Hanamkonda District Latest News

ఖిలా వరంగల్‌ : డ్రైవింగ్‌ లైసెన్స్‌ పొందాలనుకునే వారికి రవాణాశాఖ కొత్త విధానం అందుబాటులోకి తెచ్చింది. పరివాహన్‌ సారథి పోర్టల్‌ హోం పేజీ ద్వారా లెర్నింగ్‌ లైసెన్స్‌ (ఎల్‌ఎల్‌ఆర్‌ )పొందిన వారు శాశ్వత డ్రైవింగ్‌ లైసెన్స్‌(డీఎల్‌) పరీక్షకు స్లాట్‌ బుక్‌ చేసుకునే ముందు ఆన్‌లైన్‌ శిక్షణ కోర్సు పూర్తి చేయాలి. ఈవిధానంలో రహదారి భద్రత, ట్రాఫిక్‌ నిబంధనలు, సురక్షిత డ్రైవింగ్‌పై అవగాహన కల్పించేందుకు వీడియో పాఠాలను అందిస్తున్నారు. ఉత్తీర్ణత సాధిస్తే సరిపోదు.. డ్రైవింగ్‌ లైసెన్స్‌ పొందాలంటే ఇకపై పరీక్షలో ఉత్తీర్ణత సాధిస్తేనే సరిపోదు. రహదారి భద్రతపై అవగాహన పెంచే వీడియో పాఠాలు పూర్తిగా వీక్షించాల్సిందే. లెర్నింగ్‌ లైసెన్స్‌ పొందిన వారు శాశ్వత డ్రైవింగ్‌ లెసెన్స్‌ కోసం దరఖాస్తు చేసుకునే ముందు రవాణాశాఖ వీడియోను తప్పనిసరిగా చూడాలి. వీడియో వీక్షణ పూర్తయిన తర్వాతే శాశ్వత లైసెన్స్‌ కోసం ఆన్‌లైన్‌లో రుసుము చెల్లించేందుకు అవకాశం ఉంటుంది. ఈకొత్త విధానాన్ని ఉమ్మడి జిల్లాలోని వరంగల్‌, మహబూబాబాద్‌, హనుమకొండ, జనగామ, జయశంకర్‌ భూపాలపల్లి, ములుగు జిల్లాల రవాణాశాఖ కార్యాలయాల్లో ఈనెల 10వ తేదీ నుంచి అమల్లోకి తెచ్చారు. ఆన్‌లైన్‌లోనే వీడియో పాఠాలు.. ఇప్పటి వరకు లెర్నింగ్‌ లైసెన్స్‌ కోసం ఆన్‌లైన్‌లో రుసుము చెల్లించి, రవాణాశాఖ కార్యాలయంలో కంప్యూటర్‌ పరీక్ష రాయాల్సి వచ్చేది. లెర్నింగ్‌ లైసెన్స్‌ పొందిన నెల రోజుల తర్వాత శాశ్వత లైసెన్స్‌ కోసం దరఖాస్తు చేసుకుని, డ్రైవింగ్‌ పరీక్షలో వాహనాన్ని నడిపి చూపించాల్సి ఉండేది. పాత విధానానికి స్వస్తి పలికి తాజాగా నూతన విధానాన్ని అమల్లోకి తెచ్చారు. ఈప్రక్రియకు రహదారి భద్రతపై అవగాహన కల్పించే 2: 30 గంటల నిడివిగల 6 వీడియోల వీక్షణను జోడించారు. ఒక్కో వీడియో సుమారు 25 నిమిషాలు నిడివితో ఉంటుంది. ప్రతీ వీడియో అనంతరం వచ్చే ప్రశ్నలకు సమాధానాలు ఇవ్వాల్సి ఉంటుంది. లెర్నింగ్‌ లైసెన్స్‌ పరీక్షలో ఉత్తీర్ణులైన వారి మొబైల్‌ ఫోన్లకు మాత్రమే వీడియోకు సంబంధించిన లింక్‌ పంపిస్తారు. ముఖగుర్తింపుతో పర్యవేక్షణ.. అభ్యర్థులు తమ లెర్నింగ్‌ లైసెన్స్‌ నంబర్‌, పుట్టిన తేదీన నమోదు చేసిన తర్వాత నమోదిత మొబైల్‌ నంబర్‌కు ఓటీపీ వస్తుంది. ఆ ఓటీపీని నమోదు చేసి లాగిన్‌ ప్రక్రియ పూర్తి చేయాలి. వివరాలు సరిపోకపోతే లేదా మొబైల్‌ నంబర్‌కు ఓటీపీ రాకపోతే రవాణాశాఖ కార్యాలయాన్ని సంప్రదించి వివరాలను సరిచూసుకోవాలి. అభ్యర్థి ముఖాన్ని గుర్తించే సాంకేతికత ఆధారంగా వీడియో కొనసాగుతుంది. అభ్యర్థికి బదులు మరొకరు వీడియో చూసినా ప్రయోజనం ఉండదు. మధ్యలో విరామం తీసుకోవాలనుకుంటే వీడియోను కొంత సేపు నిలిపివేసి తిరిగి కొనసాగించొచ్చు. వీడియో పూర్తయితేనే డీఎల్‌ స్లాట్‌ బుకింగ్‌.. ఆన్‌లైన్‌ శిక్షణ పూర్తయిన తర్వాత శాశ్వత డ్రైవింగ్‌ లైసెన్స్‌ కోసం స్లాట్‌ బుకింగ్‌ ప్రక్రియ కొనసాగించొచ్చు. ఇందుకోసం సంబంధిత సారథి పోర్టల్‌ డీఎల్‌ సేవలను ఎంచుకోవాలి. అందుబాటులో ఉన్న తేదీ, సమయాన్ని ఎంచుకుని సూచించిన ఫీజు చెల్లించాలి. అనంతరం కేటాయించిన తేదీన సంబంధిత ఆర్టీఓ కార్యాలయంలో డ్రైవింగ్‌ పరీక్షకు హాజరు కావాలి. పరీక్షలో ఉత్తీర్ణత సాధించి, అధికారుల నమోదు పొందిన తర్వాతే శాశ్వత డ్రైవింగ్‌ లైసెన్స్‌ జారీ ఆవుతుంది.లెర్నింగ్‌ లైసెన్స్‌ ఉన్న వారు తప్పకుండా చూడాలి శాశ్వత లైసెన్స్‌ కోసం రెండున్నర గంటలు అవగాహన పాఠాలు ఎల్‌ఎల్‌ఆర్‌ నంబర్‌, పుట్టిన తేదీతో లాగిన్‌.. మొబైల్‌కు ఓటీపీ ఉమ్మడి జిల్లాలో ఈనెల 10 నుంచే కొత్త విధానం అమల్లోకి..

న్యాయవాద వృత్తి నేపథ్యం లేని కుటుంబమైన్నప్పటికీ తన గమ్యమేంటో తనకు తెలుసు. మరెంతో మందికి స్ఫూర్తిదాయకంగా నిలవాలన్న ఆశే ఆమెను విజయం వైపు నడిపించింది. ఇటీవల జూనియర్‌ సివిల్‌ జడ్జిగా ఎంపికై న వరంగల్‌కు చెందిన ఫర్హానా తబస్సుమ్‌ విజయ ప్రస్థానం ఆమె మాటల్లోనే.. సాధారణ కుటుంబం. తండ్రి మహమ్మద్‌ రజాక్‌ రైల్వేలో లోకో పైలట్‌గా పనిచేస్తూ ఉద్యోగ విరమణ పొందారు. అమ్మ ముంతాజ్‌ బేగం గృహిణి. నా పాఠశాల విద్య వరంగల్‌ పబ్లిక్‌ స్కూల్లో ముగిసింది. ఆ తర్వాత చైతన్య డిగ్రీ కళాశాలలో బిజినెస్‌ మేనేజ్‌మెంట్‌ (బీబీఎం) పూర్తి చేసి, కేయూలో ఎంబీఏ పట్టా పొందా. న్యాయ వృత్తిపై ఉన్న మక్కువతో ఆదర్శ లా కళాశాలలో ఎల్‌ఎల్‌బీ పూర్తి చేశా. అదే ఏడాది తెలంగాణ బార్‌ కౌన్సిల్‌లో న్యాయవాదిగా పేరు నమోదు చేసుకున్నా. ఆ ఒక్కటే నాకు స్ఫూర్తి.. సమాజంలో చట్టం ముందు అందరూ సమానులే అనే భావన నాకు ఎప్పుడూ స్ఫూర్తినిచ్చేది. మా అక్క ఫహీమా సుల్తానా అసిస్టెంట్‌ మోటార్‌ వెహికల్‌ ఇన్‌స్పెక్టర్‌గా తన వృత్తిపై చూపిన అంకితభావం నాకు రోల్‌ మోడల్‌. వైఫల్యాల నుంచి విజయానికి... 2022లో తొలి ప్రయత్నంలో ప్రిలిమ్స్‌ ఉత్తీర్ణత సాధించాను. మెయిన్స్‌లో విజయం సాధించలేకపోయా. 2024లోనూ మెయిన్స్‌లో వెనుకంజ వేయాల్సి వచ్చింది. ఈ పరాజయాలు నన్ను కుంగదీయలేదు. మరింత పకడ్బందీ ప్రణాళికతో ముందుకు సాగాను. మెయిన్స్‌ పరీక్షలో నెగ్గాలంటే కేవలం చట్టాలను వల్లె వేయడం సరిపోదని, నిర్ణీత సమయంలో సమర్థవంతంగా సమాధానాలు రాయడం చాలా ముఖ్యమని గ్రహించాను. అందుకే, గత ప్రశ్నపత్రాలను సేకరించి, ఇంట్లోనే ప్రతీరోజూ రెండు నుంచి మూడు గంటల పాటు మాక్‌ టెస్టులు రాశా. నా విజయ రహస్యం 2025 నియామక ప్రక్రియలో మెయిన్స్‌ పరీక్షలో ప్రతిభ కనబర్చి ఉత్తీర్ణత సాధించా. ఆతర్వాత జరిగిన ఇంటర్వ్యూలోనూ రాణించి, చివరకు 2026లో జూనియర్‌ సివిల్‌ జడ్జిగా ఎంపికయ్యా. న్యాయసేవల పరీక్షలకు సన్నద్ధమవుతున్న అభ్యర్థులు వైఫల్యాలు ఎదురైతే నిరుత్సాహపడొద్దు. మొదటి ప్రయత్నంలోనే విజయం సాధించాలనే నియమం ఏమీ లేదు. బలహీనతలను నిజాయితీగా విశ్లేషించుకోవాలి. చట్టాలను చదవడం మాత్రమే కాకుండా, వాటిని నిరంతరం పునఃశ్చరణ చేయాలి. నిరంతరం సాధన చేయాలి.

హన్మకొండ: ఎల్‌నినో ప్రభావంతో వర్షాలు ముఖం చాటేయడంతోపాటు ఎండలు దంచికొడుతుండడంతో ఉష్ణోగ్రతలు పెరిగాయి. ఓ వైపు ఉక్కపోతతో విద్యుత్‌ ఉపకరణాల వాడకం పెరిగింది. మరోవైపు వ్యవసాయ మోటార్లు నడుస్తుండడంతో విద్యుత్‌ వినియోగం గణనీయంగా పెరిగింది. మీటర్లు గిర్రున తిరగడంతో బిల్లులు పెరిగి షాకిస్తున్నాయి. వర్షాకాలంలోనూ వేసవి నాటి బిల్లులు వస్తుండడంతో విద్యుత్‌ వినియోగదారులు మొత్తుకుంటున్నారు. వేసవి పరిస్థితులు.. టీజీ ఎన్పీడీసీఎల్‌ పరిధిలో వర్షాకాలంలో భారీ వర్షాలు కురిసిన సందర్భాలు అరుదు. తేలికపాటి నుంచి మోస్తరు వర్షాలు మాత్రమే పడడంతో వాతావరణంలో ఎలాంటి మార్పు చోటుచేసుకోలేదు. అదే ఉక్కపోత కొనసాగుతోంది. దీంతో గృహాలు, వ్యాపార, వాణిజ్య సంస్థలు, ప్రభుత్వ, ప్రైవేట్‌ కార్యాలయాలు, ఇతర కార్యాలయాల్లోను ఏసీలు, కూలర్లు వేసవికి దీటుగా వినియోగిస్తున్నారు. విద్యుత్‌ వినియోగం పెరిగి ఆ మేరకు బిల్లులు పెద్ద మొత్తంలో వస్తున్నాయి. విద్యుత్‌ వినియోగదారులు, సర్వీసులు ఇలా.. ఉమ్మడి వరంగల్‌ జిల్లాలో ఎల్‌టీ కేటగిరీలో 19,14,026 వినియోగదారులుండగా, ఇందులో 12,95,089 మంది గృహ వినియోగదారులు, వాణిజ్య వినియోగదారులు 1,63,730 మంది, పరిశ్రమలు 9,045, కుటీర పరిశ్రమలు 2,301, వీధి దీపాలు 21,487, సాధారణం 10,749, తాత్కాలిక వినియోగదారులు 2,766, ఈవీ చార్జింగ్‌ సర్వీస్‌లు 60 ఉన్నాయి.120.49109.5899.66● ఎల్‌నినోతో తగ్గని ఉష్ణోగ్రతలు.. పెరిగిన విద్యుత్‌ వినియోగం ● బిల్లులు చూసి మొత్తుకుంటున్న వినియోగదారులు86.3853.8144.2641.9037.3233.2328.9730.30ఉమ్మడి వరంగల్‌ జిల్లాలో 2026లో జిల్లాల వారీగా బిల్లింగ్‌ (డిమాండ్‌) వివరాలు (రూ.కోట్లలో)24.9423.5554.4321.858.148.127.65సెప్టెంబర్‌–2026సెప్టెంబర్‌–2025అక్టోబర్‌–2026అక్టోబర్‌–2025బిల్లింగ్‌ ఇలా.. ఉమ్మడి వరంగల్‌ జిల్లాలో ఈ ఏడాది జనవరిలో రూ.177.41 కోట్లు కాగా, సెప్టెంబర్‌లో 367.13 కోట్లు, అక్టోబర్‌లో 313.36 కోట్ల బిల్లింగ్‌ అయ్యింది. ఈ ఏడాది జనవరితో చూసుకుంటే సెప్టెంబర్‌ నాటికి రూ.187.72 కోట్లు పెరిగింది. అక్టోబర్‌ నాటికి రూ.135.95 బిల్లింగ్‌ అదనంగా పెరిగింది. గత సంవత్సరం సెప్టెంబర్‌లో రూ.237.10 కోట్లు, అక్టోబర్‌లో రూ.201.38 కోట్ల బిల్లింగ్‌ అయ్యింది. గతేడాదితో ఈ సెప్టెంబర్‌ను పోలిస్తే రూ.130,03 కోట్లు, అక్టోబర్‌లో రూ.111.98 కోట్ల బిల్లింగ్‌ పెరిగింది. 69.0641.1828.39

హన్మకొండ అర్బన్‌: బాధిత ఎస్సీ, ఎస్టీలకు త్వరగా పరిహారం అందేలా చర్యలు చేపట్టాలని హనుమకొండ అదనపు కలెక్టర్‌ ఎన్‌.రవి అధికారులను ఆదేశించారు. కలెక్టరేట్‌లో శనివారం జిల్లాస్థాయి ఎస్సీ, ఎస్టీ విజిలెన్‌్స్‌ అండ్‌ మానిటరింగ్‌ కమిటీ సమావేశం నిర్వహించారు. ఈ సందర్భంగా జిల్లాలో నమోదైన ఎస్సీ, ఎస్టీ కేసులు, భూసమస్యలు, బాధితులకు పరిహారం చెల్లింపు తదితర అంశాలపై కమిటీ సభ్యులు, రెవెన్యూ, పోలీస్‌, ఇతర శాఖల అధికారులతో సమీక్షించారు. కమిటీ సభ్యులు ఈవీ శ్రీనివాసరావు, పుట్ట రవి, రాజేందర్‌, సింగారపు రవిప్రసాద్‌, రడపాక పరంజ్యోతి, నూనవత్‌ జవహర్‌లాల్‌, ఎస్సీ సంక్షేమ శాఖ ఉపసంచాలకురాలు నిర్మల, హనుమకొండ, పరకాల ఆర్డీఓలు వెంకటేశ్‌, డీఎస్‌ వెంకన్న, ఏసీపీ నరసింహారావు, సతీశ్‌బాబు, తహసీల్దార్లు పాల్గొన్నారు. 40 ఎకరాలు సర్వే చేయాలి హసన్‌పర్తి: ప్రతి రోజు 40 ఎకరాల మేరకు భూముల సర్వే చేపట్టాలని అదనపు కలెక్టర్‌ ఎన్‌.రవి ఆదేశించారు. జయగిరి, లక్నవరంలో చేపట్టిన భూముల రీసర్వేను శనివారం ఆయన పరిశీలించి రైతులతో మాట్లాడారు. భూముల రీసర్వే ప్రక్రియను వేగవంతం చేపట్టాలని ఆదేశించారు. తహసీల్దార్‌ పూజారి కిరణ్‌కుమార్‌, సర్వేయర్‌ సుజాత, లైసెన్స్‌డ్‌ సర్వేయర్లు, రైతులు తదితరులు పాల్గొన్నారు.

ఖిలా వరంగల్‌: కుష్టు వ్యాధిని తొలిదశలోనే గుర్తించి, వైకల్యాలను నివారించడమే లక్ష్యంగా వైద్యారోగ్యశాఖ ఇంటింటి సర్వేకు శ్రీకారం చుట్టింది. జాతీయ కుష్టు వ్యాధి నిర్మూలన కార్యక్రమంలో భాగంగా ఖిలా వరంగల్‌ మధ్యకోట గుండం చెరువు ప్రాంతంలో లెప్రసీ కేస్‌ డిటెక్షన్‌ క్యాంపెయిన్‌ (ఎల్‌సీడీసీ)ను శనివారం ప్రారంభించారు. ముఖ్యఅతిథిగా వరంగల్‌ జిల్లా వైద్యారోగ్య శాఖ అధికారి డాక్టర్‌ బి.రాజారెడ్డి హాజరై వైద్యాధికారులు డాక్టర్‌ సాజిదా, డాక్టర్‌ ఇక్తిదార్‌ అహ్మద్‌, డాక్టర్‌ అరుణ్‌ జోషితో కలిసి క్యాంపెయిన్‌ను ప్రారంభించారు. అనంతరం ఇంటింటా కరపత్రాలను పంపిణీ చేస్తూ లెప్రసీపై వైద్య సిబ్బంది అవగాహన కలిస్తూ వైద్య పరీక్షలు చేశారు. కార్యక్రమంలో జిల్లా లెప్రసీ విభాగం వైద్యాధికారి డాక్టర్‌ మాన శ్యామల, స్థానిక వైద్యాధికారి డాక్టర్‌ వేదకిరణ్‌, డీపీఎంఓలు అనుపమ, వెంకన్న, డిప్యూటీ డీఎం వెంకటేశ్వర్లు, డీపీ హెచ్‌ఎన్‌ఓ మనోజ, డీపీసీ ప్రకాశ్‌రెడ్డి, ఎల్‌డీ కంప్యూటర్‌ నాగరాజు, హెల్త్‌ అసిస్టెంట్‌ సంజీవ్‌, ఆశ కార్యకర్తలు పాల్గొన్నారు.

● వరంగల్‌ డీఈఓ ప్రశాంత్‌ రెడ్డి కాళోజీ సెంటర్‌: జిల్లాలో ప్రత్యేక అవసరాలు గల విద్యార్థుల గుర్తింపుపై విద్యాశాఖ ప్రత్యేక దృష్టి సారించిందని, సమ్మిళిత విద్య ద్వారా అర్హులైన ప్రతీ విద్యార్థికి ప్రభుత్వ పథకాలు, విద్యా అవకాశాలు అందించడమే లక్ష్యంగా ప్రశస్త్‌ 2.0 స్క్రీనింగ్‌ ప్రక్రియను వేగవంతం చేయాలని అధికారులను వరంగల్‌ జిల్లా విద్యాశాఖ అధికారి ఎన్‌.ప్రశాంత్‌ రెడ్డి సూచించారు. వచ్చే 15లోపు మొదటి దశ స్క్రీనింగ్‌ను పూర్తి చేయాలని ఆదేశించారు. సమ్మిళిత కార్యక్రమంలో భాగంగా వరంగల్‌ మట్టెవాడ ప్రభుత్వ ఉన్నత పాఠశాలలో మండల స్థాయి రిస్సోర్స్‌ పర్సన్లకు జిల్లా స్థాయి శిక్షణ, అవగాహన కార్యక్రమాన్ని జిల్లా సమ్మిళిత విద్య సమన్వయ కర్త డాక్టర్‌ కట్ల శ్రీనివాస్‌ అధ్యక్షతన శనివారం నిర్వహించారు. ఈ సందర్భంగా డీఈఓ మాట్లాడుతూ ఈ కార్యక్రమంలో ప్రభుత్వ, ప్రైవేట్‌ సహా అన్ని పాఠశాలల, కళాశాలల యాజమాన్యాలు పాలుపంచుకోవాలని సూచించారు. డాక్టర్‌ శ్రీనివాస్‌ మాట్లాడుతూ సమన్వయంతో పనిచేస్తూ నిర్దేశిత గడువులోపు ప్రక్రియను పూర్తి చేయాలని కోరారు. కార్యక్రమంలో మట్టెవాడ ప్రభుత్వ ఉన్నత పాఠశాల హెచ్‌ఎం శ్రీనివాస్‌రావు, జిల్లా రిస్సోర్స్‌ పర్సన్స్‌ శ్రీనివాస్‌, అనిల్‌ కృపాకర్‌ పాల్గొన్నారు.

వెంకటాపురం(ఎం) : ములుగు జిల్లా వెంకటాపురం(ఎం) మండలంలోని చారిత్రాక రామప్ప దేవాలయం ఆవరణలో నిర్వహిస్తున్న వరల్డ్‌ హెరిటేజ్‌ వలంటీర్‌ క్యాంపు రెండో రోజు శనివారం కొనసాగింది. ఈ సందర్భంగా కాకతీయుల భూ–ఇంజనీరింగ్‌, నిర్మాణ సాంకేతికతపై కాకతీయ హెరి టేజ్‌ సభ్యుడు ప్రొఫెసర్‌ పాండు రంగారావు వలంటీర్లకు వివరించారు. కాకతీయుల సాంస్కృతిక భూభాగం, కట్ట డాల నిర్మాణం, శిల్పకళ విశేషాలను ప్రొఫెసర్‌ జీ ఎస్‌వీ సూర్యనారాయణ మూర్తి వివరించారు. క్యాంపులో భాగంగా టూరిజం హైదరాబాద్‌ కోఆర్డినేటర్‌ మధు ఒట్టేరి వలంటీర్లతో వారసత్వ పరిరక్షణపై వివిధ కార్యక్రమాలు నిర్వహించారు. అనంతరం యునెస్కో గుర్తింపు పొందిన రుద్రేశ్వర (రామప్ప) ఆలయాన్ని వలంటీర్లు సందర్శించారు. ఆలయ చరిత్ర, నిర్మాణ విశిష్టతను ప్రొఫెసర్‌ పాండు రంగారావు, టూరిజం గైడ్‌ గోరంట్ల విజయకుమార్‌ వివరించారు.

ఇద్దరు మాజీ వీసీలపై చర్యలకు గవర్నర్‌కు సిఫార్స్‌కేయూ క్యాంపస్‌: కాకతీయ యూనివర్సిటీలో ఇద్ద రు మాజీ వీసీల (వైస్‌ చాన్స్‌లర్‌)పై వచ్చిన ఆరోపణలపై ప్రభుత్వం నుంచి వచ్చిన విజిలెన్స్‌ నివేదికలను రాష్ట్ర గవర్నర్‌కు నివేదించాలని కాకతీయ యూనివర్సిటీ పాలకమండలి సమావేశం నిర్ణయించింది. మాజీ వీసీలపై చర్యలు తీసుకునే అధికారం ప్రస్తుత కేయూ వీసీకి ఉండదని, అందుకే రాష్ట్ర గవర్నర్‌కు నివేదించాలని పాలకమండలి సమావేశం నిర్ణయించిందని సమాచారం. ఆ ఇద్దరు మాజీ వీసీ లు ఇప్పటికే ఉద్యోగ విరమణ కూడా పొందారు. వీరిపై చర్యలు తీసుకోవాలని యూనివర్సిటీ నుంచి గవర్నర్‌కు నివేదించాక విజిలెన్స్‌ నివేదికలను పరి శీలించి ఎలాంటి చర్యలు తీసుకుంటారనేది వేచి చూడాల్సిందే. శనివారం హైదరాబాద్‌లో కాకతీయ యూనివర్సిటీ పాలకమండలి సమావేశం నిర్వహించారు. ఇందులో ఇద్దరు మాజీ వీసీలపై విజిలెన్స్‌ ఇచ్చిన నివేదికలను కూడా పరిశీలించి చర్చించినట్లు సమాచారం. ఇద్దరు మాజీ రిజిస్ట్రార్లు, అసిస్టెంట్‌ రిజిస్ట్రార్‌పై చర్యలు తీసుకోవాలని ఆమోదం.. కాకతీయ యూనివర్సిటీలో ఇద్దరు మాజీ రిజి స్ట్రార్లు, అసిస్టెంట్‌ రిజిస్ట్రార్‌పై వచ్చిన ఆరోపణల కు సంబంధించి విజిలెన్స్‌ నివేదికలను ఈ పాలకమండలి సమావేశంలో చర్చించి వారిపై చట్టపరమైన చర్యలు తీసుకోవాలని పాలకమండలి సమావేశం ఆమోదించింది. ఈ ముగ్గురిపై చర్యలు తీసుకునే అఽధికారం వైస్‌చాన్స్‌లర్‌కు ఉందని సమావేశం సూచించింది. లీగల్‌ సలహా కూడా తీసుకుని వా రిపై విజిలెన్స్‌ నివేదిక పరంగా చట్టపరమైన చర్యలు తీసుకోవాలని పాలకమండలి ఆమోదిచింది. మరోసారి పాలకమండలిలో ఈ అంశం పెట్టొద్దని కూడా యూనివర్సిటీ అధికారులకు సూచించినట్లు సమాచారం. కేయూ వీసీ ప్రతాప్‌రెడ్డి ఈ ముగ్గురిపై ఎలాంటి చర్యలు తీసుకుంటారనే అంశం ఆసక్తికరంగా మారింది. ఆ అసిస్టెంట్‌ ప్రొఫెసర్లకు పదోన్నతులు ఇప్పట్లో లేనట్లే! కాకతీయ యూనివర్సిటీలో ఇంజనీరింగ్‌ కళాశాలలో 2013లో అసిస్టెంట్‌ ప్రొఫెసర్లుగా నియామమై కొన్ని సంవత్సరాలుగా కోర్టు ద్వారా స్టేపై అసిస్టెంట్‌ ప్రొఫెసర్లుగా విధులు నిర్వర్తిస్తున్న వారికి పదో న్నతులు కల్పించాలా వద్దా అనే విషయంపై పాలకమండలి సమావేశంలో చర్చ జరిగినట్లు తెలిసింది. ఈనియామకాలపై ఆరోపణలతోనే అప్పట్లోనే ఉద్యోగాల నుంచే తొలగించేందుకు యూనివర్సిటీ అధికారులు ఆయా అసిస్టెంట్‌ ప్రొఫెసర్లకు నోటీస్‌లు ఇవ్వగా వారు హైకోర్టు నుంచి స్టే తెచ్చుకుని విధులు నిర్వర్తిస్తున్నారని, కొన్ని సంవత్సరాలుగా స్టేపై కొనసాగుతున్నా ఎందుకు స్టే వెకెట్‌ కోసం ప్రయత్నాలు చేయలేదని సమావేశంలో చర్చకు వచ్చినట్లు సమాచారం. ప్రస్తుతానికి ఆయా అసిస్టెంట్‌ ప్రొఫెసర్ల పదోన్నతుల అంశాన్ని హోల్డ్‌లోనే పెట్టాలని పాలకమండలి నిర్ణయించినట్లు తెలిసింది. పదోన్నతుల అంశంపై లీగల్‌ అడ్వయిజర్‌ ఇచ్చే సూచనల మేరకు ముందుకెళ్లాలని నిర్ణయించినట్లు సమాచారం. కేయూలో 49 అసిస్టెంట్‌ ప్రొఫెసర్ల నియామకానికి గ్రీన్‌సిగ్నల్‌.. కాకతీయ యూనివర్సిటీలో 21 విభాగాల్లో 49 అసిస్టెంట్‌ ప్రొఫెసర్ల నియామకానికి పాలకమండలి సమావేశం గ్రీన్‌ సిగ్నల్‌ ఇచ్చింది. అయితే ఆయా అసిస్టెంట్‌ ప్రొఫెసర్ల నియామకాలకు సంబంధించి రోస్టర్‌ పాయింట్లను కూడా ఫిక్స్‌ చేశాక విభాగాల వారీగా పూర్తి వివరాలతో మరోసారి నిర్వహించే పాలక మండలి సమావేశంలో ప్రవేశ పెట్టాలని కూడా సమావేశం యూనివర్సిటీ అధికారులకు సూచించింది. ఇప్పటికే ఆయా అసిస్టెంట్‌ ప్రొఫెసర్ల నియామకానికి ప్రభుత్వం అనుమతినిచ్చిన విషయం విధితమే. రోస్టర్‌ పాయింట్లు ఫిక్స్‌ చేశాక వివిధ వెల్ఫేర్‌ డిపార్టుమెంటల్‌ అధికారుల నుంచి క్లియరెన్స్‌ తీసుకున్నాక పాలకమండలిలో గ్రీన్‌ సిగ్నల్‌ ఇచ్చాక నియామకాలకు యూనివర్సిటీ నోటిఫికేషన్‌ ఇచ్చే అవకాశం ఉంది. కేయూ స్నాతకోత్సవానికి ఓకే.. నవంబర్‌ 28న నిర్వహించనున్న కాకతీయ యూ నివర్సిటీ 24వ స్నాతకోత్సవానికి పాలక మండలి ఓకే చెప్పింది. ఈ సమావేశంలో రాష్ట్ర విద్యాశాఖ ప్రిన్సిపల్‌ సెక్రటరీ యోగితా రాణా, రాష్ట్ర ఫైనాన్స్‌ డిప్యూటీ సెక్రటరీ సిక్తాపట్నాయక్‌, కేయూ వీసీ కె.ప్రతాప్‌రెడ్డి, రిజిస్ట్రార్‌ వి. రామచంద్రం, కేయూ పాలకమండలి సభ్యులు బి. సురేశ్‌లాల్‌, మల్లంనవీన్‌, కె. అనితారెడ్డి, రమ, సుదర్శన్‌, సుకుమారి, చిర్రరాజు, బాలుచౌహాన్‌ తదితరులు పాల్గొన్నారు. లీగల్‌ అడ్వయిజ్‌తో ఇద్దరు మాజీ రిజిస్ట్రార్లు, అసిస్టెంట్‌ రిజిస్ట్రార్‌పై వీసీయే చర్యలు తీసుకునే అవకాశం! ఆ అసిస్టెంట్‌ ప్రొఫెసర్లకు పదోన్నతులు ఇప్పట్లో లేనట్లే! 49 అసిస్టెంట్‌ ప్రొఫెసర్ల నియామకానికి ఓకే కేయూ పాలకమండలిలో నిర్ణయం

లెర్నింగ్‌ లైసెన్స్‌ పరీక్షలో ఉత్తీర్ణలైన అభ్యర్థులు శాశ్వత డ్రైవింగ్‌ లైసెన్స్‌ కోసం వచ్చే ముందు రెండున్నర గంటల నిడివిగల 6 వీడియోలను తప్పని సరిగా వీక్షించాలి. అభ్యర్థి ముఖ గుర్తింపు ఆధారంగా వీడియో కొనసాగుతుంది. అవసరమైతే మధ్యలో విరామం తీసుకోవచ్చు. వీడియో మొత్తం పూర్తి చేస్తేనే శాశ్వత లైసెన్స్‌ కోసం రుసుము చెల్లించి స్లాట్‌ బుకింగ్‌ చేసుకోవాలి. ఆ తర్వాత డ్రైవింగ్‌ పరీక్షలో ఉత్తీర్ణత సాధించి పర్మనెంట్‌ డ్రైవింగ్‌ లైసెన్స్‌ (డీఎల్‌) పొందాలి. – సురేశ్‌రెడ్డి, డీటీసీ హనుమకొండ, వరంగల్‌

హన్మకొండ కల్చరల్‌: శ్రీభద్రకాళి దేవాలయాన్ని శనివారం సాయంత్రం ‘గరివిడి లక్ష్మి’ చిత్ర బృందం సందర్శించింది. ఈ సందర్భంగా ఆలయ ధర్మకర్తలు గాదె శ్రవణ్‌కుమార్‌రెడ్డి, మోతుకూరి మయూరి, కమటం వేణుగోపాల్‌, చిదురాల అంజనీదేవి చిత్ర యూనిట్‌ను ఆలయ మర్యాదలతో స్వాగతించారు, అమ్మవారికి పూజలు చేసిన అనంతరం అర్చకులు వారికి తీర్థప్రసాదాలు, అమ్మవారి శేషవస్త్రాలు, మహాదాశీర్వచనం అందజేశారు. హసన్‌పర్తి: రాష్ట్రస్థాయి బాక్సింగ్‌ పోటీలకు హసన్‌పర్తికి చెందిన విద్యార్థులు ఎంపికయ్యారు. ఇటీవల నగరంలో జరిగిన 70 ఎస్‌జీఎఫ్‌ ఉమ్మడి జిల్లాస్థాయి అండర్‌–17 పోటీల్లో తనుశ్రీ(ఎస్సార్‌ కాలేజీ), ఎస్‌.లాస్య(మాంటిస్సోరి), బి.వైష్ణవి, పి.వరుణ్‌, ఇ.అభినవ్‌, జి.విశ్వతేజ (జెడ్పీఎస్‌ఎస్‌, హసన్‌పర్తి) పాల్గొని రాష్ట్రస్థాయి పోటీలకు అర్హత సాధించారు. ఈనెల 25 నుంచి రెండురోజుల పాటు హైదరాబాద్‌లోని బోడుప్పల్‌లో జరగనున్న రాష్ట్రపోటీల్లో వీరు పాల్గొంటారు. ఈసందర్భంగా శనివారం హసన్‌పర్తి జిల్లా పరిషత్‌ పాఠశాలలో క్రీడాకారులను కాంగ్రెస్‌ డివిజన్‌ అధ్యక్షుడు గొర్రె కిరణ్‌, మాజీ కార్పొరేటర్‌ గురుమూర్తి శివకుమార్‌, దేవస్థాన మాజీ చైర్మన్‌ ఆరెల్లి వెంకటస్వామి అభినందించారు. కాశిబుగ్గ: వరంగల్‌ సూపర్‌ స్పెషాలిటీ ఆస్పత్రిని డీఎంఈ డాక్టర్‌ వాణి శనివారం సందర్శించారు. ఈ సందర్భంగా ఆమె నిర్మాణ పనులతోపాటు రోగులకు కల్పిస్తున్న వసతులను పరిశీలించారు. ఇప్పటికే ఓపీ సేవల ప్రారంభం కోసం గ్రౌండ్‌ ఫ్లోర్‌తో పాటు ఫస్ట్‌ ఫ్లోర్‌లో చేసిన ఏరాట్లను అడిగి తెలుసుకున్నారు. ఆమె వెంట స్పెషల్‌ ఆఫీసర్‌ డాక్టర్‌ విమలా థామస్‌, సూపరింటెండెంట్‌ డాక్టర్‌ రాంకుమార్‌రెడి, కేఎంసీ ప్రిన్సిపాల్‌ డాక్టర్‌ మోహన్‌దాస్‌, ఆర్‌ఎంఓ డాక్టర్‌ అశ్విని ఉన్నారు. హన్మకొండ అర్బన్‌/ వరంగల్‌ అర్బన్‌: వరంగల్‌ రంగంపేటలోని కల్పలత సూపర్‌ బజార్‌ కోఆపరేటివ్‌ స్టోర్‌ అధికారిక పాలనాధికారిగా హనుమకొండ ఆర్డీఓ ఎన్‌.వెంకటేశ్‌ను కలెక్టర్‌ చాహత్‌ బాజ్‌పాయ్‌ నియమించారు. ఈ మేరకు శనివారం ఆయన బాధ్యతలు స్వీకరించారు. కల్పలత సూపర్‌ బజార్‌లో దాదాపు రూ.80 లక్షల నిధులకు సంబంధించి అవకతవకలు జరిగినట్లు జిల్లా సహకార అధికారి బాణావత్‌ మోహన్‌ నిర్వహించిన ప్రాథమిక విచారణలో వెల్లడైనట్లు సమాచారం. గత నెలలో కె.కోదండరాములును అధికారిక పాలనాధికారిగా నియమించారు. అయితే, స్టోర్‌ నిర్వహణలో పారదర్శకత పెంచడంతోపాటు నిధుల వ్యవహా రాలపై సమగ్ర విచారణ జరిపేందుకు కలెక్టర్‌ చర్యలు చేపట్టారు. బాధ్యతలు స్వీకరించిన అనంతరం స్టోర్‌ మేనేజింగ్‌ డైరెక్టర్‌ సంధ్యారాణికి వెంకటేశ్‌ కీలక ఆదేశాలు జారీ చేశారు. ‘నా కల నిజం కావడానికి 11 ఏళ్లు పట్టింది. చేసిన తప్పులను సరిదిద్దుకుంటూ, ఏకాగ్రతతో పట్టుదలతో చదివితే ఎవరైనా విజయం సాధించవచ్చు. పట్టు వదలకుండా కన్సిస్టెన్సీ మెయింటెయిన్‌ చేయడమే ఏ రంగంలోనైనా విజయానికి అసలైన రహస్యం’ అని ఇటీవల జూనియర్‌ సివిల్‌ జడ్జిగా ఎంపికై న భీమదేవరపల్లి మండలం మల్లారం గ్రామానికి చెందిన డ్యాగల సాయి పవన్‌ అంటున్నారు. సాయి పవన్‌ విజయ ప్రయాణం ఆయన మాటల్లోనే.. ఎన్నో వైఫల్యాలు.. చెరగని ఆత్మవిశ్వాసం మాది మధ్యతరగతి కుటుంబం. అమ్మానాన్న ఇద్దరూ ఉపాధ్యాయులే. చెల్లి బిట్స్‌ పిలానీ నుంచి కెమిస్ట్రీలో డాక్టరేట్‌ పొందింది. నాకు మొదటి నుంచి లా డిగ్రీ చేయాలన్నది బలమైన కోరిక. నాన్న సూచన మేరకు ఇంటర్‌లో ఎంపీసీ తీసుకుని, హుజూరాబాద్‌లోని కిట్స్‌ కాలేజీలో ఎలక్ట్రికల్‌ అండ్‌ ఎలక్ట్రానిక్స్‌ ఇంజనీరింగ్‌ (ట్రిపుల్‌ ఈ) పూర్తి చేశాను. ఇంజనీరింగ్‌ పూర్తయ్యాక సివిల్‌ సర్వీసెస్‌ పరీక్షకు ప్రిపేరవుతూనే దాదాపు 16 ప్రభుత్వ ఉద్యోగ పరీక్షలకు హాజరయ్యా. ఆర్మీ, కోస్ట్‌గార్డ్‌ వంటి ప్రతిష్టాత్మక డిఫెన్స్‌ సర్వీసెస్‌ ఇంటర్వ్యూలకూ వెళ్లా. అయితే అదృష్టం కొన్నిసార్లు చిన్న తేడాతో దూరమయ్యేది. రెండు సార్లు సబ్‌ ఇన్‌స్పెక్టర్‌ (ఎస్సై) పరీక్షలో కేవలం 3 సెకండ్లు, 0.14 మిల్లీసెకండ్ల వ్యవధితో ఈవెంట్స్‌ మిస్‌ అవడం తీవ్ర నిరాశను మిగిల్చింది. అయినా పట్టువదల్లేదు. తలుపు తట్టిన విజయం 2018లో జీవితంలో నాకు తొలి విజయం తలుపు తట్టింది. దేశంలోనే నాలుగో స్థానంలో ఉన్న ప్రతిష్టాత్మక ఐఐటీ ఖరగ్‌పూర్‌లో ఎల్‌ఎల్‌బీ ఆనర్స్‌ ప్రవేశ పరీక్షను క్లియర్‌ చేసి అడ్మిషన్‌ పొందాను. అక్కడే లా పూర్తి చేశాక ఢిల్లీలోని ప్రముఖ లా ఫోరమ్స్‌లో ఉద్యోగ అవకాశాలు వచ్చాయి. అయినా వాటిని సున్నితంగా తిరస్కరించా. నా లక్ష్యం న్యాయమూర్తి (జడ్జి) కావాలనే కల వైపే నా అడుగులు పడ్డాయి. సవాళ్లు, పాఠాలు జూనియర్‌ సివిల్‌ జడ్జి పరీక్షకు సన్నద్ధమవడం మొదలుపెట్టాను. రెండు సార్లు ప్రిలిమ్స్‌, మెయిన్స్‌ క్లియర్‌ చేసి ఇంటర్వ్యూ వరకు వెళ్లాను. అయితే రెండోసారి కూడా చివరి దశలో సెలెక్ట్‌ కాకపోవడంతో కుంగిపోకుండా ఆత్మపరిశీలన చేసుకున్నాను. కేవలం కష్టపడితే సరిపోదని, ‘స్మార్ట్‌ వర్క్‌’ కూడా చాలా అవసరమని గ్రహించాను. నాతో పాటు ఇంటర్వ్యూ వరకు వెళ్లి, నాకు ముందు బ్యాచ్‌లలో జడ్జిలుగా ఎంపికై న నా మిత్రుల సహాయం తీసుకున్నాను. ప్రతీ దశకు ఒక స్పష్టమైన వ్యూహాన్ని రూపొందించుకుని ప్రిపరేషన్‌ సాగించాను.న్యూశాయంపేట: జిల్లా పరిధిలోని కాకతీయ మెగా టెక్స్‌టైల్‌ పార్కులో కార్మికులకు, పరిశ్రమలకు అవసరమైన వసతుల కల్పనపై కలెక్టరేట్‌లో వరంగల్‌ కలెక్టర్‌ సత్యశారద శనివారం సమీక్ష నిర్వహించారు. ఈస్ట్‌జోన్‌ డీసీపీ అంకిత్‌కుమార్‌, అదనపు కలెక్టర్‌ ఎల్‌.కిశోర్‌కుమార్‌, వరంగల్‌, నర్సంపేట ఆర్డీఓలు సుమ, ఉమారాణి, సంగెం తహసీల్దార్‌ రాజ్‌కుమార్‌, ఆర్టీసీ డీఎం ధరమ్‌సింగ్‌, జోనల్‌ మేనేజర్‌ స్వామి, అధికారులు పాల్గొన్నారు. అలాగే, జాతీయ రహదారి 163జీ పనులపై సంబంధిత అధికారులతో కలెక్టర్‌ డాక్టర్‌ సత్యశారద కలెక్టరేట్‌లో శనివారం సమీక్షించారు. సాక్షి, వరంగల్‌: వరంగల్‌ పోలీస్‌ సబ్‌ డివిజన్‌కు గ్రహణం పట్టింది. ఏసీపీ పోస్టు ఖాళీ అయ్యి ఆరు నెలలు దాటినా ఇప్పటివరకు ఇక్కడ పూర్తిస్థాయి అధికారిని నియమించకపోవడం పోలీసు యంత్రాంగం నిర్లక్ష్యానికి అద్దం పడుతోందన్న విమర్శలున్నాయి. గతంలో ఇక్కడ పనిచేసిన యువ ఐపీఎస్‌ అధికారి నగ్రాలె శుభమ్‌ ప్రకాశ్‌.. 2026 ఏప్రిల్‌లో నిజామాబాద్‌ అదనపు డీసీపీగా బదిలీపై వెళ్లారు. అప్పటినుంచి ఆ పోస్టు ఖాళీగానే ఉంది. ప్రస్తుతం హనుమకొండ ఏసీపీకి ఇన్‌చార్జ్‌ బాధ్యతలు అప్పగించినప్పటికీ ఆయన తన సొంత డివిజన్‌ను చూసుకుంటూ ఇక్కడికి పూర్తి సమయం కేటాయించలేకపోతుండడంతో ఇన్‌చార్జ్‌ పాలన అంతంతమాత్రంగానే సాగుతోంది. ఫలితంగా వరంగల్‌ పోలీసు డివిజన్‌ కిందికి వచ్చే మట్టెవాడ, ఇంతేజార్‌గంజ్‌, మిల్స్‌కాలనీ ఠాణాల్లో నేర ఘటనలపై పర్యవేక్షణ కరువైందన్న విమర్శలున్నాయి. రాజకీయ వైషమ్యాలు.. గ్రూపుల తగాదాలు ఏసీపీ బాధ్యతలు చేపట్టేందుకు సీనియర్‌ ర్యాంకర్‌ అధికారులు, సీఐలుగా పనిచేసి పదోన్నతి పొందిన వారు పెద్దగా ఆసక్తి చూపకపోవడానికి వరంగల్‌ తూర్పు నియోజకవర్గంలోని రాజకీయ వైషమ్యాలే ప్రధాన కారణంగా తెలుస్తోంది. ఇక్కడ అధికార పార్టీలోనే అంతర్గతంగా గ్రూపులు ఉండడం, ఒకవర్గం చెప్పినట్లు వింటే మరోవర్గం ఒత్తిడి తేవడం వంటి పరిణామాలతో అధికారులు ఇబ్బందులు ఎదుర్కొంటున్నారు. ఏ చిన్న తప్పు జరిగినా నేరుగా ఉన్నతాధికారులకు ఫిర్యాదులు వెళ్తుండడంతో ఈ రాజకీయ చదరంగంలో తాము బలికాకూడదనే ఉద్దేశంతో సమర్థులైన అధికారులు సైతం ఈ పోస్టుకు దూరంగా ఉంటున్నట్లు తెలుస్తోంది. మూడు ఠాణాల పరిధిలో కరువైన పర్యవేక్షణ వరంగల్‌ డివిజన్‌ పరిధిలోని మూడు కీలక పోలీసు స్టేషన్లయిన ఇంతేజార్‌గంజ్‌, మట్టెవాడ, మిల్స్‌ కాలనీలపై ఏసీపీ స్థాయి పర్యవేక్షణ పూర్తిగా లోపించింది. ఆయా స్టేషన్ల పరిధిలో అసాంఘిక కార్య కలాపాలు, శాంతిభద్రతల సమస్యలు నానాటికీ పెచ్చుమీరుతున్నాయన్న విమర్శలున్నాయి. ఈ ఏడాది సెప్టెంబర్‌లో మిల్స్‌కాలనీ పోలీసు స్టేషన్‌లో నిఘా కరువవడంతో ఓ వ్యక్తి పీఎస్‌ లోపలే పెట్రోల్‌ పోసుకుని ఆత్మహత్య చేసుకోగా, మరో వ్యక్తి స్టేషన్‌ సమీపంలోనే డీజిల్‌ పోసుకుని బలవన్మరణానికి యత్నించడం సంచలనం సృష్టించింది. కరీమాబాద్‌ ప్రాంతం బీరన్నకుంటల్లో బర్త్‌డే సందర్భంగా యువకులు తల్వార్‌ తిప్పుతూ బైక్‌పై తిరుగుతూ ప్రజలను భయభ్రాంతులకు గురిచేశారు. అంతకుముందే ఇక్కడి ఓ ఎస్సైపై అవినీతి ఆరోపణలు రావడంతో సీపీ సస్పెండ్‌ చేశారు. అలాగే, ఇంతేజార్‌గంజ్‌ పరిధిలో యువతను, మైనర్లను టార్గెట్‌ చేస్తూ వారికి గంజాయి అలవాటు చేసి వ్యభిచార ఊబిలోకి దించుతున్న అంతర్రాష్ట్ర ముఠాలను టాస్క్‌ఫోర్స్‌ పోలీసులు అరెస్టు చేయడం కలకలం రేపింది. మట్టెవాడ ఠాణా పరిధిలో ఇంట్లో పని మనుషులుగా కుదిరి ఓ రిటైర్డ్‌ ప్రభుత్వోద్యోగిని హత్యచేసిన ఘటన సంచలనం సృష్టించిన సంగతి తెలిసిందే. ఇలా ఏదో రూపంలో ఘటనలు జరుగుతుండడంతో వాటిపై పర్యవేక్షణకు ఏసీపీ అవసరం కనిపిస్తోంది. ఆదర్శం యువ జూనియర్‌ సివిల్‌ జడ్జిలు, ట్రెయినీ డీఎస్పీ.. గ్రామీణ నేపథ్యం.. ఉన్నత లక్ష్యాలు వారి విజయ ప్రస్థానమే ‘సాక్షి’ సండే స్పెషల్‌ ఆరు నెలలు గడుస్తున్నా ఆసక్తి చూపని ర్యాంకర్‌ ఆఫీసర్లు ఎన్‌.శుభమ్‌ ప్రకాశ్‌ బదిలీ తర్వాత నిరీక్షణ తూర్పులో రాజకీయ వైషమ్యాలే ప్రధాన కారణమా?క్రైమ్‌ రేటు కట్టడికి అవసరమే.. నగరం రోజురోజుకూ విస్తరిస్తోంది. కీలక ప్రాజెక్టులు నడుస్తున్నాయి. ముఖ్యంగా కొత్త సూపర్‌ స్పెషాలిటీ హాస్పిటల్‌ కూడా త్వరలో ప్రారంభం కానుంది. వరంగల్‌ మోడ్రన్‌ బస్టాండ్‌ నిర్మాణ పనులు జరుగుతున్నాయి. కీలకమైన రైల్వే స్టేషన్‌ ఉంది. బంగారు దుకాణాలు, బట్టల దుకాణాల హోల్‌సేల్‌ వ్యాపారం ఉంది. భూ కబ్జాల కేసులు వెలుగులోకి వస్తున్నాయి. వాటిన్నింటిని దృష్టిలో ఉంచుకొని క్రైమ్‌ రేటును కట్టడి చేసేందుకు వరంగల్‌ ఏసీపీ పోస్టు భర్తీ ఎంతో కీలకం కానుంది. దీనిపై పోలీసు ఉన్నతాధికారులు దృష్టి సారించాలని వరంగల్‌ వాసులు కోరుతున్నారు.

హసన్‌పర్తి: అమ్మవారిపేట శివారులోని కాకతీయ మెడిక్లీన్‌ సర్వీసెస్‌ భస్మీకరణ ప్లాంట్‌లో సుమారు రూ.4.83 కోట్ల విలువైన గంజాయిని శనివారం దహనం చేశారు. వరంగల్‌ కమిషనరేట్‌ పరిధిలోని వివిధ పోలీస్‌స్టేషన్లల్లో నమోదైన 106 కేసులకు సంబంధించి పోలీసులు స్వాధీనం చేసుకున్న 967.864 కిలోల గంజాయిని నిబంధనల మేరకు కాల్చివేశారు. ఈసందర్భంగా ఈస్ట్‌జోన్‌ డీసీపీ అంకిత్‌కుమార్‌ మాట్లాడుతూ మాదక ద్రవ్యాల అక్రమ రవాణా, వినియోగాన్ని అరికట్టేందుకు వరంగల్‌ పోలీస్‌ కమిషనరేట్‌ నిరంతరం చర్యలు తీసుకుంటుందని తెలిపారు. గంజాయితోపాటు ఇతర మాదక ద్రవ్యాల అక్రమ రవాణాకు పాల్పడే వారిపై చట్టరీత్యా చర్యలు తీసుకుంటామని ఆయన స్పష్టం చేశారు. మాదక ద్రవ్యాల రహిత సమాజ ని ర్మాణమే లక్ష్యంగా పోలీస్‌శాఖ పనిచేస్తోందని పే ర్కొన్నారు. కార్యక్రమంలో అదనపు డీసీపీ రాయల ప్రభాకర్‌రావు, ఏసీపీ డేవిడ్‌రాజు, పోలీస్‌ ఇన్‌స్పెక్టర్లు, సిబ్బంది తదితరులు పాల్గొన్నారు.

హన్మకొండ : టీజీ ఎన్పీడీసీఎల్‌ ఆర్టిజన్‌ ఉద్యోగులకు కార్మిక సంక్షేమంలో భాగంగా గ్రాట్యుటీ ఇన్సూరెన్స్‌ సౌకర్యం కల్పించడానికి యాజమాన్యం నిర్ణయం తీసుకుందని తెలంగాణ రాష్ట్ర పవర్‌ ఎంప్లాయీస్‌ యూనియన్‌ రాష్ట్ర ప్రధాన కార్యదర్శి మన్నె శశి కుమార్‌ తెలిపారు. సంస్థలో పని చేస్తున్న రెగ్యులర్‌ ఉద్యోగులతోపాటు సమానంగా ఆర్టిజన్లకు గ్రాట్యుటీ ఇన్సూరెన్స్‌ అందనుందని ఆయన ఒక ప్రకటనలో వివరించారు. ప్రస్తుతం గ్రాట్యుటీ కేవలం సర్వీస్‌ చేసిన కాలానికి మాత్రమే వర్తిస్తుందని, నూతనంగా తీసుకొచ్చిన విధానం ద్వారా ప్రమాదం ద్వారా ఆర్టిజన్‌ ఉద్యోగి చనిపోతే ఆ ఉ ద్యోగి కుటుంబానికి విరమణ కాలం ముగిసే వరకు అదనంగా ప్రయోజనం కలుగుతుందని తెలి పారు. ప్రతీ ఆర్టిజన్‌కు గరిష్టంగా రూ.7 లక్షల వరకు చెల్లింపులు జరిగే అవకాశముందని వివరించారు. నేడు కాజీపేట మీదుగా చర్లపల్లి–ప్రయాగ్‌రాజ్‌ ట్రైన్‌ కాజీపేట రూరల్‌ : ప్రయాణికుల రద్దీ దృష్ట్యా కాజీపేట మీదుగా వెళ్లే చర్లపల్లి–ప్రయాగ్‌రాజ్‌ వన్‌వే స్పెషల్‌ ట్రైన్‌ను పొడిగించినట్లు దక్షిణ మధ్య రైల్వే సీపీఆర్వో ఎ.శ్రీధర్‌ శనివారం తెలిపారు. ప్రత్యేక రైలు వివరాలు.. చర్లపల్లిలో ఈ నెల 25న (ఆదివారం) బయలుదేరే చర్లపల్లి–ప్రయాగ్‌రాజ్‌ (07077) ఎక్స్‌ప్రెస్‌ 12: 00 గంటలకు కాజీపేటకు చేరుకుని వెళ్తుంది. ఈ రైలుకు కాజీపేట, మంచిర్యాల, సిర్పూర్‌కాగజ్‌ నగర్‌, బల్లార్షా, చంద్రపూర్‌, నాగ్‌పూర్‌, జుజహర్‌పూర్‌, ఇటార్సీ, జబల్‌పూర్‌, కఠ్నీ, సంత, మాణిక్‌పూర్‌ స్టేషన్లలో హాల్టింగ్‌ కల్పించారు. పుట్టిన రోజు వేడుకల్లో చోరీ.. ఖిలా వరంగల్‌: వరంగల్‌ శివనగర్‌లోని పద్మశాలి కమ్యూనిటీహాల్‌లో ఈనెల 22న జరిగిన పుట్టిన రోజు వేడుకల్లో బంధువుల ముసుగులో గుర్తు తెలియని వ్యక్తులు ప్రవేశించి బంగారు, వెండి ఆభరణాలతోపాటు, నగదు చోరీ చేశారు. పోలీసుల కథనం ప్రకారం.. వరంగల్‌ ఏనుమాముల మార్కె ట్‌ సమీపంలోని సుందరయ్య నగర్‌కు చెందిన దిగోజు బ్రహ్మచారి తన మనవడు కార్తీకేయ మొద టి పుట్టిన రోజు వేడుకలను పద్మశాలి కమ్యూనిటీహాల్‌లో నిర్వహించారు. ఈ సందర్భంగా బంగారు ఆభరణాలు, నగదు ఉన్న పర్సును ఫంక్షన్‌ హాల్‌లోని సోఫాలో పెట్టారు. సాయంత్రం 5 గంటల సమయంలో ఫంక్షన్‌ హాల్‌ ఖాళీ చేయాలని యాజమాన్యం చెప్పడంతో పర్సు కనిపించలేదు. అందులో 10 గ్రాముల బంగారు చైన్‌, 4 గ్రాములు బంగారు కమ్మలు, 4 గ్రాముల పిల్లల బంగారు ఉంగరాలు, వెండి మొలతాడు, వెండి గిన్నెలతోపాటు రూ.45 వేల నగదు ఉన్నట్లు బాధితుడు తెలిపారు. ఈ ఘటనపై బాధితుడు దిగోజు బ్రహ్మచారి ఫిర్యాదు మేరకు శనివారం కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ స్వామి తెలిపారు. ● బంగారు నగలు, నగదు అపహరణ

హసన్‌పర్తి: మొదటి ప్రయత్నంలోనే గ్రూప్స్‌కు ఎంపికై డీఎస్పీగా శిక్షణ పొందారు యాస్మిన్‌. ఆమె తండ్రి భూపాలపల్లి జిల్లా కాటారానికి చెందిన ఖదీర్‌. ఎకై ్సజ్‌ శాఖలో హెడ్‌ కానిస్టేబుల్‌. ఆయన ప్రస్తుతం రామగుండంలో విధులు నిర్వర్తిస్తున్నారు. వీరి కుటుంబం హసన్‌పర్తిలోని ఎర్రగట్టు గుట్ట ప్రాంతంలో ఉంటోంది. ఖదీర్‌కు ముగ్గురు కూతుళ్లు, కుమారుడు. పెద్ద కుమార్తె షా గుఫ్తా యాస్మిన్‌. చిన్నప్పటి నుంచి బాగా చదివేవారు. యాస్మిన్‌ ప్రాథమిక విద్యాభ్యాసం వరంగల్‌లో పూర్తి చేశారు. ఇంటర్మీడియట్‌ హైదరాబాద్‌లో చదివారు. ఆతర్వాత డిగ్రీ, పీజీ ఢిల్లీలో పూర్తి చేశారు. మొదటి ప్రయత్నంలోనే గ్రూప్‌–1లో డీఎస్పీగా ఎంపికయ్యారు. శిక్షణ పూర్తి చేసుకున్నారు. మహబూబ్‌నగర్‌ జిల్లా గద్వాలలో ట్రెయినీ డీఎస్పీగా విధులు నిర్వర్తించనున్నారు. ఇటీవల షా గుఫ్తా యాస్మిన్‌ వివాహం తిరుపతిలో జరిగింది. యూనిఫాం ధరించాలన్నది నా కల నా తండ్రిని చూసి నేను కూడా పోలీస్‌ యూనిఫాం ధరించాలని చిన్నప్పటి నుంచి కలలు కన్నాను. ఐపీఎస్‌ కావాలన్న లక్ష్యంతో సివిల్‌ సర్వీస్‌కు సిద్ధమయ్యా. ఢిల్లీలోనే సివిల్‌ సర్వీస్‌ కోసం కోచింగ్‌ తీసుకున్నా. – షా గుఫ్తా యాస్మిన్‌

సాక్షి ప్రతినిధి, వరంగల్‌ : కరువు పరిస్థితులు ఉమ్మడి వరంగల్‌ జిల్లాను వెంటాడుతున్నాయి. ఖరీఫ్‌–2026లో వర్షాభావం, పంటల నష్టాల నేపథ్యంలో ఉమ్మడి జిల్లాలోని ఆరు జిల్లాల్లో 38 మండలాలను కరువు ప్రభావిత ప్రాంతాలుగా గుర్తించారు. రాష్ట్రవ్యాప్తంగా గుర్తించిన 315 కరువు మండలాల్లో ఉమ్మడి వరంగల్‌ వాటా గణనీయంగా ఉంది. మొత్తం 38 మండలాల్లో ఒక మండలంలో తీవ్ర కరువు పరిస్థితులు ఉండగా.. 37 మండలాల్లో మోస్తరు కరువు నెలకొన్నట్లు అధికారిక జాబితా స్పష్టం చేస్తోంది. జనగామలోనే తీవ్ర కరువు ప్రభావం.. హనుమకొండలో 11.. ఉమ్మడి వరంగల్‌లో తీవ్ర కరువు మండలం ఉన్న జిల్లా జనగామ. జిల్లాలోని నాలుగు మండలాలు కరువు ప్రభావితంగా గుర్తించగా.. అందులో ఒకటి తీవ్ర కరువు, మూడు మోస్తరు కరువు మండలాలు ఉన్నాయి. దీంతో జనగామ జిల్లాలో పంటల పరిస్థితిపై ఆందోళన నెలకొంది. హనుమకొండ జిల్లాలో 11 మండలాలు కరువు ప్రభావితంగా ఉన్నాయి. వీటిలో ఒక్కటి కూడా తీవ్ర కరువు కేటగిరీలో లేకపోగా.. అన్నీ మోస్తరు కరువు మండలాలే కావడం గమనార్హం. మహబూబాబాద్‌లో 6.. వరంగల్‌లో 8 మండలాలు.. మహబూబాబాద్‌ జిల్లాలో 6 మండలాలు కరువు జాబితాలోకి వచ్చాయి. ఇవన్నీ మోస్తరు కరువు ప్రభావిత మండలాలుగానే నమోదయ్యాయి. కాగా జయశంకర్‌ భూపాలపల్లి జిల్లాలో 5 మండలాలు, ములుగు జిల్లాలో 4 మండలాలు కరువు ప్రభావితంగా గుర్తించారు. ఈ రెండు జిల్లాల్లోనూ తీవ్ర కరువు మండలం ఒక్కటీ లేకపోగా.. మోస్తరు కరువు మండలాలే ఉన్నాయి.వరంగల్‌ జిల్లాలో 8 మండలాలు కరువు ప్రభావితంగా నమోదయ్యాయి. వీటన్నింటినీ మోస్తరు కరువు కేటగిరీలో చేర్చారు. పంట నష్టాలే కరువు తీవ్రతకు అద్దం.. కరువు ప్రభావిత మండలాల్లో వర్షాభావ పరిస్థితులు పంటలపై తీవ్ర ప్రభావం చూపినట్లు అధికారిక గణాంకాలు వెల్లడిస్తున్నాయి. ముఖ్యంగా వర్షాలు సకాలంలో కురవకపోవడం, పంటలకు అవసరమైన తేమ అందకపోవడం, దిగుబడులు తగ్గడం వంటి పరిణామాలు కరువు పరిస్థితులకు కారణమయ్యాయి. కరువు జాబితాలో ఉన్న మండలాలకు ప్రభుత్వం అందించే ఉపశమన చర్యలు, పంట నష్టపరిహారం, సాగునీరు–పశుగ్రాసం వంటి అంశాలపై రైతుల్లో ఇప్పుడు ఆశలు నెలకొన్నాయి. ఇదిలా ఉండగా ఉమ్మడి వరంగల్‌లో 38 మండలాల్లో కరువు పరిస్థితులు ఉన్నట్లు ప్రకటించిన ప్రభుత్వం.. ఆ కరువు మండలాల పేర్లను మాత్రం ప్రకటించకపోవడం గమనార్హం. ఆరు జిల్లాల్లో కరువు మండలాలు ఇలా..జిల్లా తీవ్ర మోస్తరు మొత్తం హనుమకొండ 00 11 11 వరంగల్‌ 00 08 08 జనగామ 01 03 04 భూపాలపల్లి 00 05 05 మహబూబాబాద్‌ 00 06 06 ములుగు 00 04 04 మొత్తం 01 37 38ఆరు జిల్లాల్లో 38 కరువు మండలాలు గుర్తింపు ఒక్క మండలంలో తీవ్ర, 37 మండలాల్లో మోస్తరు కరువు ఖరీఫ్‌ పంటలపై తీవ్ర ప్రభావం ఎల్‌నినో ప్రభావంపై వ్యవసాయశాఖ ఆరా.. మండలాల పేర్ల వెల్లడిపై గోప్యం

కాజీపేట అర్బన్‌: రిజిస్ట్రేషన్‌ శాఖలోని అద్దె భవనాలకు శాశ్వత భవనాలను కేటాయించాలని జూలై 7న జీఓ ఆర్టీ నంబర్‌ 414ను ప్రభుత్వం విడుదల చేసింది. అద్దె భవనాల్లో కొనసాగుతున్న కార్యాలయాల వివరాలు, శాశ్వత భవన నిర్మాణానికి స్థల సేకరణకు కలెక్టర్‌కు నివేదిక అందజేయాలని ఉత్తర్వులు జారీ చేసింది. ఉమ్మడి వరంగల్‌ జిల్లాలోని 13 సబ్‌ రిజిస్ట్రార్‌ కార్యాలయాల్లో ఏడు సబ్‌ రిజిస్ట్రార్‌ కార్యాలయాలతోపాటు డీఐజీ కార్యాలయం అద్దె భవనాల్లో కొనసాగుతున్నాయి. నెలకు రూ.1,88,852 అద్దెల రూపంలో చెల్లిస్తోంది. మూడు నెలల తర్వాత డీఐజీ కార్యాలయానికి ఎకరం భూమి.. ప్రభుత్వం జీఓ జారీ చేసిన మూడు నెలలకు ఉమ్మడి వరంగల్‌ జిల్లా డీఐజీ కార్యాలయానికి హనుమకొండ కలెక్టర్‌ చాహత్‌బాజ్‌పాయ్‌ పలివేల్పుల శివారు గుండ్లసింగారం వద్ద ఎకరం భూమి కేటాయించారు. ఇటీవల భూమిని రిజిస్ట్రేషన్‌ శాఖకు అప్పగించగా స్థలాన్ని చదును చేశారు. త్వరలో భవన నిర్మాణానికి శంకుస్థాపన చేయనున్నట్లు సమాచారం. శాశ్వత భవనాలు నిర్మిస్తే అద్దె ఆదా.. ఉమ్మడి వరంగల్‌ జిల్లా డీఐజీ కార్యాలయం హనుమకొండలోని నిట్‌ దగ్గరలో అద్దె భవనంలో కొనసాగుతోంది. నెలకు రూ.24,989 అద్దె చెల్లిస్తున్నారు. కలెక్టర్‌ కేటాయించిన ఎకరం భూమిలో అధునాత హంగులతో రూ.కోటితో డీఐజీ కార్యాలయాన్ని నిర్మించనున్నట్లు విశ్వసనీయ సమాచారం. ఉమ్మడి వరంగల్‌ జిల్లాలోని అద్దె భవనాల్లో కొనసాగుతున్న సబ్‌ రిజిస్ట్రార్‌ కార్యాలయాల శాశ్వత భవనాలకు స్థలం కేటాయించి భవనాలను నిర్మిస్తే 1,88,852 రూపాయల అద్దె ఆదా అయ్యే అవకాశం ఉంది. త్వరలో శాశ్వత భవన నిర్మాణానికి శంకుస్థాపన రూ. కోటితో ఆధునిక భవనం

● ఉద్యమకారుల ఐక్యవేదిక రాష్ట్ర చైర్మన్‌ గుడిమళ్ల రవికుమార్‌ హన్మకొండ చౌరస్తా: హనుమకొండ జిల్లాలో ఉద్యమకారుల ఓదార్పు యాత్ర నవంబర్‌ 13 నుంచి 15వ వరకు చేపట్టనున్నట్లు తెలంగాణ ఉద్యమకారుల ఐక్యవేదిక రాష్ట్ర చైర్మన్‌, ప్రముఖ న్యాయవాది గుడిమళ్ల రవికుమార్‌ తెలిపారు. హనుమకొండ కాకతీయకాలనీలోని ఐక్యవేదిక కార్యాలయంలో శనివారం వేదిక ముఖ్య నాయకుల విస్తృతస్థాయి సమావేశం రాష్ట్ర కన్వీనర్‌ ఓడపల్లి శ్యాంకృష్ణ అధ్యక్షతన జరిగింది. సమావేశానికి రవికుమార్‌ హాజరై మాట్లాడుతూ స్వరాష్ట్ర సాధనకోసం పోరాడిన ఉద్యమకారులను గుర్తించకపోవడంతో గతపాలకులు అధికారానికి దూరమయ్యారని పేర్కొన్నారు. ఉద్యమకారులను అవమానించే ఎలాంటి వారైనా ప్రతికూల పరిస్థితులు ఎదుర్కోక తప్పదని హెచ్చరించారు. రాష్ట్రం ఏర్పడి పుష్కరకాలం గడిచినా ఉద్యమకారుల జీవితాల్లో ఏమాత్రం సంతోషం లేదని ఆవేదన వెలిబుచ్చారు. ఓదార్పు యాత్ర ద్వారా 128 ఉద్యమకారుల కుటుంబాలను కలిసి, వారి జీవన విధానాన్ని రికార్డు చేశామన్నారు. 24 జనవరి 2027న వరంగల్‌ నగరంలో ఉద్యమకారుల మహారాలీ నిర్వహించనున్నట్లు తెలిపారు. మలిదశ ఉద్యమకారుల ఐక్య వేదిక రాష్ట్ర కన్వీనర్‌ టీఎన్‌ స్వామి, వరంగల్‌ జిల్లా రాష్ట్ర కమిటీ కార్యదర్శి నారాయణరెడ్డి, రాష్ట్ర కమిటీ ప్రచార కార్యదర్శి జినుకుల లక్ష్మణ్‌ రావు, జిల్లా అధ్యక్షుడు దాసరి జనార్దన్‌ పాల్గొన్నారు.

కాళేశ్వరం: జయశంకర్‌భూపాలపల్లి జిల్లా మహదేవపూర్‌ మండలంలోని కాళేశ్వరం ప్రాజెక్టులో ప్రధాన భాగమైన కన్నెపల్లిలోని లక్ష్మీ పంపుహౌస్‌ సమీప గోదావరి నీటి ప్రవాహాన్ని పరిశీలించేందుకు శనివారం హైదరాబాద్‌, ఉమ్మడి రంగారెడ్డి జిల్లాలకు చెందిన బీఆర్‌ఎస్‌ ఎమ్మెల్యేలు, ఎమ్మెల్సీల బృందం రానుంది. బృందం సభ్యులు ఉదయం 11 గంటలకు కన్నెపల్లికి కాన్వాయ్‌ల్లో చేరుకుంటారని బీఆర్‌ఎస్‌ వర్గాలు శుక్రవారం తెలిపాయి. కాగా, మొదట మేడిగడ్డ బరాజ్‌ సందర్శన ఉండగా పర్యటనను కన్నెపల్లికి మార్చారు. మహారాష్ట్ర నుంచి వచ్చే ప్రాణహిత నీటిలభ్యతతో దిగువకు ప్రవహిస్తున్న జలాలను కన్నెపల్లి పంపుహౌస్‌లోని మోటార్ల నుంచి ఎత్తిపోసి సాగు, తాగునీటి అవసరాలకు వినియోగించాలనే లక్ష్యంతో ఈ పర్యటన సాగనుంది. రాష్ట్రంలో సూపర్‌ ఎల్‌నినో ప్రభావంతో భవిష్యత్తులో నీటి కొరత ఏర్పడే అవకాశాల నేపథ్యంలో గోదావరి నీటిని సమర్థవంతంగా వినియోగించుకోవాల్సిన అవసరాన్ని బీఆర్‌ఎస్‌ నేతలు ప్రస్తావించనున్నట్లు తెలిసింది. ఈ కన్నెపల్లి పర్యటనకు బీఆర్‌ఎస్‌పార్టీ ఎమ్మెల్యేలు తలసాని శ్రీనివాస్‌యాద్‌, కాలేరు వెంకటేశ్‌, ముఠా గోపాల్‌, పద్మారావు, కేపీ వివేకానంద్‌, మాధవరం కృష్ణారావు, సబితా ఇంద్రారెడ్డి, బండారి లక్ష్మారెడ్డి, మర్రి రాజశేఖర్‌రెడ్డి, ఎమ్మెల్సీలు శంబీపూర్‌ రాజు, దాసోజు శ్రావణ్‌, సురభి వాణిదేవిలతో పాటు భూపాలపల్లి, మంథని మాజీ ఎమ్మెల్యేలు గండ్ర వెంకటరమణారెడ్డి, పుట్ట మధు, పలువురు సీనియర్‌ నాయకులు, పార్టీ కార్యకర్తలు పాల్గొంటారని మహదేవపూర్‌ మండల పార్టీ అధ్యక్షుడు లింగంపల్లి శ్రీనివాసరావు తెలిపారు. నీట మునిగి పంచాయతీ కార్యదర్శి మృతి ● కాపాడబోయిన భార్యకు గాయాలు ● ఓడేడు మానేరు తీరంలో ఘటన ముత్తారం/మంథనిరూరల్‌: దసరా పండుగకు అత్తగారింటికి వెళ్లి తిరుగు ప్రయాణంలో సరదాగా మానేరులోకి దిగిన పంచాయతీ కార్యదర్శి నీట మునిగి మృతిచెందాడు. కాపాడబోయిన భార్య తీవ్రగాయాలతో బయటపడింది. స్థానికులు తెలిపిన వివరాల ప్రకారం.. పెద్దపల్లి జిల్లా రామగిరి మండలం రత్నపూర్‌ గ్రామానికి చెందిన శనిగరపు జయపాల్‌(32) పంచాయతీ కార్యదర్శి. దసరా పండుగ కోసం భార్య శ్రుతి, పాపతో కలిసి కారులో అత్తగారి ఊరైన జయశంకర్‌ భూపాలపల్లి జిల్లా టేకుమట్లకు వెళ్లారు. శుక్రవారం తిరుగు ప్రయాణంలో ఓడేడు మానేరు తీరంలో సరదాగా జయపాల్‌ నీటిలోకి దిగాడు. అయితే నేషనల్‌ హై వే కోసం పోసిన తాత్కాలిక మట్టిరోడ్డు ఇటీవల కురిసిన భారీవర్షానికి కొట్టుకుపోయి పెద్దగొయ్యి ఏర్పడింది. ఈ విషయం తెలియకుండా నీటిలోకి దిగిన జయపాల్‌.. ప్రమాదవశాత్తు అందులో మునిగి మృతి చెందారు. నీట మునిగిపోతున్న భర్తను కాపాడేందుకు ప్రయత్నించిన భార్య శ్రుతి సైతం నీటిలో మునుగుతుండగా అక్కడే ఉన్న ఈశ్వర్‌ అనే వ్యక్తి కాపాడాడు. అపస్మారస్థితిలోకి వెళ్లిన శ్రుతిని గోదావరిఖని ఆస్పత్రికి తరలించారు. శ్రుతి ఆరోగ్య పరిస్థితి నిలకడగానే ఉన్నట్లు స్థానికులు తెలిపారు. కళ్లెదుటే తండ్రి చనిపోయి.. అమ్మ నీట మునుగుతుండగా చూసిన తమ పాప కన్నీరుమున్నీరుగా విలపించింది. జయపాల్‌ గతంలో ముత్తారం మండలం పోతారం పంచాయతీ కార్యదర్శిగా కూడా పనిచేశారు. ప్రస్తుతం మంథని మండలం సూరయ్యపల్లిలో విధులు నిర్వర్తిస్తున్నారు. ఎస్సై రవికుమార్‌ ఘటనా స్థలాన్ని పరిశీలించి కేసు నమోదు చేశారు.

