Bapatla District Latest News

గుంటూరు రూరల్‌: ఎంపీటీసీ, జెడ్పీటీసీ ఎన్నికల నామినేషన్‌ కేంద్రాన్ని జిల్లా ఎంపీటీసీ, జెడ్పీటీసీ ఎన్నికల వ్యయ పరిశీలకురాలు నందిని సలారియా గురువారం పరిశీలించారు. నగరంలోని మండల పరిషత్‌ కార్యాలయాన్ని పరిశీలించి కార్యాలయంలో ఏర్పాటు చేసిన ఎంసీసీ సెల్‌, ఫ్లయింగ్‌ స్క్వాడ్‌ టీమ్స్‌, స్టాటిక్‌ సర్వైలెన్స్‌ టీమ్స్‌ పనితీరును పరిశీలించారు. ఎంపీటీసీ, జెడ్పీటీసీ స్థానాలకు పోటీ చేస్తున్న అభ్యర్థుల ఎన్నికల వ్యయ రిజిస్టర్ల నిర్వహణ, షాడో అబ్జర్వేషన్‌ రిజిస్టర్లు, రికార్డులను సమీక్షించారు. ఈ సందర్భంగా ఆమె మాట్లాడుతూ అభ్యర్థులు చేసే ప్రతి ఖర్చును నిర్ణీత నమూనాల్లో ఖచ్చితంగా నమోదు చేయాలని, రాష్ట్ర ఎన్నికల సంఘం నిర్దేశించిన వ్యయ పరిమితిని మించకుండా పర్యవేక్షించాలని అధికారులకు సూచించారు. మండల సరిహద్దుల్లోని చెక్‌పోస్టుల వద్ద వాహన తనిఖీలను ముమ్మరం చేయాలని, ఓటర్లను ప్రలోభపెట్టే నగదు, మద్యం, బహుమతుల పంపిణీపై నిరంతర నిఘా ఉంచాలని ఆదేశించారు. ఎన్నికల ప్రవర్తనా నియమావళి ఉల్లంఘనలపై అందిన ఫిర్యాదులపై తక్షణమే స్పందించి చర్యలు తీసుకోవాలని, ఎం.సి.సి. ఎఫ్‌.ఎస్‌.టి., ఎస్‌.ఎస్‌.టి. బృందాలు 24 గంటలూ అప్రమత్తంగా విధులు నిర్వహించాలని తెలిపారు. స్వేచ్ఛాయుత, నిష్పక్షపాత, పారదర్శక ఎన్నికల నిర్వహణకు ప్రజలు, రాజకీయ పార్టీలు, అభ్యర్థులు సహకరించాలని కోరారు. ఆమెవెంట రిటర్నింగ్‌ ఆఫీసర్‌ రత్నావతి, అసిస్టెంట్‌ రిటర్నింగ్‌ ఆఫీసర్‌ సావిత్రి, సిబ్బంది ఉన్నారు.

యడ్లపాడు: వైఎస్సార్‌ సీపీకి చెందిన 42 మందిపై కేసులు నమోదయ్యాయి. స్థానిక సంస్థల ఎన్నికల నామినేషన్ల సందర్భంగా యడ్లపాడులో చోటుచేసుకున్న ఉద్రిక్తతల నేపథ్యంలో గురువారం హైవేపై ధర్నాకు దిగిన వారిపై ఈ కేసులు నమోదు చేసినట్లు ఎస్‌ఐ టి.శివరామకృష్ణ తెలిపారు. ఈ ఘటనకు సంబంధించిన వీడియో ఫుటేజీని పరిశీలిస్తూ మరికొందరిని గుర్తించే ప్రక్రియ కొనసాగుతోందని తెలిపారు. ధర్నాలో పాల్గొన్న మహిళల వివరాలను పరిశీలిస్తున్నట్లు వెల్లడించారు. ఇప్పటివరకు గుర్తించిన 42 మందిలో ఆరుగురిని గతంలోనే ఒక్కొక్కరికి రూ.5 లక్షల చొప్పున బైండోవర్‌ చేసినట్లు పోలీసులు తెలిపారు. బైండోవర్‌ ఉత్తర్వుల్లోని షరతులు, చట్టపరమైన నిబంధనల మేరకు తదుపరి చర్యలు తీసుకుంటామని స్పష్టం చేశారు. జాతీయ రహదారులపై ధర్నాలు, రాస్తారోకోలతో వాహనాల రాకపోకలకు అంతరాయం ఏర్పడటంతోపాటు ప్రజలకు ఇబ్బందులు కలుగుతాయని పోలీసులు పేర్కొన్నారు. ఎన్నికల సమయంలో శాంతిభద్రతలకు విఘాతం కలిగించకుండా, నిరసనలను చట్టబద్ధమైన మార్గాల్లో తెలియజేయాలని సూచించారు. ప్రజా రవాణాకు, అత్యవసర సేవలకు ఆటంకం కలిగించే చర్యలకు పాల్పడితే చట్టప్రకారం చర్యలు తీసుకుంటామని హెచ్చరించారు. వైఎస్సార్‌ సీపీకి మద్దతు తెలిపినందుకు దాడి అచ్చంపేట: వైఎస్సార్‌ సీపీ ఎంపీటీసీ అభ్యర్థికి మద్దతు తెలిపాడన్న కారణంతో టీడీపీ కార్యకర్తపై అదే పార్టీ వర్గీయులు దాడికి పాల్పడిన ఘటన మండలంలోని చింతపల్లిలో గురువారం రాత్రి చోటుచేసుకుంది. గ్రామస్తులు తెలిపిన వివరాలు ఇలా ఉన్నాయి. మండలంలోని చింతపల్లి ఎంపీటీసీ స్థానం జనరల్‌ కేటగిరి కేటాయించడంతో అభ్యర్థిగా షేక్‌ నాగుల్‌వలిని ఎంపిక చేశారు. అతను గురువారం అచ్చంపేటలో నామినేషన్‌ వేసేందుకు వెళ్లాడు. టీడీపీలో ఉన్న నాగుల్‌వలి తమ్ముడు మస్తాన్‌వలి తన అన్న వైఎస్సార్‌ సీపీ అభ్యర్థిగా ఎంపిక కావడంతో మద్దతు తెలిపినందుకు గ్రామంలోని టీడీపీ మూకలు మస్తాన్‌వలిపై దాడిచేయగా తలకు తీవ్ర గాయాలైనాయి. వెంటనే గాయాలపాలైన మస్తాన్‌వలిని సత్తెనపల్లి ప్రభుత్వ వైద్యశాలకు తరలించారు. ప్రస్తుతం మస్తాన్‌వలి పరిస్థితి బాగానే ఉంది. అయితే అచ్చంపేట సీఐ తెలిపిన సమాచారం మేరకు పార్టీల గొడవకాదని, మధ్యం ఎక్కువగా సేవించి గొడవలకు దిగడంవల్లనే దెబ్బలు తగిలాయని, మెరుగైన చికిత్స నిమిత్తం సత్తెనపల్లి పంపినట్లు తెలిపారు. జిల్లా స్థాయి బాలల ఫెడరేషన్‌ ఏర్పాటు అమరావతి: బాలల హక్కుల పరిరక్షణకు, బాలల సమస్యల పరిష్కారానికి బాలల ఫెడరేషన్‌ కృషి చేయాలని చైల్డ్‌ రైట్స్‌ పౌండేషన్‌ డైరెక్టర్‌ డాక్టర్‌ ఫ్రాన్సిస్‌ తంబి అన్నారు. గురువారం స్థానిక గుడ్‌ షెఫర్డ్‌ స్వచ్ఛంద సంస్థ ఆధ్వర్యంలో పల్నాడు జిల్లా స్థాయి బాలల ఫెడరేషన్‌ ఏర్పాటు కార్యక్రమానికి ఆయన రిసోర్స్‌పర్సన్‌గా వ్యవహరించారు. సిస్టర్‌ యాంటో మాట్లాడుతూ జిల్లా స్థాయి బాలల ఫెడరేషన్‌ ద్వారా వివిధ గ్రామాల్లోని బాలల పార్లమెంటులను సమన్వయం చేసుకుంటూ, బాలల సమస్యల పరిష్కారానికి సమష్టిగా కృషి చేయాలన్నారు.

నరసరావుపేట: స్థానిక సంస్థల ఎన్నికల నామినేషన్ల ప్రక్రియలో అభ్యర్థులను అడ్డుకుంటూ నామినేషన్‌న్‌ పత్రాలను లాక్కోవడం, చింపివేయడం వంటి దౌర్జన్యాలకు పాల్పడుతున్న వారిపై కఠిన చర్యలు తీసుకోవాలని సీపీఎం రాష్ట్ర కమిటీ సభ్యుడు వి.కృష్ణయ్య, పల్నాడు జిల్లా కార్యదర్శి గుంటూరు విజయ్‌కుమార్‌ డిమాండ్‌ చేశారు. స్థానిక పార్టీ కార్యాలయంలో గురువారం నిర్వహించిన విలేకరుల సమావేశంలో ఆయన మాట్లాడారు. నామినేషన్‌ కేంద్రాల వద్ద అభ్యర్థులందరికీ రక్షణ కల్పించి, స్వేచ్ఛగా నామినేషన్లు దాఖలు చేసుకునేలా ఎన్నికల అధికారులు, పోలీసులు చర్యలు తీసుకోవాలని కోరారు. ఆర్డీఓ కార్యాలయంలో క్రోసూరు, సత్తెనపల్లి, ముప్పాళ్ల, నకరికల్లు జెడ్పీటీసీ స్థానాలకు పార్టీ అభ్యర్థులు నామినేషనన్‌ దాఖలు చేసేందుకు వెళ్లిన సమయంలో టీడీపీకి చెందిన కొందరు వ్యక్తులు అడ్డుకుని దౌర్జన్యానికి పాల్పడ్డారన్నారు. నామినేషన్‌ కేంద్రాల వద్ద అధికార పార్టీకి చెందిన వ్యక్తులు గుంపులుగా చేరి ఇతర అభ్యర్థులను అడ్డుకుంటున్నప్పటికీ పోలీసులు తగిన చర్యలు తీసుకోవడం లేదని జిల్లా కార్యదర్శివర్గ సభ్యుడు జి.రవిబాబు విమర్శించారు. నామినేషన్‌న్‌కేంద్రాల్లో జరిగిన ఘటనలపై సమగ్ర విచారణ జరిపి, దౌర్జన్యాలకు పాల్పడిన వారిని గుర్తించి వెంటనే అరెస్టు చేయాలని డిమాండ్‌ చేశారు.

జాతీయస్థాయి వ్యవసాయ పీజీ ప్రవేశ పరీక్షలో బాపట్ల: విద్యా బోధనలో బాపట్ల వ్యవసాయ కళాశాల అత్యున్నత ప్రమాణాలను పాటిస్తుందని బాపట్ల వ్యవసాయ కళాశాల అసోసియేట్‌ డీన్‌ డా.పి.ప్రసూన రాణి అన్నారు. ఇండియన్‌ కౌన్సిల్‌ అఫ్‌ అగ్రికల్చరల్‌ రీసెర్చ్‌ జూనియర్‌ ఫెలోషిప్‌ (ఐ.సి.ఏ.ఆర్‌.–జె.ఆర్‌.ఎఫ్‌.) పరీక్షలో బాపట్ల వ్యవసాయ విద్యార్థులు అఖిల భారత స్థాయిలో అత్యంత ప్రతిష్టాత్మకమైన ర్యాంకులు సాధించిన సందర్భంగా గురువారం అభినందన సభ నిర్వహించారు. డీన్‌ డాక్టర్‌ పి.ప్రసూనరాణి మాట్లాడుతూ విలువలతో కూడిన విద్యతోపాటు విద్యార్థులకు సాంకేతికత, నైపుణ్యతలను పెంపొందించేందుకు కృషి చేస్తుందని, ప్రతి యేటా జాతీయ స్థాయి పి.జి. ప్రవేశ పరీక్షా ఫలితాలలో కళాశాల విద్యార్థులు సాధిస్తున్న ఉత్తమ ర్యాంకులే అందుకు నిదర్శనమన్నారు. అంతేకాకుండా ఐ.సి.ఏ.ఆర్‌.–జె.ఆర్‌.ఎఫ్‌ ద్వారా ఉన్నత విద్య పూర్తి చేసిన వారికి భవిష్యత్తులో అగ్రికల్చరల్‌ రీసెర్చ్‌ సర్వీస్‌ సైంటిస్ట్‌ పరీక్షలలో, యూనివర్సిటీలలో అసిస్టెంట్‌ ప్రొఫెసర్‌ ఉద్యోగాల నియామకాల్లో జాతీయ అంతర్జాతీయ పరిశోధన ప్రాజెక్టులలో ప్రాధాన్యత లభిస్తుందన్నారు. జాతీయ స్థాయిలో 20 వ ర్యాంకు సాధించి ఐ.ఏ.ఆర్‌.ఐ, న్యూ ఢిల్లీలో బయో కెమిస్ట్రీ విభాగంలో సీటు పొందిన పి.ఉదయ లక్ష్మి, ఎస్సీ కేటగిరీలో జాతీయ స్థాయిలో 10 వ ర్యాంకు సాధించి, జార్ఖండ్‌ రాష్ట్రంలోని ఐ.ఏ.ఆర్‌.ఐ. హజారీబాగ్‌, రాంచి క్యాంపస్‌లో సాయిల్‌ సైన్స్‌ విభాగంలో సీటు పొందిన జి.ప్రవల్లికలను ఘనంగా సత్కరించారు. వీరితో పాటు, డి.అభిమన్యు 12 వ ర్యాంకుతో యు.ఏ.ఎస్‌., బెంగళూరులో అగ్రిబిజినెస్‌ మేనేజిమెంట్‌ విభాగంలోను, సోనాక్షి గుప్త 32వ ర్యాంకు సాధించి బీహార్‌ వ్యవసాయ విశ్వవిద్యాలయం సీట్లు సాధించారని తెలిపారు. ఈ కార్యక్రమంలో జె.ఆర్‌.ఎఫ్‌. కోచింగ్‌ సెల్‌ ఇన్‌చార్జీ డా.ఎస్‌.హైమ జ్యోతి, సీనియర్‌ ప్రొఫెసర్‌ డా.జి.శివనారాయణ, డా. కె.చంద్రశేఖర్‌, డా.లాల్‌ అహమద్‌ మొహమ్మద్‌, డా.కె.సుశీల, డా.వి.ప్రసన్న కుమారి వివిధ విభాగాధిపతులు, విద్యార్థులు పాల్గొన్నారు.

నూజెండ్ల: ఎంపీటీసీ నామినేషన్లు ప్రక్రియలో ఎస్‌ఐ బీవీ కృష్ణారావు అత్యుత్సాహం చూపారు. కూటమి నేతల అండదండలతో వైఎస్సార్‌ సీపీ ఎంపీటీసీ అభ్యర్థుల పట్ల దురుసుగా ప్రవర్తించారు. నామినేషను వేయించే ప్రసక్తే లేదు అంటూ తీవ్ర అసభ్య పదజాలంతో హెచ్చరించారు. కూటమి నేతలు, పోలీసులు కుమ్మకై కేవలం వైఎస్సార్‌ సీపీ ఎంపీటీసీ అభ్యర్థులను నామినేషన్లు వేయనీయకుండా అడ్డుకోవటం జరిగింది. ఈ క్రమంలో ప్రతిపక్ష నేతలు ప్రశ్నించగా వాగ్వావాదం చోటుచేసు కొంది. ఇరుపార్టీల కార్యకర్తల మధ్య ఘర్షణ జరిగింది. ఎస్సై బీవీ కృష్ణారావు ఇరుపార్టీల వారిపై చర్యలు తీసుకోకుండా కేవలం వైఎస్సార్‌ సీపీ నేతలపై లాఠీచార్జి చేశారు. నామినేషన్లకేంద్రంలో ఆంక్షలు ఎంపీటీసీ నామినేషన్లు ప్రక్రియ న్యూస్‌ కవరేజ్‌కు వెళ్లిన మీడియా ప్రతినిధులు పట్ల పోలీసులు అత్యుత్సాహం చూపిన సంఘటన నూజెండ్లలో గురువారం చోటుచేసుకుంది. వి వరాల మేరకు వివిధ పార్టీలకు చెందిన ప్రజాప్రతినిధులు నామినేషన్లు వేసేందుకు ఆర్వో వద్దకు వస్తున్నారు. ప్రింట్‌, ఎలక్ట్రానిక్‌ మీడి యా ప్రతినిధులు కవరేజ్‌ చేసుకునేందుకు ఆర్వో అనుమతులు ఇచ్చినా పోలీసులు మా త్రం ఆంక్షలు విధించారు. దీంతో స్థానిక ఎస్సై బీవీ కృష్ణారావు తీరు పట్ల సర్వత్రా విమర్శలు వెల్లువెత్తుతున్నాయి. నామినేషన్‌ కేంద్రం ప్రాంగణంలో ఉద్రిక్త వాతావరణం నెలకొంది.

గుంటూరు రూరల్‌: అనుమానాస్పద స్థితిలో వ్యక్తి మృతదేహం గురువారం లభ్యమైంది. నల్లపాడు పోలీస్‌ స్టేషన్‌ సీఐ భాస్కర్‌ తెలిపిన వివరాల ప్రకారం ఇన్నర్‌ రింగ్‌ రోడ్‌ ఫేజ్‌–3, పెదపలకలూరు సమీపంలోని వ్యవసాయ పొలాలకు వెళ్లే డొంక రహదారిపై ఒక మృతదేహాన్ని గేదెల కాపరి గుర్తించాడు. ఈ విషయాన్ని అతను సంకల్ప కాలేజీ యాజమాన్యానికి తెలియజేయగా, కాలేజీ యాజమాన్యం నల్లపాడు పోలీసులకు సమాచారం అందించారు. సమాచారం అందుకున్న నల్లపాడు ఎస్‌ఐ నాగేంద్ర, సిబ్బంది సంఘటనా స్థలానికి చేరుకుని మృతదేహాన్ని పరిశీలించారు. మృతదేహంపై బయటకు కనిపించే రక్తగాయాలు ఏవీ లేనప్పటికీ మృతదేహం ముక్కు నోటి నుంచి రక్తం వస్తున్నట్లు గమనించారు. మృతదేహం వద్ద లభ్యమైన ఆధారాల ప్రకారం మృతుడు పెదపలకలూరు రోడ్డు ఉద్యోగనగర్‌ ఎదురుగా ఉండే స్వగృహ అపార్ట్‌మెంట్‌లో నివశించే దొడ్డా నతానియేలు కుమారుడు దొడ్డా నాగరాజు (32)గా గుర్తించారు. పోలీసులు వెంటనే మృతుడి కుటుంబ సభ్యులకు సమాచారం అందించగా మృతుని తండ్రి సంఘటనా స్థలికి చేరుకుని మృతదేహం తమ కుమారుడిదేనని గుర్తించాడు. మృతుడు ఓ సంస్థలో ప్రైవేట్‌ ఉద్యోగం చేస్తున్నట్లు ఈనెల 20వ తేదీన అతను ఇంటి నుంచి వెంటనే వస్తానని చెప్పి వెళ్ళి తిరిగి రాలేదని దీంతో తాము పట్టాభిపురం పోలీస్‌ స్టేషన్‌లో మిస్పింగ్‌ కేసు ఫిర్యాదు చేయగా ఈనెల 21వ తేదీన మిస్పింగ్‌ కేసు నమోదైనట్లు తెలిపారన్నారు. అనంతరం క్లూస్‌ టీమ్‌ సంఘటనా స్థలాన్ని పరిశీలించి, ఆధారాలు సేకరించారు. అయితే మృతుని తండ్రి తమ కుమారుడు ఇంటినుంచి వెళ్ళే సమయంలో తీసుకు వెళ్ళిన ద్విచక్రవాహనాన్ని మరో వ్యక్తి నడుపుతూ ఉండటాన్ని గమనించానని పోలీసులకు సమాచారం అందించాడు. సంఘటనా స్థలంలో మృతదేహం సమీపంలో మృతుని ఫోన్‌, ద్విచక్రవాహనం లభించకపోవటంతో ఎవరో హత్య చేసి, మృతదేహాన్ని ఇక్కడ పడేసి ఉంటారని పోలీసులు అనుమానిస్తున్నారు. సంఘటనా స్థలిలో దొరికిన ఆధారాల ప్రకారం పోలీసులు కేసు నమోదు చేసి దర్యాప్తు చేస్తున్నారు.

సాక్షి టాస్క్‌ఫోర్స్‌: బాపట్ల నియోజకవర్గం వేమూరు మండలం చావలి గ్రామ పంచాయతీలో కాపు సామాజికవర్గానికి ఆధిపత్యం ఉంది. వేమూరు జనసేన పార్టీ సమన్వయకర్త, సొసైటీ అధ్యక్షుడు ఊసా రాజేష్‌ సొంతూరు కూడా అదే. వేమూరు ఎంపీపీ పదవి జనరల్‌ మహిళకు రిజర్వు అయ్యింది. దీంతో సమన్వయకర్త కన్ను ఎంపీపీ పదవిపై పడింది. గ్రామంలో రెండు ఎంపీటీసీ స్థానాల్లో ఒకటి జనరల్‌ మహిళకు, రెండోది ఎస్సీలకు రిజర్వు అయింది. జనసేనకు మద్దతు ఉన్న అక్కడ ఈయన వైఖరితో గెలిచే పరిస్థితి లేకుండాపోయింది. మరోవైపు టీడీపీ సామాజికవర్గం ఆధిపత్యం గల పోతుమర్రు ఎంపీటీసీ స్థానం నుంచి తన భార్యతో నామినేషను వేయించారు. అదీ వేమూరు ఎమ్మెల్యే నక్కా ఆనందబాబు ఆశీస్సులతో తన భార్యను టీడీపీ అభ్యర్థిగా రంగంలోకి దించారు. దీనికి స్థానిక టీడీపీ వర్గీయులు సైతం వ్యతిరేకత తెలిపారు. అన్నీ అరాచకాలే ● జనసేనకు ఆధిపత్యం కలిగిన చావలి గ్రామంలో కూటమిలోని టీడీపీ మద్దతు కూడా తీసుకోకుండా పార్టీని భూస్థాపితం చేసి, పొరుగు గ్రామం వైపు చూస్తున్న ఆ సమన్వయకర్త తీరుపై స్థానికంగా అనేక ఆరోపణలు ఉన్నాయి. కూటమి ప్రభుత్వం అధికారంలోకి వచ్చాక ఆయన ఆగడాలు అన్నీ ఇన్నీ కావంటారు గ్రామస్తులు. గ్రామంలోని ఎస్సీల చేత దరఖాస్తులు చేయించి, రుణాలు తీసుకుని దర్జాగా వాడుకున్నారనే ఆరోపణలు ఉన్నాయి. అదేమని అడిగిన ఓ ఎస్సీ వ్యక్తితో వాగ్వాదానికి దిగి, అతడిపై చెప్పుతో దాడి చేయడంతో బాధితుడు ఎస్సీ, ఎస్టీ అట్రాసిటీ కేసు కూడా పెట్టారు. ఆ కేసు విచారణ ప్రస్తుతం జిల్లా కోర్టులో పెండింగులో ఉందని సమాచారం. ● గ్రామంలోని ప్రాథమిక వ్యవసాయ సహకార పరపతి సంఘం (పీఏసీఎస్‌) అధ్యక్ష పదవిని రాజేష్‌ సొంత ప్రయోజనాల కోసం ఉపయోగించుకున్నారనే ఆరోపణలున్నాయి. రూ.300కు విక్రయించాల్సిన ఎరువుల బస్తాను రూ. వెయ్యి చొప్పున బ్లాక్‌మార్కెట్లో అమ్మినట్లు రైతులు చెబుతున్నారు. సొసైటీలో రుణాల కేటాయింపునకు వసూళ్లకు పాల్పడినట్లు పేర్కొన్నారు. కనీసం రూ.30 వేలు లంచమిస్తేనే రుణాలు మంజూరు చేయించినట్లు ఆరోపణలు ఉన్నాయి. డబ్బులు ఇవ్వని రైతులకు రుణాలు రాలేదు. పెరవలి సొసైటీ నుంచి మత్స్యకార సొసైటీలోకి వెళ్లిన చావలి గ్రామంలోని చెరువులో చేపలు పెంపకానికి లీజుకిచ్చారు. ప్రైవేటు వ్యక్తి లీజు హక్కు దక్కించుకున్నాడు. చెరువులో చేప సీడ్‌ను వేసుకున్నాడు. తీరా అవి పట్టుకునేందుకు వచ్చిన తరుణంలో సదరు నాయకుడు అడ్డం తిరిగారు. తనకు రూ.5 లక్షలు ఇస్తేనే చేపలు పట్టుకునేందుకు అనుమతిస్తానని బెదిరించారు. చెరువులో రూ.15 లక్షల విలువైన చేపలున్నాయి. విధిలేని పరిస్థితిలో ఆ లీజుదారుడు ఆ మొత్తం ఇచ్చినట్లు తెలిసింది. స్వార్థ రాజకీయం ఈ నేపథ్యంలో స్థానిక సంస్థల ఎన్నికలొచ్చాయి. వేమూరు ఎంపీపీ పదవి జనరల్‌ మహిళకు రిజర్వు అయింది. ఆ పదవిని దక్కించుకోవటానికి తన భార్యను పోటీ చేయించాలని ఉవ్విళ్లూరిన రాజేష్‌ గ్రామస్తులను ప్రసన్నం చేసుకునే పనిలో పడ్డారు. ఇందుకోసం గ్రామస్తులకు విందు భోజనాలు ఏర్పాటు చేశారు. ఇన్నాళ్లకు దొరికాడని అనుకున్న గ్రామస్తులు ఎలాగైనా అతడిని ఓడించాలని కంకణం కట్టుకున్నారు. విందు భోజనాల మంత్రాంగం పనిచేయదని తెలుసుకున్న సదరు నాయకుడు మూడు రోజుల తర్వాత సామూహిక భోజనాలను నిలిపివేశారు. చావలికి ప్రత్యామ్నాయంగా సురక్షిత స్థానం కోసం అన్వేషించారు. జనరల్‌ మహిళకు రిజర్వయిన, టీడీపీ నాయకుల ఆధిపత్యం కలిగిన పోతుమర్రు ఎంపీటీసీ స్థానానికి తన భార్యతో నామినేషను దాఖలు చేయించారు. వేమూరు ఎమ్మెల్యే నక్కా ఆనందబాబు ఆశీర్వాదంతో ఈ పని చేశారు. పోతుమర్రు (900 ఓట్లు), బూతుమల్లి (150 ఓట్లు), చంపాడు (600 ఓట్లు) పరిధిగా గల ఎంపీటీసీకి టీడీపీ అభ్యర్థిగా పోటీ చేయిస్తున్నారు. సొంత ఊరు చావలిలో ఆధిపత్యం గల జనసేనను భూస్థాపితం చేసి, పోతుమర్రు ఎంపీటీసీగా భార్యను పోటీ చేయిస్తున్న రాజేష్‌ వ్యవహారశైలి, లంచగొండితనం తెలిసిన ఆ మూడు గ్రామాల ఓటర్లు కూడా మద్దతు ఇవ్వబోమని ఇప్పటికే తేల్చిచెప్పారని సమాచారం. ఈ పరిణామంతో చావలిలోని టీడీపీ వర్గీయులు సైతం తీవ్ర మనస్తాపంతో ఉన్నారు. అవకాశం ఉంటే మచిలీపట్నం ఎంపీ వల్లభనేని బాలశౌరి సమక్షంలో జనసేన పార్టీలో చేరదామనే భావనలో ఉన్నారని విశ్వసనీయంగా తెలిసింది. అవినీతికి, అవకాశవాద రాజకీయాలకు పరాకాష్టగా ఉన్న ఈ ఉదంతంలో కూటమి పార్టీల దిగజారుడు రాజకీయం, దానిని ప్రోత్సహిస్తున్న ఎమ్మెల్యే నక్కా ప్రమేయంపైనా ఇప్పుడు జోరుగా చర్చ సాగుతోంది.

లంకెవానిదిబ్బ ఎంపీటీసీ సెగ్మెంట్‌లో దుశ్చర్యరేపల్లె: స్థానిక సంస్థల ఎన్నికల వేళ రేపల్లె మండలం లంకెవానిదిబ్బ ఎంపీటీసీ సెగ్మెంట్‌లో నామినేషన్‌ ప్రక్రియ ఉద్రిక్తతకు దారితీసింది. వైఎస్సార్‌ సీపీ తరఫున తన భార్య విశ్వనాథపల్లి ముత్యాలమ్మను ఎంపీటీసీ అభ్యర్థిగా నిలబెట్టేందుకు సిద్ధమైన తన వద్ద నుంచి నామినేషన్‌ పత్రాలు, సెల్‌ఫోను, నగదును కొందరు బలవంతంగా లాక్కెళ్లినట్లు భర్త వీరరాఘవయ్య ఆవేదన వ్యక్తం చేశారు. ఈ ఘటనపై ఆయన రేపల్లె పట్టణ పోలీస్‌ స్టేషనులో ఫిర్యాదు చేశారు. శుక్రవారం నామినేషను దాఖలు చేయాల్సి ఉండటంతో అవసరమైన ధ్రువపత్రాల జిరాక్స్‌ కోసం వీర రాఘవయ్య గురువారం రేపల్లె పట్టణానికి వచ్చారు. ఓ జిరాక్స్‌ కేంద్రంలో పత్రాలు సిద్ధం చేసుకుంటున్న సమయంలో గ్రామానికి చెందిన పలువురు టీడీపీ నాయకులు అక్కడికి వచ్చి తనను అడ్డుకున్నారని ఆయన ఆరోపించారు. నామినేషను పత్రాలతో పాటు సెల్‌ఫోను, నగదును బలవంతంగా లాక్కొని, తనపై దాడి చేసి అక్కడి నుంచి వెళ్లిపోయారని తెలిపారు. ఎంపీపీ అభ్యర్థి వర్గం పనే... ఈ ఘటన వెనుక టీడీపీ మండల ఎంపీపీ అభ్యర్థి కోప్పనాతి రాజశేఖర్‌ ఉన్నట్లు వీర రాఘవయ్య ఆరోపించారు. రాజశేఖర్‌ వర్గానికి చెందిన కోప్పనాతి బాబురావు, కోప్పనాతి వెంకటేశ్వరరావు తదితరులు తనపై దాడి చేశారని ఫిర్యాదులో పేర్కొన్నట్లు తెలిపారు. ముత్యాలమ్మ తరఫున శుక్రవారం నామినేషను దాఖలు చేయాల్సి ఉందని వీర రాఘవయ్య తెలిపారు. అధికారులు తన పరిస్థితిని పరిగణనలోకి తీసుకుని నామినేషన్‌ సమర్పించేందుకు అవకాశం కల్పించాలని విజ్ఞప్తి చేశారు. ఘటనపై సమగ్ర విచారణ జరిపి బాధ్యులపై చట్టప్రకారం చర్యలు తీసుకోవాలని పోలీసులను కోరారు.

గుంటూరు డీఈఓ సలీంబాషా మంగళగిరి టౌన్‌: దసరా సెలవుల అనంతరం పాఠశాలలు పునఃప్రారంభమైన తొలిరోజే జిల్లా విద్యాశాఖాధికారి సలీంబాషా మంగళగిరి పట్టణంలోని చింతక్రింది కనకయ్య ఉన్నత పాఠశాలను గురువారం ఆకస్మికంగా తనిఖీ చేశారు. సెలవుల అనంతరం విద్యార్థుల విద్యా ప్రగతిని పరిశీలించేందుకు ఆయన పాఠశాలను సందర్శించడం ప్రత్యేకతను సంతరించుకుంది. విద్యార్థులతో, ముఖ్యంగా పదో తరగతి చదువుతున్న బాలబాలికలతో డీఈఓ మాట్లాడారు. అన్ని సబ్జెక్టుల్లో వారి విషయ పరిజ్ఞానాన్ని ప్రశ్నల ద్వారా తెలుసుకున్నారు. పదో తరగతి పబ్లిక్‌ పరీక్షల్లో నూరుశాతం ఉత్తీర్ణత సాధించేలా విద్యార్థులు అనుసరించాల్సిన పద్ధతులు, చదువులో పాటించాల్సిన మెలకువలు, పరీక్షల సన్నద్ధతపై పలు సూచనలు చేశారు. దసరా సెలవుల్లో పదో తరగతి విద్యార్థుల సాధన కోసం రూపొందించిన ‘సూపర్‌–12’ ప్రణాళికను డీఈఓ పరిశీలించారు. విద్యార్థులకు ప్రాక్టీసు కోసం సిద్ధం చేసిన ఈ ప్రణాళికను పరిశీలించిన ఆయన సంతృప్తి వ్యక్తం చేశారు. విద్యార్థులు ప్రణాళికాబద్ధంగా చదువుతూ, ప్రతి సబ్జెక్టుపై పట్టు సాధించి పరీక్షలకు సిద్ధం కావాలని సూచించారు. అనంతరం ఉపాధ్యాయులతో డీఈఓ సమావేశమై బోధనలో అనుసరించాల్సిన మెలకువలను వివరించారు. మంగళగిరి ఎంఈఓ రమాదేవి పాల్గొన్నారు.

వైఎస్సార్‌ సీపీ నేతలే లక్ష్యంగా పోలీసుల దౌర్జన్యం పట్నంబజార్‌: గుంటూరు నగరంలో కార్పొరేషన్‌ ఎన్నికల నేపథ్యంలో పోలీసుల వ్యవహారశైలి వివాదాస్పదంగా మారుతోంది. అసలు ఎన్నికల్లో జెండా పట్టుకుని ప్రచారం చేయకూడదనే స్థాయికి పోలీసు వ్యవస్థ దిగజారిందంటే... అధికార పార్టీ నేతలకు వారు పలుకుతున్న వత్తాసు అర్థమవుతోంది. ఎలాంటి కేసులు, క్రిమినల్‌ బ్యాక్‌గ్రౌండ్‌ లేని వ్యక్తులను సైతం స్టేషన్‌కు రావాలంటూ ఫోన్లు చేస్తున్న పరిస్థితి గుంటూరు నగరంలో ఏర్పడింది. ఉద్దేశపూర్వకంగా అధికార పార్టీ నేతలు చెప్పిన విధంగా వైఎస్సార్‌ సీపీలో చురుగ్గా ఉండే వారిని స్టేషన్లకు పిలిపిస్తూ బైండోవర్లు చేయడం పరిపాటిగా మారింది. బైండోవర్ల పేరుతో ఇబ్బందులకు గురిచేయడం, అభ్యర్థుల వెంట ప్రచారంలో పాల్గొంటున్న నాయకులకు ఫోన్లు చేసి స్టేషన్‌కు పిలిపిస్తున్న తీరు సర్వత్రా విమర్శలకు తావిస్తోంది. వైఎస్సార్‌ సీపీ జెండాలు పట్టుకోవద్దంటూ ఆంక్షలు విధిస్తున్నారనే ఆరోపణలు రాజకీయ వర్గాల్లో చర్చనీయాంశంగా మారాయి. వైఎస్సార్‌ సీపీ నేతలనే పదేపదే స్టేషన్‌కు పిలుస్తూ, బైండోవర్ల పేరుతో ఒత్తిడి చేస్తున్నారనేది బహిరంగ రహస్యం. కనీసం ఏ రోజూ పోలీస్‌ స్టేషన్‌ మెట్టు కూడా ఎక్కని వ్యక్తులను సైతం అభ్యర్థుల వెంట ప్రచారంలో పాల్గొన్నారనే నెపంతో స్టేషన్‌కు రావాలంటూ ఫోన్లు చేయడం ఏమిటని ప్రశ్నలు ఉత్పన్నం అవుతున్నాయి. కేవలం వైఎస్సార్‌సీపీ నేతలను మాత్రమే లక్ష్యంగా చేసుకుని వ్యవహరిస్తున్నారని తెలుస్తోంది. ఇటీవల లాలాపేట పోలీస్‌ స్టేషన్‌లో సైతం గత సార్వత్రిక ఎన్నికల సమయంలో స్వల్ప వివాదాలు జరిగిన ఘటనలో సంబంధిత వ్యక్తులను పిలిపించి బైండోవర్లు చేసిన పోలీసులు, అదే ఘటనలో ఉన్న టీడీపీ వారిని రెండు రోజుల తర్వాత ‘సాక్షి’లో కథనం వచ్చిన అనంతరం పిలిపించి బైండోవర్లు చేశారు. ఇప్పటివరకు గుంటూరు ఈస్ట్‌ పరిధిలో సుమారు 159 మందిని బైండోవర్‌ చేయగా, వారిలో అధిక శాతం వైఎస్సార్‌ సీపీ నేతలే ఉన్నారనేది స్పష్టమవుతోంది. వైఎస్సార్‌ సీపీ జెండాలపైనే అభ్యంతరాలా? రాజకీయ పార్టీలు తమ జెండాలు, గుర్తులతో ప్రచారం నిర్వహించడం ప్రజాస్వామ్యంలో సహజం. ఎన్నికల నియమావళికి విరుద్ధంగా వ్యవహరిస్తే చర్యలు తీసుకోవచ్చు. కానీ, వైఎస్సార్‌ సీపీ జెండాలు పట్టుకోవద్దంటూ పోలీసులు ఆదేశిస్తున్నారని ఆ పార్టీ నేతలు చెబుతున్నారు. ఒక పార్టీ ప్రచారంపై ఆంక్షలు విధించి, మిగిలిన పార్టీలకు స్వేచ్ఛనిస్తే పోలీసుల నిష్పక్షపాత ధోరణిపై ప్రశ్నలు తలెత్తుతాయి. అధికార తెలుగుదేశం పార్టీ నేతలు ఎన్నికల నిబంధనలు ఉల్లంఘిస్తున్నా పోలీసులు పట్టించుకోవడం లేదని, వైఎస్సార్‌ సీపీ నేతల విషయంలో మాత్రం కఠినంగా వ్యవహరిస్తున్నారనే అంశం హాట్‌ టాపిక్‌గా మారింది. ఎన్నికల నియమావళిని ఉల్లంఘిస్తే ఎలాంటి చర్యలు తీసుకున్నా అభ్యంతరం లేదని, అయితే ఉద్దేశపూర్వకంగా ఇబ్బందులకు గురిచేయడం సరికాదని వైఎస్సార్‌ సీపీ శ్రేణులు ఇప్పటికే పలుమార్లు సూచించాయి. ఎన్నికల వేళ పోలీసుల ప్రతి చర్య పారదర్శకంగా ఉండాలి. బైండోవర్లకు కారణాలు, స్టేషన్‌కు పిలవడానికి అవసరమైన ప్రాతిపదిక, ప్రచార ఆంక్షలకు సంబంధించిన నిబంధనలను స్పష్టంగా వెల్లడించాలి. ఇవేమీ పట్టించుకోకుండా పోలీసులు ఏకపక్షంగా వ్యవహరిస్తున్నారనే ఆరోపణలు వెల్లువెత్తుతున్నాయి. ఎన్నికలు ప్రశాంతంగా జరగడం ఎంత ముఖ్యమో, అన్ని పార్టీలు సమాన అవకాశాలతో ప్రచారం చేసుకునే వాతావరణం కల్పించడం కూడా అంతే ముఖ్యం. పోలీసులపై రాజకీయ పక్షపాత ఆరోపణలు బలపడకుండా, చట్టం ముందు అందరూ సమానమేనని తమ చర్యల ద్వారా నిరూపించాల్సిన బాధ్యత పోలీసు యంత్రాంగంపై ఉంది.

నగరంపాలెం: గంజాయి విక్రయాలకు పాల్పడే మంగళగిరి ద్వారకానగర్‌ గవర్నమెంట్‌ ఆసుపత్రి సమీపాన ఉంటున్న పెలుగు అనిల్‌ అలియాస్‌ అనిల్‌కుమార్‌పై పీఐటీ ఎన్‌డీపీఎస్‌ చట్టం ప్రయోగించి, రాజమండ్రి జైలుకి తరలించారు. ఈ మేరకు జిల్లా పోలీస్‌ కార్యాలయం నుంచి గురువారం ఒక ప్రకటన విడుదల చేశారు. గంజాయి విక్రయించే అతనిపై మంగళగిరి, పెదకాకాని, తెనాలి పోలీస్‌స్టేషన్లలో నాలుగు కేసులు నమోదైనట్లు తెలిపారు. ప్రజారోగ్యం/ శాంతి భద్రతలను పరిరక్షించడంలో భాగంగా అతనిపై ఈ నిరోధక చర్యలు చేపట్టామని పేర్కొన్నారు. గంజాయి అక్రమ రవాణా, విక్రయాలకు పాల్పడితే చట్ట ప్రకారం కఠిన చర్యలు ఉంటాయని తెలిపారు. ట్రాక్టర్‌ ఢీకొని మహిళ మృతి మేడికొండూరు: మేడికొండూరు మండలం సిరిపురం గ్రామంలోని పాలడుగు అడ్డ రోడ్డు బస్‌షెల్టర్‌ సమీపంలో గురువారం ఉదయం జరిగిన రోడ్డు ప్రమాదంలో మాదాల గ్రామానికి చెందిన చిట్టి మల్లేశ్వరి(28) మృతి చెందింది. పోలీసుల వివరాల ప్రకారం.. గ్రామాల్లో వెంట్రుకలు విక్రయ వ్యాపారం నిర్వహించే మల్లేశ్వరి, స్వగ్రామానికి వెళ్లేందుకు బస్‌షెల్టర్‌ వద్ద వేచి ఉంది. ఈ సమయంలో భీమినేని వారిపాలెం వైపు నుంచి సిరిపురం వైపు వస్తున్న ట్రాక్టర్‌ అదుపుతప్పి బస్‌షెల్టర్‌ వైపు దూసుకొచ్చి ఆమెను ఢీకొట్టింది. ఈ ప్రమాదంలో తీవ్రంగా గాయపడిన మల్లేశ్వరి అక్కడికక్కడే మృతి చెందింది. సిరిపురం గ్రామానికి చెందిన దొప్పలపూడి సచిన్‌ ట్రాక్టర్‌ నడుపుతున్నట్లు గుర్తించారు . ట్రాక్టర్‌ నడుపుతూ మొబైల్‌ ఫోన్‌లో మాట్లాడటంతోనే ప్రమాదం జరిగినట్లు పోలీసులు తెలిపారు. ఘటన పై కేసు నమోదుచేసి దర్యాప్తు చేస్తున్నట్లు పోలీసులు తెలిపారు. ఎలుకల మందు తాగి వ్యక్తి ఆత్మహత్య నాదెండ్ల: తన ఆరోగ్యం ఎప్పటికీ కోలుకోదన్న వేదనతో ఎలుకల మందు నీటిలో కలిపి తాగి వ్యక్తి ఆత్మహత్యకు పాల్పడిన సంఘటన ఇర్లపాడు గ్రామంలో గురువారం చోటుచేసుకుంది. పోలీసులు తెలిపిన వివరాల మేరకు.. గ్రామానికి చెందిన ఈర్నపు బుల్లి ముసలయ్య (51) కొంతకాలంగా అనారోగ్యంతో బాధపడుతున్నాడు. ఆసుపత్రుల చుట్టూ తిరిగినా ఆరోగ్యం మెరగవకపోవటంతో తీవ్ర నిరాశకు లోనైన బుల్లిముసలయ్య బుధవారం ఉదయం 11 గంటల సమయంలో నీటిలో ఎలుకల మందు కలిపి తాగాడు. బంధువులు గమనించి ఆయన్ను నరసరావుపేట ఏరియా ఆసుపత్రికి తరలించారు. చికిత్స పొందుతూ గురువారం మృతి చెందాడు. భార్య ఈర్నపు లూర్దుమేరి ఫిర్యాదు మేరకు పోలీసులు కేసు నమోదు చేశారు. అచ్చంపేటలో తెల్లవారుజామున అరెస్టులు అచ్చంపేట: వైఎస్సార్‌ సీపీ నేతలను పోలీసులు గురువారం తెల్లవారుజామున 2 గంటల సమయంలో ఇళ్లకు వెళ్లి అదుపులోకి తీసుకున్నారు. వైఎస్సార్‌ సీపీ మండల కన్వీనర్‌ చిల్కా చంద్రయ్య, సీనియర్‌ నాయకులు, పెదపాలెం మాజీ సర్పంచ్‌ నెల్లూరి చంద్రబాబు, మండల మైనార్టీ సెల్‌ కన్వీనర్‌ షేక్‌ బీరువాల జానీలను అదుపులోకి తీసుకుని బెల్లంకొండ పోలీస్‌ స్టేషన్‌కు తరలించారు. ఎందుకు తీసుకెళుతున్నారని అడిగినా శాంతిభద్రతల పరిరక్షణ అంటూ పోలీసులు బలవంతంగా పోలీస్‌ వాహనంలో ఎక్కించుకుని తీసుకెళ్లారు. కుటుంబ సభ్యులు ఎంత ప్రాథేయపడ్డా వినిపించుకోలేదు. వైఎస్సార్‌ సీపీ నాయకుడి టీ స్టాల్‌ ధ్వంసం మాచర్ల కారంపూడిలో ఉన్న వైఎస్సార్‌ సీపీ నాయకుడు గొట్టిముక్కల వెంకటరెడ్డికి చెందిన టీ స్టాల్‌లోకి గురువారం టీడీపీ గూండాలు చొరబడి కర్రలతో దాడి చేశారు. టేబుళ్లను, టీ స్టాల్‌ను ధ్వంసం చేశారు. చినగార్లపాడు గ్రామానికి చెందిన వెంకటరెడ్డి అనేక సంవత్సరాలుగా కారంపూడిలో టీ స్టాల్‌ నడుపుతున్నాడు. రాజకీయ కక్ష పెట్టుకొని టీడీపీ దుండగులు కర్రలతో దాడి చేసి సామాగ్రిని ధ్వంసం చేశారు. అతనిని అవమానకరంగా దూషించి దాడి చేసి గాయపరిచారు. వైస్సార్‌సీపీ అంటే చంపుతామని బెదిరించి ధ్వంసం చేసి వెళ్లిపోయారు. రైలు నుంచి జారి పడి గుర్తు తెలియని వ్యక్తి మృతి నరసరావుపేట టౌన్‌: రైలు నుంచి జారి పడి గుర్తు తెలియని వ్యక్తి మృతి చెందిన సంఘటనపై కేసు నమోదు చేసి దర్యాప్తు చేస్తున్నట్లు రైల్వే ఎస్‌ఐ రాజమోహన్‌రావు గురువారం తెలిపారు. నరసరావుపేట రైల్వేపోలీస్‌ స్టేషన్‌ పరిధిలోని నుదురుపాడు రైల్వే స్టేషన్‌ సమీపంలో సుమారు 40 సంవత్సరాల వయస్సు గల వ్యక్తి రైలు పట్టాల పక్కన మృతి చెంది ఉన్నాడు. స్టేషన్‌ సిబ్బంది ఇచ్చిన సమాచారం మేరకు సంఘటనా స్థలానికి చేరుకొని మృతదేహాన్ని పరిశీలించారు. మృతుడు నలుపు రంగు ఫ్యాంట్‌, నీలం రంగు చొక్కా ధరించి ఉన్నాడన్నారు. మృతదేహాన్ని పోస్టుమార్టం నిమిత్తం ఏరియా వైద్యశాలకు తరలించామన్నారు.

గుంటూరు మెడికల్‌: రోడ్డు ప్రమాదంలో గాయపడి కాలు విరిగిన వృద్ధుడికి ఆపరేషన్‌ అనంతరం ఇన్‌ఫెక్షన్‌ సోకి ఐదేళ్లుగా గాయం మానలేదు. నాలుగుసార్లు ఆపరేషన్లు చేయించినా , ఐదేళ్లుగా యాంటిబయాటిక్స్‌ వాడినా తగ్గని ఇన్‌ఫెక్షన్‌కు గుంటూరు శ్రీ హాస్పటల్‌ వైద్యులు నూతనంగా పరిశోధన చేసి ఫేజ్‌థెరపీ చికిత్సతో కేవలం ఐదు రోజుల్లోనే ఇన్‌ఫెక్షన్‌ను తగ్గించారు. గురువారం గుంటూరు అరండల్‌పేటలో జరిగిన సమిష్ట హాస్పటల్‌ అండ్‌ రీసెర్చి ఇనిస్టిట్యూట్‌(శ్రీ)లో జరిగిన విలేకరుల సమావేశంలో హాస్పటల్‌ మేనేజింగ్‌ డైరక్టర్‌, ఇన్‌ఫెక్షన్స్‌ స్పెషలిస్ట్‌ డాక్టర్‌ కోగంటి కళ్యాణ్‌చక్రవర్తి వివరాలు వెల్లడించారు. జిల్లాలోని లేమల్లెపాడుకు చెందిన 75 ఏళ్ల సాంబశివరావుకు ఐదేళ్ల క్రితం రోడ్డు ప్రమాదంలో కాలు విరిగిందని, కుటుంబ సభ్యులు బాధితుడికి గుంటూరులో ఆపరేషన్‌ చేయించారన్నారు. కాలి గాయం మానకపోవటం, గాయం నుంచి చీము, రక్తం కారుతూ ఉండటం, నొప్పి వంటి సమస్యలు తరచుగా వస్తూ ఉండటంతో ఐదేళ్లగా నాలుగుసార్లు ఆపరేషన్లు చేయించారన్నారు. రూ.5 లక్షలకు పైగా ఖర్చుచేసినా కాలికి ఇన్‌ఫెక్షన్‌ ఎక్కువగా ఉండి గాయం తగ్గటం లేదని హైదరాబాద్‌కు కూడా తీసుకెళ్లినా సమస్య తగ్గలేదన్నారు. అయినా సమస్య పరిష్కారం కాకపోవటంతో తమ వద్దకు రాగా పరీక్షలు చేసి బ్యాక్టీరియా ఫేజ్‌ థెరపీ చికిత్సతో కేవలం ఐదు రోజుల్లో ఇన్‌ఫెక్షన్‌ నుంచి విముక్తి కల్పించామని డాక్టర్‌ కళ్యాణ్‌ చక్రవర్తి చెప్పారు. ప్రపంచ బ్యాక్టీరియోఫేజ్‌ దినోత్సవం అక్టోబర్‌ 22న నిర్వహిస్తున్నారని, ఈనెల 28 వరకు బ్యాక్టీరియోఫేజ్‌ వారాన్ని నిర్వహిస్తున్నట్లు వెల్లడించారు. సాంబశివరావుకు చేసిన బ్యాక్టీరియా ఫేజ్‌థెరపీ చికిత్స వివరాలను ఇంటర్నేషనల్‌ జర్నల్‌ ఆఫ్‌ ఇన్ఫెక్షియస్‌ డిసీజెస్‌ – ఐజేఐడీ రీజియన్స్‌లో ప్రచురితమైనట్లు తెలిపారు. తమ పరిశోధన విజయవంతం కావడంలో పలువురు వైద్యులు, శాస్త్రవేత్తలు కీలక పాత్ర పోషించారన్నారు. ఏపీలోని ఎస్‌ఆర్‌ఎం యూనివర్సిటీ అసోసియేట్‌ ప్రొఫెసర్‌, బ్యాక్టీరియోఫేజ్‌ జీవశాస్త్ర నిపుణుడు, డాక్టర్‌ సుదర్శన్‌ గోవిందరాజన్‌ రోగులకు అవసరమైన బ్యాక్టీరియోఫేజ్‌లను అభివృద్ధి చేయడంలో కీలక పాత్ర పోషించారన్నారు. అమెరికాకు చెందిన మాలిక్యులర్‌ బయాలజిస్ట్‌, ఇప్సైటీ డయాగ్నోస్టిక్స్‌ అండ్‌ రీసెర్చ్‌ సంస్థ సీఈఓ డాక్టర్‌ సందీప్‌ నాదెండ్ల పరిశోధనకు అవసరమైన సాంకేతిక సహకారం అందించారన్నారు. ఆర్ధోపెడిక్‌ సర్జన్‌ డాక్టర్‌ రవితేజ యార్లగడ్డ, ఎమర్జన్సీ మెడిసిన్‌ స్పెషలిస్ట్‌ డాక్టర్‌ రామకష్ణ ప్రసాద్‌ కె లు తమ వంతు సహాయ సహకారాలు అందించారన్నారు.

బాపట్ల: స్థానిక సంస్థల ఎన్నికలకు సంబంధించి పోలింగ్‌ కేంద్రాలలో ఏర్పాట్లపై జిల్లా ఎన్నికల అధికారి, జిల్లా కలెక్టర్‌ డాక్టర్‌ వినోద్‌ కుమార్‌ ఎన్నికల అధికారులకు పలు సూచనలు చేశారు. గురువారం, కలెక్టరేట్‌ లోని వీక్షణ సమావేశ మందిరంలో ఆయన అధికారులతో సమీక్షా సమావేశం నిర్వహించారు. జిల్లా ఎన్నికల అధికారి సూచనల మేరకు పనిచేయని సిబ్బందిపై చర్యలు తీసుకుంటామని హెచ్చరించారు. జోనల్‌ రూట్‌ అధికారులు పోలింగ్‌ స్టేషన్లను తనిఖీ చేయాలన్నారు. పోలింగ్‌ స్టేషన్లో ఇబ్బందులను తెలియజేయాలన్నారు. పోలింగ్‌ స్టేషన్లకు పట్టణ ప్రాంతంలో వార్డ్‌ అమ్మినిటీలు, గ్రామీణ ప్రాంతంలో ఇంజినీరింగ్‌ అసిస్టెంట్లు ఇంచార్జీలుగా వ్యవహరిస్తారని ఆయన చెప్పారు. పోలింగ్‌ స్టేషన్‌ పరిధిలో పిచ్చి మొక్కలు తొలగించాలని, రోడ్లలోని గుంతలను, మట్టి దిబ్బలను సరిచేయాలని, పరిసరాలను పరిశుభ్రంగా ఉంచాలని, కాంపౌండ్‌ వాల్‌ ను ఏర్పాటు చేయాలని ఆయన అధికారులకు సూచించారు. పోలింగ్‌ స్టేషన్‌లో పురుషులకు, మహిళలకు వేర్వేరుగా మరుగుదొడ్లను ఏర్పాటు చేయాలని, వాటి వివరాలను ఎక్సెల్‌ షీట్లు లో అందజేయాలని ఆయన అధికారులకు తెలియజేశారు. పోలింగ్‌ స్టేషన్లో విధులు కేటాయించిన సిబ్బందికి ఎటువంటి ఇబ్బంది లేకుండా అన్ని ఏర్పాట్లు చేయాలన్నారు. ఎన్నికల సామగ్రి వివరాలను ముందుగా తెలుసుకుని ఉండాలని, సామగ్రి వివరాలను ఆయన అధికారులకు తెలియజేశారు. జడ్పిటిసి మరియు ఎంపీటీసీ ఎన్నికల నిర్వహణకు సంబంధించి సిబ్బందికి శిక్షణా తరగతులు ఏర్పాటు చేయాలన్నారు. శిక్షణ తరగతులకు హాజరయ్యే సిబ్బంది హాజరును నమోదు చేయాలని, వారికి మాత్రమే శిక్షణా భత్యం అందజేయాలన్నారు. జిల్లా ఇన్చార్జి రెవెన్యూ అధికారి లవన్న, ఎన్నికల నోడల్‌ అధికారులు పాల్గొన్నారు. సమష్టిగా పనిచేసి ఎన్నికల ప్రక్రియ విజయవంతం చేద్దాం.. బాపట్ల: పీఓలు, ఏపీఓలు, ఓపీఓలు అందరు చిత్తశుద్ధితో బాధ్యతగా ఎన్నికలు విధులు నిర్వహించాలని జిల్లా కలెక్టర్‌ డాక్టర్‌ వినోద్‌ కుమార్‌ పేర్కొన్నారు. గురువారం వ్యవసాయ కళాశాలలోని డాక్టర్‌ బి.వి.నాధ్‌ ఆడిటోరియం నందు 2వ సాధారణ ఎన్నికలు, స్థానిక సంస్థల ఎన్నికలపై పీఓలు, ఏపీఓలు, ఓపీఓలకు శిక్షణ కార్యక్రమం గురువారం జరిగింది. శిక్షణా కార్యక్రమంలో సాధారణ ఎన్నికల పరిశీలకులు ఏ ఏ ఎల్‌,పద్మావతి, డ్వామా పి డి. విజయలక్ష్మీ, ఇంచార్జి డి ఆర్‌ ఓ.లవన్న లతో కలసి జిల్లా కలెక్టర్‌ పాల్గొన్నారు. ఈ సందర్భంగా ఆయన మాట్లాడుతూ ఎన్నికల విధులు నిర్వహించడం అదృష్టంగా భావించాలన్నారు. జిల్లాలో ఎన్నికల ప్రక్రియ పూర్తి అయ్యేవరకు మనందరం బాధ్యతగా పని చేయాలన్నారు. జిల్లాలో డీఈఓ, ఎంఈఓలు, ఉపాధ్యాయులు అందరూ బాగా పని చేస్తున్నారని తెలిపారు. పోలింగ్‌ రోజు చాలా ముఖ్యమైందని గుర్తించుకోవాలన్నారు. సమస్యలపై జిల్లా కలెక్టరేట్‌ లోను బాపట్ల, చీరాల, రేపల్లె ఆర్డీఓ కార్యాలయాలలోను హెల్ప్‌ డెస్క్‌ ఏర్పాటు చేయడం జరుగుతుందని తెలిపారు. ఆరోగ్య సమస్యలు ఉంటే మెడికల్‌ సర్టిఫికేట్‌ తో అందజేయాలని తెలిపారు. మీకు ఎన్నికల విధులకు సంబంధించి అందవలసిన సొమ్మును ఇప్పించవలసిన బాధ్యత తనపై ఉందన్నారు. చీరాల, రేపల్లె మున్సిపల్‌ కమిషనర్లు, దానియేలు జోసఫ్‌, సాంబశివరావు, మాస్టర్‌ ట్రైనర్లు, పీఓలు, ఏపీఓలు, ఓపీఓ తదితరులు పాల్గొన్నారు. జిల్లా కలెక్టర్‌ డాక్టర్‌ వి.వినోద్‌కుమార్‌

చీరాల: ఓటు హక్కు వినియోగించుకునే ఓటర్లకు పోలింగ్‌ కేంద్రాల్లో అన్ని రకాల మౌలిక సదుపాయాలను కల్పించాలని కలెక్టర్‌ డాక్టర్‌ వి.వినోద్‌కుమార్‌ అన్నారు. చీరాల మున్సిపాలిటీ పరిధిలోని పోలింగ్‌ కేంద్రాలను గురువారం పరిశీలించారు. ఈనెల 28న జరగనున్న మున్సిపల్‌ ఎన్నికల నిర్వహణకు సంబంధించి మున్సిపాలిటీ పరిధిలోని జయంతిపేటలో గల డాక్టర్‌ బీఆర్‌ అంబేడ్కర్‌ ప్రాథమిక పాఠశాలలో ఏర్పాటు చేసిన 41,43 నెంబర్ల పోలింగ్‌ కేంద్రాలను పరిశీలించారు. ఆయన మాట్లాడుతూ పోలింగ్‌ కేంద్రాల్లో ఓటర్లకు కల్పించాల్సిన మౌలిక సదుపాయాలు, ఓటర్లు సులభంగా వచ్చి తమ ఓటు హక్కును వినియోగించుకునేందుకు అవసరమైన ఏర్పాట్లు, ప్రతి పోలింగ్‌ కేంద్రం వద్ద ఆ పోలింగ్‌ కేంద్రం పరిధిలో ఉన్న ఓటర్ల జాబితాను ప్రదర్శించాలన్నారు. పోలింగ్‌ సిబ్బందికి కల్పించే సదుపాయాలు, తాగునీరు, విద్యుత్‌, పారిశుద్ధ్యం, మరుగుదొడ్లు, ఓటరట్ల రాకపోకలకు అనుకూలమైన సౌకర్యాలు తదితర అంశాలను ఆయన పరిశీలించారు. అనంతరం మున్సిపల్‌ కార్యాలయాన్ని తనిఖీ చేసి మున్సిపల్‌ ఎన్నికల నిర్వహణకు సంబంధించిన ఏర్పాట్లు, ఎన్నికల సిబ్బంది సమన్వయం, పోలింగ్‌ కేంద్రాల వారీగా నిర్వహణ సన్నద్ధత తదితర అంశాలపై మున్సిపల్‌ కమిషనర్‌ డానియేల్‌ జోసఫ్‌ను వివరాలు అడిగి తెలుసుకున్నారు. ఆర్డీఓ కె.నరసింహారావు, మున్సిపల్‌ అధికారులు, సిబ్బంది ఉన్నారు.

బాపట్లశుక్రవారం శ్రీ 23 శ్రీ అక్టోబర్‌ శ్రీ 2026అచ్చంపేట: పులిచింతల ప్రాజెక్టులో ప్రస్తుత నిల్వ 27.8716 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది.రేపల్లె: స్థానిక సంస్థల ఎన్నికల వేళ నిజాంపట్నంలో చోటుచేసుకున్న వరుస ఘటనలు రాజకీయంగా కలకలం రేపుతున్నాయి. వైఎస్సార్‌ సీపీ ఎంపీటీసీ అభ్యర్థుల నామినేషన్‌ పత్రాలను చించివేయడంతోపాటు వారిపై దాడులకు పాల్పడిన ఘటన సంచలనంగా మారింది. మరోవైపు బుధవారం అర్ధరాత్రి వైఎస్సార్‌ సీపీ నాయకుడు చిప్పల సాయిబాబాకు చెందిన ఇంట్లో ఫర్నిచర్‌, ఇతర వస్తువులను ధ్వంసం చేశారు. వరుస ఘటనలతో నిజాంపట్నంలో రాజకీయ వాతావరణం వేడెక్కింది. కూటమి అరాచకాలపై సర్వత్రా ఆగ్రహం వ్యక్తం అవుతోంది. దాడుల పర్వం ఓటమి భయంతోనే? ఒకవైపు నామినేషన్‌ పత్రాల చించివేత, మరోవైపు ఇంట్లో వస్తువుల ధ్వంసం ఘటనలతో నిజాంపట్నంలో ఉద్రిక్తత నెలకొంది. స్థానిక సంస్థల ఎన్నికల వేళ వరుసగా చోటుచేసుకున్న పరిణామాలు రాజకీయంగా చర్చకు దారితీశాయి. ఎన్నికల్లో అభ్యర్థులు స్వేచ్ఛగా పోటీ చేసే పరిస్థితులు కల్పించడం, శాంతిభద్రతలను కాపాడటం అధికారుల కీలక బాధ్యతలు. ఈ ఘటనలకు సంబంధించి పూర్తి వివరాలు సేకరించి బాధ్యులపై చర్యలు తీసుకోవాలని వైఎస్సార్‌ సీపీ శ్రేణులు డిమాండ్‌ చేస్తున్నాయి. ఎన్నికల్లో ప్రత్యర్థులను రాజకీయంగా ఎదుర్కోవాల్సింది పోయి ఇలాంటి చర్యలకు పాల్పడుతున్నారనే ఆరోపణలు వస్తున్నాయి. ఇవి ప్రజాస్వామ్యాన్ని అపహాస్యం చేసేలా ఉన్నాయని విమర్శలు వినిపిస్తున్నాయి. దీనికంతటికీ ఓటమి భయమే కారణమని వైఎస్సార్‌ సీపీ వర్గాలు ఆరోపిస్తున్నాయి. ఎన్నికలలో పోటీ అనేది అర్హుడైన ప్రతి అభ్యర్థికి ఉన్న హక్కు. అలాంటి హక్కుకు భంగం కలిగించే ఘటనలు చోటుచేసుకుంటే అధికారులు తక్షణమే స్పందించి నిష్పక్షపాతంగా విచారణ జరపాలి. ఇకనైనా ఎన్నికల అధికారులు, పోలీసులు పూర్తి వివరాలు సేకరించి బాధ్యులను గుర్తించాలని వైఎస్సార్‌సీపీ శ్రేణులు డిమాండ్‌ చేస్తున్నాయి. ఈ తరహా ఘటనలు పునరావృతం కాకుండా తగిన చర్యలు తీసుకోవాలని కోరుతున్నాయి. సుప్రీంకోర్టు ఆదేశాలు పాటించాలని డిమాండ్‌ చేస్తున్నాయి.స్థానిక ఎన్నికల వేళ టీడీపీ నేతల అరాచకాలు

పొన్నూరు: ద్విచక్ర వాహనంపై దైవ దర్శనానికి వెళుతుండగా టాటా ఎస్‌ వాహనం ఢీకొని యువకుడు దుర్మరణం చెందిన ఘటన మండలంలోని పచ్చల తాడిపర్రు గ్రామ సమీపంలో మంగళవారం చోటుచేసుకుంది. వివరాలు.. మామిళ్లపల్లి గ్రామానికి చెందిన వైఎస్సార్‌ సీపీ వాణిజ్య విభాగం మండల అధ్యక్షులు చెట్టుపల్లి వెంకట కృష్ణమూర్తి రెండో కుమారుడు శ్రీనివాస్‌(23) దసరా పండుగ పురస్కరించుకుని గ్రామం నుంచి పొన్నూరు పట్టణంలోని శ్రీ వీరాంజనేయస్వామిని దర్శించుకునేందుకు పల్సర్‌ బైక్‌పై బయలు దేరారు. పచ్చలతాడిపర్రు సమీపంలో గుంటూరు వెళుతున్న అతివేగంగా వస్తున్న టాటా ఎస్‌ వాహనం ఢీకొంది. వెనుక వస్తున్న మరో బైక్‌ కూడా ఢీకొంది. దీంతో అదుపుతప్పి బైక్‌ కిందపడి అలాగే ముందుకు దూసుకుపోవడంతో పెట్రోల్‌ ట్యాంక్‌ నుంచి మంటలు రేగి ద్విచక్ర వాహనం దగ్ధమైంది. యువకుడికి మంటలు వ్యాపించడంతో పాటు ప్రమాదంలో తీవ్రగాయాలపాలైన యువకుడు అక్కడికక్కడే మృతి చెందాడు. రూరల్‌ పోలీసులు కేసు నమోదు చేసి దర్యాప్తు చేస్తున్నారు. ఉన్నత చదువుల కోసం మరో వారం రోజుల్లో లండన్‌ వెళ్లాల్సిన కుమారుడు మృతిచెందడంతో తల్లిదండ్రులు, కుటుంబ సభ్యులు రోదించిన తీరు చూపరులను కంటతడి పెట్టించింది. ఈ ఘటనతో గ్రామంలో విషాదఛాయలు అలుముకున్నాయి. స్నేహితుడి మరణంతో తోటి స్నేహితులు తీవ్ర ఆవేదనకు గురయ్యారు. బుధవారం గ్రామంలోని వారి నివాసంలో శ్రీనివాస్‌ భౌతికకాయాన్ని అంబటి మురళీకృష్ణ సందర్శించి నివాళులర్పించారు.

బాపట్ల: రాజ్యాంగబద్ధంగా ఎన్నికల నిర్వహణకు చర్యలు తీసుకోవాలని ఎన్నికల వ్యయ పరిశీలకురాలు జి.కృష్ణప్రియ అధికారులకు సూచించారు. స్థానిక కలెక్టరేట్‌ వీక్షణ సమావేశ మందిరంలో రాజకీయపార్టీల నాయకులతో బుధవారం ప్రత్యేక సమావేశం నిర్వహించారు. ఆమె మాట్లాడుతూ నామినేషన్‌ ప్రక్రియ ప్రారంభం నుంచి పోటీలో ఉండే అభ్యర్థుల ఖర్చులను పరిగణనలోకి తీసుకుంటామన్నారు. అభ్యర్థులు వెచ్చించే ప్రతి పైసాకు ఖర్చులు చూపాల్సి ఉంటుందన్నారు. ఓట్ల లెక్కింపు వరకు అభ్యర్థుల వ్యయాన్ని గుర్తించడానికి నియమించిన బృందాలు నిరంతరం పరిశీలిస్తాయన్నారు. ఎన్నికల ప్రవర్తన నియమావళి పక్కాగా అమలు చేయాల్సిందేనన్నారు. ప్రతి అభ్యర్థికి ఒక రిజిస్టర్‌ ఏర్పాటు చేస్తామన్నారు. ప్రతి మూడు రోజులకొకసారి సంబంధిత దస్త్రాన్ని వ్యయ పరిశీలకులు పరిశీలిస్తారన్నారు. ఎన్నికల ప్రక్రియలో అభ్యర్థులు 40 రోజుల్లో తమ ఖర్చులపై స్పష్టమైన నివేదికలు ఎన్నికల వ్యయ పరిశీలకులకు అందించాల్సి ఉందన్నారు. లేకుంటే నిబంధనల ఉల్లంఘన, నిధుల దుర్వినియోగం కింద భావించాల్సి ఉంటుందన్నారు. బ్యాలెట్‌ పత్రాల ముద్రణకు చర్యలు మున్సిపాలిటీ ఎన్నికల బ్యాలెట్‌ పత్రాల ముద్రణకు చర్యలు తీసుకుంటున్నామని కలెక్టర్‌ డాక్టర్‌ వినోద్‌ కుమార్‌ తెలిపారు. పురపాలక సంఘాల పోటీలో ఉండే అభ్యర్థుల తుది జాబితా బుధవారం విడుదల చేస్తామన్నారు. వీటి ఆధారంగా బ్యాలెట్‌ పత్రాలు ముద్రించే ప్రక్రియ ప్రారంభిస్తామన్నారు. పురపాలక సంఘాలలో పోటీలో ఉండే అభ్యర్థులు స్పష్టత ఉంటుందన్నారు. ప్రచారాలను ఎప్పటికప్పుడు ఫ్లయింగ్‌ స్క్వాడ్‌, స్టాటిక్‌ సర్వైలెనన్స్‌, వీడియో సర్వేలెన్స్‌ బృందాలు నిరంతరం పరిశీలిస్తాయన్నారు. డీఆర్వో లవన్న, డీపీఓ నగేష్‌కుమారి, ఎన్నికల విభాగం పర్యవేక్షకుడు షేక్‌ షఫీ, జిల్లా వ్యయ నోడల్‌ ఆఫీసర్‌ రాజ్యం, వైఎస్సార్‌సీపీ నాయకులు ఇనగలూరి మాల్యాద్రి, సీపీఎం నాయకులు గంగయ్య, కాంగ్రెస్‌ పార్టీ నాయకులు డి.రవి, ఆమ్‌ ఆద్మీ పార్టీ నాయకులు బాలాజీరెడ్డి, టీడీపీ నాయకులు వహీద్‌ తదితరులు పాల్గొన్నారు. ఎన్నికల వ్యయ పరిశీలకురాలు జి.కృష్ణప్రియ

బాపట్ల: సమస్యాత్మక, అత్యంత సమస్యాత్మక పోలింగ్‌ కేంద్రాల వద్ద అదనపు పోలీస్‌ బలగాలను నియమించాలని జిల్లా ఎన్నికల సాధారణ పరిశీలకురాలు ఏఏఎల్‌ పద్మావతి తెలిపారు. ఎన్నికల నిర్వహణపై నోడల్‌ అధికారులతో బుధవారం స్థానిక కలెక్టరేట్‌లోని వీసీ మందిరంలో సమావేశం నిర్వహించారు. ఆమె మాట్లాడుతూ సమస్యాత్మక పోలింగ్‌ కేంద్రాల వద్ద వెబ్‌ కాస్టింగ్‌ ఏర్పాటు చేయాలని ఆదేశించారు. చీరాల, బాపట్ల మున్సిపాలిటీలలో పర్యటించి, పరిశీలించిన అంశాలపై అనుభవాలను అధికారులకు వివరించారు. రూపొందించుకున్న ప్రణాళికను చక్కగా అమలు చేస్తే, ప్రశాంతంగా ఎన్నికలు జరుగుతాయన్నారు. ఆ దిశగా అధికారులంతా సమన్వయంతో పనిచేయాలని సూచనలు చేశారు. ఓటర్లను అభ్యర్థులు ప్రభావితం చేయకుండా ఫ్లయింగ్‌ స్క్వాడ్‌, స్టాటిక్‌ సర్వైలెన్‌న్స్‌ బృందాలు పనిచేయాలని ఎన్నికల వ్యయ పరిశీలకురాలు జి.కృష్ణప్రియ తెలిపారు. వీడియోగ్రఫీ సర్వేలను బృందాలు మరింత చురుగ్గా పని చేయాల్సి ఉందన్నారు. మున్సిపాలిటీ, ఎంపీటీసీ జెడ్పీటీసీ, పంచాయతీ ఎన్నికలు పకడ్బందీగా నిర్వహించడానికి సమగ్ర ప్రణాళికలు రూపొందించామని జిల్లా కలెక్టర్‌ డాక్టర్‌ వినోద్‌కుమార్‌ తెలిపారు. నవంబర్‌ మూడో తేదీన ఎంపీటీసీ జెడ్పీటీసీ ఎన్నికలు, నవంబర్‌ 26వ తేదీన పంచాయతీల మొదటి దశ, నవంబర్‌ 29వ తేదీన పంచాయతీలకు రెండో దశ, డిసెంబర్‌ రెండో తేదీన మూడో దశలో పంచాయతీ ఎన్నికలు నిర్వహణకు ప్రణాళికలు సిద్ధం చేసుకున్నామన్నారు. 1,092 పోలింగ్‌ కేంద్రాలలో ఎంపీటీసీ, జెడ్పీటీసీ ఎన్నికలు, 3,770 పోలింగ్‌ కేంద్రాలలో గ్రామపంచాయతీ ఎన్నికలు జరుగుతాయన్నారు. ఎన్నికలు ప్రశాంతంగా నిర్వహించడానికి 10,576 మంది ఉద్యోగులను నియమించామని కలెక్టర్‌ చెప్పారు. మున్సిపాలిటీలకు రెండు ఫ్లయింగ్‌ స్క్వాడ్‌, రెండు స్టాటిక్‌ సర్వైలెనన్స్‌ బృందాలు, రెండు జోనల్‌ అధికారుల బృందాలను నియమించామన్నారు. ఎంపీటీసీ, జెడ్పీటీసీ ఎన్నికల కోసం 216 మందిని ఫ్లయింగ్‌ స్క్వాడ్‌కు, 216 మందిని స్టాటిక్‌ సర్వైలెనన్స్‌ బృందాలు నియమించగా క్షేత్రస్థాయిలో పర్యటిస్తాయన్నారు. 54 మందిని జోనల్‌ అధికారులుగా నియమించామన్నారు. ఎన్నికలు ప్రశాంత వాతావరణంలో నిర్వహణకు భద్రతా చర్యలు తీసుకుంటున్నామని జిల్లా ఎస్పీ బి.ఉమామహేశ్వర్‌ చెప్పారు. నామినేషన్‌ ప్రక్రియ జరిగే ప్రాంతాలలో మూడంచెల భద్రతా చర్యలు తీసుకున్నామన్నారు. సమావేశంలో ఇన్‌చార్జి డీఆర్‌ఓ లవన్న, డీపీఓ టి నగేష్‌ కుమారి, వివిధ విభాగాల నోడల్‌ అధికారులు, ఆర్డీవోలు, తదితరులు పాల్గొన్నారు.

చీరాల: మున్సిపల్‌ ఎన్నికల్లో వైఎస్సార్‌ కాంగ్రెస్‌ పార్టీ తరపున మున్సిపల్‌ చైర్‌పర్సన్‌ అభ్యర్థి, 44 వార్డుల్లో పోటీ చేయనున్న అభ్యర్థులకు బుధవారం వైఎస్సార్‌ కాంగ్రెస్‌ పార్టీ నియోజకవర్గ ఇన్‌చార్జి కరణం వెంకటేష్‌ బాబు బీ ఫాంలను అందించారు. బుధవారం స్థానిక రామకృష్ణాపురంలోని క్యాంపు కార్యాలయంలో పార్టీ అభ్యర్థులతో ఆయన సమావేశం నిర్వహించారు. నియోజకవర్గ ఇన్‌చార్జి కరణం వెంకటేష్‌బాబు మాట్లాడుతూ మున్సిపల్‌ ఎన్నికల్లో వైఎస్సార్‌ కాంగ్రెస్‌ పార్టీ తరఫున అన్ని వార్డుల్లో అభ్యర్థులను నిలబెట్టామన్నారు. చీరాల మున్సిపాలిటీలోని అన్ని వార్డుల్లో వైఎస్సార్‌ సీపీ ప్రభుత్వ హయాంలో ఎన్నో సంక్షేమ, అభివృద్ధి కార్యక్రమాలను చేపట్టామన్నారు. వార్డుల అభివృద్ధికి ఆనాడు ఎంతో కట్టుబడి ఉన్నామన్నారు. వార్డుల్లో సీసీ రోడ్లు, డ్రైన్లు, పార్కులు వంటి అభివృద్ధి పథకాలను నిర్వహించామన్నారు. పార్టీ గెలుపు కోసం అందరూ కృషి చేయాలన్నారు. అనంతరం మున్సిపల్‌ చైర్మన్‌ అభ్యర్థిగా పోటీ చేస్తున్న డాక్టర్‌ ఇస్తర్ల షెర్లికి బీ ఫాం అందించారు. అనంతరం వార్డుల కౌన్సిలర్‌ అభ్యర్థులకు ఆయన బి ఫాంలను అందించారు. కార్యక్రమంలో పార్టీ నాయకులు, కార్యకర్తలు పాల్గొన్నారు.

