bjp

ముంబై: మహరాష్ట రాజకీయాల్లో సంచలన పరిణామం చోటు చేసుకుంది. ఏక్‌నాథ్‌ షిండేని మహరాష్ట్ర ముఖ్యమంత్రిని చేయాలనే డిమాండ్లు మళ్లీ తెరపైకి వచ్చాయి. ఇటీవల జరిగిన ఎమ్మెల్సీ ఎన్నికల ఫలితాల్లో అధికార ‘మహాయుతి కూటమి’లో చిచ్చు రాజేసినట్లు తెలుస్తోంది. అక్టోబర్ 23న ఐదు పట్టభద్రులు, ఉపాధ్యాయ నియోజకవర్గాల ఎమ్మెల్సీ స్థానాలకు పోలింగ్ జరుగగా, ఫలితాలు అధికార కూటమికి షాక్ ఇచ్చాయి. విపక్ష ‘మహా వికాస్ అఘాడి’ కూటమి ఏకంగా మూడు స్థానాలను కైవసం చేసుకోగా అధికార మహాయుతి కేవలం రెండు స్థానాలతో సరిపెట్టుకోవాల్సి వచ్చింది. ఈ ఓటమే అధికార కూటమిలో తప్పు ఎవరిదనేదానిపై బహిరంగ వాదనలకు దారితీసింది.ఎమ్మెల్సీ ఎన్నికల ఫలితాలపై శివసేన నాయకుడు రవీంద్ర ధంగేకర్ వివాదాస్పద వ్యాఖ్యలు చేశారు. రాష్ట్ర ప్రభుత్వ పనితీరు, దాని ఇమేజ్ గురించిన సందేహాల వల్లే ఈ ఫలితాలు వచ్చాయని ఆయన మండిపడ్డారు. ‘గతంలో ఏక్‌నాథ్ షిండే ముఖ్యమంత్రిగా ఉన్నప్పుడే మహాయుతి అధికారంలోకి వచ్చింది. కాబట్టి, ఏక్‌నాథ్ షిండేనే మళ్లీ ముఖ్యమంత్రి కావాలి’ అని సంచలన డిమాండ్ చేశారు. అంతేకాదు తామేమి బీజేపీకి బానిసలం కాదని, కూటమిలో పరస్పర గౌరవం ఉండాలని ఆయన హితవు పలికారు.శివసేన మంత్రి అబ్దుల్ సత్తార్ స్పందిస్తూ.. ప్రధాని మోదీ, హోంమంత్రి అమిత్‌ షాల ప్రశంసలు అందుకున్న షిండే నాయకత్వమే మహాయుతికి శ్రీరామరక్ష అని, ఆయన మళ్లీ సీఎం కావాలని తామంతా కోరుకుంటున్నట్లు చెప్పారు.శివసేన నేతల డిమాండ్లను, వ్యాఖ్యలను బీజేపీ తీవ్రంగా ఖండించింది. శివసేన నేతలకు సీఎం మార్పు గురించి మాట్లాడే అర్హత లేదని స్పష్టం చేసింది. సీనియర్ బీజేపీ నేత, మంత్రి చంద్రశేఖర్ బావన్‌కులే మాట్లాడుతూ..2024 అసెంబ్లీ ఎన్నికల్లో పోటీ చేసిన 149 స్థానాలకు గాను, బీజేపీ 137 స్థానాల్లో విజయం సాధించింది’ అని గుర్తు చేశారు. ఎమ్మెల్సీ ఎన్నికల్లో ఆశించిన స్థాయిలో ఫలితాలు రాలేదనే కారణం చూపుతూ ముఖ్యమంత్రిని మార్చాలనే డిమాండ్‌ సరికాదన్నారు. ఎమ్మెల్సీ ప్రవీణ్ దారేకర్ సైతం ధాంగేకర్‌పై విమర్శలు గుప్పించారు. తన పరిధిలో తాను ఉండాలని సూచించారు. ఫడ్నవీస్ నాయకత్వంలో రాష్ట్రం అపూర్వమైన రీతిలో పురోగమిస్తోంది. ఆయనకు ఫడ్నవీస్ అంటే ఎంత ద్వేషం ఉందంటే విమర్శించే అవకాశం దొరికినప్పుడల్లా ఈ అవకాశాన్ని వదులుకోరు’అని ఎద్దేవా చేశారు. మహాయుతిలోని శకుని మామలను గుర్తించాలి ఇదిలా ఉంటే మహారాష్ట్ర శాసనమండలి ఎన్నికల్లో ఆశించిన ఫలితాలు రాకపోవడంతో అధికార మహాయుతి కూటమిలో ఉన్న శకుని మామలను గుర్తించాలని బీజేపీ నాయకుడు, మహారాష్ట్ర మంత్రి నితేష్ రాణే పిలుపునిచ్చారు. ఉద్ధవ్ థాక్రేకు నచ్చే విధంగా వ్యవహరిస్తున్న శకుని మామలు ఎవరైనా మహాయుతిలో ఉన్నారేమో తెలుసుకోవాల్సిన సమయం ఆసన్నమైంది’ అని అప్రమత్తం చేశారు. అధికార కూటమి ఆశించిన విజయాన్ని సాధించ లేకపోయినప్పటికీ, గత ఎన్నికల్లో పోటీ చేయని నియోజకవర్గాల్లో కూడా బీజేపీ రెండు స్థానాలను గెలుచుకుందని రాణే పేర్కొన్నారు.మొత్తానికి, ఎమ్మెల్సీ ఎన్నికల ఫలితాలు మహారాష్ట్ర అధికార కూటమిలో నివురుగప్పిన నిప్పులా ఉన్న విభేదాలను బట్టబయలు చేశాయి. రాబోయే రోజుల్లో ఈ పరిణామాలు మహాయుతిలో ఎలాంటి రాజకీయ మలుపులకు దారితీస్తాయో వేచి చూడాలి!

సాక్షి ప్రతినిధి, న్యూఢిల్లీ: మధ్యప్రదేశ్‌లో ఖాళీ అయిన రాజ్యసభ స్థానానికి జరగనున్న ఉప ఎన్నికలో బీజేపీ తరఫున కేంద్ర పెట్రోలియం మంత్రి హర్దీప్‌ సింగ్‌ పురి బరిలో దిగనున్నారు. పార్టీ అధినాయకత్వం బుధవారం ఈ మేరకు ప్రకటించింది. పార్లమెంటరీ వ్యవహారాలు, సమాచార, ప్రసార శాఖ సహాయ మంత్రి ఎల్‌.మురుగన్‌ ఆ పదవితో పాటు తన రాజ్యసభ సభ్యత్వానికి ఇటీవల రాజీనామా చేయడం తెలిసిందే. ఆయన పదవీకాలం 2030 ఏప్రిల్‌ దాకా ఉంది. మురుగన్‌ రాజీనామాతో ఖాళీ అయిన ఆ రాజ్యసభ స్థానానికి ఇప్పుడు ఉప ఎన్నిక జరుగుతోంది. నామినేషన్ల దాఖలుకు నవంబర్‌ 2 తుది గడువు. నవంబర్‌ 12న పోలింగ్, అదే సాయంత్రం ఓట్ల లెక్కింపు జరుగుతాయి. ఎన్నిక ప్రక్రియ నవంబర్‌ 16 నాటికి పూర్తవుతుంది. పదవి పదిలమే: ఉత్తరప్రదేశ్‌ నుంచి రాజ్యసభకు ప్రాతినిధ్యం వహిస్తున్న పురి పదవీకాలం 2026 నవంబర్‌ 25న ముగుస్తుంది. యూపీలో అక్టోబర్‌ మొదట్లో జరిగిన రాజ్యసభ ఎన్నికల్లో ఆయనను బీజేపీ తిరిగి నామినేట్‌ చేయలేదు. దాంతో పురి మంత్రి పదవి పోనుందని ఉహాగానాలు వచ్చాయి. కానీ అనూహ్యంగా మురుగన్‌ రాజీనామాతో మధ్యప్రదేశ్‌లో ఖాళీ అయిన స్థానంలో ఆయనకు అవకాశం దక్కింది. బీజేపీ పాలిత రాష్ట్రమైన అక్కడ ఎన్నిక నల్లేరుపై నడకే కానుంది. పంజాబ్‌ ఎన్నికల నేపథ్యంలో: ఆప్‌ పాలిత రాష్ట్రమైన పంజాబ్‌లో 2027 మార్చిలో కీలకమైన అసెంబ్లీ ఎన్నికలు జరగనున్నాయి. వీటిని బీజేపీ అత్యంత ప్రతిష్టాత్మకంగా తీసుకుంటోంది. అక్కడ ఎలాగైనా అధికారం చేపట్టేందుకు వ్యూహాలు రచిస్తోంది. పంజాబ్‌ రాజకీయాల్లో, సిక్కుల సమస్యలపై గళమెత్తే నేతల్లో ముఖ్యుడైన పురిని ఈ సమయంలో కేంద్ర మంత్రివర్గం నుంచి తప్పించకపోవచ్చన్న అంచనాలే చివరికి నిజమయ్యాయి. 2019 లోక్‌సభ ఎన్నికల్లో పంజాబ్‌లోని అమృత్‌సర్‌ నుంచి బీజేపీ అభ్యరి్థగా పోటీ చేసిన పురి కాంగ్రెస్‌ అభ్యర్థి గుర్జీత్‌ సింగ్‌ ఔజ్లా చేతిలో ఓటమి పాలయ్యారు.

లక్నో: ఉత్తరప్రదేశ్‌ ఎమ్మెల్సీ ఎన్నికల్లో భారతీయ జనతా పార్టీ (బీజేపీ)కి ఎదురుదెబ్బ తగిలింది. ప్రధాని నరేంద్ర మోదీ పార్లమెంటరీ నియోజకవర్గమైన వారణాసిలో బీజేపీ ఓటమి పాలైంది. ఇప్పటివరకు అందిన సమాచారం ప్రకారం.. ఉత్తరప్రదేశ్‌లోని 11 ఎమ్మెల్సీ స్థానాల్లో బీజేపీ ఐదు స్థానాలను గెలుచుకోగా, సమాజ్‌వాదీ పార్టీ (ఎస్పీ) రెండు స్థానాల్లో విజయం సాధించింది.ఉత్తరప్రదేశ్‌తో పాటు మరో మూడు రాష్ట్రాల్లోని మొత్తం 28 ఎమ్మెల్సీ నియోజకవర్గాలకు ఎన్నికలు జరిగాయి. వీటిలో ఉత్తరప్రదేశ్‌లో 11 స్థానాలు ఉన్నాయి. అక్టోబర్‌ 23న ఈ స్థానాలకు పోలింగ్‌ ప్రశాంతంగా ముగిసింది. బహుళ అంచెల భద్రతా ఏర్పాట్ల మధ్య ఓటింగ్‌ నిర్వహించారు. అక్టోబర్‌ 27న ఓట్ల లెక్కింపు చేపట్టారు.ఉత్తరప్రదేశ్‌లో ఐదు గ్రాడ్యుయేట్‌, ఆరు ఉపాధ్యాయ నియోజకవర్గాలకు ఎన్నికలు జరిగాయి. లక్నో, వారణాసి, ఆగ్రా, మీరట్‌, అలహాబాద్‌-ఝాన్సీ గ్రాడ్యుయేట్‌ నియోజకవర్గాలతో పాటు లక్నో, వారణాసి, ఆగ్రా, మీరట్‌, బరేలీ-మొరాదాబాద్‌, గోరఖ్‌పూర్‌-ఫైజాబాద్‌ ఉపాధ్యాయ నియోజకవర్గాల్లో పోలింగ్‌ నిర్వహించారు.

సాక్షి, చెన్నై: తమిళ ప్రముఖ నటుడు ధనుష్‌ రాజకీయ అరంగేట్రంపై తమిళనాడు రాజకీయాల్లో తీవ్ర ఉత్కంఠ నెలకొంది.ఓఎంఆర్‌ రోడ్డులోని ఓ ప్రైవేట్‌ కళాశాలలో నిర్వహించిన ధనుష్‌ ఛారిటీ మూవ్‌మెంట్‌ మహిళా ప్రతినిధుల సమావేశంలో ఆయన పంపిణీ చేసిన బహుమతి పెద్ద వివాదానికి దారితీసింది. ఈ సమావేశానికి హాజరైన వెయ్యికి పైగా మహిళా ప్రతినిధులకు ధనుష్‌ దీపావళి కానుకగా రూ.1.3 కోట్ల విలువైన వెండి కామాక్షి దీపా లను బహుకరించారు. అయితే, ఆ దీపాల అడుగుభాగంలో కమలం (తామర) గుర్తు చెక్కి ఉండటం కలకలం రేపింది. ధనుష్‌ స్థాపిస్తున్న తమిళగ ఎళుచ్చి కళగం అనే కొత్త పారీ్టకి, బీజేపీకి సంబంధాలు ఉన్నాయని, బీజేపీనే ఆయనను వెనుక ఉండి నడిపిస్తోందని విమర్శలు బయలు దేరాయి. టీమ్‌ వివరణ ఈ ఆరోపణలను ధనుష్‌ ఛారిటీ మూవ్‌మెంట్‌ ప్రతినిధులు తీవ్రంగా ఖండించారు. తామర గుర్తు అనేది కేవలం ఆభరణ తయారీదారుడి ముద్ర మాత్రమే తప్ప, ఏ పార్టీ ఎన్నికల గుర్తు కాదని స్పష్టం చేశారు. కాగా, : ఒకవైపు బీజేపీ, మరోవైపు ఏఐఏడీఎంకే అన్నాడీఎంకే ధనుష్‌ను తమవైపు తిప్పుకునేందుకు ప్రయత్నిస్తున్నాయని, కాంగ్రెస్‌ నాయకులు మాత్రం ఢిల్లీ నాయకత్వం ప్లాన్‌ డీ పేరుతో సెలబ్రిటీలను వాడుకుంటోందని ఆరోపిస్తున్నారు. ధనుష్‌ పార్టీ వైపు డాక్టర్‌ రామదాస్‌ కుమార్తె చూపు? పీఎంకే అధినేత డాక్టర్‌ రామదాస్‌, ఆయన కుమారుడు అన్బుమణి రామదాస్‌ మధ్య చెలరేగిన విభేదాల పర్యవసానాలు ఇంకా కొనసాగుతున్నాయి. ఇటీవల ఎన్నికల అనంతరం వీరిద్దరూ రాజీ పడినప్పటికీ, రాందాస్‌ కుమార్తె గాందీమతి మాత్రం ఈ పరిణామాలపై తీవ్ర అసంతృప్తి తో ఉన్నట్లు సమాచారం. తండ్రి నిర్ణయాల పై కోపంతో ఉన్న గాందీమతి, నటుడు ధనుష్‌ స్థాపించబోయే నూతన పార్టీలో చేరేందుకు ఆసక్తి చూపుతున్నట్లు తెలిసింది.ధనుష్‌ను కలిసి తన భవిష్యత్తు రాజకీయ అడుగులపై చర్చించేందుకు ఆమె సమయం కోరినట్లు రాజకీయ వర్గాల్లో ప్రచారం జరుగుతోంది.

హైదరాబాద్: జవహర్ నగర్ డంపింగ్ యార్డు కాలుష్య నియంత్రణకు, దాని సమస్యల నుంచి శాశ్వత పరిష్కారం కోసం ఎంపీ ఈటల రాజేందర్ రౌండ్ టేబుల్ సమావేశం నిర్వహించారు. మేధావులు, పర్యావరణ వేత్తలు, డంపింగ్ యార్డు బాధితులు ఇందులో పాల్గొన్నారు.ఈ సమావేశంలో ఈటల రాజేందర్ మాట్లాడుతూ.. ‘‘జవహర్ నగర్ లో ప్రాణం పోయినా పర్లేదు అని జీవిస్తున్నారు. కోర్టులు ఇచ్చిన తీర్పులు కూడా అమలు చేయడం లేదు. కంచె చేను మేసినట్టు పాలకులు వ్యవహరిస్తున్నారు. ప్రజలకు చట్టాల మీద నమ్మకం పోతుంది. జవహర్ నగర్ లో మొదట కదిలించిన సంఘటన.. కుక్కలు ఒక బాబును పీక్కొని తిన్నాయి. రాంకీ సీఎస్‌ఆర్‌ డబ్బులు ఇక్కడ తాగునీరు, రోడ్లు ప్రజలకు ఖర్చు చేయకుండా వేరే రాష్ట్రాల్లో ఖర్చు పెడుతున్నారు. రాజ్యాంగాన్ని అపహాస్యం చేసే వారికి ఏం శిక్ష విధించాలి? సీఎం రేవంత్ ను మొదటి సారి కలిసింది జవహర్ నగర్ ప్రజలకోసం. దీనిని పరిష‍్కరించాలని కోరితే.. మీరే మీటింగ్ పెట్టండి అని పెట్టించారు. కానీ చిత్తశుద్ధి లేదు. నాలుగు నెలలు దాటింది కానీ ఎక్కడ వేసిన గొంగళి అక్కడే ఉంది. ఇంకో దగ్గర చెత్త వేయడానికి ప్రజలు ఒప్పుకోరు కాబట్టి జీరో పొల్యూషన్ టెక్నాలజీతో చెత్త డంపింగ్ కేంద్రాలు ఏర్పాటు చేయాలి. మహిళలకు గర్భస్రావాలు అవుతున్నాయి. జవహర్ నగర్ చుట్టుపక్కల నరక కూపంగా మారింది. 30 కిలోమీటర్ల రేడియస్ లో కాలుష్యం ఇబ్బంది ఉంది. ఈ ఏరియా పిల్లలను స్కిన్ ఇన్ఫెక్షన్ ఉందని స్కూల్స్ కూడా చేర్చుకోవడం లేదు. డంప్ యార్డు సమస్య గురించి పార్లమెంట్లో మాట్లాడాను. చెత్తను ఎలక్ట్రిసిటీ జనరేషన్, బయోగ్యాస్, ఆర్గానిక్ మెన్యూర్ గా చేయవచ్చు. 27 నుంచి పాదయాత్ర మొదలు పెడుతున్నాను. నేను రాజీపడే ప్రసక్తి లేదు. బాధితులు ఇంటికి ఒకరు వస్తారు అని భావించి పాదయాత్ర మొదలు పెడుతున్నా. తప్పకుండా ప్రభుత్వం దిగివస్తుంది అని భావిస్తున్నా. కేంద్రం నుంచి నిధులు తెప్పించే బాధ్యత కూడా మేమే తీసుకుంటాం. రేవంత్ రెడ్డి దీనిమీద రాజకీయం చేయవద్దు’’ అని తెలిపారు.

న్యూఢిల్లీ: కేంద్ర ప్రభుత్వంపై ‘ఓటు చోరీ’ ఆరోపణలు చేస్తూ, దేశంలో ప్రజాస్వామ్యాన్ని కాపాడేందుకు నవంబర్ 1న ఢిల్లీలోని రాంలీలా మైదాన్ వేదికగా ఇండియా కూటమి నిర్వహించ తలపెట్టిన మెగా ర్యాలీలో పాల్గొనాలని కాంగ్రెస్ సీనియర్ నేత, లోక్‌సభ ప్రతిపక్ష నాయకుడు రాహుల్ గాంధీ పిలుపునిచ్చారు. ఈ ర్యాలీకి విద్యార్థులు, రైతులు, కార్మికులు, మహిళలు, యువకులు, వ్యాపారులు అందరూ తరలిరావాలని కోరారు.ఓటర్ల జాబితా నుంచి పేర్లు తొలగించారని, నిబంధనలు ఉల్లంఘించారని, ప్రశ్నలు అడిగిన వారిపై లాఠీచార్జీలు చేశారని రాహుల్ గాంధీ ఆరోపించారు. ఓట్లు దొంగిలిస్తున్నారని, ఏ పరిస్థితుల్లోనూ దీన్ని సహించేది లేదని ఆయన స్పష్టం చేశారు. ఈ మార్చ్ గురించి ప్రజలకు విస్తృతంగా తెలియజేసేలా ఉత్సాహంగా ప్రచారం చేస్తున్నందుకు బీజేపీకి, దాని మిత్రపక్షాలకు ఆయన వ్యంగ్యంగా కృతజ్ఞతలు తెలిపారు.ఎన్నికల సంఘం చేపట్టిన ఓటర్ల జాబితా ప్రత్యేక సమగ్ర సవరణలో అవకతవకలు జరిగాయని ‘ఓటు చోరీ’కి పాల్పడ్డారంటూ నిరసిస్తూ నిర్వహిస్తున్న ‘ఢిల్లీ చలో’ మార్చ్ ముగింపు వేడుకగానే ఈ మెగా ర్యాలీ ఉంటుందని ప్రతిపక్ష నేతలు తెలిపారు. ఈ ర్యాలీలో కనీసం లక్ష మందికి పైగా పాల్గొంటారని, ప్రజాస్వామ్యాన్ని అణచివేయాలని చూస్తున్న కేంద్ర ప్రభుత్వానికి ఇది బలమైన సందేశాన్ని ఇస్తుందని కాంగ్రెస్ పార్టీ పేర్కొంది.మరోవైపు నవంబర్ 1న ఈ ర్యాలీ నిర్వహించడంపై బీజేపీ తీవ్రంగా మండిపడింది. 1984 నాటి సిక్కు వ్యతిరేక అల్లర్ల బాధితుల క్షతగాత్ర హృదయాలపై రాహుల్ గాంధీ ఉప్పు చల్లుతున్నారని, సిక్కుల మనోభావాలతో క్రూరమైన చెలగాటం ఆడుతున్నారని బీజేపీ ఎంపీ రవిశంకర్ ప్రసాద్ విమర్శించారు. అంతేకాకుండా ఈ మార్చ్ వల్ల తమ వ్యాపారాలకు నష్టం వాటిల్లుతుందని కొన్ని వ్యాపార వర్గాలు కోరినప్పటికీ రాహుల్ గాంధీ పట్టించుకోకుండా దీన్ని కొనసాగిస్తున్నారని బీజేపీ ఆరోపించింది.ఇదీ చదవండి: ‘ఆత్మ నిర్భర్‌ భారత్‌’ మన లక్ష్యం: ప్రధాని మోదీ

సాక్షి, హైదరాబాద్‌: క్షేత్రస్థాయిలోకి వెళ్లి పనిచేయని వారికి పోస్టులెందుకని బీజేపీ నాయకులపై ఆ పార్టీ రాష్ట్ర వ్యవహారాల ఇన్‌చార్జి సునీల్‌ బన్సల్‌ తీవ్ర స్థాయిలో ఆగ్రహం వ్యక్తంచేసినట్లు సమాచారం. మీ వల్ల కాకపోతే మీ పదవులను వేరే వాళ్లకు ఇవ్వొచ్చు కదా అని ఆయన ఘాటుగా చెప్పినట్లు తెలిసింది. త్వరలో జరగనున్న ఎమ్మెల్సీ గ్రాడ్యుయేట్‌ ఎన్నికలకు అభ్యర్థులను షార్ట్‌లిస్ట్‌ చేసేందుకు శనివారం ఒక హోటల్‌లో జరిగిన కోర్‌ కమిటీ సమావేశంలో, ఆ తరువాత పార్టీ కార్యాలయంలో పార్టీ రాష్ట్ర అధ్యక్షుడు ఎన్‌.రాంచందర్‌రావు అధ్యక్షతన జరిగిన రాష్ట్ర పదాధికారుల సమావేశంలో బన్సల్‌ స్థాయిలో మాస్‌ వార్నింగ్‌ ఇచ్చినట్లు తెలిసింది. తెలంగాణ అంటే ఒక్క హైదరాబాద్‌ కాదని, రాష్ట్ర కార్యాలయం చుట్టూరా తిరిగితే వచ్చేదేమీ లేదని చెప్పారు. క్షేత్రస్థాయికి వెళ్లకుండా ఇక్కడ నాయకుల చుట్టూ తిరిగితే పార్టీ ఎలా ఎదుగుతుందని మండిపడ్డారు. నాయకులు బహిరంగ సభల్లో మాట్లాడే దానికంటే క్షేత్రస్థాయిలో చిన్న సమూహాలతో కలిసి, వారితో మమేకమై మాట్లాడితే ఆ ప్రభావం వేరుగా ఉంటుందని హితబోధ చేశారు. పార్టీ నాయకత్వం ఇచ్చిన కార్యక్రమాలను సక్రమంగా క్షేత్రస్థాయిలో అమలు కావడం లేదని అసంతృప్తి వ్యక్తం చేశారు. ప్రతీ ఎన్నిక కీలకమే.. గ్రాడ్యుయేట్‌ ఎమ్మెల్సీ ఎన్నికలను సీరియస్‌గా తీసుకోవాల్సిన అవసరం ఉందని, రాబోయే ప్రతీ ఎన్నిక కీలకమేనని సునీల్‌ బన్సల్‌ చెప్పారు. పార్టీని క్షేత్రస్థాయిలో బలోపేతం చేయకుండా ఆశలు పెంచుకోవడం వల్ల ప్రయోజనం ఉండదన్నారు. ఎన్నికల్లో పోటీ చేయాలనుకునే వారు పార్టీ పదవులకు రాజీనామా చేసి, వారి వారి నియోజకవర్గాల్లో పనిచేసుకోవాలని చెప్పారు. ఇకపై తాను రాష్ట్రంలోనే ఉండి పూర్తిస్థాయి సమయం కేటాయించనున్నట్లు చెప్పారు. వచ్చే అసెంబ్లీ ఎన్నికలకు వేదికను ఇప్పటి నుంచే తయారు చేసే ప్రక్రియలో భాగంగానే బన్సల్‌ కాస్త కఠినంగానే మాట్లాడినట్లు పార్టీ వర్గాలు తెలిపాయి. రెండు గ్రాడ్యుయేట్‌ ఎమ్మెల్సీ స్థానాలకు పోటీ చేయాలనుకున్న వారిలో ముగ్గురు చొప్పున ఎంపిక చేసిన పేర్లను అధిష్టానానికి పంపించనున్నారు. ఈ నెలాఖరు నాటికి బీజేపీ జాతీయ నాయకత్వం ఎమ్మెల్సీ అభ్యర్థులను ప్రకటించే అవకాశం ఉంది. తెలంగాణలో కాంగ్రెస్‌ ప్రభుత్వ నిరంకుశ పోకడలను తిప్పికొడుతూ క్షేత్రస్థాయిలో పోరాటాలు ఉధృతం చేయాలని ఈ సమావేశంలో నిర్ణయించారు. నవంబర్‌ 1 నుంచి పార్టీ రాష్ట్ర అధ్యక్షుడు రాంచందర్‌రావు చేసే పాదయాత్రతోపాటు, మరో ఐదు చోట్ల ఈ కార్యక్రమాలు నిర్వహించాలని అధిష్టానం సూచించింది. కరీంనగర్, సిద్దిపేటలో ఈ కార్యక్రమాలు చేపట్టడానికి ప్రణాళిక సిద్ధం చేసింది. కాగా, హైదరాబాద్‌తో పాటు పలు జిల్లాల్లో మహా పాదయాత్రలు చేస్తామని, పాదయాత్రల తేదీలు, వేదికలు త్వరలో ఖరారు చేస్తామని బీజేపీ రాష్ట్ర ప్రధాన కార్యదర్శి గౌతంరావు చెప్పారు. నీటి సమస్యకు కాంగ్రెస్‌ ప్రభుత్వమే బాధ్యత వహించాలన్నారు. మండల, జిల్లా స్థాయిలో ప్రజా ఉద్యమాలు చేయాలని నిర్ణయించినట్లు తెలిపారు. ఈ కార్యక్రమంలో బీజేపీ రాష్ట్ర సహ ఇన్‌చార్జీలు అభయ్‌ పాటిల్, రేఖా శర్మ, పార్టీ రాష్ట్ర సంస్థాగత ప్రధాన కార్యదర్శులు మధుకర్, దశరథ్‌తోపాటు ఎంపీలు, ఎమ్మెల్యేలు, ఎమ్మెల్సీలు, జిల్లా అధ్యక్షులు పాల్గొన్నారు.

సాక్షి, అమరావతి : ‘ఇంకో 15–20 ఏళ్లపాటు చంద్రబాబు ముఖ్యమంత్రిగా ఉండాలి. మనం ఒంటరిగా పోటీ చేసి గెలవలేం. నిజానికి మనకు అంత బలం లేదు’ అని పదే పదే శ్రేణులకు ఉద్బోధించే జనసేన అధినేత పవన్‌ కళ్యాణ్‌ ఇంకా స్థానిక సంస్థల ఎన్నికల్లో సీట్ల పంపకాలపై కసరత్తు చేస్తుండటం అటు జనసేన, ఇటు టీడీపీ శ్రేణుల్లో నవ్వులపాలవుతోంది. మున్సిపల్‌ ఎన్నికల మాదిరిగానే పరిషత్‌ ఎన్నికల్లోనూ కూటమి పార్టీల మధ్య సీట్ల సర్దుబాటు రసకందాయంలో పడింది. జనసేన కార్యకర్తలను శాంతింపజేసేందుకు 40 శాతం వాటా అడిగినట్లు హడావుడి చేసి చివరికి టీడీపీ ఇచ్చిన వాటితో సరిపెట్టుకునే పరిస్థితి నెలకొంది. ఈ నేపథ్యంలోనే జనసేన అధ్యక్షుడు, డిప్యూటీ సీఎం పవన్‌కళ్యాణ్‌ శుక్రవారం మళ్లీ సీఎం చంద్రబాబు నివాసానికి వెళ్లారు. ఇద్దరూ సుమారు అరగంటపాటు చర్చించారు. ఇదే అంశంపై గురువారం కూడా వీరిద్దరూ మరోసారి భేటీ అయ్యారు. రెండ్రోజుల్లో రెండుసార్లు సమావేశమైనా పంపకాలపై స్పష్టత రాలేదని లీకులు ఇచ్చారు. మున్సిపల్‌ ఎన్నికల తరహాలోనే జెడ్పీటీసీ, ఎంపీటీసీ స్థానాల్లోనూ తమకు 30 శాతం కేటాయించాలని జనసేన కోరినట్లు జనసేన నేతలు తెలిపారు. అయితే, దానిపై జిల్లా కమిటీలే నిర్ణయం తీసుకుంటాయని చంద్రబాబు తేల్చిచెప్పినట్లు సమాచారం. జిల్లా పరిషత్‌ పీఠాలపై మాత్రం పీఠముడి వీడలేదని రెండు పార్టీల నేతలు చెబుతున్నారు. రాష్ట్రంలోని 28 జెడ్పీల్లో తమకు ఎనిమిది చైర్మన్, ఎనిమిది వైస్‌ చైర్మన్‌ పదవులు కావాలని పవన్‌కళ్యాణ్‌ కోరినట్లు ఆ పార్టీ నేతలు తెలిపారు. టీడీపీ మాత్రం మూడు మాత్రమే ఇస్తామని చెబుతున్నట్లు సమాచారం. అలాగే, బీజేపీ మూడు జెడ్పీ పీఠాలు కోరుతుండగా ఒకటి ఇస్తామన్నట్లు తెలిసింది. జనసేన తిరుపతి, ఏలూరు జెడ్పీ పీఠాలు అడుగుతుండడం, వాటిని ఇచ్చేందుకు టీడీపీ సిద్ధంగా లేకపోవడంతో దానిపైనే చర్చలు జరుగుతున్నట్లు చెబుతున్నారు. అయితే ఫైనల్‌గా పరిషత్‌ పోరులోనూ టీడీపీ ఇచ్చినన్ని తీసుకోవడానికి జనసేన సిద్ధమైనట్లు తెలుస్తోంది. అయితే, పార్టీ శ్రేణులను ఆకట్టుకోవడానికి గట్టిగా పట్టుబట్టినట్లు చూపించడానికి చర్చల పేరుతో హడావుడి చేస్తున్నట్లు సమాచారం. పోటాపోటీగా కూటమి పార్టీల నామినేషన్లు మరోవైపు.. చాలా చోట్ల టీడీపీ, జనసేన, బీజేపీ ఆశావహులు జెడ్పీటీసీ, ఎంపీటీసీ స్థానాలకు పోటాపోటీగా నామినేషన్లు వేశారు. అల్లూరి సీతారామరాజు జిల్లాలో సర్దుబాటు తేలకముందే జెడ్పీటీసీ స్థానాలకు బీజేపీ నామినేషన్లు దాఖలు చేయగా, జనసేన సైతం బరిలోకి దిగేందుకు సిద్ధమైంది. దీంతో.. పలుచోట్ల కూటమి పార్టీల అభ్యర్థులే ఒకరిపై ఒకరు పోటీపడే పరిస్థితి నెలకొంది. ఈ నేపథ్యంలోనే పలు మండలాల్లో జనసేన నాయకులను టీడీపీ నేతలు నామినేషన్లు వేయనీయకపోవడం, వారిపై దాడులు చేయడం కలకలం రేపుతోంది. ఈ విషయంపై మాట మాత్రంగా కూడా ప్రస్తావన రాలేదని జనసేన శ్రేణులు రగిలిపోతున్నాయి.

సాక్షి, విశాఖపట్నం: రాజకీయాల్లో ఎవరి వ్యూహాలు వారివి. ఒకటికి రెండు అడుగులు ముందుగా ఆలోచించి, ఏ చిన్న రిస్క్‌ లేకుండా ‘బ్యాకప్‌’ పెట్టుకోవడం నేతలకు కొత్తేం కాదు. కానీ, ఆ బ్యాకప్‌ కాస్తా రివర్స్‌ అయితే? సరిగ్గా ఇదే సీన్‌ విశాఖ బీజేపీ జిల్లా అధ్యక్షుడు మంతెన మురళి నాగ పరశురామరాజు గారికి ఎదురైంది. ఇప్పుడు ఈ వార్డు పాలిటిక్స్‌ టాలీవుడ్‌ సినిమాను తలపిస్తూ.. స్థానికంగా ఫుల్‌ మీల్స్‌ ఎంటర్‌టైన్‌మెంట్‌ ఇస్తున్నాయి. అసలేం జరిగిందంటే..? కూటమి పొత్తులో భాగంగా జీవీఎంసీ 54వ వార్డు బీజేపీకి కేటాయించడంతో, ఆ పార్టీ జిల్లా అధ్యక్షుడు పరశురామరాజు బరిలోకి దిగారు. అనుభవం ఉన్న నాయకుడే అయినా, ఎన్నికల్లో ఏమైనా తేడా కొడితే సేఫ్‌ సైడ్‌ ఉండాలని భార్య మంతెన అమృత పాలవల్లి దేవి చేత ‘డమ్మీ’ నామినేషన్‌ వేయించారు. కానీ అసలు క్లైమాక్స్‌ అక్కడే మొదలైంది. పెళ్లి రోజు, భార్య పుట్టినరోజు మర్చిపోయే సగటు భర్తలాగే.. మన లీడర్‌గారు నామినేషన్ల ఉపసంహరణ గడువు తేదీని పూర్తిగా మర్చిపోయారు. తీరా గడువు ముగిశాక గుర్తొచ్చి ఎన్నికల అధికారుల చుట్టూ పరుగులు పెట్టినా ఫలితం లేకపోయింది. ‘నో ఛాన్స్‌.. మీ ఆవిడ కూడా బరిలో ఉన్నారు’ అని అధికారులు తేల్చి చెప్పేసరికి ఆయనకు మైండ్‌ బ్లాంక్‌ అయింది. ‘డమ్మీ’ కాస్తా.. డైరెక్ట్‌ ప్రత్యర్థి! డమ్మీగా వేసిన ఆవిడ ఇప్పుడు తుది బరిలో ‘స్వతంత్ర’ అభ్యర్థిగా భర్తకే పోటీగా నిలిచారు. దీంతో ఆ వార్డులో ఎన్నికల పోరు కాస్తా రసవత్తరమైన ‘ఇంటి పోరు’గా మారిపోయింది. ఇప్పుడు ఈ రివర్స్‌ సీన్‌పై సోషల్‌ మీడియాలో, స్థానికంగా రకరకాల సెటైర్లు పేలుతున్నాయి. ‘పొద్దున్నే లేచి ఒకరి మొహం ఒకరు చూసుకుని ఒకే ఇంట్లోంచి ఇద్దరు అభ్యర్థులు ప్రచారానికి వెళ్తుంటే ఆ సీన్‌ చూడ్డానికి రెండు కళ్లు చాలవు‘ అని జనాలు నవ్వుకుంటున్నారు.‘డైనింగ్‌ టేబుల్‌ దగ్గర ఎవరి ఓట్లు వాళ్లు లెక్కేసుకుంటున్నారా?‘, ‘ఏవండీ.. నా ఓట్లు మీరు లాక్కోకండి అని ఇంట్లోనే వార్నింగ్‌లు ఇచ్చుకుంటున్నారా?‘ అంటూ కూటమి నేతలు సైతం కడుపుబ్బా నవ్వుకుంటున్నారు. భార్యని డమ్మీ అనుకుంటే పక్కలో బల్లెంలా తయారైందని సెటైర్లు వేస్తున్న స్థానికులు.. ‘సొంత భార్య వేసిన నామినేషనే వెనక్కి తీయించుకోలేని ఈ నాయకులు.. ఇక వార్డును ఏం ఉద్ధరిస్తారబ్బా!’ అంటూ ఘాటైన సెటైర్లు కూడా పేలుస్తున్నారు. ఇదీ చదవండి: మాధవి మళ్లీ బరిలోకి..

కాంగ్రెస్, ఇండికూటమి ప్రచారాన్నితిప్పికొట్టేలా కార్యాచరణబీజేపీ ముఖ్య నేతల సమావేశంలో నిర్ణయాలుసాక్షి, హైదరాబాద్‌: సర్‌ ప్రక్రియతోపాటు, ప్రజాస్వామ్య పరిరక్షణ ఇతర అంశాలపై కాంగ్రెస్, ఇండి కూటమి చేస్తున్న ప్రచారాన్ని తిప్పికొట్టాలని రాష్ట్ర బీజేపీ నిర్ణయించింది. దీనికోసం ప్రత్యేక కార్యాచరణ రూపొందించింది. ‘ప్రజాస్వామ్యాన్ని రక్షి ద్దాం. విద్రోహులను తరిమికొడదాం’ అనే నినాదంతో ప్రజ ల్లోకి వెళ్లాలని నిర్ణయించింది. విపక్షాల ప్రచారాన్ని ఎండగడుతూ వివిధ రూపాల్లో నిరసనలు, అవగాహన కార్యక్రమాలు చేప ట్టాలని తీర్మానించింది. ఇందులో భాగంగా నవంబర్‌ 1న హైద రాబాద్‌లో బీజేపీ అధ్యక్షుడు ఎన్‌.రాంచందర్‌రావు ఆధ్వర్యంలో మహా పాదయాత్ర, దాని ముగింపుగా బహిరంగసభ నిర్వహించనున్నారు. గురువారం బీజేపీ రాష్ట్ర కార్యాలయంలో రాంచందర్‌రావు అధ్యక్షతన జరిగిన ముఖ్యనేతల సమావేశంలో ఈ మేరకు నిర్ణయించారు. శుక్రవారం నుంచి నవంబర్‌ 3 వరకు రాష్ట్రవ్యాప్తంగా పాదయాత్రలు, ప్రజలను చైతన్యపరిచేలా అవగా హన కార్యక్రమాలను చేపట్టనున్నట్టు రాంచందర్‌ రావు వెల్లడించారు. కేంద్ర ప్రభుత్వానికి వ్యతిరేకంగా జరుపుతున్న ప్రచారానికి విదేశాల నుంచి నిధు లు వస్తున్న తీరు, కొన్ని వర్గాలు కావాలనే పనిగట్టుకుని పదేపదే తప్పుడు ప్రచారాన్ని చేయడాన్ని, వీటి వెనక ఉన్న శక్తులు, వాటి ఉద్దేశా లను ప్రజలకు వివరించనున్నట్టు ‘సాక్షి’కి రాంచందర్‌రావు తెలి పారు. సమావేశంలో కేంద్రమంత్రి కిషన్‌రెడ్డి, ఎంపీలు డీకే అరుణ, ఈటల రాజేందర్, కొండా విశ్వేశ్వర్‌ రెడ్డి, ఎం.రఘునందన్‌ రావు, ఎమ్మెల్సీలు అంజిరెడ్డి, కొమరయ్య, పాల్గొన్నారు.3న కరీంనగర్‌లో ర్యాలీ: ‘వచ్చే నెల 1న హైదరాబాద్‌లో, 3న కరీంనగర్‌లో 10 వేల మందితో ర్యాలీ నిర్వహిస్తాం. కరీంనగర్‌ ర్యాలీలో బీజేపీ ప్రధానకార్యదర్శి, కేంద్రమాజీ మంత్రి స్మృతి ఇరానీ పాల్గొంటారు’ అని బీజేపీ రాష్ట్ర ప్రధానకార్యదర్శి డా.ఎన్‌. గౌతంరావు తెలిపారు. హైదరాబాద్, ఇతర నగరాలతో పాటు అన్ని జిల్లా కేంద్రాల్లో ర్యాలీలు నిర్వహిస్తామన్నారు. రాష్ట్రంలోని కళాశాలల్లోనూ అవగాహన కార్యక్రమాలు నిర్వహించనున్నట్టు తెలిపారు.

సాక్షి, హైదరాబాద్‌: బీజేపీ అగ్రనేతలు ప్రధాని మోదీ, కేంద్ర హోం మంత్రి అ మిత్‌షా త్వరలో తెలంగాణలో పర్యటించనున్నారు. వివిధ అభివృద్ధి కా ర్యక్రమాల్లో పాల్గొనడంతోపాటు, కార్యకర్తల సమావేశంలో పాల్గొనేందుకు నవంబర్‌లో అమిత్‌షా రాష్ట్రానికి రానున్నట్టు సమాచారం. గతంలో ఖరారైన అమిత్‌షా తెలంగాణ పర్యటన అనివార్య కారణాల వాయిదా పడిన విష యం తెలిసిందే. ఈ నేపథ్యంలో వచ్చే నెల్లో ఆయన కచ్చితంగా రాష్ట్రానికి వచ్చే అవకాశముందని అంటున్నారు. బీజేవైఎం కార్యకర్తల సమావేశంలో పాల్గొనడంతోపాటు, వచ్చే ఎన్నికలకు రాష్ట్ర పార్టీ నేతలకు దిశానిర్దేశం చేసేందుకు అమిత్‌షా రానున్నట్టు పార్టీవర్గాల సమాచారం. ఓ టీవీ చానెల్‌ నిర్వహిస్తున్న ‘కోటి దీపోత్సవం’ కార్యక్రమానికి అమిత్‌షా హాజరుకా వొచ్చని తెలుస్తోంది. ఈ సందర్భంగా హైదరాబాద్‌ లేదా కరీంనగర్‌లో భారీ బహిరంగసభ నిర్వహించే అవకాశం ఉంది. అదేవిధంగా డిసెంబర్‌లో ప్రధాని మోదీ రాష్ట్రంలో పర్యటిస్తారని, వరంగల్‌ విమానాశ్రయ శంకుస్థా పన, కోచ్‌ ఫ్యాక్టరీ ప్రారంభం సమ్మక్క–సారక్క గిరిజన కేంద్రీయ విశ్వవి ద్యాలయం ప్రారంభం, నేషనల్‌ హైవేల ప్రారంభోత్సవాలు, ఇతర అభివృద్ధి కార్యక్రమాల్లో పాల్గొంటారని పార్టీనేతలు చెబుతున్నారు. ప్రధాని పర్య టన సందర్భంగా హైదరాబాద్‌ లేదా వరంగల్‌లో అభివృధ్ది కార్యక్రమాల శంకుస్థాపనలు, ప్రారంభోత్సవాలతోపాటు బహిరంగసభ నిర్వహించవచ్చని తెలుస్తోంది. ఈ సభ ద్వారా కాంగ్రెస్, ఇండి కూటమి చేస్తున్నవ్య తిరేక ప్రచారాన్ని ఎండగట్టడంతో పాటు రాబోయే ఎన్నికల్లో తెలంగాణలో బీజేపీని గెలిపించాలని ప్రజలను కోరే అవకాశం ఉందని పార్టీ నాయకులు అంటున్నారు. కాంగ్రెస్, ఇతర విపక్షాలు, సీజేపీ చేస్తున్న ప్రచారం ప్రజల్లోకి వెళ్లడంతోపాటు ప్రభావం చూపుతు న్నట్టు అంతర్గత నివేదికలందాయి. దీంతోబీజేపీ జాతీయ స్థాయిలో అప్రమత్తమైంది. ఇందులో భాగంగానే రాబోయే రోజుల్లో మోదీ, అమిత్‌షాతోపాటు పలువురు కేంద్రమంత్రు లు, ముఖ్యనేతలు రాష్ట్రానికి రానున్నట్టుగా తెలుస్తోంది.

లోక్‌సభ నియోజకవర్గాల పునర్విభజన ప్రతిపాదనను ముందుకు తీసుకెళ్లడం ద్వారా కాంగ్రెస్‌ను ఇతర విపక్ష పార్టీల నుంచి వేరు చేయవచ్చా? ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌)కు వ్యతిరేకంగా విపక్షాలు ప్రదర్శిస్తున్న ఐక్యతను దెబ్బతీయడానికి కేంద్రంలోని బీజేపీ ప్రభుత్వం ఈ అంశాన్ని ఉపయోగించుకోనుందా? ప్రస్తుతం జాతీయ రాజకీయాల్లో ఈ ప్రశ్నలు చర్చనీయాంశంగా మారాయి. పార్లమెంటరీ వ్యవహారాల మంత్రి కిరణ్‌ రిజిజు వ్యాఖ్యలు, ఏఐసీసీ అధ్యక్షుడు మల్లికార్జున ఖర్గే లేవనెత్తిన అభ్యంతరాలు ఈ చర్చకు మరింత ప్రాధాన్యం తెచ్చాయి. పునర్విభజన బిల్లులపై కొందరు విపక్ష పార్టీలతో ప్రభుత్వం సంప్రదింపులు జరపడం కాంగ్రెస్‌కు రాజకీయంగా ఇబ్బందికరంగా మారే అవకాశం ఉంది.మహిళలకు చట్టసభల్లో 2026 ఏప్రిల్‌లో 33 శాతం రిజర్వేషన్లు కల్పించడం, 2029 నుంచి వాటిని అమలు చేయడం, లోక్‌సభ స్థానాల సంఖ్యను 850కు పెంచడం లక్ష్యంగా కేంద్రం రాజ్యాంగ సవరణ బిల్లును ప్రవేశపెట్టింది. అయితే, ఆ బిల్లుకు లోక్‌సభలో అవసరమైన మూడింట రెండొంతుల మెజారిటీ లభించలేదు. ఓటింగ్‌లో 298 మంది సభ్యులు బిల్లుకు అనుకూలంగా, 230 మంది వ్యతిరేకంగా ఓటేశారు. ఆ సమయంలో ఓటు వేసిన 528 మంది సభ్యుల్లో కనీసం 352 మంది మద్దతు అవసరమైంది.ఆగస్టు 13న పార్లమెంటు వర్షాకాల సమావేశాలు నిరవధికంగా వాయిదా పడ్డాయి. అయితే, అక్టోబర్‌ 20 నాటికి సమావేశాలను అధికారికంగా ముగిస్తూ రాష్ట్రపతి ప్రకటన వెలువడలేదు. దీంతో స్వల్ప వ్యవధితో పార్లమెంటును తిరిగి సమావేశపరిచి బిల్లులను ముందుకు తీసుకురావచ్చనే ఊహాగానాలు మొదలయ్యాయి.ఖర్గే లేఖలు.. రిజిజు ఎదురుదాడి కాంగ్రెస్‌ అధ్యక్షుడు మల్లికార్జున ఖర్గే ప్రధాని నరేంద్ర మోదీకి ఈ అంశంపై నాలుగు లేఖలు రాశారు. నియోజకవర్గాల పునర్విభజనపై రాజ్యాంగ సవరణ బిల్లును ప్రవేశపెట్టే ముందు అఖిలపక్ష సమావేశం నిర్వహించాలని ఏప్రిల్‌ 11న తొలిసారి కోరినట్లు ఆయన తెలిపారు. జులై 16, ఆగస్టు 27 తేదీల్లోనూ ఇదే విజ్ఞప్తి చేసినట్లు పేర్కొన్నారు. అక్టోబర్‌ 16న మరోసారి లేఖ రాస్తూ, ప్రధాన రాజ్యాంగ సంస్కరణలపై ఏకపక్షంగా నిర్ణయాలు తీసుకోవద్దని సూచించారు.దీనికి కిరణ్‌ రిజిజు ఘాటుగా స్పందించారు. చర్చల కోసం కాంగ్రెస్‌ పదేపదే కోరినా, ఆ పార్టీ తేదీలను ఇవ్వలేదని తెలిపారు. వర్షాకాల సమావేశాలను అధికారికంగా ముగించడంలో జాప్యం జరిగిందన్న ఖర్గే అభ్యంతరాన్నీ రిజిజు తోసిపుచ్చారు. నిరవధిక వాయిదా తర్వాత సభను ఎన్ని రోజుల్లోగా అధికారికంగా ముగించాలనే నిర్దిష్ట రాజ్యాంగ గడువు లేదని పేర్కొన్నారు.ఎస్‌ఐఆర్‌పై ఐక్యత.. పునర్విభజనపై భిన్నాభిప్రాయాలుఓటర్ల జాబితాల ప్రత్యేక సమగ్ర సవరణకు వ్యతిరేకంగా కాంగ్రెస్‌ నేతృత్వంలో విపక్షాలు ఆందోళనలు చేస్తున్నాయి. ఎన్నికల ప్రధాన కమిషనర్‌ జ్ఞానేశ్‌ కుమార్‌ రాజీనామా చేయాలని, ఓటర్ల జాబితాల్లో తొలగించిన పేర్లపై చర్యలు తీసుకోవాలని అవి డిమాండ్‌ చేస్తున్నాయి. ఈ ఉద్యమంలో రాజకీయ పార్టీలతో పాటు పలు పౌర సమాజ సంస్థలూ పాల్గొంటున్నాయి. సాధారణంగా ఎన్డీఏ, ఇండియా కూటములకు సమాన దూరంలో ఉండే బిజూ జనతాదళ్‌ సైతం ఢిల్లీలో జరిగిన ఓ నిరసనకు మద్దతు తెలిపింది.అయితే, ఎస్‌ఐఆర్‌ను వ్యతిరేకిస్తున్న పార్టీలన్నీ నియోజకవర్గాల పునర్విభజన విషయంలో కాంగ్రెస్‌తో ఒకే వైఖరిని కొనసాగిస్తాయా అన్నది ప్రశ్నగా మారింది. పునర్విభజనతో రాష్ట్రాల ప్రాతినిధ్యం మారదని, లోక్‌సభ స్థానాలను అన్ని రాష్ట్రాల్లో 50 శాతం చొప్పున పెంచుతామని బీజేపీ ప్రాంతీయ పార్టీలకు హామీ ఇచ్చినట్లు తెలుస్తోంది. మహిళా రిజర్వేషన్లను ఈ ప్రతిపాదనతో ముడిపెట్టడం కూడా పార్టీలకు రాజకీయంగా ఒత్తిడితో పాటు అవకాశాన్ని కల్పిస్తోంది.కాంగ్రెస్‌ ముందున్న సవాలుపునర్విభజన బిల్లుకు కొన్ని ప్రాంతీయ పార్టీలు మద్దతు ఇస్తే, ఎస్‌ఐఆర్‌పై విపక్షాల ఉమ్మడి పోరాటంపై ఎలాంటి ప్రభావం పడుతుందన్నది కీలకం. ఎస్‌ఐఆర్‌కు సంబంధించిన పిటిషన్లను సుప్రీంకోర్టు ఇప్పటికే విచారిస్తోంది. మరోవైపు, 14 రాష్ట్రాలు, 3 కేంద్రపాలిత ప్రాంతాల్లో ఓటర్ల పేర్ల నమోదు ప్రక్రియతో పాటు ప్రత్యేక సంక్షిప్త సవరణ (ఎస్‌ఎస్‌ఆర్‌)ను ఎన్నికల సంఘం ప్రారంభించింది. అందువల్ల ఎస్‌ఐఆర్‌ ఒక్కటే విపక్షాలను దీర్ఘకాలం ఐక్యంగా ఉంచలేకపోవచ్చు. కాంగ్రెస్‌ తన మిత్రపక్షాలతో ఐక్యతను కొనసాగించేందుకు ఇతర ఉమ్మడి అంశాలపైనా దృష్టి పెట్టాల్సి ఉంటుంది.

న్యూఢిల్లీ: విజయదశమి సందర్భంగా ప్రధానమంత్రి నరేంద్ర మోదీ రామరాజ్య భావనను ప్రస్తావిస్తూ, ప్రజలందరికీ న్యాయం, సమాన అవకాశాలు కల్పించే పాలన అవసరమని అన్నారు. దేశ ప్రతిష్ఠకు భంగం కలిగించే వ్యక్తులు, సమాజంలో విభేదాలు సృష్టించే శక్తుల పట్ల అప్రమత్తంగా ఉండాలని పిలుపునిచ్చారు. మంగళవారం ఢిల్లీలో జరిగిన దసరా వేడుకల్లో పాల్గొన్న ఆయన, చెడుపై మంచి సాధించిన విజయానికి విజయదశమి ప్రతీకగా నిలుస్తుందని పేర్కొన్నారు.భగవాన్‌ శ్రీరాముడి ఆదర్శాలను ప్రస్తావించిన మోదీ.. రామరాజ్యం అంటే పాలనలో ప్రజా సంక్షేమానికి అత్యంత ప్రాధాన్యం ఇవ్వడమని వివరించారు. కులం, మతం లేదా ఇతర భేదాలకు తావులేకుండా ప్రతి ఒక్కరికీ న్యాయం జరగాలని, అభివృద్ధి చెందేందుకు సమాన అవకాశాలు లభించాలని అన్నారు. పేదలు, అణగారిన వర్గాలకు సేవ చేయడం ప్రభుత్వంతో పాటు సమాజ బాధ్యత అని పేర్కొన్నారు. ప్రజలకు సేవ చేయడమే పాలనకు ప్రధాన ఉద్దేశమని ఆయన స్పష్టం చేశారు. పౌరులను గౌరవించడం, వారి సంక్షేమానికి కృషి చేయడం ద్వారా ఆదర్శవంతమైన సమాజాన్ని నిర్మించవచ్చని తెలిపారు. దేశాభివృద్ధిలో ప్రతి ఒక్కరూ భాగస్వాములు కావాలని పిలుపునిచ్చారు.దేశ ప్రతిష్ఠ, ఐక్యతకు ప్రాధాన్యందేశ గౌరవానికి భంగం కలిగించే చర్యలను అడ్డుకోవాల్సిన అవసరాన్ని మోదీ ప్రస్తావించారు. సమాజంలో చీలికలు సృష్టించే వ్యక్తులు, భారతీయ సంస్కృతిని ద్వేషించే ఆలోచనలకు వ్యతిరేకంగా ప్రజలు ఐక్యంగా నిలవాలని సూచించారు. దేశ ఐక్యతను, సాంస్కృతిక విలువలను కాపాడుకోవడం ప్రతి పౌరుడి బాధ్యతగా అభివర్ణించారు. విజయదశమి పండుగ చెడుపై మంచి సాధించిన విజయాన్ని గుర్తుచేస్తుందని, సత్యం, ధర్మం మార్గంలో నడిచేందుకు స్ఫూర్తినిస్తుందని మోదీ అన్నారు. శ్రీరాముడి జీవితం నుంచి పట్టుదల, బాధ్యత, ప్రజల పట్ల అంకితభావం వంటి విలువలను నేర్చుకోవాలని సూచించారు.స్వావలంబనతోనే దేశాభివృద్ధిభారత్‌ తన వనరులు, సామర్థ్యాలపై నమ్మకంతో ముందుకు సాగాలని ప్రధానమంత్రి పేర్కొన్నారు. ఇతరులపై ఆధారపడకుండా సొంత శక్తిని పెంచుకోవడం దేశ పురోగతికి అవసరమని తెలిపారు. అభివృద్ధి చెందిన భారత్‌ లక్ష్యాన్ని సాధించేందుకు ప్రజలందరి సమష్టి కృషి కీలకమని చెప్పారు. విజయదశమి వేడుకల సందర్భంగా మోదీ చేసిన వ్యాఖ్యల్లో ప్రజా సంక్షేమం, సామాజిక న్యాయం, జాతీయ ఐక్యత, స్వావలంబన ప్రధాన అంశాలుగా నిలిచాయి. ఈ విలువలను ఆచరణలో పెట్టడం ద్వారా సమాజంలో సామరస్యాన్ని పెంపొందించడంతో పాటు దేశాభివృద్ధి లక్ష్యాలను సాధించవచ్చన్నది ఆయన సందేశం.

సాక్షి, న్యూఢిల్లీ: రాముడి పేరు చెప్పుకుని అధికారంలోకి వచ్చిన బీజేపీ.. అయోధ్య రామమందిరంలో జరిగిన విరాళాల చోరీపై కిమ్మనడం లేదని కాంగ్రెస్‌ సీనియర్‌ నేత జైరాం రమేశ్‌ తీవ్రస్థాయిలో ధ్వజమెత్తారు. దేవుడి పేరిట వచ్చిన విరాళాలను లూటీ చేస్తుంటే చోద్యం చూస్తున్నారని, కిందిస్థాయి ఉద్యోగులను అరెస్టు చేసి అసలు బాధ్యులైన పెద్దలకు సిట్‌ ద్వారా క్లీన్‌చిట్‌ ఇప్పించారని ఆరోపించారు. అయోధ్య రామమందిరంలో వెలుగుచూసిన చందాల కుంభకోణంపై సుప్రీంకోర్టు పర్యవేక్షణలో స్వతంత్ర, పారదర్శక విచారణ జరిపించాలని డిమాండ్‌ చేశారు. ఈ కుంభకోణానికి సంబంధించిన పలు గణాంకాలు, దర్యాప్తు తేదీలను ప్రస్తావిస్తూ కేంద్ర, రాష్ట్ర ప్రభుత్వాల తీరును ఎక్స్‌ (ట్విట్టర్‌) వేదికగా జైరాం రమేశ్‌ ఎండగట్టారు. నిందితుల కనుసన్నల్లోనే దర్యాప్తు..: అయోధ్య రామమందిరంలో చందాల చోరీ వ్యవహారం జూన్‌ 4వ తేదీన వెలుగులోకి రాగా, 9 రోజుల పాటు వేచిచూసిన ఉత్తరప్రదేశ్‌ ప్రభుత్వం ఆలయ ట్రస్ట్‌ వినతి మేరకు జూన్‌ 13న ప్రత్యేక దర్యాప్తు బందం (సిట్‌)ను ఏర్పాటు చేసిందని జైరాం రమేశ్‌ విమర్శించారు. దర్యాప్తు జరిపిన హోంశాఖ ఆగస్టు 17న తన తుది నివేదికను తిరిగి అదే ట్రస్ట్‌కు సమరి్పంచిందని చెప్పారు. అందరూ ఊహించినట్లుగానే ఈ నివేదికలో ట్రస్ట్‌ కీలక సభ్యులైన చంపత్‌ రాయ్, అనిల్‌ మిశ్రాలకు ప్రభుత్వం క్లీన్‌చిట్‌ ఇచ్చిందని మండిపడ్డారు. నిందితుల కనుసన్నల్లోనే, వారికి అనుకూలంగా సిట్‌ దర్యాప్తు సాగిందనడానికి ఇదే నిదర్శనమని ఆక్షేపించారు. దొంగతనం 105 సార్లు రికార్డు ఏప్రిల్‌ 27– జూన్‌ 5 మధ్యకాలంలో సీసీటీవీ ఫుటేజీల్లో చోరీ ఘటనలు ఏకంగా 105 సార్లు కెమెరాల్లో రికార్డయ్యాయని జైరాం రమేశ్‌ వెల్లడించారు. నగదు లెక్కిస్తున్న సిబ్బంది నోట్ల కట్టలను దాచడం అందులో స్పష్టంగా కనిపించిందన్నారు. అయితే, ఇప్పటివరకు ఎంత నగదు, ఎన్ని విలువైన వస్తువులు చోరీకి గురయ్యాయో దేశ ప్రజలకు వెల్లడించనేలేదన్నారు. జూన్‌ 23న వెల్లడైన ప్రాథమిక నివేదికలో నిఘా నిబంధనలు పాటించలేదని, కంట్రోల్‌ రూమ్‌ను పలుమార్లు ఖాళీగా వదిలేశారని స్పష్టమైందన్నారు. ఎంత సొమ్ము పోయిందో లెక్క తేలకుండానే దర్యాప్తును ఎలా ముగించారని ఆయన ప్రభుత్వాన్ని నిలదీశారు. కోశాధికారికి బాధ్యత లేదా? ఆలయ ఖజానా బాధ్యత ట్రస్ట్‌ కోశాధికారి గోవింద్‌ గిరిపై ఉన్నందున ప్రధానంగా జవాబుదారీతనం ఆయనదేనని జైరాం రమేశ్‌ స్పష్టం చేశారు. నిధుల రాకపోకలపై కోశాధికారికి పూర్తి అవగాహన ఉండాలని అయోధ్య సాధువులు సైతం చెప్పారని ఆయన గుర్తుచేశారు. అయినా జూలై 7న గోవింద్‌ గిరి స్పందిస్తూ ఈ కుంభకోణంలో చంపత్‌ రాయ్‌ పాత్ర లేదని సర్టీఫికెట్‌ ఇవ్వడాన్ని తప్పుబట్టారు. జూన్‌ 25న ఎఫ్‌ఐఆర్‌ నమోదు చేసి, మరుసటి రోజు నగదు లెక్కింపునకు సంబంధించిన కిందిస్థాయి ఉద్యోగులు 8 మందిని మాత్రమే అరెస్టు చేశారని విమర్శించారు. ఏ ఒక్క ట్రస్ట్‌ మాజీ, ప్రస్తుత పదాధికారుల పేర్లు ఎఫ్‌ఐఆర్‌లో చేర్చలేదని ఆక్షేపించారు. ఇంత పెద్ద కుంభకోణం జరిగితే ఎవరినీ ఈడీ, సీబీఐ అధికారులు ఎందుకు విచారించలేదని ఆయన ప్రశ్నించారు. అందుకే అయోధ్యలో బుద్ధి చెప్పారు..సార్వత్రిక ఎన్నికల్లో అయోధ్యలో బీజేపీని ఓడించడం ద్వారా అక్కడి ప్రజలు గట్టి సంకేతం ఇచ్చినా ఆ పార్టీకి తత్వం బోధపడలేదని జైరాం రమేశ్‌ ఎండగట్టారు. చందాల చోరీ వ్యవహారం బయటపడి నాలుగున్నర నెలలు దాటుతున్నా ఉత్తరప్రదేశ్‌ ముఖ్యమంత్రి అజయ్‌ సింగ్‌ బిష్ట్‌ (యోగి ఆదిత్యనాథ్‌), ప్రధానమంత్రి నరేంద్ర మోదీ మౌనంగా ఉన్నారని దుయ్యబట్టారు. సంఘ్‌ పరివార్‌తో సంబంధం ఉన్న ఇలాంటి వారిపై బీజేపీ ప్రభుత్వం నిష్పాక్షిక విచారణ చేస్తుందన్న నమ్మకం లేదన్నారు. సుప్రీంకోర్టు పర్యవేక్షణలో దర్యాప్తు జరిపి చందాల లెక్కలను పూర్తిగా బహిర్గతం చేయాలని, బాధ్యులైన ఏ ఒక్కరినీ విడిచిపెట్టకుండా కఠినంగా శిక్షించాలని డిమాండ్‌ చేశారు. అధికార అహంకారంలో మునిగిపోయిన ఇలాంటి చందా చోరులకు దేశ పౌరులే తగిన శాస్తి చేయాలని జైరాం రమేశ్‌ పిలుపునిచ్చారు.

లక్నో: ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ మహానవమి సందర్భంగా సోమవారం గోరఖ్‌పూర్‌లోని గోరఖ్‌నాథ్‌ ఆలయంలో కన్యాపూజ నిర్వహించారు. చిన్నారుల పాదాలను కడిగి, పూజలు చేసి, వారికి దుస్తులు, ప్రసాదం, దక్షిణ సమర్పించారు. బాలికలను శక్తి స్వరూపిణులుగా భావించి ఈ ఆచారాన్ని నిర్వహించారు. ఈ సందర్భంగా రాష్ట్ర ప్రజలు విజయదశమి వేడుకలను ఉత్సాహంగా జరుపుకోవాలని, అదే సమయంలో భద్రతను విస్మరించవద్దని యోగి ఆదిత్యనాథ్‌ సూచించారు. ప్రజలకు శాంతి, సౌభాగ్యం కలగాలని యోగి ఆకాంక్షించారు. దేశవ్యాప్తంగా భక్తిశ్రద్ధలతో జరుగుతున్న తొమ్మిది రోజుల శరన్నవరాత్రి ఉత్సవాల్లో భాగంగా ఈ పూజ నిర్వహించారు. నవరాత్రుల్లో దుర్గాదేవి తొమ్మిది రూపాలను ఆరాధించడం సంప్రదాయం.విజయదశమి వేడుకలపై యోగి ఆదిత్యనాథ్‌ ప్రజలకు సందేశమిస్తూ.. “రాష్ట్రంలోని ప్రతి ఒక్కరికీ నా విజ్ఞప్తి ఒక్కటే. పండుగను ఉత్సాహంగా జరుపుకోవాలి. అయితే వేడుకల సందడిలో భద్రతను నిర్లక్ష్యం చేయకూడదు. ఈ విషయాన్ని మనం గుర్తుంచుకోవాలి. చెడులు, దుర్గుణాల నుంచి విముక్తి పొందాలనే సందేశాన్ని కూడా విజయదశమి అందిస్తుంది” అని పేర్కొన్నారు. కన్యాపూజ ప్రాధాన్యంసనాతన సంప్రదాయాన్ని అనుసరించేవారికి కన్యాపూజ ఎంతో ప్రాముఖ్యమైనదని ముఖ్యమంత్రి వివరించారు. శరన్నవరాత్రుల్లోని నవమి తిథి సందర్భంగా జగజ్జనని భగవతీదేవి తొమ్మిదో రూపాన్ని ఆరాధిస్తారని తెలిపారు. ఆ రూపం భక్తులకు అన్ని రకాల సిద్ధులను ప్రసాదిస్తుందని సంప్రదాయ విశ్వాసమని చెప్పారు. వివాహం కాని బాలికలను పూజించడం ద్వారా మాతృశక్తిపై భక్తులు తమ గౌరవాన్ని చాటుకుంటారని వివరించారు.గోరఖ్‌నాథ్‌ ఆలయంలో కన్యాపూజ నిర్వహించే పవిత్ర సంప్రదాయంలో పాల్గొనే అవకాశం లభించడం తన అదృష్టమని యోగి ఆదిత్యనాథ్‌ అన్నారు. బాలికలకు పూజలు చేయడంతోపాటు సామూహిక విందు అయిన భండారాను ఏర్పాటు చేసినట్లు తెలిపారు. సనాతన సంప్రదాయంలో మాతృశక్తికి అత్యున్నత స్థానం ఉందని ఆయన పేర్కొన్నారు. ఏడాదిలో రెండుసార్లు నిర్వహించే వసంత నవరాత్రులు, శరన్నవరాత్రుల సందర్భంగా భగవతీదేవిని ఆరాధించడంతోపాటు మాతృశక్తిపై భక్తిని చాటుకుంటారని వివరించారు.దుర్గాపూజను దుర్గోత్సవం లేదా శారదోత్సవం అని కూడా పిలుస్తారు. మహిషాసురుడిపై దుర్గాదేవి సాధించిన విజయానికి గుర్తుగా ఈ పండుగను నిర్వహిస్తారు. నవరాత్రుల ముగింపులో వచ్చే విజయదశమి పదో రోజుగా ప్రసిద్ధి చెందింది. పండుగల సమయంలో భక్తి, ఉత్సాహంతోపాటు భద్రతకు ప్రాధాన్యం ఇవ్వాలన్న యోగి ఆదిత్యనాథ్‌ సూచన ఈ వేడుకల నేపథ్యంలో ప్రాధాన్యం సంతరించుకుంది. उत्तर प्रदेश के मुख्यमंत्री योगी आदित्यनाथ ने नवमी के शुभ अवसर पर गोरखपुर में कन्या पूजन किया। इस दौरान उन्होंने कन्याओं के पूजन के साथ उनका आशीर्वाद लिया। #YogiAdityanath #Mahanavami #KanyaPujan #ShardiyaNavratri #Gorakhpur https://t.co/IdetabtaHT— डीडी न्यूज़ (@DDNewsHindi) October 19, 2026

విశాఖపట్నం: ఉత్తర నియోజకవర్గంలో కీలక రాజకీయ పరిణామాలు చోటుచేసుకున్నాయి. తొలి నుంచి వార్డు కార్పొరేటర్‌గా పోటీ చేయాలని భావించిన ఎమ్మెల్యే విష్ణుకుమార్‌ రాజు కుమార్తె శ్యామల దీపిక చివరి నిమిషంలో ఎన్నికల బరి నుంచి తప్పుకున్నట్లు తెలుస్తోంది. నామినేషన్‌ దాఖలు చేయకపోవడంతో ఆమె పోటీ చేయడం లేదని స్పష్టమైంది. తొలి నుంచి పాత 14వ వార్డు, ప్రస్తుత 53వ వార్డులో పోటీ చేసేందుకు శ్యామల దీపిక సన్నాహాలు చేసుకున్నారు. తండ్రి ఆశీస్సులతో రాజకీయ అరంగేట్రానికి సిద్ధమయ్యారు. అయితే టికెట్ల కేటాయింపు సమయంలో ఎంపీ నిర్ణయమే కీలకంగా మారడంతో పరిణామాలు మారినట్లు సమాచారం. ముందుగా 51వ వార్డులో బీజేపీ అభ్యర్థిని మార్చడంతో ఆ పార్టీ శ్రేణుల్లో అసంతృప్తి నెలకొంది. ఈ పరిస్థితుల్లో తాను కూడా పోటీ చేయకూడదని దీపిక నిర్ణయించుకున్నారు. మరోవైపు 53వ వార్డును కూడా టీడీపీకి కేటాయించాలని ఎంపీ పట్టుబట్టడంతో ఆమె వెనక్కి తగ్గారనే చర్చ సాగుతోంది. తన సొంత నియోజకవర్గంలో అభ్యర్థుల ఎంపిక విషయంలోనూ ఎమ్మెల్యేకు స్వేచ్ఛ లేకపోవడంపై అసంతృప్తి వ్యక్తమైనట్లు సమాచారం. ఎమ్మెల్యే కుమార్తెగానే కాకుండా ఓ మహిళగా, విద్యావంతురాలిగా తనకు అవకాశం దక్కలేదా అంటూ ఆమె ఆవేదన వ్యక్తం చేసినట్లు పార్టీ వర్గాల్లో చర్చ జరుగుతోంది. ఈ పరిణామాలపై కుటుంబ సభ్యుల వద్ద కూడా ఆమె అసంతృప్తి వ్యక్తం చేసినట్లు తెలుస్తోంది. ఇదీ చదవండి: విశాఖ కోడలిగా నగర సమస్యలపై పూర్తి అవగాహన ఉంది

విజయవాడ: కూటమిలో కుమ్ములాటలు తారాస్థాయికి చేరాయి. ముఖ్యమంత్రి చంద్రబాబుకు టీడీపీ ఎమ్మెల్యే కొలికిపూడి శ‍్రీనివాస్‌ షాకిచ్చారు. కూటమి అభ్యర్థులకు పోటీగా తన వర్గంతో నామినేషన్ల వేయించారు కొలికపూడి. ఎన్టీఆర్‌ జిల్లా తిరువూరు స్థానం ఒప్పందంలో భాగంగా జనసేనకు కేటాయించారు. దీనిలో భాగంగా జనసేన తరఫున పసుపులేటి మాధవి నామినేషన్‌ వేశారు. అయితే ఆమెకు పోటీగా పెనమల్లి శ్రావణితో నామినేషన్‌ వేయించారు కొలికపూడి. తన వర్గం కౌన్సిలర్‌, చైర్మన్‌ అభ్యర్థులతో కొలికపూడి ర్యాలీ నిర్వహించారు. 28 వార్డులకు తన వర్గంతో కొలికపూడి నామినేషన్లు వేయించడం కూటమిలో అసంతృప్తిని మరోసారి బహిర్గతం చేసింది. బీజేపీ అభ్యర్థిపై టీడీపీ మూకల దాడివైఎస్సార్‌జిల్లాలో బీజేపీ అభ్యర్థి కొటికె వెంకటరమణపై టీడీపీ మూకలు దాడికి దిగాయి. చివరి నిమిషంలో 6వ డివిజన్‌కు నామినేషన్‌ వేసేందుకు వచ్చిన వెంకటరమణపై టీడీపీ గూండాలు దాడికి పాల్పడ్డారు. తమకు తెలియకుండా నామినేషన్‌ వేస్తావా అంటూ బీజేపీ అభ్యర్థిపై దాడి చేశారు. తీవ్రంగా గాయపడిన వెంకటరమణను రిమ్స్‌ ఆస్పత్రికి తరలించి చికిత్స అందిస్తున్నారు. మరొకవైపు వెంకటరమణకు మద్దతుగా వచ్చిన రాష్ట్ర దళిత మోర్చా అధ్యక్షుడు పణతల సురేష్.. టీడీపీ మూకల దాడితో రోడ్డుపై బైఠాయించి ధర్నాకు దిగారు.ఇదీ చదవండి: జనసైనికుల ఆర్తనాదాలు.. నమ్మించి.. ఆపై నిండా ముంచి..

న్యూఢిల్లీ: కోల్‌కతాలోని చోర్‌బగాన్ దుర్గా పూజా మండపంలో శనివారం సాయంత్రం జరిగిన తొక్కిసలాట అందరినీ తీవ్ర దిగ్భ్రాంతికి గురిచేసింది. ఈ క్రమంలో రాష్ట్ర క్యాబినెట్ మంత్రి దిలీప్ ఘోష్ ప్రకటన వెలువడింది. ఈ విషాదకర సంఘటనపై ఆయన స్పందిస్తూ, ఇలాంటి భారీ సమూహాలు ఉండే వేడుకల్లో అప్పుడప్పుడు ఇలాంటి ప్రమాదాలు చోటుచేసుకుంటాయని వ్యాఖ్యానించారు.దిలీప్ ఘోష్ మాట్లాడుతూ, ‘జరిగిన సంఘటన చాలా దురదృష్టకరం. అయితే అప్పుడప్పుడు ఇలాంటి ప్రమాదాలు జరుగుతుంటాయి. ఎన్నో ఏళ్ల నుంచి ఇక్కడ పూజలు జరుగుతున్నాయి. ఇక్కడ భారీ ఎత్తున వైభవంగా ఉత్సవాలు నిర్వహిస్తారు, అమ్మవారి దర్శనం కోసం లక్షలాది మంది ప్రజలు వస్తుంటారు. కొన్నిసార్లు చిన్నపాటి పొరపాటు లేదా అజాగ్రత్త వల్ల ఇలాంటి ప్రమాదాలు జరుగుతాయి, నిజానికి ఇవి ఎప్పుడూ జరగకూడదు. మన దేశంలో ఎక్కడైనా మతపరమైన ప్రదేశాల్లో లేదా భారీ సమూహాలు ఉండే ప్రాంతాల్లో ఇటువంటి సంఘటనలు జరుగుతుంటాయి. అందుకే నిర్వాహకులు మరింత అప్రమత్తంగా వ్యవహరించాలి’ అని అన్నారు.ముఖ్యమంత్రి, ఆరోగ్య శాఖ మంత్రి, ప్రభుత్వ ప్రధాన కార్యదర్శితో పాటు ప్రభుత్వ ప్రతినిధులు, జాతీయ పార్టీ అధ్యక్షుడు, పలువురు మంత్రులు, నాయకులు సంఘటనా స్థలానికి చేరుకున్నారని ఆయన వెల్లడించారు. అలాగే క్షతగాత్రులకు మెరుగైన చికిత్స అందించేందుకు పటిష్ట ఏర్పాట్లు చేసినట్లు తెలిపారు. ఈ ఉదంతంపై తృణమూల్ కాంగ్రెస్ నాయకులు రాజకీయ విమర్శలు చేస్తున్నారన్న ప్రశ్నకు దిలీప్ ఘోష్ స్పందిస్తూ, ‘రాజకీయాలు చేసేవారు చేస్తూనే ఉంటారు. ఎన్నో చోట్ల పూజలు జరుగుతున్నాయి, ప్రతిచోటా పోలీసులు ఉన్నారు. లక్షలాది మంది రోడ్లపై తిరుగుతున్నారు. ఇలా జరగకూడదు, కానీ నిర్వాహకులు జాగ్రత్తలు తీసుకోవాల్సి ఉంది’ అని అన్నారు.ఈ ప్రమాదంపై టీఎంసీ నేత కునాల్ ఘోష్ స్పందిస్తూ ప్రభుత్వాన్ని తీవ్రంగా విమర్శించారు. ఆయన సోషల్ మీడియా వేదిక ఎక్స్ (ట్విట్టర్)లో ‘చోర్‌బగాన్ ఘటనలో జరిగిన మరణాలపై ముఖ్యమంత్రి ప్రకటన అసంపూర్తిగా ఉంది. బాధ్యతల నుంచి తప్పించుకునేలా, తప్పుదోవ పట్టించేలా, దృష్టి మళ్లించేలా ఉంది. కమిటీ నిర్వాహకులను వెంటనే అరెస్ట్ చేయాలి. మున్సిపల్ కార్పొరేషన్ అధికారులు, ఓఎస్డీలను తొలగించాలి. ఈ ఘటనపై నిష్పాక్షిక విచారణ అవసరం. కమిటీలో బీజేపీ సభ్యులు ఉన్నారు. వారిని కాపాడే ప్రయత్నం చేస్తున్నారు. వర్షాన్ని సాకుగా చూపి పాలనా వైఫల్యాన్ని దాచిపెట్టేందుకు చూస్తున్నారు’ అని ఆరోపించారు.ఇదీ చదవండి: చెన్నైలో భారీ వర్షం: అధికారులకు సీఎం విజయ్‌ ప్రత్యేక ఆదేశాలు

సాక్షి, న్యూఢిల్లీ: ప్రముఖ యూట్యూబర్‌ ధ్రువ్‌ రాఠీకి ఢిల్లీలోని సాకేత్‌ కోర్టు శనివారం బెయిలబుల్‌ వారెంట్‌ జారీ చేసింది. 2018లో దాఖలైన పరువునష్టం కేసులో ఆయనకు నోటీసులు అందజేసేందుకు అధికారులు వెళ్లగా నివాసానికి తాళం వేసి ఉండటంతో న్యాయస్థానం ఈ నిర్ణయం తీసుకుంది. ఈ కేసును విచారిస్తున్న సాకేత్‌ కోర్టు జ్యుడీషియల్‌ మేజిస్ట్రేట్‌ రాహుల్‌ జైన్‌.. ధ్రువ్‌ రాఠీకి నోటీసులు అందజేయాలని గతంలో ఆదేశించారు. రాఠీ ఎక్కువగా విదేశాల్లో ఉంటున్నందున ఇన్నేళ్లుగా సమన్లు అందలేదని, అయితే ఆయన ప్రస్తుతం హరియాణాలోని గురుగ్రామ్‌లో ఉంటున్నారని ఫిర్యాదుదారు వికాస్‌ పాండే తరఫు న్యాయవాది సమక్ష్ శర్మ అక్టోబర్‌ 12న కోర్టు దృష్టికి తీసుకొచ్చారు. ఈ కేసులో త్వరితగతిన విచారణ జరిపి, సమన్లను నేరుగా చేతికి ఇచ్చే ‘దస్తీ’ పద్ధతిలో అందజేసేందుకు అనుమతించాలని కోరారు. న్యాయవాది వాదనలు పరిగణనలోకి తీసుకున్న మేజిస్ట్రేట్‌ 2019లో చివరిసారిగా రాఠీకి సమన్లు జారీ చేసిన విషయాన్ని రికార్డుల్లో నమోదు చేశారు. దస్తీ పద్ధతిలో నోటీసులు అందజేసే అధికారులతో పాటు ఫిర్యాదుదారు వెళ్లవచ్చని స్పష్టం చేశారు. అయితే గురుగ్రామ్‌లోని రాఠీ ఇంటికి తాళంవేసి ఉండటంతో నోటీసులు అందజేయడం సాధ్యపడలేదని శనివారం జరిగిన విచారణలో కోర్టుకు తెలిపారు. ఈ పరిణామాల నేపథ్యంలో న్యాయస్థానం ధ్రువ్‌ రాఠీకి బెయిలబుల్‌ వారెంట్‌ జారీ చేశారు. కేసు తదుపరి విచారణను అక్టోబర్‌ 31కి వాయిదా వేసింది. తన పరువు తీసేందుకు బీజేపీ ఐటీ సెల్‌ వికాస్‌ పాండేకు లంచం ఇచ్చేందుకు ప్రయత్నించిందని ఆరోపిస్తూ 2018 మే నెలలో ధ్రువ్‌ రాఠీ ఒక వీడియో చేశారు. ఈ వీడియోను అప్పటి ఢిల్లీ ముఖ్యమంత్రి అరవింద్‌ కేజ్రీవాల్‌ తన అధికారిక పాత ట్విట్టర్‌ ఖాతాలో రీట్వీట్‌ చేశారు. ఈ ఆరోపణలపై వికాస్‌ పాండే అభ్యంతరం వ్యక్తం చేస్తూ న్యాయస్థానాన్ని ఆశ్రయించారు. ఆధారాలు లేకుండా తన ప్రతిష్టకు భంగం వాటిల్లేలా వ్యవహరించారని ఆరోపిస్తూ ధ్రువ్‌ రాఠీ, కేజ్రీవాల్‌ ఇద్దరిపై పరువునష్టం దావా వేశారు.

