Kakinada District News

పిఠాపురం: పిఠాపురంలోని కుక్కుటేశ్వర ఆలయంలో మంగళవారం సహస్ర ఘటాభిషేకా న్ని వైభవంగా నిర్వహించారు. లోక సంక్షేమం, సమృద్ధిగా వర్షాలు కురవాలనే సంకల్పంతో ద్విభాష్యం సుబ్రహ్మణ్య శర్మ పర్యవేక్షణలో సుమారు 150 పండితులచే, సహస్ర ఘట్టాభిషేకం, వరుణ జపాలు తదితర వైదిక కార్యక్రమాలు జరిపించారు. ఆస్థాన పండితులు, పురోహితులు, అర్చక బృందం మంత్రోచ్ఛారణల మధ్య వేదోక్తంగా ఈ కార్యక్రమం జరిగింది. దేవదాయ శాఖ జిల్లా అధికారి వర్ధినీడి వెంకటేశ్వరరావు, ఆలయ ఈవో కాట్నం జగన్మోహన శ్రీనివాస్‌ పాల్గొన్నారు. జువైనల్‌ బోర్డుకు బాలుర తరలింపు అనపర్తి: బిక్కవోలు మండలం అరికరేవుల గ్రామంలో ఈ నెల 2న ఒంటరి వృద్ధురాలిపై ముగ్గురు బాలురు దాడి చేసి, ఆమె ఒంటిపై ఉన్న బంగారు నగలను దోచుకునేందుకు ప్రయత్నించిన విషయం తెలిసిందే. ఈ ఘటనకు పాల్పడి పరారీలో ఉన్న ముగ్గురు బాలురను బిక్కవోలు పోలీసులు అదుపులోకి తీసుకున్నారు. వారిని మంగళవారం జువైనెల్‌ జస్టిస్‌ బోర్డు ముందు హాజరుపరచగా, బోర్డు ఆదేశాల మేరకు అబ్జర్వేషన్‌ హోమ్‌కు అప్పగించినట్టు ఎస్సై వి.రవిచంద్ర కుమార్‌ తెలిపారు. చికిత్స పొందుతూ వ్యక్తి మృతి రాజమహేంద్రవరం రూరల్‌: పురుగు మందు తాగి రాజమహేంద్రవరం ప్రభుత్వాసుపత్రిలో చికిత్స పొందుతూ పిడింగొయ్యి వెంకటగిరి ప్రాంతానికి చెందిన నాళం కృష్ణమూర్తి (49) మంగళవారం మృతి చెందాడు. పోలీసుల కథనం ప్రకారం.. ఈ నెల ఒకటో తేదీ సాయంత్రం సమయంలో నాళం కృష్ణమూర్తి పురుగు మందు తాగి, వాంతులు చేసుకున్నాడు. దీంతో అతడిని కుమారుడు శ్రీనివాసరావు చికిత్స నిమిత్తం రాజమహేంద్రవరం ప్రభుత్వాసుపత్రికి తీసుకువెళ్లాడు. అక్కడ చికిత్స పొందుతూ కృష్ణమూర్తి మంగళవారం మృతి చెందాడు. బొమ్మూరు ఎస్సై ఆర్‌.అంకారావు కేసు నమోదు చేసి దర్యాప్తు చేస్తున్నారు. గోదావరిలోకి దూకిన వివాహిత చాగల్లు: వివాహిత గోదావరిలోకి దూకిన ఘటన కొవ్వూరు మండలం సీతంపేట వద్ద జరిగింది. పోలీసులు తెలిపిన వివరాల ప్రకారం.. రాజమహేంద్రవరంలోని మల్లయ్యపేటకు చెందిన గెల్లా సరిత (27)కు వివాహమై ఇద్దరు పిల్లలు ఉన్నారు. అయితే భర్త చిన మంగరాజుతో విడిపోయి పిల్లలతో కలిసి వేరుగా అద్దె ఇంట్లో ఉంటోంది. ఈ క్రమంలో ఈ నెల 5వ తేదీన చీటి డబ్బులు కట్టడానికి వెళ్లాలని చెప్పి, తన పిల్లలను బావ చాపల సంతోష్‌ కుమార్‌కు అప్పజెప్పింది. అనంతరం బావ కుమారుడితో కలిసి స్కూటీపై ఇంటి నుంచి బయటకు వచ్చింది. కానీ ఆమె ఇంటికి రాకపోవడంతో సాయంత్రం సరితకు సంతోష్‌ ఫోన్‌ చేయగా, అతడి కుమారుడు ఎత్తాడు. సరిత విజేశ్వరం పవర్‌ప్లాంట్‌ వద్ద గోదావరిలో దూకినట్టు చెప్పాడు. వెంటనే బంధువులు, పోలీసులు సంఘటన స్థలానికి వచ్చి ఆమె కోసం గాలించగా ఆచూకీ లభించలేదు. సంతోష్‌ ఫిర్యాదు మేరకు మంగళవారం కేసు నమోదు చేసి దర్యాప్తు చేస్తున్నట్టు కొవ్వూరు రూరల్‌ ఎస్సై శ్రీహరి తెలిపారు.

ఫ ఇప్పటికే వేధిస్తున్న సిబ్బంది కొరత ఫ కేసుల దర్యాప్తులో జాప్యం ఫ కొత్త కమిషనరేట్‌తో మరింత మంది అధికారుల రాక ఫ పూర్తిస్థాయిలో సిబ్బందిని నియమించాలని ప్రజల వినతి కంబాలచెరువు (రాజమహేంద్రవరం): రాజమహేంద్రవరం కేంద్రంగా జిల్లాలో పోలీస్‌ కమిషనరేట్‌ ఏర్పాటు చేస్తున్నట్టు ప్రభుత్వం ప్రకటించడంపై మేధావులు ఆనందం వ్యక్తం చేస్తున్నారు. తద్వారా శాంతిభద్రతలకు భరోసా లభిస్తుందని చెబుతున్నారు. అదే సమయంలో కొన్ని సమస్యలను కూడా గుర్తుచేసుకుంటున్నారు. ఇప్పుడు కొత్తగా కమిషనరేట్‌ ఏర్పాటు చేయడం వల్ల కొత్తగా సమకూరే ప్రయోజనాలకు ఎంతకాలం పడుతుందోనని పెదవి విరుస్తున్నారు. ముఖ్యంగా సిబ్బంది కొరత సమస్యను పరిష్కరించాలని కోరుతున్నారు. అప్పట్లో అర్బన్‌ జిల్లాగా.. 2010లో అర్బన్‌ జిల్లా ఏర్పడక ముందు ఒక డీఎస్పీ పర్యవేక్షణలో రాజమహేంద్రవరం సబ్‌ డివిజన్‌ ఉండేది. అప్పటి జిల్లా కేంద్రమైన కాకినాడ నుంచి రాజమహేంద్రవరం సుమారు 60 కిలోమీటర్ల దూరం ఉండడంతో పరిపాలన సౌలభ్యం కోసం రాజమహేంద్రవరం సబ్‌ డివిజన్‌ను అర్బన్‌ పోలీస్‌ జిల్లాగా ఏర్పాటు చేశారు. ఇక్కడ ఒక ఎస్పీని నియమించి, సబ్‌ డివిజన్‌ను నాలుగు జోన్లుగా విభజించి, ఒక్కో జోన్‌కు ఒక్కో డీఎస్పీని ఏర్పాటు చేశారు. అర్బన్‌ జిల్లాలో మొత్తం 14 స్టేషన్లు విలీనమయ్యాయి. ప్రతి స్టేషన్‌ హౌస్‌ ఆఫీసర్‌గా ఎస్‌సై స్థానంలో సీఐ స్థాయి అధికారిని నియమించారు. అధికారుల సేవతోనే సరి ఎప్పుడైతే అధికారులు పెరిగారో సిబ్బందికి సేవా బాధ్యతలు పెరిగాయి. ఎస్పీ క్యాంపు ఆఫీసు, కార్యాలయం వద్ద, నలుగురు డీఎస్పీలు, సీఐల వద్ద సేవలకు కానిస్టేబుళ్లు, హెడ్‌ కానిస్టేబుళ్లు స్ధాయి సిబ్బందిని కేటాయించారు. దీంతో సిబ్బంది కొరత ఏర్పడి కేసు దర్యాప్తులకు అవరోధం ఏర్పడింది. అంచెలంచెలుగా సిబ్బందిని పెంచేందుకు పోలీసు శాఖకు 14 ఏళ్లు పట్టింది. ఈలోపు జిల్లాల విభజనలో తూర్పుగోదావరి జిల్లా ఏర్పాటై, కొవ్వూరు డివిజన్‌ కూడా దీనిలో కలిసింది. ఇప్పుడు 29 లా అండ్‌ ఆర్డర్‌ పోలీస్‌ స్టేషన్లు, మూడు సీసీఎస్‌ పోలీస్‌ స్టేషన్లు, మధురపూడి ఎయిర్‌పోర్ట్‌ పోలీస్‌ స్టేషన్‌, ఒక మహిళా పీఎస్‌, ట్రాఫిక్‌ పోలీస్‌ స్టేషన్‌ కలిపి మొత్తం 36 పోలీస్‌ స్టేషన్లు జిల్లాలో ఉన్నాయి. జిల్లా ఏర్పడకముందు ఉన్న 1300 మంది సిబ్బందితో పాటు అదనంగా విలీనమైన స్టేషన్ల సిబ్బందితో కలిపి ప్రస్తుతం 1,800 మంది ఉన్నారు. ఇలా ప్రతి పోలీస్‌ స్టేషన్‌ను సిబ్బంది కొరత వేధిస్తోంది. జిల్లాలో శాంతిభద్రతల పర్యవేక్షణ సజావుగా సాగాలంటే కనీసం మరో 2 వేల మంది సిబ్బంది అవసరమని సమాచారం. పెరిగిన నేరాలు జిల్లాకు రెండు వైపులా ఏజెన్సీ ఉండడంతో గంజాయి రవాణా విపరీతంగా పెరిగింది. దీంతో పాటు గత పదేళ్లుగా పెరిగిన రియల్‌ ఎస్టేట్‌ వ్యాపారం కారణంగా భూదందాలు, పెరిగిన జనాభాకు తగ్గట్టుగా రహదారి ప్రమాదాలు, నేరాలు ఇటీవల కాలంలో గంజాయి మత్తులో హత్యలు, బ్లేడ్‌ బ్యాచ్‌ ఆగడాలు విపరీతంగా పెరిగాయి. ఈ నేపథ్యంలో జిల్లాకు కావాల్సిన అధికారులను పెంచారు తప్ప, క్షేత్రస్థాయి సిబ్బంది కొరత వేధిస్తోంది. గతేడాది జిల్లాలో 7,685 ఎఫ్‌ఆర్‌లు నమోదు కాగా, వాటిలో మహిళలపై నేరాల కేసులు 802 ఉండడం ఆందోళన కలిగించే విషయం. దీన్ని బట్టి సిబ్బంది కొరత ఎంతగా వేధిస్తుందో చెప్పవచ్చు. తొందరపాటు చర్యలు! హడావుడిగా తూర్పుగోదావరి జిల్లాను కమిషనరేట్‌గా ప్రకటించడం వల్ల ప్రయోజనం ఉండదని, ఇది రాజకీయ మైలురాయి కోసం చేసిన తొందరపాటు చర్యగానే కొందరు భావిస్తున్నారు. ముందుగా తగిన క్షేత్ర స్థాయి సిబ్బందిని ఏర్పాటు చేయకుండా ఈ నిర్ణయం తీసుకోవడం వల్ల ఫలితాలు ఉండవన్నారు. ఎస్పీ స్థానంలో డీఐజీని, డీఎస్పీల స్థానంలో ఐపీఎస్‌లను, సీఐల స్థానంలో డీఎస్పీలను ఏర్పాటు చేయడం వల్ల తమపై మరింత ఒత్తిడి పెరుగుతుంది తప్ప ప్రజలకు ఒనగూరేదేమీ ఉండదని పోలీసు సిబ్బంది వాపోతున్నారు. కమిషనరేట్‌ హోదా ఇందుకే... జిల్లా ప్రధాన కేంద్రమైన రాజమహేంద్రవరం పరిపాలన, వాణిజ్య, విద్యా, రవాణా కేంద్రంగా అభివృద్ధి చెందింది. ప్రభుత్వ కార్యాలయాలు, ఆసుపత్రులు, కార్పొరేట్‌ వ్యాపార సంస్థల కారణంగా ప్రజల రాకపోకలు ఎక్కువయ్యాయి. దీంతో చుట్టుపక్కల ప్రాంతాలు అభివృద్ధి చెందుతున్నాయి. ఈ కారణాలతో పోలీసింగ్‌ అవసరం పెరిగింది. ఈ నేపథ్యంలో ఎస్పీకి మెజిస్ట్రేట్‌ అధికారాలు లేకపోవడంతో తక్షణ చర్యలపై ఆపై ఉన్నతాధికారి ఆదేశాల కోసం వేచి చూడాల్సి వస్తోంది. డీజీపీ స్థాయి అధికారి రావడంతో దానికి చెక్‌ పెట్టవచ్చు. ఎస్పీ డీసీపీ అడ్మినిస్ట్రేటివ్‌గా వ్యవహరిస్తారు. దీంతో పాటు డీసీపీ ట్రాఫిక్‌, డీసీపీ క్రైం, డీసీపీ ఏఆర్‌ పోస్టులు రానున్నాయి. అయితే వీటిని కొత్తగా నియమించడం లేదు. వేరే ప్రాంతంలో ఉన్న వ్యక్తులను ఇక్కడికి తీసుకువచ్చి వారినే ఆ పోస్టుల్లో కూర్చోబెట్టి తంతు నడిపించనున్నారు. దీంతో పాటు ఇందంతా బాగానే ఉంది. అయితే వీటన్నింటినీ నియంత్రించడానికి సిబ్బంది లేకుండా కమిషనరేట్‌ చేస్తే, పేనం మీద నుంచి పొయ్యిలో పడ్డట్టు అన్న జిల్లా పరిస్ధితి తయారుకానుంది.

అమలాపురం రూరల్‌: డబుల్‌ ఇంజిన్‌ సర్కార్‌.. ట్రిపుల్‌ ఇంజిన్‌ సర్కార్‌.. క్వాంటమ్‌ కంప్యూటింగ్‌.. అంటూ ముఖ్యమంత్రి చంద్రబాబు తెగ గొప్పలు చెబుతూంటారు. అభివృద్ధిని అంతరిక్షం స్థాయికి తీసుకుపోతామన్న రీతిలో నేల విడిచి సాము చేస్తూంటారు. అధికారంలో తన పార్ట్‌నర్‌ అయిన పవన్‌ కల్యాణ్‌ గ్రామీణాభివృద్ధిలో విప్లవాత్మక మార్పులు తెచ్చేశారంటూ సర్టిఫికెట్లు ఇచ్చేసుకుంటున్నారు. కానీ, మనిషి ఊపిరి ఆగిపోతే.. అంతిమ ప్రయాణం సాగించడానికి సరైన దారి కూడా చూపలేని దుస్థితి పల్లెల్లో నెలకొన్నా.. అటువైపు మాత్రం సర్కారు పెద్దలు కన్నెత్తి కూడా చూడటం లేదు. ఒకవైపు తమ ఆప్తుడి ప్రాణం పోయిందన్న తీవ్ర దుఃఖం.. మరోవైపు అడుగు తీసి అడుగు వేస్తే ప్రాణాలు పోతాయేమోనన్నట్లు భయం కలిగించేలా తాత్కాలిక వంతెన.. ఈ పరిస్థితుల్లోనే బంధువులు ఆ మృతదేహాన్ని మోసుకుంటూ సాగించిన కన్నీటి ప్రయాణం.. స్థానికులను తీవ్రంగా కలచి వేసింది. జీవించి ఉన్నప్పుడు ఎలాగూ వారు నరకమే చూశారు.. కనీసం మరణించిన మనిషికై నా కడసారి గౌరవప్రదమైన వీడ్కోలు లభిస్తుందనుకుంటే అదీ కరువైన విషాద సంఘటన అమలాపురం మండలం వన్నెచింతలపూడి వీరయ్యపేటలో చోటు చేసుకుంది. గ్రామానికి చెందిన పిల్లి వెర్రియ్య (57) మంగళవారం గుండెపోటుతో మృతి చెందారు. మృతదేహాన్ని క్రైస్తవ సంప్రదాయంలో సవరప్పాలెంలోని శ్మశానవాటికకు తరలించేందుకు ఏర్పాట్లు చేశారు. వన్నెచింతలపూడి – సవరప్పాలెం గ్రామాల నడుమ పంట కాలువ అడ్డంగా ఉంది. దానిపై ఉన్న వంతెనను గత మే నెలలో తొలగించి, కొత్త వంతెన నిర్మాణం చేపట్టారు. కాలువలకు నీరు వదలడంతో ఈ పనులు నిలిచిపోయాయి. దీంతో, కాలువ దాటేందుకు గ్రామస్తులు కొబ్బరి దుంగలతో తాత్కాలికంగా చిన్న మార్గం ఏర్పాటు చేసుకున్నారు. దానిపై చాలా జాగ్రత్తగా నడిచి వెళ్లాల్సి ఉంటుంది. ఏమాత్రం అడుగు జారినా కాలువలో పడిపోవడం ఖాయం. మరో ప్రత్యామ్నాయం లేకపోవడంతో ఆ కొబ్బరి దుంగల మీదుగానే మృతుని బంధువులు ఆ మృతదేహాన్ని శ్మశానానికి తరలించాల్సి వచ్చింది. గుండెలు పిండేసే ఈ విషాద ఘటనకు సంబంధించిన వీడియో చూసిన వారి కళ్లు చెమర్చాయి. ‘బతికి ఉన్నప్పుడు రాకపోకలకు ఇబ్బందులు.. చనిపోయిన తర్వాత చివరి ప్రయాణానికి కూడా ఇబ్బందులేనా?’ అంటూ వీరయ్యపేట ప్రజలు ఆవేదన వ్యక్తం చేశారు.

ఫ సమస్యలు విన్నవించేందుకు వచ్చిన రాజంపేట మహిళలు ఫ ఆగకుండా వెళ్లిపోయిన రాజానగరం శాసన సభ్యుడు బత్తుల సీతానగరం: ఓ కార్యక్రమం కోసం తమ గ్రామం మీదుగా వెళుతున్న రాజానగరం ఎమ్మెల్యే బత్తుల బలరామకృష్ణకు సమస్యలు విన్నవిద్దామని రాజంపేట మహిళలు రోడ్డు మీదకు వచ్చారు. తమ దగ్గరకు ఎమ్మెల్యే కారు రావడంతో ఆపాలని అభ్యర్థించారు. కానీ కారు ఆగకుండా వెళ్లిపోవడంతో ఆవేదన చెందారు. తమ సమస్యలను వినే తీరిక కూడా మీకు లేదా ఎమ్మెల్యే సారూ అని వాపోయారు. వివరాల్లోకి వెళితే.. వెదుళ్లపల్లి పంచాయతీ పరిధి రాజంపేటలోని జగనన్న కాలనీ, దాన్ని ఆనుకుని ఉన్న ప్రాంతంలో డ్రైనేజీ వ్యవస్థ ధ్వంసమైంది. మురుగునీరు నిలిచిపోయి విపరీతమైన దుర్వాసన వెలువడుతోంది. ఆ మురుగులో దోమలు భారీగా పెరిగి పోయాయి. దీంతో అక్కడి ప్రజలందరూ తీవ్ర ఇబ్బంది పడుతున్నారు. దోమల కారణంగా పలువురు రోగాల బారిన పడి ఆస్పత్రిలో చికిత్స కూడా పొందారు. సమస్యలు చెబుదామని.. మునికూడలి గ్రామానికి మంగళవారం వచ్చిన ఎమ్మెల్యే బత్తుల బలరామకృష్ణ తమ గ్రామం మీదుగా వేరే కార్యక్రమానికి వెళుతున్నారని తెలియడంతో రాజంపేటకు చెందిన గొంతిన అచ్చమ్మ, ఉగ్గిన నాగమణి, పోశమ్మ, యండం ధనమ్మ, మావిడి గంగమ్మ, తామర్తి ఈశ్వరి, ముమ్మిన లక్ష్మి, శ్రీలక్ష్మి, కుమారి, పెండా రమణ, పంచాయతీ మూడో వార్డు మాజీ మెంబర్‌ దుర్గాప్రసాద్‌ తదితరులు రాజమహేంద్రవరం – సీతానగరం నాలుగు లేన్ల రోడ్డు వద్ద వేచి ఉన్నారు. అటుగా వచ్చే ఎమ్మెల్యేకు తమ ప్రాంతంలోని సమస్యలు విన్నవిద్దామని, పరిష్కరించాలని కోరదామని ఆశ పడ్డారు. దూరంగా వస్తున్నఎమ్మెల్యే కారును చూసి ఆపాలని కోరారు. కానీ కారు ఆగకుండా వేగంగా వెళ్లిపోవడంతో నిరాశ చెందారు. తమ సమస్యను వినే తీరిక కూడా ఎమ్మెల్యేకు లేకుండా పోయిందని ఆవేదన వ్యక్తం చేశారు. ఎన్నికల సమయంలో ఓట్ల కోసం వచ్చే నాయ కులు, గెలిచిన తర్వాత తమతో చెలగాటం ఆడుతున్నారని విమర్శించారు. తక్షణమే డ్రైనేజీ సమస్యను పరిష్కరించకపోతే ఆందోళనకు దిగుతామని హెచ్చరించారు.

కాకినాడ లీగల్‌: స్థానిక బార్‌ అసోసియేషన్‌కు రూ.1, రూ.2, రూ.5 విలువ కలిగిన మొత్తం రూ.42 వేల విలువైన కోర్టు ఫీ స్టాంపులను కాకినాడ సబ్‌ రిజిస్ట్రార్‌ కార్యాలయం ద్వారా అందించాలని జిల్లా రిజిస్ట్రార్‌ కె.ప్రసాదరావు ఉత్తర్వులు జారీ చేశారు. కోర్టు ఫీ స్టాంపులు అందుబాటులో లేక న్యాయవాదులు ఇబ్బందులు ఎదుర్కొంటున్నారు. ఈ సమస్యను జిల్లా రిజిస్ట్రార్‌ ప్రసాదరావు దృష్టికి కాకినాడ బార్‌ అసోసియేషన్‌ అధ్యక్షుడు ఏలూరు సుబ్రహ్మణ్యం తీసుకెళ్లి, వినతిపత్రం అందజేశారు. ఈ నేపథ్యంలో కోర్టు ఫీ స్టాంపులు సమకూర్చాలంటూ జిల్లా రిజిస్ట్రార్‌ ఉత్తర్వులు ఇచ్చారు. ఈ మేరకు బార్‌ అసోసియేషన్‌ కమిటీ సభ్యులకు కాకినాడ జాయింట్‌ సబ్‌ రిజిస్ట్రార్‌ పీఎస్‌వీఎస్‌ఎస్‌ వీరభద్రరావు ఆ స్టాంపులు మంగళవారం అందజేశారు. ఆన్‌లైన్‌లో నమోదు చేయకుండానే.. స్టాంపుల జారీ నిబంధనలపై సబ్‌ రిజిస్ట్రార్‌ కార్యాలయ ఉద్యోగులు అనేక సందేహాలు వ్యక్తం చేస్తున్నారు. దాదాపు 20 రోజుల క్రితం ఇతర ప్రాంతంలోని సబ్‌ రిజిస్ట్రార్‌ కార్యాలయం నుంచి కాకినాడ సబ్‌ రిజిస్ట్రార్‌ కార్యాలయానికి కోర్టు ఫీ స్టాంపులు తీసుకొచ్చారు. వాటిని జిల్లా రిజిస్ట్రార్‌ కార్యాలయం నుంచి ఆన్‌లైన్‌లో నమోదు చేయకపోవడంతో విక్రయాలు నిలిచిపోయాయని ఉద్యోగులు చెబుతున్నారు. ఇదిలా ఉండగా, నాసిక్‌ నుంచి జిల్లా రిజిస్ట్రార్‌ కార్యాలయానికి నాన్‌ జ్యుడీషియల్‌ స్టాంపులు, కోర్టు ఫీ స్టాంపులు, నోటరీ స్టాంపులు శనివారం వచ్చాయి. వాటిని సంబంధిత రిజిస్ట్రార్‌ కార్యాలయం నుంచి ఆన్‌లైన్‌లో నమోదు చేసిన అనంతరం మాత్రమే విక్రయాలకు అనుమతించాల్సి ఉంటుందని చెబుతున్నారు. అటువంటిది నిబంధనలకు విరుద్ధంగా ఆన్‌లైన్‌లో నమోదు చేయకుండానే రూ.42 వేల విలువైన కోర్టు ఫీ స్టాంపులు ఇవ్వాలంటూ ఉత్తర్వులు జారీ చేయడంపై కార్యాలయ వర్గాల్లో చర్చ జరుగుతోంది.

గత వైఎస్‌ జగన్‌మోహన్‌రెడ్డి ప్రభుత్వంలో ఆయన చొరవతో కరోనా వంటి విపత్కర పరిస్థితుల్లో సైతం ప్రజలకు విశేష సేవలందించాం. మా జీతాలు రూ.10 వేలకు పెంచుతామని ఎన్నికల్లో చంద్రబాబు చెప్పారు. అధికారంలోకి వచ్చాక మమ్మల్ని తొలగించి మోసం చేశారు. ఉపాధి కోల్పోయాం. నిరుద్యోగ భృతి కూడా ఇవ్వడం లేదు. కానీ, సొంత డప్పు కొట్టుకోవడానికి సోషల్‌ మీడియా ఇన్‌ఫ్లుయెన్సర్లకు మాత్రం ప్రభుత్వ సొమ్ము దుబారాగా ఖర్చు చేయడానికి సిద్ధమయ్యారు. – ఆలపాటి జ్యోతి, మాజీ వలంటీర్‌, ఆత్రేయపురం చంద్రబాబు మోసానికి పవన్‌ కల్యాణ్‌ వంతవలంటీర్లను కొనసాగిస్తామని, వారికి నెలకు రూ.5 వేలకు బదులుగా రూ.10 వేలు ఇస్తామని ఎన్నికల సమయంలో చంద్రబాబు వాగ్దానం చేశారు. ‘మేం ఒకరి పొట్ట కొట్టం.. వలంటీర్లకు, అక్కచెల్లెమ్మలకు రూ.10 వేలు ఇస్తామంటూ ఆయనకు పవన్‌ కల్యాణ్‌ కూడా లక్షల మంది ప్రజల ముందు వంత పాడారు. బహిరంగ సభల్లో అంత గొప్పగా చెప్పిన మాటలు నేడు అస్సలు గుర్తు లేవన్నట్లుగా ప్రవర్తించడం చాలా హాస్యాస్పదంగా ఉంది. ఆ ఇద్దరికీ లక్షలాది వలంటీర్ల ఉసురు తప్పకుండా తగులుతుంది. – సాదే రాజేష్‌, మాజీ వలంటీర్‌, జగన్నాయకులపాలెం, రామచంద్రపురం మండలం

కొత్తపల్లి: గ్రామ రెవెన్యూ సహాయకుల (వీఆర్‌ఏ) సమస్యలను వెంటనే పరిష్కరించాలని గ్రామ రెవెన్యూ అధికారుల (వీఆర్‌ఓ) సంఘం మండల అధ్యక్షుడు జగదీష్‌ ప్రభుత్వాన్ని డిమాండ్‌ చేశారు. స్థానిక తహసీల్దార్‌ కార్యాలయం వద్ద వీఆర్‌ఏలు చేస్తున్న ఆందోళనకు మండల వీఆర్‌ఓలు మంగళవారం మద్దతు తెలిపారు. వీఆర్‌ఏల సంఘం మండల అధ్యక్షుడు వినోద్‌ కుమార్‌ మాట్లాడుతూ, తెలంగాణలో మాదిరిగానే మన రాష్ట్రంలో కూడా వీఆర్‌ఏలకు పే స్కేల్‌ అమలు చేయాలని, నామినీలుగా పని చేస్తున్న వీఆర్‌ఏలందరినీ రెగ్యులర్‌ చేయాలని, అర్హులైన వారికి 70 శాతం ఉద్యోగోన్నతులు కల్పించాలని, మృతి చెందిన వీఆర్‌ఏల కుటుంబాల్లో ఒకరికి వయస్సుతో సంబంధం లేకుండా ఉద్యోగం కల్పించాలని డిమాండ్‌ చేశారు. అనంతరం తహసీల్దార్‌ చిన్నారావుకు వినతిపత్రం అందజేశారు. కార్యక్రమంలో పలువురు వీఆర్‌ఏలు పాల్గొన్నారు. రెండు పొక్లెయిన్ల సీజ్‌ పెద్దాపురం: పెద్దాపురం శివారు రామేశం మెట్టపై నిరంతరాయంగా జరుగుతున్న అక్రమ మైనింగ్‌పై ‘సాక్షి’ ప్రచురిస్తున్న వరుస కథనాలకు అధికారులు స్పందించారు. రామేశం మెట్టపై అక్రమంగా మైనింగ్‌ నిర్వహిస్తున్న రెండు పొక్లెయిన్లను మంగళవారం సీజ్‌ చేశారు. మైనింగ్‌ ఏడీ అశోక్‌ కుమార్‌ ఆదేశాల మేరకు టెక్నికల్‌ అసిస్టెంట్లు సత్యతేజ, రవీంద్ర దాడి చేసి, ఆ పొక్లెయిన్లను స్వాధీనం చేసుకున్నారు. ఎవరైనా అక్రమ మైనింగ్‌కు పాల్పడితే కఠిన చర్యలు తీసుకుంటామని హెచ్చరించారు. అక్రమ మైనింగ్‌ చేస్తున్న వారిపై దాడులు చేసి తీరతామని మీడియాకు చెప్పారు.శిలాఫలకం ధ్వంసం ఐ.పోలవరం: మండల కేంద్రమైన ఐ.పోలవరం గ్రామ పంచాయతీ పరిధి కుమ్మరి మెరకలో వైఎస్సార్‌ సీపీ ప్రభుత్వ హయాంలో ఏర్పాటు చేసిన శిలాఫలకాన్ని గుర్తు తెలియని దుండగులు ధ్వంసం చేశారు. ఈ విషయం మంగళవారం వెలుగులోకి వచ్చింది. వివరాలివీ.. గ్రామీణ నీటి సరఫరా, పారిశుధ్య పథకంలో భాగంగా ఐ.పోలవరంలో రూ.33 లక్షల వ్యయంతో మంచినీటి పథకం నిర్మాణానికి 2023 డిసెంబర్‌ 4న అప్పటి ముమ్మిడివరం ఎమ్మెల్యే పొన్నాడ వెంకట సతీష్‌ కుమార్‌ శంకుస్థాపన చేశారు. దీనికి సంబంధించిన శిలాఫలకాన్ని అక్కడ ఏర్పాటు చేశారు. వైఎస్సార్‌ సీపీ ప్రభుత్వ హయాంలో శరవేగంగా సాగిన ఈ పథకం పనులు.. కూటమి ప్రభుత్వం వచ్చాక పూర్తిగా నిలిచిపోయాయి. ఇప్పుడు అంచనాలు పెంచి, మళ్లీ శంకుస్థాపన చేసేందుకు సన్నాహాలు చేస్తున్నారు. ఈ నేపథ్యంలో సోమవారం రాత్రి ఈ శిలాఫలకాన్ని ధ్వంసం చేశారు. విషయం తెలుసుకున్న వైఎస్సార్‌ సీపీ నాయకులు అక్కడకు చేరుకుని విచారించగా, తాపీ మేస్త్రి సలాది బాబ్జీ ఈ పని చేసినట్లు తేలింది. అతడిని పట్టుకుని నిలదీయగా ఆ శిలాఫలకాన్ని తీసేయాల్సిందిగా టీడీపీ మండల కన్వీనర్‌ సాగిరాజు సూరిబాబు తనకు చెప్పారని అంగీకరించాడు. దుర్మార్గాన్ని సహించేది లేదు ఈ దుర్మార్గాన్ని నిరసిస్తూ వైఎస్సార్‌ సీపీ నాయకులు పెద్ద ఎత్తున ఆందోళనకు దిగారు. కూటమి నేతల తీరుపై మండిపడ్డారు. పార్టీ మండల అధ్యక్షుడు పిన్నమరాజు వెంకటపతిరాజు మాట్లాడుతూ, కూటమి నేతలు తప్పుడు రాజకీయాలకు పాల్పడుతున్నారని ఆగ్రహం వ్యక్తం చేశారు. అభివృద్ధికి గుర్తుగా ఉన్న శిలాఫలకాలను ధ్వంసం చేయడం దుర్మార్గమని అన్నారు. వెంటనే శిలాఫలకాన్ని తిరిగి ఏర్పాటు చేయకపోతే ఊరుకునేది లేదని హెచ్చరించారు. అనంతరం, ఈ ఘటనపై ఎంపీడీఓ కార్యాలయంతో పాటు పోలీసు స్టేషన్‌లో వైఎస్సార్‌ సీపీ నాయకులు ఫిర్యాదు చేశారు. బాధ్యులపై చర్యలు తీసుకోవాలని కోరారు. కార్యక్రమంలో పార్టీ నాయకులు దంతులూరి రాఘవరాజు, ఢిల్లీ నారాయణ తదితరులు పాల్గొన్నారు.

బోట్‌క్లబ్‌ (కాకినాడ సిటీ): తమను ప్రభుత్వ ఉద్యోగులుగా గుర్తించి కనీస వేతనం రూ.26 వేలు చెల్లించాలని డిమాండ్‌ చేస్తూ అంగన్‌వాడీ, ఆశ, మధ్యాహ్నం భోజన పథకం కార్మికులు ఎంపీ తంగెళ్ల ఉదయ్‌ శ్రీనివాస్‌ ఇంటిని మంగళవారం ముట్టడించారు. సీఐటీయూ అనుబంధమైన ఏపీ అంగన్‌వాడీ వర్కర్స్‌ అండ్‌ హెల్పర్స్‌ యూనియన్‌, ఏపీ ఆశ వర్కర్స్‌ యూనియన్‌ ఆధ్వర్యాన నాగమల్లితోట జంక్షన్‌ నుంచి ఎంపీ ఇంటి వద్దకు ర్యాలీగా చేరుకుని, ధర్నా నిర్వహించారు. ఈ సందర్భంగా పోలీసులకు, ఉద్యమకారులకు మధ్య తోపులాట జరిగింది. అయినప్పటికీ వారు అక్కడే బైఠాయించి నిరసన చేపట్టారు. తమ డిమాండ్లు పరిష్కరించాలంటూ పెద్ద పెట్టున నినాదాలు చేశారు. అనంతరం ఎంపీ అనుచరులకు వినతిపత్రం అందించారు. సమస్యలు పరిష్కరించకపోవడం దుర్మార్గం ఈ సందర్భంగా సీఐటీయూ జాతీయ ఉపాధ్యక్షురాలు జి.బేబీరాణి, జిల్లా అధ్యక్షుడు దువ్వా శేషుబాబ్జీ, అంగన్‌వాడీ, ఆశ సంఘాల ప్రధాన కార్యదర్శులు చంద్రావతి, చంద్రమళ్ల పద్మ మాట్లాడుతూ, 2014లో ఎన్‌డీఏ ప్రభుత్వం అధికారంలోకి వచ్చిన తర్వాత అంగన్‌వాడీ, ఆశ, మధ్యాహ్నం భోజనం తదితర స్కీమ్‌ వర్కర్లకు కేంద్రం వాటాలో ఒక్క రూపాయి కూడా వేతనం పెంచలేదని ఆగ్రహం వ్యక్తం చేశారు. ఈ పన్నెండేళ్లలో ధరలు విపరీతంగా పెరిగాయని, ఇస్తున్న జీతాలు సరిపోక స్కీమ్‌ వర్కర్ల కుటుంబాలు అప్పుల పాలవుతున్నాయని ఆవేదన వ్యక్తం చేశారు. ఇదే కాలంలో అంబానీ, అదానీ, ప్రధాని మోదీ స్నేహితులైన పెట్టుబడిదారుల ఆస్తులు వందల రెట్లు పెరిగాయని చెప్పారు. ఎన్‌డీఏలో భాగస్వామి అయిన రాష్ట్రంలోని కూటమి ప్రభుత్వం కూడా వేతనాలు పెంచలేదని ధ్వజమెత్తారు. ఎంపీలు, ఎమ్మెల్యేల వేతనాలు ప్రతి మూడేళ్లకోసారి పెంచుకుంటున్నప్పుడు, కరోనా వంటి విపత్కర పతిస్థితుల్లో సైతం ప్రాణాలకు తెగించి ప్రజలకు, పిల్లలకు సేవలందిస్తున్న స్కీమ్‌ వర్కర్ల సమస్యలు పరిష్కరించకపోవడం అత్యంత దుర్మార్గమని మండిపడ్డారు. స్పందించకపోతే ఇక పోరాటాలే.. తమ సమస్యలపై ఎంపీ ఉదయ్‌ శ్రీనివాస్‌ పార్లమెంటులో గళమెత్తి, కేంద్ర ప్రభుత్వం తమ వేతనాలు పెంచేలా చర్యలు తీసుకోవాలని నేతలు, కార్మికులు డిమాండ్‌ చేశారు. ఇప్పటికై నా వేతనాల పెంపుదలపై కేంద్ర, రాష్ట్ర ప్రభుత్వాలు నిర్ణయం తీసుకోకపోతే పెద్ద ఎత్తున పోరాటాలకు దిగుతామని హెచ్చరించారు. డిసెంబర్‌ ఒకటి నుంచి మూడో తేదీ వరకూ ఢిల్లీ ముట్టడికి సిద్ధపడాలని కార్మికులకు పిలుపునిచ్చారు. ఆందోళనలో సీఐటీయూ జిల్లా ప్రధాన కార్యదర్శి చెక్కల రాజ్‌కుమార్‌, కోశాధికారి మలకా రమణ, జిల్లా సహాయ కార్యదర్శి దారపురెడ్డి క్రాంతి, జిల్లా వర్కింగ్‌ కమిటీ సభ్యులు మేడిశెట్టి వెంకట రమణ, టి.రాజా, సత్యనారాయణ, కాళ్ల నాగేశ్వరరావు తదితరులు పాల్గొన్నారు. ఫ ఎంపీ ఇల్లు ముట్టడి ఫ కనీస వేతనం రూ.26 వేలు చెల్లించాలని డిమాండ్‌ ఫ ప్రభుత్వ ఉద్యోగులుగా గుర్తించాలని నినాదాలు

కొత్తపల్లి: జనసేన మండల నాయకుల మధ్య కుమ్ములాటలు మొదలయ్యాయి. ఇప్పటి వరకూ రెండు వర్గాలుగా ఉన్న వీరు.. ప్రస్తుతం కుర్చీ ఎత్తి ఆగ్రహం చూపించే స్థాయికి వచ్చారు. వివరాల్లోకి వెళితే.. మండల కేంద్రమైన కొత్తపల్లిలోని ముప్పారపు అచ్చియ్యమ్మ కల్యాణ మండపంలో జనసేన నాయకులు మంగళవారం విలేకర్ల సమావేశం నిర్వహించారు. దీనికి పార్టీ ఆవిర్భావం నుంచీ ఉన్న నాయకులకు ఎటువంటి సమాచారం ఇవ్వలేదు. దీనిపై మండల నాయకులను మామిడి సూరిబాబు, మామిడి మల్లిబాబు, పుచ్చల బంగారు బాబీ నిలదీశారు. గ్రామ అధ్యక్షులందరూ కలిసి ఎన్నుకుంటేనే మండల నాయకులయ్యారని, ఇప్పుడు తమను మరచి సమావేశాలు నిర్వహించడమేమిటని ప్రశ్నించారు. ఈ క్రమంలో అక్కడున్న కుర్చీలు విసిరేశారు. వారిని పోలీసుల సహాయంతో వారింపజేశారు. ఇటీవల జనసేనలో ఒక వర్గానికి చెందిన నాయకులు ఆ పార్టీ మండల అధ్యక్షుడిపై పరోక్షంగా విమర్శలు గుప్పించారని, ఇప్పుడు తామందరం ఒక్కటేనని, కుటుంబంలో వచ్చినట్టే జనసేన కుటుంబంలో కూడా సమస్యలు వస్తూంటాయని, ఆరోపణలన్నీ అవాస్తవమని చెప్పుకొచ్చారు. అభివృద్ధిలో పిఠాపురం దూసుకుపోతోందంటూ ఇటీవల పిఠాపురం బహిరంగ సభలో డిప్యూటీ సీఎం పవన్‌ కల్యాణ్‌ అన్న మాటలనే చెప్పుకొచ్చారు. కార్యక్రమంలో గోదావరి తూర్పు డెల్టా చైర్మన్‌ మురాలశెట్టి సునీల్‌ కుమార్‌, జనసేన పార్టీ మండల అధ్యక్షుడు రావు అక్షయ్‌ తదితరులు పాల్గొన్నారు.ఫ కొత్తపల్లిలో జనసేన నేతల కుమ్ములాట ఫ తమకు ప్రాధాన్యం ఇవ్వడం లేదని ఓ వర్గం మండిపాటు

ఫ ద్వారకాతిరుమలలో వరుణయాగం ప్రారంభం ఫ సాయంత్రం కురిసిన భారీ వర్షం ద్వారకాతిరుమల: వర్షాలు సమృద్ధిగా కురిసి, పుడమితల్లి పచ్చని పైరులతో కళకళలాడాలని ఆకాంక్షిస్తూ ద్వారకాతిరుమల క్షేత్ర పాలకుడైన భ్రమరాంబా మల్లేశ్వరస్వామి సన్నిధిలో మంగళవారం వరుణయాగం భక్తిశ్రద్ధలతో ప్రారంభమైంది. రాష్ట్ర దేవదాయశాఖ కమిషనర్‌ ఆదేశాల మేరకు మూడు రోజులపాటు ఈ ప్రత్యేక క్రతువు నిర్వహించను న్నారు. తొలి రోజు వరుణదేవుని అనుగ్రహం కోసం పండితులు శాస్త్రోక్తంగా పూజా కార్యక్రమా లు చేపట్టారు. ఆలయ ఈఓ వేండ్ర త్రినాథరావు స్వామి, అమ్మవార్లకు పూలు, పండ్లు సమర్పించారు. రుష్యశృంగ మహామంత్ర వరుణ జపాన్ని పండితులు వేదోక్తంగా జరిపించారు. తడిచి ముద్దయిన ఆలయం ద్వారకాతిరుమల క్షేత్రంలో మంగళవారం సాయంత్రం భారీ వర్షం కురిసింది. శ్రీవారి కొండపైన పలు ప్రాంతాలు కోనేరులను తలపించాయి. దీపారాధన మండపం వద్ద నీరు భారీగా నిలిచింది. వర్షం వెలిసిన అనంతరం క్రమంగా బయటకు ప్రవహించింది. ఎండలతో తీవ్ర ఇబ్బంది పడుతున్న భక్తులకు కొంచెం ఉపశమనం లభించింది. చిన వెంకన్నకు రెండో స్థానం ద్వారకాతిరుమల: రాష్ట్రంలోని ఏడు ప్రధాన దేవాలయాల్లో భక్తులకు అందుతున్న సేవలపై కంప్యూటర్‌ సహాయంతో ఫోన్‌ ద్వారా నిర్వహించిన అభిప్రాయ సేకరణ (సీఏటీఐ) సర్వేలో ద్వారకాతిరుమల శ్రీవారి దేవస్థానం మరోసారి మెరుగైన స్థానాన్ని సాధించింది. అక్టోబర్‌కు సంబంధించిన సర్వేలో 71.9 శాతం పాజిటివ్‌ స్కోర్‌తో రెండో ర్యాంకులో నిలిచింది. 72.4 శాతంతో విజయవాడ మొదటి స్థానంలో ఉండగా, 68.1 శాతంతో సింహాచలం మూడో స్థానంలో ఉంది. ఈ వివరాలను ఆంధ్రప్రదేశ్‌ ప్రభుత్వ సమాచార, పౌరసంబంధాల శాఖ ఈ నెల 5న విడుదల చేసిన ఓ నివేదికలో వెల్లడించింది. నాలుగు అంశాలపై అభిప్రాయ సేకరణ దర్శనం, తాగునీటి వసతి, ప్రసాదం రుచి–నాణ్యత, పారిశుధ్య నిర్వహణ అనే నాలుగు అంశాలను ప్రామాణికంగా తీసుకుని భక్తుల అభిప్రాయాలను నమోదు చేస్తున్నారు. గత నెల 4 నుంచి ఈ నెల 4వ తేదీ వరకు నమోదైన స్పందనల ఆధారంగా తాజా ర్యాంకులను వెల్లడించారు. అలాగే రాష్ట్రంలోని అన్ని ప్రముఖ దేవాలయాల్లో భక్తులకు అందుతున్న సౌకర్యాలపై నిర్వహించిన ఈ సర్వేలో ఓవరాల్‌గా దర్శన సంతృప్తి 72.3 శాతంగా నమోదైంది. ప్రసాదం రుచి, నాణ్యతకు 74.2 శాతం, పరిశుభ్రతకు 63.3 శాతం, తాగునీటి సౌక ర్యాలకు 63.2 శాతం పాజిటివ్‌ స్పందనలు లభించాయి. మొత్తంగా దేవాలయ సౌకర్యాలపై పాజిటివ్‌ స్కోర్‌ 68.2 శాతంగా నమోదైంది.

తుని మండలం లోవకొత్తూరు వద్ద పోలవరం ఎడమ ప్రధాన కాలువ తవ్వకంలో ఏర్పడిన మట్టి గుట్టలను సైతం కూటమి నేతలు కొల్లగొట్టేస్తున్నారు. చీకటి పడితే చాలు ఇక్కడ దందా ప్రారంభమైపోతోంది. రాత్రి, పగలు అనే తేడా లేకుండా అక్రమ తవ్వకాలు, తరలింపు నిరాటంకంగా సాగుతున్నా మామూళ్ల మత్తులు అధికారులు పట్టించుకోవడం లేదన్న విమర్శలు వస్తున్నాయి. ఇక్కడ ట్రాక్టర్‌ మట్టి రూ.1,000 నుంచి రూ.1,200కు విక్రయిస్తున్నారు. రోజుకు 120 నుంచి 200 వరకు ట్రాక్టర్ల మట్టి అక్రమంగా ఇతర ప్రాంతాలకు తరలిపోతోంది. వెరసి కూటమి నేతల జేబుల్లోకి రూ.లక్షలు వెళ్తున్నాయి. అక్రమ తవ్వకాలు జరుగుతున్న ప్రాంతానికి కేవలం నాలుగు కిలోమీటర్ల దూరంలోనే పోలవరం ఎస్‌ఈ, ఈఈ, డీఈ కార్యాలయాలున్నాయి. మట్టి అక్రమంగా తరలిస్తున్న విషయం తెలిసినా అధికారులకు చూసీ చూడనట్లు వ్యహరిస్తున్నారన్న ఆరోపణలున్నాయి. ఈ అక్రమాలను అడ్డుకుంటే టీడీపీ ప్రజాప్రతినిధుల ఆగ్రహానికి గురి కావాల్సి వస్తుందనే భయంతోనే వారు వెనకడుగు వేస్తున్నారనే విమర్శలు వస్తున్నాయి. లోవకొత్తూరు సమీప పోలవరం కాలువ మట్టిని అక్రమంగా తరలిస్తున్న అక్రమార్కులు●

● జవాన్‌ ఇంట్లో భారీ చోరీ ● నిడదవోలు మండలం రావిమెట్లలో ఘటన నిడదవోలు రూరల్‌: దేశ సరిహద్దుల్లో విధులు నిర్వర్తిస్తున్న ఆర్మీ జవాన్‌ ఇంటికి రాగా, కుటుంబమంతా ఎంతో సంతోషంగా తిరుమల శ్రీవారి దర్శనానికి వెళ్లింది. ఇదే అదునుగా భావించిన దుండగులు ఆ ఇంట్లోకి ప్రవేశించి దొంగతననానికి పాల్పడ్డారు. నిడదవోలు మండలం రావిమెట్ల గ్రామంలో ఈ ఘటన సోమవారం కలకలం రేపింది. పోలీసులు, స్థానికుల వివరాల ప్రకారం.. రావిమెట్ల గ్రామానికి చెందిన ఆకుల సుబ్బారావు వ్యవసాయం చేస్తూ జీవనోపాధి పొందుతున్నాడు. చిన్న కుమారుడు నరేంద్ర ఆర్మీలో ఉద్యోగం చేస్తున్నారు. ఇటీవల సెలవులపై ఇంటికి రావడంతో కుటుంబ సభ్యులంతా కలిసి మొక్కు తీర్చుకునేందుకు ఈ నెల 2న తిరుమల వెళ్లారు. ఇళ్లు ఖాళీగా ఉండటాన్ని గమనించిన గుర్తుతెలియని వ్యక్తులు శనివారం అర్ధరాత్రి సమయంలో ఇంటి ప్రధాన ద్వారం తాళాలు పగులకొట్టి లోపలికి వెళ్లారు. ఇంట్లోని బీరువాలను బద్దలు కొట్టి వస్తువులను చెల్లాచెదురుగా పడేసి, అందులో దాచిన సుమారు 19 కాసుల బంగారు ఆభరణాలు, 80 గ్రాముల వెండి వస్తువులు దోచుకెళ్లారు. ఆదివారం ఉదయం ఇంటి తాళాలు తెరిచి ఉండటాన్ని గమనించిన ఇరుగుపొరుగు వారు సుబ్బారావుకు సమాచారం అందించారు. తిరుమల నుంచి హుటాహుటిన సోమవారం ఇంటికి చేరుకుని దొంగతనానికి గురైన సొత్తును చూసి కన్నీరుమున్నీరయ్యారు. బాధితుల ఫిర్యాదు మేరకు సమిశ్రగూడెం ఎస్సై ఎల్‌.బాలాజీ సుందరరావు సంఘటనా స్థలానికి వెళ్లి క్లూస్‌ టీమ్‌ సహాయంతో వేలిముద్రలను సేకరించారు. ఈ ఘటనపై కేసు నమోదు చేసి దర్యాప్తు చేపట్టినట్లు ఎస్సై పేర్కొన్నారు.

కోరుకొండ: స్థానిక శ్రీలక్ష్మీ నరసింహస్వామి దేవస్థానంలో పవిత్రోత్సవాలు సోమవారం ప్రారంభమయ్యాయి. తొలుత అర్చకస్వామి చంటిబాబు ప్రత్యేక పూజలు చేశారు. సుదూర ప్రాంతాల నుంచి వచ్చిన భక్తులు స్వామివారిని దర్శించుకున్నారు. ఈ ఉత్సవాలు 8వ తేదీ వరకూ జరుగుతాయని ఆలయ అనువంశిక ధర్మకర్త రంగరాజబట్టర్‌, దేవస్థాన అధికారి శ్రీనివాసరావు తెలిపారు. మంగళవారం ఉదయం 6–45 గంటలకు వరుణజపం, వరుణయాగం నిర్వహిస్తారు. సత్యదేవుని నిత్యాన్నదానానికి విరాళం అన్నవరం: స్థానిక సత్యదేవుని దేవస్థానంలో నిత్యాన్నదాన పథకానికి హర్యానా రాష్ట్రం గుర్గాన్‌కు చెందిన దాత ఆలపాటి వెంకట జయలక్ష్మి రూ.2 లక్షలను విరాళంగా సోమవారం సమర్పించారు. ఇందులో రూ.లక్షపై వచ్చే వడ్డీతో వి.వీరాంజనేయులు పేరుపై ఏటా పుష్యమాస శుక్ల పక్షం అష్టమి రోజున, మరో రూ.లక్షపై వచ్చే వడ్డీతో వి.సుబ్బరత్నమ్మ పేరుపై ఏటా ఘశుక్ల షష్టి రోజున అన్నదానం చేయాలని కోరారు. దాత తరఫున బంధువులకు సత్యదేవుని చిత్రపటం, ప్రసాదం, అన్నదానం బాండ్‌లను అన్నదానం ఏఈఓ బలువు సత్యశ్రీనివాస్‌ అందజేశారు.

కపిలేశ్వరపురం (మండపేట): తమ డిమాండ్ల సాధన కోసం మండపేట పోస్టాఫీస్‌ వద్ద సోమవారం భోజన విరామ సమయంలో గ్రామీణ తపాలా ఉద్యోగులు నిరసన తెలిపారు. వేతన సంఘాన్ని వెంటనే నియమించాలని, డిపార్ట్‌మెంట్‌ ఉద్యోగులతో సమానంగా పెన్షన్‌, గ్రాడ్యుటీ, వైద్య సౌకర్యాలు కల్పించాలని, బలవంతపు టార్గెట్లను రద్దు చేయాలన్న డిమాండ్లతో నిరసన తెలిపామని సంఘం నాయకులు తెలిపారు. ఆల్‌ ఇండియా ఉద్యోగుల మాజీ కార్యదర్శి ఎస్‌ఎస్‌ మహదేవయ్య సస్పెన్షన్‌ను వెంటనే ఎత్తివేయాలని కోరారు. సంఘం సీనియర్‌ నాయకుడు ఎండీఎం షరీఫ్‌, ఎ.గణపతి నాయకత్వంలో జరిగిన నిరసన కార్యక్రమంలో కేలీ నారాయణరావు, ఎ.వెంకటేశ్వరరావు, జి.వెంకట్రావు, ఎం.అనూష, ఎస్‌.దుర్గాదేవి, కె.అనూష, ప్రసాద్‌ పాల్గొన్నారు.

ముఖ్యమంత్రి చంద్రబాబు నాయుడు వలంటీర్‌ వ్యవస్థను రద్దు చేసి వారి జీవితాలను అంధకారంలోకి నెట్టారు. గత ముఖ్యమంత్రి వైఎస్‌ జగన్‌ హయాంలో ఎన్నో సంక్షేమ పథకాలను మా చేతుల మీదుగా ప్రతి గడపకూ చేర్చాం. కరోనా కష్ట సమయంలో ప్రతి ఇంటికీ వెళ్లి సేవలు అందించాం. తాను అధికారంలోకి వస్తే వలంటీర్‌ వ్యవస్థను కొనసాగిస్తానని చంద్రబాబు హామీ ఇచ్చారు. నిరుద్యోగ భృతి ఇస్తానని అది కూడా అమలు చేయలేదు. చంద్రబాబు నైజం మోసమని జనానికి తెలిసివచ్చేలా చేశారు. – ఒమ్మి రామకృష్ణ, మున్సిపల్‌ వలంటీర్ల వింగ్‌ అధ్యక్షుడు, పెద్దాపురం కార్యకర్తలకు తాయిలాలుసోషల్‌ మీడియా ఇన్‌ఫ్లుయెన్సర్లకు నజరానాల పేరుతో తమ కార్యకర్తలకు తాయిలాలు ఇచ్చేందుకు ముఖ్యమంత్రి చంద్రబాబు పథకం వేశారు. గతంలో ఐదేళ్ల పాటు తక్కువ గౌరవ వేతనంతోనే ప్రజలకు ఎంతో సేవ చేశాం. అటువంటి మాకు జీతాలు పెంచుతామని గత ఎన్నికల్లో కూటమి నేతలు వాగ్దానం చేసి, నమ్మించారు. చివరకు మమ్మల్ని అన్యాయంగా ఈ కూటమి ప్రభుత్వం తొలగించింది. మా కుటుంబాలను రోడ్డున పడేసింది. – బందెల జాన్‌బాబు, మాజీ వలంటీర్‌, అప్పనరామునిలంక, సఖినేటిపల్లి మండలం

పెద్దాపురం: కబడ్డీ సబ్‌ జూనియర్స్‌ జిల్లా స్థాయి పోటీల్లో పెద్దాపురం మండలం చిన్నబ్రహ్మదేవం జిల్లా పరిషత్‌ ఉన్నత పాఠశాల 8వ తరగతి విద్యార్థినులు ఆచంట మౌనిక శ్రీవర్షిని, వేటికూరి సుబ్బలక్ష్మి సత్తా చాటారు. వీరు 10 నుంచి పశ్చిమగోదావరి జిల్లా నూజివీడులో జరిగే రాష్ట్ర స్థాయి కబడ్డీ పోటీలకు కాకినాడ జిల్లా తరఫున ఆడేందుకు అర్హత సాధించాలని పాఠశాల పీఈటీ కోట్నీ శ్రీనివాసరావు తెలిపారు. ఈ విద్యార్థినులను హెచ్‌ఎం వెంకటరమణ, ఎస్‌ఎంసీ చైర్మన్‌ కంచుమర్తి వీరవేణి, వైస్‌ చైర్మన్‌ తాతపూడి సునీత కుమారి అభినందించారు.

దేవరపల్లి: గోపాలపురం పోలీస్‌ స్టేషన్‌ పరిధిలో 2021లో ఒకే రోజు నమోదైన రెండు వేర్వేరు హత్యాయత్నం కేసుల్లో నిందితుడికి ఏడేళ్ల జైలు శిక్షతో పాటు రూ. 6 వేల జరిమానా విధిస్తూ కొవ్వూరు ప్రిన్సిపల్‌ సీనియర్‌ సివిల్‌ జడ్జి గంధం వెంకటలక్ష్మి సరస్వతి సోమవారం తీర్పు వెలువరించినట్టు ఎస్సై వి.సుబ్రహ్మణ్యం తెలిపారు. గోపాలపురం మండలం హుకుంపేటకు చెందిన నిందితుడు గేరా వీరవెంకట సత్యనారాయణ 2021 మే నెల 30న హుకుంపేటలో స్థల వివాదం కారణంగా నాయుడు వీరకృష్ణపై గునపంతో దాడి చేశాడు. అదేరోజు కొద్ది సేపటి తర్వాత తన కోడలి ఉద్యోగానికి సంబంధించిన పాత గొడవల కారణంగా హుకుంపేటలోనే మునిశెట్టి సాయిశ్రీకళ్యాణ్‌, మునిశెట్టి లక్ష్మి అనే తల్లి కొడుకులపై కత్తితో దాడిచేశాడు. ఈ ఘటనలపై గోపాలపురం పోలీస్‌ స్టేషన్‌లో అప్పటి ఎస్సై వి.సుబ్రహ్మణ్యం రెండు కేసులు నమోదు చేశారు. నేరం రుజువు కావడంతో నిందితుడికి పై విధంగా శిక్ష విధించారు. మరో కేసులో ముగ్గురి అరెస్ట్‌ అనపర్తి: బిక్కవోలు మండలం ఆరికరేవుల గ్రామంలో గత శుక్రవారం కొర్ల పద్మ (56)పై బంగారం కోసం హత్యాయత్నానికి పాల్పడిన ముగ్గురు యువకులను పోలీసులు అరెస్ట్‌ చేశారు. ఈ ఘటన జరిగిన వెంటనే పరారైన వారిని పట్టుకోవడానికి పోలీసులు తీవ్ర గాలింపు చర్యలు చేపట్టారు. చివరికి పట్టుబడగా వారిని మంగళవారం కోర్టు ముందు హాజరపరచనున్నట్టు ఎస్సై వి.రవిచంద్రకుమార్‌ తెలిపారు. పీఆర్సీ నివేదిక ఇప్పించండి కంబాలచెరువు (రాజమహేంద్రవరం): స్థానిక మోరంపూడిలోని సిటీ మున్సిపల్‌ హైస్కూల్‌లో జిల్లా ఏపీటీఎఫ్‌ (1938) సమావేశం సోమవారం జరిగింది. దీనికి జిల్లా అధ్యక్షుడు కె.డేవిడ్‌ లివింగ్‌స్టన్‌ అధ్యక్షత వహించారు. జిల్లా గౌరవ అధ్యక్షుడు వి.అప్పయ్యశాస్త్రి మాట్లాడుతూ వెంటనే పీఆర్సీ నివేదిక ఇప్పించాలని అన్నారు. రాష్ట్ర ఉపాధ్యక్షుడు ఎ.ఉదయబ్రహ్మం, జిల్లా ప్రధాన కార్యదర్శి కేవీవీ సత్యనారాయణ పాల్గొన్నారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు) కాయ (వెయ్యి) 21,000 – 22,000 కొత్త (పచ్చి) కాయ (వెయ్యి) 21,000 – 22,000 కొబ్బరి నూనె (15 కిలోలు) 5,000 కిలో 350

జిల్లాలోని పెద్దాపురం, జగ్గంపేట నియోజకవర్గాల పరిధిలోని రామేశం మెట్ట గ్రావెల్‌ మాఫియాకు కేరాఫ్‌ అడ్రస్‌గా మారిపోయింది. పెద్దాపురం మండలంలోని వాలుతిమ్మాపురం, కొండపల్లి, ఆనూరు గ్రామాల సరిహద్దుల్లో ఉన్న ఈ మెట్ట వద్ద గ్రావెల్‌ తవ్వకాలు కేజీఎఫ్‌కు మించిపోయాయి. ఎక్కడ చూసినా మట్టి తవ్వేయడంతో అగాధాల్లాంటి పెద్ద పెద్ద గోతులు దర్శనమిస్తున్నాయి. ఏకంగా 100 అడుగుల లోతు వరకు కూడా తవ్వకాలు జరిగాయంటే.. అక్రమార్కులు ఏవిధంగా బరి తెగిస్తున్నారో అర్థం చేసుకోవచ్చు. మట్టి అడ్డగోలుగా తవ్వేయడంతో విద్యుత్‌ స్తంభాలు గాల్లో వేలాడుతున్నట్టుగా కనిపిస్తున్నాయి. భారీ వృక్షాల వేర్లు దర్శనమిస్తున్నాయి. అధికారులు ఎన్నిసార్లు దాడులు చేసినా ఇక్కడ గ్రావెల్‌ మాఫియా ఏమాత్రం వెనక్కు తగ్గడం లేదు. కూటమి ప్రజాప్రతినిధుల అండ ఉండటంతో అధికారులు సైతం తూతూమంత్రంగా దాడులు చేసి, ఆపై మిన్నకుండిపోతున్నారు. తిరిగి మరుసటి రోజే మట్టి మాఫియా మళ్లీ అక్రమ తవ్వకాలు చేపడుతోంది. ప్రతి రోజూ 500 లారీల గ్రావెల్‌ అక్రమంగా తరలిపోతోంది. గ్రావెల్‌ నాణ్యతను బట్టి లారీ రూ.10 వేల నుంచి రూ.12 వేలకు అమ్ముతున్నారు. రూ.12 వేలు లెక్క వేసుకున్నా.. రోజుకు రూ.60 లక్షల విలువ చేసే మట్టి తరలించేస్తున్నారు. అంటే నెలకు రూ.18 కోట్లకు పైగా కూటమి నేతలు అక్రమంగా కొల్లగొడుతున్నారు. ఈ అక్రమ రవాణా వెనుక ఓ టీడీపీ, ఓ జనసేన ప్రధాన నేతలున్నట్లు సమాచారం. వారి కనుసన్నల్లోనే ఈదందా జరుగుతున్నట్లు ఆరోపణలు వినిపిస్తున్నాయి.

కూలీల ఖర్చు పెరిగింది మార్కెట్లో నిమ్మకాయల ధర నెమ్మదిగా తగ్గుతుంది. మొన్నటి వరకు కిలో రూ.80 పలకగా, ప్రస్తుతం రూ.60 ధర వస్తుంది. ఈ ఏడాది ధర బాగుంది. మూడెకరాల్లో మూడు నెలలకు 3 బస్తాల (150 కిలోలు) కాయల దిగుబడి మాత్రమే వచ్చింది. తోట అంతా తిరిగినా బస్తా కాయలు దొరకడం కష్టంగా ఉంది. కూలీల ఖర్చు, పెట్టుబడి ఎక్కువ అవుతుంది. దిగుబడులు లేకపోవడం వల్ల ధర పెరిగింది. దుకాణాల్లో కాయ రూ.5 నుంచి రూ.7 అమ్ముతున్నారు. – శ్రీరంగం వీరనాగు, రైతు, కొత్తగూడెం, దేవరపల్లి మండలం దేవరపల్లి: అమాంతం పెరిగిన నిమ్మ కాయల ధర కాస్త నెమ్మదిస్తుంది. మొన్నటి వరకు కిలో రూ.80 నుంచి రూ.100 పలకగా.. సోమవారం యాదవోలు మార్కెట్లో కిలో రూ.60 నుంచి రూ.65 ధర వచ్చిందని రైతులు తెలిపారు. ఈ ఏడాది వర్షాకాలంలో కిలో అత్యధిక ధర రూ.106 వచ్చింది. ప్రస్తుతం వర్షాలు లేక పంట దిగుబడి లేకపోవడం, నల్లమంగు తెగులు సోకడంతో ఇబ్బంది వచ్చింది. ఇదే మార్కెట్లో ధరల పెరుగుదలకు కారణమైంది. సాధారణంగా వర్షాకాలంలో ఏటా జూలై నుంచి అక్టోబర్‌ వరకు నిమ్మకాయలకు డిమాండ్‌ ఉండదు. ఈ సీజన్‌లో కిలో రూ.8 నుంచి 10 ధర ఉండేది. ఏటా వర్షాకాలంలో దిగుబడులు పెరగడంతో ధర తక్కువగా ఉండేదని రైతులు తెలిపారు. ఈ ఏడాది తోటల్లో కాపులు లేక దిగుబడులు గణనీయంగా పడిపోవడంతో ధర పెరిగిందని వివరించారు. మూడు నెలలకు ఎకరాకు 50 కిలోల కాయలు దొరకడం కష్టంగా ఉందని అంటున్నారు. మార్కెట్లోకి గత వారం నుంచి కొత్తకాయలు రావడంతో ధర తగ్గిందని వ్యాపారులు తెలిపారు. దసరా నుంచి ధర పెరుగుతుందని రైతులు ఆశాభావం వ్యక్తం చేస్తున్నారు. యాదవోలు మార్కెట్‌కు ప్రస్తుతం 25 టన్నుల కాయలు అమ్మకానికి వస్తున్నాయి. నిమ్మ తోటల్లో దిగుబడి తగ్గడం, గిట్టుబాటు కాకపోవడంతో యాదవోలు పరిసర గ్రామాల రైతులు ప్రత్యామ్నాయ పంటగా ఆయిల్‌పామ్‌, వేరుశెనగ పంటలు వేస్తున్నారు. నిమ్మ తోటలను తీసివేసి ప్రత్యామ్నాయ పంటలను సాగు చేస్తున్నట్టు రైతులు తెలిపారు.