కాజీపేట రూరల్‌ : కాజీపేటలో ప్రతిష్టాత్మకంగా నిర్మాణమవుతున్న రైల్వే కోచ్‌ఫ్యాక్టరీ (రైల్వే మాన్యుఫ్యాక్చరింగ్‌ యూనిట్‌) తెలంగాణకు ఒక మణిహారమని, త్వరలో ప్రారంభించేందుకు అన్ని విధాలుగా సిద్ధం చేస్తున్నట్లు అడిషనల్‌ మెంబర్‌ ఆఫ్‌ రైల్వే బోర్డ్‌ సునీల్‌కుమార్‌ తెలిపారు. కాజీపేట రైల్వే కోచ్‌ఫ్యాక్టరీని శుక్రవారం ఆయన.. రైల్వే బోర్డు డైరెక్టర్‌ జయంత్‌ రామచంద్రన్‌తో కలిసి సందర్శించారు. సుమారు 5 గంటల పాటు క్షుణ్ణంగా తనిఖీలు చేపట్టారు. మెయిన్‌షాప్‌, పెయింట్‌ షాప్‌, టెస్ట్‌షాప్‌, స్టోర్‌వార్డు, క్యాంటీన్‌, అడ్మినిస్ట్రేషన్‌ కార్యాలయ సముదాయం, ప్రాంగణంలో రోడ్లు, ట్రాక్‌, తదితర వాటి నాణ్యతా ప్రమాణాలు, పలు నిర్మాణాలను క్షుణ్ణంగా తనిఖీ చేశారు. పనుల ఆలస్యంపై ఆగ్రహం వ్యక్తం చేసి సూచనలిచ్చారు. అనంతరం సునీల్‌కుమార్‌ విలేకరులతో మాట్లాడుతూ రైల్వే కోచ్‌ఫ్యాక్టరీలో రైల్వే నిబంధనల మేరకు డైరెక్ట్‌, ఇన్‌డైరెక్ట్‌, ఔట్‌సోర్సింగ్‌ పద్ధతిలో వివిధ విభాగాల్లో ఉద్యోగాలు ఉంటాయని తెలిపారు. ఈ ప్రాంతం వారికి న్యాయం జరిగేలా రైల్వేశాఖ కృషి చేస్తుందన్నారు. కోచ్‌ఫ్యాక్టరీలో ముందుగా మెము బోగీలను తయారు చేస్తారన్నారు. కార్యక్రమంలో దక్షిణ మధ్య రైల్వేనుంచి పీసీఎంఈ విజయ్‌కుమార్‌, సీఎంఈ లచ్చిరాంభూక్యా, కాజీపేట సీనియర్‌ డీఎంఈ ఎన్‌.వి.వెంకటకుమార్‌, ఆర్‌వీఎన్‌ఎల్‌ నుంచి సీపీఎం సాయినాథ్‌, జీజీఎం మురళీకృష్ణ, జీఎం శ్రీనివాస్‌, పవర్‌మెక్‌ ప్రాజెక్ట్‌ నుంచి వైస్‌ ప్రెసిడెంట్‌ రాంచందర్‌రాజు, ప్రాజెక్ట్‌ మేనేజర్‌ ప్రేమ్‌సాగర్‌, స్థానిక అధికారులు పాల్గొన్నారు. మొదటగా మెము బోగీల ఉత్పత్తి రైల్వే అడిషనల్‌ బోర్డు మెంబర్‌ సునీల్‌కుమార్‌

కుష్టువ్యాధి అనుమానితుల గుర్తింపుపై వైద్యశాఖ దృష్టిసాక్షి ప్రతినిధి, వరంగల్‌: కుష్టు కేసులను వెలికి తీసేందుకు వైద్య, ఆరోగ్యశాఖ మరోసారి ఇంటింటి సర్వేకు శ్రీకారం చుట్టింది. జాతీయ కుష్టు వ్యాధి నిర్మూలన కార్యక్రమంలో భాగంగా లెప్రసీ కేస్‌ డిటెక్షన్‌ క్యాంపెయిన్‌ (ఎల్‌సీడీసీ)ను అధికారులు ముమ్మరం చేస్తున్నారు. ఆరోగ్య సిబ్బంది, ఆశా కార్యకర్తలు ఇంటింటికీ వెళ్లి చర్మంపై అనుమానాస్పద మచ్చలు, స్పర్శజ్ఞానం తగ్గడం, చేతులు, కాళ్లలో తిమ్మిర్లు, బలహీనత వంటి లక్షణాలను పరిశీలించనున్నారు. కుష్టు వ్యాధి ప్రారంభ దశలో గుర్తిస్తే పూర్తిగా నయం చేయడంతోపాటు శాశ్వత వైకల్యాలను కూడా నివారించవచ్చని వైద్యశాఖ చెబుతోంది. అందుకే అనుమానితులను గుర్తించడం, పరీక్షలు చేయించడం, నిర్ధారణ అయిన వారికి వెంటనే బహుళ ఔషధ చికిత్స (ఎండీటీ) అందించడం ఈ సర్వే ప్రధాన ఉద్దేశం. ఉమ్మడి జిల్లాపై ప్రత్యేక నజర్‌.. హనుమకొండ, వరంగల్‌, జనగామ, మహబూబా బాద్‌, జయశంకర్‌ భూపాలపల్లి, ములుగు జిల్లాలతో కూడిన పూర్వ ఉమ్మడి వరంగల్‌ ప్రాంతంలో కుష్టు నిర్మూలన కార్యక్రమాన్ని సాధారణ ఆరోగ్య సేవల్లో భాగంగా కొనసాగిస్తున్నారు. హనుమకొండ జిల్లా అధికారిక ఆరోగ్యశాఖ వెబ్‌సైట్‌లోనూ జాతీయ కుష్టు నిర్మూలన కార్యక్రమం (ఎన్‌ఎల్‌ఈపీ)ను ప్రధాన కమ్యూనికబుల్‌ డిసీజ్‌ కార్యక్రమాల్లో ఒకటిగా పేర్కొంది. ఆరు జిల్లాల్లోనూ కుష్టు కేసుల ముందస్తు గుర్తింపు, ఇంటింటి కాంటాక్ట్‌ సర్వే, ఆశ కార్యకర్తల భాగస్వామ్యం, ఉచిత ఎండీటీ చికిత్స, వైకల్య నివారణ చర్యలను ఎన్‌ఎల్‌ఈపీలో భాగంగా అమలు చేస్తున్నట్లు వైద్యశాఖ పేర్కొంది. మచ్చ కనిపిస్తే నిర్లక్ష్యం వద్దు.. చర్మంపై సాధారణ రంగుకంటే తెల్లగా లేదా రాగి రంగులో మచ్చలు కనిపించడం, ఆ ప్రాంతంలో స్పర్శజ్ఞానం తగ్గడం లేదా లేకపోవడం కుష్టు వ్యాధికి ముఖ్యమైన సంకేతాలుగా వైద్యశాఖ పేర్కొంటోంది. చేతులు, కాళ్లలో తిమ్మిర్లు, బలహీనత, స్పర్శజ్ఞానం కోల్పోవడం వంటి లక్షణాలు కనిపించినా వైద్యులను సంప్రదించాలి. ప్రభుత్వ ఆస్పత్రులు, పీహెచ్‌సీలు, ఇతర ప్రభుత్వ ఆరోగ్య కేంద్రాల్లో కుష్టు వ్యాధి పరీక్షలు, చికిత్స ఉచితంగా అందుబాటులో ఉన్నాయి.ఉమ్మడి జిల్లాలో గతేడాది నిర్వహించిన సర్వే వివరాలు జిల్లా సర్వే చేసిన గృహాలు పరీక్షించుకున్నవారు అనుమానితులు హనుమకొండ 2,17,815 9,07,815 1406 వరంగల్‌ 1,86,668 7,46,672 1013 జేఎస్‌ భూపాలపల్లి 13,386 4,33,506 336 ములుగు 79,216 2,84,530 722 జనగామ 1,26,509 4,59,783 847 మహబూబాబాద్‌ 2,07,697 7,64,772 2544 8,31,291 35,97,078 6,868 మళ్లీ మొదలైన ఎల్‌సీడీసీ సర్వే ఇంటింటికీ వైద్య ఆరోగ్య సిబ్బంది తొలిదశలో గుర్తిస్తే వైకల్యానికి చెక్‌ ఉమ్మడి వరంగల్‌లో విస్తృతంగా స్క్రీనింగ్‌కుష్టు వ్యాధి శాపం కాదు.. వంశపారంపర్య వ్యాధి కూడా కాదు. సరైన సమయంలో చికిత్స తీసుకుంటే పూర్తిగా నయం చేయవచ్చు. జాతీయ కుష్టు వ్యాధి నిర్మూలన కార్యక్రమంలో భాగంగా ఇంటింటి సర్వే నిర్వహిస్తున్నాం. ఈ సర్వేకు ప్రజలు సహకరించి, అనుమానాస్పద లక్షణాలుంటే దాచిపెట్టకుండా ఆరోగ్య సిబ్బందికి తెలియజేయాలి. వ్యాధిపై భయాందోళనలు అవసరం లేదు. వ్యాధిగ్రస్తులపై వివక్ష చూపకుండా వారికి అండగా నిలుద్దాం. – డాక్టర్‌ ఎ.అప్పయ్య, డీఎంహెచ్‌ఓ, హనుమకొండ

● మాజీ ఎంపీ బోయినిపల్లి వినోద్‌ కుమార్‌హన్మకొండ: పట్టభద్రుల ఎమ్మెల్సీ ఎన్నికల్లో బీఆర్‌ఎస్‌ పార్టీకే పట్టభద్రులు పట్టం కడుతారని.. పార్టీ నాయకులుచ కార్యకర్తలు క్షేత్రస్థాయిలో గ్రాడ్యుయేట్స్‌ను కలవాలని మాజీ ఎంపీ, పట్టభద్రుల ఎన్నిక ఇన్‌చార్జ్‌ బోయినిపల్లి వినోద్‌ కుమార్‌ అన్నారు. శుక్రవారం హనుమకొండ కాకతీయ కాలనీలోని ఆయన స్వగృహంలో వరంగల్‌ పశ్చిమ నియోజకవర్గ మాజీ కార్పొరేటర్లు, ముఖ్య నాయకులతో నిర్వహించిన సమావేశంలో వినోద్‌ కుమార్‌ మాట్లాడారు. పట్టభద్రుల ఓటరు నమోదు పకడ్భందీగా చేపట్టాలన్నారు. ప్రజలు కేసీఆర్‌ పాలన కోరుకుంటున్నారని, ఈ క్రమంలో ఓటరు నమోదు అత్యంత కీలకమన్నారు. క్షేత్రస్థాయిలో ఇంటింటికీ వెళ్లి పట్టభద్రులను కలిసి ఓటరుగా నమోదు చేయించాలని సూచించారు. ఎమ్మెల్సీ ఎన్నికల కోసం వరంగల్‌ పశ్చిమ నియోజకవర్గ వ్యాప్తంగా ఇప్పటికే డివిజన్‌ల వారీగా ఓటరు నమోదు కేంద్రాలను ఏర్పాటు చేశామన్నారు. డివిజన్ల వారీగా ఎమ్మెల్సీ ఎన్నికల బాధ్యులను నియమించినట్లు తెలిపారు. వరంగల్‌ పశ్చిమ నియోజకవర్గంలో పట్టభద్రుల ఓట్లు అత్యధికంగా నమోదయ్యేలా సమష్టిగా కృషి చేద్దామని పిలుపునిచ్చారు. మాజీ చీఫ్‌ విప్‌ దాస్యం వినయ్‌ భాస్కర్‌ మాట్లాడుతూ.. ఈ నెల 25న ఉదయం 10 గంటలకు హనుమకొండ స్నేహనగర్‌లోని ఎస్‌వీ కన్వెన్షన్‌ హాల్‌లో వరంగల్‌ పశ్చిమ నియోజకవర్గ ప్రజాప్రతినిధులు, బీఎల్‌ఏలు, ఎమ్మెల్సీ ఎన్నికల సమన్వయకర్తలు, బాధ్యులు, సోషల్‌ మీడియా ప్రతినిధులతో సమావేశం నిర్వహించనున్నట్లు తెలిపారు. సమావేశంలో తెలంగాణ గ్రాడ్యుయేట్స్‌ అసోసియేషన్‌ రాష్ట్ర అధ్యక్షుడు మర్రి యాదవ రెడ్డి, దివ్యాంగుల కార్పొరేషన్‌ మాజీ చైర్మన్‌ కేతిరెడ్డి వాసుదేవ రెడ్డి, నాయకులు దాస్యం విజయ్‌ భాస్కర్‌, వద్దిరాజు గణేష్‌ పాల్గొన్నారు.

వరంగల్‌ కలెక్టర్‌ డాక్టర్‌ సత్యశారద న్యూశాయంపేట: అంగన్‌వాడీ సేవలపై ప్రత్యేక దృష్టి సారించాలని, ప్రతీ కేంద్రాన్ని సందర్శించి పనితీరును మెరుగుపర్చాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. ఐసీడీఎస్‌ పరిధిలోని సీడీపీఓలు, సూపర్‌వైజర్లు, జిల్లా సంక్షేమాధికారి రాజమణితో శుక్రవారం కలెక్టరేట్‌లో సమీక్ష నిర్వహించారు. అంగన్‌వాడీ కేంద్రాల పనితీరు, ప్రీస్కూల్‌ విద్య, చిన్నారుల ఆరోగ్యం, మహిళా శిశువు సంరక్షణ తదితర అంశాలపై సమీక్షించారు. ఈసందర్భంగా కలెక్టర్‌ మాట్లాడుతూ జిల్లాలోని 447 స్నేహ క్లబ్‌ల్లో నాలుగువేల మందికి పైగా కిశోర బాలికలు ఉన్నారని తెలిపారు. సూపర్‌వైజర్లు ఆయా క్లబ్‌లను నిరంతరం పర్యవేక్షించాలని ఆదేశించారు. బాల్యవివాహాలు, బాలలపై వేధింపులు తదితర అంశాలపై బాలికలకు అవగాహన కల్పిస్తూ వారి రక్షణకు అవసరమైన చర్యలు చేపట్టాలని సూచించారు. ఎల్‌నినో నేపథ్యంలో అంగన్‌వాడీ కేంద్రాల్లో అధిక ఉష్ణోగ్రతను తగ్గించేందుకు ముందస్తు చర్యలు తీసుకోవాలన్నారు. సమావేశంలో అదనపు కలెక్టర్‌ వైవీ గణేశ్‌, సీడీపీఓలు, సూపర్‌వైజర్లు పాల్గొన్నారు.

కాశిబుగ్గ: వరంగల్‌ ఎంజీఎం ఆస్పత్రి ఉద్యోగులకు కష్టకాలం వచ్చింది. ఎప్పుడు ఎక్కడ విధులు నిర్వర్తించాలో, ఉన్నతాధికారుల నుంచి ఎప్పుడు ఫోన్‌కాల్‌ వస్తుందో తెలియని పరిస్థితి ఉందని వారు ఆందోళన చెందుతున్నారు. అటు ఎంజీఎం, ఇటు సూపర్‌ స్పెషాలిటీ ఆస్పత్రిలో పనిచేస్తూ ఇబ్బందులు పడుతున్నామని పేర్కొంటున్నారు. ఉత్తర తెలంగాణకు పెద్దాస్పత్రిగా ఉన్న ఎంజీఎం స్థానంలో ప్రభుత్వం సూపర్‌ మల్టీ స్పెషాలిటీ ఆస్పత్రిని నిర్మించిన విషయం విదితమే. ఈ ఆస్పత్రిలో దసరా రోజు ఓపీ సేవలను (సాఫ్ట్‌ లాంచింగ్‌) ప్రారంభిస్తామని మంత్రి పొంగులేటి శ్రీనివాస్‌రెడ్డి ప్రకటించినా చివరకు వాయిదా పడింది. ఉన్నతాధికారుల ఆదేశాల మేరకు కలెక్టర్‌ డాక్టర్‌ సత్యశారద, స్థానిక, సీఎంఓ, గ్రూప్‌వన్‌, నోడల్‌ అధికారులు ప్రత్యేక బాధ్యత తీసుకుని పనుల్లో వేగం పెంచారు. ఓపీ సేవలకు ఏర్పాట్లు చేశారు. ఎంజీఎం సిబ్బంది సర్దుబాటు.. ఓపీ సేవలను ప్రారంభించేందుకు తేదీ నిర్ణయం కాకముందే ఎంజీఎంలోని సిబ్బందిని సూపర్‌ స్పెషాలిటీ ఆస్పత్రిలో సర్దుబాబు చేశారు. వైద్యులు, పారా మెడికల్‌, ల్యాబ్‌, ఫార్మసీ, మినిస్టీరియల్‌, శానిటేషన్‌, సెక్యూరిటీ, పేషంట్‌ కేర్‌ సిబ్బందికి విధులు కేటాయించారు. సద్దుల బతుకమ్మ, దసరా పండుగను సైతం లెక్కచేయకుండా సిబ్బంది విధులు నిర్వర్తించినా ఓపీ సేవలు ప్రారంభం కాకపోవడం గమనార్హం. పనులు ఎప్పుడు పూర్తవుతాయో? ఓపీ సేవలు వాయిదా పడిన తర్వాత సూపర్‌ స్పెషాలిటీ ఆస్పత్రిలో అసంపూర్తి పనులు ఎప్పడు అవుతాయో అధికారులు చెప్పలేకపోతున్నారు. 24 అంతస్తుల్లో పనులు పూర్తి చేసేవరకు ఎంత సమయం పడుతుందో అంచనా వేయలేకపోతున్నారు. ఇదిలా ఉండగా.. ఎంజీఎంలో పనిచేస్తున్న వారిని ఎంజీఎంతోపాటు సూపర్‌ స్పెషాలిటీ ఆస్పత్రిలో పనిచేయాలని ఆదేశించినట్లు తెలుస్తోంది. ఉన్నతాధికారుల ఆదేశాల మేరకు చాలా మంది ఉద్యోగులు, సిబ్బంది సూపర్‌తో పాటు ఎంజీఎంలో పనిచేయాల్సి వస్తున్నట్లు సమాచారం. నిర్వహణ కోసం మంజూరవుతున్న నిధులు రెండు చోట్ల ఉపయోగిస్తున్నట్లు పలువురు చర్చించుకుంటున్నారు. కాగా, ఓపీ సేవలు మాత్రం ఎంజీఎంలోనే ఉండడంతో రోగులకు ఊరట లభించింది. అధికారుల ఎక్కడుంటారో తెలియదు.. వివిధ రకాల పనులు, చికిత్సకు వస్తున్న వారికి ఎంజీఎంలో అధికారులు అందుబాటులో ఉండకపోవడం సమస్యగా మారుతోంది. ఏ అధికారి ఎక్కడ ఉంటాడో తెలియని పరిస్థితి ఉంది. వారి విధులను తెలుసుకోవడం కష్టమవుతోంది. ఎవరైనా పనుల కోసం వస్తే సార్లు లేరు.. సూపర్‌ స్పెషాలిటీ ఆస్పత్రిలో ఉన్నారు.. ఎప్పుడొస్తారో తెలియదంటూ సిబ్బంది సమాధానం చెబుతున్నారు. ఇదీ కొత్త ఆస్పత్రి, పాత ఆస్పత్రి పరిస్థితి. రెండు చోట్ల విధులు నిర్వర్తిస్తున్న ఉద్యోగులు ఓపీ సేవల ప్రారంభం వాయిదా.. సిబ్బందికి తప్పని ఇబ్బందులు

వెంకటాపురం(ఎం): చరిత్ర, సంస్కృతి, వారసత్వ సంపదపై యువత అవగాహన పెంచుకుని.. పరిరక్షణలో భాగస్వాములు కావాలని సమ్మక్క సారలమ్మ కేంద్రియ గిరిజన విశ్వవిద్యాలయ వీసీ శ్రీనివాస్‌ రావు సూచించారు. తెలంగాణ పర్యాటక శాఖ, కాకతీయ హెరిటేజ్‌ ట్రస్ట్‌ ఆధ్వర్యంలో రామప్పలో నిర్వహిస్తున్న ప్రపంచ వారసత్వ స్వచ్ఛంద సేవా శిబిరం–2026 కార్యక్రమానికి శుక్రవారం ఆయన ముఖ్య అతిథిగా హాజరయ్యారు. జిల్లా పర్యాటక నోడల్‌ ధర్మానాయక్‌తో కలిసి జ్యోతి ప్రజ్వలన చేసి కార్యక్రమాన్ని ప్రారంభించారు. ఈ సందర్భంగా శ్రీనివాస్‌ రావు మాట్లాడుతూ.. పర్యాటకం, సంస్కృతి, వారసత్వం, భూగర్భ శాస్త్రం వంటి పలు అంశాలను తెలుసుకునేందుకు ఈ శిబిరం విద్యార్థులకు ఉపయోగపడుతుందని అన్నారు. శిక్షణలో నేర్చుకున్న విషయాలను యువత ఇతరులతో పంచుకోవాలని సూచించారు. చారిత్రక ప్రదేశాల విశిష్టతను విస్తృతంగా ప్రచారం చేస్తూ, వారసత్వ సంపద పరిరక్షణలో భాగస్వాములు కావాలని పిలుపునిచ్చారు. జిల్లా పర్యాటక నోడల్‌ అధికారి ధర్మానాయక్‌ మాట్లాడుతూ.. శిబిరం నిర్వహణకు పర్యాటక శాఖ తరఫున అన్ని విధాలా సహకారం అందిస్తామని తెలిపారు. రామప్పకు ప్రపంచ వారసత్వ గుర్తింపు లభించినప్పటి నుంచి వరుసగా ఐదో ఏడాది ఈ శిబిరాన్ని రామప్పలో నిర్వహిస్తున్నట్లు తెలిపారు. రామప్పకు యునెస్కో గుర్తింపు సాధించడంలో కాకతీయ హెరిటేజ్‌ ట్రస్ట్‌ చేసిన కృషి, పోషించిన పాత్రను కొనియాడారు. చరిత్రను తెలుసుకోవడం, వారసత్వ సంపదను పరిరక్షించడం, నేర్చుకున్న విషయాలను ఇతరులతో పంచుకోవడం ద్వారా చారిత్రక ప్రదేశాలకు మరింత ప్రా చుర్యం కల్పించవచ్చని తెలిపారు. కార్యక్రమంలో కాకతీయ హెరిటేజ్‌ ట్రస్ట్‌ ప్రతినిధి ప్రొఫెసర్‌ పాండురంగారావు, శిబిరం సమన్వయకర్త శ్రీధర్‌ రావు, కేంద్ర పురావస్తుశాఖ అధికారి భార్గవ్‌, టూ రిజం అధికారి కుసుమ సూర్యకిరణ్‌, ఆలయ పూ జారులు హరీశ్‌శర్మ, ఉమాశంకర్‌తోపాటు 10 రా ష్ట్రాలకు చెందిన 35 మంది వలంటీర్లు పాల్గొన్నారు. సమ్మక్క సారలమ్మ యూనివర్సిటీ వీసీ శ్రీనివాస్‌ రావు రామప్పలో 12 రోజుల పాటు వలంటీర్లకు శిక్షణ

మరిపెడ: మహబూబాబాద్‌ జిల్లా మరిపెడ పోలీస్‌ స్టేషన్‌ను వరంగల్‌ డీఐజీ శ్వేత శుక్రవారం తనిఖీ చేశారు. సాధారణ తనిఖీల్లో భాగంగా ఎస్పీ శబరీష్‌తో కలిసి ఆమె స్టేషన్‌ను సందర్శించారు. ఈ సందర్భంగా పోలీస్‌ స్టేషన్‌, రికార్డుల నిర్వహణ, పరిపాలనా వ్యవహారాలు, విధుల నిర్వహణకు సంబంధించిన పలు అంశాలను క్షుణ్ణంగా పరిశీలించా రు. ముందుగా మరిపెడ పోలీస్‌ స్టేషన్‌కు చేరుకున్న డీఐజీ శ్వేతకు డీఎస్పీ కృష్ణకిషోర్‌, సీఐ పవన్‌, ఎస్‌హెచ్‌ఓ గండ్రాతి సతీష్‌ పుష్పగుచ్ఛం అందించి స్వాగతం పలికారు. అనంతరం పోలీస్‌ సిబ్బంది.. ఆమెకు గౌరవ వందం సమర్పించారు. ముందుగా నిర్మాణంలో ఉన్న మరిపెడ పోలీస్‌ స్టేషన్‌ భవనాన్ని డీఐజీ సందర్శించారు. భవన నిర్మాణ పనుల పురోగతిని పరిశీలించి, పోలీస్‌ స్టేషన్‌కు అవసరమైన మౌలిక సదుపాయాలు, నిర్మాణానికి సంబంధించిన అంశాలను సమీక్షించారు. అనంతరం ప్ర స్తుత పోలీస్‌ స్టేషన్‌లోని వివిధ రికార్డులను పరి శీలించి, వాటి నిర్వహణ తీరును తనిఖీ చేశారు. స్టేషన్‌లో చేపడుతున్న పరిపాలనా వ్యవహారాలు, రికార్డులు, విధుల నిర్వహణకు సంబంధించిన అంశాలపై సమీక్షించారు. పోలీస్‌ స్టేషన్‌ నిర్వహణలో భాగంగా అక్కడి పని తీరును పరిశీలించారు. ఈ తనిఖీల్లో ఎస్పీ శబరీష్‌, డీఎస్పీ కృష్ణకిషోర్‌, సీఐ పవన్‌, ఎస్‌హెచ్‌ఓ గండ్రాతి సతీష్‌, పోలీస్‌ సిబ్బంది పాల్గొన్నారు. రికార్డులు, పరిపాలనా వ్యవహారాల పరిశీలన నూతన పోలీస్‌ స్టేషన్‌ భవన నిర్మాణ పనులపై ఆరా..

కేయూ క్యాంపస్‌: కాకతీయ యూనివర్సిటీ పాలకమండలి సమావేశాన్ని ఈనెల 24న హైదరాబాద్‌లోని సెక్రటరియేట్‌లో నిర్వహించనున్నారు. నవంబర్‌ 28న జరగబోయే కేయూ స్నాతకోత్సవంపై చ ర్చించి ఆమోదించనున్నారు. దీంతోపాటు ఆరోపణ లు ఎదుర్కొంటున్న మాజీ వీసీలు, రిజిస్ట్రార్లపై చ ర్యలు తీసుకుంటారా.. లేదా..? వేచి చూడాలి. ఇద్దరు మాజీ వీసీలు, మాజీ రిజిస్ట్రార్లపై ఆరోపణలు కేయూలో ఇద్దరు మాజీ వీసీలు, ఇద్దరు మాజీ రిజిస్ట్రార్లపై వచ్చిన ఆరోపణలు, విచారణ విజిలెన్స్‌ అధికారులు ఇచ్చిన నివేదికలపై ఈ సమావేశంలో చర్చించనున్నారు. కేయూలో–2013లో అప్పటి వీ సీ, రిజిస్ట్రార్‌ హయాంలో చేపట్టిన వివిధ రకాల నియామకాలపైన ఆరోపణలు రాగా ప్రభుత్వం దృష్టికి వెళ్లడంతో 2016లో అప్పటి ప్రభుత్వం యూని వర్సిటీకి నోటీస్‌లు జారీచేసింది. అప్పటి అధికారులు స్పందించకపోవడంతో ప్రభుత్వం విజిలెన్స్‌ వి చారణకు ఆదేశించింది. దీంతో విజిలెన్స్‌ విచారణ జరిగింది.. అంతేగాకుండా వ్యక్తిగతంగా ఆ మాజీ వీసీ, మాజీ రిజిస్ట్రార్‌ హాజరుకావాలని విజిలెన్స్‌ అధికారులు నోటీస్‌లు జారీచేసి వారి వాంగ్మూలం తీసుకుని నివేదికను ప్రభుత్వానికి అందించారు. దీనికి అనుగుణంగా ఆ మాజీ వీసీ, మాజీ రిజిస్ట్రార్‌ పైన చర్యలు చేపట్టాలని ప్రభుత్వం ఇటీవల యూనివర్సిటీని ఆదేశించింది. దీంతో ఈనెల 24న జరగబోయే కేయూ పాలకమండలి సమావేశంలో ఆ విజిలెన్స్‌ నివేదికను ప్రవేశపెట్టి చర్చించనున్నట్లు సమాచారం. దశాబ్ద కాలం తర్వాత వారిపైన ఎలాంటి చర్యలు తీసుకుంటారు.. అసలు తీసుకుంటారా.. లేదా..? అనేది కూడా తేలిపోనుంది. నియామకాలపై ఆరోపణలు..కేయూ ఇంజనీరింగ్‌ కళాశాలలో 2013లో పలువు రు అసిస్టెంట్‌ ప్రొఫెసర్ల నియామకాలు జరిగాయి. ఆ నియమాకాలపై అప్పట్లోనే ఆరోపణలు వచ్చా యి. అందులో ఒకరు ప్రొఫెసర్‌గా నియమితులై స్టేపై కొనసాగుతూ ఉద్యోగ విరమణ పొందారు. ఉద్యోగాలనుంచి తొలగించేందుకు అప్పటి యూని వర్సిటీ అధికారులు ఆయా అసిస్టెంట్‌ ప్రొఫెసర్లకు నోటీస్‌లు జారీచేయగా వారు హైకోర్టుకు వెళ్లి స్టే తెచ్చుకుని సంవత్సరాలుగా కొనసాగుతున్నారు. ఆ స్టేను వెకెట్‌ చేయించాలని కొంతకాలం క్రితం నిర్వహించిన పాలకమండలి సమావేశంలో తీర్మానించా రు. కానీ ఇప్పటివరకు యూనివర్సిటీ అధికారులు స్టే వెకెట్‌ చేయించలేకపోయారు. ఆయా అసిస్టెంట్‌ ప్రొఫెసర్లు మాత్రం తమకు పదోన్నతులు కల్పించా లని యూనివర్సిటీ అధికారులపై ఒత్తిడి చేస్తున్నట్లు సమాచారం. ఆ నియామకాల నోటిఫికేషన్‌ కొంతకాలం క్రితమే రద్దుయినా ఆయా అసిస్టెంట్‌ ప్రొఫెసర్లు స్టేపై కొనసాగుతూ విధులు నిర్వహిస్తున్నారు. అయితే వారు పదోన్నతులు కల్పించాలనే ఒత్తిడి తీసుకొస్తుండడంతో ఈ సారి పాలకమండలి సమావేశంలో పదోన్నతులు కల్పించాలా.. వద్దా..? అనే విషయంపై కూడా చర్చించనున్నట్లు సమాచారం. ఈ సమావేశంలో కేయూ వీసీ ప్రతా ప్‌రెడ్డి, రిజిస్ట్రార్‌ రామచంద్రం, రాష్ట్ర విద్యాశాఖ ప్రిన్సిపాల్‌ సెక్రటరీ యోగితారాణా, రాష్ట్ర ఉన్నత విద్యాశాఖ కమిషనర్‌ శ్రీదేవసేన, కేయూ పాలకమండలి సభ్యులు పాల్గొననున్నారు. ఇదిలా ఉండగా.. కేయూలో 21 విభాగాల్లో 49 అసిస్టెంట్‌ ప్రొఫె సర్ల నియామక నోటిఫికేషన్‌పై పాలకమండలి అనుమతి కోసం చర్చించి నిర్ణయం తీసుకోనున్నారు. కేయూ అధ్యాపకుల సంఘం ఫిర్యాదు.. కొంతకాలం క్రితం కాకతీయ యూనివర్సిటీ అధ్యాపకుల సంఘం (అకుట్‌) ఫిర్యాదు మేరకు గత మాజీ వీసీ, మాజీ రిజిస్ట్రార్‌పై విజిలెన్స్‌ విచారణ జరిగింది. వీరితోపాటు ఓ అసిస్టెంట్‌ రిజిస్ట్రార్‌పై కూడా ఆరోపణలు రావడంతో విజిలెన్స్‌ అధికారులు విచారణ చేపట్టి నివేదిక ప్రభుత్వానికి సమర్పించారు. వీరిపైన కూడా చర్యలు చేపట్టాలని ఆదేశిస్తూ ఆ విజిలెన్స్‌ నివేదికను ప్రభుత్వం యూనివర్సిటీ అధికారులకు పంపిన విషయం విధితమే. వీరిపైన కూడా చర్యలపై చర్చించేందుకు పాలకమండలి సమావేశంలో ఎజెండాగా పెట్టారు. ఎలాంటి చర్యలు చేపడతారనేది క్యాంపస్‌లో చర్చనీయాంశంగా మారింది. పలు ఆరోపణలతో కొంతకాలం క్రితమే ఆ అసిస్టెంట్‌ రిజిస్ట్రార్‌ను సస్పెండ్‌ చేసిన విషయం విధితమే. రెండేళ్లుగా సస్పెన్షన్‌లో ఉన్న సదరు అసిస్టెంట్‌ రిజిస్ట్రార్‌పై విజిలెన్స్‌ నివేదిక ఆధారంగా ఎలాంటి చర్యలు తీసుకుంటారనే చర్చ సాగుతుంది. నేడు కేయూ పాలకమండలి సమావేశం ఇద్దరు మాజీ వీసీలు, మాజీ రిజిస్ట్రార్లు, అసిస్టెంట్‌ రిజిస్ట్రార్‌పై పలు ఆరోపణలు ఇప్పటికే విజిలెన్స్‌ నివేదికలు సిద్ధం.. ఎలాంటి చర్యలు చేపట్టనున్నారనేది ఆసక్తి.. ఆ అసిస్టెంట్‌ ప్రొఫెసర్లకు పదోన్నతులా ?

వరంగల్‌ నగరాభివృద్ధిలోని ఐదు ప్రాజెక్టులకు నిధుల వెల్లువసాక్షి, వరంగల్‌: కాకతీయుల చారిత్రక వైభవాన్ని చాటే వరంగల్‌ నగరానికి ఆధునిక హంగులు అద్దేందుకు నిధులు కేటాయించారు. ఖిలా వరంగల్‌ కోటలో ఇన్నర్‌, మిడిల్‌ మోటు, వరంగల్‌ ఇంటిగ్రేటెడ్‌ బస్‌ టెర్మినల్‌, కమర్షియల్‌ కాంప్లెక్స్‌, కాకతీయ మ్యూజికల్‌ గార్డెన్‌, హనుమకొండలో సెంట్రల్‌ ప్లాజా, వేయి స్తంభాల ఆలయ పరిసరాల్లో పార్కింగ్‌, లైటింగ్‌, గ్రీనరీకి కలిపి రూ.382 కోట్లను కాకతీయ అర్బన్‌ డెవలప్‌మెంట్‌ అథారిటీ (కుడా)కి రాష్ట్ర ప్రభుత్వం కేటాయించింది. ఈ నిధులు ప్రపంచబ్యాంకు నుంచి రుణంగా తీసుకుంది. ఇప్పటికే వరంగల్‌ బస్‌ టెర్మినల్‌ పనులు ప్రారంభమవ్వగా, ఇతర ప్రాజెక్టులకు రెండు నుంచి మూడు నెలల్లో టెండర్లు పిలిచి అప్పటినుంచి మూడేళ్లలోపు పూర్తి చేయాలని అధికారులు భావిస్తున్నారు. స్పీడందుకోనున్న ‘బస్‌ టెర్మినల్‌’ వరంగల్‌ నగరంలో ఆధునిక బస్‌ టెర్మినల్‌ నిర్మాణ పనులకు నిధుల కొరత అడ్డంకిగా మారింది. గత రెండేళ్లుగా పనులు మందకొడిగా సాగుతున్న నేపథ్యంలో అర్బన్‌ ఛాలెంజ్‌ ఫండ్‌ (యూసీఎఫ్‌) ద్వారా సుమారు రూ.125 కోట్లు రావడంతో ఈ పనులు స్పీడందుకోనున్నాయి. రెండు బేస్‌మెంట్‌ ఫ్లోర్లతో పాటు బస్‌ టెర్మినల్‌ నిర్మాణాన్ని 2027, ఆగస్టు నాటికి పూర్తి చేస్తామని ‘కుడా’ అధికారులు అంటున్నారు. ఆ తర్వాత ఐదు అంతస్తుల కమర్షియల్‌ భవన నిర్మాణాన్ని వేగవంతం చేసి అందుబాటులోకి తీసుకురానున్నారు. మ్యూజికల్‌ గార్డెన్‌ సుందరీకరణ.. వరంగల్‌లోని కాకతీయ మ్యూజికల్‌ గార్డెన్‌ను పర్యాటకులను మరింత ఆకట్టుకునేలా తీర్చిదిద్దేందుకు రూ.9 కోట్లు తాజాగా కేటాయించడంతో సందర్శకులకు అవసరమైన సౌకర్యాలు కల్పించడంతోపాటు పరిసరాలను సుందరీకరించడం, పచ్చదనాన్ని పెంచడం, నాలాల అభివృద్ధి వంటి పనులకు అధికారులు టెండర్లు పిలవనున్నారు. కింద పార్కింగ్‌.. పైన లీజర్‌ ప్లేస్‌ ప్రధాన వాణిజ్య కేంద్రంగా బాసిల్లుతున్న హనుమకొండ చౌరస్తాలో వాహనాల పార్కింగ్‌ పెద్ద సమస్యగా మారింది. ఎక్కడపడితే అక్కడ పార్కింగ్‌తో ట్రాఫిక్‌ జామ్‌ కావడంతో పాటు రోడ్డు ప్రమాదాలు జరుగుతున్న సందర్భాలు ఉన్నాయి. పాత బల్దియా కార్యాలయ స్థలంలో రీడెవలప్‌మెంట్‌ ఆఫ్‌ సెంట్రల్‌ ప్లాజా పేరుతో ఒక ఫ్లోర్‌ వాహనాల పార్కింగ్‌కు, ఆపైనా అంతస్తులో అక్కడకు వచ్చేవారు సేద తీరేందుకు ‘లీజర్‌ ప్లేస్‌’గా అభివృద్ధి చేసేందుకు ఇప్పటికే ప్రతిపాదనలు రూపొందించిన కుడా అధికారులు త్వరలోనే టెండర్లు పిలవనున్నారు. ● వేయిస్తంభాల ఆలయం వద్ద పార్కింగ్‌, లైటింగ్‌, పచ్చదనం పెంపునకు రూ.20 కోట్లు కేటాయించారు. ఆలయానికి వచ్చే భక్తులు, పర్యాటకులకు మెరుగైన వసతులు కల్పించడం, రద్దీ సమయంలో వాహనాల నిర్వహణ సులభతరం కానుంది. మొత్తం రూ.382 కోట్లు కేటాయింపు ప్రపంచ బ్యాంకునుంచి రుణంగా తీసుకున్న రాష్ట్ర ప్రభుత్వం ఈ నిధులతో హనుమకొండ కోర్‌ ఏరియా, ఖిలా వరంగల్‌ అభివృద్ధి 2027 ఆగస్టుకి బస్‌ టెర్మినల్‌ పూర్తి.. ఆపై ఐదంతస్తుల వాణిజ్య సముదాయం కాకతీయుల వైభవానికి కొత్త సొబగులు మూడేళ్లలోపు పూర్తికి కసరత్తుకాకతీయుల కాలంలో వరంగల్‌ కోట రక్షణ వ్యవస్థలో కీలకంగా నిలిచిన మోటును పర్యాటక ఆకర్షణగా తీర్చిదిద్దేందుకు ‘కుడా’ప్రణాళికలు రూ పొందించింది. ఖిలా వరంగల్‌ కోటలో ఇన్నర్‌, మిడిల్‌ మోటు అభివృద్ధి ప్రాజెక్టులకు కలిపి రాష్ట్ర ప్రభుత్వం రూ.209 కోట్లు కేటాయించింది. ఈ ప్రాజెక్టు అమలులో భాగంగా ఇప్పటికే ప్రయోగాత్మకంగా నార్త్‌ గేట్‌ నుంచి 300 మీటర్ల మేర రూ.2 కోట్లతో టెండర్‌ పనులు జరుగుతున్నాయి. దాదాపు ఇవీ సాధ్యమైనంత తొందర్లోనే పూర్తవుతాయని అధికారులంటున్నారు. తాజా ప్రతిపాదనలతో ఖిలా వరంగల్‌ కోట రాతి ప్రాకారం వెంట సుమారు నాలుగు కిలోమీటర్ల మేర ఇన్నర్‌ మోటు అభివృద్ధి పనులు చేపట్టనున్నారు. ఇందులో బోటింగ్‌ సదుపాయం, సైక్లింగ్‌, వాకింగ్‌ ట్రాక్‌లు, వంతెనలు, గ్రీనరీ, లైటింగ్‌ వంటి వసతులు కల్పించనున్నారు. ప్రాజెక్టుకు అవసరమైన భూమిలో భాగంగా సుమారు 40 నుంచి 50 ఎకరాల ప్రైవేట్‌ భూమిని సేకరించాల్సి ఉంటుందని అధికారులు చెబుతున్నారు. ఖిలా వరంగల్‌ మధ్యకోట ప్రాంతాన్ని కలుపుతూ సుమారు ఎని మిది కిలోమీటర్ల పరిధిలో మిడిల్‌ మోటు ప్రాజెక్టును కొత్తగా డిజైన్‌ చేశారు. ఇందులో భాగంగా ఖుష్‌మహల్‌, ఏకశిలాగుట్ట, గుండు చెరువు, కీర్తి తోరణాలు, శృంగారపు బావి వంటి చారిత్రక, పర్యాటక ప్రదేశాలను పునరుద్ధరించనున్నారు. నయీంనగర్‌: వరంగల్‌ నగరాన్ని అభివృద్ధి చేస్తానని సీఎం రేవంత్‌ రెడ్డి ఇచ్చిన హామీ మేరకు నగర అభివృద్ధికి రూ.382 కోట్ల అంచనా వ్యయంతో ఐదు కీలక ప్రాజెక్టులకు రాష్ట్ర ప్రభుత్వం పరిపాలనా అనుమతులు మంజూరు చేయడంపై ‘కుడా’ చైర్‌పర్సన్‌ గుండు సుధారాణి హర్షం వ్యక్తం చేశారు. ఈసందర్భంగా హైదరాబాద్‌లో శుక్రవారం సీఎం రేవంత్‌ను కలిసి వరంగల్‌ ప్రజల తరఫున కృతజ్ఞతలు తెలిపారు. ఈ ఐదు ప్రాజెక్టులతో నగర పర్యాటక రంగం అభివృద్ధితోపాటు వాణిజ్య కార్యకలాపాలు, స్థానిక ఉపాధి అవకాశాలకు మరింత ఊతం లభిస్తుందని ఆశాభావం వ్యక్తం చేశారు.ఖిలా వరంగల్‌ కోటలో ఇన్నర్‌, మిడిల్‌ మోటు ప్రాజెక్టు : రూ.209 కోట్లు వరంగల్‌ ఇంటిగ్రేటెడ్‌ బస్‌ టెర్మినల్‌, కమర్షియల్‌ కాంప్లెక్స్‌ : రూ.125 కోట్లు మ్యూజికల్‌ గార్డెన్‌ : రూ.9 కోట్లు సెంట్రల్‌ ప్లాజా : రూ.19 కోట్లు వేయిస్తంభాల ఆలయ పరిసరాల్లో పార్కింగ్‌, లైటింగ్‌, గ్రీనరీ : రూ.20 కోట్లు

హన్మకొండ: ప్రయాణికుల రద్దీ మేరకు బస్సులు సమకూరుస్తామని ఆర్టీసీ కరీంనగర్‌ జోన్‌ ఈడీ సోలమన్‌ తెలిపారు. శుక్రవారం వరంగల్‌ రీజియన్‌ పర్యటనకు వచ్చిన ఆయన హనుమకొండ జిల్లా బస్‌ స్టేషన్‌ను పరిశీలించారు. ప్రయాణికులకు అందుతున్న సేవలను తె లుసుకున్నారు. సద్దుల బతుకమ్మ, దసరా పండుగకు వచ్చిన ప్రజలు తిరుగు ప్రయాణం, బస్సులు సమకూర్చడాన్ని పర్యవేక్షించారు. ఈనెల 25న (ఆదివారం), 26 (సోమవారం) న ప్రయాణికుల రద్దీ ఎక్కువగా ఉండే అవకాశముందని తెలిపారు. ఈ మేరకు అవసరమైన బస్సులు సమకూర్చాలని స్థానిక అధికారులకు ఆదేశాలు జారీ చేశారు. ఆయనవెంట వరంగల్‌ ఆర్‌ఎం ఎస్‌.భవానీప్రసాద్‌, డిప్యూటీ ఆర్‌ఎం శ్రీహర్ష, డిపో మేనేజర్లు పుప్పాల అర్పిత, రవిచంద్ర ఉన్నారు. కాశిబుగ్గ: దేశాయిపేటలోని సీకేఎం ఆర్ట్స్‌ అండ్‌ సైన్స్‌ డిగ్రీ కళాశాలలో పనిచేస్తున్న ఓ అధ్యాపకుడిపై వచ్చిన ఆరోపణలపై తాజాగా శుక్రవారం విచారణ జరిగినట్లు తెలుస్తోంది. గత నెలలో సదరు అధ్యాపకుడు విద్యార్థినిలపై వ్యవహరించిన తీరుపై కలెక్టర్‌కు ఫిర్యాదు రావడంతో ప్రాథమికంగా విచారణ జరిపిన విషయం తెలిసిందే. ఈ విచారణ రిపోర్టు ఽఆధారంగా ఆ ఽఅధ్యాపకుడిని సీకేఎం కళాశాల నుంచి భద్రాచలం డిగ్రీ కళాశాలకు బదిలీ చేశారు. ఇదే క్రమంలో రెండోసారి విచారణలో భాగంగా శుక్రవారం కమిషనర్‌ ఆఫ్‌ కాలేజ్‌ ఎట్‌ ఎడ్యుకేషన్‌ నుంచి విచారణ కమిటీ బృందం సభ్యులు వచ్చినట్లు సమాచారం. వీరు గత నెలలో జరిగిన ఘటనపై ప్రిన్సిపాల్‌తో పాటు సిబ్బందిని, విద్యార్థినులను, ఆరోపణలు ఎదుర్కొంటున్న అధ్యాపకుడిని విచారించినట్లు తెలుస్తోంది. కాగా, ఈ విచారణ కమిటీ బృందం సభ్యులు రిపోర్టును ఉన్నతాధికారులకు అందజేయనున్నారు. కేయూ క్యాంపస్‌: కేయూ ఇంజనీరింగ్‌ విభాగాల డీన్‌గా ఇంజనీరింగ్‌ కళాశాల ప్రొఫెసర్‌ కె.కిశోర్‌ నియమితులయ్యారు. ఇటీవల కేయూ రిజిస్ట్రార్‌ రామచంద్రం ఉత్తర్వులు జారీ చేయగా.. కిశోర్‌ బాధ్యతలు స్వీకరించారు. ఇప్పటివరకు డీన్‌గా విధులు నిర్వర్తించిన ఇంజనీరింగ్‌ కళాశాల ప్రిన్సిపాల్‌ ఆచార్య రమణ నుంచి ఆయన బాధ్యతలు స్వీకరించారు. రెండేళ్లపాటు బాధ్యతలు నిర్వర్తించనున్నారు. కేయూ క్యాంపస్‌: వెహికిల్‌ అలవెన్స్‌కు అనుమతిస్తూ ఈ ఏడాది ఆగస్టు 21న కేయూ రిజిస్ట్రార్‌ ఉత్తర్వులు జారీ చేశారు. కానీ, కేయూ బాయ్స్‌ హాస్టళ్ల డైరెక్టర్‌ ప్రొఫెసర్‌ డాక్టర్‌ శ్రీనివాస్‌ ఫిబ్రవరి 17 నుంచి (జాయిన్‌ అయినప్పటి నుంచి) బిల్లు పెట్టుకున్నారు. ఆడిట్‌లో పాస్‌ చేయడంతో ఆయన నెలకు రూ.6 వేల చొప్పున 7 నెలలకు మొత్తం రూ.42 వేలు పొందారు. వర్సిటీలోని ఆడిట్‌ ఆఫీస్‌లో అధికారులు రిజిస్ట్రార్‌ జారీ చేసిన ఉత్తర్వులు ఆగస్టు 21 నుంచి అని ఉన్నప్పటికీ దాన్ని సరిగ్గా పరిశీలించకుండానే ఆడిట్‌ అధికారులు బిల్లును పాస్‌ చేశారు. అనంతరం మహిళా హాస్టళ్ల డైరెక్టర్‌ అసోసియేట్‌ ప్రొఫెసర్‌ డాక్టర్‌ సుమలత వెహికల్‌ అలెవెన్స్‌ బిల్లును ఆడిట్‌ ఆఫీస్‌లో అందించారు. రిజిస్ట్రార్‌ ఆర్డర్‌ను పరిశీలించిన ఆడిట్‌ ఆఫీస్‌ సిబ్బంది ఆగస్టు 21 నుంచే వెహికల్‌ అలెవెన్స్‌గా బిల్లు పెట్టుకోవాలని సూచించి సుమలత బిల్లును పాస్‌ చేయకుండా నిలిపేశారు. కాగా, ఇప్పటికే బిల్లు పొందిన బాయ్స్‌ హాస్టళ్ల డైరెక్టర్‌ శ్రీనివాస్‌తో మాట్లాడి ఆగస్టు 21 నుంచే అలవెన్స్‌ తీసుకోవాలని, అదనంగా పొందిన డబ్బులు వెనక్కి ఇవ్వాలని కోరినట్లు సమాచారం. ఈవిషయంపై ‘సాక్షి’ కేయూ రిజిస్ట్రార్‌ రామచంద్రంను వివరణ కోరగా.. తాను ఉత్తర్వులు జారీ చేసినప్పటి నుంచే అలవెన్స్‌ వర్తిస్తుందని, డైరెక్టర్‌ శ్రీనివాస్‌ డబ్బులు వెనక్కి చెల్లించేలా చర్యలు తీసుకుంటామని తెలిపారు. ఖిలా వరంగల్‌: వరంగల్‌ ఏనుమాముల వ్యవసాయ మార్కెట్‌ యార్డుకు శుక్రవారం పత్తి పోటెత్తింది. ఒకేరోజు 1,846 బస్తాలు రాగా, గరిష్టంగా క్వింటాలుకు రూ.9,010 ధర పలికింది. ఈ స్థాయిలో పత్తి రావడం సీజన్‌లో ఇదే మొదటిసారని మార్కెట్‌ చైర్‌పర్సన్‌ ఎర్ర ప్రియాంక, కార్యదర్శి శ్రీనివాస్‌ తెలిపారు.

కాశిబుగ్గ: వరంగల్‌ కొత్తవాడలోని పలు చేనేత సహకార సంఘాల్లో నేత ఉత్పత్తులు పేరుకుపోతున్నాయి. మూడు నెలలనుంచి కొనుగోళ్లు లేకపోవడంతో రోజురోజుకూ నిల్వలు పెరిగిపోతున్నాయి. ఇప్పటికే ఆయా సంఘాల్లో రెండు లక్షల చొప్పున బెడ్‌షీట్లు, కార్పెట్లు తయారు చేసి సిద్ధంగా ఉంచారు. ఎంతో కష్టపడి తయారు చేసిన ఉత్పత్తులకు సకాలంలో ఖరీదులు లేకపోవడంతో చేతినిండా పని లేకుండా పోతోందని నేత కార్మికులు వాపోతున్నారు. గతంలో చేనేత కార్మికులు తమ సమస్యల పరిష్కారంలో భాగంగా టెండర్‌ కొనుగోలు విధా నం రద్దు చేయాలని కోరుతూ ఆందోళన చేశారు. ఆ సమయంలో సంబంధిత అధికారులు మూడు లక్షల వరకు ఉత్పత్తులను కొనుగోలు చేసి.. మిగతా వాటిని కూడా టెస్కో ద్వారా ఖరీదు చేస్తామని హామీ ఇచ్చారు. దీంతో కార్మికులు ఆందోళన విరమించి, గత ఆగస్టు నుంచి తిరిగి నేత ఉత్పత్తులు తయారు చేస్తున్నారు. అయితే ఉత్పత్తుల కొనుగోలుకు టెస్కో ద్వారా అధికారులు గ్రీన్‌ సిగ్నల్‌ ఇవ్వడంలేదని వాపోతున్నారు. టెండర్‌ విధానంతో నేత ఉత్పత్తులకు ఇక్కట్లు.. ప్రభుత్వం టెండర్‌ విధానం అమలు చేయడం వల్ల నేత ఉత్పత్తులకు ఇక్కట్లు ఎదురవుతున్నాయి. దీనిపై పలు సంఘాల ప్రతినిధులు హైకోర్టుకు కూడా వెళ్లారు. నేత కార్మికులకు ఉపాధి కల్పించేలా విధానం ఉండాలని, అన్యాయం చేయకుండా వారిని ఆదుకోవాలని హైకోర్టు తీర్పునిచ్చింది. అలాగే జీఓ నంబర్‌ –1 ప్రకారం టెస్కో ద్వారా చేనేత ఉత్పత్తులు కొనుగోలు చేయాలని ఉన్నా టెండర్‌ విధానానికి వెళ్లడంతో కార్మికులు గతంలో ఆందోళన చేపట్టారు. గతంలో మాదిరిగానే టెస్కో ద్వారా కొనుగోళ్లు చేపట్టి సంఘాల్లో స్టాక్‌ పేరుకుపోకుండా చూడాలని కోరుతున్నారు. దీనిపై పలుమార్లు చేనేత సంఘాల ప్రతినిధులు ఉన్నతాధికారుల దృష్టికి తీసుకెళ్లినప్పుడు, టెస్కో ద్వారా కొనుగోళ్లు చేయిస్తామని హామీ ఇచ్చినట్లు చెబుతున్నారు. చేనేత జౌళిశాఖ కమిషనర్‌ సవ్యసాచి ఘోష్‌ను కలిసినప్పుడు నేత ఉత్పత్తులను ఖరీదు చేస్తామని చెప్పారని వారు పేర్కొన్నారు. నేత సంఘాల్లో కుప్పలుగా వస్త్రాలు మూడు నెలలుగా కొనుగోళ్లు బంద్‌ టెస్కో ద్వారానే బెడ్‌షీట్లు, కార్పెట్లు కొనుగోలు చేయాలి చేనేత కార్మికుల డిమాండ్‌

హన్మకొండ: రాష్ట్ర సాంఘిక సంక్షేమ శాఖ మంత్రి అడ్లూరి లక్ష్మణ్‌ కుమార్‌ను శుక్రవారం ఎమ్మార్పీఎస్‌ వ్యవస్థాపక అధ్యక్షుడు మంద కృష్ణ మాదిగ ఆధ్వర్యంలో తెలంగాణ ఎస్సీ, ఎస్టీ ఎలక్ట్రిసిటీ ఎంప్లాయీస్‌ వెల్ఫేర్‌ అసోసియేషన్‌ రాష్ట్ర అధ్యక్షుడు, మాజీ ఎమ్మెల్యే ఆరెపల్లి మోహన్‌, సెక్రటరీ జనరల్‌ బక్క దానయ్య, అసోసియేషన్‌ నాయకులు కలిశారు. విద్యుత్‌ ఎ స్సీ, ఎస్టీ ఉద్యోగుల సమస్యలు వివరించి పరి ష్కరించాలని కోరుతూ వినతిపత్రం సమర్పించారు. దీనిపై మంత్రి సానుకూలంగా స్పందించి టీజీ ఎన్పీడీసీఎల్‌ సీఎండీతో స్వయంగా మా ట్లాడారు. విద్యుత్‌ సంస్థల సీఎండీలు అందరి తోపాటు ఇంధన శాఖ ప్రిన్సిపల్‌ సెక్రటరీ, సా ధారణ పరిపాలనా శాఖ ప్రత్యేక ప్రధాన కార్యదర్శితో సమావేశం ఏర్పాటు చేసి, ఈ సమస్య ను త్వరితగతిన పరిష్కరించేందుకు చర్యలు తీ సుకుంటామని మంత్రి హామీ ఇచ్చారని ఆరెపల్లి మోహన్‌, బక్క దానయ్య తెలిపారు. కార్యక్రమ ంలో అసోసియేషన్‌ బాధ్యులు అరెపల్లి శ్రీని వాస్‌, కె.ఉపేందర్‌, దయానంద్‌ పాల్గొన్నారు.

● టీఎన్జీవోస్‌ కేంద్ర సంఘంహన్మకొండ అర్బన్‌ : ఉమ్మడి వరంగల్‌ జిల్లాలో ఉద్యోగులను వేధింపులకు గురిచేస్తున్న అధికారులపై తగిన చర్యలు తీసుకోవాలని టీఎన్జీవోస్‌ యూనియన్‌ నేతలు డిమాండ్‌ చేశారు. కొంతమంది అధికారులు కలెక్టర్ల పేర్లు చెబుతూ ఉద్యోగులను అభద్రతాభావానికి గురిచేస్తూ, అవమానపరుస్తూ, భ యభ్రాంతులకు గురిచేస్తున్నారని పలువురు జిల్లా నాయకులు కేంద్ర సంఘం దృష్టికి తీసుకెళ్లారు. ఈ మేరకు ఉమ్మడి వరంగల్‌ జిల్లాకు చెందిన టీఎన్జీవోస్‌ నేతలు నాంపల్లిలోని కేంద్ర కార్యాలయంలో రాష్ట్ర అధ్యక్షుడు మారం జగదీశ్వర్‌, ప్రధాన కార్యదర్శి డాక్టర్‌ ముజీబ్‌ హుస్సేనీని కలిసి సమస్యలను వివరించారు. ఉద్యోగులను వేధిస్తున్న అధికా రులపై చర్యలు తీసుకునేలా ముఖ్యమంత్రి, ప్రభుత్వ దృష్టికి ఈ అంశాన్ని తీసుకెళ్లాలని కోరారు. ఈ సందర్భంగా కేంద్ర సంఘం అధ్యక్షుడు మారం జగదీశ్వర్‌, ప్రధాన కార్యదర్శి డాక్టర్‌ ముజీబ్‌ హుస్సేనీ మాట్లాడుతూ.. సమస్యను సీఎం, సీఎస్‌ దృష్టికి తీసుకెళ్తామని అన్నారు. అనంతరం కేంద్ర సంఘం నాయకులను శాలువాలతో సన్మానించి దసరా శుభా కాంక్షలు తెలిపారు. కార్యక్రమంలో హనుమకొండ, వరంగల్‌, జనగామ, ములుగు జిల్లాల అధ్యక్షులు ఆకుల రాజేందర్‌, గాజె వేణుగోపాల్‌, ఖాజా షరీఫ్‌, పోలురాజుతో పాటు ఆయా జిల్లాల కార్యదర్శులు, ఉమ్మడి వరంగల్‌ జిల్లా నేతలు శ్యాంసుందర్‌, బైరి సోమయ్య, శ్రీనివాస్‌, నాగరాజు, ప్రభాకర్‌రావు, హఫీజ్‌ పాల్గొన్నారు.

వెంకటాపురం (ఎం): సేవాంకుర్‌ భారత్‌ ఆధ్వర్యంలో నిర్వహిస్తున్న ‘దేశం కోసం – మూడు రోజులు’ కార్యక్రమంలో భాగంగా తెలంగాణలోని 16 వైద్య కళాశాలలకు చెందిన 120 మంది జూనియర్‌ డాక్ట ర్లు శుక్రవారం పాలంపేటలోని ప్రపంచ వారసత్వ సంపద రామప్ప దేవాలయాన్ని సందర్శించారు. ములుగు జిల్లాలోని తాడ్వాయి మండల పరిధిలో ఎనిమిది ఆదివాసీ గ్రామాల్లో వైద్య శిబిరాలు నిర్వహించేందుకు వచ్చిన వైద్య విద్యార్థులు, వైద్యుల బృందం ఆలయంలో ప్రత్యేక పూజలు నిర్వహించింది. అర్చకులు హరీశ్‌శర్మ, ఉమాశంకర్‌ తీర్థప్రసాదాలు అందజేశారు. టూరిజం గైడ్‌ గోరంట్ల విజయ్‌కుమార్‌, స్టేట్‌ గైడ్‌ శశి కాకతీయుల చరిత్ర, ఆలయ శిల్పకళా వైభవం, నిర్మాణ విశేషాలను వివరించారు. అనంతరం రామప్ప చెరువును సందర్శించి బోటింగ్‌ చేశారు. కార్యక్రమంలో లయన్స్‌ క్లబ్‌ సభ్యుడు పింగళి నాగరాజు, ఆలయ ఈ ఇమ్మడి భాస్కర్‌, ఎన్‌ఎస్‌ఎస్‌ సభ్యులు తాళ్ల సమ్మయ్య, బోడ మహేందర్‌, టూరిస్ట్‌ పోలీసులు శ్రీనివాస్‌, దశరథ్‌, శ్రీకాంత్‌ పాల్గొన్నారు.

హన్మకొండ అర్బన్‌: పట్టణ ప్రజలకు పైపుల ద్వారా వంట గ్యాస్‌ సరఫరా చేసేందుకు అవసరమైన అనుమతులను సంబంధిత శాఖల అధికారులు త్వరగా మంజూరు చేయాలని హనుమకొండ కలెక్టర్‌ చాహత్‌ బాజ్‌పాయ్‌ ఆదేశించారు. శుక్రవారం కలెక్టరేట్‌లో మేఘా సిటీ గ్యాస్‌ డిస్ట్రిబ్యూషన్‌ కంపెనీ, ఇండియన్‌ ఆయిల్‌ కార్పొరేషన్‌, హిందుస్థాన్‌ పెట్రోలియం సంస్థల ప్రతినిధులు, వివిధ శాఖల అధికారులతో కలెక్టర్‌ సమీక్ష నిర్వహించారు. పట్టణంలో భూగర్భ గ్యాస్‌ పైప్‌లైన్ల నిర్మాణం, గ్యాస్‌ సరఫరా, వివిధ శాఖల నుంచి రావాల్సిన అనుమతులపై సమీక్షించారు. సమావేశంలో అదనపు కలెక్టర్‌ ఎన్‌.రవి, వివిధ శాఖల అధికారులు మహేందర్‌, నవీన్‌ కుమార్‌, నరసింహారావు, లింగయ్య, దేవిక చౌహన్‌, లక్ష్మీ రమాకాంత్‌, గంగారెడ్డి, మేఘా సంస్థ ప్రతినిధులు హరి, ఎస్‌కే రషీద్‌, పెట్రోలియం సంస్థల ప్రతినిధులు పాల్గొన్నారు. పనులు వేగవంతం చేయండి.. హనుమకొండ జిల్లాలో గ్రామ సమాఖ్య భవనాల నిర్మాణ పనులు వేగవంతం చేసి, త్వరగా పూర్తి చేయాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. శుక్రవారం కలెక్టరేట్‌లో వీబీ జీ రాంజీ, స్వచ్ఛ భారత్‌ మిషన్‌, గ్రామ సమాఖ్య భవనాల నిర్మాణ పనుల పురోగతిపై అధికారులతో కలెక్టర్‌ సమీక్ష నిర్వహించారు. ఆయా పథకాల అమలు తీరు, చేపట్టిన పనుల పురోగతి, పారిశుద్ధ్య కార్యక్రమాలు, గ్రామ సమాఖ్య భవనాల నిర్మాణ స్థితిగతులు, అభివృద్ధి పనులకు సంబంధించిన బిల్లుల చెల్లింపులపై సమీక్షించారు. స్థానిక సంస్థల ఇన్‌చార్జ్‌ అదనపు కలెక్టర్‌ బి.శేషాద్రి, డీఆర్డీఓ మేన శ్రీను, డీపీఓ లక్ష్మీ రమాకాంత్‌, జిల్లా పంచాయతీరాజ్‌ శాఖ ఈఈ రాజ్‌గోపాల్‌రావు, అదనపు జిల్లా గ్రామీణాభివృద్ధి అధికారి లక్ష్మీ ప్రసన్న, అధికారులు పాల్గొన్నారు. హనుమకొండ కలెక్టర్‌ చాహత్‌ అధికారులతో సమావేశం

● ఔషధ కంపెనీకి రూ.40 వేల జరిమానా జనగామ : కిడ్నీలో రాళ్లను నయం చేస్తుందని అభ్యంతరకర ప్రకటనతో ఆయుర్వేద ఔషధాన్ని మార్కెట్‌ చేసిన గుజరాత్‌కు చెందిన ఔషధ తయారీ సంస్థతో పాటు ఆ సంస్థ యజమానికి జనగామ న్యాయస్థానం రూ.40 వేల జరిమానా విధించినట్లు జనగామ జిల్లా ఔషధ తనిఖీ అధికారి ఏలే బాలకృష్ణ తెలిపారు. గురువారం ఆయన మాట్లాడుతూ గుజరాత్‌కు చెందిన ధన్వంతరి గుజరాత్‌ హెర్బల్స్‌ సంస్థ 2025లో ‘అరీ’ అనే ఆయుర్వేద ఔషధం కిడ్నీ స్టోన్స్‌ నయం చేస్తుందని ప్రకటన ముద్రించి మా ర్కెట్‌లో విక్రయిస్తున్నట్లు గుర్తించామన్నారు. ఈ వ్యవహారంపై 2025, జనవరి 27న కేసు నమోదు చేసి విచారణ చేపట్టామన్నారు. అనంతరం జనగామ న్యాయస్థానంలో పిటిషన్‌ దాఖలు చేసినట్లు పేర్కొన్నారు. ఈకేసుపై విచారణ అనంతరం గురువారం వెలువడిన తీర్పులో సదరు ఔషధ తయారీ సంస్థతో పాటు సంస్థ యజమాని బిర్జుబాయ్‌ పటేల్‌కు రూ.40 వేల జరిమానా విధిస్తూ న్యాయస్థానం తీర్పు వెలువరించిందన్నారు.

వరంగల్‌ కలెక్టర్‌ డాక్టర్‌ సత్యశారద న్యూశాయంపేట: రెడ్‌క్రాస్‌ సొసైటీ సేవాదృక్పథంతో పనిచేయాలని వరంగల్‌ కలెక్టర్‌ డాక్టర్‌ సత్యశారద సూచించారు. ఇండియన్‌ రెడ్‌క్రాస్‌ సొసైటీ జిల్లా తొలి మేనేజింగ్‌ కమిటీ సమావేశం గురువారం కలెక్టరేట్‌లో కలెక్టర్‌ అధ్యక్షతన నిర్వహించారు. ఈసందర్భంగా కలెక్టర్‌ మాట్లాడుతూ సామాజిక, సంక్షేమ కార్యక్రమాలను విస్తృతంగా నిర్వహించాలని, మానవత్వానికి మరో రూపం రెడ్‌క్రాస్‌ సొసైటీ అన్నారు. రెడ్‌క్రాస్‌ సొసైటీ చైర్మన్‌ బేతి అశోక్‌బాబు మాట్లాడుతూ వరంగల్‌లో నూతనంగా నిర్మించిన కలెక్టరేట్‌లో ఇండియన్‌ రెడ్‌క్రాస్‌ సొసైటీ జిల్లా కార్యాలయానికి స్థలం కేటాయించాలని, ఎంజీఎం సూపర్‌ స్పెషాలిటీ ఆస్పత్రి తోపాటు నర్సంపేట, వర్ధన్నపేట ప్రాంతాల్లో జనరిక్‌ మెడికల్‌ స్టోర్ల ఏర్పాటుకు అనుమతులు మంజూరు చేసి, అవసరమైన స్థలాన్ని కేటాయించాలని కలెక్టర్‌ను కోరగా.. అందుకు ఆమె సానుకూలంగా స్పందించారు. మేనేజింగ్‌ కమిటీ నిర్ణయం మేరకు ఈవీ శ్రీనివాస్‌రావును ఇండియన్‌ రెడ్‌క్రాస్‌ సొసైటీ జిల్లా సలహాదారుగా ఏకగ్రీవంగా ఎంపిక చేశారు. సమావేశంలో చైర్మన్‌ బేతి అశోక్‌బాబు, వైస్‌ చైర్మన్‌ శానబోయిన రాజ్‌కుమార్‌, రాష్ట్ర పాలకమండలి సభ్యులు నాడెం శాంతికుమార్‌, కోశాధికారి బొల్లం శివ, జిల్లా పాలకమండలి సభ్యులు మండల పరశురాములు, సంపత్‌ కుమార్‌, చొప్పరి సోమయ్య, కుసుమ సత్యనారాయణ, రమేశ్‌బాబు, మోతె తిరుపతిరెడ్డి, డాక్టర్‌ గజవెల్లి రాజ్‌కుమార్‌, ముల్క ప్రసాద్‌, వడ్డె రాజు తదితరులు పాల్గొన్నారు. ఎల్‌నినోపై అప్రమత్తంగా ఉండాలి.. ఎల్‌నినోపై అప్రమత్తంగా ఉండాలని కలెక్టర్‌ సత్యశారద సూచించారు. కలెక్టరేట్‌ నుంచి జిల్లా అధికారులు, ఎంపీడీఓలు, తహసీల్దార్లు, వివిధ శాఖల అధికారులతో వీడియో కాన్ఫరెన్స్‌ ద్వారా సమీక్ష నిర్వహించారు. అదనపు కలెక్టర్లు ఎల్‌.కిశోర్‌కుమార్‌, వైవీ గణేశ్‌, డీఆర్‌ఓ విజయలక్ష్మి తదితర అధికారులు పాల్గొన్నారు. ఈహెచ్‌ఎస్‌ అమలుకు 6 ఆస్పత్రుల అంగీకారం ఈహెచ్‌ఎస్‌ అమలుకు వరంగల్‌ నగరంలోని 6 ఆస్పత్రులు అంగీకారం తెలిపాయి. ఈమేరకు గురువారం కలెక్టరేట్‌లో క్లినికల్‌ ఎస్టాబ్లిష్‌మెంట్స్‌ యాక్ట్‌పై ఐఎంఏ ప్రతినిధులు, ఆస్పత్రుల ప్రతినిధులతో కలెక్టర్‌ సమీక్షించారు. సంరక్ష సూపర్‌ స్పెషాలిటీ, గంగా, క్యూర్‌వెల్‌, సత్య, బా లాజీ, ఎన్‌ఎస్‌ఆర్‌ అపోలో ఆస్పత్రులు అంగీకరించాయి. డీఎంహెచ్‌ఓ రాజారెడ్డి, ఐఎంఏ ప్రతి నిధులు సంపత్‌, రమేశ్‌, నరేశ్‌కుమార్‌, ఆరోగ్యశ్రీ సమన్వయకర్త డాక్టర్‌నిఖిల్‌ స్వరూప్‌, ఎస్‌ఓ ప్రసన్నకుమార్‌ తదితరులు ఉన్నారు. రెవెన్యూ సమస్యలు పరిష్కరించాలి.. రెవెన్యూ సమస్యలు పరిష్కరించాలని కలెక్టర్‌ సత్యశారద అధికారులను ఆదేశించారు. ఆర్డీఓలు, తహసీల్దార్లతో భూ రీసర్వే, భూదాన్‌ భూములు, భూ భారతి, నక్షా, భూ సేకరణ, ఇన్నర్‌ రింగ్‌రోడ్డు, జాతీయ రహదారి(163జీ), మామునూరు విమానాశ్రయం, ఎస్‌ఐఆర్‌, ఎమ్మెల్సీ ఎన్నికలు తదితర అంశాలపై సమీక్షించారు. ఆయా శాఖల పురోగతిని అధికారులను అడిగి తెలుసుకున్నారు.