సాక్షి, హైదరాబాద్‌: శ్రీలంక, బంగ్లాదేశ్, నేపాల్‌లలో అలజడి సృష్టించి ప్రభుత్వాన్ని కూలి్చనట్లుగానే భారత్‌లోనూ ఎన్డీయే ప్రభుత్వాన్ని కూల్చేస్తామని రాహుల్‌ గాంధీ దింపుడు కల్లం ఆశలు పెట్టుకున్నారని కేంద్ర మంత్రి కిషన్‌రెడ్డి ఎద్దేవా చేశారు. 10 నెలల్లో మోదీ ప్రభుత్వాన్ని కూల్చే బాధ్యత తనదని రాహుల్‌ గాంధీ అంటున్నారని ఆరోపించారు. కొన్ని సమస్యలు వచ్చినప్పుడు ప్రతిపక్షాల డిమాండ్లను పరిష్కరించేందుకు కేంద్రం కృషి చేసిందని.. అంతమాత్రాన తమ ప్రభుత్వం భయపడినట్లు కాదని ఆయన స్పష్టం చేశారు.2029 వరకు ప్రధానిగా మోదీ ఉండాలని ప్రజలు తీర్పునిచ్చారని.. రాహుల్‌ గాందీకి దమ్ము, ధైర్యం ఉంటే ప్రజాదరణతో ఎన్నికైన మోదీ ప్రభుత్వాన్ని పడగొట్టి చూపాలని సవాల్‌ విసిరారు. శుక్రవారం బీజేపీ కార్యాలయంలో కిషన్‌రెడ్డి మీడియాతో మాట్లాడుతూ స్వాతంత్య్రం వచ్చిన నాటి నుంచి ఇంత బాధ్యతారాహిత్యమైన, బలహీనమైన నకిలీ ప్రతిపక్ష నేతను దేశం ఎన్నడూ చూడలేదని దుయ్యబట్టారు. రాజ్యాంగబద్ధ సంస్థలను నిరీ్వర్యం చేసేందుకు, ఎన్నికల కమిషన్‌పై బురదజల్లేందుకు రాహుల్‌ గాంధీ నిరంతరం ప్రయతి్నస్తున్నారని మండిపడ్డారు. రాజకీయ పారీ్టలు, ప్రభుత్వాలు రావచ్చు.. పోవచ్చుగానీ వ్యవస్థలను నాశనం చేయకూడదన్న ఇంగితం రాహుల్‌కు లేదని ఆగ్రహం వ్యక్తం చేశారు. ఈవీఎంలు, సర్‌పై ఇవేం మాటలు? కేంద్ర ప్రధాన ఎన్నికల కమిషనర్‌ జ్ఞానేశ్‌ కుమార్‌ను బెదిరిస్తూ రాహుల్‌ గాంధీ దాదాగిరి భాష మాట్లాడుతున్నారని కిషన్‌రెడ్డి ఆరోపించారు. ప్రజలు కాంగ్రెస్‌కు ఓట్లు వేయకపోతే దానికి బాధ్యత ఎన్నికల కమిషనర్‌ వహించాలా అని ప్రశ్నించారు. కర్ణాటక, తెలంగాణ, హిమాచల్‌ ప్రదేశ్‌లలో కాంగ్రెస్‌ గెలిస్తే ఈవీఎంలు, ఈసీని మెచ్చుకొని.. కేరళంలో గెలిస్తే ‘సర్‌’మంచిదని సరి్టఫికెట్లు ఇచ్చే కాంగ్రెస్‌.. బీజేపీ గెలిస్తే మాత్రం ఈవీఎంలు, ఈసీదే తప్పని ఆరోపించడం సిగ్గుచేటన్నారు. ఓట్ల చోరీ ఎక్కడా జరగలేదని, దొంగలకు ప్రజలే ఓటు వేయట్లేదన్న వాస్తవాన్ని రాహుల్‌ గాంధీ గ్రహించాలని చురకలంటించారు. అంతర్జాతీయ డీప్‌ స్టేట్, విద్రోహ శక్తుల కుట్రలు, ప్రపంచ శక్తులు ఏకమైనా మోదీ ప్రభుత్వాన్ని ఏమీ చేయలేవని వ్యాఖ్యానించారు. ‘యాదాద్రి’కి కేంద్రం అండ... సింగరేణిలో ఉత్పత్తి తగ్గుదలతో యాదాద్రి థర్మల్‌ పవర్‌ ప్లాంట్‌కు బొగ్గు సరఫరా నిలిచిపోయిందని.. రాష్ట్రంలో విద్యుత్‌ కొరత రాకుండా కోల్‌ ఇండియా నుంచి బొగ్గు కేటాయించాలని సీఎం రేవంత్‌రెడ్డి, డిప్యూటీ సీఎం భట్టి విక్రమార్క తనను కోరారని కిషన్‌రెడ్డి తెలిపారు. తెలంగాణ బిడ్డగా, కేంద్ర బొగ్గు గనుల శాఖ మంత్రిగా రాష్ట్ర ప్రజల ప్రయోజనాల దృష్ట్యా విద్యుత్‌ కొరత రాకుండా యాదాద్రి ప్లాంట్‌కు తప్పకుండా బొగ్గు సరఫరా చేస్తామని ఆయన హామీ ఇచ్చారు. ఇప్పటికే అధికారులకు ఆదేశాలు జారీ చేశానని.. మహానది కోల్‌ ఫీల్డ్స్‌ లేదా వెస్ట్రన్‌ కోల్‌ ఫీల్డ్స్‌ నుంచి తక్షణమే బొగ్గు అందిస్తామని స్పష్టం చేశారు.

భారతీయ జనతా పార్టీ సీనియర్ నేత, మాజీ ఉప ప్రధాని లాల్ కృష్ణ అద్వానీ (98) అస్వస్థతకు గురయ్యారు. ఛాతిలో ఇన్‌ఫెక్షన్ కారణంగా శుక్రవారం సాయంత్రం ఆయనను న్యూఢిల్లీలోని అపోలో ఆసుపత్రిలో చేర్చారు. ప్రస్తుతం ఆయన ఆరోగ్య పరిస్థితి నిలకడగా ఉందని వైద్యులు వెల్లడించారు. అద్వానీ పల్మనరీ విభాగంలో చికిత్స పొందుతున్నారు. కాగా గత కొంతకాలంగా అనారోగ్య సమస్యలతో బాధపడుతున్న అద్వానీ, ఈ ఏడాది మే నెలలోనూ వయసురీత్యా తలెత్తిన సమస్యల కారణంగా ఇదే ఆసుపత్రిలో చికిత్స పొంది కోలుకున్నారు. ఇటీవ‌లే ప్ర‌ధాని న‌రేంద్ర మోదీ 25 సంవత్సరాల ప్రజా సేవను పూర్తి చేసుకున్న సందర్భంగా అద్వానీ నివాసానికి వెళ్లి ఆశీర్వాదాలు తీసుకున్నారు. మోదీతో అప్యాయంగా మాట్లాడిన అద్వానీ రోజుల వ్య‌వ‌ధిలోనే మళ్లీ ఆసుపత్రిలో చేరడం గమనార్హం.

సాక్షి,అమరావతి : కూటమిలో స్థానిక సంస్థల ఎన్నికలు కుంపట్లు రాజేస్తున్నాయి. రాష్ట్రంలోని పలు మున్సిపల్ స్థానాల్లో పోటీ చేసేందుకు కూటమిలోని ఆశావాహులు పోటీపడుతున్నారు. అయితే, అధిష్ఠానం కొందరికే ప్రాధాన్యం ఇస్తుండటంతో ఆశావహులు, రెబల్ అభ్యర్థులు తిరుగుబాటు బావుటా ఎగరవేస్తున్నారు. తాము బరిలో దిగాలనుకుంటున్న స్థానాల్లో ఇతరులను ఎలా అభ్యర్థులుగా ప్రకటిస్తారంటూ నేతలు అధిష్ఠానాన్ని నిలదీస్తున్నారు.పార్వతీపురం మన్యం జిల్లాసాలూరు మున్సిపల్ స్థానాన్ని కూటమి నేతలు జనసేనకు కేటాయింపుటీడీపీ నిర్ణయంపై తిరగబడ్డ కార్యకర్తలుమంత్రి అచ్చం నాయుడు, గుమ్మడి సంధ్యారాణిలు ఎదుట వాగ్వాదంజనసేనకు సహకరించేదే లేదని హెచ్చరికలు జారీ చేసిన టీడీపీ కార్యకర్తలు అధిష్టానం నిర్ణయం మేరకు సర్ధుకు పోవాల్సిందేనన్న మంత్రి అచ్చం నాయుడుఏలూరుటీడీపీలో రచ్చకెక్కిన మేయర్ సీటు వివాదంతమ నేతకే మేయర్‌ సీటు కేటాయించాలంటూ టీడీపీ కార్యకర్తలు ఆందోళన టీడీపీ కార్యాలయం వద్ద నిరసన టీడీపీ కార్యాలయానికి చేరుకున్న పార్లమెంట్ పరిశీలకురాలు పంచుమర్తి అనురాధ, దెందులూరు ఎమ్మెల్యే చింతమనేని ప్రభాకర్తీవ్ర అసంతృప్తితో ఉన్న ఎమ్మెల్యే బడేటి చంటితో అనురాధ, చింతమనేని భేటీఅధిష్టానం నిర్ణయాన్ని చెప్పి కేడర్‌కు నచ్చజెప్పే ప్రయత్నం అనకాపల్లి అనకాపల్లి జిల్లా నర్సిపట్నంలో అయ్యన్న పాత్రుడికి షాక్‌ యలమంచిలి మున్సిపాలిటీలో జనసేన,బీజేపీ మధ్య రాజుకున్న వివాదంపొత్తులో భాగంగా యలమంచిలి మున్సిపాలిటీ బీజేపీ కేటాయింపుజనసేన తరఫున నామినేషన్ దాఖలు చేసిన కర్రీ ఝాన్సీ రేపు బీజేపీ తరఫున నామినేషన్ దాఖలు చేయనున్నారు పిల్ల రమా కుమారిజనసేన మిత్ర ధర్మం పాటించకపోవడంపై బీజేపీ ఆగ్రహంబీజేపీకి ఇచ్చిన స్థానంలో జనసేన తరఫున నామినేషన్ దాఖలు చేయడంపై అసంతృప్తి జనసేన ఎమ్మెల్యే విజయ్ కుమార్ సూచన మేరకే కర్రి ఝాన్సీ నామినేషన్ దాఖలు కాకినాడ పెద్దాపురం కూటమీలో మరోసారి రాజుకున్న కుంపట్లు సామర్లకోట మున్సిపల్ చైర్మన్ సీటు జనసేనకు కేటాయింపుసామర్లకోట మున్సిపల్ చైర్మన్ పదవి ఆశించిన టీడీపీ దళిత నేత తాతపూడి కృష్ణబాబుజనసేనకు సీటు కేటాయించడంతో ఆగ్రహంతో రగిలిపోయిన కృష్ణబాబు అనుచరులుపోస్టాఫీసు సెంటర్ వద్ద రోడ్డుపై బైఠాయించి ధర్నాఒంటిపై కిరోసిన్ పోసుకుని ఆత్మహత్య యత్నానికి పాల్పడిన టీడీపీ కార్యకర్త33 ఏళ్లుగా టీడీపీలో పనిచేస్తే దళితులకు పార్టీ ఇచ్చిన గౌరవరం ఇదేనా అంటూ రగిలిపోయిన కృష్ణబాబుపిఠాపురంపిఠాపురం నియోజకవర్గంలో జనసేనకు టీడీపీ షాక్పొత్తులో భాగంగా గొల్లప్రోలు నగర పంచాయితీ జనసేనకు కేటాయింపు జనసేనకు గొల్లప్రోలు కేటాయించడంపై టీడీపీ నేతల ఆగ్రహంగొల్లప్రోలు నగర పంచాయితీలో ఉన్న 23 వార్డుల నుండి బరిలోకి టీడీపీ అభ్యర్ధులు.నగర పంచాయితీ ఎన్నికల్లో అన్ని వార్డుల నుండి నామినేషన్లు ప్రకటించిన గొల్లప్రోలు టీడీపీ అధ్యక్షులు గుండ్ర సుబ్బారావుపశ్చిమగోదావరి జిల్లాతాడేపల్లిగూడెం చైర్మన్ సీటు కోసం రాజుకున్న వర్గ పోరు చైర్మన్ సీటు తమ పార్టీకి కేటాయించాలని టీడీపీ నేతలు ఆందోళన తాడేపల్లిగూడెం మున్సిపల్ చైర్మన్ సీటు జనసేనకి కేటాయించడంతో టీడీపీ శ్రేణులు ఆగ్రహంటీడీపీ నాయుకులు గొర్రెల శ్రీధర్‌కి చైర్మన్ సీటు ఇవ్వకపోతే మూకుమ్మడి రాజీనామాకు సిద్ధం కర్నూలుకర్నూలు జిల్లా ఆదోనిలో కూటమి నేతల మధ్య చిచ్చు పెట్టిన మునిసిపల్ చైర్మన్ సీటుచైర్మన్ సీటు జనసేన పార్టీకే అంటూ మొదటి నుండి ప్రచారంమొదటి నుండి సీటు మీకే అని చెప్పి టిడిపి పార్టీకి కేటాయించడంపై బగ్గుమంటున్న జనసేన అభ్యర్థిఆదోనిలో జనసేన పార్టీ ఇన్ ఛార్జి భార్య స్వప్న ఇండిపెండెంట్‌గా నామినేషన్ దాఖలు.చైర్మన్ సీటు కేటాయింపులో మోసం చేశారంటూ ఆరోపించిన స్వప్న 2008లో ప్రజారాజ్యం పార్టీలో 2019 గాని టికెట్ ఇస్తామని చెప్పి మోసం చేశారు 2024లో కూడా మాకు అన్యాయం జరిగిందంటూ వాపోయిన స్వప్న అసంతృప్తిలో కార్యకర్తలు.. ఇండిపెండెంట్‌గా స్వప్న పోటీ విజయనగరం జిల్లా నెల్లిమర్ల నగర పంచాయతీ చైర్మన్ స్థానం బీజేపీకి కేటాయించిన కూటమి అధిష్టానం చైర్మన్ టికెట్ ఆశించిన లెంక అప్పలనాయుడు టీడీపీ రెబల్ అభ్యర్థిగా నామినేషన్ దాఖలు ససేమెరా అంటూ.. పరిశీలకు రాలు పంచమి అనురాధ.. ఎమ్మెల్యే చంటిని నిలదీసిన టిడిపి కార్యకర్తలుటీడీపీ కార్యాలయం వద్ద రోడ్డుపై బైఠాయించి నిరసన తెలుపుతున్న టీడీపీ కార్యకర్తలు

ఢిల్లీ: దేశ రాజధాని ఢిల్లీలోని కన్నాట్ ప్లేస్‌లో తిరంగా యాత్ర నేపథ్యంలో పోలీసులు అప్రమత్తమయ్యారు. సీజేపీ ఆధ్వర్యంలో నేడు సాయంత్రం 5 గంటలకు నిర్వహించనున్న తిరంగా యాత్ర దృష్ట్యా సెంట్రల్ పార్క్‌ను నేడు, రేపు మూసివేస్తున్నట్లు న్యూఢిల్లీ మున్సిపల్ కౌన్సిల్ (NDMC) ప్రకటించింది. శాంతిభద్రతల పరిరక్షణ కోసం పోలీసులు భారతీయ నాగరిక్ సురక్షా సంహిత (BNSS) సెక్షన్ 163 కింద నిషేధాజ్ఞలు విధించారు. సీజేపీ నిరసన కార్యక్రమానికి ప్రజలు దూరంగా ఉండాలని పోలీసులు విజ్ఞప్తి చేశారు.అయితే, జాతీయ జెండాను ఎగురవేసి, జాతీయ గీతాన్ని ఆలపించేందుకు 11 మందితో కూడిన బృందానికి అనువైన ప్రదేశంలో అవకాశం కల్పిస్తామని పోలీసులు స్పష్టం చేశారు. మరోవైపు, కన్నాట్ ప్లేస్ పరిసరాల్లో మధ్యాహ్నం 3 గంటల నుంచే ట్రాఫిక్ ఆంక్షలు అమల్లోకి రానున్నాయి. ఈ ప్రాంతం మీదుగా వెళ్లే వాహనదారులు, ప్రయాణికులు పోలీసుల సూచనలను పాటించాలని అధికారులు కోరారు. తిరంగా యాత్ర నేపథ్యంలో కన్నాట్ ప్లేస్ పరిసరాల్లో రాకపోకలపై ఆంక్షలు ఉండటంతో ప్రయాణికులు ముందస్తుగా తమ ప్రయాణాలను ప్లాన్ చేసుకోవాలని సూచించారు.ఇదీ చదవండి: తిరంగా మార్చ్‌: అభిజీత్‌ దీప్కే సంచలన ఆరోపణలు

రాజకీయంగా కీలక పరిణామాలు చోటుచేసుకుంటున్న వేళ.. దేశ ప్రధాని నరేంద్ర మోదీకి సంబంధించిన ఓ పాత వీడియో ఇప్పుడు సోషల్‌ మీడియాలో ట్రెండింగ్‌లోకి వచ్చింది. బీజేపీ అగ్రనేతలు, కేంద్ర మంత్రులు వరుసగా ఆ వీడియోను పోస్టు చేస్తూ కాంగ్రెస్‌పై విమర్శలు గుప్పిస్తున్నారు. ఓ బహిరంగ సభలో మోదీ చేసిన వ్యాఖ్యలకు సంబంధించిన వీడియోను ఇప్పుడు ఎందుకు వైరల్‌ చేస్తున్నారనే ప్రశ్నలు నెటిజన్ల నుంచి వ్యక్తమవుతున్నాయి. ప్రస్తుతం కాంగ్రెస్‌ అగ్రనేత రాహుల్‌ గాంధీ నేతృత్వంలో ఎన్నికల సంఘం, ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌)కు వ్యతిరేకంగా నిరసనలు కొనసాగుతున్నాయి. అటు సీజేపీ, ఇతర విద్యా సంఘాలు కూడా ఈ పోరాటం విడిగా చేస్తున్నాయి. ఈ నేపథ్యంలో రాహుల్‌ గాంధీకి రాజకీయంగా మంచి పేరు వస్తోందనే ఉద్దేశంతోనే బీజేపీ నేతలు పాత వీడియోను తెరపైకి తెచ్చారంటూ సెటైర్లు పడుతున్నాయి. ప్రధాని మోదీ నిరాశ, అసహనంతో ఉన్నారనే అర్థం వచ్చేలా సీజేపీ కూడా ఈ వీడియోపై స్పందించింది.మోదీ ఏమన్నారంటే..ఈ ఏడాది ఫిబ్రవరిలో మీరట్‌లో జరిగిన బహిరంగ సభలో మోదీ కాంగ్రెస్‌పై తీవ్ర విమర్శలు చేశారు. ప్రధాని పదవిని ఆశించేవారు ముందుగా ప్రజల హృదయాలను గెలుచుకోవాలని అన్నారు. పార్లమెంటులో ప్రధాని సీటును ఆక్రమించుకోవాలనే ఉద్దేశంతో మహిళా ఎంపీలను ముందుకు నెట్టడం ద్వారా ఆ స్థానాన్ని సాధించలేరని వ్యాఖ్యానించారు. మహిళా ఎంపీలను అలా ముందుకు పంపే స్థాయికి కాంగ్రెస్‌ దిగజారిందా? అంటూ ప్రశ్నించారు.ఢిల్లీలో జరిగిన ఏఐ సమిట్‌ సందర్భంగా యువజన కాంగ్రెస్‌ కార్యకర్తలు అర్ధనగ్నంగా నిరసన చేపట్టిన ఘటననూ మోదీ తీవ్రంగా ఖండించారు. కాంగ్రెస్‌ తన రాజకీయాలకు అంతర్జాతీయ వేదికను ఉపయోగించుకుందని, విదేశీ అతిథులు ఉన్న చోట గందరగోళం సృష్టించిందని విమర్శించారు. ఆ పార్టీ సైద్ధాంతికంగా దివాలా తీసిందని మండిపడ్డారు.‘‘కాంగ్రెస్‌ నగ్నత్వం దేశానికి తెలుసు. ఇప్పటికే ప్రజల దృష్టిలో ఆ పార్టీ నేతలు దిగజారిపోయారు. దేశాన్ని అప్రతిష్ఠపాలు చేసే పనిలో కాంగ్రెస్‌ తీరిక లేకుండా ఉంది. రాజకీయ విభేదాల కంటే వ్యక్తిగత శత్రుత్వానికే ప్రాధాన్యమిస్తోంది. గతంలో నన్ను, నా తల్లిని అవమానించారు. ఇప్పుడు ప్రపంచ నేతల ఎదుట దేశాన్ని అవమానించారు. అన్ని పరిమితులనూ దాటిపోయారు’’ అని మోదీ వ్యాఖ్యానించారు.कांग्रेस के बेलगाम नेता, देश को तबाह करने पर तुले हुए हैं... https://t.co/jLzawqFRee— Smriti Z Irani (@smritiirani) October 15, 2026తమ చర్యలకు సిగ్గుపడాల్సింది పోయి, వాటినే గొప్పగా ప్రచారం చేసుకుంటున్నారని కాంగ్రెస్‌పై విమర్శలు చేశారు. దేశాన్ని గొప్పగా తీర్చిదిద్దేందుకు ప్రజలు కష్టపడుతుంటే, కొన్ని పార్టీలు విజయాలను జీర్ణించుకోలేకపోతున్నాయని అన్నారు. ఇలాంటి అంశాలపై తాను స్పందించినప్పుడు ‘విపక్షాలపై విరుచుకుపడ్డ మోదీ’ అంటూ వార్తలు రాయవద్దని మీడియాకు విజ్ఞప్తి చేశారు.కుర్చీ కోల్పోతామనే భయమా?బీజేపీ నేతలు వరుసగా పోస్టు చేస్తున్న ఈ వీడియోపై సీజేపీ ఘాటుగా స్పందించింది. ‘‘ఇది ప్రధాని నిరాశ, అసహనాన్ని చూపిస్తోంది. కుర్చీ కోల్పోతామనే భయం ఇది’’ అని వ్యాఖ్యానించింది. మరోవైపు, పాత వీడియోను ఇప్పుడు పెద్ద ఎత్తున ప్రచారం చేయడం వెనుక కారణమేంటని పలువురు నెటిజన్లు ప్రశ్నిస్తున్నారు. అయితే, బీజేపీ నేతలు ఈ వీడియోను ఇప్పుడు ఎందుకు పోస్టు చేస్తున్నారనే దానిపై స్పష్టమైన కారణం వెల్లడికాలేదు.పాత వీడియోతో కొత్త రాజకీయ రచ్చమోదీ అప్పట్లో చేసిన వ్యాఖ్యలతో కూడిన వీడియో ఇప్పుడు బీజేపీ నేతల పోస్టులతో మళ్లీ చర్చలోకి వచ్చింది. అయితే, ఎన్నికల సంఘం, ఓటర్ల జాబితాల అంశాలపై కొనసాగుతున్న రాజకీయ పోరాటానికి ఈ వీడియోను జోడించి ఇరు పక్షాలు పరస్పరం విమర్శలు చేసుకుంటున్నాయి. పాత వీడియోను ఇప్పుడు ఎందుకు ప్రచారం చేస్తున్నారనే ప్రశ్నకు సమాధానం కంటే, దాని చుట్టూ సాగుతున్న రాజకీయ వాదోపవాదాలే ప్రస్తుతం సోషల్‌ మీడియాలో చర్చనీయాంశంగా మారాయి.ఇదీ చదవండి: కాంగ్రెస్‌, ఎస్పీకి యూపీలో షాక్‌

ఐఏఎస్‌ ఉద్యోగానికి రాజీనామా.. రాజకీయాల్లోకి వస్తున్నారన్న ప్రచారం.. కాంగ్రెస్‌, సమాజ్‌వాదీ పార్టీల నుంచి ఆహ్వానాలంటూ చర్చ.. రాహుల్‌ గాంధీతో రహస్య భేటీ జరిగిందంటూ మరో ప్రచారం! మాజీ ఐఏఎస్‌ అధికారి దివ్యా మిట్టల్‌ రాజకీయ అడుగులపై గత కొన్ని రోజులుగా ఉత్తరప్రదేశ్‌లో ఆసక్తికర చర్చ నడిచింది. ఆమె ఏ పార్టీలో చేరతారన్న ఉత్కంఠకు తాజాగా తెరపడింది. ప్రధాన పార్టీల అంచనాలకు భిన్నంగా తన రాజకీయ ప్రస్థానంపై ఆమె కీలక ప్రకటన చేశారు.13 ఏళ్ల సివిల్‌ సర్వీసు కెరీర్‌కు స్వస్తి చెప్పిన దివ్యా మిట్టల్‌(42).. గురువారం తన రాజకీయ పార్టీని ప్రకటించారు. వచ్చే ఏడాది జరగనున్న ఉత్తరప్రదేశ్‌ అసెంబ్లీ ఎన్నికల్లో పోటీ చేయనున్నట్లు వెల్లడించారు. రాజకీయాల్లోకి వస్తానని గతంలోనే ప్రకటించిన ఆమె.. ఏదో ఒక పార్టీతో కలిసి పనిచేయడం కంటే ప్రజలతో నేరుగా మమేకమై రాజకీయాలు చేయాలన్న తన ఆలోచనను ఆచరణలో పెట్టేందుకు సిద్ధమయ్యారు.సొంత పార్టీతో రాజకీయాల్లోకి..తన పార్టీకి ‘జన్‌ నీతి భారత్‌ పార్టీ’ అని పేరు పెట్టినట్లు దివ్యా మిట్టల్‌ సోషల్‌ మీడియా వేదికగా ప్రకటించారు. ప్రజలే విధానాల రూపకల్పనలో కీలకంగా ఉండాలని, ఎన్నికల సమయంలోనే కాకుండా ఐదేళ్ల పాలనలోనూ ప్రభుత్వాన్ని ప్రశ్నించే అవకాశం ఉండాలని ఆమె పేర్కొన్నారు. కులం, మతం వంటి గుర్తింపుల కంటే ప్రజల అవసరాలకు ప్రాధాన్యమివ్వాలని స్పష్టం చేశారు. ప్రతి ప్రభుత్వ పనికి ప్రజలకు జవాబు చెప్పాల్సిందేనని పేర్కొంటూ మూడు ప్రధాన సూత్రాలను వివరించారు.मेरा राजनीतिक सफर का अगला कदम। मेरे साथ जुड़ें 🙏🙏 https://t.co/c9ihA3dxOB— Divya Mittal (@divyamittal_IAS) October 15, 2026రాహుల్‌తో భేటీ ఉత్తదేదివ్యా మిట్టల్‌ రాజకీయ ప్రవేశంపై చర్చ జరుగుతున్న సమయంలో బీజేపీ నేత ప్రశాంత్‌ ఉమ్రావ్‌ చేసిన సోషల్‌ మీడియా పోస్టు మరింత ఆసక్తి రేకెత్తించింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీతో దివ్యా మిట్టల్‌ రహస్యంగా సమావేశమయ్యారంటూ ఆయన ఆరోపించారు. దీంతో ఆమె కాంగ్రెస్‌లో చేరబోతున్నారన్న ప్రచారం మొదలైంది. అయితే, ఈ ఆరోపణలను దివ్యా మిట్టల్‌ ఖండించారు. సెప్టెంబర్‌ 29న విడుదల చేసిన వీడియోలో తాను ఏ రాజకీయ పార్టీలోనూ చేరబోనని, ప్రజలతో కలిసి పనిచేయడమే తన లక్ష్యమని స్పష్టం చేశారు.అఖిలేశ్‌ వ్యాఖ్యలతోనూ చర్చ..దివ్యా మిట్టల్‌ రాజకీయాల్లోకి వస్తున్నట్లు ప్రకటించిన నేపథ్యంలో సమాజ్‌వాదీ పార్టీ అధినేత అఖిలేశ్‌ యాదవ్‌ చేసిన వ్యాఖ్యలు కూడా చర్చకు దారితీశాయి. ఆమె ఎస్పీలో చేరితే స్వాగతిస్తామనే సంకేతంగా ఆయన వ్యాఖ్యలను పలువురు విశ్లేషించారు. మరోవైపు కాంగ్రెస్‌లో చేరతారన్న ప్రచారం కూడా సాగింది. అయితే, ఈ ఊహాగానాల మధ్య దివ్యా మిట్టల్‌ సొంత పార్టీ ప్రకటన చేయడంతో ఆమె రాజకీయ ప్రయాణంపై స్పష్టత వచ్చింది.వ్యవస్థలోని లోపాలే రాజకీయాలకు కారణమా?ప్రభుత్వ వ్యవస్థలో పనిచేసినప్పుడు ఎదురైన అనుభవాలే రాజకీయాల్లోకి రావాలన్న నిర్ణయానికి కారణమని దివ్యా మిట్టల్‌ గతంలో వివరించారు. మంజూరైనప్పటికీ నిర్మాణం కాని పాఠశాలలు, లబ్ధిదారులకు అందని భూములు, అధ్వాన్న రహదారులు, పేపర్‌ లీకేజీలతో విద్యార్థులు ఎదుర్కొంటున్న ఇబ్బందులను ప్రస్తావించారు. ప్రభుత్వ నిర్ణయాలు కాగితాలకే పరిమితం కాకుండా ప్రజలకు ప్రయోజనం చేకూర్చాలని పేర్కొన్నారు. ప్రజల సమస్యలను నేరుగా తెలుసుకుని వాటి పరిష్కారానికి కృషి చేయడమే తన రాజకీయ లక్ష్యమని చెప్పారు.ఐఐటీ.. ఐఐఎం నుంచి ఐఏఎస్‌ వరకుహరియాణాలోని రేవారీకి చెందిన దివ్యా మిట్టల్‌.. ఐఐటీ ఢిల్లీ, ఐఐఎం బెంగళూరులో చదువుకున్నారు. అనంతరం లండన్‌లో పనిచేసి, 2013లో యూపీఎస్సీ సివిల్‌ సర్వీసెస్‌ పరీక్షలో 68వ ర్యాంకు సాధించారు. ఉత్తరప్రదేశ్‌ క్యాడర్‌కు చెందిన ఆమె సంత్‌ కబీర్‌ నగర్‌, మిర్జాపూర్‌, డియోరియా జిల్లాలకు జిల్లా మేజిస్ట్రేట్‌గా సేవలందించారు. మిర్జాపూర్‌లోని మారుమూల గ్రామాలకు కుళాయి ద్వారా తాగునీరు అందించే కార్యక్రమంతో గుర్తింపు పొందారు. ఆగస్టు 30న ఐఏఎస్‌ నుంచి స్వచ్ఛంద పదవీ విరమణకు నిర్ణయం తీసుకున్న ఆమె.. తాజాగా సొంత పార్టీతో రాజకీయ ప్రస్థానాన్ని ప్రారంభించారు. 2027 యూపీ ఎన్నికల్లో ఏ నియోజకవర్గం నుంచి పోటీ చేస్తారన్నది మాత్రం ఇంకా వెల్లడించలేదు.ఇదీ చదవండి: ఈసీపై ప్రశాంత్‌ కిషోర్‌ సంచలన ఆరోపణలు

సాక్షి, అమరావతి: కూటమి పొత్తుల్లో మరో విచిత్రం ఇది. కనీసం పార్టీ సభ్యత్వం కూడా లేని వ్యక్తి కోసం బీజేపీ నేతలు అనంతపురం మేయర్‌ సీటు పట్టుబట్టి మరీ తీసుకోవడం ఆ పార్టీలో పెద్ద చర్చకే దారితీసింది. బీజేపీ రాష్ట్ర అధ్యక్షుడు మాధవ్‌ బంధుప్రీతే ఇందుకు కారణమని పార్టీ నేతలు మండిపడుతున్నారు. నగరపాలక సంస్థల్లో బీజేపీకి తిరుపతితో పాటు మరికొన్ని కార్పొరేషన్లు అడుగుతున్నట్లు ప్రచారం జరిగింది. కానీ, గురువారం రాత్రి ప్రకటించిన సర్దుబాటులో బీజేపీకి వచ్చింది అనంతపురం, రాజమహేంద్రవరం నగర పాలక సంస్థలు. తిరుపతి వదులుకుని బీజేపీ నేతలు అనంతపురం సీటు కోసం పట్టుబట్టడమే బీజేపీ శ్రేణులను కంగు తినిపించింది.చివరకు బీజేపీ రాష్ట్ర అధ్యక్షుడు పీవీఎన్‌ మాధవ్‌ బంధుప్రీతే ఇందుకు కారణమన్న విషయం పార్టీలో తీవ్ర చర్చకు దారి తీసింది. పార్టీలో కనీసం సభ్యత్వం కూడా లేని బావమరిది డాక్టర్‌ విక్రమ్‌ కోసమే అనంతపురం సీటు పట్టుబట్టి మరీ తీసుకున్నట్లు ప్రచారం జరుగుతోంది. అనంతపురం మేయర్‌ సీటును ఆశిస్తున్న డాక్టర్‌ విక్రమ్, మాధవ్‌ సతీమణి ఇద్దరూ అన్నదమ్ముల సంతానం. విక్రమ్‌కు సీటు అధికారికంగా ప్రకటించకపోయినప్పటికీ, అనంతపురం మేయర్‌ స్థానాన్ని కోరి తీసుకోవడం వెనుక ఉద్దేశం అదేనని పార్టీ నేతలు చెబుతున్నారు. అనేక ఏళ్లుగా పార్టీ కోసం పనిచేస్తున్న వారిని కాదని కనీసం సభ్యత్వం కూడా లేని వ్యక్తికి సీటు ఎలా కేటాయిస్తారని ఆగ్రహం వ్యక్తం చేస్తున్నారు. వాస్తవానికి తిరుపతి కోసం సీనియర్‌ నేత భానుప్రకాష్‌ చాలా ఆశలు పెట్టుకున్నారు. ప్రస్తుతం బీజేపీ ఆల్‌ సెల్స్‌ జాయింట్‌ కోఆర్డినేటర్‌గా పనిచేస్తున్న విష్ణువర్థన్‌రెడ్డి ఉమ్మడి అనంతపురం జిల్లాకు చెందిన వ్యక్తే. పార్టీ కోసం పనిచేసిన ఇలాంటి అనేక మందిని కాదని మాధవ్‌ బావమరిది విక్రమ్‌కు అనంతపురం మేయర్‌ సీటు ఇస్తే పార్టీ శ్రేణులకు ప్రతికూల సంకేతాలు వెళ్తాయని బీజేపీ సీనియర్‌ నేతలు అంటున్నారు.

సాక్షి, అమరావతి: నలభై శాతం వాటా అన్నారు. ఆరు మేయర్‌ పీఠాలు ఇవ్వాల్సిందేనని చర్చల్లో పట్టుబట్టినట్టు హడావుడి చేశారు. చివరకు చంద్రబాబు ఏం ఇచ్చారో అదే తీసుకున్నారు. ‘‘ఇక మనం చాపచుట్టేసినట్టే కనిపిస్తోంది.. పార్టీ బతకాలి అంటే స్థానిక ఎన్ని­కలు కీలకం.. అలాంటి వాటిలో కూడా దాసోహం అన్నారు. ఇది చంద్రబాబు కోసం పుట్టిన పార్టీ తప్ప జనం కోసం, మన కోసం పుట్టిన పార్టీ కాదు..’’ అని జనసైనికులు మండిపడుతున్నారు. అధినాయకత్వం తీరుపై జనసైనికుల ఆగ్రహజ్వాలలు మిన్నుముడుతున్నాయి. మున్సిపల్‌ కార్పొరేషన్లు, మున్సిపాలిటీలు, నగర పంచాయతీల ఎన్నికల్లో కూటమి తరఫున సీట్ల పంపకం జాబితాను టీడీపీ కార్యాలయం గురువారం విడుదల చేసింది. జనసేనకు 4 కార్పొరేషన్లు ఇచ్చినట్టు చూపించినా, అందులో రెండింటికి ఇప్పట్లో ఎన్ని­కలే లేవు. ఈ నెల 28న ఎన్నికలు జరిగే 13 కార్పొరేషన్లలో జనసేనకు దక్కింది రెండే. అడిగినన్ని సీట్లు అలవోకగా సాధించేస్తాడనుకున్న అధినాయకుడు పవన్‌ కళ్యాణ్‌ చర్చల వేళ ముఖం చాటేసి మౌనంగా హైదరాబాద్‌ వెళ్లిపోవడం, జాబితా వచ్చాకా నోరు మెదపకపోవడంతో జనసైనికులకు ఏం చేయాలో పాలు­పోవడం లేదు. ఇదేం పొత్తు.. దీన్ని సర్దుబాటు అంటారా? లొంగుబాటు అంటారా? లేక మన దౌర్భా­గ్యం అంటారా? అని అగ్గిమీద గుగ్గిలమవుతున్నారు. 40% అడిగితే.. అరకొర విదిలింపుమంగళవారం జనసేన మంత్రి కందుల దుర్గేష్‌ పార్టీ లోగోతో ఎక్స్‌ లో పోస్టర్‌ విడుదల చేశారు. పట్టణ స్థానిక సంస్థల్లోని 5,220 పదవుల్లో 40.1 శాతం వాటాతో 2,091 పదవులు కేటాయించాలని, 6 మేయర్లు, 38 మున్సిపల్‌ చైర్మన్లు, 1,937 వార్డులు సహా ప్రతి పదవిలో వాటా ఇవ్వాలని జనసేన ప్రతిపాదించినట్లు ప్రకటించారు. ఆ డిమాండ్‌పై టీడీపీ సోషల్‌ మీడియా నుంచి తీవ్ర వ్యతిరేకత వచ్చింది. మరుసటి రోజే సీఎంతో భేటీ తర్వాత ‘ఇన్ని సీట్లలో పోటీ చేయాలని లెక్కలేమీ వేసుకోలేదు’ అని జనసేన ఎమ్మెల్యే బొలిశెట్టి శ్రీనివాస్‌ మాట మార్చారు. చివరికి చంద్రబాబు చెప్పినట్టు తల ఊపి ఆయన ఇచ్చిన అరకొర సీట్లను ఆనందంగా తీసుకుని తలాడించుకుంటూ బయటికి వచ్చారు. సర్దుబాటు వివరాలివీ 17 కార్పొరేషన్లు, 106 మున్సిపాలిటీలు, నగర పంచాయతీలు.. మొత్తం 123 పీఠాల్లో టీడీపీ 89, జనసేన 25, బీజేపీ 9 పంచుకున్నాయి. జనసేనకు శ్రీకాకుళం, కాకినాడ, ఏలూరు, విజయవాడ కార్పొరేషన్లు, 21 మున్సిపాలిటీలు.. బీజేపీకి రాజమహేంద్రవరం, అనంతపురం కార్పొరేషన్లు, 7 మున్సిపాలిటీలు కేటాయించారు. విశాఖపట్నం, గుంటూరు, నెల్లూరు, తిరుపతి, కర్నూలు, కడప, ఒంగోలు, మచిలీపట్నం, విజయనగరం, చిత్తూరు, మంగళగిరి–తాడేపల్లి.. 11 కార్పొరేషన్లను టీడీపీ తన వద్దే ఉంచుకుంది. చర్చలు కొలిక్కి రాకముందే టీడీపీ గెజిట్‌ పత్రికల్లో వచ్చిన లీకులే చివరకు అధికారిక జాబితాగా మారాయి. చంద్రబాబు ముందే గీసిన గీత దాటకుండా జనసేన తలొగ్గిందనడానికి ఇంతకంటే నిదర్శనం అక్కర్లేదని విశ్లేషకులు అంటున్నారు. ఇచ్చిన వాటిలోనూ ఉత్తుత్తి సీట్లు పంచాయతీల విలీనం, డీలిమిటేషన్‌ వంటి కోర్టు కేసుల కారణంగా 4 కార్పొరేషన్లు, 19 మున్సిపాలిటీలకు ఇప్పుడు ఎన్నికలు నిర్వహించడం లేదు. ప్రస్తుతం 13 కార్పొరేషన్లు, 77 మున్సిపాలిటీలు, 10 నగర పంచాయతీలకు మాత్రమే ఎన్నికలు జరుగుతున్నాయి. జనసేనకు ఇచ్చిన కాకినాడ, శ్రీకాకు­ళం కార్పొరేషన్లు ఈ ఎన్నికలు లేని జాబితాలోనే ఉన్నాయి. శ్రీకాకుళంలో అయితే 2005 తర్వాత ఎన్నికలే జరగలేదు. జనసేనకు మిగిలింది విజయవాడ, ఏలూరు మాత్రమే. టీడీపీ తీసుకున్న 11 కార్పొరేషన్లలో మాత్రం ఎన్నికలు లేనిది మంగళగిరి–తాడేపల్లి ఒక్కటే. మున్సిపాలిటీల్లోనూ అదే తంతు. జనసేనకు ఇచ్చిన 21లో రాజాం, భీమ­వరం, తాడేపల్లిగూడెంకు ఎన్నికలు లేవు. పశ్చిమ గోదావరిలోని రెండు కీలక పట్టణాలనూ కాగితాల్లోనే ఇచ్చారు. బీజేపీకి ఇచ్చిన రాజమహేంద్రవరం కార్పొరేషన్, బాపట్ల, కావలి మున్సిపాలిటీలకూ ఎన్నికలు లేవు. ఎన్నికలు జరిగే సీట్లు టీడీపీకి, ఎన్నికలు లేని సీట్లు మిత్రపక్షాలకు.. ఇదేనా పొత్తు ధర్మం అని జనసేన వర్గాలు నిలదీస్తున్నాయి. లెక్కలో ఎక్కువ చూపించి, ఎన్నికలు లేని సీట్లు అంటగట్టడం ద్వారా చంద్రబాబు మిత్రపక్షాలను అవమానించారని విశ్లేషకులు వ్యాఖ్యానిస్తున్నారు. అడిగినవన్నీ టీడీపీకే జనసేన పట్టుబట్టిన సీట్లు ఒక్కొక్కటిగా చేజారాయి. మచిలీపట్నం జనసేనకు దాదాపు ఖరారు అని మొదట్లో ప్రచారం జరిగినా చివరకు టీడీపీకే వెళ్లింది. ఒంగోలు, శ్రీకాళహస్తి అడిగినా ఇవ్వలేదు. జనసేనకేనని ప్రచారం జరిగిన అనంతపురం కార్పొరేషన్‌ బీజేపీకి వెళ్లింది. 21 మంది ఎమ్మెల్యేలున్న జనసేనకు ఎన్నికలు జరిగే కార్పొరేషన్లు రెండు దక్కితే, 8 మంది ఎమ్మెల్యేలున్న బీజేపీకి ఒకటి దక్కింది. నాయకత్వం మౌనం.. జనసైనికుల ఆగ్రహం కార్యకర్తల మనోభావాలు దెబ్బతినకుండా చూస్తామని, కేడర్‌ సంతృప్తి చెందేలా పోటీ చేస్తామని జనసేన నేతలు రెండు రోజుల క్రితమే ప్రకటించారు. జాబితా వచ్చాక ఒక్కరూ నోరు మెదపడం లేదు. 40 శాతం ఏమైంది, ఎన్నికలే లేని సీట్లు తీసుకుని ఏం చేయాలి, అడిగిన సీట్లన్నీ ఎందుకు వదులుకున్నారు అనే ప్రశ్నలకు సమాధానం చెప్పేవాళ్లే లేరు. ‘మనం 40 శాతం అడిగాం. వాళ్లు ఏం ఇవ్వాలనుకున్నారో అదే ఇచ్చారు. అందులోనూ రెండు కార్పొరేషన్లకు ఎన్నికలే లేవు. అయినా మన నాయకులు ఎందుకు మాట్లాడటం లేదు?’ అని జనసేన కార్యకర్తలు ప్రశ్నిస్తున్నారు. టీడీపీ ఏం చెబితే అది చేయక తప్పని పరిస్థితిలో తమ నాయకత్వం ఉందని ఆవేదన చెందుతున్నారు. అసెంబ్లీ ఎన్నికల్లో 21 సీట్లతో సర్దుకున్నాం, స్థానిక ఎన్నికల్లోనూ అరకొర సీట్లతో సరిపెట్టుకోవాలా అని నిలదీస్తున్నారు. చంద్రబాబు జైల్లో ఉన్నప్పుడు రోడ్డెక్కింది తామేనని, కూటమి కోసం ఎక్కువ త్యాగం చేసింది జనసేనేనని పవన్‌ కళ్యాణ్‌ స్వయంగా చెప్పారని, ఆ త్యాగాలకు ఇదేనా ప్రతిఫలమని ప్రశ్నిస్తున్నారు.

న్యూఢిల్లీ: భారత్‌లో యువత నేతృత్వంలో జరుగుతున్న నిరసనలకు బంగ్లాదేశ్‌ ఉద్యమమే స్ఫూర్తి అని విద్యార్థి నాయకురాలు నేహా బోరా (29) పేర్కొన్నారు. ఆమె వ్యాఖ్యలపై భారతీయ జనతా పార్టీ (బీజేపీ) తీవ్ర విమర్శలు చేసింది. కాంగ్రెస్‌ అగ్రనేత రాహుల్‌ గాంధీ, ఆయనకు మద్దతుగా ఉన్నవారి లక్ష్యం రాజకీయ వ్యతిరేకత మాత్రమే కాదని, దేశంలో ప్రభుత్వాన్ని మార్చడమేనని బీజేపీ జాతీయ అధికార ప్రతినిధి ప్రదీప్‌ భండారీ ఆరోపించారు.బంగ్లాదేశ్‌లో జరిగిన పరిణామాలను భారత్‌లోనూ పునరావృతం చేయాలని నేహా బోరా కోరుకుంటున్నారని ఆయన విమర్శించారు. ఈ మేరకు అక్టోబర్‌ 14న సామాజిక మాధ్యమం ఎక్స్‌లో ఆమె వ్యాఖ్యలకు సంబంధించిన వీడియోను పంచుకున్నారు. ఆ వీడియోను భారత ప్రజాస్వామ్యానికి ముప్పుగా అభివర్ణించారు.బంగ్లాదేశ్‌ ఉద్యమంతో పోల్చిన నేహా బోరానేహా బోరా ఢిల్లీ జవహర్‌లాల్‌ నెహ్రూ విశ్వవిద్యాలయంలోని కళలు, సౌందర్యశాస్త్ర విభాగంలో డాక్టరేట్‌ కోసం చదువుతున్నారు. ఆమె ఒక ఇంటర్వ్యూలో భారతదేశంలో జరుగుతున్న యువత ఉద్యమం తొలుత బంగ్లాదేశ్‌లో ప్రారంభమైందని పేర్కొన్నారు. ‘‘ఈ దేశమంతటా మనం చూస్తున్న జెన్‌ జీ ఉద్యమం మొదట బంగ్లాదేశ్‌లోనే ప్రారంభమైంది. మాకు దారి చూపినందుకు, ఈ దేశ యువతకు సంఘీభావం తెలిపినందుకు మీకు అభినందనలు’’ అని ఆమె వ్యాఖ్యానించారు.భారత్‌, బంగ్లాదేశ్‌లో ప్రజాస్వామ్య, ఓటు హక్కుల పరిరక్షణ కోసం పోరాటాలు జరుగుతున్నాయని బోరా పేర్కొన్నారు. ప్రధాన ఎన్నికల కమిషనర్‌ జ్ఞానేశ్‌ కుమార్‌పై ఆరోపణలు చేస్తూ, ఆయన రాజీనామా కోరుతూ భారత్‌లో నిరసనలు జరుగుతున్నాయని వివరించారు. బంగ్లాదేశ్‌లో మత ఛాందసవాదానికి వ్యతిరేకంగా జరిగిన పోరాటం తరహాలోనే భారత యువత కూడా పోరాడుతోందని అన్నారు. రెండు దేశాల ప్రజలు కలిసి మెరుగైన దక్షిణాసియా, మెరుగైన ప్రపంచం కోసం కృషి చేయాలని ఆకాంక్షించారు.రాహుల్‌ గాంధీపై బీజేపీ విమర్శలునేహా బోరా వ్యాఖ్యలను ప్రస్తావిస్తూ, రాహుల్‌ గాంధీ, కాంగ్రెస్‌ వర్గాల లక్ష్యం భారత రాజ్యాంగాన్ని, ప్రజాస్వామ్యాన్ని దెబ్బతీయడమేనని భండారీ ఆరోపించారు. బంగ్లాదేశ్‌లో జరిగినట్లుగా భారత్‌లోనూ అధికార మార్పు తీసుకురావాలని వారు భావిస్తున్నారని విమర్శించారు. ప్రజాస్వామ్యాన్ని విశ్వసించే ప్రతి ఒక్కరూ రాహుల్‌ గాంధీని వ్యతిరేకించాలని పిలుపునిచ్చారు.బంగ్లాదేశ్‌లో విద్యార్థుల నేతృత్వంలో జరిగిన నిరసనలు దేశవ్యాప్త ఆందోళనలకు దారితీయడంతో 2024 ఆగస్టు 5న అప్పటి ప్రధాని షేక్‌ హసీనా పదవి నుంచి వైదొలగాల్సి వచ్చింది. ఈ పరిణామాలను ప్రస్తుత భారత రాజకీయ నిరసనలతో పోల్చడమే తాజా వివాదానికి కేంద్రంగా మారింది.ప్రతిపక్ష నిరసనల్లో నేహా బోరాఈ వారంలో నేహా బోరా.. జ్ఞానేశ్‌ కుమార్‌ రాజీనామా డిమాండ్‌తో సుప్రీంకోర్టు వైపు సాగిన ఇండియా కూటమి నేతల నిరసన ప్రదర్శనలో పాల్గొన్నారు. ఆందోళనలన్నీ ఒకే ఉద్యమంలో భాగమని రాహుల్‌ గాంధీ పేర్కొన్నారు. రాజ్యాంగాన్ని పరిరక్షించేందుకు ముందుకొచ్చే వారందరికీ తమ మద్దతు ఉంటుందని తెలిపారు. నేహా బోరా గతంలో పరీక్ష పత్రాల లీకేజీ ఆరోపణలపై జరిగిన నిరసనల్లోనూ పాల్గొన్నారు.జంతర్‌ మంతర్‌ వద్ద ఆమె చేసిన ప్రసంగాలు సామాజిక మాధ్యమాల్లో విస్తృతంగా ప్రచారంలోకి వచ్చాయి. జ్ఞానేశ్‌ కుమార్‌ రాజీనామా కోరుతూ జరిగిన ఆందోళనల్లోనూ ఆమె పలుమార్లు పోలీసుల అదుపులోకి వెళ్లి విడుదలయ్యారు. నేహా బోరా వ్యాఖ్యలపై బీజేపీ చేసిన ఆరోపణలు అధికార, ప్రతిపక్షాల మధ్య రాజకీయ వివాదాన్ని మరింత తీవ్రం చేశాయి. అయితే, బోరా పేర్కొన్న ప్రజాస్వామ్య హక్కుల పరిరక్షణ అంశాలు, బీజేపీ ఆరోపించిన అధికార మార్పు లక్ష్యం రెండూ వేర్వేరు వాదనలుగా ఉండటంతో ఈ వివాదంపై ఇరు పక్షాల స్పందనలు రాజకీయ చర్చలో కీలకంగా మారనున్నాయి.ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే

అస్సాంలో ప్రతి ఐదేళ్లకోసారి ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) చేపట్టాలని బీజేపీ కోరుకుంటోందని రాష్ట్ర మంత్రి జయంత మల్ల బరువా తెలిపారు. రాష్ట్ర ఓటర్ల జాబితాలో విదేశీయుల పేర్లు ఒక్కటి కూడా ఉండకూడదని, అందుకోసం ఈ ప్రక్రియ అవసరమని ఆయన పేర్కొన్నారు.అస్సాంలోని నల్బారిలో జరిగిన జన జాగరణ్‌ సమ్మేళనంలో పాల్గొన్న బరువా.. కాంగ్రెస్‌ అగ్రనేత రాహుల్‌ గాంధీపై విమర్శలు గుప్పించారు. ఎలక్ట్రానిక్‌ ఓటింగ్‌ యంత్రాల (ఈవీఎంల) విశ్వసనీయతపై కాంగ్రెస్‌ చేస్తున్న ఆరోపణలను ఆయన తప్పుబట్టారు. బ్యాలెట్‌ పత్రాల ద్వారా ఎన్నికలు నిర్వహించాలన్న ప్రతిపక్షాల డిమాండ్‌ను కూడా ప్రస్తావించారు.“అస్సాంలో ప్రతి ఒక్కరూ ఎస్‌ఐఆర్‌ను కోరుకుంటున్నారు. రాష్ట్ర ఓటర్ల జాబితాలో ఒక్క విదేశీయుడి పేరు కూడా ఉండకూడదు” అని బరువా అన్నారు. అక్రమ వలసలకు వ్యతిరేకంగా అసోంలో ఆరేళ్లపాటు సాగిన ఉద్యమాన్ని ప్రస్తావిస్తూ.. రాష్ట్రంలో ఓటర్ల జాబితాను క్షుణ్ణంగా పరిశీలించాల్సిన ప్రత్యేక పరిస్థితులు ఉన్నాయని ఆయన వివరించారు.కాంగ్రెస్‌ ఈవీఎంలను నిందిస్తోంది.. ఎన్నికల్లో ఓడిపోయిన ప్రతిసారీ కాంగ్రెస్‌ ఈవీఎంలను నిందిస్తోందని బరువా ఆరోపించారు. “కాంగ్రెస్‌ ఎప్పుడూ ప్రజల పక్షాన నిలబడదు. అందుకే ఆ పార్టీ వరుసగా ఓడిపోతోంది. ఓటమి తర్వాత ఈవీఎంలను, కొన్నిసార్లు బ్యాలెట్‌ పత్రాలను నిందిస్తుంది. లేదంటే ఇతర సాకులు చెబుతుంది” అని విమర్శించారు. బ్యాలెట్‌ పత్రాలతో ఎన్నికలు నిర్వహిస్తే పోటీకి సిద్ధమా అంటూ ప్రతిపక్షాలకు అస్సాం ముఖ్యమంత్రి హిమంత బిశ్వ శర్మ ఇటీవల సవాల్‌ చేసిన విషయాన్ని కూడా ఆయన ప్రస్తావించారు.నల్బారిలో జరిగిన ఈ సభకు 30,000 మందికి పైగా హాజరైనట్లు నిర్వాహకులు తెలిపారు. కేంద్రంలో, అసోంలో బీజేపీ నేతృత్వంలోని ప్రభుత్వాలకు యువత మద్దతు ప్రకటించారని బరువా పేర్కొన్నారు. మహిళలు కూడా జాతీయ అంశాలపై ప్రభుత్వ వైఖరికి మద్దతుగా ముందుకొస్తున్నారని చెప్పారు. పౌరసత్వ సవరణ చట్టాన్ని (సీఏఏ) వ్యతిరేకించిన కొన్ని సంఘాలు దేశ ప్రయోజనాలకు వ్యతిరేకంగా పనిచేస్తున్నాయని ఆయన ఆరోపించారు.అక్రమ వలసలు, ఓటర్ల జాబితాల ప్రక్షాళన అస్సాంలో చాలాకాలంగా రాజకీయంగా వివాదాస్పద అంశాలుగా ఉన్నాయి. ఈ నేపథ్యంలో ప్రతి ఐదేళ‍్లకోసారి ఎస్‌ఐఆర్‌ నిర్వహించాలన్న బీజేపీ డిమాండ్‌పై ఎన్నికల సంఘం వైఖరి, దాని అమలుకు సంబంధించి తదుపరి పరిణామాలు కీలకం కానున్నాయి.

ఉత్తరప్రదేశ్‌లోని కాన్పూర్‌లో ఇటీవల బీజేపీ నేత రమేష్ యాదవ్‌ బీజేపీ పిచ్డా మోర్చా (వెనుకబడిన తరగతుల విభాగం) నూతన రాష్ట్ర కార్యదర్శిగా ఎంపికయ్యారు. ఈ సందర్భంగా పార్టీ శ్రేణులు, అభిమానులతో భారీ ఎత్తున పార్టీ జరుపుకున్నారు. ఈ వేడుకలు రాత్రి పొద్దుపోయే వరకు కొనసాగాయి. సోమవారం లక్నోలో పదవీ బాధ్యతలు స్వీకరించిన అనంతరం కాన్పూర్‌కు తిరిగి వచ్చారు. అయితే ఆ రోజు ఆయనకు ఒక పీడకలలా మిగిలిపోతుందని అస్సలు ఊహించి ఉండరు. ఆయనను సొంత ఇంటిలోనే బంధించి, విలువైన వస్తువులు, నగదును దోచుకుని పరారైన ఘటన కలకలం రేపింది.పార్టీ బాధ్యతలు స్వీకరించి తరువాత రమేష్ యాదవ్ విశ్రాంతి తీసుకోవడానికి కాన్పూర్ సమీపంలోని తన ఫాంహౌస్‌కు చేరుకున్నారు. అర్ధరాత్రి సమయంలో ముసుగు ధరించిన దుండగులు ఆయన ఫాంహౌస్‌లోకి చొరబడి, ఆయనను బంధించి, రూ. 50 లక్షల విలువైన నగదు, విలువైన వస్తువులను దోచుకెళ్లారు. నగరానికి సుమారు 15 కిలోమీటర్ల దూరంలో ఉన్న తన ఫాంహౌస్‌లో ఆయన విశ్రాంతి తీసుకుంటుండగా, సినీ ఫక్కీలో ముసుగు దొంగలు బీభత్సం సృష్టించారు. పోలీసులకు ఆయన ఇచ్చిన సమాచారం ప్రకారం రమేష్ యాదవ్‌ చేతులు కట్టేసి మరీ ఈ దారుణానికి పాల్పడ్డారు.పాలక పార్టీకి చెందిన ప్రముఖ నేత నివాసంలో జరిగిన ఈ దోపిడీ పోలీసు శాఖలో కలకలం రేపింది. రాత్రికి రాత్రే సీనియర్ అధికారులు ఘటనా స్థలానికి చేరుకున్నారు. జాయింట్ పోలీస్ కమిషనర్ డాక్టర్ విపిన్ తాడా, డీసీపీ (సౌత్) దీపేంద్ర నాథ్ చౌదరి, భారీ పోలీసు బలగాలు ఆ ప్రాంతానికి చేరుకుని దర్యాప్తు ప్రారంభించాయి. సీసీటీవీలను పరిశీలిస్తున్నారు. నివేదికల ప్రకారం, నలుగురు సెక్యూరిటీ గార్డులు, నలుగురు గన్‌మెన్‌లు, డ్రైవర్‌తో సహా సుమారు 14 మంది సిబ్బందిని విచారణ నిమిత్తం అదుపులోకి తీసుకున్నారు. అయితే ఇప్పటివరకు పోలీసులు దొంగలను గుర్తించలేకపోయారు.ఇదీ చదవండి: రూ. 8.28 కోట్ల బంగారం చోరీ, అంతా 12 నిమిషాల్లోనే!

సాక్షి, అమరావతి: ‘‘ముష్టి వేస్తున్నారా...? ప్రతిసారీ ఇదే నరకమా..? మాకు రావలసిన న్యాయమైన వాటా కోసం ఇంత దేబిరించాలా? ’’ ఇదీ జనసేన నేతల అంతర్మథనం. ‘‘అడుగుతున్నవే కొన్ని.. వాటిలోనూ కోతలు.. బలం ఉన్న స్థానాలనే అడుగుతుంటే వాటిని కూడా మార్చేస్తున్నారు. పార్టీ అధినేత పవన్‌ కళ్యాణ్‌ సీఎం చంద్రబాబును కలుసుకుని తాము ఆశిస్తున్న స్థానాలకు సంబంధించిన పూర్తి వివరాలను ఇచ్చిన తర్వాత కూడా ఇంత పీకులాట అవసరమా’’ అని పార్టీ శ్రేణులు ప్ర­శ్నిస్తున్నాయి. ప్రతిసారీ మోసపోవలసి వస్తోందని ఆవేదన వ్యక్తం చేస్తున్నాయి. అసెంబ్లీ ఎన్నికల సమయంలో తగ్గించుకున్నామని, ఇపుడు కూడా తగ్గించుకోవాలంటే ఎలా అని పార్టీ నాయకులు ప్రశ్నిస్తున్నారు. తాడో పేడో తేల్చుకుని అన్ని స్థానాల్లో రంగంలోకి దిగితే మేలని, అందుకు ఇదే సరైన సమయమని కొందరు సోషల్‌ మీడియాలో పోస్టులు పెడుతున్నారు. పార్టీ కోసం కష్టపడి కొన్ని స్థానాల్లో పట్టు సాధిస్తే వాటిపై పట్టుబట్టాల్సింది పోయి పార్టీ అధి­నాయకత్వం కూడా పట్టించుకోకపోతే ఎలా.. టీడీపీ చెప్పినదానికల్లా తలాడిస్తే ఎలా? ఇప్పటికైనా గట్టిగా స్పందించవద్దా? అని జనసేన నేతలు ప్రశ్నిస్తున్నారు. కొలిక్కి రాని చర్చలు.. వాయిదా..మరోవైపు సీట్ల పంపకంపై మంగళవారం అర్ధరాత్రి వరకు జరిగిన చర్చలు బుధవారానికి వాయిదా పడ్డాయి. కూటమి పార్టీల మధ్య కసరత్తు కొలిక్కి రాలేదు. జనసేన అడుగుతున్న 6 మేయర్, 38 మున్సిపల్‌ చైర్మన్‌ స్థానాలను ఇచ్చేందుకు టీడీపీ సిద్ధంగా లేదని తెలిసింది. ముఖ్యమంత్రి చంద్రబాబు నివాసంలో నాదెండ్ల మనోహర్, సత్యకుమార్, పల్లా శ్రీనివాసరావు మంగళవారం పొద్దుపోయేవరకు చర్చలు జరిపారు. అలాగే రిజర్వేషన్లు ప్రకటించడంతో.. జనసేన తమకు బలమైన అభ్యర్థులు ఉన్నారని అనుకుంటున్న స్థానాల్లో పరిస్థితి తలకిందులయ్యేలా మారింది. ఇది మరింత గందరగోళానికి కారణమయ్యింది. చర్చలు జరుగుతుండగానే రిజర్వేషన్లు ఖరారు చేసేసి తమ ఆశలకు గండి కొట్టారని జనసేన నాయకులు మండిపడుతున్నారు. అలిగినట్టు.. రాయబారం జరిగినట్టు..మంగళవారంనాటి పరిణామాల నేపథ్యంలో పవన్‌ కళ్యాణ్‌ అలిగినట్లు ప్రచారం జరిగింది. టీడీపీ రాష్ట్ర అధ్యక్షుడు పల్లా శ్రీనివాసరావు, మంత్రి నిమ్మల రామానాయుడు మంగళవారం జనసేన కార్యాలయానికి వచ్చారు. అయితే సీట్ల సర్దుబాటుకు సంబంధించి పార్టీ నేతలు నాదెండ్ల మనోహర్, లింగమనేనితో మాట్లాడుకోవాలని సూచించి పవన్‌ చర్చలకు దూరంగా ఉన్నారని ప్రచారం జరిగింది. ఇప్పటికైనా అధినాయకత్వం స్పందించాలి..బలం ఉన్న చోటేగా అడుగుతున్నాం.. పార్టీకోసం కష్టపడిన నాయకులను ఇలా గాలికి వదిలేస్తారా అని జనసేన నాయకులు మధనపడుతున్నారు. అడుగుతున్నవే కొన్ని కదా.. వాటినీ ఇవ్వకపోతే ఎలా.. పార్టీ అధినాయకత్వం దీనిపై గట్టిగా నిలబడాలి.. ఇప్పటికైనా గట్టిగా స్పందించాలి అని నాయకులు, శ్రేణులు కోరుతున్నారు. చంద్రబాబుతో పవన్‌ కళ్యాణ్‌ సుదీర్ఘంగా చర్చించిన తర్వాత కూడా పరిస్థితి ఇలా ఉండడమేమిటి అని నాయకులు ప్రశ్నిస్తున్నారు. అసలు ఇదంతా పార్టీ అధినాయకత్వానికి తెలిసే జరుగుతోందా అన్న అనుమానాలు కూడా శ్రేణుల్లో రేకెత్తుతున్నాయి.అడిగిన చోటే వేటుమేయర్, మున్సిపల్‌ చైర్మన్‌ స్థానాల కోసం జనసేన, బీజేపీ ముందుగానే జాబితాలు అందించాయి. కానీ వాటిని పరిగణనలోకి తీసుకోకుండా ఎన్నికల షెడ్యూల్‌ విడుదలకు ముందు చంద్రబాబు రిజర్వేషన్లు ఖరారు చేసి ఉత్తర్వులు జారీ చేయించేశారు. దీంతో జనసేన, బీజేపీ ముందుగా అనుకున్న స్థానాలన్నీ రిజర్వేషన్లతో తారుమారైనట్లు తెలుస్తోంది. తాము కోరిన స్థానాలను రిజర్వు చేయడం సరికాదని, ఉద్దేశపూర్వకంగానే ఈ పని చేశారని జనసేన వర్గాలు ఆరోపిస్తున్నాయి. సీట్లు ఇవ్వలేమని చెప్పకుండా, రిజర్వేషన్ల ముసుగులో తమ నాయకులను పోటీ నుంచి తప్పించారని మండిపడుతున్నాయి. సీటు ఇచ్చినట్టే ఇచ్చి, అక్కడ నిలబెట్టేందుకు అభ్యర్థే లేకుండా చేయడం నమ్మకద్రోహం కాక మరేమిటని నిలదీస్తున్నాయి.పిఠాపురం ఎస్సీ రిజర్వుడు..పవన్‌ కళ్యాణ్‌ ప్రాతినిధ్యం వహిస్తున్న పిఠాపురం అసెంబ్లీ పరిధిలోని పిఠాపురం మున్సిపాలిటీని ఎస్సీ రిజర్వుడుగా ఖరారు చేయించారు. ఇదంతా పవన్‌కు తెలియకుండా జరిగిందా అని పార్టీ నాయకులు, శ్రేణులు ఆవేదన వ్యక్తం చేస్తున్నాయి. ఉప ముఖ్య­మంత్రి సొంత ఇలాకా విషయంలోనే ఈ పరిస్థితి ఉంటే సాధారణ జనసేన నేతల పరిస్థితి ఏంటని ఆ పార్టీ కార్యకర్తలు ఆక్రోశిస్తున్నారు. జనసేన కోరుతున్న పలు మేయర్, మున్సిపల్‌ ఛైర్మన్‌ పీఠాల విషయంలో ఇలాగే ఏకపక్షంగా రిజర్వేషన్లు మార్చినట్లు సమాచారం. జనసేన ఆశిస్తున్న కాకినాడ, మచిలీపట్నం స్థానాలను బీసీ మహిళలకు కేటాయించడాన్ని వారు జీర్ణించుకోలేకపోతున్నారు. అలాగే జనసేన ఎమ్మెల్యేలున్న ప్రాంతాల్లో వారిని సంప్రదించకుండానే రిజర్వేషన్లు ఖరారు చేయడంపై వారు ఆగ్రహం వ్యక్తం చేస్తున్నారు.రాజమండ్రిలో బీజేపీకి షాక్‌బీజేపీ విషయంలోనూ అదే తంతు. రాజమండ్రి మే­యర్‌ స్థానంపై బీజేపీ ఆశలు పెట్టుకోగా ఆ స్థానాన్ని కూడా ఎస్సీకి రిజర్వ్‌ చేశారు. దీంతో అక్కడ పోటీకి సిద్ధమైన బీజేపీ నేతల ఆశలు ఆవిరయ్యాయి. తమ­ను సంప్రదించకుండానే రిజర్వేషన్లు ఖరారు చేయడంపై బీజేపీ నేతలు తీవ్ర అసంతృప్తితో ఉన్నారు.చేసిందంతా చేసి.. నీతులుఈ నేపథ్యంలోనే రిజర్వేషన్లు మార్చాలని జనసేన నేత నాదెండ్ల మనోహర్, బీజేపీ నేత మాధవ్‌ చంద్రబాబును కోరినట్లు తెలిసింది. ఆయన మాత్రం అందుకు అంగీకరించకుండా చట్టబద్ధమైన ప్రక్రియలో రాజకీయ జోక్యం ఉండకూడదని సెలవిచ్చినట్లు ప్రచారం జరుగుతోంది. చేసేదిలేక కొత్త స్థానాలు, కొత్త అభ్యర్థులను వెతుక్కునేందుకు కాస్త గడువు ఇవ్వాలంటూ జనసేన, బీజేపీలు అడుగుతున్నాయి.విజయవాడపైనా మెలికజనసేనకు విజయవాడ, మచిలీపట్నం, కాకినాడ ఇస్తామని ప్రాథమికంగా ఆశ చూపిన టీడీపీ, ఇప్పుడు అందులోనూ మెలిక పెడుతున్నట్లు సమాచారం. రాజధాని ప్రాంతమైన ఉమ్మడి కృష్ణాలో రెండు కీలక కార్పొరేషన్లు జనసేనకు ఎలా ఇస్తామంటూ టీడీపీ నేతలు అడ్డం తిరుగుతున్నారు. విజయవాడ మేయర్‌ స్థానం అన్‌రిజర్వ్‌డ్‌ కావడం, జనసేన తరఫున వంగవీటి రాధా సతీమణి పోటీ చేస్తారన్న ప్రచారంతో అక్కడి టీడీపీ ఎమ్మెల్యేలు చక్రం తిప్పుతున్నట్లు తెలిసింది. కాగా, బీజేపీ తిరుపతి, నెల్లూరు కార్పొరేషన్లు కావాలని కోరగా రెండింటికీ నో చెప్పినట్లు సమాచారం. వేరే ఏదైనా కార్పొరేషన్‌ చూసుకోవాలని సూచించినట్లు తెలిసింది.

న్యూఢిల్లీ: ఎన్ని ఉద్యమాలు చేసినా దేశ ప్రజలు బీజేపీ, ఎన్‌డీఏ, ప్రధాని మోదీ వెంటే ఉన్నారని, రాహుల్‌గాంధీ సారథ్యంలో కాంగ్రెస్‌ మరోమారు లోక్‌సభ ఎన్నికల్లో ఓడిపోవడం ఖాయమని బీజేపీ అగ్రనేత, కేంద్ర హోం మంత్రి అమిత్‌ షా వ్యాఖ్యానించారు. సీఈసీ జ్ఞానేశ్‌ రాజీనామా డిమాండ్‌లు వెల్లువెత్తాక తొలిసారిగా అమిత్‌ షా తాజా ఉద్యమాలపై స్పందించారు. మంగళవారం షా ఢిల్లీలో మీడియాతో మాట్లాడారు. ‘‘రాహుల్‌జీ, ఆయన మిత్రపక్ష భాగస్వాములకు ఒక విషయం చెప్పదల్చుకున్నా.2029లో మీరంతా దారుణమైన ఓటమిని చవిచూసేందుకు సిద్ధంగా ఉండండి. 2029 సార్వత్రిక ఎన్నికల్లో బీజేపీ స్పష్టమైన మెజార్టీతో గెలవబోతోంది. కాంగ్రెస్‌ వరసగా నాలుగోసారి ఓటమి కూపంలో కూరుకుపోనుంది. దేశ ప్రజలంతా మోదీ, బీజేపీ, ఎన్‌డీఏ వెన్నంటే ఉన్నారు. ఈ నిజాన్ని నమ్మక తప్పదు’’అని అన్నారు. ‘‘ఢిల్లీలో ఒకటిన్నర కిలోమీటర్‌ పొడవునా 8,000 మంది జనం మధ్య 14 రాజకీయ పార్టీలతో కలిసి కదం తొక్కినంత మాత్రాన రాహుల్‌గాంధీ దేశ గొంతుకగా మారిపోరు.ప్రజాగొంతుక అనేది దేశంలో సస్యశ్యామలమైన పొలాల్లో, గ్రామాల్లో, సుదూర కొండలు, అడవులు, నదీపరివాహకప్రాంతాల్లోనూ విని్పస్తుంది. మీరు ఈ ప్రాంతాలను ఎన్నటికీ చేరుకోలేరు. బిహార్, ఉత్తర ప్రదేశ్, తమిళనాడు ఇలా చాలా రాష్ట్రాల్లో ఓటర్లు మిమ్మల్ని తిరస్కరించారు. అందుకే మీ పార్టీ తరచూ ఓడిపోతూనే ఉంది. పశ్చిమబెంగాల్, తమిళనాడు, పుదుచ్చెరి ఉప ఎన్నికల్లో కాంగ్రెస్‌ ఒక్క చోట అయినా విజయకేతనం ఎగరేయలేక చతికిలపడింది’’అని అన్నారు. ఓట్ల జాబితా ప్రత్యేక సమగ్ర సవరణ, సీఈసీ జ్ఞానేశ్‌ వ్యతిరేక నిరసనలపై షా స్పందించారు. ‘‘తప్పుడు రాజకీయాలతో కాంగ్రెస్‌కు ఒనగూరేదేమి ఉండదు.అయినా రాహుల్‌ పార్టీలో కీలక నేతగా ఎదిగాక, పార్టీ అధ్యక్షుడయ్యాక, దిగిపోయి తర్వాత విపక్షనేతగా ఎంపికయ్యాక సైతం పార్టీ ఎలాంటి ఘనతలు సాధించలేదు పైగా నిరాటంకంగా ఓడిపోతోంది. మరీ ముఖ్యంగా 2024లో ఎస్‌ఐఆర్‌ మొదలయ్యాక కాంగ్రెస్‌ ఓటముల జోరు ఎక్కువైంది. గతంలో గద్దెనెక్కి పరిపాలించిన గుజరాత్‌లో కాంగ్రెస్‌ గత 41 ఏళ్లుగా ఓటమిని చవిచూస్తోంది. ఈ లెక్కన ఇకనైనా రాహుల్‌ ఆత్మావలోకనం చేసుకుంటే మంచిది. కృత్రిమ మీడియా కార్యక్రమాలు, అబద్ధాలను రాజధాని నడివీధుల్లో వల్లెవేసినంత మాత్రాన మీరు ప్రజల విశ్వాసాన్ని పొందలేరు. చొరబాటుదారులను ఓటర్లుగా మార్చాలని రాహుల్‌ చేస్తున్న ప్రయత్నాలను ప్రజలంతా గమనిస్తూనే ఉన్నారు’’అని షా అన్నారు.ఇదీ చదవండి: జంతర్‌మంతర్‌ వద్ద సీజేపీ ఆందోళన

యువతరంతో పాటు పౌరసమాజపు విశ్వాసం సీజేపీ చుట్టూ కేంద్రీకృతమవుతున్నట్లు కనిపిస్తున్నది. అధికార, ప్రతిపక్షాలు కాక సీజేపీ ఒక మూడవ ధ్రువంగా కొనసాగుతుందనే అభిప్రాయం కలుగుతున్నది.దేశం ఫాసిజంలోకి ప్రవేశించిందా లేక అంతకన్నా ముందటి దశలో ఉందా అనే చర్చ కొద్ది సంవత్సరాల క్రితం జరిగి ఆగిపోయింది. ఇప్పుడు మరోసారి ముందుకు వస్తున్నది. అయితే ఫాసిజం అన్నది చాలా పెద్ద మాట గనుక మేధావులకు పరిమితం కాగా, సామాన్యుల నోట నియంతృత్వమన్నది ఇప్పుడు విరివిగా వినవస్తున్నది. జెన్‌–జీ పరిధిని దాటి పౌరులు, జర్నలిస్టులు 1975 నాటి ఎమర్జెన్సీని గుర్తుచేస్తూ, ప్రస్తుత ప్రభుత్వ చర్యలు కొన్ని అంతకు మించి పోతున్నాయని చెప్తున్నారు. చివరకు సుప్రీంకోర్టు కూడా చిన్న ఈగను పెద్ద సుత్తితో ఎందుకు కొడుతున్నారని ప్రశ్నించగా, మానవహక్కుల హరణ తగదని ఐక్యరాజ్యసమితి హితవు చెప్పింది.అధికారంలో ఉన్నా... అభద్రతాభావం!ఎవరు ఏ మాటలు ఉపయోగిస్తున్నా ఒకటి మాత్రం స్పష్టంగా కనిపిస్తున్నది. ప్రస్తుత ప్రభుత్వ చర్యలు దేశ విదేశాలలో ప్రజాస్వామ్యం అన్న మాటను వెక్కిరింతగా మార్చాయంటున్నారు. దేశంలో ఎన్నెన్ని సమస్యలు, ఎన్నెన్ని లోటుపాట్లయినా ఉండవచ్చుగాక. కానీ ఇంతటి మహా వైవిధ్యత గల ఒక బడుగు దేశం స్వాతంత్య్రం సిద్ధించిన రోజు నుంచే అతి పెద్ద ఆధునిక ప్రజాస్వామ్యంగా అవతరించటం, ఎన్నెన్ని ఒడిదుడుకులు ఎదురైనా ఒకే వ్యవస్థగా కొనసాగటాన్ని ప్రపంచ మేధావులు ఒక అద్భుతంగా గుర్తించి కొనియాడారు. అందుకే అటువంటి స్థితిలో 1975 నాటి ఎమర్జెన్సీ ఎంతటి దిగ్భ్రాంతిని కలిగించిందో, ప్రస్తుతం గత కొద్ది మాసాల పరిణామాలు అంతే స్థాయిలో తోస్తున్నాయి. స్వతంత్ర భారతదేశపు 80 సంవత్సరాల చరిత్రలో ఇవి రెండూ అసాధారణ అనుభవాలుగా మిగులుతున్నాయి. వాటిలో ఒకటి కాంగ్రెస్‌ సృష్టించినది కాగా, రెండవది బీజేపీ చేస్తున్న పని.ఇంతకూ ఎన్‌.డి.ఎ. ప్రభుత్వం ఇట్లా ఎందుకు వ్యవహరిస్తున్నదనేది ప్రశ్న. 1975లో ఇందిరాగాంధీకి వలె ఇప్పటికిప్పుడు వారి అధికారానికి వచ్చిన ముప్పేమీ లేదు. తదుపరి లోక్‌సభ ఎన్నికలకు ఇంకా మూడేళ్ల సమయం ఉంది. గత ఎన్నికలలో మెజారిటీ తగ్గినా ఇతరుల మద్దతు ఉండటం, ప్రతిపక్షాల బలహీనతలు కొనసాగటం, వాటితో పాటు అవసరమైతే కొత్తవారిని చేర్చుకోగల సమర్థతలు ఉన్నప్పుడు ఇలా ఎందుకు చేస్తోందన్నది బోధపడని విషయం. ప్రజలలో అసంతృప్తి పెరుగుతున్నట్లు భావించిన పక్షంలో రాగల మూడేళ్లలో మెరుగైన పాలన ద్వారా వారిని మెప్పించే అవకాశమూ ఉంది. అయినా ఎందుకిది?మనకు అర్థం కానిదేదో భయం నాయకత్వపు మనస్సులలో తిరిగి భయపెడుతున్నది. ఆ భయం వారితో తొందరపాటు అడుగులు వేయిస్తున్నది. వర్తమానానికి వస్తే, అటువంటి మొదటి పెద్ద తప్పు నీట్‌ పేపర్‌ లీక్‌ విషయంలో జరగగా, రెండవది ఓటర్‌ జాబితాల సవరణకు (సర్‌) సంబంధించి కనిపిస్తున్నది. వీటిలో మొదటిది కొద్దిపాటి చాకచక్యంతో తేలికగా పరిష్కరించగలదే. పరీక్షాపత్రం లీక్‌ కాగానే ఆ పరీక్షను రద్దు చేసి, అభ్యర్థులకు భరోసానిచ్చి, బాధ్యులపై సత్వర చర్యలు తీసుకుని, ఇకపై లీక్స్‌ లేకుండా ఎటువంటి చర్యలు తీసుకుంటారో ప్రకటించి ఉంటే తదనంతర సమస్యలు తలెత్తేవి కావు. బహుశా కాక్రోచ్‌లన్నవి ఉనికిలోకి వచ్చేవే కావు.‘సర్‌’ అన్నది పూర్తిగా భిన్నమైనది. అధికార పక్షం, ఎన్నికల సంఘం ఎన్నెన్నో వివరణలు ఇస్తూ వచ్చినా అవేవీ నిలిచేవి కాదని ఇప్పటికే తేలిపోయింది. నీట్‌ లీకేజీ సంఘర్షణ యువతరానికి, వారి కుటుంబాలకు పరిమితమై సాగగా; ‘సర్‌’ సంఘర్షణ యావత్‌ సమాజంతో మొదలైంది. సీజేపీ పుట్టుకకు ముందే సర్‌ సందేహాలు ప్రతి కుటుంబాన్నీ ఆందోళన పరిచాయి. ఈ రెండు ఉదంతాలు వెంటవెంటనే తలెత్తడంతో ప్రభుత్వం ఉక్కిరిబిక్కిరవుతున్నది.అయితే నీట్‌ విషయంలో పైన చెప్పుకున్నట్లు ఒక ఎస్కేప్‌ రూట్‌ ఉండగా, ‘సర్‌’ విషయంలో లేకపోవటమన్నది సంకటస్థితి. ఇందుకు సంబంధించి ఇన్నిన్ని అనేక మార్గాలను ఒకే పద్ధతి ప్రకారం అనుసరించిన తర్వాత, వెనుకకు పోవడమంటే తమ పొరపాట్లను తామే అంగీకరించడమవుతుంది. అట్లాగని ఇదే మార్గంతో ముందుకు పోవటం కూడా అసాధ్యంగా మారిపోయింది.ఎమర్జెన్సీ ఛాయల్లో నేటి పాలనకాక్రోచ్‌ ఆందోళనలు కానీ, ప్రతిపక్షాల ఆందోళనలు గానీ, ఇతర ఆందోళనలు గానీ పూర్తిగా శాంతియుతంగా జరుగుతున్నా ప్రభుత్వం ఇంత అసహనంగా వ్యవహరిస్తూ దేశవిదేశాలలోని వారికి 1975 ఎమర్జెన్సీని, ఫాసిజాన్ని, నియంతృత్వాన్ని ఎందుకు గుర్తుకు తెస్తున్నదనే ప్రశ్న ఒకటి పలువురిని వేధిస్తున్నది. మొదటిసారి కాక్రోచ్‌ ఒత్తిడిని తట్టుకోలేక విద్యామంత్రి విషయంలో రాజీపడ్డారు. కానీ రెండవసారి ఎట్టి పరిస్థితులలోనూ రాజీపడరాదనే దృఢ నిర్ణయంతో ఉన్నారన్నది ఒక నిర్వచనం.జ్ఞానేశ్‌ కుమార్‌ కొనసాగుదల తమ అధికార పరిరక్షణకు కీలకం కావటం (ఇది కాక్రోచ్‌ల మాట) అన్నది మరొక నిర్వచనం. మే నెల మధ్యలో ఏర్పడినప్పటి నుంచి ప్రతి విషయంలో, అడుగడుగునా ఎంతో వివేకంగా ఉద్యమాన్ని నిర్వహిస్తూ వస్తున్న సీజేపీ నాయకత్వం ‘సర్‌’కు సంబంధించి కూడా వేసిన వ్యూహాన్ని ఎవరూ గుర్తించినట్లు లేరు. మామూలుగానైతే ఓటుహక్కు పోవటమన్నది పౌరులు, పార్టీలు ఆందోళన చెందే విషయం. కానీ ఆ సమయంలో ‘స్కూల్‌ ఠీక్‌ కరో’ (పాఠశాలలను బాగు చేయండి) కార్యక్రమంలో ఉండిన సంస్థ నాయకత్వం, యువతరంతో.. మన సమస్యలు లేవనెత్తాలంటే చట్టసభలకు మంచివారిని ఎన్నుకోవాలి.అట్లా ఎన్నుకోవాలంటే మనకు ఓటు హక్కుంటూ ఉండాలి. కానీ ప్రభుత్వం, ఎన్నికల సంఘం మనకు ఆ హక్కు లేకుండా చేస్తున్నారంటూ లింక్‌ చేయటం యువతరాన్ని ఒక్కసారిగా కదిలించింది. వారితోపాటు, రాజకీయ పార్టీల పట్ల విశ్వాసాన్ని చాలావరకు కోల్పోయిన పౌరసమాజం కూడా సీజేపీ నాయకత్వంతో నిలిచింది. వారికి ఇంత అపూర్వ స్పందనలు రావడం అందువల్లనే.ఆవిర్భవించనున్న మూడో ధ్రువంఇక ముందువైపు దృష్టిసారిస్తే కనిపించేది ఈ విధంగా ఉంది. ఒకవైపు బీజేపీ, రెండవవైపు ‘ఇండియా’ కూటమి, మూడవవైపు కాక్రోచ్‌ పార్టీ. మొదటి రెండూ అధికార రాజకీయం చుట్టూ తిరిగే పార్టీలు. మూడవది, సామాజిక సమస్యలు, యువతరం సంబంధిత విషయాలను కేంద్రంగా చేసుకునే ఉద్యమంగా, ప్రెషర్‌ గ్రూపుగా తనను తాను ప్రకటించుకుంది. ఆ విధంగా ఈ మూడు వేదికలు భవిష్యత్తులో కొనసాగుతాయి.వీటిలో యువతరంతో పాటు పౌరసమాజపు విశ్వాసం సీజేపీ చుట్టూ కేంద్రీకృతమవుతున్నట్లు కనిపిస్తున్నది. అధికార, ప్రతిపక్షాలు కాక (భవిష్యత్తులో ఏ పార్టీ ఎటు మారినా) సీజేపీ ఒక మూడవ ధ్రువంగా కొనసాగుతుందనే అభిప్రాయం కలుగుతున్నది. ఇటువంటి ధ్రువం ఒకటి స్వతంత్రమైన రీతిలో భారతీయ సమాజానికి లేదు. అది కనుక క్రమంగా రూపుతీసుకున్నట్లయితే అప్పుడు ముక్కోణపు హోరాహోరీని ‘సర్‌’ సందర్భంలోనే గాక భవిష్యత్తులోనూ చూడగలం. అది దేశానికి, సమాజానికి మేలు చేయగలదు.– టంకశాల అశోక్‌, వ్యాసకర్త సీనియర్‌ సంపాదకుడుఇదీ చదవండి: సంక్షోభాలపై కొత్త చూపు

చెన్నై: కేంద్ర సహాయ మంత్రి, రాజ్యసభ సభ్యత్వానికి ఎల్.మురుగన్ రాజీనామా చేశారు. తమిళనాడులో బీజేపీని బలోపేతం చేయడానికి తన సమయాన్ని కేటాయించాలనుకుంటున్నట్లు పేర్కొంటూ, తన బాధ్యతల నుండి విముక్తి కల్పించాలని కోరుతూ మురుగన్ ప్రధాని నరేంద్ర మోదీకి లేఖ రాశారు."ఇప్పుడు నేను క్షేత్రస్థాయికి తిరిగి వెళ్లి, మా కార్యకర్తలతో కలిసి పనిచేస్తూ, 2029 లోక్‌సభ ఎన్నికల దృష్ట్యా తమిళనాడులో బీజేపీని బలోపేతం చేయడానికి పూర్తి సమయాన్ని కేటాయించాలనుకుంటున్నాను. దేశం మొదట, పార్టీ తర్వాత, స్వప్రయోజనం చివర," అని ఆయన 'X'వేదికగా చేసిన పోస్ట్‌లో పేర్కొన్నారు.It has been the greatest honour of my life to serve Bharat Mata and Tamil Nadu under the leadership of Hon’ble Prime Minister Shri @narendramodi Ji. From the son of daily wage labourers to serving in the Union Council of Ministers under the leadership of Hon’ble PM Shri @narendramodi Ji has been the greatest privilege of my life. Now, I wish to return to the grassroots, stand with our karyakartas and dedicate myself full-time to strengthening the BJP in Tamil Nadu ahead of the 2029 Lok Sabha elections. Nation First. Party Next. Self Last. 🙏🇮🇳 @NitinNabin @blsanthosh— Dr.L.Murugan (@DrLMurugan) October 13, 2026ఈ పరిణామం కేంద్ర మంత్రివర్గంలో త్వరలో మార్పులు చేర్పులు జరగవచ్చన్న ఊహాగానాలకు మరింత బలం చేకూర్చింది. మురుగన్‌కు ముందు, కేంద్ర మంత్రులు జార్జ్ కురియన్, రవ్‌నీత్ సింగ్ బిట్టు కూడా వరుసగా జూన్, జూలై నెలల్లో మంత్రివర్గానికి రాజీనామా చేశారు.ఎవరీ ఎల్.మురుగన్మురుగన్ బీజేపీ తమిళనాడు విభాగం మాజీ అధ్యక్షుడిగా పని చేశారు. అయితే ఆయన మధ్యప్రదేశ్ నుండి రాజ్యసభకు ఎన్నికయ్యారు. రాజ్యసభలో తన పదవీకాలం 2030 వరకు ఉన్నప్పటికీ, ఆ పదవి నుండి తనను విముక్తి చేయాలని మంగళవారం నాడు ప్రధాని మోదీని కోరారు. ఆయన 2020లో బీజేపీ తమిళనాడు అధ్యక్షుడిగా నియమితులయ్యారు. 2021 జూలైలో జరిగిన మంత్రివర్గ పునర్వ్యవస్థీకరణలో మోదీ మంత్రివర్గంలో చేరారు. ఇదీ చదవండి: లడఖ్‌పై చైనాకు భారత్ గట్టి కౌంటర్‌

ఆయనో సీనియర్‌​ పొలిటీషియన్‌. మంత్రిగానూ పని చేశారు. ఇక రాజకీయాల నుంచి దాదాపుగా రిటైర్‌ అయినట్లేనని అంతా అనుకుంటున్నారు. అలాంటి వ్యక్తికి సాయంత్రం పూట మనవడితో కలిసి వాకింగ్‌ చేస్తున్న టైంలో ఓ ఫోన్‌ కాల్‌ వచ్చింది. దాంతో ఆ మాజీ మంత్రి జీవితం ఒక్కసారిగా కొత్త మలుపు తిరిగింది. ఆ ఫోన్‌లోని సమాచారం రావడంతో మనవడిని ముద్దాడుతూ సంబురాలు చేసుకుంది ఆయన కుటుంబం.మధ్యప్రదేశ్‌కు చెందిన మాజీ మంత్రి దల్‌ సింగ్‌ బిసేన్‌కు ఎదురైన అనూహ్య అనుభవమిది. 74 ఏళ్ల దల్‌ సింగ్‌ బిసేన్‌ను ఉత్తరాఖండ్‌ గవర్నర్‌గా నియమిస్తూ రాష్ట్రపతి ద్రౌపది ముర్ము సోమవారం నిర్ణయం తీసుకున్నారు. ప్రస్తుతం ఆ పదవిలో ఉన్న లెఫ్టినెంట్‌ జనరల్‌ గుర్మీత్‌ సింగ్‌ (రిటైర్డ్‌) స్థానంలో ఆయన బాధ్యతలు చేపట్టనున్నారు. గవర్నర్‌గా నియామక వార్త అందిన సమయంలో బిసేన్‌ తన స్వస్థలమైన మధ్యప్రదేశ్‌లోని సియోనీలో మనవడితో ఆడుకుంటున్నానని చెబుతున్నారు.రాజకీయాల్లో అంచెలంచెలుగా..1952 మే 14న మధ్యప్రదేశ్‌లోని సియోనీ జిల్లాలో పిపారియా గ్రామంలో దల్‌ సింగ్‌ బిసేన్‌ జన్మించారు. ఆయుర్వేద వైద్యుడిగా, రైతుగా ఆయనకు గుర్తింపు ఉంది. రాజకీయ ప్రస్థానాన్ని గ్రామ స్థాయిలో పంచాయతీ సభ్యుడిగా ప్రారంభించారు. 1990లో తొలిసారి మధ్యప్రదేశ్‌ అసెంబ్లీకి ఎన్నికయ్యారు. ఆ తర్వాత 1993, 1998, 2003 ఎన్నికల్లోనూ బర్గీ నియోజకవర్గం నుంచి బీజేపీ తరఫున విజయం సాధించారు. 2003 నుంచి 2005 వరకు మధ్యప్రదేశ్‌ ప్రభుత్వంలో మంత్రిగా పనిచేశారు. అటవీ, రవాణా, ఖనిజాలు, పాఠశాల విద్య, జైళ్ల శాఖల వంటి బాధ్యతలు నిర్వహించారు. 2011 నుంచి 2013 వరకు రాష్ట్ర నాలుగో ఆర్థిక సంఘం చైర్మన్‌గా వ్యవహరించారు.ఎంపీగా 99 శాతం హాజరుబర్గీ నియోజకవర్గం ఎస్టీలకు రిజర్వ్‌ కావడంతో తర్వాతి ఎన్నికల్లో కియోలారీ నుంచి పోటీ చేశారు. అయితే 2008, 2013 ఎన్నికల్లో ఓటమి ఎదురైంది. 2019 లోక్‌సభ ఎన్నికల్లో బాలాఘాట్‌ స్థానం నుంచి గెలిచి పార్లమెంట్‌లో అడుగుపెట్టారు. 2024 వరకు 17వ లోక్‌సభ సభ్యుడిగా కొనసాగారు. ప్రస్తుతం బీజేపీ రాష్ట్ర కార్యవర్గ సభ్యుడిగా ఉన్నారు.పార్లమెంట్‌ పనితీరుకు సంబంధించి పీఆర్‌ఎస్‌ గణాంకాల ప్రకారం.. లోక్‌సభలో బిసేన్‌ హాజరు 99 శాతంగా నమోదైంది. 73 చర్చల్లో పాల్గొనడంతోపాటు 189 ప్రశ్నలు అడిగారు. వ్యవసాయం, గ్రామీణాభివృద్ధి, రైల్వేలు, సాగునీరు, గిరిజన సంక్షేమం వంటి అంశాలపై ఆయన ప్రశ్నలు లేవనెత్తారు.ఆరు రాష్ట్రాల్లో గవర్నర్ల మార్పులురాష్ట్రపతి ద్రౌపది ముర్ము సోమవారం ఆరు గవర్నర్ల నియామకాలు, బదిలీలకు ఆమోదం తెలిపారు. కేరళ గవర్నర్‌ రాజేంద్ర విశ్వనాథ్‌ అర్లేకర్‌ను తమిళనాడుకు బదిలీ చేశారు. సిక్కిం గవర్నర్‌ ఓం ప్రకాశ్‌ మాథుర్‌ను కేరళకు పంపించారు. దుష్యంత్‌ గౌతమ్‌ను సిక్కిం గవర్నర్‌గా, సుధా యాదవ్‌ను కర్ణాటక గవర్నర్‌గా, బ్రజ్‌ మోహన్‌ రామ్‌ను ఒడిశా గవర్నర్‌గా నియమించారు. ఈ మార్పుల్లో భాగంగా దల్‌ సింగ్‌ బిసేన్‌కు ఉత్తరాఖండ్‌ గవర్నర్‌ బాధ్యతలు అప్పగించారు.ఇదీ చదవండి: అయోధ్యలో యోగి పోటీ చేస్తారా? అదే జరిగితే..

సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌పై కాంగ్రెస్‌ పార్టీ చేసిన ఓ సోషల్‌ మీడియా పోస్ట్‌ దేశ రాజకీయాల్లో తీవ్ర దుమారం రేపింది. ఢిల్లీలో నిరసనలు, ఆంక్షలపై స్పందిస్తూ.. ‘ఇది శాంతిభద్రతలకు సంబంధించిన అంశం.. నా పరిధిలోకి రాదు’ అని సీజేఐ వ్యాఖ్యానించడాన్ని ఆ పార్టీ తప్పుబట్టింది. తక్షణమే రాజీనామా చేయాలంటూ సోషల్‌ మీడియాలో ఓ పోస్ట్‌ పెట్టడం తీవ్ర దుమారం రేపింది. న్యాయ వ్యవస్థపై, చీఫ్‌ జస్టిస్‌పై తమకు నమ్మకం ఉందని ఆ పార్టీ అగ్రనేత రాహుల్‌ గాంధీ వ్యాఖ్యనించిన సమయంలోనే దాదాపుగా ఇది జరిగింది.‘శాంతిభద్రతలు మీ పరిధిలోకి రాకపోతే రాజీనామా చేయండి. ఆ బాధ్యతలను నిర్వహించగల మరో వ్యక్తిని మేం కనుగొంటాం’ అంటూ కేరళ కాంగ్రెస్‌ అధికారిక ఎక్స్‌ ఖాతాలో సీజేఐని ఉద్దేశించి పోస్ట్‌ చేశారు. దీంతో దేశ అత్యున్నత న్యాయస్థానం ప్రధాన న్యాయమూర్తిని ఉద్దేశించి ఇలాంటి వ్యాఖ్యలు చేయడంపై తీవ్ర అభ్యంతరాలు వ్యక్తమయ్యాయి. న్యాయవ్యవస్థ గౌరవాన్ని దెబ్బతీసేలా కాంగ్రెస్‌ వ్యవహరించిందంటూ బీజేపీ నేతలు మండిపడ్డారు.వివాదం ముదరడంతో కేరళ ప్రదేశ్‌ కాంగ్రెస్‌ కమిటీ (కేపీసీసీ) అధ్యక్షుడు సన్నీ జోసెఫ్‌ స్పందించారు. సీజేఐపై అభ్యంతరకర పోస్ట్‌ పెట్టిన వ్యక్తిని విధుల నుంచి తొలగించినట్లు తెలిపారు. పార్టీ రాష్ట్ర నాయకత్వానికి తెలియకుండా, అనుమతి.. సంప్రదింపులు లేకుండానే ఆ పోస్ట్‌ ప్రచురితమైందని స్పష్టం చేశారు. ఈ ఘటన ఎలా జరిగిందో పరిశీలిస్తామని వెల్లడించారు. న్యాయవ్యవస్థ నిష్పాక్షికతపై కాంగ్రెస్‌కు ఎలాంటి అభ్యంతరాలు లేవని, అందుకు విరుద్ధంగా ఉన్న సోషల్‌ మీడియా పోస్టులు పార్టీ నాయకత్వ అభిప్రాయాన్ని ప్రతిబింబించవని పేర్కొన్నారు.‘కాంగ్రెస్‌ తదుపరి లక్ష్యం న్యాయవ్యవస్థే’విపక్ష నేతలకు సీజేఐ అపాయింట్‌మెంట్‌ నిరాకరణ.. దానికి ఆయన ఇచ్చిన వివరణపై రాహుల్‌ గాంధీకి విలేకరుల నుంచి ప్రశ్న ఎదురైంది. అయితే ఆయన నిర్ణయాన్ని తాము గౌరవిస్తామని రాహుల్‌ అన్నారు. ఈ ప్రెస్‌మీట్‌ జరుగుతున్న టైంలోనే అటు కేరళ కాంగ్రెస్‌ సోషల్‌ మీడియా అకౌంట్‌ నుంచి ఈ పోస్ట్‌ పబ్లిష్‌ అయ్యింది. ఈ వ్యవహారంపై కేంద్ర పార్లమెంటరీ వ్యవహారాల మంత్రి కిరణ్‌ రిజిజు తీవ్రంగా స్పందించారు. ఎన్నికల సంఘం తర్వాత కాంగ్రెస్‌ లక్ష్యం న్యాయవ్యవస్థేనని తాను గతంలోనే చెప్పానని పేర్కొన్నారు. రాజ్యాంగబద్ధమైన, ప్రజాస్వామ్య సంస్థలను కాంగ్రెస్‌ బలహీనపరచాలని చూస్తోందని ఆరోపించారు. దేశ వ్యతిరేక శక్తులన్నీ ఏకమవుతున్నాయని, దేశభక్తులంతా కూడా ఒక్కటవుతారని వ్యాఖ్యానించారు. బీజేపీకి చెందిన పలువురు నేతలు సైతం కాంగ్రెస్‌ తీరును తప్పుబట్టారు.I had said it earlier, next target of the Congress Party is Judiciary. Congress wants to destroy all the constitutional and democratic institutions of India. All Anti-India gangs are joining hands. All patriotic Indians will also come together 🇮🇳 https://t.co/oOLST1yuUL— Kiren Rijiju (@KirenRijiju) October 12, 2026లాయర్ల సంఘం ఏమందంటే?సీజేఐ సూర్యకాంత్‌ రాజీనామా చేయాలంటూ చేసిన సోషల్‌ మీడియా వ్యాఖ్యలను సుప్రీంకోర్టు అడ్వకేట్స్‌ ఆన్‌ రికార్డ్‌ అసోసియేషన్‌ (ఎస్‌సీఏఓఆర్‌ఏ) ఖండించింది. ఇలాంటి ప్రకటనలు న్యాయపదవి గౌరవాన్ని దెబ్బతీయడంతోపాటు న్యాయవ్యవస్థపై ప్రజల విశ్వాసాన్ని తగ్గించే ప్రమాదం ఉందని పేర్కొంది. న్యాయవ్యవస్థ పనితీరుపై అభ్యంతరాలుంటే తగిన చట్టపరమైన, రాజ్యాంగబద్ధమైన మార్గాల్లోనే తెలియజేయాలని సూచించింది. న్యాయ ప్రక్రియ స్వతంత్రంగా కొనసాగేందుకు అందరూ సహకరించాలని కోరింది.అసలు వివాదం అక్కడే మొదలైంది!ఢిల్లీలో నిరసనలకు విధించిన ఆంక్షలు, పోలీసుల చర్యలపై ప్రశ్నలు తలెత్తిన నేపథ్యంలో సీజేఐ చేసిన వ్యాఖ్యలు ఈ వివాదానికి కేంద్రంగా మారాయి. ప్రతిపక్ష నేతలు తనను కలిసేందుకు చేసిన విజ్ఞప్తిని కూడా ఆయన తిరస్కరించారు. వారు లేవనెత్తాలనుకున్న అంశాలు ఇప్పటికే సుప్రీంకోర్టు పరిశీలనలో ఉన్నందున, వారితో సమావేశమైతే అధికార విభజన సూత్రానికి విరుద్ధంగా ఉంటుందని స్పష్టం చేసినట్లు వార్తా కథనాలు వెల్లడించాయి.మరోవైపు, ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)లో భారీగా ఓట్ల తొలగింపులు, అవకతవకలు జరిగాయంటూ 11 మంది ప్రతిపక్ష ఎంపీల పేర్లతో పిటిషన్‌ దాఖలైంది. ఎన్నికల సంఘం నిర్ణయం చట్టబద్ధతను పరిశీలించాలని అందులో కోరారు. ఈ నేపథ్యంలో ప్రతిపక్షాల నిరసనలు, సీజేఐ వ్యాఖ్యలు, కాంగ్రెస్‌ సోషల్‌ మీడియా పోస్ట్‌.. వరుస పరిణామాలు రాజకీయ వేడిని మరింత పెంచాయి.ఇదీ చదవండి: రాహుల్‌ గాంధీ పిటిషన్‌లో 14 లోపాలు?!

సాక్షి, అమరావతి: వాన పడితే జలాశయాల్లా మారే రోడ్లు.. గుంతల రోడ్లు.. వీధి చివర కొండలా చెత్త.. దోమలు, జ్వరాలు.. గుక్కెడు తాగునీరు ఇవ్వలేని దుస్థితి. ఇంటి నుంచి బయటకు అడుగు పెడితే కుక్కల బెడద.. పద్మవ్యూహంలా ట్రాఫిక్‌.. ఏ పట్టణానికి వెళ్లినా జనం నోట ఇదే మాట. ఈ పరిస్థితుల్లో వార్డుల్లోకి వెళ్లి ఏ ముఖం పెట్టుకుని ఓట్లు అడగాలని కూటమి పార్టీల శ్రేణులు ఆవేదన చెందుతున్నాయి. చంద్రబాబు రెండేళ్ల పాలనలో నగరాలు, పట్టణాలను గాలికి వదిలేసి ఇప్పుడు ఓట్ల కోసం జనం వద్దకు ఎలా వెళ్లాలని ఆందోళన చెందుతున్నాయి. కనీస సౌకర్యాలు లేక జనం అల్లాడిపోతున్నా ఏమీ చేయలేకపోయామని, ఓట్లు ఎలా అడగాలని వాపోతున్నాయి. రాష్ట్రంలోని 17 మున్సిపల్‌ కార్పొరేషన్లు, 106 మున్సిపాల్టీల్లో ఎన్నికలకు రంగం సిద్ధమైన తరుణంలో టీడీపీ, జనసేన, బీజేపీ శ్రేణులు జనం వద్దకు వెళ్లాలంటేనే వణుకుతున్నాయి. ఇటీవల ఇంటింటికీ టీడీపీ కార్యక్రమాన్ని జనం పట్టించుకోలేదని, ఇప్పుడు వాళ్లు అడిగే ప్రశ్నలకు ఏం సమాధానం చెప్పాలని వాపోతున్నారు. సీఎం సొంత ఇలాకాలోనే దాహం కేకలు పట్టణాల దుస్థితికి సీఎం చంద్రబాబు ప్రాతినిధ్యం వ­హిస్తున్న కుప్పమే నిలువెత్తు సాక్ష్యం. సొంత నియోజకవర్గంలో తాగునీటి సమస్యను ఆయన పరిష్కరించలేకపోయారు. అరకొరగా ట్యాంకర్ల ద్వారా తాగునీరు సరఫరా చేసి మొత్తం సమస్య తీరిపోయిందని చెప్పుకుంటున్నారు. కానీ జనం మాత్రం సరిపడా తాగునీరు లేక తీవ్ర ఇబ్బందులు పడుతున్నారు. ఇతర పట్టణాల పరిస్థితి మరీ దారుణం. కర్నూలు నగరానికి నీరందించే గాజులదిన్నె ప్రాజెక్టులో 1.5 టీఎంసీలే మిగిలాయి. వానలు పడకపోతే నగరం గొంతెండటం ఖాయం. పాలకొండ నగర పంచాయతీలో కుళాయి తిప్పితే మొదటి ఐదు నిమిషాలు బురద నీరే. మంచినీటి కోసం కుళాయిల దగ్గర సిగపట్లు పట్టాల్సిన దుస్థితి. గత్యంతరం లేక పేదలు సైతం 20 లీటర్ల క్యాన్‌కు రూ.20 నుంచి రూ.40 చెల్లిస్తున్నారు. రక్షిత నీరు అందించాల్సిన మున్సిపాల్టీలు చేతులెత్తేయడంతో నీళ్లు కొనుక్కోవడం పట్టణ పేదలకు అదనపు భారంగా మారింది. మురుగులో పట్టణాలు వర్షాకాలానికి ముందే డ్రైనేజీ కాలువల్లో పూడిక తీయాలి. ఈ పనిని కార్పొరేషన్లు, మున్సిపాల్టీల్లో చేయలేదు. ఫలితంగా చిన్న వానకే కాలువలు పొంగుతున్నాయి. వర్షపు నీరు రోడ్లపైకి, లోతట్టు కాలనీల్లో నేరుగా ఇళ్లలోకి చేరుతోంది. శివారు కాలనీల్లో అసలు డ్రైనేజీలే లేవు. మురుగు గుంతల్లో నీరు నిలిచి దుర్వాసన వెదజల్లుతోంది. మురుగునీటి శుద్ధి కేంద్రాలు లేక పట్టణాల మురుగంతా నేరుగా చెరువులు, నదుల్లోకి వెళ్తోంది. వ్యర్థ జలాలతో చుట్టుపక్కల చెరువులన్నీ కలుషితమవుతున్నాయి. అదే నీరు తాగునీటి పథకాలు, బోర్లలోకి ఉబికి వస్తోంది. ఆ చెరువుల్లో పెరిగిన చేపలు తిని జనం అనారోగ్యం పాలవుతున్నారు. వాన పడితే చెరువులే వర్షపు నీరు పోయే దారిలేక ప్రధాన రహదారులే చెరువులవుతున్నాయి. ఇటీవల కురిసిన వర్షాలకు విజయవాడ నడిబొడ్డులోని మొగల్రాజపురం, ఆటోనగర్‌ సహా అనేక ప్రాంతాలు చెరువుల్లా మారిపోయాయి. రాజమహేంద్రవరం రైల్వేస్టేషన్‌ రోడ్డు చెరువును తలపించింది. రోడ్లపై డ్రైనేజీలు పొంగి ప్రవహించాయి. ఎక్కడ గుంత ఉందో తెలియక వాహనదారులు ప్రమాదాల బారిన పడ్డారు. కనీసం హెచ్చరిక బోర్డులు కూడా పెట్టలేదు. దాదాపు అన్ని నగరాలు, పట్టణాల్లోనే వాన వస్తే రోడ్లు చెరువుల్లా మారుతున్నాయి. అయినా రెండేళ్లుగా కూటమి ప్రభుత్వం పట్టించుకోలేదు. పడకేసిన పారిశుద్ధ్యం.. విజృంభిస్తున్న జ్వరాలు రాష్ట్రవ్యాప్తంగా అర్బన్‌ ప్రాంతాల్లో పారిశుథ్యం అధ్వాన్నంగా మారిపోయింది. ఇంటింటి చెత్త సేకరణ పేరుకే మిగిలింది. వీధి చివర్లలో రోజుల తరబడి చెత్త కుప్పలు పేరుకుపోతున్నాయి. తరలించే దారిలేక సిబ్బందే కుప్పలకు నిప్పు పెడుతున్నారన్న విమర్శలు ఉన్నాయి. ఆ పొగతో చుట్టుపక్కల వారు ఉక్కిరిబిక్కిరవుతున్నారు. మరోవైపు పట్టణాల్లో వీధికుక్కలు గుంపులుగా స్వైరవిహారం చేస్తున్నాయి. పిల్లలు, వృద్ధులు బయటకు రావాలంటేనే భయపడుతున్నారు. నిలిచిన మురుగు, పేరుకుపోయిన చెత్త ప్రజారోగ్యాన్ని దెబ్బతీస్తున్నాయి. వీటివల్ల దోమలు విపరీతంగా పెరిగాయి. ఈ ఏడాది ఆగస్టు 30 నాటికి రాష్ట్రంలో మలేరియా కేసులు 27.9 శాతం పెరిగి 7,895కు చేరాయి. జూన్‌ నాటికే మలేరియాతో ఏడుగురు మృత్యువాత పడ్డారు. డెంగీ కేసులు సైతం పెరిగాయి. విశాఖ, కర్నూలు, కడప, చిత్తూరు, ఎన్టీఆర్‌; కాకినాడ జిల్లాల్లో డెంగీ కేసులు అత్యధికంగా నమో­దయ్యాయి. ప్రస్తుతం ప్రైవేటు ఆస్పత్రులు జ్వరపీడితులతో కిటకిటలాడుతున్నాయి. ఫాగింగ్, దోమల నివారణ చర్యలు ప్రకటనలకే పరిమితమయ్యాయి. జ్వరాల బారిన పడిన పేదలు ప్రైవేటు ఆసుపత్రుల్లో వేలకు వేలు ఖర్చు పెట్టుకోవాల్సి వస్తోంది. గుంతల రోడ్లు.. గంటల ట్రాఫిక్‌ పట్టణాల్లో అంతర్గత రోడ్లు గుంతలమయంగా మారాయి. వేసిన రోడ్లకూ నాణ్యత లేదు. కూటమి ప్రభుత్వం అధికారంలోకి వచ్చాక హడావుడిగా అరకొరగా వేసిన రోడ్లు, చేసిన మరమ్మతులు అనేక చోట్ల వర్షాలకు కొట్టుకుపోయాయి. నాణ్యత లేకపోవడంతో ఆ రోడ్లన్నీ గుంతలమయంగా మా­రాయి. రాష్ట్రంలోనే పెద్ద నగరాలైన విశాఖ, విజయవాడలో ట్రాఫిక్‌ నరకాన్ని తలపిస్తోంది. కొద్ది దూ­రం ప్రయాణానికే గంటల సమయం పడుతోంది. బిల్లుల్లేక ఆగిన పనులు పట్టణాల్లో అరకొరగా చేసిన పనులకు బిల్లులు చెల్లించడంలోనూ ప్రభుత్వం చేతులెత్తేసింది. విజయవాడ నగరపాలక సంస్థ పరిధిలోనే పది నెలలుగా రూ.350 కోట్ల బిల్లులు పేరుకుపోయాయి. సిబ్బందికి జీతాలు ఇవ్వలేక, మెటీరియల్‌ ఖర్చులు భరించలేక కాంట్రాక్టర్లు ఆగస్టులో అభివృద్ధి పనులన్నీ నిలిపివేశారు. మరోవైపు పనులు చేయకుండానే బిల్లులు దండుకున్న ఉదంతాలూ వెలుగుచూస్తున్నాయి. ఏలూరు నగరపాలక సంస్థలో ఓ ఏజెన్సీకి రూ.5.36 కోట్లు, ఓ కాంట్రాక్టర్‌ పేరుతో రూ.2.67 కోట్ల బిల్లులు చెల్లించారు. పార్కులో జిమ్‌ పరికరాల మరమ్మతుల పేరుతోనే రూ.4.92 లక్షలు డ్రా చేశారు. అధికార పార్టీ నేతలు, వారి బినామీ కాంట్రాక్టర్ల కోసమే నిబంధనలు తుంగలో తొక్కి ఈ పనుల పందేరం సాగిందన్న ఆరోపణలు వెల్లువెత్తుతున్నాయి. నిజమైన పనులకు డబ్బుల్లేవు, జరగని పనులకు బిల్లులు మాత్రం అందుతున్నాయి.ఎన్నికల ముందు శిలాఫలకాల హడావుడి రెండేళ్లకు పైగా పట్టణాల వైపు కన్నెత్తి చూడని చంద్రబాబుకు స్థానిక ఎన్నికలు దగ్గర పడగానే అభివృద్ధి గుర్తొచ్చింది. 123 పట్టణ స్థానిక సంస్థల్లో రూ.7,469 కోట్లతో హైబ్రిడ్‌ యాన్యుటీ విధానంలో రోడ్లు, డ్రైనేజీలు, వీధి దీపాల పనులకు ఆగస్టులో హడావుడిగా పరిపాలనా అనుమతులు ఇచ్చి జనాన్ని మోసం చేయడానికి సిద్ధమయ్యారు. చేసిన పనులకే బిల్లులు చెల్లించలేని ప్రభుత్వం ఈ పనులను ఎప్పటికి పూర్తి చేస్తుందన్నది ప్రశ్నార్థకమే. ఇవన్నీ ఓట్ల కోసం వేసిన శిలాఫలకాలేనని పట్టణ ప్రజలు బాహాటంగానే విమర్శిస్తున్నారు. వార్డుల్లోకి వెళ్లాలంటేనే వణుకు ఈ పరిస్థితుల్లో ఎన్నికలంటేనే టీడీపీ స్థానిక నేతలు బెంబేలెత్తుతున్నారు. వార్డుల్లోకి వెళ్తే పొంగుతున్న డ్రైనేజీలు, అందని తాగునీరు, గుంతల రోడ్లపై ప్రజలు నిలదీయడం ఖాయమని వారు ఆందోళన చెందుతున్నారు. రెండున్నరేళ్లలో పట్టణాలకు చేసిందేమీ లేకపోవడంతో ప్రచారంలో చెప్పుకోవడానికి ఏమీ మిగల్లేదని ఆ పార్టీ శ్రేణులే అంతర్గతంగా వాపోతున్నాయి. శిలాఫలకాలతో ఓట్లు రాలవని, కనీస వసతులు కల్పించలేని పాలనకు పట్టణ ఓటరు తగిన తీర్పు ఇవ్వనున్నాడని రాజకీయ విశ్లేషకులు అభిప్రాయపడుతున్నారు.

భరత్‌పూర్: రాజస్థాన్‌లోని భరత్‌పూర్ జిల్లాలో దారుణం చోటుచేసుకుంది. మూతపడిన స్టోన్ క్రషర్ ప్లాంట్‌ను తిరిగి ప్రారంభించే క్రమంలో చెలరేగిన వివాదం చివరకు బీజేపీ మాజీ ఎమ్మెల్యే అత్తర్ సింగ్ భడానా హత్యకు దారి తీసింది. భౌండా గ్రామంలోని క్రషర్ వద్దకు చేరుకున్న మాజీ ఎమ్మెల్యే, ఆయన అనుచరులపై 80 మంది గ్రామస్తులు ఒక్కసారిగా కర్రలు, రాళ్లతో విరుచుకుపడ్డారు. ఈ ఆకస్మిక దాడితో ఆ ప్రాంతమంతా రక్తసిక్తంగా మారి, యుద్ధభూమిని తలపించింది.ఈ వివాదానికి నాలుగేళ్ల పాత కక్షలే ప్రధాన కారణమని తెలుస్తోంది. క్రషర్ కోసం పశువుల మేత భూములను ఆక్రమించారని, అక్రమ మైనింగ్ చేస్తున్నారని ఆరోపిస్తూ స్థానికులు గత కొంతకాలంగా శాంతియుతంగా ధర్నా చేస్తున్నారు. అయితే ఏడాదిగా మూతపడిన ప్లాంట్‌ను తిరిగి తెరిచేందుకు భడానా తన అనుచరులతో అక్కడికి చేరుకుని, నిరసనకారులను అక్కడి నుంచి పంపించే ప్రయత్నం చేయడంతో ఘర్షణ తారాస్థాయికి చేరింది. ఇరువర్గాల మధ్య మాటామాటా పెరిగి తీవ్రస్థాయిలో కొట్లాటకు దారితీసింది.ఈ దాడిలో తీవ్రంగా గాయపడిన అత్తర్ సింగ్ భడానాతో పాటు ఆయన సహచరుడు గగన్ శర్మను రక్తపు మడుగులో స్థానిక ఆసుపత్రికి తరలించారు. పరిస్థితి విషమించడంతో భడానాను వెంటనే జైపూర్‌లోని ఎస్ఎంఎస్ (ఎస్‌ఎంఎస్‌) ఆస్పత్రికి తరలించగా, అక్కడ చికిత్స పొందుతూ ఆయన మృతి చెందారు. తమకు ప్రాణహాని ఉందని పోలీసులకు, అధికారులకు ముందుగానే ఫిర్యాదు చేసినా పట్టించుకోలేదని, వారి నిర్లక్ష్యం వల్లే ఈ ఘోరం జరిగిందని మాజీ ఎమ్మెల్యే భార్య కమలేష్ కన్నీరుమున్నీరవుతూ ఆరోపించారు.మాజీ ఎమ్మెల్యే హత్యతో భౌండా గ్రామంలో భయాందోళనలు నెలకొన్నాయి. ప్రతీకార దాడులు జరగకుండా అధికారులు గ్రామంలో భారీగా పోలీసు బలగాలను మోహరించారు. ఘటనా స్థలంలో తుపాకీ కాల్పులు జరిగాయా లేదా అనే కోణంలో ఫోరెన్సిక్ ఆధారాలు సేకరిస్తూ, దాడికి పాల్పడిన నిందితుల కోసం పోలీసులు ప్రత్యేక బృందాలతో గాలింపు చర్యలు ముమ్మరం చేశారు.ఇదీ చదవండి: 151 ఏళ్ల రామ్‌లీల: షాకిస్తున్న పాత్రధారుల నియమాలు

సాక్షి, విశాఖపట్నం: సీఎం రమేష్‌ ఓడిపోతే ఈ ప్రాంతాన్ని వదిలి వెళ్లిపోవాలంటూ మాజీ మంత్రి గుడివాడ అమర్నాథ్ సవాల్ విసిరారు. సీఎం రమేష్‌కు ధైర్యం ఉంటే ఎంపీ పదవికి రాజీనామా చేయాలి. ఇద్దరం అనకాపల్లి ఎంపీగా పోటీ చేద్దాం. నేను ఎంపీగా ఓడిపోతే రాజకీయాల నుంచి తప్పుకుంటా. సీఎం రమేష్ ఓడిపోతే ఈ ప్రాంతాన్ని వదిలి వెళ్ళిపోవాలి. సీఎం రమేష్ దోపిడీలు చూసి ఈ ప్రాంత ప్రజలు భయపడిపోతున్నారు’’ అంటూ గుడివాడ అమర్నాథ్‌ వ్యాఖ్యానించారు.సీఎం రమేష్ పోటీ చేయాలంటే 30 పార్టీల మద్దతు అవసరం. నేను వైఎస్సార్సీపి తరఫున పోటీ చేస్తాను.. సారా రమేష్‌తో నాకు పోలిక ఏంటి?. గతంలో నా తండ్రి మీద కూడా ఇలాగే సవాల్ చేశారు. అనకాపల్లి పార్లమెంటు పరిధిలో ఏడుగురు టీడీపీ ఎమ్మెల్యేలు ఉన్న ఎంపీగా తన తండ్రి విజయం సాధించారు. జెడ్పీటీసీగా పోటీ చేస్తే స్క్రూట్నీలో సీఎం రమేష్ పోతాడు. ఆయన ఓటు కడప జిల్లాలో ఉంది. కనీసం అవగాహన లేకుండా సీఎం రమేష్ మాట్లాడుతున్నాడు. అధికారంలో ఉంటే గాడిద కూడా గుర్రంలా కనిపిస్తుంది. ప్రస్తుతం నీ పరిస్థితి అదే.’’ అంటూ అమర్నాథ్‌ ధ్వజమెత్తారు.ఇదీ చదవండి: బాబు సర్కార్‌ నిర్వాకం.. రైతుకు శాపం

సాక్షి, న్యూఢిల్లీ: దేశ శాంతిభద్రతలకు భగ్నం కలిగించడంతోపాటు, అభివృద్ధిని అడ్డుకునేందుకు ప్రతిపక్షాలు కుట్ర పన్నుతున్నాయని బీజేపీ అధ్యక్షుడు నితిన్‌ నబీన్‌ మండిపడ్డారు. శనివారం ఢిల్లీలో ఆయన మీడియాతో మాట్లాడారు. వరుస ఎన్నికల్లో ప్రజలు తిరస్కరించిన నైరాశ్యంతో విదేశీ శక్తుల కనుసన్నల్లో రాహుల్‌ గాంధీ నేతృత్వంలోని ఇండియా కూటమి, కేజ్రీవాల్‌ మిత్రపక్షం సీజేపీ చేతులు కలిపాయని విమర్శించారు. ఈ రెండు వర్గాల మధ్య దేశంలో శాంతి, సామరస్యం, అభివృద్ధిని దెబ్బతీసేందుకు అత్యంత ప్రమాదకరమైన పోటీ నడుస్తోందని మండిపడ్డారు. ప్రజల తీర్పును అంగీకరించకుండా దేశాన్ని అస్థిరపరిచే విధ్వంసకర మార్గాన్ని ఎంచుకున్నాయని ఆగ్రహం వ్యక్తం చేశారు. విపక్షాల అండదండలతో అర్బన్‌ నక్సల్‌ మనస్తత్వం ఉన్న శక్తులు దేశ భద్రతను, సార్వ¿ౌమత్వాన్ని సవాల్‌ చేస్తున్నాయని విమర్శించారు. ఇటువంటి కుట్రలను ప్రభుత్వం విజయవంతంగా తిప్పికొడుతుందని నితిన్‌ నబీన్‌ స్పష్టం చేశారు.

సాక్షి, న్యూఢిల్లీ: ఓట్ల చోరీ పేరుతో ఫేక్‌న్యూస్‌ వ్యాప్తి చేస్తూ జంతర్‌మంతర్‌ వద్ద అరాచకం సృష్టించి దేశాన్ని బందీ చేయాలని చూసిన విపక్షాల కుట్ర పూర్తిగా విఫలమైందని బీజేపీ జాతీయ అధికార ప్రతినిధి సంబిత్‌ పాత్ర పేర్కొన్నారు. దేశ రాజధాని వేదికగా మూకస్వామ్యంపై ప్రజాస్వామ్యం విజయం సాధించిందని స్పష్టం చేశారు. ఆయన శనివారం మీడియాతో మాట్లాడారు. భారతదేశ విస్తీర్ణం 32,87,000 చదరపు కిలోమీటర్లు కాగా, జంతర్‌మంతర్‌ పరిధి కేవలం 4 చదరపు కిలోమీటర్లు మాత్రమేనని అన్నారు. ఆ కొద్ది ప్రాంతంలో గందరగోళం సృష్టించి, అదే దేశ ముఖచిత్రంగా చూపించే ప్రయత్నం చేస్తున్నారని ప్రతిపక్షాలపై మండిపడ్డారు. ఎన్నికల ప్రక్రియపై అసత్య ఆరోపణలు చేస్తున్న కాంగ్రెస్‌ నేత రాహుల్‌ గాంధీ కనీస రాజ్యాంగ మర్యాదలను విస్మరిస్తున్నారని ఆరోపించారు. ఓట్ల చోరీపై ఎలాంటి ఆధారాలు లేకుండానే రాష్ట్రపతి భవన్‌కు వెళ్లి వినతిపత్రం సమర్పించారని, బయటకు రాగానే తమ వాదనతో రాష్ట్రపతి ఏకీభవించారంటూ అవాస్తవాలు మాట్లాడారని తప్పుబట్టారు. రాజ్యాంగ అధినేతను రాజకీయ వివాదాల్లోకి లాగడం రాహుల్‌ గాంధీ బాధ్యతారాహిత్యానికి నిదర్శనమని మండిపడ్డారు.

న్యూఢిల్లీ: స్టార్‌లింక్‌ శాటిలైట్‌ ఇంటర్నెట్‌ సేవలకు భారత్‌లో అనుమతివ్వకపోవడంపై గుర్రుగా ఉన్న స్పేస్‌ఎక్స్‌ అధినేత ఎలాన్‌ మస్క్‌ తాజాగా ముకేశ్‌ అంబానీపై తన విమర్శల బాణాన్ని ఎక్కుపెట్టారు. ఎక్స్‌ వేదికగా ఆయన ఒక పోస్టు చేస్తూ... రిలయన్స్‌ ద్వారా నిధులు పొందుతున్న ఓ సంస్థ సోషల్‌మీడియాలో బీజేపీకి ప్రాచుర్యం కల్పించేందుకు సాయపడిందని ఆరోపించారు. అంతేకాకుండా.. మరో సంస్థ అధికార పార్టీకి పెద్ద ఎత్తున విరాళాలు అందించిందని మీడియా కథనాల స్క్రీన్‌షాట్లను షేర్‌ చేశారు. వీటిల్లో 2022లో అల్‌జజీరా ప్రచురించిన ‘‘హౌ రిలయన్స్‌ ఫండెడ్‌ ఫర్మ్‌ బూస్ట్స్‌ బీజేపీ కాంపెయిన్స్‌ ఆన్‌ ఫేస్‌బుక్‌’కథనంతోపాటు ఇండియన్‌ ఎక్స్‌ప్రెస్‌ 2024లో ‘క్విక్‌ సప్లై’పై రాసిన మరో కథనం ఉన్నాయి. ఇండియన్‌ ఎక్స్‌ప్రెస్‌ కథనం ప్రకారం క్విక్‌ సప్లై ఎలక్టోరల్‌ బాండ్ల రూపంలో బీజేపీకి రూ.385 కోట్లు, శివసేనకు రూ.25 కోట్లు చెల్లించింది.మస్క్‌ ఇటీవల ఒక పోస్టు చేస్తూ... నిబంధనలన్నీ పాటిస్తున్నా భారత్‌లో కోటీశ్వరులు కొందరు స్టార్‌లింక్‌ ఉపగ్రహ ఇంటర్నెట్‌ సేవలు భారత్‌లోకి రాకుండా అడ్డుకుంటున్నారని వ్యాఖ్యానించారు. ఆ వెంటనే భారత దేశానికి అసలైన బాస్‌ ముకేశ్‌ అంబానీనా? అని ప్రశ్నిస్తూ మరో పోస్టు చేశారు. ఈ ట్వీట్‌పై కాంగ్రెస్‌ పార్టీ నేత రాహుల్‌ స్పందిస్తూ ‘‘వెల్‌కమ్‌ టు ఇండియా ఎలాన్‌...’’అంటూ వ్యాఖ్యానించడంతో వివాదం మరింత ముదిరింది. ఈ నేపథ్యంలో ఎలాన్‌ మస్క్‌ మరోసారి ముకేశ్‌ అంబానీపై తీవ్ర విమర్శలు చేయడం గమనార్హం. మస్క్‌ ఇంకో పోస్టులో అంబానీని నేరుగా ‘ప్రధానమంత్రి అంబానీ’ అని కూడా సంబోధించారు. ఏకస్వామ్యానికి కొమ్ముకాస్తున్నారని విమర్శించారు. తన శాటిలైట్‌ ఇంటర్నెట్‌ సేవల కంపెనీని అంబానీ కంపెనీతో పోటీ పడేందుకు అనుమతిస్తారా? అని ఎద్దేవా చేశారు. ‘‘ప్రియ ప్రధానమంత్రి అంబానీ గారూ... భారతదేశపు అసలైన యజమాని మీరే అన్నది గుర్తించకపోవడంపై వినమ్రంగా క్షమాపణలు కోరుతున్నా. భారత ప్రజలపై గుత్తాధిపత్య దోపిడీని కొనసాగించాలని మీరు సహజంగానే కోరుకుంటారు. అయినాసరే... పోటీ చేయడానికి స్టార్‌లింక్‌ అనుమతించడాన్ని మీరు పరిగణనలోకి తీసుకుంటారా?’’అని ఆ పోస్టులో విమర్శించారు. వివక్ష లేకుండా అనుమతులిస్తున్నాం.. మస్క్‌ ఆరోపణలపై రిలయన్స్‌ నేరుగా స్పందించలేదు. ప్రభుత్వం మాత్రం టెలికం, శాటిలైట్‌ సేవలకు వివక్షలేకుండా అనుమతులిస్తున్నట్లు స్పష్టం చేసింది. ఎంపిక చేసిన కొందరికి మాత్రమే అనుమతులు లభిస్తున్నాయన­డం నిరాధార ఆరోపణలని, అపోహలని తెలిపింది. కేంద్ర కమ్యూనికేషన్స్‌ శాఖ మంత్రి జ్యోతిరాదిత్య సింధియా మాత్రం ప్రభుత్వం ఏ రంగంలోనూ ఏకస్వామ్యాన్ని ప్రోత్సహించదని స్పష్టం చేశారు.

భారత్‌లో స్టార్‌లింక్‌ సేవల ప్రవేశంపై రిలయన్స్‌ అధినేత ముకేశ్‌ అంబానీని లక్ష్యంగా చేసుకుని విమర్శలు చేస్తున్న స్పేస్‌ఎక్స్‌ అధినేత ఎలాన్‌ మస్క్‌.. తాజాగా కొత్త రచ్చకు కారణమయ్యారు. రిలయన్స్‌, దానితో సంబంధాలున్న సంస్థలు అధికార బీజేపీకి భారీగా విరాళాలు ఇచ్చాయని గుర్తు చేస్తున్నారు. ఇందుకు సంబంధించిన స్క్రీన్‌షాట్లను తన ఎక్స్‌ ఖాతాలో షేర్‌ చేశారు. దీంతో స్టార్‌లింక్‌ వివాదం కాస్తా.. రాజకీయ మలుపు తీసుకుంది. భారత్‌లో స్టార్‌లింక్‌ సేవలకు అనుమతుల విషయంలో జాప్యం జరుగుతోందంటూ ఎలాన్‌ మస్క్‌ కొంతకాలంగా అసంతృప్తి వ్యక్తం చేస్తున్నారు. భారత్‌లో గుత్తాధిపత్యం ప్రదర్శించే కొందరు స్టార్‌లింక్‌ను అడ్డుకుంటున్నారని సంచలన ఆరోపణలకు దిగారాయన. అయితే కేంద్ర ప్రభుత్వం ఈ వాదనలను తోసిపుచ్చింది. ఉపగ్రహ ఇంటర్నెట్‌ సేవల సంస్థలు భద్రతా నిబంధనలు, నియంత్రణ ప్రమాణాలను పాటించాల్సిందేనని స్పష్టం చేసింది. స్టార్‌లింక్‌తోపాటు ఇతర సంస్థలకూ భద్రతా అనుమతులు, స్పెక్ట్రమ్‌ కేటాయింపు వంటి అంశాలు కీలకంగా ఉన్నాయని గుర్తు చేసింది. రాహుల్‌ ఎంట్రీ! డియర్‌ పీఎం అంబానీ అంటూ.. ఆ వెంటనే ఎలాన్‌ మస్క్‌ ‘ఆ బాస్‌ అంబానీయేనా?’ అంటూ ట్వీట్‌ చేయగా దానికి కాంగ్రెస్‌ అగ్రనేత రాహుల్‌ గాంధీ స్పందిస్తూ.. వెల్‌కమ్‌ టు ఇండియా మస్క్‌.. ఇంకో పేరు త్వరలోనే బయటకు వస్తుందంటూ రీట్వీట్‌ చేశారు. దానికిగానూ రాహుల్‌కు థ్యాంక్స్‌ చెప్పిన మస్క్‌.. ఇది నిజంగా భయంకరంగా ఉంది అంటూ మరో బదులు ఇచ్చారు.ఈ నేపథ్యంలో అంబానీని ఉద్దేశిస్తూ గత రాత్రి.. ‘డియర్‌ ప్రైమ్‌ మినిస్టర్‌ అంబానీ.. భారత్‌కు అసలు బాస్‌ మీరేనని గుర్తించలేకపోయినందుకు క్షమించండి’ అంటూ వ్యంగ్యంగా పోస్టు చేశారు. భారత మార్కెట్లో స్టార్‌లింక్‌ పోటీని అనుమతించాలని కోరారు. ఇంటర్నెట్‌ సౌకర్యాలు అందని ప్రాంతాలకు తమ సేవలు చేరితే పిల్లలకు విద్యావకాశాలు, చిన్న వ్యాపారులకు ప్రయోజనం కలుగుతాయని పేర్కొన్నారు.Dear Prime Minister Ambani, Please accept my humble apologies for not realizing that you are the real boss of India. Naturally, you would prefer to maintain your monopolistic exploitation of the great people of India, but would you nonetheless consider allowing Starlink to compete? There are many areas of India, as there are in all countries, with no Internet access, which denies children the opportunity for education and for small businesses the opportunity to sell their goods to a global market. Starlink would change their lives for the better. Thank you 🙏— Elon Musk (@elonmusk) October 9, 2026బీజేపీ ప్రచారానికి రిలయన్స్‌ ఫండ్స్‌..ఇప్పుడు మస్క్‌ తాజాగా షేర్‌ చేసిన కథనాల్లో ఒకటి అల్‌జజీరా 2022 మార్చి 14న ప్రచురించిన పరిశోధనాత్మక కథనం. ‘హౌ ఏ రిలయన్స్‌-ఫండెడ్‌ ఫర్మ్‌ బూస్ట్స్‌ బీజేపీస్‌ క్యాంపెయిన్స్‌ ఆన్‌ ఫేస్‌బుక్‌’ను మస్క్‌ ఇప్పుడు షేర్‌ చేశారు. అలాగే మస్క్‌ షేర్‌ చేసిన మరో కథనం 2024 మార్చి 21న ఇండియన్‌ ఎక్స్‌ప్రెస్‌లో ‘రిలయన్స్‌-లింక్డ్‌ క్విక్‌ సప్లై గేవ్‌ రూ.385 కోట్లు టు బీజేపీ, రూ.25 కోట్లు టు శివసేన’ పేరిట ప్రచురితమైంది. రిలయన్స్‌తో సంబంధాలు ఉన్న క్విక్‌ సప్లై అనే కంపెనీ బీజేపీకి వందల కోట్ల విరాళాలు ఇచ్చిందన్నది ఆ కథనం సారాంశం. https://t.co/DJYynAyO0W— Elon Musk (@elonmusk) October 10, 2026మస్క్‌ వ్యవహారశైలిపై నెటిజన్ల ప్రశ్నలుఅంబానీని లక్ష్యంగా చేసుకుని పాత కథనాలను షేర్‌ చేస్తున్న మస్క్‌ తీరుపై కొందరు భారతీయ నెటిజన్లు విమర్శలు గుప్పిస్తున్నారు. రాజకీయ పార్టీలకు ఇలాంటి ఫండింగ్‌లు సర్వసాధారణమేని గుర్తు చేస్తున్నారు. బీజేపీకి మాత్రమే కాదని.. ఇతర పార్టీలకు కూడా అలాంటి వ్యాపారవేత్తలు విరాళాలు ఇస్తుంటారని అంటున్నారు. అంతెందుకు.. అమెరికా అధ్యక్ష ఎన్నికల సమయంలో డొనాల్డ్‌ ట్రంప్‌కు మద్దతుగా మస్క్‌ కూడా భారీగా ఖర్చు చేశారంటూ కొందరు అందుకు సంబంధించిన స్క్రీన్‌షాట్లను పోస్టు చేస్తున్నారు. ఇతరుల రాజకీయ సంబంధాలు, విరాళాలపై ప్రశ్నలు లేవనెత్తుతున్నప్పుడు.. తన రాజకీయ మద్దతు, ఖర్చులపైనా అదే ప్రమాణం వర్తించాలంటూ వ్యాఖ్యానిస్తున్నారు.స్టార్‌లింక్‌ వివాదం.. రాజకీయ విరాళాల చర్చస్టార్‌లింక్‌ భారత మార్కెట్లోకి ప్రవేశించేందుకు అవసరమైన అనుమతులపై మొదలైన వివాదం ఇప్పుడు కార్పొరేట్‌ గుత్తాధిపత్యం, రాజకీయ పార్టీలకు అందే విరాళాలు, ఎన్నికల ప్రచారంలో సంస్థల పాత్ర వంటి విస్తృత అంశాలపై చర్చకు దారితీసింది. అంబానీపై మస్క్‌ చేసిన ‘డియర్‌ పీఎం అంబానీ’ వ్యాఖ్యకు తోడు, పాత కథనాలను ఆయన మళ్లీ షేర్‌ చేయడం.. దానికి భారతీయుల కౌంటర్‌ ఈ చర్చకు మరింత ప్రాధాన్యం తెచ్చింది. ఇదీ చదవండి: ఎలాన్‌ మస్క్‌పై స్టార్‌ నటుడి ఫైర్‌

ఢిల్లీ: రాహుల్‌ గాంధీ, ఇండి కూటమి అబద్ధాలను ప్రచారం చేస్తున్నారంటూ కేంద్ర హోం మంత్రి అమిత్‌ షా మండిపడ్డారు. దుర్మార్గపు ప్రచారం చేసినా.. ప్రధాని మోదీ నాయకత్వంలో బీజేపీ ఒక ఎన్నిక తర్వాత మరొక ఎన్నికలో విజయం సాధిస్తూనే ఉందని అమిత్‌ షా పేర్కొన్నారు.పశ్చిమ బెంగాల్, అస్సాం, పుదుచ్చేరి ఉప ఎన్నికల్లో ఎన్‌డీఏ విజయాలు, అలాగే రాజస్థాన్, త్రిపురలో ఇటీవల జరిగిన మున్సిపల్ ఎన్నికల్లో ప్రజలు ఇండి కూటమిని పూర్తిగా తిరస్కరించారన్నారు. ప్రజా మద్దతును కోల్పోయిన ఇండియా కూటమి పార్టీలు ప్రతి ఓటమి తర్వాత సంస్థలను ప్రశ్నిస్తున్నాయని.. కానీ ప్రజలు వారి ఈ స్వభావాన్ని గుర్తించారన్న అమిత్‌ షా.. అందుకే మరోసారి బీజేపీపై తమ అచంచలమైన విశ్వాసాన్ని వ్యక్తం చేస్తూ తీర్పు ఇచ్చారంటూ వ్యాఖ్యానించారు.ఇదీ చదవండి: సెంట్రల్ ఢిల్లీలో లాక్‌డౌన్‌..!

కోల్‌కతా: పశ్చిమ బెంగాల్‌లో బీజేపీకి మరో భారీ విజయం దక్కింది. నందిగ్రామ్ అసెంబ్లీ స్థానానికి జరిగిన ఉప ఎన్నికలో ఆ పార్టీ అభ్యర్థి హాసీ రాణి రాత్ తన సమీప ప్రత్యర్థిపై భారీ ఓట్ల తేడాతో ఘనవిజయం సాధించారు. ఉత్తర 24 పరగణాల జిల్లాలోని మధ్యమ్‌గ్రామ్‌లో హత్యకు గురైన సువేందు అధికారి వ్యక్తిగత సహాయకుడు (పీఏ) చంద్రనాథ్ రాత్ తల్లి ఈమె. సువేందు అధికారి పేరిట ఉన్న గత రికార్డులను బద్దలు కొడుతూ ఆమె ఈ అఖండ విజయాన్ని సాధించారు.పశ్చిమ బెంగాల్ అసెంబ్లీ ఎన్నికల్లో సువేందు అధికారి భబానీపూర్, నందిగ్రామ్ రెండూ స్థానాల నుండి పోటీ చేసి విజయం సాధించారు. ఆ తర్వాత ఆయన భబానీపూర్ స్థానాన్ని ఉంచుకుని, నందిగ్రామ్ స్థానానికి రాజీనామా చేయడంతో ఈ ఉప ఎన్నిక వచ్చింది. దాంతో దివంగత తన వ్యక్తిగత సహాయకుడు చంద్రనాథ్ రాత్ తల్లి హాసీ రాణి రాత్‌కు బీజేపీ తరఫున సువేందు అధికారి అవకాశం కల్పించారు.కాగా, ఈ ఎన్నికల్లో కాంగ్రెస్ అభ్యర్థి మిలన్ ప్రధాన్ 41,674 ఓట్లు సాధించగా, హాసీ రాణి రాత్ అత్యధికంగా 1,64,427 ఓట్లు సాధించారు.అంటే తన ప్రత్యర్థి కంటే ఏకంగా 1,22,753 ఓట్ల భారీ మెజారిటీతో ఆమె విజయం సాధించారు. 1967 తర్వాత ఈ నియోజకవర్గంలో నమోదైన అత్యధిక విజయ ఓట్ల తేడా ఇదే కావడం విశేషం. అంతకుముందు ఈ రికార్డు సువేందు అధికారి పేరు మీదే ఉండేది. ఆయన 2016లో తృణమూల్ కాంగ్రెస్ తరపున పోటీ చేసి 81,230 ఓట్ల మెజారిటీతో విజయం సాధించారు.చంద్రనాథ్‌ రథ్‌ హత్య కేసుసువేందు అధికారి పీఏ చంద్రనాథ్‌ రథ్‌ హత్య ఘటన పశ్చిమ బెంగాల్‌లో తీవ్ర కలకలం రేపింది. అసెంబ్లీ ఎన్నికల ఫలితాలు వెలువడిన కొద్ది రోజులకే మే 6న ఈ ఘటన జరగడం రాజకీయంగా ప్రాధాన్యం సంతరించుకుంది.ఉత్తర 24 పరగణాల జిల్లా మాధ్యమ్‌గ్రామ్‌ ప్రాంతంలో చంద్రనాథ్‌ రథ్‌ తన ఎస్‌యూవీలో ఇంటికి వెళ్తుండగా గుర్తుతెలియని దుండగులు కాల్పులు జరపడంతో ఆయన అక్కడికక్కడే మృతి చెందారు. ఈ ఘటనపై అప్పట్లో తీవ్ర అనుమానాలు వ్యక్తమయ్యాయి. రాజకీయ ప్రత్య్రర్థుల కుట్రగా బీజేపీ నేతలు ఆరోపించగా, పోలీసులు వివిధ కోణాల్లో దర్యాప్తు చేపట్టారు. తొలుత బెంగాల్‌ పోలీసులు సిట్‌ను ఏర్పాటు చేసి దర్యాప్తు జరపగా, ఉత్తరప్రదేశ్, బిహార్‌ ప్రాంతాల నుంచి నిందితులను అరెస్ట్ చేశారు. ఆ తర్వాత ఈ కేసు దర్యాప్తు సీబీఐకి బదిలీ అయింది. చంద్రనాథ్‌ రథ్‌ హత్య వెనుక పూర్తి రాజకీయ కక్షసాధింపు చర్యలు, కుట్ర ఉన్నాయని సువేందు అధికారి గతంలో ఆరోపించారు. తన రాజకీయ ఎదుగుదల, ముఖ్యంగా ఎన్నికల్లో ప్రత్యర్థులపై సాధించిన విజయాల నేపథ్యంలోనే తనకు అత్యంత సన్నిహితుడిగా ఉన్న వ్యక్తిని లక్ష్యంగా చేసుకుని ఈ హత్యకు పాల్పడ్డారని ఆయన పేర్కొన్నారు. ఇదీ చదవండి: విద్యార్థినులపై లైంగిక వేధింపులు.. జేఎన్‌యూ ప్రొఫెసర్, కాంగ్రెస్ ఎంపీపై వేటు!

సాక్షి,న్యూఢిల్లీ: మహిళా విద్యార్థినులను లైంగికంగా వేధించినట్లు నిర్ధారణ కావడంతో జవహర్‌లాల్ నెహ్రూ విశ్వవిద్యాలయం (జేఎన్‌యూ) సంచలన నిర్ణయం తీసుకుంది. తమ యూనివర్సిటీ ప్రొఫెసర్, ఇన్నర్ మణిపూర్ కాంగ్రెస్ లోక్‌సభ ఎంపీ డాక్టర్ అంగోంచా బిమోల్ అకోయిజామ్‌ను విశ్వవిద్యాలయ సేవల నుంచి తొలగించింది. జేఎన్‌యూ అంతర్గత కమిటీ ఇచ్చిన నివేదిక ఆధారంగా ఈ తొలగింపు తక్షణమే అమల్లోకి వచ్చింది. ఆయనకు కఠినమైన శిక్ష విధించాలని ఆ కమిటీ సిఫారసు చేసింది. జాతీయ మీడియా కథనాల ప్రకారం.. సామాజిక శాస్త్రం, సామాజిక వ్యవస్థల అధ్యయన కేంద్రానికి చెందిన ఫ్రొఫెసర్‌ అకోయిజామ్‌పై లైంగిక వేధింపుల ఆరోపణలు రావడం కలకలం రేగింది. ఈ ఆరోపణలపై అధికారులు అంతర్గత విచారణ జరిపారు. విచారణలో నేరం రుజువు కావడంతో ఆయనను యూనివర్సిటీ సేవల నుంచి బర్తరఫ్ చేస్తున్నట్లు యూనివర్సిటీ యాజమాన్యం ఉత్తర్వులలో స్పష్టం చేసింది. 10 మందికి పైగా విద్యార్థినుల ఫిర్యాదులుసదరు ఎంపీపై లైంగిక వేధింపుల ఆరోపణలతో విద్యార్థినులు విశ్వవిద్యాలయ అంతర్గత కమిటీకి రాతపూర్వక ఫిర్యాదులు చేశారు. తరగతి గదిలో అనుచిత వ్యాఖ్యలు చేయడం,అధికారిక సమావేశాలు, క్లాసులు జరిగే సమయంలో దుష్ప్రవర్తనకు పాల్పడ్డారని ఆరోపించారు. మొదట ఓ విద్యార్థిని తనపై జరిగిన దారుణాన్ని బయటపెట్టడంతో ఆకృత్యాలు వెలుగులోకి వచ్చాయి.అకోయిజామ్ ఖండన అయితే, తనపై వచ్చిన ఆరోపణలను ప్రొఫెసర్ అకోయిజామ్ ఖండించారు. అవాస్తవాలతో, ఉద్దేశ పూర్వకంగా తనపై ఇలాంటి నిరాధార ఆరోపణలు మోపుతున్నట్లు పేర్కొన్నారు. మరోవైపు, ఈ వివాదంపై బీజేపీ అనుబంధ విద్యార్థి సంఘం ఏబీవీపీ తీవ్రస్థాయిలో స్పందించింది. కాంగ్రెస్ ఎంపీ వెంటనే తన పదవికి రాజీనామా చేయాలంటూ పెద్దఎత్తున నిరసనలు చేపట్టింది. ఈ పరిణామాలను పరిగణనలోకి తీసుకున్న ఢిల్లీ మహిళా కమిషన్ సైతం జేఎన్‌యూ యంత్రాంగం నుంచి పూర్తి నివేదికను కోరింది.ఇదీ చదవండి: ‘కాంగ్రెస్‌ నిరసనలో మహిళా పోలీసులకు లైంగిక వేధింపులు’

ఢిల్లీ: ఢిల్లీలో రాహుల్ గాంధీ నేతృత్వంలో జరిగిన కాంగ్రెస్ నిరసన సందర్భంగా మహిళా పోలీసు సిబ్బంది లైంగిక వేధింపులకు గురై, గాయపడ్డారని సొలిసిటర్ జనరల్ తుషార్ మెహతా శుక్రవారం సుప్రీంకోర్టుకు తెలిపారు. తమ నిరసనలకు అనుమతి ఇవ్వాలని కోరుతూ ఇండి కూటమి సభ్యులు సుప్రీంకోర్టులో దాఖలు చేసిన పిటిషన్ల సందర్బంగా విచారణ జరిగింది. దీనిలో భాగంగా ప్రభుత్వం తరఫున సొలిసిటర్ జనరల్ తుషార్ మెహతా వాదనలు వినిపించారు. ‘దయచేసి రెండు రోజుల క్రితం నాటి దృశ్యాలను చూడండి. మహిళా పోలీసు అధికారులు లైంగిక వేధింపులకు గురై, గాయపడ్డారు’ అని మెహతా కోర్టుకు తెలిపారు. పోలీసు సిబ్బందిని మాటలతో కూడా దూషించారని,. అయినప్పటికీ వారు మాత్రం బాధ్యతాయుతంగా వ్యవహరించారని ఆయన అన్నారు. ఈ నిరసనకు ఎలాంటి అనుమతి లేనందున ఇది చట్టవిరుద్ధమని కూడా ఆయన స్పష్టం చేశారు. ప్రధాన ఎన్నికల కమిషనర్ జ్ఞానేష్ కుమార్‌ను తొలగించాలని 'ఓటు దొంగతనం' అని ఆరోపిస్తూ నిరసన తెలిపేందుకు జంతర్ మంతర్ చేరుకోవడానికి ప్రయత్నించిన ప్రతిపక్ష ఇండియా కూటమి ఎంపీలను పోలీసులు అడ్డుకున్న సంగతి తెలిసిందే.అయితే ప్రధాన ఎన్నికల కమిషనర్‌కు వ్యతిరేకంగా రేపు(శనివారం, అక్టోబర్ 10న) కాక్రోచ్‌ జనతా పార్టీ (సీజేపీ) పిలుపునిచ్చిన నేపథ్యంలో నేటి వాదోప వాదనలు ప్రాధాన్యత సంతరించుకున్నాయి. ఇదీ చదవండి: ఇక నరేంద్ర మోదీ విమానాశ్రయంగా నోయిడా ఎయిర్‌పోర్ట్‌

ఓటుబ్యాంకు ప్రయోజనాల కోసం రాజకీయంగా విడిపోవడం దేశం ఎదుర్కొంటున్న అత్యంత క్లిష్టమైన సవాళ్లలో ఒకటి. ఏదైనా ఆపద వస్తే అది వర్గం లేదా కులానికి అతీతంగా అందరిపైనా ప్రభావం చూపుతుంది. రైతు పొలంలో నీటి కొరత ఏర్పడితే.. ఆ సమస్య కేవలం ఒక కులానికే పరిమితం అవుతుందా? సమస్య అందరికీ సంబంధించినదైనప్పుడు పరిష్కారం కూడా అందరికీ వర్తించేలా ఉండాలి. – వికసిత్‌ భారత్‌ సంకల్ప్‌ సభలో ప్రధాని మోదీన్యూఢిల్లీ: ప్రధానమంత్రి నరేంద్ర మోదీ ప్రజా ప్రస్థానం 25 ఏళ్ల మైలురాయిని అధిగమించింది. 2001 అక్టోబర్‌ 7న తొలిసారిగా గుజరాత్‌ ముఖ్యమంత్రిగా, తర్వాత ప్రధానమంత్రిగా ప్రమాణ స్వీకారం చేసిన మోదీ పాలనకు పాతికేళ్లు పూర్తయ్యాయి. ఈ సందర్భంగా మనం అనుకున్నది చేసి చూపిద్దాం(వుయ్‌ విల్‌ డూ ఇట్‌) అనే కొత్త నినాదాన్ని ప్రధానమంత్రి వినిపించారు. ప్రజలందరి ఉమ్మడి కృషితో 2047 నాటికి ‘వికసిత్‌ భారత్‌’ లక్ష్యాన్ని కచ్చితంగా సాధిస్తామని ధీమా వ్యక్తం చేశారు. మోదీ పాతికేళ్ల ప్రస్థానాన్ని పురస్కరించుకొని బుధవారం ఢిల్లీలో ‘వికసిత్‌ భారత్‌ సంకల్ప్‌ సభ’ నిర్వహించారు. బీజేపీ నేతలు, కార్యకర్తలు, మోదీ అభిమానులు భారీగా తరలివచ్చారు. మోదీ మాట్లాడుతూ.. వివిధ రంగాల్లో తమ ప్రభుత్వం సాధించిన విజయాలను ప్రస్తావించారు. ఒకప్పుడు అసాధ్యంగా భావించినవి నేడు సాధ్యమయ్యాయని పేర్కొన్నారు. 2026లో మనం కంటున్న ‘అభివృద్ధి చెందిన భారత్‌’అనే కల కచ్చితంగా సాకారం అవుతుందని, దేశం ఇప్పుడు ఇక్కడే ఆగిపోవడానికి ఎటువంటి కారణం లేదని ఉద్ఘాటించారు. వందేళ్ల క్రితం మన జనాభా 40 కోట్ల కంటే తక్కువగా ఉండేదని, నేడు 140 కోట్లకు చేరిందని అన్నారు. 140 కోట్ల మంది పౌరులు కలిసి 2047 నాటికి ‘వికసిత్‌ భారత్‌’ను నిర్మిస్తారని పునరుద్ఘాటించారు. ప్రధానమంత్రి ఇంకా ఏం మాట్లాడారంటే.. ప్రజల శక్తి సామర్థ్యాలపై విశ్వాసం ఉంది ‘‘ఎన్నికల సమయంలో కులపరమైన విభజనలు ఒక ప్రధాన సవాలుగా మారుతున్నాయి. ఓటు బ్యాంకు ప్రయోజనాల కోసం రాజకీయంగా విడిపోవడం దేశం ఎదుర్కొంటున్న అత్యంత క్లిష్టమైన సవాళ్లలో ఒకటి. ఏదైనా ఆపద వచ్చినప్పుడు అది వర్గం లేదా కులానికి అతీతంగా అందరిపైనా ప్రభావం చూపుతుందని గుర్తుంచుకోవాలి. రైతు పొలంలో నీటి కొరత ఏర్పడినప్పుడు, ఆ సమస్య కేవలం ఒక కులానికే పరిమితమవుతుందా? విద్యుత్‌ లేనప్పుడు చీకటి కేవలం ఒక వర్గానికే అలుముకుంటుందా? సమస్య అందరికీ సంబంధించినదైనప్పుడు పరిష్కారం కూడా అందరికీ వర్తించేలా ఉండాలి. కేవలం పదేళ్లలో 25 కోట్ల మంది ప్రజలు పేదరికం నుండి బయటపడగలరని ఎవరైనా ఉహించారా? కానీ. భారత్‌ దీనిని సాధ్యం చేసి చూపించింది. అందుకే 140 కోట్ల మంది భారతీయుల శక్తి సామర్థ్యాలపై నాకు సంపూర్ణ విశ్వాసం ఉంది. మన దేశం రూపాంతరం చెందడాన్ని ప్రత్యక్షంగా చూస్తున్నాం. ఫలితాలు కళ్లముందే కనిపిస్తున్నాయి. సవాళ్లకు 140 కోట్ల పరిష్కారాలున్నాయి 2047 నాటికి వికసిత్‌ భారత్‌: మనం చేసి చూపిద్దాం. అగ్రశ్రేణి 3 ఆర్థిక వ్యవస్థల్లో ఒకటిగా భారత్‌: మనం చేసి చూపిద్దాం. స్వయం సమృద్ధి: మనం చేసి చూపిద్దాం. ప్రపంచ తయారీ కేంద్రంగా ఎదగడం: మనం చేసి చూపిద్దాం. ఒలింపిక్స్‌కు ఆతిథ్యం ఇవ్వడం: మనం చేసి చూపిద్దాం. అంతరిక్షంలోకి అడుగుపెట్టడం: మనం చేసి చూపిద్దాం. ఈ శక్తి, ఈ ఉత్సాహం, ఈ ఆత్మవిశ్వాసం అద్భుతమైనవి. దూరదృష్టితో కూడిన విధానాలు, అవిశ్రాంత కృషి ద్వారా ఈ లక్ష్యాలను సాధిస్తాం. భారత్‌ ముందు సవాళ్లు ఉండొచ్చు గానీ 140 కోట్ల పరిష్కారాలు కూడా ఉన్నాయి. ఫ్లై దుబాయ్‌ విమానంలో ప్రయాణికులను రక్షించిన భారతీయ కెపె్టన్‌ స్మిత్‌ మచ్ఛార్‌ గురించి నేడు ప్రపంచం మాట్లాడుకుంటోంది. మేడ్‌ ఇన్‌ ఇండియా విమానాల గురించి కూడా ప్రపంచం మాట్లాడుకునే రోజు వస్తుంది. కష్టపడి పనిచేసే కార్యకర్తలే నా బలం 2001 అక్టోబర్‌ 7న గుజరాత్‌ ముఖ్యమంత్రిగా ప్రమాణ స్వీకారం చేసినప్పుడు ఈ మైలురాయిని చేరుకుంటానని ఎప్పుడూ ఊహించలేదు. ప్రభుత్వ అధినేతగా అవిశ్రాంతంగా సేవలందిస్తూ ఈ రోజుతో 25 ఏళ్లు పూర్తి చేసుకున్నాను. నాపై నమ్మకం ఉంచిన దేశ ప్రజలకు ధన్యవాదాలు. నా దృష్టిలో ప్రజలే భగవంతుడు. కష్టపడి పనిచేసే బీజేపీ కార్యకర్తలే నా బలం. దేశ ప్రజల పాదపద్మాలకు భక్తిపూర్వకంగా శిరస్సు వంచి నమస్కరిస్తున్నాను. అలాగే బీజేపీ, ఎన్డీఏలోని నా సహచరులకు, ప్రజాస్వామ్యం పట్ల అపారమైన గౌరవం ఉన్న వారందరికీ కృతజ్ఞతలు తెలియజేస్తున్నా. గత 25 ఏళ్లలో అనేక ఎన్నికలు జరిగాయి. అసెంబ్లీ ఎన్నికలైనా సరే, పార్లమెంటరీ ఎన్నికలైనా సరే ప్రజలు ఎల్లప్పుడూ తమ సేవ కోసం నన్ను ఎన్నుకున్నారు. ఈ రోజు భారతదేశ ప్రజాస్వామ్యానికి, రాజ్యాంగానికి కూడా వందనాలు సమర్పిస్తున్నాను. నేను ఎక్కడ ఉన్నా, ఏ పదవిలో ఉన్నా అందులో ప్రజలదే అత్యంత గొప్ప పాత్ర. నా దృష్టిలో ప్రజలు సాక్షాత్తు దైవస్వరూపులు. కోట్లాది మంది భారతీయుల విశ్వాసం, లెక్కలేనంత మంది పార్టీ కార్యకర్తల కఠోర శ్రమ ఎల్లవేళలా నాకు గొప్ప బలంగా నిలిచాయి. వారికి సర్వదా కృతజ్ఞుడిని నేను గతాన్ని తిరిగి చూసుకున్నప్పుడు కృతజ్ఞతాభావం తప్ప మరేమీ కలగదు. నాకు ఎన్నో విషయాన్ని నేర్పించిన ప్రతి వ్యక్తికీ, ప్రతి అనుభవానికీ సర్వదా కృతజ్ఞుడిని. ఉపాధ్యాయులు నాకు వినయాన్ని నేర్పారు. నన్ను కిందకు లాగినవారు తిరిగి ఎలా పైకి లేవాలో నేర్పారు. నా మద్దతుదారులు నన్ను ప్రోత్సహిస్తే, విమర్శకులు నా అంతరాత్మను పరిశీలించుకోవడం నేర్పారు. నాకు అండగా నిలిచినవారు నమ్మకానికి ఉన్న శక్తిని చూపించారు. ఈ దేశం అపారమైన ఆశీర్వాదాలు అందించింది. అందుకే దేశం పట్ల నా బాధ్యత అత్యంత గొప్పది. దేశంలో ప్రతి పౌరుడికీ నాపై ప్రథమ హక్కు ఉందని మనస్ఫూర్తిగా విశ్వసిస్తున్నా. ప్రజల విశ్వాసంతో కూడిన ఈ 25 ఏళ్ల కాలం, ఈ 25 ఏళ్ల అనుభవం ఒక గొప్ప సంపద. ఈ సంపద కేవలం మోదీకి మాత్రమే చెందినది కాదు.. ఇది దేశానికి చెందినది. భరతమాత బిడ్డలందరికీ ఈ సంపదపై హక్కు ఉంది. ఒంటరినని ఎప్పుడూ భావించలేదు నేర్చుకోవాలనే తపన నా జీవితంలో ఒక భాగంగా మారింది. ఇప్పటికీ నన్ను నేను ఒక విద్యార్థిగానే భావిస్తా. ప్రతిరోజూ ఏదో ఒక కొత్త విషయాన్ని నేర్చుకోవడానికి ప్రయత్నిస్తుంటా. నేను ఎప్పుడూ ఒంటరినని భావించలేదు. భారతదేశ సాంస్కృతిక ఆత్మకు రక్షకులుగా ఉంటూ, భరతమాతకు సేవ చేయడం అనే ఏకైక లక్ష్యంతో పనిచేసే అసంఖ్యాక స్వయంసేవకులు అండగా ఉన్నారు. తాము సేవలకుమని వారు ప్రతిపక్షం గుర్తుచేస్తుంటారు. అదే నాకు స్ఫూర్తి. నిబద్ధత, అంకితభావంతో దేశానికి సేవ చేస్తున్న ప్రతి స్వయంసేవకుడికి, కార్యకర్తకు నేను గౌరవపూర్వకంగా అభివందనం చేస్తున్నా. నన్ను వ్యతిరేకించిన వారు ప్రజాస్వామ్య శక్తిని నాకు వివరించారు. ప్రతి సంక్షోభం నా సహనాన్ని పరీక్షించింది. ప్రతి విజయం నా బాధ్యతలను మరింత విస్తరింపజేసింది. ప్రతి సాధన గొప్ప లక్ష్యాల దిశగా ముందుకు సాగడానికి ధైర్యాన్ని, దృఢ సంకల్పాన్ని ఇచ్చింది. కర్తవ్య నిర్వహణే సర్వస్వం.. అదే నా ధర్మం ఈ రోజు కేవలం జ్ఞాపకాలకే పరిమితమైనది కాదు. మన సంకల్పాలకు నూతన ఉత్సాహాన్ని జోడించుకునే రోజు ఇది. ‘మేము దీన్ని సాధించి తీరుతాం’అనే మాటను, ఆ సంకల్పాన్ని మరోసారి పునరుద్ఘాటించే రోజు ఇది. కేవలం సంస్థ కోసమే పనిచేసిన వ్యక్తిగా నా రాజకీయ పనితీరు నివేదిక (రిపోర్ట్‌ కార్డ్‌) ఉంటుంది. గతంలో ఇతరుల తరపున ఎన్నికల్లో పనిచేశాను కానీ, స్వయంగా ఒక్క ఎన్నికలోనూ పోటీ చేయలేదు. ఎన్నికల రాజకీయాల్లో రాణించాలనే కోరిక ఉండి ఉంటే, నేను చాలా ముందే ఆ రంగంలోకి అడుగుపెట్టి ఉండేవాడిని. కానీ, అది నా స్వభావం కాదు. ఎందుకంటే, వ్యక్తిగత ఆశయాల కోసం కాకుండా ఒక నిర్దిష్ట లక్ష్యం(మిషన్‌) కోసం జీవించే వ్యక్తిగా ఉండాలన్నదే నా ఆశయం. చిన్నప్పటి నుంచి అలాగే పెరిగాను. నాకు లభించిన ఏ బాధ్యతలనైనా సరే, వాటిని ఒకదాని తర్వాత ఒకటిగా సమర్థవంతంగా నిర్వర్తించాను. నా జీవితానికి ఒకే ఒక్క లక్ష్యం ఉంది.. అది దేశం కోసం నిస్వార్థ సేవ. నా దృష్టిలో కర్తవ్య నిర్వహణే సర్వస్వం. అదే నా ధర్మం. కర్తవ్యాన్ని నిర్వర్తించడం నా హక్కు. పనిని నా బాధ్యతగా భావిస్తాను. నా పూర్తి సామర్థ్యంతో ప్రతి పనిని నిరంతరం కొనసాగిస్తూనే ఉంటాను. ఆ పని ఆగకూడదు, ఆ కృషి ఆగిపోకూడదు. నా దృష్టిలో పని అనేది కేవలం ఒక బాధ్యత మాత్రమే కాదు, అది దేశం పట్ల నాకున్న అంకితభావం. దేశం కోసం పని చేస్తా, ప్రజల కోసం పని చేస్తా’’అని ప్రధాని మోదీ ఉద్ఘాటించారు.

సాక్షి,హైదరాబాద్: లోక్‌సభ ప్రతిపక్ష నేత రాహుల్ గాంధీ, ప్రియాంక గాంధీలతో పాటు ఇండియా కూటమి ఎంపీలు,కాంగ్రెస్ నాయకుల అరెస్ట్ లను రాష్ట్ర రోడ్లు భవనాలు,సినిమాటోగ్రఫీ శాఖ మంత్రి కోమటిరెడ్డి వెంకట్ రెడ్డి తీవ్రంగా ఖండించారు. పోలీసులను అడ్డుపెట్టుకొని కేంద్రంలోని భారతీయ జనతా పార్టీ ప్రజా స్వామ్యాన్ని ఖూనీ చేస్తోందని ఆయన ఆగ్రహం వ్యక్తం చేసారు.దేశంలో మరో సత్యాగ్రహ పోరాటం మొదలైంది. రాజ్యాంగబద్ద సంస్థల పరిరక్షణపై రాహుల్ గాంధీ పోరాటం ద్వారా దేశంలో మరో సత్యాగ్రహ పోరాటం మొదలైందన్నారు.అందుకే బీజేపీ భయపడి దేశ రాజధానిలో ఆంక్షలు విధించిందన్నారు. ఆంక్షలు బీజేపీ పిరికిపంద చర్యకు నిదర్శనమన్నారు.ప్రజాస్వామ్యంలో నిరసన తెలపడం రాజ్యాంగబద్ధమైన హక్కు. కానీ బీజేపీ పోలీసు బలగాలను అడ్డుపెట్టుకొని ప్రజా స్వామ్యాన్ని నిర్బంధించాలని యత్నిస్తోందన్నారు. ఈసీ కార్యాలయం వైపు శాంతియుతంగా ర్యాలీగా వెళ్తున్న రాహుల్ గాంధీ, ప్రియాంక గాంధీ, పార్లమెంట్ సభ్యులు, కాంగ్రెస్ శ్రేణుల పట్ల పోలీసులు ప్రవర్తించిన తీరు అత్యంత హేయమైనదన్నారుఎన్ని అణచివేత చర్యలకు పాల్పడినా, పోలీసు బలగాలతో నిర్బంధాలు విధించినా కాంగ్రెస్ పార్టీ ప్రజల తరఫున, రాజ్యాంగం, రాజ్యాంగబద్ద సంస్థల పరిరక్షణ కోసం పోరాటాన్ని ఆపేది లేదని మంత్రి స్పష్టం చేశారు. ప్రజా స్వామ్యాన్ని కాపాడుకోవడానికి రాహుల్ గాంధీ నాయకత్వంలో జ్ఞానేష్ కుమార్ రాజీనామ చేసే వరకు పోరాటం కొనసాగుతుందని మంత్రి కోమటి రెడ్డి వెంకట్ రెడ్డి తేల్చి చెప్పారు.