గొల్లప్రోలు (పిఠాపురం రూరల్‌): దక్షిణ కోస్తా రైల్వే విజయవాడ డివిజనల్‌ రైల్వే మేనేజర్‌ (డీఆర్‌ఎం) మోహిత్‌ సునాకియా సోమవారం గొల్లప్రోలు రైల్వే స్టేషన్‌ను పరిశీలించారు. సామర్లకోట నుంచి తుని వరకు రైల్వే పరంగా జరుగుతున్న వివిధ అభివృధ్ధి కార్యక్రమాలను పరిశీలించి, ఇంజినీరింగ్‌ అధికారులకు పలు సూచనలు చేశారు. నిర్మాణంలో ఉన్న బ్రిడ్జి వివరాలను స్టేషన్‌ మాస్టర్‌ కేఎస్‌ఆర్‌ స్వామిని అడిగి తెలుసుకున్నారు. కార్యక్రమంలో సీనియర్‌ డీఎం సురేష్‌రెడ్డి, సీనియర్‌ డీఈఎన్‌ఆర్‌ గౌతమ్‌ తదితరులు పాల్గొన్నారు. దసరాకు ప్రత్యేక బస్సులు బోట్‌క్లబ్‌ (కాకినాడ సిటీ): దసరా సందర్భంగా ఈ నెల 9 నుంచి 21వ తేదీ వరకూ హైదరాబాద్‌, విజయవాడకు ప్రత్యేక ఆర్టీసీ బస్సులు నడపనున్నారు. జిల్లా ప్రజా రవాణా అధికా రి (డీపీటీవో) కె.రమేష్‌ సోమవారం విలేకర్లకు ఈ విషయం తెలిపారు. దసరా ముందు హైదరాబాద్‌ నుంచి కాకినాడ, ఏలేశ్వరం, తుని డిపోలకు 23 ప్రత్యేక బస్సులు నడుపుతున్నామన్నా రు. దసరా తర్వాత ప్రయాణికుల రద్దీని దృష్టిలో ఉంచుకుని అదనపు బస్సులు నడుపుతా మని చెప్పారు. విజయవాడ డిపో నుంచి 114 బస్సులు నడుపుతున్నామన్నారు. ఈ బస్సులకు అడ్వాన్స్‌ రిజర్వేషన్‌ సౌకర్యం ఉందన్నారు. శబరిమల వెళ్లే భక్తుల సౌకర్యార్థం ఈ మూడు డిపోల నుంచీ బస్సులు అద్దెకు ఇస్తామని చెప్పారు. భక్తులు తాము కోరుకున్న చోటు నుంచి కోరిన క్షేత్రాలకు కోరినన్ని బస్సులను అద్దెకు ఇస్తామన్నారు. వివరాలకు 73829 10769 నంబర్‌లో సంప్రదించాలని రమేష్‌ సూచించారు. ఎస్‌డీపీవోగా దుర్గారావు కాకినాడ క్రైం: కాకినాడ సబ్‌ డివిజనల్‌ పోలీస్‌ అధికారి(ఎస్‌డీపీవో)గా ఎన్‌ఎస్‌వీకే దుర్గారావు నియమితులయ్యారు. ఈ మేరకు డీజీపీ హరీష్‌ కుమార్‌ గుప్తా సోమవారం ఉత్తర్వులు జారీ చేశారు. ప్రస్తుతం ఎన్‌టీఆర్‌ జిల్లా విజయవాడ వెస్ట్‌లో అసిస్టెంట్‌ పోలీస్‌ కమిషనర్‌గా దుర్గారావు పని చేస్తున్నారు. నేడు వరుణ యాగాలు రామచంద్రపురం రూరల్‌/అయినవిల్లి: రాష్ట్రంలో వర్షాభావ పరిస్థితులు నెలకొన్న తరుణంలో సమృద్ధిగా వర్షాలు కురవాలని ప్రార్థిస్తూ ద్రాక్షారామ మాణిక్యాంబా సమేత భీమేశ్వరస్వామి, అయినవిల్లి విఘ్నేశ్వర స్వామి ఆలయాల్లో మంగళవారం వరుణ యాగాలు నిర్వహించనున్నారు. ద్రాక్షారామ ఆలయంలో ఉదయం 6.54 గంటలకు వరుణ యాగం, వరుణ జపం, సహస్ర ఘటాభిషేకం నిర్వహిస్తున్నట్లు ఆలయ ఈఓ, దేవదాయ శాఖ సహాయ కమిషనర్‌ అల్లు వెంకట దుర్గాభవాని సోమవారం ఒక ప్రకటనలో తెలిపారు. అయినవిల్లి ఆలయంలో కూడా ఇదే సమయానికి వరుణ జపం, వరుణ యాగం నిర్వహించనున్నట్లు ఆలయ సహాయ కమిషనర్‌, ఈఓ ముదునూరి సత్యనారాయణరాజు పేర్కొన్నారు. ఉద్యోగాలు రెగ్యులర్‌ చేయాలి అమలాపురం రూరల్‌: పదహారేళ్లుగా కాంట్రాక్ట్‌ ప్రాతిపదికన పని చేస్తున్నామని, తమ ఉద్యోగాలను వెంటనే రెగ్యులర్‌ చేయాలని పారామెడికల్‌ ఉద్యోగులు డిమాండ్‌ చేశారు. ఈ మేరకు కాంట్రాక్ట్‌ స్టాఫ్‌ నర్సులు, ల్యాబ్‌ టెక్నీషియన్లు, ఫార్మసిస్టులు, ఇతర పారామెడికల్‌ సిబ్బంది అమలాపురంలోని కలెక్టరేట్‌ వద్ద సోమవారం భారీ నిరసన చేపట్టారు. అనంతరం, కలెక్టర్‌కు వినతిపత్రం సమర్పించారు. ఈ సందర్భంగా ఉద్యోగులు మాట్లాడుతూ, తమ సమస్యలపై చర్చించి, నిర్ణయం తీసుకునేందుకు గతంలో ప్రభుత్వం నెల రోజుల గడువు కోరిందన్నారు. ఆ గడువు ముగిసినప్పటికీ ప్రభుత్వం నుంచి ఎలాంటి స్పందనా లేదని ఆవేదన వ్యక్తం చేశారు. తమ డిమాండ్లపై ప్రభుత్వం స్పందించకపోతే ఆందోళన మరింత ఉధృతం చేస్తామని హెచ్చరించారు. ఇందులో భాగంగా మంగళవారం అత్యవసర సేవలు మినహా, ఇతర విధులు బహిష్కరిస్తామని, బుధవారం నుంచి పూర్తి స్థాయిలో విధులు బహిష్కరిస్తామని తెలిపారు.

రైతులకు వరంగా మారాల్సిన పోలవరం కాలువ.. కూటమి నేతలకు కాసులు కురిపిస్తోంది. కాలువ తవ్వకం ద్వారా వచ్చిన మట్టిని కూటమి నేతలు ఎక్కడికక్కడ కొల్లగొడుతున్నారు. అది చాలదన్నట్లు అన్నవరం సమీపంలోని పంపా రిజర్వాయర్‌ వెనుక ఉన్న పోలవరం కాలువ గట్లను సైతం భారీ యంత్రాలతో తొలిచేస్తున్నారు. ఇక్కడ తవ్వేసిన మట్టిని రాత్రి, పగలు అనే తేడా లేకుండా రాజమహేంద్రవరం, కాకినాడ, ప్రత్తిపాడు తదితర ప్రాంతాల్లోని ప్రైవేటు లే అవుట్లు, నర్సరీలు, ఇటుక బట్టీలకు లారీలు, టిప్పర్లతో తరలించి సొమ్ము చేసుకుంటున్నారు. రోజుకు సుమారు 300కు పైగా లారీల మట్టి రహదారి పనులకు తరలిపోతోంది. అంటే రోజుకు రూ.60 లక్షలు.. నెలకు రూ.1.80 కోట్ల మేర కూటమి నేతలు కొల్లగొడుతున్నట్లు అంచనా. అధికార పార్టీ ముఖ్య నేతలకు అత్యంత సన్నిహితుల కనుసన్నల్లో ఈ దందా సాగుతోంది.

కాకినాడ లీగల్‌: కాకినాడ జిల్లా రిజిస్ట్రార్‌ కార్యాలయానికి అవినీతి మరక అంటుకుంటోంది. ప్రస్తుతం ఈ విషయం చర్చనీయాంశంగా మారింది. ఈ కార్యాలయం పరిధిలో జిల్లాలోని 9 సబ్‌ రిజిస్ట్రార్‌ కార్యాలయాలు పనిచేస్తున్నాయి. అక్కడ ఎడిట్‌ ఇండెక్స్‌, సొసైటీలు, ఫర్మ్‌, ప్రొహిబిటెడ్‌ లిస్ట్‌ నుంచి తొలగింపు, స్టాంప్‌ డ్యూటీ లెక్కింపు, అక్రమ రిజిస్ట్రేషన్ల తొలగింపు, ఇతర పనులతో పాటు పరిపాలనా, రిజిస్ట్రేషన్‌ వ్యవహారాలకు జిల్లా రిజిస్ట్రార్‌ కార్యాలయానికి రావాల్సి ఉంటుంది. ఈ నేపథ్యంలో ప్రతి పనికి నిబంధనల పేరుతో లోపాలు చూపించి, అవి సరిచేయాలంటే ముడుపులు తీసుకుంటున్నారని విమర్శలు వినిపిస్తున్నాయి. పత్రాలు సక్రమంగా ఉన్నప్పటికీ, మామూళ్లు ఇవ్వకపోతే ఫైళ్లు ముందుకు కదలడం లేదని చెబుతున్నారు. గతం.. అవినీతిమయం గత ఏడాది మార్చి 28న కాకినాడ జిల్లా రిజిస్ట్రార్‌ కార్యాలయంలో గ్యాస్‌ ఏజెన్సీకి సంబంధించిన ఫర్మ్‌ రిజిస్ట్రేషన్‌ వ్యవహారంలో రూ.1.15 లక్షలు లంచం తీసుకున్నారని అప్పటి జిల్లా రిజిస్ట్రార్‌ కె.ఆనందరావుతో పాటు సీనియర్‌ అసిస్టెంట్‌, ఓ ప్రైవేటు వ్యక్తిని ఏసీబీ అధికారులు పట్టుకున్నారు. వారిని అరెస్ట్‌ చేసిన ఘటన సంచలనం సృష్టి్‌ంచింది. ఈ ఘటన తర్వాత కూడా కార్యాలయంలో అవినీతి ఆగలేదని విమర్శలు వస్తుండటం గమనార్హం. లోపాలుంటే.. కాసుల పంటే! ఆస్తి రిజిస్ట్రేషన్‌ తర్వాత ఈసీలో తప్పులు నమోదైతే వాటిని సరిచేసేందుకు ఎడిట్‌ ఇండెక్స్‌కు దరఖాస్తు చేసుకోవాల్సి ఉంటుంది. అవి ఆన్‌లైన్‌ ద్వారా జిల్లా రిజిస్ట్రార్‌ కార్యాలయానికి చేరుతాయి. త్వరగా చేయాలంటే ముడుపులు ఇవ్వాల్సిందే, లేకపోతే నెలల తరబడి కాలయాపన చేస్తున్నారని బాధితులు అంటున్నారు. ఆన్‌ రిజిస్టర్డ్‌ అగ్రిమెంట్లతో కేసు దాఖలు చేసిన దానికి స్టాంప్‌ డ్యూటీని లెక్కించడానికి నెలలు పడుతోందని న్యాయవాదులు చెబుతున్నారు. ఇలా ప్రతి పనికీ ముడుపులు ఇవ్వకపోతే నెలల తరబడి పెండింగ్‌లో పెడుతున్నారని అంటున్నారు. భవనం ఉన్నా.. ఖాళీ స్థలంగా? భవనం ఉన్నా ఆస్తిని ఖాళీ స్థలంగా చూపించి రిజిస్ట్రేషన్‌ చేసిన విషయం జిల్లా రిజిస్ట్రార్‌ కార్యాలయానికి సమాచారం తెలిసినప్పుటికీ ఆ యజమాని వద్ద నుంచి మామూళ్లు తీసుకుని పక్కన పెట్టారని విమర్శలు ఉన్నాయి. ప్రభుత్వం ఆదాయానికి ఇలా గండి కొడుతున్నారని పలువురు దస్తావేజు లేఖర్లు పేర్కొంటున్నారు. ఏసీబీ తనిఖీలకు సంబంధించి ఆ శాఖలో కొంతమంది సిబ్బంది ద్వారా సమాచారం ముందుగానే చేరుతోందని, దీంతో ఆ రోజుల్లో అధికారులు అప్రమత్తంగా వ్యవహరిస్తున్నారన్న విమర్శలు ఉన్నాయి. ప్రత్యేక క్యాబిన్‌కు నిధులు ఎలా? జిల్లా రిజిస్ట్రార్‌ గదిలో ప్రత్యేక క్యాబిన్‌ ఇటీవల నిర్మించారు. దీనికి ప్రభుత్వం నుంచి ఎలాంటి నిధులు మంజూరు కాలేదని పలువురు అంటున్నారు. ప్రభుత్వ నిధులు లేకపోయినా క్యాబిన్‌ నిర్మాణానికి నిధులు ఎక్కడి నుంచి సమకూర్చారనే ప్రశ్నలు తలెత్తుతున్నాయి. ఆస్తుల అక్రమ రిజిస్ట్రేషన్లపై జిల్లా కలెక్టర్‌ గ్రీవెన్స్‌లో ఫిర్యాదు చేసినా సమస్యలు పరిష్కారం కావడం లేదని బాధితులు చెబుతున్నారు.ఉదాహరణకు కొన్ని ఘటనలు ఆస్తి రిజిస్ట్రేషన్‌ సమయంలో పొరపాటుగా వివరాలు నమోదు చేశారు. రిజిస్ట్రేషన్‌ పూర్తయిన తరువాత ఆ తప్పును ఆస్తి యజమాని సరిచేసుకునేందుకు ఎడిట్‌ ఇండెక్స్‌ కోసం సర్పవరం సబ్‌ రిజిస్ట్రార్‌ కార్యాలయంలో దరఖాస్తు చేశారు. అనంతరం జిల్లా రిజిస్ట్రార్‌ వద్ద ఆన్‌లైన్‌లో వివరాలు వెళ్లగా, ఎడిట్‌ ఇండెక్స్‌ చేయడానికి నిరాకరించారు. ఆస్తి యజమాని అనేకసార్లు కార్యాలయం చుట్టూ తిరిగి, ముడుపులు ఇస్తేనే చేశారని అంటున్నారు. ఆన్‌ రిజిస్టర్‌ అగ్రిమెంట్‌తో తుని ప్రిన్సిపల్‌ జూనియర్‌ సివిల్‌ జడ్జి కోర్టులో గణేష్‌ అనే వ్యక్తి దావా దాఖలు చేశారు. ఆ కోర్టులో ఓ.ఎస్‌.నెం. 57/2025 కేసు నమోదైన తర్వాత స్టాంప్‌ డ్యూటీని లెక్కిండానికి జిల్లా రిజిస్ట్రార్‌ కార్యాలయానికి గత ఏడాది డిసెంబర్‌ నెలలో పంపారు. ఇప్పటికి 10 నెలలైనా స్టాంప్‌ డ్యూటీ లెక్కించలేదని న్యాయవాది పేర్కొన్నారు. వారి నిర్లక్ష్యంతో కోర్టు కేసు వాయిదా పడుతుందని అన్నారు. వీడియో గ్రాఫర్ల సొసైటీ రిజిస్ట్రేషన్‌ కోసం దరఖాస్తులో పదేపదే లోపాలు చూపుతూ మూడుసార్లు తిరస్కరించారని బాధితులు తెలిపారు. దీనిపై రిజిస్ట్రేషన్‌ శాఖ డీఐజీకి ఫిర్యాదు చేసిన తర్వాత రిజిస్ట్రేషన్‌ జరిగిందన్నారు. ముడుపుల కోసం లోపాలు చూపిస్తూ మూడుసార్లు తిరస్కరించారని సంఘం సభ్యులు ఆరోపించారు. జిల్లా రిజిస్ట్రార్‌ కార్యాలయంపై అవినీతి మరక లోపాలు చూపి ముడుపుల వసూళ్లు? గతంలో లంచం తీసుకుని పట్టుబడ్డ అధికారులు

బోట్‌క్లబ్‌: స్థానిక సూర్యకళా మందిరంలో ఈ నెల 11 నుంచి 14 వరకూ దసరా సంగీత, నృత్య నాటకోత్సవాలు జరుగుతాయని సరస్వతీ గానసభ గౌరవ అధ్యక్షురాలు పెద్దాడ సూర్యకుమారి తెలిపారు. సూర్యకళా మందిరంలో సోమవారం దసరా సంగీత ఉత్సవాలకు సంబంధించిన పోస్టర్‌ను కార్యవర్గ సభ్యులు ఆవిష్కరించారు. ఈ నెల 11న సాయత్రం 6.30 గంటలకు కొచ్చికి చెందిన శంకర్‌ నంబూద్రి గాత్ర కచేరి, 12న సాయంత్రం కర్ణాటకాకు చెందిన పండిట్‌ కై వల్య కుమార్‌ గౌరవ్‌ గాత్ర కచేరి, 13న సాయంత్రం నెల్లూరుకు చెందిన కంచి ఆస్థాన విద్వాంసులు జేవీ సురేష్‌, పి.వాసు శాక్సోఫోన్‌ కచేరి జరుగుతుందన్నారు. 14న సాయంత్రం భాగవతుల వెంకట రామశర్మ బృందం రామయణం కూచిపూడి నృత్య రూపకం ఉంటుందన్నారు. సంగీత ప్రియులు పాల్గొని కార్యక్రమాలు జయప్రదం చేయాలని కోరారు. కార్యక్రమంలో సరస్వతీ గానసభ అధ్యక్షులు ముళ్లపూడి నాగేశ్వరరావు, సెక్రటరీ పేపకాయల రామకృష్ణ, జీవితకాలపు అధ్యక్షుడు కొమ్మరెడ్డి శ్రీరామ నరసింగరావు, కార్యవర్గ సభ్యులు ఎల్‌.సత్యన్నారాయణన్‌, సీతాపతిరావు, వెత్సా ఆనంద్‌, చోడే అనిల్‌, చంటి పాల్గొన్నారు.

సామర్లకోట: ప్రతిపక్షంలో ఉండి స్థానిక సంస్థల్లో విజయం సాధిస్తే ఆ మజాయే వేరుగా ఉంటుందని రాష్ట్ర హౌసింగ్‌ కార్పొరేషన్‌ మాజీ చైర్మన్‌, వైఎస్సార్‌ సీపీ పెద్దాపురం నియోజకవర్గ కో ఆర్డినేటర్‌ దవులూరి దొరబాబు అన్నారు. పెద్దాపురంలో సర్వమత ప్రార్థనల నడుమ సోమవారం పార్టీ కార్యాలయాన్ని ఆయన ప్రారంభించారు. ఈ సందర్భంగా నాయకులు, కార్యకర్తలనుద్దేశించి మాట్లాడుతూ, ప్రతిపక్షంలో ఉండి స్థానిక సంస్థల ఎన్నికల్లో పోటీ చేసి, విజయం సాధించిన వాడే వీరుడని అన్నారు. స్వచ్ఛమైన రాజకీయాలే తన లక్ష్యమని, సెటిల్‌మెంట్లు చేసేవాడిని కాదని చెప్పారు. పెద్దాపురం, సామర్లకోట మున్సిపాలిటీల్లో విజయం సాధించి అధికార పక్షానికి చుక్కలు చూపిస్తామని ధీమా వ్యక్తం చేశారు. ప్రజాబలం తమవైపే ఉందన్నారు. బీసీలను మరో పర్యాయం మోసం చేయడానికి ముఖ్యమంత్రి చంద్రబాబు నాయుడు కుట్ర చేస్తున్నారని విమర్శించారు. కూటమిలో సీట్ల సర్దుబాటు కుదరనందువల్లనే మున్సిపల్‌ ఎన్నికల్లో జాప్యం జరుగుతోందని చెప్పారు. సోనియా గాంధీయే వైఎస్సార్‌ సీపీని ఏమీ చేయలేకపోయిందని స్థానిక అధికార పక్ష నాయకులకు ఆయన చురక వేశారు. తమ వద్ద సెటిల్‌మెంట్‌ నాయకులు లేరన్నారు. ఇప్పటి వరకు పెద్దాపురంలో కలుగజేసుకోలేదని, ఇక నుంచి ప్రతి రోజూ పెద్దాపురంలోని పార్టీ కార్యాలయంలో కార్యకర్తలకు అందుబాటులో ఉంటానని దొరబాబు చెప్పారు. పెద్దాపురంలో అందరినీ కలసి వారి మద్దతు తీసుకుంటామని తెలిపారు. రెండు మున్సిపాలిటీల్లోనూ విజయమే లక్ష్యంగా ప్రతి ఒక్కరూ ఐకమత్యంతో పని చేసి పార్టీ జెండా ఎగురవేయాలని పిలుపునిచ్చారు. స్థానిక సంస్థల ఎన్నికల్లో పోటీ చేసిన ప్రతి ఒక్కరికి పార్టీ అధికారంలోకి వచ్చిన తరువాత ప్రత్యేక గుర్తింపు ఉంటుందని చెప్పారు. పెద్దాపురంలో కమిటీలను రద్దు చేశామని, ఉత్సాహంగా పని చేసే వారికి కమిటీలో స్థానం ఇవ్వడంతో పాటు బీమాతో కూడిన గుర్తింపు కార్డులు జారీ చేస్తామని దొరబాబు తెలిపారు. ఈ కార్యక్రమంలో రాష్ట్ర అయ్యరక సంఘం అధ్యక్షుడు ఆవాల లక్ష్మీనారాయణ, మాజీ అయ్యరక కార్పొరేషన్‌ చైర్‌పర్సన్‌ ఆవాల రాజేశ్వరి, ఆప్కో మాజీ డైరెక్టర్‌ ముప్పన వీర్రాజు, సీనియర్‌ నాయకులు దవులూరి సుబ్బారావు, జనార్దన్‌, మహిళా విభాగం నియోజకవర్గ అధ్యక్షురాలు సేపెని రూప, పార్టీ జిల్లా కార్యవర్గ సభ్యురాలు కానేటి రాజేశ్వరి, జిల్లా ప్రధాన కార్యదర్శి బండారు వీరబాబు, నిడదవోలు సురేష్‌ చౌదరి, జిల్లా సహాయ కార్యదర్శి తాటికొండ అచ్చిరాజు, మైనార్టీ విభాగం నియోజకవర్గ అధ్యక్షుడు మహమ్మద్‌ కరీం జానీ, పార్టీ పెద్దాపురం పట్టణ అధ్యక్షుడు కాపుగంటి కామేశ్వరరావు తదితరులు పాల్గొన్నారు.ఫ వైఎస్సార్‌ సీపీ నియోజకవర్గ కో ఆర్డినేటర్‌ దొరబాబు ఫ పెద్దాపురంలో పార్టీ కార్యాలయం ప్రారంభం

ఇద్దరి మృతి సామర్లకోట: స్థానిక పిఠాపురం రోడ్డులో సోమవారం జరిగిన ప్రమాదంలో ఇద్దరు మృతి చెందారు. ఆ వివరాల్లోకి వెళ్తే.. రావువారి చంద్రంపాలేనికి చెందిన డ్వాక్రా మహిళలు సామర్లకోటలో బ్యాంకు రుణం తీసుకునేందుకు వచ్చి పని ముగించుకొని తిరిగి ఆటోలో ఇంటికి బయలు దేరారు. ఈ నేపథ్యంలో పిఠాపురం రోడ్డులో లక్కీ దాబా సమీపానికి వచ్చేసరికి, ఎదురుగా మోటారు సైకిల్‌పై టిడ్కో గృహ సముదాయానికి చెందిన మద్దాబత్తుల శంకర్‌ (28) వస్తుండగా రెండు వాహనాలూ ఢీకొన్నాయి. ఆటోలో ప్రయాణిస్తున్న మహిళలు రోడ్డుపై పడిపోయారు. దాంతో చంద్రంపాలెం గ్రామానికి చెందిన ఇజ్జన కృపావతి (65) తలకు బలమైన గాయం కావడంతో అక్కడికక్కడే మృతి చెందింది. ఆటోలో ప్రయాణిస్తున్న మరో ఇద్దరు మహిళలు, మోటారు సైకిలిస్ట్‌ శంకర్‌ తీవ్రంగా గాయపడ్డారు. శంకర్‌ను సామర్లకోట ప్రభుత్వాస్పత్రికి తీసుకు వెళ్లారు. అక్కడి నుంచి మెరుగైన వైద్యం నిమిత్తం కాకినాడ ప్రభుత్వాస్పత్రికి తరలించగా, చికిత్స పొందుతూ రాత్రి మృతి చెందాడు. ఈ మేరకు కేసు నమోదు చేసి పోలీసులు దర్యాప్తు చేస్తున్నారు. ఈ ప్రమాదంతో ఆ రోడ్డులో ట్రాఫిక్‌కు తీవ్ర అంతరాయం ఏర్పడింది. యువకుడి దుర్మరణం పెద్దాపురం: రెండు బైక్‌లు ఎదురెదురుగా వచ్చి ఢీకొన్న ఘటనలో ఓ యువకుడు దుర్మరణం పాలవ్వగా, మరో ఇద్దరికి గాయాలయ్యాయి. పోలీసులు, స్థానికుల కథనం ప్రకారం.. పెద్దాపురం పట్టణంలోని గణేష్‌ నగర్‌ కాలనీకి చెందిన అల్లు నూకేష్‌ (24) భవన నిర్మాణ కార్మికుడిగా పనిచేస్తున్నాడు. అతనికి ఇటీవలే వివాహం జరిగింది. అతని భార్య గర్భిణి. సోమవారం సాయంత్రం నూకేష్‌ తన బైక్‌పై పశుగ్రాసం కట్టుకుని పాత పెద్దాపురం ఏలేరు బ్రిడ్జి వంతెన నుంచి బొమ్మల రామాలయం సమీపానికి వచ్చేసరికి ఎదురుగా వచ్చిన మరో బైక్‌ ఢీకొన్నాయి. ఈ ఘటనలో నూకేష్‌ అక్కడికక్కడే మృతి చెందాడు. అయితే మరో బైక్‌పై ఉన్న ఒకటో వార్డు ఎస్సీ పేటకు చెందిన బత్తిన లక్షబాబు, బత్తిన సంతోష్‌లు తీవ్రంగా గాయపడ్డారు. స్థానికులు గాయపడిన వారిని పెద్దాపురం కమ్యూనిటీ హెల్త్‌ సెంటర్‌కు తరలించారు. అక్కడ వైద్యులు ప్రాథమిక చికిత్స అనంతరం మెరుగైన వైద్యానికి కాకినాడ జీజీహెచ్‌కు తరలించారు. దీనిపై పెద్దాపురం పోలీసులు కేసు నమోదు చేసి, దర్యాప్తు చేస్తున్నారు.

అనపర్తి: అదృశ్యమైన తన భర్త ఆచూకీ తెలపాలంటూ ఓ మహిళ ఇచ్చిన ఫిర్యాదు మేరకు కేసు నమోదు చేసినట్టు అనపర్తి ఎస్సై బి.వినయ్‌ ప్రతాప్‌ సోమవారం తెలిపారు. ఆయన కథనం ప్రకారం.. అనపర్తి గ్రామానికి చెందిన సింగంశెట్టి రవికుమార్‌ (32) ఈ నెల 1 నుంచి కనిపించకుండా పోయారు. ఆ రోజు ఉదయం పిల్లల విషయమై భార్యాభర్తల మధ్య చిన్నపాటి వివాదం జరిగింది. అనంతరం పిల్లలకు పాఠశాలలో లంచ్‌ బాక్స్‌ ఇచ్చి వస్తానని చెప్పి, ఇంట్లో నుంచి బయలుదేరిన రవికుమార్‌ ఎంతకీ తిరిగి రాకపోవడంతో భార్య వరలక్ష్మి ఆయన మొబైల్‌కు ఫోన్‌ చేశారు. అయితే ఆయన తన ఫోన్‌, ద్విచక్ర వాహనాన్ని ఇంట్లోనే వదిలేసి వెళ్లినట్లు గుర్తించారు. పాఠశాల వద్ద విచారించగా, రవికుమార్‌ నడుచుకుంటూ వచ్చి లంచ్‌ బాక్స్‌ ఇచ్చి వెళ్లినట్లు అక్కడి సిబ్బంది తెలిపారు. బంధువులు, పరిసర ప్రాంతాల్లో ఎంత గాలించినా ఆయన ఆచూకీ లభించకపోవడంతో వరలక్ష్మి ఫిర్యాదు మేరకు కేసు నమోదు చేసినట్టు పోలీసులు తెలిపారు.

అనుమానాస్పద మృతిగా కేసు నమోదు తుని: స్థానిక గాంధీసత్రం వంట గదిలో మహిళ మృతదేహాం లభ్యం కావడం పట్టణంలో కలకలం రేపింది. ఆదివారం ఘటనా స్థలానికి చేరుకున్న పట్టణ సీఐ ఎం.గీతా రామకృష్ణ తెలిపిన వివరాలు ఇలా ఉన్నాయి. తుని మండలం ఎన్‌ఎస్‌ వెంకటాపురానికి చెందిన గుడాల వెంకటలక్ష్మి (60) కొంతకాలంగా తుని రైల్వేస్టేషన్‌ ప్రాంతంలో తిరుగుతూ ఉండేది. శనివారం రాత్రి గుర్తు తెలియని వ్యక్తి రైల్వేస్టేషన్‌ నుంచి బయటకు తీసుకువెళ్లినట్టు పోలీసులు అనుమానిస్తున్నారు. గాంధీసత్రం దగ్గరకు తీసుకువెళ్లి లైంగిక దాడి చేసి హత్య చేసి ఉండవచ్చుననే ప్రశ్నలు తలెత్తుతున్నాయి. మృతురాలి మెడపై చిన్నపాటి గాయం ఉన్నట్టు పోలీసులు చెబుతున్నారు. కాకినాడ నుంచి క్లూస్‌ టీంను రప్పించి సంఘటనా స్థలంలో వేలి ముద్రలను సేకరించారు. అనుమానాస్పద మృతిగా కేసు నమోదు చేసి దర్యాప్తు చేస్తున్నామని సీఐ గీతా రామకృష్ణ తెలిపారు. దర్యాప్తులో లభ్యమైన ఆధారాలను పరిగణలోకి తీసుకుని నిందుతుడిని పట్టుకుంటామని చెప్పారు.

చంద్రబాబును నమ్మి మోసపోయాం. కూటమి ప్రభుత్వం అధికారంలోకి రాగానే వలంటీర్లను కొనసాగిస్తామన్నారు. వైఎస్సార్‌ సీపీ ప్రభుత్వం కంటే రెట్టింపు జీతం ఇస్తామని బాబు నమ్మించారు. ప్రజలకు సేవ చేసే అవకాశం మళ్లీ వస్తుందని ఆశపడ్డాం. అధికారంలోకి రాగానే వలంటీర్ల ఊసే ఎత్తడం లేదు. రెండున్నరేళ్లుగా అడుగుతూనే ఉన్నాం. వచ్చే స్థానిక సంస్థల ఎన్నికల్లో కూటమి ప్రభుత్వానికి తగిన బుద్ధి చెబుతాం. – ఐతి సింధూప్రియ, మాజీ వలంటీర్‌, పెద్దాపురం అన్యాయంగా తొలగించారుఎన్నికల్లో కళ్లబొల్లి మాటలు చెప్పారు. కూటమి ప్రభుత్వం అధికారంలోకి వస్తే వలంటీర్‌ వ్యవస్థను కొనసాగిస్తామని చంద్రబాబు నమ్మించారు. అధికారంలోకి వచ్చిన వెంటనే వలంటీరు వ్యవస్థను పూర్తి రద్దు చేశారు. ప్రజలకు విశేష సేవలు అందించిన మమ్మల్ని అన్యాయంగా తొలగించారు. నేను చేసిన సేవలకు ఒక పర్యాయం సేవారత్న అవార్డుగా రూ.20 వేలు, మూడు పర్యాయాలు సేవా మిత్ర అవార్డులు రూ.10 వేల చొప్పున అప్పటి ప్రభుత్వం నుంచి పొందాను. ప్రస్తుతం నిరుద్యోగిగా మిగిలిపోయాను. – ఆకుల ఉమామహేష్‌, మాజీ వలంటీర్‌, సామర్లకోట

రాజమహేంద్రవరం సిటీ: రైలు నుంచి జారి పడి సుమారు 45 ఏళ్ల గుర్తు తెలియని వ్యక్తి ఆదివారం మృతి చెందినట్టు రాజమహేంద్రవరం జీఆర్పీ ఎస్సై ఎం.వెంకటేశ్వరరావు తెలిపారు. గోదావరి రైల్వే స్టేషన్‌ పరిధిలో జరిగిన ఘటనలో మృతుని వద్ద ఏ ఆధారాలు లభ్యం కాలేదన్నారు. ఈ విషయమై కేసు నమోదు చేసి మృతదేహాన్ని ప్రభుత్వ ఆసుపత్రికి తరలించినట్లు తెలిపారు. వివరాలు తెలిసిన వారు 99086 22211, 0883 244 2821 నంబర్లను సంప్రదించాలన్నారు. కాలువలో మునిగి మరొకరు.. రంపచోడవరం: ఏజెన్సీ అందాలు తిలకించి తిరుగు ప్రయాణంలో ఐ.పోలవరం వద్ద సీతపల్లి వాగులో మునిగి ఒక వ్యక్తి మృతి చెందాడు. ఇందుకు సంబంధించిన వివరాలను ఎస్‌ఐ రమేష్‌ తెలిపారు. రాజానగరం మండలం భూపాలపట్నానికి చెందిన 15 మంది పర్యాటకులు ఆదివారం కారు, బైక్‌లో రంపచోడవరం ప్రాంతంలో తిరిగి సాయంత్రం 4 గంటల సయయంలో ఐ.పోలవరం వద్ద సీతపల్లి వాగులోకి స్నానానికి దిగారు. వారిలో పంతం సూర్యభగవాన్‌ (27) వాగులో పడి మృతి చెందాడు. మృతదేహాన్ని పోస్టుమార్టమ్‌ నిమిత్తం రంపచోడవరం ఏరియా ఆసుపత్రికి తరలించినట్లు తెలిపారు. సంఘటన స్థలాన్ని రంపచోడవరం సీఐ నరేంద్రప్రసాద్‌ పరిశీలించారు. ఏజెన్సీ ప్రాంతానికి వచ్చే పర్యాటకులు వాగుల్లో స్నానాలకు దిగి ప్రాణాలు పొగొట్టుకోవద్దని చెప్పారు. హెచ్చరిక బోర్టులు పెడుతున్నప్పటికీ కాలువల్లో స్నానాలకు దిగి వారి కుటుంబాల్లో విషాదాన్ని నింపుతున్నారని ఆయన అన్నారు. వాసిరెడ్డి బాబితో పాటు ఇరువర్గాలకు బెయిల్‌ కంబాలచెరువు (రాజమహేంద్రవరం): మాజీ ఎంపీ చేగొండి హరిరామజోగయ్య తనయుడు చేగొండి వెంకట రామదాసుపై దాడి చేసిన ఘటనలో మాజీ డిప్యూటీ మేయర్‌ వాసిరెడ్డి రాంబాబు తనయుడు వాసిరెడ్డి బాబితో పాటు ఇరువర్గాలకు చెందిన మరో ఏడుగురికి న్యాయమూర్తి షరతులతో కూడిన బెయిల్‌ మంజూరు చేశారు. ఆ వివరాల్లోకి వెళ్తే.. స్థానిక పల్లవి ఎన్‌క్లేవ్‌లో వెంకట రామదాసు, అతని భార్య నివాసముంటున్నారు. ఆ అపార్ట్‌మెంట్‌లో వాచ్‌మెన్‌గా చెరుకుచెర్ల అప్పారావు అనే వ్యక్తి పనిచేస్తున్నాడు. అపార్ట్‌మెంట్‌లో వాచ్‌మెన్‌ అప్పారావు తన పట్ల దురుసుగా, అనుచితంగా ప్రవర్తించాడని భర్త వెంకట రామదాసుకు భార్య చెప్పడంతో అతను వాచ్‌మెన్‌పై చేయిచేసుకున్నాడు. ఇదిలా ఉండగా దళితుడినైన తనను కులం పేరుతో దూషించారని వాచ్‌మెన్‌ అప్పారావు పోలీసులకు ఫిర్యాదు చేశాడు. అయితే రామదాసు వద్ద గుమస్తాగా పనిచేస్తున్న గుత్తేటి రాజు తనను వాసిరెడ్డి బాబి వర్గీయులు కులం పేరుతో దూషించి దాడి చేశారని పోలీసులకు ఫిర్యాదు చేశాడు. దీంతో ప్రకాశ్‌నగర్‌ పోలీసులు ఇరువర్గాలపై గత నెల 30న ఎస్సీ, ఎస్టీ అట్రాసిటీ కేసులు, ఓ కొట్లాట కేసు నమోదు చేశారు. ఇదిలా ఉండగా ప్రకాశ్‌నగర్‌ పోలీస్‌ స్టేషన్‌ వద్ద కాపు సంఘం నేతలు అధిక సంఖ్యలో చేరుకుని ఈ నెల 1న ఆందోళన నిర్వహించారు. అయితే ఈ నెల 3న ఇరువర్గాలను రాజీ చేసేందుకు పెద్దలు ప్రయత్నించారు. దీంతో ప్రకాశ్‌నగర్‌ పోలీస్‌ స్టేషన్‌కు రెండు వర్గాలకు చెందిన వారు అధిక సంఖ్యలో చేరుకున్నారు. రాజీ కుదరకపోవడంతో పోలీస్‌ స్టేషన్‌ వద్ద వెలమ, కాపు కులాల మధ్య ఉద్రిక్తత నెలకొంది. సీఐ బాజీలాల్‌ వెంటనే వాసిరెడ్డి బాబి, అతని అనుచరులు ఆరుగురు, మరో వర్గానికి చెందిన చేగొండి హరిసిద్ధార్థలను అరెస్టు చేసి శనివారం అర్ధరాత్రి న్యాయమూర్తి ముందు హాజరుపర్చారు. ఇరుపక్షాల కేసులు పరిశీలించిన న్యాయమూర్తి ఎనిమిది మందికి షరతులతో కూడిన బెయిల్‌ను మంజూరు చేశారు. ఈ ఘటనలకు సంబంధించి ఎవరూ ప్రెస్‌మీట్లు పెట్టరాదని, ఎక్కడా బహిరంగంగా మాట్లాడకూదదని షరతులు విధించినట్లు తెలిసింది.

● బియ్యం ధరల పెరుగుదలపై సగటుజీవి వేదన ● కిలో సన్న బియ్యం ధర రూ.80 పైమాటే ● మిల్లర్లు, వ్యాపారుల కుమ్మక్కు ప్రజలకు అవస్థ ఆలమూరు: చంద్రబాబు జమానాలో పేద, మధ్యతరగతి ప్రజలు బియ్యం కొనలేని పరిస్థితి నెలకొంది. ధాన్యాగారంగా ప్రఖ్యాతి గాంచిన ఉమ్మడి తూర్పు గోదావరి జిల్లాలో బియ్యం ధరల పెరుగుదల ప్రభుత్వ చేతకానితనాన్ని సూచిస్తోంది. ప్రభుత్వ అసమర్థత, అధికారుల అలసత్వం, పౌరసరఫరాలశాఖలో అవినీతి, ప్రభుత్వ పెద్దలకు యేటా అందిస్తున్న ముడుపుల వల్ల ధరలు పెరుగుతున్నాయనే అభిప్రాయం వ్యక్తమవుతోంది. మిల్లర్లు, వ్యాపారులతో చంద్రబాబు సర్కార్‌ కుమ్మక్కవడం వల్లే ఈ పరిస్థితి దాపురించిందన్న ఆరోపణలు వినిపిస్తున్నాయి. గాడి తప్పుతున్న బడ్జెట్‌ పెరిగిన బియ్యం ధరలు సగటుజీవి బడ్జెట్‌ను బజారుకీడుస్తున్నాయి. ఆరు నెలల వ్యవధిలో సన్నబియ్యం కిలోకు రూ.45 నుంచి రూ.80 వరకూ చేరుకుంది. బ్రాండ్‌ ఏదైనా రూ.80 పైగా వెచ్చించి కొనాల్సి వస్తోంది. దీంతో పాత సోనామసూరి బియ్యం 26 కేజీల బస్తా బహిరంగ మార్కెట్‌లో రూ.2050 వరకూ చేరుకుంది. ఉమ్మడి జిల్లాలో సుమారు 350 వరకూ రైసుమిల్లులు ఉండగా దాదాపు 120 వరకూ కార్పొరేట్‌ స్థాయి రైసుమిల్లులే ఉన్నాయి. వారి వద్ద భారీగా సన్నబియ్యం అక్రమ నిల్వలు ఉన్నా చర్యలు తీసుకోలేని స్థతిలో అధికార యంత్రాంగం ఉంది. ఇంటి బడ్జెట్‌ పెరిగిపోయింది బియ్యం ధరల పెరుగుదలతో ఇంటి నెలవారీ బడ్జెట్‌ పెరిగిపోతోంది. కడుపు నిండా అన్నం తినాలంటే ఆలోచించే పరిస్థితిని కల్పిస్తోంది ప్రభుత్వం. – పిల్లి శ్రీనివాసు, రైతు, పాశర్లపూడి, మామిడికుదురు మండలం. ధరలను నియంత్రించాలి రాష్ట్ర ప్రభుత్వం ధరల నియంత్రణకు చర్యలు తీసుకోవాలి. బ్లాక్‌ మార్కెట్‌ వ్యవస్థ, అక్రమ నిల్వ లు చేసే మిల్లర్లపై కఠిన చర్యలు తీసుకోవాలి.–తమ్మన సుబ్బలక్ష్మి, ఏఎంసీ మాజీ చైర్మన్‌, ఆలమూరు. 26 కేజీల బియ్యం బస్తా ధర ధరల వ్యత్యాసం (రూపాయల్లో) బియ్యం రకం ఏప్రిల్‌ 26 ఆగస్టు 26 అక్టోబర్‌ 2026 (రూ) (రూ) (రూ) సోనామసూరి 1400 1750 2050 స్టీమ్డ్‌ రైస్‌ 1150 1500 1850 ఆర్‌ఎన్‌ఆర్‌ 1200 1550 1800 హెచ్‌ఎంటీ 1250 1600 1700 బీపీటీ (కొత్తరకం) 1100 1500 1700 బీపీటీ పాతరకం 1200 1650 1950 దంపుడు బియ్యం 1250 1600 1900 కార్పొరేట్‌ గుప్పెట్లో మార్కెట్లు సాధారణంలో రాష్ట్రంతో పాటు, తెలంగాణ, ఒడిశా రాష్ట్రాల నుంచి ఏటా లక్షలాది టన్నుల సన్నరకాల ధాన్యాన్ని కొనుగోలు చేసి నెలల పాటు నిల్వ ఉంచి అనంతరం మిల్లింగ్‌ చేసి అధిక ధరలకు విక్రయిస్తుంటారు. తాజాగా ఎల్‌నినో ప్రభావంతో వచ్చే ఏడాది సన్నరకాల ఉత్పత్తి అంతగా ఉండదని భావించిన కార్పొరేట్‌ సంస్థలు మిల్లింగ్‌ను భారీగా తగ్గించి కృత్రిమ కొరత సృష్టిస్తుండడమే ధరల పెరుగుదలకు కారణమని మార్కెట్‌ వర్గాలు చెప్తున్నాయి.

● స్నేహమేరా జీవితం.. ● పరంపరగా! ● ఆల మందలం.. రోడ్లు వదలం! మండలం మొగలిపాలెంలో ఒక పంపర పనస చెట్టు చూపరులను అబ్బుర పరుస్తోంది. ఆవ డ్రెయిన్‌ పక్కన పొలం గట్టుపై ఉన్న ఈ చెట్టు నిండా కాయలతో ఆకర్షిస్తోంది. ఆరడుగుల చెట్టుకు సుమారు 30 కాయలు కాసాయి. దీనికి ఎటువంటి ఎరువు వేయలేదని పొలానికి వేసే ఎరువులను లాక్కుని ఇలా ఎదిగిందని రైతు, తణుకువాడ పీఏసీఎస్‌ మాజీ వైస్‌ చైర్మన్‌ తాడి వెంకటరెడ్డి తెలిపారు. – కాజులూరు కలిసొచ్చే కాలంలో నడిచొచ్చే కొడుకన్నట్టు ఈ అరటి చెట్టు ఎదుగుతున్న క్రమంలోనే కాపు కాసి ఆకట్టుకుంటోంది. మండలంలోని మెరకపాలెంలో యెలుమర్తి బాబూరావు ఇంటి ఆవరణలో అరటిచెట్టు కాండం నుంచి ఏకంగా నాలుగైదు గెలలు వచ్చాయి. నిజానికి చెట్టుకు ఒక గెల మాత్రమే వస్తుందని ఆయన తెలిపారు. – రాజోలుజాతి వైరాన్ని మరచి ఓ వానరం, ఓ శునకం స్నేహమేరా జీవితం అంటూ పాడుకుంటున్నాయి. మండలం తిరుమలంపాలెంలో నెల రోజులుగా కలిసిమెలిసి తిరుగుతూ స్థానికులను ఆశ్చర్యపరుస్తున్నాయి. ప్రస్తుతం ఈ జోడీ గ్రామంలో ప్రత్యేక ఆకర్షణగా నిలుస్తోంది. – ద్వారకాతిరుమలపట్టణ పరిధిలోని మార్కెట్‌ యార్డు సమీపంలో సూరవరం రోడ్డులో పశువుల మంద వాహన చోదకులకు స్పీడ్‌ బ్రేకర్లుగా తయారయ్యాయి. మున్సిపల్‌ అధికారులు సంబంధిత యజమానులకు నోటీసులు ఇచ్చి మమ అనిపిస్తున్నారని ప్రజలు విమర్శిస్తున్నారు. – తునిఅరటి చెట్టు మొదలు భాగంలో ఉన్న అరటి గెలలు

జిల్లా వ్యాప్తంగా సర్‌ కార్యక్రమం ద్వారా చేసిన సర్వే ప్రకారం.. కాకినాడ జిల్లాలో 1,95,564 మందిని మృతులు, శాశ్వతంగా వలస వెళ్లిన వారు, డూప్లికేట్‌ ఓట్లు, రెండు చోట్ల ఓట్లు ఉన్నవారుగా గుర్తించి వారి ఓట్లు తొలగించడానికి చర్యలు తీసుకుంటున్నట్లుగా ప్రకటించారు. కానీ ప్రస్తుతం మున్సిపాలిటీల్లో ప్రచురించిన ఓటర్ల లిస్టుల్లో వీరందరి పేర్లు ఓటర్లుగానే ఉండడం గమనార్హం. పిఠాపురం మున్సిపాలిటీ– 1వ వార్డులో ఓటరు జాబితా పేజీ నంబరు 29లో వరుస నంబరు 768 బోడ పాప, ఓటరు నంబరు బీసీకే 1944461 ఈమె చనిపోయి ఐదేళ్లు అయ్యింది. ఆమె భర్త బోడ నారాయణ ఓటరు నంబరు వైఓయూ 2018430 చనిపోయి ఆరేళ్లు గడిచింది. అందుగుల పెద్దరాజు ఓటరు నంబరు వైఓయూ 2018703 చనిపోయి రెండేళ్లు అయ్యింది. తిరగతి మోషే (ఓటరు నంబరు 2020162) చనిపోయి ఏడేళ్లు, 36వ వార్డులో నేలపర్తి ముసిలి (ఓటరు నంబరు 1425776) చనిపోయి నాలుగేళ్లు అవుతోంది. వారా రాజబ్బాయి (ఓటరు నంబరు 0947681) నాలుగేళ్ల కిందట, దార్ల వీరరాఘవ (ఓటరు నంబరు వైఓయూ 0334045) ఐదేళ్ల కిందట, ప్రత్తిపాటి రాఘవ (వైఓయూ 2020576) రెండేళ్ల కిందట, సలాది వెంకటరత్నం (వైఓయూ 1285568) ఐదేళ్ల కిందట చనిపోయారు. ఇలా ఒకటి కాదు.. రెండు కాదు ఒక్కో వార్డులో 10 నుంచి 20 వరకు మృతులకు ఓట్లు నమోదై ఉన్నాయి. 2022లో చనిపోయిన నేలపర్తి ముసిలి 2024లో చనిపోయిన తిరగటి సుజాత

● చేపల వేటకు వెళ్లి కొట్టుకుపోయిన వైనం ● మృతుడు దేవీపట్నం మండలం గండికోటకు చెందిన ఆదివాసీ యువకుడు కోరుకొండ (సీతానగరం): చేపలవేటకు వెళ్లిన యువకుడు పురుషోత్తపట్నం ఎడమ కాలువలో ప్రమాదవశాత్తు గల్లంతైన సంఘటన ఆదివారం సీతానగరం మండలంలో చోటుచేసుకుంది. సీతానగరం ఎస్సై శ్రీనివాస్‌ నాయక్‌ తెలిపిన వివరాలిలా ఉన్నా యి. దేవీపట్నం మండలం గండికోట గ్రామానికి చెందిన జమ్మి అర్జున్‌దొర (24) చేపలు పట్టడానికి కాలువ వద్దకు వెళ్లి ప్రమాదవశాత్తు కాలువలోకి జారిపోయాడు. నీటి ప్రవాహానికి కొట్టుకుపోయినట్టు స్థానికులు తెలిపారు. సమాచారం అందుకున్న స్థానికులు కాలువలో గాలింపు చర్యలు చేపట్టారు. కొంతసేపటి తర్వాత అర్జున్‌ దొర మృత దేహాన్ని బయటకు తీశారు. ఈ ఘటనపై కేసు నమోదు చేసి దర్యాప్తు చేస్తున్నట్టు ఎస్సై తెలిపారు.

అమలాపురం టౌన్‌: స్థానిక శ్రీగౌతమ మహర్షి గో సంరక్షణ గోశాలో ఓ వీధి ఆబోతు రెండు కాళ్లకు జిల్లా పశు సంవర్ధక శాఖ అధికారి డాక్టర్‌ ఎల్‌.విజయరెడ్డి ఆధ్వర్యంలో పశు వైద్యులు శస్త్రచికిత్స విజయవంతంగా పూర్తి చేశారు. అమలాపురం రూరల్‌ మండలం బండార్లంకలో వీఽధి ఆబోతును ఇటీవల గుర్తు తెలియని వాహనం ఢీకొంది. ఆ నాలుగేళ్ల ఆబోతు తీవ్రంగా గాయపడింది. కుడి ముందు కాలు, కుడి వెనుక కాలు విరగడంతో నడవలేని స్థితిలో పడి ఉంది. ఆబోతును గోశాలకు తీసుకువచ్చి సాకుతున్నారు. విరిగిన కాళ్లకు ఫైబర్‌ కాస్ట్‌ వేసి కట్టు కట్టారు. ఆబోతు విరిగిన కాళ్లకు డాక్టర్‌ విజయరెడ్డితో పాటు పశు వైద్యులు ఎం.నారాయణరావు, చంద్రశేఖరరెడ్డి, తేజ, పశు సిబ్బంది సమన్వయంతో విజయవంతంగా శస్త్రచికిత్స పూర్తి చేశారు.

సామర్లకోట: స్థానిక బచ్చుఫౌండేషన్‌ మున్సిపల్‌ హైస్కూల్‌ ఆవరణలో జిల్లా స్థాయి సబ్‌ జూనియర్‌ బాలుర, బాలికల జట్ల ఎంపిక జరిగింది. ఈనెల పదో తేదీ నుంచి 12వ తేదీ వరకు పశ్చిమ గోదావరి జిల్లా నూజివీడులో జరిగే 36వ రాష్ట్ర స్థాయి సబ్‌ జూనియర్‌ కబడ్డీ పోటీలలో పాల్గొనే జిల్లా కబడ్డీ జట్ల ఎంపిక జరిగింది. ప్రోకబడ్డీ రిఫరీ బోగిళ్ల మురళీ కుమార్‌, జిల్లా కబడ్డీ అసోసియేషన్‌ అధ్యక్షుడు డీవీవీ శ్రీనివాసు, కోశాధికారి ఎన్‌.కిరణ్‌ల పర్యవేక్షణలో ఎంపిక జరిగింది. జిల్లా నుంచి 80 మంది బాలురు, 50 మంది బాలికలు హాజరు కాగా ప్రతిభ ఆధారంగా పీడీలు జిల్లా జట్లకు ఎంపిక చేశారు. ఎంపికై న క్రీడాకారులకు మాజీ మున్సిపల్‌ చైర్మన్‌ యార్లగడ్డ రవిచంద్రప్రసాద్‌ స్పోర్ట్స్‌ కిట్లు ఏర్పాటు చేశారు. సబ్‌ జూనియర్‌ బాలిక జట్టు కాకరపల్లి అరుణశ్రీ, మేరీ వివోనిక, కారపాటి భాగ్య శుభశ్రీ, కొండ్రే అఖిల, మచ్చా శృతి, గుర్రపు శిరీష, మాదవపూరి దర్శిత, పోతుల రామతులసి, మేరీ పద్మవల్లీ, ఐతి ఊర్విష, జుత్తుక లోవకుమారి, మాలగంటి రాధికదేవి, ఆచంట మౌనికశ్రీ వర్షిణి, వేటుకూరి సుబ్బలక్ష్మి, గనిశెట్టి చిన్నారి, ఉమ్మిడి కేజియ, కొంగు అనిత, ఇంజేటి అక్షిత సబ్‌ జూనియర్‌ బాలుర జట్టు జి.వీరబాబు, పి.సాయిసురేంద్ర, జి.నరేష్‌, ఎం.దుర్గాప్రసాద్‌, కె.రాజా, బి.అజయ్‌, డి.శ్రీరంజిత్‌, ఎ.విష్ణువర్ధన్‌, ఓ.విజయ్‌, వి.సాయిదుర్గ, వి.రామ్‌చరణ్‌తేజ్‌, ఎన్‌.జగదీష్‌, జి.ప్రవీణ్‌, ఆర్‌.ప్రసన్నకుమార్‌, కె.ఎమోష్‌, డి.దుర్గాప్రసాద్‌, జి.ఏసుబాబు, పి.గంగామహేష్‌, సీహెచ్‌ పూర్ణ మణికంఠ.

కొత్తపేట: పథకాలు అమలు చేయడం మంచిదే. ముందస్తు ఆలోచన లేకుండా వెళ్తే ఇలానే ఉంటోంది. చంద్రబాబు ప్రభుత్వం ‘సీ్త్రశక్తి’ ఉచిత బస్సు పథకం అమలులో తుస్సుమనిపిస్తోంది. ముందుచూపు లేకుండా, మౌలిక సదుపాయాలు కల్పించకుండా అమలు చేయడం సమస్యలకు దారితీస్తోంది. జిల్లాలో అమలాపురం, రామచంద్రపురం, రావులపాలెం, రాజోలు డిపోల ద్వారా గత ఏడాది జూలై నాటికి పల్లె వెలుగు (పీవీజీ), ఆల్ట్రా పల్లె వెలుగు (ఆల్ట్రా పీవీజీ), ఎక్స్‌ప్రెస్‌, ఆల్ట్రా డీలక్స్‌, సూపర్‌ లగ్జరీ, ఇంద్ర, అమరావతి, నైట్‌ రైడర్‌ కలిపి మొత్తం 301 సర్వీలు కాగా.. అద్దె బస్సులు 72 ఉండేవి. ఇందులో సీ్త్రశక్తి ఉచిత బస్సులు 193. ఈ ఏడాది జూలై నాటికి మొత్తం సర్వీసులు 288కి తగ్గిపోయాయి. ఇందులో సీ్త్రశక్తి ఉచిత బస్సులు 180కి చేరాయి. కాలక్రమంలో బస్సులు కండీషన్‌ లేకపోవడంతో వాటిని కుదించారు. అసలే ఉచిత బస్సు పథకం అమలవుతున్న వేళ, రద్దీని దృష్టిలో ఉంచుకుని బస్సులను పెంచాల్సి ఉండగా, తగ్గించడం సర్వత్రా విమర్శలకు దారితీస్తోంది. ఇదిలా ఉంటే కాలం చెల్లిన బస్సులను నడపడం ఆర్టీసీ ఉద్యోగులకు ఇబ్బందిగా మారుతోంది. ప్రభుత్వం ఉచిత పథకాన్ని అమలు చేస్తున్నామని చెబుతున్నా, సమస్యలను పరిష్కరించడానికి మాత్రం చొరవ చూపడం లేదు. ఎదురుచూపులతో సరి! సరిపడా బస్సులు లేక జిల్లాలోని చాలాచోట్ల బస్టాప్‌లలో ప్రయాణికులకు ఎదురుచూపులే మిగులుతున్నాయి. ఎట్టకేలకు వచ్చినా, బస్సు కిక్కిరిసి ఉంటుంది. ఫుట్‌బోర్డుపై సైతం నిలబడి ఉండటంతో బస్‌ ఆగకుండానే వెళ్లిపోతుంది. ఆ స్టాప్‌లో దిగాల్సిన ప్రయాణికులను సుమారు వంద మీటర్ల ముందుకు తీసుకెళ్లి అక్కడ దించుతున్నాయి. బస్‌ కోసం ఎదురు చూస్తున్న ప్రయాణికులు పరుగు పరుగున వెళ్లి అందుకోవాల్సి వస్తుంది. ఒక్కోసారి బస్‌ను చేరుకోకుండానే వెళ్లిపోతుంది. ఇలా చాలాచోట్ల పరిస్థితి ఉంది. బస్సులు కిక్కిరిసి ఉండడంతో పాఠశాలలు, కళాశాలలకు వెళ్లే విద్యార్థులు సమయానికి గమ్యస్థానాలకు చేరుకోలేక నిత్యం అవస్థలు పడుతున్నారు. ప్రతి స్టాప్‌లోనూ విపరీతమైన రద్దీ కారణంగా బస్సులు ఎక్కడానికి, దిగడానికి ఆలస్యం అవుతుంది. ఇప్పటికై నా ప్రభుత్వం అదనపు బస్సులను ఏర్పాటు చేయాల్సిన అవసరం ఉంది. ఖాళీలు భర్తీ చేయకుండా.. ఆర్టీసీ సంస్థలో సిబ్బంది ఖాళీలను భర్తీ చేయకపోవడం ఇబ్బందిగా మారుతోంది. సంస్థలో ప్రతి నెలా ఉద్యోగ విరమణ పొందేవారితో పోస్టులు ఖాళీ అవుతున్నా, భర్తీ చేసే ఆలోచన యాజమాన్యానికి పట్టడం లేదు. అదనపు సిబ్బంది లేక ప్రస్తుతం ఉన్న డ్రైవర్లు, కండక్టర్లపై పని ఒత్తిడి రెట్టింపైందని పలువురు వాపోయారు. జిల్లాలోని 4 డిపోల పరిధిలో సుమారు 1,500 మంది డ్రైవర్లు, కండక్టర్లు, మెకానికల్‌ సిబ్బంది, ఏడీసీలు ఉండాల్సి ఉండగా సుమారు 400 ఖాళీలు ఏర్పడ్డాయి. ప్రస్తుతం 1,100 మంది పనిచేస్తున్నట్టు సమాచారం. తీవ్రమైన ఒత్తిడి కారణంగా తాము మానసికంగా, శారీరకంగా కుంగిపోతున్నామని, పలువురు కార్మికులు అనారోగ్యాల పాలవుతున్నారని ఆందోళన వ్యక్తం చేస్తున్నారు. 55 మంది సీటింగ్‌లో 90 మంది కేవలం 55 మంది కూర్చునే సామర్థ్యం ఉన్న ఆర్టీసీ బస్సుల్లో 90 మందికి పైగా ప్రయాణికులు ఎక్కుతున్నారు. బస్సు లోపల కనీసం నిలబడటానికి కూడా జాగా ఉండడం లేదు. ఐడీ కార్డులు పరిశీలించి అందరికీ టికెట్లు కొట్టేలోపే తదుపరి స్టాప్‌ వచ్చేస్తోందని కండక్టర్లు వాపోతున్నారు. ఇదిలా ఉంటే కండీషన్‌లో లేని బస్సుల్లో ఇంత మందిని తీసుకెళ్లడం కత్తిమీద సాములా మారుతుందని సిబ్బంది వాపోతున్నారు. ఉచిత బస్సు.. అమలులో తుస్సు సీ్త్రశక్తి పథకానికి ఆపసోపాలు పెరిగిన ప్రయాణికులు, తగ్గిన బస్సులు తుక్కు బస్సుల్లోనే ‘ఉచిత’ ప్రయాణం 55 మంది సీటింగ్‌లో 90 మందికి పైగా లోడ్‌ జిల్లాలో 193 నుంచి 180కి తగ్గిన సర్వీసులు

● కాంట్రాక్టు, అవుట్‌ సోర్సింగ్‌ ఉద్యోగుల జేఏసీ ● రాజమహేంద్రవరంలో గోదావరి మహా గర్జన సదస్సు ప్రకాశం నగర్‌ (రాజమహేంద్రవరం): కాంట్రాక్ట్‌, అవుట్‌ సోర్సింగ్‌ ఉద్యోగుల సమస్యల పరిష్కారానికి ప్రభుత్వంతో అమీతుమీ తేల్చుకుంటామని రాష్ట్ర జేఏసీ స్పష్టం చేసింది. సమస్యలపై ప్రభుత్వం స్పందించని పక్షంలో నవంబర్‌లో రాష్ట్రంలోని 3.5 లక్షల మంది ఉద్యోగులు అతి పెద్ద పోరాటానికి సిద్ధమవుతున్నట్లు ప్రకటించారు. ఆదివారం స్థానిక రమణం శ్రీరాములు కల్యాణమండపంలో జేఏసీ రాష్ట్ర చైర్మన్‌ కాంతారావు అధ్యక్షతన గోదావరి మహా గర్జన సదస్సు జరిగింది. ఈ సందర్భంగా సంఘం గౌరవాధ్యక్షుడు ఏవీ నాగేశ్వరరావు మాట్లాడుతూ కూటమి ప్రభుత్వం రెండున్నరేళ్ల పాలనలో కాంట్రాక్టు, అవుట్‌ సోర్సింగ్‌ ఉద్యోగులకు ఏమీ చేయలేదని, ఎంటీఎస్‌ హక్కును రద్దు చేసి అన్యాయం చేసిందని, రూ.7 వేలు, రూ.8 వేల వేతనం ఇస్తూ ప్రభుత్వ ఉద్యోగులని చెబుతూ సంక్షేమ పథకాలన్నీ రద్దు చేశారని విమర్శించారు. ప్రశ్నిస్తాం అన్న పవన్‌ కల్యాణ్‌ గొంతు అధికారంలోకి రాగానే మూగబోయిందని, రాష్ట్రంలోని మూడున్నర లక్షల మంది కాంట్రాక్టు , అవుట్‌ సోర్సింగ్‌ ఉద్యోగుల జీవన పరిస్థితులు ప్రభుత్వానికి కనపడట్లేదని మండిపడ్డారు. జేఏసీ రాష్ట్ర చైర్మన్‌ బి.కాంతారావు మాట్లాడుతూ ఇటీవల ముఖ్యమంత్రితో ఉద్యోగ సంఘాల భేటీలో తమ సమస్యలపై కనీస చర్చ కూడా జరగకపోవడం అన్యాయమన్నారు. అన్ని ప్రభుత్వ శాఖల్లో కీలకంగా పని చేస్తున్న తమను విస్మరించటం సరికాదన్నారు. తాము అధికారంలోకి రాగానే కాంట్రాక్ట్‌ అవుట్‌ సోర్సింగ్‌ ఉద్యోగులకు ఎంటీఎస్‌ ఇస్తామని, సంక్షేమ పథకాలు ఇస్తామని, రెగ్యులర్‌ చేస్తామని చెప్పి ఒక్క హామీ కూడా నెరవేర్చలేదన్నారు. ప్రభుత్వ స్పందించకపోతే రాబోయే రోజుల్లో సమ్మెకు కూడా వెనుకాడబోమని హెచ్చరించారు. ఆప్కాస్‌ రాష్ట్ర అధ్యక్షుడు పి.వెంకట సుబ్బయ్య మాట్లాడుతూ మన హక్కులు అడుగుతుంటే ప్రభుత్వం ఉన్న హక్కులను తొలగిస్తోందని అన్నారు. ముఖ్యంగా ప్రభుత్వ సేవల ప్రైవేటీకరణకు వ్యతిరేకంగా ఉద్యమించాలని పిలుపునిచ్చారు. కాంట్రాక్ట్‌ అవుట్‌ సోర్సింగ్‌ ఫెడరేషన్‌ రాష్ట్ర అధ్యక్షురాలు డి.దయమణి మాట్లాడుతూ ప్రభుత్వం ఉద్యోగ సంఘాలు కాంట్రాక్ట్‌ అవుట్‌ సోర్సింగ్‌ ఉద్యోగుల సమస్యలను పట్టించుకోవట్లేదని, ఈ నేపథ్యంలో మనం ఐక్యంగా ఉండి హక్కులు సాధించుకోవాలని పిలుపునిచ్చారు. ఈ సందర్భంగా భవిష్యత్తు ఉద్యమ ప్రణాళికను ప్రకటించారు. ఈ నెల 25న జిల్లా కలెక్టరేట్‌ల ముందు ధర్నా నవంబర్‌ 5న చలో విజయవాడ, అసెంబ్లీ సమావేశాల కాలంలో 3 రోజులు విజయవాడలో దీక్షలు, అసెంబ్లీకి పాదయాత్ర వంటి ఉద్యమ ప్రణాళికను ప్రకటించారు. అనంతరం వివిధ శాఖల సంఘాల రాష్ట్ర నాయకులు రవి ప్రకాష్‌, కల్యాణి, గంగాధర్‌, గాంధీ, శశికళ, రాజశేఖర్‌, సురేష్‌, జె.వెంకటేశ్వరావు, సుధీర్‌, బి.పవన్‌, ఎం.సుందర్‌ బాబు, బి.పూర్ణిమారాజు తదితరులు ప్రసంగించారు.

అమలాపురం టౌన్‌: ప్రకాశం జిల్లా కనిగిరిలో ఆదివారం జరిగిన 7వ ఆంధ్రప్రదేశ్‌ జూ జిట్సు చాంపియన్‌ షిప్‌–2026 పోటీల్లో అమలాపురానికి చెందిన బొలిశెట్టి యశస్విని ప్రధమ స్థానం సాధించి స్వర్ణ పతకం కై వసం చేసుకుందని ఆమెకు శిక్షణ ఇచ్చిన కోచ్‌ పడాల అంజి తెలిపారు. అండర్‌–19 ఫైటింగ్‌ సిస్టమ్‌ 60 కేజీల విభాగంలో యశస్విని అత్యుత్తమ ప్రతిభ కనబరిచింది. ఈ విజయంతో యశస్విని జాతీయ పోటీలకు ఎంపికై ంది. త్వరలో ఉత్తరప్రదేశ్‌ రాష్ట్రంలో జరగబోయే నేషనల్‌ జూ జిట్సు పోటీల్లో ఆమె రాష్ట్రం తరఫున ప్రాతినిధ్యం వహించనుంది. యశస్విని విజయంపై పలు రంగాల క్రీడాకారులు, క్రీడాభిమానులు, కుటుంబ సభ్యులు హర్షం వ్యక్తం చేశారు.

● యథేచ్ఛగా అక్రమ రవాణా ● నియంత్రణలో అధికారులు విఫలం వీఆర్‌ పురం: గంజాయి అక్రమ రవాణాను సమూలంగా నిర్మూలించామని ప్రభుత్వం ప్రకటిస్తున్నా క్షేత్రస్థాయి పరిస్థితులు అందుకు భిన్నంగా ఉన్నాయి. ఇందుకు ఉమ్మడి జిల్లా వ్యాప్తంగా నమోదవుతున్న గంజాయి రవాణా కేసులే నిదర్శనం. గత శుక్రవారం అడ్డతీగల మండలం వేటమామిడి వద్ద 30 కిలోలు, గుర్తేడు మండలం డొంకరాయి వద్ద 4 కిలోలు, శనివారం తాటిపాకకు చెందిన కనపాల పవన్‌తేజ, బళ్ల ఉదయ్‌, దిగుమర్తి కల్యాణ్‌తేజ నుంచి వంద గ్రాముల గంజాయి, గంజాయి పీల్చేందుకు ఉపయోగించే సిగరెట్‌ బడ్స్‌ను రాజోలు సర్కిల్‌ పోలీసులు స్వాధీనం చేసుకున్న విషయం తెలిసిందే. అసలు గంజాయి సాగే లేదని బకాయిస్తున్న ప్రజాప్రతినిధులు, అధికారులు ఈ దొంగచాటు వ్యవహారంపై ఏం చెబుతారని ప్రజలు ప్రశ్నిస్తున్నారు. వారు తీసుకుంటున్న నామమాత్రపు చర్యల వల్లే గంజాయి వ్యాపారం మూడు పువ్వులు ఆరు కాయలుగా సాగుతోందని వారంటున్నారు. తాజాగా చింతరేవుపల్లిలో అదివారం గంజాయి సేవిస్తున్న ఏడుగురు యువకులను ఎస్సై సాధిక్‌ అదుపులో తీసుకుని తీసుకున్నారు. వారి వద్ద నుండి 490 గ్రాముల గంజాయిని, ఆరు మోటర్‌ సైకిళ్లను స్వాధీనం చేసుకున్నారు. ఈ సందర్భంగా ఎస్సై మాట్లాడుతూ గంజాయి సేవించటం గంజాయి రవాణా చట్టరీత్యా నేరం అన్నారు. గంజాయి సేవిస్తున్న ఏడుగురిని అదుపులోకి తీసుకున్నామన్నారు. వారిని కోర్టు ముందు హాజరు పరచనున్నట్టు తెలిపారు.

