breaking news
Narendra Modi
-
మోదీ తల్లికి ఆలయం
ఎమ్మిగనూరు(కర్నూలు ): భారతదేశ ప్రధాని నరేంద్ర మోదీ తల్లి దివంగత హీరాబెన్ మోదీ పేరిట ఆలయ నిర్మాణానికి కర్నూలు జిల్లా ఎమ్మిగనూరు మండలం గుడేకల్ గ్రామంలో జరిగిన భూమి పూజ కార్యక్రమం అనేక అంతుచిక్కని ప్రశ్నలకు తావిస్తోంది. ఆ భూమికి సంబంధించి వివాదం ఉందని, వ్యవహారం సుప్రీంకోర్టు వరకు వెళ్లిందని స్థానికంగా కొందరు చర్చించుకుంటున్నారు. అయితే తాము న్యాయస్థానంలోనే విజయం సాధించామని, అందుకే అక్కడ ఆలయ నిర్మాణం చేపడుతున్నామని నిర్వాహకులు చెబుతున్నట్టు సమాచారం. కార్యక్రమానికి కూటమిలో భాగస్వామి అయిన ఆదోని బీజేపీ ఎమ్మెల్యే పార్థసారథికి ఆహ్వానం అందింది. కానీ స్థానిక ఎమ్మిగనూరు తెదేపా ఎమ్మెల్యే జయనాగేశ్వరరెడ్డికి అందకపోవడంతో చర్చనీయాంశంగా మారింది. మాతా శ్రీ మందిరం చారిటబుల్ సొసైటీ ఆధ్వర్యంలో ఈ నిర్మాణం జరుగుతున్నట్ల చెబుతున్నా అసలు నిర్వాహకులు ఎవరు? నిధులు ఎక్కడి నుంచి సమకూరుతున్నాయి? ట్రస్టుకు, రాజకీయ నాయకులకు ఉన్న సంబంధాలేమిటి? అనే అంశాలపై చర్చ కొనసాగుతోంది. -
మోదీ, ట్రంప్ భేటీ.. పుతిన్, జిన్పింగ్తోనూ కీలక సమావేశం!
మనీలా: అంతర్జాతీయ రాజకీయాల్లో కీలక పరిణామానికి ఫిలిప్పీన్స్ లోని మనీలా వేదిక కానుంది. ఆసియాన్ శిఖరాగ్ర సదస్సులో భాగంగా ప్రధానమంత్రి నరేంద్ర మోదీ, అమెరికా అధ్యక్షుడు డొనాల్డ్ ట్రంప్ భేటీ కానున్నారు. ఇదే సమయంలో చైనా అధ్యక్షుడు షీ జిన్పింగ్, రష్యా అధ్యక్షుడు వ్లాదిమిర్ పుతిన్ కూడా పాల్గొననుండటంతో ఈ సమావేశాలపై ప్రపంచ దేశాల్లో ఆసక్తి నెలకొంది.అమెరికా అధ్యక్షుడు ట్రంప్ ఆసియా పర్యటనలో భాగంగా తొలుత ఫిలిప్పీన్స్లో జరిగే 49వ ఆసియాన్ శిఖరాగ్ర సదస్సుకు హాజరవుతున్నారు. అనంతరం చైనాలో పర్యటించనున్నారు. అక్కడ పుతిన్, జిన్పింగ్తో కీలక సమావేశం జరిగే అవకాశం ఉంది. ఈ ముగ్గురు నేతలు ఒకే వేదికపై సమావేశం కావడం ఇదే తొలిసారి కానుంది.అణ్వాయుధాల వ్యాప్తిపై చర్చలుట్రంప్, పుతిన్, జిన్పింగ్ మధ్య జరిగే సమావేశంలో అణ్వాయుధాల వ్యాప్తిని తగ్గించే అంశం ప్రధానంగా చర్చకు వచ్చే అవకాశం ఉంది. ఇరాన్, ఉక్రెయిన్ సంక్షోభాలపైనా చర్చిస్తామని ట్రంప్ వెల్లడించారు. అయితే ఉక్రెయిన్ అంశం ఈ చర్చల్లో ఉండకపోవచ్చని ఓ అమెరికా అధికారి గతంలో సంకేతాలిచ్చారు.క్వాడ్ భేటీలోనూ ట్రంప్మంగళవారం భారత్, జపాన్, ఆస్ట్రేలియా నేతలతో కలిసి ట్రంప్ క్వాడ్ సమావేశంలో పాల్గొననున్నారు. ఇండో-పసిఫిక్ ప్రాంత భద్రతపై ఇందులో చర్చించనున్నారు. రెండేళ్ల తర్వాత క్వాడ్ దేశాల నేతలు ప్రత్యక్షంగా సమావేశం కానుండటం విశేషం. ట్రంప్ ప్రస్తుత అధ్యక్ష పదవీకాలంలో ఇదే తొలి ముఖాముఖి క్వాడ్ సదస్సు కానుంది.మోదీ పర్యటనతో భారత్కు ప్రయోజనాలు23వ ఆసియాన్-భారత్ శిఖరాగ్ర సదస్సు, 21వ తూర్పు ఆసియా సదస్సులో పాల్గొనేందుకు ప్రధాని మోదీ మనీలాకు చేరుకున్నారు. ప్రాంతీయ భద్రత, సముద్ర సహకారం, ఆర్థిక భాగస్వామ్యం, ఇండో-పసిఫిక్ ప్రాంతంలో భారత్ పాత్ర వంటి అంశాలపై ఆయన చర్చలు జరపనున్నారు. ఆసియాన్తో సంబంధాలు భారత్ యాక్ట్ ఈస్ట్ విధానంలో కీలక భాగమని మోదీ పేర్కొన్నారు.భారతీయుల ఘన స్వాగతంమనీలాలో అడుగుపెట్టిన మోదీకి భారతీయ సమాజం ఘన స్వాగతం పలికింది. ఈ సందర్భంగా 'సీత: ది రామాయణ రివిజిటెడ్' నాటక ప్రదర్శనను ఆయన వీక్షించారు. భారత్, ఫిలిప్పీన్స్ మధ్య ఉన్న సాంస్కృతిక సంబంధాలను ఈ ప్రదర్శన ప్రతిబింబించింది. అలాగే శ్రీ సత్యసాయి పాఠశాల విద్యార్థులు చేసిన పూర్ణకుంభ శ్లోక పఠనాన్ని కూడా మోదీ తిలకించారు. -
మనీలా గురుద్వారాలో ప్రధాని మోదీ పూజలు
మనీలా: ప్రధాని నరేంద్ర మోదీ ఫిలిప్పీన్స్ రాజధాని మనీలాలో పర్యటించారు. అక్కడ వందేళ్లకు పైగా చరిత్ర కలిగిన ఫిలిప్పీన్స్లోని పురాతన గురుద్వారా ఖాల్సా దివాన్ను సందర్శించారు. ఈ సందర్భంగా గురుద్వారా పునర్నిర్మాణ పనులకు శంకుస్థాపన చేశారు. స్వయంగా సేవా కార్యక్రమంలో పాల్గొన్నారు. ఈ కార్యక్రమంలో ఫిలిప్పీన్స్ సెనేటర్ ఫ్రాన్సిస్ జోసెఫ్ ఎస్కుడెరో, మనీలా మేయర్ ఫ్రాన్సిస్కో ఇస్కో మోరెనో కూడా పాల్గొన్నారు. అనంతరం భారతీయ ప్రవాసులు, సిక్కు సభ్యులతో మోదీ ముచ్చటించారు. చారిత్రక గురుద్వారాను సందర్శించడం తనకు ఎంతో ఆనందంగా ఉందని ప్రధాని పేర్కొన్నారు.శతాబ్దానికి పైగా చరిత్రవిదేశాంగ శాఖ అందించిన సమాచారం ప్రకారం ఖాల్సా దివాన్ గురుద్వారా 1901లో ప్రారంభమైంది. 1903లో అధికారికంగా వ్యవస్థీకృతమైంది. 1924లో ఖాల్సా దివాన్ పేరుతో రిజిస్టర్ అయింది. ఫిలిప్పీన్స్లోని సిక్కు సమాజానికి ఆధ్యాత్మిక, సాంస్కృతిక, సేవా కార్యక్రమాలకు ఇది ప్రధాన కేంద్రంగా కొనసాగుతోంది. ఈ గురుద్వారా భారతీయ సిక్కు సమాజానికి, ఫిలిప్పీన్స్ ప్రజలకు మధ్య సంబంధాలను బలోపేతం చేస్తోందని విదేశాంగ శాఖ తెలిపింది. శతాబ్దానికి పైగా ఇరు దేశాల మధ్య సాంస్కృతిక, ప్రజా సంబంధాలకు ప్రతీకగా నిలుస్తోందని పేర్కొంది.మూడు రోజుల పర్యటన నిమిత్తం సోమవారం మోదీ మనీలా చేరుకున్నారు. ఫిలిప్పీన్స్ ఆతిథ్యమిస్తున్న 23వ ఆసియాన్-భారత్ సదస్సు, 21వ తూర్పు ఆసియా సదస్సులో ఆయన పాల్గొననున్నారు. ఆగ్నేయ, తూర్పు ఆసియా దేశాలతో భారత్ సంబంధాలను మరింత బలోపేతం చేసుకోవడం ఈ పర్యటన ప్రధాన ఉద్దేశం. ఆసియాన్-భారత్ సమగ్ర వ్యూహాత్మక భాగస్వామ్యం అమలు పురోగతిని నేతలు సమీక్షించనున్నారు. 2026-2030 కార్యాచరణ ప్రణాళికపై చర్చించనున్నారు. అలాగే ప్రాంతీయ, అంతర్జాతీయ సవాళ్లు, పరస్పర సహకారంపై అభిప్రాయాలు పంచుకోనున్నారు. Feeling very blessed to be at the Gurudwara Khalsa Diwan in Manila. ਗੁਰਦੁਆਰਾ ਖ਼ਾਲਸਾ ਦੀਵਾਨ, ਮਨੀਲਾ ਵਿਖੇ ਆ ਕੇ ਬਹੁਤ ਵਡਭਾਗਾ ਮਹਿਸੂਸ ਕਰ ਰਿਹਾ ਹਾਂ। https://t.co/JNuNFMq6Ja— Narendra Modi (@narendramodi) November 17, 2026 -
ఫిలిప్పీన్స్లో మోదీ
మనీలా: రెండు కీలక శిఖరాగ్ర సమావేశాల నిమిత్తం ప్రధాని నరేంద్ర మోదీ సోమవారం ఫిలిప్పీన్స్ చేరుకున్నారు. రాజధాని మనీలాలో ఆయనకు ఘనస్వాగతం లభించింది. ఆ దేశ సమాచార, ప్రసార మంత్రి రాబర్ట్ జోసెఫ్ జే మాంటెస్ డి కార్లో మోదీకి స్వాగతం పలికారు. ఫిలిప్పీన్స్ అధ్యక్షుడు ఫెర్డినాండ్ ఆర్.మార్కోస్ జూనియర్ ఆహా్వనం మేరకు అక్కడ పర్యటిస్తున్న ఆయన, మంగళవారం 23వ ఆసియాన్, 21వ తూర్పు ఆసియా శిఖరాగ్ర సమావేశాల్లో పాల్గొననున్నారు. భారత్, అమెరికా, జపాన్, ఆ్రస్టేలియాలతో కూడిన క్వాడ్ సమాఖ్య భేటీ లో కూడా మోదీ పా ల్గొనే అవకాశముంది. ఆ్రస్టేలియా, జపాన్ ప్రధానులు ఆంటోనీ ఆల్బనీస్, సనాయే తకైచీ ఇప్పటికే మనీలా చేరుకున్నారు. అమెరికా అధ్యక్షుడు డొనా ల్డ్ ట్రంప్ మంగళవా రం చేరుకోనున్నారు. మోదీ బస చేస్తున్న హోటల్ వద్ద భారత సంతతి ప్రజలు ఆయనకు హార్దిక స్వాగతం పలికారు. స్థానిక కళాకారులు సంప్రదాయ గీతాలాపన, నాట్యాలతో అలరించారు. ఇరు దేశాలకు చెందిన చిన్నారులు పూర్ణ కుంభ శ్లోకాలాపనతో పాటు బాలీవుడ్ గీతాలు, భాంగ్రా నృత్యాలతో అలరించారు. ప్రత్యేకంగా రామాయణ ప్రదర్శన కూడా జరిగింది. ‘‘మనీలాలో దిగాను. ప్రవాస భారతీయులను కలుసుకోవడం చాలా ఆనందంగా ఉంది’’అంటూ ఎక్స్లో మోదీ పోస్ట్ పెట్టారు. వర్తక, వాణిజ్య, సాగర రక్షణ, టెక్నాలజీ తదితర రంగాల్లో ఆసియాన్ దేశాలతో భారత్కు వందలాది ఏళ్లుగా లోతైన సంబంధాలున్నట్టు ఆయన గుర్తు చేశారు. ప్రాంతీయ, అంతర్జాతీయ సవాళ్లపై అర్థవంతమైన చర్చకు ఈ శిఖరాగ్రాలు ముఖ్యమైన వేదిక కాగలవని అన్నారు. ప్రతిష్టాత్మకంగా తీసుకున్న యాక్ట్ ఈస్ట్, మహాసాగర్ విదేశీ విధానాల దృష్ట్యా వాటితో సత్సంబంధాలు అత్యంత కీలకం. ఇండో పసిఫిక్ విజన్కు కూడా ఆ దేశాలతో బంధం కీలకమని విదేశాంగ శాఖ ఒక ప్రకటనలో పేర్కొంది. 1967లో ఏర్పాటైన ఆసియాన్ కూటమిలో బ్రూనై, కాంబోడియా, ఇండొనేసియా, లావోస్, మలేసియా, మయన్మార్, ఫిలిప్పీన్స్, సింగపూర్, థాయ్లాండ్, తైమూర్ లెస్టే, వియత్నాం ఉన్నా యి. భారత్తో పాటు అమెరికా, చైనా, జ పాన్, ఆ్రస్టేలియా తదితర దేశాలు చర్చా భాగస్వాములుగా కొనసాగుతున్నాయి. 2026ను సముద్ర సహకారం తదితరాల నిమిత్తం భారత్–ఆసియాన్ ఏడాదిగా ఇప్పటికే ప్రకటించారు. ఇక ఆసియాన్ సారథ్యంలో కొనసాగుతున్న తూర్పు ఆసియా శిఖరాగ్రంలో భారత్, చైనా, జపాన్, దక్షిణ కొరియా, ఆ్రస్టేలియా, న్యూజిలాండ్, అమెరికా, రష్యా సహా 11 దేశాలున్నాయి. పసందైన విందు మోదీతో సహా శిఖరాగ్ర భేటీ నిమిత్తం విచ్చేసిన దేశాధినేతల గౌరవార్థం ఫిలిప్పీన్స్ అధ్యక్షుడు ఫెర్డినాండ్ సోమవారం సాయంత్రం ఘనంగా విందు ఇచ్చారు. ప్రధాని ఈ సందర్భంగా ఫిలిప్పీన్స్ సంప్రదాయ వస్త్రధారణ అయిన బారోగ్ తాగలోగ్తో ఆకట్టుకున్నారు. స్థానికతను ప్రతిబింబించే పలు ప్రత్యేక వంటకాలు చవులూరించాయి. -
ఆసియాతో అనుబంధమే భారత్కు కీలకం: మోదీ
న్యూఢిల్లీ: భారత్ విదేశాంగ విధానంలో ఆసియా దేశాలతో సంబంధాలకు అత్యంత ప్రాధాన్యత ఉందని ప్రధాని నరేంద్ర మోదీ పేర్కొన్నారు. తన ‘యాక్ట్ ఈస్ట్ పాలసీ’లో ఆసియా దేశాల భాగస్వామ్యమే కీలకమని పేర్కొన్నారు. సోమవారం (నవంబర్ 16) మూడు రోజుల పర్యటన నిమిత్తం ఫిలిప్పీన్స్ రాజధాని మనీలాకు బయలుదేరే ముందు ఆయన ఈ వ్యాఖ్యలు చేశారు.నవంబర్ 17న జరిగే 23వ ఆసియాన్-భారత్ శిఖరాగ్ర సమావేశం, 21వ తూర్పు ఆసియా సదస్సులో మోదీ పాల్గొంటారు. వాణిజ్యం, పెట్టుబడులు, రవాణా అనుసంధానం, సముద్ర భద్రత, సాంకేతికత వంటి రంగాల్లో సహకారాన్ని మరింత బలోపేతం చేయడంపై చర్చించనున్నారు. ఇండో-పసిఫిక్ ప్రాంతంలో శాంతి, స్థిరత్వం, సహకారంపై తూర్పు ఆసియా సదస్సులో వివిధ దేశాధినేతలతో అభిప్రాయాలు పంచుకోనున్నట్లు మోదీ తెలిపారు. ఈ పర్యటనలో భాగంగా అమెరికా అధ్యక్షుడు డొనాల్డ్ ట్రంప్తో పాటు ఆస్ట్రేలియా, జపాన్ నేతలతో కలిసి క్వాడ్ శిఖరాగ్ర సమావేశంలోనూ పాల్గొనే అవకాశం ఉంది. చైనా ప్రభావం పెరుగుతున్న నేపథ్యంలో ఇండో-పసిఫిక్ ప్రాంతంలో వ్యూహాత్మక సహకారం ఈ భేటీలో ప్రధాన అంశం కానుంది. Will be in Manila, Philippines later today and tomorrow to attend the following programmes: 23rd ASEAN-India Summit. 21st East Asia Summit India attaches immense importance to close friendship with ASEAN nations. I’m also looking forward to interacting with the Indian community based in the Philippines. https://t.co/xmAZDNtrFw— Narendra Modi (@narendramodi) November 16, 2026భారత్-ఆసియాన్ మధ్య వార్షిక వాణిజ్యం సుమారు 122 బిలియన్ డాలర్లకు చేరింది. రక్షణ రంగంలోనూ పెట్రోలింగ్ నౌకలు, రాడార్లు, డ్రోన్లు, హెలికాప్టర్లు, వైమానిక రక్షణ వ్యవస్థల వంటి అంశాల్లో సహకారాన్ని విస్తరించాలని భారత్ భావిస్తోంది. క్వాడ్ దేశాలు ఆర్థిక భద్రత, వ్యూహాత్మక మౌలిక సదుపాయాలపై కీలక నిర్ణయాలు ప్రకటించే అవకాశం ఉంది. ఇదీ చదవండి: బద్రీనాథ్పై మంచు దుప్పటి.. చివరి దర్శనాలకు భారీ క్యూ! -
నక్సల్స్ హింసతో గిరిజన గోస
న్యూఢిల్లీ: దేశంలో నక్సలైట్ల హింసాకాండ వల్ల గిరిజనులే అత్యధికంగా నష్టపోయారని ప్రధాని నరేంద్ర మోదీ చెప్పారు. మావో యిస్టు ప్రభావిత ప్రాంతాల్లో గిరిజనులకు ఓటు హక్కు కూడా లేకుండా పోయిందని అన్నారు. పిల్లలను, యువతులను తీవ్రవాదులు అపహరిస్తుంటే గత ప్రభుత్వాలు మూగ ప్రేక్షకులుగా ఉండిపోయాయని ఆరోపించారు. గిరిజన విప్లవ వీరుడు బిర్సా ముండా 151వ జయంతి సందర్భంగా ఆదివారం మహారాష్ట్రలోని గడ్చిరోలీలో నిర్వహించిన ‘జన జాతీయ గౌరవ్ దివస్’లో మోదీ వర్చువల్గా పాల్గొన్నారు. వివిధ రాష్ట్రాల్లో రూ.3,000 కోట్ల విలువైన 170కి పైగా గిరిజన అభివృద్ధి ప్రాజెక్టులను ప్రారంభించారు. మరో 70కి పైగా ప్రాజెక్టులకు శంకుస్థాపనలు చేశారు. ఈ సందర్భంగా గిరిజనులను ఉద్దేశించి ప్రసంగించారు. గత 12–13 ఏళ్లలో దాదాపు 50 కోట్ల మంది భారతీయులను తీవ్ర పేదరికం నుంచి బయటపడ్డారని, స్వాతంత్య్రం వచ్చిన తర్వాత దేశం సాధించిన గొప్ప విజయాల్లో ఇది కూడా ఒకటి అని స్పష్టంచేశారు. మన దేశం నక్సలిజం, మావోయిస్టు తీగ్రవాదం నుంచి విముక్తి పొందిందని ప్రకటించారు. ఈ రెండు విజయాలు గిరిజన సమాజాల జీవితాలతో లోతుగా ముడిపడి ఉన్నాయని చెప్పారు. గిరిజనులు చాలాకాలం హింసను ఎదుర్కొన్నారని, అభివృద్ధిలో నిర్లక్ష్యానికి గురయ్యారని ఆవేదన వ్యక్తం చేశారు. అప్పటి ప్రభుత్వాలు వారిని అదృష్టానికే వదిలేశాయని, హక్కులను హరించివేశాయని విమర్శించారు. మావోయిస్టులు తల్లుల నుంచి పిల్లలను బలవంతంగా లాక్కున్నారని, గిరిజన యు వతులను అపహరించారని, ప్రభుత్వాలు మాత్రం నిస్స హాయంగా చూస్తూ ఉండిపోయాయని ఆరోపించారు. నేడు మావోయిస్టు హింసను నిర్మూలించడంతో పరిస్థితి మారిందని అన్నారు. మావోయిజం, నక్సలిజం ఓడిపోవడంతో గిరిజన తల్లులు, సోదరీమణులు ఇప్పుడు తమపై అపారమైన దీవెనలు కురిపిస్తున్నారని ఆనందం వ్యక్తంచేశారు. బిర్సా ముండాను స్ఫూర్తిగా తీసుకోవాలి బాల్యంలో హింస వల్ల ప్రభావితమైన పిల్లలకు ప్రస్తుతం విద్య, ఉపాధి అవకాశాలు లభిస్తున్నాయని ప్రధాని మోదీ పేర్కొన్నారు. ఛత్తీస్గఢ్లోని బస్తర్లో భద్రతా సిబ్బందితో కలిసి ఇటీవల జరుపుకున్న దీపావళి వేడుకలను గుర్తుచేసుకున్నారు. గతంలో నక్సల్స్ వల్ల ఇబ్బందులు ఎదుర్కొన్న ప్రాంతాల్లో ఈ పండుగ నేడు కేవలం దీపాల వెలుగునే కాకుండా ఆశల వెలుగును కూడా తీసుకొచ్చిందని వ్యాఖ్యానించారు. ప్రాథమిక సౌకర్యాలకు దూరంగా ఉన్న గిరిజన ప్రాంతాల్లో అభివృద్ధిని వేగవంతం చేసేందుకు ‘పీఎం–జన్మన్’, ‘ధర్తీ ఆబా జన జాతీయ గ్రామ ఉత్కర్ష అభియాన్’ను తీసుకొచ్చినట్లు తెలిపారు. ఇందుకోసం రూ.లక్ష కోట్లకు పైగా నిధులను కేటాయించామన్నారు. పేద కుటుంబాలకు నాలుగు కోట్లకు పైగా పక్కా ఇళ్లు సమకూర్చామని, 18,000 గ్రామాలకు విద్యుత్ సౌకర్యాన్ని కల్పించామని, ఆయుష్మాన్ భారత్ పథకం కింద ప్రజలకు రూ.5 లక్షల వరకు ఉచిత వైద్య చికిత్సను అందిస్తున్నామని వెల్లడించారు. ‘పీఎం ధన్–ధాన్య కృషి యోజన’కింద వ్యవసాయ రంగంలో వెనుకబడిన 100 జిల్లాలపై ప్రత్యేకంగా దృష్టి పెట్టామని, తద్వారా రైతులు, గిరిజన వర్గాలకు మెరుగైన అవకాశాలు లభిస్తున్నాయని పేర్కొన్నారు. భారత స్వాతంత్య్ర సంగ్రామంలో అడవి బిడ్డలు సాగించిన కృషిని మోదీ ప్రస్తావించారు. ఒక గిరిజన మహిళ మన దేశానికి రాష్ట్రపతిగా వ్యవహరిస్తుండడం మనకు గర్వకారణమని స్పష్టంచేశారు. బిర్సా ముండాను స్ఫూర్తిగా తీసుకొని, ‘వికసిత్ భారత్’లక్ష్య సాధన కోసం కష్టపడి పని చేయాలని ప్రజలకు ప్రధానమంత్రి పిలుపునిచ్చారు. బిర్సా ముండాకు మోదీ నివాళులు బిర్సా ముండా 151వ జయంతి సందర్భంగా ప్రధాని మోదీ నివాళులర్పించారు. ప్రజలకు జన జాతీయ గౌరవ్ దివస్ శుభాకాంక్షలు తెలియజేశారు. ఆత్మగౌరవం, స్వేచ్ఛ, హక్కులను నిలబెట్టుకోవడానికి ‘ధర్తీ ఆబా’ధైర్యం, పోరాటం, త్యాగం తరతరాలకు స్ఫూర్తినిస్తూనే ఉంటాయని ‘ఎక్స్’లో పోస్టుచేశారు. బిర్సా ముండా నుంచి స్ఫూర్తి పొందిన ప్రభుత్వం గిరిజన సమాజానికి గౌరవం, అవకాశాలు, శ్రేయస్సు కల్పించడానికి కట్టుబడి ఉందని ఉద్ఘాటించారు. దేశ నిర్మాణానికి గిరిజన వర్గాలు చేసిన అమూల్యమైన కృషిని గుర్తించి, గౌరవించాలని ప్రజలకు సూచించారు. నివాళులర్పించిన రాష్ట్రపతి, ఉప రాష్ట్రపతి బిర్సా ముండా జయంతి సందర్భంగా రాష్ట్రపతి ద్రౌపదీ ముర్ము ఆదివారం పార్లమెంట్ హౌస్ ప్రాంగణంలో ఆయన విగ్రహానికి పుష్పాంజలి ఘటించారు. ఉప రాష్ట్రపతి సి.పి.రాధాకృష్ణన్, ప్రధాని మోదీ, లోక్సభ స్పీకర్ ఓం బిర్లా సైతం నివాళులర్పించారు. ఈ సందర్భంగా ఒక గిరిజన నృత్య బృందం ప్రదర్శన ఇచ్చింది. ప్రధాని మోదీ కూడా వారితో కలిసి గిరిజన సంప్రదాయ చెక్క వాద్యమైన ‘కర్తాల్’ను వాయించారు. -
రూ.30 వేల కోట్లు ఇవ్వండి
సాక్షి ప్రతినిధి, న్యూఢిల్లీ: ఎల్నినో ప్రభావంతో తెలంగాణలో నెలకొన్న తీవ్ర కరువు పరిస్థితులను అధిగమించేందుకు తక్షణమే రూ.30 వేల కోట్ల ప్రత్యేక ఆర్థిక సాయం అందించాలని ముఖ్యమంత్రి ఎ.రేవంత్రెడ్డి ఆదివారం ప్రధానమంత్రి నరేంద్ర మోదీకి విజ్ఞప్తి చేశారు. వర్షాభావ పరిస్థితుల వల్ల రాష్ట్రంలోని 365 మండలాలను కరువు ప్రభావిత ప్రాంతాలుగా ప్రకటించాల్సి వచ్చిందని తెలిపారు. పెండింగ్లో ఉన్న రాష్ట్ర సాగునీటి ప్రాజెక్టులకు అనుమతులు వచ్చేలా చూడాలని, అంతర్రాష్ట్ర వివాదాల పరిష్కారానికి చొరవ చూపాలని కోరారు.న్యూఢిల్లీలో 7, లోక్ కల్యాణ్ మార్గ్లోని ప్రధాని అధికారిక నివాసంలో ఆయనతో రేవంత్ మర్యాదపూర్వకంగా భేటీ అయ్యారు. కేంద్ర మంత్రి మన్సుఖ్ మాండవీయ, రాష్ట్ర నీటిపారుదల శాఖ మంత్రి ఉత్తమ్కుమార్ రెడ్డి, క్రీడా శాఖ మంత్రి వాకిటి శ్రీహరి ఈ సమావేశంలో పాల్గొన్నారు. ఈ సందర్భంగా ప్రధానిని వారు సత్కరించారు. గంటకు పైగా జరిగిన సమావేశంలో రాష్ట్రంలో కరువు పరిస్థితులు, ప్రాజెక్టులు, ఇతర అంశాల గురించి ప్రధానికి సీఎం వివరించారు. తక్షణమే స్పందించండి.. ‘కరువు పరిస్థితుల్లో పంటలు నష్టపోయిన రైతులను ఆదుకునేందుకు కేంద్రం తక్షణమే స్పందించాలి. కరువు సహాయక చర్యల కోసం రూ.30 వేల కోట్ల నిధులు ఇవ్వాలి. రాష్ట్ర ఎఫ్ఆర్బీఎం రుణ పరిమితిని 3 శాతం నుంచి 3.5 శాతానికి పెంచాలి. యాసంగి అవసరాల దృష్ట్యా 1,500 మెగావాట్ల అదనపు విద్యుత్ ఇవ్వడంతో పాటు రైతులకు సరిపడా ఎరువులను సకాలంలో కేటాయించాలి. గ్రామీణ వలసలను నివారించేందుకు ఉపాధి హామీ (వీబీజీ రాంజీ) పథకం కింద అదనంగా 50 పని దినాలను కల్పించాలి..’ అని సీఎం కోరారు. తుమ్మిడిహెట్టి ముంపు పరిహారం చెల్లించేందుకు సిద్ధం ⇒ ‘ప్రాణహిత నదిపై 152 మీటర్ల ఎత్తుతో తుమ్మిడిహెట్టి బరాజ్ నిర్మాణానికి మహారాష్ట్ర ప్రభుత్వాన్ని ఒప్పించండి. (ఇటీవల మహారాష్ట్ర సీఎం దేవేంద్ర ఫడ్నవీస్తో భేటీ అయిన విషయాన్ని సీఎం ప్రస్తావించారు) ముంపు పరిహారం చెల్లించేందుకు మేము సిద్ధంగా ఉన్నాం. ఈ ప్రాజెక్టుతో రాష్ట్రంలో వెనుకబడిన, గిరిజన ప్రాంతాల్లో సాగు, తాగునీటి అవసరాలకు గ్రావిటీ ద్వారా నీటిని అందించే అవకాశం కలుగుతుంది. సమ్మక్క–సారక్క బరాజ్ ప్రాజెక్టుకు సంబంధించి ఛత్తీస్గఢ్లో ముంపు సర్వే కోసం ఇప్పటికే రూ.9.88 కోట్లు చెల్లించాం. ఆ రాష్ట్రం నుంచి త్వరగా ఎన్ఓసీ జారీ అయ్యేలా చొరవ తీసుకోండి. సీడబ్ల్యూసీ అనుమతులు కూడా వచ్చేలా చూడండి. పెండింగ్లో అనుమతులు పాలమూరు–రంగారెడ్డి ఎత్తిపోతల పథకం (పీఆర్ఎల్ఐఎస్), సీతమ్మ సాగర్ ప్రాజెక్టు (ఎస్ఎస్ఎంపీ), డిండి ఎత్తిపోతల పథకం (డీఎల్ఐఎస్) కోసం తెలంగాణ ప్రభుత్వం ఇప్పటికే భారీగా వ్యయం చేసింది. అయినా ఇప్పటికీ పర్యావరణ, ఇతర చట్టబద్ధమైన అనుమతులు పెండింగ్లో ఉన్నాయి. పర్యావరణ అనుమతుల విషయమై ఇటీవల సుప్రీంకోర్టు సానుకూల తీర్పు ఇచి్చన నేపథ్యంలో, ఆయా ప్రాజెక్టులకు సత్వరమే అనుమతులు ఇప్పించాలి. పాలమూరు–రంగారెడ్డి ప్రాజెక్టుకు జాతీయ హోదా ఇవ్వాలి. లేదా తగిన ఆర్థిక సాయం అందించాలి. ‘ఇందిరమ్మ’కు, మెట్రోకు నిధులు కేటాయించండి రాష్ట్రంలో 70 నుంచి 90 శాతం పూర్తయిన ప్రాజెక్టుల కోసం రాష్ట్రాలకు ప్రత్యేక ఆర్థిక సాయం పథకం (సాస్కీ) కింద అదనంగా రూ.5 వేల కోట్లు మంజూరు చేయాలి. ప్రధానమంత్రి కృషి సించాయీ యోజన (పీఎంకేఎస్వై) కింద ఇంటిగ్రేటెడ్ సమ్మక్క సాగర్–సీతారామ ఎత్తిపోతల పథకానికి రూ.5,183 కోట్లు, మోడికుంట వాగు ప్రాజెక్టుకు రూ.392 కోట్లు, చిన్న కాళేశ్వరం ప్రాజెక్టుకు రూ.171 కోట్లు, చనాకా–కొరాటా బరాజ్కు రూ.103 కోట్లు మంజూరు చేయాలి.సమక్క–సారక్క ప్రాజెక్టు డీపీఆర్ను ఇప్పటికే సీడబ్ల్యూసీకి సమరి్పంచాం. ఈ ప్రాజెక్టుతో ఛత్తీస్గఢ్లో ముంపునకు గురయ్యే భూమి తదితర అంశాలపై సమగ్ర సర్వే కోసం రూ.9.88 కోట్లు చెల్లించాం. ముంపు, నిర్వాసితులకు సంబంధించిన పరిహారం ఛత్తీస్గఢ్కు చెల్లించేందుకు సిద్ధంగా ఉన్నాం..’ అని ముఖ్యమంత్రి తెలిపారు. ఇందిరమ్మ ఇళ్ల పథకానికి అదనపు నిధులు కేటాయించాలని కోరారు. హైదరాబాద్ మెట్రో రైలు విస్తరణ ప్రాజెక్టుకు కేంద్రం తరఫున రుణ సదుపాయం కల్పించాలని విజ్ఞప్తి చేశారు. హైదరాబాద్ రండి.. రాష్ట్ర ప్రభుత్వం నిర్వహించనున్న ‘ఖేలో ఇండియా యూత్ గేమ్స్ – 2026’, ‘గ్లోబల్ ఇన్వెస్టర్స్ సమ్మిట్’ సంబంధిత కార్యక్రమాలకు ముఖ్య అతిథిగా హాజరుకావాల్సిందిగా ప్రధానిని సీఎం ఆహ్వానించారు. ఖేలో ఇండియా క్రీడలు డిసెంబర్ 11 నుంచి 22వ తేదీ వరకు జరగనున్నాయని తెలిపారు. ఈ క్రీడల ప్రారంభ, ముగింపు వేడుకలకు రావాలని పీఎంను కోరారు. అలాగే డిసెంబర్ 7 నుంచి మూడు రోజుల పాటు హైదరాబాద్ (భారత్ ఫ్యూచర్ సిటీ) వేదికగా జరగనున్న అంతర్జాతీయ పెట్టుబడిదారుల సదస్సు ప్రారం¿ోత్సవానికి రావాలని విజ్ఞప్తి చేశారు. ఖేలో ఇండియా లోగో, మస్కట్ ఆవిష్కరణ ప్ర«దానితో భేటీ అనంతరం కేంద్ర క్రీడలు, యువజన వ్యవహారాల శాఖ మంత్రి మన్సుఖ్ మాండవీయ అధికారిక నివాసంలో జరిగిన ప్రత్యేక కార్యక్రమంలో సీఎం రేవంత్రెడ్డి ఆయనతో కలిసి ఖేలో ఇండియా క్రీడల అధికారిక లోగో, మస్కట్లను ఆవిష్కరించారు. హైదరాబాద్ సహా వివిధ జిల్లా కేంద్రాల్లో జరగనున్న ఈ క్రీడలకు సంబంధించిన వేదికల అభివృద్ధి, నిధుల విడుదలపై కేంద్ర మంత్రితో సీఎం చర్చించారు. ఈ కార్యక్రమంలో రాష్ట్ర ప్రభుత్వ సలహాదారు ఏపీ జితేందర్ రెడ్డి, సీఎస్ సంజయ్ జాజు, సీఎం ముఖ్య కార్యదర్శి వి.శేషాద్రి, ప్రత్యేక ప్రధాన కార్యదర్శి వాణీ ప్రసాద్, స్పోర్ట్స్ అథారిటీ ఎండీ సోనీబాలా దేవి తదితరులు పాల్గొన్నారు. -
బిర్సా ముండా జయంతి: గత పాలకులపై ప్రధాని మోదీ ఫైర్!
గడ్చిరోలి: ప్రధాని నరేంద్ర మోదీ గత ప్రభుత్వాలపై విమర్శలు చేశారు. గిరిజనుల సమస్యలను గత పాలకులు అర్థం చేసుకోలేదని, వారి సంక్షేమంపై శ్రద్ధ చూపలేదని వ్యాఖ్యానించారు. జనజాతీయ గౌరవ్ దివస్ సందర్భంగా ఆదివారం నిర్వహించిన కార్యక్రమంలో ఆయన ఈ వ్యాఖ్యలు చేశారు. గిరిజనులకు హక్కులు కల్పించడంతోపాటు విద్య, వైద్యం, మౌలిక సదుపాయాలు అందించేందుకు తమ ప్రభుత్వం అనేక చర్యలు చేపట్టిందని తెలిపారు.మహారాష్ట్రలోని గడ్చిరోలిలో నిర్వహించిన కార్యక్రమం నుంచి దేశవ్యాప్తంగా ఉన్న గిరిజనులతో మోదీ వర్చువల్గా మాట్లాడారు. గిరిజన స్వాతంత్య్ర సమరయోధుడు బిర్సా ముండా 151వ జయంతిని పురస్కరించుకుని ఈ కార్యక్రమాన్ని నిర్వహించారు. ఈ సందర్భంగా వివిధ ప్రభుత్వ పథకాల లబ్ధిదారులు తమ అనుభవాలను ప్రధానితో పంచుకున్నారు.వెదురుపై బ్రిటిష్ కాలం నాటి చట్టం ప్రస్తావనగుజరాత్లోని భరూచ్ జిల్లా నేత్రంగ్ తాలూకా హతకుండి గ్రామానికి చెందిన వజీర్తో మోదీ మాట్లాడారు. 2004లో గుజరాత్ ప్రభుత్వ పథకం ద్వారా వెదురు ఉత్పత్తుల తయారీలో శిక్షణ పొందినట్లు వజీర్ తెలిపారు. పీఎం-జన్మన్ పథకం ద్వారా కూడా ప్రయోజనాలు పొందానని చెప్పారు. దీనిపై స్పందించిన మోదీ.. బ్రిటిష్ పాలకులు వెదురును చెట్టుగా వర్గీకరించి, దానిని నరికితే జైలుకు పంపేలా చట్టం తీసుకొచ్చారని గుర్తుచేశారు. స్వాతంత్య్రం వచ్చిన తర్వాతే ఆ చట్టాన్ని రద్దు చేయాల్సి ఉండేదని, కానీ గత ప్రభుత్వాలు ఆ పని చేయలేదని విమర్శించారు. తమ ప్రభుత్వం అధికారంలోకి వచ్చిన తర్వాత ఆ చట్టాన్ని తొలగించి గిరిజనులకు వెదురుపై పూర్తి హక్కులు కల్పించిందని చెప్పారు.Watch: Prime Minister Narendra Modi says, "Friends, we also paid special attention to regions that had remained underdeveloped for a long time. A focused campaign for development, access to facilities and protection of citizens' rights was launched in more than 100 Aspirational Districts and over 500 Aspirational Blocks across the country. Many of these areas have a large tribal population..."— IANS (@ians_india) November 15, 2026పక్కా ఇల్లు రావడంతో మారిన జీవితంమహారాష్ట్రలోని యవత్మాల్ జిల్లాకు చెందిన పీఎం-జన్మన్ పథకం లబ్ధిదారుడు కృష్ణ నాగోరావ్ టేకా తన కుటుంబం ఎదుర్కొన్న ఇబ్బందులను వివరించారు. వర్షాకాలంలో ఇంట్లో ఉండటం కష్టంగా ఉండేదని, కీటకాలు, ఇతర సమస్యలతో ఇబ్బందులు పడేవారమని చెప్పారు. ఈ పథకం కింద తమకు పక్కా ఇల్లు, మరుగుదొడ్డి తదితర సదుపాయాలు అందాయని తెలిపారు. దీనిపై మోదీ స్పందిస్తూ గిరిజన కుటుంబాల జీవితాల్లో మార్పు రావడం సంతోషంగా ఉందన్నారు. అభివృద్ధితోపాటు గిరిజనుల సంస్కృతి, సంప్రదాయాలను కాపాడుకోవాల్సిన అవసరం ఉందని పేర్కొన్నారు. పీఎం శ్రీ పాఠశాలలతో ఉన్నత విద్యకు అవకాశంహైదరాబాద్కు చెందిన విద్యార్థి సబావత్ అన్వేష్ కూడా ప్రధానితో మాట్లాడారు. పీఎం శ్రీ పాఠశాలల కార్యక్రమం ద్వారా విద్యార్థులకు ఉన్నత విద్యను అభ్యసించే అవకాశాలు మెరుగుపడుతున్నాయని తెలిపారు. ఈ కార్యక్రమం ద్వారా గిరిజన ప్రాంతాల్లో విద్యాభివృద్ధికి ప్రభుత్వం ప్రాధాన్యం ఇస్తోందని వెల్లడించారు.రూ.3 వేల కోట్లతో 246 అభివృద్ధి పనులుఈ కార్యక్రమంలో భాగంగా మోదీ సుమారు రూ.3,000 కోట్ల విలువైన 246 అభివృద్ధి పనులను ప్రారంభించడంతోపాటు మరికొన్నింటికి శంకుస్థాపన చేశారు. వీటిలో 173 ప్రాజెక్టులను ప్రారంభించారు. గిరిజన విద్యార్థుల కోసం 38 ఏకలవ్య మోడల్ రెసిడెన్షియల్ పాఠశాలలు, పీఎం-జన్మన్ కింద 100 బహుళ ప్రయోజన కేంద్రాలు వీటిలో ఉన్నాయి. పీఎం-జన్మన్, ధర్తీ ఆబా జనజాతీయ గ్రామ ఉత్కర్ష్ అభియాన్ కింద మరికొన్ని పనులను కూడా ప్రారంభించారు. అరుణాచల్ ప్రదేశ్లోని ఇటానగర్లో గిరిజన పరిశోధనా సంస్థ భవనం, మిజోరంలోని ఐజ్వాల్లో రొపుయిలియాని గిరిజన స్వాతంత్య్ర సమరయోధుల మ్యూజియం కూడా వీటిలో ఉన్నాయి. గిరిజనుల చరిత్ర, సంస్కృతి, వారసత్వాన్ని పరిరక్షించడం ఈ ప్రాజెక్టుల ప్రధాన ఉద్దేశం.కొత్తగా 19 ఏకలవ్య పాఠశాలలకు శంకుస్థాపనగిరిజన పిల్లలకు నాణ్యమైన విద్య అందించేందుకు మరో 19 ఏకలవ్య మోడల్ రెసిడెన్షియల్ పాఠశాలల నిర్మాణానికి మోదీ శంకుస్థాపన చేశారు. గిరిజన ఉత్పత్తులకు మార్కెట్ సౌకర్యాలు కల్పించేందుకు 12 బహుళ ప్రయోజన మార్కెటింగ్ కేంద్రాల నిర్మాణానికి కూడా శంకుస్థాపన చేశారు. పీఎం-జన్మన్, ధర్తీ ఆబా పథకాల కింద మరో 42 అభివృద్ధి పనులు చేపట్టనున్నారు. నవంబర్ 1 నుంచి 15 వరకు దేశవ్యాప్తంగా నిర్వహించిన జనజాతీయ గౌరవ్ పక్షోత్సవాలకు ఈ కార్యక్రమంతో ముగింపు పలికారు. ఇదీ చదవండి: శబరిమల యాత్ర: పంబలో భక్తులకు సకల ఏర్పాట్లు! -
2027లో యోగికి, 2029లో మోదీకి చెక్: ఓవైసీ శపథం!
లక్నో: ఉత్తరప్రదేశ్ రాజకీయాల్లో 2027 అసెంబ్లీ ఎన్నికలకు ఇప్పటి నుంచే వేడి మొదలైంది. మీరట్లో నిర్వహించిన సామాజిక పరివర్తన్ మోర్చా సభలో ఎంఐఎం అధినేత అసదుద్దీన్ ఓవైసీ సంచలన వ్యాఖ్యలు చేశారు. 2027లో యోగి ఆదిత్యనాథ్ను, 2029లో ప్రధాని నరేంద్ర మోదీని అధికారానికి దూరం చేస్తామని ప్రకటించారు. ఉత్తరప్రదేశ్ తదుపరి ముఖ్యమంత్రిగా చంద్రశేఖర్ ఆజాద్ను ప్రకటించి రాజకీయంగా సరికొత్త చర్చకు తెరలేపారు.ఈ సందర్భంగా సమాజ్వాదీ పార్టీ అధినేత అఖిలేశ్ యాదవ్పై ఓవైసీ తీవ్ర విమర్శలు చేశారు. ముస్లింల అదృష్టాన్ని నిర్ణయించే అధికారం అల్లా చేతుల్లో ఉందని, అఖిలేశ్ చెప్పినట్లు తమ రాజకీయ ప్రయాణానికి ఎవరి నియంత్రణ లేదన్నారు. అఖిలేశ్ రాజకీయ తాడు మాత్రం బీజేపీ చేతుల్లో ఉందని వ్యాఖ్యానించారు. సమాజ్వాదీ పార్టీ ఎన్నికల్లో బీజేపీని అడ్డుకోవడంలో విఫలమైందని విమర్శించారు. పీడీఏ నినాదాన్ని ప్రస్తావిస్తూ ‘పల్టు దియా అఖిలేశ్’ అంటూ ఎద్దేవా చేశారు. కాంగ్రెస్, సమాజ్వాదీ పార్టీలు కూడా తమ కూటమిలో చేరాలని ఆహ్వానించారు.రైతుల రుణమాఫీ, చెరకు క్వింటాల్కు రూ.600 మద్దతు ధర, పది నెలల్లో చెరకు బకాయిల చెల్లింపు వంటి హామీలను ప్రకటించారు. యువతకు ఉపాధి, మెరుగైన విద్య, వైద్య సదుపాయాలు కల్పిస్తామని చెప్పారు. మీరట్, ముజఫర్నగర్ అల్లర్లు, దళితులు, మైనారిటీలపై వివక్ష, మూకదాడుల అంశాలను కూడా ప్రస్తావించారు. ఇదిలా ఉండగా సభలో కొందరు యువకుల మధ్య ఘర్షణ చోటుచేసుకుంది. కుర్చీలు విసరడంతో పాటు బారికేడ్లు ధ్వంసమయ్యాయి. దీంతో కొంతసేపు సభా ప్రాంగణంలో గందరగోళం నెలకొంది.ఇదీ చదవండి: పెళ్లి కోసం కెనడా నుంచి వచ్చిన 61 ఏళ్ల మహిళకు షాక్! -
మన చొరవతోనే యోగాకు ప్రపంచ ఆదరణ
బెంగళూరు/మైసూరు: భారతదేశం తీసుకున్న చొరవ ఫలితంగా యోగాకు ప్రపంచవ్యాప్తంగా విశేషమైన ఆదరణ పెరుగుతోందని ప్రధాని నరేంద్ర మోదీ హర్షం వ్యక్తంచేశారు. ఆయుర్వేదం సహా సాంప్రదాయ వైద్య విధానాలను మన దేశం ప్రోత్సహిస్తున్నట్లు చెప్పారు. ప్రపంచవ్యాప్తంగా అనేక దేశాలు యోగాను ఒక క్రీడగా స్వీకరించాయని, దేశాధినేతల కుటుంబ సభ్యులు సైతం ప్రతిరోజూ యోగాను అభ్యసిస్తున్నారని తెలిపారు. శుక్రవారం కర్ణాటక రాజధాని బెంగళూరులో స్వామి వివేకానంద యోగ అనుసంధాన సంస్థ(ఎస్–వ్యాస) ఆధ్వర్యంలోని యోగ, పరిశోధనా కేంద్రం ‘ప్రశాంతి కుటీరం’స్వర్ణోత్సవ వేడుకల్లో ప్రధానమంత్రి పాల్గొన్నారు. ఈ సంస్థ ఒక సాధారణ యోగ కేంద్రం స్థాయి నుంచి సేవ, పరిశోధన, విద్య, ఆరోగ్య సంరక్షణకు అంకితమైన ఒక గొప్ప ఉద్యమంగా ఎదిగిందని ప్రశంసించారు. యోగాకు లభించిన అంతర్జాతీయ ఖ్యాతి గురించి ప్రస్తావించారు.గత 12 ఏళ్లుగా భారతదేశం తన సాంస్కృతిక వారసత్వాన్ని, సాంప్రదాయ జ్ఞానాన్ని ప్రపంచానికి అందించడం వల్లే ప్రపంచవ్యాప్తంగా అంతర్జాతీయ యోగా దినోత్సవాన్ని పాటిస్తున్నారని చెప్పారు. ప్రపంచ దేశాల్లో ఉన్న ప్రజలు భారతదేశాన్ని అర్థం చేసుకోవడానికి యోగ ఒక చక్కటి మార్గంగా మారిందని వ్యాఖ్యానించారు. విదేశీ అభ్యాసకులకు పద్మశ్రీ పురస్కారం అనేక దేశాల్లో పాఠశాలలు, సంస్థలు, కార్యాలయాలకు యోగా చేరిందని, సౌదీ అరేబియా దీనిని ఒక క్రీడగా గుర్తించి, ప్రోత్సహించడానికి భారత ఆయుష్ మంత్రిత్వ శాఖతో ఒప్పందం కుదుర్చుకుందని తెలిపారు. విదేశీ ప్రముఖులతో తాను సంభాషించినప్పుడు యోగా తరచుగా ప్రస్తావనకు వచ్చేదని గుర్తుచేసుకున్నారు. తాను ఏ దేశానికి వెళ్లినా భోజన సమయంలో అక్కడి ప్రజలు తనతో యోగా గురించి చర్చిస్తుంటారని చెప్పారు. తమ కుటుంబ సభ్యులు యోగా నేర్చుకుంటున్నారని, సాధన చేస్తున్నారని పలువురు దేశాధినేతలు తనతో చెప్పారని వెల్లడించారు. యోగా పట్ల విదేశీయులకు ఆసక్తి నానాటికీ పెరుగుతోందన్నారు. యోగాలో చేసిన సేవలకు గాను కొందరు విదేశీ అభ్యాసకులకు పద్మశ్రీ పురస్కారం లభించిందని పేర్కొన్నారు. ఆధునిక పరిశోధనలతో మేళవించాలి నేడు సమగ్ర ఆరోగ్య సంరక్షణ ఒక ప్రపంచ ఉద్యమంగా మారిందని, దీనివల్ల భారతదేశ ఆయుర్వేదం, ప్రకృతి వైద్యంపై అందరికీ అవగాహన పెరిగిందని అన్నారు. తమ ప్రభుత్వం మొదటిసారిగా ‘ఆయుష్’కోసం ప్రత్యేక మంత్రిత్వ శాఖను ఏర్పాటు చేసిందని, ఆయుర్వేదానికి సంబంధించిన పరిశోధనలను, పేటెంట్లను ప్రోత్సహిస్తోందని వివరించారు.ప్రాచీన జ్ఞానాన్ని ఆధునిక పరిశోధనలతో మేళవించాల్సిన అవసరం ఉందని అభిప్రాయపడ్డారు. మన సాంప్రదాయ శా్రస్తాల ప్రయోజనాలు ప్రపంచ మానవాళికి చేరేలా చూడాలని పిలుపునిచ్చారు. కన్నడ దిగ్గజ నటుడు దివంగత డాక్టర్ రాజ్కుమార్ను, కళలు, యోగాకు సేవలందించిన ప్రముఖులను మోదీ గుర్తుచేసుకున్నారు.బెంగళూరు మెట్రో రైలు పింక్ లైన్ ప్రారంభం బెంగళూరు మెట్రో రైలు వ్యవస్థలో భాగంగా రూ.3,470 కోట్ల వ్యయంతో నిర్మించిన పింక్ లైన్ను (కలేన అగ్రహార నుంచి తవరకెరె వరకు) ప్రధాని మోదీ శుక్రవారం ప్రారంభించారు. కర్ణాటక ముఖ్యమంత్రి డి.కె.శివకుమార్తో కలిసి మెట్రో రైలులో ప్రయాణించారు. వారిద్దరూ కౌంటర్ వద్ద విడివిడిగా టికెట్లు కొనుగోలు చేశారు. బెంగళూరులో ట్రాఫిక్ రద్దీని తగ్గించేందుకు మెట్రో రైలు మార్గం, ఫ్లైఓవర్ రెండింటినీ కలిగి ఉండే డబుల్–డెక్కర్ ఎలివేటెడ్ కారిడార్ వల్ల కలిగే ప్రయోజనాల గురించి ప్రధానమంత్రికి సీఎం డి.కె.శివకుమార్ వివరించారు. పింక్ లైన్ మొత్తం పొడవు 21.25 కిలోమీటర్లు, ఇందులో 18 స్టేషన్లు ఉన్నాయి. ప్రధానమంత్రి ప్రారంభించిన ఎలివేటెడ్ కారిడార్లో ఆరు స్టేషన్లు ఉండగా, భూగర్భంలో 12 స్టేషన్లు ఉంటాయి. ఈ భూగర్భ విభాగం ప్రస్తుతం నిర్మాణ దశలో ఉంది. ఇంధన సంక్షోభాన్ని సమర్థవంతంగా ఎదుర్కొన్నాం పశి్చమాసియాలో యుద్ధం కారణంగా తలెత్తిన ఇంధన సంక్షోభాన్ని భారత్ సమర్థవంతంగా ఎదుర్కోవడానికి గత దశాబ్ద కాలంలో తీసుకున్న చర్యలు ఎంతగానో దోహదపడ్డాయని ప్రధాని మోదీ పేర్కొన్నారు. పునరుత్పాదక ఇంధనం, పెట్రోలియం మౌలిక సదుపాయాలతో సహా కర్ణాటక వ్యాప్తంగా రూ.15,600 కోట్లకు పైగా విలువైన వివిధ ప్రాజెక్టులను ఆయన ప్రారంభించారు. ఇరాన్, గల్ఫ్ ప్రాంతంలో జరుగుతున్న యుద్ధం మన దేశానికి ఇంధన భద్రత ఎంత ముఖ్యమో నిరూపించిందని ఆయన వెల్లడించారు. కేంద్ర ప్రభుత్వం పెట్రోల్, డీజిల్, ఎల్పీజీ ఉత్పత్తి సామర్థ్యాన్ని పెంచిందని, ముడి చమురు నిల్వ సౌకర్యాలను అభివృద్ధి చేసిందని, సౌర, జల, పవన విద్యుత్ను విస్తరించిందని అన్నారు. రైల్వేలను దాదాపు 100 శాతం విద్యుదీకరించిందని, మెట్రో వంటి ప్రజా రవాణా వ్యవస్థలను బలోపేతం చేసిందని తెలియజేశారు. అమృత్ భారత్ పథకం కింద అభివృద్ధి చేసిన చామరాజనగర్, చిక్కమగళూరు, సక్లే‹Ùపుర, సుబ్రహ్మణ్యరోడ్ రైల్వే స్టేషన్లను సైతం మోదీ ప్రారంభించారు. వందేభారత్ రైలుకు పచ్చజెండా ఊపారు. మైసూరు వర్సిటీలో ఎల్ఈడీ డోమ్ ప్లానిటోరియం విజ్ఞానం, ఆధ్యాత్మికత ఒకదానికొకటి అనుసంధానమై ఉంటాయని ప్రధాని మోదీ చెప్పారు. మన దేశ యువత ఖగోళ భౌతిక శాస్త్రం, విజ్ఞాన శాస్త్రం, సాంకేతిక రంగాల్లో గొప్ప పురోగతి సాధిస్తోందని కొనియాడారు. మైసూరు విశ్వవిద్యాలయాన్ని స్థాపించడం, ఇండియన్ ఇన్స్టిట్యూట్ ఆఫ్ సైన్స్ కోసం భూమిని విరాళంగా ఇవ్వడం ద్వారా దేశంలో విజ్ఞాన శా్రస్తాన్ని ప్రోత్సహించడంలో మైసూరు రాజ కుటుంబం చేసిన కృషిని అభినందించారు. కర్ణాటకలోని చాముండి హిల్స్ వద్ద ఉన్న మైసూరు విశ్వవిద్యాలయ ప్రాంగణంలో శుక్రవారం ఎల్ఈడీ డోమ్ ప్లానిటోరియం అయిన కాస్మోస్ను(సెంటర్ ఆఫ్ స్పేస్, మోడ్రన్ ఆప్టికల్ సైన్సెస్) మోదీ ప్రారంభించారు. ఇది దేశంలోనే మొట్టమొదటి ఎల్ఈడీ డోమ్ ప్లానిటోరియం. -
‘మెట్రో పింక్ లైన్’ను ప్రారంభించిన ప్రధాని, కర్ణాటక సీఎంతో మెట్రో రైడ్
సాక్షి, బెంగళూరు: ప్రధానమంత్రి నరేంద్ర మోదీ కర్ణాటక పర్యటనలో భాగంగా బెంగళూరులో మెట్రో 'పింక్ లైన్' (Pink Line) శుక్రవారం ప్రారంభించారు. అనంతరం కర్ణాటక ముఖ్యమంత్రి డీకే శివకుమార్, ఇతర ప్రముఖులతో కలిసి తవరేకెరె (Tavarekere) నుండి ఐఐఎం బెంగళూరు (IIM Bangalore) మెట్రో స్టేషన్ వరకు కొత్తగా ప్రారంభించిన 7.5 కిలోమీటర్ల మార్గంలో ఆయన ప్రయాణించారు.రైలు ఎక్కే ముందు ప్రధాని మోదీ కౌంటర్ వద్ద యూపీఐ (UPI) ద్వారా మెట్రో టికెట్ కొనుగోలు చేశారు. ఈ ప్రయాణంలో ఆయన వెంట కర్ణాటక సీఎం శివకుమార్, గవర్నర్ సుధా యాదవ్, బెంగళూరు సౌత్ ఎంపీ తేజస్వి సూర్య, మంత్రి కె.బి. గౌడ తదితరులున్నారు. ఈ సందర్భంగా ప్రధాని మోదీ ప్రయాణీకులతో ముచ్చటించారు. కలేన అగ్రహార (Kalena Agrahara) నుండి తవరేకెరె వరకు అనుసంధానించే ఈ పింక్ లైన్ను సుమారు రూ. 3,470 కోట్ల వ్యయంతో నిర్మించారు. దీని ప్రారంభం బెంగళూరు మెట్రో నెట్వర్క్లో ఒక ముఖ్యమైన మైలురాయిగా నిలవనుంది.కర్ణాటక పర్యటన సందర్భంగా ప్రధాని మోదీ రూ. 15,600 కోట్లకు పైగా విలువైన పలు మౌలిక సదుపాయాలు, అభివృద్ధి ప్రాజెక్టులకు కూడా శంకుస్థాపన చేయనున్నారు.LIVE: PM Modi flags off Bengaluru Metro’s Pink Line, takes a ride & interacts with commuters SOURCE: DD #pmmodi #bengaluru #metro #dkshivakumar #karnataka #narendramodi #live https://t.co/camHgYMnzK— ANI (@ANI) November 13, 2026 వందే భారత్ ఎక్స్ప్రెస్: బెంగళూరు, తీరప్రాంత కర్ణాటక మరియు గోవా మధ్య వేగవంతమైన రైలు అనుసంధానాన్ని కల్పించే బెంగళూరు-మంగళూరు-మడ్గావ్ వందే భారత్ ఎక్స్ప్రెస్ను ప్రధాని మోదీ జెండా ఊపి ప్రారంభించనున్నారు.అమృత్ భారత్ స్టేషన్లు: అమృత్ భారత్ స్టేషన్ పథకం కింద పునరాభివృద్ధి చేసిన చామరాజనగర్, చిక్కమగళూరు, సకలేశ్పూర్ మరియు సుబ్రహ్మణ్య రోడ్ అనే నాలుగు రైల్వే స్టేషన్లను ఆయన ప్రారంభిస్తారు.రైల్వే లైన్ డబ్లింగ్, విద్యుదీకరణ: 284 కి.మీ. గదగ్-హోస్పేట్ డబ్లింగ్ ప్రాజెక్టులో భాగమైన 45 కి.మీ. బాగల్కోట్-వండాల్ రైల్వే లైన్ డబ్లింగ్ సెక్షన్ను, అలాగే 55 కి.మీ. సకలేశ్పూర్-సుబ్రహ్మణ్య రోడ్ ఘాట్ రైల్వే సెక్షన్ విద్యుదీకరణ పనులను ఆయన జాతికి అంకితం చేస్తారు. దీంతోపాటు సుమారు రూ. 4,450 కోట్ల వ్యయంతో కొప్పళ-II మరియు గదగ్-II లలో నిర్మించిన పునరుత్పాదక ఇంధన మండలాల అనుసంధాన ట్రాన్స్మిషన్ పథకాన్ని (ఫేజ్-II), అలాగే సుమారు రూ. 1,370 కోట్ల పెట్టుబడితో బీదర్లోని సౌర ఇంధన మండలం కోసం నిర్మించిన ట్రాన్స్మిషన్ పథకాన్ని ప్రధాని ప్రారంభిస్తారు. -
మోదీ కేబినెట్ లో భారీ మార్పులు.. తెలంగాణ ఎంపీలకు మంత్రి పదవులు..!
-
నా ఫోన్ను మోదీ ట్యాప్ చేస్తున్నారు..
ఢిల్లీ: తన ఫోన్ ప్రధాని నరేంద్ర మోదీ ట్యాప్ చేస్తున్నారంటూ కాంగ్రెస్ అగ్రనేత రాహుల్ గాంధీ సంచలన వ్యాఖ్యలు చేశారు. రాహుల్ తన ఫోన్ చూపిస్తూ, ప్రధానికి వ్యతిరేకంగా తన దగ్గర అన్ని ఆధారాలు ఈ ఫోన్లోనే ఉన్నాయని అన్నారు. ‘‘ప్రధాని మోదీ నాతో నేరుగా చర్చకురావాలి. నాతో డిబేట్ తర్వాత.. మోదీ ప్రధానిగా కొనసాగలేరు. నన్ను పార్లమెంట్లో మాట్లాడనివ్వడం లేదు. అందుకే బహిరంగ చర్చకు రండి.. ముఖాముఖి చర్చిద్దాం’’ అంటూ రాహుల్ వ్యాఖ్యానించారు. ఇవాళ(శుక్రవారం) ఇన్స్టాగ్రామ్లో నిర్వహించిన ‘ఆస్క్ మీ’ సెషన్లో ఓ ప్రశ్నకు సమాధానమిస్తూ రాహుల్ ఈ వ్యాఖ్యలు చేశారు.పార్లమెంటులోనే చర్చ జరపవచ్చని బీజేపీ చెబుతున్నప్పుడు.. మీరు ప్రత్యేకంగా బహిరంగ చర్చకు ఎందుకు పట్టుబడుతున్నారంటూ ఓ వ్యక్తి ప్రశ్నించగా.. రాహుల్ స్పందిస్తూ.. లోక్సభలో తనకు మాట్లాడే అవకాశం ఇవ్వడం లేదని, తన మైక్రోఫోన్ను కూడా నిలిపివేస్తున్నారన్నారు. "వ్యవసాయ చట్టాలు, ఓట్ల చోరీ, ఎస్ఐఆర్, చైనా, జనరల్ నరవణె పుస్తకం, ఎప్స్టీన్ అంశాలపై నన్ను మాట్లాడనివ్వలేదు. నాకు ఒకరితో ఒకరు నేరుగా చర్చ కావాలి. సుదీర్ఘ ప్రసంగాలతో కూడిన చర్చ నాకు వద్దు" అని రాహుల్ స్పష్టం చేశారు.‘‘నేరుగా మాట్లాడుకునే విధంగా చర్చ ఉండాలన్న రాహుల్.. నరేంద్ర మోదీ నాపై ఆరోపణలు చేయాలి. నేను ఆయనపై ఆరోపణలు చేస్తాను. ఆయన రావచ్చు. మధ్యలో ఒక టేబుల్ ఉంటుంది. ఒకవైపు మోదీ, మరో వైపు నేను కూర్చుంటాం. ఈ చర్చకు అదానీ గ్రూప్ ఛైర్మన్ గౌతమ్ అదానీ లేదా, ఆర్ఎస్ఎస్ చీఫ్ మోహన్ భగవత్ను న్యాయనిర్ణేతగా నియమించినా తనకు అభ్యంతరం లేదంటూ రాహుల్ చెప్పుకొచ్చారు. కాగా, రాహుల్ సవాల్ను బీజేపీ నేతలు తోసిపుచ్చారు. పార్లమెంటులో చర్చకు అవకాశం ఉన్నప్పటికీ రాహుల్ అక్కడ చర్చకు దూరంగా ఉంటున్నారని విమర్శించారు.ఇదీ చదవండి: కేంద్ర మంత్రివర్గ ప్రక్షాళనకు సన్నాహాలు? -
కేంద్ర మంత్రివర్గ ప్రక్షాళనకు సన్నాహాలు?
ఢిల్లీ: కేంద్ర మంత్రివర్గ ప్రక్షాళనకు సన్నాహాలు జరుగుతున్నాయి. ఈ నెల 18న మరోసారి కేంద్ర మంత్రి మండలి భేటీ కానుంది. ఈ నెల 23న మంత్రిమండలి విస్తరణకు ఛాన్స్ ఉంది. క్యాబినెట్, స్వతంత్ర, సహాయ మంత్రులందరితో ప్రధాని మోదీ సమావేశం కానున్నారు. కేంద్ర మంత్రివర్గంలో మూడు శాఖల భారాన్ని ప్రహ్లాద్ జోషి, అశ్వినివైష్ణవ్ మోస్తున్నారు. ధర్మేంద్ర ప్రధాన్ రాజీనామా తర్వాత విద్యాశాఖకు ఫుల్ టైమ్ మంత్రి కరువయ్యారు.విద్యా శాఖ అదనపు బాధ్యతలను ప్రహ్లాద్ జోషి మోస్తున్నారు. ఇప్పటికే జోషి దగ్గర ఆహార సరఫరా శాఖ, రెన్యువబుల్ ఎనర్జీ శాఖలు ఉన్నాయి. మంత్రి అశ్వినివైష్ణవ్.. మూడు శాఖలు నిర్వహిస్తున్నారు. ఐదు రాష్ట్రాల ఎన్నికల నేపథ్యంలో ఆ రాష్ట్రాల ఎంపీలకీ మంత్రి వర్గ ప్రక్షాళనలో అవకాశం ఉంది. గతంలోనూ పూర్తి మంత్రి మండలి సమావేశం తరువాత ప్రధాని మోదీ.. కేంద్ర మంత్రి వర్గ విస్తరణ చేపట్టిన సంగతి తెలిసిందే.ప్రభుత్వ అత్యంత ప్రాధాన్యత కలిగిన అంశాలు, రాబోయే ప్రణాళికలు, భవిష్యత్ కార్యాచరణపై ఈ సమావేశంలో చర్చించనున్నట్లు ఇవాళ (శుక్రవారం) ప్రభుత్వ వర్గాలు వెల్లడించాయి. గత సమావేశంలో తీసుకున్న నిర్ణయాల అమలు పురోగతిని సమీక్షించడంతో పాటు, ఇంకా పూర్తి చేయాల్సిన పనులపై చర్చించనున్నట్లు సంబంధిత వర్గాలు తెలిపాయి.ఇదీ చదవండి: ఢిల్లీలో డేంజర్ లెవల్కు పొల్యూషన్ -
16న ఫిలిప్పీన్స్కు ప్రధాని మోదీ
ఢిల్లీ: ప్రధాని నరేంద్ర మోదీ ఈ నెల 16వ తేదీన ఫిలిప్పీన్స్కు వెళ్తున్నారు. దేశ రాజధాని మనీలాలో మూడు రోజులపాటు జరిగే భారత్– ఆసియాన్ 21వ వార్షిక శిఖరాగ్రంలో పాలుపంచుకుంటారు. ఈ సందర్భంగా సమాఖ్య దేశాల అగ్ర నేతలతో ఆయన చర్చలు జరుపుతారని విదేశాంగ శాఖ వెల్లడించింది. పదకొండు దేశాలతో కూడిన ఆగ్నేయ ఆసియా దేశాల సమాఖ్య(ఆసియాన్) ఈ ప్రాంతంలో ప్రభావశీలమైన గ్రూపుగా అవతరించింది.నవంబర్ 16 నుంచి 18వ తేదీ వరకు ప్రధాని పర్యటన కొనసాగుతుందని విదేశాంగ మంత్రిత్వ శాఖ తెలిపింది. మనీలాలో ప్రధాని మోదీ పర్యటనలో భాగంగా ఫిలిప్పీన్స్ అధ్యక్షుడు ఫెర్డినాండ్ మార్కోస్ జూనియర్ వివిధ దేశాల నుంచి వచ్చిన ప్రముఖ నేతలకు విందు ఏర్పాటు చేయనున్నారు. అనంతరం మరుసటి రోజు ఆసియాన్-భారత్ శిఖరాగ్ర సదస్సు, తూర్పు ఆసియా శిఖరాగ్ర సదస్సు జరగనున్నాయి. ఈ సమావేశాల మధ్యలో ఇతర దేశాల నాయకులతో ప్రధాని ద్వైపాక్షిక చర్చలు జరపనున్నారు.ఇదీ చదవండి: ఇరాన్తో డీల్ అవసరం లేదు.. ట్రంప్ సంచలన ప్రకటన -
15న ప్రధానితో సీఎం రేవంత్ భేటీ
సాక్షి, హైదరాబాద్: ముఖ్యమంత్రి రేవంత్రెడ్డి ఈ నెల 15న ఢిల్లీలో ప్రధానమంత్రి నరేంద్ర మోదీతో సమావేశం కానున్నారు. నీటిపారుదల శాఖ మంత్రి ఉత్తమ్కుమార్రెడ్డి కూడా సీఎంతో పాటు ఢిల్లీ వెళ్లనున్నారు. రాష్ట్రంలో దీర్ఘకాలంగా అపరిష్కృతంగా ఉండిపోయిన సాగునీటి ప్రాజెక్టులకు సంబంధించిన సమస్యలను పరిష్కరించాల్సిందిగా విజ్ఞప్తి చేయనున్నారు. తెలంగాణ, మహారాష్ట్ర సరిహద్దులో ప్రాణహిత నదిపై 152 మీటర్ల ఎత్తులో తుమ్మిడిహెట్టి బరాజ్ నిర్మాణానికి మహారాష్ట్ర ప్రభుత్వం నుంచి సమ్మతి ఇప్పించాలని కోరనున్నారు. ఈ ప్రాజెక్టుకు సత్వరమే అనుమతులు ఇప్పించడంతో పాటు కేంద్ర ప్రభుత్వ పథకం ప్రధాన మంత్రి కృషి సించాయ్ యోజన (ఏఐబీపీ) కింద ఆర్థిక సహాయం చేయాలని విజ్ఞప్తి చేయనున్నారు. సమ్మక్కసాగర్ ప్రాజెక్టుకు కేంద్ర జల సంఘం (సీడబ్ల్యూసీ) నుంచి అవసరమైన అనుమతులతో పాటు ఛత్తీస్గఢ్ ప్రభుత్వం నుంచి ఎన్ఓసీ ఇప్పించాలని కోరనున్నారు.గోదావరి–కావేరి నదుల అనుసంధానం ప్రాజెక్టులో భాగంగా తెలంగాణ పరిధిలోని ఇచ్చంపల్లి వద్ద గోదావరిపై బరాజ్ నిర్మించి అక్కడి నుంచి నీళ్లను తరలించాలని, తరలించే నీళ్లలో 50 శాతం వాటాను తెలంగాణకు కేటాయించాలని కోరనున్నట్టు తెలిసింది. సీతమ్మసాగర్ బరాజ్, డిండి, పాలమూరు–రంగారెడ్డి తదితర ప్రాజెక్టులకు పర్యావరణ అనుమతులను సత్వరమే ఇప్పించాలని కోరుతూ వినతిపత్రం సమర్పించనున్నారు.రాష్ట్రంలో నిర్మిస్తున్న ఇతర ప్రాజెక్టులకు కేంద్ర ప్రభుత్వ పథకాల కింద ఆర్థిక సహాయాన్ని కూడా కోరనున్నట్టు తెలిసింది. -
ప్రకృతి సేద్యం వైపు మరలండి
న్యూఢిల్లీ: విష పూరిత రసాయనాలతో నేల తల్లిని మనమే చంపుకుంటున్నామని ప్రధాని మోదీ ఆవేదన వ్యక్తం చేశారు. పంటల సాగు కోసం రసాయనాలను వాడి భూమిని విషతుల్యంగా మార్చవద్దని, అందుకు బదులుగా విష రసాయనాల ప్రమేయం లేని ప్రకృతి వ్యవసాయం వైపు అడుగులు వేయాలని రైతులకు ఆయన పిలుపునిచ్చారు. ఆర్గానిక్, ప్రకృతి వ్యవసాయం.. ఈ రెండింటిలో తాను ప్రకృతి సాగు విధానానికే మొగ్గ చూపుతానన్నారు. ప్రధాని మోదీ గురువారం ఇండియా టుడే గ్రూపు నిర్వహించిన కిసాన్ తక్ భారత్ అగ్రికల్చర్ కాన్ఫరెన్స్లో ప్రసంగించారు. ‘మనం రసాయనాలను విచక్షణారహితంగా వాడుతూ భూమాతను నాశనం చేస్తున్నాం. మనం ఆమె బిడ్డలమై ఉండి, మన కళ్ల ముందే మన కన్నతల్లిని మనమే చంపుకుంటున్నా’అని ఆయన పేర్కొన్నారు. రసాయనాల వల్ల జరిగే నష్టం నుంచి వ్యవసాయ భూమిని రక్షించడంలో విఫలమైతే భవిష్యత్ తరాలు తీవ్రమైన పరిణామాలు ఎదుర్కోవాల్సి వస్తుందని హెచ్చరించారు. ‘వ్యవసాయం మన సంస్కృతి, మన సంప్రదాయం, మన సామాజిక జీవితానికి మూలాధారం’అని ఆయన పేర్కొన్నారు. వ్యవసాయాన్ని మరింత మెరుగ్గా మార్చకుండా అభివృద్ధి చెందిన భారత్ ఏమాత్రం సాధ్యం కాని విషయమని ప్రధాని మోదీ తెలిపారు. భారత మండపంలో జరిగిన సదస్సుకు కనీసం 2వేల మంది రైతులు, వ్యవసాయ శాస్త్రవేత్తలు, పరిశ్రమల ప్రతినిధులు హాజరయ్యారు. పశ్చిమాసియాలో యుద్ధం వల్ల సరఫరా గొలుసులు దెబ్బతినడంతో, రైతులకు రసాయన ఎరువులను అందుబాటు ధరల్లో ఉంచడానికి కేంద్రం భారీగా ఖర్చు చేయాల్సి వచ్చిందని మోదీ వివరించారు. ఇటువంటి పరిస్థితులు రాకుండా ఉండాలంటే ప్రకృతి వ్యవసాయ విధానమై సరైన విరుగుడని వివరించారు. ఈ విధానంలో బయటి నుంచి ఎరువుల వంటి వాటిని కొనుగోలు చేసే అవసరముండదని చెప్పారు. స్థానికంగా లభించే వస్తువులు, సామగ్రితో సంప్రదాయ వ్యవసాయ విధానాల సాయంతో ఆవుపేడ, గోమూత్రం, మొక్కల ఆధారితంగా పదార్థాలతోనే ఎరువులను, పురుగు, కీటక నాశనులను తయారు చేసుకోవచ్చని వివరించారు. ఇందుకుగాను ప్రభుత్వం వివిధ పథకాల ద్వారా రైతులకు సాయపడుతోందని చెప్పారు. రాహుల్పై పరోక్ష వ్యాఖ్యలు కొందరు నాయకులు రాజ్యాంగాన్ని, ప్రజాస్వామ్యాన్ని తమ సొంత ఆస్తిగా భావిస్తున్నారని ప్రధాని మోదీ ఎద్దేవా చేశారు. అధికారంలో లేకపోయినప్పటికీ ప్రత్యేక హక్కులు ఉన్నాయన్నట్లుగా అహంకారాన్ని ప్రదర్శిస్తున్నారని వ్యాఖ్యానించారు. ‘నేడు కొందరు రాజ్యాంగ ప్రతిని జేబులో పెట్టుకుని తిరుగుతున్నారు. అప్పుడప్పుడూ రాజ్యాంగ ప్రతిని బయటకు తీసి చూపుతుంటారు. దేశ రాజ్యాంగం, ప్రజాస్వామ్యం కూడా తమ జేబులోనే ఉన్నాయన్నట్లుగా భావిస్తుంటారు’అని కాంగ్రెస్ నేత రాహుల్ గాంధీ నుద్దేశించి ప్రధాని మోదీ పేర్కొన్నారు. ‘ప్రభుత్వంలో లేనప్పటికీ, తాము చెప్పినట్లే జరగాలనే విచిత్రమైన అధికార దర్పం ప్రదర్శిస్తూంటారు. ఇదో రకం విచిత్రమైన అధికార మత్తు’అని వ్యంగ్యంగా అన్నారు. -
‘భారత గాథ’ను ప్రపంచానికి చేరవేయండి
న్యూఢిల్లీ: ప్రపంచంతో పంచుకోవడానికి మన దేశం సాధించిన అద్భుతమైన విజయాలు ఎన్నో ఉన్నాయని ప్రధాని నరేంద్ర మోదీ చెప్పారు. ఈ విజయాలను ‘ఇండియా స్టోరీ’గా అభివర్ణించారు. ప్రపంచ వేదికలపై వాటిని చాటిచెప్పాలని పాత్రికేయులను కోరారు. గురువారం ఢిల్లీలోని బీజేపీ ప్రధాన కార్యాలయంలో ‘దీపావళి మిలన్’నిర్వహించారు. ఈ కార్యక్రమానికి మీడియా ప్రతినిధులను ఆహ్వానించారు. ఈ సందర్భంగా వారిని ఉద్దేశించి ప్రధాని మోదీ ప్రసంగించారు. వార్తా ప్రపంచంలో గడువు(డెడ్లైన్) చాలా ముఖ్యమని పేర్కొన్నారు. పాత్రికేయుడి జీవితమంతా ఈ డెడ్లైన్ల చుట్టూనే తిరుగుతూ ఉంటుందని గుర్తుచేశారు. వార్తాపత్రిక ముద్రణకు వెళ్లే సమయం కావచ్చు లేదా ఒక కథనం ప్రసారమయ్యే సమయం కావచ్చు.. ప్రతిదానికీ ఒక నిర్ణిత గడువు ఉంటుందన్నారు. నేడు మన దేశం కూడా ఒక గడువును లక్ష్యంగా పెట్టుకుని పనిచేస్తోందని వివరించారు. ఆ గడువు 2047వ సంవత్సరమని వ్యాఖ్యానించారు. భారత్ను అభివృద్ధి చెందిన దేశంగా మార్చాలన్న కల స్వాతంత్య్రం వచ్చినప్పటి నుంచి మనతోనే ఉందన్నారు. ఆ కలను సాకారం చేసుకోవడానికి 2047 అనే గడువు నిర్దేశించుకున్నామని తెలిపారు. స్వాతంత్య్రం వచ్చి 100 ఏళ్లు పూర్తయ్యేలోపు భారతదేశాన్ని అభివృద్ధి చెందిన దేశంగా మార్చుకొనేందుకు మనమంతా కలిసికట్టుగా కృషి చేయాలని పిలుపునిచ్చారు. 50 కోట్ల మందికి పేదరికం నుంచి విముక్తి భారతదేశంలో అత్యధిక యువ జనాభా, ప్రతిభ, సాంకేతికత, తక్కువ ధరకే లభించే డేటా ఉన్నాయని మోదీ గుర్తుచేశారు. అన్నింటికంటే ముఖ్యంగా మన దగ్గర ‘భారత గాథ’ఉందన్నారు. మన వార్తలు నిజంగా భారతదేశాన్ని ప్రతిబింబిస్తున్నాయా? మన విజయాలు, ప్రతిభ, సానుకూల మార్పులకు ప్రాధాన్యత లభిస్తోందా? అని ఆలోచించుకోవాలని కోరా రు. దేశంలో గొప్ప విజయ గాథలకు లోటు లేదన్నారు. ఆయా గాథలను ప్రపంచానికి చేరవేయాలని మీడియాను అభ్యర్థించారు. దేశం నుంచి పేదరికాన్ని తొలగించడంలో ఎన్డీఏ విజయం సాధించిందని ఉద్ఘాటించారు. 50 కోట్ల మంది పేదరికం నుంచి బయటపడ్డారన్నారు.లక్ష్యాలను సాధిస్తూ ముందుకు సాగాలి ఇటీవలి కాలంలో మనం సాధించిన విజయాల గురించి ఒక్కసారి ఆలోచించాలని ప్రధాని మోదీ చెప్పారు. చంద్రుడి దక్షిణ ధ్రువం సమీపంలో అడుగుపెట్టామని, ప్రపంచంలోనే రెండో అతిపెద్ద మొబైల్ ఫోన్ తయారీ దేశంగా అవతరించామని పేర్కొన్నారు. ప్రపంచంలోనే అత్యంత ఎత్తయిన రైల్వే ఆర్చ్ వంతెనను చీనాబ్ నదిపై నిర్మించామని, కేవలం 12 ఏళ్లలో మన సౌర విద్యుత్ ఉత్పత్తి సామర్థ్యం 50 రెట్లకు పైగా పెరిగిందని వివరించారు. ప్రపంచంలోనే మూడో అతిపెద్ద స్టార్టప్ వ్యవస్థ మన దేశంలో ఉందన్నారు. వికసిత్ భారత్కు 2047 గడువు అంటే.. స్వాతంత్య్ర ఉద్యమ కాలంలోలాగా అప్పటి వరకు వేచి ఉండాలని కాదని అన్నారు. అప్పట్లో సంపూర్ణ స్వాతంత్య్రం కోసం ప్రజలు సుదీర్ఘకాలం నిరీక్షించాల్సి వచ్చిందన్నారు. మొదట చిన్న చిన్న లక్ష్యాలను నిర్దేశించుకుని వాటిని సాధించారని, తద్వారా స్వాతంత్య్రం కచ్చితంగా వస్తుందనే నమ్మకం ప్రజల్లో కలిగిందని చెప్పారు. మనం కూడా అనేక చిన్న, పెద్ద లక్ష్యాలను సాధిస్తూ ముందుకు సాగాలని, అప్పుడే ‘వికసిత్ భారత్’అనే గమ్యాన్ని చేరుకోగలమని తేల్చిచెప్పారు. -
పశ్చిమాసియా యుద్ధం.. డీజిల్ ధరల భారాన్ని కేంద్రమే భరించింది : ప్రధాని మోదీ
న్యూఢిల్లీ: పశ్చిమాసియాలో చెలరేగిన యుద్ధం, అంతర్జాతీయ మార్కెట్లో ముడి చమురు ధరల పెరుగుదల వల్ల ఏర్పడిన తీవ్ర ఆర్థిక భారాన్ని రైతులకు, సామాన్యులపై భారం పడకుండా కేంద్ర ప్రభుత్వం సమర్థవంతంగా అడ్డుకుంది. ‘కిసాన్ తక్ భారత్ అగ్రికల్చర్ కాన్ఫరెన్స్’లో ప్రధాని నరేంద్ర మోదీ కీలక విషయాలను వెల్లడించారు.అంతర్జాతీయ మార్కెట్లో ముడి చమురు ధర బ్యారెల్ 70 డాలర్ల నుంచి ఏకంగా 122 డాలర్లకు ఎగబాకిందని ప్రధాని మోదీ తెలిపారు. ఈ పరిణామాల కారణంగా డీజిల్ ధరను లీటరుకు దాదాపు రూ. 50 మేర పెంచాల్సిన పరిస్థితి ఏర్పడిందని, అయితే ఆ భారాన్ని పూర్తిగా పౌరులపై, రైతులపై మోపకుండా ప్రభుత్వం కేవలం రూ. 7 మాత్రమే పెంచిందని ఆయన స్పష్టం చేశారు. మిగిలిన రూ. 43 లీటరు భారాన్ని ప్రభుత్వమే పూర్తిగా భరించిందని మోదీ ప్రకటించారు.నెలవారీగా రూ. 14,000 కోట్ల భారంఅంతర్జాతీయ మార్కెట్లోని ఒడుదొడుకుల నుంచి వినియోగదారులను, రైతులను రక్షించడానికి కేంద్ర ప్రభుత్వం ప్రతి నెలా సుమారు రూ. 14,000 కోట్ల ఆర్థిక భారాన్ని తన భుజాన వేసుకుంటున్నట్లు ప్రధాని గుర్తు చేశారు. పొరుగు దేశాలతో పోలిస్తే అక్కడ డీజిల్ ధరలు 40 నుంచి 50 శాతం వరకు పెరిగినప్పటికీ, భారతదేశంలో మాత్రం రైతుల ప్రయోజనాలను దృష్టిలో ఉంచుకుని ఈ నిర్ణయం తీసుకున్నట్లు ఆయన పేర్కొన్నారు. -
నాన్ బ్రేకింగ్ న్యూస్ కార్యక్రమానికి రావడం సంతోషం: నరేంద్ర మోదీ
ఢిల్లీ : స్వతంత్రం వచ్చి వందేళ్లు పూర్తి అయ్యే సమయానికి భారత్ అభివృద్ధి చెందిన దేశంగా ఎదగాలని ప్రధాని నరేంద్ర మోదీ ఆకాంక్షించారు. నగరంలోని బీజేపీ హెడ్ క్వార్టర్స్లో మీడియా ప్రతినిధులతో నరేంద్ర మోదీ దీపావళి మిలన్ కార్యక్రమంలో పాల్గొన్నారు. ఈ కార్యక్రమానికి బీజేపీ జాతీయ అధ్యక్షులు నితిన్ నబీ, కేంద్ర హోంమంత్రి అమిత్ షా, రక్షణమంత్రి రాజ్నాథ్ సింగ్, ఆరోగ్యశాఖ మంత్రి జేపీ నడ్డా తదితరులు హాజరయ్యారు. దీనిలో భాగంగా నరేంద్ర మోదీ మాట్లాడుతూ.. ‘ ప్రజాస్వామ్యంలో మీడియా కీలక పాత్ర పోషిస్తోంది. మీడియా సకారాత్మక ధోరణిలో పని చేస్తోంది. ప్రపంచంలో ఇండియా స్టోరీ వినిపించే దిశగా మీడియాకృషి చేయాలి. భారత్ సాధించిన విజయాలు, వ్యక్తుల విజయాలపై స్టోరీలు రావాలి. ఇదే మీరు దేశానికి చేసే సేవ ఆ లక్ష్యం కోసం అందరం కలిసి పని చేయాలి. డ్రగ్స్ విముక్తి, దేశ ఐక్యత, వికసిత్ భారత్ వంటి విషయాలపై మీడియా చోటు కల్పించాలి. మీడియా వార్తలకు డెడ్ లైన్ ఉన్నట్లుగానే. .. వికసిత్ భారత్ సాధించేందుకు 2047 డెడ్ లైన్. స్వతంత్రం వచ్చి వందేళ్లు పూర్తి అయ్యే సమయానికి భారత్ అభివృద్ధి చెందిన దేశంగా ఎదగాలి. మేముపెట్టుకున్న ఏ లక్ష్యం అసాధ్యం కాదు. 12 ఏళ్లకిందట మట్టిరోడ్డుకు వినతిపత్రం ఇచ్చే వారు...ఇప్పుడు ఎక్ష్ప్రెస్స్ వే లు నిర్మిస్తున్నాం. రైల్వేలు పూర్తిగా విద్యుదీకరణ చేశాం. 12 ఏళ్లల్లో 50 కోట్ల మందిని కడు పేదరికంనుంచి బయటకి తీసుకువచ్చాము. కుటుంబాన్ని పక్కన పెట్టి ఫీల్డ్ రిపోర్టర్స్ క్షేత్ర స్థాయిలో పూర్తి శక్తితో పని చేయడం స్ఫూర్తి నింపుతుంది. చిన్న, పెద్ద లక్ష్యాలను నిర్దేశించుకుని వికసిత్ భారత్ సాధించాలి. అందరికి ఇళ్ళు అనే లక్ష్యాన్ని పూర్తి చేసేందుకు వేగంగా ముందుకు వెళుత్తున్నాం. బ్రేకింగ్ వార్తల కోసం పరుగులు తీసే మీడియా. ..నాన్ బ్రేకింగ్ న్యూస్ కార్యక్రమానికి రావడం సంతోషం. ప్రెస్ రిలీజ్ కూడా పంపేందుకు కష్టంగా రోజులు చూశా. అప్పట్లో మీడియా తో మంచి ఆత్మీయ సంబంధాలు ఉండేవి. ఈ అనుభవం నుంచి ఎంతో నేర్చుకున్నాం. రిపోర్టర్ నుంచి ఎడిటర్ గా మారినట్లు, నా బాధ్యత కూడా మారింది. ఒక రోజు మహిళా ప్రతినిధుల బృందం వచ్చి మీరు సీఎం అవుతున్నారు. ..మిఠాయి తినిపించాలని అడిగారు. నాకంటే ముందు వారికి ఈ విషయం తెలిసింది. ఆ తరవాత ఎన్నో మారాయి. టెక్నాలజీ మారి మీడియా స్వరూపం మారింది. మీడియాకు కూడా సవాళ్లు కూడా పెరిగాయి. ఇప్పుడు మొబైల్ ఫోన్... ఓబీ యూనిట్ గా మారింది’ అని పేర్కొన్నారు.ఇదీ చదవండి: డీలిమిటేషన్ బిల్లుపై కీలక అడుగు -
సీఎం అవుతానని మీడియాకు ముందే తెలుసు: మోదీ
న్యూఢిల్లీ: ఢిల్లీలోని బీజేపీ ప్రధాన కార్యాలయంలో గురువారం నిర్వహించిన దీపావళి మిలన్ కార్యక్రమానికి ప్రధానమంత్రి నరేంద్ర మోదీ హాజరయ్యారు. ఈ సందర్భంగా మీడియా ప్రతినిధులతో ఆయన తనకున్న అనుబంధాన్ని గుర్తుచేసుకున్నారు. తన రాజకీయ ప్రస్థానంలో మీడియాతో సాగిన ప్రయాణంలోని ఆసక్తికర అనుభవాలను పంచుకున్నారు. తాను గుజరాత్ సీఎం అవుతానని మీడియా ముందుగానే గుర్తించిందన్నారు.పండుగల సమయంలో ప్రతి ఒక్కరూ తమ కుటుంబ సభ్యులు, ఆత్మీయులతో గడపాలని కోరుకుంటారని మోదీ అన్నారు. నిరంతరం బ్రేకింగ్ న్యూస్ కోసం పరుగులు తీసే మీడియా ప్రతినిధులు తమ బిజీ షెడ్యూల్ను పక్కనపెట్టి ఈ కార్యక్రమానికి రావడం సంతోషంగా ఉందన్నారు. ఇది బ్రేకింగ్ న్యూస్కు సంబంధించిన కార్యక్రమం కాకపోయినా, హాజరైనందుకు ప్రధాని మోదీ కృతజ్ఞతలు తెలిపారు. 90వ దశకం నాటి అనుభవాలను గుర్తుచేసుకుంటూ.. అప్పట్లో మీడియాకు ప్రెస్ రిలీజ్లు పంపించాలంటే ఫ్యాక్స్ మెషీన్ కోసం వెతకాల్సి వచ్చేదని చెప్పారు. ఢిల్లీకి వచ్చిన తర్వాత కూడా తనకు ఇదే బాధ్యత ఉండేదన్నారు. అప్పట్లో జరిగే దీపావళి మిలన్ కార్యక్రమాల్లో కుర్చీలు వేయించడం నుంచి జర్నలిస్టులకు స్వాగతం పలకడం వరకు అన్ని పనులు తానే చూసుకునేవాడినని వెల్లడించారు.మార్పులను దగ్గరగా చూశాఆ రోజుల్లో కెమెరాలు తక్కువగా ఉన్నప్పటికీ జర్నలిస్టులతో తనకు మంచి పరిచయాలు ఉండేవని, కార్యక్రమాల్లో ఉత్సాహభరితమైన వాతావరణం ఉండేదని తెలిపారు. ఆ అనుభవాల నుంచి ఎన్నో విషయాలు నేర్చుకున్నానని, అవి ఇప్పటికీ తనకు ఉపయోగపడుతున్నాయని చెప్పారు. రిపోర్టర్ ఎడిటర్గా మారినప్పుడు అతడి బాధ్యతలు ఎలా మారతాయో, ప్రభుత్వంలోకి వచ్చిన తర్వాత తన బాధ్యతలు కూడా అలాగే మారాయని మోదీ వ్యాఖ్యానించారు. ప్రభుత్వ అధిపతిగా తనకు 25 ఏళ్లు పూర్తయ్యాయని గుర్తుచేశారు. ప్రెస్ రిలీజ్ల కాలం నుంచి ఇన్స్టాగ్రామ్ రీల్స్ వరకు మీడియా రంగంలో వచ్చిన మార్పులను దగ్గరగా చూశానని వివరించారు.ప్రజాస్వామ్యంలో మీడియా కీలక పాత్ర పోషిస్తోంది. మీడియా సకారాత్మక ధోరణిలో పని చేస్తోంది. ప్రపంచంలో ఇండియాస్టోరీ వినిపించే దిశగామీడియాకృషి చేయాలని ప్రధాని కోరారు. భారత్ సాధించిన విజయాలు, వ్యక్తుల విజయాలపై స్టోరీలు రావాలి. ఇదే మీరు దేశానికి చేసే సేవ ఆ లక్ష్యం కోసం అందరం కలిసి పని చేయాలన్నారు. డ్రగ్స్ విముక్తి, దేశ ఐక్యత, వికసిత్ భారత్ వంటి విషయాలపై మీడియా చోటు కల్పించాలి. మీడియా వార్తలకు డెడ్లైన్ ఉన్నట్లుగానే, వికసిత్ భారత్ సాధించేందుకు 2047 డెడ్లైన్ అని ప్రధాని మోదీ పేర్కొన్నారు.'స్వతంత్రం వచ్చి వందేళ్లు పూర్తి అయ్యే సమయానికి భారత్ అభివృద్ధి చెందిన దేశంగా ఎదగాలి. మేము పెట్టుకున్న ఏ లక్ష్యం అసాధ్యంకాదు. 12 ఏళ్లకిందట మట్టిరోడ్డుకు వినతిపత్రం ఇచ్చే వారు... ఇప్పుడు ఎక్స్ప్రెస్వేస్ నిర్మిస్తున్నాం. రైల్వేలు పూర్తిగా విద్యుదీకరణ చేశాం. 12 ఏళ్లల్లో 50 కోట్ల మందిని కడు పేదరికం నుంచి బయటకి తీసుకువచ్చాం. కుటుంబాన్ని పక్కన పెట్టి ఫీల్డ్ రిపోర్టర్స్ క్షేత్ర స్థాయిలో పూర్తి శక్తితో పని చేయడం స్ఫూర్తి నింపుతున్నద'ని మోదీ పేర్కొన్నారు.ఇదీ చదవండి: ‘నువ్వు ఎవరితోనైనా తిరుగు..’ ఇందిర కండిషన్!'చిన్న, పెద్ద లక్ష్యాలను నిర్దేశించుకుని వికసిత్ భారత్ సాధించాలి. అందరికి ఇళ్ళు అనే లక్ష్యాన్ని పూర్తి చేసేందుకు వేగంగా ముందుకు వెళుత్తున్నాం. బ్రేకింగ్ వార్తల కోసం పరుగులు తీసే మీడియా.. నాన్ బ్రేకింగ్ న్యూస్ కార్యక్రమానికి రావడం సంతోషం. ప్రెస్ రిలీజ్ కూడా పంపేందుకు కష్టంగా రోజులు చూశాను. అప్పట్లో మీడియాతో మంచి ఆత్మీయ సంబంధాలు ఉండేవి. ఈ అనుభవం నుంచి ఎంతో నేర్చుకున్నామని ప్రధాని పేర్కొన్నారు. ఒక రోజు మహిళా ప్రతినిధుల బృందం వచ్చి మీరు సీఎం అవుతున్నారు. మిఠాయి తినిపించాలని అడిగారని ప్రధాని గుర్తుచేసుకున్నారు. నాకంటే ముందు వారికి ఈ విషయం తెలిసిందన్నారు. ఆ తరవాత ఎన్నో మారాయి. టెక్నాలజీ మారి మీడియా స్వరూపం మారింది. మీడియాకు కూడా సవాళ్లు పెరిగాయి. ఇప్పుడు మొబైల్ ఫోన్... ఓబీ యూనిట్గా మారింద'ని ప్రధాని మోదీ పేర్కొన్నారు. Speaking during the Deepawali Milan programme at the BJP HQ in Delhi. https://t.co/eppVv7yq0Q— Narendra Modi (@narendramodi) November 12, 2026 -
మోడీ ప్రభుత్వ పునాదులు కదిలాయి..