ప్రభుత్వ అధినేతగా (ప్రధాని, గతంలో ముఖ్యమంత్రిగా) 25 ఏళ్లు పూర్తి చేసుకున్నారు నరేంద్ర మోదీ. ఆయన మొట్టమొదటిసారి గుజరాత్ ముఖ్యమంత్రిగా బాధ్యతలు చేపట్టడం వెనుక 2001లో భారతీయ జనతా పార్టీలో నెలకొన్న రాజకీయ పరిస్థితులు కీలకంగా మారాయి. భుజ్ భూకంపం తర్వాత సహాయక చర్యలపై వచ్చిన విమర్శలు, ఉప ఎన్నికల్లో పార్టీ పరాజయాలు, అప్పటి ముఖ్యమంత్రి కేశూభాయి పటేల్‌పై పెరిగిన అసంతృప్తి, పార్టీలోని అంతర్గత విభేదాలు నాయకత్వ మార్పునకు దారితీశాయి.గుజరాత్‌లోని భుజ్‌లో 2001 జనవరిలో సంభవించిన భారీ భూకంపం రాష్ట్రాన్ని తీవ్రంగా దెబ్బతీసింది. అప్పటికి కేశూభాయి పటేల్ ముఖ్యమంత్రిగా ఉన్నారు. భూకంపం తర్వాత సహాయక, పునరావాస చర్యలు నెమ్మదిగా సాగుతున్నాయనే విమర్శలు వెల్లువెత్తాయి. అంతర్జాతీయ సహాయం, నిధులు వచ్చినప్పటికీ అవి ప్రజలకు సకాలంలో చేరడం లేదనే అసంతృప్తి నెలకొంది. అదే సమయంలో కేశూభాయి ఆరోగ్యం కూడా క్షీణించింది.ఈ పరిస్థితుల ప్రభావం ఎన్నికల ఫలితాల్లోనూ కనిపించింది. 2001 సెప్టెంబర్-అక్టోబర్‌లో జరిగిన ఉప ఎన్నికల్లో బీజేపీ సబర్మతి అసెంబ్లీ స్థానంతో పాటు ఆనంద్ లోక్‌సభ స్థానాన్ని కోల్పోయింది. అవి కాంగ్రెస్‌ ఖాతాలో పడ్డాయి. సబర్మతి బీజేపీకి బలమైన నియోజకవర్గంగా పరిగణించబడటం ఆ పార్టీ నాయకత్వాన్ని మరింత ఆందోళనకు గురిచేసింది. 2002 అసెంబ్లీ ఎన్నికలకు ముందు నాయకత్వాన్ని మార్చకపోతే గుజరాత్‌లో పార్టీ తీవ్రంగా నష్టపోయే ప్రమాదం ఉందని కేంద్ర నాయకత్వం భావించింది.మోదీ వ్యూహాత్మక పాత్ర అప్పటికి నరేంద్ర మోదీ ఢిల్లీలో బీజేపీ జాతీయ ప్రధాన కార్యదర్శుల్లో ఒకరిగా ఉన్నారు. హిమాచల్‌ప్రదేశ్, పంజాబ్, హరియాణా రాష్ట్రాల పార్టీ వ్యవహారాలను ఆయన పర్యవేక్షిస్తున్నారు. గుజరాత్‌లో బీజేపీ సంస్థాగత వ్యవస్థపై కూడా ఆయనకు విస్తృత అవగాహన ఉంది. 1995లో గుజరాత్‌లో బీజేపీ తొలిసారి సొంతంగా మెజారిటీ ప్రభుత్వం ఏర్పాటు చేయడంలో మోదీ వ్యూహాత్మక పాత్ర పోషించారు.ఇదీ చదవండి: భారీ ట్రాఫిక్‌.. ఆటోలోనే మగబిడ్డకు జన్మతొలుత కేశూభాయి ప్రభుత్వంలో మోదీని ఉప ముఖ్యమంత్రిగా పంపే ప్రతిపాదన వచ్చినప్పటికీ ఆయన దాన్ని అంగీకరించలేదు. పూర్తి బాధ్యత, పని చేసే స్వేచ్ఛ ఉంటేనే గుజరాత్‌కు వెళ్తానని అటల్ బిహారీ వాజ్‌పేయి, ఎల్‌కే అద్వానీకి స్పష్టం చేశారు. వాజ్‌పేయి ఒకసారి మోదీతో, “ఢిల్లీలో పంజాబీ భోజనం చాలా చేశారు.. ఇప్పుడు గుజరాత్‌కు వెళ్లి అక్కడి బాధ్యతలు చూసుకోండి” అని సరదాగా చెప్పినట్లు కూడా ప్రస్తావించింది.2001 అక్టోబర్ 6న మోదీ అహ్మదాబాద్ చేరుకున్నారు. మరుసటి రోజు (అక్టోబర్ 7న) గుజరాత్ ముఖ్యమంత్రిగా ప్రమాణ స్వీకారం చేశారు. ఆ సమయంలో ఆయనను తాత్కాలిక ముఖ్యమంత్రిగా, 2002 ఎన్నికల వరకు పరిస్థితిని చక్కదిద్దేందుకు వచ్చిన నాయకుడిగా పలువురు చూశారు. అప్పటికి ఆయన ఎమ్మెల్యే కూడా కాదు. అనంతరం రాజ్‌కోట్ ఉప ఎన్నికలో గెలిచి అసెంబ్లీలోకి ప్రవేశించారు.ఆ తాత్కాలిక ఏర్పాటుగా మొదలైన రాజకీయ ప్రయాణం తర్వాత భారత రాజకీయాల్లో కీలక అధ్యాయంగా మారింది. గుజరాత్ ముఖ్యమంత్రిగా ప్రారంభమైన మోదీ రాజకీయ ప్రస్థానం 2026 నాటికి 25 ఏళ్లకు పైగా కొనసాగుతోంది.

ఓ పాత పేరు ఇప్పుడు తమిళనాడు రాజకీయాల్లో కొత్త చర్చకు తెరతీసింది. అది విద్యా సంస్కరణలకు గుర్తుగా నిలిచిన మాజీ ముఖ్యమంత్రి కే. కామరాజ్‌. ముఖ్యమంత్రి, టీవీకే అధినేత సి. జోసెఫ్‌ విజయ్‌ ప్రభుత్వం బ్రేక్‌ఫాస్ట్‌ పథకానికి కామరాజ్‌ పేరు పెట్టడం.. ఆ తర్వాత మరింత మంది విద్యార్థులకు విస్తరించడం రాజకీయంగా ఆసక్తి రేపుతోంది. 2022లో డీఎంకే ప్రభుత్వం ప్రారంభించిన పథకానికి ఇప్పుడు కొత్త పేరు, కొత్త రాజకీయ గుర్తింపు రావడంతో.. సంక్షేమ పథకాల క్రెడిట్‌ విషయంలో డీఎంకేతో విజయ్‌కు మరో పోటీ మొదలైనట్టయింది. అదే సమయంలో కామరాజ్‌ వారసత్వం బీజేపీకి కూడా ఓ రాజకీయ అవకాశంగా మారుతోంది.డీఎంకే అధినేత ఎంకే స్టాలిన్‌ ముఖ్యమంత్రిగా ఉన్న సమయంలో 2022 సెప్టెంబర్‌లో ‘చీఫ్‌ మినిస్టర్స్‌ బ్రేక్‌ఫాస్ట్‌ స్కీమ్‌’ను ప్రారంభించారు. తొలుత 1 నుంచి 5వ తరగతి విద్యార్థులకు అల్పాహారం అందించేలా పథకాన్ని రూపొందించారు. విద్యార్థుల హాజరు, పోషకాహారం మెరుగుపరచడం దీని ప్రధాన ఉద్దేశాలు. విజయ్‌ ప్రభుత్వం జూలైలో దీనికి ‘పెరుంతలైవర్‌ కామరాజర్‌ బ్రేక్‌ఫాస్ట్‌ స్కీమ్‌’గా పేరు మార్చింది. సెప్టెంబర్‌ 22న 6 నుంచి 8వ తరగతి విద్యార్థులకు కూడా విస్తరించింది. దీంతో మరో 15.30 లక్షల మంది విద్యార్థులకు ప్రయోజనం కలిగేలా 15,454 ప్రభుత్వ, ఎయిడెడ్‌ పాఠశాలలకు పథకం చేరింది. ఇందుకోసం అదనంగా రూ.217.63 కోట్లు కేటాయించారు.అయితే పేరు మార్పుపై డీఎంకే అభ్యంతరం వ్యక్తం చేసింది. తమ ప్రభుత్వం ప్రారంభించిన పథకానికే పేరు మార్చి కొత్త ప్రభుత్వం రాజకీయ క్రెడిట్‌ తీసుకుంటోందని డీఎంకే నేత ఈవీ వేలు విమర్శించారు. కామరాజ్‌ను గౌరవించడంపై తమకు అభ్యంతరం లేదని.. కొత్త కార్యక్రమాన్ని ప్రారంభించి ఆయన పేరు పెట్టవచ్చని వ్యాఖ్యానించారు.అసలు విజయ్‌ లెక్క ఇదేనా?ఇక్కడే విజయ్‌ నిర్ణయానికి రాజకీయ ప్రాధాన్యం వస్తోంది. డీఎంకేకు సంక్షేమ పథకాలు, సామాజిక న్యాయం వంటి అంశాలు చాలాకాలంగా బలమైన రాజకీయ గుర్తింపుగా ఉన్నాయి. ఇప్పుడు అదే సంక్షేమ విధానాలను కొనసాగిస్తూనే.. వాటికి తనదైన పేరు, గుర్తింపును జోడించడం ద్వారా విజయ్‌ ప్రత్యామ్నాయ రాజకీయ బ్రాండ్‌ను నిర్మించుకునే ప్రయత్నం చేస్తున్నారనే విశ్లేషణ వినిపిస్తోంది.కామరాజ్‌ పేరు ఎంపిక కూడా ఇందులో కీలకమే. విద్య, పాఠశాలల విస్తరణ, విద్యార్థుల సంక్షేమంతో ఆయన పేరు తమిళ ప్రజల్లో బలంగా ముడిపడి ఉంది. పేద పిల్లల విద్యపై ఆయనకు ఉన్న గుర్తింపును దృష్టిలో పెట్టుకుంటే.. విద్యార్థుల కోసం అమలు చేస్తున్న పథకానికి ఆయన పేరు పెట్టడం ద్వారా తన పాలనను ఆ వారసత్వంతో అనుసంధానించుకునే ప్రయత్నంగా దీన్ని చూడొచ్చు.కుల సమీకరణాల కార్డుగా?కామరాజ్‌కు నాడార్‌ సమాజంతో ఉన్న చారిత్రక అనుబంధం కూడా ఈ నిర్ణయానికి మరో రాజకీయ కోణాన్ని తెస్తోంది. ముఖ్యంగా దక్షిణ తమిళనాడులో సామాజిక వర్గాల ప్రాధాన్యం నేపథ్యంలో.. కామరాజ్‌ పేరును ముందుకు తేవడం ద్వారా ఆ వర్గాలతో పాటు విస్తృత సామాజిక సమీకరణాలను ఆకర్షించే ప్రయత్నంగా కొందరు విశ్లేషకులు చూస్తున్నారు. అయితే దీనివల్ల తక్షణమే ఓట్ల లాభం వస్తుందని చెప్పడానికి ఆధారాలు లేవు. అందుకే ఈ పేరు మార్పును కేవలం పథకం రీబ్రాండింగ్‌గా చూడటం కంటే.. విజయ్‌ తన రాజకీయ గుర్తింపును విస్తరించుకునే ప్రయత్నంగా చూడాల్సి ఉంటుందనే కోణమూ చర్చనీయాంశమైంది.బీజేపీకి ఎక్కడ అవకాశం?కామరాజ్‌ తమిళ రాజకీయ చరిత్రలో కాంగ్రెస్‌తో బలంగా అనుసంధానమైన నాయకుడు. అయినప్పటికీ విద్య, సమగ్ర అభివృద్ధి, పేదల సంక్షేమం వంటి అంశాల్లో ఆయనకు ఉన్న గుర్తింపు రాజకీయంగా విస్తృతంగా ఉపయోగపడేలా ఉంది. ఇటీవల కామరాజ్‌ జయంతి సందర్భంగా ప్రధాని నరేంద్ర మోదీ కూడా ఆయన విద్య, సమగ్ర అభివృద్ధి, పేదల సంక్షేమానికి చేసిన కృషిని ప్రత్యేకంగా ప్రస్తావించారు. ఇటు బీజేపీకి కూడా ఇందులో ఓ రాజకీయ కోణం కనిపిస్తోంది. చారిత్రక నాయకుడైన కామరాజ్‌ను కేవలం ఒక పార్టీకి పరిమితమైన నేతగా కాకుండా.. విద్య, అభివృద్ధి, పేదల సంక్షేమానికి ప్రతీకగా ప్రస్తావించడం ద్వారా తమిళనాడులో తన రాజకీయ కథనానికి అనుసంధానించే అవకాశం బీజేపీకి ఉంటుంది.కామరాజ్‌ పేరుతో కేంద్ర స్థాయిలో ఓ పథకం తీసుకురావాలని ప్రధాని మోదీని కోరుతూ ఓ బృందం విజ్ఞప్తి చేసినట్లు సమాచారం. అదే జరిగితే.. రాష్ట్రంలో విజయ్‌ ప్రభుత్వం కామరాజ్‌ పేరును ముందుకు తీసుకెళ్తున్న సమయంలో, కేంద్రంలో బీజేపీ కూడా ఆయన వారసత్వాన్ని తనదైన రీతిలో ప్రస్తావించినట్లవుతుంది. కాబట్టి, టీవీకే, డీఎంకేలా కాకుండా బీజేపీ కామరాజ్‌ వారసత్వాన్ని తమిళనాడులో తన రాజకీయ విస్తరణకు ఉపయోగించుకునే అవకాశాన్ని పరిశీలిస్తున్నట్లు కనిపిస్తోంది. కామరాజ్‌ పేరు చుట్టూ ఇప్పుడు మూడు రాజకీయ లెక్కలు కనిపిస్తున్నాయి. విజయ్‌ తనదైన సంక్షేమ, సామాజిక రాజకీయ బ్రాండ్‌ కోసం చూస్తుంటే.. డీఎంకే తన పథకాలకు ఉన్న రాజకీయ క్రెడిట్‌ను కాపాడుకోవాల్సి వస్తోంది. బీజేపీ మాత్రం కామరాజ్‌ వారసత్వాన్ని తమిళనాడులో తనకు అనుకూలమైన రాజకీయ స్పేస్‌గా మలుచుకునే అవకాశం కోసం చూస్తోంది. ఈ లెక్కలు చివరికి ఎన్నికల ఓట్లుగా మారుతాయా? లేక కామరాజ్‌ పేరు మరో రాజకీయ చర్చగానే మిగిలిపోతుందా? అన్నదే ఇప్పుడు అసలు ఆసక్తి.ఇదీ చదవండి: ఆ హీరో కూడా పాలిటిక్స్‌కు వస్తే.. ఇక అంతే!

సాక్షి, ఢిల్లీ: గుజరాత్‌ ముఖ్యమంత్రిగా బాధ్యతలు చేపట్టి 25 ఏళ్లు పూర్తయిన సందర్భంగా ప్రధాని నరేంద్ర మోదీ తన సుదీర్ఘ రాజకీయ ప్రయాణాన్ని గుర్తు చేసుకున్నారు. సరిగ్గా 2001 అక్టోబర్‌ 7న గుజరాత్‌ సీఎంగా బాధ్యతలు చేపట్టిన తాను.. ఇన్నేళ్లుగా ప్రజలకు సేవ చేసే అవకాశం దక్కడం అదృష్టంగా భావిస్తున్నానన్నారు. ఇంత ఉన్నత స్థాయికి చేరుకుంటానని అప్పట్లో ఊహించలేదని చెప్పారు. ప్రతి విజయం తనలో ‘నేను ఏదైనా సాధించగలను’ అనే నమ్మకాన్ని పెంచిందని తెలిపారు.ఢిల్లీలో బుధవారం నిర్వహించిన ప్రత్యేక కార్యక్రమంలో ఆయన మాట్లాడుతూ.. ‘‘దేశ ప్రజలకు తలవంచి నమస్కరిస్తున్నా. రాష్ట్ర ఎన్నికలైనా.. సాధారణ ఎన్నికలైనా ప్రజలు నాపై విశ్వాసం ఉంచారు. ఈ రోజు ఉదయం కూడా దేశ ప్రజలందరి కోసం వినాయకుడిని ప్రార్థించాను. ప్రజలకు సేవ చేసేందుకు మరింత శక్తిని ఇవ్వాలని కోరుకున్నా. నాకు ప్రజలే భగవంతుడి స్వరూపం. దేశం నాకు ఎంతో ఇచ్చింది. అందుకే దేశమే నాకు ప్రథమ ప్రాధాన్యం’’ అని మోదీ పేర్కొన్నారు.ఇప్పటికీ నేర్చుకుంటున్నా..తనను తాను ఇప్పటికీ విద్యార్థిగానే భావిస్తానని మోదీ చెప్పారు. చిన్నప్పుడు వడోదరలో కాకుండా వడ్నగర్‌లో పాఠశాలకు వెళ్లిన రోజుల్లో తరగతికి తొలుత వచ్చేవారిలో తానూ ఒకడినని గుర్తుచేసుకున్నారు. నేర్చుకోవాలన్న ఆసక్తి అప్పటి నుంచే తనలో భాగమైందన్నారు. ‘‘ఎంత ఎక్కువ నేర్చుకుంటే.. దేశానికి సేవ చేసే సామర్థ్యం అంత పెరుగుతుంది. ప్రతిరోజూ ఏదో ఒక కొత్త విషయం నేర్చుకోవడానికి ప్రయత్నిస్తా’’ అని చెప్పారు.తన 25 ఏళ్ల ప్రయాణంలో ఎదురైన ప్రతి సంకటం ఒక పాఠం నేర్పిందన్నారు. ప్రతి విజయం బాధ్యతను పెంచిందని, ప్రతి సాధన మరింత పెద్ద లక్ష్యాల వైపు వెళ్లేందుకు ధైర్యాన్ని ఇచ్చిందని చెప్పారు. మద్దతుదారులు తనకు ప్రోత్సాహాన్ని ఇస్తే.. విమర్శకులు తనను తాను పరిశీలించుకునేలా చేశారని పేర్కొన్నారు.భూకంపం నుంచి చంద్రయాన్‌ వరకు..గుజరాత్‌ సీఎంగా బాధ్యతలు చేపట్టిన సమయంలో ఎదురైన భుజ్‌ భూకంపం పునర్నిర్మాణంలో పట్టుదలగా ఉండటం నేర్పిందని మోదీ గుర్తుచేసుకున్నారు. చంద్రయాన్‌ వైఫల్యం నుంచి తిరిగి లేవడం నేర్చుకున్నానని తెలిపారు. కరోనా మహమ్మారి దేశ సమష్టి చైతన్యం, ఐక్యత ప్రాధాన్యాన్ని తెలియజేసిందన్నారు. తీపి, చేదు అనుభవాల మధ్య ముందుకు సాగేందుకు మీడియా కూడా తనకు ప్రేరణనిచ్చిందని పేర్కొన్నారు.సేవే ధర్మం.. దేశమే తొలి ప్రాధాన్యంఎన్డీయే మిత్రపక్షాలతో పాటు బీజేపీ, రాజకీయ సహచరులు, తనపై విశ్వాసం ఉంచిన ప్రజలందరికీ మోదీ కృతజ్ఞతలు తెలిపారు. ‘‘సేవే ధర్మం. నేను యాంబిషన్‌ కోసం కాదు.. మిషన్‌ కోసం జీవిస్తున్నా’’ అని స్పష్టం చేశారు. వేల ఏళ్ల చరిత్ర, గొప్ప సాంస్కృతిక వారసత్వం ఉన్న దేశానికి సేవ చేసే అవకాశం తనకు లభించడం గొప్ప గౌరవంగా భావిస్తున్నానన్నారు.25 ఏళ్ల ప్రస్థానం కేవలం గతాన్ని గుర్తుచేసుకునే సందర్భం కాదని.. భవిష్యత్తు కోసం సంకల్పాన్ని పునరుద్ఘాటించే సమయమని మోదీ పేర్కొన్నారు. 2047 నాటికి వికసిత్‌ భారత్‌ లక్ష్యాన్ని సాధిస్తామని, ప్రపంచంలోని టాప్‌-3 ఆర్థిక వ్యవస్థల్లో భారత్‌ను నిలబెడతామని ధీమా వ్యక్తం చేశారు. ‘‘మనం సాధిస్తాం.. తప్పకుండా సాధిస్తాం’’ అంటూ తన ప్రసంగాన్ని ముగించారు.ఇదీ చదవండి: ఎస్‌ఐఆర్ పేరుతో అసలు ఏం జరుగుతోంది?

సాక్షి,హైదరాబాద్‌: తెలంగాణ రాజకీయాలపై బీజేపీ అగ్రనాయకత్వం ప్రత్యేక దృష్టి సారించింది. రాష్ట్రంలో అధికార పక్షాన్ని దీటుగా ఎదుర్కొంటూ, కేడర్‌లో నూతనోత్సాహం నింపే లక్ష్యంతో బీజేపీ అగ్రనాయకత్వం పావులు కదుపుతోంది. ఇందులో భాగంగా పార్టీ రాష్ట్ర ప్రచార కమిటీ ఛైర్మన్‌ పగ్గాలను మాజీ అధ్యక్షుడు, కేంద్ర మంత్రి బండి సంజయ్‌కు అప్పగించేందుకు రంగం సిద్ద మవుతున్నట్లు తెలుస్తోంది. తెలంగాణ రాజకీయాల్లో బీజేపీ దూకుడు అనగానే ముందుగా గుర్తుకువచ్చే పేరు బండి సంజయ్ అనడంలో ఎలాంటి అతిశయోక్తి లేదు. గతంలో ఆయన రాష్ట్ర అధ్యక్షుడిగా ఉన్న సమయంలో పార్టీ శ్రేణుల్లో కన్పించిన ఉత్సాహం, అధికార పార్టీపై చేపట్టిన పోరాటాలు కేడర్‌ను ఎంతగానో ఆకట్టుకున్నాయి. ప్రస్తుతం పార్టీని మరింత దూకుడుగా ముందుకు తీసుకెళ్లాలంటే బండి సంజయ్‌ దూకుడు రాజకీయ శైలియే సరైనదనే భావనకు బీజేపీ అధిష్టానం వచ్చినట్లు తెలుస్తోంది. అందుకే ఆయనను ఎన్నికల ప్రచార కమిటీ ఛైర్మన్‌ పీఠంపై కూర్చోబెట్టే ప్రయత్నాలు జరుగుతున్నట్లు సమాచారం. మరో పాదయాత్రకు రంగం సిద్ధం?2022లో రాష్ట్ర అధ్యక్షుడి హోదాలో బండి సంజయ్‌ ‘ప్రజా సంగ్రామ యాత్ర’ పేరుతో పాదయాత్ర చేశారు. దాదాపు 57అసెంబ్లీ నియోజకవర్గాలు, సుమారు 1,592 కిలోమీటర్లకు పైగా సాగిన ఈ పాదయాత్ర ఉమ్మడి జిల్లాల వ్యాప్తంగా ప్రజలను కలుస్తూ మొత్తం ఐదు విడతలుగా సాగింది. బండి సంజయ్ చేపట్టిన పాదయాత్ర పార్టీని ఏవిధంగా గ్రామీణ ప్రాంతాలకు, ప్రజల్లోకి తీసుకెళ్లిందో ప్రత్యేకంగా చెప్పనవసరం లేదు. అదే ఫార్ములాను మరోసారి రిపీట్ చేయాలని హైకమాండ్ యోచిస్తోంది. పార్టీ కేడర్‌లో జోష్‌ను నింపేందుకు, ప్రజల్లో ప్రభుత్వ వైఫల్యాలను ఎండగట్టేందుకు బండి సంజయ్‌తో మరో భారీ పాదయాత్ర చేయించాలనే ప్రతిపాదన ప్రస్తుతం కమలదళంలో చర్చనీయాంశమైంది.దసరా ముహూర్తం.. పండగ కానుకగా ప్రకటన?రాజకీయంగా ఎంతో ప్రాధాన్యత సంతరించుకున్న ఈ పరిణామాలపై దసరా పండుగ వేళ అధికారిక ప్రకటన వెలువడే అవకాశం ఉందని సమాచారం. విజయదశమి రోజున చెడుపై మంచి సాధించిన విజయంలాగే, తెలంగాణ రాజకీయాల్లో తమ పార్టీ పుంజుకునేందుకు ఈ నిర్ణయం నాంది పలకనుందని బీజేపీ పెద్దలు భావిస్తున్నారు. మొత్తానికి, బండి సంజయ్‌కు ఈ కీలక బాధ్యతలు అప్పగించడం ద్వారా తెలంగాణ రాజకీయ సమీకరణాలను ఒక్కసారిగా తమ వైపు తిప్పుకోవాలని బీజేపీ హైకమాండ్ వేస్తున్న ఈ పావులు ఎంతవరకు ఫలిస్తాయో వేచి చూడాలి!ఇదీ చదవండి: డిప్రెషన్‌లోకి కన్న పేగు.. తల్లి తల్లడిల్లిపోతోంది: బండి సంజయ్‌

న్యూఢిల్లీ: సీఈసీ జ్ఞానేశ్ కుమార్ రాజీనామా చేయాలంటూ మంగళవారం విపక్షాల ఆందోళన కొనసాగుతోంది. ఢిల్లీలో ఇండియా కూటమి ఎంపీలు పార్లమెంట్‌ మకర ద్వారం నుంచి ఎన్నికల సంఘం కార్యాలయం వరకు నిరసన మార్చ్‌ చేపట్టారు. అయితే పోలీసుల బ్యారికేడ్ల కారణంగా మార్చ్‌ నీతి ఆయోగ్‌ కార్యాలయం వద్ద నిలిచిపోయింది. దీంతో రాహుల్‌ గాంధీ సహా పలువురు విపక్ష నేతలు రోడ్డుపైనే బైఠాయించారు. అనంతరం రాహుల్‌ గాంధీ, ప్రియాంక గాంధీ, అఖిలేశ్‌ యాదవ్‌ తదితరులను పోలీసులు అదుపులోకి తీసుకున్నారు.ఈ నిరసనపై బీజేపీ చేసిన విమర్శలకు సమాజ్‌వాదీ పార్టీ ఎంపీ జయా బచ్చన్ స్పందించారు. బీజేపీ అధికారంలో ఉన్నందున ఆరోపణలు చేయడం ఆ పార్టీ పని అని అన్నారు. తాము తమ పని చేసుకుంటున్నామని, పార్టీ నాయకత్వం ఏ ఆదేశాలు ఇస్తే వాటిని అనుసరిస్తామని చెప్పారు. బీజేపీపై వ్యాఖ్యల సందర్భంగా జయా బచ్చన్‌ గణేశుడిని ప్రస్తావించారు. ‘గణేశ్‌జీ చెడు విషయాలకు సాయం చేయరు’ అని అన్నారు. తాము ఏదైనా శుభకార్యాన్ని ప్రారంభించే ముందు గణేశుడిని ప్రార్థిస్తామని చెప్పారు. తమ కార్యక్రమాన్ని కూడా ఆయన ఆశీస్సులతో ప్రారంభించామని, ఆయనే తమను చూసుకుంటారని పేర్కొన్నారు.ఎన్నికల ప్రక్రియలో అవకతవకలు జరిగాయంటూ ఆరోపిస్తూ విపక్షాలు సీఈసీ జ్ఞానేశ్ కుమార్ రాజీనామా చేయాలని డిమాండ్ చేస్తున్నాయి. ఈ అంశంపై ఇండియా కూటమి ఎంపీలు నిరసనలు చేపడుతున్నారు. మంగళవారం చేపట్టిన మార్చ్‌లోనూ ఇదే ప్రధాన డిమాండ్‌గా నిలిచింది. జ్ఞానేశ్ కుమార్ రాజీనామా డిమాండ్‌ తప్ప మరో మార్గం లేదా అని ప్రశ్నించగా జయా బచ్చన్‌ నేరుగా సమాధానం ఇవ్వలేదు. ఈ అంశంపై తాను ఏమీ చెప్పదలుచుకోలేదని తెలిపారు. తమ పార్టీ నాయకత్వం ఏ నిర్ణయం తీసుకుంటే దానినే తాము అనుసరిస్తామని స్పష్టం చేశారు. సీఈసీకి వ్యతిరేకంగా విపక్షాల నిరసన నేపథ్యంలో అధికార, ప్రతిపక్షాల మధ్య రాజకీయ విమర్శలు మరింత పెరిగాయి. ఇండియా కూటమి ఎంపీల మార్చ్‌ను పోలీసులు అడ్డుకోవడం, అనంతరం పలువురు నేతలను అదుపులోకి తీసుకోవడంతో ఢిల్లీలో రాజకీయ ఉద్రిక్తత నెలకొంది. ఈ క్రమంలో జయా బచ్చన్ చేసిన గణేశుడి వ్యాఖ్యలు రాజకీయంగా చర్చనీయాంశంగా మారాయి.ఇదీ చదవండి: ఏఐ వీడియోతో పోలీసులపై నిందలు.. యూట్యూబర్ అరెస్ట్

పూణే: ఫ్లైదుబాయ్‌ విమానాన్ని ప్రమాదం నుంచి కాపాడిన భారతీయ పైలట్‌ కెప్టెన్‌ స్మిత్‌ మచ్చర్‌ను అభినందిస్తూ పూణెలో ఏర్పాటు చేసిన పోస్టర్లు రాజకీయ వివాదానికి దారితీశాయి. ‘మచ్చర్‌ అవ్వండి.. కాక్రోచ్‌లు కాదు’ అంటూ బీజేపీ యువమోర్చా ఏర్పాటు చేసిన ఈ బ్యానర్లు చర్చనీయాంశంగా మారాయి. పోస్టర్‌లోని ‘బొద్దింక’ పదం రాజకీయ ప్రత్యర్థులను, ఇటీవలి విద్యార్థి నిరసనలను ఉద్దేశించేలా ఉందంటూ విమర్శలు వచ్చాయి.సెప్టెంబర్‌ 30న దుబాయ్‌ నుంచి టెల్‌ అవీవ్‌కు వెళ్తున్న ఫ్లైదుబాయ్‌ FZ1073 విమానంలో అనూహ్య ఘటన చోటుచేసుకుంది. సహ పైలట్‌ హమామ్‌ అల్‌ హమామీ కెప్టెన్‌ స్మిత్‌ మచ్చర్‌పై దాడి చేయడంతో విమానం ఒక్కసారిగా కిందకు దిగిపోయింది. తీవ్ర గాయాలైనప్పటికీ మచ్చర్‌ కాక్‌పిట్‌ తలుపు తెరిచి సిబ్బందికి, ప్రయాణికులకు లోపలికి వచ్చే అవకాశం కల్పించారు. తరువాత విమానం సౌదీ అరేబియాలోని టబుక్‌లో సురక్షితంగా ల్యాండ్‌ అయింది. पुणे, महाराष्ट्र: पुणे की सड़कों पर भारतीय जनता युवा मोर्चा (शहर) ने एक बैनर लगाया है। बैनर पर लिखा है, 'जब जिंदगी आपको मौका दे, तो कॉकरोच नहीं बल्कि मच्छार बनें।' https://t.co/g7LWlu6hoI— IANS Hindi (@IANSKhabar) October 5, 2026ఈ ఘటన తర్వాత కెప్టెన్‌ మచ్చర్‌ పేరును ఉపయోగిస్తూ పూణెలో పలు బ్యానర్లు కనిపించాయి. దానిలో ‘జీవితంలో అవకాశం లభించినపపుడు దోమలా మారండి.. బొద్దింకలా కాదు’ అనిరాసి ఉంది. బీజేపీ యువమోర్చా, పుణె పేరుతో ఈ పోస్టర్లు ఏర్పాటు చేశారు. మచ్చర్‌ ఇంటిపేరును ‘బొద్దింక’ పదంతో ముడిపెడుతూ చేసిన ఈ ప్రచారం సోషల్‌ మీడియాలో చర్చకు దారితీసింది. పోస్టర్‌లోని సందేశం కేవలం పైలట్‌ ధైర్యాన్ని ప్రశంసించడానికే పరిమితం కాలేదని విమర్శకులు అంటున్నారు. రాజకీయ ప్రత్యర్థులను లక్ష్యంగా చేసుకునేలా ఈ పదజాలాన్ని ఉపయోగించారని వారు అభ్యంతరం వ్యక్తం చేస్తున్నారు. ‘మచ్చర్‌’ అంటే హిందీలో దోమ అని అర్థం. ఇదీ చదవండి: 10,500 ఏళ్ల కిందటే ఇళ్లు.. జర్మనీలో షాకిస్తున్న ఆధారాలు!

లక్నో: సిట్టింగ్‌ రాజ్యసభ సభ్యులకు బీజేపీ బిగ్‌ షాకిచ్చింది. ఉత్తరప్రదేశ్ రాజ్యసభ ఎన్నికలకు సంబంధించి బీజేపీ ఎనిమిది మంది అభ్యర్థులతో కూడిన జాబితాను విడుదల చేసింది. అక్టోబర్ 16న జరగనున్న ఈ ఎన్నికల కోసం ప్రకటించిన జాబితాలో కేంద్ర మంత్రులు హర్దీప్ సింగ్ పూరి, బన్వారీలాల్ వర్మ (బీఎల్‌ వర్మ)లతో పాటు పలువురు సిట్టింగ్ సభ్యులను పక్కన పెట్టింది. మొత్తంగా ఏడుగురు సిట్టింగ్ రాజ్యసభ సభ్యులను పక్కన పెట్టి కొత్త వారికి హైకమాండ్ అవకాశం కల్పించింది. ఈ జాబితా ప్రకారం.. ధర్మపాల్ సింగ్, రాధాకాంత్ ఓజా, ప్రకాష్ పాల్, విద్యాసాగర్ సోంకర్, గోపి కృష్ణ పాండే, ప్రియాంక సింగ్ రావత్, రామ్ ప్రతాప్ సింగ్ చౌహాన్, శృతి గంగ్వార్‌లకు బీజేపీ స్థానం కల్పించింది. ఇప్పటివరకు రాజ్యసభ సభ్యులుగా కొనసాగుతున్న హర్దీప్‌‌ సింగ్ పూరి, బన్వారీలాల్‌ వర్మతో పాటు అరుణ్‌ సింగ్‌, సీమా ద్వివేదీ, నీరజ్‌‌ శేఖర్‌, బ్రిజ్‌లాల్‌, గీతా షాక్యాలకు మొండి చేయి చూపించింది. రానున్న 2027 అసెంబ్లీ ఎన్నికలను దృష్టిలో ఉంచుకుని బీజేపీ ఈ అభ్యర్థుల ఎంపికలో కుల ప్రాతినిధ్యం, సంస్థాగత అనుభవానికి సమ ప్రాధాన్యం ఇచ్చింది. ముగ్గురు ఓబీసీలు, ఇద్దరు ఎస్సీలు, ముగ్గురు అప్పర్ క్యాస్ట్ అభ్యర్థులతో పాటు ఇద్దరు మహిళలకు స్థానం కల్పించింది. మహిళా అభ్యర్థులలో బారాబంకీ మాజీ ఎంపీ ప్రియాంక సింగ్ రావత్ ఒకరు కాగా, మరొకరు జార్ఖండ్ గవర్నర్ సంతోష్ గంగ్వార్ కుమార్తె శృతి గంగ్వార్ ఉన్నారు. తూర్పు ఉత్తరప్రదేశ్‌కు చెందిన దళిత నాయకుడు విద్యాసాగర్ సోంకర్ గతంలో లోక్‌సభ ఎంపీగా, ఎమ్మెల్సీగా, అలాగే పార్టీ రాష్ట్ర ప్రధాన కార్యదర్శిగా సేవలందించారు. అలాగే సంస్థాగత అనుభవం ఉన్న ప్రకాష్ పాల్ (కాన్పూర్-బుందేల్‌ఖండ్ ప్రాంతీయ మాజీ లీడర్), రామ్ ప్రతాప్ సింగ్ చౌహాన్‌ (పశ్చిమ యూపీ బాధ్యతలు నిర్వహిస్తున్న రాష్ట్ర ప్రధాన కార్యదర్శి)లకు కూడా అధిష్టానం అవకాశం కల్పించింది.ఉత్తరప్రదేశ్ రాజ్యసభ ఎన్నికల్లో తాము పోటీ చేస్తున్న స్థానాలను కైవసం చేసుకుంటామని బీజేపీ ధీమా వ్యక్తం చేస్తుండగా, మిగతా స్థానాలపై సమాజ్‌వాది పార్టీ (ఎస్పీ) కూడా గట్టి పట్టు సాధించాలని వ్యూహాలు రచిస్తోంది. ఇదీ చదవండి : ఎవరీ కోయల్ మల్లిక్?

కోల్‌కతా: బెంగాలీ సినీ నటి కోయల్ మల్లిక్ మరోసారి వార్తల్లో నిలిచారు. కొద్ది నెలల క్రితమే తృణమూల్ కాంగ్రెస్ (టీఎంసీ) తరఫున రాజ్యసభ సభ్యురాలిగా ప్రమాణ స్వీకారం చేసిన ఆమె.. ఆ పదవికి రాజీనామా చేశారు. ఇప్పుడు పశ్చిమ బెంగాల్ నుంచి రాజ్యసభ ద్వైవార్షిక ఎన్నికలకు బీజేపీ తమ అభ్యర్థిగా ఆమెను ఎంపిక చేసింది. కోయల్ మల్లిక్ బెంగాలీ చిత్ర పరిశ్రమలో ప్రముఖ నటిగా గుర్తింపు పొందారు. ఆమె అసలు పేరు రుక్మిణి మల్లిక్. ప్రముఖ బెంగాలీ నటుడు రంజిత్ మల్లిక్, దీపా మల్లిక్ దంపతుల కుమార్తె. కోల్‌కతాలోని మోడర్న్ హై స్కూల్ ఫర్ గర్ల్స్‌లో ప్రాథమిక విద్యను అభ్యసించిన ఆమె.. గోఖలే మెమోరియల్ గర్ల్స్ కాలేజీలో ఉన్నత విద్య చదివారు. సైకాలజీలో బీఎస్సీ పట్టా పొందారు.ఈ ఏడాది ఆరంభంలో పశ్చిమ బెంగాల్ మాజీ ముఖ్యమంత్రి మమతా బెనర్జీ ఆమెను టీఎంసీ తరఫున రాజ్యసభకు నామినేట్ చేశారు. ఏప్రిల్ 6న కోయల్ మల్లిక్ రాజ్యసభ సభ్యురాలిగా ప్రమాణ స్వీకారం చేశారు. అయితే పార్లమెంటులో ఒక్క సమావేశానికి కూడా హాజరుకాకముందే ఆమె పదవికి రాజీనామా చేయడం అప్పట్లో చర్చనీయాంశమైంది. జూలై 16న కోయెల్ మల్లిక్ రాజ్యసభ సభ్యత్వానికి రాజీనామా చేశారు. పశ్చిమ బెంగాల్ అసెంబ్లీ ఎన్నికల్లో టీఎంసీకి ఎదురుదెబ్బ తగిలిన కొద్దికాలానికే ఆమె ఈ నిర్ణయం తీసుకున్నారు. ఖాళీ అయిన రాజ్యసభ స్థానానికి అక్టోబర్ 16న ఉప ఎన్నిక నిర్వహించనున్నట్లు ఎన్నికల సంఘం ప్రకటించింది. রাজ্য বিজেপি প্রধান কার্যালয়, ৬ মুরলিধর সেন লেনে সাংবাদিকদের মুখোমুখি রাজ্য সাধারণ সম্পাদিকা শ্রীমতি @shashikisoch https://t.co/ga8ZNHHR6t— BJP West Bengal (@BJP4Bengal) October 5, 2026కోయల్ మల్లిక్ (Koel Mallick) రాజీనామా విషయాన్ని ముందుగానే టీఎంసీ నాయకత్వానికి ఈ మెయిల్ ద్వారా తెలియజేసినట్లు మమతా బెనర్జీ అప్పట్లో వెల్లడించారు. అనంతరం ఆమె స్వయంగా రాజీనామా పత్రాన్ని సమర్పించారు. కోయల్‌ను ప్రతిభావంతమైన, గౌరవనీయమైన సినీ కళాకారిణిగా మమత పేర్కొన్నారు. టీఎంసీకి రాజీనామా చేసిన కొన్ని నెలలకే కోయల్ మల్లిక్ పేరు బీజేపీ రాజ్యసభ అభ్యర్థిగా తెరపైకి వచ్చింది. పశ్చిమ బెంగాల్ నుంచి జరగనున్న రాజ్యసభ ద్వైవార్షిక ఎన్నికల్లో ఆమెను బీజేపీ ఎంపిక చేసింది. దీంతో ఒకే ఏడాదిలో టీఎంసీ తరఫున రాజ్యసభలోకి వచ్చిన కోయెల్.. అదే పదవికి ఇప్పుడు బీజేపీ అభ్యర్థిగా మారడం రాజకీయంగా ఆసక్తిని రేకెత్తిస్తోంది.ఇదీ చదవండి: అద్దెకు ‘ఆ నలుగురు’... ఇది ‘చివరి స్టార్టప్‌’

ముంబై: ప్రధాన ఎన్నికల కమిషనర్‌(సీఈసీ) జ్ఞానేశ్‌ అధికార బీజేపీ చేతిలో ఆయుధంగా మారిపోయారని శివసేన(ఉద్ధవ్‌) అధినేత, మహారాష్ట్ర మాజీ ముఖ్యమంత్రి ఉద్ధవ్‌ ఠాక్రే ఆగ్రహం వ్యక్తంచేశారు. బీజేపీకి లబ్ధి చేకూర్చేలా సీఈసీ పని చేస్తున్నారని విమర్శించారు. ఎన్నికల జాబితా ప్రత్యేక సమగ్ర సవరణ(ఎస్‌ఐఆర్‌) పేరిట ప్రజల ఓట్లను విచ్చలవిడిగా తొలగిస్తున్నారని మహారాష్ట్ర నవనిర్మాణ సేన(ఎంఎన్‌ఎస్‌) అధినేత రాజ్‌ ఠాక్రే మండిపడ్డారు. మహారాష్ట్రలో ఎస్‌ఐఆర్‌ను తక్షణమే రద్దు చేయాలని డిమాండ్‌ చేశారు. జ్ఞానేశ్‌కు వ్యతిరేకంగా ఆదివారం ముంబైలో ఠాక్రే సోదరుల నేతృత్వంలో ‘విరాట్‌ గర్జన మోర్చా’ పేరిట భారీ నిరసన ర్యాలీ నిర్వహించారు. వేలాది మంది జనం హాజరయ్యారు. ఓటర్ల జాబితా నుంచి బంగ్లాదేశీయులను తొలగించేందుకు ఎస్‌ఐఆర్‌ చేపట్టినట్లయితే ఇప్పటివరకు ఎంతమందిని గుర్తించారో చెప్పాలని ఉద్ధవ్‌ ప్రశ్నించారు. ప్రతిపక్షాల పోరాటం ఏదో ఒక పార్టీ, నాయకుడు, మతం లేదా కులానికి సంబంధించినది కాదని, ఇది దేశ స్వేచ్ఛ కోసం జరుగుతున్న పోరాటమని ఉద్ధవ్‌ అన్నారు. ఇది నక్కల యాత్ర: బీజేపీ శివసేన(ఉద్ధవ్‌), ఎంఎన్‌ఎస్‌లు ఆదివారం ముంబైలో చేపట్టిన ఈ ర్యాలీ ఒక ‘నక్కల యాత్ర’గా సాగిందని మహారాష్ట్ర మంత్రి, బీజేపీ నాయకుడు ఆశిష్‌ షెలార్‌ ఎద్దేవా చేశారు. ‘‘ఆదివారం ప్రపంచ జంతు దినోత్సవం. ఈరోజే శివసేన, ఎంఎన్‌ఎస్‌ ర్యాలీచేయడం విశేషం. ఇది అచ్చం నక్కల అరుపుల ర్యాలీలా ఉంది. ఎత్తులోని ద్రాక్షను అందుకోలేక నక్క అవి పుల్లగా ఉన్నాయని చెబుతుంది. ఇప్పుడీ పార్టీలు సైతం ఎన్నికల్లో గెలవలేక ఈసీపై నిందలు వేస్తున్నాయి’’ అని విమర్శించారు.

సాక్షి, హైదరాబాద్‌: రాష్ట్రంలో బీజేపీని మరింత బలోపేతం చేయడంపై పార్టీ అధిష్టానం దృష్టి సారించింది. రాష్ట్ర రాజకీయాల్లో చోటుచేసుకుంటున్న తాజా పరిణామాలతోపాటు రానున్న ఎన్నికలను దృష్టిలో పెట్టుకొని పార్టీ సంస్థాగతంగా మరింత పటిష్టం కావాల్సిన అవసరాన్ని గుర్తించిన అధిష్టానం.. రాష్ట్ర వ్యవహారాల ఇన్‌చార్జ్‌గా సునీల్‌బన్సల్‌కు ఆ బాధ్యతలు అప్పగించింది. సహ ఇన్‌చార్జ్‌లుగా అభయ్‌ పాటిల్, రేఖాశర్మను నియమించింది. వీరు వచ్చిరాగానే తమ వ్యూహరచనను అమలు చేసేలా ప్రణాళికలు సిద్ధం చేసే పనిలో పడ్డారు.వారితోపాటు సంస్థాగత కార్యదర్శి మధుకర్, సంయుక్త కార్యదర్శి దశరథ్‌ కూడా రంగంలోకి దిగనున్నట్టు సమాచారం. రాష్ట్ర కార్యాలయంలో సోమవారం నిర్వహించే బీజేపీ రాష్ట్ర పదాధికారుల సమావేశంలో కీలక నిర్ణయాలు తీసుకునే అవకాశాలున్నాయి. పార్టీ రాష్ట్ర అధ్యక్షుడు రాంచందర్‌రావు అధ్యక్షతన జరిగే ఈ మీటింగ్‌లో మధుకర్, దశరథ్, అభయ్‌పాటిల్‌ ఉంటారు. బీజేపీ రాష్ట్ర పదాధికారులు, జిల్లా అధ్యక్షులు, ఇన్‌చార్జ్‌లతో సమావేశమవుతారు. ఎమ్మెల్సీ ఎన్నికలు, సేవా సంకల్ప్‌ అభియాన్, పార్టీ సంస్థాగత, తాజా రాజకీయ పరిణామాలపై చర్చించే అవకాశాలున్నట్టు తెలుస్తోంది. శ్రేణులతో సమన్వయం చేసుకుంటూ క్షేత్రస్థాయిలో బీజేపీ బలాన్ని పెంచేలా ఈ సమావేశంలో కార్యాచరణ రూపొందించనున్నట్టు సమాచారం. ఖైరతాబాద్‌ ఉపపోరుపై .. వచ్చే ఏడాది ఉమ్మడి వరంగల్‌–ఖమ్మం–నల్లగొండ, ఉమ్మడి రంగారెడ్డి–హైదరాబాద్‌–మహబూబ్‌నగర్‌ పట్టభద్రుల ఎమ్మెల్సీ స్థానాలకు ఎన్నికలు జరగనున్నాయి. ఈ రెండు పట్టభద్రుల ఎమ్మెల్సీ ఎన్నికలను బీజేపీ ప్రతిష్టాత్మకంగా తీసుకుంది. రెండు స్థానాలను కైవసం చేసుకునేలా ఇప్పటి నుంచే ప్రణాళికలు రచిస్తున్నారు. పట్టభద్ర ఓటర్ల నమోదు నుంచి ప్రచారం, అభ్యర్థుల ఎంపిక, నియోజకవర్గాల వారీగా పార్టీ యంత్రాంగాన్ని సమన్వయం చేయడం వరకు సమగ్ర కార్యాచరణ రూపొందించే అవకాశముంది. ఎమ్మెల్యే దానం నాగేందర్‌పై అనర్హత వేటు పడటంతో ఖైరతాబాద్‌ అసెంబ్లీ నియోజకవర్గానికి ఉపఎన్నిక అనివార్యంగా మారింది. దీంతో ఖైరతాబాద్‌ను కూడా బీజేపీ నాయకత్వం కీలక రాజకీయ అవకాశంగా చూస్తున్నట్టు తెలుస్తోంది. ఉప ఎన్నిక ఎప్పుడు జరిగినా పార్టీ శ్రేణులు పూర్తిస్థాయిలో సిద్ధంగా ఉండేలా ఇప్పటి నుంచే వ్యూహ రచన చేస్తున్నారు. స్థానికంగా పార్టీ బలాబలాలు, సామాజిక సమీకరణాలు, గత ఎన్నికల ఫలితాలు, ప్రత్యర్థి పార్టీల పరిస్థితిపై సమగ్రంగా అధ్యయనం చేసి అభ్యర్థి ఎంపిక నుంచి ప్రచార వ్యూహం వరకు కార్యాచరణ రూపొందించనున్నట్టు సమాచారం.వచ్చే సాధారణ ఎన్నికలే లక్ష్యంగా.. తెలంగాణలో బీజేపీలో ఇన్నాళ్లుగా సంస్థాగతంగా ఎదురవుతున్న సమస్యలను చక్కదిద్దడంపైనా ప్రత్యేక దృష్టి పెట్టనున్నట్టు తెలుస్తోంది. జిల్లాలు, నియోజకవర్గాల స్థాయిలో నాయకుల మధ్య సమన్వయం, పార్టీ కార్యక్రమాల అమలు, కీలక పదవుల భర్తీ, అసంతృప్తి నేతలను సమన్వయం చేయడం వంటి అంశాలను అధిష్టానం పరిశీలించనున్నట్టు సమాచారం. పార్టీ బలోపేతానికి అడ్డుగా మారుతున్న అంశాలను గుర్తించి వాటికి పరిష్కారం చూపే దిశగా ఇన్‌చార్జ్‌ల కార్యాచరణ ఉంటుందని పార్టీ వర్గాలు చెబుతున్నాయి. వచ్చే సాధారణ ఎన్నికలను దృష్టిలో పెట్టుకొని పార్టీ యంత్రాంగాన్ని ఇప్పటి నుంచే ఎన్నికల మోడ్‌లోకి తీసుకెళ్లేలా నాయకత్వం దిశానిర్దేశం చేయనున్నట్టు తెలుస్తోంది. మొత్తంగా.. తెలంగాణలో బీజేపీని కేవలం ఎన్నికల సమయంలో మాత్రమే కాకుండా నిరంతరం ప్రజల్లో ఉండే రాజకీయ శక్తిగా తీర్చిదిద్దడమే లక్ష్యంగా అధిష్టానం కార్యాచరణకు సిద్ధమవుతున్నట్లు పార్టీ వర్గాల్లో చర్చ జరుగుతోంది.

హైదరాబాద్‌: కేంద్ర హోం మంత్రి అమిత్ షా ఆదివారం (అక్టోబర్ 4న) తెలంగాణలో పర్యటించాల్సి ఉండగా దాన్ని రద్దు చేసుకున్నారు. ముందుగా ప్రకటించాల్సిన షెడ్యూల్‌ ప్రకారం కరీంనగర్‌లోని ఓ ప్రైవేట్ కార్యక్రమంలో అమిత్‌ షా ముఖ్య అతిథిగా హాజరుకావాల్సి ఉంది ఆ తర్వాత హైదరాబాద్‌కు వస్తారని బీజేపీ వర్గాలు భావించాయి. ఇటీవల తెలంగాణకు కొత్తగా నియమితులైన ఇన్‌ఛార్జ్‌లతో భేటీ అయ్యే ఛాన్స్ ఉందని బీజేపీ నేతలు అనుకున్నారు. అమిత్‌ షా ఆదివారం తూప్రాన్‌ మండలంలోని బ్రహ్మణపల్లిలో పర్యటించనున్నారన్న సమాచారం నేపథ్యంలో భద్రతా ఏర్పాట్లపై ఇప్పటికే తూప్రాన్‌ మున్సిపల్‌ కార్యాలయంలో ఏఎస్‌ఎల్‌ సమావేశం నిర్వహించారు. అమిత్‌ షా పర్యటనకు సంబంధించిన భద్రతా ప్రణాళిక వేసుకున్నారు. చివరకు అమిత్ షా పర్యటన రద్దయింది.

విశాఖపట్నం జిల్లా: ‘గత సార్వత్రిక ఎన్నికల్లో ముగ్గురం కలవడం(టీడీపీ, బీజేపీ, జనసేన) వల్లే కదా ప్రభుత్వం వచ్చింది.. చంద్రబాబు ముఖ్యమంత్రి అయ్యారు. మరి వచ్చే పంచాయతీ, మండల ఎలక్షన్స్‌లో కూడా వాళ్లకి టికెట్లు ఇవ్వాలి కదా.. అది ధర్మం కదా’ అని స్పీకర్‌ చింతకాయల అయ్యన్నపాత్రుడు అన్నారు. అనకాపల్లి జిల్లా మాకవరపాలెం మండలం లచ్చన్నపాలెంలో శుక్రవారం జరిగిన పట్టాదార్‌ పాస్‌ పుస్తకాల పంపిణీ కార్యక్రమంలో ఆయన మాట్లాడారు. మండలంలో ఉన్న 31 పంచాయతీల్లో కొన్ని జనసేన, బీజేపీలకు ఇచ్చేస్తున్నానని చెప్పారు. మిగిలినవి తెలుగుదేశం పార్టీ వారికి ఇద్దామన్నారు. ఏ పార్టీకి ఎక్కడ ఇస్తానో ఏంటో తర్వాత తెలుస్తుందని పేర్కొన్నారు. దానికి అనుగుణంగా క్యాడర్‌ సిద్ధం కావాలని, ఎవరు ఉంటారో.. ఎవరు పోతారో తెలియదన్నారు. ఇదీ చదవండి: 10 నెలల కంపెనీకి.. ఫ్రీగా 40 ఎకరాల భూమి

సాక్షి, హైదరాబాద్: దిల్‌సుఖ్‌ నగర్‌లోని సంతోషీమాత ఆలయంపై జరిగిన దాడిని బీజేపీ రాష్ట్ర అధ్యక్షుడు రాంచందర్ రావు ఖండించారు. సంతోషీమాత ఆలయాన్ని సందర్శించిన ఆయన పూజారులు, భక్తులతో మాట్లాడి ఘటన వివరాలను తెలుసుకున్నారు.ఈ సందర్భంగా ఆయన మాట్లాడుతూ ‘పూజలు జరుగుతున్న సమయంలో ఓ వ్యక్తి ఆలయంలోకి చొరబడి అమ్మవారి విగ్రహంపై కర్రతో దాడి చేశాడు. హైదరాబాద్‌తో పాటు తెలంగాణలో ఆలయాలపై వరుస దాడులు జరుగుతున్నాయి. ఈ ఘటనల వెనుక ఒకే తరహా ప్యాటర్న్ కనిపిస్తోంది. పూర్తి స్థాయిలో దర్యాప్తు చేయాలి. నిందితులకు మతిస్థిమితం లేదంటూ కేసులను పక్కదారి పట్టించొద్దు’ పోలీసులను హెచ్చరించారు.నిజంగా మతిస్థిమితం లేకపోతే ఆలయాలనే ఎందుకు లక్ష్యంగా చేసుకుంటున్నారో తేల్చాలన్నారు. ఆలయాల భద్రతపై ప్రభుత్వం మరింత అప్రమత్తంగా వ్యవహరించాలని, అన్ని ఆలయాల వద్ద పటిష్టమైన పోలీస్ బందోబస్తు, సీసీటీవీ నిఘా ఏర్పాటు చేయాలని ప్రభుత్వాన్ని కోరారు. ఇలాంటి ఘటనలు పునరావృతం కాకుండా తగిన జాగ్రత్తలు తీసుకోవాలని, వెంటనే బాధ్యునిపై కఠిన చర్యలు తీసుకోవాలని డిమాండ్‌ చేశారు.

నగావ్ లోక్‌‌సభ ఉపఎన్నిక నేపథ్యంలో ‘బిర్యానీ’ వివాదం ఇద్దరు నేతల మద్య మరింత ముదురుతోంది. బిర్యానీ, బిస్కెట్ల తర్వాత ఇపుడు ఎండు చేపలు కూడా అభ్యర్థుల తరపున రంగంలోకి దిగాయి. ముఖ్యంగా బిర్యానీ తింటూ ఎంజాయ్‌ చేసేందుకే దేవుడు తనను ఈ భూమిపైకి పంపించాడంటూ కాంగ్రెస్‌ ఎంపీ రకీబుల్‌ హుస్సేన్‌ చేసిన వ్యాఖ్యలపై అసోం ముఖ్యమంత్రి హిమంత బిశ్వ శర్మ ఘాటుగా స్పందించారు. బిర్యానీ తినేందుకు పుట్టిన వాళ్లంతా మనుషులు కారు.. జంతువులేనంటూ ప్రతి వ్యాఖ్యలు చేశారు.రాష్ట్రంలోని నగావ్‌ లోక్‌సభ సీటుకు ఈ నెల 6వ తేదీన ఉప ఎన్నిక జరగనుంది. ఎన్నికల ప్రచారంలో చురుగ్గా పాల్గొంటున్న ఇరువురు నేతలు మధ్య జరుగుతున్న మాటల తూటాలు పేలుతున్నాయి. గురువారం సీఎం శర్మ నగావ్‌లోని జురియా ఎన్నికల ప్రచార సభలో మాట్లాడుతూ "పుట్టిన తర్వాత పసిబిడ్డ తల్లి పాలు తాగుతుందా లేక బిర్యానీ తింటుందా? మొదటి వర్గానికి చెందినవారు మనుషులు, రెండో వర్గానికి చెందినవారు మృగాలు,"అంటూ ఎద్దేవా చేశారు. అంతకుముందు శర్మ, హిందూ పౌరాణిక గాథలలో ఆకలికి పెట్టింది పేరైన ‘బకాసురుడు’తో హుస్సేన్‌ను పోల్చారు. ప్రభుత్వ పథకాల కోసం కేటాయించిన నిధులను ఆయన దుర్వినియోగం చేస్తున్నారని ఆరోపించారు. ఈ విమర్శలకు స్పందించిన ఎంపీ హుస్సేన్‌, ‘అవును నేను పుట్టిందే బిర్యానీ తినేందుకు..’అంటూ సమాధానమిచ్చారు. మరోవైపు తన ప్రచార కార్యక్రమాలలో ఒకదానిలో, ఆల్ ఇండియా యునైటెడ్ డెమోక్రటిక్ ఫ్రంట్ (AIUDF) అధినేత మహమ్మద్ బద్రుద్దీన్ అజ్మల్ కాంగ్రెస్ ఎంపీ రకీబుల్ హుస్సేన్‌ను పిచ్చోడు అంటూ వ్యాఖ్యానించారు. అంతేకాదు బిర్యానీ కాదు, ఎండిన చేపలు తింటూ పుట్టారంటూ పరోక్షంగా ఆయన బెంగాలీ అన్నట్టుగా వ్యంగ్యాస్త్రాలు సంధించారు. కాగా ముస్లింలు అధికంగా ఉన్న ఈ నియోజకవర్గానికి ఉప ఎన్నిక అక్టోబర్ 6న జరగనుంది. 2024లో ప్రద్యుత్ బోర్డోలోయ్ వరుసగా రెండోసారి ఈ స్థానాన్ని గెలుచుకున్నారు, కానీ ఏప్రిల్ 2026లో భారతీయ జనతా పార్టీ (బీజేపీ) అభ్యర్థిగా దిస్పూర్ అసెంబ్లీ నియోజకవర్గం నుండి పోటీ చేసి గెలవడానికి కాంగ్రెస్‌కు రాజీనామా చేశారు, దీంతో ఈ ఉప ఎన్నిక అనివార్యమైంది.1999 నుండి 2014 వరకు నాగ్‌గావ్ లోక్‌సభ నియోజకవర్గం కాంగ్రెస్ కంచుకోటగా ఉండేది. ఆతరువాత రాజెన్ గోహైన్ వరుసగా నాలుగుసార్లు బీజేపీ తరపున గెలిచారు. 2019 - 2024 ఎన్నికల్లో కాంగ్రెస్ దీనిని తిరిగి తన ఆధీనంలోకి తెచ్చుకుంది. ప్రస్తుతం ఈ నియోజకవర్గంలో బీజేపీ మాజీ అధికారి దేవాశిష్ శర్మను అభ్యర్థిగా బరిలోకి దింపింది. కాంగ్రెస్ మాజీ ఎమ్మెల్యే శిబమోని బోరా , AIUDFకి చెందిన అజ్మల్ ఆయనకు ప్రధాన ప్రత్యర్థులుగా ఉన్నారు.ఈ నియోజకవర్గంలో తొమ్మిది మంది స్వతంత్ర అభ్యర్థులతో సహా మొత్తం 12 మంది ఇతర అభ్యర్థులు పోటీలో ఉన్నారు. ప్రచార సమయంలో బీజేపీ, కాంగ్రెస్ నాయకులు కేవలం రాజకీయ విమర్శలతో పాటు వ్యక్తిగత దూషణలకు కూడా దిగుతుండటంతో, ఇరువర్గాల మధ్య మాటల యుద్ధం తారస్థాయికి చేరాయి.

న్యూఢిల్లీ: తెలంగాణ‌లో బీఆర్ఎస్ పార్టీతో పొత్తుపై బీజేపీ సీనియ‌ర్ నాయ‌కుడు, కేంద్రమంత్రి జి. కిష‌న్‌రెడ్డి కీలక వ్యాఖ్యలు చేశారు. గురువారం ఢిల్లీలో ఆయ‌న మీడియాతో మాట్లాడుతూ.. తెలంగాణ‌లో బీఆర్ఎస్ పార్టీతో బీజేపీ ఎటువంటి పొత్తు పెట్టుకోద‌ని స్ప‌ష్టం చేశారు. బీఆర్ఎస్ పార్టీ ముందుకు వ‌చ్చినా తాము సిద్ధంగా లేమ‌ని చెప్పారు. ఖైర‌తాబాద్ ఉప ఎన్నిక‌ల్లో త‌మ పార్టీ విజ‌యం సాధిస్తుంద‌ని ఆయ‌న విశ్వాసం వ్య‌క్తం చేశారు.''తెలంగాణలో బీఆర్ఎస్‌తో బీజేపీ పొత్తు ఉండదు. బీఆర్ఎస్‌తో పొత్తు ఉంటుందని ఎవరు అంటున్నారు? బీఆర్ఎస్‌తో పొత్తు ఎవరు కోరుకోవడం లేదు. మొదట కేటీఆర్ ఆయ‌న‌ చెల్లెలు కవితతో కలిసి ఉండాలి. కేసీఆర్ కుటుంబ‌మంతా ఐక్యంగా ఉంటే చాలు. మేము వాళ్ల‌తో క‌ల‌వాల్సిన అవ‌స‌రం లేదు. ఖైర‌తాబాద్‌లో లాస్ట్ టైం పొర‌పాటున ఓడిపోయాం. ఈసారి వంద‌కు వంద శాతం సీటు నిల‌బెట్టుకుంటాం. బీజేపీని గెలిపించాల‌ని ఖైర‌తాబాద్ ప్ర‌జ‌లు ఇప్ప‌టికే మెంట‌ల్‌గా ప్రిపేరైపోయారు. కాంగ్రెస్ పార్టీ ఫిరాయింపుల‌ను ప్రోత్స‌హించి ప్ర‌జ‌ల తీర్పును కాల‌రాసింద''ని కిష‌న్‌రెడ్డి వ్యాఖ్యానించారు. రేవంత్‌.. సోనియా బానిస‌తెలంగాణ ముఖ్య‌మంత్రి రేవంత్ రెడ్డి చేసిన వ్యాఖ్య‌ల‌పై కిష‌న్‌రెడ్డి విమ‌ర్శ‌లు చేశారు. తెలంగాణ ప్ర‌జ‌ల ఆశీస్సుల‌తో అధికారంలోకి వ‌చ్చిన రేవంత్‌రెడ్డి.. సోనియా గాంధీ కుటుంబానికి బానిస‌గా ఉంటాన‌ని చెప్ప‌డాన్ని ఆక్షేపించారు. 'రేవంత్‌.. ఢిల్లీలో సోనియా కుటుంబానికి బానిస‌. హైద‌రాబాద్‌లో మ‌జ్లిస్ కుటుంబానికి బానిస' అని వ్యాఖ్యానించారు. మ‌హిళ‌ల రిజ‌ర్వేష‌న్లు, పార్ల‌మెంట్‌ సీట్ల పెంపు విష‌యంలో రేవంత్‌రెడ్డి అబ‌ద్దాలు చెబుతున్నార‌ని ధ్వ‌జ‌మెత్తారు. సీట్ల పెంపు విష‌యంలో అబ‌ద్దాల‌తో విషం చిమ్ముతూ, ప్ర‌జ‌ల‌ను త‌ప్పుదారి ప‌ట్టించే ప్ర‌య‌త్నం చేస్తున్నార‌ని దుయ్య‌బ‌ట్టారు. ముఖ్య‌మంత్రి స్థానంలో ఉండి అవ‌గాహ‌న లేకుండా మాట్లాడుతున్నార‌ని విమ‌ర్శించారు.ఇదీ చ‌ద‌వండి: ఖైర‌తాబాద్ ఉప ఎన్నిక ఆపాల‌ని పీజేఆర్ కుమార్తె పిటిష‌న్‌రేవంత్ వ్యాఖ్య‌ల‌ను ఖండిస్తున్నారేవంత్‌రెడ్డి త‌న వైఫ‌ల్యాల‌ను క‌ప్పిపుచ్చుకోవ‌డానికి స‌నాత‌న ధ‌ర్మం, రాజ్యాంగ‌బ‌ద్ధ సంస్థ‌ల‌పై విమ‌ర్శలు చేస్తున్నార‌ని ఆరోపించారు. ఎన్నిక‌ల్లో ఇచ్చిన హామీలు అమ‌లు చేయ‌కుండా.. మ‌తం, దేవుడి పేరుతో ప్ర‌జ‌ల దృష్టిని మ‌ళ్లించే ప్ర‌య‌త్నం చేస్తున్నార‌ని అన్నారు. రోజుకే కొత్త అంశాన్ని తెర మీద‌కు తెచ్చి నాట‌కాలు ఆడుతున్నార‌ని మండిప‌డ్డారు. రేవంత్‌రెడ్డి చేసిన వ్యాఖ్య‌ల‌ను తీవ్రంగా ఖండిస్తున్న‌ట్టు చెప్పారు. ప్ర‌జ‌ల‌ను అన్ని ర‌కాలుగా విభ‌జించే అలవాటు కాంగ్రెస్ పార్టీకి ఎప్ప‌టి నుంచో ఉంద‌ని కిష‌న్‌రెడ్డి పేర్కొన్నారు. Live: Press Meet, 6, Ashoka Road, New Delhi.https://t.co/z7uuGYvRgC— G Kishan Reddy (@kishanreddybjp) October 1, 2026

సాక్షి, హైదరాబాద్‌: ‘‘తన నియోజకవర్గంలో 20 వేల ఓట్లు తొలగించారని.. ఈసీ అధికారులు బీజేపీతో కుమ్మక్కై వారికి అనుబంధంగా పనిచేస్తున్నారంటూ మాజీ ఎమ్మెల్యే దానం నాగేందర్‌ వివాదాస్పద వ్యాఖ్యలు చేశారు. గురువారం ఆయన మీడియాతో మాట్లాడుతూ.. హైదరాబాద్‌లో మాత్రం మామూలుగా ఉండదు. ఎన్నికల కమిషనర్‌ కార్యాలయం తగలబడిపోతుంది’’ ఆయన అంటూ వ్యాఖ్యానించారు.ఢిల్లీ కేంద్రంగా బీజేపీ నేతలు వ్యవస్థీకృతమైన ఓట్‌ చోరీకి పాల్పడుతున్నారని.. ఈసీ తక్షణమే స్పందించి, తొలగించిన ఓట్లను యథావిధిగా పునరుద్ధరించాలని దానం డిమాండ్‌ చేశారు. ఇదిలా ఉండగా.. ఖైరతాబాద్‌ ఉప ఎన్నిక నోటిఫికేషన్‌ జారీ చేయకుండా ఎన్నికల సంఘాన్ని ఆదేశించాలని కోరుతూ కాంగ్రెస్‌ నాయకురాలు, పీజేఆర్‌ కుమార్తె విజయారెడ్డి తెలంగాణ హైకోర్టును ఆశ్రయించిన సంగతి తెలిసిందే. అయితే ఈ పిటిషన్‌పై అత్యవసర విచారణ జరపాలంటూ ఆమె దాఖలు చేసిన లంచ్‌ మోషన్‌ పిటిషన్‌ను హైకోర్టు తిరస్కరించింది. దీంతో, పిటిషన్‌ తదుపరి విచారణ ఎప్పుడు జరుగుతుంది? అనేది ఆసక్తికరంగా మారింది.ఇదీ చదవండి: ‘దానం వికెట్‌ పడింది.. రెండో వికెట్‌ ఎవరంటే..?’

ఉత్తరప్రదేశ్‌లో రాజ్యసభ ఎన్నికల వేడి మొదలైంది. అక్టోబర్‌ 16న రాష్ట్రంలోని 10 రాజ్యసభ స్థానాలకు ఎన్నికలు జరగనుండగా.. అధికార బీజేపీ, ప్రతిపక్ష సమాజ్‌వాదీ పార్టీ (ఎస్పీ) మధ్య పోరు ఆసక్తికరంగా మారింది. పదో స్థానాన్ని దక్కించుకునేందుకు ఇరు పార్టీలు వ్యూహాలకు పదును పెడుతున్నాయి. మంగళవారం నుంచే నామినేషన్ల ప్రక్రియ ప్రారంభం కానుంది.బీజేపీ ఏడు స్థానాలను సులభంగా గెలుచుకునే స్థితిలో ఉంది. అయితే వచ్చే ఏడాది అసెంబ్లీ ఎన్నికలను దృష్టిలో పెట్టుకుని ఎనిమిదో స్థానానికీ పోటీ చేయాలని భావిస్తోంది. ఇందు కోసం మరో నాలుగు ఓట్లు అవసరమవుతాయి. బీజేపీకి ప్రస్తుతం 255 మంది ఎమ్మెల్యేలు ఉండగా.. అప్నాదళ్‌ (సోనేలాల్‌), ఆర్‌ఎల్‌డీ, సుహెల్‌దేవ్‌ భారతీయ సమాజ్‌ పార్టీ, నిషాద్‌ పార్టీ వంటి మిత్రపక్షాల బలంతో కలిపి ఎనిమిదో స్థానంపై ఆశలు పెట్టుకుంది. ఇద్దరు స్వతంత్ర ఎమ్మెల్యేల మద్దతుతో ఈ స్థానాన్ని కూడా గెలుచుకునే అవకాశం ఉందని పార్టీ వర్గాలు లెక్కలు వేస్తున్నాయి.సామాజిక సమీకరణాలతో..వచ్చే అసెంబ్లీ ఎన్నికలను దృష్టిలో పెట్టుకుని అభ్యర్థుల ఎంపికపై బీజేపీ కసరత్తు చేస్తోంది. ఓబీసీలు, జాట్లు, రాజ్‌పుత్‌లు, దళితులు, మైనారిటీలకు ప్రాతినిధ్యం కల్పించడంతో పాటు యువత, మహిళలకు ప్రాధాన్యం ఇవ్వాలని యోచిస్తోంది. బ్రాహ్మణ ఓటు బ్యాంకును నిలబెట్టుకోవడంతో పాటు గత లోక్‌సభ ఎన్నికల్లో దూరమైన నాన్‌-యాదవ్‌ ఓబీసీ, ముఖ్యంగా కుర్మీ, నాన్‌-జాటవ్‌ ఎస్సీ వర్గాలను తిరిగి తమవైపు తిప్పుకునే వ్యూహంపై దృష్టి పెట్టింది.లక్నోలో సోమవారం జరిగిన బీజేపీ కోర్‌ కమిటీ సమావేశంలో రాజ్యసభ అభ్యర్థులపై విస్తృతంగా చర్చ జరిగింది. జాతీయ ప్రధాన కార్యదర్శిగా కీలక బాధ్యతలు చేపట్టిన స్మృతి ఇరానీ పేరు ప్రముఖంగా పరిశీలనలో ఉంది. ఇటీవలే పార్టీ జాతీయ సంస్థాగత బాధ్యతలు దక్కించుకున్న ఆమెకు రాజ్యసభ అవకాశం కల్పించే అంశంపై బీజేపీ నాయకత్వం కసరత్తు చేస్తున్నట్లు సమాచారం. మరోవైపు మాజీ ఎంపీ(పిలిభిత్‌) వరుణ్‌ గాంధీ పేరు కూడా మరోసారి తెరపైకి వచ్చింది. వీరితో పాటు హరీశ్‌ ద్వివేదీ, సంజీవ్‌ బాలియాన్‌, సత్యపాల్‌ సింగ్‌, సురేశ్‌ రాణా తదితరుల పేర్లు కూడా పరిశీలనలో ఉన్నాయి. తుది జాబితాను కేంద్ర ఎన్నికల కమిటీ మరో మూడు, నాలుగు రోజుల్లో ఖరారు చేసే అవకాశం ఉంది.ప్రస్తుతం రాజ్యసభ సభ్యులుగా ఉన్న కొందరికి అసెంబ్లీ ఎన్నికల్లో పోటీ చేసే అవకాశం కల్పించే అంశం కూడా పరిశీలనలో ఉన్నట్లు సమాచారం. కేంద్ర మంత్రి బీఎల్‌ వర్మ పదవీకాలం ముగియనుండగా.. ఆయనను తిరిగి రాజ్యసభకు పంపే అవకాశంపై కూడా చర్చ జరుగుతోంది. దళిత ప్రాతినిధ్యంలోనూ మార్పులు చేయాలని పార్టీ యోచిస్తున్నట్లు తెలుస్తోంది.ఎస్పీ.. ప్చ్‌ మూడో సీటు కష్టమే!మరోవైపు ఎస్పీ మూడు స్థానాలకు అభ్యర్థులను బరిలోకి దింపే అవకాశం ఉంది. పార్టీకి ప్రస్తుతం 101 మంది ఎమ్మెల్యేలు ఉండగా.. ఇద్దరు కాంగ్రెస్‌ ఎమ్మెల్యేల మద్దతుతో సంఖ్య 103కు చేరుతుంది. ఈ బలంతో రెండు స్థానాలు గెలుచుకున్న తర్వాత మూడో స్థానానికి అవసరమైన అదనపు ఓట్ల కోసం ఇతర ఎమ్మెల్యేల మద్దతు కూడగట్టాల్సి ఉంటుంది.మాజీ మంత్రి, సీనియర్‌ నేత రామ్‌గోపాల్‌ యాదవ్‌ను మరోసారి రాజ్యసభకు పంపే అంశాన్ని ఎస్పీ పరిశీలిస్తున్నట్లు సమాచారం. మాజీ ఐఏఎస్‌ అధికారి అలోక్‌ రంజన్‌, సలీం ఇక్బాల్‌ పేర్లు కూడా పరిశీలనలో ఉన్నట్లు తెలుస్తోంది.పదో సీటుపైనే ఉత్కంఠ403 మంది సభ్యులున్న యూపీ అసెంబ్లీలో ప్రస్తుతం 396 మంది ఎమ్మెల్యేలు ఉన్నారు. ఒక రాజ్యసభ స్థానాన్ని గెలుచుకోవడానికి 37 తొలి ప్రాధాన్యత ఓట్లు అవసరం. ఈ లెక్కల ప్రకారం బీజేపీ ఏడు స్థానాలను గెలుచుకున్న తర్వాత కూడా అదనపు ఓట్లు మిగులుతాయి. మరోవైపు ఎస్పీ రెండు స్థానాలను గెలుచుకున్న తర్వాత మూడో సీటుకు మరిన్ని ఓట్లు సమీకరించాల్సి ఉంటుంది.రాజ్యసభ ఎన్నికల్లో విప్‌ వర్తించకపోవడంతో క్రాస్‌ ఓటింగ్‌కు అవకాశం ఉంటుంది. దీంతో పదో స్థానంపై బీజేపీ, ఎస్పీ మధ్య హోరాహోరీ పోరు జరిగే అవకాశముంది. ఎమ్మెల్యేల మద్దతు కోసం ఇరు పార్టీలు ఇప్పటి నుంచే వ్యూహాలు రచిస్తున్నాయి. అభ్యర్థుల తుది జాబితా, మిత్రపక్షాల వైఖరి, చివరి దశలో జరిగే సమీకరణాలు ఎన్నికల ఫలితాన్ని నిర్ణయించనున్నాయి.ఇదీ చదవండి: మాయావతి సంచలన వ్యాఖ్యలు

సాక్షి, అమరావతి: ముఖ్యమంత్రి చంద్రబాబుకు అత్యంత సన్నిహితుడు, బీజేపీ ఎంపీ సీఎం రమేష్ ­కు రాష్ట్ర ప్రభుత్వం భారీ నజరానా ఇచ్చింది. కుప్పం బ్రాంచి కెనాల్‌లో రమేష్ కు చెందిన రిత్విక్‌ ప్రాజెక్ట్స్‌ చేపట్టిన పనుల అంచనా వ్యయాన్ని పెంచేసి, భారీ ప్రయోజనం చేకూర్చిందని ఇంజినీరింగ్‌ నిపుణులు చెబుతున్నారు. కుప్పం బ్రాంచ్‌ కెనాల్‌లో 0 నుంచి 66.95 కిలోమీటర్ల వరకు లైనింగ్‌ పనులను ఆర్నెల్లలో పూర్తి చేయాలనే షరతుతో 2024 డిసెంబర్‌ 14న రూ.81.43 కోట్ల అంచనాతో జలవనరుల శాఖ టెండర్లు పిలిచింది.ఆ పనులను 85.46 కోట్ల (జీఎస్టీ, సీనరేజి వంటి పన్నులు కాకుండా)కు దక్కించుకున్న రిత్విక్‌ ప్రాజెక్ట్స్‌ సకాలంలో పూర్తి చేయలేకపోయింది. టెండర్‌ నిబంధనలను తుంగలో తొక్కుతూ ఎస్‌ఎఫ్‌ఆర్‌సీ (స్టీల్‌ ఫైబర్‌ రీయిన్‌ఫోర్స్‌డ్‌ కాంక్రీట్‌) విధానంలో లైనింగ్‌ చేశారు. అత్యంత నాసిరకంగా చేసిన ఈ లైనింగ్‌ గతేడాది కాలువలో నీటి ప్రవాహానికి ఎక్కడికక్కడ దెబ్బతింది. సకాలంలో పనులు పూర్తి చేయని రిత్విక్‌ ప్రాజెక్ట్స్‌ నుంచి లిక్విడేటెడ్‌ డ్యామేజస్‌ వసూలు చేయాలి. కానీ చంద్రబాబు ప్రభు­త్వం కనీసం నోటీసులు కూడా జారీ చేయలేదు. పైగా, పనుల పూర్తికి గడువును పొడిగించింది. మరోపక్క చీఫ్‌ ఇంజినీర్స్‌ కమిటీతో నివేదిక పేరుతో అదనంగా పనులు చేశారని చూపుతూ అంచనా వ్యయాన్ని రూ.99.20 కోట్ల నుంచి రూ.126.25 కోట్లకు పెంచింది. ఈ మేరకు జలవనరుల శాఖ సోమవారం ఉత్తర్వులు జారీ చేసింది. దీనివల్ల రి త్విక్‌ ప్రాజెక్ట్స్‌ సంస్థకు రూ.40.79 కోట్ల మేర ప్రయోజనం చేకూరుతుందని చెబుతున్నారు. నాసిరకం పనులు చేసిన ఈనాడు కిరణ్‌ వియ్యంకుడికీ బహుమానం హంద్రీ–నీవా రెండో దశ ప్రధాన కాలువకు సిమెంట్‌ కాంక్రీట్‌ లైనింగ్‌ చేస్తే భూగర్బ జలాలు అడుగంటిపోతాయని, బోర్లు, బావులు ఎండిపోతాయంటూ రైతులందరూ ముక్తకంఠంతో తీవ్రంగా వ్యతిరేకించినా 216.3 కి.మీ. నుంచి 400 కి.మీ. వరకూ లైనింగ్‌ పనులకు రూ.936.70 కోట్లతో 2024 డిసెంబర్‌ 3న జలవనరుల శాఖ పరిపాలన అనుమతి ఇచ్చింది. ఇందులో రెండో ప్యాకేజీ (ప్రధాన కాలువ) 260 కి.మీ. నుంచి 300 కి.మీ. లైనింగ్‌తోపాటు 285.1 కి.మీ. నుంచి 287.1 కి.మీ. వరకు టన్నెల్‌ నిర్మాణ పనులకు రూ.158.19 కోట్లు కేటాయించింది.గతేడాది ఈ పనులకు రూ.117.63 కోట్ల అంచనాతో పిలిచిన టెండర్లలో రూ.123.24 కోట్లకు కోట్‌ చేసిన ఈనాడు కిరణ్‌ వియ్యంకుడు రాయల రఘుకు చెందిన ఆర్వీఆర్‌ ప్రాజెక్ట్స్‌ సంస్థకు కట్టబెట్టింది. ఇక్కడ నాసి రకంగా పనులు చేయడం వల్ల ఒక సీజన్‌లో కాలువలో నీటి ప్రవాహానికే లైనింగ్‌ ఎక్కడికక్కడ దెబ్బతింది. కాంట్రాక్టు ఒప్పందం మేరకు ఆర్నెల్లలోగా పనులు పూర్తిచేయడంలో విఫలమైన ఆర్వీఆర్‌ ప్రాజెక్ట్స్‌ సంస్థపై చర్యలు తీసుకోవాల్సిన చంద్రబాబు సర్కారు.. పనుల పూర్తికి గడువు పొడగించడమే కాకుండా, అంచనా వ్యయా­న్ని రూ.158.19 కోట్ల నుంచి రూ.337.90 కోట్లకు పెంచేస్తూ సోమవారం ఉత్తర్వులు జారీ చేసింది. తద్వారా రాయల రఘు సంస్థకు పెద్ద ఎత్తున ప్రయోజనం చేకూర్చింది. చంద్రబాబు ప్రభుత్వ డీపీటీ (దోచుకో.. పంచుకో.. తినుకో)కి ఈ రెండు ప్రాజెక్టులు మరో నిదర్శనమంటూ ఇంజినీరింగ్‌ నిపుణులు వ్యాఖ్యానిస్తున్నారు.

