ఐపీఎల్‌-2026 సీజ‌న్‌లో రాజ‌స్తాన్ రాయ‌ల్స్ యువ సంచ‌ల‌నం వైభ‌వ్ సూర్య‌వంశీ అద్భుత ప్ర‌ద‌ర్శ‌న‌ల‌తో దూసుకుపోతున్నాడు. ఆదివారం ఈడెన్ గార్డెన్స్ వేదికగా కోల్‌క‌తా నైట్‌రైడ‌ర్స్‌తో జ‌రిగిన మ్యాచ్‌లో కూడా వైభవ్ బ్యాట్ ఝుళిపించాడు. కేవలం 28 బంతుల్లో 6 ఫోర్లు, 2 సిక్స్‌లతో 46 పరుగులు చేశాడు.ఓవరాల్‌గా ఇప్పటివరకు 6 మ్యాచ్‌లు ఆడిన వైభవ్ సూర్యవంశీ 236.54 స్ట్రైక్ రేట్‌తో 246 పరుగులు చేశాడు. కాగా ఈ యంగ్ కిడ్ బ్యాటింగ్‌కు పంజాబ్ కింగ్స్ కెప్టెన్ శ్రేయస్ అయ్యర్ ఫిదా అయిపోయాడు. వైభవ్ ఒక ఫ్యూచర్ స్టార్ అని శ్రేయస్ కొనియాడాడు.వైభవ్ సూర్యవంశీ ఒక భిన్నమైన ఆటగాడు. అతడి వద్ద అద్బుతమైన టాలెంట్ ఉంది. అతడిని ఎంత పొగిడినా తక్కువే. అతడి బ్యాట్ ఫ్లో, బంతి పడకముందే అతను సృష్టించుకునే రిథమ్, మొమెంటం అద్భుతం. కచ్చితంగా అతడు కచ్చితంగా భవిష్యత్ స్టార్ అవుతాడనే చెప్పాలి" అని జియోస్టార్ నిర్వహించిన 'బిలీవ్' కార్యక్రమంలో అయ్యర్ పేర్కొన్నాడు.ఇక ఈ ఏడాది సీజన్‌లో శ్రేయస్ అయ్యర్ కూడా కెప్టెన్‌, బ్యాటర్‌గా అదరగొడుతున్నాడు. శ్రేయస్ ఇప్పటివరకు ఆరు మ్యాచ్‌లు ఆడి 208 పరుగులు సాధించాడు. అతడి కెప్టెన్సీలో పంజాబ్ ఆడిన ఆరు మ్యాచ్‌ల్లోనూ గెలిచి పాయింట్ల పట్టికలో అగ్రస్ధానంలో కొనసాగుతోంది.చదవండి: NZ vs BAN 2nd ODI: న్యూజిలాండ్‌కు షాకిచ్చిన బంగ్లాదేశ్‌

ఐపీఎల్ 2026 సీజన్ అనంతరం భారత అండర్‌-19, అండర్‌-23 జట్లు శ్రీలంక టూర్‌కు వెళ్లనున్నాయి. ఈ పర్యటనలో భాగంగా భార‌త యువ జ‌ట్లు శ్రీలంక అండర్‌-19, లయన్స్ టీమ్స్‌తో నాలుగు రోజుల రెడ్ బాల్ మ్యాచ్‌లు ఆడ‌నున్నాయి. ఇందుకు సంబంధించిన షెడ్యూల్‌ను బీసీసీఐ త్వ‌ర‌లోనేఖరారు చేయ‌నుంది.అయితే శ్రీలంక పర్యటనకు వెళ్లే జట్లను ఎంపిక చేసేందుకు బీసీసీఐ జూన్‌లో ఒక ప్రత్యేక టోర్నమెంట్‌ను నిర్వహించనుంది. ఇప్ప‌టికే దేశవ్యాప్తంగా 64 మంది యువ ఆటగాళ్లు బోర్డు షార్ట్ లిస్ట్ చేసింది. వీరింతా ప్ర‌స్తుతం బెంగ‌ళూరులోని బీసీసీఐ ఆఫ్ ఎక్సలెన్స్‌లో శిక్ష‌ణ పొందుతున్నారు.ఈ యువ ఆట‌గాళ్లు సెంటర్ ఆఫ్ ఎక్సలెన్స్ (CoE) హెడ్ వీవీఎస్ లక్ష్మణ్ ప‌ర్య‌వేక్ష‌ణ‌లో రాటుదేలుతున్నారు. ఈ టోర్నీలో అత్యుత్తుమ ప్ర‌ద‌ర్శ‌న ఆట‌గాళ్లు శ్రీలంక వెళ్లే విమానం ఎక్క‌నున్నారు. ఐపీఎల్‌-2026లో ఆడుతున్న యంగ్ కిడ్స్ వైభ‌వ్ సూర్య‌వంశీ, అయూశ్ మాత్రే కూడా సీజ‌న్ ముగిసిన త‌ర్వాత ఈ క్యాంప్‌లో చేరనున్నారు.కెప్టెన్‌గా వైభ‌వ్ సూర్య‌వంశీ?అయితే శ్రీలంక టూర్‌కు ముందు భారత అండర్‌-19 కెప్టెన్ అయూష్ మాత్రే గాయపడడం సెలక్టర్లు తలనొప్పిగా మారింది. సన్‌రైజర్స్ హైదరాబాద్‌తో జరిగిన మ్యాచ్‌లో సీఎస్‌కేకు ప్రాతినిథ్యం వహిస్తున్న మాత్రే తొడ కండరాలు (హ్యామ్‌స్ట్రింగ్‌) పట్టేశాయి. దీంతో అతడు వికెట్ల మధ్య పరిగెత్తేందుకు ఇబ్బంది పడ్డాడు. అతడు గాయం తీవ్రమైనదిగా తెలుస్తోంది. ఒకవేళ మాత్రే గాయం గ్రేడ్‌-3లో ఉన్న‌ట్ల‌యితే పూర్తిగా కోలుకోవ‌డానికి రెండు నెలల సమయం పడుతోంది. అదే జ‌రిగితే రోహిత్ ఐపీఎల్‌-2026 సీజ‌న్ మ‌ధ్య‌లోనే వైదొలగడంతో పాటు శ్రీలంక పర్యటనకు కూడా మాత్రే దూరమయ్యే అవకాశముంది. మరోవైపు అండర్‌-19 వైస్ కెప్టెన్ వియాన్ మల్హోత్రా కూడా స్వ‌ల్ప గాయంతో బాధ‌ప‌డుతున్న‌ట్లు తెలుస్తోంది. వియాన్ మల్హోత్రాను ఐపీఎల్‌-2026 వేలంలో ఆర్సీబీ కొనుగోలు చేసింది. కానీ ఇప్ప‌టివ‌ర‌కు అత‌డు ఒక్క మ్యాచ్ కూడా ఆడలేదు. ఒక‌వేళ శ్రీలంక టూర్‌కు మాత్రే, వియాన్ ఇద్ద‌రు అందుబాటులో లేక‌పోతే భార‌త జ‌ట్టు కెప్టెన్‌గా వైభ‌వ్ సూర్య‌వంశీ అవ‌కాశ‌ముంది. సూర్య‌వంశీ గ‌తంలో సౌతాఫ్రికా ప‌ర్య‌ట‌న‌లో భార‌త జ‌ట్టు కెప్టెన్‌గా వ్య‌వ‌హ‌రించాడు. అత‌డి నేతృత్వంలోని యంగ్ ఇండియా ఆ సిరీస్‌ను క్లీన్ స్వీప్ చేసింది. మళ్లీ ఇప్పుడు వైభవ్ తన కెప్టెన్సీని నిరూపించుకునే సమయం వచ్చిందని క్రికెట్ నిపుణులు అభిప్రాయపడుతున్నారు.చదవండి: PSL: పిరికిపందలు.. ఎక్స్‌ట్రాలు వద్దు.. పాక్‌ బోర్డుకు ఘాటు కౌంటర్‌

ఐపీఎల్‌ 2026లో భాగంగా నిన్న (ఏప్రిల్‌ 19) మధ్యాహ్నం జరిగిన కేకేఆర్‌-రాజస్థాన్‌ రాయల్స్‌ మ్యాచ్‌ భావోద్వేగాలకు వేదికైంది. సీజన్‌లో 6 మ్యాచ్‌ల తర్వాత తొలి విజయాన్ని అందుకోవడంతో కేకేఆర్‌ ఆటగాళ్లు సంబురాలు చేసుకున్నారు. కొందరు ఆనందంలో ఏడ్చేసినంత పని చేశారు. మరోవైపు రాజస్థాన్‌ బుడ్డోడు వైభవ్‌ సూర్యవంశీ ఓటమిని జీర్ణంచుకోలేక మైదానంలో ఓ మూలన కూర్చుని కన్నీళ్లు పెట్టుకున్నాడు. క్యాప్‌తో ముఖాన్ని దాచుకుంటూ బాధను వ్యక్తం చేశాడు. ఈ సమయంలోకేకేఆర్‌ సిబ్బందిలో ఒకరు అతని వద్దకు వచ్చి ఓదార్చారు. అతని పక్కన కూర్చుని కాసేపు మాట్లాడి, ఆలింగనం చేసుకొని ధైర్యం చెప్పాడు. దీనికి సంబంధించిన వీడియో సోషల్‌మీడియాలో హల్‌చల్‌ చేస్తోంది.Yesterday Vaibhav Sooryavanshi was spotted crying after the game… This guy is unbelievable! Whether he gets out early or the team loses, he wears his heart on his sleeve. Honestly, that’s that 15-year-old mindset I know I would’ve been doing the exact same thing at that age! 🤣… pic.twitter.com/Ug6X4gVqks— OldMonkOfCricket (@OldMonkOfCric) April 20, 2026వైభవ్ ఇలా బాధపడటం కొత్తేమీ కాదు. ఔటైనప్పుడు, జట్టు ఓడినప్పుడు తాను ప్రొఫెషనల్‌ క్రికెటర్‌ని అన్న విషయాన్ని మరిచిపోయి ఏడ్చేస్తాడు. ఇది ఓ రకంగా అభిమానులను ఆకట్టుకుంటుంది. 52, 78, 39 లాంటి స్కోర్లు చేసినా, వైభవ్‌ తన తప్పులను విశ్లేషించుకుంటూ బాధపడ్డ పడ్డాడు. మొత్తంగా వైభవ్‌ క్రికెటర్‌గా ఎంత పరిణితి చెందినా, అతనిలోని పిల్లాడు భావోద్వేగాలను అదుపు చేసుకోలేకపోతున్నాడు.తాజాగా కేకేఆర్‌ చేతిలో రాజస్థాన్‌ ఓడిన మ్యాచ్‌లో వైభవ్‌ 28 బంతుల్లో 46 పరుగులు చేసి జట్టుకు మంచి ఆరంభాన్ని ఇచ్చాడు. యశస్వి జైస్వాల్‌తో కలిసి ఇన్నింగ్స్‌ను నిలబెట్టే ప్రయత్నం చేశాడు. అయితే మధ్య ఓవర్లలో వరుణ్‌ చక్రవర్తి, సునీల్‌ నరైన్‌, కార్తీక్‌ త్యాగి అద్భుతంగా బౌలింగ్‌తో రాజస్థాన్ బ్యాటింగ్‌ను కుదిపేశారు. ఫలితంగా రాజస్థాన్ స్వల్ప స్కోర్‌కే పరిమితమైంది. అనంతరం​ ఛేదనలో కేకేఆర్‌ సైతం తడబడినా.. రింకూ సింగ్‌ (53 నాటౌట్‌), అనుకూల్‌ చౌదరి (29 నాటౌట్‌) అసాధారణ ప్రదర్శనతో తమ జట్టుకు సీజన్‌ తొలి విజయాన్ని అందించారు.సూపర్‌ ఫామ్‌లో వైభవ్‌ప్రస్తుత సీజన్‌లో వైభవ్ అద్భుత ఫామ్‌లో ఉన్నాడు. ఇప్పటివరకు 246 పరుగులు చేసి జట్టులో అత్యధిక పరుగులు చేసిన ఆటగాడిగా నిలిచాడు. అతని స్ట్రైక్ రేట్ 236.54 కాగా, సగటు 41.00గా ఉంది. ఒకే ఒక్క మ్యాచ్‌లో మాత్రమే అతను డకౌటయ్యాడు. మిగతా మ్యాచ్‌ల్లో స్థిరంగా రాణించాడు. ఆరెంజ్ క్యాప్ పోటీలోనూ వైభవ్ టాప్-5లో ఉన్నాడు. ప్రస్తుతం ఎస్‌ఆర్‌హెచ్‌ ఆటగాడు హెన్రిచ్‌ క్లాసెన్‌ (283 పరుగులు) వద్ద ఆరెంజ్‌ క్యాప్‌ ఉంది.

ఇండియన్‌ ప్రీమియర్‌ లీగ్‌ (ఐపీఎల్‌) ద్వారా ఇప్పటికే ఎంతో మంది ఆటగాళ్లు వెలుగులోకి వచ్చారు. జస్‌ప్రీత్‌ బుమ్రా, హార్దిక్‌ పాండ్యా నుంచి.. వైభవ్‌ సూర్యవంశీ, ఆయుశ్‌ మాత్రే వరకు ఈ జాబితాలో ఉన్నారు.ఇక ఈ టోర్నీలో ఓవైపు సీనియర్లు ఫామ్‌ కొనసాగిస్తుండగా.. యువ ఆటగాళ్లు సైతం దుమ్మురేపుతున్నారు. దీంతో టీమిండియా సెలక్టర్లకు తల నొప్పులు తప్పడంలేదు. ఇదిలా ఉంటే.. టీమిండియా షెడ్యూల్‌ ఎంతగా కిక్కిరిసిపోయి ఉంటుందో తెలిసిందే. ఏడాదంతా భారత పురుషుల జట్టు బిజీబిజీగా గడుపుతుంది.పూర్తిస్థాయిలో రెండు జట్లు!ఇటీవలే అదనంగా ముందుగా షెడ్యూల్‌లో లేని ఐర్లాండ్‌, జింబాబ్వే పర్యటనలకు భారత క్రికెట్‌ నియంత్రణ మండలి (BCCI) గ్రీన్‌ సిగ్నల్‌ ఇచ్చింది. మరోవైపు.. ఆసియా క్రీడలు- 2026 (Asian Games) టోర్నీకి కూడా జట్టును పంపాల్సి ఉంది. ఈ నేపథ్యంలో బీసీసీఐ రెండు టీ20 జట్లను తయారు చేస్తున్నట్లు సమాచారం.సెలక్టర్ల రాడార్‌లో 30-35 మంది ఆటగాళ్లుఅంతర్జాతీయ షెడ్యూల్‌తో ఆసియా క్రీడల షెడ్యూల్‌ క్లాష్‌ అవుతున్న తరుణంలో ఈ మేరకు నిర్ణయం తీసుకున్నట్లు తెలుస్తోంది. ఈ విషయం గురించి బీసీసీఐ అధికారి ఒకరు ఎన్డీటీవీతో మాట్లాడుతూ.. ‘‘ఒకే సమయంలో ఆసియా క్రీడలు, వెస్టిండీస్‌ సిరీస్‌కు జట్లను పంపాల్సి ఉంది. కాబట్టి ఈసారి కూడా రెండు జట్లను సిద్ధం చేస్తున్నాం.అంతర్జాతీయ క్రికెట్‌కు ఎంపిక చేసే క్రమంలో 30-35 మంది ఆటగాళ్ల పేర్లను పరిగణనలోకి తీసుకునే యోచనలో ఉన్నాము. ఐర్లాండ్‌, ఇంగ్లండ్‌ పర్యటనలను కూడా దృష్టిలో పెట్టుకుని ఈ నిర్ణయం తీసుకున్నాం. ఆసియా క్రీడల దాకా ఈ విధానం కొనసాగుతుంది’’ అని పేర్కొన్నారు. గతంలో ఇలా..కాగా 2023 ఆసియా క్రీడల్లో భాగంగా తొలిసారి బీసీసీఐ తమ పురుష, మహిళా జట్లను చైనాకు పంపింది. టీ20 ఫార్మాట్లో నిర్వహించిన ఈ ఈవెంట్లో రుతురాజ్‌ గైక్వాడ్‌ కెప్టెన్సీలో పురుషుల జట్టు.. హర్మన్‌ప్రీత్‌ కౌర్‌ సారథ్యంలో మహిళా జట్టు పసిడి పతకాలు గెలిచాయి. అప్పుడు టీమిండియా ద్వైపాక్షిక సిరీస్‌లతో బిజీగా ఉండగా.. రుతు కెప్టెన్సీలో ద్వితీయశ్రేణి జట్టు ఆసియా క్రీడల్లో పాల్గొని గోల్డ్‌ మెడల్‌ గెలిచింది.రేసుగుర్రాలుకాగా ఈసారి నయా సంచలనం వైభవ్‌ సూర్యవంశీతో పాటు టెస్టు స్పెషలిస్టు యశస్వి జైస్వాల్‌, ప్రియాన్ష్‌ ఆర్య, అంగ్‌క్రిష్‌ రఘువన్షీ ఆసియా క్రీడల నేపథ్యంలో సెలక్టర్ల దృష్టిని ఆకర్షించనున్నారు. రజత్‌ పాటిదార్‌, ఆయుశ్‌ బదోని, అనుకుల్‌ రాయ్‌, ఖలీల్‌ అహ్మద్‌, కార్తిక్‌ త్యాగి తదితరులు కూడా రేసులో ఉన్నారు.కెప్టెన్‌గా శ్రేయస్‌ అయ్యర్‌!ఈసారి ఆసియా క్రీడల జట్టుకు శ్రేయస్‌ అయ్యర్‌ కెప్టెన్‌గా వ్యవహరించే అవకాశాలు ఉన్నాయి. గత కొన్నేళ్లుగా అతడు టీ20 ఫార్మాట్లో దుమ్ములేపుతున్నాడు. 2024 ఐపీఎల్‌లో కోల్‌కతా నైట్‌ రైడర్స్‌ను చాంపియన్‌గా నిలిపిన ఈ ముంబైకర్‌.. గతేడాది కెప్టెన్‌గా పంజాబ్‌ కింగ్స్‌ను ఫైనల్‌కు చేర్చాడు. తాజా ఎడిషన్‌లోనూ సారథి, బ్యాటర్‌గా శ్రేయస్‌ అయ్యర్‌ హవా కొనసాగుతోంది. కాగా 2023 డిసెంబరులో చివరగా అయ్యర్‌ టీమిండియా తరఫున టీ20లు ఆడాడు. అయితే, ఈసారి ఆసియా క్రీడల ద్వారా రీఎంట్రీ ఇచ్చి తనను తాను మరోసారి నిరూపించుకుంటే.. టీమిండియా కెప్టెన్‌గానూ సూర్యకుమార్‌ స్థానాన్ని భర్తీ చేసే అవకాశాలు లేకపోలేదన్నది విశ్లేషకుల మాట.చదవండి: PSL: పిరికిపందలు.. ఎక్స్‌ట్రాలు వద్దు.. పాక్‌ బోర్డుకు ఘాటు కౌంటర్‌