యువకుడి మృతి ఉప్పల్‌: ఉప్పల్‌ నుంచి నాగోల్‌ వెళ్లే మార్గంలో మంగళవారం తెల్లవారుజామున ఘోర రోడ్డు ప్రమాదం జరిగింది. ఈ ప్రమాదంలో కారు నడుపుతున్న జంపాని వినీత్‌ చౌదరి (24) అక్కడికక్కడే మృతి చెందాడు. పోలీసులు తెలిపిన ప్రకారం హయత్‌నగర్‌ పవనగిరి కాలనీకి చెందిన జంపాని నాగేశ్వరరావు వ్యాపారి. స్వస్థలం గుంటూరు. ఆయన చిన్న కుమారుడు వినీత్‌ చౌదరి(24) ఎంబీఏ ద్వితీయ సంవత్సరం చదువుతున్నాడు. సోమవారం అర్ధరాత్రి తార్నాకలో ఉండే స్నేహితుడు సయ్యద్‌ సాజీద్‌ అలి వద్దకు వచ్చారు. కాఫీ తాగడానికి బంజారాహిల్స్‌ వెళ్లారు. దాదాపు 3 గంటల సమయంలో స్నేహితుడిని తార్నాకలో దింపి ఎల్‌బీనగర్‌ వైపు వెళ్తున్నారు. నాగోల్‌ రోడ్డు హెచ్‌పీ పెట్రోల్‌ బంకు వద్ద కారు అదుపు తప్పి కృష్ణా జలాల పైప్‌లైన్‌ వాల్వ్‌ను బలంగా ఢీకొట్టింది. పైపులైన్‌ పగలడంతో నీటి వేగానికి కారు పైకి ఎగిరి పక్కన ఉన్న షాప్‌పై పడింది. ఈ ఘటనలో వినీత్‌ చౌదరి తలకు తీవ్రగాయాలై అక్కడికక్కడే మృతి చెందాడు. కారు నుజ్జునుజ్జు అయ్యింది. తండ్రి ఫిర్యాదు మేరకు పోలీసులు కేసు నమోదు చేసుకుని దర్యాప్తు ప్రారంభించారు. ఉదయం వరకు రోడ్డుపై భారీగా నీరు పారడంతో వాహన దారులు ఇబ్బంది పడ్డారు.

తాడేపల్లి రూరల్‌: వైఎస్సార్‌ సీపీ నాయకుడు దాసరి వీరయ్యను పీడీ యాక్టు కింద మంగళవారం పోలీసులు అరెస్ట్‌ చేశారు. ఉదయం 6 గంటలకు కుంచనపల్లిలోని నివాసం నుంచి బలవంతంగా తాడేపల్లి పోలీసులు తరలించారు. సమాచారం అందుకున్న వైఎస్సార్‌ సీపీ మంగళగిరి సమన్వయకర్త బుర్రముక్కు వేణుగోపాల సోమిరెడ్డి, వీరయ్య భార్య అరుణ, అడ్వకేట్లు దేవరకొండ రామకృష్ణ, బాజీగంగాధర్‌ పోలీస్‌స్టేషన్‌కు వెళ్లారు. పోలీసులను నాయకులు నిలదీయగా రాజమండ్రి తరలిస్తున్నట్లు చెప్పారు. స్థానిక సంస్థల ఎన్నికల్లో దుగ్గిరాల మండలం ఎస్సీ రిజర్వేషన్‌ నేపథ్యంలో వైఎస్సార్‌ సీపీని అడ్డుకునే ప్రయత్నంలో భాగంగా అక్రమ కేసులో అదుపులోకి తీసుకున్నట్లు పార్టీ నాయకులు ఆరోపిస్తున్నారు. పీడీ యాక్ట్‌ దుర్మార్గం.. మంగళగిరి నియోజకవర్గంలో చంద్రబాబు ప్రభుత్వం పోలీసులను అడ్డంపెట్టుకుని పెడుతున్న అక్రమ కేసులు, అరెస్టులపై వైఎస్సార్‌ సీపీ నేతలు మండిపడ్డారు. దుగ్గిరాల తాజా మాజీ జెడ్పీటీసీ సభ్యురాలు మేకతోటి అరుణ భర్త దాసరి వీరయ్యను పోలీసులు అక్రమంగా అరెస్ట్‌ చేసి పీడీ యాక్ట్‌ నమోదు చేయడంపై ఆగ్రహం వ్యక్తం చేశారు. వైఎస్సార్‌ సీపీ సమన్వయకర్త వేణుగోపాల సోమిరెడ్డి విలేకరులతో మాట్లాడుతూ 2024 ఎన్నికల ఫలితాల రోజే దాసరి వీరయ్యపై తెలుగుదేశం ప్రభుత్వం తప్పుడు కేసులు పెట్టడం ప్రారంభించిందని ఆరోపించారు. ఎటువంటి సంబంధం లేని కేసుల్లో వీరయ్యను ఇరికించి జైలుకు పంపించారని పేర్కొన్నారు. వాటిపై న్యాయపోరాటం చేస్తున్నామని, స్థానిక సంస్థల ఎన్నికలను దృష్టిలో పెట్టుకుని చంద్రబాబు ప్రభుత్వం వీరయ్యపై పీడీ యాక్ట్‌ దుర్మార్గం అన్నారు. న్యాయపోరాటం చేస్తామని వెల్లడించారు. కేసులన్నీ అక్రమమే.. దాసరి వీరయ్య భార్య అరుణ మాట్లాడుతూ బుడంపాడు హత్య కేసుతో పాటు ఇతర కేసులన్నీ అక్రమంగా పెట్టినవేనని ఆరోపించారు. స్థానిక సంస్థల ఎన్నికలలో అత్తగారు పోటీ చేయాలనే ఉద్దేశంతో ఉన్నారని, ఎన్నికల్లో తమ కుటుంబాన్ని అడ్డుకోవడానికే తన భర్తను అరెస్ట్‌ చేశారని ఆరోపించారు. మంత్రి నారా లోకేష్‌ తన భర్తను విడుదల చేసి ఎన్నికలు నిర్వహించాలని డిమాండ్‌ చేశారు. తమ కుటుంబం మొదటి నుంచి వైఎస్సార్‌ సీపీకి, వైఎస్‌ జగన్‌మోహన్‌రెడ్డికి మద్దతుగా ఉందని తెలిపారు. ప్రజల్లో వ్యతిరేకత ఉందని, అరెస్టులు, బెదిరింపులతో ఎన్నికల్లో గెలవాలని చూడడం సరికాదని విమర్శించారు. అడ్వకేట్‌ దేవరకొండ రామకృష్ణ మాట్లాడుతూ దాసరి వీరయ్యపై గతంలో నమోదైన కేసులను ఆధారంగా చేసుకుని పీడీ యాక్ట్‌ అమలు చేశారని అన్నారు. వైఎస్సార్‌ సీపీ లీగల్‌సెల్‌ ఆధ్వర్యంలో పోరాటం చేస్తామని తెలిపారు. ఈ విషయాన్ని వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి దృష్టికి తీసుకువెళ్తామని అన్నారు. కార్యక్రమంలో వైఎస్సార్‌ సీపీ మైనార్టీ సెల్‌ రాష్ట్ర ప్రధాన కార్యదర్శి ఎండి గోరేబాబు, పెరికలపూడి మాజీ సర్పంచి గంపల గంగాధర్‌, నాయకులు రమేష్‌ పాల్గొన్నారు.

ఆరు వాహనాలు స్వాధీనం చీరాల: చీరాల ఒన్‌టౌన్‌ పోలీస్‌స్టేషన్‌ పరిధిలో వరుస స్కూటీ చోరీలకు పాల్పడుతున్న ఇద్దరు నిందితులను బుధవారం ఒన్‌టౌన్‌ పోలీసులు స్వాధీనం చేసుకున్నారు. ఎస్సై టి.శ్రీనివాసరావు మాట్లాడుతూ ఎన్నికల విధుల్లో భాగంగా దండుబాట రోడ్డు వద్ద పోలీసులు విస్తృతంగా తనిఖీలు చేపట్టారు. ఆ సమయంలో ఇద్దరు వ్యక్తులు స్కూటీపై అనుమానాస్పదంగా వస్తూ పోలీసులను చూసి వెనుతిరిగి పారిపోయేందుకు ప్రయత్నించారు. పోలీసులు వారిని వెంబడించి పట్టుకున్నారు. విచారణలో వారు ఇంకొల్లు మండలానికి చెందిన వారిగా గుర్తించారు. వారు ప్రయాణిస్తున్న స్కూటీని పరిశీలించగా అది ఒన్‌టౌన్‌ పోలీస్‌స్టేషన్‌ పరిధిలోనే చోరీకి గురైనట్లు నిర్ధారించారు. ప్రధానంగా స్కూటీలనే లక్ష్యంగా చేసుకుని చోరీలకు పాల్పడుతున్నట్లు తెలిపారు. వెంటనే విక్రయిస్తే దొరికిపోతామని భయంతో దాచి ఉంచుతున్నామన్నారు. కొత్తపాలెం సమీపంలో జగనన్న కాలనీ వద్ద ఉన్న ఓ పాడుబడిన రేకుల ఇంట్లో ఈ వాహనాలను ఉంచామన్నారు. నిందితులు ఇచ్చిన సమాచారంతో ఆ ప్రాంతంలో దాచి ఉంచిన ఆరు స్కూటీలను సీజ్‌ చేశారు. ఈ వాహనాలను ఏయే ప్రాంతాల్లో దొంగలించారనే దానిపై కేసు నమోదు చేసి దర్యాప్తు చేస్తున్నట్లు తెలిపారు. గుంటూరు జిల్లా అథ్లెటిక్స్‌ జట్టు ఎంపిక గుంటూరు వెస్ట్‌ (క్రీడలు): నవంబర్‌ 14 నుంచి 16 వరకు తెలంగాలోని సదాశివపేటలోని జరిగే 20వ జాతీయ అంతర్‌ జిల్లాల అథ్లెటిక్స్‌ చాంపియన్‌షిప్‌ పోటీల్లో పాల్గొని గుంటూరు జిల్లా జట్టును ఎంపిక చేసామని జిల్లా అథ్లెటిక్స్‌ సంఘం కార్యదర్శి జీవీఎస్‌ ప్రసాద్‌ బుధవారం తెలిపారు. ఎంపికై న క్రీడాకారులు నవంబర్‌ 13 ఉదయం 7 గంటలకు సదాశివపేటలోని వాక్స్‌సేన్‌ యూనివర్సిటీలో టీం మేనేజర్‌ సిహెచ్‌వి రాజుకు రిపోర్ట్‌ చేయాలని కోరారు. ఎంపికై న క్రీడాకారుల వివరాలు అండర్‌ 14 బాలురు విభాగం: ఎస్‌వీ ఫృద్వీ, టీవీ తిరుమూర్తులు, బాలికల విభాగంలో.. ఎస్‌కె రీసా, ఎస్‌ కృతిలయ, అండర్‌ 16 బాలికల విభాగంలో– పి హేమశ్రీ, కె.హన్విత, జి దీపిక, శ్రీలక్ష్మీ పావని, బి కీర్తి, జి దీక్ష శ్రీ, బాలుర విభాగం– పి సిద్ధిక్‌, ఎస్‌కె ముంజమల్‌, వై భార్గవ్‌, టీం కోచ్‌ కె.రవి, మేనేజర్‌గా సిహెచ్‌.వి.రాజు వ్యవహరిస్తారన్నారు. మున్సిపల్‌ ఎన్నికల్లో సుప్రీం చెంపపెట్టు.. కొరిటెపాడు(గుంటూరు): ఆంధ్రప్రదేశ్‌ మున్సిపల్‌ ఎన్నికల నిర్వహణలో నెలకొన్న అక్రమాలపై సుప్రీంకోర్టు జారీ చేసిన ఆదేశాలు చంద్రబాబు నాయుడుకు, కూటమి నేతలకు చెంపపెట్టులాంటిదని గిరిజన ప్రజా సమాఖ్య(జీపీఎస్‌) జాతీయ వ్యవస్థాపక అధ్యక్షుడు, రాష్ట్ర ఎస్టీ కమిషన్‌ మాజీ సభ్యుడు వడిత్యా శంకర్‌ నాయక్‌ బుధవారం ఒక ప్రకటనలో తెలిపారు. సుప్రీంకోర్టు ఆదేశాలను స్వాగతిస్తున్నామని పేర్కొన్నారు. రాష్ట్రంలో అనేక మున్సిపాలిటీల్లో నామినేషన్లు దాఖలు చేసేందుకు వెళ్తున్న అభ్యర్థులను అడ్డుకున్నారంటూ వచ్చిన ఫిర్యాదులపై సుప్రీంకోర్టు బుధవారం కీలక ఆదేశాలు జారీ చేసిందన్నారు. ప్రజాస్వామ్యంలో ఎన్నికలు స్వేచ్ఛాయుతంగా, పారదర్శకంగా జరగడం అత్యంత ముఖ్యమని స్పష్టం చేశారు.

తెనాలి: గుంటూరుకు చెందిన శ్రీకేఆర్‌కేఎం మెమోరియల్‌ అకాడెమీ ఆఫ్‌ ఫైన్‌ ఆర్ట్స్‌ సంస్థ, రాష్ట్ర ప్రభుత్వ సృజనాత్మ క, సాంస్కృతిక కమి షన్‌ సౌజన్యంతో ఈ నెల 23, 24 తేదీ ల్లో ‘అమరావతి నృత్యోత్సవం– 2026’ నిర్వహిస్తున్నారు. బృందావన్‌ గార్డెన్స్‌లోని అన్నమయ్య కళావేదికపై సాయంత్రం ఆరు గంటలకు జరిగే ఈ నృత్యోత్సవంలో నృత్యగురు ప్రీతి మహాపాత్రో(ఒడిస్సీ నృత్యం), లోకా చంద్రశేఖర్‌రెడ్డి(ఆంధ్రనాట్యం), చెరుకుఅనుష్క(భరతనాట్యం)తోపాటు తెనాలికి చెందిన నృత్యగురువు చల్లా వేదవల్లి, మహతి భిక్షు(కూచిపూడి) నృత్య ప్రదర్శనలున్నాయి. ప్రముఖ నర్తకి, అకాడెమీ కార్యదర్శి కోకా విజయలక్ష్మి ఈ కార్యక్రమ రూపకల్పన చేశారు. తెనాలి కళాకారిణుల పరిచయం. కూచిపూడి నృత్యంలో 39 ఏళ్ల అనుభవం కలిగిన నర్తకి, కొరియోగ్రాఫర్‌, నృత్యగురు చల్లా(జంధ్యాల) వేదవల్లి స్వస్థలం కళల కాణాచి తెనాలి. చిన్నతనంలో కాళ్లకు గజ్జెలు కట్టిన వేదవల్లి, తొలుత చదలవాడ నారాయణరావు, తర్వాత నాట్యాచార్య ఎండీ గిరి దగ్గర శిక్షణ తీసుకున్నారు. కళనే ప్రియంగా పదనర్తనాన్నే శ్వాసగా మలుచుకుని ‘కూచిపూడి’ని వంటపట్టించుకొన్నారు. అభినయ సౌదామినిగా కీర్తిని పొందారు. దేశంలోని ప్రతిష్టాత్మక వేదికలపై ప్రదర్శనలిచ్చారు. 1996లో ముంబయిలో హేమమాలిని, శోభానాయుడు, రాధా రాజారెడ్డి, వెంపటి రవిశంకర్‌ వంటి నాట్యదిగ్గజాలు నర్తించిన వేదికపై గజ్జె కట్టారు. విశ్వామిత్ర– మేనక, రతీమన్మధ, చెంచులక్ష్మి, మోహినీభస్మాసుర, అభిజ్ఞాన శకుంతలము వంటి నృత్యరూపకాలతో గుర్తింపు తెచ్చుకున్నారు. 1993లో అకాడమీ ఆఫ్‌ ఇండియన్‌ డ్యాన్సెస్‌(తిరుపతి) అఖిల భారత నృత్యపోటీల్లో కూచిపూడి, భరతనాగ్యం రెండు విభాగాల్లోనూ ప్రథమ బహుమతి, మూడేళ్లకోసారి ఇచ్చే ‘సూపర్‌ డ్యాన్స్‌ ఆర్టిస్ట్‌ ఆఫ్‌ ది ఇయర్‌’ అవార్డును అందుకున్నారు. నృత్యసామ్రాజ్ఞి, నాట్యమయూరి, ముంబయిలో సింగారమణి.. వంటి అవార్డులెన్నో స్వీకరించారు. వివాహం తర్వాత భర్త ఉద్యోగరీత్యా కువైట్‌లో ఉన్నారు. ‘నాట్యవేద’ నృత్యపాఠశాలను ఆరంభించి, ప్రవాస భారతీయుల పిల్లలకు నాట్యశిక్షణ ఇచ్చారు. హైదరాబాద్‌లో జరిగిన అంతర్జాతీయ కూచిపూడి నృత్యోత్సవాలు, ప్రపంచ తెలుగు మహాసభలు, నాట్యాంజలి ఉత్సవాలు, మామళ్లపురం నృత్యోత్సవం, కృష్ణా పుష్కరాలు, తిరుమలలో జరిగిన వేడుకల్లో శిష్యులతో సహా పాల్గొన్నారు. కువైట్‌లోని ఇండియన్‌ ఎంబసీ ద్వారా అక్కడ జరిగిన ‘భారత్‌ మేళా’, భారత ప్రధాని పర్యటనలో ‘హలా మోదీ’ (2024)లో ఈవెంట్‌లోనూ నృత్యప్రదర్శనలిచ్చారు. మళ్లీ ఇప్పుడు కొంతకాలంగా హైదరాబాద్‌లో ఉంటూ, ఆన్‌లైన్‌లో నృత్య శిక్షణను కొనసాగిస్తున్నారు. నాట్యం, నటశిక్షణ...మహతి భిక్షు... తెనాలికి చెందిన నందిరాజు జ్ఞానేశ్వర్‌ భిక్షు కుమార్తె మహతి భిక్షు. నటుడిగా, నాటకకర్తగా, సంగీత దర్శకుడిగా, అధ్యాపకుడిగా, నటశిక్షకుడిగా విలువైన సేవలందించిన భిక్షు హైదరాబాద్‌ సెంట్రల్‌ యూనివర్సిటీ ప్రొఫెసర్‌గా రిటైరయ్యారు. ఆయన సతీమణి అరుణ సెంట్రల్‌ యూనివర్సిటీ ప్రొఫెసర్‌గా ఆ యూనివర్సిటీ నృత్యవిభాగానికి అధిపతిగా ఉన్నారు. ప్రముఖ నర్తకి అయిన అరుణ, ఎన్నో నృత్యరూపకాలను ప్రదర్శించారు. భిక్షు దంపతుల కుమార్తె మహతి. తల్లిదండ్రులకు తగ్గ తనయగా గుర్తింపు సాధించారు. తల్లిలాగే కూచిపూడి, సంప్రదాయ నృత్యాలను నేర్చుకున్నా రు. నటనపై ఆసక్తితో 2019లో కన్నడ సినిమా ‘హాంగోవర్‌’లో నటించారు. తర్వాత జార్జిరెడ్డి, రాధేశ్యామ్‌, కిన్నెరసాని చిత్రాల్లో నటించారు. తర్వాత అవకాశాలు వస్తున్నా, నటశిక్షణపై దృష్టిని కేంద్రీకరించారు. ‘భిక్షూస్‌ హౌస్‌ ఆఫ్‌ ఆర్ట్‌’ పేరుతో ఇన్‌స్టిట్యూట్‌ను నడుపుతూ కొత్త నటీనటులకు శిక్షణనిస్తున్నారు. ‘సింగ్‌ గీతం’ సినిమా హీరో అయాన్‌కు, ‘ఇట్లు అర్జున’తో పరిచయమైన అరీష్‌రెడ్డి, ‘డాన్‌బాస్కో’ హీరోయిన్‌కు శిక్షణనిచ్చారు. మహేశ్‌బాబు కుమార్తె సితారకు మహతి శిక్షణనిచ్చారు. నృత్య ఆహార్యంలో చల్లా వేదవల్లి, మహతి భిక్షు

కొల్లూరు: స్థానిక సంస్థల ఎన్నికలలో పోటీ చేసే అభ్యర్థులకు నామినేషన్‌ పత్రాలతో జతచేసే కుల ధ్రువీకరణ పత్రంలో దొర్లిన తప్పు ఆందోళనకు గురిచేస్తుంది. కొల్లూరులో స్థానిక సంస్థల ఎన్నికలలో పోటీ చేసేందుకు ఓ అభ్యర్థి కుల ధ్రువీకరణ పత్రానికి రెవెన్యు కార్యాలయంలో దరఖాస్తు చేసుకున్నాడు. తనకు మంజూరైన కుల ధ్రువీకరణ పత్రాన్ని తీసుకొని వెళ్లి నామినేషన్‌ పత్రాలు పూర్తి చేసి సమర్పించేందుకు సిద్ధమైన వ్యక్తి ఆఖరి నిమషంలో పత్రాలలో సమాచారం అంతా సవ్యంగా ఉన్నదీ లేనిదీ క్షుణంగా పరిశీలించే క్రమంలో కుల ధ్రువీకరణ పత్రంలో దొర్లినట్లు గుర్తించాడు. పత్రంలో కొల్లూరు మండలం స్థానంలో విజయనగరం అర్బన్‌గా, బాపట్ల జిల్లా స్థానంలో విజయనగరం జిల్లాగా ఉండటంతో ఒక్కసారిగా ఖంగుతిన్నాడు. దీంతో రెవెన్యు కార్యాలయానికి వెళ్లి అధికారుల వద్ద మొరపెట్టుకున్నాడు. దీనిని పరిశీలించిన రెవెన్యు సిబ్బంది సాంకేతిక సమస్య కారణంగా వచ్చి ఉంటుందని తెలిపారు. కుల ధ్రువీకరణ పత్రంలో జిల్లా పేరు మారకపోతే తన నామినేషన్‌ దాఖలు ఎలా అన్న సంశయంతో ఉన్న వ్యక్తి సమస్యను ‘సాక్షి’ తహసీల్దార్‌ బి. వెంకటేశ్వర్లు దృష్టికి తీసుకువెళ్లింది. ధ్రువీకరణ పత్రాన్ని పరిశీలించిన ఆయన సమస్యపై సిబ్బందిని ప్రశ్నించారు. దీనికి తోడు కుల ధ్రువీకరణ పత్రాలకు దరఖాస్తు చేసుకున్న వ్యక్తులు సాంకేతిక సమస్య కారణంగా అందడంలేదని ఆందోళన చెందుతున్న విషయాన్ని తహసీల్దార్‌ దృష్తికి తీసుకువెళ్లడంతో ఆయన స్పందించారు. కుల ధ్రువీకరణ పత్రాలు గతంలో తీసుకున్నవైనా చెల్లుబాటు అవుతాయన్నారు. లేని పక్షంలో ఫారం–3లో అప్పటికప్పుడు కుల ధ్రువీకరణ పత్రాలు ఇస్తామని ఎన్నికలలో పోటీచేసే అభ్యర్థులు ఆందోళన చెందాల్చిన పనిలేదని చెప్పుకొచ్చారు.

అమరావతి: అమరారామంలో వేంచేసియున్న శ్రీ బాలచాముండికా సమేత అమరేశ్వర స్వామిదేవస్థానంలో దసరా శరన్నవారాత్రోత్సవాలలో భాగంగా మంగళవారం విజయదశమినాడు రాత్రి 7గంటలకు చండీసమేత అమరేశ్వర స్వామికి పారువేట ఉత్సవం నిర్వహించారు. ఆలయంలోని రెండో ప్రాకారంలోని జమ్మిచెట్టు వద్ద శమీపూజను ఆలయస్థానాచార్యుడు కౌశిక చంద్రశేఖర శర్మ సాంప్రదాయబద్ధంగా నిర్వహించారు. పెద్ద సంఖ్యలో భక్తులు పాల్గొన్నారు. అదేవిధంగా అమరావతి క్షేత్రంలో శ్రీదేవీ శరన్నవరాత్ర మహోత్సవాల్లో భాగంగా విజయదశమి రోజు మంగళవారం బాలచాముండేశ్వరి అమ్మవారిని రాజరాజేశ్వరీదేవిగా అలంకరించారు. గుంటూరు వెస్ట్‌ (క్రీడలు): గుంటూరు జిల్లా బాల్‌ బ్యాడ్మింటన్‌ అసోసియేషన్‌ ఆధ్వర్యంలో ఈ నెల 25వ తేదీ ఆదివారం ఉదయం 8 గంటలకు స్థానిక ఎన్జీఓ క్లబ్‌లో జిల్లా జూనియర్‌ బాల బాలికల జట్ల ఎంపికలు నిర్వహిస్తామని అసోసియేషన్‌ జిల్లా కార్యదర్శి శ్రీనివాస రావు బుధవారం ఒక ప్రకటనలో తెలిపారు. ఎంపిక చేసిన జట్లు నవంబర్‌లో జరగనున్న అంతర్‌ జిల్లాల బాల్‌ బ్యాడ్మింటన్‌ పోటీల్లో పాల్గొంటాయన్నారు. ఎంపికలో పాల్గొనే క్రీడాకారులు ఆధార్‌ కార్డుతోపాటు జనన ధ్రువీకరణ పత్రాన్ని తీసుకొని పోటీలు జరిగే ప్రాంతానికి రావాలన్నారు. క్రీడాకారులు జనవరి 2, 2007 లోపు జన్మించినవారై ఉండాలన్నారు. 9347785888 నెంబరులో సంప్రదించాలన్నారు. నగరంపాలెం: బాపట్ల జిల్లా వేమూరులో సాయి ఎంటర్‌ప్రైజెస్‌ ఎరువులు, పురుగుమందుల దుకాణంలో బుధవారం ఉమ్మడి జిల్లా విజిలెనన్స్‌/ఎన్‌ఫోర్స్‌మెంట్‌ విభాగపు అధికారులు, మండల వ్యవసాయ అధికారుల బృందం ఆకస్మిక తనిఖీలు నిర్వహించింది. సరైన అనుమతి పత్రాలు లైసెన్‌న్స్‌లో నమోదు లేకపోవడాన్ని తనిఖీల్లో గుర్తించారు. దీంతో నిల్వ చేసిన రూ.5.63 లక్షలు విలువ చేసే 90 యూరియా బస్తాలు, 400 డీఏపీ బస్తాలు అమ్మకాలు నిలిపివేశారు. దుకాణపు యాజమానిపై చర్యలు చేపట్టాలని వ్యవసాయ శాఖ అధికారులను ఆదేశించారు. పెదకాకాని: మల్లేశ్వరస్వామి దేవస్థానంలో పూజలు చేసేందుకు ఆంధ్రప్రదేశ్‌ ఎండోమెంట్స్‌ ట్రిబ్యునల్‌ చైర్‌పర్సన్‌ ఎ భారతి విచ్చేశారు. శివాలయానికి మంగళవారం సాయంత్రం విచ్చేసిన ట్రిబ్యునల్‌ చైర్‌పర్సన్‌ ఎ భారతి ఆలయంలో ప్రదక్షిణలు చేశారు. భ్రమరాంబ మల్లేశ్వరస్వామిని దర్శించుకున్నారు. అనంతరం శమీ పూజలో పాల్గొన్నారు. దేవాలయ అర్చకులు, వేద పండితులు వేద ఆశీర్వచనం, స్వామివారి శేష వస్త్రంతో సత్కరించి ప్రసాదం, స్వామివారి చిత్రపటం అందజేశారు. కార్యక్రమంలో ఎక్స్‌అఫిషియో సభ్యుడు పేటేటి ధనమహేశ్వరప్రసాద్‌, ఆలయ వేదపండితులు, అర్చకులు, సిబ్బంది పాల్గొన్నారు. రైల్వేస్టేషన్‌(విజయవాడపశ్చిమ): ప్రయాణికుల రద్దీ దృష్ట్యా వేర్వేరు ప్రాంతాలకు ప్రత్యేక రైళ్లు నడపనున్నట్లు విజయవాడ డివిజన్‌ పీఆర్‌ఓ నుస్రత్‌ మండ్రుప్కర్‌ బుధవారం ఒక ప్రకటలో తెలిపారు. గుంటూరు – కోల్‌కతా (07437) రైలు ఈ నెల 25, నవంబర్‌ ఒకటో తేదీన, కోల్‌కతా – గుంటూరు (07438) ఈ నెల 26, నవంబర్‌ రెండో తేదీ, విశాఖపట్నం – సికింద్రాబాద్‌ (08517) ఈ నెల 22, 25 తేదీల్లో, సికింద్రాబాద్‌ – విశాఖపట్నం (08518) ఈ నెల 23, 26 తేదీల్లో నడుస్తాయి.

రెబల్స్‌ పోరుతో టీడీపీలో కలవరం జెడ్పీటీసీ స్థానం కోసం పట్టు పచ్చ పార్టీలో అసమ్మతి సెగ తీవ్ర అసంతృప్తిలో అభ్యర్థిత్వం దక్కని వారు రెబల్స్‌గా పోటీలో నిలుస్తామంటూ అధిష్టానానికి సవాళ్లు రెబల్స్‌ గా బరిలోకి సిద్ధమవుతున్న ఆశావాహులు తలలు పట్టుకుంటున్న నేతలు కొలిక్కిరాని అభ్యర్థుల ఎంపిక

చీరాల: మున్సిపల్‌ ఎన్నికల ప్రక్రియలో రెండవ అంకం పూర్తయింది. చీరాల పట్టణంలోని 44 వార్డులకు గాను నామినేషన్ల ప్రక్రియ ఆదివారంతో ముగిసింది. అన్ని రాజకీయ పార్టీలకు చెందిన అభ్యర్థులు నామినేషన్లు వేశారు. మొత్తం 370 నామినేషన్లు అందాయి. సోమవారం ఉదయం 11గంటలకు నామినేషన్ల పరిశీలన కార్యక్రమాన్ని ప్రారంభించారు. ముందుగా వార్డుల రిటర్నింగ్‌ అధికారులకు నామినేషన్ల పరిశీలనలో తీసుకోవాల్సిన జాగ్రత్తలను, ఏఏ అంశాలను పరిగణనలోకి తీసుకోవాల్సింది వివరించారు. అనంతరం నామినేషన్ల పరిశీలన ప్రక్రియ మధ్యాహ్నం 3 గంటల వరకు సాగింది. పట్టణంలోని మొత్తం 44 వార్డుల్లో నాలుగు వార్డులకు ఒక రిటర్నింగ్‌ అధికారి, ఇద్దరు అసిస్టెంట్‌ రిటర్నింగ్‌ అధికారులను నియమించారు. నాలుగు వార్డులకు ఒక గదిని కేటాయించి నామినేషన్లను పరిశీలించారు. చైర్మన్‌ అభ్యర్ధికి ప్రత్యేక గదిని కేటాయించారు. నామినేషన్ల పరిశీలన సందర్భంగా అభ్యర్థులు అధిక సంఖ్యలో హాజరయ్యారు. దీంతో మున్సిపల్‌ కార్యాలయం అభ్యర్థులతో నిండిపోయింది. ఆయా వార్డులకు కేటాయించిన గదుల వద్ద అభ్యర్థులు ఎదుట వారి నామినేషన్లును పరిశీలన చేయించుకున్నారు. ఏదైనా పొరపాట్ల వలన నామినేషన్‌ తిరస్కరణకు గురైతే అందుకు గల కారణాన్ని అభ్యర్థికి వివరించారు. నామినేషన్ల పరిశీలన కార్యక్రమాన్ని మున్సిపల్‌ కమిషనర్‌ కె.డానియేల్‌ జోసఫ్‌ పరిశీలన చేశారు. అనంతరం నామినేషన్లలో తిరస్కరణకు గురైన నామినేషన్ల వివరాలను నోటీస్‌బోర్డులు పొందుపరిచారు. వైఎస్సార్‌ సీపీ 128, టీడీపీ 105, కాంగ్రెస్‌ 84, జనసేన 15, ఇండిపెండెంట్‌ 29, బీజేపీ 6, సీపీఎం 1, ఇతరులు 2, చొప్పున దాఖలయ్యాయి. అలానే చైర్మన్‌ పదవికి మూడు నామినేషన్లు నమోదు కాగా అందులో వైఎస్సార్‌సీపీ 1, కాంగ్రెస్‌ 1, ఇండిపెండెంట్‌ 1 చొప్పున నమోదయ్యాయి. అలానే చైర్మన్‌ అభ్యర్ధికి మొత్తం 19 నామినేషన్లు దాఖలయ్యాయి. వైఎస్సార్‌ సీపీ 6, టీడీపీ 3, బీఎస్‌పీ 1, కాంగ్రెస్‌ 3, ఇండిపెండెంట్‌లు 6 చొప్పున నామినేషన్లు దాఖలు చేశారు. చైర్మన్‌ అభ్యర్థులు మొత్తం 19 నామినేషన్లు దాఖలు చేయగా అన్నింటినీ ఆమోదించారు. వార్డు కౌన్సిలర్లకు మొత్తం 370 నామినేషన్లలో 362 మంది నామినేషన్లకు ఆమోదం తెలిపారు. వీటిలో ఎనిమిది మంది నామినేషన్లు వివిధ కారణాలతో తిరస్కరించారు. వీటిలో కాంగ్రెస్‌ పార్టీ 2 , టీడీపీ 4, వైఎస్సార్‌సీపీ 2 చొప్పున తిరస్కరించారు. బుధవారం నామినేషన్ల ఉపసంహరణ జరుగుతుందన్నారు. ఎవరైనా అభ్యర్థులు నామినేషన్లు ఉపసంహరణ చేసుకునేవారు మధ్యాహ్నం 3 గంటలలోపు చేసుకోవాలని, అదేరోజు సాయంత్రం ఎన్నికల్లో పోటీ చేసే అభ్యర్థుల తుది జాబితా విడుదల చేయనున్నట్లు మున్సిపల్‌ కమిషనర్‌ తెలిపారు.

శావల్యాపురం: మండలంలోని కృష్ణాపురం గ్రామ సమీపాన గుంటూరు–కర్నూలు జాతీయ రహదారిపై సోమవారం జరిగిన రోడ్డు ప్రమాదంలో ఇరువురికి తీవ్ర గాయాలయ్యాయి. వివరాలు మేరకు.. రాజస్థాన్‌ రాష్ట్రానికి చెందిన ఐదుగురు యువకులు కారులో అనంతరపురం నుంచి విజయవాడ బయలుదేరారు. నరసరావుపేట నుంచి వినుకొండ వైపు ట్రాలీ వాహనంలో ఇంటిసామానుతో బయలుదేరి వస్తున్నారు. ఎదురుగా వస్తున్న వాహనాన్ని తప్పించబోయి యువకులు ప్రయాణిస్తున్న వాహనం ఇంటి సామగ్రి ఉన్న వాహనాన్ని అతి వేగంతో ఢీకొట్టింది. ఘటనలో వాహన డ్రైవర్‌ సురేష్‌ కుడి చేతికి, ట్రాలీ వాహనంలో ఉన్న గుండాల వెంకయ్యలకు తీవ్ర రక్తగాయాలయ్యాయి. ఇరువురిని 108 అత్యవసర వాహనంలో వినుకొండ ప్రభుత్వ వైద్యశాలకు తరలించారు. ఘటన స్థలానికి ఎస్‌ఐ మోర్ల వెంకటేష్‌బాబు తన సిబ్బంది చేరుకొని రోడ్డుకు అడ్డుగా ఉన్న రెండు వాహనాలను గ్రామస్తులు సహకారంతో ట్రాక్టర్‌తో తప్పించి ట్రాఫిక్‌ అంతరాయం లేకుండా చర్యలు చేపట్టారు. ప్రమాదంలో రెండు వాహనాలు పూర్తిస్థాయిలో దెబ్బతిన్నాయి.

–జిల్లా ఎస్పీ బి.ఉమామహేశ్వర్‌ బాపట్ల: పోలీస్‌ ఉద్యోగుల కుటుంబాలకు అండగా ఉంటూ వారి సంక్షేమానికి ప్రాధాన్యతనిస్తామని బాపట్ల జిల్లా ఎస్పీ బి.ఉమామహేశ్వర్‌ తెలిపారు. పోలీస్‌ శాఖలో విధులు నిర్వహిస్తూ వివిధ కారణాలతో మరణించిన పోలీస్‌ ఉద్యోగుల కుటుంబ సభ్యులతో సోమవారం జిల్లా ఎస్పీ క్యాంపు కార్యాలయంలోని సమావేశ హాలులో పోలీస్‌ వెల్ఫేర్‌ డే కార్యక్రమాన్ని నిర్వహించారు. కార్యక్రమానికి జిల్లా ఎస్పీ ముఖ్య అతిథిగా హాజరై, పోలీస్‌ సిబ్బంది కుటుంబ సభ్యుల వ్యక్తిగత సమస్యలు, ప్రభుత్వం నుంచి ఇంకా అందాల్సిన బకాయిలు, ఇతర సంక్షేమ ప్రయోజనాల గురించి అడిగి తెలుసుకున్నారు. ప్రతి కుటుంబ సభ్యుడితో ప్రత్యేకంగా మాట్లాడిన ఎస్పీ ప్రభుత్వం నుంచి అందాల్సిన భద్రత, జీపీఎఫ్‌, ఏపీజీఎల్‌ఐ, చేయూత, విడో ఫండ్‌, కార్పస్‌ ఫండ్‌, అడిషనల్‌ కార్పస్‌ ఫండ్‌, గ్రూప్‌ ఇన్సూరెన్‌న్స్‌ స్కీమ్‌, లీవ్‌ ఎన్‌న్‌ క్యాష్‌మెంట్‌ తదితర ఆర్థిక ప్రయోజనాలు సకాలంలో అందాయా, అని ఆరా తీశారు. ఇంకా పెండింగ్‌లో ఉన్న బెనిఫిట్స్‌కు సంబంధించిన వివరాలు, వాటి ప్రస్తుత స్థితిగతులపై పోలీస్‌ కార్యాలయ అధికారులను అడిగి తెలుసుకున్నారు. పెండింగ్‌లో ఉన్న సమస్యల పరిష్కారానికి, ప్రభుత్వం నుంచి రావాల్సిన బెనిఫిట్స్‌ను త్వరితగతిన అందించేందుకు అవసరమైన చర్యలు చేపట్టాలని సంబంధిత అధికారులను ఆదేశించారు. జిల్లా ఎస్పీ మాట్లాడుతూ శాంతిభద్రతల పరిరక్షణ కోసం విధి నిర్వహణలో ప్రాణాలు అర్పించిన పోలీస్‌ అమరవీరుల త్యాగాలను స్మరించుకునేందుకు ప్రతి సంవత్సరం అక్టోబర్‌ 21న పోలీస్‌ అమరవీరుల సంస్మరణ దినోత్సవాన్ని నిర్వహిస్తామని తెలిపారు. అందులో భాగంగా విధి నిర్వహణలో మరణించిన పోలీస్‌ సిబ్బంది కుటుంబ సభ్యులను కలిసి, వారి సమస్యలను తెలుసుకుని పరిష్కరించేందుకు పోలీస్‌ వెల్ఫేర్‌ డే కార్యక్రమాన్ని నిర్వహించడం జరిగిందన్నారు. పోలీస్‌ సిబ్బంది కుటుంబ సభ్యులకు ప్రభుత్వం నుంచి అందాల్సిన ఆర్థిక ప్రయోజనాలు, ఇతర బెనిఫిట్స్‌ త్వరగా అందేలా ప్రత్యేక శ్రద్ధ తీసుకుంటామని ఎస్పీ హామీ ఇచ్చారు. కార్యక్రమంలో ఏఓ శ్రీనివాసరావు, వెల్ఫేర్‌ ఆర్‌ఐ షేక్‌ మౌలుద్దీన్‌, పే సెక్షన్‌ సూపరింటెండెంట్‌ బి.రాధ, జిల్లా పోలీస్‌ కార్యాలయంలోని వివిధ విభాగాల సిబ్బంది, మృతి చెందిన పోలీస్‌ ఉద్యోగుల కుటుంబ సభ్యులు పాల్గొన్నారు.

సత్తెనపల్లి: సత్తెనపల్లి మండలం కంకణాలపల్లి గ్రామానికి చెందిన తాటికొండ బిక్షం (70) సోమవారం ఆర్టీసీ బస్సు తగిలి అక్కడికక్కడే ప్రాణాలు కోల్పోయాడు. పట్టణ ఎస్‌ఐ పవన్‌కుమార్‌, పోలీస్‌ సిబ్బంది సంఘటనా స్థలానికి చేరుకొని వృద్ధుడి మృతదేహన్ని పోస్ట్‌మార్టం నిమిత్తం సత్తెనపల్లి ప్రభుత్వ ప్రాంతీయ వైద్యశాలకు తరలించారు. బస్సు డ్రైవర్‌ నిర్లక్ష్యమా లేక వృద్ధుడి బిక్షం తప్పా అనేది పక్కన పెడితే .. నిత్యం రద్దీగా ఉండే సెంటర్‌లో రహదారిపైకి బస్సుషెల్టర్‌ ఏర్పాటు చేయడం, బస్సులు రోడ్డుపైనే నిలపడంతో ప్రమాదాలు పొంచి ఉన్నాయి. అటు పాలకులు కానీ, ఇటు అధికారులు కానీ ఎలాంటి ముందుచూపు లేకుండా బస్సు షెల్టర్‌ నిర్మాణం చేపట్టి ప్రజల ప్రాణాలతో చెలగాటమాడుతున్నారనే విమర్శలు వ్యక్తమవుతున్నాయి. వృద్ధుడు బిక్షం మృతితో కుటుంబ సభ్యులు ఆందోళన చెందుతున్నారు. వృద్ధుడు మృతి కారణంగా ప్రమాద ఘటనపై సమగ్ర విచారణ చేపట్టి బాధ్యులపై చర్యలు తీసుకోవాలని, వృద్ధుడి కుటుంబానికి న్యాయం చేయాలని పలు వురు కోరుతున్నారు. ఇప్పటికై నా పాలకులు, అధికారులు స్పందించి ప్రమాదాలు పునరావృతం కాకుండా బస్సు షెల్టర్‌ను పూర్తిగా వెనకవైపుకు తొలగింప చేయాలని ప్రజలు కోరుతున్నారు.

కలెక్టర్‌ వినోద్‌కుమార్‌ చీరాల టౌన్‌: ఎంపీటీసీ, జెడ్పీటీసీ ఎన్నికలను ప్రశాంత వాతావరణంలో నిర్వహించడంతో పాటు ఓటర్లకు పోలింగ్‌ కేంద్రాల్లో అన్ని వసతులు కల్పిస్తున్నామని బాపట్ల జిల్లా కలెక్టర్‌ వాసుదేవ వినోద్‌కుమార్‌ తెలిపారు. సోమవారం రాత్రి మండలంలోని కావూరివారిపాలెం గ్రామంలో పోలింగ్‌ కేంద్రాలను కలెక్టర్‌ పరిశీలించారు. చీరాల ఆర్డీవో ఎస్‌.నరసింహారావు, చీరాల మండల ఎన్నికల అధికారి, జిల్లా వ్యవసాయాధికారి ఎ.లక్ష్మితో కలిసి గ్రామంలోని ప్రాథమిక పాఠశాలల్లో ఏర్పాటు చేస్తున్న పోలింగ్‌ కేంద్రాలను కలెక్టర్‌ పరిశీలించారు. పోలింగ్‌ కేంద్రంలో విద్యుత్‌, దివ్యాంగుల కోసం ప్రత్యేక ర్యాంపులు, ఓటర్లకు, సిబ్బందికి మంచినీటి వసతులు కల్పించాలని సిబ్బందిని ఆదేశించారు. ప్రాదేశిక ఎన్నికలను ప్రశాంత వాతావరణంలో సమర్థవంతంగా నిర్వహించేందుకు అన్ని ఏర్పాట్లు చేస్తున్నామన్నారు. అవాంతరాలు లేకుండా ఓటు హక్కును అందరూ సద్వినియోగం చేసుకునేలా అధికారులు ఏర్పాట్లు చేయాలన్నారు. అవాంఛనీయ ఘటనలు జరగకుండా బందోబస్తు, పోలింగ్‌ సిబ్బందికి వసతులు కల్పించాలన్నారు. మండలంలోని 24 ఎంపీటీసీలు, జెడ్పీటీసీ స్థానానికి బుధవారం నుంచి నామినేషన్ల ప్రక్రియను సక్రమంగా పూర్తి చేయాలని అధికారులకు కలెక్టర్‌ ఆదేశాల జారీ చేశారు. కలెక్టర్‌ వెంట తహసీల్దార్‌ కె.గోపీకృష్ణ, ఎంపీడీవో కె.రఘుబాబు, పంచాయతీ సెక్రటరీలు, వీఆర్వోలు, సిబ్బంది పాల్గొన్నారు.

తెనాలి: ఈ ఫొటోలో కనిపిస్తున్న వ్యక్తి పాత బజాజ్‌ షోరూం పక్కన ఉన్న ధూపం రాజేష్‌ అనే వ్యక్తి డ్రై ఫ్రూట్‌ షాప్‌లో లైన్‌ మోసానికి పాల్పడ్డాడు. మూడు రోజుల క్రితం ఆన్‌లైన్‌ నెట్‌వర్క్‌ రిపేర్‌ చేయడానికి వచ్చానని చెప్పి పక్కన స్థంభానికి ఉన్న నెట్‌ వర్క్‌ ను రిపేర్‌ చేసినట్టు నటించాడు. తిరిగి షాప్‌లోకి వచ్చి, ‘మీకు నెట్‌ వస్తుందా’ అని అడిగాడు. షాప్‌ యజమాని రావడం లేదు అని చెప్పగా, మీ ఫోన్‌లో సరిచేయాలని చెప్పి, రాజేష్‌ ఫోన్‌ తీసుకుని తన అకౌంట్‌ లో ఉన్న రూ.24 వేలు ట్రాన్స్‌ఫర్‌ చేసుకున్నాడు. తర్వాత తను మోసపోయానని తెలుసుకున్న రాజేష్‌, తన అకౌంట్‌ను నిలిపివేసి బ్యాంక్‌కు వవెళ్లి తెలుసుకోగా, హైదరాబాద్‌లోని చైతన్య గ్రామీణ బ్యాంక్‌లో ఒక మహిళ అకౌంట్‌లోకి వెళ్లినట్టు బ్యాంక్‌ అధికారులు నిర్ధారించారు. ఆ వివరాలు తీసుకుని టూ టౌన్‌ స్టేషన్‌లో కంప్లైంట్‌ ఇవ్వడానికి వెళితే, స్టేషన్‌లో కేసు నమోదు చేసుకోవడం లేదని బాధితుడు వాపోతున్నాడు. ‘నాది చిన్న అమౌంట్‌ కావచ్చు కానీ దొంగిలించిన వ్యక్తి ఇంకా ఎన్ని చేసి ఉంటాడో? నా అకౌంట్‌ లో పెద్ద మొత్తంలో అమౌంట్‌ ఉన్నట్టయితే, ఆ మొత్తం పోయి ఉండేది కదా’ అని బాధితుడు వాపోతున్నాడు.

బాపట్ల ఎంపీటీసీ, జెడ్పీటీసీ ఎన్నికలు సమర్థంగా నిర్వహించాలని జిల్లా పరిషత్‌ సీఈవో విజయలక్ష్మి తెలిపారు. జెడ్పీటీసీ, ఎంపీటీసీ ఎన్నికలకు నోటిఫికేషన్‌ విడుదలైన నేపథ్యంలో రిటర్నింగ్‌ అధికారులు, సహాయ రిటర్నింగ్‌ అధికారులు, ఫ్లయింగ్‌ స్క్వాడ్‌, స్టాటిక్‌ సర్వైలెన్‌న్స్‌ బృందాలకు సోమవారం స్థానిక కలెక్టరేట్‌లో శిక్షణ కార్యక్రమం నిర్వహించారు. సీఈఓ మాట్లాడుతూ ప్రజాస్వామ్యాన్ని పరిరక్షించాల్సిన బాధ్యత అధికారులపై ఉందని స్పష్టం చేశారు. ఎన్నికల నిబంధనలు, మార్గదర్శకాలు నిక్కచ్చిగా అమలు చేయాలన్నారు. ఓటర్లు తమ ఓటు హక్కును స్వేచ్ఛగా వినియోగించుకునే అవకాశం కల్పించాలని సూచించారు. ఓటర్లలో నమ్మకం కల్పించాలన్నారు. నామినేషన్‌ ప్రక్రియ ప్రశాంతంగా జరిగేలా చర్యలు తీసుకోవాలన్నారు. ఆర్వోలకు ఏదైనా సమాచారం వస్తే తగిన బృందాలకు తక్షణమే వాటిని చేరవేయాలన్నారు. ఆర్వో కార్యాలయాలను సంసిద్ధం చేసుకుని, సమర్థంగా విధులు నిర్వహించాలన్నారు. నామినేషన్‌ ప్రక్రియ నుంచి అభ్యర్థులపై వ్యయ పరిశీలకులు నిఘా పెట్టాలన్నారు. నవంబర్‌ మూడో తేదీన ఎన్నికలు జరిగే వరకు బృందాలన్ని విస్తృతంగా క్షేత్రస్థాయిలో తనిఖీలు చేయాలన్నారు. అనుమతులు లేకుండా అభ్యర్థులు ప్రచారాలు చేస్తుంటే తక్షణమే వీడియో సర్వేలెనన్స్‌ ద్వారా ఉన్నతాధికారుల దృష్టికి తీసుకురావాలన్నారు. సమావేశంలో డ్వామా పీడీ విజయలక్ష్మి, బాపట్ల ఆర్డిఓ హరికుమార్‌, వివిధ శాఖల జిల్లా అధికారులు పాల్గొన్నారు.

బాపట్ల: స్థానిక సంస్థలు ఎన్నికల్లో భాగంగా జెడ్పీటీసీ, ఎంపీటీసీ ఎన్నికలకు నోటిఫికేషన్‌ విడుదలైనట్లు జిల్లా కలెక్టర్‌ డాక్టర్‌ వినోద్‌కుమార్‌ తెలిపారు. సోమవారం సాయంత్రం స్థానిక జిల్లా కలెక్టరేట్‌లోని బోర్డు రూమ్‌ నుంచి ఆర్డీఓలు, మున్సిపల్‌ కమిషనర్లు, ఆర్‌ ఓలు, ఏఆర్వోలు నోడల్‌ అధికారులతో ఎన్నికల నిర్వహణపై వీడియో కాన్ఫరెన్‌న్స్‌ ద్వారా సమీక్ష సమావేశం నిర్వహించారు. కలెక్టర్‌ మాట్లాడుతూ ఈ నెల 21 నుంచి 23వ తేదీ వరకు నామినేషన్లు స్వీకరణ, ఈనెల 27 నామినేషన్ల ఉపసంహరణ, నవంబర్‌ 3న పోలింగ్‌, నవంబర్‌ 5న ఫలితాలు విడుదల చేస్తారని తెలిపారు. సర్టిఫికెట్లు వెంటనే మంజూరు చేయాలి నామినేషన్లు వేసే వారికి అవసరమైన కుల, ఎన్‌ఓసీ సర్టిఫికెట్లు వెంటనే అందజేయాలని తహసీల్దార్లను ఆదేశించారు. నామినేషన్‌ ప్రక్రియ జరిగేటప్పుడు వెబ్‌ కాస్టింగ్‌ సీసీ కెమెరాలు ఏర్పాటు చేసుకోవాలన్నారు. నామినేషన్‌ పత్రాలు అన్నింటిని స్కానింగ్‌ చేసుకోవాలన్నారు. స్కానింగ్‌ చేసిన అన్నింటిని జిల్లా కలెక్టరేట్‌కు పంపించాలని, ఆర్డీఓ కార్యాలయంలో కూడా కాపీ భద్రపర్చుకోవాలని ఆర్డీఓలను ఆదేశించారు. ఎంపీడీవోలు అందరూ ఎన్నికల మెటీరియల్‌ పంపిణీ, కౌంటింగ్‌ కేంద్రాల వివరాలు వాట్సాప్‌లో అప్‌లోడ్‌ చేయాలన్నారు. సమావేశంలో ఇన్‌చార్జి డీఆర్‌ఓ లవన్న, జెడ్పీ సీఈఓ సీహెచ్‌.విజయలక్ష్మి, గ్రామ వార్డుల సచివాలయాల జిల్లా కోఆర్డినేటర్‌ యశ్వంత్‌, ఎలక్షన్‌ సెక్షన్‌ పర్యవేక్షకులు షఫీ తదితరులు పాల్గొన్నారు. నిఘా ఉంచాలి స్థానిక సంస్థల ఎన్నికలపై ఫ్లయింగ్‌ స్క్వాడ్‌, స్టాటిక్‌ సర్వే లెన్సు బృందాల నిఘా ఉండాలని జిల్లా కలెక్టర్‌ డాక్టర్‌ వి.వినోద్‌కుమార్‌ తెలిపారు. వివిధ శాఖల అధికారులతో సోమవారం స్థానిక కలెక్టరేట్‌లో ఆయన సమా వేశం నిర్వహించారు. బృందాలు విస్తృతంగా తనిఖీలు చేయాలని కలెక్టర్‌ ఆదేశించారు. ఎన్నికల పరిశీలకులు, జిల్లా అధికారులు, ఎన్నికల కోసం నియమితులైన ఆయా విభాగాల నోడల్‌ అధికారుల వాహనాలకు ప్రత్యేక స్టిక్కర్లు ఏర్పాటు చేయాలన్నారు. ఎన్నికలలో విధులు నిర్వహిస్తున్న అధికారులకు గుర్తింపుకార్డులు జారీ చేయాలన్నారు. వెబ్‌ కాస్టింగ్‌ పక్కాగా నిర్వహించాలన్నారు. ఎన్నికల ప్రాధాన్యతను గుర్తించి అధికారులు విధులు నిర్వహించాలని సూచించారు. సమావేశంలో జిల్లా రెవెన్యూ అధికారి లవన్న, డీపీఓ డి నగేష్‌ కుమారి, సీపీఓ షాలేంరాజు, బాపట్ల మున్సిపల్‌ కమిషనర్‌ హాసిని, సమగ్ర శిక్ష అభియాన్‌ ఏపీసి డాక్టర్‌ శ్రీనివాసరావు, కలెక్టరేట్‌ ఏవో మల్లికార్జునరావు, స్వర్ణ గ్రామ, వార్డు సచివాలయాల కోఆర్డినేటర్‌ పి.యశ్వంత్‌, ఎన్నికల విభాగం పర్యవేక్షకులు షేక్‌ షఫీ తదితరులు పాల్గొన్నారు.

రేపల్లె: రేపల్లెలోని ఏబీఆర్‌ ప్రభుత్వ డిగ్రీ కళాశాలలో ఏర్పాటు చేసిన కౌంటింగ్‌ కేంద్రాలు, స్ట్రాంగ్‌ రూములను బాపట్ల జిల్లా జాయింట్‌ కలెక్టర్‌ భావన వశిష్ఠ సోమవారం పరిశీలించారు. ఆయా కేంద్రాలను సందర్శించి ఎన్నికల నిర్వహణకు అవసరమైన మౌలిక సదుపాయాలు, భద్రతా ఏర్పాట్లను క్షేత్రస్థాయిలో సమీక్షించారు. ఎన్నికల ప్రక్రియ సజావుగా, పారదర్శకంగా జరిగేలా పటిష్ట చర్యలు చేపట్టాలని అధికారులను ఆదేశించారు. కౌంటింగ్‌ కేంద్రాలు, స్ట్రాంగ్‌ రూముల్లో అవసరమైన అన్ని ఏర్పాట్లను నిర్దేశిత గడువులోగా పూర్తి చేయాలని సూచించారు. సమావేశంలో రేపల్లె ఆర్డీఓ బి.శ్రీదేవి, తహసీల్దార్‌ ఎం.శ్రీనివాసరావు తదితరులు పాల్గొన్నారు.

నెహ్రూనగర్‌: గుంటూరు నగరపాలక సంస్థ (జీఎంసీ) ఎన్నికల్లో పోటీ చేసే అభ్యర్థుల ఖర్చులపై పక్కా నిఘా ఉంచి, నిబంధనల మేరకు రికార్డు చేయాలని ఎన్నికల వ్యయ పరిశీలకురాలు నందిని సలారియా అధికారులను ఆదేశించారు. ఆదివారం జీఎంసీ కౌన్సిల్‌ హాలులో నగర కమిషనర్‌, అడిషనల్‌ ఎలక్షన్‌ అధారిటీ కె.మయూర్‌ అశోక్‌తో కలిసి అసిస్టెంట్‌ ఎక్స్‌పెండిచర్‌ అబ్జర్వర్లు, అకౌంటింగ్‌ టీమ్‌తో ఎన్నికల వ్యయ నమోదుపై సమీక్ష నిర్వహించారు. కమిషనర్‌ కె. మయూర్‌ అశోక్‌ మాట్లాడుతూ 18వ తేదీతో నామినేషన్ల ప్రక్రియ ముగిసిందని, ఈ నెల 28న పోలింగ్‌ జరుగుతుందని తెలిపారు. ఈసీ నిబంధనల ప్రకారం మేయర్‌ అభ్యర్థికి రూ.25 లక్షలు, కార్పొరేటర్‌ అభ్యర్థికి రూ.10 లక్షల వరకు ఎన్నికల ఖర్చు పరిమితి ఉందన్నారు. అభ్యర్థులు చూపించే వ్యయంతోపాటు అకౌంటింగ్‌ బృందాలు క్షేత్రస్థాయిలో ’షాడో రిజిస్టర్‌’ తప్పనిసరిగా నిర్వహించాలని స్పష్టం చేశారు. సరైన బిల్లులు లేకుండా నగదు తరలించినా, బహుమతులు పంపిణీ చేసినా తక్షణమే సీజ్‌ చేయాలని ఆదేశించారు. రూ.10 లక్షలకు మించి లెక్కచూపని నగదు లభిస్తే జీఎస్టీ అధికారులకు అప్పగించాలన్నారు. ఎన్నికల నిబంధనలు ఉల్లంఘించిన నలుగురిపై ఇప్పటికే ఎఫ్‌ఐఆర్‌లు నమోదు చేసినట్లు కమిషనర్‌ వెల్లడించారు. అనంతరం వ్యయ పరిశీలకులు నందిని సలారియా మాట్లాడుతూ సిబ్బంది ఈసీ మార్గదర్శకాలను తప్పకుండా పాటిస్తూ ఎన్నికలు ప్రశాంత వాతావరణంలో జరిగేలా చూడాలని సూచించారు. ప్రచార వాహనాలు, కరపత్రాలు, జెండాలు తదితర ఖర్చులన్నీ అభ్యర్థి ఎన్నికల వ్యయం కిందకే వస్తాయని స్పష్టం చేశారు. సమావేశంలో జిల్లా ఆడిట్‌ అధికారి శ్రీకాంత్‌, జీఎంసీ ఎగ్జామినర్‌ ఆఫ్‌ అకౌంట్స్‌ ఎలీషా, అకౌంట్స్‌ అధికారి తిరుపతి నాయుడు తదితరులు పాల్గొన్నారు.

చీరాల: బ్రిటిషు పాలకులకు వ్యతిరేకంగా పోరాడిన పురిటిగడ్డ.. చైతన్యానికి, నాగరికతకు మారుపేరు స్వాతంత్రోద్యమంలో చీరాల ప్రాంత పాత్ర మరువలేం. గాంధీ ఈ ప్రాంత ప్రజల పోరాటాన్ని మెచ్చుకుని స్వయంగా వచ్చారు. స్వాతంత్రోద్యమంలో దేశం కోసం జైలుకు వెళ్లిన మొదటి మహిళ అలివేలు మంగతాయారు చీరాల వాసి. 400 సంవత్సరాల చరిత్ర గల చీరాల పట్టణం నిత్య చైతన్యంతో ముందుకు సాగుతోంది. పాడిపంటలకు ప్రసిద్ధిగాంచిన చీరాలను క్షీరాల అనే పదంతో పుట్టిన క్షీరపురి అనేవారు. కాలక్రమేణ చీరాలగా రూపాంతరం చెందింది. చీరాల–పేరాల రెండు పంచాయతీలుగా ఉండేది. 1918లో ప్లేగు వ్యాధి వ్యాపించడంతో అనేక మంది చనిపోయారు. ఈ విషయాన్ని అప్పటి యూనియన్‌ చైర్మన్‌గా ఉన్న రావూరి సుబ్బారావు బ్రిటిష్‌ ప్రభుత్వానికి నివేదించారు. మరణాలపై విచారణకు వచ్చిన కమిటీ పారిశుద్ధ్య సమస్య తీవ్రంగా ఉండడం వలనే వ్యాధి వచ్చిందని నిర్ధారించి, దీనిని నివారించాలంటే 2 పంచాయతీలను కలిపి మున్సిపాలిటీగా చేయాలని 1919లో నిర్ణయించారు. 1920 ఏప్రిల్‌లో సబ్‌కలెక్టర్‌ చైర్మన్‌గా నామినేటెడ్‌ సభ్యులతో పురపాలక సంఘాన్ని ఏర్పాటు చేశారు. ఈ నిర్ణయాన్ని పట్టణ ప్రజలు వ్యతిరేకించి నామినేటెడ్‌ సభ్యులతో రాజీనామా చేయించి పురపాలక రద్దుకు ఉద్యమించారు. అప్పటి తహసీల్దార్‌ను వైస్‌చైర్మన్‌గా నియమించి బ్రిటిష్‌ ప్రభుత్వం ప్రజలపై మరింత పన్ను భారాన్ని మోపింది. 1921లో దుగ్గిరాల గోపాల కృష్ణయ్య పిలుపు మేరకు పన్నులకు వ్యతిరేకంగా చీరాల–పేరాల పేరుతో ఉద్యమం జరిగింది. పట్టణ ప్రజలంతా పురబహిష్కరణ చేసి రామనగర్‌లో గుడిసెలు వేసి కొద్దిరోజులు నివాసమున్నారు. బ్రిటిష్‌ ప్రభుత్వం శ్రీకాకుళం సుబ్రహ్మణ్యాన్ని చైర్మన్‌గా, మరికొందరు సభ్యులతో పురపాలక సంఘాన్ని ఏర్పాటు చేయగా.. తర్వాత రావుల సుబ్బారావు, మద్ది రంగనాయకులు, నూనె పానకాలు, వూటుకూరి రామయ్య శేష్ట్రి పురపాలక చైర్మన్లుగా నియమితులయ్యారు. ఉమ్మడి మద్రాసు రాష్ట్రానికి మంత్రి అయిన బెజవాడ గోపాలరెడ్డి ఉద్యమ సమయంలో ఇచ్చిన హామీని నెరవేరుస్తూ పురపాలక సంఘాన్ని రద్దు చేశారు. మరలా చీరాల–పేరాలలు పంచాయతీగా ఏర్పడ్డాయి. చీరాలకు ఊటుకూరి ఉపేంద్ర గుప్తా, పేరాలకు రావుల దేవేంద్రనాథం పంతులు అధ్యక్షులుగా నియమితులయ్యారు. 1948లో చీరాల పేరాలను కలిపి పురపాలక సంఘంగా ఏర్పాటు చేశారు. చిన ముంబయి చీరాలకు వస్త్ర వ్యాపారంలో ముంబయి తర్వాత అంత పేరుంది. చిన ముంబయిగా పిలుస్తుంటారు. హైదరాబాద్‌, విజయవాడ, విశాఖపట్నం తదితరల ప్రాంతాల నుంచి వస్త్రాలను కొనుగోలు చేసేందుకు వస్తుంటారు. వెయ్యికి పైగా వస్త్ర దుకాణాలున్నాయి. ముఖ్యంగా ఇక్కడ తక్కువ ధరకు నాణ్యమైన చీరలు దొరుకుతాయని ప్రసిద్ధి. నిత్యం వేల మంది ఇతర ప్రాంతాల నుంచి వచ్చి కొనుగోలు చేస్తుంటారు. పురపాలకులు వీరే... 1948లో చీరాల పేరాలను కలిపి పురపాలక సంఘంగా ఏర్పాటు అయిన తర్వాత అనేక మంది ప్రముఖులు చీరాలను పరిపాలించారు. తొలి చైర్మన్‌ అన్నదాత నాగేంద్రుడు 1948–1951, వడ్డే నాగేశ్వరరావు సుదీర్ఘకాలంపాటు చైర్మన్‌గా వ్యవహరించారు. 1953–1954, రెండోసారి 1959–1964 వరకు, తిరిగి 1967–1972 వరకు మూడుసార్లు మున్సిపల్‌ చైర్మన్‌గా పనిచేశారు. అనంతరం ఆయన మున్సిపల్‌ శాఖామంత్రిగా పనిచేశారు. రావుల హరిప్రసాదరావు 1954 –1956, తులాబందుల వెంకటప్పయ్య 1981 –1986, తిరువీధుల దశరథ రామయ్య 1987 –1992, బొనిగల అశోక్‌కుమార్‌ 1995–1999, అందె కస్తూరిబాయి 2000–2005, తిరువీధుల నాగలక్ష్మి శ్యామలాకుమారి 2005–2010 వరకు, మోదడుగు రమేష్‌బాబు 2014–2019 వరకు, జంజనం శ్రీనివాసరావు 2021–2025 వరకు, మించాల సాంబశివరావు 2025–2026 వరకు మున్సిపల్‌ చైర్మన్‌లుగా వ్యవహరించారు. ఓటర్లు : 69,557 పురుషులు : 33,504 మహిళలు : 36,043 ఇతరులు : 10 ఎస్సీలు : 15,604 ఎస్టీలు : 3,838 బీసీలు : 27,948 ఓసీలు : 22,167 వార్డులు : 44 పోలింగ్‌ బూత్‌లు : 88

తాడేపల్లి రూరల్‌: తాడేపల్లి పట్టణం సీతానగరంలోని విజయకీలాద్రి దివ్యక్షేత్రంపై శ్రీ దేవీ శరన్నవరాత్రి మహోత్సవాలు త్రిదండి చిన్న శ్రీమన్నారాయణ రామానుజ జీయర్‌స్వామి మంగళాశాసనాలతో వైభవంగా కొనసాగుతున్నాయి. ఆదివారం రాజ్యలక్ష్మి అమ్మవారికి అభిషేకం, కుంకుమార్చన నిర్వహించారు. సాయంత్రం శ్రీ విష్ణు సహస్రనామ స్తోత్ర పారాయణం, అనంతరం రాజ్యలక్ష్మి అమ్మవారికి పల్లకీసేవ, అర్చన, నివేదన, మంగళాశాసనం, తీర్థప్రసాద వినియోగం నిర్వహించారు. నరసరావుపేటరూరల్‌: కోటప్పకొండ త్రికోటేశ్వర స్వామి వారికి నెల్లూరుకు చెందిన భవ్య హాసిని నాట్య నీరాజనం సమర్పించారు. సనాతన ధర్మాన్ని రక్షించడమే లక్ష్యంగా ప్రముఖ పుణ్యక్షేత్రాల్లో ఆమె నాట్య నీరాజనం చేపడుతున్నారు. ఇందులో భాగంగా ఆదివారం ఉదయం కోటప్పకొండ కింద నుంచి ఘాట్‌రోడ్డు ద్వారా భరతనాట్యం చేస్తూ ఆలయానికి చేరుకున్నారు. ప్రకృతి అందాలు, పురాణగాఽథలు, ప్రాచీన చరిత్ర, మహాశివరాత్రి ప్రభల తిరునాళ్లతో పుణ్యక్షేత్రం ప్రసిద్ధి చెందిందని గుర్తుచేశారు. అంతటి పుణ్యక్షేత్రంలో హిందూ ధర్మాన్ని పరిరక్షించేందుకు నృత్యం చేయడం ఆనందంగా ఉందని భవ్య హాసిని తెలిపారు. అరుణాచలం, ఇంద్రకీలాద్రి గిరి ప్రదక్షిణ, దిగువ అహోబిలం నుంచి ఎగువ అహోబిలం వరకు నృత్య నీరాజనం చేసినట్టు పేర్కొన్నారు. చిన్న వయస్సులోనే భరత నాట్యం ద్వారా సనాతన ధర్మంపై అవగాహన కల్పిస్తున్న భవ్య హాసినిని పలువురు భక్తులు అభినందించారు. అమరావతి: శ్రీ దేవీ శరన్నవరాత్రోత్సవాలలో భాగంగా పవిత్ర పుణ్యక్షేత్రమైన అమరావతిలోని బాల చాముండిక సమేత అమరేశ్వర ఆలయంలో ఆదివారం బాలచాముండేశ్వరి అమ్మవారిని దుర్గాదేవిగా అలంకరించారు. అనంతరం అమ్మవారు భక్తుల పూజలు అందుకున్నారు. అమ్మవారికి సహస్ర కుంకుమార్చన, దేవీఖడ్గమాల, త్రిశల, లలితా సహస్రనామార్చన, శ్రీచక్రార్చన పూజ కార్యక్రమాలు నిర్వహించారు. ఆలయంలోని జ్వాలాముఖి, మహిషాసురమర్ధని అమ్మవార్లకు కూడా ప్రత్యేక పూజలు నిర్వహించారు. వినాయకుని ఉపాలయం వద్ద దుర్గా, చండీ, రుద్రహోమాలు నిర్వహించారు. 24న ఫొటోతో కూడిన ఓటరు జాబితా నరసరావుపేట: కోర్టు కేసుల కారణంగా వాయిదా పడిన నరసరావుపేట మున్సిపాలిటీతో పాటు రాష్ట్రంలోని నాలుగు కార్పొరేషన్లు, 19 మున్సిపాలిటీలకు చెందిన ఓటర్ల జాబితాను వార్డుల వారీగా ఫొటోలతో ప్రచురించాలని రాష్ట్ర ఎన్నికల ప్రధాన అధికారి అనీల్‌ చంద్ర పునేఠ ఆదివారం నోటిఫికేషన్‌ జారీ చేశారు. ఈ నగరపాలక, మున్సిపాలిటీలకు రెండో దశలో ఎన్నికలు జరగనున్నాయి. మొదటి దశ ఎన్నికల పోలింగ్‌ ఈనెల 28న జరుగనుండగా, 30న కౌంటింగ్‌ నిర్వహించనున్నారు. అయితే రెండో దశ ఎన్నికలు జరిగేవరకు ఫలితాల ప్రకటన వాయిదా పడతుందా? లేదా? అనే అంశంపై క్లారిటీ రాలేదు. నరసరావుపేట పురపాలక సంఘంలో జనవరి నెల వరకు ఉన్న ఓటర్ల జాబితాను ఎన్నికల ప్రక్రియకు ప్రామాణికంగా తీసుకోనున్నారు. ఈ మేరకు సుమారు 1,07, 274 మంది ఓటర్లు ఉన్నారు. వార్డులను 48కు పెంచుతూ విభజన ప్రక్రియ ఆమోదం కోరుతూ ఇప్పటికే సీడీఎంఏ అధికారులకు పంపారు.

పెదకాకాని: శ్రీ భ్రమరాంబ మల్లేశ్వరస్వామి వారి దేవస్థానంలో భ్రమరాంబ అమ్మవారు ఆదివారం దుర్గాదేవిగా భక్తులకు దర్శనమిచ్చారు. పెదకాకాని శివాలయంలో శ్రీదేవి నవరాత్రోత్సవాల్లో భాగంగా ఎనిమిదో రోజు అమ్మవారిని దుర్గాదేవిగా అలంకరించి ప్రత్యేక పూజలు నిర్వహించారు. అధిక సంఖ్యలో భక్తులు విచ్చేసి పూజా కార్యక్రమాల్లో పాల్గొన్నారు. తెల్లవారుజామున సుప్రభాత సేవతో పూజా కార్యక్రమాలు ప్రారంభమయ్యాయి. పూజా కార్యక్రమాల అనంతరం తీర్థప్రసాదాలు పంపిణీ చేశారు. పలువురు భక్తులు ఆలయ యాగశాలలో చండీ, రుద్ర హోమ పూజల్లో పాల్గొన్నారు.

సత్తెనపల్లి: పల్నాడు ముఖద్వారమైన సత్తెనపల్లి మున్సిపాలిటీలో మున్సిపల్‌ చైర్మన్‌, కౌన్సిలర్‌ స్థానాలకు పోటీ చేసేందుకు మొత్తం 256 నామినేషన్లు దాఖలయ్యాయి. చివరి రోజైన ఆదివారం పెద్ద సంఖ్యలో నామినేషన్లు వచ్చాయి. కొన్ని వార్డుల్లో అభ్యర్థులను ప్రకటించకముందే పలువురు ఆశావహులు నామినేషన్లు దాఖలు చేశారు. వైఎస్సార్‌సీపీ మున్సిపల్‌ చైర్మన్‌ అభ్యర్థిగా మాజీ మున్సిపల్‌ వైస్‌ చైర్మన్‌ షేక్‌ నాగూర్‌ మీరాన్‌, కూటమి మున్సిపల్‌ చైర్మన్‌ అభ్యర్థిగా మారెళ్ల రామాంజనేయులు అధికారికంగా నామినేషన్లు దాఖలు చేశారు. మరోవైపు పలువురు స్వతంత్ర అభ్యర్థులుగా పోటీ చేసేందుకు నామినేషన్లు వేశారు. ఆసక్తికరంగా 13, 14వ వార్డుల నుంచి మాజీ కౌన్సిలర్లు గుజ్జర్లపూడి మీనా, గుజ్జర్లపూడి సతీష్‌ దంపతులు వేర్వేరు వార్డుల్లో కౌన్సిలర్లుగా పోటీ చేసేందుకు నామినేషన్లు దాఖలు చేయడం గమనార్హం. కొందరు అభ్యర్థుల అభ్యర్థిత్వాలను చివరి నిమిషంలో ఖరారు చేయడంతో నో డ్యూస్‌ సర్టిఫికెట్లు, ఇతర పత్రాల కోసం ఉరుకులు పరుగులు పెట్టాల్సి వచ్చింది. మున్సిపాలిటీలో నామినేషన్ల దాఖలుకు గడువు ముగిసే మధ్యాహ్నం మూడు గంటల్లోపు నామినేషన్‌ కేంద్రాలకు చేరుకున్న వారికి టోకెన్లు ఇవ్వడంతో వారు వేచి ఉండాల్సి వచ్చింది. సత్తెనపల్లి మున్సిపాలిటీలో మూడు రోజుల్లో మొత్తం 256 నామినేషన్లు దాఖలయ్యాయి. మొదటి రోజు ఒక్క నామినేషన్‌ కూడా దాఖలు కాలేదు. రెండో రోజు చైర్మన్‌ అభ్యర్థి స్థానానికి ఒకటి, కౌన్సిలర్‌ స్థానాలకు 48 నామినేషన్లు దాఖలయ్యాయి. వైఎస్సార్‌ సీపీ నుంచి చైర్మన్‌ పదవికి 10, వార్డులకు 135 నామినేషన్లు దాఖలు అయ్యాయి. చివరి రోజైన ఆదివారం చైర్మన్‌ స్థానానికి 15, కౌన్సిలర్‌ స్థానాలకు 192 నామినేషన్లు దాఖలయ్యాయి. సోమవారం ఉదయం 11 గంటల నుంచి నామినేషన్లు పరిశీలించనున్నారు. కూటమి నేతలు ఎన్నికల నిబంధనలకు విరుద్ధంగా పట్టణంలో ర్యాలీ నిర్వహించారు. నామినేషన్‌ కేంద్రంలోకి అభ్యర్థితో పాటు ఇద్దరు ప్రతిపాదకులు మాత్రమే వెళ్లాల్సి ఉన్నప్పటికీ, ఎమ్మెల్యే కన్నా లక్ష్మీనారాయణ రావడంతో ఒక్కసారిగా కార్యకర్తలు తోసుకుంటూ నామినేషన్‌ కేంద్రంలోకి ప్రవేశించారు. పోలీసులు, అధికారులు ప్రేక్షకపాత్ర వహించారని విమర్శలు వ్యక్తమయ్యాయి.