ఖిలా వరంగల్‌: భూసారాన్ని పరిరక్షణ, సమతుల్య ఎరువుల వినియోగం, తక్కువ పెట్టుబడితో అధిక దిగుబడులు సాధించాలని రాష్ట్ర వ్యవసాయశాఖ మంత్రి తుమ్మల నాగేశ్వరరావు సూచించారు. ఖిలా వరంగల్‌ మండలం బొల్లికుంట గ్రామంలోని రైతు వేదికలో తెలంగాణ వ్యవసాయశాఖ గురువారం రైతు నేస్తం వీడియో కాన్ఫరెన్స్‌ నిర్వహించింది. వీడియో కాన్ఫరెన్స్‌లో రాష్ట్ర వ్యవసాయ ఉత్పత్తి కమిషనర్‌ సురేంద్రమోహన్‌, వ్యవసాయశాఖ కమిషనర్‌ గోపితో కలిసి మంత్రి తుమ్మల నాగేశ్వరరావు రైతులకు పలు సూచనలు చేశారు. ఏనుమాముల మార్కెట్‌ కమిటీ చైర్‌పర్సన్‌ ఎర్ర ప్రియాంక, డీఏఓ విజయభాస్కర్‌, వ్యవసాయాధికారులు, రైతులు వీక్షించారు. ఆత్మ పీడీ విజయ నిర్మల, జిల్లా ఉద్యాన అధికారి శ్రీనివాసరావు, జిల్లా మార్కెటింగ్‌ అధికారి, జిల్లా పశువైద్య, పశుసంవర్థక శాఖ అధికారి, కేవీకే శాస్త్రవేత్త అరుణ జ్యోతి, మండల వ్యవసాయాధికారులు రవీందర్‌, శ్రీనివాస్‌, సొసైటీ చైర్మన్‌ కేడల జనార్దన్‌, భూమాత, ఏఈఓ మనస్విని, రైతులు పాల్గొన్నారు.

అధికారులు ఇలా చేయాలి.. ప్రతీ నల్లా నీటి ప్రవాహాన్ని నియంత్రించే స్టాపర్లను ఏర్పాటు చేసేలా నోటీసులు ఇవ్వాలి. వృథా చేసే వారిని గుర్తించి అవసరమైతే జరిమానాలు విధించి వసూలు చేయాలి. ● పురాతన కాలం నాటి వాల్వ్‌లు, ట్యాంకర్లలోని లోపాలను సరిచేయాలి. ● భవన నిర్మాణం సమయంలో తీసుకుంటున్న ఫీజుకు వెంటనే ఇంకుడుగుంతలను నిర్మించాలి. దీనివల్ల వృథా నీరు ఆ గుంతల్లోకి వెళ్లి భూగర్భజలాలు పెరుగుతాయి. ● పైప్‌లైన్లు, గేట్‌వాల్వ్‌ల లీకేజీల గుర్తింపునకు ప్రత్యేక వ్యవస్థ ఏర్పాటుచేయాలి. తెలిసిన వెంటనే అరికట్టాలి. ● తాగునీటి నిల్వల కోసం ప్రత్యామ్నాయ మార్గాలను అన్వేషించాలి. వరంగల్‌ అర్బన్‌ : స్నానాల గదిలో.. వంటశాలలో నల్లా సరిగ్గా ఆపేశామా లేదా? అనేది చాలామంది పట్టించుకోరు. ఒక్కో చుక్క నీరుకారుతున్నా.. ఏం కాదులే అని వదిలేస్తారు. ఒక్క చుక్కే కదా అని అనుకోవచ్చు. దీని వల్ల జరిగే నీటి వృథా లెక్క చివరికి భారీగా ఉంటుంది. ఒక సెకనుకు ఒక బొట్టు చొప్పున ..గంటకు 1.37 లీటర్లు వృథా.. అదే రో జంతటికీ 32.91 లీటర్లు. ఏడాదికి 12,015 లీటర్లు. అంటే 2,700 గ్యాలన్లు అన్నమాట. ఈ ఒక్క లెక్క చాలు. నీటి వృథా ఎంత మేర జరుగుతుందో చెప్పడానికి. ఇప్పటికే వరంగల్‌ మహా నగరంలో భూగర్భ జలాలు అడుగంటిపోతున్నాయి. ఒకవైపు పైప్‌లైన్లు, గేట్‌వాల్వ్‌ల దగ్గర లీకేజీలు, కేబుళ్ల కోసం రోడ్డును తవ్విన సమయంలో పైప్‌లైన్ల ధ్వంసం.. ఇలా పలు విధాలుగా నీరు వృథాగా డ్రెయినేజీల్లో కలిసిపోతోంది. చిన్న చిన్న జాగ్రత్తలు తీసుకోవడం వల్ల మనకు తెలియకుండానే ఎంతో విలువైన జలాలను పొదుపు చేయవచ్చు. పొంచి ఉన్న నీటిముప్పు వరంగల్‌ మహా నగరానికి తాగునీటి ముప్పు పొంచి ఉంది. ప్రస్తుతం నగరానికి ప్రధాన జలాశయమైన ధర్మసాగర్‌లో 110 రోజులకు సరిపడా నీటి నిల్వలు ఉన్నాయి. మరో నెల రోజులపాటు దేవాదుల ప్రాజెక్టునుంచి రెండు పైప్‌లైన్ల ద్వారా నీటి పంపింగ్‌ జరుగుతుందని ఇరిగేషన్‌ అధికారులు పేర్కొంటున్నారు. కానీ, ఎల్‌నినో ఎఫెక్ట్‌ ఇలానే ఉంటే వచ్చే ఏడాది నీటి ముప్పు తప్పదనే సంకేతాలు ఉన్నాయని ఇంజనీర్లు ఆందోళన వ్యక్తం చేస్తున్నారు. ప్రస్తుతం సరఫరా అవుతున్న నీటిలో 20 శాతం పైప్‌లైన్ల, గేట్‌ వాల్వ్‌ల ద్వారా నీరు లీకేజీ రూపంలో డ్రెయినేజీల్లో కలుస్తోంది. ధర్మసాగర్‌ రిజర్వాయర్‌ 1.50 టీఎంసీలు ఉండగా, ప్రస్తుతం 900 ఎంసీఎఫ్‌టీల నీటి నిల్వలు ఉన్నట్లు అధికారులు చెబుతున్నారు. అందులో 20శ ాతం ఆవిరి, లీకేజీలు 20శాతం పోగా 540 ఎంసీఎఫ్‌టీలు ఉంటాయి. ఈ లెక్కన రోజుకు 6.5 ఎంసీటీపీఎఫ్‌టీలు నీరుగా శుద్ధి చేసి వాడగా 83 రోజులకు మాత్రమే నీరు సరిపోతోంది. మరో రెండు నెలలపాటు దేవా దుల నుంచి పంపింగ్‌ ఉంటుందని, ఈ నేపథ్యంలో మరో ఏప్రిల్‌ వరకు నీటి సమస్య నగరంలో ఉత్పన్నం కాదని ఇంజనీర్లు అంచనా వేస్తున్నారు. పొదుపుగా వాడుకోవాలి.. ఎల్‌నినో ప్రభావం వల్ల దేశవ్యాప్తంగా నీటి ప్రమాద ఘంటికలు మోగుతున్నాయి. భవిష్యత్‌లో కొరత ఉండకుండా చూడాలంటే నీటిని నగర ప్రజలు పొదుపుగా వాడుకోవాలి. అందరూ దీన్ని బాధ్యతగా తీసుకోవాలి. బల్దియాపరంగా నీటి కొరత లేకుండా సమాలోచనలు చేస్తున్నాం. – రాజ్‌కుమార్‌, బల్దియా ఎస్‌ఈ గ్రేటర్‌ పరిధిలో పైప్‌లైన్ల లీకేజీలతో 20 శాతం వృథా వాటిని అరికట్టాలి.. పౌరస్పృహగా అందరూ భాగస్వాములవ్వాలి తాగునీటి నిల్వలు మార్చి నెలాఖరువరకే ఇంకుడుగుంతల సక్రమ నిర్వహణే మార్గం ఎల్‌నినో ఎఫెక్ట్‌ తప్పదంటున్న నిపుణులు

వెంకటాపురం(ఎం): ప్రపంచ వారసత్వ సంపదగా గుర్తింపు పొందిన రామప్పలో నేటి (శుక్రవారం) నుంచి నవంబర్‌ 3వ తేదీ వరకు వరల్డ్‌ హెరిటేజ్‌ వలంటీర్ల క్యాంపు కొనసాగనుంది. కాకతీయ హెరిటేజ్‌ ట్రస్ట్‌, తెలంగాణ పర్యాటక శాఖ, ఇంటాక్‌ ఆధ్వర్యంలో 12 రోజుల పాటు చారిత్రక, పర్యాటక, వారసత్వ కట్టడాల గురించి దేశంలోని 10 రాష్ట్రాలకు చెందిన 35 మంది వలంటీర్లకు అవగాహన కల్పించనున్నారు. 2008లో తొలిసారి.. 2008లో వరల్డ్‌ హెరిటేజ్‌ కార్యక్రమాన్ని యునెస్కో తొలిసారి ప్రారంభించింది. ఈ కార్యక్రమం ద్వారా ప్రపంచ వారసత్వ కట్టడాలపై యువతి, యువకులకు అవగాహన కల్పిస్తారు. రామప్పలో తొలిసారిగా 2023 అక్టోబర్‌లో 12 రోజుల పాటు 40మంది వలంటీర్లకు శిక్షణ ఇచ్చి రామప్ప ఆలయ నిర్మాణం, కాకతీయులు ఇంజనీరింగ్‌ టెక్నాలజీ, సంస్కృతి, కళలు, చరిత్రపై అవగాహన కల్పించారు. దీని ద్వారా ప్రపంచ వ్యాప్తంగా రామప్ప ఆలయం గురించి వలంటీర్లు ప్రచారం నిర్వహించనున్నారు. 35 మంది ఎంపిక చరిత్ర, కళలు, పురావస్తు, ఆర్కిటెక్చర్‌, సివిల్‌, ఇంజనీరింగ్‌ రంగాల్లో అవగాహన ఉన్న దేశంలోని వివిధ రాష్ట్రాలకు చెందిన 18 నుంచి 35 సంవత్సరాలలోపు ఉన్న యువతీయువకులను 35 మందిని ఎంపిక చేశారు. వలంటీర్ల ఎంపిక కోసం పలు రాష్ట్రాల నుంచి 132 దరఖాస్తులు రాగా, విదేశాల నుంచి 23 వచ్చాయి. ఇందులో 10 రాష్ట్రాల నుంచి 35 మందిని, విదేశాలకు చెందిన 5 మందిని ఎంపిక చేసినట్లు వరల్డ్‌ హెరిటేజ్‌ క్యాంపు కోఆర్డినేటర్‌ శ్రీధర్‌ రావు తెలిపారు. నేడు ప్రారంభం.. ములుగు జిల్లా వెంకటాపురం(ఎం) మండలంరామప్ప ఆలయ పరిధిలో వరల్డ్‌ హెరిటేజ్‌ క్యాంపును శుక్రవారం కలెక్టర్‌ హేమంత్‌ సహదేవరావు ప్రారంభించనున్నారు. కాకతీయ హెరిటేజ్‌ ట్రస్ట్‌, భారత పురావస్తు శాఖ, తెలంగాణ పర్యాటక శాఖల నుంచి ఉన్నతాధికారులు హాజరు కానున్నట్లు ఇంటాక్‌ కన్వీనర్‌ పాండురంగారావు, క్యాంపు కోఆర్డినేటర్‌ శ్రీధర్‌ రావు తెలిపారు. రామప్పలో 12రోజుల పాటు వలంటీర్లకు శిక్షణ 10 రాష్ట్రాలకు చెందిన 35 మంది ఎంపిక 22 మంది నిపుణులతో తరగతుల నిర్వహణ

వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియం వేదికగా డిసెంబర్‌లో జరగనున్న జాతీయ స్థాయి ఖేలో ఇండియా అథ్లెటిక్స్‌ పోటీల నిర్వహణకు అవసరమైన ఏర్పాట్లపై స్టేడియాన్ని గురువారం కలెక్టర్‌ చాహత్‌బాజ్‌పాయ్‌ పరిశీలించా రు. క్రీడా ప్రాంగణం, క్రీడాకారులకు కల్పించాల్సిన మౌలిక సదుపాయాలు, ఇతర ఏర్పాట్లపై సంబంధిత అధికారులతో సమీక్షించారు. జాతీయ స్థాయి పోటీలకు హనుమకొండ ఆతిథ్యమివ్వనున్న నేపథ్యంలో ప్రతీ అంశాన్ని ప్రణాళిక ప్రకారం పూర్తి చే యాలని సూచించారు. దేశంలోని వివిధ రాష్ట్రాల నుంచి పెద్ద సంఖ్యలో క్రీడాకారులు, కోచ్‌లు, సహా యక సిబ్బంది హాజరయ్యే అవకాశం ఉందని, వా రికి అవసరమైన అన్ని సౌకర్యాలను ముందుగానే సిద్ధం చేయాలన్నారు. వసతి, పారిశుద్ధ్యం, తాగునీరు, మరుగుదొడ్లు తదితర మౌలిక సదుపాయాల కల్పనపై ప్రత్యేక శ్రద్ధ వహించాలని హనుమకొండ డీవైఎస్‌ఓ ప్రశాంత్‌ను ఆదేశించారు. స్టేడియంలో కొత్తగా నిర్మిస్తున్న మరుగుదొడ్లతోపాటు ఇతర మౌలిక సదుపాయాలకు సంబంధించిన పనులను వేగవంతం చేసి, నిర్ణీత గడువులోగా పూర్తి చేయాలని ఆర్‌అండ్‌బీ అధికారులను ఆదేశించారు. జేఎన్‌ఎస్‌ను పరిశీలించిన కలెక్టర్‌ చాహత్‌ బాజ్‌పాయ్‌

● హనుమకొండ కలెక్టర్‌, ప్రిన్సిపల్‌ సెన్సస్‌ ఆఫీసర్‌ చాహత్‌ బాజ్‌పాయ్‌ వరంగల్‌ అర్బన్‌: జనగణన–27లో భాగంగా చేపట్టనున్న జనాభా గణనను కచ్చితత్వంతో, సమర్థవంతంగా నిర్వహించేందుకు అధికారులు ముందస్తు ప్రణాళికతో సిద్ధం కావాలని కలెక్టర్‌, ప్రిన్సిపల్‌ సెన్సస్‌ ఆఫీసర్‌ చాహత్‌ బాజ్‌పాయ్‌ అన్నారు. గురువారం జీడబ్ల్యూఎంసీ ప్రధాన కార్యాలయంలోని కౌన్సిల్‌ హాల్‌లో జనగణనపై శిక్షణ ఇచ్చారు. ఇందులో హనుమకొండ కలెక్టర్‌, చాహత్‌ బాజ్‌పాయ్‌ మాట్లాడుతూ.. జనగణన మొదటి దశలో హౌస్‌ లిస్టింగ్‌, హౌస్‌ బ్లాకింగ్‌, సంబంధిత డేటా ఎంట్రీ ప్రక్రియలు పూర్తయినట్లు తెలిపారు. శిక్షణలో సందేహాలను నివృత్తి చేసుకుని, ఇబ్బందుల్లేకుండా సమన్వయంతో పనిచేయాలని సూచించారు. అనంతరం హైదరాబాద్‌ జనగణన విభాగ శిక్షకులు సతీశ్‌, ప్రశాంత్‌ జనగణన విధివిధానాలు వివరించారు. కార్యక్రమంలో జీడబ్ల్యూఎంసీ కమిషనర్‌ వెంకన్న, జెడ్పీ సీఈఓ శేషాద్రి, సీపీఓ సత్యనారాయణరెడ్డి, అడిషనల్‌ కమిషనర్‌ జోనా, సీపీ రవీందర్‌ రాడేకర్‌, జిల్లా స్థాయి అధి కారులు, ఆర్డీఓ వెంకటేశ్‌, చార్జ్‌ అధికారులు, అదనపు చార్జ్‌ అధికారులు తదితరులు పాల్గొన్నారు.

హన్మకొండ అర్బన్‌: ఈనెల 24, 26 తేదీల్లో నిర్వహించనున్న తెలంగాణ పబ్లిక్‌ సర్వీస్‌ కమిషన్‌ పరీక్షలను పకడ్బందీగా నిర్వహించాలని హనుమకొండ కలెక్టర్‌ చాహత్‌ బాజ్‌పాయ్‌ అధికారులను ఆదేశించారు. అభ్యర్థులు పరీక్ష కేంద్రాలకు సకాలంలో చేరుకోవాలని కోరారు. గురువారం హనుమకొండ కలెక్టరేట్‌లో వివిధ శాఖల అధికారులు, పరీక్ష కేంద్రాల చీఫ్‌ సూపరింటెండెంట్లు, విభాగాల అధికారులు, తనిఖీ బృందాల అధికారులతో కలెక్టర్‌ సమన్వయ సమావేశం నిర్వహించారు. ఈనెల 24న అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2), 26న కాలుష్య నియంత్రణ మండలిలో అసిస్టెంట్‌ ఎన్విరాన్‌మెంటల్‌ ఇంజనీర్ల నియామక పరీక్షల నిర్వహణపై సమీక్షించారు. ఈసందర్భంగా కలెక్టర్‌ మాట్లాడుతూ.. రెండు పరీక్షలను కంప్యూటర్‌ ఆధారిత విధానంలో నిర్వహించనున్నట్లు తెలిపారు. నిమిషం నిబంధన అమల్లో ఉంటుందని, అభ్యర్థులు గమనించి ముందుగానే పరీక్ష కేంద్రాలకు చేరుకోవాలని కోరారు. ఐదు కేంద్రాల్లో పరీక్షలు జిల్లాలోని వడ్డేపల్లి అయాన్‌ డిజిటల్‌ జోన్‌, ఎరగ్రట్టు గుట్ట కిట్స్‌ కళాశాల, గోపాల్‌పూర్‌ కల్లు మండవ కూడలి వద్ద ఉన్న ఎన్‌ఎస్‌ గ్లోబల్‌ టెక్నాలజీస్‌, హసన్‌న్‌పర్తిలోని చింతగట్టు ఫ్లైఓవర్‌ సమీపంలో ఉన్న నోబెల్‌ టెక్నాలజీ అండ్‌ సొల్యూషన్స్‌, ములుగు క్రాస్‌రోడ్డులోని శ్రీ గాయత్రి డిగ్రీ, పీజీ కళాశాలల్లో పరీక్షలు నిర్వహించనున్నట్లు కలెక్టర్‌ తెలిపారు. అసిస్టెంట్‌ సైంటిస్ట్‌ (అనలిస్ట్‌ గ్రేడ్‌–2) పరీక్షకు 1,320 మంది, అసిస్టెంట్‌ ఎన్విరాన్‌న్‌మెంటల్‌ ఇంజనీర్ల పరీక్షకు 1,225 మంది అభ్యర్థులు హాజరుకానున్నట్లు వివరించారు. పరీక్ష కేంద్రాల్లో అభ్యర్థులకు ఇబ్బందులు కల్గకుండా అన్ని ఏర్పాట్లు చేయాలని అధికారులను ఆదేశించారు. సమావేశంలో జిల్లా రెవెన్యూ అధికారి కె.శ్రీనివాస్‌, కలెక్టరేట్‌ పరిపాలన అధికారి గౌరీశంకర్‌, అదనపు జిల్లా వైద్య ఆరోగ్య శాఖ అధికారి డాక్టర్‌ మదన్‌ మోహన్‌రావు, ఆర్టీసీ డిపో మేనేజర్‌ ధరమ్‌సింగ్‌, పోలీస్‌ ప్రత్యేక విభాగం ఇన్‌స్పెక్టర్‌ ఎన్‌.చంద్రమోహన్‌, విద్యుత్‌ శాఖ సహాయ విభాగాధికారి గంగారెడ్డి, పరీక్షా కేంద్రాల చీఫ్‌ సూపరింటెండెంట్లు, ఇతర అధికారులు పాల్గొన్నారు. పరీక్ష కేంద్రాల వద్ద 163 బీఎన్‌ఎస్‌ఎస్‌ అమలు : సీపీహసన్‌పర్తి: ఈ నెల 24, 26వ తేదీల్లో తెలంగాణ కాలుష్య నియంత్రణ మండలి నిర్వహించే అసిస్టెంట్‌ సైంటిస్టు (అనలిస్ట్‌ గ్రేడ్‌–2), అసిస్టెంట్‌ ఎన్విరాన్మెంటల్‌ ఇంజనీర్‌ పోస్టుల భర్తీ రాత పరీక్షల కేంద్రాల వద్ద 163 బీఎన్‌ఎస్‌ఎస్‌ అమలలో ఉంటుందని సీపీ శ్వేత తెలిపారు. హనుమకొండ, కాకతీయ యూనివర్సిటీ, మామునూరు, నర్సంపేట పోలీస్‌ స్టేషన్ల పరిధిలోని సంబంధిత పరీక్ష కేంద్రాల చుట్టూ 500 గజాల పరిధిలో ఆయా తేదీల్లో ఉదయం 6 గంటల నుంచి సాయంత్రం 6 గంటల వరకు పటిష్ట బందోబస్తు ఏర్పాటు చేసినట్లు పేర్కొన్నారు. సెంటర్ల సమీపంలోని జిరాక్స్‌ కేంద్రాలు మూసివేయాలని పేర్కొన్నారు. ఉత్తర్వులను ఉల్లంఘించిన వారిపై చట్టప్రకారం కఠిన చర్యలు తీసుకుంటామని పోలీస్‌ కమిషనర్‌ హెచ్చరించారు. అభ్యర్థులు సకాలంలో పరీక్ష కేంద్రాలకు చేరుకోవాలి కలెక్టర్‌ చాహత్‌ బాజ్‌పాయ్‌

ప్రతీ ఒక్కరూ నీటి ఆదాను మన ఇంటినుంచే మొదలుపెట్టాలి. వంట గదిలో అన్ని పాత్రల్ని ఒకేసారి శుభ్రం చేయాలి. ప్రతిసారీ కడగడం వల్ల నీరు వృథా అవుతుంది. ● నల్లాకింద పెద్ద పాత్రలు పెట్టి చిన్నవి శుభ్రం చేయడంతో నీళ్లను ఆదా చేయవచ్చు. పాత్రలకు అంటిన ఆహార పదార్థాలను పూర్తిగా తొలగించాక కడిగితే .. 50 శాతం ప్రక్రియను 5 నిమిషాల్లో పూర్తి చేయొచ్చు. ● బకెట్‌లో నీళ్లు పట్టి చిన్న సైజు మగ్గును వాడాలి. ● రోజు ఎక్కువ మంది వినియోగిస్తున్న నీటిలో గార్డెనింగ్‌, వాహనాలను కడిగేందుకు 7 శాతం ఖర్చు చేస్తున్నారు. ● వంటగదిలో వాడుతున్న నీళ్లు మురికి కాల్వ లో కలిసిపోతుంటాయి. వాటిని ప్రత్యేక వ్యవస్థతో ఒక గుంతలోకి పంపి బ్లీచింగ్‌ కలిపి గార్డెనింగ్‌, ఇతర అవసరాలకు వాడాలి. ● ఎక్కడైనా పైప్‌లైన్‌ పగిలినట్లు గుర్తిస్తే పౌర స్పృహతో సంబంధిత అధికారులకు సమాచారమివ్వాలి. ● పబ్లిక్‌ నల్లాలనుంచి నీళ్లు వృథాగా పోతే. వాటిని కట్టేసి ముందుకు సాగాలి. ● ట్యాంకర్లు వచ్చినప్పుడు క్యూలో నిలబడి పట్టుకుంటే మంచిది. ఎగబడడం ద్వారా నీరు వృథా అవుతుంది. రైల్వేస్టేషన్లు, బస్‌ స్టేషన్లలోని నల్లాలు వదిలిపెడితే వెంటనే వాటిని ఆఫ్‌ చేయాలి.

సాక్షిప్రతినిధి, వరంగల్‌ : దేశంలో ప్రాంతీయ రైలు ప్రయాణాన్ని మరింత వేగవంతం చేసేందుకు ప్రవేశపెట్టిన నమో భారత్‌ ర్యాపిడ్‌ ఇంటర్‌ సిటీ ఎక్స్‌ప్రెస్‌ సేవలు తెలంగాణకు మాత్రం ఇప్పటి వరకు అందుబాటులోకి రాలేదు. దక్షిణ మధ్య రైల్వే పరిధిలోనూ ఈ తరహా రైలు సేవకు ఇంకా అవకాశం దక్కలేదు. తెలంగాణకు గేట్‌ వే వరంగల్‌ ప్రాంతంలో ప్రయాణికుల రద్దీ, ప్రాంతీయ అవసరాలను పరిగణనలోకి తీసుకుని సికింద్రాబాద్‌–కరీంనగర్‌ మధ్య నమో భారత్‌ ర్యాపిడ్‌ రైలును ప్రవేశపెట్టాలని ప్రజలు కోరుతున్నారు. ప్రతిపాదిస్తే ఎంతో మేలు.. సికింద్రాబాద్‌ నుంచి వరంగల్‌.. వరంగల్‌ నుంచి కరీంనగర్‌ వరకు రోజూ ఉద్యోగులు, విద్యార్థులు, వ్యాపారులు, రోగులు, ఇతర అవసరాల కోసం భారీగా రాకపోకలు సాగిస్తుంటారు. ప్రస్తుతం ఈ ప్రాంతాల మధ్య రైళ్లు, ఆర్టీసీ బస్సులు, ప్రైవేట్‌ వాహనాలే ప్రధాన రవాణా మార్గాలు. వేగవంతమైన, ఆధునిక ర్యాపిడ్‌ రైలు అందుబాటులోకి వస్తే రోజువారీ ప్రయాణికులకు సమయం ఆదా కావడంతోపాటు రోడ్డు రవాణాపై ఒత్తిడి కూడా తగ్గే అవకాశం ఉంది. అలాగే హైదరాబాద్‌–కరీంనగర్‌ కారిడార్‌ రాష్ట్రంలోని కీలక ప్రాంతాలను అనుసంధానిస్తోంది. ఈ మార్గంలో ఉద్యోగ, విద్య, వైద్య, వ్యాపార అవసరాలతో నిత్యం ప్రయాణించే వారి సంఖ్య గణనీయంగా ఉంది. ఈ నేపథ్యంలో సాధారణ రైలు సేవలకు అదనంగా సెమీ హైస్పీడ్‌/ర్యాపిడ్‌ ఇంటర్‌సిటీ తరహా సేవను ప్రవేశపెట్టడం ప్రయాణికులకు ఉపయోగకరంగా ఉంటుందని రైల్వే నిపుణులు అభిప్రాయపడుతున్నారు. వరంగల్‌కు కూడా అనుసంధానం.. సికింద్రాబాద్‌–కరీంనగర్‌ మధ్య నమో భారత్‌ రైలు ప్రతిపాదనను పరిశీలించే సమయంలో వరంగల్‌ ప్రాంతాన్ని కూడా భవిష్యత్‌లో అనుసంధానించే అవకాశాలను పరిశీలించాలనే డిమాండ్‌ వినిపిస్తోంది. హైదరాబాద్‌–వరంగల్‌, వరంగల్‌–కరీంనగర్‌ ప్రాంతాల మధ్య ప్రయాణికుల రాకపోకలు అధికంగా ఉండడంతో వేగవంతమైన రైలు కనెక్టివిటీ ఏర్పడితే ఉమ్మడి వరంగల్‌, ఉమ్మడి కరీంనగర్‌ జిల్లాల ప్రజలకు పెద్ద ఊరట కలుగుతుంది. కాగా, ఈ రైలు కనెక్టివిటీ ఏర్పడితే ఉమ్మడి వరంగల్‌ నుంచి హైదరాబాద్‌కు వేగవంతమైన రైలు ప్రయాణం సాగనుంది. ఉద్యోగులు, విద్యార్థులకు సమయం ఆదా, వైద్య అవసరాల కోసం హైదరాబాద్‌కు వెళ్లేవారికి సౌకర్యంగా ఉంటుంది. వ్యాపార, పారిశ్రామిక కార్యకలాపాలకు ఊతం, రోడ్డు మార్గాల్లో ట్రాఫిక్‌ ఒత్తిడి తగ్గి, వరంగల్‌–కరీంనగర్‌ ప్రాంతాల మధ్య ఆర్థిక అనుసంధానం బలోపేతం అవుతుంది. తెలంగాణకు ఇప్పటి వరకు నమో భారత్‌ ర్యాపిడ్‌ ఇంటర్‌సిటీ రైలు సేవ అందుబాటులోకి రాకపోవడంతో కేంద్ర రైల్వే శాఖ, రైల్వే బోర్డు, దక్షిణ మధ్య రైల్వే అధికారులు రాష్ట్రంలోని కీలక రూట్లపై అధ్యయనం చేయాలని ప్రయాణికులు కోరుతున్నారు. ముఖ్యంగా సికింద్రాబాద్‌ – వరంగల్‌, వరంగల్‌ – కరీంనగర్‌ మార్గంలో ప్రయాణికుల రద్దీ, ప్రస్తుత రైలు సదుపాయాలు, ట్రాక్‌ సామర్థ్యం, స్టేషన్ల మౌలిక వసతులు పరిశీలించి నమో భారత్‌ ర్యాపిడ్‌ రైలు నడిపే అవకాశాలను పరిశీలించాలని విజ్ఞప్తి చేస్తున్నారు. ఇప్పటికే దేశంలోని కొన్ని ప్రాంతాల్లో నమో భారత్‌ ర్యాపిడ్‌ రైళ్లకు ఆదరణ లభిస్తున్న నేపథ్యంలో తెలంగాణకు కూడా ఈ ఆధునిక రైలు సేవను తీసుకురావాల్సిన అవసరం ఉందని ప్రయాణికులు పేర్కొంటున్నారు. సికింద్రాబాద్‌–కరీంనగర్‌ మార్గంతో ప్రారంభించి, వరంగల్‌ వరకు విస్తరించేలా ప్రణాళిక రూపొందిస్తే ఉత్తర తెలంగాణ రవాణా వ్యవస్థలో కీలక మార్పు వస్తుందని భావిస్తున్నారు.వేగవంతమైన రైలు కనెక్టివిటీ ఓరుగల్లుకు ఎప్పుడు సికింద్రాబాద్‌–కరీంనగర్‌ మధ్య నడిపితే ప్రయోజనం ఉత్తర తెలంగాణ రవాణా వ్యవస్థకు కీలకం ఈ రైలు.. తెలంగాణ గేట్‌వే ఓరుగల్లుపై ఎందుకు చిన్నచూపు? కేంద్ర రైల్వే శాఖ చొరవ తీసుకోవాలంటున్న ప్రయాణికులు

కాజీపేట రూరల్‌: కాజీపేట రైల్వే కోచ్‌ఫ్యాక్టరీని శుక్రవారం అడిషనల్‌ రైల్వే బోర్డు మెంబర్‌ (ఏఆర్‌బీఎం) సునీల్‌కుమార్‌ సందర్శించనున్నట్లు రైల్వే అధికారులు గురువారం రాత్రి తెలిపారు. రైల్వే కోచ్‌ఫ్యాక్టరీ నిర్మా ణం దాదాపు పూర్తయింది. స్వల్ప పనులు జరుగుతున్నాయి. త్వరలో ప్రధాని మోదీతో ప్రారంభించేందుకు రైల్వే శాఖ సన్నాహాలు చేస్తోంది. ఈ నేపథ్యంలో కోచ్‌ఫ్యాక్టరీ నిర్మాణ పనులను పరిశీలించేందుకు సునీల్‌కుమార్‌ రైలులో శుక్రవారం ఉదయం 5 గంటలకు కాజీపేట చేరుకుంటారు. కోచ్‌ ఫ్యాక్టరీకి వెళ్లి మధ్యాహ్నం వరకు వివిధ విభాగాల్లో తనిఖీలు చేపట్టి అధికారులతో చర్చిస్తారు. కాగా, కోచ్‌ఫ్యాక్టరీ నిర్మాణ పనులు, సెక్షన్లు, యంత్రాల ఏర్పాటు, ట్రాక్‌, ఆఫీసులు, క్వార్టర్స్‌, తదితర నిర్మాణాలను పరిశీలించి వివరాలను రైల్వే బోర్డుకు వివరించనున్నట్లు అధికారులు తెలిపారు. పోక్సో కేసులో నేరస్తుడికి 30ఏళ్ల జైలుశిక్ష వరంగల్‌ లీగల్‌ : బాలికపై లైంగిక దాడి చేసిన కేసులో నేరం రుజువుకావడంతో పోక్సో చట్టం, ఎస్సీ, ఎస్టీ అట్రాసిటీ చట్టం కింద నేరస్తుడికి 30 ఏళ్ల జైలుశిక్ష, రూ.20వేల జరిమానా విధిస్తూ వరంగల్‌ పోక్సో కోర్టు జడ్జి క్షమాదేశ్‌ పాండే గురువారం తీర్పు వెలువరించారు. పోలీసుల కథనం ప్రకారం.. వరంగల్‌ నగరంలోని ఓ పాఠశాలలో 2వ తరగతి చదువుతున్న బాలిక.. 2022, ఏప్రిల్‌ 04న పాఠశాలకు వెళ్తున్న సమయంలో అదే ప్రాంతానికి చెందిన 50 ఏళ్ల ఎండీ గౌస్‌ పాషా అనే వ్యక్తి బిస్కెట్లు కొనిస్తానని చెప్పి సదరు బాలికను పాడుబడిన బంగ్లాకు తీసుకెళ్లి లైంగిక దాడి చేశాడు. మరుసటి రోజు బాలిక తనకు కడుపు నొప్పి లేస్తుందని, మూత్ర విసర్జనకు ఇబ్బంది కలుగుతుందని కుటుంబ పెద్దలకు తెలిపి.. ముందు రోజు జరిగిన ఘటనను ఏడుస్తూ తెలిపింది. బాధితుల ఫిర్యాదు మేరకు ఇంతేజార్‌గంజ్‌ పోలీసులు కేసు నమోదు చేసి నిందితుడిని అరెస్ట్‌ చేసి కోర్టులో హాజరుపర్చారు. సాక్ష్యాధారాలను పరిశీలించిన కోర్టు నేరం రుజువుకావడంతో ఎండీ గౌస్‌ పాషాకు 30ఏళ్ల జైలుశిక్ష, రూ.20 వేల జరిమానా విధిస్తూ తీర్పు వెలువరించింది. బాధితురాలికి పరిహారం చెల్లింపు పథకం కింద రూ.7 లక్షలు చెల్లించాలని తీర్పులో పేర్కొంది. కేసును పోలీస్‌ అధికారులు ఏసీపీ కె.గిరికుమార్‌, సీఐలు మల్లేశ్‌, షుకూర్‌ పరిశోధించగా, లైజన్‌ ఆఫీసర్‌ కె.హరికృష్ణ, భరోసా లీగల్‌ ఆఫీసర్‌ నీరజ పర్యవేక్షణలో హెడ్‌కానిస్టేబుల్‌ సర్దార్‌, కానిస్టేబుల్‌ స్వామినాయక్‌, కిరణ్‌ సాక్షులను కోర్టులో ప్రవేశపెట్టారు. ప్రాసిక్యూషన్‌ పక్షాన పబ్లిక్‌ ప్రాసిక్యూటర్‌ గంప వెంకటరమణ వాదించారు. ఉద్యోగం లేదనే మనస్తాపంతో.. ● యువకుడి ఆత్మహత్య ● క్రిస్టియన్‌ కాలనీలో ఘటన ఖిలా వరంగల్‌ : ఉద్యోగం లేదనే కారణంతో మనస్తాపం చెందిన ఓ యువకుడు ఉరేసుకుని ఆత్మహత్యకు పాల్పడ్డాడు. ఈ ఘటన గురువారం వరంగల్‌ క్రిస్టియన్‌ కాలనీలో చోటుచేసుకుంది. పోలీసుల కథ నం ప్రకారం.. క్రిస్టియన్‌ కాలనీకి చెందిన పిరినాకి జార్జ్‌ ప్రింగల్‌ (28) బీటెక్‌ పూర్తి చేసి హైదరాబాద్‌లో సాఫ్ట్‌వేర్‌ ఉద్యోగం చేశాడు. ఉద్యో గం కోల్పోవడంతో కొంత కాలంగా ఖాళీగా ఉంటున్నాడు. ఈక్రమంలో జీవితంలో స్థిరపడలేకపోతున్నానని మనస్తాపం చెందేవాడు. బు ధవారం రాత్రి గదిలోకి వెళ్లిన జార్జ్‌ .. గురువారం మధ్యాహ్నం వరకు బయటకు రాలేదు. దీంతో కుటుంబ సభ్యులు గదిలోకి వెళ్లి చూడగా ఉరేసుకుని ఆత్మహత్యకు పాల్పడి కనిపించాడు. ఈఘటనపై మృతుడి తల్లి పిరినాకి జియా క్రీస్తు జయంతి ఫిర్యాదు మేరకు గురువారం కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ కర్రె స్వామి తెలిపారు.

● హర్షం వ్యక్తం చేస్తున్న రైతులు కేసముద్రం: మహబూబాబాద్‌ జిల్లా కేసముద్రం వ్యవసాయ మార్కెట్‌లో గురువారం మక్కలకు రికార్డు స్థాయిలో రూ.3,033 ధర పలికింది. సీజన్‌ ప్రారంభం నుంచే మద్దతు ధర రూ.2,400 మించి ధర పలుకుతూ వస్తోంది. ఈనెల 14న గరిష్ట ధర రూ.2,901, కనిష్ట ధర రూ.2,611 పలుకగా, 15న గరిష్ట రూ.2,916, కనిష్ట రూ.2,654, 16న గరిష్ట రూ.2,989, కనిష్ట ధర రూ. 1,501 పలికింది. ఈ క్రమంలో మార్కెట్‌కు 3,610 బస్తాలు అమ్మకానికి రాగా, గరిష్టంగా రూ.3,033, కని ష్టంగా రూ.2,629 ధర పలికింది. మార్కెట్‌ చరి త్రలోనే మక్కలకు రికార్డుస్థాయిలో ధర పలికినట్లు అధికారులు తెలిపారు. కాగా, మక్కల ధర రోజురోజుకూ పెరుగుతుండడంతో రైతులు హర్షం వ్యక్తం చేస్తున్నారు. ఏనుమాములలో క్వింటా ధర రూ.2,895.. ఖిలా వరంగల్‌: వ రంగల్‌ ఏనుమాము ల వ్యవసాయ మా ర్కెట్‌లో మొక్కజొన్నకు గురువారం రికార్డు ధర పలికింది. రాయపర్తి మండలం కుమ్మరిపల్లెకు చెందిన రైతు చెక్క రవి 42 బస్తాల మక్కలను మార్కెట్‌కు తీసుకురాగా.. ఓ వ్యాపారి క్వింటాలుకు రూ.2,895 చొప్పున కొనుగోలు చేశాడు. ఈ సీజన్‌లో మక్కలకు ఈస్థాయి ధర లభించడం మొదటిసారని మార్కెట్‌ చైర్‌పర్స న్‌ ప్రియాంక, కార్యదర్శి శ్రీనివాస్‌ తెలిపారు. మైనార్టీ విద్యార్థులకు ఉచిత నైపుణ్య శిక్షణ కాజీపేట అర్బన్‌ : పీఎం వికాస్‌ పథకం ద్వారా మైనార్టీ విద్యార్థులకు ఉచిత నైపుణ్య శిక్షణ అందజేసేందుకు దరఖాస్తులు ఆహ్వానిస్తున్నట్లు నిట్‌ యాజమాన్యం గురువారం ఒక ప్రకటనలో తెలిపింది. 18 నుంచి 45 ఏళ్లలోపు పది, ఇంటర్‌, ఐటీఐ, పాలిటెక్నిక్‌,ఇంజనీరింగ్‌, డిగ్రీ పూర్తి చేసినా లేదా విద్యనభ్యసిస్తున్న ముస్లిం, క్రైస్తవ, సిక్కు, బౌద్ధ, జైన్‌ విద్యార్థులు అర్హులు. మూడు నుంచి నాలుగు నెలల పాటు కొనసాగనున్న ఈ శిక్షణలో 600 మంది విద్యార్థులకు అ వకాశం కల్పిస్తూ ప్రతీ నెల రూ. వెయ్యి స్టైఫండ్‌తో పాటు ఉచిత హాస్టల్‌, భోజనం అందజేయనున్నట్లు తెలిపింది. నాలుగు సాంకేతిక కో ర్సులు టెక్నీషియన్‌ (సీఎన్‌సీ మెషీన్‌), జూని యర్‌ డిజైనర్‌ (క్యాడ్‌, క్యామ్‌)జూనియర్‌ టెక్నీషియన్‌ (వెల్డింగ్‌), టెక్నీషియన్‌ (కన్జ్యూమర్‌ డ్యూరబుల్స్‌లో మల్టీ స్కిల్‌) శిక్షణ అందజేయనున్నారు. శిక్షణ నవంబర్‌ 2 నుంచి ప్రారంభం కానుంది. శిక్షణ ప్రారంభానికి ముందు రోజు వరకు forms.gle/kkvdjnuxnz6eDvDa9 అనే వెబ్‌సైట్‌లో దరఖాస్తు చేసుకోవాలని, లేదా 9948063593, 9393063053, 9963640386 నంబ ర్లలో సంప్రదించాలని నిట్‌ యాజ మాన్యం తెలిపింది.

వరంగల్‌ చౌరస్తా: ఇంతేజార్‌గంజ్‌ పోలీస్‌ స్టేషన్‌ను వరంగల్‌ పోలీస్‌ కమిషనర్‌ శ్వేత గురువారం ఆకస్మికంగా సందర్శించారు. స్టేషన్‌లో రికార్డుల నిర్వహణపై సీపీ అసహనం వ్యక్తం చేశారు. ఆమె వెంట హనుమకొండ ఏసీపీ ఇన్‌చార్జ్‌ నర్సింగరావు, పోలీస్‌ అధికారులు, సిబ్బంది పాల్గొన్నారు. వడ్డేపల్లి బండ్‌పై వాకింగ్‌ కాజీపేట: కాజీపేట 61వ డివిజన్‌ వడ్డేపల్లి బండ్‌పై గురువారం ఉదయం వరంగల్‌ పోలీస్‌ కమిషనర్‌ శ్వేత వాకర్స్‌తో కలిసి వాకింగ్‌ చేశారు. సీపీ శ్వేతను ఆలస్యంగా గుర్తించిన వాకర్స్‌ అసోసియేషన్‌ సభ్యులు మర్యాదపూర్వకంగా కలిసి పలు అంశాలను చర్చించారు. వాకర్స్‌ అసోసియేషన్‌ ఏర్పాటు.. సభ్యుల సంక్షేమం, ఆరోగ్యం కోసం చేపడుతున్న కార్యక్రమాలను అధ్యక్ష, కార్యదర్శులు బొల్లెపల్లి రాజేశ్‌, ఆరెల్లి శ్రీనివాస్‌ వివరించారు. హన్మకొండ అర్బన్‌ : హనుమకొండ జిల్లాలో నలుగురు నాయబ్‌ తహసీల్దార్లకు స్థానచలనం కల్పించారు. బి.శ్రావణిని హనుమకొండ ఆర్డీఓ కార్యాలయానికి, ఎం.రహీం పాషాను పరకాల ఆర్డీఓ కార్యాలయానికి నాయబ్‌ తహసీల్దార్లుగా బదిలీ చేశారు. అశోక్‌– పరకాల, ఎ.సుమ – హసన్‌పర్తి నాయబ్‌ తహసీల్దార్లుగా, డీడీఓలుగా అదనపు బాధ్యతలు అప్పగించారు. వీరిద్దరు బాధ్యతలు స్వీకరించిన అనంతరం ఈ మార్పులు అమల్లోకి రానున్నాయి. వరంగల్‌ లీగల్‌: చెక్‌ బౌన్స్‌ కేసుల పరిష్కారం కోసం నవంబర్‌ 21న (శనివారం) హనుమకొండ జిల్లా కోర్టు, పరకాల కోర్టుల్లో ప్రత్యేక లోక్‌ అదాలత్‌ నిర్వహించనున్నట్లు హనుమకొండ జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ ఎం.రామకృష్ణ సునీత తెలిపారు. జిల్లావ్యాప్తంగా ఇప్పటివరకు రాజీకి అనుకూలమైన 78 నెగోషియబుల్‌ ఇన్‌స్ట్రుమెంట్స్‌ (ఏఐ) యాక్ట్‌ కేసులు గుర్తించినట్లు పేర్కొన్నారు. వీటి పరిష్కారం కోసం హనుమకొండ కోర్టులో నాలుగు, పరకాల కోర్టులో ఒక బెంచ్‌ ఏర్పాటు చేసినట్లు వెల్లడించారు. కక్షిదారులు ఇరుపక్షాల అంగీకారంతో తమ కేసులను పరిష్కరించుకునేందుకు ఈ అవకాశాన్ని వినియోగించుకోవాలని కోరారు. లోక్‌ అదాలత్‌కు సంబంధించి సందేహాలు, న్యాయపర సమస్యలున్నవారు జిల్లా న్యాయ సేవాధికార సంస్థను సంప్రదించి ఉచి త న్యాయసలహాలు పొందొచ్చని సూచించారు. కేయూ క్యాంపస్‌: కాకతీయ యూనివర్సిటీలో స్పోర్ట్స్‌ హాస్టల్‌నుంచి కెనాల్‌ సమీపంలోని కో ఎడ్యుకేషన్‌ ఇంజనీరింగ్‌ కళాశాల వరకు రూ.1.34 కోట్ల వ్యయంతో కిలోమీటర్‌ మేర చేపట్టిన సీసీ రోడ్డు నిర్మాణ పనులు పూర్తయ్యాయి. అదేవిధంగా పరీక్షల విభాగం పక్కనే రూ.1.67 కోట్ల వ్యయంతో పరీక్షల విభాగం రెండో బ్లాక్‌ భవనం నిర్మించారు. ఈ రెండు అభివృద్ధి పనులను నేడు (శుక్రవారం) కేయూ వీసీ కె.ప్రతాప్‌రెడ్డి, రిజిస్ట్రార్‌ రామచంద్రం.. అభివృద్ధి అధికారి ఆచార్య వై.వెంకయ్యతో కలిసి ప్రారంభించనున్నారు. కాళోజీ సెంటర్‌: తెలంగాణ ఓవర్సీస్‌ మ్యాన్‌పవర్‌ కంపెనీ లిమిటెడ్‌ (టామ్‌కామ్‌) ఆధ్వర్యంలో విదేశాల్లో ఉద్యోగ అవకాశాల కోసం ఈనెల 24న ప్రత్యేక డ్రైవ్‌ నిర్వహించనున్నట్లు వరంగల్‌ జిల్లా ఉపాధి అధికారి బి.సాత్విక్‌ తెలిపారు. జర్మనీ, ఆస్ట్రియా, ఐర్లాండ్‌, అమెరికా, దుబాయ్‌, ఖతర్‌, ఇజ్రాయెల్‌, మలేషియా, సౌదీ అరేబియా, బహ్రెయిన్‌, కువైట్‌, ఓమన్‌, మారిషస్‌, ఫిజీ తదితర దేశాల్లో ఉద్యోగాలకు అర్హులు దరఖాస్తు చేసుకోవచ్చని పేర్కొన్నారు. నర్సింగ్‌, ఫిజియోథెరపీ, హోంకేర్‌, డ్రైవింగ్‌, నిర్మాణరంగం, వెల్డింగ్‌, స్టీల్‌ ఫ్యాబ్రికేషన్‌ తదితర విభాగాల్లో ఉద్యోగ ఖాళీలు ఉన్నట్లు వెల్లడించారు. ఉదయం 10.30 నుంచి మధ్యాహ్నం 1 గంట వరకు ములుగు రోడ్డులో ఉన్న ప్రభుత్వ ఐటీఐ (బాయ్స్‌) ప్రాంగణంలోని జిల్లా ఉపాధి కార్యాలయంలో డ్రైవ్‌ నిర్వహించనున్నట్లు తెలిపారు. అర్హత, అనుభవం కలిగిన నిరుద్యోగ యువత ఈ అవకాశాన్ని సద్వినియోగం చేసుకోవాలని సూచించారు. మరిన్ని వివరాలకు టామ్‌కామ్‌ హెల్ప్‌లైన్‌ 08035524946 లేదా www.tom com. telangana.gov.inను సంప్రదించాలని కోరారు.

హసన్‌పర్తి: ఆన్‌లైన్‌ పెట్టుబడుల పేరుతో జరుగుతున్న సైబర్‌ మోసాలపై ప్రజలు అప్రమత్తంగా ఉండాలని వరంగల్‌ పోలీస్‌ కమిషనర్‌ ఎన్‌.శ్వేత సూచించారు. క్యూవీఎస్‌ఈ(క్వాంటమ్‌ వెస్ట్‌ స్టాక్‌ ఎక్స్చేంజ్‌ యాప్‌ ద్వారా పెట్టుబడి మోసాలు జరుగుతున్నట్లు కేంద్ర, రాష్ట్ర సైబర్‌ క్రైం విభాగాలు హెచ్చరించాయని తెలిపారు. గురువారం విడుదల చేసిన ప్రకటనలో మోసాల తీరు, తీసుకోవాల్సిన జాగ్రత్తలను ప్రజలకు వివరించారు. రూ.54వేల పెట్టుబడితో లాభాలంటూ ఆశ.. సైబర్‌ నేరగాళ్లు క్యూవీఎస్‌ఈ యాప్‌ ఏపీకే ఫైల్‌ను డౌన్‌లోడ్‌ చేసి ఇన్‌స్టాల్‌ చేసుకోవాలని బాధితులను ప్రేరేపిస్తున్నట్లు సీపీ వెల్లడించారు. భారతీయ కరెన్సీని బినాన్స్‌ ఎక్స్చేంజ్‌ ద్వారా క్రిప్టో కరెన్సీగా మార్చి పెట్టుబడి పెట్టాలని సూచిస్తున్నారని చెప్పారు. కనీసం 500 యూఎస్‌డీటీ (సుమారు రూ.54 వేలు)పెట్టుబడి పెడితే ఒక శాతం లాభం వస్తుందని ఆశ చూపుతున్నట్లు పేర్కొన్నారు. అంతే కాకుండా ఇతరులను యాప్‌లో చేర్పిస్తే మొదటి స్థాయి రిఫరల్‌కు 50 యూఎస్‌డీటీ, రెండో స్థాయి రిఫరల్‌కు 25 యూఎస్‌డీటీ చెల్లిస్తామని నమ్మిస్తున్నారని వివరించారు. ఈ తరహా మోసాలకు సంబంధించిన తెలంగాణలో ఇప్పటికి 56 కేసులు నమోదైనట్లు వెల్లడించారు. జాగ్రత్తలు తప్పని సరి.. తక్కువ సమయంలో అధిక లాభాలు వస్తాయని చెప్పే ఆన్‌లైన్‌ పెట్టుబడి యాప్‌లను గుడ్డిగా నమ్మొద్దు ● తెలియని వ్యక్తులు పంపే ఏపీకే ఫైళ్లు, అనుమానాస్పద యాప్‌లను డౌన్‌లోడ్‌ చేయొద్దు ● ధ్రువీకరించని ట్రేడింగ్‌ ప్లాట్‌ ఫారమ్‌లలో పెటుబడులు పెట్టొద్దు ● క్రిప్టో కరెన్సీ రూపంలో డబ్బులు బదిలీ చేయాలని కోరితే అప్రమత్తంగా ఉండాలి ● ఓటీపీలు, బ్యాంకు ఖాతాల వివరాలు, పాస్‌వర్డ్‌లను ఇతరులతో పంచుకోవద్దు మోసపోతే వెంటనే ఫిర్యాదు చేయాలి.. కష్టపడి సంపాదించిన డబ్బును అధిక లాభాల ఆశతో కోల్పోవద్దని సీపీ శ్వేత సూచించారు. సైబర్‌ మోసానికిగురైతే వెంటనే 1930 జాతీయ సైబర్‌క్రైం హెల్ప్‌లైన్‌కు ఫోన్‌ చేయాలి. www. cybercrime. gov.in వెబ్‌సైట్‌లో ఫిర్యాదు చేయాలని తెలిపారు. సత్వర ఫిర్యాదుతో ఆర్థిక నష్టాన్ని తగ్గించుకునే అవకాశం ఉంటుందని పేర్కొన్నారు. అప్రమత్తతతోనే సైబర్‌ మోసాలను అరికట్టొచ్చని, ఆన్‌లైన్‌ పెట్టుబడుల విషయంలో ప్రజలు జాగ్రత్తగా వ్యవహరించాలని సీపీ శ్వేత సూచించారు. అధిక లాభాల ఆశతో పెట్టుబడి జోలికి వెళ్లొద్దు ప్రజలు అప్రమత్తంగా ఉండాలి వరంగల్‌ పోలీస్‌ కమిషనర్‌ ఎన్‌. శ్వేత

హన్మకొండ అర్బన్‌: హనుమకొండ కలెక్టరేట్‌లో పండుగ సాయన్న ముదిరాజ్‌ జయంతిని గురువారం ఘనంగా నిర్వహించారు. జిల్లా వెనుకబడిన తరగతుల సంక్షేమ శాఖ ఆధ్వర్యంలో జరిగిన ఈ కార్యక్రమంలో కలెక్టర్‌ చాహత్‌ బాజ్‌పాయ్‌, జిల్లా రెవెన్యూ అధికారి శ్రీనివాస్‌, రాష్ట్ర మేర కార్పొరేషన్‌ చైర్మన్‌ సంగు వెంకట్రాజం, ముదిరాజ్‌ మహాసభ ప్రధాన కార్యదర్శి పల్లెబోయిన అశోక్‌, ముదిరాజ్‌ సంఘం నాయకులు పండుగ సాయన్న ముదిరాజ్‌ చిత్రపటానికి పూలమాలలు వేసి నివాళులర్పించారు. సహాయ బీసీ సంక్షేమ అధికారి సంపూర్ణతో పాటు సంఘాల ప్రతినిధులు దేవేందర్‌ ముదిరాజ్‌, పొన్నంరాజ్‌, పులి రజనీకాంత్‌, పొన్నం మొగిలి, బండి సారంగపాణి, ఇతర అధికారులు, ముదిరాజ్‌ సంఘం నాయకులు పాల్గొన్నారు. వరంగల్‌ కలెక్టరేట్‌లో..న్యూశాయంపేట: వరంగల్‌ కలెక్టరేట్‌లోని కాన్ఫరెన్స్‌ హాల్‌లో గురువారం పండుగ సాయన్న ముదిరాజ్‌ జయంతి వేడుకలను అధికారికంగా నిర్వహించారు. కలెక్టర్‌ డాక్టర్‌ సత్యశారద పాల్గొని ఆయన చిత్రపటానికి పూలమాలలు వేసి నివాళులర్పించారు. అదనపు కలెక్టర్‌ కిషోర్‌కుమార్‌, డీసీడీఓ పుష్పలత, ముదిరాజ్‌ ఎంప్లాయీస్‌ అసోసియేషన్‌ బాధ్యులు దేవేందర్‌ తదితరులున్నారు.

తారాజువ్వల వెలుగుల్లో ఉర్సుగుట్టతారాజువ్వలు తళుక్కుమనగా.. నిశీధి దేశాన మిణుగురులు పూశాయి. ఊరూవాడా ఒక్కటై కదలగా.. రహదారులన్నీ చీమల దండయ్యాయి. లక్షల కళ్లు ఆత్రుతగా నిరీక్షించగా.. ఉర్సు గుట్ట ఉరకలేసి దశకంఠుడి ప్రతిమను దహనం చేసింది.ఉర్సు రంగలీల మైదానంలో రావణ వధను వీక్షించేందుకు వచ్చిన ప్రజలుఖిలా వరంగల్‌: వరంగల్‌ ఉర్సు రంగలీల మైదానంలో మంగళవారం సాయంత్రం దసరా సంబురాలు అంబరాన్నంటాయి. ఈవేడుకలు తిలకించేందుకు లక్షలాదిగా తరలివచ్చారు. దసరా ఉత్సవ కమిటీ ఆధ్వర్యంలో ఏర్పాటు చేసిన పదితలలతో ఉన్న 72 అడుగుల రావణ ప్రతిమ దహన ఘట్టం నేత్రపర్వంగా సాగింది. మిరుమిట్లు గొలుపే వెలుగుల్లో బాణసంచా పేలుళ్లతో ప్రాంగణం మార్మోగింది. ప్రధాన ఘట్టంగా రథయాత్ర.. దసరా ఉత్సవాల సందర్భంగా కరీమాబాద్‌ రామస్వామి గుడి నుంచి శ్రీసీతారామాంజనేయ, లక్ష్మ ణుడి ఉత్సవ విగ్రహాలను రథంపై తీసుకొచ్చారు. దారి వెంట కోలాటం, దాండియా నృత్యాలు, డప్పు చప్పుళ్లు, వాయిద్యాలు, భజనలు నృత్యాలు ఆకట్టుకున్నాయి. అనంతరం వేదపండితులు సంస్కృతీసంప్రదాయాలతో శాసీ్త్రయంగా శమీ పూజ నిర్వహించారు. అనంతరం పాలపిట్టను లక్షలాది మంది దర్శనం చేసుకున్నారు. రావణుడి ప్రతిమ దహనం.. ఆటోమేటిక్‌ ఎలక్ట్రిక్‌ పరికరం ద్వారా ఎమ్మెల్సీ బస్వరాజు సారయ్య, వరంగల్‌ తూర్పు ఎమ్మెల్యే కొండా సురేఖ, కుడా(కాకతీయ అర్బన్‌ డెవలప్‌ మెంట్‌ అథారిటీ) చైర్‌పర్సన్‌ గుండు సుధారాణి, వరంగల్‌ కలెక్టర్‌ డాక్టర్‌ సత్యశారద. సీపీ శ్వేత, బల్దియా కమిషనర్‌ వెంకన్న, జిల్లా గ్రంథాలయ చైర్మన్‌ మీసాల ప్రకాశ్‌తో కలిసి శాసన మండలి డిప్యూటీ చైర్మన్‌ బండా ప్రకాశ్‌ స్విచ్‌ ఆన్‌ చేసి భారీ రావణాసురుడి ప్రతిమను దహనం చేశారు. 100 మందికి పైగా టెక్నీషియన్లు పేల్చిన వివిధ రకాల బాణసంచా మోతలతో రంగలీల మైదానం దద్దరల్లిపోయింది. వేదికపై సాంస్కృతిక నృత్యాలు యువతను కేరింతలు కొట్టించాయి. ప్రశాంతంగా ఉత్సవాలు.. ప్రజాప్రతినిధులు ఆలస్యంగా రావడంతో రాత్రి 8.30 గంటలకు వేడుకలు ప్రారంభమయ్యాయి. సీపీ శ్వేత ఆదేశాల మేరకు డీసీపీలు, ఏసీపీల పర్యవేక్షణలో ఇన్‌స్పెక్టర్లు కర్రె స్వామి, మంగీలాల్‌, సుక్రూ నేతృత్వంలో ఎస్సైలు, స్పెషల్‌ పోలీసులు బందోబస్తు నిర్వహించారు. వేడుకల్లో ఎలాంటి అవాంఛనీయ ఘటనలు జరగకుండా చర్యలు తీసుకున్నారు. కార్యక్రమంలో అదనపు కలెక్టర్‌ ఎల్‌.కిశోర్‌కుమార్‌, ఈస్ట్‌ జోన్‌ డీసీపీ అంకిత్‌కుమార్‌, సెంట్రల్‌ జోన్‌ డీసీపీ దార కవిత, ఆర్టీఓ సుమ, దసరా ఉత్సవ కమిటీ అధ్యక్షుడు నాగపూరి సంజయ్‌బాబు, కార్యదర్శి మేడిది మధుసూదన్‌, కోశాధికారి మండ వెంకన్న, ఉపాధ్యక్షుడు గోనె రాంప్రసాద్‌, తహసీల్దార్‌ ఇక్బాల్‌, కాంగ్రెస్‌ నాయకుడు గోపాల నవీన్‌రాజు తదితరులు పాల్గొన్నారు. తోపులాట నుంచి బాలుడిని బయటకు తీసుకొస్తున్న పోలీసు సిబ్బందిరంగలీల మైదానంలో ఘనంగా దసరా సంబురాలు 72 అడుగుల రావణ ప్రతిమ దహనం ఆకట్టుకున్న సాంస్కతిక కార్యక్రమాలు కిక్కిరిసిన రహదారులు బాణసంచా మోతలతో దద్దరిల్లిన ప్రాంగణంరైతులు బాగుంటేనే దేశం మరింత అభివృద్ధి చెందుతుందని శాసన మండలి డిప్యూటీ చైర్మన్‌ డాక్టర్‌ బండా ప్రకాశ్‌, ఎమ్మెల్సీ బస్వరాజు సారయ్య, ఎమ్మెల్యే కొండా సురేఖ అన్నారు. చెడుపై విజయం సాధించడమే విజయ దశమి అని, రంగలీల మైదానంలో సంప్రదాయబద్ధంగా దసరా వేడుకలు నిర్వహించడం ఆనవాయితీగా వస్తోందని పేర్కొన్నారు. భద్రకాళి అమ్మవారి కృపతో సమృద్ధిగా వర్షాలు కురవాలని ఆకాంక్షించారు. అనంతరం కుడా చైర్‌పర్సన్‌ గుండు సుధారాణి మాట్లాడుతూ.. ఎల్‌నినో ప్రభావాన్ని దృష్టిలో ఉంచుకుని ప్రజలు నీరు, విద్యుత్‌ను పొదువుగా వినియోగించుకోవాలని సూచించారు. వరంగల్‌ కలెక్టర్‌ డాక్టర్‌ సత్యశారద, సీ పీ శ్వేత మాట్లాడుతూ శ్రీరాముడి సుగుణాలు, ఆదర్శంతమైన జీవనం కారణంగానే ఆయనను ప్రజలు దైవంగా కొలుస్తున్నారన్నారు. రంగలీల మైదానం ప్రవేశ ద్వారం వద్ద రద్దీ, తోపులాట సామాన్య భక్తులకు తప్పని తిప్పలు పాస్‌ల పంపిణీపై విమర్శలు

వరంగల్‌ పోలీస్‌ కమిషనర్‌ శ్వేత హసన్‌పర్తి: పోలీస్‌ అమరుల త్యాగాలు చిరస్మరణనీయమని వరంగల్‌ పోలీస్‌ కమిషనర్‌ శ్వేత అన్నారు. పోలీసుల అమరుల సంస్మరణ వేడుకలు బుధవారం ప్రారంభమయ్యాయి. ఈ సందర్భంగా హనుమకొండ పోలీస్‌ హెడ్‌క్వార్టర్స్‌లోని అమరుల స్తూపం వద్ద పోలీస్‌ కమిషనర్‌ శ్వేత, హనుమకొండ, వరంగల్‌ కలెక్టర్లు చాహత్‌ బాజ్‌పాయ్‌, సత్యశారద, వర్ధన్నపేట ఎమ్మెల్యే కేఆర్‌.నాగరాజు, అమరవీరుల కుటుంబ సభ్యులు, పోలీసు అధికారులు నివాళులర్పించారు. అనంతరం కమిషనర్‌ మాట్లాడుతూ ప్రజలు ప్రశాంతంగా జీవించేందుకు శాంతిభద్రతల పరిరక్షణలో పోలీసులు నిరంతరం కృషిచేస్తున్నారని తెలిపారు. అమరవీరులను స్ఫూర్తిగా తీసుకుని యువత దేశభక్తి, క్రమశిక్షణ, సేవాభావాన్ని అలవర్చుకోవాలని పిలుపునిచ్చారు. వరంగల్‌ పోలీస్‌ కమిషనరేట్‌ పరిధిలో ఇప్పటివరకు విధి నిర్వహణలో 25 మంది పోలీస్‌ అధికారులు, సిబ్బంది అమరులయ్యారని చెప్పారు. అమరుల కుటుంబాల సంక్షేమానికి పోలీసు శాఖ కట్టుబడి ఉందని, ప్రభుత్వంతో చర్చించి వారి సమస్యల పరిష్కారానికి కృషిచేస్తానని భరోసా ఇచ్చారు. అనంతరం అమరవీరుల కుటుంబాలకు బహుమతులు అందజేశారు. అదేవిధంగా హనుమకొండలోని అశోకా జంక్షన్‌ నుంచి పోలీస్‌ హెడ్‌క్వార్టర్స్‌ వరకు కొవ్వొత్తుల ప్రదర్శన నిర్వహించారు. ఈస్ట్‌జోన్‌ డీసీపీ అంకిత్‌కుమార్‌, అడిషనల్‌ డీసీపీలు రాయల ప్రభాకర్‌రావు, బాలస్వామి, సురేశ్‌, శ్రీనివాస్‌, ఏసీపీలు, పోలీస్‌ ఇన్‌స్పెక్టర్లు, ఎస్సైలు, ఆర్‌ఎస్సైలు తదితరులు పాల్గొన్నారు.

సాక్షి, వరంగల్‌: పత్తి రైతులకు ఈసారి పరిస్థితులు మిశ్రమంగా కనిపిస్తున్నాయి. ఒకవైపు ఎల్‌నినో ప్రభావంతో పంట దిగుబడిపై ఆందోళన నెలకొనగా.. మరోవైపు ప్రైవేట్‌ వ్యాపారులు అ ధిక ధరలు చెల్లిస్తుండడం కొంత ఊరటనిస్తోంది. భారత పత్తి సంస్థ (సీసీఐ) కొనుగోళ్లు గురువారం నుంచి ప్రారంభం కానుండడంతో మార్కెట్‌లో పోటీ పెరిగే అవకాశం ఏర్పడింది. పత్తి కొనుగోలుకు ఏర్పాట్లు ఉమ్మడి వరంగల్‌ జిల్లాలో 16 మార్కెట్ల పరిధిలో 19 కొనుగోలు కేంద్రాల ద్వారా పత్తి సేకరణకు అధికారులు ఏర్పాట్లు చేశారు. కేంద్ర ప్రభుత్వం ప్రకటించిన కనీస మద్దతు ధర మీడియం స్టేపుల్‌ పత్తికి రూ.8,267, లాంగ్‌ స్టేపుల్‌కు రూ.8,667 మద్దతు ధరకు అనుగుణంగా సీసీఐ కొనుగోళ్లు చేపట్టనుంది. వరంగల్‌లోని ఏనుమాముల మార్కెట్‌లో ప్రైవేట్‌ వ్యాపారులు మాత్రం ప్రస్తుతం క్వింటాకు రూ.9,300 నుంచి రూ.9,600 వరకు చెల్లిస్తున్నారు. దీంతో సీసీఐకి విక్రయించాలా? ప్రైవేట్‌ వ్యాపారులకు అమ్మాలా? అనే విషయంలో రైతులు లెక్కలు వేసుకొని ముందుకు వెళ్లే అవకాశం ఉంది. భవిష్యత్‌లో దిగుబడి తగ్గితే ధరలు పెరగొచ్చని మార్కెట్‌ వర్గాలంటున్నాయి. 3,22,136 మెట్రిక్‌ టన్నుల దిగుబడికి అవకాశం ఉమ్మడి వరంగల్‌ జిల్లాలో పత్తి ప్రధాన వాణిజ్య పంటగా కొనసాగుతోంది. జనగామ, వరంగల్‌, జయశంకర్‌ భూపాలపల్లి, మహబూబా బాద్‌, హనుమకొండ, ములుగు జిల్లాల్లో వేలా ది మంది రైతులు పత్తి సాగుపైనే ఆధారపడుతున్నారు. జనగామ జిల్లాలో 1,38,325 ఎకరాలు, వరంగల్‌ జిల్లాలో 1,12,044 ఎకరాలు, జయశంకర్‌ భూపాలపల్లి జిల్లాలో 1,09,442 ఎకరా లు, మహబూబాబాద్‌ జిల్లాలో 91,916 ఎకరా లు, హనుమకొండ జిల్లాలో 75,740 ఎకరాలు, ములుగు జిల్లాలో 27,132 ఎకరాల్లో పత్తి సాగవుతోంది. అయితే ఉమ్మడి జిల్లాలో 5,54,599 ఎకరాల్లో పత్తి సాగు కాగా, సుమారు 3,22,136 మెట్రిక్‌ టన్నుల దిగుబడి వస్తుందని అధికారులు భావిస్తున్నారు. ఎల్‌నినో ప్రభావం, ప్రైవేట్‌ వ్యాపారుల పోటీతో సీసీఐకు తక్కువ సంఖ్యలో పత్తి రావొచ్చని అభిప్రాయపడుతున్నారు. కిసాన్‌ కపాస్‌ యాప్‌తోనే కొనుగోళ్లు సీసీఐ కేంద్రాల్లో పత్తి అమ్ముకోవాలంటే కపాస్‌ కిసాన్‌ యాప్‌లో పేరు నమోదు చేసుకొని స్లాట్‌ బుక్‌ చేసుకోవాలి. ఆధార్‌ కార్డు, పట్టాదారు పాసు పుస్తకం, బ్యాంక్‌ ఖాతా వివరాలతో ఈ యాప్‌ను వినియోగించుకోవాల్సి ఉంటుంది. రైతు భూమి, సాగు విస్తీర్ణం ఆధారంగా ఫార్మర్‌ రిజిస్ట్రీ ఐడీతో అనుసంధానించి స్లాట్లు కేటాయిస్తారు. ఈ సారి స్లాట్‌ బుకింగ్‌ గడువును ఏడు రోజుల నుంచి 14 రోజులకు పెంచారు. రైతు రోజుకు 100 క్వింటాళ్ల వరకు విక్రయించొచ్చు. పత్తి నాణ్యత, తేమ శాతాన్ని పరిశీలించిన తర్వాతే కొనుగోలు ధరను నిర్ణయిస్తారు. ఈ క్రమంలో రైతులు పత్తిని బాగా ఆరబెట్టి, కేటాయించిన తేదీనే కేంద్రానికి తీసుకెళ్లాలని అధికారులు సూచిస్తున్నారు. ఉమ్మడి వరంగల్‌లో సీసీఐ ఆధ్వర్యంలో 19 కేంద్రాలు 5,54,599 ఎకరాల్లో పంట సాగు 3.22 లక్షల మెట్రిక్‌ టన్నులొస్తుందని అంచనా దిగుబడిపై ఎల్‌నినో ఎఫెక్ట్‌ఉమ్మడి వరంగల్‌ జిల్లాలోని 16 మార్కెట్ల పరిధిలో అధికారులు 19 కొనుగోలు కేంద్రాలు ఏర్పాటు చేశారు. ములుగు, కేసముద్రం – ఏ, బీ, తొర్రూరు, మహబూబాబాద్‌, కాటారం, చిట్యాల, భూపాలపల్లి, కొడకండ్ల, నర్సంపేట, జనగామ – ఏ, బీ, ఘన్‌పూర్‌, ఆత్మకూరు, రాంపూర్‌, పరకాల, ఎల్కతుర్తి, వరంగల్‌ – ఏ, బీ కేంద్రాలున్నాయి. ఇప్పటికే జిన్నింగ్‌ మిల్లులు, గిడ్డంగులు, బేళ్ల రవాణాకు వాహనాలు, తాత్కాలిక ఉద్యోగుల కోసం టెండర్లు ఆహ్వానించి తీసుకున్నామని మార్కెటింగ్‌ శాఖ అధికారులు తెలిపారు.

ఖిలా వరంగల్‌: వరంగల్‌ ఉర్సు రంగలీల మైదానంలో ఆదివారం సాయంత్రం జరిగిన సద్దుల బతుకమ్మ వేడుకల్లో తహసీల్దార్‌ ఇక్బాల్‌, పర్యాటక శాఖ, ఇతర శాఖల సంయుక్త ఆధ్వర్యంలో చిన్నారుల భద్రతకు ప్రత్యేక రిస్ట్‌ బ్యాండ్లను పంపిణీ చేశారు. వీటిపై తల్లిదండ్రుల మొబైల్‌ నంబర్లను నమోదు చేశారు. పిల్లలు తప్పిపోగానే అక్కడ ఉన్నవారు గుర్తించి రిస్ట్‌ బ్యాండ్లపై ఉన్న నంబర్లకు ఫోన్‌ ద్వారా సమాచారం అందేలా కలెక్టర్‌ చొరవ తీసుకున్నారు. దీంతో హ్యాట్సాప్‌ కలెక్టరమ్మా.. అంటూ మహిళలు ప్రశంసలు కురిపించారు. కలెక్టర్‌ ఆదేశాల మేరకు రిస్ట్‌ బ్యాండ్లను పంపిణీ చేశామని తహసీల్దార్‌ తెలిపారు. ఈ కార్యక్రమంలో రెవెన్యూ, పోలీస్‌, పర్యాటకశాఖ అధికారులు పాల్గొన్నారు.

హన్మకొండ కల్చరల్‌: శ్రీరుద్రేశ్వరస్వామి వారి వేయిస్తంభాల దేవాలయంలో శ్రీరుద్రేశ్వరీదేవి శరన్నవరాత్రి ఉత్సవాలు కొనసాగుతున్నాయి. 8వ రోజు ఆదివారం ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు మణికంఠశర్మ, ప్రణవ్‌, భరత్‌శర్మ సుప్రభాతసేవ, అభిషేకాలు, అర్చనలు జరిపారు. దుర్గాష్టమిని పురస్కరించుకుని శ్రీదుర్గామాతగా అలంకరించారు. దాత కోన శ్రీకర్‌ దంపతులు అందించిన కూరగాయలు, ఆకుకూరలతో అమ్మవారిని శాకంబరీదేవిగా అలంకరించి నీరాజన మంత్రపుష్పం చేశారు. భక్తులకు అన్నప్రసాదాల వితరణ చేశారు. ముదిరాజ్‌ సంఘం నాయకుడు పులి రజినీకాంత్‌, విశ్వబ్రాహ్మణ సంఘం నాయకుడు చొల్లేటి కృష్ణమాచారి, గంగపుత్ర సంఘం నాయకులు గరిగ అశోక్‌, ఉత్సవ సమితి ఉపాధ్యక్షుడు పల్లం రమేశ్‌, మాడిశెట్టి వరుణ్‌ తదితరులు పాల్గొని సేవలందించారు. ఈఓ అనిల్‌కుమార్‌ పర్యవేక్షించారు.