అన్నవరం: ప్రముఖ పుణ్యక్షేత్రమైన అన్నవరంలోని శ్రీవీర వెంకట సత్యనారాయణ స్వామివారి దేవస్థానంలో కార్తిక మాస ఏర్పాట్లపై దేవస్థానం సిబ్బందితో ఈఓ నల్లం సూర్యచక్రధరరావు ఆదివారం సమీక్ష నిర్వహించారు. భక్తులకు ఇబ్బందులు కలగకుండా ఇప్పటి నుంచే పనులు ప్రారంభించాలని ఆదేశించారు. గతంలో కంటే ఈ ఏడాది ఎక్కువగా భక్తులు వచ్చే అవకాశం ఉన్నందున దానికి అనుగుణంగా ఏర్పాట్లు ఉండాలన్నారు. కార్తిక మాసంలో శని, ఆది, సోమవారాలు, దశమి, ఏకాదశి వంటి పర్వదినాలు, క్షీరాబ్ది ద్వాదశి నాడు సత్యదేవుని తెప్పోత్సవం, కార్తిక పౌర్ణిమ నాడు గిరిప్రదక్షిణకు పెద్ద ఎత్తున భక్తులు విచ్చేసే అవకాశం ఉందన్నారు. ఆ రోజుల్లో చేయాల్సిన ఏర్పాట్లపై విభాగాల వారీగా నివేదికలు అందజేయాలని సూచించారు. సమావేశంలో వైదిక కమిటీ సభ్యులు చిట్టి శివ ఘనపాఠి, ప్రధానార్చకుడు కోట సుబ్రహ్మణ్యం, వ్రతపురోహిత సంఘం అధ్యక్షుడు ఛామర్తి కన్నబాబు, డిప్యూటీ కమిషనర్‌ బాబూరావు, అసిస్టెంట్‌ కమిషనర్‌ మంజులాదేవి, ఈఈ రామకృష్ణ. ఏఈఓలు శ్రీనివాస్‌, బలువు సత్యశ్రీనివాస్‌, అనకాపల్లి ప్రసాద్‌, కృష్ణప్రసాద్‌, ఎలక్ట్రికల్‌ డీఈ జల్లూరి సత్యనారాయణ, డీఈ (సివిల్‌) బీఎస్‌ రాంబాబు తదితరులు పాల్గొన్నారు.

● పోస్టు భర్తీకి నోటిఫికేషన్‌లో మార్పు ● చర్చనీయాంశమవుతున్న క్యాడర్‌ అన్నవరం: రత్నగిరి రక్షణకు నియమించాల్సిన సెక్యూరిటీ అధికారి పోస్టు భర్తీకి అభ్యర్థుల అర్హతలలో సడలింపులు అనుమానాలకు తావిస్తున్నాయి. ఈ పోస్టు భర్తీకి తాజాగా విడుదల చేసిన నోటిఫికేషన్‌లో ఆర్మీకి చెందిన విశ్రాంత హవల్దార్‌ కానీ, పోలీసు శాఖకు చెందిన విశ్రాంత డీఎస్పీ స్థాయి వారు అర్హులని పేర్కొన్నారు. అయితే 2003లో అప్పటి ఈఓ ఎస్‌ఎస్‌ చంద్రశేఖర్‌ ఆజాద్‌ విశ్రాంత సుబేదార్‌ లేదా సుబేదార్‌ మేజర్‌, అలాగే విశ్రాంత డీఎస్పీ లేదా విశ్రాంత సీఐ అర్హులని నోటిఫికేషన్‌ ఇచ్చి సుబేదార్‌ను ఎంపిక చేశారు. సుబేదార్‌ అంటే పోలీసుశాఖలో సీఐతోనూ, హవల్దార్‌ అంటే హెడ్‌ కానిస్టేబుల్‌తో సమానం. కాగా ప్రజాప్రతినిధులు ఎవరైనా తమ మద్దతుదారునితో ఈ పోస్టు భర్తీ చేసేందుకు తక్కువ స్థాయి అధికారి సరిపోతారని అలా నోటిఫికేషన్‌ ఇప్పించారా అనే అనుమానాలు కూడా వ్యక్తమవుతున్నాయి. ఈ విషయమై తాజా నోటిఫికేషన్‌లో అర్హతలు తగ్గిస్తూ నోటిఫికేషన్‌ ఇవ్వడంపై ఈఓ నల్లం సూర్యచక్రధరరావును వివరణ కోరగా గతంలో మాదిరిగానే పోస్టు భర్తీ చేయమని సిబ్బందికి చెప్పానని, ఆర్మీలో క్యాడర్ల తేడా ఇప్పుడే తెలిసిందని దీనిపై సంబంధిత సిబ్బందిని వివరణ కోరుతానని తెలిపారు.

దేవరపల్లి: సెపక్‌తక్రా 36వ సీనియర్‌ బాలబాలికల సెపక్‌తక్రా తూర్పుగోదావరి జిల్లా జట్ల ఎంపిక పోటీలు జిల్లా అసోసియేషన్‌ ఆధ్వర్యంలో ఆదివారం స్థానిక అంబటి సత్యనారాయణరావు జిల్లా పరిషత్‌ హైస్కూల్లో జరిగినట్టు పీఈటీ శ్రీనివాస్‌ తెలిపారు. బాలికల విభాగంలో పి.మధురశ్రీ, టి.నవ్యశ్రీ, మహాలక్ష్మి, ఎస్‌కే మనిషా బేగం, పి.బాల భవ్యశ్రీ ఎంపికయ్యారు. బాలుర విభాగంలో సీహెచ్‌ సతీష్‌, ఎల్‌.గణపతి, టీఎస్‌ఎస్‌ వంశీ, పి.సాయి, కె.పవన్‌ కుమార్‌ ఎంపికై నట్టు ఆయన తెలిపారు. ఎంపికై న బాలబాలికల జట్లు ఈ నెల 10, 11 తేదీల్లో అంబేడ్కర్‌ కోనసీమ జిల్లా అమలాపురంలో జరిగే రాష్ట్ర స్థాయి సెపక్‌తక్రా పోటీల్లో పాల్గొంటారని ఆయన తెలిపారు.

బోట్‌క్లబ్‌ (కాకినాడ సిటీ): చంద్రబాబు ప్రభుత్వంలో బీసీలు అన్నివిధాలా దగా పడుతున్నారని భారత చైతన్య యువజన పార్టీ జిల్లా అధ్యక్షుడు రాయుడు నాగేశ్వరరావు తెలిపారు. ఓటు బ్యాంకుగా బీసీలను వాడుకుని వదిలివేయడానికే టీడీపీ పనిగా పెట్టుకుందన్నారు. స్థానిక ఓ హోటల్‌లో ఆదివారం ఆ పార్టీ సమావేశం నిర్వహించారు. ఈ సందర్భంగా ఆయన మాట్లాడుతూ బీసీ రిజర్వేషన్లు పెంచుతున్నట్లు నాటకమాడుతున్న టీడీపీకి రానున్న స్థానిక సంస్థల ఎన్నికల్లో గట్టి గుణపాఠం చెబుతామన్నారు. గెలుపోటములు పక్కనపెట్టి, అన్ని మున్సిపల్‌, గ్రామ పంచాయతీల్లో తమ పార్టీ తరఫున పోటీ చేయనున్నట్లు చెప్పారు. పార్టీ రాష్ట్ర నాయకుడు షీతల్‌ మాట్లాడుతూ ఎన్నికల ముందు ప్రభుత్వం కాపు సామాజిక వర్గాన్ని వాడుకుని, నేడు వారి నాయకుడు రంగా విగ్రహం పెట్టుకొనేందుకు కూడా ఇబ్బందులు పెడుతుందన్నారు. చంద్రబాబు ప్రభుత్వంలో కాపులతో పాటు, ఎస్సీ, ఎస్టీ నాయకులు చాలా ఇబ్బందులు పడుతున్నారన్నారు. సమావేశంలో కర్రి గోపాలకృష్ణ, రాయుడు సుధాకర్‌, శీరం శ్రీను, నాగేశ్వరి, పార్టీ సమన్వయ కమిటీ సభ్యులు గొంప శివ తదితరులు పాల్గొన్నారు. బీఎస్‌ఎన్‌ఎల్‌ ఎక్స్ఛేంజీలో చోరీ రాజవొమ్మంగి: స్థానిక బీఎస్‌ఎన్‌ఎల్‌ టెలిఫోన్‌ ఎక్స్ఛేంజీలో (సెల్‌వన్‌ ఆఫీస్‌) దొంగతనం జరిగింది. బ్యాటరీ బ్యాకప్‌కు చెందిన కాపర్‌ వైర్‌, కనెక్టర్లు చోరీ అయ్యాయి. దీని విలువ సుమారు రూ.30 వేల విలువ ఉంటుందని బీఎస్‌ఎన్‌ఎల్‌ ఏఈ సతీష్‌ ‘సాక్షి’తో అన్నారు. ఈ మేరకు స్థానిక పోలీసులకు ఫిర్యాదు చేశామన్నారు. ఆదివారం ఉదయం డ్యూటీకి వచ్చిన ఆపరేటర్‌ అప్పారావు తలుపులు తీసి ఉండటంతో అవాక్కయ్యాడు. లోనికి వెళ్లి చూడగా కీలకపై కాపర్‌వైర్లు చోరీకి గురైనట్లు గుర్తించారు. ముందు రోజు రాత్రి ఈ చోరీ జరిగి ఉంటుందని భావిస్తున్నారు. దీంతో సెల్‌ఫోన్‌ టవర్‌ ఆగిపోయింది. దాదాపు 20 గ్రామాలకు కనెక్షన్‌ కట్‌ అయ్యింది. సెల్‌ఫోన్లు, ఇంటర్నెట్‌ పని చేయలేదు. కాగా తమ సిబ్బందిని పంపామని, మరమ్మతులు చేస్తున్నారని బీఎస్‌ఎన్‌ఎల్‌ ఏలేశ్వరం కార్యాలయం ఏఈ సతీష్‌ అన్నారు. రాజవొమ్మంగిలో ఈ విధంగా దొంగతనం జరగడం ఇది రెండోసారి అని సతీష్‌ అన్నారు. గతంలో ఈ కార్యాలయంలో మరమ్మతులు చేసేందుకు వచ్చిన ప్రైవేటు టెక్నికల్‌ సిబ్బంది ఈ చోరీకి కారణమని ఏఈ అభిప్రాయపడ్డారు. ప్రత్తిపాడు, అడ్డతీగల ఎక్స్ఛేంజీలో కూడా ఈ తరహా దొంగతనాలు జరిగాయన్నారు. హై ఓల్టేజీ ఉన్నప్పటికీ వైర్లు దొంగిలించారంటే అన్నీ తెలిసిన టెక్నీషియన్ల పనేనని ఆయన అభిప్రాయపడ్డారు. ఆర్‌అండ్‌బీ అతిథి గృహం వైపు నుంచి ఎక్స్ఛేంజీ గోడ దూకి, ఎక్స్చేంజీ (బీఎస్‌ఎన్‌ఎల్‌ ఆఫీసు) తలుపులు పగులగొట్టి దొంగలు లోనికి ప్రవేశించినట్లు ఏఈ తెలిపారు. పై అధికారులకు సమాచారం ఇచ్చామన్నారు. కొత్త సామగ్రి అమర్చడంతో పాటు మరమ్మతులు జరుగుతున్నాయని, సిగ్నల్స్‌ను ఈ రాత్రికే పునరుద్ధరిస్తామని తెలిపారు. ఇదిలా ఉండగా రాజవొమ్మంగి ఎస్సై వెంకటరావు సంఘటన స్థలానికి వచ్చి దొంగతనం జరిగిన తీరును పరిశీలించారు. రేషన్‌ కార్డుకు మొబైల్‌ లింక్‌ తప్పనిసరిసీటీఆర్‌ఐ (రాజమహేంద్రవరం): రేషన్‌ కార్డుదారులందరూ తమ రేషన్‌ కార్డుకు మొబైల్‌ ఫోన్‌ నంబర్‌ను తప్పనిసరిగా అనుసంధానం చేసుకోవాలని జేసీ వై.మేఘ స్వరూప్‌ ఆదివారం ఒక ప్రకటనలో తెలిపారు. కుటుంబ పెద్ద ఆధార్‌ కార్డుకు లింక్‌ అయి ఉన్న మొబైల్‌ నంబర్‌నే రేషన్‌ కార్డుకు నమోదు చేయించుకోవాలని సూచించారు. ఇప్పటికే అక్టోబర్‌ నెల రేషన్‌ తీసుకున్న లబ్ధిదారులు సంబంధిత రేషన్‌ దుకాణదారుడిని సంప్రదించి తమ మొబైల్‌ నంబర్‌ను నమోదు చేయించుకోవాలని కోరారు. రూ.30 వేల విలువైన కాపర్‌ వైరు మాయం బీఎస్‌ఎన్‌ఎల్‌ ఫోన్లు, నెట్‌వర్క్‌కు అంతరాయం

కాకినాడ రూరల్‌: పోస్టు గ్రాడ్యుయేషన్‌ (పీజీ) కోర్సుల్లో ప్రవేశాలకు రెండో విడత కౌన్సెలింగ్‌ త్వరలో ప్రకటించనున్నట్టు ఆదికవి నన్నయ విశ్వవిద్యాలయం వెల్లడించింది. కాకినాడ రూరల్‌ అచ్చంపేట జంక్షన్‌లో గల ఆదికవి నన్నయ విశ్వవిద్యాలయం ఎంఎస్‌ఎన్‌ క్యాంపస్‌లో 2026–27 విద్యా సంవత్సరానికి గాను ఈ ప్రవేశాలు నిర్వహించనున్నట్టు తెలిపింది. ఈ మేరకు శనివారం క్యాంపస్‌ ప్రిన్సిపల్‌ ప్రొఫెసర్‌ ఎస్‌.ప్రశాంతిశ్రీ మాట్లాడుతూ క్యాంపస్‌లో ఆధునిక స్మార్ట్‌ క్లాస్‌రూములు, అత్యాధునిక కంప్యూటర్‌ ల్యాబ్‌లు, డిజిటల్‌ లెర్నింగ్‌ సెంటర్లు విద్యార్థులకు అందుబాటులో ఉన్నాయని చెప్పారు. పురుషులు, మహిళలకు ప్రత్యేక హాస్టల్‌ వసతి, విస్తృత క్రీడా సౌకర్యాలు కల్పించినట్టు తెలిపారు. ఇది ప్రభుత్వ యూనివర్సిటీ క్యాంపస్‌ అవ్వడం వల్ల రాష్ట్ర ప్రభుత్వం అందించే అన్ని రకాల ఫీజు రీయింబర్స్‌మెంట్‌, స్కాలర్‌షిప్‌ ప్రోత్సాహకాలు విద్యార్థులకు వర్తిస్తాయని చెప్పారు. ప్రతి పీజీ విభాగంలో 33 సీట్ల చొప్పున భర్తీ చేయనున్నట్టు తెలిపారు. రెండో విడత కౌన్సెలింగ్‌లో వెబ్‌ ఆప్షన్లు నమోదు చేసుకునే సమయంలో క్యాంపస్‌ కోడ్‌ ఏకేఎన్‌కేను ఎంచుకుని, ఆదికవి నన్నయ విశ్వవిద్యాలయం, ఎంఎస్‌ఎన్‌ క్యాంపస్‌, కాకినాడను తప్పనిసరిగా ఆప్ట్‌ చేసుకోవాలని సూచించారు. ఎంఏలో ఎకనామిక్స్‌, పొలిటికల్‌ సైన్స్‌, పబ్లిక్‌ అడ్మినిస్ట్రేషన్‌, ఇంగ్లీష్‌, ఎమ్మెస్సీలో మ్యాథమెటిక్స్‌, ఎంకాం కోర్సులు అందుబాటులో ఉన్నాయన్నారు. ఇతర వివరాల కోసం అడ్మిషన్స్‌ ఇన్‌చార్జి ఎస్‌కె కరీం 9701827564, పి.రాము 7075159585లను సంప్రదించవచ్చని సూచించారు. నేరుగా వర్సిటీ ఎంఎస్‌ఎన్‌ క్యాంపస్‌లోనూ సంప్రదించాలని కోరారు.

నేడు రాజమహేంద్రవరంలో ప్రాంతీయ సదస్సు కాకినాడ రూరల్‌: కాంట్రాక్ట్‌, ఔట్‌సోర్సింగ్‌ ఉద్యోగులను తక్షణమే రెగ్యులరైజ్‌ చేయాలని, అది అమలయ్యే వరకు సమాన పనికి సమాన వేతనం అందించాలని డిమాండ్‌ చేస్తూ ఆదివారం రాజమహేంద్రవరంలోని రావణం శ్రీరాములు కల్యాణ మండపంలో నిర్వహించే ప్రాంతీయ సదస్సును జయప్రదం చేయాలని సీఐటీయూ నాయకులు పిలుపునిచ్చారు. ఈ మేరకు కాకినాడ రూరల్‌ వలసపాకల కార్యాలయంలో సదస్సుకు సంబంధించిన కరపత్రాన్ని ఆవిష్కరించారు. కేంద్ర, రాష్ట్ర ప్రభుత్వాలు మారుతున్నా కాంట్రాక్ట్‌, ఔట్‌సోర్సింగ్‌, ఆప్కాస్‌, ఎన్‌ఎంఆర్‌ గెస్ట్‌ ఉద్యోగుల సమస్యలు పరిష్కారం కావడం లేదని సీఐటీయూ మండల కార్యదర్శి తొట్టిపూడి రాజా విమర్శించారు. పంజాబ్‌, ఢిల్లీ, రాజస్థాన్‌ వంటి అనేక రాష్ట్రాల్లో ఉద్యోగుల క్రమబద్ధీకరణ, ఉద్యోగ భద్రతపై సానుకూల నిర్ణయాలు తీసుకున్నారని, మన రాష్ట్రంలో ఎందుకు అమలు చేయడం లేదని ప్రశ్నించారు. పదవీ విరమణ వయసును 62 ఏళ్లకు పెంచాలని, ప్రమాద ఉచిత బీమా, ఆరోగ్య బీమా, కారుణ్య నియామకాలు వర్తింపజేయాలని కోరారు. ప్రతి నెలా మొదటి వారంలోనే జీతాలు చెల్లించాలని, పెండింగ్‌లో ఉన్న వేతన బకాయిలను తక్షణమే విడుదల చేయాలని డిమాండ్‌ చేశారు.

ఉద్యోగులపై కలెక్టర్‌ ఆగ్రహం పెద్దాపురం: ‘ఏంటి తమాషాలు చేస్తున్నారా? నాకు ప నిలేక వారం వారం ఇక్కడికొస్తున్నానా?..’ అంటూ పె ద్దాపురం రెవెన్యూ సర్వేయర్‌పై కలెక్టర్‌ ఎంఎస్‌ హరేంధిరప్రసాద్‌ తీవ్ర ఆగ్రహం వ్యక్తం చేశారు. ఒక నెల.. ఒక్క నియోజకవర్గం.. నాలుగు పర్యటనలు.. కార్యక్రమంలో భాగంగా శనివారం పెద్దాపురం మండల ప్రజాపరిషత్‌ కార్యాలయంలో ప్రజాసమస్యల పరిష్కార వేదిక కార్యక్రమాన్ని కలెక్టర్‌ ఎంఎస్‌ హరేంధిర ప్రసాద్‌ నిర్వహించారు. నేరుగా ప్రజల నుంచి అర్జీలు స్వీకరించి వాటిపై సంబంధిత అధికారులతో మాట్లాడి సమస్యల పరిష్కారానికి చర్యలు చేపట్టారు. ఈ సందర్భంగా గత మూడు వారాలుగా పెద్దాపురంలో నిర్వహించిన పీజీఆర్‌ఎస్‌ కార్యక్రమం అర్జీలపై నేరుగా అధికారులతో సమీక్ష సమావేశం నిర్వహించారు. దివిలి గ్రామంలో మొదటి వారంలో వచ్చిన అర్జీపై రెవెన్యూ అదికారులు ఇప్పటివరకు ఎలాంటి చర్యలూ చేపట్టకపోవడంపై ఆగ్రహం వ్యక్తం చేశారు. దీనిపై మండల సర్వేయర్‌ దేవుడుని పిలిచి నెలరోజులైనా ఎందుకు దీనిపై విచారణ చేపట్టలేదని నిలదీశారు. ‘నేను ప్రతి వారం కాకినాడ నుంచి ప్రజా సమస్యల పరిష్కారం కోసం ఇక్కడికొస్తుంటే.. నువ్వు మాత్రం ఫీల్డ్‌లోకి వెళ్లకుండా నాటకాలు ఆడుతున్నావా..’ అంటూ మండిపడ్డారు. సోమవారంలోగా క్షేత్రస్థాయిలో విచారణ చేపట్టి నివేదిక ఇవ్వాలని ఆదేశించారు. ఈ కార్యక్రమంలో ఎమ్మెల్యే నిమ్మకాయల చినరాజప్ప, ఆర్డీవో పి.కృష్ణమూర్తి, డీఎస్పీ ఏబీజీ తిలక్‌, డీఎల్‌డీవో స్వప్న, జెడ్పీ డిప్యూటీ సీఈవో శ్రీలలితతో పాటు ఇతర శాఖల అధికారులు పాల్గొన్నారు.

కరువు రక్కసి కాటేస్తున్నా.. కర్షకులపై కనికరం కరువైంది.. కష్టకాలంలో అన్నదాతలను ఆదుకోవలసిన కూటమి ప్రభుత్వం మొండిచేయి చూపుతోంది. కరువు మండలాల ప్రకటనలో సైతం రైతులపై చిత్తశుద్ధి కరువైంది. జిల్లా వ్యాప్తంగా 13 మండలాల్లో దుర్భిక్ష పరిస్థితులు తలెత్తాయని అధికారులు ప్రభుత్వానికి ప్రతిపాదనలు పంపించగా, ఆరింటిని మాత్రమే కరువు ప్రాంతాలుగా ప్రకటించడం చూస్తే కూటమి సర్కారు రైతులకు ఏ మేరకు అండగా నిలబడుతోందో అర్థమవుతోంది. రైతులకు రాయితీలు ఎగ్గొట్టడమే ప్రభుత్వ ఉద్దేశమని రైతుల్లో విమర్శలు వ్యక్తమవుతున్నాయి.సాక్షి ప్రతినిధి, కాకినాడ: ఖరీఫ్‌లో జిల్లా వ్యాప్తంగా తీవ్ర వర్షాభావ పరిస్థితులు నెలకొన్నాయి. సాగునీరు లేక పంటల సాగుకు రైతులు ఆకాశం వైపు చూస్తున్నా.. ప్రభుత్వం పట్టించుకున్న దాఖలాలు లేవు. రైతులను ఆదుకునేందుకు ముందుకురాలేదు. పైగా తీరిగ్గా స్పందించింది. జిల్లా వ్యాప్తంగా ఆరు మండలాల్లో (తుని, తొండంగి, శంఖవరం, ప్రత్తిపాడు, ఏలేశ్వరం, పెద్దాపురం) కరువు పరిస్థితులు ఉన్నట్టు ప్రకటించింది. ఖరీఫ్‌ సీజన్‌లో జూన్‌ ఒకటో తేదీ నుంచి ఆగస్టు 30 వరకు ఉన్న లోటు వర్షపాతాన్ని ప్రామాణికంగా తీసుకుని కరువు మండలాల ప్రకటన చేసింది. మూడు మాసాల్లో ఆయా మండలాల్లో సాధారణం కంటే 53 శాతం లోటు వర్షపాతం నమోదైంది. వర్షపాతం, సాగు విస్తీర్ణం, భూమిలో తేమ, భూగర్భ జలాలు, వృక్ష సంపద, జలాశయ నిల్వల వంటి వనరుల ఆధారంగా మండలాలను ప్రకటించినట్టు వెల్లడించింది. 13కు గాను 6 మాత్రమేనా? రాష్ట్ర విపత్తుల నిర్వహణ సంస్థ వర్షపాత వివరాలను ప్రామాణికంగా తీసుకుని జిల్లాలో 13 మండలాల్లో దుర్బిక్ష పరిస్థితులు నెలకొన్నట్టు శాటిలైట్‌ గణాంకాల ఆధారంగా జిల్లా వ్యవసాయ శాఖకు నివేదిక పంపింది. ఆ నివేదిక మేరకు కాజులూరు, తాళ్లరేవు, కాకినాడ రూరల్‌, కాకినాడ సిటీ, పిఠాపురం, గొల్లప్రోలు, కిర్లంపూడి, తుని, తొండంగి, శంఖవరం, ప్రత్తిపాడు, ఏలేశ్వరం, పెద్దాపురం మండలాలను ప్రాథమికంగా గుర్తించారు. ఆయా ప్రాంతాల్లో వివిధ సాగునీటి వనరులపై అధ్యయనం చేసి అధికారులు ప్రభుత్వానికి నివేదిక పంపారు. వాటిలో కేవలం ఆరు మండలాలనే ప్రకటించడంపై రైతుల నుంచి విమర్శలు వ్యక్తమవుతున్నాయి. పొలంలో పచ్చగడ్డి ఉన్నా.. శాటిలైట్‌కు పంట సాగు చేసిన విధంగా కనిపిస్తుందని, అధికారులు ప్రత్యేకంగా పరిశీలన చేయాలన్న డిమాండ్‌ వస్తోంది. తీవ్రతను కప్పిపుచ్చేందుకే కాలయాపన.. ఈ ఏడాది ఖరీఫ్‌లో లోటు వర్షపాతం విషయం ఆగస్టులోనే స్పష్టమైంది. జూన్‌ ఒకటి నుంచి సెప్టెంబర్‌ 19 వరకు 580.2 మిల్లీమీటర్ల వర్షపాతం నమోదవ్వాల్సి ఉండగా.. 321 మిల్లీమీటర్లు మాత్రమే కురిసింది. 44.7 శాతం లోటు వర్షపాతం నమోదైంది. కరువు అంచనాకు తీసుకున్న వర్షపాతం లెక్కలు ఆగస్టు 31తో ముగిసినా.. ప్రకటించేందుకు నెల రోజుల సమయం తీసుకోవడంపై ప్రశ్నలు తలెత్తుతున్నాయి. చంద్రబాబు ప్రభుత్వం కరువు తీవ్రతను కప్పిపుచ్చేందుకే అక్టోబర్‌ వరకు కాలయాపన చేసిందని విమర్శలు వ్యక్తమవుతున్నాయి. ఏలేరు ఉన్నా.. కాకినాడ జిల్లాలో ఏలేరు ఆయకట్టుకు కొంత నీటి వెసులుబాటు ఉన్నా.. ప్రత్తిపాడు, ఏలేశ్వరం, శంఖవరం, రౌతులపూడి, తుని పరిసర మెట్ట ప్రాంతాలు వర్షాలపై ఆధారపడినవి. పెద్దాపురం, సామర్లకోట, జగ్గంపేట పరిసరాల్లోనూ బోరు ఆధారిత సాగుకు వర్షం ఆవశ్యకత ఉంది. పంపా ఆయకట్టు తీసికట్టు పంపా ఆయకట్టు పరిధిలోని తొండంగి మండలంలో ఖరీఫ్‌ వరి 3353 హెక్టార్ల విస్తీర్ణంలో సాగవుతుంది. రైతులు పోలవరం నీటిపై ఆశలు పెట్టుకోగా, ప్రభుత్వం నీరివ్వకపోవడంతో వారి ఆశలు అడియాసలయ్యాయి. ఇటీవల వర్షాలు కురిసినా.. నీటి లభ్యత ఉన్నా.. విడుదలపై రైతులకు స్పష్టమైన హామీ ఇవ్వకపోవడంతో ఈ ఏడాది పంపా ఆయకట్టు రైతులు వరి నాట్లు వేయలేదు.కరువు మండలాల్లో పంట సాగు ఇలా... మండలం సాగు విస్తీర్ణం సాగైన విస్తీర్ణం (హెక్టార్లలో) (హెక్టార్లలో) తుని 3,428 690శంఖవరం 1,030 99ఏలేశ్వరం 2,785 2,553ప్రత్తిపాడు 4,446 1,583తొండంగి 5,176 1,547పెద్దాపురం 4,595 4,074సాయం సంగతేంటో? కరువు మండలాలుగా ప్రకటిస్తే ఆయా మండలాల్లోని రైతులకు విపత్తుల సహాయ నిధి నుంచి ఇన్‌పుట్‌ సబ్సిడీ ఇవ్వాలి. 33 శాతం కంటే ఎక్కువ పంట నష్టం కలిగితే పరిహారం చెల్లించాలి. రైతుల రుణాలు రీషెడ్యూల్‌ చేయాలి. ఇన్‌పుట్‌ సబ్సిడీ అందజేయాలి. నర్సరీ దశలో పంట పాడైపోతే రాయితీపై విత్తనాలు సరఫరా చేస్తామని అధికారులు వెల్లడిస్తున్నారు. ఇంతవరకు సాయం ప్రకటన ప్రభుత్వం నుంచి రాకపోవడంపై ఆందోళన నెలకొంది. ప్రభుత్వం విడుదల చేసిన కరువు మండలాల జీవోలో సైతం రైతులకు ఊరటనిచ్చే అంశం లేదు. ఇన్‌పుట్‌ సబ్సిడీ ఎంత, ఎప్పుడిస్తారు, పంట నష్టం అంచనాలు ఏమిటి, ఎప్పటిలోగా రుణాలు రీషెడ్యూల్‌ చేస్తారు, వడ్డీ మాఫీ, కేంద్ర సాయం కోసం నివేదిక, పశుగ్రాసం పరిస్థితేమిటన్న వాటిపై ప్రభుత్వం నుంచి స్పష్టత కరువైంది. కరువు మండలాల ప్రకటనలోనూ ‘పచ్చ’పాతం జిల్లాలోని 13 మండలాల్లో దుర్భిక్ష పరిస్థితులు ఉన్నట్టు వ్యవసాయ శాఖ నివేదిక కేవలం 6 మండలాలనే గుర్తించిన ప్రభుత్వం మిగిలిన మండలాల పరిస్థితేంటని ప్రశ్నిస్తున్న కర్షకులు ప్రభుత్వ రాయితీలు ఎగ్గొట్టేందుకే అంటున్న రైతులు

వైఎస్సార్‌సీపీ నియోజకవర్గ కో ఆర్డినేటర్‌ దొరబాబుపెద్దాపురం: స్థానిక సంస్థల ఎన్నికల్లో బీసీలకు 34 శాతం రిజర్వేషన్లు అమలు చేస్తామంటూ డ్రామాలాడిన కూటమి ప్రభుత్వం.. హైకోర్టు ఆ జీవోలను కొట్టివేయడంతో ఇప్పుడు మరో డ్రామాకు తెరతీసిందని వైఎస్సార్‌సీపీ నియోజకవర్గ కోఆర్డినేటర్‌ దవులూరి దొరబాబు విమర్శించారు. పెద్దాపురంలో శనివారం ఆయన విలేకరులతో మాట్లాడుతూ చంద్రబాబు ప్రభుత్వం బీసీలకు క్షమాపణ చెప్పాల్సిందిపోయి సుప్రీంకోర్టుకు వెళతామని చెప్పడం దారుణమన్నారు. ప్రభుత్వానికి బీసీలపై ప్రేమ ఉంటే మాటల్లో కాకుండా చేతల్లో చూపించాలని ఆయన డిమాండ్‌ చేశారు. గత వైఎస్సార్‌సీపీ ప్రభుత్వంలో జగన్‌మోహన్‌రెడ్డి నాయకత్వంలో బీసీలతో పాటు ఎస్సీ, ఎస్టీ, మైనార్జీ వర్గాలకు ఆర్థిక, సామాజిక, రాజకీయంగా పైకి తీసుకురావడానికి అన్ని స్థాయిల్లో అవకాశాలు కల్పించారన్నారు. దేశంలోనే తొలిసారి అనేక కార్పొరేషన్లు ఏర్పాటు చేసి, నామినేటెడ్‌ పదవుల్లో బీసీలకు, ఎస్సీ, ఎస్టీ, మైనార్టీ వర్గాలకు పదవులు, డైరెక్టరు పదవులు కల్పించి రాజకీయంగా ఉన్నత స్థితిలో కూర్చోబెట్టారన్నారు. సంక్షేమ పథకాల్లోనూ బీసీలకు తొలి ప్రాధాన్యత ఇచ్చారని చెప్పారు. వైఎస్సార్‌సీపీ వెంట ఉన్న బీసీలను తమ పార్టీ వైపునకు తిప్పుకోవాలనే దురాలోచనతో బీసీ రిజర్వేషన్ల అంశంతో మభ్యపెట్టి లబ్ధి పొందాలని చంద్రబాబు చూస్తున్నారని విమర్శించారు. కూటమి ప్రభుత్వం ఎన్ని మోసాలకు పాల్పడినా స్థానిక సంస్థల ఎన్నికల్లో మెజారిటీ బీసీలు జగన్‌ వెంట నడిచేందుకు సిద్ధంగా ఉన్నారని స్పష్టం చేశారు.

తుపాను, వర్షాలను సాకుగా చూపి తప్పించిన బాధిత మండలాలను మళ్లీ రీ–ఎస్టిమేట్‌ చేసి తక్షణమే కరువు జాబితాలో చేర్చాలి. రైతు రుణాలను రీషెడ్యూల్‌ చేసి, ఎకరాకు నష్టపరిహారం, ఇన్‌పుట్‌ సబ్సిడీ ఇవ్వాలి. కేంద్ర ప్రభుత్వ ’మాన్యువల్‌ ఫర్‌ డ్రాట్‌ మేనేజ్‌మెంట్‌’ నిబంధనల ప్రకారం ఆగస్టులోనే కరువు డిక్లరేషన్‌ చేయొచ్చు. కానీ చంద్రబాబు ప్రభుత్వం కరువు తీవ్రతను కప్పిపుచ్చేందుకు అక్టోబర్‌ వరకు కాలయాపన చేసింది. జూన్‌ నుంచే వర్షపాత లోటు ఉన్నా సెప్టెంబర్‌ వరకు ఎలాంటి ప్రత్యామ్నాయ ప్రణాళికా రూపొందించలేదు. ఈ సీజన్‌లో రాష్ట్రంలో దాదాపు 10 లక్షల ఎకరాల్లో పంటలు వేయలేదని ప్రభుత్వ నివేదికలే చెబుతున్నాయి. – కురసాల కన్నబాబు, మాజీ మంత్రి, వైఎస్సార్‌సీపీ ఉత్తరాంధ్ర జిల్లాల రీజనల్‌ కోఆర్డినేటర్‌

ఫ కొనసాగుతున్న అక్రమ రవాణా ఫ రోజుకోచోట పట్టుబడుతున్న వైనం రాజోలు: గంజాయి అక్రమ రవాణా ఆగడం లేదు.. రోజుకోచోట పట్టుబడడం ఆందోళనకు గురిచేస్తోంది. ప్రభుత్వం, పోలీసులు మాత్రం గంజాయి రవాణాను ఎక్కడికక్కడే అరికట్టామని చెబుతున్నా, క్షేత్రస్థాయిలో పరిస్థితులు అందుకు భిన్నంగా ఉన్నాయి. రోజూ ఏదొకచోట గంజాయి కేసులు నమోదు కావడం ఇందుకు ఉదాహరణ. శుక్రవారం పోలవరం జిల్లా అడ్డతీగల మండలం వేటమామిడి వద్ద 30 కిలోలు, గుర్తేడు మండలం డొంకరాయి వద్ద 4 కిలోల గంజాయి పట్టుబడింది. తాజాగా ఈ విక్రయాలు కోనసీమ జిల్లాను తాకాయి. ఆ వివరాల్లోకి వెళ్తే.. పశ్చిమ బెంగాల్‌కు చెందిన మైథూల్‌ లష్కర్‌తో పాటు తాటిపాకకు చెందిన కనపాల పవన్‌తేజ, బళ్ల ఉదయ్‌, దిగుమర్తి కల్యాన్‌తేజలు గంజాయి విక్రయిస్తున్నట్టు రాజోలు సర్కిల్‌ పోలీసులకు సమాచారం వచ్చింది. దీంతో ఎస్సై మల్లిఖార్జునరెడ్డి నిఘా ఉంచి, ఆ నలుగురిని అదుపులోకి తీసుకున్నారు. వారి నుంచి 100 గ్రాముల గంజాయి, గంజాయి పీల్చేందుకు వినియోగించే సిగరెట్‌ బడ్స్‌ను స్వాధీనం చేసుకున్నారు. ఈ మేరకు శనివారం రాజోలు సర్కిల్‌ కార్యాలయంలో సీఐ సురేష్‌బాబు, ఎస్సై మల్లిఖార్జునరెడ్డి వివరాలు వెల్లడించారు. గంజాయి విక్రయించినా, తాగినా క్రిమినల్‌ కేసులు నమోదు చేస్తామని సీఐ తెలిపారు. అరెస్ట్‌ చేసిన నలుగురిని రాజోలు కోర్టులో హాజరు పర్చగా రిమాండ్‌ విధించారన్నారు.

ఆత్రేయపురం: కోనసీమ తిరుమల వాడపల్లి వేంకటేశ్వర స్వామివారి ఆలయ ఆవరణలో సుమారు రూ.20 కోట్లకు పైగా నిధులతో ఆర్యవైశ్య సేవా ట్రస్ట్‌ సహకారంతో సేవా భవనం నిర్మిస్తున్నట్లు వైఎస్సార్‌ సీపీ సీనియర్‌ నేత, రాష్ట్ర ఆర్య వైశ్య నాయకుడు కొరుప్రోలు వెంకటేశ్వరరావు తెలిపారు. ఆయన ఆధ్వర్యంలో శనివారం రూ.50 వేలతో మూడు వేల మందికి పైగా భక్తులకు దద్దోజనం, చక్కెర పొంగలి, పులిహోర ప్రసాదాలను పంపిణీ చేశారు. ఈ సందర్భంగా ఆయన విలేకరులతో మాట్లాడుతూ కొంతకాలంగా ఆర్యవైశ్యుల ఆర్థిక సహకారంతో ప్రసాదాల పంపిణీ నిరంతరాయంగా సాగుతోందని తెలిపారు. రాష్ట్ర ఆర్యవైశ్య నాయకుడు శివరామ సుబ్రహ్మణ్యం ఆదేశాల మేరకు సేవా భవన నిర్మాణ పనులు చురుగ్గా సాగుతున్నాయన్నారు.

కూటమి ప్రభుత్వం అధికారంలోకి వస్తే రూ.10 వేలు ఇస్తామని హామీ ఇచ్చారు. దీంతో వలంటీరు సేవకు ఢోకా ఉండదని భావించాం. కూటమి ప్రభుత్వం అధికారంలోకి వచ్చిన తరువాత మాకు ఉన్న ఆధారం కూడా లేకుండా చేశారు. ప్రతిరోజూ ఇంటింటికీ వెళ్లి ప్రజల అవసరాలను గుర్తించి వారికి ప్రభుత్వ పథకాలు అందేవిధంగా చేశాం. కరోనా సమయంలో మా ప్రాణాలను సైతం లెక్కచేయకుండా పని చేశాం. వలంటీర్లకు అన్యాయం చేయడం సరికాదు. – దూళ్లపల్లి రాజు, మాజీ వలంటీరు, సామర్లకోటచంద్రబాబుకు డప్పు కొడితే డబ్బులిస్తారా? గత వైఎస్సార్‌ సీపీ ప్రభుత్వంలో వలంటీర్ల ద్వారా ప్రజల ఇంటికే సంక్షేమ పథకాలు అందాయి. నేడు సీఎం చంద్రబాబుకు, ఆయన కూటమికి డప్పు కొడితే డబ్బులిస్తామంటున్నారు. ఇదేం విధానం. అప్పట్లో వలంటీర్లకు కేవలం రూ.5 వేలు ఇస్తేనే ప్రజాధనం దుర్వినియోగం చేస్తున్నారని ఎల్లో మీడియా దుష్ప్రచారం చేసింది. ఇప్పుడు రూ.లక్షల సొమ్ము టీడీపీ, సోషల్‌ మీడియా ఇన్‌ఫ్లుయెన్సర్లకు దోచిపెట్టేందుకు రంగం సిద్ధం చేయడాన్ని ఏమంటారు. – పోతుల మనోజ్‌కుమార్‌, మాజీ వలంటీర్‌, గంటి, కొత్తపేట మండలం

పిఠాపురం: స్థానిక ఆర్‌ఆర్‌బీహెచ్‌ఆర్‌ ప్రభుత్వ జూనియర్‌ కళాశాలలో శనివారం ఉమ్మడి తూర్పుగోదావరి జిల్లా స్కూల్‌ గేమ్స్‌ అండర్‌–19 ఆధ్వర్యంలో జిల్లా స్థాయి క్రీడా ఎంపికలు నిర్వహించారు. ఆర్చరీ, ఫెన్సింగ్‌, మోడరన్‌ పెంటాథ్లాన్‌ తదితర క్రీడా విభాగాల్లో ఈ ఎంపికలు జరిగాయి. సుమారు 250 మంది బాలబాలికలు పాల్గొన్నారు. వివిధ క్రీడా విభాగాల్లో ప్రతిభ కనబరిచిన 80 మందిని రాష్ట్ర స్థాయి పోటీలకు ఎంపిక చేసినట్లు ఉమ్మడి తూర్పుగోదావరి జిల్లా స్కూల్‌ గేమ్స్‌ అండర్‌–19 ఆర్గనైజింగ్‌ సెక్రటరీ డి.వెంకట్‌రెడ్డి తెలిపారు. సాఫ్ట్‌బాల్‌ పోటీలకు.. ముమ్మిడివరం: ఇటీవల ఐ.పోలవరం మండలం జి.వేమవరం హైస్కూల్‌లో నిర్వహించిన ఉమ్మడి తూర్పుగోదావరి జిల్లా స్థాయి అండర్‌–19 సాఫ్ట్‌బాల్‌ పోటీల్లో ముమ్మిడివరం జెడ్పీ బాలుర ఉన్నత పాఠశాల విద్యార్థి జె.కేదార్‌నాథ్‌ ప్రతిభ కనబర్చి రాష్ట్ర స్థాయి పోటీలకు ఎంపికయ్యాడు. ఏపీ స్కూల్‌ గేమ్స్‌ ఫెడరేషన్‌ ఆధ్వర్యంలో ఈ ఎంపిక జరిగినట్లు పీడీ కోన సందీప్‌ తెలిపారు. ఆ విద్యార్థిని హెచ్‌ఎం బి.హనుమంతరావు తదితరులు అభినందించారు. రాష్ట్ర స్థాయి ఖోఖో పోటీలకు ఎంపిక నాగమల్లితోట జంక్షన్‌ (కాకినాడ సిటీ): జిల్లా ఖోఖో సంఘం ఆధ్వర్యంలో రాష్ట్ర స్థాయి జూనియర్‌ బాల బాలికల చాంపియన్‌ షిప్‌ పోటీలలో పాల్గొనే జిల్లా జట్ల ఎంపికను శనివారం కాకినాడ జిల్లా క్రీడా మైదానంలో నిర్వహించారు. జిల్లా స్థాయిలో ఎంపికై న విద్యార్థులకు జెడ్పీహెచ్‌ఎస్‌ విరవలో శిక్షణా శిబిరం నిర్వహించి తుది జట్టును రాష్ట్ర స్థాయికి ఎంపిక చేస్తామని ఖోఖో సంఘ కార్యదర్శి, కోచ్‌ శ్రీనివాస్‌ తెలిపారు. ఈ ఎంపికలు ఖోఖో సంఘ సీనియర్‌ వైస్‌ ప్రెసిడెంట్‌ గోవిందరాజులు, జేఎన్టీయూకే స్పోర్ట్స్‌ బోర్డు డైరెక్టర్‌ జి.శ్యామ్‌కుమార్‌, ఖోఖో సంఘ అధ్యక్షుడు పట్టాభిరామ్‌ ఆధ్వర్యంలో నిర్వహించామన్నారు.

సామర్లకోట: పెద్దాపురం మండల పరిధిలోని తిరుపతి గ్రామంలో కొలువైవున్న శ్రీదేవి, భూదేవి సమేత శృంగారవల్లభ స్వామి ఆలయంలో శనివారం భక్తుల రద్దీ కొనసాగింది. తొలి తిరుపతిగా పేరొందిన ఈ ఆలయానికి స్వామివారిని దర్శించుకునేందుకు భక్తులు కాలినడకన వచ్చి మొక్కులు చెల్లించుకున్నారు. తెల్లవారుజామున స్వామివారికి ఇచ్చిన తొలి హారతిని తిలకించడానికి భక్తులు పోటీ పడ్డారు. వివిధ భక్త సంఘాల నాయకులు ఆలయానికి వచ్చిన భక్తులకు సేవలందించడానికి ముందుకు వచ్చారు. అర్చకులు పెద్దింటి పురుషోత్తమాచార్యులు, నారాయ ణాచార్యులు పూజాది కార్యక్రమాలు నిర్వహించా రు. సుమారు 12 వేల మంది భక్తులు స్వామి వారిని దర్శించుకున్నట్టు ఆలయ ఈఓ వడ్డి శ్రీనివాసరావు తెలిపారు. స్వామివారికి ప్రీతికరమైన రోజైన శనివారం కావడంతో ఆలయాన్ని పూల తో అలంకరణ చేసి ప్రత్యేక పూజలు నిర్వహించా రు. ప్రత్యేక దర్శనం టిక్కెట్ల ద్వారా రూ. 1,32,490, అన్నదాన విరాళాల ద్వారా రూ. 57,691, కేశఖండన ద్వారా రూ.4320, తులా భారం ద్వారా రూ.450, లడ్డు ప్రసాద విక్రయం ద్వారా రూ.19,665తో కలిపి మొత్తం రూ. 2,14616 ఆదాయం వచ్చిందని ఈఓ వివరించారు. ఆలయంలో మూడు వేల మంది భక్తులు అన్నప్రసాదం స్వీకరించారని ఈఓ తెలిపారు. రత్నగిరికి పోటెత్తిన భక్తులు అన్నవరం: ప్రముఖ పుణ్యక్షేత్రమైన అన్నవరంలోని శ్రీవీర వేంకట సత్యనారాయణ స్వామివారి దేవస్థానం శనివారం వేలాదిగా తరలివచ్చిన భక్తులతో కిటికిటలాడింది. శనివారం పర్వదినం కావడంతో భక్తులతో ఆలయ ప్రాంగణం, వ్రత మండపాలు, విశ్రాంత మండపాలు నిండిపోయాయి. భక్తులు స్వామివారి వ్రతాలు ఆచరించి దర్శనం చేసుకున్నారు. సత్యదేవుని దర్శనానికి రెండు గంటలు, రూ.200 టిక్కెట్‌తో అంతరాలయ దర్శనానికి గంట సమయం పట్టింది. సుమారు 30 వేల మంది భక్తులు స్వామివారిని దర్శించుకున్నారు. స్వామివారి వ్రతాలు రెండు వేలు జరిగాయి. అన్ని విభాగాల ద్వారా దేవస్థానానికి రూ.30 లక్షల ఆదాయం సమకూరింది. ఐదువేల మంది భక్తులకు అన్నప్రసాదం అందించారు. ‘స్థానిక’ ఎన్నికలకు సిద్ధంగా ఉండాలి : కలెక్టర్‌ బోట్‌క్లబ్‌(కాకినాడసిటీ): త్వరలో స్థానిక సంస్థల ఎన్నికలకు నోటిఫికేషన్‌ విడుదల కానున్న నేపథ్యంలో ఎన్నికల నిర్వహణకు సంబంధిత అధికారులు సన్నద్ధంగా ఉండాలని జిల్లా కలెక్టర్‌ హరేంధిర ప్రసాద్‌ ఆదేశించారు. కలెక్టరేట్‌లో శనివారం మున్సిపల్‌ కమిషనర్లు, జెడ్పీ సీఈవో, డిప్యూటీ సీఈవో, జిల్లా పంచాయతీ అధికారులతో స్థానిక సంస్థల ఎన్నికల సన్నద్ధతపై కలెక్టర్‌ సమీక్ష సమావేశం నిర్వహించారు. ఎన్నికల నిర్వహణలో ఇబ్బందులు తలెత్తకుండా అవసరమైన ఏర్పాట్లు ముందే పూర్తిచేయాలని ఆదేశించారు. కాకినాడ నగరపాలక సంస్థ ఎన్నికల నిర్వహణకు సంబంధించి అవసరమైన క్లియరెన్స్‌ రావాల్సి ఉందన్నారు. తుని, పిఠాపురం, గొల్లప్రోలు, పెద్దాపురం, సామర్లకోట పురపాలక సంఘాల్లో వార్డు కౌన్సిలర్లు, చైర్మన్‌ ఎన్నికల నిర్వహణకు అధికారులు పూర్తి స్థాయిలో సిద్ధంగా ఉండాలని చెప్పారు. స్ట్రాంగ్‌ రూములు, ఎన్నికల సామగ్రి, బ్యాలెట్‌ పత్రాలు, బ్యాలెట్‌ బాక్సుల భద్రత కోసం అవసరమైన ప్రాంతాల్లో పటిష్టమైన స్ట్రాంగ్‌ రూములను ముందుగానే గుర్తించాలన్నారు. కౌంటింగ్‌ నిర్వహణకు విశాలమైన హాళ్లను ఎంపిక చేసి అవసరమైన మౌలిక వసతులు కల్పించాలని సూచించారు. గ్రామ పంచాయతీల పరిధిలో వార్డు సభ్యులు, సర్పంచులు, ఎంపీటీసీలు, జెడ్పీటీసీల ఎన్నికల నిర్వహణకు సంబంధించి కూడా అవసరమైన ఏర్పాట్లు పూర్తిచేయాలని ఆదేశించారు.

సామర్లకోట పోలీస్‌ స్టేషన్‌ వద్ద ఉద్రిక్తత సామర్లకోట: గుర్తు తెలియని వాహనం ఢీకొనడంతో తన భర్త కాలిన మురళీకృష్ణ (35) మృతి చెందాడని పోలీసులు చెబుతున్నారని, దీనిపై పూర్తి విచారణ చేయాలని మృతుడి భార్య లత పిల్లలతో కలిసి సామర్లకోట పోలీస్‌ స్టేషన్‌ వద్ద బైటాయించారు. దీంతో పోలీస్‌ స్టేషన్‌ వద్ద ఉద్రిక్తత నెలకొంది. ఆ వివరాల్లోకి వెళ్తే.. కాకినాడలో ఓ ప్రైవేట్‌ కంపెనీలో పనిచేస్తున్న మురళీకృష్ణ పెద్దాపురంలో తన ఇంటికి మోటారు సైకిల్‌పై వస్తున్నాడు. ఈ సమయంలో సామర్లకోట– కాకినాడ రోడ్డులో పంచారామ క్షేత్రమైన బాలాత్రిపుర సుందరి సమేత కుమార రామభీమేశ్వరస్వామి ఆలయానికి వెళ్లే వంతెన వద్ద గుర్తు తెలియని వాహనం ఢీకొంది. దీంతో అతను మృతి చెందాడు. ఆ మృతదేహాన్ని పోలీసులు పోర్టుమార్టం నిమిత్తం సామర్లకోట సీహెచ్‌సీకి తరలించారు. మృతుడి వద్ద ఉన్న ఆధారాల మేరకు అతని భార్య లతకు, బంధువులకు పోలీసులు సమాచారం ఇచ్చారు. దాంతో తొండంగి మండలం కొత్త పెరుమాళ్లపురం నుంచి బంధువులు, కుటుంబ సభ్యులు, పెద్దాపురం నుంచి భార్య లత తన పిల్లలతో పోలీస్‌ స్టేషన్‌కు చేరుకున్నారు. ఈ ఘటనా స్థలాన్ని పరిశీలించి ఉద్దేశ పూర్వకంగానే వాహనంతో ఢీకొని తన భర్తను చంపేశారని లత ఆరోపించారు. గాయపడిన వ్యక్తిని అంబులెన్సులో తీసుకెళ్లకుండా, రిక్షాలో తీసుకు వెళ్లడం ఏంటని బంధువులు ప్రశ్నించారు. ఆ ప్రదేశంలో ఉన్న సీసీ కెమెరాలను పరిశీలించి తనకు న్యాయం చేయాలని, అప్పటి వరకు పోలీస్‌ స్టేషన్‌ నుంచి కదిలేది లేదిని భీష్మించారు. తనకు ఆస్మితకృష్ణ (5), సిరి (3) అనే ఇద్దరు చిన్న పిల్లలు ఉన్నారని, తమకు దిక్కెవరంటూ లత రోదించిన తీరు కలచివేసింది. ఢీకొన్న వాహనం కోసం గాలిస్తున్నామని, ఘటనా స్థలం వద్ద సీసీ కెమెరాలు పనిచేయడం లేదని పోలీసులు తెలిపారు.

నడవడిక ఆశ్చర్యం కలిగిస్తోంది! స్వామి సన్నిధిలో గజలక్ష్మి.. ద్వారకాతిరుమల: స్థానిక చినవెంకన్న దేవస్థానంలో ఈ ఏనుగు పేరు గజలక్ష్మి. వయసు 54 ఏళ్లు. 2004 మార్చిలో దాత శరణాల మాలతీరాణి చినవెంకన్నకు బహుమతిగా అందించారు. అప్పటి నుంచి ఈ క్షేత్రమే ఇల్లుగా, స్వామివారి సేవే జీవితంగా ఉంటోంది. బ్రహ్మోత్సవాలు, ధనుర్మాసం, ఇతర పర్వదినాల్లో, గ్రామోత్సవాల్లో స్వామివారి సేవలో పాల్గొంటుంది. ఇలా ద్వారకాతిరుమలతో 22 ఏళ్ల అనుబంధం ఏర్పడింది. హిందీతో పాటు తెలుగు కూడా కొంతవరకు అర్థం చేసుకుంటోంది. ఏనుగయినా కప్పలంటే భయపడుతుంది. గుర్రాలు, కుక్కలు, ఇతర జంతువులను చూస్తే కంగారుపడుతుంది. అన్నింటి కంటే ఖాకీ రంగు దుస్తులంటే అసలు పడదు. మావటులు మినహా ఎవరైనా అలాంటి దుస్తులతో వస్తే కోపగిస్తుంది. 18 ఏళ్ల క్రితం ఆలయం వద్ద ఓ చిన్నారి తన కాళ్ల మధ్యకు వచ్చినా.. ఎలాంటి హాని చేయకుండా కాలితో పక్కకు నెట్టేయడంతో అప్పుడు భక్తులంతా అభినందించారు. గజలక్ష్మి సంరక్షణకు ముగ్గురు మావటులు ఉన్నారు. ఆరోగ్యం, ఆహారంపై ప్రత్యేక శ్రద్ధ చూపుతుంటారు. రోజుకి 500 కిలోల శాఖాహారం తీసుకుంటుంది. గరిక, చెరకు, బెల్లం, క్యారెట్లు, దోసకాయలు, కొబ్బరి మట్టలు, రావి ఆకులు ఇష్టంగా తింటుంది. ఇలా ఆహారం కోసం దేవస్థానం నెలకు రూ. 30 వేలకు పైగా ఖర్చు చేస్తోంది. రోజుకు 150 లీటర్లకు పైగా నీరు తాగుతుంది. రోజూ ఉదయం 6 నుంచి 9 గంటల వరకు కొండపై ఆరు కిలోమీటర్లు వాకింగ్‌ చేస్తుంది. ఫ మూగజీవాలతో పెనవేసుకున్న అనుబంధం ఫ ఉమ్మడి జిల్లాలో అనేకమంది జంతు సంరక్షకులు ఫ నేడు ప్రపంచ జంతు సంక్షేమ దినోత్సవం మాటలు రావు.. కానీ ఎన్నో భావాలు పలికిస్తాయి. స్వార్థం ఉండదు.. స్వచ్ఛమైన ప్రేమను చూపుతుంటాయి. అలాంటి మూగజీవాలు మనిషి జీవితంతో పెనవేసుకుంటున్నాయి. వాటి మౌనంలో మనసు విప్పి పరికిస్తే ఎంతో విలువైన ప్రేమ, ఆప్యాయత, అనురాగాలను తనివితీరా ఆశ్వాదించొచ్చు. వైజ్ఞానిక జీవితాన్ని గడుపుతున్నామని చెప్పుకొంటున్న మనిషి మూగజీవాలను పరిరక్షించుకోవాల్సిన అవసరం ఉంది. నిర్లక్ష్యంతోనో, అజాగ్రత్తతోనో వాటికి నష్టం కలిగించకూడదు. ఆధునిక పద్ధతుల పట్ల అవగాహన పెంచుకుని వాటిని సంరక్షించాల్సిన బాధ్యత ఎంతో ఉంది. అలాంటి మూగజీవాలను ప్రేమగా సాకుతూ, సంరక్షిస్తున్న వారెందరో.. కడుపున పుట్టకపోయినా, కన్నబిడ్డలా చూసుకుంటున్న జంతు ప్రేమికులెందరో.. నేడు ప్రపంచ జంతు సంక్షేమ దినోత్సవం సందర్భంగా జంతు ప్రేమికుల హృదయ స్పందన ఇలా.. కపిలేశ్వరపురంనోట్‌ చేసుకునేలా..

కపిలేశ్వరపురం మండలం పడమర ఖండ్రిక గ్రామానికి చెందిన వంగా నల్ల శ్రీను వద్ద రెండేళ్ల మూడు నెలల వయసున్న సైబాల్‌ జెర్సీ ఆవు ఉంది. గ్రామంలోని ఇనుప వంతెన సమీపంలో ఓ పాడి రైతు సంరక్షణలోని ఆవు పవువుల పాక దగ్ధం కావడంతో కొనఊపిరితో ఉండగా, వైద్యుడు ఆ ఆవు కడుపులోని దూడను నైపుణ్యంతో బయటకు తీశారు. తల్లి ఆవు చనిపోయిన బాధలో పాడిరైతు దూడను చూడలేనంటూ మరెవరైనా సంరక్షించండని కోరాడు. అలా నల్ల శ్రీను సైబాల్‌ జెర్సీ ఆవును పెంచుతూ వచ్చారు. అనేక మంది అమ్మమంటూ కోరినా, తల్లి లేని దూడను తానే జాగ్రత్తగా చూసుకుంటానని నల్ల శ్రీను చెబుతున్నారు.

కాట్రేనికోన: మోటారు సైక్లిస్టును లారీ ఢీకొనడంతో ఓ వ్యక్తి అక్కడికక్కడే మృతిచెందాడు. పోలీసుల కథనం ప్రకారం.. దొంతికుర్రు మర్ల చెరువుకు చెందిన ఈతకోట శ్రీనివాసరావు (46) మోటారు సైకిల్‌పై శుక్రవారం వస్తుండగా, తిమ్మాపురం సమీపంలో లారీ ఢీకొంది. శ్రీనివాసరావు తలకు బలమైన గాయం కావడంతో 108 అంబులెన్స్‌లో ఆసుపత్రికి తరలించే ప్రయత్నం చేశారు. మార్గం మధ్యలో అతను మరణించినట్లు అంబులెన్స్‌ సిబ్బంది తెలిపారు. మృతుడికి భార్య విజయ కుమారి, పెళ్లిళ్లు కాని ఇరవై ఏళ్లలోపు అబ్బాయి, ఇద్దరు అమ్మాయిలు ఉన్నారు. రోడ్డు ప్రమాదంలో తండ్రి మృత్యుతవాత పడ్డాడనే విషయం తెలియగానే వారు కన్నీరు మున్నీరుగా విలపించారు. సంఘటనా స్థలానికి చేరుకున్న పోలీసులు లారీ డ్రైవర్‌ను అదుపులోకి తీసుకుని విచారణ చేస్తున్నారు. కాటేజీ అద్దె సొమ్ము దేవస్థానానికి జమ! ద్వారకాతిరుమల: చిన వెంకన్న కొండపై ఓ కాంట్రాక్టర్‌కు రెండు రోజుల పాటు ఉచితంగా కాటేజీని కేటాయించిన వ్యవహారంపై ‘సాక్షి’ దినపత్రికలో వరుస కథనాలు రావడంతో దేవస్థానం అధికారులు స్పందించారు. ఆ అద్దెను సంబంధిత కాంట్రాక్టర్‌ ద్వారా శుక్రవారం దేవస్థానం ఖజానాకు జమ చేయించారు. ఆ వివరాల్లోకి వెళితే. అమరావతికి చెందిన ‘సెవెన్‌హిల్స్‌ ఫెసిలిటీ సర్వీసెస్‌ ప్రైవేట్‌ లిమిటెడ్‌’ సంస్థకు చెందిన కాంట్రాక్టర్‌ ఈ నెల 23న సాయంత్రం క్షేత్రానికి వచ్చారు. శ్రీనివాస నిలయం గెస్ట్‌ హౌస్‌లో బస చేసి 25వ తేదీ ఉదయం వరకు అక్కడే ఉన్నారు. అయితే రెండు రోజుల బసకు సంబంధించిన అద్దెను దేవస్థానానికి చెల్లించలేదు. ఇంజినీరింగ్‌ విభాగం ఏఈ ఆదిత్య రిఫరెన్స్‌తో కాంట్రాక్టర్‌కు గెస్ట్‌హౌస్‌ కేటాయించిన విషయం బయట పడటంతో వివాదం మొదలైంది. అద్దె చెల్లింపు అంశం ముగిసినా.. 2022 నుంచి 2025 సెప్టెంబర్‌ నెలాఖరు వరకు స్థానిక దేవస్థానంలో పారిశుధ్య పనులు నిర్వహించిన సదరు కాంట్రాక్టర్‌ కార్మికులకు పీఎఫ్‌ సొమ్ము సక్రమంగా చెల్లించకపోవడం, తదితర ఆరోపణల నేపథ్యంలో రూ.60 లక్షలకు పైగా సొమ్మును ఏడాది నుంచి కాంట్రాక్టర్‌కు చెల్లించకుండా దేవస్థానం నిలిపివేసింది. ఆ సొమ్మును ఎలాగైనా కాంట్రాక్టర్‌కు ముట్టజెప్పేందుకు కొందరు అధికారులు ప్రయత్నాలు సాగిస్తున్నారన్న ఆరోపణలపై ‘సాక్షి’ దినపత్రికలో వరుస కథనాలు వచ్చాయి. ఈ కథనాలపై స్పందించిన దేవస్థానం అధికారులు కాటేజీ అద్దె సొమ్మును కాంట్రాక్టర్‌ నుంచి వసూలు చేయాలని సంబంధిత ఏఈ ఆదిత్యకు సూచించారు. దీంతో ఆయన కాంట్రాక్టర్‌తో మాట్లాడి రూ.6,574ను దేవస్థానానికి జమ చేయించి, ఎంఆర్‌ రసీదు తీసుకున్నారని సంబంధిత సెక్షన్‌ ఏఈఓ ఐ.రమణరాజు తెలిపారు.

● 30 కిలోల గంజాయితో ఆరుగురి అరెస్ట్‌ ● పోలీసుల నుంచి తప్పించుకునేందుకు యత్నించిన వైనం అడ్డతీగల: పోలీసులను చూసి పారిపోయేందుకు ప్రయత్నించారు.. చివరికి గంజాయితో పట్టుబడి కటకటాల పాలయ్యారు. అడ్డతీగల మండలం వేటమామిడి వద్ద వాహన తనిఖీల్లో భాగంగా 30 కిలోల గంజాయితో ఆరుగురిని అరెస్ట్‌ చేసినట్లు రంపచోడవరం డీఎస్పీ అష్రఫ్‌ అలీ శుక్రవారం తెలిపారు. ఈ గంజాయి విలువ రూ.1.50 లక్షలు ఉంటుందని అన్నారు. ఆయన తెలిపిన కథనం ప్రకారం.. గంజాయి రవాణా జరుగుతుందన్న సమాచారం మేరకు గురువారం మధ్యాహ్నం అడ్డతీగల మండలం వేటమామిడి జంక్షన్‌లో సీఐ గజేంద్రకుమార్‌, ఎస్సై వినోద్‌ ఆధ్వర్యంలో సిబ్బంది వాహన తనిఖీలు నిర్వహించారు. వై.రామవరం వైపు నుంచి వస్తున్న రెండు మోటార్‌ సైకిళ్లు, ఓ కారులో వస్తున్న వ్యక్తులు పోలీసు తనిఖీలను గమనించి, వాహనాలను వెనక్కి తిప్పి పారిపోవడానికి ప్రయత్నించారు. అప్రమత్తమైన పోలీసులు ఆ వాహనాల్లో ఉన్న ఆరుగురిని అదుపులోకి తీసుకోగా అరవింద్‌ అనే వ్యక్తి తన వద్ద ఉన్న గంజాయి ఉంచిన బ్యాగ్‌ను పడేసి అడవిలోకి పారిపోయాడు. వాహనాల్లో తనిఖీలు నిర్వహించగా కారు డిక్కీలో, మోటార్‌ సైకిళ్లపై ఉంచిన బ్యాగుల్లో 30 కిలోల గంజాయి పట్టుబడింది. గంజాయి రవాణా చేస్తున్న సునీల్‌ కృష్ణ, చెల్లి సుభాష్‌ మణికంఠ, షేక్‌ షాయిదా, భరత్‌ పుష్పరాజ్‌, గురుప్రసాద్‌ రాము, నాందేటి సందేశ్‌లను అరెస్ట్‌ చేయగా అరవింద్‌తో పాటు ఈ గంజాయి రవాణాతో సంబంధం ఉన్న మున్నా పరారీలో ఉన్నారన్నారు. గంజాయి రవాణాకు ఉపయోగించిన కారు, రెండు మోటార్‌ సైకిళ్లు, నాలుగు మొబైల్‌ ఫోన్లు సీజ్‌ చేశామన్నారు. నేర నేపథ్యం ఇదీ.. కర్ణాటకకు చెందిన సునీల్‌ కృష్ణ, భరత్‌ పుష్పరాజ్‌, గురుప్రసాద్‌ రాము కలసి కృష్ణా జిల్లాకు చెందిన నాందేటి సందేశ్‌, షేక్‌ షాయిదా, సుభాష్‌ మణికంఠల సహాయంతో అల్లూరి జిల్లా గూడెంకొత్తవీధి మండలం ధారకొండ ప్రాంతంలోని మున్నా అనే వ్యక్తి వద్ద రూ.30 వేలకు 30 కిలోల గంజాయి కొనుగోలు చేశారు. ఈ గంజాయిని బెంగళూరు, విజయవాడ ప్రాంతాల్లో ఎక్కువ ధరకు విక్రయించి సొమ్ము చేసుకోవడానికి పథక రచన చేయగా, పోలీసుల వ్యూహంలో చిక్కుకున్నారు.

● పెద్దపులి సమస్యపై గిరిజనుల గగ్గోలు ● భీతిల్లుతున్న గిరిజన గ్రామాలు ● అటవీ అధికారుల అనాలోచిత నిర్ణయంతో ఇబ్బందులు రంపచోడవరం: మన్యంలో పెద్దపులి గిరిజనులకు పెద్ద సమస్యగా మారింది. ఎప్పుడు ఎక్కడ ఉంటుందో, ఏం జరుగుతుందో అనే ఆందోళన ఆదివాసీలను వెంటాడుతూనే ఉంది. నిన్న మొన్నటి వరకు రాజవొమ్మంగి పరిసర అటవీ ప్రాంతంలో ఉన్న పెద్దపులి, గంగవరం అటవీ ప్రాంతం నుంచి రంపచోడవరం మీదుగా దేవీపట్నం మండలంలోకి చేరింది. కొండమొదలు గ్రామ సమీపాన పాపికొండలు నేషనల్‌ పార్కు పరిధిలో వదిలిన మరుసటి రోజు నుంచి వెనుదిరిగి రామన్నవలస, సున్నంపాడు మీదుగా రంప, పెద్దకొండ గ్రామానికి చేరుకొంది. అక్కడ నుంచి రాజవొమ్మంగి, ఏలేరు ప్రాజెక్టు సమీపాన సంచరించింది. పెద్దపులి ప్రస్తుతం తన పరిధిలోని ఏర్పాటు చేసుకొంది. ఇప్పటి అనేక పశువులపై దాడి చేసి హతమార్చింది. పాపికొండల్లో వదిపెట్టిన పులి తమ గ్రామాల సమీపానికి వచ్చి పెద్ద సమస్యగా మారిందని గిరిజనులు గగ్గోలు పెడుతున్నారు. సాయంత్రం ఆరు గంటల వరకు.. ఉభయగోదావరి జిల్లాల్లోకి పులి ప్రవేశించి ఐదారు నెలలు దాటింది. వరదలు తగ్గిన తరువాత గోదావరి ఈదుకుంటూ దేవీపట్నం ముంపు ప్రాంతానికి పెద్ద పులి చేరుకొంది. తరువాత అక్కడ నుంచి రాజవొమ్మంగి ప్రాంతానికి వెళ్లింది. అక్కడ పుశువులపై దాడి చేసింది. పులి దాడిలో తమ పశు సంపద నాశనమైయ్యే పరిస్థితి వస్తోందని గిరిజనులు ఆందోళన వ్యక్తం చేస్తున్నారు. ప్రస్తుతం పెద్దపులి నాగళ్లపల్లి ప్రాంతంలో ఉంది. వరద నీరు ఉండడంతో దండంగి నుంచి పోశమ్మగండి రోడ్డు, పోలవరం పవర్‌ ప్రాజెక్టు మీదుగా పురుషోత్తపట్నం వెళ్లే రోడ్డు వైపు వెళ్లే అవకాశం లేదు. గతంలో పులి కదలికలపై ప్రత్యేక బృందాలు పనిచేసేవి. పులి కదలికలను ఎప్పటికప్పుడు రికార్డు చేసి, సమీప గ్రామాల వారిని అప్రమత్తం చేసేవారు. తాజాగా పెద్ద పులి దేవీపట్నం మండలం నాగళ్లపల్లి–గొందూరు మధ్య ఉన్నట్లు అటవీ అధికారులు చెబుతున్నారు. అయితే పులి కదలికపై ఆయా సెక్షన్‌ల అటవీ అధికారులు, సిబ్బంది పర్యవేక్షిస్తున్నారు. సాయంత్రం ఆరు గంటల వరకు పులి కదలికలపై ట్రాకర్‌ ద్వారా గుర్తించి స్థానికులను అప్రమత్తం చేస్తున్నారు. ఆరు గంటల తరువాత పులి కదలికలపై ఎటువంటి సమాచారం ప్రజలకు తెలిసే అవకాశం లేదు. గతంలో గంగంపాలెం వద్ద ఆరు లేగ దూడలను పెద్దపులి హతమార్చింది. ప్రస్తుతం పులి దాడిలో ఎన్ని పశువులు హతమవుతాయో అనే ఆందోళన గిరిజనులు వ్యక్తం చేస్తున్నారు. ఒక పక్క నేషనల్‌ పార్కు పరిధిలో ఉన్న గిరిజన గ్రామాల వారు తమను గ్రామాల నుంచి వెళ్లగొట్టేందుకు పులిని వదిలిపెట్టారని ఆరోపిస్తున్నారు. అటవీ అధికారులు జంతువులను వదిలిపెట్టిన గ్రామాలను ఖాళీ చేసే ప్రసక్తే లేదని చెబుతున్నారు. గిరిజనుల సంక్షేమం చూడాల్సిన ఐటీడీఏ అధికారులు నేషనల్‌ పార్కు వలన గిరిజనులకు కలిగి నష్టంపై కనీసం అవగాహన కల్పించడం లేదు. వారికి అండగా నిలిచేందుకు ప్రయత్నం చేయకపోవడం శోచనీయం.