యడ్లపాడు: యడ్లపాడు గ్రామంలోని బ్రహ్మంగారి ఆలయంలో చోరీ జరిగింది. స్థానిక ఎర్రచెరువు వద్ద కొలువైన శ్రీ మద్విరాట్‌ పోతులూరి వీరబ్రహ్మేంద్రస్వామి ఆలయంలోని హుండీలోని నగదు గుర్తుతెలియని వ్యక్తులు అపహరించారు. పోలీసులు తెలిపిన వివరాల ప్రకారం..శనివారం అర్ధరాత్రి ఈ ఘటన చోటుచేసుకున్నట్లు స్థానికులు తెలిపారు. ఇటీవల కాలంలో హుండీ లెక్కింపు ప్రక్రియ జరిగిందని, ఆ తర్వాత ఈ చోరీ చేసినట్లు ఆలయ ధర్మకర్తలు పోలీసులకు ఫిర్యాదు చేసినట్లు ఎస్‌ఐ టి శివరామకృష్ణ తెలిపారు. కేసు నమోదు చేసి జిల్లా నుంచి క్లూస్‌టీంను పిలిపించి కీలక ఆధారాలను సేకరించినట్లు తెలిపారు. ఘటనకు సంబంధించిన పూర్తి వివరాలు పోలీసులు విచారణలో తెలియాల్సి ఉంది. చోరీకి పాల్పడిన వారిని గుర్తించి, ఇలాంటి ఘటనలు పునరావృతం కాకుండా చర్యలు తీసుకోవాలని భక్తులు కోరుతున్నారు. జాతీయ రహదారిపై ఛిద్రమైన మృతదేహం యడ్లపాడు: జాతీయ రహదారిపై గుర్తుతెలియని వాహనం రూపంలో ఓ వ్యక్తిని మృత్యువు కబళించింది. రహదారి దాటుతున్న మధ్యవయస్కుడిని వాహనం ఢీకొట్టి వెళ్లిపోవడంతో అతడు అక్కడికక్కడే మృతిచెందాడు. యడ్లపాడులోని సెయింట్‌ ఆన్స్‌ కళాశాల ఎదుట 16వ నంబరు జాతీయ రహదారిపై ఆదివారం రాత్రి ఈ ఘటన చోటుచేసుకుంది. ప్రమాద తీవ్రతకు మృతుడి శరీరం ఛిద్రమై, గుర్తుపట్టలేని స్థితికి చేరింది. పోలీసులు తెలిపిన వివరాల ప్రకారం.. ఆదివారం సాయంత్రం సుమారు 7 గంటల సమయంలో చిలకలూరిపేట నుంచి గుంటూరు వైపు వెళ్తున్న గుర్తుతెలియని వాహనం ఎక్స్‌ప్రెస్‌ రహదారి దాటుతున్న వ్యక్తిని ఢీకొట్టింది. ప్రమాదం జరిగినా వాహనాన్ని ఆపకుండా డ్రైవర్‌ వెళ్లిపోయాడు. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని చిలకలూరిపేట ప్రభుత్వ ఆసుపత్రికి తరలించారు. మృతుడి వయస్సు సుమారు 45 నుంచి 50 ఏళ్ల మధ్య ఉంటుందని, నీలిరంగు గళ్ల చొక్కా, లుంగీ ధరించి ఉన్నాడని యడ్లపాడు ఎస్‌ఐ టి.శివరామకృష్ణ తెలిపారు. మోచేతులు, మోకాళ్లపై బొల్లి మచ్చలు ఉన్నట్లు గుర్తించామని పేర్కొన్నారు. మృతుడి వివరాలు తెలిసినవారు యడ్లపాడు పోలీస్‌స్టేషన్‌ సెల్‌ నంబరు 94407 96256కు సమాచారం అందించాలని ఎస్‌ఐ కోరారు. నేడు పోలీసు పీజీఆర్‌ఎస్‌ తాత్కాలిక రద్దు నగరంపాలెం: జిల్లాలో ఎన్నికల ప్రవర్తన నియమావళి అమలు దృష్ట్యా జిల్లా పోలీస్‌ కార్యాలయ ఆవర ణలో సోమవారం జరగాల్సిన ప్రజా సమస్యల పరిష్కార వేదిక (పి.జి.ఆర్‌.ఎస్‌)ను తాత్కాలికంగా రద్దు చేసినట్లు జిల్లా ఎస్పీ వకుల్‌ జిందల్‌ ఆదివారం ఒక ప్రకటనలో పేర్కొన్నారు. జిల్లాలో జరగనున్న ఎన్నికల దృష్ట్యా పోలీస్‌ అధికార, సిబ్బంది విధుల్లో నిమగ్నమవుతారని పేర్కొన్నారు. పీజీఆర్‌ఎస్‌ తాత్కాలిక రద్దుని జిల్లాలోని ప్రజలు గుర్తించాలని విజ్ఞప్తి చేశారు. గుంటూరులో సగటు వర్షపాతం 13 మి.మీటర్లు కొరిటెపాడు(గుంటూరు): బంగాళాఖాతంలో ఏర్పడిన అల్పపీడన ప్రభావం వల్ల గుంటూరు జిల్లా వ్యాప్తంగా తేలికపాటి నుంచి ఓ మోస్తరు వర్షం కురిసింది. శనివారం ఉదయం నుంచి ఆదివారం ఉదయం వరకు అత్యధికంగా తెనాలి మండలంలో 57.2 మిల్లీ మీటర్లు వర్షం కురవగా, అత్యల్పంగా వట్టిచెరుకూరు మండలంలో ఒక మి.మీ వర్షం కురిసింది. సగటున 13 మి.మీ వర్షపాతం నమోదైంది. వివిధ మండలాల్లో నమోదైన వర్షపాతం వివరాలు ఇలా ఉన్నాయి.. పెదనందిపాడు మండలంలో 34.2 మి.మీ., దుగ్గిరాల 23, పొన్నూరు 21.4, కాకుమాను 19.2, కొల్లిపర 18.4, మంగళగిరి 12.6, చేబ్రోలు 11, ఫిరంగిపురం 8.6, ప్రత్తిపాడు 8.2, గుంటూరు పశ్చిమ 4.1, తుళ్ళూరు 4, పెదకాకాని 3, తాడేపల్లి 2.6, తాడికొండ 2.2, మేడికొండూరు 1.6, గుంటూరు తూర్పులో 1.2 మి.మీ చొప్పున వర్షం కురిసింది. అక్టోబర్‌ మాసం 18వ తేదీ వరకు జిల్లాలో సాధారణ వర్షపాతం 75.1 మి.మీ పడాల్సి ఉండగా, ఇప్పటి వరకు 22.2 మి.మీ వర్షపాతం నమోదైంది.

మార్కాపురం టౌన్‌: జిల్లా కబడ్డీ అసోసియేషన్‌ 52వ రాష్ట్రస్థాయి జూనియర్‌ బాల బాలికల కబడ్డీ చాంపియన్‌షిప్‌ పోటీలు ఆదివారం పట్టణంలోని జిల్లా పరిషత్‌ ఉన్నత పాఠశాలలో హోరాహోరీగా ముగిశాయి. మూడు రోజులపాటు జరిగిన పోటీల్లో బాలుర విభాగంలో ఫైనల్‌లో పల్నాడు–విజయనగరం జట్లు తలపడగా పల్నాడు జట్టు విజేతగా నిలిచింది. మూడో స్థానంలో కర్నూలు, శ్రీకాకుళం జిల్లా జట్లు ఉమ్మడిగా నిలిచాయి. బాలికల విభాగంలో ఫైనల్‌లో ప్రకాశం–విశాఖపట్నం జిల్లాల జట్లు నువ్వా నేనా అన్నట్లు పోటీపడగా ప్రకాశం జిల్లా జట్టు విజేతగా నిలవగా, విశాఖపట్నం జిల్లా జట్టు రన్నరప్‌గా నిలిచాయి. శ్రీకాకుళం సత్యసాయి జిల్లా జట్లు ఉమ్మడిగా మూడవ స్థానంతో సరిపెట్టుకున్నాయి. చాంపియన్‌షిప్‌ పోటీలను రాష్ట్ర కబడ్డీ అసోసియేషన్‌ అధ్యక్ష, కార్యదర్శులు కేవీ ప్రభావతి, యలమంచిలి శ్రీకాంత్‌, రాష్ట్ర కబడ్డీ జట్టు సెలక్షన్‌ కమిటీ సభ్యుల పర్యవేక్షణలో ఎలాంటి అవాంతరాలు లేకుండా ఆహ్లాదకర వాతావరణంలో సజావుగా ముగిశాయి. ఈ క్రీడా పోటీల్లో ఆంధ్రప్రదేశ్‌ రాష్ట్రంలోని ఉమ్మడి 28 జిల్లాల బాల, బాలికల జట్లు పాల్గొన్నాయి. విజేతలకు అతిథుల చేతుల మీదుగా బహుమతులు ప్రదానం చేశారు. ప్రధానోపాధ్యాయుడు మునగాల చంద్రశేఖర్‌రెడ్డి ఆధ్వర్యంలో జరిగిన కార్యక్రమానికి బహుమతి ప్రదానోత్సవానికి మార్కాపురం జిల్లా విద్యాశాఖాధికారి సామా సుబ్బారావు, డివిజనల్‌ ఉప విద్యాశాఖ అధికారి పి.శ్రీనివాసులు, జాతీయ అవార్డు గ్రహీత టి.జగన్నాథ్‌, గ్రూప్‌ 1 అధికారి ఓ సుజిత్‌కుమార్‌రెడ్డి తదితరులు హాజరయ్యారు. పీఈటీలు కె.ఓబులేసు, తాళ్లపల్లి సత్యనారాయణ, ఓ.వీరారెడ్డి, చెంచయ్య నాయుడు, వి.వెంకటేశ్వర్లు, వ్యాయామ ఉపాధ్యాయులు, 28 జిల్లాల క్రీడాకారులు, విద్యార్థులు, పెద్ద సంఖ్యలో క్రీడాభిమానులు పాల్గొన్నారు. పల్నాడు, ప్రకాశం జిల్లా జట్లకు ప్రథమ స్థానం

బాపట్ల: రాష్ట్ర ప్రభుత్వం సోమవారం ప్రభుత్వ సెలవు దినంగా ప్రకటించడంతో జిల్లా కలెక్టరేట్‌లో ప్రతి సోమవారం నిర్వహించే ప్రజా ఫిర్యాదుల పరిష్కార వేదిక రద్దు చేసినట్లు జిల్లా కలెక్టర్‌ డాక్టర్‌ వినోద్‌కుమార్‌ ఆదివారం ఒక ప్రకటనలో పేర్కొన్నారు. సోమవారం జిల్లా కలెక్టరేట్‌లో నిర్వహించే ప్రజా ఫిర్యాదుల పరిష్కార వేదికకు సమస్యలతో అర్జీలు సమర్పించేందుకు ప్రజలు ఎవ్వరు కూడా రావద్దని జిల్లా కలెక్టర్‌ సూచించారు. విద్యుత్‌ స్తంభాన్ని ఢీకొని వ్యక్తి మృతి వేమూరు: స్కూటీపై అతి వేగంగా వెళుతూ కరెంట్‌ స్తంభాన్ని ఢీకొట్టి మృతి చెందిన ఘటన చోటు చేసుకుంది. స్థానికులు తెలిపిన వివరాలు... వేమూరు మండలం జంపని గ్రామానికి చెందిన షేక్‌ మున్నా, షేక్‌ ఖాజావలి స్కూటీపై వేమూరు నుంచి జంపని వెళుతున్నారు. జంపని షుగర్‌ ఫ్యాక్టరీ సమీపంలో సాయంత్రం 4 గంటలకు విద్యుత్‌ స్తంభాలను ఢీకొన్నారు. షేక్‌ మున్నా(30) అక్కడికక్కడే మృతి చెందాడు. షేక్‌ ఖాజావలికి తీవ్ర గాయాలయ్యాయి. 108 వాహనం ద్వారా తెనాలి ప్రభుత్వం వైద్యశాలకు తీసుకెళ్లారు. వైద్యులు వైద్య సేవలు అందిస్తున్నారు. మృతి చెందిన షేక్‌ మున్నాకు భార్య ఇద్దరు పిల్లలు ఉన్నారని తెలిపారు. రెండు వాహనాలు ఢీ–ఒకరు మృతి మేడికొండూరు: గుంటూరు–నరసరావుపేట ప్రధాన రహదారిపై పేరేచర్ల యూనివర్సల్‌ కాలేజీ సమీపంలో ఆదివారం ఉదయం రెండు టాటా మ్యాజిక్‌ వాహనాలు ఢీకొన్న ప్రమాదంలో ఓ డ్రైవర్‌ మృతి చెందగా, మరో డ్రైవర్‌ గాయపడ్డాడు.పోలీసులు తెలిపిన వివరాలు ప్రకారం.. గుంటూరు నుంచి నరసరావుపేట వైపు వెళ్తున్న ఖాళీ టాటా మ్యాజిక్‌ వాహనం, నరసరావుపేట నుంచి గుంటూరు వైపు పత్తి లోడుతో వస్తున్న మరో టాటా మ్యాజిక్‌ వాహనం పేరేచర్ల సమీపంలో ఢీకొన్నాయి. ఈ ప్రమాదంలో పత్తి లోడ్‌ వాహనం డ్రైవర్‌ వర్ల కిరణ్‌బాబు (24) తీవ్రంగా గాయపడ్డాడు. అతడిని చికిత్స నిమిత్తం గుంటూరు ప్రభుత్వ ఆసుపత్రికి తరలిస్తుండగా మార్గంమధ్యలో మృతి చెందాడు. గుంటూరు నుంచి వస్తున్న ఖాళీ వాహనం డ్రైవర్‌ కూడా గాయాలపాలయ్యాడు. సమాచారం అందుకున్న మేడికొండూరు పోలీసులు ఘటనపై కేసు నమోదు చేసి దర్యాప్తు చేపట్టారు.

దాచేపల్లి: న్యాయస్థానం ఆదేశించడంతో దాచేపల్లి నగర పంచాయతీ వైఎస్సార్‌ సీపీ చైర్మన్‌ అభ్యర్థిగా కొప్పుల రవికుమార్‌ సోమవారం నామినేషన్‌ దాఖలు చేశారు. మాజీ ఎమ్మెల్యే కాసు మహేష్‌రెడ్డి సహకారంతో రవికుమార్‌ను చైర్మన్‌ అభ్యర్థిగా పార్టీ అధిష్ఠానం ప్రకటించింది. ఈ నెల 16వ తేదీన పోలీసులు రవికుమార్‌ అక్రమ మద్యం సీసాలు కలిగి ఉన్నారని ఆరోపిస్తూ అక్రమంగా అరెస్టు చేశారు. న్యాయస్థానాన్ని ఆశ్రయించడంతో నామినేషన్‌ దాఖలుకు అవకాశం కల్పించింది. దాచేపల్లి సీఐ షేక్‌ ఖాజావలి బందోబస్తు మధ్య రవికుమార్‌తో నామినేషన్‌ వేయించారు. తొలుత గురజాల సబ్‌జైలు నుంచి ప్రత్యేక వాహనంలో పోలీస్‌ ఎస్కార్ట్‌తో రవికుమార్‌ను దాచేపల్లి నగర పంచాయతీ కార్యాలయం వద్దకు తీసుకువచ్చారు. రవికుమార్‌ను బలపరుస్తూ షేక్‌ జాకీర్‌ హుస్సేన్‌, మందపాటి వీరారెడ్డి సంతకాలు చేశారు. అంతకుముందు నడికుడిలో జనం భారీగా గుమిగూడారని, వెళ్లడం ఇబ్బందికరమని సుమారు గంటసేపు రవికుమార్‌ను ఆపేశారు. రవికుమార్‌ ఆరోగ్యం బాగాలేకపోవడంతో గుంటూరుకు తరలిస్తున్నారనే పుకార్లను వ్యాప్తి చేశారు. నామినేషన్‌ కేంద్రం వద్ద కూడా అడ్డుకునేందుకు కూటమి నేతలు విశ్వప్రయత్నాలు చేశారు. వీడియో తీసిన పలువురి సెల్‌ఫోన్లను కూటమి నేతలు లాక్కొని, వాటిలోని వీడియోలను తొలగించారు. కోర్టు ఆదేశాలు దృష్ట్యా కూటమి నేతలను అక్కడి నుంచి పంపించేందుకు పోలీసులు తీవ్రంగా శ్రమించారు. కోర్టు ఆదేశాలతో వైఎస్సార్‌ సీపీ చైర్మన్‌ అభ్యర్థి కొప్పుల రవికుమార్‌ నామినేషన్‌

రేపల్లె: మున్సిపల్‌ ఎన్నికల నామినేషన్ల వేళ పోలీసుల వ్యవహారశైలి వివాదాస్పదంగా మారింది. నామినేషన్ల కేంద్రం వద్ద అనుమతుల విషయంలో పోలీసులు అధికార, ప్రతిపక్ష పార్టీలకు వేర్వేరు నిబంధనలు అమలు చేశారన్న ఆరోపణలు తీవ్ర చర్చకు దారితీశాయి. వైఎస్సార్‌ సీపీ నేతలను ఆంక్షల పేరుతో అడ్డుకున్న పోలీసులు, కూటమి అభ్యర్థి నామినేషన్‌ సమయంలో మాత్రం వెసులుబాటు కల్పించారన్న విమర్శలు తీవ్రంగా వినిపిస్తున్నాయి. మీడియా ప్రతినిధులకూ అడ్డంకులు నామినేషన్ల ప్రక్రియను కవరేజీ చేసేందుకు వెళ్లిన మీడియా ప్రతినిధులను సైతం డీఎస్పీ అబ్దుల్‌ అజీజ్‌ లోపలికి వెళ్లకుండా అడ్డుకున్నారు. ఎన్నికల ప్రక్రియలో జరిగే పరిణామాలను ప్రజలకు చేరవేయాల్సిన జర్నలిస్టులకు ఆటంకాలు ఎదురుకావడం ఆందోళన కలిగిస్తోంది. దీనికి ఎలాంటి నిబంధనలు అమలు చేశారు? గుర్తింపు కార్డులు కలిగిన ప్రతినిధులందరికీ ఒకే విధానం పాటించారా? అనే ప్రశ్నలకు సమాధానం రావాల్సి ఉంది. అయితే, కూటమి అభ్యర్థితో పాటు మంత్రి నామినేషన్‌కు వెళ్లిన సమయంలో ఆయన ప్రైవేటు ఫొటోగ్రాఫర్లకు సైతం అనుమతినిచ్చి, మీడియాను అడ్డుకోవడం పోలీసుల దుశ్చర్యను తెలియజేస్తోంది. ముఖ్యంగా, వైఎస్సార్‌ సీపీ ప్రతినిధులు, మీడియా ప్రతినిధులపై డీఎస్పీ అబ్దుల్‌ అజీజ్‌ కఠినంగా వ్యవహరిస్తూ, కూటమి అభ్యర్థులకు వత్తాసు పలుకుతున్నారనే విమర్శలు వ్యక్తం అవుతున్నాయి. మరోవైపు, మంత్రి అనగాని సత్యప్రసాద్‌ సమక్షంలో కూటమి అభ్యర్థి కుర్రా అవర్ణ నామినేషన్‌ సందర్భంగా 25 మందికి పైగా వ్యక్తులు నామినేషన్‌ దాఖలు కేంద్రంలోకి వెళ్లారు. ఆ సమయంలో అక్కడే ఉన్న డీఎస్పీ అబ్దుల్‌ అజీజ్‌ వారిని అడ్డుకోకుండా మౌనం వహించడంపై విమర్శలు వ్యక్తమవుతున్నాయి. భద్రత, రద్దీ నియంత్రణ కోసం నామినేషన్ల కేంద్రం వద్ద ఆంక్షలు విధించడం సమంజసమే. కానీ ఆ నిబంధనలు అందరికీ సమానంగా వర్తించాలి. వైఎస్సార్‌ సీపీ సమన్వయకర్తను నిబంధనల పేరుతో అడ్డుకున్న పోలీసులు, కూటమి అభ్యర్థి విషయంలో మాత్రం మంత్రి సత్యప్రసాద్‌ను చూసి ఎక్కువ మందికి అవకాశం కల్పించడంపై ప్రజలు, ప్రజాసంఘాలు ఇదెక్కడి న్యాయమంటూ ప్రశ్నిస్తున్నాయి. వైఎస్సార్‌ సీపీ నియోజకవర్గ సమన్వయకర్త మోహన్‌కృష్ణ... చైర్‌పర్సన్‌ అభ్యర్థి చిమటా లక్ష్మితో కలిసి ఆదివారం నామినేషన్‌ దాఖలుకు కేంద్రానికి వెళ్తున్న క్రమంలో డీఎస్పీ అబ్దుల్‌ అజీజ్‌ అడ్డుకున్నారు. నామినేషన్‌ దాఖలు చేసే అభ్యర్థితో పాటు మరో ఇద్దరికే అనుమతి ఉందని, పీటా వెళ్లడానికి వీల్లేదంటూ అడ్డుగా నిలిచారు. మూడు నామినేషన్లు దాఖలు చేస్తున్నామని, అభ్యర్థులను బలపరచడానికి వెళ్తున్నామని చెప్పినా వినకుండా డీఎస్పీ వాదనకు దిగారు. తమకు మూడు నామినేషన్లు ఉన్నాయని, ఇదే నిబంధనను మంత్రి సత్యప్రసాద్‌కు వర్తింపజేస్తారా అంటూ మోహన్‌కృష్ణ ప్రశ్నించారు. కొంతసేపు వాగ్వాదం జరిగిన అనంతరం నాగమోహన్‌కృష్ణను నామినేషన్‌ కేంద్రంలోకి అనుమతించారు.

వినుకొండ: వైఎస్సార్‌ కాంగ్రెస్‌ పార్టీ వినుకొండ మున్సిపాలిటీ చైర్మన్‌ అభ్యర్థిగా యువ నాయకుడు పి.ఎస్‌. ఖాన్‌ ఆదివారం తన నామినేషన్‌ దాఖలు చేశారు. పట్టణంలోని పార్టీ కార్యాలయం నుంచి బయలుదేరిన ఆయన నియోజకవర్గ ఎన్నికల పరిశీలకులు బాసులింగారెడ్డి, జిల్లా అధికార ప్రతినిధి ఎం. ఎన్‌. ప్రసాద్‌, పట్టణ కన్వీనర్‌ కొత్తమాసు శివ నాయకులతో కలిసి మున్సిపల్‌ కార్యాలయానికి చేరుకున్నారు. అనంతరం రిటర్నింగ్‌ అధికారికి తమ నామినేషన్‌ పత్రాలను అధికారికంగా సమర్పించారు. నామినేషన్‌ అనంతరం చైర్మన్‌ అభ్యర్థి పిఎస్‌ ఖాన్‌ మాట్లాడుతూ మాజీ ఎమ్మెల్యే బొల్లా బ్రహ్మనాయుడును ఆదర్శంగా తీసుకొని తమదైన శైలిలో వినుకొండ పట్టణాన్ని అభివృద్ధి చేస్తామన్నారు. పట్టణ ప్రజలు తనను ఆదరించి అఖండ మెజార్టీతో గెలిపించాలని కోరారు. తనను చైర్మన్‌ అభ్యర్థిగా ఎంపిక చేసినందుకు మాజీ సీఎం వైఎస్‌ జగన్‌మోహన్‌రెడ్డి, మాజీ ఎమ్మెల్యే బొల్లా బ్రహ్మనాయుడుకు కృతజ్ఞతలు తెలిపారు.

జిల్లా కలెక్టర్‌ డాక్టర్‌ వినోద్‌ కుమార్‌ బాపట్ల: స్థానిక సంస్థల ఎన్నికలకు సంబంధించి జిల్లా అధికారులు, నోడల్‌ అధికారులు వారికి కేటాయించి విధులకు సంబంధించిన వివరాలను ప్రతిరోజూ వాట్సాప్‌ గ్రూపులో అప్‌లోడ్‌ చేయాలని జిల్లా కలెక్టర్‌ డాక్టర్‌ వినోద్‌ కుమార్‌ తెలిపారు. ఆదివారం సాయంత్రం జిల్లా కలెక్టరేట్‌లోని న్యూ వీడియో కాన్ఫరెన్స్‌ హాల్‌లో ఎన్నికల నోడల్‌ అధికారులతో సమావేశం నిర్వహించారు. జిల్లాలో చేపట్టనున్న ఎన్నికల నిర్వహణపై కలెక్టర్‌ సమీక్షించారు. కలెక్టర్‌ మాట్లాడుతూ ఎన్నికల ప్రక్రియ సజావుగా జరిగేలా ముందస్తు ఏర్పాట్లు చేసుకోవాలని నోడల్‌ అధికారులను ఆదేశించారు. ఎన్నికల నిర్వహణకు అవసరమైన వివిధ రకాల టీమ్స్‌ ఏర్పాటు చేశామని, వారందరికి శిక్షణ ఇస్తామని తెలిపారు. సంబంధిత శాఖల మధ్య సమన్వయంపై ప్రత్యేక దృష్టి సారించాలని సూచించారు. ఎక్కడా కూడా ఎన్నికల కోడ్‌ ఉల్లంఘనలు జరగకుండా పర్యవేక్షించాలని ఆదేశించారు. ఎన్నికల కమిషన్‌ మార్గదర్శకాలకు అనుగుణంగా విధులు నిర్వహిస్తూ, ఎన్నికల ప్రక్రియలో పారదర్శకత, నిష్పక్షపాత ధోరణి పాటించేలా చర్యలు తీసుకోవాలని స్పష్టం చేశారు. ఎంపీటీసీ, జెడ్పీటీసీ, గ్రామ పంచాయతీ ఎన్నికలు నిర్వహించనున్న నేపథ్యంలో సంబంధిత అధికారులు ఇప్పటి నుంచే అవసరమైన కార్యాచరణ రూపొందించుకుని సిద్ధంగా ఉండాలని జెడ్పీ సీఈఓను ఆదేశించారు. ఎన్నికలకు సంబంధించి అధికారులకు, సిబ్బందికి జిల్లాస్థాయిలో జిల్లా కలెక్టర్‌ ఆధ్వర్యంలో, డివిజన్‌ స్థాయిలో ఆర్డీవో స్థాయిలో మాస్టర్‌ ట్రైనర్స్‌తో శిక్షణ ఇచ్చేందుకు షెడ్యూల్‌ ను తయారు చేయాలని డ్వామా పీడీని ఆదేశించారు. మెటీరియల్‌ రవాణాకు సంబంధించి అన్ని రకాల వాహనాలను సమకూర్చాలని రవాణా శాఖ అధికారిని ఆదేశించారు. జెడ్పీటీసీ, ఎంపీటీసీ ఎన్నికలకు సంబంధించిన బ్యాలెట్‌ పేపర్లను పోస్టల్‌ బ్యాలెట్స్‌ వాటికి సంబంధించి ఈ ఈ పంచాయతీరాజ్‌ పర్యవేక్షించాలన్నారు. ఎన్నికల్లో విధుల్లో పాల్గొనే ప్రతి ఉద్యోగి తప్పనిసరిగా ఐడీ కార్డు ధరించాలని, ఐడీ కార్డులకు సంబంధించి పంపిణీ చేయాలని జిల్లా కలెక్టరేట్‌ ఏఓను ఆదేశించారు. సమావేశంలో ఇన్‌చార్జి డీఆర్వో లవన్న, జెడ్పీ సీఈఓ సీహెచ్‌.విజయలక్ష్మి, డీఆర్డీఏ, డ్వామా పీడీలు బి.సింగయ్య, విజయలక్ష్మి, డీపీఓ నరేష్‌కుమారి, ఎస్‌ఎస్‌ఏ పీఓ శ్రీనివాసులు, సీపీఓ ఏ.ఎస్‌.రాజు, జిల్లా స్వర్ణ గ్రామ, స్వర్ణ వార్డుల అధికారి రాజేష్‌, గ్రామ, వార్డు సచివాలయం జిల్లా కోఆర్డినేటర్‌ యశ్వంత్‌, షఫి, జిల్లా కలెక్టరేట్‌ సిబ్బంది పాల్గొన్నారు.

కొరిటెపాడు(గుంటూరు): నూతన పరిశ్రమల స్థాపన, స్వయం ఉపాధి అవకాశాల కల్పనకు యూనియన్‌ బ్యాంక్‌ ఆఫ్‌ ఇండియా(యూబీఐ) అండగా నిలుస్తోందని ఆ బ్యాంక్‌ విజయవాడ జోన్‌ జనరల్‌ మేనేజర్‌, రాష్ట్ర స్థాయి బ్యాంకర్ల కమిటీ కన్వీనర్‌ కట్టా శ్రీధర్‌బాబు తెలిపారు. గుంటూరు జీటీ రోడ్‌లోని యూబీఐ జోనల్‌ కార్యాలయంలో శనివారం నిర్వహించిన ఎంఎస్‌ఎంఈ హ్యాండ్‌హోల్డింగ్‌ కార్యక్రమంలో ఆయన మాట్లాడారు. ఔత్సాహిక పారిశ్రామికవేత్తలకు రుణ దరఖాస్తుల ప్రక్రియలో, వ్యాపారాభివృద్ధిలో అవసరమైన సహకారం అందిస్తామని తెలిపారు. అర్హతలు, బ్యాంకింగ్‌ నిబంధనలకు అనుగుణంగా రుణ సదుపాయాలను పొందేందుకు ఎంఎస్‌ఎంఈ హ్యాండ్‌హోల్డింగ్‌ సెంటర్‌ సహకరిస్తుందని పేర్కొన్నారు. ఔత్సాహిక వ్యాపారవేత్తలు తమ సమస్యలు, రుణ ప్రతిపాదనలను అధికారుల దృష్టికి తీసుకురాగా, సంబంధిత అధికారులు తగిన సూచనలు అందించారు. అనంతరం ఎనిమిది మంది ఔత్సాహిక పారిశ్రామికవేత్తలకు రుణ మంజూరు పత్రాలను అందజేశారు. కార్యక్రమంలో యూబీఐ రీజినల్‌ హెడ్‌ హనుమంత్‌రెడ్డి, ఏజీఎం హనుమంతరావు, ఎల్‌డీఎం మహిపాల్‌రెడ్డి, అశోక్‌, వివిధ శాఖల అధికారులు, పారిశ్రామికవేత్తలు, ఔత్సాహిక యువత, బ్యాంకు ఖాతాదారులు తదితరులు పాల్గొన్నారు. గుంటూరులో ఎంఎస్‌ఎంఈ హ్యాండ్‌ హోల్డింగ్‌ కార్యక్రమం

జిల్లా వ్యవసాయ అధికారి పద్మావతి కొరిటెపాడు(గుంటూరు): పంటల సగటు దిగుబడిని శాసీ్త్రయంగా అంచనా వేయడంలో పంట కోత ప్రయోగాలు (సీసీఈ) కీలక పాత్ర పోషిస్తాయని గుంటూరు జిల్లా వ్యవసాయ అధికారి ఎం.పద్మావతి పేర్కొన్నారు. వ్యవసాయ గణాంకాల సేకరణతో పాటు పంటల దిగుబడి ఆధారంగా రైతులకు పంటల బీమా పరిహారం అందించడంలో ఈ ప్రయోగాలు ఎంతో ఉపయోగపడతాయని వివరించారు. స్థానిక కృషీ భవన్‌లో పంట కోత ప్రయోగాలపై శనివారం మండల వ్యవసాయ అధికారులు, వీఏఏ, వీహెచ్‌ఏలు, వ్యవసాయ, ప్లానింగ్‌ సిబ్బందికి శిక్షణ కార్యక్రమం నిర్వహించారు. ఈ సందర్భంగా డీఏఓ పద్మావతి మాట్లాడుతూ ఎంపిక చేసిన పొలాల్లో నిర్ణీత విస్తీర్ణంలో పంటను కోసి, నూర్పిడి చేసి, దిగుబడిని తూకం వేయడం ద్వారా వాస్తవ ఉత్పత్తిని పక్కాగా లెక్కించాలని సూచించారు. ఈ వివరాల ఆధారంగా పంట సగటు దిగుబడిని అంచనా వేయడం జరుగుతోందని, దీనివల్ల పంట ఉత్పత్తికి సంబంధించి విశ్వసనీయమైన గణాంకాలు సేకరించేందుకు అవకాశం ఉంటుందని వివరించారు. ప్రధానమంత్రి ఫసల్‌ బీమా యోజన అమలులో పంట కోత ప్రయోగాల ఫలితాలు ముఖ్యమైనవన్నారు. నేషనల్‌ శాంపిల్‌ సర్వే కార్యాలయం అధికారి శ్రీనివాసరావు మాట్లాడుతూ పంటల దిగుబడి అంచనాల ద్వారా ఆహార ధాన్యాల ఉత్పత్తి వివరాలు తెలుస్తాయన్నారు. కార్యక్రమంలో వ్యవసాయ శాఖ ఉపసంచాలకులు సునీత, చీఫ్‌ ప్లానింగ్‌ అధికారి మాలతి, డి.సునీల్‌, శర్మ పాల్గొన్నారు.

గుంటూరు వెస్ట్‌: స్థానిక సంస్థల ఎన్నికల నిర్వహణలో అధికారులు పూర్తి బాధ్యతతో, అప్రమత్తంగా విధులు నిర్వర్తించాలని గుంటూరు జాయింట్‌ కలెక్టర్‌ అశుతోష్‌ శ్రీవాస్తవ స్ఫష్టం చేశారు. ఎన్నికల విధుల్లో ఎలాంటి నిర్లక్ష్యం, అలసత్వం వహించినా ఉపేక్షించేది లేదని, నిబంధనల ప్రకారం క్రమశిక్షణా చర్యలు తీసుకుంటామని హెచ్చరించారు. శనివారం స్థానిక కలెక్టరేట్‌లోని వీసీ హాల్లో స్థానిక సంస్థల ఎన్నికల రిటర్నింగ్‌ అధికారులతో నిర్వహించిన సమీక్షలో జేసీ మాట్లాడుతూ ఎన్నికల నిర్వహణకు సంబంధించి అధికారులకు అప్పగించిన బాధ్యతలను సమర్థవంతంగా పూర్తి చేయాలని సూచించారు. శిక్షణకు గైర్హాజరైతే చర్యలు తప్పవు ఎన్నికల విధుల నిర్వహణకు సంబంధించి ప్రిసైడింగ్‌ అధికారులు, అసిస్టెంట్‌ ప్రిసైడింగ్‌ అధికారులు తప్పనిసరిగా శిక్షణ తరగతులకు హాజరుకావాలని జేసి స్పష్టం చేశారు. ఎన్నికల విధులపై పూర్తి అవగాహన కలిగి ఉండటం ద్వారా పోలింగ్‌ ప్రక్రియను సజావుగా నిర్వహించవచ్చని తెలిపారు. సరైన కారణం లేకుండా శిక్షణ తరగతులకు గైర్హాజరయ్యే పీఓలు, ఏపీఓలపై నిబంధనల మేరకు క్రమశిక్షణా చర్యలు తీసుకుంటామని హెచ్చరించారు. ఎన్నికల నిర్వహణకు సంబంధించి ఆయా అధికారులు ప్రతిరోజూ నివేదికలను క్రమం తప్పకుండా పంపించాలని తెలిపారు. నివేదికల సమర్పణలో జాప్యం జరగకుండా చూసుకోవాలన్నారు. ఎన్నికల ప్రక్రియలోని ప్రతి అంశంపై అధికారులు పరస్పర సమన్వయంతో పనిచేయాలని తెలిపారు. సమావేశంలో జిల్లా రెవెన్యూ అధికారి ఎన్‌.ఎస్‌.కె.ఖాజావలి, ఎన్నికల రిటర్నింగ్‌ అధికారులు పాల్గొన్నారు.

చీరాల: ‘అధికార పార్టీకి చెందిన నాయకురాలిని... శ్రీకాళహస్తి దేవస్థాన బోర్డు మెంబర్‌ని నన్నే లోపలికి వెళ్లనివ్వరా’ అంటూ శ్రీకాళహస్తి దేవస్థాన బోర్డు మెంబర్‌ కొమ్మనబోయిన రజని శనివారం మున్సిపల్‌ కార్యాలయం వద్ద హల్‌చల్‌ చేశారు. మున్సిపల్‌ ఎన్నికల్లో భాగంగా నామినేషన్ల ప్రక్రియ రెండో రోజు నామినేషన్ల ప్రక్రియ నేపథ్యంలో మున్సిపల్‌ కార్యాలయానికి వంద మీటర్ల దూరంలో బారిగేడ్లు పెట్టి అభ్యర్థితోపాటు ఇద్దరిని మాత్రమే అనుమతించారు. పార్టీ నాయకులను మాత్రం లోపలికి అనుమతించలేదు. అదే సమయంలో అక్కడకు ద్విచక్రవాహనంపై పార్టీ జెండాతో లోపలికి అనుమతించాలనడంతో పోలీసులు అనుమతించలేదు. టూటౌన్‌ ఎస్సైతో వాదన అనంతరం లోపలికి అనుమతించారు. పార్టీ నాయకులను ఎవరిని అనుమతించని పోలీసులు అధికారం పార్టీ కావడంతో లోపలికి అనుమతించడం అందరినీ విస్మయానికి గురిచేసింది. పోలీసులతో వాగ్వాదానికి దిగిన శ్రీకాళహస్తి ఆలయ బోర్డు మెంబర్‌

ఏపీ ఈగల్‌ చీఫ్‌ ఐజీపీ ఆకే రవికృష్ణ చేబ్రోలు: మండలం వడ్లమూడిలోని విజ్ఞాన్‌ యూనివర్సిటీలో అంతర్జాతీయ విద్యార్థులకు మాదకద్రవ్యాల వల కలిగే అనర్థాలు, వాటి నివారణపై ఏపీ ఈగల్‌ చీఫ్‌ ఐజీపీ ఆకే రవికృష్ణ అవగాహన కల్పించారు. యువత చెడు స్నేహాలకు, సోషల్‌ మీడియా ప్రభావానికి లోనుకాకుండా మాదకద్రవ్యాలకు దూరంగా ఉండాలని పిలుపునిచ్చారు. భారతదేశంలో విద్యనభ్యసిస్తున్న విదేశీ విద్యార్థులు దేశ చట్టాలను గౌరవిస్తూ, నిబంధనలను తప్పనిసరిగా పాటించాలని సూచించారు. విజ్ఞాన్‌ యూనివర్సిటీలో శుక్రవారం నిర్వహించిన ఈ కార్యక్రమంలో 12 దేశాలకు చెందిన విద్యార్థులు పాల్గొన్నారు. రవికృష్ణ మాట్లాడుతూ మాదకద్రవ్యాల సమస్య కేవలం ఆరోగ్యానికి సంబంధించిన అంశం మాత్రమే కాదని, అక్రమ డ్రగ్స్‌ వ్యాపారం ద్వారా సమకూరే నిధులు ఉగ్రవాదం, అక్రమ ఆయుధాల రవాణా వంటి కార్యకలాపాలకు ఉపయోగపడుతున్నాయని వివరించారు. విద్యార్థులు స్నేహితుల ఒత్తిడికి తలొగ్గకుండా డ్రగ్స్‌కు ధైర్యంగా ‘నో’ చెప్పాలని, వ్యసనానికి గురైన వారిని దూరం పెట్టకుండా వైద్య చికిత్స, కౌన్సెలింగ్‌, పునరావాసం పొందేలా సహకరించాలని కోరారు. క్రీడలు, యోగా, వ్యాయామం, సామాజిక సేవ, రక్తదానం వంటి కార్యక్రమాల్లో పాల్గొంటూ చదువుపై దృష్టి సారించాలని సూచించారు. ఆపరేషన్‌ చైతన్య, ఆపరేషన్‌ వజ్రప్రహార్‌, ఆపరేషన్‌ సేఫ్‌ క్యాంపస్‌, ఆపరేషన్‌ గరుడ, ఈగల్‌ పల్లెబాట వంటి కార్యక్రమాల ద్వారా గంజాయి సాగు, అక్రమ రవాణా, డ్రగ్స్‌ విక్రయాలు, నియంత్రిత ఔషధాల దుర్వినియోగంపై చర్యలు తీసుకుంటు న్నట్లు వివరించారు. మాదకద్రవ్యాల అక్రమ రవాణాను అరికట్టేందుకు ఆర్టిఫిషియల్‌ ఇంటెలిజెన్స్‌, డేటా అనలిటిక్స్‌, డిజిటల్‌ ఫోరెన్సిక్స్‌, జీఐఎస్‌ మ్యాపింగ్‌, ఉపగ్రహ, డ్రోన్‌ చిత్రాల విశ్లేషణ వంటి సాంకేతిక రంగాల్లో విద్యార్థులు పరిశోధనలు చేపట్టాలని సూచించారు. పొన్నూరు టౌన్‌ సీఐ కిషోర్‌, గుంటూరు ఈగల్‌ ఎస్‌ఐ ఎం.సునీల్‌బాబు పాల్గొన్నారు.

కొల్లూరు: ఎన్నికల కోడ్‌ అమలులో అధికారుల పచ్చపాత ధోరణి విమర్శలకు దారితీస్తుంది. స్థానిక సంస్థల ఎన్నికల నేపథ్యంలో ఎన్నికల కోడ్‌ అమలులోకి రావడంతో అధికారులు రాజకీయ పార్టీలకు చెందిన నాయకులు, ఆయా పార్టీల సింబల్స్‌ కానరాకుండా జాగ్రత్తలు తీసుకుంటున్నారు. కొల్లూరు మండలంలో మాత్రం ప్రభుత్వ యంత్రాంగ పచ్చపాత వైఖరి ప్రజలను విస్తుపోయేలా చేసింది. ఎన్నికల నియమావళిలో జాతీయ నాయకుల విగ్రహాలు, చిత్రపటాలకు కోడ్‌ వర్తింపులో మినహాయింపు ఉంది. మండలంలోని ఈపూరులంకలో ఇవేమి పట్టని పంచాయతీ యంత్రాంగం రాజ్యాంగ సృష్టికర్త డాక్టర్‌ బీఆర్‌. అంబేడ్కర్‌ విగ్రహాన్ని గోనె సంచులతో మూసి వేయడం వివాదాస్పదమైంది. అంబేడ్కర్‌ విగ్రహాన్ని మూసివేయడంపై ప్రశ్నించిన స్థానికులకు ఎన్నికల కోడ్‌ వల్ల విగ్రహాలకు ముసుగులు వేసినట్లు పంచాయతీ యంత్రాంగం చెప్పడంతో ముక్కున వేలేసుకోవడం ప్రజల వంతైంది. జాతీయ నాయకుల విగ్రహాలకు ముసుగు వేయడంలో అత్యుత్సాహం ప్రదర్శించిన ప్రభుత్వ యంత్రాంగం మండల కేంద్రం కొల్లూరు 1, 2 సర్ణ సచివాలయ భవనంపై ఉన్న కూటమి నేతలు చిత్ర పఠాలకు కోడ్‌ వర్తింప జేసి మూసివేయకుండా ఉంచడం విమర్శలకు దారి తీసింది. కొల్లూరు స్వర్ణ సచివాలయ భవనంపై బహిరంగంగా ఉన్న ప్రస్తుత సీఎం చంద్రబాబు, డిప్యూటీ సీఎం పవన్‌కళ్యాణ్‌, ఇతర ప్రజా ప్రతినిధుల చిత్ర పఠాలతో ఉన్న శిలాఫలకాన్ని మూసివేయకపోవడంపై ఇతర రాజకీయ పార్టీల నాయకులలో ఆగ్రహం వ్యక్తమయ్యింది. అయితే అంబేడ్కర్‌ విగ్రహంకు ముసుగులు వేయడం, స్వర్ణ కార్యాలయ భవనంపై కూటమి నేతల చిత్రపఠాలతో కూడిన శిలాఫలకాల వ్యవహారం మీడియా కంఠ పడిన విషయాన్ని గమనించిన అధికారులు వెంటనే దిద్దుబాటు చర్యలకు దిగారు. అంబేడ్కర్‌ విగ్రహానికి వేసిన ముసుగులను తొలగించడంతోపాటు, స్వర్ణ కార్యాలయ భవనంపై ఉన్న శిలాఫలకానికి శనివారం మధ్యహ్నం హడావిడిగా కాగితాలు అంటించారు.

గుంటూరు వెస్ట్‌(క్రీడలు): జూనియర్‌ జాతీయ అథ్లెటిక్స్‌ పోటీలకు బి.వంశీ ఎంపికై నట్లు జేకేసీ కళాశాల పీడీ బి.కృష్ణారావు శనివారం తెలిపారు. ఈనెల 23 నుంచి చైన్నెలో నిర్వహించనున్న పోటీల్లో పాల్గొంటాడని వివరించారు. కళాశాలలో బీబీఏ మొదటి సంవత్సరం చదువుతున్న వంశీ ఇటీవల కర్నూలు జిల్లా ఆదోనిలో జరిగిన ఏపీ స్టేట్‌ జూనియర్‌ అథ్లెటిక్‌ చాంపియన్షిప్‌ పోటీల్లో అండర్‌– 18 బాలుర విభాగంలో 100 మీటర్ల పరుగు పందెంలో సిల్వర్‌ మెడల్‌ సాధించినట్లు వివరించారు. వంశీ జాతీయ పోటీలకు ఎంపిక కావడం అభినందనీయమన్నారు. వంశీని కరస్పాండెంట్‌ మురళీమోహన్‌, ప్రిన్సిపాల్‌ పి.గోపీచంద్‌, వైస్‌ ప్రిన్సిపల్‌ కే సాంబశివురావు అభినందించారు. అమరావతి: రాజధాని అమరావతి చుట్టూ 97 గ్రామాలను కలుపుతూ 189 కిలోమీటర్లు పొడవున ప్రభుత్వం నిర్మించే అమరావతి ఔటర్‌ రింగ్‌ రోడ్డు వల్ల భూములు కోల్పయే రైతులు తమ భూములకిచ్చే పరిహారం పెంచి ఇవ్వాలని కోరుతూ శనివారం రాత్రి పల్నాడు జిల్లా అమరావతి మండలం లింగాపురంలో సమావేశం నిర్వహించారు. సమావేశంలో అమరావతి మండలం లింగాపురం, ధరణికోట, పెదకూరపాడు మండలం బలుసుపాడు, పరసా గ్రామాలకు చెందిన రైతులు పాల్గొన్నారు. సమావేశంలో ఔటర్‌ రింగ్‌రోడ్డులో రెండు మండలాలలో సుమారు వెయ్యి ఎకరాల వరకు ప్రభుత్వం భూసేకరణ ద్వారా సేకరించటానికి నిర్ణయించిన క్రమంలో తమకు చెల్లించే పరిహారం పెంచి ఇవ్వాలని కోరారు. అవసరమైతే న్యాయస్థానాన్ని ఆశ్రయించాలని రైతులు నిర్ణయించారు. అమరావతి ఔటర్‌రింగ్‌రోడ్డు భూముల రైతుల హక్కుల పరిరక్షణ సమితి రాష్ట్ర కార్యవర్గ సభ్యుడు ఆలపాటి వీరయ్య మాట్లాడుతూ తాము భూములు ఇవ్వటానికి వ్యతిరేకం కాదని తమకు ప్రభుత్వం ఇచ్చే పరిహారం 2013 భూసేకరణ చట్టాన్ని అనుసరించి పరిహారం చెల్లించాలని తాము కోరుతున్నామన్నారు. రైతులు తమ పూర్తి జీవనాధారమైన భూములను కోల్సతున్నాడన్నారు. అమరావతి, పెదకూరపాడు మండలాలలో బహిరంగ మార్కెట్‌లో ఎకరా భూమి రూ.కోటి నుండి రూ.మూడు కోట్ల వరకు ధర పలుకుంతుందన్నారు అటువంటి భూములను తాము ఔటర్‌ రింగ్‌ రోడ్‌ కోసం త్యాగం చేస్తున్నామని ప్రభుత్వం తమ త్యాగాన్ని గుర్తించాలన్నారు. ప్రభుత్వం రైతుల భాధలను దృష్టిలో ఉంచుకుని పరిహారం నిర్ణయించాలని ఔటర్‌రింగ్‌రోడ్డు రైతుల పక్షాన కోరుతున్నామన్నారు. సమావేశంలో లింగాపురం, ధరణికోట, బలుసుపాడు, పరసా గ్రామాల రైతులు పాల్గొన్నారు. పదిమందికి గాయాలు పిడుగురాళ్ల:పార్కింగ్‌ కోసం రోడ్డు దాటుతున్న లారీని ప్రైవేటు ట్రావెల్స్‌ బస్సు ఢీకొనగా పదిమంది ప్రయాణికులు సంఘటన శనివారం తెల్లవారుజామున పిడుగురాళ్ల పట్టణంలోని ఇండియన్‌ పెట్రోల్‌ బంకు వద్ద జరిగింది. సంఘటనకు సంబంధించిన వివరాలు... గుంటూరు వైపు నుంచి హైదరాబాద్‌ వైపు వెళ్తున్న లోడ్‌ లారీ తెల్లవారుజామున లారీ డ్రైవర్‌ నిద్ర రావటంతో ఇండియన్‌ పెట్రోల్‌ బంక్‌ వద్ద పార్కింగ్‌ చేసేందుకు మలుపు తిప్పుతున్నాడు. ఈక్రమంలో అదే దారిలో వస్తున్న మార్నింగ్‌ స్టార్‌ ప్రైవేట్‌ ట్రావెల్‌ బస్సు డ్రైవర్‌ వేగంగా లారీ దగ్గరకు వచ్చిన తరువాత ఒక్కసారిగా సడన్‌ బ్రేక్‌ వేయటంతో బస్సు లారీని ఢీకొంది. లారీలో ఉన్న క్లీనర్‌తో పాటు బస్సులో ఉన్న 10మందికి గాయాలయ్యాయి. ప్రథమ చికిత్స నిర్వహించి, ప్రయాణికులను మరో బస్సుద్వారా హైదరాబాద్‌ తరలించారు. రోడ్డు కు అడ్డంగా ఉన్న ప్రమాదానికి గురైన లారీని పొక్లెయిన్‌తో తొలగించారు. ఘటనపై ఎటువంటి ఫిర్యాదు అందలేదని పోలీసులు తెలిపారు. నరసరావుపేట:మున్సిపల్‌ ఎన్నికల ఏర్పాట్లలో భాగంగా జొన్నలగడ్డ రోడ్డులోని తిరుమల ఇంజినీరింగ్‌ కళాశాలలో ఎన్నికల సామగ్రి కోసం డిస్ట్రిబ్యూషన్‌ సెంటర్‌, రిసెప్షన్‌ సెంటర్‌, బ్యాలెట్‌ పెట్టెలను భద్రపరిచేందుకు స్ట్రాంగ్‌ రూమ్‌ ఏర్పాట్లను పల్నాడు జిల్లా కలెక్టర్‌ డాక్టర్‌ కృతికా శుక్లా శనివారం పరిశీలించారు. సిబ్బంది కేటాయింపు, వాహనాల రాకపోకల మార్గాలు, బారికేడింగ్‌, సీసీ కెమెరాల ఏర్పాటుపై ప్రతినిధులతో చర్చించారు.

రేపల్లె: మున్సిపల్‌ ఎన్నికల వేళ రేపల్లె జనసేన పార్టీలో వార్డుల కేటాయింపు వ్యవహారం అసంతృప్తికి దారి తీస్తున్నట్లు తెలుస్తోంది. కూటమిలో భాగంగా టీడీపీ, జనసేన మధ్య జరిగిన వార్డుల పంపకంలో జనసేనకు ఆశించిన స్థాయిలో ప్రాతినిధ్యం దక్కలేదన్న అభిప్రాయం ఆ పార్టీ కార్యకర్తల్లో వ్యక్తమవుతున్నట్లు సమాచారం. మరోవైపు, కొత్తగా పార్టీలోకి వచ్చే నాయకులకు ప్రాధాన్యం ఇస్తూ, తొలి నుంచి పార్టీ కోసం పనిచేసిన వారిని విస్మరిస్తున్నారనే చర్చ జనసేన శ్రేణుల్లో మొదలైంది. ఎనిమిది వార్డులు కోరినా... రేపల్లె మున్సిపాలిటీలో మొత్తం 36 వార్డులు ఉండగా, తమకు ఎనిమిది వార్డులు కేటాయించాలని జనసేన పార్టీ కోరినట్లు సమాచారం. అయితే, టీడీపీ ఐదు మాత్రమే కేటాయించినట్లు రాజకీయ వర్గాల్లో ప్రచారం జరుగుతోంది. ఈ ఐదు వార్డుల్లోనూ రెండు వార్డులను త్వరలో జనసేనలో చేరనున్న మోపిదేవి శ్రీనివాసరావు వర్గానికి కేటాయించినట్లు తెలుస్తోంది. దీంతో మొదటి నుంచి జనసేన పార్టీని నమ్ముకుని, పార్టీ కార్యక్రమాల్లో చురుగ్గా పాల్గొంటూ స్థానికంగా పార్టీ బలోపేతానికి కృషి చేసిన కార్యకర్తలకు మూడు వార్డులే దక్కాయన్న అసంతృప్తి వ్యక్తమవుతోంది. కార్యకర్తల్లో నిరాశ ఎన్నికల సమయంలో పార్టీ కోసం కష్టపడిన వారికి అభ్యర్థులుగా అవకాశం కల్పించాల్సి ఉండగా, కొత్తగా పార్టీలోకి వచ్చేవారికి ప్రాధాన్యం లభిస్తోందన్న భావన కొందరు జనసేన కార్యకర్తల్లో నెలకొన్నట్లు సమాచారం. ఎన్నికల్లో పోటీ చేసేందుకు ఆశలు పెట్టుకున్న నాయకులు, కార్యకర్తలకు వార్డుల కేటాయింపు నిరాశ కలిగించినట్లు తెలుస్తోంది. కూటమిలో జనసేన భాగస్వామిగా ఉన్నప్పటికీ, వార్డుల పంపకంలో తమ పార్టీకి తగిన ప్రాధాన్యం దక్కలేదన్న అభిప్రాయం ఆ పార్టీ శ్రేణుల్లో చర్చకు దారితీస్తోంది. మున్సిపల్‌ ఎన్నికల్లో కూటమి అభ్యర్థుల మధ్య సమన్వయం కీలకంగా మారిన సమయంలో, వార్డుల కేటాయింపుపై జనసేనలోనే అసంతృప్తి వ్యక్తమవుతుండటం ప్రాధాన్యం సంతరించుకుంది. టికెట్లు ఆశించిన వారిని ఎలా సమన్వయం చేస్తారు? అసంతృప్తితో ఉన్న నాయకులు పార్టీ నిర్ణయానికి కట్టుబడి ఉంటారా? లేక స్వతంత్రంగా బరిలోకి దిగుతారా? అన్న అంశాలపై రాజకీయ వర్గాల్లో చర్చ జరుగుతోంది. రెబల్‌ అభ్యర్థిగా శ్రీకన్య? ఈ అసంతృప్తి నేపథ్యంలో 9వ వార్డు (ఓసీ మహిళ) నుంచి జనసేన నాయకుడు ఆళ్ల సూరిబాబు భార్య శ్రీకన్య రెబల్‌ అభ్యర్థిగా పోటీ చేసేందుకు సిద్ధమవుతున్నట్లు సమాచారం. ఈ నెల 18వ తేదీ ఆదివారం ఆమె నామినేషన్‌ దాఖలు చేయనున్నట్లు తెలుస్తోంది. ఇదే జరిగితే, వార్డుల కేటాయింపుపై జనసేనలో నెలకొన్న అసంతృప్తి ప్రత్యక్షంగా ఎన్నికల బరిలోకి వచ్చినట్లవుతుంది. కూటమి తరఫున ఎన్నికల్లో కలిసి పనిచేయాల్సిన సమయంలో జనసేనలో వార్డుల పంపకం వివాదాస్పదంగా మారడం, తొలి నుంచి పనిచేసిన కార్యకర్తలకు తగిన అవకాశాలు దక్కలేదన్న చర్చ, రెబల్‌ అభ్యర్థి బరిలోకి దిగనున్నారన్న ప్రచారం రేపల్లె రాజకీయాల్లో ఆసక్తికరంగా మారాయి. నామినేషన్ల దాఖలు అనంతరం ఈ పరిణామాలు ఎలాంటి మలుపు తిరుగుతాయో వేచి చూడాలి.

పట్నంబజారు: ‘‘ఎన్నికల్లో మమ్మల్ని వాడుకుని, నమ్మించి మోసం చేశారు. మాకు సీట్లు కేటాయిస్తామని చెప్పారు. రిజర్వేషన్లు మారిన నేపథ్యంలో కనీసం పార్టీ కోసం కష్టపడిన వారికి కూడా సీట్లు కేటాయించకుండా ఇష్టానుసారంగా వ్యవహరిస్తున్నారు. ఇలాగైతే మేం కూడా పార్టీ అభ్యర్థులకు ఏమాత్రం సహకరించలేమని’’ తెలుగుదేశం పార్టీ నేతలు... తూర్పు నియోజకవర్గ ఎమ్మెల్యే నసీర్‌ అహ్మద్‌కు స్పష్టం చేశారని తెలుస్తోంది. ఇప్పటికే సీట్ల కేటాయింపులో విసిగిపోయిన టీడీపీ క్యాడర్‌.. ఎమ్మెల్యే సీట్లు కేటాయిస్తున్న అభ్యర్థులకు ఏమాత్రం సహకారం అందించలేమని తేల్చిచెప్పినట్లు సమాచారం. అవసరమైతే కచ్చితంగా వారిని ఓడించేందుకు కృషి చేయాల్సి వస్తుందని హెచ్చరికలు జారీ చేస్తున్నారని టీడీపీ వర్గాల్లో విస్తృత చర్చ నడుస్తోంది. కార్పొరేషన్‌ ఎన్నికల నేపథ్యంలో గుంటూరు తూర్పు నియోజకవర్గంలో ఎమ్మెల్యే వ్యవహారశైలి టీడీపీ నేతలకు మింగుడు పడటం లేదు. ఇప్పటికే ఎంతో మంది నుంచి బయోడేటాలు తీసుకున్న ఆయన, అభ్యర్థుల కేటాయింపులో తాత్సారం చేస్తున్నారని, కేవలం తనకు వ్యక్తిగతంగా సహకరించిన వారి పేర్లను మాత్రమే ప్రతిపాదిస్తున్నారని టీడీపీ నేతలు బహిరంగంగానే విమర్శిస్తున్నారు. దీనికి తోడు ఇప్పటివరకు కూటమిలో భాగస్వామిగా ఉన్న జనసేనకు సంబంధించి సీట్ల కేటాయింపులో సరైన స్పష్టత ఇవ్వకపోవడంతో ఆ పార్టీ నేతలు కూడా ఎమ్మెల్యే తీరుపై ఆగ్రహం వ్యక్తం చేస్తున్నారు. 2024 ఎన్నికల్లో కష్టపడి పనిచేసిన ఎంతో మందికి తీవ్ర అన్యాయం జరుగుతోందని ఆవేదన వ్యక్తం చేస్తున్నారు. కార్పొరేటర్‌ సీట్ల కేటాయింపులో ఇష్టానుసారంగా వ్యవహరిస్తున్న ఎమ్మెల్యే నసీర్‌ అహ్మద్‌ వద్దకు వెళ్లిన కొంతమంది టీడీపీ నేతలు, 2029 ఎన్నికల కోసం తాము కూడా వేచి చూస్తున్నామని, తామేంటో చూపిస్తామని ఎమ్మెల్యే కార్యాలయంలోనే ప్రత్యక్షంగా హెచ్చరించినట్లు సమాచారం మరో వర్గం భేటీ...? ఎమ్మెల్యే నసీర్‌ అహ్మద్‌కు వ్యతిరేకంగా ఉన్న మరికొంతమంది నేతలతో కలిసి, టీడీపీలో కార్పొరేటర్‌ సీట్లు ఆశించి భంగపడ్డ ఆ పార్టీ సీనియర్‌ నేతలు భేటీ అయినట్లు సమాచారం. 2024 ఎన్నికల్లో తూర్పు నియోజకవర్గ ఎమ్మెల్యే సీటును ఆశించిన ఒక టీడీపీ కుటుంబం.. తమ సోదరుడికి ఒకటో డివిజన్‌ సీటు అడిగినట్లు తెలుస్తోంది. అయితే, ఎమ్మెల్యే నసీర్‌ అహ్మద్‌ వారిని ఏమాత్రం పట్టించుకోకుండా కేవలం బయోడేటా తీసుకుని వదిలేశారనే విమర్శలు వెల్లువెత్తుతున్నాయి. దీనితో పాటు, ఎప్పటి నుంచో టీడీపీలో కొనసాగుతున్న కాపు సామాజిక వర్గానికి చెందిన నేత చేసిన సిఫార్సులను కూడా ఏమాత్రం లెక్కచేయడం లేదని, ఆయన మనుషులని తెలిస్తే సీటు లేదని చెబుతున్న పరిస్థితులు టీడీపీ నేతలకు ఎదురవుతున్నాయి. ఇప్పటికే ఎమ్మెల్యేకు, ఈ నేతలకు ఏమాత్రం పొసగదన్న విషయం బహిరంగ రహస్యమే. ఈ క్రమంలో ఆ ఇద్దరు ముఖ్య నేతల్లో ఒకరు, మరో ముఖ్య నేత కుటుంబ సభ్యులు, కనీస గౌరవం కూడా దక్కని సీనియర్‌ టీడీపీ నేతలు అంతా భేటీ అయినట్లు సమాచారం. ఎమ్మెల్యే తీరును స్థానికంగా ఉన్న కేంద్ర సహాయ మంత్రి, పార్టీ అధిష్ఠానం దృష్టికి తీసుకెళ్లాలని వారు యోచిస్తున్నారు. నామినేషన్లకు కేవలం ఒక్క రోజు మాత్రమే మిగిలి ఉండటంతో ఇప్పటికే సీనియర్లు టీడీపీ పెద్దలతో మంతనాలు జరుపుతున్నట్లు తెలుస్తోంది.

లలితా త్రిపురసుందరీదేవిగా భ్రమరాంబ దర్శనంపెదకాకాని: శ్రీ భ్రమరాంబ మల్లేశ్వరస్వామి వారి దేవస్థానంలో అమ్మవారు లలితా త్రిపురసుందరీదేవిగా భక్తులను శనివారం అనుగ్రహించారు. శ్రీదేవి నవరాత్రోత్సవాల్లో భాగంగా ఏడవ రోజు శనివారం ప్రత్యేక పూజలు నిర్వహించారు. తెల్లవారుజామున సుప్రభాతసేవ, హారతులతో పూజా కార్యక్రమాలు ప్రారంభమయ్యాయి. అర్చకులు, వేదపండితులు, స్థానాచార్యులు పొత్తూరి సాంబశివరావు పర్యవేక్షణలో విఘ్నేశ్వర పూజ, పుణ్యాహవచనం, పంచగవ్య ప్రాశనం, మహాన్యాస పూర్వక ఏకాదశ రుద్రాభిషేకాలు, నవావరణార్చనలు నిర్వహించారు. అనంతరం అమ్మవారికి కుంకుమార్చనలు జరిపించారు. ఆలయ యాగశాలలో నిర్వహించిన చండీ, రుద్ర హోమ పూజల్లో పలువురు భక్తులు పాల్గొన్నారు. అధిక సంఖ్యలో భక్తులు తరలివచ్చి పూజా కార్యక్రమాల్లో పాల్గొని, మొక్కులు చెల్లించుకున్నారు.

గుంటూరు లీగల్‌: ఆంధ్రప్రదేశ్‌ హైకోర్టు ఆదేశాల మేరకు గుంటూరులోని శిశు గృహానికి రిఫ్రిజిరేటర్‌, స్టోరేజ్‌ బాటిల్‌, వాటర్‌ బాటిల్స్‌ను జిల్లా ప్రధాన న్యాయమూర్తి బి.సాయి కల్యాణ చక్రవర్తి, శాశ్వత లోక్‌ అదాలత్‌ చైర్మన్‌ పి.వి.రాజీవ్‌లు శనివారం మేనేజర్‌ ఒలీవ చంద్రికకు అందజేశారు. ఓ కేసులో రూ.30 వేలను గుంటూరు న్యాయ సేవాధికార సంస్థకు చెల్లించాలని హైకోర్టు ఆదేశించింది. ఆ మొత్తాన్ని పిల్లల సంక్షేమం కోసం వినియోగించాలని ఆదేశించింది. జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌, సిబ్బంది, శిశు గృహ సిబ్బంది పాల్గొన్నారు. గుంటూరు వెస్ట్‌: స్థానిక సంస్థల ఎన్నికల సందర్భంగా ఫిర్యాదులు స్వీకరించడంతోపాటు, ఎన్నికలకు సంబంధించి సందేహాలను నివృత్తి చేసేందుకు స్థానిక కలెక్టరేట్‌లో కంట్రోల్‌ రూమ్‌ ఏర్పాటు చేసినట్లు జిల్లా కలెక్టర్‌ సీఎం సాయికాంత్‌ వర్మ శనివారం ఒక ప్రకటనలో పేర్కొన్నారు. 08632 234014 నంబర్‌ను సంప్రదించాలన్నారు. పోటీలో ఉన్న అభ్యర్థులు ఎలక్ట్రానిక్‌ మీడియాలో ప్రకటనలకు ముందస్తు అనుమతి పొందాలని జిల్లా కలెక్టర్‌ తెలిపారు. వివిధ చానల్స్‌, కేబుల్‌ చానెల్‌, సినిమా హాల్‌ తదితర ఎలక్ట్రానిక్‌ మీడియాలో ప్రకటనలకు సంబంధించి అభ్యర్థులు మీడియా సర్టిఫికేషన్‌, మీడియా మానిటరింగ్‌ టీమ్‌కు కనీసం మూడు రోజులు ముందుగా దరఖాస్తు చేసుకోవాలన్నారు. ప్రింట్‌ మీడియా, సోషల్‌ మీడియాలో ప్రకటనలకు ఎన్నికల సంఘం మార్గదర్శకాలకు అనుగుణంగా ఖర్చులు అభ్యర్థుల ఖాతాలో జమ చేయడం జరుగుతుందని స్పష్టం చేశారు. జిల్లా కలెక్టర్‌ సీఎం సాయికాంత్‌ వర్మ గుంటూరు వెస్ట్‌: స్థానిక సంస్థల ఎన్నికల నిర్వహణలో ఎలాంటి పొరపాట్లకు తావులేకుండా సిబ్బంది పోలింగ్‌ విధులు నిర్వర్తించాలని జిల్లా కలెక్టర్‌ సీఎం సాయికాంత్‌ వర్మ తెలిపారు. శనివారం స్థానిక ఏసీ కాలేజీలో ఏర్పాటు చేసిన డిస్ట్రిబ్యూషన్‌ సెంటర్‌ను జీఎంసీ కమిషనర్‌ మయూర్‌ అశోక్‌తో కలసి కలెక్టర్‌ పరిశీలించారు. కలెక్టర్‌ మాట్లాడుతూ పోలింగ్‌ విధులకు సంబంధించి సిబ్బంది తమ సందేహాలను శిక్షణ సమయంలోనే నివృత్తి చేసుకోవాలని సూచించారు. సంబంధిత ఎన్నికల మెటీరియల్‌ను క్షుణ్ణంగా చదివి, పూర్తిగా అర్థం చేసుకున్న తర్వాతే విధులు నిర్వహించాలని తెలిపారు. ఎన్నికల ప్రక్రియలో ఎలాంటి అశ్రద్ధకు తావులేకుండా, నిబంధనలను పాటిస్తూ బాధ్యతాయుతంగా విధులు నిర్వర్తించాలని కలెక్టర్‌ ఆదేశించారు. సిబ్బందికి పలు సూచనలు, ఆదేశాలు జారీ చేశారు. అనంతరం ప్రభుత్వ మహిళా కళాశాలలో జరుగుతున్న పోలింగ్‌ సిబ్బంది శిక్షణా తరగతులను పరిశీలించారు. కార్యక్రమంలో అధికారులు పాల్గొన్నారు. తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధైర్యలక్ష్మి అమ్మవారికి శనివారం విశేష పూజలు నిర్వహించారు. ధైర్యలక్ష్మి అమ్మవారికి ఉదయం అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం ధైర్యలక్ష్మి అమ్మవారికి శ్రీయాగం వైభవంగా జరిగింది. సాయంత్రం శ్రీవిష్ణు సహస్రనామ స్తోత్ర పారాయణం, ఽధైర్యలక్ష్మి అమ్మవారికి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో పాల్గొని ధైర్యలక్ష్మి అమ్మవారిని దర్శించుకుని తీర్థ ప్రసాదాలు స్వీకరించారు. కష్టాలను ఎదుర్కొనే శక్తి, కుటుంబంలో సుఖసంతోషాలు, సిరిసంపదలు కలగాలని ధైర్యలక్ష్మి అమ్మవారిని పూజిస్తారని జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు అన్నారు.

ప్రత్తిపాడు: ‘‘దాదాపు 20 రోజుల కిందట పడిన వర్షాలకు కొత్త రోడ్లన్నీ దెబ్బతిన్నాయి. పెద్ద వర్షాల వల్ల రోడ్డు ఇంకా సెట్‌ అవ్వలేదు. కింద నేల మెతకగా ఉంటే రోడ్డు ఇలాగే కుంగిపోతుంది. అందుకే నెల కూడా అవ్వకుండానే రోడ్డు కుంగిపోయింది. అయినా ఇప్పుడు బయటపడటమే మంచిదైంది. కాంట్రాక్టర్‌ మెయింటెనెన్స్‌ చేసే గడువు ఉంటుంది. ఆ సమయంలో వాళ్లే మరమ్మతులు చేయాల్సి ఉంటుంది. చేయిస్తాం.’’... ఇదీ వట్టిచెరుకూరు మండల ఆర్‌ అండ్‌ బీ ఏఈ వాదన. ఈ ‘మెతక’ మాటలు ఇంజినీరింగ్‌ అధికారుల డొల్లతనాన్ని తేటతెల్లం చేస్తున్నాయి. పనితీరుపై సందేహాలను పెంచుతున్నాయి. కోట్ల రూపాయలు కరిగిపోయాయి. నెల రోజులు కూడా తిరక్కుండానే కొత్త రోడ్డు కుంగిపోయింది. వట్టిచెరుకూరు–ముట్లూరు రహదారి నాణ్యత ప్రశ్నార్థకంగా మారింది. వట్టిచెరుకూరు మండలంలో ఎండీఆర్‌ ప్లాన్‌ కింద వట్టిచెరుకూరు–ముట్లూరు రోడ్డును సుమారు పది కిలోమీటర్ల మేర రూ.3.50 కోట్లతో నిర్మించారు. నిర్మాణం పూర్తయి ఇంకా పట్టుమని రెండు నెలలు కూడా కాలేదు. ఇంతలోనే నిర్మాణంలోని లోపాలు బయటపడ్డాయి. ఇటీవల కురిసిన అతి కొద్దిపాటి వర్షాలకే రోడ్డు కుంగిపోయి అటు కాంట్రాక్టర్‌, ఇటు ఇంజినీరింగ్‌ అధికారుల బాగోతాన్ని వెక్కిరిస్తోంది. నాణ్యతపై అనుమానాలు.. రహదారి నాణ్యతపై ప్రజల్లో అనేక అనుమానాలు వ్యక్తమవుతున్నాయి. ఉపయోగించిన మెటీరియల్‌ నాణ్యత, పనులు చేసిన విధానం, రోడ్డు కాంపాక్షన్‌ తదితర అంశాలపై సందేహాలు తలెత్తుతున్నాయి. రూ.3.50 కోట్ల ప్రజాధనంతో చేపట్టిన ఈ పనులు ఎక్కువకాలం మన్నికగా ఉండేలా గుత్తేదారు నాణ్యతా ప్రమాణాలను పాటించాల్సి ఉంది. రోడ్డు నిర్మాణానికి ముందు బేస్‌ సిద్ధం చేయడం నుంచి మెటీరియల్‌ మిశ్రమం, కాంపాక్షన్‌, తారు పొరల వరకు ప్రతి దశలో నిర్ణీత నిబంధనలను పాటించాల్సి ఉంటుంది. ఇవన్నీ సక్రమంగా పాటిస్తున్నారా లేదా అన్నది ఆర్‌ అండ్‌ బీ అధికారులు దగ్గరుండి పర్యవేక్షించాలి. కానీ, పర్యవేక్షణ కరువవడంతో రోడ్డు ఇలా కుంగిపోయి ఇంజినీరింగ్‌ శాఖ ఉదాసీనతను వెక్కిరిస్తోంది. కుంగుబాటుకు గల కారణాలను అక్కడక్కడా గుంతలు తవ్వి ౖపైపెన పరిశీలించి చేతులు దులిపేసుకోకుండా, సాంకేతిక నిపుణులు, జిల్లా ఉన్నతాధికారులు క్షేత్రస్థాయిలో పరిశీలించి, పరీక్షించాలని ఆయా గ్రామాల ప్రజలు కోరుతున్నారు.

బాపట్లఆదివారం శ్రీ 18 శ్రీ అక్టోబర్‌ శ్రీ 2026చెరకు మద్దతు ధర ప్రకటనఉయ్యూరు(కంకిపాడు): 2026–27 సీజన్‌కు చెరకు టన్ను మద్దతు ధర రూ.3,783గా శనివారం రైతు సంఘాల ప్రతినిధుల సమావేశంలో కేసీపీ యాజమాన్యం ప్రకటించింది. గుంటూరు వెస్ట్‌: రోజువారీ పని చేసుకునే పేదలు మొదలు మధ్యతరగతి కుటుంబాల వరకు నిత్యావసర వస్తువుల ధరల ప్రభావం ప్రజలపై పడుతోంది. ఈ రోజు ఉన్న సరుకుల ధర తెల్లారేటప్పటికీ మారిపోతోందంటే అతిశయోక్తి కాదు. చిన్న కుటుంబానికి నెలవారీ నిత్యావసర సరుకుల ఖర్చులో 25 నుంచి 35 శాతం వరకు వ్యత్యాసం వస్తోంది. ఇక బియ్యం విషయానికి వస్తే ధరలు ఊహకందని విధంగా పెరిగిపోతున్నాయి. ప్రస్తుతం కిలో బియ్యం ధర కనీసం రూ.80కి తక్కువ లేదంటే నమ్మాల్సిందే. ఇంత జరుగుతున్నా చంద్రబాబు సర్కారు నిత్యావసర వస్తువుల ధరల నియంత్రణను చాలా తేలికగా చూస్తోంది. ఏదో మొక్కుబడిగా సమీక్షలు నిర్వహించి, ఆదేశాలు జారీ చేసి చేతులు దులుపుకొంటోంది. క్షేత్రస్థాయిలో ప్రజలు పడుతున్న అవస్థలను పట్టించుకోవడం లేదు. అయితే, ఎల్‌నినో ప్రభావంతో ధరలు పెరుగుతున్నాయని ప్రభుత్వం బాధ్యత నుంచి తప్పించుకునే ప్రయత్నం చేస్తోంది. అన్ని వర్గాల ప్రజలు ఈ విషయంలో చంద్రబాబు సర్కారుపై తీవ్ర ఆగ్రహంతో ఉన్నారు. స్థానిక ఎన్నికల వేళ ఈ ప్రభావం తమ కొంప ముంచుతుందని కూటమి నాయకులు భయపడుతున్నారు. కొన్ని వస్తువుల ధరలు ఆకాశంలోనే బియ్యంతోపాటు కందిపప్పు ధర కూడా భారీగా పెరిగింది. ఆరు నెలల క్రితం కిలో కందిపప్పు ధర రూ.110 ఉండగా, ప్రస్తుతం రూ.140కి చేరింది. మినపగుళ్ల ధర రూ.110 నుంచి రూ.140కి, పంచదార రూ.40 నుంచి రూ.70కి, బెల్లం రూ.40 నుంచి రూ.60కి, నూనె ప్యాకెట్‌ రూ.120 నుంచి రూ.170కి పెరిగాయి. ఇలా నిత్యావసర సరుకులతోపాటు పాలు, కూరగాయల ధరలు కూడా ఆకాశాన్ని అంటుతున్నాయి. ఆకుకూరలు సైతం ప్రియంగా మారిపోయాయి. ఇటీవల రైతు బజార్లలో బియ్యం, ఉల్లిపాయలను తక్కువ ధరలకు విక్రయిస్తామని అధికారులు ఆర్భాటంగా ప్రకటించినా, ఆ కార్యక్రమం మూడు నాళ్ల ముచ్చటగానే ముగిసింది. బ్లాక్‌ మార్కెట్‌ను అరికట్టడంతోపాటు విజిలెన్స్‌ దాడులను పెంచాల్సింది పోయి టీడీపీ సర్కార్‌ చోద్యం చూస్తోంది. సామాన్యుడి బతుకు భారం ఆటో నడిపే వ్యక్తి నెలవారీ ఆదాయం సగటున రూ.15 వేల నుంచి రూ.20 వేల వరకే ఉంటుంది. భార్య, ఇద్దరు పిల్లలను పోషిస్తూ, పిల్లలను చిన్నపాటి పాఠశాలలో చదివించినా పెరిగిపోతున్న సరుకుల ధరలు అతనికి అదనపు భారంగా మారుతున్నాయి. ఇక ప్రభుత్వ శాఖల్లో ఔట్‌సోర్సింగ్‌ పద్ధతిలో పనిచేస్తున్న వారి సంఖ్య సుమారు 8 వేల వరకు ఉంది. వీరికి నెలకు రూ.13 వేల నుంచి రూ.18 వేల వరకే జీతం వస్తోంది. కుటుంబాన్ని ఎలా పోషించుకోవాలో తెలియని దిక్కుతోచని పరిస్థితుల్లో వారు ఉన్నారు. కొద్దిపాటి సంపాదన ఉన్నవారికే పరిస్థితి ఇలా ఉంటే, ఉద్యోగం లేనివారి పరిస్థితి మరింత దారుణంగా ఉంది. కూలీనాలీ చేసుకుని జీవించే వారి జీవన స్థితిగతులు అధ్వానంగా మారాయి. స్థానిక సంస్థల ఎన్నికలపై ప్రభావం ధరల ప్రభావం ప్రస్తుతం జరుగుతున్న స్థానిక సంస్థల ఎన్నికలపై పడే అవకాశముందని టీడీపీ, జనసేన, బీజేపీ నాయకులే భయపడుతున్నారు. ఇప్పటికే గ్రామస్థాయిలో ప్రజలు ధరల పెరుగుదలపై నాయకులను నిలదీస్తున్నారు. సోమవారం నుంచి నగరపాలక సంస్థల ఎన్నికల ప్రచారానికి ఎలా వెళ్లాలా అని కూటమి అభ్యర్థులు తర్జనభర్జన పడుతున్నారు. ఎన్నికల్లో అనూహ్య ఫలితాలు వెలువడతాయేమోనని భయపడుతున్నారు. దీనికితోడు గత సార్వత్రిక ఎన్నికల సమయంలో ఇచ్చిన హామీలు ఇంతవరకు సరిగా అమలు కాకపోవడంతో టీడీపీకి సైతం నగరంలో కొన్ని చోట్ల అభ్యర్థులు కరువవుతున్నారంటే నమ్మాల్సిందే. ‘‘ఏంటండీ, కిలో బియ్యం రూ.80నా? ఇక నూనె, ఇతర వస్తువుల ధరలైతే మరీ ఎక్కువగా ఉన్నాయి. మాది చిన్నపాటి సొంతిల్లు. అయినప్పటికీ నెలకు తక్కువలో తక్కువగా రూ.25 వేల నుంచి రూ.28 వేల వరకు ఖర్చవుతుంది. ప్రభుత్వం తక్షణ చర్యలు చేపట్టాలి. కరోనా లాంటి క్లిష్ట సమయంలో అప్పటి ప్రభుత్వం నేరుగా ఖాతాల్లో డబ్బులు వేసి ఆదుకుంది. ప్రభుత్వం తక్కువ ధరలకు నిత్యావసర సరుకులు అందించే విధంగా ప్రత్యేక స్టోర్లు ఏర్పాటు చేయాలి – మామిడి ప్రియాంక, గృహిణి, గోరంట్ల

రేపల్లె: రేపల్లె మండలం ఉప్పూడి గ్రామ పంచాయతీలో సర్పంచ్‌, ఎంపీటీసీ స్థానాలు రెండింటినీ ఎస్టీ కేటగిరీకి కేటాయించడంపై గ్రామస్తులు అభ్యంతరం వ్యక్తం చేస్తున్నారు. ఈ రెండు స్థానాల్లో ఏదో ఒక స్థానాన్ని జనరల్‌కుగాని, బీసీ, ఎస్సీ కేటగిరీలకు కేటాయించాలని కోరుతూ గ్రామస్తులు శనివారం రేపల్లె విచ్చేసిన జిల్లా కలెక్టర్‌ డాక్టర్‌ వినోద్‌కుమార్‌ను కలిసి వినతిపత్రం అందజేశారు. గ్రామంలో 59 మంది ఎస్టీ ఓటర్లు ఉండాల్సి ఉండగా ఓటర్ల వివరాల్లో 262 మంది ఉన్నట్లు నమోదైందని, దీంతో రిజర్వేషన్‌ కేటాయింపులో పొరపాటు జరిగి ఉండవచ్చని కలెక్టర్‌ దృష్టికి తీసుకెళ్లారు. ఓటర్ల వివరాల్లో నమోదైన వ్యత్యాసాన్ని, రిజర్వేషన్ల కేటాయింపు విధానాన్ని సమగ్రంగా పరిశీలించి తగిన న్యాయం చేయాలని కోరారు. రేపల్లె ఆర్డీవో బూసి శ్రీదేవికి సమస్యపై వినతిపత్రం అందజేశారు. కార్యక్రమంలో మాజీ ఎంపీటీసీ అల్లంశెట్టి సతీష్‌బాబు, గ్రామస్తులు తదితరులు పాల్గొన్నారు.

