నేటి ప్రగతికి దారి !

గురువారం శ్రీ 19 శ్రీ ఫిబ్రవరి శ్రీ 2026 నేటి ప్రగతికి దారి ! ఇఫ్తార్‌ సహరి (గురు) (శుక్ర) బాపట్ల 6.17 5.14 నరసరావుపేట 6.19 5.16 గుంటూరు 6.25 5.18 చీరాల టౌన్‌: వాడరేవు నుంచి పిడుగురాళ్ల వరకు నిర్మిస్తున్న 167–ఏ జాతీయ రహదారి త్వరలోనే వినియోగంలోకి తీసుకువచ్చేందుకు అధికారులు అన్ని ఏర్పాట్లు చేస్తున్నారు. ఈ జాతీయ రహదారి వినియోగంలోకి వస్తే జిల్లా రూపురేఖలు మారుతాయి. అభివృద్ధి పథంలో జిల్లా పయనిస్తుంది. అలాగే ఏపీ, తెలంగాణ రాష్ట్రాల మధ్య సత్సంబంధాలతోపాటు పర్యాటక, వ్యాపార రంగాలు అభివృద్ధిలో దూసుకెళ్లనున్నాయి. అత్యంత ప్రాధాన్యమైన వాడరేవు– పిడుగురాళ్ల రోడ్డు నిర్మాణ పనులు తుది దశకు చేరుకుంటున్నాయి. వచ్చే నెలలో ఈ రోడ్డును ప్రారంభించేందుకు నేషనల్‌ హైవే అధికారులు చర్యలు తీసుకుంటున్నారు. నాలుగు లైన్లుగా.. వాడరేవు – పిడుగురాళ్ల వరకు 47 కిలోమీటర్లు మేర నాలుగు లైన్ల జాతీయ రహదారి నిర్మాణాన్ని చేస్తున్నారు. ఈ ఏడాది మార్చి నాటికి ఈ పనులు పూర్తి చేసి వినియోగంలోకి తీసుకువచ్చేలా నేషనల్‌ హైవే అధికారులు, ప్రభుత్వం చర్యలు తీసుకుంటున్నాయి. ఈ రహదారి నిర్మాణం కోసం 103 హెక్టార్ల భూమి అవసరం కాగా 22.30 హెక్టార్లు ప్రభుత్వ భూమిని కేటయించారు. మిగిలిన భూమిని ప్రజల నుంచి సేకరించారు. రోడ్డు నిర్మాణంలో భూములు, ఇళ్లు, స్థలాలు కోల్పోయినవారికి కూడా నష్ట పరిహారాన్ని అందించారు. ఈ రహదారి నాలుగు లైన్లతో నిర్మాణం చేపట్టారు. జాతీయ రహదారికి 167–ఏగా పేరు పెట్టారు. 24 మీటర్లు వెడల్పుతో చేపట్టిన రోడ్డు పనులను ఆధునిక యంత్రాలతో చేయిస్తున్నారు. ఈ రఽహదారి నిర్మాణంలో 37 కిలోమీటర్లు రోడ్డు బాపట్ల జిల్లా పరిధిలోనే ఉండటంతో జిల్లాకే తలమానికంగా మారనుంది.

తెలంగాణ వారికీ ఉపయోగకరం

ఈ రోడ్డు అందుబాటులోకి వస్తే తెలంగాణ రాష్ట్రం హైదరాబాద్‌కు తక్కువ సమయంలో చేరుకోవచ్చు. తీరప్రాంతాలకు పర్యాటకులు కూడా అఽధికంగా వస్తారు. వేసవి సెలవులు, వారాంతపు సెలవుల్లో వాడరేవు, రామాపురం తీరప్రాంతాలకు పర్యాటకుల సందర్శన ఎక్కువ. రోడ్డు పూర్తయితే పర్యాటకంగా ఈ ప్రాంతాలు అభివృద్ధి చెందనున్నాయి. హైవే నిర్మాణంలో నాణ్యత ప్రమాణాలు పాటించి రోడ్డు నిర్మాణ పనులు పూర్తి చేసేందుకు కలెక్టర్లు, నేషనల్‌ హైవే ఉన్నతాధికారులు పర్యవేక్షిస్తున్నారు. పర్యాటకరంగం, రియల్‌ ఎస్టేట్‌ రంగం వృద్ధి చెందడంతోపాటుగా ఉపాధి అవకాశాలు పెరగనున్నాయి. చిన్న హోటళ్ల నుంచి పెద్ద రిసార్టులు, చిరువ్యాపారులకు ఉపాధి దొరుకుతుంది. చీరాల మండలంలోని వాడరేవు ప్రదాన రహదారిని వెడల్పు చేయడంతో పాటు నాలుగు మేజర్‌ బ్రిడ్జిలు, ఆరు అండర్‌పాస్‌ బ్రిడ్జిల పనులు తుది దశకు చేరుకున్నాయి. ఈ రోడ్డు అందుబాటులోకి వస్తే చీరాల్లో అన్నదాతలు పండించిన పంటల ఎగుమతులు పెరగడంతో మార్కెట్‌లకు తరలింపు సులభతరం కానుంది.

న్యూస్‌రీల్‌

నిమ్మకాయల ధరలు

సాగర్‌ నీటిమట్టం

కల్యాణ శుభలేఖ ఆవిష్కరణ