వనపర్తి: కేంద్ర ప్రధాన ఎన్నికల సంఘం కమిషనర్‌ జ్ఞానేశ్‌కుమార్‌ బీజేపీ చేతిలో కీలుబోమ్మగా మారి కాంగ్రెస్‌ అనుబంధ ఓటర్లు ఎస్సీ, ఎస్టీ, బీసీ, మైనార్టీ ఓట్లను ఉద్దేశ పూర్వకంగా తొలగించే ప్రయత్నం చేస్తున్నారని రాష్ట్ర రెవెన్యూ, హౌసింగ్, సమాచారశాఖ మంత్రి పొంగులేటి శ్రీనివాస్‌రెడ్డి ఆరోపించారు. సోమవారం ఏఐసీసీ పిలుపు మేరకు వనపర్తి జిల్లా కలెక్టరేట్‌ ఎదుట డీసీసీ అధ్యక్షుడు శివసేనారెడ్డి ఆధ్వర్యంలో నిర్వహించిన నిరసన కార్యక్రమానికి పొంగులేటితో పాటు మంత్రులు జూపల్లి కృష్ణారావు, వాకిటి శ్రీహరి, ఎమ్మెల్యేలు తూడి మేఘారెడ్డి, కసిరెడ్డి నారాయణరెడ్డి, అనిరుద్‌రెడ్డి, బండ్ల కృష్ణమోహన్‌రెడ్డి, జి.మధుసూదన్‌రెడ్డి, రాజేశ్‌రెడ్డి పాల్గొని మాట్లాడారు.ఈ సందర్భంగా మంత్రి పొంగులేటి మాట్లాడుతూ వరుసగా కేంద్రంలో బీజేపీ మూడు పర్యాయాలు అధికారంలోకి రావడానికి కేంద్ర ఎన్నికల సంఘం పాత్ర ఉందని, వివిధ రాష్ట్రాల్లో కాంగ్రెస్‌ పార్టీ అధికారంలో ఉన్నచోట్ల ఓట్ల తొలగింపునకు యతి్నస్తున్నారని ఆరోపించారు. కేంద్ర ప్రధాన ఎన్నికల సంఘంలో పని చేసే అధికారులే ఓట్ల తొలగింపునకు కారణమని పలుమార్లు కాంగ్రెస్‌ అగ్రనేత రాహుల్‌గాంధీ చెప్పినా.. కనీసం విచారణ చేసేందుకు పూనుకోలేదని మండిపడ్డారు. అక్రమంగా ఓట్ల తొలగింపునకు కారణమైన అధికారులను సస్పెండ్‌ చేసి జైలుకు పంపించాలని డిమాండ్‌ చేశారు. అనంతరం పలు డిమాండ్లతో కూడిన వినతిపత్రంను కలెక్టర్‌ ఆదర్శ్‌ సురభికి అందజేశారు. రీ సర్వేతోనే భూ సమస్యలకు శాశ్వత పరిష్కారం శతాబ్దకాలం తర్వాత భూములను రీ సర్వే చేస్తూ దశాబ్దాలుగా పరిష్కారానికి నోచుకోని భూముల సమస్యలకు శాశ్వత పరిష్కార మార్గం చూపిస్తున్నామని మంత్రి పొంగులేటి చెప్పారు. సోమవారం వనపర్తి కలెక్టరేట్‌లో సీసీఎల్‌ కమిషనర్, హౌసింగ్‌ ఎండీ, రాష్ట్రస్థాయి అధికారులు, ఉమ్మడి పాలమూరు జిల్లా కలెక్టర్లు, తహసీల్దార్లు, సర్వేయర్లతో నిర్వహించిన సమీక్షలో ఆయన మంత్రులు, ఎమ్మెల్యేలతో కలిసి మాట్లాడారు. ప్రతి భారత పౌరుడికి ఆధార్‌ కార్డు ఇచి్చన విధంగా భవిష్యత్‌లో ఎలాంటి సమస్యలు తలెత్తని విధంగా ప్రతి రైతుకు భూధార్‌ కార్డును నక్షతో సహా అందించేందుకే భూముల రీ సర్వే ప్రక్రియను చేపట్టినట్లు తెలిపారు. రాష్ట్రంలో ఇప్పటికే ఐదు ఉమ్మడి జిల్లాల్లో ఇలాంటి సమీక్షలు నిర్వహించినట్లు తెలిపారు. సీఎం రేవంత్‌రెడ్డి సొంతజిల్లాలో రీ సర్వేపై ప్రత్యేక దృష్టి సారించినట్లు తెలిపారు.

హుజూర్‌నగర్, నేరేడుచర్ల: కేంద్రంలో బీజేపీ ఓట్ల చోరీకి పాల్పడుతూ పట్టుబడిందని రాష్ట్ర నీటిపారుదల, పౌరసరఫరాల శాఖల మంత్రి ఉత్తమ్‌కుమార్‌రెడ్డి ఆరోపించారు. కేంద్ర ఎన్నికల సంఘం బీజేపీ అనుబంధ సంస్థ కాదని.. ఓటు హక్కు ఏ రాజకీయ పార్టీకి చెందిన ఆస్తి కాదన్నారు. ఓటర్ల జాబితా సవరణ, డేటా నిర్వహణ, పేర్ల తొలగింపు–చేర్పులకు సంబంధించి తలెత్తిన సందేహాలపై కేంద్ర ఎన్నికల సంఘం ప్రజలకు సమాధానం చెప్పాలని ఆయన డిమాండ్‌ చేశారు. ఆదివారం సూర్యాపేట జిల్లా హుజూర్‌నగర్‌లో సీఎంఆర్‌ఎఫ్‌ చెక్కులను, స్మార్ట్‌ రేషన్‌ కార్డులను ఆయన పంపిణీ చేశారు. అలాగే నేరేడుచర్లలో స్మార్ట్‌ రేషన్‌ కార్డులను లబ్ధిదారులకు అందించారు.ఆయా కార్యక్రమాల్లో ఆయన మాట్లాడుతూ దేశంలో నిష్పక్షపాతంగా ఎన్నికలు నిర్వహించాల్సిన ప్రధాన ఎన్నికల కమిషనర్‌ (సీఈసీ) పూర్తి పక్షపాతంతో వ్యవహరిస్తున్నారని ఆరోపించారు. స్వయంగా ఎన్నికల సంఘంలోని మిగిలిన ఇద్దరు కమిషనర్లే సీఈసీ పక్షపాత వైఖరిని తప్పుబట్టారని చెప్పారు. ఇది తీవ్రమైన రాజ్యాంగ సంక్షోభమని, ప్రజాస్వామ్యాన్ని ఖూనీ చేస్తున్న వారు నేడు ఆధారాలతో సహా పట్టుబడ్డారన్నారు. కాంగ్రెస్‌ అగ్రనేత రాహుల్‌ గాంధీ కొన్నేళ్లుగా నిరుపేదల కోసం దేశాన్ని కాపాడేందుకు నిరంతరం కష్టపడుతున్నారని.. కాబట్టి ఆయన్ను దేశ ప్రధానిని చేయాలని ప్రజలు చూస్తున్నారని తెలిపారు. 16.32 లక్షల కొత్త రేషన్‌ కార్డులు మంజూరు చేశాం తెలంగాణలో కాంగ్రెస్‌ అధికారంలోకి వచ్చాక 16.32 లక్షల కొత్త రేషన్‌ కార్డులు మంజూరు చేశామని.. ఈ స్మార్ట్‌ రేషన్‌కార్డులు పేదోడి ఆత్మగౌరవం అని మంత్రి ఉత్త మ్‌ చెప్పారు. గత ప్రభుత్వం రూ. 10,500 కోట్లు ఖర్చు చేసి ఇచ్చిన రేషన్‌ దొడ్డు బియ్యం ప్రజలు తినేందుకు పనికిరాకుండా ఉండేదని.. కోళ్ల ఫారాలకు, బీర్ల కంపెనీలకు, రైస్‌ మిల్లుల దందాలకుమాత్రమే ఉపయోగపడేదని విమర్శించారు.

సాక్షి, హైదరాబాద్‌: ‘‘తెలంగాణలో కాంగ్రెస్‌–బీజేపీ అపవిత్ర బంధానికి రెండేళ్లు. పొంగులేటి శ్రీనివాస్‌రెడ్డి నివాసాలపై ఈడీ దాడులకు రెండేళ్లు’’ అంటూ మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ సంచలన ట్వీట్‌ చేశారు. ‘‘2024 సెప్టెంబర్‌ 27న 16 ప్రాంతాల్లో ఈడీ సోదాలు. దాడుల సమయంలో నగదు లెక్కించే యంత్రాల తరలింపుపై వార్తలు. ఈడీ దాడుల్లో ఏం స్వాధీనం చేసుకున్నారో ఇప్పటికీ వెల్లడించలేదు. దాడుల ఫలితాలపై ఈడీ, కేంద్ర ప్రభుత్వం ఎందుకు మౌనం వహిస్తున్నాయి?’’ అంటూ ఎక్స్‌ వేదికగా ప్రశ్నించారు.Exactly two years since the Congress-BJP unholy nexus became official in TelanganaThe Enforcement Directorate conducted raids at 16 locations linked to Congress minister Pongulet Srinivas Reddy in connection with a money-laundering case on 27th Sept, 2024Reports of several… pic.twitter.com/Ss2eIguoP6— KTR (@KTRBRS) September 27, 2026‘‘ప్రతిపక్ష నేతలపై కేంద్ర దర్యాప్తు సంస్థలతో దాడులు చేయించే బీజేపీ.. కాంగ్రెస్‌ మంత్రిపై దాడుల విషయంలో మాత్రం ఎందుకీ మౌనం?. కాంగ్రెస్‌ మంత్రి పొంగులేటికి బీజేపీ ఎందుకు రక్షణ కల్పిస్తోంది?. రాహుల్‌ గాంధీ.. ఇదేం విచిత్రమైన ప్రేమకథ’’ అంటూ కేటీఆర్‌ ట్వీట్‌ చేశారు.ఇదీ చదవండి: గణేష్‌ వేడుకల్లో కేసీఆర్‌ పాటలు.. కేటీఆర్‌ ఏమన్నారంటే?

పశ్చిమ బెంగాల్‌లోని హుగ్లీ జిల్లా ఉత్తరపారాలో తృణమూల్ కాంగ్రెస్ (TMC) ఎమ్మెల్యే, పార్టీ అధికార ప్రతినిధి కునాల్ ఘోష్ కారుపై శనివారం దాడి జరిగింది. శ్రీరామ్‌పూర్‌లో మాజీ ముఖ్యమంత్రి మమతా బెనర్జీ నిర్వహించ తలపెట్టిన బహిరంగ సభకు వెళుతుండగా ఈ ఘటన చోటుచేసుకుంది. ఈ దాడికి సంబంధించిన వీడియో నెట్టింట వైరల్‌గా మారింది. ఇది బీజేపీ గూండాల పని అని కునాల్‌ ఆరోపించారు.సెరంపూర్‌లో మమతా ర్యాలీకి హాజరయ్యేందుకు వెళ్తుండగా, హుగ్లీ జిల్లాలోని ఉత్తరపారా వద్ద ఆయన కారుపై దాడి జరిగింది. కొందరు వ్యక్తులు ఘోష్ వాహనాన్ని చుట్టుముట్టి నినాదాలు చేశారు. కొందరు కారును కొట్టారు, గుడ్లు విసిరారు, వెనుక విండ్‌షీల్డ్‌ను పగలగొట్టారు. ఘోష్ కోల్‌కతాకు తిరిగి వెళ్లాల్సి వచ్చింది. కర్రలు, రాడ్లు, నల్లటి పోస్టర్లతో వచ్చిన ఒక గుంపు తన కారును అడ్డగించి, రాళ్లు, గుడ్లతో దాడి చేసిందని కునాల్ ఘోష్ ఆరోపించారు. ఈ దాడిలో కారు ముందు, వెనుక అద్దాలు ధ్వంసమయ్యాయని ఆరోపించారు. సంఘటనా స్థలంలో ఒక్క పోలీసు కూడా లేకపోవడాన్ని ఆయన తప్పుబట్టారు. రాష్ట్ర పోలీసు ప్రధాన కార్యాలయానికి (భవానీ భవన్) నేరుగా వెళ్లి ఈ ఘటనపై ఫిర్యాదు చేస్తానని ఆయన పేర్కొన్నారు. West Bengal: TMC MLA Kunal Ghosh says that eggs were hurled at his car and a group of people attacked the car while he was going to Serampore, Hooghly, for a rally of former CM Mamata Banerjee. (Video Source: Kunal Ghosh) pic.twitter.com/H4i9ICHOIe— Shakeel Yasar Ullah (@yasarullah) September 26, 2026 మరోవైపు ఈ దాడి వెనుక బీజేపీ కార్యకర్తలు ఉన్నారని కునాల్ ఘోష్ ఆరోపణలు బీజేపీ ఖండించింది. స్థానిక తృణమూల్ ఎంపీ కల్యాణ్ బెనర్జీ వర్గీయులపనే ఈ దాడి జరిగి ఉండొచ్చని బీజేపీ ప్రతినిధి దేబ్జిత్ సర్కార్ తిప్పికొట్టారు.

కేంద్ర ఎన్నికల సంఘం వ్యవహారం.. ప్రతిపక్షాలను ఏకతాటిపైకి తెస్తోంది. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలన్న డిమాండ్‌తో ఆ పార్టీలు గళం వినిపిస్తున్నాయి. ఈ తరుణంలో పశ్చిమ బెంగాల్‌లో ఆసక్తికర పరిణామం చోటుచేసుకుంది. రాజకీయంగా బద్ధ విరోధులైన టీఎంసీ, వామపక్షాలు సీఈసీ విషయంలో ఒక్కతాటిపైకి వస్తున్న వేళ.. ఆ రాష్ట్ర అధికార పార్టీ మాత్రం జ్ఞానేశ్‌ కుమార్‌కు పద్మ అవార్డు ఇవ్వడం సరైందని అంటోంది. పశ్చిమ బెంగాల్‌ బీజేపీ అధ్యక్షుడు సమిక్‌ భట్టాచార్య సీఈసీ జ్ఞానేశ్‌ కుమార్‌కు మద్దతుగా నిలిచారు. బెంగాల్‌లో ప్రశాంతంగా అసెంబ్లీ ఎన్నికలు నిర్వహించడంతోపాటు ఓటర్ల జాబితా ప్రక్షాళనకు చర్యలు తీసుకున్నందుకు ఆయనకు కనీసం పద్మ భూషణ్‌ పురస్కారం ఇవ్వాలని కోరారు. ఎన్నికల సమయంలో ప్రజలను భయపెట్టే ఘటనలు లేకుండా స్వేచ్ఛగా ఓటు వేసే పరిస్థితి కల్పించడంలో జ్ఞానేశ్‌ కుమార్‌ కీలక పాత్ర పోషించారని అన్నారు. గతంలో రాష్ట్రంలో ఇలాంటి ప్రశాంతమైన ఎన్నికలను ప్రజలు అరుదుగా చూశారని పేర్కొన్నారు. జ్ఞానేశ్‌ కుమార్‌కు బెంగాల్‌ ప్రజల ఆశీస్సులు ఉన్నాయని వ్యాఖ్యానించారు.అక్రమంగా దేశంలోకి వచ్చిన బంగ్లాదేశీయుల పేర్లను పశ్చిమ బెంగాల్‌లో ఓటర్ల జాబితా నుంచి తొలగించేందుకు జ్ఞానేశ్‌ కుమార్‌ చర్యలు తీసుకున్నారని సమిక్‌ భట్టాచార్య పేర్కొన్నారు. ఎస్‌ఐఆర్‌ (స్పెషల్‌ ఇంటెన్సివ్‌ రివిజన్‌) ప్రక్రియను ప్రస్తావిస్తూ.. ఓటర్ల జాబితాను ‘ప్రక్షాళన’ చేయడంలో సీఈసీ కీలకంగా వ్యవహరించారని అన్నారు. మరోవైపు ఆగ్రహంజ్ఞానేశ్‌ కుమార్‌కు బీజేపీ నేత మద్దతు ప్రకటించిన సమయంలోనే.. మరోవైపు ఎన్నికల సంఘం పనితీరుపై ప్రతిపక్షాల విమర్శలు కొనసాగుతున్నాయి. సీఈసీ పోస్టుకు జ్ఞానేశ్‌ కుమార్‌ రాజీనామా చేయాలని ప్రతిపక్షాలు డిమాండ్‌ చేస్తున్నాయి. ఎస్‌ఐఆర్‌ ప్రక్రియకు సంబంధించిన కొన్ని నిర్ణయాలు తమకు తెలియకుండానే తమ పేర్లతో తీసుకున్నారంటూ ఇద్దరు ఎన్నికల కమిషనర్లు అభ్యంతరం వ్యక్తం చేసినట్లు వచ్చిన నివేదికలు ఈ వివాదాన్ని మరింత తీవ్రం చేశాయి.జ్ఞానేశ్‌ కుమార్‌ రాజీనామా చేయాలని కాంగ్రెస్‌ సహా పలు ప్రతిపక్ష పార్టీలు డిమాండ్‌ చేస్తున్నాయి. కాంగ్రెస్‌ దేశవ్యాప్తంగా నిరసనలు చేపట్టగా.. జ్ఞానేశ్‌ కుమార్‌ పదవి నుంచి తప్పుకోవాలని సీపీజే డెడ్‌లైన్‌ ఇవాళ్టితో ముగియనుంది. అయితే ఎన్నికల కమిషన్‌లో భిన్నాభిప్రాయాలు వ్యక్తమవడం అంటే ఆ సంస్థ ప్రజాస్వామ్య పద్ధతిలో పనిచేస్తోందనడానికి నిదర్శనమని బీజేపీ జాతీయ అధికార ప్రతినిధి సంబిత్‌ పాత్ర అంటున్నారు.సుప్రీంకోర్టులోనూ పిటిషన్‌కేంద్ర ఎన్నికల సంఘం తాజా పరిణామాలపై ఇప్పటికే సుప్రీం కోర్టులో ఓ పిటిషన్‌ దాఖలైంది. సోమవారం అది విచారణకు వచ్చే అవకాశం ఉంది. ఈ పరిణామాల మధ్యే.. జ్ఞానేశ్‌ కుమార్‌ను పదవి నుంచి తప్పుకోవాలని ప్రతిపక్షాలు డిమాండ్‌ చేస్తుండగా, ఇటు అధికార బీజేపీ మాత్రం మద్దతుగా నిలుస్తోంది.ఇదీ చదవండి: ఆయనకు ఢిల్లీని ఏలే సీన్‌ ఉందా?

ముంబై: భోజ్‌పురి నటుడు, గాయకుడు, బీజేపీ ఎంపీ మనోజ్ తివారీ వ్యక్తిగత జీవితం మరోసారి చర్చనీయాంశంగా మారింది. ప్రస్తుతం ఆయన తన రెండో భార్య సురభి తివారీతో కలిసి ‘పతి పత్నీ ఔర్ పంగా’ రెండో సీజన్‌లో పాల్గొంటున్నారు. ఇదే సమయంలో ఆయన పెద్ద కుమార్తె రిథి తివారీ ‘బిగ్ బాస్ 20’లో పాల్గొంటూ తన తల్లిదండ్రుల విడాకుల గురించి మాట్లాడారు. మనోజ్ తివారీ జీవితంలోకి సురభి వచ్చినప్పుడు తాను ఎంతో సంతోషించానని రిథి తెలిపారు.2020లో మనోజ్ తివారీతో వివాహంసురభి తివారీకి ప్రస్తుతం 30 ఏళ్ల ఉంటాయని తెలుస్తోంది. 2020లో ఆమె మనోజ్ తివారీని వివాహం చేసుకున్నారు. వీరికి ఇద్దరు కుమార్తెలు ఉన్నారు. పెద్ద కుమార్తె సాన్విక అదే ఏడాది జన్మించింది. 2022లో చిన్న కుమార్తె మనోగ్య జన్మించింది.సినీ రంగంలో తెరవెనుక బాధ్యతలుసురభి తెరపై కనిపించరు. అయితే రెండు నిర్మాణ సంస్థల కార్యకలాపాలను ఆమె తెరవెనుక నిర్వహిస్తున్నట్లు సమాచారం. ఆమె పాటలు పాడటంతో పాటు సామాజిక సేవా కార్యక్రమాల్లోనూ పాల్గొంటున్నారు. పట్నాకు చెందిన సురభి మృదుల్ ఫౌండేషన్‌కు ట్రస్టీగా ఉన్నారు. అలాగే సాన్విక ఫిల్మ్స్, రిథి ప్రొడక్షన్స్ సంస్థలకు డైరెక్టర్‌గా వ్యవహరిస్తున్నారు.1999లో మొదటి వివాహంమనోజ్ తివారీ 1999లో ప్రతిమా పాండేతో వివాహం చేసుకున్నారు. వివాహం తర్వాత ఆమె పేరు రాణి తివారీగా మారింది. ఈ దంపతులకు రిథి తివారీ జన్మించారు. అయితే 2011లో మనోజ్, రాణి విడిపోయారు. 2012లో వారికి విడాకులు లభించాయి.తల్లిదండ్రుల విడిపోవడంపై రిథి వ్యాఖ్యలు‘బిగ్ బాస్ 20’లో రిథి తన బాల్యాన్ని గుర్తు చేసుకున్నారు. తన తండ్రి ఇంటి నుంచి వెళ్లిపోయే సమయానికి తనకు 8 ఏళ్ల వయసు అని, విడాకులు ఖరారైనప్పుడు తనకు 9 ఏళ్లు అని చెప్పారు. తన తల్లి రాణికే తన కస్టడీ లభించిందని తెలిపారు. తల్లిదండ్రులు మళ్లీ కలుస్తారని చాలా కాలం ఆశించానని రిథి పేర్కొన్నారు.తండ్రి, కుమార్తె మధ్య దూరంతన తండ్రిని కలిసిన సందర్భాల్లో తామిద్దరం భావోద్వేగానికి గురయ్యేవాళ్లమని రిథి చెప్పారు. ‘నా దగ్గర నాన్న లేరు.. ఆయన దగ్గర నేను లేను’ అనే బాధ ఉండేదని ఆమె వివరించారు. అయితే మనోజ్ తివారీకి సురభి జీవిత భాగస్వామిగా మారినప్పుడు తాను చాలా సంతోషించానని రిథి చెప్పడం ఇప్పుడు చర్చనీయాంశంగా మారింది.ఇదీ చదవండి: ఢిల్లీపై ప్రశాంత్ కిషోర్ ఫోకస్‌.. ‘జన్‌ సురాజ్‌’ విస్తరణకు సిద్ధం!

కర్ణాటక ముఖ్యమంత్రి డీకే శివకుమార్‌ చేసిన వ్యాఖ్యలు రాజకీయ దుమారం రేపాయి. రాష్ట్రంలో దాదాపు డజను మంది ఎమ్మెల్యేలకు రెండేసి పెళ్లిళ్లు జరిగాయని ఆయన అసెంబ్లీలోనే వ్యాఖ్యానించారు. దీంతో సభలో ఒక్కసారిగా అలజడి రేగింది. అయితే ఈ వ్యాఖ్యపై బీజేపీ నేతలు తీవ్రంగా స్పందించారు. ఎవరెవరో పేర్లు కూడా చెప్పాలని డిమాండ్‌ చేస్తున్నారు.వర్షాభావ పరిస్థితులపై గురువారం అసెంబ్లీలో జరిగిన చర్చలో శివకుమార్‌ బెంగళూరు నగరంపై పెరుగుతున్న జనాభా ఒత్తిడిని ప్రస్తావించారు. బెంగళూరును కెంపేగౌడ నిర్మించారని, విధానసౌధను కేంగల్‌ హనుమంతయ్య నిర్మించారని, ఎస్‌.ఎం. కృష్ణ నగరాన్ని అంతర్జాతీయ స్థాయికి తీసుకెళ్లారని అన్నారు. నగరానికి వచ్చిన వారు తిరిగి తమ సొంత ప్రాంతాలకు వెళ్లడం లేదని చెప్పారు.ఈ క్రమంలో ఎమ్మెల్యేలను ఉద్దేశించి మాట్లాడుతూ.. బెంగళూరుకు వచ్చిన వారు కూడా ఇక్కడే ఉండిపోతున్నారని, “మీలోనూ చాలామందికి రెండు పెళ్లిళ్లు ఉన్నాయి. అలాంటివారు ఓ డజను మంది ఉన్నారు. వారి జాబితా ఇవ్వగలను” అని వ్యాఖ్యానించారు. ధార్వాడ్‌, దక్షిణ కన్నడ తదితర జిల్లాలకు చెందిన కొందరు ఎమ్మెల్యేల పేర్లు తనకు తెలుసని, అయితే వాటిని బయటపెట్టడం లేదని చెప్పారు."MLAs who come to Bengaluru don't leave, I know dozens who had second marriages and settled here" : Karnataka CM DK Shivakumar while talking about growing population & rapid urbanization in Bengaluru. pic.twitter.com/MA8Kg4Y45g— Deepak Bopanna (@dpkBopanna) September 25, 2026అనవసరమైన వ్యాఖ్య: బీజేపీముఖ్యమంత్రి వ్యాఖ్యలపై ప్రతిపక్ష నేత ఆర్‌.అశోక్‌ స్పందించారు. ఇది అనవసరమైన వ్యాఖ్య అని పేర్కొంటూ.. రెండు పెళ్లిళ్లు చేసుకున్నారని సీఎం చెబుతున్న ఎమ్మెల్యేల పేర్లను వెల్లడించాలని డిమాండ్‌ చేశారు. ఈ వ్యాఖ్యలతో బెంగళూరుకు ఇతర ప్రాంతాల నుంచి వచ్చిన ప్రతి ఎమ్మెల్యేపైనా అనుమానం ఏర్పడే పరిస్థితి వచ్చిందని అన్నారు. తాను మాత్రం బెంగళూరులోనే పుట్టి పెరిగానని స్పష్టం చేశారు.బీజేపీ సీనియర్‌ ఎమ్మెల్యే ఎస్‌.సురేశ్‌ కుమార్‌ కూడా శివకుమార్‌ వ్యాఖ్యలను తప్పుబట్టారు. సీఎం సరదాగా చెప్పి ఉండొచ్చని, కానీ అసెంబ్లీ వేదికపై ఇలాంటి వ్యాఖ్యలు చేయడం సభ గౌరవాన్ని పెంచదని అన్నారు. తాను సభలో ఉండి ఉంటే అప్పుడే స్పందించేవాడినని పేర్కొన్నారు.పేర్లు చెప్పాలి లేదంటే..రెండు పెళ్లిళ్లు చేసుకుని రెండు కుటుంబాలను నిర్వహిస్తున్న ఎమ్మెల్యేలు ఎవరనే విషయాన్ని సీఎం స్పష్టం చేయాలని సురేశ్‌ కుమార్‌ డిమాండ్‌ చేశారు. పేర్లు వెల్లడించకుండా ఇలాంటి వ్యాఖ్యలు చేయడం వల్ల ప్రజల్లో అనవసరమైన ఆసక్తి, సందేహాలు ఏర్పడతాయని అన్నారు. అంతేకాకుండా రాష్ట్ర ప్రజలు ఎమ్మెల్యేలందరినీ అనుమానంగా చూడటం లేదా ఎగతాళి చేసే పరిస్థితి తలెత్తవచ్చని వ్యాఖ్యానించారు.బెంగళూరు డెవలప్‌మెంట్‌.. జనాభా ఒత్తిడిపై అసెంబ్లీలో జరుగుతున్న చర్చ సందర్భంగా శివకుమార్‌ చేసిన ఈ వ్యాఖ్యలు అసలు చర్చను పక్కకు నెట్టి రాజకీయ వర్గాల్లో చర్చనీయాంశంగా మారాయి. అయితే ఆయన ప్రస్తావించిన ఎమ్మెల్యేల పేర్లు మాత్రం ఇప్పటివరకు బహిర్గతం కాలేదు.ఇదీ చదవండి: రెబల్‌ ఎంపీలకు గడువు.. రెండు వారాలే!

శ్రీనగర్‌: జమ్మూ కశ్మీర్‌ అసెంబ్లీలో శుక్రవారం గందరగోళ పరిస్థితులు నెలకొన్నాయి. రాష్ట్ర హోదాను వెంటనే పునరుద్ధరించాలని కోరుతూ ముఖ్యమంత్రి ఒమర్‌ అబ్దుల్లా ఒక తీర్మానాన్ని ప్రవేశపెట్టారు. అయితే అందులో నేషనల్‌ కాన్ఫరెన్స్‌ (ఎన్‌సీ) ప్రభుత్వం 2000లో ప్రవేశపెట్టిన స్వయం ప్రతిపత్తి తీర్మానం ప్రస్తావన ఉండటంతో వివాదం మొదలైంది. దీనిపై భాజ పా సభ్యులు అభ్యంతరం వ్యక్తం చేశారు. స్వయం ప్రతిపత్తి అంశంపై చర్చను అనుమతించబోమని వారు స్పష్టం చేశారు. భాజపా సభ్యులు సభ మధ్యలోకి దూసుకెళ్లి నిరసన తెలిపారు. ఈ క్రమంలో తీర్మానం ప్రతులను చించివేశారు. ‘‘సభలో స్వయంప్రతిపత్తి అంశంపై చర్చను అనుమతించబోము’’అని భాజ పా ఎమ్మెల్యే ఆర్‌.ఎస్‌. పఠానియా అన్నారు. తీర్మానాన్ని సభకు సమర్పించకుండానే ఒమర్‌ నేరుగా ప్రవేశపెట్టారని, ఇది నిబంధనల ఉల్లంఘన అని బీజేపీ ఎమ్మెల్యేలు వాదించారు. గందరగోళ పరిస్థితుల్లో బీజేపీ ఎమ్మెల్యే రణ్‌ధవాను మార్షల్స్‌ అసెంబ్లీ బయటకు తీసుకెళ్లిపోయారు. శాంతించమని స్పీకర్‌ అబ్దుల్‌ రహీమ్‌ రాథర్‌ చేసిన విజ్ఞప్తు లు ఫలించకపోవడంతో సభను వాయిదా వేస్తున్నట్లు ప్రకటించారు.

న్యూఢిల్లీ: ఓటు బ్యాంకు రాజకీయాలకు బదులుగా సామాజిక సంస్కరణలు, సమాజంలో సానుకూల మార్పులపై దృష్టి సారించాలని ప్రధానమంత్రి నరేంద్ర మోదీ బీజేపీ కార్యకర్తలకు పిలుపునిచ్చారు. ఉత్తరప్రదేశ్‌లోని వారణాసి నుంచి గుజరాత్‌లోని వాద్‌నగర్‌ వరకు సాగుతున్న ‘సేవా యాత్ర’మోటార్‌ సైకిల్‌ ర్యాలీలో పాల్గొంటున్నవారితో మోదీ శుక్రవారం వర్చువల్‌గా సంభాషించారు. గత 12 ఏళ్లలో దేశం సాధించిన అభివృద్ధిని ప్రస్తావించారు. దేశంలో నగరాలు, గ్రామాల మధ్య అంతరం గణనీయంగా తగ్గిందని, అలాగే గ్రామాల్లో మౌలిక సదుపాయాలు ఎంతో మెరుగుపడ్డాయని పేర్కొన్నారు. మహిళల్లో స్వయం సమృద్ధి కూడా పెరిగిందని అన్నారు. మహాత్మా గాంధీ జీవితాన్ని మనం పరిశీలిస్తే.. బ్రిటిష్‌ వారికి వ్యతిరేకంగా పోరాడటం, స్వాతంత్య్ర ఉద్యమానికి నాయకత్వం వహించడమే కాకుండా ఆయన ఒక గొప్ప సాంఘిక సంస్కర్త అని తెలుస్తుందని చెప్పారు. సమాజంలో ప్రబలంగా ఉన్న దురాచారాలకు వ్యతిరేకంగా గాంధీజీ పోరాటం చేశారని తెలిపారు. అందువల్ల, రాజకీయ కార్యకర్తలమైన మనం కూడా ఓటు బ్యాంకులను చూడకుండా, సామాజిక సంస్కరణలు, సానుకూల మార్పు కోసం కృషి చేస్తూనే ఉండాలని సూచించారు. ‘‘సమాజానికి సేవ చేసేవారు తగిన గౌరవం పొందడానికి అర్హులు’’అని ఉద్ఘాటించారు. పారిశుధ్య కార్మికుల పాదాలు కడిగి.. ప్రయాగ్‌రాజ్‌లో పారిశుధ్య పనులు చేపట్టిన కార్మికులను ప్రధానమంత్రి ప్రశంసించారు. వారి కృషి ‘కుంభమేళా’కు పారిశుధ్యం విషయంలో ప్రపంచవ్యాప్తంగా గుర్తింపును తెచి్చపెట్టిందని, భారతదేశ గౌరవాన్ని పెంచిందని పేర్కొన్నారు. దేశ గౌరవాన్ని ఎంతో పెంచిన వారి పాదాలను కడిగి, వారి ఆశీస్సులు పొందాలని తనకు అనిపించిందని వ్యాఖ్యానించారు. తన సొంత జీవితంలో ‘సేవా యాత్ర’ఎంతో కీలక పాత్ర పోషించిందని, దేశంలో తాను సందర్శించని జిల్లా దాదాపుగా ఏదీ లేదని వెల్లడించారు. ఎన్నో జిల్లాల్లో రాత్రివేళ బస చేశానని, ప్రతి ప్రయాణం, ఆ క్రమంలో లభించిన ప్రతి అనుభవం నేటికీ గురువులా మార్గనిర్దేశం చేస్తూనే ఉన్నాయని ఉద్ఘాటించారు. ఈ ప్రయాణాలు తనకు ఎంతో నేర్పించాయని మోదీ తెలిపారు.

దేవాస్‌: సేవ అనేది బీజేపీ పాలనకు, విలువలకు మూలస్తంభమని ప్రధాని నరేంద్ర మోదీ చెప్పారు. తాము ఎంత రాజకీయ అధికారాన్ని పొందినప్పటికీ సేవా మార్గం నుంచి ఎన్నటికీ వైదొలగబోమని స్పష్టం చేశారు. రాజకీయాలు, ఎన్నికల కంటే దేశ నిర్మాణం, దేశాభివృద్ధిపైనే తమ పార్టీ అధికంగా దృష్టి సారిస్తోందని పునరుద్ఘాటించారు. 2047 నాటికి భారతదేశాన్ని అభివృద్ధి చెందిన దేశంగా తీర్చిదిద్దాలన్న సంకల్పాన్ని సాకారం చేసుకోవడంలో యువత కీలక పాత్ర పోషించాలని పిలుపునిచ్చారు. గుజరాత్‌లోని వాద్‌నగర్‌ నుంచి ఉత్తరప్రదేశ్‌లోని వారణాసి వరకు జరుగుతున్న ‘సేవా సంకల్ప యాత్ర’లో పాల్గొన్నవారితో ప్రధాని మోదీ గురువారం వర్చువల్‌గా సంభాషించారు. రాజకీయాలు, ఎన్నికలు, పరిపాలనకు వాటి స్థానం వాటికి ఉందన్నారు. కానీ, దేశాన్ని అభివృద్ధి చేయాలన్న బలమైన సంకల్పంతో మనం ముందుకు సాగుతున్నామని తెలిపారు. ‘సేవా సంకల్ప యాత్ర’ లో పాల్గొంటున్నవారు ప్రస్తుతం మధ్యప్రదేశ్‌లోని దేవాస్‌ జిల్లాకు చేరుకున్నారు. సేవే అత్యున్నత ధర్మం ప్రజలకు సేవ చేయడమే యువత ప్రాథమిక లక్ష్యం కావాలని మోదీ అన్నారు. సేవ చేస్తూనే సేవా సందేశాన్ని ఇవ్వాలన్నారు. సేవ గురించి ప్రత్యేకంగా ఉపదేశించాల్సిన అవసరం లేదని వివరించారు. మనం సేవా సందేశాన్ని మాటలతో కాకుండా సేవ ద్వారానే అందిస్తామని పేర్కొన్నారు. సేవే అత్యున్నత ధర్మం అనే స్ఫూర్తితో ముందడుగు వేయాలన్నారు. గ్రామస్థుల వద్ద ఉన్న అపారమైన సాంప్రదాయ జ్ఞానాన్ని వారి నుంచి నేర్చుకోవాలని యువతకు మోదీ సూచించారు. భిన్నత్వంలో ఏకత్వం అనే భారతీయ సందేశా న్ని దేశవ్యాప్తంగా వ్యాప్తి చేయాలని కోరారు. యాత్ర సమయంలో ‘శక్తి కీ సప్త ధార’(ఏడు శక్తి ప్రవాహాలు) గురించి ప్రజలతో మాట్లాడాలని చెప్పారు. ఆగస్టు 15న ప్రధాని సప్త ధార అనే ఏడు సూత్రాల సంస్కరణల చట్రాన్ని ఆవిష్కరించిన సంగతి తెలిసిందే. సేవా సంకల్ప యాత్రలో పాల్గొన్నవారు తమ అనుభవాలను ప్రధానమంత్రితో పంచుకున్నారు. ఓ యువ కుడు మాట్లాడుతూ.. ‘‘ప్రధానమంత్రి స్ఫూర్తితో మధ్యప్రదేశ్‌లోని ఝబువా జిల్లాలో ఒక గ్రామానికి మోదీ ఫాలియా అని పేరు పెట్టారు’’అని చెప్పారు. జెన్‌–జెడ్‌ తరం మోదీకి మద్దతు ఇస్తోందని చెప్పారు. జీవితమంతా ప్రజల ఆశీర్వాదాలతోనే నడిచింది వారణాసి, వాద్‌నగర్‌ ప్రాచీన నగరాలని, అవి ఇప్పటికీ చైతన్యవంతంగా ఉన్నాయని ప్రధాని మోదీ చెప్పారు. వాటిలో ఒకటి తన జన్మస్థలమని, మరొకటి తన ‘కర్మభూమి’అని వ్యాఖ్యానించారు. పరిపాలనకు ప్రజాసేవే కేంద్రంగా ఉన్నప్పుడు, ప్రతి విధానానికి నాగరిక్‌ దేవో భవ(పౌరుడే దేవుడు) అనే సంకల్పం మూలంగా ఉంటుందని వివరించారు. ఎంతటి అధికారం దక్కినా మనది సేవా మార్గమేనన్న సంగతిని మన ప్రవర్తన ప్రజలకు తెలియజేయాలని సూచించారు. ఎంత ఉన్నత స్థాయికి చేరుకున్నా సేవామార్గం వీడకూడదని పిలుపునిచ్చారు. సేవా స్ఫూర్తితో చేసిన పనులను ప్రజలు గుర్తుంచుకుంటారని, సేవ చేసే వారిని ఆశీర్వదిస్తారని వెల్లడించారు. తన జీవితమంతా ప్రజల ఆశీర్వాదాలతోనే నడిచిందని, అవే తన జీవితానికి గొప్ప శక్తిగా నిలిచాయని ఉద్ఘాటించారు. ప్రజలకు సేవ చేస్తే దేశానికి చేసినట్లేనని ఉద్బోధించారు. అదే జీవితపు గొప్ప మంత్రమని అన్నారు. పేదలు, మహిళలు, బాలికలు, రోగులు, గిరిజనులతో సహా సమాజంలోని వివిధ వర్గాల ప్రయోజనం కోసం ప్రభుత్వం అమలు చేస్తున్న పథకాలకు సేవా స్ఫూర్తియే పునాది అని ప్రధానమంత్రి నొక్కిచెప్పారు. సేవా స్ఫూర్తిని దేశ విధానాలకు అన్వయించినప్పుడు, సేవయే దేశ ప్రగతికి అతిపెద్ద చోదక శక్తిగా మారుతుందన్నారు. ‘వికసిత్‌ భారత్‌’సంకల్పంతో యువత మమేకం కావాలన్నారు. నేటి యువతరం అభివృద్ధి చెందిన భారతదేశానికి సృష్టికర్తలే కాకుండా, ఈ లక్ష్యం నెరవేరిన తర్వాత ప్రధాన లబి్ధదారులు కూడా అవుతారని స్పష్టంచేశారు. తన సుదీర్ఘ రాజకీయ జీవితంలో ఎన్నో యాత్రలకు నాయకత్వం వహించానని చెప్పారు. యాత్ర అంటే కేవలం ఒక ప్రదేశం నుండి మరొక ప్రదేశానికి ప్రయాణించడం మాత్రమే కాదని, ప్రజలను కలవడం, సమాజాలను అర్థం చేసుకోవడం, సేవా స్ఫూర్తిని ఆచరణలోకి తీసుకురావడం కూడా అని వివరించారు.

సాక్షి, ఢిల్లీ: భారతీయ జనతా పార్టీ కీలక నిర్ణయం తీసుకుంది. పలు రాష్ట్రాలకు కొత్త ఇన్‌చార్జ్‌‌లను నియమిస్తూ ఆదేశాలు జారీ చేసింది. ఆంధ్రప్రదేశ్‌ బీజేపీ ఇన్‌ఛార్జ్‌గా అరవింద్ భదౌరియా, సహ ఇంచార్జ్‌గా వనతి శ్రీనివాసన్‌ నియ‌మితుల‌య్యారు. తెలంగాణ బీజేపీ ఇన్‌ఛార్జ్‌గా సునీల్ బన్సల్‌ని కొనసాగించనుంది. సహ ఇన్‌ఛార్జ్‌లుగా అభయ్‌ పాటిల్‌, రేఖాశర్మను నియమించింది. యూపీ బీజేపీ ఇన్‌ఛార్జ్‌గా వినోద్‌ తావ్డే, మహారాష్ట్ర బీజేపీ ఇన్‌ఛార్జ్‌గా బైజయంత్‌ పాండా.. ఛత్తీస్‌గఢ్‌, హర్యానా ఇన్‌ఛార్జ్‌గా స్మృతి ఇరానీని నియమిస్తూ ఆదేశాలు జారీ చేసింది. తమిళనాడు, ఉత్తరాఖండ్ బీజేపీ ఇన్‌చార్జిగా రాంమాధవ్ ఎంపిక‌య్యారు. ఒడిశా ఇన్‌ఛార్జ్‌గా పురందేశ్వరి, తమిళనాడు కో ఇన్‌ఛార్జ్‌గా డీకే అరుణ, కర్ణాటక కో ఇన్‌ఛార్జ్‌ డాక్టర్ కాసం వెంకటేశ్వర్లును నియమించింది. ఈ నియామకాలు తక్షణమే అమల్లోకి వస్తాయని పార్టీ జాతీయ ప్రధాన కార్యదర్శి తరుణ్ చుగ్ ప్రకటన విడుదల చేశారు. ఉత్తరప్రదేశ్‌ ఇన్‌చార్జి: వినోద్‌ తావ్డే , ఇన్‌చార్జిలు: జగదీశ్‌ పటేల్‌, మేధా కులకర్ణి, ప్రదీప్‌ వర్మ, అనంత్‌ ఓజాఢిల్లీ ఇన్‌చార్జి: వినయ్‌ సహస్రబుద్ధేగుజరాత్‌ఇన్‌చార్జి: తరుణ్‌ చుగ్‌హిమాచల్‌ప్రదేశ్‌ఇన్‌చార్జి: శ్రీకాంత్‌ శర్మ भारतीय जनता पार्टी के राष्ट्रीय अध्यक्ष श्री @NitinNabin ने विभिन्न राज्यों के निम्नलिखित प्रदेश प्रभारियों और सह प्रभारियों की नियुक्तियां की है।ये नियुक्तियां तत्काल प्रभाव से लागू होंगी। pic.twitter.com/S3as4bSf3q— BJP (@BJP4India) September 23, 2026ఇదీ చదవండి: బీజేపీ కీలక నిర్ణయం

ఆంధ్రప్రదేశ్ జరుగుతున్న పరిణామాలు ఎవరికైనా ఆవేదన కలిగిస్తాయి. ఈవీఎంలు మాయ కాకుండా నిజంగానే ప్రజల ఓట్లతోనే బీజేపీ, టీడీపీ,జనసేన కూటమి గెలిచి ఉంటే ఇంత అరాచకంగా, అధ్వాన్నంగా పాలన సాగిస్తుందా?అన్న సందేహం రోజురోజుకు బలపడుతోంది. విజయవాడలో స్పోర్ట్స్ అధారిటీ కార్యాలయం వద్ద వైఎస్ఆర్ కాంగ్రెస్ పార్టీ నిరసన ధర్నా చేయడానికి వెళ్లినప్పుడు వారిపై దాడి జరిగిన తీరు, తదుపరి అరెస్టులు, కేసులు వారిపైనే పెట్టిన వైనం గమనిస్తే , ఏపీలో ప్రజాస్వామ్యాన్ని పూర్తిగా ఖూనీ చేయడానికి ముఖ్యమంత్రి చంద్రబాబు నాయుడు ప్రభుత్వం కంకణం కట్టుకున్నట్లు అనిపిస్తుంది. ముఖ్యమంత్రి స్థానంలో ఉన్నవారు నిజాలు మాట్లాడుతూ ప్రజలకు ఒక మంచి సందేశం ఇవ్వాలి. కాని దురదృష్టవశాత్తు చంద్రబాబు అందుకు విరుద్దంగా నిత్యం అబద్దాలు చెబుతూ, ఏపీని అబద్దాల సమాజంగా మార్చుతున్నారన్న విమర్శలు వస్తున్నాయి. విషయం చిన్నదైనా, పెద్దదైనా ఏదో ఒక అసత్యం చెబితే సరిపోతుందన్న ధోరణితో ఆయన సాగుతున్నారన్న భావన ఏర్పడుతోంది. విజయవాడలో వైఎస్సార్‌సీపీ శ్రేణులపై దాడి జరిగితే ఆయన గురువులపై వైఎస్సార్‌సీపీ గూండాలు దాడి చేశారని కుప్పంలో స్పీచ్ ఇచ్చారు. ఎల్లో మీడియా ఈనాడు, ఆంధ్రజ్యోతి వంటివి అసలు టీడీపీ వారు కాని, టీచర్ల పేరుతో వచ్చిన గూండాలు కాని, లోకేష్ యువగళానికి చెందినవారుకాని చేసిన దుశ్చర్యల గురించి మాట మాత్రం రాయకుండా వైఎస్సార్‌సీపీ వారే దాడులు చేశారన్నట్లుగా తెగబడి రాశాయంటే ఏమిటి అర్దం?. డీఎస్సీ అక్రమాల కేసు ఆధారాలతో సహా బయటపడటంతో ఏం చేయాలో దిక్కుతోచక ప్రభుత్వం పోలీసులను అడ్డం పెట్టుకుని ఇలాంటి చర్యలకు పాల్పడుతోందన్న భావన కలగదా!. ఒక వేళ ఈ ఘటనలో వైఎస్సార్‌సీపీ వారి వైపు నుంచి కూడా ఏదైనా తప్పు ఉంటే అది రాయవచ్చు. అలాగే టీడీపీ వారు ఎందుకు అలా అరాచకంగా ప్రవర్తించారో తెలియచేయాలి. అదేమీ లేకుండా పూర్తి ఏకపక్షంగా కదనాలు ప్రచారంలోకి తెచ్చారంటే విద్యా శాఖ మంత్రి లోకేష్ ను ఈ స్కామ్ నుంచి బయట వేయడానికి ఎదురుదాడి ఒకటే మార్గమని ఎంచుకున్నట్లు అనిపించదా!అధికారం ఉంది కనుక ,పోలీసు వ్యవస్థ నిస్తేజంగా మారి నిష్పక్షపాతంగా పనిచేయడం మానివేసింది కనుక దాడులకు గురైనవారిపైనే కేసులు పెట్టవచ్చు. వారిని అరెస్టు చేయవచ్చు. అంతమాత్రాన ప్రభుత్వం ఎస్కేప్ అయిపోతుందని అనుకుంటే పొరపాటు.ఎందుకంటే సోమవారం నాటి ఈ ఏపీసోడ్ మొత్తం ప్రభుత్వ బలహీనతను బయటపెట్టింది. డీఎస్సీ అక్రమాలపై మరిన్ని అనుమానాలు పెంచింది. వైఎస్ ఆర్ కాంగ్రెస్ దర్నాకు అనుమతి లేదని పోలీసులు ప్రకటించడమే ఆశ్చర్యం. అంత ప్రమాదం ఏమి వచ్చిందని వారి నిరసనకు అనుమతి ఇవ్వలేదు? అయినావైఎస్సార్‌సీపీ నిరసనపై ముందుకు వెళ్లింది. అలా గతంలో విపక్షంలో ఉన్నప్పుడు చంద్రబాబు పలుమార్లు పోలీసులను తోసుకుంటూ ముందుకువెళ్లలేదా? అనివైఎస్సార్‌సీపీ వారు ప్రశ్నిస్తున్నారు. తాము శాంతియుతంగా ధర్నా చేస్తే తప్పేమిటన్నది వారి వాదన. డీఎస్సీ అభ్యర్దుల పేరుతో ప్రభుత్వం చేయించిన ర్యాలీలకు ఎలా పర్మిషన్ లభించింది?అంటే చట్టం అన్ని పక్షాలకు ఒకరకంగా ఉండడం లేదన్న విషయం అర్ధం అవుతూనే ఉంది కదా? టీడీపీ కార్యకర్తలు,గూండాలు, టీచర్ల ముసుగులో వచ్చిన రౌడీలు శాప్ కార్యాలయ ఆవరణలోకి ఎలా వెళ్లారు? అక్కడ వారికి షామియానాలు, కుర్చీలు వేసి ఎలా సదుపాయాలు కల్పించారు. వైఎస్సార్‌సీపీ నేతలు నిరసన నిమిత్తం అక్కడకు వెళితే వారు ఎలా ఎగబడ్డారు? కొందరైతే పోలీసుల నుంచి లాఠీలు లాక్కుని మరీ దాడి చేశారట. నోటికొచ్చిన బూతులతోవైఎస్సార్‌సీపీ నేతలను తిట్టారట. ఎంత వీలైతే అంత వైఎస్సార్‌సీపీ వారిని రెచ్చగొట్టారన్నమాట. అలా చేసినప్పుడు ఎవరైనా కొంతమంది ఆవేశపడుతుంటారు. అప్పుడు వారికి రౌడీ ముద్ర వేసి ప్రచారం చేస్తారన్నమాట. దాడులలో గాయపడ్డది వైఎస్సార్‌సీపీ నేతలు కదా!అయినా వారిపైనే కేసులు పెట్టారు. పైగా కొందరిపై హత్యాయత్నం కేసు వరకు పెడుతున్నారట. పోనీ దాడులు చేసిన టీడీపీవారిపై కూడా కేసు పెట్టారా అంటే అలాంటిదేమీ లేదట. టీడీపీ పక్షాన గూండాయిజం చేసిన కొందరు తాము యువగళం టీమ్ అని ఓపెన్ గానే చెప్పుకున్నారే. ఎల్లో మీడియా ఈ ఉదంతం మొత్తాన్ని వక్రీకరించి ప్రచారం చేసే క్రమంలో తొలుతటీడీపీవారిపైనే వైఎస్సార్‌సీపీ దాడి అని స్టోరీలు ప్రచారం చేసింది.కాని అంతలో వారికి కొత్త ఐడియా వచ్చినట్లు ఉంది. టీడీపీ వారిపైన దాడి అంటే,వైఎస్సార్‌సీపీ నిరసన సమయంలో వారు అక్కడ ఎందుకు ఉన్నారని జనం అనుకుంటారని భావించి మొత్తం కధను మార్చి గురువులపై దాడి అని కొత్త స్టోరీ అల్లారట. ముఖ్యమంత్రి సైతం ఇదే ప్రకారం ఉపన్యాసం ఇచ్చారు. అంటే ఇదంతా ప్లాన్ ప్రకారం చేశారని అర్ధం అవుతోంది కదా! గొడ్డలి పార్టీ అని చంద్రబాబువైఎస్సార్‌సీపీని ఉద్దేశించి అంటే, వెన్నుపోటు పార్టీ టీడీపీ అని వైఎస్సార్‌సీపీ నేతలు అంటున్నారు. ఇదంతా చంద్రబాబుకు గౌరవం అయిన సంగతేనా? అర్హులైన టీచర్ అభ్యర్ధులకు చంద్రబాబు వెన్నుపోటు పొడిచారని వైఎస్సార్‌సీపీ నేత సజ్జల రామకృష్ణారెడ్డి విమర్శించారు. చంద్రబాబు ప్రసంగంలోని కొన్ని అంశాలు చూడండి.క్రీడా కోటాలో తప్పులు జరిగాయని, ఆ ఉపాధ్యాయులంతా బోగస్ అని అంటున్నారని చంద్రబాబు ఆరోపించారు.ఇదీ చదవండి: అందుకే ఈ అరాచకాలా..?వైఎస్సార్‌సీపీ ఎన్నడూ అందరూ బోగస్ అని అనలేదు. తప్పుడు క్రీడా సర్టిఫికెట్లు తెచ్చి పరీక్షలు లేకుండా ఉద్యోగాలు పొందిన పలువురి వివరాలు వెల్లడించి విమర్శలు చేస్తోంది. ఆ నిర్దిష్టమైన కేసులలో ఇంతవరకు చంద్రబాబు,లేదా మంత్రి లోకేష్ వివరణ ఇవ్వలేకపోయారు. వైఎస్సార్‌సీపీ హయాంలో పోటీలలో పాల్గొని వారి చేతుల మీదుగానే ధృవపత్రాలు పొందినవారిని ఫేక్ అంటున్నారని ఆయన చెప్పారు. ఇందులోను నిజం లేదు. ఫేక్ పత్రాలతో కొంతమంది పోస్టులు సాధించారా? లేదా? అన్నదాని పై ఆయన మాట్లాడడం లేదు. విజయవాడలో గురువులపై రౌడీలు దాడులు చేశారని చంద్రబాబు ఆరోపించారు. ఇది కూడా నిజం కాదు. వైఎస్సార్‌సీపీ ధర్నా చేయాలని తలపెడితే అక్కడ టీడీపీ గూండాలు, టీచర్ల ముసుగులో రౌడీలు ఎందుకు ఉన్నారని ఎవరికైనా సందేహం వస్తుంది కదా! అసెంబ్లీకి వచ్చే ధైర్యంవైఎస్సార్‌సీపీకి లేదని చంద్రబాబు అన్నారు. వైఎస్సార్‌సీపీ ఎమ్మెల్యేలు అసెంబ్లీకి వెళ్లడం లేదు. కాని మండలిలో వైఎస్సార్‌సీపీ సభ్యులు హాజరవుతున్నారు కదా!అక్కడ ఎందుకు చర్చకు టీడీపీ వెనుకాడింది అంటే జవాబు ఇవ్వరు. లోకేష్ మండలికి హాజరైనా దాని గురించి ఎందుకు వాదన వినిపించలేకపోయారు.వైఎస్సార్‌సీపీ సహభ్యుల ప్రశ్నలకు బదులు ఇవ్వలేదంటే సమాధానం ఇవ్వరు. కొందరు టీచర్లను తీసుకువచ్చి ర్యాలీలు చేయించి ఒక రాజకీయ పార్టీని ఇష్టం వచ్చినట్లు దూషింపచేస్తారా?మాజీ ముఖ్యమంత్రిపై ఇష్టం వచ్చినట్లు మాట్లాడతారా?ఇదంతా చూస్తే ఏమనిపిస్తుంది. చంద్రబాబు రాష్ట్రంలో ఒక విష సంస్కృతిని తీసుకువస్తున్నట్లు అనిపించదా!ఇవన్ని ఎందుకు! అసలు డీఎస్సీలో అక్రమాలు జరగలేదన్న నమ్మకం ఉంటే వైఎస్సార్‌సీపీ అదినేత జగన్ సవాల్ చేసినట్లు సిబిఐ విచారణకు ఆదేశించవచ్చు కదా! పైగా తన టైమ్ లో జరిగిన ఏపీపిఎస్సిపై కూడా సిబిఐ విచారణ వేసుకోండని ఓపెన్ ఆఫర్ ఇచ్చారు కదా!దాని గురించి ప్రస్తావించకుండా ఏపీపిఎస్సిపై వైఎస్సార్‌సీపీ మాట్లాడడం లేదని చంద్రబాబు అనడం ఏమిటో అర్దం కాదు..టీచర్ల నియామకాలపై అనుమానాలు ఉంటే కోర్టుకు వెళ్లవచ్చని,కోర్టు ఆదేశిస్తే చర్య తీసుకుంటామని అన్నారు. ఉద్యోగాలు రాని అనేక మంది కోర్టుకు వెళితే అసలు కేసే విచారణకు రాకుండా చేస్తున్నారని వారు బహిరంగంగానే చెబుతున్నారే? కోర్టులో విచారణకు రెడీ అయిన ప్రభుత్వం వారు సిబిఐ దర్యాప్తునకు ఎందుకు వెనుకాడుతున్నారు?జగన్ మళ్లీ సోమవారం నాడు కూడా డీఎస్సీ స్కామ్ పై 14 ప్రశ్నలు వేశారు. చంద్రబాబు, లోకేష్ లు తమకు తామే సర్టిఫికెట్ ఇచ్చుకుంటున్నారని జగన్ ఎద్దేవ చేశారు. జగన్ ప్రశ్నలపై చంద్రబాబు ఎప్పటికైనా స్పందిస్తారా?అన్నది అనుమానమే. ఒక్క మాట చెప్పాలి. డెబ్బైఆరేళ్ల వయసులో ఎంతో సీనియర్ నేతగా ఉన్న చంద్రబాబు నాయుడు తన హోదాకు తగ్గట్లు వ్యవహరించలేకపోతున్నారనిపిస్తుంది. ఇదంతా పుత్ర ప్రేమా?లేక సహజంగా వచ్చిన అలవాటా?అంటే ఏమి చెబుతాం!-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

పంజాబ్‌లో మాదకద్రవ్యాల వ్యతిరేక ప్రచారంలో భాగంగా బీజేపీ చేపట్టిన ‘నషా ముక్త్ పంజాబ్ యాత్ర’ 4 మార్గాల్లో దాదాపు 4,000 కిలోమీటర్లు సాగనుంది. రాష్ట్రంలోని మొత్తం 117 అసెంబ్లీ నియోజకవర్గాలను కవర్‌ చేసిన అనంతరం సెప్టెంబర్‌ 30న జలంధర్‌లో యాత్ర ముగియనుంది. సెప్టెంబర్‌ 18న పఠాన్‌కోట్‌లోని మాధోపూర్‌ నుంచి బీజేపీ జాతీయ అధ్యక్షుడు నితిన్‌ నబిన్‌ తొలి విడతను ప్రారంభించారు. ముగింపు కార్యక్రమానికి కేంద్ర హోంమంత్రి అమిత్‌ షా హాజరయ్యే అవకాశం ఉంది.బీజేపీకి ఈ యాత్ర కేవలం మాదకద్రవ్యాల సమస్యపై ప్రచార కార్యక్రమం మాత్రమే కాదని రాజకీయ విశ్లేషణలో పేర్కొంటున్నారు. శిరోమణి అకాలీదళ్‌తో దీర్ఘకాలిక పొత్తు 2020లో ముగిసిన తర్వాత పంజాబ్‌లో స్వతంత్రంగా విస్తరించేందుకు పార్టీ ప్రయత్నిస్తోంది. గతంలో సాధారణంగా 117 అసెంబ్లీ స్థానాల్లో 23 చోట్లే బీజేపీ పోటీ చేసేది. ఇప్పుడు మొత్తం 117 స్థానాల్లో పోటీ చేయాలని పార్టీ నాయకత్వం చెబుతోంది.గత (2022) పంజాబ్‌ అసెంబ్లీ ఎన్నికల్లో బీజేపీ 73 స్థానాల్లో పోటీ చేసి 2 స్థానాల్లో మాత్రమే గెలిచింది. రాష్ట్రవ్యాప్తంగా దాదాపు 6.6 శాతం ఓట్లు సాధించింది. 2024 లోక్‌సభ ఎన్నికల్లో మొత్తం 13 స్థానాల్లోనూ స్వతంత్రంగా పోటీ చేసి ఓట్ల వాటాను సుమారు 18.5 శాతానికి పెంచుకుంది. అయితే ఒక్క లోక్‌సభ స్థానాన్ని కూడా గెలుచుకోలేకపోయింది. 24 అసెంబ్లీ నియోజకవర్గాల్లో మాత్రం ఆధిక్యంలో నిలిచింది.సంస్థాగత బలం పెంచుకోవడం కీలకం ఈ నేపథ్యంలో గ్రామీణ ప్రాంతాల్లో పార్టీ సంస్థాగత బలం పెంచుకోవడం బీజేపీకి కీలకంగా మారింది. రాష్ట్ర అధ్యక్షుడు కేవల్‌ సింగ్‌ ధిల్లాన్‌, రాష్ట్ర ఇన్‌ఛార్జ్‌ సతీశ్‌ పూనియా మొత్తం 117 స్థానాల్లో స్వతంత్రంగా పోటీ చేసే వైఖరిని పునరుద్ఘాటించారు. జిల్లా, మండల, గ్రామ స్థాయిల వరకు బృందాలను నిర్మించడంపై ధిల్లాన్‌ దృష్టి పెట్టారు. రైతుల సంక్షేమం, పారిశ్రామిక పునరుద్ధరణ, మాదకద్రవ్యాల సమస్యను కూడా ఆయన ప్రస్తావించారు.మాధోపూర్‌లో నితిన్‌ నబిన్‌ మాదకద్రవ్యాలపై 5 అంశాల కార్యాచరణను వివరించారు. అక్రమ రవాణాదారులపై చర్యలు, అంతర్రాష్ట్ర-అంతర్జాతీయ సరఫరా మార్గాలను అడ్డుకోవడం, మాదకద్రవ్యాల ద్వారా సంపాదించిన ఆస్తుల స్వాధీనం, వైద్య-మానసిక పునరావాసం, ఉపాధ్యాయులు, వైద్యులు, మత సంస్థలు, క్రీడాకారులు, యువజన సంఘాల భాగస్వామ్యం ఇందులో ఉన్నాయి.అయితే మాదకద్రవ్యాల సమస్యపై గతంలోనూ పంజాబ్‌లో అనేక హామీలు వచ్చాయి. అధికార ఆమ్‌ఆద్మీ పార్టీ బీజేపీ ప్రచారాన్ని ప్రశ్నిస్తూ, 2007–2017 మధ్య అకాలీదళ్‌తో కలిసి బీజేపీ అధికారంలో ఉన్న విషయాన్ని ప్రస్తావిస్తోంది. సరిహద్దు దాటి జరిగే అక్రమ రవాణాపై కేంద్ర సంస్థల బాధ్యతను కూడా భగవంత్‌ మాన్‌, అరవింద్‌ కేజ్రీవాల్‌ ప్రస్తావించారు.అందువల్ల సెప్టెంబర్‌ 30తో యాత్ర ముగిసిన తర్వాత బీజేపీకి అసలు పరీక్ష మొదలుకానుంది. 4,000 కిలోమీటర్ల యాత్ర ద్వారా ఏర్పడిన రాజకీయ ఉత్సాహాన్ని 117 నియోజకవర్గాల్లో గ్రామ, బూత్‌ స్థాయి సంస్థగా ఎంతవరకు మార్చగలదన్నదే 2027 పంజాబ్‌ అసెంబ్లీ ఎన్నికల ముందు కీలకంగా మారనుంది.

పాట్నా: బిహార్‌లోని జముయి జిల్లాలో జరిగిన మైనర్ జంట (బాలుడు, బాలిక) వేధింపుల ఉదంతం ఆ రాష్ట్రంలో తీవ్ర రాజకీయ దుమారానికి దారితీసింది. ఈ ఘటనపై స్పందిస్తూ జముయి బిహార్ మంత్రి శ్రేయసి సింగ్ చేసిన వ్యాఖ్యలు వివాదాస్పదంగా మారాయి. సెప్టెంబర్ 19వ జముయి-లఖిసరాయ్ రోడ్డులో సాయంత్రం కోచింగ్ ముగించుకుని స్కూటీపై ఇంటికి తిరిగి వస్తున్న 10వ తరగతి చదువుతున్న బాలుడు,బాలికను కొందరు దుండగులు అడ్డుకున్నారు. చట్టాన్ని తమ చేతుల్లోకి తీసుకున్న ఆ గుంపు, ఆ మైనర్లపై దాడి చేయడమే కాకుండా, బాలిక పట్ల అత్యంత అసభ్యకరంగా ప్రవర్తించారు. ప్రాధేయపడుతున్నప్పటికీ వదలకండా వేధించిన ఈ ఘటనకు సంబంధించిన వీడియో సోషల్ మీడియాలో వైరలైంది.ఈ ఘటనపై స్థానిక ఎమ్మెల్యే, రాష్ట్ర మంత్రి శ్రేయసి సింగ్ మాట్లాడుతూ.. సమాజంలో ఇటువంటి ఘటనలు సిగ్గుచేటని ఖండించారు. అయితే, ఇదే సమయంలో ఆమె మాట్లాడుతూ..‘మోరల్‌ పోలీసింగ్‌ను మరింత హుందాగా, డీసెంట్‌ పద్ధతిలో కూడా చేయవచ్చు’ అనే అర్థం వచ్చేలా వ్యాఖ్యానించడం వివాదాస్పదమైంది. చట్టసభల్లో ఉండి, బాధ్యతాయుతమైన పదవిలో ఉన్న ఒక మంత్రి ఇలాంటి వ్యాఖ్యలు చేయడం మోరల్‌ పోలీసింగ్‌ను పరోక్షంగా సమర్థించినట్లే ఉందంటూ ప్రతిపక్షాలు, నెటిజన్లు ఆమెపై తీవ్రస్థాయిలో మండిపడుతున్నారు. బాధితుల తరఫు నుంచి ఎలాంటి ఫిర్యాదు అందనప్పటికీ, సోషల్ మీడియాలో వీడియో వైరల్ అయిన వెంటనే స్పందించి పోలీసులు సుమోటోగా కేసు నమోదు చేశారని, ఇప్పటికే ముగ్గురు నిందితులను అరెస్టు చేశారని ఆమె తెలిపారు. పోలీసుల చర్యలపై తాము సంతృప్తిగా ఉన్నామని పేర్కొన్నప్పటికీ, ఆమె చేసిన మోరల్‌ పోలీసింగ్‌ వ్యాఖ్యలు మాత్రం ప్రస్తుతం రాజకీయంగా పెద్ద చర్చకు దారితీశాయి. ఈ ఘటనపై జాతీయ మహిళా కమిషన్‌తో పాటు బిహార్ రాష్ట్ర మహిళా కమిషన్ కూడా సుమోటోగా స్పందించి కఠిన చర్యలు తీసుకోవాలని ఆదేశించాయి. ఇదీ చదవండి : బాలికపై లైంగిక దాడి.. నిందితుడి ఎన్‌కౌంటర్‌

మధ్యప్రదేశ్‌కు చెందిన ఒక బీజేపీ ఎమ్మెల్యే, గర్బా కార్యక్రమాల్లో ముస్లింల ప్రవేశంపై చేసిన వ్యాఖ్యలు పెద్ద దుమారాన్ని రేపాయి. ఈ వ్యాఖ్యలపై ప్రతిపక్ష కాంగ్రెస్, AIMIM పార్టీలు తీవ్ర ఆగ్రహం వ్యక్తం చేశాయి. గర్బా ఉత్సవాల్లో అన్యమతస్థులు ప్రవేశించకుండా ఉండటానికి, హిందువులనే నిర్ధారించడానికి నిర్వాహకులు ఆధార్ కార్డులను పరిశీలించాలన్న డిమాండ్ రేపిన దుమారానికి మధ్య ఈ వ్యాఖ్యలు మరింత అగ్గిని రాజేశాయి.మధ్యప్రదేశ్ రాజధాని భోపాల్‌లోని హుజూర్ నియోజకవర్గ బీజేపీ ఎమ్మెల్యే రమేశ్వర్ శర్మ ఒక బహిరంగ సభలో మాట్లాడుతూ... ముస్లిం యువకులు గర్బా వేడుకలకు ఒంటరిగా కాకుండా తమ సోదరీమణులు, కూతుళ్లను కూడా వెంటబెట్టుకుని రావాలని అన్నారు. ఆ తర్వాత తర్వాత వ్యంగ్యంగా నవ్వుతూ దీనికి కుర్రాళ్లు కూడా సిద్ధంగా ఉన్నారనడం,దానికి ప్రేక్షకుల నుంచి హర్షధ్వానాలు వ్యక్తం కావడం మరింత ఆందోళన రేపింది.అంతేకాదు ముస్లింలు పూర్తిగా హిందూ ధర్మంలోకి మారాలనుకుంటే తాము స్వాగతిస్తామని, 'జై శ్రీరామ్' అని నినాదాలు చేస్తూ నుదుటిపై తిలకం ధరించాలని పేర్కొన్నారు. గర్బాను ప్రదర్శనగా మార్చడానికి ప్రయత్నిస్తే లేదా 'లవ్ జిహాద్'కు పాల్పడితే యువత తగిన సమాధానం చెప్పడానికి సిద్ధంగా ఉండాలని హెచ్చరించారు.ఎమ్మెల్యే వ్యాఖ్యలను భోపాల్ సెంట్రల్ కాంగ్రెస్ ఎమ్మెల్యే ఆరిఫ్ మసూద్ తీవ్రంగా ఖండించారు. రమేశ్వర్ శర్మ వ్యాఖ్యలు అత్యంత నీచమైనవని, ఆయన తన పద్ధతి మార్చుకోవాలని హెచ్చరించారు. ముస్లింలకు గర్బాతో ఎలాంటి సంబంధం లేదని స్పష్టం చేశారు.ఇదీ చదవండి: రోజుకు రూ. 50 వేలు : ఈమె వ్యాపారం ఏంటో తెలుసా?అలాగే ఏఐఎంఐఎం (AIMIM) మధ్యప్రదేశ్ అధ్యక్షుడు మొహ్సిన్ అలీ ఖాన్ మాట్లాడుతూ.. ఈ రకమైన ప్రకటనలు దేశాన్ని విభజించేలా ఉన్నాయని, బీజేపీ ముస్లిం నాయకులు తమ సొంత కుటుంబసభ్యులను గర్బాకు తీసుకెళ్తారా అని ప్రశ్నించారు.

జంతర్‌ మంతర్‌ వేదికగా నీట్‌ పేపర్‌లీక్‌ వ్యవహారం, విద్యా వ్యవస్థలో అవకతవకలపై ఉద్యమం చేసి జాతీయ స్థాయిలో గుర్తింపు తెచ్చుకుంది కాక్రోచ్‌ జనతా పార్టీ. అయితే ఇప్పుడు అది ప్రదర్శిస్తున్న వైఖరి తీవ్ర విమర్శలకు తావిస్తోంది. స్కూళ్ల బాగు కోసం మీద దేశవ్యాప్త క్యాంపెయిన్‌ నడుపుతున్న ఈ సంస్థ.. పక్షపాత ధోరణి ప్రదర్శిస్తోందనే చర్చ జోరుగా నడుస్తోంది. ఈ తరుణంలో సీజేపీ ఓ స్పష్టత ఇచ్చే ప్రయత్నం చేస్తోంది. ‘స్కూల్‌ ఠీక్‌ కరో’, ‘ఆదివాసీ స్కూల్‌ ఠీక్‌ కరో’ పేరుతో సీజేపీ పలు రాష్ట్రాల్లో పాఠశాలలను తనిఖీలు నిర్వహిస్తోంది. అయితే ఈ కార్యక్రమంపై మరో ప్రశ్న కూడా తెరపైకి వచ్చింది. బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో దూకుడుగా వ్యవహరిస్తుండగా.. ప్రతిపక్షాలు అధికారంలో ఉన్న రాష్ట్రాల్లో మాత్రం మెతక ధోరణికే పరిమితమవుతోందట. దీంతో ఇదేనా కాక్రోచ్‌ల ఫెయిర్‌నెస్‌? అనే ప్రశ్న పుట్టుకొచ్చింది.జూన్‌ 6న ఢిల్లీ జంతర్‌ మంతర్‌ వద్ద ప్రారంభమైన సీజేపీ ఆందోళన.. అప్పటి కేంద్ర విద్యాశాఖ మంత్రి ధర్మేంద్ర ప్రధాన్‌ రాజీనామా డిమాండ్‌తో సాగింది. పరీక్షల పేపర్‌ లీకులు, నియామకాల్లో అవకతవకలు వంటి అంశాలపై 37 రోజులపాటు ఉద్యమం జరిగింది. జూలై 25న ప్రధాన్‌ రాజీనామా చేసిన తర్వాత సీజేపీ విజయోత్సవ సంబురాలు చేసుకుంది. అయితే ఆ వెంటనే దాని దృష్టి ప్రభుత్వ పాఠశాలల వైపు మళ్లింది. ఆగస్టు 15న మహారాష్ట్రలోని హింగోలీ జిల్లాలో ‘స్కూల్‌ ఠీక్‌ కరో’ కార్యక్రమాన్ని ప్రారంభించింది. పాఠశాలల్లో తాగునీరు, మరుగుదొడ్లు, బెంచీలు, భవనాల పరిస్థితి వంటి అంశాలను పరిశీలిస్తూ.. సమస్యలను వీడియోల రూపంలో బయటకు తీసుకొస్తోంది. ఆపై ఆదివాసీ స్కూళ్లపైనా ఈ క్యాంపెయిన్‌ను ఉధృతం చేసింది. బీజేపీ పాలిత రాష్ట్రాల్లో దూకుడు..స్కూల్‌ ఠీక్‌ కరో కోసం మహారాష్ట్ర, రాజస్థాన్‌, ఉత్తరప్రదేశ్‌ వంటి బీజేపీ పాలిత రాష్ట్రాల్లో సీజేపీ జాతీయ నాయకత్వం ప్రత్యక్షంగా రంగంలోకి దిగింది. ఉత్తరప్రదేశ్‌లో పరీక్షల అక్రమాలపై నిరసనల్లో పాల్గొన్న ఆ సంస్థ.. తర్వాత నోయిడాలో ప్రభుత్వ పాఠశాలను తనిఖీ చేసింది. రాజస్థాన్‌లో పాఠశాలల పరిస్థితిపై తనిఖీలు చేపట్టింది. మహారాష్ట్ర తన స్వరాష్ట్రం కావడంతో సీజేపీ నేత అభిజీత్‌ దీప్కే స్వయంగా రంగంలోకి దిగి ఉద్యమించారు. సెప్టెంబర్‌ 17న గడ్చిరోలిలో ఆదివాసీ పాఠశాలల కోసం ప్రత్యేక ప్రచారాన్ని కూడా ప్రారంభించారు. అంతేకాదు తమ పోరాటం వల్లే హర్యానా ప్రభుత్వంలో పాఠశాలల రిపేర్‌ల కోసం కదలిక వచ్చిందని గర్వంగా ప్రకటించుకుంది. ప్రతిపక్ష రాష్ట్రాల్లో మరోలా!బీజేపీ పాలిత రాష్ట్రాల్లో సీజేపీ నిరసనలు, అల్టిమేటాలు, రాజీనామా డిమాండ్లతో ఒత్తిడి పెంచగా.. బీజేపీయేతర రాష్ట్రాల్లో మాత్రం మరోలా సాగింది. ఆమ్‌ ఆద్మీ పార్టీ అధికారంలో ఉన్న పంజాబ్‌, కాంగ్రెస్‌ పాలిత కర్ణాటకలోనూ సీజేపీ బృందాలు పాఠశాలలను తనిఖీ చేశాయి. పంజాబ్‌లో సౌరవ్‌ దాస్‌ నేతృత్వంలోని బృందం లూధియానాలో మూడు ప్రభుత్వ పాఠశాలలను పరిశీలించింది. ‘స్కూల్స్‌ ఆఫ్‌ ఎమినెన్స్‌’లోని స్విమ్మింగ్‌ పూల్‌, ఏఐ ల్యాబ్‌, కంప్యూటర్‌ ల్యాబ్‌ వంటి సౌకర్యాలను ప్రశంసించడంతో పాటు కొన్ని లోపాలను గుర్తించింది.ఈ విషయాలను విద్యాశాఖ మంత్రి హర్జోత్‌ సింగ్‌ బైన్స్‌ దృష్టికి తీసుకెళ్లగా.. ఆప్‌ జాతీయ కన్వీనర్‌ అరవింద్‌ కేజ్రీవాల్‌ సీజేపీకి ధన్యవాదాలు తెలిపారు. గుర్తించిన సమస్యలను వెంటనే పరిష్కరిస్తామని చెప్పారు. ఇక కర్ణాటకలో సీజేపీ బృందం బెంగళూరు ప్రభుత్వ పాఠశాలల్లో ఉపాధ్యాయుల కొరత, భవనాల భద్రత, పారిశుధ్య సమస్యలను గుర్తించింది. ‘స్కూల్‌ ఠీక్‌ కరో’ను రాష్ట్రంలోని 31 జిల్లాలకు విస్తరించనున్నట్లు ప్రకటించి, విద్యాశాఖ మంత్రి మధు బంగారప్పతో సమావేశమైంది.కాంగ్రెస్‌ ట్విస్ట్‌అయితే సీజేపీ ఉద్యమంపై కాంగ్రస్‌ అభ్యంతరాలు వ్యక్తం చేస్తోంది. తమ పాలిత రాష్ట్రాల్లో నెగెటివ్‌ ఫీడ్‌ బ్యాక్‌ ఇవ్వడంపై కౌంటర్‌ ఇచ్చింది. బీజేపీయేతర రాష్ట్రాల్లో చేసినట్టే.. మిగతా రాష్ట్రాల్లోనూ పక్షపాతం లేకుండా అడిటింగ్‌ చేపట్టాలని సీజేపీకి సూచిస్తోంది. అదే దృష్టితో, అదే ప్రశ్నలతో, అదే ధైర్యంతో తనిఖీలు చేయండి అంటూ సచిన్‌ పైలట్‌ చురకలు అంటించారు. అయితే సీజేపీ వ్యవస్థాపకుడు అభిజీత్‌ దీప్కే ఈ విమర్శలను తోసిపుచ్చారు. పంజాబ్‌, కర్ణాటక, జార్ఖండ్‌లోనూ తమ బృందాలు పర్యటించి పాఠశాలల సమస్యలను ప్రభుత్వాల దృష్టికి తీసుకెళ్లాయని చెప్పారు.అందుకే ఇప్పుడు చర్చ సీజేపీ ఎక్కడికి వెళ్లిందన్నదానిపై కాదు.. ఎక్కడ ఎంత ఒత్తిడి తీసుకొచ్చిందన్నదే*. రాష్ట్రాన్ని బట్టి పరిస్థితులకు అనుగుణంగా వైఖరి మారిందా? లేక రాజకీయ తేడా ప్రభావం చూపిందా? అన్న ప్రశ్నలు మాత్రం కొనసాగుతున్నాయి. దీనికి సమాధానం సీజేపీ రానున్న రోజుల్లో చేపట్టే కార్యక్రమాల తీరు మరింత స్పష్టత ఇవ్వొచ్చు. ఇదిలా ఉంటే.. పాఠశాలల్లోని సమస్యలు బయటకు రావడం, వాటిపై ప్రభుత్వాలు స్పందించడం మాత్రం ఈ క్యాంపెయిన్‌ ద్వారా కనిపిస్తున్న పరిణామం.