బాపట్ల: ఈవీఎంల భద్రత విషయంలో ఎన్నికల సంఘం నిబంధనలను కచ్చితంగా పాటిస్తున్నట్లు జిల్లా కలెక్టర్‌ డాక్టర్‌ వి. వినోద్‌ కుమార్‌ తెలిపారు. ప్రతి నెలా నిర్వహించే కార్యక్రమంలో భాగంగా శనివారం బాపట్ల జిల్లా కేంద్రంలోని మార్కెట్‌ యార్డులో భద్రపరిచిన ఈవీఎంల గోదామును ఆయన శనివారం పరిశీలించారు. భద్రతా ఏర్పాట్లు, రికార్డుల నిర్వహణ తదితర అంశాలపై ఆరా తీశారు. వెంట ఇన్‌చార్జీ డీఆర్‌వో లవన్న, ఆర్డీవో ఎ. హరికుమార్‌, మున్సిపల్‌ కమిషనర్‌ ఎం.హాసిని, ఎన్నికల విభాగ పర్యవేక్షకుడు షఫీ, తహసీల్దార్‌ సలీమా తదితరులు ఉన్నారు. ప్రత్యేక మీడియా కేంద్రం ఏర్పాటు జిల్లాలో స్థానిక సంస్థల ఎన్నికలకు సంబంధించి పూర్తి సమాచారాన్ని ఎప్పటికప్పుడు మీడియాకు అందిస్తామని జిల్లా కలెక్టర్‌ శనివారం ఒక ప్రకటనలో తెలిపారు. కలెక్టరేట్‌లోని పీజీఆర్‌ఎస్‌ హాల్‌లో ప్రత్యేక మీడియా సమావేశ కేంద్రాన్ని ఏర్పాటు చేశామన్నారు. ప్రతి రోజు ఉదయం 11 గంటలకు మీడియా ప్రతినిధులకు ఎన్నికల ప్రక్రియకు సంబంధించిన వివరాలను తానే స్వయంగా తెలియజేస్తానని తెలిపారు.

బాపట్ల: జిల్లా వ్యాప్తంగా స్థానిక ఎన్నికల నేపథ్యంలో శాంతిభద్రతల పరిరక్షణ, ప్రజల భద్రత దృష్ట్యా సెక్షన్‌ 30 పోలీస్‌ యాక్ట్‌ అమలు ఉత్తర్వులు జారీ చేసినట్లు జిల్లా ఎస్పీ బి. ఉమామహేశ్వర్‌ శనివారం విడుదల చేసిన పత్రికా ప్రకటనలో తెలిపారు. ఎన్నికలకు సంబంధించి రాజకీయ పార్టీలు, అభ్యర్థులు, నిర్వాహకులు, వారి ప్రతినిధులు బహిరంగ సభలు, ఊరేగింపులు, రోడ్‌షోలు నిర్వహించాలంటే సంబంధిత అధికారుల నుంచి ముందస్తు అనుమతి తప్పనిసరిగా పొందాలని ఎస్పీ స్పష్టం చేశారు. మైకులు, లౌడ్‌స్పీకర్లు లేదా డ్రోన్‌ కెమెరాలను వినియోగించాలన్నా నిబంధనలు పాటించాలన్నారు. ఎన్నికల ప్రక్రియ పూర్తయ్యే వరకు జిల్లా వ్యాప్తంగా కర్రలు, ఆయుధాలు, ఇతర ప్రమాదకర వస్తువులను వెంట తీసుకెళ్లడం, నలుగురు, అంతకంటే ఎక్కువ మంది చట్టవిరుద్ధంగా గుమిగూడటం నిషేధమని తెలిపారు. రాజకీయ పార్టీలు, అభ్యర్థులు, కమ్యూనిటీ నాయకులు, ప్రజలు పోలీసు శాఖ జారీ చేసిన ఉత్తర్వులు, నిబంధనలను కచ్చితంగా పాటించాలని సూచించారు. శాంతిభద్రతలకు విఘాతం కలిగించేందుకు ప్రయత్నించే వారిని ఉపేక్షించబోమని, చట్టప్రకారం కఠిన చర్యలు తీసుకుంటామని ఎస్పీ హెచ్చరించారు. జిల్లాలో ఎన్నికల ప్రక్రియ ప్రశాంత వాతావరణంలో నిర్వహించేందుకు ప్రజాప్రతినిధులు, రాజకీయ పార్టీల నాయకులు, కార్యకర్తలు, జిల్లా ప్రజలు పోలీస్‌ శాఖకు సహకరించాలని కోరారు. ఎక్కడైనా అవాంఛనీయ ఘటనలు చోటుచేసుకుంటే పోలీస్‌ అధికారులకు, 112 టోల్‌ఫ్రీ నంబర్‌కు సమాచారం అందించాలన్నారు. సమాచారం అందించిన వారి వివరాలను గోప్యంగా ఉంచుతామని తెలిపారు.

సాక్షి టాస్క్‌ఫోర్స్‌: గుంటూరు చానల్‌ను పర్చూరు వరకు పొడిగించి ప్రజలకు తాగునీరు, రైతులకు సాగునీరు అందించే విషయంలో కూటమి ప్రభుత్వం మరోమారు దగా చేసిందనే వాదనలు వినిపిస్తున్నాయి. పర్చూరు ప్రాంత రైతులను, ప్రజలను దారుణంగా మోసగించిందనే విమర్శలు వస్తున్నాయి. కొన్ని దశాబ్దాలుగా పర్చూరు ప్రాంత రైతులు, ప్రజలు సాగునీరు, తాగునీటి కోసం తీవ్ర ఇబ్బందులు పడుతున్నారు. అందు కోసం దశాబ్దాలుగా నిర్విరామ పోరాటాలు చేస్తూ వస్తున్నారు. ఇటీవల కాలంలో నల్లమడ రైతు సంఘం అధ్యక్షుడు డాక్టర్‌ కొల్లా రాజమోహనరావు ఆధ్వర్యంలో పర్చూరులో పాదయాత్రలు, పలు నిరసన కార్యక్రమాలను ఉధృతంగా చేపట్టారు. ప్రభుత్వం కదలి రాకపోవడంతో పర్చూరు ప్రాంత రైతులు నిరవధిక నిరాహార దీక్షను సైతం చేపట్టారు. స్థానిక శాసన సభ్యులు ఏలూరి సాంబశివరావు చొరవ తీసుకొని గుంటూరు చానల్‌ పొడిగింపునకు సంబంధించి గెజిట్‌ నోటిఫికేషన్‌ 10 రోజుల్లో విడుదల చేయిస్తానని హామీ ఇచ్చారు. దీంతో సెప్టెంబర్‌ ఒకటిన నల్లమడ రైతులు, పర్చూరు ప్రాంత రైతులు చేస్తున్న నిరాహార దీక్షను విరమింపజేశారు. అటు తరువాత సెప్టెంబరు 18న గుంటూరు చానల్‌ పర్చూరు వరకు పొడిగింపు అంటూ గెజిట్‌ నోటిపికేషన్‌ విడుదల చేయించారు. గుంటూరు జిల్లా పరిటాల వారిపాలెం వరకు గతంలోనే విడుదల చేసిన నోటిఫికేషన్‌తో ఆ జిల్లాలో పనులు జరుగుతున్నాయి. తొండె వాగు వరకు చానల్‌ పొడింగింపునకు సంబంధించి నోటిఫికేషన్‌ విడుదల చేయడంలో అర్థం లేదనే వాదనలు వినిపిస్తున్నాయి. గతంలో పరిటాల వారిపాలెం నుంచి తొండె వాగు వరకు డ్రైనేజీగా ఆ ప్రాంతంలో కాలువ కొనసాగుతోందని రైతులంటున్నారు. నోటిఫికేషన్‌ విడుదలై 41 రోజులు దాటినప్పటికీ ఇప్పటి వరకు ఎటువంటి పనులు చేపట్టక పోవడంపై రైతులు ఆందోళన వ్యక్తం చేస్తున్నారు. మోసపూరితమైన నోటిఫికేషన్‌తో పర్చూరు ప్రాంత రైతులు, ప్రజలను నమ్మించి ప్రభుత్వం మోసం చేసిందని వాపోతున్నారు. రైతులకు ఎంతోమేలు చేసినట్లుగా డప్పు కొట్టుకోవడం మినహా కూటమి ప్రభుత్వం దారుణంగా దగా చేసిందని అర్థమవుతోందని రైతులు అంటున్నారు. నల్లమడ రైతుల పట్టు గుంటూరు చానల్‌ను తొండె వాగు వరకు పొడిగించడం ద్వారా పర్చూరు ప్రాంతానికి ఎటువంటి ప్రయోజనం చేకూరదని.. చానల్‌ను పూర్తి స్థాయిలో పర్చూరు వరకు పొడిగించాలని నల్లమడ రైతులు, పర్చూరు ప్రాంత రైతులు ప్రభుత్వాన్ని డిమాండ్‌ చేస్తున్నారు. ప్రభుత్వం ఇప్పటి వరకు చేసిన, చేస్తున్న వాగ్దానాలతో పర్చూరు ప్రాంతానికి ఎటువంటి ప్రయోజనం జరిగే అవకాశం లేదన్నారు. గెజిట్‌ నోటిఫికేషన్‌లో ఇచ్చిన విధంగా తొండవాగు వరకు పొడిగించిన చానల్‌ను పర్చూరు ప్రాంతవరకు తీసుకొని రావాలనే డిమాండ్‌ చేస్తున్నట్లు రైతులు తెలిపారు. లేకపోతే నల్లమడ రైతు సంఘం ఆధ్వర్యంలో ఆందోళనలు చేపట్టేందుకు సిద్ధమవుతామని హెచ్చరిస్తున్నారు. ప్రభుత్వం విడుదల చేసిన గెజిట్‌ నోటిఫికేషన్‌తో తమ ప్రాంతానికి ఎటువంటి ప్రయోజనం లేదంటూ పర్చూరు ప్రాంత రైతులు ఆందోళన వ్యక్తం చేస్తున్నారు. గెజిట్‌ నోటిఫికేషన్‌లో చానల్‌ పొడిగింపు 70.900 నుంచి 75.035 కి.మీ వరకు ఉంటుందని ప్రకటించారు. అయితే 70.900 కి.మీ అనేది గుంటూరు జిల్లా సరిహద్దు గ్రామమైన పరిటాల వారిపాలెం నుంచి ఏదుబాడు సమీప ప్రాంతం ఏడారి మాదిగ పల్లె వద్ద ఉన్న తొండె వాగు వరకు మాత్రమే. ఈ 4 కి.మీ. మేర పొడిగిస్తున్నట్లుగా ఉంది. నిజానికి పర్చూరు ప్రాంతానికి నీరందించేందుకు గుంటూరు జిల్లా పరిటాల వారి పాలెం నుంచి పర్చూరు వరకు సుమారు 9 కి.మీ. మేర వాగును పొడిగించాల్సి ఉంది. ప్రభుత్వ అధికారికంగా గుంటూరు చానల్‌ను పర్చూరు ప్రాంతం వరకు పొడిగింపు అని హామీలు గుప్పిస్తున్నప్పటికీ నోటిఫికేషన్‌లో మాత్రం కేవలం 4 కి.మీ. మేర అని ప్రకటించింది. పర్చూరు ప్రాంతానికి పూర్తి స్థాయిలో నీరందించాలంటే మరో 5 కి.మీ. చానల్‌ను పొడిగించాల్సి అవసరం ఉందని రైతులు అభిప్రాయం వ్యక్తం చేస్తున్నారు.

తెనాలిరూరల్‌: సోషల్‌ మీడియా ద్వారా పరిచయమైన మహిళతో సాన్నిహిత్యం పెంచుకుని లోబరచుకుని ఆమె నుంచి నగదు, ఆభరణాలు తీసుకుని మరింత నగదు డిమాండ్‌ చేసి, ఆమె బలవన్మరణానికి కారణమైన కేసులో పోలీసులు రెండో నిందితుడిని అరెస్ట్‌ చేశారు. రూరల్‌ ఎస్‌ఐ కె.ఆనంద్‌ శుక్రవారం తెలిపిన వివరాలిలా ఉన్నాయి. మండలంలోని జగ్గడిగుంటపాలేనికి చెందిన లక్ష్మీతిరుపతమ్మకు సోషల్‌ మీడియాలో బాపట్ల జిల్లా చందోలుకు చెందిన షేక్‌ బాజి, అన్నమయ్య జిల్లా లక్కిరెడ్డిపాలెం మండలం గొల్లపల్లి గ్రామానికి చెందిన పాపినేని నాగార్జున అలియాస్‌ నాగార్జున యాదవ్‌ పరిచయమయ్యారు. పరిచయం సానిహిత్యానికి దారి తీసింది. మాయమాటలతో లోబరచుకుని ఆమె నుంచి ఇద్దరూ నగదు, ఆభరణాలు తీసుకున్నారు. సాన్నిహిత్యంగా ఉన్నప్పుడు తీసిన ఫొటోలతో బెదిరిస్తూ ఇంకా డబ్బులు ఇవ్వాలని డిమాండ్‌ చేశారు. ఈ క్రమంలో ఆగస్ట్‌ 11వ తేదీన లక్ష్మీతిరుపతమ్మ తన ఇంట్లో ఉరి వేసుకుని ఆత్మహత్యకు పాల్పడింది. మృతురాలి భర్త నాగబాబు ఫిర్యాదు మేరకు కేసు నమోదు చేసి ఆగస్ట 19న నిందితుల్లో ఒకడైన బాజిని అరెస్ట్‌ చేయగా ప్రస్తుతం జైలులో ఉన్నాడు. మరో నిందితుడైన నాగార్జున యాదవ్‌ను పెదరావూరు జంక్షన్‌లో అరెస్ట్‌ చేసి శుక్రవారం కోర్టులో హాజరుపరచగా న్యయమూర్తి రిమాండ్‌ విధించడంతో గుంటూరు జిల్లా జైలుకు తరలించారు.

శివాలయంలో సరస్వతీదేవిగా భ్రమరాంబ అమ్మవారు పెదకాకాని: ప్రసిద్ధ పుణ్యక్షేత్రమైన భ్రమరాంబ మల్లేశ్వరస్వామి వారి దేవస్థానంలో భ్రమరాంబ అమ్మవారు శుక్రవారం సరస్వతీదేవిగా భక్తులను అనుగ్రహించారు. గుంటూరు జిల్లా పెదకాకాని శివాలయంలో శ్రీదేవీ నవరాత్రోత్సవాల్లో భాగంగా శుక్రవారం అమ్మవారిని సరస్వతీదేవిగా అలంకరించి పూజలు చేశారు. పెదకాకాని శివాలయానికి అధికసంఖ్యలో భక్తులు విచ్చేసి పూజా కార్యక్రమాల్లో పాల్గొన్నారు. తెల్లవారుజామున సుప్రభాతసేవతో పూజా కార్యక్రమాలు ప్రారంభమయ్యాయి. అర్చకులు విఘ్నేశ్వరపూజ, పుణ్యాహవచనం, పంచగవ్య ప్రాశన, మహాన్యాస పూర్వక ఏకాదశ రుద్రాభిషేకాలు, నవావరణార్చనలు జరిపించారు. అమ్మవారికి కుంకుమార్చనలు జరిగాయి. పులువురు భక్తులు ఆలయ యాగశాలలో జరిగిన చండీ, రుద్ర హోమాల్లో పాల్గొన్నారు. ఆలయ డీసీ భక్తులకు ఎటువంటి అసౌకర్యం కలుగకుండా ప్రత్యేక ఏర్పాట్లు చేపట్టారు. ఉదయం, సాయంత్రం ఉచిత అన్నప్రసాద వితరణ చేస్తున్నారు. సప్తమి శనివారం అమ్మవారు లలితా త్రిపురసుందరీదేవిగా భక్తులను అనుగ్రహిస్తారని ఉప కమిషనరు గోగినేని లీలాకుమార్‌, చైర్మన్‌ కోసూరి పూర్ణచంద్రరావు, తెలిపారు.

లక్ష్మీపురం: ప్రతి ఓటరు హక్కును కాపాడాలని, ప్రత్యేక సమగ్ర సమీక్ష (’సర్‌’) ప్రక్రియను తక్షణమే నిలిపివేయాలని శాసనమండలి మాజీ సభ్యులు కె.ఎస్‌.లక్ష్మణరావు కోరారు. గుర్రం జాషువా విజ్ఞాన కేంద్రం, జన విజ్ఞాన వేదిక, అవగాహన, మధ్యతరగతి ఫోరం, ఆల్‌ ఇండియా అభ్యుదయ ఫోరం ఆధ్వర్యంలో స్థానిక లాడ్జి సెంటర్‌లోని అంబేడ్కర్‌ విగ్రహం వద్ద జాషువా విజ్ఞాన కేంద్రం ఆర్గనైజింగ్‌ కార్యదర్శి వి.వి.కే.సురేష్‌ అధ్యక్షతన శుక్రవారం సాయంత్రం క్యాండిల్‌ ప్రదర్శన నిర్వహించారు. ఈసందర్భంగా ఆయన మాట్లాడుతూ దేశ చరిత్రలోనే పెద్ద ఎత్తున కోట్లాది మంది ఓట్లను తొలగించడం దుర్మార్గమని, బెంగాల్‌ మరియు బిహార్‌ వంటి రాష్ట్రాల్లో ’సర్‌’ అత్యంత హడావిడిగా అమలు చేశారని దాని ప్రభావం ఎన్నికల ఫలితాలపై పడిందని పేర్కొన్నారు. ఫారం– 6లో ఎన్నికల కమిషన్‌ ఏకపక్షంగా మార్పులు చేయడాన్ని సుప్రీంకోర్టు కూడా తప్పు పట్టిందని అన్నారు. ఓటర్ల జాబితాలో జరిగిన అవకతవకలకు పూర్తి బాధ్యత వహించి ప్రధాన ఎన్నికల కమిషనర్‌ జ్ఞానేష్‌ కుమార్‌ రాజీనామా చేయాలని డిమాండ్‌ చేశారు. అవగాహన కార్యదర్శి కొండా శివరామిరెడ్డి మాట్లాడుతూ ఎన్నికల కమిషనర్ల ఎంపిక కమిటీ నుంచి సుప్రీంకోర్టు ప్రధాన న్యాయమూర్తి పేరును తొలగిస్తూ చట్ట సవరణ చేయడం ప్రజాస్వామ్య వ్యవస్థకు విఘాతమని, ఎన్నికల సంఘం స్వతంత్రత, నిష్పాక్షికతతలను దెబ్బ తీశారని అన్నారు. ప్రజా ఉద్యమాల అణచివేత, ప్రజా ప్రతినిధులపై అమానుషమైన దాడి, అక్రమ కేసులు, యువత మరియు విద్యార్థుల పోరాటంపై దాడి ప్రభుత్వ అసహనాన్ని స్పష్టం చేస్తున్నాయని తెలిపారు. కార్యక్రమంలో జన చైతన్య వేదిక రాష్ట్ర కన్వీనర్‌ వి.లక్ష్మణరెడ్డి, యూటీఎఫ్‌ సీనియర్‌ నేత ఎం.హనుమంతరావు, వివిధ సంస్థల తరపున వి.రాధాకృష్ణమూర్తి, వి.సదాశివరావు, ఎన్‌.భావన్నారాయణ, జాన్‌ బాబు, విశ్రాంత ఇంజినీర్‌ జి.వెంకట్రావు, అబ్దుల్‌ సలీమ్‌, ఎం.ఎ.చిష్టి పాల్గొన్నారు.

చీరాల టౌన్‌: రాష్ట్రంలో ఎన్నికల కమిషన్‌ ఆదేశాలతో ఎన్నికల నియమావళి ఆమల్లోకి వచ్చి 48 గంటలు కావస్తున్నా కానీ ఈపురుపాలెం మేజర్‌ గ్రామ పంచాయతీలో మాత్రం ఈసీ నిబంధనలు అమల్లోకి రాలేదు. స్థానిక సంస్థల ఎన్నికల కోడ్‌ అమల్లో ఉంటే తప్పకుండా రాజకీయ పార్టీల నాయకుల విగ్రహాలకు ముసుగులు వేయడంతో పాటు రాజకీయ పార్టీల ఫ్లెక్సీలు సైతం తొలగించాలి. కానీ ఈపురుపాలెం గ్రామంలోని సెంటర్‌ బస్టాండ్‌ వద్ద టీడీపీ నాయకులు భారీ ఫ్లెక్సీ ఏర్పాటు చేశారు. కోడ్‌ అమల్లో ఉన్నప్పుడు తొలగించాల్సిన పంచాయతీ అధికారులు మాత్రం టీడీపీ ఫ్లెక్సీని తొలగించడం లేదు. ఈ ఫ్లెక్సీలో సీఎం, కలెక్టర్‌, జిల్లాలోని టీడీపీ ఎమ్మెల్యేలు, రాష్ట్ర మంత్రులతో కూడిన పెద్ద ఫొటోలతో ఉన్న ఫ్లెక్సీని తొలగించలేదు. ఈపురుపాలెంలో ఈసీ నిబంధనలు పాటించలేని స్థితిలో అధికారులు ఉన్నారా.. అని ప్రజలు ప్రశ్నిస్తున్నారు. చీరాల–బాపట్ల ప్రధాన రహదారిలో ఉన్న ఈ ఫ్లెక్సీ అధికారులకు కనిపించలేదా? వేచి చూడాలి. అధికార పార్టీ ఫ్లెక్సీ తీసివేయకుండా కాలయాపన

తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధాన్యలక్ష్మి అమ్మవారికి శుక్రవారం విశేష పూజలు నిర్వహించారు. ధాన్యలక్ష్మి అమ్మవారికి ఉదయం అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం అమ్మవారి శ్రీయాగం వైభవంగా జరిగింది. సాయంత్రం 5.30 గంటలకు శ్రీవిష్ణు సహస్రనామ స్తోత్ర పారాయణం, ధాన్యలక్ష్మి అమ్మవారికి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా నిర్వహించారు. భక్తులు అధిక సంఖ్యలో పాల్గొని ధాన్యలక్ష్మి అమ్మవారిని దర్శించుకుని తీర్థ ప్రసాదాలను స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనాలతో శరన్నవరాత్రి మహోత్సవాలు ఘనంగా నిర్వహిస్తున్నట్లు తెలిపారు. కొరిటెపాడు (గుంటూరు): గుంటూరు మిర్చి యార్డుకు శనివారం నుంచి ఈ నెల 20వ తేదీ వరకు వరుసగా నాలుగు రోజులు సెలవులు ప్రకటించినట్లు ఉన్నత శ్రేణి కార్యదర్శి ఎ.చంద్రిక శుక్రవారం ఒక ప్రకటనలో పేర్కొన్నారు. శని, ఆదివారాలు సాధారణ సెలవులు కాగా.. వ్యాపారులు, కార్మికుల అభ్యర్థన మేరకు సోమవారం కూడా సెలవు ప్రకటించినట్లు పేర్కొన్నారు. మంగళవారం దసరా పండుగ సందర్భంగా యార్డుకు సెలవు ఉంటుందని తెలిపారు. బుధవారం నుంచి మిర్చియార్డులో వ్యాపార లావాదేవీలు యథావిధిగా కొనసాగుతాయన్నారు.గుడివాడ టౌన్‌: స్థానిక ఎన్టీఆర్‌ స్టేడియంలో నిర్వహిస్తున్న బాస్కెట్‌బాల్‌ పోటీలు గురువారం రాత్రి ముగిశాయి. మహిళా విభాగంలో తూర్పు గోదావరికి చెందిన రామచంద్రాపురం టీమ్‌ ప్రథమ స్థానం, ఏలూరు జిల్లాకు చెందిన ఏలూరు టీమ్‌ ద్వితీయ స్థానం, పల్నాడు జిల్లాకు చెందిన పల్నాడు టీమ్‌ తృతీయ స్థానం సాధించాయి. పురుషుల విభాగంలో గుంటూరు జిల్లాకు చెందిన కేఎల్‌ యూని వర్సిటీ టీమ్‌ ప్రథమ స్థానం, రాజమండ్రి జిల్లాకు చెందిన సీబీసీ రాజమండ్రి టీమ్‌ ద్వితీయ స్థానం, హెచ్‌ ఫౌండేషన్‌ టీమ్‌ తృతీయ స్థానం సాధించినట్లు నిర్వాహకులు తెలిపారు. బాపట్ల: బాపట్ల పట్టణంలోని కన్యకా పరమేశ్వరి అమ్మవారి దేవస్థానంలో అమ్మవారికి రూ.50 లక్షల కరెన్సీతో ప్రత్యేక అలంకరణ చేపట్టారు. ఆలయ కమిటీ అధ్యక్షుడు కొత్తమాసు సత్యనారాయణ ఆధ్వర్యంలో నూతన నోట్లతో ఈ విశేష అలంకరణ చేపట్టారు. శరన్నవరాత్రి మహోత్సవాల్లో భాగంగా అమ్మవారు సరస్వతీ దేవి అలంకరణలో భక్తులకు ప్రత్యేక దర్శనమిచ్చారు. ఆలయంలో ప్రత్యేక పూజలు నిర్వహించారు. వైష్ణవి బృందం వారు ప్రదర్శించిన భరతనాట్యం, కూచిపూడి నృత్య ప్రదర్శనలు భక్తులను విశేషంగా ఆకట్టుకున్నాయి.

చిలకలూరిపేట: పల్నాడు జిల్లా చిలకలూరిపేట మున్సిపల్‌ చైర్మన్‌ ఎన్నిక కూటమిలో కుంపటి రాజేసింది. ఇక్కడ టీడీపీకి చెందిన మాజీ మంత్రి, నాలుగో పర్యాయం ఎమ్మెల్యేగా ప్రత్తిపాటి పుల్లారావు వ్యవహరిస్తున్నారు. ఈ నేపథ్యంలో చైర్మన్‌ పదవి తమ పార్టీకే దక్కుతుందని ఆ పార్టీ వర్గీయులు భావిస్తూ వచ్చారు. చైర్మన్‌, కౌన్సిలర్లుగా ఎవరు ఉండాలనే లెక్కలు వేసుకుంటూ వచ్చారు. చైర్మన్‌ పీఠాన్ని జనసేనకు ఖరారు చేయడం టీడీపీ ఆశావహులలో అసంతృప్తి, ఆగ్రహావేశాలకు కారణమైంది. టీడీపీలోని ఓ వర్గం చైర్‌పర్సన్‌గా తమకే అవకాశం కల్పించాలని స్థానిక నాయకత్వం ముందు బలంగా వాదించింది. పైగా పార్టీ నిర్ణయం పట్ల తీవ్ర నిరసన వ్యక్తం చేసినట్లు ఆ పార్టీ వర్గీయులే చెబుతున్నారు. టీడీపీ ఎమ్మెల్యే ఉన్న చోట చైర్మన్‌ పదవి జనసేనకు ఎలా ఇస్తారని అసంతృప్తి వ్యక్తం చేసినట్లు ప్రచారం సాగుతోంది. టీడీపీకే అత్యధిక కౌన్సిలర్‌ స్థానాలు లభించినా ప్రయోజనం ఏంటని ఆ పార్టీ నేతలు వ్యాఖ్యానిస్తున్నారు. జనసేనలో మూడు ముక్కలాట... ఇటు జనసేనలో టికెట్‌ ముసలం మొదలైంది. సీటు దక్కిందన్న సంతోషం నేతలకు కొద్దిసేపైనా నిలవని పరిస్థితి నెలకొంది. టికెట్‌ కోసం అంతర్గత పోరు భగ్గుమంది. జనసేన నరసరావుపేట పార్లమెంట్‌ సమన్వయకర్తల్లో ఒకరైన మండలనేని చరణ్‌తేజ తల్లి పద్మ పేరు తెరపైకి వచ్చింది. నామినేషన్‌ వేయడమే తరువాయి అని ప్రచారం జరిగింది. హైదరాబాద్‌లో స్థిరపడిన పారిశ్రామికవేత్త బైరా దిలీప్‌ చక్రవర్తి భార్య డాక్టర్‌ పావని పేరు కూడా తెరపైకి వచ్చింది. దిలీప్‌ చక్రవర్తి కాపు, పావని కమ్మ సామాజిక వర్గం కావడంతో కలిసి వచ్చే అంశమని ప్రచారం చేసుకుంటున్నారు. జనసేన నియోజకవర్గ సమన్వయకర్త తోట రాజారమేష్‌ కూడా టికెట్‌ తన భార్య రాజరాజేశ్వరికే ఇవ్వాలని పట్టుబడుతున్నట్లు తెలుస్తోంది. పార్టీ కోసం తాను ఎంతో కష్టపడ్డానని అధిష్ఠానాన్ని, టికెట్‌ ఇవ్వాలని గట్టిగా నిలదీస్తున్నట్లు సమాచారం. పార్టీ సింబల్‌తో మూడు వర్గాల వారూ సోషల్‌ మీడియాలో విస్తృతంగా ప్రచారం చేసుకుంటున్నారు.

జిల్లా కలెక్టర్‌ డాక్టర్‌ వి.వినోద్‌ కుమార్‌ బాపట్ల: జిల్లాలో స్థానిక ఎన్నికల నేపథ్యంలో ఎన్నికల ప్రవర్తనా నియమావళిని కఠినంగా అమలు చేస్తున్నట్లు జిల్లా కలెక్టర్‌ డాక్టర్‌ వి. వినోద్‌ కుమార్‌ తెలిపారు. శుక్రవారం జిల్లా కలెక్టరేట్‌లోని పీజీఆర్‌ఎస్‌ హాల్‌లో విలేకరుల సమావేశంలో ఆయన మాట్లాడారు. ఎన్నికల షెడ్యూల్‌, ఏర్పాట్లు, ప్రవర్తనా నియమావళి అమలు తదితర అంశాలను వివరించారు. చీరాల, రేపల్లె మున్సిపాలిటీలకు ఎన్నికలు నిర్వహించనున్నట్లు కలెక్టర్‌ తెలిపారు. బాపట్ల మున్సిపాలిటీకి కోర్టు కేసు కారణంగా ఎన్నిక నిలిచిందన్నారు. అధికారులకు ఇప్పటికే శిక్షణ ఇచ్చినట్లు వెల్లడించారు. జిల్లా జాయింట్‌ కలెక్టర్‌ భావనా వశిష్ట ఆధ్వర్యంలో ఆర్‌డీవోలు, మండల స్థాయిలో తహసీల్దార్లు నియమావళి అమలును పర్యవేక్షిస్తారని తెలిపారు. ప్రభుత్వ అధికారులు రాజకీయ కార్యక్రమాల్లో పాల్గొనకూడదని చెప్పారు. ఎన్నికల నియమావళికి విరుద్ధంగా కొత్త ప్రారంభోత్సవాలు, శంకుస్థాపనలు, ప్రచార కార్యక్రమాలు నిర్వహించకూడదని స్పష్టం చేశారు. ఇప్పటికే ప్రారంభమైన అభివృద్ధి పనులను సంబంధిత ఎన్నికల మార్గదర్శకాలకు అనుగుణంగా కొనసాగించవచ్చని తెలిపారు. రాజకీయ ప్రకటనలు, ప్రచార సామగ్రి విషయంలో నిబంధనలు తప్పనిసరిగా పాటించాలన్నారు. అవసరమైన అనుమతులు పొందిన తర్వాతే ప్రచార కార్యక్రమాలు నిర్వహించాలని సూచించారు. గ్రామ పంచాయతీ ఎన్నికల్లో ఉదయం పోలింగ్‌ నిర్వహించి, అదే రోజు మధ్యాహ్నం ఓట్ల లెక్కింపు చేపడతామన్నారు. వెంటనే ఫలితాలను ప్రకటించేలా ఏర్పాట్లు చేస్తున్నట్లు తెలిపారు. ఏర్పాట్లు ముమ్మరం ఎన్నికల నిర్వహణకు రిటర్నింగ్‌ అధికారులు, అసిస్టెంట్‌ రిటర్నింగ్‌ అధికారులు, పోలింగ్‌ సిబ్బందిని నియమించినట్లు కలెక్టర్‌ చెప్పారు. ఇప్పటికే మూడు విడతల శిక్షణ పూర్తయిందని, ఓట్ల లెక్కింపు వరకు అవసరమైన తదుపరి శిక్షణ కార్యక్రమాలను కూడా నిర్వహిస్తామని తెలిపారు. చీరాల, బాపట్ల, రేపల్లెల్లో రిసెప్షన్‌, డిస్ట్రిబ్యూషన్‌, స్ట్రాంగ్‌ రూమ్‌, కౌంటింగ్‌ కేంద్రాల ఏర్పాట్లు చేపడుతున్నట్లు వెల్లడించారు. ఎన్నికల నిర్వహణను పర్యవేక్షించేందుకు సీనియర్‌ ఐఏఎస్‌ అధికారిని జిల్లా ఎన్నికల పరిశీలకుడిగా నియమించనున్నట్లు తెలిపారు. పోలీసు బందోబస్తు, శాంతిభద్రతల పర్యవేక్షణకు గుంటూరు రేంజ్‌ పరిధిలో ఐజీ స్థాయి అధికారి పర్యవేక్షణ ఉంటుందని పేర్కొన్నారు. ఓటర్లు జాబితాలను పరిశీలించాలి ఓటర్లు తమ పేర్లు ఉన్నాయో లేదో ముందుగానే ఆయా జాబితాలను పరిశీలించుకోవాలని కలెక్టర్‌ సూచించారు. మున్సిపల్‌ ఎన్నికలకు సంబంధించిన జాబితాలను ప్రచురించినట్లు తెలిపారు. ఎంపీటీసీ ఎన్నికల్లో గులాబీ బ్యాలెట్‌ పత్రం, జెడ్పీటీసీ ఎన్నికల్లో తెల్ల బ్యాలెట్‌ పత్రం ఉంటాయని చెప్పారు. అందరూ ఓటింగ్‌ విధానంపై అవగాహన పెంచుకోవాలని కోరారు. ఫిర్యాదులకు ప్రత్యేక వ్యవస్థ జిల్లాలో ఎక్కడైనా ఎన్నికల ప్రవర్తనా నియమావళి ఉల్లంఘనలు చోటుచేసుకుంటే ప్రజలు కలెక్టరేట్‌ కంట్రోల్‌ రూమ్‌తోపాటు రెవెన్యూ డివిజన్‌ స్థాయి అధికారులకు ఫిర్యాదు చేయాలని కలెక్టర్‌ సూచించారు. అధికారులు క్షేత్రస్థాయిలో పరిశీలించి, బాధ్యులపై చర్యలు తీసుకుంటారని తెలిపారు. ఎన్నికల ప్రక్రియ పారదర్శకంగా, ప్రశాంతంగా నిర్వహించేందుకు ప్రజలు, రాజకీయ పార్టీలు, అభ్యర్థులు, అధికారులు సహకరించాలని కలెక్టర్‌ విజ్ఞప్తి చేశారు. ఎన్నికల ఏర్పాట్ల పరిశీలన జిల్లా పరిషత్‌, ఎంపీటీసీ, జెడ్పీటీసీ ఎన్నికలకు సంబంధించి అవసరమైన ఏర్పాట్లను జిల్లా కలెక్టర్‌ డాక్టర్‌ వి.వినోద్‌ కుమార్‌ పరిశీలించారు. శుక్రవారం బాపట్ల జిల్లా కేంద్రంలోని ప్రభుత్వ డిగ్రీ కళాశాలలో ఎన్నికల నిర్వహణ కోసం ఏర్పాటు చేయనున్న స్ట్రాంగ్‌ రూమ్‌లు, ఎన్నికల సామగ్రి పంపిణీ కేంద్రాలు, ఓట్ల లెక్కింపు కేంద్రాలను ఆయన పరిశీలించారు. సామగ్రిని సక్రమంగా పంపిణీ చేసే ఏర్పాట్లు, పోలింగ్‌ అనంతరం బ్యాలెట్‌ బాక్సులను భద్రపరిచే స్ట్రాంగ్‌ రూమ్‌ల వద్ద భద్రతా చర్యలు, ఓట్ల లెక్కింపు కోసం అవసరమైన వసతులు, సిబ్బందికి కల్పించాల్సిన సౌకర్యాలపై అధికారులను అడిగి వివరాలు తెలుసుకున్నారు. ఎన్నికల ప్రక్రియకు ఇబ్బందులు తలెత్తకుండా ఏర్పాట్లను ముందుగానే పూర్తి చేయాలని సూచించారు. భద్రత, పారదర్శకతకు ప్రాధాన్యతనిస్తూ నిబంధనలకు అనుగుణంగా ఏర్పాట్లు చేయాలన్నారు. జిల్లా కలెక్టర్‌ వెంట జెడ్పీ సీఈవో సి.హెచ్‌.విజయలక్ష్మి, బాపట్ల ఆర్‌డీవో ఎ.హరికుమార్‌, మున్సిపల్‌ కమిషనర్‌ ఎం.హాసిని, తహసీల్దార్‌ షేక్‌ సలీమా, మండల సర్వేయర్‌ తదితరులు ఉన్నారు.

పట్నంబజారు: టీడీపీలో డబ్బు తప్ప ఇంకేమీ పదవులు ఇచ్చేందుకు కొలమానం కాదనే విషయం మరోమారు రుజువు అవుతోంది. కార్పొరేషన్‌ ఎన్నికల నేపథ్యంలో గుంటూరు తూర్పు నియోజకవర్గ తెలుగుదేశం పార్టీ నేతల్లో అగ్గి రాజుకుంది. ఎన్నికల వేడి మొదలైన నేపథ్యంలో స్థానిక ప్రజాప్రతినిధి వ్యవహరిస్తున్న తీరు తీవ్ర చర్చనీయాంశంగా మారింది. ఆ పార్టీలో నెలకొన్న పరిణామాలు, తూర్పు నియోజకవర్గ ప్రజాప్రతినిధి వ్యవహరిస్తున్న తీరుతో టీడీపీ నేతలే విసిగిపోతున్నారు. పార్టీని నమ్ముకుని దశాబ్దాలుగా సేవలందించిన సీనియర్‌ నాయకులను కాదని, కేవలం ఆర్థిక బలమే ప్రాతిపదికగా సాగుతున్న వసూళ్ల పర్వం ఇప్పుడు కార్యకర్తల్లో తీవ్ర ఆవేదనకు, ఆగ్రహానికి కారణమవుతోంది. ఆర్థికంగా పెను భారం గుంటూరు తూర్పు నియోజకవర్గంలోని మొత్తం 30 డివిజన్లు ఉన్నాయి. ఎన్నికల్లో పోటీ చేయాలని ఆశపడే ప్రతి అభ్యర్థి కచ్చితంగా డబ్బులు ఉంటేనే సీటు అని స్థానిక ప్రజాప్రతినిధి తేల్చిచెబుతున్నట్లు సమాచారం. ఆయా డివిజన్ల నుంచి పోటీ చేయదలచిన ఆశావహులు ముందస్తుగా రూ. 40 లక్షలు డిపాజిట్‌ చేయాలంటూ ప్రజాప్రతినిధి స్పష్టం చేస్తున్నట్లు తెలుస్తోంది. ఇప్పటికే ఒక రోజు నామినేషన్‌ల పక్రియ ముగియటం, మరో రెండు రోజులు మాత్రమే మిగిలి ఉన్న నేపథ్యంలో ఆశావహులకు స్థానిక ప్రజాప్రతినిధి తీరు మింగుడు పడటం లేదు. ఎన్నో ఏళ్ల నుంచి కష్టపడి పనిచేస్తున్న తమకు టికెట్‌ ఎందుకు ఇవ్వరంటూ పొన్నూరు రోడ్డులోని ప్రజాప్రతినిధి కార్యాలయంలో వాదనలు, ఘర్షణలు జరగటం పరిపాటిగా మారింది. రూ.40 లక్షలు ఉంటేనే టికెట్‌ అంటూ ఒక పక్క చెబుతూనే.. మరోపక్క రూ.10 లక్షలు పార్టీ ఫండ్‌ కింద చెల్లించాలని కూడా హుకుం జారీ చేయడంపై స్థానిక టీడీపీ నేతలు తీవ్ర అసంతృప్తి వ్యక్తం చేస్తున్నారు. నియోజకవర్గ చరిత్రలో ఎన్నడూ లేనివిధంగా ప్రస్తుత ప్రజాప్రతినిధి వ్యవహరిస్తున్న తీరుతో ఆ పార్టీ నేతలకే విసుగొస్తోంది. జెండా మోసిన వారికి మొండిచేయి టీడీపీ అధికారంలోకి రావడానికి శ్రమించి, కష్టకాలంలో జెండా మోసిన క్షేత్రస్థాయి నాయకులు, కార్యకర్తలకు ఈ పరిణామాలు తీవ్ర నిరాశను మిగుల్చుతున్నాయి. సంవత్సరాల తరబడి పార్టీ కోసం చెమటోడ్చిన వారికి మొండిచేయి చూపుతున్నారు. కేవలం ఎన్నికల వేళ ప్రత్యక్షమయ్యే ఆర్థిక బలమున్న బడాబాబులకు మాత్రమే ప్రాధాన్యం ఇస్తున్నారనే వాదనలు గట్టిగా వినిపిస్తున్నాయి. ఈ ధోరణి ఏ మాత్రం సబబు కాదనే వాదనలు వినిపిస్తున్నాయి. స్థానిక ప్రజాప్రతినిధి వ్యవహార శైలితో ద్వితీయ శ్రేణి నాయకులు బహిరంగంగానే మండిపడుతున్నారు. కేవలం టీడీపీలోనే కాకుండా అధికార కూటమిలో భాగస్వామిగా ఉన్న జనసేన పార్టీ వర్గాల్లోనూ తీవ్ర అసంతృప్తి పేరుకుపోతోంది. క్షేత్రస్థాయిలో జనసేన నేతలకు ప్రాధాన్యం ఇవ్వకుండా ఏకపక్షంగా వ్యవహరిస్తుండటంతో టీడీపీ ప్రజాప్రతినిధి తీరుపై వారు కూడా గుర్రుగా ఉన్నారు. ఎన్నికల సమయంలో లేనిపోని హమీలనిచ్చి ఇప్పుడు మాత్రం తనకేమీ పట్టనట్లు వ్యవహరిస్తున్నారనే వాదనలు వినవస్తున్నాయి. ఈ నేపథ్యంలో కార్పొరేటర్‌ సీటు ఆశిస్తున్న జనసేన వారు తమకు సంపూర్ణ న్యాయం జరగకుంటే తీవ్ర పరిణామాలు తప్పవని బహిరంగంగానే హెచ్చరికలు జారీ చేస్తున్నారు.

నగరంపాలెం: జిల్లాలోని పోలీస్‌ అధికార, సిబ్బంది క్రమశిక్షణ, సమయపాలనతో విధులు నిర్వర్తించాలని జిల్లా ఎస్పీ వకుల్‌ జిందాల్‌ అన్నారు. శుక్రవారం జిల్లా పోలీస్‌ కార్యాలయంలో శుక్రవారం పోలీస్‌ సిబ్బంది గ్రీవెన్స్‌ డే నిర్వహించారు. జిల్లాలోని పోలీస్‌ సిబ్బంది నుంచి వ్యక్తిగత, బదిలీలు, ఉద్యోగోన్నతులు, సెలవులు, వైద్య అవసరాలు, ఇతర పరిపాలనా అంశాలపై జిల్లా ఎస్పీ వినతులు స్వీకరించారు. ప్రతి వినతిని స్వయంగా పరిశీలించారు. అర్జీలను త్వరగా పరిష్కరించాలని సంబంధిత అధికారులను జిల్లా ఎస్పీ ఆదేశించారు. జిల్లా ఎస్పీ మాట్లాడుతూ సమస్యలు సకాలంలో పరిష్కారమైతే విధి నిర్వహణలో సామర్థ్యం, నిబద్ధత, ఉత్సాహం పెరుగుతుందని చెప్పారు.

సీపీఎం కేంద్ర కమిటీ సభ్యురాలు డి.రమాదేవిబాపట్ల: కూటమి ప్రభుత్వం తమ అధికారాన్ని అడ్డుపెట్టుకుని స్థానిక సంస్థల ఎన్నికల్లో బలవంతపు ఏకగ్రీవాలు చేసేందుకు ప్రయత్నాలు చేస్తోందని సీపీఎం కేంద్ర కమిటీ సభ్యురాలు డి.రమాదేవి అన్నారు. పట్టణంలోని పుచ్చలపల్లి సుందరయ్య ప్రజాసంఘాల కార్యాలయంలో శుక్రవారం పార్టీ జిల్లా విస్తృత స్థాయి సమావేశం నిర్వహించారు. ఆమె మాట్లాడుతూ స్థానిక సంస్థల ఎన్నికల్లో ప్రజాస్వామ్యానికి తూట్లు పొడిచే ప్రయత్నాలకు అడ్డుకట్ట వేయాలన్నారు. కేంద్ర ప్రభుత్వం వ్యవసాయ చట్టాల పేరుతో రైతులకు, రైతు కూలీలకు నష్టం కలిగిస్తోందన్నారు. కార్మిక హక్కులను కాలరాసే విధంగా కోడ్స్‌ తీసుకురావడం ద్వారా కార్మిక వర్గానికి నష్టం కలిగిస్తోందన్నారు. కరువు సహాయక చర్యలు ప్రకటించడంలో ప్రభుత్వం ముందుకు రాని పరిస్థితి ఉందని విమర్శించారు. కృష్ణా డెల్టాలో నాట్లు పడిన పరిస్థితి ఉందని, మొత్తం ఈ సీజన్‌లో రైతాంగం తీవ్రమైన నష్టాలు పాలయ్యారు. రైతులు సైతం కూలి పనులకు వెళ్తున్నారన్నారు. ఈ సమస్యలపై ప్రభుత్వం స్పందించకపోగా స్థానిక సంస్థల ఎన్నికల్లో రిజర్వేషన్ల పేరుతో వెనుకబడిన వర్గాలకు అధికారాలను దక్కనీయకుండా చేయడం శోచనీయమన్నారు. బాపట్ల జిల్లాలో చీరాల, రేపల్లె పురపాలక సంఘాలకు జరిగే ఎన్నికల్లో పార్టీ పోటీ చేస్తోందని ఆమె తెలిపారు. కార్యక్రమంలో జిల్లా కార్యదర్శి గంగయ్య పార్టీ సభ్యులు కృష్ణమోహన్‌, మణిలాల్‌, బాబురావు, సుబ్బారావు, జోజిబాబు, అగస్టీన్‌, కొండయ్య, శరత్‌, మనోజ్‌ పాల్గొన్నారు.

గుంటూరు రూరల్‌: జనసేన కార్యకర్తలపై టీడీపీ నాయకులు దాడిచేసి గాయపరిచిన ఘటన శుక్రవారం వట్టిచెరుకూరు మండలం కారంపూడిపాడులో వెలుగు చూసింది. బాధితులు జిల్లా ఎస్పీకి ఫిర్యాదు చేసిన వివరాలు.. గ్రామానికి చెందిన నీలం దినేష్‌, తోటకూర శివయ్య తమకు సీఎంఆర్‌ఎఫ్‌ చెక్కు రావటంతో దానిని తీసుకునేందుకు ఈనెల 14వ తేదీన నగరంలోని స్థానిక ఎమ్మెల్యే రామాంజనేయులు కార్యాలయానికి ద్విచక్ర వాహనంపై వెళ్లారు. ఇంటికి వస్తుండగా రాత్రి సమయంలో కారంపూడిపాడు వచ్చే దారిలో నాగిశెట్టి నాగరాజు, వారిని కారులో అడ్డగించి మూడుసార్లు ఢీకొట్టే ప్రయత్నం చేశాడని వాపోయారు. అతను కారుతో ఢీకొడతాడని భయంతో ద్విచక్ర వాహనాన్ని రోడ్డు పక్కన నిలిపి కారు వెళ్లే వరకూ తప్పుకున్నట్లు ఫిర్యాదులో పేర్కొన్నారు. అనంతరం ఊరిబయట కాపు కాసి తమ ద్విచక్ర వాహనానికి కారును అడ్డుపెట్టి అమ్మనాబూతులు తిడుతూ ఎమ్మెల్యే ఆఫీసుకు ఎందుకు వెళ్ళారని కారులోని కర్రలు, రాడ్లు తీసి కొట్టాడని ఫిర్యాదు చేశారు. దాడిని తట్టుకోలేక అక్కడి నుంచి పారిపోయి ఇంటికి వచ్చామని తెలిపారు. విచరక్షణారహితంగా తిడుతూ మమ్మల్ని చంపుతానని బెదిరించాడని ఫిర్యాదు చేశారు. అతని నుంచి వారికి ప్రాణభయం ఉందని, అతనిపై చర్యలు తీసుకుని ఇరువురికి రక్షణ కల్పించాలని కోరారు. తరువాత రోజున జీజీహెచ్‌కు వెళ్లి చికిత్స చేయించుకుని ఎమ్మెల్సీ కేసు నమోదు చేయించామని తెలిపారు. నెల్లూరు(పొగతోట): మంగళగిరిలో ఇంటి నుంచి వెళ్లిపోయి గూడూరు రైల్వేస్టేషన్‌కు చేరుకున్న బాలికను డిస్ట్రిక్ట్‌ చైల్డ్‌ ప్రొటెక్షన్‌ యూనిట్‌ (డీసీపీయూ), చైల్డ్‌లైన్‌ సిబ్బంది సమన్వయంతో సంరక్షించారు. కౌన్సెలింగ్‌ అనంతరం శుక్రవారం నెల్లూరులోని ఐసీపీఎస్‌ కార్యాలయంలో తల్లికి అప్పగించారు. వివరాలిలా ఉన్నాయి. తల్లి మందలించడంతో మనస్తాపానికి గురైన బాలిక ఇంటి నుంచి వెళ్లిపోయి రైలులో గూడూరు చేరుకుంది. అక్కడ విధుల్లో ఉన్న జీఆర్పీ, ఆర్పీఎఫ్‌ పోలీసులు ఈ విషయాన్ని హెల్ప్‌లైన్‌కు తెలియజేశారు. దీంతో చైల్డ్‌లైన్‌ సిబ్బంది బాలికను సంరక్షణలోకి తీసుకున్నారు. అనంతరం బాలికకు, ఆమె తల్లికి కౌన్సెలింగ్‌ ఇచ్చి బాలికను తల్లికి అప్పగించారు. కార్యక్రమంలో జిల్లా బాలల సంరక్షణాధికారి బి.సురేష్‌, ఇతర సిబ్బంది పాల్గొన్నారు. మల్కాపురంలో ఘటన తాడికొండ: లేడీస్‌ హాస్టల్‌లో పనిచేస్తున్న వ్యక్తి భవనంపై నుంచి దూకి ఆత్మహత్య చేసుకున్న ఘటన శుక్రవారం చోటుచేసుకుంది. పోలీసులు తెలిపిన వివరాలు.. తుళ్లూరు మండలం, మల్కాపురంలోని జై సూర్య లేడీస్‌ హాస్టల్‌ను ఐనవోలు గ్రామానికి చెందిన పాలకాయల సైదులు నిర్వహిస్తున్నాడు. సుమారు ఆరు నెలల క్రితం అమరావతి మండలం మల్లాదికి చెందిన చెన్నంశెట్టి వీరాంజనేయులు(38) భార్య భార్గవి, కుమార్తెతో కలిసి హాస్టల్‌లో చేరి పనిచేస్తున్నాడు. ఉదయం రోజువారీ విధుల్లో భాగంగా హాస్టల్‌లో పనిచేస్తున్న సమయంలో, వీరాంజనేయులు తాను నివాసం ఉంటున్న ఎ+2 భవనంపైకి వెళ్లి, అక్కడి నుంచి కిందకు దూకి మృతి చెందాడు. సమాచారం అందుకున్న తుళ్లూరు ఎస్‌హెచ్‌వో శ్రీనివాసరావు, ఎస్‌ఐ మురళీధర్‌ ఘటనా స్థలాన్ని పరిశీలించారు. కేసు నమోదు చేశారు. తోటచర్ల(పెనుగంచిప్రోలు): రోడ్డు ప్రమాదంలో వ్యక్తి మృతి చెందిన ఘటన మండల పరిధిలోని జాతీయ రహదారిపై తోటచర్ల వద్ద శుక్రవారం చోటుచేసుకుంది. పోలీసులు తెలిపిన వివరాల ప్రకారం గ్రామానికి చెందిన రామినేని శేషగిరిరావు(76) నందిగామ వైపు నుంచి బైక్‌పై గ్రామంలోకి వస్తుండగా ఎదురుగా వస్తున్న మరో బైక్‌ ఢీకొట్టటంతో తీవ్రంగా గాయపడ్డాడు. అతన్ని 108 వాహనంలో నందిగామ ప్రభుత్వాస్పత్రికి తరలించగా చికిత్స పొందుతూ మృతి చెందాడు. బైక్‌తో ఢీకొట్టిన అమరావతి ప్రాంతానికి చెందిన కాటమరాజుకు కూడా గాయాలయ్యాయి. అతను చికిత్స పొందుతున్నాడని, మృతదేహాన్ని పోస్టుమార్టంకి తరలించి కేసు నమోదు చేసి దర్యాప్తు చేస్తున్నారు.

నెహ్రూనగర్‌: గుంటూరు నగర పాలక సంస్థ మేయర్‌ స్థానానికి వైఎస్సార్‌ సీపీ అభ్యర్థిగా తాడికొండ అలివేలు వెంకట నాగ పద్మ శ్రీదేవిని ఆ పార్టీ ఖరారు చేసింది. వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు ఆమె అభ్యర్థిత్వాన్ని ఖరారు చేస్తూ శుక్రవారం పార్టీ కేంద్ర కార్యాలయం అధికారిక ఉత్తర్వులు జారీ చేసింది. గుంటూరు పశ్చిమ నియోజకవర్గంలోని 47వ వార్డుకు చెందిన శ్రీదేవి వ్యాపారవేత్త తాడికొండ లీలా వెంకట వీరాంజనేయులు (టీఎల్‌వీ) సతీమణి. వీరాంజనేయులు నగర వ్యాపార, వాణిజ్య రంగాల్లో ప్రముఖునిగా ఉంటూ ఇటీవల ’ది ఇండియన్‌ చాంబర్‌ ఆఫ్‌ కామర్స్‌’ (గుంటూరు) అధ్యక్షుడిగా ఎన్నికయ్యారు. ఉన్నత విలువల కుటుంబ నేపథ్యం కలిగిన శ్రీదేవి ఇంటర్‌ వరకు విద్యాభ్యాసం పూర్తి చేశారు. ఆర్యవైశ్య సామాజిక వర్గానికి చెందిన ఆమె సేవాకార్యక్రమాలతో మన్ననలు పొందారు. ఆమెకు అవకాశం కల్పించడంపై ఆర్యవైశ్య ప్రముఖులు, వాణిజ్య వర్గాలు, ప్రజలు హర్షం వ్యక్తం చేస్తున్నాయి.

మార్కాపురం టౌన్‌: మార్కాపురం జిల్లా పరిషత్‌ (బాలురు) ఉన్నత పాఠశాలలో 52వ రాష్ట్రస్థాయి జూనియర్‌ బాలబాలికల కబడ్డీ చాంపియన్‌షిప్‌ పోటీలు శుక్రవారం ఉత్సాహంగా ప్రారంభమయ్యాయి. ప్రధానోపాధ్యాయుడు ఎం.చంద్రశేఖర్‌రెడ్డి ఆధ్వర్యంలో నిర్వహించిన కార్యక్రమంలో డీఈఓ సామా సుబ్బారావు ముఖ్యఅతిథిగా హాజరయ్యారు. పోటీలను రాష్ట్ర కబడ్డీ అసోసియేషన్‌ అధ్యక్షులు కె.వి.ప్రభావతి, సెక్రటరీ వై.శ్రీకాంత్‌, వర్కింగ్‌ ప్రెసిడెంట్‌ యన్‌.అర్జునరావు, ట్రెజరర్‌ యం.సుబ్బరాజు పర్యవేక్షిస్తున్నారు. ఈ క్రీడా పోటీల్లో రాష్ట్రంలోని 28 జిల్లాల జూనియర్‌ బాల బాలికల జట్లు పాల్గొన్నాయి. ఆదివారం సెమీఫైనల్‌, ఫైనల్‌ మ్యాచ్‌లు జరుగుతాయని ఆర్గనైజింగ్‌ సెక్రటరీ పి.దామోదర్‌ రెడ్డి తెలిపారు. కార్యక్రమంలో వ్యాయామ ఉపాధ్యాయులు వై సీనయ్య, శంకర్‌, చెంచయ్య నాయుడు, వెంకటేశ్వర్లు, కోటేశ్వరరావు, జాహ్నవి ప్రియ, కె.ఓబులేసు పాల్గొన్నారు. అమృతలూరు(వేమూరు): ఇంటిలో బంగారం, నగదు పోయిందని బాధితులు ఫిర్యాదు చేశారని ఎస్‌ఐ సుమన్‌ తెలిపారు. పోలీసులు కథనం మేరకు.. అమృతలూరు మండలం పెదపూడి గ్రామానికి చెందిన కుర్రా పున్నారావు, బంగారం వస్తువులు, రూ.5 లక్షల నగదు ఇంటిలో పెట్టి హుబ్లీ వెళ్లారు. హుబ్లీ నుంచి తిరిగి వచ్చేక బంగారం వస్తువులు, నగదు కనిపించడం లేదని శుక్రవారం పోలీసుస్టేషన్‌లో ఫిర్యాదు చేశారు. కేసు నమోదు చేసి దర్యాఫ్తి చేస్తున్నట్లు ఆయన తెలిపారు. ఇంకొల్లు(చినగంజాం): కోలలపూడి గ్రామానికి చెందిన పొన్నం అన్నపూర్ణమ్మ (88) గురువారం మృతి చెందడంతో ఆమె పార్థివదేహాన్ని కుటుంబ సభ్యులు ఇంకొల్లు అవయవదాన కమిటీకి దానం చేశారు. గుంటూరు కాటూరి మెడికల్‌ కాలేజీ వైద్య విద్యార్థులకు ఉపయోగ పడేందుకు కుటుంబ సభ్యులు స్వయంగా పూర్తి అంగీకారంతో ఇచ్చేశారు. మృతురాలి నేత్రాలను దానం చేసి ఇరువురు వ్యక్తులకు చూపును ఇచ్చేందుకు, దేహాన్ని దానం చేయడం ద్వారా ఎంతో మంది విద్యార్థులకు ఉపయోగపడనుందని రోటరీ సభ్యులు అన్నారు. కుటుంబ సభ్యులు కుమారుడు వెంకటేశ్వర్లు, కోడలు అన్నపూర్ణ, కనుమూరి మురళి, శారద, యరమాసు నిర్మలను ఇంకొల్లు రోటరీ క్లబ్‌ సభ్యులు సోమేపల్లి రామ్మోహనరావు, జెట్టి వెంకటేశ్వర్లు, అధ్యక్ష, కార్యదర్శులు, ట్రెజరర్‌ అలవల రాఘవరెడ్డి, గోరంట్ల నాగేశ్వరరావు, కిషోర్‌లకు కృతజ్ఞతలుతో పాటు అభినందనలు తెలియజేశారు. వధువు తండ్రి అనారోగ్యంతో మృతి దుగ్గిరాల: శుభకార్యాక్రమం జరగాల్సిన ఇంట విషాదం చోటుచేసుకుంది. ఇంటి యజమాని మృతి చెందడంతో ఆ కుటుంబం తీవ్ర విషాదంలో మునిగిపోయింది. వివరాలు.. మండలం చిలువూరుకు చెందిన నెమలికంటి మరియదాసు(55), ఎండీ అఖిల బేగం భార్యాభర్తలు. వీరికి కుమారుడు కృపానిధి, కుమార్తె మహిమ ఉన్నారు. కుమార్తెకు 17వ తేదీ వివాహానికి నిశ్చతార్థం చేసుకున్నారు. గత ఆదివారం సాయంత్రం అధిక రక్తపోటు గురికావడంతో మంగళగిరిలోని ఎయిమ్స్‌కు ఆస్పత్రికి తరలించారు. చికిత్స పొందుతూ శుక్రవారం తెల్లవారుజామున మృతి చెందాడు. శనివారం కుమార్తె వివాహం జరగాల్సి ఉండగా మృతి చెందడంతో గ్రామం విషాదఛాయలు అలుముకున్నాయి. మరియదాసు వైఎస్సార్‌ సీపీలో పార్టీ ఆవిర్భావం నుంచి క్రియాశీలంగా ఉండేవారు. ఆయన మృతికి పార్టీ నేతలు నివాళులర్పించారు. పెదనందిపాడు: తాళం వేసిన ఇంట్లోకి ప్రవేశించి బంగారం చోరీ చేసిన కేసులో నిందితుడిని అరెస్ట్‌ చేసినట్లు ప్రత్తిపాడు సీఐ పి సుబ్బారావు తెలిపారు. శుక్రవారం మధ్యాహ్నం పెదనందిపాడు పోలీస్‌స్టేషన్‌ లో ఏర్పాటు చేసిన విలేకరుల సమావేశంలో సీఐ మాట్లాడుతూ పెదనందిపాడుకు చెందిన బెల్లం శ్రీనివాసరావు ఇంట్లో ఎవరు లేని సమయంలో అదే గ్రామానికి చెందిన జరుగుల లోకేష్‌ బంగారం అపహరించినట్లు ఫిర్యాదు చేశారని, లోకేష్‌పై కేసు నమోదు చేసి దర్యాప్తు చేస్తున్నామని, శుక్రవారం ఉదయం నల్లమడ వాగు వద్ద అనుమానస్పదంగా తిరుగుతున్న లోకేష్‌ అదుపులోకి తీసుకొని విచారించగా బెల్లం శ్రీనివాసరావు ఇంట్లో దొంగతనం చేసిన విషయం అంగీకరించాడని చెప్పారు. నిందితుని వద్ద నుంచి సుమారు రూ.6,50,000 విలువైన 68 గ్రాముల బంగారాన్ని రికవరీ చేశామని, నిందితుడిని రిమాండ్‌ నిమిత్తం కోర్టులో హాజరు పరచనున్నట్లు తెలిపారు. నిందితుడిని అరెస్ట్‌ చేసిన ఎస్‌ఐ ఏక్‌నాధ్‌ను అభినందించారు.

గుంటూరు మెడికల్‌: గుంటూరు నగరంలో కల్తీ ఆహార పదార్థాల తయారీని అరికట్టేందుకు జాయింట్‌ కలెక్టర్‌ ఆదేశాల మేరకు సివిల్‌ సప్లయిస్‌, ఫుడ్‌ సేఫ్టీ, లీగల్‌ మెట్రాలజీ, వినియోగదారుల సంఘం ప్రతినిధులతో కూడిన టాస్క్‌ఫోర్స్‌ అధికారులు గుంటూరు నగరంలో తనిఖీలు నిర్వహించారు. పాత గుంటూరు మెయినన్‌ రోడ్డులో ఆంజనేయస్వామి ఆలయం సమీపంలోని నివాస గృహాల మధ్య కల్తీ నెయ్యి తయారు చేస్తున్న కేంద్రంపై శుక్రవారం దాడులు చేశారు. డాల్డా, వనస్పతి, క్రీమ్‌ కలిపి నెయ్యి తయారు చేస్తున్నట్లు గుర్తించిన అధికారులు సుమారు 70 కిలోల కల్తీ నెయ్యితోపాటు 100 కిలోల వనస్పతి, క్రీమ్‌ నిల్వలను గుర్తించారు. సుమారు 18 లీటర్ల సామర్థ్యం గల ఐదు డబ్బాలు గుర్తించారు. రాష్ట్ర విజిలెన్స్‌ కమిటీ సభ్యుడు డాక్టర్‌ చదలవాడ హరిబాబు అక్రమ తయారీ విషయాన్ని ఫుడ్‌ సేఫ్టీ అసిస్టెంట్‌ కంట్రోలర్‌ పూర్ణచంద్రరావు దృష్టికి తీసుకెళ్లడంతో అధికారులు రంగంలోకి దిగారు. తయారీ కేంద్రంలో ఫుడ్‌ సేఫ్టీ లైసెన్‌స లేకపోవడంతో పాటు, తూకం యంత్రానికి కూడా లైసెన్స్‌ లేదని, ఉత్పత్తులపై సరైన లేబుళ్లు లేవని గుర్తించారు. తక్కువ ధరకు నగరంలోని బిర్యానీ పాయింట్లకు కల్తీ నెయ్యిని సరఫరా చేస్తున్నట్లు నిర్వాహకుడు తెలిపినట్లు అధికారులు వెల్లడించారు. సుమారు ఏడాది నుంచి ఈ వ్యాపారం చేస్తున్నట్లు నిర్వాహకుడు చెప్పినట్లు పేర్కొన్నారు. నెయ్యి నమూనాలను సేకరించి పరీక్షల నిమిత్తం ప్రయోగశాలకు పంపించినట్లు ఫుడ్‌ సేఫ్టీ అసిస్టెంట్‌ కంట్రోలర్‌ పూర్ణచంద్రరావు తెలిపారు. పరీక్షల నివేదిక వచ్చిన అనంతరం నిబంధనల ప్రకారం కఠిన చర్యలు తీసుకుంటామని చెప్పారు. నిబంధనలకు విరుద్ధంగా తయారీ జరుగుతున్నందున నిల్వలను సీజ్‌ చేయడంతో పాటు తయారీ కేంద్రాన్ని మూసివేసి నోటీసులు జారీ చేస్తామని స్పష్టం చేశారు. లైసెన్సులు లేకుండా కల్తీ ఆహార పదార్థాలను తయారు చేసి విక్రయించే వారిపై ఉపేక్షించేది లేదని హెచ్చరించారు. తనిఖీల్లో ఆహార కల్తీ నిరోధక శాఖ ఇన్‌న్‌స్పెక్టర్‌ నరసింహుడు, లీగల్‌ మెట్రాలజీ అసిస్టెంట్‌ కంట్రోలర్‌ అల్లూరయ్య, ఇనన్‌స్పెక్టర్‌ సైదాతోపాటు జిల్లా విజిలెనన్స్‌ కమిటీ సభ్యులు బీరాల నాగేశ్వరరావు, గాయకోటి బేబీ సరోజిని, మునిపల్లె కవిత పాల్గొన్నారు.

చినగంజాం: అంతర జిల్లాల జూనియర్‌ కబడ్డీ పోటీలకు పురుషుల జట్టు సిద్ధమైంది. ఈ నెల 16,17,18 తేదీల్లో మార్కాపురంలో నిర్వహించే 52వ అంతర జిల్లాల జూనియర్‌ కబడ్డీ జట్టు క్రీడాకారులను చక్కటి శిక్షణ అందించడం ద్వారా పోటీలకు సిద్ధం చేశారు. ఈ నెల 5వ తేదీ నుంచి కొత్తపాలెం పంచాయతీ శ్రీ బాలకోటేశ్వరస్వామి ఆలయ ప్రాంగణంలో శిక్షణ శిబిరం నిర్వహించారు. సమయంలో మంచి ప్రతిభ కనబరచిన 14 మంది క్రీడాకారులను పోటీలకు ఎంపిక చేశారు. జట్టు వివరాలు.. ఎం.మణికంఠారెడ్డి, ఎస్‌.వెంకట శివగణేష్‌, ఎం.రత్నారెడ్డి, ఏ.అభిలాష్‌రెడ్డి, కె.సంజీవరెడ్డి, బి.దుర్గాశంకరరెడ్డి, ఏ.అశోక్‌రెడ్డి, కె.సంతోష్‌కుమార్‌, వైఎల్‌ఎన్‌ స్వామి, ఎస్‌.హేమంత్‌, బి.శ్రీసాయి, ఎస్‌కే జుబేల్‌, బి.భవానీశంకరరెడ్డి, ఏ.రాజు, కోచ్‌గా కోట హరిప్రసాద్‌రెడ్డి, మేనేజర్‌గా సైకం నాగూర్‌ వ్యవహరిస్తున్నారు. క్రీడా దుస్తులు అందించిన దాతలు క్రీడా దుస్తులను భువనగిరి జిల్లా యాదాద్రిలోని రామన్నపేటకు చెందిన ఎకై ్సజ్‌ ఇన్‌స్పెక్టర్‌ కొట్టే ఏడుకొండలు (ది మిషన్‌ ఫౌండర్‌ )సమకూర్చడంతో బాలకోటేశ్వర స్వామి ఎంప్లాయీస్‌ యూనియన్‌ సభ్యులు మరపాల ఏడుకొండలురెడ్డి, కోట శ్రీనివాసరెడ్డి, రాజు రామకోటిరెడ్డి అందజేశారు. కార్యక్రమంలో బాపట్ల జిల్లా కబడ్డీ కార్యదర్శి మంతెన సుబ్బరాజు, ఉపాధ్యక్షుడు సాంబశివరావు, సీనియర్‌ క్రీడాకారులు ఆమంచి శ్రీనివాసరావు, పోలీస్‌స్టేషన్‌ రైటర్‌ ప్రకాష్‌, ఆలయ కమిటీ ట్రెజరర్‌ రాజు రామకోటిరెడ్డి, కమిటీ సభ్యులు అక్కల సాంబశివారెడ్డి, బక్కా సుబ్బారెడ్డి, సీనియర్‌ క్రీడాకారులు మూలగాని శ్రీనివాసరెడ్డి, కమిటీ సభ్యులు పాల్గొన్నారు.