సాక్షి ప్రతినిధి, వరంగల్‌: ప్రభుత్వ ఉద్యోగుల సర్వీస్‌ వ్యవహారాలను మరింత వేగవంతం చేసేందుకు రాష్ట్ర ప్రభుత్వం కీలక నిర్ణయం తీసుకుంది. ఉద్యోగుల సర్వీస్‌ రికార్డులను కాగితపు ఫైళ్లకే పరిమితం చేయకుండా డిజిటల్‌ సర్వీస్‌ రిజిస్టర్‌ (డీఎస్‌ఆర్‌)గా మార్చి, సర్వీస్‌కు సంబంధించిన వివిధ అంశాలను ఆన్‌లైన్‌ విధానంలోనే నిర్వహించేందుకు ఈహెచ్‌ఆర్‌ఎంఎస్‌ రాష్ట్రవ్యాప్తంగా అమలు చేయాలని ప్రభుత్వం ఆదేశించింది. ఉమ్మడి వరంగల్‌ జిల్లాలోని హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాల ప్రభుత్వ కార్యాలయాలపై కూడా ఈ నిర్ణయం ప్రభావం చూపనుంది. ఉద్యోగి సర్వీస్‌ మొత్తం ఒకే చోట.. ఇప్పటివరకు ఉద్యోగుల సర్వీస్‌ రికార్డులు ప్రధానంగా భౌతిక రూపంలో ఉండడంతో సర్వీస్‌ వ్యవహారాల పరిష్కారంలో జాప్యం, వివరాల ధ్రువీకరణలో ఇబ్బందులు, పెండింగ్‌ ఫైళ్లపై కేంద్రీకృత పర్యవేక్షణ లేకపోవడం వంటి సమస్యలు ఉన్నాయని ప్రభుత్వం గుర్తించింది. ఈ నేపథ్యంలో తెలంగాణ ఇంటిగ్రేటెడ్‌ ఫైనాన్షియల్‌ మేనేజ్‌మెంట్‌ ఇన్ఫర్మేషన్‌ సిస్టం (ఐఎఫ్‌ఎంఐ ఎస్‌)లో ఈ హెచ్‌ఆర్‌ఎంఎస్‌ను ప్రత్యేక మాడ్యూల్‌గా తీసుకొచ్చింది. కాగా, ఉద్యోగి సర్వీస్‌కు సంబంధించిన సెలవులు, ఇంక్రిమెంట్లు, పదోన్నతులు, బదిలీలు, ఏసీఆర్‌/ ఏపేఏఆర్‌, స్థిరాస్తుల వివరాలు, విజిలెన్స్‌ అంశాలు, పదవీ విరమణ కేసులు తదితర వివరాలను దశలవారీగా ఈ హెచ్‌ఆర్‌ఎంఎస్‌లో నిర్వహించనున్నారు. పర్యవేక్షించే నోడల్‌ అధికారులు.. ఉమ్మడి వరంగల్‌లో ఆరుగురికి నోడల్‌ బాధ్యతలు అప్పగించారు. హనుమకొండ ఎ.శ్రీనివాస్‌కుమార్‌ (డీడీ), వరంగల్‌కు జె.విజయసారథి (ఏడీ), జనగామ ఎండీ అన్వర్‌ హుస్సేన్‌ (ఏటీఓ), జయశంకర్‌ భూపాలపల్లి సయ్యద్‌ ఖలీద్‌ హుస్సేన్‌ను నియమించారు. మహబూబాబాద్‌కు ఎండీ షరీఫ్బాబా, ములుగుకు సయ్యద్‌ ఖలీద్‌ (ఏటీఓ)ను నియమించారు. ఈ అధికారులు ఆయా జిల్లాల్లో డీడీఓలు, ఇతర అధికారులకు ఈహెచ్‌ఆర్‌ఎంఎస్‌ అమలులో సహకరించాల్సి ఉంటుంది. జిల్లా స్థాయిలో పరిష్కారం కాని సమస్యలను ఐఎఫ్‌ ఎంఐఎస్‌ హెల్ప్‌లైన్‌ ద్వారా పరిష్కరించుకునే అవకాశం కల్పించారు. ఉమ్మడి వరంగల్‌లోని ఆరు జిల్లాల్లో ఈహెచ్‌ఆర్‌ఎంఎస్‌ అమలు ఉద్యోగుల సెలవులు, ఇంక్రిమెంట్లు, పదోన్నతులు, బదిలీలన్నీ ఆన్‌లైన్‌లోనే పెండింగ్‌ ఫైళ్లపై ఉన్నతాధికారుల నిఘా.. డిజిటల్‌ సర్వీస్‌ రిజిస్టర్‌తో పారదర్శకత

హన్మకొండ కల్చరల్‌: శ్రీభద్రకాళి దేవాలయంలో కోటి రూపాయలతో తయారు చేసిన దారుమయ రథాన్ని ఐటీశాఖ మంత్రి దుద్దిళ్ల శ్రీధర్‌బాబు, వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి శనివారం ప్రారంభించారు. ముందుగా కలశానికి పూజలు చేసిన తర్వాత ఒక ఫీట్‌ ముందుకు లాగి రథాన్ని ప్రారంభించారు. ఈసందర్భంగా మంత్రి శ్రీధర్‌బాబు మాట్లాడుతూ.. ఆలయాల అభివృద్ధికి ప్రభుత్వం కృషి చేస్తోందన్నారు. ఎల్‌నినో గండం నుంచి రక్షించాలని అమ్మవారిని వేడుకున్నట్లు తెలిపారు. వారి వెంట డీసీసీ అధ్యక్షుడు ఇనగాల వెంకట్రాంరెడ్డి ఉన్నారు. ఏడో రోజుకు చేరిన నవరాత్రి ఉత్సవాలు ఆలయంలో శరన్నవరాత్రి మహోత్సవాలు శనివారం ఏడో రోజుకు చేరాయి. ప్రధానార్చకుడు భద్రకాళిశేషు ఆధ్వర్యంలో ఉదయం సుప్రభాత పూజలు, నిత్యాహ్నికం జరిపి అమ్మవారి మూలమూర్తిని సరస్వతీదేవిగా అలంకరించారు. స్నపనమూర్తికి ఉదయం కాళరాత్రి, సాయంత్రం రక్తబీజహా క్రమాల్లో పూజలు చేసి రథోత్సవం నిర్వహించారు. ఎమ్మెల్సీ పోచంపల్లి శ్రీనివాస్‌రెడ్డి, మాజీ ఎంపీ జోగినపల్లి సంతోశ్‌కుమార్‌, మాజీ ఎమ్మెల్యే దాస్యం వినయ్‌భాస్కర్‌, నాయకులు నాగుర్ల వెంకటేశ్వర్లు, వాసుదేవరెడ్డి తదితరులు అమ్మవారిని దర్శించుకున్నారు. ఆలయాల అభివృద్ధి అభినందనీయంవరంగల్‌ నగరం ప్రాచీన కట్టడాలు, ఆలయాలకు నిలయమని, ఈ ప్రాంత వారసత్వ సంపదను కాపాడుతూ ఆలయాల అభివృద్ధికి కృషి చేయడం అభినందనీయమని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. శనివారం మంత్రి శ్రీధర్‌బాబు, వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి వేయిస్తంభాల దేవాలయాన్ని సందర్శించారు. శ్రీరుద్రేశ్వరస్వామిని దర్శించుకుని పూజలు జరిపారు. శరన్నవరాత్రి ఉత్సవాల సందర్భంగా అమ్మవారికి పట్టువస్త్రాలు అందజేశారు. అనంతరం అర్చకులు వారికి మహాదాశీర్వచనం చేశారు. అనంతరం వారు దేవాలయంలో జరుగుతున్న అభివృద్ధి పనులను పరిశీలించారు. కార్యక్రమంలో ప్రధానార్చకుడు గంగు ఉపేంద్రశర్మ, ఈఓ అనిల్‌కుమార్‌ తదితరులు పాల్గొన్నారు. సరస్వతీదేవిగా శ్రీరుద్రేశ్వరీదేవి అమ్మవారు శ్రీరుద్రేశ్వరీదేవి శరన్నవరాత్రి ఉత్సవాల్లో భాగంగా ఏడోరోజు శనివారం అమ్మవారిని సరస్వతీదేవిగా అలంకరించారు. మహాచండీయాగం నిర్వహించారు. భక్తులకు అన్నప్రసాదాల వితరణ చేశారు. సాయంత్రం సాంస్కృతిక కార్యక్రమాలు అలరించాయి. భద్రకాళి ఆలయంలో ప్రత్యేక పూజలు హాజరైన ఐటీశాఖ మంత్రి శ్రీధర్‌బాబు, పశ్చిమ ఎమ్మెల్యే నాయిని

● 20వ తేదీ మధ్యాహ్నం నుంచి 21న ఉదయం వరకు అమలు ● దసరా ఉత్సవాల నేపథ్యంలో ప్రత్యామ్నాయ మార్గాలు ● వరంగల్‌ పోలీస్‌ కమిషనర్‌ శ్వేత హసన్‌పర్తి: వరంగల్‌ ఉర్సు రంగలీల మైదానంలో ఈనెల 20వ తేదీన నిర్వహించనున్న దసరా ఉత్సవాలకు ట్రైసిటీలో ట్రాఫిక్‌ ఆంక్షలు విధించినట్లు పోలీస్‌ కమిషనర్‌ శ్వేత తెలిపారు. ఈనెల 20వ తేదీ మధ్యాహ్నం నుంచి 21వ తేదీ తెల్ల వారుజామున 3 గంటల వరకు ఆంక్షలు అమల్లో ఉంటాయని పేర్కొన్నారు. వాహనదారులు ప్రత్యామ్నాయ మార్గాలను వినియోగించి, పోలీసులకు సహకరించాలని కమిషనర్‌ శ్వేత కోరారు.ప్రత్యామ్నాయ మార్గాలివే.. ● ఖమ్మం నుంచి కరీంనగర్‌, హైదరబాద్‌కు వెళ్లే వాహనాలు.. పున్నేలు క్రాస్‌ నుంచి ఐనవోలు ఆర్చ్‌ వెంకటాపురం, కరుణాపురం మీదుగా వెళ్లాలి. ● కరీంనగర్‌ నుంచి ఖమ్మం వెళ్లే వాహనాలు.. కేయూసీ జంక్షన్‌, పెద్దమ్మ గడ్డ, హనుమాన్‌ జంక్షన్‌, పోచమ్మ మైదాన్‌, కాశిబుగ్గ, తెలంగాణ జంక్షన్‌, ఫోర్ట్‌ రోడ్డు జంక్షన్‌ మీదుగా వెళ్లాలి. ● హైదరాబాద్‌ నుంచి ఖమ్మం వైపునకు వెళ్లే వాహనాలు.. కరుణాపురం, వెంకటాపురం, ఐనవోలు, పున్నేలు క్రాస్‌, మీదుగా వెళ్లాలి.ఉర్సు గుట్టకు వచ్చే వాహనాల పార్కింగ్‌ ఇలా.. ● హంటర్‌ రోడ్డు వైపు నుంచి వచ్చే వాహనాలు.. ఫాదర్‌ కొలంబో ఆస్పత్రి, బీఆర్‌ నగర్‌ ఎదురుగా గానుగ ఆయిల్‌ పాయింట్‌ వద్ద ఆకుతోట ఫంక్షన్‌ హాల్‌, నాని గార్డెన్‌, జీఎస్‌ఎం స్కూల్‌ వద్ద వాహనాలు పార్కింగ్‌ చేయాలి. ● కడిపికొండవైపు నుంచి వచ్చే వాహనాలు.. భారత్‌ పెట్రోల్‌ పంప్‌ సమీపంలో పార్కింగ్‌ చేయాలి. ● ఆర్టీఓ జంక్షన్‌ నుంచి వచ్చే వాహనాలు.. లవ్లీ ఫంక్షన్‌ హాల్‌ ఖాళీ స్థలం, తాళ్ల పద్మావతి కళాశాల సమీపంలో పార్కింగ్‌ చేయాలి. ● కరీమాబాద్‌ వైపు నుంచి వచ్చే వాహనాలు.. బీరన్న గుడి సమీపంలో పార్కింగ్‌ చేయాలి.

జఫర్‌గఢ్‌: సద్దుల బతుకమ్మకు మండలంలోని ఉప్పుగల్లు గ్రామానికి చెందిన పోరెడ్డి సత్యనారాయణరెడ్డి కుటుంబం పెద్ద బతుకమ్మతో (5 ఫీట్లు) ప్రత్యేకతను చాటుకుంటోంది. ఏళ్లుగా తన తండ్రి నర్సింహారెడ్డి నుంచి వస్తున్న ఈ సంప్రదాయాన్ని కొనసాగిస్తూ వస్తున్నారు. సద్దుల పండుగకు వివిధ రకాల పూలను సేకరించి కుటుంబ సభ్యులంతా కలిసి అందంగా బతుకమ్మను పేరుస్తారు. సాయంత్రం సమయంలో ఇంటిల్లిపాది పెద్ద బతకమ్మను తీసుకుని డప్పుచప్పుళ్లు, డీజేతో ఊరేగింపుగా బతుకమ్మ ఆటస్థలానికి వెళ్తారు. గ్రామ మహిళలతో కలిసి సంప్రదాయ పాటలు పాడుతూ బతుకమ్మ ఆడుతారు. కొన్ని రకాల పూలు దొరక్కపోయినా కొనుగోలు చేసి మరీ పేరుస్తూ సంప్రదాయాన్ని కొనసాగిస్తున్నారు.సద్దుల బతుకమ్మ వేడుకలకు అమెరికా నుంచి వచ్చిన అఖిల, హాసిని (ఫైల్‌)ఏటూరునాగారం: తాతముత్తాల నుంచి ఆనవాయితీగా ఎత్తయిన బతుకమ్మను పేరుస్తూ మండలంలోనే ప్రత్యేకంగా నిలుస్తున్నారు ఏటూరునాగారం మండల కేంద్రంలోని నూతి కృష్ణ జ్యోతి. 70 ఏళ్లుగా ఐదు ఫీట్ల ఎత్తులో తీరొక్క పూలతో బతుకమ్మను పేరుస్తున్నారు. వారం రోజుల నుంచే పూలు సేకరిస్తున్నారు. స్థానికంగా దొరకని పూలను వరంగల్‌ నుంచి తెప్పించి మరీ పెద్ద బతుకమ్మను పేరుస్తున్నారు. కాగా, సద్దుల బతుకమ్మ రోజు తమ ఇంట్లోని ముగ్గురు మహిళలు ఉదయం 8 గంటల నుంచి పేర్చడం ప్రారంభిస్తే సాయంత్రం వరకు సమయం పడుతుందని, ఈ సమయంలో అమ్మవారిని కీర్తిస్తూ పాటలు పాడుతామని వారు చెబుతున్నారు. ఇన్నేళ్ల నుంచి గ్రామంలో ఇదే పెద్దదిగా పేరుగాంచింది. ఆకర్షణగా నిలుస్తున్న పెద్ద బతుకమ్మలుసాక్షి, మహబూబాబాద్‌: హైదరాబాద్‌లో ఉన్నా.. అమెరికాలో ఉన్నా ఆ ఇంటికి బంధువులు, ఆడపడుచులు బతుకమ్మ పండుగకు రావాల్సిందే.. ముప్పై ఏళ్లుగా పెద్ద బతుకమ్మను పేరుస్తూ సంబురాలు జరుపుకుంటున్నారు మహబూబాబాద్‌ పట్టణానికి చెందిన పర్కాల శ్రీనివాస్‌రెడ్డి హేమలత దంపతులు. ముప్పై ఏళ్ల క్రితం పర్కాల రంగారెడ్డి, పూలమ్మ దంపతులు ప్రారంభించిన ఈ ఆనవాయితీని ఆయన కుమారుడు శ్రీనివాస్‌రెడ్డి, హేమలత దంపతులు కొనసాగిస్తున్నారు. శ్రీనివాస్‌రెడ్డి కూతుళ్లు అఖిల, వినీల, కోడలు ప్రదీప, మనుమరాలు హాసిని హైదరాబాద్‌లో ఉన్నా, అమెరికాలో ఉన్నా సద్దుల బతుకమ్మ పండుగకు వస్తుంటారు.

● హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: జిల్లాలో పట్టభద్రుల ఎమ్మెల్సీ ఓటరు నమోదు కోసం అందిన 19 వేల దరఖాస్తుల్లో 45 పరిష్కరించామని, సుమారు 780 దరఖాస్తులు ఏఈఆర్‌ఓ స్థాయిలో పెండింగ్‌లో ఉన్నాయని హనుమకొండ జిల్లా ఎన్నికల అధికారి, కలెక్టర్‌ చాహత్‌ బాజ్‌పాయ్‌ తెలిపారు. మిగిలిన దరఖాస్తులను బూత్‌ స్థాయి అధికారులకు కేటాయించామని, ప్రతీ రోజూ ప్రక్రియను పర్యవేక్షిస్తూ దరఖాస్తుల పరిష్కారానికి చర్యలు తీసుకుంటున్నామని వివరించారు. శనివారం హైదరాబాద్‌ నుంచి రాష్ట్ర ప్రధాన ఎన్నికల అధికారి సి.సుదర్శన్‌రెడ్డి జిల్లా కలెక్టర్లు, జిల్లా ఎన్నికల అధికారులతో నిర్వహించిన వీడియో కాన్ఫరెన్స్‌లో హనుమకొండ కలెక్టరేట్‌ నుంచి కలెక్టర్‌ చాహత్‌ బాజ్‌పాయ్‌ ఇతర అధికారులతో కలిసి పాల్గొన్నారు. సమావేశంలో ఏఈఆర్‌ఓ రవీందర్‌రెడ్డి, ఎన్నికల విభాగం సూపరింటెండెంట్‌ జగత్‌సింగ్‌, డీసీఓ మోహన్‌, ఇతర అధికారులు పాల్గొన్నారు.● జీడబ్ల్యూఎంసీ కమిషనర్‌ వెంకన్న వరంగల్‌ అర్బన్‌: సద్దుల బతుకమ్మ వేడుకలను గ్రేటర్‌ వరంగల్‌ నగర ప్రజలకు ప్రశాంత వాతావరణంలో నిర్వహించుకునేందుకు గ్రేటర్‌ మున్సిపల్‌ కార్పొరేషన్‌ ఆధ్వర్యంలో అన్ని ఏర్పాట్లు చేసినట్లు కమిషనర్‌ వెంకన్న తెలిపారు. శనివారం కమిషనర్‌ నగర పరిధి వివిధ బతుకమ్మ ఘాట్‌లు, చెరువులు, కుంటలు, కృత్రిమ నీటి కొలనుల వద్ద చేపట్టిన ఏర్పాట్లను పరిశీలించారు. ఈసందర్భంగా ఆయన మాట్లాడుతూ.. గ్రేటర్‌ పరిధిలో 90 ప్రాంతాల్లో రూ.1.50 కోట్లతో సద్దుల బతుకమ్మకు అన్ని ఏర్పాట్లు పూర్తి చేసినట్లు తెలిపారు. నిరంతరం పర్యవేక్షించాలి.. నగరంలోని కాళోజీ కళాక్షేత్రం నుంచి అదాలత్‌ జంక్షన్‌ వరకు, పలు ప్రాంతాల్లో కమిషనర్‌ వెంకన్న శనివారం ఉదయం పర్యటించారు. ఆయా ప్రాంతాల్లో పారిశుద్ధ్య నిర్వహణను పరిశీలించారు. పారిశుద్ధ్య పనులను నిరంతరం పర్యవేక్షిస్తూ, ప్రజలకు అసౌకర్యం కలుగకుండా పారిశుద్ధ్య నిర్వహణను సమర్థవంతంగా చేపట్టాలని ఆదేశించారు. ఈసందర్భంగా నగర ఆడపడుచులకు సద్దుల బతుకమ్మ శుభాకాంక్షలు తెలిపారు. క్షేత్రస్థాయి పరిశీలనలో కమిషనర్‌ వెంట ఎగ్జిక్యూటివ్‌ ఇంజనీర్లు రవికుమార్‌, సంజయ్‌ కుమార్‌, మహేందర్‌, మాధవి, ఎంహెచ్‌ఓ డాక్టర్‌ రాజేశ్‌, సీఏంహెచ్‌ఓ రాజారెడ్డి, సిటీప్లానర్‌ రవీంద్ర రాడేకర్‌ తదితరులున్నారు.

ఖిలా వరంగల్‌: వరంగల్‌చౌరస్తా మేదరివాడలో వెదురు బతుకమ్మ బుట్టలు తయారవుతున్నాయి. ఈ బుట్టలకు కావాల్సిన ముడిసరుకును నెల ముందుగానే మహారాష్ట్ర, ఛత్తీస్‌గఢ్‌, ఒడిశా, ఖమ్మం, భద్రాచలం నుంచి తెచ్చుకుంటారు. 50 కుటుంబాలు ఈ వెదురు బతుకమ్మలు తయారుచేసి ఉపాధి పొందుతున్నాయి. బుట్టల సైజ్‌ను బట్టి రూ.50 నుంచి రూ.500 వరకు విక్రయిస్తున్నారు. ప్రస్తుతం పట్టణ ప్రాంతాల్లో పూలు దొరికే పరిస్థితి లేకపోవడంతో, అధికంగా ఖర్చు లేకుండా తక్కువ పూలతో పెద్ద బతుకమ్మలను ఆకర్షణీయంగా వెదురు బుట్టలను వాడి తయారు చేస్తున్నారు నగరవాసులు. చేతివృత్తులు కనుమరుగవుతున్న తరుణంలో తమకు బతుకమ్మ పండుగ కారణంగా ఉపాధి దొరుకుతోందని ఆ కుటుంబాలు ఆనందాన్ని వ్యక్తం చేస్తున్నాయి. ●

హన్మకొండ కల్చరల్‌: నగరంలో సద్దుల బతుకమ్మ సందడి నెలకొంది. ఆదివారం సద్దులు కావడంతో బతుకమ్మను పేర్చడానికి కావాల్సిన తంగేడు వివిధ రంగులలో ముంచిన గునుగుపూలు, తామర పూలు, చామంతి, బంతి, సీతజడలు, గుమ్మడి ఆకులు తదితర కొనుగోళ్లతో శనివారం ట్రైసిటీలోని రోడ్లు కిక్కిరిసిపోయాయి. యువతులు గాజులు, తదితర అలంకరణ సామగ్రి కొనుగోలు చేశారు. హనుమకొండ చౌరస్తా, కుమార్‌పల్లి, టైలర్‌స్ట్రీట్‌, అంబేడ్కర్‌ సెంటర్‌, అదాలత్‌సెంటర్‌, వరంగల్‌లోని పిన్నావారి వీధి, రామన్నపేట, బట్టలబజార్‌, కాశీబుగ్గ, గోపాలస్వామి గుడి, హనుమకొండ భవానీనగర్‌బోర్డు, సుబేదారిలోని అమరవీరుల స్తూపం, కాజీపేటలోని బాపూజీనగర్‌ తదితర ప్రాంతాల్లో అమ్మకాలు జోరుగా సాగాయి. చెరువుల వద్ద ఏర్పాట్లు.. నగరంలో ప్రధానంగా హనుమకొండలోని పద్మాక్షి దేవాలయం, వరంగల్‌లోని ఉర్సురంగలీలా మైదానంతోపాటు వడ్డేపల్లి చెరువు భద్రకాళి చెరువు, ఎస్వీ రోడ్డులోని పోతన మందిరం, పెద్దచెరువు, మడికొండ, రాంపూర్‌, హసన్‌పర్తి చెరువులు, బెస్తం చెరువు, శివనగర్‌, సిద్ధేశ్వరగుండం, పడమరకోట, తదితర చెరువుల వద్ద ఏర్పాట్లు చేశారు. పద్మాక్షి ఆలయం, ఉర్సురంగ లీలా మైదానం వద్ద హైమాస్ట్‌ లైట్లతో విద్యుత్‌ సౌకర్యం ఏర్పాటు చేశారు. పెద్దఎత్తున పోలీస్‌ బందోబస్తు ఏర్పాటు చేశారు. పూలు, అలంకరణ సామగ్రి కొనుగోళ్లతో రోడ్లన్నీ రద్దీ చెరువుల వద్ద అన్ని ఏర్పాట్లు

హన్మకొండ అర్బన్‌ : ఎల్‌నినో ప్రభావంతో రానున్న రోజుల్లో ఏర్పడే సమస్యలను సమర్థవంతంగా ఎదుర్కొనేందుకు జిల్లా యంత్రాంగం ముందస్తు ప్రణాళికతో అప్రమత్తంగా ఉండాలని ఉమ్మడి వరంగల్‌ జిల్లా ప్రత్యేక అధికారి, మున్సిపల్‌ పరిపాలన శాఖ కార్యదర్శి, సీడీఎంఏ డాక్టర్‌ టి.కె.శ్రీదేవి ఆదేశించారు. శనివారం ఉమ్మడి వరంగల్‌ జిల్లాలోని హనుమకొండ, వరంగల్‌, జనగామ, మహబూబాబాద్‌, జయశంకర్‌ భూపాలపల్లి, ములుగు జిల్లాల కలెక్టర్లతో ఎల్‌నినోపై వీడియో కాన్ఫరెన్స్‌ నిర్వహించారు. ఈ సందర్భంగా శ్రీదేవి మాట్లాడుతూ నీటి కొరత ఏర్పడకముందే అన్ని శాఖలు సమన్వయంతో ముందస్తు చర్యలు చేపట్టాలని ఆదేశించారు. తాగునీటి వనరులు, రిజర్వాయర్లు, చెరువులు, భూగర్భ జలాల పరిస్థితిని నిరంతరం పర్యవేక్షించాలని, నీటి నిల్వలు తగ్గే ప్రాంతాలను ముందుగానే గుర్తించి ప్రత్యామ్నాయ వనరులు సిద్ధం చేసుకోవాలన్నారు. గ్రామీణ, పట్టణ ప్రాంతాల్లో తాగునీటి సరఫరాలో ఇబ్బందులు తలెత్తకుండా అవసరమైన చోట ప్రత్యామ్నాయ ఏర్పాట్లు చేయాలన్నారు. తాగునీటి అవసరాలకు ఆటంకం కలగకుండా సాగునీటి వినియోగాన్ని ప్రణాళిక ప్రకారం నిర్వహించాలన్నారు. రాబోయే రబీ సీజన్‌న్‌లో నీటి లభ్యతను దృష్టిలో ఉంచుకుని వరి సాగును పరిమితం చేసి శనగలు, కందులు, పెసలు, ఇతర పప్పుధాన్యాలు, నూనెగింజల వంటి తక్కువ నీటితో పండే పంటలను ప్రోత్సహించాలని వ్యవసాయ శాఖ అధికారులను ఆదేశించారు. ప్రస్తుతం గ్రామాల వారీగా తాగునీటి సరఫరాలో ఇబ్బందులు లేనప్పటికీ, భవిష్యత్‌లో నీటి కొరత ఏర్పడే అవకాశాలను దృష్టిలో ఉంచుకొని ముందస్తు జాగ్రత్తలు తీసుకుంటామని హనుమకొండ కలెక్టర్‌ చాహత్‌బాజ్‌పాయ్‌ తెలిపారు. సమావేశంలో జీడబ్ల్యూఎంసీ కమిషనర్‌ వెంకన్న, ఈఈ రవికుమార్‌, డీఏఓ విజయ్‌ చంద్ర, సాగునీటిపారుదల శాఖ అధికారి రామ్మోహన్‌ , విద్యుత్‌ శాఖ ఏడీఈ గంగారెడ్డి, భూగర్భ జల వనరుల శాఖ ఉప సంచాలకురాలు శైలశ్రీ మల్లికాదేవి, గ్రామీణ నీటి సరఫరా విభాగం అధికారి మధు తదితరులు పాల్గొన్నారు. రబీలో తక్కువ నీటితో సాగయ్యే పంటలను ప్రోత్సహించాలి ఉమ్మడి వరంగల్‌ జిల్లా ప్రత్యేక అధికారి శ్రీదేవి

కాజీపేట రూరల్‌: మహారాష్ట్రలోని నాగ్‌పూర్‌లో ఈ నెల 20న జరగనున్న ధమ్మా చక్రాప్రవర్తన్‌ దివాస్‌ సందర్భంగా ప్రయాణికుల సౌకర్యార్థం కాజీపేట జంక్షన్‌ మీదుగా బీదర్‌, అజ్నీ మధ్య రెండు ప్రత్యేక రైళ్లను నడిపిస్తున్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ శనివారం తెలిపారు. ప్రత్యేక రైళ్ల వివరాలు.. బీదర్‌లో సోమవారం బయలుదేరే బీదర్‌–అజ్నీ (07081) ఎక్స్‌ప్రెస్‌ కాజీపేటకు చేరుకుని వెళ్తుంది. మంగళవారం అజ్నీలో బయలుదేరే అజ్నీ–బీదర్‌ (07082) ఎక్స్‌ప్రెస్‌ కాజీపేటకు చేరుకుని వెళ్తుంది. స్లీపర్‌ అండ్‌ జనరల్‌ సెకండ్‌ క్లాస్‌ కోచ్‌లతో ప్రయాణించే ఈ రైళ్లకు అప్‌ అండ్‌డౌన్‌లో జహీరాబాద్‌, వికారాబాద్‌, లింగంపల్లి, బేగంపేట, సికింద్రాబాద్‌, చర్లపల్లి, కాజీపేట, మంచిర్యాల, సిర్పూర్‌కాగజ్‌నగర్‌, బల్లార్షా స్టేషన్లలో హాల్టింగ్‌ కల్పించారు. అక్టోబర్‌, నవంబర్‌లో పలు రైళ్లకు రిజర్వేషన్‌ బెర్తులు.. కాజీపేట జంక్షన్‌ మీదుగా ప్రయాణించే పలు రైళ్లకు అక్టోబర్‌, నవంబర్‌లో రిజర్వేషన్‌ బెర్తులు, సీట్లు అందుబాటులో ఉన్నట్లు దక్షిణ మధ్య రైల్వే సీపీఆర్వో ఎ.శ్రీధర్‌ తెలిపారు. రిజర్వేషన్‌ బెర్తుల వివరాల రైళ్లు.. చర్లపల్లి–హజ్రత్‌నిజాముద్దీన్‌ (07021) వీక్లీ ఎక్స్‌ప్రెస్‌కు నవంబర్‌ 16న 300, నవంబర్‌ 23న 717, నవంబర్‌ 30న 701 ఖాళీలు ఉన్నాయి. చర్లపల్లి–హజ్రత్‌నిజాముద్దీన్‌ (07023) వీక్లీ ఎక్స్‌ప్రెస్‌కు నవంబర్‌ 10న 137, నవంబర్‌ 17న 571, నవంబర్‌ 24న 729 ఖాళీలు ఉన్నాయి. హైదరాబాద్‌–మణుగూరు (07097) వీక్లీ ఎక్స్‌ప్రెస్‌కు అక్టోబర్‌ 28న 456, నవంబర్‌ 4న 418, నవంబర్‌ 11న 528, నవంబర్‌ 18న 558, నవంబర్‌ 508 ఖాళీలు ఉన్నాయి. సికింద్రాబాద్‌–సిర్పూర్‌కాగజ్‌నగర్‌ (07711) డైలీ ఎక్స్‌ప్రెస్‌కు అక్టోబర్‌ 19న 291, అక్టోబర్‌ 20న 390, అక్టోబర్‌ 21న 405, అక్టోబర్‌ 22న 401, అక్టోబర్‌ 23న 406, అక్టోబర్‌ 24న 401, అక్టోబర్‌ 25న 403 ఖాళీలు అందుబాటులో ఉన్నాయి. సిర్పూర్‌కాగజ్‌నగర్‌–హైదరాబాద్‌ (07712) డైలీ ఎక్స్‌ప్రెస్‌కు అక్టోబర్‌ 17న 367, అక్టోబర్‌ 18న 385, అక్టోబర్‌ 19న 396, అక్టోబర్‌ 20న 292, అక్టోబర్‌ 22న 90, అక్టోబర్‌ 23న 384, అక్టోబర్‌ 24న 388, అక్టోబర్‌ 25న 324 ఖాళీలు అందుబాటులో ఉన్నాయి.

వరంగల్‌ స్పోర్ట్స్‌: హనుమకొండ జిల్లా సాఫ్ట్‌బాల్‌ అసోసియేషన్‌ ఆధ్వర్యంలో వరంగల్‌లోని ఎల్‌బీ కళాశాల మైదానంలో రెండు రోజులపాటు నిర్వహించిన 11వ రాష్ట్రస్థాయి మినీ సబ్‌జూనియర్‌ బా లుర చాంపియన్‌షిప్‌ పోటీలు శనివారం ముగిశా యి. హోరాహోరీగా సాగిన పోటీల్లో నిజామాబాద్‌ జట్టు చాంపియన్‌షిప్‌ కై వసం చేసుకోగా, రన్నరప్‌గా సిద్దిపేట, మూడో స్థానంలో మహబూ బ్‌నగర్‌ జట్లు నిలిచాయి. కాగా, నాలుగో స్థానంలో మంచిర్యాల జట్టు నిలిచింది. తెలంగాణ సాఫ్ట్‌బాల్‌ అసోసియేషన్‌ రాష్ట్ర చైర్మన్‌ డాక్టర్‌ పి. సాంబశివరావు ముగింపు వేడుకలకు ముఖ్య అతిథిగా హాజరై విజేతలకు ట్రోఫీలు అందజేశారు. గ్రంథాలయ సంస్థ జిల్లా చైర్మన్‌ అజీజ్‌ ఖాన్‌, జీడబ్ల్యూఎంసీ అడిషనల్‌ కమిషనర్‌ జోన, హనుమకొండ డీవైఎస్‌ఓ కొత్త ప్రశాంత్‌, ఆలిండియా సాఫ్ట్‌బాల్‌ సంయుక్త కార్యదర్శి శోభన్‌బాబు, అసోసియేషన్‌ జిల్లా సెక్రటరీ తాబేటి రాజేందర్‌, డాక్టర్‌ ఫణిందర్‌, రమణారెడ్డి, వెంకటరమణ, సాంబమూర్తి, నవీన్‌ కుమార్‌, మోహన్‌, నాగిరెడ్డి, సుమలత, రాజేశ్వర్‌, నాగరాజు, వినయ్‌, మధు, సృజన, సుష్మ పాల్గొన్నారు. రన్నరప్‌గా సిద్దిపేట మూడో స్థానంలో మహబూబ్‌నగర్‌

కేయూ క్యాంపస్‌ : కాకతీయ యూనివర్సిటీ ఆవిర్భవించి ఐదు దశాబ్దాలు పూర్తి చేసుకుంది. గోల్డెన్‌ జూబ్లీ ఉత్సవాల్లో భాగంగా వివిధ కార్యక్రమాలు కొనసాగుతున్నాయి. అయితే కొన్నేళ్లుగా యూనివర్సిటీలో కొన్ని సమస్యలు అపరిష్కృతంగానే ఉంటున్నాయి. కేయూ రెగ్యులర్‌ వీసీగా హైదరాబాద్‌లోని ఉస్మానియా యూనివర్సిటీ జూవాలజీ విభాగం రిటైర్డ్‌ ఆచార్యులు కె. ప్రతాప్‌రెడ్డి నియమితులై ఈనెల 18వ తేదీ(ఆదివారం)తో రెండేళ్లు పూర్తవుతుంది. ఈ రెండేళ్లపాటు పాలన స్లోగా కొనసాగిస్తూ వస్తున్నారు. దీంతో ఆయన పాలనపై మిశ్రమ స్పందన కనిపిస్తోంది. వీసీకి మరో సంవత్సరంపాటు మాత్రమే పాలన మిగిలి ఉంది. ఎఫ్‌ఆర్‌ఎస్‌ అమల్లోకి తీసుకొచ్చినా.. కేయూలో ఉద్యోగులు, అధ్యాపకులు సమయపాల న పాటించడం లేదని భావించి కొంతకాలం క్రిత మే ముఖ గుర్తింపు హాజరు(ఎఫ్‌ఆర్‌ఎస్‌ )విధానం అమల్లోకి తీసుకొచ్చారు. కొద్దిగా మార్పు కనిపించి నా ఆశించిన స్థాయిలో అమలు కావడంలేదు. కొందరు హాజరు వేసి వెళ్లిపోతున్న పరిస్థితి కూడా ఉంది. తరగతులు సక్రమంగా జరగాలంటే పర్యవేక్షణ అధికారుల తనిఖీలు చేయాల్సి ఉంటుంది. కానీ పట్టించుకోవడం లేదు. ప్రాక్టికల్స్‌ కూడా మొక్కుబడిగానే నిర్వహిస్తున్నారనే ఆరోపణలున్నాయి. క్రమశిక్షణ తప్పుతున్నా చర్యలు లేవు.. కేయూ హాస్టళ్లలో (బాయ్స్‌) తరచూ ఘర్షణలు జరుగుతున్నాయి. అయినా ఎలాంటి చర్యలు చేపట్టడంలేదనే ఆరోపణలున్నాయి. మరోవైపు నాన్‌బోర్డర్ల సమస్య తీవ్ర రూపం దాల్చింది. కొందరు నాన్‌ బోర్డర్లు కామన్‌మెస్‌, న్యూపీజీ బాయ్స్‌హాస్టల్‌ మెస్‌ను వినియోగించుకుంటున్నారు. దీంతో విద్యార్థులకు బిల్లులు ఎక్కువ వస్తున్నాయనే ఆరోపణలు వినిపిస్తున్నాయి. హాస్టళ్ల నిర్వహణలో అవకతకవలు చోటుచేసుకుంటున్నాయని వెలుగులోకి వచ్చినా బాధ్యులపై ఎలాంటి చర్యలు చేపట్టడం లేదు. కమిటీలు వేసి చర్యలు తీసుకోవడంలో జాప్యం.. ఎవరిపైనా ఎలాంటి ఆరోపణలు వచ్చిన తప్పనిసరిగా వీసీ ప్రతాప్‌రెడ్డి కమిటీలు వేస్తున్నారు. అయితే చర్యలు తీసుకోవడంలో జాప్యం చేస్తున్నారనే ఆరోపణలున్నాయి. ఆలస్యంగానైనా పలువురిపై చర్యలు తీసుకున్నారు. అయితే మాజీ హాస్టళ్ల డైరెక్టర్‌, జాయింట్‌ డైరెక్టర్లపై వచ్చిన ఆరోపణలపై రెండు విచారణ కమిటీలు వేసి నివేదికలు ఇచ్చాక పాలకమండలి సమావేశంలో చర్చకు పెట్టడంతో మరోసారి పాలకమండలి సభ్యులతో ముగ్గురిపై మళ్లీ విచారణ కొనసాగిస్తున్నారు. ప్రహరీ నిర్మాణామెప్పుడో? కాకతీయ యూనివర్సిటీ భూములు అన్యాక్రాంతం కాకుండా చుట్టూ 10 కి.మీ మేర రూ. 20 కోట్ల వ్యయంతో ప్రహరీ నిర్మించేందుకు ఉపక్రమించడంలో జాప్యం జరుగుతోంది. ఓ ప్రభుత్వ సంస్థకు అప్పగించగా టెండర్‌ కూడా పిలిచారని, అయితే ఇప్పటి వరకు పనులు ప్రారంభించలేదు. ● వీసీ ప్రతాప్‌రెడ్డి వివిధ అభివృద్ధి పనులకు రూ.400 కోట్లతో ప్రభుత్వానికి ప్రతిపాదనలు పంపారు. నిధుల కోసం ప్రయత్నాలు చేస్తున్నారు.రెండేళ్ల పాలనలో వీసీ ఏం చేశారంటే.. కాకతీయ యూనివర్సిటీలో ప్రతిష్టాత్మక తెలంగాణ సైన్స్‌కాంగ్రెస్‌ను విజయవంతంగా నిర్వహించారు. కేయూ 23వ స్నాతకోత్సవం నిర్వహించారు. కేయూహబ్‌తో టీహబ్‌ మధ్య అవగాహన ఒప్పందంకుదుర్చుకున్నారు.ప్రస్తుతం 100మంది విద్యార్థులకు టీహబ్‌సహకారంతో మెంటర్‌ షిప్‌గా శిక్షణ ఇస్తున్నారు. విద్యార్థుల్లో స్కిల్స్‌ పెంచేందుకు, అలాగే వివిధ కార్యక్రమాల అమలుకు పలు సంస్థలతో అవగాహన ఒప్పందాలు కుదర్చుకున్నారు. జర్మనీ యూనివర్సిటీస్‌ గ్రూప్‌ సంస్థలతోనూ ఎంఓయూ చేసుకున్నారు. యూనివర్సిటీలో సుమారు రూ. 5కోట్లతో నిర్మించిన కెహబ్‌ను రెండేళ్‌లైనా వినియోగంలోకి తీసుకురాలేకపోయారు. టీహబ్‌తో ఎంఓయూ కుదుర్చుకున్నాక వారి సూచనల మేరకు మళ్లీ కెహబ్‌లో ఇంటీరియర్‌ వర్క్స్‌ రూ. 5కోట్లతో అభివృద్ధి పనులు చేపట్టారు. మరోనెలరోజుల్లో అందుబాటులోకి వచ్చే అవకాశాలున్నాయి. కేయూలో వివిధ విభాగాల్లో రూ.35 కోట్లతో సైన్స్‌ రీసెర్చ్‌ ప్రాజెక్టులు కొనసాగుతున్నాయి. ఐదు రీసెర్చ్‌ సెంటర్లు ఏర్పాటు చేశారు. సైన్స్‌ రీసెర్చ్‌ ప్రాజెక్టుల పరిశోధనల కోసం యూనివర్సిటీలో సెంట్రల్‌ ఇన్‌స్ట్రుమెంటేషన్‌ సెంటర్‌ నిర్మాణ పనులు కొనసాగుతున్నాయి. పీజీ కోర్సుల సిలబస్‌ను నూతన జాతీయ విద్యావిధానానికి అనుగుణంగా కొంత మార్పు చేయించారు. గతంలో కంటే కేయూకు బ్లాక్‌ గ్రాంట్‌ పెంపుదలకు కృషి చేశారు. కేయూ కోఎడ్యుకేషన్‌ ఇంజనీరింగ్‌ కళాశాలకు వెళ్లేలా రూ. కోటికిపైగా నిధులతో రోడ్డు నిర్మాణం ఇటీవలే పూర్తి చేయించారు. 2010లో నియమితులైన అసిస్టెంట్‌ ప్రొఫెసర్లకు పదోన్నతులు కల్పించారు. కేయూలో డిప్యూటీ రిజిస్ట్రార్లు, అసిస్టెంట్‌ రిజిస్ట్రార్లు, సూపరింటెండెంట్లు, లైబ్రరీ అసిస్టెంట్‌ల గ్రేడ్‌ల పదోన్నతులు కల్పించారు. కేయూలో పీజీ కోర్సుల్లో విద్యార్థినుల అడ్మిషన్లు పెరిగాయి. అయితే వారికి సరిపడా హాస్టళ్ల భవనాలు లేవు. నేటితో కేయూ వీసీ ప్రతాప్‌రెడ్డి రెండేళ్ల పాలన పూర్తి కమిటీలు వేయడం.. చర్యలు తీసుకోవడంలో జాప్యం

హన్మకొండ: పర్యావరణ పరిరక్షణకు ప్రతీ ఒక్కరు బాధ్యత తీసుకోవాలని, పచ్చదనంతోనే భవిష్యత్‌ తరాలకు ఆరోగ్యకర జీవితం అందించిన వారమవుతామని మాజీ ఎంపీ జోగినిపల్లి సంతోష్‌ రావు అన్నారు. గ్రీన్‌ ఇండియా ఛాలెంజ్‌లో భాగంగా ఓరుగల్లు వైల్డ్‌ లైఫ్‌ సొసైటీ, వన సేవా సొసైటీ ఆధ్వర్యంలో శనివారం హనుమకొండలోని పద్మాక్షి గుట్ట వద్ద మొక్కలు నాటే కార్యక్రమం జరిగింది. ఇందులో భాగంగా సంతోష్‌ రావుతోపాటు ఎమ్మెల్సీ పోచంపల్లి శ్రీనివాస్‌ రెడ్డి, మాజీ చీఫ్‌ విప్‌ దాస్యం వినయ్‌ భాస్కర్‌ మొక్కలు నాటారు. అంతకు ముందు భద్రకాళి అమ్మవారిని దర్శించుకున్నారు. నేటికాలంలో పెరుగుతున్న కాలుష్యం, వాతావరణ మార్పులు, చెట్ల నరికివేత వంటి సమస్యలను అధిగమించాలంటే ప్రతీ ఒక్కరు మొక్కలు నాటడమే కాకుండా, వాటిని సంరక్షించే బాధ్యత కూడా స్వీకరించాలని పిలుపునిచ్చారు. ఓరుగల్లు వైల్డ్‌ లైఫ్‌ సొసైటీ, వన సేవా సొసైటీ ప్రతినిధులు, బీఆర్‌ఎస్‌ శ్రేణులు పాల్గొన్నాయి. మాజీ ఎంపీ జోగినిపల్లి సంతోష్‌ రావు

హన్మకొండ చౌరస్తా: భద్రకాళి బండ్‌పై ఆవిష్కరించిన ‘రాకెట్‌ రుద్రమ’ స్ఫూర్తితో వరంగల్‌ నిట్‌ విద్యార్థి పింగిళి రాజశేఖర్‌రెడ్డి బృందం రూపొందించిన ‘రాకెట్‌ రుద్రమ’ మరో అరుదైన ఘనత సాధించినట్లు డీసీసీ అధ్యక్షుడు, కుడా మాజీ చైర్మన్‌ ఇనగాల వెంకట్రాంరెడ్డి తెలిపారు. ఉత్తరప్రదేశ్‌ ఇస్రో నిర్వహిస్తున్న మోడల్‌ రాకెట్రీ ఇండియా స్టూడెంట్‌ కాంపిటీషన్ఙ్‌ పోటీల్లో ‘రాకెట్‌ రుద్రమ’ అత్యంత కీలకమైన క్రిటికల్‌ డిజైన్‌ రివ్యూ క్వాలిఫికేషన్‌ సాధించి, జాతీయ స్థాయి ఫైనల్స్‌కు అర్హత సాధించడం గర్వంగా ఉందని పేర్కొన్నారు. ఈ రాకెట్‌ తుది తయారీ, ప్రయోగ ఖర్చుల కోసం వెంకట్రాంరెడ్డి చొరవతో డల్లాస్‌ కంపెనీ అధినేత శరత్‌రెడ్డి సౌజన్యంతో రెండు లక్షల రూపాయల ఆర్థిక సాయాన్ని ప్రకటించారు. ఆర్థిక సాయం చెక్కును శనివారం జిల్లాకు విచ్చేసిన మంత్రి శ్రీధర్‌బాబు హనుమకొండలోని ఇనగాల నివాసంలో ఎమ్మెల్యే నాయిని రాజేందర్‌రెడ్డితో కలిసి రాజశేఖర్‌ రెడ్డి బృందానికి అందజేశారు. విద్యార్థి బృందాన్ని మంత్రి శ్రీధర్‌ బాబు అభినందించారు. జాతీయ స్థాయి పోటీల్లో ‘రాకెట్‌ రుద్రమ–2’ విజయం సాధించాలని ఆకాంక్షించారు.

వరంగల్‌ స్పోర్ట్స్‌: యువత మొబైల్‌ ఫోన్లతో కాలక్షేపం చేయకుండా ఆరోగ్యంపై శ్రద్ధ వహిస్తూ క్రీడా మైదానాల వైపు దృష్టి సారించాలని రాష్ట్ర ఐటీ, పరి శ్రమల శాఖ మంత్రి దుద్దిళ్ల శ్రీధర్‌ బాబు అన్నారు. నాయిని విశాల్‌ ట్రస్ట్‌, క్రెడాయ్‌ వరంగల్‌ సంయుక్త ఆధ్వర్యంలో శనివారం నిర్వహించిన ట్రై సిటీస్‌ హాఫ్‌ మారథాన్‌ రెండో ఎడిషన్‌ ప్రారంభోత్సవానికి మంత్రి శ్రీధర్‌బాబు ముఖ్య అతిథిగా హాజరయ్యారు. హనుమకొండ బాలసముద్రంలోని కాళో జీ కళాక్షేత్రం వద్ద ఎమ్మెల్యేలు నాయిని రాజేందర్‌ రెడ్డి, కేఆర్‌ నాగరాజుతో కలిసి కార్యక్రమాన్ని ప్రా రంభించారు. ఈ సందర్భంగా మంత్రి శ్రీధర్‌బాబు మాట్లాడుతూ యువతలో క్రీడాస్ఫూర్తిని పెంపొందించడంతోపాటు ఆరోగ్యంపై అవగాహన కల్పించేందుకు నిర్వహిస్తున్న ట్రై సిటీస్‌ హాఫ్‌ మారథాన్‌ కార్యక్రమం అభినందనీయమన్నారు. యువత చెడు అలవాట్లకు దూరంగా ఉంటూ క్రీడలను జీవి తంలో భాగం చేసుకోవాలని పిలుపునిచ్చారు. నా యిని విశాల్‌ ట్రస్ట్‌ ఆధ్వర్యంలో మారథాన్‌ నిర్వహించిన విష్ణువర్ధన్‌ రెడ్డి, డాక్టర్‌ శ్రీ గోదారెడ్డిని అభినందించారు. ప్రజా ప్రతినిధులు, అధికారులు, క్రీడా సంఘాల ప్రతినిధులు, మారథాన్‌ నిర్వాహకులు, రన్నర్లు, యువత పెద్ద సంఖ్యలో పాల్గొన్నారు. మంత్రి దుద్దిళ్ల శ్రీధర్‌ బాబు అట్టహాసంగా హాఫ్‌ మారథాన్‌

హన్మకొండ: అధికారులు, ఉద్యోగుల సమష్టి కృషికి గుర్తింపు ‘ఇన్నోవేషన్‌ విత్‌ ఇంపాక్ట్‌ అవార్డు ఫర్‌ డిస్కమ్స్‌’ అని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అన్నారు. విద్యుత్‌ పంపిణీ రంగంలో ఆధునిక సాంకేతిక పరిజ్ఞానాన్ని వినియోగిస్తూ వినియోగదారులకు మెరుగైన సేవలు చేపడుతున్న టీజీ ఎన్పీడీసీఎల్‌కు 14వ ఇన్నోవేషన్‌ విత్‌ ఇంపాక్ట్‌ అవార్డు ఫర్‌ డిస్కామ్స్‌ లభించింది. ఈ నెల 14న న్యూ ఢిల్లీలో ఇండియన్‌ చాంబర్‌ ఆఫ్‌ కామర్స్‌ ఆధ్వర్యంలో జరిగిన 20వ ఇండియా ఎనర్జీ సమ్మిట్‌ 14వ ఇన్నోవేషన్‌ విత్‌ ఇంపాక్ట్‌ అవార్డ్స్‌ ఫర్‌ డిస్కామ్స్‌ కార్యక్రమంలో ఎన్పీడీసీఎల్‌ సెక్రటరీ కె.వెంకటేశం నిర్వాహకుల చేతుల మీదుగా అవార్డు అందుకున్నారు. ఈ అవార్డును శనివారం హనుమకొండలోని టీజీ ఎన్పీడీసీఎల్‌ ప్రధాన కార్యాలయంలో సీఎండీ వరుణ్‌ రెడ్డి, డైరెక్టర్లు వి.మోహన్‌ రావు, వి.తిరుపతి రెడ్డి, టి.మధుసూదన్‌, సి.ప్రభాకర్‌కు కంపెనీ సెక్రటరీ కె.వెంకటేశం అందించారు. ఈ సందర్భంగా సీఎండీ మాట్లాడుతూ కంపెనీ చేపడుతున్న వినూత్న కార్యక్రమాలకు జాతీయ స్థాయి అవార్డు రావడం అధికారులు, ఇంజినీర్లు, క్షేత్రస్థాయి సిబ్బందికి గర్వకారణమన్నారు. సీఎండీ కర్నాటి వరుణ్‌ రెడ్డి

మహబూబ్‌నగర్‌ క్రీడలు: మహబూబ్‌నగర్‌ జిల్లా కేంద్రంలో శనివారం ముగిసిన స్కూల్‌ గేమ్స్‌ ఫెడరేషన్‌ 69వ రాష్ట్రస్థాయి అండర్‌–14 హ్యాండ్‌బాల్‌ టోర్నమెంట్‌లో బాలుర విభాగంలో ఉమ్మడి మహబూబ్‌నగర్‌ జిల్లా జట్టు సత్తాచాటి చాంపియన్‌షిప్‌ను కై వసం చేసుకోగా రన్నరప్‌గా వరంగల్‌ నిలిచింది. స్థానిక హీరా హోడల్‌ స్కూల్‌ మైదానంలో జరిగిన బాలుర ఫైనల్‌ ఉత్కంఠ పోరులో మహబూబ్‌నగర్‌ జట్టు 7–5 గోల్స్‌ తేడాతో వరంగల్‌పై విజయం సాధించింది. అంతకుముందు బాలుర సెమీఫైనల్‌ మ్యాచుల్లో వరంగల్‌ జట్టు 5–2 గోల్స్‌ తేడాతో కరీంనగర్‌పై గెలుపొందింది. బాలికల విభాగం సెమీఫైనల్‌ మ్యాచ్‌లో మహబూబ్‌నగర్‌ జట్టు 6–3 గోల్స్‌ తేడాతో వరంగల్‌పై విజయం సాధించింది. విజేతలకు ప్రముఖ పారిశ్రామికవేత్త బెక్కరి రాంరెడ్డి తదితరులు ట్రోఫీలు అందజేశారు.

● బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ నర్సంపేట: దివంగత మాజీ ఎమ్మెల్యే పెద్ది సుదర్శన్‌రెడ్డి కుటుంబాన్ని బీఆర్‌ఎస్‌ పార్టీ కాపాడుకుంటుందని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు. హైదరాబాద్‌లోని తెలంగాణ భవన్‌లో శుక్రవారం నర్సంపేట నియోజకవర్గ ముఖ్య కార్యకర్తల సమావేశం నిర్వహించగా ఉమ్మడి వరంగల్‌ జిల్లా ప్రజా ప్రతినిధులు పాల్గొన్నారు. ఈ సందర్భంగా పెద్ది సుదర్శన్‌రెడ్డి చిత్రపటానికి నివాళులర్పించిన అనంతరం కేటీఆర్‌ మాట్లాడారు. అధికారంలోకి వచ్చిన తర్వాత నర్సంపేట నియోజకవర్గాన్ని దత్తత తీసుకుని పెద్ది సుదర్శన్‌రెడ్డి చేయాలనుకున్న అభివృద్ధిని దగ్గరుండి చేయిస్తానని తెలిపారు. నర్సంపేట నియోజకవర్గంలో ఉన్న ఏ కార్యకర్తకు ఆపద వచ్చినా పెద్ది స్వప్నతోపాటు జిల్లా, రాష్ట్ర నాయకత్వం అందుబాటులో ఉంటుందని పేర్కొన్నారు. అధికారంలోకి వచ్చిన తర్వాత నర్సంపేట ప్రభుత్వ మెడికల్‌ కళాశాల, జిల్లా ఆస్పత్రికి పెద్ది సుదర్శన్‌రెడ్డి పేరు పెడతామని తెలిపారు. నర్సంపేటలో పార్టీ నాయకులందరూ ఐక్యంగా కలిసి కొట్లాడి కాంగ్రెస్‌ ప్రభుత్వాన్ని గద్దె దించేందుకు ప్రయత్నం చేయాలని కోరారు. ఒక పార్టీ నాయకుడు మృతి చెందితే ఆయన కుటుంబానికి అండగా ఉండడతోపాటు వారిని గుండెల్లో పెట్టుకుని చూసే ఏకై క పార్టీ బీఆర్‌ఎస్‌ పార్టీనేనని అన్నారు. గ్రాడ్యూయేట్‌ ఎమ్మెల్సీ ఎన్నికల్లో పార్టీ విజయానికి కృషి చేయాలని కోరారు.

వరంగల్‌ స్పోర్ట్స్‌ : హనుమకొండ జిల్లా సాఫ్ట్‌బాల్‌ అసోసియేషన్‌ ఆధ్వర్యంలో వరంగల్‌లోని ఎల్‌బీ కళాశాల క్రీడా మైదానంలో రాష్ట్రస్థాయి మినీ సబ్‌జూనియర్‌ బాలుర సాఫ్ట్‌బాల్‌ ఛాంపియన్‌ షిప్‌ పోటీలు శుక్రవారం ప్రారంభమయ్యాయి. రాష్ట్ర సాఫ్ట్‌బాల్‌ అసోసియేషన్‌ చైర్మన్‌ డాక్టర్‌ పిల్లి సాంబశివరావు అధ్యక్షతన జరిగిన ప్రారంభోత్సవానికి జిల్లా క్రీడాభివృద్ధి అధికారి ప్రశాంత్‌, ఇండియా సాఫ్ట్‌బాల్‌ అసోసియేషన్‌ జాయింట్‌ సెక్రటరీ శోభ బాబు, రాష్ట్ర కార్యదర్శి నవీన్‌కుమార్‌, అంతర్జాతీ య క్రీడాకారుడు అభిషేక్‌గౌడ్‌ ముఖ్య అతిథులుగా హాజరయ్యారు. ఈ సందర్భంగా డీవైఎస్‌ఓ ప్రశాంత్‌ మాట్లాడుతూ.. సాఫ్ట్‌బాల్‌ క్రీడాభివృద్ధికి సహకరి స్తానని తెలిపారు. క్రీడాకారులు అసోసియేషన్‌ సేవలను వినియోగించుకుని జాతీయస్థాయిలో రాణించాలని శోభన్‌ బాబు సూచించారు. రెండు రోజులపాటు జరిగే ఈ పోటీల్లో రాష్ట్రంలోని 21 జిల్లాల నుంచి 400 మంది క్రీడాకారులు పాల్గొంటున్నట్లు జిల్లా అసోసియేషన్‌ కార్యదర్శి తాబేటి రాజేందర్‌ తె లిపారు. కార్యక్రమానికి గ్రేటర్‌ వరంగల్‌ మున్సి పల్‌ కార్పొరేషన్‌ అదనపు కమిషనర్‌ ఈసంపల్లి జో నా, డిప్యూటీ కమిషనర్‌ ప్రసన్నరాణి హాజరుకాగా అసోసియేషన్‌ ప్రతినిధులు వారిని సన్మానించారు. హనుమకొండ జిల్లా జట్టు క్రీడాకారులకు ఫిజికల్‌ డైరెక్టర్లు సృజన, సుష్మ క్రీడా దుస్తులు అందజేశారు. కార్యక్రమంలో పలు జిల్లాల సాఫ్ట్‌ బాల్‌ అసోసియేషన్‌ సెక్రెటరీలు, కోచ్‌లు, ఫిజికల్‌ డైరెక్టర్లు, సీని యర్‌ క్రీడాకారులు, క్రీడాకారులు పాల్గొన్నారు.

సంగెం: దాడి కేసులో వ్యక్తికి రెండేళ్ల జైలు శిక్ష, రూ.10 వేల జరిమానా విధిస్తూ వరంగల్‌ రెండో అదనపు జ్యుడీషియల్‌ ఫస్ట్‌క్లాస్‌ మేజిస్ట్రేట్‌ బీవీవీ చంద్రప్రసన్న తీర్పు వెలువరించినట్లు ఎస్సై వంశీకృష్ణ తెలిపారు. వరంగల్‌ జిల్లా సంగెం మండలంలోని గవిచర్ల గ్రామానికి చెందిన గూడ రవీందర్‌పై అదే గ్రామానికి చెందిన గూడ సంపత్‌.. దాడి చేసి గాయపరిచిన ఘటనకు సంబంధించి 2016 సంవత్సరంలో సంగెం పోలీస్‌స్టేషన్‌లో కేసు నమోదు అయింది. ఈ కేసులో పోలీసులు దర్యాప్తు పూర్తి చేసి కోర్టులో చార్జిషీట్‌ దాఖలు చేశారు. ఈ కేసులో సాక్ష్యాధారాలు, సాక్షుల వాంగ్మూలాలను పరిశీలించిన న్యాయమూర్తి బీవీవీ చంద్రప్రసన్న.. నిందితుడు గూడ సంపత్‌ను దోషిగా నిర్ధారించి తీర్పును వెల్లడించారు.

మండుతున్న నిత్యావసర సరుకుల ధరలునిత్యావసర సరుకుల ధరల వివరాలు.. (రూపాయల్లో)280172180140145120160170100190ఖిలా వరంగల్‌: నిత్యావసర సరుకుల ధరలు నగర సామాన్య, మధ్య తరగతి ప్రజలకు చుక్కలు చూపిస్తున్నాయి. చక్కెర, సన్నబియ్యం, అల్లం వెల్లుల్లి, ఉల్లి, వంట నూనెలు తదితర రేట్లు భారీగా పెరిగాయి. 50 రోజుల వ్యవధిలో సన్నబియ్యం ధరలు క్వింటాలుకు రూ.1500కు పైగా పెరిగాయి. చక్కెర, బియ్యం, ఉల్లిగడ్డ, ఎల్లిగడ్డ ,అల్లం, కూరగాయలు, వంటనూనెల ధరలు అకాశాన్నంటాయి. నెల కిందట రూ.250 చెల్లిస్తే వారానికి సరిపడా కూరగాయలు వచ్చేవి. ఇప్పుడు రూ.500 చెల్లించాల్సి వస్తోంది. ఎల్‌నినో ప్రభావంతో పంటలు దిగుబడి అంతంత మాత్రంగానే ఉండడం, డిమాండ్‌ మేరకు ఉత్పత్తి లేకపోవడమే ధరల పెరుగుదలకు కారణమని వ్యాపారులు పేర్కొంటున్నారు. సన్నబియ్యం ధరలకు రెక్కలు ప్రభుత్వం సన్నబియ్యం పంపిణీ చేసిన తొలినాళ్లలో బహిరంగ మార్కెట్‌లో సన్నబియ్యం ధరలు దిగొచ్చాయి. ఎల్‌నినో ప్రభావంతో మళ్లీ క్రమంగా పెరుగుతున్నాయి. మధ్య తరగతి ప్రజలు వినియోగించే 25 కిలోల సన్నబియ్యం బస్తా ధర నాలుగు నెలల క్రితం రూ.1400 ఉండగా ప్రస్తుతం రూ.2100కి చేరింది. మిగిలిన రకాల బియ్యం ధరలు రూ.300కు పైగా పెరిగాయి. రిటేల్‌గా తీసుకుంటే గతంలో కిలోకు రూ.55 ఉన్న సన్నబియ్యం ఇప్పుడు 79కు చేరింది. జైశ్రీరాం, సోనమసూరి కిలో రూ.65 నుంచి రూ.80 వరకు ధరకు విక్రయిస్తున్నారు. కిలో టమాట రూ.20 నుంచి రూ.30 ఉండగా.. మిగిలిన కూరగాయలు కిలో రూ.40 నుంచి రూ.60 వరకు ధర పలుకుతున్నాయి. నియంత్రణపై దృష్టి పెట్టాలి.. నిత్యావసర సరుకుల ధరలపై ప్రభుత్వంతోపాటు ధరల నియంత్రణ కమిటీలు కూడా దృష్టి పెట్టాలి. కేవలం 50 రోజుల్లోనే ధరలు ఈవిధంగా పెరిగిపోతే భవిష్యత్‌లో ఎలాంటి పరిస్థితి ఉంటుందో ఊహించుకోవచ్చు. వరంగల్‌ నగరంలో కొందరు వ్యాపారులు సన్న బియ్యాన్ని రహస్యంగా నిల్వ చేసుకున్నారని ప్రచారం జరుగుతోంది. అధికారులు అక్రమ నిల్వలను గర్తించడానికి తనిఖీలు చేస్తే ధరల పెరుగుదలను నియంత్రించే అవకాశాలున్నాయి. 150155130791105520వెల్లుల్లిఉల్లిగడ్డఅల్లంసన్న బియ్యం8050కందిపప్పుపెసరుపప్పు చక్కెరవేరుశనగలుపల్లి నూనె శనగపప్పు పామాయిల్‌సన్‌ఫ్లవర్‌ ప్యాకెట్‌ చక్కెర, సన్నబియ్యం, అల్లం వెల్లుల్లి, ఉల్లి, వంట నూనెల రేట్లు ౖపైపెకి బెంబేలెత్తుతున్న సామాన్య, మధ్య తరగతి ప్రజలు.. తగ్గించాలని విజ్ఞప్తి

వరంగల్‌ స్పోర్ట్స్‌: ఎస్‌జీఎఫ్‌ఐ అండర్‌–19 జాతీయ స్థాయి చెస్‌ పోటీలకు ఉమ్మడి వరంగల్‌ జిల్లాకు చెందిన పుల్లూరి లక్ష్మీ శార్వాణి ఎంపికై ంది. ఈ నెల 15న హైదరాబాద్‌లోని హయత్‌నగర్‌లో జరిగిన రాష్ట్రస్థాయి ఇంటర్‌ డిస్ట్రిక్ట్‌ చెస్‌ పోటీల్లో రెండో స్థానం సాధించి జాతీయ స్థాయి పోటీలకు అర్హత సాధించింది. ఈ నెల 5న హనుమకొండలోని జేఎన్‌ఎస్‌లో జరిగిన ఉమ్మడి వరంగల్‌ జిల్లా స్థాయి పోటీల్లో ప్రథమ స్థానం సాధించిన ఆమె రాష్ట్రస్థాయి పోటీలకు ఎంపికై ంది. ఢిల్లీలో ఈ నెల 23 నుంచి 28 వరకు జరిగే జాతీయ స్థాయి పోటీల్లో ఆమె పాల్గొననుంది. లక్ష్మీ శార్వాణి వడ్డేపల్లిలోని ఎస్‌ఆర్‌ ఎడ్యూ సెంటర్‌లో ఎంపీసీ ద్వితీయ సంవత్సరం చదువుతోంది. ఆమె విజయంపై ఎస్‌ఆర్‌ కాలేజీల అధినేత వరదారెడ్డి అభినందనలు తెలిపారు. జాతీయ స్థాయిలోనూ విజయం సాధించాలని ఆకాంక్షించారు.

● బల్దియా కమిషనర్‌ వెంకన్న వరంగల్‌ అర్బన్‌: నగరవ్యాప్తంగా అనధికారికంగా బిల్‌బోర్డులు, ఫ్లెక్సీలు ఏర్పాటు చేయకుండా చర్యలు తీసుకోవాలని కమిషనర్‌ అధికారులను ఆదేశించారు. ఇప్పటికే అనుమతులు లేకుండా ఏర్పాటు చేసిన ఫ్లెక్సీలు, బిల్‌బోర్డులను తొలగించినట్లు, నిబంధనలు ఉల్లంఘించిన వారిపై జరిమానాలు విధించాలని సంబంధిత అధికారులకు సూచించారు. పండుగల సందర్భంగా నగరానికి వచ్చే ప్రజలకు ఆహ్లాదకర వాతావరణం కల్పించాలని, ప్రధాన రహదారులు, కూడళ్లు, చెరువుల పరిసరాలు, ఉత్సవ ప్రాంగణాలు పరిశుభ్రంగా ఉండేలా ప్రత్యేక శ్రద్ధ తీసుకోవాలని సూచించారు. వేడుకలకు సర్వం సిద్ధం చేయాలి.. శుక్రవారం ఉదయం హసన్‌న్‌పర్తి, భీమారం, వడ్డేపల్లి, బంధం చెరువు, పద్మాక్షి గుట్ట, పరిసరాలు, వరంగల్‌లోని ఉర్సు గుట్ట ప్రాంతాల్లో రంగలీల మైదానం తదితర ప్రధాన బతుకమ్మ, దసరా ఉత్సవ ప్రాంగణాలను కమిషనర్‌ క్షేత్రస్థాయిలో తనిఖీ చేశారు. ఆయా ప్రాంతాల్లో పారిశుద్ధ్యం, ఇంజనీరింగ్‌ పనులు, మౌలిక సదుపాయాలు, ఇతర ఏర్పాట్లు పరిశీలించారు. కమిషనర్‌ వెంట సూపరింటెండింగ్‌ ఇంజనీర్‌ రాజ్‌కుమార్‌, సీఎంహెచ్‌ఓ రాజారెడ్డి, ఎంహెచ్‌ఓ రాజేశ్‌, ఎగ్జిక్యూటివ్‌ ఇంజనీర్లు సంజయ్‌కుమార్‌, మాధవీలత, మహేందర్‌, రవికుమార్‌తో పాటు ఇంజనీరింగ్‌, పారిశుద్ధ్య, టౌ న్‌ ప్లానింగ్‌ విభాగాల అధికారులు పాల్గొన్నారు.

ములుగు: ములుగు మున్సిపాలిటీ పరిధిలో నూతన బార్‌ అండ్‌ రెస్టారెంట్‌ లక్కీ డ్రాలో ఓ టీ స్టాల్‌ నిర్వాహకుడికి అదృష్టం వరించింది. శుక్రవా రం ములుగు సమీకృత జిల్లా కార్యాలయాల సముదాయంలో కలెక్టర్‌ బోర్ఖడే హేమంత్‌ సహదేవరావు పర్యవేక్షణలో లక్కీ డ్రా నిర్వహించారు. రాష్ట్ర ప్రభుత్వం రాష్ట్రవ్యాప్తంగా 41 బార్ల ఏర్పాటుకు గెజిట్‌ నోటిఫికేషన్‌ జారీ చేయగా, అందులో ములుగు ము న్సిపాలిటీ పరిధిలో ఒక బార్‌కు అవకాశం కల్పించారు. దీనికి సంబంధించి మొత్తం 376 దరఖాస్తులు అందాయి. వీటికి నిర్వహించిన లక్కీ డ్రాలో 349 టోకెన్‌ నంబర్‌ గల దరఖాస్తుదారుడు వెంకటేశ్‌ బార్‌ అండ్‌ రెస్టారెంట్‌ కేటాయింపునకు ఎంపికయ్యారు. హనుమకొండ బస్టాండ్‌లో టీ స్టాల్‌ నిర్వహించే వెంకటేష్‌ కేవలం ఒక్క దరఖాస్తు మాత్రమే చేశారు. ఆయనకు లాటరీలో లైసెన్స్‌ రావడం విశేషం. చాయ్‌ వాలా.. ఇప్పుడు బార్‌ ఓనర్‌ కాగా, నక్క తోక తొక్కడం అంటే ఇదేనేమో అని పలువురు పేర్కొంటున్నారు. లక్కీ డ్రా ద్వారా ఎంపిక చేసిన కలెక్టర్‌ బోర్ఖడే హేమంత్‌ సహదేవరావు

ఖిలా వరంగల్‌: తెలంగాణ ఎంప్లాయీస్‌ జేఏసీ ఉమ్మడి వరంగల్‌ జిల్లా చైర్మన్‌గా ఖిలావరంగల్‌ తహసీల్దార్‌ మహమ్మద్‌ ఇక్బాల్‌ ఏకగ్రీవంగా నియమితులయ్యారు. శుక్రవారం వరంగల్‌లో జరిగిన సమావేశంలో ఇక్బాల్‌ను నియమించినట్లు జేఏసీ రాష్ట్ర చైర్మన్‌ లక్కిరెడ్డి శుక్రవారం ఒక ప్రకటనలో పేర్కొన్నారు. కుష్టు వ్యాధి గుర్తింపునకు ప్రత్యేక సర్వే హన్మకొండ అర్బన్‌: జాతీయ కుష్టు వ్యాధి నిర్మూలన కార్యక్రమంలో భాగంగా ఈనెల 22 నుంచి నవంబర్‌ 4వ తేదీ వరకు నిర్వహించే ఇంటింటి సర్వేను విజయవంతం చేయాలని రాష్ట్ర పరిశీలకురాలు డాక్టర్‌ విజయ నిర్మల కోరారు. హనుమకొండ జిల్లా వైద్య, ఆరోగ్యశాఖ కార్యాలయంలో శుక్రవారం జిల్లా ప్రోగ్రాం మేనేజ్‌మెంట్‌ అధికారులతో సమీక్ష నిర్వహించారు. ఈసందర్భంగా ఆమె మాట్లాడుతూ.. ఆశా కార్యకర్తలు ఇంటింటికి వెళ్లి కుష్టు వ్యాధి గుర్తింపు సర్వే చేయాలని, వ్యాధిపై ప్రజలకు అవగాహన కల్పించడానికి ప్రత్యేక అవగాహన సదస్సులు ఏర్పాటు చేయాలని ఆదేశించారు. కార్యక్రమంలో జిల్లా వైద్య, ఆరోగ్య శాఖ అఽ దికారి డాక్టర్‌ అప్పయ్య, డాక్టర్‌ టి.మదన్‌మోహన్‌రావు, డాక్టర్‌ ప్రదీప్‌రెడ్డి, శ్రీనివాస్‌ పాల్గొన్నారు. కుష్ఠు లక్షణాలను గుర్తించాలి ● వరంగల్‌ డీఎంహెచ్‌ఓ రాజారెడ్డి గీసుకొండ: కుష్ఠు వ్యాధి లక్షణాలను ప్రాథమిక దశలోనే గుర్తించి, పూర్తిస్థాయి చికిత్స తీసుకుంటే వ్యాధిని నయం చేయవచ్చని వరంగల్‌ జిల్లా వైద్య, ఆరోగ్యశాఖ అధికారి డాక్టర్‌ బి.రాజారెడ్డి తెలిపారు. జాతీయ కుష్ఠు నిర్మూలన కార్యక్రమంలో భాగంగా డీఎంహెచ్‌ఓ కార్యాలయంలో శుక్రవారం పుఃనశ్చరణ శిక్షణ కార్యక్రమాన్ని నిర్వహించారు. ఈ సందర్భంగా డీఎంహెచ్‌ఓ మాట్లాడుతూ ఈనెల 22 నుంచి నవంబర్‌ 4 వరకు జిల్లాలో ఇంటింటి కుష్ఠు వ్యాధి గుర్తింపు కార్యక్రమం (ఎల్‌సీడీసీ) నిర్వహించనున్నట్లు వెల్లడించారు. కార్యక్రమంలో డిప్యూటీ డీఎంహెచ్‌ఓ, డీఐఓ డాక్టర్‌ ఐ.ప్రకాశ్‌, ప్రోగ్రాం అధికారులు డాక్టర్‌ ఇక్తిదార్‌ అహ్మద్‌, డాక్టర్‌ అరుణ్‌ జోషి, లెప్రసీ విభాగం మెడికల్‌ ఆఫీసర్‌ డాక్టర్‌ మానస, డిప్యూటీ పారామెడికల్‌ అధికారి వెంకన్న, డిప్యూటీ డెమో వెంకటేశ్వర్లు, వైద్యాధికారులు, నోడల్‌ సూపర్‌వైజర్లు పాల్గొన్నారు.