ఏపీ ముఖ్యమంత్రి, టీడీపీ అధినేత చంద్రబాబు నాయుడు వ్యూహం ఏమిటి? ఆయన ఏ లక్ష్యంతో బీజేపీ పట్ల, ప్రధాని మోదీ పట్ల అంత విధేయత చూపుతున్నారు? ఒకప్పుడు తెలుగువారి ఆత్మగౌరవం కోసం పుట్టిన పార్టీగా తెలుగుదేశం గుర్తింపు పొందింది. అదంతా ఏమైందో కాని, ప్రస్తుతం ఆత్మాభిమానంతో సంబంధం లేకుండా టీడీపీ ముఖ్యనేతలు ప్రవర్తిస్తున్నారేమిటా అని పలువురు ముక్కున వేలు వేసుకుంటున్నారు.ప్రధానమంత్రి నరేంద్ర మోదీ జన్మదినోత్సవం సందర్భంగా వారణాసికి వెళ్లి ఒక ప్రత్యేక కార్యక్రమంలో పాల్గొన్నారు. మోదీకి జన్మదిన శుభాకాంక్షలు చెప్పడాన్ని ఎవరూ కాదనరు. కాని వారణాసి వెళ్లి బీజేపీ కేంద్ర మంత్రులతో కలిసి పూజలు చేసి హారతి ఇచ్చిన వైనంపైనే అంతా మాట్లాడుకుంటున్నారు. ఇలాంటి పనే వైఎస్ జగన్ వంటి నేతలు ఎవరైనా చేసి ఉంటే, చంద్రబాబు బీజేపీ వ్యతిరేక కూటమిలో ఉండి ఉంటే, ఇక ఇల్లెక్కి గోలచేసినంత పని చేసేవారు. ఆంధ్రుల ఆత్మాభిమానం దెబ్బతిందని ఎల్లో మీడియాలో హోరెత్తించేవారు. కేసుల కోసమే ఇలా చేస్తున్నారని ఆరోపించేవారు.రాజకీయాలలో ప్రధాని మోదీ కన్నా చంద్రబాబు నాయుడు చాలా సీనియర్. ఈ విషయాన్ని ఆయనే గతంలో చెప్పుకునేవారు. ఆ సీనియారిటీని పక్కనబెట్టి మోదీ కోసం చంద్రబాబు పూజలు చేయడం అందరి దృష్టిని ఆకర్షించింది. రాజకీయ అవసరాలా? లేక తన కుమారుడు లోకేష్‌ను ముఖ్యమంత్రి చేయడానికి తగు సహకారం పొందడానికా, లేక ఇతర కారణాలు ఏమైనా ఉన్నాయా అన్నది చర్చగా ఉంది.చంద్రబాబు 1978లోనే ఎమ్మెల్యేగా గెలిచారు. అదే టరమ్‌లో మంత్రి అయ్యారు. ఆయన మామ ఎన్టీ రామారావు టీడీపీని స్థాపించి ముఖ్యమంత్రి కావడంతో కాంగ్రెస్ నుంచి జంప్ చేసి పెత్తనం సాగించారు. కర్షకపరిషత్ ఛైర్మన్‌గా, టీడీపీ ప్రధాన కార్యదర్శిగా చక్రం తిప్పారు. 1984లో ఎన్టీ రామారావు ప్రభుత్వాన్ని కాంగ్రెస్ కూలదోసినప్పుడు ఆనాటి ప్రధాని ఇందిరాగాంధీ మెడలు వంచి అధికారం సాధించామని ఆయన ఉపన్యాసాలు ఇస్తారు. అలాంటి నేత బీజేపీ విషయంలో పలుమార్లు పిల్లిమొగ్గలు వేశారు.1996లో వామపక్షాలతో కలిసి పోటీచేసి బీజేపీని మసీదులు కూల్చే పార్టీ అని విమర్శించేవారు. 1998 నాటికి ఎన్డీఏలోకి వచ్చి, 1999 ఎన్నికలలో కలిసి పోటీచేశారు. 2001 ప్రాంతంలో గుజరాత్ మత కలహాల నేపథ్యంలో మోదీని పదవి నుంచి తప్పించాలని డిమాండ్ చేశారు. 2004 ఎన్నికలలో ఓటమి తర్వాత జీవితంలో బీజేపీతో పొత్తు పెట్టుకోబోనని ప్రతిజ్ఞ చేశారు. కాని 2014 నాటికి ప్రధాని అభ్యర్ది అయిన మోదీని కలవడానికి లాబీయింగ్ చేసుకుని సఫలం అయ్యారు. ఆ తర్వాత 2018లో మళ్లీ బీజేపీకి దూరం అయి కాంగ్రెస్‌తో కలిశారు. 2019లో ఓటమి తర్వాత మళ్లీ బీజేపీవైపు వెళ్లడానికి రకరకాల ప్రయత్నాలు చేసి 2024లో పొత్తు పెట్టుకోగలిగారు. రాజకీయాలలో పొత్తులు మార్చుకోవడం జరుగుతూనే ఉంటుంది. కాని విమర్శలు, ఆరోపణల విషయంలో పెద్ద నేతలు సంయమనంగా ఉంటారు. కాని చంద్రబాబు మాత్రం ఆ విషయంలో హద్దులు పాటించలేదు. ప్రధానిని ఏవైతే అనగూడదో ఆ మాటలన్నీ అన్నారు. దేశానికి ద్రోహం చేస్తున్న వ్యక్తిగా, ముస్లింలను బతకనివ్వని మనిషిగా, భార్యను ఏలుకోవడం లేదని అంటూ హూ ఈజ్ మోదీ అనేంతవరకు వెళ్లారు. 2019 ఎన్నికల సమయంలో మోదీ కూడా చంద్రబాబును అవినీతిపరుడని ధ్వజమెత్తారు. అయినా ఇరు పార్టీలు, ఇద్దరు నేతలు మళ్లీ కలవడం ద్వారా ఇవా రాజకీయాలు.. ఔరా అనిపించారు.తెలుగుదేశం ఆత్మగౌరవాన్ని తాకట్టు పెట్టి బీజేపీతో పొత్తుకోసం డిల్లీలో మూడు రోజులు పడిగాపులు కాచారని అప్పట్లో విమర్శలు కూడా వచ్చాయి. టీడీపీతో పొత్తుకు బీజేపీ ఇష్టపడలేదని, తాను ఈ విషయంలో తిట్లు కూడా తిన్నానని పవన్ కళ్యాణ్ ఒక స్పీచ్‌లో వెల్లడించారు. కూటమి ఎన్నికల ప్రచారానికి మోదీ వచ్చినా చంద్రబాబుతో అంతంతమాత్రంగానే మాట్లాడారని అంటారు. ఆయా సందర్భాలలో మొక్కుబడిగానే వీరిమధ్య సంబంధాలు సాగాయి. ఈ లోక్ సభ ఎన్నికలలో 16 సీట్లు రావడం టీడీపీకి కలిసి వచ్చింది. బీజేపీకి పూర్తి మెజార్టీ రాకపోవడంతో టీడీపీ, జేడీయూ సీట్లు కీలకం అయ్యాయి. ఆ తర్వాత మోదీ, చంద్రబాబుల మధ్య సంబంధాలు మెరుగుపడడం ఆరంభం అయిందని చెప్పాలి.ఇదీ చదవండి: రేవంత్‌ వర్సెస్‌ కేసీఆర్‌.. భూముల లెక్కల్లో అసలు ట్విస్ట్‌ ఇదేనా?అయినా చంద్రబాబును బీజేపీ పెద్దలు నమ్మడం అంతంత మాత్రమేనని చెబుతారు. చంద్రబాబు పలుమార్లు డోకా చేశారని, కాంగ్రెస్‌తో కూడా కలిసి దేశవ్యాప్తంగా ఆయా రాష్ట్రాలలో వ్యతిరేక ప్రచారం చేశారన్న అసంతృప్తి బీజేపీలో ఉంటుంది. ఈ నేపథ్యంలో చంద్రబాబు తనపై బీజేపీలో నమ్మకం పెరగడానికి గాను 2024 నుంచి తెగ పాట్లు పడుతున్నారన్న అభిప్రాయం రాజకీయవర్గాలలో ఉంది. మోదీని అవసరం ఉన్నా, లేకపోయినా పొగడడం, అది కూడా బీజేపీవారికే ఎబ్బెట్టుగా ఉండేంతగా చేస్తున్నారన్న అభిప్రాయం ఉంది.ఉదాహరణకు ఈ మధ్య జరిగిన కొన్ని ఘటనలు తీసుకుంటే భోగాపురం విమానాశ్రయం ప్రారంభోత్సవ సభలో మోదీని ఆకాశానికి ఎత్తేశారు. మోదీ, మోదీ అంటూ సభికులతో నినాదాలు ఇప్పించారు. మోదీ ప్రపంచానికే నాయకుడని మెచ్చుకుంటున్నారు. మోదీ కోసం ప్రత్యేకంగా యోగా దినోత్సవం నాడు కోట్లు వెచ్చించి ఒక రోజు కార్యక్రమం నిర్వహించారన్న విమర్శలు కూడా వైఎస్సార్‌సీపీ, మరికొన్ని పక్షాలు చేశాయి. కేంద్రం బాగా సహకరిస్తోందని ఒకటికి రెండుసార్లు ప్రకటనలు చేస్తున్నారు.జగన్ టైమ్‌లో రెవెన్యూ లోటు, పోలవరం ప్రాజెక్టు తదితర స్కీములకు భారీగానే నిధులు వచ్చాయి. ఆనాటితో పోల్చితే ఈ రెండేళ్లో అమరావతి అప్పు మినహా చంద్రబాబు ప్రభుత్వం కేంద్రం నుంచి సాధించింది అంతంత మాత్రమే. అయినా ఆ విషయాన్ని చెప్పలేకపోతున్నారు. వారణాసిలో సైతం మోదీని కొనియాడుతూ సరైన సమయంలో సరైన నాయకుడు అని అభివర్ణించారు. 25 కోట్ల మందిని పేదరికం నుంచి బయటకు తీసుకు వచ్చారని చెప్పారు. చంద్రబాబుతో పాటు పవన్ కళ్యాణ్, లోకేష్‌లు కూడా మోదీని పొగిడే పనిలో ఉంటున్నారు.గతంలో గుజరాత్‌కే అన్ని చేస్తున్నారని, ఏపీ అంటే మోదీకి అసూయ అని, అమరావతికి వచ్చి చెంబుడు నీళ్లు, గుప్పెడు మట్టి ఇచ్చారని చంద్రబాబు ఆరోపించేవారు. కాని జత కలిసిన తర్వాత మాట మార్చారు. అది వేరే సంగతి. ఇటీవలికాలంలో ఎందుకు ఇంతగా తగ్గి వ్యవహరిస్తున్నారన్న చర్చ జరుగుతోంది. తన కుమారుడు లోకేష్‌ను ముఖ్యమంత్రిని చేయాలన్న ఒత్తిడి ఆయనపై అధికంగా ఉందని అంటారు. జనసేన, బీజేపీల నుంచి దానిపై ఒక క్లారిటీ రావడం లేదు. పవన్ కళ్యాణ్ ఇంతవరకు తన అభిప్రాయం వెల్లడించలేదు. మోదీ ఒప్పుకుంటే ఆ విషయం ఒక కొలిక్కి రావచ్చు.అంతేకాదు... అది జరిగితే తను జాతీయ స్థాయిలో ఏదైనా పదవికి వెళ్లడానికి చంద్రబాబు టార్గెట్ పెట్టుకుని ఉండవచ్చు. అది సాధించాలంటే బీజేపీ ఓకే చేయవలసి ఉంటుంది. కేంద్ర స్థాయిలోకాని, ఇతరత్రా ఏమైనా కేసులు ఉంటే వాటిని పరిష్కరించుకునే పనిలో కూడా ఉండి ఉండవచ్చన్నది కొంతమంది అభిప్రాయం. ఏది ఏమైనా మోదీ జన్మదినోత్సవ పూజలకు వెళ్లడం ద్వారా చంద్రబాబు తన సీనియారిటీని తానే తగ్గించుకున్నట్లు అయిందా అన్న భావన టీడీపీతో సహా ఆయా వర్గాలలో ఏర్పడింది. ఆత్మగౌరవం వంటివాటితో సంబంధం లేకుండా, ఇలాంటి రాజకీయ వ్యూహాలలో ఆయన దిట్టే అన్న అభిప్రాయం కూడా ఉంది.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

లక్నో: ఉత్తరప్రదేశ్‌లో బీజేపీ పాలన కాలంలో 151 బీఆర్‌ అంబేడ్కర్‌ విగ్రహాలు నేలమట్టమయ్యాయని సమాజ్‌వాదీ పార్టీ(ఎస్పీ)చీఫ్‌ అఖిలేశ్‌ యాదవ్‌ తీవ్ర ఆరోపణలు చేశారు. 72 జిల్లాల్లో చోటుచేసుకున్న ఈ ఘటనలకు సంబంధించి బీజేపీ ప్రభుత్వం ఇప్పటి వరకు 14 మందిని మాత్రమే అరెస్ట్‌ చేసిందని ఆయన తెలిపారు. రాజ్యాంగాన్ని మార్చేందుకు ప్రయత్నించి, విఫలమైన బీజేపీయే ఉద్దేశపూర్వకంగా వీటిని కూల్చివేసిందని ఆరోపించారు. అఖిలేశ్‌ ఆదివారం లక్నోలో మీడియాతో మాట్లాడారు. ‘‘ గత 15 ఏళ్ల బీజేపీ పాలనాకాలంలో మొత్తంగా 151 అంబేడ్కర్‌ విగ్రహాలు పాక్షికంగా లేదా పూర్తిగా ధ్వంసమయ్యాయి. మొత్తంగా చూస్తే ఏడాదికి 15 విగ్రహాల చొప్పున నాశనంచేశారు. 45 ఘటనల్లో గుర్తు తెలియని వ్యక్తులపై కేసులు నమోదయ్యాయి. 84 కేసుల్లో ఎటువంటి చర్యలు తీసుకోలేదు. లెక్కలోకి రాని ఘటనలు చాలా ఉన్నాయి. బీజేపీ, ఆ పార్టీ సిద్ధాంతాలను అనుసరించే వారు ముందుగా దేశ రాజ్యాంగాన్నే లక్ష్యంగా చేసుకుంటారని పేర్కొన్నారు. రాజ్యాంగం, అంబేడ్కర్, ఆయన అనుచరులంటే బీజేపీకి ఎటువంటి గౌరవం లేదు’’అని అఖిలేశ్‌ విమర్శించారు. అయోధ్య రామాలయం నిధులను సక్రమంగా వినియోగించుకోవడం, పక్కదారి పట్టకుండా చూడటమే అసలైన సనాతన ధర్మమని బీజేపీపై విరుచుకుపడ్డారు. యూపీలో పేపర్‌ లీకేజీలు పెరిగాయన్నారు. వచ్చే ఎన్నికల్లో ప్రతి అసెంబ్లీ నియోజకవర్గంలోనూ బీజేపీకి 27 వేల వరకు ఓట్లను తగ్గించేందుకు కృషి చేస్తున్నామని అఖిలేశ్‌ చెప్పారు. ప్రతి నియోజకవర్గం నుంచి తమ పార్టీకి అదనంగా 27 వేల ఓట్లు పడేలా కార్యాచరణను రూపొందించినట్లు వివరించారు.

పశ్చిమ బెంగాల్‌లోని నందిగ్రామ్‌ అసెంబ్లీ ఉపఎన్నికకు ముందు రాజకీయ పరిణామాలు ఒక్కసారిగా వేడెక్కాయి. తొలుత తృణమూల్‌ కాంగ్రెస్‌(టీఎంసీ) అభ్యర్థి సాంచిత తన నామినేషన్‌ ఉపసంహరించుకోవడం.. ఆ వెంటనే కాంగ్రెస్‌ అభ్యర్థి మిలన్‌ ప్రధాన్‌కు మమతా బెనర్జీ మద్దతు ప్రకటించడం తెలిసిందే. అయితే ఆపై కొద్ది గంటల్లోనే మిలన్‌ ప్రధాన్‌ అరెస్ట్‌ కావడం తీవ్ర రాజకీయ దుమారం రేపింది.నందిగ్రామ్‌లో మమతా బెనర్జీ వర్గం తరఫున బరిలో ఉన్న సాంచితా ప్రధాన్‌ డే శుక్రవారం తన నామినేషన్‌ను ఉపసంహరించుకున్నారు. సీఎం సువేందు అధికారితో భేటీ నేపథ్యంలోనే ఆమె ఈ నిర్ణయం తీసుకోవడం గమనార్హం. ఈ అనూహ్య పరిణాంపై మమతా బెనర్జీ తీవ్ర అసహనం వ్యక్తం చేశారు. తన వర్గం ఇక నందిగ్రామ్‌లో మరో అభ్యర్థిని నిలబెట్టబోదని ప్రకటించి.. కాంగ్రెస్‌ తరఫున నామినేషన్‌ వేసిన మిలన్‌ ప్రధాన్‌కు మద్దతు తెలిపారు. ఇండియా కూటమిని బలోపేతం చేయడంలో భాగంగానే ఈ నిర్ణయం తీసుకున్నట్లు ఆమె వెల్లడించారు. దీంతో కాంగ్రెస్‌ సైతం ఖుషీ అయ్యింది.అయితే మమతా మద్దతు ప్రకటించిన కొద్ది గంటల్లోనే మిలన్‌ ప్రధాన్‌ను పోలీసులు అరెస్ట్‌ చేశారు. 2007 నందిగ్రామ్‌ భూసేకరణ వ్యతిరేక ఉద్యమానికి సంబంధించిన పాత హత్య కేసులో ఆయనను అదుపులోకి తీసుకున్నట్లు అధికారులు వెల్లడించారు. అలాగే ఆయనపై ఇప్పటికే పలు కేసులు, అరెస్టు వారెంట్‌ ఉన్నాయని చెబుతున్నారు.నందిగ్రామ్‌ సోనాచూరాకు చెందిన సీనియర్‌ కాంగ్రెస్‌ నేత మిలన్‌ ప్రధాన్‌. 2007 భూసేకరణ వ్యతిరేక ఉద్యమంలో భూమి ఉచ్చేద్‌ ప్రతిరోధ్‌ కమిటీతో కలిసి చురుకుగా పనిచేశారు. అప్పటి నుంచి నందిగ్రామ్‌ రాజకీయాల్లో కాంగ్రెస్‌ నేతగా కొనసాగుతున్నారు. ఉద్యమానికి సంబంధించిన పలు కేసుల్లో ఆయన పేరు నమోదైంది. తాజాగా ఆయనకు కాంగ్రెస్‌ నందిగ్రామ్‌ టికెట్‌ ఇచ్చింది. సరిగ్గా ఇదేసమయంలో.. పెండింగ్‌ వారెంట్‌ ఆధారంగా పోలీసులు అరెస్టు చేశారు.మిలన్‌ ప్రధాన్‌ను శుక్రవారం రాత్రి పుర్బా మేదినీపూర్‌లోని ఓ హోటల్‌ నుంచి పోలీసులు అదుపులోకి తీసుకున్నారు. పాత 2007 కేసులో పెండింగ్‌ వారెంట్‌ ఆధారంగా అరెస్ట్‌ చేసినట్లు పోలీసులు చెబుతున్నారు. ఈరోజు (సెప్టెంబర్‌ 19) హల్దియా కోర్టులో హాజరుపరిచే అవకాశం ఉందని పలు నివేదికలు పేర్కొన్నాయి. మరోవైపు.. ఈ అరెస్ట్‌ను రాజకీయ ప్రతీకార చర్యగా అభివర్ణిస్తూ కాంగ్రెస్‌ పార్టీ ఇవాళ రాష్ట్రవ్యాప్తంగా నిరసనలకు పిలుపునిచ్చింది. అన్ని పోలీస్‌ స్టేషన్‌ల ఎదుట ధర్నా చేపట్టాలని కేడర్‌కు పిలుపు ఇచ్చింది. అలాగే ‘నందిగ్రామ్‌ చలో’ కార్యక్రమాన్ని కూడా ప్రకటించింది.‘ఇది యాదృచ్ఛికం కాదు’..మిలన్‌ ప్రధాన్‌ అరెస్టుపై కాంగ్రెస్‌ తీవ్రంగా స్పందించింది. పార్టీ జాతీయ అధ్యక్షుడు మల్లికార్జున ఖర్గే.. దీనిని ‘ఓటు చోరీ’, ‘ఎన్నికల చోరీ’గా అభివర్ణించారు. బీజేపీ ఉపఎన్నికలోనూ దర్యాప్తు సంస్థలను దుర్వినియోగం చేస్తూ ప్రతిపక్ష అభ్యర్థిని లక్ష్యంగా చేసుకుంటోందని ఆరోపించారు. ప్రధానమంత్రి ‘మదర్‌ ఆఫ్‌ డెమొక్రసీ’ అని చెప్పుకుంటుంటే.. పశ్చిమ బెంగాల్‌లో జరుగుతున్న పరిణామాలు ప్రజాస్వామ్యాన్ని హత్య చేస్తున్నాయని ఖర్గే వ్యాఖ్యానించారు.కాంగ్రెస్‌ అగ్రనేత రాహుల్‌ గాంధీ కూడా స్పందిస్తూ.. మిలన్‌ ప్రధాన్‌ అరెస్టు యాదృచ్ఛికం కాదని, ఇది రాజకీయ ప్రతీకార చర్య అని ఆరోపించారు. ఎన్నికల్లో ఓట్లు, ప్రభుత్వాలు, పార్టీలు దొంగిలించే ప్రయత్నాలు జరుగుతున్నాయని విమర్శించారు. కాంగ్రెస్‌ భయపడబోదని, పోరాడుతుందని పేర్కొన్నారు.‘ఎందుకీ సమయంలోనే?’.. మమతా ప్రశ్నమమతా బెనర్జీ సైతం అరెస్టు సమయాన్ని ప్రశ్నించారు. కాంగ్రెస్‌ అభ్యర్థికి తమ మద్దతు ప్రకటించిన కొద్ది నిమిషాల్లోనే మిలన్‌ ప్రధాన్‌ను అరెస్ట్‌ చేశారని ఆమె పేర్కొన్నారు. పాత కేసును ఇప్పుడు ఎందుకు బయటకు తీశారని ప్రశ్నించారు. బీజేపీ ‘రాజకీయ కక్ష సాధింపు’తో వ్యవహరిస్తోందని, ప్రతిపక్షాలను అణచివేసే ప్రయత్నం జరుగుతోందని మమతా ఆరోపించారు. ఎన్నికల సంఘం, బీజేపీ కలిసి పనిచేస్తున్నాయంటూ కూడా ఆమె తీవ్ర వ్యాఖ్యలు చేశారు.బీజేపీ ఏమంటోంది?మిలన్‌ ప్రధాన్‌ అరెస్టు రాజకీయ కక్షతో జరిగిందన్న ఆరోపణలను బీజేపీ తోసిపుచ్చింది. చట్ట ప్రకారమే పోలీసులు చర్యలు తీసుకున్నారని, అరెస్టుకు రాజకీయాలతో సంబంధం లేదని బీజేపీ పేర్కొంది. పాత కేసులో చట్టపరమైన ప్రక్రియలో భాగంగానే చర్య జరిగిందని స్పష్టం చేసింది. ఇదిలా ఉండగా.. నందిగ్రామ్‌ ఉపఎన్నికలో బీజేపీ టికెట్‌ను హసిరాణి రథ్‌కు ఇచ్చింది. తన దగ్గర వ్యక్తిగత సహాయకుడిగా పని చేసి.. దారుణ హత్యకు గురైన చంద్రనాథ్‌ తల్లి ఆవిడ. అందుకే సువేందు ఆమెకు టికెట్‌ ఇప్పించారు. దీంతో నందిగ్రామ్‌లో పోటీ ప్రధాన పార్టీల మధ్య మరింత ఉత్కంఠగా మారింది.రితబ్రత బెనర్జీ ఎదురుదాడిమరోవైపు టీఎంసీ రెబల్‌ వర్గానికి చెందిన రితబ్రత బెనర్జీ మాత్రం మమతా వర్గం తీరుపై ప్రశ్నలు లేవనెత్తారు. గత ఏడు రోజులుగా నందిగ్రామ్‌ను కాంగ్రెస్‌కు వదిలేసి.. రిజీనగర్‌లో పోటీ చేయాలనే ప్రయత్నాలు జరిగాయని ఆయన ఆరోపించారు. కాంగ్రెస్‌ అందుకు అంగీకరించకపోవడంతో మమతా అసంతృప్తికి గురయ్యారని వ్యాఖ్యానించారు. ఆ తర్వాత తమ వర్గం అభ్యర్థి అకస్మాత్తుగా నామినేషన్‌ ఉపసంహరించుకోవడం కూడా ఒక ‘ఫిక్స్‌’లో భాగమేనని ఆయన ఆరోపించారు. మమతా కాంగ్రెస్‌ అభ్యర్థికి మద్దతు ప్రకటించడాన్ని రితబ్రత బెనర్జీ ‘అసంతృప్తితో తీసుకున్న నిర్ణయం’గా అభివర్ణించారు.అసలు వివాదం ఇక్కడే..బెంగాల్‌ రాజకీయ చదరంగంలో విపక్షాలకు ఒకే ఒక్కరోజులో భారీ షాకిచ్చింది. పార్టీ చీలిక కారణంగా.. అక్టోబర్‌ 6న జరగాల్సిన నందిగ్రామ్‌, రిజీనగర్‌ ఉప ఎన్నికలకు ఈసీ నిర్ణయంతో మమతా బెనర్జీ నేతృత్వంలోని టీఎంసీకి పార్టీ పేరు, గుర్తు దూరం అయ్యాయి. ఆ వెంటనే నందిగ్రామ్‌ అభ్యర్థి నామినేషన్‌ ఉపసంహరణ, మమతా కాంగ్రెస్‌కు మద్దతు.. ఆ వెంటనే ఆ అభ్యర్థి అరెస్టు జరగడం రాజకీయంగా తీవ్ర చర్చకు దారితీసింది. ఇదీ చదవండి: బలవంతంగా ఆయన్ని రిటైర్‌ చేశారా?

న్యూఢిల్లీ: ప్రధాని నరేంద్ర మోదీ 76వ జన్మదిన వేడుకలను బీజేపీ నాయకులు, కార్యకర్తలు, అభిమానులు గురువారం దేశవ్యాప్తంగా ఘనంగా నిర్వహించారు. ప్రత్యేక కార్యక్రమాలు చేపట్టారు. కేంద్ర మంత్రులు, బీజేపీ సీనియర్‌ నేతలు ఆయనకు పుట్టినరోజు శుభాకాంక్షలు తెలియజేశారు. మోదీ 25 ఏళ్ల ప్రజా జీవితాన్ని, అభివృద్ధి, సంక్షేమం సుపరిపాలనలో ఆయన అందించిన సేవలను ప్రశంసించారు. ‘దేశ సేవకు అంకితమైన కర్మయోగి, స్ఫూర్తిదాత నరేంద్ర మోదీ’అని కొనియాడారు. మోదీని అవిశ్రాంత కృషి, త్యాగం, దూరదృష్టికి ప్రతీకగా కేంద్ర హోంశాఖ మంత్రి అమిత్‌ షా అభివర్ణించారు. దేశ సేవనే లక్ష్యంగా మార్చుకున్న మోదీ జీవితం తపస్సు, త్యాగం, అచంచలమైన సంకల్పాల అద్భుత గాథ అని పేర్కొన్నారు. సేవాభావం, అంకితభావంతో కూడిన ఆయన ప్రస్థానం కోట్లాది మంది దేశప్రజలకు స్ఫూర్తిదాయకమని ‘ఎక్స్‌’లో పోస్టుచేశారు. మోదీ నాయకత్వంలో భారత్‌ అభివృద్ధి, స్వయం సమృద్ధిలో కొత్త శిఖరాలను అధిరోహిస్తోందని బీజేపీ జాతీయ అధ్యక్షుడు నితిన్‌ నబీన్‌ పేర్కొన్నారు. దేశమే ప్రథమం అనే సంకల్పంతో సాగిన మోదీ ప్రయాణం సేవ, సుపరిపాలన, ప్రజా సంక్షేమంతో కూడిన ఒక స్ఫూర్తిదాయకమైన గాథ అని తెలిపారు. ఇది కేవలం ఒక వ్యక్తికి సంబంధించిన ప్రయాణం మాత్రమే కాదని, దేశ ప్రజల సామూహిక స్వప్నం అని ఉద్ఘాటించారు. నరేంద్ర మోదీ నాయకత్వంలో మౌలిక సదుపాయాలు, డిజిటల్‌ కనెక్టివిటీ, సంక్షేమం, ఆవిష్కరణల వంటి రంగాల్లో పురోగతి సాధిస్తూ, ‘వికసిత్‌ భారత్‌’లక్ష్యం దిశగా దేశం పూర్తి విశ్వాసంతో ముందుకు సాగుతోందని రక్షణ శాఖ మంత్రి రాజ్‌నాథ్‌ సింగ్‌ స్పష్టంచేశారు. మోదీని దేశ సేవ, ప్రజా సంక్షేమం కోసం జీవితంలోని ప్రతి క్షణాన్నీ అంకితం చేసిన కర్మయోగిగా కేంద్ర మంత్రి పీయూష్‌ గోయల్‌ అభివర్ణించారు. కేంద్ర మంత్రులు కిరణ్‌ రిజిజు, జేపీ నడ్డా, సి.ఆర్‌.పాటిల్, శివరాజ్‌సింగ్‌ చౌహాన్, బీజేపీ జాతీయ ప్రధాన కార్యదర్శి స్మృతి ఇరానీ, పార్టీ ఎంపీలు అనిల్‌ బలూనీ, సంబిత్‌ పాత్ర, సీనియర్‌ నాయకులు రవిశంకర్‌ ప్రసాద్, తరుణ్‌ చుగ్, రాఘవ్‌ చద్ధా, గౌరవ్‌ భాటియా తదితరులు మోదీకి జన్మదిన శుభాకాంక్షలు తెలియజేశారు. కాంగ్రెస్‌ అధ్యక్షుడు మల్లికార్గున ఖర్గే సైతం మోదీకి శుభాకాంక్షలు తెలిపారు. మరోవైపు ఎన్డీయే పాలిత రాష్ట్రాల్లో మోదీ జన్మదిన వేడుకలు వైభవంగా నిర్వహించారు. ప్రధానమంత్రికి పలు రాష్ట్రాల ముఖ్యమంత్రులు శుభాకాంక్షలు తెలిపారు. విదేశాల్లోనూ మోదీ పుట్టిన రోజు కార్యక్రమాల్లో అభిమానులు పాల్గొన్నారు.ఈ ఘనత మోదీకే చెందుతుంది: ముర్ము సుపరిపాలనలో కొత్త ప్రమాణాలను నెలకొల్పడంతోపాటు సమ్మిళిత అభివృద్ధికి అపూర్వమైన వేగాన్ని, కొత్త దిశను అందించిన ఘనత ప్రధాని మోదీకి చెందుతుందని రాష్ట్రపతి ద్రౌపది ముర్ము పేర్కొన్నారు. మోదీకి శుభాకాంక్షలు తెలిపారు. మోదీకి సినీ ప్రముఖుల శుభాకాంక్షలు ప్రధాని మోదీకి పలువురు సినీ ప్రముఖులు జన్మదిన శుభాకాంక్షలు తెలిపారు. వీరిలో ప్రముఖ నటులు షారుక్‌ ఖాన్, అక్షయ్‌ కుమార్, కమల్‌ హాసన్, మోహన్‌ లాల్, చిరంజీవి, రామ్‌చరణ్‌ తేజ, నాగార్జున, జాకీ ష్రాఫ్, కాజోల్, అజయ్‌ దేవగన్, కంగనా రనౌత్, శత్రుఘ్న సిన్హా ఉన్నారు. ప్రపంచ దేశాల అధినేతలు రష్యా అధినేత పుతిన్‌ సహా పలువురు ప్రపంచ దేశాల అధినేతలు మోదీకి జన్మదిన శుభాకాంక్షలు తెలియజేస్తూ సోషల్‌ మీడియాలో పోస్టుచేశారు. ఇజ్రాయెల్‌ ప్రధాని బెంజమిన్‌ నెతన్యాహు, ఇటలీ ప్రధాని జార్జియా మెలోని తదితరులు మోదీకి శుభాకాంక్షలు తెలిపారు. అమెరికా అధ్యక్షుడు ట్రంప్‌ తరఫున భారత్‌లోని అమెరికా రాయబార కార్యాలయం మోదీకి శుభాకాంక్షలు తెలిపింది.33.27 లక్షల దీప కాంతులతో ప్రపంచ రికార్డుఉజ్జయిని: ప్రధాని మోదీ 76వ జన్మదినం ప్రపంచ రికార్డుకెక్కింది. మధ్యప్రదేశ్‌ రాష్ట్రం ఉజ్జయిని నగరంలో బీజేపీ నేతలు, కార్యకర్తలు, అభిమానులు గురువారం సాయంత్రం క్షిప్రా నదీ తీరంలో 33.27 లక్షల మట్టి ప్రమిదలను ఏకకాలంలో వెలిగించారు. ఈ కార్యక్రమం ప్రపంచ రికార్డు సృష్టించినట్లు ప్రభుత్వ అధికారి ఒకరు తెలిపారు. రాత్రి 7 గంటలకు సైరన్‌ మోగగానే ‘ఆశీర్వాద్‌ కా దియా’కార్యక్రమంలో భాగంగా మూడు నిమిషాల్లోనే 33.27 లక్షల దీపాలు వెలిగించారని చెప్పారు. మధ్యప్రదేశ్‌ అంతటా ఒకేసారి మొత్తం 3.55 కోట్ల దీపాలను వెలిగించినట్లు పేర్కొన్నారు. ఒడిశాలో కోటి దీపోత్సవం భువనేశ్వర్‌: మోదీ జన్మదినాన్ని పురస్కరించుకొని గురువారం సాయంత్రం ఒడిశా అంతటా సుమారు కోటి దీపాలను వెలిగించారు. రాజధాని భువనేశ్వర్‌లోని ముక్తేశ్వర్‌ ఆలయంలో జరిగిన ‘ఆశీర్వాద్‌ కా దియా’లో సీఎం మోహన్‌ చరణ్‌ మాఝీ పాల్గొన్నారు.కాశీ విశ్వనాథ ఆలయంలో పూజలు మోదీ జన్మదినాన్ని పురస్కరించుకొని ఉత్తరప్రదేశ్‌లోని కాశీ క్షేత్రంలో పూజలు, యాగాలు నిర్వహించారు. కాశీ విశ్వనాథుడి మందిరంలో రక్షణ శాఖ మంత్రి రాజ్‌నాథ్‌సింగ్, ముఖ్యమంత్రి యోగి ఆదిత్యనాథ్, కేంద్ర మంత్రులు చిరాగ్‌ పాశ్వాన్, పంకజ్‌ చౌదరి తదితరులు పూజలు నిర్వహించారు. అలాగే వారణాసి నుంచి గుజరాత్‌లోని వాద్‌నగర్‌ వరకు మోటార్‌ సైకిల్‌ ర్యాలీని రాజ్‌నాథ్‌ ప్రారంభించారు.‘ఆశీర్వాద్‌ కా దియా’నా హృదయాన్ని తాకింది: మోదీ ‘ఆశీర్వాద్‌ కా దియా’అనే పాట నేపథ్యంతో, వివిధ సందర్భాల్లో పౌరులతో తాను గడిపిన క్షణాలను చూపించే వీడియోను రూపొందించిన వారికి ప్రధాని మోదీ కృతజ్ఞతలు తెలిపారు. ఉచిత గృహవసతి, వైద్య సేవలు, విద్యుత్, వంట గ్యాస్‌తో సహా మోదీ ప్రభుత్వంలోని వివిధ సంక్షేమ పథకాల ద్వారా లబ్ధి పొందిన పౌరుల స్పందనలు ఈ వీడియోలో ఉన్నాయి. దీనిపై మోదీ స్పందిస్తూ గురువారం ‘ఎక్స్‌’లో పోస్టుచేశారు. కొన్ని అంశాలు ఎంతో ప్రత్యేకమైనవని, అలాంటి ఆప్యాయతకు నిదర్శనమైన ‘ఆశీర్వాద్‌ కా దియా’తన హృదయాన్ని గాఢంగా తాకిందని పేర్కొన్నారు. ప్రజలు అందించే ప్రతి ఆశీర్వాదం మన దేశానికి మరింత భక్తిశ్రద్ధలతో సేవ చేయాలనే సంకల్పాన్ని బలోపేతం చేస్తోందని వివరించారు.

భోపాల్‌: మనల్ని మనం పరిచయం చేసుకోవాలంటే ముందుగా పేరు చెబుతాం. మధ్యప్రదేశ్‌లోని పలు ప్రాంతాలకు చెందిన ఐదుగురు ఇలాగే పరిచయం చేసుకునే సమయంలో తమ పేరు చెబుతారు. అయితే, వారి పేరు చెప్పగానే మనం ‘‘నువ్వు చెబుతున్నది నిజమేనా? జోక్‌ చేస్తున్నావా’’ అంటాం. ఎందుకంటే వారి ఐదుగురి పేర్లు నరేంద్ర మోదీ.దేశ ప్రధాని పేరు కూడా నరేంద్ర మోదీనే కావడంతో మధ్యప్రదేశ్‌లోని మిగతా ఐదుగురు నరేంద్ర మోదీలు పేరు విషయంలో తిప్పలు పడుతున్నారు. మధ్యప్రదేశ్‌లోని అధికారిక జనన రికార్డులను పరిశీలించగా ఇలాంటి పేరుతో ఐదుగురు వ్యక్తులు ఉన్నారు.బుర్హాన్‌పూర్‌లో 67 ఏళ్ల నరేంద్ర మోదీ వారిలో అత్యంత పెద్దవారు బుర్హాన్‌పూర్‌కు చెందిన 67 ఏళ్ల నరేంద్ర మోదీ. ప్రభుత్వ పాఠశాల ప్రధానోపాధ్యాయుడిగా పనిచేసి పదవీ విరమణ చేసిన ఆయన.. రాష్ట్రస్థాయి మాస్టర్ ట్రైనర్‌గా కూడా ఉన్నారు. పేరు కారణంగా ఎదురయ్యే గందరగోళానికి ఆయనకు దశాబ్దాల అనుభవం ఉంది.ఢిల్లీలో జరిగిన ఎన్నికల శిక్షణ కార్యక్రమంలో తొలిసారి గుర్తుండిపోయే ఘటన ఎదురైంది. తన పేరు చెప్పగానే అక్కడి క్లర్క్ అనుమానంగా చూస్తూ.. “జోక్ చేస్తున్నారా?” అని అడిగారు. గుర్తింపు కార్డు చూపించినా ఆయన నమ్మలేదు. కొంతసేపు వివరించిన తర్వాత “సారీ, సారీ” అంటూ వెనక్కి తగ్గారు. అప్పటి నుంచి గుర్తింపు కార్డును ఎప్పుడూ చేతికి అందుబాటులో ఉంచుకోవడం ఆయనకు అలవాటైంది.ప్రధాని నరేంద్ర మోదీ 2015లో బ్యాంకులకు ఆకస్మిక ఫోన్ కాల్స్ చేసి జన్‌ధన్ ఖాతాల పురోగతిని సమీక్షిస్తున్న సమయంలోనూ పేరు కారణంగా సరదా ఘటన ఎదురైంది. పాఠశాల ప్రధానోపాధ్యాయుడిగా విద్యార్థుల స్కాలర్‌షిప్ పనుల కోసం బ్యాంకు మేనేజర్లకు ఫోన్ చేసేవారు. ఒకసారి స్థానిక ఎంపీకి ఫోన్ చేసినప్పుడు, అనుకూలమైన సమయంలో తిరిగి కాల్ చేస్తానని చెప్పగా.. ఎంపీ సరదాగా, “నా మొబైల్‌లో నరేంద్ర మోదీ పేరు కనిపించడం నాకు గౌరవంగా ఉంటుంది. నా చుట్టూ ఉన్నవాళ్లు అది ప్రధాని నుంచి వచ్చిన కాల్ అనుకుంటారు” అని అన్నారు.మథురలోని కృష్ణ జన్మభూమి వద్ద భారీ రద్దీ సమయంలో భద్రతా సిబ్బంది ఆయనను ఆపారు. “నేను నరేంద్ర మోదీని” అని చెప్పడంతో వారు ఆశ్చర్యపోయారు. అయితే గుర్తింపు కార్డు చూపించగానే నవ్వుకున్నారు.టీ అందించే వారి పేరు నరేంద్ర మోదీదేవాస్‌లోని కార్యాలయ క్యాంటీన్‌లో టీ అందించే మరో నరేంద్ర మోదీకి కూడా ఇదే అనుభవం. “నా పేరు నరేంద్ర మోదీ అని చెప్పగానే ప్రజలు ఆశ్చర్యపడతారు. కాసేపు ఆగి నవ్వుతారు. కస్టమర్లు నవ్వుతూ జోకులు వేస్తారు. అయితే నా పేరును మాత్రం ఎవరూ మర్చిపోరు” అని ఆయన తెలిపారు.పితాంపూర్‌లో మరో నరేంద్ర మోదీ ఎన్నో ఏళ్లుగా టీ దుకాణం నిర్వహిస్తున్నారు. రాజస్థాన్‌కు చెందిన ఆయన సుమారు 15 ఏళ్లుగా అక్కడ నివసిస్తున్నారు. తన పేరుతోనే ‘మోదీ టీ స్టాల్’ పెట్టుకున్నారు. ప్రధాని పేరుతో దుకాణానికి ఆ పేరు పెట్టారా అని కస్టమర్లు అడిగితే.. అది పుట్టుకతో వచ్చిన పేరు, తాను ఎంచుకున్నది కాదని వివరిస్తారు. యూపీఐ చెల్లింపుల సమయంలో ఫోన్ తెరపై ప్రధాని ముఖం కనిపించడంతో కస్టమర్ల స్పందన మరింత ఆసక్తికరంగా మారుతుంది.దేవాస్‌లోని బాల్‌గఢ్‌కు చెందిన 50 ఏళ్ల మరో నరేంద్ర మోదీ 17 ఏళ్ల పాటు టీ దుకాణం నడిపారు. ఆ తర్వాత ఆటోమొబైల్ సంస్థలో చేరారు. పేరు కారణంగా వచ్చే సరదా వ్యాఖ్యలు ఆయనకూ కొత్తేమీ కాదు. మధ్యప్రదేశ్‌లోని అధికారిక జనన రికార్డులను పరిశీలించగా మరో వ్యక్తి పేరు కూడా నరేంద్ర మోదీ అని ఉంది.

ద్రావిడ కళగం వ్యవస్థాపకుడు ఈవీ రామసామి నాయక్కర్‌ (పెరియార్‌) 147వ జయంతి సందర్భంగా ఆయనకు తమిళనాడు బీజేపీ మాజీ అధ్యక్షుడు కె. అన్నామలై అర్పించిన నివాళి ఇప్పుడు రాజకీయ చర్చకు దారితీసింది. సామాజిక సంస్కరణల ఉద్యమాల్లో పెరియార్‌ కీలక పాత్ర పోషించారని, తమిళనాడు సామాజిక, రాజకీయ చరిత్రపై చెరగని ప్రభావం చూపారని అన్నామలై పేర్కొన్నారు. సమాజంలో ఉన్న అసమానతలు, మూఢనమ్మకాలపై పెరియార్‌ తన జీవితంలో ఎక్కువ భాగాన్ని పోరాటానికి అంకితం చేశారని ఆయన ఎక్స్‌లో రాశారు.అన్నామలై రాజకీయాల్లోకి వచ్చిన తర్వాత పెరియార్‌ జయంతిని బహిరంగంగా ప్రస్తావించడం ఇది రెండోసారి మాత్రమే. తొలిసారి 2020లో బీజేపీలో చేరిన కొద్దికాలానికే నివాళి తెలిపారు. ఆ తర్వాత తమిళనాడు బీజేపీ అధ్యక్షుడిగా ఉన్న కాలంలో, 2026లో రాజీనామా చేసే వరకు ఇలాంటి జయంతి సందేశాలు ఇవ్వలేదు. పెరియార్‌పై గతంలో అన్నామలై చేసిన విమర్శలను కూడా పరిగణనలోకి తీసుకుని, తాజా వ్యాఖ్యలను కొందరు సామాజిక మాధ్యమ వినియోగదారులు ఆయన వైఖరిలో మార్పుగా అభివర్ణించారు. అయితే అన్నామలై తన పోస్టులో ఏ మూఢనమ్మకాలు లేదా ఆచారాలను ఉద్దేశించారో వివరించలేదు.కొరడాతో కొట్టుకున్న వీడియో మళ్లీ తెరపైకి..ఈ నేపథ్యంలో 2024లో అన్నామలై స్వయంగా కొరడాతో కొట్టుకున్న వీడియో మళ్లీ చర్చలోకి వచ్చింది. 2024 డిసెంబరులో అప్పటి తమిళనాడు బీజేపీ అధ్యక్షుడిగా ఉన్న ఆయన కోయంబత్తూరులోని తన నివాసం వెలుపల ఆరుసార్లు కొరడాతో కొట్టుకున్నారు. అన్నా యూనివర్సిటీ లైంగిక దాడి కేసును డీఎంకే ప్రభుత్వం నిర్వహించిన తీరును నిరసిస్తూ ఇలా చేశానని అప్పట్లో తెలిపారు. డీఎంకే ప్రభుత్వం అధికారంలో నుంచి తొలగే వరకు చెప్పులు లేకుండా ఉంటానని కూడా ప్రకటించారు. అనంతరం దీనిని తమిళ సంప్రదాయంలోని ‘సట్టై అడి’గా, మురుగన్‌కు తన సమర్పణగా ఆయన వివరించారు.పెరియార్‌ వారసత్వం హేతువాదం, మతపరమైన మూఢనమ్మకాలకు వ్యతిరేకత, కుల అసమానతలపై పోరాటంతో ముడిపడి ఉంది. మరోవైపు అన్నామలై తాజా నివాళిలో ప్రస్తావించిన అంశాలను ఆయన గత మతపరమైన ఆచరణతో పోలుస్తూ సామాజిక మాధ్యమాల్లో చర్చ జరుగుతోంది. అయితే ఇవి అన్నామలై ఉద్దేశంపై సామాజిక మాధ్యమ యూజర్లలో జరుగుతున్న చర్చ మాత్రమే. ఆయన తాజా పోస్టు ద్వారా తన రాజకీయ వైఖరిలో మార్పును ఏమీ ప్రకటించలేదు.తాజా పరిణామం తమిళనాడులో హేతువాదం, హిందూ మతపరమైన గుర్తింపు, ఎన్నికల రాజకీయాల మధ్య ఉన్న విభిన్న రాజకీయ ధోరణులపై మరోసారి చర్చకు దారితీసింది. అన్నామలై పెరియార్‌పై చేసిన తాజా వ్యాఖ్యలకు భవిష్యత్తులో ఆయన నుంచి మరింత వివరణ వస్తుందా, లేదా ఇదే అంశంపై రాజకీయ ప్రత్యర్థులు స్పందిస్తారా అన్నది చూడాల్సి ఉంది. சமூக சீர்திருத்தப் போராட்டங்களில் முக்கியப் பங்காற்றி, தமிழகத்தின் சமூக மற்றும் அரசியல் வரலாற்றில் பெரும் தாக்கத்தை ஏற்படுத்திய பெரியார் அவர்களின் பிறந்த தினம் இன்று. சமூகத்தில் நிலவிய ஏற்றத்தாழ்வுகள் மற்றும் மூடநம்பிக்கைகளுக்கு எதிராக, தனது வாழ்க்கையின் பெரும்பகுதியைச்… pic.twitter.com/tBhJiNioh2— K.Annamalai (@annamalai_k) September 17, 2026

ప్రధాని నరేంద్ర మోదీ 76వ జన్మదినం సందర్భంగా దేశంలోని ముస్లిం సమాజానికి చెందిన పలు వర్గాలు ప్రత్యేక కార్యక్రమాలు నిర్వహిస్తున్నాయి. మసీదులు, మదర్సా ప్రాంగణాలు, ముస్లిం జనాభా ఎక్కువగా ఉన్న ప్రాంతాల్లో ఖురాన్ పఠనం, ప్రార్థనలు నిర్వహించగా.. సాయంత్రం ప్రముఖ సూఫీ దర్గాల్లో దీపాలు వెలిగించే కార్యక్రమాలు చేపట్టనున్నారు.మోదీ జన్మదినాన్ని పురస్కరించుకుని బీజేపీ మైనారిటీ మోర్చాతో అనుబంధం ఉన్న ముస్లిం వర్గాలు ఈ కార్యక్రమాలు చేపడుతున్నాయి. ‘అందరి సహకారం, అందరి అభివృద్ధి, అందరి విశ్వాసం’ అనే నినాదంతో సూఫీ సంస్థలు, ఖాన్కాహ్‌లు, ఉలేమాలు ఈ రోజును ఆధ్యాత్మిక ప్రార్థనలు, సామాజిక సేవా కార్యక్రమాలతో నిర్వహిస్తున్నాయి. ఉత్తరప్రదేశ్‌లోని మొరాదాబాద్‌లో ముస్లిం మహిళలు ఒకచోట చేరి కేక్ కట్ చేసి, స్వీట్లు పంచుకున్నారు. అనంతరం ఖురాన్ పఠించి మోదీ దీర్ఘాయుష్షు కోసం ప్రార్థనలు చేశారు. వారి పిల్లలు కూడా ఈ కార్యక్రమంలో పాల్గొన్నారు. అక్కడ పాల్గొన్న ఓ వ్యక్తి.. మోదీ దేశ అభివృద్ధి కోసం పనిచేస్తుండడంతో ఆయన దీర్ఘాయుష్షు కోసం ప్రార్థిస్తున్నట్లు తెలిపారు.మీరట్‌లో బీజేపీ మైనారిటీ మోర్చా జిల్లా ఉపాధ్యక్షుడు అన్వర్ ఖురేషీ ఇంట్లోనూ కార్యక్రమం జరిగింది. ముస్లిం సమాజానికి చెందినవారు, బీజేపీ కార్యకర్తలు కలిసి కేక్ కట్ చేసి మోదీకి జన్మదిన శుభాకాంక్షలు తెలిపారు. ఢిల్లీ, లక్నో, వారణాసి, భోపాల్, ముంబై తదితర నగరాల్లోనూ మోదీ దీర్ఘాయుష్షు, ఆరోగ్యం, దేశ శాంతి, అభివృద్ధి కోసం ఖురాన్ పఠనం నిర్వహించారు.సాయంత్రం అజ్మీర్ షరీఫ్, ఢిల్లీలోని హజ్రత్ నిజాముద్దీన్ ఔలియా, దేవా షరీఫ్, కచౌఛా షరీఫ్ దర్గాల్లో వేలాది దీపాలు వెలిగించనున్నారు. ఢిల్లీలోని నిజాముద్దీన్ దర్గాలో ప్రస్తుతం 723వ ఉర్సు జరుగుతుండడంతో 723 దీపాలు వెలిగించనున్నట్లు నిర్వాహకులు తెలిపారు.వారణాసిలో ముస్లిం మహిళలు, స్థానిక సంస్థలు ప్రత్యేక దీపోత్సవంతో పాటు సేవా కార్యక్రమాలు చేపట్టనున్నాయి. బస్తీల్లో భోజనం, పండ్ల పంపిణీ, పారిశుద్ధ్య కార్యక్రమాలు, వైద్య శిబిరాలు నిర్వహిస్తాయి.ఇదీ చదవండి: 15 ఏళ్ల తర్వాత గోడను కూలగొడితే లైబ్రరీ బయటపడింది..

మిర్జాపూర్‌: ఉత్తర్‌ప్రదేశ్‌లోని మిర్జాపూర్‌లో బీజేపీ ఎమ్మెల్యే రత్నాకర్‌ మిశ్రా కారు బురదలో చిక్కుకుపోయింది. రైల్వే అండర్‌పాస్‌లో మట్టి, బురదలో ఇరుక్కున్న వాహనాన్ని ట్రాక్టర్‌ సాయంతో బయటకు తీయాల్సి వచ్చింది. రాయిని తాకడంతో కారు వెనుక టైరు పంక్చర్‌ కావడంతో ఈ పరిస్థితి ఏర్పడినట్లు ఎమ్మెల్యే తెలిపారు. మిర్జాపూర్‌లోని ఛాన్బే ప్రాంతం అకోఢీ రైల్వే అండర్‌పాస్‌లో ఈ ఘటన చోటుచేసుకుంది.గంగా నది నీటిమట్టం పెరగడంతో కర్ణావతి నదికి వరదలు వచ్చాయని గ్రామస్థులు తెలిపారు. దీంతో అకోఢీ రైల్వే అండర్‌పాస్‌ దాదాపు నెల రోజులపాటు నీరు, మట్టి, మల్బాతో నిండిపోయింది. అకోఢీతో పాటు పరిసర ప్రాంతాల్లోని సుమారు 15 గ్రామాల రాకపోకలకు అంతరాయం ఏర్పడింది. గ్రామస్థులు జేసీబీ సాయంతో అండర్‌పాస్‌లోని నీరు, బురదను తొలగించి రాకపోకలను పునరుద్ధరించారు. ఇదీ చదవండి: ఎల్‌నినో ఎఫెక్ట్‌: అట్లాంటిక్‌ను తాకని హరికేన్లు!

సాక్షి, హైదరాబాద్‌: బీజేపీ నేత, కేంద్ర హోంశాఖ సహాయ మంత్రి బండి సంజయ్‌ కుమార్‌ సంచలన వ్యాఖ్యలు చేశారు. పటేల్‌ సంకల్పంతో తెలంగాణకు విమోచనం కలిగిందని.. అలాంటిది నిజాంను పొగిడే నాయకులు ఓసారి ఇక్కడి పోరాట చరిత్రను గుర్తు చేసుకోవాలని సూచించారు. ఈ క్రమంలో కాస్త తీవ్ర వ్యాఖ్యలే చేశారాయన.గురువారం సికింద్రాబాద్‌ పరేడ్‌ గ్రౌండ్‌లో కేంద్రం నిర్వహించిన తెలంగాణ విమోచన దినోత్సవ వేడుకల్లో ఆయన పాల్గొని మాట్లాడారు. తెలంగాణ ప్రజలకు ఇవాళ నాలుగు పండుగలు ఒకేసారి వచ్చాయని ఆయన అన్నారు. గణేశ్‌ నవరాత్రి ఉత్సవాలు, విశ్వకర్మ జయంతి, ప్రధాని నరేంద్ర మోదీ పుట్టినరోజు, తెలంగాణ విమోచన దినోత్సవం ఒకేరోజు రావడం ప్రత్యేకమన్నారు. దేశమంతా 1947లో స్వాతంత్ర్యం పొందితే.. తెలంగాణకు ఏడాది ఆలస్యంగా స్వేచ్ఛ లభించిందని పేర్కొన్నారు. సర్దార్‌ వల్లభ్‌భాయ్‌ పటేల్‌ సంకల్పంతో తెలంగాణకు విమోచనం కలిగిందన్నారు.నిజాం పాలనపై తీవ్ర వ్యాఖ్యలునిజాం నిరంకుశ పాలనకు వ్యతిరేకంగా తిరుగుబాటు చేసి, ప్రాణత్యాగాలు చేసి తెలంగాణ ప్రజలు విమోచనం సాధించుకున్నారని బండి సంజయ్‌ అన్నారు. వీర బైరాన్‌పల్లి, పరకాల, గుండ్రాంపల్లి, నిర్మల్‌ వెయ్యి ఊడల మర్రి వంటి ప్రాంతాల్లో వేలాది మంది ప్రాణాలు కోల్పోయారని పేర్కొన్నారు. అలాంటి చరిత్రను పక్కనపెట్టి నిజాంను గొప్పవాడిగా చిత్రీకరించడం సరికాదని అన్నారు.నిజాంను పొగిడే నాయకులు తెలంగాణ పోరాట చరిత్రను గుర్తు చేసుకోవాలని సూచించారు. అసెంబ్లీలో నిజాంను ప్రశంసిస్తూ మాట్లాడటం సిగ్గుచేటని ఆయన వ్యాఖ్యానించారు. తెలంగాణ ప్రజల ధన, మాన, ప్రాణాలను దోచుకుని రక్తపాతం సృష్టించిన నిజాం పాలనను ఎలా సమర్థిస్తారని ప్రశ్నించారు. నిజాంను పొగిడే నేతలకు డీఎన్‌ఏ పరీక్షలు చేయాలని, అసలు వారు ఈ దేశ పౌరులేనా? లేక విదేశీ డీఎన్‌ఏ ఉందా? అనేది చూడాలంటూ వ్యాఖ్యానించారు.చరిత్రను భావితరాలకు చెప్పాలితెలంగాణ పోరాట చరిత్రను తెరమరుగు చేసే ప్రయత్నాలను అడ్డుకోవడానికే కేంద్ర ప్రభుత్వం తెలంగాణ విమోచన దినోత్సవాన్ని అధికారికంగా నిర్వహిస్తోందని బండి సంజయ్‌ చెప్పారు. ప్రధాని మోదీ ఆధ్వర్యంలో ఈ కార్యక్రమాలను నిర్వహిస్తున్నామని పేర్కొన్నారు. తెలంగాణ మలిదశ ఉద్యమం ఫలితంగా ప్రత్యేక రాష్ట్రం ఏర్పడిందన్నారు. రాష్ట్ర అభివృద్ధికి కేంద్ర ప్రభుత్వం పూర్తిగా సహకరిస్తోందని చెప్పారు. గత 12 ఏళ్లలో తెలంగాణకు రూ.12 లక్షల కోట్లకుపైగా నిధులు ఖర్చు చేసిన చరిత్ర మోదీ ప్రభుత్వానిదేనని బండి సంజయ్‌ పేర్కొన్నారు.అవినీతిపై విమర్శలుకొన్ని రాజకీయ పార్టీలు తెలంగాణ అభివృద్ధిని విస్మరించి అవినీతికి పాల్పడుతూ.. ఒకరిపై ఒకరు ఆరోపణలు చేసుకోవడానికే పరిమితమవుతున్నాయని బండి సంజయ్‌ విమర్శించారు. అవినీతికి తావులేకుండా మోదీ పాలన కొనసాగుతోందని అన్నారు.తెలంగాణ ప్రజలు ఎలాంటి పాలన కావాలో ఆలోచించుకోవాలని ఆయన కోరారు. అవినీతిమయమైన పాలన కావాలా? అవినీతి రహిత పాలన కావాలా? తెలంగాణ చరిత్రను తెరమరుగు చేసే పాలన కావాలా? లేక ఆ చరిత్రను భావితరాలకు అందించే పాలన కావాలా? అని ప్రశ్నించారు. అవినీతి రహిత పాలన అందిస్తున్న మోదీకి ప్రతి తెలంగాణ పౌరుడు మద్దతు ఇవ్వాలని బండి సంజయ్‌ కోరారు.విమోచన దినోత్సవం సందర్భంగా తెలంగాణ పోరాట చరిత్రను పాట, సంగీతం, దృశ్యరూపంలో ప్రజలకు అందించిన ఆకుల నాగేశ్వర్‌, వందేమాతరం శ్రీనివాస్‌, దీపికలను ఆయన అభినందించారు. ఈ కార్యక్రమానికి ఉపరాష్ట్రపతి సీపీ రాధాకృష్ణన్‌ ముఖ్య అతిథిగా హాజరయ్యారు.ఇదీ చదవండి: ‘ఎవరి ఆస్తులు ఎంతో తేలుద్దామా?’.. కేటీఆర్‌ సవాల్‌

నరేంద్ర మోదీ.. ప్రపంచవ్యాప్తంగా ప్రత్యేక గుర్తింపు ఉన్న భారత ప్రధాని. స్వదేశంలోనే కాదు.. విదేశాల్లోనూ ఆయనకు అశేష అభిమానులు ఉన్నారు. సోషల్‌ మీడియాలోనూ ఆయనకంటూ భారీ ఫాలోయింగ్‌ ఉంది. అలాంటిది ఇవాళ ఆయన పుట్టినరోజు జరుపుకుంటున్నారు. అయితే మోదీ చిన్ననాటి జీవితం గురించి కూడా ఎన్నో ఆసక్తికర విషయాలు ప్రచారంలో ఉన్నాయి. అయితే వాటిలో ఓ ఘటన తెలిస్తే మాత్రం.. ఆయన ‘గుండె ధైర్యం’ ఏపాటిదో ఇట్టే అర్థమైపోతుంది. మోదీకి చిన్నతనంలో ఈత అంటే చాలా ఇష్టం ఉండేదట. ఉదయం కుటుంబ టీ దుకాణంలో పని చేసిన తర్వాత మోదీ వడ్నగర్‌లోని శర్మిష్ఠ సరస్సుకు వెళ్లేవారు. సరస్సు మధ్యలో ఉన్న ఆలయం వరకు ఈత కొట్టి, అక్కడి జెండాను తాకి తిరిగి ఒడ్డుకు వచ్చేవారు. ఇలా రోజుకు మూడుసార్లు చేసేవారు. అయితే ఎనిమిదో తరగతి చదువుతున్న సమయంలో ఆయనకు ఓ భయానక అనుభవం ఎదురైంది. ఈత కొడుతుండగా ఓ మొసలి ఆయన కాలిని బలంగా తాకింది. దీంతో తీవ్రంగా గాయపడి తొమ్మిది కుట్లు వేయించుకోవాల్సి వచ్చింది. ఆ దెబ్బతో వారం రోజులు ఆయన మంచానికే పరిమితం అయ్యారు. అయితే నెల తిరగకుండానే ఆయన మళ్లీ అదే సరస్సులో ఈతకు వెళ్లారట. ఈ విషయాన్ని మోదీ జీవితంపై వచ్చిన నరేంద్ర మోదీ: ది గేమ్‌ చేంజర్‌ అనే పుస్తకంలో జర్నలిస్ట్‌ సురేశ్‌ కే వర్మ ప్రస్తావించారు. అదే తొలిసారి కాదు!మోదీ చిన్ననాటికి సంబంధించిన మరో మొసలి కథ కూడా ప్రచారంలో ఉంది. ఓసారి సరస్సు ఒడ్డున ఓ మొసలి పిల్ల కనిపించడంతో దాన్ని ఆయన భుజాన వేసుకుని ఇంటికి తీసుకెళ్లారట. అది అడుగుకుపైగా పొడవు ఉందట. దాన్ని ఇంట్లోనే పెంచుకోవాలని మోదీ అనుకున్నప్పటికీ.. తల్లి హీరాబెన్‌ మాత్రం వద్దని చెప్పారట. వెంటనే దాన్ని ఆయన తిరిగి సరస్సులో వదిలేశారట. ఈ చిన్ననాటి జ్ఞాపకాన్ని మోదీ స్వయంగా కూడా 2019లో బేర్‌ గ్రిల్స్‌తో కలిసి పాల్గొన్న మ్యాన్‌ వర్సెస్‌ వైల్డ్‌ కార్యక్రమంలో గుర్తుచేసుకున్నారు. సాధారణ కుటుంబంలో, చిన్న ఇంటి నుంచి మొదలైన ఈ ప్రయాణం.. ఆ తర్వాత రాజకీయాల్లోకి మళ్లింది. 2001లో గుజరాత్‌ ముఖ్యమంత్రిగా బాధ్యతలు చేపట్టిన మోదీ.. 2014లో తొలిసారి ప్రధానమంత్రిగా ప్రమాణ స్వీకారం చేశారు. 2024 జూన్‌ 9న మూడోసారి ప్రధానిగా బాధ్యతలు చేపట్టారు. రాజకీయ జీవితంలోనూ ఆయన తీసుకున్న పలు కీలక నిర్ణయాలు దేశవ్యాప్తంగా చర్చకు దారితీశాయి. బాల్యంలో మొసలిని ఎదుర్కొన్న ఘటన కావొచ్చు.. తర్వాత పాలనలో తీసుకున్న సాహసోపేత నిర్ణయాలు కావొచ్చు.. మోదీ జీవిత ప్రయాణంలో ధైర్యం, నిర్ణయాత్మకతకు సంబంధించిన అధ్యాయాలు చాలానే కనిపిస్తాయి. అయితే వాటన్నింటికీ చాలా ముందే.. వడ్నగర్‌లోని శర్మిష్ఠ సరస్సు దగ్గర ఓ బాలుడిగా ఎదుర్కొన్న ఆ మొసలి ఘటన మాత్రం ఆయన చిన్ననాటి జ్ఞాపకాల్లో ప్రత్యేకంగా నిలిచిపోయింది.ఇదీ చదవండి: మోదీని శ్రీ కృష్ణుడితో పోల్చేశాడే!

న్యూఢిల్లీ: ప్రధాన మంత్రి నరేంద్ర మోదీ 76వ పుట్టినరోజు, ఆయన 25 ఏళ్ల ప్రజా సేవను పురస్కరించుకుని గురువారం దేశవ్యాప్తంగా ప్రత్యేక కార్యక్రమాలు నిర్వహించడానికి బీజేపీ శ్రేణులు సన్నద్ధమయ్యాయి. ఇందులో భాగంగా కేంద్ర హోంశాఖ మంత్రి అమిత్‌ షా గుజరాత్‌లోని వాద్‌నగర్‌ నుంచి ఉత్తరప్రదేశ్‌లోని వారణాసి వరకు సాగే బైక్‌ ర్యాలీని ప్రారంభిస్తారు. అలాగే రక్షణ మంత్రి రాజ్‌నాథ్‌ సింగ్‌ ఉత్తరప్రదేశ్‌లో పర్యటిస్తారు. వారణాసి నుంచి వాద్‌నగర్‌ వరకు సాగే బైక్‌ ర్యాలీని ప్రారంభించబోతున్నారు. ఈ కార్యక్రమానికి పలువురు ముఖ్యమంత్రులు సైతం హాజరుకాబోతున్నారు. వాద్‌నగర్‌ ప్రధానమంత్రి మోదీ జన్మస్థలం కాగా, ఆయన వారణాసి లోక్‌సభ నియోజకవర్గం నుంచి ప్రాతినిధ్యం వహిస్తున్నారు. మోదీ జన్మదినాన్ని సేవా దినంగా నిర్వహించుకుంటున్న గురువారం ఢిల్లీలోని పార్టీ ప్రధాన కార్యాలయంలో బీజేపీ జాతీయ అధ్యక్షుడు నితిన్‌ నబిన్‌ రక్తదాన శిబిరాన్ని ప్రారంభిస్తారు. అనంతరం మధ్యప్రదేశ్‌లోని ఇండోర్, ఉజ్జయినిలో వేర్వేరు కార్యక్రమాల్లో పాల్గొంటారు. అలాగే దేశవ్యాప్త స్వచ్ఛతా కార్యక్రమాలు నిర్వహించనున్నట్లు బీజేపీ నేతలు తెలిపారు. ప్రధానమంత్రి ఆరోగ్యం, దీర్ఘాయువు కోసం గురువారం సాయంత్రం వేళ దేశవ్యాప్తంగా 700కు పైగా ప్రాంతాల్లో ఆశీర్వాదం దీపం వెలిగించబోతున్నట్లు పేర్కొన్నారు. గురువారం ‘సేవా సంకల్ప్‌ అభియాన్‌’ప్రారంభం కానుంది. దేశవ్యాప్తంగా నెల రోజులపాటు ప్రజా సేవా కార్యక్రమాలు నిర్వహిస్తారు.

ప్రధాని నరేంద్ర మోదీ జన్మదినం సందర్భంగా ఆయన బాల్యమిత్రుడు శామళ్‌దాస్‌ మోదీ ప్రత్యేక లేఖ రాశారు. గుజరాత్‌లోని మెహసాణా జిల్లా వడనగర్‌కు చెందిన శామళ్‌దాస్‌.. చిన్ననాటి స్నేహాన్ని గుర్తుచేసుకుంటూ మోదీని ‘శ్రీకృష్ణుడు’గా, తనను ‘సుదాముడు’గా పేర్కొన్నారు. ప్రధాని జన్మదినం సెప్టెంబర్‌ 17న జరగనున్న నేపథ్యంలో ఈ లేఖ రాశారు.చిన్ననాటి నుంచి కొనసాగుతున్న తమ స్నేహాన్ని గుర్తుచేసుకున్న శామళ్‌దాస్‌.. నరేంద్ర మోదీ జీవితంలో ఏది సాధించాలని నిర్ణయించుకున్నా దాన్ని పూర్తి చేసి చూపించారని లేఖలో పేర్కొన్నారు. తన మిత్రుడి విజయాన్ని చూసి గర్వంగా ఉందని తెలిపారు. మోదీ 25 ఏళ్ల ప్రజాజీవితం, వడనగర్‌ అభివృద్ధి, ఆ నగర చారిత్రక వారసత్వాన్ని పరిరక్షించేందుకు జరిగిన పనులను కూడా ఆయన లేఖలో ప్రస్తావించారు.‘మీరు శ్రీకృష్ణుడు.. నేను మీ సుదాముడిని’లేఖలో శామళ్‌దాస్‌ ప్రత్యేకంగా తమ బాల్య స్నేహాన్ని ప్రస్తావించారు. వడనగర్‌లో కలిసి గడిపిన రోజులను గుర్తుచేసుకుంటూ.. నరేంద్ర మోదీని తన ‘శ్రీకృష్ణుడు’గా, తనను ‘సుదాముడు’గా అభివర్ణించారు. కాలం మారినా చిన్ననాటి స్నేహం తనకు ఇప్పటికీ అంతే ప్రత్యేకమని పేర్కొన్నారు.‘ఏది అనుకుంటే అది పూర్తి చేస్తారు’మోదీ పని తీరును కూడా శామళ్‌దాస్‌ ప్రశంసించారు. ఆయన ఏదైనా సంకల్పిస్తే దాన్ని పూర్తి చేసి చూపిస్తారని లేఖలో రాశారు. 25 ఏళ్ల ప్రజాజీవితాన్ని ప్రస్తావిస్తూ మోదీని ‘నూతన భారత శిల్పి’గా అభివర్ణించారు. ఒకప్పుడు తనతో కలిసి ఉన్న బాల్యమిత్రుడు ఇప్పుడు దేశ బాధ్యతలు నిర్వర్తిస్తున్నారని పేర్కొంటూ.. ఆయన ప్రయాణాన్ని చూసి గర్విస్తున్నట్లు తెలిపారు.వడనగర్‌ అభివృద్ధితో పాటు నగర చారిత్రక వారసత్వాన్ని పరిరక్షించి ప్రపంచానికి పరిచయం చేయడంపై కూడా లేఖలో ప్రస్తావన ఉంది. వడనగర్‌ గుజరాత్‌లోని మెహసాణా జిల్లాలో ఉంది. మోదీ బాల్యం అక్కడే గడిచింది.భారత్‌ ప్రపంచవ్యాప్తంగా చర్చనీయాంశంగా మారిందని కూడా శామళ్‌దాస్‌ తన లేఖలో పేర్కొన్నారు. అమెరికాతో పాటు ప్రపంచంలోని పలు ప్రాంతాల్లో భారత్‌, నరేంద్ర మోదీ గురించి చర్చ జరుగుతోందని రాశారు. చివరగా ప్రధానికి జన్మదిన శుభాకాంక్షలు తెలుపుతూ.. దీర్ఘాయుష్షు, మంచి ఆరోగ్యం కలగాలని ఆకాంక్షించారు.

దశాబ్దాలుగా కొనసాగుతున్న భూవివాదం.. ఎన్నో ఏళ్లుగా అధికారుల చుట్టూ తిరిగినా పరిష్కారం కాని సమస్య. పైగా ఆ వెనక బీజేపీ ఎమ్మెల్యే ఉన్నారన్న ఆరోపణ. ఏం చేయాలో అర్థంకాని పరిస్థితుల్లో బాల్య స్నేహితుడ్ని కలిసి.. సీబీఐ విచారణ జరిపించాలని ఆ పెద్దాయన కోరారు. అవతలి ఉంది మాములు వ్యక్తి కాదు.. అందుకే వారం తిరగ్గ ముందే ఈ వ్యవహారం కీలక మలుపు తిరిగింది.ప్రధాని నరేంద్ర మోదీతో పాఠశాలలో కలిసి చదువుకున్న 81 ఏళ్ల అస్గర్‌ అలీ వోరా.. మహారాష్ట్రలోని భయందర్‌లో తన భూమి వివాదంపై సెప్టెంబర్‌ 8న మోదీని కలిశారు. ఇది జరిగిన.. వారం రోజుల్లోనే వివాదాస్పద స్థలంపై బీజేపీ ఎమ్మెల్యే నరేంద్ర మెహతా వెనక్కి తగ్గారు. భూమిపై తనకున్న స్వాధీనాన్ని వదులుకుంటున్నట్లు ప్రకటించడంతోపాటు, అక్కడ నిర్మాణానికి తీసుకున్న అనుమతులను కూడా సరెండర్‌ చేశారు. వోరాపై గతంలో ఇచ్చిన పోలీస్‌ ఫిర్యాదును సైతం ఉపసంహరించుకున్నారు.నాకేం తెలియదు: వోరామోదీతో చిన్నప్పుడు కలిసి చదువుకున్న వోరా.. ప్రస్తుతం ముంబై సమీపంలోని మీరా రోడ్‌లో నివసిస్తున్నారు. భయందర్‌ ఈస్ట్‌లోని నవ్‌ఘర్‌లో సుమారు 2,810 చదరపు మీటర్ల భూమిని 1989లో రిజిస్టర్డ్‌ ఒప్పందం ద్వారా కొనుగోలు చేశారు. తాను ఆ భూమిని ఎప్పుడూ విక్రయించలేదని, మరెవరికీ బదలాయించలేదని పేర్కొన్నారు.అయితే 2011లో తనకు తెలియకుండా భూమికి సంబంధించిన నకిలీ పత్రాలు సృష్టించి, ఆస్తిని రెండు భాగాలుగా విభజించినట్లు వోరా ఆరోపించారు. ఒక భాగాన్ని స్వయం బిల్డర్స్‌ పేరుతో, మరో భాగాన్ని నరేంద్ర మెహతాకు సంబంధించిన సెవెన్‌ ఎలెవన్‌ కన్‌స్ట్రక్షన్స్‌ పేరుతో చూపించినట్లు ఆయన పేర్కొన్నారు. తన భూమిపై నిర్మాణ అనుమతులు ఎలా ఇచ్చారనే అంశంపైనా అధికారులను ప్రశ్నించారు. ఈ వ్యవహారంపై సీబీఐ విచారణ జరపాలని కూడా ఆయన కోరారు.15 ఏళ్లుగా అధికారుల చుట్టూ తిరిగినా..ఈ వివాదాన్ని పరిష్కరించేందుకు దాదాపు 15 ఏళ్లుగా వివిధ ప్రభుత్వ విభాగాలను ఆశ్రయిస్తున్నానని వోరా తెలిపారు. 2015లో నకిలీ పత్రాలకు సంబంధించి ఎఫ్‌ఐఆర్‌ నమోదైందని, అయితే దర్యాప్తు నివేదిక చాలా ఆలస్యంగా వచ్చిందని ఆయన ఆరోపించారు. రెవెన్యూ, మున్సిపల్‌, పోలీసు విభాగాల అధికారులకు ఫిర్యాదులు చేసినా తగిన చర్యలు తీసుకోలేదని వోరా పేర్కొన్నారు. ఈ నేపథ్యంలోనే సెప్టెంబర్‌ 8న ప్రధాని మోదీని కలిసి తన సమస్యను వివరించారు. ఈ భేటీ అనంతరం మహారాష్ట్ర అధికార యంత్రాంగం కూడా ఈ వ్యవహారంపై దృష్టి సారించింది.మోదీ ఎఫెక్ట్‌.. సచివాలయంలో కీలక సమావేశంసెప్టెంబర్‌ 15న మహారాష్ట్ర సచివాలయంలో ముఖ్యమంత్రి ప్రధాన కార్యదర్శి శ్రీకర్‌ పరదేశి అధ్యక్షతన సమావేశం జరిగింది. ఇందులో అస్గర్‌ అలీ వోరాతో పాటు ఎమ్మెల్యే నరేంద్ర మెహతా, మీరా-భయందర్‌ మున్సిపల్‌ కమిషనర్‌ రాధా బినోద్‌ శర్మ, టౌన్‌ ప్లానర్‌ పురుషోత్తమ్‌ షిండే పాల్గొన్నారు.ఈ సమావేశంలో నరేంద్ర మెహతా టౌన్‌ ప్లానింగ్‌ విభాగానికి లేఖ ఇచ్చారు. వివాదాస్పద భూమిపై తాను కలిగి ఉన్న స్వాధీనాన్ని వదులుకుంటున్నట్లు, ఆ స్థలానికి మంజూరైన నిర్మాణ అనుమతిని కూడా సరెండర్‌ చేస్తున్నట్లు అందులో పేర్కొన్నారు. అయితే ఈ భూమిని తాను 2019లో మెర్విన్‌ ఫెర్నాండెజ్‌ అనే వ్యక్తి నుంచి కొనుగోలు చేసినట్లు మెహతా తన లేఖలో తెలిపారు.ఫిర్యాదు కూడా ఉపసంహరణఇదే సమయంలో వోరాపై గతంలో తాను చేసిన పోలీస్‌ ఫిర్యాదును ఉపసంహరించుకుంటున్నట్లు మెహతా పోలీస్‌ కమిషనర్‌కు మరో లేఖ రాశారు. ఇరు వర్గాల మధ్య రాజీ కుదిరినందున ఫిర్యాదును వెనక్కి తీసుకుంటున్నట్లు అందులో పేర్కొన్నారు. దీంతో ఎన్నో ఏళ్లుగా కొనసాగుతున్న ఈ భూవివాదానికి ఓ ఎండ్‌ కార్డ్‌ పడినట్లైంది.ఇదీ చదవండి: ఆ హిందుత్వ ఇన్‌ఫ్లుయెన్సర్‌కు ఊరట

కోల్‌కతా: పశ్చిమ బెంగాల్‌లో త్వరలో జరగనున్న అసెంబ్లీ ఉప ఎన్నికలకు భారతీయ జనతా పార్టీ (బీజేపీ) మంగళవారం అభ్యర్థులను ప్రకటించింది. పార్టీ కేంద్ర ఎన్నికల కమిటీ సమావేశంలో సఖరవ్ సర్కార్, హసిరాణి రాథ్ పేర్లకు ఆమోదం లభించింది. రేజీనగర్‌ అసెంబ్లీ నియోజకవర్గం నుంచి సఖరవ్ సర్కార్ పోటీ చేయనున్నారు. ఆయన తృణమూల్ కాంగ్రెస్ (టీఎంసీ) అభ్యర్థి రబియుల్ ఆలం చౌధురితో తలపడనున్నారు. మరోవైపు నందిగ్రామ్‌ నుంచి హసిరాణి రాథ్‌ను బీజేపీ బరిలోకి దించింది. అక్కడ టీఎంసీ అభ్యర్థి సంచిత ప్రధాన్‌తో పోటీ పడనున్నారు.హసిరాణి రాథ్‌ ఎంపికకు ప్రత్యేక ప్రాధాన్యం ఉంది. ముఖ్యమంత్రి సువేందు అధికారి వ్యక్తిగత సహాయకునిగా పనిచేసిన చంద్రనాథ్ రాథ్‌కు ఆమె తల్లి. పశ్చిమ బెంగాల్‌లో బీజేపీ అధికారంలోకి వచ్చిన కొద్ది రోజులకే చంద్రనాథ్ రాథ్ హత్యకు గురయ్యారు. నందిగ్రామ్ ఉప ఎన్నికకు బీజేపీ అభ్యర్థిగా అవకాశం కల్పించడంపై హసిరాణి రాథ్ మీడియాతో మాట్లాడారు. ‘నందిగ్రామ్ ఉప ఎన్నికలో పార్టీ అభ్యర్థిగా పోటీ చేసే అవకాశం నాకు పార్టీ కల్పించింది. ఇక్కడ పార్టీ మా వెంట ఉంది. నందిగ్రామ్ ప్రజల మద్దతుతో ముందుకు సాగుతాం’ అని ఆమె పేర్కొన్నారు. ఉప ఎన్నికల నేపథ్యంలో బీజేపీ ప్రకటించిన అభ్యర్థుల్లో నందిగ్రామ్ నుంచి హసిరాణి రాథ్ పేరు ఆసక్తికరంగా మారింది. రేజీనగర్‌లో సఖరవ్ సర్కార్, నందిగ్రామ్‌లో హసిరాణి రాథ్ బీజేపీ తరఫున పోటీ చేయనున్నారు. రెండు నియోజకవర్గాల్లోనూ టీఎంసీ అభ్యర్థులతో బీజేపీ అభ్యర్థులు తలపడనున్నారు.ఇదీ చదవండి: హౌతీల మెరుపు దాడులతో సౌదీలో ఉద్రిక్తత

రాజస్థాన్‌ స్థానిక సంస్థల ఎన్నికల ఫలితాలు అధికార బీజేపీలో కొత్త చర్చకు తెరతీశాయి. అసెంబ్లీ, లోక్‌సభ ఎన్నికల్లో తమకు తిరుగులేదని ధీమా వ్యక్తం చేసిన పార్టీకి.. కీలక నేతల సొంత ప్రాంతాల్లోనే ఓటర్లు గట్టి సంకేతం ఇచ్చారు. ముఖ్యమంత్రి భజన్‌లాల్‌ శర్మ, మాజీ సీఎం వసుంధర రాజే, కేంద్ర మంత్రి భూపేంద్ర యాదవ్‌, బీజేపీ రాష్ట్ర అధ్యక్షుడు మదన్‌ రాఠోడ్‌, కేంద్ర మంత్రి అర్జున్‌రామ్‌ మేఘ్వాల్‌ ప్రభావం ఉన్న ప్రాంతాల్లో పార్టీ ఆశించిన స్థాయిలో ఫలితాలు సాధించలేకపోయింది.ముఖ్యమంత్రి భజన్‌లాల్‌ శర్మ సొంత జిల్లా భరత్‌పూర్‌లో బీజేపీకి ఎదురుదెబ్బ తగిలింది. ఎన్నికల ప్రచారంలో సీఎం స్వయంగా రోడ్‌షోలు నిర్వహించినప్పటికీ.. ఆ ప్రభావం ఫలితాల్లో పూర్తిగా కనిపించలేదు. మొత్తం 65 వార్డులున్న భరత్‌పూర్‌ నగర పాలక సంస్థలో బీజేపీ కేవలం 20 స్థానాలకే పరిమితమైంది. కాంగ్రెస్‌ ఏడు స్థానాలు గెలుచుకోగా.. ఏకంగా 36 వార్డులను స్వతంత్ర అభ్యర్థులు కైవసం చేసుకున్నారు. దీంతో అక్కడ బోర్డు ఏర్పాటు చేయాలంటే బీజేపీకి స్వతంత్రుల మద్దతు తప్పనిసరి కానుంది. అధ్యక్షుడి ఇలాకాలోనూ..బీజేపీ రాష్ట్ర అధ్యక్షుడు మదన్‌ రాఠోడ్‌ సొంత జిల్లా పాలీలోనూ పార్టీకి స్పష్టమైన మెజార్టీ దక్కలేదు. మొత్తం 65 వార్డుల్లో కాంగ్రెస్‌ 29 స్థానాలు గెలుచుకోగా.. బీజేపీ 21 స్థానాల వద్దే ఆగిపోయింది. మరో 15 స్థానాలను స్వతంత్రులు దక్కించుకున్నారు. బోర్డు ఏర్పాటుకు 34 స్థానాలు అవసరం కావడంతో.. ఇక్కడ కూడా స్వతంత్రులే కీలకం కానున్నారు.వసుంధర గడ్డలో కాంగ్రెస్‌ జెండా..మాజీ సీఎం వసుంధర రాజే ప్రభావం బలంగా ఉన్న ఝలావార్‌లో బీజేపీకి మరింత పెద్ద షాక్‌ తగిలింది. ఝలావార్‌ మున్సిపల్‌ కౌన్సిల్‌లోని 45 స్థానాల్లో కాంగ్రెస్‌ ఏకంగా 29 సీట్లు గెలుచుకుని స్పష్టమైన మెజార్టీ సాధించింది. దీంతో అక్కడ బీజేపీ అధికారం కోల్పోయింది. వసుంధర ప్రభావం ఉన్న ప్రాంతంలోనే కాంగ్రెస్‌ ఈ స్థాయిలో విజయం సాధించడం కమలం పార్టీలో చర్చనీయాంశంగా మారింది.భూపేంద్ర యాదవ్‌ ప్రాంతంలోనూ..కేంద్ర మంత్రి భూపేంద్ర యాదవ్‌ ప్రాతినిధ్యం వహిస్తున్న అల్వార్‌ ప్రాంతంలోనూ బీజేపీకి ఆశించిన ఫలితాలు రాలేదు. మొత్తం 65 వార్డుల్లో బీజేపీ 28 స్థానాలు గెలుచుకోగా.. కాంగ్రెస్‌ 23 సీట్లు దక్కించుకుంది. మరో 13 స్థానాల్లో స్వతంత్రులు విజయం సాధించారు. ఒక స్థానాన్ని బీఎస్పీ గెలుచుకుంది. దీంతో ఇక్కడ కూడా బీజేపీ ఆధిపత్యం స్పష్టంగా కనిపించలేదు.జోధ్‌పూర్‌లో హోరాహోరీ..ఇటు జోధ్‌పూర్‌లోనూ బీజేపీకి పూర్తి మెజార్టీ దక్కలేదు. 100 వార్డులున్న నగర పాలక సంస్థలో బీజేపీ, కాంగ్రెస్‌ చెరో 44 స్థానాలు గెలుచుకున్నాయి. మరో 11 స్థానాల్లో స్వతంత్రులు విజయం సాధించారు. దీంతో బోర్డు ఏర్పాటులో స్వతంత్రుల పాత్ర కీలకంగా మారింది.బికనీర్‌లో కాంగ్రెస్‌ దూకుడుకేంద్ర మంత్రి అర్జున్‌రామ్‌ మేఘ్వాల్‌ ప్రభావం ఉన్న బికనీర్‌ బీజేపీకి నిరాశే ఎదురైంది. మొత్తం 80 వార్డుల్లో కాంగ్రెస్‌ 42 స్థానాలు గెలుచుకుని స్పష్టమైన మెజార్టీ సాధించింది. బీజేపీ 27 సీట్లకే పరిమితమైంది. కాంగ్రెస్‌కు బోర్డు ఏర్పాటు చేసేందుకు ఇతర పార్టీల మద్దతు అవసరం లేకుండా పోయింది.2028కి ముందు హెచ్చరికేనా?రాజస్థాన్‌ స్థానిక సంస్థల ఎన్నికల్లో బీజేపీ 4,179 వార్డులు గెలుచుకుని అతిపెద్ద పార్టీగా నిలిచింది. కాంగ్రెస్‌ 3,613, స్వతంత్రులు 2,273 స్థానాల్లో విజయం సాధించారు. రాష్ట్రవ్యాప్తంగా బీజేపీ ముందంజలో ఉన్నప్పటికీ.. కీలక నేతల ప్రభావం ఉన్న ప్రాంతాల్లో కాంగ్రెస్‌, ఇండిపెండెంట్ల బలం స్పష్టంగా కనిపించింది. అయితే భరత్‌పూర్‌, పాలి, ఝలావార్‌, అల్వార్‌, జోధ్‌పూర్‌, బికనీర్‌ వంటి కీలక ప్రాంతాల్లో వచ్చిన ఫలితాలు బీజేపీ రాష్ట్ర నాయకత్వానికి హెచ్చరికగా మారాయి. ముఖ్యంగా సీఎం నుంచి కేంద్ర మంత్రులు, రాష్ట్ర పార్టీ అధ్యక్షుడి వరకు కీలక నేతల ప్రభావం ఉన్న ప్రాంతాల్లో పార్టీకి స్పష్టమైన ఆధిపత్యం దక్కకపోవడం రాజకీయంగా ప్రాధాన్యం సంతరించుకుంది. 2028 అసెంబ్లీ ఎన్నికలకు ఇంకా సమయం ఉన్నప్పటికీ.. ఈ ఫలితాలు క్షేత్రస్థాయిలో పార్టీ పరిస్థితిపై బీజేపీ నాయకత్వం దృష్టి పెట్టాల్సిన అవసరాన్ని సూచిస్తున్నాయని రాజకీయ విశ్లేషకులు భావిస్తున్నారు.ఇదీ చదవండి: షాకింగ్‌.. రైల్వే స్టేషన్‌లలో రైల్వే వాళ్లు ఇచ్చే నీళ్లు ఎలాంటివో తెలుసా?