న్యూఢిల్లీ: మోదీ నేతృత్వంలోని భారతీయ జనతా పార్టీ ప్రభుత్వ పునాదులు కదిలిపో యాయని, ఎక్కువ కాలం మనుగడ సాగించలేదని కాంగ్రెస్ పార్లమెంటరీ పార్టీ ఛైర్ప ర్సన్ సోనియాగాంధీ తన ఆత్మకథ ‘బిలాంగింగ్: ఎ జర్నీ ఆఫ్ లవ్’లో పేర్కొన్నారు. హార్పర్ కాలిన్స్ ఇండియా ప్రచురించిన ఈ పుస్తకం మంగళవారమే విడుదలైన విషయం తెలిసిందే. అందులోని అంశాలపై ఇప్పటికే పలు విస్తృత కథనాలు ప్రచురితం కాగా.. మరిన్ని వెలుగు చూస్తున్నాయి. నరేంద్రమోదీ ప్రభుత్వంపై సోనియా గాంధీ ఏం రాశారంటే.... ‘‘కొత్త తరం పారదర్శకత కోరుకుంటోంది. అన్యాయం, అణచివేతలను సహించడం లేదు. కొంత సమయం తీసుకోవచ్చునేమో కానీ.. చక్రం తిరుగుతుంది. వాళ్లు విజయం సాధిస్తారు. ఈ దేశపు ఆత్మను పునరుజ్జీవింపచేస్తారు. గాయాలను మాన్పుతారు.’’అని. ఎన్నో కష్టాలకు ఓర్చి సాధించుకున్న స్వాతంత్య్రం, జాగ్రత్తగా అభివృద్ధి చేసుకున్న సామరస్యాలను ఈ దేశ యువతీ యువకులు కాపాడతారని సోనియా ఆశాభావం వ్యక్తం చేశారు. ‘‘ప్రభుత్వం తనకున్న ప్రజాదరణ యథాతథంగా ఉందని చెబుతుంది. కానీ పునాదులు కదిలాయి అన్నది నా విశ్వాసం. దేశంలోని ప్రధాన మీడియా ఏకపక్షంగానే ఉంది. కానీ ప్రభుత్వం తీసుకుంటున్న చర్యలే దాని అభద్రతతను బయటపెడుతున్నాయి’’అని వివరించారు. ఇటీవలి కాలంలో జరిగిన రాష్ట్ర అసెంబ్లీ ఎన్నికల్లో ఓటర్ల జాబితాలో అవకతవకలు చోటు చేసుకున్నాయనేందుకు బలమైన ఆధారాలున్నాయని సోనియా చెప్పారు. ‘‘పార్లమెంటులో ప్రభుత్వం చైనా దురాక్రమణ, ఫెడరల్ స్ఫూర్తిని దెబ్బతీస్తూ తీసుకుంటున్న చట్టాలు, మైనారిటీ హక్కులు, వ్యక్తుల ప్రైవసీ, వంటి అనేకానేక కీలక అంశాలపై చర్చను ఈ ప్రభుత్వం దాటవేస్తోంది. అదే సమయంలో అధికారిక వివరణలను ఏమాత్రం నమ్మశక్యంగా ఉండటం లేదు. ప్రజలు ధరల పెరుగుదల, నిరుద్యోగం, పెచ్చుమీరిన అవినీతికి ప్రభావితమవుతున్నారు కానీ.. మాట్లాడేందుకు భయపడుతున్నారు.’’అన్నారు.బీజేపీ పాలన ప్రభావంపై...పన్నెండేళ్ల భారతీయ జనతా పార్టీ పాలనపై సోనియా స్పందిస్తూ.. నియంతృత్వ ప్రభుత్వాలు ప్రజల తిరుగుబాటును మరింతగా అణచివేసే ప్రయత్నం చేస్తాయని, ప్రస్తుతం దేశంలో అదే జరుగుతోందని అభిప్రాయపడ్డారు. ‘‘..అయితే ఈ ప్రభుత్వం కొనసాగేది కాదు. అధికార దుర్వినియోగం పరిణామాలు ఎదుర్కోక తప్పదు. ఫలితంగా ప్రభుత్వం కూలిపోతుంది. శతాబ్దం క్రితం ప్రపంచమంతా వ్యాపించిన బ్రిటిష్ సామ్రాజ్యం అంతరిస్తుందని ఎవరైనా ఊహించారా? ధోతి మాత్రమే తొడుకున్న ఓ బక్కప్రాణి కోట్లాది మంది ప్రజలను ఏకం చేసి అంతటి మహా సామ్రాజ్య శక్తిని నాశనం చేస్తాడని అనుకున్నారా?’’అని వ్యాఖ్యానించారు. అలాగే 70 ఏళ్ల క్రితం కడు పేదరికంలో స్వాతంత్య్రం సంపాదించుకున్న దేశంలో ప్రజాస్వామ్యం పురుడు పోసుకుంటుందని కూడా ఎవరూ అనుకోలేదని, హోదాలతో విభజితమైన సమాజంలో అందరికీ సమాన ఓటు హక్కు కల్పిస్తుందని.. ప్రజాస్వామ్యం కొనసాగుతుందన్న నమ్మకమే దీర్ఘకాలంలో దేశానికి రక్ష అని కూడా అంచనా వేయలేదని అన్నారు. ప్రస్తుత ప్రభుత్వం ప్రజలను విభజించేందుకు ఎన్ని ప్రయత్నాలు చేస్తున్నా దేశ వైవిధ్యత ముందు ఆ ప్రయత్నాలు సాగవని అన్నారు. దేశంలో ఒక భాష, ఒకే మతం ఉండే దిశగా ఆర్ఎస్ఎస్ ప్రయత్నిస్తోందన్న విషయం తనకు తెలుసునని, అయితే వీటికి గట్టి ప్రతిఘటన ఎదురవుతుందని చెప్పారు.2024 ఫలితాలతో షేక్..2024 నాటి ఎన్నికల సమయంలో ఇండియా కూటమికి ప్రజాదరణ పెరుగుతూండటంతో బీజేపీ షేక్ అవడం మొదలైందని సోనియా తెలిపారు. ‘‘ప్రధాని తటపటాయించడం మొదలుపెట్టారు. మళ్లీ మొరటు ప్రకటనలు చేయడం మొదలుపెట్టారు. మైనార్టీలతో ముప్పు అని తప్పుడు ఆరోపణలు చేశారు. ప్రసంగాల్లో బెదిరింపులు పెరిగాయి. సంబంధం లేని మాటలు మాట్లాడటం మొదలుపెట్టారు. నాన్ బయలాజికల్నని చెప్పుకున్నాడు. ఒకానొక ఇంటర్వ్యూలో తాను దైవాంశ సంభూతుడినని కూడా చెప్పుకున్నారు’’అని విమర్శించారు. దేశ ప్రజలకు ఇవన్నీ అర్థమవుతున్నాయని, మోదీ మాటలు పట్టించుకోకుండా.. ఇండియా కూటమి ఏం చెబుతోందో వినే ప్రయత్నం చేశారని అన్నారు. ఫలితాలు వెలువడిన రోజు మోదీ ప్రయత్నాలన్నింటినీ అధిగమించి ఇండియా కూటమి గణనీయమైన ఫలితాలు సాధించిందని అర్థమైంది. అందుకు రాహుల్, ప్రియాంకలను అభినందించాను అని చెప్పారు. -
రబీలో ఎరువుల సబ్సిడీకి రూ.62,370 కోట్లు
సాక్షి ప్రతినిధి, న్యూఢిల్లీ: అంతర్జాతీయ మార్కెట్లో ఎరువుల ముడిసరుకు ధరలు విపరీతంగా పెరిగినప్పటికీ దేశీయంగా రైతులపై ఎలాంటి భారం పడకుండా డైఅమ్మోనియం ఫాస్ఫేట్(డీఏపీ), పొటాష్ ఎరువులను పాత ధరలకే అందించాలని కేంద్ర మంత్రివర్గం నిర్ణయించింది. 2026–27 రబీ సీజన్లో న్యూట్రియంట్ బేస్డ్ సబ్సిడీ(ఎన్బీఎస్) కింద ఎరువులకు రూ.62,370 కోట్ల భారీ సబ్సిడీ ప్యాకేజీని ప్రకటించింది. గతేడాది రబీ సీజన్లో ఇచ్చిన రూ.37,952 కోట్ల రాయితీతో పోలిస్తే ఇది 64 శాతం ఎక్కువ అని కేంద్ర సమాచార, ప్రసార శాఖ మంత్రి అశ్వినీ వైష్ణవ్ వెల్లడించారు. ప్రధాని నరేంద్ర మోదీ అధ్యక్షతన కేంద్ర కేబినెట్ బుధవారం సమావేశమైంది. ఈ సందర్భంగా పలు కీలక నిర్ణయాలు తీసుకున్నారు. ఈ వివరాలను అశ్వినీ వైష్ణవ్ మీడియా సమావేశంలో వెల్లడించారు. రైతులకు అందుబాటులో ఎరువులు బహిరంగ మార్కెట్లో ధరలు ఎలా ఉన్నప్పటికీ రైతులకు కేవలం రూ.1,350లకే డీఏపీ బస్తా అందించేలా ప్రభుత్వం ప్రత్యేక ఏర్పాట్లు చేసింది. డీఏపీకి వర్తించే ఈ ప్రత్యేక నిబంధనలనే దిగుమతి చేసుకున్న, అలాగే దేశీయ ట్రిపుల్ సూపర్ఫాస్ఫేట్(టీఎస్పీ)పై, దిగుమతి చేసుకున్న మోనోఅమ్మోనియం ఫాస్ఫేట్(ఎంఏపీ)లకు సైతం వర్తింపజేసింది. ప్రతి కిలో నైట్రోజన్కు రూ.94.21, పాస్ఫరస్ రూ.66.11, పొటాషియంకు రూ.2.38, సల్ఫర్కు రూ.10.42 చొప్పున రాయితీని ఖరారు చేసింది. డీఏపీకి ప్రత్యామ్నాయంగా సింగిల్ సూపర్ ఫాస్ఫేట్(ఎస్ఎస్పీ) ఉపయోగించేలా రైతులను ప్రోత్సహించడానికి దానిపై రవాణా రాయితీని కొనసాగించాలని నిర్ణయించింది. అలాగే దేశీయంగా అమ్మోనియం సల్ఫేట్పై సబ్సిడీని కూడా కొనసాగిస్తోంది. స్వయం ఉపాధికి రుణాలు దేశంలో చిన్న వ్యాపారాలను, స్వయం ఉపాధిని ప్రోత్సహించే లక్ష్యంతో రెండు కీలక పథకాలను కేంద్ర ప్రభుత్వం పొడిగించింది. ముద్రా యోజన కింద మైక్రో యూనిట్ల క్రెడిట్ గ్యారంటీ ఫండ్ మరో ఐదేళ్లపాటు రూ.5 వేల కోట్ల వ్యయంతో కొనసాగుతుంది. పీఎం ముద్రా యోజన(పీఎంఎంవై) కింద రూ.20 లక్షల వరకూ, పీఎంజేడీవై ఓవర్డ్రాఫ్ట్లు రూ.10 వేల వరకూ, ఎస్హెచ్జీ రుణాలు రూ.10 లక్షల నుంచి రూ.20 లక్షల వరకూ ఎలాంటి పూచీకత్తు లేకుండా ఎప్పటిలాగే అందుతాయి. అయితే, గ్యారంటీ ఫీజును ఒక శాతం నుంచి 0.75 శాతానికి తగ్గించారు. మహిళలు, ఎస్సీ, ఎస్టీ పారిశ్రామికవేత్తలను ప్రోత్సహించేందుకు ప్రస్తుతం అమల్లో ఉన్న స్టాండ్–అప్ ఇండియా పథకాన్ని మరో ఐదేళ్లపాటు పొడిగించారు. దేశీయ గణాంక వ్యవస్థ ఆధునీకీకరణ భారత గణాంక వ్యవస్థ(డేటా)ను కృత్రిమ మేధ(ఏఐ), మెíషీన్ లెర్నింగ్ టెక్నాలజీతో అనుసంధానిస్తూ డేటా ఆధారిత పాలన, పరిశోధనలను బలోపేతం చేసేందుకు వికసిత్ భారత్ ఇనిషియేటివ్ ఫర్ స్టాటిస్టికల్ ట్రాన్స్ఫర్మేషన్, అనలిటిక్స్ అండ్ రీసెర్చ్(విస్తార్) ప్రాజెక్టుకు కేంద్ర కేబినెట్ ఆమోదం తెలిపింది. 2026–27 నుంచి 2030–31 వరకూ ఐదేళ్ల పాటు రూ.4,371.10 కోట్ల వ్యయంతో ఈ పథకాన్ని అమలు చేయనున్నారు. నోయిడా మెట్రో విస్తరణ దేశ రాజధాని ప్రాంతం(ఎన్సీఆర్)లో ప్రజా రవాణా వ్యవస్థను మరింత సులభతరం చేయడానికి నోయిడా సెక్టార్ 51 నుంచి గ్రేటర్ నోయిడా సెక్టార్ 4 వరకూ రూ.2,390 కోట్లతో మెట్రో రైల్ ప్రాజెక్ట్ను పొడిగించేందుకు కేంద్ర కేబినెట్ గ్రీన్ సిగ్నల్ ఇచ్చింది. -
కేంద్ర కేబినెట్ కీలక నిర్ణయాలు
సాక్షి, న్యూఢిల్లీ: కేంద్ర ప్రభుత్వం పలు కీలక ప్రాజెక్టులు, పథకాలకు ఆమోదం తెలిపింది. ప్రధానమంత్రి నరేంద్ర మోదీ అధ్యక్షతన జరిగిన కేంద్ర కేబినెట్ సమావేశంలో మొత్తం రూ.77,101 కోట్లకు పైగా నిధుల కేటాయింపులకు సంబంధించిన నిర్ణయాలు తీసుకున్నారు. ఇందులో ఢిల్లీలో యుగే యుగీన్ భారత్ మ్యూజియం నిర్మాణం, నోయిడా-గ్రేటర్ నోయిడా మెట్రో విస్తరణ, ఎరువుల సబ్సిడీ, సూక్ష్మ పరిశ్రమలకు క్రెడిట్ గ్యారెంటీ ఫండ్ వంటి అంశాలు ఉన్నాయి.కీలక కేటాయింపులు ఇవే..కేంద్ర కేబినెట్ ఢిల్లీలో యుగే యుగీన్ భారత్ మ్యూజియం ఏర్పాటుకు రూ.3,230 కోట్లు, నోయిడా-గ్రేటర్ నోయిడా మెట్రో విస్తరణ ప్రాజెక్టుకు రూ.2,390 కోట్ల నిధులు , అలాగే రబీ 2026-27 సీజన్కు ఎరువుల సబ్సిడీ కోసం రూ.62,370 కోట్లు కేటాయించింది. అంతేకాదు సూక్ష్మ పరిశ్రమలకు క్రెడిట్ గ్యారెంటీ ఫండ్ కోసం రూ.5,000 కోట్లు, స్టాండ్ అప్ ఇండియా పథకం క్రెడిట్ గ్యారెంటీ ఫండ్ కోసం రూ.4,111 కోట్లను ఆమోదించింది.నోయిడా మెట్రో విస్తరణకు గ్రీన్ సిగ్నల్నోయిడా, గ్రేటర్ నోయిడా ప్రాంతాల్లో ప్రజా రవాణా వ్యవస్థను మరింత మెరుగుపరిచే లక్ష్యంతో ఆక్వా లైన్ మెట్రో విస్తరణకు కేంద్ర కేబినెట్ ఆమోదం తెలిపింది. నోయిడా సెక్టార్-51 నుంచి గ్రేటర్ నోయిడా సెక్టార్-04 వరకు మొత్తం 8.449 కిలోమీటర్ల మేర కొత్త మెట్రో కారిడార్ నిర్మించనున్నారు. ఈ మార్గంలో ఐదు ఎలివేటెడ్ మెట్రో స్టేషన్లను ఏర్పాటు చేయనున్నారు.ఇక ఈ విస్తరణ పూర్తయితే నోయిడా, గ్రేటర్ నోయిడా పరిధిలోని మొత్తం మెట్రో నెట్వర్క్ 71.878 కిలోమీటర్లకు చేరుకోనుంది. నోయిడా సెక్టార్-61 వద్ద బ్లూ లైన్ మెట్రోతో ఇంటర్చేంజ్ సదుపాయం అందుబాటులోకి రానుంది. దీంతో ప్రయాణికులు ఇతర ప్రాంతాలకు సులభంగా చేరుకునే అవకాశం ఉంటుంది.ప్రధాన వాణిజ్య ప్రాంతాలకు మెరుగైన కనెక్టివిటీకొత్త మెట్రో కారిడార్తో గౌర్ సిటీ, గౌర్ సిటీ మాల్స్, బ్లూ సఫైర్ మాల్, ఐకియా వంటి ప్రధాన వాణిజ్య ప్రాంతాలకు మెరుగైన రవాణా సౌకర్యం కలగనుంది. అంతేకాకుండా ఐటీ కంపెనీలు, విద్యాసంస్థలు, ఆసుపత్రులు, ప్రధాన నివాస ప్రాంతాలకు మెట్రో కనెక్టివిటీ పెరగనుంది. ఈ ప్రాజెక్టు అందుబాటులోకి వస్తే రోడ్లపై ట్రాఫిక్ రద్దీ తగ్గడంతో పాటు ప్రయాణ సమయం కూడా ఆదా కానుంది. వాహనాల వినియోగం తగ్గడంతో వాయు కాలుష్యం, కార్బన్ ఉద్గారాలను నియంత్రించేందుకు కూడా దోహదపడే అవకాశం ఉంది. ఈ ప్రాంతాల్లో మెట్రో విస్తరణతో వాణిజ్య కార్యకలాపాలు, పెట్టుబడులు పెరగడంతో పాటు స్థానికంగా ఉపాధి అవకాశాలు మెరుగుపడతాయని కేంద్ర ప్రభుత్వం భావిస్తోంది.ఇదీ చదవండి: జమ్మూకశ్మీర్లో ఉగ్రదాడి -
ప్రధాని మోదీ టీ తాగిన ఇంట్లో.. ఆర్థిక వేధింపులు!
అయోధ్య: 2023 డిసెంబర్ 30.. అయోధ్యలో రామమందిర ప్రారంభోత్సవానికి కొద్ది రోజుల ముందు ప్రధానమంత్రి నరేంద్ర మోదీ ఓ సామాన్యురాలి ఇంటికి అనూహ్యంగా వెళ్లారు. ఉజ్వల యోజనలో 10 కోట్లవ లబ్ధిదారురాలిగా నిలిచిన మీరా మాంఝీ ఇంట్లో టీ తాగి ఆమె కుటుంబాన్ని పలకరించారు. అప్పట్లో ఈ పర్యటన దేశవ్యాప్తంగా చర్చనీయాంశమైంది. కానీ ఇప్పుడు అదే కుటుంబం అప్పుల ఊబిలో చిక్కుకుందని కాంగ్రెస్ నేతలు ఆరోపిస్తున్నారు.మీరా మాంఝీ గతంలో అయోధ్యలోని ఘాట్ వద్ద పూలు అమ్ముకుంటూ జీవనం సాగించేవారు. ఆమె భర్త సూరజ్ కుమార్ మాంఝీ కూలి పనులు చేసేవారు. ప్రధాని పర్యటన తర్వాత జిల్లా కలెక్టర్, బ్యాంకు అధికారులు సహా పలువురు తమ ఇంటికి వచ్చారని మీరా తెలిపారు. తనకు పూలు అమ్ముకునేందుకు శాశ్వత స్థలం, భర్తకు పడవ తయారు చేయించుకునేందుకు సహాయం చేస్తామని హామీ ఇచ్చారని చెప్పారు. అయితే ఉద్యోగం కల్పించాల్సిందిపోయి రుణం తీసుకోవాలని సూచించారని ఆరోపణలు వినిపిస్తున్నాయి.ఉద్యోగం అడిగితే.. అప్పు ఇచ్చారు!ప్రభుత్వం నుంచి తాము డబ్బులు అడగలేదని, జీవనోపాధి కల్పించాలని మాత్రమే కోరామని మీరా వెల్లడించారు. పూలు అమ్ముకునేందుకు కేటాయించిన స్థలంలో వ్యాపారం చేసుకోవడానికి రూ.5 వేలు చెల్లించాల్సి వచ్చిందని కూడా ఆరోపించారు. ఈ విషయాన్ని అధికారుల దృష్టికి తీసుకెళ్లినా పరిష్కారం లభించలేదని, చివరకు పూల వ్యాపారాన్ని నిలిపివేయాల్సి వచ్చిందని ఆమె చెప్పారు.పడవ ఆదాయం సరిపోక.. పెరిగిన అప్పులుభర్త పడవ నడుపుతూ సంపాదిస్తున్నప్పటికీ వరదలు, ఇతర పరిస్థితుల కారణంగా ఆదాయం క్రమంగా తగ్గిందని మీరా తెలిపారు. అయోధ్య నుంచి వారణాసి వరకు నడుస్తున్న పెద్ద క్రూయిజ్లు, మోటార్ బోట్ల కారణంగా సంప్రదాయ పడవ నడిపేవారి వ్యాపారాలు దెబ్బతిన్నాయని చెప్పారు. ప్రధానమంత్రి ఉపాధి కల్పన కార్యక్రమం కింద సూరజ్కు రెండు విడతల్లో రూ.2,61,250, రూ.23,750 రుణంగా మంజూరయ్యాయి. ఈ డబ్బుతో పడవ తయారు చేయించుకున్నారు. అయితే రూ.2,04,616 బకాయి చెల్లించలేకపోవడంతో రుణం నిరర్థక ఆస్తిగా మారింది. 2026 జులై 5న బ్యాంకు నోటీసు జారీ చేసినట్లు బీబీసీ హిందీ కథనం పేర్కొంది.ముగ్గురు పిల్లలతో అప్పుల బాధలుఅక్టోబర్ 28న ఉత్తరప్రదేశ్ యువజన కాంగ్రెస్ ఉపాధ్యక్షుడు శరద్ శుక్లా నిర్వహించిన మీడియా సమావేశంలో మీరా దంపతులు తమ సమస్యలను వెల్లడించారు. ముగ్గురు పిల్లలతో ఉన్న ఈ కుటుంబం కనీస అవసరాలు తీర్చుకోవడానికీ ఇబ్బంది పడుతోందని, రుణ వసూలు ఏజెంట్ల నుంచి ఒత్తిడి ఎదుర్కొంటోందని శుక్లా ఆరోపించారు. కాగా మీరాకు సమాజ్వాదీ పార్టీ మాజీ మంత్రి పవన్ పాండే రూ.50 వేలు, అయోధ్య బీజేపీ మేయర్ గిరీశ్ పతి త్రిపాఠి రూ.60 వేలు ఆర్థిక సాయం అందించినట్లు తెలుస్తున్నది.కాగా ఈ వ్యవహారంపై ప్రతిపక్షాలు అనవసర వివాదం సృష్టిస్తున్నాయని మేయర్ త్రిపాఠి అన్నారు. ప్రధాని పర్యటన తర్వాత ఆ కుటుంబానికి ప్రధానమంత్రి ఆవాస్ యోజన కింద ఇల్లు, ఉజ్వల యోజన కింద గ్యాస్ కనెక్షన్, ఆయుష్మాన్ యోజన కింద ఆరోగ్య కార్డు అందించామని వివరించారు. పడవ మరమ్మతుల కోసం పీఎం స్వనిధి కింద రూ.25 వేల రుణం, మరో రూ.3 లక్షల రుణం కూడా మంజూరైనట్లు తెలిపారు. ఇందులో రూ.75 వేల సబ్సిడీ ఉందని, మిగిలిన రుణ వాయిదాలు చెల్లించలేక కుటుంబం ఇబ్బంది పడుతోందని చెప్పారు.ఇదీ చదవండి: ఎర్రకోట పేలుడుకు ఏడాది.. ఎన్ఐఏ దర్యాప్తులో సంచలన విషయాలు! -
ఇక.. దిమాగీ నక్సల్స్ మిగిలారు
జగదల్పూర్: దేశంలో సాయుధ మావోయిస్టులను తుడిచిపెట్టగలిగినా దిమాగీ నక్సలైట్లు వేర్వేరు రాజకీయ పార్టీల్లోకి చొరబడి ప్రజలను రాజ్యాంగం, ప్రజాస్వామ్యాలకు వ్యతిరేకంగా ఉసిగొల్పుతున్నారని ప్రధాని నరేంద్ర మోదీ ఆరోపించారు. ఇలాంటి వారిని గుర్తించి ఓడించాలని తద్వారా దేశాన్ని రక్షించుకోవాలని ఆయన వ్యాఖ్యానించారు. ఛత్తీస్గఢ్లోని బస్తర్ ప్రాంతంలో సీఆర్పీఎఫ్ జవాన్ల మధ్య ఆదివారం దీపావళి వేడుకలు జరుపుకున్న ప్రధాని మాట్లాడుతూ నక్సలిజమ్ ముప్పు పూర్తిగా తొలగిపోలేదని, వేర్పాటువాదులకు, నక్సలైట్ల ఫండింగ్పై కేంద్రం నిర్ణయాత్మకమైన చర్యలు తీసుకుందని ప్రధాని చెప్పారు. దేశంలో నక్సలిజమ్ అంతమైనట్లు కేంద్ర ప్రభుత్వం ఈ ఏడాది మార్చి 31వ తేదీన ప్రకటించిన సంగతి తెలిసిందే. మావోయిస్టు ఉగ్రవాదం అంతం ఈ దేశం సాధించిన విజయమని, ప్రభుత్వం తగిన నిర్ణయాలు తీసుకోవడం రాజకీయ సంకల్పంతోనే సాధ్యమైందని చెప్పారు. అయితే కొంతమంది దిమాగీ నక్సల్స్ దేశంలోని పలు సంస్థల్లో పట్టు సాధించారని అన్నారు. ఈ రోజుకు కూడా వారు ప్రజలను రాజ్యాంగానికి, ప్రజాస్వామ్యానికి వ్యతిరేకంగా ఉసికొల్పుతున్నారని ఆరోపించారు. -
యుద్ధంపై జెలెన్స్కీతో ప్రధాని మోదీ కీలక చర్చ
సాక్షి, న్యూఢిల్లీ: రష్యా-ఉక్రెయిన్ యుద్ధానికి ముగింపు పలికేందుకు భారత్ సిద్ధంగా ఉందని ప్రధాని నరేంద్ర మోదీ పునరుద్ఘాటించారు. సోమవారం ఉక్రెయిన్ అధ్యక్షుడు వొలోదిమిర్ జెలెన్స్కీతో మోదీ ఫోన్లో మాట్లాడారు. యుద్ధాన్ని చర్చలు, దౌత్య మార్గాల ద్వారా శాంతియుతంగా పరిష్కరించుకోవాలని సూచించారు. ఈ విషయంలో భారత్ తన వంతు సహకారం అందించేందుకు సిద్ధంగా ఉందని మోదీ తెలిపారు.అబుదాబిలో నవంబర్ 10, 11 తేదీల్లో అమెరికా మధ్యవర్తిత్వంతో జరగనున్న రష్యా-ఉక్రెయిన్ చర్చలకు సంబంధించిన తాజా పరిణామాలను మోదీకి వివరించినట్లు జెలెన్స్కీ వెల్లడించారు. యుద్ధాన్ని ముగించేందుకు రష్యా కూడా సానుకూలంగా స్పందించాలని కోరారు. నల్ల సముద్రం మీదుగా ధాన్యం ఎగుమతులకు ఎదురవుతున్న ఆటంకాలు, ఆహార భద్రత అంశాలపై ఇరువురు చర్చించారు. ఆహార రవాణా మార్గాల ఏర్పాటులో భారత్ మధ్యవర్తిత్వం వహించేందుకు సిద్ధంగా ఉందని జెలెన్స్కీ పేర్కొన్నారు.I spoke with Prime Minister of India Narendra Modi @narendramodi and briefed him on the latest diplomatic developments. We are actively preparing on every item on the agenda for the meeting in Abu Dhabi. Ukraine has always taken a constructive approach, and Russia must show the same readiness to de-escalate. The Prime Minister has said more than once, including directly to the Russian leader, that now is the time to end the war, not to continue it. It is important that India identify what steps it can take and what dialogue it can pursue with other leaders to help bring the war to an end. Food security could be one such area. We discussed Russia's blocking of grain exports via the Black Sea. India is ready to mediate in establishing food corridors, and we are counting on these efforts to continue. Russia must understand that the global economy and hundreds of millions of people around the world are suffering because of blocked sea routes. We agreed that our teams will stay in touch on these and other bilateral issues.— Volodymyr Zelenskyy / Володимир Зеленський (@ZelenskyyUa) November 9, 2026ఇక మరోవైపు రష్యా-ఉక్రెయిన్ యుద్ధానికి త్వరలోనే ముగింపు లభిస్తుందని అమెరికా అధ్యక్షుడు డొనాల్డ్ ట్రంప్ ఆశాభావం వ్యక్తం చేశారు. ఉక్రెయిన్ అధ్యక్షుడు జెలెన్స్కీ, రష్యా అధ్యక్షుడు పుతిన్ మధ్య ఉన్న తీవ్ర విభేదాలే శాంతి ఒప్పందానికి ప్రధాన అడ్డంకిగా మారాయని ఆయన అభిప్రాయపడ్డారు. తాను ఈ యుద్ధం ముగింపునకు చాలా దగ్గరగా ఉన్నామని భావిస్తున్నట్లు ట్రంప్ తెలిపారు.ఇదీ చదవండి: జెన్సన్ హువాంగ్కు ఎలాన్ మస్క్ మద్దతు -
మోదీకి రాహుల్ గాంధీ సవాల్
సాక్షి, న్యూఢిల్లీ: ప్రధాని నరేంద్ర మోదీ చేసిన ‘దిమాగీ నక్సల్స్’ వ్యాఖ్యలపై కాంగ్రెస్ అగ్రనేత రాహుల్ గాంధీ తీవ్రంగా స్పందించారు. తనను నక్సలైట్గా అభివర్ణించడంపై ఆయన మండిపడ్డారు. జాతి వ్యతిరేకులు ఎవరు? విదేశీ శక్తుల నియంత్రణలో ఉన్నది ఎవరు? అనే అంశాలపై తనతో బహిరంగ చర్చకు రావాలని మోదీకి సవాల్ విసిరారు.‘ప్రధాని చెప్పిన అబద్ధాలను మీరు నమ్మలేదని మీ ముఖాలే చెబుతున్నాయి. ఆయన మమ్మల్ని నక్సలైట్లు అన్నారు. నా సవాల్ అలాగే ఉంది. ఎప్పుడైనా, ఎక్కడైనా చర్చకు సిద్ధం’ అని రాహుల్ ఎక్స్లో పోస్టు చేశారు. అయితే ఈ చర్చ జరిగితే తర్వాత ప్రధాని ఏ ఒక్క జవాన్ ఎదుట నిలబడే ధైర్యం కూడా చేయలేరని రాహుల్ వ్యాఖ్యానించారు.Dear @crpfindia, Your faces said it all: you didn't buy the PM's lies. He called us Naxals. My challenge stands. Let him debate me on who is anti-national and who is controlled by foreign forces. Any time, any place. My guarantee: after the debate, the PM won't have the guts to stand in front of a single jawan again. प्रिय @crpfindia के जवानों, आपके चेहरों ने सब बता दिया - आपको प्रधानमंत्री के झूठ पर भरोसा नहीं। उन्होंने हमें नक्सली कहा। मेरी चुनौती क़ायम है। वो मुझसे बहस करें - देशद्रोही कौन है और विदेशी ताक़तों के इशारे पर कौन चल रहा है। कोई भी समय, किसी भी जगह। मेरी गारंटी: उस बहस के बाद प्रधानमंत्री में एक भी जवान के सामने खड़े होने की हिम्मत नहीं होगी।— Rahul Gandhi (@RahulGandhi) November 9, 2026ఛత్తీస్గఢ్లోని బస్తర్లో సైనికులతో దీపావళి జరుపుకున్న సందర్భంగా మోదీ మాట్లాడుతూ.. సాయుధ నక్సలిజం తగ్గినా, పలు సంస్థలు, రాజకీయ పార్టీల్లో ‘దిమాగీ నక్సల్స్’ చొరబడి రాజ్యాంగం, ప్రజాస్వామ్యానికి వ్యతిరేకంగా ప్రజలను రెచ్చగొడుతున్నారని ఆయన ఆరోపించారు. ఈ వ్యాఖ్యల నేపథ్యంలో మోదీ, రాహుల్ మధ్య రాజకీయ విమర్శలు మరోసారి వేడెక్కాయి.ఇదీ చదవండి: జెన్సన్ హువాంగ్కు ఎలాన్ మస్క్ మద్దతు -
ఆధార్ తో పని లేదు సంక్షేమ పథకాలకు కొత్త కార్డు..!
-
షేక్ హసీనాకు భారీ షాక్.. భారత్ కీలక నిర్ణయం?
ఢాకా: బంగ్లాదేశ్ మాజీ ప్రధాని షేక్ హసీనా వ్యవహారం మరోసారి చర్చనీయాంశంగా మారింది. భారత్లో ఆశ్రయం పొందుతున్న ఆమెను తిరిగి స్వదేశానికి తీసుకొచ్చేందుకు అన్ని ప్రయత్నాలు చేస్తున్నామని బంగ్లాదేశ్ న్యాయశాఖ మంత్రి అసదుజ్జమాన్ వెల్లడించారు. ఈ విషయంలో ఇప్పటికే భారత్కు పలుమార్లు విజ్ఞప్తి లేఖలు పంపినా సమాధానం రాలేదని అసంతృప్తి వ్యక్తం చేశారు. హసీనాను తమ దేశ ట్రైబ్యునల్ దోషిగా నిర్ధారించిందని, అందువల్ల ఆమెను ఎప్పటికైనా బంగ్లాదేశ్కు తీసుకొచ్చి తగిన శిక్ష విధిస్తామని మంత్రి స్పష్టం చేశారు. ఆమె తమ దేశ ప్రజల దృష్టిలో నేరస్థురాలని ఘాటు వ్యాఖ్యలు చేశారు.అప్పగిస్తే చట్టప్రకారమే చర్యలు!హసీనా ప్రస్తుతం మరో దేశంలో ఉన్నందున ఆమె అప్పగింత వ్యవహారాన్ని హోం మంత్రిత్వ శాఖ పర్యవేక్షిస్తోందని అసదుజ్జమాన్ తెలిపారు. ఒకవేళ భారత్ ఆమెను అప్పగిస్తే ఎలాంటి భావోద్వేగాలకు తావివ్వకుండా చట్టప్రకారమే వ్యవహరిస్తామని చెప్పారు. న్యాయపరమైన నిబంధనలను ఉల్లంఘించేలా ఎలాంటి చర్యలూ తీసుకోబోమని స్పష్టం చేశారు.హసీనాను భారత్ నుంచి బంగ్లాదేశ్కు అప్పగించాలని కోరుతూ ఇప్పటికే దౌత్యపరమైన మార్గాల్లో ప్రయత్నాలు చేసినట్లు బంగ్లాదేశ్ వెల్లడిస్తోంది. భారత్-బంగ్లాదేశ్ మధ్య ఉన్న నేరస్తుల అప్పగింత ఒప్పందం (Extradition Treaty) ఆధారంగా ఆమెను తిరిగి పంపించాలని ఢాకా కోరుతోంది. అయితే ఈ విజ్ఞప్తులపై భారత్ తుది నిర్ణయం ప్రకటించకపోవడంతో ఈ వ్యవహారం ఇంకా కొలిక్కి రాలేదు. భారత్ విదేశాంగ శాఖ గతంలో బంగ్లాదేశ్ పంపిన విజ్ఞప్తులు అందాయని, వాటిని పరిశీలిస్తున్నట్లు తెలిపింది. ఈ నేపథ్యంలో హసీనా అప్పగింతపై భారత్ ఎలాంటి నిర్ణయం తీసుకుంటుందన్నది ఆసక్తికరంగా మారింది.2025లో మరణశిక్ష.. భారత్కు అప్పగింత విజ్ఞప్తిహసీనాపై బంగ్లాదేశ్లో జరిగిన విచారణ ఈ వ్యవహారంలో కీలక మలుపుగా మారింది. 2025 నవంబర్ 17న బంగ్లాదేశ్ అంతర్జాతీయ నేరాల ట్రైబ్యునల్ (International Crimes Tribunal) ఆమెను మానవత్వానికి వ్యతిరేకంగా నేరాలకు పాల్పడినట్లు నిర్ధారిస్తూ ఆమె గైర్హాజరీలో తీర్పు వెలువరించింది. ఈ కేసులో ఆమెకు ఒక అభియోగంపై మరణశిక్ష, మరో అభియోగంపై జీవిత ఖైదు విధించింది. అప్పటి హోంమంత్రి అసదుజ్జమాన్ ఖాన్ కమాల్కు కూడా మరణశిక్ష విధించింది.తీర్పు అనంతరం హసీనాను భారత్ నుంచి తిరిగి రప్పించేందుకు బంగ్లాదేశ్ దౌత్యపరమైన ప్రయత్నాలను మరింత ముమ్మరం చేసింది. భారత్కు అధికారికంగా అప్పగింత విజ్ఞప్తులు పంపించింది. అయితే హసీనా ఈ విచారణను రాజకీయ ప్రేరేపితమైనదిగా అభివర్ణిస్తూ ఆరోపణలను ఖండించారు. ఐక్యరాజ్యసమితి కూడా విచారణలో అంతర్జాతీయ న్యాయ ప్రమాణాలు, న్యాయమైన విచారణ హక్కులపై ఆందోళనలు వ్యక్తం చేసింది.భారత్ ప్లానేంటి?ఇప్పుడు అందరి దృష్టి భారత ప్రభుత్వ నిర్ణయంపైనే ఉంది. భారత్, బంగ్లాదేశ్ మధ్య అప్పగింత ఒప్పందం ఉన్నప్పటికీ, ఒక వ్యక్తిని అప్పగించే ప్రక్రియలో ఒప్పందంలోని నిబంధనలు, చట్టపరమైన అంశాలు, సంబంధిత అభ్యర్థనల పరిశీలన కీలకంగా ఉంటాయి. బంగ్లాదేశ్ మాత్రం హసీనాను తిరిగి తీసుకురావాలన్న పట్టుదలతో ఉంది. మరోవైపు భారత్ ఈ వ్యవహారంపై తన దౌత్య, న్యాయపరమైన ప్రక్రియలను అనుసరిస్తోంది. మొత్తంగా చూస్తే.. షేక్ హసీనా అప్పగింత వ్యవహారం కేవలం ఒక మాజీ ప్రధానమంత్రి స్వదేశానికి తిరిగి రావడానికి సంబంధించిన అంశం మాత్రమే కాదు. భారత్-బంగ్లాదేశ్ ద్వైపాక్షిక సంబంధాలు, దౌత్యపరమైన నిర్ణయాలు, అంతర్జాతీయ న్యాయ ప్రమాణాలతో ముడిపడిన అత్యంత కీలకమైన వ్యవహారంగా మారింది. హసీనాను భారత్ అప్పగిస్తుందా? లేక ఆమె భారత్లోనే కొనసాగుతారా? అన్నది రానున్న రోజుల్లో ఆసక్తికరంగా మారనుంది.ఇదీ చదవండి: సౌదీ గుండెల్లో గుబులు.. గల్ఫ్లో యుద్ధ మేఘాలు! -
మోదీకి సీఎం విజయ్ రాసిన లేఖపై డీకే శివకుమార్ ఆగ్రహం
కావేరి నదిపై మేకెదాటు జలాశయం నిర్మించేందుకు ఎవరి అనుమతీ అవసరం లేదని కర్ణాటక ముఖ్యమంత్రి డీకే శివకుమార్ స్పష్టం చేశారు. ఈ ప్రాజెక్టుకు ఇతర కావేరి పరివాహక రాష్ట్రాల అంగీకారం తప్పనిసరి చేయాలని ప్రధానమంత్రి నరేంద్ర మోదీకి తమిళనాడు ముఖ్యమంత్రి సి. జోసెఫ్ విజయ్ లేఖ రాసిన నేపథ్యంలో ఆయన ఈ వ్యాఖ్యలు చేశారు.మేకెదాటు ఆనకట్ట నిర్మాణానికి తమిళనాడుతో పాటు ఇతర కావేరి పరివాహక రాష్ట్రాల సమ్మతి లేకుండా కర్ణాటకకు ఎలాంటి అనుమతులు మంజూరు చేయవద్దని విజయ్ తన లేఖలో ప్రధానిని కోరారు. దీనిపై ఆదివారం స్పందించిన శివకుమార్.. భూమి చట్టాల గురించి తమిళనాడు ముఖ్యమంత్రికి తెలిసి ఉంటుందని ఆశిస్తున్నట్లు చెప్పారు. మేకెదాటు ప్రాజెక్టు నిర్మాణానికి ఎవరి అనుమతీ అవసరం లేదన్నారు.''సుప్రీంకోర్టు ఇప్పటికే కర్ణాటకకు తన భూభాగంలో ఆనకట్ట నిర్మించుకునే అర్హత ఉందని స్పష్టం చేసింది. అయితే తమిళనాడుకు 177 టీఎంసీల నీటిని అందించాలనే షరతు విధించింది. అదే నిబంధన'' అని ఆయన పేర్కొన్నారు. మేకెదాటు జలాశయం వల్ల కర్ణాటక కంటే తమిళనాడుకే ఎక్కువ ప్రయోజనం కలుగుతుందని శివకుమార్ అభిప్రాయపడ్డారు. ''ఇది నీటి సమతుల్యతను కాపాడే జలాశయం. దీనివల్ల తమిళనాడుకే ఎక్కువ మేలు జరుగుతుంది'' అని వివరించారు.పర్యావరణ నిబంధనలను పాటించేందుకు పరిహార అటవీకరణ (నరికిన అడవుల స్థానంలో మరోచోట చెట్ల పెంపకం) కోసం 5,400 హెక్టార్ల అటవీ భూమిని గుర్తించినట్లు తెలిపారు. ఈ ప్రక్రియ ప్రస్తుతం కొనసాగుతోందని, అది పూర్తయిన తర్వాత అనుమతుల కోసం జలవనరుల సంఘాన్ని సంప్రదిస్తామని వెల్లడించారు.జలాశయంలో నిల్వ చేసే నీటిని దుర్వినియోగం చేయబోమని విజయ్కు శివకుమార్ హామీ ఇచ్చారు. ''తమిళనాడు ముఖ్యమంత్రికి విజ్ఞప్తి చేస్తున్నా. మీరు ఒక బృందాన్ని పంపించండి. మేం ఈ నీటిని దుర్వినియోగం చేయం. ఇచ్చిన మాటకు కట్టుబడి ఉంటాం'' అని చెప్పారు. కర్ణాటక, తమిళనాడు మధ్య నీటి విషయంలో ఘర్షణలకు తావులేదని ఆయన అన్నారు. ''పోరాటాలు చేసుకునే రోజులు ముగిశాయి. సుప్రీంకోర్టు తీర్పు ఇచ్చింది. మనం చట్టాన్ని గౌరవించాలి. కలిసి పనిచేయాలి. నీటిని పంచుకోవాలి'' అని పిలుపునిచ్చారు.కావేరి నది కర్ణాటక, తమిళనాడు, పుదుచ్చేరి, కేరళ రాష్ట్రాల్లో తాగునీరు, వ్యవసాయం, పశుపోషణ, పరిశ్రమలకు కీలకమైన వనరు అని శివకుమార్ గుర్తుచేశారు. కావేరి పరివాహక ప్రాంతాన్ని దేశానికి లభించిన వరంగా అభివర్ణించారు. రెండు రాష్ట్రాల మధ్య సంబంధాలను బలోపేతం చేస్తూ రైతుల సంక్షేమం కోసం కలిసి పనిచేయాలని విజయ్ను కోరారు.మేకెదాటు ప్రాజెక్టుపై కర్ణాటక, తమిళనాడు ప్రభుత్వాల మధ్య నెలకొన్న విభేదాల నేపథ్యంలో.. ఈ విషయంలో కేంద్ర ప్రభుత్వం, జలవనరుల సంఘం తదుపరి నిర్ణయాలు కీలకంగా మారనున్నాయి. -
మావోయిస్టుల కంచుకోటలో మోదీ దీపావళి వేడుకలు
ఛత్తీస్గఢ్: బస్తర్లో ప్రధాని నరేంద్ర మోదీ ఇవాళ(ఆదివారం) పర్యటించారు. గతంలో మావోయిస్టు ప్రాబల్యం ఉన్న బస్తర్లో తొలిసారి పర్యటించిన మోదీ.. మావోయిస్టు కంచుకోటలో భద్రతా సిబ్బందితో కలిసి దీపావళి వేడుకలు జరుపుకున్నారు. ఈ సందర్భంగా ప్రధాని మాట్లాడుతూ.. నక్సల్స్ ఏరివేతతో బస్తర్లో అభివృద్ధికి బాటలు పడ్డాయన్నారు.బస్తర్ ఇప్పుడు నక్సల్స్ రహితంగా మారింది. దేశ రక్షణకు అహర్నిశలు శ్రమిస్తున్న భద్రతా సిబ్బందికి, అమరవీరులకు సెల్యూట్. బస్తర్ రీజియన్లో భద్రతా బలగాలు సాధించిన పురోగతి అభినందనీయం. గత 12 నెలలుగా ఎలాంటి ప్రాణనష్టం లేకుండా సీఆర్పీఎఫ్ రికార్డు సాధించింది. మీరంతా నా కుటుంబం.. ఈ దీపావళిని బస్తర్ అడవుల్లో మీ మధ్య జరుపుకోవడానికి వచ్చా. నక్సలిజంపై గత ప్రభుత్వాలు ఉదారంగా వ్యవహరించాయి. నక్సలిజంను నిర్మూలించడంలో గత ప్రభుత్వాలు విఫలమయ్యాయి’’ అని ప్రధాని మోదీ పేర్కొన్నారు.ప్రధాని నరేంద్ర మోదీ ఛత్తీస్గఢ్లోని బస్తర్కు బయలుదేరే ముందు ఎక్స్ వేదికగా ఓ పోస్ట్ చేశారు. ‘‘మన ధైర్యవంతులైన భద్రతా బలగాలతో కలిసి దీపావళి జరుపుకునేందుకు బస్తర్కు వెళ్తున్నాను. ఒకప్పుడు ఈ ప్రాంతంలో నక్సలిజం ప్రాబల్యం ఉండేది. ఇప్పుడు ఇక్కడ అభివృద్ధి వెల్లివిరుస్తోంది. దేశం కోసం మన భద్రతా సిబ్బంది చేస్తున్న త్యాగాలు, నిస్వార్థ సేవ, అచంచలమైన అంకితభావానికి సెల్యూట్ చేసేందుకు వెళ్తున్నాను’’ అంటూ మోదీ ట్వీట్ చేశారు.ఇదీ చదవండి: చైనా సరిహద్దుల్లో వాయుసేన పాగా! -
2029లో మోదీ సర్కార్ ఓటమి తథ్యం
కొచ్చి: 2029 లోక్సభ ఎన్నికల్లో నరేంద్ర మోదీ ప్రభుత్వం కచ్చితంగా ఓడిపోతుందని కాక్రోచ్ జనతా పారీ్ట(సీజేపీ) వ్యవస్థాపకుడు అభిజీత్ దీప్కే తేల్చిచెప్పారు. కేంద్రంలో ప్రభుత్వం మారడం ఖాయమని అన్నారు. మార్పునకు ప్రజలు సిద్ధంగా ఉండాలని పిలుపునిచ్చారు. ఓటర్ల జాబితా ప్రత్యేక సమగ్ర సవరణ(ఎస్ఐఆర్)తోపాటు ప్రధాన ఎన్నికల కమిషనర్(సీఈసీ) జ్ఞానేశ్ కుమార్కు వ్యతిరేకంగా శనివారం కేరళంలోని కొచ్చిలో నిర్వహించిన ‘జంతర్మంతర్ ఎట్ కొచ్చి’నిరసన కార్యక్రమంలో దీప్కే ప్రసంగించారు. ప్రభుత్వ మార్పు ఎన్నికల ద్వారానే సాధ్యమవుతుందని పేర్కొన్నారు. దేశంలో స్వతంత్ర, నిష్పక్షపాత ఎన్నికల వ్యవస్థ ఉండాలని డిమాండ్ చేశారు. మోదీ అధికారంలో కొనసాగుతారని బీజేపీ చేస్తున్న ప్రచారాన్ని, వాదనను ప్రస్తావించారు. ‘‘2029 కోసం సిద్ధంగా ఉండండి. మోదీ కచ్చితంగా దిగిపోతారు’’అని పేర్కొన్నారు. ఎన్నికల ప్రక్రియ నిష్పక్షపాతంగా సాగాలంటే జ్ఞానేశ్ కుమార్ రాజీనామా చేయాలని పునరుద్ఘాటించారు. ‘‘జ్ఞానేశ్ కుమార్ పదవి నుంచి తప్పుకోవాలి. ఆయన వెళ్తే, నరేంద్ర మోదీ కూడా వెళ్లిపోతారు’’అని స్పష్టంచేశారు. సీఈసీని కాపాడేందుకు మోదీ ప్రభుత్వం దేశంలోని యువతపైనే యుద్ధం చేస్తోందని దీప్కే మండిపడ్డారు. ప్రధానమంత్రికి జ్ఞానేశ్ కుమార్ ఎందుకు అంత ముఖ్యమైన వ్యక్తి అయ్యారని ప్రశ్నించారు. ఎన్ని అరెస్టులు చేసినా జాతీయ పతాకాన్ని వదలను కేంద్ర ప్రభుత్వం తనను ఎన్నిసార్లు అరెస్ట్ చేసినా సరే.. జాతీయ పతాకంతోనే దేశం మొత్తం పర్యటిస్తానని అభిజీత్ దీప్కే స్పష్టం చేశారు. భారతీయ జనతా పార్టీ, ప్రధాని నరేంద్ర మోదీలు ప్రజల ఆహార అలవాట్లు, వ్యక్తిగత సంబంధాలు, ఓటు హక్కులను నియంత్రించే ప్రయత్నం చేస్తున్నారని ఆరోపించారు. జ్ఞానేశ్ కుమార్కు వ్యతిరేకంగా ఉద్యమం కొనసాగుతుందని తెలిపారు. దేశంలో స్వతంత్ర, నిష్పాక్షిక ఎలక్టోరల్ వ్యవస్థ ఏర్పాటయ్యేంత వరకూ ఈ పోరాటం కొనసాగుతుందని అన్నారు. ఢిల్లీలోని జంతర్ మంతర్లో ప్రవేశించి జాతీయ పతాకాన్ని ఎగురవేసినందుకు తనను, తన ఇద్దరు సోదరులు సౌరవ్దాస్, అశుతోష్ రాంకాలను అరెస్ట్ చేయడాన్ని ప్రస్తావిస్తూ... ఇకపై ఎక్కడికెళ్లినా త్రివర్ణ పతాకాన్ని తీసుకెళతానని ప్రకటించారు. ‘‘తివర్ణ పతాకాన్ని ఎగురవేసినందుకు నేను జైలుకు వెళ్లాల్సి వచ్చింది. సోదరులు సౌరవ్, అశుతోష్ కూడా ఈ కారణంగానే జైలుకు వెళ్లారు. ఇలాంటి ఘటన చివరిగా జరిగింది బ్రిటిష్ పాలనలోనే’’అని అన్నారు. మోదీ ప్రభుత్వాన్ని, బ్రిటిష్ పాలనను పోలుస్తూ.. ప్రస్తుత ప్రభుత్వం వ్యక్తుల స్వేచ్ఛను నియంత్రించే ప్రయత్నం చేస్తోందని ఆరోపించారు. ‘‘నరేంద్ర మోదీకి ఒక విషయం చెప్పదలచుకున్నా. ఎక్కడికెళ్లినా ఈ త్రివర్ణ పతాకాన్ని తీసుకువెళతా. దేశంలోని ప్రతిచోటకూ. కావాలంటే అరెస్ట్ చేసుకో. ఢిల్లీ, మహారాష్ట్ర, కేరళం లేదా తమిళనాడు ఎక్కడైనా అరెస్ట్ చేసుకో. దేశంలోని ఏ ప్రాంతంలోనైనా అరెస్ట్ చేసుకో. వెనక్కు వస్తా. మళ్లీ త్రివర్ణ పతాకాన్ని ఎగురవేస్తా’’అని సవాలు విసిరారు. కేంద్రం క్రమేపీ ఏం తినాలో? ఎవర్ని పెళ్లి చేసుకోవాలో? ఎవరికి ఓటేయాలో కూడా నియంత్రించే దిశగా వెళుతోందని దీప్కే ఆరోపించారు. ఎన్నికల ఫలితాలను ప్రభావితం చేసేందుకే ఓటర్ల జాబితా ప్రత్యేక సవరణ (సర్)ను చేపట్టారని ఆరోపించారు. -
ప్రజలందరి జీవితాల్లో సంతోషాలు వెల్లివిరియాలి
న్యూఢిల్లీ: ప్రధానమంత్రి నరేంద్ర మోదీ శనివారం దేశ ప్రజలకు దివ్వెల పండుగ దీపావళి శుభాకాంక్షలు తెలియజేశారు. ప్రతి సంవత్సరం మాదిరిగానే ఈసారి కూడా మన వీర జవాన్లతో కలిసి దీపావళి వేడుకల్లో పాల్గొనబోతున్నట్లు చెప్పారు. ఈ మేరకు ఆయన సోషల్ మీడియాలో ఒక వీడియో సందేశం పోస్టుచేశారు. దీపావళి పండుగను ప్రతి ఏటా ఎంతో ఉత్సాహంగా జరుపుకుంటానని పేర్కొన్నారు. దీపావళి సందర్భంగా మన దేశం దీపాల కాంతులతో దేదీప్యమానంగా వెలిగిపోతోందని, ఇది చీకటికి వ్యతిరేకంగా దేశం తీసుకున్న సంకల్పాన్ని ప్రతిబింబిస్తుందని ఉద్ఘాటించారు. రాబోయే రోజుల్లో ప్రజలందరి జీవితాల్లో శాంతి, సమృద్ధి, సంతోషాలు వెల్లివిరియాలని కోరుకుంటున్నట్లు తెలిపారు. అయితే, ఈసారి ఏ సైనిక కేంద్రంలో దీపావళి పండుగను జరుపుకోనున్నారనే విషయాన్ని మోదీ వెల్లడించలేదు. అంతకుముందు, ప్రభుత్వ ‘జన్ సంపర్క్’పోర్టల్లో ఒక సందేశాన్ని ప్రధానమంత్రి పోస్టుచేశారు. దీపావళి పండుగ చీకటిపై వెలుగు, చెడుపై మంచి, నిరాశపై ఆశ సాధించే శాశ్వత విజయానికి నిదర్శనమని స్పష్టంచేశారు. ఉప రాష్ట్రపతి నివాసానికి మోదీ ప్రధాని మోదీ శనివారం ఉప రాష్ట్రపతి సి.పి.రాధాకృష్ణన్ను కలిశారు. ఈ సందర్భంగా ఇద్దరు నేతలు పరస్పరం దీపావళి శుభాకాంక్షలు తెలియజేసుకున్నారు. మోదీ ఉపరాష్ట్రపతి నివాసానికి వెళ్లగా, అక్కడ రాధాకృష్ణన్ ఆయనకు ఘనంగా స్వాగతం పలికారు. ఉప రాష్ట్రపతికి పండుగ శుభాకాంక్షలు తెలియజేసినట్లు మోదీ ‘ఎక్స్’లో పోస్టుచేశారు. రాష్ట్రపతి ద్రౌపదీ ముర్ము శుభాకాంక్షలు దీపావళి పర్వదినం సందర్భంగా రాష్ట్రపతి ద్రౌపదీ ముర్ము దేశ ప్రజలకు శుభాకాంక్షలు తెలిపారు. భారతీయ విలువలతో ప్రేరేపితమైన దేశభక్తి గల యువత ‘వికసిత్ భారత్’నిర్మాణంలో ఉత్సాహంగా భాగస్వాములు కావాలని ఆమె పిలుపునిచ్చారు. ఈ మేరకు శనివారం సందేశం ఇచ్చారు. -
నూరు వసంతాల భారతరత్నం
లాల్ కృష్ణ అడ్వాణీ... భారత రాజకీయ చరిత్రలో పరిచయం అవసరం లేని పేరు. నేడు ఆయన శతాయుష్కుల జాబితా లోకి చేరుతున్నారు. ఈ ఏడాది ఆయన నూరవ పుట్టిన రోజు, దీపావళి పండుగతో జమిలిగా రావడం విశేషం. ఆధునిక భారత చరిత్రలోని అనేక కీలక ఘట్టాలతో పెన వేసుకున్న సుదీర్ఘ జీవితం ఆయనది. 1927 నవంబరు 8న ‘దేవ్ దీపావళి’ పర్వదినాన జన్మించారు. 1947లో తరుణ ప్రాయంలోనే సింధు ప్రాంతంలోని తన చిరపరిచిత ప్రపంచాన్ని వీడి రావాల్సిన దుఃస్థితిని, వేదనను అనుభవించారు. అయిన ప్పటికీ, చేదు అనుభవాలకు తావులేకుండా శూన్యం నుంచితన జీవిత పునరుద్దీపన చేసుకున్నారు. కఠిన పరిస్థితుల్లోనూ ఆద్యంతం పునర్నిర్మించగల ఈ లక్షణం, సామర్థ్యం ఆయన సహజాతాలు. జనసంఘ్ను బలోపేతం చేసే వేళ, భారతీయ జనతా పార్టీకి రూపురేఖలు దిద్దే సమయాన ఆయనలోని ఈ లక్షణాలే కీలక పాత్ర పోషించాయి. ఆయన 1989లో పార్టీ అధ్య క్షుడిగా ‘బీజేపీ’కి సారథ్యం వహించినపుడు లోక్సభలో కాంగ్రెస్ పార్టీ బలం 400 నుంచి 200 స్థానాల దిగువకు పతనమైంది. 1996లో అతిపెద్ద పార్టీగా బీజేపీ అవతరించింది. ‘దేశమే ప్రధానం’ సూత్ర ప్రాతిపదికన పార్టీకి బలమైన పునాది వేశారు.విశిష్ట లక్షణాలుఒక నాయకుడిగా అడ్వాణీ విశిష్టతను తెలిపే రెండు ప్రత్యేక లక్షణాలను మనమిప్పుడు గుర్తుచేసుకోవాలి. మొదటిది... ఆయనకుగల సైద్ధాంతిక స్పష్టత–మేధాపరమైన పదును. ఇది ఆయన రచనల్లో, ప్రసంగాల్లో స్పష్టంగా కనిపిస్తూంటుంది. ఆయన రూపొందించిన జనసంఘ్, బీజేపీ తీర్మానాలు నేటికీ అధ్యయనార్హమైనవే. ఆయన ఇంటర్వ్యూలు లోతుగా, సూటిగా ఉండేవి. రెండోది... భారత రాజకీయాల్లో దీర్ఘకాలం కొనసాగిన ‘మిథ్యా లౌకికవాదాన్ని’ ఎండగట్టడంలో ఆయన చాతుర్యం.ఆర్ఎస్ఎస్ ప్రచారక్గా ఆయన తొలుత రాజస్థాన్లోని వివిధ ప్రాంతాల్లో పనిచేశారు. అక్కడి నుంచి దేశ రాజధానికి వచ్చి, అటల్ బిహారీ వాజ్పేయితో కలిసి పనిచేయడం ప్రారంభించారు. ఇద్దరూ రాజకీయ దిగ్గజాలే అయినా, దశాబ్దాల పాటు పరస్పర పోటీదారులుగా మారకపోవడం స్ఫూర్తిదాయకం. ఈ ఇరువురూ భారత రాజకీయాల దశ–దిశలను మార్చివేశారు.అడ్వాణీ తన జన్మస్థలం వీడి ఢిల్లీ చేరేనాటికి దేశ విభజన పర్యవసాన ఘోరాల నుంచి నగరం అప్పుడప్పుడే కోలుకుంటోంది. ఈ నేపథ్యంలో ఆయన జనసంఘ్ బలోపేతం లక్ష్యంగా తన వంతు కృషిలో నిమగ్నమయ్యారు. ఈ క్రమంలో ఆయన 1967లో ఢిల్లీ మెట్రోపాలిటన్ కౌన్సిల్ ఛైర్మన్ అయ్యారు.ఆయన పార్లమెంటరీ ప్రస్థానం 1970లో ప్రారంభమైంది. ఎంపీగా, ఆ తర్వాత ఉభయ సభలలో ప్రతిపక్ష నేతగానేకాకుండా అధికార పక్షంలోనూ తనదైన ముద్ర వేశారు. 1991 లోక్సభ ఎన్నికలు నాకింకా గుర్తు. అడ్వాణీ రెండు స్థానాలనుంచి పోటీ చేయాలని నిర్ణయించారు. ఒకటి గాంధీనగర్. గుజరాత్తో ఆయనకు అప్పటికే అనుబంధం ఉంది. దేశ విభజన తర్వాత ఆయన తండ్రి కచ్లో స్థిరపడ్డారు. అడ్వాణీ గుజరాత్ నుంచి రాజ్యసభకూ ప్రాతినిధ్యం వహించారు. కాబట్టి, గాంధీ నగర్లో పోటీ అంటే– ఒకరకంగా సొంత గూటికి తిరిగి రావడం లాంటిది. బీజేపీ సంస్థలో భాగస్వామిని కాబట్టి, ఆయన సమ ర్పించాల్సిన పత్రాలను సిద్ధం చేయడం సహా ప్రచారంలోనూ సహాయపడే గౌరవం నాకు దక్కింది. ఆ తర్వాత కూడా అక్కడి ఓటరుగా అనేకసార్లు ఆయనకు ఓటు వేసే గౌరవం లభించింది. ఎమర్జెన్సీ చీకటి రోజుల్లో...ఆయన జీవితంలో ఎమర్జెన్సీ ఓ కీలక మలుపు. ప్రజా స్వామ్య పరిరక్షణ, రాజ్యాంగ రక్షణ పోరాటాన్ని ఆయనముందుండి నడిపించారు. నాటి అనుభవాలను ‘ఎ ప్రిజనర్స్ స్క్రాప్–బుక్’ పుస్తకంలో పంచుకున్నారు. అందులోని ‘ఎ టేల్ ఆఫ్ టూ ఎమర్జెన్సీస్’ అనే ఒక భాగం 1975 జూన్లో భారత్లోసంభవించిన పరిణామాలతో... 1933 నాటి నాజీ జర్మనీలోసంఘటనలకు గల అద్భుత సారూప్యాన్ని కళ్లకు కడుతుంది.అడ్వాణీ చిచ్చరపిడుగు వంటి ప్రతిపక్ష నేత. అంతేకాదు అద్భుత పరిపాలకుడు కూడా. జనతా పార్టీ 1977లో ప్రభుత్వం ఏర్పాటు చేసినపుడు ఆయన సమాచార–ప్రసార శాఖ మంత్రిగా పనిచేశారు. అటుపైన ఉప ప్రధానమంత్రిగా, దేశంలో అత్యధిక కాలం హోంశాఖ బాధ్యతలు నిర్వర్తించిన నేతగా దేశ భద్రత వ్యవస్థ బలోపేతంలో కీలక పాత్ర పోషించారు. ఉగ్రవాదంపై ఆయన తీసుకున్న నిర్ద్వంద్వ వైఖరి వల్లనే భారత్ అత్యంత పటిష్ట ఉగ్రవాద నిరోధక చట్టం చేయగలిగింది.రథయాత్రఅడ్వాణీ జీవితంలో సోమనాథ్ నుంచి అయోధ్య వరకూ రథయాత్ర నిస్సందేహంగా ఒక చారిత్రక ఘట్టం. ఈ యాత్రపై సమాలోచన దశ నుంచి పూర్తిస్థాయి అమలు దాకా నాకూ భాగం దక్కడం ఒక అదృష్టంగా భావిస్తున్నాను. యాత్ర ప్రారంభమైన ప్పుడు నేను కూడా సోమనాథ్లో ఉండటం ప్రత్యేక అనుభవా న్నిచ్చింది. బిహార్లో ఆయన అరెస్టు నాటి బాధాకర జ్ఞాపకాలు కూడా నా మదిలో ఇంకా మెదలుతున్నాయి. ఆ తర్వాత గుజ రాత్లో చిమన్భాయి పటేల్ ప్రభుత్వానికి బీజేపీ మద్దతు ఉపసంహరించింది. సీనియర్ నాయకులు, కార్యకర్తలు చాలా మంది ఏదేమైనప్పటికీ రామమందిర నిర్మాణం పూర్తి చేస్తామని ప్రమాణం చేశారు. ఎట్టకేలకు అనేక ఏళ్ల తర్వాత దేశ ప్రజల ఆశీస్సులతో అయోధ్యలో శ్రీరామ ప్రభువుకు దివ్య–భవ్యమందిరం రూపుదిద్దుకుంది. అడ్వాణీలో ప్రశంసించదగిన గుణాలెన్నో ఉన్నాయి.ఇందుకు తొలి ఉదాహరణ... ఆయన నిరాడంబరత్వం. నవ నిర్మాణ ఉద్యమం తర్వాత ఆయన జునాగఢ్కు వచ్చారు. అక్కడ కాంగ్రెస్ పార్టీకి తిరస్కారం ఎదురైన అసెంబ్లీ ఎన్నికలకు పార్టీని సిద్ధం చేస్తూ, సాధారణ కార్యకర్తలా నెల రోజులు మెలిగారు. పరిచయస్తులందరూ ఆయనను పుస్తకాల పురుగుగా అభివర్ణి స్తారు. ఆయనతో సమయం గడిపేవారికి వార్తాపత్రికలను ఎంత జాగ్రత్తగా చదువుతారో బాగా తెలుసు. సినిమా, నాటకాలకు అభిమానిగానే కాకుండా ఉత్సాహభరిత సినీ విమర్శకుడిగానూ ఆయన ప్రసిద్ధులు. ‘మై కంట్రీ– మై లైఫ్’ పేరిట ఆయన రాసిన పుస్తకంలో అడ్వాణీలోని చారిత్రక స్పృహ, దాన్ని పరిరక్షించాలనే తపన ప్రస్ఫుటమవుతాయి. ఆయన సదా సింధీ సంస్కృతితో సంబంధాలు నెరపేవారు. లేహ్ సమీపంలోని సింధు దర్శన్ పూజను ప్రాచుర్యంలోకి తేవడం ఆయన కృషిలో మరొక భాగం. ఆయనతోనూ, జార్జి ఫెర్నాండెజ్తోనూ కలసి నేను స్వయంగా ఆ పూజలో పాల్గొన్నాను.అడ్వాణీ సతీమణి కమలా అడ్వాణీ ప్రస్తావన లేకుండా ఆయన అద్భుత జీవన ప్రస్థానంపై వివరణ అసంపూర్ణమే! ఆయన ప్రజా జీవితమంతటా నిరంతర శక్తికి, మద్దతుకు ఆమె మూలస్తంభంగా నిలిచారు.ఓ బాలుడిగా కరాచీలో ఎదుగుతున్న రోజుల్లో తన జీవితం ఇన్నిన్ని మలుపులు తిరుగుతుందని అడ్వాణీ బహుశా ఊహించి ఉండరు. ఆయన సేవలకు కృతజ్ఞతాపూర్వకంగా దేశ ప్రజానీకం 2024లో ఆయనను ‘భారతరత్న’ పురస్కారంతో సత్కరించారు. ప్రజాభిమానం చూరగొన్న అడ్వాణీ తన జీవితంలో వందోసంవత్సరంలోకి అడుగుపెడుతున్న తరుణంలో ఆయన ఆయు రారోగ్యాలతో వర్ధిల్లుతూ ఎప్పటిలాగానే మనందరికీ స్ఫూర్తి ప్రదాతగా నిలవాలని ఆ దైవాన్ని ప్రార్థిస్తున్నాను.అడ్వాణీలో ప్రశంసించదగిన గుణాలెన్నో ఉన్నాయి. పరిచయస్తులందరూ ఆయనను పుస్తకాల పురుగుగా అభివర్ణిస్తారు. ఆయనతో సమయం గడిపేవారికి వార్తాపత్రికలను ఎంత జాగ్రత్తగా చదువుతారో బాగా తెలుసు. సినిమా, నాటకాలకు అభిమానిగానే కాకుండా ఉత్సాహభరిత సినీ విమర్శకుడిగానూ ఆయన ప్రసిద్ధులు. ‘మై కంట్రీ– మై లైఫ్’ పేరిట ఆయన రాసిన పుస్తకంలో అడ్వాణీలోని చారిత్రక స్పృహ, దాన్ని పరిరక్షించాలనే తపన ప్రస్ఫుటమవుతాయి.-నరేంద్ర మోదీ ,భారత ప్రధాని -
జవాన్లతో దీపావళి వేడుకలు జరుపుకుంటా: ప్రధాని మోదీ
సాక్షి, న్యూఢిల్లీ: దేశ ప్రజలకు ప్రధానమంత్రి నరేంద్ర మోదీ దీపావళి శుభాకాంక్షలు తెలిపారు. ప్రతి ఒక్కరి జీవితాల్లో సుఖసంతోషాలు, శాంతి, సిరిసంపదలు వెల్లివిరియాలని ఆకాంక్షించారు. ఈ ఏడాది కూడా సైనికులతో కలిసి దీపావళి వేడుకలు జరుపుకోనున్నట్లు ఆయన వెల్లడించారు. ఈ మేరకు ఎక్స్ ఖాతా వేదికగా మోదీ వీడియో సందేశాన్ని విడుదల చేశారు .Have a great Diwali! https://t.co/YbFVq7tHmx— Narendra Modi (@narendramodi) November 7, 2026దీపావళి వెలుగుల పండుగ అని, చీకటిపై వెలుగు, చెడుపై మంచి సాధించిన విజయానికి ప్రతీక అని పేర్కొన్నారు. దేశమంతా దీపాల కాంతులతో వెలిగిపోతున్న ఈ పర్వదినం ప్రతి ఒక్కరి భవిష్యత్తులో ఆనందం, శాంతి, శ్రేయస్సును నింపాలని ఆయన ఆకాంక్షించారు. ప్రతి ఏడాది భారత సైనికులతో కలిసి దీపావళి జరుపుకోవడం తనకు సంప్రదాయంగా మారిందని, ఈ ఏడాది కూడా ఆ ఆనవాయితీని కొనసాగిస్తానని మోదీ తెలిపారు. ఇదీ చదవండి: ప్రజల వాహనాల్లో పెట్రోల్ చోరీ: రాహుల్ గాంధీ -
ప్రధాని మోదీతో సూర్య కుటుంబం.. కూతురి ఫేస్ రివీల్
టీమిండియా మాజీ కెప్టెన్ సూర్యకుమార్ యాదవ్ భారత ప్రధాని నరేంద్ర మోదీని మర్యాదపూర్వకంగా కలిశాడు. దీపావళి పర్వదినాన్ని పురస్కరించుకుని కుటుంబంతో కలిసి ఈ ముంబైకర్ ఢిల్లీకి వెళ్లి పీఎం మోదీతో భేటీ అయ్యాడు.రిద్ధిమ ఫేస్ రివీల్ఈ సందర్భంగా ప్రధాని మోదీ సూర్య కుటుంబానికి చెందిన చిన్నారులతో సరదాగా సమయం గడిపారు. అంతేకాదు.. సూర్య-దేవిశాల చిన్నారి కూతురు రిద్ధిమను ఎత్తుకుని ముద్దుచేశారు. ఈ సందర్భంగా రిద్ధిమ ఫేస్ తొలిసారి రివీల్ చేసినట్లయింది.ఇందుకు సంబంధించిన వీడియోను ప్రధాని మోదీ సోషల్ మీడియాలో షేర్ చేశారు. ‘‘దీపావళితో పాటు రామ్, సరయూ కూడా వచ్చేశారు. ఈ దీపావళి ఈసారి వాతావరణాన్ని మరింత పవిత్రంగా, దైవికంగా మార్చింది’’ అని మోదీ పేర్కొన్నారు. ఇక మోదీతో సూర్య కుటుంబం ఆహ్లాదంగా గడిపిన దృశ్యాలు వైరల్గా మారాయి.విజయవంతమైన కెప్టెన్కాగా టీ20 ప్రపంచకప్-2024లో టీమిండియా చాంపియన్గా నిలిచిన తర్వాత రోహిత్ శర్మ.. అంతర్జాతీయ పొట్టి ఫార్మాట్కు గుడ్బై చెప్పిన సంగతి తెలిసిందే. ఈ క్రమంలో టీ20 జట్టు పగ్గాలు చేపట్టిన సూర్య.. అద్భుత విజయాలు అందించాడు. అతడి సారథ్యంలో టీమిండియా ఒక్క ద్వైపాక్షిక సిరీస్ కూడా ఓడిపోలేదు.అంతేకాదు.. 2025లో ఆసియా టీ20 కప్ అందించిన సూర్య.. సొంతగడ్డపై టీ20 ప్రపంచకప్-2026 టోర్నీలో భారత్ను చాంపియన్గా నిలిపాడు. అయితే, ఒకప్పుడు ఐసీసీ నంబర్ వన్ టీ20 బ్యాటర్గా వెలుగొందిన సూర్య.. కెప్టెన్ అయిన తర్వాత వ్యక్తిగత ప్రదర్శనలో వైఫల్యాలతో విమర్శల పాలయ్యాడు.అనూహ్య రీతిలో వేటుఈ క్రమంలో వరల్డ్కప్ గెలిచిన తర్వాత టీమిండియా ఆడిన మరుసటి సిరీస్ నుంచే సూర్యను కెప్టెన్సీ నుంచి తప్పించిన బీసీసీఐ.. జట్టులోనూ అతడికి స్థానం లేకుండా చేసింది. ప్రస్తుతం దేశీ క్రికెట్పై దృష్టి సారించాడు. పదేళ్ల కలల పంటఇదిలా ఉంటే.. ప్రధాని మోదీని కలిసిన సందర్భంగా టీ20 ప్రపంచకప్-2026 మెడల్ను ఆయనకు చూపించి మురిసిపోయాడు సూర్య. క దేవిశాను ప్రేమించి పెళ్లి చేసుకున్నాడు సూర్య. వీరికి వివాహమైన దాదాపు పదేళ్ల తర్వాత తొలి సంతానంగా.. ఈ ఏడాది మే 7న కుమార్తె రిద్ధిమ జన్మించింది. ఇదీ చదవండి: Asia Cup: సెహ్వాగ్ ధనాధన్, లక్ష్య మెరుపులు.. బోణీ కొట్టిన భారత్ दीपावली के माहौल में राम और सरयू का आगमन हुआ है। इससे दीपावली का वातावरण और भी पावन एवं दिव्य हो गया है। @surya_14kumar https://t.co/B6vwr35Iwm— Narendra Modi (@narendramodi) November 6, 2026 -
‘మీ పోరాటం దేశానికే స్ఫూర్తిదాయకం’
న్యూఢిల్లీ: ఆసియా పారా క్రీడల్లో పతకాలు సాధించిన భారత పారా అథ్లెట్లను ప్రధానమంత్రి నరేంద్ర మోదీ ప్రత్యేకంగా అభినందించారు. వారి విజయాలు, పోరాట పటిమ యావత్ దేశానికి స్ఫూర్తి అని ప్రధాని పేర్కొన్నారు. ఇటీవల జపాన్ వేదికగా జరిగిన పారా ఏషియన్ గేమ్స్లో భారత అథ్లెట్లు 114 పతకాలు సాధించారు. ఇందులో 30 స్వర్ణాలు, 35 రజతాలు, 49 కాంస్య పతకాలు ఉన్నాయి. ఈ పోటీల్లో భారత్ నుంచి 97 మంది పారా అథ్లెట్లు పోటీపడగా... వారితో ప్రధాని గురువారం ఇందిరాగాంధీ స్పోర్ట్స్ కాంప్లెక్స్లో సమావేశమయ్యారు. పారా ఆర్చర్ శీతల్ దేవి, స్ప్రింట్లో రెండు స్వర్ణాలు సాధించిన సిమ్రాన్తో ప్రధాని ప్రత్యేకంగా ముచ్చటించారు. ఈ సందర్భంగా పారా అథ్లెట్లకు నరేంద్ర మోదీ స్వీట్లు తినిపించారు. అనంతరం ప్రధాని మెదీ మాట్లాడుతూ... ‘మీ అద్భతమైన ప్రదర్శన క్రీడా రంగంలో మనదేశం ఒక బలీయమైన శక్తిగా ఎదుగుతోందనడానికి నిదర్శనం. మీరు పతకాలు మాత్రమే గెలవలేదు. కోట్లాది మంది హృదయాలను గెలుచుకున్నారు. మీ పోరాటాలు, మీ విజయాలు ప్రతీ భారతీయుడికి స్ఫూర్తినిస్తాయి. గతంలో తల్లిదండ్రులు తమ పిల్లలను క్రీడారంగం వైపు ప్రోత్సహించడానికి భయపడేవారు... కానీ ఇప్పుడు అలాంటి పరిస్థితులు లేవు. ఎవరికి ఏ రంగంలో మక్కువ ఉంటే వారు అందులో అత్యున్నత శిఖరాలకు చేరుకునే మార్గాలు ఉన్నాయి. ప్రతిభను ప్రోత్సహించడంలో ఎల్లప్పుడూ ముందుంటాం. దాని ఫలితాలే ఇప్పుడు మనం చూస్తున్నాం. ఒకప్పుడు మనవాళ్లు చాలా తక్కువ క్రీడల్లో పాల్గొనేవారు... ఇప్పుడు అందులో మార్పు వచ్చింది. ఆర్చరీ, అథ్లెటిక్స్, షూటింగ్, స్విమ్మింగ్, టేబుల్ టెన్నిస్, బ్యాడ్మింటన్, జూడో, పవర్లిఫ్టింగ్ ఇలా ఒక్కటేమిటి అన్నీ క్రీడల్లో మన ప్రాతినిధ్యం పెరిగింది. ఇది బలమైన క్రీడా దేశానికి సంకేతం. నైపుణ్యం ఎక్కడ ఉన్నా దానికి పదును పెట్టేందుకు సిద్ధం’ అని వెల్లడించారు. ఈ కార్యక్రమంలో కేంద్ర క్రీడా శాఖ మంత్రి మన్సుఖ్ మాండవీయ, సహాయ మంత్రి రక్షా ఖడ్సే తదితరులు పాల్గొన్నారు. ఆసియా పారా క్రీడల్లో తెలుగు రాష్ట్రాల క్రీడాకారులు జీవంజీ దీప్తి, బానోతు అకీరా నందన్, బుడిగిన రవి కార్తీక్, రవి రొంగళి, రవన్ని వలసనైని పతకాలు సాధించారు. -
తుపాన్ల ప్రభావంపై ప్రధాని మోదీ ఆరా
సాక్షి, అమరావతి: రాష్ట్రంపై అర్నబ్, మురసు తుపాన్ల ప్రభావంపై ప్రధాని నరేంద్ర మోదీ ఆరా తీశారు. ముఖ్యమంత్రి చంద్రబాబుకు బుధవారం ఆయన ఫోన్ చేశారు. వారం రోజుల వ్యవధిలో రాష్ట్రానికి రెండు తుపాన్ల తాకిడి నేపథ్యంలో ప్రభావిత ప్రాంతాల్లో పరిస్థితిని అడిగి తెలుసుకున్నారు. అర్నబ్, మురసు తుపాన్ల ప్రభావం.. ఆయా ప్రాంతాల్లో జరిగిన నష్టాన్ని సీఎం వివరించారు. భారీ వర్షాలు, ఈదురు గాలుల కారణంగా రైతులకు భారీనష్టం వాటిల్లిందని చెప్పారు. కేంద్ర ప్రభుత్వం రాష్ట్రానికి తగిన సాయం అందించాలని ప్రధానికి విజ్ఞప్తి చేశారు. సీఎం ఏరియల్ వ్యూ మరోవైపు.. మురసు తుపాను ప్రభావిత ప్రాంతాలను సీఎం చంద్రబాబు ఏరియల్ వ్యూలో పరిశీలించారు. అనంతరం సచివాలయంలోని ఆర్టీజీఎస్లో ఉన్నతాధికారులతో సమీక్షించారు. భారీ వర్షాలకు వరద ప్రవాహాలు వస్తున్నాయని అధికారులు తెలిపారు. కారంచేడు నుంచి కొత్తపట్నం, చీరాల, చిలకలూరిపేట, పర్చూరు ముంపు ప్రాంతాల్ని త్వరితగతిన క్లియర్ చేసేందుకు కార్యాచరణ చేపట్టాలని సీఎం సూచించారు. రహదారులపై రాకపోకలకు అంతరాయం లేకుండా చూడాలని ఆయా జిల్లాల కలెక్టర్లను ఆదేశించారు. ఏలూరు జిల్లాలోని గిరిజన ప్రాంతాలైన బుట్టాయగుడెం, వేలేరుపాడు, పోలవరం మండలం, జీలుగుమిల్లి, కొయ్యలగూడెం తదితర గిరిజన ప్రాంతాల్లో భారీ వర్షాలు కురుస్తున్నట్టు అధికారులు తెలిపారు. -
మోదీ దేశద్రోహి.. ఐదు నిమిషాల్లో నిరూపిస్తా
న్యూఢిల్లీ: కాంగ్రెస్ పార్టీ అగ్రనేత రాహుల్ గాంధీ ప్రధాని నరేంద్ర మోదీకి బహిరంగంగా సవాలు విసిరారు. కేవలం ఐదు నిమిషాల్లోనే ప్రధానమంత్రి ఒక దేశద్రోహి అని నిరూపించగలనని తేల్చిచెప్పారు. ఈ మేరకు బుధవారం ‘ఎక్స్’లో పోస్టుచేశారు. ‘‘మోదీజీ.. అదానీకి చెందిన ఎన్డీటీవీ వేదికపైనే మనం చర్చిద్దాం రండి. వేదిక మీదే, తీర్పు ఇచ్చేవారు కూడా మీవాళ్లే. అదానీ అయినా సరే, మోహన్ భాగవత్ అయినా సరే. నరేంద్ర మోదీ ఒక దేశద్రోహి అని కేవలం 5 నిమిషాల్లోనే నిరూపిస్తా’’ అని రాహుల్ స్పష్టంచేశారు. మోదీకి రాహుల్ సవాలు విసిరిన నేపథ్యంలో కాంగ్రెస్ అధ్యక్షుడు మల్లికార్జున ఖర్గే స్పందించారు. ఓట్ల దొంగతనంపై దేశం అడుగుతున్న ప్రశ్నలకు సమాధానమిచ్చేందుకు ప్రధానమంత్రి స్వయంగా ముందుకు రావాలని అన్నారు. మోదీ ఇప్పటిదాకా ఒక్కసారి కూడా బహిరంగంగా విలేకరుల సమావేశం నిర్వహించలేదని తప్పుపట్టారు. మోదీ ఇకనైనా ముందుకు రావాలని, ప్రశ్నలను ఎదుర్కోవాలని ఖర్గే చెప్పారు. ఓట్ల దొంగతనానికి ఎందుకు పాల్పడ్డారో చెప్పాలని డిమాండ్ చేశారు. కాగా, రాహుల్ గాంధీ చేసిన పోస్టుపై కేంద్ర ఆర్థిక శాఖ మంత్రి నిర్మలా సీతారామన్ తీవ్రంగా స్పందించారు. లోక్సభలో ప్రతిపక్ష నాయకుడిగా వ్యవహరిస్తున్న రాహుల్ గాంధీ బాధ్యతగా మాట్లాడడం నేర్చుకోవాలని హితవు పలికారు. చర్చ కోసం వేదికను ఎంచుకోవాలని ప్రధానమంత్రిని రాహుల్ కోరుతున్నారని, అయితే అలాంటి చర్చకు పార్లమెంట్ అందుబాటులో ఉందని గుర్తుచేశారు. సోషల్ మీడియాలో సవాళ్లు విసురుతున్నప్పుడు చూపిస్తున్న ఉత్సాహాన్ని పార్లమెంట్లో చర్చ విషయంలో ఎందుకు చూపించడం లేదని ప్రశ్నించారు. ప్రతిపక్షాల ఆరోపణలపై ప్రభుత్వం స్పందిస్తున్నప్పుడు రాహుల్ గాంధీ, ఆయన పార్టీ సహచరులు పార్లమెంట్ నుండి వాకౌట్ చేసిన సందర్భాలు చాలా ఉన్నాయని తెలిపారు. -
కేంద్ర ఉద్యోగులకు ఒకేసారి 18 నెలల జీతం?