టీ20 క్రికెట్‌లో కోల్‌క‌తా నైట్‌రైడ‌ర్స్ బౌల‌ర్ వ‌రుణ్ చ‌క్ర‌వ‌ర్తి మ‌రో రికార్డు అందుకున్నాడు. పొట్టి ఫార్మాట్‌లో 200 వికెట్లు పూర్తి చేసుకున్నాడు. ఐపీఎల్ 2026 సీజ‌న్‌లో భాగంగా రాజ‌స్తాన్ రాయ‌ల్స్‌తో మ్యాచ్‌లో వైభ‌వ్ సూర్య‌వంశీ వికెట్ తీయ‌డం ద్వారా ఈ మిస్ట‌రీ స్పిన్న‌ర్ త‌న ఖాతాలో 200వ వికెట్ జ‌మ చేసుకున్నాడు. కాగా టీ20 క్రికెట్‌లో 200 వికెట్ల మైలురాయిని అందుకోవడానికి వ‌రుణ్ చ‌క్ర‌వ‌ర్తి 155 మ్యాచ్‌లు తీసుకున్నాడు. అత్యంత వేగంగా 200 వికెట్ల మార్క్‌ను చేరుకున్న రెండో భార‌త బౌల‌ర్‌గా వ‌రుణ్ చక్ర‌వ‌ర్తి నిలిచాడు. తొలి స్థానంలో టీమిండియా పేస‌ర్‌ అర్ష్‌దీప్ సింగ్ (151 మ్యాచ్‌లు ఉన్నాడు. 2019లో ఐపీఎల్‌లో అరంగేట్రం చేసిన వ‌రుణ్ చ‌క్ర‌వ‌ర్తి తొలుత పంజాబ్ కింగ్స్‌కు ఆడాడు. ఆ త‌ర్వాత కేకేఆర్‌కు మారిన ఈ మిస్ట‌రీ స్పిన్న‌ర్ అప్ప‌టి నుంచి అదే జ‌ట్టులో కొన‌సాగుతున్నాడు. అయితే వ‌రుణ్ చక్ర‌వ‌ర్తి ఈ సీజ‌న్‌లోనే గుజ‌రాత్ టైటాన్స్‌తో మ్యాచ్‌లో కేకేఆర్ త‌ర‌ఫున వంద వికెట్లు సాధించాడు. కేకేఆర్ త‌ర‌ఫున వంద వికెట్లు తీసిన మూడో బౌల‌ర్‌గా నిలిచాడు. గ‌తంలో సునీల్ న‌రైన్‌, ఆండ్రీ ర‌సెల్‌లు ఈ ఘ‌న‌త సాధించారు. ఓవ‌రాల్‌గా వ‌రుణ్ చ‌క్ర‌వ‌ర్తి ఐపీఎల్‌లో 89 మ్యాచ్‌ల్లో 105 వికెట్లు ప‌డ‌గొట్టాడు. ఇక టీమిండియా త‌ర‌ఫున వ‌రుణ్ చ‌క్ర‌వ‌ర్తి 45 టీ20ల్లో 73 వికెట్లు ప‌డ‌గొట్టాడు. రెండుసార్లు ఐదు వికెట్ల హాల్‌ను అందుకున్నాడు.WICKET x 2️⃣!🎥 Spinners spinning #KKR back into the contest ☝️☝️Updates ▶️ https://t.co/776nTdPbPj#TATAIPL | #KhelBindaas | #KKRvRR | @KKRiders pic.twitter.com/TyU5HsJuGv— IndianPremierLeague (@IPL) April 19, 2026 చదవండి: తలతిక్క నిర్ణయాలతో కొంపముంచిన పటీదార్‌!

ఇండియన్ ప్రీమియర్ లీగ్‌ సృష్టికర్త లలిత్ మోదీ మరోసారి తన సంచలన వ్యాఖ్యలతో వార్తల్లో నిలిచాడు. 2030 నాటికి ఐపీఎల్ ప్రపంచ క్రీడారంగంలో ఎన్‌బీ , ఎన్‌ఎఫ్ఎల్ వంటి దిగ్గజ లీగ్‌లతో సమానంగా నిలుస్తుందని మోదీ అంచ‌నా వేశాడు. అంతేకాకుండా టాప్ ఆట‌గాళ్లు ఒక్కో సీజ‌న్‌కు రూ. 130 నుంచి రూ. 150 కోట్ల వ‌ర‌కు సంపాదిస్తారని అత‌డు జోస్యం చెప్పాడు. లలిత్ మోదీ తాజాగా ఇంగ్లండ్ దిగ్గ‌జ క్రికెట‌ర్ మైఖ‌ల్ వాన్‌తో కలిసి 'ది ఓవర్‌ల్యాప్' పాడ్‌కాస్ట్‌లో పాల్గొన్నాడు. ఈ సంద‌ర్భంగానే ఒక్కో ఫ్రాంచైజీకి రూ.125 కోట్లుగా ఉన్న ప్లేయర్ పర్స్ విలువ‌, రాబోయే నాలుగేళ్లలో ఏడు రెట్లకు పైగా పెరగనుందని అత‌డు చెప్పుకొచ్చాడు."ఐపీఎల్ ప్రపంచంలోనే తిరుగులేని ఆర్థిక శక్తిగా మారుతోంది. ఫ్రాంచైజీల‌కు ఆట‌గాళ్లపై ఖ‌ర్చు చేయ‌డానికి ఒక నిర్దిష్ట మొత్తం ఉంటుంది. ప్ర‌స్తుతం ప‌ర్స్ విలువ రూ.125 కోట్లుగా ఉంది. కానీ 2030 నాటికి ఈ మొత్తం ఏకంగా 100 మిలియన్ డాలర్లకు (సుమారు రూ. 932 కోట్లు) చేరుకుంటుంది. దీంతో సీజ‌న్‌లో 16 మ్యాచ్‌లు ఆడే అగ్రశ్రేణి ఆటగాళ్లు, ఒక్కో మ్యాచ్‌కు ఒక మిలియన్ డాలర్ (రూ. 8 కోట్లు) చొప్పున పారితోష‌కం అందుకుంటారు. అంటే మొత్తంగా 16 మ్యాచ్‌లకు సుమారుగా రూ. 140 నుంచి రూ.150 కోట్లు ద‌క్క‌నుంది" అని ల‌లిత్ మోదీ పేర్కొన్నాడు.ఈ భారీ మొత్తాన్ని అందుకునే సత్తా ఉన్న 'ఎక్స్-ఫాక్టర్' ప్లేయర్లుగా ఇద్దరు యువ ఆటగాళ్లను మోదీ ప్రత్యేకంగా ప్రస్తావించారు. ఒక‌రు రాజ‌స్తాన్ రాయ‌ల్స్ యువ సంచ‌ల‌నం వైభ‌వ్ సూర్య‌వంశీ కాగా.. మ‌రొకరు ఇంగ్లండ్ యంగ్ క్రికెట‌ర్ జాకబ్ బెథెల్. ఐపీఎల్ 2026లో వైభ‌వ్ సూర్య‌వంశీ దుమ్ములేపుతున్నాడు. త‌న సంచ‌ల‌న బ్యాటింగ్‌తో బుమ్రా, హేజిల్‌వుడ్ వంటి వ‌ర‌ల్డ్ క్లాస్ బౌల‌ర్ల‌కు సైతం వైభ‌వ్ చుక్క‌లు చూపించాడు. ఇప్ప‌టివ‌ర‌కు 5 మ్యాచ్‌లు ఆడిన వైభ‌వ్ 263.16 స్ట్రైక్ రేటుతో 200 ప‌రుగులు చేశాడు. కాగా ఐపీఎల్‌-2027 మెగా వేలానికి ముందు రాజ‌స్తాన్ రాయ‌ల్స్ వైభ‌వ్‌ను విడిచిపెడితే అత‌డిని భారీ ధ‌ర‌కు ద‌క్కించుకునేందుకు ఫ్రాంచైజీలు ఆస‌క్తిగా ఎదురు చూస్తున్నాయి.చదవండి: IPL 2026: వ‌రుస ఓట‌ములు.. హార్దిక్ పాండ్యా సంచ‌ల‌న నిర్ణ‌యం!

రాజస్తాన్ రాయల్స్ టీమ్ మేనెజర్ రోమీ భిందర్ డగౌట్‌లో మొబైల్ ఫోన్ వాడిన వ్యవహారంపై విచారణ ఓ కొలుక్కి వచ్చినట్లు తెలుస్తోంది. వైద్యపరమైన కారణాల వల్లే డగౌట్‌లో ఫోన్ చూడాల్సి వ‌చ్చింద‌ని భిందర్ బీసీసీఐ యాంటీ కరప్షన్ యూనిట్ విచార‌ణ‌లో వెల్ల‌డించిన‌ట్లు స‌మాచారం. అదేవిధంగా మ్యాచ్ జ‌రుగుతున్న స‌మ‌యంలో రోమీ త‌న‌ ఫోన్ నుంచి ఎలాంటి కాల్స్‌, మేసెజ్‌లు గానీ చేయ‌లేద‌ని ఏసీయూ నిర్ధారించినట్లు వార్త‌లు వినిపిస్తున్నాయి. ఏదేమైన‌ప్ప‌టికి రోమీ భిందర్ నిబంధ‌న‌లు ఉల్ల‌ఘించినందుకు గాను బీసీసీఐ జ‌రిమానా విధించేందుకు సిద్ద‌మైన‌ట్లు ప‌లు రిపోర్ట్‌లు పేర్కొంటున్నాయి. అంతేకాకుండా రోమీ ప‌క్క‌న ఉండి ఫోన్ చూసిన యువ ఆట‌గాడు వైభ‌వ్ సూర్య‌వంశీని కేవలం హెచ్చరించి వదిలేయాల‌ని బోర్డు నిర్ణ‌యించుకున్న‌ట్లు క్రికెట్ వ‌ర్గాలు వెల్ల‌డించాయి.అస‌లేమి జ‌రిగిందంటే?ఈ ఏడాది సీజ‌న్‌లో భాగంగా ఏప్రిల్ 10న గౌహ‌తి వేదిక‌గా రాజ‌స్తాన్ రాయ‌ల్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డ్డాయి. అయితే రాజ‌స్తాన్ ఇన్నింగ్స్ 11వ ఓవ‌ర్‌లో రోమీ భిందర్ డగౌట్‌లో కూర్చుని మొబైల్ ఫోన్ వాడుతూ కెమెరాలకు చిక్కారు. ఆ సమయంలో యువ ఆటగాడు వైభవ్ సూర్యవంశీ కూడా అతడి పక్కనే ఉండి ఫోన్ వైపు చూడటం వివాదాస్పదమైంది. బీసీసీఐ నిబంధనల ప్రకారం..మ్యాచ్ జరుగుతున్న సమయంలో డగౌట్ మొబైల్ ఫోన్లు వాడటం నిషిద్ధం. దీంతో బీసీసీఐ యాంటీ కరప్షన్ యూనిట్ అత‌డికి నోటీసులు జారీచేసింది. నలభై ఎనిమిది గంటల్లోగా.. తాను ఆరోజు ఫోన్‌ ఎందుకు ఉపయోగించానన్న విషయంపై రోమీ వివరణ ఇవ్వాల‌ని ఏసీయూ నోటీసుల్లో పేర్కొంది. ఈ క్ర‌మంలోనే రోమీ బీసీసీఐ నోటీసుల‌కు వివ‌ర‌ణ ఇచ్చిన‌ట్లు తెలుస్తోంది.చదవండి: విరాట్ కోహ్లి కాదు.. వారిద్దరి వ‌ల్లే గెలిచాము: ఆర్సీబీ కెప్టెన్‌

రాజస్తాన్‌ రాయల్స్‌ యువ సంచలనం వైభవ్‌ సూర్యవంశీని టీమిండియాకు ఎంపిక చేయాలనే డిమాండ్లు పెరుగుతున్నాయి. అందుకు తగ్గట్లుగానే సెలక్టర్లు ఈ బుడ్డోకి పచ్చజెండా ఊపేందుకు సిద్ధమైనట్లు సమాచారం. దీంతో ఈ ఏడాదే భారత సీనియర్‌ క్రికెట్‌ జట్టు తరఫున అరంగేట్రం చేయడం ఖాయంగా కనిపిస్తోంది. ప్రస్తుతం ఐపీఎల్‌లో తన విధ్వంసకర బ్యాటింగ్‌తో దుమ్మురేపుతున్న 15 ఏళ్ల వైభవ్‌ (Vaibhav Suryavanshi)... క్రికెట్‌ దిగ్గజం సచిన్‌ టెండూల్కర్‌ (Sachin Tendulkar) రికార్డును బద్దలు కొట్టడం నిశ్చయమని బోర్డు వర్గాలు అంటున్నాయి. ఐపీఎల్‌ 19వ సీజన్‌ అనంతరం భారత జట్టు ఐర్లాండ్‌–ఇంగ్లండ్‌లో పర్యటించనుంది. అనంతరం జింబాబ్వేతోనూ టీ20 సిరీస్‌ ఆడనుంది. ఈ పర్యటనలకు కుదరకపోయినా..ఈ పర్యటనల కోసం త్వరలోనే జట్లను ప్రకటించే అవకాశం ఉంది. దీని కోసం అజిత్‌ అగర్కర్‌ నేతృత్వంలోని సెలెక్షన్‌ కమిటీ 35 మంది ప్రాబబుల్స్‌ పేర్లను పరిశీలిస్తోంది. వీరిలో వైభవ్‌ పేరు కూడా ఉంది. ‘మాస్టర్‌ బ్లాస్టర్‌’ సచిన్‌ టెండూల్కర్‌ 16 ఏళ్ల 205 రోజుల వయసులో దాయాది పాకిస్తాన్‌పై అంతర్జాతీయ అరంగేట్రం చేయగా... ఆ వయసుకన్నా ముందే వైభవ్‌ దేశానికి ప్రాతినిధ్యం వహించేలా ఉన్నాడు. ఏజ్‌ గ్రూప్‌ క్రికెట్‌తో పాటు దేశవాళీ, ఐపీఎల్‌లో సత్తా చాటుతున్న సూర్యవంశీని సీనియర్‌ జట్టులోకి తీసుకోవాలనే డిమాండ్‌ పెరుగుతున్న సంగతి తెలిసిందే.ఆసియా క్రీడల వరకైనాఈ నేపథ్యంలో ఒకవేళ తక్షణమే అతడికి అవకాశం కల్పించకున్నా... ఈ ఏడాది చివర్లో జరగనున్న ఆసియా క్రీడల వరకైనా సీనియర్‌ టీమిండియాకు ఎంపిక చేయడం ఖాయమే. ఈ ఏడాది సెప్టెంబర్‌ 19 నుంచి అక్టోబర్‌ 4 వరకు జపాన్‌ వేదికగా ఏషియన్‌ గేమ్స్‌ జరగనుండగా... అదే సమయంలో టీమిండియా వెస్టిండీస్‌తో మ్యాచ్‌లు ఆడనుంది. ఆ సమయంలో రెండు వేర్వేరు జట్లను ఎంపిక చేయాల్సి వస్తే... అందులో ఒక దాంట్లో సూర్యవంశీని ఎంపిక చేయొచ్చు అని బీసీసీఐ అధికారి వెల్లడించారు. ‘35 మంది ప్రాబబుల్స్‌ నుంచి సెలెక్టర్లు జట్టును ఎంపిక చేయనున్నారు. వారందరి వీసా పనులు ప్రారంభమయ్యాయి. వైభవ్‌ను ఎంపిక చేయాలంటే..వైభవ్‌ సూర్యవంశీ ప్రదర్శనను సెలక్టర్లు దగ్గర నుంచి పరిశీలిస్తున్నారు. అభిషేక్‌ శర్మ, సంజూ శాంసన్‌, ఇషాన్‌ కిషన్‌ చక్కటి ప్రదర్శన కనబరుస్తున్న సమయంలో నాలుగో ఓపెనర్‌ అవసరమేముంది. అంతకు కావాలి అంటే యశస్వి జైస్వాల్‌ కూడా ఉన్నాడు. వైభవ్‌ను ఎంపిక చేయాలి అంటే అభిషేక్, సంజూలను తీసుకోకపోవడానికి బలమైన కారణం అంటూ ఉండాలి. వారిద్దరిలో ఒక్కరిని పక్కన పెట్టినా... కెప్టెన్‌ సూర్యకుమార్‌ యాదవ్‌ను కొనసాగించడంపై ప్రశ్నలు తలెత్తుతాయి. అయితే ఆసియా క్రీడల సమయంలో మాత్రం రెండు జట్లు అనివార్యమే కాబట్టి వైభవ్‌ను ఎంపిక చేయవచ్చు’ అని అయన అన్నారు. పసిడి పతకాలుకాగా 2023లో తొలిసారి ఆసియా క్రీడలకు బీసీసీఐ పురుష, మహిళా జట్లను పంపగా.. రెండు జట్లు స్వర్ణ పతకాలు గెలిచాయి. రుతురాజ్‌ గైక్వాడ్‌ కెప్టెన్సీలో టీమిండియా.. హర్మన్‌ప్రీత్‌ కౌర్‌ సారథ్యంలో మహిళా జట్టు గోల్డ్‌ మెడల్‌అందుకున్నాయి.చదవండి: PSL: అక్కడ వద్దంటేనే ఇక్కడికి: పీసీబీ పరువు తీసిన పాక్‌ క్రికెటర్‌