కేయూ క్యాంపస్‌: తెలంగాణ క్రికెట్‌ అసోసియేషన్‌ ఆధ్వర్యంలో హనుమకొండలోని కాకతీయ యూనివర్సిటీ క్రీడామైదానంలో నిర్వహిస్తున్న అండర్‌–19 రాష్ట్ర లీగ్‌ క్రికెట్‌ పోటీలు కొనసాగుతున్నాయి. శుక్రవారం నిర్వహించిన రెండు మ్యాచుల్లో అచ్చంపేట, వికారాబాద్‌ జట్లు విజయం సాధించినట్లు టీసీఏ బాధ్యుడు జైపాల్‌ తెలిపారు. అచ్చంపేట జట్టు, మహబూబ్‌నగర్‌ జట్లు తలపడగా తొలుత బ్యాటింగ్‌కు దిగిన అచ్చంపేట జట్టు 18.4 ఓవర్లలో 99 పరుగులకు ఆలవుటైంది. అనంతరం లక్ష్య చేధనకు దిగిన మహబూబ్‌నగర్‌ జట్టు 14.3ఓవర్లలో 62 పరుగులకే ఆలవుట్‌ కావడంతో అచ్చంపేట జట్టు 37 పరుగుల తేడాతో విజయం సాధించింది. రెండో మ్యాచ్‌లో వికారాబాద్‌, నారాయణపేట జట్లు తలపడగా వికారాబాద్‌ జట్టు విజయం సాధించింది. తొలుత బ్యాటింగ్‌ చేసిన వికారాబాద్‌ జట్టు నిర్ణీత 20 ఓవర్లలో 9 వికెట్ల నష్టానికి 150 పరుగులు సాధించింది. ఆ తరువాత బరిలోకి దిగిన నారాయణ పేట జట్టు 15.5ఓవర్లలో 59 పరుగులకే ఆలవుటైంది. దీంతో 91 పరుగుల భారీ తేడాతో వికారాబాద్‌ జట్టు విజయం సాధించింది. ముగిసిన టెన్నిస్‌ పోటీలు వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియంలోని లాన్‌ టెన్నిస్‌ కోర్టులో రెండు రోజుల పాటు జరిగిన ఎస్‌జీఎఫ్‌ రాష్ట్ర స్థాయి టెన్నిస్‌ పోటీలు శుక్రవారం ముగిశాయి. లీగ్‌ కం నాకౌంట్‌ పద్ధతిలో హోరాహోరీగా సాగిన పోటీల్లో చాంపియన్‌ షిప్‌ కోసం ఉమ్మడి 10 జిల్లాల జట్లు తీవ్ర పోటీ కనబరిచాయి. ఇందులో అండ్‌ –17 బాలబాలికల విభాగాల్లో రంగారెడ్డి జిల్లా జట్లు చాంపియన్‌షిప్‌ కౌవసం చేసుకోవడం విశేషం. అండర్‌ –19 బాలుర విభాగంలో హైదరాబాద్‌, బాలికల విభాగంలో రంగారెడ్డి జిల్లా విజేతలుగా నిలిచి ట్రోఫీని అందుకున్నాయి. ఆహార కల్తీ చట్టాలపై అవగాహన కలిగి ఉండాలి కాశిబుగ్గ: ఆహార కల్తీ చట్టాలపై అందరూ అవగాహన కలిగి ఉండాలని, అవగాహన ఉన్నప్పుడు వినియోగదారులు మోసపోవడానికి ఆస్కారం ఉండదని వరంగల్‌ డీఎంహెచ్‌ఓ డాక్టర్‌ రాజారెడ్డి అన్నారు. అంతర్జాతీయ ఆహార భద్రత దినోత్సవం సందర్భంగా వినియోగదారుల మండలి జాతీయ కమిటీ బాధ్యులు పోచమ్మ మైదాన్‌లో శుక్రవారం వినియోగదారుల చైతన్య సదస్సు నిర్వహించారు. ఈ సందర్భంగా ఆయన మాట్లాడుతూ ఆహార భద్రత కోసం ప్రభుత్వరంగ సంస్థలు తీవ్రంగా కృషి చేస్తున్నాయన్నారు. ప్లాస్టిక్‌, చెత్త డంపింగ్‌తో పర్యావరణానికి హానితో పాటు వినియోగదారులు అనారోగ్యానికి గురవుతున్నారని తెలిపారు. సదస్సులో ఖిలా వరంగల్‌ , వరంగల్‌ తహసీలార్లు ఎండీ ఇక్బాల్‌, శ్రీకాంత్‌, ఫుడ్‌ సేఫ్టీ ఆఫీసర్‌ మౌనిక, గెజిటెడ్‌ ఫుడ్‌ ఇన్‌స్పెక్టర్‌ కృష్ణమూర్తి, వినియోగదారుల జాతీయ ప్రధాన కార్యదర్శి సాంబరాజు చక్రపాణి, జాతీయ ఉపాధ్యక్షుడు పల్లెపాడు దామోదర్‌, మొగిలిచర్ల సుదర్శన్‌ పాల్గొన్నారు. వరంగల్‌ జిల్లాలో ఈహెచ్‌ఎస్‌ అమలు కాశిబుగ్గ: వరంగల్‌ జిల్లాలో ఎంప్లాయీస్‌ హెల్త్‌ స్కీం (ఈహెచ్‌ఎస్‌) అమలు చేయడానికి ప్రైవేట్‌ ఆస్పత్రుల యాజమాన్యాలు అంగీకరించాయి. కలెక్టర్‌ డాక్టర్‌ సత్య శారద ఆదేశాల మేరకు జిల్లాలో ప్రభుత్వ ఉద్యోగ, ఉపాధ్యాయులు, పెన్షనర్లకు ఇక గుర్తింపు పొందిన ప్రైవేట్‌ క్లినిక్‌లు, హాస్పిటల్స్‌, నర్సింగ్‌ హోంలలో ఈహెచ్‌ఎస్‌ వర్తిస్తుందని డీఎంహెచ్‌ఓ డాక్టర్‌ రాజారెడ్డి తెలిపారు. వరంగల్‌లోని సంరక్ష, గంగా, ఎన్‌ఎస్‌ఆర్‌, క్యూర్‌వెల్‌, బాలాజీ, సత్య హాస్పిటళ్లలో వైద్య సదుపాయం అందుబాటులో ఉంటుందని ఆయన పేర్కొన్నారు.

సాక్షిప్రతినిధి, వరంగల్‌: అన్నదాతకు ఆపదొచ్చింది. ఆశించిన స్థాయిలో వర్షాలు లేక.. విద్యుత్‌ అంతరాయాలతో చేతికందే దశలో పంటలు ఎండుతున్నాయి. రైతన్నలు కరెంట్‌ కోతలను అధిగమించేందుకు జనరేటర్లు వాడుతున్నా.. పూర్తి స్థాయిలో పంటలకు నీరందడం లేదు. కోతదశలో విద్యుత్‌ అంతరాయాలు, పంటలకు నీరందకపోవడంతో పరిస్థితి ఆగమ్యగోచరంగా మారింది. తీవ్ర లోటు వర్షపాతం వ్యవసాయశాఖ నివేదిక ప్రకారం ఉమ్మడి వరంగల్‌లో సాధారణ సాగు విస్తీర్ణం 15.93 లక్షల ఎకరాలు కాగా.. వాస్తవంగా 14.48 లక్షల ఎకరాల్లో పంటలు సాగయ్యాయి. సాధారణ సాగుతో పోలిస్తే ఇది 90.9 శాతం. ఇందులో సాధారణ వరి సాగు అంచనా 9.21 లక్షల ఎకరాలు కాగా.. ఇప్పటివరకు 6.92 లక్షల ఎకరాల్లోనే వరి సాగైంది. అంటే సాధారణ అంచనాలో 75.1 శాతం మాత్రమే నమోదైంది. సాధారణ అంచనా, వాస్తవ వరి సాగు మధ్య సుమారు 2.29 లక్షల ఎకరాల తేడా ఉంది. వర్షపాతం పరిస్థితి కూడా రైతుల్లో ఆందోళన పెంచుతోంది. ఉమ్మడి వరంగల్‌ ఆరు జిల్లాల్లో సాధారణ వర్షపాతం 5,254.5 మిమీ.లకు గాను 4,133.4 మిమీ.లే కురిసింది. 1,121.1 మి.మీ.ల (21.3 శాతం) లోటు ఉంది. హనుమకొండ జిల్లాలో సాధారణ వర్షపాతం 810.1 మి.మీ. కాగా.. 524.6 మి.మీ. మాత్రమే నమోదైంది. దీంతో 35.2 శాతం లోటు నెలకొంది. చివరి తడికి అన్నీ అడ్డంకులే.. వరిపంట ప్రస్తుతం కోత దశలో ఉండడంతో చివరి తడి అత్యంత అవసరంగా మారింది. వర్షాలు సకాలంలో లేకపోవడంతో వర్షాధార పొలాలతోపాటు బోర్లు, చెరువులు, కాలువలపై ఆధారపడిన రైతులూ నీటి కోసం ఎదురుచూడాల్సి వస్తోంది. దీనికి తోడు విద్యుత్‌ సరఫరాలో అంతరాయాలు ఏర్పడి బోర్ల ద్వారా నీరు అందించడమూ కష్టంగా మారుతోంది. నీరు అందని పొలాల్లో పైరు వాడిపోతుండడంతో రైతులు ఆందోళన చెందుతున్నారు. చేతికొచ్చే దశలో తడి అందకపోతే గింజ నాణ్యత, దిగుబడిపై ప్రభావం పడే అవకాశం ఉందని రైతులు చెబుతున్నారు. దీంతో మరోసారి వర్షం కురిసి పంటకు చివరి తడి అందితేనే తప్ప తమ శ్రమ ఫలించదంటున్నారు. తడులు అందక ఎండుతున్న వరి పొలాలు నిత్యం విద్యుత్‌ అంతరాయాలు జనరేటర్లు వాడుతున్న రైతులు మరోవైపు అడుగంటిన జలాలు చేతికొచ్చే దశలో పంట చేజారుతుండడంతో రైతుల బేజారు

జీడబ్ల్యూఎంసీ ప్రత్యేకాధికారి చాహత్‌ హన్మకొండ అర్బన్‌: అర్బన్‌ చాలెంజ్‌ ఫండ్‌ ద్వారా గ్రేటర్‌ వరంగల్‌ నగరంలో మౌలిక సదుపాయాల అభివృద్ధికి చర్యలు చేపడుతున్నట్లు హనుమకొండ కలెక్టర్‌, జీడబ్ల్యూఎంసీ ప్రత్యేకాధికారి చాహత్‌ బాజ్‌పాయ్‌ తెలిపారు. నగరాభివృద్ధికి ప్రతిపాదించిన పనులు, వాటికి సంబంధించిన సమగ్ర ప్రాజెక్టు నివేదికల వివరాలు వెల్లడించారు. రాష్ట్ర మున్సిపల్‌ పరిపాలన శాఖ కార్యదర్శి, సీడీఎంఏ డాక్టర్‌ టి.కె. శ్రీదేవి శుక్రవారం హైదరాబాద్‌ నుంచి రాష్ట్రంలోని మున్సిపల్‌ కమిషనర్లతో వీడియో కాన్ఫరెన్స్‌ నిర్వహించారు. అర్బన్‌ చాలెంజ్‌ ఫండ్‌ కింద చేపట్టనున్న అభివృద్ధి పనులపై సమీక్షించారు. ఈసందర్భంగా హనుమకొండ కలెక్టరేట్‌ నుంచి పాల్గొన్న కలెక్టర్‌ చాహత్‌ బాజ్‌పాయ్‌, జీడబ్ల్యూఎంసీ కమిషనర్‌ టి.వెంకన్న.. నగరంలో ప్రతిపాదించిన పనుల వివరాలు వివరించారు.

కాశిబుగ్గ: వరంగల్‌ ఎంజీఎం స్థానంలో నిర్మిస్తున్న 24 అంతస్తుల సూపర్‌ స్పెషాలిటీ ఆస్పత్రిలో దసరా కానుకగా ఓపీ సేవలు ప్రారంభించనున్న నేపథ్యంలో పరిశీలించడానికి మంత్రులు పొంగులేటి శ్రీనివాసరెడ్డి, సీతక్క శనివారం మరోసారి రానున్నట్లు తెలిసింది. గురువారం పరిశీలించిన మంత్రులు ఓపీ సేవల కోసం అన్ని ఏర్పాట్లు చేయాలని ఆదేశించిన విషయం తెలిసిందే. ప్రారంభోత్సవం సందర్భంగా రోగులకు ఇబ్బందులు తలెత్తకుండా ఏర్పాట్లను మరోసారి పరిశీలనకు వస్తున్నట్లు సమాచారం. మంత్రులు నేరుగా సూపర్‌ హాస్పిటల్‌ భవనానికి చేరుకుని, వైద్యాధికారులతో కలిసి పరిశీలన చేయనున్నారు. అనంతరం అధికారులతో సమీక్ష చేయనున్నట్లు తెలుస్తోంది. అందుబాటులో ఎక్స్‌రే, ఆల్ట్రా సౌండ్‌ పరీక్షలు ఓపీ సేవల కోసం వచ్చిన ప్రజల అవసరాన్ని బట్టి ఎక్స్‌రే, ఆల్ట్రా సౌండ్‌, ఫార్మసీ సేవలను అందుబాటులో ఉంచారు. మిగతా ఏర్పాట్లను కూడా చకాచకా చేస్తున్నారు. బ్లడ్‌ టెస్ట్‌లకు మాత్రం ఇక్కడ శ్యాంపిళ్లు తీసుకుని, ఎంజీఎంలో చేస్తారని సమాచారం. ఇక సీటీ స్కాన్‌, ఎంఆర్‌ఐతో అడ్మిట్‌ కావాల్సి వస్తే వారిని తరలించేందుకు అందుబాటులో ఉన్న అంబులెన్స్‌లతో పాటు ఆర్టీసీ రెండు బస్‌లను ఉపయోగించుకోవాలనే ప్రతిపాదనలతో ఉన్నట్లు సమాచారం. వారంలో ఎంజీఎం ఓపీ సేవలివే.. సాధారణంగా ఓపీ వైద్యసేవలు ఉదయం 8 నుంచి మధ్యాహ్నం 12 గంటల వరకు ఉంటుంది. ప్రతీ ఆదివారం, ఇండిపెండెన్స్‌ డే, రిపబ్లిక్‌ డే రోజుల్లో ఓపీ సేవలు బంద్‌ చేస్తారు. ప్రస్తుతం సోమ, మంగళవారం తప్ప మిగతా రోజుల్లో ఆర్థోపెడిక్‌, మెడిక ల్‌, సర్జికల్‌, సైకియాట్రి, పిడియాట్రిక్స్‌, ఈఎన్‌టీ, డెర్మటాలజీ సేవలు, మంగళవారం ప్లాస్టిక్‌ సర్జరీ సేవలకు వైద్యులు అందుబాటులో ఉంటారు. సూపర్‌ స్పెషాలిటీలో.. ప్రతీ సోమ, బుధవారాల్లో సిటీ వ్యాస్కులర్‌ సర్జరీ, గ్యాస్ట్రో, మెడికల్‌ అంకాలజీ, సర్జికల్‌ అంకాలజీ, ప్రతీ మంగళ, గురువారాల్లో న్యూరాలజీ, న్యూరో సర్జరీ, నెఫ్రాలజీ, యూరాలజీ, పిడియాట్రిక్‌ సర్జరీ సేవలు అందిస్తారు. ప్రతీ శుక్రవారం, శనివారం రోజుల్లో ఆయా స్పెషాలిటీలకు సంబంధించిన వైద్యసేవలను రివ్యూ చేస్తారు. హోమియోపతి, యూనానీ సేవలు కూడా.. ఎంజీఎంలో ఉన్న హోమియోపతి, యునాని వైద్య సేవలు కూడా సూపర్‌లో అందించనున్నారు. ఈ సేవలు ఉదయం 9నుంచి సాయంత్రం 4 గంటల వరకు ప్రతీరోజు అందుబాటులో ఉంటాయి. మధ్యాహ్నం ఒంటిగంట నుంచి 2 గంటల వరకు లంచ్‌ అవర్‌ ఉంటుంది. రానున్న మంత్రులు పొంగులేటి, సీతక్క పెండింగ్‌ పనులపై సమీక్షించే అవకాశం

వరంగల్‌ కలెక్టర్‌ డాక్టర్‌ సత్యశారద న్యూశాయంపేట: జనగణనలో ప్రతీ సమాచారం కీలకమని, కచ్చితమైన గణాంకాలే అభివృద్ధికి పునాదులని వరంగల్‌ కలెక్టర్‌ డాక్టర్‌ సత్యశారద అన్నారు. జనగణన–2027లో భాగంగా రెండో దశ జనాభా గణన నిర్వహణపై రెండురోజుల పాటు జరిగే చార్జ్‌ క్లర్కులు, సాంకేతిక సహాయకుల శిక్షణ కార్యక్రమాన్ని శుక్రవారం కలెక్టర్‌ ప్రారంభించారు. లాటరీ ద్వారా బార్‌ కేటాయింపు నర్సంపేట మున్సిపాలిటీ పరిధిలో నోటిఫై చేసిన కొత్త(1) 2బీ బార్‌ను లాటరీ విధానం ద్వారా కేటాయించారు. కలెక్టర్‌ సత్యశారద సమక్షంలో నర్సంపేట నివాసి తాటికొండ గోపికి కేటాయించినట్లు ఎకై ్సజ్‌ అధికారి తెలిపారు. పారదర్శకంగా రీసర్వే చేయాలి పారదర్శకంగా భూముల రీసర్వే చేయాలని కలెక్టర్‌ సత్యశారద అన్నారు. కలెక్టరేట్‌లో డిప్యూటీ తహసీల్దార్లు, లైసెన్స్‌డ్‌ సర్వేయర్లు, గ్రామపాలనా అధికారులకు శుక్రవారం శిక్షణ ఇచ్చారు. సర్వేయర్లకు మెడికల్‌ కిట్‌, గొడుగు, ప్యాడ్‌ తదితర 12 రకాల కిట్స్‌ బ్యాగులను కలెక్టర్‌ అందించారు.

హన్మకొండ కల్చరల్‌: భద్రకాళిదేవీ శరన్నవరాత్ర మహోత్సవాల్లో భాగంగా శుక్రవారం అమ్మవారి మూలమూర్తిని భవానీమాతగా అలంకరించారు. ఆలయ ప్రధానార్చకుడు భద్రకాళిశేషు ఆధ్వర్యంలో గజ పూలమాలలతో సర్వాంగసుందరంగా అలంకరించి స్నపనమూర్తికి కాత్యాయనీ క్రమంలో పూజలు చేసి గంధోత్సవం నిర్వహించారు. మాజీ ఎమ్మెల్యే దాస్యం వినయ్‌భాస్కర్‌, రేవతి దంపతులు, వరంగల్‌ మున్సిపల్‌ కార్పొరేషన్‌ కమిషనర్‌ కె.వెంకన్న కుటుంబసమేతంగా, దేవాదాయ ధర్మాదాయశాఖ ఎస్‌ఈ దుర్గాప్రసాద్‌ తదితరులు అమ్మవారిని దర్శించుకున్నారు. సాయంత్రం అమ్మవారి స్నపనమూర్తిని చండముండ దుర్గార్చన చేశారు. ఉత్సవమూర్తిని సాలభంజికవాహనంపై ఊరేగించారు. సాయంత్రం సాంస్కృతిక కార్యక్రమంలో చిన్నారి స్వేచ్ఛ కూచిపూడి నృత్య ప్రదర్శన అలరించింది. శ్రీభద్రకాళి సేవాసమితి కన్వీనర్‌ అయిత గోపీనాథ్‌ ప్రసాద వితరణ, అన్నదానం చేశారు. కేయూ క్యాంపస్‌: కేయూ అభివృద్ధి, పరిరక్షణలో ఉద్యోగులు భాగస్వాములు కావాలని రిజిస్ట్రార్‌ వి.రామచంద్రం అన్నారు. ఉద్యోగులు నిబద్ధతతో విధులు నిర్వర్తిస్తూ సమయపాలన పాటించాలని సూచించారు. శుక్రవారం కేయూలోని అడ్మిషన్ల డైరెక్టరేట్‌లో విశ్వవిద్యాలయ పరిరక్షణ, ఉద్యోగుల విధులు, కర్తవ్యాలపై నిర్వహించిన కీలక సమావేశంలో ఆయన ముఖ్య అతిథిగా హాజరై మాట్లాడారు. వర్సిటీ అభివృద్ధి పథంలో ముందుకు సాగాలంటే అందరి సమష్టి కృషి ఎంతో అవసరమన్నారు. సమావేశంలో కేయూ ఎస్సీ, ఎస్టీ ఉద్యోగుల సంఘం జనరల్‌ సెక్రటరీ డాక్టర్‌ పుల్లా శ్రీనివాస్‌, కొత్తగూడెం ఇంజనీరింగ్‌ కళాశాల అసిస్టెంట్‌ ప్రొఫెసర్‌ డాక్టర్‌ శ్రీకాంత్‌, వివిధ ఉద్యోగ సంఘాల బాధ్యులున్నారు. హన్మకొండ అర్బన్‌ : జాతీయ ఆయుష్‌ మిషన్‌ పథకం కింద జిల్లా ఆయుష్‌శాఖలో 8 అవుట్‌సోర్సింగ్‌ పోస్టుల భర్తీకి అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు హనుమకొండ జిల్లా ఆయుష్‌ నోడల్‌ అధికారి డాక్టర్‌ ఎస్‌.మహేంద్రకుమార్‌ శుక్రవారం ఒక ప్రకటనలో తెలిపారు. ఆయుష్‌ వైద్యాధికారులు 3, ఫార్మసిస్ట్‌ 1, సైకోసోషియల్‌ కౌన్సిలర్‌ 1, యోగా నిపుణుడు 1, బహుళ ప్రయోజన కార్మికులు 2 పోస్టులు భర్తీ చేయనున్నట్లు పేర్కొన్నారు. అభ్యర్థులు ఈ నెల 22 నుంచి 28వ తేదీ సాయంత్రం 5 గంటల వరకు దరఖాస్తులు సమర్పించాలని సూచించారు. దరఖాస్తులను హనుమకొండలోని సమీకృత జిల్లా కార్యాలయాల సముదాయం రెండో అంతస్తులో ఉన్న జిల్లా వైద్య ఆరోగ్యశాఖ అధికారి కార్యాలయం, గది నంబర్‌ ఎస్‌–16లో అందజేయాలని తెలిపారు. పూర్తి వివరాలను వెబ్‌సైట్‌ https://hanamkonda.telangana. gov.in లో తెలుసుకోవచ్చని వెల్లడించారు. హన్మకొండ అర్బన్‌: జిల్లా వైద్య ఆరోగ్యశాఖ పరిధిలోని వివిధ విభాగాల్లో 51 పోస్టుల భర్తీకి మొత్తం 2,530 దరఖాస్తులు వచ్చాయి. ఏఎన్‌ఎం, వైద్యులు, స్టాఫ్‌ నర్సులు, ఫార్మసిస్టులు, ప్రయోగశాల సాంకేతిక నిపుణులు తదితర పోస్టులకు అభ్యర్థులు దరఖాస్తు చేసుకున్నారు. విభాగాల వారీగా ఏఎన్‌ఎం, రెండో ఏఎన్‌ఎం పోస్టులకు 467 దరఖాస్తులు రాగా, 16 పోస్టులు ఉన్నాయి. వైద్యుల పోస్టులకు 364 దరఖాస్తులు రాగా, 8 పోస్టులు, స్టాఫ్‌నర్సు పోస్టులకు 922 దరఖాస్తులు రాగా, 12 పోస్టులు ఉన్నాయి. ఫార్మసిస్ట్‌ పోస్టులకు 308 దరఖాస్తులు రాగా.. 2 పోస్టులు, ప్రయోగశాల సాంకేతిక నిపుణుల పోస్టులకు 335 దరఖాస్తులు రాగా.. 5 పోస్టులు ఉన్నాయి. చిన్నపిల్లల వైద్యులు, వైద్యాధికారుల పోస్టులకు 51 దరఖాస్తులు రాగా, 4 పోస్టులు, సైకియాట్రిస్ట్‌ పోస్టుకు 3 దరఖాస్తులు రాగా, ఒక పోస్టు, రక్తనిధి వైద్యాధికారి పోస్టుకు 33 దరఖాస్తులు రాగా, ఒక పోస్టు ఉన్నాయి. అంటువ్యాధుల నిపుణుడి పో స్టుకు 20 దరఖాస్తులు, ప్రయోగశాల నిర్వాహకుడి పోస్టుకు 27 దరఖాస్తులు వచ్చాయి. ఈరెండు విభాగాల్లోనూ ఒక్కో పోస్టు ఉంది. త్వరలో దరఖాస్తుల పరిశీలన చేపట్టనున్నారు.

ఐనవోలు : హనుమకొండ జిల్లా ఐనవోలు మండలం కొండపర్తి గ్రామ శివారు (మంగలి దుబ్బ)లోని సర్వేనంబర్‌ 1279లో సాగిన మొరం దోపిడీపై ‘సాక్షి’లో వరుస కథనాలు ప్రచురితమవుతున్న విషయం తెలిసిందే.. అయినప్పటికీ ఉన్నతాధికారుల వ్యవహారశైలి తీవ్ర విమర్శలకు తావిస్తోంది. క్షేత్రస్థాయి పరిశీలనకు వచ్చిన రెవెన్యూ డివిజనల్‌ అధికారి రెండు చోట్ల భారీ తవ్వకాలు జరిగిన ప్రాంతాలకు వెళ్లి భారీఎత్తున మొరం తరలివెళ్లిన విషయాన్ని గుర్తించారు. వెంటనే మొరం తవ్వకాలు జరిగే ప్రాంతాలకు భారీ వాహనాలు రాకుండా జేసీబీతో కందకం తవ్వించారు. అసలు ఈ వ్యవస్థాగత దోపిడీకి రాచబాట వేసిన రెవెన్యూ, మైనింగ్‌ అధికారులపై చర్యలు గానీ, ఇప్పటికే తరలిపోయిన వేలాది టన్నుల మట్టిపై శాసీ్త్రయ విచారణగానీ చేపట్టకపోవడం వెనుక పెద్ద తలకాయల హస్తం ఉందనే అనుమానాలు బలపడుతున్నాయి. పొరపాటు కాదు.. పక్కా కుట్ర? ఈవ్యవహారం బయటపడినప్పటి నుంచి రెవెన్యూ, గనుల శాఖల అధికారులు తమకేదీ తెలియనట్లుగా ఒకరిపై ఒకరు నెపం నెట్టుకుంటున్నారు. మైనింగ్‌ శాఖ వెల్లడించిన అధికారిక సమాచారం పరిశీలిస్తే దీని వెనుక పెద్ద కుట్ర జరిగిందనే అనుమానాలు వ్యక్తమవుతున్నాయి. భూభారతి పోర్టల్‌లో 22–ఏ నిషేధిత జాబితాలో 1279/2 సర్వే నంబర్‌ ఉండగా.. సబ్‌ రిజిస్ట్రార్‌ కార్యాలయంలో లీజు రిజిస్ట్రేషన్‌ జరగదని,. తెలంగాణ మైనర్‌ మినరల్‌ కన్సేషన్‌ రూల్స్‌ (టీఎస్‌ఎంఎంసీ) ప్రకారం లీజు అనేది తప్పనిసరిగా రిజిస్టర్‌ చేయాల్సిన పత్రం కావడంతో ఈ చట్టపరమైన అడ్డంకిని దాటవేసేందుకు రూ.20 స్టాంప్‌ పేపర్‌పై భూమి చదును అనే సాకుతో అక్రమ ఒప్పందం సృష్టించారనే అనుమానాలున్నాయి. ప్రభుత్వ అసైన్డ్‌ చేసిన భూమిలో అసైన్డ్‌దారు కేవలం సాగు మాత్రమే చేసుకోవడానికి అర్హుడు. మిగిలిన అన్ని హక్కులు ప్రభుత్వానికి ఉంటాయన్న విషయం పర్మిట్‌ ఇచ్చిన అధికారులకు తెలియదనుకోవడం భ్రమే అని విమర్శలు వెల్లువెత్తుతున్నాయి. గోతులు కొలిస్తే ఏమవుతుంది? అక్రమ మైనింగ్‌ జరిగిన ప్రాంతంలోకి ప్రవేశించి తనిఖీలు, కొలతలు చేపట్టే అధికారం మైనింగ్‌ శాఖకు ఉన్నప్పటికీ ఎందుకు భయపడుతోందని ఆరోపణలు వెల్లువెత్తుతున్నాయి. క్షేత్రస్థాయిలో 50 నుంచి 80 వేల మెట్రిక్‌ టన్నులు తరలించడానికి సుమారుగా 50 వేల క్యూబిక్‌ మీటర్ల మేర తవ్విన భారీ గుంతలను అధికారికంగా కొలిస్తే.. ఆ అక్రమ తవ్వకం ప్రభుత్వ రికార్డుల్లోకి ఎక్కుతుంది. అప్పుడు సర్వే నంబర్‌ 1279లోని వివిధ భూములకు విస్తరించిన విషయం బయట పడుతుందని, అందుకే ఆ గుంతలను కొలవకుండా ఫైల్‌ను మూసేయాలనే ప్రయత్నిస్తున్నట్లు విమర్శలు వెల్లువెత్తుతున్నాయి. కొండపర్తి మొరం దందాలో కొత్తకోణం కందకం తవ్వించి చేతులు దులిపేసుకున్న అధికారులు రూ.కోట్ల గ్రావెల్‌ లూటీకి రూ.44 వేల చలాన్‌ కొలతలకు జంకుతున్న గనులు, రెవెన్యూ శాఖలు! డీజీపీఎస్‌ సర్వే చేస్తే కోట్ల రూపాయల జరిమానాకు అవకాశం సస్పెన్షన్లు తప్పవనే అధికారుల భయమా? తహసీల్దార్‌ జూలై 20న ఇచ్చిన నివేదికలో భూమిని అసైన్డ్‌ ల్యాండ్‌ అని పేర్కొంటూనే, పీఓటీ చట్టానికి విరుద్ధంగా ఎన్‌ఓసీ ఇచ్చినట్లు తెలుస్తోంది. కాంట్రాక్టర్‌ దరఖాస్తు చేస్తే.. అసైన్డ్‌ రైతే దరఖాస్తు చేసినట్లుగా తప్పుగా రాయడమే కాకుండా ఆ కాపీని కలెక్టర్‌కు పంపకుండా ఆపడానికి కారణాలేంటేని బయటపడాల్సి ఉంది. 2022లో వరంగల్‌ జిల్లా వర్ధన్నపేట మండలంలోని కోనారెడ్డి చెరువు మరమ్మతు కోసం ఇరిగేషన్‌ శాఖకు ఇచ్చిన పని ఉత్తర్వులను.. 2026 సెప్టెంబర్‌లో హనుమకొండ జిల్లా ఐనవోలు మండలంలో ఒక వ్యక్తికి 788 మెట్రిక్‌ టన్నుల మొరం తరలింపు పర్మిట్‌ ఇవ్వడానికి మైనింగ్‌ శాఖ అధికారి ప్రాతిపదికగా తీసుకోవడం నిబంధనలు తుంగలో తొక్కడమేనన్న ఆరోపణలు వినిపిస్తున్నాయి. మైనింగ్‌ శాఖ ఏడీ డిప్యూటీ డైరెక్టర్‌కు సెప్టెంబర్‌ 16న రాసిన సిఫార్సు లేఖలో గవర్నమెంట్‌ అసైన్డ్‌ ల్యాండ్‌ అని తహసీల్దార్‌ నివేదించినట్లు రాశారు. కానీ, ఆన్‌లైన్‌ ఈ పర్మిట్‌లో మాత్రం ఆ భూమిని పట్టా ల్యాండ్‌గా నమోదు చేసి పర్మిట్‌ జారీ చేశారు. ఇది ఉద్దేశపూర్వకంగా రికార్డుల తారుమారు చేసినట్లు కాదా కొండపర్తి వాసులు ప్రశ్నిస్తున్నారు. కొండపర్తి సర్వే నంబర్‌ 1279లో మొత్తం 63.37 ఎకరాల ప్రభుత్వ భూమి ఉంది. 1279/2లో 0.105 హెక్టార్ల భూమి ఉపరితలం నుంచి అరమీటర్‌ ఎత్తున ఉన్న మట్టిని చదును చేయడానికి 525 క్యూబిక్‌ మీటర్లు 788 మెట్రిక్‌ టన్నుల గ్రావెల్‌కు పర్మిట్‌ ఇచ్చారు. కానీ, క్షేత్రస్థాయిలో మాత్రం 1279లోని మిగతా భూముల్లో లోతైన భారీ గోతులు తవ్వి 50–80 వేల టన్నుల మొరం తరలించినట్లు తెలుస్తోంది. దీనిని తేల్చాల్సిన వారు మిన్నకుండా ఉండడంతో అక్రమాలు అనుమానాలకు మరింత బలం చేకూరుతోంది. నిబంధనలేం చెబుతున్నాయంటే.. అక్రమ క్వారీయింగ్‌, రవాణా జరిగితే సీనరేజ్‌ ఫీజుతో పాటు 5 నుంచి 10 రెట్లు అధికారులు జరిమానా విధించి వసూలు చేయాల్సి ఉంది. ఈ వ్యవహారంలో సుమారు రూ.40 లక్షలు ప్రభుత్వానికి రావాల్సిన ఆదాయం కోల్పోయినట్లు స్పష్టమవుతోంది. పెనాల్టీ విధిస్తే మాత్రం రూ.2 కోట్లకుపైగా ప్రభుత్వ ఖజానాకు జమ కావాల్సి ఉంటుందని స్థానికులు చెబుతున్నారు. ఇప్పటికై నా రాష్ట్రస్థాయి విజిలెన్స్‌ అండ్‌ ఎన్‌ఫోర్స్‌మెంట్‌ విభాగం రంగంలోకి దిగి కొండపర్తి సర్వేనంబర్‌ 1279లో జరిగిన తవ్వకాలపై సమగ్ర విచారణ జరిపించాలని, నిబంధనలకు విరుద్ధంగా అనుమతులు జారీ చేసిన అధికారులపై శాఖాపరమైన కఠిన చర్యలు తీసుకోవాలని స్థానికులు, ప్రజా సంఘాలు డిమాండ్‌ చేస్తున్నాయి.

సాక్షిప్రతినిధి, వరంగల్‌: పోలీస్‌ యూనిఫాం ధరించి డ్యాన్స్‌లు, ఇతర వినోద కార్యక్రమాల్లో పాల్గొంటే ఇకపై క్రమశిక్షణ చర్యలు తప్పవా? ఖాకీ దుస్తుల్లో ఉండి వ్యక్తిగత సరదా కార్యక్రమాల్లో పాల్గొనడంపై పోలీస్‌ శాఖ ఉన్నతాధికారులు కీలక నిర్ణయాలు తీసుకున్నారా? యూనిఫాంలో ఉన్న ఏ పోలీస్‌ అధికారి, సిబ్బంది డ్యాన్స్‌ లేదా ఇతర కార్యక్రమాల్లో పాల్గొనకూడదని ఆదేశాలు అందాయా? ఇటీవల రాష్ట్రవ్యాప్తంగా పలుచోట్ల యూనిఫాంలో పోలీస్‌ అధికారులు, సిబ్బంది డ్యాన్స్‌లపై సీనియర్‌, రిటైర్డ్‌ ఉన్నతాధికారులు ప్రభుత్వానికి సూచనలు చేశారా? అంటే నిజమే అంటున్నాయి సోషల్‌ మీడియా, పోలీస్‌ సర్కిళ్లలో వైరల్‌ అవుతున్న వీడియోలు, ఫొటోలు. ఖాకీ యూనిఫాం, కట్టుబాట్లు, క్రమశిక్షణల ఉల్లంఘనపై ఇక సీరియస్‌ పరిణామాలు ఉంటాయన్న సంకేతాలను కింది వరకు పంపాలని జిల్లాల పోలీసు ఉన్నతాధికారులకు సందేశాలు అందినట్లు తెలిసింది. వరంగల్‌ కమిషనరేట్‌తో పాటు మహబూబాబాద్‌, జేఎస్‌ భూపాలపల్లి, ములుగు జిల్లాల పోలీస్‌ సిబ్బందికి ఈ నిబంధనలు వర్తించనున్నాయి. స్పష్టమైన హద్దులు.. కాగా, సోషల్‌ మీడియా విస్తృతి పెరిగిన నేపథ్యంలో పోలీసుల ప్రతీ కదలిక ప్రజల దృష్టిలో పడుతోంది. పండుగలు, ఉత్సవాలు, ఇతర వేడుకల సందర్భంగా యూనిఫాంలో ఉన్న సిబ్బంది చేసే డ్యాన్స్‌లు, వినోద కార్యక్రమాల వీడియోలు నెట్టింట వైరల్‌ అవుతున్నాయి. కొన్ని సందర్భాల్లో పోలీ సుల ఉత్సాహాన్ని ప్రజలు అభినందిస్తుండగా.. మరికొన్ని సందర్భాల్లో విధి నిర్వహణ, యూనిఫాం గౌరవం, శాఖ క్రమశిక్షణపై చర్చకు దారితీస్తున్నాయి. బందోబస్తు, డ్యూటీలో అలసిపోయిన పోలీసులకు డాన్స్‌ ఆటవిడుపుగా, రిలాక్స్‌గా ఉంటుందనుకుంటున్నా యూనిఫాంలో సరికాదన్న వాదనలు కూడా ఉన్నాయి. ఈనేపథ్యంలోనే యూనిఫాంలో ఉన్నప్పుడు పోలీసుల ప్రవర్తనకు స్పష్టమైన హద్దులు ఉండాలన్న ఉద్దేశంతో ఈ నిర్ణయాలు తీసుకున్నట్లు విశ్వసనీయవర్గాల ద్వారా తెలిసింది. పోలీస్‌ యూనిఫాం కేవలం దుస్తులు కాదు. అది చట్టాన్ని అమలు చే సే అధికారానికి, ప్రజలకు భరోసా కల్పించే బాధ్యతకు, క్రమశిక్షణకు ప్రతీక. అందుకే యూనిఫాం ధరించిన సిబ్బంది ప్రవర్తనలో సంయమనం, వృత్తిపరమైన నిబద్ధత ఉండాలని ఉన్నతాధికారులు భావిస్తున్నారు. విధుల్లో ఉన్నా, అధికారిక కార్యక్రమానికి హాజరైనా, బందోబస్తులో పాల్గొన్నా యూనిఫాం గౌరవాన్ని కాపాడాల్సిన బాధ్యత పోలీసులపై ఉంటుంది. అందుకే యూనిఫాంలో డ్యాన్స్‌లు, ఇతర వినోద కార్యక్రమాల్లో పాల్గొనడంపై నిషేధాన్ని కచ్చితంగా అమలు చేయాలని ఉన్నతాధికారులు నిర్ణయం తీసుకున్నట్లు సమాచారం. ఇకపై డ్యూటీలో ఉన్నప్పుడు డ్యాన్స్‌లు వద్దు? పోలీస్‌ బాస్‌లకు అంతర్గత సందేశం.. పలు వీడియోలు సోషల్‌ మీడియాలో వైరల్‌.. ఈనేపథ్యంలో ఉన్నతాధికారుల కీలక నిర్ణయం నిబంధనలు ఉల్లంఘిస్తే క్రమశిక్షణ చర్యలు!

కాశిబుగ్గ: ప్రభుత్వం వరంగల్‌లో నిర్మించిన 24 అంతస్తుల సూపర్‌ స్పెషాలిటీ ఆస్పత్రిలో రోగులకు అన్ని రకాల వైద్య సేవలు అందించాలనే లక్ష్యంతో ముందుకెళ్తోంది. ముందుగా ఎంజీఎం ఆస్పత్రికి సంబంధించిన ఓపీ సేవలను దసరా పండుగ రోజు లాంఛనంగా ప్రారంభించాలని నిర్ణయించింది. అయితే ఇందులో భాగంగా గైనిక్‌ సేవలతో పాటు నేత్ర వైద్యశాల సేవలను కూడా అందించడానికి వసతి కల్పించారు. అలాగే, కేఎంసీలోని సూపర్‌ స్పెషాలిటీలోని నాలుగు విభాగాలను ఇక్కడికి తరలించాలని నిర్ణయం తీసుకున్నట్లు తెలుస్తోంది. వరంగల్‌ ప్రసూతి ఆస్పత్రి తరలిస్తారా..? నగరంలోని సీకేఎం ప్రసూతి ఆస్పత్రిని వరంగల్‌ సూపర్‌ స్పెషాలిటీ ఆస్పత్రికి తరలిస్తారని ప్రచారం జరుగుతోంది. అయితే దీనిపై విమర్శలు వ్యక్తమవుతున్నాయి. చాలా కాలం నుంచి ఉంటున్న ఈ ఆస్పత్రి మహిళలకు ఎంతో ఉపయోగకరంగా ఉందని, దీనిని అక్కడ ఏర్పాటు చేయడమేమిటనీ ప్రశ్నలు వ్యక్తమవుతున్నాయి. ప్రభుత్వం ఈ ఆస్పత్రిని తరలిస్తే ఊరుకునేది లేదని స్థానికులు హెచ్చరిస్తున్నా రు. ఈ ఆస్పత్రిని తరలించి, ఆ నిర్మాణాన్ని వేరే ఇతర అవసరాలకు ఉపయోగించాలనే ప్రయత్నాలు జరుగుతున్నట్లు ఆరోపణలు వస్తున్నాయి. అధికారులకు ఎలాంటి ఉత్తర్వులు లేకున్నా... దీనిపై తెర వెనుక ప్రయత్నాలు చేస్తున్నట్లు విమర్శలు వస్తున్నాయి. ఏదీ ఏమైనా అధికారులు స్పష్టమైన వివరణ ఇవ్వాల్సిన అవసరం ఎంతైన ఉంది. ప్రాంతీయ నేత్ర వైద్యశాల కూడా.. సీకేఎం ప్రసూతి ఆస్పత్రి మాదిరి వరంగల్‌లోని ప్రాంతీయ నేత్ర వైద్యశాలను కూడా సూపర్‌లో విలీనం చేసే దిశగా ఆలోచన జరుగుతున్నట్లు ప్రచారం జరుగుతోంది. సొంత భవనంలో అన్ని హంగులతో ఉన్న నేత్ర వైద్యశాలను అక్కడికి తరలిస్తారనే అభిప్రాయం వ్యక్తమవుతోంది. ఈ ఆస్పత్రిని వేరేవాటికి ఉపయోగించి, రోగులకు అన్ని రకాల సేవలను ఒక్క చోట అందేలా ఏర్పాట్లు చేయాలనే లక్ష్యంతో ప్రభుత్వం ఉన్నట్లు ఆరోపణలు వస్తున్నాయి. ఇటీవల మాజీ ఎంపీ బోయినపల్లి వినోద్‌కుమార్‌ కూడా నేత్ర వైద్యశాల తరలిస్తే ఊరుకునేది లేదని హెచ్చరించారు. ఏది ఏమైనా అధికారులు స్పష్టంగా చెప్పకపోవడంతో ప్రజలు అయోమయానికి గురవుతున్నారు. కేఎంసీ సూపర్‌ సేవలు సైతం.. కేఎంసీ సూపర్‌ స్పెషాలిటీలోని కొన్ని సేవలను వరంగల్‌ ‘సూపర్‌’కు తరలించడానికి ఏర్పాట్లు పూర్తయినట్లు తెలుస్తోంది. ముఖ్యంగా న్యూరాలజీ, న్యూరోసర్జరీ, పిడీయాట్రిక్‌, పిడీయాట్రిక్‌ సర్జరీ, కార్డియాలజీ సేవలను మార్చడానికి నిర్ణయం తీసుకున్నట్లు సమాచారం. అలాగే, హనుమకొండలోని ప్రసూతి ఆస్పత్రిని కూడా ఇక్కడికి మార్చాలనే ఆలోచన ఉన్నా, అక్కడ వ్యతిరేకత రావడంతో విరమించుకున్నట్లు ప్రచారం జరుగుతోంది. ఏది ఏమైనా ఈ నాలుగు ఆస్పతుల ఉన్నతాధికారులకు మాత్రం తాత్కాలికంగా కొన్ని యూనిట్ల ఓపీ సేవలను ఇక్కడ కొనసాగించాలని మౌఖికంగా ఆదేశాలు వచ్చినట్లు సమాచారం. అలాగే, ఇదే ఆస్పత్రి ప్రాంగణంలో కొనసాగుతున్న వెల్‌నెస్‌ సెంటర్‌ను కూడా తరలించడానికి నిర్ణయం తీసుకున్నట్లు సమాచారం.వరంగల్‌లోని ప్రాంతీయ నేత్ర వైద్యశాల వరంగల్‌లోని సీకేఎం ప్రసూతి ఆస్పత్రి కేఎంసీ సూపర్‌లోని నాగులు విభాగాలు సైతం.. వెల్‌నెస్‌ సెంటర్‌ తరలింపునకు నిర్ణయం భవిష్యత్‌లో మిగతా ప్రభుత్వ ఆస్పత్రుల విలీనం తప్పదా?

సంగెం: వరంగల్‌ జిల్లాలో వస్త్ర పరిశ్రమ అభివృద్ధికి అపార అవకాశాలున్నాయని, దీనిపై ప్రత్యేక దృష్టి సారించాలని తెలంగాణ ప్రభుత్వ పరిశ్రమలు, వాణిజ్యశాఖ ప్రధాన కార్యదర్శి సబ్యసాచి ఘోష్‌ సూచించారు. గురువారం సంగెం, గీసుకొండ మండలాల పరిధిలోని కాకతీయ మెగా టెక్స్‌టైల్‌ పార్కును సందర్శించి కిటెక్స్‌, యంగ్‌వన్‌, గణేశా కంపెనీలను తనిఖీ చేశారు. ఆయా పరిశ్రమల్లోని ఉత్పత్తి కార్యకలాపాలు, పనితీరు పరిశీలించారు. అనంతరం అధికారులతో సమీక్ష నిర్వహించి వస్త్ర పరిశ్రమ అభివృద్ధికి సంబంధించిన పలు అంశాలపై చర్చించారు. వరంగల్‌ ప్రాంతంలో చేనేత ఉత్పత్తులకు విస్త్రత ప్రచారంతోపాటు మరింత ప్రోత్సాహం కల్పించాలని, స్థానిక ఉత్పత్తులకు మార్కెటింగ్‌ అవకాశాలను పెంపొందించాలన్నారు. సంబంధిత శాఖలన్నీ సమన్వయంతో పనిచేసి పరిశ్రమలకు అవసరమైన సహకారం అందించాలన్నారు. కార్యక్రమంలో వరంగల్‌ అదనపు కలెక్టర్‌ లక్కినేని కిశోర్‌కుమార్‌, చేనేత, వస్త్రశాఖ అదనపు సంచాలకులు ఎన్‌. వెంకటేశ్వరస్వామి, ఏడీ శ్రీకాంత్‌రెడ్డి, టీజీఐఐసీ జోనల్‌ మేనేజర్‌ స్వామి, టీటీడీఓ నారాయణరెడ్డి, సంగెం తహసీల్దార్‌ రాజ్‌కుమార్‌ తదితరులు పాల్గొన్నారు. పరిశ్రమలు, వాణిజ్యశాఖ ప్రధాన కార్యదర్శి సబ్యసాచి ఘోష్‌

వరంగల్‌ స్పోర్ట్స్‌ : ప్రతిభ కలిగిన క్రీడాకారులను ప్రోత్సహించి, రాష్ట్ర, జాతీయ స్థాయిలో రాణించేలా అవసరమైన అవకాశాలు కల్పించాలని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. గురువారం హనుమకొండలోని జేఎన్‌ఎస్‌ ఇండోర్‌ స్టేడియం ఆవరణలో నిర్వహించిన తెలంగాణ స్టేట్‌ లెవల్‌ స్కూల్‌ గేమ్స్‌ లాన్‌ టెన్నిస్‌ చాంపియన్‌షిప్‌–2026ను ముఖ్య అతిథిగా హాజరై ప్రారంభించారు. అనంతరం ఆయన మాట్లాడుతూ విద్యార్థులు చదువుతోపాటు క్రీడల్లోనూ రాణించాలని, క్రీడలు శారీరక దృఢత్వంతో పాటు క్రమశిక్షణ, పట్టుదల, జట్టుగా పనిచేసే స్ఫూర్తిని పెంపొందిస్తాయన్నారు. ఈ 17వ తేదీ వరకు జరిగే ఈ పోటీలకు ఉమ్మడి 10 జిల్లాలకు చెందిన 300 మంది క్రీడాకారులు, 100మంది టెక్నికల్‌ అఫిషీయల్స్‌ హాజరవుతారని ఎస్‌జీఎఫ్‌ఐ అండర్‌–19 ఉమ్మడి వరంగల్‌ జిల్లా కార్యదర్శి శ్రీధర్‌ తెలిపారు. కార్యక్రమంలో హనుమకొండ కలెక్టర్‌ చాహత్‌ బాజ్‌ పాయ్‌, వర్ధన్నపేట ఎమ్మెల్యే కేఆర్‌ నాగరాజు, జిల్లా గ్రంథాలయ సంస్థ చైర్మన్‌ అజీజ్‌ ఖాన్‌, క్రీడాప్రతినిధులు, నిర్వాహకులు తదితరులు పాల్గొన్నారు. ఎమ్మెల్యే నాయిని రాజేందర్‌రెడ్డి

హసన్‌పర్తి: వరంగల్‌ పోలీస్‌ కమిషనరేట్‌ కార్యాలయంలో గురువారం సాయంత్రం బతుకమ్మ సంబరాలు అంబరాన్నంటాయి. వివిధ పోలీస్‌ స్టేషన్లలో విధులు నిర్వహిస్తున్న మహిళా కానిస్టేబుళ్ల నుంచి పైస్థాయి ఉద్యోగులు ఈ వేడుకల్లో పాల్గొన్నారు. సీపీ శ్వేత, డీసీపీ దార కవిత స్వయంగా బతుకమ్మ పాటలు పాడుతూ ప్రదర్శన నిర్వహించారు. సీపీ మాట్లాడుతూ విఽధి నిర్వహణలో నిమగ్నమయ్యే సిబ్బందికి ఇలాంటి కార్యక్రమాలు మానసిక ఉల్లాసాన్ని ఇస్తాయన్నారు. అనంతరం కమిషనరేట్‌ కార్యాలయంలోని నీటి కొలనులో బతుమ్మను నిమజ్జనం చేశారు. ఈసందర్భంగా ఉత్తమ బతుకమ్మకు బహుమతులు ప్రదానం చేశారు.

హన్మకొండ కల్చరల్‌: శ్రీభద్రకాళి దేవీశరన్నవరాత్ర మహోత్సవాల్లో భాగంగా ఐదోరోజు గురువారం శ్రీలలితా మహాత్రిపుర సుందరిగా అమ్మవారిని అలంకరించారు. ఆలయ అర్చకులు భద్రకాళిశేషు ఆధ్వర్యంలో వేద పండితులు చండీహోమం నిర్వహించారు. అమ్మవారి స్నపనమూర్తికి ఉదయం స్కందమాత క్రమంలో పూజలు జరిపి ఉత్సవమూర్తికి పల్లకీసేవ, సాయంత్రం దుమ్రహాక్రమంలో పూజలు జరిపి శేషవాహనంపై ఊరేగించారు. వరంగల్‌ జోన్‌ డిప్యూటీ కమిషనర్‌ కృష్ణప్రసాద్‌, వేములవాడ శ్రీరాజరాజేశ్వరస్వామి దేవాలయం ఈఓ, స్పెషల్‌ డిప్యూటీ కలెక్టర్‌ రమాదేవి అమ్మవారిని దర్శించుకున్నారు. దేవాలయ ధర్మకర్తల మండలి సభ్యుల ప్రమాణ స్వీకారం.. తెలంగాణ ప్రభుత్వంచే నూతనంగా ఏర్పాటు చేసిన దేవాలయ ధర్మకర్తల మండలి సభ్యులు గురువారం ప్రమాణ స్వీకారం చేశారు. కార్యక్రమంలో వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి సమక్షంలో ఈఓ రామల సునీత.. దేవాలయ చైర్మన్‌ డాక్టర్‌ బండారు శివసుబ్రహ్మణ్యం, ఎక్స్‌ అఫీషియో మెంబర్‌ పార్నంది నర్సింహమూర్తి, ధర్మకర్తలతో ప్రమాణస్వీకారం చేయించారు.

శుక్రవారం శ్రీ 16 శ్రీ అక్టోబర్‌ శ్రీ 2026వాతావరణం జిల్లాలో ఉదయం నుంచి ఎండ ఎక్కువగా ఉంటుంది. మధ్యాహ్నం వేళ ఉక్కపోత ఉంటుంది. రాత్రి సమయంలో చలితోపాటు మంచు కురుస్తుంది. కాశిబుగ్గ: వరంగల్‌లో పెద్దఎత్తున నిర్మాణం చేపట్టిన 24 అంతస్తుల సూపర్‌ మల్టీ స్పెషాలిటీ ఆస్పత్రిలో ఓపీ సేవలకు ఎట్టకేలకు ముహూర్తం ఖరారైంది. దసరా పర్వదినాన ఆస్పత్రి ప్రారంభో త్సవంతోపాటు ఓపీసేవలు ఆరంభించనున్నట్లు మంత్రి పొంగులేటి శ్రీనివాస్‌రెడ్డి గురువారం వరంగల్‌లో ప్రకటించారు. చాలాకాలంనుంచి ఎదురుచూస్తున్న ముహూర్తానికి ఇక ఐదు రోజులే మిగి లాయి. మరోవైపు ఓపీ సేవలకు కౌంట్‌డౌన్‌ ప్రారంభమవుతుండడంతో ఆస్పత్రిలో సేవలు సూపర్‌గా ఉండేందుకు అధికారులు సర్వ ప్రయత్నాలు చేస్తున్నారు. ఇప్పటికే ఆస్పత్రిలో డీఎంఈ డాక్టర్‌ వాణి, కలెక్టర్‌ డాక్టర్‌ సత్యశారద పర్యవేక్షణలో నిర్మాణ పనులు ముమ్మరంగా సాగుతున్నాయి. సీఎం ఆదేశాల మేరకు సీఎంఓ, గ్రూప్‌–1 అధికారులు, ముగ్గురు నోడల్‌ అధికారులు ఫ్లోర్‌కు ఒకరు చొప్పు న బాధ్యతలు తీసుకుని విధులు నిర్వహిస్తున్నారు. రాత్రింబవళ్లు నిర్మాణ పనులు సాగుతున్నాయి. తొలుత గ్రౌండ్‌, మొదటి అంతస్తులో ఓపీ సేవలు ప్రస్తుత నిర్మాణ పనుల దృష్ట్యా తొలుత ఓపీ సేవలను అందుబాటులో తీసుకురావాలని నిర్ణయించారు. ఈ మేరకు అవసరమైన పనులు పూర్తి చేశారు. గ్రౌండ్‌ ఫ్లోర్‌తోపాటు మొదటి అంతస్తులో ఓపీ సేవలు, పలు రకాల పరీక్షలు అందించేందుకు సిద్ధం చేశారు. అదేవిధంగా ఫర్నిచర్‌, ఓపీ హాల్‌లో భారీ ఫ్యాన్లను సైతం సిద్ధం చేశారు. వైద్యులను అందుబాటులో ఉంచుతూ, వివిధ రకాల పరీక్షలు చేసే విధంగా ఏర్పాట్లు పూర్తయ్యాయి. సిబ్బందిని అలర్ట్‌ చేశారు. దాదాపు అన్ని డిపార్ట్‌మెంట్లవారీగా సూపరింటెండెంట్‌ డాక్టర్‌ రాంకుమార్‌రెడ్డి వేర్వేరుగా సమావేశాలు ఏర్పాటు చేసి, ఏ రోజు ప్రారంభమైనా విధులు నిర్వహించడానికి సిద్ధంగా ఉండాలని ఆదేశించినట్లు సమాచారం. అదేవిధంగా సెక్యూరిటీ, పేషంట్‌ కేర్‌, శానిటేషన్‌ సిబ్బంది విధులపై స్పష్టత రావడంతో వారికి రోస్టర్‌ కూడా తయారు చేశారు. పనిలో పనిగా గురువారంనుంచి నర్సింగ్‌ సిబ్బంది, సెక్యూరిటీ, శానిటేషన్‌, పేషంట్‌ కేర్‌, డ్రెసింగ్‌ సిబ్బందిని ట్రయల్‌ రన్‌గా విధులకు పంపించారు. వీరిని మంత్రులు శ్రీనివాస్‌రెడ్డి, సీతక్క స్వయంగా చూసి, పేషంట్లకు వైద్యసేవలు ఎలా అందిస్తారో అడిగి తెలుసుకున్నారు. కార్పొరేట్‌ స్థాయిలో అధునాతన ఏర్పాట్లు.. దసరా కానుకగా పేదలకు అందిస్తున్న ఓపీ సేవలు కార్పొరేట్‌ స్థాయిలో ఉండేలా ఏర్పాట్లు చేశారు. వివిధ ప్రాంతాలనుంచి వచ్చిన పేషంట్లు కూర్చొనేందుకు ప్రైవేట్‌ ఆస్పత్రుల మాదిరిగా కుర్చీలను సిద్ధం చేశారు. మహిళలకు, పురుషులకు ప్రత్యేకంగా ఓపీ గదులు కేటాయించారు. ఇందులో వైద్యులు ఓపీ చూసేందుకు కార్పొరేట్‌ స్థాయిలో వసతులు ఉన్నాయి. వివిధ పరీక్షల్లో భాగంగా గ్రౌండ్‌ ఫ్లోర్‌లో ఈసీజీ, ఈఈజీ, డ్రెస్సింగ్‌ రూంలు సిద్ధంగా ఉంచారు. ట్రాన్స్‌జెండర్ల కోసం ప్రత్యేక ఓపీ గది కేటాయించారు. మొత్తంగా 50 వరకు భారీ లిఫ్ట్‌లు ఏర్పాటు చేసినట్లు తెలుస్తోంది. అధునాతన ఫ్యా న్లు, ఆస్పత్రి లోపల మొత్తం కళ్లు జిగేల్‌ అనే విధంగా విద్యుత్‌ లైట్లను అమర్చారు. ఏర్పాట్లు భారీగా ఉన్నా.. ఆస్పత్రికి వచ్చిన రోగులకు ఏ మేరకు వైద్యసేవలు అందుతాయో వేచి చూడాల్సిందే. అధునాతన ఎక్స్‌రే మిషన్‌సూపర్‌ స్పెషాలిటీ ఆస్పత్రికేయూలో మెస్‌ల మూసివేత కాకతీయ యూనివర్సిటీలోని హాస్టళ్ల మెస్‌లను గురువారం సాయంత్రం నుంచి మూసివేసినట్లు హాస్టళ్ల డైరెక్టర్‌ పి.శ్రీనివాస్‌ తెలిపారు. కార్పొరేట్‌ స్థాయిలో రూపుదిద్దుకుంటున్న దవాఖాన అధునాతన ఫ్యాన్లు, 50 వరకు లిఫ్ట్‌లు ఎంజీఎంలో అడ్మిట్‌ అయ్యే పేషంట్లకు ఏర్పాట్లు ఏవీ?పేషంట్లు అడ్మిట్‌ అయితే ఎలా? అవుట్‌ పేషంట్లుగా వచ్చిన వాళ్లు పరీక్షలు చేసిన తర్వాత అడ్మిట్‌ ఎలా చేయాలన్న దానిపై ప్రశ్నలు తలెత్తుతున్నాయి. ఇక్కడ కేవలం ఓపీ సేవలు ఉండడంతో వారిని సూపర్‌ నుంచి ఎంజీఎంకు ఎలా తరలిస్తారన్న దానిపై స్పష్టత లేదు. అదేవిధంగా సీటీ స్కాన్‌, ఎంఆర్‌ఐ పరీక్షలు అవసరమైతే పేషంట్లు అక్కడికి వెళ్లడం కష్టంగా మారుతుందని అభిప్రాయం వ్యక్తమవుతోంది. ఓపీ సేవలు ప్రారంభమైన తర్వాత ఏం చేయాలో చేస్తామంటూ దాటవేస్తున్నారు. దవాఖానాలో ఉన్న అంబులెన్స్‌లు వాడుతారా.. లేక ఆర్టీసీ బస్సులను ఉపయోగించుకునే వెసులుబాటు ఉంటుందా? అనేది తెలియాల్సి ఉంది.

కేయూ క్యాంపస్‌ : కాకతీయ యూనివర్సిటీలోని హాస్టళ్ల మెస్‌లను గురువారం సాయంత్రం నుంచి మూసివేసినట్లు హాస్టళ్ల డైరెక్టర్‌ పి. శ్రీనివాస్‌ తెలిపారు. కామన్‌ మెస్‌, న్యూపీజీ బాయ్స్‌ హాస్టల్‌మెస్‌, ఇంజనీరింగ్‌ కాలేజీ మెస్‌, మహిళా హాస్టల్‌మెస్‌, సుబేదారిలోని యూనివర్సిటీ ‘లా’ హాస్టల్‌ మెస్‌ను మూసివేసిట్లు పేర్కొన్నారు. ఈనెల 16 నుంచి 22వ తేదీ వరకు క్యాంపస్‌లోని విద్యార్థులు, అధ్యాపకులకు దసరా సెలవులు ప్రకటించారు. దీంతో విద్యార్థులు ఇంటి బాట పట్టారు. మెస్‌లతోపాటు పలు హాస్టళ్లను కూడా ఈనెల 16 నుంచి మూసివేస్తామని తెలిపారు. ఈనెల 23 నుంచి మెస్‌లు రీఓపెన్‌ చేస్తారని వివరించారు. ఇదిలా ఉండగా యూనివర్సిటీలోని వివిధ కార్యాలయాలు యథావిఽఽధిగా కొనసాగుతాయి. బోధనేతర ఉద్యోగులు, పరిపాలన పదవులు నిర్వహించే అధ్యాపకులు కూడా యథావిధిగా విధులకు హాజరవుతారు. ● ఎన్‌హెచ్‌ఎం ఉద్యోగాలకు భారీ పోటీ హన్మకొండ అర్బన్‌: హనుమకొండ జిల్లాలో జాతీయ ఆరోగ్య మిషన్‌ కింద ఒప్పంద, ఔట్‌ సోర్సింగ్‌ పద్ధతిలో భర్తీ చేయనున్న 51 ఉద్యోగాలకు భారీ స్పందన లభించింది. ఈ పోస్టుల కోసం మొత్తం 2,527 మంది అభ్యర్థులు దరఖాస్తు చేసుకున్నారు. దీంతో ఒక్కో పోస్టుకు సగటున 49 మందికిపైగా పోటీ పడుతున్నారు. కలెక్టర్‌ చాహత్‌ బాజ్‌పాయ్‌ అనుమతితో జిల్లా వైద్య ఆరోగ్యశాఖ ఆధ్వర్యంలో నోటిఫికేషనన్‌ ద్వారా వివిధ కేటగిరీల్లో 51 పోస్టుల భర్తీకి దరఖాస్తులు ఆహ్వానించారు. అక్టోబర్‌ 8న ప్రారంభమైన దరఖాస్తుల స్వీకరణ గడువు గురువారం అక్టోబర్‌ 15న సాయంత్రం 5 గంటలకు ముగిసింది. గడువులోగా 2,527 దరఖాస్తులు అందినట్లు అధికారులు వెల్లడించారు. పారదర్శక ప్రక్రియ దరఖాస్తుల పరిశీలన త్వరలో ప్రారంభిస్తామని డీఎంహెచ్‌ఓ అప్పయ్య తెలిపారు. తదుపరి దశలకు సంబంధించిన తేదీలతోపాటు అర్హుల జాబితా విడుదల తేదీలను పరిశీలన అనంతరం వెల్లడిస్తామని చెప్పారు. నియామకాల ప్రక్రియను పారదర్శకంగా నిర్వహించి, మెరిట్‌ జాబితా ప్రకారం అర్హులైన అభ్యర్థులను ఎంపిక చేస్తామని స్పష్టం చేశారు. ఉద్యోగాలు ఇప్పిస్తామంటూ చెప్పే దళారులను నమ్మి అభ్యర్థులు మోసపోవద్దని, ఎవరికీ డబ్బులు చెల్లించవద్దని సూచించారు. హసన్‌పర్తి: వరంగల్‌ పోలీస్‌ కమిషనరేట్‌లో కొంతకాలంగా వినియోగించి నిరుపయోగంగా ఉన్న పాత వస్తువుల బహిరంగ వేలం ద్వారా విక్రయించనున్నట్లు సీపీ శ్వేత గురువారం ఒక ప్రకటనలో తెలిపారు. అక్టోబర్‌ 17న ఉదయం 10 గంటలకు వేలం ప్రారంభమవుతుందని ఆమె పేర్కొన్నారు. పోలీస్‌ కమిషనరేట్‌ నూతన భవనం ఎదుట నిర్వహించనున్న ఈ వేలంలో ఆసక్తి ఉన్నవారు పాల్గొనాలని సూచించారు. హన్మకొండ కల్చరల్‌: వేయిస్తంభాల ఆలయంలో రుద్రేశ్వరీదేవి శరన్నవరాత్రి ఉత్సవాల్లో భాగంగా ఐదో రోజు గురువారం అమ్మవారికి ఘనంగా లక్షతులసీ అర్చన నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో వేద పండితులు మణికంఠశర్మ, అర్చకులు సుప్రభాతసేవ, అభిషేకాలు, అర్చనలు జరిపారు. కోన శ్రీకర్‌, కల్పన దంపతులు ఉభయదాతలుగా వ్యవహరించారు. పూజా కార్యక్రమాల్లో వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి సతీమణి నీలిమ, పల్లం రాధిక, కొయిల్కార్‌ పుష్పలత, శివకన్య, లావణ్య, దివ్య, సరోజనదేవి, తాటికొండ స్వరూప, స్వరూప, పద్మ తదితరులు పాల్గొన్నారు.

కాజీపేట అర్బన్‌ : గ్రాడ్యుయేట్లను ఎమ్మెల్సీ ఓటర్లుగా నమోదు చేయించాలని రాష్ట్ర రెవెన్యూ శాఖ మంత్రి పొంగులేటి శ్రీనివాస్‌రెడ్డి అన్నారు. ఈ మేరకు గురువారం హనుమకొండ జిల్లా కాజీపేట మండలం మడికొండలోని సత్యసాయి గార్డెన్స్‌లో ఏర్పాటు చేసిన ఎమ్మెల్సీ ఎన్నికల ఉమ్మడి వరంగల్‌ జిల్లా సన్నాహక సమావేశానికి మంత్రి ముఖ్య అతిథిగా హాజరై మాట్లాడారు. రాబోయే వరంగల్‌–ఖమ్మం–నల్లగొండ నియోజకవర్గాల ఎమ్మెల్సీ ఎన్నికలో కాంగ్రెస్‌ బలపరిచిన అభ్యర్థి సర్వోత్తమరెడ్డి గెలుపు కోసం పార్టీ శ్రేణులు సైనికుల్లా పని చేయాలన్నారు. మొదటి ప్రాధాన్యత ఓటు సర్వోత్తమరెడ్డికే వేసేలా గ్రాడ్యుయేట్లకు తెలపాలన్నారు. అధికార పార్టీ బలపరిచిన సర్వోత్తమరెడ్డి గెలుపే లక్ష్యంగా గ్రామ స్థాయి నుంచి కాంగ్రెస్‌ కార్యకర్తలు కష్టపడాలని రాష్ట్ర పంచాయతీ రాజ్‌ శాఖ మంత్రి సీతక్క అన్నారు. గ్రాడ్యుయేట్లు ఆలోచించి తమ ఓటు హక్కు వినియోగించుకోవాలని రాజ్యసభ సభ్యుడు వేం నరేందర్‌రెడ్డి అన్నారు. వరంగల్‌లోనే 47వేల గ్రాడ్యుయేట్లు ఎమ్మెల్సీ ఓటర్లుగా నమోదు చేసుకున్నారని, వచ్చే నెల ఆరో తేదీ వరకు ఓటరు నమోదు ప్రక్రియను కొనసాగిస్తూ కాంగ్రెస్‌ పార్టీ బలపరిచిన అభ్యర్థికి ఓటు వేసేలా గ్రాడ్యుయేట్లకు అవగాహన కల్పించాలని పశ్చిమ ఎమ్మెల్యే నాయిని రాజేందర్‌రెడ్డి తెలిపారు. కార్యక్రమంలో ఎమ్మెల్యేలు కేఆర్‌ నాగరాజు, రేవూరి ప్రకాశ్‌రెడ్డి, యశ్వసిని రెడ్డి, ‘కుడా’ చైర్‌ పర్సన్‌ గుండు సుధారాణి, తదితరులు పాల్గొన్నారు. మంత్రి పొంగులేటి శ్రీనివాస్‌రెడ్డి

హన్మకొండ : అంతర్జాతీయ చదరంగ పోటీల్లో లావుడ్యా అక్షత్‌ చౌహాన్‌ సత్తా చాటాడు. మలేషియా రాజధాని కౌలాలంపూర్‌లో ఈ నెల 4 నుంచి 12వ తేదీ వరకు ఆసియా కామన్‌వెల్త్‌ స్కూల్‌ గేమ్స్‌ నిర్వహించారు. ఈ పోటీల్లో హనుమకొండ పోస్టల్‌ కాలనీకి చెందిన లావుడ్యా అక్షత్‌ చౌహాన్‌ భారత్‌ తరఫున ప్రాతినిథ్యం వహించి రెండు బంగారు, ఒక రజత పతకం గెలుచుకున్నాడు. అండర్‌– 7 విభాగంలో పాల్గొని అత్యుత్తమ ప్రతిభ కనబరిచాడు. క్లాసిక్‌, బ్లిజ్‌లో బంగారు పతకాలు, రాపిడ్‌లో సిల్వర్‌ పతకం సాధించి దేశానికి గర్వకారణంగా నిలిచారు. తండ్రి లావుడ్యా శశికాంత్‌ నాయక్‌ టీజీ ఎన్పీడీసీఎల్‌ మహబూబూబాద్‌లో ఏఈగా, తల్లి అఖిల నాయక్‌ ఎస్‌బీఐ బాలసముద్రం బ్రాంచ్‌లో సీనియర్‌ అకౌంటెంట్‌గా పని చేస్తున్నారు. కాగా, అంతర్జాతీయ వేదికపై భారతదేశానికి ప్రాతినిథ్యం వహిస్తూ రెండు స్వర్ణాలు, ఒక రజతం సాధించిన అక్షత్‌ చౌహాన్‌ విజయంపై క్రీడాభిమానులు హర్షం వ్యక్తం చేస్తున్నారు.