-
దేశ వ్యతిరేకులన్న వ్యాఖ్యలపై చర్చకు సిద్ధమా?
న్యూఢిల్లీ: ప్రతిపక్షాలను దేశ వ్యతిరేకులంటూ చేసిన వ్యాఖ్యలపై బహిరంగ చర్చకు సిద్ధమా అని లోక్సభలో ప్రతిపక్ష నేత రాహుల్ గాంధీ మంగళవారం ప్రధాని నరేంద్ర మోదీకి సవాలు విసిరారు. విదేశీ శక్తులతో సంబంధాలు ఉన్నాయన్న తన ఆరోపణలపై మోదీ ఇప్పటివరకూ పరువు నష్టం దావా ఎందుకు వేయలేదని ప్రశ్నించారు. విదేశీ శక్తుల సాయంతో ప్రతిపక్షాలు దేశాన్ని అస్థిర పరిచేందుకు ప్రయత్నిస్తున్నాయంటూ ప్రధాని మోదీ ఆరోపించడం.. బదులుగా రాహుల్ విదేశీ శక్తుల సాయంతోనే మోదీ ప్రధాని పీఠంపై కూర్చున్నారని ప్రత్యారోపణ చేయడం తెలిసిందే.ఈ నేపథ్యంలో రాహుల్ మంగళవారం ఎక్స్లో ఒక పోస్టు చేస్తూ... ‘‘మోదీగారు.. నేను సవాలు విసిరి 24 గంటలవుతోంది. ప్రతిపక్షం యాంటీ నేషనల్ అంటున్నారు మీరు. ఏ వేదికనైనా ఎంచుకోండి. ఎక్కడైనా సరే. ఈ విషయంపై నాతో చర్చించండి. ఎవరు యాంటీ నేషనల్? విదేశీ శక్తులతో సంబంధాలున్నవారా? ఈ సంబంధాల తీరుతెన్నులేమిటి? వీలైనంత తొందరలో ఈ చర్చ చేద్దాం. ఏం భయపడవద్దు’’అని వ్యాఖ్యానించారు. ‘‘మన ఇద్దరితోపాటు మీడియా కూడా ఉంటుంది. దేశ యువత కూడా హాజరవుతుంది. ఒక బల్ల ఉంటుంది. మీరు అటు.. నేను ఇటు కూర్చుందాం. మీరు ఎవరినైనా జడ్జిగా నియమించుకోండి. మోహన్ భాగవత్ గారినైనా న్యాయమూర్తిగా పెట్టుకోవచ్చు’’అని బహిరంగ చర్చకు సంబంధించిన వివరాలిచ్చారు రాహుల్.ఈ చర్చలో ఆర్థిక వ్యవస్థలపై, నిర్మాణంపై ప్రశ్నలుంటాయి. ‘‘అమెరికాతో ఒప్పందం ఎలా కుదిరింది? ఎందుకు కుదిరింది? ఎందుకు అంత తొందరగా జరిగింది? కేబినెట్కు కూడా చెప్పకుండా ఎందుకు మీరొక్కరే ఒప్పందం చేసుకున్నారు? అదానీ కేసు ఎందుకు మూతపడింది? ఎప్స్టీన్ వంటి అంశాలు బోలెడు ఉంటాయి’’అని అన్నారు. అన్నింటి గురించి బహిరంగంగానే మాట్లాడుకుందామని, నిజాలు బయటకు రావాలని అన్నీ తేటతెల్లం కావాలని అన్నారు. ‘‘మీరు నాపై ఆరోపణలు చేశారు. చేశారు కదా? ముందుకు రండి... అన్నీ స్పష్టమవుతాయి’’అని సవాలు విసిరారు.‘‘నాపై ఇతర అంశాలకు సంబంధించి చాలా పరువునష్టం కేసులు వేశారు. నాకు తెలిసి 45 పరువునష్టం కేసులున్నాయి. కానీ ఈ చర్చకు సంబంధించి, విదేశీ సంబంధాల గురించి నాపై పరువు నష్టం కేసు వేయలేదు. వేయండి. ఆ విషయం కూడా ఓపెన్గా చర్చిద్దాం. దీపావళి శుభాకాంక్షలు మోదీ గారు’’అంటూ తన పోస్టులో వ్యాఖ్యానించారు. రాహుల్ గాంధీ ప్రధాని నరేంద్ర మోదీని చర్చకు ఆహ్వానించడం ‘‘మతోన్మాద ఇస్లామిస్టులు సెక్యులరిజమ్ గురించి మాట్లాడినట్లే ఉంది’’అని కేంద్ర మంత్రి కిరణ్ రిజిజు మంగళవారం వ్యాఖ్యానించారు. ఉన్నతస్థాయి చర్చలు ఇద్దరు పరిపక్వత ఉన్న వ్యక్తుల మధ్య జరుగుతాయని ఆయన ఎక్స్ పోస్టులో పేర్కొన్నారు. -
పేదరికం కరిగిపోయింది
పుణే: దేశంలో గత పన్నెండేళ్లలో యాభై కోట్ల మంది ప్రజలు కటిక పేదరికం కోరల్లోంచి బయటపడ్డారని ప్రధాని నరేంద్ర మోదీ ప్రపంచబ్యాంకు తాజా నివేదికను ప్రస్తావిస్తూ ప్రకటించారు. గతంలో పేదరికాన్ని తొలగించడం కేవలం ప్రకటనలకు మాత్రమే పరిమితమై ఉండేదని ఆయన చెప్పారు. పుణేలో మూడో మెట్రో లైన్ (పింక్ లైన్)ను మంగళవారం ఆవిష్కరించిన ప్రధాని మాట్లాడుతూ దేశంలో ప్రస్తుతం 1,200 కిలోమీటర్ల పొడవైన మెట్రో నెట్వర్క్ పనిచేస్తోందని, 2014కు ముందు ఇది కేవలం 248 కిలోమీటర్లు మాత్రమేనని తెలిపారు. నగరాల మౌలిక సదుపాయాలు మెరుగైతే దేశ ఆర్థిక వ్యవస్థ వృద్ధి మరింత జోరు అందుకుంటుందని అన్నారు. పుణే మెట్రో రెండో దశలో భాగంగా రూ.21,800 కోట్లతో చేపట్టనున్న నాలుగు కొత్త రూట్లకు మోదీ మంగళవారం శంకుస్థాపన చేశారు. ప్రజలు 2014లో దేశసేవ కోసం ఎన్డీయేకు అవకాశమిచ్చినప్పుడు నగరాల్లోని మధ్యతరగతి ప్రజల జీవితాలను, రవాణాను సులభతరం చేయాలన్న కృత నిశ్చయంతో ముందడుగు వేశామని ప్రధాని తెలిపారు. మహారాష్ట్రలో కరువు పరిస్థితులు ఎదుర్కొంటున్న రైతులు అధైర్యపడాల్సిన అవసరం లేదని, కేంద్ర ప్రభుత్వం అన్నివిధాలుగా వారిని ఆదుకుంటుందని భరోసా ఇచ్చారు.రాష్ట్ర ప్రభుత్వం ఇప్పటికే కొంతవరకూ సాయం అందించిందని, ఎన్డీయే ప్రభుత్వం కూడా రైతులకు అండగా నిలుస్తుందని చెప్పారు. కలిసికట్టుగా ఈ సంక్షోభాన్ని ఎదుర్కొందామని అన్నారు. ఈ పండుగల సీజన్లో దేశ ప్రజలు కూడా కరువుతో అల్లాడుతున్న రైతులను గుర్తు చేసుకోవాలని, రైతులు కూడా ఈ దీపావళిని ఆనందంగా జరుపుకునేందుకు సహకరించాలని పిలుపునిచ్చారు. ప్రపంచబ్యాంకు పేదరికంపై ఇటీవల విడుదల చేసిన సూక్ష్మ నివేదికను ప్రస్తావిస్తూ.. గతంలో పేదరిక నిర్మూలన ప్రకటనలకు పరిమితమైతే..ఇప్పుడు క్షేత్రస్థాయిలో పేదరికాన్ని తొలగిస్తున్నామని చెప్పారు. దేశ ఆర్థికాభివృద్ధికి, పేదరిక నిర్మూలనలు రెండూ ఒకదానితో ఒకటి సంబంధమున్న అంశాలని... మౌలిక సదుపాయాల కల్పనలో పెట్టుబడులు పెరుగుతున్న కొద్దీ సంక్షేమ పథకాలూ ఎక్కువవుతాయని, తద్వారా ప్రజల జీవితాలు మెరుగవుతాయని కొత్త ఉద్యోగావకాశాలు వస్తాయని ప్రధాని వివరించారు. ప్రజలకు ఉట్టిగా సాయం చేయడం కంటే వారిని సాధికారులుగా మార్చాలన్న విధానాన్నే ప్రభుత్వం అనుసరిస్తోందన్నారు. మౌలిక సదుపాయాల్లో ‘పరివర్తన’ పట్టణ రవాణా మౌలిక వసతుల్లో వచ్చిన పరివర్తన గురించి ప్రధాని నరేంద్ర మోదీ సోదాహరణంగా వివరించారు. ప్రపంచంలోనే అతిపెద్ద మూడు మెట్రో నెట్వర్క్లలో భారత్ ఒకటిగా ఎదిగిందని ప్రధాని తెలిపారు. దేశవ్యాప్తంగా మెట్రో సౌకర్యాలు వేగంగా విస్తరిస్తూండటం ప్రభుత్వ ముందుచూపునకు, ప్రజల అవసరాలు తీర్చాలన్న సంకల్పానికి నిదర్శనాలన్నారు. దీనివల్ల ప్రయాణ సమయం ఆదా అయి ఉత్పాదకత పెరుగుతుందని, దేశ ఆర్థిక వ్యవస్థకు దోహదం చేస్తుందని వివరించారు.కేంద్ర ప్రభుత్వం ఈ ఏడాది ఫిబ్రవరిలో లక్ష కోట్ల రూపాయలతో ‘అర్బన్ చాలెంజ్ ఫండ్‘ను ఆమోదించిందని చెప్పారు. రాబోయే సంవత్సరాల్లో పట్టణాభివృద్ధికి భారీ పెట్టుబడులను సమీకరించడం ఈ నిధి లక్ష్యమని పేర్కొన్నారు. చిన్న పట్టణాలను అభివృద్ధి కేంద్రాలుగా మార్చేందుకు స్థానిక సంస్థలు, ప్రైవేట్ రంగం కలిసి యుద్ధ ప్రాతిపదికన పనిచేయాలని పిలుపునిచ్చారు. -
పదేళ్లలో 500 గిగావాట్ల విద్యుదుత్పత్తి లక్ష్యం
న్యూఢిల్లీ: రానున్న 10, 11 ఏళ్లలో అదనంగా 500 గిగావాట్ల పర్యావరణహిత విద్యుదుత్పత్తిని సాధించేందుకు ప్రభుత్వం కృషి చేస్తోందని ప్రధాని మోదీ తెలిపారు. పర్యావరణానికి హానికలుగని రీతిలో సౌర, పవన, జల, అణు మార్గాల్లో విద్యుత్ను ఉత్పత్తి చేయడం కాస్తంత కష్టమే అయినప్పటికీ, సాధ్యమేనన్నారు. పశ్చిమాసియా, రష్యా–ఉక్రెయిన్ సంక్షోభాల కారణంగా ఇంధన సరఫరాకు తీవ్ర అంతరాయం కలగడం, దేశ ఆర్థిక వ్యవస్థపై తీవ్రంగా ప్రభావం చూపిన నేపథ్యంలో పెట్రోలియం, సహజ వాయువు వంటి వాటిపై ఆధార పడరాదని ప్రభుత్వం నిర్ణయం తీసుకుందని వివరించారు. భారత్ రెన్యువబుల్ ఎనర్జీ సమ్మిట్, ఎక్స్పోలో సోమవారం ఆయన ప్రసంగించారు. ఈ రంగంలో రూ.20 లక్షల కోట్ల పెట్టుబడులకు అవకాశముందని వివరించారు. ఈ సమ్మిట్కు 130 దేశాలకు చెందిన 40 మంది మంత్రులతోపాటు విధాన నిర్ణేతలు, పెట్టుబడి దారులు, ఆర్థిక సంస్థలు, పరిశ్రమల అధిపతులు హాజరయ్యారు. -
పేదరిక నిర్మూలన.. మా దృఢమైన నిబద్ధత
న్యూఢిల్లీ: ప్రపంచంలోనే అత్యంత వేగంగా పేదరికం తగ్గుతున్న దేశాల్లో భారతదేశం కూడా ఒకటని పేర్కొంటూ ప్రపంచ బ్యాంకు నివేదిక విడుదల చేయడం పట్ల ప్రధాని నరేంద్ర మోదీ హర్షం వ్యక్తంచేశారు. ఈ మేరకు ఆయన ఇన్స్ట్రాగామ్లో పోస్టుచేశారు. దీనికి బాలీవుడ్ చిత్రం ‘దాస్వి’లోని స్ఫూర్తిదాయకమైన ‘థాన్ లియా’పాటను నేపథ్య సంగీతంగా ఉపయోగించారు. పేదరికంలో వచ్చిన ఈ చారిత్రాత్మక తగ్గుదల, ఒక తరం తర్వాత మరో తరానికి అవకాశాలు పెరగడాన్ని సూచిస్తోందని వెల్లడించారు. కాంగ్రెస్ పార్టీకి చెందిన దశాబ్దాల నాటి ‘గరీబీ హఠావో’నినాదాన్ని మోదీ ఎద్దేవా చేశారు. తమ ప్రభుత్వానికి పేదరిక నిర్మూలన అనేది కేవలం ఒక నినాదం మాత్రమే కాదని, అదొక దృఢమైన నిబద్ధత అని తేల్చిచెప్పారు. ప్రపంచంలోనే అత్యంత వేగంగా పేదరికం తగ్గుతున్న దేశాల్లో భారత్ కూడా ఒకటిగా నిలిచిందని, ప్రపంచ బ్యాంకు కూడా ఇదే విషయాన్ని చెబుతోందని పేర్కొన్నారు. ప్రపంచ బ్యాంకు గణాంకాలను ప్రస్తావించారు. 2011 నుండి 2023 మధ్య కాలంలో 49.6 కోట్ల మంది భారతీయులు పేదరికం నుంచి బయటపడ్డారని, దీనివల్ల తీవ్ర పేదరిక రేటు 90 శాతం తగ్గిందని వివరించారు. అంటే, గతంలో ప్రతి నలుగురు భారతీయులలో ఒకరికి పైగా తీవ్ర పేదరికంలో ఉండగా, నేడు సుమారు ప్రతి 38 మంది భారతీయులలో ఒకరికి మాత్రమే ఆ పరిస్థితి ఉందని ఉద్ఘాటించారు. కేవలం ఆరు సంవత్సరాల్లోనే ఉపాధి అవకాశాలు 13.4 కోట్లు పెరిగాయని, ఇది మన దేశంలోని పని చేయగల వయస్సు గల జనాభాలో నమోదైన పెరుగుదల కంటే దాదాపు రెట్టింపు అని తెలియజేశారు. దేశంలో అసమానతలు గణనీయంగా తగ్గాయని పేర్కొన్నారు. ‘ఇండియా పావర్టీ అండ్ ఈక్విటీ బ్రీఫ్: అక్టోబర్ 2026’అనే పేరుతో ప్రపంచ బ్యాంక్ ఇటీవల విడుదల చేసిన నివేదిక ప్రకారం.. భారతదేశంలో తీవ్ర పేదరిక రేటు 2011లో 27.1 శాతంగా ఉండగా, 2023 నాటికి అది 2.6 శాతానికి తగ్గింది. -
మోదీని గద్దె దించేందుకు వానర సైన్యం సిద్ధం
సాక్షి, న్యూఢిల్లీ: నాడు రావణుడిని ఓడించేందుకు రాముడికి వానర సేన తోడ్పడినట్లు, నేడు మోదీని ఓడించేందుకు వానర సైన్యంలా తమ కాంగ్రెస్ పార్టీ నాయకులు, కార్యకర్తలు సిద్ధమై ఢిల్లీకి చేరుకున్నారని సీఎం రేవంత్రెడ్డి అన్నారు. కేంద్రంలోని బీజేపీ ప్రభుత్వం ఎన్నికల వ్యవస్థను, ఓటర్ల జాబితాలను తారుమారు చేస్తూ ప్రజాస్వామ్యాన్ని కాలరాస్తోందని విమర్శించారు. ఈ ఓటు చోరీపై రామ్లీలా మైదాన్లో తాము సమరశంఖం పూరిస్తున్నామని అన్నారు. ఇండియా కూటమి ర్యాలీ ప్రారంభం సందర్భంగా తెలంగాణ భవన్లో కాంగ్రెస్ శ్రేణులను ఉద్దేశించి ఆయన ప్రసంగించారు. దేశంలో ఇప్పటికే 13.5 కోట్ల మంది ఓటర్ల పేర్లను ఓటర్ల జాబితాల నుంచి అక్రమంగా తొలగించారని, రానున్న రోజుల్లో మరో 20 కోట్ల మంది పేదలు, బలహీన వర్గాలు, ప్రతిపక్ష పార్టీల మద్దతుదారుల ఓట్లను తొలగించడానికి పెద్ద కుట్రలకే తెరలేపుతున్నారని ముఖ్యమంత్రి విమర్శించారు. కులాలు, మతాలు, వర్గాల పేరిట బ్రిటిష్ వారి మాదిరిగా ‘విభజించు పాలించు’సిద్ధాంతంతో తొలి రెండుసార్లు మోదీ ప్రధాని అయ్యారని చెప్పారు. మూడోసారి 2024 ఎన్నికల్లో 400 సీట్లు దాటితే రాజ్యాంగాన్ని మార్చాలని, దళితులు, గిరిజనులు, మహిళల ఓట్లు తొలగించాలని యోచించారని, అయితే వారు ఆశించిన సంఖ్యలో సీట్లు రాకపోవడంతో ఆయా వర్గాలపై కక్ష పెంచుకున్న మోదీ ప్రభుత్వం వారి ఓట్లను తొలగించడానికి ప్రయత్నిస్తోందని ధ్వజమెత్తారు. ప్రజాస్వామ్య వ్యవస్థల విధ్వంసాన్ని సహించం మోదీని మళ్లీ నాలుగోసారి గద్దెనెక్కించడానికి ‘సర్’పేరిట జరుగుతున్న ఓట్ల దోపిడీని, ప్రజాస్వామ్య వ్యవస్థల విధ్వంసాన్ని తాము సహించబోమని రేవంత్ హెచ్చరించారు. అన్యాయంపై పోరాటంలో తెలంగాణ నేల ఎప్పుడూ ముందుంటుందని చెప్పారు. ఈ రోజు ఢిల్లీ వేదికగా దేశ ప్రజాస్వామ్యాన్ని, రాజ్యాంగాన్ని కాపాడుకోవడానికి తాము పోరాడతామని స్పష్టం చేశారు. తెలంగాణ నుంచి 15 వేల మంది వరకూ రైళ్లలో తరలి వచ్చేలా పీసీసీ ఆధ్వర్యంలో ఏర్పాట్లు చేస్తే, వారు ఢిల్లీకి రాకుండా అడ్డుకోవడానికి కేంద్ర ప్రభుత్వం అనేక రైళ్లను అర్ధాంతరంగా నిలిపివేసిందని ఆగ్రహం వ్యక్తం చేశా>రు. ఎన్ని అడ్డంకులు సృష్టించినా, రైళ్లను ఆపేసినా వేలాది మంది తెలంగాణ గడ్డ నుంచి సైనికుల్లా దేశ రాజధానికి తరలివచ్చారని సీఎం చెప్పారు. అది ప్రజాస్వామ్య పునాదులను దెబ్బతీయడమే: భట్టి ఎన్నికలను స్వేచ్ఛగా, నిష్పక్షపాతంగా నిర్వహించాల్సిన ఎన్నికల సంఘం తన స్వతంత్రతను కోల్పోయి, బీజేపీ ప్రభుత్వ అభిప్రాయాలకు అనుగుణంగా పనిచేస్తోందని డిప్యూటీ సీఎం భట్టి విక్రమార్క విమర్శించారు. ‘సర్’పేరుతో దేశంలోని అర్హులైన పౌరుల ఓటు హక్కును తొలగించే ప్రయత్నం జరుగుతోందని ఆందోళన వ్యక్తం చేశారు. ఎన్నికల సంఘంలోని ఇతర కమిషనర్ల అభిప్రాయాలను సైతం ప్రధాన ఎన్నికల కమిషనర్ పరిగణనలోకి తీసుకోవడం లేదని స్వయంగా కమిషనర్లు పేర్కొనడం పరిస్థితి తీవ్రతకు అద్దం పడుతోందని అన్నారు. ఓటు హక్కును హరించడమంటే ప్రజాస్వామ్య పునాదులను దెబ్బతీయడమేనని చెప్పారు.ఇప్పటికైనా ఎన్నికల సంఘం తన స్వతంత్ర నిర్ణయాలతో పని చేయాలని సూచించారు. అందరూ భాగస్వాములు కావాలి: మహేశ్గౌడ్ ప్రజాస్వామ్య బద్ధంగా ఎన్నికైన ప్రభుత్వాలను కూలదోస్తూ, ప్రధాని మోదీ, కేంద్ర హోంమంత్రి అమిత్ షా దేశంలో ప్రజాస్వామ్యాన్ని ఖూనీ చేస్తున్నారని టీపీసీసీ చీఫ్ మహేశ్కుమార్ గౌడ్ విమర్శించారు. కాంగ్రెస్ అగ్రనేత రాహుల్ గాంధీ చేస్తున్న పోరాటానికి మద్దతుగా వేలాది మంది కార్యకర్తలు, నాయకులు రామ్లీలా మైదానానికి తరలిరావడం రాబోయే ఎన్నికల తర్వాత వచ్చే మార్పుకు నాందిగా అభివర్ణించారు. ప్రజాస్వామ్య పరిరక్షణ కోసం కాంగ్రెస్ పార్టీ చేస్తున్న ఈ పోరాటంలో అందరూ భాగస్వాములు కావాలని ఆయన పిలుపునిచ్చారు. బీజేపీ ఓట్లను దొంగిలించి కేంద్రంలో అధికారంలోకి వచ్చిందని మంత్రి వాకిటి శ్రీహరి ఆరోపించారు.ఆ పార్టీ తెలంగాణ పేరు చెబితేనే భయపడుతోందన్నారు. అడ్డగోలుగా వ్యవహరిస్తూ, ఓట్లను తొలగిస్తూ అన్యాయానికి పాల్పడుతున్నందుకు సీఈసీ జ్ఞానేశ్కుమార్కు శిక్ష తప్పదని మంత్రి వివేక్ వెంకటస్వామి హెచ్చరించారు. ఓటు చోరీలో ప్రధాని మోదీ పాత్ర కూడా ఉంది కాబట్టే ఆయన ఒక దొంగను కాపాడుతున్నారని మంత్రి సీతక్క విమర్శించారు. దేశ ప్రజాస్వామ్య పరిరక్షణకు, ప్రతి పౌరుడి ఓటు హక్కును కాపాడేందుకు ప్రజాస్వామ్య శక్తులన్నీ ఐక్యంగా పోరాడాలని మంత్రి జూపల్లి కృష్ణారావు పిలుపునిచ్చారు. అడ్రస్ మారితే ఓటర్ లిస్టు నుంచి ఓట్లను ఎలా తొలగిస్తారంటూ సుప్రీంకోర్టు చీవాట్లు పెట్టినప్పటికీ బీజేపీ ప్రభుత్వం జ్ఞానేశ్కుమార్ను వెనకేసుకొస్తోందని ప్రభుత్వ విప్ ఆది శ్రీనివాస్ ధ్వజమెత్తారు.కదం తొక్కిన రాష్ట్ర కాంగ్రెస్ దండుఇండియా కూటమి ర్యాలీలో తెలంగాణ నేతల హల్చల్ తెలంగాణ భవన్ నుంచి రామ్లీలా వరకు ఎక్కడ చూసినా రాష్ట్ర శ్రేణులే ముందుండి నడిపించిన సీఎం, మంత్రులు, పీసీసీ చీఫ్సాక్షి, న్యూఢిల్లీ: దేశంలో నిర్వహిస్తున్న ఓటర్ జాబితా ప్రత్యేక సవరణ ( ఎస్ఐఆర్)ను నిరసిస్తూ ఇండియా కూటమి పక్షాలు రామ్లీలా వేదికగా నిర్వహించిన చలో ఢిల్లీ ర్యాలీలో తెలంగాణ కాంగ్రెస్ శ్రేణులు కదం తొక్కాయి. సీఈసీ జ్ఞానేశ్కుమార్ రాజీనామా చేయాలని, దేశ వ్యాప్తంగా ఎస్ఐఆర్ను తక్షణం నిలిపివేయాలన్న డిమాండ్తో ఇండియా కూటమి పక్షాలు చేపట్టిన ర్యాలీకి హాజరై తమ సంఘీభావాన్ని ప్రకటించాయి. ముఖ్యమంత్రి, మంత్రులు, ఎంపీలు, ఎమ్మెల్యేలు, ఇతర ప్రజా ప్రతినిధులు, పార్టీ నేతలు, కార్యకర్తలు వేల సంఖ్యలో ఈ కార్యక్రమంలో పాల్గొన్నారు. తెలంగాణ భవన్, పార్టీ జాతీయ కార్యాలయమైన ఇందిరాభవన్ మొదలు మిండ్రోడ్డు నుంచి రామ్లీలా వరకు నేతల కోలాహలం కనిపించింది. సీఎం, మంత్రులు, పీసీసీ చీఫ్ వారికి నాయకత్వం వహించారు. ఉరకలేసిన ఉత్సాహం.. శనివారం రాత్రి నుంచే నేతలు పెద్ద సంఖ్యలో ఢిల్లీకి చేరుకోగా, ఆదివారం ఉదయం నాటికి రైలు, బస్సు, ప్రైవేటు వాహనాల ద్వారా వేల సంఖ్యలో కాంగ్రెస్ కార్యకర్తలు ఢిల్లీకి చేరుకున్నారు. ఆదివారం ఉదయం నుంచే పరిసరాలన్నీ రాష్ట్రనేతలు, వారి ఫ్లెక్సీలతో నిండిపోయాయి. డిప్యూటీ సీఎం భట్టి విక్రమార్క, మంత్రులు పొంగులేటి శ్రీనివాస్రెడ్డి, దామోదర రాజనర్సింహ, పొన్నం ప్రభాకర్, సీతక్క, జూపల్లి కృష్ణారావు, తుమ్మల నాగేశ్వరరావు, అడ్లూరి లక్ష్మణ్కుమార్, వాకిటి శ్రీహరి, పీసీసీ అధ్యక్షుడు మహేశ్కుమార్ గౌడ్ ఉదయం పదిన్నరకే తెలంగాణ భవన్ చేరుకోవడంతో ఆయా జిల్లాల నుంచి తరలివచ్చిన నేతలు, శ్రేణులు వారితో కలిసేందుకు, ఫొటోలు దిగేందుకు ఉత్సాహం చూపించాయి. సీఎం ప్రసంగం తర్వాత స్వల్ప తొక్కిసలాట 11.30 గంటల సమయంలో సీఎం రేవంత్రెడ్డి రావడంతో కోలాహలం మరింత పెరిగింది. భారీ సంఖ్యలో వచి్చన శ్రేణులను ఉద్దేశించి సీఎం మాట్లాడారు. ర్యాలీని జయప్రదం చేయాలని పిలుపునిచ్చారు. ఆయన ప్రసంగం అనంతరం అక్కడినుంచి బయటకు వెళ్లే సమయంలో ఒక్కసారిగా నేతలు ఆయనతో కరచాలనం చేసేందుకు, ఫొటోలు దిగేందుకు ఎగబడటంతో స్వల్ప తొక్కిసలాట చోటుచేసుకుంది. కాగా ప్రత్యేక బస్సుల్లో బయలుదేరిన మంత్రులు, ఎమ్మెల్యేలు, ఇతర నేతలు మిండ్రోడ్డు వరకు చేరుకొని అక్కడ నిరసన తెలిపారు.సీఈసీకి వ్యతిరేకంగా నినాదాలు చేస్తూ రామ్లీలాకు ర్యాలీగా వెళ్లారు. అక్కడ ఏర్పాటు చేసిన ప్రత్యేక స్టేజీలోనూ తెలంగాణ నేతల హల్చల్ కనిపించింది. చాలా సీట్లలో ముందు వరుసల్లో రాష్ట్ర నేతలే ఉన్నారు. ఇక భవన్ నుంచి ఏఐసీసీ అధ్యక్షుడు మల్లికార్జున ఖర్గే నివాసానికి వెళ్లిన ముఖ్యమంత్రి రేవంత్రెడ్డి అక్కడ రాహుల్గాం«దీ, ప్రియాంకాగాం«దీ, తృణమూల్ అధినేత్రి మమతా బెనర్జీ, ఆర్జేడీ అధినేత తేజస్వియాదవ్ తదితరులతో కలిసి ఓపెన్ టాప్ జీప్లో ర్యాలీగా రామ్లీలాకు వెళ్లారు. ర్యాలీ పూర్తయ్యేంతవరకు అక్కడే ఉన్నారు. -
ప్రతిపక్షం అవరోధ పక్షం
ఏక్తానగర్: ప్రధాని నరేంద్ర మోదీ ప్రతిపక్షాలపై తీవ్రస్థాయిలో విరుచుకుపడ్డారు. ప్రతిపక్షాలు కేవలం విరోధ పక్షం(వ్యతిరేకించే వర్గం)గానే కాకుండా, అవరోధ పక్షం(అడ్డంకులు సృష్టించే వర్గం)గా మారాయని మండిపడ్డారు. నిరాశలో మునిగిపోయిన ప్రతిపక్షాలు దేశాభివృద్ధికి అడ్డంకిగా మారిపోయాయని ఆక్షేపించారు. రాజ్యాంగ నిబంధనలను ఉల్లంఘిస్తున్నాయని ఆరోపించారు. రాజ్యాంగ సరిహద్దులను ఛిన్నాభిన్నం చేయడంలో నిమగ్నమయ్యారని విపక్ష నేతలపై నిప్పులు చెరిగారు. విపక్షాల తీరు చాలా దురదృష్టకరమని అన్నారు. సర్దార్ వల్లభ్ భాయ్ పటేల్ 151వ జయంతిని పురస్కరించుకొని రాష్ర్టీయ ఏక్తా దివస్ సందర్భంగా శనివారం గుజరాత్ రాష్ట్రం నర్మదా జిల్లాలోని ఏక్తా నగర్ పరేడ్ గ్రౌండ్లో నిర్వహించిన సభలో మోదీ ప్రసంగించారు. ప్రతిపక్షాలు దేశ ప్రజల మధ్య విభజన తీసుకురావాలని, యువతను రెచ్చగొట్టాలని చూస్తున్నాయని మండిపడ్డారు. కాంగ్రెస్ నేత రాహుల్ గాంధీ విదేశీ పర్యటనలను పరోక్షంగా ప్రస్తావించారు. విదేశాల్లో రహస్యంగా ఎవరిని ఎవరు కలుస్తున్నారు? భారతదేశానికి వ్యతిరేక శక్తులు ఎవరికి మద్దతు ఇస్తున్నాయి? భారతదేశ శత్రువుల భాషలో ఎవరు మాట్లాడుతున్నారు? అని పేర్కొన్నారు. అటువంటి శక్తులకు వ్యతిరేకంగా దేశం ఐక్యంగా నిలబడాలని పిలుపునిచ్చారు. ప్రపంచ ఇంధన సంక్షోభం నేపథ్యంలో భారత వ్యతిరేక శక్తులు క్రియాశీలకంగా మారాయని చెప్పారు. ప్రస్తుతం ప్రపంచం అత్యంత క్లిష్టమైన కాలాన్ని ఎదుర్కొంటోందని, అనేక దేశాల మధ్య యుద్ధాలు జరుగుతున్నాయని, ఆర్థిక వ్యవస్థలు ఇబ్బందులకు గురవుతున్నాయని తెలిపారు. మన దేశం బాహ్య సవాళ్లకు పరిష్కారాలను వెతుకుతున్న తరుణంలో, దేశంలోని కొన్ని శక్తులు అబద్ధాలను, పుకార్లను వ్యాప్తి చేస్తూ అస్థిరతను సృష్టించే ప్రయత్నం చేశాయని ఆరోపించారు. కానీ, దేశ ప్రజలు మాత్రం దేశానికి అండగా నిలిచారని ప్రశంసించారు. దిమాగీ నక్సల్స్ ముప్పు ఎక్కువగా ఉంది సోషల్ మీడియాను ఒక ఆయుధంగా వాడుతున్నారని, అబద్ధపు ప్రచారాలు చేస్తున్నారని, తద్వారా భారతదేశ ప్రతిష్టను దెబ్బతీస్తున్నారని మోదీ ధ్వజమెత్తారు. దేశాన్ని నక్సలిజం, మావోయిజం నుంచి విముక్తం చేసేవరకు విశ్రమించబోమని గత ఏడాదే చెప్పానని, ఆ మాటను నిలబెట్టుకున్నానని వెల్లడించారు. నక్సలైట్ల వ్యవస్థను అంతం చేసినప్పటికీ, మేధో నక్సలైట్ల(దిమాగీ నక్సల్స్) ముప్పు ఇంకా చాలా ఎక్కువగా ఉందని వ్యాఖ్యానించారు. మనం కీలక చర్యలు తీసుకోబోతున్నామని, దేశ సరిహద్దులను పూర్తిగా సురక్షితంగా మార్చడం, చొరబాట్లను, జనాభా మార్పులను అరికట్టడం, లౌకిక పౌర స్మృతి వైపు పయనించడం వంటివి ఇందులో ఉన్నాయని ప్రకటించారు. ’ఏక్ భారత్–శ్రేష్ట్ర భారత్, వికసిత్ భారత్ అనేవి మన రెండు లక్ష్యాలని పునరుద్ఘాటించారు. సర్దార్ వల్లభ్భాయ్ పటేల్ చూపిన మార్గంలోనే దేశం ముందుకు సాగుతోందని తేల్చిచెప్పారు. 50 కోట్ల మంది పేదరికం నుంచి బయటపడ్డారు పేదరిక నిర్మూలనకు గత ప్రభుత్వాలు చేసిందేమీ లేదని ప్రధాని మోదీ తప్పుపట్టారు. పేదరికాన్ని నిర్మూలిస్తామని నినాదాలు చేసిన వారే స్వయంగా మరింత ధనవంతులుగా మారారని చెప్పారు. ప్రపంచ బ్యాంకు నివేదికను ప్రస్తావిస్తూ.. 2014 తర్వాత 50 కోట్ల మంది భారతీయులు పేదరికం నుంచి బయటపడ్డారని పేర్కొన్నారు. గతంలో ప్రతి 100 మందిలో 27 మంది తీవ్ర పేదరికంలో ఉండేవారని, నేడు ఆ సంఖ్య క్రమంగా తగ్గి, ప్రతి 100 మందిలో ముగ్గురికంటే తక్కువకు చేరుకుందని వెల్లడించారు. పేదల సంక్షేమం, సాధికారతపై తమ ప్రభుత్వం ప్రత్యేకంగా దృష్టి సారించడం వల్లే ఈ మార్పు సాధ్యమైందని తేల్చిచెప్పారు. సర్దార్ పటేల్కు ఘన నివాళులు సర్దార్ వల్లభ్భాయ్ పటేల్ జయంతి సందర్భంగా ఏక్తానగర్లో ఉన్న ‘స్టాచ్యూ ఆఫ్ యూనిటీ’ వద్ద మోదీ ఘనంగా నివాళులర్పించారు. పటేల్ విగ్రహానికి నమస్కరించారు. జాతీయ సమగ్రతకు, దేశ నిర్మాణానికి పటేల్ అందించిన కృషిని కొనియాడారు. బలమైన, సంపన్నమైన, సమర్థవంతమైన భారతదేశాన్ని నిర్మించేందుకు ఆయన తన జీవితాన్ని అంకితం చేశారని ప్రశంసించారు. అలరించిన ‘నక్సల్ ముక్త్ భారత్’ పటేల్ జయంతి సందర్భంగా ఏక్తానగర్లో నిర్వహించిన ఏక్తా దివస్ పరేడ్ విశేషంగా ఆకట్టుకుంది. ఒకప్పుడు మావోయిస్టుల నీడలో ఉన్న 126 జిల్లాలకు చెందిన 2 వేల మంది కళాకారులు తమ ఆటపాటలతో అలరించారు. భయం, హింసతో నిండిన పరిస్థితుల నుంచి నక్సల్స్ రహిత భారతదేశం వైపు సాగిన తమ పరివర్తన గాథను ప్రదర్శించారు. ఆయా కార్యక్రమాలను ప్రధాని నరేంద్ర మోదీ స్వయంగా వీక్షించారు. ‘నేషనల్ స్కూల్ ఆఫ్ డ్రామా’ నృత్య దర్శకత్వంలో రూపొందిన ‘నక్సల్ ముక్త్ భారత్’ అనే నాటకం ప్రధాన ఆకర్షణగా నిలిచింది. ఏక్తా దివస్ పరేడ్కు దేశవ్యాప్తంగా 126 జిల్లాలకు చెందిన సుమారు 5,000 మందిని ప్రత్యేకంగా ఆహా్వనించారు. ఈ కార్యక్రమంలో పోలీసు, సైనిక బలగాలు కవాతు నిర్వహించాయి. -
మార్కెట్ లోకి కొత్త ₹1000 నోటు? RBI కీలక ప్రకటన!
-
ఇస్రో ప్రయోగం విజయవంతం.. ప్రధాని మోదీ హర్షం
ఢిల్లీ: భారత నావిగేషన్ వ్యవస్థ ‘నావిక్’ను మరింత బలోపేతం చేసే లక్ష్యంతో రూపొందించిన అత్యాధునిక నావిగేషన్ ఉపగ్రహం ఎన్వీఎస్-03 విజయవంతంగా ప్రయోగించడంపై ప్రధాని నరేంద్ర మోదీ హర్షం వ్యక్తం చేశారు. ఎక్స్ వేదికగా స్పందించిన ప్రధాని.. ఇస్రో శాస్త్రవేత్తలకు అభినందనలు తెలిపారు. మన శాస్త్రవేత్తల మేధస్సు, అంకితభావం మన దేశానికి గర్వకారణంగా నిలుస్తోందంటూ ప్రధాని మోదీ కొనియాడారు.భారత అంతరిక్ష పరిశోధన సంస్థ (ఇస్రో) మరో పెద్ద విజయాన్ని నమోదు చేసింది. ఆ సంస్థ తిరుపతి జిల్లా సతీష్ ధవన్ స్పేస్ సెంటర్ (షార్)లోని రెండో ప్రయోగ వేదిక నుంచి ప్రయోగించిన జియోసింక్రనస్ లాంఛ్ వెహికల్ (జీఎస్ఎల్వీ) ఎఫ్–18 సెకండ్ జనరేషన్ నావిక్–03 ఉపగ్రహాన్ని విజయవంతంగా కక్ష్యలోకి ప్రవేశపెట్టింది. శుక్రవారం అర్ధరాత్రి 11.51 గంటలకు జరిగిన ఈ ప్రయోగంలో 50 మీటర్లు పొడవు, 420 టన్నుల బరువున్న జీఎస్ఎల్వీ ఎఫ్–18 రాకెట్ 2,232 కిలోల బరువు కలిగిన నావిక్–03 ఉపగ్రహాన్ని మోసుకుని చిమ్మ చీకట్లును చీల్చుకుంటూ నింగివైపు అత్యంత వేగంగా దూసుకెళ్లింది.ఈ సమయంలో శ్రీహరికోట ప్రాంతమంతా పట్టపగలులా కనిపించడం విశేషం. రాకెట్లోని మూడు దశలు అద్భుతంగా పని చేశాయి. రాకెట్ను ప్రయోగించిన 18.43 నిమిషాలకు నావిక్–03 ఉపగ్రహాన్ని భూమికి దగ్గరగా 170 కిలోమీటర్లు (పెరిజీ), భూమికి దూరంగా 37,023 కిలోమీటర్లు (అపోజి) లో దీర్ఘ వృత్తాకార జియో ట్రాన్స్ఫర్ ఆర్బిట్ (భూ బదిలీ కక్ష్య)లో విజయవంతంగా ప్రవేశపెట్టింది. ఉపగ్రహానికి ఇరువైపులా ఉన్న సోలార్ ప్యానెల్స్ విచ్చుకున్నాయని బెంగళూరు సమీపంలో బైలాలు ప్రాంతంలో ఉన్న గ్రౌండ్ స్టేషన్కు సిగ్నల్స్ అందాయి.జియో ట్రాన్స్ఫర్ ఆర్బిట్లోకి ప్రవేశపెట్టిన నావిక్–03 ఉపగ్రహంలో నింపిన ఇంధనం సాయంతో మరో రెండు మూడు రోజుల్లోనే మూడు దశల్లో పెరిజీని పెంచుతూ అపోజిని తగ్గిస్తూ భూమికి 36 వేల కిలోమీటర్ల ఎత్తులోని జియో ఆర్బిట్లో స్థిరపరుస్తారు. షార్ నుంచి చేసిన ప్రయోగాల్లో ఇది 107వ ప్రయోగం. జీఎస్ఎల్వీ సిరీస్లో 20వ ప్రయోగం, నావిక్ సిరీస్లో మూడో ఉపగ్రహం.మిషన్ కంట్రోల్ సెంటర్ నుంచి ఇస్రో ఛైర్మన్ డాక్టర్ వి.నారాయణన్ మాట్లాడుతూ ఇది ఇస్రో సాధించిన సమష్టి విజయమని అన్నారు. భారత దేశ నావిగేషన్ వ్యవస్థను బలోపేతం చేసేందుకు నావిక్లో మూడు ఉపగ్రహాలను పంపామని చెప్పారు. వచ్చే ఏడాది నావిక్–04, 05 ఉపగ్రహాలను ప్రయోగించి భారతదేశానికి నావిగేషన్ వ్యవస్థను పూర్తిస్థాయిలో అందుబాటులోకి తెస్తామని తెలిపారు. ఆరు నెలలకొక ఉపగ్రహం ప్రయోగిస్తామని తెలిపారు.నావిగేషన్ విత్ ఇండియన్ కాన్స్టలేషన్ (నావిక్) అనేది భారతదేశ స్వతంత్ర నావిగేషన్ వ్యవస్థ. ఈ వ్యవస్థలో భారత క్షేత్రీయ దిక్సూచి వ్యవస్థ (ఐఆర్ఎన్ఎస్ఎస్) ఉపగ్రహాల శ్రేణి తదుపరి తరం నావిగేషన్ ఉపగ్రహ వ్యవస్థలో నావిక్–03 ఉపగ్రహం మూడోది. ఈ ఉపగ్రహంలో నావిగేషన్ పేలోడ్, రేంజింగ్ పేలోడ్ అనే రెండు రకాలు పేలోడ్స్ అమర్చారు.నావిగేషన్ పేలోడ్ వినియోగదారులకు నావిగేషన్ సేవా సంకేతాలను ప్రసారం చేస్తుంది. ఈ పేలోడ్ ఎల్1 బ్యాండ్, ఎల్5, ఎస్ బ్యాండ్లతో పనిచేస్తుంది. అత్యంత స్థిరమైన రుబీడియం అటామిక్ క్లాక్ నావిగేషన్ పేలోడ్లో ఒక భాగం. ఐఆర్ఎన్ఎస్ఎస్ సిరీస్ ఉపగ్రహాలలో దిగుమతి చేసుకున్న రుబీడియం అటామిక్ క్లాక్లు విఫలం కావడంతో అహమ్మదాబాద్లోని స్పేస్ అప్లికేషన్ సెంటర్లో పూర్తి స్వదేశీ సాంకేతిక పరిజ్ఞానంతో వీటిని రూపొందించి ఈ ఉపగ్రహంలో పొందుపరిచారు. ఇదీ చదవండి: ఢిల్లీలో వింత వాతావరణం.. 75 ఏళ్లలో ఎన్నడూ లేనంతగా..! -
తుదిశ్వాస దాకా దేశ సేవలోనే..
భిల్దీ: తుదిశ్వాస విడిచే దాకా దేశ ప్రజలకు సేవలందిస్తూనే ఉంటానని ప్రధాని నరేంద్ర మోదీ తేల్చిచెప్పారు. దేశం సంక్షోభాన్ని ఎదుర్కొంటున్నప్పుడు ప్రతిపక్షాలు సంబరాలు చేసుకుంటున్నాయని, పశ్చిమాసియాలో కొనసాగుతున్న ఘర్షణల నేపథ్యంలో ఎరువులు, వంటగ్యాస్ లభ్యతపై భయాందోళనలు సృష్టిస్తున్నాయని ఆరోపించారు. ‘అభివృద్ధి చెందిన భారత్’నిర్మాణానికి రైతులు, యువత, మహిళలు ఎంతగానో కృషి చేస్తున్నారని ప్రశంసించారు. కానీ, మన దేశ ప్రగతి కొందరికి నచ్చడం లేదని, అసౌకర్యంగా భావిస్తున్నారని విమర్శించారు. ప్రధాని మోదీ రెండు రోజుల పర్యటన నిమిత్తం శుక్రవారం తన సొంత రాష్ట్రం గుజరాత్కు చేరుకున్నారు. తొలిరోజు బనస్కాంత జిల్లాలోని భిల్దీ పట్టణంలో భారత్ బోవైన్ బ్రీడింగ్, రీసెర్చ్ సెంటర్ను ప్రారంభించారు. స్వదేశీ పశువుల జాతులను మెరుగుపరచడం, పాల ఉత్పత్తిని పెంచడం ఈ కేంద్రం ప్రధాన లక్ష్యం. 127 ఎకరాల విస్తీర్ణంలో రూ.325 కోట్ల వ్యయంతో బనాస్ డెయిరీ ఈ కేంద్రాన్ని నిర్మించింది. అలాగే రూ.14,000 కోట్ల విలువైన పలు అభివృద్ధి ప్రాజెక్టులను సైతం మోదీ ప్రారంభించారు. మరికొన్నింటికి శంకుస్థాపన చేశారు. ప్రధానమంత్రి కిసాన్ సమ్మాన్ నిధి(పీఎం–కిసాన్) 24వ విడత నిధులు కూడా విడుదల చేశారు. ఈ సందర్భంగా నిర్వహించిన సభలో ప్రసంగించారు. దేశ సేవకే తన జీవితం అంకితమని ఉద్ఘాటించారు. ప్రతిపక్షాల తీరుపై ధ్వజమెత్తారు. దేశం కష్టాల్లోనే ఉండాలని కోరుకునే వ్యక్తులు కొందరు ఉన్నారని విమర్శించారు. దేశం ఇబ్బందులు ఎదుర్కొంటున్నప్పుడు వారు ఆనందం పొందుతారని, దేశానికి ఏదైనా సంక్షోభం ఎదురైనప్పుడల్లా వారు అందులో సంతోషాన్ని వెతుక్కుంటారని దుయ్యబట్టారు. ప్రధానమంత్రి ఇంకా ఏం మాట్లాడారంటే... నన్ను అప్రతిష్టపాలు చేయడానికి కుట్రలు ‘‘పశ్చిమాసియాలో చాలారోజులుగా ఘర్షణలు జరుగుతున్నాయి. యుద్ధం వల్ల తలెత్తిన పరిస్థితులను ఎదుర్కోవడంలో మన దేశం మొత్తం ఏకతాటిపై నిలుస్తోంది. కొందరు వ్యక్తులు మాత్రం పుకార్లు వ్యాప్తి చేస్తూ ప్రజల్లో భయాందోళనలు సృష్టిస్తున్నారు. ఎరువులు దొరకవంటూ రైతులను భయపెట్టారు. ఆందోళనకర వాతావరణాన్ని సృష్టించారు. నన్ను అప్రతిష్టపాలు చేయడానికి ప్రతిపక్షాలు దేశవ్యాప్తంగా గందరగోళం సృష్టించేందుకు ప్రయత్నించాయి. వంటగ్యాస్ విషయంలోనూ తప్పుడు ప్రచారం సాగించారు. మహిళలను భయపెట్టాలని చూశారు. మోదీకి చెడ్డపేరు తీసుకురావాలన్న కుట్రతో దేశమంతటా గందరగోళం సృష్టించడమే ప్రతిపక్షాల పని. ప్రజలకు అండగా నిలుస్తానని నేను హమీ ఇచ్చాను. పశ్చిమాసియాలో సంఘర్షణ కొనసాగుతున్నప్పటికీ మన రైతులకు ఎరువుల కొరత లేకుండా చర్యలు తీసుకున్నాం. యుద్ధం కారణంగా ప్రపంచవ్యాప్తంగా ఎరువుల ధరలు, వాటి తయారీకి అవసరమైన రసాయనాల వ్యయాలు భారీగా పెరిగాయి. ఆ అదనపు భారం మన రైతులపై పడకుండా చూస్తున్నాం. రైతులకు రూ.24 లక్షల కోట్లు పీఎం–కిసాన్ పథకం కింద 24వ విడతలో భాగంగా సుమారు 10 కోట్ల మంది రైతుల బ్యాంకు ఖాతాల్లోకి రూ.18,000 కోట్లకు పైగా నగదును బదిలీ చేశాం. 2019 ప్రారంభంలో ఈ పథకాన్ని ప్రారంభించినప్పటి నుంచి ఇప్పటివరకు రైతులకు సుమారు రూ.4.5 లక్షల కోట్లను నేరుగా వారి ఖాతాల్లోకి బదిలీ చేశాం. ఎరువుల ధరల పెరుగుదల నుంచి రైతులను కాపాడేందుకు ప్రభుత్వం రూ.16 లక్షల కోట్లు ఖర్చు చేసింది. గత 12 ఏళ్లలో కనీస మద్దతు ధర(ఎంఎస్పీ) విధానం ద్వారా గోధుమలు, వరి సాగు చేసే రైతులకు రూ.24 లక్షల కోట్లు అందాయి’’అని ప్రధాని మోదీ స్పష్టంచేశారు. భిల్దీ పట్టణంలో ప్రధానమంత్రి పాల్గొన్న బహిరంగ సభలో నిర్వాహకులు ప్రజల కోసం కుర్చిలకు బదులుగా చార్పాయిలను(మంచాలను) ఏర్పాటు చేశారు. ఈ ఏర్పాటును మోదీ అభినందించారు. తాను ప్రసంగించిన సభల్లో ఇదే అతిపెద్ద ‘చార్పాయి సభ’కావొచ్చని చెప్పారు. భిల్దీలో మోదీ రోడ్ షో ప్రధాని మోదీ భిల్దీ టౌన్లో శుక్రవారం రోడ్ షోలో పాల్గొన్నారు. హెలిప్యాడ్ నుంచి బనాస్ డెయిరీ ప్లాంట్ వరకు ఈ కార్యక్రమం కొనసాగింది. మోదీ వెంట గుజరాత్ ముఖ్యమంత్రి భూపేంద్ర పటేల్, ఉప ముఖ్యమంత్రి హర్‡్ష సంఘవి కూడా ఉన్నారు. జనం రోడ్డుకు ఇరువైపులా నిల్చొని మోదీకి స్వాగతం పలికారు. ఆయన వారికి అభివాదం చేస్తూ ఓపెన్ టాప్ జీపులో ముందుకు సాగారు. ‘భారత్ అభివృద్ధి చెందేవరకూ మోదీ ఎక్కడికీ వెళ్లరు’అని రాసి ఉన్న ప్లకార్డులను జనం ప్రదర్శించారు. -
కేంద్ర ఉద్యోగులకు ఒకేసారి 18 నెలల జీతం?
-
గ్యాస్, ఎరువుల కొరతపై తప్పుడు ప్రచారం.. విపక్షాలపై ప్రధాని మోదీ ఫైర్
గుజరాత్: ఇరాన్ యుద్ధం నేపథ్యంలో దేశంలో ఎల్పీజీ గ్యాస్, ఎరువుల కొరత ఏర్పడుతుందంటూ ప్రతిపక్షాలు తప్పుడు ప్రచారం చేస్తున్నాయని ప్రధాని నరేంద్ర మోదీ ఆరోపించారు. దేశం కష్టాల్లో ఉన్నప్పుడు కొందరు సంతోషం పొందుతున్నారని, తనకు చెడ్డపేరు తీసుకురావడమే వారి లక్ష్యమని ఆయన విమర్శించారు. గుజరాత్లోని బనస్కాంత జిల్లా భిల్డీలో శుక్రవారం జరిగిన ఓ కార్యక్రమంలో ఆయన ఈ వ్యాఖ్యలు చేశారు.గల్ఫ్ ప్రాంతంలో ఉద్రిక్తతలు కొనసాగుతున్నప్పటికీ, ఎరువుల ధరల పెరుగుదల భారాన్ని రైతులపై పడకుండా తమ ప్రభుత్వం చర్యలు తీసుకుందని ప్రధాని మోదీ తెలిపారు. భారత్ను అభివృద్ధి చెందిన దేశంగా తీర్చిదిద్దేందుకు ప్రతి ఒక్కరూ కృషి చేస్తున్నారని చెప్పారు. కానీ కొందరికి మాత్రం దేశ అభివృద్ధి నచ్చడం లేదని, దేశం సంక్షోభంలో ఉన్నప్పుడే వారు సంతోషిస్తారని ప్రతిపక్షాలను ఉద్దేశించి ప్రధాని విమర్శించారు. దేశం కష్టాల్లో పడాలని కోరుకునే వ్యక్తులు కూడా ఉన్నారని ఆయన ఆరోపించారు.దేశ ప్రజలకు తన చివరి శ్వాస వరకు సేవ చేస్తానని ప్రధాని మోదీ స్పష్టం చేశారు. ఈ సందర్భంగా రూ.14 వేల కోట్ల విలువైన అభివృద్ధి పనులకు ప్రారంభోత్సవాలు, శంకుస్థాపనలు చేశారు. అలాగే పీఎం కిసాన్ సమ్మాన్ నిధి 24వ విడతగా దేశవ్యాప్తంగా దాదాపు 10 కోట్ల మంది రైతుల ఖాతాల్లో రూ.18 వేల కోట్లకు పైగా జమ చేశారు. గుజరాత్లో 50 లక్షల మందికి పైగా రైతులకు రూ.1,000 కోట్లకు పైగా నిధులు అందాయని తెలిపారు.బనస్కాంతలో 127 ఎకరాల్లో ఏర్పాటు చేసిన భారత్ బోవైన్ బ్రీడింగ్ అండ్ రీసెర్చ్ సెంటర్ను ఆయన ప్రారంభించారు. కంక్రేజ్ పశు జాతి అభివృద్ధి, నాణ్యమైన పశు ఉత్పత్తి లక్ష్యంగా ఈ కేంద్రం పనిచేయనుంది. బనాస్ డెయిరీ ఆధ్వర్యంలో రెండు బయో సీఎన్జీ ప్లాంట్లు, బంగాళాదుంపల ప్రాసెసింగ్ కేంద్రం విస్తరణ సహా పలు అభివృద్ధి ప్రాజెక్టులను కూడా ప్రధాని మోదీ ప్రారంభించారు.ఇదీ చదవండి: ఘోర ప్రమాదం.. అంబులెన్స్లో ఆక్సిజన్ సిలిండర్ పేలి 10 మంది మృతి -
కాంగ్రెస్ గెలిచింది ఎన్ని?
న్యూఢిల్లీ: నాలుగు రాష్ట్రాల్లో జరిగిన ఎమ్మెల్సీ ఎన్నికల్లో ఒక్క సీటు కూడా గెలుచుకోలేకపోయిన కాంగ్రెస్ పార్టీపై ప్రధాని నరేంద్ర మోదీ వ్యంగ్యాస్త్రాలు విసిరారు. ఎమ్మెల్సీ ఎన్నికల్లో కాంగ్రెస్ ఎన్ని సీట్లు గెలుచుకుందో ఊహించాలని నెటిజన్లను కోరారు. ఈ మేరకు బుధవారం ‘ఎక్స్’లో పోస్టుచేశారు. ఈ ప్రశ్నకు మోనోకిల్తో ఆలోచిస్తున్న ముఖం ఉన్న ఎమోజీని జతచేశారు. మోనోకిల్ ద్వారా చూస్తున్న ముఖాన్ని సూచించే ఈ ఎమోజీని సాధారణంగా ఉత్సుకతను లేదా సందేహాన్ని తెలియజేయడానికి ఉపయోగిస్తారు. ఈ ఎన్నికలు బ్యాలెట్ పేపర్లతోనే జరిగాయని మోదీ గుర్తుచేశారు. ఎన్నికల్లో ఈవీఎంలను పూర్తిగా పక్కనపెట్టి, కేవలం బ్యాలెట్ పేపర్లతోనే నిర్వహించాలని కాంగ్రెస్తోపాటు ప్రతిపక్షాలు డిమాండ్ చేస్తున్న సంగతి తెలిసిందే. ఈవీఎంల వల్ల బీజేపీ లాభపడుతోందని ప్రతిపక్షాలు ఆరోపిస్తున్నాయి. బ్యాలెట్ పేపర్లతోనే జరిగిన ఎమ్మెల్సీ ఎన్నికల్లో కాంగ్రెస్ ఘోరంగా ఓడిపోయిందని మోదీ పరోక్షంగా ఎద్దేవా చేశారు. బటన్ అయినా, బ్యాలెట్ అయినా ఫలితం ఒక్కటే ఎన్నికల్లో బ్యాలెట్ పత్రాలే కావాలని కోరుతున్న కాంగ్రెస్ పార్టీకి ఎమ్మెల్సీ ఎన్నికల్లో జనం బుద్ధి చెప్పారని బీజేపీ నేతలు పేర్కొన్నారు. రైల్వే మంత్రి అశ్విని వైష్ణవ్ కర్ణాటక ఎమ్మెల్సీ ఫలితాల గురించి ప్రస్తావించారు. ‘‘కర్ణాటకలో ఏం జరిగిందో చూడండి. బ్యాలెట్ పత్రాలను ఉపయోగించారు. బీజేపీ నాలుగు సీట్లనూ గెలుచుకుంది’’అని వెల్లడించారు. ‘‘బ్యాలెట్ పేపర్ అయినా, ఈవీ ఎం అయినా ప్రజల ఎంపిక స్పష్టంగా ఉంది’’అంటూ బీజేపీ ‘ఎక్స్’లో పోస్టుచేసింది. ‘‘బటన్ అయినా, బ్యాలెట్ అయినా ఫలితం ఒక్కటే’’అని కేంద్ర మంత్రి ప్రహ్లాద్ జోషీ పోస్టు చేశారు. -
కేంద్ర ప్రభుత్వ ఉద్యోగులకు గుడ్ న్యూస్ 3శాతం DA పెంపు
-
డీఏ, డీఆర్ పెంపు.. కేంద్ర క్యాబినెట్ కీలక నిర్ణయాలు
ఢిల్లీ: ప్రధానమంత్రి నరేంద్ర మోదీ నేతృత్వంలో బుధవారం కేంద్ర క్యాబినెట్ సమావేశం జరిగింది. ఇందులో కీలక నిర్ణయాలు తీసుకున్నారు. ఇందుకు సంబంధించిన వివరాలను కేంద్ర మంత్రి అశ్విని వైష్ణవ్ మీడియాకు తెలిపారు. కేంద్ర ప్రభుత్వ ఉద్యోగులు, పెన్షనర్లకు 3% డీఏ, డీఆర్ పెంపునకు కేంద్ర మంత్రివర్గం ఆమోదం తెలిపింది. 1.16 కోట్ల మందికి పైగా ఉద్యోగులు, పెన్షనర్లకు 2026 జులై 1 నుంచి ఈ పెంపు వర్తించనుంది.దీంతో ఇప్పటివరకు 60 శాతంగా ఉన్న డీఏ 63 శాతానికి చేరింది. ప్రతి 6 నెలలకు ఒకసారి చేసే సవరణలో భాగంగా ఈ నిర్ణయం తీసుకున్నారు. దీపావళి వేడుకలకు ముందు ఈ నిర్ణయం తీసుకున్నారు. 2026 జులై విడత డీఏ పెంపుపై కేంద్ర ప్రభుత్వ ఉద్యోగులు, పెన్షనర్లు దేశవ్యాప్తంగా ఎంతోకాలంగా ఎదురుచూస్తున్నారు. పారిశ్రామిక కార్మికుల వినియోగదారుల ధరల సూచీ (ఏఐసీపీఐ–ఐడబ్ల్యూ) 12 నెలల సగటు ఆధారంగా డీఏ సవరణలు చేపడతారు. ఈ సూచీ ఆధారంగా డీఏ పెంపును లెక్కిస్తారు. 2026 జులై విడత సవరణకు అవసరమైన 12 నెలల సూచీ గణాంకాలు ఇప్పటికే పూర్తయ్యాయి. వాటి ఆధారంగా తదుపరి 6 నెలల డీఏ లేదా డీఆర్ను 3 శాతం పెంచుతారని అంచనా వేశారు. దీంతో డీఏ 60 శాతం నుంచి 63 శాతానికి పెరిగింది.ఈ పెంపుతో కేంద్ర ప్రభుత్వ ఉద్యోగుల నెలవారీ ఆదాయం పెరుగుతుంది. ఉదాహరణకు, రూ.18,000 మూల వేతనం ఉన్న ఉద్యోగికి నెలకు అదనంగా రూ.540 లభిస్తుంది. రూ.29,200 మూల వేతనం ఉన్న ఉద్యోగికి నెలకు రూ.876 అదనంగా అందుతుంది.కేంద్ర క్యాబినెట్ ఇతర నిర్ణయాలుకంటైనర్ తయారీ రంగాన్ని ప్రోత్సహించేందుకు రూ.10,000 కోట్లతో ప్రత్యేక పథకం.క్రీడా వస్తువుల తయారీ రంగ అభివృద్ధికి ‘ఖేలో ఇండియా స్పోర్ట్స్ గూడ్స్ మాన్యుఫ్యాక్చరింగ్ స్కీమ్’కు రూ.1,856 కోట్లు కేటాయింపు.డీఏ (కరవు భత్యం), డీఆర్ (కరవు సహాయ భత్యం) కోసం రూ.10,016 కోట్ల కేటాయింపు.కేంద్ర కేబినెట్ ప్రకటించిన నాలుగు నిర్ణయాలకు కలిపి మొత్తం రూ.29,267 కోట్ల కేటాయింపు.ప్రధానమంత్రి వికసిత్ గ్రామ స్వరాజ్ యోజనకు రూ.7,395 కోట్ల కేటాయింపునకు కేంద్ర మంత్రివర్గం ఆమోదం తెలిపింది.ఇదీ చదవండి: గ్లోబల్ మార్కెట్లన్నీ తుక్కు తుక్కు అయిపోతాయ్: ఇరాన్ వార్నింగ్ -
మోదీ సొంత నియోజకవర్గంలో బీజేపీకి షాక్!
లక్నో: ఉత్తరప్రదేశ్ ఎమ్మెల్సీ ఎన్నికల్లో భారతీయ జనతా పార్టీ (బీజేపీ)కి ఎదురుదెబ్బ తగిలింది. ప్రధాని నరేంద్ర మోదీ పార్లమెంటరీ నియోజకవర్గమైన వారణాసిలో బీజేపీ ఓటమి పాలైంది. ఇప్పటివరకు అందిన సమాచారం ప్రకారం.. ఉత్తరప్రదేశ్లోని 11 ఎమ్మెల్సీ స్థానాల్లో బీజేపీ ఐదు స్థానాలను గెలుచుకోగా, సమాజ్వాదీ పార్టీ (ఎస్పీ) రెండు స్థానాల్లో విజయం సాధించింది.ఉత్తరప్రదేశ్తో పాటు మరో మూడు రాష్ట్రాల్లోని మొత్తం 28 ఎమ్మెల్సీ నియోజకవర్గాలకు ఎన్నికలు జరిగాయి. వీటిలో ఉత్తరప్రదేశ్లో 11 స్థానాలు ఉన్నాయి. అక్టోబర్ 23న ఈ స్థానాలకు పోలింగ్ ప్రశాంతంగా ముగిసింది. బహుళ అంచెల భద్రతా ఏర్పాట్ల మధ్య ఓటింగ్ నిర్వహించారు. అక్టోబర్ 27న ఓట్ల లెక్కింపు చేపట్టారు.ఉత్తరప్రదేశ్లో ఐదు గ్రాడ్యుయేట్, ఆరు ఉపాధ్యాయ నియోజకవర్గాలకు ఎన్నికలు జరిగాయి. లక్నో, వారణాసి, ఆగ్రా, మీరట్, అలహాబాద్-ఝాన్సీ గ్రాడ్యుయేట్ నియోజకవర్గాలతో పాటు లక్నో, వారణాసి, ఆగ్రా, మీరట్, బరేలీ-మొరాదాబాద్, గోరఖ్పూర్-ఫైజాబాద్ ఉపాధ్యాయ నియోజకవర్గాల్లో పోలింగ్ నిర్వహించారు. -
రైతులకు శుభవార్త! ₹2,000 జమ అయ్యేది ఆ రోజే!