టీమిండియాకు టీ20 ప్రపంచకప్‌ అందించిన కెప్టెన్‌గా భారత క్రికెట్‌ చరిత్ర పుటల్లో తన పేరును లిఖించుకున్నాడు సూర్యకుమార్‌ యాదవ్‌. సొంతగడ్డపై అతడి సారథ్యంలో ఈ ఏడాది భారత్‌ వరల్డ్‌కప్‌ ట్రోఫీని ముద్దాడింది. తద్వారా మొత్తంగా మూడుసార్లు.. వరుసగా రెండుసార్లు.. స్వదేశంలో తొలిసారి పొట్టి క్రికెట్‌ వరల్డ్‌కప్‌ గెలిచిన తొలి జట్టుగా నిలిచింది.ఒలింపిక్స్‌-2028లో ఆడటమే లక్ష్యంఇక ఈ టోర్నీకి ఆరంభం ముందు నుంచే సూర్యకుమార్‌ యాదవ్‌ (Suryakumar Yadav) కెప్టెన్సీ గురించి వదంతులు వ్యాపించిన సంగతి తెలిసిందే. సారథిగా టీమిండియాకు తిరుగులేని విజయాలు అందించినప్పటికీ.. బ్యాటర్‌గా అతడి ప్రదర్శన దిగజారడం ఇందుకు కారణం. అయితే, సూర్య వరల్డ్‌కప్‌ విన్నింగ్‌ కెప్టెన్‌ కావడంతో ఇక అతడికి తిరుగులేదని అభిమానులు భావిస్తున్నారు.సూర్య సైతం తాను ఇప్పట్లో రిటైర్‌ కాబోనని.. ఒలింపిక్స్‌-2028లో ఆడటమే లక్ష్యమని తెలిపాడు. అయితే, టీమిండియా యాజమాన్యం ప్రణాళికలు మాత్రం వేరుగా ఉన్నట్లు తెలుస్తోంది. ఇంగ్లండ్‌ పర్యటన తర్వాత సూర్యను కెప్టెన్‌గా తప్పించే అవకాశాలు ఎక్కువగా ఉన్నట్లు భారత క్రికెట్‌ నియంత్రణ మండలి (బీసీసీఐ) సన్నిహిత వర్గాలు పేర్కొన్నాయి.స్ట్రైక్‌రేటు మరీ దారుణంకాగా ఒకప్పుడు ప్రపంచంలోనే నంబర్‌ వన్‌ టీ20 బ్యాటర్‌గా కొనసాగిన సూర్యకుమార్‌.. కెప్టెన్సీ చేపట్టిన తర్వాత ఆటగాడిగా విఫలమవుతున్నాడు. గతేడాది అతడి స్ట్రైక్‌రేటు మరీ దారుణంగా 120లోపు పడిపోగా.. ఒ‍క్క హాఫ్‌ సెంచరీ కూడా చేయలేకపోయాడు.ఇక 2026లో మొత్తంగా నాలుగు అర్ధ శతకాలు బాదిన సూర్య.. టీ20 ప్రపంచకప్‌లో అమెరికాపై సత్తా చాటాడు. అయితే పెద్ద జట్లైన సౌతాఫ్రికాపై 18, వెస్టిండీస్‌పై 18, సెమీ ఫైనల్లో ఇంగ్లండ్‌పై 11, ఫైనల్లో న్యూజిలాండ్‌పై 0 పరుగులతో తీవ్రంగా నిరాశపరిచాడు.ఇదిలా ఉంటే.. ప్రస్తుతం ఐపీఎల్‌-2026తో బిజీగా ఉన్న టీమిండియా ఆటగాళ్లు.. తదుపరి పరిమిత ఓవర్ల సిరీస్‌లు ఆడేందుకు ఇంగ్లండ్‌కు వెళ్లనున్నారు. ఈ నేపథ్యంలో ఇంగ్లండ్‌లో సూర్య బ్యాటింగ్‌ ప్రదర్శనపైనే అతడి భవితవ్యం ఆధారపడి ఉందని తెలుస్తోంది.ఇంగ్లండ్‌లో విఫలమతే అంతే సంగతులుఈ విషయం గురించి బీసీసీఐ వర్గాలు PTIతో మాట్లాడుతూ.. ‘‘సూర్యనే కెప్టెన్‌. అయితే, బ్యాటర్‌గా అతడు నిలకడగా రాణించాల్సి ఉంది. ఈ విషయంలో సెలక్టర్లకు నమ్మకం కలిగించాలి. ఇంగ్లండ్‌ టూర్‌లో అతడే కెప్టెన్‌.అయితే, 2028 నాటికి అతడు జట్టుతో కొనసాగాలంటే కచ్చితంగా మంచి ప్రదర్శనలు ఇవ్వాల్సిందే’’ అని పేర్కొన్నాయి. కాగా వైభవ్‌ సూర్యవంశీ, ఆయుశ్‌ మాత్రే వంటి చిచ్చరపిడుగులు టీమిండియా టీ20 జట్టు వైపు దూసుకువస్తున్నారు. వీరితో పాటు ఇప్పటికే ఎంతో మంది తమను తాము నిరూపించుకున్నారు. ముఖ్యంగా శ్రేయస్‌ అయ్యర్‌ ఇటు కెప్టెన్‌గా.. అటు బ్యాటర్‌గా టీ20 ఫార్మాట్లో దుమ్ములేపుతున్నాడు. ఇలాంటి తరుణంలో సూర్య ఇకనైనా తన బ్యాటింగ్‌పై మరింతగా దృష్టి పెడితేనే జట్టులో కొనసాగే అవకాశం ఉంటుంది.చదవండి: రాయల్స్‌ వైఖరిపై అసంతృప్తిలో వైభవ్‌

వరుస ఓటముల తర్వాత సన్‌రైజర్స్‌ హైదరాబాద్‌ జట్టు ఎట్టకేలకు గెలుపు బాట పట్టింది. సొంతమైదానం ఉప్పల్‌లో రాజస్తాన్‌ రాయల్స్‌ను చిత్తుగా ఓడించింది. టాస్‌ ఓడి తొలుత బ్యాటింగ్‌కు దిగిన ఎస్‌ఆర్‌హెచ్‌.. నిర్ణీత 20 ఓవర్లలో ఆరు వికెట్ల నష్టానికి 216 పరుగులు సాధించింది.ఇషాన్‌ కిషన్‌ (44 బంతుల్లో 91) కెప్టెన్‌ ఇన్నింగ్స్‌తో మెరవగా.. హెన్రిచ్‌ క్లాసెన్‌ (40), నితీశ్‌ కుమార్‌ రెడ్డి (28), సలీల్‌ అరోరా (24 నాటౌట్‌) రాణించారు. అయితే, ప్రస్తుత ఫామ్‌ దృష్ట్యా లక్ష్య ఛేదనలో రాజస్తాన్‌ రాయల్స్‌ నుంచి సన్‌రైజర్స్‌కు గట్టిపోటీ తప్పదనే అభిప్రాయాలు వ్యక్తమయ్యాయి.అయితే, అనూహ్య రీతిలో సన్‌రైజర్స్‌ పేసర్‌ ప్రఫుల్‌ హింగే అద్భుతమైన ప్రదర్శన కనబరిచాడు. ఆది నుంచే దూకుడు చూపిస్తూ రాజస్తాన్‌ బ్యాటింగ్‌ టాప్‌ ఆర్డర్‌ను కుదేలు చేశాడు. ముఖ్యంగా రాజస్తాన్‌ విధ్వంసకరవీరుడు వైభవ్‌ సూర్యవంశీని గోల్డెన్‌ డకౌట్‌గా వెనక్కి పంపడంలో ఎస్‌ఆర్‌హెచ్‌ శిబిరంలో సంబరాలు అంబరాన్నంటాయి.ఆ సమయంలో సన్‌రైజర్స్‌ జట్టు యజమాని కావ్యా మారన్‌ సైతం పెద్ద ఎత్తున సెలబ్రేట్‌ చేసుకున్నారు. ప్రఫుల్‌ ఊహించని రీతిలో బ్రేక్‌ ఇవ్వడంతో ఆమె పట్టరాని సంతోషంలో మునిగిపోయారు. ఇదసలు నమ్మశక్యంగా లేదు అన్నట్లుగా తొలుత ఆశ్చర్యపోయిన కావ్యా మారన్‌.. ఆ తర్వాత లేచి నిలబడి కరతాళ ధ్వనులు చేస్తూ నవ్వులు చిందించారు. కావ్యా వైల్డ్‌ సెలబ్రేషన్స్‌కు సంబంధించిన ఫొటోలు సోషల్‌ మీడియాలో వైరల్‌గా మారాయి.Kavya Marian reaction on Vaibhav Sooryavanshi Wicket 😭❤️#SRHvsRR #IPL2026 #TATAIPL #CricketTwitter #IPLMatchDay #CricketFever #Wickets #IPLDrama pic.twitter.com/aMqj8XP2Ay— Rushikesh Vadolkar (@RVadolkar) April 13, 2026ఇక వైభవ్‌తో పాటు రాజస్తాన్‌ కీలక బ్యాటర్లు ధ్రువ్‌ జురెల్‌ (0), లువాన్‌ డ్రి ప్రిటోరియస్‌ (0), కెప్టెన్‌ రియాన్‌ పరాగ్‌ (4)లను కూడా ప్రఫుల్‌ హింగే వచ్చీ రాగానే పెవిలియన్‌కు పంపించాడు. రవీంద్ర జడేజా (45), డొనోవాన్‌ ఫెరీరా (69) కాసేపు పోరాడినా ఫలితం లేకుండా పోయింది.సన్‌రైజర్స్‌ బౌలర్ల ధాటికి 19 ఓవర్లలో 159 పరుగులు చేసి రాజస్తాన్‌ ఆలౌట్‌ అయింది. దీంతో 57 పరుగుల తేడాతో రైజర్స్‌ జయభేరి మోగించింది. ఫలితంగా హైదరాబాద్‌ ఖాతాలో రెండో విజయం చేరగా.. రాజస్తాన్‌ తొలి ఓటమిని చూవిచూసింది. కాగా ఈ రెండు జట్లు ఇప్పటికి ఐదేసి మ్యాచ్‌లు పూర్తి చేసుకున్నాయి.It's all Orange in Hyderabad 🧡A dominant victory by 5⃣7⃣ runs for @SunRisers ✌️They end #RR's unbeaten streak this season 👏Updates ▶️ https://t.co/xGTDdKbXpY#TATAIPL | #KhelBindaas | #SRHvRR pic.twitter.com/ZRdkxcW2jh— IndianPremierLeague (@IPL) April 13, 2026

ఐపీఎల్‌ 2026లో సంచలన ప్రదర్శనలతో దూసుకుపోతున్న రాజస్థాన్‌ రాయల్స్‌ చిచ్చరపిడుగు వైభవ్‌ సూర్యవంశీ సొంత జట్టు వైఖరిపై అసంతృప్తిగా ఉన్నాడని తెలుస్తుంది. ఈ విషయాన్ని జట్టు అసిస్టెంట్‌ కోచ్‌ ట్రెవర్‌ పెన్నీ స్వయంగా వెల్లడించారు. రాయల్స్‌కు ఫీల్డింగ్‌ కోచ్‌ కూడా అయిన పెన్నీ నిన్న (ఏప్రిల్‌ 13) సన్‌రైజర్స్‌తో మ్యాచ్‌ సందర్భంగా మాట్లాడుతూ.. వైభవ్‌కు ఫీల్డింగ్‌ అంటే చాలా ఇష్టం. కానీ డొనోవన్‌ ఫెరియెరా ఫిట్‌నెస్‌ పాస్‌ చేశాడు. అతను గన్‌ ఫీల్డర్‌. అందుకే అతనిని మెయిన్‌ XIలో ఉంచాం. వైభవ్‌ దీని పట్ల సంతోషంగా లేడు. ఈ విషయంలో జట్టు ఉద్దేశం వైభవ్‌ మంచి ఫీల్డర్‌ కాదని కాదు. ప్రస్తుతానికి ఫెరియెరా ఫీల్డింగ్‌ అత్యుత్తమంగా ఉంది. ఆ ఉద్దేశంతోనే వైభవ్‌ను ఇంపాక్ట్‌ ప్లేయర్‌గా ఆడిస్తున్నామని అన్నాడు.కాగా, ప్రస్తుత ఐపీఎల్‌లో వైభవ్‌ సూర్యవంశీ గత కొద్ది మ్యాచ్‌లుగా ఇంపాక్ట్‌ ప్లేయర్‌గా బరిలోకి దిగుతున్నాడు. తాజాగా ఎస్‌ఆర్‌హెచ్‌తో జరిగిన మ్యాచ్‌లోనూ అతను ఇంపార్ట్‌ సబ్‌స్టిట్యూట్‌గా (బ్యాటర్‌గా మాత్రమే) ఆడాడు. రాయల్స్‌ మొదట బౌలింగ్‌ ఎంచుకోవడంతో అతను డగౌట్‌కే పరిమితమయ్యాడు. 217 పరుగుల భారీ లక్ష్య ఛేదనలో యశస్వి జైస్వాల్‌తో కలిసి ఓపెనర్‌గా బరిలోకి దిగి గోల్డెన్‌ డకౌటయ్యాడు. ఎస్‌ఆర్‌హెచ్‌ అరంగేట్రం పేసర్‌ ప్రఫుల్‌ హింగే అద్భుతమైన బంతితో వైభవ్‌ను బోల్తా కొట్టించాడు. ఈ మ్యాచ్‌లో హింగే వైభవ్‌తో పాటు మరో ముగ్గురిని కూడా ఔట్‌ చేసి ఎస్‌ఆర్‌హెచ్‌కు చిరస్మరణీయ విజయాన్ని అందించాడు. తొలి ఓవర్‌లోనే హింగే వైభవ్‌తో పాటు జురెల్‌, ప్రిటోరియస్‌లను కూడా డకౌట్‌ చేసి ఐపీఎల్‌ చరిత్రలో తొలి ఓవర్‌లోనే ముగ్గురిని ఔట్‌ చేసిన తొలి బౌలర్‌గా చరిత్ర సృష్టించాడు.ఇదిలా ఉంటే, ప్రస్తుత ఐపీఎల్‌ సీజన్‌లో ఎస్‌ఆర్‌హెచ్‌ మ్యాచ్‌కు ముందు వైభవ్‌ అత్యుత్తమ ఫామ్‌లో ఉన్నాడు. 5 మ్యాచ్‌ల్లో సగటు 40, స్ట్రైక్‌ రేట్‌ 263.16తో 200 పరుగులు చేసి, లీడింగ్‌ స్కోరర్‌గా ఉన్నాడు. సీఎస్‌కే, ఆర్సీబీపై 15 బంతుల్లో హాఫ్‌ సెంచరీలు చేసి సంచలనం సృష్టించాడు.

ఐపీఎల్‌ ఫ్రాంఛైజీ రాజస్తాన్‌ రాయల్స్‌ జట్టు మేనేజర్‌ రోమీ భిందర్‌కు భారత క్రికెట్‌ నియంత్రణ మండలి (బీసీసీఐ) షాకిచ్చింది. నిబంధనలకు విరుద్ధంగా అతడు డగౌట్‌లో మొబైల్‌ ఫోన్‌ వాడిన సంగతి తెలిసిందే. ఈ నేపథ్యంలో బీసీసీఐ అవినీతి, భద్రత నిరోధక విభాగం రోమీ భిందర్‌కు షోకాజు నోటీసులు జారీ చేసింది. డగౌట్‌లో మొబైల్‌ ఫోన్‌ ఎందుకు వాడారో 24 గంటల్లోపు వివరణ ఇవ్వాలని ఈ నోటీసులో బీసీసీఐ పేర్కొంది.వైభవ్‌ సూర్యవంశీ కూడా...కాగా శుక్రవారం రాయల్‌ చాలెంజర్స్‌ బెంగళూరు (ఆర్‌సీబీ) జట్టుతో గువాహటిలో జరిగిన మ్యాచ్‌ సందర్భంగా రోమీ భిందర్‌ మొబైల్‌ ఫోన్‌ వాడాడు. ఆ సమయంలో రాజస్తాన్‌ ఓపెనింగ్‌ బ్యాటర్‌ వైభవ్‌ సూర్యవంశీ కూడా అతడి పక్కనే ఉన్నాడు. వీరిద్దరు మొబైల్‌లోకి చూస్తున్నట్లుగా ఉన్న ఫోటో సామాజిక మాధ్యమాల్లో వైరల్‌గా మారింది. కాగా ఐపీఎల్‌ పాలక మండలి నిబంధనల ప్రకారం జట్టు మేనేజర్‌కు మొబైల్‌ ఫోన్‌ వాడే వెసులుబాటు ఉన్నా... డగౌట్‌లో మాత్రం ఉపయోగించడానికి వీలు లేదు.తొలి ఓటమిఇదిలా ఉంటే.. వరుస విజయాలతో దుమ్ములేపుతున్న రాజస్తాన్‌ రాయల్స్‌ జోరుకు సన్‌రైజర్స్‌ హైదరాబాద్‌ అడ్డుకట్ట వేసింది. ఉప్పల్‌ వేదికగా సోమవారం నాటి మ్యాచ్‌లో రాయల్స్‌ను 57 పరుగుల తేడాతో చిత్తుగా ఓడించింది. టాస్‌ గెలిచిన రాయల్స్‌ తొలుత బౌలింగ్‌ ఎంచుకోగా సన్‌రైజర్స్‌ బ్యాటింగ్‌కు దిగింది.నిర్ణీత 20 ఓవర్లలో ఆరు వికెట్ల నష్టానికి 216 పరుగులు సాధించింది సన్‌రైజర్స్‌. లక్ష్య ఛేదనలో రాయల్స్‌ 19 ఓవర్లలో 159 పరుగులు మాత్రమే చేసి ఆలౌట్‌ అయింది. సన్‌రైజర్స్‌ బౌలర్‌ ప్రఫుల్‌ హింగే ఆకాశమే హద్దుగా చెలరేగి ఓపెనర్‌ వైభవ్‌ సూర్యవంశీ (0)తో పాటు వన్‌డౌన్‌లో వచ్చిన ధ్రువ్‌ జురెల్‌ (0), లువాన్‌ డ్రి ప్రిటోరియస్‌ (0), కెప్టెన్‌ రియాన్‌ పరాగ్‌ (4)లను అవుట్‌ చేసి ప్రత్యర్థి పతనాన్ని శాసించాడు. ఇక ఇప్పటికి ఐదు మ్యాచ్‌లు పూర్తి చేసుకున్న రాయల్స్‌ నాలుగు గెలిచింది. చదవండి: సన్‌రైజర్స్‌ చేతిలో ఓటమి తర్వాత రియాన్‌ పరాగ్‌ వ్యాఖ్యలు