కేయూ క్యాంపస్‌: కాకతీయ యూనివర్సిటీలో స్పోకెన్‌ ఇంగ్లిష్‌ తరగతులకు దరఖాస్తులు ఆహ్వానిస్తున్నట్లు సెల్ట్‌ డైరెక్టర్‌ డాక్టర్‌ ఆర్‌ మేఘనరావు గురువారం ఒక ప్రకటనలో తెలిపారు. యూనివర్సిటీలోని సెంటర్‌ ఫర్‌ ఇంగ్లిష్‌ లాంగ్వేజ్‌ ట్రైనింగ్‌ (సెల్ట్‌) ఆధ్వర్యంలో ఈఏడాది నవంబర్‌ 2 నుంచి డిసెంబర్‌ 11 వరకు స్పోకెన్‌ ఇంగ్లిష్‌, కమ్యూనికేషన్‌ స్కిల్స్‌ శిక్షణ తరగతులు నిర్వహించనున్నట్లు పేర్కొన్నారు. వర్సిటీలోని విద్యార్థులు రూ.200, గృహిణులు, బోధనేతర సిబ్బంది ఇతరులు రూ.1,500 ఫీజు చెల్లించి శిక్షణ తరగతులకు హాజరుకావాలని సూచించారు. 24వ తేదీలోపు గూగుల్‌ ఫామ్‌ ద్వారా దరఖాస్తులు చేసుకోవాలని మేఘనరావు కోరారు. పూర్తి వివరాలకు డబ్ల్యూడబ్ల్యూడబ్ల్యూ.కాకతీయ.ఏసీ.ఇన్‌లో చూడాలని సూచించారు. హన్మకొండ అర్బన్‌: ఎన్‌హెచ్‌ఎం ఉద్యోగుల సమ్మె నేపథ్యంలో ప్రజలకు వైద్య సేవల్లో అంతరాయం కలగకుండా ప్రత్యామ్నాయ ఏర్పాట్లు చేసినట్లు వైద్య ఆరోగ్యశాఖ అధికారి డాక్టర్‌ అప్పయ్య తెలిపారు. నగరంలోని పెద్దమ్మగడ్డ, పోచమ్మకుంట, లష్కర్‌ సింగారం పట్టణ ప్రాథమిక ఆరోగ్య కేంద్రాల్లో వైద్య సేవలను గురువారం ఆయన పరిశీలించారు. ఈసందర్భంగా డీఎంహెచ్‌ఓ అప్పయ్య మాట్లాడుతూ.. గ్రామీణ పీహెచ్‌సీల నుంచి సిబ్బందిని పట్టణ పీహెచ్‌సీలకు డిప్యుటేషన్‌పై నియమించినట్లు తెలిపారు. సమ్మె సమయంలోనూ నిరంతరాయంగా వైద్యం అందేలా చ ర్యలు తీసుకుంటున్నట్లు ఆయన పేర్కొన్నారు. కాజీపేట అర్బన్‌: బీసీ ఓవర్సీస్‌ (మహాత్మా జ్యోతిబా పూలే విదేశీ విద్యానిధి) పథకంలో జిల్లాలోని బీసీ, ఈబీసీ అభ్యర్థులు దరఖాస్తు చేసుకునేందుకు ఈనెల 31 వరకు గడువు పొడిగించినట్లు జిల్లా బీసీ వెల్ఫేర్‌ ఇన్‌చార్జ్‌ అధికారి లక్ష్మణ్‌ గురువారం తెలిపారు. ఆన్‌లైన్‌లో www.telangana.cgg.gov.in వెబ్‌సైట్‌లో దరఖాస్తు చేసుకోవాలని కోరారు. వరంగల్‌ లీగల్‌: ఇటీవల రాష్ట్ర హైకోర్టు జూనియర్‌ డివిజన్‌ ఫస్ట్‌ క్లాస్‌ మెజిస్ట్రేట్‌ ఎంపిక పరీక్ష ఫలితాలు గురువారం హైకోర్టు వెలువరించింది. వరంగల్‌, హనుమకొండ జిల్లాలకు సంబంధించి నలుగురు అభ్యర్థులు ఎంపికయ్యారు. వీరిలో ఇరువురు న్యాయవాదులు కాగా, మరో ఇద్దరు న్యాయశాఖ ఉద్యోగులు. వరంగల్‌ జిల్లా ప్రధాన కోర్టులో సీనియర్‌ అసిస్టెంట్‌గా పనిచేస్తున్న పాలకుర్తి కరుణాకర్‌, హనుమకొండ జిల్లా సీనియర్‌ సివిల్‌ కోర్టు సూపరింటెండెంట్‌గా పనిచేస్తున్న కె.ఆరాధనరెడ్డి, రాష్ట్ర బార్‌ కౌన్సిల్‌ సభ్యులు ఎం.సహోదర్‌రెడ్డి వద్ద జూనియర్‌గా పనిచేస్తున్న డ్యాగల సాయిపవన్‌, రిటైర్డ్‌ పబ్లిక్‌ ప్రాసిక్యూటర్‌, సీనియర్‌ న్యాయవాది సర్దార్‌ వద్ద జూనియర్‌గా పనిచేస్తున్న ఫర్హానా జూనియర్‌ సివిల్‌ జడ్జిగా ఎంపికయ్యారు. వీరిని పలువురు న్యాయమూర్తులు, న్యాయవాదులు, న్యాయశాఖ ఉద్యోగులు, ఉభయ బార్‌ అసోసియేషన్ల ప్రతినిధులు అభినందించారు. హన్మకొండ: టీజీఎస్‌ ఆర్టీసీ వరంగల్‌ రీజియన్‌ స్టాండింగ్‌ కౌన్సిల్‌గా హనుమకొండకు చెందిన న్యాయవాది చల్లా శ్రీనివాస్‌ నియమితులయ్యారు. 2011 నుంచి హనుమకొండ జిల్లా కోర్టులో న్యాయవాదిగా ప్రాక్టీస్‌ చేస్తున్న శ్రీనివాస్‌ను టీజీఎస్‌ ఆర్టీసీ వరంగల్‌ రీజియన్‌ స్టాండింగ్‌ కౌన్సిల్‌గా యాజమాన్యం నియమించింది. ఈమేరకు గురువారం హనుమకొండలోని వరంగల్‌ ఆర్‌ఎం కార్యాలయంలో ఆర్‌ఎం ఎస్‌.భవానీప్రసాద్‌ నియామక పత్రం అందించారు. ఆర్టీసీ స్టాండింగ్‌ కౌన్సిల్‌గా ఆర్టీసీకి సంబంధించిన వరంగల్‌ రీజియన్‌ న్యాయవివాదాలు, కోర్టు కేసులు పర్యవేక్షించనున్నారు. శ్రీనివాస్‌ కే యూ నుంచి న్యాయశాస్త్రంలో మూడు గోల్డ్‌ మె డల్స్‌ సాధించంతో పాటు పీహెచ్‌డీ అందుకున్నారు.

సాక్షి, వరంగల్‌: వరంగల్‌లోని ఎంజీఎం ఆస్పత్రి కొత్త భవనం (24 అంతస్తుల సూపర్‌ స్పెషాలిటీ ఆస్పత్రి)లో రోగులకు అందించే సూపర్‌ సేవలతో మిగతా ప్రైవేట్‌ ఆస్పత్రులు షట్‌డౌన్‌ అవుతాయని రాష్ట్ర రెవెన్యూ, గృహ నిర్మాణ, సమాచార, పౌర సంబంధాలశాఖ మంత్రి పొంగులేటి శ్రీనివాస్‌రెడ్డి అన్నారు. హైదరాబాద్‌కు సమానంగా ఇక్కడ వైద్యచికిత్స దొరుకుతుందని ఇప్పటికే ప్రజల్లో ఉన్న నమ్మకాన్ని మరింత బలపడే విధంగా ప్రభుత్వం అన్ని వసతులు అందుబాటులో ఉంచుతుందన్నారు. మంత్రి సీతక్క, రాజ్యసభ సభ్యుడు వేం నరేందర్‌రెడ్డి, ఎంపీ బలరాం నాయక్‌, వైద్య ఆరోగ్య శాఖ ప్రిన్సిపల్‌ సెక్రటరీ క్రిస్టియానా చొంగ్తూతో కలిసి వరంగల్‌లో నిర్మాణమవుతున్న 24 అంతస్తుల సూపర్‌ స్పెషాలిటీ ఆస్పత్రి భవన సముదాయాన్ని గురువారం ఆయన పరిశీలించారు. అనంతరం మీడియాతో మాట్లాడుతూ...గత ప్రభుత్వంలో అసంపూర్తిగా మొండిగోడలతో వదిలేసిన ఈ ఎంజీఎం హాస్పిటల్‌ను సీఎం రేవంత్‌ రెడ్డి ఆధ్వర్యంలోని ప్రజాప్రభుత్వం యుద్ధప్రాతిపదికన నిర్మాణం చేసిందన్నారు. దసరా పండుగ రోజున రెండు అంతస్తుల్లో ఓపీ సేవలను సాఫ్ట్‌ లాంచ్‌ చేస్తామన్నారు. నవంబర్‌ చివర, డిసెంబర్‌ 15వరకు పూర్తిస్థాయిలో జరుగు ప్రారంభోత్సవానికి సీఎం రేవంత్‌రెడ్డి రానున్నారని తెలిపారు. ‘గతంలో ఇన్‌చార్జ్‌ మంత్రిగా ఎంజీఎం పాత ఆస్పత్రికి వెళ్లాం. ఉమ్మడి వరంగల్‌ జిల్లా ప్రజలే కాకుండా ఖమ్మం, నల్లగొండ, నిజామాబాద్‌, ఆదిలాబాద్‌, మెదక్‌ జిల్లాలోని రోగులు కూడా వచ్చి చికిత్స పొందుతున్నారు. ఎంజీఎం కొత్త భవనంలోనూ హైదరాబాద్‌తో సమానంగా సూపర్‌ వైద్యసేవలు అందుతాయని, ఈ ప్రాంతంలోని గిరిజనులు, గిరిజనేతరులకు నమ్మకం కుదిరే విధంగా నాణ్యమైన వైద్యసేవలు అందుతాయి’ అని వివరించారు. ప్రభుత్వం విద్య, వైద్య రంగాలకు పెద్దపీట వేస్తూ ప్రజలకు సేవలు అందిస్తుందని తెలిపారు. ఇక నుంచి నిమ్స్‌ స్థాయిలో వైద్యసేవలు.. రాష్ట్ర ఆర్థిక పరిస్థితి సహకరించకపోయినా మంచి వైద్యం అందిస్తామని, టిమ్స్‌ కన్నా వరంగల్‌లో ఎక్కువగా వైద్యసేవలు రానున్నాయని మంత్రి పొంగులేటి తెలిపారు. ప్రస్తుతం ఎంజీఎంలో ఓపీ మూడువేలకు పైగా ఉందని, కొత్త హాస్పిటల్‌ అందుబాటులోకి వచ్చిన తర్వాత ఓపీ సేవలు 4 నుంచి 5వేలకు పెరుగుతుందని చెప్పారు. దీంతో ప్రైవేట్‌ హాస్పిటల్స్‌ పడిపోతాయని ధీమా వ్యక్తం చేశారు. ప్రభుత్వ హాస్పిటల్‌లో మంచి ఫ్యాకల్టీ, చికిత్స విధానం ప్రైవేట్‌ సెక్టార్‌ కన్నా అధికంగా అందుతుందని తెలిపారు. మెరుగైన, నాణ్యమైన వైద్యసేవలను ప్రజలకు అందుబాటులోకి తీసుకురావడానికి ఓపీ సేవలు ప్రారంభంలోకి తీసుకువస్తామని, ఈ నెల 17న మరోసారి వరంగల్‌లో సమావేశమై ఏర్పాట్లను సమీక్షించనున్నట్లు వివరించారు. ఇకనుంచి నిమ్స్‌ స్థాయిలో వైద్యసేవలను అందజేస్తామని ఆయన పేర్కొన్నారు. కార్యక్రమంలో ఎమ్మెల్యేలు నాయిని రాజేందర్‌రెడ్డి, రేవూరి ప్రకాశ్‌రెడ్డి, కేఆర్‌ నాగరాజు, ఎమ్మెల్సీ బస్వరాజు సార య్య, కుడా చైర్‌పర్సన్‌ గుండు సుధారాణి, హనుమకొండ, వరంగల్‌ జిల్లాల కలెక్టర్లు డాక్టర్‌ సత్యశారద, చాహత్‌ బాజ్‌పాయ్‌ పాల్గొన్నారు. అయితే వరంగల్‌ తూర్పు నియోజకవర్గంలో ఉన్న ఈ ఆసుపత్రి నిర్మాణ పనుల సమీక్షకు మాజీ మంత్రి, స్థానిక ఎమ్మెల్యే కొండా సురేఖ దూరంగా ఉండడం స్థానిక రాజకీయ వర్గాల్లో చర్చనీయాంశమైంది. ఎంజీఎం పేరే ఖరారైందా...? రూ.1,153 కోట్ల వ్యయంతో వరంగల్‌ పాత సెంట్ర ల్‌ జైలు స్థానంలో 24 అంతస్తుల నిర్మితమై వైద్య సే వలకు అందుబాటులోకి వస్తున్న ఈ వరంగల్‌ సూ పర్‌ స్పెషాలిటీ ఆస్పత్రికి ఏ పేరు పెడతారన్న చర్చ బాగా ఉండేది. ఎంజీఎం పేరునే కొనసాగిస్తారా, లే దా సూపర్‌ స్పెషాలిటీ ఆస్పత్రి అనే ఉంటుందన్నా మీమాంస ఉండేది. కాగా, మంత్రి పొంగులేటి గురువారం ఆ ఆసుపత్రి వద్ద మీడియాతో మాట్లాడిన సందర్భంలో ఎంజీఎం భవనమే అని పలుమార్లు ఉచ్చరించడంతో ప్రభుత్వం ఆ పేరును ఖరారు చేసిందా అని అటు వైద్య వర్గాల్లో, ఇటు మీడియా వర్గాల్లో జోరుగా చర్చ సాగింది. ఈ నెల 20న దసరా రోజున అందుబాటులోకి ఓపీ సేవలు నవంబర్‌ అఖరు, లేదంటే డిసెంబర్‌ 15న సీఎంతో పూర్తిస్థాయి సేవలతో ప్రారంభం రాష్ట్ర రెవెన్యూ, గృహ నిర్మాణ, సమాచార శాఖ మంత్రి పొంగులేటి శ్రీనివాస్‌రెడ్డి మంత్రి సీతక్కతో కలిసి ఆస్పత్రి తుదిదశ పనుల పరిశీలన

హసన్‌పర్తి: సోషల్‌ మీడియా(ఎస్‌ఎం)లో అపరిచిత వ్యక్తులతో స్నేహం చేయొద్దని వరంగల్‌ పోలీస్‌ కమిషనర్‌ శ్వేత అన్నారు. బాలికల భద్రత, మహిళారక్షణ, వ్యక్తిగత అభివృద్ధి, సైబర్‌ నేరాలు, మానసిక ఆరోగ్యంపై బుధవారం నగరంలోని కాళోజీ కళాక్షేత్రంలో అవగాహన సదస్సు నిర్వహించారు. ఈ కార్యక్రమంలో సీపీ శ్వేత ముఖ్యఅతిథిగా పా ల్గొని మాట్లాడారు. బాలికలు తమ హక్కులు, రక్షణపై అవగాహన కలిగి ఉండాలన్నారు. వ్యక్తిగత స మాచారాన్ని ఇతరులతో పంచుకోవద్దన్నారు. సైబ ర్‌ వేధింపులకు గురైతే వెంటనే తల్లిదండ్రులు, పోలీసులకు సమాచారం ఇవ్వాలన్నారు. వరంగల్‌ కలెక్టర్‌ సత్యశారద మాట్లాడుతూ కౌమారదశలో ఎదురయ్యే సమస్యలను ధైర్యంగా అఽధిగమిస్తూ జీవిత లక్ష్యాన్ని సాధించే దిశగా ముందుకు సాగా లని పిలుపునిచ్చారు. పౌష్టికాహారం తీసుకోవడంతోపాటు మానసిక, భావోద్వేగ, సమతుల్యతను కాపాడుకోవాలన్నారు. సైకాలజిస్ట్‌ బరుపటి గోపి మాట్లాడుతూ మానసిక అడ్డంకులను అధిగమిస్తూ జీవిత లక్ష్యాలపై దృష్టి సారించాలన్నారు. గైనకాలజిస్ట్‌ ఎల్‌.రాధిక మాట్లాడుతూ కౌమారదశలో కలిగే శారీరక,మానసిక మార్పులపై బాలికలకు అవగాహన ఉండాలన్నారు. జిల్లా ‘షీ’ టీమ్స్‌ ఏసీసీ సదయ్య ఆధ్వర్యంలో నిర్వహించిన ఈ కార్యక్రమంలో డీసీపీలు అంకిత్‌కుమార్‌, ధార కవిత, అదనపు డీసీపీ బాలస్వామి, ఏసీపీలు సదయ్య, వెంకటరమణ, ‘షీ’టీమ్స్‌ ఇన్‌స్పెక్టర్‌ సువర్ణ, ఎహెచ్‌టీయూ ఇన్‌స్పెక్టర్‌ ఓ. రమేశ్‌, భరోసా సెంటర్‌ ఎస్సై కిరణ్మయి. ‘షీ’ టీమ్స్‌ ఆర్‌ఎస్సై స్వాతి, రామారావు తదితరులు పాల్గొన్నారు. సైబర్‌ వేధింపులకు గురైతే సమాచారమివ్వాలి వరంగల్‌ పోలీస్‌ కమిషనర్‌ శ్వేత

హన్మకొండ కల్చరల్‌: శ్రీభద్రకాళి దేవీశరన్నవరాత్రి ఉత్సవాల్లో భాగంగా నాలుగో రోజు బుధవారం అమ్మవారిని శ్రీమహాలక్ష్మీదేవిగా అలంకరించారు. ఆలయ అర్చకుడు భద్రకాళి శేషు ఆధ్వర్యంలో వేదపండితులు నిత్యాహ్నికం, చతుఃషష్టి ఉపచార పూజలు, చండీహోమం నిర్వహించారు. అమ్మవారి స్నపనమూర్తికి ఉదయం క్రూష్మాండిని క్రమంలో పూజలు జరిపి ఉత్సవమూర్తిని సూర్యప్రభవాహనంపై, సాయంత్రం గిరిజాక్రమంలో పూజలు జరిపి హంసవాహనంపై ఊరేగించారు. మహిళలు సామూహిక కుంకుమార్చన చేశారు. మధ్యాహ్నం భక్తులకు అన్నప్రసాదాల వితరణ చేశారు. తొగుట పీఠాధిపతి మాధవానంద సరస్వతి స్వామి అమ్మవారికి ప్రత్యేక పూజలు చేశారు. అనంతరం భక్తులనుద్దేశించి అనుగ్రహభాషణం చేశారు. ఆలయంలో తయారుచేస్తున్న దారు రథాన్ని పరిశీలించారు. ఆలయ ఈఓ రామల సునీత ఏర్పాట్లను పర్యవేక్షించారు. సాయంత్రం సాంస్కృతిక కార్యక్రమాలు అలరించాయి. హన్మకొండ కల్చరల్‌: వరంగల్‌ నగరంలోని శ్రీభద్రకాళి దేవాలయానికి రెండేళ్లకాలానికి 11 మంది సభ్యులతో ధర్మకర్తల మండలి ఏర్పాటు చేసినట్లు ముఖ్యమంత్రి కార్యాలయం నుంచి గత సోమవారం ఉత్తర్వులు జారీ చేశారు. 2012లో ధర్మకర్తల మండలి ఏర్పాటు చేయగా 2014 వరకు కొనసాగింది. అనంతరం 11 ఏళ్లుగా పాలకమండలి లేదు. గతేడాది రాష్ట్ర ప్రభుత్వ ఆదేశానుసారం రాష్ట్ర దేవాదాయ ధర్మాదాయశాఖ 2025, జూన్‌11న ఏడాదికాలానికి వంశపారంపర్యేతర ధర్మకర్తల మండలి ఏర్పాటు చేసింది. తాజాగా పూర్తిస్థాయి నూతన ధర్మకర్తల మండలిని నియమించింది. మండలిలో కమటం వేణుగోపాల్‌, కల్లూరి పవన్‌కుమార్‌, కటకం రాములు, కరేంగుల సురేష్‌బాబు, గదే శ్రవణ్‌కుమార్‌రెడ్డి, చిదర అంజని, మాడిశెట్టి సతీశ్‌, పేరాల శ్రీనివాస్‌రావు, రమేశ్‌చంద్‌ బ్యాంగ్‌, చింతలపాని వాసవీరెడ్డి, మోత్కూరి మయూరి సభ్యులుగా ఉన్నారు. ధర్మకర్తలు ప్రమాణ స్వీకారం చేసిన తేదీనుంచి రెండేళ్లపాటు పదవిలో కొనసాగుతారు. వరంగల్‌కు డీడీ గోవిందరాజు సాక్షిప్రతినిధి, వరంగల్‌: రాష్ట్ర గనులు, భూగర్భ వనరుల శాఖలో పదోన్నతులు, పోస్టింగ్‌లు కల్పిస్తూ రాష్ట్ర ప్రభుత్వం ఉత్తర్వులు జారీ చేసింది. 2025–26 ప్యానల్‌ సంవత్సరానికి సంబంధించి ఇద్దరు అసిస్టెంట్‌ డైరెక్టర్లకు డిప్యూటీ డైరెక్టర్లుగా తాత్కాలికంగా పదోన్నతి కల్పించింది. అందులో బి.గోవిందరాజును వరంగల్‌లోని డిప్యూటీ డైరెక్టర్‌ ఆఫ్‌ మైన్స్‌ అండ్‌ జియాలజీ కార్యాలయంలో పూర్తికాలపు డిప్యూటీ డైరెక్టర్‌గా నియమించారు. ఈ మేరకు పరిశ్రమలు, వాణిజ్య శాఖ జీఓ ఆర్టీ నంబర్‌ 185 ద్వారా బుధవారం ఉత్తర్వులు జారీ అయ్యాయి. వరంగల్‌ ఇన్‌చార్జ్‌ డిప్యూటీ డైరక్టర్‌గా ఉన్న జయరాజుపై ఆగస్టు 27న ఆదాయానికి మించిన ఆస్తుల ఆరోపణలపై ఏసీబీ దాడులు జరిపిన విషయం తెలిసింది. ఆ తర్వాత ఆయన సస్పెన్షన్‌కు గురికాగా, వనపర్తి అసిస్టెంట్‌ డైరెక్టర్‌గా ఉన్న బి.గోవిందరాజును ఇన్‌చార్జ్‌ డీడీగా నియమించారు. తెలంగాణ రాష్ట్ర, సబార్డినేట్‌ సర్వీస్‌ నిబంధనలు – 1996లోని రూల్‌ 10(ఏ) ప్రకారం కల్పించిన పదోన్నతుల్లో భాగంగా పూర్తికాలపు డిప్యూటీ డైరెక్టర్‌గా నియమించారు. కేయూ క్యాంపస్‌: అతిథి అధ్యాపకుల ఉద్యోగ భద్రత, వేతనాల మెరుగుదల, న్యాయమైన డిమాండ్ల సాధనకు ఐక్యంగా కృషి చేయాలని టీజీసీజీటీఏ రాష్ట్ర అధ్యక్షుడు, టీసీఈ – జేఏసీ చైర్మన్‌ డాక్టర్‌ సురేందర్‌రెడ్డి పిలుపునిచ్చారు. అతిథి అధ్యాపకుల సమస్యలు, హక్కులు, భవిష్యత్‌ కార్యాచరణపై హనుమకొండలోని కాకతీయ ప్రభుత్వ డిగ్రీ కళాశాలలో బుధవారం నిర్వహించిన సమావేశంలో ఆయన మాట్లాడారు. ఉన్నత విద్యారంగంలో అతిథి అధ్యాపకుల సేవలు కీలకమని కొనియాడారు. సమావేశంలో కళాశాల ప్రిన్సిపాల్‌ ప్రొఫెసర్‌ శ్రీనివాస్‌, అడ్మినిస్ట్రేటివ్‌ ఆఫీసర్‌ నవీన్‌, గెస్ట్‌ ఫ్యాకల్టీ స్టీరింగ్‌ కమిటీ కన్వీనర్‌ నవీన్‌, డాక్టర్‌ పెండ్యాల సురేశ్‌, డాక్టర్‌ రాజిరెడ్డి, డాక్టర్‌ రమేశ్‌ తదితరులు పాల్గొన్నారు.

సాక్షి, మహబూబాబాద్‌ : ‘బతుకమ్మలు పట్టుకొని మహిళలు ముందు నడిచి ప్రత్యేక తెలంగాణ రాష్ట్ర సాధనలో భాగస్వాములయ్యారు. ఇప్పుడు కాంగ్రెస్‌ ప్రభుత్వాన్ని గద్దె దించేందుకు మరోసారి మహిళలు బతుకమ్మలు చేతపట్టి ఉద్యమించేందుకు సిద్ధంగా ఉన్నారు’అని బీఆర్‌ఎస్‌ పార్టీ మహిళా నాయకులు అన్నారు. మహబూబాబాద్‌ జిల్లా కురవిలో బుధవారం రాత్రి జరిగిన బతుకమ్మ వేడుకల్లో మాజీ మంత్రి సత్యవతి రాథోడ్‌, మాజీ ఎంపీ మాలోత్‌ కవిత, మాజీ ఎమ్మెల్యేలు గొంగిడి సునీత, పద్మాదేవేందర్‌ రెడ్డి, తుల ఉమతోపాటు, మాజీ మంత్రి రెడ్యానాయక్‌ తదితరులు పాల్గొని మాట్లాడారు. తెలంగాణ సాధించుకున్న తర్వాత గోదావరి జలాలను పంట పొలాలకు మళ్లించిన కేసీఆర్‌ రాష్ట్రాన్ని ఆకుపచ్చగా మార్చారని అన్నారు. మోసపూరిత వాగ్దానాలు చేసి అధికారంలోకి వచ్చిన కాంగ్రెస్‌ ప్రభుత్వం హామీలు అమలు చేయకుండా ప్రజలను మోసం చేస్తోందన్నారు. కాంగ్రెస్‌ వస్తే కరువు వస్తుందనే నానుడి ఉందని, ఇప్పుడు అది నిజమైందన్నారు. ప్రస్తుత కరువు ప్రకృతి ద్వారా వచ్చింది కాదని, కాంగ్రెస్‌ పార్టీ తెచ్చిందన్నారు. మళ్లీ సుఖశాంతుల తెలంగాణ రావాలంటే రావణాసురుడిలాంటి రేవంత్‌ రెడ్డి పాలన పోవాలని, రాముడి వంటి కేసీఆర్‌ పాలన రావాలన్నారు. ఇందుకోసం మహిళలను చైతన్యం చేసి బతుకమ్మలతో మరో ఉద్యమానికి శ్రీకారం చుడుతామని తెలిపారు. కార్యక్రమంలో నాయకులు గండ్ర జ్యోతి, పావణి గౌడ్‌, హీరిక, లలిత తదితరులు పాల్గొన్నారు. బతుకమ్మ ఉత్సవాల్లో బీఆర్‌ఎస్‌ మహిళా నాయకురాళ్లు

ఐఎన్‌టీయూసీ ఉమ్మడి వరంగల్‌ జిల్లా చైర్మన్‌ సుదర్శన్‌ కాశిబుగ్గ: రాష్ట్రవ్యాప్తంగా ఉన్న సుమారు 17వేల నేషనల్‌ హెల్త్‌ మిషన్‌ ఉద్యోగుల సమస్యలను ప్రభుత్వం దృష్టికి తీసుకెళ్తామని ఐఎన్‌టీయూసీ ఉమ్మడి వరంగల్‌ జిల్లా చైర్మన్‌ బత్తిని సుదర్శన్‌ గౌడ్‌ అన్నారు. సమస్యల పరిష్కారం కోసం వరంగల్‌ పోచమ్మమైదాన్‌ సెంటర్‌లో చేపట్టిన ఎన్‌హెచ్‌ఎం ఉద్యోగుల నిరవధిక సమ్మె బుధవారం రెండో రోజు కు చేరుకుంది. ఈ సందర్భంగా సమ్మె శిబిరాన్ని బత్తిని సుదర్శన్‌ సందర్శించి మాట్లాడారు. సమాన పనికి సమాన వేతనం ఇవ్వడం లేదని, రెగ్యులర్‌ ఉద్యోగులతో సమానంగా బెనిఫిట్స్‌ ఇవ్వడం లేదని అన్నారు. ముఖ్యంగా ఎన్‌హెచ్‌ఎం ఉద్యోగులను రెగ్యులర్‌ చేసే విషయాన్ని ప్రభుత్వం దృష్టికి తీసుకెళ్తామని హామీ ఇచ్చారు. కాగా, సమ్మెలో భాగంగా మహిళా వైద్యులు, ఉద్యోగులు బతుకమ్మలను తయారు చేశారు. అసోసియేషన్‌ రాష్ట్ర వర్కింగ్‌ ప్రెసిడెంట్‌ డాక్టర్‌ తంగళ్లపల్లి భరత్‌కుమార్‌, డాక్టర్‌ రవీందర్‌, డాక్టర్‌ కిరణ్‌, డాక్టర్‌ దిలీప్‌, నితిన్‌రెడ్డి, సంజీవ్‌, డాక్టర్‌ హరికృష్ణ, డాక్టర్‌ మోహన్‌రావు, డాక్టర్‌ మధు, డాక్టర్‌ యశస్విని, డాక్టర్‌ రమ్య, డైట్‌ మేనేజర్‌ అనిల్‌ పాల్గొన్నారు. బతుకమ్మలతో ఎన్‌హెచ్‌ఎం ఉద్యోగుల నిరసనహన్మకొండ అర్బన్‌: జాతీయ ఆరోగ్య మిషన్‌ ఉద్యోగుల నిరవధిక సమ్మె రెండో రోజు బుధవారం కొనసాగింది. హనుమకొండ కలెక్టరేట్‌ ఎదుట నల్లబ్యాడ్జీలు ధరించి, బతుకమ్మ ఆడుతూ వినూత్నంగా నిరసన తెలిపారు. సమస్యలు పరిష్కరించాలని సమితి వ్యవస్థాపక అధ్యక్షుడు డాక్టర్‌ మహేందర్‌ రావు పుట్ట డిమాండ్‌ చేశారు. డిమాండ్లు పరిష్కరించే వరకూ సమ్మె కొనసాగుతుందని స్పష్టం చేశారు.

● నిరాహార దీక్షలో కళాకారులు హన్మకొండ : తెలంగాణ రాష్ట్ర ఏర్పాటు మలిదశ ఉద్యమంలో కళాకారుల పాత్ర మరువలేనిదని, అమరవీరుల తర్వాత స్థానం కళాకారులదే అని మాజీ సీఎం కేసీఆర్‌ పదేపదే చెప్పి తమ పొట్ట కొట్టారని పలువురు కళాకారులు ఆరోపించారు. తెలంగాణ ఉద్యమంలో పాల్గొన్న కళాకారులందరికీ సాంస్కృతిక సారథిలో ఉద్యోగావకాశాలు కల్పించాలని డిమాండ్‌ చేస్తూ బుధవారం బాలసముద్రంలోని ఏకశిల పార్కు వద్ద ఉమ్మడి వరంగల్‌ జిల్లాస్థాయి నిరసన, నిరాహార దీక్ష చేశారు. ఈ సందర్భంగా తెలంగాణ రాష్ట్ర ఉద్యమకారుల సంఘం అధ్యక్షుడు అనుభవం వెంకటేశం మాట్లాడుతూ కళాకారులకు ఉద్యోగావకాశాలు కల్పించకుంటే సీఎం ఇంటి ఎదుట వంటావార్పు చేపడుతామ న్నారు. ఉద్యోగాలు ఇచ్చే వరకు పోరాటం ఆగదన్నారు. దీక్షలో వరంగల్‌, హనుమకొండ జిల్లాల అధ్యక్షులు పాలాటి రాజు, వెంకటేశం, కళాకారులు నకిరేకంటి కిరణ్‌ కుమార్‌, ఎనుముల రవీందర్‌, మూత రమేశ్‌, యుగేంధర్‌, కౌంటర్‌ కుమార్‌ తదితరులు పాల్గొన్నారు. ఎమ్మెల్సీ ఇవ్వాలని కేసీ వేణుగోపాల్‌కు వినతిహన్మకొండ చౌరస్తా: తెలంగాణ రాష్ట్ర గవర్నర్‌ కోటాలో ఎమ్మెల్సీగా అవకాశం కల్పించాలని కాంగ్రెస్‌ ఎస్సీ సెల్‌ నాయకుడు డాక్టర్‌ పెరుమాండ్ల రామకృష్ణ బుధవారం న్యూఢిల్లీలో ఏఐసీసీ ప్రధాన కార్యదర్శి కేసీ వేణుగోపాల్‌, ఏఐసీసీ తెలంగాణ ఇన్‌చార్జ్‌ సచిన్‌ సావంత్‌లను వేర్వేరుగా కలిసి విజ్ఞప్తి చేశారు. కాంగ్రెస్‌ పార్టీలో తను విద్యార్థి దశ నుంచి కొనసాగుతున్నానని వివరించారు. తన విజ్ఞప్తిని విన్న వేణుగోపాల్‌ సానుకూలంగా స్పందించినట్లు రామకృష్ణ తెలిపారు. 4 బార్లకు 1,170 దరఖాస్తులు ● ఉమ్మడి జిల్లాకు రూ. 11.70 కోట్ల ఆదాయం నర్సంపేట: రాష్ట్ర ప్రభుత్వం మున్సిపాలిటీల పరి ధిలో అదనపు బార్‌ షాపుల ఏర్పాటుకు నోటిఫికేషన్‌ విడుదల చేసింది. ఇందులో ఉమ్మడి వరంగల్‌ జిల్లాలో వరంగల్‌ జిల్లా నర్సంపేట మున్సిపాలిటీ పరిధిలో 1, జనగామ జిల్లా స్టేషన్‌ ఘన్‌పూర్‌లో 1, ములుగు మున్సిపాలిటీలో 1, మహబూబాబాద్‌ జిల్లా కేసముద్రం మున్సిపాలిటీ పరిధిలో 1 బార్‌ షాపు కేటాయిస్తూ దరఖాస్తులు ఆహ్వానించింది. ఈ క్రమంలో మంగళవారం వరకు చివరి అవకాశం ఉండడంతో నర్సంపేట మున్సిపాలిటీ బార్‌కు 131, స్టేషన్‌ ఘన్‌పూర్‌కు 349, ములుగుకు 362, కేసముద్రం మున్సిపాలిటీ బార్‌కు 328 దరఖాస్తులు వచ్చాయి. బార్‌ షాపుల లైసెన్స్‌ కోసం మొత్తం 1,170 దరఖాస్తులు రావడం గమనార్హం. లైసెన్స్‌ దరఖాస్తు ఫీజుకు ఒక్కొక్కరు రూ. లక్ష చొప్పున డీడీలు తీయడంతో రూ.11కోట్ల 70లక్షల ఆదాయం వచ్చింది. మద్యం వ్యాపారంలో భారీగా లాభాలు వస్తాయనే ఆశతో వ్యాపారులు వెనుకాడకుండా రూ.లక్ష ఫీజు చెల్లించారు. ఈనెల 16న లాటరీ విధానం ద్వారా లైసెన్స్‌లు కేటాయించనున్నారు. కాగా, ఇప్పటికే ఉమ్మడి వరంగల్‌ జిల్లాలో 131 బార్లు ఉండగా మరో నాలుగు కొత్తగా మంజూరు కావడంతో ఆ సంఖ్య 135కు చేరింది.

కురవి: దసరా సెలవుల్లో అమ్మమ్మ ఇంటి వద్ద స్నేహితులతో ఆడుకుంటూ ఆనందంగా గడుపుతున్న ఆ బాలుడిని నీటి గుంత మింగింది. ఆ తల్లిదండ్రులు అంతకుముందే కూతురును కోల్పోయి పుట్టెడు దుఃఖంలో ఉండగా ప్రస్తుతం రెండో సంతానమైన కుమారుడిని మృత్యువు నీటి గుంత రూపంలో కబళించడంతో గుండెలు పగిలేలా విలపించారు. మహబూబాబాద్‌ జిల్లా కురవి మండలం నేరడ శివారు కాకులబోడు తండాలో చోటు చేసుకున్న విషాదకర ఘటనకు సంబంధించిన వివరాలు ఇలా ఉన్నాయి. మరిపెడ మున్సిపాలిటీ కేంద్రంలోని ఐదో వార్డుకు చెందిన బోడ హరీశ్‌, అరుణ దంపతుల కుమారుడు అక్షిత్‌ (9) స్థానిక కేరళ గ్లోబల్‌ స్కూల్‌లో మూడో తరగతి చదువుతున్నాడు. దసరా సెలవుల నేపథ్యంలో మంగళవారం కురవి మండలం నేరడ శివారు కాకులబోడు తండాలోని అమ్మమ్మతాత బానోత్‌ సరోజ, మల్సూర్‌ ఇంటికి వచ్చాడు. తండా పక్కనే ఉపాధి హామీ పనులు జరుగుతున్నాయి. పనులు జరుగుతున్న ప్రదేశానికి సమీపంలో గుంతలున్నాయి. ఈ క్రమంలో బుధవారం స్నేహితులతో కలిసి ఆడుకుంటూ ఆ గుంతల వద్దకు వెళ్లిన అక్షిత్‌ ప్రమాదశాత్తు అందులో పడి మృతి చెందాడు. ఈ విషయాన్ని స్నేహితులు వెంటనే అక్షిత్‌ మేనమామ నరేశ్‌కు చెప్పడంతో ఆయనతోపాటు తండావాసులు హుటాహుటినా ఘటనా స్థలికి చేరుకుని మృతదేహాన్ని బయటకు తీశాడు. దీంతో కుటుంబీకులు, బంధువులు, తండావాసులు అక్షిత్‌ మృతదేహం మీద పడి బోరున విలపించారు. సెలవుల్లో అమ్మమ్మ ఇంటికొచ్చి చనిపోయావా బిడ్డా అంటూ కన్నీరుమున్నీరుగా విలపించారు. హరీశ్‌, అరుణ దంపతులకు మొదటి సంతానంగా కూతురు జన్మించింది. అనారోగ్య కారణాలతో ఆ చిన్నారిని కోల్పోయారు. ప్రస్తుతం కుమారుడు అక్షిత్‌ని సైతం మృత్యువు నీటి గుంత రూపంలో కబళించి ఆ కుటుంబానికి తీరనిశోకం మిగిల్చింది. దీంతో ఇద్దరు సంతానాన్ని కోల్పోవడంతో తల్లిదండ్రులు కన్నీటిపర్యంతమయ్యారు. నీటి గుంతలో పడి బాలుడి మృతి కాకులబోడు తండాలో ఘటన

హన్మకొండ కల్చరల్‌: శ్రీరుద్రేశ్వరస్వామి వారి వేయిస్తంభాల దేవాలయంలో శ్రీరుద్రేశ్వరీదేవి శరన్నవరాత్రి ఉత్సవాల్లో భాగంగా నాలుగో రోజు బుధవారం అమ్మవారికి ఘనంగా లక్షపుష్పార్చన నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో వేదపండితులు మణికంఠశర్మ, అర్చకులు ప్రణవ్‌, దత్తకుమార్‌శర్మ, భరత్‌శర్మ ఉదయం నుంచి ప్రభాతసేవ, అభిషేకాలు, అర్చనలు జరిపారు. శ్రీరుద్రశ్వరీదేవి ఉత్సవమూర్తికి చతుఃషష్టి ఉపచారపూజలు, కూష్మాండి క్రమంలో దుర్గార్చన చేసి శ్రీమహాలక్ష్మి అమ్మవారిగా అలంకరించారు. యాగశాలలో గణపతి రుద్రహవనం, చండీహనం, లక్ష్మీదుర్గ హోమం నిర్వహించారు. సాయంత్రం దాత కోన శ్రీకర్‌ అందించిన వివిధ రకాల పూలతో లక్షపుష్పార్చన నిర్వహించారు. వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, మాజీ కార్పొరేటర్‌ పోతుల శ్రీమాన్‌, భద్రకాళి దేవాలయం నూతన ధర్మకర్తల మండలి స భ్యుడు మాడిశెట్టి సతీశ్‌, పల్లం రమేశ్‌, తౌటిరెడ్డి రవీందర్‌రెడ్డి, స్వరూప, సంధ్యారాణి తదితరులు పాల్గొన్నారు. పరమేశ్వర్‌ శిష్య బృందం ప్రదర్శించిన కూచిపూడి నృత్యాలు అలరించాయి.

హసన్‌పర్తి: దసరా వేడుకలను ప్రశాంత వాతావరణంలో నిర్వహించేలా చర్యలు తీసుకోవాలని పోలీస్‌ కమిషనర్‌ శ్వేత అన్నారు. శాంతిభద్రతలకు ఎలాంటి విఘాతం కలగకుండా ఉండేందుకు పెట్రోలింగ్‌ చేపట్టాలని ఆదేశించారు. పోలీస్‌ కమిషనరేట్‌ కార్యాలయంలో బుధవారం నేర సమీక్ష నిర్వహించారు. ఈ సందర్భంగా కమిషనరేట్‌ పరిఽధిలో నమోదైన నేరాలు, పెండింగ్‌ కేసుల దర్యాప్తు పురోగతి, నిందితుల అరెస్టు, సాక్ష్యాధారాల సేకరణ, కోర్టు కేసుల ప్రగతి తదితర అంశాలను స్టేషన్ల వారీగా సమగ్రంగా సమీక్షించారు. దీర్ఘకాలంగా పెండింగ్‌లో ఉన్న కేసులు గుర్తించి, వాటి దర్యాప్తు వివరాలను అధికారులను అడిగి తెలుసుకున్నారు. అనంతరం కమిషనర్‌ మాట్లాడుతూ పెండింగ్‌ కేసుల్లో నిందితుల అరెస్టు, పరారీలో ఉన్నవారి ఆచూకీ కోసం ప్రత్యేక బృందాలు ఏర్పాటు చేసి, అందుబాటులో ఉన్న సాంకేతిక పరిజ్ఞానాన్ని వినియోగించాలని పేర్కొన్నారు. కేసులు పెండింగ్‌ ఉండకుండా, ప్రతి కేసుకు స్పష్టమైన కార్యాచరణ రూపొందించాలని సూచించారు. మహిళలు, చిన్నారులపై అఘాయిత్యాలు, ఆస్తి నేరాలు, సైబర్‌ నేరా లు, మాదక ద్రవ్యాలకు సంబంధించిన తీవ్రమైన నేరాల తదితర కేసుల దర్యాప్తు పారదర్శకంగా చేపట్టాలని సూచించారు. సెంట్రల్‌ జోన్‌ డీసీపీ ధార కవిత, అదనపు డీసీపీ రాయల ప్రభాకర్‌రావు, హనుమకొండ ఏసీపీ నరసింహారావు, కాజీపేట ఏసీపీ ప్రశాంత్‌రెడ్డి తదితరులు పాల్గొన్నారు. కేసుల దర్యాప్తు పారదర్శకంగా చేపట్టాలి నేర సమీక్షలో వరంగల్‌ సీపీ శ్వేత

సాక్షి ప్రతినిధి, వరంగల్‌: పట్టభద్రుల ఎమ్మెల్సీ ఎన్నికలకు తెరలేవకముందే రాజకీయ పార్టీల్లో సందడి మొదలైంది. వరంగల్‌–ఖమ్మం–నల్లగొండ పట్టభద్రుల నియోజకవర్గంపై ప్రధాన పార్టీలు ఇప్పటి నుంచే దృష్టి సారించాయి. అభ్యర్థుల ఎంపికతో పాటు ఓటర్ల న మోదును కూడా ప్రతిష్టాత్మకంగా తీసుకుంటున్నా యి. అర్హత ఉన్న ప్రతి పట్టభద్రుడి పేరును ఓటరు జాబితాలో చేర్పించేందుకు కాంగ్రెస్‌, బీఆర్‌ఎస్‌, బీజేపీశ్రేణులు పోటాపోటీగా కసరత్తు చేస్తున్నాయి. మూడు పార్టీల అభ్యర్థులు ఖరారు.. పట్టభద్రుల ఎమ్మెల్సీ స్థానానికి కాంగ్రెస్‌ రాంరెడ్డి సర్వోత్తమ్‌రెడ్డి పేరు, బీఆర్‌ఎస్‌ ఏనుగుల రాకేశ్‌రెడ్డి, జనసేన మాజీ డీహెచ్‌ (డైరెక్టర్‌ ఆఫ్‌ హెల్త్‌) గడల శ్రీనివాసరావును ఖరారు చేసింది. దీంతో మూడు పార్టీల్లో ఎన్నికల సందడి మొదలైంది. అధికార కాంగ్రెస్‌ పార్టీ ఈ ఎన్నికను ప్రతిష్టాత్మకంగా తీసుకుంటోంది. మూడు ఉమ్మడి జిల్లాల పరిధిలోని పార్టీ యంత్రాంగాన్ని సమన్వయం చేసుకుంటూ ముందుకు వెళ్లాలని భావిస్తోంది. బీఆర్‌ఎస్‌ తన కేడర్‌ను పూర్తిస్థాయిలో రంగంలోకి దించి, గత ఎన్నికల అనుభవాన్ని ఉపయోగించుకోవాలని చూస్తోంది. జనసేన మాత్రం పట్టభద్రులు, యువతలో తనకు ఉన్న మద్దతును ఓట్లుగా మలుచుకునేందుకు ప్రయత్నిస్తోంది. కాగా, బీజేపీ అభ్యర్థి త్వంపై ఇంకా స్పష్టత రాలేదు. గతంలో రెండుసార్లు పోటీచేసి ఓడిపోయిన గుజ్జుల ప్రేమేందర్‌రెడ్డితో పాటు ప్రకాశ్‌రెడ్డి, జి.మనోహర్‌రెడ్డి, నర్సిరెడ్డి, రాణిరుద్రమ, వెంకటేశ్వర్లు తదితరుల పేర్లు వినిపిస్తున్నాయి. చివరకు ఆ పార్టీ నుంచి ఎవరిని బరిలోకి దింపుతారన్నది ఆసక్తికరంగా మారింది. నమోదే తొలి మెట్టు.. గెలుపే టార్గెట్‌.. ప్రస్తుతం పార్టీల నాయకులు, కార్యకర్తలు ప్రచారం కంటే ముందుగా ఓటరు నమోదుపైనే ప్రధానంగా దృష్టి పెట్టాయి. డిగ్రీ కళాశాలలు, ప్రైవేట్‌ విద్యాసంస్థలు, ఉద్యోగ వర్గాలు, యువత, పట్టణాలు, మండలాల వారీగా పట్టభద్రుల వివరాలను సేకరిస్తున్నారు. పార్టీ నాయకులు తమ పరిధిలోని పట్టభద్రులతో నేరుగా మాట్లాడి ‘ఓటరు జాబితాలో మీ పేరు ఉందా?’ అంటూ నమోదు ప్రక్రియపై అవగాహన కల్పిస్తున్నారు. అర్హత ఉన్న పట్టభద్రులను ఓటర్లుగా నమోదు చేయించేందుకు ప్రధాన పార్టీల కార్యకర్తలు ఇంటింటికీ వెళ్తున్నారు. ముఖ్యంగా కొత్తగా డిగ్రీ పూర్తిచేసినవారు, ఉద్యోగాల కోసం ఇతర ప్రాంతాలకు వెళ్లినవారు, ప్రైవేట్‌ సంస్థల్లో పనిచేస్తున్న పట్టభద్రులను గుర్తించడంపై ప్రత్యేక దృష్టి సారిస్తున్నారు. వాట్సాప్‌ గ్రూపులు, సోషల్‌ మీడియా వేదికల ద్వారా కూడా ఓటరు నమోదుపై ప్రచారం చేస్తున్నా రు. పార్టీ నాయకులు తమకు కేటా యించిన ప్రాంతాల్లో ఎంతమంది అర్హులై న పట్టభద్రులు ఉ న్నారు, ఎంతమంది ఇప్పటికే నమోదు చేసుకున్నారు, ఇంకా ఎంతమందిని నమో దు చేయించాలి అనే లెక్కలు తీస్తున్నట్లు తెలుస్తోంది. నోటిఫికేషన్‌ రాకముందే కార్యాచరణ.. 2023 అక్టోబర్‌ 31 నాటికి డిగ్రీ ఉత్తీర్ణులైన పట్టభద్రులు ఓటరుగా నమోదు చేసుకునేందుకు అర్హులు. ఇందుకు సంబంధించి నవంబర్‌ 6 వరకు గడువు ఉంది. ఈ గడువు ముగిసేలోపు అర్హులైన పట్టభద్రులందరూ తమ పేర్లను నమోదు చేసుకునేలా రాజకీయ పార్టీలు ప్రత్యేక కార్యాచరణ చేపడుతున్నాయి. అధికార యంత్రాంగం ఒకవైపు నమోదు ప్రక్రియను పర్యవేక్షిస్తుండగా.. రాజకీయ పార్టీలు మరోవైపు తమ శ్రేణులను అప్రమత్తం చేస్తున్నాయి. వరంగల్‌–ఖమ్మం–నల్లగొండ పట్టభద్రుల నియోజకవర్గానికి నల్లగొండ అదనపు కలెక్టర్‌ జె.శ్రీనివాస్‌ను ఎన్నికల రిజిస్ట్రేషన్‌ అధికారిగా (ఈఆర్వో) నియమించారు. ఓటర్ల నమోదు, జాబితా తయారీ తదితర ఎన్నికల ప్రక్రియను ఆయన పర్యవేక్షించనున్నారు. కాగా, ఎమ్మెల్సీ ఎన్నికల నోటిఫికేషన్‌ ఇంకా రాకపోయినా.. ఉమ్మడి వరంగల్‌లో రాజకీయ పార్టీలు మాత్రం తమదైన శైలిలో ముందస్తు మంత్రాంగం ప్రారంభించాయి. ప్రధానంగా గ్రేటర్‌ వరంగల్‌ ట్రైసిటీ నుంచి పట్టభద్రుల ఓటరు జాబితాలో తమకు అనుకూలంగా ఉన్న వర్గాల నమోదు పెంచడమే లక్ష్యంగా పార్టీలు వ్యూహాలు రచిస్తున్నాయి. పట్టభద్రులను ఓటర్లుగా చేర్పించేందుకు ప్రధాన పార్టీల దృష్టి నవంబర్‌ 6 వరకు గడువు.. గెలుపు కోసం నేతల మంత్రాంగం ఎమ్మెల్సీ బరిలో కాంగ్రెస్‌, బీఆర్‌ఎస్‌, బీజేపీ.. ఖరారు కాని కమలం అభ్యర్థిఇదీ ఓటర్ల నమోదు షెడ్యూల్‌..కార్యక్రమం తేదీ ప్రజా నోటీసు సెప్టెంబర్‌ 28 ఫారం–18 దరఖాస్తుల స్వీకరణ సెప్టెంబర్‌ 28 నుంచి దరఖాస్తుల చివరి తేదీ నవంబర్‌ 6 ముసాయిదా ఓటర్ల జాబితా నవంబర్‌ 25 క్లెయిమ్‌లు, అభ్యంతరాలు నవంబర్‌ 25 నుంచి డిసెంబర్‌ 10 క్లెయిమ్‌లు, అభ్యంతరాల పరిష్కారం డిసెంబర్‌ 25లోగా తుది ఓటర్ల జాబితా డిసెంబర్‌ 30

న్యూశాయంపేట: తెలంగాణ సంస్కృతీ సంప్రదాయాలకు బతుకమ్మ పండుగ ప్రతీకగా నిలుస్తోందని వరంగల్‌ కలెక్టర్‌ డాక్టర్‌ సత్యశారద అన్నారు. కలెక్టరేట్‌ ఆవరణలో టీఎన్‌జీఓస్‌, టీజీఓ, ట్రెస్సా, నాలుగో తరగతి ఉద్యోగ సంఘాల ఆధ్వర్యంలో బతుకమ్మ సంబరాలను బుధవారం సాయంత్రం ఘనంగా నిర్వహించారు. ఈ సందర్భంగా జిల్లాలోని వివిధ శాఖలకు చెందిన మహిళా అధికారులు, ఉద్యోగులు రంగురంగుల పూలతో అందంగా పేర్చిన బతుకమ్మలతో వేడుకల్లో పాల్గొన్నారు. పాటలు పాడుతూ, కోలాటం ఆడుతూ ఉత్సాహంగా నృత్యాలు చేశారు. బతుకమ్మ ఆటపాటలతో కలెక్టరేట్‌ ప్రాంగణం సందడిగా మారింది. వేడుకల్లో పాటలు పాడిన వారికి కలెక్టర్‌ బహుమతులు ప్రదానం చేశారు. ఉత్తమ బతుకమ్మగా మొదటి బహుమతి డీఆర్‌డీఓ, రెండో బహుమతి కలెక్టరేట్‌, మూడో బహుమతికి సీ్త్ర, శిశు సంక్షేమ శాఖ ఎంపికై ంది. వేడుకల్లో అదనపు కలెక్టర్లు కిశోర్‌కుమార్‌, వైవీ గణేష్‌, డీఆర్‌ఓ విజయలక్ష్మి, జెడ్పీ సీఈఓ వసంత, డీపీఓ కల్పన, టీఎన్‌జీఓ నాయకుడు సదానందం, ట్రెస్సా నాయకులు రాజ్‌కుమార్‌, రియాజుద్దీన్‌, నాల్గో తరగతి ఉద్యోగ సంఘం నాయకులు సాంబయ్య, భాను, తదితరులు పాల్గొన్నారు. ● వరంగల్‌ కలెక్టర్‌ డాక్టర్‌ సత్యశారద ● కలెక్టరేట్‌లో ఘనంగా బతుకమ్మ సంబరాలు

వరంగల్‌ అర్బన్‌: వరంగల్‌ నగర ప్రజల తాగునీటి వరప్రదాయిని భద్రకాళి చెరువులోకి దశాబ్ద కాలం తర్వాత గోదావరి జలాలు చేరుతున్నాయి. ధర్మసాగర్‌ నుంచి దేశాయిపేట ఫిల్టర్‌బెడ్‌, ఆటోనగర్‌ రా వాటర్‌ పంపుహౌస్‌ మీదుగా సెంట్రల్‌ జైలు సమీపం నుంచి భద్రకాళి చెరువులోకి గ్రావిటీ ద్వారా తరలిస్తున్నారు. ఐదు రోజులుగా ప్రతి రోజు ఉదయం 7 గంటల నుంచి సాయంత్రం పొద్దుపోయే వరకు నీటిని మళ్లిస్తున్నారు. రాత్రి వేళల్లో ఽగ్రావిటీ నీటి మొత్తాన్ని ఫిల్టర్‌ చేసి ప్రజలకు సరఫరా చేస్తున్నారు. రెండేళ్లుగా నీరు లేక ఏడారిని తలపించిన భద్రకాళి చెరువు ఇక జలకళ సంతరించుకోనుంది. చెరువు పూర్తిస్తాయి సామర్థ్యం 150 మిలియన్‌ క్యూబిక్‌ ఫీట్లు (ఎంసీఎఫ్‌టీలు) కాగా.. ప్రస్తుతం 30 నుంచి 35 ఎంసీఎఫ్‌టీల నీరు చేరింది. దేశాయిపేట ఫిల్టర్‌బెడ్‌లో నీటిని శుద్ధి చేసి వరంగల్‌ ప్రాంత ప్రజలకు తాగునీటి సరఫరా చేస్తున్నారు. ధర్మసాగర్‌ నుంచి దేశాయిపేట ఫిల్టర్‌ బెడ్‌కు వచ్చే మిగులు(ఎక్సెస్‌) నీటిని చెరువులోకి పంపిస్తున్నారు. దేవాదుల ఇన్‌టేక్‌ వెల్‌ నుంచి మోటార్ల ద్వారా భీంఘన్‌పూర్‌ చెరువు, చలివాగు, పులుకుర్తి నుంచి ధర్మసాగర్‌ చెరువులోకి గోదావరి జలాలతో సామర్థ్యం మేరకు నింపేందుకు ఇరిగేషన్‌ అధికారులు ప్రయత్నాలు చేస్తున్నారు. వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, హనుమకొండ కలెక్టర్‌ చాహత్‌ బాజ్‌పాయ్‌ ఆదేశాలతో బల్దియా ఇంజనీర్లు నీటి మళ్లింపు చర్యలకు ప్రత్యే చొరవ తీసుకుంటున్నారు. పర్యాటకులు, భక్తులకు కనువిందు.. ఒకవైపు గుట్టలు, చుట్టూ పచ్చందాలు, పక్కనే తెలంగాణ ఇంద్రకీలాద్రిగా పేరొందిన భద్రకాళి అమ్మవారి ఆలయం ఉంది. హైదరాబాద్‌ నెక్లెస్‌ రోడ్డు–హుస్సేన్‌సాగర్‌ తరహాలో భద్రకాళి బండ్‌ రూపుదిద్దుకుంది. చెరువు జలకళ సంతరించుకోవడంతో భక్తులు, పర్యాటకుల సందడి నెలకొంటుంది. అంతేకాకుండా ప్రతి దసరాకు భద్రకాళి ఆలయం వద్ద తెప్పోత్సవం నిర్వహిస్తున్నారు. రెండేళ్లుగా ఆ వేడుక కల తప్పింది. ప్రస్తుతం చెరువులో చేరిన నీరు భక్తులను కనువిందు చేయనుంది.25 ఏళ్లుగా చెరువులో పేరుకుపోయిన వ్యర్థాలు గతంలో వరంగల్‌, అండర్‌ రైల్వే గేట్‌ ప్రాంతాల ప్రజల తాగునీటిని భద్రకాళి చెరువు తీర్చేది. కాకతీయ కాల్వ ద్వారా వచ్చే నీళ్లను నింపేవారు. దశాబ్ద కాలంపై భద్రకాళి చెరువును నింపడం లేదు. వర్షాకాలంలో ఎగువ ప్రాంతం నుంచి వచ్చే వరద నీరు పలు కాలనీలు జలమయం కాకుండా బొంది వాగుకు సమీపంలో ఉన్న ప్వలింగ్‌ షట్టర్లను తెరిచి చెరువులోకి మళ్లించేవారు. హనుమకొండ పద్మాక్ష్మి గుట్ట వైపు మురుగునీరు కలుస్తోంది. అంతేకాకుండా 25 ఏళ్లుగా వ్యర్థాలు పేరుకుపోయాయి. చెరువులో గుర్రపు డెక్క, పచ్చగడ్డి ఏపుగా పెరిగింది. హెచ్‌ఎండీఏ వద్ద ఉన్న ప్రోటింగ్‌ గ్రాస్‌ కలెక్టింగ్‌ మిషన్‌ వరంగల్‌కు ఐదేళ్ల క్రితం తెప్పించారు. 33 రోజుల పాటు సుమారు 300 క్యూబిక్‌ మీటర్ల వ్యర్థాలను తొలగించారు. గతంలో మిషన్‌ భగీరథ ద్వారా కొన్ని నెలలు పూడికతీత పనులు చేపట్టి మధ్యలోనే నిలిపివేశారు. రెండేళ్ల కిందట చెరువులో నీటి మొత్తాన్ని ఖాళీ చేయించారు. రూ.11 కోట్లతో పూడికతీత పనులు మొదలు పెట్టారు. 17 క్యూబిక్‌ మీటర్ల పూడిక తీయాలని ప్రతిపాదనలు చేసి 6 నెల క్రితం వరకు 10 క్యూబిక్‌ మీటర్ల పూడిక మాత్రమే తీసి తరలించారు. పూడికతీత పనులు పూర్తి కాలేదు. దశాబ్ద కాలం తర్వాత చెరువులోకి గోదావరి నీరు ధర్మసాగర్‌ నుంచి గ్రావిటీ ద్వారా విడుదల భవిష్యత్‌ అవసరాల కోసం ఇరిగేషన్‌ శాఖ ముందస్తు చర్యలువేసవిలో నీటిఎద్దడి తలెత్తకుండా.. ఎల్‌నినో ప్రభావంతో నగరంలో తాగునీటి సమస్య తలెత్తే ప్రమాదం పొంచి ఉంది. భూగర్భ జలాలు అడుగంటిపోవడంతో బోర్లు, బావులు ఎండిపోనున్నాయి. ఈ నేపథ్యంలో ముందుచూపుతో ధర్మసాగర్‌ నుంచి దేశాయిపేట ఫిల్టర్‌బెడ్‌ గ్రావిటీ నీరు చెరువులోకి చేరుతోంది. చెరువును సామర్థ్యం మేరకు నింపుతారా లేదా అనే స్పష్టత లేదు. చెరువులో నీరు సమృద్ధిగా ఉంటే సమీప ప్రాంతాల్లో భూగర్భ జలాలు పెరుగుతాయి. వేసవిలో నీటి ఎద్దడి తలెత్తితే భద్రకాళి చెరువు నీటిని దేశాయిపేట ఫిల్టర్‌ బెడ్‌కు పంపింగ్‌ చేసి, నీటిని శుద్ధి చేసి సరఫరా చేసేందుకు సమాలోచన చేస్తున్నారు.

ఆశావహులకు చక్కని అవకాశం..హన్మకొండ : రాష్ట్రంలో కొత్తగా ఏర్పాటవుతున్న తెలంగాణ రైతు డిస్ట్రిబ్యూషన్‌ కంపెనీ లిమిటెడ్‌లో వ్యవస్థీకృత మార్పులు చోటుచేసుకోనున్నాయి. ఈ మేరకు ఇంధన శాఖ ఇటీవల జారీ చేసిన జీఓలో ప్రభుత్వం స్పష్టంగా పేర్కొంది. రాష్ట్రంలో రెండు డిస్కంలుండగా కొత్తగా టీజీ ఆర్‌పీడీసీఎల్‌ ఏర్పాటు చేస్తూ ఉత్తర్వులు జారీ చేసింది. సగటు బిల్లింగ్‌ రేట్‌ (ఆదాయం), సగటు సేవా ఖర్చు మధ్య అంతరాలతో ఉత్తర విద్యుత్‌ పంపిణీ మండలి (ఎస్పీడీసీఎల్‌), దక్షిణ విద్యుత్‌ పంపిణీ మండళ్ల(ఎన్పీడీసీఎల్‌) ఆర్థిక పరిస్థితి చితికిపోతోంది. ఈ ఆర్థిక అస్థిర పరిస్థితి సరిదిద్ది వీటి పరపతి పెంచేందుకు, ఉచితాల కోసం మూడో డిస్కం ఏర్పాటు చేసేందుకు ప్రభుత్వం నిర్ణయం తీసుకుంది. అయితే ప్రస్తుతమున్న డిస్కంలతో చూసుకుంటే కొత్తగా ఏర్పాటవుతున్న ఆర్‌పీడీసీఎల్‌లో అనేక మార్పులు చోటుచేసుకోనున్నాయి. ఆర్‌పీడీసీఎల్‌లో ఆపరేషన్‌, నిర్వహణ బాధ్యతలు నిర్వహించడానికి అవసరమైన మానవ శక్తి అవసరాల్లో ప్రస్తుత డిస్కంలకు, నూతన డిస్కం భిన్నంగా ఉంది. ప్రస్తుత డిస్కంలలో జిల్లాల వారీగా సర్కిళ్లు కొనసాగుతున్నాయి. దిగువన డివిజన్‌, సబ్‌ డివిజన్‌, సెక్షన్‌ కార్యాలయాలున్నాయి. జిల్లాల వారీగా సర్కిల్‌కు సూపరింటెండ్‌ ఇంజనీర్‌ జిల్లా స్థాయి అధికారిగా, డివిజన్‌ స్థాయిలో డివిజనల్‌ ఇంజనీర్‌, సబ్‌ డివిజన్‌ స్థాయిలో అసిస్టెంట్‌ డివిజనల్‌ ఇంజనీర్‌, సెక్షన్‌కు ఏఈ అధికారిగా పని చేస్తున్నారు. భిన్నంగా కొత్త డిస్కం ఏర్పాటు.. టీజీ ఆర్‌పీడీసీఎల్‌ వీటికి భిన్నంగా ఏర్పాటు కానుంది. జీఓ 17 ప్రకారం పూర్వ జిల్లా కేంద్రంగా టీజీ ఆర్‌పీడీసీఎల్‌ సర్కిల్‌ ఏర్పాటవుతుంది. ప్రస్తుత జిల్లాల వారీగా డివిజన్లు, ప్రస్తుత డివిజన్ల పరిధిలో సబ్‌ డివిజన్లు, ప్రస్తుత సబ్‌ డివిజన్ల స్థాయిలో ఏఈలు ఉన్నతాధికారిగా సెక్షన్లు ఏర్పాటు కానున్నాయి. దీని ప్రకారం ప్రస్తుత జిల్లా వారీగా డివిజనల్‌ ఇంజనీర్‌ ఆర్‌పీడీసీఎల్‌ ఉన్నతాధికారిగా వ్యవహరిస్తారు. అదే విధంగా ప్రస్తుత డివిజన్ల స్థాయిలో సబ్‌ డివిజన్లు ఏర్పాటు కావడంతోపాటు సబ్‌ డివిజనల్‌ ఉన్నతాధికారిగా ఏడీఈ వ్యవహరిస్తారు. ప్రస్తుతమున్న డిస్కంల వారీగా చీఫ్‌ ఇంజనీర్లు ఉంటారు. ఎన్పీడీసీఎల్‌ పరిధికి ఒక చీఫ్‌ ఇంజనీర్‌, ఎస్పీడీసీఎల్‌ పరిధికి ఒక చీఫ్‌ ఇంజనీర్‌ ఉంటారు. పూర్వ జిల్లాలు 10 ఉండగా ఇందులో హైదరాబాద్‌ను మినహాయిస్తూ పూర్వ తొమ్మిది జిల్లాల వారీగా సర్కిళ్లు ఏర్పాటు కానున్నాయి. వీటికి ఎస్‌ఈలు ఉన్నతాధికారిగా ఉంటారు. అదే విధంగా టీజీ ఆర్‌పీడీసీఎల్‌ ప్రధాన కార్యాలయంలో చైర్మన్‌, ఎండీతోపాటు బోర్డు ఆఫ్‌ డైరక్టర్లు ఉన్నారు. కమర్షి యల్‌, పీఅండ్‌ఎంఎం, ఆపరేషన్స్‌ అండ్‌ మెయింటెనెన్స్‌, అకౌంట్స్‌, ఐటీ, ఆర్‌ఏసీ అండ్‌ ఐపీసీ విఽభా గాలతో పాటు కంపెనీ సెక్రటరీ ఉంటారు. కొత్తగా ఏర్పాటయ్యే డిస్కంలకు ప్రస్తుత డిస్కంలోని ఆపరేషన్‌ విభాగంలోని కార్యాలయాలు, సమీకృత జిల్లా కార్యాలయాల సముదాయంలో కార్యాలయాలు ఏర్పాటు చేయనున్నట్లు సమాచారం. పూర్వ జిల్లాలుగా సర్కిల్‌ ఏర్పాటు ప్రస్తుత డిస్కంలకు, కొత్తగా ఏర్పాటయ్యే డిస్కమ్‌కు మధ్య వ్యత్యాసం ప్రస్తుత జిల్లాల వారీగా డివిజన్లు.. డివిజన్ల వారీగా సబ్‌ డివిజన్లు.. సబ్‌ డివిజన్ల వారీగా ఏఈల కార్యాలయంమూడో డిస్కంలోని పోస్టులను టీజీ ఎన్పీడీసీఎల్‌, టీజీ ఎస్పీడీసీఎల్‌, టీజీ ట్రాన్స్‌కో, టీజీ జెన్‌కోకు చెందిన ఉద్యోగుల బదలాయింపు ద్వారా భర్తీ చేయనున్నారు. అయితే మూడో డిస్కంలోకి అధికారులు, ఉద్యోగులు ఆసక్తి కనబరిచేలా ప్రోత్సహించేందుకు పదోన్నతి కల్పించాలని జీఓలో ప్రతిపాదించారు. ప్రస్తుత డిస్కంలలో పదోన్నతి కోసం ఎదురుచూస్తున్న సీనియర్లు కొత్తగా ఏర్పాటయ్యే డిస్కంలకు వెళ్లడం ద్వారా త్వరగా పదోన్నతి రానుంది. ఆశావహులకు ఇది చక్కని అవకాశం. ఈ దిశగా పలువురు సీనియర్‌ ఇంజనీర్లు, అకౌంట్స్‌, పీఅండ్‌జీ, ఆపరేషన్‌– మెయింటెనెన్స్‌ ఉద్యోగులు, ఆర్టిజన్లు టీజీ ఆర్‌పీడీసీఎల్‌కు వెళ్లేందుకు సమాయత్తంగా ఉన్నారు.

● హనుమకొండ కలెక్టర్‌ చాహత్‌ బాజ్‌పాయ్‌ హన్మకొండ అర్బన్‌: పువ్వులను దేవతలుగా పూజించే విశిష్టమైన పండుగ బతుకమ్మ అని హనుమకొండ కలెక్టర్‌ చాహత్‌ బాజ్‌పాయ్‌ అన్నారు. హనుమకొండ కలెక్టరేట్‌ ప్రాంగణంలో బుధవారం సాయంత్రం టీఎన్జీవోస్‌, టీజీవోస్‌ సంయుక్త ఆధ్వర్యంలో బతుకమ్మ వేడుకలు నిర్వహించారు. కలెక్టర్‌ చాహత్‌ బాజ్‌పాయ్‌, వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి ముఖ్య అతిథులుగా పాల్గొని మహిళా ఉద్యోగులకు శుభాకాంక్షలు తెలిపారు. మహిళా ఉద్యోగులు తీరొక్క పూలతో బతుకమ్మలను పేర్చి ఆటపాటలతో సందడి చేశారు. అందంగా పేర్చిన బతుకమ్మలకు కలెక్టర్‌ బహుమతులు అందజేశారు. డీఆర్‌డీఏకు మొదటి, ఐసీడీఎస్‌కు రెండో, కలెక్టరేట్‌ రెవెన్యూ విభాగానికి మూడో బహుమతి లభించాయి. కాకతీయ వైద్య కళాశాలకు ప్రత్యేక బహుమతి అందించారు. కార్యక్రమంలో కలెక్టర్‌ భర్త, టీజీఎన్పీడీసీఎల్‌ సీఎండీ వరుణ్‌ రెడ్డి, అదనపు కలెక్టర్లు రవి, శేషాద్రి, ఉద్యోగ సంఘాల జేఏసీ చైర్మనన్‌ ఆకుల రాజేందర్‌, గెజిటెడ్‌ అధికారుల సంఘం అధ్యక్షుడు ఆకవరపు శ్రీనివాస కుమార్‌, వివిధ ఉద్యోగ సంఘాల నాయకులు బైరి సోమయ్య, పుల్లూరు వేణుగోపాల్‌, పనికల రాజేష్‌, జగనన్‌ మోహన్‌రెడ్డి, డాక్టర్‌ ప్రవీణ్‌, శ్యాంసుందర్‌, మాధవరెడ్డి, రామునాయక్‌, శ్రీనివాస్‌ రెడ్డి, జయంతి, శ్రీలత, నాగరాణి తదితరులు పాల్గొన్నారు. ఎలక్ట్రీషియన్‌ ఆత్మహత్య కాళేశ్వరం : ఉరేసుకుని ఓ ఎలక్ట్రీషియన్‌ ఆత్మహత్యకు పాల్పడ్డా డు. ఈ ఘటన బుధవారం జయశంకర్‌భూపాలపల్లి జిల్లా మహదేవపూర్‌ మండలం కాళేశ్వరంలో చోటు చేసుకుంది. స్థానికుల కథ నం ప్రకారం.. మంచిర్యాల జిల్లా రామకృష్ణాపూర్‌లోని బీజోన్‌కు చెందిన రంగు విజయ్‌(35) కాళేశ్వరం ప్రాజెక్టులోని లక్ష్మీపంపుహౌస్‌లో కాంట్రాక్టు పద్ధతిలో ఎలక్ట్రీషియన్‌ ఉద్యోగం చేస్తున్నాడు. కాళేశ్వరంలో అద్దెకు ఉంటున్నాడు. ఈ క్రమంలో తండ్రి కృష్ణమూర్తి పలుమార్లు ఫోన్‌ చేసినా లిఫ్ట్‌ చేయడం లేదు. దీంతో అనుమానం వచ్చి కృష్ణమూర్తి హు టాహుటినా కాళేశ్వరం చేరుకుని ఇంటి తలుపులు కొట్టి చూడగా విజయ్‌ ఉరేసుకుని దూలానికి వేలా డుతూ కనిపించాడు. వెంటనే పోలీసులకు సమాచారం ఇవ్వడంతో ఎస్సై సురేశ్‌ సిబ్బందితో కలిసి ఘటనాస్థలికి చేరుకుని వివరాలు సేకరించారు. మృతుడి భార్య నాలుగు రోజుల క్రితం పుట్టింటికి వె ళ్లింది. విజయ్‌ ఆత్మహత్యకు కుటుంబ కలహాలా! లేదామరేదైన కారణామా? అనే వివరాలు తెలియాల్సి ఉంది. పోస్టుమార్టం నిమిత్తం మృతదేహాన్ని మహదేవపూర్‌ ప్రభుత్వ ఆస్పత్రికి తరలించారు.

గ్రేటర్‌ కమిషనర్‌ టి.వెంకన్న వరంగల్‌ అర్బన్‌: అన్ని విభాగాల అధికారులు సమన్వయంతో పనిచేస్తూ బతుకమ్మ పండుగకు సౌకర్యాలు కల్పించాలని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ టి.వెంకన్న ఆదేశించారు. చిన్నవడ్డేపల్లి చెరువు, ఉర్సు, బెస్తం చెరువు, బంధం చెరువు, పద్మాక్షిగుండం చెరువు తదితర ప్రాంతాల్లో బతుకమ్మ వేడుకల ఏర్పాట్లను బుధవారం ఆయన పరిశీలించారు. ఈ సందర్భంగా ఆయన మాట్లాడుతూ బతుకమ్మ నిమజ్జన ప్రాంతాల్లో పారిశుద్ధ్య నిర్వహణకు ప్రాధాన్యతనివ్వాలని సూచించారు. ప్రజల రాకపోకలకు ఇబ్బందులు కలగకుండా చూడాలని, చెరువుల వద్ద ప్రమాదాలు జరగకుండా భద్రతా చర్యలు చేపట్టాలని సూచించారు. అన్ని ఏర్పాట్లను సంబంధిత అధికారులు నిరంతరం పర్యవేక్షించాలని స్పష్టం చేశారు. ఎస్‌ఈ రాజ్‌కుమార్‌, ఎంహెచ్‌ఓ డాక్టర్‌ రాజేశ్‌, ఈఈలు సంజయ్‌ కుమార్‌, రవికుమార్‌ తదితరులు ఉన్నారు. జనగణనలో బాధ్యతగా వ్యవహరించాలి జనగణన–2027 రెండో దశపై చార్జ్‌ క్లర్కులు, టెక్నికల్‌ అసిస్టెంట్లకు రెండో రోజు శిక్షణ శిబిరం బుధవారం జీడబ్ల్యూఎంసీ కౌన్సిల్‌హాల్‌లో ముగిసింది. ఈ సందర్భంగా కమిషనర్‌ మాట్లాడుతూ జనాభా గణన దేశాభివద్ధి ప్రణాళికలకు కీలకమైన సమాచారాన్ని అందించే ప్రాధాన్యత కలిగిన ప్రక్రియ అని పేర్కొన్నారు. సిటీప్లానర్‌ రవీందర్‌ రాడెకర్‌, హైదరాబాద్‌ జనగణన విభాగం శిక్షకులు సతీశ్‌, ప్రశాంత్‌ సిబ్బందికి అవగాహన కల్పించారు. రేపు జీడబ్ల్యూఎంసీలో బతుకమ్మ వేడుకలుగ్రేటర్‌ వరంగల్‌ ప్రధాన కార్యాలయంలో ఈనెల 16న సాయంత్రం 5.30గంటలకు బతుకమ్మ వేడుకలు నిర్వహించనున్నట్లు కమిషనర్‌ టి.వెంకన్న తెలిపారు. అన్ని విభాగాల మహిళా ఉద్యోగులు, మహిళా సంఘాల ప్రతినిధులు, నగర మహిళలు పాల్గొని విజయవంతం చేయాలని ఆయన కోరారు. ఈ మేరకు ఏర్పాట్లు చేయాలని కమిషనర్‌ అధికారులను ఆదేశించారు.