కె.గంగవరం: పొలంలో పురుగు మందు పిచికారీ చేస్తూ అస్వస్థతకు గురై కౌలు రైతు ప్రాణాలు కోల్పోయిన ఘటన కె.గంగవరం మండలంలో చోటుచేసుకుంది. అముజూరుకు చెందిన గెద్దాడ సతీష్‌ ఆటో నడుపుకొంటూ కొద్దిపాటి భూమి కౌలుకు తీసుకుని వ్యవసాయం చేస్తున్నాడు. శుక్రవారం పొలంలో పురుగు మందు పిచికారీ చేస్తూ ఉండగా ఒక్కసారిగా స్పృహతప్పి పడిపోయాడు. స్థానికులు గమనించి రామచంద్రపురం ఏరియా ఆసుపత్రికి తరలించారు. వైద్యులు పరీక్షించి అప్పటికే మృతి చెందినట్లు ధ్రువీకరించారు. ఎస్సై గుబ్బల సోమేంద్ర ఘటనా స్థలాన్ని పరిశీలించి కేసు నమోదు చేశారు. గెద్దాడ సతీష్‌ వైఎస్సార్‌ సీపీలో ఉన్నారు. ఆయన మరణ వార్త విని పార్టీ నియోజకవర్గ కోఆర్డినేటర్‌ పిల్లి సూర్యప్రకాశ్‌ ఏరియా ఆసుపత్రికి చేరుకుని సతీష్‌ భౌతిక కాయానికి పూలమాల వేసి నివాళులు అర్పించారు. సతీష్‌కి భార్య, ఇద్దరు పిల్లలు ఉన్నారు.

బోట్‌క్లబ్‌(కాకినాడసిటీ): దేశ స్వాతంత్య్రం కోసం తమ ప్రాణాలను సైతం పణంగా పెట్టి పోరాడిన గాంధీజీతో పాటు స్వాతంత్య్ర సమర యోధుల త్యాగాలను ప్రతి ఒక్కరూ గుర్తు తెచ్చుకోవాలని జిల్లా కలెక్టర్‌ ఎంఎన్‌ హరేంధిర ప్రసాద్‌ పిలుపునిచ్చారు. గాంధీ జయంతి, దేశ మాజీ ప్రధాని లాల్‌ బహదూర్‌ శాస్త్రి జయంతిని పురస్కరించుకొని శుక్రవారం కలెక్టరేట్‌లో వారి చిత్రపటాలకు పూలమాలలు వేసి నివాళులర్పించారు. గాంధీజీ చూపిన సత్యం, అహింసా మార్గాలను అనుసరిస్తూ ఆదర్శ పౌరులుగా ప్రతి ఒక్కరూ రూపుదిద్దుకోవాలని కోరారు. మహాత్మాగాంధీ ఆశయాలను కేవలం స్మరించుకోవడమే కాకుండా రోజువారీ జీవితంలో ఆచరణలో పెట్టాల్సిన బాధ్యత అందరిపై ఉందన్నారు. గాంధీజీ ఎప్పుడూ పరిసరాల పరిశుభ్రతకు అత్యంత ప్రాధాన్యత ఇచ్చేవారని గుర్తుచేశారు. ఈ కార్యక్రమంలో జేసీ అపూర్వభరత్‌, అసిస్టెంట్‌ కలెక్టర్‌ ప్రియ పాల్గొన్నారు. మరోసారి వంచించేందుకే ‘సుప్రీం’ మాట వైఎస్సార్‌సీపీ బీసీ అయ్యరక సంఘ రాష్ట్ర అధ్యక్షుడి విమర్శ సామర్లకోట: బీసీలకు 34 శాతం రిజర్వేషన్లు కల్పిస్తామని చెప్పి తీరని ద్రోహం చేసిన చంద్రబాబు ప్రభుత్వం.. ఇప్పుడు మరో మోసానికి సిద్ధ మైందని వైఎస్సార్‌సీపీ బీసీ అయ్యరక సంఘ రాష్ట్ర అధ్యక్షుడు ఆవాల లక్ష్మీనారాయణ ధ్వజమెత్తారు. శుక్రవారం సాయంత్రం ఆయన సామర్లకోటలో విలేకర్లతో మాట్లాడుతూ బీసీలను మభ్యపెట్టడానికి రాష్ట్ర ప్రభుత్వం చేసిన ప్రయత్నం హైకోర్టు తీర్పుతో బెడిసికొట్టిందన్నారు. సుప్రీంకోర్టుకు వెళ్లి రిజర్వేషన్లను సాధిస్తామని చెప్పడం బీసీ సమాజాన్ని మరోసారి వంచించేందుకు కుట్రలు చేయడమేనని ఆగ్రహం వ్యక్తం చేశారు. 1992లో వెలువడిన చరిత్రాత్మక ఇందిరా సహాని కేసు తీర్పు ప్రకారం 50 శాతానికి మించి రిజర్వేషన్లు పెంచడం సాధ్యం కాదని సుప్రీం కోర్టు స్వష్టంగా తేల్చిచెప్పిన విషయాన్ని ఈ సందర్భంగా ఆవాల గుర్తు చేశారు. చట్టపరంగా సాధ్యం కాని విషయాలను సాకుగా చూపిస్తూ, కోర్టుల పేరు చెప్పి కాలయాపన చేస్తూ బీసీల నోట్లో మట్టి కొడుతున్నారని లక్ష్మీనారాయణ ఆగ్రహం వ్యక్తం చేశారు. బీసీలకు 50 ఏళ్లకే పింఛను ఇస్తామని నమ్మించి మోసం చేయడంతో ఆ వర్గం ప్రజలు ప్రభుత్వం పట్ల వ్యతిరేకతతో ఉన్నారని చెప్పారు. దీనిని గమనించిన ప్రభుత్వం బీసీలకు ఎర వేయడానికి ప్రయత్నం చేసిందన్నారు. బీసీలను నమ్మించడానికి ఆడుతున్న నాటకంపై అందరూ ఐక్యంగా ఉండి స్థానిక సంస్థల ఎన్నికల్లో కూటమికి బుద్ధి చెప్పాలని కోరారు. పంచాంగం ప్రత్యక్షంఅన్నవరం: ప్రముఖ పుణ్యక్షేత్రమైన అన్నవరంలోని శ్రీవీర వేంకట సత్యనారాయణ స్వామివారి దేవస్థానం పంచాంగం ఐదు రోజుల తరువాత శుక్రవారం వివిధ వాట్సాప్‌ గ్రూపుల్లో, అధికారిక వెబ్‌సైట్‌లో ప్రత్యక్షమైంది. గత కొన్నేళ్లుగా రోజూ పెడుతున్న దిన పంచాంగం, రోజూ జరిగే కార్యక్రమాల వివరాలు గత ఐదు రోజులుగా పెట్టకపోవడంతో భక్తులు అసంతృప్తి వ్యక్తం చేసిన విషయంపై శుక్రవారం ‘కానరాని దిన పంచాంగం’ శీర్షికన ‘సాక్షి’ వార్త ప్రచురించిన విషయం తెలిసిందే. దీనిపై స్పందించిన ఈఓ నల్లం సూర్యచక్రధరరావు ఆ పంచాంగం పోస్టు చేసే ఉద్యోగిపై తీవ్ర ఆగ్రహం వ్యక్తం చేశారు. ఈ పరిస్థితి పునరావృతమైతే కఠిన చర్యలు తప్పవని హెచ్చరించారు. దీంతో శనివారం దిన పంచాంగం, ఆరోజు దేవస్థానంలో జరిగే కార్యక్రమాల వివరాలను శుక్రవారం వివిధ వాట్సాప్‌ గ్రూపులు, దేవస్థానం వెబ్‌సైట్‌లో పెట్టారు. దీంతో భక్తులు సంతోషం వ్యక్తం చేశారు.

కాయకష్టం చేసుకుని జీవనం సాగిస్తున్న కార్మికుల పరిస్థితి కడు దుర్భరంగా మారింది.. ఎన్నికల సమయంలో అంత చేస్తాం.. ఇంత చేస్తామని కూటమి నేతలు చెప్పుకొచ్చినా, ఇప్పుడేమో ఆ హామీల మాట మరిచి, కాలకూట విషం కక్కుతున్నారు.. దీనిపై కార్మికుల్లో నిరసన జ్వాలలు రేగుతున్నాయి. సమస్యల పరిష్కారం కోరుతూ ఈ నెల 8న ‘సామూహిక రాయబారం’ పేరుతో నిరసన తెలపనున్నారు. కపిలేశ్వరపురం: గత ఎన్నికల సమయంలో కూటమి నేతలు భవన నిర్మాణ కార్మికులకు ఇచ్చిన హామీలు నీటిమూటలయ్యాయి. సుమారు రెండున్నరేళ్ల చంద్రబాబు ప్రభుత్వ పాలనలో ఆ హామీలు అమలు చేయకుండానే నెట్టుకొచ్చారు. దీనిపై అనేక సార్లు ఉమ్మడి తూర్పుగోదావరి జిల్లాలో భవన నిర్మాణ కార్మికులు వివిధ రూపాల్లో ఆందోళనలు చేపట్టారు. తమ సమస్యలు పరిష్కరించాల్సిన కార్మిక శాఖామంత్రి ఉమ్మడి జిల్లా రామచంద్రవపురంలోనే ఉన్నప్పటికీ ఫలితం లేదని వారు వాపోతున్నారు. ‘చలో కార్మిక శాఖా మంత్రి నివాసం’ కార్యక్రమం ద్వారా ‘సామూహిక రాయబారం’ పేరుతో ఈ నెల 8న ఉమ్మడి జిల్లా వ్యాప్తంగా నిరసనకు భవన నిర్మాణ కార్మికులు సమాయత్తమవుతున్నారు. ఉమ్మడి తూర్పుగోదావరి జిల్లాలో 2019 నాటికి కార్మిక శాఖ లెక్కల్లో భవన నిర్మాణ కార్మికులు 52 రకాల విభాగాల నుంచి అధికారికంగా 2.45 లక్షల మంది ఉండేవారు. ఇది కాస్తా కూటమి పాలనలో నేడు ఆ సంఖ్య 1.05 లక్షలకు తగ్గిపోయింది. బిల్డింగ్‌ వెల్ఫేర్‌ బోర్డు ద్వారా కార్మికులకు అందించే సాయం మొత్తాలను 2016లో నిర్ణయించగా, పదేళ్ల తర్వాత సైతం అవే మొత్తాలను కొనసాగిస్తోంది. తెలంగాణ, కర్ణాటక, తమిళనాడు, కేరళ రాష్ట్రాల్లో ప్రమాద బీమాగా రూ.10 లక్షలు, సహజ మరణానికి రూ. 2 లక్షలు, వివాహ సాయంగా రూ.50 వేలు ఇస్తున్నారు. ఆంధ్రప్రదేశ్‌లో ప్రమాద బీమా, శాశ్వత అంగ వైకల్యానికి సాయం ఇవ్వడం లేదు. ఆయా రాష్ట్రాల్లో వలే పిల్లల చదువులకు ఉపకార వేతనాలు కూటమి ప్రభుత్వం అమలు చేయడం లేదు. పరిహారాల కోసం ఆన్‌లైన్‌లో దరఖాస్తు చేసుకోమని చెబుతుండటంతో ఆ పరిజ్ఞానం లేని కార్మికులు ఇబ్బంది పడుతున్నారు. ‘కూటమి’ వంచన ఇలా.. కూటమి ఎన్నికల హామీలో పేర్కొన్న బిల్డింగ్‌ వెల్ఫేర్‌ బోర్డు పునరుద్ధరణ హామీని కార్మికుల పోరాటాలతో రెండేళ్ల తర్వాత కాని అమలు చేయలేదు. వెల్ఫేర్‌ బోర్డులో 9 రకాల సంక్షేమ పథకాలు ఉన్నప్పటికీ కూటమి ప్రభుత్వం కేవలం ప్రసూతి సహాయం, వివాహ సహాయం, సహజ మరణం పొందినప్పుడు ఇచ్చే సాయం అనే మూడు పథకాలు మాత్రమే అమలు చేస్తుంది. గత వైఎస్సార్‌ సీపీ ప్రభుత్వం కార్మికుని కుటుంబంలో వివాహ సమయంలో రూ.40 వేల ఆర్థిక సాయమందించేది. కూటమి ప్రభుత్వం 2026 మార్చి 1న పత్రికా ప్రకటనలో వివాహ సాయం రూ.40 వేలు ఇస్తున్నట్టు చెప్పినప్పటికీ, ఆచరణలో కేవలం రూ.20 వేలు మాత్రమే ఇస్తున్నారని కార్మిక సంఘ నాయకులు చెబుతున్నారు. డిమాండ్లు ఇవీ... బిల్డింగ్‌ వెల్ఫేర్‌ బోర్డు ద్వారా గతంలో వలే 9 రకాల సంక్షేమ పథకాలు అమలు చేయాలి. పెరిగిన ధరలకు అనుగుణంగా పరిహారాలు పెంచాలి. ప్రమాద బీమా, శాశ్వత అంగవైకల్యం, చిన్నారుల చదువులకు ఉపకార వేతనాలు అమలు చేయాలి. ఉమ్మడి తూర్పుగోదావరి జిల్లాలో సుమారు రూ.5 కోట్ల పెండింగ్‌ పరిహారాలు తక్షణం అందించాలి. కేరళ రాష్ట్రం వలే 50 ఏళ్ల వయస్సు దాటిన వారందరికీ రూ.ఐదు వేలు పెన్షన్‌ ఇవ్వాలి. వెంటాడుతున్న సమస్యలు భవన నిర్మాణ కార్మికుల్లో ఆగ్రహం 8న ‘చలో కార్మిక శాఖామంత్రి నివాసం’ రామచంద్రపురం వెళ్లేందుకు సమాయత్తం ‘సామూహిక రాయబారం’ పేరుతో నిరసన పోరాటమే శరణ్యం ప్రభుత్వానికి అనేక రూపాల్లో మా డిమాండ్లను విన్నవించాం. కార్మిక శాఖా మంత్రి వాసంశెట్టి సుభాష్‌ ఉమ్మడి జిల్లాకు చెందిన వారే కావడంతో సామూహిక రాయభారం పేరుతో రామచంద్రపురంలోని ఆయన నివాసానికి వెళ్లేందుకు నిర్ణయించాం. 8న జరిగే కార్యక్రమాన్ని విజయవంతం చేయాలి. తమ సమస్యలన్నీ పరిష్కరించాలని కోరతాం. – చెక్కల రాజ్‌కుమార్‌, ఉమ్మడి జిల్లా సంక్షేమ బోర్డు స్క్రూట్నీ కమిటీ సభ్యుడు, సీఐటీయూ నాయకుడు, కాకినాడ

మలికిపురం: గత నెల 30న రాజమహేంద్రవరం ఆర్ట్స్‌ కాలేజీలో జరిగిన జిల్లా స్థాయి అథ్లెటిక్స్‌ పోటీల్లో బట్టేలంక ఉన్నత పాఠశాల విద్యార్థులు ప్రతిభ కనబరిచారు. అమలదాసు దివ్య డిస్కస్‌త్రోలో, నల్లి శాంతికిరణ్‌ షార్ట్‌ఫుట్‌లో జిల్లా స్థాయిలో బంగారు పతకాలు సాధించి రాష్ట్ర పోటీలకు ఎంపికయ్యారు. వీరిని పలువురు అభినందించారు. అండర్‌–19 క్రికెట్‌ పోటీలకు.. రాజోలు: అండర్‌–19 క్రికెట్‌ పోటీలకు రాజోలుకు చెందిన నల్లి ఆదర్స్‌ ఎంపికయ్యాడు. చిత్తూరు జిల్లా నగరిలో జరిగే పోటీల్లో ఆదర్స్‌ పాల్గొంటాడని కోచ్‌ మట్టా సత్తిబాబు తెలిపారు. ఈ నెల 1న కాకినాడలో జరిగిన అండర్‌–16 క్రికెట్‌ పోటీల్లో ప్రతిభ చూపాడన్నారు. ఆదర్స్‌ తండ్రి ఆనందరావు రాజోలు కోర్టులో అసిస్టెంట్‌ పబ్లిక్‌ ప్రాసిక్యూటర్‌గా, తల్లి నర్సుగా బాధ్యతలు నిర్వహిస్తున్నారు. ఉషు రాష్ట్ర స్థాయి పోటీలకు.. కరప: ఎస్‌జీఎఫ్‌ ఉషు రాష్ట్ర స్థాయి పోటీలకు వేళంగి నర్సు జిల్లా పరిషత్‌ ఉన్నత పాఠశాల విద్యార్థిని డీజీవీ లక్ష్మీప్రియ ఎంపికై నట్టు ఆ పాఠశాల హెచ్‌ఎం ఆర్‌.త్రిమూర్తులు శుక్రవారం తెలిపారు. కాకినాడ డీఎస్‌ఈ గ్రౌండ్‌లో జరిగిన ఉషు అండర్‌–17 విభాగ పోటీల్లో ఆమె ప్రతిభ చూపి రాష్ట్ర పోటీలకు ఎంపికై ందన్నారు. స్కూల్‌ గేమ్స్‌లో.. వీఆర్‌పురం: స్కూల్‌ గేమ్స్‌లో సోములగూడెం ఆశ్రమ పాఠశాల బాలికలు నాలుగు బంగారు పతకాలు సాధించారు. ఇటీవల కాకినాడలో 2026–27 స్కూల్‌ గేమ్స్‌ ఉమ్మడి జిల్లా స్థాయి పోటీలు జరిగాయి. ఇందులో కుస్తీ అండర్‌–17లో 40 కిలోల విభాగంలో పదో తరగతి విద్యార్థిని బి.సరిత, 43 కిలోల విభాగంలో పదో తరగతి విద్యార్థిని బి.శ్రావణి బంగారు పతకాలు సాధించారు. అండర్‌–14 విభాగంలో 30 కిలోల్లో 8వ తరగతి విద్యార్థిని కె.దివ్య, 42 కేజీల్లో 9వ తరగతి విద్యార్థిని కె.సరిత బంగారు పతకాలు దక్కించుకున్నారు. వీరు రాష్ట్ర స్థాయికి ఎంపికయ్యారు. ఫుట్‌బాల్‌ పోటీల్లో 9వ తరగతి విద్యార్థిని కె.సరిత ప్రతిభచాటి, రాష్ట్ర స్థాయికి ఎంపికై ంది. నేడు ఎస్‌జీఎఫ్‌ఐ జిల్లా స్థాయి ఎంపికలు నాగమల్లితోట జంక్షన్‌ (కాకినాడ సిటీ): ఎస్‌జీఎఫ్‌ఐ అండర్‌–14, 17 ఆధ్వర్యంలో శనివారం కాకినాడ జిల్లా క్రీడా మైదానంలో పలు క్రీడాంశాల్లో జిల్లా స్థాయి ఎంపికలు ఉమ్మడి జిల్లా పరిధిలో నిర్వహిస్తున్నట్లు సంఘ కార్యదర్శి పి.శ్రీనివాస్‌ శుక్రవారం తెలిపారు. అండర్‌–14, 17 బాలుర హ్యాండ్‌బాల్‌, అండర్‌–14 బాలురు, బాలికల బ్యాడ్మింటన్‌, అండర్‌–17 బాలురు, బాలికల ఫుట్‌బాల్‌ ఎంపికలు జరుగుతాయన్నారు. అమలాపురంలోని జిల్లా పరిషత్‌ హైస్కూల్‌లో మల్కంబ్‌ అండర్‌–14, 17, 19 బాలురు, బాలికల విభాగంలో నిర్వహిస్తున్నట్లు పేర్కొన్నారు. రేపు సెపక్‌తక్రాకు.. దేవరపల్లి: సెపక్‌తక్రా జిల్లా అసోసియేషన్‌ ఆధ్వర్యంలో ఈ నెల 4న మధ్యాహ్నం 2 గంటలకు దేవరపల్లిలోని అంబటి సత్యనారాయణరావు జిల్లా పరిషత్‌ హైస్కూల్‌ క్రీడా మైదానంలో సెపక్‌తక్రా సీనియర్‌ బాలబాలికల జిల్లా జట్ల ఎంపిక పోటీలు ఉంటాయని చిన్నాయగూడెం వ్యాయామ ఉపాధ్యాయుడు శ్రీనివాస్‌ తెలిపారు.

గత ప్రభుత్వంలో వలంటీర్‌ వ్యవస్థ ద్వారా ప్రజలకు మెరుగైన సేవలు అందాయి. అలాంటి మమ్మల్ని వివిధ పురస్కారాలు, నగదుతో సత్కరించేవారు. గత ఎన్నికల ముందు వలంటీర్లకు రూ.10 వేలు ఇస్తామని చంద్రబాబు హామీ ఇచ్చి, దగా చేశారు. ఈ ప్రభుత్వంలో మమ్మల్ని పూర్తిగా పక్కనబెట్టారు. ఎన్నికల ముందు ఇచ్చిన హామీలను ముఖ్యమంత్రి చంద్రబాబు, ఉప ముఖ్యమంత్రి పవన్‌ కల్యాణ్‌ మరిచిపోయారు. నమ్మించి మోసం చేయడం సరికాదు. – దుడ్డే సత్యసాయికుమార్‌, మాజీ వలంటీర్‌, గాడాల ప్రాణాలకు తెగించి సేవలుకోవిడ్‌ సమయంలో ప్రాణాలకు తెగించి మరీ రోగులకు సేవలు అందించాం. ప్రజలకు, ప్రభుత్వానికి వారధిలా పనిచేశాం. అలాంటి వలంటీర్‌ వ్యవస్థపై కూటమి ప్రభుత్వం నిర్లక్ష్యం ప్రదర్శించడం సరైన విధానం కాదు. మా పట్ల కక్ష వీడి నెలవారీ జీతాలు ఇచ్చే విధంగా మమ్మల్ని తీసుకోవాలి. అప్పుడే ప్రజలకు ప్రభుత్వ పథకాలు దరిచేరి, మేలు జరుగుతుంది. – నాగా నవీన్‌ప్రసాద్‌, మాజీ వలంటీర్‌, నర్సాపురం, కోరుకొండ మండలం

ఇద్దరు మహిళలకు తీవ్రగాయాలు పూసపాటిరేగ: విజయనగరం జిల్లా పూసపాటిరేగ మండలం కోనాడ జంక్షన్‌ సమీపంలో జాతీయ రహదారిపై శుక్రవారం మధ్యాహ్నం కారు టైర్‌ పంక్చర్‌ కావడంతో పల్టీలు కొడుతూ సుమారు 50 అడుగుల దూరంలో ఎగిరి పడింది. ఈ ఘటనలో కారులో ప్రయాణిస్తున్న ఇద్దరు మహిళలకు తీవ్ర గాయాలయ్యాయి. రాజమహేంద్రవరం నుంచి ఉదయం 9 గంటల సమయంలో కారులో తమ స్వగ్రామమైన శ్రీకాకుళం జిల్లా కవిటి మండలం బొరివంక గ్రామానికి కుటుంబంతో గున్న రామానందం, భార్య గున్న లక్ష్మీబాయి, కుమార్తె గున్న శృతి కాత్యాయిని, కుమారుడు వెంకటసాయి సుమంత్‌లు బయల్దేరారు. పూసపాటిరేగ మండలం కోనాడ జంక్షన్‌ సమీపంలో జాతీయ రహదారిపైకి వచ్చేసరికి కారు ముందు టైర్‌ పంక్చరై పేలిపోవడంతో డివైడర్‌ను ఢీకొని రోడ్డు రెయిలింగ్‌ దాటి సుమారు 50 అడుగుల దూరంలో కారు పడింది. దీంతో వెనకసీటులో ఉన్న లక్ష్మీబాయికి, ఆమె కుమార్తె శృతి కాత్యాయిని తలకు బలమైన గాయాలయ్యాయి. వారిని విజయనగరంలో ఓ ప్రైవేట్‌ ఆస్పత్రికి చికిత్స నిమిత్తం తరలించారు. తూర్పుగోదావరి జిల్లా వెంకటరామన్నగూడెం వైఎస్సార్‌ హార్టికల్చర్‌ యూనివర్సిటీలో రీసెర్చ్‌ డైరెక్టర్‌గా రామానందం పనిచేస్తున్నారు. కుమార్తె శృతి కాత్యాయిని హామియోపతి డాక్టర్‌ కోర్సు పూర్తిచేశారు. కుమారుడు వెంకటసాయి సుమంత్‌ సాఫ్ట్‌వేర్‌ ఇంజినీర్‌గా పనిచేస్తున్నారు.

సిలిండర్‌ను తొలగించడంతో తప్పిన పెను ప్రమాదం ప్రత్తిపాడు రూరల్‌: మండలంలోని ధర్మవరం గ్రామంలో పానీపూరి బండి నుంచి ఒక్కసారిగా మంటలు చెలరేగడంతో స్థానికులు, ప్రయాణికులు భయాందోళనకు గురయ్యారు. సాయంత్రం వేళ కావడంతో పానీపూరి బండి వద్ద వినియోగదారులు గుమిగూడగా.. అదే సమయంలో రహదారిపై వాహనాల రాకపోకలు కొనసాగుతున్నాయి. అంతా ప్రశాంతంగా ఉందనుకునేలోపే ఒక్కసారిగా పెద్ద ఎత్తున మంటలు ఎగిసిపడి క్షణాల్లో బండి మొత్తానికి వ్యాపించాయి. మంటలను చూసిన స్థానికులు, వాహనదారులు భయంతో పరుగులు తీశారు. పరిస్థితిని గమనించిన స్థానికులు వెంటనే అప్రమత్తమై సమీపంలోని నీరు, ఇసుకతో మంటలను అదుపు చేసేందుకు ప్రయత్నించారు. ఈ క్రమంలో గ్యాస్‌ సిలిండర్‌ను సకాలంలో సురక్షితంగా వేరు చేయడంతో పెను ప్రమాదం తప్పింది. దీంతో అక్కడున్న వారు ఊపిరిపీల్చుకున్నారు. ఈ ఘటనలో పానీపూరి బండి పూర్తిగా దగ్ధమైంది.

● బైక్‌పై వెళ్తూ రోడ్డుపై జారిపడిన యువకుడు ● తలపై నుంచి గుర్తుతెలియని వాహనం వెళ్లడంతో మృతి చౌటుప్పల్‌ : ద్విచక్ర వాహనంపై వెనుక కూర్చున్న యువకుడు నిద్రమత్తులో కింద పడిపోయాడు. అదే సమయంలో వెనుక నుంచి వచ్చిన గుర్తుతెలియని వాహనం అతడి తలపై నుంచి వెళ్లడంతో అక్కడికక్కడే ప్రాణాలు వదిలాడు. ఈ ఘటన తెలంగాణ రాష్ట్రం యాదాద్రి భువనగిరి జిల్లా చౌటుప్పల్‌ మండలం దండుమల్కాపురం గ్రామ శివారులో శుక్రవారం తెల్లవారుజామున జరిగింది. సీఐ జి.మన్మథకుమార్‌ తెలిపిన వివరాల ప్రకారం.. కాకినాడకు చెందిన కుంచె లారెన్స్‌ (26) ఉద్యోగ ప్రయత్నాల్లో భాగంగా రెండు నెలల క్రితం హైదరాబాద్‌కు వచ్చాడు. ఎర్రగడ్డలోని ఓ హాస్టల్‌లో ఉంటున్నాడు. సొంతూరు వెళ్లేందుకు హాస్టల్‌లో తనతో పాటు ఉండే శివప్రసాద్‌ అనే యువకుడితో కలిసి గురువారం రాత్రి బైక్‌పై బయల్దేరాడు. శివప్రసాద్‌ బైక్‌ నడుపుతుండగా లారెన్స్‌ వెనుక కూర్చున్నాడు. చౌటుప్పల్‌ మండలం పంతంగి టోల్‌ప్లాజా వద్దకు రాగానే తనకు నిద్ర వస్తోందని లారెన్స్‌ స్నేహితుడికి చెప్పాడు. దీంతో ప్రయాణాన్ని విరమించుకుని వారిద్దరూ తిరిగి హైదరాబాద్‌కు బయల్దేరారు. శుక్రవారం తెల్లవారుజామున దండుమల్కాపురం గ్రామ శివారులోని ఆంథోల్‌ మైసమ్మ దేవాలయం వద్దకు చేరుకునేసరికి లారెన్స్‌కు మళ్లీ నిద్రముంచుకొచ్చి బైక్‌ పైనుంచి రోడ్డుపై పడిపోయాడు. అదే సమయంలో వెనుక నుంచి వేగంగా వచ్చిన గుర్తుతెలియని వాహనం అతడి తలపై నుంచి వెళ్లడంతో అక్కడికక్కడే మృతిచెందాడు. ఈ ఘటనపై కేసు నమోదు చేసుకొని దర్యాప్తు చేస్తున్నట్టు సీఐ తెలిపారు.

తాడేపల్లిగూడెం: అంతర్‌ జిల్లా నేరస్తుడిని పశ్చిమగోదావరి జిల్లా తాడేపల్లిగూడెం పోలీసులు చాకచక్యంగా అరెస్ట్‌ చేశారు. ఉభయ గోదావరితో పాటు బాపట్ల, గుంటూరు, విజయవాడ, నెల్లూరు, పల్నాడు, కడప జిల్లాల్లో అతనిపై 37 కేసులు ఉన్నాయి. ఈ ఏడాది ఆగస్టులో పెదకాకాని పరిధిలో జరిగిన ఓ చోరీ కేసులో జైలుకు కూడా వెళ్లివచ్చాడు. తాడేపల్లిగూడెంలో కారు చోరీ కేసులో అడ్డంగా బుక్కయ్యాడు. డీఎస్పీ బి.నరసింహారావు శుక్రవారం విలేకరులకు ఈ వివరాలు వెల్లడించారు. ఆత్రేయపురం మండలం అంకంపాలెం గ్రామానికి చెందిన కరుటూరి సూర్యతేజ సెప్టెంబర్‌ 27వ తేదీ రాత్రి పట్టణంలోని సాయిబాబా గుడి ఎదురుగా ఉన్న మెకానిక్‌ షెడ్డులో ప్రవేశించి కారు, నగదు, సీసీ టీవీ డీవీఆర్‌ను అపహరించాడు. ఈ మేరకు పట్టణ పోలీస్‌స్టేషన్‌లో కేసు నమోదైంది. జిల్లా ఎస్పీ అద్నాన్‌ నయీం ఆస్మీ ఆదేశాల మేరకు పట్టణ సీఐ బోఽణం ఆదిప్రసాద్‌ బృందం దర్యాప్తు చేపట్టి ఉంగుటూరు టోల్‌ప్లాజా సమీపంలో నిందితుడిని అదుపులోకి తీసుకున్నారు. విచారణ అనంతరం నిందితుడిపై పెద్దాపురం, ఒంగోలులో షట్టర్‌ పగులగొట్టి చేసిన చోరీలు బయటకు వచ్చాయి. తాడేపల్లిగూడెంలో నమోదైన కేసుకు సంబంధించి కారు, పెద్దాపురంలో కేసుకు సంబంధించి రూ.1,63,581, ఒంగోలులో కేసుకు సంబంధించి రూ.36 వేల నగదు, సీసీ కెమెరాలను స్వాధీనం చేసుకున్నారు. కారు విలువ సుమారు రూ.8 లక్షలు ఉంటుందన్నారు. చాకచక్యంగా వ్యవహరించిన సీఐ ఆదిప్రసాద్‌, కానిస్టేబుళ్లు ఎ.దుర్గాప్రసాద్‌, ఆర్‌.మోహన్‌, ఎంకే రామ్‌కుమార్‌, బి.చైతన్యలను అభినందించారు. ఎస్సైలు బాదం శ్రీనివాసు, నాగరాజు పాల్గొన్నారు.

● బీసీలకు 34 శాతం రిజర్వేషన్‌ పేరిట డ్రామా ● బాబు కుటిల యత్నాలకు కోర్టు మొట్టికాయలు ● గతంలో న్యాయస్థానం నిరాకరించినా పదవులిచ్చిన వైఎస్‌ జగన్‌ ● బాబు బురిడీపై మండిపడుతున్న బీసీ సంఘాల నేతలు సాధ్యంకాదని తెలిసీ నాటకాలు బీసీలకు 34 శాతం రిజర్వేషన్‌ సాధ్యంకాదని తెలిసీ చంద్రబాబు నాటకాలాడారు. కేవలం బీసీలను మభ్యపెట్టి, మోసం చేసేందుకు చేసిన ప్రయత్నమే ఇది. నిజంగా బీసీల మీద ప్రేమ ఉంటే చట్టం తీసుకురావచ్చు కదా? బీసీలు రాణించడం చంద్రబాబుకు ఇష్టం ఉండదు. కేవలం ఓటు బ్యాంకుగా మాత్రమే వినియోగిస్తున్నారు. బాబు పాలనలో బీసీలపై దాడులు జరుగుతున్నా ఎందుకు పట్టించుకోవడం లేదు? అనేక మంది బీసీ నేతలను వేధింపులకు గురి చేయడాన్ని బట్టి చూస్తే బీసీలపై చంద్రబాబుకు ఏ మాత్రం చిత్తశుద్ధి ఉందో అర్థం అవుతోంది. మాజీ ముఖ్యమంత్రి వైఎస్‌ జగన్‌ బీసీలకు అత్యంత ప్రాధాన్యత ఇచ్చారు. అన్ని పదవుల్లోనూ అగ్రతాంబూలం ఇచ్చారు. – నవుడు వెంకటరమణ, వైఎస్సార్‌ సీపీ రాష్ట్ర బీసీ సెల్‌ వర్కింగ్‌ ప్రెసిడెంట్‌ చిత్తశుద్ధి లేదు.. స్థానిక సంస్థల్లో బీసీలకు 34 శాతం రిజర్వేషన్లు కల్పిస్తూ కూటమి ప్రభుత్వం తీసుకొచ్చిన జీవోలు కేవలం బీసీలను మభ్యపెట్టేందుకే. చంద్రబాబు బీసీలకు రిజర్వేషన్‌ కల్పనపై చిత్తశుద్ధి లేదు. గతంలో వైఎస్‌ జగన్‌ ప్రభుత్వ హయాంలో 34 శాతం బీసీ రిజర్వేషన్లపై న్యాయపరమైన అభ్యంతరాలు వచ్చిన విషయం తెలిసి కూడా, వాటిని అధిగమించేలా బలమైన చట్టపరమైన, గణాంక ఆధారాలను సిద్ధం చేయకుండా మళ్లీ అదే విధంగా జీఓలు తీసుకురావడం వెనుక ఉద్దేశమేమిటి? – ఒమ్మి రఘురామ్‌, వైఎస్సార్‌ సీపీ రాష్ట్ర కార్యదర్శి సాక్షి ప్రతినిధి, కాకినాడ: బాబు రిజర్వేషాలకు న్యాయస్థానంలో చుక్కెదురైంది. బీసీలకు 34 శాతం రిజర్వేషన్ల పేరుతో చంద్రబాబు ప్రభుత్వం ఆడుతున్న రాజకీయ క్రీడలు, మోసపూరిత డ్రామాలు హైకోర్టు తీర్పుతో బట్టబయలయ్యాయి. స్థానిక సంస్థల ఎన్నికల్లో బీసీలకు రిజర్వేషన్‌ కల్పిస్తూ తెచ్చిన జీఓలను ఏపీ హైకోర్టు గురువారం కొట్టివేసింది. సుప్రీం కోర్టు తీర్పునకు విరుద్ధంగా ప్రభుత్వం తీసుకొచ్చిన ఆ జీవోలు చెల్లవని స్పష్టం చేసింది. ఈ పరిణామం బీసీ సంఘాల్లో ఆగ్రహావేశాలు నింపుతోంది. కేవలం ఓట్ల కోసం బీసీలను మోసం చేయాలని చంద్రబాబు భావించడంపై భగ్గుమంటున్నాయి. స్థానిక ఎన్నికల్లో బాబుకు బీసీల సత్తా చూపుతామంటూ గొంతెత్తి చాటుతున్నాయి. చట్టం చేయకుండానే... బీసీలకు 34 శాతం రిజర్వేషన్లు కల్పిస్తామని సార్వత్రిక ఎన్నికల మేనిఫెస్టోలో హామీ ఇచ్చిన చంద్రబాబు. అందుకనుగుణంగా చట్టం చేయాల్సి ఉన్నా.. అదేమీ పట్టించుకున్న పాపానపోలేదు. స్థానిక సంస్థల ఎన్నికల వేళ బీసీలను మరోసారి మోసం చేసేందుకు కేవలం జీఓలతో కుటిలనీతికి పాల్పడటంపై విమర్శలు వెల్లువెత్తుతున్నాయి. సుప్రీం మార్గదర్శకాలకు అనుగుణంగా చట్టబద్దం చేయాల్సిన బాబు.. డెడికేషన్‌ కమిషన్‌ ఏర్పాటు పేరుతో మరో నాటకానికి పాల్పడ్డారు. ఆ కమిటీ నివేదిక ఇవ్వకముందే జీఓలు జారీ చేయడం ఏంటన్న ప్రశ్న తలెత్తుతోంది. హైకోర్టు తీర్పును సుప్రీంకోర్టులో సవాలు చేస్తామని చెబుతూ మరో నాటకానికి తెర తీశారు. ఇది ప్రజలను మరోసారి మభ్య పెట్టేందుకే అన్న విమర్శలు వ్యక్తమవుతున్నాయి. గతంలో వ్యతిరేకించి స్థానిక సంస్థల్లో బీసీల రిజర్వేషన్లకు సంబంధించి 2019లో గత వైఎస్సార్‌ సీపీ ప్రభుత్వం జీఓ 176 జారీ చేసి, బీసీలకు 34 శాతం రిజర్వేషన్లు ఇచ్చి ఎన్నికలకు సిద్ధమైంది. అప్పట్లో చంద్రబాబు తన పార్టీ నాయకుడు, అంతకు ముందు తన ప్రభుత్వంలో ఏపీ స్టేట్‌ ఎంపాయిమెంట్‌ గ్యారెంటీ కౌన్సిల్‌ (ఏపీఎస్‌ఈజీసీ) సభ్యుడిగా ఉన్న వ్యక్తితో హైకోర్టు, సుప్రీంకోర్టులోనూ దీనికి వ్యతిరేకంగా కేసులు వేయించారు. సుప్రీంకోర్టు ఆదేశాల మేరకు రిజర్వేషన్లు 50 శాతం దాటకూడదన్న ఆదేశాలతో బీసీ రిజర్వేషన్లు కొట్టేస్తున్నామని హైకోర్టు అప్పట్లో తీర్పు చెప్పింది. ఇవన్నీ తెలిసినా మరోసారి మహా డ్రామాకు చంద్రబాబునాయుడు తెరలేపడంపై బీసీ వర్గాలు భగ్గమంటున్నాయి. బీసీలను మభ్యపెట్టే ఎత్తుగడ స్థానిక ఎన్నికల్లో బీసీల ఓట్లను కాజేసేందుకు రిజర్వేషన్‌ అంటూ టీడీపీ బూటకపు జీవోను ప్రవేశపెట్టింది. ఇది సాధ్యం కాదని తెలిసినా బీసీలను పక్కదోవ పట్టించేందుకు మరో అబద్ధానికి చంద్రబాబు తెరతీశారు. చంద్రబాబు బీసీలను ఎప్పుగానే ఓటు బ్యాంకు గానే ఉపయోగించుకుంటున్నారు. –పెంటకోట నాగబాబు, బీసీ నాయకుడు, కిర్లంపూడి వెన్నుపోటు పార్టీకి చెంపపెట్టు హైకోర్టు తీర్పుతో వెన్నుపోటు పార్టీ నాయకుడు చంద్రబాబు నిజ స్వరూపం బట్టబయలైంది. స్థానిక సంస్థల ఎన్నికల్లో లబ్ధి పొందేందుకు గొప్పగా రిలీజ్‌ చేసిన రెండు జీవోలు 105, 1065లను కొట్టి వేస్తూ హైకోర్టు తీర్పు చెప్పడం వెన్నుపోటు పార్టీకి చెంపపెట్టు. ఆది నుంచీ బాబుకు బీసీలంటే చిన్న చూపు. బీసీ రిజర్వేషన్లపై నియమించిన రాజీవ్‌ రంజన్‌ మిశ్రా కమిషన్‌ నివేదిక ఇంకా పరిశీలనలో ఉందని కోర్టుకు తెలిపిన రాష్ట్ర ప్రభుత్వం 34 శాతం రిజర్వేషన్లు అమలుకు సిద్ధపడటం బీసీలను మోసం చేయటమే. ఇప్పటికై నా చిత్తశుద్ధి ఉంటే 50 శాతం పరిమితిని ఎత్తివేస్తూ రాజ్యాంగ సవరణ చేసేలా కేంద్రంలోని కూటమి ప్రభుత్వంపై ఒత్తిడి తేవాలి. – అల్లి రాజబాబు, వైఎస్సార్‌ సీపీ బీసీ సెల్‌ జిల్లా అధ్యక్షుడు బాబు కుటిల డ్రామాలు బీసీల రిజర్వేషన్‌ చెల్లదని తెలిసినా చంద్రబాబు డ్రామా ఆడడానికి 34 శాతం రిజర్వేషన్లు పెంచుతూ జీఓ జారీ చేశారు. గతంలో వైఎస్సార్‌ సీపీ ప్రభుత్వంలో బీసీలకు రిజర్వేషన్‌ పెంచాలని భావిస్తే చంద్రబాబు వెనుక ఉండి కోర్టులో వ్యతిరేకంగా కేసు వేయించారు. ప్రస్తుతం బీసీల మద్దతు పొందొచ్చని కుటిలయత్నంతో జీఓ డ్రామాలు అడుతున్నారు. బీసీలు ఇప్పటికై నా కళ్లు తెరవాల్సిన అవసరం ఉంది. – రెడ్డి శ్రీనివాసరావు, వైఎస్సార్‌ సీపీ బీసీ విభాగం పట్టణ సంఘ అధ్యక్షుడు, సామర్లకోట బీసీల పక్షపాతిగా వైఎస్సార్‌ సీపీబీసీల అభ్యున్నతి విషయంలో చిత్తశుద్ధితో కృషి చేసింది వైఎస్సార్‌ సీపీనే. బీసీ రిజర్వేషన్‌ను కోర్టులు కొట్టేసినా.. బీసీలకు ఆ మేరకు రాజకీయంగా ప్రోత్సాహం ఇవ్వాలన్న ఉద్దేశంతో వైఎస్‌ జగన్‌ స్వతహాగా 34 శాతం కంటే ఎక్కువగా ప్రాతినిధ్యం కల్పించారు. రాష్ట్ర క్యాబినెట్‌లో 25 మంది మంత్రులు ఉంటే అందులో 11 మంది బీసీలు, రాష్ట్ర కోటాలో భర్తీ అయిన 11 రాజ్యసభ సీట్లకు నలుగురు బీసీలను పంపించింది. చంద్రబాబు 2014–19 మధ్య ఒక్క బీసీని కూడా రాజ్యసభకు పంపలేదు. బీసీలకు చట్టసభల్లో 50 శాతం సీట్లు కేటాయించాలని కోరుతూ పార్లమెంటులో వైఎస్సార్‌ సీపీ ఎంపీలతో ప్రైవేట్‌ బిల్లును పెట్టించిన ఘనత వైఎస్సార్‌ సీపీకే దక్కుతుంది.

కాకినాడ రూరల్‌: తెలీదు.. గుర్తులేదు.. మర్చిపోయాను.. రెండో విడత విచారణలోనూ నిందితుడు సాధిక్‌ఖాన్‌ ఇదే దాటవేట ధోరణిని అవలంబిస్తూ పోలీసులకు చుక్కలు చూపుతున్నట్టు తెలిసింది. కాకినాడ జిల్లా పిఠాపురం పీఆర్‌ ఏఈ టి.నూకరాజు కుటుంబం ఆత్మహత్య, అల్లుడు జగదీశ్వరరెడ్డి హత్య కేసులో కీలక నిందితుడు షేక్‌ సాధిక్‌ ఖాన్‌ను రెండో విడత విచారణ కోసం సర్పవరం పోలీసులు గురువారం అతన్ని తీసుకొచ్చారు. వివరాల్లోకి వెళితే... ఏఈ నూకరాజు కుటుంబం ఆత్మహత్య, ఏఈ అల్లుడు జగదీశ్వరరెడ్డి మృతిపై ఆయన తండ్రి భాస్కరరెడ్డి ఫిర్యాదు మేరకు సర్పవరం పోలీస్‌స్టేషన్‌లో సాధిక్‌ ఖాన్‌పై కేసులు నమోదు చేసి విచారణ చేపట్టారు. సెప్టెంబరు 8, 9, 10 తేదీల్లో తొలి విడతగా పోలీసులు అతన్ని విచారించిన విషయం తెలిసిందే. అప్పట్లో దాదాపు 200 ప్రశ్నలతో కాకినాడ జిల్లా పోలీసు ఉన్నతాధికారుల పర్యవేక్షణలో సర్పవరం సీఐ ప్రకాష్‌ విచారణ జరపడంతో పాటు సాధిక్‌కు చెందిన ప్రో షూటింగ్‌ అకాడమీకి తీసుకువెళ్ళి అక్కడ సీన్‌ రీ కన్‌స్ట్రక్షన్‌ నిర్వహించారు. అకాడమీలోని కీలక ఆధారాలు గల ల్యాప్‌టాప్‌, ఇతర డివైజ్‌లు, శిక్షణ కోసం వినియోగించే రైఫిళ్లను సీజ్‌ చేశారు. జగదీశ్వరరెడ్డి హత్య కేసుకు సంబంధించి నేరాన్ని మొదటిసారి విచారణలో సాధిక్‌ అంగీకరించాడు. ల్యాప్‌టాప్‌లోని కీలకమైన సమాచారంతో పాటు మొదటిసారి విచారణలోని పలు కీలక అంశాలపై గురువారం సమగ్ర విచారణను ప్రారంభించారు. మొదటి రోజు విచారణ ఇలా... స్పెషల్‌ మొబైల్‌ జ్యుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టు న్యాయమూర్తి ఉషా లక్ష్మీకుమారి ఆదేశాల మేరకు సాధిక్‌ ఖాన్‌ను సర్పవరం పోలీసులు గురువారం కస్టడీకి తీసుకున్నారు. గురువారం మధ్యాహ్నం నుంచి రాత్రి వరకు సీసీ కెమెరాల పర్యవేక్షణలో వీఆర్వోలు, అడ్వకేట్‌ సమక్షంలో విచారణ చేపట్టారు. తొలి విడత కస్టడీలో 200 ప్రశ్నలకు గాను 118 వరకు సంధించి విచారించగా గురువారం సుమారు 25 ప్రశ్నలకు సాధిక్‌ నుంచి సమాచారం రాబట్టే ప్రయత్నం చేశారు. అయితే సీసీ కెమెరాల పర్యవక్షణలో విచారణ జరుగుతుండడంతో సాధిక్‌ ఖాన్‌ మరోసారి సమాధానాల దాటవేట ధోరణి ప్రదర్శించి తెలియదు.. మరచిపోయాను.. గుర్తు లేదనే పల్లవిని ఎత్తుకున్నట్టు తెలిసింది. రైఫిల్‌ షూటింగ్‌ కోసం కుమారుడు కార్తికేయ రెడ్డిని సాధిక్‌ అకాడమీకి తీసుకువెళ్ళిన నూకరాజు కుమార్తె సౌజన్యను ఏ విధంగా ట్రాప్‌ చేశాడో, ఆమె భర్త జగదీశ్వరరెడ్డిని తొలుత ప్రొటీన్‌ పౌడర్‌, కొబ్బరి నీళ్ళ ద్వారా స్లో పాయిజన్‌గా రసాయనం అందించడం, హైదరాబాద్‌లో ఉండగా జగదీశ్వరరెడ్డి చనిపోయే ముందు రోజు జూలై ఒకటిన పొటాషియం సైనేడ్‌ ప్రయోగించడంపై పోలీసులు ప్రశ్నలు వేశారు. సౌజన్య పేరిట రావులపాలెంలో ఉన్న రూ.25 కోట్ల స్థలంతో పాటు ఆమెకు చెందిన బంగారం, నగదు, నూకరాజుకు చెందిన ఆస్తుల కోసం వేధింపులు, మతం మారితే పెళ్ళి చేసుకుంటానని ఒత్తిడి తేవడంపై పోలీసులు విచారణలో ప్రశ్నలు కురిపించారు. ముఖ్యంగా జగదీశ్వరరెడ్డికి సైనేడ్‌ అందించిన హైదరాబాద్‌కు చెందిన ముగ్గురు వ్యక్తులను తొలి విడత కస్టడీలో విచారించగా.. వారు సైనేడ్‌ ఇచ్చిన విషయాన్ని అంగీకరించారు. ఆ సైనేడ్‌లో మిగిలింది ఎక్కడ ఉంది అని గురువారం ప్రధానంగా విచారించగా.. తాను సైనేడ్‌ వాడలేదని దాటవేతతో పాటు హైదరాబాద్‌లోనే పారవేసినట్టు పోలీసులకు సాధిక్‌ సమాధానం ఇచ్చినట్టు తెలిసింది. ల్యాప్‌టాప్‌లో డేటా, ఫొటోల గురించి కూడా పోలీసులు విచారించారు. సౌజన్యపై మత మార్పిడి ఒత్తిడితో పాటు జగదీశ్వరరెడ్డిని ఎందుకు చంపాడనే అంశంపై కూడా పలు ప్రశ్నలు వేసినట్టు తెలిసింది. శుక్రవారం రెండోరోజు విచారణ అనంతరం శనివారం తిరిగి అతన్ని సెంట్రల్‌ జైలుకు తరలించనున్నారు. పోలీసులను కలసిన కుటుంబ సభ్యులు ఏఈ నూకరాజు సోదరి కృష్ణవేణి, జగదీశ్వరరెడ్డి చెల్లెలు కరుణ, ఇతర కుటుంబ సభ్యులు వేర్వేరుగా గురువారం సర్పవరం పోలీసులను కలిశారు. జగదీశ్వరరెడ్డికి చెందిన కార్లపై రూ.1.25 కోట్ల వరకు ఈఎంఐలు ఉండడంతో ఫోన్లకు సమాధానం చెప్పటేకపోతున్నామని, సీజ్‌ చేసిన వాటిని విడుదల చేయాలని కరుణ కోరారు. నూకరాజు రాసిన వీలునామా ప్రకారం నూకరాజు ఇంట్లో ఫర్నిచర్‌ తీసుకువెళ్ళేందుకు అనుమతి ఇవ్వాలని కృష్ణవేణి కోరినట్టు తెలిసింది. కోర్టు ద్వారానే వీటిని పొందాలని వారికి పోలీసులు సూచించినట్టు సమాచారం. పోలీసుల విచారణలో సాధిక్‌ఖాన్‌ రెండోసారి విచారణకు కస్టడీలోకి తీసుకున్న పోలీసులు సీఐ ప్రకాష్‌ ఆధ్వర్యంలో తొలి రోజు రాత్రి వరకు విచారణ ఏఈ నూకరాజు కుటుంబం ఆత్మహత్య, అల్లుడి హత్యకేసులో సాధిక్‌కు 25 ప్రశ్నలు ఆ సైనేడ్‌ ఎక్కడ అని ప్రశ్నించగా.. పారవేశానని సమాధానం

● 17 వరకు గడువు ● తెలుగు విశ్వవిద్యాలయం వీసీ మునిరత్నం నాయుడు రాజమహేంద్రవరం రూరల్‌: ప్రస్తుత విద్యా సంవత్సరంలో వివిధ కోర్సుల్లో ప్రవేశానికి దరఖాస్తులు ఆహ్వానిస్తున్నట్లు పొట్టి శ్రీరాములు తెలుగు విశ్వ విద్యాలయం వైస్‌ చాన్సలర్‌ (వీసీ) ఆచార్య డి.మునిరత్నం నాయుడు తెలిపారు. బొమ్మూరులోని యూనివర్సిటీ ప్రాంగణంలో గురువారం ఏర్పాటు చేసిన విలేకర్ల సమావేశంలో ఆయన ఈ వివరాలు వెల్లడించారు. వర్సిటీ పరిధిలోని రాజమహేంద్రవరం, శ్రీశైలం, కూచిపూడి ప్రాంగణాల్లో గతంలో నిర్వహించిన కోర్సులను ఈసారి కూడా యథాతథంగా కొనసాగిస్తున్నామని చెప్పారు. ఆసక్తి ఉన్న వారు ఈ నెల 17వ తేదీలోగా సంబంధిత పీఠాధిపతి/ప్రిన్సిపాల్‌కు పూర్తి చేసిన దరఖాస్తులు అందజేయాలని సూచించారు. రూ.300 ఆలస్య రుసుంతో ఈ నెల 22లోగా ‘కన్వీనర్‌, కేంద్ర ప్రవేశాల కమిటీ, పొట్టి శ్రీరాములు తెలుగు విశ్వవిద్యాలయం, బొమ్మూరు, రాజమహేంద్రవరం–533124’ చిరునామాకు దరఖాస్తులు పంపాలని చెప్పారు. ఆన్‌లైన్‌లో కూడా దరఖాస్తులు పూర్తి చేయాలని, కోర్సు ఫీజులు ఆన్‌లైన్‌లో క్యూఆర్‌ కోడ్‌ ద్వారా చెల్లించాలని తెలిపారు. పూర్తి వివరాలకు www.teluguuniversityap.in వెబ్‌సైట్‌ సందర్శించాలని సూచించారు. ఇతర సమాచారానికి 94926 92389, 0883–2947005 నంబర్లలో సంప్రదించవచ్చని వీసీ తెలిపారు. సమావేశంలో రిజిస్ట్రార్‌ ముసుగు శ్రీనివాసరావు కూడా పాల్గొన్నారు.

అంబాజీపేట: ఉమ్మడి తూర్పు గోదావరి జిల్లా క్రీడా సమాఖ్య ఆధ్వర్యాన అండర్‌–17 బాలికల ఉమ్మడి జిల్లా క్రికెట్‌ జట్టును గురువారం ఎంపిక చేసినట్లు స్కూల్‌ గేమ్స్‌ ఫెడరేషన్‌ ఆఫ్‌ ఇండియా (ఎస్‌జీఎఫ్‌ఐ) జిల్లా కార్యదర్శులు కె.గణేశ్వరరావు, వైఎస్‌ఎస్‌ ఉషారాణి తెలిపారు. అంబాజీపేట జెడ్పీ హైస్కూల్‌ క్రీడా ప్రాంగణంలో నిర్వహించిన ఈ ఎంపికలను అమలాపురం డీవైఈఓ డీకే కిషోర్‌ కుమార్‌ ప్రారంభించారు. ఆర్‌.నాగకుమార్‌, పి.శ్రీనివాసరెడ్డి, బి.శ్రీను, ధర్మశేఖర్‌, పీడీ కుంపట్ల ఆదిలక్ష్మి పర్యవేక్షనలో ఎంపికలు జరిగాయి. తూర్పు గోదావరి, కాకినాడ, డాక్టర్‌ బీఆర్‌ అంబేడ్కర్‌ కోనసీమ జిల్లాల నుంచి 40 మంది బాలికలు పాల్గొన్నారన్నారు. క్రికెట్‌ జట్టు ఎంపికను హెచ్‌ఎం కడలి సాయిరామ్‌ తదితరులు పరిశీలించారు.

● ఆటో వాయిదా చెల్లించేందుకు డ్రైవర్‌ ఘాతుకం ● మహిళ హత్య కేసులో నిందితుడి అరెస్టు తాళ్లపూడి: ఏలూరు జిల్లా పోలవరం మండలం కొత్త పట్టిసీమ గ్రామానికి చెందిన వింటి ఆదిలక్ష్మి (36) హత్య కేసులో నిందితుడిని పోలీసులు అరెస్టు చేశారు. కొవ్వూరు రూరల్‌ సీఐ విజయబాబు గురువారం ఈ వివరాలు తెలిపారు. ఆయన ప్రకారం.. తాళ్లపూడి మండలం తాడిపూడి గ్రామానికి చెందిన షేక్‌ యాకూబ్‌ ఆటో నడుపుకొంటూ జీవనం సాగిస్తున్నాడు. తన ఆటో ఫైనాన్స్‌ వాయిదా చెల్లించేందుకు ఆర్థికంగా అతడు ఇబ్బంది పడుతున్నాడు. కొత్త పట్టిసీమకు చెందిన ఆదిలక్ష్మి తాళ్లపూడిలోని ఓ స్వీట్‌ షాపులో పని చేస్తోంది. గత సోమవారం రాత్రి షాపులో పని ముగించుకుని 8 గంటలకు తాళ్లపూడి అయ్యర్‌ హోటల్‌ సమీపాన యాకూబ్‌ ఆటో ఎక్కింది. ఈ క్రమంలో అతడు ఆమెను తాడిపూడి శ్మశానవాటిక సమీపాన గోదావరి లంక ప్రాంతానికి తీసుకెళ్లి హతమార్చాడు. ఆదిలక్ష్మి వద్ద ఉన్న బంగారు గొలుసు, చెవి కమ్మలు తీసుకుని, ఆమె మృతదేహాన్ని గోదావరిలో పడేశాడు. ఆమె మొబైల్‌ ఫోన్‌ను కూడా గోదావరిలో పడేశాడు. ఆదిలక్ష్మిని గోదావరిలో తోసేశారనే సమాచారంతో తండ్రి నాగిరెడ్డి ఫిర్యాదు మేరకు తాళ్లపూడి పోలీసులు దర్యాప్తు చేపట్టి, హత్య కేసు నమోదు చేశారు. ఈ నేపథ్యంలో నిందితుడు యాకూబ్‌ బుధవారం సాయంత్రం తాడిపూడి గ్రామ పంచాయతీ కార్యదర్శి నవీన వద్దకు వెళ్లి, ఆదిలక్ష్మిని తానే హతమార్చినట్లు చెప్పాడు. అతడి వాంగ్మూలాన్ని పంచాయతీ కార్యదర్శి నమోదు చేసి, పోలీసులకు సమాచారం ఇచ్చారు. ఈ మేరకు యాకూబ్‌ను కొవ్వూరు రూరల్‌ సీఐ విజయబాబు గురువారం అరెస్టు చేశారు. ఆటో వాయిదా కట్టడానికి గాను ఆదిలక్ష్మి వద్ద ఉన్న బంగారు ఆభరణాలను యాకూబ్‌ అపహరించి, ఆపై హత్య చేసి గోదావరిలో పడేసినట్టు పోలీసులు తెలిపారు. ఈ నేరానికి యాకూబ్‌ ఉపయోగించిన ఆటోను, అతడు చూపించిన ప్రదేశం నుంచి బంగారు ఆభరణాలు, స్టీల్‌ లంచ్‌ బాక్స్‌, ఆధార్‌ కార్డు, చీర తదితర వస్తువులను పోలీసులు స్వాధీనం చేసుకున్నారు. నిందితుడిని జ్యుడీషియల్‌ రిమాండ్‌కు తరలించి, తదుపరి దర్యాప్తు చేస్తున్నామని సీఐ తెలిపారు. ఆదిలక్ష్మి మృతదేహం కోసం గోదావరి నదిలో గాలింపు చర్యలు కొనసాగుతున్నాయి. నిందితుడిని కఠినంగా శిక్షించాలి ఆదిలక్ష్మిని హతమార్చిన యాకూబ్‌ను కఠినంగా శిక్షించాలని డిమాండ్‌ చేస్తూ కొత్త పట్టిసీమ గ్రామస్తులు పెద్ద సంఖ్యలో తాళ్లపూడి పోలీస్‌ స్టేషన్‌ ఎదుట గురువారం ఆందోళన చేపట్టారు. తమకు అన్యాయం జరుగుతోందని, హతురాలిపై తప్పుడు ఆరోపణలు చేస్తూ చెడుగా చూపించే ప్రయత్నం జరుగుతోందని ఆగ్రహం వ్యక్తం చేశారు. పోలీస్‌ స్టేషన్‌లో తమకు న్యాయం జరగలేదని ఆవేదన వ్యక్తం చేశారు. యాకూబ్‌ను తమకు అప్పగించాలని, ఆదిలక్ష్మిని హతమార్చినట్టుగానే అతడిని కూడా చంపాలని డిమాండ్‌ చేశారు. నాలుగు రోజులయినా ఆమె ఆచూకీ లభించలేదన్నారు. ఘటన జరిగి నాలుగు రోజులవుతున్నా రాజకీయ నాయకులు, ప్రజాప్రతినిధులు తమను పరామర్శించేందుకు రాలేదని మండిపడ్డారు. పోలవరం ఎమ్మెల్యే బాలరాజు ఎన్నికల సమయంలో మాత్రమే ఓట్లు అడిగేందుకు వచ్చారని, ప్రజలకు ఆపద వచ్చినప్పుడు ఎందుకు స్పందించడం లేదని ప్రశ్నించారు. ఈ కేసులో నిజానిజాలు వెలికితీసి, తమ కుటుంబానికి న్యాయం చేయాలని ఆదిలక్ష్మి కుమార్తె సత్యబిందు కోరారు. తన తల్లిని బంగారం కోసం చంపినట్లు నిందితుడు చెబుతున్నాడని, రేపు మళ్లీ నిజం చెప్పకపోతే పరిస్థితేమిటని ప్రశ్నించారు. గ్రామస్తులతో తాళ్లపూడి ఎస్సై టి.రామకృష్ణ చర్చించారు. కేసు వివరాలను వారికి తెలియజేశారు. బాధితులకు న్యాయం జరిగేలా అన్ని ఆధారాలూ సేకరించామని చెప్పారు. కొన్ని పత్రికలు, మీడియాలో వచ్చిన వార్తల్లో నిజం లేదన్నారు. బంగారం కోసమే ఆమెను యాకూబ్‌ హత్య చేసి, గోదావరిలో పడవేశాడని స్పష్టం చేశారు.

కొత్తపల్లి మండలం ఉప్పాడలోని ఒక ఐస్‌ ఫ్యాక్టరీలో గురువారం అమోనియా గ్యాస్‌ లీకవడంతో స్థానికులు, ప్రజలు హడలెత్తిపోయారు. పిఠాపురం అగ్నిమాపక సిబ్బందికి సమాచారం ఇవ్వడంతో హుటాహుటిన వారు గ్యాస్‌ లీకేజీని అదుపు చేశారు. అమోనియా డ్రెయిన్‌ అవుట్‌ లెట్‌ మూసుకుపోవడంతో లీకేజీ జరిగిందని అధికారులు తెలిపారు. గత రెండు రోజులుగా అవుట్‌ లెట్‌ మూసుకుపోవడాన్ని సిబ్బంది గమనించకపోవడంతో ఈ పరిస్థితి ఏర్పడిందన్నారు. ఈ ప్రమాదంలో ఎటువంటి ప్రాణ, ఆస్తి నష్టం జరగకపోవడంతో అంతా ఊపిరి పీల్చుకున్నారు. – కొత్తపల్లి

దేవరపల్లి: దుద్దుకూరులోని రంగరాయ జెడ్పీ హైస్కూలు విద్యార్థినులు రాష్ట్ర స్థాయి వాలీబాల్‌ పోటీల్లో పాల్గొనే ఉమ్మడి పశ్చిమగోదావరి జిల్లా జట్టుకు ఎంపికయ్యారు. ఏలూరులోని సెయింట్‌ థెరిసా జూనియర్‌ కళాశాలలో గత నెల 28న జరిగిన అండర్‌–19 స్కూల్‌ గేమ్స్‌ ఫెడరేషన్‌ పోటీలు జరిగాయి. ఇందులో పైడిమళ్ల హనీ, పొలుమాటి చౌనిక, గొల్లపల్లి భూమిక వారు ప్రతిభ చూపి, రాష్ట్ర స్థాయి పోటీలకు ఎంపికయ్యారని ఫిజికల్‌ డైరెక్టర్‌ ఎ.వెంకటేశ్వరరావు వివరించారు. అలాగే, మండలంలోని రామన్నపాలెం జెడ్పీ హైస్కూల్లో జరిగిన జూనియర్‌ టెన్నికాయిట్‌ పోటీల్లో పాఠశాలకు చెందిన బి.ఆకాష్‌బాబు ఎంపికై నట్టు ఆయన తెలిపారు. అతడు అనకాపల్లిలో జరిగే రాష్ట్ర స్థాయి పోటీల్లో మన జిల్లా జట్టు తరఫున ఆడతాడని పేర్కొన్నారు. ఎంపికై న విద్యార్ధులను, వ్యాయామోపాధ్యాయులను ప్రధానోపాధ్యాయుడు పి.వీర్రాజు అభినందించారు.

అన్నవరం: ప్రముఖ పుణ్యక్షేత్రమైన అన్నవరంలోని శ్రీ వీర వేంకట సత్యనారాయణ స్వామివారి దేవస్థానానికి గత సెప్టెంబర్‌ మాసానికి గాను హుండీల ద్వారా రూ.1,22,18,492 ఆదాయం సమకూరింది. దేవస్థానంలో స్వామివారి హుండీలను గురువారం తెరిచి భక్తులు సమర్పించిన కానుకలను లెక్కించారు. గత 30 రోజులకు గాను రూ.1,15,72,209 నగదు, రూ.6,46,283 చిల్లర నాణేలు హుండీ ఆదాయం రూపంలో వచ్చినట్టు దేవస్థానం చైర్మన్‌ ఐవీ రోహిత్‌, ఈఓ ఎన్‌.సూర్యచక్రధరరావు తెలిపారు. ఈ నెల రోజుల్లో 15 రోజులు శ్రావణమాసం కాగా, మిగిలిన రోజులు భాద్రపద మాసానికి చెందినవి. భాద్రపదంలో పెద్దగా భక్తులు రాకపోయినా దేవస్థానానికి గణనీయంగా ఆదాయం వచ్చినట్టు వారు వెల్లడించారు. హుండీల ద్వారా బంగారం 29.200 గ్రాములు, వెండి 290 గ్రాములు లభించిందని తెలిపారు. పెద్ద మొత్తంలో విదేశీ కరెన్సీ కూడా లభించిందని, ఖతార్‌ రియల్స్‌ మూడు, యునైటెడ్‌ అరబ్‌ ఎమిరేట్స్‌ దీరామ్స్‌ 35, ఒమెన్‌ రియల్స్‌ ఐదు, యూరోలు ఐదు, అమెరికా డాలర్లు 44, సౌదీ సెంట్రల్‌ బ్యాంక్‌ రియల్స్‌ 20, వియత్నాం డాంగ్స్‌ ఐదు లక్షలు లభించాయని చెప్పారు. గణపతి హుండీ ఆదాయం రూ.17.93 లక్షలు అయినవిల్లి: అయినవిల్లిలోని ప్రసిద్ధి చెందిన శ్రీ విఘ్నేశ్వర స్వామి వారి దేవస్థానంలో చవితి మహోత్సవాల సందర్భంగా 20 రోజుల హుండీ ఆదాయాన్ని గురువారం లెక్కించారు. ఆలయ ప్రధాన హుండీల ద్వారా రూ.17,20,640, ఉత్సవ హుండీ ద్వారా రూ.49,369, అన్నప్రసాదం హుండీ ద్వారా రూ.23,346 కలిపి మొత్తం రూ.17,93,355 నగదు లభించిందని ఆలయ ఈఓ, అసిస్టెంట్‌ కమిషనర్‌ ముదునూరి సత్యనారాయణరాజు తెలిపారు. 1.9 గ్రాముల బంగారం, 19 గ్రాముల వెండి, రెండు విదేశీ కరెన్సీ నోట్లు లభించినట్టు ఆయన చెప్పారు. దేవదాయ శాఖ అమలాపురం తనిఖీదారు జంపా రామలింగేశ్వరరావు పర్యవేక్షణలో ధర్మకర్తల మండలి చైర్మన్‌ విళ్ళ సూర్యనారాయణ (సూరయ్య కాపు), ధర్మకర్తల మండలి సభ్యుల సమక్షంలో హుండీ లెక్కింపు నిర్వహించారు.