‘ఈ మ్యాచ్‌తో ప్రఫుల్‌ హింగే ఐపీఎల్‌లో అరంగేట్రం చేస్తున్నాడు’... పంజాబ్‌ కింగ్స్‌తో గత మ్యాచ్‌ టాస్‌ సమయంలో సన్‌రైజర్స్‌ కెప్టెన్‌ ఇషాన్‌ కిషన్‌ చెప్పిన మాట ఇది. రైజర్స్‌ బౌలింగ్‌ సమయంలో ఇంపాక్ట్‌ సబ్‌గా హింగే రావాల్సింది. నిరాశకు లోనైన హింగేదురదృష్టవశాత్తూ జట్టు వ్యూహాల్లో భాగంగా చివరి నిమిషంలో అతడిని కాదని జయదేవ్‌ ఉనాద్కట్‌ను రైజర్స్‌ ఆడించింది. దీంతో హింగే తీవ్ర నిరాశకు లోనయ్యాడు. తొలి ఐపీఎల్‌ మ్యాచ్‌ చాన్స్‌ వచ్చిన ఆనందం అతనిలో ఆవిరైంది. ఒక 24 ఏళ్ల యువ ఆటగాడికి మానసికంగా ఇది ఎంతో ఇబ్బంది కలిగించే అంశం. Hang it in the Louvre 🤌pic.twitter.com/3VbpYVQumP— SunRisers Hyderabad (@SunRisers) April 13, 2026అయితే ఈ బాధతో వచ్చిన కసిని అతను తాజా మ్యాచ్‌లో చూపించినట్లున్నాడు. రాజస్తాన్‌ రాయల్స్‌ డేంజరస్‌ ఓపెనర్‌ వైభవ్‌ సూర్యవంశీ (0)తో పాటు వన్‌డౌన్‌లో వచ్చిన ధ్రువ్‌ జురెల్‌ (0), లువాన్‌ డ్రి ప్రిటోరియస్‌ (0), కెప్టెన్‌ రియాన్‌ పరాగ్‌ (4)లను అవుట్‌ చేసి.. ప్రత్యర్థిని కోలుకోలేని దెబ్బకొట్టాడు.దేశవాళీలో విదర్భ జట్టుకు ప్రాతినిధ్యం వహించే ప్రఫుల్‌ 2024–25 సీజన్‌తోనే రంజీ ట్రోఫీలో అడుగు పెట్టాడు. ఎరుపు బంతితోనే బాగా ప్రభావం చూపించగల పేసర్‌గా గుర్తింపు పొందిన అతను 10 ఫస్ట్‌క్లాస్‌ మ్యాచ్‌లలో 27 వికెట్లు పడగొట్టాడు. కేవలం 6 వన్డేలే ఆడిన ప్రఫుల్‌కు ఐపీఎల్‌కు ముందు ఒకే ఒక టి20 మ్యాచ్‌ ఆడిన అనుభవం మాత్రమే ఉంది. ఉమేశ్‌ యాదవ్‌ను అభిమానించే ప్రఫుల్‌ అభిమాన బౌలర్‌ ప్యాట్‌ కమిన్స్‌. నాగ్‌పూర్‌కు చెందిన ప్రఫుల్‌ ఒక్కసారిగా సీన్‌లోకి రాలేదు. ఈ వజ్రాన్ని సానబెట్టింది ఎవరంటే?2022 నుంచి హింగే చెన్నైలోని ప్రతిష్టాత్మక ఎంఆర్‌ఎఫ్‌ పేస్‌ ఫౌండేషన్‌లో శిక్షణ పొందుతున్నాడు. భవిష్యత్తు కోసం ప్రతిభను గుర్తించి ప్రోత్సహిస్తూ సానబెట్టే బీసీసీఐ ప్రక్రియలో భాగంగా ఎంపిక చేసిన ఆటగాళ్లలో ప్రఫుల్‌ కూడా ఉన్నాడు. 2024లో బ్రిస్బేన్‌లో జరిగిన పేస్‌ బౌలర్ల ప్రత్యేక శిక్షణా శిబిరంలో కూడా అతను పాల్గొన్నాడు. విదర్భ టి20 లీగ్‌లో నెకో మాస్టర్‌ బ్లాస్టర్స్‌ జట్టు విజేతగా నిలవడంలో అతను కీలకపాత్ర పోషించాడు. సన్‌రైజర్స్‌ ట్రయల్స్‌లో జట్టు బౌలింగ్‌ కోచ్‌ ప్రఫుల్‌ ప్రతిభను గుర్తించాడు. వేలంలో అతని కనీస ధర రూ. 30 లక్షలకు సన్‌రైజర్స్‌ తీసుకుంది. మరోవైపు.. బిహార్‌కు చెందిన పేసర్‌ సాకిబ్‌ హుస్సేన్‌ కూడా ఈ మ్యాచ్‌తోనే ఐపీఎల్‌లో అరంగేట్రం చేశాడు. 2024లో కోల్‌కతా టీమ్‌లో ఉన్నా మ్యాచ్‌ ఆడే అవకాశం రాకపోగా, ఈసారి రైజర్స్‌ రూ. 30 లక్షలకు ఎంచుకుంది. చదవండి: ఘోర ఓటమిలోనూ చరిత్ర సృష్టించిన రాజస్థాన్‌ రాయల్స్‌

ఐపీఎల్‌ 2026లో భాగంగా నిన్న (ఏప్రిల్‌ 13) జరిగిన మ్యాచ్‌లో రాజస్థాన్‌ రాయల్స్‌పై సన్‌రైజర్స్‌ హైదరాబాద్‌ 57 పరుగుల తేడాతో ఘన విజయం సాధించింది. ఈ మ్యాచ్‌లో సన్‌రైజర్స్‌ అరంగేట్రం పేసర్లు ప్రఫుల్‌ హింగే (4-0-34-4), సకిబ్‌ హెస్సేన్‌ (4-0-24-4) ఆకాశమే హద్దుగా చెలరేగిపోయారు. ముఖ్యంగా హింగే పట్టపగ్గాల్లేకుండా విరుచుకుపడ్డాడు. తొలి ఓవర్‌లోనే 3 వికెట్లు తీసి రాయల్స్‌ టాపార్డర్‌ను కుప్పకూల్చాడు. తద్వారా 19 ఏళ్ల ఐపీఎల్‌ చరిత్రలో తొలి ఓవర్‌లోనే 3 వికెట్లు తీసిన తొలి బౌలర్‌గా చరిత్ర సృష్టించాడు.తొలి ఓవర్‌లో హింగే ఔట్‌ చేసిన ముగ్గురు బ్యాటర్లు (వైభవ్‌ సూర్యవంశీ, ధృవ్‌ జురెల్‌, ప్రిటోరియస్‌) డకౌట్‌ కావడం విశేషం. వీరిలో వైభవ్‌ వికెట్‌ చాలా ప్రత్యేకం. ఎందుకంటే, ఈ మ్యాచ్‌కు ముందు వైభవ్‌పై అతి భారీ అంచనాలు ఉండేవి. ఈ సీజన్‌లో అతను తొలి మ్యాచ్‌ నుంచి విధ్వంసం సృష్టిస్తున్నాడు. దీంతో ఈ మ్యాచ్‌లోనూ ఎస్‌ఆర్‌హెచ్‌ బౌలర్లపై దండయాత్ర తప్పదని అంతా అనుకున్నారు.అయితే వైభవ్‌ విషయంలో హింజ్‌ ప్లాన్స్‌ వేరేలా ఉన్నాయి. సూపర్‌ ఫామ్‌లో ఉన్న వైభవ్‌ను అతను రెండో బంతికే ఔట్‌ చేసి అందరినీ ఆశ్చర్యపరిచాడు. హింగే సంధించిన అద్భుతమైన డెలివరీ కారణంగా వైభవ్‌ గోల్డెన్‌ డకౌటయ్యాడు. హింగే వేసిన బౌన్సర్‌ను ఆడే క్రమంలో బంతి వైభవ్‌ బ్యాట్‌ టాప్‌ ఎడ్జ్‌ తీసుకొని వికెట్‌కీపర్‌ సలీల్‌ అరోరా చేతుల్లోకి వెళ్లింది.వైభవ్‌ వికెట్‌పై మ్యాచ్‌ అనంతరం హింగే మాట్లాడుతూ ఆసక్తికర వ్యాఖ్యలు చేశాడు. నేను ముందే ప్లాన్‌ చేశాను. వైభవ్‌కి బౌన్సర్‌ వేసి ఔట్‌ చేస్తానని 2–3 మందికి చెప్పాను. నా తొలి మ్యాచ్‌లో నాలుగైదు వికెట్లు తీస్తానని గతేడాదే రాసుకున్నాను. పవర్‌ప్లేలో ఆధిపత్యం చూపుతానని ఊహించాను. అదే నిజమైంది అని అన్నాడు. హింగే వ్యాఖ్యలను బట్టి చూస్తే.. అతని అరంగేట్రంపై ముందే ప్రణాళిక కలిగి ఉన్నాడని స్పష్టమవుతుంది. నిన్నటి మ్యాచ్‌లో ప్లాన్‌ ప్రకారమే వైభవ్‌ను ఔట్‌ చేసిన విషయమూ తెలుస్తుంది. తన అద్భుత ప్రదర్శనకు గానూ ప్లేయర్‌ ఆఫ్‌ ద మ్యాచ్‌ అవార్డు కూడా అందుకున్న హింగే రాబోయే మ్యాచ్‌ల్లో ఎస్‌ఆర్‌హెచ్‌కు కీలక బౌలర్‌గా మారిపోయాడు. రాత్రిరాత్రే స్టార్‌ డమ్‌ సంపాదించి హీరో హైప్‌ తెచ్చుకున్నాడు.మ్యాచ్‌ విషయానికొస్తే.. తొలుత బ్యాటింగ్‌ చేసిన సన్‌రైజర్స్‌, ఇషాన్‌ కిషన్‌ (91) చెలరేగడంతో నిర్ణీత 20 ఓవర్లలో 6 వికెట్ల నష్టానికి 216 పరుగులు చేసింది. క్లాసెస్‌ (40) ఓ మోస్తరుగా రాణించగా.. ఆఖర్లో సలీల్‌ అరోరా (24 నాటౌట్‌), నితీశ్‌ కుమార్‌ రెడ్డి (28) బ్యాట్‌ ఝులిపించారు.అనంతరం లక్ష్య ఛేదనలో హింగే, సకిబ్‌ ధాటికి విలవిలలాడిపోయిన రాయల్స్‌ అతికష్టం మీద 19 ఓవర్లలో 159 పరుగులు చేసి ఆలౌటైంది. 9 పరుగులకే 5 వికెట్లు కోల్పోయిన రాయల్స్‌ను రవీంద్ర జడేజా (45), డొనొవన్‌ ఫెరియెరా (69) ఆదుకున్నారు. ఆఖర్లో తుషార్‌ దేశ్‌పాండే (25) సైతం బ్యాట్‌ ఝులిపించాడు. అయితే అప్పటికే రాయల్స్‌ ఓటమి ఖరారైపోయింది.

భారత క్రికెట్‌కు సంబంధించి ఓ సంచలన వార్త అందుతోంది. ఐపీఎల్‌ 2026 వీరలెవెల్లో రెచ్చిపోతున్న, యువ చిచ్చరపిడుగు, రాజస్థాన్‌ రాయల్స్‌ కెరటం వైభవ్‌ సూర్యవంశీ త్వరలో టీమిండియా ఎంట్రీ ఇవ్వబోతున్నాడు. ఐపీఎల్‌ తర్వాత జరిగే ఐర్లాండ్‌, జింబాబ్వే టీ20 సిరీస్‌లలో అతను బరిలోకి దిగడం ఖరారైంది. ఈ విషయంపై అధికారిక ప్రకటన మాత్రమే వెలువడాల్సి ఉంది.15 ఏళ్ల వైభవ్‌ ఎంపికపై సెలెక్టర్లు తొలుత ముల్లగుల్లాలు (వయసు రిత్యా) పడినప్పటికీ.. ఆతర్వాత ప్రతిభే కొలమానంగా ఎంపికే చేయాలని నిర్ణయించినట్లు తెలుస్తుంది. వైభవ్‌ ఎంపిక కేవలం ఐపీఎల్‌ ఆధారంగానే కాకుండా అండర్‌-19 జట్టు తరఫున ప్రదర్శనలు కూడా పరిగణలోకి తీసుకొని చేయనున్నట్లు సమాచారం.వైభవ్‌ ఈ ఏడాది అండర్‌-19 ప్రపంచకప్‌లో విశేషంగా రాణించాడు. ముఖ్యంగా ఇంగ్లండ్‌తో జరిగిన ఫైనల్లో ఆకాశమే హద్దుగా చెలరేగి భారీ విధ్వంసకర శతకం బాదాడు. ఫలితంగా భారత్‌ జగజ్జేతగా అవతరించింది. వైభవ్‌ ఇటీవలే దేశవాలీ క్రికెట్‌లోకి (బిహార్‌ తరఫున) కూడా అరంగేట్రం చేసి, అక్కడ కూడా సత్తా చాటాడు. వీటన్నిటినీ పరిగణలోకి తీసుకొన్న భారత సెలెక్టర్లు, వైభవ్‌ టీమిండియా ఎంపికకు ముహూర్తం ఖరారు చేశారు.ఐపీఎల్‌ 2026 తర్వాత టీమిండియా ఐర్లాండ్‌, జింబాబ్వేల్లో పర్యటించనుంది. ఈ సిరీస్‌లకు వైభవ్‌ను ఎంపిక చేసి టీమిండియాకు గ్రాండ్‌గా పరిచయం చేయాలని భారత సెలెక్టర్లు భావిస్తున్నారు. ఈ సిరీస్‌లలో వైభవ్‌కు జతగా మరో చిచ్చరపిడుగు అభిషేక్‌ శర్మ ఉండవచ్చు. ఒకవేళ ఈ ఇద్దరు బరిలోకి దిగితే పసికూనలైన ఐర్లాండ్‌, జింబాబ్వే పరిస్థితి ఊహించుకోవడానికి కూడా కష్టంగా ఉంటుంది. వైభవ్‌-అభిషేక్‌ జోడీ టీ20 ఫార్మాట్‌లో అత్యంత భయంకరమైన ఓపెనింగ్‌ జోడీగా మారవచ్చని అంచనాలు ఉన్నాయి. చరిత్ర సృష్టిస్తాడుఐర్లాండ్‌, జింబాబ్వే పర్యటనల్లో వైభవ్‌ టీమిండియా అరంగేట్రం జరిగితే సరికొత్త చరిత్ర అవుతుంది. అతి చిన్న వయసులో టీమిండియా అరంగేట్రం​ చేసిన ఆటగాడిగా చరిత్ర సృష్టిస్తాడు. వైభవ్‌ జూన్‌ 26న ఐర్లాండ్‌పై తొలి టీ20 ఆడితే, ఆ సమయానికి అతని వయసు 15 సంవత్సరాలు 91 రోజులు అవుతుంది. ఒకవేళ ఆ మ్యాచ్‌ కాకపోయినా, ఐర్లాండ్‌, జింబాబ్వే సిరీస్‌ల్లో ఏ మ్యాచ్‌లో అరంగేట్రం చేసినా చరిత్రే అవుతుంది. ఎందుకంటే, భారత్‌ తరఫున అతి చిన్న వయసులో అరంగేట్రం చేసిన రికార్డు సచిన్‌ టెండూల్కర్‌ పేరిట ఉంది. సచిన్‌ 16 సంవత్సరాలు 205 రోజుల వయసులో టీమిండియా ఎంట్రీ ఇచ్చాడు. ఈ లెక్కన వైభవ్‌-సచిన్‌కు చాలా గ్యాప్‌ ఉంటుంది.ఆకాశమే హద్దుప్రస్తుత ఐపీఎల్‌ ఎడిషన్‌లో వైభవ్‌ ఆకాశమే హద్దుగా చెలరేగుతున్నాడు. ఇప్పటివరకు ఆడిన 5 మ్యాచ్‌ల్లో సగటు 40, స్ట్రైక్‌ రేట్‌ 263.16తో 200 పరుగులు చేసి లీడింగ్‌ రన్‌ స్కోరర్లలో ఒకడిగా చలామణి అవుతున్నాడు. ఈ ఎడిషన్‌లో వైభవ్‌.. జస్ప్రీత్‌ బుమ్రా, భువనేశ్వర్‌ కుమార్‌, జోష్‌ హేజిల్‌వుడ్‌ లాంటి ప్రపంచ మేటి బౌలర్లకు సైతం​ చుక్కలు చూపిస్తున్నాడు.