జైపూర్‌: రాజస్థాన్‌లో జరిగిన పట్టణ స్థానిక సంస్థల ఎన్నికల్లో ప్రతిపక్ష కాంగ్రెస్‌కు బిగ్‌ షాక్‌ తగిలింది. అధికార బీజేపీ పూర్తి ఆధిపత్యం ప్రదర్శించింది. ప్రతిపక్ష కాంగ్రెస్ పార్టీకి ఈ ఎన్నికలు గట్టి ఎదురుదెబ్బ తగిలాయి. తాజా ఫలితాల ప్రకారం, రాష్ట్రవ్యాప్తంగా బీజేపీ 41 శాతం వార్డులలో విజయం సాధించగా, కాంగ్రెస్ పార్టీ 35 శాతానికే పరిమితమైంది.గత స్థానిక సంస్థల ఎన్నికలతో పోలిస్తే కాంగ్రెస్ తన ఓటు శాతంలో సుమారు 5 శాతం కోల్పోయింది. రాజస్థాన్‌లో చివరి స్థానిక సంస్థల ఎన్నికల తర్వాత నియోజకవర్గాల పునర్విభజన కారణంగా కొత్తగా 2,770 వార్డులు (37శాతం పెరుగుదల) చేరాయి. దీంతో రాష్ట్రంలో మొత్తం వార్డుల సంఖ్య 10,244కి చేరింది.నియోజకవర్గాల పునర్విభజన తర్వాత తొలిసారి జరిగిన మొత్తం 10,244 స్థానాల్లో 4,179 వార్డులను కైవసం చేసుకుని, మొత్తం స్థానాల్లో 40.8% వాటాను దక్కించుకుంది. గతంతో పోలిస్తే బీజేపీ గెలిచిన స్థానాల సంఖ్య ఏకంగా 57శాతం పెరిగింది. కాంగ్రెస్ 3,613 వార్డులను మాత్రమే గెలుచుకుని 35.3శాతం వాటాను సొంతం చేసుకుంది.గత ఎన్నికలతో పోలిస్తే పార్టీకి తీవ్ర నిరాశ ఎదురైంది. ఈ ఎన్నికల్లో స్వతంత్ర అభ్యర్థులు పూర్తి ఆధిపత్యం ప్రదర్శించారు. ఏకంగా 2,273 వార్డులలో గెలుపొంది 22.2శాతం వాటాను సాధించారు. మొత్తం మీద కాంగ్రెస్ కంటే బీజేపీ 566 వార్డులు ఆధిక్యంలో నిలిచింది. ప్రధాన పార్టీలతో పాటు ఆమ్ ఆద్మీ పార్టీ,సీపీఐ(ఎం),రాష్ట్రీయ లోక్‌తాంత్రిక్‌ పార్టీ వంటి ఇతర పార్టీలు సైతం కొన్ని ప్రాంతాల్లో మంచి స్థానాలను కైవసం చేసుకున్నాయి.

బీహార్‌లో అధికార ఎన్డీయే కూట‌మికి జేడీయూ (జ‌న‌తాద‌ళ్ యునైటెడ్‌) ఊహించ‌ని షాక్ ఇచ్చింది. పార్ల‌మెంట్‌లో ఉమ్మ‌డి పౌరస్మృతి (యూసీసీ) బిల్లుకు మ‌ద్ద‌తు తెలిపిన‌ప్ప‌టికీ, బీహార్‌లో మాత్రం దానిని అమ‌లు చేసే ప్ర‌స‌క్తే లేద‌ని స్ప‌ష్టం చేసింది. ఈ ప‌రిణామం బీజేపీని షాక్‌కు గురి చేసిన‌ట్ల‌యింది. ఇదే విష‌య‌మై జేడీయూ సీనియర్ నేత శ్యామ్ రజక్ మాట్లాడుతూ.. "పార్లమెంటులో బిల్లుకు మద్దతు పలికినప్పటికీ, బీహార్‌లో యూసీసీ అమలుకు ఎట్టి పరిస్థితుల్లోనూ అంగీకరించబోం. మా పార్టీ అధినేత నితీశ్ కుమార్ ఇప్పటికే ఈ విషయంపై స్పష్టత ఇచ్చారు" అని తేల్చిచెప్పారు.2029 నాటికి 21 ఎన్డీయే పాలిత రాష్ట్రాల్లో యూసీసీని అమలు చేస్తామని కేంద్ర హోంమంత్రి అమిత్ షా ఇటీవల చేసిన వ్యాఖ్యల నేపథ్యంలో శ్యామ్ రజక్ ఈ ప్రకటన చేయడం ప్రాధాన్యత సంతరించుకుంది. ప్రస్తుతం బీహార్‌లో బీజేపీ-జేడీయూ సంకీర్ణ ప్రభుత్వం కొనసాగుతోంది. ఈ నేపథ్యంలో శ్యామ్ రజక్ స్పందిస్తూ, ప్రభుత్వం మిత్రపక్షాల మద్దతుతోనే నడుస్తుందన్న విషయాన్ని గుర్తుచేశారు. యూసీసీపై తమ వైఖరి అత్యంత సుస్పష్టంగా ఉన్నందున, రాష్ట్రంలో దాని అమలు అనే ప్రశ్నే ఉత్పన్నం కాదని ఆయన పేర్కొన్నారు.మరోవైపు, ఈ పరిణామాలపై ప్రతిపక్ష ఆర్జేడీ స్పందించింది. ఇటీవల ఎదురైన రాజకీయ ఎదురుదెబ్బల తర్వాత బీజేపీ మళ్లీ 'ద్వేష రాజకీయాల'కు పాల్పడుతోందని ఆర్జేడీ అధికార ప్రతినిధి శక్తి యాదవ్ విమర్శించారు. బీహార్ ప్రజలు లౌకికవాదులని, రాష్ట్రంలో యూసీసీని అమలు చేయాలని చూస్తే తీవ్రంగా వ్యతిరేకిస్తామని ఆయన హెచ్చరించారు.ఇదీ చ‌ద‌వండి: కవిత జోరు.. మరో 18 అసెంబ్లీ నియోజకవర్గాలకు కొత్త సారథులు

కోల్‌కతా: పశ్చిమ బెంగాల్‌లో 2021 అసెంబ్లీ ఎన్నికల అనంతరం జరిగిన హింసలో మరణించినట్లు ఆరోపణలు ఎదుర్కొంటున్న బీజేపీ కార్యకర్త ఆస్తిక్ చంద్ర దాస్ అస్థిపంజరాన్ని నాలుగేళ్ల తర్వాత ఇప్పుడు సమాధి నుంచి వెలికితీశారు. ఉత్తర 24 పరగణాల జిల్లా సందేశ్‌ఖాలీలో జరిగిన ఈ ప్రక్రియను కోర్టు ఆదేశాల మేరకు నిర్వహించారు. అస్థిపంజరాన్ని పోస్టుమార్టం, ఫోరెన్సిక్ పరీక్షల కోసం ఆసుపత్రికి తరలించారు.సందేశ్‌ఖాలీలోని ఝాంఝనియా గ్రామానికి చెందిన ఆస్తిక్ చంద్ర దాస్ ఎన్నికల అనంతరం జరిగిన హింసలో మరణించారు. ఆయన మరణానికి అసలు కారణం ఏమిటో నిర్ధారించేందుకు తాజాగా సమాధి నుంచి అస్థిపంజరాన్ని బయటకు తీశారు. పోలీసు అధికారి వివరాల ప్రకారం, మేజిస్ట్రేట్, మృతుడి కుటుంబ సభ్యుల సమక్షంలో ఈ ప్రక్రియ జరిగింది. మొత్తం వ్యవహారాన్ని వీడియోగా కూడా రికార్డు చేశారు. 2021 అసెంబ్లీ ఎన్నికల ఫలితాల రోజున తృణమూల్ కాంగ్రెస్ మద్దతుదారులు విజయోత్సవ ర్యాలీ నిర్వహించిన సమయంలో ఆస్తిక్ చంద్ర దాస్‌పై దాడి జరిగిందని ఆరోపణలు ఉన్నాయి. మృతుడి కుమారుడు సుబ్రత దాస్ మాట్లాడుతూ.. దాడి తర్వాత తన తండ్రిని ఆసుపత్రికి తీసుకెళ్లకుండా అడ్డుకున్నారని, దీంతో ఆయన ఇంట్లోనే మరణించారని ఆరోపించారు. ఈ ఘటన తర్వాత ఇంటి బయట పోలీసులు మోహరించారని, పోస్టుమార్టం నిర్వహించకుండానే మృతదేహాన్ని ఖననం చేయాల్సి వచ్చిందని కుటుంబం పేర్కొంది.ప్రభుత్వం మారడంతో చర్యలు రాష్ట్రంలో ప్రభుత్వం మారాక కుటుంబం కోర్టును ఆశ్రయించడంతో అస్థిపంజరాన్ని వెలికితీసే ఆదేశాలు వచ్చాయి. బీజేపీ రాష్ట్ర అధ్యక్షుడు సమిక్ భట్టాచార్య ఈ ఘటనను 2021 ఎన్నికల అనంతరం పార్టీ కార్యకర్తలపై జరిగిన దాడులకు ఉదాహరణగా పేర్కొన్నారు. న్యాయవ్యవస్థపై తమకు నమ్మకం ఉందని, దోషులకు శిక్ష పడుతుందని అన్నారు.అవసరమైతే సీబీఐ దర్యాప్తు చేపట్టాలని, బాధ్యులపై కఠిన చర్యలు తీసుకోవాలని కుటుంబ సభ్యులు కోరుతున్నారు. ప్రస్తుతం పోస్టుమార్టం, ఫోరెన్సిక్ పరీక్షల నివేదికలపై ఈ కేసులో తదుపరి చర్యలు ఆధారపడనున్నాయి.

ముంబై: బీజేపీ నేతృత్వంలోని ఎన్‌డీఏ ప్రభుత్వాలు కొలువుదీరిన 21 రాష్ట్రాల్లోనూ 2029 ఏడాదిలోపు ఉమ్మడి పౌరస్మృతి(యూసీసీ)ని అమలుచేస్తామని కేంద్ర హోం మంత్రి అమిత్‌ షా ప్రకటించారు. గత పుష్కర కాలంలో ప్రధాని మోదీ సారథ్యంలో కేంద్రప్రభుత్వం సాధించిన ఘనత, మోదీ నాయకత్వంలో గత పాతికేళ్లలో బీజేపీ ప్రయాణం, మోదీ జన్మదినంను గుర్తుచేస్తూ సెపె్టంబర్‌ 17 నుంచి సేవా సంకల్ప్‌ అభియాన్‌ జరగబోతోందని ప్రకటించాక పలు అంశాలపై ఆదివారం ముంబైలో అమిత్‌షా మీడియాతో మాట్లాడారు. ‘‘త్రిపుల్‌ తలాఖ్‌ను రద్దుచేసి ముస్లిం మహిళలకు సమాన హక్కులు కల్పించాం. ఇప్పటికే పలు రాష్ట్రాల్లో యూసీసీ అమలవుతోంది. 2029లోపు ఎన్‌డీఏపాలిత అన్ని రాష్ట్రాల్లో ఇది అమలయ్యేలా చేస్తా’’అని అన్నారు. 2029లో సార్వత్రిక ఎన్నికలున్న విషయం తెల్సిందే. మోదీ శకంలో అన్నీ మారుతున్నాయ్‌.. ‘‘గతంలో దేశంలో అవినీతి, కులతత్వం, వారసత్వ రాజకీయాలు తిష్టవేసి దారుణ పరిస్థితులను సృష్టించాయి. ఇప్పుడు మోదీ సారథ్యంలో కేంద్రప్రభుత్వం వాటినన్నింటినీ పారద్రోలింది. మోదీ శకం ఆరంభమైంది. ఇప్పుడంతా పనితీరు ఆధారిత రాజకీయాలే’’అని షా అన్నారు. మానవసేవే మాధవ సేవ తరహాలో జనసేవే ప్రభు సేవ అనే కొత్త నినాదం షా విన్పించారు. 2047కల్లా అభివృద్ధి చెందిన భారత్‌ను సాకారంచేసేందుకు ప్రజల భాగస్వామ్యాన్ని కోరుతున్నాం. మోదీ సారథ్యంలో గుజరాత్‌లో, దేశంలో పెను సానుకూల మార్పులొచ్చాయి. ఇప్పుడు రాజకీయ వ్యవస్థ ప్రాథమికస్థాయిలో సంస్కరణల బాటలో పయనిస్తోంది’’ అని మోదీని షా కొనియాడారు.

సాక్షి, హైదరాబాద్‌: వినాయక చవితి సందర్భంగా కేంద్ర మంత్రి బండి సంజయ్‌ కుమార్‌ హిందూ బంధువులందరికీ శుభాకాంక్షలు తెలిపారు. గణేశ్‌ ఉత్సవాలు హిందువుల ఐక్యతా స్ఫూర్తికి, భక్తికి నిదర్శనమని పేర్కొన్నారు. హిందువులంతా సంఘటితంగా ఉంటూ ఆనందోత్సవాలతో గణేశ్‌ ఉత్సవాలను జరుపుకోవాలని పిలుపునిచ్చారు.రాష్ట్రంలో వర్షాలు కురుస్తున్న నేపథ్యంలో గణేశ్‌ మండపాల నిర్వహణలో నిర్వాహకులు తగిన జాగ్రత్తలు తీసుకోవాలని బండి సంజయ్‌ సూచించారు. భక్తులకు ఎలాంటి ఇబ్బందులు కలగకుండా అవసరమైన భద్రతా చర్యలు చేపట్టాలని కోరారు. ప్రతి ఒక్కరూ భక్తిశ్రద్ధలతో వినాయక నవరాత్రులను నిర్వహించాలని అన్నారు.హిందూ పండుగలను ఘనంగా నిర్వహించడం ప్రతి ఒక్కరి బాధ్యత అని బండి సంజయ్‌ పేర్కొన్నారు. ధర్మాన్ని కాపాడుతూ సంప్రదాయాలను పరిరక్షించుకోవాలని పిలుపునిచ్చారు. ఐక్యంగా గణేశ్‌ ఉత్సవాలను జరుపుకుంటూ భక్తిపారవశ్యంతో వినాయకుడిని కొలుద్దామని అన్నారు.విఘ్నాలను తొలగించే విఘ్నేశ్వరుడి ఆశీస్సులతో ప్రతి ఇంటా సుఖసంతోషాలు నిండాలని బండి సంజయ్‌ ఆకాంక్షించారు. ప్రజల జీవితాల్లోని కష్టాలు, విఘ్నాలు తొలగిపోయి ప్రతి కుటుంబం ఆనందంగా ఉండాలని కోరుకున్నారు.గణనాథుడి ఆశీస్సులతో తెలంగాణ మరింత సుభిక్షంగా ఉండాలని బండి సంజయ్‌ ఆకాంక్షించారు. ప్రతి గ్రామం ఆధ్యాత్మిక శోభతో కళకళలాడాలని, ప్రజల కష్టాలు తొలగిపోయి ప్రతి ఇంటా సంతోషం వెల్లివిరియాలని, గణనాథుడి ఆశీస్సులతో తెలంగాణలో ధర్మ విజయం సాధించాలని కోరుకున్నారు.ఇదీ చదవండి: ఏడాదైనా చైర్మన్‌ లేరు.. బాబ్జీ సంచలన నిర్ణయం

నల్లగొండ: బీజేపీ నల్లగొండ జిల్లా అధ్యక్షుడు నాగం వర్షిత్‌ రెడ్డి సోషల్‌ మీడియా ఖాతాలు బ్లాక్‌ అయ్యాయి. ఇన్‌స్టాగ్రామ్‌తో పాటు ఇతర సోషల్‌ మీడియా ఖాతాలు కూడా బ్లాక్‌ అయినట్లు ఆయన తెలిపారు.ఇటీవల నల్లగొండలో మంత్రి కొమటిరెడ్డి వెంకట్‌రెడ్డి క్యాంపు కార్యాలయంపై దాడి ఘటన అనంతరం చోటుచేసుకున్న పరిణామాలపై వర్షిత్‌ రెడ్డి సోషల్‌ మీడియాలో వరుసగా వీడియోలు పోస్టు చేశారు. ఈ వీడియోలపై అభ్యంతరం వ్యక్తం చేస్తూ ఇన్‌స్టాగ్రామ్‌కు ఫిర్యాదు చేసినట్లు సమాచారం.దీంతో తన సోషల్‌ మీడియా ఖాతాలు బ్లాక్‌ అయ్యాయని వర్షిత్‌ రెడ్డి పేర్కొన్నారు. తన తల్లిపై దాడి జరిగిన నేపథ్యంలోనే ఆ ఘటనకు సంబంధించిన వీడియోలను సోషల్‌ మీడియాలో పోస్టు చేసినట్లు ఆయన తెలిపారు.తన సోషల్‌ మీడియా ఖాతాలను బ్లాక్‌ చేయడం వెనుక కాంగ్రెస్‌ కుట్ర ఉందని వర్షిత్‌ రెడ్డి ఆరోపించారు. అయితే, ఖాతాలు బ్లాక్‌ కావడానికి గల కారణాలపై సంబంధిత సోషల్‌ మీడియా సంస్థల నుంచి అధికారికంగా ఎలాంటి వివరాలు ఇంకా తెలియరాలేదు.ఇదీ చదవండి: 56% బీసీలు.. రాజకీయ రంగంలో వాటా ఎక్కడ?

బ్రిక్స్‌ శిఖరాగ్ర సదస్సుతో మన దేశానికి పెద్దగా ఒరిగేదేం లేదని.. ఒకవేళ నిజంగా ప్రయోజనం ఉంటే అదేంటో చెప్పాలని కేంద్రానికి కాంగ్రెస్‌ సీనియర్‌ నేత, మాజీ ఆర్థిక మంత్రి పి చిదంబరం సవాల్‌ విసిరారు. అయితే దీనికి బీజేపీ తీవ్రంగా స్పందించింది. అదే టైంలో.. కాంగ్రెస్‌ నుంచే కౌంటర్‌ రియాక్షన్‌ వచ్చింది. చిదంబరం వేసిన ప్రశ్నలకు సొంత పార్టీకే చెందిన మరో సీనియర్‌ నేత, తిరువనంతపురం ఎంపీ శశి థరూర్‌ బదులిచ్చారు. ఆ ప్రయోజనాలు ఇవేనంటూ వివరించారు. ఈ వేదిక భారత్‌ దౌత్యపరమైన ప్రభావాన్ని, ప్రపంచ దేశాలను ఒకే వేదికపైకి తీసుకురాగల సామర్థ్యాన్ని చాటుతుందని పేర్కొన్నారు.‘గ్లోబల్‌ సౌత్‌కు కీలక వేదిక’ఢిల్లీలో జరగనున్న బ్రిక్స్‌ సదస్సుకు ముందు మాట్లాడిన థరూర్‌.. గ్లోబల్‌ సౌత్‌కు బ్రిక్స్‌ ఒక ముఖ్యమైన వేదిక అని చెప్పారు. విస్తరించిన బ్రిక్స్‌లో 11 దేశాలు ఉన్నాయని, ఇవి ప్రపంచ జనాభాలో దాదాపు సగం, ప్రపంచ ఆర్థిక వ్యవస్థలో సుమారు 40 శాతం వాటాను కలిగి ఉన్నాయని వివరించారు. ఇలాంటి దేశాలను ఒకే వేదికపైకి తీసుకురావడం చిన్న విషయం కాదన్నారు.‘ప్రపంచ వేదికపై భారత్‌ దౌత్య బలం’బ్రిక్స్‌ సదస్సుకు పలువురు దేశాధినేతలు, ప్రభుత్వాధినేతలు హాజరవుతుండటం భారత్‌కు ప్రతిష్టాత్మక విషయమని థరూర్‌ అన్నారు. ఇది ప్రపంచ వేదికపై భారత్‌ ‘డిప్లొమాటిక్‌ కన్వీనింగ్‌ పవర్‌’ను చూపిస్తుందని పేర్కొన్నారు. అయితే బ్రిక్స్‌లో అన్నీ సానుకూల అంశాలే లేవని కూడా స్పష్టం చేశారు.ఇదీ సవాల్‌.. ఏకాభిప్రాయం కష్టమే!విభిన్న దేశాలు, విభిన్న ప్రయోజనాలు ఉన్నందున కీలక అంతర్జాతీయ అంశాలపై ఏకాభిప్రాయం సాధించడం బ్రిక్స్‌లో పెద్ద సవాలని థరూర్‌ అన్నారు. మేలో జరిగిన బ్రిక్స్‌ విదేశాంగ మంత్రుల సమావేశంలో ఇరాన్‌-యూఏఈ మధ్య విభేదాల కారణంగా ఉమ్మడి ప్రకటన వెలువడలేదని గుర్తుచేశారు. దీంతో భారత్‌ చైర్‌ ప్రకటనతో సరిపెట్టుకోవాల్సి వచ్చింది. తాజా సదస్సులోనూ అలాంటి పరిస్థితి వస్తే అది బ్రిక్స్‌ ఐక్యతపై ప్రశ్నలు లేవనెత్తే అవకాశం ఉందన్నారు.చిదంబరం ఏమన్నారు?ఇటీవల చిదంబరం మాట్లాడుతూ.. గత రెండు, మూడు బ్రిక్స్‌ సదస్సుల నుంచి భారత్‌కు వచ్చిన స్పష్టమైన ప్రయోజనాలు తనకు కనిపించలేదన్నారు. బ్రిక్స్‌తో పాటు ఎస్‌సీఓ, జీ20, క్వాడ్‌లో భారత్‌ సభ్యుడిగా ఉన్నప్పటికీ.. వాటి నుంచి దేశానికి వస్తున్న స్పష్టమైన ప్రయోజనం ఏమిటని ప్రశ్నించారు.వాణిజ్య లోటుపైనా థరూర్‌ ఆందోళనమరోవైపు బ్రిక్స్‌ దేశాలతో భారత్‌ వాణిజ్యం పెరుగుతున్నప్పటికీ.. అది పూర్తిగా భారత్‌కు అనుకూలంగా లేదని థరూర్‌ అభిప్రాయపడ్డారు. బ్రిక్స్‌ దేశాలకు భారత్‌ ఎగుమతులు తగ్గుతుండగా.. దిగుమతులు పెరుగుతున్నాయని, ఇది ఆందోళన కలిగించే అంశమని చెప్పారు. అంటే బ్రిక్స్‌ వేదిక భారత్‌కు దౌత్యపరంగా ప్రాధాన్యమైనదే అయినప్పటికీ.. వాణిజ్యపరంగా మరింత సమతుల్యత సాధించాల్సిన అవసరం ఉందన్నది థరూర్‌ వ్యాఖ్యల సారాంశం.ఇదీ చదవండి: పార్టీ కంటే పిల్లనిచ్చిన మామే ఎక్కువయ్యాడా?

సాక్షి, తాడేపల్లి: డీఎస్సీ స్కామ్‌పై సీబీఐ విచారణ జరగాలి.. విద్యాశాఖ మంత్రి నారాలోకేశ్‌ రాజీనామా చేయాలి అనే డిమాండ్లను వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ మోహన్‌రెడ్డి వినిపించారు. గురువారం పార్టీ కేంద్ర కార్యాలయంలో ప్రెస్‌మీట్‌ నిర్వహించిన ఆయన.. స్కామ్‌కు సంబంధించిన మరిన్ని వివరాలు బయటపెట్టారు.డీఎస్సీ అక్రమాలు స్పష్టంగా కనిస్తున్నాయి. అర్హత లేని వారికి ఎవరు చెబితే పోస్టులు ఇచ్చారు?. టెట్‌ అర్హత లేకుండా పోస్టులు ఇచ్చామని ఒప్పుకున్నారు. స్పోర్ట్‌ సర్టిఫికెట్లు నిఖార్సయినవి కావని చెప్పలేకపోయారు. జూడో పోటీల్లో దొంగ సర్టిఫికెట్లు ఇచ్చినట్లు ఒప్పుకున్నారు. లంచాలు తీసుకుని స్పోర్ట్స్‌ కోటా ఉద్యోగాలు అమ్ముకున్నారు. ఏడుసార్లు సర్టిఫికెట్ల వెరిఫికేషన్‌ అనేది కూడా బోగస్సే. అసలు ఏ పరీక్ష లేకుండా ఉద్యోగాలివ్వడమే పెద్ద స్కాం....ఏపీపీఎస్సీలోనూ పరీక్ష లేకుండా ఉద్యోగాలు ఇవ్వాలని చూశారు. దొడ్డిదారిన జీవో నెంబర్‌ 4 తేవాలని చూశారు. మా హయాంలో క్లియరెన్స్‌ పొందిన 814 పోస్టుల్లో.. పరీక్ష లేకుండా 40 పోస్టులు ఇవ్వాలని చూశారు. డీఎస్సీ స్కాం బయటకు రావడంతో ఆగిపోయారుచంద్రబాబు, లోకేశ్‌లు వ్యవస్థలపై నమ్మకం లేకుండా చేస్తున్నారు. ఆయన దగ్గర పని చేసే అధికారులు నిష్పక్షపాతంగా విచారణ చేయగలరా?. అందుకే సీబీఐ విచారణ కోరుతున్నాం. నిరుద్యోగ యువత కోసం కోర్టులోనూ పోరాడుతున్నాం అని వైఎస్‌ జగన్‌ స్పష్టం చేశారు. కాయలున్న చెట్టుకే రాళ్లదెబ్బలు తగులుతాయి అంటూ డీఎస్సీ వ్యవహారంపై నారా లోకేశ్‌ చేసిన వ్యాఖ్యపైనా వైఎస్‌ జగన్‌ స్పందించారు. లోకేశ్‌, ఆయన తండ్రి చంద్రబాబు చెప్పే సమాధానాలు కూడా అబద్ధాల రూపంలోనే ఉంటున్నాయని ఎద్దేవా చేశారు. డీఎస్సీ స్కామ్‌పై ఇంతరాద్ధాంతం జరుగుతుంటే.. బీజేపీ, జనసేన మౌనంగా ఉండడంపై వైఎస్‌ జగన్‌ స్పందించారు. జగన్‌ అడిగే అంశం సరైందే అయినప్పుడు నోరు మెదపాల్సిన అవసరం అన్ని పార్టీలకు ఉంటుందని అన్నారు. బీజేపీ, జనసేన స్పందించకపోవడంపై వాళ్లనే అడగాలని మీడియాకు సూచించారు. ఇలాంటి చంద్రబాబుకు సపోర్ట్‌ చేస్తున్నందుకు.. ఇలాంటి వ్యవస్థను బలపరుస్తూ తప్పుచేసుకున్నందుకు వాళ్లు సిగ్గుపడాలని వైఎస్‌ జగన్‌ అన్నారు.

పశ్చిమ బెంగాల్‌ రాజకీయాల్లో ఆసక్తికర పరిణామం చోటుచేసుకుంది. ఎన్నికల్లో దారుణ ఓటమి.. దశాబ్దాల తర్వాత బీజేపీ అధికారంలోకి రావడం.. టీఎంసీలో చీలిక.. ఇలా వరుస ఎదురుదెబ్బలతో మమతా బెనర్జీ రాజకీయంగా ఇబ్బందికర పరిస్థితుల్లో ఉన్నారని అంతా భావిస్తున్న వేళ.. ఆమెకు అనూహ్యంగా మరో అవకాశం తలుపుతట్టింది. అసెంబ్లీ ఉప ఎన్నికలు ఇప్పుడు బెంగాల్‌లో కొత్త సస్పెన్స్‌కు తెరతీశాయి. రెండు స్థానాల్లో ఏదైనా ఒకదాని నుంచి దీదీ బరిలోకి దిగి.. మళ్లీ అసెంబ్లీలో అడుగుపెడతారా? అన్నదే ఇప్పుడు ఆసక్తికరంగా మారింది.మమతా బెనర్జీ అసెంబ్లీలో ఉంటే బీజేపీ, ఇతర ప్రతిపక్షాలను నేరుగా ఎదుర్కోవడంతోపాటు ప్రజా సమస్యలను మరింత బలంగా ప్రస్తావించే అవకాశం ఉంటుందని టీఎంసీ వర్గాలు భావిస్తున్నాయి. అందుకే ఆమెను నందిగ్రామ్‌ లేదంటే రిజినగర్‌ నుంచి పోటీ చేయించాలనే ఆలోచన పార్టీలో మొదలైనట్లు తెలుస్తోంది. బీజేపీ రాష్ట్రంలో బలపడటం, టీఎంసీలో చీలికలు–ఫిరాయింపులు చోటుచేసుకుంటున్న నేపథ్యంలో మమత స్వయంగా అసెంబ్లీలోకి రావడం పార్టీకి రాజకీయంగా కీలకమని కొందరు నేతలు అభిప్రాయపడుతున్నారు. అయితే..2026 అసెంబ్లీ ఎన్నికల్లో రెండు స్థానాల నుంచి గెలిచిన సువేందు అధికారి, హుమాయున్‌ కబీర్‌ చెరో స్థానానికి రాజీనామా చేయడంతో నందిగ్రామ్‌, రిజినగర్‌ అసెంబ్లీ సీట్లు ఖాళీ అయ్యాయి. దీంతో ఈ రెండు స్థానాలకు అక్టోబర్‌ 6న ఉప ఎన్నికలు జరగనున్నాయి. ఈ రెండు స్థానాల్లో నందిగ్రామ్‌ మమతకు కొంత అనుకూలమైన ఎంపికగా కనిపిస్తోంది. 2021 ఎన్నికల్లో ఇక్కడ సువేందు అధికారి చేతిలో మమత 1,956 ఓట్ల తేడాతో ఓడిపోయారు. తాజాగా జరిగిన ఎన్నికల్లోనూ సువేందు అధికారి టీఎంసీ అభ్యర్థిపై 9,665 ఓట్ల మెజారిటీ సాధించారు. అయినప్పటికీ మమత స్వయంగా బరిలోకి దిగితే పోటీ స్వరూపం మారే అవకాశం ఉందనే అంచనాలు ఉన్నాయి. మరోవైపు ముర్షిదాబాద్‌ జిల్లాలోని రిజినగర్‌లో ముస్లిం ఓటర్లు సుమారు 65 శాతం ఉన్నారు. ఈ సామాజిక సమీకరణం మమతకు అనుకూలంగా మారొచ్చని విశ్లేషణలు వినిపిస్తున్నాయి. అయితే ఈ ప్రాంతంలో కాంగ్రెస్‌కు ఉన్న పాత రాజకీయ బలం దృష్ట్యా రెండు స్థానాల్లోనూ కాంగ్రెస్‌తో పొత్తు పెట్టుకోవాలని టీఎంసీలోని కొందరు నేతలు సూచిస్తున్నారు.ఈసీ షెడ్యూల్‌ ప్రకారం బుధవారం (సెప్టెంబర్‌ 9) ఉప ఎన్నికల నోటిఫికేషన్‌ వెలువడింది. నామినేషన్ల దాఖలుకు సెప్టెంబర్‌ 16 చివరి తేదీ కాగా.. సెప్టెంబర్‌ 17న నామినేషన్ల పరిశీలన (స్క్రూటినీ) జరుగుతుంది. సెప్టెంబర్‌ 19 వరకు అభ్యర్థులు తమ నామినేషన్లను ఉపసంహరించుకోవచ్చు. అక్టోబర్‌ 6న నందిగ్రామ్‌, రిజినగర్‌ నియోజకవర్గాల్లో పోలింగ్‌ నిర్వహించనున్నారు. అక్టోబర్‌ 9న ఓట్ల లెక్కింపు చేపట్టి ఫలితాలను వెల్లడిస్తారు.మరో సస్పెన్స్‌!ఇదిలా ఉండగా, ఉప ఎన్నికల్లో టీఎంసీకి అసలైన గుర్తు(గడ్డి కాడపై రెండు పూలు) దక్కుతుందా? అన్నది మరో కీలక ప్రశ్నగా మారింది. పార్టీ నుంచి విడిపోయిన రితబ్రత బెనర్జీ వర్గం తామే అసలైన టీఎంసీ అని ఇప్పటికే కోర్టుకెక్కింది. అటు ఎన్నికల సంఘంలోనూ అభ్యర్థన దాఖలు చేసుకుంది. అంతేకాదు ఆ రెండు స్థానాల్లోనూ తమ అభ్యర్థులు పోటీ చేస్తారని, పార్టీ గుర్తు తమకే వస్తుందని ఆ వర్గం నేతలు చెబుతున్నారు. అయితే మమతా బెనర్జీ ప్రజల్లోనే ఉన్నారని, ఆమె తరఫున అభ్యర్థి తప్పకుండా పోటీ చేస్తారని టీఎంసీ నేత కునాల్‌ ఘోష్‌ స్పష్టం చేశారు. మరోవైపు బీజేపీ కూడా రెండు స్థానాల్లో పోటీకి సిద్ధమవుతోంది. మమత రెండు చోట్ల పోటీ చేసినా మరోసారి ఓడించేందుకు తాము సిద్ధంగా ఉన్నామని బీజేపీ నేత సజల్‌ ఘోష్‌ వ్యాఖ్యానించారు. దీంతో ఉప ఎన్నికలు కేవలం రెండు స్థానాల పోరుగా కాకుండా.. మమతా బెనర్జీ రాజకీయంగా మళ్లీ అసెంబ్లీలోకి వస్తారా? టీఎంసీపై ఆమె పట్టు ఎంతవరకు ఉంది? పార్టీ గుర్తు ఎవరికి దక్కుతుంది? అనే మూడు కీలక ప్రశ్నలకు సమాధానం చెప్పే ఎన్నికలుగా మారే అవకాశం కనిపిస్తోంది.ఇదీ చదవండి: పేరుతోనే అసలు విషయం చెప్పేసిన విజయ్‌

న్యూఢిల్లీ: నీట్ లీకేజీ ఆందోళనల్లో వర్షంలో పోలీస్ వ్యాన్‌ను అరచేతితో అడ్డుకుని రాత్రికి రాత్రే సోషల్ మీడియాలో ట్రెండింగ్‌గా మారిన రియా అహిర్, ఇటీవల ‘బిగ్ బాస్ 20’షోలోకి అడుగుపెట్టలేకపోవడం చర్చాంశనీయంగా మారింది. షో నిర్వాహకులు రియా అహిర్, పంజాబీ నటి లవ్ గిల్ మధ్య నిర్వహించిన ఆడియన్స్ పోలింగ్‌లో లవ్ గిల్ విజయం సాధించడంతో రియా అవకాశాన్ని కోల్పోయారు.హీరో, విలన్ కొట్టుకుని కమెడియన్‌ను చంపేసినట్లు.. ఒకవైపు పూనావాలా, రాహుల్ గాంధీల మధ్య రాజకీయం నడుస్తుంటే, ఈ గొడవలో బిగ్ బాస్ ఛాన్స్ మిస్సయ్యి రియా అహిర్ బలైపోయారనే చర్చ ఇప్పుడు సోషల్ మీడియాలో నడుస్తోందిఈ పరిణామంపై మాజీ బీజేపీ నేత, రాజకీయ విశ్లేషకుడు షెహజాద్ పూనావాలా స్పందిస్తూ ఓ వీడియో విడుదల చేశారు. ఆందోళనల ద్వారా రియా వైరల్ కావడం యాదృచ్ఛికం కాదని, దాని వెనుక పెద్ద రాజకీయ కుట్ర ఉందంటూ తీవ్ర ఆరోపణలు చేశారు. రాహుల్ గాంధీ, రాజ్ థాకరే వంటి నేతల మద్దతుతో మోదీ వ్యతిరేక ఎజెండాను బిగ్ బాస్ హౌస్‌లోకి తీసుకెళ్లాలని ఆమె ప్లాన్ చేశారు. అయితే, 99 ఎన్నికల్లో ఓడిపోయి కాంగ్రెస్‌కు విజయం అందించలేని రాహుల్ గాంధీ మీకు ఆన్‌లైన్ మద్దతు ఎలా ఇవ్వగలరు?’ అని పూనావాలా ఎద్దేవా చేశారు.పూనావాలా విమర్శలపై రియా అహిర్ రెండు వీడియోల ద్వారా ఘాటుగా స్పందించారు. పూనావాలాను ‘అంకుల్’ అని సంబోధిస్తూ, తన వ్యక్తిగత విషయాల్లో జోక్యం చేసుకోవద్దని హితవు పలికారు. చిన్న వయసున్న అమ్మాయిలను టార్గెట్ చేయడం మాని, తన ఈడువారితో రాజకీయాలు చేయాలని సవాల్ విసిరారు. తనపై వస్తున్న ఆరోపణలన్నీ కొందరు ఇన్‌ఫ్లుయెన్సర్లు వాడే పాత, డొల్ల స్క్రిప్ట్ లాంటివేనని ఎద్దేవా చేశారు.తాను భారత సైన్యాన్ని కానీ, ఏ ఇతర వ్యవస్థను కానీ ఎప్పుడూ అవమానించలేదని స్పష్టం చేశారు. బిగ్ బాస్ లాంటి ఎంటర్‌టైన్‌మెంట్ షోలలోకి రాజకీయాలు, మతాలను లాగడం సరైనది కాదని హితవు పలికారు. ప్రస్తుతం ఈ పొలిటికల్, ఎంటర్‌టైన్‌మెంట్ వార్ నెట్టింట వైరల్ అవుతోంది.👉ఇదీ చదవండి : మోదీ వీరాభిమాని ఆస్తులెంతో తెలుసా?

ఇండియా కూటమి మిత్రపక్షాల మధ్య విభేదాలు మరోసారి బయటపడ్డాయి. ఇంతకాలం ఎన్నికలు.. సీట్ల పంపిణీ కారణం కాగా.. ఈసారి కాంగ్రెస్‌–నేషనల్‌ కాన్ఫరెన్స్‌ మధ్య మరో కారణం మాటల యుద్ధానికి దారి తీసింది. ఇదే అదనుగా బీజేపీ రంగంలోకి దిగి కాంగ్రెస్‌పై తీవ్ర విమర్శలు గుప్పించింది. ‘వందేమాతరం’ చుట్టూ మొదలైన వివాదం.. ఇప్పుడు కూటమి మిత్రపక్షాల మధ్య రాజకీయ పోరుగా మారింది.జమ్మూకశ్మీర్‌లోని శ్రీనగర్‌లో సోమవారం జరిగిన తొలి అంతర్జాతీయ ఫిల్మ్‌ ఫెస్టివల్‌ ప్రారంభోత్సవంలో జాతీయ గీతం ‘జనగణమన’కు ముందు ‘వందేమాతరం’ పూర్తి రూపాన్ని ఆలపించారు. ముఖ్యమంత్రి ఒమర్‌ అబ్దుల్లా, నేషనల్‌ కాన్ఫరెన్స్‌ (ఎన్‌సీ) అధ్యక్షుడు ఫరూక్‌ అబ్దుల్లా సహా పలువురు నేతలు మొత్తం గీతం పూర్తయ్యే వరకు గౌరవంగా నిలబడ్డారు. ఈ పరిణామంపై కాంగ్రెస్‌ అభ్యంతరం వ్యక్తం చేయడంతో వివాదం రాజుకుంది. కాంగ్రెస్‌–ఎన్‌సీ రెండూ ఇండియా కూటమిలో భాగస్వాములే కావడంతో ఈ అంశం రాజకీయంగా ప్రాధాన్యం సంతరించుకుంది.‘పూర్తి గీతం మా వైఖరికి విరుద్ధం’శ్రీనగర్‌ కార్యక్రమానికి సంబంధించిన వీడియోను కాంగ్రెస్‌ ప్రధాన కార్యదర్శి కేసీ వేణుగోపాల్‌ ‘ఎక్స్‌’లో షేర్‌ చేశారు. ‘వందేమాతరం’ పూర్తి రూపం స్వాతంత్య్ర సమరయోధులు కోరుకున్నదానికి అనుగుణంగా లేదని వ్యాఖ్యానించారు. కాంగ్రెస్‌ 1937లో ఆమోదించిన రూపాన్నే పాటించాలని, మిత్రపక్షాలు కూడా ఆ నిర్ణయాన్ని గౌరవించాలని కోరారు. మహాత్మా గాంధీ, జవహర్‌లాల్‌ నెహ్రూ, సర్దార్‌ పటేల్‌, సుభాష్‌ చంద్రబోస్‌, మౌలానా ఆజాద్‌ తదితర స్వాతంత్య్ర సమరయోధుల అభిప్రాయాలను గౌరవించాల్సిన అవసరం ఉందని వేణుగోపాల్‌ పేర్కొన్నారు. మతపరమైన విభేదాలకు తావులేకుండా ఉండేందుకే కాంగ్రెస్‌ రెండు చరణాల రూపాన్ని అనుసరిస్తోందని ఆయన గుర్తు చేశారు. అయితే దీనికి ఎన్‌సీ ఘాటుగా స్పందించింది.అంతమాత్రాన ఆదేశిస్తారా?కేసీ వేణుగోపాల్‌ ట్వీట్‌కు ఎన్‌సీ నేత బషీర్‌ అహ్మద్‌ బదులిచ్చారు. మిత్రపక్షంగా ఉన్న తమను ఏం పాడాలి, ఎంతవరకు పాడాలి అని కాంగ్రెస్‌ నిర్దేశించలేదని స్పష్టం చేశారు. ‘‘ఆయనకు తన అభిప్రాయాన్ని ‘ఎక్స్‌’లో వెల్లడించే హక్కు ఉంది. అయితే దాన్ని మిత్రపక్షాలపై విధించలేరు. ప్రజలపై ఏదైనా విషయాన్ని బలవంతంగా రుద్దడాన్ని మేం వ్యతిరేకిస్తాం అని స్పష్టం చేశారు.‘నాగ్‌పూర్‌ ఆదేశాలు పాటించొద్దు’ఎన్‌సీ స్పందనతో కాంగ్రెస్‌ కూడా వెనక్కి తగ్గలేదు. ఒమర్‌ అబ్దుల్లా, ఫరూక్‌ అబ్దుల్లాలు ఇండియా కూటమిలో భాగస్వాములని గుర్తుచేసిన కాంగ్రెస్‌ నేతలు.. కూటమి నిర్ణయాన్ని గౌరవించాలని కోరారు. నాగ్‌పూర్‌ అంటే ఆర్‌ఎస్‌ఎస్‌ నిర్ణయాలను అనుసరించవద్దంటూ ఎన్‌సీ నేతలపై విమర్శలు చేశారు.కాంగ్రెస్‌పై బీజేపీ ఎదురుదాడిఈ వివాదాన్ని బీజేపీ కూడా అందిపుచ్చుకుంది. పూర్తి ‘వందేమాతరం’పై కాంగ్రెస్‌ అభ్యంతరం వ్యక్తం చేయడాన్ని తీవ్రంగా తప్పుబట్టింది. కాంగ్రెస్‌ వైఖరి ఆ పార్టీని 21వ శతాబ్దపు ‘ముస్లిం లీగ్‌’గా మార్చిందని బీజేపీ ఎంపీ, అధికార ప్రతినిధి సుధాంశు త్రివేది విమర్శించారు. కాంగ్రెస్‌ ఈ అంశంలో పూర్తిగా ఒంటరిగా మిగిలిపోయిందని ఆయన అన్నారు. మరో బీజేపీ నేత ఆర్‌ఎస్‌ పఠానియా కూడా కాంగ్రెస్‌పై మండిపడ్డారు. కశ్మీర్‌లో వేర్పాటువాదులు సైతం ‘వందేమాతరం’పై అభ్యంతరం వ్యక్తం చేయలేదని వ్యాఖ్యానించారు.కూటమిలో కొత్త రగడ?ఒకే కూటమిలో ఉన్న కాంగ్రెస్‌, నేషనల్‌ కాన్ఫరెన్స్‌ ‘వందేమాతరం’ విషయంలో భిన్న వైఖరులు తీసుకోవడం ఇండియా కూటమి అంతర్గత విభేదాలను మరోసారి బయటపెట్టింది. శ్రీనగర్‌ ఫిల్మ్‌ ఫెస్టివల్‌లో చోటుచేసుకున్న ఈ పరిణామం.. ఇప్పుడు జాతీయ స్థాయిలో రాజకీయ దుమారం రేపుతోంది.రెండు చరణాలకే కాంగ్రెస్‌ కట్టుబాటు‘వందేమాతరం’ విషయంలో కాంగ్రెస్‌ ఇప్పటికే తన వైఖరిని స్పష్టం చేసింది. 1937లో కాంగ్రెస్‌ వర్కింగ్‌ కమిటీ తీసుకున్న నిర్ణయం ప్రకారం పార్టీ కార్యక్రమాల్లో రెండు చరణాల రూపాన్నే ఆలపించాలని గత నెలలో సీడబ్ల్యూసీ నిర్ణయించింది. పూర్తి గీతం విషయంలో బీజేపీ విమర్శలు పెరగడంతో ఈ నిర్ణయం మరింత రాజకీయ ప్రాధాన్యం సంతరించుకుంది.మరోవైపు కేంద్రం కొత్త మార్గదర్శకాల ప్రకారం ప్రభుత్వ కార్యక్రమాలు, పాఠశాలలు, అధికారిక వేడుకల్లో పూర్తి ‘వందేమాతరం’ను ఆలపించే అంశం తెరపైకి వచ్చింది. ఈ నేపథ్యంలో కాంగ్రెస్‌ తన 1937 నాటి నిర్ణయానికే కట్టుబడి ఉండగా.. అదే ఇండియా కూటమిలోని ఎన్‌సీ నేతలు శ్రీనగర్‌లో పూర్తి గీతానికి నిలబడటం చర్చనీయాంశంగా మారింది.ఇదీ చదవండి: సర్‌ప్రైజ్‌!! బీజేపీకి అంత డబ్బు ఎక్కడి నుంచి వచ్చింది?

న్యూఢిల్లీ: ఇటీవల జరిగిన నాలుగు రాష్ట్రాలు, కేంద్రపాలిత ప్రాంత అసెంబ్లీ ఎన్నికల సమయంలో బీజేపీ కేంద్ర కార్యాలయానికి మొత్తం రూ.1,472.8 కోట్ల నిధులు అందాయి. ఎన్నికల అనంతరం పార్టీ ముగింపు నిల్వ రూ.7,627.2 కోట్లకు చేరింది. మార్చి 15, 2026న ఉన్న రూ.6,722.6 కోట్లతో పోలిస్తే ఇది రూ.904.6 కోట్ల పెరుగుదల. ఈ వివరాలను బీజేపీ.. ఎన్నికల సంఘానికి సమర్పించిన ఎన్నికల వ్యయ, నిధుల నివేదికలో వెల్లడించింది.రూ.160 కోట్ల ఎన్నికల వ్యయంఅస్సాం, తమిళనాడు, పుదుచ్చేరి అసెంబ్లీ ఎన్నికల్లో బీజేపీ కేంద్ర కార్యాలయంతో పాటు ఆయా రాష్ట్ర, జిల్లా విభాగాలను కలిపి మొత్తం రూ.160 కోట్లు ఖర్చు చేసింది. ఇందులో అస్సాంలో రూ.96.3 కోట్లు, తమిళనాడులో రూ.51.6 కోట్లు, పుదుచ్చేరిలో రూ.11.9 కోట్లు వ్యయమయ్యాయి. ఈ ఎన్నికల్లో సాధారణ ప్రచారానికి పార్టీ సుమారు రూ.130.4 కోట్లు ఖర్చు చేసింది. పశ్చిమ బెంగాల్, కేరళ ఎన్నికలకు సంబంధించిన వ్యయ వివరాలను మాత్రం ఎన్నికల సంఘం ఇంకా బహిర్గతం చేయలేదు.అస్సాంలో అధిక వ్యయంఅస్సాంలో బీజేపీ సాధారణ ఎన్నికల ప్రచారానికి రూ.76.7 కోట్లు ఖర్చు చేసింది. ఇందులో కేంద్ర పార్టీ విభాగం రూ.23.1 కోట్లు, అభ్యర్థులపై రూ.19.5 కోట్లు వ్యయం చేసినట్లు వివరాలు వెల్లడిస్తున్నాయి. స్టార్‌ క్యాంపెయినర్ల ప్రయాణాలకు రూ.27.3 కోట్లు, ప్రకటనలకు రూ.37 కోట్లు, ప్రచార సామగ్రికి రూ.8.9 కోట్లు, రాష్ట్ర విభాగం ఇతర ఖర్చులకు రూ.2.3 కోట్లు ఖర్చయ్యాయి. అభ్యర్థులకు మొత్తం రూ.19.4 కోట్లు చెల్లించగా, వారి నేర చరిత్ర ప్రచురణకు రూ.16.7 లక్షలు వెచ్చించారు.తమిళనాడులో రూ.51.6 కోట్లుతమిళనాడులో బీజేపీ మొత్తం రూ.51.6 కోట్లు ఖర్చు చేసింది. సాధారణ ఎన్నికల ప్రచారానికి రూ.44.5 కోట్లు, అభ్యర్థులపై సుమారు రూ.7 కోట్లు వ్యయమయ్యాయి. పుదుచ్చేరిలో మొత్తం ఎన్నికల వ్యయం రూ.11.9 కోట్లుగా నమోదైంది. ఇదిలా ఉండగా ఇదే అసెంబ్లీ ఎన్నికలకు కాంగ్రెస్‌ గతంలో సమర్పించిన వ్యయ వివరాల్లో మొత్తం రూ.248.6 కోట్లు ఖర్చు చేసినట్లు పేర్కొంది.ఇది కూడా చదవండి: ముగ్గురు సన్నిహితులకు ట్రంప్‌ భారీ నజరానా!

వడోదర: ప్రత్యేక సరుకు రవాణా కారిడార్‌ విషయంలో విమర్శలు చేస్తున్న ప్రతిపక్షాలపై ప్రధాని నరేంద్ర మోదీ వ్యంగ్యా్రస్తాలు విసిరారు. అభివృద్ధి కళ్ల ముందు కనిపిస్తున్నా చూడలేక విమర్శకులు నిత్యం అసంతృప్తి చెందుతూ అలిగిన మామ(నారాజ్‌ ఫుఫా) లాగా ఫిర్యాదులు చేస్తూ, లేనిపోని సమస్యలను సృష్టిస్తారని అన్నారు. అలాగే ప్రభుత్వంపై కాంగ్రెస్‌ అగ్రనేత రాహుల్‌ గాంధీ సాగిస్తున్న ప్రచారాన్ని తిప్పికొట్టారు. రాహుల్‌ నిర్వహిస్తున్న ఛాత్రోంకీ గూంజ్‌(విద్యార్థుల ప్రతిధ్వని) సభలను ఝూట్‌ కీ గూంజ్‌(అబద్ధాల ప్రతిధ్వని)గా కొట్టిపారేశారు. మోదీ మంగళవారం గుజరాత్‌లో పర్యటించారు. వడోదరలో ‘నమో ఫర్‌ వికసిత్‌ భారత్‌’కార్యక్రమంలో పాల్గొన్నారు. రూ.35,000 కోట్ల విలువైన ప్రాజెక్టులు ప్రారంభించారు. మరికొన్నింటికి శంకుస్థాపన చేశారు. నవీ ముంబై, ఉత్తరప్రదేశ్‌లోని దాద్రీని అనుసంధానించే వెస్ట్రన్‌ డెడికేటెడ్‌ ఫ్రైట్‌ కారిడార్‌లోని మూడు కీలక సెక్షన్లను లాంఛనంగా ప్రారంభించారు. ఈ ప్రాజెక్ట్‌ విజయవంతంగా పూర్తి కావడం పట్ల హర్షం వ్యక్తంచేశారు. ప్రభుత్వం వేగంగా పనిచేయడం వల్లే ఇది సాధ్యమైందని తెలిపారు. గతంలో యూపీఏ ప్రభుత్వ హయాంలో అభివృద్ధి పనులు నత్తనడకలా సాగేవని ఆక్షేపించారు. మోదీ ఇంకా ఏం మాట్లాడారంటే.. తప్పులు వెతకడమే వారి పని ‘‘తప్పులు వెతకడమే ప్రతిపక్షాల పనిగా మారింది. కొత్తగా ప్రారంభించిన ఫ్రైట్‌ కారిడార్‌ వంటి ప్రధాన మౌలిక సదుపాయాల ప్రాజెక్టుల్లోనూ ఎల్లప్పుడూ తప్పులు వెతుకుతారు. ముంబై ఓడరేవు నుంచి వడోదరకు ఇటీవల డబుల్‌–స్టాక్‌ కంటైనర్‌ సరుకు రవాణా రైలును నడిపించాం. దీనివల్ల ఒకే ప్రయాణంలో 250కి పైగా ట్రక్కులకు సమానమైన సరుకును ఆ రెండు నగరాల మధ్య రవాణా చేయగలిగాం. ఇప్పుడు నారాజ్‌ ఫుఫాజీ (అలిగిన మామగారు) నోటికి పని చెబుతారు. డబుల్‌–స్టాక్‌ కంటైనర్‌ రైళ్లు వస్తే ట్రక్‌ డ్రైవర్ల పరిస్థితి ఏంటి? ట్రక్కులు ఎక్కడికి వెళ్తాయి? ప్రజలు కొనుగోలు చేసిన ట్రక్కుల మాటేంటి? అని ప్రశ్నిస్తారు. విమర్శలు చేయడానికి ఫుఫాజీకి ఇప్పుడు కొత్త విషయం దొరికింది. రవాణా కారిడార్‌పైనా వారికి సందేహాలు వస్తాయి. దేశ పురోగతికి వ్యతిరేకంగా విమర్శలు చేయడానికి ప్రతిపక్ష పార్టీలు ఎంతవరకైనా వెళ్తాయి. ప్రభుత్వాన్ని తప్పు పట్టడానికి వారికి ఏదో ఒక సాకు కావాలి. ప్రతిపక్షాలు విసిరే వలకు చిక్కొద్దు కాంగ్రెస్‌ నేతృత్వంలోని యూపీఏ సర్కార్‌తో పోలిస్తే ఎన్డీయే పదేళ్ల పాలనలో ఆధునీకరణ వేగంగా జరిగింది. 2014 తర్వాత 50,000 ఆధునిక రైలు బోగీలను నిర్మించాం. గత ప్రభుత్వం పదేళ్లలో కనీసం 50,000 మరుగుదొడ్లను కూడా నిర్మించలేకపోయింది. రాజకీయ ప్రసంగాల కంటే వాస్తవికతకే యువత ప్రాధాన్యం ఇవ్వాలి. ప్రతిపక్షాలు విసిరే వలకు చిక్కొద్దు. రాజకీయ తప్పుదారి పట్టించే చర్యలకు గురికావొద్దు. అబద్ధాలతో అడుగడుగునా తప్పుదోవ పట్టించేవారు కనిపిస్తారు. అందుకే అప్రమత్తంగా ఉండాలి. నేటి యువత సత్యం వైపే నిలబడుతుంది. సౌర, పవన, జల, అణు శక్తి వంటి రంగాల్లో ప్రభుత్వం ఎంతటి చిత్తశుద్ధితో పనిచేస్తోందో యువతకు తెలుసు’’ అని మోదీ అన్నారు.ఉచితంగా ఆన్‌లైన్‌ కోచింగ్‌ ‘‘దేశంలో లక్షలాది మంది యువత పోటీ పరీక్షలకు సన్నద్ధమవుతున్నారు. ప్రతి ఏటా మన కుటుంబాల ఆదాయంలో చాలాభాగం కోచింగ్‌ల కోసమే ఖర్చవుతోంది. అందుకే పోటీ పరీక్షలకు హాజరయ్యే విద్యార్థులకు ఉచితంగా ఆన్‌లైన్‌ కోచింగ్‌ అందించడానికి ప్రభుత్వం కృషి చేస్తోంది. ఈ శిక్షణా కార్యక్రమాన్ని ప్రభుత్వమే స్వయంగా పర్యవేక్షిస్తోంది. పేద, మధ్యతరగతి కుటుంబాలపై ఆర్థిక భారాన్ని తగ్గించడమే మా లక్ష్యం’’ అని మోదీ స్పష్టం చేశారు. ‘నమో కమలం’ ప్రారంభం దక్షిణ గుజరాత్‌లోని నవసారి పట్టణంలో బీజేపీ నూతన కార్యాలయం ‘నమో కమలం’ను ప్రధాని మోదీ ప్రారంభించారు. అధికార పార్టీకి ఉన్న అధికారం, పదవులు, సంస్థాగత బలం పూర్తిగా ప్రజాసేవ కోసమేనని ఈ సందర్భంగా ఆయన తేల్చిచెప్పారు. బీజేపీలో సాధారణ క్షేత్రస్థాయి కార్యకర్త కూడా ఎప్పుడూ అధికార మదంతో విర్రవీగలేదని అన్నారు. తమ కార్యకర్తలు ప్రజాసేవకు కట్టుబడి ఉన్నారని వెల్లడించారు. తమ దృష్టిలో అధికారం కేవలం సేవాభావం కోసమేనని తెలిపారు.

లక్నో (ఉత్తరప్రదేశ్‌): సమాజ్‌వాదీ పార్టీ తన విద్యార్థి విభాగమైన సమాజ్‌వాదీ పార్టీ ఛాత్ర సభ దుస్తుల విధానాన్ని మార్చింది. ఇంతవరకు ఉన్న సంప్రదాయ ఎరుపు రంగుకు బదులుగా నీలిరంగు జీన్స్‌, నీలిరంగు టీషర్టులను కొత్త దుస్తులుగా నిర్ణయించింది.దళిత ఓటర్లు, యువతకు చేరువ కావాలనే ప్రయత్నంలో ఈ మార్పు చేసినట్లు తెలుస్తోంది. 2027 ఉత్తర్‌ప్రదేశ్‌ అసెంబ్లీ ఎన్నికలకు సన్నాహాలు జరుగుతున్న సమయంలో ఈ నిర్ణయం తీసుకున్నారు. మంగళవారం లక్నోలో జరుగుతున్న ఛాత్ర సభ సదస్సులో కొత్త దుస్తుల విధానం కనిపించింది. పార్టీ పదాధికారులు, కార్యకర్తలు కొత్త నీలిరంగు దుస్తులతో హాజరయ్యారు.ఈ మార్పును కేవలం సంస్థాగత నిర్ణయంగా కాకుండా దళిత యువతలో పార్టీకి ఆదరణ పెంచే రాజకీయ వ్యూహంగా కూడా చూస్తున్నారు. ఉత్తరప్రదేశ్‌ రాజకీయాల్లో రంగులకు సుదీర్ఘకాలంగా రాజకీయ ప్రాధాన్యం ఉంది. నీలిరంగు దళిత రాజకీయాలు, బీఆర్‌ అంబేడ్కర్‌ సిద్ధాంతంతో ముడిపడి ఉంది. సమాజ్‌వాదీ పార్టీ సంప్రదాయంగా ఎరుపు, ఆకుపచ్చ రంగులతో గుర్తింపు పొందింది.ఇది రాజకీయ సందేశం! ఈ నేపథ్యంలో విద్యార్థి విభాగానికి నీలిరంగును ప్రధాన రంగుగా మార్చడం రాజకీయ సందేశాన్ని ఇస్తున్న చర్యగా భావిస్తున్నారు. సమాజ్‌వాదీ పార్టీ తన సంప్రదాయ యాదవ్‌-ముస్లిం మద్దతు వర్గాలకు మించి దళిత ఓటర్లను చేరుకునేందుకు ప్రయత్నిస్తున్న సమయంలో ఈ నిర్ణయం తీసుకుంది.పార్టీ ప్రతిపాదించిన పీడీఏ అంటే వెనుకబడిన వర్గాలు, దళితులు, మైనారిటీల సమీకరణ సూత్రానికి 2024 లోక్‌సభ ఎన్నికల్లోనూ రాజకీయ ప్రాధాన్యం లభించింది. రాబోయే ఎన్నికలకు సన్నాహాలు జరుగుతున్న సమయంలో, యువ ఓటర్లను సమీకరించే ప్రయత్నాలు సాగుతున్న వేళ ఈ దుస్తుల మార్పు సమయానికి కూడా రాజకీయ ప్రాధాన్యం ఉందని భావిస్తున్నారు.ఉత్తర్‌ప్రదేశ్‌లో అసెంబ్లీ ఎన్నికలు 2027లో జరగనున్నాయి. ప్రధానంగా భారతీయ జనతా పార్టీ, సమాజ్‌వాదీ పార్టీ మధ్య పోటీ ఉంటుందని భావిస్తున్నారు. ప్రస్తుత ఉత్తర్‌ప్రదేశ్‌ అసెంబ్లీలో 403 మంది ఎన్నికైన సభ్యులు ఉన్నారు. వీరిలో 258 మంది భారతీయ జనతా పార్టీకి, 107 మంది సమాజ్‌వాదీ పార్టీకి, 13 మంది అప్నా దళ్‌కు చెందినవారు. సమాజ్‌వాదీ పార్టీతో పొత్తులో ఉన్న కాంగ్రెస్‌ ఉత్తర్‌ప్రదేశ్‌లో తిరిగి పుంజుకోవాలని చూస్తోంది. 2027 ఎన్నికల్లో విజయం సాధించడంపై దృష్టి పెట్టింది.

సాక్షి, హైదరాబాద్‌: రాష్ట్ర రాజకీయాలు వేడెక్కుతున్న వేళ తెలంగాణ శాసనసభ, మండలి వర్షాకాల సమావేశాలు సోమవారం నుంచి ప్రారంభం కానున్నాయి. సమావేశాలు కేవలం బిల్లులు, ప్రశ్నోత్తరాలకే పరిమితం కాకుండా వెయ్యి రోజుల కాంగ్రెస్‌ పాలనపై అధికార–ప్రతిపక్షాల మధ్య హోరాహోరీకి వేదికగా మారే అవకాశముంది. ఒకవైపు ప్రభుత్వం తన సంక్షేమ పథకాలు, అభివృద్ధి కార్యక్రమాలు, పెట్టుబడులు, సాగునీటి ప్రాజెక్టులు, నియోజకవర్గాల అభివృద్ధిని ముందుకు తెచ్చేందుకు సిద్ధమవుతుండగా.. మరోవైపు బీఆర్‌ఎస్, బీజేపీలు ప్రజా సమస్యలు, ఎన్నికల హామీలు, రైతులు, విద్యార్థులు, నిరుద్యోగులు, ఫీజు బకాయిలు, భూ వివాదాలు, జలవనరుల అంశాలతో సర్కారును ఇరుకున పెట్టేందుకు సిద్ధమవుతున్నాయి. అసెంబ్లీ సమావేశాలు ఎన్ని రోజులు నిర్వహించాలన్నది తొలిరోజు స్పీకర్‌ అధ్యక్షతన జరిగే బీఏసీ భేటీలో ఖరారు కానుంది. నాలుగైదు పనిదినాలకే సమావేశాలు పరిమితమయ్యే అవకాశముంది. కాంగ్రెస్‌ అ్రస్తాలేంటి? అధికార కాంగ్రెస్‌ ప్రతిపక్షంపై, ప్రధానంగా ప్రతిపక్ష నాయకుడు సభకు హాజరుకాకపోవడంపై ఇప్పటికే ఆందోళన కార్యక్రమాలను నిర్వహించడమేకాక.. ఆయన రాజీనామా చేయాలంటూ డిమాండ్‌ చేస్తోంది. తమ వెయ్యిరోజుల పాలన, బీఆర్‌ఎస్‌ పదేళ్ల పాలనపై గణాంకాలతో చర్చించడానికి సిద్ధమని సవాల్‌ విసురుతోంది. బీఆర్‌ఎస్‌ హయాంలో అన్ని వ్యవస్థలు నాశనమయ్యాయని, వాటిని చక్కదిద్దుతున్నామని ఎదురుదాడి చేస్తోంది. మరోవైపు కాంగ్రెస్‌ ప్రభుత్వం వెయ్యి రోజుల పాలన వైఫల్యాల పేరిట బీఆర్‌ఎస్, బీజేపీలు రాష్ట్రవ్యాప్తంగా ఆందోళనలు నిర్వహిస్తున్నాయి. విపక్షాల అ్రస్తాలివీ... కాంగ్రెస్‌ వెయ్యి రోజుల పాలనను కేంద్రంగా చేసుకుని బీఆర్‌ఎస్, బీజేపీలు ఇప్పటికే చార్జిïÙట్‌ను విడుదల చేశాయి. రేవంత్‌ ప్రభుత్వం ఎన్నికల హామీల అమలు, రైతు రుణమాఫీ, ఎరువుల కొరత, రుణమాఫీ పూర్తిస్థాయిలో అమలుపై బీఆర్‌ఎస్‌ ఇప్పటికే క్షేత్ర స్థాయిలో నిలదీస్తోంది. ఉద్యోగాల భర్తీ, ఫీజు రీయింబర్స్‌మెంట్‌ బకాయిలు, సంక్షేమ పథకాలు, సాగునీరు, కృష్ణా–గోదావరి జలాల అంశాలను ఆ పార్టీ ప్రధానంగా ప్రస్తావిస్తోంది. అసెంబ్లీ వేదికగా వీటిపై ప్రభుత్వాన్ని నిలదీయాలని బీఆర్‌ఎస్‌ వ్యూహం సిద్ధం చేసుకుంది. బీజేపీ కూడా 22ఏ జీవో, ఫీజు రీయింబర్స్‌మెంట్, రైతుల సమస్యలను ప్రధాన ఎజెండాగా తీసుకుంది. తాజాగా ఫీజు రీయింబర్స్‌మెంట్‌ బకాయిలపై బీజేపీ రాష్ట్ర అధ్యక్షుడి నిరసన, అరెస్టు నేపథ్యంలో ఈ అంశం సభలో మరింత వేడెక్కే అవకాశం ఉంది. పాలిటెక్నిక్‌ విద్యార్థుల సమస్యలు, కల్యాణలక్ష్మి నిధుల విడుదలలో జాప్యం, ఇందిరమ్మ ఇళ్ల బిల్లులు, యూరియా కొరత, రైతుల ఇబ్బందులు కూడా అసెంబ్లీలో ప్రశ్నోత్తరాలు, జీరో అవర్‌తోపాటు వివిధ రూపాల్లో ప్రస్తావనకు వచ్చే అవకాశముంది. ఏయే బిల్లులంటే... ప్రభుత్వం ప్రతిష్టాత్మకంగా భావిస్తున్న కోర్‌ అర్బన్‌ రీజియన్‌ (క్యూర్‌) బిల్లు ఈ సమావేశాల్లో కీలకంగా మారనుంది. ఔటర్‌ రింగ్‌ రోడ్డు పరిధిలోని పట్టణ ప్రాంతాల పాలనను సమగ్రంగా మార్చే ఉద్దేశంతో ఈ బిల్లును తేనున్నారు. అయితే ఆస్తి పన్ను, భూములు–భవనాల విలువ నిర్ధారణ వంటి అంశాలపై ఇప్పటికే అభ్యంతరాలు వ్యక్తమయ్యాయి. మరోవైపు హేట్‌ స్పీచ్, హేట్‌ క్రైమ్స్‌ నిరోధక బిల్లు కూడా చర్చకు రావచ్చు. అలాగే, చట్టసభల ఎన్నికల్లో పోటీ చేసే కనీస వయసును 25 నుంచి 21 ఏళ్లకు తగ్గించాలని కేంద్రాన్ని కోరుతూ అసెంబ్లీలో తీర్మానం చేసే అవకాశముంది. 22ఏపై ప్రతిపక్షాలు చేస్తున్న ఆరోపణలను తిప్పికొట్టేలా పూర్తి వివరాలతో అధికారపక్షం సన్నద్ధం అవుతున్నట్లు సమాచారం.

సాక్షి, హైదరాబాద్‌: రాష్ట్ర ప్రభుత్వం నిషేధిత 22ఏ జాబితాలో చేర్చిన భూములపై వెంటనే ఫోరెన్సిక్‌ ఆడిట్‌ నిర్వహించి, అధికారుల ప్రమేయంతో జరిగిన మార్పులపై శ్వేతపత్రం విడుదల చేయాలని బీజేపీ శాసనసభా పక్ష నేత ఏలేటి మహేశ్వర్‌ రెడ్డి డిమాండ్‌ చేశారు. కాంగ్రెస్‌ ప్రభుత్వం ప్రజాదరణ కోల్పోయి అవినీతికి, భూమాఫియాకు అడ్డాగా మారిందని ఆరోపించారు. కోట్లాది రూపాయల ప్రైవేట్, ప్రభుత్వ భూములను ఉద్దేశపూర్వకంగా 22ఏ జాబితాలో పెట్టి, రెవెన్యూ శాఖను వ్యాపార సంస్థగా మార్చేశారని మండిపడ్డారు. తన కుటుంబ సంస్థల పేరిట ఉన్న రూ. 15 వేల కోట్ల ఆస్తులపై తన ప్రశ్నలకు బదులు ఇవ్వలేక పారిపోయిన రెవెన్యూ మంత్రి పొంగులేటి శ్రీనివాస్‌ రెడ్డి వెంటనే తన పదవికి రాజీనామా చేయాలని డిమాండ్‌ చేశారు. శనివారం ఇందిరాపార్క్‌ ధర్నాచౌక్‌ వద్ద... భూభారతి– 22ఏ ద్వారా రైతుల భూములను అక్రమంగా నిషేధిత జాబితాలో చేర్చడాన్ని నిరసిస్తూ ‘భూభారతి, 22ఏపై మహాధర్నా’ను బీజేపీ రాష్ట్ర అధ్యక్షుడు ఎన్‌.రాంచందర్‌రావు ప్రారంభించారు. ఏలేటి, ఎంపీ ఈటల రాజేందర్, ఇతరనేతలు ఒకరోజు దీక్ష నిర్వహించారు. ఈ సందర్భంగా మహేశ్వర్‌ రెడ్డి మాట్లాడుతూ రేవంత్‌ రెడ్డి అధికారంలోకి వచ్చాక భూ భారతి పేరుతో గతంలోని దోపిడీ, అవినీతి కొనసాగుతోందని ఆరోపించారు. రాష్ట్రంలో కోటి ఎకరాలను 22ఏలో పెట్టి దోచుకుంటున్నారని ధ్వజమెత్తారు.అధికార కాంగ్రెస్‌ పార్టీ ఆధ్వర్యంలో సిగ్గు లేకుండా మంత్రులే ఆదివారం ధర్నా చౌక్‌లో ధర్నా చేస్తామంటున్నారని ఎద్దేవాచేశారు. బీజేపీ రెండురోజుల ధర్నాకు పరి్మషన్‌ ఇవ్వకుండా ఆదివారం ఇందిరా పార్క్‌ వద్ద కాంగ్రెస్‌ పిక్నిక్, దావత్‌ చేసుకుంటుందని విమర్శించారు. రాష్ట్రంలోని భూదందాలతోపాటు గత ప్రభుత్వంలో జరిగిన ధరణి, కాళేశ్వరం, ఫార్ములా ఈ–రేసింగ్, ఫోన్‌ ట్యాపింగ్‌ తదితర కుంభకోణాలపై సమగ్ర విచారణకు వెంటనే సీబీఐకి లేఖ రాయాలని ప్రభుత్వాన్ని డిమాండ్‌ చేశారు. సర్కార్‌ను దింపే దాకా విశ్రమించంప్రజల ఉసురు పోసుకుంటున్న రేవంత్‌ సర్కార్‌ను గద్దె దింపేవరకు విశ్రమించేది లేద ని శపథం చేస్తున్నామని ఎంపీ ఈటల రాజేందర్‌ చెప్పారు. ‘రేవంత్‌ నీకు కేసీఆర్‌ కంటే దుర్మార్గమైన గతి పడుతుంది. రాహుల్, సోనియా గాంధీలకు రేవంత్‌ నెలకు 400 కోట్లు పంపిస్తున్నారు’అని ఆరోపించారు. 22ఏ సమస్యతో నష్టపోయిన ఒక బాధిత రైతు చేతుల మీదుగా నిమ్మరసం తాగి మహేశ్వర్‌ రెడ్డి, ఈటల తమ దీక్షను విరమించారు. కార్యక్రమంలో మాజీ గవర్నర్‌ బండారు దత్తాత్రేయ, ఎంపీలు డా.కె.లక్ష్మణ్, డీకే అరుణ, కొండా విశ్వేశ్వర్‌రెడ్డి, రఘునందన్‌రావు, గోడం నగేష్, ఎమ్మెల్యేలు పాయల్‌శంకర్, కాటిపల్లి వెంకటరమణారెడ్డి, పైడి రాకేష్‌ రెడ్డి, రామారావు పటేల్‌ తదితరులు పాల్గొన్నారు. ఆర్‌ఆర్‌ రియల్‌ ఎస్టేట్‌గా...: కేంద్రమంత్రి కిషన్‌రెడ్డి తెలంగాణను రేవంత్‌ రెడ్డి, రాహుల్‌ గాంధీ ప్రైవేట్‌ లిమిటెడ్‌ రియల్‌ ఎస్టేట్‌ కంపెనీ’గా (ఆర్‌ఆర్‌ రియల్‌ ఎస్టేట్‌)గా మార్చేశారని కేంద్ర మంత్రి జి. కిషన్‌రెడ్డి ఎద్దేవా చేశారు. 22ఏ జాబితా, భూముల అమ్మకాలు, ప్రైవేట్‌ సెటిల్మెంట్ల ద్వారా దోచుకున్న వేలకోట్లు ఢిల్లీకి కప్పం కడుతున్నారన్నారు. 22ఏ కింద నిషేధిత జాబితాలో చేర్చిన రైతులు, ప్రజల భూములను బేషరతుగా తొలగించాలని డిమాండ్‌చేశారు. బీజేపీ అధ్యక్షుడు రాంచందర్‌ రావు మాట్లాడుతూ... రైతుల భూములను 22ఏ నిషేధిత జాబితాలో చేర్చడం మానవ హక్కుల ఉల్లంఘనే అని అన్నారు. ఈ జాబితా పేరుతో ప్రజలు, ముఖ్యంగా మధ్యతరగతి కుటుంబాలను రైతులను ప్రభుత్వం తీవ్ర ఇబ్బందులకు గురిచేస్తోందన్నారు. తప్పు జరిగిందని సీఎం, మంత్రులే స్వయంగా ఒప్పుకుంటున్నప్పుడు అందుకు బాధ్యులైన ప్రభుత్వానికి శిక్ష పడాల్సిందేనన్నారు.

న్యూఢిల్లీ: ప్రధానమంత్రి నరేంద్ర మోదీ మరోసారి జెన్‌ జీని ఆకట్టుకునేలా ప్రసంగించారు. శ్రీరామ్‌ కాలేజ్‌ ఆఫ్‌ కామర్స్‌ (ఎస్‌ఆర్‌సీసీ) శతాబ్ది వేడుకల్లో శనివారం మోదీ పాల్గొని మాట్లాడారు. “ధురంధర్‌ కాకపోయినా, ధూమ్‌ మాత్రం మచాయీ హై” అని అన్నారు. ప్రతి రంగంలోనూ ఎస్‌ఆర్‌సీసీ పూర్వ విద్యార్థులు తమకంటూ ప్రత్యేక గుర్తింపు తెచ్చుకున్నారని చెప్పారు.“ఎస్‌ఆర్‌సీసీ పూర్వ విద్యార్థులు కూడా చాలా ప్రత్యేకమైనవారు. మీ భాషలో చెప్పాలంటే, ఇక్కడి పూర్వ విద్యార్థులు ఒరిజినల్‌ గ్యాంగ్‌ సభ్యులు. వారు ఎస్‌ఆర్‌సీసీ పేరును ప్రపంచవ్యాప్తంగా చాటారు. వివిధ రంగాల్లో తమకంటూ ప్రత్యేక గుర్తింపు తెచ్చుకున్నారు. మన అరుణ్‌ జైట్లీ జీ ఇక్కడ చదువుకున్నారు. ఆయనతో జరిగిన సమావేశాల్లో బహుశా ఎస్‌ఆర్‌సీసీ రోజులకు సంబంధించిన ఒక సంఘటనను చెప్పని సమావేశం ఉండేది కాదు. కొన్నిసార్లు నాకు విసుగు వచ్చేది. ఎందుకంటే ఆయన అదే సంఘటనను పదేపదే చెప్పేవారు. ఇప్పటికీ నా బృందంలో ఉన్న సంజీవ్‌ సన్యాల్‌ ఎస్‌ఆర్‌సీసీ పూర్వ విద్యార్థే. ఇక్కడ చదువుకున్న మరెంతో మంది సహచరులు మనతో ఉన్నారు. ఎస్‌ఆర్‌సీసీ నుంచి ఆర్థిక రంగానికి చెందినవారు మాత్రమే వచ్చినట్లు కాదు. కళాకారుల నుంచి రాజకీయ నాయకులు, న్యాయవాదులు, న్యాయమూర్తుల వరకు ప్రతి రంగానికి చెందినవారు ఇక్కడి నుంచి వెలుగులోకి వచ్చారు. గత కొన్ని రోజులుగా ఈ కార్యక్రమం గురించి విస్తృతంగా చర్చ జరిగింది. ముఖ్యంగా నా 2013 ప్రసంగం గురించి మాట్లాడుకున్నారు. ప్రజలు దానిని గుర్తు చేసుకున్నారు, మళ్లీ విన్నారు, మళ్లీ చదివారు. కొత్త తరానికి చెందినవారు కూడా దానిని మరోసారి చూసి ఉండవచ్చు. ఒక విధంగా చెప్పాలంటే, ఆ ప్రసంగం ఒక అలను సృష్టించింది. ఒక అల ఉప్పొంగి వెళ్లింది. ఇప్పటికీ, 13-14 ఏళ్ల తర్వాత కూడా, ఆ సమావేశం, ఆ ప్రసంగం ప్రభావం కొనసాగుతోంది” అని అన్నారు.2013లో అలా ఉండేది.. మీకు తెలియదుగతంలోని విషయాలను నరేంద్ర మోదీ చెప్పారు. “2013లో మీ సీనియర్లు ఇక్కడ కూర్చున్నారు. ఆ సమయంలో నేను ముఖ్యమంత్రిగా ఉన్నాను. అయితే దేశంలోని ప్రధాన ప్రతిపక్ష పార్టీలో సభ్యుడిగా కూడా ఉన్నాను. అప్పటి కేంద్ర ప్రభుత్వంపై సుదీర్ఘంగా, తీవ్రంగా దాడి చేస్తానని, ఆరోపణల వర్షం కురిపిస్తానని బహుశా ప్రజలు ఆశించి ఉంటారు. కానీ నేను ప్రతిపక్షంలో ఉన్నప్పటికీ, అప్పటి ప్రభుత్వాన్ని విమర్శించినప్పటికీ, ఆ వేదికను ఆ ఉద్దేశం కోసం ఉపయోగించలేదు. ఒక దార్శనికతను వివరించాను. సానుకూలంగా మాట్లాడాను. అప్పుడు నేను చెప్పినదంతా నా నమ్మకం. ఆ ఆలోచనలు, కలలను నేను ఎప్పుడూ ఆచరణలో పెట్టాను. ఆ మార్గంలోనే కొనసాగాను. దేశానికి నా సంపూర్ణ అంకితభావాన్ని కొనసాగించాను. దేశం కోసం జీవించాలనే తపనను కలిగి ఉన్నాను. ఆ సమయంలో మీలో చాలామంది పాఠశాలలో ఉండి ఉండవచ్చు. కానీ ఈ రోజు మీరు ఇంటర్నెట్‌లోకి వెళ్లి 2013లో, ఆ కాలానికి సమీపంలోని రోజుల్లో వచ్చిన వార్తలను చదివితే, అప్పటి పరిస్థితి ఎలా ఉండేదో మీకు అర్థమవుతుంది” అని అన్నారు.పాకిస్థాన్‌ ఏదైనా దుస్సాహసానికి పాల్పడితే.. ఉగ్రవాదాన్ని వ్యాప్తి చేస్తున్నవారు ఇప్పుడు వెనుకడుగు వేస్తున్నారని మోదీ అన్నారు. ‘‘పాకిస్థాన్‌ ఏదైనా దుస్సాహసానికి పాల్పడితే, భారత సాయుధ దళాలు వారి భూభాగంలోకి ప్రవేశించి దాడి చేస్తున్నాయి. జమ్మూకశ్మీర్‌ నుంచి ఈశాన్య రాష్ట్రాల వరకు శాంతి పెరిగింది. మావోయిస్టు ఉగ్రవాదం, నక్సలిజం వెన్ను విరిచాం. ఒకప్పుడు భారత విధాన స్తబ్ధత గురించి ఆందోళన చెందిన ప్రపంచం.. ఈ రోజు భారత విధాన చైతన్యం గురించి మాట్లాడుతోంది” అని అన్నారు.

సినీనటి, బీజేపీ ఎంపీ కంగనా రనౌత్‌ పండుగలు, ప్రత్యేక సందర్భాల్లో తన ఇంటికి సంబంధించిన ఫొటోలు, వీడియోలను పంచుకుంటారు. జన్మాష్టమి సందర్భంగా కంగనా ఆన్‌లైన్‌లో ఓ వీడియోను పోస్ట్‌ చేశారు. తాను మనాలీలోని తన ఇంట్లో ఉన్నానని, పండుగ సందర్భంగా ప్రత్యేక భోగ్‌ తయారు చేస్తున్నానని ఆ వీడియోలో వెల్లడించారు. ఈ వీడియో ఆన్‌లైన్‌లో వైరల్‌ అయింది. దీనిపై ఎక్స్‌లో ఓ వ్యక్తి స్పందిస్తూ.. కంగనా వంట చేస్తున్న పాత్ర నల్లగా ఉన్నప్పటికీ, ఆమె గ్యాస్‌ వెలిగించలేదని వ్యాఖ్యానించారు. దీనిని గమనించిన కంగనా వెంటనే ఆ వ్యక్తికి కామెంట్‌లోనే ఘాటుగా సమాధానం ఇచ్చారు.కంగనా ఏమన్నారు?కంగనా వంట చేస్తున్న పాత్ర అప్పటికే నల్లగా ఉన్నప్పటికీ, గ్యాస్‌ స్టవ్‌ వెలిగించడం మర్చిపోయారని ఎక్స్‌లో ఓ వ్యక్తి వ్యాఖ్యానించారు. దీనికి కంగనా స్పందిస్తూ.. “ఇది హల్వా కాదు, భోగ్‌. ఇందులో చాలా పదార్థాలను విడివిడిగా తయారు చేసి, ఈ దశలో అన్నింటినీ కలుపుతారు. ఆ తర్వాత దాన్ని సెట్‌ చేసి ముక్కలుగా కోస్తారు. తల్లిదండ్రులకు, ఈ గ్రహానికి భారంగా ఉన్న వ్యక్తుల నుంచి వంట నైపుణ్యాలను ఆశించలేం. మీరు తినడంపైనే దృష్టి పెట్టండి. వంట గురించి ఆందోళన చెందాల్సిన అవసరం లేదు” అని పేర్కొన్నారు. Gas तो जला लो टंगना ड्रामेबाज़ 😁ओर कड़ाई देखो कितना काला है 😂🤣🤣 pic.twitter.com/OOWzM7lvjs— Queen 👸 (@Queen510619151) September 4, 2026కంగనా ఇటీవల చేసిన వ్యాఖ్యలు వైరల్‌కంగనా ఇటీవల ఏసిన వ‍్యాఖ్యలు కొంతమంది యువ హిందూ మహిళలు బాధ్యత లేకుండా స్వేచ్ఛను ప్రదర్శిస్తున్నారని కంగనా వ్యాఖ్యానించారు. వారిని ‘జనరేషన్‌ గట్టర్‌’ అని పేర్కొనడం వివాదానికి దారితీసింది. ఈ వ్యాఖ్యలపై యోగా గురువు స్వామి రామ్‌దేవ్‌ విమర్శలు చేశారు. ఇది ‘చెడిపోయిన మనస్తత్వానికి’ నిదర్శనమని ఆయన వ్యాఖ్యానించినట్లు సమాచారం. దీనిని కంగనా తీవ్రంగా తప్పుబట్టారు. తనపై ఉన్న ఎస్సీ కేసును గమనించాలని రామ్‌దేవ్‌కు సూచించారు.రాఖీ సందర్భంగా వీరిద్దరి మధ్య బహిరంగ వివాదం ముగిసింది. ఇన్‌స్టాగ్రామ్‌ స్టోరీస్‌లో కంగనా రామ్‌దేవ్‌ విలేకరులతో మాట్లాడుతున్న వీడియోను పంచుకున్నారు. తనతో ఉన్న వివాదాన్ని ముగించి, దాన్ని సంభాషణగా మార్చుకోవాలని కోరుకుంటున్నట్లు రామ్‌దేవ్‌ అందులో చెప్పారు. రాఖీ సందర్భంగా తనకు వద్ద ఓ బహుమతి ఉందని, శుభదినాన ఫోన్‌ చేసి శుభాకాంక్షలు చెబుతానని కూడా ఆయన తెలిపారు.కంగనా పోస్ట్‌ చేస్తూ.. “పండుగ రోజు.. తప్పులు, పొరపాట్లన్నింటినీ క్షమించేందుకు ఉద్దేశించినది. నా సోదరుడు బాబా రామ్‌దేవ్‌ జీ వివాదం కాదు, సంభాషణ ఉండాలని చెప్పడం చాలా మంచిగా అనిపించింది” అని చెప్పారు. ఆమె రామ్‌దేవ్‌ ఆప్యాయతను స్వీకరిస్తూ.. “ఈ రక్షాబంధన్‌ రోజున ఆయన పంపిన స్వీట్లు, పెద్ద సోదరుడి ప్రేమ రెండింటినీ స్వీకరిస్తున్నాను. చాలా ధన్యవాదాలు. భగవంతుడు మీకు దీర్ఘాయువు ప్రసాదించాలి” అని పేర్కొన్నారు.కంగనా గతంలో కృతి సనన్‌, ఆమె వైరల్‌ అయిన ప్రకటనపై కూడా విమర్శలు చేశారు. ఇన్‌స్టాగ్రామ్‌లో పోస్ట్‌ చేస్తూ.. “మహిళగా ఉండటానికి ఇది అద్భుతమైన సమయం. మన అలమారాల్లో అనేక రకాల దుస్తులు ఉన్నాయి. నేటి మహిళ ప్రపంచ మహిళ. కాక్‌టెయిల్‌ డ్రెస్‌ల నుంచి లెహంగా చోళీల వరకు, జీన్స్‌ నుంచి చీరల వరకు, బికినీల నుంచి సల్వార్‌ కమీజ్‌ వరకు.. ఈ రోజు మనకు అందుబాటులో ఉన్న ఇన్ని ఆప్షన్లలో మీ సోదరుడికి బికినీ లేదా లోదుస్తులతో రాఖీ ఎందుకు కట్టాలి? మీకు ఉన్న అన్ని స్టైలింగ్‌ ఆప్షన్లు ఏమయ్యాయి? హా హా.. ఆ ప్రకటన ఉద్దేశపూర్వకంగానే అసహజంగా కనిపిస్తోంది” అని విమర్శించారు.