కాకినాడ రూరల్‌: బీసీలను చంద్రబాబు నిలువునా మోసం చేస్తున్నారని, హైకోర్టు తీర్పుపై సుప్రీంకోర్టుకు వెళ్తానడం మరో డ్రామా అని వైఎస్సార్‌ సీపీ మహిళా విభాగం రాష్ట్ర ఉపాధ్యక్షురాలు జమ్మలమడక నాగమణి అన్నారు. 50 శాతం రిజర్వేషన్లు దాటితే సుప్రీంకోర్టు కొట్టివేస్తుందని సీఎం చంద్రబాబుకు తెలియదా అని గురువారం ఆమె ప్రశ్నించారు. వైఎస్సార్‌ సీపీ హయాంలో 34 శాతం రిజర్వేషన్లకు ప్రయత్నిస్తే కోర్టులో చంద్రబాబు అడ్డుకున్నారని, ఆయనకు చిత్తశుద్ధి ఉంటే పార్లమెంట్‌లో చట్టం తీసుకురావాలని సూచించారు. కానరాని దిన పంచాంగం! అన్నవరం: ప్రముఖ పుణ్యక్షేత్రమైన అన్నవరంలోని శ్రీవీర వేంకట సత్యనారాయణ స్వామివారి దేవస్థానం వివిధ వాట్సాప్‌ గ్రూపుల్లో, అధికారిక వెబ్‌సైట్‌లో గత కొన్నేళ్లుగా రోజూ పెడుతున్న దిన పంచాంగం, ఆరోజు జరిగే కార్యక్రమాల వివరాలు గత ఐదు రోజులుగా పెట్టకపోవడంతో భక్తులు అసంతృప్తి వ్యక్తం చేస్తున్నారు. చివరగా గత శనివారం ఈ పంచాంగం పెట్టారు. ఆ తరువాత పెట్టలేదు. రాష్ట్రంలోని అన్ని దేవస్థానాలూ ఆయా దేవస్థానాల పండితులు గణించిన పంచాంగాన్ని ఆయా దేవస్థానాల వాట్సాప్‌ గ్రూపుల్లో పెడుతున్నారు. అన్నవరం దేవస్థానంలో మాత్రం గుర్తుకు వచ్చినపుడు మాత్రమే పంచాంగం పెడుతున్నారని భక్తులు విమర్శిస్తున్నారు. ఇది పంచాంగం మాత్రమే కాకుండా దేవస్థానానికి ఒక విధంగా ప్రచారం కూడా. ప్రతిరోజూ పంచాంగం పెట్టేలా దేవస్థానం అధికారులు చర్యలు తీసుకోవాలని భక్తులు కోరుతున్నారు. ప్రైవేట్‌ బస్సులపై కొరడా అమలాపురం రూరల్‌: ప్రైవేట్‌ ట్రావెల్స్‌ బస్సుల్లో ప్రయాణికుల భద్రతకు ప్రాధాన్యమిస్తూ రవాణా శాఖ అధికారులు తనిఖీలు ముమ్మరం చేశారు. ముమ్మిడివరం పరిధిలోని అన్నంపల్లి టోల్‌ ప్లాజా, రావులపాలెం పరిధిలోని ఈతకోట టోల్‌ ప్లాజా వద్ద గురువారం ప్రైవేట్‌ ట్రావెల్స్‌ బస్సులపై విస్తృతంగా తనిఖీలు నిర్వహించారు. మొత్తం 33 ప్రైవేట్‌ ట్రావెల్స్‌ బస్సులను పరిశీలించి.. నిబంధనలకు విరుద్ధంగా ఉన్న 12 బస్సులపై కేసులు నమోదు చేసి, మొత్తం రూ.18 వేలు అపరాధ రుసుం విధించారు. ఈ మేరకు జిల్లా రవాణా శాఖాధికారి దేవిశెట్టి శ్రీనివాసరావు గురువారం ఒక ప్రకటనలో వివరాలు వెల్లడించారు. తనిఖీలు నిరంతరం కొనసాగుతాయని ఆయన స్పష్టం చేశారు. ఈ తనిఖీల్లో మోటార్‌ వెహికల్‌ ఇన్‌స్పెక్టర్లు ఓలేటి శ్రీనివాస్‌, రవికుమార్‌, రాజేంద్ర ప్రసాద్‌, సురేష్‌ కుమార్‌, షణ్ముఖ్‌ శ్రీనివాస్‌, కౌశిక్‌, వరప్రసాద్‌ తదితరులు పాల్గొన్నారని ఆయన తెలిపారు.

వలంటీర్లకు రూ.5 వేల గౌరవ వేతనం ఇచ్చి, ఉపాధి కల్పించిన మాజీ ముఖ్యమంత్రి వైఎస్‌ జగన్‌మోహన్‌రెడ్డి స్ఫూర్తితో సేవ చేయాలనే ఉద్దేశంతో పని చేశాం. వలంటీర్లకు రూ.10 వేల గౌరవ వేతనం ఇచ్చి, ఈ వ్యవస్ధను కొనసాగిస్తామని చెప్పి, అధికారంలోకి వచ్చిన కూటమి ప్రభుత్వం ఆ హామీని విస్మరించింది. ఇప్పుడు సోషల్‌ మీడియా ఇన్‌ఫ్లుయెన్సర్లకు పెద్ద మొత్తంలో డబ్బులు చెల్లించేందుకు ప్రజాధనాన్ని వృధా చేయడం సరికాదు. – కె.మనోజ్‌ కుమార్‌, మాజీ వలంటీర్‌, రాజమహేంద్రవరం ప్రాణాలకు తెగించి సేవలందించాంవరదలు, కరోనా వంటి విపత్కర పరిస్థితుల్లో ప్రాణాలకు తెగించి మరీ ప్రజలకు సేవలందించాం. బాధితులకు అండగా నిలిచాం. ప్రతి నెలా ఒకటో తేదీ తెల్లవారుజామునే లబ్ధిదారుల ఇళ్లకు వెళ్లి మరీ పింఛన్లు అందించాం. అటువంటి మమ్మల్ని కాదని ఇప్పుడు వేలకు వేలు చెల్లించి సోషల్‌ మీడియా ఇన్‌ఫ్లెయెన్సర్లను నియమించాలనే కూటమి ప్రభుత్వ విధానం సరైంది కాదు. దీని ద్వారా ప్రజాధనం దుర్వినియోగం చేస్తున్నారు. సేవా దృక్పథంతో పని చేసిన వలంటీర్లను విస్మరించడం న్యాయం కాదు. – పెయ్యల శ్రీరామ్‌, మాజీ వలంటీర్‌, ముమ్మిడివరం

రెగ్యులర్‌ చేయాలి శ్రమ దోపిడికి గురవుతున్న కాంట్రాక్టు ఉద్యోగులందరినీ రెగ్యులర్‌ చేయాలి. గత ఎన్నికల్లో కూటమి పెద్దలు మాకు ఇచ్చిన హామీలను అమలు చేయాలి. ఏళ్ల తరబడి విధులు నిర్వహిస్తూ, ప్రజలకు సేవలందిస్తున్న మాకు సమాన పనికి సమాన వేతనం ఇవ్వకుండా ప్రభుత్వం వేధిస్తోంది. – అజయ్‌, రాష్ట్ర పారా మెడికల్‌ జేఏసీ కన్వీనర్‌, కాకినాడ డిమాండ్లు నెరవేర్చాలి అంగన్‌వాడీ ఉద్యోగుల న్యాయబద్ధమైన డిమాండ్లను రాష్ట్ర ప్రభుత్వం సత్వరం నెరవేర్చాలి. చంద్రబాబు సర్కార్‌ అధికారంలోకి వచ్చిన తరువాత అంగన్‌వాడీలకు ఒక్క పైసా కూడా పెంచకపోవడం దారుణం. సుప్రీంకోర్టు మార్గదర్శకాలకు అనుగుణంగా వేతనాలు చెల్లించాలి. – కృష్ణవేణి, సీఐటీయూ రాష్ట్ర కమిటీ సభ్యురాలు, మండపేట, తూర్పు గోదావరి జిల్లా శ్రమ దోపిడీకి గురవుతున్నాం రెవెన్యూ శాఖలో కీలక బాధ్యతలు నిర్వహిస్తున్న మేము శ్రమ దోపిడీకి గురవుతున్నాం. ప్రభుత్వం మాతో వెట్టిచాకిరీ చేయించుకుంటూ అరకొర వేతనాలు చెల్లిస్తోంది. బహిరంగ విపణిలో పెరుగుతున్న ధరలకు అనుగుణంగా మా వేతనాలు పెంచాలి. ఉద్యోగులందరినీ క్రమబద్ధీకరించాలి. – ప్రసన్న, వీఆర్‌ఏల జిల్లా మహిళా సమాఖ్య సభ్యురాలు, ఆలమూరు తమ డిమాండ్లు నెరవేర్చాలని కోరుతూ ధర్నా చేస్తున్న అంగన్‌వాడీలు (ఫైల్‌) అమలాపురంలోని కలెక్టరేట్‌ వద్ద ఆందోళన చేస్తున్న వీఆర్‌ఏలుకాంట్రాక్టు ఉద్యోగుల విన్నపాలివీ.. సమాన పనికి సమాన వేతనం ఇవ్వాలి. రెగ్యులర్‌ ఉద్యోగుల మాదిరిగానే సౌకర్యాలు కల్పించాలి. ఉచిత ప్రమాద బీమాను రూ.20 లక్షల వరకూ వర్తింపజేయాలి. ఉద్యోగాలను క్రమబద్ధీకరించి, ఉద్యోగ భద్రత కల్పించాలి. కొత్త పీఆర్‌సీ సిఫారసులను, ఐఆర్‌ ప్రయోజనాలను అందించాలి. కాంట్రాక్ట్‌ కాలపరిమితి సాకుతో అకారణంగా ఉద్యోగులను తొలగించరాదు. వీఆర్‌ఏల డిమాండ్లు తెలంగాణ తరహాలో వీఆర్‌ఏలందరికి పే స్కేల్‌ వర్తింపజేయాలి. నామినీ వీఆర్‌ఏలను రెగ్యులర్‌ వీఆర్‌ఏలుగా గుర్తించాలి. వన్‌టైమ్‌ సెటిల్‌మెంట్‌గా గ్రేడ్‌–3 వీఆర్‌ఓలుగా ఉద్యోగోన్నతులివ్వాలి. కనీస వేతన చట్టం అమలు చేసి, ఉద్యోగ భద్రత కల్పించాలి. రెవెన్యూ శాఖలో 20 శాతంగా ఉన్న అటెండర్‌, నైట్‌ వాచ్‌మెన్‌, డ్రైవర్‌ పోస్టుల్లో ఉద్యోగోన్నతి కోటాను 70 శాతానికి పెంచాలి. అంగన్‌వాడీల కోర్కెలివీ.. ప్రభుత్వ ఉద్యోగుల మాదిరిగా ప్రతి నెలా ఒకటో తేదీనే జీతాలు చెల్లించాలి. సుప్రీంకోర్టు తీర్పును అనుసరించి ఉద్యోగ భద్రత కల్పించాలి. వర్కర్లకు, హెల్పర్లకు కనీస వేతనాలు పెంచాలి. యాప్‌లన్నీ మిళితం చేసి, వాటి భారం తగ్గించాలి. అంగన్‌వాడీలకు ఇతర శాఖల బాధ్యతలు అప్పగించకూడదు. ఉద్యోగ విరమణ సమయంలో ఇచ్చే ఆర్థిక సాయాన్ని పెంచాలి. ఆలమూరు: దీర్ఘకాలంగా అపరిష్కృతంగా ఉన్న తమ సమస్యలు పరిష్కరించాలనే డిమాండుతో వివిధ విభాగాల ఉద్యోగులు సర్కారుపై సమరశంఖం పూరిస్తున్నారు. దశలవారీగా ఆందోళనలు నిర్వహిస్తున్నా.. రాష్ట్ర చరిత్రలో మునుపెన్నడూ లేని విధంగా తీవ్ర స్థాయిలో నిరసనలు తెలియజేస్తున్నా.. ప్రభుత్వం స్పందించకపోవడంపై ఆగ్రహం వ్యక్తం చేస్తున్నారు. డాక్టర్‌ బీఆర్‌ అంబేడ్కర్‌ కోనసీమ జిల్లావ్యాప్తంగా ఉన్న కాంట్రాక్టు, అవుట్‌ సోర్సింగ్‌ ఉద్యోగులతో పాటు అంగన్‌వాడీ సిబ్బందిలు, గ్రామ రెవెన్యూ సహాయకులు (వీఆర్‌ఏ) రాష్ట్ర ప్రభుత్వంపై పిడికిళ్లు బిగిస్తున్నారు. ఇప్పటికే గ్రామ సచివాలయ ఉద్యోగులు గత నెల 27న చేపట్టి, విజయవంతం చేసిన చలో విజయవాడ స్ఫూర్తితో ఇతర ఉద్యోగ సంఘాలు పోరుబాట పడుతున్నాయి. తమ డిమాండ్ల సాధన కోసం ప్రభుత్వంపై తీవ్ర ఒత్తిడి తెచ్చేందుకు ఉద్యోగులందరూ ఏకతాటి పైకి వస్తున్నారు. ఉద్యమ బాటలోనే ఉద్యోగులందరూ.. రెవెన్యూ శాఖకు ఆయువుపట్టు లాంటి వీఆర్‌ఏలు గత నెల 16 నుంచి ఉద్యమ బాట పట్టారు. జిల్లాలోని 2 వేల మందికి పైగా వీఆర్‌ఏలు వివిధ రూపాల్లో వినూత్న రీతిలో నిరసనలు తెలియజేస్తున్నారు, వారి పోరాటం 17వ రోజుకు చేరినా ప్రభుత్వం స్పందించకపోవడంతో గురువారం చలో అమలాపురం కార్యక్రమానికి పిలుపునిచ్చి విజయవంతం చేశారు. రాష్ట్ర ప్రభుత్వం స్పందించేంత వరకూ తమ పోరాటం కొనసాగుతుందని వీఆర్‌ఏల సంఘం నాయకులు హెచ్చరించారు. వారి ఆందోళనతో క్షేత్ర స్థాయిలో రెవెన్యూ శాఖ పనులు అర్ధాంతరంగా నిలిచిపోయాయి. కూటమి ప్రభుత్వం అధికారంలోకి వచ్చి రెండేళ్లు పూర్తయినా ఎన్నికల సమయంలో ఇచ్చిన హామీలను అమలు చేయకపోవడంపై జిల్లాలోని 1,768 అంగన్‌వాడీ కేంద్రాల్లో పని చేస్తున్న కార్యకర్తలు, ఆయాలు మండిపడుతున్నారు. గత వైఎస్సార్‌ సీపీ ప్రభుత్వ హయాంలో పెంచిన వేతనాలు తప్ప ప్రస్తుత ప్రభుత్వం ఒక్క పైసా కూడా పెంచలేదని, పైగా యాప్‌ల భారం పెంచేసిందని దుయ్యబడుతున్నారు. ప్రభుత్వ నిర్లక్ష్యాన్ని నిరసిస్తూ గాంధీ జయంతి రోజైన శుక్రవారం మహాత్మాగాంధీ విగ్రహాలకు వినతిపత్రాలు అందించేందుకు వారు సమాయత్తమవుతున్నారు. వైద్య, ఆరోగ్య శాఖలో జిల్లాలోని 47 పీహెచ్‌సీలు, 2 ఏరియా ఆస్పత్రులు, 9 సీహెచ్‌సీల్లో పని చేస్తున్న సుమారు 250 మంది కాంట్రాక్టు, అవుట్‌ సోర్సింగ్‌ ఉద్యోగులు ఆగస్టు 30 నుంచి నల్ల బ్యాడ్జీలు ధరించి విధులకు హాజరవుతున్నారు. అయినప్పటికీ ప్రభుత్వం ఉదాసీన వైఖరి అవలంబించడంతో ఈ నెల 3 నుంచి పూర్తి స్థాయిలో విధులను బహిష్కరించేందుకు సిద్ధమవుతున్నారు. అదే కనుక జరిగితే వారి సేవలు ప్రజలకు దూరమై, ప్రజలకు ప్రభుత్వ వైద్య సేవలు అందడం గగనమే అవుతుంది. రక్త పరీక్షలు కూడా చేసే అవకాశం లేక, రోగులు ప్రైవేటు ల్యాబ్‌లను ఆశ్రయించి, చేతిచమురు వదిలించుకోవలసిన పరిస్థితి ఉత్పన్నమవుతుంది. పిడికిళ్లు బిగించిన ప్రభుత్వోద్యోగులు పోరుబాటలో వివిధ విభాగాల సిబ్బంది నేడు గాంధీజీ విగ్రహాలకు అంగన్‌వాడీల వినతిపత్రాలు రేపటి నుంచి కాంట్రాక్టు ఉద్యోగుల నిరవధిక సమ్మె 17వ రోజుకు చేరిన వీఆర్‌ఏల దీక్షలు పట్టించుకోని ప్రభుత్వంపై ఉద్యోగుల ఆగ్రహం

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు) కాయ (వెయ్యి) 21,000 – 22,000 కొత్త (పచ్చి) కాయ (వెయ్యి) 21,000 – 22,000 కొబ్బరి నూనె (15 కిలోలు) 5,000 కిలో 350

రంగంపేట: రాజమహేంద్రవరం ఆర్ట్స్‌ కళాశాల మైదానంలో నిర్వహించిన ఉమ్మడి తూర్పు గోదావరి జిల్లా స్థాయి స్కూల్‌ గేమ్స్‌ అండర్‌–17 అథ్లెటిక్స్‌ పోటీల్లో రంగంపేట జెడ్పీ హైస్కూలు విద్యార్థులు రాష్ట్ర స్థాయి పోటీలకు అర్హత సాధించారు. ప్రధానోపాధ్యాయుడు వి.పార్థసారథి గురువారం ఈ వివరాలు వెల్లడించారు. ట్రిపుల్‌ జంప్‌లో గుబ్బల ఉషశ్రీ ప్రథమ, కారి నాగభవ్య ద్వితీయ; పోల్‌వాల్ట్‌లో వానపల్లి ప్రసన్న ప్రథమ, దోనాదుల ప్రశాంతి ద్వితీయ; 400 మీటర్ల హర్డిల్స్‌లో పెద్దింశెట్టి శృతి ప్రథమ, కారి నాగభవ్య తృతీయ; లాంగ్‌జంప్‌లో గుబ్బల ఉషశ్రీ తృతీయ స్థానాలు సాధించారు. ఉత్తమ ప్రదర్శన కనబరిచిన ఉషశ్రీ, నాగభవ్య, ప్రసన్న, ప్రశాంతి రాష్ట్ర స్థాయి పోటీలకు ఎంపికయ్యారు. విద్యార్థులను తీర్చిదిద్దిన వ్యాయామోపాధ్యాయులు శైల, వీరబాబులను పాఠశాల విద్యా శాఖ రీజినల్‌ జాయింట్‌ డైరెక్టర్‌ (ఆర్‌జేడీ) నాగమణి అభినందించారు. ప్రతిభ చాటిన విద్యార్థులను ఎంఈఓలు కె.శ్రీనివాసరావు, పి.మధుసూదనరావు, ఉపాధ్యాయులు అభినందించారు.

అమలాపురం రూరల్‌: యానాం నుంచి అక్రమంగా పెట్రోలు, డీజిల్‌ తెచ్చి జిల్లాలో విక్రయిస్తున్న వ్యాపారులపై చర్యలు తీసుకోవాలని డిమాండ్‌ చేస్తూ జిల్లా పెట్రోల్‌ బంకుల అసోసియేషన్‌ సభ్యులు అమలాపురంలోని కలెక్టరేట్‌ వద్ద గురువారం నిరసన వ్యక్తం చేశారు. ఈ మేరకు జాయింట్‌ కలెక్టర్‌ వైఖోం నైదియాదేవికి ఫిర్యాదు చేశారు. అమలాపురంలో ఎత్తురోడ్డు వద్ద ఉన్న ఓ పెట్రోల్‌ బంకుకు చెందిన వ్యక్తి యానాం నుంచి అక్రమంగా చిన్న ట్యాంకర్ల ద్వారా పెట్రోల్‌ తెచ్చి దొంగ వ్యాపారం చేస్తూ, స్థానిక పెట్రోల్‌ బంకులకు నష్టం కలిగిస్తున్నాడంటూ వారు ఆరోపించారు. యానాం పెట్రోల్‌, డీజిల్‌ విక్రయంతో రాష్ట్ర ప్రభుత్వం పన్నులను కోల్పోతుందన్నారు. యానాం నుంచి డీజిల్‌ తెచ్చి లీటరుకు 13 తక్కువ ధరకు విక్రయిస్తున్న వ్యవహారంపై విచారణ చేయాలని కోరారు. కొన్నిచోట్ల సరైన మీటరింగ్‌ ఏర్పాట్లు లేకుండా, నేరుగా నాజిళ్ల ద్వారా ఇంధనాన్ని విక్రయిస్తున్నట్లు తెలిపారు. జిల్లా పెట్రోలియం డీలర్ల సంఘ అధ్యక్షుడు తిరుమలరావు, సెక్రటరీ జవ్వాది తాతబాబు, కోశాధికారి అనీల్‌కుమార్‌, డీలర్ల సంఘ నాయకులు శ్రీనివాస్‌ చౌదరి, విశ్వేశ్వరరావు, సుధీర్‌ రాజు, సురేష్‌శర్మ, సునీల్‌ కుమార్‌, దొరబాబు, రత్నాకర్‌, ప్రసాద్‌, చిట్టిబాబు, అంజిబాబు పాల్గొన్నారు.

సామర్లకోట: పట్టణానికి చెందిన కబడ్డీ క్రీడాకారుడు, ప్రొ. కబడ్డీ రిఫరీ బోగిళ్ల మురళీ కుమార్‌ కామన్వెల్త్‌ కబడ్డీ పోటీలకు రిఫరీగా ఎంపికయ్యారు. ఈ మేరకు గురువారం ఉత్తర్వులు వచ్చాయని జిల్లా కబడ్డీ అసోసియేషన్‌ ప్రధాన కార్యదర్శి కొండపల్లి శ్రీనివాసరావు తెలిపారు. మురళీ కుమార్‌ ప్రస్తుతం జగ్గంపేట జెడ్పీ హైస్కూల్‌లో ఫిజికల్‌ డైరెక్టర్‌గా పని చేస్తున్నారు. ఈ నెల 21 నుంచి 30వ తేదీ వరకు గుజరాత్‌లోని అహ్మదాబాద్‌ వీర సావర్కర్‌ స్టేడియంలో జరగనున్న మొదటి కామన్వెల్త్‌ కబడ్డీ చాంపియన్‌షిష్‌కు ఆయన రిఫరీగా వ్యవహరించనున్నారు. ఉభయ తెలుగు రాష్ట్రాల నుంచి అంతర్జాతీయ టెక్నికల్‌ అఫీషియల్‌గా ఆయన నామినేట్‌ కావడం సామర్లకోటకు గర్వకారణమని పలువురు పేర్కొన్నారు.

కాకినాడ లీగల్‌: విజయవాడలో న్యాయవాదులపై పోలీసులు చేసిన దౌర్జన్యాన్ని నిరసిస్తూ ఆలిండియా లాయర్స్‌ యూనియన్‌ (ఐలూ) ఆధ్వర్యాన కాకినాడ బార్‌ అసోసియేషన్‌ వద్ద న్యాయవాదులు బుధవారం ఆందోళన నిర్వహించారు. న్యాయవా ది ఒగ్గు గవాస్కర్‌పై చట్ట విరుద్ధంగా రౌడీ షీట్‌ తెరవాలనే ప్రయత్నాలను విరమించుకోవాలని, న్యాయవాది సుభానీపై నమోదు చేసిన అక్రమ కేసు, సివిల్‌ వివాదానికి సంబంధించి మరో న్యాయవాది పలగాని రవిపై పెట్టిన కేసు ఎత్తివేయాలని వారు డిమాండ్‌ చేశారు. ఐలూ ఉమ్మడి తూర్పు గోదావరి జిల్లా అధ్యక్షుడు మేడపాటి ధర్మారెడ్డి మాట్లాడుతూ, విజయవాడ బార్‌ అసోసియేషన్‌ న్యాయవాదులు తమ విధులను బహిష్కరించి, ఎంజీ రోడ్డులోని బీఆర్‌ అంబేడ్కర్‌ విగ్రహానికి వినతిపత్రం సమర్పించేందుకు శాంతియుతంగా ప్రదర్శనగా వెళ్తూండగా పోలీసులు దౌర్జన్యానికి పాల్పడటంపై ఆగ్రహం వ్యక్తం చేశారు. ముఖ్యంగా మహిళా న్యాయవాదులపై దౌర్జన్యానికి పాల్ప డటం అప్రజాస్వామికమని అన్నారు. శాంతియుతంగా నిరసన తెలిపే హక్కును కాలరాసే అధికా రం పోలీసులకు లేదన్నారు. న్యాయవాదుల ఆందోళనను అణచివేసేందుకు రోప్‌ పార్టీలతో నిర్బంధానికి పాల్పడటాన్ని తీవ్రంగా ఖండించారు. ఇటీ వలి కాలంలో న్యాయవాదులపై పోలీసులు దౌర్జ న్యాలకు పాల్పడుతున్నారని, దీనిని అరికట్టేందుకు న్యాయవాదుల రక్షణ చట్టాన్ని వెంటనే రూపొందించి అమలు చేయాలని రాష్ట్ర ప్రభుత్వాన్ని ధర్మారెడ్డి డిమాండ్‌ చేశారు. విజయవాడ ఘటనకు బాధ్యులైన పోలీసు అధికారులపై తగిన చర్యలు తీసుకోవాలని ఐలూ జిల్లా, నగర కమిటీలు డిమాండ్‌ చేశాయి. నిరసన కార్యక్రమంలో కాకినాడ బార్‌ వైస్‌ ప్రెసిడెంట్‌ పి.రామచంద్రరాజు, ఐలూ జిల్లా ట్రెజరర్‌ బహుదూర్‌ షా వెంకటరెడ్డి, సిటీ కార్యదర్శి కె.నాగజ్యోతి, న్యాయవాదులు మహ్మద్‌ జవహర్‌ అలీ, ఇజాజుద్దీన్‌, హయగ్రీవరావు, పి.శ్రీనివాస్‌ తదితరులు పాల్గొన్నారు.

తుని: నాలుగు నియోజకవర్గాలకు చెందిన రైతులకు అన్నం పెట్టిన తాండవ సహకార చక్కెర కర్మాగారాన్ని చంద్రబాబు ప్రభుత్వం అమ్మకానికి పెట్టింది. సహకార రంగంలోని అన్ని చక్కెర పరిశ్రమలనూ అమ్మేసి కార్మికులు, రైతులు, ప్రభుత్వ రంగ సంస్థల బకాయిలు చెల్లించాలంటూ ఇటీవల రాష్ట్ర మంత్రివర్గం తీసుకున్న నిర్ణయంపై సర్వత్రా విమర్శలు వెల్లువెత్తుతున్నాయి. ఇది అమలులోకి వస్తే.. వందలాది మంది రైతులు, కార్మికులకు అన్నం పెట్టిన ఈ సుగర్‌ ఫ్యాక్టరీ ఇకపై కాలగర్భంలో కలసిపోనుంది. ఈ పరిశ్రమకు రూ.వందల కోట్ల ఆస్తులున్నాయి. కానీ, కేవలం రూ.38 కోట్ల బకాయిలను సాకుగా చూపి ఈ పరిశ్రమకు కూటమి ప్రభుత్వం ఉరి బిగిస్తోంది. ఎంతో మందికి మేలు చేసిన ఈ పరిశ్రమకు చేయూతనిచ్చి, తెరిపించాల్సింది పోయి, అమ్మేయాలని ప్రభుత్వం నిర్ణయించడంపై రైతులు ఆగ్రహం వ్యక్తం చేస్తున్నారు. ఆదుకున్న వైఎస్సార్‌, జగన్‌ చంద్రబాబు పాలనా విధానాలతో పుట్టెడు కష్టాల్లో కూరుకుపోయిన సహకార చక్కెర కర్మాగారాలను డాక్టర్‌ వైఎస్‌ రాజశేఖరరెడ్డి ఆదుకున్నారు. ఆయన ముఖ్యమంత్రిగా ఉన్న సమయంలో టన్నుకు రూ.300 చొప్పున ప్రభుత్వం ప్రోత్సాహకం చెల్లించేది. తద్వారా ఈ పరిశ్రమ నాలుగేళ్ల పాటు నిరంతరాయంగా నడిచింది. ఆ తర్వాత 2014లో అధికారంలోకి వచ్చిన చంద్రబాబు ప్రభుత్వం ఈ పరిశ్రమను నిర్వహించడం కంటే విక్రయించడం పైనే దృష్టి పెట్టింది. ముగ్గురు మంత్రులతో కూడిన కమిటీ వేసి కాలక్షేపం చేసిందే తప్ప, ఈ పరిశ్రమను కష్టాల నుంచి గట్టెక్కించడంపై ఏమాత్రం దృష్టి పెట్టలేదు. ఫలితంగా 2019లో వైఎస్సార్‌ సీపీ అధికారంలోకి వచ్చేనాటికి ఇక్కడి రైతులకు రూ.10 కోట్ల బకాయిలున్నాయి. రైతుల ఇబ్బందులను గమనించిన అప్పటి ముఖ్యమంత్రి వైఎస్‌ జగన్‌మోహన్‌రెడ్డి ప్రభుత్వం నిధులు మంజూరు చేయడంతో బకాయిలు పూర్తిగా చెల్లించారు. అంతకు ముందు చంద్రబాబు ప్రభుత్వం నుంచి ప్రోత్సాహం లేకపోవడంతో రైతులు క్రమంగా చెరకు సాగు తగ్గించేయడంతో ఈ పరిశ్రమ మూత పడింది. ఇప్పుడు మరోసారి అధికారంలోకి వచ్చిన చంద్రబాబు ప్రభుత్వం ఏకంగా ఈ పరిశ్రమను అమ్మకానికి పెట్టింది. పాయకరావుపేటలోని తాండవ సుగర్‌ ఫ్యాక్టరీచంద్రబాబు పాలనలో చిన్నచూపుప్రపంచ బ్యాంకు సంస్కరణల అమలులో భాగంగా 90వ దశకం చివరిలో అప్పటి చంద్రబాబు ప్రభుత్వం పునర్వ్యవస్థీకరణ పేరుతో ప్రభుత్వ రంగ సంస్థల అమ్మకం లేదా మూసివేత చర్యలకు శ్రీకారం చుట్టింది. ఇందులో భాగంగానే సహకార రంగాన్ని కూడా ప్రైవేటీకరించే చర్యలకు పూనుకుంది. ఆ సమయంలోనే వివిధ సహకార డెయిరీలు, సహకార చక్కెర కర్మాగారాలకు నాటి ప్రభుత్వం నుంచి ఆర్థిక సహాయం, రైతులకు ప్రోత్సాహం కరువైంది. ఫలితంగా అవి ప్రైవేటు పరం కావడమో, మూత పడటమో జరిగిందనే విమర్శలున్నాయి. వాస్తవానికి అప్పటి నుంచే తాండవ సుగర్స్‌కు కష్టాలు ప్రారంభమయ్యాయి. గతంలో తాండవ సుగర్స్‌ పరిధిలోని రైతులు 2.40 లక్షల టన్నుల క్రషింగ్‌కు అవసరమైన చెరకు పండించేవారు. అప్పటి టీడీపీ ప్రభుత్వం రైతులకు ఏ విధమైన ప్రోత్సాహకాలూ ఇవ్వలేదు. మరోవైపు సాగు పెట్టుబడులు పెరగడం, ప్రభుత్వ తోడ్పాటు లేక ఫ్యాక్టరీ గిట్టుబాటు ధర కల్పించకపోవడంతో రైతులు ఆర్థికంగా నష్టపోయారు. ఫలితంగా చెరకు సాగు గణనీయంగా తగ్గిపోయింది. వీటన్నింటి ఫలితంగా ఈ పరిశ్రమ మూత పడింది. ఫ అమ్మకానికి పెట్టిన కూటమి ప్రభుత్వం ఫ కాలగర్భంలో కలవనున్న చక్కెర పరిశ్రమ ఫ ఎంతోమంది ఆకలి తీర్చిన కర్మాగారానికి సర్కారు ఉరి ఫ చంద్రబాబు హయాంలోనే ఈ పరిశ్రమకు కష్టాలు ఫ ప్రభుత్వ సహకారం లేక పతనం ప్రారంభం1963లో ప్రారంభంమెట్ట ప్రాంతంలో ఏర్పాటు చేసిన తొలి పరిశ్రమ తాండవ సుగర్స్‌. తుని నియోజకవర్గ తొలి ఎమ్మెల్యే ఎస్‌ఆర్‌వీవీ కృష్ణంరాజు బహుదూర్‌ (రాజా బుల్లిబాబు) కృషి మేరకు రైతులతో కలసి ఈ పరిశ్రమను సహకార రంగంలో 1963లో ప్రారంభించారు. దీనికి అప్పటి ఉమ్మడి విశాఖపట్నం, తూర్పు గోదావరి జిల్లాల పరిధిలోని తుని, ప్రత్తిపాడు, పాయకరావుపేట, నర్సీపట్నం నియోజకవర్గాలకు చెందిన రైతులు చెరకు సరఫరా చేసేవారు. మొత్తం 11 వేల మంది రైతులు షేర్‌ హోల్డర్లుగా ఉండగా, 425 మంది కార్మికులు పని చేసేవారు. అప్పట్లో రోజుకు 1,600 టన్నుల క్రషింగ్‌ సామర్థ్యంతో ప్రారంభమైన ఈ పరిశ్రమ మూసివేత సమయానికి 2,400 టన్నుల స్థాయికి చేరింది. జీవనోపాధి పోతుంది ఫ్యాక్టరీలో పని చేస్తున్న కార్మికులకు ఏళ్ల తరబడి జీతాలు చెల్లించడం లేదు. రెండేళ్ల బోనస్‌ ఇవ్వలేదు. పర్మినెంట్‌, సీజనల్‌, ఎన్‌ఎంఆర్‌లు కలిపి సుమారు 400 మంది కార్మికులు ఈ పరిశ్రమలో పని చేస్తున్నారు. కార్మికులకు రూ.18 కోట్ల బకాయిలు చెల్లించాల్సి ఉంది. యాజమాన్యాన్ని అడిగితే పరిశ్రమ నష్టాల్లో ఉందని చెబుతున్నారు. అప్పులు చేసి కుటుంబాలను నెట్టుకొస్తున్నాం. ఇప్పుడు ఏకంగా ఫ్యాక్టరీనే అమ్మేస్తున్నారు. దీంతో, దీనిని నమ్ముకుని ఉన్న వందల కుటుంబాల జీవనోపాధి పోతుంది. కార్మికులకు పూర్తి స్థాయి జీతాలు చెల్లించడంతో పాటు జీవనోపాధికి కూడా దారి చూపించాలి. – డి.నారాయణస్వామి, కార్యదర్శి, తాండవ సుగర్స్‌ కార్మిక యూనియన్‌ అమ్మకానికి పెట్టడం సరికాదు ఎన్నో ఇబ్బందులు పడి ఫ్యాక్టరీకి చెరకు తోలితే యాజమాన్యం చెల్లింపుల్లో నిర్లక్ష్యం వహించింది. 2020 క్రషింగ్‌ సీజన్‌ వరకూ ఫ్యాక్టరీకి సరఫరా చేసిన చెరకుకు అప్పటి ముఖ్యమంత్రి వైఎస్‌ జగన్‌మోహన్‌రెడ్డి కృషితో చెల్లించారు. చెరకు సాగు స్వస్తి పలికి వరి, వాణిజ్య పంటలు సాగు చేస్తున్నాం. ఈ ఫ్యాక్టరీని ప్రభుత్వం అమ్మకానికి పెట్టడం సరికాదు. – వై.రామ సూర్య సత్యనారాయణ, చెరకు రైతు, బొద్దవరం 4 నియోజకవర్గాల రైతులకు తీరని అన్యాయం తాండవ సుగర్‌ ఫ్యాక్టరీని అమ్మకానికి పెట్టడం ద్వారా నాలుగు నియోజకవర్గాల రైతులకు ప్రభుత్వం తీరని అన్యాయం చేసింది. టీడీపీ ప్రభుత్వం కొత్త పరిశ్రమలను తీసుకురాదు. ఉన్న పరిశ్రమలను మూసివేయడం ముఖ్యమంత్రి చంద్రబాబు నాయుడికి వెన్నతో పెట్టిన విద్య. సుగర్‌ ఫ్యాక్టరీ అమ్మకం విషయంలో పునరాలోచించాలి. కార్మికులను దృష్టిలో పెట్టుకోవాలి. – దాడిశెట్టి రాజా, మాజీ మంత్రి, వైఎస్సార్‌ సీపీ కాకినాడ జిల్లా అధ్యక్షుడు

● తాడిపూడిలో ఘటన ● నదిలో పోలీసుల గాలింపు తాళ్లపూడి: మండలంలోని తాడిపూడి వద్ద గోదావరిలో ఓ మహిళను గెంటివేశారన్న వార్త కలకలం రేపింది. తాళ్లపూడి ఎస్సై టి.రామకృష్ణ, బాధిత మహిళ కుటుంబ సభ్యులు తెలిపిన వివరాల ప్రకారం.. పోలవరం మండలం పట్టిసీమ గ్రామానికి చెందిన వింటి ఆదిలక్ష్మి (36) తాళ్లపూడిలోని ఓ స్వీట్‌ షాపులో పనిచేస్తోంది. రోజు మాదిరిగానే సోమవారం రాత్రి 7 గంటల సమయంలో షాపులో పనిముగించుకుని ఇంటికి బయలుదేరింది. ఈ క్రమంలో తాడిపూడి గ్రామానికి చెందిన షేక్‌ యాకోబు ఆటో ఎక్కింది. అతడు తాడిపూడి శ్మశాన రేవు వద్ద ఆమెను గోదావరిలో తోసేసినట్లు చెబుతున్నారు. అయితే ఈ ఘటనపై పూర్తి వివరాలు తెలియాల్సి ఉంది. సమాచారం అందుకున్న పోలీసులు మంగళవారం గోదావరిలో ఆదిలక్ష్మి కోసం పడవలపై గాలింపు చర్యలు చేపట్టారు. రాత్రి వరకు వెతికినప్పటికీ ఆమె ఆచూకీ మాత్రం లభించలేదు. ఆదిలక్ష్మి భర్త లేడు. వివాహమైన కుమార్తె ఉంది.

కోరుకొండ: హైదరాబాద్‌ నుంచి రాజమహేంద్రవరం విమానాశ్రయానికి మంగళవారం రాత్రి 9.40కు చేరాల్సిన ఇండిగో విమాన సర్వీసు రద్దయ్యింది. హైదరాబాద్‌ నుంచి రావాల్సిన ఈ సర్వీసు తొలుత సాంకేతిక కారణాలతో రాత్రి 11.15 గంటలకు చేరుతుందని ప్రకటించారు. అయితే నిర్వహణాపరమైన కారణాలతో రద్దయినట్టు తెలిపారు. దీంతో హైదరాబాద్‌ వెళ్లాల్సిన ప్రయాణికులు ఇతర మార్గాల్లో తరలివెళ్లారు. విజేతలు వారిద్దరే.. కోరుకొండ: మండలంలోని కోటికేశవరం ఎంపీపీ పాఠశాలలో ఎస్‌ఎంసీ ఎన్నికల సందర్భంగా విచిత్రం చోటు చేసుకుంది. సాధారణంగా విద్యార్థుల తల్లిదండ్రులను సభ్యులుగా ఎన్నుకుని, వారిలో చైర్మన్‌, వైస్‌ చైర్మన్‌ను ఎంపిక చేస్తారు. కానీ ఈ పాఠశాలలో కేవలం ఇద్దరే విద్యార్థులు ఉండడంతో వారి తల్లులే సభ్యులుగా ఎంపికయ్యారు. వారే చైర్మన్‌, వైస్‌ చైర్మన్‌గా కొనసాగారు. కాగా.. కోరుకొండ మండలంలోని 55 పాఠశాలల్లో ఐదుచోట్ల ఎన్నికలను స్థానికులు బహిష్కరించారు.

బోట్‌క్లబ్‌ (కాకినాడ సిటీ): జిల్లాలో కొత్త పరిశ్రమల ఏర్పాటుకు పూర్తి సహకారం అందిస్తామని కలెక్టర్‌ ఎంఎన్‌ హరేంధిర ప్రసాద్‌ అన్నారు. కలెక్టరేట్‌లో మంగళవారం జరిగిన జిల్లా పరిశ్రమలు, ఎగుమతుల ప్రోత్సాహక కమిటీ (డీఐఈపీసీ) 32వ సమావేశానికి ఆయన అధ్యక్షత వహించారు. సిసంగిల్‌ డెస్క్‌ విధానంలో 46 దరఖాస్తులు అందగా 33 దరఖాస్తులకు అన్ని అనుమతులూ మంజూరు చేశామని, 13 దరఖాస్తులు వివిధ దశల్లో ఉన్నాయని చెప్పాన్నారు. జిల్లాలో 16 పరిశ్రమల ఏర్పాటుకు కమిటీ ఆమోదం తెలిపిందన్నారు. పరిశ్రమల స్థాపనకు అవసరమైన అన్ని అనుమతులూ నిర్ణీత సమయంలో మంజూరు చేయాలని అధికారులను ఆదేశించారు. పారిశ్రామికవేత్తల సమస్యలను సంబంధిత శాఖల అధికారులు పరస్పర సమన్వయంతో పరిష్కరించాలని కలెక్టర్‌ ఆదేశించారు. బ్యాంకర్ల వద్ద పెట్టుబడిదారులు ఎదుర్కొంటున్న సమస్యలను ఎల్‌డీఎం ప్రత్యేక చొరవతో పరిష్కరించాలని సూచించారు. వచ్చే నెల 12న జేఎన్‌టీయూకేలో ఉభయ గోదావరి జిల్లాల స్థాయిలో ప్రాంతీయ సదస్సు నిర్వహించేందుకు ఏర్పాట్లు చేయాలని అధికారులను కలెక్టర్‌ ఆదేశించారు. ఈ సదస్సు నిర్వహణ ఏర్పాట్లపై అధికారులతో చర్చించారు. కాకినాడ చేరిన రెండో విడత ఎన్నికల సామగ్రి కాకినాడ లీగల్‌: మున్సిపల్‌ పోరు నిర్వహణకు సంబంధించి రెండో విడత ఎన్నికల సామగ్రి మంగళవారం కాకినాడ చేరుకుంది. జిల్లాలోని మున్సిపాలిటీలకు ఎన్నికల సామగ్రి పంపిణీ చేసేందుకు కాకినాడ నగర పాలక సంస్థ కార్యాలయం స్టాక్‌ పాయింట్‌గా ఉంది. వచ్చిన సామగ్రిని నగర పాలక సంస్థ కమిషనర్‌ ఎన్‌వీవీ సత్యనారాయణ, అదనపు కమిషనర్‌ కేటీ సుధాకర్‌ పర్యవేక్షణలో అధికారులు స్వీకరించి, స్ట్రాంగ్‌ రూములో భద్రపరిచారు. ఖాళీ బ్యాలెట్‌ పేపర్లు, ఇతర కీలక సామగ్రి ఇందులో ఉన్నాయి. స్ట్రాంగ్‌ రూము వద్ద పోలీసు భద్రత కల్పించామని సీసీ కెమెరాల ద్వారా నిరంతర నిఘా ఏర్పాటు చేశామని కమిషనర్‌ చెప్పారు. ఎన్నికల షెడ్యూల్‌కు అనుగుణంగా అవసరమైన సమయంలో సంబంధిత మున్సిపాలిటీలకు ఎన్నికల సామగ్రిని సురక్షితంగా తరలిస్తామని తెలిపారు. కార్యక్రమంలో కార్పొరేషన్‌ మేనేజర్‌ శిరీష్‌, అకౌంటెంట్‌ జయరాం, సూపరింటెండెంట్‌ సీతారాం, ఎలక్ట్రికల్‌ ఏఈ అర్జున్‌ తదితరులు పాల్గొన్నారు. తగ్గుతున్న గోదావరి వరద ఐ.పోలవరం/అయినవిల్లి: గోదావరి వరద క్రమంగా తగ్గుముఖం పడుతోంది. ఎగువ నుంచి ఇన్‌ఫ్లో తగ్గడంతో ధవళేశ్వరంలోని సర్‌ ఆర్థర్‌ కాటన్‌ బ్యారేజీ వద్ద ప్రవాహం తగ్గుతోంది. సోమవారం సాయంత్రం 6 గంటలకు 9,69,911 క్యూసెక్కులుగా ఉన్న మిగులు జలాలు మంగళవారం సాయంత్రం 6 గంటలకు 6,38,771 క్యూసెక్కులకు తగ్గాయి. వరద తగ్గుతూండటంతో గోదావరి పరీవాహక ప్రాంతాల ప్రజలు క్రమంగా ఊపిరి పీల్చుకుంటున్నారు. ధవళేశ్వరం బ్యారేజీ వద్ద సోమవారం రాత్రి 10 గంటలకు మిగులు జలాలు 9,47,047 క్యూసెక్కులకు, మంగళవారం ఉదయం 6 గంటలకు 8,33,506 క్యూసెక్కులకు, మధ్యాహ్నం 3 గంటలకు 6,71,221 క్యూసెక్కులకు, సాయంత్రం 6 గంటలకు 6,38,771 క్యూసెక్కులకు తగ్గాయి. వరద తగ్గుతున్నప్పటికీ జిల్లాలోని పలు ప్రాంతాల్లో ఇంకా ముంపు కొనసాగుతోంది. ముక్తేశ్వరం కాజ్‌వేపై ముంపు కాస్త తగ్గినప్పటికీ సాయంత్రం సమయానికి ఒక అడుగు మేర వరద నీరు ప్రవహిస్తోంది. పడవలపై రాకపోకలను అధికారులు నిలిపివేశారు. ప్రస్తుతం వాహనాల రాకపోకలు మొదలయ్యాయి. మామిడికుదురు మండలం అప్పనపల్లి కాజ్‌వేపై కూడా వరద నీరు తగ్గుముఖం పట్టింది. అయినప్పటికీ, రాకపోకలు సాగించే వీలు లేకపోవడంతో వాహనాలను మామిడికుదురు మీదుగా మళ్లిస్తున్నారు. వృద్ధ గౌతమీ పాయలోని పల్లపు ప్రాంతాల్లో ఇంకా వరద నీరు ఉంది. ఐ.పోలవరం మండలం మురమళ్ల రాఘవేంద్ర వారధి వద్ద వరద నీరు పాంచాల రేవు దాటి ఇళ్ల సమీపానికి చేరింది. మంగళవారం సాయంత్రం నుంచి నీటిమట్టం తగ్గుతూండటంతో స్థానికులు ఊపిరి పీల్చుకుంటున్నారు. పి.గన్నవరం మండలం కనకాయలంక కాజ్‌వేపై ఇంకా ముంపు కొనసాగుతోంది. పి.గన్నవరం అక్విడెక్టు వద్ద గోదావరి ప్రవాహం ఉధృతంగానే ఉంది. ధవళేశ్వరం వద్ద ప్రవాహం క్రమంగా తగ్గుతూండటంతో దిగువన ఉన్న జిల్లాలోనూ బుధవారం ఉదయం నాటికి వరద ఉధృతి మరిత తగ్గనుంది.

ఆలమూరు: రైతుల ప్రయోజనాల కోసం తీసుకువచ్చినట్టు చెబుతున్న ప్రత్యేక విశిష్ట గుర్తింపు సంఖ్య (యూనిక్‌ ఐడీ) నమోదు ప్రక్రియ జిల్లాలో మందకొడిగా సాగుతోంది. అనేక మంది రైతులు రెవెన్యూ పరమైన సమస్యలతో ఇబ్బందులు పడుతూ ఉండడంతో ఈ కార్యక్రమం ముందుకు సాగడం లేదు. ముఖ్యంగా కేంద్ర, రాష్ట్ర ప్రభుత్వాల మధ్య సమన్వయం లేకపోవడంతో విశిష్ట గుర్తింపు నమోదు పక్రియ వేగంగా మందుకు వెళ్లడం లేదనే అభిప్రాయం వ్యక్తమవుతుంది. తమకు గుర్తింపు ఎప్పుడు దొరుకుతుందోనని రైతులు ఆవేదన చెందుతున్నారు. ఆధార్‌ కార్డు మాదిరిగా.. దేశ పౌరులందరికీ ఇచ్చిన ఆధార్‌ కార్డు మాదిరిగానే సొంత భూమి ఉన్న రైతుల కోసం ప్రత్యేక విశిష్ట గుర్తింపు సంఖ్య (యూనిక్‌ ఐడీ)ను కేంద్ర ప్రభుత్వం ప్రవేశపెట్టింది. ఆధార్‌ కార్డు తరహాలోనే రైతులకు కూడా 11 అంకెలతో కూడిన ప్రత్యేక నంబర్‌ను అందజేసేందుకు ఆంధ్రప్రదేశ్‌ ఫార్మర్‌ రిజిస్ట్రీ (ఏపీఎఫ్‌ఆర్‌) పథకాన్ని అమలు చేస్తోంది. డాక్టర్‌ బీఆర్‌ అంబేడ్కర్‌ కోనసీమ జిల్లాలోని అన్ని స్వర్ణ గ్రామ పంచాయతీల్లో ఉన్న ఆర్‌ఎస్‌కేల్లో యూనిక్‌ ఐడీ నమోదు పక్రియ సాగుతోంది. ఈ గుర్తింపు సంఖ్యను పొందడం వల్ల వ్యవసాయశాఖ ద్వారా అందించే అన్ని సౌకర్యాలు, పౌర సేవలు, ప్రభుత్వ పథకాలను నేరుగా రైతులకు చేరతాయని వ్యవసాయశాఖ చెబుతోంది. ముందుకు కదలక.. కోనసీమ జిల్లాలో 2.35 లక్షల ఆయకట్టు ఉండగా సుమారు మూడు లక్షల మంది రైతులు ఉన్నారు. ప్రస్తుతం జిల్లాలో దాదాపు 2.65 లక్షల మంది పీఎం కిసాన్‌ పథకాన్ని అర్హత సాధించారు. అయితే ఈ నెలాఖరు నాటికి ఇప్పటి వరకూ కేవలం 1.48 లక్షల మంది మాత్రమే విశిష్ట గుర్తింపు సంఖ్యను పొందగలిగారు. మిగిలిన రైతులు వివిధ కారణాల వల్ల, రెవెన్యూ సమస్యలను పరిష్కరించకపోవడం వల్ల దూరమయ్యారు. నమోదు పక్రియ కూడా అనుకున్నంత స్థాయిలో ముందుకు కదలడం లేదు. వేధిస్తున్న రెవెన్యూ సమస్యలు విశిష్ట గుర్తింపు సంఖ్య నమోదు పక్రియను క్షేత్ర స్థాయిలో రెవెన్యూ సమస్యలు వెంటాడుతున్నాయి. వారసత్వంగా సంక్రమించిన భూములు వెబ్‌సైట్‌లో కనిపించక పోవడం, వక్ఫ్‌ భూములు, 22ఏ సమస్యలు, దేవదాయశాఖ భూమి జాబితాల్లో రైతుల సొంత భూమి నమోదు కావడం, భూమి ఒకరిదైతే వెబ్‌ల్యాండ్‌లో మరొకరి పేరున ఉండడం, 1బీల్లో ఒకరికి భూమి తక్కువగా, మరొకరికి ఎక్కువగా చూపించడం వంటి సమస్యలు రైతులను వెంటాడుతున్నాయి. గత వైఎస్సార్‌ సీపీ హయాంలో కొనుగోలు చేసిన భూముల వివరాలు మళ్లీ కూటమి ప్రభుత్వంలో విక్రేతదారుడి పేరిట వెనక్కి వెళ్లిపోవడం వల్ల రైతులు తరచూ రెవెన్యూ కార్యాలయాల చుట్టూ ప్రదక్షిణలు చేయాల్సిన పరిస్థితి ఏర్పడింది. నమోదు తప్పనిసరి విశిష్ట గుర్తింపు సంఖ్యను రైతులందరూ నమోదు చేసుకోవాలి. దీనిపైనే వారి భవిష్యత్తు ఆధారపడి ఉంటుంది. ఇప్పటికే అన్ని స్వర్ణ గ్రామ పంచాయతీల పరిధిలోని ఆర్‌ఎస్‌కేల్లో నమోదు పక్రియ జరుగుతోంది. – ఏవీ రామారావు, జిల్లా వ్యవసాయాధికారి, కోనసీవ ప్రత్యేక విశిష్ట గుర్తింపు కార్డుల కోసం రైతుల అవస్థలు మందకొడిగా ప్రక్రియ క్షేత్రస్థాయిలో రెవెన్యూ సమస్యలతో జాప్యం

కాకినాడ క్రైం: రాష్ట్ర ప్రభుత్వ పెన్షనర్స్‌ అసోసియేషన్‌ పిలుపు మేరకు కలెక్టరేట్‌ ఆవరణలో పెన్షనర్లు మంగళవారం నిరసన చేపట్టారు. ఏపీ పెన్షనర్స్‌ అసోసియేషన్‌ జిల్లా శాఖ ఆధ్వర్యాన నిరసన గళం వినిపించారు. ఏపీఎన్‌జీవో సంఘం ఉమ్మడి జిల్లా మాజీ అధ్యక్షుడు ఆచంట రామానాయుడు, పెన్షనర్స్‌ అసోసియేషన్‌ జిల్లా కార్యదర్శి కేపీ జగదీశ్వరరావు, జిల్లా జేఏసీ చైర్మన్‌ జి.రామ్మోహన్‌, ఎన్‌జీవో సంఘం జిల్లా కార్యదర్శి పాలపర్తి మూర్తిబాబు పెన్షనర్ల సమస్యలపై మాట్లాడారు. న్యాయపరమైన డిమాండ్లను నెరవేర్చవలసిన బాధ్యత కేంద్రంపై ఉందని అన్నారు. దేశవ్యాప్తంగా పెన్షనర్లు 12 డిమాండ్లపై పోరాడుతున్నారని, వీటిని పరిష్కరించాలని అన్నారు. పెన్షన్‌ కమ్యుటేషన్‌ 15 ఏళ్లకు పెట్టడం సరికాదన్నారు. రైల్వే సీనియర్‌ సిటిజన్‌ రాయితీని పునరుద్ధరించాలని కోరారు. జిల్లావ్యాప్తంగా అసోసియేషన్‌ అన్ని యూనిట్ల అధ్యక్ష కార్యదర్శులు ఈ నిరసనలో పాల్గొన్నారు. అనంతరం కలెక్టర్‌కు వినతిపత్రం సమర్పించారు.

● పాఠశాల బయట పోకిరీల వేధింపులు ● ఫిర్యాదు చేసినా పట్టించుకోవడం లేదు ● ఎస్‌ఎంసీ సమావేశంలో తల్లిదండ్రుల ఆవేదనరంపచోడవరం: స్థానిక ప్రభుత్వ ఉన్నత పాఠశాలలో చదువుతున్న బాలికలకు రక్షణ లేకుండా పోయిందని తల్లిదండ్రులు ఆవేదన వ్యక్తం చేశారు. మంగళవారం జరిగిన స్కూల్‌ మేనేజ్‌మెంట్‌ కమిటీ (ఎస్‌ఎంసీ) సమావేశంలో పాఠశాల పనితీరు, విద్యార్థుల పరిస్థితిపై తల్లిదండ్రులు ఆందోళన వ్యక్తం చేశారు. ఇలాంటి పరిస్థితుల్లో తమ పిల్లలను చదివించలేమంటూ ఆవేదన వ్యక్తం చేశారు. సిగరెట్లు కాలుస్తున్న విద్యార్థులు ఈ పాఠశాలలో చదివే 45 మంది విద్యార్థులు సిగరెట్లు కాలుస్తున్నారని ఉపాధ్యాయులే చెబుతున్నారని తల్లిదండ్రులు చెప్పారు. ఈ పరిస్థితుల్లో మిగిలిన విద్యార్థు పరిస్థితేమిటని ప్రశ్నించారు. జిల్లా కేంద్రంలోని ఈ పాఠశాల గురించి ఏ అధికారీ పట్టించుకోవడం లేదన్నారు. ఆడపిల్లలను బడికి పంపే పరిస్థితి లేదని వాపోయారు. పోలీసులకు ఫిర్యాదు చేసినా ప్రయోజనం లేదని అన్నారు. పాఠశాల అయిన తరువాత రోడ్డుపై ఆడపిల్లలు నడచి వెళ్లుతుంటే పోకిరీలు వేధిస్తున్నారన్నారు. గతంలో సీఎం సభ జరిగినప్పుడు అన్ని విషయాలూ చెబుతామంటే మాట్లాడేందుకు అవకాశం ఇవ్వలేదని అన్నారు. ఈ పరిస్థితుల్లో తమ పిల్లలను బడి మాన్పించేస్తామని చెప్పారు. ఇక్కడే డీఈఓ కార్యాలయం ఉన్నా.. జిల్లాలోని జిల్లా పరిషత్‌, ప్రభుత్వ, మండల పరిషత్‌ పాఠశాలలను పర్యవేక్షించే జిల్లా విద్యాశాఖాధికారి (డీఈఓ) కార్యాలయం రంపచోడవరం ప్రభుత్వ పాఠశాల ఆవరణలోనే ఉంది. అయినప్పటికీ డీఈఓ శ్రీరామ్మూర్తి ఏమీ పట్టనట్లు వ్యవహరిస్తున్నారని పలువురు విమర్శిస్తున్నారు. తన కార్యాలయం ఉన్న పాఠశాలలోనే విద్యార్థులు విచ్చలవిడి అలవాట్లకు లోనవడం వంటి అనేక సమస్యలున్నా పట్టించుకోవడం లేదని అంటున్నారు. అటువంటప్పుడు ఇక్కడ డీఈఓ కార్యాలయం ఎందుకున్నట్టని తల్లిదండ్రులు ప్రశ్నిస్తున్నారు. జిల్లా కేంద్రంలో ఎంతో పేరున్న ప్రభుత్వ పాఠశాలలో నెలకొన్న పరిస్థితులపై తల్లిదండ్రులు ఆవేదన వ్యక్తం చేయడం తీవ్ర చర్చనీయాంశంగా మారింది.

బాలాజీచెరువు (కాకినాడ సిటీ): సర్కారీ బడుల్లో కూటమి కమిటీల పెత్తనానికి తెర లేచింది. గతంలో ఉన్న తల్లిదండ్రుల పర్యవేక్షణ కమిటీల పేరును పాఠశాల యాజమాన్య కమిటీలు(ఎస్‌ఎంసీ)గా కూటమి ప్రభుత్వం మార్చింది. ఈ ఎస్‌ఎంసీల ఎన్నికలు మంగళవారం జిల్లావ్యాప్తంగా 1,262 పాఠశాలల్లో నిర్వహించారు. మొత్తం 1,256 పాఠశాలల్లో చైర్మన్లు ఎంపికవగా, మిగిలిన 6 చోట్ల కోరం లేక వాయిదా వేశారు. ప్రభుత్వ, జిల్లా పరిషత్‌, మున్సిపల్‌, కార్పొరేషన్‌, ఎయిడెడ్‌, కేజీబీవీ తదితర పాఠశాలల్లో ఈ ఎన్నికలు నిర్వహించారు. విద్యార్థి తల్లిదండ్రులలో ఒకరికి మాత్రమే ఓటు హక్కు కల్పిస్తూ చేతులెత్తే విధానంలో ఎన్నికలు జరిగాయి. ప్రతి తరగతి నుంచి ముగ్గురిని ఎంపిక చేసి, వారిలో ఒకరిని చైర్మన్‌గా ఎంపిక చేశారు. వీరితో పాటు కమిటీల్లో ఎక్స్‌ అఫీషియో సభ్యులుగా ఉపాధ్యాయులు, అంగన్‌వాడీ టీచర్‌, స్వయం సహాయక సంఘాల సభ్యులు, సర్పంచ్‌, ఉప సర్పంచ్‌లను నియమించారు. ఓ విద్యావేత్త, ఒక సోషల్‌ వర్కర్‌కు కో ఆప్షన్‌గా అవకాశం కల్పించారు. కూటమి ప్రభుత్వం ఏర్పడిన 2024 ఆగస్టులో తొలిసారి ఎన్నికలు నిర్వహించగా ఆ కమిటీలకు రెండేళ్ల కాలపరిమితి ముగిసింది. దీంతో, మళ్లీ రెండేళ్ల కాలపరిమితికి కొత్త కమిటీల ఎన్నికలు నిర్వహించారు. ఎన్నిక అనంతరం నూతన చైర్మన్‌ అధ్యక్షతన మధ్యాహ్నం సమావేశం నిర్వహించారు. ఆయా పాఠశాలల్లో ప్రధాన సమస్యలు, ఉపాధ్యాయుల కొరత, మైనర్‌ మరమ్మతులు, ప్రభుత్వం నుంచి వచ్చిన గ్రాంటు, ఖర్చు, నిల్వ తదితర అంశాలపై చర్చించి, తీర్మానాలు చేశారు. జిల్లావ్యాప్తంగా ఎటువంటి అవాంఛనీయ సంఘటనలూ లేకుండా, ఎస్‌ఎంసీ ఎన్నికలు ప్రశాంతంగా నిర్వహించామని జిల్లా విద్యా శాఖ అధికారి పిల్లి రమేష్‌ తెలిపారు. అవసరమైన చోట్ల పోలీసు, రెవెన్యూ అధికారుల సహకారం తీసుకున్నామని చెప్పారు. పదవుల పంపకాలు గత వైఎస్సార్‌ సీపీ ప్రభుత్వ హయాంలో ఎటువంటి రాజకీయ ప్రమేయం లేకుండా కేవలం తల్లిదండ్రులందరూ ఏకతాటిపై చదువుకున్న వారిని చైర్మన్‌గా ఎన్నుకునేవారు. చైర్మన్‌తో పాటు కమిటీ సభ్యులందరూ పాఠశాల అభివృద్ధికి తోడ్పడేవారు. దీనికి భిన్నంగా నేడు కూటమి సర్కారు ఈ ఎన్నికల్లో సైతం రాజకీయాలను చొప్పించింది. ఆయా పాఠశాలలపై స్థానిక కూటమి నాయకులు కన్ను వేశారు. కమిటీ చైర్మన్లుగా ఆయా పార్టీలో కష్టపడిన వారిని నియమించుకునేలా ఏర్పాట్లు చేసుకున్నారు. పాఠశాలకు అరకొరగా వచ్చే నిర్వహణ గ్రాంటుపై చైర్మన్లు అజమాయిషీ చేయనున్నారు. పాఠశాల అభివృద్ధిలో భాగస్వామ్యంతో పాటు చక్కటి సలహాలు, సూచనలు ఇచ్చేవారిని ఎన్నుకోవాలని చెప్పినప్పటికీ చాలాచోట్ల అక్షర పరిజ్ఞానం లేనివారిని కూడా నియమించారు. చాలాచోట్ల ఈ పదవులను కూటమి పార్టీలు పంచుకున్నాయి. ఒక గ్రామంలో నాలుగు పాఠశాలలుంటే రెండు టీడీపీ, ఒకటి జనసేన మరొకటి బీజేపీకి ఇచ్చేలా ఒప్పందాలు చేసుకుని, నచ్చిన వారిని నామినేటెడ్‌ పదవుల తరహాలో నియమించేసుకున్నారు. చెరొక సంవత్సరం చైర్మన్‌గా ఉండేలా ఒప్పందం చేసుకుని కొన్నిచోట్ల ఏకగ్రీవం చేశారు. ఆయా పార్టీల గ్రామ కమిటీల అధ్యక్షులు, కార్యదర్శులుగా ఉన్నవారు స్కూల్‌ కమిటీ చైర్మన్లుగా నియమితులయ్యారు. ఫ జిల్లావ్యాప్తంగా 1,256 ఎస్‌ఎంసీల ఎన్నిక ఫ కోరం లేక ఆరు పాఠశాలల్లో వాయిదా

● పొల్లూరు జలపాతం సమీపంలో కారు ప్రమాదం ● నలుగురు యువకులకు గాయాలు మోతుగూడెం/చింతూరు: చింతూరు మండలం పొల్లూరు జలపాతం సమీపంలోని వాగులోకి మంగళవారం ఓ కారు అదుపు తప్పి పడిపోయింది. ఈ ఘటనలో కారులోని విజయవాడకు చెందిన శంకర్‌, సుభాష్‌, యోగేష్‌, విజయ్‌కు తీవ్ర గాయాలయ్యాయి. సమాచారం అందుకున్న మోతుగూడెం ఎస్సై నాజర్‌ హుస్సేన్‌, సిబ్బందితో సంఘటనా స్థలానికి చేరుకున్నారు. నలుగురు యువకులను మోతుగూడెం ఏపీ జెన్‌కో హాస్పిటల్‌కు, అక్కడి నుంచి మెరుగైన వైద్యం కోసం చింతూరు ప్రభుత్వ ఆసుపత్రికి తీసుకువెళ్లారు. అక్కడ ప్రాథమిక చికిత్స అందజేసి, పరిస్థితి విషమంగా ఉండడంతో భద్రాచలం ఆస్పత్రికి తరలించారు. ఆ నలుగురు యువకులూ విజయవాడ నుంచి మోతుగూడెం, పోల్లూరు పర్యాటక ప్రాంతాలను చూడడానికి వచ్చినట్లు సమాచారం.

బోట్‌క్లబ్‌ (కాకినాడ): సమస్యలు పరిష్కరించాలని నిరసన తెలుపుతున్న సచివాలయ ఉద్యోగులపై కూటమి ప్రభుత్వం వ్యవహరించిన తీరు అమానుషమని వైఎస్సార్‌ సీపీ క్రిస్టియన్‌ మైనార్టీ సెల్‌ రాష్ట్ర ప్రధాన కార్యదర్శి రెవరెండ్‌ స్టీఫెన్‌ ఆనంద్‌ అన్నారు. ఈ మేరకు మంగళవారం ప్రకటన విడుదల చేశారు. ఎన్నికల సమయంలో ఇచ్చిన హామీలను నెరవేర్చాలని శాంతియుత ఆందోళన చేస్తున్న ఉద్యోగులపై దాడులు చేయడం దారుణమన్నారు. కూటమి అధికారంలోకి వచ్చినప్పటి నుంచీ అన్ని వర్గాల ప్రజలు ఇబ్బందులు పడుతున్నారన్నారు. ఎన్నికల సమయంలో సూపర్‌ సిక్స్‌ పేరుతో ప్రజలను మభ్యపెట్టి అధికారంలోకి వచ్చారని విమర్శించారు. ప్రస్తుతం కొత్త పింఛన్ల పేరుతో స్థానిక ఎన్నికల్లో లబ్ధి పొందాలని చూస్తున్నారన్నారు. రాబోయే ఎన్నికల్లో క్రిస్టియన్‌ మైనార్టీలమంతా సత్తా చూపుతామని, వైఎస్సార్‌ సీపీ అభ్యర్థుల విజయానికి కృషి చేస్తామన్నారు. ఈ విషయంలో క్రిస్టియన్‌ మైనార్టీలందరూ ఏకతాటిపైకి రావాల్సిన అవసరం ఉందన్నారు. స్థానిక సంస్థల ఎన్నికల్లో కూటమి శ్రేణులను చిత్తుగా ఓడించాలని పిలుపునిచ్చారు.