ఐపీఎల్ 2026 సీజ‌న్‌లో రాజ‌స్తాన్ రాయ‌ల్స్ ఆట‌గాడు వైభ‌వ్ సూర్య‌వంశీ భీక‌ర ఫామ్‌లో ఉన్న సంగ‌తి తెలిసిందే. బ‌రిలోకి దిగిందే మొద‌లు బాదుడే ల‌క్ష్యంగా పెట్టుకున్న ఈ బుల్లోడు 266.66 స్ట్రైక్‌రేట్‌తో 200 ప‌రుగులకు పైగా సాధించి ఆరెంజ్ క్యాప్ రేసులో కొన‌సాగుతున్నాడు. తాను క్రీజులో ఉంటే బౌల‌ర్ ఎవ‌రైతే నాకేంటి.. బంతిపైనే త‌న దృష్టి ఉంటుంద‌ని ఇటీవ‌లే ఆర్సీబీతో మ్యాచ్ అనంత‌రం డైరెక్ట్ స్టేట్‌మెంట్ విడుద‌ల చేయ‌డం గ‌మ‌నార్హం. ఇప్ప‌టివ‌ర‌కు రాజ‌స్తాన్ ఆడిన ప్ర‌తీ జ‌ట్టులో ఒక ప్ర‌ధాన బౌల‌ర్‌ను వైభ‌వ్ ఒక ఆట ఆడుకున్నాడు. చెన్నైతో మ్యాచ్‌లో మాట్ హెన్రీని, గుజ‌రాత్‌తో మ్యాచ్‌లో ర‌బాడను, ముంబైతో మ్యాచ్‌లో బుమ్రాను, ఆర్సీబీతో మ్యాచ్‌లో హాజిల్‌వుడ్‌ను ల‌క్ష్యంగా చేసుకొని ఫోర్లు, సిక్స‌ర్లు బాదాడు. ఇక ఇవాళ వైభ‌వ్ సూర్యవంశీ ఎస్ఆర్‌హెచ్‌ను వారి సొంత‌గ‌డ్డ‌పైనే ఎదుర్కోనున్నాడు. బుమ్రా, హాజిల్‌వుడ్‌, ర‌బాడ వంటి టాప్ బౌల‌ర్ల‌ను ఉతికారేసిన వైభ‌వ్ ముందు ఎస్ఆర్‌హెచ్ బౌలింగ్ చిన్న‌బోతోంది. క‌మిన్స్ లేక‌పోవ‌డంతో ఎస్ఆర్‌హెచ్ బౌలింగ్ బ‌ల‌హీనంగా త‌యార‌య్యింది. ఒక్కరు కూడా చెప్పుకోద‌గ్గ బౌల‌ర్ లేకపోవ‌డం మైన‌స్‌గా మారింది. ఇప్ప‌టివ‌ర‌కు నాలుగు మ్యాచ్‌ల్లోనూ ఎస్ఆర్‌హెచ్ బౌల‌ర్లు దారాళంగా ప‌రుగులు స‌మ‌ర్పించుకున్నారు. యావ‌రేజ్‌గా చూసుకుంటే ప్ర‌తీ ఓవ‌ర్‌కు 10.42 ప‌రుగులివ్వ‌డం గ‌మ‌నార్హం. ఐపీఎల్ 2026 సీజ‌న్‌లో బౌలింగ్ ప‌రంగా అత్యంత చెత్త ప్ర‌ద‌ర్శ‌న ఎస్ఆర్‌హెచ్‌దే. ఇక పేస‌ర్ల ప‌రిస్థితి అగ‌మ్యగోచ‌రంగా కనిపిస్తోంది. హ‌ర్ష‌ల్ ప‌టేల్‌, ఉనాద్క‌ట్‌, ఇషాన్ మ‌లింగ‌ల‌తో కూడిన పేస్ త్ర‌యం ప్ర‌తీ ఓవ‌ర్‌కు స‌గ‌టున 11.47 ప‌రుగులు స‌మ‌ర్పించుకున్నారు. ఈ లెక్క‌న ఇవాళ్టి మ్యాచ్‌లో వైభ‌వ్ సూర్య‌వంశీ మ‌రోమారు చెల‌రేగితే మాత్రం ఎస్ఆర్‌హెచ్ బౌల‌ర్ల‌కు మూడిన‌ట్లేన‌ని క్రికెట్ అభిమానులు భావిస్తున్నారు. మొత్తంగా చూసుకుంటే రాజ‌స్తాన్ రాయ‌ల్స్‌తో మ్యాచ్ అంటేనే ప్ర‌త్య‌ర్థి జ‌ట్ల బౌల‌ర్లు హ‌డ‌లెత్తిపోయేలా చేస్తున్నాడు 15 ఏళ్ల వైభ‌వ్ సూర్య‌వంశీ. ఇక ఐపీఎల్‌లో ఇరుజ‌ట్ల మధ్య జ‌రిగిన మ్యాచ్‌ల్లో ఎస్ఆర్‌హెచ్‌దే పైచేయిగా ఉంది. ఇప్ప‌టివ‌ర‌కు ఇరుజ‌ట్లు 21 సార్లు త‌ల‌పడితే ఎస్ఆర్‌హెచ్ 12 సార్లు, రాజ‌స్తాన్ 9 సార్లు విజ‌యాలు అందుకున్నాయి. సీజన్‌లో ఇప్పటికే వరుసగా నాలుగు విజయాలతో జోరు మీదున్న రాజస్తాన్‌ ఐదో విజయంపై కన్నేసింది. మరోవైపు ఆడిన నాలుగు మ్యాచ్‌ల్లో ఒకే విజయం సాధించిన ఎస్‌ఆర్‌హెచ్‌ సొంతగడ్డపై రెండో విజయాన్ని అందుకోవాలని చూస్తోంది.చదవండి: వైభవ్‌ సూర్యవంశీపై నిషేధం?

రాజస్తాన్ రాయల్స్ మేనేజర్ రోమీ భిందర్ డగౌట్ ఫోన్‌లో వాడడం వివాదానికి దారితీసిన సంగతి తెలిసిందే. రోమీ భిందర్ ఐపీఎల్ యాంటీ కరప్షన్ ప్రోటోకాల్‌ను ఉల్లంఘించారనే ఆరోపణలు ఎదుర్కొంటున్నాడు. ఈ వ్యవహారంలో యువ బ్యాటర్ వైభవ్ సూర్యవంశీ పేరు కూడా వినిపిస్తుడడం తీవ్ర చర్చనీయాంశమైంది.ఈ ఘటనపై బీసీసీఐ కూడా సీరియస్ అయింది. "మేనేజర్‌గా రోమీ భిందర్ ఫోన్ తీసుకెళ్లవచ్చు. కానీ దానిని డగౌట్‌లో వాడకూడదు. వీడియో ఫుటేజీని, చిత్రాలను క్షుణ్ణంగా పరిశీలించిన తర్వాతే తదుపరి చర్యలు తీసుకుంటాం" అని బీసీసీఐ సెక్రటరీ దేవజిత్ సైకియా తెలిపారు. ఇప్పటికే రోమీ భిందర్ బీసీసీఐ అనినీతి వ్యతిరేక, భద్రతా విభాగం అతడికి నోటీసులు జారీ చేసినట్లు తెలుస్తోంది.ఏమి జరిగిదంటే?ఆర్సీబీతో మ్యాచ్ సందర్భంగా రాజస్తాన్ డగౌట్‌లో రోమీ భిందర్ ఫోన్ వాడుతూ టీవీ కెమెరాల కంట పడ్డాడు. అతడే పక్కన కూర్చున్న వైభవ్ సూర్యవంశీ కూడా ఆ ఫోన్ స్క్రీన్ చూస్తూ కన్పించాడు. ఇందుకు సబంధించిన వీడియోను సోషల్ మీడియా ఇన్‌ఫ్లూయన్సర్ ఇన్‌స్టాగ్రామ్‌లో షేర్ చేశాడు. సోషల్ మీడియాలో ఈ వీడియో వైరల్‌గా మారింది. ఈ ఘటనపై ఐపీఎల్ మాజీ చైర్మెన్ లలిత్ మోదీ కూడా తీవ్రంగా స్పందించాడు.దీంతో ఈ విషయాన్ని బీసీసీఐ సీరియస్‌గా తీసుకుంది. దీనిపై బీసీసీఐ యాంటీ కరప్షన్ యూనిట్ అంతర్గత విచారణ జరపనుంది. కాగా ప్లేయర్స్ అండ్ మ్యాచ్ అఫీషియల్స్ ఏరియా (PMOA) నిబంధనల ప్రకారం.. మ్యాచ్‌ జరుగుతున్న వేళ డగౌట్లో మొబైల్‌ ఫోన్లు వాడటం నిషిద్ధం. అయితే డ్రెస్సింగ్ రూమ్‌లో మేనేజర్ ఫోన్ ఉపయోగించవచ్చు.వైభవ్‌పై వేటు!కాగా నిబంధనల ఉల్లంఘన జరిగినట్లు తేలితే భిందర్‌పై జరిమానా లేదా నిషేధం పడే అవకాశం ఉంది. అలాగే ప‌క్క‌న ఉండి ఫోన్ చూసిన వైభ‌వ్ సూర్య‌వంశీపై కూడా బీసీసీఐ చ‌ర్య‌లు తీసుకునే ఛాన్స్ ఉంది. అత‌డిపై జ‌రిమానా లేదా ఓ మ్యాచ్ నిషేధం విధించే అవ‌కాశ‌ముందని క్రికెట్ నిపుణ‌లు అభిప్రాయ‌ప‌డుతున్నారు.చదవండి: Vaibhav Suryavanshi: వైభవ్‌ సూర్యవంశీ కూడబెట్టిన ఆస్తులు తెలిస్తే షాకవ్వాల్సిందే?

వైభ‌వ్ సూర్య‌వంశీ.. కేవ‌లం 15 ఏళ్ల వ‌య‌స్సులోనే క్రికెట్ ప్ర‌పంచంలో త‌న‌కంటూ ఓ ప్ర‌త్యేక గుర్తింపు తెచ్చుకున్నాడు. గ‌తేడాది ఐపీఎల్‌లో అరంగేట్రం చేసిన వైభ‌వ్ త‌న ఎదుర్కొన్న తొలి బంతినే సిక్స‌ర్‌గా మ‌లిచి అంద‌రి దృష్టిని ఆకర్షించాడు. ఆ తర్వాత గుజరాత్ టైటాన్స్‌తో మ్యాచ్‌లో కేవలం 32 బంతుల్లో శ‌తక్కొట్టిన వైభ‌వ్‌.. ఐపీఎల్‌లో యంగెస్ట్ సెంచరియన్‌గా చ‌రిత్రను తిరగరాశాడు.గత సీజ‌న్‌లో ఎక్క‌డైతే త‌న విధ్వంసాన్ని ఆపాడో ఇప్పుడు అక్క‌డే తిరిగి మొద‌లు పెట్టాడు. ఐపీఎల్‌-2026లో వైభ‌వ్ దుమ్ములేపుతున్నాడు. తొలి మ్యాచ్ నుంచే త‌న విశ్వ‌రూపాన్ని చూపిస్తున్నాడు. బౌల‌ర్ ఎవ‌రైనా త‌న‌కు తెలిసింది మాత్రం బంతిని బాద‌డం అన్న‌ట్లగా దూసుకుపోతున్నాడు.జస్ప్రీత్ బుమ్రా, జోష్ హాజిల్‌వుడ్ వంటి వ‌ర‌ల్డ్ క్లాస్ బౌల‌ర్ల‌ను సైతం ఈ బిహార్ చిన్నోడు వ‌దల్లేదు. ఈ ఏడాది సీజ‌న్‌లో అత్య‌ధిక ప‌రుగులు చేసిన జబితాలో వైభ‌వ్(200) అగ్ర‌స్ధానంలో కొన‌సాగుతున్నాడు. ఈ నేప‌థ్యంలో వైభ‌వ్ సూర్య‌వంశీ నెట్‌వ‌ర్త్‌, తదితర విషయాలపై ఓ లుక్కేద్దాం. వైభవ్ తన ఆటలోనే సంపాదనలో కూడా దూసుకుపోతున్నాడు.వైభవ్ సంపాదన ఎంతంటే?15 ఏళ్ల వైభవ్ సూర్యవంశీ బిహార్‌లోని ఒక సాధారణ రైతు కుటుంబంలో జన్మించాడు. అతడి తండ్రి తన కొడుకును క్రికెటర్‌ను చేసేందుకు తనకున్న కొంత భూమిని కూడా అమ్మేశాడు. ఇప్పుడు వారి కష్టానికి తగ్గ ఫలితం దక్కింది. వైభవ్ రెండు చేతులా సంపాదిస్తున్నాడు.15 ఏళ్ల వయస్సులోనే కోటీశ్వరుడయ్యాడు. ఐపీఎల్‌-2025 వేలంలో రాజస్తాన్ రాయల్స్ సూర్యవంశీని రూ. 1.10 కోట్లకు కొనుగోలు చేసింది. ఈ ఏడాది సీజన్‌కు ముందు కూడా అతడిని రిటైన్ చేసుకుంది. అంటే రెండు సీజన్లకు గాను రూ. 2.20 కోట్లు జీతంగా అతడు అందుకున్నాడు.అదేవిధంగా ఐపీఎల్‌లో ఆడే ప్రతి మ్యాచ్‌కు అదనంగా రూ.7.50 లక్షల మ్యాచ్ ఫీజు లభిస్తుంది. లీగ్ కాంట్రాక్ట్ వాటా, మ్యాచ్ ఫీజులు కలిపితే.. వైభవ్ ఒక్కో మ్యాచ్‌కు సుమారు రూ.15.35 లక్షల వరకు సంపాదిస్తున్నట్లు తెలుస్తోంది. అంతేకాకుండా ప్లేయర్ ఆఫ్ ది మ్యాచ్ లేదా ఇతర అవార్డుల రూపంలో వచ్చే నగదు బహుమతులు ఇందుకు అదనం.డొమెస్టిక్ మ్యాచ్‌లు (రంజీ ట్రోఫీ, విజయ్ హజారే ట్రోఫీ), అండర్-19 మ్యాచ్‌ల ద్వారా కూడా బీసీసీఐ నుండి ఫీజులు పొందుతున్నాడు. అండర్‌-19 సిరీస్‌లో వైభవ్‌కు ఫీజు రూపంలో రోజుకు రూ.20 వేలు లభిస్తోంది. బీహార్ రంజీ ప్లేయర్‌గా వైభవ్ సూర్యవంశీ మ్యాచ్‌కు రూ.1.6 లక్షల మ్యాచ్ ఫీజు అందుకున్నాడు. ఐపీఎల్‌-2025లో సెంచరీ చేసినందుకు అతడికి రూ. 10 లక్షల నగదు ప్రోత్సాహకం అందించింది. అదే సీజన్‌లో స్ట్రైకర్ ఆఫ్ ది సీజన్ అవార్డు లభించింది. ఈ అవార్డ్ కింద రూ. 10 లక్షల క్యాష్ ప్రైజ్‌తో పాటు రూ. 20 లక్షల టాటా కర్వ్ ఎస్‌యూవీ కార్ బహుమతిగా లభించింది. అత‌డి వ‌ద్ద టాటా క‌ర్వ్‌తో పాటు ఖ‌రీదైన‌ మెర్సిడెస్-బెంజ్ కారు కూడా ఉంది. మొత్తంగా అత‌డి నెట్ వర్త్ రూ.4 కోట్ల నుంచి రూ.5 కోట్ల వ‌ర‌కు ఉన్న‌ట్లు తెలుస్తోంది.చదవండి: IPL 2026: ఐపీఎల్ నుంచి రోహిత్ శ‌ర్మ అవుట్‌?