వైఎస్సార్‌ సీపీ అధిష్టానం ప్రకటన చీరాల: మున్సిపల్‌ ఎన్నికల నేపథ్యంలో వైఎస్సార్‌ కాంగ్రెస్‌ పార్టీ మున్సిపల్‌ చైర్మన్‌ అభ్యర్థిగా డాక్టర్‌ ఇస్తర్ల షెర్లిని పార్టీ అధిష్టానం ఖరారు చేసింది. ఈ మేరకు పార్టీ కేంద్ర కార్యాలయం నుంచి పత్రికా ప్రకటన విడుదల కాగా నియోజకవర్గ ఇన్‌చార్జి కరణం వెంకటేష్‌బాబు గురువారం వెల్లడించారు. చీరాలకు చెందిన గుండె వైద్య నిపుణులు డాక్టర్‌ ఇస్తర్ల బాబూరావు కుమార్తె డాక్టర్‌ ఇస్తర్ల షెర్లి ఎంబీబీఎస్‌ పూర్తి చేసి పల్మనాలజీలో పీజీ కోర్సును చదువుతున్నారు. ఎస్సీ సామాజికవర్గంలో డాక్టర్‌ ఇస్తర్ల బాబూరావుకు మంచి పేరుంది. అలానే ఆయన ఈ ప్రాంతంలో అందరికీ సుపరిచితులు, వైఎస్సార్‌ సీపీ డాక్టర్‌ విభాగం చీరాల కన్వీనర్‌గా పనిచేస్తున్నారు. పార్టీ చైర్మన్‌ అభ్యర్థిని ఖరారు చేయడంతో పార్టీ క్యాడెర్‌ ఆమె గెలుపునకు కృషి చేస్తుందని వైఎస్సార్‌ సీపీ నాయకులు తెలిపారు. వైఎస్సార్‌ సీపీ నాయకులకు బెదిరింపులు చీరాల: మున్సిపాలిటీ ఎన్నికల కోడ్‌ కూయగానే పోలీసుల నుంచి వేధింపుల పర్వం ప్రారంభమైంది. వైఎస్సార్‌ కాంగ్రెస్‌ పార్టీ తరఫున పోటీ చేసే అభ్యర్థులు, వారి వెంట తిరిగే యువకుల పేర్లు ఇవ్వాలంటూ ఏకంగా చీరాల ఒన్‌టౌన్‌ పోలీస్‌స్టేషన్‌ నుంచి ఎస్సై ఒకరు ఫోన్‌ చేసి మాట్లాడుతున్నారు. ముందస్తు ప్రణాళికలో భాగంగా ఎన్నికల్లో అభ్యర్థుల వెంట ఎవరూ ప్రచారాలకు తిరగకుండా ఉండేందుకు బైండవర్ల పేరుతో బెదిరింపులకు దిగుతున్నారు. మా వార్డులో నేరప్రవృత్తి ఉన్నవారు ఎవరూ లేరని చెప్పినా పై నుంచి ఆదేశాలంటూ పేర్లు ఇవ్వాలని పార్టీ నాయకులకు ఫోన్లు చేస్తున్నారు. ఎన్నికలు నిష్పక్షపాతంగా జరగాలని అందరూ కోరుకుంటున్న సమయంలో వైఎస్సార్‌సీపీ అభ్యర్థులకు, నాయకులకు పోలీసుల నుంచి ఫోన్లు రావడం విస్మయానికి గురిచేస్తోంది. రైట్‌ గేర్‌ ఎక్విప్‌మెంట్‌పై సమీక్ష నరసరావుపేట రూరల్‌: స్థానిక సంస్థల ఎన్నికల నేపథ్యంలో అవసరమైన సందర్భాల్లో వినియోగించాల్సిన రైట్‌ గేర్‌ ఎక్విప్‌మెంట్‌పై సమీక్షను గురువారం నిర్వహించారు. అదనపు ఎస్పీ రోహిత్‌కుమార్‌ ఆధ్వర్యంలో జిల్లా పోలీసు కార్యాలయంలో నిర్వహించిన కార్యక్రమంలో పోలీసు సిబ్బంది పాల్గొన్నారు. స్థానిక సంస్థల ఎన్నికల్లో శాంతిభద్రతల పరిరక్షణ, అవాంఛనీయ సంఘటనల నివారణ, పోలీసు సిబ్బంది సంసిద్ధత, ప్రజలకు భద్రత కల్పించే చర్యల్లో భాగంగా సంబంధిత పరికరాల వినియోగంపై సిబ్బందికి సూచనలు చేశారు. ఎన్నికల విధుల్లో పాల్గొనే సిబ్బంది అప్రమత్తంగా ఉండాలని, ఉన్నతాధికారుల ఆదేశాలు, నిబంధనల మేరకు విధులు నిర్వహించాలని తెలిపారు. ఆర్‌ఐలు కృష్ణ, గోపినాథ్‌, ఏఆర్‌ సిబ్బందిలు పాల్గొన్నారు. ఆలయంలో హుండీల చోరీ చిలకలూరిపేట టౌన్‌: పట్టణంలోని ఎన్టీఆర్‌ కాలనీ ఫస్ట్‌లైన్‌లో ఉన్న ప్రసన్నాంజనేయ స్వామి ఆలయంలో దుండగులు చోరీకి పాల్పడ్డారు. ఆలయ తాళాలు పగలగొట్టి రెండు హుండీలను లక్ష్యంగా చేసుకోగా.. ఒక హుండీని ధ్వంసం చేసి నగదు అపహరించారు. మరో హుండీని ఎత్తుకెళ్లారు. ఆలయ పరిసరాల్లో రాత్రివేళ కొందరు మద్యం, గంజాయి సేవిస్తూ అసాంఘిక కార్యకలాపాలకు పాల్పడుతున్నారని స్థానికులు ఆరోపిస్తున్నారు. ఆలయానికి ఎదురుగా ఉన్న సీసీ కెమెరాను రెండు వారాల కిందటే ధ్వంసం చేశారని, మద్యం సేవిస్తున్న వారిని ప్రశ్నించిన వాచ్‌ మెన్‌ను రెండు రోజుల కిందట బెదిరించారని చెబుతున్నారు. ఈ ఘటనల వెనుక సంబంధం ఉందాఅనే అనుమానాలు వ్యక్తమవుతున్న నేపథ్యంలో విచారణ జరిపి నిందితులను గుర్తించాలని, రాత్రివేళ గస్తీ పెంచి ఆలయానికి రక్షణ కల్పించాలని కాలనీవాసులు కోరుతున్నారు. గుంటూరు మెడికల్‌: ఆరోగ్య కేంద్రాలకు వచ్చే రోగులకు అందించే వైద్య సేవల్లో గుంటూరు జిల్లా వైద్య ఆరోగ్య శాఖ ద్వితీయ స్థానంలో నిలిచింది. నేషనల్‌ క్వాలిటీ ఎస్సూరెన్స్‌ స్కీమ్‌ (ఎన్‌ క్వాస్‌) గురువారం విడుదల చేసిన రాష్ట్ర స్థాయి నివేదికలో తొలిస్థానం ఈస్ట్‌ గోదావరి జిల్లా దక్కించుకోగా, గుంటూరు ద్వితీయ స్థానం, వైఎస్సార్‌ కపడ జిల్లా తృతీయ స్థానాలు దక్కించుకున్నాయి. ఆరోగ్య కేంద్రాలకు చికిత్స కోసం వచ్చే రోగులు ఓపీ చీటి తీసుకున్న దగ్గర్నుంచి, మందులు, ల్యాబ్‌ పరీక్షలు, లోపల ఆరోగ్య కేంద్రాల్లో ఉండే వసతులు, రోగికి అందించే వైద్య సేవలు, ఆసుపత్రిలో వాతావరణం తదితర అంశాలపై ఎన్‌క్వాస్‌ సర్వేను అన్ని జిల్లాల్లో నిర్వహించారు.

నాదెండ్ల: గణపవరం గ్రామంలోని పత్తి మిల్లులో భారీ అగ్ని ప్రమాదం చోటుచేసుకున్న సంఘటన గురువారం వెలుగులోకి వచ్చింది. చిలకలూరిపేట అగ్నిమాపకదళ అధికారి అన్వేష్‌కుమార్‌రెడ్డి తెలిపిన వివరాల మేరకు.. గ్రామంలోని జాతీయ రహదారి పక్కనే ఉన్న సాంబశివ కాటన్‌ ప్రైవేట్‌ లిమిటెడ్‌లో మంగళవారం రాత్రి యంత్రాల్లో రాళ్లు పడి నిప్పురవ్వలు రాజుకుని పత్తిపై పడటంతో అగ్ని ప్రమాదం చోటుచేసుకుంది. ఈ కంపెనీలో కొన్నేళ్లుగా సర్జికల్‌ కాటన్‌, ఇయర్‌ బడ్స్‌, దీపారాధన ఒత్తులు తయారు చేస్తుంటారు. మంగళవారం రాత్రి నైట్‌ షిప్ట్‌లో రాత్రి 12 గంటల సమయంలో అగ్ని ప్రమాదం చోటుచేసుకుంది. యంత్రాలతో సహా ముడిపదార్థం అగ్నికి ఆహుతైంది. సమాచారం అందుకున్న చిలకలూరిపేట ఫైర్‌ ఇంజిన్‌తోపాటూ మరో నాలుగు ఇతర ప్రాంతాల ఫైర్‌ ఇంజిన్లు మంటలను అదుపులోకి తెచ్చాయి. ఆ సమయంలో యజమాని పెంటేల సత్యనారాయణ ఇతర ప్రాంతంలో ఉండటంతో బుధవారం రాత్రి ఫ్యాక్టరీ వద్దకు చేరుకుని గురువారం ఉదయం అగ్నిమాపక దళ అధికారికి లిఖితపూర్వకంగా ఫిర్యాదు చేశాడు. సుమారు రూ.60 లక్షల మేర ఆస్తినష్టం వాటిల్లినట్లు తెలిపారు. నగరంపాలెం: స్థానిక రింగ్‌రోడ్డు సిద్ధార్థ కన్వెన్షన్‌ సెంటర్‌లో నేషనల్‌ సిల్క్‌ ఎక్స్‌పో ప్రారంభమైంది. ఎక్స్‌పో ఈనెల 19 వరకు కొనసాగనుంది. దేశంలోని పలు రాష్ట్రాల చేనేత కళాకారులు, నేత కార్మికుల ప్రత్యేక వస్త్ర సంపద ఒకే వేదికపై విభిన్న ప్రాంతాల సంస్కృతులు, సంప్రదాయాల అనుబంధా న్ని ప్రదర్శించారు. నేత కార్మికులు రూపొందించిన పట్టు, కాటన్‌ వస్త్రాలు, సరికొత్త డిజైన్ల చీరలు, డిజైనర్‌ చీరలు, బ్లౌజులు, కుర్తీలు, వేలాది రకాల వస్త్రాలు అందుబా టులో ఉన్నాయి. వస్త్రాలపై యాభై శాతం తగ్గింపు ఽకొనుగోళ్లను ప్రవేశపెట్టా రు. పైఠానీ పట్టు చీరలు (కర్ణాటక), సాఫ్ట్‌సిల్క్‌ వస్త్రాలు, చందేరి, మహేశ్వరి పట్టు చీరలు (మధ్యప్రదేశ్‌), డిజైన్‌ చీరలు, బాలుచరి, జమ్దానీ, టాంగైల్‌, ఢాకాయ్‌ మస్లిన్‌ సిల్క్‌, లినెన్‌ చీరలు, కాంతావర్క్‌ ఎంబ్రాయిడరీ వస్త్రాలు (పశ్చిమ బెంగాల్‌), టస్సర్‌ సిల్క్‌, మట్కా సిల్క్‌, భాగల్‌పూర్‌ పట్టు వస్త్రాలు(బీహార్‌), బాంధినీ, కచ్‌ ఎంబ్రాయిడరీ, పటోలా చీరలు (గుజరాత్‌), కాంచీపురం పట్టు చీరలు (తమిళనాడు), ఎంబ్రాయిడరీ పట్టు వస్త్రాలు, టాబీ సిల్క్‌ చీరల (జమ్ము కశ్మీర్‌)లు ఉన్నాయని నిర్వాహ కులు తెలిపారు. విభిన్న డిజైన్లు, ఆకర్షణీయమైన డిజైన్‌ చీరలు, దుప్పట్లు, సల్వార్‌ మెటీరియల్స్‌, బనారసీ పట్టు చీరలు, జమ్దానీ, షిఫాన్‌ చీరలు ఉన్నట్లు చెప్పారు. దసరా పండుగ, వివాహ వేడుకలకై ప్రత్యేకమైన దుస్తులను కొనుగోలుకు ఈ ప్రదర్శన ఉపయోగపడుతుందని నిర్వాహకులు తెలిపారు. ఉదయం 11 నుంచి రాత్రి తొమ్మిది గంటల వరకు ఉంటుందని, ప్రవేశం ఉచితమని అన్నారు. కొరిటెపాడు(గుంటూరు): పత్తి జిన్నింగ్‌ పరిశ్రమల్లో కాలుష్య నియంత్రణ, టీఎంసీ యూనిట్ల పరిరక్షణ లక్ష్యంగా ఆంధ్రప్రదేశ్‌ కాటన్‌ టీఎంసీ కన్సార్టియం ఆధ్వర్యంలో శుక్రవారం గుంటూరులో ప్రత్యేక అవగాహన కార్యక్రమం నిర్వహించనున్నట్లు ఏపీ కాటన్‌ టీఎంసీ జిన్నింగ్‌ మిల్స్‌ అసోసియేషన్‌ అధ్యక్షుడు ఉప్పుటూరి సాంబశివరావు గురువారం ఒక ప్రకటనలో పేర్కొన్నారు. ఏపీ కాటన్‌ టీఎంసీ కన్సార్టియం కార్యవర్గం, సభ్యుల ఆధ్వర్యంలో ఈ కార్యక్రమం జరుగుతుందని వెల్లడించారు.

● పల్నాడు జిల్లాలో వైఎస్సార్‌సీపీ నాయకులపై బైండోవర్‌ కేసులు ● ఇదెక్కడి న్యాయమంటూ నిలదీస్తున్న ప్రజలు నరసరావుపేట టౌన్‌: ప్రజల్లో ప్రభుత్వానికి ఉన్న వ్యతిరేకత భయంతో అధికార పార్టీ నేతలు పోలీసులను అడ్డుపెట్టుకొని వైఎస్సార్‌ సీపీని కట్టడి చేసేందుకు కుట్రలు చేస్తున్నారు. పార్టీ నాయకులు, కార్యకర్తలపై బైండోవర్‌ కేసులతో భయభ్రాంతులకు గురిచేస్తున్నారు. స్థానిక సంస్థల ఎన్నికలు సమీపిస్తున్న తరుణంలో రెడ్‌బుక్‌ రాజ్యాంగంతో బరి తెగిస్తున్నారు. రాజకీయంగా ఎదుర్కోవాల్సిన ప్రత్యర్థులను పోలీస్‌ చర్యలతో నిలువరిస్తున్నారు. మాములుగా పోటీ చేసి గెలవటం అసాధ్యమని, దౌర్జన్యాలతో గెలిచేందుకు కుట్రలు పన్నుతున్నారు. గతంలో ఉన్న ఫిర్యాదులను వెలికి తీసి అక్రమ కేసులు బనాయించేందుకు పావులు కదుపుతున్నారు. పల్నాడు జిల్లా కేంద్రం నరసరావుపేటలో ఉన్న వన్‌టౌన్‌, టూటౌన్‌, రూరల్‌ పోలీస్‌ స్టేషన్ల పరిధిలో సుమారు వెయ్యి మందికి పైగా వైఎస్సార్‌ సీపీ నాయకులు, కార్యకర్తలే టార్గెట్‌గా అక్రమ బైండోవర్‌ కేసులు నమోదు చేశారు. తహసీల్దార్‌ ఎదుట హాజరుపరిచి ఒక్కొక్కరిని రూ.5 లక్షల పూచీకత్తుపై విడుదల చేశారు. జిల్లాలో మాచర్ల, గురజాల, చిలకలకూరిపేట, వినుకొండ, సత్తెనపల్లి, పెదకూరపాడు నియోజకవర్గాల్లో కూడా ఇదే తరహాలో ప్రత్యర్థులను అడ్డుకునేందుకు రాజకీయ అస్త్రాలుగా అక్రమ కేసులు బనాయిస్తున్నారు. అధికారుల తీరుపై విమర్శలు వందల సంఖ్యలో వైఎస్సార్‌ సీపీ కార్యకర్తలపై బైండోవర్‌ కేసులు నమోదు చేసిన పోలీసులు పదుల సంఖ్యలో కూడా టీడీపీ కార్యకర్తలపై నమోదు చేయకపోవటం విమర్శలకు తావిస్తోంది. ఎన్నికల నేపథ్యంలో ఒక ప్రాంతంలో శాంతిభద్రతల సమస్యలు తలెత్తే అవకాశం ఉన్నప్పుడు ఇరు పార్టీలకు చెందిన వ్యక్తులను వేరువేరుగా బైండోవర్‌ చేయాల్సి ఉంది. అయితే కేవలం వైఎస్సార్‌సీపీ వారినే లక్ష్యంగా చేసుకొని బైండోవర్‌ కేసులు, భారీ పూచీకత్తులతో భయభ్రాంతులకు గురి చేస్తున్నారనే విమర్శలు ఉన్నాయి. రిజర్వేషన్లు ప్రకటించినప్పటి నుంచి అధికార పార్టీ నేతలు పోలీసులను అడ్డుపెట్టుకొని అరాచకాలు సృష్టిస్తున్నారు. వైఎస్సార్‌సీపీ తరఫున పోటీ చేసే అభ్యర్థులు, వారి సన్నిహితుల జాబితాను తీసుకొని బైండోవర్‌ కేసుల అస్త్రం ప్రయోగిస్తున్నారు. ప్రతి రోజు స్టేషన్‌కు వచ్చి సంతకాలు పెట్టాలని బెదిరింపులకు పాల్పడుతున్నారు.

నగరంపాలెం: నగరంలోని గుంటూరు సీఐడీ ప్రాంతీయ కార్యాలయంలో అగ్రిగోల్డ్‌ బాండ్ల పరిశీలన పక్రియ కొనసాగుతోంది. ఈ క్రమంలో గురువారం చేబ్రోలు మండల పరిధిలోని బాండ్లను పరిశీలించారు. మండల పరిధిలోని 156 మంది డిపాజిట్‌దారులు హాజరయ్యారు. ఈ మేరకు వారి నుంచి 226 అగ్రిగోల్డ్‌ బాండ్లను పరిశీలించినట్లు ప్రాంతీయ కార్యాలయపు ఏఎస్పీ బి.సీతారామయ్య తెలిపారు. ఈనెల 16, 17 తేదీల్లో చేబ్రోలు, కాకుమాను, పెదనందిపాడు మండలాల పరిధిలోని అగ్రిగోల్డ్‌ బాండ్ల పరిశీలన (అగ్రిగోల్డ్‌ బాండ్లల్లోని చిరునామాల ఆధారంగా) ఉంటుందని అన్నారు. ఆయా మండలాల్లోని అగ్రిగోల్డ్‌ బాండ్‌ దారులు ఈ విషయాన్ని గమనించాలని చెప్పారు. ఒరిజినల్‌ బాండ్‌, ఆధార్‌ కార్డ్‌, బ్యాంక్‌ పాస్‌ పుస్తకం, పాస్‌పోర్ట్‌ సైజ్‌ ఫొటో, సంబంధిత పత్రాల నకళ్లు వెంట తీసుకుని రావాలని తెలిపారు. నగరంపాలెం: ఏపీ హ్యూమన్‌ రైట్స్‌ అధ్యక్షునిగా కె.భాస్కర్‌ ఎన్నికయ్యారు. ఈ మేరకు గురువారం తాలుకా ఆవరణలోని పెన్షనర్స్‌ భవన్‌లో ఆయన ప్రమాణస్వీకారం చేశారు. హ్యూమన్‌ రైట్స్‌ జాతీయ కార్యదర్శి జె.శ్రీనిలత, జాతీయ వ్యవస్థాపకులు దాస్‌ హాజరయ్యారు. అనంతరం భాస్కర్‌ను పలువురు సత్కరించారు. కార్యక్రమంలో హైకోర్టు న్యాయవాది లక్ష్మీశైలజాగౌడ్‌, వాకర్స్‌ చెలికాని సీతారామయ్య, విశ్రాంత ఎస్పీ అశోక్‌బాబు, అర్బన్‌ బ్యాంక్‌ డైరక్టర్‌ భాస్కరరావు, మానవ హక్కుల పరిరక్షణ సమితి అధ్యక్షుడు జోన్నలగడ్డ వెంకటరత్నం, తెలంగాణ హ్యూమన్‌రైట్స్‌ అధ్యక్షుడు సుధాకర్‌ తదితరులు పాల్గొన్నారు.

● ఎన్నికల విధుల్లో పోలీసులు అప్రమత్తంగా వ్యవహరించాలి ● సమస్యాత్మక, అతి సమస్యాత్మక ప్రాంతాల్లో నిరంతరం నిఘా ● విస్తృతంగా కార్డెన్‌ సెర్చ్‌ నిర్వహించాలి ● హెచ్చరికలను మీరి తరచూ నేరాలకు పాల్పడే వారిపై పీడీ చట్టం ● నేర సమీక్ష సమావేశంలో జిల్లా ఎస్పీ బి.ఉమామహేశ్వర్‌ చెక్‌పోస్టులు ఏర్పాటు చేయండి సమన్వయం ముఖ్యం

నాలుగు లక్షలకు చేరిన గోల్‌మాల్‌ పిడుగురాళ్ల: పిడుగురాళ్ల ఆర్టీసీ డిపోలో అకౌంట్‌ సెక్షన్‌లో ఓ ఉద్యోగి చేతివాటం ప్రదర్శించాడు. గురువారం ఆర్టీసీ డిపోలోని అకౌంట్‌ సెక్షన్‌లో విజిలెన్స్‌ అధికారులు విచారణ చేపట్టారు. ఈ విచారణకు విజిలెన్స్‌ అధికారులతోపాటు పల్నాడు జిల్లా పబ్లిక్‌ ట్రాన్స్‌పోర్ట్‌ ఆఫీసర్‌(డీపీటీవో) అజిత్‌కుమారి హాజరయ్యారు. నాదెండ్ల శ్రీనివాసరావు కండెక్టర్‌గా ఉద్యోగం పొందాడు. ఇతనికి కంప్యూటర్‌ పరిజ్ఞానం ఉండడంతో అకౌంట్‌ సెక్షన్‌లో ఓడీగా బాధ్యతలు అప్పగించారు. ఇతను జనవరి 2024 నుంచి అకౌంట్‌ సెక్షన్‌లో విధులు నిర్వహిస్తున్నాడు. ఇటీవలే ఇతను రూ.30 వేలకు అదనంగా బిల్లులు పెట్టడంతో డిపో మేనేజర్‌ వెంకటేశ్వర్ల నాయక్‌ కూడా చూసీచూడనట్లు ఆ బిల్లులపై సంతకాలు చేసినట్లు సిబ్బంది తెలిపారు. ఈ బిల్లులను సీనియర్‌ అకౌంటెంట్‌ పరిశీలించటంతో రూ.30 వేల అదనపు బిల్లుల వ్యవహారం వెలుగులోకి వచ్చింది. ఈ సమాచారం ఉన్నతాధికారుల దృష్టికి వెళ్లటంతో హుటాహుటినా ఆర్‌టీసీ విజిలెన్స్‌ అధికారులు రెండు రోజుల నుంచి విచారణ చేపట్టారు. మొత్తం మీద జనవరి 2024 నుంచి మార్చి 2026 వరకు విజిలెన్స్‌ అధికారులు శ్రీనివాసరావు నిర్వహించిన అకౌంట్‌ వివరాలను పరిశీలించి ఇప్పటి వరకు రూ.4 లక్షలు అదనపు బిల్లులు పెట్టినట్లు విజిలెన్స్‌ అధికారులు తేల్చారు. విజిలెన్స్‌ అధికారులు వచ్చిన సమాచారం తెలుసుకున్న విలేకరులు డిపోలోకి వెళ్లేందుకు ప్రయత్నిస్తే సెక్యూరిటీ అధికారులు అడ్డుకున్నారు. డిపో మేనేజర్‌ బాగోతం ఎక్కడ బయటపడుతుందోనని భయపడి ఎవరిని లోపలకు అనుమతించలేదని సిబ్బంది చెబుతున్నారు. అకౌంట్‌ సెక్షన్‌లో తప్పు జరిగితే తప్పును సమర్దించేందుకు డిపో మేనేజర్‌ ప్రయత్నిస్తున్నట్లు తెలుస్తోంది. విజిలెన్స్‌ అధికారులు సైతం నిగ్గుతేల్చిన లెక్కల వివరాలను బహిర్గతం ఇప్పటి వరకు చేయలేకపోయారు. ఈ విషయమై డిపో మేనేజర్‌ వెంకటేశ్వర్లు నాయక్‌ను వివరణ కోరగా విజిలెన్స్‌ అధికారుల పరిశీలన జరిగిందని, ఇప్పటి వరకు సుమారు రూ.4 లక్షల వరకు లెక్కలలో తేడాలు కనిపించాయని, ఓడీగా విధులు నిర్వహిస్తున్న నాదెండ్ల చేతివాటమేనని తెలిపారు.

నరసరావుపేట ఈస్ట్‌: పల్నాడు జిల్లా కబడ్డీ అసోసియేషన్‌ ఆధ్వర్యంలో గురువారం వశిష్ట జూనియర్‌ కళాశాల క్రీడా మైదానంలో పల్నాడు జిల్లా సీనియర్‌ బాలురు, బాలికల జట్ల ఎంపిక పోటీలు నిర్వహించారు. జిల్లాలోని వివిధ ప్రాంతాల నుంచి వచ్చిన క్రీడాకారులకు పోటీలు నిర్వహించి జిల్లా జట్లు ఎంపిక చేసినట్టు అసోసియేషన్‌ కార్యదర్శి కొత్త తేజాకరణ్‌, కళాశాల డైరెక్టర్‌ మద్దుల నరేష్‌కుమార్‌, ప్రిన్సిపల్‌ సూదా సురేష్‌బాబు తెలిపారు. ఎంపికై న క్రీడాకారులు ఈనెల 17 నుంచి 20వ తేదీ వరకు విజయవాడలో జరగనున్న 73వ రాష్ట్రస్థాయి సీనియర్‌ బాల బాలికల కబడ్డీ చాంపియన్‌షిప్‌– 2026 పోటీలో పల్నాడుజిల్లాకు ప్రాతినిధ్యం వహిస్తారని తెలిపారు.

శుక్రవారం శ్రీ 16 శ్రీ అక్టోబర్‌ శ్రీ 2026పత్రాల జారీలో అధికార కుట్ర ● వైఎస్సార్‌సీపీ ఆశావహులకు నో డ్యూ, నామినేషన్‌ పత్రాలు ఇవ్వని వైనం ● గురజాల, పిడుగురాళ్ల, దాచేపల్లి కమిషనర్ల తీరుపై సర్వత్రా విమర్శలు ● వైఎస్సార్‌సీపీ అభ్యర్థులే లక్ష్యంగా వేధింపులు ● బెండోవర్లతో పోలీసుల బెదిరింపులు దాచేపల్లి: అధికారుల ద్వారా కూటమి నేతలు ఒత్తిడి చేస్తూ వైఎస్సార్‌సీపీ ఆశావహులకు పత్రాలు ఇవ్వకుండా కావాలనే ఇబ్బందులకు గురిచేస్తున్నారు. శుక్రవారం ఉదయం 10 గంటల నుంచి నామినేషన్లు వేయాలని ఎన్నికల కమిషన్‌ నోటిఫికేషన్‌ జారీ చేసింది. అభ్యర్థులు దరఖాస్తు చేసుకున్న 24గంటల లోపే సంబంధిత పత్రాలన్నీ ఇవ్వాలని స్పష్టమైన ఆదేశాలు ఉన్నాయి. అయినప్పటికీ అధికారులు వైఎస్సార్‌సీపీ అభ్యర్థులపై వివక్ష చూపుతున్నారు. గురువారం రాత్రి 9 గంటలైనా వైఎస్సార్‌సీపీ తరఫున పోటీ చేసే వారికి నో డ్యూస్‌ సర్టిఫికెట్లు, నామినేషన్‌ పత్రాలు దాచేపల్లి, గురజాల, పిడుగురాళ్లలో ఇవ్వకుండా కావాలనే తాత్సారం చేస్తున్నారు. దాచేపల్లి, పిడుగురాళ్ల, గురజాల మున్సిపాలిటీ, నగర పంచాయతీ కమిషనర్లు వ్యవహరిస్తున్న తీరుపై విమర్శలు వస్తున్నాయి. వివాదాస్పదంగా నామినేషన్ల కేంద్రాలు గురజాల నియోజకవర్గంలో నామినేషన్‌ కేంద్రాల ఏర్పాటు వివాదాస్పదంగా మారింది. దాచేపల్లి నగర పంచాయతీ పరిధిలో 28 వార్డులకుగాను 12 వార్డులు నగర పంచాయతీ కార్యాలయంలో, మిగిలిన 16 వార్డులు నడికుడి వార్డు సచివాలయంలో నామినేషన్లు వేసేలా అధికారులు చర్యలు తీసుకున్నారు. గతంలో దాచేపల్లి నగర పంచాయతీ కార్యాలయం, నారాయణపురం ప్రభుత్వ జూనియర్‌ కళాశాలలో మాత్రమే నామినేషన్‌ కేంద్రాలు ఏర్పాటు చేశారు. నడికుడిలో ఏర్పాటు చేసిన నామినేషన్‌ కేంద్రం పట్ల వైఎస్సార్‌సీపీ నేతలు తీవ్ర అభ్యంతరం వ్యక్తం చేస్తున్నారు. నామినేషన్‌ కేంద్రాన్ని నారాయణపురం మార్చాలని వినతిపత్రం అందజేశారు. నగర పంచాయతీ కమిషనర్‌ ఎటువంటి చర్యలు తీసుకోలేదు. నామినేషన్‌ కేంద్రాన్ని మార్చలేదు. పైగా దాచేపల్లిలోని 13,14 వార్డుల నుంచి నామినేషన్లు నడికుడిలోనే వేసేలా చర్యలు తీసుకున్నారు. కమిషనర్‌ తీరుపై విమర్శలు వస్తున్నాయి. అదే విధంగా గురజాల నగర పంచాయతీలో కూడా దూబా చెరువు వద్ద ఉన్న అంగన్‌వాడీ కేంద్రంలో నామినేషన్‌ కేంద్రాన్ని ఏర్పాటు చేశారు. గతంలో తహసీల్దార్‌ కార్యాలయం, ఆర్‌డీవో కార్యాలయం, నగర పంచాయతీ కార్యాలయాల్లో నామినేషన్లు వేయటం వలన ఎటువంటి ఇబ్బందులు ఎదురుకాలేదు. కూటమి ప్రభుత్వంలో జరుగుతున్న స్థానిక సంస్థల ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా ఆదిలోనే అడ్డుకునేలా దూబా చెరువు వద్ద ఉన్న అంగన్‌వాడీ కేంద్రాన్ని ఈసారి ఎంపిక చేశారు. ఇక్కడ నామినేషన్లు వేసేందుకు కొన్ని ఇబ్బందికర పరిస్థితులు ఎదుర్కొవాల్సి వస్తుందని పలువురు అభ్యర్థులు ఆందోళన చెందుతున్నారు. దూబా చెరువు వద్ద పోలింగ్‌ కేంద్రం ఏర్పాటు చేయవద్దని వైఎస్సార్‌సీపీ నేతలు గురజాల నగర పంచాయతీ కమిషనర్‌ను కలిసి చెప్పినా ఎటువంటి చర్యలూ తీసుకోలేదు. దీంతో నామినేషన్ల ప్రక్రియకు కొంత ఇబ్బందులు కలిగే పరిస్థితులు ఉన్నాయని అభ్యర్థులు చెబుతున్నారు. ఐ. శ్రీనివాసులు, పిడుగురాళ్ల కమిషనర్‌ జి.వెంకటేశ్వర్లు, దాచేపల్లి కమిషనర్‌ అచ్చంపేట: పులిచింతల ప్రాజెక్టులో ప్రస్తుత నిల్వ 28.8780 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. స్థానిక సంస్థల ఎన్నికల నేపథ్యంలో అధికారుల తీరు తీవ్ర వివాదాస్పదంగా మారుతోంది. గురజాల నియోజకవర్గ పరిధిలో గురజాల, పిడుగురాళ్ల, దాచేపల్లిలో జరిగే మున్సిపల్‌, నగర పంచాయతీ ఎన్నికల్లో పోటీ చేసే అభ్యర్థులకు నో డ్యూ సర్టిఫికెట్‌లతోపాటుగా నామినేషన్‌ ఫారాలు ఇచ్చేందుకు ఇబ్బందులు పెడుతున్నారు. అధికార పార్టీ నేతల కనుసన్నల్లో అధికారులు పనిచేస్తూ వైఎస్సార్‌సీపీకి చెందిన అభ్యర్థులు నామినేషన్లు వేయకుండా కుట్ర చేస్తున్నట్లు ఆరోపణలు వస్తున్నాయి.గురజాల నియోజకవర్గ వ్యాప్తంగా పోలీసులు బైండోవర్లు పెట్టి బెదిరింపులకు గురి చేస్తున్నారు. పిడుగురాళ్ల 275, దాచేపల్లి 285, గురజాల 70 మంది వైఎస్సార్‌సీపీ కార్యకర్తలపై పోలీసులు బైండోవర్‌ కేసులు పెట్టి వేధిస్తున్నారు. బైండోవర్‌ పేరుతో పోలీస్‌స్టేషన్‌కి పిలిచించి, ఎన్నికల్లో పోటీ చేస్తే అక్రమ కేసులు పెడతామని బెదిరింపులకు పాల్పడుతున్నారు. వైఎస్సార్‌సీపీ కార్యకర్తలు, నాయకులపై మాత్రమే బైండోవర్లు పెట్టి స్టేషన్‌ చుట్టూ తిప్పుతున్నారు. దాచేపల్లి, గురజాల, పిడుగురాళ్లలో ఈ పరిస్థితి ఉంది. నామినేషన్ల దాఖలు ప్రారంభమైతే పోలీసుల నుంచి ఒత్తిడి మరింతగా ఉంటుందని పలువురు అభ్యర్థులు చెబుతున్నారు. స్థానిక సంస్థల ఎన్నికలు సజావుగా జరగకుండా తీవ్ర భయభ్రాంతులకు గురి చేసేందుకు ప్రయత్నాలు జరుగుతున్నాయని ప్రజలు చర్చించుకుంటున్నారు.

కొరిటెపాడు(గుంటూరు): పట్నంబజారులోని విజయ శానిటరీ సీడ్స్‌ అండ్‌ ఫెస్టిసైడ్స్‌ దుకాణదారునికి చెందిన ఏటుకూరు రోడ్డులోని అనధికార గోదాములో సరైన పత్రాలు లేకుండా నిల్వ ఉంచిన, ఆంధ్రప్రదేశ్‌లో వినియోగ నియంత్రణకులోబడి ఉన్న గ్‌లైఫోసేట్‌ గడ్డి మందులను గుంటూరు జిల్లా వ్యవసాయ అధికారులు గురువారం గుర్తించి స్వాధీనం చేసుకున్నారు. ఈ తనిఖీల్లో గ్‌లైఫోసేట్‌ 41 శాతం ఈసీ 160 లీటర్లు దీని విలువ రూ.1,63,522, అమ్మనియం సాల్ట్‌ ఆఫ్‌ గైఫోసేట్‌ 71 శాతం ఎస్‌జీ 17.3 కిలోలు దీని విలువ రూ.26,520 గుర్తించారు. మొత్తం రూ.1,90,042 విలువైన గడ్డి మందులను స్వాధీనం చేసుకున్నట్లు పురుగుమందుల తనిఖీ అధికారి సుజాత వెల్లడించారు. ఈ సందర్భంగా సుజాత మాట్లాడుతూ జిల్లాలోని పురుగుమందుల తయారీదారులు, డిస్ట్రిబ్యూటర్లు, రిటైల్‌ డీలర్లు నిబంధనలను తప్పనిసరిగా పాటించాలని సూచించారు. సరైన పత్రాలు లేకుండా, అనుమతి లేని గోదాముల్లో పురుగుమందులను నిల్వ ఉంచినా, విక్రయాలు జరిపినా పురుగుమందుల చట్టం–1968 ప్రకారం చట్టపరమైన చర్యలు తీసుకుంటామని ఆమె హెచ్చరించారు.

నెహ్రూనగర్‌: ఎన్నికల ప్రక్రియలో అత్యంత గోప్యంగా ఉంచాల్సిన సమాచారం అధికార పార్టీ నేతలకు క్షణాల్లో చేరిపోతోంది. రాజ్యాంగబద్ధంగా, నిష్పాక్షికంగా వ్యవహరించాల్సిన కొందరు అధికారులు అధికార టీడీపీ నేతలకు తొత్తులుగా మారి స్వామిభక్తి చాటుకుంటున్నారు. గుంటూరు నగరపాలక సంస్థ పరిధిలో వార్డుల రిజర్వేషన్ల ఖరారు మొదలుకొని ఎన్నికల విధుల్లో అధికారుల నియామకం వరకు అంతా ‘పచ్చ’మయంగా మార్చేశారనే విమర్శలు వెల్లువెత్తుతున్నాయి. అధికారిక ఉత్తర్వులు వెలువడక ముందే కలెక్టర్‌ సంతకంతో కూడిన కాపీలు పచ్చనేతల వాట్సాప్‌లలో ప్రత్యక్షమవడం నగరంలో తీవ్ర దుమారం రేపుతోంది. అర్ధరాత్రి వరకు డ్రామా.. ముందే లీకు! జిల్లాలోని అన్ని మున్సిపాలిటీలకు సంబంధించిన వార్డుల రిజర్వేషన్ల ప్రక్రియ మంగళవారం సాయంత్రానికే పూర్తయి వెల్లడైంది. అయితే, గుంటూరు కార్పొరేషన్‌కు సంబంధించి మాత్రం అర్ధరాత్రి 11 గంటల వరకు అధికారికంగా ఎలాంటి ప్రకటన చేయకుండా తొక్కిపెట్టారు. తీరా చూస్తే.. కలెక్టర్‌ సంతకం చేసిన అసలైన రిజర్వేషన్‌ ప్రియాంబుల్‌ కాపీ గంటల ముందే టీడీపీ ముఖ్య నేతలు, వారికి అనుకూలమైన మీడియా ప్రతినిధుల వాట్సాప్‌ గ్రూపుల్లో చక్కర్లు కొట్టింది. ఈ వ్యవహారమంతా చూసి ప్రతిపక్ష పార్టీలు ముక్కున వేలేసుకుంటున్నాయి. తప్పు కప్పిపుచ్చుకునేందుకు కలెక్టర్‌ సంతకంతో కూడిన రహస్య పత్రం ముందే బయటకు వచ్చిందన్న విషయం రచ్చకెక్కడంతో జీఎంసీ అధికారులు కొత్త డ్రామాకు తెరతీశారు. తమ లీకేజీ బాగోతాన్ని కప్పిపుచ్చుకునేందుకు.. కలెక్టర్‌ సంతకం లేని కేవలం వార్డుల జాబితాను మాత్రమే జీఎంసీ అధికారిక మీడియా గ్రూపుల్లో షేర్‌ చేసి చేతులు దులుపుకొనే ప్రయత్నం చేశారు. అయితే అప్పటికే లీకై న కాపీలోని అంశాలు, జీఎంసీ విడుదల చేసిన వివరాలు అక్షరం పొల్లుపోకుండా ఒక్కటే కావడంతో అధికారులు అధికార పార్టీకి ఏ స్థాయిలో లొంగిపోయారో బట్టబయలైంది. ప్రజల నుంచి వ్యతిరేకత తీవ్రంగా ఉండటంతో అడ్డదారిలోనైనా కార్పొరేషన్‌ ఎన్నికల్లో నెగ్గాలని టీడీపీ కుతంత్రాలకు తెరలేపింది. ఇందుకు జీఎంసీలోని కొందరు కీలక అధికారులు పూర్తిస్థాయిలో సహకరిస్తున్నారనే విమర్శలు లేకపోలేదు. వైఎస్సార్‌ సీపీ బలంగా ఉన్న వార్డుల్లో ఓట్లను తొలగించడం, పక్క వార్డుల్లోకి మార్చడం ద్వారా వైఎస్సార్‌ సీపీ అభ్యర్థుల గెలుపు అవకాశాలను దెబ్బతీసేందుకు పక్కా ప్లాన్‌ సిద్ధం చేశారు. ఎన్నికల విధుల్లో కీలకపాత్ర పోషించే రిటర్నింగ్‌ ఆఫీసర్లు, రూట్‌ ఆఫీసర్ల నియామకంలోనూ... టీడీపీ పెద్దల ఆదేశాల మేరకు అనుకూలంగా వ్యవహరించే వారినే ఏరి కోరి మరీ జీఎంసీకి చెందిన ఓ ఉన్నతాధికారి విధుల్లో కూర్చోబెట్టారనే ఆరోపణలు నగరపాలక సంస్థ సిబ్బంది నుంచే వినిపిస్తున్నాయి. ప్రజాస్వామ్యాన్ని అపహాస్యం చేస్తూ, అధికార పార్టీకి తొత్తులుగా మారిన అధికారుల తీరుపై ప్రజలతోపాటు ప్రతిపక్షాలు తీవ్ర ఆగ్రహం వ్యక్తం చేస్తున్నాయి. ఎన్నికలు సజావుగా, నిష్పాక్షికంగా జరగాలంటే ఈ వ్యవహారంపై విచారణ జరిపి బాధ్యులైన అధికారులపై చర్యలు తీసుకోవాలని డిమాండ్‌లు వినిపిస్తున్నాయి.

నగరం: బాపట్ల జిల్లా నగరం సీహెచ్‌సీలో జీడీఏగా విధులు నిర్వహిస్తున్న ఎన్‌.సంజీవ్‌ను పారా మెడికల్‌ అవుట్‌ సోర్సింగ్‌ ఎంప్లాయీస్‌ అసోసియేషన్‌ బాపట్ల జిల్లా అధ్యక్షుడిగా నియమితులయ్యారు. ఈ మేరకు అసోసియేషన్‌ రాష్ట్ర అధ్యక్షుడు, జేఏసీ రాష్ట్ర కార్యదర్శి వి.రమేష్‌బాబు నియామక ఉత్తర్వులు ప్రకటించారు. సంజీవ్‌కు పలువురు అభినందనలు తెలిపారు. అమృతలూరు(వేమూరు) తాడి చెట్టు పడి వ్యక్తి మృతి చెందిన ఘటన చోటు చేసుకుంది. పోలీసుల వివరాలు మేరకు అమృతలూరు మండలం యడవూరు గ్రామానికి చెందిన కుర్రా వెంకటేశ్వరరావు(62)పై తాడి చెట్టు పడి మంగళవారం మృతి చెందినట్లు అమృతలూరు ఎస్‌ఐ సుమన్‌ బుధవారం తెలిపారు. మంగళ వారం సాయంత్రం తన పొలంలో పొక్లయినర్‌తో తాడి చెట్లు పీకించడం జరిగింది. ఈ క్రమంలో తాడి చెట్టు తలపై పడడంతో తీవ్ర గాయాలు కావడంతో కుటుంబ సభ్యులు తెనాలి ప్రభుత్వం వైద్యశాలకు తీసుకెళ్లారు. వైద్యులు పరీక్షించి మృతి చెందినట్లు తెలిపారు. బుధవారం శవ పంచనామా చేసి కుటుంబ సభ్యులకు అప్పగించినట్లు ఎస్‌ఐ తెలిపారు. లక్ష్మీపురం: ఆశా వర్కర్స్‌కు కేంద్ర, రాష్ట్ర ప్రభుత్వం నుంచి వచ్చే జీతం ఒకేసారి రావడం లేదని, రాష్ట్ర ప్రభుత్వం కేంద్ర ప్రభుత్వం ఒకేసారి ఒకే ఖాతాలో జమ చేయాలని ఏపీ ఆశా వర్కర్స్‌ యూనియన్‌ జిల్లా గౌరవ అధ్యక్షులు జి.రమణ కోరారు. గుంటూరు జిల్లా వైద్యశాఖ అధికారి కార్యాలయంలో బుధవారం యూనియన్‌ నాయకులు జిల్లా వైద్యశాఖ అధికారి పద్మావతికి వినతి పత్రం అందజేశారు. ఈ సందర్భంగా మాట్లాడుతూ జీతం కేవలం పదివేల రూపాయలు మాత్రమేనని, ఆ పదివేలు కూడా ఒకేసారి పడకపోవడం వలన అనేక ఆర్థిక ఇబ్బందులు పడుతున్నారని ఆమె దృష్టికి తీసుకొచ్చారు. కేంద్ర ప్రభుత్వం ఇచ్చే పారితోషికం ఏ అకౌంట్లో పడుతున్నాయో కూడా అర్థం కావడం లేదని ఆమె అన్నారు. 2019 లో అప్పటి వైఎస్సార్‌ సీపీ ప్రభుత్వం రూ.7 వేల నుంచి రూ.10 వేలు పెంచిందని గుర్తు చేశారు. కానీ చంద్రబాబు ప్రభుత్వం వచ్చిన తర్వాత జీతాలు ఒక్క రూపాయి కూడా పెంచలేదని ఆవేదన వ్యక్తం చేశారు. ప్రభుత్వం వెంటనే స్పందించి పెండింగ్‌లో ఉన్న జీతాలు వెంటనే ఇవ్వాలని డిమాండ్‌ చేశారు. కార్యక్రమంలో సీఐటీయూ జిల్లా ఉపాధ్యక్షులు కే శ్రీనివాసరావు, ఆశా వర్కర్స్‌ సరోజినీ, సిరాజ్‌ బీ, నాగజ్యోతి పాల్గొన్నారు. తాకట్టులో ఉన్న బంగారం విడిపించాలని కోరి.. రూ.5.50లక్షలతో పరారీ నర్సంపేట రూరల్‌: తాకట్టులో ఉన్న బంగారం విడిపిస్తే మళ్లీ మీకే ఆ బంగారాన్ని విక్రయిస్తామని చెప్పి రూ.5.50 లక్షలు మాయం చేశాడు. ఈ ఘటన వరంగల్‌ జిల్లా నర్సంపేట పట్టణంలో ఆలస్యంగా వెలుగులోకి వచ్చింది. బాధితుడి కథనం ప్రకారం.. తన బంగారం ఫెడ్‌ బ్యాంకులో తాకట్టులో ఉందని, ఆ బంగారాన్ని విడిపిస్తే తిరిగి మీకే విక్రయిస్తానని గుంటూరుకు చెందిన శ్రీఆంజనేయ గోల్డ్‌ ఫైనాన్స్‌ కంపెనీని ఫోన్‌లో వరంగల్‌ జిల్లా చెన్నారావుపేట మండలానికి చెందిన బోడ శ్రీకాంత్‌ సంప్రదించాడు. దీంతో ఆ కంపెనీ.. తన సేల్స్‌మన్‌ని ఈనెల 13న నర్సంపేటకు పంపించింది. సదరు సేల్స్‌మన్‌ని శ్రీకాంత్‌ రిసీవ్‌ చేసుకుని అంగడి రోడ్డులో ఉన్న సెంట్రల్‌ బ్యాంకుకు తీసుకెళ్లాడు. ఈ బ్యాంకులోనే తనకు ఖాతా ఉందని, నగదును బదిలీ చేస్తే తాను ఫెడ్‌బ్యాంక్‌కు బదిలీ చేసి బంగారం తీసుకొస్తానని నమ్మబలికాడు. దీంతో ఆ గోల్డ్‌ఫైనాన్‌ సేల్స్‌మెన్‌ నమ్మి కంపెనీ ప్రతినిధులో మాట్లాడి రూ.5 లక్షలు శ్రీకాంత్‌ ఖాతాలో జమ చేయించాడు. మరో రూ.50వేలు ఫోన్‌పే ద్వారా పంపించాడు. అనంతరం, సెల్స్‌మెన్‌ను అక్కడే కూర్చోబెట్టి ఇప్పుడే వెళ్లి వస్తానని చెప్పి అక్కడినుంచి శ్రీకాంత్‌ వెళ్లిపోయి తిరిగిరాలేదు. అనంతరం మొబైల్‌ ఫోన్‌ స్విచ్‌ఆఫ్‌ చేశాడు. దీంతో మోసపోయినట్లు సెల్స్‌మెన్‌ గ్రహించి నర్సంపేట పోలీస్‌ స్టేషన్‌ను ఆశ్రయించాడు. గతంలో కూడా శ్రీకాంత్‌పై పలు సైబర్‌ నేరాలకు సంబంధించిన కేసులు నమోదయ్యాయి. బాధితుడి ఫిర్యాదు మేరకు శ్రీకాంత్‌పై చీటింగ్‌ కేసు నమోదు చేసి దర్యాప్తు చేస్తున్నట్లు సీఐ శ్రీనివాస్‌ వివరించారు.

నెహ్రూనగర్‌: ఉమ్మడి గుంటూరు జిల్లా పరిధిలోని పురపాలక ఎన్నికల సమరానికి తెరలేచింది. గుంటూరు, బాపట్ల జిల్లాల్లోని నగర పాలక సంస్థ, మున్సిపాలిటీల ఎన్నికల నగారా మోగడంతో అధికార యంత్రాంగం సమాయత్తమైంది. రాష్ట్ర ఎన్నికల కమిషనర్‌ అనిల్‌ చంద్ర పూనేఠ ఎన్నికల షెడ్యూల్‌ను మంగళవారం అధికారికంగా ప్రకటించారు. షెడ్యూల్‌ వెలువడిన వెంటనే ఎన్నికల ప్రవర్తనా నియమావళి (కోడ్‌) అమల్లోకి వచ్చింది. శుక్రవారం జిల్లా ఎన్నికల అధికారులు/కలెక్టర్లు అధికారిక నోటిఫికేషన్‌ విడుదల చేయనున్నారు. తొలి విడత ఇక్కడ... మొదటి విడత పురపోరులో గుంటూరు జిల్లా పరిధిలోని గుంటూరు నగరపాలక సంస్థ (జీఎంసీ)లోని మొత్తం 76 డివిజన్లకు, అలాగే తెనాలి మున్సిపాలిటీలోని 52 వార్డులకు ఎన్నికలు జరగనున్నాయి. అయితే మంగళగిరి, తాడేపల్లి మున్సిపల్‌ కార్పొరేషన్‌, పొన్నూరు మున్సిపాలిటీలకు ప్రస్తుతానికి ఎన్నికలు నిర్వహించడం లేదు. ఇక బాపట్ల జిల్లా కేంద్రమైన బాపట్ల మున్సిపాలిటీని మినహాయించగా.. చీరాల మున్సిపాలిటీ పరిధిలోని 44 వార్డులకు, రేపల్లె మున్సిపాలిటీలోని 36 వార్డులకు తొలి విడతలోనే ఎన్నికల సమరం జరగనుంది. నామినేషన్లకు మూడు రోజులే గడువు ఈ నెల 16 నుంచి నామినేషన్ల స్వీకరణ ప్రక్రియ ప్రారంభం కానుంది. అయితే నామినేషన్ల దాఖలుకు కేవలం మూడు రోజులే (ఈ నెల 16, 17, 18వ తేదీలు) సమయం కేటాయించడంతో అన్ని ప్రధాన రాజకీయ పార్టీల్లోనూ తీవ్ర చర్చోపచర్చలు మొదలయ్యాయి. అభ్యర్థుల ఎంపిక, బీ–ఫారాల కేటాయింపుపై పార్టీల ముఖ్య నేతలు తలలు పట్టుకుంటున్నారు. టికెట్లు ఆశిస్తున్న వారు సైతం సమయం చాలా తక్కువగా ఉండటంతో సర్టిఫికెట్ల సేకరణ, ఏర్పాట్లపై తీవ్ర ఉత్కంఠ, హైరానాకు గురవుతున్నారు. ఇప్పటికే ముసాయిదా ఓటర్లు, పోలింగ్‌ కేంద్రాల జాబితాలపై అభ్యంతరాల ప్రక్రియ ముగిసి తుది జాబితాలు సిద్ధమయ్యాయి. రిజర్వేషన్లు సైతం ఇప్పటికే ఖరారు కావడంతో రెండు జిల్లాల పరిధిలోని పురపాలక క్షేత్రాల్లో రాజకీయ వేడి రాజుకుంది. బాపట్ల మున్సిపల్‌ ఎన్నికలకు బ్రేక్‌ బాపట్ల: బాపట్ల మున్సిపాల్టీ ఎన్నికలకు తాత్కాలికంగా బ్రేక్‌లు పడ్డాయి. ఎన్నిక సంఘం రాష్ట్రవ్యాప్తతంగా 23 మున్సిపాల్టీలకు ఎన్నికల ప్రక్రియను తొలివిడత నిలుపుదల చేయగా వాటిలో బాపట్ల మున్సిపాల్టీ ఉంది. బాపట్ల మున్సిపాల్టీలో విలీనమైన 10 గ్రామాలను కలుపుతూ 34గా ఉన్న వార్డులను 44కు పెంచి ఈనెల 7వ తేదీన నోటిఫికేషన్‌ విడుదల చేసింది. ఈమేరకు అభ్యంతరాలు స్వీకరించేందుకు 14వ తేదీన గడువు విధించారు. ఈమేరకు వార్డుల విభజన ప్రక్రియ పూర్తికాకపోవటంతో తొలివిడత ఎన్నికల్లో బాపట్ల మున్సిపాల్టీని కూడా మినహాయించారు. నామినేషన్‌ స్వీకరణ ప్రారంభం అక్టోబర్‌ 16 నామినేషన్‌ స్వీకరణ గడువు అక్టోబర్‌ 18 ఉపసంహరణ అక్టోబర్‌ 21 పోలింగ్‌ అక్టోబర్‌ 28 కౌంటింగ్‌ అక్టోబర్‌ 30 మున్సిపాలిటీలు 2 వార్డులు 88

గుంటూరు వెస్ట్‌: స్థానిక సంస్థల ఎన్నికల ప్రకటనను రాష్ట్ర ఎన్నికల కమిషన్‌ విడుదల చేసిన నేపథ్యంలో ఎన్నికల ప్రవర్తన నియమావళి తక్షణం అమలులోకి వచ్చిందని జిల్లా కలెక్టర్‌ సీఎం సాయికాంత్‌ వర్మ తెలిపారు. బుధవారం సాయంత్రం స్థానిక కలెక్టరేట్‌ నుంచి జిల్లా అధికారులు, స్థానిక సంస్థల అధికారులు నిర్వహించిన వీడియో కాన్ఫరెన్స్‌లో కలెక్టర్‌ తగిన ఆదేశాలు జారీ చేశారు. రాష్ట్ర ఎన్నికల సంఘం ప్రకటించిన మేరకు నగర పాలక సంస్థలు, పురపాలక సంస్థలు, ఎంపీటీసీ, జెడ్పీటీసీ, గ్రామ పంచాయతీలకు ఎన్నికలు జరగనున్నాయని చెప్పారు. గుంటూరు నగరపాలక సంస్థకు, తెనాలి పురపాలక సంస్థకు జిల్లాలో ఎన్నికలు జరగనున్నాయన్నారు. అక్టోబర్‌ 16వ తేదీన నోటిఫికేషన్‌ జారీ చేసి, అదే రోజు నుండి నామినేషన్లు స్వీకరణ జరుగుతుందని చెప్పారు. నామినేషన్లను ఉదయం 11 నుంచి మధ్యాహ్నం మూడు గంటల వరకు స్వీకరిస్తారన్నారు. అక్టోబర్‌ 18 వ తేదీన నామినేషన్ల దాఖలు చేసేందుకు చివరి తేదీ అని తెలిపారు. 19న నామినేషన్ల పరిశీలన జరుగుతుందని, 21న అభ్యర్థిత్వం ఉపసంహరణకు ఆఖరు తేదీ అని వివరించారు. 21వ తేదీన పోటీచేసే అభ్యర్థుల తుది జాబితా ప్రకటన చేస్తారని చెప్పారు. 28వ తేదీన ఉదయం 7 గంటల నుంచి సాయంత్రం ఐదు గంటల వరకు పోలింగ్‌ నిర్వహించడం జరుగుతుందని, 30వ తేదీన ఓట్ల లెక్కింపు ఉదయం 8 గంటల నుంచి ప్రారంభమవుతుందని కలెక్టర్‌ వివరించారు. ఎంపీటీసీ, జెడ్పీటీసీలకు 3న పోలింగ్‌ కలెక్టర్‌ మాట్లాడుతూ ఎంపీటీసీ, జెడ్పీటీసీలకు నోటిఫికేషన్‌ విడుదల అనంతరం నవంబర్‌ మూడవ తేదీన పోలింగ్‌ జరుగుతుందని, ఐదో తేదీన ఓట్ల లెక్కింపు ఉంటుందని చెప్పారు. గ్రామపంచాయతీ ఎన్నికలు మూడు దశలలో జరుగుతుందని, డిసెంబర్‌ రెండవ తేదీ నాటికి చివరి దశ పూర్తి అవుతుందని వివరించారు. జిల్లాలో మొత్తం 207 గ్రామ పంచాయతీలకు ఎన్నికలు జరుగుతాయన్నారు. గురువారం రాజకీయ పార్టీలతో సమావేశం నిర్వహిస్తామని కలెక్టర్‌ తెలిపారు. వీడియో కాన్ఫరెన్స్‌లో జాయింట్‌ కలెక్టర్‌ అశుతోష్‌ శ్రీవాస్తవ, జిల్లా రెవెన్యూ అధికారి ఎన్‌.ఎస్‌.కె. ఖాజావలి, జిల్లా అధికారులు పాల్గొన్నారు.

గుంటూరు లీగల్‌: గుంటూరు బార్‌ అసోసియేషన్‌న్‌కు చెందిన న్యాయవాదులు మహమ్మద్‌ మాజ్‌ షేక్‌, ఆలపాటి ఆకాష్‌, యడ్లపల్లి సాయిరామ్‌, చెవుల సచిన్‌లు రాష్ట్ర క్రికెట్‌ జట్టుకు ఎంపికై నట్లు ఇండియన్‌ అడ్వకేట్స్‌ స్పోర్ట్స్‌ అసోసియేషన్‌ కార్యవర్గ సభ్యుడు నరాల రమణమూర్తి బుధవారం ఒక ప్రకటనలో పేర్కొన్నారు. ఈ నెల 16 నుంచి 21వ తేదీ వరకు ఉత్తరప్రదేశ్‌ రాష్ట్రంలోని కాన్పూర్‌ నగరంలో జరిగే ఈ జాతీయ స్థాయి క్రికెట్‌ పోటీల్లో దేశవ్యాప్తంగా 14 రాష్ట్రాలకు చెందిన న్యాయవాదుల జట్లు పాల్గొననున్నాయి. ఆంధ్రప్రదేశ్‌ న్యాయవాదుల క్రికెట్‌ జట్టుకు మహమ్మద్‌ మాజ్‌ షేక్‌ను కెప్టెన్‌న్‌గా నియమించినట్లు తెలిపారు. ఆయన నాయకత్వంలో ఆంధ్రప్రదేశ్‌ జట్టు పోటీల్లో పాల్గొననుంది. జాతీయ స్థాయి క్రికెట్‌ పోటీలకు గుంటూరు బార్‌ అసోసియేషన్‌ నుంచి నలుగురు న్యాయవాదులు ఎంపిక కావడం గర్వకారణమని గుంటూరు బార్‌ అసోసియేషన్‌ అధ్యక్షుడు మధిర నాగేశ్వరరావు పేర్కొన్నారు. ఎంపికై న క్రీడాకారులకు గుంటూరు బార్‌ అసోసియేషన్‌ కార్యవర్గం అభినందనలు తెలియజేస్తూ, ఆంధ్రప్రదేశ్‌ జట్టు అత్యుత్తమ ప్రతిభ కనబరిచి విజేతగా నిలవాలని వారిని సన్మానించి అభినందనలు తెలిపారు. కార్యక్రమంలో సీనియర్‌ న్యాయవాది శాతరాసి ఏడుకొండలు వారికి ఆర్థిక సహాయంతో పాటు క్రికెట్‌ కిట్టును అందజేశారు. చేబ్రోలు: చేబ్రోలు మండలం వేజండ్లలో ప్రకృతి వ్యవసాయంలో సాగు చేస్తున్న పంటలను ఢిల్లీకి చెందిన సీఈఈడబ్ల్యూ(కౌన్సిల్‌ ఆఫ్‌ ఎన్విరాన్‌మెంట్‌ అండ్‌ ఎనర్జీ వాటర్‌) బృందం బుధవారం పరిశీలించింది. మండల పరిధిలోని వేజండ్ల గ్రామానికి చెందిన మహిళా రైతు వేజండ్ల రాణి ఆరేళ్ల నుంచి నిర్వహిస్తున్న పీఎండీఎస్‌ క్షేత్రంతో పాటు, ఈ ఏడాది చేపట్టిన పీఎండీఎస్‌ క్షేత్రం, రసాయన వ్యవసాయ క్షేత్రాన్ని బృందం సందర్శించింది. పంటల పెరుగుదల, మొక్కల దుబ్బులు, పంట ఆరోగ్యం తదితర అంశాలను పరిశీలించింది. పశుగ్రాసం కోసం పీఎండీఎస్‌ను వినియోగిస్తున్న రైతులతో బృందం సభ్యులు మాట్లాడారు. వరి, మిరప, కూరగాయలు సాగు చేస్తున్న రైతుల నుంచి సాగుకు ముందు, తర్వాత వచ్చిన మార్పులు, అనుభవాలు, భవిష్యత్‌లో ఈ విధానాన్ని కొనసాగించే ఆలోచనలపై వివరాలు సేకరించింది. మహిళా సంఘాల సభ్యులతోనూ చర్చించి, పోషకాహార కిట్ల తయారీ, ఉత్పత్తుల నిర్వహణ, ఆదాయం, ఆర్థిక లావాదేవీల గురించి తెలుసుకున్నారు. రైతులు తమ అనుభవాలను వాటిని నమోదు చేసుకున్నారు. క్షేత్రస్థాయి పరిశీలన, రైతుల అనుభవాల ద్వారా పీఎండీఎస్‌ సాగు విధానంపై అధ్యయనం చేసింది. ఎం.ఖన్నా, పి.బంజా, అడిషనల్‌ డీపీఎం సత్యనారాయణ, వైపీ రవితేజ, వీరలక్ష్మి, ప్రకృతి వ్యవసాయ సిబ్బంది, రైతులు పాల్గొన్నారు. మంగళగిరి రూరల్‌: విజయవాడకు చెందిన మటన్‌ వ్యాపారి షేక్‌ మస్తాన్‌ వలి రోడ్డు ప్రమాదంలో మృతి చెందాడు. మంగళగిరి మండల పరిధిలోని కాజా టోల్‌గేట్‌ సమీపంలో బుధవారం ఉదయం 6.30 గంటల సమయంలో ఈ ప్రమాదం జరిగింది. వివరాల్లోకి వెళితే... విజయవాడలో మటన్‌ షాపు నిర్వహిస్తూ జీవనం సాగిస్తున్న షేక్‌ మస్తాన్‌వలికి ప్రకాశం జిల్లా మేదరమెట్ల వద్ద ఫంక్షన్‌న్‌కు పెద్ద మొత్తంలో మటన్‌ ఆర్డర్‌ రావడంతో తన మారుతి సుజుకి సూపర్‌ క్యారీ కారులో మటన్‌ డెలివరీ చేసి తిరిగి వస్తున్నారు. ఈ క్రమంలో హైవే పై హ్యాపీ నేస్ట్‌ వద్ద ఎటువంటి హెచ్చరికలు, భద్రతా చర్యలు లేకుండా రోడ్డుపై నిలిపి ఉంచిన కంటైనర్‌ లారీని కారు ఢీకొట్టింది. ఈ ప్రమాదంలో షేక్‌ మస్తాన్‌ వలి అక్కడికక్కడే మృతి చెందగా, డ్రైవర్‌ షేక్‌ నూరుద్దీన్‌ తీవ్రంగా గాయపడ్డారు. క్షతగాత్రుడిని చికిత్స నిమిత్తం ఎన్నారై ఆసుపత్రికి తరలించారు. మృతుడి సోదరుడు అబ్దుల్‌ బాజి ఇచ్చిన ఫిర్యాదు మేరకు మంగళగిరి రూరల్‌ పోలీసులు కేసు నమోదు చేసి దర్యాప్తు చేస్తున్నారు.

తెనాలి: దుగ్గిరాల పసుపు మార్కెట్‌లో ధరలు భారీగా పెరిగాయి. మూడురోజుల కిందట ఒక్కసారిగా పెరిగిన ధర బుధవారం గరిష్టంగా క్వింటాలు ధర రూ.18,550 కాగా, సగటున రూ.18,051లకు కొనుగోలు చేశారు. మార్కెట్‌యార్డులో పసుపు కొమ్ములు 57.43 క్వింటాళ్లు, కాయ 90.19 క్వింటాళ్ల క్రయవిక్రయాలు జరిగాయి. ప్రస్తుతం పసుపు వ్యాపారానికి అన్‌సీజను కావటం, ఎగుమతుల్లో కదలిక వచ్చి నెలకొన్న డిమాండ్‌తో ధర హఠాత్తుగా పెరిగిందని చెబుతున్నారు. తెలంగాణ రాష్ట్రంలోని నిజామాబాద్‌ మార్కెట్‌లోనూ క్వింటాలు రూ.19 వేలకు పైగా అమ్మకాలు జరుగుతున్నట్టు సమాచారం. గత రెండు నెలలుగా పసుపు ధర క్వింటాలు రూ.13 వేల నుండి రూ.15 వేల వరకు మార్కెట్‌ నడిచింది. అక్టోబరు నెల ప్రవేశంతోటి రూ.15వేల వరకు పెరిగింది. ఈనెల 13న రూ.18,400లకు చేరుకుంది. బుధవారం మరో రూ.100 పెరుగుదల కనిపించింది. గతంలో వైఎస్‌ రాజశేఖరరెడ్డి హయాంలో క్వింటాలు పసుపు రూ.16 వేల వరకు అమ్మకాలు జరిగి, రైతులను ఆశల పల్లకీ ఎక్కించాయి. తర్వాతికాలంలో క్రమేపీ తగ్గుతూ వచ్చాయి. వైఎస్‌ జగన్‌మోహన్‌రెడ్డి ముఖ్యమంత్రిగా ఉండగా మద్దతు ధరను నిర్ణయించి కొనుగోలు చేయాల్సి వచ్చింది. ఆ తర్వాత మళ్లీ ఇప్పుడే పసుపు ధరల్లో భారీ పెరుగుదల కనిపిస్తోంది. 2026 ఖరీఫ్‌ సీజనుకు పసుపు చేలు 125 రోజుల దశలో ఉన్నాయి. గత సీజనులో పండించిన పసుపును రైతులు దాదాపు విక్రయించేశారు. ప్రస్తుతం రైతుల వద్ద పసుపు నిల్వలు లేవు. కోల్డ్‌ స్టోరేజిల్లో, ఇతర గిడ్డంగుట్లో ప్రైవేటు వ్యాపారులు చేసిన నిల్వలు మాత్రమే ఉన్నాయి. ధర మరింత పెరుగుతందనే భావనతో సరుకును ఉంచేశారు. అక్కడక్కడా చిన్న వ్యాపారులు మాత్రమే సరుకును మార్కెట్‌యార్డుకు తీసుకొస్తున్నారు. పసుపు రాకపోవటంతో మార్కెట్‌యార్డులో కొనుగోళ్లు కూడా జరగటం లేదు. ప్రస్తుతం పెరిగిన ధర వారికి మాత్రమే లాభిస్తుందని చెబుతున్నారు. ఈ పెరుగుదల నిలకడగా, పసుపు పంట చేతికొచ్చే వరకు ఉండాలని రైతులు కోరుకుంటున్నారు.

జిల్లా కలెక్టర్‌ డాక్టర్‌ వి.వినోద్‌కుమార్‌ బాపట్ల: ఎల్‌నినో ప్రభావంతో జిల్లాలోని పంట భూములు బీడు భూములుగా మారకుండా తగు చర్యలు తీసుకోవాలని జిల్లా కలెక్టర్‌ డాక్టర్‌ వినోద్‌కుమార్‌ వ్యవసాయ అధికారులకు సూచించారు. బుధవారం కలెక్టరేట్‌లోని వీక్షణ సమావేశం మందిరంలో సంబంధిత అధికారులతో ఆయన వీక్షణ సమావేశం నిర్వహించారు. జిల్లా కలెక్టర్‌ మాట్లాడుతూ జిల్లాలో ఎలినినో ప్రభావంతో ఏ ఒక్క పంట భూమి కూడా బీడు పడకుండా పిఎండిఎస్‌ ద్వారా కానీ, పశువులకు ఉపయోగపడే పశుగ్రాసంగా కానీ భూమిలో పంట వేసి పచ్చదనం ఉండే విధంగా చర్యలు తీసుకోవాలని అధికారులను ఆదేశించారు. భూములు పచ్చదనంగా ఉంటే వాటి ప్రభావంతో ఎల్‌నినో కొంతమేర తగ్గే అవకాశం ఉందని ఆయన అన్నారు. జిల్లాలో ప్రతి మండలంలో పంట భూములు ఖాళీ లేకుండా ఏదో ఒక పంటతో పచ్చదనం ఉండే విధంగా పర్యవేక్షణ చేయాలన్నారు. జిల్లాలోని ప్రతి మండలంలో ఎల్‌నినో ప్రభావంపై తీసుకున్న చర్యలు, ప్రకృతి వ్యవసాయం ఎన్ని ఎకరాలలో వేసేందుకు తీసుకున్న చర్యలపై జిల్లా కలెక్టర్‌ అధికారులను ఆరా తీశారు. వ్యవసాయం, పి ఎం డి ఎస్‌, ఏటీఎం, క్యాపిటల్‌ బ్లాక్‌ లపై గల లక్ష్యాలు, సాధించిన వివరాలపై నివేదిక అందజేయాలని, జిల్లాలోని 20 మండలాల్లో ప్రకృతి వ్యవసాయం ఎన్ని ఎకరాలలో సాగు, ఏ పద్ధతి పాటించారు, ఏ పంట వేశారు, రైతు పేరు మొదలగు నిర్దిష్ట నమూనా నందు పొందుపరిచి అందజేయాలని ఆయన అధికారులను ఆదేశించారు. రైతు ఈ కేవైసీ వేగవంతం చేయాలని అన్నారు. ఏపీ ఎఫ్‌ ఆర్‌ రిజిస్ట్రేషన్లు పూర్తి చేయాలన్నారు. ప్రతిరోజు ఒక మండలంలో తనిఖీ చేసి పిఎండిఎస్‌ పై రైతులకు అవగాహన పెంచాలని ఆయన అన్నారు. సమావేశంలో జిల్లా వ్యవసాయ అధికారి లక్ష్మి, ఉద్యాన శాఖ అధికారి ఖలీమ్‌, జిల్లా ప్రకృతి వ్యవసాయ ప్రాజెక్టు మేనేజర్‌ సుమతి, ఇతర వ్యవసాయ సిబ్బంది, వీక్షణ సమావేశం ద్వారా అన్ని మండల వ్యవసాయ అధికారులు, తదితరులు పాల్గొన్నారు.

బాపట్ల: జిల్లాలోని వివిధ రంగాల అభివృద్ధికి, ప్రజల ఆర్థిక పురోగతికి తోడ్పడేలా రూ.15,765 కోట్ల రుణ లక్ష్యంతో రూపొందించిన బాపట్ల జిల్లా వార్షిక క్రెడిట్‌ ప్రణాళిక పుస్తకాన్ని జిల్లా కలెక్టర్‌ డాక్టర్‌ వి.వినోద్‌ కుమార్‌ కలెక్టరేట్‌లోని వీక్షణ సమావేశ మందిరంలో ఆవిష్కరించారు. జిల్లా కలెక్టర్‌ మాట్లాడుతూ జిల్లాలో వ్యవసాయం, వ్యవసాయ అనుబంధ రంగాలు, సూక్ష్మ, చిన్న, మధ్యతరహా పరిశ్రమలు, విద్య, గృహ నిర్మాణం, స్వయం ఉపాధి తదితర రంగాలకు బ్యాంకుల ద్వారా రుణాలు అందించడమే ఈ ప్రణాళిక ప్రధాన ఉద్దేశమని ఆయన అన్నారు. రైతులకు పంట రుణాలు, వ్యవసాయ యాంత్రీకరణ, పశుసంవర్ధక, మత్స్య రంగాల అభివృద్ధితో పాటు చిన్న వ్యాపారులు, పారిశ్రామికవేత్తలు, మహిళా స్వయం సహాయక సంఘాలు, నిరుద్యోగ యువతకు రుణ సదుపాయాలు కల్పించడం ద్వారా ఉపాధి అవకాశాలను పెంపొందించేందుకు ప్రణాళిక దోహదపడుతుందని అన్నారు. బ్యాంకర్లు, వివిధ ప్రభుత్వ శాఖల అధికారులు సమన్వయంతో పనిచేస్తూ నిర్దేశించిన రుణ లక్ష్యాలను సాధించాలని ఆయన అన్నారు. ఈ కార్యక్రమంలో ఎల్‌డీఎం శివకృష్ణ, వ్యవసాయ శాఖ అధికారి లక్ష్మి, ఉద్యాన శాఖ అధికారి ఖలీం, ప్రకృతి వ్యవసాయ ప్రాజెక్టు మేనేజర్‌ సుమతి తదితరులు పాల్గొన్నారు. జిల్లా కలెక్టర్‌ డాక్టర్‌ వి.వినోద్‌కుమార్‌

బాపట్ల: బాపట్ల జిల్లా పరిషత్‌ చైర్మన్‌ పీఠం జనరల్‌ మహిళను వరించనుంది. ఈ మేరకు ఎన్నికల కమిషన్‌ రిజర్వేషన్‌ ఖరారు చేసింది. దీంతో రాజకీయంగా వాతావరణం వేడెక్కింది. ఎంపీపీ రిజర్వేషన్లు ఇవీ మండలాలవారీగా అమర్తలూరు – ఎస్సీ (మహిళ), బాపట్ల – జనరల్‌, భట్టిప్రోలు– బీసీ (మహిళ), చెరుకుపల్లి – బీసీ, చిన్నగంజాం – జనరల్‌ (మహిళ), చీరాల – జనరల్‌ (మహిళ), ఇంకొల్లు – జనరల్‌(మహిళ), కారంచేడు – ఎస్సీ, కర్లపాలెం – జనరల్‌, కొల్లూరు – ఎస్సీ, మార్టూరు – ఎస్సీ (మహిళ), నగరం – బీసీ (మహిళ), నిజాంపట్నం – బీసీ, పర్చూరు – జనరల్‌, పిట్టలవానిపాలెం – జనరల్‌ (మహిళ), రేపల్లె – బీసీ, టి.చుండూరు – జనరల్‌, వేమూరు – జనరల్‌ (మహిళ), వేటపాలెం – ఎస్టీ(మహిళ), యద్దనపూడి – జనరల్‌కు కేటాయించారు. జిల్లాలో రిజర్వేషన్ల ఖరారుతో వేడెక్కిన రాజకీయం

ఆందోళనకు దిగిన మహిళలు చీరాల: పట్టణంలోని పేరాల మసీదు సమీపంలో నూతనంగా ఏర్పాటు చేస్తున్న మద్యం షాపు ఏర్పాటుపై స్థానిక మహిళలు తీవ్రంగా వ్యతిరేకించారు. పేరాల మసీదు సెంటర్‌లో నూతనంగా ఏర్పాటు చేస్తున్న మద్యం షాపు వద్దని దళిత బహుజన పార్టీ రాష్ట్ర అధ్యక్షుడు షేక్‌ జిలాని ఆధ్వర్యంలో బుధవారం స్థానిక పేరాల సెంటర్‌ మహిళలు ధర్నా నిర్వహించారు. ఆయన మాట్లాడుతూ పేరాల మసీదు సమీపంలో మద్యం షాపు ఏర్పాటు చేయడం వలన ప్రజల రాకపోకలకు తీవ్ర ఇబ్బందులు ఎదురయ్యే అవకాశం ఉందన్నారు. మసీదుకు వచ్చే ముస్లింలకు కూడా తీవ్ర అసౌకర్యం కలుగుతుందన్నారు. ఇప్పటికే ఆ ప్రాంతంలో ఒక మద్యం షాపు ఉందని, అదే ప్రాంతంలో మరో మద్యం షాపును నూతనంగా ఏర్పాటు చేయడం వలన ఇబ్బందులు తలెత్తుతాయన్నారు. నిత్యం రద్దీగా ఉండే కారంచేడు గేటు సమీపంలో ఉన్న మద్యం షాపు వలన తరచూ సమస్యలు తలెత్తుతున్నాయని, ప్రస్తుతం మరో షాపు ఏర్పాటు చేయడం వలన సమస్యలు మరింత పెరుగుతాయన్నారు. అదే ప్రాంతంలో ప్రార్థనా మందిరాలు, బ్యాంకులు ఉన్నాయని, నిత్యం రద్దీగా ఉండే ప్రాంతంలో మద్యం షాపు ఏర్పాటు చేయడం వలన సమస్యలు వస్తాయన్నారు. వేరే ప్రాంతంలో ఏర్పాటు చేసుకోకుండా రద్దీ ప్రాంతంలో ఏర్పాటు చేయడాన్ని వ్యతిరేకిస్తున్నట్లు తెలిపారు. ఈ ప్రాంతంలో మద్యం షాపు వద్దంటూ కలెక్టర్‌కు, ఎకై ్సజ్‌ సూపరిండెంటెండ్‌కు వినతిపత్రాలు అందించామన్నారు. అయితే అధికారులు ఎటువంటి చర్యలు తీసుకోలేదన్నారు. మహిళలు కూడా పెద్ద సంఖ్యలో మద్యం షాపు ఏర్పాటు చేయవద్దంటూ నినాదాలు చేసి రోడ్డుపై రాస్తారోకో నిర్వహించారు. తక్షణమే మద్యం షాపు ఏర్పాటును నిలిపివేయాలని, లేకుంటే ఆందోళన ఉధృతం చేస్తామని హెచ్చరించారు. రాస్తారోకో నిర్వహించడంతో కొంత సమయం పాటు ట్రాఫిక్‌ నిలిచిపోయింది. అనుమతి లేకుండా రోడ్డుపై ధర్నా చేయడంతోపాటు ట్రాఫిక్‌కు అంతరాయం కలిగించడంపై టూటౌన్‌ పోలీసులు షేక్‌ జిలాని, మరో నలుగురుపై కేసు నమోదు చేసినట్లు టూటౌన్‌ సీఐ శశికుమార్‌ తెలిపారు.