కరప: మండలంలోని వేళంగి మెర్ల జిల్లా ప్రజా పరిషత్‌ ఉన్నత పాఠశాల పదో తరగతి విద్యార్థిని పుల్లెపు అస్మిత రాష్ట్ర స్థాయి బాక్సింగ్‌ పోటీలకు ఎంపికై ంది. పిఠాపురంలోని ఆర్‌ఆర్‌బీహెచ్‌ పాఠశాల మైదానంలో జరిగిన స్కూల్‌ గేమ్స్‌ ఫెడరేషన్‌ ఎస్‌జీఎఫ్‌ బాక్సింగ్‌ పోటీల్లో అద్భుత ప్రతిభ కనబరిచి ప్రథమ స్థానంలో నిలిచింది. తద్వారా రాష్ట్రస్థాయి పోటీలకు అర్హత సాధించింది. ఈ సందర్భంగా పాఠశాల ప్రధానోపాధ్యాయుడు రాకుర్తి త్రిమూర్తులు మాట్లాడుతూ అస్మిత త్వరలో జరగబోయే రాష్ట్రస్థాయి బాక్సింగ్‌ పోటీలలో జిల్లా తరఫున ప్రాతినిధ్యం వహించనున్నట్లు తెలిపారు. బాలికతో పాటు వ్యాయామ ఉపాధ్యాయులు కంకణాల శ్రీనివాసరావు, గుబ్బల వేణుగోపాలరావులతో పాటు స్థానిక మార్షల్‌ ఆర్ట్స్‌ కోచ్‌ లవరాజును అభినందించారు. అలాగే పాఠశాల వ్యవస్థాపక వారసులు మెర్ల వీరయ్య చౌదరి, బోండా వెంకన్నరావు, ఎస్‌ఎంసీ చైర్మన్‌, సభ్యులు అభినందనలు తెలిపారు. చికిత్స పొందుతూ మహిళ మృతికంబాలచెరువు (రాజమహేంద్రవరం): అనారోగ్యంతో బాధపడుతున్న మహిళ ఆత్మహత్యకు ప్రయత్నించి, ఆసుపత్రిలో చికిత్స పొందుతూ మృతి చెందింది. స్థానిక కొత్తపేటకు చెందిన బూరాడ వెంకట రమణమ్మ అనారోగ్యంతో బాధపడుతోంది. ఆమెకు సుగర్‌ వ్యాఽధి అధికమై శరీరంపై పుండ్లు తగ్గకపోవడంతో మనస్తాపం చెంది మంగళవారం నిద్ర మాత్రలు మింగేసింది. కుటుంబ సభ్యులు ఆ మెను ఆసుపత్రికి తరలించి చికిత్స అందిస్తుండగా మృతి చెందింది. ఒకటో పట్టణ పోలీసులు కేసు నమోదు చేసి దర్యాప్తు చేస్తున్నారు.

అమలాపురం టౌన్‌: రెండున్నర దశాబ్దాలైనా కోనసీమ ప్రజలు నేటికీ రైలు కోసం ఎదురు చూపులు చూసే దుస్థితి నెలకొందని కోనసీమ రైల్వే సాధన సమితి (కేఆర్‌ఎస్‌ఎస్‌) స్టీరింగ్‌ కమిటీ ప్రతినిధి, ఎమ్మెల్సీ కుడుపూడి సూర్యనారాయణరావు అసహనం వ్యక్తం చేశారు. జిల్లా వాసుల చిరకాల కోర్కె అయిన రైలును త్వరితగతిన తీసుకురావాలని కేంద్ర, రాష్ట్ర ప్రభుత్వాలను డిమాండ్‌ చేశారు. ‘కోనసీమ రైలు కోసం ప్రజాగళం’ పేరిట కేఆర్‌ఎస్‌ఎస్‌ ఆధ్వర్యాన స్థానిక కల్వకొలను వీధిలో మంగళవారం జరిగిన రౌండ్‌ టేబుల్‌ సమావేశంలో ఆయన మాట్లాడారు. రైల్వే లైన్‌ నిర్మాణానికి కేంద్రం తగిన నిధులిస్తున్నా రాష్ట్ర ప్రభుత్వం భూసేకరణ నత్తనడకన నిర్వహిస్తోందని విమర్శించారు. ఈ నిర్లక్ష్యం వల్లనే ఈ రైల్వే లైను నిర్మాణంలో దశాబ్దాల తరబడి జాప్యం జరుగుతోందని అన్నారు. సమావేశానికి అధ్యక్షత వహించిన కేఆర్‌ఎస్‌ఎస్‌ స్టీరింగ్‌ కమిటీ కన్వీనర్‌ డాక్టర్‌ ఈఆర్‌ సుబ్రహ్మణ్యం మాట్లాడుతూ, కోటిపల్లి – నర్సాపుం రైల్వే లైనుకు మూడు నదులపై వంతెనల నిర్మాణం జరుగుతున్నా.. ఈ లైనుకు అవసరమైన భూసేకణ అంత వేగంగా జరగడం లేదని ఆవేదన వ్యక్తం చేశారు. కేఆర్‌ఎస్‌ఎస్‌ స్టీరింగ్‌ కమిటీ సభ్యుడు, పట్టణ చాంబర్‌ ఆఫ్‌ కామర్స్‌ అధ్యక్షుడు కల్వకొలను తాతాజీ మాట్లాడుతూ, కోనసీమ రైలు కోసం ఓ రోజు కోనసీమ బంద్‌కు పిలుపు ఇవ్వనున్నట్లు ప్రకటించారు. కాకినాడ రైల్వే ప్యాసింజర్స్‌ అసోసియేషన్‌ అధ్యక్షుడు వైడీ రామారావు మాట్లాడుతూ, కాకినాడను మెయిన్‌ లైన్‌లో కలపాలనే డిమాండుతో తాను కొన్ని దశాబ్దాలుగా పోరాడుతున్నానని చెప్పారు. త్వరలోనే కోనసీమ ప్రజాప్రతినిధుల సమక్షంలో అఖిలపక్ష సమావేశం నిర్వహించి, కేంద్ర, రాష్ట్ర ప్రభుత్వాల్లో కదలిక తీసుకురావాలని సమావేశం తీర్మానించింది. ఈ సమావేశంలో డాక్టర్లు, లాయర్లు, టీచర్లు, ప్రజా, రైతు, కార్మిక సంఘాల ప్రతినిధులు, విద్యార్థులు తదితర అన్ని వర్గాల వారూ కోనసీమ రైలు కోసం గళం విప్పారు. కేఆర్‌ఎస్‌ఎస్‌ ప్రతినిధులు సప్పా నాగేశ్వరరావు, ఉప్పుగంటి భాస్కరరావు, పోలిశెట్టి శివాజీ, ఎరగర్త వెంకటేశ్వరరావుతో పాటు వివిధ సంఘాల ప్రతినిధులు యెండూరి నాగేశ్వరరావు, కారెం వెంకటేశ్వరరావు తదితరులు ప్రసంగించారు.ఫ రెండున్నర దశాబ్దాలైనా ఎదురు చూపులేనా? ఫ కోనసీమ ప్రజల చిరకాల కోర్కెను కేంద్ర, రాష్ట్ర ప్రభుత్వాలు తీర్చాలి ఫ భూసేకరణ వేగవంతం చేయాలి ఫ రౌండ్‌ టేబుల్‌ సమావేశంలో ఎమ్మెల్సీ సూర్యనారాయణరావు

● అన్నవరం దేవస్థానం ప్రణాళిక ● ట్రస్ట్‌బోర్డు ఆమోదిస్తే కార్యాచరణ అన్నవరం: సత్యదేవుని గోధుమనూక ప్రసాదానికి ఎంతో విశిష్టత ఉంది. తిరుపతి వేంకటేశ్వరస్వామివారి లడ్డూ తర్వాత ఈ ప్రసాదం ఎంతో ప్రాముఖ్యత సాధించింది. ఇంతటి ప్రాధాన్యమున్న గోధుమనూక ప్రసాదాన్ని మరింత రుచికరంగా, నాణ్యతగా తయారు చేసి భక్తులకు అందించేందుకు అన్నవరం దేవస్థానం ప్రణాళిక రూపొందించింది. ఈ మేరకు బుధవారం జరిగే ట్రస్ట్‌బోర్డు సమావేశంలో ఈ అంశంపై చర్చించనున్నారు. ప్రసాదాల విక్రయంతో రూ.30 కోట్లు అన్నవరం దేవస్థానం వార్షికాదాయం సుమారు రూ.150 కోట్లు కాగా, అందులో 20 శాతం అంటే రూ.30 కోట్లు స్వామివారి ప్రసాదం విక్రయాల ద్వారానే రావడం విశేషం. అయితే ఇటీవల స్వామివారి ప్రసాదం తెల్లగా ఉందని, గతంలో మాదిరిగా రుచిగా లేదని, త్వరగా పాడవుతోందనే ఆరోపణలు భక్తుల నుంచి వస్తున్నాయి. ఈ నేపథ్యంలో ప్రసాదాన్ని మరింత రుచికరంగా చేసేందుకు మార్పులు చేయాలని దేవస్థానం అధికారులు భావిస్తున్నారు. ప్రతిపాదనలు ప్రస్తుతం సత్యదేవుని ప్రసాదం తయారీలో తెల్ల గోధుమలు, ఎం–30 రకం పంచదారను వినియోగిస్తున్నారు. ఇక నుంచి ఎర్ర గోధుమలు, ఎం– 31 రకం పంచదార ఉపయోగించాలని అధికారులు ప్రతిపాదించారు. అలాగే సత్యదేవుని ప్రసాద భవనాన్ని విస్తరించేందుకు, ప్రసాదం ప్యాకర్లకు వేడి తగలకుండా భవనం పైభాగంలో షెడ్డు నిర్మించి ప్రసాదం అక్కడకు లిఫ్ట్‌ ద్వారా తరలించి అక్కడ ప్యాకింగ్‌ చేయించాలని ప్రతిపాదించారు. ప్రసాద భవన నిర్మాణ దాత, దేవస్థానం ట్రస్ట్‌బోర్డు గౌరవ సలహాదారు మట్టే సత్యప్రసాద్‌ తన సొంత ఖర్చుతో ఈ నిర్మాణాలు చేయడానికి ప్రతిపాదించారు. ఎర్ర గోధుమ నూక ధర ఎక్కువే.. ప్రస్తుతం దేవస్థానానికి టెండర్‌ దారుడు సరఫరా చేస్తున్న తెల్ల గోధుమనూక కిలో రూ.34.20 కాగా, ఎర్ర గోధుమనూక రేటు మార్కెట్‌లో రూ.62 నుంచి 65 మధ్యలో ఉంది. దీంతో ఎర్ర గోధుమతో ప్రసాదం తయారు చేస్తే దేవస్థానానికి ఆర్థిక భారమే అని చెప్పవచ్చు. కాగా, అక్టోబర్‌ ఒకటో తేదీ నుంచి తెల్ల గోధుమ సరఫరా చేయడానికే టెండర్‌ పిలవగా కేజీ రూ.38కి లోయెస్ట్‌ కొటేషన్‌ దాఖలు చేసినట్టు సమాచారం. అయితే ఎర్ర గోధుమ కొనుగోలుకు ట్రస్ట్‌బోర్డు గ్రీన్‌ సిగ్నల్‌ ఇస్తే ఆ మేరకు టెండర్‌ పిలవనున్నారు. తగ్గనున్న లాభం దేవస్థానంలో 150 గ్రాముల ప్రసాదం ప్యాకెట్‌ను రూ.20కి విక్రయిస్తుండగా, దానిలో దేవస్థానానికి రూ.రెండు లాభం వస్తుందని అంచనా వేశారు. అయితే ఎర్ర గోధుమ నూకతో తయారు చేస్తే ఒక ప్యాకెట్‌కు ఒక్క రూపాయి మాత్రమే లాభం వస్తుందని తెలుస్తోంది. అయితే ఎర్ర గోధుమనూక, ఎం–31 రకం ప్రసాదంతో తయారు చేస్తే ప్రసాదం దిగుబడి పెరుగుతుందని అంచనా వేస్తున్నారు. ట్రస్ట్‌బోర్డులో చర్చిస్తాం ఎర్ర గోధుమనూక, ఎం–31 రకం పంచదార వాడడం ద్వారా భక్తులకు మరింత రుచిగా ప్రసాదాన్ని అందించేందుకు రూపొందించిన ప్రణాళికను ట్రస్ట్‌ బోర్డుకు నివేదించాం. అదే విధంగా ప్రసాద భవనం విస్తరణకు అవసరమైన వ్యయాన్ని భరించేందుకు ప్రసాద భవన నిర్మాణ దాత మట్టే సత్యప్రసాద్‌ అంగీకారం తెలిపారు. వీటిపై కూడా ట్రస్ట్‌బోర్డు తీర్మానం మేరకు చర్యలు తీసుకుంటాం. – నల్లం సూర్యచక్రధరరావు, ఈఓ అన్నవరం దేవస్థానం

పవన్‌కు చెప్పుకొందామని వెళ్తే.. పోలీసులు తన్ని తరిమేశారు రావులపాలెం నుంచి ఒక్కో ప్యాకెట్‌ రూ.వెయ్యికి కొని తెచ్చి మిరప నాట్లు వేశాను. నీరు లేక కిలోమీటరు దూరం నుంచి కావిళ్లతో నీరు తెచ్చి, పోసి పంట పెంచాను. ఆరెకరాల్లో టమాటా, మిరప, పత్తి నాటాను. మొక్క దశలో ఉన్న టమాటా తోట ఈ వర్షాలు, వరదలకు పూర్తిగా నానిపోయి పోయింది. మిరప, పత్తి చేలు కోత దశలో ఉండగా దెబ్బ తినడం చూసి తట్టుకోలేక పోతున్నాను. అప్పులు చేసి, పెట్టుబడి పెట్టి, సాగు చేసిన పంటలు పోతే ప్రాణం పోయినట్టుగా ఉంది. ఎవరైనా వస్తారని, మా బాధలు చూస్తారని పొలం దగ్గరే ఉండి మూడు రోజులుగా చూస్తున్నాం. ఎవ్వరూ రావడం లేదు. ఎమ్మెల్యే పవన్‌ కల్యాణ్‌ మొన్న మా ఊరు వచ్చారు. అప్పుడు మా బాధలు చెప్పుకొందామని వెళ్తే పోలీసులు తన్ని తరిమేశారు. ఇక మా బాధలు ఎవరు వింటారు? ఆత్మహత్యలు చేసుకునే దీనస్థితికి అన్నదాతలను నెట్టేయడమేనా పవన్‌ చేసే అభివృద్ధి? ఇప్పటికై నా అన్నదాతను ఆదుకోండి. – ఓరుగంటి వెంకట సత్యనారాయణ, బంతి, కాలీఫ్లవర్‌ రైతు, చేబ్రోలు, గొల్లప్రోలు మండలం నరకంలా ఉంది గత ఏడాది పంట పోయింది. కంటితుడుపుగా రాసుకుని వెళ్లారు తప్ప ఎటువంటి నష్టపరిహారమూ ఇవ్వలేదు. ఈ ఏడాది గంపెడాశలతో ఎన్నో కష్టాలు పడి, అప్పులు చేసి, ఎకరం రూ.30 వేలకు కౌలుకు తీసుకుని, రెండెకరాల్లో మరో రూ.50 వేలు పెట్టుబడి పెట్టి మిరప, పత్తి సాగు చేశాను. వర్షాభావ పరిస్థితుల్లో అదనపు పెట్టుబడి పెట్టి, బోర్లతో నీరందించి మరీ మొక్కలను బతికించుకున్నాం. పైనుంచి వరద నీరు వచ్చి పంటలను పూర్తిగా నాశనం చేసింది. తెచ్చిన అప్పులకు వడ్డీలు పెరిగిపోతున్నాయి. పోయిన పంటలు తీయడానికి తిరిగి పెట్టుబడులు పెట్టాల్సి వస్తోంది. ఏమీ చేసే అవకాశం లేకపోవడంతో నాటిన చేతులతోనే ఆ మొక్కలు పీకేయాల్సి రావడం ప్రత్యక్ష నరకంలా ఉంది. ఏ అధికారీ, రాజకీయ నాయకుడూ మా వంక కన్నెత్తి కూడా చూడటం లేదు. ప్రభుత్వం పట్టించుకోవడం లేదు. ఏడుపు తప్ప ఏమీ చేయలేని దీనావస్థలో ఉన్నాం. – ఉలవకాయల గణేష్‌, మిర్చి, పత్తి రైతు, చేబ్రోలు, గొల్లప్రోలు మండలం

నా కొడుకు పెన్నాడి నవీన్‌ 2024 నవంబర్‌ 30వ తేదీన హత్యకు గురయ్యాడు. నా కొడుకు చనిపోయాడనే బాధలో ఉండి అప్పట్లో అతడి డెత్‌ సర్టిఫికెట్‌ కోసం దరఖాస్తు చేసుకోలేకపోయాను. ఈ ఏడాది ఏప్రిల్‌లో నవీన్‌ డెత్‌ సర్టిఫికెట్‌ కోసం దరఖాస్తు చేస్తే వీఆర్‌ఓ డబ్బులు డిమాండ్‌ చేశారు. రూ.21 వేలు ఇచ్చాను. అయినప్పటికీ చనిపోయింది మా అబ్బాయి అయితే, అమ్మాయి అని పేర్కొంటూ సర్టిఫికెట్‌ ఇచ్చారు. అందులో సవరణ చేయాలని కోరితే మళ్లీ రూ.35 వేలు ఖర్చవుతుందని తహసీల్దార్‌ కార్యాలయ సిబ్బంది చెబుతున్నారు. ఆర్‌డీఓకు కూడా డబ్బులివ్వాలని, లేకుంటే సర్టిఫికెట్‌ రాదని అంటున్నారు. నాకు భర్త లేడు. కుమారుడు చనిపోయాడు. నేను ఒక్కదాన్నే కూలి పని చేసుకుని బతుకుతున్నాను. అటువంటి నాకు అధికారులు అడిగినంత డబ్బులు ఇవ్వాలంటే చాలా కష్టంగా ఉంది. ఈ విషయంపై స్థానిక ఎమ్మెల్యే వనమాడి కొండబాబు వద్దకు రెండుసార్లు వెళ్లాను. ఆయన కూడా నాకు న్యాయం చేయలేదు. నా సమస్యపై కలెక్టరేట్‌ పీజీఆర్‌ఎస్‌లో వినతిపత్రం అందించాను. – పెన్నాడి విజయ, కాకినాడ

నాకు పెళ్లయి నాలుగేళ్లయ్యింది. ప్రభుత్వం నుంచి ఏ పథకాలూ అందడం లేదు. ప్రభుత్వ పథకాలకు దరఖాస్తు చేసుకుంటే రేషన్‌ కార్డు కావాలంటున్నారు. రేషన్‌ కార్డు కోసం ఇప్పటికే పలుసార్లు దరఖాస్తు చేశాను. అయినప్పటికీ స్థానిక సచివాలయ సిబ్బంది ఎవరూ పట్టించుకోవడం లేదు. చాలా ఇబ్బందులు పడుతున్నాను. – పి.వేణి, జగన్నాథపురం, కాకినాడ కౌలుకిస్తే భూమి ఆక్రమించుకున్నాడు మా గ్రామంలో ఉన్న 8 సెంట్ల భూమిలో ఉన్న కొబ్బరి తోటను ఓ వ్యక్తికి కౌలుకు ఇచ్చాను. ప్రస్తుతం ఆ వ్యక్తి రాజకీయ అండతో నన్ను ఇబ్బందులు పెడుతున్నాడు. రెండేళ్ల క్రితం నా భర్త చనిపోయాడు. ఆ భూమి తనకు అమ్మేశారంటూ దొంగ పత్రాలు సృష్టిస్తున్నాడు. శిస్తు డబ్బులు ఇవ్వడం లేదు. నా భూమి కూడా నాకు ఇవ్వడం లేదు. సంవత్సర కాలంగా ఈ సమస్యపై తిరుగుతున్నాను. పెద్దాపురం తహసీల్దార్‌ కార్యాలయంలో ఫిర్యాదు చేసినా పట్టించుకోలేదు. – కుంచే వీర వెంకట సత్యనారాయణమ్మ, తిరుపతి, పెద్దాపురం మండలం

పిఠాపురం: ఈ ఏడాది ఖరీఫ్‌ సీజన్‌లో అదునుకు నీరు లేదు.. నారు లేదు.. తీరా ఆలస్యంగా నీరు వచ్చాక పంటలు వేస్తే తీవ్ర వాయుగుండం తోడుగా వరుణుడు కన్నెర్ర చేశాడు. ఫలితంగా వరద ముంపుతో వేసిన పంటలు కాస్తా నాశనమయ్యాయి. పెట్టుబడులు నీళ్లపాలయ్యాయి. దీంతో, తీవ్ర నష్టాలు చవిచూడాల్సి వచ్చిందంటూ రైతులు గొల్లుమంటున్నారు. వేసిన పంటలు కుళ్లిపోవడంతో.. సాకిన చేతులతోనే ఆ మొక్కలను పీకి పారేయాల్సిన దుస్థితిని అన్నదాతలు ఎదుర్కొంటున్నారు. డిప్యూటీ సీఎం పవన్‌ కల్యాణ్‌ ప్రాతినిధ్యం వహిస్తున్న పిఠాపురం నియోజకవర్గం గొల్లప్రోలు మండలంలో ఇంత దారుణమైన పరిస్థితులు ఏర్పడినప్పటికీ ప్రభుత్వం పట్టించుకోవడం లేదు. దీంతో, ఆదుకునే నాథుడు లేక అన్నదాతలు ఆక్రందనలు పెడుతున్నారు. ముంచెత్తిన వానలు పిఠాపురం నియోజకవర్గంలో రైతులు 3,500 ఎకరాల్లో పత్తి, మొక్కజొన్న, మిరప, అరటి వంటి వాణిజ్య పంటలు, కూరగాయల తోటలు సాగు చేశారు. ప్రతి ఎకరాకు రూ.వేలల్లో పెట్టుబడి పెట్టారు. నెలల తరబడి వర్షాభావ పరిస్థితులు నెలకొనడంతో.. అప్పు లు తెచ్చి మరీ పంటకు తడి అందించారు. పంట ఏపుగా ఎదగడానికి నానా కష్టాలూ పడ్డారు. చేతికి అందివస్తుందనుకున్న దశలో గత వారంలో వచ్చిన తీవ్ర వాయుగుండం వారి ఆశలను ముంచేసింది. ఎడతెరిపి లేకుండా మూడు రోజుల పాటు కురిసిన వర్షాలకు తో డు ఏలేరు జలాలు వందల ఎకరాల్లో వాణిజ్య పంటల ను ముంచెత్తాయి. రోజుల తరబడి నీరు దిగకపోవడంతో ముఖ్యంగా గొల్లప్రోలు మండలంలో వాణిజ్య పంటలు కుళ్లిపోతున్నాయి. పశువుల మేతకు కూడా పనికిరాని విధంగా దుర్గంధం వెదజల్లుతున్నాయి. ఈ పంటను అలాగే ఉంచితే భూసారం దెబ్బ తిని, తర్వాతి పంటకు ఇబ్బంది అవుతుంది. దీంతో, గత్యంతరం లేని పరిస్థితుల్లో తన్నుకొస్తున్న దుఃఖాన్ని దిగమింగుకుంటూ.. బాధిత రైతులు టమాటా, బంతి, పత్తి, మిరప, కాలీఫ్లవర్‌ వంటి పంటలను పీకి పారేస్తున్నారు. గొల్లప్రోలు మండలం చేబ్రోలు, మల్లవరం, తాటిపర్తి, చెందుర్తి తదితర గ్రామాల్లో సుమారు 200 ఎకరాల్లో వాణిజ్య పంటలు పూర్తిగా దెబ్బ తిన్నాయి. ఇప్పటికే సుమారు 40 ఎకరాల్లో పంటలను రైతులు పీకేశారు. మిగిలిన పంటలు తొలగించడానికి కూడా ఏర్పాట్లు చేసుకుంటున్నారు. ఈ పరిస్థితుల్లో పెట్టుబడి సంగతి అలా ఉంచితే.. చేసిన అప్పులు ఏవిధంగా తీర్చాలో అర్థం కావడం లేదని వాపోతున్నారు. అన్నదాతకు గుండె కోత మిగిల్చిన వరద గొల్లప్రోలు మండలంలో కుళ్లిపోతున్న వాణిజ్య పంటలు సుమారు 200 ఎకరాల్లో పంట నష్టం కోత కోసే వీలు లేక పెంచిన చేతులతోనే పీకి పారేస్తున్న రైతులు ప్రభుత్వ పట్టించుకోవడం లేదని ఆవేదన పరిహారం ఊసే లేదు ఒకవైపు పంటలు కుళ్లిపోయి తీవ్ర నష్టాల పాలైనప్పటికీ.. అధికారులు పరిశీలించడం తప్ప.. పరిహారం గురించి ప్రస్తావించడం లేదంటూ రైతులు మండిపడుతున్నారు. దెబ్బ తిన్న ప్రతి ఎకరాకూ ప్రభుత్వం తక్షణం పరిహారం చెల్లించాలని, అధికారులు ప్రాంతాల వారీగా పర్యటించి, నష్టపోయిన ప్రతి రైతుకూ న్యాయం జరిగేలా పారదర్శకంగా సర్వే చేయాలని, వ్యవసాయ రుణాలు మాఫీ చేయడంతో పాటు, తదుపరి పంటలు వేసుకోవడానికి ఉచితంగా విత్తనాలు, ఎరువులు పంపిణీ చేయాలని డిమాండ్‌ చేస్తున్నారు. కాలం కలసిరాక, ప్రకృతి విపత్తుతో సర్వం కోల్పోయిన రైతులను ప్రభుత్వం యుద్ధ ప్రాతిపదికన ఆదుకోవాలని రైతు సంఘాల నాయకులు డిమాండ్‌ చేస్తున్నారు.

కాకినాడ లీగల్‌: గత వారంలో కురిసిన వర్షాలతో ముంపునకు గురై, రాకపోకలకు ఇబ్బందులు ఎదుర్కొంటున్న కాకినాడ 43, 48, 49 వార్డులను కలెక్టర్‌ ఎంఎన్‌ హరేంధిర ప్రసాద్‌ సోమవారం పరిశీలించారు. ముంపు నీటిని వెంటనే తొలగించి ప్రజలకు రాకపోకలు సులభతరం చేయాలని నగర పాలక సంస్థ కమిషనర్‌ ఎన్‌వీవీ సత్యనారాయణను ఆదేశించారు. 49వ వార్డులోని మధురా నగర్‌, అశోక్‌ నగర్‌ ప్రాంతాల్లో రోడ్లపై నిలిచిన నీటిని తొలగించేందుకు తక్షణ చర్యలు చేపట్టాలని సూచించారు. 48వ వార్డు జనచైతన్య నగర్‌ కాలనీ వద్ద గాడేరు కాలువను పరిశీలించి, నీటి ప్రవాహానికి అడ్డంకిగా ఉన్న గుర్రపు డెక్కను పూర్తిగా తొలగించాలని అధికారులను ఆదేశించారు. 43వ వార్డు ట్రెజరీ కాలనీ ప్రాంతాన్ని కూడా కలెక్టర్‌ పరిశీలించారు. అనంతరం పునరావాస కేంద్రాన్ని సందర్శించి, అక్కడ ఆశ్రయం పొందుతున్న బాధితులతో మాట్లాడారు. బాధితులకు కలెక్టర్‌ స్వయంగా భోజనం వడ్డించారు. ముంపు ప్రభావిత ప్రాంతాల్లో ప్రత్యేక వైద్య శిబిరాలు ఏర్పాటు చేయాలని, వర్షాల కారణంగా వ్యాధులు ప్రబలకుండా ముందస్తు జాగ్రత్తలు తీసుకోవాలని ఆదేశించారు. కాలువలను ఆక్రమించి ఇళ్లు నిర్మించుకున్న వారికి నోటీసులు జారీ చేయాలని అధికారులను కలెక్టర్‌ ఆదేశించారు.

కాకినాడ రూరల్‌: రాష్ట్ర మత్స్యశాఖ ఆధ్వర్యాన కాకినాడలో పని చేస్తున్న రాష్ట్ర మత్స్య సాంకేతిక పరిజ్ఞాన సంస్థ (ఎస్‌ఐఎఫ్‌టీ) ల్యాబ్‌కు అంతర్జాతీయ స్థాయి గుర్తింపు లభించింది. దేశంలోనే నేషనల్‌ అక్రిడిటేషన్‌ బోర్డ్‌ ఫర్‌ టెస్టింగ్‌ అండ్‌ కాలిబ్రేటింగ్‌ లేబొరేటరీస్‌ (ఎన్‌ఏబీఎల్‌) నుంచి అంతర్జాతీయ స్థాయిలో ప్రతిష్టాత్మక గుర్తింపు పొందిన మొట్టమొదటి ఆక్వా ల్యాబ్‌ ఇదే కావడం విశేషం. ఈ ల్యాబ్‌లో 61 రకాల పరీక్షలను అంతర్జాతీయ ప్రమాణాలకు అనుగుణంగా నిర్వహిస్తున్నారు. నీరు, మట్టి నాణ్యత విశ్లేషణ, చేపలు, రొయ్య పిల్లల నాణ్యత విశ్లేషణ, ఆక్వా ఫీడ్‌ విశ్లేషణ, మైక్రో బయాలజీ పరీక్షల వంటి సేవలు ఇక్కడ అందుబాటులో ఉన్నాయి. కొత్తగా ఎల్‌సీఎంఎస్‌ఎంఎస్‌, జీసీఎంఎస్‌ఎంఎస్‌ ల్యాబ్‌ సేవ లు అందుబాటులోకి వచ్చాయి. రాష్ట్రంలో మత్స్య ఉత్పత్తులను మరింత పెంచి, ఎగుమతులను ప్రోత్సహించేందుకు ఈ గుర్తింపు ఉపయోగపడుతుందని, ఆక్వా రైతులు తమ ల్యాబ్‌ సేవలను వినియోగించుకోవాలని ప్రిన్సిపాల్‌, మత్స్యశాఖ అడిషనల్‌ డైరెక్టర్‌ ఎస్‌.అంజలి కోరారు. ఫ మాఘ.. బహుబాగా..ఈ చిత్రంలో కనిపిస్తున్న చేప పేరు ‘మాఘ’. దీనిని ఇండియన్‌ సాల్మన్‌ ఫిష్‌ అని కూడా పిలుస్తారు. సముద్రంలో లభ్యమయ్యే ఈ చేపలో ఒమేగా–3 కొవ్వు ఆమ్లాలు ఎక్కువగా ఉండటంతో పాటు కొలెస్ట్రాల్‌ ఉండదు. ఈ చేపలు సాధారణంగా చిన్న సైజు నుంచి 10 కిలోల వరకు లభ్యమవుతాయి. అటువంటిది కాకినాడ తీరంలో మత్స్యకారులకు చిక్కిన ఈ మాఘ చేప ఏకంగా 26 కిలోల బరువు తూగింది. దీనికి కుంభాభిషేకం రేవు వద్ద సోమవారం వేలం నిర్వహించగా రూ.16 వేల ధర పలికింది. – కాకినాడ రూరల్‌

వితంతు పింఛను ఇవ్వడం లేదు అనారోగ్యంతో నా భర్త మూడేళ్ల క్రితం చనిపోయాడు. వితంతు పింఛను ఇవ్వాలని రెండేళ్ల క్రితం అర్జీ ఇచ్చినా అధికారులు పట్టించుకోవడం లేదు. నాకు 11 సంవత్సరాల అబ్బాయి, మూడేళ్ల అమ్మాయి ఉన్నారు. చిన్న పిల్లలు కావడంతో వారిని ఇంటి వద్ద ఉంచి పనికి వెళ్లేందుకు కూడా కుదరడం లేదు. వారిని ఎలా పోషించాలో అర్థం కావడం లేదు. ప్రభుత్వం ఆదుకోవాలి. – చందక చంటమ్మ, రాజపూడి, జగ్గంపేట మండలం భూమి ఆక్రమించుకుని ఇవ్వడం లేదు మా గ్రామంలో నాకున్న రెండు సెంట్ల భూమిని గ్రామానికి చెందిన ఓ వ్యక్తి ఆక్రమించుకున్నాడు. దీనిపై రెండేళ్లుగా ఫిర్యాదు చేస్తున్నా స్థానిక వీఆర్‌ఓ స్పందించడం లేదు. కలెక్టరేట్‌కొచ్చి ఇప్పటికి మూడుసార్లు ఫిర్యాదు చేశాను. అయినప్పటికీ నా సమస్యకు పరిష్కారం లభించడం లేదు. ప్రతిసారీ మా ఊరి నుంచి కాకినాడ రావడానికి చాలా ఇబ్బందులు పడుతున్నాను. – కడియాల వెంకట రమణ, తాళ్లరేవు ● పీజీఆర్‌ఎస్‌లో పదేపదే అర్జీలు ● సమస్యలు పరిష్కారం కావడం లేదని అర్జీదారుల ఆవేదనబోట్‌క్లబ్‌ (కాకినాడ సిటీ): స్థానికంగా అర్జీలు ఇస్తు న్నా సమస్యలు పరిష్కారం కాకపోవడంతో దూర ప్రాంతమైన కాకినాడ కలెక్టరేట్‌కు వస్తున్నామని, ఇక్కడా అదే పరిస్థితి ఎదురవుతోందని అర్జీదారులు ఆవేదన వ్యక్తం చేస్తున్నారు. కలెక్టరేట్‌లో ప్రతి సోమవారం నిర్వహిస్తున్న ప్రజా ఫిర్యాదుల పరిష్కార వేదిక (పీజీఆర్‌ఎస్‌) కార్యక్రమంలో అర్జీలు సమర్పిస్తున్నా సకాలంలో సరైన పరిష్కారం దొరకడం లేదని వాపోతున్నారు. నెలలు, సంవత్సరాల తరబడి తిరుగుతున్నా ఎక్కడ వేసిన గొంగళి అక్కడే అన్నట్టుగా పరిస్థితి ఉందని పెదవి విరుస్తున్నారు. పింఛన్లు, రేషన్‌ కార్డులు, భూ సమస్యల వంటివి పరిష్కారానికి నోచుకోవడం లేదని ఆవేదన వ్యక్తం చేస్తున్నారు. మండల కేంద్రాల్లో అధికారులు స్పందించక జిల్లా కేంద్రాలకు వచ్చి అర్జీలు ఇస్తున్నామని, వీటికి కూడా సంవత్సరాల తరబడి సమయం తీసుకోవడం దారుణమని అంటున్నారు. కలెక్టరేట్‌లో సోమవారం నిర్వహించిన పీజీఆర్‌ఎస్‌లో ప్రజల నుంచి కలెక్టర్‌ ఎంఎన్‌ హరేంధిర ప్రసాద్‌, జాయింట్‌ కలెక్టర్‌ అపూర్వ భరత్‌, వివిధ శాఖల అధికారులు మొత్తం 468 అర్జీలు స్వీకరించారు. ఈ నెల 14న వినాయక చవితి, ఈ నెల 21న ఉప ముఖ్యమంత్రి పవన్‌ కల్యాణ్‌ పర్యటన నేపథ్యంలో రెండు సోమవారాలు పీజీఆర్‌ఎస్‌ కార్యక్రమం జరగలేదు. దీంతో, ఈ వారం అర్జీలు సమర్పించేందుకు అధిక సంఖ్యలో ప్రజలు రావడంతో కలెక్టరేట్‌ కిటకిటలాడింది.

బోట్‌క్లబ్‌ (కాకినాడ సిటీ): నగరంలో నిరుద్యోగులు, ప్రజాసంఘాల నాయకులపై అక్రమ అరెస్టులు, గృహ నిర్బంధాలను వెంటనే ఆపాలని ప్రజా సంఘాల నాయకులు డిమాండ్‌ చేశారు. ఈ మేరకు కలెక్టరేట్‌ ఎదుట సోమవారం ధర్నా నిర్వహించి, జాయింట్‌ కలెక్టర్‌ అపూర్వ భరత్‌కు వినతిపత్రం అందజేశారు. ఈ సందర్భంగా సీపీఎం, సీపీఐ జిల్లా కార్యదర్శులు కరణం ప్రసాదరావు, కె.బోడకొండ, పౌర సంక్షేమ సంఘం నాయకుడు దూసర్లపూడి రమణరాజు మాట్లాడుతూ, కాకినాడలో ప్రభుత్వ, పోలీసు నిరంకుశ చర్యలను తీవ్రంగా ఖండించారు. పోలీసు నిరుద్యోగ అభ్యర్థులు తమ భవిష్యత్తు కోసం శాంతియుతంగా ఆందోళన చేసి, ప్రభుత్వానికి విన్నపాలు చేయడం నేరమా అని ప్రశ్నించారు. ఉద్యమిస్తున్న వారికి ప్రజాసంఘాలు అండగా నిలవడం దేశద్రోహమా అని నిలదీశారు. రెండు వారాలుగా కాకినాడలో పోలీసులు అనుసరిస్తున్న నిర్బంధ చర్యలు రాజ్యాంగ హక్కులకు వ్యతిరేకంగా ఉన్నాయని ఆగ్రహం వ్యక్తం చేశారు. రాష్ట్ర ప్రభుత్వానికి చిత్తశుద్ధి ఉంటే ఎన్నికల ముందు ప్రకటించినట్లుగా యువతకు 20 లక్షల ఉద్యోగాలు కల్పించాలని, నెలకు రూ.3 వేల నిరుద్యోగ భృతి అందించాలని డిమాండ్‌ చేశారు. నిరుద్యోగ అభ్యర్థులను బెదిరించడం, బైండోవర్‌ కేసులు పెట్టడం మానుకోవాలన్నారు. నగరంలో గంజాయి, మత్తు పదార్థాల బారిన పడి యువత భవిష్యత్తు నాశనమవుతోందని ఆందోళన వ్యక్తం చేశారు. మరోవైపు నగరంలో హత్యలు పెరుగుతూ శాంతిభద్రతలకు తీవ్ర విఘాతం కలుగుతోందన్నారు. ఈ పరిస్థితుల్లో పోలీసులు శాంతిభద్రతల పరిరక్షణకు సమయం కేటాయించాల్సింది పోయి, ప్రభుత్వానికి తమ గోడు వినిపించే నిరుద్యోగులు, ప్రజాసంఘాలపై ఉక్కుపాదం మోపడం సమంజసంగా లేదని అన్నారు. కార్యక్రమంలో దువ్వా శేషుబాబ్జీ, చెక్కల రాజ్‌కుమార్‌, పలివెల వీరబాబు, టి.నాగేశ్వరరావు తదితరులు పాల్గొన్నారు.

రాయవరం: మండలంలోని సోమేశ్వరం శివారు నాగవంశీయులపేట వద్ద ఆదివారం మధ్యాహ్నం రెండు వాహనాలు ఢీకొని ముగ్గురు గాయపడ్డారు. స్థానికులు తెలిపిన వివరాల ప్రకారం రామచంద్రపురం నుంచి మోటార్‌ సైకిల్‌పై ఇద్దరు వస్తుండగా, రాయవరం వైపు నుంచి మోటార్‌ సైకిల్‌ను నడిపించుకుంటూ మరో వ్యక్తి వస్తున్నాడు. ఆగి ఉన్న లారీని దాటే క్రమంలో ఆ ఇద్దరు వ్యక్తులు వాహనాన్ని నడిపిస్తూ వస్తున్న వ్యక్తిని ఢీకొట్టారు. దీంతో ముగ్గురికీ గాయాలయ్యాయి. క్షతగాత్రులను ఆస్పత్రికి తరలించారు. ఎస్సై డి.సురేష్‌బాబును వివరణ కోరగా తమకు ఎటువంటి ఫిర్యాదు అందలేదని తెలిపారు. చికిత్స పొందుతూ యువకుడి మృతి అనపర్తి: మోటార్‌ బైక్‌ జారిపడి గాయాలపాలైన వ్యక్తి చికిత్స పొందుతూ మృతి చెందాడు. బిక్కవోలు పోలీసులు, స్థానికులు తెలిపిన వివరాల ప్రకారం బిక్కవోలు గ్రామం కొత్తపేటకు చెందిన కల్లేపల్లి శివరామకృష్ణ (26) తాపీ పనితో పాటు శుభకార్యాలకు వంటలు కూడా చేస్తుంటాడు. ఈ నెల 21న గోకవరంలో శుభకార్యానికి వంట పనికి వెళ్లి 23వ తేదీ రాత్రి తిరిగి వస్తుండగా బలభద్రపురం కానేడు రోడ్‌ వద్ద పెట్రోలు బంకు సమీపంలో వర్షం వల్ల రోడ్డు కనపడక వాహనం అదుపుతప్పి పడిపోయాడు. ఈ ప్రమాదంలో అతడి తలకు తీవ్ర గాయం కావడంతో అటుగా వెళ్తున్న వారు 108 అంబులెన్సుకు సమాచారం ఇచ్చి అనపర్తి ఏరియా ఆస్పత్రికి ప్రధమ చికిత్స నిమిత్తం తరలించారు. అనంతరం మెరుగైన చికిత్సకు కాకినాడ జీజీహెచ్‌కు తరలించగా అక్కడ చికిత్స పొందుతూ ఆదివారం ఉదయం 10.45 గంటలకు మృతి చెందాడు. శివరామకృష్ణ తండ్రి ఫిర్యాదు మేరకు ఎస్సై రవిచంద్రకుమార్‌ కేసు దర్యాప్తు చేస్తున్నారు.

● కుక్క కాటును నిర్లక్ష్యం చేస్తే ప్రమాదం ● సత్ఫలితాలివ్వని ఏబీసీ శస్త్ర చికిత్సలు ● నేడు ప్రపంచ ర్యాబిస్‌ నివారణ దినం అందుబాటులో ఏఆర్‌వీ జిల్లాలోని అన్ని ప్రభుత్వ ఆస్పత్రుల్లో యాంటీ రేబిస్‌ వ్యాక్సిన్లు (ఏఆర్‌వీ) అందుబాటులో ఉన్నాయి. కుక్క కరిచిన వెంటనే అధైర్య పడకుండా సమీప ఆస్పత్రికి వెళ్లి చికిత్స చేయించుకోవాలి. – ఎం.సుమలత, జిల్లా కన్వీనర్‌, ఆర్‌బీఎస్‌కే, అమలాపురం ఆలమూరు: కేవలం కుక్కల వల్లే కాకుండా పిల్లి, నక్క, డేగ వంటి జంతువుల వల్ల కూడా రేబిస్‌ వ్యాధి వచ్చే ప్రమాదం ఉన్నప్పటికీ ఇంటా బయటా ఎక్కువగా ప్రజలు కుక్క కాట్లకే త్వరగా గాయపడి ఈ వ్యాధి బారిన పడుతుంటారు. వీధి కుక్కల సంతతి అంతకంతకూ పెరిగిపోతున్న నేపథ్యంలో తగిన జాగ్రత్తలు తీసుకోవలసిన అవసరం మనపైనే ఉంది. యాంటీ బర్త్‌ కంట్రోల్‌ (ఏబీసీ) శస్త్ర చికిత్సల వల్ల అంతగా ప్రయోజనం కనిపించడం లేదన్నది నిర్వివాదాంశం. 2024లో పశుసంవర్థక శాఖ గణాంకాల ప్రకారం ఉమ్మడి తూర్పుగోదావరి జిల్లాలో 95,571 కుక్కలు ఉన్నాయి. కాగా 2025–26 మధ్య కాలంలో సుమారు 16 వేల మంది కుక్క కాట్లకు గురయ్యారు. 2030 చివరి నాటికి ర్యాబిస్‌ రహిత దేశంగా అవ్వాలన్న కేంద్ర ప్రభుత్వ లక్ష్యం కనుచూపు మేరలో కనపడడం లేదు. రేబిస్‌ నిరోధక టీకాను కనుగొన్న లూయీ పాశ్చర్‌ వర్ధంతిని పురస్కరించుకుని ఏటా సెప్టెంబర్‌ 28న ర్యాబిస్‌ నివారణ దినోత్సవాన్ని నిర్వహిస్తున్న నేపథ్యంలో కుక్కకాటు వల్ల ఎదురయ్యే దుష్పరిణామాల గురించి చర్చించుకోవడం అవసరం. రేబిస్‌ వ్యాధి లక్షణాలు ● రేబిస్‌ సోకిన రోగికి గొంతు మింగుడు పడదు. ● ఆహారం తినలేక ఆరోగ్యం క్షీణిస్తుంది. ● నీళ్లను చూస్తే భయపడుతుంటారు. ● వ్యాధి తీవ్రత పెరిగే కొద్దీ మందబుద్ధులవుతారు.

● గోదావరి పొదల్లో అపస్మారక స్థితిలో గుర్తింపు ● ప్రథమ చికిత్స అనంతరం మెరుగైన చికిత్సకు రాజమహేంద్రవరం జీజీహెచ్‌కు తరలింపు ఆత్రేయపురం: స్థానిక గౌతమి గోదావరిలో మునిగి గల్లంతైన చిట్టిబాబు ఆదివారం మృత్యుంజయుడిగా బయటపడ్డాడు. వివరాల్లోకి వెళితే గ్రామానికి చెందిన పందిరి నాగమణి మృతి చెందడంతో ఆమె అంతిమ సంస్కారాల నిమిత్తం తాపేశ్వరానికి చెందిన తన అల్లుడు కాకిలేటి చిట్టిబాబు వచ్చి స్నానాల కోసం బంధువులతో పాటు పుష్కరఘాట్‌లో దిగగా నీటి ప్రవాహానికి గల్లంతైన విషయం తెలిసిందే. శనివారం అర్ధరాత్రి వరకూ గాలించినా ఫలితం లేకపోయింది. దీంతో చిట్టిబాబు కుమారుడు కాకిలేటి రాహుల్‌కుమార్‌ ఎస్సై రాము, తహసీల్దార్‌ ఆర్‌.డి.రామచంద్రమూర్తి, వీఆర్వో జ్యోతికి ఫిర్యాదు చేశారు. కాగా ఆదివారం తెల్లవారుజాము నుంచి అతడి బంధుమిత్రులు మళ్లీ గాలింపు మొదలుపెట్టగా నది గట్టున పొదలలో అపస్మారక స్థితిలో ఉన్న అతడిని వారు గుర్తించారు. వెంటనే అతడిని స్థానిక పీహెచ్‌సీకి తరలించి ప్రాథమిక చికిత్స చేసి మెరుగైన చికిత్స నిమిత్తం రాజమహేంద్రవరం జీజీహెచ్‌కు తరలించారు. చిట్టిబాబు ఆరోగ్యంగా ఉండడంతో తాపేశ్వరంలోని బంధుమిత్రులు ఊపిరి పీల్చుకున్నారు.

● బెండపూడి రోడ్డు ప్రమాదంలో ఇద్దరి మృతి ● యూట్యూబర్‌ రాజు, శివాజీగా గుర్తింపు ● వెనుక నుంచి ట్రాలీ లారీ ఢీకొని ప్రమాదం అన్నవరం/శంఖవరం: వారిద్దరూ చిన్ననాటి స్నేహితులు. ఒకటే ఊరు. ఏం చేసినా ఇద్దరూ కలిసే చేసేవారు. ఎన్ని జన్మల స్నేహమో ఈ జన్మలోనూ జతగా వెళ్లిపోయారు. వివరాల్లోకి వెళితే.. బెండపూడి వద్ద జాతీయ రహదారిపై శనివారం రాత్రి జరిగిన రోడ్డు ప్రమాదంలో శంఖవరం మండలం కొత్తూరు గ్రామానికి చెందిన పలివెల వెంకట జవహర్‌లాల్‌ కుమార్‌ రాజు (రాజు) (41), కర్రి శివ గణేష్‌ (శివాజీ) (41) మృతి చెందారు. రాత్రి 10.30 గంటల సమయంలో హైవేపై బైక్‌ మీద వెళ్తూ బెండపూడికి వెళ్లేందుకు కుడివైపునకు తరగ్గా అదే సమయంలో వెనుకనుంచి వస్తున్న ట్రాలీ లారీ వీరిని బలంగా ఢీకొనడంతో వారి తలలకు తీవ్ర గాయాలై అక్కడికక్కడే మృతి చెందారు. వారి బైక్‌ను లారీ కొంత దూరం లాక్కుపోయింది. ట్రాలీకి సపోర్టుగా అమర్చిన రాడ్లు రాజును రోడ్డు మీద లాక్కునిపోవడంతో అతడి శరీరం ఛిద్రమైంది. ఇద్దరి శరీరాల మీదుగా ట్రాలీ టైర్లు ఎక్కడం శరీరాలు నుజ్జయ్యాయి. రాజు ఆర్‌ఆర్‌ న్యూస్‌ యూట్యూబ్‌ ఛానల్‌ నడుపుతూ అనేక సామాజిక అంశాలపై వార్తలు ప్రసారం చేస్తూ గుర్తింపు పొందాడు. తొండంగి పోలీసులు కేసు నమోదు చేసి దర్యాప్తు చేస్తున్నారు. కొంతంగి కొత్తూరులో విషాదఛాయలు మృతి చెందిన ప్రాణ స్నేహితులూ పలివల రాజా, కర్రి శివాజీ శంఖవరం మండలం కొంతంగి కొత్తూరు గ్రామానికి చెందిన వారు కావడంతో ఆ గ్రామంలో విషాద ఛాయలు అలముకున్నాయి. పలివల రాజా యూట్యూబ్‌ చానల్‌ రిపోర్టర్‌గా, శివాజీ సామాజిక సేవల్లో చురుగ్గా పాల్గొనేవాడని గ్రామస్తులు తెలిపారు. రాజా వివాహమై కుమార్తె, కుమారుడు ఉండగా, శివాజీకి కుమారుడు ఉన్నాడు. వారిద్దరి మృతితో ఆ రెండు కుటుంబాలూ రోడ్డునపడ్డాయి. వారి మృతితో వారిళ్ల వద్ద కుటుంబ సభ్యుల రోదనలు మిన్నంటాయి. వారిద్దరి కుటుంబాలను స్థానిక ఎమ్మెల్యే వరుపుల సత్యప్రభ పరామర్శించి విచారం వ్యక్తం చేశారు.

తల్లి ఫిర్యాదుతో కేసు నమోదు తాళ్లపూడి: మండలం మలకపల్లి గ్రామంలో ఆదివారం తెల్లవారుజామున ఒక యువకుడు అనుమానాస్పద స్థితిలో మృతి చెందడం స్థానికంగా కలకలం రేపింది. ఎస్సై టి.రామకృష్ణ తెలిపిన వివరాల మేరకు మలకపల్లికి చెందిన డ్రైవర్‌ బొబ్బరాడ శివప్రసాద్‌ (31)కు నాలుగేళ్ల క్రితం వివాహమైనప్పటికీ కుటుంబ కలహాలతో భార్య నుంచి విడిగా ఉంటున్నాడు. కొంత కాలంగా స్థానిక మహిళ ఆళ్ల జ్యోతి అతడితో తరచుగా ఫోన్‌లో మాట్లాడుతుండడంతో అతడి తల్లి ముత్యాలమ్మ మందలించేది. ఈ నేపథ్యంలో శనివారం రాత్రి 10 గంటల సమయంలో జ్యోతి ఫోన్‌ చేయగా అతడు తీయకపోవడంతో అతడి తల్లికి పలుమార్లు ఫోన్‌ చేసింది. ఆ సమయంలో శివప్రసాద్‌ తన తల్లితో జ్యోతి తనను తరచూ ఫోన్‌ చేసి ఇబ్బంది పెడుతోందని చెప్పాడు. అనంతరం కొద్దిసేపటికి తల్లీకొడుకు ఇద్దరూ ఇంటి బయట నిద్రించగా సుమారు 3 గంటల ప్రాంతంలో ఏదో పడినట్టు శబ్దం వచ్చి ముత్యాలమ్మ లేచి చూడగా జ్యోతి మాటలు వినిపించాయని, అక్కడ తన కుమారులు లేకపోవడంతో చుట్టుపక్కల వెతికారు. ఉదయం 7 గంటల సమయంలో బంధువులతో పాటు వెదికించగా గ్రామ పంచాయతీ గోడ పక్కన ఉన్న మురుగు కాలువలో శివప్రసాద్‌ విగత జీవిగా పడి ఉన్నట్టు కనుగొన్నారు. తన కుమారుడి మృతిపై జ్యోతి, ఆమె కుటుంబ సభ్యుపై తనకు అనుమానం ఉందని ఫిర్యాదు చేసిన మేరకు పోలీసులు కేసు నమోదు చేశారు. మృతదేహాన్ని పోస్టుమార్టంకు తరలించి దర్యాప్తు చేస్తున్నారు. కొవ్వూరు డీఎస్పీ జి.దేవకుమార్‌, రూరల్‌ సీఐ కె.విజయబాబు పర్యవేక్షణలో కేసు దర్యాప్తు చేస్తున్నారు.

సామర్లకోట: కాకినాడ జిల్లా బాలుర, బాలికల కబడ్డీ జట్ల ఎంపిక ఆదివారం జరిగిందని జిల్లా అసోసియేషన్‌ ప్రధాన కార్యదర్శి కొండపల్లి శ్రీనివాసరావు తెలిపారు. కాకినాడ పీఆర్‌ ప్రభుత్వ కళాశాల ఆవరణలో నిర్వహించిన పోటీల్లో ఎంపికై న జట్లు వచ్చేనెల 16 నుంచి 18 వరకు మార్కాపురంలో జరిగే రాష్ట్ర స్థాయి పోటీలో పాల్గొంటాయని తెలిపారు. రాష్ట్ర కోచ్‌ పోతుల సాయిప్రసాద్‌, ప్రోకడీ రిఫరీ బోగిళ్ల మురళీకుమార్‌, పీడీలు పాల్గొన్నారు. జిల్లా బాలికల జట్టు..: కె.అరుణశ్రీ, కె.చెక్రిక హర్షిణి, ఎం.మానస, ఐ.గీతామాధవి, ఎంపీఎస్‌ దర్శిత, ఎ.గ్రీష్మ, జి.శిరిష, ఈ.వర్విష, డి.శ్రీవల్లి, కె.లఖిల, ఎం.శృతి, ఎం.విరోనిక, జె.లోవకుమారి, పీఆర్‌ తులసి, సీహెచ్‌ ప్రత్యూష, ఎం పద్మవల్లి, కెఎం అవంతిక, కె.బుజ్జమ్మ. జిల్లా బాలుర జట్టు : పి.హరిష, ఎన్‌.వంశీ, కె.జాన్‌, జి.చందు, ఆర్‌.శ్రీరామ్‌, జి. త్రిమూర్తులు, కె.సత్యసాయి, బి.ఏలిష, బి.ప్రవీణ్‌, పీఎల్‌ నారాయణ, బి.అజయ్‌, జి..రాజేష్‌, ఎన్‌వీ వెంకన్న, కె.అభిరామ్‌, కె.చిన్న ఈశ్వర్‌, ఎస్‌.సత్యం, పి.పరుశురామ్‌, పి.గౌతమ్‌, ఎన్‌.అనిల్‌కుమార్‌.జిల్లా బాలుర కబడ్డీ జట్టు జిల్లా బాలికల కబడ్డీ జట్టు

చంద్రబాబు బీసీలను ఓటు బ్యాంకుగా వినియోగించుకుని, అధికారంలోకి వచ్చిన తర్వాత వెన్నుపోటు పొడవడం పరిపాటిగా మారింది. ఇప్పుడు ఓట్లు వేసిన బీసీలంతా చంద్రబాబు పాలనను చూసి కన్నీళ్లు తెచ్చుకుంటున్నారు. 2029లో వైఎస్‌ జగన్‌మోహన్‌రెడ్డిని ముఖ్యమంత్రిని చేసేందుకు బీసీలంతా తమ సత్తా చాటాలి. – నవుడు వెంకటరమణ, రాష్ట్ర బీసీ సెల్‌ వర్కింగ్‌ ప్రెసిడెంట్‌ ఉప ముఖ్యమంత్రిగా బీసీలు పనికిరారా! కూటమి ప్రభుత్వంలో బీసీలకు ఉప ముఖ్యమంత్రి పదవి ఇవ్వలేదు. బీసీలు ఉప ముఖ్యమంత్రిగా పనికిరారా..??. బీసీలకు స్థానిక సంస్థల ఎన్నికల్లో 34 శాతం రిజర్వేషన్‌ ఇస్తామని చంద్రబాబు జీఓ ఇచ్చారు. నాలుక గీసుకోవడానికి కూడా జీఓలు పనికిరావు. చంద్రబాబు బీసీలను వాడుకుంటున్నారు. బీసీలకు మంచి చేయాలనే ఉద్దేశం వైఎస్‌ జగన్‌మోహన్‌రెడ్డికి మాత్రమే ఉంది. రానున్న స్థానిక సంస్థల ఎన్నికలు మన ఆత్మగౌరవానికి సంబంధించినవి. ఆ సెమీ ఫైనల్స్‌లో వైఎస్సార్‌ సీపీ విజయం సాధిస్తేనే చంద్రబాబుకు బుద్ధి వస్తుంది. – మార్గాని భరత్‌రామ్‌, మాజీ ఎంపీ, వైఎస్సార్‌ సీపీ జాతీయ అధికార ప్రతినిధి డీఎస్సీ అక్రమాలపై జైలుకెళ్లడం ఖాయం వైఎస్‌ జగన్‌మోహన్‌రెడ్డి ప్రభుత్వంలో రాష్ట్రంలో బీసీలకు నామినేటెడ్‌ పదవులతో పాటు సంక్షేమ పథకాలు అందించారు. డీఎస్సీ స్పోర్ట్స్‌ కోటా అక్రమాలపై చంద్రబాబు, లోకేశ్‌ జైలుకెళ్లడం ఖాయం. స్థానిక సంస్థల ఎన్నికల్లో బీసీల్లో చిన్నస్థాయి కులాలకు సైతం ప్రాధాన్యం కల్పించి వారిని రాజకీయంగా ప్రోత్సహించాలి. 2029 ఎన్నికల్లో వైఎస్‌ జగన్‌ను ముఖ్యమంత్రిని చేసేందుకు బీసీలంతా ఐక్యంగా కృషి చేయాలి. – కుడుపూడి సూర్యనారాయణరావు, ఎమ్మెల్సీ రాజకీయ ప్రాధాన్యం కల్పించారు గత ప్రభుత్వంలో శాలివాహన (కుమ్మరి) కులస్తులకు రాజకీయ ప్రాధాన్యం కల్పించారు. నా భార్య మోహినికి మండల పరిషత్‌ అధ్యక్షురాలిగా అవకాశం కల్పించారు. ప్రతి గ్రామంలో మహాత్మ జ్యోతిరావు ఫూలే విగ్రహాలను వైఎస్సార్‌ సీపీ తరుఫున ఏర్పాటు చేయాల్సిన అవసరం ఉంది. వైఎస్‌ జగన్‌ సీఎం అయితేనే బీసీలకు న్యాయం జరుగుతుంది. – బొండాడ వెంకన్నబాబు, వైఎస్సార్‌ సీపీ జిల్లా ఉపాధ్యక్షుడు, తూర్పుగోదావరి 50 ఏళ్లకే పింఛన్‌ ఏదీ? అధికారంలోకి రాగానే బీసీలకు 50 ఏళ్లకే పింఛన్‌ ఇస్తానన్న చంద్రబాబు 27 నెలలు గడిచినా అందించడం లేదు. రాష్ట్రంలో విశ్వ బ్రాహ్మణులు 20 లక్షల మంది ఉన్నారు. వారికి వెన్నుపోటు పార్టీ న్యాయం చేయలేదు. 2029లో వైఎస్‌ జగన్‌ సీఎం కావడం ఖాయం. – పాపయ్యచారి, విశ్వబ్రాహ్మణ కార్పొరేషన్‌ మాజీ చైర్మన్‌

గోదావరిలోకి దూకి వ్యక్తి ఆత్మహత్యాయత్నం ఐ.పోలవరం: మురమళ్ల వంతెనపై ఓ వ్యక్తి ఆత్మహత్యాయత్నానికి పాల్పడగా స్థానిక జాలర్లు అతడిని రక్షించారు. వివరాల్లోకి వెళితే మండలం కేశనకుర్రు (చిన్న కేశనకుర్రు) పల్లెగూడెం గ్రామానికి చెందిన మల్లాడి శ్రీను కుటుంబ కలహాలతో మురమళ్ల వంతెన పై నుంచి గోదావరిలోకి దూకి ఆత్మహత్యాయత్నం చేశాడు. గోదావరిలో కొట్టుకుపోతున్న అతడిని స్థానిక మత్స్యకారులు రక్షించారు. సమాచారం అందుకున్న పోలీసులు అక్కడికి చేరుకుని శ్రీనును అదుపులోకి తీసుకుని పోలీసు స్టేషన్‌కు తరలించారు. శ్రీను భార్య పుట్టింటికి వెళ్లి తిరిగి రాకపోవడంతో మనస్తాపానికి గురై ఆత్మహత్యాయత్నం చేసినట్టు పోలీసులు తెలిపారు. జాతీయ అథ్లెటిక్స్‌కు దుర్గాప్రసాద్‌ అన్నవరం: తొండంగి మండలం అద్దరి పేట హైస్కూల్‌లో పదో తరగతి చదువుతున్న గోసాల దుర్గాప్రసాద్‌ ఆదివారం కాకినాడలో జరిగిన జూనియర్‌ సౌత్‌జోన్‌ అథ్లెటిక్స్‌ పరుగు పందెం (600 మీటర్లు) పోటీలలో మొదటి స్థానం పొంది జాతీయ స్థాయి పోటీలకు ఎంపికయ్యాడు.

● హైదరాబాద్‌ నుంచి వచ్చిన భక్తుల వాహనంలో గుర్తింపు ● మద్యాన్ని పారబోయించి కొండపైకి పంపిన భద్రతా సిబ్బంది అన్నవరం: రత్నగిరిపై సత్యదేవుని దర్శనానికి వెళ్తున్న వాహనంలో పెద్ద సంఖ్యలో మద్యాన్ని ఆదివారం టోల్‌గేట్‌ వద్ద స్వాధీనం చేసుకున్నారు. వివరాల్లోకి వెడితే హైదరాబాద్‌కు చెందిన భక్తుల బృందం టెంపోలో సత్యదేవుని దర్శనానికి వచ్చారు. టోల్‌గేట్‌ వద్ద వారి వాహనాన్ని పరిశీలించిన భద్రతా సిబ్బంది తనిఖీ చేసి ప్రయాణికుల సీట్ల కింద దాచి ఉంచిన నాలుగు ఫుల్‌ బాటిల్‌ మద్యం సీసాలను గుర్తించారు. సీసాల్లోని మద్యాన్ని అక్కడి టబ్‌లో పారబోయాలని సూచించగా వారు సిబ్బందితో వాగ్వాదానికి దిగి సీసాలను స్వాధీనం చేసుకోండి తిరిగి వెళ్లేటపుడు తీసుకువెళ్తామని చెప్పారు. దీనికి సిబ్బంది అభ్యంతరం చెప్పగా తప్పని పరిస్థితుల్లో మద్యాన్ని పారబోసి రత్నగిరికి వెళ్లారు. వారు యానాంలో రూ.8 వేలకు ఆ మద్యాన్ని కొనుగోలు ట్రాన్స్‌పోర్టు విభాగం సూపరింటెండెంట్‌ రమణ తెలిపారు.

సామర్లకోట: వీకే రాయపురంలో వరద ముంపు కారణంగా నష్టపోయిన రైతులను గుర్తించాలని అధికారులను కలెక్టర్‌ ఎంఎన్‌ హరేంధిరప్రసాద్‌ ఆదేశించారు. ‘క్రాప్‌ హాలిడే ప్రకటించడమే శరణ్యం’ శీర్షికతో ‘సాక్షి’లో ప్రచురితమైన కథనానికి స్పందించిన కలెక్టర్‌.. గ్రామంలో ముంపునకు గురైన పంట పొలాలను ఆదివారం పరిశీలించారు. రైతులతో మాట్లాడి సమస్యలు అడిగి తెలుసుకున్నారు. వేట్లపాలెం, బిక్కవోలు వద్ద సర్‌ప్లస్‌ వియర్స్‌ గేట్లు ఎత్తి వేసిన సమయంలో తమ పంటలు మునిగిపోతున్నాయని రైతులు వివరించారు. వరిచేలు ఐదు రోజులుగా ముంపులోనే ఉన్నాయని ఆందోళన వ్యక్తం చేశారు. కలెక్టర్‌ స్పందిస్తూ ప్రభుత్వం నుంచి నష్టపరిహారం మంజూరుకు చర్యలు తీసుకుంటామని హామీ ఇచ్చారు. గతంలో జరిగిన నష్టానికి ఇప్పటివరకు పరిహారం అందలేదని రైతులు వాపోయారు. అధికారులు, సిబ్బంది ఆయన వెంట పాల్గొన్నారు.

పెద్దాపురం: పెద్దాపురం పురపాలక సంఘంలో తెలుగుదేశం, జనసేన పార్టీలకు చెందిన 50 కుటుంబాలు ఆదివారం సాయంత్రం వైఎస్సార్‌సీపీలో చేరాయి. వైఎస్సార్‌సీపీ నియోజకవర్గ కో ఆర్డినేటర్‌ దవులూరి దొరబాబు నేతృత్వంలో టీడీపీ మాజీ కౌన్సిలర్‌ సంకు దావీదు రాజు ఆధ్వర్యంలో ఈ చేరిక జరిగింది. పాత పెద్దాపురం అంబేడ్కర్‌ విగ్రహం వద్ద ఏర్పాటు చేసిన కార్యక్రమంలో దొరబాబు తొలుత అంబేడ్కర్‌ విగ్రహానికి పూలమాల వేసి నివాళులర్పించారు. ఒకటో వార్డుకు చెందిన వీరిని దొరబాబు పార్టీ కండువా కప్పి వైఎస్సార్‌సీపీలోకి ఆహ్వానించారు. ఈ సందర్భంగా దొరబాబు మాట్లాడుతూ పట్టణంలో జనాదరణ లేని వ్యక్తులకు ప్రజలు ఎప్పుడూ చెల్లుచీటీ ఇస్తారన్నారు. రెండున్నరేళ్ల కూటమి పాలనలో ఏ ఒక్కరికీ న్యాయం జరగలేదన్నారు. ఏ ఒక్క హామీ అమలు కాలేదన్నారు. తమ సొంత ప్రయోజనాలే ధ్యేయంగా చేసుకొని కూటమి పాలన సాగిస్తోందన్నారు. పెద్దాపురంలో కూటమి నేతలు బెదిరింపు రాజకీయాలకు దిగితే ఊరుకునేది లేదన్నారు. ఇప్పటికే ప్రజలు కూటమి ప్రభుత్వాన్ని గద్దె దించడానికి సిద్ధంగా ఉన్నారని చెప్పారు. పెద్దాపురంలో ప్రతి కార్యకర్తకూ తాను అండగా ఉంటానన్నారు. తిరిగి పెద్దాపురం చైర్మన్‌ గిరీ జగన్‌మోహన్‌రెడ్డి ఖాతాల్లోకి వేయడానికి ప్రజలు సిద్ధంగా ఉన్నారని తెలిపారు. కూటమి వైఫల్యాలను, ప్రజావ్యతిరేక విధానాలను, పెరిగిన నిత్యావసర ధరల అంశాలను ప్రజల్లోకి తీసుకెళ్లాలని పార్టీ శ్రేణులకు పిలుపునిచ్చారు. ఈ కార్యక్రమంలో మాజీ ఆప్కో డైరెక్టరు ముప్పన వీర్రాజు, నియోజకవర్గ బీసీ సెల్‌ అధ్యక్షుడు పప్పల బుజ్జి, పట్టణ మైనార్జీ సెల్‌ అధ్యక్షుడు రఫీ, మాజీ కౌన్సిలర్‌ ఆకుల కృష్ణబాపూజీ, పలివెల జనార్ధన్‌, నేతలు జి.మురళి, ఊబా జాన్‌ మోజేస్‌, ఎ.లక్ష్మీనారాయణ, కె.కామేశ్వరరావు, మాజీ జెడ్పీటీసీ జి.సూరిబాబు తదితరులు పాల్గొన్నారు.