రాజస్తాన్‌ రాయల్స్‌కు భారీ ఎదురుదెబ్బ తగిలినట్లు తెలుస్తోంది. రాయల్స్‌ టీమ్‌ మేనేజర్‌ రోమి భిందర్‌పై భారత క్రికెట్‌ నియంత్రణ మండలి (BCCI) కఠిన చర్యలకు ఉపక్రమించినట్లు సమాచారం. ఇందులో భాగంగా అనినీతి వ్యతిరేక, భద్రతా విభాగం అతడికి నోటీసులు జారీ చేసినట్లు తెలుస్తోంది.అగ్రస్థానంలోఐపీఎల్‌-2026లో సూపర్‌ ఫామ్‌ కొనసాగిస్తున్న రాజస్తాన్‌ రాయల్స్‌.. శుక్రవారం నాటి మ్యాచ్‌లో రాయల్‌ చాలెంజర్స్‌ బెంగళూరు (RCB)ని చిత్తు చేసింది. తద్వారా ఇప్పటివరకు ఆడిన నాలుగు మ్యాచ్‌లు నాలుగూ గెలుపొంది పాయింట్ల పట్టికలో అగ్రస్థానంలో నిలిచింది. ఇందులో రాయల్స్‌ ఓపెనర్‌, పదిహేనేళ్ల వైభవ్ సూర్యవంశీ పాత్ర కీలకం.అయితే, ఆర్సీబీతో మ్యాచ్‌ సందర్భంగా రాజస్తాన్‌ టీమ్‌ మేనేజర్‌ రోమీ భిందర్‌ చేసిన పని వివాదానికి దారితీసింది. డగౌట్లో కూర్చుని అతడు మొబైల్‌ ఫోన్‌ను చూశాడు. ఆ సమయంలో వైభవ్‌ సూర్యవంశీ సైతం పక్కనే కూర్చుని ఫోన్‌లోకి చూసినట్లుగా ఉన్న దృశ్యాలు వైరల్‌ అయ్యాయి.రంగంలోకి బీసీసీఐకాగా ప్లేయర్స్ అండ్ మ్యాచ్ అఫీషియల్స్ ఏరియా (PMOA) నిబంధనల ప్రకారం.. మ్యాచ్‌ జరుగుతున్న వేళ డగౌట్లో మొబైల్‌ ఫోన్లు వాడటం నిషిద్ధం. ఇలా చేయడం ద్వారా అవినీతి నిరోధక ప్రొటోకాల్‌ నిబంధనలను ఉల్లంఘించినట్లే లెక్క. ఈ నేపథ్యంలో బీసీసీఐ రంగంలోకి దిగినట్లు తెలుస్తోంది.ది ఇండియన్‌ ఎక్స్‌ప్రెస్‌ కథనం ప్రకారం.. ఈ ఘటనపై విచారణలో భాగంగా బీసీసీఐలోని యాంటీ కరప్షన్‌ అండ్‌ సెక్యూరిటీ యూనిట్‌ (ACSU) రోమీ భిందర్‌కు నోటీసులు జారీ చేసినట్లు సమాచారం. ఈ క్రమంలో నలభై ఎనిమిది గంటల్లోగా.. తాను ఆరోజు ఫోన్‌ ఎందుకు ఉపయోగించానన్న విషయంపై రోమీ వివరణ ఇవ్వాల్సి ఉంటుంది.ఈ విషయాన్ని ఐపీఎల్‌ పాలక మండలి చైర్మన్‌ అరుణ్‌ ధుమాల్‌ ధ్రువీకరించాడు. ‘‘ఈ ఘటనపై లోతుగా దర్యాప్తు జరిపి.. నివేదిక ఇవ్వాల్సిందిగా మేము ACSUను ఆదేశించాము’’ అని ధుమాల్‌ తెలిపాడు.PC: BCCIఅందుకే ఫోన్‌ చూశాడా?ఈ విషయంపై రోమి భిందర్‌ సన్నిహిత వర్గాలు ఇండియన్‌ ఎక్స్‌ప్రెస్‌తో మాట్లాడుతూ.. ‘‘అనారోగ్యం కారణంగా రోమీ దాదాపుగా పది కిలోల బరువు తగ్గిపోయాడు. అతడికి ఆస్తమా కూడా ఉంది. అందుకే దూరప్రయాణాలు చేయొద్దని, మెట్లు ఎక్కడం తగ్గించాలని వైద్యులు సూచించారు.అయితే, టీమ్‌ మేనేజర్‌గా ఫ్రాంఛైజీ తరపున అతడు ఎన్నెన్నో వ్యవహారాలు చక్కబెట్టాల్సి ఉంటుంది. అతడికి నిబంధనలు తెలుసు. ఆరోజు కూడా వైద్యపరమైన కారణాల వల్లే అతడు ఫోన్‌ చూశాడు. హెల్త్‌ ఎమర్జెన్సీ సమయాల్లో డగౌట్లో కూర్చుని ల్యాప్‌టాప్‌ లేదంటే మొబైల్‌తో కనిపించడం తప్పేమీ కాదు.నిజానికి అతడు ఫోన్‌ కాల్స్‌ మాట్లాడుతూనే.. ఎవరికైనా ఫోన్‌ చేస్తున్నట్లుగానో కనిపించలేదు. కేవలం అతడు ఫోన్‌ను స్క్రోల్‌ చేశాడంతే. ACSU విచారణలో అతడు తాను చేసిన పని గురించి వివరణ ఇవ్వగలడు. అతడి ఆరోగ్య పరిస్థితిని దృష్టిలో పెట్టుకుని ACSU విచారణ జరుపుతుందని భావిస్తున్నాం. డ్రెస్సింగ్‌ రూమ్‌కి వెళ్లి ఫోన్‌ చూసుకోవచ్చు. కానీ అక్కడికి వెళ్లాలంటే కనీసం 50 మెట్లు ఎక్కాల్సి ఉంటుంది. అందుకే అతడు అక్కడే కూర్చుని ఫోన్‌ చూసి ఉంటాడు’’ అని పేర్కొన్నాయి.చదవండి: Virat Kohli: చరిత్ర సృష్టించిన విరాట్‌ కోహ్లి.. ప్రపంచంలోనే తొలి బ్యాటర్‌గా 1️⃣5️⃣ years of age. 1️⃣5️⃣ deliveries for a half-century 🤯🎥 Vaibhav Sooryavanshi taking on the best in the business with ease 🤌What a special talent 💎Updates ▶️ https://t.co/X76bJjmq1j#TATAIPL | #KhelBindaas | #RRvRCB | @rajasthanroyals pic.twitter.com/6TCpgCMnjy— IndianPremierLeague (@IPL) April 10, 2026

ఐపీఎల్‌-2026లో శుక్ర‌వారం(ఏప్రిల్ 10) ఆర్సీబీతో జ‌రిగిన మ్యాచ్‌లో 6 వికెట్ల తేడాతో రాజ‌స్తాన్ రాయ‌ల్స్ ఘ‌న విజ‌యం సాధించింది. అయితే ఈ మ్యాచ్‌లో రాజ‌స్తాన్ గెలుపొందిన‌ప్ప‌టికి.. ఆ జట్టు మేనేజర్ రోమీ భిందర్ చేసిన ఒక చిన్న పొరాటు ఇప్పుడు వివాదానికి దారితీసింది.మ్యాచ్ జరుగుతుండగా రోమీ భిందర్ డగౌట్‌లో, యువ సంచలనం వైభవ్ సూర్యవంశీతో కలిసి మొబైల్ ఫోన్ వాడుతూ టీవీ కెమెరాలకు చిక్కాడు. ఇందుకు సబంధించిన వీడియోను తొలుత ఓ సోషల్ మీడియా ఇన్‌ఫ్లుయెన్సర్ తన ఇన్‌స్టాగ్రామ్ ఖాతాలో షేర్ చేశాడు. దీంతో ఈ వీడియో సోషల్ మీడియాలో వైరల్‌గా మారింది.కాగా ప్లేయర్స్ అండ్ మ్యాచ్ అఫీషియల్స్ ఏరియా (PMOA) నిబంధనల ప్రకారం.. మ్యాచ్ జరుగుతున్నప్పుడు డగౌట్‌లో మొబైల్ ఫోన్లు వాడటం పూర్తిగా నిషేధం. ఈ ఘటనపై ఐపీఎల్ ఫౌండర్‌, మాజీ చైర్మెన్ లలిత్ మోదీ తీవ్రంగా స్పందించాడు. అవినీతి నిరోధక, భద్రతా విభాగం అధికారులు అప్పుడు ఏం చేస్తున్నారని అతడు ఎక్స్‌లో రాసుకొచ్చాడు. తాజాగా ఇదే విషయంపై బీసీసీఐ సీనియర్ అధికారి ఒకరు స్పందించారు.రోమీ భిందర్ 'ప్లేయర్స్ అండ్ మ్యాచ్ అఫీషియల్స్ ఏరియా' నిబంధనలను ఉల్లంఘించాడు. మ్యాచ్ జరుగుతున్న సమయంలో డగౌట్‌లో సెల్ ఫోన్ వాడకం నిషేధం. ఇది పొరపాటున జరిగి ఉండవచ్చు. కానీ అతడు నిబంధనలు ఉల్లంఘించనందున చర్యలు తప్పవు. మ్యాచ్ రిఫరీ, అవినీతి నిరోధక విభాగం నివేదిక ఆధారంగా జరిమానా ఉంటుందా లేదా మ్యాచ్ నిషేధం ఉంటుందా అనేది ఐపీఎల్ గవర్నింగ్ కౌన్సిల్ నిర్ణయిస్తుంది" బీసీసీఐ సీనియర్ అధికారి ఒకరు పీటీఐ పేర్కొన్నారు. కాగా మ్యాచ్ అనంతరం వైభవ్ సూర్యవంశీ తన "లోకల్ గార్డియన్" అని రోమీ భిందర్‌ను పేర్కొనడంతో, ఈ ఘటనపై మరింత లోతైన విచారణ జరిగే అవకాశం ఉంది. బీసీసీఐ యాంటి కరప్షన్‌ యూనిట్‌ నివేదిక ప్రకారం ఐపీఎల్ గవర్నింగ్ అతడిపై చర్యలు తీసుకోనుంది. నివేదిక ఆధారంగా భారీ జరిమానా లేదా కొన్ని మ్యాచ్‌ల పాటు డగౌట్, డ్రెస్సింగ్ రూమ్‌లోకి రాకుండా నిషేధం విధించే ఛాన్స్‌ ఉంది.మరోవైపు రుమీ బింద‌ర్ ప‌క్క‌న ఉండి ఫోన్ చూసిన 15 వైభ‌వ్ సూర్యవంశీపై కూడా బీసీసీఐ స్వల్ప జరిమానాను విధించే అవకాశం ఉందని టైమ్స్ ఇండియా తమ కథనంలో పేర్కొంది.చదవండి: Sanju Samson: చరిత్ర సృష్టించిన శాంసన్‌.. ధోని కూడా సాధ్యం కాలేదు

ఐపీఎల్‌-2026 సీజ‌న్‌లో రాజ‌స్తాన్ రాయ‌ల్స్ చిచ్చ‌ర‌పిడుగు వైభ‌వ్ సూర్య‌వంశీ త‌న భీక‌ర ఫామ్‌ను కొన‌సాగిస్తున్నాడు. శుక్ర‌వారం గౌహ‌తి వేదిక‌గా రాయ‌ల్ ఛాలెంజ‌ర్స్ బెంగ‌ళూరుతో జ‌రిగిన మ్యాచ్‌లో వైభ‌వ్ విధ్వంసం సృష్టించాడు. హాజిల్‌వుడ్‌, భువనేశ్వర్ కుమార్ వంటి ప్రపంచస్ధాయి బౌలర్లను వైభవ్ ఉతికారేశాడు. వైభవ్‌ కేవలం 26 బంతుల్లోనే 8 ఫోర్లు, 7 సిక్స్‌లతో 78 పరుగులు చేశాడు.దీంతో వైభవ్ ఆరెంజ్ క్యాప్ రేసులో అగ్రస్ధానానికి చేరుకున్నాడు. ఇప్పటివరకు 4 మ్యాచ్‌లు ఆడిన సూర్యవంశీ 200 పరుగులు చేశాడు. ఈ క్రమంలో 15 ఏళ్ల వైభవ్ సూర్యవంశీపై ఐపీఎల్ చైర్మన్ అరుణ్ ధుమాల్ ప్రశంసల వర్షం కురిపించాడు."వైభవ్ ఒక అద్భుతమైన ఆటగాడు. ఇంత చిన్న వయసులో ఇలాంటి టాలెంట్‌ను చూడడం ఇదే తొలిసారి. అతి పిన్న వయస్కుడిగా టీమిండియా తరపున అరంగేట్రం చేయడానికి వైభవ్‌ కచ్చితంగా అర్హుడు" అని ధుమాల్ ఎక్స్‌వేదికగా కొనియాడాడు. వైభవ్ సూర్యవంశీ ఇటీవలే తన 15వ ఏటలోకి అడుగుపెట్టాడు. దీంతో అతడు అంతర్జాతీయ అరంగేట్రం చేసేందుకు అర్హత సాధించాడు.ఐపీఎల్‌-2026 సీజన్ తర్వాత భారత జట్టు రెండు మ్యాచ్‌ల టీ20 సిరీస్ కోసం ఐర్లాండ్ పర్యటనకు వెళ్లనుంది. అయితే ఈ టూర్‌కు వైభవ్ సూర్యవంశీని బీసీసీఐ సెలక్షన్ కమిటీ ఎంపిక చేసే అవకాశముంది. వైభవ్ ప్రదర్శనలను అజిత్ అగార్కర్ అండ్ కో నిశితంగా పరిశీలిస్తోంది.ఒకవేళ త్వరలో జరగనున్న ఐర్లాండ్ సిరీస్‌కు వైభవ్ ఎంపికైతే, సచిన్ టెండూల్కర్ పేరిట ఉన్న ఈ ఆల్-టైమ్ రికార్డును వైభవ్‌ తిరగరాసే అవకాశం ఉంది. టీమిండియా తరపున సచిన్ టెండూల్కర్ తన 16 ఏళ్ల 205 రోజుల వయసులో అరంగేట్రం చేశాడు.చదవండి: ఊచకోత.. చరిత్ర సృష్టించిన అభిషేక్‌ శర్మ

రాజస్థాన్‌ రాయల్స్‌ యువ చిచ్చరపిడుగు వైభవ్‌ సూర్యవంశీ మరో చరిత్ర సృష్టించాడు. ఐపీఎల్‌ 2026 ఎడిషన్‌లో భాగంగా ఆర్సీబీతో నిన్న (ఏప్రిల్‌ 10) జరిగిన మ్యాచ్‌లో విధ్వంసకర హాఫ్‌ సెంచరీతో (26 బంతుల్లో 78; 8 ఫోర్లు, 7 సిక్సర్లు) తన జట్టుకు తిరుగులేని విజయాన్నందించిన వైభవ్‌.. ఈ ఎడిషన్‌లో లీడింగ్‌ రన్‌ స్కోరర్‌గా నిలిచి ఆరెంజ్‌ క్యాప్‌ సొంతం చేసుకున్నాడు. తద్వారా ఐపీఎల్‌ చరిత్రలో అతి చిన్న వయసులో (15 ఏళ్లు) ఆరెంజ్‌ క్యాప్‌ దక్కించుకున్న​ ఆటగాడిగా రికార్డు నెలకొల్పాడు.గతంలో ఈ రికార్డు గుజరాత్‌ టైటాన్స్‌ ప్లేయర్‌ సాయి సుదర్శన్‌ పేరిట ఉండేది. సాయి 23 ఏళ్ల 231 రోజుల వయసులో ఈ ఘనత సాధించాడు. వైభవ్‌, సాయి తర్వాతి స్థానాల్లో శుభ్‌మన్‌ గిల్‌ (23 ఏళ్ల 263 రోజులు), రుతురాజ్‌ గైక్వాడ్‌ (24) ఉన్నారు.ఈ ఏడిషన్‌లో ఇప్పటివరకు 4 మ్యాచ్‌లు ఆడిన వైభవ్‌ 266.67 స్ట్రయిక్‌రేట్‌తో 50 సగటున 2 హాఫ్‌ సెంచరీల సాయంతో 200 పరుగులు చేశాడు. ఇందులో 18 ఫోర్లు, 18 సిక్సర్లు ఉన్నాయి. ఈ ఎడిషన్‌లో వైభవ్‌ చేసిన రెండు అర్ద సెంచరీలు 15 బంతుల్లోనే (సీఎస్‌కే, ఆర్సీబీ) చేయడం మరో విశేషం. ప్రస్తుతం ఐపీఎల్‌ 2026లో టాప్‌-3 రన్‌ స్కోరర్లు రాయల్స్‌ ఆటగాళ్లే (వైభవ్‌ (200), జైస్వాల్‌ (183), జురెల్‌ (176)) కావడం మరో విశేషం.ఇదిలా ఉంటే, గత ఎడిషన్‌లో (2025) 14 ఏళ్ల వయసులోనే ఐపీఎల్‌ అరంగేట్రం చేసి ఇప్పటికే ఎన్నో రికార్డులను తన ఖాతాలో వేసుకున్న వైభవ్‌ మరిన్ని రికార్డులపై కన్నేశాడు. వైభవ్‌ ప్రస్తుతమున్న జోరును కొనసాగిస్తే ఈ సీజన్‌లో చాలా అల్‌టైమ్‌ రికార్డులు బద్దలయ్యే అవకాశం ఉంది. అతి చిన్నవయసులో ఐపీఎల్‌ అరంగేట్రంతో పాటు ఐపీఎల్‌ చరిత్రలో భారత ఆటగాడిచే అత్యంత వేగవంతమైన సెంచరీ (35) రికార్డులు కలిగిన వైభవ్‌.. ఈ సీజన్‌లో ఓవరాల్‌గా (ఐపీఎల్‌ చరిత్రలో) ఫాస్టెస్ట్‌ సెంచరీ రికార్డును కూడా బద్దలు కొట్టే అవకాశం ఉంది.

ఐపీఎల్‌ 2026లో భాగంగా నిన్న (ఏప్రిల్‌ 10) జరిగిన మ్యాచ్‌లో రాజస్థాన్‌ రాయల్స్‌ ఆర్సీబీని చిత్తుగా ఓడించిన విషయం తెలిసిందే. ఈ మ్యాచ్‌లో చిచ్చరపిడుగు వైభవ్‌ సూర్యవంశీ వీరవిహారం చేసి రాయల్స్‌కు తిరుగులేని విజయాన్ని అందించాడు. అయితే మ్యాచ్‌ మధ్యలో వైభవ్‌ చేసిన ఓ పని​ అతన్ని చిక్కుల్లో పడేసేలా ఉంది.మ్యాచ్‌ జరుగుతున్న సమయంలో వైభవ్‌ డగౌట్‌లో కూర్చొని జట్టు మేనేజర్‌ రోమీ భిందర్‌తో కలిసి మొబైల్‌ ఫోన్‌ చూస్తూ కనిపించాడు. ఈ వీడియో సోషల్‌మీడియాలో వైరలైంది. బీసీసీఐ నియమాల ప్రకారం ఆటగాళ్లు మ్యాచ్‌ జరుగుతుండగా మొబైల్‌ చూడరాదు, వాడరాదు. మేనేజర్‌కు ఈ విషయంలో వెసులుబాటు ఉన్నా, అతనికి కూడా డగౌట్‌లో మొబైల్‌ వాడే పర్మిషన్‌ లేదు. మేనేజర్‌కు డ్రెస్సింగ్‌ రూమ్‌లో మాత్రమే ఫోన్‌ వినియోగించే వెసులుబాటు ఉంది.ఇప్పుడు డగౌట్‌లో మొబైల్‌ వాడినందుకు మేనేజర్‌తో పాటు వైభవ్‌ కూడా చిక్కుల్లో పడినట్లైంది. వైభవ్‌ స్వతహాగా మొబైల్‌ వాడనప్పటికీ, దానివైపు చూస్తున్నట్లు సోషల్‌మీడియాలో సర్కులేట్‌ అవుతున్న వీడియోల్లో స్పష్టంగా కనిపిస్తుంది. మరి ఈ విషయంలో మేనేజర్‌తో పాటు వైభవ్‌ కూడా ఇబ్బందులు ఎదుర్కొంటాడేమో చూడాలి.ఈ అంశానికి సంబంధించి బీసీసీఐ నియమాలు (PMOA – Minimum Standards for Players and Match Officials Areas) ఇలా ఉన్నాయి.- మొబైల్‌ ఫోన్లు, కమ్యూనికేషన్‌ డివైజ్‌లు డగౌట్‌లో అనుమతించబడవు. - టీమ్‌ మేనేజర్‌ డ్రెస్సింగ్‌ రూమ్‌లో మాత్రమే ఫోన్‌ వాడవచ్చు, డగౌట్‌లో కాదు. - అనలిస్టులు కంప్యూటర్లు వాడవచ్చు, కానీ కేవలం ప్రత్యేకంగా కేటాయించిన అనలిస్ట్‌ టేబుల్‌ వద్ద మాత్రమే. - ఆటగాళ్లు, సపోర్ట్‌ స్టాఫ్‌ స్టేడియంలోకి వచ్చిన వెంటనే తమ డివైజ్‌లను ఆఫ్‌ చేసి సురక్షితంగా భద్రపరచాలి. - అటెండెంట్స్‌, క్యాటరింగ్‌ వర్కర్స్‌ వంటి సిబ్బంది కూడా కమ్యూనికేషన్‌ డివైజ్‌లు తీసుకురావడానికి అనుమతి లేదు.