బాపట్ల: బాపట్ల మున్సిపాల్టీలో వార్డుల విభజనలో శాసీ్త్రయతలేదని మాజీ డిప్యూటీ స్పీకర్‌ కోన రఘుపతి పేర్కొన్నారు. బుధవారం స్థానిక పార్టీ కార్యాలయంలో ఏర్పాటుచేసిన సమావేశంలో కోన రఘుపతి మాట్లాడారు. బాపట్ల కేంద్రంగా జిల్లాను సాధించుకోవటంతోపాటు గ్రామీణ ప్రాంతాలను కలపటం వలన స్పెషల్‌ గ్రేడ్‌ మున్సిపాల్టీగా మారేందుకు అవకాశాలను వైఎస్సార్‌సీపీ కల్పించిందన్నారు. ఈమేరకు జనాభా సంఖ్య పెరగటంతో నిధులు కూడా వచ్చే అవకాశాలు తీసుకువచ్చామని కోన చెప్పారు. ఈమేరకు 1.07 లక్షల మంది బాపట్ల జనాభాగా చూపించి అమృత పథకం నుంచి రూ.24 కోట్లు తీసుకున్న పాలవర్గం ఇప్పుడు లక్షలోపు జనాభాకు విభజించే 44 వార్డులకే పరిమితం కావటం ఆశ్చర్యంగా ఉందన్నారు. లక్షజనాభాకు మించి ఉంటే 48వార్డులు వచ్చేఅవకాశం ఉండగా వాటిని జారవిడుచుకోవటం సరికాదన్నారు. వార్డుల జనాభా విభజన కూడా సక్రమంగా ఉంటుందని ఆయన తెలిపారు.వార్డుల విభజనలో డోర్‌నెంబరు,వీధిపేర్లు ఉదహరించకుండా సర్వే నెంబర్లుతో ఏవిధంగా వార్డులను విభజిస్తారని ఆయన ప్రశ్నించారు.ఆశాసీ్త్రయంగా విభజించిన వార్డుల వలన లీగల సమస్యలను తెచ్చుకునేందుకు అవకాశం ఉందని ఆయన పేర్కొన్నారు.ఎన్నికల నిబంధనలను కూడా తుంగలో తొక్కేవిధంగా వార్డుల విభజన ఉందని కోన పేర్కొన్నారు. సమావేశంలో పార్టీ పట్టణ,మండల అధ్యక్షులు కాగిత సుధీర్‌బాబు, మరుప్రోలు ఏడుకొండలరెడ్డి, జిల్లా ఉపాధ్యక్షులు కోకి రాఘవరెడ్డి, పార్టీ నాయకులు ఇనగలూరి మాల్యాద్రి, నక్కా వీరారెడ్డి,కొక్కిలిగడ్డ చెంచయ్య,చల్లా రామయ్య, నర్రావుల వెంకట్రావు, గంగిశెట్టి రత్తయ్య,చెరుకూరి కిరణ్‌,జోగి రాజా తదితరులు ఉన్నారు. మాజీ డిప్యూటీ స్పీకర్‌ కోన రఘుపతి

తాడేపల్లి రూరల్‌: తాడేపల్లి పట్టణ పరిధిలోని సీతానగరంలో ఉన్న విజయకీలాద్రి దివ్య క్షేత్రంపై సంతానలక్ష్మి అమ్మవారికి బుధవారం ప్రత్యేక పూజలు నిర్వహించారు. శరన్నవరాత్రోత్సవాలలో భాగంగా నాలుగో రోజు సంతానలక్ష్మి అమ్మవారికి అభిషేక మహోత్సవం, కుంకుమార్చన శాస్త్రోక్తంగా నిర్వహించారు. అనంతరం అమ్మవారికి శ్రీయాగం వైభవంగా జరిగింది. సాయంత్రం 5.30 గంటలకు విష్ణు సహస్రనామ స్తోత్ర పారాయణం, సంతానలక్ష్మి అమ్మవారికి పల్లకీసేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో పాల్గొని ధనలక్ష్మి అమ్మవారిని దర్శించుకుని తీర్థ ప్రసాదాలు స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనాలతో ఉత్సవాలు వైభవంగా నిర్వహిస్తున్నట్లు తెలిపారు. గుంటూరు లీగల్‌: బాలిక సాధికారత సాధిస్తే సమాజం అభివృద్ధి చెందుతుందనే మాటను కేవలం నినాదంగా కాకుండా ఆచరణలో పెట్టాలని జిల్లా న్యాయ సేవాధికార సంస్థ కార్యదర్శి సయ్యద్‌ జియాఉద్దీన్‌ అన్నారు. జాతీయ, రాష్ట్ర న్యాయ సేవాధికార సంస్థ ఆదేశాల మేరకు జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ బి.సాయి కల్యాణ చక్రవర్తి ఆదేశాల మేరకు బుధవారం అంతర్జాతీయ బాలికా దినోత్సవాన్ని నిర్వహించారు. ఇందులో సయ్యద్‌ జియాఉద్దీన్‌ మాట్లాడుతూ బాలికలకు విద్య, ఆరోగ్యం, గౌరవం, భద్రత, సమానత్వం అనేవి ఎవరో ఇచ్చే బహుమతులు కావన్నారు. అవి వారి హక్కులని అన్నారు. బాలికలపై లైంగిక వేధింపులు, బాల్యవివాహాలు, అక్రమ రవాణా, బాల కార్మిక వ్యవస్థ, లింగ వివక్ష, సైబర్‌ వేధింపులు వంటి సమస్యలను తీవ్రంగా పరిగణించాలన్నారు. చట్టాలు ఉంటే సరిపోదని, వాటి గురించి ప్రజలకు అవగాహన ఉండాలని పేర్కొన్నారు. జిల్లా న్యాయ సేవాధికార సంస్థ ద్వారా ఉచిత న్యాయ సహాయం పొందవచ్చని తెలిపారు. జిల్లా బాలల పరిరక్షణ అధికారి విజయ్‌కుమార్‌, ప్యానెల్‌ అడ్వకేట్‌ కట్టా కాళిదాసు మాట్లాడుతూ బాలికా దినోత్సవం ప్రాముఖ్యతను వివరించారు. వారికి ఉన్న హక్కులు, చట్టాలపై మరింత అవగాహన కల్పించారు. కార్యక్రమంలో సాంఘిక సంక్షేమ శాఖ సూపరింటెండెంట్‌, చైల్డ్‌ వెల్ఫేర్‌ కమిటీ మెంబర్‌, స్టేక్‌ హోల్డర్స్‌, పోలీస్‌ శాఖ, వివిధ సంస్థల సిబ్బంది, సచివాలయం స్టాఫ్‌, ప్యానెల్‌ అడ్వకేట్స్‌, పారా లీగల్‌ వలంటీర్స్‌, జిల్లా న్యాయ సేవాధికార సంస్థ సిబ్బంది పాల్గొన్నారు. చీరాల ఎంపీడీవో కార్యాలయం ముందు నోటీస్‌ చీరాల టౌన్‌: దసరా వచ్చిందంటే వివిధ శాఖల్లో పనిచేసే అవుట్‌ సోర్సింగ్‌ ఉద్యోగులు, ప్రభుత్వ, ప్రైవేటు కార్మికులు, రోజువారీ కూలీలు దసరా మామూళ్లను అడుగుతుంటారు. ఇది చాలా కాలం నుంచి ఆచారంగా వస్తోంది. అయితే చీరాల ఎంపీడీవో కార్యాలయం ముందు మాత్రం దసరా చందాలు ఇవ్వబడవు.... ఎవ్వరూ కార్యాలయంలోకి రావద్దని ప్రత్యేకంగా నోటీస్‌ ఏర్పాటు చేశారు. ఓ వైపు స్థానిక ఎన్నికలకు కోడ్‌ కూసింది. మరో వైపు మండల పరిషత్‌, జిల్లా పరిషత్‌ ప్రాదేశికాల ఎన్నికలు, గ్రామ పంచాయతీల ఎన్నికలు, వార్డు మెంబర్లు ఎన్నికలకు నోటిఫికేషన్‌ విడుదల అయ్యింది. వివిధ గ్రామాల ప్రజలు నిత్యం వచ్చే మండల పరిషత్‌ అభివృద్ధి కార్యాలయం ముందు ఏర్పాటు చేసిన ‘నోటీస్‌’ను అందరూ ఆసక్తిగా తిలకిస్తున్నారు.

గుంటూరు మెడికల్‌: ఆధునిక జీవన శైలి పెరిగింది. ఉరుకులు పరుగుల జీవితం. 25 ఏళ్లకే రొమ్ము క్యాన్సర్‌ బాధితులుగా మారుతున్నారు. విద్యావంతులు, చదువులేనివారు అనే తేడా లేదు. నిర్లక్ష్యంగా ఉండటం వలన ప్రతి ఏడాది కేసులు పెరుగుతున్నాయి. ప్రతి ఏడాది అక్టోబర్‌ నెలను బ్రెస్‌ క్యాన్సర్‌ అవగాహన మాసంగా నిర్వహిస్తున్నారు. వ్యాధి కారణాలు జన్యుపరమైన కారణాలు. వాతావరణంలో వస్తున్న మార్పులు. అధిక బరువు. ఆల్కహాల్‌, పొగాకు వినియోగం. 30 ఏళ్ల వరకు గర్భం దాల్చకపోవడం. అసలు గర్భం దాల్చని వారికి ముప్పుపొంచిఉంది. చిన్న వయసులోనే రజస్వల అవ్వటం, ఆలస్యంగా నెలసరి ఆగిన వారికి వచ్చే అవకాశం ఉంది. కుటుంబంలో ఎవరికై నా క్యాన్సర్‌ ఉంటే ఇతర కుటుంబ సభ్యులకు వచ్చే అవకాశం. సంతానం అప్పుడే వద్దు అనుకొని దంపతులు మందులు వాడకం వలన రొమ్ము క్యాన్సర్‌ వచ్చే అవకాశం ఉంది. రొమ్ములో ఉండే ప్రతి గడ్డ క్యాన్సర్‌ గడ్డ కాదు. అయితే ప్రతి గడ్డను కూడా అశ్రద్ధ చేయకుండా వైద్యుడిని సంప్రదించి పరీక్ష చేయించుకోవటం ద్వారా నిర్ధారించుకోవచ్చు. లక్షణాలు ఏమంటే.. రొమ్ము, చంకలో గడ్డలు ఉంటే అనుమానించాలి. రొమ్ములపై చర్మం ముడతలు పడటం. గట్టిగా మారడం, గుంతలు పడటం. నారింజ రంగులోకి మారితే అనుమానించాలి. చనుమొనలు నొక్కితే సరిగా లోపలికి వెళ్లకపోయినా, సైజుల్లో తేడాలు ఉన్నా వైద్యులను సంప్రదించాలి. చనుమొనల నుంచి తెలుపు, పసుపు, ఎరుపు రంగుల్లో ఏదైనా ద్రవం బయటకు వస్తే రొమ్ము ఛాతిపై ఉన్న చర్మం లోపలికి వెళ్లి చర్మం చొట్టలు పడుతుంది. బ్రెస్ట్‌ నిపుల్స్‌ చుట్టూ ఉండే చర్మం పొలుసులుగా మారి రాలి పోతుంది. మెమోగ్రామ్‌ పరీక్షలు చేయించుకున్నవారి వివరాలు ... జీజీహెచ్‌లో రొమ్ము క్యాన్సర్‌ నిర్ధారణ పరీక్ష మెమోగ్రామ్‌ 2023లో 368 మంది, 2024లో 381 మంది, 2025లో 425 మంది ఉన్నారు. రొమ్ము క్యాన్సర్‌తో బాధపడుతూ 2022లో 34 మంది, 2023లో 73 మంది, 2024లో 69 మంది, 2025లో 87 మంది రొమ్ము క్యాన్సర్‌ ఆపరేషన్‌ చేయించుకున్నారు. నాట్కో క్యాన్సర్‌ సెంటర్‌లో ఉచితంగా క్యాన్సర్‌ ఆపరేషన్లు చేస్తున్నాం. కొంత మందికి ప్రాథమిక దశలోనే రొమ్ము క్యాన్సర్‌ను గుర్తించి ప్రాణాంతకం కాకుండానే వ్యాధి నుంచి విముక్తి కల్పించాం. 24 గంటలు కార్పొరేట్‌ ఆస్పత్రుల కంటే ధీటుగా వైద్యసేవలు ఉన్నాయి. చివరి దశలో ఉన్నవారు ప్రత్యేక వైద్య సేవలు అందించేందుకు వంద పడకలతో మరో క్యాన్సర్‌ సెంటర్‌ నిర్మాణం జీజీహెచ్‌లో చేస్తున్నాం. – నన్నపనేని సదాశివరావు, నాట్కో ట్రస్ట్‌ ఎగ్జిక్యూటివ్‌ వైస్‌ ప్రెసిండెంట్‌ క్యాన్సర్‌ను ప్రాథమిక దశలోనే గుర్తించేందుకు తప్పనిసరిగా మహిళలంతా మెమోగ్రామ్‌, బయాప్సి స్క్రీనింగ్‌ పరీక్షలు చేయించుకోవాలి. కుటుంబంలో ఎవరికై నా క్యాన్సర్‌ ఉంటే ఇతర కుటుంబ సభ్యులకు వచ్చే అవకాశాలు ఉన్న దృష్ట్యా ముందస్తుగా జనటిక్‌ పరీక్ష చేయించాలి. మగవారికి కూడా రొమ్ము క్యాన్సర్లు వచ్చే అవకాశం ఉన్న దృష్ట్యా వీరు కూడా స్క్రీనింగ్‌ పరీక్ష చేయించుకోవాలి. రొమ్ము క్యాన్సర్‌లకు రేడియేషన్‌ థెరఫీ, కిమో థెరఫీ, ఆపరేషన్‌లు అందుబాటులో ఉన్నాయి. –డాక్టర్‌ బైరపనేని స్రవంతి, క్యాన్సర్‌ వైద్య నిపుణులు, గుంటూరు

పెదకాకాని: శ్రీకనకదుర్గ అమ్మవారి ఆశీస్సులు ప్రజలందరిపై ఉండాలని, పాడి పంటలతో వర్థిల్లాలని వైఎస్సార్‌ సీపీ రాష్ట్ర అధికార ప్రతినిధి ఆరె శ్యామల ఆకాంక్షించారు. పెదకాకాని మండలంలోని వెనిగండ్ల వేమారెడ్డి గుడి వద్ద ఏర్పాటు చేసిన ప్రత్యేక పందిరిలో కనకదుర్గ అమ్మవారికి ప్రత్యేక పూజలు చేస్తున్నారు. మంగళవారం రాత్రి జరిగిన పూజా కార్యక్రమాల్లో ఆరె శ్యామల పాల్గొన్నారు. స్థానిక నాయకులు అతిథులకు సాదర స్వాగతం పలికారు. అర్చకులు అమ్మవారికి ఆరె శ్యామల చేతుల మీదుగా పూజలు జరిపించారు. అనంతరం గోత్రనామ పూజలు చేసి తీర్థ ప్రసాదాలు అందజేశారు. పూజా కార్యక్రమాల్లో మాజీ సర్పంచి కొండమడుగుల శ్రీనివాసరెడ్డి, మాజీ ఉప సర్పంచి కె.వెంకటరెడ్డి, చాగంటి మురళీమోహన్‌రెడ్డి, వేల్పుల నాగరాజు, మున్నంగి రవి, మాకిరెడ్డి గోపీరామ్‌రెడ్డి(ఎంజీఆర్‌), ఆత్మకూరి తిరుమలరెడ్డి, కొండా వేమారెడ్డి తదితరులు పాల్గొన్నారు.

పొన్నూరు: వైఎస్సార్‌ కాంగ్రెస్‌ పార్టీ అధినేత, మాజీ సీఎం వైఎస్‌ జగన్‌మోహన్‌రెడ్డి ఆదేశాల మేరకు పార్టీ పొన్నూరు నియోజక వర్గ పరిశీలకుడిగా ఎమ్మెల్సీ మురుగుడు హనుమంతరావు నియమితులయ్యారు. ఈ మేరకు మంగళవారం పార్టీ కేంద్ర కార్యాలయం నుంచి ప్రకటన వెలువడింది. నేడు కొల్లిపరలో స్వామినాథన్‌ ఫౌండేషన్‌ బృందం పర్యటన కొరిటెపాడు (గుంటూరు): కొల్లిపర మండలంలో ప్రకృతి వ్యవసాయ విధానాలను స్వామినాథన్‌ ఫౌండేషన్‌ సభ్యులు బుధవారం పరిశీలించనున్నారు. ఈ మేరకు ప్రకృతి వ్యవసాయం డీపీఎం రాజకుమారి మంగళవారం ఒక ప్రకటన విడుదల చేశారు. మండలంలోని తూములూరు, దవులూరుపాలెం గ్రామాల్లో పర్యటించి, ప్రకృతి వ్యవసాయ పద్ధతుల్లో సాగు చేస్తున్న పసుపు, అరటి, బొప్పాయి పంటలను పరిశీలించనున్నట్లు తెలిపారు. అదేవిధంగా పౌష్టికాహార వనాలను సందర్శించి, ప్రకృతి వ్యవసాయ విధానాల అమలును అధ్యయనం చేయనున్నట్లు పేర్కొన్నారు. మరోవైపు, న్యూఢిల్లీకి చెందిన సెంటర్‌ ఫర్‌ ఎనర్జీ, ఎన్విరాన్‌మెంట్‌ అండ్‌ వాటర్‌ (సీఈఈడబ్ల్యూ) బృందం కూడా జిల్లాలో పర్యటించనున్నట్లు రాజకుమారి వెల్లడించారు. హత్యాయత్నం కేసులో నిందితులు అరెస్టు తాడేపల్లి రూరల్‌: తాడేపల్లి రూరల్‌ పరిధిలోని పెనుమాక గ్రామంలో ఇరువురు వ్యక్తుల మధ్య పాత కక్షల నేపథ్యంలో గ్రామానికి చెందిన ఓ వ్యక్తిని హత్య చేసేందుకు రెక్కి నిర్వహించిన కేసులో ముగ్గురు వ్యక్తులను తాడేపల్లి పోలీసులు మంగళవారం అరెస్టు చేసి కోర్టులో హాజరు పరిచారు. సేకరించిన సమాచారం మేరకు పెనుమాకు చెందిన కొల్లు శేషు, తమ్మా రామిరెడ్డి ఇరువురు స్నేహితులు, వీరివురి మధ్య గత వారం రోజుల క్రితం స్థలం విషయంలో గొడవ జరగడంతో తమ్మా రామిరెడ్డి అతని మిత్రుడు శేషును హత్య చేయాలనే ఉద్దేశంతో తన అనుచరులతో హత్యాయత్నంకు ప్రయత్నించారు. పోలీసులకు సమాచారం అందడంతో ఎలాంటి అవాంచనీయ సంఘటన జరుగకుండా తమ్మా రామిరెడ్డి, పాతూరు ప్రతాప్‌, తిరుమలరావులను అరెస్టు చేసి మంగళగిరి కోర్టులో హాజరు పరచగా, ఈనెల 25వ తేదీ వరకు రిమాండ్‌ విధించారు. పెట్రోలుతో బైక్‌ దొంగ హల్‌చల్‌ తెనాలిరూరల్‌: పోలీస్‌స్టేషన్‌ ఎదుట ఒంటిపై పెట్రోలు పోసుకుని బైక్‌ దొంగ హల్‌చల్‌ చేశాడు. పట్టణ చినరావూరుతోటకు చెందిన బైక్‌ మెకానిక్‌ పలు బైక్‌ చోరీ కేసుల్లో నిందితుడిగా ఉన్నాడు. రెండు నెలల కిందట ఒక కస్టమరు తన బైక్‌ను రిపేరు చేసివ్వమని ఇచ్చాడు. అటు బైక్‌ రిపేరు చేయనూలేదు, వాహనాన్ని ఇప్మంటే అ్పగించకపోతుండడంతో వాహన యజమాని పోలీసులను ఆశ్రయించాడు. బై చోరీలకు ప్పాడే యువకుడి తండ్రిని పిలిపించిన వన్‌ టౌన్‌ పోలీసులు కస్టమర్‌ వాహనాన్ని అప్పగించాలని సూచించారు. ఇదే విషయాన్ని తన కుమారుడికి చెప్పగా, సదరు బైక్‌ దొంగ పెట్రోలుతో పోలీసుస్టేషన్‌ వద్దకు చేరుకుని ఒంటి మీద పెట్రోలు పోసుకుని హల్‌చల్‌ చేశాడు. పోలీసులు నీళ్లు పోసి సర్ధిచెప్పి పంపారు. భార్యను వేధిస్తున్న భర్తపై కేసు తెనాలిరూరల్‌: మరో మహిళతో వివాహేతర సంబంధం ఏర్పరచుకుని భార్యను వేధిస్తున్న భర్తపై కేసు నమోదైంది. పోలీసుల కథనం మేరకు వివరాలిలా ఉన్నాయి. పట్టణ నాజరుపేటకు చెందిన పవన్‌, సంధ్యలకు 15 ఏళ్ల కిందట వివాహమైంది. భర్త ఐదేళ్లుగా ఏ పని చేయడం లేదు. సంధ్య పుట్టింటి వారు కుటుంబ పోషణ, పిల్లల చదువు ఖర్చులు చూసుకుంటున్నారు. మరో మహిళతో వివాహేతర సంబంధం పెట్టుకుని భారయను తరచూ వేధిస్తూ పుట్టింటి నుంచి డబ్బులు తీసుకురమ్మంటూ దాడి చేస్తున్నాడు. ఇదేమని ప్రశ్నించేందుకు వచ్చిన అత్తపైనా దాడి చేసి గాయపర్చాడు. భార్య ఫిర్యాదు మేరకు భర్తపై వన్‌ టౌన్‌ ఎస్‌ఐ రాజ్యం కేసు మంగళవారం రాత్రి నమోదు చేశారు. లారీని బైక్‌ ఢీకొని వ్యక్తి మృతిమేడికొండూరు: మండల పరిధిలోని పేరేచర్ల గ్రామ శివారులో మంగళవారం తెల్లవారుజామున జరిగిన రోడ్డు ప్రమాదంలో ఓ యువకుడు మృతి చెందాడు. వివరాల ప్రకారం.. విశదల గ్రామానికి చెందిన దొడ్డ సుధీర్‌ (24) గుంటూరులోని ఓ మెడికల్‌ షాపులో రాత్రి విధులు ముగించుకుని పల్సర్‌ బైక్‌పై స్వగ్రామానికి బయలుదేరాడు. ఈ క్రమంలో పేరేచర్ల గ్రామ శివారులో ముందు వెళ్తున్న లారీని వెనుక నుంచి బైక్‌ ఢీకొట్టింది. ప్రమాదంలో తీవ్రంగా గాయపడిన సుధీర్‌ అక్కడికక్కడే మృతి చెందాడు. సమాచారం అందుకున్న పోలీసులు ఘటనా స్థలానికి చేరుకుని ప్రమాదానికి సంబంధించిన వివరాలను సేకరించారు. ఘటనపై కేసు నమోదు చేసి దర్యాప్తు చేపట్టేందుకు పోలీసులు చర్యలు తీసుకుంటున్నారు.

మంగళగిరి టౌన్‌: రాష్ట్రంలో మాదకద్రవ్యాల అక్రమ రవాణా, విక్రయాలను అరికట్టడంతోపాటు యువతను డ్రగ్స్‌ బారి నుంచి రక్షించేందుకు డ్రగ్స్‌ కంట్రోల్‌ అడ్మినిస్ట్రేషన్‌, ఈగల్‌ విభాగాల మధ్య సమన్వయాన్ని మరింత బలోపేతం చేయాలని నిర్ణయించినట్లు ఈగల్‌ చీఫ్‌ ఐజీ ఆకే రవికృష్ణ, డీసీఏ డైరెక్టర్‌ జనరల్‌ పి.అరుణ్‌బాబు పేర్కొన్నారు. మంగళగిరి పట్టణంలోని ఈగల్‌ ప్రధాన కార్యాలయంలో మంగళవారం ఉన్నతాధికారులతో సమావేశం నిర్వహించారు. ఈ సందర్భంగా వారు మాట్లాడుతూ ఎన్‌ఆర్‌ఎక్స్‌ మందులు, ఓపియాయిడ్స్‌ దుర్వినియోగాన్ని అరికట్టడం, ఔషధాల అక్రమ సరఫరాపై నిఘా పెంచడం, సమాచార మార్పిడి, సంయుక్త తనిఖీలను విస్తృతం చేయడంపై దృష్టి సారించామని తెలిపారు. గంజాయి సహా ఇతర మాదకద్రవ్యాల అక్రమ రవాణా, విక్రయాలను నిరోధించేందుకు ఆపరేషన్‌ గరుడ వంటి కార్యక్రమాలను సమర్థంగా అమలు చేయాలని నిర్ణయించినట్లు పేర్కొన్నారు. నేలబావిలో గుర్తుతెలియని మృతదేహం తాడేపల్లి రూరల్‌: కృష్ణా కెనాల్‌–తాడేపల్లి ప్రధాన రహదారి మధ్యలో ఉన్న ఓ నేలబావిలో మృతదేహం కలకలం రేపింది. మంగళవారం బావిలో మృతదేహం ఉన్నట్లు తాడేపల్లి పోలీసులకు సమాచారం అందింది. తొలుత ఘటన తమ పరిధిలోకి రాదని, రైల్వే పోలీసుల పరిధికి వస్తుందని చెప్పడంతో మృతదేహాన్ని బయటకు తీసే ప్రక్రియలో జాప్యం జరిగినట్లు తెలిసింది. చివరకు సాయంత్రం తాడేపల్లి పోలీసులే బావిలో నుంచి మృతదేహాన్ని బయటకు తీసి పరిశీలించారు. మృతుడు బీహార్‌కు చెందిన వ్యక్తిగా గుర్తించారు. మృతదేహం లభించిన నేలబావి రైల్వేస్టేషన్‌కు సుమారు 150 అడుగుల దూరంలో ఉన్నట్లు తెలిసింది. మృతికి గల కారణాలపై పలు అనుమానాలు వ్యక్తమవుతున్నాయి. ఇప్పటివరకు ఎలాంటి నిర్ధారణకు రాలేదు. పోస్టుమార్టం నివేదిక వచ్చిన తర్వాతే మరణానికి గల కారణాలపై స్పష్టత వచ్చే అవకాశం ఉందని పోలీసులు తెలిపారు. విద్యుదాఘాతంలో కార్మికుడు మృతి తెనాలిటౌన్‌: విద్యుదాఘాతంలో ఎలక్ట్రికల్‌ వర్కర్‌ మృతి చెందిన ఘటన మంగళవారం పట్టణంలో చోటుచేసుకుంది. బాపట్ల జిల్లా నగరం మండలం సజ్జవారిపాలెం అగ్రహారానికి చెందిన అమర్తలూరి అక్షయ్‌ బాబు(30) తెనాలి పట్టణంలో ఓ కాంట్రాక్టర్‌ వద్ద విద్యుత్‌ కార్మికునిగా పనిచేస్తున్నాడు. స్థానిక నందులపేట వినాయకుని గుడి రోడ్డులో నూతన ట్రాన్స్‌ఫార్మర్‌ ఏర్పాటు చేసేందుకు విద్యుత్‌ శాఖ అధికారులు రవీంద్ర అనే కాంట్రాక్టర్‌కు పనులు అప్పగించారు. మధ్యాహ్నం ఒంటిగంట సమయంలో పనిచేస్తుండగా స్తంభంపై ఉన్న అక్షయబాబు విద్యుదాఘాతానికి గురయ్యాడు. అక్కడికక్కడే మృతి చెందాడు. ఇన్వర్టర్‌ రిటర్న్‌ సప్లయి కారణంతో అక్షయ మృతి చెందినట్లు అధికారులు ప్రాథమికంగా నిర్ధారించారు. ఘటనా స్థలాన్ని ఏపీ సీపీడీసీఎల్‌ తెనాలి డివిజన్‌ ఎగ్జిక్యూటివ్‌ ఇంజినీర్‌ అక్కల సత్యనారాయణ, టౌన్‌ డెప్యూటీ ఎగ్జిక్యూటివ్‌ ఇంజినీర్‌ బోరుగడ్డ అశోక్‌కుమార్‌ పరిశీలించారు. మృతదేహాన్ని స్థానిక తెనాలి ప్రభుత్వ జిల్లా వైద్యశాలకు తరలించారు. మృతుడికి భార్య, కుమార్తె ఉన్నట్టు బంధువులు తెలిపారు. బాధిత కుటుంబానికి అండగా ఉంటామని విద్యుత్‌ అధికారులు వెల్లడించారు. మధ్యాహ్నం నుంచి సాయంత్రం ఐదు గంటల వరకు నందులపేట ప్రాంతంలో విద్యుత్‌ అంతరాయం ఏర్పడింది.

నగరంపాలెం: స్కూటీలు దొంగలించే ముఠాను లాలాపేట పోలీసులు అరెస్ట్‌ చేశారు. రూ.20 లక్షలు విలువ చేసే 21 స్కూటీలను స్వాధీనం చేసుకున్నారు. నగరంపాలెంలోని జిల్లా పోలీస్‌ కార్యాలయ ఆవరణలో మంగళవారం ఏర్పాటుచేసిన విలేకర్ల సమావేశంలో జిల్లా ఎస్పీ వకుల్‌ జిందాల్‌ కేసు వివరాలు వెల్లడించారు. ఇటీవల గుంటూరు నగరంలోని రద్దీ ప్రాంతాలు, మార్కెట్‌లు, ఇళ్ల ఎదురు నిలిపిన స్కూటీల చోరీలపై వరుస ఫిర్యాదులు వచ్చాయి. ఈ క్రమంలో చోరులను గుర్తించేందుకు ప్రత్యేక పోలీస్‌ బృందాలతో నిఘా వేశారు. సోమవారం సాయంత్రం మార్కెట్‌ సెంటర్‌లో అనుమానాస్పదంగా సంచరిస్తున్న ఓ ముఠాను పట్టుకున్నారు. నల్లచెరువు 20/2వ అడ్డరోడ్డులో ఉంటున్న కార్పెంటర్‌ షేక్‌ కరిముల్లా అలియాస్‌ డిప్పల్‌, నల్లచెరువుకి చెందిన ఏసీ మెకానిక్‌ షేక్‌ మదార్‌వలి అలియాస్‌ సోహెల్‌, నల్లచెరువు 23/2వ అడ్డరోడ్డులో ఉంటున్న వాటర్‌ ప్లాంట్‌ వర్కర్‌ షేక్‌ జాఫర్‌సాదిక్‌, సంపత్‌నగర్‌ రెండో వీధికి చెందిన మటన్‌ వర్కర్‌ షేక్‌ మస్తాన్‌వలి, ప్లంబర్‌ పనిచేసే నల్లచెరువుకి చెందిన ఓ మైనర్‌, ఇద్దరు రిసీవర్లను పోలీసులు అరెస్ట్‌ చేశారు. సుమారు రూ.20 లక్షల విలువ చేసే 21 స్కూటీలు స్వాధీనం చేసుకున్నారు. చెడు అలవాట్లకు బానిసైన ఐదుగురు ముఠాగా ఏర్పడి, ఎక్కువగా సుజుకి యాక్సెస్‌ స్కూటీల హ్యాండిళ్లను పగులకొట్టి, బ్యాటరీ వైర్లకు పిన్నీసుతో నేరుగా కనెక్షన్‌ ఇచ్చేసి వాహనాలతో ఉడాయించేవారు. దొంగలించిన వాహనాలను మేడికొండూరు, తురకపాలెంలోని ఇద్దరు రిసీవర్లకు విక్రయించేవారు. ఒక్కొక్కటి రూ.20 వేలకు విక్రయించినట్లు పోలీస్‌ దర్యాప్తులో వెల్లడైంది. ఇద్దరు రిసీవర్లు కొనుగోలు చేసిన స్కూటీల నంబర్‌ ప్లేట్లను తొలగించి, అధిక మొత్తానికి చత్తీస్‌ఘడ్‌, ఒడిశా రాష్ట్రాలకు కంటైనర్ల ద్వారా తరలించేవారు. పొరుగు రాష్ట్రాల్లో విక్రయించిన ఎనిమిది సుజుకి స్కూటీలను సైతం గుంటూరు తీసుకొచ్చామని ఎస్పీ అన్నారు. స్కూటీలను యాజమానులకు అప్పగిస్తామని తెలిపారు. లాలాపేట పీఎస్‌, పాతగుంటూరు పీఎస్‌, నల్లపాడు పీఎస్‌, పట్టాభిపురం పీఎస్‌తోపాటు పల్నాడు జిల్లాలోని సత్తెనపల్లి పట్టణ పీఎస్‌ పరిధిలో చోరీలకు పాల్పడినట్లు గుర్తించామని తెలిపారు. ఆయా కేసుల్లో ప్రతిభ చూపిన గుంటూరు తూర్పు డీఎస్పీ సీతారాం, లాలాపేట పీఎస్‌ సీఐ శివప్రసాద్‌, మహిళా ఎస్‌ఐ సిహెచ్‌.ప్రవీణ, హెచ్‌సీ ఎం.కల్యాణ్‌, కానిస్టేబుళ్లు పి.కిరణ్‌కుమార్‌, పి.శంకర్‌, ఆర్‌.ఆంజనేయులు, ఎం.మల్లికార్జునరావులను జిల్లా ఎస్పీ అభినందించి, ప్రశంసాపత్రాలు అందించారు.

పర్చూరు(చినగంజాం): రిజిస్ట్రార్‌ కార్యాలయంలో పని నిమిత్తం వచ్చి తిరిగి వెళుతున్న సమయంలో ఓ వృద్ధుడు అకస్మాత్తుగా కుప్పకూలి మృతి చెందిన సంఘటన మంగళవారం చోటు చేసుకుంది. ఎస్‌ఐ అంకమ్మరావు అందించిన సమాచారం మేరకు.. చీరాల బాలాజీ టవర్స్‌లో నివాసం ఉంటున్న రామలింగం రాధాకృష్ణారెడ్డి(85) పర్చూరు రిజిష్ట్రార్‌ కార్యాలయం వద్దకు మంగళవారం తన్నీరు లక్ష్మి అనే మహిళతో కలిసి వచ్చాడు. కార్యాలయంలో పనులు ముగించుకొని తిరిగి బయటకు వెళుతుండగా కార్యాలయం ముఖ ద్వారం వద్ద ఒక్క సారిగా కుప్పకూలిపోయాడు. అకస్మాత్తుగా వృద్ధుడు నేలపై పడిపోవడంతో కార్యాలయంలో ఆవరణలో ఉన్న వారంతా ఆందోళనకు గురయ్యారు. సమాచారం అందుకున్న పోలీసులు సంఘటనా స్థలానికి వచ్చి విచారించి మహిళను అడిగి వివరాలు తీసుకున్నారు. 108 వాహన సిబ్బంది గుండెపోటుతో మృతి చెందినట్లు గుర్తించారు. గ్రామ రెవెన్యూ అధికారి ఫిర్యాదు మేరకు ఎస్‌ఐ కేసు నమోదు చేసుకొని దర్యాప్తు చేపట్టారు.

సీఐటీయూ రాష్ట్ర కార్యదర్శి కె.ఉమామహేశ్వరరావు లక్ష్మీపురం: కార్మికులను కట్టు బానిసలుగా మార్చే లేబర్‌ కోడ్స్‌ రద్దు చేయాలని, కార్మికవర్గం పోరాడి సాధించుకున్న కార్మిక చట్టాలను పటిష్టంగా అమ లు చేయాలని డిమాండ్‌ చేస్తూ సీఐటీయూ ఆధ్వ ర్యాన డిసెంబరు 1,2,3 తేదీలలో జరిగే ‘ఛలో ఢిల్లీ‘ కార్యక్రమంలో కార్మికులు పాల్గొని జయ ప్రదం చేయాలని యూనియన్‌ రాష్ట్ర కార్యదర్శి కె.ఉమామహేశ్వరరావు పిలుపునిచ్చారు. మంగళవారం పాత గుంటూరు సీఐటీయూ కార్యాలయంలో నగర విస్తృత సమావేశం కె.శ్రీనివాసరావు అధ్యక్షతన నిర్వహించారు. ఆయన మాట్లాడుతూ లేబర్‌ కోడ్స్‌ అమలులోకి వస్తే కార్మికవర్గం రోడ్డున పడే ప్రమా దం ఉందని అన్నారు. రాష్ట్రంలో కార్మికుల కనీస వేతనాలు 15 ఏళ్లుగా పెంచలేదని, రెండవ వైపు ధరలు విపరీతంగా పెరిగాయని ఆవేదన వ్యక్తం చేశారు. సమావేశంలో సీఐటీయూ నగర కన్వీనర్‌ బి.ముత్యాలరావు, నాయకులు కె.నళినీకాంత్‌, బి.సత్యనారాయణ, షేక్‌ మస్తాన్‌ వలీ, ప్రమీల, షేక్‌ ఖాసింవలి, షేక్‌ బాషా, పూనేపల్లి శ్రీనివాసరావు, వై.ప్రభుదాసు, జె.జశ్వంత్‌, జి.మరియదాసు, రమేష్‌బాబు, విజయ్‌కుమార్‌ పాల్గొన్నారు.

నెల్లూరు డిపోకు చెందిన బస్సులో చెలరేగిన మంటలు మార్టూరు(యద్దనపూడి): బొల్లాపల్లి టోల్‌గేట్‌ సమీపంలో ఆర్టీసీ బస్సుకు పెనుప్రమాదం తప్పింది. నెల్లూరు డిపోకు చెందిన సూపర్‌ లగ్జరీ బస్సు మంగళవారం తెల్లవారుజామున ప్రయాణికులతో వెళ్తుండగా ఒక్కసారిగా వెనుక టైరు పేలిపోయింది. వెంటనే టైర్లలో మంటలు చెలరేగటంతో ప్రమాణికులు తీవ్ర భయాందోళనకు గురయ్యారు. అదే సమయంలో సమీపంలో ఉన్న హైవే మొబైల్‌ పోలీసులు వెంటనే స్పందించి బస్సులో ప్రయాణికులను సురక్షితంగా కిందకు దించారు. ఆర్పీవీ సిబ్బందికి , హైవే అంబులెన్స్‌ సమాచారం అందించటంతో వారు హుటాహుటిన సంఘటనాస్థలికి చేరుకొని హైవే మొబైల్‌ సిబ్బంది రవి, ఆర్పీవీ సిబ్బంది జ్ఞానేంద్ర ఇరువురూ ఫైర్‌ సిలిండర్‌ సాయంతో మంటలను పూర్తిగా అదుపులోకి తెచ్చారు. ఈ ప్రమాద సమయంలో బస్సులో మెత్తం 22 మంది ప్రయాణికులు ఉన్నారు. అధికారుల చొరవతో ఎవరికీ ఎటువంటి గాయాలు కాకుండా సురక్షితంగా బయటపడటంతో అందరూ ఊపిరి పీల్చుకున్నారు. వెంటనే సిబ్బంది మరో రెండు ఆర్టీసీ బస్సులను ఏర్పాటు చేసి ప్రయాణికులను గమ్యస్థానాలకు చేర్చారు. సమయానికి స్పందించి ప్రాణ, ఆస్తినష్టం జరగకుండా అప్రమత్తంగా వ్యవహరించిన పోలీసులను, సహాయక సిబ్బందిని ప్రయాణికులు అభినందించారు.

అమరావతి: ప్రసిద్ధ పుణ్యక్షేత్రమైన అమరావతిలో వేంచేసియున్న బాల చాముండికా సమేత అమరేశ్వర ఆలయంలో శ్రీదేవీ శరన్నవరాత్రి మహోత్సవాలలో భాగంగా మంగళవారం బాల చాముండేశ్వరి అమ్మవారిని అన్నపూర్ణాదేవిగా అలంకరించారు. భక్తులు పెద్ద సంఖ్యలో అమ్మవారిని దర్శించుకుని పూజలు నిర్వహించారు. అమ్మవారికి సహస్ర కుంకుమార్చన, దేవీఖడ్గమాల, లలిత సహస్ర నామార్చన, శ్రీచక్రార్చన తదితర కార్యక్రమాలు నిర్వహించారు. ఆలయ స్థానాచార్యుడు కౌశిక చంద్రశేఖరశర్మ మాట్లాడుతూ అన్నపూర్ణాదేవి అలంకార విశిష్టతను వివరించారు. జ్వాలాముఖి, మహిషాసురమర్ధని అమ్మవార్లకు కూడా ప్రత్యేక పూజలు నిర్వహించారు.

బాపట్లబుధవారం శ్రీ 14 శ్రీ అక్టోబర్‌ శ్రీ 2026మున్సిపల్‌ ఎన్నికలకు రంగం సిద్ధమైంది. ఇందుకు నాందిగా మున్సిపల్‌ చైర్‌పర్సన్ల రిజర్వేషన్లను ఖరారు చేస్తూ ప్రభుత్వం సోమవారం గెజిట్‌ నోటిఫికేషన్‌ విడుదల చేసింది. బుధవారం ఎన్నికల నోటిఫికేషన్‌ కూడా విడుదలయ్యే అవకాశం ఉండటంతో రాజకీయ పార్టీలు ఎన్నికల కసరత్తు ప్రారంభించాయి. పురపోరుకు రాజకీయ పార్టీలు సై అంటే సై అంటూ దూకుడు పెంచేశాయి. సార్వత్రిక ఎన్నికలు జరిగిన రెండున్నరేళ్ల తర్వాత స్థానిక సంస్థల ఎన్నికల నగారా మోగడంతో రాజకీయ పార్టీలు తమ బలాబలాలు ప్రదర్శించేందుకు సిద్ధమవుతున్నాయి. కూటమి ప్రభుత్వ వైఫల్యాలను, అమలు కాని హామీలను వైఎస్సార్‌ కాంగ్రెస్‌ పార్టీ ప్రజల ముందుకు తీసుకొస్తోంది. రెండున్నరేళ్ల పాలనే అజెండాగా కూటమి పార్టీలు సన్నద్ధమవుతున్నాయి. 7అచ్చంపేట: పులిచింతల ప్రాజెక్టులో ప్రస్తుత నిల్వ 28.9183 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. వన్‌టౌన్‌(విజయవాడ పశ్చిమ): దసరా ఉత్సవాల సందర్భంగా దుర్గమ్మకు ద్వారకా తిరుమల శ్రీ వేంకటేశ్వర ఆలయం తరఫున మంగళవారం సారె సమర్పించారు. చందోలు(బాపట్ల): చందోలు గ్రామంలో వేంచేసియున్న బగళాముఖి అమ్మవారి దేవస్థానంలో శరన్నవరాత్రోత్సవాలు వైభవంగా జరుగుతున్నాయి. మంగళవారం అన్నపూర్ణాదేవిగా బగళాముఖి అమ్మవారు భక్తులకు దర్శనమిచ్చారు. ప్రధాన ఉభయ దాతలుగా చెరుకుపల్లికి చెందిన తాతా శివశంకరరావు దంపతులు వ్యవహరించారు. భక్తులకు అన్నదానం, రాత్రి ప్రసాదాలు, అల్పాహార వితరణ ఏర్పాటు చేశామని దేవస్థానం ట్రస్ట్‌ బోర్డు చైర్మన్‌ కలకోట చక్రధర్‌రెడ్డి, ఈవో ఇ.నరసింహ మూర్తి తెలిపారు. క్రోసూరు: శ్రీదేవీ శరన్నవరాత్రి మహోత్సవాలు పురస్కరించుకుని క్రోసూరులోని వాసవీ కన్యకాపరమేశ్వరి అమ్మవారు ధనలక్ష్మీదేవిగా భక్తులకు దర్శనమిచ్చారు. మంగళవారం అమ్మవారిని రూ.కోటి విలువైన కరెన్సీ నోట్లతో అలంకరించారు. భక్తులు పెద్దసంఖ్యలో వచ్చి అమ్మవారికి ప్రత్యేక పూజలు చేశారు. స్థానిక సంస్థల ఎన్నికల్లో రాష్ట్రంలోని అన్ని ప్రాంతాల్లో వైఎస్సార్‌ సీపీ, కూటమి పార్టీల మధ్య పోటీ నడుస్తోంది. అయితే చీరాలలో మాత్రం అందుకు భిన్నంగా త్రిముఖ పోటీ నెలకొంది. వైఎస్సార్‌ సీపీ, కూటమి పార్టీలతో పాటు కాంగ్రెస్‌ పార్టీ కూడా పురపోరుకు సిద్ధమైంది. వైఎస్సార్‌ కాంగ్రెస్‌ పార్టీ నియోజకవర్గ ఇన్‌చార్జి కరణం వెంకటేష్‌బాబు ఎన్నికల సన్నాహ కార్యక్రమాలను నిర్వహించారు. పట్టణంలోని 44 వార్డుల్లోని పార్టీ నాయకులు, కార్యకర్తలతో సమావేశాలు నిర్వహించారు. అలానే ప్రతిరోజు వార్డుల్లోని నాయకులను కలిసి మాట్లాడుతున్నారు. కూటమి ప్రభుత్వ వైఫల్యాలను ఎండగడుతూ చీరాల మున్సిపాలిటీ అభివృద్ధి పథంలో నడిచేందుకు వైఎస్సార్‌ సీపీని బలపరచాలని సమావేశాలు నిర్వహించి పార్టీ క్యాడర్‌ను సంసిద్ధం చేస్తూ దూసుకుపోతున్నారు. కాంగ్రెస్‌ పార్టీ తరఫున వార్డుల్లో అభ్యర్థులను నిలబెట్టేందుకు కాంగ్రెస్‌ పార్టీ జిల్లా అధ్యక్షుడు, మాజీ ఎమ్మెల్యే ఆమంచి కృష్ణమోహన్‌ వార్డులలో పర్యటిస్తున్నారు. చీరాల: చీరాల పురపోరు ఈసారి రసవత్తరంగా సాగనుంది. చీరాల మున్సిపల్‌ చైర్మన్‌ రిజర్వేషన్‌ కోటాను ప్రభుత్వం ఎస్సీ మహిళకు ఖరారు చేసింది. బీసీ జనరల్‌, బీసీ మహిళ రిజర్వేషన్‌ కోటా కింద చైర్మన్‌ పదవి దక్కుతుందని ఆశించినా చీరాల మున్సిపాలిటీలో ఎస్సీ సామాజికవర్గం నుంచి మహిళకు చైర్మన్‌ రిజర్వేషన్‌ ఖరారు చేయడం రాజకీయ పార్టీలను ఆశ్చర్యానికి గురిచేసింది. సమీకరణాలు మారడంతో నేతలు దానికి అనుగుణంగా ముందుకు సాగుతున్నారు. మున్సిపాలిటీ చరిత్రలోనే తొలిసారిగా చైర్మన్‌ రిజర్వేషన్‌ ఎస్సీ మహిళకు కేటాయించారు. రిజర్వేషన్‌ ఊహించని విధంగా వచ్చినా అందుకు తగ్గట్టుగా రాజకీయ పార్టీలు సిద్ధమవుతున్నాయి. మహిళా ఓటర్లే కీలకం చీరాల మున్సిపాలిటీలో వార్డుల పునర్విభజనలో భాగంగా గతంలో 33 వార్డులు ఉండగా ప్రస్తుతం వాటి సంఖ్య 44కు పెంచారు. అలానే పోలింగ్‌ కేంద్రాల సంఖ్య 67 నుంచి 88కి పెరిగింది. మొత్తం ఓటర్లు 69,557 మంది. వీరిలో పురుషులు 33,504, మహిళలు 36,043, ఇతరులు 10 మంది ఉన్నారు. ఎస్సీలు 15,604, ఎస్టీలు 3,838, బీసీలు 27,948, ఓసీలు 22,167 మంది ఓటర్లు ఉన్నారు. అన్ని వర్గాల్లోనూ మహిళా ఓటర్లే అధికంగా ఉన్నారు. గత మున్సిపల్‌ ఎన్నికల్లో చైర్మన్‌ పీఠం అన్‌రిజర్వ్‌ అయింది. ఈ సారి ఎన్నికలో చైర్మన్‌ రిజర్వేషన్‌ ఎస్సీ మహిళకు కేటాయించడంతో రెండు పర్యాయాల తర్వాత మళ్లీ చైర్మన్‌ పీఠం మహిళలకు దక్కనుంది. ప్రత్యక్ష పద్ధతిలో ఎన్నిక మున్సిపల్‌ ఎన్నికల్లో చైర్మన్‌ను ఎక్కువ సీట్లు గెలిచిన రాజకీయ పార్టీ కౌన్సిలర్లు ఎన్నుకునేవారు. చైర్మన్‌ పీఠాన్ని చేజిక్కించుకునేందుకు క్యాంపు రాజకీయాలు నడిచేవి. అయితే ప్రస్తుత ఎన్నికల్లో ప్రత్యక్ష పద్ధతిలో చైర్మన్‌ను ప్రజలే ఎన్నుకుంటారు. ఎన్నికల్లో ప్రజలు వార్డు కౌన్సిలర్‌కు ఒక ఓటు, చైర్మన్‌ అభ్యర్థికి ఒక ఓటు వేయనున్నారు. కౌన్సిలర్ల మెజార్టీతో పనిలేకుండా నేరుగా ప్రజలే ఎన్నుకుంటారు. దీంతో ఈసారి ఎన్నిక ‘భారీ’గానే ఉంటుందని అంచనా. కూటమిలో పదవి ఎవరికో? చైర్మన్‌ పదవి బీసీ, ఓసీ రిజర్వ్‌ అవుతుందని ఆశించినా ఎవరూ ఊహించని విధంగా తొలిసారి ఎస్సీ మహిళకు రిజర్వేషన్‌ ఖరారు కావడంతో కూటమి పార్టీలో ఎవరిని బరిలో నిలపాలనేది ఇప్పటి వరకు ఖరారు కాలేదు. కూటమి పార్టీల్లో దాదాపు అన్ని ప్రధాన పదవులు టీడీపీకే దక్కాయి. మున్సిపల్‌ కౌన్సిల్‌ పదవీ కాలం ముగుస్తున్న సమయంలో గత ఏడాది మారిన రాజకీయంలో అనూహ్యంగా చైర్మన్‌ పదవి టీడీపీకి దక్కింది. అలానే ఏఎంసీ చైర్మన్‌ పదవి కూడా టీడీపీదే. కూటమిలో ఉన్న జనసేన, బీజేపీ నాయకులు ద్వితీయ శ్రేణి పదవులకే పరిమితమయ్యారు. ప్రస్తుతం జరగనున్న మున్సిపల్‌ ఎన్నికల్లో చైర్‌పర్సన్‌గా అవకాశం కల్పించాలని ఆశావహులు పార్టీ నాయకులతో చర్చిస్తున్నారు. ప్రత్యక్ష ఎన్నిక కావడంతో చైర్మన్‌ ఎన్నిక ‘భారీ’గా జరగనుంది. ఆ స్థాయి సామర్థ్యం ఉన్న వారిని ఎంపిక చేయడం కత్తిమీద సాము లాంటిది. అయితే చైర్‌పర్సన్‌ పదవి కూటమిలో ఉన్న టీడీపీ, జనసేన, బీజేపీలో దేనికి దక్కుతుందనేది వేచి చూడాల్సిందే. ప్రజా వ్యతిరేకతను దాటి విజయం సాధించాలని అధికారపార్టీ నేతలు చేస్తున్న ప్రయత్నాలు ఎంతవరకు ఫలిస్తాయో వేచిచూడాల్సిందే.

నరసరావుపేట టౌన్‌: నరసరావుపేట మున్సిపల్‌ చైర్మన్‌ పదవి కూటమి పార్టీల్లో చిచ్చు రేపుతోంది. ఎమ్మెల్యే డాక్టర్‌ చదలవాడ అరవిందబాబు వ్యవహారశైలిపై సొంత పార్టీ నేతలతోపాటు కూటమి భాగస్వామ్య పక్షాల్లోనూ అసహనం వ్యక్తమవుతోంది. జిల్లా ఇన్‌చార్జి మంత్రి వద్ద తమ గోడు వెళ్లబోసుకునేందుకు రంగం సిద్ధం చేస్తున్నట్లు తెలుస్తోంది. దీంతో మున్సిపల్‌ చైర్మన్‌ పీఠం కూటమిలో ఐక్యతకు పరీక్షగా మారింది. నరసరావుపేట మున్సిపల్‌ చైర్మన్‌ పదవిపై టీడీపీలో పలువురు నేతలు ఆశలు పెట్టుకున్నారు. పార్టీ అధికారంలో లేని సమయంలోనూ కష్టపడి పనిచేశామని, ఎన్నికల్లో ఖర్చుపెట్టి పార్టీ అభ్యర్థుల గెలుపునకు కృషి చేశామని వారు చెప్పుకొస్తున్నారు. తమను కాదని, సాధారణ నేతలకు ప్రాధాన్యం ఇస్తోందని అసంతృప్తి వ్యక్తం చేస్తున్నారు. మున్సిపల్‌ మాజీ చైర్మన్‌ నాగసారపు సుబ్బరాయ గుప్తాకు మరోసారి చైర్మన్‌గా పోటీ చేసే అవకాశం కల్పించాలనే ఆలోచనలో ఎమ్మెల్యే ఉన్నారనే ప్రచారం టీడీపీలో కొత్త వివాదానికి తెరలేపింది. ఇటీవల జరిగిన ఓ సామాజిక వర్గ సమావేశంలో ఈ అంశంపై ఎమ్మెల్యే నేరుగా గుప్తా పేరును ప్రతిపాదించినట్టు ప్రచారం సాగుతోంది. రెండోసారి అవకాశం ఇవ్వడంపై కొందరు నేతలు ప్రశ్నించినట్లు సమాచారం. అధికారంలో లేని సమయంలో పార్టీకి దూరంగా ఉన్న వ్యక్తికి మరోసారి అవకాశం కల్పిస్తే తమ రాజకీయ భవిష్యత్తు ఏమిటన్న ఆవేదన ఆశావహుల్లో వ్యక్తమవుతోంది. సొంత సామాజికవర్గ అభివృద్ధికి కూడా గుప్తా చేసిందేమీ లేదంటూ ఆ సామాజికవర్గ నాయకులే వ్యాఖ్యానిస్తున్నారు. చైర్మన్‌ ఎంపికలో పార్టీ సేవ, సీనియారిటీ, ప్రజల్లో ఉన్న ఆదరణ వంటి అంశాలను పరిగణనలోకి తీసుకోవాలని వారు కోరుతున్నట్లు తెలుస్తోంది. ఓ సామాజిక వర్గంలోనూ అసమ్మతి చైర్మన్‌ పదవి కోసం ఒకే సామాజిక వర్గానికి చెందిన పలువురు పోటీపడుతుండటం పరిస్థితిని మరింత సంక్లిష్టంగా మార్చింది. టీడీపీ నాయకుడు, మాజీ కౌన్సిలర్‌ భర్త వాసిరెడ్డి రవి, మాజీ కౌన్సిలర్‌ చేకూరి పుష్పలత తదితరులు తమ వర్గానికి చెందిన నేతలతో చర్చలు జరుపుతున్నారు. తమ సామాజిక వర్గానికి చెందిన వ్యక్తికే చైర్మన్‌ పదవి ఇవ్వాలని, లేదంటే ఎన్నికల్లో తమ సహకారంపై పునరాలోచించాల్సి వస్తుందని స్పష్టం చేసినట్లు రాజకీయ వర్గాల్లో చర్చ సాగుతోంది. ఇప్పటికే ఆ సామాజిక వర్గ ప్రముఖ వైద్యుడు, సీనియర్‌ టీడీపీ నేతల ఆధ్వర్యంలో సమావేశం ఏర్పాటుచేసి ఎమ్మెల్యేను సైతం నిలదీసినట్లు తెలుస్తోంది. ఎన్నికల సమయంలో పార్టీ నేతల అసంతృప్తి ప్రభావం తప్పదని ఆ పార్టీ కార్యకర్తలు ఆందోళన చెందుతున్నారు. ఇచ్చిన మాట ఏమైంది.. బంగారం వర్తకుల సంఘం రాష్ట్ర అధ్యక్షుడు కపిలవాయి విజయకుమార్‌ కూడా చైర్మన్‌ పదవిని ఆశించిన వారిలో ఉన్నారు. గత ఎన్నికల్లో ఎమ్మెల్యే అరవిందబాబు గెలుపునకు ఆయన కృషి చేశారని, ఈ క్రమంలో చైర్మన్‌ పదవిపై హామీ లభించిందన్న ప్రచారం రాజకీయ వర్గాల్లో ఉంది. అయితే ప్రస్తుతం గుప్తాకు అవకాశం కల్పించాలన్న ఆలోచన తెరపైకి రావడంతో విజయకుమార్‌ వర్గంలో అసంతృప్తి రాజుకుంది. మున్సిపాలిటీ చైర్మన్‌ అభ్యర్థి ఎంపికలో తనను సంప్రదించకుండా గుప్తా పేరును ప్రకటించడంపై విజయకుమార్‌ అసంతృప్తి వ్యక్తం చేస్తున్నట్టు తెలుస్తోంది. జనసేనకు చైర్మన్‌ పదవి దక్కుతుందన్న ఆశతో ఆ పార్టీ నియోజకవర్గ ఇన్‌చార్జి సయ్యద్‌ జిలానీ ఉన్నారు. కానీ అసలు ప్రాధాన్యం లభించకపోవడంతో ఆ పార్టీ వర్గాల్లోనూ నిరాశ నెలకొంది. ఒకవైపు టీడీపీలోనే ఆశావహుల మధ్య పోటీ, మరోవైపు జనసేన ఆశలు నెరవేరకపోవడం.. కూటమి ఐక్యతపై ప్రశ్నలు లేవనెత్తుతున్నాయి. అవసరమైతే టీడీపీ అధిష్ఠానం దృష్టికి కూడా ఈ వ్యవహారాన్ని తీసుకెళ్లాలని కొందరు భావిస్తున్నట్లు రాజకీయ వర్గాల్లో ప్రచారం జరుగుతోంది. హామీలు నెరవేర్చకపోవడంతో కూటమి ప్రభుత్వంపై ప్రజల్లో తీవ్ర వ్యతిరేకత వ్యక్తమవుతోంది. ఇంటింటి ప్రచార కార్యక్రమానికి టీడీపీ కార్యకర్తలు వెళ్లేందుకు కూడా సాహసించడం లేదు. నిత్యావసర సరకుల ధరల పెరుగుదల చెమటలు పట్టిస్తోంది. రోజురోజుకు పెరుగుతున్న బియ్యం ధరలను నియంత్రించడంలో ప్రభుత్వం విఫలం కావడంతో పేద, మధ్యతరగతి వర్గాలు తీవ్ర ఆగ్రహంతో ఉన్నాయి.

● గుంటూరు జెడ్పీ చైర్‌పర్సన్‌గా ఎస్సీ మహిళకు చాన్స్‌ ● బాపట్ల, పల్నాడు జెడ్పీ చైర్‌పర్సన్లుగా జనరల్‌ మహిళలకు అవకాశం సాక్షిప్రతినిధి, గుంటూరు: మూడు జిల్లాలుగా ఉమ్మడి గుంటూరు జిల్లా విడిపోయిన తరువాత మొట్టమొదటిసారిగా వచ్చే జెడ్పీ ఎన్నికలకు రిజర్వేషన్‌ ఖరారైంది. మూడు జెడ్పీ చైర్‌పర్సన్‌ పదవులు మహిళలకే దక్కడం విశేషం. గుంటూరు జెడ్పీ చైర్‌పర్సన్‌గా ఎస్సీ మహిళకు, పల్నాడు, బాపట్ల జెడ్పీ చైర్‌పర్సన్‌ సీట్లు జనరల్‌ మహిళలకు రిజర్వు అయ్యాయి. ఉమ్మడి గుంటూరు జిల్లాలోని మూడు జిల్లాలకు ప్రథమ పౌరులుగా మహిళలకే అవకాశం దక్కనుంది. కొత్త జిల్లాలకు మొట్టమొదటిసారిగా ఎన్నికలు జరుగుతుండడంతో మొదటి సారి జెడ్పీ చైర్‌పర్సన్‌లు అయ్యే భాగ్యం మహిళలకే దక్కింది. తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్య క్షేత్రంపై ధనలక్ష్మి అమ్మవారికి మంగళవారం ప్రత్యేక పూజలు నిర్వహించారు. అమ్మవారికి ఉదయం తొమ్మిది గంటలకు విశేష అభిషేక మహోత్సవం, కుంకుమార్చన శాస్త్రోక్తంగా నిర్వహించారు. సాయంత్రం 5.30 గంటలకు శ్రీవిష్ణు సహస్రనామ స్తోత్ర పారాయణం, ధనలక్ష్మి అమ్మవారి పల్లకీ సేవ, అర్చన, నివేదన, మంగళాశాసనం కార్యక్రమాలు వైభవంగా జరిగాయి. భక్తులు అధిక సంఖ్యలో అమ్మవారిని దర్శించుకుని, తీర్థ ప్రసాదాలు స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి వారి మంగళాశాసనములతో శరన్నవరాత్రి మహోత్సవాలు ఘనంగా నిర్వహిస్తున్నట్లు తెలిపారు. తాడేపల్లి రూరల్‌: విపత్తులను సమర్థంగా ఎదుర్కొనేందుకు ప్రభుత్వ వ్యవస్థలతోపాటు యువత భాగస్వామ్యం ఎంతో అవసరమని ఏపీ ఎస్‌డీఎంఏ ఎగ్జిక్యూటివ్‌ డైరెక్టర్‌ కౌసర్‌ బానో అన్నారు. మంగళవారం తాడేపల్లిలోని ఏపీ రాష్ట్ర విపత్తుల నిర్వహణ సంస్థ కార్యాలయంలో ఇంటి నుంచే స్థితి స్థాపకత ప్రారంభం అనే అంశంపై రాష్ట్ర విపత్తుల నిర్వహణ సంస్థ, యునిసెఫ్‌ సంయుక్త ఆధ్వర్యంలో రౌండ్‌ టేబుల్‌ సమావేశం నిర్వహించారు. కౌసర్‌ బానో మాట్లాడుతూ విపత్తుల సమయంలో అన్ని విభాగాలు సమన్వయంతో పనిచేస్తూ, శిక్షణ, అవగాహన కార్యక్రమాల ద్వారా రాష్ట్రంలోని ప్రతి ఒక్కరినీ సంసిద్ధులుగా తీర్చిదిద్దాలని పేర్కొన్నారు. విపత్తు సంసిద్ధత, ప్రమాదాల నివారణ, అవగాహన పెంపు, సామర్థ్యాల బలోపేతంపై విస్తృతంగా అధికారులతో చర్చించారు. కార్యక్రమంలో విపత్తుల నివారణ సంస్థ ఏవో రవిబాబు, ఎస్‌ఈవోసీ ఇన్‌చార్జి పీటర్‌, ప్రాజెక్టు కో ఆర్డినేటర్‌ డాక్టర్‌ బి.ప్రసాద్‌, సీబీవో తనూజ, ప్రాజెక్టు మేనేజర్లు, ఫైర్‌ డిపార్ట్‌మెంట్‌, ఎస్‌డీఆర్‌ఎఫ్‌, ఎన్‌డీఆర్‌ఎఫ్‌, ఎన్‌సీసీ, ఎన్‌ఎస్‌ఎస్‌, మై భారత్‌, భారత్‌ స్కౌట్స్‌ అండ్‌ గైడ్స్‌, యువజన విభాగాల కీలక అధికారులు, స్వచ్ఛంద సంస్థల ప్రతినిధులు పాల్గొన్నారు. నరసరావుపేట ఈస్ట్‌: స్కూల్‌ గేమ్స్‌ ఫెడరేషన్‌ ఆధ్వర్యాన జాతీయస్థాయిలో నిర్వహించనున్న అండర్‌–14 బాలికల టెన్నిస్‌ రాష్ట్ర జట్టు కెప్టెన్‌గా సీబీఐటీ స్కూల్‌ విద్యార్థిని పి.సూక్తిశ్రీ ఎంపికైనట్టు పాఠశాల ప్రిన్సిపల్‌ డి.భారతి మంగళవారం ఒక ప్రకటనలో పేర్కొన్నారు. శ్రీకాళహస్తిలో ఈ నెల 10 నుంచి 12వ తేదీ వరకు నిర్వహించిన రాష్ట్రస్థాయి పోటీల్లో సూక్తిశ్రీ ప్రతిభ కనపరిచి రాష్ట్ర జట్టుకు కెప్టెన్‌గా ఎంపికై నట్టు వివరించారు. ఈనెల 22వ తేదీన ఢిల్లీలో జరగనున్న జాతీయస్థాయి స్కూల్‌గేమ్స్‌లో అండర్‌–14 బాలికల జట్టుకు కెప్టెన్‌గా ఆంధ్రప్రదేశ్‌ జట్టుకు ప్రాతినిధ్యం వహిస్తుందని తెలిపారు. పాఠశాల డైరెక్టర్‌ పి.యోగిరెడ్డి మాట్లాడుతూ జాతీయ స్థాయిలో విజయం సాధించి పల్నాడు జిల్లాకు, పాఠశాలకు పేరు తీసుకు రావాలని ఆకాంక్షించారు.

బాపట్ల: గ్రామ పంచాయతీలు, ఎంపీటీసీ, జెడ్పీటీసీలు, మున్సిపాలిటీలలో వార్డుల రిజర్వేషన్ల ప్రక్రియ అత్యంత పారదర్శకంగా నిర్వహించాలని జిల్లా కలెక్టర్‌ డాక్టర్‌ వి.వినోద్‌కుమార్‌ తెలిపారు. స్థానిక సంస్థల ఎన్నికల ప్రక్రియకు రిజర్వేషన్ల కేటాయింపుపై సంబంధిత శాఖల అధికారులతో మంగళవారం ఆయన హైబ్రిడ్‌ మోడ్‌లో సమావేశం నిర్వహించారు. కలెక్టర్‌ మాట్లాడుతూ స్థానిక సంస్థల ఎన్నికలలో రిజర్వేషన్‌ కేటాయింపులు నిబంధనల ప్రకారం పక్కాగా నిర్ణయించాలని చెప్పారు. గ్రామ పంచాయతీలకు ఎస్సీ, ఎస్టీ, బీసీ, మహిళ రిజర్వేషన్‌ సీట్ల కేటాయింపు ప్రక్రియ మంగళవారం సాయంత్రంలోగా పూర్తి చేయాలని ఆదేశించారు. రిజర్వేషన్‌ ప్రక్రియ పూర్తికాగానే ప్రభుత్వ గెజిట్‌ విడుదల చేయాలని సూచించారు. అదే విధంగా ఎంపీటీసీలు, జెడ్పీటీసీలు, వార్డు కౌన్సిలర్ల రిజర్వేషన్ల కేటాయింపు నిర్ధారించాలన్నారు. 2021 స్థానిక సంస్థల ఎన్నికల ఆధారంగా రొటేషన్‌ పద్ధతిలో ఈ ప్రక్రియ కొనసాగించాలన్నారు. 2011 జనన గణాంకాలను పరిగణనలోకి తీసుకోవాలన్నారు. సమావేశంలో జిల్లా ఇన్‌చార్జి రెవెన్యూ అధికారి లవన్న, జెడ్పీ సీఈఓ విజయలక్ష్మి, డీపీఓ టి.నగేష్‌కుమారి, బాపట్ల, చీరాల, రేపల్లె ఆర్డీవోలు హరికుమార్‌, నరసింహారావు, శ్రీదేవి, మండల స్థాయి అధికారులు, కలెక్టరేట్‌ సిబ్బంది, తదితరులు పాల్గొన్నారు. పురోగతి పరిశీలన స్థానిక సంస్థల ఎన్నికలకు సంబంధించి ఎంపీటీసీ, వార్డు స్థానాల రిజర్వేషన్ల ఖరారు ప్రక్రియ పూర్తి చేయాలని జిల్లా కలెక్టర్‌ డాక్టర్‌ వి.వినోద్‌కుమార్‌ తెలిపారు. మంగళవారం సాయంత్రం పట్టణంలోని డివిజనల్‌ డెవలప్‌మెంట్‌ అధికారి కార్యాలయాన్ని జిల్లా కలెక్టర్‌ పరిశీలించారు. అనంతరం జిల్లాలోని ఎంపీటీసీ, వార్డుల రిజర్వేషన్ల ఖరారు ప్రక్రియపై జిల్లా పరిషత్‌ ముఖ్య కార్యనిర్వహణ అధికారి (జెడ్పీ సీఈఓ)ను వివరాలు అడిగి తెలుసుకున్నారు. రిజర్వేషన్ల ప్రక్రియకు సంబంధించిన ప్రస్తుత పురోగతి ప్రక్రియ పరిశీలించారు. నిబంధనల ప్రకారం పూర్తి చేయాలని సంబంధిత అధికారులను ఆదేశించారు. అనంతరం సీఈఓ సిబ్బందిని జిల్లా కలెక్టర్‌కు పరిచయం చేశారు. జిల్లా కలెక్టర్‌ వెంట జెడ్పీ సీఈఓ సీహెచ్‌ విజయలక్ష్మి, జెడ్పీ కార్యాలయ సిబ్బంది ఉన్నారు. విపత్తుల ముప్పు తగ్గించడంలో ప్రతి ఒక్కరి పాత్ర కీలకం విపత్తుల ముప్పు, విపత్తు ప్రమాదాలను తగ్గించడంలో సమాజంలో ప్రతి ఒక్కరి పాత్ర అత్యంత కీలకమని జిల్లా కలెక్టర్‌ డాక్టర్‌ వి.వినోద్‌కుమార్‌ అన్నారు. అంతర్జాతీయ విపత్తు ప్రమాద తగ్గింపు దినోత్సవం సందర్భంగా దళిత బహుజన రిసోర్స్‌ సెంటర్‌ ఆధ్వర్యాన బాపట్ల జిల్లా కలెక్టర్‌ కార్యాలయంలో సంతకాల సేకరణ కార్యక్రమం నిర్వహించారు. విపత్తులను ఎదుర్కొనే సామర్థ్యం ఇంటి నుంచే మొదలవుతుందనే అంశంపై ఏర్పాటుచేసిన కార్యక్రమాన్ని కలెక్టర్‌ మంగళవారం సంతకం చేసి ప్రారంభించారు. విపత్తులు సంభవించిన సమయంలో నష్ట తీవ్రతను తగ్గించాలంటే ప్రతి ఒక్కరూ ముందుగానే సన్నద్ధంగా ఉండాలని కలెక్టర్‌ సూచించారు. కార్యక్రమంలో ఇన్‌చార్జి డీఆర్వో లవన్న, మున్సిపల్‌ కమిషనర్‌ హాసిని, దళిత బహుజన రిసోర్స్‌ సెంటర్‌ ఏరియా కోఆర్డినేటర్లు వేము భగవాన్‌దాస్‌, నూతలపాటి శ్రీలత, కలెక్టరేట్‌ సిబ్బంది, తదితరులు పాల్గొన్నారు. జిల్లా కలెక్టర్‌ డాక్టర్‌ వి.వినోద్‌కుమార్‌

పెదకాకాని: పెదకాకానిలోని మల్లేశ్వరస్వామి దేవస్థానంలో శ్రీదేవీ శరన్నవరాత్రోత్సవాలు వైభవంగా కొనసాగుతున్నాయి. ఉత్సవాల్లో భాగంగా మంగళవారం భ్రమరాంబదేవి అమ్మవారు గాయత్రీదేవి అలంకారంలో భక్తులకు దర్శనమిచ్చారు. ఉదయం అర్చకులు పాత్రఃకాల అర్చన, అభిషేకం, పంచహారతులు, విఘ్నేశ్వరపూజ, పుణ్యాహవచనం, పంచగవ్యప్రాశన, మహాన్యాస పూర్వక ఏకాదశ రుద్రాభిషేకం, నవావరణార్చనలు నిర్వహించారు. సాయంత్రం భ్రమరాంబదేవి అమ్మవారికి ప్రత్యేక కుంకుమార్చనలు, పంచహారతులు, ఆలయ ప్రదక్షిణ జరిపించారు. అధిక సంఖ్యలో భక్తులు తరలివచ్చి భ్రమరాంబ మల్లేశ్వరస్వామి వార్లను దర్శించుకుని పూజలు చేశారు. యాగశాలలో జరిగిన రుద్ర, చండీ హోమాలలో భక్తులు పెద్ద సంఖ్యలో పాల్గొన్నారు. భక్తులందరికీ తీర్థ్ధప్రసాదాలు, అన్నప్రసాదాలు ఏర్పాటు చేసినట్లు ఆలయ ఉప కమిషనరు గోగినేని లీలాకుమార్‌, పాలక మండలి చైర్మన్‌ కోసూరి పూర్ణ చంద్రరావు తెలిపారు. సాంస్కృతిక కార్యక్రమాలు సాయంత్రం 5.30 గంటల నుంచి పెదకాకాని ఆలూరి సుజాత బృందం భజన కార్యక్రమం, విజయవాడ నటరాజ నృత్య కళా నిలయం వారిచే కూచిపూడి నృత్యం, మంగళగిరి శ్రీవెంకటరామ సంగీత నృత్యశాల వారిచే కూచిపూడి నృత్యం ప్రదర్శించారు. గుంటూరుకు చెందిన నలకా శ్రీనివాసరావు పర్యవేక్షణలో శ్రీ కృష్ణరాయభారం నాటకం నుంచి పడక సీను, ఆర్గనైజర్‌ వై.వెంకటేశ్వరరావు ఆధ్వర్యంలో సత్యహరిశ్చంద్ర నాటకం నుంచి కాటి సీను ప్రదర్శించారు. బుధవారం అమ్మవారు అన్నపూర్ణ్ణాదేవిగా భక్తులను అనుగ్రహిస్తారని డీసీ తెలిపారు.

వేటపాలెం: ఆర్థిక ఇబ్బందులతో మరణించిన కానిస్టేబుల్‌ లేళ్ల వీరన్న కుటుంబానికి పోలీస్‌ శాఖ అండగా ఉంటుందని ఎస్పీ ఉమామహేశ్వర్‌ పేర్కొన్నారు. సోమవారం దేశాయిపేట పంచాయతీ రామనగర్‌ గల కానిస్టేబుల్‌ స్వగృహానికి వచ్చిన ఎస్పీ వీరన్న పార్థివదేహానికి పూలమాల వేసి నివాళులర్పించారు. వీరన్న కుటుంబానికి తన ప్రగాఢ సానుభూతి తెలిపారు. ఏఆర్‌ విభాగంలో విధులు నిర్వహిస్తున్న 2013 బ్యాచ్‌కు చెందిన కానిస్టేబుల్‌ వీరన్న ఆదివారం మృతి చెందాడు. అంత్యక్రియల ఖర్చుల నిమిత్తం రూ.లక్ష ఆర్థిక సహాయాన్ని వీరన్న సతీమణి నాగమణికి ఎస్పీ అందజేశారు. అనంతరం పోలీస్‌ శాఖ అధికారిక లాంఛనాలతో అంత్యక్రియలు నిర్వహించారు. వీరన్న మృతి పట్ల జిల్లా పోలీస్‌ అధికారులు, సహోద్యోగులు తీవ్ర విచారం వ్యక్తం చేశారు. కార్యక్రమంలో ఎస్‌బీ సీఐ నారాయణ, చీరాల రూరల్‌ సీఐ సుధాకర్‌, అడ్మిన్‌ ఆర్‌ఐ మౌలుద్దీన్‌, ఎస్సై పి జనార్దన్‌ పాల్గొన్నారు. ఎస్పీ ఉమామహేశ్వర్‌

చినగంజాం: 36వ అంతర్‌ రాష్ట్ర సబ్‌ జూనియర్‌ కబడ్డీ పోటీల్లో బాపట్ల జిల్లా పురుషుల కబడ్డీ జట్టు ప్రథమస్థానం కై వసం చేసుకుంది. ఏలూరు జిల్లా నూజివీడులో ఈ నెల 10, 11, 12 తేదీల్లో నిర్వహించిన పోటీ ల్లో బాపట్ల జట్టు 6 జిల్లాల జట్లతో తలపడి విజయం సాధించింది. మొదటి మ్యాచ్‌ ననెల్లూరు జిల్లా జట్టుపై 40–48 పాయింట్లతో, రెండో మ్యాచ్‌ అనంతపురం జిల్లా జట్టుపై 8–40 పాయింట్లతో గెలిచి ప్రీ క్వార్టర్‌ చేరుకుంది. అనకాపల్లి జిల్లా జట్టుతో తలపడి 46–48 పాయింట్లతో క్వార్టర్‌ ఫైనల్‌కు చేరుకొని విశాఖ జిల్లా జట్టుతో తలపడి 35–45 పాయింట్లతో గెలుపొంది సెమీ ఫైనల్స్‌కు చేరుకుంది. తిరుపతి జిల్లా జట్టుతో తలపడి 30–45 పాయింట్లతో విజయం సాధించి ఫైనల్‌కు చేరుకుంది. ఫైనల్‌లో నెల్లూరు జిల్లా జట్టుతో తలపడిన బాపట్ల జిల్లా సబ్‌ జూనియర్‌ పురుషుల జట్టు 37–51 పాయింట్లతో విజయం సాధించి ప్రథమ బహుమతిని కై వసం చేసుకుంది. జిల్లా జట్టు విజయం సాధించి కప్‌ గెలుచుకోవడంతో బాపట్ల జిల్లా కబడ్డీ అసోసియేషన్‌ అధ్యక్షుడు నక్కల అర్జునరావు, కార్యదర్శి మంతెన సుబ్బరాజు, మిషన్‌ ఫౌండర్‌ కొట్టే ఏడుకొండలు, కోచ్‌ కోట హరిప్రసాద్‌రెడ్డి క్రీడాకారులకు అభినందనలు తెలియజేశారు.