-
సాంకేతికతలో ప్రపంచానికి మనం నాయకత్వం వహించాలి
న్యూఢిల్లీ: మన దేశం భవిష్యత్ సాంకేతికతలను అందిపుచ్చుకోవాలని, నూతన ఆవిష్కరణలు చేయాలని, వాటి అభివృద్ధిలో ప్రపంచానికి నాయకత్వం వహించాలని ప్రధానమంత్రి నరేంద్ర మోదీ పేర్కొన్నారు. మంగళవారం ఢిల్లీలో ఎమర్జింగ్ సైన్స్, టెక్నాలజీ, ఇన్నోవేషన్ కాన్క్లేవ్(ఎస్టిక్)–2026లో ఆయన పాల్గొన్నారు. ఆయా రంగాల నిపుణులు, పారిశ్రామికవేత్తలను ఉద్దేశించి ప్రసంగించారు. దేశం కోసం, ప్రపంచం కోసం, నేటికీ, రేపటికీ నూతన సాంకేతికతను సృష్టించి, దాని దిశను నిర్దేశించడమే భారతదేశ లక్ష్యమని చెప్పారు. నూతన సాంకేతికతను ఎప్పటికప్పుడు అందిపుచ్చుకోవాలని సూచించారు. దశాబ్దాల క్రితం సైన్స్ అండ్ టెక్నాలజీలో మన దేశం వెనుకంజలో ఉండేదని గుర్తుచేశారు. ప్రపంచంలో ఎక్కడైనా ఏదైనా కొత్త ఆవిష్కరణ జరిగితే.. ఆ సాంకేతికత కొన్ని సంవత్సరాల తర్వాత మన దేశానికి చేరేదని వివరించారు. ఇప్పుడు ఆ పరిస్థితి పూర్తిగా మారిందన్నారు. కొత్త టెక్నాలజీని రూపొందించి, ప్రపంచానికి అందించే సామర్థ్యం మనకు ఉందని తెలిపారు. శాస్త్ర, సాంకేతిక రంగంలో 21వ శతాబ్దపు భారతదేశం ఒక కొత్త ఆలోచనా విధానంతో, నూతన ఆత్మవిశ్వాసంతో ముందుకు సాగుతోందని వ్యాఖ్యానించారు. ఏఐ ఆధారిత, క్వాంటం భద్రతా పరిష్కారాలు నేటి కృత్రిమ మేధ(ఏఐ) యుగంలో కొత్త సవాళ్లు ఉన్నాయని ప్రధాని మోదీ తెలియజేశారు. ఉదాహరణకు.. ఉత్పాదకతను పెంచడానికి ఏఐ సాధారణ పనులను వేగంగా చేయగలిగినప్పటికీ, అది స్వతంత్ర ఆలోచనను పరిమితం చేయకూడదని, దాన్ని మరింత సుసంపన్నం చేయాలని చెప్పారు. తద్వారా ఆదా అయిన సమయాన్ని మరింత క్లిష్టమైన సమస్యల పరిష్కారం, కొత్త ప్రయోగాలు, ఆలోచనల కోసం ఉపయోగించుకునేలా వీలు కల్పించాలని అన్నారు. ఆర్థిక వ్యవస్థలకు, జాతీయ భద్రతకు ఏఐ యుగంలో తలెత్తుతున్న సైబర్ సెక్యూరిటీ ముప్పుల గురించి ప్రధానమంత్రి ప్రస్తావించారు. జాతీయ వ్యవస్థలను పరిరక్షించి, మానవాళికి సేవ చేసే ఏఐ ఆధారిత, క్వాంటం భద్రతా పరిష్కారాలను అభివృద్ధి చేయాలని సూచించారు. దేశానికి సాధికారత కల్పించడంతోపాటు మానవాళి సమస్యల పరిష్కారానికి కూడా దోహదపడే సాంకేతికతలను అభివృద్ధి చేయడమే మన లక్ష్యం కావాలని సైంటిస్టులకు పిలుపునిచ్చారు. భారత్ సాధించిన విజయాలు అపూర్వం గణితంలో ‘సున్నా’ఆవిష్కరణ నుంచి సంఖ్యా వ్యవస్థ అభివృద్ధి, ఖగోళ శాస్త్రంలో పురోగతి వరకు భారతదేశ సంస్కృతి ఎల్లప్పుడూ జ్ఞానం, ఆవిష్కరణలతో ముడిపడి ఉందని ప్రధానమంత్రి వెల్లడించారు. ప్రస్తుతం మన దేశం ఈ శాస్త్రీయ వారసత్వాన్ని ఆధునిక సాంకేతిక పరిజ్ఞానంతో ముందుకు తీసుకువెళుతోందని అన్నారు. అణుశక్తి ప్రాముఖ్యతను వివరించారు. ‘వికసిత్ భారత్’నిర్మాణానికి భారీ స్థాయిలో అణుశక్తి అవసరమని, అందుకే మనం ఫాస్ట్ బ్రీడర్ రియాక్టర్ టెక్నాలజీని అభివృద్ధి చేస్తున్నట్లు తెలిపారు. ఈ ఏడాది ఆగస్టులో తమిళనాడులోని కల్పకంలో దేశపు మొట్టమొదటి స్వదేశీ నమూనా ఫాస్ట్ బ్రీడర్ రియాక్టర్ క్రిటికాలిటీని సాధించడం ఒక ముఖ్యమైన మైలురాయి అని అభివరి్ణంచారు. వివిధ కీలక రంగాల్లో భారత్ సాధించిన విజయాలు అపూర్వమైనవని మోదీ అన్నారు. మన దేశంలో తయారైన చిప్లు ఇప్పుడు ప్రపంచ దేశాలకు చేరడం మొదలైందని చెప్పారు. బ్యాటరీ నిల్వ రంగంలో సైతం అందుబాటులో ఉన్న వనరులను ఉపయోగించుకొని సామర్థ్య పెంపుపై దృష్టి పెట్టామని తెలియజేశారు. అంతరిక్ష రంగంలో సాధించిన విజయాలను వివరించారు. భారత సంస్థ స్కైరూట్ ఏరోస్పేస్ చేపట్టిన జూలై మిషన్ గురించి ప్రస్తావించారు. అణుశక్తి నుంచి అంతరిక్షం వరకు, ఏఐ నుంచి సెమీకండక్టర్ల వరకు... ఈ రంగాలన్నింటి అవసరాలు వేర్వేరుగా ఉన్నప్పటికీ, వాటన్నింటి నుంచి వచ్చే సందేశం ఒక్కటేనని స్పష్టంచేశారు. అభివృద్ధి చెందుతున్న సాంకేతికతల్లో భారతదేశం తన బలాన్ని, విశ్వాసాన్ని పెంపొందించుకుంటోందని ఉద్ఘాటించారు. ‘అభివృద్ధి చెందిన భారత్’ను నిర్మించేందుకు పరిశోధనా రంగాన్ని నిరంతరం బలోపేతం చేస్తున్నామని ప్రకటించారు. -
జయంతి వేడుకల్లో ప్రధాని మోదీపై ఖర్గే మాటల మంటలు
పట్నా: ప్రధాన మంత్రి నరేంద్ర మోదీపై కాంగ్రెస్ అధ్యక్షుడు మల్లికార్జున్ ఖర్గే చేసిన వ్యాఖ్యలు రాజకీయంగా తీవ్ర దుమారం రేపుతున్నాయి. మోదీతో పాటు ఆయన తండ్రిని, దేశాన్ని ఖర్గే అవమానించారంటూ బీజేపీ తీవ్ర స్థాయిలో ఆరోపణలు గుప్పించింది. ఈ వ్యాఖ్యలకు నిరసనగా నేడు దేశవ్యాప్తంగా ఆందోళనలకు పిలుపునిచ్చింది.ఆదివారం బిహార్ రాజధాని పట్నాలో రాష్ట్ర తొలి ముఖ్యమంత్రి, స్వాతంత్య్ర సమరయోధుడు డాక్టర్ శ్రీకృష్ణ సింగ్ 139వ జయంతి వేడుకలు జరిగాయి. ఈ కార్యక్రమానికి ముఖ్య అతిథిగా హాజరైన ఖర్గే.. ఓటర్ల జాబితా ప్రత్యేక సమగ్ర సవరణ (ఎస్ఐఆర్)పై మాట్లాడారు. ఎస్ఐఆర్లో అక్రమాలకు పాల్పడిన వారిని జైలుకు పంపిస్తామని హెచ్చరించారు.సరిగ్గా అదే సమయంలో సభలో సంతోష్ అనే వ్యక్తి గట్టిగా ఏదో వ్యాఖ్యానించాడు. దానిపై ఖర్గే తీవ్రంగా మండిపడుతూ.. ‘మోదీ కా బాప్ భీ జాయేగా’ (మోదీ తండ్రి కూడా వెళ్తాడు) అంటూ ఆగ్రహం వ్యక్తంచేశారు. అక్కడే ఉన్న కాంగ్రెస్ శ్రేణులు సంతోష్ను వేదిక వద్ద నుంచి బయటకు పంపించేశారు. ఈ క్రమంలో ఆయనపై కొంత తోపులాట కూడా జరిగింది.నా మాటలను వక్రీకరించారుఈ వివాదంపై కేంద్ర బిందువైన సంతోష్ కుమార్ సభ వెలుపలి నుంచి మీడియాతో మాట్లాడారు. నేను అల్లరి చేసేందుకు ఇక్కడికి రాలేదు. సభలో నేను మాట్లాడిన మాటలను వక్రీకరించారు. నేను ‘మోదీ ఎక్కడికీ వెళ్లరు’ అని అనలేదు.. 'తిరుగుబాటు రాకపోతే మోదీ వెళ్లరు' అని మాత్రమే అన్నాను. నా మాటల్లో కొంత భాగం మాత్రమే వినిపించడంతో అది అపార్థానికి దారితీసింది అని ఆయన వివరణ ఇచ్చారు. ఈ ఘటనపై బీజేపీ అగ్రనేతలు తీవ్ర ఆగ్రహం వ్యక్తం చేస్తూ ఖర్గే క్షమాపణలు చెప్పాలని డిమాండ్ చేస్తుండగా.. మరోవైపు ఈ వివాదం రాజకీయంగా మరింత ముదురుతోంది. #WATCH | A ruckus broke out during Congress national president Mallikarjun Kharge's address at the 139th birth anniversary celebration of Dr. Shri Krishna Singh in Patna, Bihar A person present at the event said that PM Modi would not go anywhere, Kharge responded, "Modi ka baap bhi jayega."— ANI (@ANI) October 25, 2026ఇదీ చదవండి : టీవీకే విఫలమైతే.. ప్రత్యామ్నాయ సీఎం రేసుపై ఎడప్పాడి వర్గం కసరత్తు! -
‘సైబర్ ఉగ్రవాదుల’ నుంచి ‘బ్యాంకింగ్’ను రక్షించుకోవాలి
భువనేశ్వర్: ప్రపంచంలో యుద్ధాలు ఇకపై కేవలం సాంప్రదాయ పద్ధతుల్లోనే కాకుండా, ఆర్థిక వ్యవస్థలను లక్ష్యంగా చేసుకుని కూడా జరుగుతున్నాయని ప్రధానమంత్రి నరేంద్ర మోదీ చెప్పారు. అందుకే మన దేశంలో బ్యాంకింగ్ వ్యవస్థను ‘సైబర్ ఉగ్రవాదుల’నుండి రక్షించుకోవాల్సిన అవసరం ఉందని స్పష్టంచేశారు. ఆదివారం ఒడిశా రాజధాని భువనేశ్వర్లో రిజర్వ్ బ్యాంక్ ఆఫ్ ఇండియాకు చెందిన రూ.169 కోట్ల విలువైన డేటా సెంటర్, సైబర్ సెక్యూరిటీ శిక్షణ సంస్థను మోదీ ప్రారంభించారు. ఈ సందర్భంగా నిర్వహించిన సభలో ప్రసంగించారు. ఈ డేటా సెంటర్, శిక్షణ సంస్థ ఒడిశా ప్రజలకే కాకుండా దేశానికి ఎంతో ప్రయోజనకరంగా ఉంటాయని తెలిపారు. సైబర్ ముప్పుల స్వభావం నానాటికీ మారుతోందని, పాత వ్యవస్థలు, పాత శిక్షణ పద్ధతులు, పాత పరికరాలతో దేశం ఇటువంటి కొత్త సవాళ్లను ఎదుర్కోలేదని తేల్చిచెప్పారు. ఇందుకోసం ఆధునిక మౌలిక సదుపాయాలు, నైపుణ్యం కలిగిన మానవ వనరులు అవసరమని ఉద్ఘాటించారు. అందుకే డేటా సెంటర్, సైబర్ సెక్యూరిటీ శిక్షణా సంస్థను తీసుకొచ్చినట్లు పేర్కొన్నారు. ఇవి మన కొత్త ప్రాధాన్యతను ప్రతిబింబిస్తున్నాయని తెలియజేశారు. ‘వికసిత్ భారత్’కు తూర్పు భారతదేశం శక్తివంతమైన వృద్ధి చోదకంగా ఆవిర్భవిస్తోందని ప్రశంసించారు. సామాన్యులకు సైతం బ్యాంకింగ్ సేవలు భారతదేశ డిజిటల్ ఆర్థిక మౌలిక సదుపాయాలను బలోపేతం చేయడంలో, సాంకేతిక స్వయం సమృద్ధిని పెంపొందించడంలో డేటా సెంటర్, సైబర్ సెక్యూరిటీ శిక్షణ సంస్థల ప్రాముఖ్యతను ప్రధానమంత్రి వివరించారు. ఆర్థికాభివృద్ధి ఫలాలను ప్రతి ప్రాంతానికి, ప్రతి పౌరుడికి చేరవేసేందుకు ప్రభుత్వం కృషి చేస్తోందన్నారు. మారుతున్న దృక్పథానికి ఈ డేటా సెంటర్ ఒక నిదర్శనమని ఆయన ఉద్ఘాటించారు. ప్రతిపక్ష కాంగ్రెస్పై మోదీ విరుచుకుపడ్డారు. కాంగ్రెస్ పాలనలో సామాన్య ప్రజలకు బ్యాంకింగ్ సేవలు అందకుండా చేశారని ఆరోపించారు. పేదల పేరుతో బ్యాంకులను జాతీయం చేశారని, అయితే 2014 నాటికి దేశ జనాభాలో సగానికి పైగా ప్రజలు బ్యాంకింగ్ వ్యవస్థకు దూరంగా ఉన్నారని చెప్పారు. 2014 తర్వాత ఈ పరిస్థితి మారిందని వెల్లడించారు. తాము అధికారంలోకి వచ్చాక బ్యాంకింగ్ సేవలను సామాన్య ప్రజలకు సైతం అందుబాటులోకి తీసుకొచ్చామని స్పష్టంచేశారు. గతంలో ధనవంతులకే పరిమితమైన క్రెడిట్ కార్డులు, డెబిట్ కార్డులు నేడు అందరికీ అందుతున్నాయని గుర్తుచేశారు. ఈ కార్యక్రమంలో కేంద్ర ఆర్థిక మంత్రి నిర్మలా సీతారామన్, ఆర్బీఐ గవర్నర్ సంజయ్ మల్హోత్రా, ఒడిశా గవర్నర్ బ్రజ్మోహన్ రామ్, ముఖ్యమంత్రి మోహన్ చరణ్ మాఝీ, కేంద్ర గిరిజన వ్యవహారాల మంత్రి జువల్ ఓరామ్ తదితరులు పాల్గొన్నారు. ఈ సందర్భంగా నిర్మలా సీతారామన్ మాట్లాడుతూ... ఆర్థిక స్థిరత్వాన్ని కాపాడటంలోనూ, నిరంతర ఆర్థిక వృద్ధికి తోడ్పడటంలోనూ పటిష్టమైన మౌలిక సదుపాయాల వ్యూహాత్మక ప్రాముఖ్యతను ప్రస్తావించారు. కొత్త డేటా సెంటర్లో ఆర్బీఐ కీలకమైన వ్యవస్థలైన ఆర్టీజీఎస్, ఎన్ఈఎఫ్టీ వంటివి ఉంటాయని చెప్పారు. ఈ శిక్షణా సంస్థ సైబర్ సెక్యూరిటీ, ఏఐ, ఇతర సాంకేతికతలలో మానవ వనరుల నైపుణ్యాన్ని పెంపొందిస్తుందని స్పష్టంచేశారు. -
మంటలు రేపిన ఖర్గే వ్యాఖ్యలు
పట్నా: కాంగ్రెస్ పార్టీ అధ్యక్షుడు మల్లికార్జున ఖర్గే సహనం కోల్పోయారు. ఒక్కసారిగా ఆవేశానికి లోనయ్యారు. ప్రధాని మోదీ పట్ల చేసిన వ్యాఖ్యలు తీవ్ర వివాదానికి దారి తీశాయి. బీజేపీ నాయకులు ఖర్గేపై విరుచుకుపడ్డారు. క్షమాపణ చెప్పాలని డిమాండ్ చేశారు. ఆదివారం బిహార్ రాజధాని పట్నాలో రాష్ట్ర తొలి ముఖ్యమంత్రి, స్వాతంత్య్ర సమరయోధుడు డాక్టర్ శ్రీకృష్ణ సింగ్ జయంతి కార్యక్రమంలో ఖర్గే మాట్లాడారు. ఓటర్ల జాబితా ప్రత్యేక సమగ్ర సవరణ(ఎస్ఐఆర్)లో అక్రమాలకు పాల్పడిన వారిని కచ్చితంగా జైలుకు పంపిస్తామని హెచ్చరించారు. ఇంతలో సభలో ఓ వ్యక్తి గట్టిగా అరిచాడు.‘మోదీ ఎక్కడికీ వెళ్లరు’అంటూ వ్యాఖ్యానించాడు. దాంతో ఖర్గే అతడిపై మండిపడ్డారు. మోదీ కా బాప్ భీ జాయేగా(మోదీ తండ్రి కూడా వెళ్తాడు) అంటూ ఆగ్రహం వ్యక్తంచేశారు. ప్రధాని మోదీపై నిప్పులు చెరిగారు. నల్లధనాన్ని తిరిగి తీసుకొస్తానని మాట ఇచ్చి మోసం చేశారని ఆరోపించారు. రాష్రీ్టయ స్వయంసేవక్ సంఘ్(ఆర్ఎస్ఎస్) సిద్ధాంతాన్ని ఖర్గే తప్పుపట్టారు. సంఘ్ సిద్ధాంతం కొనసాగుతున్నంత కాలం ఈ దేశంలో శాంతి ఉండదని తేల్చిచెప్పారు. తన ప్రసంగం సందర్భంగా, మతపరమైన ఉద్రిక్తతలకు ఆర్ఎస్ఎస్ సిద్ధాంతమే కారణమని ఖర్గే వాదించారు. ఆర్ఎస్ఎస్ ప్రభావం దేశంలో కొనసాగుతున్నంత కాలం శాంతి లభించడం అసాధ్యమని ఆయన పేర్కొన్నారు. ఆర్ఎస్ఎస్, బీజేపీలు రాజ్యాంగ వ్యతిరేక దృక్పథాలను కలిగి ఉన్నాయని విమర్శించారు. ముఖ్యంగా అస్పృశ్యత విషయంలో వాటి వైఖరి రాజ్యాంగానికి విరుద్ధంగా ఉందని ఆరోపించారు. ఇప్పటికి కూడా ఆర్ఎస్ఎస్–బీజేపీల్లో అస్పృశ్యతను సమర్థించేవారు చాలామంది ఉన్నారని ఆక్షేపించారు. ఎస్ఐఆర్కు వ్యతిరేకంగా జరుగుతున్న నిరసనలను ‘రెండో స్వాతంత్య్ర పోరాటం’గా ఖర్గే అభివరి్ణంచారు. ఈ ప్రక్రియను తక్షణమే నిలిపివేయాలని, గత రెండేళ్లలో జరిగిన అన్ని అసెంబ్లీ ఎన్నికలను రద్దు చేయాలని డిమాండ్ చేశారు. భవిష్యత్తులో జరిగే ఎన్నికల్లో బ్యాలెట్ పత్రాలు ఉపయోగించాలని అన్నారు. పశ్చిమ బెంగాల్, హరియాణా, బిహార్, మహారాష్ట్రలలో ‘ఓట్ల చోరీ’ద్వారా అధికారంలోకి వచ్చిన ప్రభుత్వాలను తొలగించాలని స్పష్టంచేశారు. ప్రజలు వీధుల్లోకి వచ్చి తమ హక్కుల కోసం పోరాడాలని, రాజ్యాంగాన్ని పరిరక్షించుకోవాలని పిలుపునిచ్చారు. ఖర్గే క్షమాపణ చెప్పాల్సిందే: బీజేపీ మోదీ పట్ల ఖర్గే చేసిన వ్యాఖ్యలను బీజేపీ నాయకులు తీవ్రంగా ఖండించారు. క్షమాపణ చెప్పాలని డిమాండ్ చేశారు. కేంద్ర మంత్రులు అమిత్ షా, చిరాగ్ పాశ్వాన్, బీజేపీ జాతీయ అధ్యక్షుడు నితిన్ నబీన్, కేంద్ర మాజీ మంత్రి ధర్మేంద్ర ప్రధాన్, బిహార్ ముఖ్యమంత్రి సామ్రాట్ చౌదరి, ఉత్తరప్రదేశ్ సీఎం యోగి ఆదిత్యనాథ్, బీజేపీ ఎంపీ సంబిత్ పాత్ర తదితరులు స్పందించారు. నరేంద్ర మోదీ తండ్రికి వ్యతిరేకంగా ఖర్గే చేసిన వ్యాఖ్యలు అత్యంత దురదృష్టకరమని పేర్కొన్నారు. ప్రధాని కుటుంబం పట్ల కాంగ్రెస్కు దురభిప్రాయం ఉందని చెప్పడానికి ఇదే నిదర్శనమని విమర్శించారు. ఖర్గే చేసిన వ్యాఖ్యలు ఆయన వ్యక్తిగతమా? లేక కాంగ్రెస్ అభిప్రాయాలా? అనేది చెప్పాలని డిమాండ్ చేశారు. కాంగ్రెస్ పెద్దలు దిగజారుడు మాటలు మాట్లాడుతున్నారని ధ్వజమెత్తారు. ఖర్గే మాటలను ‘నేరం’గా అభివరి్ణంచారు. ప్రధాని తండ్రిపై ఉపయోగించిన అవమానకరమైన భాషకు కాంగ్రెస్ అగ్రనేత రాహుల్ గాంధీ సైతం క్షమాపణ చెప్పాలని పేర్కొన్నారు. మర్యాదకు సంబంధించిన అన్ని హద్దులను ఖర్గే దాటేశారని అమిత్ షా దుయ్యబట్టారు. గత 12 ఏళ్లుగా వరుసగా ఎన్నికల్లో ఓటమి పాలవ్వడంతో కాంగ్రెస్ నేతల్లో నిరాశ నెలకొందని, అందుకే ఇష్టానుసారంగా నోరుపారేసుకుంటున్నారని ఆరోపించారు. మోదీతోపాటు ఆయన కుటుంబంపై పదేపదే అభ్యంతరకరమైన భాషను ఉపయోగిస్తున్నారని తప్పుపట్టారు. ఖర్గే చేసిన వ్యాఖ్యలపై బీజేపీతోపాటు జేడీ(యూ), లోక్ జనశక్తి పారీ్ట(రామ్ విలాస్), హిందుస్థానీ అవామ్ మోర్చాలకు చెందిన సీనియర్ నాయకులు తీవ్రంగా స్పందించారు. కాంగ్రెస్ అధ్యక్షుడు ‘గూండాలు, దుండగులు ఉపయోగించే తరహా’భాషను వాడుతున్నారని విమర్శించారు. దళితుడని అవమానిస్తున్నారు: కాంగ్రెస్ ఖర్గేను కాంగ్రెస్ ఎంపీ పవన్ ఖేరా సమర్థించారు. బీజేపీ, ఆర్ఎస్ఎస్లు కాంగ్రెస్ అధ్యక్షుడిని పదేపదే అవమానిస్తున్నాయని ఆరోపించారు. ఉత్తరాఖండ్లో ఖర్గే పాల్గొన్న కాంగ్రెస్ ర్యాలీ అనంతరం వేదికపై నిర్వహించిన బీజేపీ శుద్ధి కార్యక్రమాన్ని ప్రస్తావించారు. ఖర్గే దళితుడు కాబట్టే వేదికను శుద్ధి చేశారని ఆక్షేపించారు. మోదీ, అమిత్ షాల ఆదేశాల మేరకే ఖర్గేను అవమానిస్తున్నారని పేర్కొన్నారు. భూపేష్ బఘేల్ సైతం ఖర్గేకు అండగా నిలిచారు. పట్నాలో జరిగిన కార్యక్రమంలోని సందర్భాన్ని బట్టి ఖర్గే చేసి న వ్యాఖ్యలను చూడాలని చెప్పారు. ప్రధాని రాజకీయ ప్రత్యర్థులపై అభ్యంతరకరమైన వ్యాఖ్యలు చేసినప్పుడు పట్టించుకోని బీజేపీ ఇప్పుడు ఖర్గే వాడిన భాషపై ఎందుకు అభ్యంతరం అని ప్రశ్నించారు. నేడు దేశవ్యాప్తంగా బీజేపీ నిరసనలు ప్రధాని మోదీని ఉద్దేశించి కాంగ్రెస్ అధ్యక్షుడు ఖర్గే చేసిన ‘అసభ్యకరమైన, అభ్యంతరకరమైన వ్యాఖ్యలకు నిరసనగా సోమవారం దేశవ్యాప్త ఆందోళనలకు బీజేపీ పిలుపునిచ్చింది. అన్ని రాష్ట్రాల్లో భారీగా నిరసన ప్రదర్శనలు చేపట్టనున్నట్లు ప్రకటించింది. -
ఢిల్లీ వేదికగా బ్రిక్స్ పార్లమెంటరీ ఫోరం సదస్సు
న్యూఢిల్లీ: బ్రిక్స్ పార్లమెంటరీ ఫోరం 12వ సదస్సు నేడు ఢిల్లీలో ఘనంగా ప్రారంభం కానుంది. ‘ప్రజా కేంద్రీకృత అభివృద్ధికోసం పార్లమెంట్ల బలోపేతం’నినాదంతో పార్లమెంట్ హౌస్ కాంప్లెక్స్ వేదికగా నేడు, రేపు కొనసాగనుంది. ప్రారంభోత్సవ కార్యక్రమానికి ముఖ్య అతిథిగా ప్రధాని నరేంద్ర మోదీ హాజరై వివిధ దేశాల పార్లమెంటరీ ప్రతినిధి బృందాలతో ప్రత్యేకంగా భేటీ కానున్నారు. సదస్సు ప్రారంభానికి ముందు రష్యా పార్లమెంటు దిగువ సభ డూమా చైర్మన్ వ్యాచెస్లావ్ వోలోడిన్తో లోక్సభ స్పీకర్ ఓం బిర్లా ఆదివారం సమావేశమయ్యారు. ప్రపంచ వేదికలపై బలమైన సహకారం, ఉగ్రవాదానికి వ్యతిరేకంగా ఉమ్మడి ప్రయత్నాలపై ఇరువురు నేతలు చర్చించారు. ఉగ్రవాదంపై పోరులో భారత్కు రష్యా అందిస్తున్న మద్దతును బిర్లా ప్రశంసించారు. ఐక్యరాజ్యసమితి భద్రతా మండలిలో భారత్కు శాశ్వత సభ్యత్వం కలి్పంచే విషయంలో రష్యా సహకారాన్ని కొనసాగించాలని కోరారు. ఇరు దేశాల దౌత్య సంబంధాలకు వచ్చే ఏడాదికి 80 ఏళ్లు పూర్తవుతున్న నేపథ్యంలో అణుశక్తి, పరిశ్రమలు, వాణిజ్యం, వ్యవసాయ రంగాల్లో సహకారాన్ని మరింత విస్తరించాలని నేతలు నిర్ణయించారు. అనంతరం ఈజిప్్ట, క్యూబా, బెలారస్ ప్రతినిధి బృందాలతోనూ ఆయన వరుసగా సమావేశమయ్యారు. -
ఆకట్టుకున్న ఎయిర్షో
వారణాసి: సొంత నియోజకవర్గం వారణాసిలో భారత వైమానిక దళం(ఐఏఎఫ్) ఆదివారం నిర్వహించిన భారీ ఎయిర్ షోను ప్రధాని మోదీ స్వయంగా హాజరై తిలకించారు. ‘వింగ్స్ ఆఫ్ గాంజెస్’పేరుతో నమోఘాట్ వద్ద జరిగిన ఈ షోలో కీలకమైన ఐఏఎఫ్ బృందాలు గంగా నదిపై ఆకాశంలో ఒళ్లు గగుర్పొడిచే విన్యాసాలను ప్రదర్శించాయి. ఐఏఎఫ్ 94వ వార్షికోత్సవం సందర్భంగా మూడు రోజులపాటు కొనసాగిన విన్యాసాలకు ఆఖరు రోజైన ఆదివారం ప్రధాని మోదీతోపాటు రక్షణ మంత్రి రాజ్నాథ్ సింగ్, యూపీ గవర్నర్ ఆనందీ బెన్ పటేల్, సీఎం యోగి ఆదిత్యనాథ్ హాజరయ్యారు. తెల్లని ఎయిర్ ఫోర్స్ క్యాప్, నల్ల కళ్లద్దాలు ధరించి ప్రధాని మోదీ దాదాపు గంటపాటు కొనసాగిన విన్యాసాలను తిలకించారు. ఈ విన్యాసాల్లో సుఖోయ్–ఎంకేఐ, దేశీయంగా రూపుదిద్దుకున్న తేజస్, ఎల్సీహెచ్ ప్రచండ్ యుద్ధ విమానాలతోపాటు, హెలికాప్టర్లు పాల్గొన్నాయని ఓ అధికారి తెలిపారు. కాశీ ఫార్మేషన్లో భాగంగా మూడు కిరణ్ విమానాలు వీ ఆకారంలో ఏర్పడి ఆకాశంలో మువ్వన్నెలను సాక్షాత్కరింపజేయగా, జనం కేరింతలు కొట్టారు. అదేవిధంగా, ఎంఐ–17 హెలికాప్టర్లు జాతీయ జెండాను ఆకాశంలో ఎగురవేసి ఓంకార్ ఫార్మేషన్తో కనువిందు చేశాయి. విన్యాసాల్లో రఫేల్, సుఖోయ్, మిరాజ్ 2000, తేజస్, మిగ్–29, జాగ్వార్లతోపాటు రవాణా విమానం, పలు హెలికాప్టర్లు పాలుపంచుకున్నాయని, వైమానిక దళం కార్యాచరణ సన్నద్ధతను చాటాయని అధికారులు వివరించారు. సూర్యకిరణ్ ఏరోబాటిక్ బృందం, సారంగ్ హెలికాప్టర్ ఆకాశంలో ప్రదర్శించిన విన్యాసాలు అందరినీ అబ్బురపరిచాయి. ఈ సందర్భంగా కొందరు త్రివర్ణ పతాకాలను చేబూని భారత్ మాతా కీ జై, వందే మాతరమ్ అంటూ చేసిన నినాదాలతో గంగా ఘాట్లు ప్రతిధ్వనించాయి. ఎయిర్ షోను తిలకించేందుకు వచ్చిన వారి కోసం పలు ప్రాంతాల్లో టెంట్లు ఏర్పాటు చేశారు. మోదీని ఆహ్వానించేందుకు పోలీస్ లైన్స్ నుంచి నమో ఘాట్ వరకు బారులు తీరిన ప్రజలుహర హర మహాదేవ, జై శ్రీరాం అంటూ నినాదాలు చేశారు. బీజేపీ కార్యకర్తలు ప్రధానిపై పూలవర్షం కురిపించారు. ఈ సందర్భంగా సాంస్కృతిక కార్యక్రమాలను ఏర్పాటు చేశారు. ఆదివారం ఉదయం లాల్ బహదూర్ శాస్త్రి అంతర్జాతీయ విమానాశ్రయానికి చేరుకున్న ఆయన హెలికాప్టర్లో మిర్జామురాద్కు చేరుకున్నారు. మిర్జామురాద్ ప్రాంతంలో వస్త్ర తయారీ ఫ్యాక్టరీని ప్రారంభించారు. ఈ సందర్భంగా 300 మంది మహిళలతో ముచ్చటించారు. అక్కడి నుంచి హెలికాప్టర్లోనే పోలీస్ లైన్స్కు, అటు నుంచి రోడ్డు మార్గంలో నమో ఘాట్కు వచ్చారు. వారణాసిలో వింగ్స్ ఆఫ్ గాంజెస్ ఎయిర్ షోకు హాజరైన ప్రధాని మోదీ, రక్షణ మంత్రి రాజ్నాథ్, గవర్నర్ ఆనందీ బెన్, సీఎం యోగి ∙ విన్యాసాల్లో పాల్గొన్న హెలికాప్టర్ ∙ నమోఘాట్లో విన్యాసాలను తిలకిస్తున్న ప్రజలు -
‘ఆత్మ నిర్భర్ భారత్’ మన లక్ష్యం: ప్రధాని మోదీ
న్యూఢిల్లీ: ప్రధాని నరేంద్ర మోదీ ఆదివారం నిర్వహించిన 139వ 'మన్ కీ బాత్' రేడియో కార్యక్రమం ద్వారా దేశ ప్రజలనుద్దేశించి ప్రసంగించారు. ఈ సందర్భంగా ఆయన మరోసారి ‘వోకల్ ఫర్ లోకల్’(స్థానికంగా తయ్యారయ్యే ఉత్పత్తులను ఆదిరించడం), ‘ఆత్మనిర్భర్ భారత్’ లాంటి కార్యక్రమాలను ప్రోత్సహించాలని పిలుపునిచ్చారు. సరిగ్గా 12 సంవత్సరాల క్రితం విజయదశమి రోజున ప్రారంభమైన ఈ ప్రయాణం, సమాజ అభ్యున్నతి కోసం శ్రమిస్తున్న వారిని అభినందించడానికి తనకు ఒక గొప్ప వేదికగా మారిందని మోదీ పేర్కొన్నారు.పంజాబ్ వ్యవసాయ విధానాలు భేష్ఈ ప్రసంగంలో ప్రధాని మోదీ పంజాబ్ రాష్ట్రానికి చెందిన కొన్ని విశేషాలను కొనియాడారు. పంజాబ్లో సేంద్రీయ వ్యవసాయాన్ని ప్రోత్సహిస్తూ సాంప్రదాయ పద్ధతులను అమలు చేస్తున్న ‘ఖేతి విరాసత్ మిషన్’ పాత్రను ఆయన ప్రశంసించారు. అలాగే, మాల్వా ప్రాంతంలో సహజ పత్తి సాగును ముందుకు తీసుకువెళ్తున్న ‘నవ్-త్రింజన్’ఉద్యమాన్ని కూడా ప్రత్యేకంగా అభినందించారు.ఐఐటీ మద్రాస్ బ్రెయిన్ ఇమేజింగ్ టెక్నాలజీ వైద్య, సాంకేతిక రంగాల పురోగతిని ప్రధాని ప్రస్తావిస్తూ.. ఐఐటీ మద్రాస్ 'పరమ్ శక్తి' సూపర్కంప్యూటర్ సహాయంతో ఒక ప్రపంచ స్థాయి బ్రెయిన్ ఇమేజింగ్ టెక్నాలజీ ప్లాట్ఫారమ్ను అభివృద్ధి చేసిందని అన్నారు. దీని ద్వారా అత్యంత స్పష్టమైన హై-రిజల్యూషన్ డిజిటల్ 3డీ చిత్రాలను రూపొందించి, సుమారు 100 మానవ మెదళ్లను సూక్ష్మంగా అధ్యయనం చేయవచ్చునని పేర్కొన్నారు. అంతేకాకుండా, ప్రాణాలను కాపాడే అవయవదానంపై ముందుకు రావాలని ప్రజలను కోరారు. ‘ఆయుష్మాన్ ఆరోగ్య మందిర్’లు సామాన్యులకు మెరుగైన వైద్య సేవలను అందిస్తున్నాయని వివరించారు.పండుగ శుభాకాంక్షలుఅక్టోబర్ 31న సర్దార్ వల్లభాయ్ పటేల్ జయంతిని పురస్కరించుకుని నిర్వహించే ‘ఏక్తా దివస్’ సందర్భంగా దేశ ఐక్యతను చాటే ‘రన్ ఫర్ యూనిటీ’ కార్యక్రమంలో ప్రజలందరూ ఉత్సాహంగా పాల్గొనాలని పిలుపునిచ్చారు. ప్రజలు తమ దైనందిన ఆహారంలో చిరుధాన్యాలను భాగం చేసుకోవాలని సూచించారు. వాల్మీకి రామాయణం కరుణ, సేవ, సామాజిక సామరస్యాల విలువలను బోధిస్తుందని తెలిపారు. చివరగా, దేశ ప్రజలందరికీ రాబోయే దీపావళి , ఛత్ పూజ పండుగల శుభాకాంక్షలు తెలియజేస్తూ, అందరూ ఆరోగ్యంగా, కుటుంబంతో కలిసి సురక్షితంగా పండుగలను జరుపుకోవాలని ఆకాంక్షించారు. ఇదీ చదవండి: Delhi: యమునపై విషపు నురగ.. పడిపోయిన గాలి నాణ్యత! -
నరేంద్ర మోదీ (దేశ ప్రధాని) రాయని డైరీ
ఈ ఉదయం, టాగోర్ నన్ను పద్మా నదీ తీరం నుండి వీస్తున్న ఒక ప్రశాంత సమీరంలా వెంబడిస్తున్నారు! ఆయన ‘గీతాంజలి’లోని ‘వేర్ ద మైండ్ ఈజ్ వితౌట్ ఫియర్...’ ఇంతక్రితమే ఢిల్లీ నుండి నాతో పాటుగా వారణాసి చేరుకుంది. ఈ సాయంత్రం కేదార్నాథ్లో కూడా టాగోర్ నా వెంటే ఉంటారనుకుంటా! టాగోర్తో కొండలు, గుట్టల ప్రయాణం... ఒక ‘మన్ కీ బాత్’! మధ్యాహ్నం ‘నమో ఘాట్’ ఎయిర్ షోలో నా పక్కనే ఉండబోయే యోగి ఆదిత్యనాథ్... నా వెంబడి ఉన్న టాగోర్ని దర్శించే అవకాశమే లేదు. యోగి భయం లేని మనిషి. భయం లేని మనిషి తలపుల్లో ‘వేర్ ద మైండ్ ఈజ్ వితౌట్ ఫియర్...’ అనే భావయుక్తమైన టాగోర్ కవిత్వం మాత్రం ఎందుకుంటుంది? వారణాసి సేవాపురిలో ఫ్యాక్టరీ ప్రారంభోత్సవం అవగానే ఉత్తరప్రదేశ్ ముఖ్యమంత్రి యోగి ఆదిత్యనాథ్; కేదార్నాథ్లో కారిడార్ ప్రాజెక్ట్ పనుల పరిశీలన పూర్తవగానే ఉత్తరాఖండ్ ముఖ్యమంత్రి పుష్కర్ సింగ్ ధామీ వెళ్లిపోతారు. నేను, టాగోర్ మిగులుతాం. ఉదయం 11 గం. అవుతోంది. ‘మన్ కీ బాత్’ ప్రసారం మొదలయ్యే సమయం! దేశం మొత్తం వింటుంది. ముందే రికార్డ్ చేసి ఉంచిన నా మన్ కీ బాత్ వినేందుకు వారణాసిలో నేను కూడా వేచి ఉన్నాను. టాగోర్ ‘గీతాంజలి’కి, ‘మన్ కీ బాత్’కి దగ్గరి పోలికలు కనిపిస్తాయి నాకు! గీతాంజలి దేవుడికి అర్పణ అయితే, మన్ కీ బాత్ దేశ ప్రజలకు సమర్పణ. టాగోర్ ‘వేర్ ద మైండ్ ఈజ్ వితౌట్ ఫియర్...’ని పద్మానది ఒడ్డున 1910లో రాసి, ‘గీతాంజలి’లో చేర్చారు. మన్ కీ బాత్ 2014 విజయదశమి రోజు మొదలైంది. ఈరోజు ప్రసారం అవుతున్నది 139వ ఎపిసోడ్. ఈ పన్నెండేళ్లలో రెండుసార్లు మాత్రమే మన్ కీ బాత్కు విరామం వచ్చింది. మొదటిసారి 2019 లోక్సభ ఎన్నికలప్పుడు మార్చి, ఏప్రిల్ నెలల్లో; రెండోసారి 2024 లోక్సభ ఎన్నికలప్పుడు మార్చి, ఏప్రిల్, మే నెలల్లో. అదీ ఎన్నికల కోడ్ వల్ల. నిజానికి అప్పుడు కూడా మన్ కీ బాత్ ఆగినట్లేమీ కాదు. ప్రజలు ఆ రెండు విరామాలను తమ మన్ కీ బాత్తో భర్తీ చేశారు. తమ మనసులో ఉన్న ప్రభుత్వం ఎవరిదో తమ ఓటు ద్వారా తెలియజేశారు.గీతాంజలిలా, గంగానదిలా... ఎక్కడా ఆగని ప్రవాహం మన్ కీ బాత్! ‘‘భయం లేని చోట, తల ఎత్తుకొని నిలిచే చోట; జ్ఞానం అందరికీ ఉదారంగా లభించే చోట; సంకుచితమైన గోడల కట్టుబడితో ఈ ప్రపంచం ముక్కలుగా విడిపోని చోట; సత్యమైన మాటలు వెలువడే చోట; అంతులేని శ్రమ వైపు పరిపూర్ణత చేతులు చాచే చోట; ఎల్లప్పుడూ విస్తరించే ఆలోచనలు, చేతల వైపు మనస్సు ముందుకు నడిచే చోట... నా దేశం ఉండేలా, అటువంటి ఆ సుందర లోకంలోకి జాగృతం చెయ్యి...’’ అని అడుగుతారు టాగోర్, ఆ భగవంతుడిని. నేటి మన్ కీ బాత్లో నా నివేదన కూడా సరిగ్గా ఇదే. కానీ ఆ నివేదన దైవానికి కాదు. భారతీయ యువతరానికి.ఈ మధ్యాహ్నం ఎయిర్ షో జరిగే నమో ఘాట్లోనే, నా దేశ యువతతో నేను ముఖాముఖి సంభాషించబోతున్నాను. తొలిసారి ఓటు వేసినవారు సహా 30 వేల మంది యువతీ యువకులు, విద్యార్థులతో బహిరంగ మన్ కీ బాత్! జెన్–జీ మన్ కీ బాత్ ! ఈ దేశ ప్రధాని గురించి వారు తమ మనసులోని భావాలను నిర్భయంగా వెల్లడించే ‘దేశ్ కి బాత్’! కొద్ది నిమిషాల్లో నా ఎదురుగా యువ భారత్ ఉంటుంది. నా పక్కన అదృశ్యంగా టాగోర్ ఉంటారు. ‘వేర్ ద మైండ్ ఈజ్ వితౌట్ ఫియర్...’ అనే టాగోర్ స్ఫూర్తి, యువతకు స్వేచ్ఛను ఇస్తుంది. యువత ఈ దేశ ప్రధానిని నిర్భయంగా ప్రశ్నిస్తుంది. టాగోర్ ఈ దేశ యువత అభీష్టం మేరకు ప్రధానిని నడిపిస్తారు. -
విచ్చిన్నకర శక్తులకు వ్యతిరేకంగా సమాజాన్ని ఏకం చేయాలి
న్యూఢిల్లీ: దేశంలో అనేక దశాబ్దాలుగా పలు సవాళ్లు, సామాజిక రుగ్మతలు కొనసాగుతున్నాయని ప్రధాని నరేంద్ర మోదీ చెప్పారు. వాటిని పరిష్కరించుకోవడానికి, విచ్చిన్నకర శక్తులకు వ్యతిరేకంగా సమాజాన్ని ఏకం చేయడానికి, పౌరులను స్వావలంబన వైపు నడిపించడానికి సమిష్టిగా కృషి చేయాలని పిలుపునిచ్చారు. శుక్రవారం ఢిల్లీలో ‘చిన్మయ అమృత్ మహోత్సవ్ గ్లోబల్ సమ్మేళన్’ను ప్రధానమంత్రి ప్రారంభించారు. ఈ సందర్భంగా మాట్లాడుతూ.. గత 25 ఏళ్లుగా ప్రభుత్వ అధినేతగా తన శక్తిమేర దేశానికి సేవలు అందించానని పేర్కొన్నారు. చిన్మయ మిషన్ అందిస్తున్న సేవలను ప్రశంసించారు. ఇది ఒక సంస్థ మాత్రమే కాదని, ఒక ఆలోచనా విధానమని వివరించారు. ‘చిన్మయ’అంటే ‘శుద్ధ చైతన్యం’అని తెలియజేశారు. చిన్మయ మిషన్ వ్యవస్థాపకుడు స్వామి చిన్మయానంద దశాబ్దాల ప్రయాణం దైవిక సంకల్పంతో కూడుకున్నదని మోదీ చెప్పారు. స్వాతంత్య్ర ఉద్యమ కాలంలో స్వామి చిన్మయానంద వంటి దూరదృష్టి కలిగిన మహనీయులు ఎన్నో కలలు కన్నారని, వాటిని నెరవేర్చడానికి మనం కృషి చేస్తున్నామని ఉద్ఘాటించారు. ‘వికసిత్ భారత్’తో ప్రజలను అనుసంధానించాలి దశాబ్దాలుగా కాలం ఎంతో మారిందని, కొత్త సవాళ్లు ఎదురవుతున్నాయని, సమాజంలో కొత్త రుగ్మతలు తలెత్తుతున్నాయని ప్రధానమంత్రి వెల్లడించారు. నేడు వీటిని పరిష్కరించుకోవాల్సిన బాధ్యత మనందరిపైనా ఉందని తేల్చిచెప్పారు. సమాజాన్ని విచ్చిన్నం చేసే శక్తులకు వ్యతిరేకంగా మనం ఐక్యంగా నిలవాలని సూచించారు. పౌరులను స్వయం సమృద్ధి దిశగా ప్రోత్సహించాలని, ప్రతి ఒక్కరినీ ‘2047 నాటికి వికసిత భారత్’అనే లక్ష్యంతో అనుసంధానించాలని స్పష్టంచేశారు. ఈ లక్ష్యాలను సాధించేందుకు మనం మరింత చొరవ చూపాలని, కలిసికట్టుగా పనిచేయాలని పిలుపునిచ్చారు.పురాతన విగ్రహాలనువెనక్కి తీసుకొచ్చాం భారతదేశం నుంచి చోరీకి గురైన సాంస్కృతిక కళాఖండాలను తిరిగి తీసుకొచ్చేందుకు ఎనలేని కృషి చేస్తున్నామని మోదీ ప్రస్తావించారు. గతంలో లెక్కలేనన్ని అమూల్యమైన విగ్రహాలను విదేశాలకు తరలించారని, వాటి గురించి ఎవరూ ప్రశ్నించకూడదన్న ఉద్దేశంతో ఇతరులకు అమ్మేశారని చెప్పారు. ఆ విగ్రహాలను పూజించే సంగతి అటుంచితే, కనీసం వాటి గురించి ఆరా తీసేవారు కూడా ఎవరూ లేకుండాపోయారని ఆవేదన వ్యక్తంచేశారు. వాటిని తిరిగి తీసుకురావాలన్న ఆలోచన గతంలో ఎవరూ చేయలేదన్నారు. మన దేశం నుంచి విదేశాలకు అక్రమంగా తరలించుకుపోయిన 650కి పైగా పురాతన విగ్రహాలను గత 12 ఏళ్లలో తాము తిరిగి తీసుకొచ్చామనితెలియజేశారు. మన లక్ష్యాలు, ఆశయాలు ఒక్కటే ‘చిన్మయ అమృత్ మహోత్సవ్’లో యువత పోషించిన పాత్ర పట్ల ప్రధానమంత్రి హర్షం వ్యక్తం చేశారు. వారిలో చాలామంది సుమారు 300 రోజుల పాటు దాదాపు 40,000 కిలోమీటర్లు ప్రయాణించి, లక్ష మందికి పైగా యువతకు చేరువయ్యారని చెప్పారు. 2047లో భారతదేశానికి స్వాతంత్య్రం వచ్చి 100 ఏళ్లు పూర్తయ్యే నాటికి, చిన్మయ మిషన్ కూడా తన శతాబ్ది ఉత్సవాలను నిర్వహించుకోనుందని పేర్కొన్నారు. చిన్మయ మిషన్ శతాబ్ది యాత్ర, వికసిత్ భారత్ యాత్ర రెండూ కలిసే ముందుకు సాగుతాయని వ్యాఖ్యానించారు. మన లక్ష్యాలు ఒక్కటే, మన ఆశయాలు ఒక్కటే కాబటి మనం కలిసి ప్రయాణం సాగించాలని కోరారు. 3డీ హోలోగ్రాఫిక్ డిజిటల్ మానవ రూపంలో ఉన్న స్వామి చిన్మయానందతో మోదీ కాసేపు సంభాíÙంచారు. 1993లో స్వామి చిన్మయానందతో తాను సమావేశం కావడాన్ని గుర్తుచేసుకున్నారు. -
సీజేపీకి మద్దతు కాదు.. కేంద్రాన్ని టార్గెట్ చేసిన అన్నామలై!
బీజేపీతో విభేదాలు.. కేంద్ర ప్రభుత్వ తీరుపై విమర్శలు.. ప్రధాని మోదీపై ప్రశంసలు.. ఇలా ఒకే వేదికపై భిన్నమైన వ్యాఖ్యలతో మాజీ తమిళనాడు బీజేపీ అధ్యక్షుడు కె. అన్నామలై మరోసారి వార్తల్లో నిలిచారు. కాక్రోచ్ జనతా పార్టీ (సీజేపీ) నిరసనకారులపై ఢిల్లీ పోలీసులు తీసుకున్న చర్యలను తప్పుబట్టిన ఆయన.. అంతమాత్రాన తాను సీజేపీకి మద్దతు ఇస్తున్నట్లు భావించవద్దని స్పష్టం చేశారు. ప్రజాస్వామ్యంలో ప్రతి రాజకీయ పార్టీకి పోరాడే హక్కు ఉందని పేర్కొన్నారు.గురువారం తన ‘వీ ద లీడర్స్’ ఉద్యమం నిర్వహించిన కార్యక్రమంలో మాట్లాడిన అన్నామలై.. సీజేపీ ఎజెండా వేరని, తమ ఎజెండా వేరని అన్నారు. అయితే, నిరసనకారులు తప్పు చేసి ఉంటే చట్ట ప్రకారం చర్యలు తీసుకోవాలని, కక్ష సాధింపు ధోరణితో వ్యవహరించకూడదని సూచించారు. అరెస్టులు చట్టబద్ధంగా, నిర్దేశిత విధానాలకు అనుగుణంగా జరగాలని స్పష్టం చేశారు. దేశ సార్వభౌమత్వానికి ముప్పు ఉందని భావిస్తే నిఘా సంస్థలు, ఇతర భద్రతా వ్యవస్థలు ఉన్నాయని అన్నామలై గుర్తుచేశారు. అలాంటి అంశాలపై చర్యలు తీసుకోవాలే తప్ప, సామాజిక మాధ్యమాల్లో ఆరోపణలు చేస్తూ అనవసర భయాందోళనలు సృష్టించకూడదని వ్యాఖ్యానించారు. అదే సమయంలో ఎన్నికల సంఘం, సుప్రీంకోర్టు వంటి ప్రజాస్వామ్య సంస్థలపై ప్రజలకు ఉన్న విశ్వాసాన్ని దెబ్బతీసే ప్రయత్నాలను అంగీకరించలేమన్నారు.తన దేశభక్తిపై ఎవరూ పాఠాలు చెప్పాల్సిన అవసరం లేదని అన్నామలై ఘాటు వ్యాఖ్యలు చేశారు. దేశంలోని పలు రాష్ట్రాల్లో పనిచేసిన అనుభవం తనకు ఉందని, భారతదేశ ఐక్యత, సార్వభౌమత్వం గురించి తనకు తెలుసని పేర్కొన్నారు. ప్రధాని నరేంద్ర మోదీ మంచి పనులు చేస్తున్నారని ప్రశంసించిన అన్నామలై.. ఆయనకు మద్దతు ఇస్తూనే, తప్పుగా అనిపించిన అంశాలను ప్రశ్నించడానికి వెనుకాడబోనని స్పష్టం చేశారు.ఇటీవల సీజేపీ నేతలు సౌరవ్ దాస్, అశుతోష్ రంకాలను నిర్బంధించడంపై కూడా అన్నామలై అభ్యంతరం వ్యక్తం చేశారు. ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ అక్టోబర్ 10న సీజేపీ కార్యకర్తలు చేపట్టిన నిరసనల సందర్భంగా ఢిల్లీ పోలీసులు చర్యలు తీసుకున్నారు. ఈ వ్యవహారంలో పోలీసుల తీరును అన్నామలై ప్రశ్నించడం బీజేపీ వర్గాల్లో విమర్శలకు దారితీసింది. 2011లో గుజరాత్ ముఖ్యమంత్రిగా ఉన్నప్పుడు మోదీ చేసిన వ్యాఖ్యలను కూడా అన్నామలై ప్రస్తావించారు. అప్పట్లో రాంలీలా మైదానంలో అవినీతి వ్యతిరేక నిరసనకారులపై పోలీసుల చర్యలను మోదీ వ్యతిరేకించారని గుర్తుచేశారు. గతంలో ఇలాంటి చర్యలను ప్రశ్నించిన మోదీ.. ఇప్పుడు అదే తరహా విమర్శలు ఎదురవుతున్నప్పుడు అరెస్టులు, నిర్బంధాలు ఎందుకు చోటుచేసుకుంటున్నాయని ప్రశ్నించారు.అంతేకాదు, సీజేపీని వ్యతిరేకించే క్రమంలో బీజేపీ ఆ పార్టీకి దేశవ్యాప్తంగా ఉచిత ప్రచారం కల్పిస్తోందా? అని నిలదీశారు. అధికారంలో ఉండి కూడా బీజేపీ కొత్త శత్రువులను సృష్టించుకుంటోందని విమర్శించారు. అన్నామలై వ్యాఖ్యలపై తమిళనాడు బీజేపీ అధికార ప్రతినిధి నారాయణన్ తిరుపతి తీవ్రంగా స్పందించారు. అన్నామలై ప్రశ్నలు శాంతియుత నిరసనలకు, ఉద్దేశపూర్వకంగా చట్టాన్ని ఉల్లంఘించడానికి మధ్య ఉన్న తేడాను మసకబారుస్తున్నాయని విమర్శించారు. 2026 జూన్లో బీజేపీని వీడిన అన్నామలైకు ఆ పార్టీని విమర్శించే స్వేచ్ఛ ఉందని పేర్కొన్నారు.ఇదీ చదవండి: ఐపీఎస్ అంకితా శర్మకు బిగ్ షాక్.. ఇలా జరిగిందేంటి? -
త్వరలో రాష్ట్రానికి మోదీ, అమిత్షా?
సాక్షి, హైదరాబాద్: బీజేపీ అగ్రనేతలు ప్రధాని మోదీ, కేంద్ర హోం మంత్రి అ మిత్షా త్వరలో తెలంగాణలో పర్యటించనున్నారు. వివిధ అభివృద్ధి కా ర్యక్రమాల్లో పాల్గొనడంతోపాటు, కార్యకర్తల సమావేశంలో పాల్గొనేందుకు నవంబర్లో అమిత్షా రాష్ట్రానికి రానున్నట్టు సమాచారం. గతంలో ఖరారైన అమిత్షా తెలంగాణ పర్యటన అనివార్య కారణాల వాయిదా పడిన విష యం తెలిసిందే. ఈ నేపథ్యంలో వచ్చే నెల్లో ఆయన కచ్చితంగా రాష్ట్రానికి వచ్చే అవకాశముందని అంటున్నారు. బీజేవైఎం కార్యకర్తల సమావేశంలో పాల్గొనడంతోపాటు, వచ్చే ఎన్నికలకు రాష్ట్ర పార్టీ నేతలకు దిశానిర్దేశం చేసేందుకు అమిత్షా రానున్నట్టు పార్టీవర్గాల సమాచారం. ఓ టీవీ చానెల్ నిర్వహిస్తున్న ‘కోటి దీపోత్సవం’ కార్యక్రమానికి అమిత్షా హాజరుకా వొచ్చని తెలుస్తోంది. ఈ సందర్భంగా హైదరాబాద్ లేదా కరీంనగర్లో భారీ బహిరంగసభ నిర్వహించే అవకాశం ఉంది. అదేవిధంగా డిసెంబర్లో ప్రధాని మోదీ రాష్ట్రంలో పర్యటిస్తారని, వరంగల్ విమానాశ్రయ శంకుస్థా పన, కోచ్ ఫ్యాక్టరీ ప్రారంభం సమ్మక్క–సారక్క గిరిజన కేంద్రీయ విశ్వవి ద్యాలయం ప్రారంభం, నేషనల్ హైవేల ప్రారంభోత్సవాలు, ఇతర అభివృద్ధి కార్యక్రమాల్లో పాల్గొంటారని పార్టీనేతలు చెబుతున్నారు. ప్రధాని పర్య టన సందర్భంగా హైదరాబాద్ లేదా వరంగల్లో అభివృధ్ది కార్యక్రమాల శంకుస్థాపనలు, ప్రారంభోత్సవాలతోపాటు బహిరంగసభ నిర్వహించవచ్చని తెలుస్తోంది. ఈ సభ ద్వారా కాంగ్రెస్, ఇండి కూటమి చేస్తున్నవ్య తిరేక ప్రచారాన్ని ఎండగట్టడంతో పాటు రాబోయే ఎన్నికల్లో తెలంగాణలో బీజేపీని గెలిపించాలని ప్రజలను కోరే అవకాశం ఉందని పార్టీ నాయకులు అంటున్నారు. కాంగ్రెస్, ఇతర విపక్షాలు, సీజేపీ చేస్తున్న ప్రచారం ప్రజల్లోకి వెళ్లడంతోపాటు ప్రభావం చూపుతు న్నట్టు అంతర్గత నివేదికలందాయి. దీంతోబీజేపీ జాతీయ స్థాయిలో అప్రమత్తమైంది. ఇందులో భాగంగానే రాబోయే రోజుల్లో మోదీ, అమిత్షాతోపాటు పలువురు కేంద్రమంత్రు లు, ముఖ్యనేతలు రాష్ట్రానికి రానున్నట్టుగా తెలుస్తోంది. -
ఇజ్రాయెల్ స్వాతంత్య్ర దినోత్సవాల్లో మచ్ఛార్తో కలిసి జ్యోతి వెలిగించండి
న్యూఢిల్లీ: ఇజ్రాయెల్ స్వాతంత్య్ర దినోత్సవం సందర్భంగా జ్యోతి వెలిగించడానికి రావాలని ఇజ్రాయెల్ ప్రధానమంత్రి బెంజమిన్ నెతన్యాహు భారత ప్రధాని నరేంద్ర మోదీని ఆహ్వానించారు. ఫ్లై దుబాయ్ విమానంలో సహ పైలట్ దాడిని ఎదుర్కొని, 174 మంది ప్రయాణికులను రక్షించిన భారత కెపె్టన్ స్మిత్ మచ్ఛార్తో కలిసి ఇజ్రాయెల్కు రావాలని, ఇద్దరు కలిసి జ్యోతి వెలిగించాలని కోరారు. నెతన్యాహు గురువారం మోదీతో ఫోన్లో మాట్లాడారు. పశ్చిమాసియా పరిణామాలపై ఇరువురు నేతలు చర్చించుకున్నారు. ఆ ప్రాంతంలో శాంతి, స్థిరత్వాన్ని తక్షణమే పునరుద్ధరించాల్సిన అవసరం ఉందని వారు తేల్చిచెప్పారు. అలాగే భారత్–ఇజ్రాయెల్ సంబంధాల్లో కొనసాగుతున్న పురోగతిని మోదీ, నెతన్యాహు స్వాగతించారు. ఇరు దేశాల మధ్య ప్రత్యేక వ్యూహాత్మక భాగస్వామ్యాన్ని బలోపేతం చేయడానికి తాము కట్టుబడి ఉన్నట్లు స్పష్టంచేశారు. నెతన్యాహుతో ఫోన్లో మాట్లాడిన అనంతరం మోదీ ‘ఎక్స్’లో పోస్టుచేశారు. భారత్, ఇజ్రాయెల్ మధ్య ద్వైపాక్షిక సంబంధాల్లో పురోగతిని తాము సమీక్షించామని తెలిపారు. ఇరుదేశాల మధ్య భాగస్వామ్యాన్ని మరింత బలోపేతం చేసుకోవాలని నిర్ణయించినట్లు పేర్కొన్నారు. -
భారత్తో కలిసి పని చేయండి
న్యూఢిల్లీ: ప్రపంచవ్యాప్తంగా పెరుగుతున్న అస్థిరత, భౌగోళిక రాజకీయాల్లో మార్పుల నేపథ్యంలో రక్షణ, అంతరిక్షం, అణుశక్తి రంగాల్లో సంబంధాలను బలోపేతం చేసుకోవాలని భారత్, పోలాండ్ నిర్ణయించుకున్నాయి. ద్వైపాక్షిక వ్యూహాత్మక భాగస్వామ్యాన్ని మరింత ముందుకు తీసుకెళ్లాలని భారత ప్రధాని నరేంద్ర మోదీ, పోలాండ్ ప్రధాని డొనాల్డ్ టస్క్ అంగీకారానికి వచ్చారు. ఇరువురు నేతలు గురువారం ఢిల్లీలో సమావేశమయ్యారు. భారత్, పోలాండ్ సంబంధాల్లో పురోగతిపై చర్చించారు. అంతర్జాతీయ పరిణామాలపై అభిప్రాయాలు పంచుకున్నారు. డొనాల్డ్ టస్క్ తో భేటీ అనంతరం మోదీ ఒక ప్రకటన విడుదల చేశారు. ప్రజాస్వామ్య విలువలు, చట్టబద్ధమైన పాలనను తమ రెండు దేశాలు సంపూర్ణంగా విశ్వసిస్తున్నాయని తెలిపారు. ఉక్రెయిన్తోపాటు పశ్చిమాసియాలో శాంతిని నెలకొల్పేందుకు జరిగే ప్రతి ప్రయత్నానికీ మద్దతు ఇస్తున్నామని తెలియజేశారు. భారత్, పోలాండ్ మధ్య రక్షణ, అంతరిక్షం, అణుశక్తి రంగాల్లో సంబంధాలను మరింత బలోపేతం చేసు కోవాలని నిర్ణయించామని చెప్పారు. ఆయా వ్యూహాత్మక రంగాలన్నింటిలోనూ భారత్తో కలిసి పనిచేయాలని, అభివృద్ధి, ఉత్పత్తిలో పాలుపంచుకోవాలని పోలాండ్ కంపెనీలను మోదీ ఆహ్వానించారు. కీలక ఖనిజాలు, బొగ్గుతో సహజ వాయువు ఉత్పత్తిలో పోలాండ్ నైపణ్యాన్ని ఉపయోగించుకుంటామని వివరించారు. భాగస్వామ్యానికి కొత్త అవకాశాలు భారత్, పోలాండ్ దేశాల మధ్య స్నేహం కేవలం దౌత్య సంబంధాలపైనే కాకుండా.. మానవత్వం, కరుణ అనే ఉమ్మడి వారసత్వంపై ఆధారపడి ఉందని ప్రధాని మోదీ ఉద్ఘాటించారు. రెండో ప్రపంచ యుద్ధ సమయంలో జామ్నగర్, కొల్హాపూర్ రాజ కుటుంబాలు వేలాది మంది పోలాండ్ పిల్లలకు, కుటుంబాలకు భారతదేశంలో ఆశ్రయం కల్పించాయని గుర్తుచేశారు. 2022లో ఉక్రెయిన్ నుంచి భారత విద్యార్థులు సురక్షితంగా స్వదేశానికి తిరిగి రావడానికి పోలాండ్ సహకారం అందించిందని అన్నారు. మానవతా స్ఫూర్తిని చాటుకుందని కొనియాడారు. ఇరు దేశాల మధ్య పెరుగుతున్న ఆర్థిక సంబంధాల గురించి మోదీ ప్రస్తావించారు. ప్రపంచం ప్రస్తుతం అనిశ్చితిని ఎదుర్కొంటోందని చెప్పారు. ఇలాంటి సమయంలో కూడా భారత్, పోలాండ్ దేశాలు వృద్ధి, సాంకేతికత, ఆవిష్కరణలకు ముఖ్యమైన కేంద్రాలుగా ఎదుగుతున్నాయని హర్షం వ్యక్తంచేశారు. రెండు దేశాల ఆర్థిక బలం నానాటికీ పెరుగుతోందని వెల్లడించారు. తద్వారా భారత్–పోలాండ్ భాగస్వామ్యానికి కొత్త అవకాశాలు అందుబాటులోకి వస్తున్నాయని తెలియజేశారు. భారత్–యూరోపియన్ యూనియన్ స్వేచ్ఛా వాణిజ్య ఒప్పందం ఈ అవకాశాలను మరింత విస్తరించిందని పేర్కొన్నారు. ఈ ఒప్పందం అమల్లోకి వచ్చిన తర్వాత భారతదేశం నుంచి పోలాండ్కు ఎగుమతులు భారీగా పెరుగుతాయని మోదీ స్పష్టంచేశారు. రైల్వేలు, రవాణా, తయారీ, ఆహార శుద్ధి, బయోటెక్ వంటి రంగాల్లో పోలాండ్ నుంచి కొత్త పెట్టుబడులను ఆకర్షిస్తామని తెలిపారు. ప్రపంచం కోసం సప్లై చైన్లను అభివృద్ధి చేయడానికి, 2030 నాటికి ద్వైపాక్షిక వాణిజ్యాన్ని రెట్టింపు చేయాలనే ఉమ్మడి లక్ష్యాన్ని సాధించడానికి భారత్, పోలాండ్ కలిసి పనిచేస్తాయని ప్రధానమంత్రి విశ్వాసం వ్యక్తం చేశారు. -
ఐక్యరాజ్యసమితి ఇక మారాల్సిందే..: ప్రధాని మోదీ
సాక్షి,న్యూఢిల్లీ: మారుతున్న ప్రపంచ పరిస్థితులకు అనుగుణంగా ఐక్యరాజ్యసమితి (యూఎన్), ఇతర అంతర్జాతీయ సంస్థల్లో సంస్కరణలు అవసరమని ప్రధాని నరేంద్ర మోదీ అన్నారు. తాజాగా జరిగిన NDTV వరల్డ్ సమ్మిట్లో కీలక ప్రసంగం చేసిన ఆయన.. ప్రస్తుత ప్రపంచ సవాళ్లను ఎదుర్కోవడంలో పాత అంతర్జాతీయ వ్యవస్థలు వెనుకబడుతున్నాయని పేర్కొన్నారు.సాంకేతికత, వాణిజ్యం, కొత్త ఆర్థిక శక్తుల ఆవిర్భావంతో ప్రపంచ క్రమం వేగంగా మారుతోందని మోదీ తెలిపారు. రెండో ప్రపంచ యుద్ధం తర్వాత అంతర్జాతీయ శాంతి, సహకారం కోసం ఏర్పాటైన ఐక్యరాజ్యసమితి గతంలో కీలక పాత్ర పోషించింది. కానీ నేటి సంక్లిష్ట సవాళ్లకు అనుగుణంగా మాత్రం మారాల్సిన అవసరం ఉందని ఆయన చెప్పారు.గ్లోబల్ సౌత్కు మరింత ప్రాతినిధ్యంప్రపంచం మారుతున్నప్పుడు నిర్ణయాలు తీసుకునే విధానాలు కూడా మారాలని మోదీ అభిప్రాయపడ్డారు. అంతర్జాతీయ సంస్థలను మరింత బలోపేతం చేయడంతో పాటు, గ్లోబల్ సౌత్ దేశాలకు నిర్ణయాత్మక ప్రక్రియల్లో ఎక్కువ ప్రాతినిధ్యం కల్పించాలని ఆయన పిలుపునిచ్చారు. అంతేకాదు సంక్షోభ సమయాల్లోనూ అంతర్జాతీయ సహకారం కొనసాగాలని మోదీ స్పష్టం చేశారు.ఇదీ చదవండి: పాక్తో మంచి సంబంధాలే కోరుకుంటున్నాం.. కానీ.. జైశంకర్ -
ఐక్యంగా నిలవాలి శత్రువులను ఓడించాలి
న్యూఢిల్లీ: మన దేశాన్ని విచ్చిన్నం చేయడానికి దుష్టశక్తులు కుట్రలు సాగిస్తున్నాయని ప్రధానమంత్రి నరేంద్ర మోదీ మండిపడ్డారు. దేశ ప్రజలందరూ ఏకం కావాలని, మన శత్రువులపై ఉమ్మడిగా పోరాటం సాగించాలని పిలుపునిచ్చారు. దేశ గౌరవం, ప్రతిష్ట, సామాజిక సామరస్యం, సాంస్కృతిక వారసత్వాలను దెబ్బతీసే శక్తులకు వ్యతిరేకంగా దేశం ఐక్యంగా నిలవాలని కోరారు. మంగళవారం సాయంత్రం ఢిల్లీలోని డీడీఏ ఉత్సవ్ మైదానంలో శ్రీరామ్లీల కమిటీ నిర్వహించిన దసరా వేడుకల్లో ప్రధానమంత్రి పాల్గొన్నారు. రావణ దహన కార్యక్రమాన్ని వీక్షించారు. ఈ సందర్భంగా ప్రజలను ఉద్దేశించి మాట్లాడారు. విజయదశమి పర్వదినం చెడుపై మంచి సాధించిన విజయానికి ప్రతీకగా నిలుస్తుందని చెప్పారు. దేశ గౌరవానికి హాని కలిగించే శక్తులు, సమాజాన్ని విభజించే వ్యక్తులు, మన సంస్కృతిని ద్వేషించే మనస్తత్వం కలిగిన మనుషులే నేడు మనకు శత్రువులు అని తేల్చిచెప్పారు. పవిత్ర విజయదశమి సందర్భంగా మన సంకల్పాన్ని పునరుద్ఘాటించుకోవాలని సూచించారు. భరతమాతకు శత్రువులైనవారిని కచ్చితంగా ఓడించాలని తేల్చిచెప్పారు. అధికారం అంటే ప్రజలకు సేవ చేయడమే ప్రజలంతా ఎల్లవేళలా ఐక్యంగా ఉండాలని పిలుపునిస్తూ ప్రాచీన బోధనలను ప్రధాని మోదీ ప్రస్తావించారు. మనమంతా కలిసికట్టుగా ఉండాలని మన ప్రాచీన రుషులు బోధించినట్లు గుర్తుచేశారు. నేడు దేశంలోని ప్రతి మూల శ్రీరామ నామస్మరణతో పులకిస్తోందని అన్నారు. దేశవ్యాప్తంగా జరుగుతున్న రామ్లీల కార్యక్రమాలు ఉత్సాహంగా జరుగుతున్నాయని తెలిపారు. ఈ పండుగలు శ్రీరాముడి ఆదర్శాలను సజీవంగా ఉంచుతున్నాయని, అసత్యంపై సత్యం విజయం సాధిస్తుందన్న సందేశాన్ని ఇస్తున్నాయని పేర్కొన్నారు. ఇవన్నీ కేవలం పండుగలు మాత్రమే కాదని.. భారతదేశ జీవశక్తులు అని వ్యాఖ్యానించారు. ఒక దేశాన్ని ఎలా ముందుకు నడిపించాలనే విషయంలో శ్రీరాముడి ఆదర్శాలు ఇప్పటికీ సందర్భోచితంగానే ఉన్నాయని వివరించారు. పౌరుల సంక్షేమానికే ప్రథమ ప్రాధాన్యతనిచ్చే ‘రామరాజ్యం’అనే భావన ఇప్పటికీ ఒక కొలమానంగా నిలుస్తోందని కొనియాడారు. నేటికీ దీనినే సుపరిపాలనకు ప్రమాణంగా పరిగణిస్తున్నట్లు వెల్లడించారు. రామరాజ్యం అంటే.. ఎవరి పట్లా వివక్ష లేని పాలన, అందరికీ న్యాయం చేకూర్చే వ్యవస్థ, సమాన అవకాశాలు లభించే సమాజం అని తెలియజేశారు. అధికారం అంటే పాలించడం కాదని, ప్రజలకు సేవ చేయడమేనని తేల్చిచెప్పారు. కష్టాలు మనల్ని ఆపలేవు ప్రజలను దైవస్వరూపులుగా భావించి, ‘పౌరుడే దైవం’అనే మంత్రాన్ని స్ఫూర్తిగా తీసుకుని మనం నిరంతరం ముందుకు సాగాలని ప్రధానమంత్రి పేర్కొన్నారు. పేదలు, అణగారిన వర్గాల సేవకు అత్యంత ప్రాధాన్యత ఇవ్వాలన్నారు. శ్రీరాముడు లంకకు సాగించిన ప్రయాణాన్ని స్వావలంబనకు, దృఢ సంకల్పానికి, సామూహిక కృషికి ప్రతీకగా మోదీ అభివర్ణించారు. మన లక్ష్యాలను సాధించే క్రమంలో ఎదురయ్యే సవాళ్లకు వెనకడుగు వేయకూడదని స్పష్టంచేశారు. ‘వికసిత్ భారత్’సాధనే మన ధ్యేయమని మరోసారి ఉద్ఘాటించారు. కఠిన శ్రమతో, మన సామర్థ్యాలపై నమ్మకంతో సవాళ్లకు పరిష్కారాలను కనుగొనాలని అన్నారు. సంక్షోభం ఎంత పెద్దదైనా, సవాలు ఎంత కఠినమైనా మనం ఇతరులపై ఆధారపడి, చేతులు కట్టుకుని కూర్చోకూడదని వెల్లడించారు. మన సొంత శక్తిని గుర్తించాలని, మన వనరులపై నమ్మకం ఉండాలని తెలిపారు. మన దృఢ సంకల్పాన్ని శక్తిగా మార్చుకుని, కఠిన శ్రమ ద్వారా అనుకున్నది సాధించాలని చెప్పారు. లక్ష్య సాధన కోసం చేసే ప్రయాణంలో ఎదురయ్యే కష్టాలు మనల్ని ఆపలేవని శ్రీరామచంద్రుడు మనకు నేర్పించారని పేర్కొన్నారు. ముందు సముద్రం ఉంది, లంక చాలా దూరంలో ఉంది, అయినప్పటికీ శ్రీరాముడు ప్రజల సామూహిక శక్తిని మేల్కొలిపి, వారి భాగస్వామ్యాన్ని తనకు అండగా చేసుకుని, అసాధ్యమనిపించిన లక్ష్యాన్ని సుసాధ్యం చేశారని మోదీ వివరించారు. విజయానికి ఇదే మూల మంత్రమని పేర్కొన్నారు. ఎంతటి కఠిన సవాళ్లు ఎదురైనా చివరికి సత్యమే, మానవత్వమే గెలుస్తాయనే నమ్మకాన్ని విజయదశమి కలిగిస్తుందని తెలిపారు. -
కాంగ్రెస్ను ఒంటరి చేసే వ్యూహమిదేనా? బీజేపీ కొత్త రాజకీయమేంటి?
లోక్సభ నియోజకవర్గాల పునర్విభజన ప్రతిపాదనను ముందుకు తీసుకెళ్లడం ద్వారా కాంగ్రెస్ను ఇతర విపక్ష పార్టీల నుంచి వేరు చేయవచ్చా? ఓటర్ల జాబితాల ప్రత్యేక సమగ్ర సవరణ (ఎస్ఐఆర్)కు వ్యతిరేకంగా విపక్షాలు ప్రదర్శిస్తున్న ఐక్యతను దెబ్బతీయడానికి కేంద్రంలోని బీజేపీ ప్రభుత్వం ఈ అంశాన్ని ఉపయోగించుకోనుందా? ప్రస్తుతం జాతీయ రాజకీయాల్లో ఈ ప్రశ్నలు చర్చనీయాంశంగా మారాయి. పార్లమెంటరీ వ్యవహారాల మంత్రి కిరణ్ రిజిజు వ్యాఖ్యలు, ఏఐసీసీ అధ్యక్షుడు మల్లికార్జున ఖర్గే లేవనెత్తిన అభ్యంతరాలు ఈ చర్చకు మరింత ప్రాధాన్యం తెచ్చాయి. పునర్విభజన బిల్లులపై కొందరు విపక్ష పార్టీలతో ప్రభుత్వం సంప్రదింపులు జరపడం కాంగ్రెస్కు రాజకీయంగా ఇబ్బందికరంగా మారే అవకాశం ఉంది.మహిళలకు చట్టసభల్లో 2026 ఏప్రిల్లో 33 శాతం రిజర్వేషన్లు కల్పించడం, 2029 నుంచి వాటిని అమలు చేయడం, లోక్సభ స్థానాల సంఖ్యను 850కు పెంచడం లక్ష్యంగా కేంద్రం రాజ్యాంగ సవరణ బిల్లును ప్రవేశపెట్టింది. అయితే, ఆ బిల్లుకు లోక్సభలో అవసరమైన మూడింట రెండొంతుల మెజారిటీ లభించలేదు. ఓటింగ్లో 298 మంది సభ్యులు బిల్లుకు అనుకూలంగా, 230 మంది వ్యతిరేకంగా ఓటేశారు. ఆ సమయంలో ఓటు వేసిన 528 మంది సభ్యుల్లో కనీసం 352 మంది మద్దతు అవసరమైంది.ఆగస్టు 13న పార్లమెంటు వర్షాకాల సమావేశాలు నిరవధికంగా వాయిదా పడ్డాయి. అయితే, అక్టోబర్ 20 నాటికి సమావేశాలను అధికారికంగా ముగిస్తూ రాష్ట్రపతి ప్రకటన వెలువడలేదు. దీంతో స్వల్ప వ్యవధితో పార్లమెంటును తిరిగి సమావేశపరిచి బిల్లులను ముందుకు తీసుకురావచ్చనే ఊహాగానాలు మొదలయ్యాయి.ఖర్గే లేఖలు.. రిజిజు ఎదురుదాడి కాంగ్రెస్ అధ్యక్షుడు మల్లికార్జున ఖర్గే ప్రధాని నరేంద్ర మోదీకి ఈ అంశంపై నాలుగు లేఖలు రాశారు. నియోజకవర్గాల పునర్విభజనపై రాజ్యాంగ సవరణ బిల్లును ప్రవేశపెట్టే ముందు అఖిలపక్ష సమావేశం నిర్వహించాలని ఏప్రిల్ 11న తొలిసారి కోరినట్లు ఆయన తెలిపారు. జులై 16, ఆగస్టు 27 తేదీల్లోనూ ఇదే విజ్ఞప్తి చేసినట్లు పేర్కొన్నారు. అక్టోబర్ 16న మరోసారి లేఖ రాస్తూ, ప్రధాన రాజ్యాంగ సంస్కరణలపై ఏకపక్షంగా నిర్ణయాలు తీసుకోవద్దని సూచించారు.దీనికి కిరణ్ రిజిజు ఘాటుగా స్పందించారు. చర్చల కోసం కాంగ్రెస్ పదేపదే కోరినా, ఆ పార్టీ తేదీలను ఇవ్వలేదని తెలిపారు. వర్షాకాల సమావేశాలను అధికారికంగా ముగించడంలో జాప్యం జరిగిందన్న ఖర్గే అభ్యంతరాన్నీ రిజిజు తోసిపుచ్చారు. నిరవధిక వాయిదా తర్వాత సభను ఎన్ని రోజుల్లోగా అధికారికంగా ముగించాలనే నిర్దిష్ట రాజ్యాంగ గడువు లేదని పేర్కొన్నారు.ఎస్ఐఆర్పై ఐక్యత.. పునర్విభజనపై భిన్నాభిప్రాయాలుఓటర్ల జాబితాల ప్రత్యేక సమగ్ర సవరణకు వ్యతిరేకంగా కాంగ్రెస్ నేతృత్వంలో విపక్షాలు ఆందోళనలు చేస్తున్నాయి. ఎన్నికల ప్రధాన కమిషనర్ జ్ఞానేశ్ కుమార్ రాజీనామా చేయాలని, ఓటర్ల జాబితాల్లో తొలగించిన పేర్లపై చర్యలు తీసుకోవాలని అవి డిమాండ్ చేస్తున్నాయి. ఈ ఉద్యమంలో రాజకీయ పార్టీలతో పాటు పలు పౌర సమాజ సంస్థలూ పాల్గొంటున్నాయి. సాధారణంగా ఎన్డీఏ, ఇండియా కూటములకు సమాన దూరంలో ఉండే బిజూ జనతాదళ్ సైతం ఢిల్లీలో జరిగిన ఓ నిరసనకు మద్దతు తెలిపింది.అయితే, ఎస్ఐఆర్ను వ్యతిరేకిస్తున్న పార్టీలన్నీ నియోజకవర్గాల పునర్విభజన విషయంలో కాంగ్రెస్తో ఒకే వైఖరిని కొనసాగిస్తాయా అన్నది ప్రశ్నగా మారింది. పునర్విభజనతో రాష్ట్రాల ప్రాతినిధ్యం మారదని, లోక్సభ స్థానాలను అన్ని రాష్ట్రాల్లో 50 శాతం చొప్పున పెంచుతామని బీజేపీ ప్రాంతీయ పార్టీలకు హామీ ఇచ్చినట్లు తెలుస్తోంది. మహిళా రిజర్వేషన్లను ఈ ప్రతిపాదనతో ముడిపెట్టడం కూడా పార్టీలకు రాజకీయంగా ఒత్తిడితో పాటు అవకాశాన్ని కల్పిస్తోంది.కాంగ్రెస్ ముందున్న సవాలుపునర్విభజన బిల్లుకు కొన్ని ప్రాంతీయ పార్టీలు మద్దతు ఇస్తే, ఎస్ఐఆర్పై విపక్షాల ఉమ్మడి పోరాటంపై ఎలాంటి ప్రభావం పడుతుందన్నది కీలకం. ఎస్ఐఆర్కు సంబంధించిన పిటిషన్లను సుప్రీంకోర్టు ఇప్పటికే విచారిస్తోంది. మరోవైపు, 14 రాష్ట్రాలు, 3 కేంద్రపాలిత ప్రాంతాల్లో ఓటర్ల పేర్ల నమోదు ప్రక్రియతో పాటు ప్రత్యేక సంక్షిప్త సవరణ (ఎస్ఎస్ఆర్)ను ఎన్నికల సంఘం ప్రారంభించింది. అందువల్ల ఎస్ఐఆర్ ఒక్కటే విపక్షాలను దీర్ఘకాలం ఐక్యంగా ఉంచలేకపోవచ్చు. కాంగ్రెస్ తన మిత్రపక్షాలతో ఐక్యతను కొనసాగించేందుకు ఇతర ఉమ్మడి అంశాలపైనా దృష్టి పెట్టాల్సి ఉంటుంది. -
దేశ ప్రతిష్ఠను దెబ్బతీయొద్దు: దసరా వేడుకల్లో మోదీ
న్యూఢిల్లీ: విజయదశమి సందర్భంగా ప్రధానమంత్రి నరేంద్ర మోదీ రామరాజ్య భావనను ప్రస్తావిస్తూ, ప్రజలందరికీ న్యాయం, సమాన అవకాశాలు కల్పించే పాలన అవసరమని అన్నారు. దేశ ప్రతిష్ఠకు భంగం కలిగించే వ్యక్తులు, సమాజంలో విభేదాలు సృష్టించే శక్తుల పట్ల అప్రమత్తంగా ఉండాలని పిలుపునిచ్చారు. మంగళవారం ఢిల్లీలో జరిగిన దసరా వేడుకల్లో పాల్గొన్న ఆయన, చెడుపై మంచి సాధించిన విజయానికి విజయదశమి ప్రతీకగా నిలుస్తుందని పేర్కొన్నారు.భగవాన్ శ్రీరాముడి ఆదర్శాలను ప్రస్తావించిన మోదీ.. రామరాజ్యం అంటే పాలనలో ప్రజా సంక్షేమానికి అత్యంత ప్రాధాన్యం ఇవ్వడమని వివరించారు. కులం, మతం లేదా ఇతర భేదాలకు తావులేకుండా ప్రతి ఒక్కరికీ న్యాయం జరగాలని, అభివృద్ధి చెందేందుకు సమాన అవకాశాలు లభించాలని అన్నారు. పేదలు, అణగారిన వర్గాలకు సేవ చేయడం ప్రభుత్వంతో పాటు సమాజ బాధ్యత అని పేర్కొన్నారు. ప్రజలకు సేవ చేయడమే పాలనకు ప్రధాన ఉద్దేశమని ఆయన స్పష్టం చేశారు. పౌరులను గౌరవించడం, వారి సంక్షేమానికి కృషి చేయడం ద్వారా ఆదర్శవంతమైన సమాజాన్ని నిర్మించవచ్చని తెలిపారు. దేశాభివృద్ధిలో ప్రతి ఒక్కరూ భాగస్వాములు కావాలని పిలుపునిచ్చారు.దేశ ప్రతిష్ఠ, ఐక్యతకు ప్రాధాన్యందేశ గౌరవానికి భంగం కలిగించే చర్యలను అడ్డుకోవాల్సిన అవసరాన్ని మోదీ ప్రస్తావించారు. సమాజంలో చీలికలు సృష్టించే వ్యక్తులు, భారతీయ సంస్కృతిని ద్వేషించే ఆలోచనలకు వ్యతిరేకంగా ప్రజలు ఐక్యంగా నిలవాలని సూచించారు. దేశ ఐక్యతను, సాంస్కృతిక విలువలను కాపాడుకోవడం ప్రతి పౌరుడి బాధ్యతగా అభివర్ణించారు. విజయదశమి పండుగ చెడుపై మంచి సాధించిన విజయాన్ని గుర్తుచేస్తుందని, సత్యం, ధర్మం మార్గంలో నడిచేందుకు స్ఫూర్తినిస్తుందని మోదీ అన్నారు. శ్రీరాముడి జీవితం నుంచి పట్టుదల, బాధ్యత, ప్రజల పట్ల అంకితభావం వంటి విలువలను నేర్చుకోవాలని సూచించారు.స్వావలంబనతోనే దేశాభివృద్ధిభారత్ తన వనరులు, సామర్థ్యాలపై నమ్మకంతో ముందుకు సాగాలని ప్రధానమంత్రి పేర్కొన్నారు. ఇతరులపై ఆధారపడకుండా సొంత శక్తిని పెంచుకోవడం దేశ పురోగతికి అవసరమని తెలిపారు. అభివృద్ధి చెందిన భారత్ లక్ష్యాన్ని సాధించేందుకు ప్రజలందరి సమష్టి కృషి కీలకమని చెప్పారు. విజయదశమి వేడుకల సందర్భంగా మోదీ చేసిన వ్యాఖ్యల్లో ప్రజా సంక్షేమం, సామాజిక న్యాయం, జాతీయ ఐక్యత, స్వావలంబన ప్రధాన అంశాలుగా నిలిచాయి. ఈ విలువలను ఆచరణలో పెట్టడం ద్వారా సమాజంలో సామరస్యాన్ని పెంపొందించడంతో పాటు దేశాభివృద్ధి లక్ష్యాలను సాధించవచ్చన్నది ఆయన సందేశం. -
మోదీ ప్లాన్..షా ఆచరణ..జ్ఞానేశ్ అమలు
మార్గోవా: ప్రధాని మోదీ తెరవెనుక ఉంటూ ఓట్ల చోరీ కుట్రకు పథక రచన చేస్తే, కేంద్ర హోం మంత్రి అమిత్ షా ఆచరించారని, దానిని సీఈసీ జ్ఞానేశ్ అమల్లో పెట్టారని కాంగ్రెస్ నేత రాహుల్గాంధీ ఆరోపించారు. ఓట్ చోరీకి పాల్పడిన ఈ ముగ్గురు చట్టం ముందు దోషులుగా నిలబడి తగు మూల్యం చెల్లించుకోక తప్పదని హెచ్చరించారు. కాంగ్రెస్ పార్టీ గోవాలో చేపట్టిన మూడు రోజుల గోయ్ రఖోన్ యాత్ర ముగింపు కార్యక్రమం ఆదివారం మార్గోవాలో జరిగింది. ఈ సందర్భంగా కార్యకర్తలు, నాయకులతో కలిసి రెండు కిలోమీటర్ల మేర నడిచి తర్వాత రాహుల్ మాట్లాడారు. ప్రభుత్వ కాంట్రాక్టులను కొందరు సన్నిహిత పారిశ్రామిక వేత్తలకు ధారాదత్తం చేస్తూ వారి నుంచి నిధులు దండుకుంటున్నారని కేంద్రాన్ని విమర్శించారు. ‘మీరేం కంగారుపడకండి. గోవా గురించి మీరు చూసుకోండి. ఢిల్లీలో ఉండి ప్రధాని మోదీ, అమిత్ షాల విషయం మేం చూసుకుంటాం. వాళ్లకు సమయం దగ్గరపడింది’అని కార్యకర్తలతో అన్నారు. ఇది బహిష్కరణ వ్యవస్థ దేశంలో విద్యా వ్యవస్థ సక్రమంగా లేదని రాహుల్ ఆక్షేపించారు. లక్షలాది మంది యువతను విద్యకు దూరం చేసే వ్యవస్థ నేడు అమల్లో ఉందని విమర్శించారు. ఇది విద్యా వ్యవస్థ కాదని, బహిష్కరణ వ్యవస్థ అని తప్పుపట్టారు. ఇటీవల విద్యార్థుల బృందంతో తాను జరిపిన సంభాషణకు సంబంధించిన వీడియోను రాహుల్ గాంధీ ఆదివారం ఇన్స్ట్రాగామ్లో పోస్టుచేశారు. డబ్బు, అధికారం లేకపోయినా, ఇంగ్లీష్ రాకపోయినా ఇప్పుడున్న వ్యవస్థ రెండో ఆలోచన లేకుండా యువతను బయటకు గెంటేస్తుందని పేర్కొన్నారు. దీనిని విద్యా వ్యవస్థ అని ఎలా పిలవాలని ప్రశ్నించారు. -
మోదీ గద్దె దిగాలి.. కానీ ప్రజాస్వామ్యబద్ధంగానే: ప్రకాశ్ రాజ్
కేంద్రంలోని ప్రభుత్వాన్ని మార్చాలన్న తమ లక్ష్యం ప్రజాస్వామ్యబద్ధంగానే నెరవేరుతుందని నటుడు, సామాజిక కార్యకర్త ప్రకాశ్ రాజ్ స్పష్టం చేశారు. భారత్ బంగ్లాదేశ్, నేపాల్ కాదని.. మనకు రాజ్యాంగం, ఓటు హక్కు ఉన్నాయని వ్యాఖ్యానించారు. ప్రభుత్వ మార్పు కోసం ఎన్నికల ద్వారానే పోరాడతామని, ఉత్తరప్రదేశ్ నుంచి 2029 లోక్సభ ఎన్నికల వరకు ఈ పోరాటాన్ని కొనసాగిస్తామని తెలిపారు.‘‘మనం నేపాల్ కాదు.. బంగ్లాదేశ్ కాదు. మనకు అంబేడ్కర్ ఉన్నారు, గాంధీ ఉన్నారు.. భగత్సింగ్ ఉన్నారు. మనకు రాజ్యాంగం ఉంది. ఓటు హక్కు ఉంది’’ అని ప్రకాశ్ రాజ్ పేర్కొన్నారు. ప్రజాస్వామ్య పద్ధతుల్లోనే ప్రభుత్వాన్ని గద్దె దించుతామని అన్నారు. శాంతియుత నిరసనలు, ఎన్నికల్లో ప్రభుత్వాన్ని మార్చాలని కోరడం అరాచకం కాదని.. ప్రజలు తమ రాజ్యాంగ హక్కులను వినియోగించుకుంటున్నారని వివరించారు.నిరసనకారులపై బలప్రయోగం ఎందుకు?ఢిల్లీలో కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కేను తిరంగా మార్చ్కు ముందు పోలీసులు అదుపులోకి తీసుకున్న నేపథ్యంలో ప్రకాశ్ రాజ్ ఈ వ్యాఖ్యలు చేశారు. ఓటర్ల జాబితాల ప్రత్యేక సమగ్ర సవరణ (ఎస్ఐఆర్)లో అక్రమాలు జరుగుతున్నాయంటూ ప్రధాన ఎన్నికల కమిషనర్ జ్ఞానేశ్ కుమార్కు వ్యతిరేకంగా సీజేపీ నిరసనలు చేపడుతోంది.నిరసనకారులతో చర్చలు జరపకుండా బలప్రయోగానికి దిగడం వల్లే ప్రభుత్వాన్ని మార్చాలన్న డిమాండ్లు పెరుగుతున్నాయని ప్రకాశ్ రాజ్ ఆరోపించారు. తాము ఆయుధాలతో పోరాడటం లేదని, రాజ్యాంగం, నిరసన తెలిపే హక్కే తమ ఆయుధాలని వ్యాఖ్యానించారు. మహిళలతో సహా నిరసనకారులపై పోలీసులు దాడులకు పాల్పడ్డారని ఆరోపిస్తూ.. ఈ అంశాన్ని పార్లమెంట్ శీతాకాల సమావేశాల్లో ప్రతిపక్షాలు లేవనెత్తాలని కోరారు.‘హర్ ఘర్ తిరంగా’ నినాదం ఏమైంది?ప్రధాని నరేంద్ర మోదీ ఇచ్చిన ‘హర్ ఘర్ తిరంగా’ పిలుపును ప్రస్తావిస్తూ ప్రకాశ్ రాజ్ ప్రశ్నలు సంధించారు. “మోదీజీ.. మీ హర్ ఘర్ తిరంగా నినాదం ఏమైంది? దేశ యువత త్రివర్ణ పతాకంతో ర్యాలీగా వెళ్లాలని కోరుకుంటోంది” అని అన్నారు. శాంతియుతంగా జాతీయ జెండాతో నిరసన తెలిపే హక్కును ఎందుకు అడ్డుకుంటున్నారని ప్రశ్నించారు.రైతులు, సంయుక్త కిసాన్ మోర్చా, పౌర సమాజ సంఘాల నుంచి నిరసనలకు మద్దతు లభిస్తోందని ప్రకాశ్ రాజ్ తెలిపారు. రానున్న రోజుల్లో మరింత మంది ప్రజలు వీధుల్లోకి వచ్చి శాంతియుతంగా ఆందోళనలు కొనసాగిస్తారని చెప్పారు. ప్రజాస్వామ్య వ్యవస్థలో ప్రభుత్వాన్ని ప్రశ్నించడం, నిరసన తెలపడం, ఓటు ద్వారా మార్పు కోరడం పౌరుల హక్కులని ఆయన పేర్కొన్నారు.ఇదీ చదవండి: దీప్కే జాడపై సీజేపీ ఆందోళన -
భారత్కు ట్రంప్ భారీ ఊరట.. 100% టారిఫ్కు బ్రేక్
అమెరికా అధ్యక్షుడు డొనాల్డ్ ట్రంప్ భారత్కు భారీ ఊరటనిచ్చారు. రష్యా నుంచి చమురు కొనుగోలు చేస్తున్న దేశాలపై సుంకాలు విధించే చట్టంలోని కీలక నిబంధనల అమలును ప్రస్తుతానికి నిలిపివేశారు. భారత్, చైనా సహా రష్యా ఇంధనాన్ని కొనుగోలు చేస్తున్న దేశాలకు ముప్పుగా మారిన ఈ సుంకాల అమలుకు.. సరిగ్గా ఒక రోజు ముందే ట్రంప్ ఈ నిర్ణయం తీసుకోవడం గమనార్హం. రష్యా-ఉక్రెయిన్ యుద్ధానికి మాస్కోకు అందుతున్న ఆర్థిక వనరులను తగ్గించాలనే లక్ష్యంతో అమెరికా కాంగ్రెస్ ‘లిండ్సే ఓ. గ్రాహమ్ శాంక్షనింగ్ రష్యా అండ్ ఇరాన్ యాక్ట్–2026’ను ఆమోదించింది. సెప్టెంబర్ 18న ఈ చట్టంపై ట్రంప్ సంతకం చేశారు. రష్యా నుంచి ముడిచమురు, సహజ వాయువును కొనుగోలు చేసే దేశాలపై అదనపు సుంకాలు విధించేందుకు ఈ చట్టం అధ్యక్షుడికి అధికారం కల్పించింది. రష్యా ఇంధనాన్ని అత్యధికంగా దిగుమతి చేసుకునే ఐదు దేశాల నుంచి అమెరికాలోకి వచ్చే వస్తువులపై 100 శాతంలోపు ఎంతైనా సుంకాలు విధించే అవకాశం ఈ చట్టంలో ఉంది. రష్యా నుంచి చమురు, గ్యాస్ కొనుగోళ్లను కొనసాగించే దేశాలపై అదనపు ఆర్థిక చర్యలు తీసుకునేందుకు కూడా వీలు కల్పించింది. సంతకం చేసిన నెలలోపే దీనిపై అధ్యక్షుడు ఓ నిర్ణయం ప్రకటించాల్సి ఉంది. దీంతో రష్యా చమురును పెద్దఎత్తున కొనుగోలు చేస్తున్న భారత్, చైనా ఈ ముప్పును ఎదుర్కొనే పరిస్థితి ఏర్పడింది. అయితే అమెరికా జాతీయ ప్రయోజనాల దృష్ట్యా ప్రస్తుతానికి ఈ మినహాయింపు ఇస్తున్నట్లు ట్రంప్ ప్రకటించారు. జాతీయ ప్రయోజనాల పేరుతో మినహాయింపుఈ చట్టం కింద కొన్ని సుంకాలు, ఆంక్షల అమలును నిలిపివేస్తూ ట్రంప్ అక్టోబర్ 16న ఎగ్జిక్యూటివ్ ఆర్డర్ జారీ చేశారు. ఈ మినహాయింపు అమెరికా జాతీయ ప్రయోజనాలకు అవసరమని కాంగ్రెస్కు ధ్రువీకరణ సమర్పించినట్లు ఉత్తర్వుల్లో పేర్కొన్నారు. ఆంక్షలు అమలైతే అంతర్జాతీయ ఇంధన మార్కెట్పై ప్రభావం పడటంతో పాటు అమెరికాలో పెట్రోల్, డీజిల్ ధరలపై మరింత ఒత్తిడి పెరిగే అవకాశం ఉందని విశ్లేషకులు భావిస్తున్నారు. ముఖ్యంగా నవంబర్లో జరగనున్న మధ్యంతర ఎన్నికలకు ముందు ఇంధన ధరలు పెరగడం ట్రంప్ ప్రభుత్వానికి రాజకీయంగా సవాలుగా మారవచ్చు.భారత్ ముందునుంచీ ఇదే చెబుతోందిరష్యా చమురు కొనుగోళ్లపై అమెరికా అదనపు సుంకాలు విధించే ప్రతిపాదన తెరపైకి వచ్చినప్పుడే భారత్ తన వైఖరిని స్పష్టం చేసింది. 140 కోట్ల మంది ప్రజల ఇంధన భద్రత తమకు అత్యంత ముఖ్యమని, అంతర్జాతీయ మార్కెట్ పరిస్థితులకు అనుగుణంగా వివిధ దేశాల నుంచి ఇంధనాన్ని కొనుగోలు చేస్తామని భారత విదేశాంగ శాఖ తెలిపింది. ఈ అంశంపై అమెరికా అధికారులతో ఉన్నతస్థాయిలో చర్చలు జరిపినట్లు కూడా వెల్లడించింది.ఒకవేళ 100 శాతం అదనపు సుంకాలు అమలైతే అమెరికాకు ఎగుమతి చేసే భారతీయ వస్తువులపై తీవ్ర ప్రభావం పడే అవకాశం ఉండేది. అమెరికా భారత్కు ప్రధాన ఎగుమతి మార్కెట్ కావడంతో వస్త్రాలు, ఇంజినీరింగ్ ఉత్పత్తులు, ఇతర వస్తువుల ఎగుమతులపై అదనపు వ్యయభారం పడే ప్రమాదం ఉండేది. సుంకాల పరిధి, అమలు విధానం ఖరారైతేనే వాస్తవ ప్రభావాన్ని పూర్తిగా అంచనా వేయగలిగేవారు. తాజా నిర్ణయంతో ఆ తక్షణ ముప్పు తప్పింది. అయితే, ఇది శాశ్వత ఉపసంహరణ కాదు. భవిష్యత్తులో అవసరమని భావిస్తే ఆంక్షలను మళ్లీ అమలు చేసే అవకాశం అమెరికా అధ్యక్షుడికి ఉంటుంది. పరిస్థితులను బట్టి తదుపరి చర్యలు తీసుకునే అధికారాన్ని అమెరికా ప్రభుత్వం అట్టిపెట్టుకుంది.పుతిన్తో ఇంధన ఒప్పందం.. జెలెన్స్కీపై విమర్శలుమరోవైపు, రష్యా అధ్యక్షుడు వ్లాదిమిర్ పుతిన్తో ట్రంప్ సంబంధాలు, ఉక్రెయిన్ యుద్ధంపై అమెరికా వైఖరి కూడా చర్చనీయాంశంగా మారాయి. రష్యా నుంచి డీజిల్ సరఫరాలపై ఒప్పందం కుదిరినట్లు ట్రంప్ ఇటీవల ప్రకటించారు. అంతర్జాతీయ మార్కెట్లో ఇంధన సరఫరాలను పెంచడం, ధరల ఒత్తిడిని తగ్గించడం ఈ ప్రయత్నం వెనుక లక్ష్యాలుగా చెబుతున్నారు.ఇదే సమయంలో ఉక్రెయిన్ అధ్యక్షుడు వ్లాదిమిర్ జెలెన్స్కీపై ట్రంప్ విమర్శలు గుప్పిస్తున్నారు. రష్యాతో యుద్ధాన్ని ముగించే ఒప్పందాన్ని కుదుర్చుకోవడంలో జెలెన్స్కీ విఫలమవుతున్నారని వ్యాఖ్యానిస్తూ, ఉక్రెయిన్కు కొత్త నాయకుడు అవసరమని కూడా అన్నారు. రష్యాపై ఆర్థిక ఒత్తిడి పెంచేందుకు ఉద్దేశించిన చట్టంలోని సుంకాలను నిలిపివేయడం, మరోవైపు పుతిన్తో ఇంధన ఒప్పందంపై ముందుకు సాగడం వంటి పరిణామాలు అమెరికా విదేశాంగ విధానంపై చర్చకు దారితీశాయి.ఇదీ చదవండి: ట్రంప్కే ఎందుకిలా అవుతోంది! -
దీప్కే ఎక్కడ?
కాక్రోచ్ జనతా పార్టీ వ్యవస్థాపకుడు అభిజీత్ దీప్కేను ఢిల్లీ పోలీసులు అరెస్ట్ చేశారు. శాంతిభద్రతలకు విఘాతం కలిగించే ప్రయత్నం చేశారని.. పైగా ఇది వరకు ఆయన సమర్పించిన బాండ్ను సైతం ఉల్లంఘించారని పోలీసులు చెబుతున్నారు. ఈ క్రమంలో నిన్న ఢిల్లీలో తిరంగా యాత్ర నిర్వహించేందుకు ప్రయత్నించిన ఆయన్ని, విద్యార్థి సంఘాల నేతలను ముందస్తు చర్యల్లో భాగంగా అదుపులోకి తీసుకున్నట్లు చెప్పారు.సర్ ప్రక్రియకు, సీఈసీకి వ్యతిరేకంగా అక్టోబర్ 10న జంతర్ మంతర్ వద్ద ర్యాలీకి సీజేపీ పిలుపు ఇచ్చింది. అయితే ఢిల్లీ పోలీసుల కట్టుదిట్టమైన ముందస్తు చర్యలతో ఆ ప్రయత్నం భగ్నమైంది. పైగా సీజేపీ కీలక నేతలను విమానంలోనే ఢిల్లీ పోలీసులు అరెస్ట్ చేశారు. ఆపై ఏడాది పాటు శాంతిభద్రతలకు భంగం కలిగించే ప్రయత్నాలేవీ చేయమంటూ వాళ్లతో సంతకాలు చేయించుకుని.. రూ.50 వేల వ్యక్తిగత బాండ్ మీద పోలీసులు వాళ్లను రిలీజ్ చేశారు. ఆ తర్వాత జంతర్ మంతర్ వద్ద మరోసారి ధర్నా చేపడతామని సీజేపీ ప్రకటించింది. అయితే ఈలోపు అనూహ్యంగా..జంతర్ మంతర్ వద్ద నిరసనలపై నిషేధం విధిస్తూ కేంద్ర హోం శాఖ, ఢిల్లీ పోలీసులు ప్రకటన చేశారు. దీనిని వ్యతిరేకిస్తూ సీజేపీ కోర్ కమిటీ సభ్యులు జాతీయ జెండాలతో జంతర్ మంతర్ బారికేడ్లు దూకి లోపలికి వెళ్లి నినాదాలు చేశారు. దీంతో పోలీసులు వాళ్లను అరెస్ట్ చేయసి కోర్టులో ప్రవేశపెట్టగా.. జ్యూడీషియల్ రిమాండ్ మీద తిహార్ జైలుకు తరలించారు. ఈ పరిణామాలపై దేశవ్యాప్తంగా తీవ్ర వ్యతిరేకతలు కనిపించాయి.ఈ క్రమంలోనే శుక్రవారం ఢిల్లీలో ‘లెహ్రా దో తిరంగా’ పేరిట త్రివర్ణ పతాక ప్రదర్శన, అలాగే ప్రధాన ఎన్నికల కమిషనర్ (సీఈసీ)కి వ్యతిరేకంగా ధర్నా చేపట్టాలని సీజేపీ భావించింది. అయితే పోలీసులు ఆ ప్రయత్నానికి అడ్డుపడ్డారు. సీజేపీ చీఫ్ అభిజీత్ దీప్కేను, ఆల్ ఇండియా స్టూడెంట్స్ అసోసియేషన్ (ఏఐఎస్ఏ) అధ్యక్షురాలు నేహా బోరాను అరెస్ట్ చేశారు.దీప్కే ఆచూకీపై సీజేపీ ఆందోళనదీప్కేను అదుపులోకి తీసుకున్న తర్వాత ఆయన ఎక్కడ ఉన్నారో తెలియడం లేదని సీజేపీ ఆందోళన వ్యక్తం చేసింది. న్యాయవాదులతో మాట్లాడేందుకు కూడా అనుమతించడం లేదని ఆరోపించింది. ఈ మేరకు పార్టీ సోషల్ మీడియా వేదికగా పోస్టు చేసింది. ‘ఢిల్లీ పోలీసులు అభిజీత్ దీప్కేను తెలియని ప్రాంతానికి తీసుకెళ్లారు. ఆయనతో మాకు సంబంధాలు తెగిపోయాయి. న్యాయవాదులతో మాట్లాడేందుకు అనుమతించడం లేదు’ అని సీజేపీ పేర్కొంది. జాతీయ జెండా చేతబట్టి ఇంటి నుంచి బయటకు రావడం ఎలా నేరమవుతుందని ప్రశ్నించింది. యువతను ఉగ్రవాదుల్లా ఎందుకు చూస్తున్నారని నిలదీసింది. ఇలాంటి చర్యలతో నిరసనల్లో పాల్గొనేవారిని అడ్డుకోలేరని వ్యాఖ్యానించింది.సీజేపీ న్యాయ విభాగానికి చెందిన రత్నా సింగ్ కూడా దీప్కే అరెస్ట్పై స్పందించారు. ఆయనను అరెస్ట్ చేసి ఎస్ఈఎం ఎదుట హాజరుపరచనున్నారని సమాచారం మాత్రం ఉందని అంటున్నారు. అయితే, దీప్కే ఆచూకీ ఇంకా తెలియలేదని, న్యాయవాదులు సైతం ఆయనను కలవలేకపోయారని పేర్కొన్నారు.పోలీసులకు సీజేపీ నేత లేఖదీప్కే ఎక్కడ ఉన్నారు? ఏ చట్ట నిబంధనల కింద ఆయనపై చర్యలు తీసుకున్నారు? నిర్బంధానికి ఆదేశించిన అధికారి ఎవరు? ఆయన కస్టడీకి బాధ్యత వహిస్తున్నది ఎవరు? అనే వివరాలు వెల్లడించాలని కోరుతూ సీజేపీ నేత రోహన్ దేశ్పాండే ఢిల్లీలోని మందిర్ మార్గ్ పోలీస్ స్టేషన్ స్టేషన్ హౌస్ ఆఫీసర్కు లేఖ రాశారు. దీప్కేను ఏ పోలీస్ స్టేషన్లో ఉంచారనే విషయంపై తమకు సమాచారం లేదని లేఖలో పేర్కొన్నారు. ఆయన ఆచూకీని వెల్లడించడంతో పాటు సహచరులతో మాట్లాడేందుకు, న్యాయ సహాయం పొందేందుకు అవకాశం కల్పించాలని కోరారు.నేహా బోరా విడుదలదీప్కేతో పాటు అరెస్టైన ఏఐఎస్ఏ అధ్యక్షురాలు నేహా బోరాను పోలీసులు విడుదల చేశారు. ఢిల్లీ పోలీస్ చట్టంలోని సెక్షన్ 65 ప్రకారం అవసరమైన ప్రక్రియలను పూర్తి చేసిన తర్వాత ఆమెను విడిచిపెట్టినట్లు పోలీసులు తెలిపారు. అయితే నేహాను మంగోల్పురిలోని యాంటీ నార్కోటిక్స్ టాస్క్ఫోర్స్ కార్యాలయంలో ఒంటరిగా ఉంచారని ఏఐఎస్ఏ పేర్కొంది. నిర్బంధంలో ఉన్నప్పుడు న్యాయవాదులను, సహచరులను ఆమెతో కలిసే అవకాశం ఇవ్వలేదని ఆరోపించింది.నేడు మేజిస్ట్రేట్ ఎదుట హాజరుభారతీయ నాగరిక్ సురక్షా సంహిత (BNSS)లోని సెక్షన్లు 126, 170 కింద దీప్కేపై చర్యలు తీసుకున్నట్లు ఢిల్లీ పోలీసులు తెలిపారు. శాంతిభద్రతలకు విఘాతం కలిగే అవకాశం ఉందన్న కారణంతో ముందస్తు నిర్బంధ చర్యలు చేపట్టినట్లు పేర్కొన్నారు. ఆయనను స్పెషల్ ఎగ్జిక్యూటివ్ మేజిస్ట్రేట్ (ఎస్ఈఎం) ఎదుట హాజరుపరచనున్నట్లు వెల్లడించారు. ఏడాది పాటు శాంతిభద్రతలకు విఘాతం కలిగించే చర్యలకు పాల్పడవద్దన్న బాండ్ నిబంధనలను దీప్కే ఉల్లంఘించారని పోలీసులు చెబుతున్నారు. అలాగే, సెంట్రల్ పార్క్కు వెళ్లవద్దంటూ ఆయనకు రెండుసార్లు నోటీసులు ఇచ్చామని, అయినా వాటిని పాటించలేదని చెబుతున్నారు. ఇదీ చదవండి: ఎముకలు విరగ్గొట్టగలరేమో, కానీ.. -
మోదీకి ఖర్గే లేఖ.. డీలిమిటేషన్పై కీలక వ్యాఖ్యలు
న్యూఢిల్లీ: పార్లమెంట్ నియోజకవర్గాల పునర్విభజన (డీలిమిటేషన్) ప్రతిపాదనలపై చర్చించేందుకు అఖిలపక్ష సమావేశాన్ని ఏర్పాటు చేయాలని ఏఐసీసీ అధ్యక్షుడు మల్లికార్జున ఖర్గే ప్రధానమంత్రి నరేంద్ర మోదీని కోరారు. ఈ విషయమై ప్రధాని మోదీకి ఈ రోజు (శుక్రవారం) లేఖ రాశారు. దేశ రాజ్యాంగంపై ప్రభావం చూపే సవరణ బిల్లును పార్లమెంట్లో మరోసారి బలవంతంగా ఆమోదింపజేయడానికి ప్రయత్నించవద్దని ప్రధానికి సూచించారు.ప్రధాని మోదీకి రాసిన లేఖలో ఖర్గే పలు అంశాలను ప్రస్థావించారు. ఆగస్టు 13న పార్లమెంట్ వర్షాకాల సమావేశాలు నిరవధికంగా వాయిదా పడినప్పటి నుంచి ఇప్పటికే 64 రోజులు గడిచిపోయాయని, అయినప్పటికీ పార్లమెంట్ ఉభయ సభలను ఇంకా అధికారికంగా ప్రోరోగ్ చేయలేదని ఆయన పేర్కొన్నారు. ఈ పరిస్థితి అసాధారణమైనదని, ఇంతటి జాప్యం గతంలో చోటుచేసుకోలేదని ఖర్గే తన లేఖలో వివరించారు. డీలిమిటేషన్పై ఏదైనా రాజ్యాంగ సవరణ బిల్లును పార్లమెంట్లో ప్రవేశపెట్టడానికి ముందే అఖిలపక్ష సమావేశాన్ని ఏర్పాటు చేయాలని తాను తొలిసారిగా ఏప్రిల్ 11న ప్రధానిని కోరినట్లు ఖర్గే గుర్తుచేశారు.అయితే, ఆ విజ్ఞప్తిని ప్రధాని పట్టించుకోలేదని అనంతరం ఏప్రిల్ 14వ తేదీ రాత్రి ఆలస్యంగా సంబంధిత బిల్లులను బహిరంగపరిచారని, ఏప్రిల్ 16న ప్రత్యేక పార్లమెంట్ సమావేశాలను ఏర్పాటు చేశారని పేర్కొన్నారు. డీలిమిటేషన్కు సంబంధించిన రాజ్యాంగ సవరణ బిల్లుకు లోక్సభలో అవసరమైన మూడింట రెండొంతుల మెజారిటీ లభించలేదని, ఏప్రిల్ 17న నిర్ణయాత్మక తేడాతో ఆ బిల్లు విఫలమైందని ఖర్గే తన లేఖలో తెలిపారు. ఆ తర్వాత కూడా అఖిలపక్ష సమావేశం ఏర్పాటు చేయాలన్న తమ అభ్యర్థనను పునరుద్ఘాటిస్తూ జూలై 16న, ఆగస్టు 27న ప్రధానమంత్రి మోదీకి లేఖలు రాసినట్లు ఖర్గే తెలిపారు. ఇప్పుడు నాలుగోసారి ఇదే విజ్ఞప్తి చేస్తున్నానని చెప్పారు. కొత్తగా ప్రతిపాదిస్తున్న డీలిమిటేషన్ విధానాలను ఖరారు చేసి పార్లమెంట్ పరిశీలనకు తీసుకురావడానికి ముందే, వాటిపై సమగ్రంగా చర్చించేందుకు అఖిలపక్ష సమావేశాన్ని ఏర్పాటు చేయాలని ప్రధానిని కోరారు.డీలిమిటేషన్కు సంబంధించిన కొత్త ప్రతిపాదనలపై రాజకీయ పార్టీలన్నింటికీ తగినంత సమయం ఇవ్వాలని ఖర్గే సూచించారు. ఆయా పార్టీలు తమలో తాము చర్చించుకోవడంతో పాటు, ఇతర రాజకీయ పార్టీలతోనూ, ఈ అంశంతో సంబంధం ఉన్న అన్ని వర్గాలతోనూ సంప్రదింపులు జరిపేందుకు అవకాశం కల్పించాలని పేర్కొన్నారు. ఇంతటి ప్రాధాన్యం ఉన్న అంశంపై విస్తృత చర్చలు జరగాల్సిన అవసరం ఉందని ఆయన తన లేఖలో స్పష్టం చేశారు.గతంలో ప్రయత్నించినట్లుగా, దేశ రాజ్యాంగంపై సుదూర ప్రభావం చూపే రాజ్యాంగ సవరణ బిల్లును పార్లమెంట్లో మరోసారి బలవంతంగా ఆమోదింపజేయడానికి ప్రయత్నించవద్దని ఖర్గే ప్రధానిని హెచ్చరించారు. గతంలో అలాంటి ప్రయత్నం విఫలమైందని ప్రస్తావిస్తూ, “దయచేసి మరోసారి రాజ్యాంగంపై విస్తృత ప్రభావం చూపే బిల్లును పార్లమెంట్లో బలవంతంగా ఆమోదింపజేయడానికి ప్రయత్నించవద్దు. గతంలో మీరు చేసిన ప్రయత్నం తగిన ఫలితాన్ని ఎదుర్కొంది” అని తన లేఖలో పేర్కొన్నారు.ఇదీ చదవండి: బీజేపీ మంత్రి భర్తపై సంచలన ఆరోపణ -
ఈ నెలలోనే పార్లమెంట్ ప్రత్యేక సమావేశాలు?