● జిల్లా సైన్స్‌ ఆఫీసర్‌ సురేశ్‌ బాబు వరంగల్‌ స్పోర్ట్స్‌: హైదరాబాద్‌లోని సరూర్‌ నగర్‌ స్టేడియంలో ఈ నెల 15 నుంచి 17వ తేదీ వరకు జరగనున్న 45వ తెలంగాణ రాష్ట్ర స్థాయి ఖోఖో పోటీల్లో స్వర్ణ పతకాలు సాధించి జిల్లా ఖ్యాతి పెంపొందించాలని జిల్లా సైన్స్‌ ఆఫీసర్‌ సురేశ్‌ బాబు అన్నారు. హనుమకొండలోని జవహర్‌లాల్‌ నెహ్రూ స్టేడియంలో బుధవారం ఉమ్మడి వరంగల్‌ జిల్లా బాలబాలికల ఖోఖో జట్లకు సిటీస్‌ లయన్స్‌ క్లబ్‌ సభ్యుడు రాంగోపాల్‌రెడ్డి, జిల్లా సైన్స్‌ అధికారి సురేశ్‌బాబు క్రీడా దుస్తులు పంపిణీ చేశారు. క్రీడాకారులకు క్రీడా దుస్తులు అందజేసి వారి ప్రతిభను ప్రోత్సహిస్తున్న వరంగల్‌ లయన్స్‌ క్లబ్‌ ట్రై సిటీస్‌ సభ్యులు, జిల్లా సైన్స్‌ ఆఫీసర్లకు ఉమ్మడి వరంగల్‌ జిల్లా ఖోఖో సంఘం ప్రధాన కార్యదర్శి తోట శ్యామ్‌ ప్రసాద్‌ కృతజ్ఞతలు తెలిపారు. ఖోఖో సంఘం జిల్లా కార్యవర్గ సభ్యులు ఎం. రమణ, జి. నారాయణ, బి. భరత్‌, అఖిల, దినేశ్‌, కోచ్‌ రాజారపు రమేశ్‌, తదితరులు పాల్గొన్నారు.

● వరంగల్‌ పోలీస్‌ కమిషనర్‌ శ్వేత వరంగల్‌ స్పోర్ట్స్‌: విద్యార్థి దశ నుంచే పిల్లలకు క్రీడల్లో శిక్షణ ఇప్పించేలా తల్లిదండ్రులు చొరవ చూపాలని వరంగల్‌ పోలీస్‌ కమిషనర్‌ శ్వేత కోరారు. వరంగల్‌లోని ఎల్‌బీ కళాశాల వేదికగా ఈనెల 16, 17వ తేదీల్లో నిర్వహించినున్న మినీ సబ్‌జూనియర్‌ సాఫ్ట్‌బాల్‌ బాలుర చాంపియన్‌ షిప్‌ పోటీల ప్రారంభోత్సవానికి ముఖ్యఅతిథిగా హాజరుకావాలని సాఫ్ట్‌బాల్‌ అసోసియేషన్‌ బాధ్యులు బుధవారం సీపీ శ్వేతను కలిసి కోరారు. రెండు రోజుల పాటు జరగనున్న పోటీలకు రాష్ట్రంలోని అన్ని జిల్లాల నుంచి బాలుర జట్లు పాల్గొంటాయని అసోసియేషన్‌ రాష్ట్ర చైర్మన్‌ పిల్లి సాంబశివరావు.. సీపీ శ్వేతకు వివరించారు. కార్యక్రమంలో హనుమకొండ జిల్లా సాఫ్ట్‌ బాల్‌ అసోసియేషన్‌ సెక్రటరీ తాబేటి రాజేందర్‌, ఉపాధ్యక్షులు పెరుమాండ్ల సాంబమూర్తి, తదితరులు పాల్గొన్నారు.

హన్మకొండ అర్బన్‌ : ఉద్యోగ భద్రత కల్పించాలని, న్యాయమైన డిమాండ్లను పరిష్కరించాలని కోరు తూ జాతీయ ఆరోగ్య మిషన్‌ ఉద్యోగులు సమ్మెబాట పట్టారు. మంగళవారం హనుమకొండ కలెక్టరేట్‌ ఎదుట ధర్నా నిర్వహించారు. ఈ సందర్భంగా నాయకులు మాట్లాడుతూ ఎన్‌హెచ్‌ఎం ఉద్యోగులకు ఉద్యోగ భద్రత కల్పించడంతోపాటు వారి న్యా యమైన డిమాండ్లను ప్రభుత్వం వెంటనే పరిష్కరించాలని కోరారు. ఉద్యమంలో భాగంగా నేడు (బుధవారం) రాష్ట్రవ్యాప్తంగా బతుకమ్మలతో నిరస నలు నిర్వహించాలని రాష్ట్ర కమిటీ నిర్ణయించినట్లు తెలిపారు. కాగా, సమ్మెకు ప్రభుత్వ మాజీ చీఫ్‌విప్‌ దాస్యం వినయ్‌భాస్కర్‌ మద్దతు ప్రకటించి ఆందోళనలో పాల్గొన్నారు. ఉద్యోగుల పోరాటానికి బీఆర్‌ఎస్‌ అండగా ఉంటుందన్నారు. కార్యక్రమంలో రాష్ట్ర వ్యవస్థాపక అధ్యక్షుడు డాక్టర్‌ మహేందర్‌రావు పుట్టా, రాష్ట్ర ఉపాధ్యక్షురాలు ఎండీ రుక్మిణి, జిల్లా అధ్యక్షుడు నవీన్‌, జిల్లా ప్రధాన కార్యదర్శి రాజేంద్రప్రసాద్‌, కోశాధికారి నరేష్‌, మహిళా ఉద్యోగులు సంయుక్త, విజయారెడ్డి, కవిత, అనిత, వినోద, సుజాత, త్రివేణి, అనూష పాల్గొన్నారు. వరంగల్‌ పోచమ్మమైదాన్‌ సెంటర్‌లో.. కాశిబుగ్గ: ఎన్‌హెచ్‌ఎం (నేషనల్‌ హెల్త్‌ మిషన్‌)లో పనిచేస్తున్న ఉద్యోగులను రెగ్యులర్‌ చేయాలని స్టేట్‌ ఎన్‌హెచ్‌ఎం జేఏసీ వర్కింగ్‌ ప్రెసిడెంట్‌ డాక్టర్‌ తంగళ్లపల్లి భరత్‌కుమార్‌ డిమాండ్‌ చేశారు. వరంగల్‌ పోచమ్మమైదాన్‌ సెంటర్‌లో జిల్లా ఎన్‌హెచ్‌ఎం ఉద్యోగులు మంగళవారం నిరవధిక సమ్మె చేపట్టారు. ఈ సందర్భంగా ఆయన మాట్లాడుతూ సంవత్సరాలుగా పనిచేస్తున్న కాంటినెంట్‌ ఉద్యోగుల నుంచి డాక్టర్‌ వరకు రెగ్యులర్‌ చేయాలని డిమాండ్‌ చేశారు. కార్యక్రమంలో డాక్టర్‌ రవీందర్‌, నితిన్‌రెడ్డి, డాక్టర్‌ హరికృష్ణ, డాక్టర్‌ మోహన్‌రావు, డాక్టర్‌ మధు, డాక్టర్‌ యశస్విని, డాక్టర్‌ రమ్య, డైట్‌ మేనేజర్‌ అనిల్‌, రవీందర్‌, సునీత, సంఘ అనిల్‌కుమార్‌, అంజి, నర్మద, జ్యోతి, గీత, వైకుంఠం, ఉద్యోగులు పాల్గొన్నారు. అర్బన్‌ హెల్త్‌ సెంటర్ల బంద్‌తో ఇబ్బందులు.. సిబ్బంది సమ్మెతో వరంగల్‌, హనుమకొండ జిల్లాల్లోని 14 అర్బన్‌ హెల్త్‌ సెంటర్లను బంద్‌ చేయడంతో ప్రజలు ఇబ్బందులు పడ్డారు. వైద్య సేవల కోసం ఎంజీఎం, ప్రైవేట్‌ ఆస్పత్రులను ఆశ్రయించాల్సి వచ్చింది.

కాజీపేట రూరల్‌ : విద్యార్థులు తమ వ్యక్తిగత అభివృద్ధితో పాటు సమాజానికి ఉపయోగపడే బాధ్యత గల పౌరులుగా ఎదగాలని బాలవికాస వ్యవస్థాపకురాలు బాల థెరిసా జింగ్రాస్‌ అన్నారు. కాజీపేట ఫాతిమానగర్‌ బాలవికాస సెంటర్‌లో మంగళవారం అనాథ పిల్లలకు బాలవికాస ‘చేయూత’ కార్యక్రమంలో భాగంగా 230 మందికి రూ.22 లక్షల విద్య సాయం, రూ.4.5 లక్షల విలువైన నిత్యావసర సరుకుల పంపిణీ చేశారు. ఈ కార్యక్రమంలో కెనడా దేశం నుంచి బాల థెరిసా జూమ్‌ ద్వారా మాట్లాడుతూ విద్యార్థులు జీవితంలో ఎదురయ్యే పరిస్థితులు ధైర్యంగా ఎదుర్కొనే మనోబలాన్ని పెంపొందించుకోవాలని, విలువలు, పట్టుదల, క్రమశిక్షణతో ముందుకు సాగాలన్నారు. బాలవికాస ఎగ్జిక్యూటివ్‌ డైరెక్టర్‌ సింగారెడ్డి శౌరిరెడ్డి మాట్లాడుతూ అనాథ విద్యార్థులు తల్లిదండ్రులు లేరనే బాధతో కుంగిపోకుండా ధైర్యంగా ముందుకు సాగాలని, అలాంటి వారికి బాలవికాస అండగా ఉంటుందన్నారు. కెనడా, అమెరికా, భారతదేశం నుంచి పలువురు దాతలు ఆన్‌లైన్‌ ద్వారా విద్యార్థులతో మాట్లాడారు. బాలవికాస బోర్డు సభ్యులు రమణగుప్తా మాట్లాడుతూ ఎన్ని సమస్యలు ఎదురైనా విద్యార్థులు కష్టపడి చదివి తమ కలలను నెరవేర్చుకోవాలన్నారు. శ్రీనివాస్‌ మాట్లాడుతూ విద్యార్థులు ప్రభుత్వ ఉద్యోగాల కోసం ఎదురుచూడకుండా భవిష్యత్‌లో స్వయం ఉపాధి పొందుతూ ఇతరులకు కూడా ఉపాధి కల్పించే స్థాయికి ఎదగాలన్నారు. కార్యక్రమంలో బాలవికాస మేనేజర్‌ డి.లత, శివరాం, జ్యోతి, అమూల్య, ప్రోగ్రాం కోఆర్డినేటర్లు పాల్గొన్నారు. బాలవికాస వ్యవస్థాపకురాలు బాలథెరిసా జింగ్రాస్‌

బల్దియా ప్రత్యేకాధికారి చాహత్‌ బాజ్‌పాయ్‌వరంగల్‌ అర్బన్‌ : జన గణన రెండో దశను సమర్థవంతంగా నిర్వహించేందుకు క్షేత్రస్థాయి సిబ్బందికి సంబంధిత నిబంధనలు, ప్రశ్నావళి, సాంకేతిక అంశాలపై పూర్తి అవగాహన కలిగి ఉండాలని హనుమకొండ కలెక్టర్‌, బల్దియా ప్రత్యేకాధికారి చాహత్‌ బాజ్‌పాయ్‌ సూచించారు. మంగళవారం జీడబ్ల్యూఎంసీ ప్రధాన కార్యాలయంలో నగర పరిధి చార్జ్‌ క్లర్కులు, టెక్నికల్‌ అసిస్టెంట్లకు జనగణన రెండో దశపై రెండు రోజుల శిక్షణలో భాగంగా మంగళవారం కలెక్టర్‌ హాజరై దిశానిర్దేశం చేశారు. హైదరాబాద్‌ సెన్సస్‌ విభాగం అధికారి సీహెచ్‌ సతీశ్‌, జూనియర్‌ టెక్నికల్‌ సూపర్‌వైజర్‌ ప్రశాంత్‌ వెబ్‌ పోర్టల్‌ వినియోగం, బ్లాకుల మార్పులు, జనాభా వివరాల నమోదు తదితర అంశాలపై శిక్షణ ఇచ్చారు. కార్యక్రమంలో సీపీఓ సత్యనారాయణ రెడ్డి, జీడబ్ల్యూఎంసీ అడిషనల్‌ కమిషనర్‌ ఇసంపల్లి జోనా, ఇన్‌చార్జ్‌ సిటీ ప్లానర్‌ రవీందర్‌ రాడేకర్‌, డిప్యూటీ కమిషనర్‌ ప్రసన్నరాణి పాల్గొన్నారు.

గ్రేటర్‌ పరిధిలో ప్రస్తుతం పింఛన్‌ లబ్ధిదారులువరంగల్‌ అర్బన్‌: ఇలా.. ఒక్కరిద్దరూ కాదు. వేలాది మంది ఆసరా వైబ్‌సైట్‌లో అర్హులుగా గుర్తింపు పొంది పింఛన్ల కోసం ఏళ్లుగా ఎదురుచూస్తున్నారు. ఇటీవల ‘చేయూత’ పింఛన్ల కోసం రాష్ట్ర ప్రభుత్వం కొత్తగా వెబ్‌సైట్‌ రూపొందించింది. కొన్నేళ్లుగా అర్హులుగా ఎంపికై న వారి ధ్రువ పత్రాలను సైతం క్షేత్రస్థాయికి వెళ్లి ఉన్నతాధికారులు పరిశీలించారు. డివిజన్ల వారీగా లిస్టులను మ్యాపింగ్‌ చేశారు. గతంలో అప్రూవల్‌ అయిన పింఛన్‌దారుల వద్దకు వెళ్లి మళ్లీ మ్యానువల్‌గా దరఖాస్తు ఫారాలు స్వీకరించారు. ‘చేయూత’ వెబ్‌సైట్‌లో వివరాలను ఆప్‌లోడ్‌ చేసి, ఫేస్‌ అథెంటికేషన్‌ (ముఖ గుర్తింపు) తీసుకోవాలని సూచించారు. అర్హుల పేర్లు గల్లంతు.. గత ప్రభుత్వ ఆసరా పింఛన్ల వెబ్‌సైట్‌లో అర్హులుగా అప్రూవల్‌ అయిన వారి చాలా మంది పేర్లు గల్లంతయ్యాయి. మ్యాపింగ్‌లో దొర్లిన తప్పిదాలు అర్హులకు తీవ్ర మనోవేదనను కలిగిస్తున్నాయి. మ్యాపింగ్‌ లిస్టులో పేర్లు సకాలంలో విచారణ చేయడంలో వార్డు ఆఫీసర్లు విఫలమయ్యారనే ఆరోపణలున్నాయి. చేయూత వెబ్‌సైట్‌ బంద్‌ ఉండడంతో అర్హులు చేసేదేం లేక తీవ్ర ఆందోళన వ్యక్తం చేస్తున్నారు. 66 డివిజన్లలో విచారణ కోసం వార్డు ఆఫీసర్లు క్షేత్రస్థాయికి రాలేదని, వార్డు ఆఫీసుల్లో, నేతల ఇళ్లల్లో కూర్చొని చేతికందిన మ్యాపింగ్‌ లిస్ట్‌ ఆధారంగా మొబైల్‌ ఫోన్లకు సమాచారం చేరవేసినట్లు తెలుస్తోంది. ఆధార్‌, ఇతర పత్రాలు సమర్పించిన వారి ఫొటోలను తీసుకొని ఆప్‌లోడ్‌ చేశారు. కొంత మంది వార్డు ఆఫీసర్ల వివరాల నమోదు కోసం రూ.1,000 చొప్పున చేతివాటం ప్రదర్శించినట్లు ఆరోపణలున్నాయి. ఈవ్యవహారంలో అధికార పార్టీకి చెందిన మాజీ కార్పొరేటర్లు, చోటామోటా నేతలు సైతం జోక్యం చేసుకున్నట్లు ఆరోపణలున్నాయి. కాగా, సెప్టెంబరు 30తో విచారణ గడువు ముగిసినప్పటికీ. ఇంకా వందలాది మంది అర్హులు తమ ఇళ్లకు అధికారులు విచారణ కోసం వస్తారని ఆశగా ఎదురు చూస్తున్నారు. ఇలా నగర వ్యాప్తంగా ‘ఆసరా’ వెబ్‌సైట్‌లో అర్హులుగా అప్రూవల్‌ అయి ఉన్న వారు సుమారు 2 వేలకు పైగా ఉంటారని అంచనా. మళ్లీ ప్రభుత్వం కొత్త పింఛన్ల దరఖాస్తు ఎప్పుడు కోరుతుందో.. తమకు ఎప్పుడు పింఛన్‌ వస్తుందోనని నిరుపేదలు మనోవేదనకు గురవుతున్నారు.వృద్ధులు24,688మొత్తం లబ్ధిదారులు 76,398వితంతువులు 31,999 విచారణ, వివరాల సేకరణలో వార్డు ఆఫీసర్ల వైఫల్యం! పింఛన్ల వెబ్‌సైట్‌ క్లోజ్‌తో లబోదిబోమంటున్న అర్హులు కార్పొరేషన్‌ చుట్టూ ప్రదక్షిణలుదివ్యాంగులు 8,836వితంతువులు, దివ్యాంగులు, గీత కార్మికులు, నేత కార్మికులు, డయాలసిస్‌, ఫైలేరియా, సింగిల్‌ ఉమెన్‌లను మాత్రమే అర్హులుగా గుర్తించిన ప్రభుత్వం వారి నుంచి దరఖాస్తులను ఆహ్వానించింది. కానీ, 58 ఏళ్లకు పైబడిన వారు, బీడీ కార్మికులను విస్మరించిందన్న ఆరోపణలున్నాయి. ఏళ్లుగా దరఖాస్తు చేసుకున్నామని తీరా తమను పక్కన పెట్టారని వారంతా వాపోతున్నారు. సుమారు 8 వేలకుపైగా అర్హత ఉన్నప్పటికీ దరఖాస్తుకు నోచుకోలేదని సమాచారం.బీడీ కార్మికులు5,989ఒంటరి మహిళలు 2,351 కల్లు గీత కార్మికులు 623 నేత కార్మికులు 1,912

సాక్షి, వరంగల్‌: వరంగల్‌ జిల్లాలో సీజనల్‌ వ్యాధుల ఉధృతి కొనసాగుతోంది. డెంగీ కేసులు సెంచరీ దాటడం ఆందోళన కలిగిస్తోంది. జనవరి నుంచి సెప్టెంబర్‌ వరకు జిల్లావ్యాప్తంగా 121 డెంగీ కేసులు నమోదయ్యాయి. ఇందులో ఒక్క సెప్టెంబర్‌ నెలలోనే 54 కేసులు వెలుగుచూడడం పరిస్థితి తీవ్రతను తెలియజేస్తోంది. మరోవైపు ప్రైవేట్‌ ఆస్పత్రుల్లో డెంగీ, సాధారణ జ్వరాలు, డయేరియా, టైఫాయిడ్‌తో చేరిన వారు వందల సంఖ్యలో ఉంటారని, దీన్ని క్యాష్‌గా మలుచుకుంటున్నారనే ఆరోపణలున్నాయి. సాధారణ జ్వరాలూ తక్కువేం కాదు జిల్లాలో సాధారణ జ్వరాల కేసులు సైతం వేల సంఖ్యలో నమోదవుతున్నాయి. జనవరి నుంచి సెప్టెంబర్‌ వరకు మొత్తం 6,016 జ్వరాల కేసులు వచ్చాయి. సెప్టెంబర్‌లోనే 622 మంది జ్వరాలతో వైద్య సేవలు పొందారు. మరోవైపు డయేరియా కేసులు 9 నెలల్లో 3,694 నమోదయ్యాయి. సెప్టెంబర్‌లో 226 కేసులు వెలుగుచూశాయి. టైఫాయిడ్‌ కేసులు జనవరి నుంచి సెప్టెంబర్‌ వరకు 242 నమోదుకాగా.. సెప్టెంబర్‌లో ఏడు కేసులు గుర్తించారు. నీరు నిల్వ ఉండే ప్రదేశాల్లో దోమలు వృద్ధి చెందే అవకాశం ఉండడంతో డెంగీ వ్యాప్తిపై అప్రమత్తత అవసరమని వైద్యులు సూచిస్తున్నారు. అప్రమత్తతే ఆయుధం.. వైద్యులను సంప్రదించాల్సిందే ప్రజలు తమ ఇళ్ల పరిసరాల్లో నీరు నిల్వ ఉండకుండా చూసుకోవాలి. కూలర్లు, పాత టైర్లు, నీటి తొట్టెలను తరచూ శుభ్రం చేసుకోవాలి. నీటిని కాచి చల్లార్చి తాగడం, ఆహారాన్ని మూతపెట్టి ఉంచడం, పరిసరాలను పరిశుభ్రంగా ఉంచుకోవాలి. డెంగీ అనుమానం ఉన్నప్పుడు వైద్యుల సలహాతో పరీక్షలు చేయించుకోవాలి. – డాక్టర్‌ బి.రాజారెడ్డి, డీఎంహెచ్‌ఓ, వరంగల్‌డెంగీ జ్వరాలు డయేరియా టైఫాయిడ్‌ 121 6,016 3,694 242వరంగల్‌ జిల్లాలో సెప్టెంబర్‌లోనే 54 కేసుల నమోదు జ్వరాలు, డయేరియాతోనూ ప్రజల ఉక్కిరిబిక్కిరి అప్రమత్తంగా ఉండాలని వైద్యుల సూచనయూపీహెచ్‌సీ, పీహెచ్‌సీల వారీగా కేసులు.. 54 డెంగీ కేసులు పట్టణ, గ్రామీణ ప్రాంతాల్లో నమోదయ్యాయి. కీర్తినగర్‌ యూపీహెచ్‌సీలో 9, ఎంజీఎం యూఎఫ్‌డబ్ల్యూసీలో 9, గీసుకొండ పీహెచ్‌సీ పరిధిలో ఆరు కేసులు వెలుగుచూశాయి. దేశాయిపేట, కాశిబుగ్గ, ఫోర్ట్‌ వరంగల్‌ పట్టణ ఆరోగ్య కేంద్రాల పరిధిలో ఐదేసి కేసులు నమోదయ్యాయి. అలాగే, చింతల్‌ యూపీహెచ్‌సీలో 3, రంగశాయిపేట యూపీహెచ్‌సీలో ఒకటి, ఎస్‌ఆర్‌ఆర్‌ తోట యూపీహెచ్‌సీలో ఒక డెంగీ కేసు నమోదైంది.

హన్మకొండ కల్చరల్‌: భద్రకాళి దేవీశరన్నవరాత్ర మహోత్సవాల్లో భాగంగా మూడో రోజు మంగళవారం అమ్మవారిని శ్రీగాయత్రీ మాతగా అలంకరించారు. ఆలయ అర్చకుడు భద్రకాళి శేషు ఆధ్వర్యంలో అర్చకులు, వేదపండితులు ఉదయం నుంచి ప్రత్యేక పూజలు నిర్వహించారు. అనంతరం అమ్మవారి స్నపనమూర్తికి ఉదయం చంద్రఘంటా క్రమంలో దుర్గార్చన చేశారు. అమ్మవారి ఉత్సవమూర్తిని సింహవాహనంపై ఊరేగించారు. సాయంత్రం మహిషామర్ధిని క్రమంలో దుర్గార్చన జరిపి గజవాహనంపై ఊరేగించారు. సేవా సమితి కన్వీనర్‌ అయిత గోపీనాథ్‌ ఆధ్వర్యంలో మధ్యాహ్నం, రాత్రి భక్తులకు అన్నప్రసాదాల వితరణ జరిగింది. రాత్రి జరిగిన సాంస్కృతిక కార్యక్రమాలు అలరించాయి. దేవాదాయ ధర్మాదాయశాఖ కమిషనర్‌ ఎం.హన్మంతరావు కుటుంబసమేతంగా అమ్మవారిని దర్శించుకున్నారు. హనుమకొండ కలెక్టర్‌ చాహత్‌ బాజ్‌పాయ్‌ దేవాలయాన్ని సందర్శించి మాడవీధుల నిర్మాణ పురోగతిని, నూతనంగా తయారు చేస్తున్న దారురథాన్ని పరిశీలించారు. కలెక్టర్‌ వెంట కుడా, ఇరిగేషన్‌ అధికారులు ఉన్నారు. ఆలయ ఈఓ రామల సునీత పర్యవేక్షించారు. హన్మకొండ అర్బన్‌ : అర్హులైన ప్రతి ఒక్కరికీ ఓటరు జాబితాలో చోటు కల్పించడంతో పాటు అనర్హుల పేర్లు లేకుండా చూడడమే లక్ష్యంగా ఈ నెల 15, 16 తేదీల్లో జిల్లాలోని అన్ని పోలింగ్‌ కేంద్రాల్లో ప్రత్యేక శిబిరాలు నిర్వహించనున్నట్లు హనుమకొండ జిల్లా ఎన్నికల అధికారి, కలెక్టర్‌ చాహత్‌ బాజ్‌పాయ్‌ తెలిపారు. ముసాయిదా ఓటరు జాబితాలో పేర్లు లేనివారు, తొలిసారిగా ఓటరుగా నమోదు చేసుకోవాలనుకునే యువత ఈ అవకాశాన్ని సద్వినియోగం చేసుకోవాలని కోరారు. అర్హులైన వారు తమ పరిధి పోలింగ్‌ కేంద్రాలకు వెళ్లి ఫారం–6 ద్వారా ఓటరు నమోదుకు దరఖాస్తు చేసుకోవచ్చని తెలిపారు. మరిన్ని వివరాల కోసం సంబంధిత బూత్‌ స్థాయి అధికారులను లేదా జిల్లా ఎన్నికల విభాగాన్ని సంప్రదించాలని సూచించారు. హన్మకొండ అర్బన్‌ : జిల్లాలోని ప్రైవేట్‌ ఆస్పత్రుల్లో తనిఖీలు నిర్వహించేందుకు ఐదు ప్రత్యేక బృందాలను ఏర్పాటు చేసినట్లు హనుమకొండ జిల్లా వైద్య ఆరోగ్య శాఖ అధికారి డాక్టర్‌ అప్పయ్య తెలిపారు. మంగళవారం ఆయన జిల్లాలోని పలు ఆస్పత్రులను ఆకస్మికంగా తనిఖీ చేశారు. అవసరమైన అనుమతులు, ధ్రువపత్రాలు, రికార్డులను పరిశీలించా రు. చికిత్స రుసుముల వివరాలను ప్రజలకు కనిపించేలా ప్రదర్శించాలని, వైద్యుల పేర్లు, అర్హతలు, విధుల వివరాలతో కూడిన జాబితా ను అందుబాటులో ఉంచాలని ఆదేశించారు. క్లినికల్‌ ఎస్టాబ్లిష్‌మెంట్స్‌ చట్ట నిబంధనలు పాటించాలన్నారు. జిల్లాలో ఏర్పాటు చేసిన ఐదు ప్రత్యేక బృందాలు నిరంతరం తనిఖీలు నిర్వహిస్తాయని తెలిపారు. హన్మకొండ అర్బన్‌ : హనుమకొండ జిల్లాలో గుర్తించిన ప్రైవేట్‌ ఆస్పత్రుల్లో ఉద్యోగుల ఆరోగ్య పథకం (ఈహెచ్‌ఎస్‌) అమలుకు తెలంగాణ హాస్పిటల్స్‌ అండ్‌ నర్సింగ్‌హోమ్స్‌ అసోసియేషన్‌ (థానా) కమిటీ సభ్యులు అంగీకరించారు. ఈ మేరకు హనుమకొండ కలెక్టర్‌ చాహత్‌ బాజ్‌పాయ్‌ సమక్షంలో ఈ నిర్ణయం తీసుకున్నారు. ఈసందర్భంగా కలెక్టర్‌ మాట్లాడుతూ ఉద్యోగుల ఆరోగ్య అవసరాలను దృష్టిలో ఉంచుకొని గుర్తించిన ప్రైవేట్‌ ఆస్పత్రుల్లో పథకం అమలుకు యాజమాన్యాలు సహకరించాలని కోరారు. డీఎంహెచ్‌ఓ డాక్టర్‌ అప్పయ్య మాట్లాడుతూ.. సంబంధిత నిబంధనలకు అనుగుణంగా ఉద్యోగులకు వైద్యసేవలు అందించాలని కోరారు. కార్యక్రమంలో తానా కమిటీ రాష్ట్ర అధ్యక్షుడు డాక్టర్‌ రాకేశ్‌, ప్రధాన కార్యదర్శి డాక్టర్‌ రమేశ్‌, సభ్యులు డాక్టర్‌ విజయ్‌చందర్‌రెడ్డి, డాక్టర్‌ విజయ్‌, డాక్టర్‌ బి. మోహన్‌రావు, డిప్యూటీ డీఎంహెచ్‌ఓ మదన్‌మోహన్‌ తదితరులు పాల్గొన్నారు.

కాజీపేట రూరల్‌ : వరంగల్‌, కాజీ పేట మీదుగా ప్రయాణించే పలు రైళ్లకు 2027లో జరిగే కొలనుపాక జై న్‌ టెంపుల్‌ ఉత్సవాల సందర్భంగా ప్ర యాణికులు, భక్తుల సౌకర్యార్థం ఆలేరు రైల్వే స్టేష న్‌లో తాత్కాలిక హాల్టింగ్‌ కల్పించినట్లు దక్షిణ మ ధ్య రైల్వే సీపీఆర్వో శ్రీధర్‌ మంగళవారం తెలిపారు. ఆలేరు వద్ద గల కొలనుపాక జైన్‌ టెంపుల్‌ 1400 సంవత్సరాల ఉత్సవాల నేపథ్యంలో 2027, ఫిబ్రవరి 11 నుంచి 13వ తేదీ వరకు జరిగే ఉత్సవాల సందర్భంగా 5 రైళ్లకు హాల్టింగ్‌ కల్పించారు. హాల్టింగ్‌ రైళ్లు ఇవే.. 2027, ఫిబ్రవరి 10 నుంచి 12వ తేదీ వరకు విశాఖపట్నం–హైదరాబాద్‌ (12727) గోదావరి ఎక్స్‌ప్రెస్‌, 2027 ఫిబ్రవరి 11 నుంచి 13వ తేదీ వరకు హైదరాబాద్‌–విశాఖపట్నం (12728) గోదావరి ఎక్స్‌ప్రెస్‌, 2027 ఫిబ్రవరి 10వ తేదీ నుంచి 12వ తేదీ వరకు తాంబరం–హైదరాబాద్‌ (12759) చార్మినార్‌ ఎక్స్‌ప్రెస్‌, 2027 ఫిబ్రవరి 11 నుంచి 13వ తేదీ వరకు హైదరాబాద్‌–తాంబరం (12760) చార్మినార్‌ ఎక్స్‌ప్రెస్‌, 2027 ఫిబ్రవరి 10వ తేదీన సికింద్రాబాద్‌–హిస్సర్‌ (22737) ఎక్స్‌ప్రెస్‌లకు ఆలేరులో హాల్టింగ్‌ కల్పించినట్లు సీపీఆర్వో తెలిపారు. ఉమ్మడి వరంగల్‌ జిల్లా నుంచి కొలనుపాక జైన్‌ టెంపుల్‌ సందర్శన కోసం వరంగల్‌, కాజీపేట నుంచి ఆలేరుకు వెళ్లేవారు ఈ రైళ్లను సద్వినియోగం చేసుకోవచ్చన్నారు. 2027లో కొలనుపాక జైన్‌ టెంపుల్‌ 1,400 సంవత్సరాల ఉత్సవాలు

హన్మకొండ కల్చరల్‌: పురావస్తుశాఖ ఆధీనంలోని వేయిస్తంభాల ఆలయ అభివృద్ధి కోసం రాష్ట్ర చీఫ్‌ సెక్రటరీ ద్వారా కేంద్రానికి నివేదిక అందజేస్తామని రాష్ట్ర దేవాదాయ ధర్మాదాయ శాఖ కమిషనర్‌ హనుమంతరావు పేర్కొన్నారు. హనుమకొండలోని వేయిస్తంభాల ఆలయాన్ని మంగళవారం రాత్రి కమిషనర్‌ కుటుంబసమేతంగా సందర్శించారు. ఈసందర్భంగా ఆలయప్రధానార్చకుడు గంగు ఉపేంద్రశర్మ, ఈఓ అనిల్‌కుమార్‌ ఆలయ మర్యాదలతో, మహిళలు కోలాటాలు, వేదమంత్రోచ్ఛరణలతో ఘనంగా స్వాగతించారు. రుద్రేశ్వరీ అమ్మవారికి ప్రత్యేకపూజలు నిర్వహించుకున్నారు. కమిషనర్‌ మాట్లాడుతూ.. దేవాలయంలో విద్యుత్‌ అలంకరణ బాగుందని ఉత్సవాల ఏర్పాట్లు అడిగి తెలుసుకున్నారు. దేవాలయ ఉద్యోగుల, ధూపదీప నైవేద్య అర్చకుల సమస్యలు గంగు ఉపేంద్రశర్మ వివరించగా.. వారి సమస్యలను పరిష్కరిస్తానని హామీ ఇచ్చారు.రాష్ట్ర దేవాదాయ ధర్మాదాయశాఖ కమిషనర్‌ హనుమంతరావు

మూడో డిస్కం ఏర్పాటుకు ప్రభుత్వం ఉత్తర్వులు జారీ చేయడంతో చిగురించిన ఆశలుహన్మకొండ : రాష్ట్రంలో మూడో డిస్కం తెలంగాణ రైతు డిస్ట్రిబ్యూషన్‌ కంపెనీ లిమిటెడ్‌ (టీజీ ఆర్‌పీడీసీఎల్‌) ఏర్పాటు చేస్తూ ప్రభుత్వం ఉత్తర్వులు జారీ చేయడంతో ఈ డిస్కంకు వెళ్లేందుకు ముందుకొచ్చి న విద్యుత్‌ ఉద్యోగుల్లో ఆశలు చిగురించాయి. టీజీ ఆర్‌పీడీసీఎల్‌ ఏర్పాటు చేస్తూ ఇంధన శాఖ సోమవారం జీఓ జారీ చేసింది. దీని ఏర్పాటుకు విస్తృత విధి విధానాలు నిర్దేశించింది. పంపిణీ నెట్‌ వర్క్‌ మానవ వనరులు, వినియోగదారులు, విద్యుత్‌ కొనుగోలు కేటాయింపులు, ఆస్తులు–అప్పుల బదిలీపై జీఓలో స్పష్టత ఇచ్చింది. టీజీ ఆర్‌పీడీసీఎల్‌కు మొత్తం 2,000 మంది అధికారులు, ఉద్యోగులు అవసరమని జీఓలో పేర్కొంది. రాష్ట్రంలోని టీజీ జెన్‌ కో, టీజీ ట్రాన్స్‌ కో, టీజీ ఎన్పీడీసీఎల్‌, టీజీ ఎస్పీడీసీఎల్‌కు చెందిన ఉద్యోగుల నుంచి ఆప్షన్‌ కోరారు. దీంతో ఒక్క టీజీ ఎన్పీడీసీఎల్‌ నుంచి 1,252 మంది ఆప్షన్‌ ఇచ్చారు. ఇతర డిస్కంల్లోనూ ఇదే పోటీ నెలకొందని విద్యుత్‌ ఉద్యోగులు తెలిపారు. మూడో డిస్కంకు వెళ్తేనే పదోన్నతి వస్తుందని ఆశించి ప్రతీ ఒక్కరు ఆప్షన్‌ ఇచ్చారు. ఈ ఆప్షన్లు ఇచ్చిన వివరాలు, సంబంధిత సర్కిల్‌ వారీగా వారి వివరాలు పరిశీలించారు. ఆప్షన్‌లో పొందుపరిచిన వివరాలు... వాస్తవ వివరాలు సరి చూసి జాబితాను మూడో డిస్కంకు పంపారు. మే నెలలోనే బదిలీ నియామక ప్రక్రియ పూర్తి చేసేలా షెడ్యూల్‌ ప్రకటించిన టీజీ ఆర్‌పీడీసీఎల్‌ తర్వాత వెనక్కి తగ్గింది. మే 13 నుంచి 19 వరకు బదిలీ ఉత్తర్వులు, జాయినింగ్‌, పోస్టింగ్‌ పూర్తి అయ్యేలా ఖరారు చేసినా చివరకు ప్రక్రియ నిలిచిపోయింది. నాలుగు విద్యుత్‌ సంస్థల నుంచి తీసుకుంటామని చెప్పినా అయితే ప్రస్తుత జీఓలో మానవ వనరుల సమీకరణ ఏ విధానంలో చేపడుతారో ఎలాంటి స్పష్టత ఇవ్వలేదు. కేవలం పదోన్నతి కల్పించనున్న ట్లు మాతమే జీఓలో పేర్కొన్నారు. గతంలో ఆప్షన్‌ ఇచ్చిన వారి నుంచి అధికారులు, ఉద్యోగులను తీసుకుంటారా..? కొత్తగా మరోసారి ఆప్షన్లు కోరుతారా అనే అంశం స్పష్టత రావాల్సి ఉంది. దీంతో పాటు నాలుగు సంస్థల్లో ఏ సంస్థ నుంచి ఎంత మందిని తీసుకుంటారనే అంశం కూడా తేల్చాల్సి ఉంది. డిస్కంల నుంచి విడిపోతున్న నేపథ్యంలో ఉ ద్యోగుల ఎంపికలో డిస్కంలకు ప్రాధాన్యత ఇస్తారా... టీజీ ట్రాన్స్‌ కో, టీజీ జెన్‌కోతో సమానంగా ఉద్యోగులను తీసుకుంటారా అనే వివరాలు ఇంధన శాఖ, టీజీ ఆర్‌పీడీసీఎల్‌ స్పష్టత ఇవ్వాల్సి ఉంది. టీజీ ఎన్పీడీసీఎల్‌ నుంచి మొత్తం 1,252 మంది ఆర్‌పీడీసీఎల్‌కు వెళ్లేందుకు ఆప్షన్‌ ఇచ్చారు. ఇందులో జూనియర్‌ లైన్‌మెన్లు 16 మంది, అసిస్టెంట్‌ లైన్‌ మెన్లు 271 మంది, లైన్‌మెన్లు 116, లైన్‌ ఇన్స్‌పెక్టర్లు 31, సీనియర్‌ లైన్‌ ఇన్‌స్పెక్టర్లు 4, ఫోర్‌మెన్లు 2, అసిస్టెంట్‌ ఇంజనీర్లు 115, అడిషనల్‌ అసిస్టెంట్‌ ఇంజనీర్లు 61, అసిస్టెంట్‌ డివిజనల్‌ ఇంజనీర్లు 59, డివిజనల్‌ ఇంజనీర్లు 28, సూపరింటెండ్‌ ఇంజనీర్లు 4, ఒక చీఫ్‌ ఇంజనీర్‌, సబ్‌ ఇంజనీర్లు 265, జూనియర్‌ అకౌంట్స్‌ ఆఫీసర్లు 66, ఆసిస్టెంట్‌ అకౌంట్స్‌ ఆఫీసర్లు 10, అకౌంట్స్‌ ఆఫీసర్స్‌ 5, సీనియర్‌ అసిస్టెంట్లు 50, జూనియర్‌ అసిస్టెంట్లు 20, జూనియర్‌ పర్సనల్‌ ఆఫీసర్లు 15, పర్సనల్‌ ఆఫీసర్లు 2, ఆర్టిజన్‌ గ్రేడ్‌కు చెందిన వారు 5, ఆర్టిజన్‌ గ్రేడ్‌–3కి చెందిన వారు 6 గురు, ఒక్కరు ఆర్టిజన్‌ గ్రేడ్‌– 4, ఒక్క రికార్డు అసిస్టెంట్‌, ఒక్క సివిల్‌ ఈఈ దరఖాస్తు చేసుకున్నట్లు సమాచారం. టీజీ ఆర్‌పీడీసీఎల్‌ ఏర్పాటు చేస్తూ ప్రభుత్వం జీఓ ఇవ్వడంతో మరోసారి ఆప్షన్‌ ఇచ్చిన వారు ఆశల్లో తేలియాడుతున్నారు. పదోన్నతి లభిస్తుందనే సంతోషంలో ఉన్నారు. బదిలీ నియామక ప్రక్రియ ఎప్పటి నుంచి చేపడుతారోనని ఆశగా ఎదురుచూస్తున్నారు. టీజీఆర్‌పీడీసీఎల్‌కు మొత్తం కావాల్సిన ఉద్యోగులు 2,000 మంది ఒక్క టీజీ ఎన్పీడీసీఎల్‌ నుంచి 1,252 మంది దరఖాస్తు టీజీ ఆర్‌పీఈసీఎల్‌ ఏర్పాటు చేస్తూ జీఓ జారీ ఉద్యోగుల ఎంపికపై లేని స్పష్టత

కాశిబుగ్గ: 70వ తెలంగాణ రాష్ట్ర పాఠశాలల క్రీడా సమాఖ్య (ఎస్‌జీఎఫ్‌) ఆధ్వర్యంలో వరంగల్‌లో నిర్వహించిన అండర్‌–14 బాలబాలికల రాష్ట్రసా యి జూడో క్రీడా పోటీలు ముగిశాయి. మంగళవా రం వరంగల్‌ పోచమ్మమైదాన్‌లోని కెమిస్ట్రీ భవన్‌లో జరిగిన ముగింపు సమావేశంలో రాష్ట్ర జూడో అ సోసియేషన్‌ అధ్యక్షుడు బైరబోయిన కై లాసం యా దవ్‌ మాట్లాడుతూ..క్రీడల్లో గెలుపు ఓటములు సహజమని, విజయం సాధించిన క్రీడాకారులు మరింత పట్టుదలతో ఉన్నత లక్ష్యాల దిశగా ముందుకు సా గాలని పిలుపునిచ్చారు. అంతకుముందు ఉత్కంఠభరితంగా సాగిన పోటీల్లో కరీంనగర్‌ జిల్లా ఓవరా ల్‌ చాంపియన్‌షిప్‌ను కై వసం చేసుకోగా, వరంగల్‌ జిల్లా రన్నరప్‌గా నిలిచింది. కార్యక్రమంలో ఎస్‌ జీఎఫ్‌ఐ కార్యదర్శి వాసుదేవరావు, జూడో అసోసియేషన్‌ సంయుక్త కార్యదర్శి దుపాకి సంతోష్‌కుమార్‌, హనుమకొండ జిల్లా వ్యాయామ ఉపాధ్యాయ సంఘం అధ్యక్షుడు ఎ.ప్రభాకర్‌రెడ్డి, న్యాయ నిర్ణేతలు నాగరాజు, ఆరము, సాయిరాం, ఇస్మాయిల్‌, కుమారస్వామి, మనీషా, పార్విజ్‌, పలువురు పీడీలు, పీఈటీలు, జూడో కోచ్‌లు పాల్గొన్నారు. రన్నరప్‌గా వరంగల్‌ జిల్లా ముగిసిన రాష్ట్రస్థాయి పాఠశాలల జూడో పోటీలు

హనుమకొండకు రెండు.. మహబూబాబాద్‌ జిల్లాకు ఒకటి విద్యారణ్యపురి/కాజీపేట : ఉమ్మడి వరంగల్‌ జిల్లాకు మరో మూడు తెలంగాణ పబ్లిక్‌ స్కూళ్లు, అవసరమైన నిధులను రాష్ట్ర ప్రభుత్వం మంజూరు చేసింది. మొదటి దశలో 9 స్కూళ్లకు గత నెలలోనే అనుమతినిస్తూ నిధులు మంజూరు చేసిన విషయం తెలిసిందే. రెండో దశలో హనుమకొండ జిల్లా వరంగల్‌ పశ్చిమ నియోజకవర్గానికి కాజీపేట ప్రభుత్వ బాలుర ఉన్నత పాఠశాల (రూ.10కోట్లు), పరకాల నియోజకవర్గానికి సంబంధించి ఆత్మకూరు మండలంలోని పెద్దాపూర్‌ జెడ్పీహెచ్‌ఎస్‌లోనే తెలంగాణ పబ్లిక్‌ స్కూల్‌ ఏర్పాటుకు అనుమతినిస్తూ రూ. 9.95 కోట్లు నిధులు మంజూరు చేసింది. మహబూబాబాద్‌ జిల్లా పాలకుర్తి నియోజకవర్గానికిగాను పెద్దవంగర మండలం చిట్యాల జెడ్పీహెచ్‌ఎస్‌లో తెలంగాణ పబ్లిక్‌ స్కూల్‌ ఏర్పాటుకు అనుమతినిస్తూ రూ.11.40 కోట్లు మంజూరు చేసింది. ప్రస్తుతం ఉన్న హైస్కూళ్ల భవనాల్లోనే అవసరమైన తరగతి గదులు, ల్యాబ్‌లు, తదితర వసతులు కల్పించనున్నారు. ఇందులో ప్రీ ప్రైమరీనుంచి ఇంటర్మీడియట్‌ వరకు ఇంగ్లిష్‌ మీడియంలోనే విద్యను అందిస్తారు.

హన్మకొండ కల్చరల్‌: వేయిస్తంభాల ఆలయంలో కొనసాగుతున్న రుద్రేశ్వరీదేవి శరన్నవరాత్రి ఉత్సవాల్లో భాగంగా మూడో రోజు మంగళవారం రుద్రేశ్వరీదేవి అమ్మవారికి ఘనంగా పల్లకీసేవ నిర్వహించారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు ఉదయం నుంచి రుద్రేశ్వరస్వామికి రుద్రాభిషేకం, శ్రీరుద్రేశ్వరీదేవి ఉత్సవమూర్తి అమ్మవారికి షోడశోపచారపూజలు, చంద్రఘంటా దుర్గార్చన నిర్వహించి శ్రీగాయత్రిదేవిగా అ లంకరించారు. అనంతరం అమ్మవారికి పల్ల కీసేవ నిర్వహించారు. యాగశాలలో గణపతి న వగ్రహ రుద్రహోమాలు, వేదోక్తంగా దక్షిణా చార శాక్తద్వైత సప్తశతి పారాయణంతో 18 అధ్యాయాలతో దేవీ ఉపాసకులు భరత్‌శర్మ మహా చండీహోమం నిర్వహించారు. వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి సౌజన్యంతో భక్తులకు అన్నప్రసాదాల వితరణ చేశారు. దేవాలయాన్ని రాష్ట్ర దేవాదాయ, ధర్మదాయ శాఖ కమిషనర్‌ హనుమంతరావు కు టుంబ సమేతంగా ఆలయాన్ని సందర్శించా రు. కార్యక్రమంలో నీలం సుహాన్‌, మాడిశెట్టి సతీశ్‌, నల్లెల లక్ష్మణ్‌, కోన శ్రీకర్‌, పల్లం రమేశ్‌, సంపత్‌రావు, సౌమ్య, రాకేశ్‌ పాల్గొన్నారు. ఆలయ ఈఓ అనిల్‌కుమార్‌ పర్యవేక్షించారు.

వరంగల్‌ అర్బన్‌ : మూడు దశాబ్దాలుగా అస్తవ్యస్త డ్రెయినేజీ వ్యవస్థతో ఇబ్బంది పడుతున్న గ్రేటర్‌ వరంగల్‌ నగరవాసులకు శుభవార్త. అండర్‌ గ్రౌండ్‌ డ్రెయినేజీ(యూజీడీ) వ్యవస్థ ఏర్పాటుకు రూ.5 వేల కోట్ల రుణ మంజూరుకు గ్రీన్‌ సిగ్నల్‌ లభించింది. మన యూజీడీ ప్రతిపాదనలను జర్మనీ దేశానికి చెందిన కేఎఫ్‌డబ్ల్యూ బ్యాంకు అంగీకరించింది. విదేశీ సంస్థ రుణ మంజూరుకు కేంద్ర ఆర్థిక శాఖ, గృహ, పట్టణాభివృద్ధి సంస్థలు తాజాగా జరిగిన స్క్రీనింగ్‌ కమిటీ సమావేశంలో ఆమోద ముద్ర వేశాయి. మహానగర వ్యాప్తంగా అండర్‌గ్రౌండ్‌ డ్రెయినేజీ, మురుగునీటి శుద్ధీకరణ కేంద్రం (సీవేజ్‌ ట్రీట్‌మెంట్‌ ప్లాంట్లు) కల సాకారం కానుంది. యూజీడీపై రాష్ట్ర ముఖ్యమంత్రి రేవంత్‌రెడ్డి ఇచ్చిన మాట ప్రకారం రూ.5,257 కోట్ల ప్రతిపాదనలకు ఉత్తర్వులు జారీ చేశారు. అంతేకాకుండా సీవరేజ్‌ ట్రీట్‌మెంట్‌ ప్లాంట్ల కోసం రెండు దఫాలుగా స్థలాల సేకరణ ఆదేశాలిచ్చారు. త్వరలో సీఎం రేవంత్‌రెడ్డితో పనులకు శంకుస్థాపన చేసేందుకు సన్నాహాలు చేస్తున్నారు. దీంతో బృహతర్త ప్రాజెక్టుకు అంకురార్పణ పడనుంది. మిగిలింది టెండర్లే.. యూజీడీకి రుణం మంజూరైనందున మిగిలిన ప్రక్రియ టెండర్ల నిర్వహణే. ఇప్పటికే నగరంలో యూజీడీని ఏడు జోన్లుగా విభజించారు. నగరం 407.7 చదరపు కిలోమీటర్లు ఉండగా, 3,137కిలోమీటర్ల మేర రోడ్లు ఉన్నాయి. ఓపెన్‌ డ్రెయినేజీ వ్యవస్థ 2,780 చదరపు కిలోమీటర్లు ఉంది. ఈనేపథ్యంలో రాజస్థాన్‌కు చెందిన ఎన్‌కే బిల్డ్‌ కాన్‌ ప్రైవేట్‌ లిమెటెడ్‌ సంస్థ డీపీఆర్‌లను రూపొందించింది. 2027 నాటికి నగరవ్యాప్తంగా ఉన్న 2,92,194 ఇళ్లకు సీవరేజ్‌ కనెక్షన్లు ఇవ్వనున్నారు. ఏడు సీవరేజ్‌ ట్రీట్‌మెంట్‌ ప్లాంట్ల ద్వారా రోజు 140–160 మిలియన్‌ లీటర్‌ ఫర్‌ డే (ఎంఎల్‌డీ) మురుగునీటిని శుద్ధిచేసే అవకాశం ఉంటుందని ఇంజనీర్లు భావిస్తున్నారు. కీలకమైన ప్రాజెక్టును పబ్లిక్‌ హెల్త్‌శాఖ అధికారులకు అప్పగించనున్నారు. 1995లో ప్రారంభమైన యూజీడీ ప్రక్రియ ఎట్టకేలకు వచ్చే ఏడాది పట్టాలెక్కనుంది. నిధులను సమకూర్చనున్న జర్మనీ సంస్థ కేంద్ర ఆర్థిక, గృహ నిర్మాణ, పట్టణాభివృద్ధి శాఖలు గ్రీన్‌ సిగ్నల్‌ త్వరలో టెండర్ల ప్రక్రియ.. సీఎంతో పనులకు శంకుస్థాపన వచ్చే ఏడాదినుంచి పట్టాలెక్కనున్న పనులు

హసన్‌పర్తి: కేయూ జంక్షన్‌ నుంచి ఎర్రగట్టు గుట్ట వరకు ఫుట్‌పాత్‌లపై ఏర్పాటు చేసిన షాపులను బల్దియా అధికారులు మంగళవారం తొలగించారు. ఇటీవల కార్పొరేషన్‌ ప్రత్యేక అఽఽధికారి, కలెక్టర్‌ చాహత్‌ బాజ్‌పాయ్‌, కమిషనర్‌ వెంకన్న భీమారంతో పాటు పలు ప్రాంతాల్లో ప్రధాన రహదారులను సందర్శించిన విషయం తెలిసిందే. ఆసమయంలో ఫుట్‌పాత్‌లను ఆక్రమించి వ్యాపారాలు కొనసాగిస్తుండడంపై ఆగ్రహం వ్యక్తం చేశారు. ఈనేపథ్యంలో బల్దియా సిబ్బంది మంగళవారం 6గంటల నుంచి కూల్చివేతలు ప్రారంభించారు. టీబీ ఆస్పత్రి, భీ మారం, కేయూసీ జంక్షన్‌ ప్రాంతాల్లో చిరు వ్యాపారులు.. అధికారులతో ఆందోళనకు దిగారు. కూల్చివేతలను అడ్డుకోవడానికి యత్నించారు. రోడ్డునపడ్డ చిరు వ్యాపారులు అధికారులు వ్యవహరించిన తీరుతో తమ కుటుంబాలు రోడ్డున పడ్డాయని చిరు వ్యాపారులు ఆందోళన వ్యక్తం చేశారు. ఎలాంటి ముందస్తు సమాచారం లేకుండా తమ షాపులను తొలగించడంపై కన్నీంటి పర్యంతమయ్యారు. కాగా, కేయూసీ నుంచి వివిధ రూట్లలో ఫుట్‌పాత్‌లను ఆక్రమించి ఉన్న నిర్మాణాల్ని కూల్చేస్తామని అధికారులు తెలిపారు. చిరువ్యాపారుల ఆందోళన.. అధికారులతో వాగ్వాదం

నర్సంపేట : ఢిల్లీలో రాష్ట్ర ముఖ్యమంత్రి రేవంత్‌రెడ్డి నివాసంలో తెలంగాణ ప్రదేశ్‌ కాంగ్రెస్‌ కమిటీ అధ్యక్షుడు మహేష్‌కుమార్‌గౌడ్‌, రాజ్యసభ సభ్యుడు వేం నరేందర్‌రెడ్డి, ఉమ్మడి జిల్లా ఎమ్మెల్యేలు దొంతి మాధవరెడ్డి, కేఆర్‌ నాగరాజు, రాంచంద్రునాయక్‌, భూక్య మురళీనాయక్‌, వరంగల్‌ డీసీసీ అధ్యక్షుడు అయూబ్‌, మహబూబాబాద్‌ ఎంపీ బలరాంనాయక్‌ సమావేశమయ్యారు. ఈ సందర్భంగా పలు విషయాలపై చర్చించారు. కార్పొరేట్‌కు దీటుగా వైద్య సేవలుహన్మకొండ అర్బన్‌ : ఎంజీఎం ఆస్పత్రిలో ప్రజలకు నాణ్యమైన వైద్య సేవలు అందుతున్నాయని, ప్రజలు, ఉద్యోగులు, పెన్షనర్లు ఎలాంటి అపోహలకు గురికాకుండా ప్రభుత్వ ఆస్పత్రి సేవలను వినియోగించుకోవాలని హనుమకొండ జిల్లా జేఏసీ చైర్మన్‌, టీఎన్జీవోస్‌ జిల్లా అధ్యక్షుడు ఆకుల రాజేందర్‌ కోరారు. వరంగల్‌ కలెక్టర్‌ సత్య శారద ఆస్పత్రి అభివృద్ధిపై ప్రత్యేక శ్రద్ధ వహిస్తూ, నిరంతరం పర్యవేక్షిస్తున్నారని మంగళవారం ఆయన ఒక ప్రకటనలో తెలిపారు. కలెక్టర్‌ నేతృత్వంలో ఆస్పత్రిలో మెరుగైన సౌకర్యాలతో నాణ్యమైన వైద్య సేవలు అందుతున్నాయని పేర్కొన్నారు. రోగులకు అవసరమైన సౌకర్యాలు కల్పించడంతోపాటు అన్ని రకాల వైద్య పరీక్షలు నిర్వహిస్తున్నారని, నాణ్యమైన మందులను ఉచితంగా అందిస్తున్నారని వివరించారు. ప్రజలు, ఉద్యోగులు, పెన్షనర్లు వైద్యసేవలను సద్వినియోగం చేసుకోవాలని కోరారు. బయోటెక్నాలజీ విభాగం అధిపతిగా శ్రీనివాస్‌ కేయూ క్యాంపస్‌ : కాకతీయ యూనివర్సిటీ బయోటెక్నాలజీ విభాగం అధిపతిగా ఆ విభాగం అసోసియేట్‌ ప్రొఫెసర్‌ డాక్టర్‌ పి.శ్రీనివాస్‌ నియమితులయ్యారు. మంగళవారం సాయంత్రం రిజిస్ట్రార్‌ రామచంద్రం ఉత్తర్వులు జారీచేశారు. ఇప్పటి వరకు ఆ విభాగం అధిపతిగా అసోసియేట్‌ ప్రొఫెసర్‌ టి.శాస్త్రి బాధ్యతలు నిర్వర్తించారు. శ్రీనివాస్‌ రెండేళ్లపాటు విధులు బాధ్యతలు నిర్వహించనున్నారు. వీసీ ప్రతాప్‌రెడ్డి, రిజిస్ట్రార్‌ రామచంద్రం శ్రీనివాస్‌కు ఉత్తర్వుల కాపీని అందజేశారు. కార్యక్రమంలో ఓఎస్‌డీ వెంకట్రాంరెడ్డి, కేయూ అభివృద్ధి అధికారి డాక్టర్‌ వై.వెంకయ్య పాల్గొన్నారు. కాజీపేట రైల్వే ఆస్పత్రి డాక్టర్లకు పదోన్నతులు కాజీపేట రూరల్‌ : కాజీపేట రైల్వే ఆస్పత్రిలో విధులు నిర్వహిస్తున్న పలువురు డాక్టర్లకు పదోన్నతులు లభించినట్లు అడిషనల్‌ చీఫ్‌ మెడికల్‌ సూపరింటెండెంట్‌ (ఏసీఎంఎస్‌) డాక్టర్‌ ఐ.నిరంజన్‌రావు తెలి పారు. డీజిల్‌కాలనీ (డీఎస్‌ఎల్‌) రైల్వే ఆస్పత్రిలోని డీఎంఓ ఎ.దీపకు సీనియర్‌ డీఎంఓగా, కాజీపేట రైల్వే ఆస్పత్రిలోని డీఎంఓలు ఎన్‌.హరిబాబు, కె.వినయ్‌బాబు, ఎ.యాకూబ్‌లకు సీనియర్‌ డీఎంఓలుగా పదోన్నతులు లభించినట్లు పేర్కొన్నారు. ట్రాక్టర్‌ కింద పడి పాలేరు మృతి బచ్చన్నపేట : ప్రమాదవశాత్తు తాను నడిపే ట్రాక్టర్‌ కిందపడి ఓ పాలేరు మృతి చెందాడు. ఈ ఘటన జ నగామ జిల్లా బచ్చన్నపేట మండలం బండనాగా రంలో జరిగింది. మృతుడి కుటుంబీకులు, పోలీసు ల కథనం ప్రకారం... మండలంలోని బోనకొల్లూరు గ్రామానికి చెందిన ఏదు జనార్దన్‌ (47) బండనాగారం గ్రామ శివారులో ఓ రైతు వ్యవసాయ క్షేత్రంలో రెండు సంవత్సరాల నుంచి పా లేరుగా పని చేస్తున్నాడు. అప్పుడప్పుడు ఇంటికి వచ్చేడు. ఈ క్రమంలో మంగళవారం ఉదయం పక్క పొలం రైతు అక్కడకు వెళ్లి చూడగా జనార్దన్‌ ట్రాక్టర్‌ కిందపడి చనిపోయి ఉన్నాడు. దీంతో అతడు ఈ విషయాన్ని కుటుంబీకులకు తెలుపగా వారు ఘటనాస్థలికి చేరుకున్నారు. ఈ ఘటనపై మృతుడి భార్య లక్ష్మి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై శ్రీకాంత్‌ తెలిపారు. మృతుడికి ఇద్దరు కుమారులు, ఒక కూతురు ఉన్నారు.

● అధికారుల సమీక్షలో వరంగల్‌ కలెక్టర్‌ డాక్టర్‌ సత్యశారద ఖిలా వరంగల్‌/న్యూశాయంపేట: ఎల్‌నినో ప్రభా వంతో వరికి బదులు ప్రత్యామ్నాయంగా ఆరుతడి పంటలు వేసుకునేలా రైతులకు అవగాహన కల్పించాలని వరంగల్‌ కలెక్టర్‌ డాక్టర్‌ సత్యశారద వ్యవసాయ, ఉద్యానశాఖ అధికారులు ఆదేశించారు. ఈమేరకు మంగళవారం కలెక్టరేట్‌లో వ్యవసాయ, ఉద్యానశాఖ అధికారులతో కలెక్టర్‌ సత్యశారద సమీక్ష సమావేశం నిర్వహించారు. ఈ సందర్భంగా ఆమె మాట్లాడుతూ గ్రామాల వారీగా పంటల పరిస్థతి, నీటి లభ్యతను అంచనా వేయాలని, పంటలు ఎండిపోయే పరిస్థితులున్న గ్రామాలు, నీటి కొరత ఏర్పడే ప్రాంతాలను క్షేత్రస్థాయిలో గుర్తించి నివేదికలు సమర్పించాలన్నారు. వర్షపాతం, భూగర్భ జలాలు, సాగునీటి వనరుల లభ్యతపై సమగ్ర సమాచారం సేకరించాలని పేర్కొన్నారు. కార్యక్రమంలో అదనపు కలెక్టర్‌ వైవీ గణేశ్‌, జిల్లా వ్యవసాయాధికారి విజయభాస్కర్‌, ఉద్యాన శాఖ అధికారి శ్రీనివాస్‌రావు, డీఆర్డీఓ నాగ పద్మజ, పశు సంవర్థకశాఖ అధికారి డాక్టర్‌ బాలాజీ, సీపీఓ చంద్రకళ, ఆర్‌డబ్ల్యూఎస్‌ అధికారి నిర్మల తదితరులు పాల్గొన్నారు. నేడు కలెక్టరేట్‌లో బతుకమ్మ వేడుకలు.. వరంగల్‌ కలెక్టరేట్‌లో బుధవారం సాయంత్రం నాలుగునుంచి ఆరు గంటల వరకు బతుకమ్మ వేడుకలు, ముగ్గులపోటీ, పాటలు, అంత్యాక్షరి, స్టాండప్‌ కామెడీ పోటీలు నిర్వహించనున్నట్లు కలెక్టర్‌ సత్యశారద తెలిపారు. కలెక్టరేట్‌ అధికారులు, మహిళా ఉద్యోగులు, సిబ్బంది హజరై విజయవంతం చేయాలని కోరారు.

ఖిలా వరంగల్‌ : ప్రజల ప్రాణాలు రక్షించడమే ఆపదమిత్ర లక్ష్యమని టీజీ ఎస్పీ నాలుగో బెటాలియన్‌ కమాండెంట్‌ ఎన్‌వీఎస్‌ శ్రీనివాసరావు అన్నారు. విపత్తుల సమయంలో బాధితులను రక్షించి, సమాజానికి అండగా నిలిచేవారే నిజమైన ఆపద మిత్రులని పేర్కొన్నారు. ఆపద మిత్ర పథకంలో భాగంగా మామునూరు టీజీ ఎస్పీ నాలుగో బెటాలియన్‌లో 373 మంది ఎన్‌సీసీ కేడెట్లకు 7రోజుల పాటు నిర్వహించిన శిక్షణ శిబిరం మంగళవారం ముగిసింది. ముఖ్యఅతిథిగా కమాండెంట్‌ ఎన్‌వీఎస్‌ శ్రీనివాసరావు హాజరై శిక్షణార్థులకు సర్టిఫికెట్లను అందజేసి మాట్లాడారు. శిక్షణలో ప్రథమ చికిత్స, సీపీఆర్‌, బేసిక్‌ లైఫ్‌, సపోర్‌, రక్తస్రావం నియంత్రించే పద్ధతులు, ఎముకలు, కండరాలకు గాయాలైనప్పుడు తీసుకోవాల్సిన జాగ్రత్తలపై అవగాహన కల్పించామన్నారు. అగ్నిప్రమాదాల సమయంలో స్పందించే విధానాలు, భవనాల్లో చిక్కుకున్న బాధితులను సురక్షితంగా బయటకు తీసుకొచ్చే విధానంపై శిక్షణ ఇచ్చామని వివరించారు. ఎస్‌డీఆర్‌ఎఫ్‌ఆర్‌ఐ రవి, ఆర్‌ఎస్సై శ్రీను, ఎన్‌సీసీ అధికారులు పాల్గొన్నారు. టీజీఎస్పీ నాలుగో బెటాలియన్‌ కమాండెంట్‌ శ్రీనివాసరావు ముగిసిన యువ ఆపదమిత్ర శిక్షణ

వరంగల్‌లో ఆపరేషన్‌ చెబుత్రా గ్రేటర్‌ వరంగల్‌ మహానగరంలో నేరాల నియంత్రణకు ఆదివారం రాత్రి నుంచి సోమవారం తెల్లవారు జాము వరకు విస్తృత తనిఖీలు నిర్వహించారు. వాతావరణం జిల్లాలో ఉదయం మంచుకురుస్తుంది. మధ్యాహ్నం ఎండ తీవ్రత ఎక్కువగా ఉంటుంది. రాత్రి చల్లగాలులు వీస్తాయి. వరంగల్‌ అర్బన్‌: గ్రేటర్‌ వరంగల్‌ నగర అభివృద్ధి కార్యక్రమాలకు పూర్తిస్థాయిలో నిధులు అందుబాటులో లేక బల్దియా అధికారులు అయోమయ పరిస్థితి ఎదుర్కొంటున్నారు. ఈనేపథ్యంలో కొన్నేళ్లుగా ఎదురు చేస్తున్న మున్సిపల్‌ బాండ్ల ద్వారా నిధుల సేకరణకు రాష్ట్ర పురపాలక శాఖ అడినిస్ట్రేషన్‌ కార్యదర్శి, సీడీఎంఏ డాక్టర్‌ టీకే శ్రీదేవి గ్రీన్‌సిగ్నల్‌ ఇచ్చారు. సోమవారం హైదరాబాద్‌లో సీడీఎంఏ కార్యాలయంలో టీకే.శ్రీదేవితో జీడబ్ల్యూఎంసీ కమిషనర్‌ టి.వెంకన్న, అకౌంట్స్‌ అధికారి శివలింగం, ప్రపంచ బ్యాంకు ప్రతినిధులు, అకౌంట్స్‌ అధికారులతో కలిసి మున్సిపల్‌ బాండ్ల ద్వారా నిధుల సమీకరణపై సమీక్ష సమావేశం నిర్వహించారు. ఈసందర్భంగా మున్సిపల్‌ బాండ్ల జారీకి అవసరమైన కార్యాచరణ ప్రణాళిక, నిధుల సమీకరణ విధానాలు, స్థానిక సంస్థల ఆర్థిక స్వావలంబన, నగర మౌలిక సదుపాయాల అభివృద్ధి తదితర అంశాలపై చర్చించారు. నాలుగేళ్ల క్ర అర్హత గ్రేటర్‌ వరంగల్‌కు 2022లో ఇండియా రేటింగ్‌ సంస్థ జాతీయ స్థాయిలో స్థిరత్వం (–ఎ) రేటింగ్‌ ఇచ్చింది. దీంతో అప్పట్లో రూ.100 కోట్ల రుణ అర్హత సాధించింది. అదే ఏడాది నవంబరులో దీనిపై కౌన్సిల్‌ తీర్మానించి ప్రభుత్వానికి నివేదించింది. కానీ, పెండింగ్‌లో ఉంది. ప్రస్తుతం రేటింగ్‌ ప్రకారం రూ.180 కోట్ల మేరకు రుణాన్ని తీసుకునే అవకాశం ఉందని అధికారులు భావిస్తున్నారు. నగరంలో మౌలిక వసతుల కల్పన, పరిపాలన నిర్వహణకు అయ్యే వ్యయం, వివిధ ఆర్థిక వనరుల ద్వారా వచ్చే ఆదాయానికి ఎక్కడా పొంతన కుదరట్లేదు. ఆ దిశగా సంస్కరణలు చేపట్టడంలో బల్దియా అధికార యంత్రాంగం అడుగడునా విఫలమవుతోంది. ఇక కేంద్ర, రాష్ట్ర ప్రభుత్వాల నుంచి నామమాత్రంగా నిధులు మంజూరవుతున్నాయి. ఈనేపథ్యంలో బాండ్ల ద్వారా రుణాలు సేకరించాలని నిర్ణయం తీసుకున్నారు. అర్హత సాధించాం.. మున్సిపల్‌ బాండ్ల జారీకి గ్రేటర్‌ వరంగల్‌ మున్సిపల్‌ కార్పొరేషన్‌ అర్హత కలిగి ఉంది. మార్గదర్శకాలకు అనుగుణంగా అవసరమైన కార్యాచరణ ప్రణాళికను రూపొందిస్తాం. బాండ్ల ద్వారా నిధులను సమీకరించి నగరంలో మౌలిక సదుపాయాలను మరింత విస్తరించడంతో పాటు అభివృద్ధి పనులను వేగవంతం చేసి ప్రజలకు మెరుగైన పౌర సేవలు అందిస్తాం. – వెంకన్న, జీడబ్ల్యూఎంసీ కమిషనర్‌ మున్సిపల్‌ బాండ్లతో రూ.180 కోట్ల రుణ అర్హత గ్రీన్‌ సిగ్నల్‌ ఇచ్చిన సీడీఎంఏ టీకే శ్రీదేవి హైదరాబాద్‌లో జరిగిన సమావేశంలో నిర్ణయం

మంగళవారం శ్రీ 13 శ్రీ అక్టోబర్‌ శ్రీ 2026ఎస్‌ఐల ఎపిసోడ్‌ పూర్తి.. సర్కిల్‌ ఇన్‌స్పెక్టర్ల సీన్‌ మొదలు సాక్షిప్రతినిధి, వరంగల్‌ : పోలీస్‌ వర్గాల్లో బదిలీల కాక మొదలైంది. వరంగల్‌ పోలీస్‌ కమిషనరేట్‌ పరిధిలో ఎస్‌ఐల బదిలీల పర్వం ముగియడంతో ఇప్పుడు అందరి చూపు సర్కిల్‌ ఇన్‌స్పెక్టర్‌ పోస్టింగ్‌లపై పడింది. ఈ నెల 10న ఏకంగా 35 మంది ఎస్‌ఐలను బదిలీ చేస్తూ ఉత్తర్వులు వెలువడిన విషయం తెలిసిందే. తదుపరి వంతు పోలీస్‌ స్టేషన్ల ఎస్‌హెచ్‌ఓలుగా ఉన్న ఇన్‌స్పెక్టర్లదేనన్న ప్రచారం జరుగుతోంది. గత ఆగస్టులో 22మంది ఇన్‌స్పెక్టర్లకు స్థానచలనం కలిగింది. ధర్మసాగర్‌, ఎల్కతుర్తి, పరకాల, ఆత్మకూరు, హనుమకొండ ఉమెన్‌ ఠాణాలతో పాటు పలుచోట్ల పోస్టింగ్‌ ఇచ్చారు. దసరా తర్వాత కమిషనరేట్‌ పరిధిలో పలువురు సీఐలకు స్థానచలనం ఉంటుందన్న చర్చ పోలీసు వర్గాల్లో వేడెక్కిస్తోంది. ‘కీలక’ ఠాణాల కోసం కుస్తీ.. కమిషనరేట్‌ సర్కిళ్ల పరిధిలో పట్టు.. కీలక స్టేషన్‌లో పోస్టింగ్‌.. ఇదే లక్ష్యంగా పలువురు సీఐలు పావులు కదుపుతున్నట్లు ప్రచారం జరుగుతోంది. కేయూసీ, సుబేదారి, హనుమకొండ, ఇంతేజార్‌ గంజ్‌, మట్వాడా, కేయూసీ, మడికొండతో తొమ్మిది పోలీస్‌స్టేషన్లలో పోస్టింగ్‌లపై కొందరు కన్నేసినట్లు ప్రచారం జరుగుతోంది. కేయూసీ, సుబేదారి ఠాణాల కోసం ఓ ఎస్బీ ఇన్‌స్పెక్టర్‌, వర్ధన్నపేట నియోజకవర్గంలో పనిచేసిన ఓ సీఐ ఇప్పటికే సిఫారసు లేఖలు పొందారన్న చర్చ ఉంది. గ్రేటర్‌ వరంగల్‌లోని ఓ ట్రాఫిక్‌ సీఐకి కూడా స్థానచలనం తప్పనిసరి అని చెబుతున్నారు. పదవీకాలం ఏడాది పూర్తయిన వాటిపై, స్టేషన్‌కు కొచ్చి కొద్దిరోజులే అయినా వివాదాస్పదంగా మారిన ఠాణాలపై కొందరు కన్నేసినట్లు సమాచారం. ఆశించిన పోస్టింగ్‌ దక్కించుకునేందుకు తమకున్న పరిచయాలను ఉపయోగించుకుంటున్నారన్న మాటలు వినిపిస్తున్నాయి. ఎవరికి ‘స్టేషన్‌’.. ఎవరికి ‘వీఆర్‌’? కమిషనరేట్‌లో పోస్టింగ్‌ కోసం స్థానిక అధికారులే కాకుండా పొరుగు జిల్లాల్లో పనిచేస్తున్న కొందరు ఇన్‌స్పెక్టర్లు కూడా ప్రయత్నాలు చేస్తున్నట్లు సమాచారం. గతంలో కమిషనరేట్‌ పరిధిలో పనిచేసి పలు వివాదాలను ఎదుర్కొన్న వారు పరిస్థితులు మారడంతో మళ్లీ వచ్చేందుకు సిద్ధమయ్యారు. ఐజీ అటాచ్డ్‌లో ఉన్న ఇద్దరు సీఐలు, 2012 బ్యాచ్‌కు చెందిన మరో ఇన్‌స్పెక్టర్లు తమకు అనుకూలమైన పోస్టింగ్‌ కోసం ఇప్పటికే సంప్రదింపులు జరిపారన్న ప్రచారం జరుగుతోంది. ఉత్తర్వులు వెలువడటమే తరువాయి అన్న ప్రచారం వారి సహచరుల్లో వినిపిస్తోంది. దీంతో స్థానికంగా పనిచేస్తున్నవారికి ఎలాంటి పోస్టింగ్‌లు దక్కుతాయి? బయట నుంచి వచ్చేవారికి ఏయే బాధ్యతలు అప్పగిస్తారు? అన్నది ఆసక్తికరంగా మారింది. ఇదిలా ఉండగా ఎస్‌ఐల బదిలీలతో మొదలైన కదలిక.. సీఐల వరకు విస్తరిస్తుందన్న ప్రచారంతో ఆశావహులు ఎదురుచూస్తున్నారు. దసరా తర్వాత బదిలీల జాబితా వెలువడుతుందా? కీలకస్ట్టేషన్లలో కొత్త ముఖాలు కనిపిస్తాయా? పొరుగు జిల్లాలనుంచి ఎంతమందికి అవకాశం దక్కుతుంది? అన్నది పోలీస్‌ వర్గాల్లో చర్చనీయాంశంగా మారింది. దసరా సెలవులు వచ్చాయి. ఈ సెలవుల్లో పిల్లలు పుస్తకాలు చదువుతున్నారా.. ఏమైనా ఆటలు ఆడుతున్నారా.. మీలోని సృజనాత్మకతతో బొమ్మలు గీస్తున్నారా.. సరదాగా అమ్మ మ్మ, నానమ్మ.. తాతయ్యతో గడుపుతున్నారా.. మీరు చేసే మంచి పనిని మాతో పంచుకోండి.. మేం ప్రచురిస్తాం. మీరు చేయాల్సిందల్లా మీరు చేసే మంచి పనిని సెల్ఫీతో ఫొటో తీసి మీ పేరు, ఊరు వివరాలను నాలుగు లైన్లలో రాసి ఫొటోతోపాటు ఈ కింది నంబర్‌కు వాట్సాప్‌ చేయండి. మీ సృజన..వరంగల్‌ కమిషనరేట్‌లో బదిలీల కలకలం కీలక ఠాణాలపై గురి.. కొందరి చేతిలో లేఖలు? పొరుగు జిల్లాలనుంచి ‘ఇన్‌’ అయ్యేందుకూ యత్నాలు.. దసరా తర్వాత మార్పులంటూ పోలీసు వర్గాల్లో చర్చకమిషనరేట్‌పై పట్టుబిగిస్తున్న సీపీ.. వరంగల్‌ పోలీస్‌ కమిషనర్‌గా జూలై 1న బాధ్యతలు చేపట్టిన ఎన్‌.శ్వేత కమిషనరేట్‌పై పట్టు బిగించారు. సీపీగా ఉద్యోగ బాధ్యతలు చేపట్టిన కొద్ది రోజుల్లోనే మెజార్టీ పోలీస్‌ స్టేషన్లను విజిట్‌ చేసి పోలీసులు, అధికారులతో మాట్లాడి యోగక్షేమాలు, శాంతిభద్రతలపై ఆరా తీశారు. సబ్‌డివిజన్లు, పోలీస్‌ స్టేషన్ల వారీగా నేరాల నమోదు, పరిశోధన, ప్రజా ఫిర్యాదుల పరిష్కారంపై ప్రత్యేక దృష్టి సారిస్తున్న ఆమె నేరుగా బాధితులతో మాట్లాడుతున్నారు. డ్రగ్స్‌ నియంత్రణకు మహిళా సంఘాల సమన్వయంతో ‘సంఘమిత్ర’ గ్రూపులను ఏర్పాటు చేశారు. ఆన్‌లైన్‌, మోసాలు, రోడ్డు ప్రమాదాలు, డ్రంకెన్‌డ్రైవ్‌, సైబర్‌క్రైంలపై విద్యాలయాలు, పౌరులతో అవగాహన సదస్సులు నిర్వహిస్తున్నారు. ఇదే సమయంలో శాంతిభద్రతల పరిరక్షణలో పోలీసు అధికారుల పని తీరుపైనా ఎప్పటికప్పుడు గ్రేడింగ్‌ చేస్తున్నారు. బదిలీలు, పనిష్‌మెంట్లతో కట్టుదాటితే ఎవరిపైన అయినా చర్యలు తప్పవన్న సంకేతాలు ఇస్తున్నారు.