నగరంపాలెం: గుంటూరు జిల్లా పోలీస్‌శాఖలో 14 ఏళ్లు సేవలందించిన పోలీస్‌ డాగ్‌ ‘రాజా’ సోమవారం మృతి చెందింది. నగరంపాలెంలోని జిల్లా పోలీస్‌ కార్యాలయంలోని డాగ్‌ స్క్వాడ్‌ యూనిట్‌లో పోలీస్‌ లాంఛనాలతో వీడ్కోలు పలికారు. ప్రత్యేక విభాగంలో పనిచేస్తూ, పలు కేసుల ఛేదనలో కీలకపాత్ర పోషించి పోలీస్‌ శాఖ కు విశేష సేవలందించినట్లు గుర్తుచేసుకున్నారు. ఆర్‌ఐ అడ్మిన్‌ కృష్ణయ్య, డాగ్‌ ఇన్‌చార్జి రవీంద్రబా బు, డాగ్‌ స్క్వాడ్‌ సిబ్బంది నివాళులర్పించారు. నేటి నుంచి న్యాయవాదులు విధులకు దూరం గుంటూరు లీగల్‌: న్యాయవాదుల రక్షణ చట్టాన్ని తక్షణమే అమలు చేయాలని డిమాండ్‌ చేస్తూ మంగళవారం నుంచి విధులకు దూరంగా ఉండాలని గుంటూరు జిల్లా న్యాయవాదుల ఫెడరేషన్‌, గుంటూరు బార్‌ అసోసియేషన్‌ పిలుపునిచ్చాయి. సోమవారం నిర్వహించిన సమావేశం వివరాలను గుంటూరు జిల్లా న్యాయవాదుల ఫెడరేషన్‌ అధ్యక్షుడు మధిర నాగేశ్వరరావు, గుంటూరు బార్‌ అసోసియేషన్‌ జనరల్‌ సెక్రటరీ వెల్లడించారు. న్యాయవాదులపై దాడులను అరికట్టడంతో పాటు, న్యాయవాదుల ప్రాణాలకు, వృత్తిపరమైన విధులకు తగిన రక్షణ కల్పించేందుకు న్యాయవాదుల రక్షణ చట్టాన్ని వెంటనే అమలు చేయాలని సమావేశం డిమాండ్‌ చేసినట్లు చెప్పారు. మంగళవారం నుంచి 21వ తేదీ వరకు వృత్తిపరమైన విధులకు హాజరుకాకూడదని సర్వసభ్య సమావేశం ఏకగ్రీవంగా తీర్మానించినట్లు పేర్కొన్నారు. ఇదే విషయాన్ని గుంటూరు జిల్లా ప్రధాన న్యాయమూర్తికి కూడా లిఖితపూర్వకంగా వినతిపత్రం సమర్పించినట్లు చెప్పారు. పీజీఆర్‌ఎస్‌ వద్ద పెట్రోల్‌ డబ్బాతో హల్‌చల్‌ నగరంపాలెం: జిల్లా పోలీస్‌ కార్యాలయ ఆవరణలో పీజీఆర్‌ఎస్‌ వద్ద అడవితక్కెళ్లపాడు రాజీవ్‌గృహాకల్పలో ఉంటున్న ఆటోడ్రైవర్‌ రాజు పెట్రోల్‌ డబ్బాతో రావడం కలకలం రేపింది. వివరాలు.. మారుతీనగర్‌కు చెందిన ఓ వ్యక్తి వద్ద గతేడాది రూ.40 వేలు అప్పు తీసుకుని, నెల నెలా అతనికి అసలు, వడ్డీ చెల్లిస్తున్నట్లు చెప్పారు. బాకీ తీరకపోవడంతో మానసిక ఒత్తిడికి గురవుతున్నానని పేర్కొన్నారు. అతడి నుంచి రక్షణ కల్పించి, రుణ బాకీ సమస్యను తీర్చాలని కోరుతున్నట్లు వాపోయాడు. ఈ క్రమంలో పెట్రోల్‌ డబ్బాతో జిల్లా పోలీస్‌ కార్యాలయంలో జరిగే పీజీఆర్‌ఎస్‌కు వచ్చినట్లు చెప్పారు. జిల్లా పోలీస్‌ కార్యాలయం వద్ద తనిఖీలు నిర్వర్తించే క్రమంలో రాజు వద్ద పెట్రోల్‌ డబ్బాను గుర్తించారు. అనంతరం అతని నుంచి పెట్రోలు డబ్బాను స్వాధీనం చేసుకుని, లోపలికి అనుమతించారు. రాష్ట్ర యోగా ఓవరాల్‌ చాంపియన్‌గా గుంటూరు జిల్లా గుంటూరు వెస్ట్‌(క్రీడలు): ఈ నెల 10, 11 తేదీల్లో నెల్లూరు జిల్లా కావలిలో ఆంధ్రప్రదేశ్‌ స్టేట్‌ యోగా అసోసియేషన్‌ ఆధ్వర్యంలో నిర్వహించిన 39వ రాష్ట్రస్థాయి యోగాసనా చాంపియన్‌షిప్‌ను గుంటూరు జిల్లా కై వసం చేసుకుందని జిల్లా కన్వీనర్‌ కొండా శ్రీలత సోమవారం తెలిపారు. పోటీల్లో 4 బంగారు, 5 రజిత, 3 కాంస్యలతో సహా మొత్తం 12 పతకాలు సాధించి క్రీడాకారులు మంచి పేరుతెచ్చాన్నారు. పతకాలు సాధించిన క్రీడాకారులు జార్ఖండ్‌ రాష్ట్రంలోని ధన్బాద్‌లో డిసెంబర్‌ 27 నుంచి నిర్వహించనున్న జాతీయ పోటీల్లో పాల్గొంటారన్నారు. పతకాలు సాధించిన క్రీడాకారుల్ని రాష్ట్ర జనరల్‌ సెక్రటరీ అల్లాడి రవికుమార్‌ అభినందించారు.

బాపట్ల: జనగణన రెండవ దశ ప్రక్రియ అత్యంత కచ్చితత్వంతో చేపట్టాలని జిల్లా కలెక్టర్‌ డాక్టర్‌ వినోద్‌ కుమార్‌ తెలిపారు. జనగణన రెండవ దశపై జిల్లా, డివిజన్‌, మండల స్థాయి అధికారులకు శిక్షణ కార్యక్రమం సోమవారం స్థానిక వ్యవసాయ కళాశాల ఆడిటోరియంలో నిర్వహించారు. కలెక్టర్‌ మాట్లాడుతూ జనగణన ప్రక్రియ దేశం, రాష్ట్రం, జిల్లా అభివృద్ధి ప్రణాళికకు ఎంతగానో దోహదపడుతుందని చెప్పారు. 2027వ సంవత్సరం జనవరి 25 నుంచి ఫిబ్రవరి 28వ తేదీ వరకు 35 రోజులపాటు జన గణన జరగనుందన్నారు. ఈ జన గణనలోనే నూరు సంవత్సరాల తర్వాత కుల గణన ప్రక్రియ సమాంతరంగా జరగనుందన్నారు. ఈ విషయాన్ని పరిగణనలోకి తీసుకుని అధికారులు మరింత అప్రమత్తతతో విధులు నిర్వహించాలన్నారు. స్వీయ జనగణన ప్రక్రియ 2027 జనవరి 10 నుంచి 24వ తేదీ వరకు 15 రోజులపాటు వెబ్‌సైట్‌ అందుబాటులో ఉంటుందని కలెక్టర్‌ తెలిపారు. ప్రజలు ఈ అవకాశాన్ని సద్వినియోగం చేసుకోవచ్చన్నారు. 2027 మార్చి ఒకటి నుంచి 5వ తేదీ వరకు రివిజినల్‌ రౌండ్‌ ఉంటుందన్నారు. తప్పులు పొరపాట్లు జరగకుండా అధికారులు చర్యలు తీసుకోవాలన్నారు. కార్యక్రమంలో జిల్లా సంయుక్త కలెక్టర్‌ భావన వశిష్ఠ, బాపట్ల చీరాల, రేపల్లె, ఆర్డిఓలు హరికుమార్‌, నరసింహారావు, శ్రీదేవి, జిల్లా అధికారులు, మండల ప్రత్యేక అధికారులు, మండల స్థాయి అధికారులు, తదితరులు పాల్గొన్నారు. మానవ సేవే మాధవ సేవ మానవ సేవే మాధవ సేవ అనే స్ఫూర్తితో, ఇండియన్‌ రెడ్‌క్రాస్‌ సొసైటీని మరింత బలోపేతం చేస్తూ, సేవా కార్యక్రమాల్లో కొత్త లక్ష్యాలను సాధించాలని జిల్లా కలెక్టర్‌ డాక్టర్‌ వినోద్‌కుమార్‌ అన్నారు. సోమవారం, కార్యాలయంలోని పీజీ ఆర్‌ఎస్‌ హాలులో బాపట్ల జిల్లా, ఇండియన్‌ రెడ్‌క్రాస్‌ సొసైటీ వార్షిక సర్వసభ్య సమావేశం నిర్వహించారు. ఇండియన్‌ రెడ్‌క్రాస్‌ సొసైటీ వ్యవస్థాపకులు హెన్రీ డ్యూనంట్‌ చిత్రపటానికి పూలమాలవేసి నివాళులర్పించారు. అనంతరం జ్యోతి వెలిగించి కార్యక్రమాన్ని ప్రారంభించారు. జిల్లాలో జూనియర్‌ రెడ్‌క్రాస్‌, యూత్‌ రెడ్‌ క్రాస్‌ ద్వారా 457 సంస్థల్లో 1,16,684 మంది సభ్యులను చేరినట్లు తెలిపారు. 2025–26 ఆర్థిక సంవత్సరంలో రెడ్‌క్రాస్‌ సొసైటీ ద్వారా అందించిన వివిధ రకాల సేవలను, సభ్యత్వ రుసుం, వాటి ఖర్చులు, ఆడిటింగ్‌ మొదలగు వివరాలను కమిటీ సభ్యులకు తెలియజేసి వారి ఆమోదం పొందారు. జిల్లాలో 2026–27 ఆర్థిక సంవత్సరంలో రెడ్‌క్రాస్‌ సొసైటీ ద్వారా చేపట్టే వివిధ సేవలను కమిటీ సభ్యులకు తెలియజేసి వారి ఆమోదం పొందారు. కార్యక్రమంలో బాపట్ల రెడ్‌ క్రాస్‌ సొసైటీ చైర్మన్‌ నారాయణభట్టు, జిల్లా వైద్య ఆరోగ్యశాఖ అధికారి విజయమ్మ, ఇంటర్మీడియట్‌ విద్యాధికారి కోదండ రామయ్య, రెడ్‌క్రాస్‌ సొసైటీ మండల సభ్యులు, తదితరులు పాల్గొన్నారు. జిల్లా కలెక్టర్‌ డాక్టర్‌ వి.వినోద్‌కుమార్‌

ఏర్పేడు: తిరుపతి జిల్లా రేణిగుంట రైల్వే ప్రొటెక్షన్‌ ఫోర్స్‌లో అసిస్టెంట్‌ సెక్యూరిటీ కమిషనర్‌గా విధులు నిర్వహిస్తున్న కుక్కాల రాజగోపాల్‌రెడ్డి అందించిన విశిష్ట సేవలను భారత ప్రభుత్వం గుర్తించి ప్రతిష్టాత్మకమైన ప్రెసిడెంట్‌(రాష్ట్రపతి) మెడల్‌ను అందుకున్నారు. చత్తీస్‌ఘడ్‌ రాష్ట్రం రాయపూర్‌లో సోమవారం జరిగిన ఆర్‌పీఎఫ్‌ రైజింగ్‌ డేను పురస్కరించుకుని ఆయనకు ఈ అవార్డును అందజేశారు. గతేడాది ప్రెసిడెంట్‌(రాష్ట్రపతి) మెడల్‌ను అందుకున్న ఆయన ఈ ఏడాది కూడా భారత ప్రభుత్వం ఆయన సేవలను గుర్తించి మెడల్‌ను మరోసారి అందుకోవడం పట్ల హర్షాతిరేకాలు వ్యక్తమవుతున్నాయి. బాపట్ల జిల్లా చిన్నగంజాం గ్రామానికి చెందిన కె.సర్వ జనార్ధన్‌రెడ్డి, వెంకటరామ తులశమ్మలకు ఈయన జన్మించారు. 1991లో ఆయన రైల్వే ప్రొటెక్షన్‌ ఫోర్స్‌(ఆర్‌పీఎఫ్‌) ఎస్‌ఐగా విజయవాడలో తొలిపోస్టింగ్‌లో చేరారు. రాజమండ్రి, సికిందరాబాద్‌, విజయవాడలో ఇన్‌స్పెక్టర్‌(ఐపీఎఫ్‌)గా విధులు నిర్వహించారు. అసిస్టెంట్‌ సెక్యూరిటీ కమిషనర్‌గా చైన్నె, బెంగుళూరు, సికిందరాబాద్‌, భువనేశ్వర్‌ వంటి ప్రధాన నగరాలలో విధులు నిర్వహించారు. గతేడాది ఏప్రిల్‌ నెలలో రేణిగుంటకు బదిలీపై వచ్చిన ఆయన గతంలో సికిందరాబాద్‌, బెంగుళూరు, చైన్నె, భువనేశ్వర్‌ వంటి నగరాల్లో ఆర్‌పీఎఫ్‌ అసిస్టెంట్‌ సెక్యూరిటీ కమిషనర్‌గా పని చేశారు. ఆయన 2020 నుంచి 2022 వరకు రెండు సంవత్సరాలు కోవిడ్‌ క్లిష్టపరిస్థితుల్లో ఐక్యరాజ్యసమితి శాంతి మిషన్‌లో భాగంగా దక్షిణ సూడాన్‌, కొసావో దేశాలలో అక్కడి భద్రతా సిబ్బందితో కలసి పని చేశారు. అప్పట్లో ఆయన చేసిన సేవలకు నాలుగు ఐక్యరాజ్య సమితి శాంతి పురస్కారాలను అందుకున్నారు. 2012 గణతంత్ర దినోత్సవ వేడుకల్లో భాగంగా ఆయన్ను ఇండియన్‌ పోలీస్‌ మెడల్‌తో సత్కరించారు. మరెన్నో అవార్డులు, రివార్డులను అందుకున్న ఆయన త్వరలో దేశ రాజధాని న్యూఢిల్లీలో రాష్ట్రపతి చేతుల మీదుగా ప్రెసిడెంట్‌ మెడల్‌ను అందుకోనున్నారు. స్వాతంత్ర సమరయోధుని కుటుంబంలో పుట్టి...: చిన్నగంజాం గ్రామానికి చెందిన రాజగోపాల్‌రెడ్డి తాత కుక్కాల రాధాకృష్ణారెడ్డి భారత స్వాతంత్ర సంగ్రామంలో పాల్గొన్నారు. వీరి తాత రాధాకృష్ణారెడ్డి ఆచార్య ఎన్‌జీ రంగాకు అత్యంత సన్నిహితుడు. స్వాతంత్ర సమరయోధుని కుటుంబంలో పుట్టి దేశసేవలో భాగస్వామిగా ఎంతో పేరుప్రఖ్యాతులు తెచ్చుకున్న ఘనత రాజగోపాల్‌రెడ్డిది. ఈయనకు షూటింగ్‌, పేరాగ్లిడ్డింగ్‌, శిఖరాధిరోహణం, ట్రెక్కింగ్‌ వంటి సాహసోపేతమైన హాబీలున్నాయి. ఆయన మాట్లాడుతూ వరుసగా రెండవ ఏడాది కూడా ప్రెసిడెంట్‌ మెడల్‌ దక్కడం ఎంతో గొప్ప అదృష్టంగా భావిస్తున్నానన్నారు. ఈ అవార్డు తన బాధ్యతను మరింత పెంచుతుందని తెలిపారు.

తమది బీసీల పార్టీ అంటూ మైకులముందు ఊదరగొట్టే తెలుగుదేశం పార్టీ అగ్రనేతల అసలు రంగు బట్టబయలైంది. పైకి బీసీల జపం చేస్తూ.. లోపల ఆయా వర్గాలను ఎంతగా అణగదొక్కుతారో ఇప్పటికే ఉమ్మడి జిల్లాలో మంత్రి, కార్పొరేషన్‌ పదవుల విషయంలో తేటతెల్లమయింది. తాజాగా కార్పొరేషన్లు, మున్సిపల్‌ చైర్మన్ల రిజర్వేషన్ల ప్రక్రియలో ఉమ్మడి గుంటూరు జిల్లాలో బీసీలను మరోసారి వంచించింది. రెండు కార్పొరేషన్లు, 13 మున్సిపాల్టీలు ఉన్న ఉమ్మడి జిల్లాలో రెండంటే రెండు మాత్రమే బీసీలకు కేటాయించి, వారంటే తమకు ఎంత చిన్నచూపో చెప్పకనే చెప్పింది. గుంటూరు మేయర్‌, ఇతర చైర్మన్ల విషయంలోనూ చివరివరకు బీసీలకంటూ ఊదరగొట్టి.. చివరకు మొండిచేయి చూపడంపై ఆయా వర్గాలు ఆగ్రహం వ్యక్తం చేస్తున్నారు. స్థానిక ఎన్నికల్లో టీడీపీ ప్రభుత్వానికి తమ సత్తా చూపిస్తామంటూ హెచ్చరిస్తున్నారు. సాక్షి ప్రతినిధి, గుంటూరు: బలహీన వర్గాలకు 34 శాతం రిజర్వేషన్‌ ఇస్తామంటూ డ్రామాలు ఆడి హైకోర్టు, సుప్రీం కోర్టుతో అక్షింతలు వేయించుకున్న కూటమి ప్రభుత్వం తాము మాత్రం 40 శాతం సీట్లు ఇస్తామంటూ బీరాలు పలికారు. అయితే తాజాగా సోమవారం వెలువడిన కార్పొరేషన్‌ మేయర్లు, మున్సిపల్‌ చైర్మన్‌ల రిజర్వేషన్ల ప్రక్రియలో ఉమ్మడి గుంటూరు జిల్లాలో బీసీలకు కూటమి ప్రభుత్వం మరోసారి వెన్నుపోటు పొడిచింది. జిల్లాలో కేవలం 13 శాతం సీట్లు మాత్రమే కేటాయించి, మరోసారి తన నైజాన్ని చాటుకున్నారు. జిల్లాలో ఉన్న గుంటూరు, మంగళగిరి కార్పొరేషన్‌లతోపాటు, 13 మున్సిపాలిటీల పరిధిలోనూ బీసీల సంఖ్య అత్యధికంగా ఉన్నప్పటికీ జిల్లాలో మేయర్లు, మున్సిపల్‌ చైర్మన్‌ పదవులకు మాత్రం వారు దూరంగా ఉండాల్సిన పరిస్థితి ప్రస్తుత కూటమి ప్రభుత్వ తీరుతో ఏర్పడింది. ఉమ్మడి జిల్లాలో రెండు కార్పొరేషన్‌లు, 13 మున్సిపాలిటీలు ఉండగా, కేవలం పిడుగురాళ్ల, సత్తెనపల్లి మున్సిపాలిటీలు మినహా మరెక్కడా బీసీలకు రిజర్వేషన్లలో చోటు దక్కకపోవడం చూస్తుంటే, బీసీల పట్ల కూటమి ప్రభుత్వానికి ఉన్నది కేవలం కపట ప్రేమ అనే విషయం స్పష్టంగా తెలుస్తుంది. సోమవారం తన ఎల్లో మీడియాలో జిల్లాలోని చిలకలూరిపేట, గురజాల, నరసరావుపేట, దాచేపల్లి నాలుగు మున్సిపాలిటీలను బీసీలకు కేటాయిస్తున్నట్లుగా కలరింగ్‌ ఇచ్చారు. తీరా రిజర్వేషన్లు ఖరారైన తరువాత చూస్తే ఓసీలకు కేటాయించారు. గుంటూరు కార్పొరేషన్‌ మేయర్‌ స్థానాన్ని ఈసారి బీసీలకు కేటాయిస్తారని ఆయా వర్గాలు ఆశతో ఎదురు చూడగా, టీడీపీ కూటమి ప్రభుత్వం వారి ఆశలను అడియాశలు చేస్తూ మరోసారి వారికి మేయర్‌ పీఠాన్ని దూరం చేశారు. గుంటూరు కార్పొరేషన్‌ ఏర్పడిన తరువాత 2000 సంవత్సరంలో మాత్రమే మేయర్‌ పీఠం బీసీలకు దక్కింది. 26 ఏళ్ల తరువాత ఈసారైనా మేయర్‌ స్థానం బీసీలకు కేటాయిస్తారని ఆశతో ఎదురు చూసి, మరోసారి భంగపాటుకు గురైన బీసీ నేతలు కూటమి ప్రభుత్వంపై తీవ్రస్థాయిలో మండిపడుతున్నారు. పార్టీ అధికారంలో ఉన్న సమయంలో ప్రాధాన్యం ఉన్న పదవులు బీసీలకు కేటాయించాల్సింది పోయి, అందుకు విరుద్ధంగా తమకు అన్యాయం చేస్తున్నారని సొంత పార్టీలోని బీసీ నేతలు ఆవేదన వ్యక్తం చేస్తున్నారు. ఉమ్మడి గుంటూరు జిల్లాలో బీసీలు అధికంగా ఉన్నప్పటికీ అధికార పార్టీ ఎమ్మెల్యేలు వారిపై ఎందుకు కక్ష కట్టారో తెలియదు కాని, వారికి రిజర్వు అయిన స్థానాలు మార్పించి తమకు అనుకూలంగా ఓసీలకు కేటాయించడం దారుణమైన విషయంగా పరిశీలకులు భావిస్తున్నారు. బీసీలకు మున్సిపల్‌ ఎన్నికల్లో పెద్ద పీట వేస్తామంటూ ఊదరగొట్టిన కూటమి నేతలు, ఎమ్మెల్యేల తరువాత అత్యంత ప్రాధా న్యం ఉన్న పదవులుగా చెప్పుకునే మేయర్లు, చైర్మన్ల పదవుల విషయంలో మాత్రం బీసీలకు పూర్తి స్థాయిలో అన్యాయం చేశారని బీసీ నేతలు తీవ్ర స్థాయిలో మండి పడుతున్నారు. ఇదేనా కూటమి ప్రభుత్వానికి బీసీలపై ఉన్న ప్రేమ అంటూ ప్రశ్నిస్తున్నారు.తమకు జరిగిన అన్యాయంపై గళం విప్పి కూటమి ప్రభుత్వానికి తప్పక బుద్ధి చెబుతామని బీసీ సంఘీయులు బహిరంగంగానే చెబుతున్నారు. టీడీపీ పభుత్వం అధికారంలోకి వచ్చినప్పటి నుంచి బీసీలపై కక్షపూరితంగానే వ్యవహరిస్తోందని ఆరోపణలు వినిపిస్తున్నాయి. అధికారంలోకి వచ్చిన రెండున్నరేళ్లలో ఉమ్మడి గుంటూరు జిల్లా లో రాష్ట్ర, జిల్లాస్థాయిలో అధికారిక, అనధికారిక పదవులు సుమారుగా 50కు పైగా ఇచ్చినప్పటికీ అందులో ఒక్క శాతం కూడా బీసీలకు దక్కలేదంటే ఏస్థాయిలో కూటమి ప్రభుత్వం బీసీలను వంచిస్తుందో అర్ధం చేసుకోవచ్చు. చంద్రబాబుకు బీసీలపై కపట ప్రేమకు నిదర్శనం గుంటూరు ఉమ్మడి జిల్లాలో బీసీలకు కేటాయించిన మున్సిపల్‌ సీట్లేనని పలువురు విమర్శిస్తున్నారు.

బాపట్ల: బాధితులకు సత్వర న్యాయం అందించడమే లక్ష్యమని జిల్లా ఎస్పీ బి.ఉమామహేశ్వర్‌ తెలిపారు. సోమవారం జిల్లా పోలీస్‌ ప్రధాన కార్యాలయంలో ఎస్పీ ఆధ్వర్యంలో ప్రజా సమస్యల పరిష్కార వేదిక కార్యక్రమం నిర్వహించారు. వివిధ ప్రాంతాల నుంచి తమ సమస్యలను విన్నవించుకోవడానికి వచ్చిన 52 మంది అర్జీదారులతో ఎస్పీ ముఖాముఖి మాట్లాడారు. ఈ సందర్భంగా ఎస్పీ మాట్లాడుతూ అర్జీదారులు సమస్యలను క్షేత్రస్థాయిలో విచారణ జరిపి, చట్ట పరిధిలో పరిష్కరించాలని పోలీస్‌ అధికారులను ఆదేశించారు. ప్రతి ఫిర్యాదుపై నిర్ణీత కాలపరిమితిలో సమగ్ర విచారణ పూర్తి చేసి నివేదిక సమర్పించాలని కోరారు. బాధితులు అందజేసిన అర్జీలలో అత్యధికంగా కుటుంబ కలహాలు, భూ వివాదాలు, ఆస్తి తగాదాలు, ఆర్థిక లావాదేవీలకు సంబంధించిన మోసాలు, కుటుంబ కలహాలు వంటి సమస్యలే ఉన్నాయని తెలిపారు. పోలీస్‌ యంత్రాంగం ఎల్లవేళలా ప్రజలకు అందుబాటులో ఉంటుందని చెప్పారు. ఫిర్యాదుదారులతో మర్యాదపూర్వకంగా వ్యవహరించాలని పోలీస్‌ అధికారులకు సూచించారు. అర్జీలు పదేపదే పునరావృతం కాకుండా శాశ్వత పరిష్కారం చూపాలని పేర్కొన్నారు. బాధితుల సమస్యల పరిష్కారంలో ఎటువంటి అలసత్వాన్ని సహించబోమని ఎస్పీ స్పష్టం చేశారు. కార్యక్రమంలో అడిషనల్‌ ఎస్పీ ఎల్‌.సుధాకర్‌, బాపట్ల డీఎస్పీ సిహెచ్‌.చంద్రమౌళి, పీజీఆర్‌ఎస్‌ సెల్‌ ఇన్‌స్పెక్టర్‌ శ్రీనివాసరావు పాల్గొన్నారు. జిల్లా ఎస్పీ బి.ఉమామహేశ్వర్‌

గుంటూరు మెడికల్‌: మేకల కాపరిగా జీవనాన్ని కొనసాగిస్తూ నీట్‌ పోటీ పరీక్షల్లో అత్యుత్తమ ర్యాంక్‌ సాధించి నిర్మల్‌ ప్రభుత్వ వైద్య కళాశాలలో ఎంబీ బీఎస్‌ సీటు సాధించిన గుడెలీ ఝాన్సీకి గుంటూరుకు చెందిన ప్రముఖ పిల్లల వైద్య నిపుణులు, బీపీ మండల్‌ ట్రస్టు చైర్మన్‌ డాక్టర్‌ ఆలా వెంకటేశ్వర్లు రూ.50 వేలు ఆర్థిక సహాయాన్ని ఫోన్‌పే ద్వారా అందజేశారు. తెలంగాణ రాష్ట్రం, నాగర్‌ కర్నూలు జిల్లా, అచ్చంపేటకు చెందిన గుడెలీ మల్లయ్య, సువర్ణ దంపతుల కుమార్తె ఝాన్సీ మెడికల్‌ కాలేజీలో సీటు సాధించినట్లు ‘సాక్షి’ చానల్‌లో మేకల కాపరి... మెడికల్‌ విద్యార్థిని శీర్షికతో కథనం ప్రచురితమైంది. స్పందించిన డాక్టర్‌ ఆలా వెంకటేశ్వర్లు విద్యార్థిని ఝాన్సీ చదువు నిమిత్తం పేదరికం అడ్డుకాకూడదని, కులమతాలకతీతంగా ప్రతిభావంతులైన పేద విద్యార్థులను ప్రోత్సహించాలనే లక్ష్యంతో రూ.50 వేలు ఆర్థిక సహాయం అందజేశారు. డాక్టర్‌ ఆలాతో పాటు, ఇరువురు దాతలు రూ.15 వేలు అందజేసినట్లు విద్యార్థిని తండ్రి మల్లయ్య తెలిపారు. దాతలకు కృతజ్ఞతలు చెప్పారు. ‘సాక్షి’ కథనంపై స్పందించిన డాక్టర్‌ ఆలా వెంకటేశ్వర్లు

వేటపాలెం: ఆధునిక సాంకేతిక యుగంలో యువత తీవ్ర ఒత్తిడికి గురవుతున్నారు. ఉరుకుల పరుగుల జీవితంలో ఒత్తిడిని జయించలేక చిన్నచిన్నవాటికి కుంగిపోయి ప్రాణాలు తీసుకుంటున్నారు. అంతేకాదు క్రికెట్‌ బెట్టింగులకు బానిసై అప్పులపాలై అర్ధంతరంగా తనువు చాలిస్తున్నారు. ఫలితంగా ఎన్నో కలలు కన్న తల్లిదండ్రులకు శోకాన్ని మిగిలిస్తున్నారు. ప్రభుత్వ ఉద్యోగి.. బెట్టింగ్‌కు బానిసై.. దేశాయిపేట పంచాయతీ రామనగర్‌కి చెందిన లేళ్ల వీరన్న ఏఆర్‌ కానిస్టేబుల్‌గా ఉద్యోగం చేస్తూ.. ఎస్పీ గన్‌మెన్‌గా విధులు నిర్వహిస్తుంటాడు. ఇతనికి భార్య, ఇద్దరు కుమార్తెలు ఉన్నారు. అయితే ఇతని చిన్నతనం నుంచి క్రికెట్‌ అంటే మక్కువ ఉండటంతో క్రికెట్‌ బెట్టింగులు పెట్టెవాడు. ఈ బెట్టింగుల కారణంగా అధిక మొత్తంలో అప్పులపాలయ్యాడు. అప్పులు తీర్చడం కష్టంగా మారింది. దీనితో మనశ్శాంతి కోల్పోయి క్షణికావేశంలో ఈ నెల 11వ తేదీన చెట్టుకు ఉరేసుకొని బలవర్మణానికి పాల్పడ్డాడు. తాను తీసుకున్న నిర్ణయంతో ఇతనిపై ఆధార పడిన భార్య, ఇద్దరు ఆడపిల్లలు కుటుంబ పెద్దను కోల్పోయారు. భార్యాభర్తల బలవన్మరణం.. ఏప్రిల్‌ 29వ తేదీన రావూరిపేటకు చెందిన సాఫ్ట్‌వేర్‌ ఉద్యోగి మాజేటి ప్రభాకర్‌ క్రికెట్‌ బెట్టింగులకు బానిసయ్యాడు. బెట్టింగుల కారణంగా రూ.లక్షల్లో అప్పులు చేశాడు. తీసుకున్న బాకీలు తిరిగి చెల్లించలేక బంధువులకు తెలిస్తే పరువు పోతుందని భావించి ఇంట్లో ఉరేసుకొని మృతి చెందాడు. భర్త ఉరేసుకున్న ఘటన చూసిన భార్య పార్వతి కూడా ఐదేళ్ల తరువాత పుట్టిన 13 నెలల చిన్నపాప ఉందని కూడా మర్చిపోయి క్షణికావేశంలో ఇంట్లోనే ఆమె కూడా ఉరేసుకొని తనువు చాలించింది. దీంతో వారి 13 నెలల చిన్నారి తల్లిదండులు లేని బిడ్డగా మిగిలిపోయింది. ఇటీవల జరిగిన పలు ఘటనలు.. కారణాలెన్నో.. ప్రాణం విలువైందని గ్రహించేలోపు క్షణికావేశంలో కొందరు యువకులు బలవర్మణాలకు పాల్పడుతున్నారు. 2024 నుంచి 2026 రెండేళ్లలో దాదాపు 20 మంది తనువు చాలించారు. కుటుంబ సమస్యలనో, ఆర్థిక ఇబ్బందులనో, చేసిన అప్పుల బాధ తాళ లేకనో, అనారోగ్యమనో, పరీక్షల్లో తప్పామనో, ప్రేమ విఫలమైందనో ఇలా రకరకాల కారణాలతో అతిగా ఆలోచించి బలవతంగా ప్రాణాలు తీసుకుంటున్న ఘటనలు చోటుచేసుకుంటూనే ఉన్నాయి. ఆత్మహత్యకు పాల్పడేవారిని ముందే గుర్తించవచ్చని మానసిక నిపుణలు చెప్తున్నారు. ఆత్మహత్య చేసుకోవాలనుకున్న వారు కొన్ని అసాధారణ లక్షణాలను కలిగి ఉంటారు. ఆత్మహత్య భావనలో ఉన్న వారిని ఒంటరిగా ఉంచరాదు. వీలైనంత వరకు ఇంట్లో వారందరి మధ్య ఉంచి కుటుంబ సభ్యులంతా వారిలో ధైర్యం నింపాలి. వీలైనంత వరకు ఆత్మహత్య భావన ఉన్నవారిని ఆత్మహత్యకు సహకరించే వస్తువులను ఆందుబాటులో లేకుండా చూడాలి. ఆత్మవిశ్వాసం, పాజిటివ్‌ థింక్‌ పుస్తకాలు, బిహేవియర్‌ థెరఫీ, కౌన్సెలింగ్‌ ప్రక్రియలు శక్తివంతంగా ఉపయోగపడుతాయి. వీలైతే మానసిక వైద్య నిపుణులచే కౌన్సెలింగ్‌ ఇప్పించాలి.

పెదకాకాని: పెదకాకాని శివాలయంలో భ్రమరాంబ అమ్మవారికి గుంటూరు జిల్లా దొండపాడు గ్రామానికి చెందిన నెలకుడిటి పార్వతి రూ.2,51,820 విలువైన 15 గ్రాముల 455 మిల్లీ గ్రాముల మంగళ సూత్రాలను సోమవారం అందజేశారు. పాలకమండలి సభ్యులు బండారు మల్లేశ్వరి, కొండా లత, పాముదుర్తి నాగలక్ష్మి ద్వారా దేవస్థాననానికి అందించినట్లు ఆలయ ఉప కమిషనర్‌ గోగినేని లీలాకుమార్‌, పాలకమండలి చైర్మన్‌ కోసూరి పూర్ణచంద్రరావు తెలిపారు. దాత కుటుంబ సభ్యులకు ప్రత్యేక దర్శనం, ఆలయ అర్చకస్వాములు, వేదపండితులచే వేద ఆశీర్వచనం చేయించారు. స్వామి వారి శేష వస్త్రంతో సత్కరించి, ప్రసాదం, చిత్రపటం అందజేశారు. లక్ష్మీపురం: ప్రయాణికులతో సంబంధాలను బలోపేతం చేయడం, రైల్వే సేవలను మెరుగుపర్చే లక్ష్యంతో జన సంవాద్‌ కార్యక్రమాన్ని నిర్వహిస్తున్నట్లు డీఆర్‌ఎం సుథేష్ణ సేన్‌ అన్నారు. గుంటూరు రైల్వేస్టేషన్‌లో సోమవారం సాయంత్రం జన్‌ సంవాద్‌ కార్యక్రమం నిర్వహించారు. రైల్వే స్టేషన్‌కు వచ్చిన ప్రయాణికులతో డీఆర్‌ఎం మాట్లాడి సమస్యలు తెలుసుకున్నారు. పెరుగుతున్న ప్రయాణికుల డిమాండ్‌కు అనుగుణంగా రైళ్లలో జనరల్‌ బోగీల సంఖ్యను పెంచాలని ప్రయాణికులు కోరారు. పెరిగిన ప్రయాణికుల డిమాండ్‌ను తీర్చడానికి, సౌకర్యవంతమైన ప్రయాణాన్ని కల్పించడానికి ’ట్రెయిన్‌ ఆన్‌ డిమాండ్‌’ ప్రత్యేక రైళ్లను ప్రవేశపెడుతున్నట్లు డీఆర్‌ఎం తెలిపారు. కార్యక్రమానికి డివిజన్‌ సంబంధిత విభాగాల అధికారులు తదితరులు పాల్గొన్నారు. ఇద్దరు వార్డు కార్యదర్శుల సస్పెన్షన్‌ నెహ్రూనగర్‌: ప్రజల నుంచి వచ్చిన అర్జీలను నిర్ణీత గడువులోగా పరిష్కరించకుండా నిర్లక్ష్యం వహించిన ఇద్దరు వార్డు అడ్మిన్‌ కార్యదర్శులను విధుల నుంచి సస్పెండ్‌ చేసినట్లు నగర కమిషనర్‌ కె.మయూర్‌ అశోక్‌ సోమవారం ఒక ప్రకటనలో పేర్కొన్నారు. ఈఆర్‌పీ విధానంలో ఆస్తిపన్ను సేవలను గడువు దాటినా పెండింగ్‌లో ఉంచిన ఆటోనగర్‌–02 సచివాలయ కార్యదర్శి డి.పద్మావతి 103 దరఖాస్తులను, కొండవారివీధి–03 సచివాలయ కార్యదర్శి కె. సుందర్‌ సింగ్‌ 58 దరఖాస్తులను పెండింగ్‌లో ఉంచడంతో ఈ చర్యలు తీసుకున్నట్లు పేర్కొన్నారు. గతంలో వీరికి జారీ చేసిన షోకాజ్‌ నోటీసులకు ఇచ్చిన వివరణలు సంతృప్తికరంగా లేకపోవడంతో, ఏపీ సివిల్‌ సర్వీసెస్‌ రూల్స్‌ ప్రకారం సస్పెండ్‌ చేస్తూ ఉత్తర్వులు జారీ చేశారు. సస్పెన్షన్‌ కాలంలో వీరు గుంటూరు హెడ్‌క్వార్టర్స్‌ను విడిచి వెళ్లరాదని స్పష్టం చేశారు. ప్రజా సేవల విషయంలో నిర్లక్ష్యం వహిస్తే ఎవరినీ ఉపేక్షించేది లేదని కమిషనర్‌ హెచ్చరించారు.

నూజివీడు: క్రీడల్లో రాణించడం ద్వారా క్రీడాకారులకు సమాజంలో మంచి గుర్తింపు లభిస్తుందని నూజివీడు మాజీ ఎమ్మెల్యే మేకా వెంకట ప్రతాప్‌ అప్పారావు అన్నారు. ఏపీ కబడ్డీ అసోసియేషన్‌ ఆధ్వర్యంలో ఎల్‌ఆర్‌డీ స్పోర్ట్స్‌ అండ్‌ డిఫెన్స్‌ అకాడమీ నిర్వహించిన అండర్‌–16 బాలబాలికల ఇంటర్‌ డిస్ట్రిక్ట్‌ కబడ్డీ పోటీలు నూజివీడులో ముగిశాయి. ఈ పోటీల విజేతలకు నిర్వహించిన బహుమతుల ప్రదానోత్సవ కార్యక్రమంలో ఆయన ముఖ్య అతిథిగా పాల్గొని ప్రసంగించారు. నూజివీడులో రాష్ట్ర స్థాయి కబడ్డీ టోర్నమెంట్‌ను విజయవంతంగా నిర్వహించడం గర్వకారణమని ఆయన కొనియాడారు. తల్లిదండ్రులు తమ పిల్లలను చదువుతో పాటు క్రీడల్లో కూడా ప్రోత్సహించాలని కోరారు. విద్యార్థులకు ఏ క్రీడపై ఆసక్తి ఉందో కోచ్‌లు, పీడీ, పీఈటీలు గుర్తించి, వారికి సరైన శిక్షణ ఇచ్చి జాతీయ స్థాయి క్రీడాకారులుగా తీర్చిదిద్దాలని సూచించారు. ఈ కార్యక్రమంలో ఎల్‌. రామదాసు, కబడ్డీ అసోసియేషన్‌ నాయకులు, నిర్వాహకులు, క్రీడాకారులు పాల్గొన్నారు. పోటీల విజేతలు బాలికల విభాగం: శ్రీకాకుళం (ప్రథమ స్థానం), కర్నూలు (ద్వితీయ స్థానం), చిత్తూరు (తృతీయ స్థానం). బాలుర విభాగం: బాపట్ల (ప్రథమ స్థానం), నెల్లూరు (ద్వితీయ స్థానం), తిరుపతి (తృతీయ స్థానం). మాజీ ఎమ్మెల్యే మేకా ప్రతాప్‌

వేమూరు: పాముకాటుకు గురై ఓ మహిళ మృతి చెందిన ఘటన చోటుచేసుకుంది. పోలీసుల కథనం మేరకు.. వేమూరు మండలం కుచ్చెళ్లపాడు గ్రామానికి చెందిన కె సుజాత (45) సోమవారం రాత్రి 2 గంటల సమయంలో ఇంటి నుంచి బయటకు వచ్చింది. ఇంటి దగ్గర పాము కాటు వేయడంతో 108 వాహనం ద్వారా తెనాలి ప్రభుత్వం వైద్య శాలకు తీసుకెళ్లారు. తెనాలి ప్రభుత్వ వైద్యశాలలో చికిత్స పొందుతూ పరిస్థితి విషమించడంతో గుంటూరు ప్రభుత్వ వైద్యశాలకు తీసుకెళ్లారు. అక్కడ వైద్య సేవలు పొందుతూ మృతి చెందినట్లు ఎస్‌ఐ శ్రీనివాసరావు తెలిపారు. కేసుల పరిష్కారంలో జాతీయస్థాయిలో గుర్తింపు మంగళగిరి రూరల్‌: కేసుల సత్వర పరిష్కారంలో రాష్ట్ర సమాచార హక్కు కమిషన్‌న్‌ జాతీయ స్థాయిలో గుర్తింపు పొందిందని రాష్ట్ర సమాచార హక్కు చట్టం ప్రధాన కమిషనర్‌ వజ్జా శ్రీనివాసరావు తెలిపారు. సమాచార హక్కు చట్టం వ్యవస్థాపక వేడుకలను మండలంలోని చినకాకాని గ్రామ పరిధిలోని సమాచార కమిషన్‌ కార్యాలయంలో సోమవారం ఘనంగా నిర్వహించారు. శ్రీనివాసరావు మాట్లాడుతూ సమాచార హక్కు చట్టాన్ని ప్రజలకు మరింత చేరువ చేయడంతోపాటు, పెండింగ్‌ కేసులను వేగంగా పరిష్కరించేందుకు చర్యలు తీసుకుంటున్నట్లు చెప్పారు. ఈ ఏడాది 2026 జనవరి నుంచి సెప్టెంబర్‌ నెలాఖరు వరకు 7,034 కేసులను పరిష్కరించి రికార్డు సృష్టించిందని తెలిపారు. ప్రస్తుత కమిషనర్లు ఇప్పటివరకు 10 వేల కేసులను పరిష్కరించారని ప్రశంసించారు. ప్రజలు తమ మొబైల్‌ ఫోన్ల ద్వారానే ఆన్‌లైన్‌లో దరఖాస్తు చేసుకునే అవకాశం కల్పించామని కమిషనర్‌ తెలిపారు. కార్యక్రమంలో సమాచార హక్కు కమిషనర్లు చావలి సునీల్‌, డాక్టర్‌ రెహానా బేగం, గాజుల అదెన్న, డాక్టర్‌ అల్లారెడ్డి ఉదయభాస్కరరెడ్డి, శరత్‌చంద్ర కల్యాణ్‌ చక్రవర్తి వట్టికూటి, వంటేరు రవిబాబు, పి.నాయుడు, కమిషన్‌ కార్యదర్శి సీహెచ్‌ పద్మావతి దేవి, ఉప కార్యదర్శి కె.నరసింహారావు, లా సెక్రటరీ వి.రఘురామ్‌ పాల్గొన్నారు. యువకుడిని స్నేహితులే హతమార్చారు.. చేబ్రోలు: యువకుడిని పథకం ప్రకారం స్నేహితులే హత్య చేసినట్లు పోలీసులు అంచనాకు వచ్చారు. చేబ్రోలు మండలం సుద్దపల్లి గ్రామానికి చెందిన రాజవరపు నాగేశ్వరరావు(21) ఆదివారం హత్యకు గురైన విషయం విధితమే. తాపీ పని చేసుకుంటూ జీవనం సాగిస్తున్న నాగేశ్వరరావు స్నేహితులు అదే గ్రామానికి చెందిన గంజి సుబ్బారావు, ఆలకుంట దుర్గాప్రసాద్‌ స్నేహితులు. వీరి ముగ్గురూ కలిసి తాపీ పనికి వెళ్తూ చెడు అలవాట్లకు బానిసయ్యారు. పథకం ప్రకారమే హత్య... ఆదివారం ద్విచక్ర వాహనంపై నాగేశ్వరరావును అనుమానితులు సుబ్బారావు, దుర్గాప్రసాద్‌ తీసుకువెళ్లినట్లు సీసీ కెమెరాల్లో రికార్డు అయింది. గ్రామ శివారు ప్రాంతంలో నాగేశ్వరరావుపై దాడి చేశారు. అనంతరం నాగేశ్వరరావును గ్రామ శివారులోని క్వారీ గోతి వద్దకు తీసుకెళ్లి దస్తులు అన్నీ తీసివేసి నగ్నంగా మృతదేహాన్ని అందులో పడేసి ఏమీ తెలియనట్లు నమ్మించే ప్రయత్నం చేశారు. హత్య చేసిన అనంతరం నాగేశ్వరరావు ఈత వేయటానికి వెళ్లి, చేపలు పట్టడానికి వెళ్లి పొరపాటున పడి మునిగి చనిపోయాడని ప్రచారం చేయడం ప్రారంభించారు. అనుమానాస్పద మృతిపై.. నాగేశ్వరరావు అనుమానాస్పద మృతి చెందినట్లు ప్రచారంతో పోలీసులు స్పందించారు. విచారణ కోసం నిందితులైన సుబ్బారావు, దుర్గాప్రసాద్‌లను అదుపులోకి తీసుకున్నారు. అదుపులోకి తీసుకునే సమయంలో బంధువులు, మహిళలు అడ్డుకుని పోలీసులతో తీవ్ర వాగ్వాదానికి దిగారు. మృతుడి తల్లి రాజవరపు అక్కమ్మ ఇచ్చిన ఫిర్యాదు మేరకు పొన్నూరు రూరల్‌ సి.ఐ పి.కృష్ణయ్య కేసు నమోదు చేసి దర్యాప్తు చేస్తున్నారు. దీనితో పాటు పోలీసుల విధులకు ఆటంకం కలిగించి, వాగ్వాదానికి దిగిన మరో ఐదుగురిపై పోలీసులు కేసు నమోదు చేసి దర్యాప్తు చేస్తున్నారు.

బాపట్ల: అధికారులకు, ప్రజలకు మధ్య సత్సంబంధాలు, సమన్వయం ఉండాలని జిల్లా కలెక్టర్‌ డాక్టర్‌ వినోద్‌ కుమార్‌ అన్నారు. సోమవారం జిల్లా కలెక్టర్‌ కార్యాలయంలోని ప్రజా సమస్యల పరిష్కార వేదికలో జిల్లాలోని వివిధ ప్రాంతాల నుంచి వచ్చిన ప్రజల నుంచి ఆయన వినతులను స్వీకరించారు. ఈ సందర్భంగా మాట్లాడుతూ, ప్రజల సమస్యలను అధికారులు సానుకూల దృక్పథంతో స్వీకరించి, వాటి పరిష్కారానికి కృషి చేయాలన్నారు. ప్రజలకు ప్రభుత్వ సేవలు సకాలంలో అందేలా అధికారులు బాధ్యతాయుతంగా వ్యవహరించాలని కలెక్టర్‌ తెలిపారు. ప్రభుత్వ పథకాలు, సంక్షేమ కార్యక్రమాల ప్రయోజనాలు అర్హులైన ప్రతి ఒక్కరికీ అందేలా అధికారులు కృషి చేయాలన్నారు. గడిచిన వారంలో పీజీఆర్‌ఎస్‌ ద్వారా వచ్చిన అర్జీల పరిష్కారంలో అత్యుత్తమ సేవ కనబరిచిన రేపల్లె రెవెన్యూ డివిజనల్‌ అధికారి బి.శ్రీదేవిని జిల్లా కలెక్టర్‌, జిల్లా సంయుక్త కలెక్టర్‌లు శాలువా మరియు జ్ఞాపికతో సత్కరించారు. అదేవిధంగా ఓటర్ల నమోదు అవగాహన కార్యక్రమాలపై ఎన్నికల అక్షరాస్యత క్లబ్‌ ద్వారా అన్ని కళాశాలల్లోని విద్యార్థులకు వేర్వేరుగా నిర్వహించిన పోటీల్లో విజేతలైన వారికి కలెక్టర్‌ డాక్టర్‌ వినోద్‌ కుమార్‌, జేసీ భావన వశిష్ట చేతుల మీదుగా ధ్రువీకరణ పత్రాలు, మొమెంటోలను అందజేశారు.

చీరాల రూరల్‌: బీచ్‌ ఫుట్‌బాల్‌ విజేతగా ఎన్టీఆర్‌ జిల్లా నిలిచింది. ఆంధ్రప్రదేశ్‌ ఫుట్‌బాల్‌ అసోసియేషన్‌ ఆధ్వర్యంలో చీరాల రామాపురం బీచ్‌లో మూడు రోజులుగా ఏపీ ఇంటర్‌ డిస్ట్రిక్ట్‌ బీచ్‌ ఫుట్‌బాల్‌ చాంపియన్‌ షిప్‌ పోటీలు ఆదివారం రాత్రితో ఉత్సాహంగా ముగిశాయి. ఈ పోటీల్లో మొత్తం 17 జిల్లాల క్రీడా జట్లు పాల్గొన్నారు. క్వార్టర్‌ ఫైనల్స్‌, సెమీ ఫైనల్స్‌లో తమ ప్రత్యర్థి జట్లను మట్టికరిపించిన విశాఖపట్టణం–ఎన్టీఆర్‌ జిల్లాల జట్లు ఫైనల్‌కు చేరాయి. ఫైనల్‌లో జరిగిన మ్యాచ్‌లో ఇరు జట్లు విజేత నువ్వానేనా అన్నట్లుగా చిరుతపులుల్లా పోరాడాయి. చివరకు ఎన్టీఆర్‌ జిల్లాజట్లు 1–0 గోల్స్‌ తేడాతో వైజాగ్‌ జట్టును ఓడించి విజేతగా నిలిచి మొదటి బహుమతిని కై వసం చేసుకుంది. విజేతగా నిలిచిన జట్టుకు ముఖ్య అతిథిగా పాల్గొన్న ఎమ్మెల్యే ఎంఎం. కొండయ్య బహుమతులు అందజేశారు. కార్యక్రమంలో నూతలపాటి దేవదాసు, విజయ్‌ కుమార్‌, బాలశౌరి, బాలాజీ, దీవెనయ్య, అగస్టీన్‌, యూత్‌ సభ్యులు పాల్గొన్నారు.

గుంటూరు ఎడ్యుకేషన్‌: నవ్యాంధ్రప్రదేశ్‌ నిర్మాణంలో విద్యాభివృద్ధి కీలకమని, దశాబ్దాల చరిత్ర కలిగిన గురుకుల పాఠశాలల్లో పనిచేస్తున్న ఉపాధ్యాయులు విద్యా ప్రమాణాల పెరుగుదలకు మరింత బాధ్యతగా విద్యా బోధన చేయాలని రాజ్యసభ సభ్యుడు భాష్యం రామకృష్ణ పేర్కొన్నారు. వీఎస్‌ఆర్‌ ఫౌండేషన్‌ ఆధ్వర్యంలో రాష్ట్రస్థాయి ఉత్తమ గురుకుల ఉపాధ్యాయుల అవార్డుల ప్రదానోత్సవ సభను అమరావతి రోడ్డులోని హిందూ ఇంజినీరింగ్‌ కళాశాలలో నిర్వహించారు. రామకృష్ణ మాట్లాడుతూ ఒక సమాజం, ఒక వ్యవస్థ, ఒక దేశం అభివృద్ధి పథాన నడవాలంటే ఉత్తమ పౌరులుగా తీర్చిదిద్దే బాధ్యత గురువుల పైనే ఉన్నదన్నారు. పార్లమెంట్‌ సభ్యునిగా తనకొచ్చే నిధులను ప్రభుత్వ పాఠశాలల అభివృద్ధి కోసమే ఖర్చు చేసేలా సంకల్పించానని అన్నారు. ఎనిమిదేళ్లుగా వీఎస్‌ఆర్‌ ఫౌండేషన్‌ ప్రతి యేటా గురుకుల పాఠశాలల నుంచి ఉత్తమ ఉపాధ్యాయులను గుర్తించి గౌరవించడం అభినందనీయమన్నారు. ఆంధ్రప్రదేశ్‌ గురుకుల విద్యాసంస్థల సొసైటీ కార్యదర్శి ఎ.కృష్ణమోహన్‌ మాట్లాడుతూ విలువలతో కూడిన ఉత్తమ పౌరులుగా తీర్చిదిద్దేందుకు గురుకుల పాఠశాలలు చేస్తున్న కృషి అభినందనీయమన్నారు. కార్యక్రమ నిర్వాహకుడు డాక్టర్‌ పీవీ మల్లేశ్వర్‌ మాట్లాడుతూ తమ మిత్రులు వినుకొండ శ్రీనివాసరావు స్ఫూర్తితో వీఎస్‌ఆర్‌ ఫౌండేషన్‌, కృతి ఫౌండేషన్‌ సంయుక్త ఆధ్వర్యంలో గురుకుల ఉపాధ్యాయులను సత్కరించటంతోపాటు పేద విద్యార్థులకు ఉపకార వేతనాలు, నూతన వస్త్రాలు అందించటంతో పాటు విద్యాభివృద్ధి కార్యక్రమాలు నిర్వహిస్తున్నట్లు తెలియజేశారు. వీఎస్‌ఆర్‌ ఫౌండేషన్‌ గౌరవాధ్యక్షుడు కేఎస్‌ లక్ష్మణరావు మాట్లాడుతూ గురుకుల పాఠశాలలు ఉత్తమ విద్యాసంస్థలకు మారుపేరుగా ఉన్నాయన్నారు. ఎందరో సీనియర్‌ ఐఏఎస్‌లు గురుకుల విద్యాసంస్థల్లో విద్యనభ్యసించిన వారేనని చెప్పారు. ప్రతి ఏటా ఉపాధ్యాయ దినోత్సవం గురుకుల పాఠశాలల ఉపాధ్యాయులను గుర్తించి గౌరవించే బాధ్యతను ప్రభుత్వం విస్మరించకూడదని చెప్పారు. కార్యక్రమంలో జిల్లా గ్రంథాలయ సంస్థ చైర్మన్‌ బి.వందనాదేవి, డాక్టర్‌ హిమబిందు కొండలరావు, గోవింద్‌రెడ్డి, చంద్రశేఖర్‌, రాఘవ శ్రీనివాసరావు పాల్గొన్నారు. రాజ్యసభ సభ్యుడు భాష్యం రామకృష్ణ

సంపులో పడి కార్మికుడి మృతి మేడికొండూరు: మండలంలోని పేరేచర్ల కై లాసగిరిలో ఉన్న బయో డీజిల్‌ ప్రైవేట్‌ కంపెనీలో కార్మికుడు నీటి సంపులో పడి మృతి చెందిన ఘటన శనివారం అర్ధరాత్రి చోటుచేసుకుంది. పోలీసులు అందించిన వివరాలు.. కంపెనీలో కెమికల్‌ అనాలసిస్‌ ల్యాబ్‌ వర్కర్‌గా పనిచేస్తున్న పోపూరి యశ్వంత్‌ (33) విధుల్లో ఉన్న సమయంలో బాత్రూంకు వెళ్లాడు. ఈ క్రమంలో నీటిని తీసుకునే ప్రయత్నంలో ప్రమాదవశాత్తు సంపులో పడటంతో మృతి చెందాడు. ఘటనా స్థలాన్ని పోలీసులు పరిశీలించారు. మృతదేహాన్ని పోస్టుమార్టం నిమిత్తం గుంటూరు ప్రభుత్వ ఆసుపత్రికి తరలించే సమయంలో మృతుడి బంధువులు అడ్డుకుని ఆందోళన చేపట్టారు. దీంతో అక్కడ కొంతసేపు ఉద్రిక్తత నెలకొంది. పోలీసులు జోక్యం చేసుకుని పరిస్థితిని సాధారణ స్థితికి తీసుకొచ్చి, మృతదేహాన్ని గుంటూరు ప్రభుత్వ ఆసుపత్రికి తరలించారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. డీజిల్‌ దొంగల ముఠా అరెస్ట్‌ మంగళగిరి రూరల్‌: రాజధాని ప్రాంతంలో నిర్మాణ యంత్రాలు, నిలిపి ఉంచిన లారీల నుంచి సుమారు 500 లీటర్ల డీజిల్‌ చోరీ చేసి అధిక ధరలకు విక్రయిస్తున్న ముగ్గురిని మంగళగిరి గ్రామీణ పోలీసులు ఆదివారం అరెస్టు చేశారు. నిందితులు ఉయ్యూరు ఉమామహేశ్వర్‌రెడ్డి (నిడమర్రు), మేకల రాజు (నవులూరు), పంతంగాని శీను (ఇబ్రహీంపట్నం)గా గుర్తించారు. నిడమర్రు నుంచి తాడికొండ వెళ్లే రహదారిలోని ఓ షెడ్‌లో డీజిల్‌ లోడింగ్‌, అన్‌న్‌లోడింగ్‌ కేంద్రాన్ని ఏర్పాటు చేసుకుని అక్రమ వ్యాపారం చేస్తున్నట్లు పోలీసులు గుర్తించారు. నిందితులను ఆదివారం న్యాయమూర్తి ఎదుట హాజరుపరచగా 14 రోజుల రిమాండ్‌ విధించినట్లు మంగళగిరి గ్రామీణ సీఐ చిరుమామిళ్ల వెంకట్‌ తెలిపారు. కాలువలోకి దూసుకెళ్లిన వాహనం తాడికొండ: కారును ఓవర్‌టేక్‌ చేస్తూ వాహనం అదుపు తప్పడంతో కాల్వలోకి దూసుకెళ్లిన ఘటన తుళ్లూరు మండలం వెంకటపాలెం సీడ్‌ యాక్సిస్‌ రోడ్డుపై ఆదివారం సాయంత్రం జరిగింది. స్థానికుల సమాచారం మేరకు అతివేగంగా వస్తున్న వాహనం కారును ఓవర్‌ టేక్‌ చేయబోయే సమయంలో అదుపుతప్పి మధ్య రోడ్డు నుంచి నది వైపు రోడ్డులోకి డివైడర్‌ దాటుకొని వెళ్లింది. అనంతరం పక్కనే డ్రైనేజీ కోసం తీసిన కాలువలో పడింది ఘటనలో డ్రైవర్‌కు స్వల్ప గాయాలు కాగా ఆదివారం కావడంతో రోడ్డు నిర్మానుష్యంగా ఉన్న నేపథ్యంలో ఎలాంటి ప్రమాదం జరగలేదు.

గుంటూరు వెస్ట్‌: స్థానిక సంస్థల ఎన్నికలను స్వేచ్ఛాయుతంగా, ప్రశాంతంగా నిర్వహించేందుకు అవసరమైన అన్ని ముందస్తు ఏర్పాట్లు చేపట్టాలని జిల్లా కలెక్టర్‌ ిసీఎం సాయికాంత్‌ వర్మ ఆదేశించారు. స్థానిక సంస్థల ఎన్నికల నిర్వహణపై ఆదివారం జిల్లా అధికారులతో వీడియో కాన్ఫరెన్స్‌ నిర్వహించారు. కలెక్టర్‌ మాట్లాడుతూ ఎన్నికల సంఘం నిబంధనల ప్రకారం సున్నిత, అతి సున్నితమైన పోలింగ్‌ కేంద్రాలను గుర్తించాలన్నారు. ఓటర్లు ప్రశాంతంగా తమ ఓటు హక్కును వినియోగించుకునేలా చర్యలు తీసుకోవాలన్నారు. మండల పరిషత్‌ అభివృద్ధి అధికారులు, మున్సిపల్‌ కమిషనర్‌లు అన్ని పోలింగ్‌ కేంద్రాలను వ్యక్తిగతంగా తనిఖీ చేయాలని ఆదేశించారు. పోలింగ్‌ అధికారులు, సిబ్బంది శిక్షణ, పోలింగ్‌ సామగ్రి సమకూర్చడం, వెబ్‌ కాస్టింగ్‌, పోలింగ్‌ కేంద్రాలలో వీడియోగ్రఫీ, సీసీ కెమెరాలు ఏర్పాటు తదితర అంశాలపై దృష్టి సారించాలన్నారు. ప్రతి అంశంపై స్పష్టత ఉండాలని తెలిపారు. నోటిఫికేషన్‌ వెలువడిన నాటి నుంచి ఎన్నికల నియమావళి అమలులోకి వస్తుందని తెలిపారు. రాష్ట్ర ఎన్నికల సంఘం ఆదేశాలు, నిబంధనల మేరకు అధికారులు ప్రతి పని చేయాలని కలెక్టర్‌ స్పష్టం చేశారు. వీడియో కాన్ఫరెన్స్‌లో డీఆర్వో షేక్‌ ఖాజా వలి, జెడ్పీ సీఈఓ వి.జ్యోతిబసు, డీపీఓ బి.వి.నాగసాయికుమార్‌, ఇతర అధికారులు పాల్గొన్నారు.

సోమవారం శ్రీ 12 శ్రీ అక్టోబర్‌ శ్రీ 20267అచ్చంపేట: పులిచింతల ప్రాజెక్టులో ప్రస్తుత నిల్వ 28.9578 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. దుగ్గిరాల: ప్రకాశం బ్యారేజ్‌ నుంచి పశ్చిమ డెల్టాకు 2,423 క్యూసెక్కులు విడుదల చేసినట్లు నీటిపారుదల శాఖ అధికారులు తెలిపారు. మాచర్ల: నాగార్జునసాగర్‌ రిజర్వాయర్‌ నీటిమట్టం ఆదివారం స్వల్పంగా పెరిగింది. ప్రస్తుతం ప్రాజెక్టు నీటిమట్టం 540.30 అడుగులకు చేరుకుంది. వేద మంత్రాల నడుమ.. మంగళవాయిద్యాల సవ్వడితో.. అమ్మవారి నామస్మరణతో ఇంద్రకీలాద్రి ఆధ్యాత్మిక శోభను సంతరించుకుంది. జగజ్జనని శ్రీ కనకదుర్గమ్మ శరన్నవరాత్రి మహోత్సవాలు ఆదివారం అంగరంగ వైభవంగా ప్రారంభమయ్యాయి. తొలి రోజున అమ్మవారు శ్రీ బాలా త్రిపురసుందరీదేవిగా దర్శనమివ్వడంతో కొండంతా భక్తిభావంతో పులకించిపోయింది. అమ్మవారిని దర్శించుకుని మొక్కులు చెల్లించుకునేందుకు పెద్ద సంఖ్యలో భక్తులు తరలివచ్చారు. మరోవైపు ప్రముఖుల రాక, సిఫార్సు దర్శనాల మధ్య సామాన్య భక్తులు ఇబ్బందులు ఎదుర్కోవాల్సి వచ్చింది. ఆంక్షలు, రద్దీ నడుమ భక్తుల గంటల తరబడి నిరీక్షించారు. ఇంద్రకీలాద్రి, వన్‌టౌన్‌ (విజయవాడపశ్చిమ): ఇంద్రకీలాద్రిపై దసరా మహోత్సవాలు అంగరంగ వైభవంగా ప్రారంభమయ్యాయి. ఉత్సవాల్లో తొలి రోజు ఆదివారం అమ్మవారు శ్రీబాలాత్రిపురసుందరీదేవిగా భక్తులకు దర్శనమిచ్చారు. ఆదివారం ఒక్క రోజే సుమారు లక్ష మంది భక్తులు అమ్మవారిని దర్శించుకున్నారని ఆలయ అధికారులు పేర్కొంటున్నారు. తెల్లవారుజామున 2 గంటలకు అమ్మవారికి సుప్రభాత సేవ అనంతరం స్నపనాభిషేకం, విశేష అలంకరణ, పూజా కార్యక్రమాల అనంతరం ఉదయం 8.30 గంటలకు దర్శనాలు ప్రారంభమయ్యాయి. అమ్మవారి తొలి దర్శనం మంత్రి సుభాష్‌, కలెక్టర్‌ లక్ష్మీశ, సీపీ రాజశేఖరబాబు, ఆలయ ఈవో శీనానాయక్‌, చైర్మన్‌ రాధాకృష్ణ చేసుకుని ప్రత్యేక పూజలు జరిపించుకున్నారు. ప్రధాన ఆలయం నుంచి అమ్మవారి ఉత్సవమూర్తిని నూతన పూజామండపానికి ఊరేగింపుగా తీసుకువచ్చి ప్రతిష్టించారు. పూజా మండపంలో గణపతి పూజ చేశారు. బాలా త్రిపుర సుందరీదేవి అలంకారంలో దుర్గమ్మను శాసనసభ డెప్యూటీ స్పీకర్‌ రఘురామకృష్ణంరాజు, పశ్చిమ ఎమ్మెల్యే సుజనాచౌదరి, మైలవరం ఎమ్మెల్యే వసంత కృష్ణప్రసాద్‌, కాళహస్తి ఎమ్మెల్యే బొజ్జల వెంకట సుధీర్‌ రెడ్డి అమ్మవారిని దర్శించుకున్నారు. ప్రత్యేక కుంకుమార్చన, ప్రత్యేక శత చండీహోమం, ప్రత్యేక శ్రీచక్రనవార్చనలను నిర్వహించగా, పెద్ద ఎత్తున ఉభయదాతలు పాల్గొన్నారు. ఉభయదాతలను ప్రత్యేక క్యూలో దర్శనానికి అనుమతించారు. లిప్టులు, అనధికార దర్శనాలు యఽథాతథం క్యూలో విచ్చేసే వారికే తొలి ప్రాధాన్యమిస్తామని చెప్పిన ఆలయ అధికారులు ఆచరణలో మాత్రం అమలు కాలేదు. ఉత్సవాల్లో తొలి రోజే లిఫ్టుల ద్వారా తమకు కావాల్సిన వారిని పోలీసు, దేవస్థాన కమిటీ సభ్యులు యథేచ్ఛగా కొండపైకి తీసుకువెళ్లి దర్శనాలు చేయించారు. మరోవైపున ప్రజాప్రతినిధుల తరఫున సేవా దళం ఆలయ పరిసరాల్లో తిరుగుతూ తమ వారికి దర్శనాలు చేయిస్తున్నారు. వన్‌టౌన్‌లోని ఓ సత్రంకు చెందిన సభ్యుడు సైతం ప్రొటోకాల్‌ డ్యూటీ చేయడం గమనార్హం. మెడలో కండువా, ఐడీ కార్డును ధరించి దర్జాగా దర్శనాలు చేయిస్తున్నా అడ్డుకునే వారే లేకపోయారు. వీకెండ్‌, వరస సెలువులు, దసరా ఉత్సవాలు ఆదివారం ప్రారంభం కావడంతో ఆదివారం రికార్డు స్థాయిలో భక్తులు అమ్మవారిని దర్శించుకునేందుకు ఇంద్రకీలాద్రికి తరలివచ్చారు. పట్టువస్త్రాలు సమర్పణ ఉత్సవాల్లో భాగంగా బాలాత్రిపుర సుందరీదేవిగా దర్శనమిచ్చిన అమ్మవారికి కాళహస్తి, కాణిపాకం దేవస్థానాల నుంచి పట్టువస్త్రాలను సమర్పించారు. కాళహస్తి ఈవో బీకే వెంకటేశ్వర్లు, ఎమ్మెల్యే బొజ్జల సుధీర్‌రెడ్డి, పాలక మండలి సభ్యులు పట్టువస్త్రాలతో దుర్గగుడికి చేరుకోగా, ఆలయ చైర్మన్‌ రాధాకృష్ణ సాదరంగా స్వాగతం పలికారు. అమ్మవారిని దర్శించుకుని ప్రత్యేక పూజలు జరిపించుకున్న అనంతరం వేద పండితులు ఆశీర్వచనం అందజేయగా, అమ్మవారికి పట్టుచీర, పూజా సామగ్రి, సారెను సమర్పించారు. పని చేయని ఆన్‌లైన్‌ కౌంటర్లు అమ్మవారి లడ్డూ ప్రసాదాలు విక్రయించే ఆన్‌లైన్‌ కౌంటర్లు పని చేయకపోవడంతో భక్తులు ఇబ్బందులకు గురయ్యారు. దసరా ఉత్సవాలలో భాగంగా దేవస్థానం నాలుగు ఆన్‌లైన్‌ కౌంటర్లు ఏర్పాటు చేసింది. ఆదివారం మధ్యాహ్నం నుంచి సర్వర్‌ పని చేయలేదు. ఈ సమస్యపై ఈవో శీనానాయక్‌ టెక్నికల్‌ సిబ్బందితో సమస్య పరిష్కారానికి చర్యలు తీసుకోవాలని ఆదేశించారు. సాయంత్రం వరకు సమస్య పరిష్కారం కాలేదు. ఆదివారం ఉదయం 8.30 గంటలకు అమ్మవారి దర్శనం ప్రారంభమవ్వగా అప్పటికే వినాయకుడి గుడి వరకు క్యూలు నిండుకున్నాయి. భక్తులను సీతమ్మ వారి పాదాలు, వీఎంసీ కార్యాలయం వద్ద ఏర్పాటు చేసిన హోల్డింగ్‌ పాయింట్లకు మళ్లించారు. మరో వైపున అర్ధరాత్రి 2 గంటలకే క్యూలలో వేచి ఉన్న భక్తులు ఆలయం వద్దకు చేరుకునే సరికి ఉదయం 11 గంటలైంది. బయట వాతావరణం వేడిగా, ఉక్కపోతగా ఉండటంతో క్యూలో ఉన్న చిన్న పిల్లలు, మహిళలు తీవ్ర ఇబ్బందులకు గురయ్యారు. దసరా ఉత్సవాల తొలి రోజు అధిక సంఖ్యలో వీఐపీలు, ప్రముఖులు, సిఫార్సులు ఉన్న వారు ఆలయానికి చేరుకోవడంతో సామాన్య భక్తులకు ఇబ్బందులు తప్పలేదు. దీంతో క్యూ అడుగు ముందుకు వేయాలంటే గంటల తరబడి వేచి ఉండాల్సి వస్తుందని భక్తులు ఆవేదన వ్యక్తం చేశారు. ఇంద్రకీలాద్రిపై దుర్గామల్లేశ్వర స్వామి వార్లకు ఆదివారం సాయంత్రం నగరోత్సవ సేవ కనులపండువగా సాగింది. అమ్మవారి ఆలయ ప్రాంగణంలోని పాత యాగశాల నుంచి ప్రారంభమైన ఊరేగింపు కనకదుర్గనగర్‌, రఽథం సెంటర్‌, వినాయకుడి గుడి, కెనాల్‌రోడ్డు, దుర్గాఘాట్‌, ఘాట్‌రోడ్డు మీదగా ఆలయానికి చేరుకుంది. మేళతాళాలు, మంగళవాయిద్యాల నడుమ భక్తజనుల కోలాట నృత్యాలు, వివిధ కళాకారుల నృత్యాలు, కేరళ వాయిద్యాలు, శాక్సాఫోన్‌ నాదంతో ఊరేగింపు కనులపండువగా సాగింది. నగరోత్సవ సేవలో దసరా ఉత్సవాల ఫెస్టివల్‌ ఆఫీసర్‌ ఆజాద్‌, చైర్మన్‌ రాధాకృష్ణ, ట్రస్ట్‌ బోర్డు సభ్యులు, సిబ్బంది పాల్గొన్నారు. బాలాత్రిపురసుందరిగా దుర్గమ్మ దర్శనం భక్తజనులకు కనుల పండువ లిప్టుల వినియోగం, సిఫార్సు దర్శనాలు సామాన్య భక్తులకు ఇక్కట్లు అర్చకులు, మీడియాకు తప్పని ఆంక్షలు

లబ్బీపేట(విజయవాడతూర్పు): సెంటినీ గ్రూప్‌ ఆఫ్‌ హాస్పిటల్స్‌ ఆధ్వర్యంలో గుంటూరు జిల్లా తాడేపల్లి సర్వీసు రోడ్డులో 150 పడకలు, అధునాతన సౌకర్యాలతో ఏర్పాటు చేసిన సెంటినీ డాక్టర్‌ శ్రీమాన్‌ హాస్పిటల్‌లో ఆదివారం లాంఛనంగా సేవలు ప్రారంభించారు. ఈ సందర్భంగా నిర్వహించిన మీడియా సమావేశంలో సెంటినీ హాస్పిటల్స్‌ ఎండీ డాక్టర్‌ మొవ్వ పద్మ మాట్లాడుతూ.. వైద్య రంగంలో రెండు దశాబ్ధాలుగా విశేష అనుభవం కలిగిన నిపుణుల నేతృత్వంలో అత్యాధునిక ప్రమాణాలు, అంతర్జాతీయ స్థాయి వైద్య సేవలను ఈ నూతన ఆస్పత్రిలో అందించనున్నట్లు తెలిపారు. గుండె వైద్యంలో విశేష అనుభవం గడించిన డాక్టర్‌ జె.శ్రీమన్నారాయణ నేతృత్వంలో పూర్తిస్థాయి కార్డియాలజీ బృందం సేవలు అందిస్తుందన్నారు. అదే విధంగా జాయింట్‌ రీప్లేస్‌మెంట్‌, రోబోటిక్‌ సర్జన్‌ డాక్టర్‌ ఎన్‌ జగదీష్‌, న్యూరాలజిస్ట్‌ డాక్టర్‌ లావు హరీష్‌ వంటి నిపుణులు నిరంతరం అందుబాటులో ఉంటారని తెలిపారు. కార్డియాలజీ, న్యూరాలజీ, నెఫ్రాలజీ, ఆర్థో అండ్‌ జాయింట్‌ రీప్లేస్‌మెంట్‌ సర్జరీ, గ్యాస్ట్రో ఎంట్రాలజీ, పల్మనాలజీ, క్రిటికల్‌ కేరర్‌, గైనకాలజీ, జనరల్‌ మెడిసిన్‌ విభాగాల్లో సేవలు అందించనున్నట్లు తెలిపారు. వైద్యులు శ్రీమన్నారాయణ, జగదీష్‌ మాట్లాడుతూ.. రాజధాని ప్రాంత పరిసర జిల్లాల వారికి అత్యుత్తమ వైద్య సేవలు అందించడమే తమ లక్ష్యమన్నారు. సమావేశంలో జనరల్‌ మెడిసిన్‌ నిపుణులు డాక్టర్‌ తుళ్లూరి రేష్మా చౌదరి, గైనకాలజిస్ట్‌ డాక్టర్‌ ఎన్‌.మాధురి, రేడియాలజిస్ట్‌ డాక్టర్‌ సుషేన్‌, ఆస్పత్రి చైర్మన్‌ మొవ్వ ఆనంద్‌, డైరెక్టర్‌ మొవ్వ విష్ణు తదితరులు పాల్గొన్నారు.

చీరాల రూరల్‌: ఆంధ్రప్రదేశ్‌ ఫుట్‌బాల్‌ అసోసియేషన్‌ ఆధ్వర్యంలో చీరాల రామాపురం బీచ్‌లో నిర్వహిస్తున్న ఏపీ ఇంటర్‌ డిస్ట్రిక్ట్‌ బీచ్‌ ఫుట్‌బాల్‌ చాంపియన్‌ షిప్‌ పోటీలు ఆదివారం ఉత్సాహంగా సాగాయి. శనివారం రాత్రి నిర్వహించిన పోటీల్లో నెల్లూరు – కడప జిల్లాలకు జరిగిన మ్యాచ్‌లో 1–0 స్కోర్‌ తేడాతో నెల్లూరు జట్టు విజయం సాధించింది. గుంటూరు –పల్నాడు జిల్లాలకు జరిగిన మ్యాచ్‌లో 1–0 తేడాతో గుంటూరు జట్టు విజయం సాధించింది. అనంత పురం – తిరుపతి జిల్లాల జట్లకు జరిగిన మ్యాచ్‌లో 2–1 తేడాతో తిరుపతి జట్టు విజయం సాధించింది. అంబేడ్కర్‌ కోనసీమ– ఏలూరు జిల్లాల జట్లు తలపడగా.. ఇరుజట్లు ఆట ముగిసే సమయానికి ఎటువంటి గోల్స్‌ సాధించకపోవడంతో మ్యాచ్‌ను డ్రాగా ముగించారు. జరిగిన 11 మ్యాచ్‌లకు గాను విశాఖపట్టణం, గుంటూరు, తిరుపతి, కృష్ణా, నెల్లూరు, ఎన్‌టీఆర్‌, అనంతపురం, కాకినాడ జట్లు క్వార్టర్‌ ఫైనల్‌కు అర్హత సాధించాయి. హోరాహోరీగా క్వార్టర్‌ ఫైనల్‌ మొదటి క్వార్టర్‌ ఫైనల్‌ పోటీలో విశాఖపట్టణం –గుంటూరు జిల్లాల జట్టు తలపడ్డాయి. ఈ పోటీలో ఇరు జట్లు ఆడిన ఫుల్‌టైములో గోల్స్‌ సాధించకపోవడంతో టై బ్రేకర్‌ నిర్వహించారు. ఇరు జట్లు చెరో గోల్‌ సాధించడంతో నిర్వాహకులు టాస్‌ వేసి ఫలితాన్ని రాబట్టారు. విజేతగా విశాఖపట్టణాన్ని డిక్లేర్‌ చేశారు. సెకండ్‌ క్వార్టర్‌ ఫైనల్‌లో తిరుపతి– కృష్ణా జిల్లాల జట్లు తలపడగా.. 2–1 తేడాతో కృష్ణా జట్టు విజయం సాధించింది. నెల్లూరు – ఎన్‌టీఆర్‌ జిల్లాల జట్లు తలపడగా.. ఇరు జట్లు హోరాహోరీగా ఆడాయి. ఈ మ్యాచ్‌లో ఫుల్‌టైమ్‌లో ఇరు జట్లు 1–1 గోల్స్‌తో సమానంగా నిలిచాయి. దీంతో నిర్వాహకులు టై బ్రేకర్‌ నిర్వహించగా ఇరుజట్లు మరలా 2–2 గోల్స్‌తో సమానంగా నిలవడంతో నిర్వాహకులు టాస్‌ వేశారు. ఎన్‌టీఆర్‌ జిల్లా జట్టును విజేతగా ప్రకటించారు. నాలుగో మ్యాచ్‌లో అనంతపురం–కాకినాడ జిల్లా జట్లు తలపడగా.. ఇరు జట్లు ఆట ముగిసే సమయానికి ఎటువంటి గోల్స్‌ సాధించలేకపోవడంతో గోల్‌లెస్‌ డ్రా ద్వారా 1–0 తేడాతో కాకినాడ జట్టును విజేతగా నిర్వాహకులు ప్రకటించారు. సెమీఫైనల్స్‌.. మొదటి సెమీ ఫైనల్స్‌లో జరిగిన పోటీలో విశాఖ పట్టణం – కృష్ణా జిల్లా జట్లు తలపడ్డాయి. 2–1 గోల్స్‌ తేడాతో విశాఖపట్టణం జట్టు విజయం సాధించింది. సెకండ్‌ సెమీ ఫైనల్‌ మ్యాచ్‌లో ఎన్‌టీఆర్‌ – కాకినాడ జిల్లా జట్లు తలపడ్డాయి. ఎన్‌టీఆర్‌ జట్టు 2–0 గోల్స్‌ తేడాతో విజయం సాధించింది. పోటీలను ఆర్గనైజర్‌ నూతలపాటి దేవదాసు, నూతలపాటి విజయ్‌ కుమార్‌, నూతలపాటి బాలశౌరి, మూకిరి బాలాజీ, సల్లూరి దీవెనయ్య, పిడతల అగస్టీన్‌ తదితరులు పర్యవేక్షించారు.