పార్లమెంట్లో కీలక బిల్లుల ఆమోదానికి కేంద్ర ప్రభుత్వం సిద్ధమవుతోందా?. నియోజకవర్గాల పునర్విభజన (డీలిమిటేషన్), మహిళా రిజర్వేషన్లకు సంబంధించిన రాజ్యాంగ సవరణ బిల్లులపై చర్చించేందుకు ఈ నెలలోనే పార్లమెంట్ ప్రత్యేక సమావేశాలు నిర్వహించే అవకాశం ఉందని తెలుస్తోంది. ఈ బిల్లులను ఆమోదించేందుకు అవసరమైన సంఖ్యాబలం తమకు ఉందని ప్రభుత్వ వర్గాలు చెబుతుండడం ఇప్పుడు చర్చనీయాంశమైంది.ప్రత్యేక సమావేశాల నిర్వహణపై కేంద్రం కసరత్తు చేస్తున్నట్లు ప్రభుత్వ వర్గాలను ఉటంకిస్తూ ఓ జాతీయ మీడియా వెల్లడించింది. ఈ క్రమంలో డీఎంకేతో పాటు కొన్ని చిన్న ప్రతిపక్ష పార్టీలతోనూ కేంద్రం సంప్రదింపులు జరుపుతున్నట్లు సమాచారం. బిల్లుల ఆమోదానికి అవసరమైన మద్దతును కూడగట్టే ప్రయత్నాలు జరుగుతున్నట్లు తెలుస్తోంది. అయితే, సమావేశాల తేదీలు, బిల్లులపై చర్చించే విధివిధానాలపై అధికారిక ప్రకటన వెలువడాల్సి ఉంది.ఏప్రిల్లోనూ ప్రయత్నం.. కానీ బిల్లులకు బ్రేక్మహిళా రిజర్వేషన్ల అమలును వేగవంతం చేసేందుకు కేంద్రం ఈ ఏడాది ఏప్రిల్ 16 నుంచి 18 వరకు పార్లమెంట్ ప్రత్యేక సమావేశాలు నిర్వహించింది. ఈ సందర్భంగా రాజ్యాంగ (131వ సవరణ) బిల్లు, డీలిమిటేషన్ బిల్లు, కేంద్రపాలిత ప్రాంతాల చట్టాల సవరణ బిల్లులను లోక్సభలో ప్రవేశపెట్టింది. లోక్సభలో సభ్యుల సంఖ్యను 543 నుంచి గరిష్టంగా 850కు పెంచడం, 2011 జనగణన ఆధారంగా నియోజకవర్గాల పునర్విభజన చేపట్టడం వంటి ప్రతిపాదనలు ఇందులో ఉన్నాయి. అయితే, రాజ్యాంగ సవరణ బిల్లుకు అవసరమైన మూడింట రెండొంతుల మెజారిటీ లభించకపోవడంతో అది ముందుకు సాగలేదు. దానిపై ఆధారపడిన మిగతా రెండు బిల్లులపైనా తదుపరి చర్యలు నిలిచిపోయాయి.అభ్యంతరాలేంటంటే..ఈ ప్రతిపాదనలపై దక్షిణాది రాష్ట్రాల ప్రాతినిధ్యం తగ్గే అవకాశం ఉందని ప్రతిపక్షాలు ఆందోళన వ్యక్తం చేశాయి. జనాభా నియంత్రణలో మెరుగైన ఫలితాలు సాధించిన రాష్ట్రాలకు అన్యాయం జరగకూడదని వాదించాయి. ఈ నేపథ్యంలోనే ఏప్రిల్లో ఆమోదం పొందని బిల్లులను మరోసారి ముందుకు తీసుకురావడానికి కేంద్రం ప్రయత్నిస్తోందన్న వార్త ప్రాధాన్యం సంతరించుకుంది. అయితే, ఈసారి బిల్లులు ఆమోదం పొందుతాయని ప్రభుత్వ వర్గాలు చెబుతున్నప్పటికీ, గతంలో ఎదురైన సంఖ్యాబల సమస్యను కేంద్రం ఎలా అధిగమిస్తుందన్నది కీలకంగా మారింది.అక్టోబర్ 26, 27 తేదీల్లో.. ఈ నెలాఖరులో సంవిధాన్ సదన్లో 12వ బ్రిక్స్ పార్లమెంటరీ ఫోరం జరగనుంది. ఈ కార్యక్రమాన్ని దృష్టిలో ఉంచుకుని ప్రత్యేక సమావేశాల షెడ్యూల్ను ఖరారు చేసే అవకాశం ఉందని ప్రభుత్వ వర్గాలు తెలిపాయి. మరోవైపు, పార్లమెంట్ వర్షాకాల సమావేశాలను ప్రభుత్వం ఇంకా ప్రొరోగ్ చేయలేదు. ప్రత్యేక సమావేశాలకు ముందు వారం రోజుల నోటీసు ఇచ్చే అవకాశం ఉందని సమాచారం.ఢిల్లీలో ఈసీ వ్యతిరేక నిరసనలు కొనసాగుతున్న వేళ.. డీలిమిటేషన్, మహిళా రిజర్వేషన్లకు సంబంధించిన బిల్లులపై కేంద్రం ఎలాంటి నిర్ణయం తీసుకుంటుందన్నది ఇప్పుడు ఆసక్తికరంగా మారింది. ప్రత్యేక సమావేశాలపై అధికారిక ప్రకటన, బిల్లుల పూర్తి వివరాలు వెలువడిన తర్వాతే తదుపరి కార్యాచరణపై స్పష్టత రానుంది.ఇదీ చదవండి: మోదీ వీడియోతో బీజేపీ హడావిడి.. సెటైర్లు -
మోదీ పాత వీడియోతో కాషాయ నేతల హడావుడి
రాజకీయంగా కీలక పరిణామాలు చోటుచేసుకుంటున్న వేళ.. దేశ ప్రధాని నరేంద్ర మోదీకి సంబంధించిన ఓ పాత వీడియో ఇప్పుడు సోషల్ మీడియాలో ట్రెండింగ్లోకి వచ్చింది. బీజేపీ అగ్రనేతలు, కేంద్ర మంత్రులు వరుసగా ఆ వీడియోను పోస్టు చేస్తూ కాంగ్రెస్పై విమర్శలు గుప్పిస్తున్నారు. ఓ బహిరంగ సభలో మోదీ చేసిన వ్యాఖ్యలకు సంబంధించిన వీడియోను ఇప్పుడు ఎందుకు వైరల్ చేస్తున్నారనే ప్రశ్నలు నెటిజన్ల నుంచి వ్యక్తమవుతున్నాయి. ప్రస్తుతం కాంగ్రెస్ అగ్రనేత రాహుల్ గాంధీ నేతృత్వంలో ఎన్నికల సంఘం, ఓటర్ల జాబితాల ప్రత్యేక సమగ్ర సవరణ (ఎస్ఐఆర్)కు వ్యతిరేకంగా నిరసనలు కొనసాగుతున్నాయి. అటు సీజేపీ, ఇతర విద్యా సంఘాలు కూడా ఈ పోరాటం విడిగా చేస్తున్నాయి. ఈ నేపథ్యంలో రాహుల్ గాంధీకి రాజకీయంగా మంచి పేరు వస్తోందనే ఉద్దేశంతోనే బీజేపీ నేతలు పాత వీడియోను తెరపైకి తెచ్చారంటూ సెటైర్లు పడుతున్నాయి. ప్రధాని మోదీ నిరాశ, అసహనంతో ఉన్నారనే అర్థం వచ్చేలా సీజేపీ కూడా ఈ వీడియోపై స్పందించింది.మోదీ ఏమన్నారంటే..ఈ ఏడాది ఫిబ్రవరిలో మీరట్లో జరిగిన బహిరంగ సభలో మోదీ కాంగ్రెస్పై తీవ్ర విమర్శలు చేశారు. ప్రధాని పదవిని ఆశించేవారు ముందుగా ప్రజల హృదయాలను గెలుచుకోవాలని అన్నారు. పార్లమెంటులో ప్రధాని సీటును ఆక్రమించుకోవాలనే ఉద్దేశంతో మహిళా ఎంపీలను ముందుకు నెట్టడం ద్వారా ఆ స్థానాన్ని సాధించలేరని వ్యాఖ్యానించారు. మహిళా ఎంపీలను అలా ముందుకు పంపే స్థాయికి కాంగ్రెస్ దిగజారిందా? అంటూ ప్రశ్నించారు.ఢిల్లీలో జరిగిన ఏఐ సమిట్ సందర్భంగా యువజన కాంగ్రెస్ కార్యకర్తలు అర్ధనగ్నంగా నిరసన చేపట్టిన ఘటననూ మోదీ తీవ్రంగా ఖండించారు. కాంగ్రెస్ తన రాజకీయాలకు అంతర్జాతీయ వేదికను ఉపయోగించుకుందని, విదేశీ అతిథులు ఉన్న చోట గందరగోళం సృష్టించిందని విమర్శించారు. ఆ పార్టీ సైద్ధాంతికంగా దివాలా తీసిందని మండిపడ్డారు.‘‘కాంగ్రెస్ నగ్నత్వం దేశానికి తెలుసు. ఇప్పటికే ప్రజల దృష్టిలో ఆ పార్టీ నేతలు దిగజారిపోయారు. దేశాన్ని అప్రతిష్ఠపాలు చేసే పనిలో కాంగ్రెస్ తీరిక లేకుండా ఉంది. రాజకీయ విభేదాల కంటే వ్యక్తిగత శత్రుత్వానికే ప్రాధాన్యమిస్తోంది. గతంలో నన్ను, నా తల్లిని అవమానించారు. ఇప్పుడు ప్రపంచ నేతల ఎదుట దేశాన్ని అవమానించారు. అన్ని పరిమితులనూ దాటిపోయారు’’ అని మోదీ వ్యాఖ్యానించారు.कांग्रेस के बेलगाम नेता, देश को तबाह करने पर तुले हुए हैं... https://t.co/jLzawqFRee— Smriti Z Irani (@smritiirani) October 15, 2026తమ చర్యలకు సిగ్గుపడాల్సింది పోయి, వాటినే గొప్పగా ప్రచారం చేసుకుంటున్నారని కాంగ్రెస్పై విమర్శలు చేశారు. దేశాన్ని గొప్పగా తీర్చిదిద్దేందుకు ప్రజలు కష్టపడుతుంటే, కొన్ని పార్టీలు విజయాలను జీర్ణించుకోలేకపోతున్నాయని అన్నారు. ఇలాంటి అంశాలపై తాను స్పందించినప్పుడు ‘విపక్షాలపై విరుచుకుపడ్డ మోదీ’ అంటూ వార్తలు రాయవద్దని మీడియాకు విజ్ఞప్తి చేశారు.కుర్చీ కోల్పోతామనే భయమా?బీజేపీ నేతలు వరుసగా పోస్టు చేస్తున్న ఈ వీడియోపై సీజేపీ ఘాటుగా స్పందించింది. ‘‘ఇది ప్రధాని నిరాశ, అసహనాన్ని చూపిస్తోంది. కుర్చీ కోల్పోతామనే భయం ఇది’’ అని వ్యాఖ్యానించింది. మరోవైపు, పాత వీడియోను ఇప్పుడు పెద్ద ఎత్తున ప్రచారం చేయడం వెనుక కారణమేంటని పలువురు నెటిజన్లు ప్రశ్నిస్తున్నారు. అయితే, బీజేపీ నేతలు ఈ వీడియోను ఇప్పుడు ఎందుకు పోస్టు చేస్తున్నారనే దానిపై స్పష్టమైన కారణం వెల్లడికాలేదు.పాత వీడియోతో కొత్త రాజకీయ రచ్చమోదీ అప్పట్లో చేసిన వ్యాఖ్యలతో కూడిన వీడియో ఇప్పుడు బీజేపీ నేతల పోస్టులతో మళ్లీ చర్చలోకి వచ్చింది. అయితే, ఎన్నికల సంఘం, ఓటర్ల జాబితాల అంశాలపై కొనసాగుతున్న రాజకీయ పోరాటానికి ఈ వీడియోను జోడించి ఇరు పక్షాలు పరస్పరం విమర్శలు చేసుకుంటున్నాయి. పాత వీడియోను ఇప్పుడు ఎందుకు ప్రచారం చేస్తున్నారనే ప్రశ్నకు సమాధానం కంటే, దాని చుట్టూ సాగుతున్న రాజకీయ వాదోపవాదాలే ప్రస్తుతం సోషల్ మీడియాలో చర్చనీయాంశంగా మారాయి.ఇదీ చదవండి: కాంగ్రెస్, ఎస్పీకి యూపీలో షాక్ -
‘చాలా రోజుల తర్వాత సంతోషంగా అనిపిస్తోంది’
భారత క్రికెట్ దిగ్గజం వీవీఎస్ లక్ష్మణ్ ఇటీవలే ఆసియా గేమ్స్లో స్వర్ణం గెలిచిన భారత జట్టుకు కోచ్గా వ్యవహరించిన సంగతి తెలిసిందే. కాగా గురువారం ఢిల్లీలోని అశోకా హోటల్లో ప్రధాని నరేంద్ర మోదీ ఆసియా గేమ్స్లో పతకాలు సాధించిన అథ్లెట్లను, భారత జట్లను ప్రత్యేకంగా అభినందించారు. ఆసియా గేమ్స్ పురుషుల క్రికెట్ ఫైనల్లో శ్రేయస్ అయ్యర్ సేన పాకిస్తాన్ను చిత్తు చేసి వరుసగా రెండోసారి స్వర్ణ పతకం కైవసం చేసుకుంది. ఈ నేపథ్యంలో ఢిల్లీలో జరిగిన వేడుకకు ప్రస్తుతం బీసీసీఐ డైరెక్టర్గా ఉన్న వీవీఎస్ లక్ష్మణ్ కూడా హాజరయ్యాడు. ఈ సందర్భంగా లక్ష్మణ్ మాట్లాడుతూ ప్రధాని మోదీపై ‘ఎక్స్’ వేదికగా ప్రసంశలు కురిపించాడు.‘మన ఆసియా క్రీడల పతక విజేతల సన్మాన కార్యక్రమంలో ప్రధానమంత్రి నరేంద్ర మోదీ గారిని కలవడం, ఆయన స్ఫూర్తిదాయకమైన మాటలు వినడం గౌరవంగా భావిస్తున్నాను. భారత క్రీడల అభివృద్ధి పట్ల ఆయనకున్న అభిరుచిని, నిబద్ధతను చూడటం నిజంగా స్ఫూర్తిదాయకంగా ఉంది. దేశానికి పతకాలు అందించిన వేళ కేంద్రం ఇలా చొరవ తీసుకొని ఆటగాళ్లను సన్మానించడం చూస్తుంటే చాలా సంతోషంగా అనిపిస్తోంది.’ అని రాసుకొచ్చాడు.సమావేశం సందర్భంగా హాకీ ఆటగాళ్లు తాము సంతకాలు చేసిన జెర్సీలతో పాటు హాకీ స్టిక్లు, శాలువాను ప్రధాని నరేంద్ర మోదీకి బహుకరించారు. మహిళల జట్టు కెప్టెన్ సలీమా టిటే ప్రధాని మోదీకి తన హాకీ స్టిక్ను గిఫ్ట్గా ఇవ్వడం విశేషం. ఇక జపాన్లోని ఐచి-నగోయా వేదికగా జరిగిన ఆసియా క్రీడల్లో భారత్ 85 పతకాలు సాధించింది. ఇందులో 21 స్వర్ణాలు, 27 రజతాలు, 37 కాంస్యాలున్నాయి. 2023 హాంగ్జౌ ఆసియా క్రీడల్లో భారత్ పతకాలు సంఖ్య వంద దాటగా, ఈసారి మాత్రం 90లోపే పరిమితమైంది. అయితే పట్టికలో మాత్రం తమ నాలుగో స్థానాన్ని కాపాడుకుంది.An honour to meet Hon’ble Prime Minister Shri Narendra Modi ji and listen to his inspiring words at the felicitation ceremony for our Asian Games medallists. It was truly motivating to witness his passion and commitment to the growth of Indian Sports 🙏🙏 https://t.co/HNNAKTFMSK— VVS Laxman (@VVSLaxman281) October 15, 2026ఇదీ చదవండి: ‘కొత్తవాళ్ల మోజులో పడి ఆ టీ20 స్పెషలిస్ట్ను మరిచారా?’చేజింగ్ అంటేనే అతడి వెన్నులో వణుకు! -
అడవిని కాపాడే ఆడపులులు
ఆ మహిళలను‘పులి వితంతువులు’ అని పిలుస్తుంటారు. పులుల దాడుల్లో భర్తను కోల్పోయిన మహిళలే ఈ టైగర్ విడోస్. వీరికి పులులపై ఎలాంటి పగ, ప్రతీకారాలు లేవు. వాటి రక్షణ కోసం, వాటిని రక్షిస్తున్న మడ అడవుల కోసం ఈ మహిళలు ‘మ్యాంగ్రోవ్ ఆర్మీ’గా అవతరించారు. తాజాగా... ‘మ్యాంగ్రోవ్ ఆర్మీ’గా ప్రసిద్ధి పొందిన మహిళల బృందాన్ని ప్రధాని నరేంద్ర మోదీ ‘మన్ కీ బాత్’ కార్యక్రమంలో ప్రస్తావించారు. తమ వ్యక్తిగత నష్టాలను పట్టించుకోకుండా మడ అడవులను పునరుద్ధరిస్తున్నారని ప్రశంసించారు...ప్రపంచంలోనే అతిపెద్ద మడ అడవుల డెల్టా, వందకు పైగా పులులకు నిలయమైన పశ్చిమబెంగాల్లోని సుందర్బన్స్ను కాపాడుతున్నారు ‘మ్యాంగ్రోవ్ ఆర్మీ’ మహిళలు. తమ గ్రామాలను తుఫానుల నుండి రక్షించుకోవడానికి, సున్నితమైన పర్యావరణ వ్యవస్థను పరిరక్షించడానికి నదీతీరాల వెంబడి మొక్కలు నాటుతున్నారు.రక్షణ–ఉపాధి... సుందర్బన్స్లోని ఒక మారుమూల ద్వీపమైన లహిరిపూర్కు చెందిన 45 ఏళ్ల నమిత కయల్ భర్త పులి దాడిలో చనిపోయాడు. ఆమె వదిన అనిత భర్త కూడా పులి దాడిలోనే చనిపోయాడు. పులులు నివసించే అడవి నుండి తమ గ్రామాన్ని వేరు చేసే నది తీరాల వెంబడి మడ మొక్కలను నాటుతూ, ఈ ఇద్దరు ‘మ్యాంగ్రోవ్ ఆర్మీ’ తో కలిసి పనిచేస్తున్నారు. ‘పులుల దాడిలో మేము మా భర్తలను కోల్పోయాము. మా కుటుంబంలో సంపాదించేది వాళ్లిద్దరే. బురదగా ఉండే నదీ తీరాల్లో మడ మొక్కలను నాటినందుకు మాకు బియ్యం, పప్పు, వంటనూనె, మసాలాలు ... మొదలైన నిత్యావసర వస్తువులు ఇస్తారు. కొన్నిసార్లు చీరలు, శానిటరీ నాప్కిన్లు, కూరగాయలను పండించడానికి విత్తనాలు, చెరువులలో పెంచడానికి చేపపిల్లలు, ఇళ్లలో పెంచుకోవడానికి కోళ్లు ఇస్తారు. పులుల దాడిలో భర్తను కోల్పోయిన మాలాంటి వారు మ్యాంగ్రోవ్ ఆర్మీలో చాలామంది ఉన్నారు’ అంటుంది నమిత.ఒకే తాటిపై... ఐలా తుఫాను వల్ల సుందర్బన్స్కు తీవ్రనష్టం వాటిల్లింది. దీన్ని దృష్టిలో పెట్టుకుని పశ్చిమబెంగాల్లోని ప్రభుత్వ పాఠశాల ఉపాధ్యాయుడు ఉమాశంకర్ మండల్ ‘మ్యాంగ్రోవర్ ఆర్మీ’ని ్రపారంభించారు. నదీతీరాల్లో మడ మొక్కలను నాటడానికి 200 మంది మహిళలను ఒకేచోటుకి చేర్చారు. కాలక్రమంలో ఈ 200 మంది కాస్తా 600 మంది అయ్యారు. పాతికేళ్ల వయసు నుండి అరవై ఏళ్లలోపు మహిళలు ప్రతి ఏటా వేలకొద్ది మొక్కలను నాటడానికి నదీతీరాల్లో మోకాలి లోతు బురదలో నడుస్తూ పనిచేస్తున్నారు.క్రౌడ్ ఫండింగ్తో... ‘ప్రతి మెంబర్కు నిర్దిష్టమైన ప్రాంతాన్ని కేటాయిస్తారు. వారు కనీసం మూడేళ్లపాటు వంద మడ చెట్ల సంరక్షణ బాధ్యతలను చూస్తారు. మూడేళ్ల తరువాత ఈ ప్రాంతాలు దట్టమైన మొక్కలతో కళకళలాడుతుంటాయి’ అంటుంది సత్జేలియా ద్వీపానికి చెందిన స్వప్న మిస్త్రీ. మ్యాంగ్రోవ్ మొక్కల కోసం ఆర్మీ మహిళలు చిన్న, చిన్న నర్సరీలను కూడా నిర్వహిస్తున్నారు. స్వచ్ఛంద సంస్థలకు ఈ మొక్కలను అమ్ముతారు. ఈ చిన్నపాటి ఆదాయంతో పాటు క్రౌడ్ ఫండింగ్ ద్వారా నిధులు సేకరించారు.‘సట్జేలియా, కుమిర్మారి, చొటొ మొల్లా ఖాలీ వంటి పన్నెండు మారుమూల దీవుల నదీతీరాల్లో పదమూడు లక్షలకు పైగా మడ అడవి మొక్కలను నాటాం. మీడియా దృష్టికి రాకుండా నిశ్శబ్దంగా పనిచేశాం. మహిళా బృందానికి అధికారికంగా మ్యాంగ్రోవ్ ఆర్మీ అని పేరు పెట్టాం’ అన్నారు పుర్బాషా ఎకో–హెల్ప్లైన్ సొసైటీ స్వచ్ఛంద సంస్థ కార్యదర్శి ఉమాశంకర్ మండల్.ప్రధాని ప్రశంస... ‘పశ్చిమబెంగాల్లోని సుందర్బన్స్లో ప్రకృతితో మనుషులకు ఉండే ప్రత్యేక అనుబంధానికి ఈ మహిళలు నిదర్శనం. వీరు ఎంతోమందికి స్ఫూర్తిదాయకంగా నిలుస్తున్నారు. ఈ మహిళల్లో చాలామంది భర్తలు పులుల దాడుల్లో భర్తను కోల్పోయారు. భర్తను కోల్పోయిన తరువాత సుందర్బన్స్ నుండే వారికి ఆదరణ లభిస్తోంది. వారు నాటిన మొక్కలు గ్రామాలకు సహజ రక్షణ కవచంగా నిలిచాయి. అడవులను రక్షించడం ద్వారా ఉపాధి కూడా పొందుతున్నారు’ అన్నారు ప్రధాని నరేంద్ర మోదీ ‘మ్యాంగ్రోవ్ ఆర్మీ’ని ఉద్దేశించి. ‘ప్రధానమంత్రి స్వయంగా మా పనిని మెచ్చుకోవడం చాలా సంతోషంగా ఉంది. ఇది మా కష్టానికి దక్కిన గుర్తింపు’ అంటుంది నమిత.సహజ రక్షణ కవచంసుందర్బన్స్లో సుమారు 102 ద్వీపాలు ఉన్నాయి. వీటిలో 52 ద్వీపాలలో మాత్రమే జనావాసం ఉంది. మిగిలిన ద్వీపాలు జాతీయ పార్క్లు, పులుల సంరక్షణ కేంద్రాలుగా ఉన్నాయి. వన్య్రపాణులకు అభయారణ్యాలుగా ఉన్నాయి. ఈ ప్రాంతం యునెస్కో ప్రపంచ వారసత్వ ప్రదేశం. మడ అడవులు తుఫానులకు సహజ అడ్డంకిగా పనిచేస్తాయి. తీర ప్రాంతంలోని నివాసాలను తుఫాను ఉప్పెనలు, బలమైన గాలుల నుండి రక్షించడంలో సహాయపడతాయి. జీవనోపాధి కోసం అడవిలోకి వెళ్లే ప్రజలకు పులల నుంచి ముప్పు ఉంది. అయితే గత కొనేళ్లుగా పులుల దాడుల్లో మరణాలు తగ్గాయని ఫారెస్ట్ సర్వే ఇండియా(ఎఫ్ఎస్ఐ) గణంకాలు తెలియజేస్తున్నాయి. 2018లో పులుల దాడుల వల్ల పదిహేనుమంది మరణించగా, 2023లో మాత్రం ఒక్కరూ మరణించలేదు. 2024లో మాత్రం ఒక మరణం నమోదైంది. -
కుట్ర కాకపోతే మరేమిటి?
సాక్షి ప్రతినిధి, న్యూఢిల్లీ: ఓటర్ల జాబితా నుంచి పేర్లను తొలగించడం ద్వారా ఎన్నికల ఫలితాలను తారుమారు చేసేందుకు ప్రభుత్వం కుతంత్రాలు సాగిస్తోందని కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కే మండిపడ్డారు. 13 కోట్లకుపైగా ఓటర్ల పేర్లను తొలగించడం కుట్ర కాదా? అని నిలదీశారు. ప్రధాన ఎన్నికల కమిషనర్(సీఈసీ) జ్ఞానేశ్ కుమార్ను కాపాడాలని ప్రధాని నరేంద్ర మోదీ, కేంద్ర హోంమంత్రి అమిత్ షా ఆరాటపడుతున్నారని ధ్వజమెత్తారు. సొంత పౌరులపైనే కేంద్ర ప్రభుత్వం యుద్ధం చేస్తోందని ఆరోపించారు. జ్ఞానేశ్ కుమార్ను ఎందుకు కాపాడుతున్నారని ప్రశ్నించారు. ఓటర్ల జాబితా ప్రత్యేక సమగ్ర సవరణ(సర్)లో జరిగిన భారీ అవకతవకలకు సీఈసీ బాధ్యత వహించాలని డిమాండ్ చేశారు. గురువారం ఢిల్లీలో పలువురు సామాజిక కార్యకర్తలతో కలిసి దీప్కే మీడియా సమావేశంలో మాట్లాడారు. సీఈసీ చేయాలన్న డిమాండ్తో ఈ నెల 10న నిరసన పిలుపు ఇచ్చినప్పుడు ఢిల్లీలో రైల్వే, మెట్రో సేవలను నిలిపివేశారని, నగర సరిహద్దులలో ఉద్రిక్తత వాతావరణం సృష్టించారని ఆక్షేపించారు. మాజీ ముఖ్యమంత్రులు, ఎంపీలు, ప్రతిపక్ష నాయకులను కూడా నిర్బంధించారని ఆక్షేపించారు.జంతర్మంతర్లో జాతీయ జెండాను ప్రదర్శించినందుకే తమ పార్టీ నేతలు అశుతోష్ రాంకా, సౌరవ్ దాస్లను అరెస్టు చేసి, తీహార్ జైలుకు పంపించారని ఆగ్రహం వ్యక్తంచేశారు. దేశ రాజధానిలో శాంతియుతంగా నిరసన తెలుపుతున్న విద్యార్థులు, యువత, ప్రతిపక్ష నాయకులపై పోలీసులు ఉక్కుపాదం మోపడాన్ని ఖండించారు. దేశమంతా జంతర్మంతర్గా మారాలి: ప్రకాశ్రాజ్ ఫారం–7ను దుర్వినియోగం చేస్తూ ఓ వర్గం ప్రజల ఓట్లను తొలగిస్తున్నారని సినీ నటుడు, సామాజిక కార్యకర్త ప్రకాశ్రాజ్ ఆరోపించారు. ఓటర్ల జాబితాల్లో అక్రమాలకు వ్యతిరేకంగా దేశవ్యాప్తంగా సుమారు 200 సంస్థలు ఏకమయ్యాయని చెప్పారు. నిరసన వేదికగా ఉన్న జంతర్మంతర్ను లేకుండా చేసేందుకు ప్రయత్నం జరుగుతోందని విమర్శించారు. అందుకే దేశమంతా జంతర్మంతర్గా మారాలని పిలుపునిచ్చారు. ఈ పోరాటం దేశ యువతకు చెందినదని వివరించారు. ప్రతి జిల్లా, ప్రతి వీధి ఒక నిరసన వేదికగా మారడం తథ్యమని తేల్చిచెప్పారు. ప్రభుత్వ మార్పు కోసం ఉద్యమించాలి: ప్రశాంత్ భూషణ్ దేశంలో రాజ్యాంగబద్ధమైన సంస్థలు నిర్వీర్యం అవుతున్నాయని సీనియర్ న్యాయవాది కపిల్ సిబల్ ఆందోళన వ్యక్తంచేశారు. ఓటర్ల జాబితా నుంచి అకారణంగా పేర్లు తొలగించడం ప్రజాస్వామ్యాన్ని దెబ్బతీస్తుందని పేర్కొన్నారు. సీనియర్ లాయర్ ప్రశాంత్ భూషణ్ మాట్లాడుతూ.. నిరసనకారులపై పోలీసులు లాఠీచార్జి చేయడం, చట్టవిరుద్ధంగా ముందస్తుగా నిర్బంధించడం సరైంది కాదన్నారు. జంతర్ మంతర్లో నిరసనలను నిషేధించడాన్ని తప్పుబట్టారు. దేశంలో ప్రభుత్వ మార్పు కోసం ఉద్యమించాలని ప్రజలకు పిలుపునిచ్చారు. బంద్ కరో మీడియా సమావేశంలో కొద్దిసేపు గందరగోళం నెలకొంది. నేహా బోరా మాట్లాడుతున్న సమయంలో కొందరు ‘బంద్ కరో, దఫా హో జావో’(ఆపేసి, బయటకు వెళ్లిపోండి) అని గట్టిగా అరిచారు. వారిని బయటకు పంపించాలని మీడియా ప్రతినిధులను నేహా బోరా కోరారు. మోదీకి జ్ఞానేశ్ ఎందుకంత ముఖ్యం: దీప్కే‘‘జ్ఞానేశ్ కుమార్ వల్ల మోదీకి లాభం ఏమిటి? ఆయన కోసం మొత్తం ఢిల్లీనే స్తంభింపజేశారు. మోదీకి జ్ఞానేశ్ కుమార్ ఎందుకంత ముఖ్యమైన వ్యక్తి అయ్యారు? ఎన్నికల్లో మోదీ గెలవడానికి జ్ఞానేశ్ కుమారే కారణమని మనం ఎందుకు అనుకోకూడదు? 2024 లోక్సభ ఎన్నికల్లో అధికార, విపక్ష కూటముల మధ్య ఓట్ల అంతరం కేవలం 2 శాతం మాత్రమే. 13 కోట్లకు పైగా ఓట్లు తొలగించారు. అంటే సుమారు 14 శాతం ఓట్లు పోయాయి. ఎన్నికల ఫలితాన్ని కేవలం 2 శాతం ఓట్లు నిర్ణయిస్తున్న తరుణంలో 13 కోట్ల ఓట్లను తొలగించడం వెనుక మర్మం ఏమిటి? దీన్ని ముందస్తు కుమ్మక్కు, కుట్ర కాకపోతే మరేమనాలి? ఒకే దేశం–ఒకే ఎన్నిక అనే నినాదం వెనుక మరో లక్ష్యం ఉంది. ఒకే దేశం–ఒకే పార్టీ–ఒకే నాయకుడు అనేదే బీజేపీ విధానం. గాం«దీజీ, నెహ్రూల కంటే మోదీ ఎప్పటికీ గొప్పవారు కాలేరు’’అని అభిజీత్ దీప్కే తేల్చిచెప్పారు. శుక్రవారం సాయంత్రం ఢిల్లీలోని కన్నాట్ ప్లేస్లో సీజేపీ నిర్వహించనున్న లెహ్రా దో తిరంగా(త్రివర్ణ పతాకాన్ని ఎగురవేయండి) ర్యాలీలో పాల్గొనాలని అన్ని రాజకీయ పార్టీ లను, పౌర సంఘాలను, ప్రజలను కోరారు. భావజాలాలకు అతీతంగా అందరూ ఏకం కావాలని పిలుపునిచ్చారు. ఓటు హక్కును కాపాడుకోకపోతే ప్రజాస్వామ్యాన్ని కూడా కాపాడుకోలేమని స్పష్టంచేశారు. సీఈసీ జ్ఞానేశ్ కుమార్ తక్షణమే రాజీనామా చేయాలని, తమ పార్టీ నేతలు అశుతోష్ రాంకా, సౌరవ్ దాస్లతో పాటు నిర్బంధించిన నిరసనకారులందరినీ వెంటనే విడుదల చేయాలని, నిరసనకారులపై పోలీసు వేధింపులను నిలిపేయాలని, జంతర్ మంతర్ను తిరిగి నిరసన వేదికగా పునరుద్ధరించాలని డిమాండ్ చేశారు. ప్రజలందరి ఉమ్మడి ఉద్యమం: నేహా బోరా ఢిల్లీలో నిరసనలను కవర్ చేస్తున్న పాత్రికేయులను పోలీసులు లక్ష్యంగా చేసుకున్నారని, ప్రెస్ గుర్తింపు కార్డులు ఉన్నప్పటికీ వారిని బలవంతంగా అదుపులోకి తీసుకుని, కెమెరాలను లాగేసుకున్నారని ఆలిండియా స్టూడెంట్స్ అసోసియేషన్(ఏఐఎస్ఏ) జాతీయ అధ్యక్షురాలు నేహా బోరా ఆరోపించారు. పోలీసులు శాంతిభద్రతలను కాపాడటానికి బదులుగా ప్రజలపైనే విరుచుకుపడుతున్నారని ధ్వజమెత్తారు. జ్ఞానేశ్ కుమార్కు వ్యతిరేకంగా జరుగుతున్న ఈ ఉద్యమం, ఓటు హక్కు పరిరక్షణ కోసం సాగుతున్న ఉద్యమం ఏ ఒక్క వ్యక్తికో, రాజకీయ పార్టీకో లేదా ఏదైనా జెండాకో పరిమితమైనది కాదని అన్నారు. ఇది ప్రజలందరి ఉమ్మడి ఉద్యమమని స్పష్టంచేశారు. ఓటు హక్కును కాపాడాలని కోరితే జైలుకు పంపుతున్నారని నిప్పులు చెరిగారు. సామాన్య ప్రజలను ఈడ్చుకెళ్లడం అంటే ఓటు హక్కు కోల్పోయిన 13 కోట్ల మందిని ఈడ్చుకెళ్లడమేనని తేల్చిచెప్పారు. -
తాకట్టు వద్దు.. అమ్మేయండి.. మోదీ చెప్పింది నిజమేనా?
-
ఏషియన్ గేమ్స్ విజేతలను అభినందించిన ప్రధాని మోదీ
ఏషియన్ గేమ్స్ 2026లో పతకాలు సాధించిన భారత క్రీడాకారులను ప్రధానమంత్రి నరేంద్ర మోదీ గురువారం అభినందించారు. ఢిల్లీలోని మేజర్ ధ్యాన్చంద్ స్టేడియంలో భారత క్రీడా బృందంతో సమావేశమైన ఆయన.. స్వర్ణ పతకాలు సాధించిన పురుషుల, మహిళల క్రికెట్ జట్ల సభ్యులతో పాటు ఇతర పతక విజేతలను ప్రశంసలతో ముంచెత్తారు.ఈ సందర్భంగా మోదీ పతక వీరులను ఉద్దేశిస్తూ మాట్లాడుతూ.. “140 కోట్ల మంది భారతీయులను గర్వపడేలా చేశారు. త్రివర్ణ పతాకాన్ని ఎగురవేయడమే అతిపెద్ద విజయం. మీ విజయాలు మీకు మాత్రమే పరిమితం కావు. దేశంలోని కోట్లాది మంది ప్రజలకు చెందినవి. యావత్ దేశం తరఫున మీకు అభినందనలు తెలియజేస్తున్నాను” అని అన్నారు.భారత క్రీడాకారులు తమ విజయాలతో దేశ ప్రతిష్ఠను పెంచారని ప్రధాని కొనియాడారు. ఈ సమావేశంలో క్రీడాకారులు మోదీతో ఫొటోలు దిగారు. పలువురు తమ జ్ఞాపికలను ఆయనకు అందజేశారు. 17 ఏళ్ల ఆర్చరీ క్రీడాకారిణి కుమ్కుమ్ మొహోద్ తన సంతకంతో కూడిన విల్లును ప్రధానికి బహూకరించింది. ఈ కార్యక్రమానికి ఐసీసీ ఛైర్మన్ జై షా సహా పలు క్రీడా సంఘాల ప్రముఖులు హాజరయ్యారు.ఇదీ చదవండి: సంజూ శాంసన్ అరుదైన రికార్డు.. రోహిత్, కోహ్లి సరసన చోటు -
మోదీ, అమిత్ షాకు CJP అభిజీత్ స్టాంగ్ వార్నింగ్
-
అధికారం ఉంటే.. ఈడీ, సీబీఐ ఆయుధమేనా?
కేంద్ర ప్రభుత్వానికి చెందిన ఎన్ఫోర్స్మెంట్ డైరెక్టరేట్(ఈడీ) అధికారంలో ఉన్నవారికి రాజకీయ ఆయుధంగా మారుతోందా!ఈ ప్రశ్న ఎప్పటినుంచో ఉన్నప్పటికీ భారతీయ జనతా పార్టీ ఆధ్వర్యంలోని ఎన్డీఏ హయాంలో కూడా అదే విమర్శకు గురి అవుతుండడమే గమనించవలసిన అంశంగా కనిపిస్తుంది. గతంలో కాంగ్రెస్ పార్టీ సీబీఐ , ఈడీ వంటి స్వతంత్ర ప్రతిపత్తి కలిగిన సంస్థలను సొంత ప్రయోజనాలకు వాడుతోందని బీజేపీ ఆరోపించేది. సరిగ్గా అదే రీతిలో బీజేపీ కూడా చేస్తున్నట్లు అనిపిస్తుంది. విశేషం ఏమిటంటే బీజేపీ మిత్రపక్షంగా ఉన్న తెలుగుదేశం పార్టీ ఏపిలో ఈడీని నడుపుతూ వైఎస్సార్సీపీ అదినేత, మాజీ ముఖ్యమంత్రి జగన్పై ఉసికొల్పుతోందన్న ఆరోపణలు వస్తున్నాయి.వైఎస్సార్సీపీకి సంబందించిన పలువురు నేతలపై ఏవో దిక్కుమాలిన కేసులు పెట్టి తొలుత రాష్ట్ర పోలీసులు, ఆ తర్వాత ఈడీ వంటి సంస్థలను పురికొల్పుతున్నారు. చిత్తశుద్దితో ఈ సంస్థలు పనిచేయడం లేదన్న ఆరోపణలు దేశం అంతటా వినిపిస్తున్నాయి. ఈ విషయంలో కాంగ్రెకు, బీజేపీకి ఒక తేడా ఉంది. సోనియాగాంధీ నాయకత్వంలో యూపీఏ ప్రభుత్వం ఉన్నప్పుడు ఇతర పార్టీలవారిపైతో పాటు, అత్యధికంగా తన సొంత పార్టీవారిపై కూడా ఏవేవో కారణాలతో ఈడీ, సీబీఐ, ఆదాయపన్ను శాఖలను ప్రయోగించేవారన్న అభిప్రాయం ఉండేది. కడప ఎంపీగా ఉన్న సమయంలో వైఎస్ జగన్ కాంగ్రెస్కు దూరం అయి సొంత పార్టీని పెట్టుకుని బలమైన శక్తిగా ఎదగగానే ఆయనపై ఈ సంస్థలన్నీ దాడులు చేయడాన్ని మించిన సాక్ష్యం ఏమి ఉంటుంది.బీజేపీ మాత్రం అందుకు భిన్నమైన రీతిలో ఎక్కువ సందర్భాలలో ప్రత్యర్ధి రాజకీయ పార్టీల నేతలను బలహీనపరచడానికి ఈ సంస్థలను వాడుతోంది. ఇక్కడ ఆసక్తికరమైన అంశం ఏమిటంటే ఆ ప్రత్యర్ది రాజకీయ పార్టీల నేతలు బీజేపీకి మద్దతుదారులుగా మారిపోతే వాషింగ్ మెషిన్లో వేసి శుద్ది చేసేసినట్లు ఆ ఆరోపణలన్నీ పక్కకు పోతుంటాయి. ఇందుకు ప్రత్యక్ష ఉదాహరణ టీడీపీ అదినేత, ఏపి ముఖ్యమంత్రి చంద్రబాబు నాయుడికి సంబంధించిన కేసులే అని చాలామంది నమ్ముతారు. 2018లో ఆయన బీజేపీకి దూరం అయినప్పుడు ఆయా సభలలో ఒక మాట అంటుండేవారు. సీబీఐ,ఈడీలను పంపి తమను ఇబ్బంది పెడతారా?అని ప్రశ్నించేవారు. ఇదీ చదవండి: చంద్రబాబువి పిట్టలదొర మాటలేనా?సీబీఐ తనను అరెస్టు చేయడానికి వస్తే ప్రజలంతా తన చుట్టూ నిలబడాలని కూడా ఆయన కోరిన ఘట్టం కూడా ఉంది.2019 ఎన్నికలలో టీడీపీ ఓడిపోయిన కొద్ది కాలానికే ఆదాయపన్ను శాఖ అధికారులు చంద్రబాబు వ్యక్తిగత కార్యదర్శి పి.శ్రీనివాసరావు నివాసాలపైన ,కొన్ని కాంట్రాక్టు కంపెనీలపైన దాడులు చేసి సోదాలు నిర్వహించారు. ఈ సందర్భంగా ఆయా కాంట్రాక్టులలో జరిగిన అక్రమాల విలువ రెండువేల కోట్ల వరకు ఉంటుందని అదికారికంగా ప్రకటించారు.అలాగే ఆదాయపన్ను శాఖ కూడా చంద్రబాబుకు నోటీసు కూడా ఇచ్చింది. ఆ తర్వాత ఏమైందో కాని, ఆ కేసులలో సీబీఐ జోక్యం చేసుకోలేదు. ఈడీ అంతకన్నా రాలేదు. గజం మిద్య, పలాయనం మిద్య అనుకోవడం తప్ప చేయగలిగింది ఏమి ఉంటుంది. ఈ క్రమంలోనే టీడీపీ ఎంపీలు నలుగురు బీజేపీలో విలీనం అయిపోయారు. చంద్రబాబు వ్యూహాత్మకంగా బీజేపీపైన, ప్రధాని మోడీపైన విమర్శలకు ఫుల్ స్టాప్ పెట్టేశారు. తమ జోలికి ఈ సంస్థలు రాకుండా రాయబారం కూడా చేసుకున్నారని అంటారు. అందువల్లే జగన్ ముఖ్యమంత్రిగా ఉన్నప్పుడు చంద్రబాబుపై పెట్టిన ఏ కేసును సీబీఐ, లేదా ఈడీ తీసుకోవడానికి ముందుకు రాలేదని చెబుతారు. స్కిల్ స్కామ్ను తొలుత వెలికితీసింది ఈడీ అయినా, అందులో చంద్రబాబు పాత్రపై ఆరోపణలు వచ్చినా ఆ సంస్థ మాత్రం ఆయన జోలికి వెళ్లలేదు. చంద్రబాబు పిఎస్ ఇంటిపై సోదాల సందర్భంలో రెండువేల కోట్ల రూపాయల అక్రమాల ఆరోపణలు వచ్చినా, కదలని కేంద్ర దర్యాప్తు సంస్థలు కేరళ మాజీ ముఖ్యమంత్రి విజయన్పై మూడు కోట్ల రూపాయల ఆరోపణల కేసులో ఎన్నిసార్లు దాడులు చేశాయో, ఎంతగా ఆయన కుటుంబాన్ని వేదించాయో చెప్పలేం. సిపిఎం ఈ దాడులను తీవ్రంగా ఖండిస్తోంది. దేశంలో ఎవరు తప్పు చేసినా నిష్పక్షపాతంగా దర్యాప్తు చేయాలి. దానిని ఎవరూ కాదనరు. కాని ఇలా కేంద్రంలో అదికారంలో ఉన్న రాజకీయ పార్టీలకు తొత్తుగానో, చేతిలో ఆయుధంగానో మారాయన్న విమర్శలు వస్తే, ఆ సంస్థల క్రెడిబిలిటి దెబ్బతింటుంది. కాని వర్తమాన రాజకీయాలలో ఆ విషయాన్ని అధికారంలో ఉన్నవారు కాని, ఆ సంస్థలకు నాయకత్వం వహిస్తున్నవారు కూడా పట్టించుకోవడం లేదు. పశ్చిమబెంగాల్ ముఖ్యమంత్రిగా ఉన్న సువేందుపైన, అసోం ముఖ్యమంత్రిగా ఉన్న హిమంత్పైన వారు ప్రత్యర్ది పార్టీలలో ఉన్నప్పుడు స్వయంగా ప్రధాని మోడీనే ఆరోపణలు గుప్పించారు. వారు బీజేపీలోకి రాగానే అవేమైపోయాయోకాని , సీఎంలు అయిపోయారు. చంద్రబాబుపైన కూడా అప్పట్లో మోడీ అవినీతి ఆరోపణలు చేస్తూ పోలవరం, అమరావతిలు ఏటీఎంలుగా మార్చుకున్నారని ద్వజమెత్తారు. అలాగే మోడీ పైన తీవ్రమైన అవినీతి ,ఇతర ఆరోపణలను చంద్రబాబు అప్పట్లో గుప్పించేవారు. 2024 ఎన్నికలనాటికి అవన్ని గప్ చుప్ అయిపోయాయి. కొద్ది రోజుల క్రితం చంద్రబాబు ఢిల్లీ వెళ్లి ప్రధానిని, ఆర్దిక మంత్రి నిర్మలా సీతారామన్ ను కలిసి వచ్చారు. వారితో మాట్లాడిన కొత్త విషయాలేవీ లేవు. పాత కోర్కెలనే మరోసారి కోరారు.ఈ నేపధ్యంలో ఈడీ యాక్టివ్ అవడం , జగన్పై తెలంగాణ హైకోర్టులో పిటిషన్ వేయడం వంటివి జరగడంతో చంద్రబాబు టూర్కు, దీనికి ఏమైనా సంబందం ఉందా అన్న సందేహం వైఎస్సార్సీపీ వర్గాలలో ఉంది. మద్యం పేరుతో ఒక కల్పిత స్కామ్ ను ఏపి ప్రభుత్వం సృష్టించితే, వెంటనే ఈడీ రంగంలో దిగింది. గత టరమ్లో వైఎస్సార్సీపీ పాలనలో సిఐడి పలు ఆధారాలు చూపి స్కిల్ స్కామ్ ,అమరావతి స్కామ్ లపై కేసు లుపెట్టినా, వాటిపై దర్యాప్తు చేయాలని సీబీఐ , ఈడీ వంటివాటిని కోరినా ఎందుకు ముందుకు రాలేదో అర్ధం కాదు.2011లో జగన్ పై కాంగ్రెస్, టీడీపీలు కలిసి కేసులు పెట్టాయి. అప్పట్లో ఒక కేసే పెడితే జగన్ తేలికగా జైలు నుంచి బయటకు వచ్చేస్తారని భావించారో ఏమోకాని, సీబీఐ పదకుండు కేసులు పెట్టింది. తదుపరి ఈడీ కేసులు నమోదు చేసింది.సుమారు 135 మందిని కూడా నిందితులుగా చేర్చారు. జగన్ను అయితే ఈ నెపంతో ఎక్కువకాలం జైలులో ఉంచగలిగారు కాని, ఆయనకు ప్రజలలో ఉన్న ఆదరణను తగ్గించలేకపోయారు. అంతేకాక ఇన్ని కేసులు అవడంతో ఆయా నిందితులు పలువురు ఎవరికివారు కోర్టుకు వెళ్లి స్టే లు పొందారు.దాదాపు అన్ని కేసులలోను ఇదే పరిస్థితి ఏర్పడింది.దాంతో సీబీఐ కోర్టులో ఈ కేసులు ఒక పట్టాన తేలే పరిస్థితి లేదు. విశేషం ఏమిటంటే ఈ కేసులన్నిటిని ఒక కేసుగా మార్చి సత్వరమే విచారణ జరపాలని 2013లోనే జగన్ కోరారు. అయినా ఆ రకంగా న్యాయస్థానాలు చేయలేదు. ఈ పరిస్థితిలో ఈడీ తెలంగాణ హైకోర్టులో ఒక పిటిషన్ వేసి జగన్ కేసులను త్వరగా విచారించాలని, జగన్ రోజువారి విచారణకు రావాలని కోరింది. ఇక్కడే రాజకీయం కనిపిస్తుంది. జగన్ కోర్టుకు రావల్సిన అవసరం ప్రత్యేకంగా ఏమీ లేదన్నది న్యాయ నిపుణుల అభిప్రాయం. లాయర్లు ఆ కేసులపై వాదనలు చేస్తున్నారు. పైగా సీబీఐ కోర్టులో ఉన్న కేసులపై తీర్పులు వచ్చాకే ఈడీ కోర్టు తీర్పు ఇవ్వాలని ఉన్నత న్యాయ స్థానాలు ఆదేశాలు ఇచ్చాయి. దానికి కారణం అసలు నేరం జరిగిందా?లేదా?ఎవరు తప్పు చేశారు?అన్నది తేలకుండానే ఈడీ రంగప్రవేశం చేయడం సహజ న్యాయ సూత్రాలకు విరుద్దంగా ఉన్నట్లు అవుతుందని చెబుతున్నారు. స్థానిక సంస్థల ఎన్నికలు, ఏపిలో కూటమిపై విపరీతమైన వ్యతిరేకత ఉందన్న అబిప్రాయం నెలకొన్న నేపధ్యంలో చంద్రబాబు ఈడీని ఈ రకంగా ప్రయోగించారేమో అన్నది వైఎస్సార్సీపీ అనుమానంగా ఉంది. అలాగే వైఎస్ వివేకా హత్య కేసులో సుపారి ఇచ్చారా?లేదా?అన్నది తేలకుండానే ఈడీ హడావుడి చేస్తున్న తీరుపై కూడా సందేహాలు వస్తున్నాయి. అసలు నిందితుల జోలికి వెళ్లకుండా ఎంపీ అవినాష్ రెడ్డికి ,మరికొందరికి నోటీసులు ఇచ్చి విచారణకు పిలవడంపైన విమర్శలు వస్తున్నాయి. ఈడీ వంటి సంస్థలు రాజకీయాలకు అతీతంగా ఉండాలనుకోవడం అత్యాశ అవుతుందా!- కొమ్మినేని శ్రీనివాసరావు, సీనియర్ జర్నలిస్ట్, రాజకీయ వ్యవహారాల వ్యాఖ్యాత. -
మోదీతో విభేదాలున్నా.. దేశం జోలికొస్తే ఊరుకోం!: ఒవైసీ
ప్రధాని నరేంద్ర మోదీపై తరచూ విమర్శలు చేసే ఎంఐఎం అధినేత అసదుద్దీన్ ఓవైసీ పొలిటికల్ సర్ప్రైజ్ ఇచ్చారు. ఎలాన్ మస్క్ విషయంలో మాత్రం దేశ సార్వభౌమాధికారాన్ని ముందుకు తెచ్చారు. భారత్ ప్రధాని గురించి మాట్లాడే హక్కు.. ఇక్కడి వ్యవహారాల్లో జోక్యం చేసుకునే అధికారం మస్క్కు ఎవరిచ్చారని ప్రశ్నించారు. ఇందుకు సంబంధించిన ఓ వీడియో ఇప్పుడు నెట్టింట వైరల్ అవుతోంది.భారత్లో స్టార్లింక్ సేవల ప్రారంభానికి అనుమతులు ఆలస్యమవుతున్నాయంటూ మస్క్ చేసిన వ్యాఖ్యల నేపథ్యంలో.. దేశ వనరుల్ని ఎలా వినియోగించుకోవాలో నిర్ణయించేది భారతదేశమేనని ఒవైసీ కుండబద్ధలు కొట్టారు. విదేశీయులు వచ్చి ఆదేశాలు ఇచ్చే పరిస్థితి ఉండకూడదని వ్యాఖ్యానించారు. ప్రధాని మోదీతో తనకు అనేక అంశాల్లో విభేదాలు ఉన్నప్పటికీ, ప్రధాని స్థానాన్ని అగౌరవపర్చడం, దేశ గౌరవానికి భంగం కలిగితే మాత్రం సహించబోనని అన్నారు.అంతేకాదు.. ప్రపంచంలోనే చౌక ధరకు ఇంటర్నెట్ లభించేది భారత్లోనని గుర్తు చేశారాయన. దేశంలో టెలికాం రంగానికి సంబంధించిన నిర్ణయాలు భారత ప్రయోజనాలను దృష్టిలో పెట్టుకుని తీసుకోవాలని, విదేశీ వ్యాపారవేత్తల ఒత్తిడికి తలొగ్గకూడదని ఆయన అభిప్రాయపడ్డారు. అలాగే భారత్ను రష్యా చమురు కొనొద్దని చెబుతున్న అమెరికా.. అక్కడి నుంచి డీజిల్ కొంటున్న విషయాన్ని ప్రస్తావించారు. భారత్ కూడా తన ప్రయోజనాలే ముఖ్యంగా భావించాల్సి ఉంటుందని వ్యాఖ్యానించారు. Owaisi slams Elon Musk for insulting PM Modi ji. Agree or not, he is a more loyal Indian than undignified Rahul Gandhi. https://t.co/1FUJKwKalK— Alpakanya (@Alpakanya) October 14, 2026భారతదేశ వనరులను ఎలా వినియోగించుకోవాలో నిర్ణయించేది ఈ దేశమేనని.. విదేశీ పారిశ్రామికవేత్తలు భారత్ విధానాలను శాసించే పరిస్థితి ఉండకూడదని అన్నారాయన. రాజకీయ విభేదాలు ఉన్నా దేశ గౌరవం, రాజ్యాంగబద్ధమైన పదవుల విషయంలో రాజీ పడకూడదన్న ఆయన వైఖరి ఇప్పుడు చర్చనీయాంశంగా మారింది.అంతకు ముందు.. అమెరికా అధ్యక్షుడు డొనాల్డ్ ట్రంప్ నుంచి ఎలాన్ మస్క్ వరకు.. విదేశీ ప్రముఖుల వ్యాఖ్యలపై ఇక్కడి రాజకీయ నేతలు గట్టిగా స్పందించడం లేదని నిలదీశారు. మస్క్ను ఉద్దేశించి ‘గోరా చమ్డీ వాలా’ (తెల్లతోలు వ్యక్తి) అంటూ మండిపడ్డారు.ఎలాన్ మస్క్కు చెందిన స్పేస్ఎక్స్ సంస్థ స్టార్లింక్ ద్వారా ఉపగ్రహ ఆధారిత ఇంటర్నెట్ సేవలను భారత్లో ప్రారంభించేందుకు ప్రయత్నిస్తోంది. అయితే సేవలను వాణిజ్యపరంగా ప్రారంభించడానికి అవసరమైన అనుమతుల ప్రక్రియ పూర్తికాలేదు. ఈ జాప్యంపై మస్క్ అసంతృప్తి వ్యక్తం చేస్తూ, భారత టెలికాం మార్కెట్లోని శక్తిమంతమైన వ్యాపార వర్గాలు స్టార్లింక్ ప్రవేశాన్ని అడ్డుకుంటున్నాయని ఆరోపించారు. రిలయన్స్ అధినేత ముకేశ్ అంబానీని ఉద్దేశించి వ్యంగ్యంగా పోస్టులు కూడా చేశారు.అయితే కేంద్ర ప్రభుత్వం ఈ ఆరోపణలను తోసిపుచ్చింది. స్టార్లింక్తో పాటు ఇతర శాటిలైట్ కమ్యూనికేషన్ సంస్థలకూ భద్రతాపరమైన పరిశీలనలు, నిబంధనల అమలు అవసరమని స్పష్టం చేసింది. అనుమతుల ప్రక్రియలో పక్షపాతం చూపుతున్నారన్న ఆరోపణలను ప్రభుత్వం ఖండించింది. ఈ వివాదం నేపథ్యంలో రాహుల్ గాంధీ కూడా మస్క్ పోస్టుకు స్పందించడంతో రాజకీయ చర్చ మొదలైంది. ఇప్పుడు ఒవైసీ వ్యాఖ్యలు ఈ అంశానికి మరో కోణాన్ని జోడించాయి. విదేశీ సంస్థలకు భారత్లో వ్యాపారం చేసే అవకాశం ఉండొచ్చు.. కానీ దేశ చట్టాలు, నిబంధనలు, నిర్ణయాధికారాన్ని గౌరవించాల్సిందేనన్నది మజ్లిస్ అధినేత వైఖరిగా ఆ వైరల్ వీడియోతో కనిపిస్తోంది.ఇదీ చదవండి: సీజేపీ నిరసనల ఎఫెక్ట్.. దేశ బహిష్కరణ నోటీసులు! -
యువత దారికి అడ్డు రావొద్దు
న్యూఢిల్లీ: నిరసన వ్యక్తం చేస్తున్న విద్యార్థులు ఈ దేశం గొంతుక అని కాంగ్రెస్ అగ్రనేత రాహుల్ గాంధీ అన్నారు. యువత దారికి అడ్డు రావొద్దని ప్రధాని నరేంద్ర మోదీకి సూచించారు. సీఈసీ జ్ఞానేశ్ కుమార్కు వ్యతిరేకంగా ఇటీవల జరిగిన నిరసనల సందర్భంగా గాయపడిన కాంగ్రెస్ విద్యార్థి విభాగం ఎన్ఎస్యూకి చెందిన విద్యార్థులను రాహుల్ బుధవారం కలిశారు. ఢిల్లీ 10, జనపథ్లోని సోనియా గాంధీ నివాసంలో ఈ కార్యక్రమం జరిగింది. నిరసనల సమయంలో విద్యార్థుల పట్ల పోలీసులు వ్యవహరించిన తీరుపై ఆగ్రహం వ్యక్తంచేశారు. పోలీసుల అమానుష ప్రవర్తన గురించి, తమపై దాడి చేయడం గురించి రాహుల్కు విద్యార్థులు వివరించారు. పోలీసులు తమను దారణంగా దూషించడమే కాకుండా, తమ జననేంద్రియాలపై కూడా కొట్టడం వల్ల తీవ్రంగా గాయపడ్డామని చెప్పారు. విద్యార్థుల ఆవేదన విని రాహుల్ గాంధీ చలించిపోయారు. ఎవరూ అందోళన చెందవద్దని, పార్టీ అన్ని విధాలుగా అండగా ఉంటుందని భరోసా ఇచ్చారు. విద్యార్థులను సింహాలు, ఆడసింహాలుగా అభివరి్ణంచారు. ఒక విద్యార్థినిని ‘మన షేర్ని’గా పరిచయం చేశారు. ‘‘ఆమెపై దాడి జరిగింది కానీ ఆమె భయపడలేదు. ఆమె హృదయంలో ఎలాంటి ద్వేషం లేదు’’అని అన్నారు. దాడి చేసిన వారిని వదిలిపెట్టే ప్రసక్తే లేదు నరేంద్ర మోదీ, అమిత్ షాలు ప్రజల గొంతుకకు, వారి నిరసనకు ఎదురుగా నిలబడి ఉన్నారని రాహుల్ ఆక్షేపించారు. ప్రజలకు ఇంకా ఎదురుగా నిలబడవద్దని, అలా చేస్తే మీరు తట్టుకోలేరు అని మోదీ, అమిత్ షాలకు సూచించారు. ఈ దేశంలో కులం, మతం, లింగభేదాలు లేకుండా ప్రజలంతా ఒక్కటిగా కలిసి ఉన్నారని, వారిని ఎవరూ విడగొట్టలేరని చెప్పారు. పోలీసుల దాడిలో గాయపడిన విద్యార్థులంతా భుజం భుజం కలిపి నిలబడాలని రాహుల్ సూచించారు. ఢిల్లీ యూనివర్సిటీలో చదువుకుంటున్న ఓ విద్యార్థిని పోలీసుల దాడిలో వినికిడి శక్తి కోల్పోయిందని ఆరోపించారు. ఆమెకు జరిగిన నష్టానికి ఎవరు బాధ్యత వహిస్తారని నిలదీశారు. తమ విద్యార్థులపై దాడి చేసిన వారిని వదిలిపెట్టే ప్రసక్తే లేదని హెచ్చరించారు. నరేంద్ర మోదీ, అమిత్ షా, జ్ఞానేశ్ కుమార్ సహా తమ పిల్లలపై చేయి చేసుకున్న కానిస్టేబుళ్ల వరకు అందరినీ శిక్షిస్తామని ఉద్ఘాటించారు. రాహుల్ గాం«దీతో మాట్లాడుతున్నప్పుడు ఓ విద్యార్థి మహాత్మా గాం«దీకి ఇష్టమైన ‘వైష్ణవ జనతో’అనే భజన గీతాన్ని వేణువుపై వాయించారు. ద్వేషానికి సమాధానం ప్రేమతోనే ఇస్తామని అన్నారు. వీడియోలు, ఫొటోలు భద్రపర్చుకోండి గాయపడిన విద్యార్థులతో భేటీ అనంతరం రాహుల్ గాంధీ ‘ఎక్స్’లో పోస్టుచేశారు. ‘‘మన ప్రజాస్వామ్య స్వరాన్ని అణచివేయాలని చూసేవారు చట్టం ఆగ్రహానికి గురయ్యే రోజు వస్తుంది. తప్పు చేసినవారు ఎవరైనా సరే శిక్ష అనుభవించక తప్పదు. పోలీసుల క్రూరత్వానికి, చట్టవిరుద్ధమైన నిర్బంధానికి గురైన విద్యార్థులు, యువతీ యువకులు దానికి సంబంధించిన వీడియో లు, ఫోటోలు భద్రపర్చుకోవాలి. అది చాలా అవసరం. బాధ్యులను శిక్షించడానికి అవి ఉపయోగపడతాయి. శాంతియుత నిరసన మీ హక్కు. దానిని ఎవరైనా లాక్కోవాలని చూస్తే సహించం’’ అని స్పష్టం చేశారు. -
ఫెయిర్ఫాక్స్ చేతికి ఐడీబీఐ బ్యాంక్!
న్యూఢిల్లీ: ప్రభుత్వ నియంత్రణలోని ఐడీబీఐ బ్యాంకు ఇక విదేశీ బ్యాంకుగా మారనుంది. కెనాడాకు చెందిన ఫెయిర్ఫాక్స్ ఫైనాన్షియల్ హోల్డింగ్స్కు బ్యాంకులో 60.72 శాతం మెజారిటీ వాటాను విక్రయించేందుకు కేంద్రం గ్రీన్ సిగ్నల్ ఇచి్చంది. ప్రధాని నరేంద్ర మోదీ సారథ్యంలోని ఆర్థిక వ్యవహారాల కేబినెట్ కమిటీ (సీసీఈఏ) భేటీలో దీనికి ఆమోదం ముద్ర పడింది. దీంతో దాదాపు తొమ్మిదేళ్లుగా సాగుతున్న వాటా అమ్మకం ప్రక్రియకు తెరపడనుంది. ఈ ఒప్పందం విలువ రూ. 52,878 కోట్లు. ఈ డీల్ పూర్తయితే దేశ ఫైనాన్షియల్ రంగంలో అతిపెద్ద విదేశీ ప్రత్యక్ష పెట్టుబడి (ఎఫ్డీఐ)గా రికార్డు సృష్టిస్తుందని ప్రభుత్వం పేర్కొంది. అంతేకాదు, ఎయిరిండియా తర్వాత అత్యంత భారీ వ్యూహాత్మక వాటా విక్రయం (డిజిన్వెస్ట్మెంట్)గా కూడా నిలుస్తుంది. కేబినెట్ సమావేశం అనంతరం కేంద్ర సమాచార ప్రసార శాఖ మంత్రి అశ్వినీ వైష్ణవ్ ఈ నిర్ణయాలను వెల్లడించారు. బ్యాంకుల ప్రైవేటీకరణ దిశగా... ఐడీబీఐ బ్యాంకు విక్రయం ద్వారా ప్రభుత్వ రంగ బ్యాంకుల ప్రైవేటీకరణలో కొత్త అధ్యాయానికి కూడా తెరలేవనుంది. కేంద్ర ప్రభుత్వం తమ నియంత్రణలోని బ్యాంకుల్లో వాటాను తగ్గించుకుంటూ... ఫైనాన్షియల్ రంగంలోకి మరింతగా ప్రైవేటు పెట్టుబడులను ఆకర్షించడానికి చేస్తున్న ప్రయత్నాల్లో ఇది కీలకమైన ముందడుగుగా విశ్లేషకులు భావిస్తున్నారు. మరోపక్క, విలీనాల ద్వారా ప్రభుత్వ రంగ బ్యాంకుల సంఖ్యను కూడా ఇప్పటికే భారీగా కుదించిన సంగతి తెలిసిందే. ఇతర ప్రభుత్వ రంగ బ్యాంకుల ప్రైవేటీకరణకు ఈ డీల్ ఒక నమూనాగా నిలుస్తుందనేది బ్యాంకింగ్ వర్గాల మాట. కేంద్రం, ఎల్ఐసీకి 34 శాతం వాటా... కేబినెట్ నిర్ణయం ప్రకారం.. ఫెయిర్ఫాక్స్ ఫైనాన్షియల్ హోల్డింగ్స్కు కేంద్ర ప్రభుత్వం 30.48 శాతం వాటాను (సుమారు రూ.26,620 కోట్లు) ఎల్ఐసీ 30.24 శాతం వాటాను (దాదాపు రూ.26,440 కోట్లు) విక్రయించనున్నాయి. కెనడా బిలియనీర్ ప్రేమ్ వత్స సారథ్యంలోని ఫెయిర్ ఫాక్స్ ఒక్కో ఐడీబీఐ షేరుకు రూ. 81 చొప్పున చెల్లించనుంది. అయితే, ఈ పునర్వ్యవస్థీకరణ తర్వాత ఐడీబీఐ బ్యాంకులో కేంద్రం, ఎల్ఐసీకి కలిపి 34 శాతం వాటా ఉంటుందని వైష్ణవ్ తెలిపారు. మరోపక్క, సెబీ నిబంధనల మేరకు మైనారిటీ వాటాదారులకు ఫెయిర్ఫాక్స్ ఓపెన్ ఆఫర్ను కూడా ప్రకటించాల్సి ఉంటుంది. మొత్తంమీద బ్యాంకుపై పూర్తి నియంత్రణ హక్కులు ఫెయిర్ఫాక్స్కు లభించనున్నాయి. కాగా, ఈ ఒప్పందం ఈ ఏడాది (2026–27) ముగిసేలోగానే పూర్తయ్యే అవకాశం ఉందని పెట్టుబడులు, ప్రభుత్వ ఆస్తుల నిర్వహణ విభాగం (దీపమ్) సెక్రటరీ అరునిష్ చవ్లా పేర్కొన్నారు. ఈ లావాదేవీలను రిజర్వ్ బ్యాంక్ (ఆర్బీఐ), కాంపిటీషన్ కమిషన్ (సీసీఐ) ఆమోదించాల్సి ఉంటుంది. ఇక ఆర్బీఐ నిబంధనల ప్రకారం ప్రమోటర్లు ఏ బ్యాంకులోనైనా 26 శాతానికి మించి వాటాను కలిగి ఉండకూడదు. అయితే, ఈ నిబంధనలను పాటించేందుకు ఫెయిర్ఫాక్స్కు 15 ఏళ్ల గడువు లభిస్తుందని చావ్లా పేర్కొన్నారు. ప్రమోటర్కు ఐదేళ్ల లాకిన్ íపీరియడ్ ఉంటుందన్నారు. ఇదిలాఉండగా, ఈ డీల్లో భాగంగా కేరళకు చెందిన ప్రైవేటు రంగ సీఎస్బీ బ్యాంకులో ఫెయిర్ఫాక్స్ తనకున్న వాటా (40 శాతం) వాటాను రెండేళ్ల లోపు పూర్తిగా విక్రయించాలి, లేదంటే దాన్ని ఐడీబీఐ బ్యాంకులో విలీనం చేయాల్సి ఉంటుంది. అదేవిధంగా, కొత్త ప్రమోటర్ ఐడీబీఐ బ్యాంకు పేరు, బ్రాండ్, కస్టమర్ రిలేషన్స్ను కనీసం మూడేళ్ల పాటు కొనసాగించాల్సి ఉంటుందని కూడా చావ్లా వివరించారు. ఇక ఎల్ఐసీ కూడా తన 19 శాతం వాటాను రెండేళ్లలో 15 శాతానికి తగ్గించుకోవాలి. డీల్ పూర్తయ్యాక ప్రభుత్వం ఐడీబీఐ బ్యాంక్ డైరెక్టర్ల బోర్డు నుంచి వైదొలగుతుంది. షేరు 9 శాతం జూమ్...వాటా విక్రయ వార్తలతో ఐడీబీఐ షేరు 9% జంప్ చేసి రూ.90.44 వద్ద ముగిసింది. ఇంట్రాడేలో 13% ఎగసింది. ఒక్కరోజే మార్కెట్ విలువ రూ.8,086 కోట్లు ఎగబాకి రూ. 97,245 కోట్లకు చేరింది. పదేళ్లలో మోదీ సర్కారు వ్యూహాత్మక విక్రయాలు... 2026–27: ఐడీబీఐ బ్యాంక్–ఫెయిర్ఫాక్స్ (రూ.53,000 కోట్లు) → ఇండియన్ మెడిసిన్స్ ఫార్మాస్యూటికల్స్ కార్పొరేషన్ (రూ.119 కోట్లు) 2023–24: ఫెర్రో స్క్రాప్ నిగమ్ 100 శాతం విక్రయం (జపాన్కు చెందిన కొనోయికీ ట్రాన్స్పోర్ట్ – రూ.320 కోట్లు) 2022–23: నీలాచల్ ఇస్పాత్ నిగమ్ విక్రయం (టాటా స్టీల్ లాంగ్ ప్రోడక్ట్స్–రూ.12,100 కోట్లు) 2021–22: ఎయిరిండియాను దాని సబ్సిడరీలతో పాటు టాటా గ్రూప్నకు అమ్మకం (రూ.18,000 కోట్లు) 2019–20: నార్త్ ఈస్టర్న్ ఎలక్ట్రిక్ పవర్ కార్పొరేషన్ను ఎన్టీపీసీకి విక్రయం (రూ.4,000 కోట్లు) → చెన్నై పోర్టు ట్రస్ట్కు కామరాజర్ పోర్ట్ సేల్ (రూ.2,383 కోట్లు) 2018–19: పవర్ ఫైనాన్స్ కార్పొరేషన్లో 51.63 % వాటాను రూరల్ ఎలక్ట్రిఫికేషన్ కార్పొరేషన్ కొనుగోలు (రూ.14,500 కోట్లు) → ఎన్బీఎఫ్సీకి హెచ్ఎస్సీసీ అమ్మకం (రూ.285 కోట్లు) → నేషనల్ ప్రాజెక్ట్స్ కన్స్ట్రక్షన్ కార్పొరేషన్ను వాప్కోస్కు సేల్ (రూ.80 కోట్లు) → డ్రెడ్జింగ్ కార్పొరేషన్ను పోర్టుల కన్సారి్టయంకు అమ్మకం (రూ.1,049 కోట్లు) 2017–18: హెచ్పీసీఎల్లో ఓఎన్జీసీకి 51.11శాతం వాటా (రూ.36,915 కోట్లు) ఇప్పటిదాకా దేశీ ఫైనాన్షియల్ రంగంలో అతిపెద్ద ఎఫ్డీఐలు ఇవీ.. → ఐడీబీఐ బ్యాంక్లో ఫెయిర్ ఫాక్స్కు తాజాగా 5.5 బిలియన్ డాలర్లతో( రూ.53,000 కోట్లు) 60.72% వాటా. → బిల్డెస్్కను పేయూ 4.7 బిలియన్ డాలర్లు (సుమారు రూ.45,000 కోట్లు) వెచి్చంచి చేజిక్కించుకుంది. → శ్రీరామ్ ఫైనాన్స్లో ఎంయూఎఫ్జీ బ్యాంక్ 4.4 బిలియన్ డాలర్ల (రూ.39,618 కోట్లు)తో 20% వాటా దక్కించుకుంది. → ఆర్బీఎల్ బ్యాంకులో యూఏఈకి చెందిన ఎమిరేట్స్ ఎన్డీబీ 60% వాటా కొనుగోలు. డీల్ విలువ సుమారు 3 బిలియన్ డాలర్లు (రూ.26,853 కోట్లు). → ఫులెట్రాన్ ఇండియా క్రెడిట్ను జపాన్కు చెందిన సుమితోమో మిత్సుయ్ 2 బిలియన్ డాలర్లకు (రూ. 19,000 కోట్లు) సొంతం చేసుకుంది. → యస్ బ్యాంకులో 20 శాతం వాటా కొనుగోలుకు సుమితోమో మిత్సుయ్ (ఎస్ఎంబీసీ) రూ.13,483 కోట్లు వెచి్చంచింది. → ఫెడరల్ బ్యాంకులో బ్లాక్స్టోన్ రూ.6,196 కోట్ల పెట్టుబడి. → హౌసింగ్ ఫైనాన్స్ సంస్థ సమ్మాన్ క్యాపిటల్లో అబుదాబికి చెందిన అవెనిర్ ఇన్వెస్ట్మెంట్ ఆర్ఎస్సీ 43.46% వాటా కొనుగోలు. డీల్ విలువ రూ. 9,000 కోట్లు. → ఐడీఎఫ్సీ ఫస్ట్ బ్యాంకులో వార్బర్గ్ పింకస్, ఏఐడీఏ రూ. 7,500 కోట్ల పెట్టుబడి. 15 శాతం వాటా కొనుగోలు. → మణప్పురం ఫైనాన్స్లో బెయిన్ క్యాపిటల్కు 18% వాటా (రూ. 4,390 కోట్లు).కీలక మైలురాయి... దేశీ బ్యాంకింగ్ రంగంలో ఐడీబీఐ బ్యాంక్ విక్రయ డీల్ ఒక కీలకమైన మైలురాయి. ఇప్పటిదాకా బ్యాంకు రికవరీకి ప్రభుత్వం మద్దతు అందించింది. ఇప్పుడు మైనారిటీ వాటాను అట్టిపెట్టుకుంటూనే... విదేశీ ప్రత్యక్ష పెట్టుబడికి తెరతీయడం ద్వారా తదుపరి దశ వృద్ధికి వీలవుతుంది. ఇది బ్యాంకింగ్ వ్యవస్థను బలోపేతం చేయడమే కాకుండా, ప్రపంచ ప్రమాణాలకు మించి బ్యాంకింగ్ సేవలు కల్పించేందుకు దోహదపడుతుంది. భారత్ పటిష్టమైన వృద్ధి పథంలో పయనిస్తోందని.. ఎలాంటి సవాళ్లనైనా తట్టుకోగలదని, సంస్కరణల విషయంలో ప్రభుత్వం నిబద్ధతకు తిరుగులేదని ఇది చాటిచెబుతోంది. – ఆర్థిక మంత్రి నిర్మలా సీతారామన్ -
రైల్వే ఉద్యోగులకు పండుగ బోనస్.. ఎంతంటే..