హైదరాబాద్‌: ఇటీవల మంత్రి వర్గం నుంచి బర్తరఫ్‌కు గురైన కొండా సురేఖ ఏ పార్టీలో చేరుతుంది అనే డైలమా కొనసాగుతున్న తరుణంలోనే అటు బీఆర్‌ఎస్‌, ఇటు బీజేపీలు తమ స్వరం పెంచాయి. కొండా సురేఖ ఏ రాజకీయ పార్టీలో చేరతారు అనే దానిపై ఇంకా స్పష్టత రాకుండానే బీఆర్‌ఎస్‌, బీజేపీలు నేరుగానే దాడి ప్రారంభించాయి. కొండా సురేఖను తమ పార్టీలోకి ఆహ్వానించే ప్రసక్తే లేదని, తెలంగాణ భవన్‌ గేట్‌ను కూడా ఆమె తాకలేరని మాజీ మంత్రి, బీఆర్‌ఎస్‌ నేత జగదీశ్‌రెడ్డి ఇప్పటికే ప్రకటించగా, ఇప్పుడు బీజేపీ నుంచి కూడా దాదాపు అదే స్వరం వినిస్తుంది. కొండా సురేఖ తమ పార్టీలోకి కూడా వద్దంటూ బీజేపీ సీనియర్‌ నేత మురళీధర్‌రావు తేల్చిచెప్పేశారు. కొండా సురేఖ బర్తరఫ్‌ అంశం తర్వాత బీజేపీలోకి చేరుతుందంటూ జరుగుతున్న ప్రచారంపై ఆ పార్టీ సీనియర్‌ నేత మురళీదర్‌రావు సంచలన ట్వీట్‌ చేశారు. BJP అంటే BIN అనుకుంటున్నారా? అంటూ ‘ఎక్స్‌’ వేదికగా ధ్వజమెత్తారు. ఇతర పార్టీల నుంచి బహిష్కృతం అయిన నేతలను తీసుకునే రాజకీయ డంపింగ్ గ్రౌండ్‌గా బీజేపీ ఉండదంటూ మండిపడ్డారు. కాంగ్రెస్‌లో రాజకీయ సంక్షోభం కనిపిస్తున్న సమయంలోనే ప్రతి ఊహాగానానికి బీజేపీని లింక్ చేయడం ఎందుకు? అని ప్రశ్నించారు. బీజేపీని చర్చలోకి తీసుకురావడం ద్వారా కాంగ్రెస్‌లోని అంతర్గత సమస్యల నుంచి దృష్టి మళ్లించే ప్రయత్నమా? అనే అనుమానం కలుగుతుంది. కాంగ్రెస్ అంతర్గత సమస్యలు పరిష్కరించుకునే లోపే బీజేపీ పేరును తెరపైకి తెచ్చి రాజకీయ నరేటివ్‌ను ముందుగానే మార్చే ప్రయత్నం జరుగుతోందా?, తెలంగాణ బీజేపీ లక్ష్యం కేవలం ఇతర పార్టీల నుంచి వచ్చే అసంతృప్త నేతలకు ఆశ్రయం కల్పించడం కాదు.కాంగ్రెస్, బీఆర్‌ఎస్‌లకు విశ్వసనీయ సొంతంగా ప్రత్యామ్నాయంగా బీజేపీ ఎదగాలనుకుంటోంది. ఆ ప్రత్యామ్నాయ సంస్కృతి, వ్యక్తిత్వం, సిద్ధాంతం, రాజకీయ విధానాల్లో కనిపించాలి. బీజేపీకి కార్యకర్తల బలం, కేడర్‌ కమిట్‌మెంట్‌ కీలకం. పార్టీని కేవలం నేతల చేరికలతో బలోపేతం చేయడం కాదు. ప్రత్యేకమైన రాజకీయ ప్రత్యామ్నాయంగా నిలబెట్టడమే లక్ష్యం. అందుకే “BJP = BIN” అనే రాజకీయ నరేటివ్‌ను నమ్మొద్దు. ప్రస్తుతం వస్తున్న రాజకీయ ఊహాగానాల వెనుక ఇంకేదైనా రాజకీయ వ్యూహం ఉందా? అన్న కోణంలో కూడా చూడాలి. బీజేపీ ఒక ప్రత్యామ్నాయం.. మరో పార్టీకి పేరు మార్చిన రూపం కాదు’ అని స్పష్టం చేశారు.BJP is NOT a BIN.Why is the media so eager to drag BJP into every speculative political story—just when the Congress crisis appears to be unfolding?Is this an attempt to prematurely stop the game, divert the narrative, and help Congress nip its troubles in the bud?BJP…— P Muralidhar Rao (@PMuralidharRao) September 5, 2026 ఇవీ చదవండి: సురేఖ ఎపిసోడ్‌, కేబినెట్‌ విస్తరణపై మహేష్‌ గౌడ్‌ కీలక వ్యాఖ్యలు‘కొండా సురేఖను తెలంగాణ భవన్ గేటు కూడా తాకనివ్వం’

సాక్షి, హైదరాబాద్‌: గ్రాడ్యుయేట్‌ ఎమ్మెల్సీ స్థానానికి బీజేపీ రాష్ట్ర అధ్యక్షుడు ఎన్‌.రాంచందర్‌రావు పోటీ చేయనున్నారా? ఈ ప్రశ్నకు పార్టీ వర్గాల నుంచి అవుననే సమాధానం వస్తోంది. వచ్చే ఏడాది మొదట్లో ఉమ్మడి హైదరాబాద్‌–రంగారెడ్డి–మహబూబ్‌నగర్, ఉమ్మడి వరంగల్‌–నల్లగొండ–ఖమ్మం జిల్లాల పట్టభద్రుల ఎమ్మెల్సీ స్థానాలకు ఎన్నికలు జరగనున్నాయి. ఈ రెండు స్థానాలకు బీజేపీ జాతీయ ,రాష్ట్ర నాయకత్వాలు ప్రతిష్టాత్మకంగా తీసుకున్న విషయం తెలిసిందే. సెపె్టంబర్‌ నెలలోనే కేంద్రం ఎన్నికల సంఘం నుంచి ఓటరు నమోదుకు సంబంధించి నోటిఫికేషన్‌ వచ్చే అవకాశాలున్నాయి. దీంతో ప్రధాన పార్టీల్లో ఆశావహులు, నేతలు ఈ రెండు సీట్లలో పోటీ కోసం అప్పుడే ప్రయత్నాలు మొదలు పెట్టారు.కొత్త పట్టభద్ర ఓటర్లను చేర్చుకునే ప్రయత్నాలు మొదలు, మిగతా వారి వివరాలు, సమాచారం సేకరణ ఇలా ముందస్తు ప్రయత్నాల్లో నిమగ్నమయ్యారు. ఈ నేపథ్యంలో హైదరాబాద్‌ స్థానం నుంచి పార్టీ టికెట్‌ కోసం పోటీలో ఇప్పటికే 26 మంది గట్టి ప్రయత్నాల్లో నిమగ్నమయ్యారు. ఈసారి హైదరాబాద్‌ గ్రాడ్యుయేట్‌ నియోజకవర్గం నుంచి బీజేపీ గెలిచేందుకు అన్ని అవకాశాలున్నాయని జాతీయ నాయకత్వానికి సైతం నివేదిక చేరిందట. అదీగాకుండా గతంలోనూ హైదరాబాద్‌ పట్టభద్రుల స్థానం నుంచి రాంచందర్‌రావు గెలిచిన సంగతి తెలిసిందే.గత ఎన్నికల్లోనూ స్వల్ప ఓట్ల తేడాతో బీఆర్‌ఎస్‌ అభ్యర్థి వాణీదేవి చేతుల్లో ఓడిపోయారు. ప్రస్తుతం మారిన రాజకీయ వాతావరణం, గత పార్లమెంట్‌ ఎన్నికల్లో 8 ఎంపీలు, ఎమ్మెల్సీ ఎన్నికల్లో 2 సీట్లు, కరీంనగర్‌ కార్పొరేషన్‌ కైవసం, గతంతో పోలి్చతే పంచాయతీ, మున్సిపల్‌ ఎన్నికల్లో మెరుగైన ఫలితాలు ఇలా అన్ని అంశాలు అనుకూలంగా ఉన్నాయని పార్టీ నాయకత్వం భావిస్తోంది. హైదరాబాద్‌ ఎమ్మెల్సీ సీటు వచ్చే ఎన్నికల్లో బీజేపీ అభ్యర్థి గెలుపొందడం పక్కా అనే అభిప్రాయం పార్టీనేతల్లో వ్యక్తమవుతోంది.దీంతో రాంచందర్‌రావునే బరిలో నిలిపితే సరిపోతుందనే అభిప్రాయానికి బీజేపీ అగ్రనేతలు వచ్చినట్టుగా తెలుస్తోంది. వివిధ రాష్ట్రాల్లో పార్టీ అధ్యక్షులుగా చట్టసభల్లో ప్రతినిధులు (ఎంపీలు, ఎమ్మెల్యేలు, ఎమ్మెల్సీలు)కూడా ఉండడంతో ఇక్కడ కూడా రాంచందర్‌రావునే అభ్యర్ధిగా ఆ పార్టీ అధిష్టానం ఎంపిక చేయవచ్చనే అభిప్రాయం వినిపిస్తోంది. ఇప్పటికైతే తాను రేసులో లేనని, పోటీ చేయాలని జాతీయ నాయకత్వం ఆదేశిస్తే మాత్రం దానిని శిరసా వహించక తప్పని పరిస్థితి ఉంటుందని రాంచందర్‌రావు ‘సాక్షి’కి వెల్లడించారు.

సాక్షి, నల్లగొండ: తిప్పర్తిలో ఈ రోజు (శుక్రవారం) మూడు ప్రధాన పార్టీల కార్యకర్తల మధ్య జరిగిన గొడవ హింసాత్మకంగా మారింది. గంగన్నపాలెంలో కాంగ్రెస్, బీజేపీ, బీఆర్ఎస్ కార్యకర్తల మధ్య తీవ్ర ఘర్షణ నెలకొంది. ఈ నేపథ్యంలో ముగ్గురు కాంగ్రెస్‌ కార్యకర్తలు సతీష్, శ్రీకాంత్, నరేష్ కు కత్తిపోట్లకు గురయ్యారు. దీంతో వెంటనే వారిని ఆసుపత్రికి తరలించారు. వారిలో సతీష్ పరిస్థితి విషమంగా ఉన్నట్లు డాక్టర్లు తెలిపారు. కాగా ఒక చిన్న వివాదం నేపథ్యంలో తలెత్తిన వివాదం కాస్త ముదిరి తీవ్ర ఘర్షణకు దారి తీసినట్లు సమాచారం.

న్యూఢిల్లీ: ఆప్‌ చీఫ్‌ కేజ్రీవాల్, పంజాబ్‌ సీఎం భగవంత్‌ సింగ్‌ మాన్, ఆయన భార్య రూ.5 కోట్ల వరకు లంచాలు తీసుకుని రేప్‌ కేసుల సెటిల్మెంట్‌ దందాను నడుపుతున్నారని బీజేపీ ఆరోపించింది. సీఎం కార్యాలయం అక్రమ దందాకు నిలయంగా మారిందని పేర్కొంది. ఓ రేప్‌ కేసును కొట్టివేసేందుకు పంజాబ్‌ సీఎం మాన్‌ భార్య గుర్‌ప్రీత్‌ కౌర్‌ రూ.5 కోట్లు డిమాండ్‌ చేశారంటూ వచ్చిన ఆరోపణలపై జాతీయ మానవ హక్కుల కమిషన్‌(ఎన్‌హెచ్‌ఆర్‌సీ) ఆగస్ట్‌ 21వ తేదీన దర్యాప్తునకు ఆదేశించింది. ఈ నేపథ్యంలో గురువారం బీజేపీ జాతీయ ప్రధాన కార్యదర్శి ప్రదీప్‌ భండారి మీడియాతో మాట్లాడుతూ.. కేజ్రీవాల్, సీఎం మాన్, ఆయన భార్య కలిసి పంజాబ్‌ను ఆప్‌ లూట్‌ మోడల్‌గా మార్చారన్నారు. అక్రమ డీల్స్‌ కోసం సీఎం, ఆయన భార్య పంజాబ్‌ వ్యాప్తంగా దళారులను నియమించుకున్నారన్నారు. మీడియా భేటీలో భండారి ఓ ఆడియో రికార్డింగ్‌ను వినిపించారు. అందులో దళారీగా చెప్పుకుంటున్న ఓ వ్యక్తి కేజ్రీవాల్‌ను సూపర్‌ సీఎంగా పేర్కొనడం, సీఎం సాబ్‌కు కూడా ఈ విషయం చెప్పాం, ఆయన కూడా జోక్యం చేసుకుంటున్నారంటూ ఆ దళారీ, నిందితుడి బంధువుతో చెప్పడం కూడా అందులో ఉన్నాయి.

సాక్షి, హైదరాబాద్‌ : కాంగ్రెస్‌ వేయి రోజుల పాలనపై నిప్పులు చెరుగుతున్న ప్రతిపక్ష పార్టీలకు కొండా సురేఖ బర్తరఫ్‌ అంశం కొత్త అస్త్రాన్ని అందించింది. మరో మూడు రోజుల్లో అసెంబ్లీ సమావేశాలు ప్రారంభం కానున్న నేపథ్యంలో సభా వేదికగా రేవంత్‌ ప్రభుత్వాన్ని ఉక్కిరి బిక్కిరి చేసే అవకాశముంది. ఇన్నాళ్లూ ప్రభుత్వ వైఫల్యాలు, అవినీతి వంటి అంశాలపై రేవంత్‌ ప్రభుత్వంపై విమర్శలు చేస్తున్న ప్రతిపక్షం ఇకపై కాంగ్రెస్‌పై విమర్శల దాడికి మరింత పదును పెట్టే సూచనలు కనిపిస్తున్నాయి. సీఎం రేవంత్‌ రెడ్డి సోదరులు, మంత్రి పొంగులేటి శ్రీనివాస్‌ రెడ్డి, కొందరు కాంగ్రెస్‌ ముఖ్య నేతలు లక్ష్యంగా కొండా సురేఖ కూతురు చేసిన విమర్శలపై ప్రభుత్వాన్ని అసెంబ్లీ లోపలా, బయటా నిలదీసే అవకాశముంది. ఇన్నాళ్లూ కేబినెట్‌లో ఉన్న కొండా సురేఖ నుంచి వచ్చే ప్రతీ విమర్శ కాంగ్రెస్‌కు కొత్త తలనొప్పి సృష్టించే అవకాశాలు ఉన్నాయి. ప్రజల ముందుకు ప్రభుత్వ వైఫల్యాలుసురేఖ బర్తరఫ్‌ నేపథ్యంలో కాంగ్రెస్‌ అంతర్గత గొడవలను కూడా ప్రజాక్షేత్రంలో బీఆర్‌ఎస్‌ తీసుకెళ్లేందుకు వ్యూ­హ రచన చేస్తోంది. ఇన్నాళ్లు ప్రభుత్వంలో భాగంగా ఉన్న సురేఖ, ఆమె కు­టుంబ సభ్యులు చేసిన ఆరోపణలపై అ­సెంబ్లీ వేదికగా విచారణ కోసం బీఆర్‌ఎస్‌ పట్టు పట్టే అవకాశముంది. సీఎం సోదరుడికి రూ.200 కోట్ల విలువైన భూ కేటాయింపుపై సురేఖ కుమా­ర్తె సుస్మిత చేసిన ఆరోపణలపై ప్రభుత్వాన్ని నిలదీయనుంది. ఇన్నాళ్లూ మా­జీ మంత్రి కేసీఆర్, ఆయన కుటుంబ సభ్యులు లక్ష్యంగా విమర్శలు చేస్తూ వచ్చిన రేవంత్‌పై ఎదురుదాడికి దిగేందుకు సురేఖ, ఆమె కుమార్తె చేసిన విమర్శలను అ్రస్తాలుగా మలుచు­కునే అవకాశముంది. మరోవైపు బీజేపీ కూడా ప్రభుత్వాన్ని ఇరుకున పెట్టేందుకు ఈ అంశాన్ని ఉపయోగించుకుంటుందని పార్టీ వర్గాలు చెప్తున్నాయి. సురేఖ అడుగులు ఎటు?కొండా సురేఖ బర్తరఫ్‌ అంశాన్ని పార్టీ అంతర్గత వ్యవహారంగా పేర్కొంటూ విపక్షాల నుంచి వచ్చే ఆరోపణలు, విమర్శలను ఇప్పటికే కాంగ్రెస్‌ కొట్టిపారేస్తోంది. అయితే సీఎం, ఆయన సోదరులు లక్ష్యంగా వస్తున్న ఆరోపణలపై సొంత పార్టీ మంత్రులు, ఎమ్మెల్యేలు ఎంత మేర తిప్పికొడతారనే అంశంపై కాంగ్రెస్‌ శిబిరంలోనూ అనుమానాలు వ్యక్తమవుతున్నాయి. పార్టీలో మంత్రులు, ఎమ్మెల్యేలు ఎంత మేర స్వేచ్ఛగా ఉన్నారో అందరికీ తెలుసంటూ సురేఖ చేసిన వ్యాఖ్యలు దీనికి అద్దం పడుతున్నాయి. విపక్షాల నుంచి అసెంబ్లీ వేదికగా ఒత్తిడి వస్తే ప్రభుత్వం స్పందించని పక్షంలో ప్రజల్లోకి ఎలాంటి సంకేతాలు వెళ్తాయనే చర్చ కూడా జరుగుతోంది. సీఎంను తప్పుపడుతూ సురేఖ చేసిన వ్యాఖ్యలకు ఎంత మేర ప్రాధాన్యత ఇవ్వాలనే అంశంలోనూ కాంగ్రెస్‌లో ఇంకా స్పష్టత రావాల్సి ఉందని పార్టీ నేతలు చెప్తున్నారు. ఇదిలా ఉంటే సురేఖ వేసే భవిష్యత్తు రాజకీయ అడుగులపైనా ఉత్కంఠ నెలకొంది. కాంగ్రెస్‌లో కొనసాగుతూ అధిష్టానంతో రాజీ ధోరణితో వ్యవహరిస్తారా లేక సీఎం లక్ష్యంగా విమర్శలకు పదును పెడతారా అనే అంశంపై ఆసక్తి నెలకొంది. కాంగ్రెస్‌కు దూరమైతే గతంలో బీఆర్‌ఎస్‌తోనూ అనుబంధం ఉన్న సురేఖ భవిష్యత్తులో రాజకీయంగా ఏ పార్టీ దిశగా అడుగులు వేస్తారనే అంశంపైనా చర్చ జరుగుతోంది.

సాక్షి, హైదరాబాద్‌: కాంగ్రెస్‌ పార్టీ, ముఖ్యనేతలు మహిళా సాధికారత గురించి గొప్పగా చెబుతూ... మంత్రివర్గం నుంచి కొండా సురేఖ బర్తరఫ్‌ను చేశారంటూ బీజేపీ నేతలు ఘాటుగానే స్పందించారు. అయితే కొండా ఫ్యామిలీ బీజేపీవైపు వస్తుందా? వస్తే ఏం చేయాలి? చేర్చుకోవాలా వద్దా? అన్న దానిపై ఆచితూచి స్పందిస్తున్నారు. ఒకవేళ కొండా మురళి, సురేఖ, సుస్మిత బీజేపీలో చేరితే పార్టీకి ప్రయోజనమెంత? లాంటి అంశాలను విశ్లేషిస్తుతున్నారు. కేబినెట్‌ నుంచి సురేఖ ఉద్వాసనకు గురైన నేపథ్యంలో... కొండా ఫ్యామిలీ జాయినింగ్‌పై పార్టీ ముఖ్యనేతల్లో చర్చ జరిగినట్టు సమాచారం. మంత్రి పదవిని వదులుకున్నాక ఆమె బీజేపీ వైపు వస్తారా? రావాలనుకుంటే పార్టీలో ఎవరితో చర్చలు జరుపుతారు? పార్టీలో చేరతానంటే చేర్చుకుంటే మంచిదా? కాదా? అన్న రకరకాల చర్చలు బీజేపీలో సాగుతున్నాయి. వారి ముందున్న మార్గాలేంటి? రాష్ట్ర రాజకీయాల్లో కొండా ఫ్యామిలీ వ్యవహారశైలి, ఇప్పటివరకు చోటుచేసుకున్న పరిణామాలు తదితరాలు చర్చనీయాంశమైన పరిస్థితుల్లో ఆ కుటుంబం ఎదుట ఉన్న మార్గాలేంటనే చర్చ రాజకీయ వర్గాల్లో సాగుతోంది. కొండా ఫ్యామిలీ జనసేనలో చేరేందుకు కూడా ప్రయత్నాలు సాగిస్తున్నట్టు ప్రచారాలు సాగుతున్నాయి. కొన్నిరోజుల క్రితం శంషాబాద్‌ ఎయిర్‌పోర్ట్‌లో కొండాసురేఖ, బీజేపీ చీఫ్‌ రాంచందర్‌రావు ఎదురుపడినపుడు మర్యాదపూర్వకంగా పలకరించుకున్న విషయం తెలిసిందే. ఆ తర్వాత కేంద్రమంత్రి కిషన్‌రెడ్డి మీడియాతో మాట్లాడుతూ.. సురేఖ రాజీనామా చేశాక అప్పుడు ఆలోచిస్తామంటూ ఊహాగానాలకు తెరలేపారు. అయితే బీజేపీ ముఖ్య నేతలు మాత్రం ఇటు బీజేపీ వైపు నుంచి గానీ, అటు కొండా ఫ్యా­మిలీ వైపు నుంచి గానీ ఎలాంటి సమాలోచనలు మొదలుకాలేదనే సంకేతాలు ఇస్తున్నారు. మంత్రి పదవి పోయినా సురేఖ ఎమ్మెల్యేగా కొనసాగుతానంటూ, పార్టీకి కూడా రాజీనామా చేయబోనని ప్రకటించిన విషయం విదితమే. ఇతర పా­ర్టీ­ల నేతలు చేరాలంటే ఆ పార్టీ సభ్యత్యానికి, ఎమ్మె­ల్యే స్థానానికి రాజీనామా చేశాకే రావాలని బీజేపీ జాతీయ నాయకత్వం కండిషన్‌ పెట్టిన విష­యాన్ని రాష్ట్ర పార్టీ నేతలు గుర్తుచేస్తున్నారు. అందువల్ల సు­రేఖ ఎమ్మెల్యేగా రాజీనామా చేయకుంటే పార్టీలో చేర్చుకునే ప్రసక్తే ఉండదని స్పష్టం చేస్తున్నారు. ఇంకా రెండేళ్లకు పైగా పదవీకాలం ఉండటంతో రాజీనామాకు సురేఖ సుముఖంగా లేకపోగా... పార్టీలో చేరాలంటే ఎమ్మెల్యే పదవికి రాజీనామా కండిషన్‌ అడ్డుగా నిలుస్తోందని చెబుతున్నారు. బీజేపీలో ఫ్యామిలీ ప్యాకేజీలు ఉండవని... ప్రత్యేక సందర్భాల్లోనే ఒక కుటుంబంలో ఒకరికి మించి టికెట్‌ ఇవ్వడం జరుగుతుందని అంటున్నారు. అందువల్ల బీజేపీలో కొండా ఫ్యామిలీ చేరడం అంత ఈజీ కాదనే అభిప్రాయం వ్యక్తం చేస్తున్నారు. అదీగాకుండా ఉమ్మడి వరంగల్‌ జిల్లాలో కొండా ఫ్యామిలీ పోటీకి క్లెయిమ్‌ చేస్తున్న సీట్లలో బీజేపీకి బలమైన నేతలు ఉన్నారని చెబుతున్నారు. గత అసెంబ్లీ ఎన్నికల్లో ఆయా స్థానాల్లో బీజేపీ అభ్యర్థులు మంచి ఓటింగ్‌నే సాధించారని అంటున్నారు. అందువల్ల వారి చేరికతో పార్టీకి, నేతలకు కొత్త తలనొప్పి మొదలవుతుందనే గుసగుసలు కూడా బీజేపీలో వినిపిస్తున్నాయి.

సాక్షి, హైదరాబాద్‌: రాష్ట్ర బీజేపీ అధ్యక్షుడు ఎన్‌.రాంచందర్‌రావు నేతృత్వంలో చేపట్టిన సెక్రటేరియట్‌ ముట్టడి కార్యక్రమం ఉద్రిక్తతలకు దారితీసింది. మెయిన్‌ గేటు వద్ద రాంచందర్‌రావుతో పాటు, ఎంపీ డీకే అరుణ, బీజేఎల్పినేత ఏలేటి మహేశ్వర్‌రెడ్డి, ఎమ్మెల్సీ మల్కకొమరయ్య, పార్టీనేతలు డా.ఎన్‌.గౌతంరావు, బండారు విజయలక్ష్మి, బీజైవైఎం అధ్యక్షుడు గణేష్‌ కుండే తదితరులను అరెస్ట్‌ చేశారు. దీంతో పోలీసులు, పార్టీకార్యకర్తల మధ్య తోపులాట చోటుచేసుకుంది. కొన్నిరోజుల క్రితం ఫీజు రీయింబర్స్‌ మెంట్‌ బకాయిల చెల్లింపు విషయంలో విద్యార్థుల వినతిపత్రాల సమర్పణకు ఇటీవల సీఎం రేవంత్‌రెడ్డి అపాయింట్‌మెంట్‌ను రాంచందర్‌రావు కోరారు. దీనిపై సీఎం కార్యాలయం నుంచి ఇంకా ఎలాంటి అనుమతి రాలేదు. ఈ నేపథ్యంలో రాష్ట్రంలో దీర్ఘకాలంగా పెండింగ్‌లో ఉన్న రూ.15వేల కోట్ల ఫీజు బకాయిలు విడుదల చేయాలని, రాష్ట్రవ్యాప్తంగా 8 లక్షల మందికి పైగా విద్యార్థుల నుంచి సేకరించిన సంతకాలతో కూడిన వినతిపత్రాలను ప్రభుత్వానికి సమర్పించేందుకు బీజేపీ ఆధ్వర్యంలో గురువారం చలో సెక్రటేరియట్‌కు బయలుదేరారు. సెక్రటేరియల్‌ మెయిన్‌గేట్‌ వద్దకు వారు చేరుకోగానే పోలీసులు అడ్డుకోవడంతో, అక్కడే బైఠాయించి నిరసన తెలిపారు. రాంచందర్‌రావు, ఇతరనేతలు, కార్యకర్తలను తోపులాట మధ్య పోలీసులు బలవంతంగా అరెస్ట్‌ చేశారు. అరెస్టయిన సందర్భంగా రాంచందర్‌రావు మీడియాతో మాట్లాడుతూ ఫీజు బకాయిలు ఇవ్వకపోవడం వల్ల దాదాపు 40 లక్షల మంది విద్యార్థులు ఉన్నత చదువులకు, ఉద్యోగ అవకాశాలకు దూరమయ్యారని మండిపడ్డారు. తాను ఇప్పటికే, ఈ అంశంపై రెండురోజుల నిరాహార దీక్ష చేశానని, సీఎంకు లేఖలు రాశానని గుర్తుచేశారు. విద్యార్థుల సహనం నశించడంతోనే వారి గొంతు కగా మారి నేరుగా సచివాలయానికి వెళ్లాల్సి వచ్చిందని స్పష్టం చేశారు. ఫీజు బకాయిలన్నీ విడుదల చేసేదాకా కాంగ్రెస్‌ ప్రభుత్వంపై బీజేపీ రాజీలేని పోరాటాన్ని కొనసాగిస్తుందని రాంచందర్‌రావు స్పష్టం చేశారు. ఫీజు బకాయిలు విడుదల చేయకపోతే సీఎం రేవంత్‌ రాజీనామా చేసి,గద్దె దిగాలని డీకే అరుణ డిమాండ్‌ చేశారు. బీజేపీ శాసనసభాపక్ష నేతగా ఉన్న తనను పోలీసులు అమానుషంగా ఈడ్చుకుంటూ తీసుకువెళ్లి అరెస్టు చేశారని మహేశ్వర్‌రెడ్డి మండిపడ్డారు. ఫీజు పోరుపై బీజేపీ సచివాలయ మెరుపు ము ట్టడి అద్భుతమని కేంద్ర మంత్రి బండి సంజయ్‌ పేర్కొన్నారు. బీజేపీ నాయకుల అరెస్ట్‌ను పార్టీ తమిళనాడు, కర్ణాటక సహ ఇన్‌చార్జి పొంగులేటి సుధాకర్‌రెడ్డి, రాష్ట్ర ప్రధాన కార్యదర్శి టి. వీరేందర్‌ గౌడ్, ముఖ్య అధికార ప్రతినిధి ఎన్విసుభాష్‌ ఖండించారు.

కోల్‌కతా: 'వందేమాతరం'పై పాఠశాలలకు పశ్చిమ బెంగాల్ ముఖ్యమంత్రి సువేందు అధికారి గట్టిగా వార్నింగ్‌ ఇచ్చారు. పాఠశాల ప్రార్థనా సమయంలో 'వందేమాతరం' పూర్తి రూపాన్ని తప్పనిసరిగా పాడటాన్ని కచ్చితంగా పాటించకపోతే.. ఆర్థిక సాయం, ఇతర ప్రభుత్వ మద్దతును నిలిపివేస్తామని గురువారం పాఠశాలలను హెచ్చరించారు.కోల్‌కతాలోని గోల్‌పార్క్ రామ్‌కృష్ణ మిషన్‌లో ఆర్‌ఎస్‌ఎస్ అనుబంధ సంస్థ అయిన వివేకానంద విద్యాభారతి వికాస్ పరిషత్ వార్షిక కార్యక్రమంలో సువేందు అధికారి ప్రసంగించారు. గతంలో ప్రభుత్వాల హయాంలో రాష్ట్ర విద్యా వ్యవస్థ నాశనం అంచుకు చేరుకుందని ఆయన ఆరోపించారు.పాఠశాల విద్యలో భారతీయ సంస్కృతి, సంప్రదాయాలు, జాతీయవాద విలువలను పునరుద్ధరించడానికి ప్రస్తుత బీజేపీ ప్రభుత్వం సంస్కరణలు చేపడుతోందని ఆయన చెప్పారు. "వందేమాతరం పూర్తి రూపం పాడటాన్ని కొందరు వ్యతిరేకించారు. ప్రభుత్వ సాయం ఆగిపోతుందని వారికి చెప్పాను. దాంతో వారు కొంతవరకే తగ్గారు. వారు నిలబడ్డారు కానీ పెదవులు విప్పలేదు. అప్పుడు పెదవులు కూడా కదలాలని వారికి చెప్పాను" అని ముఖ్యమంత్రి చిరునవ్వుతో అన్నారు.లెఫ్ట్ ఫ్రంట్ పాలనలో ఆంగ్ల మాధ్యమ విద్యను తగ్గించారని, టీఎంసీ కాలంలో "తుష్టీకరణ రాజకీయం ద్వారా పాఠశాల పాఠ్యాంశాలను వికృతీకరించారు" అని అధికారి ఆరోపించారు. తుష్టీకరణ రాజకీయం అంటే ఓట్ల లాభం కోసం ఒక నిర్దిష్ట వర్గాన్ని ప్రత్యేకంగా ప్రీతిపరిచే రాజకీయ విధానం.పాఠ్యాంశాల్లో 'మా', 'జల్', 'ఆకాశ్' వంటి పదాలను ఉద్దేశపూర్వకంగా వరుసగా 'అమ్మ', 'పానీ', 'ఆస్మాన్' పదాలతో మార్చారని ఆయన చెప్పారు. ఈ సూక్ష్మ మార్పులు ఈశ్వర్ చంద్ర విద్యాసాగర్, స్వామి వివేకానంద వంటి మహానుభావుల విద్యాబోధనా ఆలోచనలకు విరుద్ధంగా ఉన్నాయని ఆయన అన్నారు.విద్యాసంస్థల్లో నేషనల్ కేడెట్ కార్ప్స్ (ఎన్‌సీసీ)ను నిషేధించడం ద్వారా పూర్వ ప్రభుత్వం క్షమించరాని నేరం చేసిందని కూడా ముఖ్యమంత్రి ఆరోపించారు. "నేను ఇటీవల రక్షణ మంత్రి రాజ్‌నాథ్ సింగ్‌ను కలిసి రెండు విజ్ఞప్తులు చేశాను. మొదటిది, రాష్ట్రంలో మరిన్ని సైనిక పాఠశాలలను ఏర్పాటు చేయాలని కోరాను. రెండవది, పాఠశాలలు, కళాశాలల్లో ఎన్‌సీసీని తప్పనిసరి చేయడానికి అనుమతి కోరుతూ లేఖ రాస్తానని చెప్పాను. నేను ఇప్పటికే ఆ లేఖను పంపాను, అవసరమైనది చేస్తానని ఆయన హామీ ఇచ్చారు" అని ముఖ్యమంత్రి తెలిపారు.విద్యా విధానం, పాఠ్యాంశాల మార్పులు, ఉపాధ్యాయుల నియామకం, విద్యాసంస్థల్లో భావజాల పాత్రపై పశ్చిమ బెంగాల్‌లో కొనసాగుతున్న రాజకీయ విభేదాల మధ్య సువేందు అధికారి వ్యాఖ్యలు ప్రాధాన్యం సంతరించుకున్నాయి.

సాక్షి, హైదరాబాద్‌: తెలంగాణలో బీజేపీ నేతలు తమ పార్టీలో నెలకొన్న అంతర్గత పోరులో ఉనికిని కాపాడుకోవడానికే ఒకరిని మించి ఒకరు కాంగ్రెస్ ప్రభుత్వంపై విమర్శలు చేస్తున్నారని మంత్రి పొన్నం ప్రభాకర్ మండిపడ్డారు. నిజంగా తెలంగాణ ప్రయోజనాలపై బీజేపీ నేతలకు చిత్తశుద్ధి ఉంటే రాష్ట్ర ప్రభుత్వాన్ని విమర్శించడం కాకుండా ఢిల్లీకి వెళ్లి ప్రధానమంత్రి నరేంద్ర మోదీని నిలదీయాలని ఆయన డిమాండ్‌ చేశారు.తెలంగాణ ప్రయోజనాల కోసం కేంద్రం నుంచి రావాల్సిన నిధులు, పెండింగ్‌లో ఉన్న ప్రాజెక్టులు, అనుమతులపై బీజేపీ నేతలు ఎందుకు మాట్లాడటం లేదంటూ ప్రశ్నించారు. రాష్ట్రానికి రావాల్సిన నిధుల కోసం కేంద్ర ప్రభుత్వంపై ఒత్తిడి తీసుకురావాల్సిన బాధ్యత తెలంగాణ బీజేపీ నేతలపై ఉందన్నారు. బీజేపీ పాలిత రాష్ట్రాల్లో కేంద్రం నుంచి నిధులు, ప్రాజెక్టులు ఏ విధంగా మంజూరవుతున్నాయో తెలంగాణ విషయంలో ఎందుకు అదే విధానం అమలు కావడం లేదో బీజేపీ నేతలు సమాధానం చెప్పాలన్నారు. కాంగ్రెస్ ప్రభుత్వాన్ని విమర్శిస్తేనే తమ ఉనికిని కాపాడుకోగలమని, పార్టీ అధిష్టానం తమను గుర్తిస్తుందని భావించడం సరికాదన్నారు.ప్రతిపక్ష పార్టీగా నిర్మాణాత్మకంగా వ్యవహరించాల్సిన బీజేపీ నేతలు కేవలం రాజకీయ విమర్శలకే పరిమితం కాకుండా తెలంగాణ హక్కుల కోసం కేంద్రాన్ని ప్రశ్నించాలన్నారు. గతంలో పదేళ్ల పాటు రాష్ట్రంలో అధికారంలో ఉన్న బీఆర్‌ఎస్‌ ప్రభుత్వం అనేక బకాయిలు పెట్టినప్పుడు బీజేపీ నేతలు ఎందుకు ప్రశ్నించలేదని మంత్రి పొన్నం ప్రభాకర్ నిలదీశారు. ప్రస్తుతం కాంగ్రెస్ ప్రజా ప్రభుత్వం ఎప్పటికప్పుడు చెల్లింపులు చేస్తూ, పాత బకాయిలను కూడా పరిష్కరించే దిశగా ముందుకు సాగుతోందన్నారు.కేంద్రంలోని బీజేపీ ప్రభుత్వం అధికారంలోకి వచ్చి దాదాపు 13 సంవత్సరాలు అవుతున్నప్పటికీ తెలంగాణకు రావాల్సిన అనేక హామీలు, నిధులు, ప్రాజెక్టులు ఇంకా పెండింగ్‌లోనే ఉన్నాయని మంత్రి అన్నారు. ఫెడరల్ వ్యవస్థలో రాష్ట్రాలకు రావాల్సిన పన్నుల వాటాలో తెలంగాణకు న్యాయం జరగాలని కాంగ్రెస్ ప్రభుత్వం నిరంతరం కేంద్రాన్ని డిమాండ్ చేస్తోందన్నారు. రాష్ట్రం నుంచి పన్నుల రూపంలో పెద్ద మొత్తంలో ఆదాయం కేంద్రానికి వెళ్తున్నప్పటికీ, తిరిగి రాష్ట్రానికి రావాల్సిన నిధుల విషయంలో తెలంగాణకు అన్యాయం జరగకుండా చూడాల్సిన బాధ్యత కేంద్ర ప్రభుత్వంపై ఉందన్నారు.తెలంగాణకు పెండింగ్‌లో ఉన్న మెట్రో రైల్, నవోదయ విద్యాలయాలు, కేంద్ర పాఠశాలలు, రీజినల్ రింగ్ రోడ్‌కు సంబంధించిన అంశాలు సహా రాష్ట్ర అభివృద్ధికి సంబంధించిన అన్ని పెండింగ్ ప్రాజెక్టులకు కేంద్రం వెంటనే అనుమతులు, నిధులు మంజూరు చేయాలని మంత్రి పొన్నం ప్రభాకర్ డిమాండ్ చేశారు.తెలంగాణ ప్రజల ప్రయోజనాల కోసం కేంద్రం వద్ద రాష్ట్ర హక్కులను సాధించడంలో బీజేపీ నేతలు ముందుకు రావాలని, అవసరమైతే ప్రధానమంత్రి నరేంద్ర మోదీని కలిసి రాష్ట్రానికి రావాల్సిన నిధులు, ప్రాజెక్టులపై స్పష్టమైన హామీ తీసుకురావాలని మంత్రి అన్నారు. రాష్ట్ర ప్రభుత్వాన్ని విమర్శించడం కాదు.. తెలంగాణ కోసం ఢిల్లీకి వెళ్లి కేంద్రాన్ని ప్రశ్నించండి. తెలంగాణ ప్రజల ప్రయోజనాల కోసం పోరాడే దమ్ము చూపించండి అని మంత్రి పొన్నం ప్రభాకర్ బీజేపీ నేతలకు సవాల్ విసిరారు.

ఓటర్‌ జాబితాలో పేరు తొలగింపుపై బీజేపీ రాజ్యసభ ఎంపీ రాఘవ్‌ చద్దా, ఆమ్‌ ఆద్మీ పార్టీ (ఆప్‌) మధ్య మాటల యుద్ధం మొదలైంది. పంజాబ్‌ ముసాయిదా ఓటర్ల జాబితా నుంచి తన పేరు తొలగించడంపై చద్దా తీవ్ర ఆరోపణలు చేశారు. ఇది పొరపాటు కాదని.. రాజకీయ కక్ష సాధింపులో భాగంగానే తన పేరును తొలగించారని ఆరోపించారు. ఈ ఆరోపణలను ఖండిస్తూ ఆప్‌ ఎదురుదాడికి దిగింది.ఎన్నికల సంఘం చేపట్టిన స్పెషల్‌ ఇంటెన్సివ్‌ రివిజన్‌ (SIR)లో భాగంగా ఆగస్టు 13న విడుదలైన పంజాబ్‌ ముసాయిదా ఓటర్ల జాబితాలో రాఘవ్‌ చద్దా పేరు లేదు. ఆయన పేరును ‘పర్మినెంట్‌గా షిఫ్ట్‌ అయ్యారు’ అనే కారణంతో తొలగించినట్లు జాబితాలో పేర్కొన్నారు. ఈ వ్యవహారాన్ని చద్దా రాజకీయ కక్ష సాధింపుగా అభివర్ణించారు. అయితే ఇదంతా చద్దా వ్యూహంలో భాగమేనని.. ఢిల్లీలో ఓటరుగా పేరు నమోదు చేసుకునేందుకు ఆయన ‘బ్యాక్‌డేటెడ్‌’ విధానాన్ని ప్రయత్నిస్తున్నారని ఆప్‌ ఆరోపించింది.‘బ్యాక్‌డేటెడ్‌ విధానం’ అంటే.. ఇప్పుడు ఓటరుగా నమోదు చేసుకుంటూ, గతంలోనే ఆ ప్రాంతంలో నివసిస్తున్నట్లు రికార్డుల్లో చూపించడం. రాఘవ్‌ చద్దా ఢిల్లీలోని రాజిందర్‌ నగర్‌లో ఓటరుగా నమోదు చేసుకునే విషయంలో ఇలాంటి ప్రయత్నం చేస్తున్నారని ఆప్‌ ఆరోపిస్తోంది. అంటే.. ఇప్పుడు జరిగే ఓటరు నమోదును గత తేదీ నుంచే అమల్లో ఉన్నట్లు చూపించేందుకు ప్రయత్నిస్తున్నారన్నది ఆప్‌ వాదన.‘రాజకీయ కక్షతోనే’..అంతకు ముందు.. తన ఓటర్‌ ఐడీ పంజాబ్‌లోని మొహాలీలో నమోదై ఉందని చద్దా తెలిపారు. తాను పంజాబ్‌ నుంచి రాజ్యసభకు ప్రాతినిధ్యం వహిస్తున్నప్పటికీ ‘షిఫ్టెడ్‌’గా ఎలా గుర్తించారని ప్రశ్నించారు. ఇది సాధారణ క్లరికల్‌ తప్పిదం కాదని.. రాజకీయ కక్షతోనే తన పేరును తొలగించారని ఆరోపించారు. అయితే ఇది ముసాయిదా జాబితా మాత్రమేనని, అభ్యంతరాలు–దావాల ప్రక్రియ ద్వారా పేరు తిరిగి చేర్చుకునే అవకాశం ఉందని కూడా ఆయన పేర్కొన్నారు.ఆప్‌ ఎదురుదాడి..చద్దా ఆరోపణలను ఆప్‌ తీవ్రంగా ఖండించింది. సర్‌ ప్రక్రియను నిర్వహించేది ఎన్నికల సంఘమే తప్ప పంజాబ్‌ ప్రభుత్వం కాదని స్పష్టం చేసింది. ఓటర్ల జాబితాలో ఎవరి పేరు చేర్చాలి, ఎవరి పేరు తొలగించాలనే విషయంలో రాష్ట్ర ప్రభుత్వానికి ఎలాంటి పాత్ర లేదని పేర్కొంది.అంతేకాదు.. ఢిల్లీలోని రాజిందర్‌ నగర్‌లో తన ఓటరు నమోదును గత తేదీ నుంచి అమల్లోకి వచ్చేలా చేయడానికి చద్దా ప్రయత్నిస్తున్నారని ఆప్‌ ఆరోపించింది. ఈ విషయంలో ఎన్నికల సంఘం వర్గాల నుంచి తమకు సమాచారం అందిందని తెలిపింది. ఇలాంటి బ్యాక్‌డేటెడ్‌ లేదంటే చట్టవిరుద్ధమైన ప్రక్రియ జరిగి ఉంటే దానిపై దర్యాప్తు చేయాలని డిమాండ్‌ చేసింది.‘ఢిల్లీలోనే ఉంటున్నారు’చద్దా ప్రస్తుతం పంజాబ్‌లో కాకుండా ఢిల్లీలో నివసిస్తున్నారని ఆప్‌ పేర్కొంది. ఒకవేళ ఆయన పంజాబ్‌లో నివసించకపోతే తన ఓటర్‌ నమోదును కొనసాగించడమో లేదంటే మార్చుకోవడమో ఆయన వ్యక్తిగత బాధ్యతేనని తెలిపింది. ఇప్పుడు ఓటర్‌ జాబితా నుంచి పేరు తొలగింపునకు ఆప్‌, పంజాబ్‌ ప్రభుత్వాన్ని నిందించడం సరికాదని స్పష్టం చేసింది. ఇదిలా ఉండగా.. సర్‌లో భాగంగా తొలగించిన పేర్లపై అభ్యంతరాలు, క్లెయిమ్‌లను స్వీకరించే ప్రక్రియ కొనసాగుతోంది. తుది ఓటర్ల జాబితాను అక్టోబర్‌లో విడుదల చేయనున్నారు.ఇదీ చదవండి: స్టాలిన్‌ ఆశలకు మద్రాస్‌ హైకోర్టు గండి

సాక్షి, హైదరాబాద్‌: రాష్ట్ర సచివాలయం వద్ద ఉద్రిక్త పరిస్థితి నెలకొంది. ఫీజురీయంబర్స్‌మెంట్‌ బకాయిలు చెల్లించాలని డిమాండ్‌ చేస్తూ ఈ రోజు (గురువారం) బీజేపీ చేపట్టిన సెక్రటేరియట్ ముట్టడి ఉద్రిక్తంగా మారింది. ముట్టడికి పెద్దఎత్తున బీజేపీ నేతలు తరలివచ్చారు. సెక్రటేరియట్ ముందు బైఠాయించి ఫీజు బకాయిలు వెంటనే విడుదల చేయాలని నినాదాలు చేశారు.అనంతరం గేటు ఎక్కి మరి సచివాలయంలోకి వెళ్లడానికి యత్నించారు. దీంతో పోలీసులు వారిని అడ్డుకొని అనంతరం అదుపులోకి తీసుకున్నారు. దీంతో అక్కడ ఉద్రిక్త వాతావరణం నెలకొంది. ఈ ముట్టడిలో రాష్ట్ర బీజేపీ అధ్యక్షుడు రాంచందర్‌ రావు పాల్గొన్నారు.

కృతి సనన్‌ రాఖీ యాడ్‌ దుమారం చల్లారక ముందే.. మరో నటి స్వరా భాస్కర్‌ రాజకీయ వివాదంలో చిక్కుకున్నారు. సంజయ్‌ లీలా భన్సాలీ తెరకెక్కించిన ‘పద్మావత్‌’ సినిమాలోని ‘జౌహర్‌’ సన్నివేశంపై ఆమె చేసిన వ్యాఖ్యలు రాజకీయ దుమారం రేపుతున్నాయి. ఆమె వ్యాఖ్యలను బీజేపీ తీవ్రంగా తప్పుబట్టింది. మహిళల త్యాగాన్ని అవమానించేలా మాట్లాడటం సరికాదని విమర్శించింది.ఢిల్లీలో ఇటీవల జరిగిన ‘వుమన్‌, లైఫ్‌, ఫ్రీడమ్‌’ కార్యక్రమంలో స్వరా భాస్కర్‌ ‘పద్మావత్‌’లోని జౌహర్‌ సన్నివేశాన్ని ప్రస్తావించారు. సినిమాలో మహిళలు తమ గౌరవాన్ని కాపాడుకునేందుకు ఆత్మాహుతి చేసుకున్నట్లు చూపించడంపై ఆమె అభ్యంతరం వ్యక్తం చేశారు. ఒకవేళ లైంగిక హింసకు గురైన మహిళ ఈ సన్నివేశాన్ని చూస్తే.. తన జీవితాన్ని కొనసాగించాలనుకోవడం తప్పా అనే భావన కలగొచ్చని స్వరా ప్రశ్నించారు. ‘గౌరవం కోసం చనిపోకపోతే పిరికిదానిననే భావన కలుగుతుందా?’ అన్న కోణంలో ఆమె తన అభిప్రాయాన్ని వెల్లడించారు. లైంగిక హింసకు గురైన మహిళలకు కూడా బతికే హక్కు ఉందన్న సందేశమే సమాజానికి వెళ్లాలని ఆమె పేర్కొన్నారు.జౌహర్‌ (Jauhar) అంటే.. యుద్ధంలో శత్రు సైన్యం చేతిలో చిక్కి అవమానం, లైంగిక హింసకు గురికాకుండా ఉండేందుకు మహిళలు సామూహికంగా అగ్నిలోకి దూకి ఆత్మాహుతి చేసుకునే ఆచారం.‘ఆమె పిరికిదని అనలేదు’స్వరా వ్యాఖ్యలపై సోషల్‌ మీడియాలో తీవ్ర విమర్శలు వెల్లువెత్తడంతో ఆమె వివరణ ఇచ్చారు. తాను రాణి పద్మావతిని కానీ, జౌహర్‌ చేసిన మహిళలను కానీ పిరికివాళ్లుగా పేర్కొనలేదని స్పష్టం చేశారు. తన వ్యాఖ్యలను తప్పుగా అనువదించి ప్రచారం చేస్తున్నారని ఆరోపించారు. తాను ప్రశ్నించింది జౌహర్‌ చేసిన మహిళల ధైర్యాన్ని కాదని.. ఆ సన్నివేశం ఆధునిక సమాజానికి ఎలాంటి సందేశాన్ని ఇస్తుందన్నదేనని వివరించారు.‘ఇతర మహిళలను గౌరవించాలి’ఈ వివాదంపై స్పందించిన బీజేపీ అధికార ప్రతినిధి గౌరవ్‌ భాటియా.. స్వరా భాస్కర్‌ వ్యాఖ్యలను తీవ్రంగా తప్పుబట్టారు. ప్రతి మహిళ ఇతర మహిళలను గౌరవించాల్సిన అవసరం ఉందని అన్నారు. స్వరా పేరులోని ‘స్వర్‌’ (గొంతు/స్వరం)ను ప్రస్తావిస్తూ ఆమె వ్యాఖ్యలపై వ్యంగ్యంగా స్పందించారు. ఆమె ఎవరి గొంతుతో మాట్లాడుతున్నారనే ప్రశ్నను కూడా లేవనెత్తారు. మహిళల త్యాగాలను అవమానించేలా వ్యాఖ్యలు చేయడం సరికాదని పేర్కొన్నారు.పోలీసులకు ఫిర్యాదుఈ వివాదం రాజకీయ విమర్శలకే పరిమితం కాలేదు. బిహార్‌కు చెందిన బీజేపీ నేత కృష్ణకుమార్‌ సింగ్‌ స్వరా భాస్కర్‌పై పోలీసులకు ఫిర్యాదు చేసినట్లు సమాచారం. హిందూ సమాజం, రాజ్‌పుత్‌ మహిళలను కించపరిచేలా ఆమె వ్యాఖ్యలు చేశారని ఫిర్యాదులో ఆరోపించినట్లు కథనాలు పేర్కొన్నాయి.కర్ణిసేన కూడా..పద్మావత్‌ విడుదల సమయంలోనే ఆ సినిమాలోని అంశాలపై తీవ్రంగా అభ్యంతరం వ్యక్తం చేసిన కర్ణిసేన.. తాజా వివాదంలోనూ స్వరా భాస్కర్‌ను తప్పుబట్టింది. జౌహర్‌ను, రాజ్‌పుత్‌ మహిళల త్యాగాన్ని విమర్శించే ముందు చారిత్రక నేపథ్యాన్ని అర్థం చేసుకోవాలని సూచించింది. కర్ణిసేన మహిళా విభాగం నేత కీర్తి రాథోర్‌.. స్వరా వ్యాఖ్యలపై తీవ్ర ఆగ్రహం వ్యక్తం చేశారు. రాజ్‌పుత్‌ మహిళల త్యాగం, ధైర్యాన్ని కించపరిచే వ్యాఖ్యలను సహించబోమని హెచ్చరించారు.మళ్లీ తెరపైకి ‘పద్మావత్‌’ వివాదం2018లో విడుదలైన ‘పద్మావత్‌’లో రాణి పద్మావతి పాత్రను దీపికా పదుకొణె పోషించారు. ఆ సమయంలో కర్ణిసేన అభ్యంతరాలతో సినిమా టైటిల్‌ పద్మావతి కాస్త పద్మావత్‌గా మారింది. ఇక చిత్ర క్లైమాక్స్‌లో శత్రు సేనల చేతికి చిక్కకుండా రాజ్‌పుత్‌ మహిళలు సామూహికంగా జౌహర్‌ చేసినట్లు సన్నివేశాన్ని తెరకెక్కించారు. ఈ సన్నివేశం అప్పట్లోనే తీవ్ర చర్చకు దారితీసింది. స్వరా భాస్కర్‌ కూడా సినిమా విడుదల సమయంలో దర్శకుడు భన్సాలీకి బహిరంగ లేఖ రాసి జౌహర్‌ చిత్రీకరణపై తన అభ్యంతరాలను వ్యక్తం చేశారు. దాదాపు ఎనిమిదేళ్ల తర్వాత ఆమె మరోసారి అదే అంశాన్ని ప్రస్తావించడంతో వివాదం తాజాగా మళ్లీ రాజుకుంది.చరిత్రా? సమాజానికి సందేశమా?‘పద్మావత్‌’లో జౌహర్‌ చిత్రీకరణ చుట్టూ సాగుతున్న తాజా వివాదం.. చరిత్రను సినిమాల్లో ఎలా చూపించాలి? చారిత్రక ఘటనలను ఆధునిక సామాజిక విలువలతో ఎలా చూడాలి? అనే ప్రశ్నలను మరోసారి ముందుకు తెచ్చింది. ఇదే సమయంలో ‘పద్మావత్‌’ రచయిత ప్రకాశ్‌ కపాడియా కూడా జౌహర్‌ సన్నివేశాన్ని సమర్థించారు. అది ఆ కాలంలోని వాస్తవ పరిస్థితుల ప్రతిబింబమని, నేటి ప్రమాణాలతో మాత్రమే దాన్ని అంచనా వేయకూడదని ఆయన అభిప్రాయపడ్డారు. స్వరా భాస్కర్‌ మాత్రం తన ఉద్దేశం ఏ మహిళనూ అవమానించడం కాదని స్పష్టం చేస్తున్నారు. ఆమె వ్యాఖ్యలకు బీజేపీ, కర్ణిసేన నుంచి తీవ్ర వ్యతిరేకత వ్యక్తమవుతుండటంతో.. ‘పద్మావత్‌’ జౌహర్‌ వివాదం మరోసారి బాలీవుడ్‌, రాజకీయ వర్గాల్లో హాట్‌టాపిక్‌గా మారింది.వివాదాలు స్వరా భాస్కర్‌కు కొత్తేమీ కాదు. నటిగా ‘తను వెడ్స్‌ మను’, ‘రాంఝనా’, ‘తను వెడ్స్‌ మను రిటర్న్స్‌’, ‘నిల్‌ బట్టే సన్నాటా’, ‘వీరే ది వెడ్డింగ్‌’ వంటి చిత్రాలతో గుర్తింపు తెచ్చుకున్న ఆమె.. ఆ తర్వాత తన వ్యాఖ్యలు, రాజకీయ వైఖరితోనూ తరచూ వార్తల్లో నిలిచారు. సీఏఏ-ఎన్‌ఆర్‌సీ వ్యతిరేక ఆందోళనల్లో పాల్గొనడం నుంచి ‘వీరే ది వెడ్డింగ్‌’లోని ఓ సన్నివేశంపై వచ్చిన విమర్శల వరకు.. ఆమెపై పలు సందర్భాల్లో చర్చ జరిగింది. 2024లో యాహ్యా సిన్వార్‌పై చేసిన వ్యాఖ్యలు కూడా వివాదానికి దారితీశాయి. ఇప్పుడు ‘పద్మావత్‌’లోని జౌహర్‌ సన్నివేశంపై వ్యాఖ్యలతో మరోసారి వివాదం రేగింది.ఇదీ చదవండి: పాతికేళ్ల జలయుద్ధానికి ఎట్టకేలకు తెర

న్యూఢిల్లీ: బీజేపీ ఎన్నికల్లో గెలిచేందుకే భారత ఎన్నికల కమిషన్‌ స్పెషల్‌ ఇంటెన్సివ్‌ రివిజన్‌ (సర్‌)ను నిర్వహిస్తోందని రాజ్యసభ సభ్యుడు, సుప్రీంకోర్టు న్యాయవాది కపిల్‌ సిబల్‌ బుధవారం ఆరోపించారు. సర్‌ కింద మూకుమ్మడిగా ఓటర్ల తొలగింపును సుప్రీంకోర్టు ఇప్పటికైనా అడ్డుకోవాలని అభ్యర్థించారు. దేశవ్యాప్తంగా పలు రాష్ట్రాల్లో ప్రస్తుతం సర్‌ పేరుతో చేస్తున్న ఓటర్ల జాబితా సవరణలు కూడా ఎన్నికల్లో బీజేపీ గెలుపునకు సాయపడేందుకేనని ఆయన విమర్శించారు. జార్ఖండ్‌ రాష్ట్రంలో మైనార్టీ ఓటర్లను పెద్ద ఎత్తున తొలగించేందుకు బీజేపీ ఏజెంట్లు బ్లాక్‌ లెవల్‌ అధికారులపై ఒత్తిడి తెస్తున్నట్లు ‘ద ఇండియన్‌ ఎక్స్‌ప్రెస్‌’ ప్రచురించిన ఒక కథనంపై కపిల్‌ సిబల్‌ ‘ఎక్స్‌’పై స్పందించారు. ‘సర్‌’ ఓటర్ల జాబితాను మార్చేందుకు జరుగుతున్న కార్యక్రమం. బీజేపీ ఎన్నికల్లో గెలిచేందుకు చేస్తున్నారు. అని వ్యాఖ్యానించారు. అనంతరం ఆయన న్యూఢిల్లీలో ఒక విలేకరుల సమావేశం ఏర్పాటు చేసి మాట్లాడుతూ... జార్ఖండ్‌లో ఓటర్ల తొలగింపునకు సంబంధించిన ఫామ్‌–7లను అత్యధికంగా బీజేపీ కార్యకర్తలే దాఖలు చేస్తున్నారని ఆరోపించారు. ‘‘ఫామ్‌–7లను మూకుమ్మడిగా దాఖలు చేయవచ్చు. 45 లేదా వంద లేదా 400 ఫామ్స్‌ తీసుకుని ఏ ఏ పేర్లను తొలగించాలో చెప్పవచ్చు. అందుకే కారణాలేమీ చెప్పాల్సిన అవసరం లేదు. ఒకవేళ తప్పని తేలినా చేసేదేమీ ఉండదు’’ అని ఆయన వివరించారు. ఇండియన్‌ ఎక్స్‌ప్రెస్‌ ఈ అంశంపై విచారణ జరిపినప్పుడు తొలగించమని కోరిన పేర్లలో అత్యధికం ముస్లింలకు చెందినవే ఉన్నాయని తెలిసిందన్నారు. పరిస్థితులు ఇలా ఉంటే ఎన్నికలు నిర్వహించిన ప్రయోజనం ఏమిటని ప్రశ్నించారు. బీజేపీ కార్యకర్తలు తొలగించాలని దరఖాస్తులిచ్చిన ముస్లింలలో ఎక్కువ మంది ఆ ప్రాంతాంలోనే కుటుంబాలతో కలిసి ఏళ్లుగా ఉంటున్నట్లు తెలిసిందని చెప్పారు. ఇంతటి తీవ్రమైన అంశం కాబట్టే దేశ అత్యున్నత న్యాయస్థానం దీనిగ ఉరించి పట్టించుకోవాలని కోరుకుంటున్నట్లు తెలిపారు. ‘సర్‌’ నిస్పాక్షికంగా జరుగుతున్నట్లు, ఎన్నికల కమిషన్‌ తటస్థంగా ఉన్నట్లు న్యాయస్థానం భావిస్తే ప్రజాస్వామ్యం అతిపెద్ద సమస్యలో పడినట్లేనని స్పష్టం చేశారు. కోట్ల పేర్లు తొలగించారు ‘‘ఉదాహరణకు ఢిల్లీలోనే 45 నుంచి 47 లక్షల ఓటర్ల పేర్లు తొలగించారు. వీటిల్లో ఎన్ని పునరుద్ధరిస్తారో నాకు తెలియదు. కానీ ఢిల్లీలోని మొత్తం ఓట్లలో పేర్లు తొలగించిన వారు 23 – 24 శాతం మంది ఉన్నారు.’’ అని తెలిపారు. ఉత్తరప్రదేశ్‌లో 2.05 కోట్ల పేర్లు తొలిగాయని, ఇదేరకంగా ఇతర ప్రాంతాల్లోనూ కోట్లకు కోట్ల ఓట్లు తొలగిస్తున్నారని ఆరోపించారు. ‘సర్‌’ మొదలైనప్పటి నుంచి దేశం మొత్తమ్మీద ఇప్పటివరకూ సుమారు ఐదారుకోట్ల పేర్లు తొలగించారని, ఇండియన్‌ ఎక్స్‌ప్రెస్‌ పరిశోధనాత్మక కథనం ప్రకారం ఇవన్నీ బీజేపీ కార్యకర్తలు మూకుమ్మడిగా ఫామ్‌–7లు దాఖలు చేయడం వల్ల తొలగినవేనని.. ఈ విషయం సామాజిక మాధ్యమాల్లో ఇప్పటికే నిరూపితం కాగా... జాతీయ మీడియాలోనూ ఇప్పుడు కథనాలు వస్తున్నాయని వివరించారు. అదృష్టవశాత్తూ జార్ఖండ్‌లో బీఎల్‌ఓలు బీజేపీ కార్యకర్తల డిమాండ్లకు అభ్యంతరాలు చెబుతున్నారని, ప్రతిపక్షం అధికారంలో ఉండటం ఇందుకు కారణమైందని అన్నారు. అధికారంలోనూ బీజేపీనే ఉంటే ఎవరు అభ్యంతరం చెబుతారని ప్రశ్నించారు.

సాక్షి, హైదరాబాద్‌: కమలదళంలో అసంతృప్త గళాలు మళ్లీ వినిపిస్తున్నాయి. బీజేపీ అధినాయకత్వం ఆదేశించినా ముఖ్యనేతల తీరులో మార్పు అంతంతే అని పార్టీవర్గాలు పెదవి విరుస్తున్నాయి. రాష్ట్రస్థాయిలో గ్రూపుల నివారణ, జిల్లా స్థాయిలో అసంతృప్తుల బుజ్జగింపులకు రాష్ట్ర ముఖ్యనేతలు నాయకత్వ స్థాయిలో పూర్తిస్థాయి చర్యలు చేపట్టకపోవడమే కారణమనే అభిప్రాయం వ్యక్తమవుతోంది. కేంద్ర మంత్రులు, ఎంపీలు, ఎమ్మెల్యేల మధ్య మెరుగైన కోఆర్డినేషన్‌ కోసం ఒకవైపు ఢిల్లీ, హైదరాబాద్‌ స్థాయిలో జాతీయ నాయకత్వం ప్రయత్నాలు ముమ్మరం చేసింది. అంతర్గత భేటీల్లో నేతల మధ్య విభేదాలు, సమన్వయలేమికి కారణాలు కనుక్కుని వాటిని పరిష్కరించే యత్నాలు జరిగాయి. అయితే మరోవైపు వివిధ జిల్లాల్లో అసంతృప్తుల భేటీలు కొనసాగుతున్నాయి. ఇటీవల ఉత్తర తెలంగాణకు చెందిన ఓ ఎంపీ ఏకపక్ష తీరు, వివాదాస్పద వ్యవహారశైలికి వ్యతిరేకంగా జగిత్యాలలో సీనియర్‌ నేతల సమావేశం జరిగింది. మొత్తంగా రాష్ట్ర, జిల్లా స్థాయిల్లో పార్టీలో జరుగుతున్న పరిణామాలపై, స్థానిక ప్రజాప్రతినిధులు (ఎంపీలు, ఎమ్మెల్యేలు) వ్యవహరిస్తున్న వైఖరిని ఈ భేటీలో పలువురు ఎండగట్టినట్టు తెలుస్తోంది. ఓ ఎంపీ నోటి దురుసు కారణంగా పార్టీ, నాయకులకు ఇబ్బందులు ఎదురవుతున్నాయని వాపోయినట్టు సమాచారం. ఉత్తర తెలంగాణలోని ఓ బీజేపీ ప్రాతినిధ్యం వహిస్తున్న ఎంపీ సీటు పరిధిలోని రెండు అసెంబ్లీ నియోజకవర్గాల బాధిత నాయకులు పాల్గొని తమ సమస్యలను ప్రస్తావించినట్టు తెలుస్తోంది. పార్టీలోని కొందరు ముఖ్యనేతలు వ్యవహారశైలిని వారు తప్పుబట్టడంతోపాటు, గతంలో జరిగిన మున్సిపల్‌ ఎన్నికల సందర్భంగా పార్టీ ఫండ్‌ దురి్వనియోగం, గెలిచే స్థానాలకు ప్రాధాన్యం ఇవ్వకుండా పక్షపాతంతో వ్యవహరించడం తదితరాలను ప్రస్తావించినట్టు తెలిసింది. ఏదో ఒక జిల్లాలో ఏదో ఒకరూపంలో పార్టీలో నాయకుల అసంతృప్తి జ్వాలలు ఎగిసిపడుతుండడంతో మెరుగైన సమన్వయం అనేది అందని ద్రాక్షగానే మారుతోందనే అభిప్రాయం వ్యక్తమవుతోంది. పలు జిల్లాల్లో సమన్వయలేమి ? పలు జిల్లాల్లో పార్టీ అధ్యక్షుడు, ముఖ్య నేతలు, గతంలో రాష్ట్ర స్థాయిలో కీలక బాధ్యతలు నిర్వహించిన నాయకుల మధ్య సరిగ్గా పొసగడం లేదనే విమర్శలున్నాయి. కొన్ని జిల్లాల్లో నాయకత్వ బాధ్యతలు నిర్వహించే వారికి సీనియర్లు సహకారం అందించకుండా సహాయ నిరాకరణకు దిగుతున్నట్టు తెలిసింది. గతంలో తాము పార్టీలో కీలకంగా వ్యహరించినా, ఇప్పుడు మాజీ ఎంపీగా, ఎమ్మెల్యేగా ఉన్నా కూడా తమకు తగిన ప్రాధాన్యం దక్కడం లేదని బహిరంగంగానే వ్యాఖ్యానిస్తున్నట్టు తెలుస్తోంది. కనీసం జిల్లా స్థాయిలో తమకు పార్టీలో తగిన గుర్తింపు లభించడం లేదని, తమ అనుభవాన్ని ఉపయోగించుకునే ప్రయత్నమే చేయకపోవడంతో ఉత్సవ విగ్రహాలుగా మిగిలి పోవాల్సి వస్తోందని వారు ఆవేదన వెలిబుచ్చుతున్నారట. అన్ని జిల్లాల అధ్యక్షుల నియామకం పూర్తయినా ఇంకా జిల్లా స్థాయిలో కోర్‌ కమిటీలు ఏర్పడకపోవడం పట్ల కూడా వివిధ స్థాయిల నాయకులు అసంతృప్తి వ్యక్తం చేస్తున్నారు. పార్టీ నేతల మధ్య సర్దుబాటు కాని సమస్యలను సమన్వయ కమిటీల ద్వారా పరిష్కరించే అవకాశమున్నా అది జరగడం లేదంటున్నారు. బీజేపీ రాష్ట్ర అధ్యక్షుడిగా బండి సంజయ్‌ ఉన్నప్పుడు...కొందరు సీనియర్‌ నేతలు తమ నివాసాల్లో అసంతృప్తుల సమావేశాలు నిర్వహించారు. అప్పుడు పార్టీ ప్రతిష్ట దిగజారకుండా, నేతల మధ్య సమన్వయసాధన, భిన్నాభిప్రాయాలున్న వారికి సర్దిచెప్పేందుకు, ఇలాంటి భేటీల నివారణకు సీనియర్‌ నేత నల్లు ఇంద్రసేనారెడ్డి (ప్రస్తుత త్రిపుర గవర్నర్‌)ఆధ్వర్యంలో కమిటీని వేశారు. అప్పుడున్న పరిస్థితుల్లో ముఖ్యనేతల అసంతృప్త నేతల వ్యవహారం ముదిరిపాకాన పడకుండా ఆయన సర్దిచెప్పి పరిస్థితిని చక్కదిద్దిన విషయాన్ని పార్టీ నేతలు గుర్తుచేస్తున్నారు. ఇప్పుడు కూడా అదేవిధమైన చొరవ, చర్యలు తీసుకోవాల్సిన అవసరముందని సూచిస్తున్నారు.

బెంగళూరు: కర్ణాటకలోని కలబురగి డిప్యూటీ కమిషనర్ కార్యాలయం బయట బీజేపీ నిర్వహించిన నిరసనలో తీవ్ర ఉద్రిక్తత చోటుచేసుకుంది. నిరసనకారుల మధ్యలో నుంచి స్కూటర్‌పై వెళ్లేందుకు ప్రయత్నించిన ఓ వ్యక్తిని మాజీ ఎమ్మెల్యే రాజ్‌కుమార్ పాటిల్ టెల్కూర్ అడ్డుకున్నారు. అనంతరం అతడి హెల్మెట్‌ను నేలపై కొట్టారు. స్కూటర్‌పై వెళ్తున్న వ్యక్తిని బీజేపీ కార్యకర్తలు కొట్టేంత పనిచేశారు. ఈ దృశ్యాలు వీడియోలో నమోదయ్యాయి. నిరసన ప్రదేశంలో ద్విచక్ర వాహనాన్ని ఆపిన తర్వాత బీజేపీ కార్యకర్తలు దాని చుట్టూ గుమిగూడారు. నిరసన ప్రదేశం మధ్యలో నుంచి కాకుండా మరో మార్గంలో ఎందుకు వెళ్లలేదని నిరసనకారులు ఆ వ్యక్తిని ప్రశ్నించారు. ఆ స్కూటర్‌పై వెళ్తున్న వ్యక్తి భయపడిపోయాడు. టెల్కూర్ అక్కడికి వచ్చి జరిగిన వాగ్వాదానికి దిగారు. బీజేపీ కార్యకర్తలు మోటార్‌సైకిల్ టైర్లలోని గాలిని కూడా తీసినట్లు సమాచారం. దీంతో ఆ వ్యక్తి అక్కడి నుంచి వెళ్లలేని పరిస్థితి ఏర్పడింది.వాగ్వాదం కొనసాగుతున్న సమయంలో పలువురు నిరసనకారులు వాహనం చుట్టూ చేరారు. మరికొందరు జోక్యం చేసుకుని పరిస్థితిని అదుపులోకి తీసుకురావడానికి ప్రయత్నించారు. చివరకు ఈ ఘటనలో పోలీసులు జోక్యం చేసుకోవాల్సి వచ్చింది. పోలీసులు అక్కడికి చేరుకుని ఘర్షణ మధ్యలో స్కూటర్‌పై ఉన్న వ్యక్తిని నిరసన ప్రదేశం నుంచి దూరంగా తీసుకెళ్లారు. దీంతో అప్పటికప్పుడు నెలకొన్న ఉద్రిక్తత అదుపులోకి వచ్చింది.కలబురగిలో కరువు పరిస్థితుల నేపథ్యంలో రైతులు ఎదుర్కొంటున్న ఇబ్బందులను ప్రభుత్వం దృష్టికి తీసుకెళ్లడం, సహాయక చర్యలు చేపట్టాలని డిమాండ్ చేయడం కోసం బీజేపీ ఈ నిరసన నిర్వహించింది. కర్ణాటక ప్రభుత్వం రాష్ట్రంలోని 101 తాలూకాలను కరువు ప్రభావిత ప్రాంతాలుగా ప్రకటించిన నేపథ్యంలో ఈ నిరసన జరిగింది. వీటిలో 89 తాలూకాలను తీవ్ర కరువు ప్రభావిత ప్రాంతాలుగా, 12 తాలూకాలను మధ్యస్థ కరువు ప్రభావిత ప్రాంతాలుగా వర్గీకరించారు.

పశ్చిమ బెంగాల్‌లో బీజేపీ పాలన సంచలన నిర్ణయాలతో ముందుకు సాగుతుందనుకున్న వేళ.. ఓ ఎమ్మెల్యే సొంత పార్టీ నాయకత్వంపై సంచలన వ్యాఖ్యలు చేశారు. పార్టీని బలోపేతం చేయడం, ప్రత్యర్థి పార్టీలను ఎదుర్కోవడంపై దృష్టి పెట్టాల్సిన నేతలు.. రీల్స్‌ చేయడం, ఫాలోవర్లను పెంచుకోవడం, సొంత ప్రచారానికే పరిమితమవుతున్నారని ఆరోపించారు. పార్టీ ప్రయోజనాల కంటే వ్యక్తిగత ప్రయోజనాలకే కొందరు నాయకులు ప్రాధాన్యమిస్తున్నారని మండిపడ్డారు.బంకురా జిల్లా ఓండా నియోజకవర్గానికి రెండుసార్లు ఎమ్మెల్యేగా ఎన్నికైన అమర్‌నాథ్‌ షాకా(Amarnath Sakha).. సోషల్‌ మీడియాలో చేసిన ఓ పోస్టులో పార్టీ రాష్ట్ర నాయకత్వంలోని కొందరిపై తీవ్ర వ్యాఖ్యలు చేశారు. తాను ఎన్నో ఏళ్లుగా బీజేపీతో కొనసాగుతున్నానని, తప్పు అనిపించిన విషయాలపై మౌనంగా ఉండలేనని పేర్కొన్నారు. ‘‘ఎవరినీ సంతోషపెట్టేందుకు నేను ప్రయత్నించను. తప్పు అనిపించిన దానిని వ్యతిరేకిస్తాను. అందుకే చాలామంది శత్రువులయ్యారు. అది నాకు సమస్య కాదు’’ అని ఆయన పేర్కొన్నారు.పశ్చిమ బెంగాల్‌లో వామపక్షాలు మళ్లీ పుంజుకునేందుకు ప్రయత్నిస్తున్న సమయంలో బీజేపీ నేతలు వాటిని ఎదుర్కోవడంపై దృష్టి పెట్టడం లేదని షాకా విమర్శించారు. ‘‘ఉదయం నిద్రలేచినప్పటి నుంచి రాత్రి పడుకునే వరకు కొందరు నేతలు సొంత ప్రచారంలోనే మునిగిపోతున్నారు. సీపీఐ(ఎం)కు కౌంటర్‌ లేదు.. నిరసన లేదు.. ఏమీ లేదు. ప్రభుత్వానికి సంబంధించిన కార్యక్రమాలకంటే బయటి ఈవెంట్లలో ఎక్కువ పాల్గొంటున్నారు. అందరూ రీల్స్‌ చేయడం, ఫాలోవర్లను పెంచుకోవడం, ఫ్యాన్‌ క్లబ్‌లు ఏర్పాటు చేసుకోవడంలో బిజీగా ఉన్నారు’’ అని ఆయన తీవ్ర అసంతృప్తి వ్యక్తం చేశారు. ‘పార్టీని పతనం దిశగా..’బీజేపీ అధికారంలోకి వచ్చిన తర్వాత కొందరు నేతల వైఖరిలో మార్పు వచ్చిందని షాకా ఆరోపించారు. పదవులు, అధికారంతో వచ్చే ప్రయోజనాలపైనే వారి దృష్టి ఉందని విమర్శించారు. ‘‘ప్రభుత్వం అధికారంలోకి వచ్చింది కదా.. అందరూ దాని ప్రయోజనాలను అనుభవించడంలో బిజీగా ఉన్నారు. సొంత కడుపులు నిండితే చాలు.. పార్టీ నరకానికి పోయినా పట్టించుకోరు’’ అంటూ ఘాటు వ్యాఖ్యలు చేశారు.‘‘సంపాదన మీదే దృష్టా?’’బీజేపీ కార్యకర్తలు వ్యక్తిగత నాయకుల అభిమానులుగా కాకుండా పార్టీ కోసం పనిచేయాలని షాకా పిలుపునిచ్చారు. ‘‘ఫలానా నాయకుడి అనుచరుడు అవ్వడం బదులు ముందుగా పార్టీకి అనుచరులుగా మారండి. నాయకులు వస్తారు.. పోతారు.. పార్టీ మాత్రం శాశ్వతంగా ఉంటుంది’’ అని సూచించారు.తాను పార్టీ కోసం వ్యక్తిగత జీవితాన్ని, యవ్వనాన్ని, కుటుంబాన్ని సైతం పక్కన పెట్టానని షాకా చెప్పుకున్నారు. సీపీఐ(ఎం) పాలనలో 34 ఏళ్ల హింస, రాజకీయ ఉద్రిక్తతలను ఎదుర్కొన్నానని, ఆ తర్వాత తృణమూల్‌ కాంగ్రెస్‌ పాలనలోనూ ఎన్నో ఇబ్బందులు చూశానని పేర్కొన్నారు. ప్రజలు బీజేపీపై నమ్మకం ఉంచారని అన్నారు.అయితే ఇప్పుడు కొందరి వ్యవహారశైలితో పార్టీ నష్టపోతోందని ఆరోపించారు. ‘‘పార్టీ బాధపడుతున్నా ఎవరూ పట్టించుకోవడం లేదు. డబ్బు సంపాదించడంపైనే అందరి దృష్టి’’ అని వ్యాఖ్యానించారు.వామపక్షాల పునరాగమనంపై చర్చమమతా బెనర్జీ నేతృత్వంలోని తృణమూల్‌ కాంగ్రెస్‌ ఈ ఏడాది ఏప్రిల్‌-మేలో జరిగిన అసెంబ్లీ ఎన్నికల్లో ఘోర ఓటమి చవి చూసింది. దశాబ్దాల తర్వాత బీజేపీ అధికారం చేపట్టింది. ఆ తర్వాత కొనసాగుతున్న అంతర్గత సంక్షోభం టీఎంసీ పార్టీని పతన స్థితికి తీసుకెళ్లింది. ఇదే అదనుగా బెంగాల్‌లో సీపీఐ(ఎం) నేతృత్వంలోని వామపక్ష కూటమి మరోసారి సంస్థాగతంగా బలపడేందుకు ప్రయత్నిస్తోంది. యువ నాయకులను ముందుకు తీసుకురావడంతో పాటు వీధి పోరాటాలను ముమ్మరం చేస్తోంది. ఇదే సమయంలో బీజేపీ నాయకత్వంపై షాకా చేసిన వ్యాఖ్యలు చర్చనీయాంశంగా మారాయి.అయితే బెంగాల్‌ అసెంబ్లీ ఎన్నికల్లో.. వామపక్ష కూటమి కేవలం రెండు స్థానాల్లోనే విజయం సాధించింది. 2021తో పోలిస్తే 2026 అసెంబ్లీ ఎన్నికల్లో ఆ కూటమి ఓటు శాతం దాదాపు నాలుగు శాతం తగ్గింది. సువేందు అధికారి నేతృత్వంలోని బీజేపీ ప్రభుత్వం నాలుగు నెలల పాలన పూర్తి చేసుకోబోతున్న వేళ.. ప్రస్తుత పరిస్థితులు మాత్రం లెఫ్ట్‌ పార్టీల జనాదరణ కాస్త పెరిగిందనే చెబుతున్నాయి.పార్టీ వేదికపైనే మాట్లాడాలి: బీజేపీ నేతషాకా సోషల్‌ మీడియా వేదికగా చేసిన విమర్శలపై బీజేపీ స్పందించింది. ఓ సీనియర్‌ నేత మాట్లాడుతూ.. పార్టీకి సంబంధించిన అంశాలను బహిరంగంగా కాకుండా అంతర్గత వేదికల్లో చర్చించాలని సూచించారు. షాకా పార్టీకి నమ్మిన బంటని.. సీనియర్‌ నాయకుడని, ఆయన అభిప్రాయాలకు ప్రాధాన్యం ఉందని, పార్టీ అంతర్గతంగా తన అభిప్రాయాలను వెల్లడిస్తే పరిశీలిస్తామని పేర్కొన్నారు.ఇటీవల బీజేపీ రాష్ట్ర నాయకత్వంలోని కొందరు నేతలు పార్టీ కార్యకర్తలు, నాయకులు వసూళ్లు, కట్‌మనీ వంటి వ్యవహారాలకు పాల్పడుతున్నారంటూ ఆందోళన వ్యక్తం చేసిన నేపథ్యంలో షాకా తాజా వ్యాఖ్యలు రావడం ప్రాధాన్యం సంతరించుకుంది. మొత్తంగా బెంగాల్‌లో వామపక్షాలు తిరిగి పుంజుకునేందుకు ప్రయత్నిస్తున్న వేళ.. బీజేపీ అంతర్గతంగా నాయకత్వం, సంస్థాగత పనితీరు, సోషల్‌ మీడియా ప్రచారం చుట్టూ మొదలైన ఈ వివాదం పార్టీకి కొత్త తలనొప్పిగా మారింది.ఇదీ చదవండి: పాక్‌ ప్రధాని సమక్షంలో మోదీ స్ట్రాంగ్‌ కౌంటర్‌