● గ్యాస్‌ కిక్‌లకు గురవుతున్న బావులు ● ఓఎన్‌జీసీకి సవాలుగా మారుతున్న వైనం ● నాడు మోరి–7లో.. మొన్న కరవాక –27లో ప్రొడక్షన్‌ టెస్టింగ్‌లలో తప్పిన బ్లో అవుట్లు ● ఓఎన్జీసీకి సవాల్‌గా మారిన డ్రిల్లింగ్‌లు మలికిపురం: అది 1995వ సంవత్సరం. కేజీ బేసిన్‌లో రాజోలు దీవిలోని కేజీ బేసిన్‌లో ఓఎన్జీసీ కార్యకలాపాలు ముమ్మరంగా జరుగుతున్న రోజులు. ఆ ఏడాది మార్చి నెలలో మండలం చింతలమోరిలో మోరి వెస్ట్‌–7 బావిలో సుమారు రెండు నెలల పాటు 2,700 మీటర్ల లోతుకు ఓఎన్‌జీసీ విజయవంతంగా డ్రిల్లింగ్‌ నిర్వహించింది. ఈ బావిలో అపార చమురు, గ్యాస్‌ నిక్షేపాలు ఉన్నాయని గుర్తించిన సిబ్బంది ఆనందోత్సాహాలతో ఉత్పత్తి పరీక్షలకు శ్రీకారం చుట్టారు. పరీక్షలు ప్రశాంతంగా సాగుతున్న సమయంలో ఒక్కసారిగా గ్యాస్‌ ఎగజిమ్మింది. ఈ హఠాత్‌ పరిణామంతో షాక్‌ తిన్న అధికారులు, ఈ బావిలో బ్లో–అవుట్‌ ప్రమాదం ఉందని గుర్తించి ఉన్నతాధికారులకు పరిస్థితి వివరించారు. నిక్షేపాలు పుష్కలంగా ఉండడంతో ఈ బావిని వదులు కోలేని ఓఎన్జీసీ అప్పటి అధునాత సాంకేతిక పరికరాలతో సుమారు మరో రెండు నెలల పాటు శ్రమించినప్పటికీ ఫలితం లేదు. వెల్‌ నుంచి బారీగా గ్యాస్‌కిక్‌లు వచ్చాయి. దీంతో చేసేది లేక అధికారులు ఆ బావిని మూసేశారు. అనంతరం ఇక్కడి డ్రిల్లింగులలో పలు బావులో ఇబ్బందులు ఏర్పడినప్పటికీ అదే పాయింట్‌లో మరో వెల్‌ ఏర్పాటు చేసి విజయం సాధించారు. అయితే మోరి–7 బావి ఇప్పటికీ తెరవ లేక మొత్తం సైట్‌ మూసేశారు. సుమారు 15 ఏళ్ల అనంతరం కాట్రేనిపాడులోని కరవాక–27 బావిలో ఓఎన్‌జీసీకి మోరి–7 బావికి మించిన తీవ్ర సమస్య ఎదురైంది. 2011 ఏప్రిల్‌ నెలలో ఈ బావిలో డ్రిల్లింగ్‌ ప్రారంభించారు. ఆ ఏడాది సెప్టెంబరు వరకూ సుమారు 3200 మీటర్ల లోతు డ్రిల్లింగ్‌ చేసి అపార చమురు, గ్యాస్‌ నిక్షేపాలు ఉన్నట్టు గుర్తించారు. ప్రొడక్షన్‌ టెస్టింగ్‌ పనుల్లో ఇబ్బందులు ఏర్పడి అప్పట్లో బ్లో–అవుట్‌ ప్రమాదం తప్పింది. ఆ వెల్‌ను మూసివేసిన అదికారులు అక్టోబరు నెలలో పక్కనే మరో బావి వేసి డ్రిల్లింగ్‌ ప్రారంభించారు. మరో మూడు నెలలపాటు శ్రమించిన సిబ్బంది ప్రస్తుతం 3,886 మీటర్ల లోతు డ్రిల్లింగ్‌ చేశారు. మళ్లీ అదే పరిస్థితి పునరావృతం అయింది. ప్రొడక్షన్‌ టెస్టింగ్‌ చేపట్టిన ఈ బావి నుంచి రెండు రోజుల పాటు ముడి చమురు, గ్యాస్‌ ఎగజిమ్మాయి. ఈ బావిలో సెకనుకు 7 వేల క్యూబిక్‌ మీటర్ల పీడనం నమోదైంది. సాధారణ స్థాయి మూడు వేలకు పీడనం దిగితే ఈ బావిని వినియోగించవచ్చని భావించారు. కానీ ఈ బావిని కూడా అప్పట్లో మూసేశారు. అదే పరిస్థితి ఈ ఏడాది జనవరి నెల ఐదో తేదీన మలికిపురం మండలంలోని ఇరుసుమండ గ్రామంలో మోరి–5 బావిలో ఎదురైంది. ఇటీవల ఇలాంటి మూతపడిన బావులను పునరుద్ధరించి ఉత్పత్తి ప్రారంభించే పనులలో బాగంగా డీప్‌ సంస్థ డ్రిలింగ్‌ ప్రారంభించింది. ఈ బావిని కూడా మోరి–7, కరవాక–27 బావుల మాదిరిగానే 2012 సంవత్సరంలో అనేక ఇబ్బందులు పడి బ్లో అవుట్‌ ప్రమాదం పొంచి ఉండడంతో మూసేశారు. డీప్‌ సంస్థ గత జనవరి నెలలో దీనిని ప్రారంభించి భారీగా ఉన్న గ్యాస్‌ నిల్వలను అదుపు చేయలేకపోవడంతో బోఅవుట్‌ సంభవించింది. వారం తరువాత ఉన్నత స్థాయి అధికారుల జోక్యంతో దానిని అదుపు లోనికి తెచ్చేందుకు చర్యలు తీసుకున్నారు. అయితే బావిలోనే ఏర్పడిన మార్పులతో దానికదే మూసుకుపోయి బ్లోఅవుట్‌ అదుపులోకి వచ్చింది. ప్రస్తుతం ఇలాంటి బావులను తెరిచే పనులలో ఇక్కడ గుత్తేదారు సంస్థలు నిమగ్నమయ్యాయి. సముద్ర తీరంలోని కరవాక, తూర్పుపాలెం గ్రామాలలోని సుమారు పది బావులను ప్రస్తుతం డ్రిల్లింగ్‌ చేస్తున్నారు. అలాగే ప్రస్తుతం సముద్ర తీరంలో ఇటీవల ఉత్పత్తిలో ఉన్న బావుల నుంచి సైతం గ్యాస్‌ కిక్‌లు రావడంతో మరమ్మతులు చేయడం, అతి కష్టం మీద అదుపు చేస్తున్న సంఘటనలు ఇక్కడ చోటు చేసుకున్నాయి. తూర్పుపాలెంలోని కేఎస్‌పీ–46 బావి సైతం తరచూ మొరాయిస్తూ సిబ్బందికి సవాలు విసురుతోంది. గత జనవరిలో ఇరుసుమండలోని మోరి–5 బావిలో సంభవించిన బ్లో అవుట్‌రాజోలు మండలం పొన్నమండ చమురు బావిలో గ్యాస్‌ లీకేజీని నియంత్రిస్తున్న సిబ్బంది

● ప్రభుత్వం తీరుపై వైఎస్సార్‌సీపీ జిల్లా అధ్యక్షుడు దాడిశెట్టి రాజా ఆగ్రహం ● ఈ ఘటనపై కలెక్టర్‌ విచారణ జరిపించాలని డిమాండ్‌ తుని: ప్రభుత్వ పాఠశాలల్లో చదువుతున్న విద్యార్థులకు వసతుల కల్పనతో పాటు ఆరోగ్య రక్షణలో అధికార యంత్రాంగం విఫలమైందని, ఇందుకు తుని ఘటన ఉదాహరణగా నిలుస్తుందని మాజీ మంత్రి, వైఎస్సార్‌సీపీ జిల్లా అధ్యక్షుడు దాడిశెట్టి రాజా అన్నారు. ఆదివారం తుని ప్రభుత్వ ఏరియా ఆసుపత్రిలో చికిత్స పొందుతున్న ప్రభుత్వ మహిళా జూనియర్‌ కళాశాల విద్యార్థినులను ఆయన పరామర్శించారు. బాధిత బాలికల వద్దకు వెళ్లి వారి ఆరోగ్య పరిస్థితిని అడిగి తెలుసుకున్నారు. ఈ సందర్భంగా ఆయన విలేకరుల సమావేశంలో మాట్లాడుతూ గత ప్రభుత్వ హయాంలో మాజీ ముఖ్యమంత్రి వైఎస్‌ జగన్‌మోహన్‌రెడ్డి నాడు–నేడులో పాఠశాలలను నందనవనంలా ఆధునికీకరించి పిల్లలను మేనమామలా ప్రేమగా చూసుకున్నారన్నారు. ప్రస్తుత ప్రభుత్వం విద్యార్థులను పట్టించుకోవడం లేదని విమర్శించారు. శనివారం సాంబారులో బల్లి పడిన కలుషిత ఆహారం తిని 23 మంది బాలికలు తీవ్ర అస్వస్థతకు గురి కావడం తన మనసును కలచివేసిందన్నారు. గతంలో తుని నియోజకవర్గ పరిధిలో ఇదే మధ్యాహ్న భోజనం సరఫరా చేస్తున్న అల్లూరి సీతారామరాజు ట్రస్టు నాసిరకం భోజనం సరఫరా చేయడంపై చర్యలు తీసుకున్నట్టు రాజా తెలిపారు. కొన్ని రోజుల పాటు తన సొంత సొమ్ముతో విద్యార్థులకు రుచికరమైన భోజనం అందించిన విషయాన్ని గుర్తు చేశారు. ఆసుపత్రికి తీసుకువచ్చిన బాలికలకు పూర్తి స్థాయిలో వైద్యం అందించకుండా బలవంతంగా ఇళ్లకు పంపించడం సరికాదన్నారు. ఆసుపత్రిలో 23 మంది చేరగా 20 మందిని డిశ్చార్జి చేశారని, అంత తొందర ఎందుకని ప్రశ్నించారు. విద్యార్థుల ప్రాణాలతో చెలగాటమాడుతున్న అధికారులపై కలెక్టర్‌ విచారణ జరిపి కఠిన చర్యలు తీసుకోవాలని డిమాండ్‌ చేశారు. వైఎస్సార్‌సీపీ నాయకులు అన్నవరం శ్రీను, రేలంగి రమణాగౌడ్‌, బోడపాటి సతీష్‌, చింతల సునీత తదితరులు పాల్గొన్నారు.

● జిల్లా వ్యాప్తంగా 19 ఏళ్లలోపు పిల్లలకు ఆల్బెండజోల్‌ పంపిణీ ● నేడు జాతీయ నులిపురుగుల నిర్మూలన కార్యక్రమం రాజమహేంద్రవరం రూరల్‌: పిల్లల ఎదుగుదలకు అవరోధంగా నిలుస్తున్న నులిపురుగుల నివారణకు సోమవారం జిల్లా వ్యాప్తంగా అధికారులు ఆల్బెండజోల్‌ మాత్రలను పంపిణీ చేసి జాతీయ నులి పురుగుల నిర్మూలన కార్యక్రమం నిర్వహిస్తున్నారు. నులి పురుగుల వల్ల కడుపులో నొప్పి, మంట, వికారం వంటి వాటితో అవస్థ పడుతూ పిల్లలు నీరసపడతారు. ఏడాది నుంచి 19 ఏళ్లలోపు పిల్లల్లో ఈ ఎదుగుదల, నులిపురుగుల సమస్య ఎక్కువగా ఉంటుంది. అపరిశుభ్రతే కారణం.. అపరిశుభ్రత వల్లే నులి పురుగులు ఎక్కువగా వ్యాపిస్తాయి. పరిసరాలు, వ్యక్తిగత పరిశుభ్రత పాటించని పిల్లలకు ఈ సమస్య ఎక్కువగా ఉంటుంది. కలుషిత నీరు, బహిరంగ ప్రదేశాల్లో మల విసర్జన వల్ల, కూరగాయలు శుభ్రం చేయకుండా వండడం, ఆహార పదార్థాలపై మూతలు లేకపోవడం వల్ల ఈ సమస్య ఉత్పన్నమవుతుంది. ఏడాది నుంచి రెండేళ్ల లోపు చిన్నారులకు అల్బెండజోల్‌ సగం మాత్ర (200 మిల్లీగ్రాములు) నీళ్లలో కలిపి పట్టించాలి. 2 నుంచి 19 ఏళ్లలోపు పిల్లలు 400 మిల్లీ గ్రాముల మాత్రను మధ్యాహ్నాం భోజనమయ్యాక చప్పరించేలా చేడాలి. జిల్లాలో 4,46,865 మందికి ఆల్బెండజోల్‌ మాత్రలు పంపిణీ చేయనున్నారు. సోమవారం వేయించుకోని వారికి వచ్చేనెల ఐదున మాత్రలను ఇవ్వనున్నారు. జిల్లాలో అంగన్‌వాడీ కేంద్రాలు, ప్రభుత్వ, ప్రైవేటు పాఠశాలలు, జూనియర్‌, పాలిటెక్నిక్‌ కళాశాలల్లో, బడి బయట పిల్లలకు ఈ మాత్రలు పంపిణీ చేయనున్నారు. స్కూల్‌ హెల్త్‌ ప్రోగ్రాంలో భాగంగా రాష్ట్రీయ బాల స్వాస్థ్య ఆరోగ్య మిషన్‌ ఆధ్వర్యంలో స్కూల్‌ హెల్త్‌ ప్రోగ్రామ్‌లో భాగంగా అల్బెండజోల్‌ మాత్రల పంపిణీ చేస్తున్నాం. కలెక్టర్‌ ఆదేశాలు మేరకు ఈ కార్యక్రమాన్ని విజయవంతం చేస్తాం. – డా.పి.కోమల, డీఎంహెచ్‌వో, తూర్పుగోదావరి జిల్లా

సాక్షి, రాజమహేంద్రవరం/ రాజమహేంద్రవరం రూరల్‌/ ధవళేశ్వరం: ఎప్పటికీ బీసీల ఆత్మ బంధువు మాజీ సీఎం వైఎస్‌ జగన్‌మోహన్‌రెడ్డేనని బీసీ నేతలు ముక్తకంఠంతో చెప్పారు. గత ఎన్నికల సమయంలో చంద్రబాబు మాయమాటలు చెప్పి అధికారంలోకి వచ్చారన్నారు. దగా చేసిన వెన్నుపోటు పార్టీ వంచనపై బీసీలు గర్జించారు. జనాభాలో సగం కంటే ఎక్కువగా బీసీలు ఉన్నప్పటికీ నేటికీ కులవృత్తిదారులుగానే చంద్రబాబు చూస్తున్నాడని ధ్వజమెత్తారు. ఓటు బ్యాంకుగా వాడుకుంటూ రాజకీయ ప్రాతినిధ్యం కల్పించకుండా చిన్నచూపు చూస్తున్నాడని మండిపడ్డారు. సంక్షేమ పథకాలు అమలు చేయకపోవడంతో పాటు ఫీజు రీయింబర్స్‌మెంట్‌ బకాయిలు పేరుకుపోవడంతో ఎక్కువగా బీసీ, ఎస్సీ, ఎస్టీ, మైనార్టీ విద్యార్థులే ఆర్థికంగా నష్టపోతున్నారని ఆవేదన వ్యక్తం చేశారు. జ్యోతీరావు ఫూలే ఆశయాలను ఆచరణలో అమలు చేసి బలహీన వర్గాలకు మేలు చేసింది దివంగత మహానేత వైఎస్సార్‌, ఆయన తనయుడు వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి అని అన్నారు. నా బీసీలు అని చెప్పే దమ్మున్న జగన్‌ మళ్లీ గెలిస్తేనే బీసీలకు మంచి రోజులొస్తాయని.. దీనికోసం అంతా ఐక్యంగా ముందుకు సాగుదామని ప్రతినబూనారు. వెన్నుపోటు పార్టీ వంచనపై బీసీల గర్జన సదస్సు మాజీ మంత్రి, వైఎస్సార్‌ సీపీ తూర్పు గోదావరి జిల్లా అధ్యక్షుడు, రాజమహేంద్రవరం రూరల్‌ నియోజకవర్గ ఇన్‌చార్జి చెల్లుబోయిన వేణుగోపాలకృష్ణ అధ్యక్షతన కాతేరులో ఆదివారం జరిగింది. ముందుగా జ్యోతీరావు ఫూలే, దివంగత మహానేత వైఎస్సార్‌ విగ్రహాలకు నివాళులర్పించారు. అనంతరం మాజీ మంత్రులు బొత్స సత్యనారాయణ, సీదిరి అప్పలరాజు, ధర్మాన కృష్ణదాస్‌, బూడి ముత్యాలనాయుడు, విడదల రజని, జోగి రమేష్‌, మాజీ స్పీకర్‌ తమ్మినేని సీతారాం, ఎమ్మెల్సీ రమేష్‌యాదవ్‌ మాట్లాడుతూ చంద్రబాబు పాలన తీరును ఎండగట్టారు. తొలుత ఇటీవల మృతి చెందిన వైఎస్సార్‌ సీపీ ప్రచార కమిటీ రాష్ట్ర అధ్యక్షుడు దివంగత కాకుమాను రాజశేఖర్‌ చిత్రపటం వద్ద నివాళులర్పించారు. నియోజకవర్గాల కోఆర్డినేటర్లు పిల్లి సూర్యప్రకాష్‌, గుడాల గోపి, వివిధ విభాగాల కార్పొరేషన్ల మాజీ చైర్మన్లు మామిడి శ్రీకాంత్‌, గుబ్బల తమ్మయ్య, సంకిస భవానీప్రియ, పార్టీ రాష్ట్ర కార్యదర్శులు గుబ్బల తులసీకుమార్‌, చెల్లుబోయిన శ్రీనివాస్‌, ఒమ్మి రఘురామ్‌, పాటి శివకుమార్‌, వాసిరెడ్డి జమీల్‌, వివిధ జిల్లాల బీసీ సెల్‌ అధ్యక్షులు అల్లి రాజబాబు, మట్టపర్తి నాగేంద్ర, నెరుసు చిరంజీవులు, శివకుమార్‌ గౌడ్‌, చిప్పడ నరసింహారావు, మానికొండ వెంకటేశ్వరరావు, దార్ల పాపయ్య, కాకినాడ మాజీ మేయర్‌ పి.సరోజ, ఏఎంసీ మాజీ చైర్మన్లు, వైఎస్సార్‌ సీపీ బీసీ మహిళా విభాగం జిల్లా అధ్యక్షురాలు మార్తి లక్ష్మి తదితరులు పాల్గొన్నారు. రాష్ట్ర ప్రచార కమిటీ అధ్యక్షుడు దివంగత కాకుమాను రాజశేఖర్‌ చిత్రపటానికి నివాళులర్పిస్తున్న తమ్మినేని, బొత్స సత్యనారాయణ, వేణు, భరత్‌రామ్‌ తదితరులుబీసీ గర్జనకు హాజరైన నేతలు రిజర్వేషన్ల పేరిట డ్రామా.. స్థానిక సంస్థల ఎన్నికలు సమీపిస్తుండడంతో 34 శాతం రిజర్వేషన్ల పేరిట డ్రామాకు చంద్రబాబు తెరతీశాడు. వాస్తవానికి బీసీలకు మేలు చేయాలనే చిత్తశుద్ధి వెన్నుపోటు పార్టీ నాయకుడికి లేదు. రాజకీయ ప్రాతినిధ్యం కల్పించే ఉద్దేశమే ఉంటే పవన్‌ కళ్యాణ్‌ పక్కన కూర్చునే అర్హత ఉన్న ఒక్క బీసీ ఎమ్మెల్యే దొరకలేదా..? వైఎస్‌ జగన్‌ ముగ్గురు బీసీలను ఉప ముఖ్యమంత్రులను చేస్తే వెన్నుపోటు పార్టీ నాయకుడు ఒక్కరినీ డిప్యూటీ సీఎంను చేయలేదు. ప్రతి మహిళకు నెలకు రూ.1,500 ఇస్తామని మోసం చేశారు. రూ.9 వేల కోట్ల ఫీజు రీయింబర్స్‌మెంట్‌ బకాయిలు చెల్లించకపోవడంతో బీసీ విద్యార్థులే నష్టపోతున్నారు. బీసీ రక్షణ చట్టం తీసుకొస్తామని కాలయాపన చేస్తున్నారు. బలహీనవర్గాల గొంతుకగా వైఎస్సార్‌ సీపీ పోరాడుతుంది. వైఎస్‌ జగన్‌ సీఎం అయితేనే బలహీన వర్గాలకు ప్రాధాన్యం దక్కుతుంది. – చెల్లుబోయిన వేణుగోపాలకృష్ణ, మాజీ మంత్రి, వైఎస్సార్‌ సీపీ జిల్లా అధ్యక్షుడు ఫ వైఎస్‌ జగన్‌తోనే బలహీన వర్గాల సంక్షేమం ఫ చంద్రబాబు పాలనలో వెన్నుపోటు, దగా ఫ ఎన్నికల వేళ ఓట్ల కోసం మళ్లీ ఎత్తుగడలు ఫ రాజకీయ ప్రాతినిధ్యం కల్పించడంలో చిన్నచూపు ఫ రెండున్నరేళ్లలో బలహీన వర్గాలకు చేసిందేమీ లేదు ఫ వెన్నుపోటు పార్టీ వంచనపై బీసీ గర్జనలో వైఎస్సార్‌ సీపీ నేతలు బీసీ గర్జనలో చేసిన తీర్మానాలుఫ బీసీలకు 34 శాతం రిజర్వేషన్‌ కల్పించేందుకు చట్టం చేయాలి. ఫ తక్షణమే ఉప ముఖ్యమంత్రి పదవి బీసీలకు ఇవ్వాలి. ఫ ఆదరణ పథకం పేరుతో బడ్జెట్‌లలో కేటాయించిన రూ.3 వేల కోట్లతో తక్షణమే పనిముట్లు ఇవ్వాలి. ఫ 50 సంవత్సరాలు నిండిన బీసీలకు రూ.4 వేల చొప్పున పింఛన్‌ మంజూరు చేయాలి. ఫ ఫీజు రీయింబర్స్‌మెంట్‌ బకాయిలు రూ.9 వేల కోట్లు విడుదల చేయాలి. ఫ రైతులకు ఉచిత పంటల బీమా పథకం అమలుకు చర్యలు తీసుకోవాలి. ఫ 18 నుంచి 60 ఏళ్ల మధ్య మహిళలకు నెలకు రూ.1,500 ఇస్తామన్న హామీ వెంటనే ఆచరణలో పెట్టాలి. ఫ ఆరోగ్యశ్రీ పథకాన్ని పూర్తి స్థాయిలో అమలు చేసి పేదల ఆరోగ్యానికి బాసటగా నిలవాలి. ఫ బీసీ నేతలపై కేసులు, వేధింపులు తక్షణమే ఆపాలి. ఫ బీసీలకు 150 రోజుల పాటు ఉపాధి హామీ పథకం అమలు చేయాలి. ఫ చట్టసభల్లో రాజ్యాధికారం కోసం బీసీ రిజర్వేషన్‌ బిల్లు ఆమోదించేలా కేంద్ర ప్రభుత్వంపై ఒత్తిడి తీసుకురావాలి. ఫ బీసీ కార్పొరేషన్‌ రుణాల కోసం 3 లక్షల అప్లికేషన్లు రాగా, వారికి తక్షణమే రుణాలు మంజూరు చేయాలి.

బోట్‌క్లబ్‌(కాకినాడసిటీ): ప్రజా సమస్యల పరిష్కారం కోసం ప్రతి సోమవారం కలెక్టరేట్‌లో నిర్వహించే ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమం ఈ నెల 28న యథావిధిగా జరుగుతుందని జిల్లా కలెక్టర్‌ హరేంధిరప్రసాద్‌ ఆదివారం ఒక ప్రకటనలో తెలిపారు. అన్ని శాఖల అధికారులూ విధిగా హాజరుకావాలని ఆదేశించారు. ఉద్యోగులు హక్కుల కోసం పోరాడితే తప్పా? వైఎస్సార్‌సీపీ మహిళా విభాగం రాష్ట్ర ఉపాధ్యక్షురాలు నాగమణి కాకినాడ రూరల్‌: రాష్ట్రంలో రెడ్‌బుక్‌ రాజ్యాంగం ఉత్తర కొరియా అధ్యక్షుడు కిమ్‌ను మించిపోయిందని, హక్కుల కోసం ఉద్యోగులు పోరాటం చేయడం తప్పా అని వైఎస్సార్‌సీపీ మహిళా విభాగం రాష్ట్ర ఉపాధ్యక్షురాలు జమ్మలమడక నాగమణి మండిపడ్డారు. కాకినాడలో ఆదివారం ఆమె మీడియాతో మాట్లాడుతూ విజయవాడలో సచివాలయ ఉద్యోగులను అరెస్టు చేయడం హేయమైన చర్య అన్నారు. రాష్ట్రంలో కూటమి పాలన అరాచకంగా మారిందని, ప్రభుత్వ ఉద్యోగులు తమ హక్కులను పోరాటాల ద్వారా సాధించుకున్న అనేక సందర్భాలు ఉన్నాయని చెప్పారు. హక్కులను కాలరాస్తే ప్రభుత్వాలను మార్చే సంఘటనలు గతంలో ఉన్నాయని హెచ్చరించారు. ఉద్యోగుల న్యాయ పోరాటానికి అడ్డంకులు పెట్టడం మానుకుని వారి డిమాండ్లను పరిష్కరించాలని హితవు పలికారు. కూటమి పాలనలో తప్పులు బయటపెడుతున్న మీడియాపై ఆంక్షలు విధిస్తున్నారని, రాజ్యాంగ విరుద్ధంగా జరుగుతున్న అక్రమాలు, అవినీతిపై నిబద్ధతతో వార్తలు ఇస్తున్న పత్రికలు, ప్రసారం చేస్తున్న చానళ్ళ గొంతు నొక్కాలని చూడడం దుర్మార్గమని చెప్పారు. సోషల్‌ మీడియా ఇన్‌ఫ్లుయెన్సర్లకు, ప్రధాన మీడియా చానళ్ళకు మైనింగ్‌, కాంట్రాక్టులు ఎరగా వేసి వ్యతిరేక మీడియాను అణచివేస్తున్న కూటమి ప్రభుత్వంపై ప్రజల్లో వ్యతిరేకత వ్యక్తమవుతోందన్నారు. కూటమికి ప్రజలు త్వరలోనే బుద్ధి చెబుతారని నాగమణి స్పష్టం చేశారు. ఉత్సాహంగా చెకుముకి సైన్స్‌ సంబరాలు పిఠాపురం: జనవిజ్ఞాన వేదిక (జేవీవీ) జిల్లా స్థాయి చెకుముకి సైన్స్‌ సంబరాలు ఆదివారం ఘనంగా జరిగాయి. స్థానిక రాజీవ్‌ గాంధీ మున్సిపల్‌ హైస్కూల్‌లో జేవీవీ జిల్లా అధ్యక్షుడు కేఎంఎంఆర్‌ ప్రసాద్‌ అధ్యక్షతన జరిగిన ఈ కార్యక్రమంలో ముఖ్య అతిథులుగా డాక్టర్‌ పీఎన్‌ రాజు, జిల్లా గౌరవ అధ్యక్షుడు కాదా వెంకటరమణ పాల్గొన్నారు. ఈ సందర్భంగా జనవిజ్ఞాన వేదిక ప్రయోగాలతో శాసీ్త్రయ దృక్పథం పుస్తకాన్ని ఆవిష్కరించారు. జిల్లా వ్యాప్తంగా 37 బృందాల్లో 111 మంది విద్యార్థులు చెకుముకి టెస్ట్‌ ఆడియో విజువల్‌ రౌండ్‌, ర్యాపిడ్‌ రౌండ్‌లలో పాల్గొని తమ ప్రతిభను ప్రదర్శించారు. పెదపూడి హైస్కూల్‌ ప్రథమ, సామర్లకోట హైస్కూల్‌ ద్వితీయ, తొండంగి మండలం ఎ.కొత్తపల్లి హైస్కూల్‌ తృతీయ స్థానాల్లో నిలిచాయి. ప్రైవేటు పాఠశాలల్లో తుని శ్రీప్రకాష్‌ విద్యానికేతన్‌ ప్రథమ, పిఠాపురం భాష్యం స్కూల్‌ ద్వితీయ, కాకినాడ రూరల్‌లోని ఆదిత్య స్కూల్‌ తృతీయ స్థానాల్లో నిలిచాయని నిర్వాహకులు తెలిపారు. ప్రథమ స్థానంలో నిలిచిన పాఠశాలలు రాష్ట్రస్థాయి సంబరాల్లో పాల్గొంటాయని జిల్లా చెకుముకి కన్వీనర్‌ జీహెచ్‌పీఎస్‌ వర్మ చెప్పారు. అనంతరం విజేతలకు బహుమతులు అందజేశారు. ఉపాధ్యాయులు, జేవీవీ ప్రతినిధులు, విద్యార్థులు పాల్గొన్నారు. రత్నగిరి.. భక్తజనఝరి అన్నవరం: అన్నవరం సత్యదేవుని ఆలయానికి ఆదివారం పెద్ద సంఖ్యలో భక్తులు తరలివచ్చారు. సాధారణంగా భాద్రపద మాసంలో పెద్దగా భక్తులు రారు. దీనికితోడు ఆర్నాబ్‌ తుపాను ప్రభావంతో మంగళవారం నుంచి శుక్రవారం వరకు జిల్లా వ్యాప్తంగా భారీ వర్షాలు కురియడంతో భక్తులు నామమాత్రంగా వచ్చారు. శనివారం నుంచి వర్షాలు తగ్గడంతో ఆలయానికి భక్తులు పెద్ద సంఖ్యలో విచ్చేసి సత్యదేవుడిని దర్శిస్తున్నారు. ఆదివారం పెద్ద సంఖ్యలో భక్తులు రత్నగిరికి తరలివచ్చారు. దీంతో స్వామివారి ఆలయం, క్యూ లైన్లు, వ్రత మండపాలు అన్నీ భక్తులతో నిండిపోయాయి. సుమారు 25 వేల మంది భక్తులు స్వామివారిని దర్శించుకొని పూజలు చేశారని అధికారులు తెలిపారు. 1500 వ్రతాలు జరిగాయని, అన్ని విభాగాల ద్వారా దేవస్థానానికి రూ.30 లక్షలు ఆదాయం వచ్చిందని తెలిపారు. సత్యదేవుని అన్నప్రసాదం ఐదువేల మంది స్వీకరించారని అధికారులు చెప్పారు.

గత వైఎస్సార్‌ సీపీ ప్రభుత్వంలోనే చేనేత కుటుంబాలకు మేలు జరిగింది. ప్రతి చేనేత కార్మికుడికి ఏడాదికి రూ.24 వేలు అందజేసి వారిని ఆదుకున్నారు. కూటమి ప్రభుత్వంలో చేనేత కార్మికులకు తీవ్ర అన్యాయం జరుగుతోంది. బీసీలకు న్యాయం జరగాలంటే 2029లో వైఎస్‌ జగన్‌మోహన్‌రెడ్డిని ముఖ్యమంత్రిగా గెలిపించుకోవాలి. – చందన నాగేశ్వర్‌, ఏపీ గ్రీనింగ్‌ అండ్‌ బ్యూటిఫికేషన్‌ కార్పొరేషన్‌ మాజీ చైర్మన్‌ నాడు మామకు.. నేడు బీసీలకు బలహీన వర్గాలకు వైఎస్సార్‌ ఎంతో అండగా నిలిచారు. తూర్పు కాపులకు బీసీ సర్టిఫికెట్ల మంజూరులో ఎదురవుతున్న సమస్యను వైఎస్‌ రాజశేఖర్‌రెడ్డి వద్దకు తీసుకెళ్లగానే పరిష్కరించారు. దేశంలో నా బీసీలు, నా ఎస్సీలు, నా ఎస్టీలు అన్న దమ్మున్న నాయకుడు వైఎస్‌ జగన్‌ ఒక్కరే. నాడు మామ ఎన్టీఆర్‌కు వెన్నుపోటు పొడిచిన చంద్రబాబు... ఇప్పుడు బీసీలకు సైతం వెన్నుపోటు పొడిచారు. – రౌతు సూర్యప్రకాశరావు, మాజీ ఎమ్మెల్యే, రాజమహేంద్రవరం వ్యతిరేకతను ఓట్లుగా మలుచుకోవాలి వెన్నుపోటు పార్టీపై ఈ రెండున్నరేళ్లలో ప్రజల్లో తీవ్ర వ్యతిరేకత వచ్చింది. ఆ వ్యతిరేకతను ఓట్లుగా మలుచుకునేందుకు నేతలంతా దిశానిర్దేశం చేయాలి. గతంతో పోల్చితే వైఎస్సార్‌ సీపీ ఓట్లు షేర్‌ శాతం గణనీయంగా పెరగడంతో విజయం తథ్యం. 139 బీసీ కులాల మధ్య సమన్వయం సాధించాలి. వైఎస్‌ జగన్‌ బీసీలకు చేసిన మేలును ప్రజల్లోకి తీసుకువెళ్లాలి. – గూడూరు శ్రీనివాస్‌, పార్లమెంటు కో ఆర్డినేటర్‌, రాజమహేంద్రవరం అన్ని కులాలకూ సంక్షేమ పథకాలు మత్స్యకారులకు వైఎస్‌ జగన్‌ పాలనలో మేలు జరిగింది. వారి జీవనోపాధిని మెరుగుపరిచేందుకు రూ.3 వేల కోట్లతో 11 హార్బర్ల నిర్మాణం ప్రారంభించారు. అన్ని కులాల సంక్షేమానికి అనేక పథకాలు అమలు చేశారు. బీసీ సంఘాలను, నాయకులను చైతన్యపరిచి వైఎస్‌ జగన్‌మోహన్‌రెడ్డిని మరోసారి ముఖ్యమంత్రిని చేసేందుకు అంతా కృషి చేయాలి. –పొన్నాడ సతీష్‌, మాజీ ఎమ్మెల్యే, ముమ్మిడివరం వెన్నుపోటు పార్టీకి బుద్ధి చెప్పాలి చంద్రబాబు అధికారంలోకి వచ్చి బీసీలకు వెన్నుపోటు పొడిచారు. బీసీ రుణాలు మంజూరు చేయకుండా, సంక్షేమ పథకాలు అమలు చేయకుండా అన్నివిధాలా మోసం చేశారు. వెన్నుపోటు పార్టీకి ఓటుతో బుద్ధి చెప్పే సమయం ఆసన్నమైంది. రాబోయే స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల విజయానికి ఐక్యంగా కృషి చేయాలి. – ఆవాల లక్ష్మీనారాయణ, పెరిక సామాజికవర్గ రాష్ట్ర అధ్యక్షుడు, కాకినాడ చరమగీతం పాడే సమయం వచ్చింది రాష్ట్రంలో బీసీలకు మేలు జరిగేది వైఎస్‌ జగన్‌మోహన్‌రెడ్డితోనే. గత ప్రభుత్వంలో అనేక సంక్షేమ పథకాలను అమలు చేశారు. వెన్నుపోటు పార్టీ ఎన్నికల్లో ఇచ్చిన ఏ ఒక్క హామీని అమలు చేయకుండా బీసీలకు వెన్నుపోటు పొడిచింది. బీసీలంతా చంద్రబాబు పాలనకు చరమగీతం పాడే సమయం దగ్గరపడింది. – కొండపల్లి దుర్గారావు, వైఎస్సార్‌ సీపీ జిల్లా బీసీ సెల్‌ అధ్యక్షుడు, తూర్పు గోదావరి

వైఎస్సార్‌సీపీ రాష్ట్ర అధికార ప్రతినిధి లక్ష్మీ శివకుమారి సాక్షి ప్రతినిధి, కాకినాడ: తుని నియోజకవర్గ నేత యనమల కృష్ణుడు పార్టీ మారితే ఎవరికీ నష్టం లేదని వైఎస్సార్‌సీపీ రాష్ట్ర అధికార ప్రతినిధి, మాజీ ఎమ్మెల్సీ అంగూరి లక్ష్మీ శివకుమారి స్పష్టంచేశారు. స్థానిక పార్టీ కార్యాలయంలో శనివారం ఏర్పాటు చేసిన విలేకరుల సమావేశంలో ఆమె మాట్లాడారు. వైఎస్‌ జగన్‌ ఇచ్చిన ప్రాధాన్యతను వదులుకొని పార్టీలు మారుతున్నారన్నారు. యనమల కృష్ణుడు తుని ఎమ్మెల్యే కావాలన్న ఆశ నెరవేరదని జోస్యం చెప్పారు. యనమల రామకృష్ణుడు వదిలేస్తే గత సార్వత్రిక ఎన్నికలకు ముందు వైఎస్సార్‌సీపీలో చేరారని, ప్రస్తుతం జనసేన తీర్థం పుచ్చుకున్నంత మాత్రాన వైఎస్సార్‌ సీపీకి, పార్టీ జిల్లా అధ్యక్షుడు దాడిశెట్టి రాజాకు ఎలాంటి నష్టం లేదని చెప్పారు. తునిలో దాడిశెట్టి రాజా నేతృత్వంలో పార్టీ బలంగా ఉందన్నారు. ఎలాంటి ఎన్నికలైనా ఎదుర్కొనేందుకు సిద్ధంగా ఉన్నట్టు వెల్లడించారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి పాలనలో రాష్ట్రం అభివృద్ధి చెందడంతో పాటు, సంక్షేమ పథకాలు అందరికీ అందాయని, తిరిగి ఆయన పాలన కోసం ప్రజలు ఎదురుచూస్తున్నారని చెప్పారు. సమావేశంలో వైఎస్సార్‌ సీపీ మహిళా విభాగం జిల్లా అధ్యక్షురాలు వర్ధినీడి సుజాత, నేతలు సరోజ, సుంకర శివ ప్రసన్న, శేషకుమారి, నాగ మల్లేశ్వరి, బెహరా రాజేశ్వరి తదితరులు పాల్గొన్నారు.

బోట్‌క్లబ్‌(కాకినాడసిటీ): నూతనంగా ఏర్పడిన కాకినాడ జిల్లా పరిషత్‌ ప్రత్యేకాధికారిగా శనివారం కలెక్టర్‌ హరేంధిరప్రసాద్‌ బాధ్యతలు స్వీకరించారు. ఈ సందర్భంగా ఆయన్ని జెడ్పీ సీఈవో లక్ష్మణరావు, డిప్యూటీ సీఈవో శ్రీ లలిత సత్కరించారు. ముంపు ప్రాంతాల్లో కలెక్టర్‌ పర్యటన కాకినాడ రూరల్‌: భారీ వర్షాల ప్రభావంతో ముంపునకు గురైన కాకినాడ రూరల్‌ పి.వెంకటాపురం, తిమ్మాపురం గ్రామాల్లో కలెక్టర్‌ హరేంధిరప్రసాద్‌ శనివారం పర్యటించారు. పి.వెంకటాపురం బాలికల గురుకుల పాఠశాల ప్రాంగణంలోకి పొలాలు, కాల్వలోని నీరు ప్రవేశించడంతో స్వయంగా పరిశీలించి విద్యార్థినులు, వారి తల్లిదండ్రులు, ఉపాధ్యాయులతో మాట్లాడారు. పాఠశాలకు సెలవు ప్రకటించి ప్రత్యేకంగా ఏర్పాటు చేసిన బస్సుల్లో విద్యార్థినులను వారి తల్లిదండ్రులతో కలిపి ఇళ్లకు పంపించారు. తిమ్మాపురం గ్రామంలో పొంగి ప్రవహిస్తున్న ఏలేరు నవర కాల్వను పరిశీలించి రక్షణ చర్యలకు ఆదేశాలిచ్చారు. తిమ్మాపురం, పండూరు మధ్య నవర కాల్వను పరిశీలించి రైతులతో మాట్లాడారు. ఆర్డీఓ మల్లిబాబు, డీఎల్‌డీఓ వాసుదేవరావు ఆయన వెంట ఉన్నారు.

ఉప్పలగుప్తం: జనసేన ప్రాతినిధ్యం వహిస్తున్న నిడదవోలు నియోజకవర్గం ఉండ్రాజవరంలో రంగా అభిమానులపై కూటమి ప్రభుత్వ నాయకుల కనుసన్నల్లో పోలీసులు లాఠీచార్జి చేస్తూ దౌర్జన్యానికి పాల్పడటం దారుణమని వైఎస్సార్‌సీపీ యువజన విభాగం రాష్ట్ర కార్యదర్శి, కాపు సంఘ నాయకుడు సలాది సతీష్‌ అన్నారు. వంగవీటి మోహనరంగా విగ్రహాన్ని శుక్రవారం అర్ధరాత్రి తొలగించడం, అక్కడి యువకులపై పోలీసులు లాఠీచార్జి చేయడాన్ని తీవ్రంగా ఖండించారు. ఈ మేరకు శనివారం ఆయన విలేకరులతో మాట్లాడారు. గత కొంతకాలంగా రంగా విగ్రహ ఏర్పాటుకు స్థానిక ఎమ్మెల్యేను అభ్యర్థిస్తున్నా వారికి అనుమతి ఇవ్వడంలో కూటమి నేతలు బెట్టు చూపించారన్నారు. దీనిపై శనివారం ఘటనాస్థలికి వచ్చిన రంగా కుమార్తె ఆశాకిరణ్‌పై సైతం పోలీసులు విరుచుకుపడిన తీరు దారుణమన్నారు. ఆశాకిరణ్‌కు ప్రభుత్వం రక్షణ కల్పించాలని, రంగా విగ్రహాన్ని అభిమానులు చూపించిన స్థానంలో ఏర్పాటు చేయాలని సతీష్‌ డిమాండ్‌ చేశారు.

● ఓటర్ల లెక్క తేలింది ● రిజర్వేషన్ల పైనే ఉత్కంఠ ● న్యాయ వివాదాల ప్రభావంతో కాకినాడ, రాజమహేంద్రవరంలో ఆగిన ప్రక్రియ సాక్షి ప్రతినిధి, కాకినాడ: పురపోరుకు రంగం సిద్ధమవుతోంది. మున్సిపల్‌ ఎన్నికల కసరత్తులో అధికారులు తలమునకలవుతున్నారు. ఎన్నికల్లో కీలక ఘట్టమైన సామాజిక వర్గాల వారీగా ఓటర్ల గణన ప్రక్రియ కొలిక్కి వచ్చింది. ఓటర్ల తుది జాబితా ప్రచురించారు. ఎస్సీ, ఎస్టీ, బీసీ, ఇతరుల కేటగిరీల వారీగా జాబితా వెల్లడించారు. ఇక మున్సిపల్‌ చైర్మన్‌, వార్డు కౌన్సిలర్ల రిజర్వేషన్లు ఖరారయ్యాక ఎన్నికలకు మార్గం సుగమం కానుంది. అధికారులు రూపొందించిన తుది జాబితాలను మున్సిపల్‌ అధికారులు ప్రభుత్వానికి నివేదించారు. త్వరలోనే రిజర్వేషన్లపై స్పష్టత వచ్చే అవకాశం ఉంది. ఈ పరిణామం ఉమ్మడి తూర్పుగోదావరి జిల్లా వ్యాప్తంగా రాజకీయ వేడిని రాజేస్తోంది. రిజర్వేషన్ల ప్రక్రియ ఎప్పుడు పూర్తవుతుందా.. ఎప్పుడు బరిలోకి దిగుదామా అని ఆశావహులు నిరీక్షిస్తున్నారు. ఉమ్మడి తూర్పుగోదావరిలో ఇలా.. ఉమ్మడి తూర్పుగోదావరి జిల్లా వ్యాప్తంగా కాకినాడ, రాజమహేంద్రవరం కార్పొరేషన్లు, తొమ్మిది పురపాలక సంఘాలు (తుని, మండపేట, అమలాపురం, సామర్లకోట, పెద్దాపురం, నిడదవోలు, కొవ్వూరు, రామచంద్రపురం, పిఠాపురం), 3 నగర పంచాయతీలు (ఏలేశ్వరం, ముమ్మిడివరం, గొల్లప్రోలు) ఉన్నాయి. వీటిలో రామచంద్రపురం మినహా మిగిలిన పురపాలక సంఘాల్లో సామాజిక వర్గాల వారీగా ఓటర్ల గణన పూర్తయింది. రామచంద్రపురంలో వార్డుల విభజన విషయంలో న్యాయ వివాదాలు తలెత్తడంతో కుల గణన ప్రక్రియ ఆలస్యమవుతున్నట్టు తెలుస్తోంది. ఇక్కడ ఈ ప్రక్రియ పూర్తయిన తర్వాత రిజర్వేషన్లపై స్పష్టత రానుంది. ఆశావహుల్లో ఉత్కంఠ సామాజిక వర్గాల వారీగా ఓటర్ల గణన ప్రక్రియ కొలిక్కి వస్తుండటంతో ఇక ఎన్నికల నిర్వహణకు మార్గం సుగమమైనట్టు రాజకీయ విశ్లేషకులు అభిప్రాయపడుతున్నారు. దీంతో ఆశావహుల్లో ఉత్కంఠ నెలకొంది. పురపాలక సంఘ చైర్మన్‌, వార్డు కౌన్సిలర్ల రిజర్వేషన్లు ఖరారైతే ఆయా స్థానాల్లో పోటీ చేసేందుకు అభ్యర్థులు సన్నద్ధమవుతున్నారు. సామాజిక వర్గాల వారీగా తమకు మద్దతు పలికే వారెవరంటూ లెక్కలు వేసుకుంటున్నారు. ఆయా సామాజిక వర్గాల ఓటర్లను ఇప్పటి నుంచే ప్రసన్నం చేసుకునే పనిలో ఉన్నారు. ఎన్నికల ప్రకటన కోసం.. మున్సిపల్‌ ఎన్నికలు అక్టోబర్‌ నెలాఖరులోపు నిర్వహిస్తామని ప్రభుత్వం ప్రకటించిన విషయం తెలిసిందే. ఎన్నికల ప్రకటన కోసం ఆశావహులు నిరీక్షిస్తున్నారు. రిజర్వేషన్ల ప్రక్రియ పూర్తయి ఎన్నికల నోటిఫికేషన్‌, పోలింగ్‌ తేదీలు ఖరారైతే రాజకీయం మరింతగా వేడెక్కనుంది. అక్కడ ఇప్పట్లో ఎన్నికలు లేనట్టే? కాకినాడ, రాజమహేంద్రవరం కార్పొరేషన్లకు ఎన్నికలు జరగడం అనుమానంగా మారింది. రాజమహేంద్రవరం, కాకినాడ కార్పొరేషన్లలో కొన్ని గ్రామాలు విలీనం చేయాలన్న డిమాండ్‌ నెలకొంది. ఈ విషయమై ఇప్పటికే న్యాయస్థానాల్లో కేసులు నడుస్తున్నాయి. అవి పూర్తయ్యేవరకు ఎన్నికల ప్రక్రియ ప్రారంభించే అవకాశం లేదు. ఫలితంగా రెండు కార్పొరేషన్ల ఎన్నికలు ఇప్పట్లో లేనట్టే అన్న అభిప్రాయం రాజకీయ విశ్లేషకుల్లో వ్యక్తమవుతోంది. ఉమ్మడి తూర్పుగోదావరి జిల్లా వ్యాప్తంగా సామజిక వర్గ ఓటర్ల వివరాలు ఇలా.. మున్సిపాలిటీ ఎస్టీ ఎస్సీ బీసీ ఇతరులు అమలాపురం 581 5,093 14,211 21,194 తుని 210 7,241 20,489 15,090 మండపేట 336 5,334 27,344 16,046 సామర్లకోట 545 8,331 14,862 20,218 పెద్దాపురం 415 3,291 25,996 11,826 కొవ్వూరు 389 6,953 13,315 13,795 ఏలేశ్వరం 747 5,698 12,231 6,796 ముమ్మిడివరం 164 5,689 10,431 4,944 గొల్లప్రోలు 46 2,685 4,339 13,776 వైఎస్సార్‌సీపీలో ధీమా.. స్థానిక ఎన్నికలపై వైఎస్సార్‌సీపీ ధీమాగా ఉంది. కూటమి ప్రభుత్వం అధికారంలోకి వచ్చినప్పటి నుంచి ప్రజా వ్యతిరేక విధానాలు అవలంబిస్తోంది. కూటమి అరాచకాలపై వైఎస్సార్‌సీపీ శ్రేణులు రోడ్డెక్కి పోరాటాలు చేస్తున్నారు. ఫలితంగా ప్రజా మద్దతు కూడగట్టుకుంది. ఎప్పుడు ఎన్నికలు పెట్టినా పోటీ చేసేందుకు సిద్ధంగా ఉంది. కూటమిలో వణుకు.. అధికారంలోకి వచ్చినప్పటి నుంచి కూటమి నేతలు అక్రమార్జనకు అర్రులు చాస్తున్నారు. పథకం ఏదైనా.. దోపిడీయే పరమావధిగా తెగబడుతున్నారు. మద్యం, ఇసుక అక్రమ రవాణాలో రూ.కోట్లు దోచుకుంటున్నారు. సంక్షేమ పథకాల్లో కోతలు విధించి ప్రజా వ్యతిరేకతను మూటగట్టుకున్నారు. దీంతో ఎన్నికలకు వెళితే ఘోర పరాజయం తప్పదన్న భావనలో ఉన్నారు.

రాజమహేంద్రవరం రూరల్‌: వెన్నుపోటు పార్టీ వంచనపై బీసీ గర్జన జోన్‌–2 ఉమ్మడి తూర్పు, పశ్చిమగోదావరి జిల్లాల బీసీ నాయకుల సమావేశం కాతేరులోని వెంకటాద్రి గార్డెన్స్‌లో ఆదివారం ఉదయం 9.30 గంటలకు జరుగుతుందని మాజీ మంత్రి, వైఎస్సార్‌ సీపీ జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ, పార్టీ రాష్ట్ర బీసీ సెల్‌ అధ్యక్షుడు, ఎమ్మెల్సీ రాచపల్లి రమేష్‌యాదవ్‌ తెలిపారు. శనివారం కాతేరులోని వెంకటాద్రి గార్డెన్స్‌లో ఏర్పాట్లను వారు పరిశీలించారు. ఈ సమావేశానికి రాష్ట్ర మాజీ మంత్రులు, శాసనసభ్యులు, శాసనమండలి సభ్యులు, మాజీ ప్రజాప్రతినిధులు హాజరవుతారని, మేధావులు, న్యాయవాదులు, వైద్యులు, బీసీ నేతలంతా హాజరై విజయవంతం చేయాలని చెల్లుబోయిన వేణు, రాచపల్లి రమేష్‌ యాదవ్‌ పిలుపునిచ్చారు.

వైఎస్సార్‌సీపీ జిల్లా అధ్యక్షుడు జగ్గిరెడ్డి కొత్తపేట: రాష్ట్ర వ్యాప్తంగా గ్రామ రెవెన్యూ సహాయకులు (వీఆర్‌ఏలు) న్యాయమైన డిమాండ్లను పరిష్కరించాలని కోరుతూ చేస్తున్న నిరసన కార్యక్రమాలకు వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే చిర్ల జగ్గిరెడ్డి పార్టీ తరపున సంపూర్ణ మద్దతు తెలిపారు. స్థానిక పాత తహసీల్దార్‌ కార్యాలయం వద్ద వీఆర్‌ఏలు చేపట్టిన దీక్షలు 11వ రోజుకు చేరుకున్న నేపథ్యంలో శనివారం దీక్షా శిబిరాన్ని సందర్శించిన జగ్గిరెడ్డి వారికి సంఘీభావం తెలిపారు. వారి సమస్యలను, డిమాండ్లను అడిగి తెలుసుకున్నారు. ఈ సందర్భంగా ఆయన మాట్లాడుతూ 11 రోజులుగా ఎండను, వర్షాన్ని, కుటుంబ పరిస్థితులను లెక్కచేయకుండా తమ న్యాయమైన హక్కుల కోసం వీఆర్‌ఏలు దీక్ష చేస్తున్నప్పటికీ ప్రభుత్వం స్పందించకపోవడం బాధాకరమన్నారు. గ్రామస్థాయిలో ప్రభుత్వ పరిపాలన, సంక్షేమ కార్యక్రమాల అమలు, రెవెన్యూ శాఖ కార్యకలాపాల్లో వీఆర్‌ఏలు కీలక పాత్ర పోషిస్తున్నారని చెప్పారు. వారికి న్యాయమైన వేతనం, ఉద్యోగ భద్రత కల్పించాల్సిన బాధ్యత ప్రభుత్వంపై ఉందన్నారు. ప్రస్తుతం పెరిగిన నిత్యావసర వస్తువుల ధరలు, కుటుంబ ఖర్చుల నేపథ్యంలో నెలకు లభిస్తున్న గౌరవ వేతనం సరిపోదని, వారి సేవలకు అనుగుణంగా గౌరవప్రదమైన వేతనం అందించాల్సిన అవసరం ఉందని చెప్పారు. వారి నిరసన దీక్షను రాజకీయ కోణంలో చూడకుండా మానవతా దృక్పథంతో ప్రభుత్వం వెంటనే స్పందించాలని కోరారు. వీఆర్‌ఏల న్యాయమైన డిమాండ్లను వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి నాయకత్వంలో ప్రభుత్వం దృష్టికి తీసుకెళ్లేందుకు తమ వంతు కృషి చేస్తామని హామీ ఇచ్చారు. ఆయన వెంట పార్టీ నేతలు గొల్లపల్లి డేవిడ్‌రాజు, మార్గన గంగాధరరావు, ముసునూరి వెంకటేశ్వరరావు, ముత్యా వీరభద్రరావు, జెడ్పీటీసీ మాజీ సభ్యురాలు గూడపాటి రమాదేవి, కుర్రా శ్రీను తదితరులు ఉన్నారు. 11వ రోజు దీక్షలో వీఆర్‌ఏల సంఘ జిల్లా నాయకుడు పిల్లంగోరు బాలు, నేతలు కే భీమశంకరం, సత్యనారాయణ, ఇస్సాక్‌, లవరాజు, ఎస్‌.నాగభూషణం తధితరులు పాల్గొన్నారు.

వెనక్కి నెట్టేసి..సాక్షి, రాజమహేంద్రవరం: చంద్రబాబు బీసీలకు వెన్నుపోటు పొడిచాడని ఆయా వర్గాలు మండిపడుతున్నాయి. ఒక్క బీసీ ఎమ్మెల్యేను కూడా ఉప ముఖ్యమంత్రిని చేసి తమ పక్కన కూర్చోబెట్టుకునేందుకు ఇష్టపడడం లేదని, బలహీన వర్గాల విషయంలో చంద్రబాబు అనుసరించే ద్వంద్వ వైఖరికి ఇదే నిదర్శనమని అంతా అంటున్నారు. సంక్షేమ పథకాలు అందించడంలోనూ, రాజకీయ ప్రాతినిధ్యం కల్పించడంలోనూ పూర్తిగా మోసం చేశారని ఆవేదన వ్యక్తం చేస్తున్నారు. కూటమి ప్రభుత్వం అధికారంలోకి వచ్చి 27 నెలలు గడిచిన నేపథ్యంలో బీసీలకు ఇచ్చిన హామీల అమలుపై ప్రశ్నలు సంధిస్తున్నారు. పింఛన్లు, మహిళలకు ఆర్థిక సాయం, స్థానిక సంస్థల్లో రిజర్వేషన్లు, మంత్రివర్గంలో ప్రాతినిధ్యం వంటి అంశాలపై బీసీ సంఘాలు తమ అసంతృప్తిని వ్యక్తం చేస్తున్నాయి. మమ అని‘పింఛన్‌’.. 50 ఏళ్ల వయసు దాటిన బీసీలకు పింఛన్‌ అందిస్తామని ఎన్నికల సమయంలో చంద్రబాబు ఇచ్చిన హామీపై నేటికీ కార్యాచరణ ప్రారంభం కాలేదు. ఉమ్మడి జిల్లాలో లక్షల మంది అర్హులు పింఛన్ల కోసం ఆశగా ఎదురుచూస్తున్నారు. మహిళలకు రూ.1,500 సాయం ఊసేలేదు మహిళలకు ఆర్థిక భరోసా కల్పిస్తామని కూటమి ఎన్నికల సమయంలో ఇచ్చిన హామీ కూడా అమలుకు నోచుకోలేదు. గత వైఎస్సార్‌ సీపీ ప్రభుత్వంలో బీసీ నేస్తం పథకం ద్వారా అర్హులైన బీసీ మహిళలకు ఏడాదికి రూ.18 వేల చొప్పున ఆర్థిక సాయం అందించేవారు. కూటమి ప్రభుత్వం ఎన్నికల సమయంలో 18 నుంచి 60 ఏళ్ల మధ్య వయసున్న మహిళలకు నెలకు రూ.1,500 చొప్పున ఇస్తామని హామీ ఇచ్చి ఓట్లు వేయించుకుంది. దీనికోసం తూర్పుగోదావరి జిల్లాలో 2.3 లక్షల మందికి పైగా బీసీ మహిళలు ఆశగా ఎదురు చూస్తున్నారు. ఉప ముఖ్యమంత్రిగా నో చాన్స్‌ ఉప ముఖ్యమంత్రి పదవి చేపట్టేందుకు ఒక్క బీసీ ఎమ్మెల్యే కూడా దొరకలేదా అని ఆయా వర్గాలు ప్రశ్నిస్తున్నాయి. గత వైఎస్సార్‌ సీపీ ప్రభుత్వంలో ముగ్గురు బీసీ ఎమ్మెల్యేలకు ఉప ముఖ్యమంత్రి పదవులు ఇచ్చారని ఆ పార్టీ వర్గాలు గుర్తుచేస్తున్నాయి. హామీలిచ్చి.. ఆనక మరిచి.. గత ఎన్నికల సమయంలో చంద్రబాబు అండ్‌ కో బీసీలపైనా వరాల జల్లు కురిపించారు. తీరా ఎన్నికలయ్యాక ఆ హామీల అమలునే మరిచిపోయారు. వాటిని పరిశీలిస్తే... బీసీలకు 50 ఏళ్లకే నెలకు రూ.4 వేల పింఛన్‌. బీసీల రక్షణ కోసం ప్రత్యేక చట్టం. బీసీ సబ్‌ ప్లాన్‌ ద్వారా ఐదేళ్లలో లక్షన్నర కోట్ల రూపాయల ఖర్చు. స్థానిక సంస్థలు, నామినేటెడ్‌ పదవుల్లో 34 శాతం రిజర్వేషన్‌. చట్టసభల్లో బీసీలకు 33 శాతం రిజర్వేషన్‌ కోసం తీర్మానం చేసి కేంద్ర ప్రభుత్వానికి పంపించడం. తక్కువ జనాభా ఉండడంతో ఎన్నికల్లో పోటీ చేయలేని వర్గాలకు నామినేషన్‌ ద్వారా రాజకీయ భాగస్వామ్యం కల్పించడం. దామాషా ప్రకారం బీసీ కార్పొరేషన్లకు నిధులివ్వడంతో పాటు స్వయం ఉపాధికి ఐదేళ్లలో రూ.10 వేల కోట్ల ఖర్చు. రూ.5 వేల కోట్లతో ఆదరణ పథకం పునరుద్ధరిస్తామని హామీ. గొర్రెల పెంపకం యూనిట్లకు రాయితీలివ్వడంతో పాటు వాటికి బీమా సౌకర్యం కల్పించడం. పవర్‌లూమ్‌లకు 500 యూనిట్లు, హ్యాండ్లూమ్‌లకు 200 యూనిట్ల ఉచిత విద్యుత్‌ సౌకర్యం కల్పించడం. దేవాలయాల్లో పనిచేసే నాయీ బ్రాహ్మణులకు రూ.25 వేల గౌరవ వేతనమివ్వడంతో పాటు వారి షాపులకు 200 యూనిట్ల వరకూ ఉచిత విద్యుత్‌ కల్పించడం. ఫ బీసీలకు చంద్రబాబు దగా ఫ పింఛన్ల నుంచి రాజకీయ ప్రాతినిధ్యం వరకూ మోసమే ఫ బీసీ డిక్లరేషన్‌ పేరిట ఎన్నికల వేళ బూటకపు ప్రచారం ఫ వెన్నుపోటు పార్టీ వంచనపై బీసీల గర్జన నేడు ఫ హాజరుకానున్న వైఎస్సార్‌ సీపీ ఉమ్మడి గోదావరి జిల్లాల నాయకులు బీసీలకు 45 శాతం సీట్లిచ్చిన జగన్‌ గత వైఎస్సార్‌ సీపీ ప్రభుత్వంలో స్థానిక సంస్థల ఎన్నికల్లో బీసీలకు 45 శాతం మేర సీట్లు వైఎస్‌ జగన్‌మోహన్‌రెడ్డి కేటాయించారని ఆ పార్టీ వర్గాలు, బీసీ సంఘాల ప్రతినిధులు గుర్తు చేసుకుంటున్నారు. నామినేటెడ్‌ పదవుల్లోనూ సామాన్యులను కూర్చోబెట్టిన మనసున్న నాయకుడని కొనియాడుతున్నారు. అప్పట్లోనే 34 శాతం రిజర్వేషన్ల అమలుకు ప్రయత్నిస్తే, నాడు ప్రతిపక్షంలో ఉన్న చంద్రబాబు న్యాయపరమైన చిక్కులు సృష్టించారని ఆరోపిస్తున్నారు. ప్రస్తుతం స్థానిక సంస్థల ఎన్నికలు సమీపిస్తుండడం వల్లే బీసీలకు 34 శాతం రిజర్వేషన్ల డ్రామాకు చంద్రబాబు తెరతీశారనే ఆరోపణలు వినిపిస్తున్నాయి.

● పెరుగుతున్న వరద గోదావరి ● జిల్లాలో పొంగి పొర్లుతున్న డ్రెయిన్లు ఐ.పోలవరం/ అయినవిల్లి/ పి.గన్నవరం: గోదావరి వరద క్రమేపీ అధికమవుతోంది. ఎగువ ప్రాంతాల్లో కురుస్తున్న భారీ వర్షాలతో ధవళేశ్వరం కాటన్‌ బ్యారేజీ వద్ద ఇన్‌ ఫ్లో భారీగా పెరిగింది. ఈ ప్రభావం జిల్లాలోని గోదావరి నదీపాయల్లో కనిపిస్తోంది. గడిచిన మూడు రోజుల నుంచి వరద ఉధృతి పెరుగుతోంది. ధవళేశ్వరం కాటన్‌ బ్యారేజ్‌ వద్ద ఈ నెల 24న ఉదయం ఆరు గంటలకు 1,37,099 క్యూసెక్కులు ఉండగా, అది కాస్తా 25న 3,50,387 క్యూసెక్కులకు చేరింది. శనివారం 26వ తేదీ ఉదయం 6 గంటలకు ఇన్‌ ఫ్లో ఏకంగా 5,02,021 క్యూసెక్కులకు పెరిగింది. ఉధృతంగా ప్రవహిస్తూ.. వైనతేయ, వశిష్ట, వృద్ధ గౌతమి గోదావరి పాయల్లో వరద ఉధృతంగా ప్రవహిస్తోంది. ఆదివారం ఉదయం నుంచి వరద మరింత పెరిగే అవకాశం ఉందని అధికారులు అంచనా వేస్తున్నారు. అన్నంపల్లి, పి.గన్నవరం ఆక్విడెక్టుల వద్ద వరద నీరు ఉరకలేస్తూ ప్రవహిస్తోంది. ఐ.పోలవరం, అయినవిల్లి, ముమ్మిడివరం, మామిడికుదురు, కె.గంగవరం తదితర మండలాల్లో గోదావరి పాయల మధ్య ఉన్న లంక గ్రామాలను ఆనుకుని వరద ప్రవహిస్తోంది. ప్రస్తుతానికి లంక గ్రామాలకు ఎటువంటి ముంపు ప్రమాదం లేదని అధికారులు చెబుతున్నా, రేవులపై ఆంక్షలు మొదలయ్యాయి. ఇప్పటికే కోటిపల్లి – ముక్తేశ్వరం రేవును మూసివేశారు. వరద తీవ్రతను బట్టి మిగిలిన రేవులను కూడా మూసివేసి పడవ ప్రయాణాలను నిలిపివేయడానికి అధికారులు సిద్ధమవుతున్నారు. బండారులంక ఎగువ కౌశిక, గోరింకల డ్రైన్ల ముంపు నీరు పి.గన్నవరం మండలం ముంజవరం పొట్టు వద్ద వైనతేయలోకి దిగాల్సి ఉంది. అలాగే శంకరగుప్తం డ్రైనేజీ, కేశనపల్లి, గొంది అవుట్‌ఫాల్‌ స్లూయిస్‌ల ద్వారా ఐ.పోలవరం మండలంలోని నార్త్‌ అడ్డాల, సౌత్‌ అడ్డాల డ్రైన్ల నీరు వృద్ద గౌతమీలోకి దిగాల్సి ఉంది. వరద ఉండటంతో ఆశించిన స్థాయిలో ముంపు నీరు దిగడం లేదు.

తుని: రైలులో గంజాయి తరలిస్తున్న యువతిని, యువకుడిని రైల్వే పోలీసులు అరెస్టు చేశారు. రైల్వే పోలీసుల కథనం ప్రకారం.. భువనేశ్వర్‌ నుంచి బెంగళూరు వెళ్తున్న సుభద్ర సమాల్‌, దీపక్‌ కుమార్‌ జన హౌరా – చైన్నె మెయిల్‌లో ప్రయాణిస్తున్నారు. వారి బ్యాగులో 13 కేజీల గంజాయి ఉన్నట్లు స్థానిక ఆర్‌పీఎఫ్‌ ఎస్సైకి సమాచారం అందింది. అప్రమత్తమైన రైల్వే పోలీసులు తునిలో ఆ రైలు జనరల్‌ కోచ్‌ తనిఖీ చేసి నిందితులను అదుపులోకి తీసుకుని, వారి బ్యాగులో ఉన్న గంజాయిని స్వాధీనం చేసుకున్నారు. నిందితులను శనివారం కోర్టులో హాజరు పరచనున్నారు. ఈ కేసును ఛేదించిన ఆర్‌పీఎఫ్‌ ఎస్సై శ్రీనివాసరెడ్డి, ప్రభుత్వ రైల్వే పోలీసు (జీఆర్‌పీ) ఎస్సై సత్తిబాబు, సిబ్బందిని కాకినాడ లైన్‌ ఇన్‌స్పెక్టర్‌ అభినందించారు. చాక్లెట్ల రూపంలో గంజాయి స్వాధీనం రైలులో చాక్లెట్ల రూపంలో తరలిస్తున్న గంజాయిని స్వాధీనం చేసుకొని ముగ్గురు నిందితులను అరెస్టు చేసినట్లు జీఆర్‌పీ ఎస్సై సత్తిబాబు తెలిపారు. ఆయన కథనం ప్రకారం.. హౌరా – చైన్నె మెయిల్‌ను తునిలో తనిఖీ చేస్తూండగా అందులో ప్రయాణిస్తున్న మనోజ్‌ ప్రధాన్‌, సంబునాథ్‌ జన, అజయ్‌ జన అనుమానాస్పదంగా ఒకటో నంబర్‌ ప్లాట్‌ఫారంపై రైలు దిగి వెళ్లిపోతున్నారు. వారిని ఆర్‌పీఎఫ్‌, జీఆర్‌పీ సిబ్బంది అదుపులోకి తీసుకుని, వారి నుంచి చాక్లెట్‌ రూపంలో ఉన్న మూడు గంజాయి ప్యాకెట్లు స్వాధీనం చేసుకున్నారు.

అన్నవరం: ఆటోలో ప్రయాణిస్తున్న ఓ వ్యక్తి రోడ్డుపై పడిపోయి, బలమైన గాయాలతో మృతి చెందాడు. అన్నవరం ఎస్సై శ్రీహరిబాబు శుక్రవారం తెలిపిన వివరాల ప్రకారం.. తొండంగి మండలం గోపాలపట్నం గ్రామానికి చెందిన పలివెల రమణ (55) గురువారం రాత్రి తుని వెళ్లి ఆటోలో తిరిగి వస్తున్నాడు. ఈ క్రమంలో అన్నవరం శివారున వన్‌ హోటల్‌ వద్ద ఆటో నుంచి కిందకు పడిపోయాడు. తీవ్రంగా గాయపడిన అతడిని తుని ప్రభుత్వాసుపత్రికి తరలిస్తూండగా మార్గం మధ్యలో మృతి చెందాడు. రమణకు భార్య, ఇద్దరు కుమారులు, కుమార్తె ఉన్నారు. అతడు అన్నవరం దేవస్థానం శానిటరీ విభాగంలో ఔట్‌సోర్సింగ్‌ ఉద్యోగిగా పని చేస్తున్నాడు. రమణ జీతంతోనే కుటుంబం గడుస్తోందని, అతడి మృతితో తమకు జీవనాధారం పోయిందని కుటుంబ సభ్యులు రోదించారు.