సాక్షి,న్యూఢిల్లీ: ప్రతి సంవత్సరం, దుర్గా పూజ, దసరా సెలవులకు ముందు, రైల్వే సిబ్బంది ఒక ప్రకటన కోసం ఎదురుచూస్తుంటారు. ఈ సంవత్సరం రావాల్సిన ఆ ప్రకటన వచ్చింది, దీనివల్ల సుమారు 11.40 లక్షల మంది ఉద్యోగులు లబ్ధి పొందనున్నారు.ప్రధానమంత్రి నరేంద్ర మోదీ అధ్యక్షతన జరిగిన కేంద్ర మంత్రివర్గం అర్హులైన రైల్వే ఉద్యోగులకు 78 రోజుల జీతానికి సమానమైన బోనస్ను ఆమోదించింది. దీని మొత్తం చెల్లింపు రూ. 2,009.61 కోట్లు కాగా, ఇది 11,40,770 మంది సిబ్బందికి అందనుంది. ఈ బోనస్ నాన్-గెజిటెడ్ రైల్వే ఉద్యోగుల కోసం ఉద్దేశించబడింది. ట్రాక్ మెయింటెయినర్లు, లోకో పైలట్లు, ట్రైన్ మేనేజర్లు, స్టేషన్ మాస్టర్లకు బోనస్ వర్తింపు.టెక్నీషియన్లు,పాయింట్స్మెన్, సూపర్వైజర్లు, ఇతర గ్రూప్-C ఉద్యోగులకూ ప్రయోజనం జరగనుంది. 2025–26 ఆర్థిక సంవత్సరంలో రైల్వేల పనితీరు అత్యుత్తమంగా ఉందని కేంద్రం వెల్లడించింది. రికార్డు స్థాయిలో 1,670 మిలియన్ టన్నుల సరుకును రైల్వేలు రవాణా చేశారు. అంతేకాదు 2025–26లో సుమారు 7.41 బిలియన్ మంది ప్రయాణికులను రైల్వేలు గమ్యస్థానాలకు చేర్చారు.ఇదీ చదవండి: ఏఐఏడీఎంకే ఎమ్మెల్యేల కోసం మేం ప్రయత్నించం: టీవీకే -
సీజేపీపై అమెరికన్ సింగర్ సంచలన ఆరోపణలు
కాక్రోచ్ జనతా పార్టీ, దాని వ్యవస్థాపకుడు అభిజీత్ దీప్కేపై అమెరికన్ గాయని మేరీ మిల్బెన్ ఆరోపణలు చేశారు. అమెరికాకు చెందిన కొందరు దాతలు వాళ్లకు నిధులు సమకూరుస్తున్నారని అన్నారు. భారత దేశ ప్రధానమంత్రి నరేంద్ర మోదీని వ్యతిరేకించే శక్తులు ఈ నిధుల వెనుక ఉన్నాయని ఆమె పేర్కొన్నారు. దేశంలో పాలనను అస్థిరపరిచే ప్రయత్నాలను అడ్డుకోవాలంటూ భారత యువతకు పిలుపునిచ్చారామె.ఎక్స్లో చేసిన పోస్టులో మిల్బెన్.. మోదీని వ్యతిరేకించే అమెరికా దాతలు దీప్కే, సీజేపీకి నిధులు అందిస్తున్నారని ఆరోపించారు. ప్రపంచవ్యాప్తంగా సంప్రదాయవాద నాయకులను లక్ష్యంగా చేసుకోవడం కొందరు దాతల పద్ధతిగా మారిందని పేర్కొన్నారు. అమెరికాలో చదువుకున్న వ్యక్తులను గుర్తించి, వారిని తీవ్రవాద భావజాలం వైపు మళ్లించి, తిరిగి వారి దేశాలకు పంపి గందరగోళం సృష్టించేందుకు నిధులు సమకూరుస్తున్నారని ఆరోపించారు.To all the beautiful young patriots in India: This is not the time to be silent. @abhijeet_dipke and the @Cockroachisback are being funded by donors in the U.S. who are against Prime Minister @NarendraModi and your future under his leadership. Do not fear, my young patriots. Your Prime Minister, who has served India for 25 years, 12 years as Prime Minister, elected three consecutive terms, is not going to bow to disruptive forces from my country. And these select donors have a pattern globally - target conservative global leaders, find an U.S. educated person from the country, radicalize them, send them back to the country, and fund them to start chaos and destruction. None of them have been successful but have impacted the development and governance of the country. It is time for a new voice in #India, born, raised, educated on the soil of India, to RISE UP, organize, and peacefully protest the disruptive spirit of the Cockroach Party. There should always be a counter movement to uphold democracy and freedom. Rise up, young patriots! Rise up!— Mary Millben (@MaryMillben) October 14, 2026ప్రజాజీవితంలో 25 ఏళ్ల అనుభవం, ప్రధానిగా 12 ఏళ్ల పాలన ఉన్న మోదీ.. తన దేశానికి చెందిన విచ్ఛిన్నకర శక్తులకు తలొగ్గబోరని ఆమె వ్యాఖ్యానించారు. ప్రజాస్వామ్యం, స్వేచ్ఛను కాపాడేందుకు ప్రతిఉద్యమం ఉండాలని పేర్కొంటూ.. భారత యువత సంఘటితమై సీజేపీకి వ్యతిరేకంగా శాంతియుతంగా నిరసనలు చేపట్టాలని కోరారు. ‘ఇది మౌనంగా ఉండాల్సిన సమయం కాదు.. యువ దేశభక్తులారా, ముందుకు రండి’ అంటూ పిలుపునిచ్చారు.బ్యాక్గ్రౌండ్ ఇదే..మేరీ మిల్బెన్ అమెరికాకు చెందిన గాయని, నటి. ఆఫ్రికన్-అమెరికన్ నేపథ్యానికి చెందిన ఆమె.. దేశభక్తి గీతాలు, జాతీయ గీతాల ఆలాపనతో గుర్తింపు పొందారు. అమెరికాలోని ఓక్లహోమాలో పాస్టర్ కుమార్తెగా పెరిగిన ఆమె.. సంగీత రంగంలోకి రాకముందు అప్పటి అధ్యక్షుడు జార్జ్ డబ్ల్యూ. బుష్ ప్రభుత్వంలో వైట్హౌస్ ప్రెసిడెన్షియల్ అపాయింటీగా పనిచేశారు. అనంతరం గాయనిగా అంతర్జాతీయ స్థాయిలో గుర్తింపు తెచ్చుకున్నారు. అమెరికా అధ్యక్షుల కార్యక్రమాలు, రాజకీయ సమావేశాలు, అంతర్జాతీయ వేదికలపై ప్రదర్శనలు ఇచ్చారు. ఆమె అధికారిక వెబ్సైట్ ప్రకారం.. ఐదుగురు అమెరికా అధ్యక్షుల కార్యక్రమాల్లో జాతీయ గీతాలు, దేశభక్తి గీతాలు ఆలపించారు.మోదీతో ప్రత్యేక అనుబంధంభారత్లోనూ మేరీ మిల్బెన్కు ప్రత్యేక గుర్తింపు ఉంది. 2022లో భారత స్వాతంత్య్రం వచ్చి 75 ఏళ్లు పూర్తయిన సందర్భంగా జరిగిన వేడుకల్లో పాల్గొనేందుకు భారత ప్రభుత్వ ఆహ్వానంపై ఆమె తొలిసారి భారత్కు వచ్చారు. అదే ఏడాది స్వాతంత్య్ర వేడుకల్లో భాగంగా ఆమె ప్రదర్శనలు ఇచ్చారు. 2023 జూన్లో ప్రధాని మోదీ అమెరికా అధికారిక పర్యటన సందర్భంగా వాషింగ్టన్ డీసీలో నిర్వహించిన కార్యక్రమంలో భారత జాతీయ గీతం ‘జనగణమన’ ఆలపించారు. మోదీతో పాటు అమెరికా అధ్యక్షుడు జో బైడెన్, ప్రథమ మహిళ జిల్ బైడెన్ పాల్గొన్న అధికారిక కార్యక్రమాల నేపథ్యంలో ఆమె పేరు భారత్లో బాగా చర్చకు వచ్చింది. మోదీ ప్రభుత్వానికి మద్దతుగా గతంలోనూ ఆమె పలుమార్లు వ్యాఖ్యలు చేశారు.ఇప్పటికే బీజేపీ నేతల ప్రశ్నలుసీజేపీకి నిధులు ఎక్కడి నుంచి వస్తున్నాయన్న అంశంపై బీజేపీ నేతలు కూడా ఆరోపణలు చేశారు. పార్టీ అధ్యక్షుడు నితిన్ నబీన్.. ప్రతిపక్ష నేతలు, సీజేపీ విదేశీ మద్దతుతో దేశాన్ని అస్థిరపరిచేందుకు ప్రయత్నిస్తున్నాయని ఆరోపించారు. బీజేపీ ఎంపీ నిషికాంత్ దూబే సైతం డిప్కే కార్యకలాపాలకు నిధులు సమకూరుస్తున్నవారెవరని ప్రశ్నించారు. అయితే ఈ ఆరోపణలను దీప్కే తోసిపుచ్చారు. పైగా విదేశీ నిధులు సీజేపీ కార్యకలాపాలకు చేరి ఉంటే, అది కేంద్ర హోం మంత్రిత్వ శాఖ వైఫల్యమే అవుతుందని వ్యాఖ్యానించారు. అదెలాగో కేంద్ర హోంమంత్రి అమిత్ షా పర్యవేక్షణలో ఉన్న మంత్రిత్వ శాఖనే వివరించాలని సెటైర్ వేశారు. ప్రస్తుతం సీజేపీ నేతలు, మద్దతుదారులు ఎన్నికల జాబితాల ప్రత్యేక సమగ్ర సవరణ (ఎస్ఐఆర్)పై ఎన్నికల సంఘానికి వ్యతిరేకంగా నిరసనలు చేపడుతున్న నేపథ్యంలో మిల్బెన్ వ్యాఖ్యలు వెలువడ్డాయి. ఈ క్రమంలో విదేశీ నిధుల ఆరోపణలు రాజకీయంగా కొత్త చర్చకు దారితీశాయి.ఇదీ చదవండి: అప్రకటిత ఎమర్జెన్సీ ఎందుకు మోదీగారూ? -
దమ్ముంటే ఎమర్జెన్సీ విధించండి: మోదీకి దీప్కే సవాల్
దేశంలో ప్రజాస్వామ్యాన్ని, ప్రజల గొంతుకను అణచివేసేందుకు కేంద్రంలోని మోదీ ప్రభుత్వం అనధికారిక ఎమర్జెన్సీని అమలు చేస్తోందని కాక్రోచ్ జనతా పార్టీ వ్యవస్థాపకుడు అభిజీత్ దీప్కే విమర్శించారు. సీజేపీ కోర్ కమిటీ సభ్యుల అరెస్ట్.. రిమాండ్ల నేపథ్యంపై ఈ ఉదయం ఆయన మీడియాతో మాట్లాడారు.ఢిల్లీలోని జంతర్ మంతర్ వద్ద నిరసనల సందర్భంగా సీజేపీ నేతలు సౌరవ్ దాస్, ఆశుతోష్ రంకాలను ఐదు రోజుల పాటు న్యాయ కస్టడీకి పంపడంపై దీప్కే అభ్యంతరం వ్యక్తం చేశారు. నిజంగా ప్రతిపక్షాల గొంతు నొక్కాలనుకుంటే ఎమర్జెన్సీని అధికారికంగా ప్రకటించాలని ప్రధాని నరేంద్ర మోదీకి సవాల్ విసిరారు. ప్రజాస్వామ్యబద్ధంగా నిరసన తెలిపే హక్కును కూడా ప్రభుత్వం హరిస్తోందని ఆరోపించారు.జాతీయ జెండాను ప్రదర్శించారనే ఆరోపణలతో నేతలను కస్టడీకి పంపడం ఏమిటని ప్రశ్నించారు. నిరసన తెలిపిన వారిపై ఇలాంటి చర్యలు తీసుకోవడం ద్వారా ప్రభుత్వం ప్రజల్లో భయాన్ని సృష్టించాలని చూస్తోందని విమర్శించారు.ఇండియా కూటమితో కలవం, కానీ..ఎన్నికల అక్రమాలు, కేంద్ర ఎన్నికల సంఘం ప్రధాన కమిషనర్ జ్ఞానేశ్ కుమార్ వ్యవహారశైలిపై ప్రశ్నించడంలో ఇండియా కూటమి, సీజేపీ లక్ష్యం ఒక్కటేనని దీప్కే చెప్పారు. అయితే, అందుకోసం తమ పార్టీ ఇండియా కూటమిలో చేరబోదని స్పష్టం చేశారు. సీజేపీ స్వతంత్ర ఒత్తిడి బృందంగా కొనసాగుతుందని, రాజకీయ పార్టీగా మారడం లేదంటే ఇండియా కూటమిలో విలీనం కావడం తమ ఉద్దేశం కాదని తేల్చిచెప్పారు.Nagpur, Maharashtra: CJP founder Abhijeet Dipke asserted that the Cockroach Janta Party is an independent pressure group and will continue to operate independently. #Nagpur #Maharashtra #AbhijeetDipke #CJP https://t.co/VvZ75pKuLx— The Guardian Chronicle (@gcnewsindia) October 14, 2026ఎన్నికల ప్రక్రియలో అక్రమాలు జరుగుతున్నాయన్న ఆరోపణలపై ప్రశ్నించడం, ఎన్నికల సంఘం జవాబుదారీతనాన్ని కోరడం తమ పోరాటంలో భాగమని పేర్కొన్నారు. ఒక అంశంపై ప్రతిపక్ష కూటమితో అభిప్రాయాలు కలిసినంత మాత్రాన ఆ కూటమిలో చేరినట్లు కాదని ఆయన కుండబద్ధలు కొట్టారు.‘అర్బన్ నక్సల్స్’పై రియాక్షన్సీజేపీని అర్బన్ నక్సల్స్ బృందంగా చిత్రీకరించడాన్ని దీప్కే తోసిపుచ్చారు. ప్రభుత్వ విధానాలను ప్రశ్నించడం, ప్రజాస్వామ్య హక్కుల కోసం నిరసన తెలపడం దేశవ్యతిరేక చర్యలు కావని పేర్కొన్నారు. విమర్శించే వారిపై ముద్రలు వేసి వారి గొంతు నొక్కాలని చూడటం సరైన పద్ధతి కాదని అన్నారు. ప్రభుత్వాన్ని ప్రశ్నించే గొంతుకలను అణచివేయకుండా ప్రజాస్వామ్య హక్కులను గౌరవించాలని ఆయన డిమాండ్ చేశారు. ఎన్నికల సంఘం పనితీరుపై ప్రశ్నలు, నిరసనకారులపై చర్యలు, ప్రభుత్వంపై విమర్శలు.. వీటన్నింటిపై బహిరంగ చర్చ జరగాల్సిన అవసరం ఉందని వ్యాఖ్యానించారాయన.ఇదీ చదవండి: పోలీస్ బాండ్ బ్రేక్ చేసిన సీజేపీ నేతలు! -
ఓడిపోయేందుకు సిద్ధంగా ఉండండి
న్యూఢిల్లీ: ఎన్ని ఉద్యమాలు చేసినా దేశ ప్రజలు బీజేపీ, ఎన్డీఏ, ప్రధాని మోదీ వెంటే ఉన్నారని, రాహుల్గాంధీ సారథ్యంలో కాంగ్రెస్ మరోమారు లోక్సభ ఎన్నికల్లో ఓడిపోవడం ఖాయమని బీజేపీ అగ్రనేత, కేంద్ర హోం మంత్రి అమిత్ షా వ్యాఖ్యానించారు. సీఈసీ జ్ఞానేశ్ రాజీనామా డిమాండ్లు వెల్లువెత్తాక తొలిసారిగా అమిత్ షా తాజా ఉద్యమాలపై స్పందించారు. మంగళవారం షా ఢిల్లీలో మీడియాతో మాట్లాడారు. ‘‘రాహుల్జీ, ఆయన మిత్రపక్ష భాగస్వాములకు ఒక విషయం చెప్పదల్చుకున్నా.2029లో మీరంతా దారుణమైన ఓటమిని చవిచూసేందుకు సిద్ధంగా ఉండండి. 2029 సార్వత్రిక ఎన్నికల్లో బీజేపీ స్పష్టమైన మెజార్టీతో గెలవబోతోంది. కాంగ్రెస్ వరసగా నాలుగోసారి ఓటమి కూపంలో కూరుకుపోనుంది. దేశ ప్రజలంతా మోదీ, బీజేపీ, ఎన్డీఏ వెన్నంటే ఉన్నారు. ఈ నిజాన్ని నమ్మక తప్పదు’’అని అన్నారు. ‘‘ఢిల్లీలో ఒకటిన్నర కిలోమీటర్ పొడవునా 8,000 మంది జనం మధ్య 14 రాజకీయ పార్టీలతో కలిసి కదం తొక్కినంత మాత్రాన రాహుల్గాంధీ దేశ గొంతుకగా మారిపోరు.ప్రజాగొంతుక అనేది దేశంలో సస్యశ్యామలమైన పొలాల్లో, గ్రామాల్లో, సుదూర కొండలు, అడవులు, నదీపరివాహకప్రాంతాల్లోనూ విని్పస్తుంది. మీరు ఈ ప్రాంతాలను ఎన్నటికీ చేరుకోలేరు. బిహార్, ఉత్తర ప్రదేశ్, తమిళనాడు ఇలా చాలా రాష్ట్రాల్లో ఓటర్లు మిమ్మల్ని తిరస్కరించారు. అందుకే మీ పార్టీ తరచూ ఓడిపోతూనే ఉంది. పశ్చిమబెంగాల్, తమిళనాడు, పుదుచ్చెరి ఉప ఎన్నికల్లో కాంగ్రెస్ ఒక్క చోట అయినా విజయకేతనం ఎగరేయలేక చతికిలపడింది’’అని అన్నారు. ఓట్ల జాబితా ప్రత్యేక సమగ్ర సవరణ, సీఈసీ జ్ఞానేశ్ వ్యతిరేక నిరసనలపై షా స్పందించారు. ‘‘తప్పుడు రాజకీయాలతో కాంగ్రెస్కు ఒనగూరేదేమి ఉండదు.అయినా రాహుల్ పార్టీలో కీలక నేతగా ఎదిగాక, పార్టీ అధ్యక్షుడయ్యాక, దిగిపోయి తర్వాత విపక్షనేతగా ఎంపికయ్యాక సైతం పార్టీ ఎలాంటి ఘనతలు సాధించలేదు పైగా నిరాటంకంగా ఓడిపోతోంది. మరీ ముఖ్యంగా 2024లో ఎస్ఐఆర్ మొదలయ్యాక కాంగ్రెస్ ఓటముల జోరు ఎక్కువైంది. గతంలో గద్దెనెక్కి పరిపాలించిన గుజరాత్లో కాంగ్రెస్ గత 41 ఏళ్లుగా ఓటమిని చవిచూస్తోంది. ఈ లెక్కన ఇకనైనా రాహుల్ ఆత్మావలోకనం చేసుకుంటే మంచిది. కృత్రిమ మీడియా కార్యక్రమాలు, అబద్ధాలను రాజధాని నడివీధుల్లో వల్లెవేసినంత మాత్రాన మీరు ప్రజల విశ్వాసాన్ని పొందలేరు. చొరబాటుదారులను ఓటర్లుగా మార్చాలని రాహుల్ చేస్తున్న ప్రయత్నాలను ప్రజలంతా గమనిస్తూనే ఉన్నారు’’అని షా అన్నారు.ఇదీ చదవండి: జంతర్మంతర్ వద్ద సీజేపీ ఆందోళన -
ఆర్థిక, టెక్నాలజీ పవర్గా భారత్!
న్యూఢిల్లీ: భారత ఎకానమీ వృద్ధి జోరుకు బలమైన ఆర్థిక మూలాలు, సవాళ్లకు తట్టుకుని నిలబడే శక్తి, నిరంతర సంస్కరణలే దన్నుగా నిలుస్తున్నాయని ప్రధాని నరేంద్ర మోదీ పేర్కొన్నారు. ప్రపంచ ఆర్థిక, టెక్నాలజీ పవర్గా నిలుస్తున్న భారత్.. ఇతర దేశాల ప్రయోజనాలను దెబ్బతీసేలా కాకుండా, ప్రగతి పథంలో వాటికి తోడ్పాటునందిస్తూ ముందుకు సాగుతోందన్నారు. ‘మేము ఇతరుల ఎదుగుదలను అడ్డు కోము, ప్రపంచంతో పాటు, ప్రపంచం కోసమే వృద్ధి బాటలో పయనిస్తాం’ అని మంగళవారమిక్కడ జరిగిన బ్లూమ్బర్గ్ న్యూ ఎకానమీ సదస్సు–2026లో వ్యాఖ్యానించారు. భౌగోళిక, రాజకీయ ఉద్రిక్తతలు, సరఫరాపరమైన అడ్డంకులు, వ్యూహాత్మక వనరుల విషయంలో తీవ్రమైన పోటీ నెలకొన్న తరుణంలో భారత్కున్న ఆర్థిక, టెక్నాలజీ సామర్థ్యాలు ప్రపంచ సవాళ్లను పరిష్కరించేందుకు దోహదం చేస్తాయన్నారు. పెద్ద ఎకానమీల వృద్ధిలో భారత్ టాప్ ప్రస్తుత ఆర్థిక సంవత్సరం తొలి త్రైమాసికం (క్యూ1)లో భారత్ జీడీపీ వృద్ధి రేటు అంచనాలను మించి 7.8 శాతంగా నమోదైన విషయాన్ని ప్రధాని గుర్తు చేశారు. 700 బిలియన్ డాలర్లకు పైగా విదేశీ మారక నిల్వలు, పన్నులు, కార్మిక, దివాలా తదితర చట్టాలకు సంబంధించిన సంస్కరణలు దేశంలో స్థిరత్వానికి నిదర్శమన్నారు. ‘అనిశ్చితుల్లో కొట్టుమిట్టాడుతున్న ప్రపంచంలో విశ్వసనీయత, స్థిరత్వానికి భారత్ భరోసా కల్పిస్తోంది’ అని మోదీ స్పష్టం చేశారు.పెద్ద ఎకానమీల్లో అత్యంత వేగంగా వృద్ధి చెందుతున్న దేశంగా భారత్ నిలుస్తోందని.. బలమైన ఆర్థిక మూలాల వల్లే ఇది సాధ్యమవుతోందన్నారు. ‘పవర్ టు ఎంపవర్’ అనే నినాదంతో భారత్ అభివృద్ధి చెందుతోందని.. నిజమైన ఆర్థిక, సాంకేతిక బలం అనేది ఇతరులను నియంత్రించడంలో కాకుండా, వారికి అవకాశాలను కల్పించడంలోనే ఉంటుందని ప్రధాని పేర్కొన్నారు. 2014 ముందు వందల సంఖ్యలో మాత్రమే ఉన్న స్టార్టప్ వెంచర్లు.. నేడు 2,50,000 పైకి చేరాయని.. ఇందులో సగానికిపైగా చిన్న నగరాలు, పట్టణాల నుంచే పుట్టుకొచ్చాయని కూడా వెల్లడించారు. గడిచిన దశాబ్దకాలంలో భారత్ 25 కోట్ల మందిని పేదరికం నుంచి బయటపడేసిందన్నారు. తయారీలోనూ సత్తా... నేడు ప్రపంచవ్యాప్తంగా ఉత్పత్తి అవుతున్న ప్రతి ఐదు జనరిక్ ఔషధాల్లో ఒకటి భారత్లోనే తయారవుతోందని.. కోవిడ్ సమయంలో 100కు పైగా దేశాలకు వ్యాక్సిన్లను సరఫరా చేసిన సంగతిని కూడా ఆయన ప్రస్తావించారు. అంతర్జాతీయ అవసరాలకు దేశీ తయారీ రంగ సామర్థ్యాన్ని ఇది చాటి చెప్పిందన్నారు. అంతేకాకుండా, 2,000కు పైగా గ్లోబల్ కేపబిలిటీ సెంటర్ల (జీసీసీ)తో ప్రపంచవ్యాప్తంగా కంపెనీలకు దేశం సేవలందిస్తోందని చెప్పారు.ఎస్టీటీ, ఎల్టీసీజీపై చర్చ మంచిదే: సీతారామన్స్టాక్ మార్కెట్లో సెక్యూరిటీస్ ట్రాన్సాక్షన్ ట్యాక్స్ (ఎస్టీటీ), దీర్ఘకాలిక మూలధన లాభాలపై పన్ను (ఎల్టీసీజీ) తగ్గించాలంటూ కొంతకాలంగా నడుస్తున్న చర్చపై బ్లూమ్బర్గ్ న్యూ ఎకానమీ సదస్సు వేదికగా ఆర్థిక మంత్రి నిర్మలా సీతారామన్ స్పందించారు. ‘ఎస్టీటీ, ఎల్టీసీజీ పన్నుల హేతుబద్ధీకరణమై జరుగుతున్న చర్చ మంచిదే. నేను కూడా ఇటువంటి చర్చలను చాలా ఆసక్తిగా వింటాను. మన తదుపరి బడ్జెట్ కూడా దగ్గరపడుతోంది. ఇప్పటికే సన్నాహాలు మొదలయ్యాయి. ఇటువంటి తరుణంలో నేను ఏం చేస్తాను, ఏవి పరిగణనలోకి తీసుకోను అనేవి చెప్పడానికి ఇది సరైన సమయం కాదు. అయితే, ఎల్టీసీజీపై చాలా మంది నుంచి వస్తున్న అభిప్రాయాల మాదిరిగానే, స్వదేశంలో, అలాగే విదేశాల్లో కూడా ఇన్వెస్టర్లతో మాట్లాడుతున్నప్పుడు ఈ అంశం తెరపైకి వచ్చింది. దీనిపై చర్చ జరగడం ఆరోగ్యకరమైన విషయం. నేను కూడా ఆ అభిప్రాయాలన్నింటినీ శ్రద్ధగా వినేందుకు సిద్ధం’ అని ఆర్థిక మంత్రి పేర్కొన్నారు. ఈ నేపథ్యంలో వచ్చే ఏడాది ఫిబ్రవరి 1న ప్రవేశపెట్టబోయే 2027–28 కేంద్ర బడ్జెట్లో మోదీ సర్కారు ఇన్వెస్టర్లకు భారీ పన్ను ఊరట కల్పిస్తుందన్న ఊహాగానాలు మరింత జోరందుకుంటున్నాయి. మరోపక్క, డాలరుతో రూపాయి మారకం విలువలో తీవ్ర హెచ్చుతగ్గులను నివారించేందుకు ఆర్బీఐ తన ప్రయత్నాలను కొనసాగిస్తుందన్నారు. పటిష్టమైన ఫారెక్స్ నిల్వలు, ఆర్థిక మూలాలు బలంగానే ఉన్నప్పటికీ.. రూపాయి విలువ పతనానికి ముఖ్యంగా ప్రపంచ ఆర్థిక అనిశ్చితులే కారణమని ఆమె పేర్కొన్నారు. ఆర్బీఐ చేపట్టే చర్యలు.. కరెన్సీ ఒడిదుడుకుల నివారణకు మాత్రమేనని, రూపాయి విలువ నిర్ధారణ వాటి లక్ష్యం కాదని సీతారామన్ స్పష్టం చేశారు. -
మోదీతో కార్నీ కీలక చర్చలు.. త్వరలో భారత్-కెనడా వాణిజ్య ఒప్పందం?
సాక్షి,న్యూఢిల్లీ: భారత ప్రధాని నరేంద్ర మోదీ, కెనడా ప్రధాని మార్క్ కార్నీ మంగళవారం కీలక అంశాలపై చర్చించారు. ఇరు దేశాల మధ్య చర్చలు ఆత్మీయంగా, ఫలప్రదంగా సాగాయని మోదీ వెల్లడించారు. ద్వైపాక్షిక సంబంధాల్లో ఏర్పడిన సానుకూల పురోగతిని మరింత ముందుకు తీసుకెళ్లాలని ఇరువురు నేతల మద్య అంగీకారం కుదిరినట్టు ఆయన తెలిపారు.ఈ చర్చల్లో వాణిజ్యం, ఇంధనం, సాంకేతికత, భద్రత, ప్రజల మధ్య సంబంధాల బలోపేతంపై చర్చించినట్లు మోదీ ‘ఎక్స్’ వేదికగా పేర్కొన్నారు. వ్యూహాత్మక భాగస్వామ్యంలో కీలక రంగాల్లో స్పష్టమైన ఫలితాలు సాధించడమే లక్ష్యమని తెలిపారు.Had a warm and productive conversation with Prime Minister Mark Carney. We agreed to build on the positive momentum in India-Canada ties and work towards concrete outcomes across key areas of our Strategic Partnership, including trade, energy, technology, security and people-to-people ties. Together, India and Canada are contributing towards a more stable and prosperous world. @MarkJCarney— Narendra Modi (@narendramodi) October 13, 2026ఇదిలా ఉండగా.. వచ్చే ఏడాది గణతంత్ర దినోత్సవ వేడుకలకు కెనడా ప్రధాని మార్క్ కార్నీని ముఖ్య అతిథిగా ఆహ్వానించే అవకాశాన్ని భారత్ పరిశీలిస్తున్నట్లు తెలుస్తోంది. ఈ ఏడాది చివరి నాటికి ఇరు దేశాల మధ్య సమగ్ర ఆర్థిక భాగస్వామ్య ఒప్పందం ఖరారు చేసేందుకు ప్రయత్నాలు జరుగుతున్నాయని సమాచారం. ఇదీ చదవండి: ఫ్లైదుబాయ్ విమాన ఘటనలో కీలక పరిణామం.. ఇద్దరు పైలట్ల అరెస్ట్! -
బాధ్యతల నుండి విముక్తి కల్పించండి.. మోదీకి మురుగన్ రాజీనామా లేఖ
చెన్నై: కేంద్ర సహాయ మంత్రి, రాజ్యసభ సభ్యత్వానికి ఎల్.మురుగన్ రాజీనామా చేశారు. తమిళనాడులో బీజేపీని బలోపేతం చేయడానికి తన సమయాన్ని కేటాయించాలనుకుంటున్నట్లు పేర్కొంటూ, తన బాధ్యతల నుండి విముక్తి కల్పించాలని కోరుతూ మురుగన్ ప్రధాని నరేంద్ర మోదీకి లేఖ రాశారు."ఇప్పుడు నేను క్షేత్రస్థాయికి తిరిగి వెళ్లి, మా కార్యకర్తలతో కలిసి పనిచేస్తూ, 2029 లోక్సభ ఎన్నికల దృష్ట్యా తమిళనాడులో బీజేపీని బలోపేతం చేయడానికి పూర్తి సమయాన్ని కేటాయించాలనుకుంటున్నాను. దేశం మొదట, పార్టీ తర్వాత, స్వప్రయోజనం చివర," అని ఆయన 'X'వేదికగా చేసిన పోస్ట్లో పేర్కొన్నారు.It has been the greatest honour of my life to serve Bharat Mata and Tamil Nadu under the leadership of Hon’ble Prime Minister Shri @narendramodi Ji. From the son of daily wage labourers to serving in the Union Council of Ministers under the leadership of Hon’ble PM Shri @narendramodi Ji has been the greatest privilege of my life. Now, I wish to return to the grassroots, stand with our karyakartas and dedicate myself full-time to strengthening the BJP in Tamil Nadu ahead of the 2029 Lok Sabha elections. Nation First. Party Next. Self Last. 🙏🇮🇳 @NitinNabin @blsanthosh— Dr.L.Murugan (@DrLMurugan) October 13, 2026ఈ పరిణామం కేంద్ర మంత్రివర్గంలో త్వరలో మార్పులు చేర్పులు జరగవచ్చన్న ఊహాగానాలకు మరింత బలం చేకూర్చింది. మురుగన్కు ముందు, కేంద్ర మంత్రులు జార్జ్ కురియన్, రవ్నీత్ సింగ్ బిట్టు కూడా వరుసగా జూన్, జూలై నెలల్లో మంత్రివర్గానికి రాజీనామా చేశారు.ఎవరీ ఎల్.మురుగన్మురుగన్ బీజేపీ తమిళనాడు విభాగం మాజీ అధ్యక్షుడిగా పని చేశారు. అయితే ఆయన మధ్యప్రదేశ్ నుండి రాజ్యసభకు ఎన్నికయ్యారు. రాజ్యసభలో తన పదవీకాలం 2030 వరకు ఉన్నప్పటికీ, ఆ పదవి నుండి తనను విముక్తి చేయాలని మంగళవారం నాడు ప్రధాని మోదీని కోరారు. ఆయన 2020లో బీజేపీ తమిళనాడు అధ్యక్షుడిగా నియమితులయ్యారు. 2021 జూలైలో జరిగిన మంత్రివర్గ పునర్వ్యవస్థీకరణలో మోదీ మంత్రివర్గంలో చేరారు. ఇదీ చదవండి: లడఖ్పై చైనాకు భారత్ గట్టి కౌంటర్ -
రఫేల్ డీల్పై వ్యాఖ్యల కేసు.. రాహుల్కు సుప్రీంలో ఊరట
ఢిల్లీ: రఫేల్ డీల్పై చేసిన వ్యాఖ్యల కేసులో రాహుల్ గాంధీకి సుప్రీంకోర్టులో ఊరట లభించింది. రాహుల్ గాంధీపై క్రిమినల్ పరువునష్టం కేసులో ట్రయల్ కోర్టు విచారణపై సుప్రీంకోర్టు స్టే విధించింది. ప్రధాని మోదీని ‘చోరోన్ కే సర్దార్’, ‘కమాండర్ ఇన్ థీఫ్’ అన్న వ్యాఖ్యలపై కేసు నమోదైన సంగతి తెలిసిందే. రాహుల్ పిటిషన్పై నాలుగు వారాల్లోగా సమాధానం ఇవ్వాలని నోటీసులు జారీ చేసింది. బాంబే హైకోర్టు సెప్టెంబర్ 8న ఇచ్చిన ఉత్తర్వులను సవాల్ చేస్తూ సుప్రీంకోర్టును రాహుల్ ఆశ్రయించారు.పరువునష్టం కేసును కొట్టివేయాలన్న రాహుల్ గాంధీ పిటిషన్ను బాంబే హైకోర్టు తిరస్కరించింది. బీజేపీ కార్యకర్త దాఖలు చేసిన క్రిమినల్ పరువునష్టం ఫిర్యాదుపై రాహుల్కు సమన్లు పంపింది. తాను రాజకీయ పార్టీ పేరును ప్రస్తావించలేదని రాహుల్ గాంధీ వాదన. తన వ్యాఖ్యలు నిర్దిష్ట వ్యక్తుల లేదా గుర్తించదగిన వర్గాన్ని లక్ష్యంగా చేసుకోలేదని రాహుల్ పిటిషన్లో పేర్కొన్నట్లు సమాచారం.రాహుల్ గాంధీ తరఫున సుప్రీంకోర్టులో సీనియర్ న్యాయవాది అభిషేక్ మను సింఘ్వీ వాదనలు వినిపించారు. జస్టిస్ విక్రమ్ నాథ్, జస్టిస్ అపరేశ్ కుమార్ సింగ్లతో కూడిన ధర్మాసనం విచారణ జరిపింది. పరువు నష్టం కేసు తదుపరి విచారణ కొనసాగింపుపై సుప్రీంకోర్టు పరిశీలించనుంది.ఇదీ చదవండి: టార్గెట్ జ్ఞానేశ్ కుమార్.. రాహుల్ గాంధీ బిగ్ మీటింగ్ -
సమష్టి ప్రగతి కోసమే భారత్ కృషి
దేశంలో తొలిసారిగా జరుగుతున్న ప్రతిష్ఠాత్మక ‘బ్లూమ్ బెర్గ్ న్యూ ఎకానమీ ఫోరమ్’ సదస్సులో భారత ప్రధాని నరేంద్ర మోదీ కీలక వ్యాఖ్యలు చేశారు. ప్రపంచ శ్రేయస్సు, సమష్టి ప్రగతి కోసమే భారత్ కృషి చేస్తోందని చెప్పారు. ఈ వేదికను ఏర్పాటు చేయడంపై నిర్వాహకులను అభినందిస్తూ.. సదస్సు నిర్వహణకు సరైన సమయం, సరైన స్థలాన్ని ఎంచుకున్నారని అని పేర్కొన్నారు. ప్రపంచంలోనే అత్యంత శక్తిమంతమైన ప్రజాస్వామ్య వ్యవస్థగా ఉన్న భారతదేశాన్ని ఈ సందర్భంగా ఆయన ‘మదర్ ఆఫ్ డెమోక్రసీ’ అని అభివర్ణించారు.ఎనర్జీ సాధికారతతోనే ప్రగతిసాంకేతిక పరిజ్ఞానం, డేటా, నూతన ఆవిష్కరణలు కేవలం కొద్దిమంది వర్గాలకే పరిమితం కాకూడదని ప్రధాని స్పష్టం చేశారు. డిజిటల్ విప్లవం లక్షలాది మంది సామాన్యులకు కొత్త అవకాశాలను కల్పించాలని ఆకాంక్షించారు. ‘సాంకేతికత కేవలం సౌకర్యం కాదు.. ఇక్కడి నుంచే ఎనర్జీ సాధికారత అనే నూతన ఆలోచన పుట్టింది. విద్యుత్తును అందరికీ అందుబాటులోకి తేవడమే కాకుండా దాన్ని ప్రజలు ఎలా సమర్థవంతంగా ఉపయోగించుకుంటున్నారనేది ఇక్కడ అత్యంత ముఖ్యం’ అని వివరించారు.సరసమైన డేటా.. అందరికీ విద్యాఫలాలుదేశంలో లభిస్తున్న చవకైన మొబైల్ డేటా కారణంగా చిన్న నగరాలు, గ్రామీణ ప్రాంతాల విద్యార్థులకు కూడా డిజిటల్ లెర్నింగ్ సులభంగా అందుబాటులోకి వచ్చిందని మోదీ తెలిపారు. డిజిటల్ ప్లాట్ఫారమ్ల ద్వారా సామాన్యుడికి విద్య, వైద్యం, సంక్షేమ ఫలాలు చేరుతున్నాయని స్పష్టం చేశారు.పేదరిక నిర్మూలన.. స్వయం సమృద్ధిప్రభుత్వాల పాత్రపై మోదీ స్పందిస్తూ..‘ప్రభుత్వానికి అధికారం ఉన్నప్పటికీ పౌరులను వ్యవస్థపై ఆధారపడేలా చేయడం దాని ఉద్దేశం కాకూడదు. ప్రజలను స్వయం సమర్థులుగా, శక్తివంతంగా తీర్చిదిద్దడమే ప్రభుత్వ ప్రాథమిక లక్ష్యం’ అని పేర్కొన్నారు. గత దశాబ్ద కాలంలో సాధించిన ఆర్థిక ప్రోత్సాహకాల వల్ల ఏకంగా 25 కోట్ల (250 మిలియన్ల) మంది ప్రజలు పేదరికం నుంచి బయటపడ్డారని గణాంకాలతో వివరించారు.ప్రపంచ సంక్షేమమే భారత్ లక్ష్యంభారత్ చేపడుతున్న ఆర్థిక, పాలనా సంస్కరణలు వేగంగా ముందుకుసాగుతున్నాయని.. ‘భారత సంస్కరణల ఎక్స్ప్రెస్ శరవేగంగా దూసుకెళ్తోంది. ఈ సంస్కరణలు ఏదో ఒత్తిడి వల్లనో, బలవంతం వల్లనో చేపట్టినవి కావు.. ఇవి అపార నమ్మకంతో సాగుతున్నాయి’ అని తెలిపారు. ‘మేము ఎవరి పురోగతినో అడ్డుకొని లేదా ఇతరుల ఖర్చుపై ఎదగడం లేదు; ప్రపంచ శ్రేయస్సు, సమష్టి ప్రగతి కోసమే భారత్ కృషి చేస్తోంది’ అని స్పష్టం చేశారు.ఇదీ చదవండి: పండగ ఆఫర్లు.. ఆన్లైన్ షాపింగ్.. బీ అలర్ట్! -
నాడు ‘హూ ఈజ్ మోడీ?’.. నేడు ప్రశంసల వ్యాసం!
బహుశా ఏపీ ముఖ్యమంత్రి చంద్రబాబు నాయుడు తన జీవితంలో ఇలా ఒకరిని పొగుడుతూ వ్యాసం రాయవలసి వస్తుందని ఊహించుకుని ఉండరు. కాని కాలమాన పరిస్థితులు ఎలా మారతాయో చెప్పడానికి ఇది ఉదాహరణే అవుతుంది. దేశ ప్రధాన మంత్రి నరేంద్ర మోడీపై ఆయన రాసిన ఒక వ్యాసం ప్రముఖ ఆంగ్ల దినపత్రిక ది హిందూలో ప్రచురితమైంది. ముఖ్యమంత్రిగా, ప్రధానిగా మోడీ ఇరవైఐదేళ్లు పూర్తి చేసుకున్న సందర్భంగా ఈ వ్యాసాన్ని ఆయన రాశారు. ఒకప్పుడు ఎంత గొప్పగా మోడీని విమర్శించారో, లేదా దూషించారో ఇప్పుడు అంతకన్నా గొప్పగా పొగడడమే ఇందులో ఉన్న గొప్పతనం అని చెప్పాలి. చంద్రబాబు ఇంతగా తగ్గి వ్యాసాలు రాయవలసిన పరిస్థితి ఎందుకు ఏర్పడిందన్న దానిపై రకరకాల విశ్లేషణలు సోషల్ మీడియాలో వచ్చాయి. చంద్రబాబు గతంలో పలుమార్లు చెప్పినట్లు మోడీకన్నా సీనియర్ అన్నది వాస్తవం!అదే విషయాన్ని పరోక్షంగా ఈ వ్యాసంలో ప్రస్తావించారు.తన నలభై ఎనిమిది సంవత్సరాల ప్రజా జీవితంలోపలు రాజకీయ పార్టీల ఉత్ధానపతనాలు చూశానని, గొప్ప ఆశలు కల్పిస్తూ ప్రజల ముందుకు వచ్చిన నేతలు కనుమరుగు అవడం చూశానని, ప్రభుత్వాల మార్పు, ఆర్ధిక వ్యవస్థలో మార్పులు, అందరి జీవితాలను ప్రభావితం చేసిన టెక్నాలజీ వంటివి చూశానని, ఇవన్ని తెలిపిన పాఠం ఏమిటంటే, అన్నిటికి మించి నాయకత్వం ప్రధానమని స్పష్టత వచ్చిందని చంద్రబాబు ఉపోద్ఘాతంలో పేర్కొన్నారు. ప్రపంచంలో సాంకేతిక పరిజ్ఞానం, విజ్ఞానం, పెట్టుబడి ,ఐడియాలు బాగానే అందుబాటులోకి వచ్చాయని, కాని ప్రధానమైన తేడా ఏమిటంటే జాతికి ఒక విజన్, సమగ్రత, విశ్వసనీయత ,అనుకున్నట్లుగా అమలు చేయగలిగే సమర్ధతతో నాయకత్వం వహించడం కీలకం అని చంద్రబాబు వ్యాఖ్యానించారు. ఆ రకమైన నాయకత్వానికి దేశానికి మోడీ అందించారని అని చంద్రబాబు పేర్కొన్నారు. ప్రపంచం అంతా యుద్దాలు, తదితర సంక్షోభాలలో ఉన్నప్పుడు భారత్ స్థిరంగా నిలిచి అభివృద్ది పధంలో సాగుతోందని ఆయన మెచ్చుకున్నారు.దేశంలో రోడ్లు, విమానాశ్రయాల అభివృద్ది, రైల్వే విద్యుద్దీకరణ తదితర రంగాలలో దేశం ప్రగతి సాధించిందని, 25 కోట్ల మందిని పేదరికం నుంచి బయటకు తీసుకువచ్చారని చంద్రబాబు అన్నారు. మామూలుగా అయితే ఈ వ్యాసాన్ని ఆక్షేపించనక్కర్లేదు. పాతికేళ్ల ప్రస్తానం సందర్భం కనుక రాయవచ్చు.కాని చంద్రబాబు ఎప్పుడూ లేనట్లు ,మరీ ఇంత శ్రద్ద తీసుకుని ఈ వ్యాసం రాశారంటే ఇందులో ఆంతర్యం ఏమిటన్నది ప్రశ్న. వైఎస్సార్సీపీ అదినేత, మాజీ ముఖ్యమంత్రి వైఎస్ జగన్ కూడా మోడీని అభినందిస్తూ ఒక ట్వీట్ చేశారు. కాని చంద్రబాబు మాత్రం ఏకంగా వ్యాసం రాయడం, మంత్రివర్గ సమావేశంలో మోడీని కీర్తిస్తూ తీర్మానం చేయడం, తదుపరి ఢిల్లీ వెళ్లి ఆయనను కలిసి మీ ప్రస్థానం స్పూర్తిదాయకం అని ప్రశంసిచడం చేశారు. చంద్రబాబుకు ఇందులో ఎంత చిత్తశుద్ది ఉందన్నది కొంతమంది విశ్లేషకుల ప్రశ్న. నిజంగా మోడీ అంత గొప్పవారని నమ్మి ఇలా పొగుడుతున్నారా?లేక తన రాజకీయ అవసరాల కోసం మాట్లాడుతున్నారా అన్నది వారి సందేహం. దీనికి చంద్రబాబే జవాబు చెప్పాలి. ఎందుకంటే మోడీ రాజకీయ జీవితం ఆరంభం అయిన తర్వాత తొలి సంక్షోభం ఎదుర్కున్నప్పుడు చంద్రబాబు వైఖరిని ఆయన ఎప్పటికి మర్చిపోకపోవచ్చు. గుజరాత్లో మత కలహాలు జరిగిన నేపధ్యంలో మోడీని సీఎం పదవిలో కొనసాగించాలా?లేదా?అన్న చర్చ బీజేపీలో వచ్చింది. ఆనాటి ప్రధాని వాజ్ పేయి రాజధర్మ ముఖ్యమంటూ మోడీని పదవి నుంచి తప్పించాలని అనుకున్నారు. ఆ సమాచారం అందుకున్న చంద్రబాబు వెంటనే మోడీ రాజీనామాకు డిమాండ్ చేశారు. హైదరాబాద్ రానివ్వబోమని కూడా హెచ్చరించారు.టీడీపీకి బీజేపీతో పొత్తు ఉన్నప్పటికీ ఆయన ఈ డిమాండ్ చేయడం దేశంలో కలకలం అయింది. కాని బీజేపీలో ఉప ప్రధాని ఎల్.కె.అద్వాని మాట చెల్లి, మోడీ పదవిలో కొనసాగించడానికి బీజేపీ కార్యవర్గం అంగీకరించింది.దాంతో తన పరువుకు భంగం వాటిల్లిందని భావించిన చంద్రబాబు లోక్ సభలో విపక్షం పెట్టిన తీర్మానంపై వ్యతిరేకంగా ఓటు వేస్తారని అనుకున్నారు. కాని బీజేపీ రాయబారంతో అలా చేయకుండా జారుకున్నారు. 2004 ఎన్నికలలో ఓటమి తర్వాత బీజేపీని జీవితంలో సమర్ధించబోనని ఆయన ప్రకటించారు. కాని 2014 నాటికి దేశంలో ట్రెండ్ మోడీకి అనుకూలంగా ఉందని భావించడమే కాకుండా, ఒంటరిగా పోటీచేస్తే ఏపీలో వైఎస్ జగన్ స్థాపించిన వైఎస్సార్ కాంగ్రెస్ పార్టీ ను ఓడించలేమని గమనించి చంద్రబాబు వెంటనే ప్లేట్ ఫిరాయించారు. మెల్లగా మోడీకి దగ్గరవడానికి పలు వ్యూహాలు అనుసరించారు. ఎలాగైతేనేం..సఫలం అయ్యారు.ఆ తర్వాత కొంతకాలం సాఫిగానే సాగించారు.2018 నాటికి మళ్లీ నాటికి బీజేపీ గెలవదేమోనన్న అనుమానం వచ్చింది.దాంతో ఆయన బీజేపీని వీడి తిరిగి కాంగ్రెస్ వైపు మళ్లారు.అలా వెళితే వెళ్లవచ్చు. కాని ఈ టైమ్ లోనే చంద్రబాబు తీవ్రమైన భాష వాడి మోడీని విమర్శించేవారు.వాటిలో కొన్ని దూషణలుగా అనిపించేవి. చివరికి ఉగ్రవాదులతో కూడా పోల్చడానికి వెనుకాడలేదు. అవినీతి ఆరోపణలు చేశారు.వ్యక్తిగత జీవితంపై కూడా వ్యాఖ్యలు చేశారు. ఒక ఇంటర్వ్యూలో హూ ఈజ్ మోడీ అని ప్రశ్నించారు.మోడీ సైతం చంద్రబాబును అవినీతి పరుడని ధ్వజమెత్తేవారు.2019లో బీజేపీ మళ్లీ కేంద్రంలో అదికారంలోకి రావడం, టీడీపీ ఏపీలో ఓడిపోవడంతో చంద్రబాబు తెలివిగా రూట్ మార్చేశారు. కేంద్రంలోని బీజేపీవారితో ఎలా సంబంధాలు పెట్టుకున్నారో కాని తన పిఎస్ పై ఆదాయపన్ను శాఖ దాడులు జరిపి పలు అభియోగాలు చేసినా, ఆ కేసు తనవరకు రాకుండా చేసుకున్నారు. 2024 నాటికి మళ్లీ మోడీ, అమిత్ షా లను ప్రసన్నం చేసుకుని తిరిగి బీజేపీతో జతకలిశారు. కాని అప్పటి నుంచి గతంలో మాదిరి స్వతంత్రంగా వ్యవహరించలేకపోతున్నారేమో అనిపిస్తుంది. చంద్రబాబుకు ఒక అలవాటు ఉంది. ఏది చెప్పినా తన జీవితంలో..అంటూ వ్యాఖ్యలు చేస్తుంటారు. మోడీని విమర్శించాలనుకున్నా,తన జీవితంలో ఇంత అధ్వాన్నపు నేతను చూడలేదని అంటారు. పొగడాలనుకున్నా ఇంత గొప్ప నాయకత్వం చూడలేదని అంటారు. అన్నీ గుజరాత్ కే తీసుకువెళుతున్నారని,ఏపీకి ఏ సాయం చేయడం లేదని, అమరావతికి మట్టి ,నీళ్లు ఇచ్చారని అనగలరు. ఇప్పుడేమో రాష్ట్రాలతో కోఆపరేటివ్ పెడరలిజం అనుసరిస్తున్నారని ప్రశంసించగలరు. మోడీ నేతృత్వంలో దేశం నాశనం అయిందని చెప్పగలరు. ఇప్పుడు దేశం అభివృద్ది పధంలో పరుగులు తీస్తోందని చెప్పగలరు. మోడీ కన్నా డీఎంకే అధ్యక్షుడు స్టాలిన్ గొప్పవాడని, మోడీ కన్నా టీడీపీ సామాన్య కార్యకర్త కూడా గొప్పవాడని అనగలరు. ఇప్పుడేమో ఈ పాతికేళ్ల మోడీ ప్రస్థానంలో దేశానికి గొప్ప నాయకత్వం అందిందని, ఇది దేశ గతినే మార్చుతోందని అనగలరు. దేనికైనా చంద్రబాబు సమర్ధులే. బహుశా ఎప్పటికేది ప్రస్తుతమో దానిని పట్టుకోవడమే చంద్రబాబు విజయ రహస్యమేమో అనిపిస్తుంది. ఈ క్రమంలో ఎంత అప్రతిష్ట వచ్చినా ఆయన పట్టించుకోకపోవడం నేర్పరితనం అని చెప్పాలి. తనకు రాజకీయ ప్రయోజనం కలిగిందా?లేదా?అన్నదే ముఖ్యమని ఆయన భావిస్తారని పలు అనుభవాలు చెబుతున్నాయి. కొంతకాలం క్రితం మోడీ జన్మదినం నాడు వారణాసి వెళ్లి పూజలు చేయడం అందరిని ఆశ్చర్యపరచింది. ఒకప్పుడు టీడీపీ ఆత్మగౌరం కోసం పుట్టిన పార్టీగా ప్రచారం చేసుకుంది. తాను ఆత్మ విశ్వాసం ఇచ్చానని చంద్రబాబు చెప్పుకునేవారు. ఆ ఆత్మగౌరవం,ఆ ఆత్మ విశ్వాసం ఏమైందో కాని ప్రస్తుతం, వాటిని పక్కనబెట్టి బీజేపీ అధిష్టానాన్ని మెప్పించడానికి నానాపాట్లు పడుతున్నట్లు అనిపిస్తుంది. ఇందులో రాజకీయ కారణాలు ఉండవచ్చు. బీజేపీ తనను నమ్మడం లేదన్న అనుమానం ఉండవచ్చు. వైఎస్ జగన్ను ఏదో రకంగా ఇబ్బంది పెట్టడానికి చంద్రబాబు గట్టిగా యత్నిస్తున్నారు.దానికి సహకరించాలని ఆయన కోరుతున్నట్లు ఆరోపణలు ఉన్నాయి.అలాగే లోకేష్ నాయకత్వాన్ని ప్రమోట్ చేయడానికి కూడా ఈ పరిస్థితిని వాడుకుంటుండవచ్చు. మోడీ కన్నా చంద్రబాబు రాజకీయంగా సుమారు 23 ఏళ్ల సీనియర్ . లోపల ఆ పాయింట్ తొలుస్తున్నా,పైకి మాత్రం మోడీ గురించి ఇంత ఘనంగా వ్యాసం రాయవలసి అవసరం ఎందుకు వచ్చిందో ఆయనకే తెలియాలి.- కొమ్మినేని శ్రీనివాసరావు, సీనియర్ జర్నలిస్ట్, రాజకీయ వ్యవహారాల వ్యాఖ్యాత. -
ప్రజాస్వామ్యాన్నీ డీనోటిఫై చేస్తారు
ఛత్రపతి సంభాజీనగర్: ఢిల్లీలో నిరసన ప్రదర్శనలు నిర్వహించేందుకు కేటాయించిన జంతర్మంతర్ మాదిరిగానే ప్రధాని నరేంద్రమోదీ భవిష్యత్తులో ప్రజాస్వామ్యాన్ని కూడా డీనోటిఫై చేసే ప్రమాదం ఉందని కాక్రోచ్ జనతా పార్టీ వ్యవస్థాపకుడు అభిజీత్ దీప్కే సోమవారం వ్యాఖ్యానించారు. డీనోటిఫికేషన్ నిర్ణయాన్ని వెనక్కు తీసుకోకపోతే దేశమంతా జంతర్మంతర్ అవుతుందని హెచ్చరించారు. ‘‘జంతర్ మంతర్ను అధికారిక ప్రొటెస్ట్ సైట్ కాదంటున్నారు. నిజమే. పిరికి నియంత దాన్నిప్పుడు యుద్ధభూమిలా మార్చేశాడు. అబ్ పూరా దేశ్ జంతర్మంతర్ బనేగా’’అంటూ దీప్కే ఎక్స్లో ఒక పోస్టు చేశారు. ప్రధాని నరేంద్ర మోదీ ‘ప్రజాస్వామ్యాన్ని కూడా డీనోటిఫై’చేస్తారని వ్యాఖ్యానించారు. ‘‘నియంత అసలు సమస్య నిరసన ప్రదర్శనల కేంద్రం కాదు. ప్రజలు నిరసనలు చేస్తున్నారన్నదే’’అని విమర్శించారు. ఢిల్లీ పోలీసులు టార్చర్ పెట్టారు... ఢిల్లీ పోలీసులు తనను, కుటుంబ సభ్యులను మానసిక హింసకు గురిచేశారని అభిజీత్ దీప్కే ఆరోపించారు. అక్టోబరు పదిన తనను అదుపులోకి తీసుకున్న సందర్భంలో కుటుంబసభ్యులు ఎవరికీ తన ఆచూకీ తెలియనివ్వలేదని చెప్పారు. ఢిల్లీ పోలీసుల అదుపులో ఉండగానే దీప్కే నానమ్మ మరణించిన విషయం తెలిసిందే. ఈ వార్తను పోలీసులు తనకు తెలిపినప్పటికీ గ్రామంలో ఉన్న బంధువుకు ఫోన్ చేస్తానంటే అనుమతించలేదని, అతడి నంబరు తీసి ఇచ్చేందుకైనా ఫోన్ ఇవ్వాలన్నా నిరాకరించారని ఆరోపించారు. న్యాయవాదితో మాట్లాడేందుకు తనకున్న హక్కును కూడా తోసిపుచ్చారని ఆరోపించారు. అక్టోబరు పది నాటి నిరసన ప్రదర్శనల కోసం బయలుదేరిన తనను విమానంలోనే అదుపులోకి తీసుకున్నారని, తల్లిదండ్రులకు గానీ, న్యాయవాదికి కానీ తన ఆచూకీ తెలపలేదని ఆరోపించారు. ఢిల్లీ పోలీసులు మాత్రం దీప్కే నానమ్మ మరణవార్తను అతడికి చేరవేశామని, సహాయం ఏదైనా అవసరమని అడిగితే అతడు తిరస్కరించాడని ఆరోపిస్తూ ఒక వీడియో కూడా విడుదల చేశారు. దీనిపై ‘‘నానమ్మ మరణవార్తను పోలీసులు నాకు చెప్పి ఉంటే వాళ్లు మధ్యాహ్నం 3.30 గంటలకు అరెస్ట్ పేపర్లతో ఎందుకు వచ్చారు? దానిపై సంతకం పెట్టాలని బలవంతపెట్టారు’’? అని ఢిల్లీ పోలీసులను ప్రశ్నించారు. తల్లిదండ్రులతో మాట్లాడమని పోలీసులు చెబితే.. వారి ఆరోగ్యం సరిగా లేనందున తాను నానమ్మతోపాటు ఉండే బంధువుకు కాల్ చేయమని అడిగానని దీప్కే వివరించారు. ఢిల్లీ పోలీసులు ఇందుకు నిరాకరించారని, అన్నారు. నాతో పాటు తల్లిదండ్రులపై కూడా ఒత్తిడి తీసుకురావాలన్నది వారి ఉద్దేశమని విమర్శించారు. నానమ్మ మరణ వార్త చెప్పేందుకు వారు మూడు కెమెరాలతో రావడమే అందుకు నిదర్శనమన్నారు. ‘‘ఢిల్లీ పోలీసులు ఎడిట్ చేసిన వీడియో ప్రసారం చేస్తున్నారు. దమ్ముంటే మొత్తం వీడియో చూపమనండి. నా ప్రాథమిక హక్కులకు భంగం చేసిన విషయం తెలుస్తుంది’’అని సవాలు విసిరారు. ‘‘మోదీ నియంతృత్వం నశించేంతవరకూ పోరాడతాను’’అని స్పష్టం చేశారు. -
ఓట్ల తొలగింపు కుట్రలో మోదీ, షా
సాక్షి, న్యూఢిల్లీ: దేశంలో ప్రజాస్వామ్యాన్ని ఖూనీ చేసి, అధికారాన్ని శాశ్వతంగా తమ గుప్పిట్లో ఉంచుకోవాలనే లక్ష్యంతో ప్రధాని నరేంద్ర మోదీ, కేంద్ర హోంమంత్రి అమిత్ షా ఎన్నికల సంఘాన్ని దుర్వినియోగం చేస్తున్నారని ముఖ్యమంత్రి ఎ.రేవంత్ రెడ్డి తీవ్రస్థాయిలో ధ్వజమెత్తారు. బీజేపీకి వ్యతిరేకంగా ఉన్న పేదలు, దళితులు, ఆదివాసులు, గిరిజనులు, మైనారిటీలు, యువత ఓట్లను లక్ష్యంగా చేసుకుని వారి ఓట్లను తొలగిస్తున్నారని ఆరోపించారు.దేశంలో ఇప్పటికే 13 కోట్ల ఓట్లు తొలగించారని, దీనిపై కేంద్రం సమాధానం చెప్పాలని డిమాండ్ చేశారు. ఆనాడు స్వాతంత్య్రం కోసం ‘సైమన్ గో బ్యాక్’ఉద్యమం సాగిందని, ఇప్పుడు ఓటు హక్కును కాపాడుకునేందుకు ‘జ్ఞానేశ్ గో బ్యాక్’, ‘ఎస్ఐఆర్ గో బ్యాక్’ నినాదాలతో ఉద్యమించాల్సిన అవసరం వచ్చిందని పిలుపునిచ్చారు. ‘ఓట్ బచావో.. దేశ్ బచావో’ఆందోళనలో భాగంగా ఢిల్లీ తెలంగాణ భవన్లో సోమవారం మంత్రులు, ఎమ్మెల్యేలు, ఎంపీలు, ఎమ్మెల్సీలు, పార్టీ నేతలతో సీఎం సమావేశమయ్యారు. రాహుల్ బస్సు యాత్రకు ముందుగా నిర్వహించిన సమావేశంలో రేవంత్ ప్రసంగించారు.బీజేపీ గెలుపు కోసమే దుర్వినియోగం ఎన్నికల సంఘం స్వతంత్రంగా, నిష్పక్షపాతంగా వ్యవహరించాల్సి ఉండగా.. అధికార పార్టీ ప్రయోజనాలకు అనుగుణంగా నిర్ణయాలు తీసుకుంటోందని రేవంత్రెడ్డి ఆరోపించారు. బీజేపీ గెలుపు కోసం ఎన్నికల సంఘాన్ని దుర్వినియోగం చేశారని, ఇది బయటపడుతుందనే భయంతో సీఈసీ జ్ఞానేశ్కుమార్ను కాపాడుతున్నారని మండిపడ్డారు. ఎన్నికల వ్యవస్థను తమకు అనుకూలంగా మార్చుకుని, రాజకీయ ప్రత్యర్థుల ఓటు బలాన్ని దెబ్బతీసే ప్రయత్నం జరుగుతోందన్నారు. బిహార్, పశి్చమ బెంగాల్, హరియణా, మహారాష్ట్ర తదితర రాష్ట్రాల్లో ఓటర్ల జాబితా సవరణలు, ఎన్నికల పరిణామాలను ప్రస్తావిస్తూ.. బీజేపీకి లబ్ధి చేకూరేలా వ్యవస్థను ఉపయోగిస్తున్నారని ఆరోపించారు. జ్ఞానేశ్ కుమార్ వ్యవహారశైలిపై అభ్యంతరాలు వ్యక్తమవుతున్నా, ఆయనపై చర్యలు తీసుకునేందుకు మోదీ, అమిత్ షా ఎందుకు ముందుకు రావడం లేదని ప్రశ్నించారు.20 కోట్ల ఓట్లు తొలగిస్తున్నారు.. 2014లో మోదీ తొలిసారి ప్రధానమంత్రి పదవికి పోటీ చేసిన సమయంలో దేశంలో సుమారు 81 కోట్ల మంది ఓటర్లు ఉన్నారని, 2019లో ఈ సంఖ్య 91 కోట్లకు, 2024 ఎన్నికల నాటికి 97 కోట్లకు చేరిందని రేవంత్రెడ్డి వివరించారు. అయితే 2026లోకి వచ్చేసరికి 13 కోట్ల ఓట్లను తొలగించారని ఆరోపించారు. ఈ తొలగించే ఓట్ల సంఖ్యను 20 కోట్లకు పెంచే ప్రయత్నం జరుగుతోందని ఆందోళన వ్యక్తం చేశారు. జనాభా పెరుగుతున్నప్పుడు ఓటర్ల సంఖ్య తగ్గడానికి కారణమేంటని ప్రశ్నించారు. ఈ అంశంపై రాష్ట్రపతి, సుప్రీంకోర్టు ప్రధాన న్యాయమూర్తి స్పందించాలని కోరారు.రాజ్యాంగబద్ధమైన వ్యవస్థలు ప్రజల సందేహాలను నివృత్తి చేయాల్సిన అవసరం ఉందన్నారు. బీజేపీ ప్రభుత్వం దేశ ప్రజలను రెండు వర్గాలుగా విభజించే పరిస్థితిని సృష్టిస్తోందని సీఎం విమర్శించారు. ఒకవైపు అధికార పారీ్టకి అనుకూలంగా ఉన్న సంపన్నులకు రాజకీయ ప్రాధాన్యం లభిస్తుండగా, మరోవైపు పేదలు, దళితులు, ఆదివాసులు, గిరిజనులు, మైనారిటీల ఓటు హక్కుకే ముప్పు ఏర్పడుతోందని ఆరోపించారు. ఓటు హక్కును కోల్పోయే పరిస్థితి ఏర్పడితే ప్రభుత్వ పథకాలు, రేషన్ వంటి ప్రయోజనాల విషయంలోనూ పేదలు ఇబ్బందులు ఎదుర్కొనే ప్రమాదం ఉందని ఆందోళన వ్యక్తం చేశారు.పేదల పక్షాన కాంగ్రెస్ పోరాటం ఓటర్ల జాబితాల్లో అక్రమాలు జరుగుతున్నాయంటూ దేశ ప్రజల దృష్టికి తెచి్చన నాయకుడు రాహుల్ గాంధీ అని రేవంత్రెడ్డి పేర్కొన్నారు. పేదలు, బడుగు బలహీన వర్గాల హక్కుల పరిరక్షణ కోసం కాంగ్రెస్ పార్టీ, ఇండియా కూటమి పోరాటం చేస్తున్నాయని తెలిపారు. ఇప్పుడు ప్రజల హక్కుల పరిరక్షణ కోసం స్వాతంత్య్ర ఉద్యమం తరహా పోరాటం అవసరమైందంటూ వ్యాఖ్యానించారు. ఓటర్ల జాబితాల సవరణలపై ఉన్న అభ్యంతరాలను పరిష్కరించకుండా, నిరసనలను అణచివేసే ప్రయత్నాలు చేయడం ప్రజాస్వామ్య స్ఫూర్తికి విరుద్ధమన్నారు.గతంలో ఎన్నికల సంఘం ఒక్క కమిషనర్ నేతృత్వంలో పనిచేసేదని, అయితే, ఈ సంస్థలో మరింత పారదర్శకత తెచ్చేందుకు పీవీ నరసింహారావు ప్రధానమంత్రిగా ఉన్న సమయంలో ముగ్గురు కమిషనర్ల విధానాన్ని తెచ్చారని రేవంత్ రెడ్డి గుర్తు చేశారు. గతంలో ఎన్నికల కమిషనర్ల నియామకంలో పారదర్శకతకు ప్రాధాన్యం ఇచ్చేవారన్నారు. జ్ఞానేశ్ కుమార్ను ప్రధాన ఎన్నికల కమిషనర్గా నియమించే సమయంలోనే రాహుల్గాంధీ తీవ్ర అభ్యంతరం వ్యక్తం చేశారని గుర్తుచేశారు.ఓటు హక్కు కల్పించేందుకు ఎస్ఐఆర్ 1950లో నెహ్రూ ప్రధానిగా ఉన్న సమయంలో, తర్వాత ఇందిరాగాంధీ, వాజ్పేయి ప్రభుత్వాల కాలంలోనూ సర్ ప్రక్రియ జరిగిందని సీఎం రేవంత్రెడ్డి గుర్తు చేశారు. అయితే, గతంలో ఓటర్ల జాబితాలో పేర్లు లేని అర్హులైన వారిని చేర్చడంపైనే ప్రధానంగా దృష్టి పెట్టేవారన్నారు. ఇప్పుడు మోదీ, అమిత్ షాల పాలనలో మాత్రం ఇప్పటికే ఓటు హక్కు ఉన్నవారి పేర్లను తొలగించే ప్రయత్నం జరుగుతోందని మండిపడ్డారు. తమ అధికారానికి అడ్డుగా ఉన్న రాజకీయ ప్రత్యర్థులను దెబ్బతీసేందుకు కేంద్ర ప్రభుత్వం గతంలో ఈడీ, సీబీఐ, ఆదాయపు పన్ను శాఖ, నార్కోటిక్స్ విభాగం వంటి సంస్థలను ఉపయోగించుకుందని, ఇప్పుడు వాటితో రాజకీయ ప్రత్యర్థులను ఎదుర్కోవడం కష్టమవుతోందనే ఉద్దేశంతో ఎస్ఐఆర్ను తెరపైకి తెచ్చారని మండిపడ్డారు.బీజేపీ గెలిచేలా ఈసీ అక్రమాలు: భట్టి ఎస్ఐఆర్ పేరుతో బీజేపీ మాత్రమే గెలిచేలా ఎన్నికల కమిషన్ ద్వారా అక్రమాలు జరుగుతున్నాయని ఉప ముఖ్యమంత్రి భట్టి విక్రమార్క ఆరోపించారు. దేశ పౌరుల ఓటు హక్కును పరిరక్షించడమే లక్ష్యంగా కాంగ్రెస్ పార్టీ పోరాటం సాగిస్తోందన్నారు. ఢిల్లీలో నిర్వహించిన సత్యాగ్రహంలో పాల్గొన్న ఆయన మీడియాతో మాట్లాడారు. ప్రజలు తమకు నచ్చిన ప్రభుత్వాన్ని ఎన్నుకునే ప్రాథమిక హక్కును కాపాడుకోవాల్సిన అవసరం ఉందన్నారు.ఎస్ఐఆర్ ప్రక్రియ ద్వారా ఓటు హక్కుకు విఘాతం కలిగించే ప్రయత్నాలు జరుగుతున్నాయని ఆరోపించారు. ఈ అంశంపై రాహుల్ గాంధీ కొంతకాలంగా దేశ ప్రజలను అప్రమత్తం చేస్తున్నారని, ఏఐసీసీ అధ్యక్షుడు ఖర్గే నాయకత్వంలో దేశవ్యాప్తంగా ఓట్ల చోరీకి వ్యతిరేకంగా ఉద్యమాన్ని ముందుకు తీసుకెళ్తున్నామని చెప్పారు. ఓటర్ల హక్కుల అంశాన్ని రాష్ట్రపతితోపాటు వివిధ రాజ్యాంగ సంస్థల దృష్టికి గతంలోనూ తీసుకెళ్లామని భట్టి తెలిపారు. ప్రజాస్వామ్య పరిరక్షణ కోసం గాంధేయ మార్గంలో శాంతియుతంగా సత్యాగ్రహం నిర్వహిస్తున్నట్లు చెప్పారు. దేశవ్యాప్త ఉద్యమం: మహేశ్ గౌడ్ ప్రధాని మోదీ, కేంద్ర ఎన్నికల సంఘం వ్యవహరిస్తున్న తీరుపై యువత తీవ్ర ఆగ్రహంతో ఉన్నారని టీపీసీసీ అధ్యక్షుడు మహేశ్కుమార్ గౌడ్ పేర్కొన్నారు. ఓట్ల చోరీపై తమ ఉద్యమం ఆగదని చెప్పారు. ఓట్ల చోరీ ద్వారానే దేశంలో గెలవాలని బీజేపీ ప్రయతి్నస్తోందని, ఇందుకు ఈసీ మద్దతుగా ఉంటోందని ఆరోపించారు. ఎస్ఐఆర్ ప్రక్రియలో అక్రమాలు జరిగాయనేందుకు అనేక ఆధారాలు ఉన్నాయని, ఈ అంశంపై సుప్రీంకోర్టు తమ వాదనలను వినాలని కోరారు. ఎన్నికల ప్రక్రియపై ప్రజల్లో విశ్వాసం నిలబెట్టేందుకు సీఈసీ రాజీనామా చేయాలని డిమాండ్ చేశారు. లేనిపక్షంలో కేంద్ర ప్రభుత్వం ఆయనను పదవి నుంచి తొలగించాలని కోరారు.అందరూ ఢిల్లీలోనే ఉండండి‘ఓట్ బచావో’ ఉద్యమం కోసం ఢిల్లీ వచి్చన నేతలు మళ్లీ చెప్పే వరకూ ఢిల్లీ విడిచి వెళ్లొద్దని సీఎం రేవంత్ ఆదేశించారు. ఈ ఉద్యమం ఒక్కరోజుతో అయ్యేది కాదన్నారు. రాహుల్ గాంధీ ఎన్నిరోజులని చెబుతారో తెలియదని, కాబట్టి రిటర్న్ టికెట్స్ ఎవరూ బుక్ చేసుకోవద్దని సూచించారు. ఢిల్లీకి వచి్చన నేతలు అరెస్టయ్యే అవకాశాలు ఉన్నాయని, కాబట్టి వారందరికీ సాయం చేసేందుకు హెల్ప్ డెస్క్ అవసరం అన్నారు. అరెస్టయిన వారిని విడిపించేందుకు ఎవరి స్థాయిలో వాళ్లు పని చేయాలని చెప్పారు. అరెస్ట్ చేసిన మనవాళ్లను ఢిల్లీ, పక్కరాష్ట్రాలకు తరలించే అవకాశాలు ఉన్నాయని, వారందరికీ ధైర్యం కల్పించేందుకు హెల్ప్ డెస్క్ అవసరం అన్నారు. ఇది 24 గంటలూ పని చేసేలా ఉండాలని ఎంపీలు మల్లు రవి, చామల కిరణ్ కుమార్రెడ్దిలను రేవంత్ ఆదేశించారు.విచారణకు సిద్ధమా: పొన్నంఓటర్ల జాబితాలో పేర్లు గల్లంతైతే తామే సిస్టమ్లో చేరి్పస్తామంటూ బీజేపీ రాష్ట్ర అధ్యక్షుడు రాంచందర్రావు చేసిన వ్యాఖ్యలపై మంత్రి పొన్నం ప్రభాకర్ తీవ్రంగా స్పందించారు. ఎన్నికల సంఘం అధికారాలను తమ జేబు సంస్థగా భావించి మాట్లాడటం మానుకోవాలని హితవు పలికారు. ఏసీ గదుల్లో కూర్చొని సవాళ్లు విసరడం కాదని, ఏయే బూత్లు, వార్డుల్లో ఓట్లు తొలగించబడ్డాయో విచారణకు సిద్ధమా? అని సవాల్ విసిరారు. ఓటర్ల జాబితా తయారీ, సవరణలు, ఓట్ల తొలగింపు పూర్తిగా ఎన్నికల సంఘం పరిధిలోని రాజ్యాంగబద్ధమైన ప్రక్రియ అని స్పష్టం చేశారు.ఇదీ చదవండి: ఎన్నో సంక్షేమ పథకాలు అందించిన జగన్ ఓడిపోవడమేంటి? -
జలకండేశ్వర ఆలయాన్ని సందర్శించిన ప్రధాని మోదీ.. అక్కడ అడుగడుగునా అద్భుతాలే.!
ప్రధాని నరేంద్ర మోదీ చెన్నై మెట్రో రైలు ప్రారంభోత్సవంలో భాగంలో తమిళనాడులో పర్యటించిన సంగతి తెలిసిందే. ఈ నేపథ్యంలోనే అక్కడ ఐఐటీ మద్రాస్ని సందర్శించడమే గాక అక్కడ ప్రాంగణంలో ఉన్న ప్రసిద్ధ జలకండేశ్వర ఆలయాన్ని సందర్శించి పూజలు చేశారు. దీంతో సర్వత్రా ఆ ఆలయంపై ఆసక్తి నెలకొనడమే గాక ఆ దేవాలయ విశేషాల గురించి తెగ ఆరా తీయడం ప్రారంభించారు. మరి ఏంటి ఆ ఆలయ విశిష్టత, అక్కడి ప్రత్యేకతలు గురించి సవివరంగా తెలుసుకుందామా..!.ప్రధాని నరేంద్ర మోదీ వెల్లూరు కోటలో చరిత్రకు, ముగ్ధమనోహరమైన శిల్పాలకు ఆలవాలమైన ఈ ఆలయాన్ని సందర్శించి పూజలు చేశారు. శివుని సంబంధించిన ఈ ఆలయంలో విజయనగర యుగం నాటి వాస్తు లక్షణాలు, విస్తృతమైన రాతి నైపుణ్యాన్ని కళ్లకు కట్టినట్లు చూపిస్తాయి..అక్కడి స్థంభాలపై ఉండే డిజైన్లు. తమిళనాడు చూడాలనుకునే యాత్రికులు తప్పక చూడాల్సిన జలకండేశ్వర ఆలయం ఇది. జలకండేశ్వర ఆలయం చారిత్రక వెల్లూరు కోట లోపల ఉంది. ఇది అత్యంత భిన్నమైన ఆలయం. దీని వాస్తుశిల్పం విజయనగర శైలికి చెందింది. భారీ ద్వారాలు, స్థంభాలు, వివరమైన శిల్పకళకు ప్రసిద్ధి చెందింది. ఈ ఆలయ సముదాయంపైన తొమ్మిది అంతస్థుల గోపురం వంద అడుగుల కంటే ఎక్కువ ఎత్తులో ఉంటుంది. . దానిపై చెక్కిన శిల్పాలు చూపురులను ఎంతగానో ఆకర్షి్తాయి. దగ్గరక చూసేకొద్దీ మరింత అద్భుతంగా అనిపిస్తాయి.నీటితో ముడిపడి ఉన్న ఆలయ చరిత్ర...ఈ ఆలయం అత్యంత విశిష్ట లక్షణాలలో ఒకటి అగళి. అంటే గర్భగుడి చుట్టూ ఉన్న నీటితో నిండిన కందకం. ఈ నీరు రాతి నిర్మాణంతో ఒక అద్భుతమైన వైరుధ్యాన్ని ఏర్పరుస్తూ, ఈ సముదాయానికి ఒక సాధారణ ఆలయ ప్రాంగణానికి భిన్నమైన వాతావరణాన్ని ఇస్తుంది. నీటితో ఉన్న ఈ సంబంధం ఆలయం పేరులో కూడా ప్రతిబింబిస్తుంది. ఇక్కడ జలకండేశ్వరుడిని శివుని రూపంగా పూజిస్తారు. ఈ ఆలయ చరిత్ర గర్భగుడి చుట్టూ ఉన్న నీటితో సన్నిహితంగా ముడిపడి ఉంది. ఆలయం లోపల, అభిషేకం కోసం గంగా గౌరీ తీర్థం అనే పురాతన బావి నుంచి నీటిని తోడతారు. ఇది ఆలయ వాస్తుశిల్పాన్ని దాని మతపరమైన సంప్రదాయాలతో అనుసంధానించే మరో అంశం.ఇక్కడ ఉండే కళ్యాణ మండపం, అంటే వివాహ మండపం. ఆలయ వాస్తుశిల్పంలోని ముఖ్యాంశాలలో ఒకటి. దానిపై ఉన్న విస్తృతమైన శిల్పాలు, శిల్ప వివరాలు విజయనగర కాలం నాటి కళాత్మక ఊహాశక్తి నిలువుటద్దం. ముఖ్యంగా ఒక శిల్పాన్ని నిశితంగా పరిశీలిస్తే..దానిని చూసే కోణాన్ని బట్టి అది ఒక ఎద్దుగా లేదా ఏనుగుగా కనిపిస్తుంది. చారిత్రక వాస్తుశిల్పంలో దాగి ఉన్న కథలు సందర్శకులకు, దృశ్యపరమైన చిక్కుముడులను అందిస్తూ..అత్యంత ఆసక్తికరంగా ఉంటాయి.మండపం స్తంభాలు కూడా గుర్రాలు, డ్రాగన్లు, యాలిలతో సహా క్లిష్టమైన ఆకృతులతో రూపొందించారు శిల్పులు. యాలిలు అంటే దక్షిణ భారత ఆలయ కళలో తరచుగా సింహం వంటి రూపాలతో చిత్రీకరించబడే పౌరాణిక జీవులు.సాధారణంగా వెయ్యి స్తంభాల మండపం అని పిలువబడే ఐరంగల్ మండపం, ఈ ప్రాంగణంలో హడావిడిగా తిరగకుండా, కాసేపు ఆగి చూడటానికి మరో కారణం. విజయనగర వాస్తుశిల్పానికి సంబంధించిన విస్తృతమైన హస్తకళను ప్రదర్శించే, చెక్కిన రాతి స్తంభాలకు ఈ మండపం ప్రసిద్ధి చెందింది.సందర్శించే సమయాలుఆలయం అధికారిక వెబ్సైట్ ప్రకారం సందర్శన సమయాలు ఉదయం 6:30 నుంచి మధ్యాహ్నం 1 గంట వరకు. తిరిగి మధ్యాహ్నం 3 గంటల నుంచి రాత్రి 8:30 వరకు దర్శన వేళలు ఉంటాయి. ఎలా చేరుకోవాలిచెన్నై అంతర్జాతీయ విమానాశ్రయానికి సుమారుగా 135 కిలోమీటర్ల దూరంలో ఉంది. వెల్లూరుకు రైలు మార్గం ద్వారా కూడా చేరుకోవచ్చు, ఈ నగరానికి కాట్పాడి జంక్షన్ ఒక ప్రధాన రైల్వే స్టేషన్గా పనిచేస్తుంది. -
ఒక్క ట్వీట్ తో భారతీయులను రెచ్చగొట్టిన మస్క్
-
సీఎం విజయ్తో చేతులు కలుపుతా..
సాక్షి, చెన్నై: తమిళనాడు అభివృద్ధి ప్రస్థానానికి నాయకత్వం వహించేందుకు సీఎం విజయ్తో చేతులు కలుపుతాననని ప్రధాని నరేంద్ర మోదీ వ్యాఖ్యానించారు. తమిళనాడులో ప్రభుత్వాలు మారుతూ వచ్చినా, తమిళనాడు అభివృద్ధి, ఇక్కడి ప్రజలకు సేవ చేయాలన్న తన సంకల్పం మాత్రం ఎప్పుడూ స్థిరంగా ఉన్నాయని స్పష్టం చేశారు. తాజాగా కూడా అదే సంకల్పంతో సీఎం విజయ్తో కలిసి తమిళనాడు అభివృద్ధి ప్రయాణాన్ని ముందుకు తీసుకెళ్తున్నానని ప్రకటించారు. ఐఐటీ క్యాంపస్లో జరిగిన కార్యక్రమంలో ప్రధాని మోదీ ప్రసంగించారు. ‘‘ఈ రోజు మన దేశానికి, తమిళనాడుకు చాలా ముఖ్యమైన రోజు. ఈ రోజు ప్రారంభించిన ప్రాజెక్టులు తమిళనాడు యువతకు వివిధ ఉపాధి అవకాశాలను కల్పిస్తాయి. పవిత్రమైన నవరాత్రి పండుగ ఈ రోజు నుంచి ప్రారంభమవుతుంది’’ అని వ్యాఖ్యలు చేశారు. ఈ పవిత్రమైన రోజున, శివుని శక్తి పీఠం కొలువై ఉన్న తమిళనాడులో తాను ఉన్నానని, ఈ పుణ్యక్షేత్రమైన తమిళనాడు నుండి, దేశ ప్రజలకు నవరాత్రి శుభాకాంక్షలు తెలియజేస్తున్నానని ప్రకటించారు. తనకు ఐఐటి మద్రాస్లోని బ్రెయిన్ రీసెర్చ్ సెంటర్ను సందర్శించే అవకాశం లభించిందని, ఈ రంగంలో జరుగుతున్న పరిశోధనలు ప్రజారోగ్య రంగంలో కొత్త అవకాశాలనుసృష్టిస్తాయన్నారు. అలాగే, చెన్నై మెట్రోలో మరో విస్తరణను ప్రారంభించే అవకాశం తనకు లభించిందన్నారు. తాను ముఖ్యమంత్రిగా ఉన్నప్పుడు, కరుణానిధి, జయలలితలతో చాలాసార్లు సంభాషించే అవకాశం లభించిందన్నారు. ప్రధానమంత్రి అయ్యాక, జయలలిత, ఓపీఎస్, పళనిస్వామి, స్టాలిన్ వంటి వారితో కలిసి పనిచేసే అవకాశం దొరికిందన్నారు. ప్రభుత్వాలు మారుతూ వచ్చినా, తమిళనాడు అభివృద్ధి, ఇక్కడి ప్రజలకు సేవ చేయాలన్న తన సంకల్పం మాత్రం ఎప్పుడూ స్థిరంగా ఉన్నాయన్నారు. తాజాగా అదే సంకల్పంతో, సీఎం విజయ్తో కలిసి తమిళనాడు అభివృద్ధి యాత్రను ముందుకు తీసుకువెళ్తున్నట్టు తెలిపారు. ఇదీ చదవండి: జ్ఞానేశ్పై మరో అస్త్రంతో ఇండియా కూటమి! -
Gen Z కి PM నరేంద్ర మోదీ కీలక పిలుపు
-
మీ బెదిరింపులకు నేను భయపడను.. అభిజీత్ దీప్కే సంచలనం
-
అసమర్థత వల్లే మోదీ మౌనం
సాక్షి, హైదరాబాద్: ‘ప్రధాని నరేంద్ర మోదీ సాధారణంగా ఆన్లైన్లో ఎంతో చురుగ్గా ఉంటారు. గొప్ప కమ్యూనికేటర్. అయితే, ఢిల్లీ నిరసనల నడుమ పది రోజులుగా ఆయన నోటి నుంచి చిన్న శబ్దం కూడా రాలేదు. ఈ మౌనం బలహీనత, అసమర్థత, అనిశ్చితి, అభద్రతా భావాన్ని సూచిస్తోంది’ అని ప్రముఖ జర్నలిస్టు కరణ్ థాపర్ విమర్శించారు. నిరంతరం మాట్లాడే నాయకుడి నుంచి ఇటువంటి మౌనం అసాధారణమని చెప్పారు. ఏమి మాట్లాడాలో తెలియకపోవడంతో ప్రధాని మౌనంగా ఉన్నారనిదుయ్యబట్టారు. కేవలం మాటలు మాత్రమే పరిస్థితిని శాంతపరచలేవని, ఆందోళనల్లో పాల్గొంటున్న కాక్రోచ్ జనతా పార్టీ, సమాజం, విద్యార్థులు, కాంగ్రెస్, ఇతర పార్టీల డిమాండ్లకు స్పందించడానికి ప్రధాని నమ్మదగిన చర్యలు తీసుకోవాల్సి ఉందన్నారు. మంథన్ ఆధ్వర్యంలో ఆదివారం శిల్పకళా వేదికలో నిర్వహించిన సంవాద్–2026 కార్యక్రమంలో ఆయన నవీకా హర్షేతో ఇంటర్వ్యూలో మాట్లాడారు. ఢిల్లీలో ఆందోళనను అణచివేయడానికి 245 రైళ్లను రద్దు చేయడంతోపాటు 47 మెట్రో స్టేషన్లను మూసివేసి మొత్తం నగరాన్ని లాక్డౌన్ చేశారని కరణ్ మండిపడ్డారు.ఆందోళన చేస్తున్న ప్రజల అభిప్రాయాలు, ఆందోళనలపై లోతుగా కవరేజ్ కల్పించాల్సిన టీవీ చానెళ్లు ఉద్దేశపూర్వకంగా విస్మరించాయని తప్పుబట్టారు. కేంద్రానికి ఇబ్బందికరమైన సమాచారాన్ని మీడియా చూపించడం లేదని, కేంద్ర ప్రభుత్వం మారితే ధోరణిలో మార్పు రానుందని ఓ ప్రశ్నకు బదులిచ్చారు. ప్రధాన స్రవంతి మీడియా అపస్మారక స్థితిలో ఉందని, కోలుకోవడానికి ఎక్కువ సమయమేమీ పట్టదన్నారు. 2004లో తాను మోదీతో నిర్వహించిన ఇంటర్వ్యూ కేవలం 2.30 నిమిషాల్లో ముగిసిందని, గోధ్రా అల్లర్ల నేపథ్యంలో ఆయన్ను మాస్ మర్డరర్గా జనం చూస్తున్నారని తాను అడిగిన ఓ ప్రశ్నకు మోదీ కోపగించుకుని ఇంటర్వ్యూ అర్ధాంతరంగా ముగించారని గుర్తు చేసుకున్నారు.అణగారిన వర్గాలపైనే విద్వేషాలు: షారూఖ్ ఆలం, సుప్రీం కోర్టు న్యాయవాదివిద్వేష ప్రసంగాలు, దుర్భాష రెండు వేర్వేరని సుప్రీంకోర్టు ప్రముఖ న్యాయవాది షారుఖ్ ఆలం స్పష్టం చేశారు. అధికారపక్షం అండతో అణగారిన వర్గాలపై విద్వేష ప్రసంగాలు చేసేవారిని, అధికారపక్షాన్ని ప్రశ్నించే అణగారిన వర్గాల ను న్యాయస్థానాలు ఒకేగాట కింద కట్టడం తప్పుడు సమానత్వమేనని అభిప్రాయపడ్డారు. విద్వేష ప్రసంగాలపై సంవాద్లో ఆమె మాట్లాడారు. రాజకీయ జనసమీకరణ కోసం విద్వేష ప్రసంగాలను ప్రోత్సహిస్తున్నారని విమర్శించారు.సామూహిక నిఘా రాజ్యాంగ విరుద్ధం: అపార్ గుప్తాఒకే దేశం, ఒకే భాష, ఒకే మతం, ఒకే ఎన్నికలు.. అని కేంద్రం ప్రజలపై రుద్దే ప్రయత్నం చేస్తోందని సుప్రీం కోర్టు న్యాయవాది, ఇంటర్నెట్ ఫ్రీడమ్ ఫౌండేషన్ వ్యవస్థాపకుడు అపార్ గుప్తా విమర్శించారు. ప్రజలపై పాలకులు సామూహిక నిఘా పెట్టడం రాజ్యాంగ విరుద్ధమన్నారు. డిజిటలైజేషన్తో అజ్ఞానం పెరుగుతోందనే అంశంపై ఆయన ప్రసంగించారు. సీబీఎస్ఈ తీసుకొచి్చన ఆన్స్క్రీన్ మార్కింగ్ విధానంలో అవకతవకలు, దారి పర్యవసానాలను వివరించారు. గ్లోబరీనా సంస్థ వైఫల్యాలతో తెలంగాణలో 20 మంది విద్యార్థులు చనిపోయారని, అదే సంస్థ పేరు మార్చుకుని ఆన్్రస్కీన్ మార్కింగ్ కాంట్రాక్టు పొందిందని ఆరోపించారు.మొఘలుల చరిత్రపై...మొఘలుల చరిత్రను మతపరమైన ఘర్షణలు, పాలకుల వ్యక్తిత్వాల ఆధారంగా మాత్రమే అర్థం చేసుకోవడం చారిత్రక వాస్తవాలను విస్మరించడమేనని ఢిల్లీ విశ్వవిద్యాలయం ప్రొఫెసర్ ఫర్హత్ హసన్ అన్నారు. సంవాద్ కార్యక్రమంలో ‘వై స్టడీ ది మొఘల్ ఎంపైర్? రిఫ్లెక్షన్స్ ఆన్ ఇట్స్ పొలిటికల్ కల్చర్ అండ్ లెగసీ’ అంశంపై ఆయన ప్రసంగించారు. మొఘలుల చరిత్రపై సామాజిక మాధ్యమాలు, సినిమాలు, ముఖ్యంగా వాట్సాప్ యూనివర్సిటీ, పాఠ్యపుస్తకాల్లో వస్తున్న వివరణలను విమర్శనాత్మకంగా పరిశీలించాలని.. చరిత్ర రచనకు ఆధారాలు, శాస్త్రీయ విశ్లేషణ కీలకమన్నారు.ప్రముఖ రచయిత, ఫిల్మ్మేకర్ సుబ్రతో ఛటోపాధ్యాయ్ మాట్లాడుతూ.. బంగ్లాదేశ్ ఆవిర్భావం వెనుక తొమ్మిది నెలల దౌత్య ప్రయత్నాలు, వ్యూహాత్మక ప్రణాళికలు, సైనిక సన్నద్ధత, విముక్తి పోరాట యోధుల త్యాగాలు ఉన్నాయని చెప్పారు. ఇప్పుడు అధికారం కోసం నిరాయుధ ప్రజలపై సైనిక బలాన్ని ప్రయోగించడం ఆమోదయోగ్యం కాదని స్పష్టం చేశారు. కాగా, మంథన్ సంవాద్లో ఏఆర్ రెహమాన్ సంగీత ప్రస్థానాన్ని భారతదేశ సామాజిక, సాంస్కృతిక పరిణామాలతో అనుసంధానిస్తూ సంగీతకారులు ఎంఆర్ శరణ్, స్వరూప్ మామిడిపూడి, రోహిత్ జరిపిన చర్చ ఆకట్టుకుంది.ఇదీ చదవండి: అదే అలజడి -
ఢిల్లీ నిరసనలు.. జెన్జీపై మోదీ కీలక వ్యాఖ్యలు
చెన్నై: ప్రస్తుతం ప్రపంచం ఎదుర్కొంటున్న సమస్యలకు పరిష్కారాలు చూపించే సామర్థ్యం జెన్-జీ యువతకు ఉందని ప్రధానమంత్రి నరేంద్ర మోదీ అన్నారు. యువత తమ భవిష్యత్తును విశాల దృక్పథంతో చూడాలని, పెద్ద కలలు కనాలని, వినూత్నంగా ఆలోచిస్తూ నిర్భయంగా ముందుకు సాగాలని పిలుపునిచ్చారు. చెన్నైలోని నందంబాక్కంలో జైగోపాల్ గరోడియా హిందూ విద్యాలయ మెట్రిక్యులేషన్ హయ్యర్ సెకండరీ పాఠశాల స్వర్ణోత్సవ వేడుకల్లో ఆయన పాల్గొని ప్రసంగించారు.ఆయన మాట్లాడుతూ ‘‘నేడు ప్రపంచం అనేక సమస్యలకు పరిష్కారాల కోసం ఎదురుచూస్తోంది. ఆ పరిష్కారాలను అందించే సామర్థ్యం మీలో ఉంది. ప్రతి యువకుడు తన భవిష్యత్తును విశాలమైన దృక్పథంతో చూడాలని నేను కోరుకుంటున్నాను. ఎందుకంటే ఇది మీ సమయం.. మీకు లభించిన గొప్ప అవకాశం.మీలో ప్రతి ఒక్కరూ నిర్భయంగా ఉండేందు్కు మీకు మీరే అవకాశం ఇచ్చుకోండి. మీ ఆలోచనలపై పనిచేయండి. పెద్ద కలలు కనండి. భిన్నంగా ఆలోచించండి. ఎలాంటి భయం లేకుండా ముందుకు సాగండి’ అని అన్నారు.అభివృద్ధి చెందిన భారతదేశ నిర్మాణానికి అవసరమైన కొత్త ఆలోచనలు, పరిష్కారాలు కేవలం దేశ భవిష్యత్తునే కాకుండా ప్రపంచ భవిష్యత్తును కూడా ప్రభావితం చేస్తాయని పేర్కొన్నారు. తాను వారణాసి (కాశీ) ప్రజల ప్రతినిధినని మోదీ ఈ సందర్భంగా పేర్కొన్నారు. నిర్భయంగా జీవించాలనే స్ఫూర్తిని అందించే మహాకవి సుబ్రహ్మణ్య భారతి రచనలను ప్రస్తావిస్తూ యువతకు కీలక సందేశమిచ్చారు. భారతదేశంలో అపారమైన అవకాశాలు ఉన్నాయని, యువత తమ సమయాన్ని సద్వినియోగం చేసుకోవాలని అన్నారు.ఢిల్లీ నిరసనలు.. మోదీ వ్యూహంకాగా సీఈసీ జ్ఞానేశ్ కుమార్కు వ్యతిరేకంగా సీజేపీ ఆధ్యర్యంలో నిన్న (ఆదివారం) ఢిల్లీలో పెద్దఎత్తున నిరసనలు జరిగిన సంగతి తెలిసిందే. ప్రస్తుతం దేశంలోని జెన్-జీ యువతకు ప్రతినిధి పార్టీగా గుర్తింపు పొందిన సీజేపీ వ్యవస్థాపకుడు అభిజీత్ దీప్కే, మరో ఇద్దరు నేతలు సౌరవ్ దాస్, ఆశుతోష్ రంకాలను ముంబయి నుంచి ఢిల్లీకి చేరుకున్న విమానం దిగిన కొద్దిసేపటికే పోలీసులు అదుపులోకి తీసుకున్నారు. వీరితో పోటు మాజీ సీఎంలో మమతా బెనర్జీ, అరవింద్ కేజ్రీవాల్ ఇతరులను అరెస్ట్ చేశారు. మెుత్తంగా 3,000 మందిని కూడా నిర్బంధించినట్లు సమాచారం.సుప్రీం కీలక ఆదేశాలుఢిల్లీలో నిరసనల నేపథ్యంలో విధించిన ఆంక్షలపై సుప్రీంకోర్టు ఆదివారం ప్రత్యేక విచారణ చేపట్టింది. అత్యవసర పరిస్థితుల్లో తప్ప మిగిలిన అన్ని చోట్లా బారికేడ్లను తొలగించాలని అధికారులను ఆదేశించింది. అలాగే, పెద్ద సంఖ్యలో ప్రజలు ఒకచోట గుమికూడకుండా నిషేధించే భారతీయ నాగరిక్ సురక్షా సంహిత (బీఎన్ఎస్ఎస్), 2023లోని సెక్షన్ 163 అమలును ఉపసంహరించుకోవాలని సూచించింది.ఇదీ చదవండి: ఢిల్లీ నిరసనల్లో అమ్మాయిల దాడులు -
నాడు తిట్లు.. నేడు ప్రశంసలు 'ది హిందూ'లో మోదీపై చంద్రబాబు ప్రేమలేఖ
-
మెట్రో ట్రైన్ వేదికగా ప్రధాని మోదీ, సీఎం విజయ్ హైవోల్టేజ్ పాలిటిక్స్!