తెనాలి: డాక్టర్లు సోషల్‌ మీడియా మాధ్యమాల వినియోగం, ప్రచార ప్రకటనలపై నేషనల్‌ మెడికల్‌ కౌన్సిల్‌ (ఎన్‌ఎంసీ) ఆంక్షలు విధించింది. దీనికి సంబంధించి ఈ నెల ఆరో తేదీన పలు కఠినమైన మార్గదర్శకాలను విడుదల చేసింది. కొన్ని నిబంధనలు, షరతులను స్పష్టంగా పేర్కొంది. ప్రత్యేకించి జెన్‌ జీ డాక్టర్లకు వరంలా ఉన్న సోషల్‌ మీడియా ప్రచారం ఇప్పుడు ఎన్‌ఎంసీ మార్గదర్శకాలతో ఇబ్బందికరంగా మారింది. ప్రస్తుతం వైద్యుల సమాజంలో ఇదే అంశం తీవ్ర చర్చనీయాంశంగా మారింది. ప్రచారంపై కఠిన మార్గదర్శకాలు... ఎన్‌ఎంసీ ఆదేశాల ప్రకారం నూరుశాతం క్యూర్‌ లేదా గ్యారెంటీడ్‌ క్లెయిమ్స్‌ నిషేధం. ‘నూరు శాతం నయం చేస్తాం’, ‘గ్యారెంటీడ్‌ ట్రీట్‌మెంట్‌’, ‘మిరాకిల్‌ క్యూర్‌’, ‘నంబర్‌ వన్‌ డాక్టర్‌’ లేదా ‘బెస్ట్‌ స్పెషలిస్ట్‌’ వంటి నినాదాలతో ప్రకటనలు ఇవ్వకూడదని స్పష్టం చేసింది. అలాగే చికిత్సకు ముందు, తర్వాత అంటూ రోగుల ఫొటోలు, సక్సెస్‌ స్టోరీలను ప్రచారానికి ఉపయోగించకూడదు. సెలబ్రిటీలు, ఇన్‌ఫ్లుయెన్సర్లతో ప్రచారాలు నిర్వహించడాన్ని కూడా నిషేధించింది. కృత్రిమ మేధతో సృష్టించిన నకిలీ పేషెంట్‌ టెస్టిమోనియల్స్‌, ఫేక్‌ ఫాలోవర్లు, మానిప్యులేటెడ్‌ రేటింగ్స్‌ను ఉపయోగించకూడదని పేర్కొంది. ఏఐ కంటెంట్‌ను ఉపయోగిస్తే దానికి వాటర్‌మార్క్‌ తప్పనిసరిగా ఉండాలని సూచించింది. వైద్య చికిత్సలపై క్యాష్‌బ్యాక్‌ ఆఫర్లు, ఉచిత పరీక్షలు, డిస్కౌంట్లు ప్రకటించడం కూడా నిషేధించింది. డాక్టర్లు సోషల్‌ మీడియాలో కేవలం తమ పేరు, విద్యార్హతలు, రిజిస్ట్రేషన్‌ నంబర్‌, ఫీజు వివరాలను మాత్రమే పంచుకోవాలని స్పష్టం చేసింది. ప్రజారోగ్య అవగాహన కల్పించే సందర్భంలో ఆస్పత్రిని ప్రమోట్‌ చేయకూడదని కూడా హెచ్చరించింది. నిబంధనలను ఉల్లంఘిస్తే, ప్రచారం తీవ్రత ఆధారంగా సంబంధిత డాక్టరును వైద్య మండలి రిజిస్టర్‌ నుంచి కొన్నేళ్లపాటు తొలగించే అవకాశం ఉంది. వ్యాపార ధోరణికి వెళ్లకూడదనే... ఎన్‌ఎంసీ విడుదల చేసిన మార్గదర్శకాల్లో తన ఉద్దేశాలను కూడా పొందుపరిచింది. పవిత్రమైన వైద్య వృత్తి వ్యాపార ధోరణిలోకి వెళ్లకూడదని, రోగులకు చికిత్స సక్రమంగా అందేలా చూడాలని స్పష్టం చేసింది. అబద్ధపు ప్రచారాలు, సోషల్‌ మీడియా పోస్టుల ద్వారా రోగులు ప్రలోభాలకు గురై ఇబ్బందులు పడకుండా చూడటమే లక్ష్యమని పేర్కొంది. ఆరోగ్య సంబంధిత సమాచారం నైతికంగా, ప్రమాణాలకు అనుగుణంగా అందించాలని, ఆస్పత్రుల ప్రకటనలు వృత్తిపరమైన నిబంధనల ప్రకారమే ఉండాలని తెలిపింది. పారదర్శకతతో కూడిన సాంకేతిక వైద్య సేవలను అందించడం, వైద్య వృత్తికి సంబంధించిన అన్ని విభాగాల్లో సమానమైన నైతిక విలువలను పెంపొందించడం ఈ మార్గదర్శకాల ఉద్దేశమని ఎన్‌ఎంసీ వివరించింది. ఇవేం నిబంధనలు? సాంకేతిక విప్లవం కొనసాగుతున్న ఈ తరుణంలో ఇలాంటి నిబంధనలు తగవని పలువురు డాక్టర్లు అభిప్రాయపడుతున్నారు. రెండు దశాబ్దాల క్రితం వరకు సామాజిక మాధ్యమాల్లో ప్రచారం చేసే సంస్కృతి లేదు. నయమైన రోగులు తమ ప్రాంతంలోని వారికి ఫలానా డాక్టర్‌ చాలా మంచి వైద్యుడని సూచించడం ద్వారా ప్రచారం జరిగేది. జెన్‌ జీ డాక్టర్ల పరిస్థితి ఇందుకు భిన్నంగా ఉందని చెబుతున్నారు. వారు వైద్య విద్యను అభ్యసించే సమయంలోనే సాంకేతిక విప్లవం ప్రారంభం కావడంతో, ఇంటర్నెట్‌ సదుపాయాన్ని ఉపయోగించుకుంటూ తమ సందేహాలను నివృత్తి చేసుకుంటూ వచ్చారు. డాక్టర్లుగా ప్రాక్టీస్‌ ప్రారంభించిన తర్వాత తమ అభిప్రాయాలను, విజయాలను, నూతన చికిత్స విధానాలను ప్రచారం చేసేందుకు సోషల్‌ మీడియాను విస్తృతంగా ఉపయోగిస్తున్నారు. అల్లోపతికి మాత్రమేనా...? ఎంబీబీఎస్‌లో ప్రవేశానికి నిర్వహించే నీట్‌ ప్రశ్నపత్రం లీకేజీలపై ఎన్‌ఎంసీ, తన మండలి సభ్యులతో కలిసి ఎలాంటి నిరసనలు, పోరాటాలు చేయలేదని ఈ సందర్భంగా పలువురు ప్రస్తావిస్తున్నారు. కష్టపడి చదివి వైద్యులైన తమకు ఇటువంటి నిబంధనలు తీసుకురావడం బాధాకరమని పేర్కొంటున్నారు. ఈ నిబంధనలను కేవలం రిజిస్టర్డ్‌ అల్లోపతి వైద్యులకే వర్తింపజేసి, ఆయుర్వేద, హోమియోపతి వైద్యులను వీటి పరిధిలోకి తీసుకురాకపోవడం కూడా విమర్శలకు దారితీస్తోంది. ఈ మార్గదర్శకాలపై వైద్య సమాజంలో పలువురు అసంతృప్తి వ్యక్తం చేస్తున్నారు. ఎంబీబీఎస్‌ సీటు సాధించడానికి ఏళ్ల తరబడి కష్టపడి, నిద్రాహారాలు మాని చదువుకున్నామని గుర్తుచేస్తున్నారు. సీటు వచ్చిన తర్వాత కూడా సంవత్సరాలపాటు పుస్తకాలతో కుస్తీ పడుతూ, కుటుంబ కార్యక్రమాలకు సైతం దూరంగా ఉండి చదివామని పేర్కొంటున్నారు. అలాంటి తమను సామాజిక మాధ్యమాల్లో తమ విజయాలను ప్రకటించకూడదని చెప్పడం నిరాశ కలిగిస్తోందని పేరు వెల్లడించేందుకు ఇష్టపడని ఓ డాక్టర్‌ అన్నారు. తమ వైద్యంతో ప్రాణాలు నిలబెట్టిన సందర్భాలను, ఏ చికిత్స ద్వారా రోగులు కోలుకున్నారో సామాజిక మాధ్యమాల్లో ప్రకటించకూడదని చెప్పడంపై పలువురు అభ్యంతరం వ్యక్తం చేస్తున్నారు. రోగులు ప్రాణాపాయ స్థితిలో ఎలాంటి పరిస్థితుల్లో ఆస్పత్రికి వచ్చారు? చికిత్సకు ముందు తీసిన వీడియోలు, ఫొటోలు, వైద్యం అనంతరం కోలుకున్న రోగుల అభిప్రాయాలను వారి సమ్మతితో ప్రచురించడంలో అనైతికత ఏముందని ప్రశ్నిస్తున్నారు.

మార్టూరు(యద్దనపూడి): చికిత్స కోసం ఆసుపత్రికి వచ్చిన మహిళ అర్ధాంతరంగా మృతి చెందిన సంఘటన మార్టూరులో ఆదివారం జరిగింది. మృతురాలి బంధువులు ఆసుపత్రి వైద్యుడి వివరాలు ఇలా ఉన్నాయి. స్థానిక అంబేడ్కర్‌ కాలనీకి చెందిన తాతపూడి చిన్నమ్మాయి (46) అనారోగ్యంతో బాధపడుతుండగా ఆదివారం ఉదయం కుటుంబ సభ్యులు స్థానిక జాతీయ రహదారి పక్కన గల కార్తీక్‌ ఆసుపత్రికి చికిత్స నిమిత్తం తీసుకొని వచ్చారు. ఆసుపత్రి వైద్యుడు కోవూరి కార్తీక్‌ చిన్నమ్మాయికి రెండుసార్లు పరీక్షలు చేసి సైలెన్‌ పెట్టి ఆరోగ్యం కుదుటపడిందని టాబ్లెట్లు రాసి మధ్యాహ్నం ఇంటికి పంపించారు. ఇంటికి వెళ్లాక టాబ్లెట్‌ వేసుకున్న చిన్నమ్మాయికి తిరిగి అనారోగ్యం తిరగబెట్టడంతో బంధువులు హడావుడిగా మరల ఆసుపత్రికి తరలించారు. చిన్నమ్మాయిని పరిశీలించిన డాక్టర్‌ కార్తీక్‌ పరిస్థితి విషమంగా ఉందని చెబుతూ చిలకలూరిపేట ప్రైవేట్‌ హాస్పిటల్‌ తీసుకు వెళ్ళవలసిందిగా సూచించారు. ఈ క్రమంలో చిలకలూరిపేటలోని ప్రైవేటు ఆసుపత్రికి చిన్నమ్మాయిని తరలించగా పరీక్షించిన వైద్యులు అప్పటికే ఆమె మృతి చెందినట్లు ధ్రువీకరించారు. పేషెంట్‌కు ఉదయం అంతా బాగానే ఉందని డాక్టర్‌ కార్తీక్‌ పంపించగా ఆయన ఇచ్చిన మందులు వాడటం వల్లే చిన్నమ్మాయి మృతి చెందిందని అందుకు ఆసుపత్రి యాజమాన్యమే బాధ్యత వహించాలంటూ మృతురాలి బంధువులు ఆదివారం రాత్రి చిన్నమ్మాయి మృతదేహంతో ఆసుపత్రి వద్ద ఆందోళనకు దిగారు.ఈ విషయమై మీడియా ప్రతినిధులు వైద్యుడు కార్తీక్‌ను వివరణ కోరగా తనను ఇంతవరకు మృతురాలి బంధువులు సంప్రదించలేదని తానేమి చెప్పలేదని చెప్పడం గమనార్హం.

గుంటూరు ఎడ్యుకేషన్‌: అమరావతిరోడ్డులోని హిందూ ఫార్మసీ కళాశాల వేదికగా నవంబర్‌ 15న నిర్వహించనున్న ఆంధ్రప్రదేశ్‌ హామ్‌ ఫెస్ట్‌– 2026 పోస్టర్లను కేంద్ర సహాయ మంత్రి పెమ్మసాని చంద్రశేఖర్‌ ఆదివారం ఆవిష్కరించారు. ఈ సందర్భంగా ఏపీ హామ్‌ ఫెస్ట్‌ కన్వీనర్‌ డాక్టర్‌ కాకాని పృథ్వీరాజు, కమిటీ సభ్యులు ఏవీ రమణమూర్తి, బాలసుబ్రహ్మణ్యం మాట్లాడుతూ కార్యక్రమ లక్ష్యాలు, హామ్‌ రేడియో ప్రాముఖ్యతను వివరించారు. హామ్‌ రేడియో అభివృద్ధి, ప్రచారానికి సంబంధించి హామ్‌ రేడియో ఔత్సాహికులు, విద్యార్థులు, సాంకేతిక నిపుణులు, రేడియో ఆపరేటర్లందరూ కార్యక్రమంలో భాగస్వాములు కావాలని కోరారు. ప్రజ్ఞాచారికి మహాత్మాగాంధీ నేషనల్‌ పీస్‌ అవార్డు ప్రదానం తెనాలిటౌన్‌: సాహితీ రత్న డాక్టర్‌ నూతక్కి పూర్ణప్రజ్ఞాచారి సేవలు అభినందనీయమని పలువురు వక్తలు కొనియాడారు. రూరల్‌ మండలం కొలకలూరు గ్రామానికి చెందిన సాహితీరత్న నూతక్కి పూర్ణప్రజ్ఞాచారికి మహాత్మా గాంధీ నేషనల్‌ పీస్‌ అవార్డ్‌ లభించింది. మార్కాపురం జిల్లా గ్లోబల్‌ హెల్ప్‌ ఫౌండేషన్‌ వారు మహాత్మా గాంధీ జయంతి వారోత్సవాల్లో భాగంగా వివిధ రంగాలలో విశేష ప్రతిభ కనబరచిన సాహితీ మూర్తులకు ఆదివారం ప్రదానం చేశారు. సంస్థ వ్యవస్థాపక అధ్యక్షుడు గొట్టుముక్కల చెన్నకేశవులు, ముఖ్య అతిథి తెలంగాణ హైకోర్టు సూపరింటెండెంట్‌ పి. వి.అంజని కుమారి, దిశ ఫాండేషన్‌ చైర్మన్‌ జక్కంరెడ్డి సుబ్బాయమ్మ, ఆర్ట్‌ ఆఫ్‌ లివింగ్‌ యోగ టీచర్‌ నారాయణరెడ్డి, ఆంధ్రప్రదేశ్‌ బీసీ వెల్ఫేర్‌ పాఠశాల ప్రిన్సిపాల్‌ డాక్టర్‌ నారాయణస్వామిలు పూర్ణ ప్రజ్ఞాచారికి అవార్డు అందజేశారు. అర్ధరాత్రి క్షుద్ర పూజల కలకలం? చీరాల: పట్టణంలోని జయంతిపేటలోని ఇంట్లో అర్ధరాత్రి క్షుద్రపూజలు చేస్తున్నారంటూ స్థానికులు గమనించి తెనాలికి చెందిన వ్యక్తులను పట్టుకుని దేహశుద్ధి చేసి పోలీసులకు అప్పగించారు. ఆదివారం తెల్లవారుఝామున ఒక ఇంట్లో క్షుద్రపూజలు తరహాలో పూజలు జరుగుతుండటంతో స్థానికులు గమనించి ఇంటి తలుపులు తెరిచారు. ఇంట్లో పెద్ద ముగ్గులు వేసి పూజలు చేయడం గమనించారు. దీంతో ఇంట్లో క్షుద్రపూజలు చేస్తున్నారంటూ ముగ్గురు వ్యక్తులను స్థానికులు పట్టుకొని దేహశుద్ధి చేశారు. అనంతరం టూటౌన్‌ పోలీసులకు సమాచారం అందించారు. స్థానికులు పట్టుకున్న వ్యక్తులు తెనాలికి చెందిన వారిగా గుర్తించారు. ఇంటి యజమాని రాజేష్‌ నుంచి పోలీసులు వివరాలను నమోదు చేశారు. క్షుద్రపూజలు చేసిన దాఖలాలు లేకపోవడంతో స్థానికులు, ఇంటి యజమానిని పిలిపించి వివరాలను నమోదు చేసి పంపించి వేశారు. స్థానిక ఎన్నికల్లో అల్లర్లు సృష్టిస్తే కఠిన చర్యలు నగరంపాలెం: జిల్లాలోని పోలీస్‌స్టేషన్లల్లో ఆదివారం రౌడీషీటర్లకు కౌన్సెలింగ్‌ నిర్వహించారు. జిల్లా ఎస్పీ వకుల్‌ జిందాల్‌ ఆదేశాల మేరకు ఈ ప్రత్యేక కౌన్సెలింగ్‌ను సీఐలు, ఎస్‌ఐలు చేపట్టారు. రానున్న స్థానిక ఎన్నికల దృష్ట్యా ఎవరైనా అల్లర్లకు పాల్పడితే సహించేదిలేదని పోలీస్‌ అధికారులు స్పష్టం చేశారు. ఎవరైనా వివాదాలకు వెళ్తే కఠినంగా వ్యవహరిస్తామని హెచ్చరించారు. ఎన్నికలు ప్రశాంతంగా జరిగేందుకు సహకరించాలని స్పష్టం చేశారు. గతంలో చేసిన నేరాలు మళ్లీ చేయవద్దని సూచించారు. బాధ్యత గల పౌరులుగా జీవించాలని చెప్పారు. కుటుంబ సభ్యుల భవిష్యత్‌ను తెలుసుకుని ప్రవర్తించాలని అన్నారు. అసాంఘిక కార్యకలాపాలు, నేర ప్రవృత్తికి దూరంగా ఉండాలని హితవు పలికారు. జిల్లాలోని రౌడీషీటర్లు, నేర ప్రవృత్తి ఉన్న వారిపై నిరంతరం నిఘా ఉంటుందని స్పష్టం చేశారు. రానున్న ఎన్నికల్లో రౌడీషీటర్లు ఎటువంటి నేరాలకు వెళ్లకుండా ముందస్తు బైండోవర్లు చేస్తున్నట్లు తెలిపారు. వాహనం అదుపు తప్పి యువకుడు మృతి మాచర్ల: శ్రీశైలం–మాచర్ల హైవే నుంచి ద్విచక్ర వాహనంపై ఇంటికి వెళ్తున్న ఎం.ఫణీంద్రరెడ్డి (31) పట్టణంలోని రింగ్‌ రోడ్డు సెంటర్‌ వద్ద ప్రమాదానికి గురై మృతి చెందాడు. శనివారం అర్ధరాత్రి దాటిన తర్వాత ఈ ఘటన చోటుచేసుకుంది. ద్విచక్ర వాహనంపై వెళ్తున్న సమయంలో రింగ్‌ రోడ్డు సెంటర్‌ వద్ద వాహనం అదుపుతప్పి డివైడర్‌ను బలంగా ఢీకొట్టింది. ఈ ప్రమాదంలో ఫణింద్రరెడ్డి తీవ్రంగా గాయపడ్డాడు. ఆసుపత్రికి తరలించే లోపే మృతి చెందాడు. మృతుడు అవివాహితుడు. ఘటనపై పట్టణ పోలీసులు విచారిస్తున్నారు. యువకుడి మృతితో స్థానికంగా విషాదం నెలకొంది.

తాడేపల్లి రూరల్‌: తాడేపల్లి పట్టణ పరిధిలోని సీతానగరం విజయకీలాద్రి దివ్యక్షేత్రంపై ఆదివారం శరన్నవరాత్రి మహోత్సవాలు వైభవంగా ప్రారంభమయ్యాయి. తొలిరోజైన ఆదివారం మహాలక్ష్మి అమ్మవారికి ఉదయం తొమ్మిది గంటలకు విశేష అభిషేక మహోత్సవం, కుంకుమార్చన నిర్వహించారు. సాయంత్రం 6.30 గంటలకు విష్ణు సహస్రనామ స్తోత్ర పారాయణ, పల్లకీసేవ, అర్చన, నివేదన, మంగళా శాసనం కార్యక్రమాలు నిర్వహించారు. భక్తులు అధిక సంఖ్యలో పాల్గొని మహాలక్ష్మి అమ్మవారిని దర్శించుకుని తీర్థ ప్రసాదాలు స్వీకరించారు. జీయర్‌ ఎడ్యుకేషనల్‌ ట్రస్ట్‌ మేనేజర్‌ పురాణం వెంకటాచార్యులు మాట్లాడుతూ త్రిదండి చిన్న శ్రీమన్నారాయణ రామానుజ జీయర్‌స్వామి మంగళాశాసనాలతో ఈనెల 20వ తేదీ వరకు శరన్నవరాత్రి మహోత్సవాలు ఘనంగా నిర్వహించనున్నట్లు తెలిపారు. భక్తులు తరలిరావాలని కోరారు. బాపట్ల: ప్రసిద్ధ చందోలు బగళా ముఖి అమ్మవారి ఆలయంలో దసరా ఉత్సవాల సందర్భంగా ప్రత్యేక పూజలు ఆదివారం జరిగాయి. అమ్మవారి శరత్కాల చోటస మహా యజ్ఞ కార్యక్రమాలు ప్రారంభమయ్యాయి. తొలుత మంగళ వాయిద్యాల వేద స్వస్తితో ఆలయ పూజారులు, వేద పండితులు, ధర్మకర్తల మండలి సభ్యులు శ్రీ మహాగణపతి ఆరాధనతో పూజా కార్యక్రమాలు నిర్వహించారు. అమ్మవారికి బాలా త్రిపుర సుందరిగా అలంకరించారు. భక్తులు పెద్దసంఖ్యలో దర్శించుకున్నారు. ఆలయ ముందు భాగంలో ప్రత్యేకంగా నిర్మించబడిన యజ్ఞ వాటికలో హోమం చేశారు. భక్తులకు అన్నదాన కార్యక్రమాన్ని నిర్వహించారు. కార్యక్రమాలకు ప్రధాన ఉభయ దాతలుగా తెల్లబాటి శ్రీనివాసరావు దంపతులు వ్యవహరించారు. చందోలు గ్రామానికి సంబంధించి ఆర్యవైశ్య మహిళా బృందం తరఫున 116 మంది పాల్గొన్నారని ఆలయ ట్రస్ట్‌ బోర్డు చైర్మన్‌ కలకోట చక్రధర్‌ రెడ్డి, ఈవో జి. నరసింహమూర్తి తెలిపారు. అమ్మవారిని దర్శించుకున్న భక్తులు అమరావతి: స్థానిక బాలచాముండిక సమేత అమరేశ్వర ఆలయంలో శ్రీదేవీ శరన్నవరాత్ర మహోత్సవాలలో భాగంగా ఆదివారం తొలిరోజు బాలా త్రిపుర సుందరిదేవి అలంకారంలో బాల చాముండేశ్వరి అమ్మవారు భక్తులకు దర్శనమిచ్చారు. పూజా కార్యక్రమాలలో భాగంగా చండీ, రుద్రహోమాలు, శ్రీచక్రార్చన నిర్వహించారు. ఆలయ స్థానాచార్యుడు కౌశిక చంద్రశేఖరశర్మ మాల్లాడుతూ బాలా త్రిపురసుందరిదేవి అలంకార విశిష్టతను వివరించారు. ఆలయంలోని జ్వాలాముఖి, మహిషాసురమర్ధని అమ్మవార్లకు కూడా ప్రత్యేక పూజలు నిర్వహించారు. శ్రీవాసవీ కన్యకాపరమేశ్వరి దేవాలయంలో అమ్మవారికి బాలా త్రిపురసుందరిదేవి అలంకారం చేసి ప్రత్యేక కుంకుమార్చనలు నిర్వహించారు. భక్తులు పెద్ద సంఖ్యలో ఆలయాలను సందర్శించి, ప్రత్యేక పూజలలో పాల్గొన్నారు. విజయవాడ, తిరుపతి మధ్య ప్రత్యేక రైలు రైల్వేస్టేషన్‌(విజయవాడపశ్చిమ): దసరా రద్దీ తో ప్రత్యేక రైలు నడపనున్నట్లు విజయవాడ రైల్వే పీఆర్‌ఓ ఆదివారం ప్రకటలో తెలిపారు. 07249 నంబరు ప్రత్యేక రైలు ఈ నెల 13 నుంచి 16వ తేదీ వరకు రోజు ఉదయం 9.30 గంటలకు విజయవాడలో బయలుదేరి, సాయంత్రం 7 గంటలకు తిరుపతి చేరుతుంది. తిరుగు ప్రయాణంలో 07250 నంబరు రైలు రాత్రి 9.10 గంటలకు తిరుపతిలో బయలుదేరి, మరుసటి రోజు ఉదయం 5.30 గంటలకు విజయవాడ చేరుకుంటుంది. పెద్దవడ్లపూడి, దుగ్గిరాల, తెనాలి, నిడుబ్రోలు, బాపట్ల, చీరాల, చినగంజాం, ఒంగోలు, సింగరాయకొండ, కావలి, నెల్లూరు, గూడూరు, వెంకటగిరి, శ్రీకాళహస్తి, రేణిగుంటలో ఆగుతుంది.

బాపట్లటౌన్‌: సూర్యలంక సముద్ర తీరానికి పర్యాటకులు అధిక సంఖ్యలో రావడంతో తీరం సందడిగా మారింది. దసరా సెలవులకు తోడు ఆదివారం కావడంతో పర్యాటకులు ఎక్కువగా వచ్చారు. ఆదివారం తెల్లవారుజామున 4.30 గంటల నుంచే తీరానికి పర్యాటకుల రాక మొదలైంది. దేవి శరన్నవరాత్రి ఉత్సవాల్లో భాగంగా అమ్మవారికి ప్రత్యేక పూజలు నిర్వహించే మహిళలు తొలుత ఉదయాన్నే తీరానికి చేరుకుని సూర్యనమస్కారాలతో కూడిన పుణ్యస్నానాలు ఆచరించారు. తీరం వెంబడి ఉన్న శివాలయంలో ప్రత్యేక పూజలు నిర్వహించారు. యువకులు, చిన్నారులు ఉదయం నుంచి సాయంత్రం వరకు స్నానాలు చేస్తూ, తీరం వెంబడి కేరింతలు కొడుతూ గడిపారు. పర్యాటకుల రాకను దృష్టిలో పెట్టుకున్న పోలీసులు, అధికారులు అప్రమత్తమయ్యారు. తీరంలో ఎలాంటి అవాంఛనీయ సంఘటనలు జరగకుండా పర్యాటకులను అప్రమత్తం చేస్తూ పహారా కాశారు.

నెహ్రూనగర్‌: జిల్లా మెప్మా విభాగంలో అక్రమార్కుల దోపిడీ పర్వం యథేచ్ఛగా సాగుతోంది. పేద మహిళల పొదుపు సొమ్ముకు భద్రత లేకుండా పోయింది. అధికారుల అండదండలతో కొందరు క్షేత్రస్థాయి సిబ్బంది పేదలను పీల్చి పిప్పి చేస్తున్నారు. తాజాగా గుంటూరు నగరంలోని శ్రీనివాసరావుపేటకు చెందిన ఓ డ్వాక్రా గ్రూపు సభ్యులు బ్యాంకు రుణం కింద చెల్లించాల్సిన వాయిదాల మొత్తాన్ని రిసోర్స్‌ పర్సన్‌(ఆర్పీ)కి అప్పగించారు. అయితే, ఆర్పీతో పాటు కమ్యూనిటీ ఆర్గనైజర్‌(సీఓ) కుమ్మకై ్క ఆ నిధులను బ్యాంకు ఖాతాలో జమ చేయకుండా దర్జాగా స్వాహా చేశారు. బాధితులు ఈ విషయాన్ని గుర్తించి ఆర్పీని నిలదీశారు. అధికారుల నుంచి సరైన న్యాయం జరగకపోగా, తీవ్ర ఒత్తిళ్లకు లోనైన సదరు గ్రూప్‌ లీడర్‌ మనస్తాపంతో కూల్‌డ్రింక్‌లో ఎలుకల మందు కలుపుకుని ఆత్మహత్యాయత్నానికి ప్రయత్నించింది. దీనిపై నగరంపాలెం పోలీస్‌ స్టేషన్‌న్‌లో కేసు నమోదైంది. అంతా ‘మేనేజ్‌’ డ్రామా! ఈ ఘటనపై విచారణ జరిపించాల్సింది పోయి, కేసును నీరుగార్చేందుకు మెప్మా ఉన్నతాధికారులు తెరవెనుక పావులు కదుపుతున్నారు. విచారణ బాధ్యతలను మళ్లీ మెప్మా సిబ్బందికే అప్పగించడంపై సర్వత్రా అనుమానాలు వ్యక్తమవుతున్నాయి. మెప్మాలో ఏ అవినీతి బాగోతం బయటపడినా ‘డిపార్ట్‌మెంట్‌ ఎంకై ్వరీ’ పేరుతో కాలయాపన చేయడం ఇక్కడ రివాజుగా మారిందనే విమర్శలు లేకపోలేదు. గత అనుభవాలను పరిశీలిస్తే.. విచారణ అధికారులు క్షేత్రస్థాయిలో ఉండే ఆర్పీలపై నెపం నెట్టేసి, వారికి సహకరించిన సీఓలు, పైస్థాయి అధికారులకు క్లీన్‌న్‌ చిట్‌ ఇచ్చి చేతులు దులుపుకుంటున్నారనే ఆరోపణలు ఉన్నాయి. బలిపశువులుగా మారిన ఆర్పీలను కొన్నాళ్ల పాటు తాత్కాలికంగా పక్కనపెడుతున్నట్లు నటించి, ఆ తర్వాత ప్రాజెక్ట్‌ డైరెక్టర్‌(పీడీ) కార్యాలయంలో భారీ ఎత్తున ‘ముడుపులు’ చేతులు మారాక మళ్లీ విధుల్లోకి తీసుకుంటున్నారనే ఆరోపణలు బలంగా వినిపిస్తున్నాయి. ’తమ వారు’ అనుకుంటే చాలు.. కనీసం విధులకు హాజరుకాకపోయినా ప్రతి నెలా ఠంచనుగా జీతాలు జమ చేస్తున్నారని ఇతర సిబ్బందే గుసగుసలాడుకుంటున్నారు. ఉన్నతాధికారులు స్పందించి లోన్ల గోల్‌మాల్‌పై నిష్పాక్షిక విచారణ జరిపించి, బాధ్యులపై కఠిన చర్యలు తీసుకోవాలని డ్వాక్రా మహిళలు డిమాండ్‌ చేస్తున్నారు. ఈ విషయంపై సీఎంఎం మాధవరావును వివరణ కోరగా గ్రూపు సభ్యులకు, ఆర్పీ మధ్య ఉన్న పర్సనల్‌ గొడవల వలన విషయం బయటకు వచ్చింది. గ్రూపు రెగ్యులర్‌గానే ఉంది. దీనిపై సోమవారం విచారణ చేపట్టి సమగ్ర నివేదికను అందజేస్తాం.

మంగళగిరి రూరల్‌: రాజధాని ప్రాంతంలో సీడ్‌ యాక్సిస్‌ రోడ్డు ఎన్‌– 13 నిర్మాణం కోసం నవులూరులోని హజరత్‌ సయ్యద్‌ మాలిక్‌ హుస్సేన్‌ బాబా దర్గాను తొలగించాలనే ప్రతిపాదనను ప్రభుత్వం వెంటనే వెనక్కి తీసుకోవాలని వైఎస్సార్‌ సీపీ గుంటూరు నగర అధ్యక్షురాలు షేక్‌ నూరి ఫాతిమా డిమాండ్‌ చేశారు. వైఎస్సార్‌ సీపీ నాయకుల బృందం దర్గాను ఆదివారం సందర్శించింది. పూలు, చాదర్‌, సందల్‌ సమర్పించి ప్రత్యేక ప్రార్థనలు నిర్వహించారు. దర్గా ట్రస్టీలు దర్గాను పరిరక్షించాలని చేపట్టిన ఉద్యమానికి సంఘీభావం ప్రకటించారు. ఈ సందర్భంగా షేక్‌ నూరి ఫాతిమా మాట్లాడుతూ, ఫ్లైఓవర్‌ నిర్మాణానికి డిజైన్‌ రూపొందించే సమయంలోనే ప్రార్థనా స్థలాలను పరిగణనలోకి తీసుకోవాల్సి ఉందన్నారు. ఇప్పుడు దర్గా ఫ్లై ఓవర్‌ నిర్మాణానికి అడ్డుగా ఉందని పేర్కొనడం సరికాదని హితవు పలికారు. ప్రభుత్వం ఈ ప్రతిపాదనను పునఃపరిశీలించి దర్గా పరిరక్షణకు చర్యలు తీసుకోవాలని, ప్రభుత్వం హామీ ఇవ్వాలని కోరారు. పార్టీ మంగళగిరి సమన్వయకర్త బుర్ర ముక్కు వేణుగోపాల సోమిరెడ్డి మాట్లాడుతూ అభివృద్ధి పనుల సమయంలో ప్రజల ఆస్తులకు, ఆధ్యాత్మిక ప్రదేశాలకు ఇబ్బందులు కలగకుండా చూడాలన్నారు. దర్గా తొలగింపు ప్రతిపాదనను వెనక్కి తీసుకుని, దాని పరిరక్షణపై మంత్రి స్పష్టమైన ప్రకటన చేయాలని డిమాండ్‌ చేశారు. వైఎస్సార్‌ సీపీ మైనారిటీ సెల్‌ రాష్ట్ర కార్యదర్శి షేక్‌ బాజీ షహిద్‌ మాట్లాడుతూ, సూఫీ మహాత్ముని దర్గాకు చారిత్రక, ఆధ్యాత్మిక ప్రాధాన్యం ఉందని, దాన్ని తొలగించే ప్రతిపాదనను భక్తులు, స్థానిక ప్రజలు అంగీకరించరని అన్నారు. కార్యక్రమంలో దర్గా ట్రస్టీలు మహమ్మద్‌ ఉస్మాన్‌ షరీఫ్‌, మహమ్మద్‌ హుస్సేన్‌ షరీఫ్‌, వైఎస్సార్‌ సీపీ మైనారిటీ ప్రధాన కార్యదర్శులు మహమ్మద్‌ గోరేబాబు, నసీముల్లా, జిల్లా అధ్యక్షుడు పఠాన్‌ సైదా ఖాన్‌, నియోజకవర్గ అధ్యక్షుడు షేక్‌ జానీబాషా, యువజన అధ్యక్షుడు సయ్యద్‌ గౌస్‌ మొయిద్దీన్‌, జిల్లా ప్రధాన కార్యదర్శులు షేక్‌ సుభాని, జిల్లా ప్రధాన కార్యదర్శి ఈ.డేవిడ్‌ రాజ్‌, దుగ్గిరాల మాజీ యార్డు చైర్మన్‌ షేక్‌ బాజీ, మంగళగిరి మండల అధ్యక్షుడు షేక్‌ రఫీ, తాడేపల్లి అధ్యక్షుడు షేక్‌ హుస్సేన్‌, ఎరబ్రాలెం గ్రామ అధ్యక్షుడు షేక్‌ బడే మియా, పార్టీ పట్టణ అధ్యక్షుడు ఆకురాతి రాజేష్‌, మంగళగిరి రూరల్‌ పార్టీ అధ్యక్షుడు నాలి వెంకటకృష్ణ, మైనారిటీ విభాగం దుగ్గిరాల మండల అధ్యక్షుడు షేక్‌ అబ్దుల్‌ నజీర్‌, రాష్ట్ర ప్రచార విభాగ కార్యదర్శి మల్లవరపు చిన్ని, డాక్టర్స్‌ వింగ్‌ అధ్యక్షుడు మెరుగు నాగేశ్వరరావు, జిల్లా కార్యవర్గ సభ్యుడు షేక్‌ సుభాని పాల్గొన్నారు.

బాపట్లఆదివారం శ్రీ 11 శ్రీ అక్టోబర్‌ శ్రీ 2026అచ్చంపేట: పులిచింతల ప్రాజెక్టులో ప్రస్తుత నిల్వ 28.9990 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది. నెహ్రూనగర్‌: పేద, మధ్యతరగతి మహిళల ఆర్థిక స్వావలంబన కోసం ఉద్దేశించిన ‘మెప్మా’ (పట్టణ పేదరిక నిర్మూలన సంస్థ) అవినీతి అడ్డాగా మారింది. కష్టపడి పొదుపు చేసుకుంటూ రుణాలు తీర్చుకుంటున్న డ్వాక్రా మహిళల నమ్మకాన్ని కొందరు అధికారులు, సిబ్బంది సొమ్ము చేసుకుంటున్నారు. క్షేత్రస్థాయి ఆర్పీలు (రిసోర్స్‌ పర్సన్లు) మొదలుకొని కమ్యూనిటీ ఆర్గనైజర్లు (సీవోలు), సిటీ మిషన్‌ మేనేజర్లు (సీఎంఎంలు), ఆపై అధికారులు సిండికేట్‌గా ఏర్పడి మహిళా గ్రూపుల సొమ్మును యథేచ్ఛగా కొల్లగొడుతున్నారు. రుణాలు చెల్లించామంటూ నకిలీ రసీదులు సృష్టించి రూ.లక్షల నిధులను దారి మళ్లిస్తున్న వైనం తాజాగా గుంటూరు నగరంలో వెలుగుచూసింది. గ్రూపు లీడర్‌ ఆత్మహత్యాయత్నం గుంటూరు నగరంలోని శ్రీనివాసరావుపేటకు చెందిన ఓ డ్వాక్రా గ్రూపు సభ్యులు బ్యాంకు లోనుకు సంబంధించి క్రమం తప్పకుండా చెల్లించిన సుమారు రూ.లక్ష నగదును ఆర్పీ గౌసియా, సీవో ఆదినారాయణ కలిసి స్వాహా చేశారు. బ్యాంకులో జమ చేయకుండా ఆ సొమ్మును సొంతానికి వాడుకుని, సభ్యులకు మాత్రం నకిలీ బ్యాంకు రసీదులను చూపించి నమ్మించారు. రుణ బకాయి ఉందని బ్యాంకు నుంచి నోటీసులు రావడంతో కంగుతిన్న గ్రూపు లీడర్‌ హసీనా, ఇతర సభ్యులు ఆర్పీని నిలదీశారు. ఫలితం లేకపోవడంతో మెప్మా ఉన్నతాధికారులకు లిఖితపూర్వకంగా ఫిర్యాదు చేసినా పట్టించుకోలేదు. చివరికి ఆర్పీ గౌసియా ఇంటికి వెళ్లి నిలదీయగా.. ఎదురుదాడికి దిగి అసభ్య పదజాలంతో దూషించడంతో తీవ్ర మనస్తాపానికి గురైన లీడర్‌ హసీనా కూల్‌డ్రింక్‌లో ఎలుకల మందు కలుపుకొని తాగి ఆత్మహత్యాయత్నానికి పాల్పడింది. ప్రస్తుతం ఆమె ప్రాణాపాయ స్థితిలో చికిత్స పొందుతుండగా, ఈ ఘటనపై నగరంపాలెం పోలీస్‌ స్టేషనులో కేసు నమోదైంది. అయితే, విషయం బయటకు పొక్కకుండా, తమ అవినీతి బండారం ఎక్కడ పడుతుందోనన్న భయంతో మెప్మా సిబ్బంది రంగంలోకి దిగారు. బాధితులను సముదాయించేందుకు, రాజీ కుదిర్చేందుకు తెరవెనుక ముమ్మర ప్రయత్నాలు చేస్తున్నారు. కేంద్ర మంత్రి ఓఎస్‌డీ పెత్తనం మెప్మాలో జరుగుతున్న ఈ దందా వెనుక రాజకీయ అండదండలు ఉన్నట్లు స్పష్టమవుతోంది. కేంద్ర మంత్రి పెమ్మసాని చంద్రశేఖర్‌ ఓఎస్‌డీ భార్య విజయలక్ష్మి మెప్మా ప్రాజెక్ట్‌ డైరెక్టర్‌ (పీడీ)గా వ్యవహరిస్తున్నారు. వారి అండ చూసుకునే కిందిస్థాయి సిబ్బంది చెలరేగిపోతున్నారనే ఆరోపణలు వెల్లువెత్తుతున్నాయి. మెప్మా డిపార్ట్‌మెంట్‌లో ఏది జరిగినా ఎటువంటి చర్యలు ఉండవనే విమర్శలు బహిరంగంగానే వెల్లువెత్తుతున్నాయి. సదరు డిపార్ట్‌మెంట్‌పైన ఏదైనా ఫిర్యాదులు వస్తే వెంటనే కేంద్ర మంత్రి ఓఎస్‌డీ రంగంలోకి దిగి ఆయన కింద వ్యక్తులతో సదరు అంశాన్ని చక్కబెడతారనే ఆరోపణలు ఉన్నాయి. సెప్టెంబర్‌ ఆఖరు నాటికి బ్యాంకు రుణాల టార్గెట్లు రావడమే అదనుగా భావించిన సిబ్బంది... ఒక్కో లోను మంజూరుకు రూ. లక్షకు రూ. 2 వేల నుంచి రూ. 3 వేల వరకు దర్జాగా దండుకున్నట్లు సమాచారం. గుంటూరు నగర కార్పొరేషన్‌ పరిధిలో ప్రస్తుతం 10,619 డ్వాక్రా గ్రూపులు ఉండగా, వీటి పర్యవేక్షణకు 317 మంది ఆర్పీలు, 26 మంది సీవోలు, ఇద్దరు సీఎంఎంలు పనిచేస్తున్నారు. సాధారణంగా ప్రతి స్లమ్‌ కింద ఏర్పాటయ్యే స్లమ్‌ సమాఖ్య పరిధిలో 25 నుంచి 50 గ్రూపులు ఉంటాయి. కానీ అధికార పార్టీ నాయకులు నిబంధనలకు విరుద్ధంగా రూ.లక్షలు తీసుకుని ఆర్‌పీ పోస్టులను సృష్టిస్తున్నారనే ఆరోపణలు లేకపోలేదు. పేదల కష్టార్జితాన్ని మింగేస్తున్న ఈ మెప్మా సిండికేట్‌పై సమగ్ర విచారణ జరిపి, బాధ్యులైన అధికారులపై కఠిన చర్యలు తీసుకోవాలని డ్వాక్రా మహిళలు డిమాండ్‌ చేస్తున్నారు.

బాపట్లటౌన్‌: దసరా సెలవుల నేపథ్యంలో సముద్ర తీర ప్రాంతాల్లో ప్రత్యేక గస్తీ నిర్వహిస్తున్నామని జిల్లా ఎస్పీ బి.ఉమామహేశ్వర్‌ తెలిపారు. శనివారం జిల్లా పోలీస్‌ కార్యాలయంలో ఎస్పీ విలేకరులతో మాట్లాడారు. దసరా సెలవుల నేపథ్యంలో జిల్లాలోని సముద్రతీర ప్రాంతాలకు వచ్చే పర్యాటకుల భద్రతకు ప్రాధాన్యతనిస్తూ పటిష్టమైన భద్రతా చర్యలు చేపట్టామన్నారు. పర్యాటకులు పోలీస్‌ శాఖ హెచ్చరికలు, సూచనలను తప్పనిసరిగా పాటించాలన్నారు. పర్యాటకుల భద్రతను దృష్టిలో ఉంచుకునే పోలీస్‌ శాఖ పలు ఆదేశాలు, సూచనలు జారీ చేస్తోందని, ప్రతి ఒక్కరూ పోలీసులకు సహకరించాలన్నారు. తీర ప్రాంతాల్లో వివిధ జిల్లాలతో పాటు తెలంగాణ రాష్ట్రం నుంచి కూడా అధిక సంఖ్యలో పర్యాటకులు జిల్లాకు వస్తారన్నారు. సాధారణ రోజులతో పోలిస్తే ప్రస్తుతం పాఠశాలలు, కళాశాలలకు దసరా సెలవులు ప్రకటించిన నేపథ్యంలో సూర్యలంక, వాడరేవు, రామాపురం సముద్రతీర ప్రాంతాలకు పెద్ద సంఖ్యలో పర్యాటకులు వచ్చే అవకాశం ఉందన్నారు. ఈ నేపథ్యంలో పర్యాటకుల భద్రతకు అత్యంత ప్రాధాన్యతనిస్తూ బాపట్ల జిల్లా పోలీస్‌ శాఖ ఆధ్వర్యంలో సముద్రతీర ప్రాంతాల్లో పటిష్టమైన భద్రతా చర్యలు చేపడుతున్నామన్నారు. ఆధునిక సాంకేతిక పరిజ్ఞానాన్ని వినియోగిస్తూ పర్యాటకుల కదలికలను నిరంతరం పర్యవేక్షించడంతో పాటు, ఎలాంటి అవాంఛనీయ సంఘటనలు చోటుచేసుకోకుండా డ్రోన్‌ కెమెరాలు, సీసీ కెమెరాల ద్వారా నిఘా ఏర్పాటు చేస్తున్నామన్నారు. ఏటీవీ (ఆల్‌–టెర్రైన్‌ వెహికల్స్‌)తో పోలీస్‌ సిబ్బంది సముద్రతీర ప్రాంతాల్లో గస్తీ నిర్వహిస్తున్నారని, పబ్లిక్‌ అడ్రస్‌ సిస్టమ్‌తో పర్యాటకులకు ఎప్పటికప్పుడు భద్రతా సూచనలు చేస్తూ అప్రమత్తం చేస్తున్నారన్నారు. సముద్రంలో ప్రమాదకరమైన లోతు ఉన్న ప్రాంతాలను గుర్తించి, పర్యాటకులు ఆ ప్రాంతాల్లోకి వెళ్లకుండా హెచ్చరిక జెండాలను ఏర్పాటు చేశామన్నారు. నిర్దేశించిన పరిమితిని దాటి సముద్రంలోకి వెళ్లకుండా పర్యాటకులను అప్రమత్తం చేసేందుకు బోట్ల ద్వారా గస్తీ నిర్వహించాలన్నారు. పర్యాటకులు అనుకోని ప్రమాదాలకు గురైనప్పుడు తక్షణమే రక్షించేందుకు లైఫ్‌ బాయ్‌లు, లైఫ్‌ జాకెట్లతో సిద్ధంగా ఉండే పోలీస్‌ సిబ్బందిని సముద్రతీర ప్రాంతాల్లో నియమించామన్నారు.

బాపట్లటౌన్‌: సూర్యలంక సముద్రతీరంలో అలల తాకిడికి కొట్టుకుపోతున్న నలుగురు యువకులను స్థానిక మత్స్యకారులు కాపాడారు. గుంటూరులోని నల్లచెరువు ప్రాంతానికి చెందిన కె.ధనుష్‌కుమార్‌, బి.సంతోష్‌, గుంటూరులోని సంపత్‌నగర్‌కు చెందిన బి.అభిషేక్‌, కె.వినయ్‌, లక్ష్మీపురానికి చెందిన ఎల్‌.పునిత్‌ సముద్రస్నానాల నిమిత్తం శనివారం ఉదయం సూర్యలంక తీరానికి చేరుకున్నారు. వీరంతా సముద్రంలో స్నానాలు చేస్తుండగా ఒక్కసారిగా వచ్చిన అలల తాకిడికి వీరిలో నలుగురు యువకులు కేకలు వేస్తూ నీటిలో కొట్టుకుపోతున్నారు. ఈ విషయాన్ని గమనించిన స్థానిక మత్స్యకారులు వంశీ, కనకరాజులు వెంటనే సముద్రంలోకి దూకి కొట్టుకుపోతున్న యువకులను కాపాడి తీరానికి చేర్చారు. వీరిలో ఇద్దరు యువకులు అప్పటికే సముద్రనీరు తాగడంతో వీరికి తీరం వెంబడి సీపీఆర్‌ నిర్వహించి చికిత్స నిమిత్తం ఆటోలో బాపట్ల ఏరియా వైద్యశాలకు తరలించారు. ప్రస్తుతం తీరానికి వచ్చిన ఐదుగురు యువకులు సురక్షితంగానే ఉన్నారు. అందుబాటులో లేని సిబ్బంది, గజ ఈతగాళ్లు యువకులు తీరంలో కొట్టుకుపోతున్న సమయంలో తీరంలో అవుట్‌పోస్ట్‌, మైరెన్‌ సిబ్బంది అందుబాటులో లేరు. కనీసం తీరంలో గస్తీ నిర్వహించే గజ ఈతగాళ్లు కూడా అందుబాటులో లేరు. తీరం వెంబడి అద్దెకు గొడుగులు ఏర్పాటుచేసుకుంటూ జీవనం సాగించే ఇద్దరు యువకులు తీరంలో నలుగురు కొట్టుకుపోవడాన్ని గమనించి మత్స్యకారులకు చెప్పడంతో నీటిలోకి దూకి కాపాడారు. మత్స్యకారులు సకాలంలో స్పందించి ఉండకపోతే యువకులు మృత్యువాత పడేవారని స్థానికులు చెబుతున్నారు. పోలీసులు స్పందించి గస్తీ ముమ్మరం చేయాలని స్థానికులు కోరుతున్నారు.

గుంటూరు వెస్ట్‌ (క్రీడలు): నగరం నిద్రలేవక ముందే ఆరు పదుల వయస్సున్న ఒక వ్యక్తి తన సైకిల్‌ను సిద్ధం చేసుకుని రోడ్డెక్కుతారు... సూర్యుడు పలకరించేలోపే సగం గమ్యాన్ని పూర్తి చేస్తారు... సరదాగా ప్రారంభమైన పయనం ఇంకా కొనసాగుతూనే ఉంది. ఆయనే గుంటూరుకు చెందిన బండ్లమూడి సుబ్బయ్య. వయస్సును కూడా లెక్కచేయకుండా కఠోర సాధనతో సైక్లింగ్‌ సుబ్బయ్యగా మారిపోయారు. బుధవారంతో సైక్లింగ్‌లో 1,623 సెంచరీలు పూర్తి చేయడంతోపాటు 2 లక్షల కిలోమీటర్లు పూర్తి చేసి ఔరా అనిపించారు. రెండు తెలుగు రాష్ట్రాల్లో ఈ ఘనత సాధించిన ఏకై క వ్యక్తిగా నిలిచారు. తెల్లవారుజామున 4 గంటలకు ప్రారంభమయ్యే ఆయన సైకిల్‌ ప్రయాణం దాదాపుగా ఉదయం 8.30 గంటలకు పూర్తవుతుంది. సైక్లింగ్‌, యోగా, స్విమ్మింగ్‌ వంటి అంశాల్లో చక్కని ప్రతిభ చాటుతున్నారు. ఈ సందర్భంగా సుబ్బయ్యను సహచర సైక్లిస్టులు స్థానిక విద్యానగర్‌లో ఘనంగా సత్కరించారు. అంత సులభంగా దక్కలేదు.. తొలినాళ్లలో స్విమ్మింగ్‌ సాధన చేసిన సుబ్బయ్యకు కరోనా అనేది జీవితాన్ని కొత్త కోణంలో పరిచయం చేసింది. ఆరోగ్యం లేనిదే ఆనందకరమైన జీవితం సాధ్యం కాదని స్పష్టం చేసింది. దీంతో తాను ఎంతగానో ఇష్టపడే సైక్లింగ్‌పై మరింత మక్కువ పెరిగింది. కొందరు స్నేహితులతో ప్రారంభమైన సైకిల్‌ సవారీ నేడు సుబ్బయ్యను నూతన రికార్డులు నెలకొల్పేలా మార్చేసింది. ఈ ఘనత ఆయనను లిమ్కా బుక్‌ ఆఫ్‌ రికార్డ్స్‌ దిశగా తీసుకెళుతోంది. పట్టణంలోని కొందరు వైద్యులతో కలిసి సైక్లింగ్‌ క్లబ్‌లను ప్రారంభించారు. వారిని కూడా నిరంతరం సైక్లింగ్‌ చేసే విధంగా ప్రోత్సహిస్తూ ప్రజలకు అవగాహన కల్పిస్తున్నారు. అధికారులకు సైతం పట్టణ రోడ్లపై సైక్లింగ్‌ ట్రాక్‌లు ఏర్పాటు చేయాలని కోరుతున్నారు. ప్రజలు ప్రతి పనికీ వాహనాలను ఉపయోగించడం వల్ల శారీరక శ్రమ లేకుండా పోతోందని చెప్పారు. రికార్డులు భద్రం క్రీడాకారుల కోసం అంతర్జాతీయ స్థాయిలో స్ట్రావా అనే యాప్‌ ఉంది. సుబ్బయ్యలాంటి సైక్లిస్టులు అందులో తమ వివరాలను ఎప్పటికప్పుడు నమోదు చేసుకుంటే, వారు సైక్లింగ్‌ చేసే వేగంతోపాటు ఎన్ని కిలోమీటర్లు, ఎంత సమయంలో పూర్తి చేశారనే వివరాలు నమోదవుతాయి. సుబ్బయ్య బుధవారంతో 1,623 సెంచరీలు, 355 అర్ధ సెంచరీలు చేయడంతోపాటు 2 లక్షల కిలోమీటర్ల దూరాన్ని విజయవంతంగా పూర్తి చేశారు. రోజూ ఉదయం 100 కిలోమీటర్లు నాన్‌స్టాప్‌గా సైకిల్‌ తొక్కడాన్ని నిత్యకృత్యంగా మార్చుకున్నారు. జాతీయ స్థాయిలో జరిగే సైక్లింగ్‌ చాలెంజ్‌ పోటీల్లో సుబ్బయ్య అనేక విజయాలు సాధించారు. దీంతోపాటు స్విమ్మింగ్‌లో మాస్టర్స్‌ విభాగంలో రాష్ట్ర స్థాయిలో 30కి పైగా బంగారు, కాంస్య, రజత పతకాలతోపాటు మరో మూడు జాతీయ స్థాయి పతకాలు సాధించారు. కృష్ణా నదిలో 1.5 కిలోమీటర్ల దూరాన్ని నాలుగుసార్లు ఈదుతూ బహుమతులు సాధించారు. యోగా సాధనలో కూడా ఆసనాలతో ఆకట్టుకుంటున్నారు. ప్రస్తుతం సుబ్బయ్య వయస్సు 60 సంవత్సరాలు. గతంలో ఆయన స్నేహితులతో కలిసి కశ్మీర్‌ నుంచి కన్యాకుమారి వరకు 3,700 కిలోమీటర్లు సైక్లింగ్‌ పూర్తి చేశారు. నేడు ప్రతి ఒక్కరికీ కావాల్సింది ఆరోగ్యమే. దాని కోసం మనం ఏం చేస్తున్నామనేదే కీలకం. నేను సైక్లింగ్‌ను ఎంచుకున్నాను. అది నాకు చక్కని ఆరోగ్యాన్ని ప్రసాదించడంతోపాటు రికార్డులు, పేరుప్రఖ్యాతులను తీసుకొచ్చింది. సంపాదన మోజులో పడి చాలా మంది ఆరోగ్యంపై కనీస జాగ్రత్తలు తీసుకోవడం లేదు. ఆరోగ్యం ఒక్కసారి చేజారితే ఏం చేసినా ఫలితం ఉండదు. ఉన్నప్పుడే కాపాడుకోవాలి. నా తదుపరి లక్ష్యం ఐరన్‌మ్యాన్‌తోపాటు భారత్‌ టూర్‌. ప్రభుత్వం కూడా సైక్లిస్టులకు ప్రోత్సాహం కల్పిస్తే నాలాంటి సైక్లిస్టులు వెలుగులోకి వస్తారు. చివరి శ్వాస వరకు సైక్లింగ్‌ ఆపను. – బండ్లమూడి సుబ్బయ్య

జిల్లా కలెక్టర్‌ సీఎం సాయికాంత్‌ వర్మ పెదకాకాని: గుంటూరు ఆటోనగర్‌లో అభివృద్ధికి ప్రత్యేక ప్రణాళికపై దృష్టి పెట్టామని జిల్లా కలెక్టర్‌ సీఎం సాయికాంత్‌ వర్మ పేర్కొన్నారు. గుంటూరు తూర్పు ఎమ్మెల్యే షేక్‌ నసీర్‌ అహ్మద్‌తో కలిసి శనివారం ఆయన ఆటోనగర్‌లో పర్యటించారు. వసతులు, పరిసరాల పరిశుభ్రత, పారిశుద్ధ్య కార్యక్రమాలు తదితర అంశాలను పరిశీలించారు. అధికారులకు పలు ఆదేశాలను జారీ చేశారు. ఈ సందర్భంగా జిల్లా కలెక్టర్‌ మాట్లాడుతూ ఆటోనగర్‌ అభివృద్ధికి దశలవారీగా చర్యలు చేపడతామని చెప్పారు. ఆటోనగర్‌ అభివృద్ధికి రూ. 30 కోట్లతో ప్రతిపాదనలు తయారు చేశామన్నారు. ఆటోనగర్‌ పారిశుద్ధ్య పనులు, రహదారుల నిర్మాణం వంటి అవసరాలను గుర్తించామన్నారు. రైల్వే గేటు సమీపంలో ఉన్న వ్యర్థాలను మరొక ప్రదేశానికి తరలించే అవకాశాలు పరిశీలిస్తున్నామని పేర్కొన్నారు. పాత వాహనాలు పగులగొట్టడం, రోడ్లపై చెత్తాచెదారం వేయడం వలన వాహనాల రాకపోకలకు అసౌకర్యంగా ఉందన్నారు. ఎమ్మెల్యే షేక్‌ నసీర్‌ అహ్మద్‌ మాట్లాడుతూ రహదారులు నిర్మించాల్సిన అవసరం ఉందన్నారు. రోజూ పారిశుద్ధ్య కార్యక్రమాలు చేపట్టాలని పేర్కొన్నారు. ఆర్‌డీవో కె. శ్రీనివాసరావు, ఏపీఐఐసీ జీఎం నరసింహారావు, గుంటూరు నగరపాలక సంస్థ కార్యనిర్వహక ఇంజినీర్‌ సుందర రామిరెడ్డి తదితరులు పాల్గొన్నారు. లక్ష్మీపురం: దక్షిణ తీర రైల్వే గుంటూరు డివిజన్‌ మీదుగా తిరుచానూరుకు ప్రత్యేక రైలును కేటాయించినట్లు సీనియర్‌ డీసీఎం శనివారం ఒక ప్రకటనలో పేర్కొన్నారు. రైలు (07227) ఈ నెల 13వ తేదీన గుంటూరు జంక్షన్‌ నుంచి సాయంత్రం 7.15 గంటలకు బయలుదేరి తిరుచానూరు స్టేషన్‌కు 14వ తేదీ ఉదయం 7.30 గంటలకు చేరుకుంటుందని తెలిపారు. ఈ రైలు ప్రధానంగా నరసరావుపేట, వినుకొండ, దొనకొండ, మార్కాపురం, కంభం, గిద్దలూరు, నంద్యాల, బనగానపల్లె, కోయిలకుంట్ల, జమ్మలమడుగు, ప్రొద్దు టూరు, యర్రగుంట్ల, కమలాపురం, కడప, నందలూరు, రాజంపేట, కోడూరు, రేణిగుంట జంక్షన్‌ స్టేషన్‌ల మీదుగా ప్రయాణిస్తుందని తెలిపారు. ప్రయాణికులు సురక్షిత ప్రయాణం చేయాలని కోరారు. దుగ్గిరాల: ప్రకాశం బ్యారేజ్‌ నుంచి పశ్చిమ డెల్టాకు శనివారం 2,423 క్యూసెక్కులు విడుదల చేసినట్లు నీటిపారుదల శాఖ అధికారులు తెలిపారు. బ్యారేజి వద్ద 11.8 అడుగుల నీటిమట్టం స్థిరంగా ఉంది. దుగ్గిరాల సబ్‌ డివిజన్‌ హైలెవెల్‌కి 60 క్యూసెక్కులు, బ్యాంక్‌ కెనాల్‌ 513, తూర్పు కాలువకు 316, పశ్చిమ కాలువకు 111, నిజాంపట్నం కాలువకు 225, కొమ్మమూరు కాలువకు 733 క్యూసెక్కులు విడుదల చేసినట్లు తెలిపారు. తాడికొండ: తాడికొండ మండలం పొన్నెకల్లు గ్రామంలో పోలీసుల చిత్రహింసలకు గురై మృతి చెందిన యువకుడు చీకటి గోపి కేసులో ఆరోపణలు ఎదుర్కొంటున్న కానిస్టేబుల్‌ మురళిని వీఆర్‌కు పంపినట్లు సమాచారం. ఈ కేసులో ఇప్పటికే పలు ప్రజాసంఘాలు, ఎమ్మార్పీఎస్‌ వ్యవస్థాపక అధ్యక్షుడు మంద కృష్ణ మాదిగ ఆందోళన మేరకు సిట్‌ విచారణ బృందాన్ని ఏర్పాటు చేశారు. ఈ బృందం విచారణ చేస్తుండగానే ఆరోపణలు ఎదుర్కొంటున్న కానిస్టేబుల్‌ మురళిని వీఆర్‌కు పంపించారు. గతంలో కూడా తెనాలిలో యువకులను నడిరోడ్డుపై హింసించిన కేసులో కానిస్టేబుల్‌ వీఆర్‌కు వెళ్లాడు. మళ్లీ ఇప్పుడు కూడా అవే ఆరోపణలతో వీఆర్‌కు వెళ్లడం గమనార్హం.

తెనాలి: పాల రైతులను, పాడి పరిశ్రమను రక్షించేందుకు ప్రభుత్వాలు చొరవ చూపాలని ఆంధ్రప్రదేశ్‌ పాల రైతుల సంఘం రాష్ట్ర ప్రధాన కార్యదర్శి కంచుమాటి అజయ్‌కుమార్‌ కోరారు. పాల రైతుల సంఘం గుంటూరు జిల్లా ప్రథమ మహాసభను శుక్రవారం స్థానిక అయితానగర్‌లోని నన్నపనేని సీతారామయ్య, సరస్వతమ్మ కల్యాణ మండపంలో నిర్వహించారు. సభకు ఆంధ్రప్రదేశ్‌ రైతు సంఘం జిల్లా అధ్యక్షుడు ములకా శివసాంబిరెడ్డి అధ్యక్షత వహించారు. అజయ్‌కుమార్‌ మాట్లాడుతూ గ్రామీణ ప్రాంతాల్లో పాడి, పంటలు ప్రజల జీవనాధారమని, పాడి పరిశ్రమ కుంటుపడితే పౌష్టికాహారానికి దూరమయ్యే దుస్థితి నెలకొంటుందని స్పష్టంచేశారు. పాడి పరిశ్రమ సంక్షోభంలోకి నెట్టబడితే పాల సేకరణ కేంద్రాలు, పాల పరిశ్రమలు మూతపడే ప్రమాదం ఉందని హెచ్చరించారు. పాడి పరిశ్రమ అభివృద్ధి, రైతుల సమస్యలపై డిమాండ్లను ప్రతిపాదిస్తూ తీర్మానం చేయనున్నట్లు పేర్కొన్నారు. ఈ సభ ద్వారా జిల్లావ్యాప్త కమిటీలను, మండలాల వారిగా కమిటీలను ఏర్పాటు చేసి, తద్వారా పాల, పాడి రైతుల సమస్యలపై భవిష్యత్తు ప్రణాళికలు సిద్ధం చేస్తామని చెప్పారు. శివసాంబిరెడ్డి మాట్లాడుతూ రాష్ట్రవ్యాప్తంగా పాడి రైతులు తీవ్ర సంక్షోభాన్ని ఎదుర్కొంటున్నారని చెప్పారు. పాల ఉత్పత్తికీ, పెరుగుతున్న ఖర్చులకు అనుగుణంగా రైతులకు గిట్టుబాటు ధర లభించడం లేదన్నారు. లీటరు పాలకు కనీస ధర రూ.100 ప్రకటించాలని, ప్రభుత్వం లీటరుకు రూ.5 ప్రోత్సాహక ధర అందించాలని డిమాండ్‌ చేశారు. వరి గడ్డితోపాటు పశువుల దాణాను 75 శాతం రాయితీతో సరఫరా చేయాలని కోరారు. వాతావరణ పరిస్థితుల కారణంగా పశువులకు అవసరమైన పచ్చగడ్డి, ఇతర మేతను పొరుగు జిల్లాల నుంచి కొనుగోలు చేయాల్సిన పరిస్థితి ఏర్పడిందన్నారు. పశువైద్యశాలల్లో వైద్యులు, సిబ్బంది ఖాళీలను భర్తీ చేయడంతోపాటు అవసరమైన ఔషధాలను అందుబాటులో ఉంచాలని ప్రభుత్వాన్ని డిమాండ్‌ చేశారు. పాల రైతుల సమస్యలపై ప్రభుత్వం స్పందించి పాడి పరిశ్రమ పరిరక్షణకు సమగ్ర చర్యలు చేపట్టాలని విజ్ఞప్తి చేశారు. తొలుత అఖిల భారత కిసాన్‌న్‌ సభ జాతీయ ఉపాధ్యక్షుడు సారంపల్లి మల్లారెడ్డి చిత్రపటానికి పూలమాలలు వేసి నివాళులర్పించారు. ఏపీ పాల రైతుల సంఘం రాష్ట్ర కమిటీ సభ్యురాలు వేజెండ్ల తబిత, సీఐటీయూ జిల్లా ఉపాధ్యక్షుడు కొల్లిపర బాబు ప్రసాద్‌, తెనాలి కమిటీ కార్యదర్శి షేక్‌ హుస్సేన్‌ వలి, పలువురు రైతులు పాల్గొన్నారు. ఆంధ్రప్రదేశ్‌ పాల రైతుల సంఘం రాష్ట్ర ప్రధాన కార్యదర్శి కంచుమాటి అజయ్‌కుమార్‌

బాపట్లటౌన్‌: పోలీస్‌ సిబ్బంది శాఖాపరమైన సమస్యల పరిష్కారమే పోలీస్‌ సహచార్‌ ఓపెన్‌ హౌస్‌ లక్ష్యమని జిల్లా ఎస్పీ బి.ఉమామహేశ్వర్‌ పేర్కొన్నారు. శనివారం జిల్లా పోలీస్‌ ప్రధాన కార్యాలయంలో ‘పోలీస్‌ సహచార్‌ ఓపెన్‌ హౌస్‌’ కార్యక్రమాన్ని నిర్వహించారు. ఎస్పీ మాట్లాడుతూ పోలీస్‌ సిబ్బంది సంక్షేమంలో భాగంగా వారి సమస్యలను నేరుగా తెలుసుకుని పరిష్కరించేందుకు ప్రతి నెలా రెండవ శనివారం ఈ కార్యక్రమాన్ని నిర్వహిస్తున్నామన్నారు. ఈ కార్యక్రమం ద్వారా సిబ్బంది తమ వ్యక్తిగత, శాఖాపరమైన సమస్యలను నేరుగా తన దృష్టికి తీసుకురావచ్చని, వాటి పరిష్కారానికి సత్వర చర్యలు తీసుకుంటామన్నారు. ప్రతి శుక్రవారం సాయంత్రం 3.00 నుంచి 5.00 గంటల వరకు ‘ఎస్పీ సంపర్క్‌’ కార్యక్రమాన్ని నిర్వహిస్తున్నామన్నారు. ఈ కార్యక్రమం ద్వారా పోలీస్‌ సిబ్బంది నేరుగా ఫోన్‌ చేసి తమ సమస్యలను తెలియజేయవచ్చన్నారు. కార్యక్రమంలో అడ్మిన్‌ ఆర్‌ఐ షేక్‌ మౌలుద్దీన్‌, సీసీ హరికృష్ణ, డీపీఓ సిబ్బంది, ఇతర పోలీస్‌ అధికారులు పాల్గొన్నారు.జిల్లా ఎస్పీ బి.ఉమామహేశ్వర్‌

తాడికొండ: చలపతి విశ్వవిద్యాలయ ప్రాంగణం అఖిల భారత ఓపెన్‌ ర్యాపిడ్‌ చెస్‌ టోర్నమెంట్‌ చదరంగ సందడితో శనివారం కళకళలాడింది. ‘చలపతి చెస్‌ క్లబ్‌’ను రాజ్యసభ సభ్యుడు భాష్యం రామకృష్ణ, ప్రపంచ ప్రఖ్యాత చెస్‌ క్రీడాకారిణి కోనేరు హంపి ప్రారంభించారు. ఎంపీ భాష్యం రామకృష్ణ మాట్లాడుతూ విద్యార్థుల సమగ్ర వికాసంలో చదరంగం ఒక ముఖ్యమైన పాఠ్యాంశమని, ఇది ఆలోచనాశక్తి, ఏకాగ్రత, నిర్ణయ సామర్‌ాధ్యన్ని పెంపొందిస్తుందన్నారు. కోనేరు హంపి మాట్లాడుతూ విశ్వవిద్యాలయ స్థాయిలో చదరంగానికి ఇంతటి ప్రాధాన్యం ఇవ్వడం అభినందనీయమని చెప్పారు. చెస్‌ కార్యకలాపాల అభివృద్ధికి తన సహకారం తప్పకుండా అందిస్తానని హామీ ఇచ్చారు. చాన్సలర్‌ డాక్టర్‌ వైవీ ఆంజనేయులు మాట్లాడుతూ చలపతి విశ్వవిద్యాలయం విద్యతో పాటు ఆటలు, క్రీడలకు సమాన ప్రాధాన్యం ఇస్తూ ఎల్లప్పుడూ ప్రోత్సహిస్తుందని చెప్పారు. ప్రో–ఛాన్సలర్‌ వై సుజిత్‌ కుమార్‌ మాట్లాడుతూ విద్యార్థుల సర్వతోముఖాభివృద్ధే లక్ష్యంగా విశ్వ విద్యాలయంలో చదరంగాన్ని పాఠ్యాంశాలలో భాగంగా ప్రవేశపెట్టామని, విద్యార్థులందరికీ చెస్‌ సాధన కోసం ప్రత్యేక సమయ కేటాయింపులను విస్తరించామని వెల్లడించారు. వైస్‌ చాన్సలర్‌ ప్రొఫెసర్‌ బీవీ చౌదరి మాట్లాడారు. చాంపియన్‌గా ధ్రువేష్‌.. టోర్నమెంట్‌కు దేశంలోని వివిధ ప్రాంతాల నుండి మొత్తం 242 మంది క్రీడాకారులు ఈ పోటీలలో పాల్గొన్నారు. ప్రతి రౌండ్‌ హోరాహోరీగా సాగిన పోరులో అద్భుతమైన ఆటతీరు, చురుకై న ఎత్తుగడలతో ఆకట్టుకున్న ధ్రువేష్‌ దొంతాపాటి ప్రథమ స్థానాన్ని కై వసం చేసుకుని చాపియన్‌న్‌గా నిలిచారు. చివరి వరకు గట్టి పోటీనిచ్చిన పెరిచెర్ల హరిరామ్‌ సాయికృష్ణ ద్వితీయ స్థానంతో రన్నర్‌గా నిలవగా, నిలకడైన ప్రదర్శనతో శివ పవన్‌ తేజ తృతీయ స్థానాన్ని సాధించారు. కె రాజు నాలుగో స్థానంలో ఆర్‌ ఆదిత్య ఐదవ స్థానంలో నిలిచి తమ ప్రతిభను చాటుకున్నారు. విజేతలకు, రూ.1,11,999/– విలువైన నగదు బహుమతులను, ప్రశంసా పత్రాలను అతిథుల చేతుల మీదుగా అందజేశారు. ఈ కార్యక్రమంలో విశ్వ విద్యాలయ రిజిస్ట్రార్‌ నాదెండ్ల రామారావు, కోనేరు అశోక్‌ పాల్గొన్నారు.

రేపల్లె: రాష్ట్ర వ్యాప్తంగా అంగన్‌వాడీలు, సహాయకులు ఎదుర్కొంటున్న సమస్యలను ప్రభుత్వం వెంటనే పరిష్కరించాలని ఏపీ అంగన్‌వాడీ వర్కర్స్‌ అండ్‌ హెల్పర్స్‌ అసోసియేషన్‌న్‌ రాష్ట్ర ప్రధాన కార్యదర్శి జె.లలితమ్మ డిమాండ్‌ చేశారు. పట్టణంలోని ఓ ప్రైవేటు పాఠశాల ఆవరణంలో శనివారం జరిగిన ఏపీ అంగన్‌వాడీ వర్కర్స్‌ అండ్‌ హెల్పర్స్‌ అసోసియేషన్‌ బాపట్ల జిల్లా రెండవ మహాసభలలో ఆమె పాల్గొని మాట్లాడారు. ప్రభుత్వ సంక్షేమ కార్యక్రమాలను క్షేత్రస్థాయిలో ప్రజలకు చేరవేయడంలో, గర్భిణులు, బాలింతలు, చిన్నారులకు సేవలందించడంలో అంగన్‌వాడీ సిబ్బంది బాధ్యతాయుతంగా పనిచేస్తున్నారన్నారు. కీలక బాధ్యతలు నిర్వహిస్తున్న ఉద్యోగుల సమస్యల పరిష్కారంలో ప్రభుత్వం చొరవ చూపాలన్నారు. అంగన్‌వాడీ సిబ్బందికి ఇచ్చిన హామీలను నెరవేర్చి, వారి న్యాయమైన డిమాండ్లపై సానుకూలంగా స్పందించాలని విజ్ఞప్తి చేశారు. సమస్యల సాధనకై అసోసియేషన్‌ నిరంతరం ఉద్యమాలు చేస్తుందన్నారు. కార్యక్రమంలో ఏఐటీయూసీ బాపట్ల జిల్లా అధ్యక్షుడు కోన శ్రీనివాసరావు, అసోసియేషన్‌ రాష్ట్ర వర్కింగ్‌ ప్రెసిడెంట్‌ కే.ప్రేమ, ఏఐటీయూసీ జిల్లా ప్రధాన కార్యదర్శి బత్తుల శామ్యూల్‌, తదితరులు పాల్గొన్నారు. జిల్లా కార్యవర్గం ఎన్నిక మహాసభలో ఏపీ అంగన్‌వాడీ వర్కర్స్‌ అండ్‌ హెల్పర్స్‌ అసోసియేషనన్‌ బాపట్ల జిల్లా కార్యవర్గాన్ని ఏకగ్రీవంగా ఎన్నుకున్నారు. జిల్లా అధ్యక్షురాలిగా పి.అంజలీదేవి, కార్యదర్శిగా సింగం వాణిశ్రీలతోపాటు ఏడుగురు సభ్యులను ఎన్నుకున్నారు. ఏపీ అంగన్‌వాడీ వర్కర్స్‌ అండ్‌ హెల్పర్స్‌ అసోసియేషన్‌ రాష్ట్ర ప్రధాన కార్యదర్శి లలితమ్మ