రాజస్తాన్‌ రాయల్స్‌ చిచ్చరపిడుగు వైభవ్‌ సూర్యవంశీ ఐపీఎల్‌-2026లో ఆకాశమే హద్దుగా దూసుకుపోతున్నాడు. డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరు (ఆర్సీబీ)తో మ్యాచ్‌లో అతడు విధ్వంసకర బ్యాటింగ్‌తో విరుచుకుపడ్డాడు. లక్ష్యం ఎంతైనా.. ప్రత్యర్థి ఎవరైనా బంతిని బాదడమే లక్ష్యంగా ముందుకు సాగిపోయాడు.26 బంతుల్లోనే 78 పరుగులతోబెంగళూరు విధించిన 202 పరుగుల లక్ష్యాన్ని ఛేదించే క్రమంలో వైభవ్‌ సూర్యవంశీ 26 బంతుల్లోనే 78 పరుగులతో దుమ్ములేపాడు. ఈ ఓపెనింగ్‌ బ్యాటర్‌ ఇన్నింగ్స్‌లో ఎనిమిది ఫోర్లు, ఏడు సిక్సర్లు ఉండటం విశేషం. వైభవ్‌కు తోడు ధ్రువ్‌ జురెల్‌ (43 బంతుల్లో 81 నాటౌట్‌) రాణిచండంతో రాయల్స్‌ 18 ఓవర్లలోనే టార్గెట్‌ పూర్తి చేసి.. ఆర్సీబీపై ఆరు వికెట్ల తేడాతో జయభేరి మోగించింది.1️⃣5️⃣ years of age. 1️⃣5️⃣ deliveries for a half-century 🤯🎥 Vaibhav Sooryavanshi taking on the best in the business with ease 🤌What a special talent 💎Updates ▶️ https://t.co/X76bJjmq1j#TATAIPL | #KhelBindaas | #RRvRCB | @rajasthanroyals pic.twitter.com/6TCpgCMnjy— IndianPremierLeague (@IPL) April 10, 2026కోహ్లి సైతం ఫిదాఇక వైభవ్ ఆటను చూసి ఆర్సీబీ దిగ్గజం, టీమిండియా లెజెండరీ బ్యాటర్‌ విరాట్‌ కోహ్లి సైతం ఆశ్చర్యపోయాడు. ఈ బిహారీ పిల్లాడిపై ప్రశంసలు కురిపిస్తూ అతడిని అభినందించాడు. అంతేకాదు.. వైభవ్‌ రాయల్స్‌ క్యాప్‌పై.. ‘‘ప్రియమైన వైభవ్‌.. అత్యద్భుతంగా ఆడావు’’ అని రాసి తన ఆటోగ్రాఫ్‌ ఇచ్చాడు. ఇందుకు సంబంధించిన ఫొటోను రాయల్స్‌ సోషల్‌ మీడియాలో షేర్‌ చేసింది.కాగా సొంతమైదానం గువాహటి వేదికగా శుక్రవారం నాటి మ్యాచ్‌లో టాస్‌ గెలిచిన రాజస్తాన్‌.. ఆర్సీబీని తొలుత బ్యాటింగ్‌కు ఆహ్వానించింది. ఈ క్రమంలో నిర్ణీత 20 ఓవర్లలో ఆర్సీబీ ఎనిమిది వికెట్ల నష్టానికి 201 పరుగులు సాధించింది. కోహ్లి (16 బంతుల్లో 32), కెప్టెన్‌ రజత్‌ పాటిదార్‌ (40 బంతుల్లో 63) రాణించారు. ఆఖర్లో రొమారియో షెఫర్డ్‌ (11 బంతుల్లో 22), వెంకటేశ్‌ అయ్యర్‌ (15 బంతుల్లో 29 నాటౌట్‌) మెరుపులు మెరిపించారు.ఇక లక్ష్య ఛేదనలో వైభవ్‌, ధ్రువ్‌ జురెల్‌లతో పాటు రవీంద్ర జడేజా (25 బంతుల్లో 24) కూడా తన వంతు సహకారం అందించాడు. కాగా ఈ సీజన్‌లో వైభవ్‌ ఇప్పటికి నాలుగు మ్యాచ్‌లలో కలిపి 200 పరుగులు పూర్తి చేసుకుని అత్యధిక పరుగుల వీరుడిగా నిలిచి.. ఆరెంజ్‌ క్యాప్‌ విజేతగా కొనసాగుతున్నాడు. Player of the Match ✅Orange Cap ✅An autograph from Kohli 🐐✅Good night to everyone and remember to keep believing in yourself no matter what 💗 pic.twitter.com/Up2BZuYObM— Rajasthan Royals (@rajasthanroyals) April 10, 2026

ఐపీఎల్ 2026 సీజన్‌లో రాజస్తాన్ రాయల్స్ విధ్వంసం జోరుగా కొనసాగుతోంది. ముఖ్యంగా టాపార్డర్‌లో ఓపెనర్లు జైస్వాల్‌, వైభవ్ సూర్యవంశీ, ధ్రువ్ జురేల్‌లో ఎవరో ఒకరు ఇన్నింగ్స్ కడదాకా నిలిచి జట్టును గెలిపిస్తున్నారు. ఇక వైభవ్ సూర్యవంశీ మెరుపుల గురించి ప్రత్యేకంగా చెప్పనవసరం లేదు. ఇప్పటివరకు లీగ్‌లో నాలుగు మ్యాచ్‌లాడిన వైభవ్ సూర్యవంశీ 266 స్ట్రైక్‌రేట్‌తో 200 పరుగులు సాధించి ఆరెంజ్ క్యాప్ రేసులో మొదటి స్థానంలో కొనసాగుతున్నాడు. శుక్రవారం రాయల్ చాలెంజర్స్ బెంగళూరు (ఆర్సీబీ)తో జరిగిన మ్యాచ్‌లోనూ వైభవ్ విధ్వంసం కొనసాగింది. కేవలం 26 బంతుల్లోనే 7 సిక్సర్లు, 8 ఫోర్ల సాయంతో 78 పరుగులు సాధించాడు. సీజన్‌లో అతడికి ఇది రెండో అర్థసెంచరీ. వైభవ్ విధ్వంసం ఇలాగే కొనసాగుతూ పోతే ఆరెంజ్ క్యాప్ గెలవడంతో పాటు రాజస్తాన్‌కు కప్ అందించినా ఆశ్చర్యపోనవసరం లేదు. తాజాగా ఆర్సీబీతో మ్యాచ్‌కు ముందు వైభవ్ సూర్యవంశీ చేసిన ఒక పని సోషల్ మీడియాలో తెగ ట్రెండ్ అవుతోంది. వైభవ్‌ మ్యాచ్ ఆడేందుకు హోటల్ రూమ్ నుంచి బయల్దేరిన సమయంలో రాజస్తాన్ రాయల్స్ కెప్టెన్ రియాన్ పరాగ్ తల్లి బయట నిలబడింది. పరాగ్ తల్లిని గమనించిన వైభవ్ వెంటనే ఆమె దగ్గరికి వచ్చి కాళ్లకు మొక్కి ఆశీర్వాదం తీసుకున్నాడు. అయితే పరాగ్ తల్లి మాత్రం వైభవ్‌ను వద్దంటూ వారించి హగ్ చేసుకొని ‘ఆల్ ది బెస్ట్‌’ చెప్పడం వీడియోలో కనిపించింది. వైభవ్ చేసిన పనిని అభిమానులు మెచ్చుకున్నారు . ‘అమ్మ ఎవరికైనా అమ్మే’.. ‘పరాగ్ తల్లి పెద్ద మనసుతో వైభవ్‌ను ఆశీర్వదించడం గొప్ప విషయం’ అంటూ కామెంట్లు చేశారు. దీనికి సంబంధించిన వీడియోను ఒక అభిమాని సోషల్ మీడియాలో పంచుకున్నాడు.మ్యాచ్‌ విషయానికి వస్తే తొలుత బ్యాటింగ్‌ చేసిన ఆర్సీబీ 20 ఓవర్లలో 8 వికెట్ల నష్టానికి 201 పరుగులు చేసింది. పటిదార్‌ 63 పరుగులు చేశాడు. అనంతరం రాజస్తాన్‌ 18 ఓవర్లలోనే 4 వికెట్లు కోల్పోయి 202 పరుగులు చేసి విజయాన్ని అందుకుంది. వైభవ్‌ సూర్యవంశీతో పాటు ధ్రువ్‌ జురేల్‌ (82) కీలక ఇన్నింగ్స్‌ ఆడాడు.చదవండి: ‘అతడు ఇలాగే రెచ్చిపోతే మా పని సులువు’ Vaibhav Sooryavanshi touched the feet of Riyan Parag's mother and took her blessings before the RCB vs RR match. ❤Vaibhav Sooryavanshi is a down-to-earth, pure desi boy. pic.twitter.com/Djgqn5mUiY— Sonu (@Cricket_live247) April 10, 2026

ఐపీఎల్ 2026 సీజన్‌లో రాజస్తాన్ రాయల్స్ వరుస విజయాలతో దూసుకెళ్తున్నది. శుక్రవారం రాయల్ చాలెంజర్స్ బెంగళూరు (ఆర్సీబీ)తో జరిగిన మ్యాచ్‌లో రాజస్తాన్ 6 వికెట్ల తేడాతో విజయాన్ని అందుకుంది. వైభవ్ సూర్యవంశీ, ధ్రువ్ జురేల్ మెరుపు ఇన్నింగ్స్‌లతో రాజస్తాన్ సునాయాసంగా గెలుపొందింది. మ్యాచ్ ముగిసిన అనంతరం రియాన్ పరాగ్ మాట్లాడుతూ.. వరుసగా నాలుగు విజయాలు సాధించడం సంతోషంగా అనిపిస్తున్నప్పటికీ బౌలింగ్‌లో మెరుగుపడాల్సిన అవసరం ఉందని పేర్కొన్నాడు. పరాగ్ మాట్లాడుతూ.. ‘గత కొన్నేళ్లుగా ఈ వేదికపై మా రికార్డు అంత ఆశాజనకంగా లేదు, కానీ ఈరోజు ఆట తీరు బాగుంది. అయితే బౌలర్లు ఇంకాస్త క్రమశిక్షణతో వ్యవహరించాల్సి ఉంది. ప్రత్యర్థి జట్టు 200 పరుగులు చేసేలా కనిపించినా.. మధ్య ఓవర్లలో వికెట్లు తీసి వారిని కట్టడి చేశాం. కానీ నిజానికి వారిని 170 పరుగుల లోపే నియంత్రించి ఉండాల్సింది. కెప్టెన్‌గా నేను కూడా కొన్ని తప్పుడు నిర్ణయాలు తీసుకున్నా. మా బౌలర్లు కొన్ని సందర్భాల్లో బ్యాటర్లకు అవకాశం ఇవ్వడం వారికి అనుకూలంగా మారింది. గౌహతి, జైపూర్‌లలో మేము చేసిన ముందస్తు సన్నద్ధత ఇక్కడ పనిచేసింది. గ్రౌండ్‌పై ఉన్న నల్లమట్టి పిచ్ ఎలా ప్రవర్తిస్తుందనేది మాకు ముందే తెలుసు. పరిస్థితులకు అనుగుణంగా మారడమే ఒక జట్టుగా మా లక్ష్యం. ఇప్పటివరకు మేము స్టిక్కీ పిచ్‌లపై ఆడాము, బ్యాటింగ్‌కు అనుకూలమైన 'బెల్టర్' పిచ్ లభిస్తే మా ఆట ఇంకా అద్భుతంగా ఉంటుంది. వైభవ్ జట్టులో అందరికీ ఇష్టమైన వ్యక్తి. అతను ఇంకా చిన్న పిల్లాడు, అతనికి బయట తిరగడం, రకరకాల ఆహార పదార్థాలు తినడం అంటే చాలా ఇష్టం. మేము అతనికి కావాల్సినవన్నీ ఏర్పాటు చేస్తాము. అన్నింటికంటే ముఖ్యంగా అతనికి బ్యాటింగ్ అంటే పిచ్చి ప్రేమ. వైభవ్ విధ్వంసం ఇలాగే కొనసాగితే మా పని సులువైపోతుంది.’ అని చెప్పుకొచ్చాడు. 𝙐𝙣𝙗𝙚𝙖𝙩𝙚𝙣 & 𝙐𝙣𝙨𝙩𝙤𝙥𝙥𝙖𝙗𝙡𝙚 🫡A sensational win for #RR to sign off from Guwahati in style 🩷Scorecard ▶️ https://t.co/X76bJjmq1j#TATAIPL | #KhelBindaas | #RRvRCB | @rajasthanroyals pic.twitter.com/eNq8gglcrL— IndianPremierLeague (@IPL) April 10, 2026చదవండి: ‘బంతి మీదే దృష్టి.. బౌల‌ర్ వైపు క‌న్నెత్తి చూడ‌ను!’

ఐపీఎల్ 2026 సీజ‌న్‌లో రాజ‌స్తాన్ రాయ‌ల్స్ యువ కెర‌టం వైభ‌వ్ సూర్య‌వంశీ సంచ‌ల‌న ఇన్నింగ్స్‌లు కొన‌సాగుతూనే ఉన్నాయి. క్రీజులోకి వ‌చ్చిందే మొదలు బాదుడే ల‌క్ష్యంగా పెట్టుకున్న సూర్య‌వంశీ మ‌రోసారి చెల‌రేగిపోయాడు. శుక్ర‌వారం రాయ‌ల్ చాలెంజ‌ర్స్ బెంగ‌ళూరు (ఆర్సీబీ)తో జ‌రిగిన మ్యాచ్‌లో వైభ‌వ్ 26 బంతుల్లోనే 78 ప‌రుగుల విధ్వంస‌క‌ర ఇన్నింగ్స్ ఆడి రాజస్తాన్‌ గెలుపులో కీల‌క‌పాత్ర పోషించాడు. క్రీజులో ఉన్న‌ప్పుడు బౌల‌ర్‌వైపు క‌న్నెత్తి చూడ‌న‌ని, కేవ‌లం బంతిపైనే త‌న దృష్టి ఉంటుంద‌ని వైభ‌వ్ పేర్కొన్నాడు. ‘ప్లేయ‌ర్ ఆఫ్ ది మ్యాచ్‌’గా నిలిచిన వైభ‌వ్ సూర్య‌వంశీ మ్యాచ్ అనంత‌రం మాట్లాడాడు. ‘కేక్ క‌టింగ్ లాంటిది ఏమీ లేదు. ఈరోజు తొంద‌ర‌గా ప‌డుకోవాలి, ఎందుకంటే తెల్ల‌వారి ఉద‌య‌మే మేము ఫ్లైట్ ఎక్కాల్సి ఉంది. నాకు భ‌యం లేద‌ని అనుకోవ‌ద్దు. అయితే ప్రాక్టీస్‌లో ఏదైతే అనుస‌రిస్తున్నానో మ్యాచ్‌లోనూ అదే గేమ్‌ను ఆడుతున్నా త‌ప్పిస్తే దానికి అద‌నంగా ఏమీ చేయడం లేదు. ఎదురుగా బుమ్రా, హాజిల్‌వుడ్ లాంటి అంత‌ర్జాతీయ స్టార్ బౌల‌ర్లు ఉన్న‌ప్ప‌టికీ వారిని ఎదుర్కోవ‌డానికి నా ప్ర‌ణాళిక సిద్ధంగా ఉంటుంది. నా మైండ్‌లో ఒక‌టే ఫిక్స్ అయ్యా. బౌల‌ర్ ఎవ‌ర‌యినా స‌రే బెరుకు లేకుండా ఆడుతూ షాట్స్ ఆడాల‌ని నిర్ణ‌యించుకున్నా. క‌నీసం బౌల‌ర్ ఎవ‌ర‌న్న‌ది క‌న్నెత్తి కూడా చూడ‌ను. కేవ‌లం బౌల‌ర్ వేసే బంతిపైనే ఫోక‌స్‌ ఉంటుంది. ఆ బంతి ఎలా వ‌స్తుంది? ఏ షాట్ ఆడాలి అన్నదే మైండ్‌లో తిరుగుతుంది. అందుకే ఎదుట ఎంత పెద్ద బౌల‌ర్ ఉన్నా భ‌య‌ప‌డ‌కుండా నా గేమ్‌ నేను ఆడుకుంటాను. ఇక న‌న్ను గైడ్ చేస్తున్న వాళ్ల‌లో నా తండ్రితో పాటు కోచ్‌లు ఉన్నారు. ముఖ్యంగా రోమీ సార్ నా గార్డియ‌న్‌. వీళ్లంతా నా ప్ర‌యాణం ఇప్పుడే ప్రారంభ‌మైంద‌ని, నువ్వు ఈ జ‌ర్నీలో ఇంకా చాలా దూరం వెళ్లాల్సి ఉంటుంద‌ని, అందుకు ఆట‌పైనే దృష్టి పెట్టాల‌ని ఇత‌ర ఆలోచ‌న‌లు వ‌దిలేయాల‌ని ప‌దే ప‌దే న‌న్ను మోటివేట్ చేస్తుంటారు. ఔటవ్వ‌డంపై పెద్ద‌గా బాధ లేదు. ఎందుకంటే నేను ఉండుంటే నా నుంచి మ‌రో 10 నుంచి 20 ప‌రుగులు వచ్చేవి. టార్గెట్ కూడా రెండు ఓవ‌ర్ల ముందే ఫినిష్ అయిపోయేదేమో. ఒక‌వేళ తొలుత బ్యాటింగ్ చేసి ఉంటే 10 నుంచి 20 ప‌రుగులు ఎక్కువ చేసేవాళ్ల‌మే. కాబ‌ట్టి నేను పేల‌వ‌మైన షాట్ ఆడి ఔట్ అయితే జ‌ట్టుకు మైన‌స్ అయ్యేది అని బాధ‌ప‌డేవాడిని. కానీ ఆ చాన్స్ తీసుకోలేదు.’అని చెప్పుకొచ్చాడు.మ్యాచ్‌ విషయానికి వస్తే తొలుత బ్యాటింగ్‌ చేసిన ఆర్సీబీ 20 ఓవర్లలో 8 వికెట్ల నష్టానికి 201 పరుగులు చేసింది. పటిదార్‌ 63 పరుగులు చేశాడు. అనంతరం రాజస్తాన్‌ 18 ఓవర్లలోనే 4 వికెట్లు కోల్పోయి 202 పరుగులు చేసి విజయాన్ని అందుకుంది. వైభవ్‌ సూర్యవంశీతో పాటు ధ్రువ్‌ జురేల్‌ (82) కీలక ఇన్నింగ్స్‌ ఆడాడు. 1️⃣5️⃣ years of age. 1️⃣5️⃣ deliveries for a half-century 🤯🎥 Vaibhav Sooryavanshi taking on the best in the business with ease 🤌What a special talent 💎Updates ▶️ https://t.co/X76bJjmq1j#TATAIPL | #KhelBindaas | #RRvRCB | @rajasthanroyals pic.twitter.com/6TCpgCMnjy— IndianPremierLeague (@IPL) April 10, 2026Never satisfied. Never settling for less 🫡🎥 THE VAIBHAV SOORYAVANSHI MINDSET ✨#TATAIPL | #KhelBindaas | #RRvRCB | @rajasthanroyals pic.twitter.com/rdwKH9eReH— IndianPremierLeague (@IPL) April 10, 2026చదవండి: మొన్న బుమ్రా.. నేడు హాజిల్‌వుడ్‌! ఎవ‌రైతే నాకెంటి?