సాక్షి,చెన్నై: తమిళనాడులో ఆసక్తి పరిణామాలు చోటు చేసుకున్నాయి. తమిళనాడులో తమిళగ వెట్రి కళగం (టీవీకే) పార్టీ అధినేతగా రాజకీయాల్లోకి వచ్చి ముఖ్యమంత్రి పీఠాన్ని అధిష్టించిన సీఎం విజయ్, దేశ ప్రధాని నరేంద్ర మోదీతో కలిసి ఒకే వేదికను పంచుకోవడం, కలిసి అధికారికంగా పబ్లిక్ ఈవెంట్ నిర్వహించడం ఇదే మొదటిసారి. కేవలం సభల్లో పాల్గొనడమే కాకుండా, ఇద్దరు అగ్రనేతలు ఒకే మెట్రో రైలులో పక్కపక్కనే కూర్చుని ప్రయాణించడం, సాధారణ ప్రయాణికులతో ముచ్చటించిన వీడియోలో సోషల్ మీడియాలో వైరల్ అవుతున్నాయి. చెన్నై నగర రవాణా చరిత్రలో ఒక మైలురాయిగా నిలిచిన చెన్నై మెట్రో రైల్ ప్రాజెక్ట్ రెండో దశ ప్రారంభోత్సవం అత్యంత వైభవంగా జరిగింది. ఈ పర్యటనలో భాగంగా ప్రధాని మోదీ, సీఎం విజయ్ సంయుక్తంగా ఈ ప్రాజెక్ట్ను జాతికి అంకితం చేశారు. దాదాపు రూ. 4,900 కోట్ల అంచనా వ్యయంతో నిర్మించిన ఈ మెట్రో ఫేజ్-2 మొదటి విడతలో భాగంగా పూనమల్లి బైపాస్ నుంచి వడపలని వరకు సుమారు 15 కిలోమీటర్ల మేర విస్తరించిన ఎలివేటెడ్ మార్గంలో రైలు సర్వీసులు ప్రారంభమయ్యాయి.ఈ తొలి మార్గంలో ప్రారంభంలో 15 రైళ్లను అందుబాటులో ఉంచగా.. రద్దీ వేళల్లో ప్రతి 10 నిమిషాలకు, సాధారణ సమయాల్లో ప్రతి 15 నిమిషాలకు ఒక రైలు నడుస్తాయని అధికారులు వెల్లడించారు. మెట్రో ప్రారంభంతో పాటు, దేశ ఆర్థిక వ్యవస్థను, రాష్ట్ర మౌలిక వసతులను బలోపేతం చేసే లక్ష్యంతో రూ. 13వేల కోట్లకు పైగా విలువైన పలు కీలక అభివృద్ధి ప్రాజెక్టులకు ప్రధాని మోదీ శంకుస్థాపనలు, ప్రారంభోత్సవాలు చేశారు.జాతీయ రహదారులు, రైల్వేలు, చెన్నై పోర్ట్, వావొ చిదంబరనార్ పోర్ట్తో పాటు పెట్రోలియం రంగంలో చెన్నై పెట్రోలియం కార్పొరేషన్ లిమిటెడ్, మనాలీ రిఫైనరీలో గ్రూప్ లూబ్ ఆయిల్ బేస్ స్టాక్స్ ప్రాజెక్ట్కు ప్రధాని శంకుస్థాపనలు చేశారు. తమిళనాడు రాజకీయాల్లో మారుతున్న తాజా పరిణామాల నేపథ్యంలో.. విజయ్, మోదీతో కలిసి ఇలా ముఖాముఖిగా మెట్రోలో పర్యటించడం రాజకీయ వర్గాల్లో తీవ్ర చర్చనీయాంశంగా మారింది. ఈ కార్యక్రమం ముగిసిన వెంటనే ప్రధాని మోదీ ప్రసిద్ధ జలకంఠేశ్వర ఆలయాన్ని సందర్శించి పూజలు నిర్వహించారు. అనంతరం ఆయన ఐఐటీ మద్రాస్ వేదికగా జరిగిన అధికారిక కార్యక్రమంలో పాల్గొన్నారు#WATCH | Chennai, Tamil Nadu: Prime Minister Narendra Modi undertakes a ride on the Chennai Metro from Porur Bypass Station to Poonamallee Bypass Station and back. CM C. Joseph Vijay also present. (Source: DD News) https://t.co/OBPay5hnYo— ANI (@ANI) October 11, 2026 -
తమిళనాడుకు మోదీ గిఫ్ట్
-
విజయ్ చుట్టూ జాతీయ రాజకీయం.. రాహుల్తో భేటీ, మోదీతో ప్రయాణం!
తమిళనాడు రాజకీయాల్లో కొత్త సమీకరణాలపై చర్చ మొదలైంది. ముఖ్యమంత్రి, టీవీకే అధినేత విజయ్ ఒకవైపు కాంగ్రెస్ అగ్రనేత రాహుల్ గాంధీతో సమావేశం కావడం.. మరోవైపు ప్రధాని నరేంద్ర మోదీతో కలిసి మెట్రో ప్రయాణానికి సిద్ధం కావడం రాజకీయంగా ప్రాధాన్యం సంతరించుకుంది. ఒకే వేదికపై కాకపోయినా.. వరుసగా ఇద్దరు జాతీయ స్థాయి నేతలతో విజయ్ కనిపించడం రాష్ట్ర రాజకీయాల్లో ఆసక్తికర చర్చకు దారితీసింది.అక్టోబర్ 10న చెన్నై వచ్చిన లోక్సభలో ప్రతిపక్ష నేత రాహుల్ గాంధీ.. ముఖ్యమంత్రి విజయ్ నివాసంలో ఆయనతో భేటీ అయ్యారు. ఇద్దరూ మధ్యాహ్న భోజనం చేస్తూ చర్చలు జరిపారు. అనంతరం విద్యార్థులతో నిర్వహించిన కార్యక్రమంలో రాహుల్ పాల్గొన్నారు. విద్య, పరీక్షల ఒత్తిడి, నిరుద్యోగం వంటి అంశాలు ఈ కార్యక్రమంలో ప్రధానంగా నిలిచాయి. కాంగ్రెస్, టీవీకే మధ్య ఏర్పడిన రాజకీయ అనుబంధం నేపథ్యంలో ఈ సమావేశానికి ప్రాధాన్యం ఏర్పడింది. అదే సమయంలో, తమిళనాడులో ఓటర్ల జాబితా ప్రత్యేక సమగ్ర సవరణ (SIR), ప్రధాన ఎన్నికల కమిషనర్ జ్ఞానేశ్ కుమార్పై ప్రతిపక్షాల విమర్శలు కూడా రాజకీయ చర్చలో ఉన్నాయి. ఈ అంశంపై రాహుల్ గాంధీ వైఖరిపై డీఎంకే గతంలో అసంతృప్తి వ్యక్తం చేసింది. దీంతో కాంగ్రెస్, టీవీకే, డీఎంకే మధ్య సంబంధాలు ఎలా ముందుకు సాగుతాయన్నది ఆసక్తికరంగా మారింది.మరుసటి రోజే మోదీతో మెట్రో ప్రయాణంరాహుల్తో సమావేశమైన మరుసటి రోజే.. అక్టోబర్ 11న ప్రధాని మోదీ చెన్నై పర్యటనలో విజయ్ పాల్గొనాల్సి ఉంది. పూనమల్లి-వడపళని మధ్య చెన్నై మెట్రో రెండో దశలోని సుమారు 14.64 కిలోమీటర్ల మార్గాన్ని మోదీ ప్రారంభించనున్నారు. ఈ మార్గంలో విజయ్తో కలిసి మెట్రో ప్రయాణం కూడా ఆయన కార్యక్రమంలో ఉంది. అంతేకాకుండా, రహదారులు, రైల్వేలు, ఓడరేవులు, విద్య తదితర రంగాలకు సంబంధించి రూ.13 వేల కోట్లకు పైగా విలువైన అభివృద్ధి ప్రాజెక్టులకు శంకుస్థాపనలు, ప్రారంభోత్సవాలు చేయనున్నారు.NO FILTER Ft. Joseph Vijay & Rahul Gandhi👑 https://t.co/W3PnRZdf6K— Prakash Vijay (@PrakazVijay_Of) October 10, 2026ప్రభుత్వ కార్యక్రమంలో ముఖ్యమంత్రిగా విజయ్ పాల్గొనడం సహజమే. అయినప్పటికీ, రాహుల్తో భేటీ జరిగిన వెంటనే మోదీతో కలిసి కనిపించనుండటం రాజకీయంగా చర్చనీయాంశమైంది. దీనిని కేంద్రంతో సంబంధాలు కొనసాగించే ప్రయత్నంగా రాజకీయ కోణంలో చూడవచ్చు. మరోవైపు, కాంగ్రెస్తో ఏర్పడిన రాజకీయ అనుబంధం నేపథ్యంలో రాహుల్తో సమావేశం కూడా ప్రాధాన్యం కలిగి ఉంది. అయితే, ఈ భేటీలు ఏవైనా కొత్త రాజకీయ ఒప్పందాలకు సంకేతమని నిర్ధారించే సమాచారం లేదు. ఈ నేపథ్యంలో తమిళనాడులో ప్రధాన రాజకీయ పార్టీల మధ్య సంబంధాలు, కూటముల భవిష్యత్తుపై చర్చ మొదలైంది. కాంగ్రెస్-టీవీకే అనుబంధం మరింత బలపడుతుందా? డీఎంకేతో కాంగ్రెస్ సంబంధాలపై దీని ప్రభావం ఎలా ఉంటుంది? కేంద్రంలోని బీజేపీ ప్రభుత్వంతో రాష్ట్ర ప్రభుత్వం పరిపాలనా అంశాల్లో ఎలా వ్యవహరిస్తుంది? వంటి ప్రశ్నలు ముందుకొస్తున్నాయి.విజయ్ ముందున్న అసలు పరీక్ష ఇదే!రాహుల్ గాంధీతో భేటీ, మోదీతో మెట్రో ప్రయాణం.. ఈ రెండింటినీ విడివిడిగా చూస్తే ఒకటి రాజకీయ సమావేశం కాగా, మరొకటి ప్రభుత్వ అభివృద్ధి కార్యక్రమం. కానీ వాటి సమయం, రాష్ట్రంలో మారుతున్న రాజకీయ సమీకరణాల కారణంగా రెండింటికీ అదనపు ప్రాధాన్యం ఏర్పడింది. విజయ్ ప్రభుత్వం కేంద్రంతో సమన్వయం కొనసాగిస్తూనే, ప్రతిపక్ష కూటమిలో తన రాజకీయ స్థానాన్ని ఎలా నిలబెట్టుకుంటుందన్నది రాబోయే రోజుల్లో కీలకం కానుంది. తమిళనాడులో రాజకీయంగా ఎవరు ఎవరికి దగ్గరవుతున్నారు అన్నదానికంటే.. కూటమి సంబంధాలు, ఓటర్ల జాబితా వివాదం, అభివృద్ధి ప్రాజెక్టులు, యువత సమస్యలపై పార్టీలు తీసుకునే వైఖరే అసలు పరీక్షగా మారనున్నాయి. ప్రస్తుతం కనిపిస్తున్నది ఇద్దరు జాతీయ నేతలతో విజయ్ వరుస కార్యక్రమాలు మాత్రమే. వాటి నుంచి ఎలాంటి రాజకీయ పరిణామాలు వస్తాయో వేచి చూడాలి.TN CM Vijay arrives at Chennai airport to welcome PM Modi. https://t.co/1P7J2BmFYJ— News Arena India (@NewsArenaIndia) October 11, 2026ఇదీ చదవండి: ఢిల్లీలో హైటెన్షన్.. మధ్యాహ్నం 2 గంటలకు సీజేపీ కీలక ప్రెస్మీట్ -
పిరికితనమే వారి ప్రధాన లక్షణం
సాక్షి, న్యూఢిల్లీ: ప్రధాని నరేంద్ర మోదీ, రాష్ట్రీయ స్వయంసేవక్ సంఘ్(ఆర్ఎస్ఎస్)లపై దశాబ్ద కాలంగా సాగిస్తున్న పోరాటం ఎట్టి పరిస్థితుల్లోనూ ఆగదని కాంగ్రెస్ పార్టీ అగ్రనేత రాహుల్ గాంధీ స్పష్టం చేశారు. ప్రభుత్వ పెద్దల వ్యూహాలు, ఎత్తుగడలు తనకు పూర్తిగా తెలుసని, పిరికితనమే వారి ప్రధాన లక్షణమని ఎద్దేవా చేశారు. ఈ మేరకు రాహుల్ శుక్రవారం ‘ఎక్స్’లో పోస్టుచేశారు. మోదీ ప్రభుత్వం, ఆర్ఎస్ఎస్ విధానాలపై ఆగ్రహం వ్యక్తం చేస్తూ ఒక వీడియో సందేశం విడుదల చేశారు. భారత రాజ్యాంగాన్ని కాపాడుకునేందుకు ఎంతటి పోరాటానికైనా సిద్ధమని పేర్కొన్నారు. ప్రభుత్వంపై పోరాడుతున్న యువతకు అండగా నిలుస్తామని ప్రకటించారు. ప్రధాని నరేంద్ర మోదీ, హోంమంత్రి అమిత్ షా, ఆర్ఎస్ఎస్ చీఫ్ మోహన్ భాగవత్, ప్రధాన ఎన్నికల కమిషనర్ జ్ఞానేశ్ కుమార్, జాతీయ భద్రతా సలహాదారు అజిత్ దోవల్ను ఈ కథలో ప్రతినాయకులుగా(విలన్లు) రాహుల్ గాంధీ అభివరి్ణంచారు. వీరందరి చుట్టూ క్రమంగా ఉచ్చు బిగుస్తోందని, ఆ పని తామే చేస్తున్నామని ఉద్ఘాటించారు. ఒక ప్రత్యరి్థని అర్థం చేసుకున్నట్లుగానే వారి ప్రతి కదలికను తాను లోపలి నుంచి పూర్తిగా అర్థం చేసుకున్నానని తెలిపారు. ఎంతమందిని అరెస్టు చేస్తారో చేసుకోండి పోలీసు బలగాలను అడ్డం పెట్టుకుని భయపెట్టాలని చూస్తే వెనక్కి తగ్గేది లేదని రాహుల్ సవాల్ విసిరారు. ‘‘మోదీజీ.. మీకు ఇష్టం వచ్చింది చేసుకోండి. 10 వేలు, 20 వేలు, 50 వేలు.. మీకు ఎంతమంది కావాలంటే అంతమంది పోలీసులను రప్పించుకోండి. విపక్ష నాయకులందరినీ, యువతను, మమ్మల్ని అందరినీ అరెస్టు చేయండి. ఎంతమందిని అరెస్టు చేస్తారో చేసుకోండి. కానీ, మేము మిమ్మల్ని చుట్టుముడుతున్నాం. వెనక్కి తగ్గే ప్రసక్తే లేదు’’అని తేల్చిచెప్పారు. మోదీ ప్రభుత్వానికి వ్యతిరేకంగా పోరాడేందుకు అవసరమైన సమాచారం ఇప్పటికే తమ వద్ద ఉందని వెల్లడించారు. -
కౌటిల్యమా... కనువిప్పా?!
‘‘సాంకేతిక నైపుణ్యం, మేధస్సు, మంచి ఆలోచనలూ, పెట్టుబడులూ ఉన్నంత మాత్రాన ఒక జాతి అభివృద్ధి పథంలో పయనించదు, సమర్థవంతమైన నాయకత్వం కూడా ఉండాలి’’. ఈ అద్భుతమైన కొటేషన్ను ఈ మధ్యనే ఆంధ్రప్రదేశ్ ముఖ్యమంత్రి చంద్రబాబు నాయుడు వెలువరించారు. అటువంటి సమర్థ నాయకత్వానికి దూరదృష్టి, చిత్తశుద్ధి, విశ్వసనీయతలు కొలమానాలని కూడా ఆయన పేర్కొన్నారు.ప్రధానమంత్రి నరేంద్రమోదీలో గత పాతికేళ్లుగా ఈ నాయకత్వ సుగుణాలను తాను చూస్తున్నానని బాబు చెప్పుకొచ్చారు. సరిగ్గా పాతికేళ్ల కింద గుజరాత్ ముఖ్యమంత్రిగా ప్రమాణస్వీకారం చేసిన మోదీ పదమూడేళ్ల పాటు ఆ పదవిలో, మరో పన్నెండేళ్లుగా ప్రధాని పదవిలో నిరంతరాయంగా కొనసాగుతూ దేశాభివృద్ధికి, ప్రజల సాధికారత కోసం పట్టుదలతో పనిచేస్తున్నారని ఆయన కొనియాడారు.ప్రధానమంత్రి సాధించిన ఈ రికార్డు నిజంగానే అసాధారణమైనది. నభూతో నభవిష్యతి అని కూడా అనవచ్చేమో! అరుదైన ఈ ఘనతను సాధించిన ప్రధానిని దేశంలో ఉన్న రాజకీయ ముఖ్యులతో పాటు ఇతర రంగాల ప్రముఖులు కూడా అభినందించారు. శుభాకాంక్షలు వెల్లువెత్తాయి. ఈ సందర్భాన్ని పురస్కరించుకుని ‘ది హిందూ’ పత్రికలో చంద్రబాబు నాయుడు ఒక వ్యాసాన్ని రాశారు. అందులో మోదీ నాయకత్వ పటిమను ప్రశంసిస్తూ ఆయన సారథ్యంలో దేశం ప్రగతి పథంలో పరుగులు తీస్తున్నదని సోదాహరణంగా విశదీకరించారు. ఎన్డీఏ కూటమిలో ఒక ముఖ్య భాగస్వామిగా ఉన్న చంద్రబాబు అలా రాయడం ఆశ్చర్యకరమైన విషయమేమీ కాదు. చంద్రబాబు కూడా చిన్న నాయకుడేమీ కాదు. నాలుగుసార్లు ముఖ్యమంత్రిగా పదవీ స్వీకారం చేశారు. కరుణానిధి తర్వాత దక్షిణాదిన ఆయనదే ఈ రికార్డు. అటువంటి నాయకుడు వ్యక్తం చేసే అభిప్రాయాల్లో స్థిరత్వం ఉండాలని ఎవరైనా కోరుకుంటారు. పూటకో మాట మాట్లాడితే ఇక విశ్వసనీయత ఎక్కడుంటుంది? విశ్వసనీయత, చిత్త శుద్థిలేని నాయకులు జాతిని ముందుకు నడిపించలేరనే భావన కూడా ఈ వ్యాసంలో కనిపిస్తుంది. నాయకుడు తన అభిప్రాయాలను ఎన్నటికీ మార్చుకోకూడదని ఎవరూ చెప్పరు. అయితే అటువంటి మార్పు ఎందుకువచ్చిందో, కారణాలేమిటో స్పష్టం చేస్తేనే మారిన అభిప్రాయానికీ, మార్చుకున్న నాయకునికీ విశ్వసనీయత పెరుగుతుంది.నరేంద్ర మోదీ పాతికేళ్ల అధికార కాలాన్ని గంపగుత్తగా ‘ది హిందూ’ వ్యాసంలో చంద్రబాబు సమర్థించారు. ప్రజల విశ్వాసాన్ని ఎప్పటికప్పుడు నిలబెట్టుకుంటూ ఈ పాతికేళ్ల ప్రయాణం సాగిందని బాబు అభినందించారు. మోదీ వ్యక్తిగత ఔన్నత్యం, క్రమశిక్షణ వగైరాలను ప్రస్తావించడంతో పాటు దేశాభివృద్ధికి ఆయన చేపట్టిన పథకాలను ప్రస్తావిస్తూ వాటి గురించి గొప్పగా కితాబులిచ్చారు. ఈ వ్యాసాన్ని చదివిన వారికి చంద్రబాబు తీసుకున్న ఇంత పెద్ద యూ టర్న్ ఆశ్చర్యాన్ని కలిగించక మానదు. పాతికేళ్ల వెనక్కు కూడా వెళ్లనవసరం లేదు. ఏడెనిమిదేళ్ల కిందటి చంద్రబాబు మాటలు గుర్తుకు చేసుకున్నా కూడా ఆయన విశ్వసనీయత ఏపాటిదో అర్థమౌతుంది. గతంలో నరేంద్ర మోదీని, ఆయన విధానాలనూ అపార్థం చేసుకున్నాననీ ఇప్పుడు జ్ఞానోదయమైన కారణంగా ప్రశంసిస్తున్నానని ఒక వాక్యం రాసి ఉన్నట్లయితే ‘ది హిందూ’ వ్యాసానికి సార్థకత చేకూరేది. అటువంటి సంజాయిషీ ఏమీ లేదు కనుక ఈ పొగడ్తలన్నీ పబ్బం గడుపుకోవడానికేనని ఎవరైనా భావిస్తే తప్పు పట్టగలమా?ప్రధానమంత్రిపై వ్యక్తిగతంగానూ, విధానాల పరంగానూ ఎవరూ విమర్శించని స్థాయిలో చంద్రబాబు విరుచుకుపడిన ఘటనలు కేవలం ఏడెనిమిదేళ్లు వెనక్కి వెళ్లినా కనిపిస్తాయి. 2019 ఫిబ్రవరిలో విజయవాడలో జరిగిన ఒక సభలో మాట్లాడుతూ ‘‘గురువుకు పంగనామాలు పెట్టిన వ్యక్తి నరేంద్ర మోదీ, నమస్కారానికి ప్రతి నమస్కారం చేసే సంస్కారం మోదీకి లేదు, ఆయనకు కుటుంబ బంధాల గురించి తెలియదు. విడాకులివ్వకుండా భార్యను దూరం పెట్టాడు. పెద్ద నోట్ల రద్దు పిచ్చి తుగ్లక్ చర్య, ఆయన పాలనలో బ్యాంకులు దివాళా తీశాయి. ఆర్థిక వ్యవస్థను అస్తవ్యస్తం చేశాడని’’ బాబు విరుచుకుపడ్డారు. నిండుసభలో మాట్లాడిన ఈ మాటలకూ, హిందూ వ్యాసంలో ప్రకటించిన అభిప్రాయాలకూ ఏమైనా సామ్యం ఉన్నదా?‘‘59 వేల కోట్ల రఫేల్ ఒప్పందం దేశరక్షణ రంగంలోనే అతి పెద్ద కుంభకోణం. ఇందులో నేరుగా ప్రధాని కార్యాలయ ప్రమేయం ఉండే అవకాశం ఉన్నది. దేశాన్ని మోసం చేశారు. మోదీజీ... సత్యాన్ని ఎక్కువకాలం దాచలేరు’’ అంటూ 2019 ఫిబ్రవరి 8న బాబు ట్వీట్ చేశారు. అప్పుడు దేశాన్ని మోసం చేసిన వ్యక్తి ఇప్పుడు హఠాత్తుగా దేశాన్ని ప్రగతి పథంలో నడిపించే పరిణామం ఎలా సంభవించిందో బాబు వివరించాలి కదా! అసెంబ్లీ సమావేశాల్లో మాట్లాడుతూ ‘‘భార్యనే చూసుకోలేని వాడు దేశాన్ని ఏం చూసుకుంటాడని’’ కూడా మోదీని ఉద్దేశించి చంద్రబాబు విమర్శించారు. నరేంద్ర మోదీ కరుడుగట్టిన ఉగ్రవాది, మంచివాడు కాదని ఆ సమయంలోనే టీడీపీ సమావేశంలో చంద్రబాబు మాట్లాడారు. నరేంద్రమోదీ ఓ కేడీ అనీ, దేశం మొత్తం ఆయన్ను చోర్ అని పిలుస్తున్నదనీ కూడా ఆనాటి ఎన్నికల సభల్లో బాబు విమర్శలు చేశారు. మోదీకి దేశభక్తి లేదనీ, రాజకీయ భక్తి మాత్రమే ఉన్నదని దేశంలోని వ్యవస్థలన్నింటినీ ఆయన ధ్వంసం చేస్తున్నారని కూడా బాబు ధ్వజమెత్తారు.ఏడేళ్ల క్రితం జరిగిన ఎన్నికల సందర్భంలో మోదీపై చంద్రబాబు చేసిన విమర్శలన్నీ గుదిగుచ్చితే ఓ పుస్తకం అవుతుంది. ఆయన ఉమ్మడి రాష్ట్ర ముఖ్యమంత్రిగా ఉన్నప్పుడు మోదీ హైదరాబాద్కు వస్తే అరెస్ట్ చేస్తానని అన్న విషయాన్ని గుర్తు చేయటం అప్రస్తుతం కాకపోవచ్చు. గోథ్రా అల్లర్ల నేపథ్యంలోనే చంద్రబాబు అలా మాట్లాడారు. కానీ, అప్పటినుంచే మోదీ గొప్ప నాయకత్వ లక్షణాలు కలవాడనీ, దేశాభివృద్ధికోసం కష్టపడ్డారని ఇప్పుడు మాట మార్చుతున్నారు. ‘ఒపీనియన్స్ అప్పుడప్పుడు మార్చుకోకపోతే పొలిటీషియన్ కానేరడు’ అనే గిరీశం నిర్వచనానికి ఈ పిల్లిమొగ్గలు సరిపోతాయేమో కానీ, చిత్తశుద్ధి, విశ్వసనీయతలే నాయకత్వానికి కొలమానాలని చంద్రబాబు హిందూ వ్యాసంలో చెప్పిన నిర్వచనానికి మాత్రం సరిపోలవు. పోనీ, మోదీపై తీసుకున్న ఈ తాజా వైఖరికి చంద్రబాబు కట్టుబడి ఉంటారా? వచ్చే ఎన్నికల్లో ఒకవేళ మోదీ ప్రభుత్వం ఓడిపోతే గెలిచిన కూటమిలో దూరకుండా ఉంటారా?2019 ఎన్నికల్లో ఎన్డీఏ ప్రభుత్వం ఓడిపోవచ్చనే అంచనాలతోనే ఆయన కూటమి నుంచి వైదొలిగారనే అభిప్రాయం ఉన్నది. ఆ అభిప్రాయంతోనే విమర్శలతో చెలరేగిపోయారనీ, ఫలితాలు వెలువడిన మరుసటి రోజునే ప్లేటు మార్చి కాళ్ల బేరానికి దిగడమే ఇందుకు నిదర్శనమని విశ్లేషకులు భావిస్తారు. అప్పుడు ఎన్డీఏ నుంచి వైదొలగిన సందర్భంగా తిరుపతిలో ‘ధర్మ పోరాటం’ పేరుతో జరిపిన సభలో చంద్రబాబు మాట్లాడుతూ ‘సరైన సమయంలో నిర్ణయం తీసుకున్నవాడే నాయకుడని తన నిర్ణయాన్ని సమర్థించుకున్నారు. అంటే తను ఆచరించడానికి గిరీశం ఫిలాసఫీ, నీతులు చెప్పడానికి హిందూలో రాసిన ఫిలాసఫీ అనుకోవాలి. ‘‘తొలిసారి మిమ్మల్ని చూసింది మొదలు..’’ అంటూ హిందూలో రాసిన ప్రేమలేఖలాంటి వ్యాసం పవిత్రమైనదా, కపటంతో కూడినదా అనే సందేహం ఎవరికైనా సహజంగానే తలెత్తుతుంది.కేంద్రంలో మోదీ సర్కార్ గత పన్నెండేళ్లలో ఎన్నడూ ఎరుగనంతటి రాజకీయ ఒత్తిడిని ఎదుర్కొంటున్నది. యువతరంలో గూడుకట్టుకున్న అసంతృప్తి ఉద్యమ రూపాలను తీసుకుంటున్నది. బూటకపు ఎన్నికల బండారం బట్టబయలై రాజకీయ పార్టీలు వీధుల్లోకి వస్తున్నాయి. యువతరంతో చేతులు కలపడానికి ప్రయత్నిస్తున్నాయి. ప్రధాన ప్రతిపక్షమైన కాంగ్రెస్ పార్టీ నాయకులు రాహుల్ గాంధీ, ప్రియాంకలు పరిస్థితిని అనుకూలంగా మార్చుకునేందుకు ప్రయాస పడుతున్నారు. వారి వీధి పోరాటాలను ఎద్దేవా చేస్తూ ఎన్డీఏలోని బీజేపీ సహా ఇతర పక్షాలు ఎదురుదాడికి దిగుతున్నాయి. కూటమిలో రెండో ప్రధాన పక్షమైన తెలుగుదేశం అధినేత మాత్రం కాంగ్రెస్ పార్టీ మీద విమర్శనాస్త్రాలకు దూరంగా ఉండిపోవడం కూడా పరిశీలకుల దృష్టిని దాటిపోలేదు. ఏమో, గుర్రం ఎగరావచ్చు. రేపు విపక్ష సంకీర్ణమే అధికారంలోకి రావచ్చు. అందుకే ఈ ముందు జాగ్రత్త అనుకోవాలి. అనుమానం రాకుండా జాతీయ పత్రికలో మోదీ భజన. జాతీయ ప్రతిపక్షంగా ఉన్న కాంగ్రెస్ పార్టీ కూడా ఎన్డీఏలోని టీడీపీ పట్ల ఇదే స్నేహభావాన్ని ప్రదర్శిస్తుండటం కూడా గమనించదగ్గ విషయం. ఓట్చోరీ పైన ఆందోళనకు నాయకత్వం వహిస్తున్న రాహుల్గాంధీ ఏపీ ఎన్నికల్లో జరిగిన ఓట్చోరీ పైన ఒక్క మాట మాట్లాడితే ఒట్టు. శుక్రవారం నాడు ఓట్చోరీ అంశంపై ప్రతిపక్ష బృందం రాష్ట్రపతిని కలిసింది. ఆధారాలుంటే ఇవ్వాలని రాష్ట్రపతి తమతో చెప్పినట్లు రాహుల్గాంధీ మీడియాకు వెల్లడించారు.బోగస్ ఎన్నికలకు సంబంధించి ఆంధ్రప్రదేశ్ కంటే మంచి ఉదాహరణ ఏముంటుంది? రాత్రి 8 గంటల తర్వాత 52 లక్షల ఓట్లు పోలైనట్లు ప్రకటించడంలోని ఔచిత్యమేమిటన్న ప్రశ్నకు ఇప్పటిదాకా ఈసీ నుంచి సమాధానం లేదు. నాటి ఎన్నికల ప్రధానాధికారి పదిరోజుల్లోగానే వీవీ ప్యాట్లను ఎందుకు కాల్చేయమన్నారన్న ప్రశ్నకూ సమాధానం లేదు. పోలింగ్ రోజు తగ్గిన ఈవీయమ్ బ్యాటరీ కౌంటింగ్ నాటికి ఎలా పెరిగిందంటే జవాబు చెప్పే దిక్కులేదు. పోలింగ్ సమయం ముగిసిన తర్వాత కేంద్రాల ముందు లక్షలాది మంది బారులు తీరి నిలబడ్డారని చెబుతున్న ఎన్నికల సంఘం ఆ వీడియో ఫుటేజిని ఎందుకు చూపెట్టడంలేదో తెలియదు. కానీ ఏపీలో జరిగిన బూటకపు ఎన్నికల గురించి రాహుల్ మాట్లాడరు. ఎన్డీఏ కూటమిలోని తెలుగుదేశం పార్టీతో కాంగ్రెస్కు ఉన్న అనుబంధం అటువంటిది. చంద్రబాబు ‘ది హిందూ’లో రాసిన వ్యాసం కౌటిల్యంతో రాశారా? కనువిప్పు కలిగి రాశారా అన్న అంశాన్ని ఈ నేపథ్యంలోనే పరిశీలించాలి.- వర్ధెల్లి మురళి, vardhelli1959@gmail.comఇదీ చదవండి: ‘నోబెల్ శాంతి’కి సరైన ఎంపిక -
2K కాదు 50K పోలీసులను తెచ్చుకో... మోదీకి రాహుల్ సవాల్
-
మోదీ, అమిత్ షాలపై ప్రియాంక గాంధీ ఫైర్
సాక్షి,న్యూఢిల్లీ: దేశంలో ప్రజాస్వామ్యం లేదని, ప్రధాని నరేంద్ర మోదీ, కేంద్ర హోంమంత్రి అమిత్ షా నేతృత్వంలో నియంతృత్వ పాలన సాగుతోందని కాంగ్రెస్ ఎంపీ ప్రియాంక గాంధీ ఆరోపించారు. ఢిల్లీలో నిరసనకారులపై పోలీసుల చర్యలను ఆమె ఖండించారు. 254 మంది ఎంపీలను అక్రమంగా నిర్బంధించి, రాజ్యాంగ హక్కులను ఉల్లంఘించారని ఎక్స్ వేదికగా ఆమె విమర్శించారు."దేశ రాజధానిని దిగ్బంధించి, రైళ్లు, మెట్రో సేవలను అడ్డుకుని, ఇంటర్నెట్ సేవలను నిలిపివేసి, అడుగడుగునా తనిఖీలు చేపడుతున్నారు. రాజ్యాంగం కల్పించిన నిరసన హక్కును వినియోగించుకుంటున్న యువతపై దాడులు చేసి అదుపులోకి తీసుకుంటున్నారు. ఎన్నికల సంఘం సహకారంతో ఎన్నికల్లో అక్రమాలు జరిగాయన్న ఆరోపణలపై ప్రభుత్వం సమాధానం చెప్పాలి" అని ప్రియాంక డిమాండ్ చేశారు.మరోవైపు, ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ ఢిల్లీలో చేపట్టిన నిరసనల సందర్భంగా ఆప్ అధినేత అరవింద్ కేజ్రీవాల్, పశ్చిమ బెంగాల్ మాజీ సీఎం మమతా బెనర్జీ సహా పలువురిని పోలీసులు నిర్బంధించారు. జంతర్ మంతర్ వైపు ర్యాలీగా వెళ్లేందుకు ప్రయత్నించిన సుమారు వెయ్యి మంది నిరసనకారులను అదుపులోకి తీసుకున్నట్లు అధికార వర్గాలు తెలిపాయి. నిరసనకు అనుమతి లేదని పోలీసులు పేర్కొన్నారు.ఇదీ చదవండి: రాహుల్, విజయ్ భేటీ.. గంటపాటు చర్చలు -
ఢిల్లీలో హైటెన్షన్.. రాహుల్ సంచలన హెచ్చరిక
ఢిల్లీ: ‘మిస్టర్ మోదీ.. మీరు ఏం చేసుకుంటారో చేసుకోండి. ఎంతమంది పోలీసులను తెచ్చుకుంటారో తెచ్చుకోండి. యువకులందరినీ, నేతలందరినీ అరెస్ట్ చేసుకోండి. మేం మాత్రం వెనక్కి తగ్గం.. మిమ్మల్ని కమ్మేస్తాం’’ అంటూ కాంగ్రెస్ అగ్రనేత, లోక్సభలో ప్రతిపక్ష నేత రాహుల్ గాంధీ హెచ్చరించారు.‘‘మేం రాజ్యాంగాన్ని కాపాడుకుంటాం. 15 ఏళ్లలో దేశానికి ఏం జరిగిందో.. అది మళ్లీ జరగనివ్వం. రాజ్యాంగంపై దాడి చేసిన పాలకులను దించి తీరుతాం. దేశ యువతను చూసి గర్వపడుతున్నా. యువత తమ పోరాటాన్ని ఆపొద్దు.. మీ వెనుక మేం ఉన్నాం’’ అంటూ రాహుల్ గాంధీ పిలుపునిచ్చారు.కాగా, ఢిల్లీలో హైటెన్షన్ నెలకొంది. కనాట్ ప్లేస్లో సీజేపీ కార్యకర్తల ఆందోళన కొనసాగుతోంది. గుంపులుగా వస్తున్న నిరసనకారులు ఆందోళనలో పాల్గొంటున్నారు. జంతర్ మంతర్కు వెళ్లేందుకు ప్రయత్నిస్తున్న నిరసనకారులను పోలీసులు అదుపులోకి తీసుకుని పోలీస్ స్టేషన్లకు తరలిస్తున్నారు. ప్రధాన ఎన్నికల కమిషనర్ గ్యానేశ్ కుమార్ రాజీనామా చేయాలని నిరసనకారులు డిమాండ్ చేస్తున్నారు. ఆందోళన నేపథ్యంలో పోలీసులు భద్రతను కట్టుదిట్టం చేశారు.ఇదీ చదవండి: విమానంలోనే సీజేపీ నేతల నిర్బంధం -
జ్ఞానేశ్ కుమార్ పోతారు.. ఈ ప్రభుత్వం కూడా పోతుంది!
కాంగ్రెస్ అగ్రనేత, లోక్సభలో ప్రతిపక్ష నేత రాహుల్ గాంధీ సంచలన ట్వీట్ చేశారు. ఓట్ల చోరీ ఆరోపణల నేపథ్యంతో ప్రధాన ఎన్నికల కమిషనర్ జ్ఞానేశ్ కుమార్ను తొలగించాలన్న డిమాండ్ను మరోసారి బలంగా వినిపించారు. ఈ మేరకు శనివారం ‘ఎక్స్’లో పోస్టు చేశారు.‘‘జ్ఞానేశ్ కుమార్ పోతారు.. ఈ ప్రభుత్వం కూడా పోతుంది. ఆ తర్వాతే ప్రజాస్వామ్యాన్ని బాగుచేసే ప్రక్రియ మొదలవుతుంది’’ అంటూ పోస్ట్ చేశారాయన. మరోవైపు, ఎన్నికల సంఘానికి వ్యతిరేకంగా ఢిల్లీలో సీజేపీ (కాక్రోచ్ జనతా పార్టీ) చేపట్టిన ‘జంతర్ మంతర్ 2.0’ నిరసనలకు రాహుల్ దూరంగా ఉన్నారు. ఆయన శనివారం చెన్నైలో పర్యటిస్తున్నారు. మధ్యాహ్నం తమిళనాడు ముఖ్యమంత్రి, టీవీకే అధినేత విజయ్తో భేటీ కానున్నారు. అనంతరం విద్యార్థులతో జరిగే ‘ఛాత్రోన్ కీ గూంజ్’ కార్యక్రమంలో పాల్గొననున్నారు.స్పెషల్ ఇంటెన్సివ్ రివిజన్ (ఎస్ఐఆర్) పేరుతో ఓటర్ల జాబితా సవరణలో అక్రమాలు జరుగుతున్నాయంటూ ప్రతిపక్షాలు ఆరోపిస్తున్నాయి. సీఈసీ జ్ఞానేశ్ కుమార్ను పదవి నుంచి తొలగించాలని డిమాండ్ చేస్తోంది. ఇవే డిమాండ్లతో కాక్రోచ్ జనతా పార్టీ ఇవాళ జంతర్ మంతర్ వద్ద నిరసనకు పిలుపునిచ్చింది. దీంతో కాంగ్రెస్ నేతృత్వంలోని ఇండియా కూటమి తమ ధర్నాలకు బ్రేక్ ఇచ్చింది. అయితే అనుమతులు నిరాకరించడం, భద్రతా ఆంక్షల నేపథ్యంలో ఢిల్లీలో భారీగా పోలీసులను మోహరించారు. పార్టీ చీఫ్ అభిజిత్ దీప్కే సహా పలువురు నిరసనకారులను పోలీసులు ఇప్పటికే అదుపులోకి తీసుకున్నారు.ज्ञानेश कुमार जाएँगे। यह सरकार जाएगी। फिर शुरू होगी लोकतंत्र की मरम्मत। 🇮🇳 https://t.co/spGmBxgXLn— Rahul Gandhi (@RahulGandhi) October 10, 2026ఇదిలా ఉండగా, కాంగ్రెస్ పార్టీ ఈ నిరసనకు కాంగ్రెస్ దూరంగా ఉంది. అయితే గత నాలుగు రోజులుగా ఢిల్లీలో ఇండియా కూటమి ఈసీ వ్యతిరేక ధర్నాలు చేపట్టింది. నిన్న రాత్రి విపక్ష ఎంపీల బృందం రాష్ట్రపతి ద్రౌపది ముర్మును కలిసి ఈ వ్యవహారంపై ఫిర్యాదు చేసింది. ఈ క్రమంలో తమ తదుపరి కార్యాచరణను ప్రకటించాల్సి ఉంది. ఇటు ప్రతిపక్షాల మధ్య సమన్వయం కోసం ప్రియాంక గాంధీ వాద్రా నేతలతో సంప్రదింపులు జరుపుతున్నట్లు సమాచారం. ఇదీ చదవండి: రైళ్లు, బస్సులు ఆపడమేంటి? కేంద్ర మంత్రి సంచలన వ్యాఖ్యలు -
భవిష్యత్ అంతా సాంకేతికతదే
న్యూఢిల్లీ: భవిష్యత్ అంతా సాంకేతికతదేనని, యువత నిత్యం తమ నైపుణ్యాలను మెరుగుపరుచుకొని సాంకేతికతను అందిపుచ్చుకోవాలని ప్రధాని నరేంద్ర మోదీ పిలుపునిచ్చారు. వేగంగా అభివృద్ధి చెందుతున్న సాంకేతికతకు అనుగుణంగా నైపుణ్యం పెంచుకోవాలని సూచించారు. నెపుణ్యం కలిగిన మానవ వనరులకు దేశాన్ని ప్రపంచ కేంద్రంగా నిలపడానికి యువత, ప్రభుత్వం, శిక్షణా సంస్థలు సమన్వయంతో ప్రయత్నించాల్సిన అవసరం ఉందన్నారు. చైనాలోని షాంఘై వేదికగా జరిగిన 48వ వరల్డ్స్కిల్స్ పోటీల్లో దేశం తరఫున పాల్గొన్న బృందంతో ఆయన ప్రత్యేకంగా సంభాషించారు. న్యూఢిల్లీలోని 7–లోక్కల్యాణ్ మార్గ్లో జరిగిన ఈ కార్యక్రమంలో ఆయన మాట్లాడుతూ ప్రపంచ మార్కెట్ అవసరాలకు అనుగుణంగా నైపుణ్యాలను పెంపొందించుకోవాలని, దేశ నైపుణ్య శిక్షణా వ్యవస్థలను మెరుగుపరచడానికి దోహదపడాలని ఆయన కోరారు. నైపుణ్యాభివృద్ధికి ప్రత్యేక మంత్రిత్వ శాఖను ఏర్పాటు లక్ష్యం ఇదేనన్నారు. పోటీలో తమ అనుభవాలను యువత ప్రధానితో పంచుకున్నారు. డిగ్రీలతో పాటు ఆచరణాత్మక నైపుణ్యం కూడా ముఖ్యమైనదన్నారు. 48వ వరల్డ్స్కిల్స్ పోటీ చైనాలోని షాంఘైలో సెపె్టంబర్ 22 నుంచి 27 వరకు జరిగింది. భారత్ నుంచి 70 మంది యువత పాల్గొన్నారు. ఆరు రజత పతకాలు, 20 ఉత్తమ ప్రతిభ పతకాలను గెలుచుకుని 10వ స్థానాన్ని కైవసం చేసుకున్నారు. -
‘కాక్రోచ్’కి పోటీగా ‘లాల్ హిట్’
న్యూఢిల్లీ: దేశ రాజధాని ఢిల్లీలోని జనపథ్ ప్రాంతం శుక్రవారం భారీ ర్యాలీకి వేదికైంది. ఓటర్ల జాబితాలో అక్రమాలపై ప్రధాన ఎన్నికల కమిషనర్(సీఈసీ) జ్ఞానేశ్ కుమార్ తక్షణమే రాజీనామా చేయాలంటూ కాక్రోచ్ జనతా పార్టీ(సీజేపీ) శనివారం జంతర్మంతర్లో ఆందోళన చేపట్టనున్నట్లు ప్రకటించడం తెల్సిందే. అయితే, బొద్దింకలు వంటి వాటిని చంపే కీటక నాశిని పేరుతో తాజాగా అవతరించిన లాల్ హిట్ జనతా పార్టీ(ఎల్జేపీ) పోలీసులపై దాడులను, ప్రధాని మోదీని కించపరచడాన్ని ఖండించింది. జనపథ్ ప్రాంతానికి శుక్రవారం పెద్ద సంఖ్యలో చేరుకున్న ఈ పార్టీ సభ్యులు..‘మనవాళ్లెవరైనా సంబంధం లేని బయటి వారిని దూషిస్తున్నా వద్దంటూ వారిస్తుంటాం. అలాంటిది, మన కుటుంబంలోని వ్యక్తి అయిన ప్రధాని మోదీని అనుచిత పదజాలంతో దూషించడం ఏమాత్రం సరికాదు. మన ప్రముఖులను, జవాన్లను, ఢిల్లీ పోలీసులను దూషించడం ఆపేయాలి. ఇలా దూషించిన వారిపై కఠిన చర్యలు తీసుకోవాలి’అని ఆ పార్టీకి చెందిన అయాన్ భట్నాగర్ కోరారు. వ్యవస్థలో మార్పు రావాలంటూ ప్రస్తుతం దేశవ్యాప్తంగా జరుగుతున్న నిరసనలు తప్పుడు మార్గంలో సాగుతున్నాయన్నారు. రాజ్యాంగాన్ని బలోపేతం చేసేందుకు, చట్ట న్యాయం అమలయ్యేందుకు, ప్రజాస్వామ్య వ్యవస్థల గౌరవాన్ని కాపాడేందుకే నిరసన చేపట్టామని భట్నాగర్ తెలిపారు. సీజేపీ వ్యవహరిస్తున్న తీరు న్యాయవ్యవస్థ, ప్రభుత్వ పాలన వంటి ప్రజాస్యామ్య సంస్థల గౌరవాన్ని దిగజార్చేలా ఉందని ఆరోపించారు. ఈ ర్యాలీలో పాల్గొన్న వారిని పోలీసులు నిర్బంధించి, బస్సుల్లో పోలీస్స్టేషన్కు తరలించారు. అనుచిత చర్యలుగా భావించిన వాటిపై ప్రజాస్వామ్యయుతంగా, న్యాయబద్ధంగా వ్యతిరేకిస్తామని ఎల్జేపీ అనంతరం ఒక ప్రకటనలో స్పష్టం చేసింది. నేటి యువత ముఖ్యంగా జెన్ జెడ్ ప్రజాస్వామ్య ప్రక్రియల్లో పాలుపంచుకోవాలని, అభిప్రాయ బేధాలకు వాస్తవ సమాచారం, శాంతియుత నిరసనలు, ప్రజాచైతన్యం, చట్టానికి లోబడి ఉండే పరిష్కారం కనుగొనాలని ఎల్జేపీ పిలుపునిచ్చింది. దేశమే ప్రథమం, రాజ్యాంగానికి గౌరవం, ప్రజాస్వామ్యమే మనకు గుర్తింపు’అనేదే తమ నినాదమని ఎల్జేపీ వివరించింది. -
ఇక నరేంద్ర మోదీ విమానాశ్రయంగా నోయిడా ఎయిర్పోర్ట్
ఉత్తర ప్రదేశ్లోని జెవార్లో ఉన్న నోయిడా అంతర్జాతీయ విమానాశ్రయానికి నరేంద్ర మోదీ అంతర్జాతీయ విమానాశ్రయంగా పేరు మార్చినట్లు ముఖ్యమంత్రి యోగి ఆదిత్యనాథ్ శుక్రవారం ప్రకటించారు. సీఎం యోగి మీడియాతో మాట్లాడుతూ.. ‘జేవార్లోని నోయిడా అంతర్జాతీయ విమానాశ్రయాన్ని ఉత్తరప్రదేశ్ రాష్ట్రానికి బహుమతిగా ఇచ్చినందుకు భారత ప్రధాని నరేంద్ర మోదీకి ఉత్తరప్రదేశ్ మంత్రిమండలి కృతజ్ఞతలు తెలుపుతోంది. ఈ విమానాశ్రయం రానున్న కాలంలో ఉత్తరప్రదేశ్లో అతిపెద్ద విమానాశ్రయంగా, దేశంలోనే ఇది ఒక ప్రధాన విమానయాన కేంద్రంగా ఆవిర్భవించనుందని ఆయన తెలిపారు.కాగా, ఈ ఏడాది మార్చి 28న ప్రధానమంత్రి నరేంద్ర మోదీ నోయిడా విమానాశ్రయాన్ని ప్రారంభించారు. జూన్ 15న లక్నో నుండి వచ్చిన ఇండిగో విమానంతో ఇక్కడ తొలి విమాన ల్యాండింగ్ జరిగింది. ఈ విమానాశ్రయాన్ని స్విస్ సంస్థ జూరిచ్ ఎయిర్పోర్ట్ ఇంటర్నేషనల్ ఏజీ భారతీయ అనుబంధ సంస్థ యమునా ఇంటర్నేషనల్ ఎయిర్పోర్ట్ ప్రైవేట్ లిమిటెడ్, నోయిడా ఇంటర్నేషనల్ ఎయిర్పోర్ట్ లిమిటెడ్తో కలిసి సంయుక్తంగా అభివృద్ధి చేసింది.రూ. 11,282 కోట్ల వ్యయంతో నిర్మించిన నోయిడా విమానాశ్రయం మొదటి దశ ప్రారంభంలో సంవత్సరానికి 1.2 కోట్ల మంది ప్రయాణికులను నిర్వహించే సామర్థ్యం ఉంది. దీనిని రానున్న కొన్ని సంవత్సరాలలోనే 7 కోట్ల మంది ప్రయాణికులను నిర్వహించేలా చేయవచ్చు. ఇందులో పెద్ద విమానాలను నిర్వహించగల 3,900 మీటర్ల రన్వేతో పాటు, ఆధునిక నావిగేషన్ వ్యవస్థలు కూడా ఉన్నాయి. ఈ విమానాశ్రయం, వాయు, రోడ్డు, ఇతర రవాణా మార్గాల ద్వారా అనుసంధానంతో ఒక మల్టీమోడల్ రవాణా కేంద్రంగా అభివృద్ధి చేయబడింది. ప్రపంచ స్థాయి సౌకర్యాలను అందించడమే కాకుండా, ప్రయాణికుల మౌలిక సదుపాయాల భద్రతను ప్రపంచ స్థాయిలో నిర్ధారించడానికి ఈ విమానాశ్రయం ఒక హై-టెక్ కోటగా రూపొందించబడింది. -
ఎన్డీయేలో ఉండి ఏం లాభం బాబు?
సాక్షి, ఢిల్లీ/అమరావతి: వెనుకబడిన తరగతులకు 34 శాతం రిజర్వేషన్లు కల్పిస్తామని మేనిఫెస్టోలో హామీ ఇచ్చిన చంద్రబాబు ప్రభుత్వం.. మాములు పొలిటికల్ డ్రామాలాడలేదు. ‘చెల్లని’ జీవోలు ఇచ్చి పాలాభిషేకాలు చేయించుకున్నారు. అయితే బాబు ప్రభుత్వం జారీ చేసిన జీవోలను హైకోర్టు కొట్టివేయగా, ఆ తీర్పును ఇవాళ సుప్రీంకోర్టు సమర్థించింది. దీంతో నారా పొలిటికల్ డ్రామాపై బీసీ సంఘాలు భగ్గుమంటున్నాయి. కేంద్రంలో అధికారంలో ఉన్న ఎన్డీయే ప్రభుత్వంలో టీడీపీ భాగస్వామిగా ఉంది. చంద్రబాబు కూడా ఇటీవల రెండు రోజులపాటు ఢిల్లీలో పర్యటించి ప్రధాని మోదీ, కేంద్ర హోంమంత్రి అమిత్ షాతో భేటీ అయ్యారు. అయినా బీసీ రిజర్వేషన్ల అంశంపై కేంద్రాన్ని ఒప్పించేందుకు కనీసం వినతిపత్రం కూడా ఇవ్వలేదని బీసీ సంఘాలు ప్రశ్నిస్తున్నాయి. కోర్టు తీర్పు వెలువడే అవకాశం ఉందని తెలిసినా చంద్రబాబు ఈ దిశగా ఎందుకు ప్రయత్నించలేదని నిలదీస్తున్నాయి. అసలు ప్రధానితో చంద్రబాబు కనీసం దీని గురించి మాటైనా ప్రస్తావించారా? అని అంటున్నాయి. షెడ్యూల్-9 డిమాండ్ ఉందిగా..బీసీలకు రిజర్వేషన్లు పెంచే అంశాన్ని కేంద్రం ద్వారా పరిష్కరించాలని, ఇందుకోసం సంబంధిత చట్టాన్ని తీసుకొచ్చి షెడ్యూల్-9లో చేర్చాలని బీసీ సంఘాలు ఎప్పటి నుంచో డిమాండ్ చేస్తున్నాయి. ఈ నేపథ్యంలో కేంద్రంలో కీలకంగా ఉన్న చంద్రబాబు ఆ దిశగా చర్యలు తీసుకోకపోవడంపై విమర్శలు వెల్లువెత్తుతున్నాయి. రిజర్వేషన్ల పెంపుపై చట్టపరమైన పరిమితులు ఉన్నాయని తెలిసి కూడా 34 శాతం రిజర్వేషన్లు ఇస్తామని హామీ ఇచ్చారా? సాధ్యం కాదని తెలిసినా చెల్లని జీవోలతో నాటకమాడారా? అని బీసీ సంఘాలు ప్రశ్నిస్తున్నాయి.గతంలోనూ ఇదే తీరంటూ ఆగ్రహంబీసీల రిజర్వేషన్ల విషయంలో టీడీపీ గతంలోనూ అడ్డంకులు సృష్టించడం.. ఇప్పుడు తెర మీదకు వచ్చింది. ఆనాడు టీడీపీ నేత ప్రతాప్తో పిటిషన్లు వేయించి రిజర్వేషన్లను అడ్డుకున్నారు చంద్రబాబు. ఇప్పుడు కూడా 34 శాతం రిజర్వేషన్ల పేరుతో చట్టం దిశగా అడుగులేయకుండా చెల్లని జీవోలు ఇచ్చారని మండిపడుతున్నారు.బీసీలను మరోసారి మోసం చేశారని, చంద్రబాబు తీరు వెన్నుపోటు లాంటిదని ఆగ్రహం వ్యక్తం చేస్తున్నాయి. బీసీ రిజర్వేషన్లపై ప్రధానితో చంద్రబాబు చర్చించారా? కేంద్రాన్ని ఒప్పించే ప్రయత్నం చేశారా? అని నిలదీస్తున్నాయి. ఎన్డీయేలో భాగస్వామిగా ఉండి కూడా బీసీలకు రిజర్వేషన్లు కల్పించలేకపోతే ఆ కూటమిలో కొనసాగడం వల్ల ప్రయోజనం ఏమిటని ప్రశ్నిస్తున్నాయి. ఇదంతా చంద్రబాబు చేసిన రాజకీయ నాటకమేనని బీసీ సంఘాలు విమర్శిస్తున్నాయి.ఇదీ చదవండి: ఏపీ ప్రభుత్వ సర్వేను తప్పుబట్టిన సుప్రీం కోర్టు -
సీఈసీపై సమరం.. జ్ఞానేశ్ రాజీనామా డిమాండ్.. ఢిల్లీలో కీలక పోరు!
ఓటర్ల జాబితా ప్రత్యేక సమగ్ర సవరణ (ఎస్ఐఆర్)పై రాజకీయ పోరు మరింత ఉధృతమైంది. అర్హులైన ఓటర్ల పేర్లను తొలగిస్తున్నారంటూ ఎన్నికల సంఘంపై ఆరోపణలు చేస్తున్న ప్రతిపక్షాలు.. ప్రధాన ఎన్నికల కమిషనర్ (సీఈసీ) జ్ఞానేశ్ కుమార్కు వ్యతిరేకంగా నిరసనలను కొనసాగిస్తున్నాయి. వరుస ఆందోళనలతో దేశ రాజధాని ఢిల్లీ రాజకీయంగా వేడెక్కింది. ఇప్పటికే మూడు రోజులుగా నిరసనలు చేపట్టిన విపక్ష ఎంపీలు.. నాలుగో రోజూ తమ ఆందోళనలను కొనసాగించేందుకు సిద్ధమయ్యారు. ఈ క్రమంలో.. ఎస్ఐఆర్ అంశంపై తదుపరి కార్యాచరణను ఖరారు చేసేందుకు విపక్ష ఎంపీలు నేడు మధ్యాహ్నం పార్లమెంట్ సెంట్రల్ హాల్లో సమావేశం కానున్నారు. అనంతరం ఇండియా కూటమి నేతల బృందం రాష్ట్రపతి ద్రౌపది ముర్మును కలిసి తమ అభ్యంతరాలను వివరించనుంది. ఓటర్ల జాబితా నుంచి అర్హులైన వారి పేర్ల తొలగింపు, ఎన్నికల సంఘం వ్యవహారశైలిపై ఫిర్యాదు చేయడంతోపాటు సీఈసీ జ్ఞానేశ్ కుమార్ను పదవి నుంచి తొలగించాలని డిమాండ్ చేసే అవకాశం ఉంది. ఈ భేటీకి సంబంధించి పది మంది నేతల బృందం రాష్ట్రపతికి వినతిపత్రం సమర్పించనున్నట్లు సమాచారం.రేపు జంతర్ మంతర్ వద్ద సీజేపీ ఆందోళనమరోవైపు, సీఈసీ రాజీనామా డిమాండ్తో కాక్రోచ్ జనతా పార్టీ(సీజేపీ) రేపు జంతర్ మంతర్ వద్ద నిరసనకు పిలుపునిచ్చింది. విద్యార్థి సంఘాలు, ఇతర సంస్థలు కూడా ఈ ఆందోళనకు మద్దతు ప్రకటించాయి. అయితే, నిరసనకు పోలీసుల అనుమతి విషయంలో స్పష్టత లేకపోయినా కార్యక్రమాన్ని కొనసాగిస్తామని సీజేపీ ప్రతినిధులు చెబుతున్నారు. నిరసనకు ముందు తమ కార్యకర్తలను అదుపులోకి తీసుకుంటున్నారని ఆ సంస్థ ఆరోపించగా, ఈ పరిణామాలు ఢిల్లీలో ఉద్రిక్తతలను పెంచాయి.భారీ భద్రతవరుస నిరసనలు, రేపటి ఆందోళన నేపథ్యంలో ఢిల్లీలో భద్రతను కట్టుదిట్టం చేశారు. సుమారు 20 వేల మంది పోలీసులను మోహరించినట్లు వార్తా కథనాలు పేర్కొన్నాయి. నిరసనకారుల కదలికలపై నిఘా పెంచడంతోపాటు రద్దీ ప్రాంతాల్లో అదనపు బలగాలను అందుబాటులో ఉంచారు. ఆందోళనల కారణంగా న్యూఢిల్లీ పరిధిలో ట్రాఫిక్ అంతరాయాలు ఏర్పడే అవకాశం ఉండటంతో వాహనదారులు ప్రత్యామ్నాయ మార్గాలను ఎంచుకోవాలని అధికారులు సూచిస్తున్నారు.మద్యం దుకాణాలు బంద్మరో కీలక పరిణామంగా.. ఢిల్లీలో అక్టోబర్ 9, 10 తేదీల్లో అన్ని రిటైల్ మద్యం దుకాణాలను మూసివేయాలని ప్రభుత్వం ఆదేశించింది. పోలీసుల నుంచి అందిన సమాచారం ఆధారంగా శాంతిభద్రతలను కాపాడేందుకు ముందస్తు చర్యగా ఈ నిర్ణయం తీసుకున్నట్లు ఎక్సైజ్ శాఖ తెలిపింది. ఎస్ఐఆర్పై భిన్న వాదనలుఎస్ఐఆర్ ద్వారా పశ్చిమ బెంగాల్లో అర్హులైన ఓటర్ల పేర్లు తొలగిపోయాయని ప్రతిపక్షాలు ఆరోపిస్తున్నాయి. ముఖ్యంగా మహిళలు, ముస్లిం వర్గాలపై ఈ ప్రభావం ఎక్కువగా ఉందని విమర్శిస్తున్నాయి. బీఆర్ఎస్ నేత కేటీఆర్ సహా పలువురు విపక్ష నేతలు సీఈసీ రాజీనామాతోపాటు ఈ వ్యవహారంపై సుప్రీంకోర్టు పర్యవేక్షణలో విచారణ జరగాలని కోరుతున్నారు.అయితే, ఎన్నికల సంఘం ఎస్ఐఆర్ను ఓటర్ల జాబితాలో నకిలీ, పునరావృత, మరణించిన వారి పేర్లను తొలగించే ప్రక్రియగా సమర్థిస్తోంది. మరోవైపు 42 మంది మాజీ న్యాయమూర్తులు కూడా ఎన్నికల సంఘానికి మద్దతుగా బహిరంగ లేఖ విడుదల చేసి, ఆరోపణలు చేసేవారు ఆధారాలను సమర్పించాలని సూచించారు. ఈ నేపథ్యంలో ఓటర్ల జాబితా సవరణపై మొదలైన వివాదం ఇప్పుడు ఎన్నికల సంఘం నాయకత్వంపై రాజకీయ పోరుగా మారింది.ఇదీ చదవండి: దేశం కంటే జ్ఞానేశ్ కుమార్ గొప్ప? -
మోదీ గద్దె దిగు.. లేదా ప్రజలే దింపుతారు
సాక్షి, న్యూఢిల్లీ: ఎన్నికల సంఘాన్ని అడ్డుపెట్టుకుని దొడ్డిదారిన అధికారాన్ని నిలబెట్టుకునేందుకు ప్రయతి్నస్తే ప్రజలు తిరుగుబాటు చేస్తారని ముఖ్యమంత్రి రేవంత్రెడ్డి హెచ్చరించారు. ఈడీ, ఆదాయపు పన్ను శాఖ, సీబీఐ దాడులు ఇకపై బీజేపీ ప్రభుత్వాన్ని ఏమాత్రం రక్షించలేవన్నారు. సీఈసీ జ్ఞానేశ్కుమార్ను ప్రధానమంత్రి నరేంద్ర మోదీ వెంటనే బర్తరఫ్ చేయాలని డిమాండ్ చేశారు. లేని పక్షంలో గద్దె దిగాలని, లేకపోతే ప్రజలే గద్దె దించుతారని అన్నారు.ఓట్ బచావో..దేశ్ బచావో ఉద్యమంలో భాగంగా లోక్సభలో విపక్ష నేత రాహుల్గాంధీ, కాంగ్రెస్ అధ్యక్షుడు మల్లికార్జున ఖర్గే, కాంగ్రెస్ సీనియర్ నేతలు ప్రియాంకాగాం«దీ, కేసీ వేణుగోపాల్, ఇతర ఇండియా కూటమి నేతలు గురువారం మహాత్మా గాంధీ సమాధి రాజ్ఘాట్ వరకు ప్రదర్శన నిర్వహించారు. వారితో కలిసి అక్కడ నివాళులర్పించిన తర్వాత రేవంత్రెడ్డి విలేకరులతో మాట్లాడారు.ఓట్లు లాక్కోవడానికి ప్రధాని, జ్ఞానేశ్ ప్రయత్నం‘ఓట్ బచావో..దేశ్ బచావో ఉద్యమం కాంగ్రెస్ పార్టీ పోరాటం కోసమో, ఇండియా కూటమి కోసమో కాదు. ఇది దేశంలోని సామాన్యుల హక్కుల పరిరక్షణ ఉద్యమం. 2014 ఎన్నికల నాటికి దేశంలో 81 కోట్ల మంది ఓటర్లు ఉన్నారు. 2019 నాటికి ఆ సంఖ్య 91 కోట్లకు చేరింది. 2024 నాటికి 97 కోట్ల మంది ఓటర్లు ఉన్నారు. దేశ జనాభా 140 కోట్లకు చేరుకుంది. ఓటర్ల సంఖ్య మరింతగా పెరగాల్సింది పోయి ఏకంగా 13 కోట్ల ఓట్లు గల్లంతు అయ్యాయి? అవి ఎలా తగ్గిపోయాయో ప్రధానమంత్రి నరేంద్ర మోదీ దేశ ప్రజలకు చెప్పాలి. ఇప్పటివరకు స్పెషల్ ఇంటెన్సివ్ రివిజన్ (ఎస్ఐఆర్) ఎన్నిసార్లు జరిగినా పేదల ఓట్లకు ముప్పు కలగలేదు. ఇప్పుడు మాత్రం రాజ్యాంగం కల్పించిన ఓటు హక్కును అణగారిన వర్గాల నుంచి గుంజుకునేందుకు ప్రధాని మోదీ, సీఈసీ జ్ఞానేశ్కుమార్ ప్రయత్నిస్తున్నారు. ఎన్నికల సంఘం తప్పులను ప్రశ్నిస్తున్న ప్రతిపక్ష నేతలపై పోలీసులతో దాడులు చేయించడం, ఫిర్యాదు చేసేందుకు వెళ్లిన నేతలను ఎన్నికల సంఘం కలవకపోవడం వెనుక పెద్ద కుట్ర దాగి ఉంది.బీజేపీని వ్యతిరేకించే వారి ఓట్లే లక్ష్యం కులం, మతం, ప్రాంతం, భాషల పేరుతో దేశ ప్రజలను విభజించి బీజేపీ అధికారంలోకి వచి్చంది. దేశ ప్రజలను ఓటు ఉన్నవాళ్లు, ఓటు లేనివాళ్లని, రెండు వర్గాలుగా విభజిస్తున్నారు. బీజేపీకి అనుకూలంగా ఉన్న వాళ్లు ఒకవైపు, వ్యతిరేకంగా ఉన్న పేదలు మరోవైపు అన్నట్లుగా మోదీ, జ్ఞానేశ్కుమార్ పరిస్థితులను మార్చారు. బీజేపీకి వ్యతిరేకంగా తీర్పునిచ్చే దళితులు, గిరిజనులు, ఆదివాసీలు, మైనారిటీ ఓట్లను లక్ష్యంగా చేసుకుని వాటిని తొలగిçస్తున్నారు..’అని సీఎం ధ్వజమెత్తారు.రాహుల్ వెంటే సీఎం..గురువారం మధ్యాహ్నం మోట్స్ హోటల్లో ఇండియా కూటమి లంచ్ మీటింగ్ నిర్వహించగా, ఆ ప్రాంతంలో విపరీతమైన ట్రాఫిక్ జామ్ అయింది. దీంతో ఈ సమావేశానికి వచ్చిన రేవంత్రెడ్డి సుమారు కిలోమీటరు దూరంలోనే తన కాన్వాయ్ నుంచి దిగారు. రాష్ట్ర ఎంపీలు మల్లు రవి, చామల కిరణ్కుమార్రెడ్డి, గడ్డం వంశీకృష్ణ, బలరాం నాయక్ లతో కలిసి నడుచుకుంటూ వచ్చి సమావేశానికి హాజరయ్యారు. అనంతరం అగ్రనేతలు ఖర్గే, రాహుల్, ప్రియాంకాగాంధీలతో కలిసి ఒకే బస్సులో రాజ్ఘాట్కు వెళ్లారు. అక్కడ నిర్వహించిన ధర్నాలో పాల్గొన్నారు.ఇదీ చదవండి: సైబర్ మోసాల కట్టడికి గ్లోబల్ ఫ్రేమ్వర్క్ -
క్యాన్సర్ రోగులకు భారీ ఊరట
న్యూఢిల్లీ: కేవలం రూ.2,700 ఖర్చయ్యే ఒక క్యాన్సర్ ఔషధాన్ని ఏకంగా రూ.27,000 గరిష్ట చిల్లర ధర(ఎంఆర్పీ) ముద్రించి విక్రయిస్తున్న ఉదంతాలపై సర్వోన్నత న్యాయస్థానం తీవ్ర ఆగ్రహం వ్యక్తంచేసిన నేపథ్యంలో మోదీ సర్కార్ దిద్దుబాటు చర్యలకు దిగింది. దీంతో క్యాన్సర్ రోగులకు భారీ ఉపశమనం కల్గేలా కీలక నిర్ణయం తీసుకుంది. ఇకపై క్యాన్సర్ ఔషధాల ఎంఆర్పీ ధరలో వ్యాపారుల వాణిజ్య మార్జిన్ 30 శాతం దాటకూడదని ప్రభుత్వం పరిమితి విధించింది. దీంతో బ్రాండెడ్, జనరిక్, దేశీయ, విదేశీ, పేటెండెడ్, నాన్–పేటెంటెడ్ నాన్–షెడ్యూల్డ్ యాంటీ–క్యాన్సర్ డ్రగ్స్ ధరలు భారీగా తగ్గే ఆస్కారముంది. దాదాపు 70 శాతం ధరలు తగ్గే అవకాశం ఉందని వాణిజ్యవర్గాలు అంచనావేస్తున్నాయి. ఈనెలాఖరు నుంచి మార్జిన్ పరిమితి నిర్ణయం అమల్లోకి వచ్చే ఆస్కారముంది. ప్రాణాధారమైన కీలక ఔషధాల ధరలు తగ్గడంతో ఈ డ్రగ్స్ సామాన్యులకు సైతం నిరంతరం అందుబాటులో ఉండనున్నాయి. 35 రకాల పేటెంటెడ్ ఔషధాలు సహా మొత్తంగా 110 యాంటీ–క్యాన్సర్ డ్రగ్స్ ధరలు దిగిరానున్నాయి. ‘‘ఇష్టారీతిగా ధరలను ముద్రించి రోగుల నెత్తిన ధరల బండ పడేసే విధానానికి స్వస్తిపలికి వాణిజ్య మార్జిన్ హేతుబద్ధత(టీఎంఆర్)ను తీసుకురావడమే ప్రభుత్వ ఉద్దేశం’’అని ప్రభుత్వ వర్గాలు గురువారం వెల్లడించాయి. ధరలు 70 శాతం దాకా తగ్గే నేపథ్యంలో దేశవ్యాప్తంగా క్యాన్సర్ రోగుల సొమ్ము ఏటా రూ.2,500 కోట్లమేర ఆదా అయ్యే ఆస్కారముంది. సెపె్టంబర్ 28వ తేదీన 16 శాతం ఏకరూప మార్జిన్ కోరుతూ దాఖలైన పిటిషన్ విచారణ సందర్భంగా సుప్రీంకోర్టు ‘‘రిటైలర్కు రూ.2,700కే లభించే ఒక క్యాన్సర్ డ్రగ్ను రోగికి ఏకంగా రూ.27,000కు అమ్మడం ఎంత దారుణం. ఇది పట్టపగలే నిలువెత్తు దోపిడీ’’అంటూ తీవ్ర ఆగ్రహం వ్యక్తంచేయడం తెల్సిందే. అయితే ప్రభుత్వ తాజా నిర్ణయానికి, ఈ కేసుకు ఎలాంటి సంబంధం, సందర్భం లేదు అని ప్రభుత్వవర్గాలు వివరించాయి. తగ్గిన మార్జిన్ ఖరారయ్యాక ఔషధాల నూతన ధరల వివరాలు సంబంధిత ఆస్పత్రుల్లో అందుబాటులో ఉంటాయని ప్రభుత్వవర్గాలు వెల్లడించాయి. ధరల్లో ఎందుకంత తేడా? దేశంలో విక్రయించే ఔషధాలను ప్రభుత్వం రెండు కేటగిరీలుగా విభజించింది. అత్యావశ్యక మందులతో నేషనల్ లిస్ట్ ఆఫ్ ఎసెన్షియల్ మెడిసిన్స్(ఎన్ఎల్ఈఎం)ను రూపొందించింది. వీటి ధరలు ఏటా అంతగా పెరగవు. వాటిపై ప్రభుత్వ నియంత్రణ ఉంటుంది. కానీ వీటిలో కేవలం 18 శాతం ఔషధాలే ఉన్నాయి. మిగతా 82 శాతం ఔషధాలను నాన్–షెడ్యూల్డ్ జాబితాలో పెట్టారు. వీటి ధరలు ఏటా 10 శాతం అంతకంటే ఎక్కువే పెరుగుతూ సామాన్యులకు అందనంత ఎత్తుకు వెళ్లిపోయాయి. వీటిని ఇష్టారీతిగా ఎంఆర్పీ ముద్రించి విక్రయిస్తుండటంతో క్యాన్సర్ రోగుల జేబుకు పెద్ద చిల్లు పడుతోంది. కొన్ని ఖరీదైన మందులపై దిగుమతి సుంకం, జీఎస్టీ మినహాయింపులు ఇచ్చినా సామాన్యులకు ప్రయోజనం పెద్దగా ఉండట్లేదు. భారత్లో ప్రతి సంవత్సరం కొత్తగా అన్ని రకాల క్యాన్సర్ రోగులు 15 లక్షల మంది పెరుగుతున్నారు. -
సైబర్ మోసాల కట్టడికి గ్లోబల్ ఫ్రేమ్వర్క్
న్యూఢిల్లీ: నేటి ఆధునిక టెక్నాలజీ యుగంలో సీమాంతర సైబర్ మోసాలు, డీప్ఫేక్ ముప్పు నానాటికీ పెరుగుతుండడం పట్ల ప్రధాని నరేంద్ర మోదీ ఆందోళన వ్యక్తంచేశారు. ఇలాంటి మోసాలు, ప్రమాదాలను ఎదుర్కోవడానికి అందరూ చేతులు కలపాలని, గ్లోబల్ ఫ్రేమ్వర్క్ ఏర్పాటు చేయాలని పిలుపునిచ్చారు. ప్రజలు సైబర్ మోసాల బారిన పడకుండా ఒక కట్టుదిట్టమైన యంత్రాంగాన్ని ఏర్పాటు చేయడానికి ప్రభుత్వాలు, టెక్నాలజీ కంపెనీలు, టెలికం ఆపరేటర్లు, ఆర్థిక సంస్థలు ఏకతాటిపైకి రావాలని సూచించారు. గురువారం ఢిల్లీలో ‘ఇండియా మొబైల్ కాంగ్రెస్–2026’లో ప్రధానమంత్రి మాట్లాడారు. సైబర్ మోసాలను దీటుగా ఎదుర్కోవడంలో భారత్ గణనీయమైన అనుభవం గడించిందని, ఈ అనుభవాన్ని ప్రపంచ దేశాలతో పంచుకోవడానికి సిద్ధంగా ఉందని చెప్పారు. సైబర్ మోసాలు, నేరాలకు సరిహద్దులతో సంబంధం ఉండదని పేర్కొన్నారు. ప్రపంచంలో ఎక్కడి నుంచైనా మోసాలు జరగవచ్చని అన్నారు. అవి ఎప్పుడో సరిహద్దులను దాటేశాయని అన్నారు. సాంకేతికత అనేది ప్రజల విశ్వసనీయతను పొందినప్పుడే అది మరింత విస్తృత స్థాయిని సాధిస్తుందని తేల్చిచెప్పారు. ప్రధానమంత్రి ఇంకా ఏం చెప్పారంటే.. సామాన్యుడికి కావాల్సింది అదే ‘‘సైబర్ నేరాలకు సరిహద్దులను అధిగమించే శక్తి ఉంది. ఒక దేశంలో ఉన్న వ్యక్తి మరొక దేశం సహాయంతో మూడో దేశంలో నేరానికి పాల్పడవచ్చు. డీప్ఫేక్లు ఎంత పెద్ద సవాలుగా మారాయో చూస్తూనే ఉన్నాం. ఇలాంటి కొత్త ముప్పులను నిరోధించాలంటే అందరూ కలిసికట్టుగా పనిచేయాల్సిందే. ఇందుకోసం ప్రపంచస్థాయి విధానాన్ని రూపొందించుకోవాలి. ప్రభుత్వాలు, టెక్నాలజీ సంస్థలు, టెలికం ఆపరేటర్లు, ఆర్థిక సంస్థలు ఈ విధానంతో అనుసంధానం కావాలి. పైబర్ మోసాలను అడ్డుకోగల ఒక ప్రపంచ స్థాయి యంత్రాంగాన్ని రూపొందించుకోవడానికి ప్రపంచవ్యాప్తంగా ఉన్న టెలికం నెట్వర్క్ ఆపరేటర్లు ముందుకు రావాలని కోరుతున్నా. టెలికం, డిజిటల్ సాంకేతికతల విస్తరణ మరింత పెరగాలంటే వాటి భద్రతా వ్యవస్థను బలోపేతం చేయడం అత్యంత కీలకం. ముఖ్యంగా మొబైల్, నెట్వర్క్ భద్రతకు ప్రాధాన్యత ఇవ్వాలి. ఒక సాధారణ పౌరుడు నియమావళి లేదా వ్యవస్థల భాషలో ఆలోచించడు. అతడికి నమ్మకమే సర్వోన్నతం. ఎవరు ఫోన్ చేస్తున్నారో తెలుసుకోవడం, సందేశం నిజమైనదా లేదా నకిలీదా అని చూడడం, చెల్లింపు సురక్షితమేనా, వ్యక్తిగత సమాచారం భద్రంగా ఉందా అని చూడడమే సామాన్యుడికి కావాల్సిందని’’ మోదీ అన్నారు. టెలికం రంగంలో ‘సంస్కరణల ఎక్స్ప్రెస్’ ‘‘దేశంలో 2022లో 5జీ సేవలను ప్రారంభించాం. ప్రస్తుతం 5జీ కనెక్టివిటీ ప్రతి జిల్లాకూ చేరింది. 5.5 లక్షలకు పైగా బేస్ స్టేషన్లు 5జీ నెట్వర్క్ను నిర్వహిస్తున్నాయి. 2022తో పోలిస్తే మొబైల్ ఇంటర్నెట్ వేగం 10 రెట్లు పెరిగింది. డిజిటల్ పాలనలో భారత్కు అపారమైన అనుభవం ఉంది. డీబీటీ ద్వారా దాదాపు రూ.50 లక్షల కోట్లను లబి్ధదారుల బ్యాంకు ఖాతాలకు నేరుగా బదిలీ చేశాం. దీంతో దాదాపు రూ.5 లక్షల కోట్లు పక్కదారి పట్టకుండా ఆదా అయ్యాయి. ఆ డబ్బు ఇప్పుడు అర్హులైన లబి్ధదారులకు చేరుతోంది. సరైన ప్రయోజనాల కోసం ఖర్చవుతోంది. టెలికం రంగంలో ‘సంస్కరణల ఎక్స్ప్రెస్’ వేగంగా దూసుకెళ్తోంది’’అని మోదీ వివరించారు. -
శాటిలైట్ ఇంటర్నెట్ పై ముదురుతున్న వివాదం
-
స్టార్ లింక్ పై ఇలాన్ మస్క్ ఆరోపణలకు కేంద్రం కౌంటర్
-
నానా పటేకర్.. అందుకే ఆయన ఎంతో ప్రత్యేకం: ప్రధాని మోదీ
ప్రముఖ నటుడు నానా పటేకర్ మృతిపై ప్రధాని నరేంద్ర మోదీ తీవ్ర దిగ్భ్రాంతి వ్యక్తం చేశారు. నాలుగు దశాబ్దాలకు పైగా సినీ ప్రస్థానంలో తనదైన నటనతో ప్రేక్షకులను మెప్పించిన నానా పటేకర్ మరణం సినీ రంగానికి తీరని లోటని పేర్కొన్నారు. ఆయన కుటుంబ సభ్యులు, స్నేహితులు, అభిమానులకు సానుభూతి తెలిపారు. ‘ఓం శాంతి’ అంటూ నివాళులర్పించారు.‘‘కొద్దిమంది నటులకే ఉండే తీవ్రత, ప్రత్యేకత, చెరగని ఉనికి నానా పటేకర్గారి సొంతం. ప్రతి పాత్రలోనూ ఆయన అద్భుతమైన వైవిధ్యం, సృజనాత్మకతను ప్రదర్శించారు. తరతరాలు గుర్తుంచుకునే పాత్రలను మనకు అందించారు’’ అని మోదీ పేర్కొన్నారు. నానా పటేకర్ తన నటనతోనే కాకుండా నిర్మొహమాటమైన, ముక్కుసూటి అభిప్రాయాలతోనూ ప్రత్యేక గుర్తింపు తెచ్చుకున్నారని ప్రధాని అన్నారు. తాను నమ్మిన విషయాలను చెప్పేందుకు ఆయన ఎప్పుడూ వెనుకాడేవారు కాదని కొనియాడారు.‘హిందీ, మరాఠీ సినిమాకు అపార సేవ’హిందీ, మరాఠీ చిత్ర పరిశ్రమలకు నానా పటేకర్ చేసిన సేవలు అపారమని మోదీ పేర్కొన్నారు. ఆయన మరణం సినీ ప్రపంచంలోనూ, ఆయనను అభిమానించే కోట్లాది మందిలోనూ తీరని లోటును మిగిల్చిందన్నారు. ఆయన కుటుంబం, స్నేహితులు, అభిమానులకు తన ప్రగాఢ సానుభూతిని తెలిపారు.Few actors possessed the intensity, individuality and unmistakable presence that Shri Nana Patekar Ji had. He brought remarkable versatility and creativity to every role and gave us characters that will be remembered for generations. He was also admired for his frank and forthright views, never hesitating to express what he believed in. Shri Nana Patekar’s contribution to Hindi and Marathi cinema was immense. His passing leaves a deep void. My condolences to his family, friends and countless admirers. Om Shanti.— Narendra Modi (@narendramodi) October 8, 2026గుండెపోటుతో కన్నుమూతనానా పటేకర్ గురువారం ఉదయం గోవాలోని తన నివాసంలో తీవ్ర అస్వస్థతకు గురయ్యారు. గుండెపోటు రావడంతో అపస్మారక స్థితిలో ఉన్న ఆయనను ఆసుపత్రికి తరలించారు. వైద్యులు దాదాపు 45 నిమిషాల పాటు సీపీఆర్ చేసినప్పటికీ స్పందించలేదు. ఉదయం 5.20 గంటల సమయంలో ఆయన మరణించినట్లు ఆసుపత్రి వర్గాలు వెల్లడించాయి. ఆయన వయసు 75 సంవత్సరాలు.రంగస్థలం నుంచి వెండితెర వరకు..విశ్వనాథ్ పటేకర్గా జన్మించిన నానా.. 1978లో వచ్చిన ‘గమన్’ సినిమాతో సినీ ప్రయాణం ప్రారంభించారు. ‘పరిందా’, ‘క్రాంతివీర్’, ‘అబ్ తక్ ఛప్పన్’, ‘అగ్ని సాక్షి’, ‘వెల్కమ్’ వంటి చిత్రాల్లో విభిన్న పాత్రలతో తనదైన ముద్ర వేశారు. ‘క్రాంతివీర్’(తెలుగులో మోహన్బాబు నటించిన పుణ్యభూమి నా దేశం) చిత్రానికి ఉత్తమ నటుడిగా జాతీయ అవార్డు అందుకున్నారు. ‘అగ్ని సాక్షి’కి ఉత్తమ సహాయ నటుడిగా మరో జాతీయ పురస్కారం దక్కింది.నటుడిగానే కాకుండా దర్శకుడిగానూ నానా పటేకర్ తన ప్రతిభను చాటుకున్నారు. 1991లో ‘ప్రహార్: ది ఫైనల్ అటాక్’ చిత్రానికి దర్శకత్వం వహించారు. రంగస్థల నటుడిగానూ ఆయనకు విశేష గుర్తింపు ఉంది. కళారంగానికి చేసిన సేవలకు 2013లో పద్మశ్రీ పురస్కారం లభించింది.నానా పటేకర్ మృతిపై పలువురు రాజకీయ ప్రముఖులు సంతాపం తెలిపారు. మహారాష్ట్ర ముఖ్యమంత్రి దేవేంద్ర ఫడ్నవీస్, ఉత్తరప్రదేశ్ సీఎం యోగి ఆదిత్యనాథ్ కూడా నానా పటేకర్ మృతి కళా ప్రపంచానికి పూడ్చలేని లోటని అన్నారు. కేంద్ర మంత్రి నితిన్ గడ్కరీ, కర్ణాటక సీఎం డీకే శివకుమార్ తదితరులు ఆయనకు నివాళులర్పిస్తూ.. భారతీయ సినిమా, సామాజిక సేవకు నానా చేసిన సేవలను గుర్తుచేసుకున్నారు.ఇదీ చదవండి: కాస్ట్లీ కారును వద్దనుకుని.. రైతులకు సాయం -
ఓటు హక్కును హరించే కుట్ర
సాక్షి, న్యూఢిల్లీ: దేశంలో పౌరుల ఓటు హక్కును హరించేందుకు కేంద్ర ప్రభుత్వం భారీ కుట్ర పన్నుతోందని సీఎం రేవంత్రెడ్డి తీవ్రస్థాయిలో ధ్వజమెత్తారు. ప్రధాని నరేంద్ర మోదీ కనుసన్నల్లోనే ఎన్నికల సంఘం అధికారులు పనిచేస్తున్నా రని ఆరోపించారు. ఓటర్ల జాబితాలో తప్పు లు చేసిన వారిని వదిలేసి, ఆ తప్పు లను సరిదిద్దాలని డిమాండ్ చేసిన రాహుల్గాంధీ, ప్రియాంకాగాంధీ, మల్లి కార్జున ఖర్గేలతో పాటు ఇండియా కూటమి నేతలను అరెస్టు చేయడం ప్రజా స్వామ్యాన్ని అపహా స్యం చేయడమేనని ఆగ్ర హం వ్యక్తం చేశారు. రాహుల్, ప్రియాంకలపై పోలీసుల దాడి మోదీ, అమిత్ షాల అసహ నానికి నిదర్శన మని విమర్శించారు. దేశంలో ప్రతిపక్ష నేతలపై ఇలాంటి దాడులు జరగ డం ప్రజాస్వామ్యానికి చీకటి రోజని అభి వర్ణి ంచారు. బుధవారం ఎన్నికల ప్రధాన కమిషనర్ జ్ఞానేశ్కుమార్ రాజీనామా చేయాలని డిమాండ్చేస్తూ.. జంతర్మంతర్ వద్దకు బయలుదేరిన రాహుల్, ప్రియాంక తదితరు లను పోలీసులు అరెస్టు చేసి బారఖంబా పోలీస్ స్టేషన్కు తరలించారు. ఢిల్లీకి వచ్చిన సీఎం రేవంత్రెడ్డి.. కేరళ సీఎం వీడీ సతీషన్, రాష్ట్ర మంత్రి పొంగులేటి శ్రీనివాస్ రెడ్డి, ఎంపీలతో కలిసి వారిని కలిసేందుకు ప్రయత్నించగా పోలీసులు అడ్డుకున్నారు. అనంతరం ఆయన మీడియాతో మాట్లా డారు. రాహుల్గాంధీ, ప్రియాంకా గాంధీ, ఖర్గేల అరెస్టు దారుణమని మండిపడ్డారు. ప్రజలను రెండు వర్గాలుగా విభజించే యత్నందేశ ప్రజలను రెండు వర్గాలుగా విభజించేందుకు కేంద్రం ప్రమాదకర క్రీడకు తెరలేపిందని సీఎం విమర్శించారు. ఓటు హక్కు ఉన్నవారు, ఓటు హక్కు లేని పౌరులుగా దేశాన్ని విడగొడుతున్నారని ఆందోళన వ్యక్తం చేశారు. ప్రధాని మోదీ ఆదేశాల మేరకే సీఈసీ జ్ఞానేశ్కుమార్ వ్యవహరి స్తున్నారని, ఆయన తక్షణమే తన పదవికి రాజీనామా చేయాలని డిమాండ్ చేశారు. ‘సైమన్ గో బ్యాక్’ తరహాలోనే నాడు స్వాతంత్య్ర పోరాటంలో ‘సైమన్ గో బ్యాక్’ ఉద్యమం ఏవిధంగా దేశానికి స్వాతంత్య్రం తెచ్చిందో, నేడు జ్ఞానేశ్ కుమార్ రాజీనామా కోరుతూ చేస్తున్న ఈ ఆందోళన కూడా భవిష్యత్తులో నరేంద్ర మోదీని అధికారంలో నుంచి దించడానికి దారితీస్తుందని హెచ్చరించారు. ఎన్నికల కమిషన్ను వాడుకుని ఓట్లను తొలగించడం ద్వారా రాజ్యాంగం కల్పించిన హక్కులను కాలరాస్తున్నారని ఆవేదన వ్యక్తం చేశారు. రాబోయే రోజుల్లో ఈ అప్రజాస్వామిక విధా నాలపై దీర్ఘకాలిక కార్యాచరణతో పోరాడతా మని, ప్రజలందరినీ ఏకం చేసి ఈ కుట్ర లను మూకుమ్మడిగా తిప్పికొడతామన్నారు.రఘురాంరెడ్డికి గాయాలురాహుల్గాంధీకి సంఘీభావంగా రాష్ట్ర ఎంపీలు మల్లు రవి, చామల కిరణ్కుమార్రెడ్డి, గడ్డం వంశీకృష్ణ, రామసహాయం రఘురాం రెడ్డి తదితరులు ఆందోళనలో పాల్గొన్నారు. రాహుల్తో కలిసి జంతర్ మంతర్వైపు వస్తున్న ఎంపీలను పోలీసులు అడ్డుకున్నా రు. ఈ సందర్భంగా పోలీసులు ఎంపీలపై లాఠీలు ఝుళిపించారు. దీంతో ఖమ్మం ఎంపీ రఘురాంరెడ్డికి గాయాలయ్యాయి. -
మోదీకి రాష్ట్రపతి శుభాకాంక్షలు
న్యూఢిల్లీ: ప్రజా జీవితంలో 25 ఏళ్లు పూర్తి చేసుకున్న ప్రధాని నరేంద్ర మోదీకి రాష్ట్రపతి ద్రౌపది ముర్ము శుభాకాంక్షలు తెలియజేశారు. ఈ కీలకమైన మైలురాయి ప్రజల సంక్షేమం పట్ల మోదీకి ఉన్న అచంచలమైన నిబద్ధతను, భారత్ పురోగతిని ముందుకు తీసుకెళ్లాలనే దృఢ సంకల్పాన్ని ప్రతిబింబిస్తోందని పేర్కొన్నారు. ఈ మేరకు బుధవారం ‘ఎక్స్’లో పోస్టుచేశారు. ఇటీవలి కాలంలో దేశవ్యాప్తంగా మనం చూసిన పరివర్తన ప్రజల జీవితాల్లో స్పష్టంగా కనిపిస్తోందని ఉద్ఘాటించారు. ‘‘గృహవసతి, ఆరోగ్య సంరక్షణ, ఆర్థిక సేవలు, ఇంధనం, ప్రాథమిక సౌకర్యాల లభ్యతను విస్తరించడం నుంచి కనెక్టివిటీ, డిజిటల్ మౌలిక సదుపాయాలు, అవకాశాలను బలోపేతం చేయడం వరకు.. అనేక పరివర్తనాత్మక కార్యక్రమాలు దేశం నలుమూలలా లక్షలాది మంది జీవితాలను ప్రభావితం చేశాయి. ప్రధాని మోదీ కృషితో ఎన్నో విజయాలు సాధ్యమయ్యాయి. ఆత్మవిశ్వాసంతో, నూతన ఆశయాలతో ముందుకు సాగుతున్న భారత్ వైపు ప్రపంచం నూతన గౌరవం, విశ్వాసంతో చూస్తోంది. 2047 నాటికి వికసిత్ భారత్ లక్ష్యాన్ని సాకారం చేసుకునే దిశగా దేశం పయనిస్తున్న తరుణంలో మోదీ మార్గదర్శకత్వం, సంకల్పం నుండి భారత ప్రజలు ప్రయోజనం పొందుతూనే ఉండాలి. ప్రజాసేవలో అంకితభావంతో ముందడుగు వేస్తున్న మోదీకి రాబోయే కాలంలో మంచి ఆరోగ్యం, ఆనందం, నిరంతర శక్తి లభించాలని ఆకాంక్షిస్తున్నాను’’ అని రాష్ట్రపతి వెల్లడించారు. మోదీకి ఎల్కే అద్వానీ ఆశీస్సులు ప్రధాని మోదీ బుధవారం మాజీ ఉప ప్రధాని, బీజేపీ సీనియర్ నేత ఎల్కే అద్వానీతో ఆయన నివాసంలో భేటీ అయ్యారు. ప్రభుత్వ అధినేతగా 25 ఏళ్లు పూర్తి చేసుకున్న సందర్భంగా అద్వానీ నుంచి ఆశీస్సులు అందుకున్నారు. అనంతరం ‘ఎక్స్’లో పోస్టుచేశారు. ‘‘అద్వానీని కలిసి ఆశీస్సులు తీసుకున్నాను. దశాబ్దాల తరబడి వారు అందించిన సేవలు, చేసిన కృషి చిరస్థాయిగా నిలిచిపోయే ముద్రను వేశాయి. భారతదేశ పురోగతిని బలోపేతం చేయడంలో అద్వానీ కీలక పాత్ర పోషించారు’’ అని మోదీ కొనియాడారు. ప్రముఖులకు మోదీ కృతజ్ఞతలు అభివృద్ధి చెందిన భారత్ నిర్మాణానికి అదే కర్తవ్య స్ఫూర్తితో, అంకితభావంతో పని చేస్తూనే ఉంటానని ప్రధాని మోదీ వివరించారు. వికసిత్ భారత్ అనే సామూహిక దార్శనికతను సాకారం చేయడానికి మరింత శక్తితో పనిచేయడానికి తాను కట్టుబడి ఉన్నట్లు తెలిపారు. ప్రజల ఆప్యాయత, విశ్వాసం, ఆశీస్సులతో ప్రతి దశలోనూ రూపుదిద్దుకున్న ఈ 25 ఏళ్ల సేవా ప్రయాణం ఎంతో సంతృప్తినిచ్చిందని ఉద్ఘాటించారు. పాలనలో 25 ఏళ్లు పూర్తి చేసుకున్న సందర్భంగా తనకు అభినందనలు తెలియజేసిన ప్రముఖులకు మోదీ బుధవారం ‘ఎక్స్’లో కృతజ్ఞతలు తెలిపారు. దేశ ప్రజల విశ్వాసం, భాగస్వామ్యంతో తన సేవా యాత్ర అడుగడుగునా బలోపేతమైందని పేర్కొన్నారు. ప్రముఖులతోపాటు ప్రజల అభినందనలు తనకు ఎంతో ప్రోత్సాహకరంగా ఉన్నాయని వెల్లడించారు. -
చేసి చూపిద్దాం
ఓటుబ్యాంకు ప్రయోజనాల కోసం రాజకీయంగా విడిపోవడం దేశం ఎదుర్కొంటున్న అత్యంత క్లిష్టమైన సవాళ్లలో ఒకటి. ఏదైనా ఆపద వస్తే అది వర్గం లేదా కులానికి అతీతంగా అందరిపైనా ప్రభావం చూపుతుంది. రైతు పొలంలో నీటి కొరత ఏర్పడితే.. ఆ సమస్య కేవలం ఒక కులానికే పరిమితం అవుతుందా? సమస్య అందరికీ సంబంధించినదైనప్పుడు పరిష్కారం కూడా అందరికీ వర్తించేలా ఉండాలి. – వికసిత్ భారత్ సంకల్ప్ సభలో ప్రధాని మోదీన్యూఢిల్లీ: ప్రధానమంత్రి నరేంద్ర మోదీ ప్రజా ప్రస్థానం 25 ఏళ్ల మైలురాయిని అధిగమించింది. 2001 అక్టోబర్ 7న తొలిసారిగా గుజరాత్ ముఖ్యమంత్రిగా, తర్వాత ప్రధానమంత్రిగా ప్రమాణ స్వీకారం చేసిన మోదీ పాలనకు పాతికేళ్లు పూర్తయ్యాయి. ఈ సందర్భంగా మనం అనుకున్నది చేసి చూపిద్దాం(వుయ్ విల్ డూ ఇట్) అనే కొత్త నినాదాన్ని ప్రధానమంత్రి వినిపించారు. ప్రజలందరి ఉమ్మడి కృషితో 2047 నాటికి ‘వికసిత్ భారత్’ లక్ష్యాన్ని కచ్చితంగా సాధిస్తామని ధీమా వ్యక్తం చేశారు. మోదీ పాతికేళ్ల ప్రస్థానాన్ని పురస్కరించుకొని బుధవారం ఢిల్లీలో ‘వికసిత్ భారత్ సంకల్ప్ సభ’ నిర్వహించారు. బీజేపీ నేతలు, కార్యకర్తలు, మోదీ అభిమానులు భారీగా తరలివచ్చారు. మోదీ మాట్లాడుతూ.. వివిధ రంగాల్లో తమ ప్రభుత్వం సాధించిన విజయాలను ప్రస్తావించారు. ఒకప్పుడు అసాధ్యంగా భావించినవి నేడు సాధ్యమయ్యాయని పేర్కొన్నారు. 2026లో మనం కంటున్న ‘అభివృద్ధి చెందిన భారత్’అనే కల కచ్చితంగా సాకారం అవుతుందని, దేశం ఇప్పుడు ఇక్కడే ఆగిపోవడానికి ఎటువంటి కారణం లేదని ఉద్ఘాటించారు. వందేళ్ల క్రితం మన జనాభా 40 కోట్ల కంటే తక్కువగా ఉండేదని, నేడు 140 కోట్లకు చేరిందని అన్నారు. 140 కోట్ల మంది పౌరులు కలిసి 2047 నాటికి ‘వికసిత్ భారత్’ను నిర్మిస్తారని పునరుద్ఘాటించారు. ప్రధానమంత్రి ఇంకా ఏం మాట్లాడారంటే.. ప్రజల శక్తి సామర్థ్యాలపై విశ్వాసం ఉంది ‘‘ఎన్నికల సమయంలో కులపరమైన విభజనలు ఒక ప్రధాన సవాలుగా మారుతున్నాయి. ఓటు బ్యాంకు ప్రయోజనాల కోసం రాజకీయంగా విడిపోవడం దేశం ఎదుర్కొంటున్న అత్యంత క్లిష్టమైన సవాళ్లలో ఒకటి. ఏదైనా ఆపద వచ్చినప్పుడు అది వర్గం లేదా కులానికి అతీతంగా అందరిపైనా ప్రభావం చూపుతుందని గుర్తుంచుకోవాలి. రైతు పొలంలో నీటి కొరత ఏర్పడినప్పుడు, ఆ సమస్య కేవలం ఒక కులానికే పరిమితమవుతుందా? విద్యుత్ లేనప్పుడు చీకటి కేవలం ఒక వర్గానికే అలుముకుంటుందా? సమస్య అందరికీ సంబంధించినదైనప్పుడు పరిష్కారం కూడా అందరికీ వర్తించేలా ఉండాలి. కేవలం పదేళ్లలో 25 కోట్ల మంది ప్రజలు పేదరికం నుండి బయటపడగలరని ఎవరైనా ఉహించారా? కానీ. భారత్ దీనిని సాధ్యం చేసి చూపించింది. అందుకే 140 కోట్ల మంది భారతీయుల శక్తి సామర్థ్యాలపై నాకు సంపూర్ణ విశ్వాసం ఉంది. మన దేశం రూపాంతరం చెందడాన్ని ప్రత్యక్షంగా చూస్తున్నాం. ఫలితాలు కళ్లముందే కనిపిస్తున్నాయి. సవాళ్లకు 140 కోట్ల పరిష్కారాలున్నాయి 2047 నాటికి వికసిత్ భారత్: మనం చేసి చూపిద్దాం. అగ్రశ్రేణి 3 ఆర్థిక వ్యవస్థల్లో ఒకటిగా భారత్: మనం చేసి చూపిద్దాం. స్వయం సమృద్ధి: మనం చేసి చూపిద్దాం. ప్రపంచ తయారీ కేంద్రంగా ఎదగడం: మనం చేసి చూపిద్దాం. ఒలింపిక్స్కు ఆతిథ్యం ఇవ్వడం: మనం చేసి చూపిద్దాం. అంతరిక్షంలోకి అడుగుపెట్టడం: మనం చేసి చూపిద్దాం. ఈ శక్తి, ఈ ఉత్సాహం, ఈ ఆత్మవిశ్వాసం అద్భుతమైనవి. దూరదృష్టితో కూడిన విధానాలు, అవిశ్రాంత కృషి ద్వారా ఈ లక్ష్యాలను సాధిస్తాం. భారత్ ముందు సవాళ్లు ఉండొచ్చు గానీ 140 కోట్ల పరిష్కారాలు కూడా ఉన్నాయి. ఫ్లై దుబాయ్ విమానంలో ప్రయాణికులను రక్షించిన భారతీయ కెపె్టన్ స్మిత్ మచ్ఛార్ గురించి నేడు ప్రపంచం మాట్లాడుకుంటోంది. మేడ్ ఇన్ ఇండియా విమానాల గురించి కూడా ప్రపంచం మాట్లాడుకునే రోజు వస్తుంది. కష్టపడి పనిచేసే కార్యకర్తలే నా బలం 2001 అక్టోబర్ 7న గుజరాత్ ముఖ్యమంత్రిగా ప్రమాణ స్వీకారం చేసినప్పుడు ఈ మైలురాయిని చేరుకుంటానని ఎప్పుడూ ఊహించలేదు. ప్రభుత్వ అధినేతగా అవిశ్రాంతంగా సేవలందిస్తూ ఈ రోజుతో 25 ఏళ్లు పూర్తి చేసుకున్నాను. నాపై నమ్మకం ఉంచిన దేశ ప్రజలకు ధన్యవాదాలు. నా దృష్టిలో ప్రజలే భగవంతుడు. కష్టపడి పనిచేసే బీజేపీ కార్యకర్తలే నా బలం. దేశ ప్రజల పాదపద్మాలకు భక్తిపూర్వకంగా శిరస్సు వంచి నమస్కరిస్తున్నాను. అలాగే బీజేపీ, ఎన్డీఏలోని నా సహచరులకు, ప్రజాస్వామ్యం పట్ల అపారమైన గౌరవం ఉన్న వారందరికీ కృతజ్ఞతలు తెలియజేస్తున్నా. గత 25 ఏళ్లలో అనేక ఎన్నికలు జరిగాయి. అసెంబ్లీ ఎన్నికలైనా సరే, పార్లమెంటరీ ఎన్నికలైనా సరే ప్రజలు ఎల్లప్పుడూ తమ సేవ కోసం నన్ను ఎన్నుకున్నారు. ఈ రోజు భారతదేశ ప్రజాస్వామ్యానికి, రాజ్యాంగానికి కూడా వందనాలు సమర్పిస్తున్నాను. నేను ఎక్కడ ఉన్నా, ఏ పదవిలో ఉన్నా అందులో ప్రజలదే అత్యంత గొప్ప పాత్ర. నా దృష్టిలో ప్రజలు సాక్షాత్తు దైవస్వరూపులు. కోట్లాది మంది భారతీయుల విశ్వాసం, లెక్కలేనంత మంది పార్టీ కార్యకర్తల కఠోర శ్రమ ఎల్లవేళలా నాకు గొప్ప బలంగా నిలిచాయి. వారికి సర్వదా కృతజ్ఞుడిని నేను గతాన్ని తిరిగి చూసుకున్నప్పుడు కృతజ్ఞతాభావం తప్ప మరేమీ కలగదు. నాకు ఎన్నో విషయాన్ని నేర్పించిన ప్రతి వ్యక్తికీ, ప్రతి అనుభవానికీ సర్వదా కృతజ్ఞుడిని. ఉపాధ్యాయులు నాకు వినయాన్ని నేర్పారు. నన్ను కిందకు లాగినవారు తిరిగి ఎలా పైకి లేవాలో నేర్పారు. నా మద్దతుదారులు నన్ను ప్రోత్సహిస్తే, విమర్శకులు నా అంతరాత్మను పరిశీలించుకోవడం నేర్పారు. నాకు అండగా నిలిచినవారు నమ్మకానికి ఉన్న శక్తిని చూపించారు. ఈ దేశం అపారమైన ఆశీర్వాదాలు అందించింది. అందుకే దేశం పట్ల నా బాధ్యత అత్యంత గొప్పది. దేశంలో ప్రతి పౌరుడికీ నాపై ప్రథమ హక్కు ఉందని మనస్ఫూర్తిగా విశ్వసిస్తున్నా. ప్రజల విశ్వాసంతో కూడిన ఈ 25 ఏళ్ల కాలం, ఈ 25 ఏళ్ల అనుభవం ఒక గొప్ప సంపద. ఈ సంపద కేవలం మోదీకి మాత్రమే చెందినది కాదు.. ఇది దేశానికి చెందినది. భరతమాత బిడ్డలందరికీ ఈ సంపదపై హక్కు ఉంది. ఒంటరినని ఎప్పుడూ భావించలేదు నేర్చుకోవాలనే తపన నా జీవితంలో ఒక భాగంగా మారింది. ఇప్పటికీ నన్ను నేను ఒక విద్యార్థిగానే భావిస్తా. ప్రతిరోజూ ఏదో ఒక కొత్త విషయాన్ని నేర్చుకోవడానికి ప్రయత్నిస్తుంటా. నేను ఎప్పుడూ ఒంటరినని భావించలేదు. భారతదేశ సాంస్కృతిక ఆత్మకు రక్షకులుగా ఉంటూ, భరతమాతకు సేవ చేయడం అనే ఏకైక లక్ష్యంతో పనిచేసే అసంఖ్యాక స్వయంసేవకులు అండగా ఉన్నారు. తాము సేవలకుమని వారు ప్రతిపక్షం గుర్తుచేస్తుంటారు. అదే నాకు స్ఫూర్తి. నిబద్ధత, అంకితభావంతో దేశానికి సేవ చేస్తున్న ప్రతి స్వయంసేవకుడికి, కార్యకర్తకు నేను గౌరవపూర్వకంగా అభివందనం చేస్తున్నా. నన్ను వ్యతిరేకించిన వారు ప్రజాస్వామ్య శక్తిని నాకు వివరించారు. ప్రతి సంక్షోభం నా సహనాన్ని పరీక్షించింది. ప్రతి విజయం నా బాధ్యతలను మరింత విస్తరింపజేసింది. ప్రతి సాధన గొప్ప లక్ష్యాల దిశగా ముందుకు సాగడానికి ధైర్యాన్ని, దృఢ సంకల్పాన్ని ఇచ్చింది. కర్తవ్య నిర్వహణే సర్వస్వం.. అదే నా ధర్మం ఈ రోజు కేవలం జ్ఞాపకాలకే పరిమితమైనది కాదు. మన సంకల్పాలకు నూతన ఉత్సాహాన్ని జోడించుకునే రోజు ఇది. ‘మేము దీన్ని సాధించి తీరుతాం’అనే మాటను, ఆ సంకల్పాన్ని మరోసారి పునరుద్ఘాటించే రోజు ఇది. కేవలం సంస్థ కోసమే పనిచేసిన వ్యక్తిగా నా రాజకీయ పనితీరు నివేదిక (రిపోర్ట్ కార్డ్) ఉంటుంది. గతంలో ఇతరుల తరపున ఎన్నికల్లో పనిచేశాను కానీ, స్వయంగా ఒక్క ఎన్నికలోనూ పోటీ చేయలేదు. ఎన్నికల రాజకీయాల్లో రాణించాలనే కోరిక ఉండి ఉంటే, నేను చాలా ముందే ఆ రంగంలోకి అడుగుపెట్టి ఉండేవాడిని. కానీ, అది నా స్వభావం కాదు. ఎందుకంటే, వ్యక్తిగత ఆశయాల కోసం కాకుండా ఒక నిర్దిష్ట లక్ష్యం(మిషన్) కోసం జీవించే వ్యక్తిగా ఉండాలన్నదే నా ఆశయం. చిన్నప్పటి నుంచి అలాగే పెరిగాను. నాకు లభించిన ఏ బాధ్యతలనైనా సరే, వాటిని ఒకదాని తర్వాత ఒకటిగా సమర్థవంతంగా నిర్వర్తించాను. నా జీవితానికి ఒకే ఒక్క లక్ష్యం ఉంది.. అది దేశం కోసం నిస్వార్థ సేవ. నా దృష్టిలో కర్తవ్య నిర్వహణే సర్వస్వం. అదే నా ధర్మం. కర్తవ్యాన్ని నిర్వర్తించడం నా హక్కు. పనిని నా బాధ్యతగా భావిస్తాను. నా పూర్తి సామర్థ్యంతో ప్రతి పనిని నిరంతరం కొనసాగిస్తూనే ఉంటాను. ఆ పని ఆగకూడదు, ఆ కృషి ఆగిపోకూడదు. నా దృష్టిలో పని అనేది కేవలం ఒక బాధ్యత మాత్రమే కాదు, అది దేశం పట్ల నాకున్న అంకితభావం. దేశం కోసం పని చేస్తా, ప్రజల కోసం పని చేస్తా’’అని ప్రధాని మోదీ ఉద్ఘాటించారు. -
విష్ణువు అవతారమే మోదీ.. కల్కి: భూటాన్ ప్రధాని
భారత ప్రధానమంత్రి నరేంద్ర మోదీని తనకు అన్నయ్యగా భావిస్తానని, ఆయనను విష్ణువు అవతారంగా చూస్తానని భూటాన్ ప్రధాని త్షెరింగ్ తోబ్గే తెలిపారు. మోదీ ప్రభుత్వాధినేతగా 25 ఏళ్లు పూర్తి చేసుకున్న సందర్భంగా ఆయన ఈ వ్యాఖ్యలు చేశారు. మోదీ నాయకత్వంలో భారత్ పొరుగు దేశాలతో సంబంధాలకు ప్రాధాన్యం ఇచ్చిందని, భూటాన్ అభివృద్ధి ప్రణాళికలకు భారత్ అందిస్తున్న సహకారాన్ని ఆయన ప్రశంసించారు.ఢిల్లీలో 2019లో మోదీని కలిసిన సందర్భాన్ని తోబ్గే గుర్తు చేసుకున్నారు. అప్పటికి తాను భూటాన్ ప్రధానమంత్రి కూడా కాదని, పార్లమెంట్ సభ్యుడిగా కూడా లేనని చెప్పారు. ఆ సమావేశంలో మోదీని తనకు అన్నయ్యగా భావిస్తున్నట్లు చెప్పానని, ఆయన తన పట్ల పెద్ద అన్నయ్య చిన్నవారిపై చూపే ఆప్యాయతను ప్రదర్శించారని తెలిపారు. అదే సందర్భంలో మోదీని విష్ణువు అవతారంగా చూస్తున్నానని చెప్పినట్లు వివరించారు.ఆశ్చర్యపోయా.. అయితే ఆ వ్యాఖ్యలు చేసిన తర్వాత తాను కూడా ఆశ్చర్యపోయానని తోబ్గే తెలిపారు. తాను భావోద్వేగానికి లోనై అలా అన్నానా? తాను తప్పు చేశానా? అని ఆలోచించినట్లు చెప్పారు. తర్వాత మోదీ రాజకీయ ప్రయాణాన్ని పరిశీలించిన అనంతరం తాను చెప్పింది సరైనదేననే నిర్ణయానికి వచ్చినట్లు వివరించారు.మోదీ దాదాపు 13 ఏళ్ల పాటు గుజరాత్ను పాలించిన తీరును తాను గమనించానని తోబ్గే చెప్పారు. అభివృద్ధి, మౌలిక వసతులు, పెట్టుబడులు, అమలు విషయంలో గుజరాత్ను ఒక నమూనాగా నిలిపారని పేర్కొన్నారు. అనంతరం అదే దృష్టిని దేశవ్యాప్తంగా అమలు చేసేందుకు మోదీ ప్రయత్నించారని, తయారీ, విదేశీ పెట్టుబడులు, ఆర్థిక సమ్మిళితం, పారిశుద్ధ్యం, సాంకేతికత, మౌలిక వసతులపై దృష్టి పెట్టారని అన్నారు.ఇదీ చదవండి: భూకంపం తర్వాత రాజకీయ భూకంపం.. మోదీ సీఎం ఎలా అయ్యారు?మోదీని మరోసారి కలిసినప్పుడు తన పాత వ్యాఖ్యపై మరింత ఆలోచించినట్లు తోబ్గే తెలిపారు. తాను ఏ అవతారం గురించి మాట్లాడానో అప్పటికి స్పష్టంగా తెలిసిందని, అది విష్ణువు చివరి అవతారంగా భావించే కల్కి అని చెప్పారు. ధర్మాన్ని పునరుద్ధరించడం, పునరుజ్జీవనానికి నాంది పలకడం కల్కి అవతారంతో ముడిపడి ఉన్న లక్షణాలని వివరించారు.To Prime Minister @narendramodi, An avatar of our times https://t.co/84RDOEfELm— Tshering Tobgay (@tsheringtobgay) October 7, 2026 -
భూకంపం తర్వాత రాజకీయ భూకంపం.. మోదీ సీఎం ఎలా అయ్యారు?