గచ్చిబౌలి : ఓఎల్‌ఎక్స్‌లో ఐఫోన్‌ కొనేందుకు రూ.80 వేలు చెల్లించి ఓ సాఫ్ట్‌వేర్‌ ఇంజనీర్‌ మోసపోయాడు. తాను సైతం అదే రీతిలో మోసాలకు పాల్పడుతూ ఎట్టకేలకు పోలీసులకు చిక్కాడు. మాదాపూర్‌ ఏసీపీ సీహెచ్‌.శ్రీధర్‌ సోమవారం రాయదుర్గం పీఎస్‌లో నిర్వహించిన విలేకరుల సమావేశంలో వివరాలు వెల్లడించారు. హనుమకొండలోని రెడ్డి కాలనీకి చెందిన బత్తుల శ్రీరాం ఓఎల్‌ఎక్స్‌లో విలువైన యాపిల్‌, శ్యామ్‌సంగ్‌ సెకండ్‌ హ్యాండ్‌ ఫోన్లను విక్రయిస్తానని నమ్మించి రూ.లక్ష తీసుకుని మోసం చేశాడని రాయదుర్గంలో నివాసం ఉండే కేరళకు చెందిన అభిషేక్‌ ఫిర్యాదు చేయగా కేసు నమోదు చేశారు. నిందితుడు నిఖిల్‌ అలియాస్‌ మనోజ్‌ పేరిట మోసాలకు పాల్పడినట్లు పోలీసుల విచారణలో వెల్లడైంది.ఈ క్రమంలో సోమవారం ప్రగతినగర్‌లో శ్రీరాంను అరెస్ట్‌ చేసి యాపిల్‌ ఐఫోన్‌ 15 ప్రోమ్యాక్స్‌, రియల్‌ సీటీ6టీ ఫోన్లను స్వాధీనం చేసుకున్నారు. అలాగే అతను 17 కేసుల్లో నిందితుడిగా ఉన్నట్లు తేలింది. కాగా మోసం చేసి సంపాదించిన డబ్బుతో ఆన్‌లైన్‌ బెట్టింగ్‌లకు పాల్పడుతున్నట్లు పోలీసుల విచారణలో తేలింది. సమావేశంలో రాయదుర్గం ఎస్‌హెచ్‌ఓ భూపతి, డీఐ రాంరెడ్డి తదితరులు పాల్గొన్నారు. సాఫ్ట్‌వేర్‌ ఇంజనీర్‌ అరెస్ట్‌ చీటింగ్‌ చేసిన డబ్బుతో ఆన్‌లైన్‌ బెట్టింగ్‌ నిందితుడిపై 17కేసులు నమోదు

హన్మకొండ: శీతాకాలం వచ్చినా ఎల్‌నినో ప్రభావంతో ఉమ్మడి వరంగల్‌ జిల్లాలో ఎండలు భగ్గుమంటున్నాయి. ఉక్కపోతతో ప్రజలు ఉక్కిరిబిక్కిరవుతున్నారు. దీనికితోడు వర్షాభావ పరిస్థితులు నెలకొన్నాయి. సాగు కోసం భూగర్భ జలాలు తోడేందుకు విద్యుత్‌ వినియోగం పెరిగింది. దీనికి తోడు గృహాలు, వ్యాపార వాణిజ్యసంస్థలు, పరిశ్రమల్లో ఉష్ణోగ్రతలు పెరగడంతో ఉక్కపోత భరించలేక కూలర్లు, ఏసీల వినియోగం కొనసాగుతోంది. దీంతో గతేడాదితో పోలిస్తే ఈసారి విద్యుత్‌ వినియోగం బాగా పెరిగింది. ఈ క్రమంలో విద్యుత్‌ డిమాండ్‌ రోజురోజుకూ పెరుగుతోంది. ఈ డిమాండ్‌ నిలకడగా కాకుండా రోజూ పెరుగుతూ రికార్డులు బ్రేక్‌ చేస్తోంది. టీజీ ఎన్పీడీసీఎల్‌లో అధికశాతం వ్యవసాయానికి, గృహ అవసరాలు, వ్యాపార వాణిజ్య అవసరాలు, చిన్న చిన్న పరిశ్రమలకు విద్యుత్‌ వినియోగిస్తారు. భారీ పరిశ్రమలు పెద్దగా లేవు. అయినా విద్యుత్‌ డిమాండ్‌ విపరీతంగా పెరుగుతోంది. సెప్టెంబర్‌ 9న వేసవిని మించి రికార్డు స్థాయిలో 6,948 మెగావాట్ల గరిష్ట డిమాండ్‌ నమోదైంది. అంతకు ముందు మార్చి 27న నమోదైన 6,574 మెగావాట్ల డిమాండ్‌ అత్యధికం. దీన్ని బ్రేక్‌ చేస్తూ సెప్టెంబర్‌ 9న రికార్డు స్థాయిలో డిమాండ్‌ నమోదైంది. రాష్ట్రంలో గరిష్టంగా 19,543 మెగావాట్ల డిమాండ్‌ నమోదైంది. మార్చిలో అత్యధికంగా నమోదైన 18,548 మెగావాట్ల డిమాండ్‌ను అధిగమించి ఇప్పుడు ఆల్‌టైం రికార్డు నమోదైంది. వ్యవసాయ మోటార్లు ఆన్‌.. ప్రస్తుత వర్షాకాలమైనా చినుకు జాడలేదు. పంటలు పూర్తిగా భూగర్భజలాలపై ఆధారపడి సాగు చేశారు. భూగర్భజలాలు తోడి వరితో పాటు మెట్ట పంటలకు తడులు ఇస్తున్నారు. ఆరుతడి పంటలకు నీరు అవసరం కావడంతో వ్యవసాయ అవసరాలకు విద్యుత్‌ వినియోగం పెరిగింది. ఉమ్మడి వరంగల్‌ జిల్లాలో ఈ వానా కాలంలో అన్ని పంటలు కలిపి 14,48,052 ఎకరాల్లో సాగు చేశారు. ఇందులో వరి 6,91,997 ఎకరాలు, మొక్కజొన్న 1,00,976, పత్తి 7,99,799 ఎకరాల్లో సాగు చేశారు. ఉమ్మడి వరంగల్‌ జిల్లాలో.. ఉమ్మడి జిల్లాలో విద్యుత్‌ డిమాండ్‌ ఈ నెల 6న 2,012 మెగావాట్లు, 7న 2,022, 8న 2,017, 9న 2,025, 10న 2,106, 11న 2,072 మెగావాట్లకు చేరుకుంది. గతేడాది అక్టోబర్‌ 6న 939 మెగావా ట్లు, 7న 1,026, 8న 1,206, 8న 1,364, 9న 1,269, ఈ నెల 11న 1,333 మె గావాట్ల డిమాండ్‌ నమోదైంది. విద్యుత్‌ వినియోగం చూస్తే ఈ నెల 6న 25.135, 7న 24.222, 8న 25.785, 9న 25.267, 10న 25.769, ఈ నెల 11న 28.552 మిలి యన్‌ యూనిట్లు వాడారు. గతేడాది అక్టోబర్‌ 6న 13.551 మిలియన్‌ యూనిట్లు, 7న 15.152. 8న 17.191, 9న 18.062, 10న 18.932, 11వ తేదీన 18.323 మిలియన్‌ యూనిట్లుగా నమోదైంది.2072 మెగావాట్లుప్రస్తుతం గతేడాది విద్యుత్‌ డిమాండ్‌ 18.932 మిలియన్‌ యూనిట్లు28.552 మిలియన్‌ యూనిట్లు పెరిగిన ఏసీలు, కూలర్ల వినియోగం గిరగిరా తిరుగుతున్న మీటర్లు

కాజీపేట/హన్మకొండ : సుదీర్ఘ పోరాటంతో సాధించుకున్న తెలంగాణ కాంగ్రెస్‌ చేతిలో చిక్కి విలవిలలాడుతుంటే ప్రజలు మళ్లీ సీఎంగా కేసీఆర్‌ పాలనే రావాలని కోరుకుంటున్నట్లు మాజీ మంత్రి సత్యవతి రాథోడ్‌ అన్నారు. కాజీపేట వడ్డేపల్లి ట్యాంక్‌బండ్‌పై మాజీ ఎమ్మెల్యే దాస్యం వినయ్‌భాస్కర్‌ ఆధ్వర్యంలో సోమవారం రాత్రి బతుకమ్మ ఉత్సవాలు నిర్వహించారు. అంతకుముందు బాలసముద్రంలోని బీఆర్‌ఎస్‌ కార్యాలయంలో బీఆర్‌ఎస్‌ మహిళా నాయకులతో కలిసి ఆమె బతుకమ్మ పేర్చారు. ఈసందర్భంగా సత్యవతి రాథోడ్‌ మాట్లాడుతూ బతుకమ్మ పండుగను రాష్ట్ర పండుగగా గుర్తించాల్సిన ప్రభుత్వం నీమ్మకు నీరెత్తినట్లుగా వ్యవహరిస్తోందన్నారు. ప్రస్తుతం కాంగ్రెస్‌ పాలనలో రైతుల కళ్లలో కన్నీళ్లు కనిపిస్తున్నాయని, బతుకమ్మ ఘాట్ల నిర్వహణ కూడా నిర్లక్ష్యానికి గురైందన్నారు. ఉత్సవాల్లో మాజీ డిప్యూటీ స్పీకర్‌ పద్మా దేవేందర్‌రెడ్డి, మాజీ విప్‌ గొంగిడి సునీత, మాజీ ఎంపీ మాలోతు కవిత, నాయకురాళ్లు తుల ఉమ, పావనిగౌడ్‌, దాస్యం రేవతి, డాక్టర్‌ హరిరమాదేవి, ఏల్లావుల లలిత యాదవ్‌, మర్రి యాదవరెడ్డి, ఒద్దిరాజు గణేశ్‌, జోరిక రమేశ్‌ పాల్గొన్నారు. మాజీ మంత్రి సత్యవతి రాథోడ్‌ హనుమకొండలో బతుకమ్మ వేడుకలు

డీఎల్‌ఎస్‌ఏ కార్యదర్శి కె.పూజ వరంగల్‌ లీగల్‌: ఈ నెల 21న నిర్వహించే ప్రత్యేక లోక్‌ అదాలత్‌ను సద్వినియోగం చేసుకోవాలని వరంగల్‌ జిల్లా న్యాయసేవాధికార సంస్థ కార్యదర్శి కందుకూరి పూజ తెలిపారు. సోమవారం జిల్లా కోర్టు ప్రాంగణంలోని న్యాయసేవాధికార సంస్థ కార్యాలయంలో నిర్వహించిన మీడియా సమావేశంలో ఆమె మాట్లాడుతూ.. వరంగల్‌ జిల్లా న్యాయ సేవాధికార సంస్థ ఆధ్వర్యంలో వరంగల్‌ జిల్లా కోర్టు, నర్సంపేట కోర్టుల్లో లోక్‌ అదాలత్‌ నిర్వహించనున్నట్లు పేర్కొన్నారు. ఈప్రత్యేక లోక్‌ అదాలత్‌లో చెక్‌ బౌన్స్‌, ప్రీ–లిటిగేషన్‌తో పాటు ఇతర రాజీపడదగిన కేసులను ఇరుపక్షాల అంగీకారంతో పరిష్కరించుకోవచ్చని సూచించారు. ఈ ప్రత్యేక లోక్‌ అదాలత్‌కు సంబంధించి అక్టోబర్‌ 12 నుంచి నవంబర్‌ 20 వరకు ప్రీ–లోక్‌ అదాలత్‌ ప్రక్రియ కొనసాగుతుందని, వరంగల్‌లో రెండు, నర్సంపేటలో ఒకటి చొప్పున మొత్తం మూడు బెంచ్‌లు ఏర్పాటు చేసినట్లు వివరించారు. చెక్‌ మొత్తంపై రాజీకి శ్రీరామ్‌ చిట్స్‌ ఫైనానన్స్‌ 30 శాతం, చోలమండలం ఫైనాన్స్‌ 50 శాతం డిస్కౌంట్‌ ప్రకటించినట్లు వెల్లడించారు. కక్షిదారులు తమ కేసుల వివరాలను సంబంధిత కోర్టుల్లో తెలియజేసి, న్యాయవాదులతో కలిసి హాజరై ఈ అవకాశాన్ని సద్వినియోగం చేసుకోవాలని కోరారు. లోక్‌ అదాలత్‌లో అధిక కేసుల పరిష్కారానికి న్యాయమూర్తులు, పోలీసు అధికారులు, న్యాయవాదులు, బ్యాంకులు, చిట్‌ఫండ్‌ సంస్థల ప్రతినిధులతో సమావేశాలు నిర్వహిస్తున్నట్లు తెలిపారు. కక్షిదారులు, న్యాయవాదులు సద్వినియోగం చేసుకోవాలని సూచించారు.

● ఎన్నో ఏళ్లుగా సేవలందిస్తున్న ఎన్‌హెచ్‌ఎం ఉద్యోగులందరిని కాంటినెంట్‌ నుంచి డాక్టర్‌ వరకు నిబంధనల ప్రకారం షరతులు లేకుండా క్రమబద్ధీకరించాలి. ● అన్ని కేడర్ల ఉద్యోగులకు ఉద్యోగ భద్రత కల్పించాలి. ● పీఆర్‌సీ, న్యాయమైన వేతనాలు, వందశాతం గ్రాస్‌ శాలరీ అంశాలను పరిష్కరించాలి. ● 5శాతం వార్షిక ఇంక్రిమెంట్‌, 8 శాతం లాయల్టీ బోనస్‌ డిమాండ్లపై నిర్ణయం తీసుకోవాలి. ● అర్హులైన మహిళా ఉద్యోగులకు 180 రోజుల ప్రసూతి సెలవు మంజూరు చేయాలి. ● ఉద్యోగులకు ఆరోగ్య బీమా, ఇతర సంక్షేమ పథకాలు అమలు చేయాలి. ● వివిధ కేడర్ల మధ్య వేతన, సేవా ప్రయోజనాల వ్యత్యాసాలను న్యాయబద్ధంగా సమీక్షించాలి.● నేటినుంచి అన్ని జిల్లాల కలెక్టరేట్ల ఎదుట ఆందోళన ● సమస్యలు పరిష్కరించే వరకు వెనక్కి తగ్గేది లేదు● 17వేల మంది ఉద్యోగుల ఐక్యపోరాటంహన్మకొండ అర్బన్‌ /కాశిబుగ్గ : రాష్ట్రవ్యాప్తంగా జాతీయ ఆరోగ్య మిషన్‌ (ఎన్‌హెచ్‌ఎం) పరిధిలో పనిచేస్తున్న ఉద్యోగులంతా నేటినుంచి (మంగళవారం) నిరవధిక సమ్మె చేపట్టనున్నారు. తమ న్యాయమైన డిమాండ్లను పరిష్కరించాలని ఆయా జిల్లాల కలెక్టరేట్ల ఎదుట నిరవధిక సమ్మెకు పిలుపునిచ్చారు. రాష్ట్రవ్యాప్తంగా 33 జిల్లాల్లో 78 క్యాడర్లకు సంబంధించిన సుమారు 17వేల మంది ఉద్యోగులు ఏకతాటిపై వచ్చి ఎన్‌హెచ్‌ఎం జేఏసీ ఎంప్లాయీస్‌ తెలంగాణ స్టేట్‌ ఆధ్వర్యంలో ఉద్యమాన్ని నిర్వహిస్తున్నామని రాష్ట్ర వ్యవస్థాపక అధ్యక్షుడు డాక్టర్‌ పుట్ట మహేందర్‌రావు, వర్కింగ్‌ ప్రెసిడెంట్‌ డాక్టర్‌ తంగళ్లపల్లి భరత్‌కుమార్‌, ప్రధాన కార్యదర్శి ఎండీ రుక్ముద్దీన్‌ వివరించారు. గ్రామ స్థాయినుంచి పట్టణాల వరకు.. గ్రామ స్థాయినుంచి పట్టణాల వరకు ప్రభుత్వ ఆరోగ్య సేవలను ప్రజలకు చేరవేయడంలో ఎన్‌హెచ్‌ఎం ఉద్యోగులు కీలకంగా వ్యవహరిస్తున్నారు. వీరిలో వైద్యులు, సూపర్‌వైజర్లు, ఏఎన్‌ఎంలు, స్టాఫ్‌ నర్సులు, ల్యాబ్‌ టెక్నిషియన్లు, ఫార్మసిస్టులు, ప్రోగ్రామ్‌ మేనేజ్‌మెంట్‌ సిబ్బందితో పాటు వివిధ క్యాడర్ల ఉద్యోగులు సేవలందిస్తారు. తమ సమస్యలపై ప్రభుత్వం స్పందించకుండా జ్యాపం చేస్తున్నందున నిరవధిక సమ్మెకు పిలుపునిచ్చినట్లు జేఏసీ నాయకులు తెలిపారు. ఉద్యోగుల సమస్యలపై చర్చించి రెగ్యులరైజేషన్‌తో పాటు ఇతర న్యాయమైన డిమాండ్లపై స్పష్టమైన నిర్ణయం ప్రకటించాలి. సుప్రీంకోర్టు ఆదేశాల మేరకు ప్రతి ఎన్‌హెచ్‌ఎం క్యాడర్‌ ఫిక్సేషన్‌ చేసి వందశాతం గ్రాస్‌ శాలరీ చెల్లించాలి. జీఓ 1195ను పున:పరిశీలించాలి. ఔట్‌ సోర్సింగ్‌ ఏజెన్సీలను రద్దు చేసి, ఎన్‌హెచ్‌ఎం ఉద్యోగులందరిని స్టేట్‌ హెల్త్‌ సొసైటీలో కొనసాగించి వారికి స్పర్శ ద్వారా వేతనాలు చెల్లించాలి. – డాక్టర్‌ తంగళ్లపల్లి భరత్‌కుమార్‌, వర్కింగ్‌ ప్రెసిడెంట్‌

ఐనవోలు : శరన్నవరాత్రి ఉత్సవాల్లో భాగంగా రెండో రోజు సోమవారం ఐనవోలు భ్రమరాంబికా అమ్మవారు బ్రహ్మచారిణి అలంకరణలో భక్తులకు దర్శనమిచ్చారు. ఈ సందర్భంగా ఉదయం సుప్రభాత సేవ, నిత్యహ్నికము, బాలానుష్టానములు, చతుఃస్థానార్చన, కుమారీపూజ తదితర కార్యక్రమాలు నిర్వహించారు. ఉప ప్రధాన అర్చకులు రవీందర్‌, ఈఓ సుధాకర్‌, అర్చకులు, సిబ్బంది భక్తులు పాల్గొన్నారు. వాల్‌పోస్టర్‌ ఆవిష్కరణ కేయూ క్యాంపస్‌ : కాకతీయ యూనివర్సిటీ మైక్రోబయాలజీ విభాగం ఆధ్వర్యంలో డిసెంబర్‌ 3, 4 తేదీల్లో నిర్వహించనున్న జాతీయ సదస్సు వాల్‌ పోస్టర్‌ను వీసీ ప్రొఫెసర్‌ కె.ప్రతాప్‌రెడ్డి సోమవారం ఆవిష్కరించారు. ‘మైక్రోబ్స్‌ ఫర్‌ సస్టైనబుల్‌ ఫ్యూచర్‌–ఇనోవేషన్స్‌ అండ్‌ ఎమర్జింగ్‌ ప్రర్సేపిక్టివ్స్‌’ అనే అంశంపై సద స్సు నిర్వహించనున్నట్లు విభాగాధిపతి డాక్టర్‌ ఈ.సుజాత, పి.వెంకటయ్య తెలిపారు. పరిశోధకులు, అధ్యాపకులు, విద్యార్థులు పరిశోధనా పత్రాలు సమర్పించాలని కోరారు. రిజిస్ట్రార్‌ రామచంద్రం, ఓఎస్డీ వెంకట్రామరెడ్డి, పాలక మండలి సభ్యులు, అధ్యాపకులు పాల్గొన్నారు. పర్వతగిరి : ప్రపంచ అథ్లెట్‌, తెలంగాణకు కీర్తి దీప్తి జీవంజీకి ప్రభుత్వం ఉద్యోగాన్ని కల్పించి ఉత్తర్వులు జారీ చేయాలని పారా అథ్లెటిక్స్‌ అసోసియేషన్‌ ఆఫ్‌ తెలంగాణ వ్యవస్థాపకుడు గాడిపెల్లి ప్రశాంత్‌ కోరారు. ఈ సందర్భంగా ఆయన మాట్లాడుతూ.. ఇప్పటి వరకు దీప్తికి నియామక ఉత్తర్వులు జారీచేయకపోవడంతో ఆవేదన వ్యక్తం చేశారు. అవసరమైన పత్రాలు, అర్హతల పరిశీలనను తక్షణమే పూర్తి చేయాలన్నారు. అంతర్జాతీయ స్థాయిలో తెలంగాణకు కీర్తి తెచ్చిన దీప్తికి తగిన గౌరవం కల్పిస్తూ ప్రభుత్వం తక్షణ చర్యలు తీసుకోవాలని విజ్ఞప్తి చేశారు. ముగిసిన ట్రైసిటీ హ్యాకథాన్‌ హసన్‌పర్తి : నగరంలోని కిట్స్‌ కళాశాలలో రెండ్రోజుల పాటు నిర్వహించిన ఏఐ హ్యాకథాన్‌ ఆదివారం రాత్రి ముగిసింది. దేశవ్యాప్తంగా 150 కళాశాలల నుంచి 1,500 మంది విద్యార్థులు ఈ కార్యక్రమంలో పాల్గొన్నారు. సెంటిల్‌ ఇండియా వ్యవస్థాపకుడు వంశీ ముఖ్యఅతిథిగా పాల్గొని మాట్లాడారు. విద్యార్థుల్లో ఆవిష్కరణాత్మక ఆలోచనలు, సాంకేతిక నైపుణ్యాలు, సమస్యల పరిష్కార సామర్ధ్యాలను పెంపొందించేందుకు హ్యాకథాన్‌ దోహదపడుతోందన్నారు. ఈ సందర్భంగా ప్రతిభ కనబరిచిన 15 జట్లకు రూ.50వేల నగదు బహుమతులతో పాటు ప్రశంసపత్రాలు అందించారు. కిట్స్‌ కళాశాల ప్రిన్సిపాల్‌ డాక్టర్‌ అశోక్‌రెడ్డి, సెంట్‌ ఇండియా సహ వ్యవస్థాపకుడు జి.సాయికృష్ణ, డాక్టర్‌ జ్యోతి, ప్రభాకరాచారి పాల్గొన్నారు.

హన్మకొండ అర్బన్‌: భూభారతి కింద మండలాల వారీగా పెండింగ్‌లో ఉన్న దరఖాస్తులను నెలాఖరులోగా పరిష్కరించాలని హనుమకొండ కలెక్టర్‌ చాహత్‌ బాజ్‌పాయ్‌ తహసీల్దార్లను ఆదేశించారు. భూముల రీసర్వేను మరింత వేగవంతం చేయాలని భూముల కొలతల శాఖ అధికారులకు సూచించారు. సోమవారం కలెక్టరేట్‌లో అదనపు కలెక్టర్‌ ఎన్‌.రవితో కలిసి ఆర్డీఓలు, తహసీల్దార్లు, భూముల కొలతల శాఖ అధికారులతో కలెక్టర్‌ సమీక్ష నిర్వహించారు. ఈసందర్భంగా మండలాల వారీగా పెండింగ్‌లో ఉన్న భూభారతి దరఖాస్తుల వివరాలు, భూముల రీసర్వే పురోగతిని అధికారులను అడిగి తెలుసుకున్నారు. అనంతరం కలెక్టర్‌ మాట్లాడుతూ రీసర్వే లక్ష్యాలను నిర్దేశిత సమయంలో పూర్తి చేసేందుకు అందుబాటులో ఉన్న రోవర్‌ పరికరాలను వినియోగించుకోవాలన్నారు. గ్రామాల్లో సర్వే పనులను వేగంగా పూర్తి చేసేలా సర్వేయర్లు చర్యలు తీసుకోవాలని ఆదేశించారు. సమావేశంలో హనుమకొండ, పరకాల ఆర్డీఓలు వెంకటేశ్‌, డీఎస్‌.వెంకన్న, భూముల కొలతల శాఖ ఏడీ నూర్‌సింగ్‌, తహసీల్దార్లు, సర్వేయర్లు పాల్గొన్నారు. హనుమకొండ కలెక్టర్‌ చాహత్‌ బాజ్‌పాయ్‌

ఖిలా వరంగల్‌ : పట్టాలు దాటుతుండగా రైలు ఢీకొని వడ్రంగి అక్కడికక్కడే మృతి చెందాడు. ఈ ఘటన సోమవారం వరంగల్‌ రైల్వే అండర్‌ బ్రిడ్జి సమీపంలో మేదరి వాడ ఎదుట చోటుచేసుకుంది. జీఆర్పీ పోలీసుల కథనం ప్రకారం.. జనగామ జిల్లా స్టేషన్‌ ఘన్‌పూర్‌ మండలం శివునిపల్లికి చెందిన కొండపర్తి సాంబయ్య చారి (55) వడ్రంగి పనిచేస్తూ జీవనం సాగిస్తున్నాడు. ప్రస్తుతం వరంగల్‌ అండర్‌ బ్రిడ్జి వద్ద గుడిసెల్లో నివాసముంటున్నాడు. పాత రైల్వేగేటు సమీపంలోని బీడీ లైన్‌ పట్టాలు దాటుతుండగా శాతవాహన ఎక్స్‌ప్రెస్‌ సాంబయ్య చారిని ఢీకొట్టింది.ఈ ప్రమాదంలో సాంబయ్యచారి తలకు తీవ్రగాయాలై మృతి చెందాడు. సమాచారం అందుకున్న జీఆర్పీ పోలీసులు అక్కడికి చేరుకుని వివరాలు నమోదు చేసి మృతదేహాన్ని ఎంజీఎం మార్చురీకి తరలించారు. సాంబయ్యచారి కుమార్తె రజిత ఫిర్యాదు మేరకు కేసు నమోదు చేసినట్లు జీఆర్పీ హెడ్‌కానిస్టేబుల్‌ భాస్కర్‌ తెలిపారు. రెగ్యులరైజ్‌ చేయాలని వినతి కేయూ క్యాంపస్‌ : రాష్ట్రంలోని 12విశ్వవిద్యాలయాల్లో పనిచేస్తున్న కాంట్రాక్ట్‌ అధ్యాపకులను రెగ్యులరైజ్‌ చేయాలని తెలంగాణ ఆల్‌ యూనివర్సిటీస్‌ కాంట్రాక్ట్‌ టీచర్స్‌ అసోసియేషన్‌ రాష్ట్ర అధ్యక్షుడు డాక్టర్‌ ఎం.రామేశ్వరరావు డిమాండ్‌ చేశారు. సో మవారం సంఘం నాయకులతో కలిసి రాష్ట్ర ఉ న్న త విద్యామండలి చైర్మన్‌కు బాలకిష్టారెడ్డి, కా ర్యదర్శి శ్రీరామ్‌ వెంకటేష్‌కు వినతిపత్రం అందజేశారు. గంజాయి స్వాధీనం కాశిబుగ్గ : వరంగల్‌ మట్టెవాడ పోలీస్‌ స్టేషన్‌ పరిధిలో సోమవారం నిర్వహించిన తనిఖీల్లో భారీగా గంజాయి స్వాధీనం చేసుకున్నారు. హంటర్‌ రోడ్డులోని ఏడు మోరీల వద్ద తనిఖీ చేస్తుండగా స్కూటీపై అనుమానంగా వెళ్తున్న ఇద్దరు మహిళలను సబ్‌ ఇన్‌స్పెక్టర్‌ ఎస్‌.శివకృష్ణ, సిబ్బంది అడ్డగించారు. విచారించగా వారి వద్ద ఉన్న లగేజీ బ్యాగ్‌లో తరలిస్తున్న 20 కిలోల 120గ్రాముల గంజాయి దొరికింది. గంజాయితో పాటు స్కూటీ, మొబైల్‌ ఫోన్లు స్వాధీనం చేసుకున్నారు.ఈ కేసులో కోరిడి లక్ష్మి, బెగారి శాంతిని అరెస్టు చేసి రిమాండ్‌కు తరలించినట్లు పోలీసులు వెల్లడించారు.

గ్రేటర్‌ గ్రీవెన్స్‌లో అర్జీదారుల మొర వరంగల్‌ అర్బన్‌: కాలనీల్లో సీసీ రోడ్లు, డ్రెయినేజీలు, తాగునీటి సమస్యలు పరిష్కరించాలని, అక్రమ నిర్మాణాలు తొలగించాలని పౌరులు అర్జీలు అందించారు. సోమవారం బల్దియా ప్రధాన కార్యాలయంలో నిర్వహించిన గ్రీవెన్స్‌లో అడిషనల్‌ కమిషనర్‌ జోనా, ఎస్‌ఈ రాజ్‌కుమార్‌, సిటీప్లానర్‌ రవీందర్‌ రాడేకర్‌ నగరవాసుల నుంచి అర్జీలు స్వీకరించారు. మొత్తం 73 వినతులు రాగా, అందులో టౌన్‌ప్లానింగ్‌ విభాగానికి 35, ఇంజనీరింగ్‌కు 22, ఆరోగ్యం, పారిశుద్ధ్యం 6, రెవెన్యూ 6, నీటి సరఫరా 4 అర్జీలు అందాయి. డీఎఫ్‌ఓ శంకర్‌లింగం, సీహెచ్‌ఓ లక్ష్మారెడ్డి, డిప్యూటీ కమిషనర్లు ప్రసన్నరాణి, సమ్మయ్య, సెక్రటరీ అనిల్‌బాబు ఉన్నారు. ఫిర్యాదుల్లో కొన్ని.. ● మడికొండ ఎస్సీ కాలనీ కమ్యూనిటీ హాల్‌ పక్కన రోడ్డు కబ్జా చేశారని, చర్యలు తీసుకోవాలని స్థానికులు ఫిర్యాదు చేశారు. ● 55వ డివిజన్‌ గోపాలపూర్‌లోని నక్షత్ర కాలనీలో సీసీ రోడ్డు, డ్రెయినేజీ సమస్యలు పరిష్కరించాలని, మారుతీ నగర్‌లో సీసీ రోడ్డు నిర్మించాలని అభివృద్ధి కమిటీ ప్రతినిధులు వేర్వేరుగా వినతులు అందించారు. ● పలివేల్పుల భగత్‌సింగ్‌నగర్‌లో ఓ వ్యక్తి రోడ్డు కు అడ్డంగా కంచె, మొరం పోసి బెదిరిస్తున్నారని కాలనీవాసులు ఫిర్యాదు చేశారు. ● 55వ డివిజన్‌ సాయినగర్‌ కాలనీకి తాగునీటి పైప్‌లైన్‌ నిర్మించాలని, మడికొండ సాయినగర్‌ కాలనీలో నీటి సమస్య పరిష్కరించాలని వేర్వేరుగా దరఖాస్తులు అందించారు. ● వరంగల్‌ బెస్తం చెరువు సత్యసాయి నగర్‌ కాలనీలో తాగునీటి సదుపాయం కల్పించాలని కాలనీవాసులు విన్నవించారు. ● 20వ డివిజన్‌ కాశిబుగ్గ కొండా లక్ష్మణ్‌ బాపూజీ మార్గ్‌లో డ్రెయినేజీ నిర్మించాలని కోరారు. ● 43వ డివిజన్‌ లక్ష్మీపురంలోని 200 గుడిసెవాసులకు ఇళ్ల నంబర్లు కేటాయించి, మౌలిక వసతులు కల్పించాలని సీపీఐ వరంగల్‌ జిల్లా కార్యదర్శి షేక్‌ బాష్‌మియా ఫిర్యాదు అందించారు.

● జాతీయ స్థాయిలో ఆరు వినూత్న ప్రాజెక్టుల ప్రదర్శనకాళోజీ సెంటర్‌ : న్యూఢిల్లీలోని ప్రగతి మైదాన్‌లో 12వ జాతీయ స్థాయి ఇన్‌స్పైర్‌ ప్రదర్శన, ప్రాజెక్టుల పోటీలు సోమవారం ప్రారంభమయ్యాయి. అక్టోబర్‌ 12 నుంచి 14 వరకు మూడు రోజులపాటు జరిగే ఈ ప్రదర్శనలో తెలంగాణ నుంచి 52 ప్రాజెక్టులు ప్రదర్శిస్తుండగా.. వరంగల్‌ జిల్లా నుంచి ఆరు ప్రాజెక్టులు ఎంపికయ్యాయి. విద్యార్థుల్లో శాసీ్త్రయ దృక్పథం, సృజనాత్మకత, ఆవిష్కరణలు, సమస్యల పరిష్కార నైపుణ్యాలను ప్రోత్సహించడమే లక్ష్యంగా ఈ ప్రదర్శనలో పాల్గొన్నట్లు జిల్లా సైన్స్‌ అధికారి పెట్లొజు సురేష్‌ బాబు తెలిపారు. ఆకట్టుకుంటున్న ఆరు ప్రాజెక్టులు రైళ్లలో పై బెర్తులకు ఎక్కేందుకు మడత నిచ్చెన, సైకిల్‌ ద్వారా చెత్త సేకరణ, అపార్ట్‌మెంట్లలో మిగులు ఆహార పంపిణీ వ్యవస్థ, పోర్టబుల్‌ ధాన్యం ఆరబెట్టే యంత్రం, సురక్షితంగా పైకప్పులకు రంగులు వేసే పెయింటింగ్‌ రోలర్‌, పెడల్‌తో పనిచేసే హ్యాక్సా యంత్రం వంటి వినూత్న ప్రాజెక్టులు ఆకట్టుకుంటున్నాయి. ఈ ప్రాజెక్టులు రోజువారీ సమస్యలకు తక్కువ ఖర్చుతో పరిష్కారాలు చూపడంతో పాటు పర్యావరణ పరిరక్షణ, ఆహార వృథా నివారణ, రైతులకు ప్రయోజనం, కార్మికుల భద్రత వంటి అంశాలకు ప్రాధాన్యమిస్తున్నాయి. ఈ సందర్భంగా డీఈఓ రంగయ్యనాయుడు, కమ్యూనిటీ మొబిలైజేషన్‌ అధికారి డాక్టర్‌ కట్ల శ్రీనివాస్‌, అకడమిక్‌ మానిటరింగ్‌ అధికారి మహేష్‌ నాయక్‌ విద్యార్థులు, గైడ్‌ టీచర్లను అభినందించి, పోటీల్లో విజయం సాధించాలని ఆకాంక్షించారు.

ఖిలా వరంగల్‌ : మహానగరంలో నేరాల నియంత్రణ, శాంతిభద్రతల రక్షణ, యువతను అసాంఘిక కార్యకలాపాలకు దూరంగా ఉంచే లక్ష్యంతో వరంగల్‌ పోలీసు కమిషనర్‌ శ్వేత ఆదేశాల మేరకు మిల్స్‌కాలనీ పోలీస్‌ స్టేషన్‌ పరిధిలో ఆదివారం రాత్రి 12గంటల నుంచి సోమవారం తెల్లవారు జాము 5గంటల వరకు విస్తృత తనిఖీ నిర్వహించారు. ఆపరేషన్‌ చెబుత్రా తరహాలో స్టేషన్‌ ఘన్‌పూర్‌ ఇన్‌స్పెక్టర్‌ శ్రీనివాస్‌, కాజీపేట ఇన్‌స్పెక్టర్‌ శ్యాంసుందర్‌, టాస్క్‌ఫోర్స్‌ ఇన్‌స్పెక్టర్‌ రాజగోపాల్‌, మిల్స్‌కాలనీ ఇన్‌స్పెక్టర్లు కర్రె స్వామి, మంగీలాల్‌ ఆధ్వర్యంలో 40 మంది సిబ్బంది ఐదు బృందాలుగా కరీమాబాద్‌, ఉర్సు, శంభునిపేట, రంగశాయిపేట, అబ్బనికుంట, లేబర్‌కాలనీ, త్రికోట రహదారులపై స్పెషల్‌ డ్రైవ్‌ నిర్వహించారు. అర్ధరాత్రి రోడ్లపై సంచరిస్తున్న యువకులు, ద్విచక్ర వాహనదారులను పోలీసులు అదుపులోకి తీసుకొని విచారించారు. ప్రజలకు అసౌకర్యం కలిగిస్తున్న వారిపై కేసులు నమోదు చేశారు. 10 బైక్‌లు, 24 మొబైల్‌ ఫోన్లను స్వాధీనం చేసుకున్నారు. పట్టుబడిన వారికి కుటుంబ సభ్యుల సమక్షంలో కౌన్సెలింగ్‌ నిర్వహించి, రాత్రి వేళల్లో అనవసరంగా బయట తిరగడం వల్ల ఎదురయ్యే ప్రమాదాలు, చట్టవిరుద్ధ కార్యకలాపాలకు దూరంగా ఉండాల్సిన అవసరంపై అవగాహన కల్పించి, మరోసారి ఇలాంటి చర్యలకు పాల్పడొద్దని హెచ్చరించారు. కుటుంబ సభ్యుల సమక్షంలో కౌన్సెలింగ్‌ కేవలం కేసులు మాత్రమే నమోదు చేయకుండా యువతలో మార్పుపై పోలీసులు దృష్టి సారించారు. అదుపులోకి తీసుకున్న 28 మందికి వారి కుటుంబ సభ్యుల సమక్షంలో కౌన్సెలింగ్‌ నిర్వహించారు. పిల్లల ప్రవర్తనపై తల్లిదండ్రులు నిరంతరం పర్యవేక్షణ చేసి సరైన మార్గదర్శకత్వం అందించాని కోరారు. నేరాల నియంత్రణే లక్ష్యం.. నేరాల నియంత్రణే లక్ష్యంగా స్పెషల్‌ డ్రైవ్‌ నిర్వహించామని ఇన్‌స్పెక్టర్‌ కర్రె స్వామి తెలిపారు. ప్రజల్లో భద్రతా భావాన్ని పెంపొందించేందుకు రాత్రి వేళల్లో ప్రత్యేక తనిఖీ, పెట్రోలింగ్‌ను కొనసాగించనున్నట్లు చెప్పారు. మిల్స్‌కాలనీ పోలీసుల ఆధ్వర్యంలో ప్రత్యేక డ్రైవ్‌ బైక్‌లు, సెల్‌ఫోన్లు స్వాధీనం.. 28 మందిపై కేసులు పట్టుబడిన వారిలో బహిరంగ ప్రదేశాల్లో మద్యం తాగిన 15 మందిపై సీపీ యాక్ట్‌ సెక్షన్‌70 (ఏ) కింద ఓపెన్‌ బూజింగ్‌ కేసు నమోదు చేయగా.. ప్రజలకు ఇబ్బందులు కలిగిస్తూ న్యూసెన్స్‌కు పాల్పడిన మరో 13 మందిపై సీపీ యాక్ట్‌ సెక్షన్లు 21, 70, 76 కింద కేసులు నమోదు చేసి చట్టపరమైన చర్యలు చేపట్టారు.

జక్రాన్‌పల్లి (నిజామాబాద్‌) : రాష్ట్ర 11వ మినీ సబ్‌జూనియర్‌ అండర్‌–13 అంతర్‌ జిల్లాల సాఫ్ట్‌బాల్‌ బాలికల చాంపియన్‌ షిప్‌ పోటీలు నిజామాబాద్‌ జిల్లా జక్రాన్‌పల్లి మండలం తొర్లికొండ జెడ్పీ ఉన్నత పాఠశాలలో సోమవారం ముగిశాయి. నిజామాబాద్‌ జిల్లా జట్టు విజేతగా, భద్రాద్రి కొత్తగూడెం జట్టు రన్నర్‌గా నిలిచాయి. వరంగల్‌ జట్టు తృతీయ స్థానం సాధించింది. ఇందులో ప్రతిభ చూపినవారిని రాష్ట్ర జట్టుకు ఎంపిక చేశారు. ఈనెల 28 నుంచి 31వ తేదీ వరకు మహారాష్ట్రలోని సంజీవిని యూనివర్సిటీ (కొప్పర్గావ్‌)లో జరగనున్న జాతీయ మినీ సబ్‌ జూనియర్‌ బాలికల సాఫ్ట్‌బాల్‌ పోటీల్లో వీరు పాల్గొననున్నారు. ఈ కార్యక్రమంలో సాఫ్ట్‌బాల్‌ ఫెడరేషన్‌ ఆఫ్‌ ఇండియా సంయుక్త కార్యదర్శి శోభన్‌ బాబు తదితరులు పాల్గొన్నారు.

కాశిబుగ్గ : వరంగల్‌ మట్టెవాడ పోలీస్‌ స్టేషన్‌ పరిధిలో జరిగిన వృద్ధుడి హత్య కేసులో నిందితుడిని పోలీసులు అరెస్ట్‌ చేశారు. సీఐ ఎన్‌.కరుణాకర్‌ కథనం ప్రకారం.. వరంగల్‌లోని శాంతినగర్‌ బ్యాంకు కాలనీకి చెందిన డిప్యూటీ ఎగ్జిక్యూటివ్‌ రిటైర్డ్‌ ఇంజనీర్‌ కొలిపాక వెంకటస్వామి (75) సెప్టెంబర్‌ 1న హత్యకు గురయ్యాడు. దీంతో వెంకటస్వామి కుమారుడు శ్రవణ్‌కుమార్‌ పోలీసులకు ఫిర్యాదు చేయగా నమోదు చేసి దర్యాప్తు ప్రారంభించారు. హత్యకు దారితీసిన కేర్‌ టేకర్ల గొడవ వృద్ధుడైన తండ్రిని చూసుకోవడానికి కుటుంబ సభ్యులు భీమారంలోని రామ్‌ కేర్‌ టేకర్‌ సర్వీసెస్‌ ద్వారా నిట్ట రాంబాబు, శాంతను కేర్‌ టేకర్లుగా నియమించుకున్నారు. అయితే వీరి మధ్య గొడవ జరగడంతో ఇక వారు అవసరం లేదని కుటుంబ సభ్యులు తేల్చి చెప్పారు. దీంతో తీవ్ర ఆగ్రహానికి గురైన రాంబాబు అతిగా మద్యం తాగి, వెంకటస్వామిని కిందకు తోసి కడియంతో తలపై, పక్కటెముకలపై తీవ్రంగా దాడి చేసి హత్య చేశాడు. సాక్ష్యాధారాలు లేకుండా చేసి.. వృద్ధుడిపై దాడి అనంతరం సాక్ష్యాధారాలు లేకుండా చేసేందుకు పన్నాగం పన్నాడు. రక్తపు మరకలను తుడిచేసి, రక్తం అంటిన బనియన్‌ను పారేసి, నేరాన్ని కప్పి పుచ్చుకునేందుకు వృద్ధుడు కింద పడ్డాడంటూ సెక్యూరిటీ గార్డుకు, కుటుంబ సభ్యులకు అబద్ధం చెప్పాడు. చివరకు పోలీసులు క్షుణ్ణంగా దర్యాప్తు చేసి వాస్తవాలను రాబట్టారు. ఈ నెల 11న ఎంజీఎం ఆస్పత్రి వద్ద అతడిని పోలీసులు అరెస్టు చేశారు. హత్యకు ఉపయోగించిన కడియంను స్వాధీనం చేసుకుని, చట్టపరమైన చర్యల నిమిత్తం రిమాండ్‌కు పంపినట్లు సీఐ ఎన్‌.కరుణాకర్‌ తెలిపారు. వృద్ధుడి హత్య కేసులో నిందితుడి అరెస్ట్‌

హన్మకొండ కల్చరల్‌: శ్రీభద్రకాళి దేవీ శరన్నవరాత్ర మహోత్సవాల్లో భాగంగా రెండో రోజు సోమవారం అన్నపూర్ణాలంకరణలో అమ్మవారిని అలంకరించారు. ఆలయ అర్చకుడు భద్రకాళిశేషు ఆధ్వర్యంలో వేద పండితులు చండీహోమం నిర్వహించారు. అమ్మవారి స్నపనమూర్తికి ఉదయం బ్రహ్మచారిణీ క్రమంలో పూజలు నిర్వహించి ఉత్సవమూర్తిని మకరవాహనంపై, సాయంత్రం దేవజాక్రమంలో పూజలు జరిపి చంద్రప్రభ వాహనంపై ఊరేగించారు. మహిళలు సామూహిక కుంకుమార్చనలు జరుపుకున్నారు. మధ్యాహ్నం భక్తులకు అన్నదానం నిర్వహించారు. అధిక సంఖ్యలో భక్తులు పూజలు నిర్వహించుకున్నారు. హన్మకొండ కల్చరల్‌: వేయిస్తంభాల ఆలయంలో శ్రీరుద్రేశ్వరీదేవి శరన్నవరాత్రి ఉత్సవాల్లో భాగంగా రెండో రోజు సోమవారం మహా చండీహోమం నిర్వహించారు. ప్రధానార్చకుడు గంగు ఉపేంద్రశర్మ ఆధ్వర్యంలో అర్చకులు ఉదయం నుంచి ప్రభాతసేవ, శ్రీరుద్రేశ్వరస్వామి వారికి రుద్రాభిషేకం, గణపతిపూజ, శ్రీరుద్రేశ్వరీ ఉత్సవమూర్తిని అన్నపూర్ణాదేవిగా అలంకరించి బ్రహ్మచారిణి క్రమంలో దుర్గార్చన చేశారు. యాగశాలలో దశమహావిద్య యాగం, సుదర్శనహోమం, అరుణ రుద్రహోమం, మహాచండీహోమం నిర్వహించారు. సాయంత్రం చిన్నారుల కూచిపూడి నృత్యాలు అలరించాయి. ఉత్సవ సమితి అధ్యక్షుడు బత్తిని శ్రీనివాసరావు, ఉపాధ్యక్షుడు రమేశ్‌ సేవలందించారు. విద్యారణ్యపురి: మలేసియాలోని కౌలాలాంపూర్‌ మీడ్‌ వ్యాలీలో ఈనెల 5వ తేదీ నుంచి 11వ తేదీ వరకు జరిగిన కామన్‌వెల్త్‌ ఇంటర్నేషనల్‌ స్కూల్‌ చెస్‌ చాంపియన్‌షిప్‌ పోటీల్లో హనుమకొండకు చెందిన లావుడ్య అక్షత్‌ చౌహాన్‌ పలు విభాగాల్లో ప్రతిభ చాటి మెడల్స్‌ సాధించాడు. ర్యాపిడ్‌, బ్లిట్స్‌ విభాగాల్లో గోల్డ్‌ మెడల్స్‌, క్లాసిక్‌ విభాగంలో సిల్వర్‌ మెడల్‌ సాధించాడు. మొత్తం 13 దేశాలకు చెందిన చెస్‌ క్రీడాకారులు ఈ పోటీల్లో పాల్గొన్నారు. వరంగల్‌ స్పోర్ట్స్‌: ఈనెల 3వ తేదీ నుంచి 7వ తేదీ వరకు ఛత్తీస్‌ఘడ్‌లోని బిలాస్‌పూర్‌లో నిర్వహించిన జాతీయ స్థాయి సబ్‌జూనియర్స్‌ బాల్‌ బ్యాడ్మింటన్‌ పోటీల్లో తెలంగాణ జట్టు నుంచి ప్రాతినిథ్యం వహించిన అఖిరానంద్‌ ప్రతిభ కనబర్చాడు. హనుమకొండలోని నయీంనగర్‌కు చెందిన అఖిరానంద్‌ డబుల్స్‌ విభాగంలో తృతీయ స్థానం, జట్టు విభాగంలో ఐదో స్థానంలో నిలవడానికి కీలక భూమిక పోషించినట్లు బాల్‌బ్యాడ్మింటన్‌ సంఘం హనుమకొండ జిల్లా కార్యదర్శి రడం శ్రీనివాస్‌ తెలిపారు. ఈమేరకు సోమవారం గ్రంథాలయ సంస్థ జిల్లా చైర్మన్‌ ఎండీ అజీజ్‌ఖాన్‌ కలిశారు. జాతీయస్థాయిలో రాణించిన అఖిరానంద్‌ను అభినందిస్తూ శాలువాతో సత్కరించారు. అఖిరానంద్‌ వెంట పీఈటీ తిరుపతిరెడ్డి, అతని తండ్రి రవికుమార్‌ ఉన్నారు.

హన్మకొండ చౌరస్తా /కాశిబుగ్గ : ఎన్నికల కమిషనర్‌ జ్ఞానేష్‌కుమార్‌ రాజీనామా చేయాలని డిమాండ్‌ చేస్తూ ఏఐసీసీ, టీపీసీసీ ఆదేశాల మేరకు సోమవారం ఢిల్లీలోని జంతర్‌మంతర్‌ వద్ద నిర్వహించిన నిరసన కార్యక్రమంలో వరంగల్‌ నుంచి ప్రజాప్రతినిధులు, జిల్లా కాంగ్రెస్‌ నేతలు పాల్గొన్నారు. పాల్గొన్న వారిలో ఎమ్మెల్యేలు దొంతి మాధవరెడ్డి, నాయిని రాజేందర్‌ రెడ్డి, జాటోత్‌ రామచంద్రు నాయక్‌, కే.ఆర్‌ నాగరాజు, గండ్ర సత్యనారాయణరావు, రేవూరి ప్రకాశ్‌రెడ్డి, మురళీ నాయక్‌, ఎమ్మెల్సీ బస్వరాజు సారయ్య, టీపీసీసీ ఉపాధ్యక్షుడు నమిండ్ల శ్రీనివాస్‌తో పాటు డీసీసీ అధ్యక్షులు ఇనగాల వెంకట్రాంరెడ్డి, మహమ్మద్‌ అయూబ్‌, లకావత్‌ ధన్వంతి తదితరులు ఉన్నారు.

హన్మకొండ: హెచ్‌టీ విద్యుత్‌ సర్వీస్‌ల మంజూరులో ఏకరీతి విధానాన్ని విద్యుత్‌ సంస్థలు అమలు చేస్తున్నాయి. తెలంగాణ విద్యుత్‌ నియంత్రణ మండలి 11 కేవీ స్థాయిలో అర్హత కలిగిన హై టెన్షన్‌ (హెచ్‌టీ) విద్యుత్‌ కనెక్షన్లు, అదనపు లోడ్‌కు ఏకరీతి సర్వీస్‌ లైన్‌ చార్జీలను అమలు చేసే విధానం అందుబాటులోకి తీసుకొచ్చింది. లైసెన్స్‌ డ్యూటీ ఫర్‌ సప్లయ్‌ ఆఫ్‌ ఎలక్ట్రిసిటీ ఆన్‌ రెక్వెస్ట్‌ నిబంధనలకు చేసిన మూడో సవరణగా రెగ్యులేషన్‌ నంబర్‌ 07 ఆఫ్‌ 2026ను టీజీ ఈఆర్‌సీ జారీ చేసింది. ఈ సవరణ ద్వారా అర్హత కలిగిన 11 కేవీ హెచ్‌టీ వినియోగదారులకు సర్వీస్‌ లైన్‌ చార్జీల విషయంలో స్పష్టమైన, ఏకరీతి విధానం ద్వారా మెరుగైన సేవలు అందనున్నాయి. పారదర్శకత, జవాబుదారీతనం, సామర్థ్యం, వినియోగదారుల కేంద్రీకృత సేవలకు ప్రాధాన్యతనిస్తూ వినియోగదారులకు సులభతరమైన, వేగవంతమైన విద్యుత్‌ సేవలు అందించే దిశగా నిరంతరం చర్యలు చేపడుతోంది. సర్వీస్‌ లైన్‌ వ్యయంపై ముందే స్పష్టత.. కొత్త నిబంధనల ప్రకారం ఇప్పటికే ఉన్న 11 కేవీ విద్యుదీకరించిన కామన్‌ ఫీడర్‌ నుంచి ఓవర్‌హెడ్‌ లైన్‌ ద్వారా 1 కిలోమీటరు పరిధిలో ఉన్న 11 కేవీ హెచ్‌టీ కొత్త కనెక్షన్లు, అదనపు లోడ్‌కు సరఫరా కల్పించుటకు ప్రతి కేవీఏ కాంట్రాక్టెడ్‌ డిమాండ్‌కు రూ.4,078 సర్వీస్‌ లైన్‌ చార్జీ చెల్లించాల్సి ఉంటుంది. దీంతో అర్హత కలిగిన వినియోగదారులకు సర్వీస్‌ లైన్‌ వ్యయంపై ముందే స్పష్టత వస్తుంది. దరఖాస్తుల పరిశీలన, ప్రాసెసింగ్‌లో మరింత ఏకరూపత ఏర్పడుతుంది. గతంలో 11 కేవీ స్థాయిలో స్థల పరిశీలన, సాంకేతిక అంచనాల ఆధారంగా సర్వీస్‌ లైన్‌ వ్యయాన్ని నిర్ణయించే వారు. కొత్త విధానం అమలుతో అర్హత కలిగిన సర్వీసుల్లో అంచనాలపై ఆధారపడే అవసరం తగ్గి, దరఖాస్తుల ప్రాసెసింగ్‌ మరింత సరళంగా, వేగవంతంగా జరిగే అవకాశం ఉంటుంది. ఈ విధానం వల్ల పారిశ్రామిక, వాణిజ్య, ఐటీ తదితర రంగాల్లో కొత్త విద్యుత్‌ కనెక్షన్లు లేదా అదనపు లోడ్ల కోసం దరఖాస్తు చేసే అర్హత కలిగిన వినియోగదారులకు వ్యయంపై ముందస్తు స్పష్టత ఏర్పడుతుంది. విద్యుత్‌ కనెక్షన్ల మంజూరు ప్రక్రియలో పారదర్శకత, సమయపాలన పెరగడం ద్వారా వ్యాపారాలు, పరిశ్రమలకు అవసరమైన విద్యుత్‌ మౌలిక సదుపాయాల కల్పన మరింత సులభతరం అవుతుంది. పెట్టుబడులకు అనుకూలమైన వాతావరణాన్ని మరింత బలోపేతం చేయడానికి ఏకరీతి సర్వీస్‌లైన్‌ చార్జీలు ఎంతగానో దోహదపడుతాయి. రాష్ట్రంలో పెరుగుతున్న విద్యుత్‌ అవసరాలకు అనుగుణంగా విద్యుత్‌ మౌలిక సదుపాయాలను బలోపేతం చేయడంతో పాటు వినియోగదారులకు మరింత పారదర్శకమైన, సమర్థవంతమైన, సులభతరమైన సేవలు అందించడమే లక్ష్యంగా ముందుకు పోతున్నాం. ఆధునిక సాంకేతికత, వేగవంతమైన సేవల ద్వారా నాణ్యమైన విద్యుత్‌ సేవలను అందించేందుకు కృషి చేస్తున్నాం. ఏకరీతి విధానంతో హెచ్‌టీ సర్వీస్‌ల మంజూరు సులభతరం. వినియోగదారులకు ఎంతో మేలు చేకూరుతుంది. – కర్నాటి వరుణ్‌ రెడ్డి, టీజీ ఎన్పీడీసీఎల్‌ సీఎండీ

హన్మకొండ అర్బన్‌: ఎల్‌నినో ప్రభావం, వ్యవసాయానికి సంబంధించిన వివిధ అంశాలపై సీఎం రేవంత్‌రెడ్డి సోమవారం మధ్యాహ్నం 12 గంటలకు రైతులతో వీడియో కాన్ఫరెన్స్‌ నిర్వహించనున్నారు. ఈకార్యక్రమాన్ని జిల్లాలోని అన్ని రైతు వేదికల్లో ప్రసారం చేయనున్నట్లు హనుమకొండ కలెక్టర్‌ చాహత్‌ బాజ్‌పాయ్‌ ఆదివారం ఒక ప్రకటనలో తెలిపారు. ఈనేపథ్యంలో సోమవారం నిర్వహించే ప్రజావాణి కార్యక్రమ సమయాన్ని మార్చినట్లు కలెక్టర్‌ వెల్లడించారు. ఉదయం 10.30 గంటల నుంచి మధ్యాహ్నం 12 గంటల వరకే ప్రజావాణి నిర్వహించనున్నట్లు తెలిపారు. వీడియో కాన్ఫరెనన్స్‌కు మండల అధికారులు, వివిధ శాఖల జిల్లా స్థాయి అధికారులు, ప్రత్యేక అధికారులు తప్పనిసరిగా హాజరు కావాలని ఆదేశించారు. ప్రజలు ఈ మార్పును గమనించి సహకరించాలని కలెక్టర్‌ కోరారు. ప్రజావాణి ఉదయం గంటన్నర మాత్రమే హనుమకొండ కలెక్టర్‌ చాహత్‌ బాజ్‌పాయ్‌

మహాముత్తారం: జయశంకర్‌భూపాలపల్లి జిల్లా మహాముత్తారం మండలం బోర్లగూడెం గ్రామానికి చెందిన మాజీ నక్సలైట్‌, సీనియర్‌ కాంగ్రెస్‌ నాయకుడు సుదాటి సుగుణాకర్‌రావు(45) ఆదివారం తన నివాసంలో ఉరేసుకుని ఆత్మహత్య చేసుకున్నారు. గతంలో పాణిబాక్షి దళంలో మహదేవపూర్‌, ఏటూరునాగారం డిప్యూటీ కమాండర్‌గా బాధ్యతలు నిర్వర్తించి అనంతరం లొంగిపోయారు. ఆయన భార్య రజిత గతంలో బోర్లగూడెం సర్పంచ్‌గా సేవలు అందించారు. ప్రస్తుతం కాంగ్రెస్‌ పార్టీలో క్రీయాశీలకంగా కొనసాగుతున్న సుగుణాకర్‌రావు ఆత్మహత్య చేసుకోవడానికి గల కారణాలు ఇంకా తెలియరాలేదు. పూర్తి వివరాలు తెలియాల్సి ఉంది.

మల్హర్‌: జయశంకర్‌ భూపాలపల్లి జిల్లా మల్హర్‌ మండలం తాడిచర్ల పంచాయతీ పరిధిలోని శాత్రాజ్‌పల్లి గ్రామంలో సింగరేణి యాజమాన్యం, రెవెన్యూ, పంచాయతీ యంత్రాంగం ఉక్కుపాదం మోపింది. తాడిచర్ల–2 బొగ్గు బ్లాక్‌ పరిహారం, పునరావాస ప్యాకేజీని ఆశించి కొందరు అక్రమంగా నిర్మించిన వందలాది నిర్మాణాలను అర్ధరాత్రి కూల్చివేశారు. 9 జేసీబీలతో అర్ధరాత్రి ఆపరేషన్‌.. సింగరేణి, రెవెన్యూ, పంచాయతీరాజ్‌, పోలీసు, ఫైర్‌ సంయుక్త ఆధ్వర్యంలో ఈ భారీ కూల్చివేతలు చేపట్టారు. శనివారం అర్ధరాత్రి 1 గంట నుంచి ఆదివారం తెల్లవారుజామున 4 గంటల వరకు మూడు గంటలు 9 జేసీబీలతో ఈ ఆపరేషన్‌ కొనసాగింది. ఎలాంటి అనుమతులు లేకుండా నిర్మాణం చేపట్టిన 347 ఇళ్లను జిల్లా అధికారుల ఆదేశాల మేరకు కూల్చి వేసినట్లు అధికారులు తెలిపారు. తాడిచర్ల –2 బ్లాక్‌ నేపథ్యంలో.. 2026, జూలై 7న కేంద్ర ప్రభుత్వం తాడిచర్ల–2 బొగ్గు బ్లాక్‌ను సింగరేణికి కేటాయిస్తూ ప్రకటన చేసింది. రెండో బొగ్గు గని వస్తుండడంతో భారీ పరిహారం, పునరావాస ప్యాకేజీ వస్తుందనే ఆశతో కొందరు దళారులు భూములు కొని, రాత్రికి రాత్రే రేకుల షెడ్లు, ఇళ్లు నిర్మించారనే ఆరోపణలు ఉన్నాయి. ఈ విషయాన్ని గుర్తించిన అధికారులు గురువారం (అక్టోబర్‌ 8) అనుమతి లేని 347 ఇళ్లకు నంబర్లు వేశారు. శనివారం అర్ధరాత్రి కూల్చివేత చేపట్టారు. జీపీ రికార్డుల ప్రకారం గ్రామంలో 85 ఇళ్లు మాత్రం రికార్డుల్లో ఉండగా ఓపెన్‌కాస్ట్‌–2 ఏర్పాటు నేపథ్యంలో గ్రామంలో అక్రమార్కులు ఇళ్ల నిర్మాణం చేపట్టారు. మంథని, పెద్దపల్లి, గోదావరిఖని ప్రాంతాల్లోని చుట్ట పక్కల గ్రామాలు చెందిన వారు భారీగా అక్రమ నిర్మాణాలు చేపట్టినట్ల విమర్శలు ఉన్నాయి. కాగా, తాడిచర్ల సర్పంచ్‌ బండి స్వామి ఘటనాస్థలికి చేరుకుని నోటీసులు ఇవ్వకుండా ఇళ్లను ఎలా కూల్చివేస్తారని ప్రశ్నించిన అధికారులు ఆపలేదు. భారీ పోలీస్‌ బందోబస్తు.. ఎలాంటి అవాంఛనీయ ఘటనలు జరగకుండా కాటారం డీఎస్పీ సూర్యనారాయణ ఆధ్వర్యంలో ఇద్దరు సీఐలు, ఇద్దరు ఎస్సైలు, 200 మంది సిబ్బంది పాల్గొన్నారు. ఈ అకస్మాత్తు కూల్చివేతలతో శాత్రాజ్‌పల్లిలో ఉద్రిక్త వాతావరణం నెలకొంది. పరిహారం ఆశించి నిర్మాణాలు చేపట్టిన వారు లబోదిబోమంటున్నారు. శాత్రాజ్‌పల్లిలో అక్రమ నిర్మాణాలు కూల్చివేత 3 గంటల్లో 347 ఇళ్లు నేలమట్టం తాడిచర్ల–2 బొగ్గు బ్లాక్‌ పరిహారం కోసమే అక్రమ నిర్మాణాలు

ఖిలా వరంగల్‌: ఓరుగల్లు కోట అంటే శిల్ప కళా వైభవానికి నిలుపుటద్దం.. కాకతీయుల కళా నైపుణ్యానికి చెరగని సంతకం.. రాతిలో సైతం రమణీయతను ఒలికించిన అద్భుత నిర్మాణశైలి.. నాటి కా కతీయుల కళాభిరుచికి ప్రతీకగా నిలిచిన ఈచారిత్ర క సంపద చూపరులను అబ్బురపరుస్తోంది. శిలల పై చెక్కిన సున్నితమైన ఆకృతులు, అపురూపమైన అలంకరణలు నాటి శిల్పుల ప్రతిభకు పట్టం కడుతున్నాయి. ఇంతటి సంపదకు ప్రపంచ స్థాయి గుర్తి ంపు దక్కాల్సి ఉన్నా.. యునెస్కో వారసత్వ హోదా దిశగా ప్రతిపాదనల పురోగతిపై నెలకొన్న స్తబ్ధత చర్చనీయాంశంగా మారుతోంది. తరాలకు అందాల్సిన ఈశిల్ప కళావైభవానికి అంతర్జాతీయ గుర్తింపు ఎప్పుడనే ప్రశ్న ఉత్పన్నమవుతోంది. రాష్ట్ర రాజముద్రలో చోటు.. కళాతోరణానికి రాష్ట్రంలో ప్రత్యేక స్థానం ఉంది. స్వరాష్ట్రం ఏర్పడిన తర్వాత తెలంగాణ రాష్ట్ర రాజముద్రలో చోట దక్కించుకుంది. ఈ తోరణాలు ప్రపంచ పర్యాటకులను సైతం ఆకర్షిస్తున్నాయి. శిల్పకళా సంపద, శంభులింగేశ్వరస్వామి ఆలయ వైభోగానికి ప్రపంచ వారసత్వ సంపద గుర్తింపు ప్రతిపాదనలతో దశాబ్దాలుగా పర్యాటకులు ఎదురు చూస్తున్నారు. ఇప్పటికే పురాతత్వ శాఖ ద్వారా కేంద్ర సాంస్కృతిక మంత్రిత్వ శాఖ ఆలయంపై సమగ్ర నివేదిక రూపొందించింది. ఈమేరకు ఐక్యరాజ్య సమితిలో భాగమైన యునెస్కో గుర్తింపు కోసం నివేదిక పంపారు. అయితే, నివేదిక ఇచ్చి ఏళ్లు దాటినా నేటికీ కార్యరూపం దాల్చలేదు. దీంతో ప్రపంచ వారసత్వ గుర్తింపు ఇంకెన్నాళ్లు అన్న ఆందోళన పర్యాటకుల్లో నెలకొంది. వన్నె తగ్గని కళారాజ్యం.. రాజులు, రాజ్యాలు మారినా నాటి శిల్పకళా వైభవానికి ప్రతీకగా శిథిలమైన స్వయంభూ శ్రీశంభులింగేశ్వరస్వామి ఆలయం నిలిచింది. నాలుగు కాకతీయ తోరణాలు నేటికి పర్యాటకులను ఆకర్షిస్తున్నాయి. ఆధ్యాత్మిక, చారిత్రక కళలకు పెట్టింది పేరు. 12వ శతాబ్దంలో ఈఆలయం, కాకతీయ తోరణాన్ని గణపతిదేవ చక్రవర్తి నిర్మించారు. ఈ కళాతోరణం మధ్యకోటలోని స్వయంభూ శంభులింగేశ్వరస్వామి ఆలయానికి ప్రవేశ ద్వారంగా ఉండేది. కాకతీయ రాజులు తమ శక్తి సామర్థ్యాలను ప్రదర్శించడానికి ఆ అద్భుతాన్ని నిర్మించారు. కోటకు నాలుగు దిక్కులా ఉన్న ప్రధాన ద్వారాలను తోరణాలుగా నిర్మించారు. ధర్మపాలనకు నిదర్శనం.. కాకతీయుల పాలనలో ధర్మం నాలుగు పాదాలపై నడిచిందని చరిత్రకారులు చెబుతున్నారు. ఈ అద్భుతమైన ఆలయానికి నాలుగు వైపులా మంత్రముగ్ధులయ్యే శిల్ప కళా సంపదతో కూడిన కీర్తి తోరణాలను నిర్మించారు. ఈతోరణాలు కేవలం అలంకారం కోసం చేసిన డిజైన్‌ కాదు.. వాటి మీద కాకతీయుల పాలనా వైభవమంతా పూసగుచ్చినట్లు ఉంటుంది. వాళ్ల ఏలుబడిలో ఏయే అంశాలకు ప్రాధాన్యమిచ్చారో ఈతోరణాలు తెలియజేస్తాయి. నిలబడిన నాలుగు పిల్లర్లు వాళ్ల పాలనలో ధర్మం నాలుగు పాదాల మీద నడిచిందనడానికి నిదర్శనం. హంసలు, మొసళ్లు, పద్మాలు, ముఖాలు, తలకిందులుగా వేలాడినట్లుండే తామర మొగ్గల వంటి ఆకృతులు.. ఇలా ఎన్నో అంశాల కలబోతే కాకతీయ తోరణాలు. అంతేకాదు కాకతీయుల ధైర్య సాహసాలకు నిదర్శనంగా ఈకళాతోరణాలు నిలుస్తున్నాయి.ఓరుగల్లు కోటకు లభించని యునెస్కో హోదా ప్రతిపాదనల పురోగతిలో స్తబ్దత పర్యాటకులకు తప్పని ఎదురుచూపులు ప్రపంచాన్ని కట్టిపడేస్తున్న శిల్పకళా సంపదదేశవిదేశీయుల సందడి..కాకతీయుల కళా వైభవం ప్రపంచానికి తెలిసినా వారసత్వ సంపద యునెస్కో గుర్తింపు కోసం పురావస్తుశాఖ, ప్రజా ప్రతినిధులు ప్రయత్నాలు చేస్తూనే ఉన్నారు. ఉమ్మడి రాష్ట్రంలోనే ఆనాటి కాంగ్రెస్‌ సీఎం వైఎస్‌ రాజశేఖరరెడ్డి, ఆతర్వాత వచ్చిన సీఎం కిరణకుమార్‌రెడ్డి నిర్వహించిన కాకతీయ ఉత్సవాలతో కాకతీయుల విశిష్టతకు ప్రాచుర్యాన్ని కల్పించారు. యునెస్కో గుర్తింపు తీసుకొచ్చేందుకు కృషి చేస్తామని కేంద్ర పెద్దలు చెబుతున్నారు. ఓరుగల్లు కోటకు దేశవిదేశీయుల తాకిడి పెరిగింది. ఇప్పటికై నా యునెస్కో కాకతీయ కళాసంపదను గుర్తించాలని స్థానిక ప్రజలు కోరుతున్నారు.