రాజానగరం: చదువుతో పాటు పరిశ్రమలకు అవసరమైన నైపుణ్యాలను పెంపొందించుకుంటేనే మంచి ఉద్యోగావకాశాలను పొందగలుగుతారని రాజానగరం సమీపంలోని గోదావరి గ్లోబల్‌ యూనివర్సిటీ (జీజీయూ) చానల్సర్‌ కేవీవీ సత్యనారాయణరాజు (చైతన్యరాజు) అన్నారు. క్యాంపస్‌లో శుక్రవారం జరిగిన హెచ్‌ఆర్‌ సదస్సులో ఆయన మాట్లాడుతూ విద్యార్థులకు ఉజ్వలమైన భవిష్యత్తును అందించుటలో ఇటువంటి సదస్సులు ఎంతగానో తోడ్పడతాయన్నారు. కార్యక్రమంలో వీసీ డాక్టర్‌ యు.చంద్రశేఖర్‌, ప్రొ.వీసీ డాక్టర్‌ కేవీబీ రాజు, రిజిస్ట్రార్‌ డాక్టర్‌ పీఎంఎంఎస్‌ శర్మ, వివిధ సాఫ్ట్‌వేర్‌ సంస్థలకు చెందిన హెచ్‌ఆర్‌ నిపుణులు, అధ్యాపకులు, విద్యార్థులు పాల్గొన్నారు. లైంగిక దాడి ఘటనపైఅడిషనల్‌ ఎస్పీ విచారణ తాళ్లరేవు: మండల కేంద్రమైన తాళ్లరేవు రత్సవారిపేట గ్రామానికి చెందిన ఎనిమిదేళ్ల బాలికపై ఈ నెల 20న జరిగిన లైంగిక దాడి ఘటనపై కాకినాడ అడిషనల్‌ ఎస్పీ ఎం.కిషోర్‌ కుమార్‌ శుక్రవారం విచారణ నిర్వహించారు. ఆ చిన్నారిపై అదే గ్రామానికి చెందిన 45 ఏళ్ల వ్యక్తి అత్యాచారానికి పాల్పడిన ఘటన తెలిసిందే. ఈ దారుణంపై బాలిక అమ్మమ్మ సత్యవేణి ఫిర్యాదు మేరకు కోరంగి పోలీసులు పోక్సో కేసు నమోదు చేశారు. అడిషనల్‌ ఎస్పీ కిషోర్‌ కుమార్‌ బాలిక కుటుంబ సభ్యులు, గ్రామస్తుల నుంచి వివరాలు సేకరించారు. ఆయన వెంట కోరంగి ఎస్సై పి.సత్యనారాయణ, సిబ్బంది ఉన్నారు.

బోట్‌క్లబ్‌ (కాకినాడ సిటీ): ఈ నెల 27న రాజమహేంద్రవరంలో జరిగే ‘వెన్నుపోటు పార్టీపై బీసీల గర్జన‘ కార్యక్రమం విజయవంతం చేయాలని వైఎస్సార్‌ సీపీ జిల్లా బీసీ సెల్‌ అధ్యక్షుడు అల్లి రాజబాబు శుక్రవారం ఓ ప్రకటనలో పేర్కొన్నారు. ఈ సభలో జోన్‌– 2 ఉమ్మడి తూర్పు, పశ్చిమగోదావరి జిల్లాల వైఎస్సార్‌ సీపీ బీసీ నాయకులు, కార్యకర్తలు భారీ ఎత్తున పాల్గొనాలన్నారు. చంద్రబాబు బీసీలను ఓటు బ్యాంకుగా వాడుకుంటూ, ఎన్నికల సమయంలో అమలు కాని హామీలు ఇస్తూ ఏ ఒక్క హామీ అమలు చేయడం లేదన్నారు. హామీలు అమలు చేయాలని అడిగిన వారిపై రెడ్‌బుక్‌ రాజ్యాంగం అమలు చేస్తూ, తప్పుడు కేసులు పెట్టి భయభ్రాంతులకు గురిచేస్తున్నారని అన్నారు. బీసీలకు ఆర్థికంగా, రాజకీయంగా, సామాజికంగా పెద్దపీట వేసిన మాజీ ముఖ్యమంత్రి వైఎస్‌ జగన్‌మోహన్‌రెడ్డి వైపే ప్రజలు ఉన్నారని బలంగా తెలిపే విధంగా ఈ భారీ బహిరంగ సభను జయప్రదం చేయాలన్నారు.

వైఎస్సార్‌ సీపీ రాష్ట్ర మహిళా విభాగం ఉపాధ్యక్షురాలు నాగమణి విమర్శ కాకినాడ రూరల్‌: ఎన్నికల ముందు సూపర్‌ సిక్స్‌ పథకాలంటూ యువత, మహిళలు, రైతులు, విద్యార్థులకు ఇచ్చిన హామీల అమలుపై పూర్తి లెక్కలు చెప్పకుండా.. ఇప్పుడు ప్రభుత్వ ప్రచారం కోసం సోషల్‌ మీడియా ఇన్‌ఫ్లుయెన్సర్లకు ప్రజాధనం ఖర్చు చేయడం ఏంటని వైఎస్సార్‌ సీపీ రాష్ట్ర మహిళా విభాగం ఉపాధ్యక్షురాలు జమ్మలమడక నాగమణి ప్రశ్నించారు. ఒక చంకలో జనసేన, మరో చంకలో బీజేపీ అనే రెండు ఊతకర్రలతో నడుస్తున్న చంద్రబాబు ప్రభుత్వం, ఇప్పుడు ప్రజల్లో విశ్వసనీయత కోల్పోయి సోషల్‌ మీడియా ఇన్‌ఫ్లుయెన్సర్లను మరో ఊతకర్రగా చేసుకుంటోందని విమర్శించారు. 20 లక్షల ఉద్యోగాలు, నిరుద్యోగ భృతి, ఆడబిడ్డ నిధి, అన్నదాత సుఖీభవ, తల్లికి వందనం వంటి హామీల అమలుపై ప్రభుత్వం శ్వేతపత్రం విడుదల చేయాలని డిమాండ్‌ చేశారు. అదే సమయంలో ఇన్‌ఫ్లుయెన్సర్ల కోసం ఎంత ప్రజాధనం ఖర్చు చేస్తారో, ఎవరికి ఎంత చెల్లిస్తారో బహిర్గతం చేయాలన్నారు. సాయికృష్ణ వ్యవహారం, డీఎస్సీ వంటి అంశాల్లో ప్రజల దృష్టిని మళ్లించేందుకు ప్రచారంతో వాస్తవాలకు రంగులు అద్దే ప్రయత్నం చేస్తున్నారని నాగమణి ఆరోపించారు. ప్రజలకు ఇవ్వాల్సిన డబ్బులకు కొరత అంటున్న ప్రభుత్వం.. ప్రచారానికి మాత్రం నిధులు ఎలా సమకూరుస్తోంది? అని ప్రశ్నించారు.‘హామీల అమలు ముందు.. ప్రచారం తర్వాత. ప్రజల సంక్షేమం ముందు.. ప్రభుత్వ డబ్బా తర్వాత. ప్రజల సొమ్ముతో ప్రచారం చేయించుకోవడం కాదు.. ముందుగా ప్రజలకు ఇచ్చిన హామీలను అమలు చేయండి’ అని నాగమణి డిమాండ్‌ చేశారు. నీట్‌లో ఆలిండియా 783వ ర్యాంక్‌ కాకినాడ రూరల్‌: నీట్‌ పీజీ ఫలితాల్లో కాకినాడకు చెందిన డాక్టర్‌ హర్షసాయి చైతన్య ఆలిండియా స్థాయిలో 783వ ర్యాంక్‌ సాధించారు. అతను కాకినాడ ట్రాఫిక్‌–1 పోలీస్‌ స్టేషన్‌ హెడ్‌ కానిస్టేబుల్‌ శ్రీషణ్ముఖరావు కుమారుడు. కాకినాడ అశోక్‌నగర్‌లోని ఓ హైస్కూల్‌లో పదో తరగతిలో 9.8 జీపీఏ సాధించారు. విజయవాడలోని ఓ కళాశాలలో ఇంటర్‌ బైపీసీ పూర్తి చేసి 949 మార్కులు సాధించారు. నీట్‌ యూజీ స్టేట్‌ లెవల్‌లో ఎంబీబీఎస్‌ 732వ ర్యాంక్‌ సాధించి, కాకినాడ రంగరాయ మెడికల్‌ కాలేజీలో ఎంబీబీఎస్‌ సీటు పొంది 2025లో విజయవంతంగా పూర్తి చేశారు. ఎంబీబీఎస్‌ పూర్తయిన తర్వాత ఎలాంటి ఆఫ్‌లైన్‌ కోచింగ్‌ లేకుండా, ఆన్‌లైన్‌ యాప్‌ ద్వారా శిక్షణ పొంది తొలి ప్రయత్నంలోనే నీట్‌ పీజీలో ఈ అత్యుత్తమ ర్యాంక్‌ సాధించడం విశేషం. భవిష్యత్తులో జనరల్‌ మెడిసిన్‌ విభాగంలో స్పెషలైజేషన్‌ చేయడమే తన లక్ష్యమని డాక్టర్‌ హర్ష సాయి చైతన్య తెలిపారు. మద్యం దుకాణాలకు దరఖాస్తుల ఆహ్వానం కాకినాడ క్రైం: జిల్లాలో మొత్తం 171 మద్యం దుకాణాలకు 133 రెన్యువల్‌ అయ్యాయని ప్రొహిబిషన్‌ ఎకై ్సజ్‌ అధికారి కృష్ణకుమారి శుక్రవారం రాత్రి తెలిపారు. మిగిలిన 38 మద్యం దుకాణాల లైసెన్స్‌కు దరఖాస్తులు ఆహ్వానిస్తున్నట్టు ఆమె వివరించారు. తాళ్లరేవు ఎకై ్సజ్‌ స్టేషన్‌ పరిధిలో 4 దుకాణాలు, కాకినాడ సౌత్‌ స్టేషన్‌ పరిధిలో 4, నార్త్‌ స్టేషన్‌ పరిధిలో 8, పెద్దాపురం, పిఠాపురం పరిధిలలో 7, 8, ప్రత్తిపాడు, తుని స్టేషన్ల పరిధిలో 2, 5 దుకాణాల ఏర్పాటుకు నోటిఫికేషన్‌ విడుదల చేశామన్నారు. ఆసక్తి ఉన్నవారు రూ. 3 లక్షలు నాన్‌ రిఫండ్‌బుల్‌ దరఖాస్తు ఫీజుతో పాటు, రూ.వెయ్యి ప్రోసెసింగ్‌ ఫీజును డీడీ, చలనా రూపంలో చెల్లించాలన్నారు. అక్టోబర్‌ 1వ తేదీ రాత్రి 12 గంటల లోపు దరఖాస్తు చేసుకోవాలన్నారు. మరిన్ని వివరాలకు దరఖాస్తుదారులు స్థానిక ప్రొహిబిషన్‌ ఎకై ్సజ్‌ స్టేషన్ల పరిధిలోని అధికారులను సంప్రదించాలన్నారు. ధాన్యం సేకరణకు చర్యలు బోట్‌క్లబ్‌ (కాకినాడ సిటీ): ఖరీఫ్‌ సీజన్‌లో ధాన్యం సేకరణను అత్యంత పారదర్శకంగా నిర్వహించేందుకు జిల్లా యంత్రాంగం పటిష్ట కార్యాచరణ సిద్ధం చేయాలని జాయింట్‌ కలెక్టర్‌ అపూర్వ భరత్‌ తెలిపారు. ఖరీఫ్‌ ధాన్యం సేకరణపై శుక్రవారం వివిధ శాఖల అధికారులతో సమీక్ష సమావేశం నిర్వహించారు. రైతులు పండించిన ప్రతి గింజకు ప్రభుత్వ మద్దతు ధర అందించేలా, కొనుగోలు కేంద్రాల వద్ద అన్ని వసతులు ముందస్తుగా సిద్ధం చేయాలన్నారు. ఖరీఫ్‌లో 5,74,619 మెట్రిక్‌ టన్నుల దిగుబడి వస్తుందని అంచనా వేస్తున్నామన్నారు.

స్థానిక సంస్థల ఎన్నికలకు సర్వం సిద్ధమవుతోంది.. ఈ నేపథ్యంలో ప్రభుత్వంపై వ్యతిరేకతను సానుకూలంగా మార్చుకునేందుకు చంద్రబాబు కొత్త ఎత్తుగడతో ముందుకు రావడం సర్వత్రా విమర్శలకు దారితీస్తోంది. గత ఎన్నికల సమయంలో ఇచ్చిన హామీల అమలును పట్టించుకోని ప్రభుత్వం.. ఇప్పుడేమో ఏదో చేసేసినట్లు సొంత డబ్బా కొట్టుకోవడానికి రంగం సిద్ధం చేసుకుంది. దీనికోసం సోషల్‌ మీడియా ఇన్‌ఫ్లుయెన్సర్లను ప్రచారానికి వినియోగించుకోవాలని రాష్ట్ర మంత్రివర్గం బుధవారం ఆమోదం తెలిపింది. తద్వారా ఒక్కొక్కరికీ రూ.లక్షలు ఇచ్చేందుకు కుట్ర పన్నుతోంది. బోట్‌క్లబ్‌ (కాకినాడ సిటీ): చంద్రబాబు ప్రభుత్వం గత ఎన్నికల వేళ ఇచ్చిన హామీల అమలు లేదు. పథకాల నిర్వహణకు అతీగతి లేదు.. దీనిపై జనంలో వ్యతిరేకత వస్తుండగా, మరోవైపు తాము ఇంత చేశాం.. అంత చేశామంటూ సొంత డబ్బా కొట్టుకునేందుకు సోషల్‌ మీడియా ఇన్‌ఫ్లుయెన్సర్లను వినియోగిస్తూ వారికి ప్రభుత్వ నిధుల నుంచి చెల్లింపులు చేయాలన్న నిర్ణయం రాజకీయ, ప్రజావర్గాల్లో చర్చకు దారితీస్తోంది. ప్రభుత్వ పథకాలు, కార్యక్రమాల ప్రచారం కోసం సోషల్‌ మీడియా ఇన్‌ఫ్లుయెన్సర్లను ఎంప్యానెల్‌మెంట్‌ విధానానికి రాష్ట్ర కేబినెట్‌ ఆమోదం తెలపడం సిగ్గుచేటని పలువురు మండిపడుతున్నారు. ఫాలోవర్ల సంఖ్య ఆధారంగా ఇన్‌ఫ్లుయెన్సర్ల ఒక్కో వీడియోకు చెల్లింపులు చేయడంతో పాటు, ఒక్కో కంటెంట్‌ క్రియేటర్‌కు నెలకు గరిష్టంగా రూ.1.50 లక్షల వరకు చెల్లించేందుకు సిద్ధమవ్వడం దారుణమంటున్నారు. 2024 ఎన్నికలకు ముందు కూటమి విడుదల చేసిన మేనిఫెస్టోలో మహిళలు, యువతకు సంబంధించి అనేక హామీలు ఉన్నాయి. 19 నుంచి 59 ఏళ్ల వయసున్న అర్హులైన మహిళలకు నెలకు రూ.15 వేలు, యువతకు 20 లక్షల ఉద్యోగాలు కల్పించడం లేకుంటే ఉద్యోగం లభించే వరకు నెలకు రూ.3 వేల నిరుద్యోగ భృతి వంటి హామీలు అందులో ఉన్నాయి. వీటి అమలుకు ఎక్కడా చర్యలు లేవు. డబ్బులు లేవంటూ డబ్బా కొట్టుకునేందుకు.. సూపర్‌ సిక్స్‌ పథకాలు అమలు చేసేందుకు డబ్బులు లేవంటున్న ప్రభుత్వం ఈ ఇన్‌ఫ్లుయెన్సర్లకు ఇచ్చేందుకు నిధులు ఎక్కడ నుంచి వచ్చాయని ప్రజా సంఘాల నాయకులు మండిపడుతున్నారు. ఎన్నికలు దగ్గర పడేకొద్దీ చంద్రబాబుకు ప్రచార యావ ఎక్కువైపోతుందని, ఇందులో భాగంగా ఐటీడీపీ నాయకులకు ప్రజల డబ్బులు దోచిపెట్టేందుకు బరితెగించారని అంటున్నారు. రైతులకు ఉచిత పంట బీమా పథకానికి ఎగనామం పెట్టి, సున్నా వడ్డీ వంటి పథకాలు కనుమరుగు చేసిన చంద్రబాబు ప్రస్తుతం వారి పార్టీ నాయకులకు ఉపయోగపడే పథకాలు అమలు చేసుకొంటున్నారని రైతులు సైతం మండిపడుతున్నారు. 50 ఏళ్లకే పింఛన్‌ ఏమైంది? బీసీల్లో అర్హత ఉన్నవారికి 50 ఏళ్ల వయసు నుంచే రూ.4 వేల సామాజిక భద్రతా పింఛన్‌ ప్రారంభిస్తామని కూటమి మేనిఫెస్టోలో పేర్కొంది. అలాగే ఇతర సామాజిక భద్రతా పింఛన్లను పెంచుతామని హామీ ఇచ్చింది. జిల్లాలో 50 ఏళ్లకు పింఛన్‌ పొందే అర్హత దాదాపు 2 లక్షల మంది ఉన్నారు. వారంతా ఆశగా ఎదురు చూస్తున్నారు. ఆడబిడ్డ నిధి ఏదీ బాబూ.. 18 ఏళ్లు నిండిన ప్రతి మహిళకు నెలకు రూ.1,500 చెల్లిస్తామని చంద్రబాబు ఎన్నికల ముందు హామీ ఇచ్చారు. రెండున్నరేళ్లు గడుస్తున్నా ఆడబిడ్డ నిధి ఊసేలేదు. జిల్లాలో ఆడబిడ్డ నిధి అర్హులు సుమారు 6 లక్షలకు పైగా ఉన్నారు. చంద్రబాబు హామీలు నమ్మి ఓట్లు వేస్తే ప్రస్తుతం తమను అన్నివిధాలా మోసం చేశారని మహిళలు మండిపడుతున్నారు. తమకు నెలకు రూ.1,500 ఇచ్చేందుకు డబ్బులు లేవంటున్న ఈ ప్రభుత్వానికి ఐటీడీపీ నాయకులకు దోచిపెట్టేందుకు డబ్బులు ఎక్కడ నుంచి వస్తున్నాయని ప్రశ్నిస్తున్నారు. వచ్చే ఎన్నికల్లో మళ్లీ విజయం సాధించేందుకు ఇప్పటి నుంచి ప్రచారం చేసుకొనేందుకు కొత్త పన్నాగం పన్నారని ప్రజా సంఘాల నాయకులు అంటున్నారు. దీనిలో భాగంగానే సోషల్‌ మీడియా ఇన్‌ఫ్లుయెన్సర్లకు నెలనెలా డబ్బులు చెల్లించే పథకమని మండిపడుతున్నారు. అన్నవరం: ఎంకి పెళ్లి సుబ్బు చావుకొచ్చిందన్న సామెత ఇదేనేమో.. అన్నవరంలోని పంపా రిజర్వాయర్‌లోకి భారీగా వర్షపునీరు వస్తున్నా, నిల్వ చేసుకునే పరిస్థితి కనిపించడం లేదు. ఇందుకు ప్రధాన కారణం పంపా గర్భంలో జరుగుతున్న పోలవరం అక్విడెక్ట్‌ పనులే. భారీ వర్షాలతో నీరు వస్తుండడంతో పంపా నీటిమట్టం వేగంగా పెరుగుతోంది. కానీ ఏమి లాభం. వచ్చిన నీరు వచ్చినట్టుగానే విడుదల చేయాల్సిన పరిస్థితి ఏర్పడింది. స్థానిక పంపా రిజర్వాయర్‌లోకి భారీగా వర్షపునీరు వస్తుండడంతో నీటి ఉధృతి పెరుగుతోంది. ఫలితంగా రిజర్వాయర్‌ నీటిమట్టం శుక్రవారం సాయంత్రం ఆరు గంటలకు 99 అడుగులకు చేరింది. పంపా గరిష్ట నీటిమట్టం 103 అడుగులు. పంపా క్యాచ్‌మెంట్‌ ఏరియా శంఖవరం, రౌతులపూడి మండలాల్లోని ఏజెన్సీ గ్రామాల్లో కురుస్తున్న భారీ వర్షాల కారణంగా రిజర్వాయర్‌లోకి 1,500 క్యూసెక్కుల నీరు వచ్చి చేరుతోంది. దీంతో రిజర్వాయర్‌ నీటిమట్టం శనివారం ఉదయానికి 100 అడుగులకు చేరుకునే అవకాశం ఉందని అధికారులు అంచనా వేస్తున్నారు. 103 అడుగుల వరకు నీటిని నిల్వ చేసుకునే అవకాశం ఉన్నా, పోలవరం అధికారుల అభ్యంతరంతో పంపా పంట కాలువ నుంచి 220 క్యూసెక్కుల నీటిని దిగువకు విడుదల చేస్తున్నారు. పంపాకు వరద నీరు మరో మూడు రోజుల వరకు వచ్చే అవకాశం ఉందని అంచనా వేస్తున్నారు. నిల్వ చేయొద్దు.. వదిలేయండి! పంపా రిజర్వాయర్‌ గర్భంలో నుంచి వెళ్తున్న పోలవరం కాలువ అక్విడెక్ట్‌ పనులకు పెరుగుతున్న పంపా నీటిమట్టం అడ్డంకిగా మారిందని పోలవరం అధికారులు అంటున్నారు. దీంతో పంపాలో ఎక్కువ నీరు నిల్వ చేయవద్దని పోలవరం అధికారులు పంపా అధికారులపై ఒత్తిడి తెస్తున్నారు. గతంలో ఈ రిజర్వాయర్‌ నీటిమట్టం 106 అడుగుల వరకు ఉండేది. 104 అడుగుల వరకూ నీటిని నిల్వ చేసేవారు. అయితే పుష్కర కాలువ పంపా గర్భంలో నిర్మించినప్పుడు నీటిమట్టం 103 అడుగులు దాటితే పంపా నీరు పుష్కర కాలువలోకి వెళ్లిపోయేది. దాంతో పంపా గరిష్ట నీటిమట్టం 103 అడుగులకు తగ్గించారు. నీటిమట్టం వంద అడుగులు దాటితే పరిస్థితిని బట్టి నీటిని సముద్రంలోకి విడుదల చేసేవారు. గతేడాది నుంచీ ఇదే పరిస్థితి 2025 ఏప్రిల్‌లో పంపాలో నీరు అడుగంటడంతో శ్రీరామనవమి వేడుకలు, సత్యదేవుని కల్యాణ మహోత్సవాలు నిర్వహించడానికి కూడా నీరు లేదు. అప్పుడు ఏలేరు నుంచి నీరు విడుదల చేయాలని దేవస్థానం అధికారులు అప్పటి జిల్లా కలెక్టర్‌ షణ్మోహన్‌ను కోరారు. ఆ మేరకు ఆయన ఆదేశాలిచ్చారు. అయితే పంపాకు ఏలేరు నీరు విడుదలైతే పోలవరం అక్విడెక్ట్‌ పనులకు ఆటంకమని అభ్యంతరం చెప్పడంతో కలెక్టర్‌ ఏప్రిల్‌ రెండో తేదీన అన్నవరం వచ్చి అక్విడెక్ట్‌ పనులకు ఆటంకం లేకుండా పైప్‌లైన్‌ ద్వారా నీటిని విడుదల చేయడానికి నిధులు మంజూరు చేస్తానని చెప్పి పరిస్థితి చక్కదిద్దారు. ఆటంకం కలుగుతుందని.. కాగా, పంపా నదీ గర్భం నుంచి పోలవరం కాలువ నిర్మాణం, దానిపై అక్విడెక్ట్‌ పనులు ఇటీవల ఊపందుకున్నాయి. దీంతో పంపా నీటిమట్టం పెరిగితే నీరు పోలవరం అక్విడెక్ట్‌ స్థలంలోకి వచ్చేస్తుండడంతో ఆ పనులకు ఆటంకం కలుగుతోందని పోలవరం అధికారులు చెబుతున్నారు. ఫలితంగా పంపా నీటిమట్టం 94 అడుగులు దాటితే చాలు, నీటిని దిగువకు వదిలేయమని చెబుతున్నారని పంపా అధికారులు అంటున్నారు. ఒకవేళ నీరు వదలకపోతే జిల్లా ఉన్నతాధికారులకు ఫిర్యాదు చేస్తామంటున్నారని వారు వాపోతున్నారు.వర్షపు నీటితో పంపా రిజర్వాయర్‌పంపా నీటిని దిగువకు విడుదల చేస్తున్న దృశ్యంఫ సొంత ప్రచారానికి చంద్రబాబు కొత్త ఎత్తుగడ ఫ సోషల్‌ మీడియా ఇన్‌ఫ్లుయెన్సర్ల నియామకానికి ఆమోదం ఫ ఒక్కొక్కరికి రూ.లక్షల్లో ముట్టజెప్పేందుకు స్కెచ్‌ ఫ ప్రజాధనం దుర్వినియోగమే అంటున్న ప్రజా సంఘాలు నీట మునిగిన అక్విడెక్ట్‌ నిర్మాణ స్థలం పోలవరం అక్విడెక్ట్‌ పనులు పూర్తయ్యేవరకు పంపాలో 94 అడుగులకు మించి నీటిమట్టం నిల్వ ఉంచవద్దని అధికారులు చెబుతున్నప్పటికీ, భారీగా వస్తున్న వరద నీరు వల్ల ఆ పరిస్థితి సాధ్యం కావడం లేదు. గత రెండ్రోజులుగా పంపాకు పోలవరం అక్విడెక్ట్‌ స్థలం మీదుగా వరద నీరు వస్తోంది. దీంతో ఆ స్థలం, కట్టడాలన్నీ నీట మునిగాయి. ఈ నీరు తగ్గేవరకు పోలవరం అక్విడెక్ట్‌ పనులు కొనసాగించే అవకాశం లేదు. అయితే పంపాలో కనీసం వంద అడుగులు అయినా నీటిమట్టం కొనసాగించాలని, పోలవరం అధికారుల ఒత్తిడికి లొంగి నీటిని వదిలేస్తే సాగునీరు మాట దేవుడెరుగు వచ్చే వేసవిలో తాగునీటికి కూడా ఇబ్బంది వస్తుందని రైతులు అంటున్నారు. శుక్రవారం పంపా నీటిమట్టం 99 అడుగులకు చేరినప్పటికీ 220 క్యూసెక్కుల నీటిని దిగువకు విడుదల చేస్తున్నారు. నీటిమట్టం ఇంకా పెరిగితే నీటి విడుదల ఇంకా పెరిగే అవకాశం ఉంటుందని అధికారులు చెబుతున్నారు. ఫ భారీగా జలాలొచ్చినా నిల్వకు సరేమిరా! ఫ పోలవరం అక్విడెక్ట్‌ పనులతో అడ్డంకులు ఫ నీటిమట్టం 94 అడుగులు దాటితే, వదిలేయాలని ఆదేశం ఫ 220 క్యూసెక్కుల నీరు దిగువకు విడుదల నిరుద్యోగ భృతి ఎప్పుడిస్తారో.. తాము అధికారంలోకి వస్తే ప్రతి కుటుంబానికి ఒక ఉద్యోగం ఇస్తామని, లేకుంటే నిరుద్యోగులకు నెలకు రూ.3 వేల భృతి ఇస్తామని హమీ ఇచ్చారు. జిల్లాలో దారిద్య్ర రేఖకు దిగువ ఉన్న 5,73,959 కుటుంబాలు ఉన్నాయి. ఈ కుటుంబాలకు చెందిన చదువుకున్న యువకులంతా నిరుద్యోగ భృతికి అర్హులే. జిల్లాలో దాదాపు 2.50 లక్షల మంది నిరుద్యోగులు ఉన్నారు. వీరందరికీ నిరుద్యోగ భృతి దక్కాలి. జిల్లాలో ఆదికవి నన్నయ యూనివర్సిటీ పరిధిలో ఏటా డిగ్రీ పట్టాలు తీసుకొంటున్న వారు 12 వేల మంది ఉంటున్నారు. జేఎన్‌టీయూకే పరిధిలో ఇంజినీరింగ్‌ పట్టాలు పొందిన వారు సుమారు 6 వేలకు పైగా ఉంటున్నారు. వీరు కాకుండా డిప్లొమా, ఐటీఐ, చదివిన వారున్నారు. జిల్లాలో సరాసరి 35 వేల మంది తక్కువ కాకుండా యువత ఏటా పట్టాలు పుచ్చుకొని ఉద్యోగాలు కోసం ఎదురుచూస్తున్నారు. వీరికి మాత్రం నిరుద్యోగ భృతి ఇవ్వని చంద్రబాబు ప్రస్తుతం ప్రచార యావతో టీడీపీ నాయకులకు లబ్ధి చేసేందుఉక ముందుకు రావడంపై యువత మండిపడుతున్నారు.

పిఠాపురం: తీవ్ర వాయుగుండం శాంతించింది. జిల్లాలో వర్షాలు ఆగిపోయాయి. కాని భారీ వర్షాల వల్ల కాలువలు పొంగి పొర్లుతుండడంతో వరదలు సంభవించి పంటలు నీటమునిగాయి. పలు లోతట్టు కాలనీలు వరద నీటిలో చిక్కుకున్నాయి. జిల్లా వ్యాప్తంగా గత మూడు రోజుల నుంచి 3,748 మిల్లీ మీటర్ల వర్షపాతం నమోదు కాగా, సగటున 178 మిల్లీమీటర్ల వర్షపాతం నమోదైంది. తీవ్ర వాయుగుండం తీరం దాటడంతో శుక్రవారం జిల్లాలో ఎక్కడా వర్షపాతం నమోదు కాలేదు. అయినప్పటికీ మూడు రోజులుగా కురిసిన భారీ వర్షాల వల్ల వాగులు, వంకలు పొంగి పొర్లుతుండడంతో లోతట్టు ప్రాంతాలు, రోడ్లు జలమయంగా మారిపోగా చెరువులు, కాలువలకు జలకళ వచ్చింది. ముఖ్యంగా ఏలేరు, సుద్దగడ్డ పీబీసీ కాలువలు ఉధృతంగా ప్రవహిస్తుండడంతో వాటి ఆయకట్టు భూముల్లో పంటలు పూర్తిగా మునిగిపోయాయి. పిఠాపురం నియోజకవర్గంలో పిఠాపురం, గొల్లప్రోలు, కొత్తపల్లి మండలాలు జలమయంగా మరాయి. చుట్టూ నీరు తప్ప ఏమి కనిపించలేదు. లోతట్టు కాలనీలు నీట మునగడంతో జనం ఇబ్బందులు పడ్డారు. 9,919 హెక్టార్లలో మునక బోట్‌క్లబ్‌ (కాకినాడ సిటీ): జిల్లాలో మూడు రోజులుగా కురిసిన భారీ వర్షాలకు 9,919 హెక్టార్లలో వరి పంట నీట మునిగిందని జిల్లా వ్యవసాయశాఖాధికారి రామారావు తెలిపారు. 18 మండలాల్లో 162 గ్రామాల్లో 8,612 మంది రైతులకు చెందిన పంటలు నీట మునిగినట్లు చెప్పారు. వరితో పాటు 166 హెక్టార్లలో పత్తి, 111 హెక్టార్లలో మినుములు, 70 హెక్టార్లలో మొక్కజొన్న పంట దెబ్బతిందని చెప్పారు. ఏలేరులో పెరిగిన నీటి నిల్వలు ఏలేశ్వరం: వర్షాలకు ఏలేరు ప్రాజెక్టులో శుక్రవారం నీటి నిల్వలు పెరిగాయి. ఎగువ ప్రాంతంలో కురుస్తున్న వర్షాలకు 14,833 క్యూసెక్కుల వరద నీటితో పాటు పురుషోత్తపట్నం నుంచి 1400 క్యూసెక్కుల నీటి నిల్వలు ప్రాజెక్టులోకి వచ్చి చేరాయి. దీంతో ప్రాజెక్టులో 86.56 మీటర్లకు గాను 80.34 మీటర్లు, 24.11 టీఎంసీలకు గాను 13.84 టీఎంసీలకు నీటి నిల్వలు చేరుకున్నాయి. దీంతో విశాఖకు 200, తిమ్మరాజుచెరుకు 50 క్యూసెక్కుల చొప్పున నీటిని విడుదల చేస్తున్నారు. ఆయకట్టుకు నీటి సరాఫరా నిలిపివేశారు.

కాకినాడ రూరల్‌: నులి పురుగులు నివారణ ద్వారా పిల్లలో రక్తహీనత దూరమవుతుందని జిల్లా నోడల్‌ అధికారి, నులిపురుగుల నిర్మూలన ప్రోగ్రామ్‌ అధికారి డాక్టర్‌ వి.అరుణ అన్నారు. జిల్లా వైద్య ఆరోగ్య శాఖ ఆధ్వర్యంలో జాతీయ నులిపురుగు నిర్మూలన దినోత్సవాన్ని కాకినాడ రూరల్‌ రమణయ్యపేటలోని ఏపీఎస్పీ క్వార్టర్స్‌లోని పీఎంశ్రీ జిల్లా పరిషత్‌ ప్లస్‌ పాఠశాలలో శుక్రవారం ఆమె ప్రారంభించారు. జిల్లాలో ఉన్న పీహెచ్‌సీలు, అంగన్‌వాడీ సెంటర్లు, స్కూల్స్‌, కళాశాలల్లో గోడపత్రికలు ద్వారా ప్రచారం చేశామని ఆమె తెలిపారు. ఒకటి నుంచి 19 ఏళ్ల వయసు గల వారికి అల్బెండజోల్‌ మాత్రలు తీసుకోవడం ద్వారా రక్తహీనత నుంచి కాపాడవచ్చన్నారు. జిల్లాలో 4,073 విద్యా సంస్థల్లో ఉన్న 4,71,574 మంది పిల్లలు లక్ష్యంగా కార్యక్రమం చేపట్టామన్నారు. జిల్లాలో కొన్ని మండలాలలో విద్యా సంస్థలకు సెలవు ప్రకటించడంతో కేవలం 9 మండలాల పరిధిలోని 2,05783 మంది పిల్లలకు 44 శాతం వరకు మాత్రలు మింగించామన్నారు. డీఈఓ సుబ్బారావు, డాక్టర్లు ప్రశాంతి, మాధవి, హెచ్‌ఎం శ్రీనివాసరావు, ఎంఈఓ ఈశ్వరశాస్త్రి తదితరులు పాల్గొన్నారు.

సోషల్‌ మీడియా ఇన్‌ఫ్లుయెన్సర్లకు నేరుగా జీతం ఇవ్వడం అంటే ప్రజాధనం దుర్వినియోగం చేయడమే. యువకులకు ఉద్యోగాలు కల్పించకుండా, నిరుద్యోగ భృతి ఇవ్వకుండా ప్రభుత్వం మోసం చేస్తోంది. అధికార పార్టీలో రాజకీయ నిరుద్యోగులకు మాత్రం ప్రభుత్వం ధనం అందించాలన్న తాపత్రయంతో చంద్రబాబు ఈ పథకం తెరమీదకు తెచ్చారు. దీనివల్ల పచ్చ నాయకులకు తప్ప సాధారణ వ్యక్తులకు ఎటువంటి ఉపయోగం ఉండదు. –దూసర్లపూడి రమణరాజు, పౌర సంక్షేమ సంఘ కన్వీనర్‌, కాకినాడ సిగ్గనిపించడం లేదా? సొంత డబ్బాకొట్టుకోవడానికి సోషల్‌ మీడియా ఇన్‌ఫ్లుయెన్సర్లకు డబ్బులు ఇస్తామని జీఓలు ఇవ్వడం సిగ్గుగా అనిపించడం లేదా. సూపర్‌ సిక్స్‌ పథకాలకు నిధులు లేవని చెబుతూ, ఇప్పటికీ రూ.లక్షల కోట్లు అప్పుతెచ్చి ప్రజలపై భారం మోపారు. ప్రస్తుతం మళ్లీ టీడీపీ నాయకులకు లబ్ధి చేకూర్చేందుకు కొత్త పథకాలు తెరపైకి తెస్తున్నారు. నిరుద్యోగ భృతి, ఎస్సీ, ఎస్టీ, బీసీ మహిళలకు 50 ఏళ్ల పింఛన్‌ పథకం ఎందుకు అమలు చేయడం లేదు. కొత పఽథకానికి డబ్బులు ఎక్కడ నుంచి వస్తున్నాయి. – తాటిపాక మధు, సీపీఐ రాష్ట్ర కార్గవర్గ సభ్యులు

కాకినాడ రూరల్‌: గణపతి విగ్రహాల నిమజ్జనం గురువారం ఉత్సాహం జరిగిందని, చిన్న, పెద్ద విగ్రహాలు కలిపి సుమారు 350 నిమజ్జనాలు జరిగాయని నగర గణేశ ఉత్సవ సమితి కాకినాడ జిల్లా కార్యనిర్వాహక అధ్యక్షుడు రంబాల వెంకటేశ్వరరావు తెలిపారు. కాకినాడ సాగర తీరాన సూర్యారావుపేట బీచ్‌లో జోరు వానలోనూ భక్తులు ఊరేగింపుగా వచ్చి నిమజ్జనాలు చేశారని చెప్పారు. భక్తులకు ఇబ్బందులు లేకుండా అధికార యంత్రాంగం, పోలీసులతో పాటు నగర గణేశ ఉత్సవ సమితికి చెందిన బొలిశెట్టి రామకృష్ణ, పితాని లీలావతి తదితరులు పాల్గొన్నారని తెలిపారు.

కాకినాడ రూరల్‌: వినాయక చవితి ఉత్సవాల ముగింపు కార్యక్రమంలో భాగంగా కాకినాడ భోగి గణపతి పీఠం ఆధ్వర్యంలో మండలంలోని సూర్యారావుపేట బీచ్‌లో సాగరుడికి గురువారం సాయంత్రం ఐదు కోట్ల వత్తుల జ్యోతితో కుంభ హారతిని ఘనంగా ఇచ్చారు. తుపాను వేళ ఉగ్రరూపం దాల్చకుండా ప్రశాంతంగా ఉండాలని, కంటికి రెప్పలా కాపాడాలని ఈ సందర్బంగా భక్తులు సాగరుడిని వేడుకున్నారు. ఈ సందర్భంగా భోగి గణపతి పీఠం నిర్వహకుడు దూసర్లపూడి మాట్లాడుతూ రాష్ట్ర జనాభా ఐదు కోట్లు ఉండడంతో సాగరుడికి ఐదు కోట్ల వత్తులతో కుంభ హారతి ఇచ్చినట్టు చెప్పారు. గోదావరి నీరు పారే నదిలో గంగా హారతి ఇస్తామని, 12 నదులు కలిసే సముద్రునికి కుంభ హారతి ఇవ్వడం హిందుత్వ సంప్రదాయమని చెప్పారు.

బోట్‌క్లబ్‌(కాకినాడసిటీ): జిల్లా కలెక్టర్‌ హరేంధిర ప్రసాద్‌ను కలెక్టరేట్‌లో గురువారం జెడ్పీ చైర్మన్‌ విప్పర్తి వేణుగోపాలరావు దంపతులు మర్యాద పూర్వకంగా కలిసి సత్కరించారు. తన పరిపాలనా కాలంలో అందించిన సహకారం మరువలేనిదని చైర్మన్‌ కొనియాడారు. జెడ్పీ ఆత్మీయ సమావేశానికి హాజరైనందుకు కలెక్టర్‌కు కృతజ్ఞతలు తెలిపారు. తాండవ నీటిమట్టం 365 అడుగులు కోటనందూరు: తాండవ నీటిమట్టం స్థిరంగా ఉందని ప్రాజెక్టు డీఈఈ పి.అనురాధ తెలిపారు. డీఈఈ, జేఈఈలు గురువారం ప్రాజెక్టు పరిస్థితిని పరిశీలించారు. ప్రాజెక్టు గరిష్ట నీటిమట్టం 380 అడుగులు కాగా ప్రస్తుతం 365 అడుగులకు చేరిందన్నారు. ఇన్‌ఫ్లో అంతంత మాత్రంగానే ఉందని, వర్షాల నేపథ్యంలో కాలువలకు నీటి విడుదలను నిలిపివేశామన్నారు. తుపాను ప్రభావం తాండవ జలాశయంపై పెద్దగా లేదని డీఈఈ వివరించారు. రాష్ట్ర అధికార ప్రతినిధిగా లక్ష్మీశివకుమారి ప్రత్తిపాడు రూరల్‌: వైఎస్సార్‌ కాంగ్రెస్‌ పార్టీ రాష్ట్ర అధికార ప్రతినిధిగా రౌతులపూడి మండలం ఎ.మల్లవరం గ్రామానికి చెందిన మాజీ ఎమ్మెల్సీ అంగూరి లక్ష్మీ శివకుమారి నియమితులయ్యారు. పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు పార్టీ కేంద్ర కమిటీ గురువారం నియామక ఉత్తర్వులు జారీ చేసింది. ఆమెకు పార్టీ నియోజకవర్గ కోఆర్డినేటర్‌ ముద్రగడ గిరిబాబు, రాష్ట్ర అధికార ప్రతినిధి, నరసాపురం పార్లమెంటరీ పరిశీలకుడు ముదునూరి మురళీకృష్ణంరాజు, మండల కన్వీనర్‌ రామిశెట్టి బుల్లి రామకృష్ణ పార్టీ నాయకులు, కార్యకర్తలు అభినందనలు తెలిపారు. దిశ, డీఆర్‌సీలో నిర్ణయాలపై తక్షణం స్పందించాలి : కలెక్టర్‌ బోట్‌క్లబ్‌(కాకినాడసిటీ): జిల్లా అభివృద్ధి సమన్వయ కమిటీ (దిశ), జిల్లా సమీక్ష కమిటీ (డీఆర్సీ) సమావేశాలలో ప్రజాప్రతినిధులు సూచించిన అంశాలు, తీసుకున్న నిర్ణయాల అమలుపై అధికారులు తక్షణమే స్పందించి చర్యలు వేగవంతం చేయాలని జిల్లా కలెక్టర్‌ హరేంధిర ప్రసాద్‌ అధికారులను ఆదేశించారు. స్థానిక కలెక్టరేట్‌లో గురువారం కేంద్ర ప్రభుత్వ పథకాల అమలు, దిశ, డీఆర్సీ సమావేశాల్లోని నిర్ణయాల అమలుపై జిల్లాస్థాయి అధికారులతో ఆయన సమీక్షించారు. వాడపల్లి వెంకన్న ఆదాయం రూ.2.50 కోట్లు ఆత్రేయపురం: కోనసీమ తిరుమలగా ప్రసిద్ధిగాంచిన వాడపల్లి వెంకటేశ్వర స్వామి 37 రోజుల హుండీల ఆదాయం రూ.2 కోట్ల 50 లక్షల 11 వేల 671 లభించినట్టు ఆలయ ఈవో, దేవదాయ శాఖ ఉప కమిషనర్‌ నల్లం సూర్యచక్రధరరావు తెలిపారు. ఆలయ ఆవరణలోని హుండీలను బుధవారం దేవదాయ శాఖ అధికారులు వి.సత్యనారాయణ, ఎస్‌టీపీటీ శ్రీనివాస్‌, దేవాలయాల ఈవోలు ఎస్‌.సత్య మహేంద్ర, వై.సత్యనారాయణ సమక్షంలో లెక్కించారు. ప్రధాన, విశ్వేశ్వర స్వామి హుండీలతో కలిపి రూ.2 కోట్ల 4 లక్షల 24 వేల 921, అన్నప్రసాద వితరణ ద్వారా రూ.45,86,750 లభించాయని చెప్పారు. 84 గ్రాముల బంగారం, 1.617 కిలోల వెండి, 13 దేశాలకు చెందిన 86 విదేశీ కరెన్సీ నోట్లు వచ్చాయన్నారు.

ఏలేశ్వరం: తీవ్ర వాయుగుండం ప్రభావంతో గత రెండు రోజులుగా కురుస్తున్న వర్షాలకు ఏలేరు ప్రాజెక్టులో గురువారం స్వల్పంగా నీటి నిల్వలు పెరిగాయి. ఎగువ ప్రాంతంలో కురుస్తున్న వర్షాలకు 28,408 క్యూసెక్కుల వరద నీటితో పాటు పురుషోత్తపట్నం నుంచి 1400 క్యూసెక్కుల నీటి నిల్వలు ప్రాజెక్టులోకి వచ్చి చేరాయి. దీంతో ప్రాజెక్టులో 86.56 మీటర్లకు గాను 78.70 మీటర్లు, 24.11 టీఎంసీలకు గాను 11.99 టీఎంసీలకు నీటి నిల్వలు చేరుకున్నాయి. దీంతో విశాఖకు 200, తిమ్మరాజుచెరువుకు 50 క్యూసెక్కుల చొప్పున నీటిని విడుదల చేస్తున్నారు. ఆయకట్టుకు నీటి సరాఫరా నిలిపివేశారు.

బోట్‌క్లబ్‌(కాకినాడసిటీ): రోడ్డుప్రమాదాలను నివారించేందుకు, రహదారి భద్రతను మెరుగుపరిచేందుకు సంబంధిత శాఖల అధికారులు సమన్వయంతో పనిచేయాలని జిల్లా కలెక్టర్‌ హరేంధిర ప్రసాద్‌ ఆదేశించారు. స్థానిక కలెక్టరేట్‌లో గురువారం ఎస్పీ బిందుమాధవ్‌తో కలిసి జిల్లా రోడ్డు భద్రతా కమిటీ సమీక్ష సమావేశం నిర్వహించారు. రహదారులపై వెళ్లే ప్రతి ఒక్కరి ప్రాణం ఎంతో విలువైనదని, ప్రమాదాల వల్ల జరిగే ప్రాణనష్టాన్ని అరికట్టడానికి అధికారులు క్షేత్రస్థాయిలో పకడ్బందీ చర్యలు చేపట్టాలని ఆదేశించారు. జిల్లా ఎస్పీ బిందు మాధవ్‌ మాట్లాడుతూ జిల్లావ్యాప్తంగా ప్రమాదాలు ఎక్కువగా జరిగే ప్రాంతాలను (బ్లాక్‌ స్పాట్స్‌) గుర్తించి తక్షణమే నివారణ చర్యలు చేపట్టనున్నట్టు చెప్పారు. జిల్లా అదనపు కలెక్టర్‌ ప్రియ, డీఆర్వో తిప్పే నాయక్‌, వివిధ శాఖల అధికారులు పాల్గొన్నారు.

వాన వణికిస్తోంది.. జనానికి దడ పుట్టిస్తోంది.. తీవ్ర వాయుగుండం ప్రభావంతో జిల్లా వ్యాప్తంగా రెండు రోజులుగా ఎడతెరిపి లేకుండా వాన పడుతోంది.. చాలాచోట్ల చెట్లు నేలకొరగగా, రహదారులు నీట మునగడంతో జనజీవనం స్తంభించింది. పంట పొలాల్లో నీరు చేరింది.. ఉప్పాడ వద్ద సముద్రం అల్లకల్లోలంగా మారుతోంది.. మరో రెండు రోజుల పాటు వర్షాలు కురుస్తాయనే వాతావరణ శాఖ హెచ్చరికలతో జనంలో భయం రేకెత్తిస్తోంది. సాక్షి ప్రతినిధి, కాకినాడ: బంగాళాఖాతంలో తీవ్ర వాయుగుండం ప్రభావంతో రెండు రోజులుగా కాకినాడ జిల్లా వ్యాప్తంగా ఎడతెరిపి లేకుండా వర్షాలు కురుస్తున్నాయి. ఏకధాటిగా కురుస్తున్న వానలకు జనజీవనం అస్తవ్యస్తంగా మారింది. లోతట్టు ప్రాంతాలు జలమయం అయ్యాయి. పంటలు నీట మునిగాయి. జిల్లాలో గురువారం ఉదయం 8.30 గంటల నుంచి సాయంత్రం 4.30 గంటల వ్యవధిలో సగటున 21.0 మిల్లీమీటర్ల వర్షపాతం నమోదైంది. అత్యధికంగా కరపలో 31.2 మిల్లీమీటర్లు కురవగా.. అత్యల్పంగా తునిలో 10.2 మిల్లీమీటర్లు పడింది. పొంగిన ఏలేరు, సుద్దగడ్డ ఎడతెరపి లేని వర్షాలతో ఏలేరు, సుద్దగడ్డ పొంగి ప్రవహిస్తుండడంతో పిఠాపురం నియోజకవర్గంలో పిఠాపురం, గొల్లప్రోలు, కొత్తపల్లి మండలాలు జలమయంగా మరాయి. వరద ప్రభావంతో ఇప్పటి వరకు ఆ నియోజకవర్గ పరిధిలో 2,672 ఎకరాల్లో వరి, 50 ఎకరాల్లో పత్తి పంటలు నీట మునిగినట్లు అధికారులు ప్రాథమికంగా అంచనా వేశారు. రెండు రోజులు సుద్దగడ్డ, ఖండికాలువల ద్వారా వచ్చే నీరు ఎక్కువగా ఉంటే పంట నష్టం పెరగవచ్చని వారు తెలిపారు. గొల్లప్రోలులో లోతట్టు కాలనీలు జలమయం అయ్యాయి. పంపాతో పెరిగిన నీటిమట్టం భారీ వర్షాలకు పంపా నదిలో నీటిమట్టం పెరుగుతోంది. ప్రస్తుతం 95 అడుగులకు చేరింది. దీంతో దిగువ ప్రాంతంలో ఉన్న ఆయకట్టుకు కొంతమేర నీటి సమస్య తీరనుంది. ఏలేరు ప్రాజెక్టులో నీటి నిల్వలు స్వల్పంగా పెరిగాయి. ఎగువ ప్రాంతంలో కురిసిన వర్షాలకు 28,458 క్యూసెక్కుల వరద నీరు ప్రాజెక్టులో చేరింది. దీంతో 24.11 టీఎంసీలకు గాను 11.99 టీఎంసీలకు నీటి నిల్వలు చేరాయి. ఏలేరు ప్రాజెక్టులోకి పురుషోత్తపట్నం నుంచి 1,400 క్యూసెక్కుల నీటిని విడుదల చేస్తున్నారు. పంటలు మునక.. ● సామర్లకోట మండలం వెంకటకృష్ణరాయపురం గ్రామంలో సుమారు మూడు వేల ఎకరాల్లో వరి పంట నీటమునిగింది. పెద్దాపురం మండలంలో పలు గ్రామాల్లో వరి పొలాలు చెరువులను తలపిస్తున్నాయి. ఏలేరు ప్రధాన కాలువను ఆనుకుని ఉన్న గ్రామాల్లో ఒకవైపు వర్షంనీరు, మరోవైపు ఏలేరు ప్రాజెక్టు నుంచి ముంచెత్తిన నీరుతో సిరివాడ, పులిమేరు, జి.రాగంపేట, పాత పెద్దాపురం రోడ్డులోని వరి పొలాలు నీటమునిగాయి. సుమారు 500 ఎకరాల్లో పంట నీటమునిగింది. ● మెట్ట ప్రాంతమైన జగ్గంపేట నియోజకవర్గంలో లోతట్టు ప్రాంతాలైన కిర్లంపూడి, రాజుపాలెం మార్గం మధ్యలో వరి పంటలు నీట మునిగాయి. వేలంక గ్రామం ఎస్సీ పేట, వీరవరం గ్రామాల్లో పలుచోట్ల వరద నీరు చేరింది. భారీ వర్షం కారణంగా గోకవరంలోని పలు ప్రాంతాలు జలమయమయ్యాయి. ● కాకినాడ రూరల్‌లో లోతట్టు ప్రాంతాలు నీటమునిగాయి. తిమ్మాపురంలోని రేపాక గార్డెన్‌, అవంతినగర్‌లో నీరు చేరింది. వాకలపూడి ఫిషర్‌మెన్‌ కాలనీ, కాకినాడ రెండో డివిజన్‌లోని కొండేలుపేట నీటమునిగాయి. కొండేలుపేటలో సుమారు 300 మందికి వైఎస్సార్‌ సీపీ రూరల్‌ కో–ఆర్డినేటర్‌ కురసాల కన్నబాబు ఆదేశాల మేరకు ఆ డివిజన్‌ పార్టీ అధ్యక్షుడు వంటలు తయారు చేయించి మధ్యాహ్న భోజనం పంపిణీ చేశారు. ● శంఖవరం మండలం మండపంలో నావూరి కృష్ణ, దాసరి చినబుల్లికి చెందిన ఓ పెంకుటిల్లు నేలమట్టమైంది. ఈ మేరకు తహసీల్దార్‌ సూరిబాబు, ఎంపీడీఓ నాగేంద్ర పరిశీలించారు. జరిగిన నష్టాన్ని ఉన్నతాధికారులకు నివేదిస్తామన్నారు. జిల్లా వ్యాప్తంగా ఎడతెరిపి లేని వర్షాలు రహదారుల పైకి చేరిన వర్షపు నీరు లోతట్టు ప్రాంతాలు జలమయం ఉప్పాడ వద్ద అల్లకల్లోలంగా సముద్రం పరవళ్లు తొక్కుతున్న పంపా జలాశయం జిల్లాలో 21 మిల్లీమీటర్ల సగటు వర్షపాతం మరో రెండు రోజుల పాటు వానలు జిల్లాలో వర్షపాతం ఇలా..మండలం కురిసిన వర్షం (మిల్లీమీటర్లలో) తాళ్లరేవు 37.6 సామర్లకోట 29.2 పెద్దాపురం 27.4 కాకినాడ అర్బన్‌ 26.2 కాకినాడ రూరల్‌ 25.4 కాజులూరు 24.8 జగ్గంపేట 22.6 యు.కొత్తపల్లి 21.2 ఏలేశ్వరం 20.8 గండేపల్లి 19.6 ప్రత్తిపాడు 19.2 గొల్లప్రోలు 19.0 పిఠాపురం 19.0 కిర్లంపూడి 17.4 కోటనందూరు 17.2 పెదపూడి 14.2 శంఖవరం 14.2 రౌతులపూడి 12.8 తొండంగి 10.8 తుని 10.2 రైలు పట్టాలపై వర్షపు నీరు సామర్లకోట : ఎడతెరిపి లేకుండా కురుస్తున్న వర్షాలు ముంచెత్తడంతో సామర్లకోట రైల్వే పట్టాలపై భారీగా నీరు చేరింది. గురువారం భారీ వర్షాలకు సత్యనారాయణపురం, ఎఫ్‌సీఐ గోడౌన్‌ సమీపంలో ఉన్న చెరువుకు గండిపడటంతో ఒక్కసారిగా వరద నీరు ఉప్పొంగింది. నీరు ఎక్కువవ్వడంతో సౌత్‌ క్యాబిన్‌ వద్ద, ఎప్‌సీఐ గోడౌన్‌ వద్ద రైల్వే పట్టాలపై నీరు చేరడంతో రైల్వే అధికారులు అప్రమత్తమై నీటిని తొలగించే కార్యక్రమం చేపట్టారు. వరద నీటి తాండవంవర్షాలకు రిజర్వాయర్లు, చెరువుల్లోకి స్వల్పంగా వరదనీరు వచ్చి చేరుతోంది. 105 అడుగుల నీటి నిల్వ సామర్థ్యం ఉన్న పంపా రిజర్వాయర్‌లో 93.501 అడుగులు, 380 అడుగుల నీటి నిల్వ సామర్థ్యం ఉన్న తాండవ రిజర్వాయర్‌లో 364.501 అడుగులకు నీటి నిల్వలు చేరాయి. పరివాహక ప్రాంతాల నుంచి పంపాకు 230 క్యూసెక్కులు, తాండవకు 2,250 క్యూసెక్కుల వరదనీరు వచ్చి చేరుతున్నట్టు ఆయా ప్రాజెక్టుల అధికారులు తెలిపారు. ప్రస్తుతం తాండవ రిజర్వాయర్‌ నుంచి వరద నీటిని విడుదల చేయడం లేదు. గరిష్ట నీటిమట్టం 376 అడుగులకు చేరితే, క్రస్ట్‌ గేట్లు తెరిచి దిగువనకు నీటి విడుదల చేసే అవకాశం ఉందని అధికారులు చెబుతున్నారు. రత్నగిరి ఘాట్‌రోడ్డులో కూలిన చెట్టు అన్నవరం: మూడు రోజులుగా కురుస్తున్న వర్షాలకు రత్నగిరి మొదటి ఘాట్‌రోడ్‌ రెండో మలుపులో కొండ చరియలు నానిపోయి గురువారం రాత్రి భారీ వృక్షం రోడ్డుపై కూలిపోయింది. దీంతో విద్యుత్‌ తీగలు తెగిపడ్డాయి. విషయం తెలుసుకున్న విద్యుత్‌ శాఖ డీఈ వి.సత్యనారాయణ విద్యుత్‌ సరఫరా నిలిపివేయగా, దేవస్థానం సిబ్బంది చెట్టును తొలగించారు. ఈ ఘటనతో ఆ రోడ్డులో రాకపోకలు నిలచిపోయాయి.

● పోలీసు వాహనం కూడా ధ్వంసం ● రాంగ్‌ రూట్‌లో అతి వేగంగా డ్రైవింగ్‌ ● కటకటాల్లోకి నిందితుడు అమలాపురం టౌన్‌: నైట్‌ పెట్రోలింగ్‌ విధులు నిర్వహిస్తున్న ఓ ఎస్సై పైకే ఓ ప్రబుద్ధుడు కారుతో దూసుకెళ్లాడు. వివరాలివీ.. స్థానిక కొంకాపల్లికి చెందిన చల్లా ఫణికుమార్‌ (ఫణి) తన కారు(ఏపీ 04 ఆర్‌ 1111)తో అమలాపురం ఆర్టీసీ బస్‌ స్టేషన్‌ రోడ్డులో బుధవారం అర్ధరాత్రి రాంగ్‌ రూట్‌లో, అతి వేగంగా దూసుకొస్తున్నాడు. ఆ సమయంలో అక్కడ పట్టణ ఎస్సై ఎన్‌ఆర్‌ కిషోర్‌బాబు నైట్‌ పెట్రోలింగ్‌లో ఉన్నారు. ఫణి తన కారు నిర్లక్ష్యంగా నడుపుతూ ఆయన పైకి దూసుకొచ్చి ఢీకొట్టాడు. అక్కడితో ఆగకుండా అక్కడే ఆగి ఉన్న పోలీసు వాహనాన్ని కూడా ఢీకొని, అక్కడి నుంచి పరారయ్యాడు. అతడి కారు చక్రం మీద నుంచి దూసుకుపోవడంతో ఎస్సై కిషోర్‌బాబు ఎడమ పాదానికి తీవ్ర గాయమైంది. ఆయనను పోలీసు సిబ్బంది తక్షణం ఆస్పత్రికి తరలించారు. మరికొంత మంది పోలీసులు ఫణి కారును వెంబడించి, అతడిని పట్టుకునేందుకు ప్రయత్నించారు. ఈ క్రమంలో ఫణి ఈదరపల్లి గ్రామం మీదుగా ఉన్న కొంకాపల్లి బైపాస్‌ రోడ్డులో కలెక్టర్‌ బంగ్లాకు వెళ్లే రోడ్డు వద్ద కారుతో పొదల్లోకి దూసుకుపోయాడు. అనంతరం, ఆ కారును అక్కడే వదిలేసి పరారయ్యాడు. ప్రభుత్వ అధికారిని గాయపరచడంతో పాటు పోలీసు వాహనంపై దాడికి విఫలయత్నం చేసిన ఫణి ఆచూకీ కోసం పోలీసులు గాలించి, గురువారం ఉదయం పట్టుకున్నారు. అతడిపై కేసు నమోదు చేసి, అరెస్టు చేసినట్లు పట్టణ సీఐ పి.వీరబాబు తెలిపారు. నిందితుడిని కోర్టులో హాజరు పరిచి, కేసు దర్యాప్తు చేస్తున్నామని చెప్పారు. కారు బీభత్సం కొత్తపేట: స్థానిక సంత మార్కెట్‌ సెంటర్‌లోని వినాయకుడి ఆలయం ఎదురుగా బుధవారం తెల్లవారుజామున సుమారు 4 గంటల సమయంలో ఓ కారు అదుపు తప్పి బీభత్సం సృష్టించింది. ఒక్కసారిగా షాపుల వైపు దూసుకొచ్చి, మెట్లను, అక్కడే ఉన్న ఐరన్‌ స్టాండ్లను ధ్వంసం చేసింది. కారు కూడా నుజ్జయ్యింది. కారులో డ్రైవర్‌తో పాటు మరొకరున్నారు. స్వల్ప గాయాలతో వారు పెను ప్రమాదం నుంచి తప్పించుకున్నారని స్థానికులు తెలిపారు. టైరు పంక్చర్‌ కావడం వల్లే కారు అదుపు తప్పినట్లు డ్రైవర్‌ చెప్పారు. పోలీసుల జోక్యం లేకుండా ఇరు పక్షాలూ రాజీ పడినట్టు సమాచారం.

● ఊపందుకున్న ఊహాగానాలు ● కార్తికమాసం నాటికి నియమిస్తారంటూ ప్రచారంఅన్నవరం: ప్రముఖ పుణ్యక్షేత్రమైన అన్నవరంలోని వీర వెంకట సత్యనారాయణస్వామివారి దేవస్థానానికి త్వరలోనే కొత్త ఈఓ వస్తారంటూ జోరుగా ప్రచారం సాగుతోంది. రెవెన్యూ విభాగానికి చెందిన ఒక మహిళా అధికారి డైరెక్ట్‌గా రాష్ట్ర ప్రభుత్వంలోని చినబాబు అండతో ప్రయత్నాలు చేస్తుండగా, పాత ఈఓ ఒకరు మళ్లీ ఇక్కడకు వచ్చేందుకు ఆసక్తి చూపుతున్నారన్న ప్రచారం జరుగుతోంది. దేవదాయశాఖ ఉన్నతాధికారులు మాత్రం రెవెన్యూ విభాగ అధికారి కన్నా దేవదాయశాఖ అధికారినే నియమించాలనే ఆలోచనలో ఉన్నట్టు సమాచారం. అన్నవరం దేవస్థానం ఇన్‌చార్జి ఈవోగా కోనసీమలోని వాడపల్లి దేవస్థానం ఈఓ నల్లం సూర్యచక్రధరరావు ఆరు నెలలుగా బాధ్యతలు నిర్వహిస్తున్న విషయం తెలిసిందే. అయితే తలుపులమ్మ దేవస్థానం ఈఓ విశ్వనాథరాజును వాడపల్లికి నియమించి, సూర్యచక్రధరరావును అన్నవరానికి రెగ్యులర్‌గా, తలుపులమ్మ దేవస్థానానికి ఇన్‌చార్జిగా నియమిస్తారనే ప్రచారం సాగుతోంది. కార్తికమాసం లోపు ఈ మార్పులు జరగవచ్చని సమాచారం. వారానికి మూడు రోజులు ప్రస్తుతం ఇన్‌చార్జి ఈవోగా పనిచేస్తున్న సూర్యచక్రధరరావు అన్నవరంలో మూడు రోజులు, వాడపల్లి దేవస్థానంలో నాలుగు రోజులు పనిచేస్తున్నారు. వాడపల్లికి ఇటీవల కాలంలో భక్తుల రాక బాగా పెరిగింది. శనివారం రోజు సుమారు లక్షకు పైగా వస్తుండడంతో ఈవో శుక్రవారం నుంచి అక్కడే ఉండి ఏర్పాట్లు పర్యవేక్షిస్తున్నారు. మళ్లీ ఆదివారం మధ్యాహ్నం నుంచి మూడు రోజుల పాటు అన్నవరం దేవస్థానంలో ఉంటున్నారు. మధ్యలో క్యాంపులు, వాడపల్లిలో ఇతర కార్యక్రమాలకు హాజరు కావాల్సి వస్తోంది. వాస్తవానికి వాడపల్లి అంత కాకపోయినా శని, ఆదివారాలలో సత్యదేవుని ఆలయానికి కూడా భక్తులు పోటెత్తుతారు. శనివారం పూర్తిగా, ఆదివారం మధ్యాహ్నం వరకు ఈఓ అన్నవరం దేవస్థానంలో ఉండకపోవడం సమస్యగా మారింది. అయితే ఈవో లేని రోజుల్లో మిగిలిన ఉద్యోగుల పర్యవేక్షణ ఉండడం లేదనే విమర్శలు వస్తున్నాయి.

గోపాలపట్నం: విశాఖ నగరంలో చైన్‌ స్నాచింగ్‌లకు పాల్పడుతున్న అంతర్రాష్ట్ర ముఠాను ఎయిర్‌పోర్టు క్రైమ్‌ పోలీసులు అరెస్టు చేశారు. ఎయిర్‌పోర్టు క్రైమ్‌ పోలీస్‌ స్టేషన్‌లో గురువారం నిర్వహించిన విలేకర్ల సమావేశంలో క్రైమ్‌ ఏసీపీ ఎ.వెంకటరావు, వెస్ట్‌ సబ్‌ డివిజన్‌ క్రైమ్‌ సీఐ తిరుమలరావు ఈ వివరాలు వెల్లడించారు. వారి కథనం ప్రకారం.. నగరంలోని మురళీనగర్‌, మాధవధార ప్రాంతాల్లో ఆగస్టు 17న ఇందన సుశీల, ఉషారాణిల మెడలో బంగారు గొలుసులు, పుస్తెలతాళ్లు అపహరించిన ఘటనలపై పోలీసులు కేసులు నమోదు చేసి, దర్యాప్తు చేపట్టారు. సీసీ కెమెరా ఫుటేజీలు, సాంకేతిక ఆధారాలతో నిందితులను గుర్తించిన పోలీసులు ఎస్సై కె.రవికిషోర్‌ ఆధ్వర్యాన ఆరు ప్రత్యేక బృందాలతో గాలింపు చేపట్టి, అరెస్టు చేశారు. ప్రధాన నిందితుడు మహేంద్ర సింగ్‌ ర్యాపిడో బైక్‌ రైడర్‌గా పని చేస్తూ మధురవాడ వద్ద చంద్రంపాలెంలో నివసిస్తున్నాడు. రాజస్థాన్‌లోని పాగౌర్‌ జిల్లా పంచవటి గ్రామానికి చెందిన అతడిపై ఆంధ్రప్రదేశ్‌, తెలంగాణ రాష్ట్రాల్లో సుమారు 40 చైన్‌ స్నాచింగ్‌ కేసులున్నాయి. 2012–15 మధ్య హైదరాబాద్‌ జీడిమెట్ల, కూకట్‌పల్లి, కేపీహెచ్‌బీ కాలనీ, బాలానగర్‌, సనత్‌నగర్‌, బహీర్‌బాద్‌, మియాపూర్‌, అల్వాల్‌, 2024లో బాచుపల్లి, జగద్గిరిగుట్ట, అంధ్రప్రదేశ్‌లోని చేబ్రోలు ప్రాంతాల్లో చైన్‌ స్నాచింగ్‌లకు పాల్పడ్డాడు. 2025–26 మధ్య రాజమహేంద్రవరం ప్రకాష్‌ నగర్‌లో 2, శ్రీకాకుళం 2, ఖాజీపేట 2, అనకాపల్లి 2, కాకినాడ సర్పవరం 2, నెల్లూరు బాలాజీనగర్‌ 2, విశాఖలో 2 చోట్ల దొంగతనాలకు పాల్పడ్డాడు. దొంగిలించిన బంగారాన్ని కొమ్మాది జంక్షన్‌కు చెందిన మండ్రు లతా రత్నాకర్‌ సహకారంతో అనకాపల్లి గోల్డ్‌ మార్కెట్‌లో విక్రయించేవాడు. నిందితుల నుంచి 65 గ్రాముల బంగారం, రూ.5.55 లక్షల నగదును పోలీసులు స్వాధీనం చేసుకున్నారు. నిందితులను రిమాండ్‌కు తరలించారు. రాత్రి వేళ ఒంటరిగా ప్రయాణించేటప్పుడు విలువైన ఆభరణాలు ధరించవద్దని, అనుమానాస్పద వ్యక్తులు కనిపించినా, దాడి చేసినా వెంటనే 112కు లేదా సమీప పోలీస్‌ స్టేషన్‌కు సమాచారం ఇవ్వాలని పోలీసులు సూచించారు.