ప్రభుత్వ అధినేతగా (ప్రధాని, గతంలో ముఖ్యమంత్రిగా) 25 ఏళ్లు పూర్తి చేసుకున్నారు నరేంద్ర మోదీ. ఆయన మొట్టమొదటిసారి గుజరాత్ ముఖ్యమంత్రిగా బాధ్యతలు చేపట్టడం వెనుక 2001లో భారతీయ జనతా పార్టీలో నెలకొన్న రాజకీయ పరిస్థితులు కీలకంగా మారాయి. భుజ్ భూకంపం తర్వాత సహాయక చర్యలపై వచ్చిన విమర్శలు, ఉప ఎన్నికల్లో పార్టీ పరాజయాలు, అప్పటి ముఖ్యమంత్రి కేశూభాయి పటేల్పై పెరిగిన అసంతృప్తి, పార్టీలోని అంతర్గత విభేదాలు నాయకత్వ మార్పునకు దారితీశాయి.గుజరాత్లోని భుజ్లో 2001 జనవరిలో సంభవించిన భారీ భూకంపం రాష్ట్రాన్ని తీవ్రంగా దెబ్బతీసింది. అప్పటికి కేశూభాయి పటేల్ ముఖ్యమంత్రిగా ఉన్నారు. భూకంపం తర్వాత సహాయక, పునరావాస చర్యలు నెమ్మదిగా సాగుతున్నాయనే విమర్శలు వెల్లువెత్తాయి. అంతర్జాతీయ సహాయం, నిధులు వచ్చినప్పటికీ అవి ప్రజలకు సకాలంలో చేరడం లేదనే అసంతృప్తి నెలకొంది. అదే సమయంలో కేశూభాయి ఆరోగ్యం కూడా క్షీణించింది.ఈ పరిస్థితుల ప్రభావం ఎన్నికల ఫలితాల్లోనూ కనిపించింది. 2001 సెప్టెంబర్-అక్టోబర్లో జరిగిన ఉప ఎన్నికల్లో బీజేపీ సబర్మతి అసెంబ్లీ స్థానంతో పాటు ఆనంద్ లోక్సభ స్థానాన్ని కోల్పోయింది. అవి కాంగ్రెస్ ఖాతాలో పడ్డాయి. సబర్మతి బీజేపీకి బలమైన నియోజకవర్గంగా పరిగణించబడటం ఆ పార్టీ నాయకత్వాన్ని మరింత ఆందోళనకు గురిచేసింది. 2002 అసెంబ్లీ ఎన్నికలకు ముందు నాయకత్వాన్ని మార్చకపోతే గుజరాత్లో పార్టీ తీవ్రంగా నష్టపోయే ప్రమాదం ఉందని కేంద్ర నాయకత్వం భావించింది.మోదీ వ్యూహాత్మక పాత్ర అప్పటికి నరేంద్ర మోదీ ఢిల్లీలో బీజేపీ జాతీయ ప్రధాన కార్యదర్శుల్లో ఒకరిగా ఉన్నారు. హిమాచల్ప్రదేశ్, పంజాబ్, హరియాణా రాష్ట్రాల పార్టీ వ్యవహారాలను ఆయన పర్యవేక్షిస్తున్నారు. గుజరాత్లో బీజేపీ సంస్థాగత వ్యవస్థపై కూడా ఆయనకు విస్తృత అవగాహన ఉంది. 1995లో గుజరాత్లో బీజేపీ తొలిసారి సొంతంగా మెజారిటీ ప్రభుత్వం ఏర్పాటు చేయడంలో మోదీ వ్యూహాత్మక పాత్ర పోషించారు.ఇదీ చదవండి: భారీ ట్రాఫిక్.. ఆటోలోనే మగబిడ్డకు జన్మతొలుత కేశూభాయి ప్రభుత్వంలో మోదీని ఉప ముఖ్యమంత్రిగా పంపే ప్రతిపాదన వచ్చినప్పటికీ ఆయన దాన్ని అంగీకరించలేదు. పూర్తి బాధ్యత, పని చేసే స్వేచ్ఛ ఉంటేనే గుజరాత్కు వెళ్తానని అటల్ బిహారీ వాజ్పేయి, ఎల్కే అద్వానీకి స్పష్టం చేశారు. వాజ్పేయి ఒకసారి మోదీతో, “ఢిల్లీలో పంజాబీ భోజనం చాలా చేశారు.. ఇప్పుడు గుజరాత్కు వెళ్లి అక్కడి బాధ్యతలు చూసుకోండి” అని సరదాగా చెప్పినట్లు కూడా ప్రస్తావించింది.2001 అక్టోబర్ 6న మోదీ అహ్మదాబాద్ చేరుకున్నారు. మరుసటి రోజు (అక్టోబర్ 7న) గుజరాత్ ముఖ్యమంత్రిగా ప్రమాణ స్వీకారం చేశారు. ఆ సమయంలో ఆయనను తాత్కాలిక ముఖ్యమంత్రిగా, 2002 ఎన్నికల వరకు పరిస్థితిని చక్కదిద్దేందుకు వచ్చిన నాయకుడిగా పలువురు చూశారు. అప్పటికి ఆయన ఎమ్మెల్యే కూడా కాదు. అనంతరం రాజ్కోట్ ఉప ఎన్నికలో గెలిచి అసెంబ్లీలోకి ప్రవేశించారు.ఆ తాత్కాలిక ఏర్పాటుగా మొదలైన రాజకీయ ప్రయాణం తర్వాత భారత రాజకీయాల్లో కీలక అధ్యాయంగా మారింది. గుజరాత్ ముఖ్యమంత్రిగా ప్రారంభమైన మోదీ రాజకీయ ప్రస్థానం 2026 నాటికి 25 ఏళ్లకు పైగా కొనసాగుతోంది. -
ప్రధాని మోదీకి వైఎస్ జగన్ శుభాకాంక్షలు
సాక్షి, తాడేపల్లి: భారత ప్రధాని నరేంద్ర మోదీకి వైఎస్సార్సీపీ అధినేత, మాజీ సీఎం వైఎస్ జగన్ శుభాకాంక్షలు తెలిపారు. ప్రజా సేవలో 25 సంవత్సరాలు పూర్తి చేసుకోవటంపై హర్షం వ్యక్తం చేశారు. వైఎస్ జగన్ ఎక్స్ వేదికగా..‘ఇది చారిత్రాత్మక మైలురాయి.. గుర్తుండిపోయే సందర్భం. గుజరాత్ ముఖ్యమంత్రిగా మొదలైన ప్రయాణం.. దేశ ప్రధానమంత్రిగా కొనసాగుతోంది. గత 25 ఏళ్లుగా ప్రజాసేవలో ఉన్న ప్రధాని నరేంద్ర మోదీకి అభినందనలు. భవిష్యత్తులోనూ ఆయనకు అన్ని విధాలా మంచి జరగాలని ఆకాంక్షిస్తున్నాను’ అంటూ పోస్టు చేశారు.A historic milestone in public service that should not go unnoticed. Heartiest greetings to Hon’ble Prime Minister Shri Narendra Modi Ji on completing 25 years of continuous public service, first as Chief Minister of Gujarat and then as Prime Minister of India. Wishing you the very best. @narendramodi— YS Jagan Mohan Reddy (@ysjagan) October 7, 2026ఇదీ చదవండి: తిరుమల లడ్డూ నెయ్యిలో ఎలాంటి జంతు కొవ్వు లేదు -
NaMo @ 25: గాంధీనగర్ నుంచి ఢిల్లీ వరకు.. 25 ఏళ్లలో మార్పులివే..
న్యూఢిల్లీ: గుజరాత్ ముఖ్యమంత్రిగా నరేంద్ర మోదీ బాధ్యతలు చేపట్టి 25 ఏళ్లు పూర్తయ్యాయి. 2001లో భుజ్ భూకంపం, ఆర్థిక మందగమనం వంటి సవాళ్లతో ఉన్న గుజరాత్ నుంచి ప్రారంభమైన ఆయన పాలనా ప్రయాణం.. 2014లో దేశ ప్రధానిగా బాధ్యతలు చేపట్టిన తర్వాత జాతీయ స్థాయికి విస్తరించింది. పాలనను ప్రజాసేవకు సాధనంగా చూడటం తన ప్రయాణంలో ప్రధాన సిద్ధాంతంగా కొనసాగిందని ప్రధాని మోదీ చెబుతుంటారు.గుజరాత్లో అభివృద్ధికి పునాది2001 నుంచి 2012 మధ్య గుజరాత్ ఆర్థిక వ్యవస్థ సగటున దాదాపు 10 శాతం వృద్ధి చెందింది. అదే సమయంలో జాతీయ సగటు 7.6 శాతంగా ఉంది. వ్యవసాయ రంగం కూడా 8 నుంచి 9 శాతం మధ్య వృద్ధి సాధించింది. 2003లో ప్రారంభమైన వైబ్రెంట్ గుజరాత్ సదస్సు పెట్టుబడులను ఆకర్షించడంలో కీలకంగా నిలిచింది. దేశంలోని విదేశీ పెట్టుబడుల్లో గుజరాత్ వాటా 5 నుంచి 7 శాతం వరకు ఉంది.దేశ ఆర్థిక ప్రస్థానంలో మార్పు2014లో మోదీ జాతీయ రాజకీయాల్లోకి వచ్చిన తర్వాత 140 కోట్లకు పైగా జనాభా ఉన్న దేశ పాలనా బాధ్యతలు చేపట్టారు. అంతర్జాతీయ ద్రవ్య నిధి అంచనాల ప్రకారం భారత్ ప్రపంచంలో వేగంగా అభివృద్ధి చెందుతున్న ప్రధాన ఆర్థిక వ్యవస్థల్లో ఒకటిగా కొనసాగుతోంది. 2026 మూడో త్రైమాసికంలో దేశ నామమాత్ర జీడీపీ 4 ట్రిలియన్ డాలర్లను దాటుతుందని అంచనా. ప్రపంచంలో పదో అతిపెద్ద ఆర్థిక వ్యవస్థగా ఉన్న భారత్.. ఐదో స్థానానికి చేరింది.ఆర్థిక భాగస్వామ్యంలో పురోగతినీతి ఆయోగ్ బహుముఖ పేదరిక సూచీ ప్రకారం 2013–14లో 29.17 శాతంగా ఉన్న బహుముఖ పేదరికం 2022–23 నాటికి 11.28 శాతానికి తగ్గింది. ఈ కాలంలో దాదాపు 25 కోట్ల మంది పేదరికం నుంచి బయటపడ్డారు. ప్రధానమంత్రి జన్ధన్ యోజన ద్వారా దాదాపు 58 కోట్ల మంది అధికారిక బ్యాంకింగ్ వ్యవస్థలోకి వచ్చారు. వీరిలో సగం మంది మహిళలే కావడం విశేషం. యూపీఐ లావాదేవీలు 2016లో నెలకు లక్ష నుంచి 2026లో ఒకే నెలలో 24.5 బిలియన్లకు పైగా పెరిగాయి.మౌలిక వసతుల విస్తరణరైల్వే విద్యుదీకరణ 2014కు ముందు ఉన్న ఐదో వంతు స్థాయి నుంచి ప్రస్తుతం 99.6 శాతానికి చేరింది. నాలుగు లేన్ల జాతీయ రహదారుల పొడవు రెట్టింపుకుపైగా పెరిగింది. 2014–2026 మధ్య నిర్మించిన గ్రామీణ రహదారుల పరిమాణం అంతకుముందు 14 ఏళ్లలో నిర్మించిన రహదారులను మించింది. గ్రామీణ ప్రాంతాల్లో విద్యుత్ సరఫరా రోజుకు 22 గంటలకు పైగా చేరిందని, స్వచ్ఛ భారత్ కార్యక్రమంతో పారిశుద్ధ్య కవరేజీ 39 శాతం నుంచి ఐదేళ్లలో పూర్తి స్థాయికి చేరింది.వైద్యం, రక్షణ, అంతరిక్ష రంగాల్లో ముందడుగుఆయుష్మాన్ భారత్ ద్వారా 62 కోట్లకు పైగా అర్హులైన ప్రజలకు రూ.5 లక్షల వార్షిక ఆరోగ్య కవరేజీ లభిస్తోంది. 70 ఏళ్లు దాటిన ప్రతి సీనియర్ సిటిజన్కు కూడా ఈ పథకాన్ని విస్తరించినట్లు తెలిపింది. 2014తో పోలిస్తే వైద్య కళాశాల సీట్లు రెండింతలకు పైగా పెరిగాయి. రక్షణ రంగంలో భారత ఎగుమతులు దశాబ్ద కాలంలో 56 రెట్లకు పైగా పెరిగి 80కి పైగా దేశాలకు చేరాయి. చంద్రయాన్-3 ద్వారా భారత్ చంద్రుడి దక్షిణ ధ్రువ ప్రాంతంలో దిగిన తొలి దేశంగా నిలిచింది. గుజరాత్ నుంచి ఢిల్లీ వరకు సాగిన ఈ ప్రయాణం.. దేశ అభివృద్ధి, మౌలిక వసతులు, డిజిటల్ సేవలు, పేదరిక నిర్మూలన, ఆరోగ్యం వంటి అంశాలపై దృష్టి సారించిందని నిపుణులు తెలిపారు.ఇదీ చదవండి: ప్రజాసేవలో 25 ఏళ్లు.. విఘ్నేశునికి ప్రధాని మోదీ పూజలు -
ప్రజలే నాకు భగవంతుడి స్వరూపం.. ‘పాతికేళ్ల పవర్’పై మోదీ
సాక్షి, ఢిల్లీ: గుజరాత్ ముఖ్యమంత్రిగా బాధ్యతలు చేపట్టి 25 ఏళ్లు పూర్తయిన సందర్భంగా ప్రధాని నరేంద్ర మోదీ తన సుదీర్ఘ రాజకీయ ప్రయాణాన్ని గుర్తు చేసుకున్నారు. సరిగ్గా 2001 అక్టోబర్ 7న గుజరాత్ సీఎంగా బాధ్యతలు చేపట్టిన తాను.. ఇన్నేళ్లుగా ప్రజలకు సేవ చేసే అవకాశం దక్కడం అదృష్టంగా భావిస్తున్నానన్నారు. ఇంత ఉన్నత స్థాయికి చేరుకుంటానని అప్పట్లో ఊహించలేదని చెప్పారు. ప్రతి విజయం తనలో ‘నేను ఏదైనా సాధించగలను’ అనే నమ్మకాన్ని పెంచిందని తెలిపారు.ఢిల్లీలో బుధవారం నిర్వహించిన ప్రత్యేక కార్యక్రమంలో ఆయన మాట్లాడుతూ.. ‘‘దేశ ప్రజలకు తలవంచి నమస్కరిస్తున్నా. రాష్ట్ర ఎన్నికలైనా.. సాధారణ ఎన్నికలైనా ప్రజలు నాపై విశ్వాసం ఉంచారు. ఈ రోజు ఉదయం కూడా దేశ ప్రజలందరి కోసం వినాయకుడిని ప్రార్థించాను. ప్రజలకు సేవ చేసేందుకు మరింత శక్తిని ఇవ్వాలని కోరుకున్నా. నాకు ప్రజలే భగవంతుడి స్వరూపం. దేశం నాకు ఎంతో ఇచ్చింది. అందుకే దేశమే నాకు ప్రథమ ప్రాధాన్యం’’ అని మోదీ పేర్కొన్నారు.ఇప్పటికీ నేర్చుకుంటున్నా..తనను తాను ఇప్పటికీ విద్యార్థిగానే భావిస్తానని మోదీ చెప్పారు. చిన్నప్పుడు వడోదరలో కాకుండా వడ్నగర్లో పాఠశాలకు వెళ్లిన రోజుల్లో తరగతికి తొలుత వచ్చేవారిలో తానూ ఒకడినని గుర్తుచేసుకున్నారు. నేర్చుకోవాలన్న ఆసక్తి అప్పటి నుంచే తనలో భాగమైందన్నారు. ‘‘ఎంత ఎక్కువ నేర్చుకుంటే.. దేశానికి సేవ చేసే సామర్థ్యం అంత పెరుగుతుంది. ప్రతిరోజూ ఏదో ఒక కొత్త విషయం నేర్చుకోవడానికి ప్రయత్నిస్తా’’ అని చెప్పారు.తన 25 ఏళ్ల ప్రయాణంలో ఎదురైన ప్రతి సంకటం ఒక పాఠం నేర్పిందన్నారు. ప్రతి విజయం బాధ్యతను పెంచిందని, ప్రతి సాధన మరింత పెద్ద లక్ష్యాల వైపు వెళ్లేందుకు ధైర్యాన్ని ఇచ్చిందని చెప్పారు. మద్దతుదారులు తనకు ప్రోత్సాహాన్ని ఇస్తే.. విమర్శకులు తనను తాను పరిశీలించుకునేలా చేశారని పేర్కొన్నారు.భూకంపం నుంచి చంద్రయాన్ వరకు..గుజరాత్ సీఎంగా బాధ్యతలు చేపట్టిన సమయంలో ఎదురైన భుజ్ భూకంపం పునర్నిర్మాణంలో పట్టుదలగా ఉండటం నేర్పిందని మోదీ గుర్తుచేసుకున్నారు. చంద్రయాన్ వైఫల్యం నుంచి తిరిగి లేవడం నేర్చుకున్నానని తెలిపారు. కరోనా మహమ్మారి దేశ సమష్టి చైతన్యం, ఐక్యత ప్రాధాన్యాన్ని తెలియజేసిందన్నారు. తీపి, చేదు అనుభవాల మధ్య ముందుకు సాగేందుకు మీడియా కూడా తనకు ప్రేరణనిచ్చిందని పేర్కొన్నారు.సేవే ధర్మం.. దేశమే తొలి ప్రాధాన్యంఎన్డీయే మిత్రపక్షాలతో పాటు బీజేపీ, రాజకీయ సహచరులు, తనపై విశ్వాసం ఉంచిన ప్రజలందరికీ మోదీ కృతజ్ఞతలు తెలిపారు. ‘‘సేవే ధర్మం. నేను యాంబిషన్ కోసం కాదు.. మిషన్ కోసం జీవిస్తున్నా’’ అని స్పష్టం చేశారు. వేల ఏళ్ల చరిత్ర, గొప్ప సాంస్కృతిక వారసత్వం ఉన్న దేశానికి సేవ చేసే అవకాశం తనకు లభించడం గొప్ప గౌరవంగా భావిస్తున్నానన్నారు.25 ఏళ్ల ప్రస్థానం కేవలం గతాన్ని గుర్తుచేసుకునే సందర్భం కాదని.. భవిష్యత్తు కోసం సంకల్పాన్ని పునరుద్ఘాటించే సమయమని మోదీ పేర్కొన్నారు. 2047 నాటికి వికసిత్ భారత్ లక్ష్యాన్ని సాధిస్తామని, ప్రపంచంలోని టాప్-3 ఆర్థిక వ్యవస్థల్లో భారత్ను నిలబెడతామని ధీమా వ్యక్తం చేశారు. ‘‘మనం సాధిస్తాం.. తప్పకుండా సాధిస్తాం’’ అంటూ తన ప్రసంగాన్ని ముగించారు.ఇదీ చదవండి: ఎస్ఐఆర్ పేరుతో అసలు ఏం జరుగుతోంది? -
ప్రజాసేవలో 25 ఏళ్లు.. విఘ్నేశునికి ప్రధాని మోదీ పూజలు
న్యూఢిల్లీ: ప్రధానమంత్రి నరేంద్ర మోదీ ప్రభుత్వ అధినేతగా 25 ఏళ్ల ప్రజా సేవను పూర్తి చేసుకున్న సందర్భంగా ఢిల్లీలోని సరోజినీ నగర్లో ఉన్న శ్రీ వినాయక ఆలయంలో ఆయన పూజలు నిర్వహించారు. 2001 అక్టోబర్ 7న గుజరాత్ ముఖ్యమంత్రిగా బాధ్యతలు చేపట్టిన మోదీ.. ఆ తర్వాత ప్రధానమంత్రిగా కొనసాగుతున్నారు. మోదీ 25 ఏళ్ల ప్రజా సేవను పూర్తి చేసుకున్న సందర్భంగా జపాన్ ప్రధాని అభినందనలు తెలిపారు. సామాజిక, జాతీయ అభివృద్ధికి మోదీ తనను తాను అంకితం చేసుకున్నారని పేర్కొన్నారు. 2001 నుంచి మోదీ నాయకత్వాన్ని ప్రస్తావిస్తూ.. భారత అభివృద్ధికి ఆయన చేసిన కృషిని గుర్తుచేశారు.జపాన్ ప్రధాని జూలైలో తాను భారత్లో పర్యటించిన విషయాన్ని కూడా ప్రస్తావించారు. ఆ పర్యటన సందర్భంగా తనకు లభించిన స్వాగతానికి మోదీకి కృతజ్ఞతలు తెలిపారు. భారతీయ ఆహారం, సంగీతాన్ని కూడా ప్రశంసించారు. భారత్-జపాన్ ప్రత్యేక వ్యూహాత్మక, ప్రపంచ భాగస్వామ్యాన్ని మరింత బలోపేతం చేసే అంశాలపై మోదీతో జరిగిన చర్చలను ఆయన ప్రస్తావించారు. आज नई दिल्ली के श्री विनायक मंदिर में पूजा-अर्चना की। भगवान श्री गणेश से देशभर के अपने परिवारजनों की सुख-समृद्धि और उत्तम स्वास्थ्य की कामना की। विघ्नहर्ता की कृपा से सबका कल्याण हो और देश निरंतर प्रगति के मार्ग पर आगे बढ़ता रहे। https://t.co/ZPADyotAFk— Narendra Modi (@narendramodi) October 7, 2026మరోవైపు మోదీ ప్రజా సేవా ప్రయాణాన్ని పురస్కరించుకుని దేశవ్యాప్తంగా పలు కార్యక్రమాలు నిర్వహిస్తున్నారు. ‘సేవా సంకల్ప యాత్ర’లో భాగంగా గుజరాత్లోని వడ్నగర్ నుంచి వారణాసి వరకు మోటార్సైకిల్ ర్యాలీ నిర్వహించనున్నారు. ఈ కార్యక్రమంలో బీజేపీ జాతీయ అధ్యక్షుడు నితిన్ నవీన్ ప్రసంగించనున్నారు. మోదీ 25 ఏళ్ల ప్రజా సేవను పురస్కరించుకుని బీజేపీ నిర్వహిస్తున్న కార్యక్రమాల్లో భాగంగా ఈ యాత్ర కొనసాగుతోంది.ఇదీ చదవండి: Africa: 2,800 ఏళ్ల క్రితమే 20 అంతస్తుల భవనాలా? -
ఎస్ఎంఈలకు గ్రోత్ ఫండ్.. రవాణాకు మాస్టర్ప్లాన్
సాక్షి, న్యూఢిల్లీ: దేశంలో చిన్న, మధ్య తరహా పరిశ్రమల(ఎస్ఎంఈ) వృద్ధికి మరింత ఊతమిచ్చేలా కేంద్ర మంత్రివర్గం కీలక నిర్ణయం తీసుకుంది. ఎస్ఎంఈల్లో ప్రత్యక్ష ఈక్విటీ పెట్టుబడుల కోసం రూ.10 వేల కోట్లతో ఎస్ఎంఈ గ్రోత్ ఫండ్(ఎస్జీఎఫ్) ఆమోదం తెలిపింది. ప్రధాని నరేంద్ర మోదీ అధ్యక్షతన కేంద్ర కేబినెట్ మంగళవారం సమావేశమైంది. ఈ సందర్భంగా పలు కీలక నిర్ణయాలు తీసుకుంది. దేశవ్యాప్తంగా రవాణా, లాజిస్టిక్స్ రంగాల్లో సమగ్ర ప్రణాళిక, మౌలిక సదుపాయాల ప్రాజెక్టుల పర్యవేక్షణ కోసం ఇంటిగ్రేటెడ్ ట్రాన్స్పోర్ట్, లాజిస్టిక్స్ అథారిటీ(ఐటీఎల్ఏ) పేరిట ప్రత్యేక సంస్థ (ఎస్పీవీ) ఏర్పాటుకు పచ్చజెండా ఊపింది. తయారీ, సేవా, సాంకేతిక, ఆవిష్కరణల రంగాల్లోని చిన్న, మధ్య తరహా పరిశ్రమల వృద్ధికి మూలధనాన్ని(గ్రోత్ క్యాపిటల్) సమకూర్చడమే లక్ష్యంగా ఎస్ఎంఈ గ్రోత్ ఫండ్ను తీసుకొచ్చారు. 2026–27 కేంద్ర బడ్జెట్లో చేసిన ప్రకటన మేరకు ఈ నిధికి రూపకల్పన చేశారు. వివిధ రవాణా మంత్రిత్వ శాఖలు, ఏజెన్సీల మధ్య ఉన్న సమన్వయ లోపాన్ని నివారించి, మౌలిక సదుపాయాల అభివృద్ధిని వేగవంతం చేసేందుకు అపెక్స్ సంస్థగా ’ఐటీఎల్ఏ’ను ఒక స్పెషల్ పర్పస్ వెహికల్ తరహాలో ఏర్పాటు చేయబోతున్నారు. రోడ్లు, రైల్వేలు, ఓడరేవులు, షిప్పింగ్, పౌర విమానయానం, జలమార్గాలు, కోస్టల్ షిప్పింగ్, పట్టణ రవాణాను కలుపుతూ పదేళ్ల భవిష్యత్ ప్రణాళికతో సమగ్ర ’నేషనల్ ట్రాన్స్పోర్ట్ మాస్టర్ ప్లాన్’ను ఐటీఎల్ఏ సంస్థ తయారు చేస్తుంది. మోదీ నాయకత్వాన్ని ప్రశంసిస్తూ తీర్మానం ఆమోదం ప్రభుత్వ అధినేతగా 25 ఏళ్లు ప్రధానమంత్రి నరేంద్ర మోదీకి కేంద్ర మంత్రివర్గం అభినందనలు తెలియజేసింది. 2001 అక్టోబర్లో గుజరాత్ ముఖ్యమంత్రిగా బాధ్యతలు చేపట్టిన నాటి నుంచి నేటి వరకు ప్రజా నాయకుడిగా ఆయన అందిస్తున్న సేవలను కొనియాడింది. ఈ మేరకు మోదీ నాయకత్వాన్ని ప్రశంసిస్తూ మంగళవారం కేబినెట్ భేటీలో ఒక ప్రత్యేక తీర్మానాన్ని ఏకగ్రీవంగా ఆమోదించారు. ముఖ్యమంత్రి స్థాయి నుంచి ప్రధాని స్థాయి వరకు మోదీ నాయకత్వ పటిమ ఏమాత్రం చెక్కుచెదరలేదని ఉద్ఘాటించారు. -
ఎన్నికలన్నీ చట్టవిరుద్ధమే మోదీ, అమిత్ షా, ముఖ్యమంత్రులు కూడా..
బెంగళూరు: ప్రస్తుత లోక్సభ, రాష్ట్రాల శాసనసభలకు జరిగిన ఎన్నికలన్నీ చట్టవిరుద్ధమేనని కాంగ్రెస్ పార్టీ అధ్యక్షుడు మల్లికార్జున ఖర్గే తేల్చిచెప్పారు. అందుకే లోక్సభ, శాసనసభలను రద్దు చేసి, మళ్లీ బ్యాలెట్ పేపర్తో ఎన్నికలు నిర్వహించాలని డిమాండ్ చేశారు. ప్రధాని నరేంద్ర మోదీ, కేంద్ర హోంశాఖ మంత్రి అమిత్ షాతోపాటు అన్ని రాష్ట్రాల ముఖ్యమంత్రులు సైతం చట్టవిరుద్ధమేనని పేర్కొన్నారు. ఖర్గే శనివారం కర్ణాటకలోని కలబురిగిలో మీడియాతో మాట్లాడారు. నేడు దేశమంతా అక్రమ ఎన్నికల ఆధారంగా నడుస్తోందని మండిపడ్డారు. మోదీ అక్రమ ప్రధానమంత్రి, అమిత్ షా అక్రమ మంత్రి, ముఖ్యమంత్రులు కూడా అక్రమమేనని స్పష్టంచేశారు. వారందరినీ పదవుల నుంచి తొలగించి, మళ్లీ ఎన్నికలు నిర్వహించాల్సిందేనని ఉద్ఘాటించారు. ఎల్రక్టానిక్ ఓటింగ్ యంత్రాలను(ఈవీఎంలు) దురి్వనియోగం చేస్తున్నారని, అధికారంలో ఉన్న వ్యక్తుల సొంత మనుషులే ఈ విషయం చెబుతున్నారని వెల్లడించారు. అందుకే ఈవీఎంలను పూర్తిగా పక్కనపెట్టి, బ్యాలెట్ పేపర్లతో ఎన్నికలు నిర్వహించాలని పేర్కొన్నారు. ప్రస్తుతం కొనసాగుతున్న ఓటర్ల జాబితా ప్రత్యేక సమగ్ర సవరణ(ఎస్ఐఆర్)లో అనేక అవకతవకలు జరుగుతున్నాయని, ఈ ప్రక్రియ ప్రజాస్వామ్యాన్ని దెబ్బతీస్తోందని ఆరోపించారు. ప్రభుత్వం తప్పులు చేస్తోందని విమర్శించారు. ఎస్ఐఆర్, ఎన్నికల ప్రక్రియ దురి్వనియోగానికి వ్యతిరేకంగా ప్రతిపక్షాలు దేశవ్యాప్తంగా ఆందోళనలు కొనసాగిస్తాయని ప్రకటించారు. అది స్వేచ్ఛాయుత, నిష్పక్షపాత ఎన్నిక అవుతుందా? ఎస్ఐఆర్ సర్వం తప్పులతడక అని ఖర్గే ధ్వజమెత్తారు. ఒక బూత్ నుంచి కుట్రపూరితంగా 500 ఓట్లను తొలగిస్తే అది స్వేచ్ఛాయుత, నిష్పక్షపాత ఎన్నిక ఎలా అవుతుంది?అని ప్రశ్నించారు. ఓటర్ల జాబితాల నుంచి పేర్ల తొలగింపును కోరుతూ బీజేపీ, ఆర్ఎస్ఎస్ సభ్యులు గ్రామాలకు వెళ్లి దరఖాస్తు పత్రాలు నింపుతున్నారని ఆరోపించారు. జవహర్లాల్ నెహ్రూ, ఇందిరా గాం«దీ, లాల్ బహదూర్ శాస్త్రి, పీవీ నరసింహారావు, రాజీవ్ గాంధీ వంటి నాయకులెవరూ ప్రజాస్వామ్యంలో ఇలాంటి చర్యలకు పాల్పడలేదని గుర్తుచేశారు. ఇప్పుడు తమకు కావాల్సిన వ్యక్తులను ఓటర్ల జాబితాలో చేర్చడానికి బీజేపీ, ఆర్ఎస్ఎస్ ప్రయత్నిస్తున్నాయని విమర్శించారు. ఎస్ఐఆర్లో అక్రమాలు మన యువతను, పేదలను, దళితులను, అణగారిన వర్గాలను దెబ్బతీస్తున్నాయని ఆందోళన వ్యక్తంచేశారు. ధనవంతులు తమ పనిని ఎలాగోలా పూర్తి చేసుకోగలిగినప్పటికీ, ఏదైనా సమస్య తలెత్తితే మాత్రం పేదలు తమ పనులు మానుకొని ఎన్నికల సంఘం అధికారుల చుట్టూ తిరగాల్సి వస్తోందని అన్నారు. ఎస్ఐఆర్పై ప్రజలను చైతన్య పరుస్తాం ప్రధాని మోదీ దేశంలో ప్రజాస్వామ్యాన్ని నాశనం చేస్తున్నారని ఖర్గే నిప్పులు చెరిగారు. పదవిలో ఉండగా తీసుకున్న నిర్ణయాలకు సంబంధించి ప్రధాన ఎన్నికల కమిషనర్(సీఈసీ), ఎన్నికల కమిషనర్లకు చట్టపరమైన చర్యల నుంచి మినహాయింపు కల్పించే చట్టాన్ని ప్రస్తావించారు. వారికి మినహాయింపు కల్పించే చట్టాన్ని తీసుకొచ్చి ప్రజాస్వామ్యా న్ని దిగజార్చుతున్నారని ఆరోపించారు. ఎన్నికల కమిషనర్ల నియామక కమిటీలో మార్పులు చేయడాన్ని తప్పుపట్టారు. స్వలాభం కోసమే ఈ కమిటీ నుంచి సుప్రీంకోర్టు ప్రధాన న్యాయమూర్తిని తొలగించి, కేంద్ర మంత్రిని చేర్చారని ఆక్షేపించారు. ఈనెల 6న ఢిల్లీలో ఎన్నికల సంఘం కార్యాలయం వరకు పాదయాత్ర చేయబోతున్నట్లు ఖర్గే తెలిపారు. ఎస్ఐఆర్లో అక్రమాలపై దేశ ప్రజల్ని చైతన్యవంతులను చేస్తామన్నారు. ఆ తర్వాత ప్రజలు ‘మోదీ, మోదీ’ అని అంటే మాత్రం వారికి నియంతృత్వమే కావాలని తేటతెల్లం అవుతుందన్నారు. -
పీఎం కానుకల వేలం గడువు నెలాఖరుకు పొడిగింపు
సాక్షి ప్రతినిధి, న్యూఢిల్లీ: ప్రధానమంత్రికి దేశవిదేశాల సందర్శనలు, వివిధ కార్యక్రమాల సందర్భంగా లభించిన బహుమతులు, జ్ఞాపికల విక్రయానికి సంబంధించిన ‘పీఎం మెమెంటోస్’8వ విడత వేలం గడువును ఈనెల 31వ తేదీ వరకూ కేంద్రం పొడిగించింది. ఆన్లైన్ ద్వారా 30 రకాల జ్ఞాపికలు, కానుకల విక్రయానికి జరిగే ఈ–వేలం ప్రక్రియలో ఈసారి కాకతీయ కళాతోరణం వెండి నమూనా కూడా ఉంది. దీనికి ప్రాథమిక ధర రూ.10 లక్షలుగా ప్రభుత్వం నిర్ణయించింది. అత్యధికంగా జగన్నాథ పరివార రథం ప్రతిమకు రూ.21 లక్షల బేస్ ప్రైస్ ఉంది. తర్వాత కర్ణాటక శ్రీరాముడి వెండి విగ్రహానికి రూ.13.50 లక్షలుగా ఉంది. వివిధ దేవాలయాలు, చరిత్రాత్మక ప్రదేశాల నమూనాలు, సంప్రదాయ చేతివృత్తుల కళారూపాలు, చిత్రాలు, పెయింటింగులు, విగ్రహాలు, శాలువాలు వంటివి 30 రకాల వరకూ ఈ వేలంలో ఉంచారు. వేలం ఆదాయాన్ని గంగానది ప్రక్షాళన కోసం చేపట్టిన ‘నవామి గంగే’ప్రాజెక్టుకు విరాళంగా అందించనున్నట్లు కేంద్ర సాంస్కృతిక శాఖ పేర్కొంది. -
ప్రధాని మోదీకి చక్కటి ఆలోచనలున్నాయి
మాస్కో: రష్యా–ఉక్రెయిన్ సంఘర్షణను పరిష్కరించడంపై భారత ప్రధాని నరేంద్ర మోదీకి చాలా చక్కటి ఆలోచనలు ఉన్నాయని రష్యా అధ్యక్షుడు పుతిన్ చెప్పారు. ప్రతి సమావేశంలోనూ మోదీ ఈ విషయాన్ని ప్రస్తావిస్తుంటారని తెలిపారు. గురువారం జరిగిన వాల్డాయ్ ఇంటర్నేషనల్ డిస్కషన్ క్లబ్ వార్షిక సమావేశంలో పుతిన్ మాట్లాడారు. ‘‘యుద్ధాలను ముగించడంపై ప్రధానమంత్రి మోదీ వైఖరి విషయానికి వస్తే.. మా ఇద్దరి మధ్య చాలా మంచి స్నేహపూర్వక సంబంధాలు ఉన్నాయి. ఉక్రెయిన్ సంఘర్షణను ముగించే అంశాన్ని ఆయన నిరంతరం ప్రస్తావిస్తూ ఉంటారు. రష్యా–ఉక్రెయిన్ ఘర్షణ గురించి ప్రశ్నలు అడిగే ప్రపంచ నాయకుల్లో మోదీ ఒకరని నేను చెప్పగలను. మేము జరిపే ప్రతి సమావేశంలోనూ మోదీ ఈ అంశాలను ప్రస్తావిస్తారు. ప్రత్యేక ఆసక్తిని కనబరుస్తారు. పరస్పర ఆమోదయోగ్యమైన పరిష్కారాలను కనుగొనే లక్ష్యంతో మోదీ వద్ద చాలా మంచి ఆలోచనలు ఉన్నాయి’’అని పుతిన్ స్పష్టంచేశారు. అలాగే బుధవారం ఓ సదస్సులో పుతిన్ ప్రసంగించారు. భారతదేశ సాంస్కృతిక వైవిధ్యం, ఐక్యత పట్ల ప్రశంసల వర్షం కురిపించారు. భారతదేశం తన విస్తృతి, వైవిధ్యంతో అందరినీ ఆశ్చర్యపరుస్తోందని అన్నారు. ‘‘ఈ విషయం చాలా తక్కువ మందికి తెలుసు. 150 కోట్ల మంది జనాభాలో 60 కోట్ల మంది భారతీయులు తమ మాతృభాష అయిన హిందీని మాట్లాడతారు. మిగిలిన వారు తమ మాతృ భాషలను మాట్లాడతారు. అయినప్పటికీ వారందరూ కలిసిమెలిసి జీవిస్తున్నారని మోదీ నాకు చెప్పారు. ఇది నిజంగా అద్భుతం, ప్రశంసనీయం. వైవిధ్యం, ఐక్యత ఎలా కలిసి ఉండగలవో చెప్పడానికి భారతీయ సంస్కృతిలో ఒక ప్రత్యేకత ఉంది. అది కచి్చతంగా ఒక ఉదాహరణగా నిలుస్తుంది. నిజంగానే మనం నేర్చుకోవాల్సిన విషయం’’అని కొనియాడారు. -
ఆ క్షణం నేను ఆలోచించింది ఇదే.. పైలెట్ స్మిట్ మచ్చార్ తో మోదీ వీడియో కాల్
-
ప్రయాణికులను కాపాడాలన్న సంకల్పమే నడిపించింది
న్యూఢిల్లీ: ఫ్లై దుబాయ్ విమానంలో కో–పైలట్ దాడిలో తీవ్రంగా గాయపడి, రక్తమోడుతున్నా సరే ప్రయాణికులను కాపాడాలన్న సంకల్పం మాత్రం చెక్కుచెదరలేదు. తనకు ఏం జరిగినా ఫర్వాలేదు వారు బతికుంటే చాలు అని భావించారు. ఒకవైపు కత్తి దూస్తున్న కో–పైలట్తో పెనుగులాడుతూనే మరోవైపు కాక్పిట్ తలుపు తెరిచారు. అంతటి విపత్కర పరిస్థితిలో ఆయన తీసుకున్న ఆ ఒక్క నిర్ణయమే 174 మంది ప్రయాణికులను కాపాడింది. ఫ్లై దుబాయ్ విమానంలో భారతీయ కెప్టెన్ స్మిత్ మచ్ఛార్ ప్రదర్శించిన ధైర్య సాహసాలను ప్రపంచమంతా కొనియాడుతోంది. కష్టాల్లో ఉన్నప్పుడల్లా హనుమాన్ చాలీసాను పఠిస్తానని స్మిత్ చెప్పారు. విమానంలో తనపై దాడి జరిగిన తర్వాత కూడా హనుమాన్ చాలీసాను పఠించడం తనకు కొండంత ధైర్యాన్ని ఇచ్చిందని తెలిపారు. ఇదే విషయాన్ని స్వయంగా ప్రధానమంత్రి నరేంద్ర మోదీతో పంచుకున్నారు. కో–పైలట్ దాడిలో గాయపడి, యూఏఈ ఆసుపత్రిలో చికిత్స పొందుతున్న స్మిత్ మచ్ఛార్తో శుక్రవారం మోదీ వీడియో కాల్ ద్వారా మాట్లాడారు. కెప్టెన్ ప్రదర్శించిన ధైర్యం, సమయస్ఫూర్తి, సంయమనాన్ని ప్రశంసించారు. ఆయన తీసుకున్న తక్షణ నిర్ణయం ఎంతోమంది ప్రాణాలను కాపాడిందని పేర్కొన్నారు. జరిగిన సంఘటన గురించి వివరాలు అడిగి తెలుసుకున్నారు. ఈ సందర్భంగా స్మిత్ భావోద్వేగానికి గురయ్యారు. ‘మీరే నాకు స్ఫూర్తి’అని మోదీతో అన్నారు. ప్రధానమంత్రితో స్మిత్ ఏం చెప్పారంటే.. అది అత్యంత క్లిష్టమైన సమయం ‘‘దాడిలో గాయపడి కాక్పిట్లో నేలపై ప్రాణాపాయ స్థితిలో పడి ఉన్నప్పటికీ ప్రయాణికులంతా సురక్షితంగా ఉండాలన్న దృఢ సంకల్పంతో నాలో మిగిలి ఉన్న శక్తితోనే సమయస్ఫూర్తిగా వ్యవహరించి విమానాన్ని కాపాడగలిగాను. అప్పుడు నేను నా ప్రాణాల కోసం పోరాడుతున్నాను. కానీ, ఇతరులు చనిపోకూడదని నిర్ణయించుకున్నాను. అది అత్యంత క్లిష్టమైన సమయం. ఏదో ఒకటి చేయకపోతే ప్రమాదం తప్పదని నాకు అనిపించిన క్షణం అది. కాక్పిట్లో నేను కిందపడి ఉన్నప్పటికీ, విమానం కిందకు పడిపోతోందని గ్రహించగలిగాను. సహ పైలట్ నన్ను కత్తితో పదేపదే పొడిచాడు. చాలా గాయాలయ్యాయి. అయినా సరే లేచి ఏదో ఒకటి చేయాలని నాకు నేను చెప్పుకున్నాను. ఆ సమయంలో నేను సరిగ్గా స్పందించకపోతే పరిస్థితి భయానకంగా మారుతుందని తెలుసు. 17 ఏళ్లుగా విమానాలు నడుపుతున్నాను, గత 11 ఏళ్లుగా కెప్టెన్గా ఉన్నాను. కళ్లు మూసుకున్నా కూడా విమానంలో ఏం జరుగుతుందో గుర్తించగలను. కాక్పిట్ తలుపు తెరవడమే తక్షణ మార్గమని ఆ క్షణంలో ఆలోచన వచ్చింది. తలుపు తెరిచిన వెంటనే మిగిలిన వారందరూ లోపలికి వచ్చారు. విమానాన్ని కాపాడడంలో వారందరూ నాతో సమానమైన పాత్ర పోషించారు. ప్రయాణికులను ఎలాగైనా కాపాడాలన్న సంకల్పమే నన్ను ముందుకు నడిపించింది. కళ్లముందే వారు మరణిస్తూ ఉంటే చూస్తూ ఉండలేను కదా!’’అని స్మిత్ పేర్కొన్నారు. మన సంస్కృతికి దూరం కాకూడదు ఈ ఘటన తర్వాత, భారతీయులు ఇతరుల ప్రాణాలు తీసేవారు కారని, పైగా ఇతరులను కాపాడటం కోసం తమ ప్రాణాలను పణంగా పెట్టడానికి సిద్ధపడే వీరులుగా దేశం గర్వంగా చెప్పుకోగలదని మచ్ఛార్తో ప్రధాని మోదీ అన్నారు. ‘‘ఆ సమయంలో మీరు ఎన్నో గాయాలకు గురయ్యారు, ప్రాణాలకు ముప్పు వాటిల్లే పరిస్థితిలో పోరాడారు. మీ సొంత భద్రతను పక్కన పెట్టి, ప్రయాణికుల భద్రతకే ప్రాధాన్యతనిచ్చారు. 140 కోట్ల మంది భారతీయుల గౌరవాన్ని పెంచారు. మిమ్మల్ని చూసి గర్వపడుతున్నాను’’అని పేర్కొన్నారు. మోదీ ప్రశంసలకు మచ్ఛార్ ప్రతిస్పందించారు. హనుమాన్ చాలీసా పఠించడం గురించి మాట్లాడారు. ‘‘నాకు నొప్పి లేదా బాధ కలిగినప్పుడల్లా నా మనసులో మెదిలే విషయం హనుమాన్ చాలీసా పఠనమే. విమానంలో దాడి తర్వాత కూడా హనుమాన్ చాలీసానే పఠిస్తూ ఉన్నాను. ఆ దేవుడే నన్ను కాపాడాడని తెలుసు. మోదీని ఆదర్శప్రాయుడిగా, స్ఫూర్తిప్రదాతగా భావిస్తున్నాను. మీరు చేసిన ఫోన్కాల్ నాలో ఎంతో ధైర్యాన్ని, ఉత్సాహాన్ని నింపింది. నాకు ఎంతో గర్వంగా అనిపిస్తోంది. మీ నుంచి ఫోన్కాల్ రావడం నాకు గర్వకారణం. మీ ముందు ఇలా భావోద్వేగంతో రోదిస్తున్నందుకు క్షమించండి’’అని మోదీతో చెప్పారు. దీనికి స్పందిస్తూ.. నా ముందు కన్నీళ్లు పెట్టుకోలేకపోతే ఇక ఎవరి ముందు పెట్టుకుంటారని మచ్ఛార్తో అన్నారు. ‘‘అయ్యా, ప్రతిరోజూ ఉదయం నేను ప్రార్థన చేసుకునేటప్పుడు నా రెండేళ్ల కుమారుడు నా ఒడిలో కూర్చుంటాడు. అప్పుడు నేను అతడికి హనుమాన్ చాలీసా వినిపిస్తాను. ఎందుకంటే చిన్నప్పుడు నాకు కూడా అలాగే నేరి్పంచారు. మనం నేడు మన దేశానికి దూరంగా ఉన్నప్పటికీ, మన సంస్కృతికి మాత్రం దూరంగా ఉండకూడదు’’అని మచ్ఛార్ చెప్పారు. ఆసుపత్రి వైద్యులు, సిబ్బంది తనను ప్రేమ, శ్రద్ధతో బాగా చూసుకుంటున్నారని తెలియజేశారు. కత్తిపోట్లను కేవలం ఒక గాయంగా చూడటం లేదని, అలా చేస్తే కోలుకోవడం మరింత కష్టమవుతుందని అన్నారు. దీనిని నెమ్మదిగా సాగే ఒక ప్రయాణంలా భావిస్తున్నానని వెల్లడించారు. తాను త్వరగా కోలుకొని, పూర్తి ఆరోగ్యవంతుడిగా మారుతానని విశ్వాసం వ్యక్తం చేశారు. An unforgettable conversation with Captain Smit, filled with pride and emotions. pic.twitter.com/CCf46PKOWR— Narendra Modi (@narendramodi) October 2, 2026అహింసకు అర్థాన్ని చెప్పారు స్మిత్ మచ్ఛార్ త్వరగా కోలుకోవాలని దేశవ్యాప్తంగా ఆలయాల్లో ప్రత్యేక ప్రార్థనలు జరిగాయని, చాలామంది భారతీయులు మహా మృత్యుంజయ మంత్రాన్ని పఠిస్తున్నారని ప్రధాని మోదీ చెప్పారు. ‘‘మీరు ధైర్యవంతులు, మీకు స్వాగతం పలికేందుకు భారత్ ఎదురుచూస్తోంది’’అని కెప్టెన్తో అన్నారు. భగవద్గీత బోధనలు, విలువలతో తన బిడ్డను పెంచిన మచ్ఛార్ తల్లి గీతా బెన్ గురించి మోదీ ప్రస్తావించారు. భారతదేశంలోనే కాకుండా ప్రపంచవ్యాప్తంగా ప్రజలు మచ్ఛార్తో మాట్లాడటానికి ఆసక్తి చూపుతున్నారని తెలిపారు. దేశ గౌరవాన్ని పెంచారంటూ మచ్ఛార్ను ప్రశంసించారు. ఆసుపత్రిలో ఆయనను చక్కగా చూసుకున్నందుకు సౌదీ అరేబియా, యూఏఈ ప్రభుత్వాలకు మోదీ కృతజ్ఞతలు తెలిపారు. భారతీయ పైలట్ల ప్రతిష్టను ఉన్నత స్థాయికి తీసుకెళ్లారని, ఇకపై ప్రపంచం వారిని కొత్త కోణంలో చూస్తుందని మచ్ఛార్తో అన్నారు. ‘‘ఈ రోజు గాంధీ జయంతి. అహింస నిజమైన అర్థం ఏమిటో మీరు ప్రపంచానికి చాటిచెప్పారు’’అని శ్లాఘించారు. మచ్ఛార్ స్వస్థలం గుజరాత్. ఆయనతో మోదీ కొద్దిసేపు గుజరాతీ భాషలో మాట్లాడడం విశేషం. అనంతరం ఆ వీడియో కాల్ గురించి మోదీ సోషల్ మీడియాలో పోస్టుచేశారు. ‘‘కెప్టెన్ స్మిత్తో గర్వం, భావోద్వేగాలతో కూడిన ఒక చిరస్మరణీయ సంభాషణ జరిగింది’’అని పేర్కొన్నారు. ఇదీ చదవండి: మీరే నాకు స్ఫూర్తి.. మోదీతో మచ్చార్ -
స్మిట్ మచ్చార్ తో మోదీ వీడియో కాల్.. ఎమోషనల్ అయిన కెప్టెన్
-
ఫ్లైదుబాయ్ హీరోకు ప్రధాని మోదీ వీడియోకాల్
ఫ్లైదుబాయ్ విమానంలో పెను ప్రమాదాన్ని తప్పించిన భారత పైలట్ కెప్టెన్ స్మిట్ మచ్చార్తో ప్రధాని నరేంద్ర మోదీ శుక్రవారం ఫోన్లో మాట్లాడారు. ప్రస్తుతం యూఏఈలోని అబుదాబిలో చికిత్స పొందుతున్న ఆయన .. ఘటనకు సంబంధించిన విషయాలు పంచుకున్నారు. ఆ సమయంలో ప్రాణాలను పణంగా పెట్టి ప్రయాణికులను కాపాడిన ఆయన ధైర్యసాహసాలను ప్రధాని ప్రశంసించగా.. మచ్చార్ భావోద్వేగానికి లోనయ్యారు.కో-పైలట్ తనపై ఎలా దాడి చేశాడో.. ఆ సమయంలో తనకు ధైర్యం ఇచ్చిన విషయాలేంటో కెప్టెన్ స్మిట్ మచ్చర్ ప్రధాని మోదీకి వివరించారు. దాడిలో తీవ్రంగా గాయపడి లేవలేని పరిస్థితిలో ఉన్నప్పటికీ.. విమానం ఒక్కసారిగా కిందకు దిగడాన్ని గమనించానని చెప్పారు. ఆ సమయంలో ప్రయాణికుల ప్రాణాలకు ప్రమాదం ఉందన్న భయంతో ఎలాగైనా కాక్పిట్ తలుపు తెరవాలని నిర్ణయించుకున్నట్లు తెలిపారు.“ఏదో విధంగా నిలబడి కాక్పిట్ తలుపు తెరిచాను. ప్రయాణికులు లోపలికి రావడంతో పరిస్థితి అదుపులోకి వచ్చింది” అని స్మిట్ వివరించారు. ప్రమాద సమయంలో తనకు ధైర్యం ఇచ్చింది హనుమాన్ చాలీసా అని, దానిని చదువుకుంటూ ధైర్యం తెచ్చుకున్నానని చెప్పారు. “ఆ భగవంతుడే నన్ను కాపాడాడు. మీతో మాట్లాడతానని నేను అనుకోలేదు. నాకు మీరే నాకు స్ఫూర్తి” అంటూ మచ్చార్ భావోద్వేగానికి లోనయ్యారు. #WATCH | Flydubai Captain Smit Machchhar turns emotional as he recounts his ordeal before PM Modi; he says, "You are my biggest idol. I feel proud of the way you are encouraging me today. I had so many injuries, but I told myself I have to get up and act. At the time, I told… pic.twitter.com/eqGloeCTSl— ANI (@ANI) October 2, 2026అత్యంత క్లిష్ట పరిస్థితుల్లోనూ స్మిట్ మచ్చర్ చూపిన సమయస్ఫూర్తి, ధైర్యాన్ని ప్రధాని మోదీ అభినందించారు. ఆయన ఆరోగ్య పరిస్థితిని అడిగి తెలుసుకున్న మోదీ.. త్వరగా పూర్తిగా కోలుకోవాలని ఆకాంక్షించారు. మీకు ఎప్పుడు ఏ అవసరం వచ్చినా.. నేను ఫోన్లో అందుబాటులో ఉంటాను అంటూ మచ్చార్కు మోదీ మాటిచ్చారు.బుధవారం ఉదయం దుబాయ్ నుంచి టెల్ అవీవ్ వెళ్తున్న ఫ్లైదుబాయ్ ఎఫ్జెడ్1073 విమానంలో కో-పైలట్ దాడి చేసిన ఘటనలో కెప్టెన్ స్మిట్ మచ్చర్ తీవ్రంగా గాయపడ్డారు. అయినప్పటికీ అత్యంత క్లిష్ట పరిస్థితుల్లోనూ ఆయన కాక్పిట్ తలుపు తెరిచి సహాయం కోరడంతో పాటు విమానాన్ని సురక్షితంగా ల్యాండ్ చేసేందుకు కీలకంగా వ్యవహరించారు. ఈ ఘటనలో విమానంలో ఉన్న 174 మంది ప్రయాణికులు, సిబ్బంది ప్రాణాలు కాపాడటంలో స్మిట్ మచ్చర్ పాత్ర కీలకంగా మారింది. గాయాలతో పోరాడుతూనే ఆయన చూపిన ధైర్యంపై అంతర్జాతీయంగా ప్రశంసలు వెల్లువెత్తుతున్నాయి.ఘటన అనంతరం తొలుత సౌదీ అరేబియాలోని తబూక్ ఆస్పత్రిలో ఆయనకు వైద్యం అందించారు. అనంతరం మెరుగైన చికిత్స కోసం యూఏఈకి ఎయిర్లిఫ్ట్ చేశారు. ప్రస్తుతం స్మిట్ మచ్చర్ యూఏఈలోని అబుదాబిలో చికిత్స పొందుతున్నారు. ఆయనకు శస్త్రచికిత్స విజయవంతంగా జరిగిందని.. ఆయన మాట్లాడగలుగుతున్నారని.. త్వరలో కోలుకుంటారని వైద్యులు, ఇటు భారత రాయబార కార్యాలయమూ ఒక ప్రకటన చేసింది.కెప్టెన్ స్మిట్ మచ్చార్ సాహసం చూసి దేశం గర్విస్తోందని భారత ప్రధాని నరేంద్ర మోదీ ఇంతకు ముందు అభినందించారు. మరో 9/11 తరహా దాడి జరగకుండా మచ్చార్ అడ్డుకోగలిగారంటూ పొగిడారు. అంతేకాదు.. అతని కుటుంబ సభ్యులతో మాట్లాడిన ఆయన అధైర్య పడొద్దని.. భారత ప్రభుత్వం తరఫున అన్నివిధాల సాయం అందిస్తామని భరోసా ఇచ్చారు. ఇదీ చదవండి: ఫ్లైదుబాయ్ ఘటన.. వీడియోలో భయానక దృశ్యాలు -
గాంధీజీ ఆశయాలు నేటి భారతానికి మార్గదర్శకాలు..
మహాత్మా గాంధీ భారత స్వాతంత్య్రోద్య మానికి నాయకత్వం వహించిన మహోన్నత వ్యక్తి మాత్రమే కాదు... సత్యం, అహింస, సామాజిక సమానత్వం, స్వావలంబన, గ్రామీణ స్వరాజ్యం, పారిశుద్ధ్యం వంటి విలువలకు జీవి తాంతం కట్టుబడిన దూరదృష్టిగల నాయకుడు. మానవ చరిత్రలో రాజ్యహింసను, అన్యాయాన్ని ఎదుర్కొనేందుకు అహింసను శక్తిమంతమైన పోరాట సాధనంగా మలిచిన నాయకుడు. సత్యా గ్రహం ద్వారా అన్యాయానికి వ్యతిరేకంగా ప్రజ లను శాంతియుతంగా సమీకరించారు.సమాజంలోని ప్రతి వ్యక్తికి గౌరవం, సమా నత్వం, మానవ హక్కులు ఉండాలన్న భావన ఆయన సామాజిక తత్వంలో కీలకమైనది. చరఖా, ఖాదీ ఆయనకు కేవలం వస్త్ర తయారీ సాధనాలు కాదు; స్వావలంబన, గ్రామీణ ఉపాధి, స్వదేశీ ఆర్థిక వ్యవస్థకు ప్రతీ కలు. మహిళలు సమాజంలో సమాన హక్కులు, సమాన అవకాశాలు పొందాలని గాంధీజీ కోరు కున్నారు. స్వాతంత్య్రోద్యమంలో మహిళలను పెద్ద సంఖ్యలో భాగస్వాములను చేయడం ద్వారా ప్రజా ఉద్యమాల్లో వారి పాత్రను విస్తరించారు. మహిళా సాధికారత అంటే కేవలం చట్టపరమైన హక్కులు ఇవ్వడం మాత్రమే కాదు; విద్య, ఆర్థిక స్వావలంబన, భద్రత, గౌరవం, నిర్ణయాధికారంలో భాగస్వామ్యం వంటి అంశాలు కూడా అంతే ముఖ్యమైనవి.గ్రామాలు స్వయం సమృద్ధిగా ఎదగాలనీ, స్థానిక అవసరాలకు స్థానికంగా పరిష్కారాలు లభించా లనీ ఆయన భావించారు. నేటి గ్రామీణ అభివృద్ధి కూడా రోడ్లు నిర్మించడం లేదా భవనాలు ఏర్పాటు చేయడానికే పరిమితం కాదు. రైతులకు మార్కెట్ అనుసంధానం, సాగు నీరు, తాగునీరు, విద్యుత్, గృహాలు, పారిశుద్ధ్యం, డిజిటల్ కనెక్టి విటీ, బ్యాంకింగ్ సేవలు, మహిళలకు ఉపాధి అవ కాశాలు వంటి అనేక అంశాలు గ్రామీణ జీవన ప్రమాణాలను ప్రభా వితం చేస్తున్నాయి.పారిశుద్ధ్యం విషయంలో గాంధీజీకి ప్రత్యే కమైన దృక్పథం ఉంది. పరిశుభ్రత అనేది కేవలం ప్రభుత్వ బాధ్యత కాదనీ, ప్రతి వ్యక్తి బాధ్యత కూడా అని నొక్కిచెప్పారు. వ్యక్తిగత పరిశుభ్రతతో పాటు పరిసరాల పరిశుభ్రత, మరుగుదొడ్ల విని యోగం, వ్యర్థాల నిర్వహణ, ప్రజారోగ్యం వంటి అంశాలను ఆయన సామాజిక సంస్కరణలో భాగంగా చూశారు.మోదీ పాలన – గాంధీవాదంగ్రామీణ భారతదేశ అభివృద్ధి గాంధీజీ ఆలో చనల్లో ముఖ్యమైన అంశం. మోదీ పాలనలో ‘ప్రధానమంత్రి గ్రామ సడక్ యోజన’ ద్వారా గ్రామీణ రహదారి అనుసంధానాన్ని విస్తరించారు. ‘ప్రధానమంత్రి కిసాన్ సమ్మాన్ నిధి’ ద్వారా పేద రైతు కుటుంబాలకు ఆర్థిక సాయం అందిస్తున్నారు. గ్రామీణ కుటుంబాలకు తాగు నీటిని అందించడంలో ‘జల్ జీవన్ మిషన్’ కీలక కార్యక్రమంగా మారింది. గ్రామీణ ప్రజలకు బ్యాంకింగ్ సేవలను చేరువ చేయడంలో ‘ప్రధాన మంత్రి జ¯Œ ధన్ యోజన’ కూడా ముఖ్యమైన పాత్ర పోషించింది. గాంధీజీ 150వ జయంతి సందర్భంగా దేశాన్ని పరిశుభ్రంగా తీర్చిదిద్దాలనే లక్ష్యంతో మోదీ ప్రభుత్వం 2014లో ‘స్వచ్ఛ భారత్ మిషన్’ ప్రారంభించింది.గాంధీజీ జయంతి సందర్భంగా ఆయనను స్మరించుకోవడం అంటే కేవలం ఒక మహానాయ కుడికి నివాళి అర్పించడం మాత్రమే కాదు; ఆయన నమ్మిన మానవతా విలువలను మన జీవితాల్లో ఎంతవరకు ఆచరిస్తున్నామో ఆత్మపరి శీలన చేసుకోవడం కూడా.- చింతా సాంబమూర్తి, వ్యాసకర్త జాతీయ సఫాయి కర్మచారి కమిషన్ మాజీ సభ్యులుఇదీ చదవండి: సేవయే సాధనగా: గాంధీజీ ఆధ్యాత్మిక ప్రయాణం -
ప్రజా సేవల్లో వేగం పెరగాల్సిందే
న్యూఢిల్లీ: నేటి ఆధునిక యుగంలో కృత్రిమ మేధ(ఏఐ) ఆధారిత వేగవంతమైన, రియల్–టైమ్ సేవలు, పరిష్కారాలను పౌరులు కోరుకుంటున్నారని ప్రధాని నరేంద్ర మోదీ చెప్పారు. అందుకు అనుగుణంగా సాంప్రదాయ సేవా పంపిణీ విధానాలు సైతం పరిణామం చెందాలని స్పష్టంచేశారు. ఉద్యోగ నియామకాల విషయంలో మౌలిక మార్పు రావాల్సిన అవసరం ఉందన్నారు. అభ్యర్థులు కేవలం ప్రభుత్వ ఉద్యోగం కోసం కాకుండా ప్రజాసేవ వైపు ఆకర్షితులయ్యేలా చూడాలని పేర్కొన్నారు. కేవలం విద్యా పరిజ్ఞానాన్ని మాత్రమే కాకుండా అభ్యర్థుల్లోని అంతర్లీన ప్రేరణను సైతం సక్రమంగా మూల్యాంకనం చేసేలా ఎంపిక ప్రమాణాలు ఉండాలని తేలి్చచెప్పారు. నియామక పరీక్ష అనేది కేవలం అభ్యర్థికి ఏమి తెలుసో పరీక్షించడానికే పరిమితం కాకూడదని అభిప్రాయపడ్డారు. యువత సివిల్ సరీ్వసెస్లో ఎందుకు చేరాలని ఆకాంక్షిస్తుందో కూడా పరిశీలించాలని అన్నారు. గురువారం ఢిల్లీలో యూనియన్ పబ్లిక్ సర్వీస్ కమిషన్(యూపీఎస్సీ) శతవార్షిక ఉత్సవాల్లో ప్రధానమంత్రి ప్రసంగించారు. మనదేశం క్రమంగా పట్టణీకరణ చెందుతోందని, అదే సమయంలో యువత ఆకాంక్షలు గణనీయంగా పెరుగుతున్నాయని వెల్లడించారు. వారి అంచనాలు చాలా ఎక్కువగా ఉంటాయని అన్నారు. కాబట్టి ఇంకా సాంప్రదాయ పద్ధతుల్లోనే సేవలు అందిస్తే సరిపోదని వ్యాఖ్యానించారు. తక్షణమే సేవలు కోరుకుంటున్న ప్రపంచ వేగానికి అనుగుణంగా ప్రభుత్వ సేవలు సాగుతున్నాయా లేదా అనేది ప్రశ్నించుకోవాలని ఉద్ఘాటించారు. యువత ఆకాంక్షలకు అనుగుణంగా ప్రభుత్వ సేవల్లోనూ వేగం పెరగాలని స్పష్టంచేశారు. నేడు పౌరులు ప్రభుత్వ సేవల కోసం వారాల తరబడి లేదా నెలల తరబడి వేచి ఉండాలని కోరుకోవడం లేదని వ్యాఖ్యానించారు. కృత్రిమ మేధ క్షణాల్లో వేలాది పత్రాలను ప్రాసెస్ చేయగలిగినప్పుడు, ప్రభుత్వాలకు రియల్ టైమ్ డేటా అందుబాటులో ఉన్నప్పుడు పౌరులు వేగవంతమైన పరిష్కారాలను ఆశిస్తారని ప్రధానమంత్రి వెల్లడించారు. మారుతున్న ఈ ఆలోచనా విధానం ప్రకారం మన సివిల్ సర్వీసెస్లో కొత్త మార్పులకు శ్రీకారం చుట్టాలని పిలుపునిచ్చారు. ఎంపిక ప్రమాణాలను, నియామక ప్రక్రియలను భవిష్యత్ అవసరాలకు అనుగుణంగా మార్చుకోవాలని సూచించారు.