ఐపీఎల్‌-2026లో రాజస్తాన్ రాయల్స్ యువ సంచలనం వైభవ్ సూర్యవంశీ తన విధ్వంసాన్ని కొనసాగిస్తున్నాడు. మొన్న ముంబై ఇండియన్స్‌తో మ్యాచ్‌లో పేస్ గుర్రం జస్ప్రీత్ బుమ్రాకు చుక్కలు చూపించిన వైభవ్‌.. నేడు ఆర్సీబీతో మ్యాచ్‌లో వరల్డ్ క్లాస్ బౌలర్లు జోష్ హాజిల్‌వుడ్‌, భువనేశ్వర్ కుమార్‌లను ఉతికారేశాడు.రాజస్తాన్ ఇన్నింగ్స్ నాలుగో ఓవర్ వేసిన జోష్ హాజిల్‌వుడ్ బౌలింగ్‌లో వైభవ్ వరుసగా మూడు ఫోర్లు, ఒక సిక్సర్‌తో 18 పరుగులు పిండుకున్నాడు. అనుభవజ్ఞుడైన హాజిల్‌వుడ్‌ను ఒక నెట్ బౌలర్‌లా వైభవ్‌ ఆడుకున్నాడు. ఆ తర్వాత భువనేశ్వర్ కుమార్ కూడా వైభవ్‌ సేమ్ ట్రీట్‌మెంట్ ఇచ్చాడు.రెండు సిక్స్‌లు, ఓ ఫోర్‌తో 16 పరుగులు రాబట్టాడు. దీంతో ఈ బిహార్ ఆటగాడు కేవలం 15 బంతుల్లోనే తన హాఫ్ సెంచరీ మార్క్‌ను అందుకున్నాడు. ఓవరాల్‌గా కేవలం 26 బంతులు మాత్రమే ఎదుర్కొన్న వైభవ్‌.. 8 ఫోర్లు, 7 సిక్స్‌లతో 78 పరుగులు చేశాడు. ఈ ఇన్నింగ్స్‌తో వైభవ్‌ ఆరెంజ్‌ క్యాప్‌ రేసులో అగ్రస్ధానానికి చేరుకున్నాడు. ఈ ఏడాది సీజన్‌లో వైభవ్‌ నాలుగు మ్యాచ్‌లు 266.67 స్ట్రైక్‌ రేటుతో 200 పరుగులు చేశాడు. వైభవ్‌ బ్యాటింగ్‌కు సంబంధించిన వీడియోలు సోషల్‌ మీడియాలో వైరలవుతున్నాయి. ఇది చూసిన నెటిజన్లు ప్రపంచ క్రికెట్‌లో అత్యంత డేంజరస్‌ బ్యాటర్‌ వైభవ్‌ అని కొనియాడుతున్నారు.చదవండి: IPL 2026: ఆర్సీబీ ఓపెనర్‌ చెత్త రికార్డు.. ఐపీఎల్‌ చరిత్రలోనేVaibhav Sooryavanshi in IPL1st ball v Bumrah - 61st ball v Bhuvi - 41st ball v Shardul - 61st ball v Washington- 61st ball v Arshdeep - 41st ball v Hazlewood - 4Unreal Talent, Unreal Hitting pic.twitter.com/XGQT8SnR4u— Cricketopia (@CricketopiaCom) April 10, 2026

విజయలక్ష్యం ఎంతైతేనేమి... ప్రత్యర్థి ఎవరైతేనేమి... 15 ఏళ్ల వైభవ్‌ సూర్యవంశీకి లెక్కే లేదు... అతనికి తెలిసిందల్లా ఫోర్లు, సిక్సర్లతో విరుచుకుపడటమే... ఐపీఎల్‌లో మరోసారి అతను తన విధ్వంసక రూపాన్ని ప్రదర్శించాడు. ఫలితంగా రాజస్తాన్‌ రాయల్స్‌కు వరుసగా నాలుగో విజయం దక్కగా, బెంగళూరుకు తొలి ఓటమి ఎదురైంది. 202 పరుగుల ఛేదనలో వైభవ్‌ 78 పరుగుల సహాయంతో 49 బంతుల్లోనే 129కి చేరిన రాజస్తాన్‌కు మిగిలిన 73 పరుగులు రాబట్టడంలో ఇబ్బంది రాలేదు. ధ్రువ్‌ జురేల్‌ కూడా అర్ధ సెంచరీతో విజయంలో కీలకపాత్ర పోషించాడు. గువాహటి: ఐపీఎల్‌లో మాజీ విజేత రాజస్తాన్‌ రాయల్స్‌ దూసుకుపోతోంది. శుక్రవారం దాదాపు ఏకపక్షంగా సాగిన మ్యాచ్‌లో రాజస్తాన్‌ ఆరు వికెట్ల తేడాతో డిఫెండింగ్‌ చాంపియన్‌ రాయల్‌ చాలెంజర్స్‌ బెంగళూరును ఓడించింది. వర్షం కారణంగా మ్యాచ్‌ నిర్ణీత సమయంకంటే 70 నిమిషాలు ఆలస్యంగా మొదలైంది. టాస్‌ ఓడి ముందుగా బ్యాటింగ్‌కు దిగిన బెంగళూరు 20 ఓవర్లలో 8 వికెట్ల నష్టానికి 201 పరుగులు చేసింది.కెప్టెన్ రజత్‌ పాటీదార్‌ (40 బంతుల్లో 63; 4 ఫోర్లు, 4 సిక్స్‌లు) అర్ధ సెంచరీ చేయగా, విరాట్‌ కోహ్లి (16 బంతుల్లో 32; 7 ఫోర్లు) కీలక పరుగులు సాధించాడు. అనంతరం రాజస్తాన్‌ 18 ఓవర్లలో 4 వికెట్లు కోల్పోయి 202 పరుగులు చేసి గెలిచింది. వైభవ్‌ సూర్యవంశీ (26 బంతుల్లో 78; 8 ఫోర్లు, 7 సిక్స్‌లు) చెలరేగిపోగా, ధ్రువ్‌ జురేల్‌ (43 బంతుల్లో 81 నాటౌట్‌; 8 ఫోర్లు, 3 సిక్స్‌లు) హాఫ్‌ సెంచరీని నమోదు చేశాడు. రాణించిన కోహ్లి... ఆర్చర్‌ వేసిన ఇన్నింగ్స్‌ తొలి బంతికే సాల్ట్‌ (0) వెనుదిరిగినా.... కోహ్లి కొన్ని చక్కటి షాట్లతో అలరించాడు. ఆర్చర్‌ తర్వాతి ఓవర్లో మూడు ఫోర్లు కొట్టిన అతను సందీప్‌ ఓవర్లో మరో రెండు ఫోర్లు బాదాడు. పడిక్కల్‌ (14) విఫలం కాగా, చక్కటి బంతితో కోహ్లిని బౌల్డ్‌ చేసి బిష్ణోయ్‌ దెబ్బ తీశాడు. పవర్‌ప్లేలో ఆర్‌సీబీ 61 పరుగులు చేయగా, తక్కువ వ్యవధిలో కృనాల్‌ పాండ్యా (1), జితేశ్‌ శర్మ (5), టిమ్‌ డేవిడ్‌ (13) అవుటయ్యారు. షెఫర్డ్‌ (11 బంతుల్లో 22; 2 ఫోర్లు, 1 సిక్స్‌) దూకుడుకు జడేజా అడ్డుకట్ట వేశాడు. ఆఖరి 6 ఓవర్లలో 76 పరుగులు... ఆర్‌సీబీ స్కోరు 14 ఓవర్లలో 125/7... తడబడుతూ ఆడిన కెపె్టన్‌ పాటీదార్‌ 26 బంతుల్లో 27 పరుగులే చేయగా... తప్పనిసరి స్థితిలో బ్యాటర్‌ వెంకటేశ్‌ అయ్యర్‌ (15 బంతుల్లో 29 నాటౌట్‌; 1 ఫోర్, 2 సిక్స్‌లు)ను ఇంపాక్ట్‌ సబ్‌గా జట్టు బరిలోకి దిగింది. ఈ దశలో పాటీదార్‌ చెలరేగిపోయాడు. తర్వాతి 14 బంతుల్లో 2 ఫోర్లు, 4 సిక్స్‌లతో అతను 36 పరుగులు రాబట్టాడు. బర్గర్, బిష్ణోయ్‌ ఓవర్లలో అతను రెండేసి సిక్సర్లు బాది 35 బంతుల్లో హాఫ్‌ సెంచరీని అందుకున్నాడు. అతను అవుటైన తర్వాత వెంకటేశ్‌ బాధ్యత తీసుకున్నాడు. సందీప్‌ వేసిన చివరి ఓవర్లో వెంకటేశ్‌ ఫోర్, 2 సిక్స్‌లు బాదడంతో స్కోరు 200 దాటింది. జురేల్‌ జోరు... భారీ ఛేదనలో రాజస్తాన్‌ వేగంగా దూసుకుపోయింది. సీజన్‌లో తొలి మ్యాచ్‌ ఆడిన హాజల్‌వుడ్‌ ఓవర్లో 2 సిక్స్‌లు బాదిన యశస్వి జైస్వాల్‌ (13) అదే ఓవర్లోనే వెనుదిరిగాడు. అయితే మరో ఓపెనర్‌ వైభవ్‌ తనదైన శైలిలో చెలరేగిపోగా, జురేల్‌ కూడా దూకుడు ప్రదర్శించాడు. అభినందన్‌ ఓవర్లో జురేల్‌ వరుసగా 4, 6, 4, 0, 6, 4తో ఏకంగా 24 పరుగులు సాధించడంతో పవర్‌ప్లే ముగిసేసరికే స్కోరు 97కు చేరింది. ఎట్టకేలకు కృనాల్‌ వరుస బంతుల్లో వైభవ్, హెట్‌మైర్‌ (0)లను అవుట్‌ చేయగా, పరాగ్‌ (3) విఫలమయ్యాడు. ఈ దశలో రాయల్స్‌ కాస్త నెమ్మదించింది. వరుసగా 25 బంతుల పాటు బౌండరీనే రాలేదు. అయితే జురేల్, రవీంద్ర జడేజా (25 బంతుల్లో 24 నాటౌట్‌; 1 ఫోర్‌) సంయమనంతో ఆడి జట్టును గెలిపించారు. మళ్లీ అదే బాదుడు... వైభవ్‌ సూర్యవంశీ మరోసారి తన స్థాయిని, సత్తాను ఈ మ్యాచ్‌లోనూ ప్రదర్శించాడు. భువీ వేసిన మొదటి ఓవర్లో 2 ఫోర్లతో మొదలు పెట్టిన అతను అభినందన్‌ ఓవర్లో 2 ఫోర్లు, సిక్స్‌ బాదాడు. గత మ్యాచ్‌లో బుమ్రాపై చెలరేగిన తరహాలోనే ఈసారి మరో అంతర్జాతీయ స్టార్‌ బౌలర్‌ హాజల్‌వుడ్‌ పని పట్టాడు. హాజల్‌వుడ్‌ ఓవర్లో వైభవ్‌ వరుసగా 4, 4, 4, 6తో చెలరేగిపోయాడు. భువీ వేసిన తర్వాతి ఓవర్లోనూ 2 సిక్స్‌లు, ఫోర్‌ బాదిన అతను 15 బంతుల్లోనే అర్ధ సెంచరీ పూర్తి చేసుకున్నాడు. రాజస్తాన్‌ను నిలువరించే ప్రయత్నంలో పార్ట్‌టైమర్‌ డేవిడ్‌ను ఆర్‌సీబీ బౌలింగ్‌కు దింపగా, వైభవ్‌ వరుసగా రెండు సిక్సర్లతో దాడి చేశాడు. సెంచరీ దిశగా దూసుకుపోతున్న అతడిని చివరకు కృనాల్‌ నిలువరించగలిగాడు. స్కోరు వివరాలు రాయల్‌ చాలెంజర్స్‌ బెంగళూరు ఇన్నింగ్స్‌: సాల్ట్‌ (సి) జురేల్‌ (బి) ఆర్చర్‌ 0; కోహ్లి (బి) బిష్ణోయ్‌ 32; పడిక్కల్‌ (సి) హెట్‌మైర్‌ (బి) ఆర్చర్‌ 14; పాటీదార్‌ (సి) ఫెరీరా (బి) సందీప్‌ 63; కృనాల్‌ (సి) హెట్‌మైర్‌ (బి) బిష్ణోయ్‌ 1; జితేశ్‌ (ఎల్బీ) (బి) బ్రిజేశ్‌ 5; డేవిడ్‌ (సి) హెట్‌మైర్‌ (బి) బ్రిజేశ్‌ 13; షెఫర్డ్‌ (సి) బ్రిజేశ్‌ (బి) జడేజా 22; వెంకటేశ్‌ (నాటౌట్‌) 29; భువనేశ్వర్‌ (నాటౌట్‌) 9; ఎక్స్‌ట్రాలు 13; మొత్తం (20 ఓవర్లలో 8 వికెట్లకు) 201. వికెట్ల పతనం: 1–0, 2–45, 3–58, 4–62, 5–76, 6–94, 7–125, 8–166. బౌలింగ్‌: ఆర్చర్‌ 3–0–33–2, బర్గర్‌ 3–0–32–0, సందీప్‌ 4–0–47–1, రవి బిష్ణోయ్‌ 4–0–32–2, జడేజా 2–0–14–1, బ్రిజేశ్‌ 4–0–37–2. రాజస్తాన్‌ రాయల్స్‌ ఇన్నింగ్స్‌: జైస్వాల్‌ (సి) జితేశ్‌ (బి) హాజల్‌వుడ్‌ 13; వైభవ్‌ (సి) కోహ్లి (బి) కృనాల్‌ 78; జురేల్‌ (నాటౌట్‌) 81; హెట్‌మైర్‌ (సి) హాజల్‌వుడ్‌ (బి) కృనాల్‌ 0; పరాగ్‌ (సి) కృనాల్‌ (బి) హాజల్‌వుడ్‌ 3; జడేజా (నాటౌట్‌) 24 ; ఎక్స్‌ట్రాలు 3; మొత్తం (18 ఓవర్లలో 4 వికెట్లకు) 202. వికెట్ల పతనం: 1–21, 2–129, 3–129, 4–134. బౌలింగ్‌: భువనేశ్వర్‌ 4–0–37–0, హాజల్‌వుడ్‌ 4–0–44–2, అభినందన్‌ 3–0–54–0, కృనాల్‌ పాండ్యా 4–0–30–2, డేవిడ్‌ 1–0–18–0, షెఫర్డ్‌ 2–0–18–0. ఐపీఎల్‌లో నేడుపంజాబ్‌ X హైదరాబాద్‌ వేదిక: న్యూ చండీగఢ్‌ మధ్యాహ్నం గం. 3:30 నుంచిచెన్నై X ఢిల్లీ వేదిక: చెన్నైరాత్రి 7: 30 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారం

ముంబై: ఐపీఎల్‌లో మెరుపులతో అందరి దృష్టిని ఆకర్షిస్తున్న వైభవ్‌ సూర్యవంశీపై మరింత ఒత్తిడి పెంచడం సరికాదని టీమిండియా మాజీ కెప్టెన్ అనిల్‌ కుంబ్లే అన్నాడు. 15 ఏళ్ల కుర్రాడిని అలా అతడి ఇష్టానికి వదిలేయాలని ఇప్పటి నుంచే అతడి మనసులో జాతీయ సీనియర్‌ జట్టుకు ప్రాతినిధ్యం వహించే ఒత్తిడిని నింపొద్దని ఈ స్పిన్‌ దిగ్గజం హితవు పలికాడు. ‘మాస్టర్‌ బ్లాస్టర్‌’ సచిన్‌ టెండూల్కర్‌ కూడా టీనేజ్‌ వయసులోనే అంతర్జాతీయ క్రికెట్‌లోకి అడుగుపెట్టి... ఆ తర్వాత బ్యాటింగ్‌ లెజెండ్‌గా ఎదగగా... ఇప్పుడు ఆ అవకాశం సూర్యవంశీకి ఉందని పలువురు విశ్లేషిస్తున్న నేపథ్యంలో కుంబ్లే వ్యాఖ్యలు ప్రాధాన్యం సంతరించుకున్నాయి. ‘అసాధారణ ప్రతిభ గల వైభవ్‌ సూర్యవంశీ దూకుడును ఆపడం కష్టతరమే. అయితే తొందరపాటు అంచనాలు యువ క్రీడాకారుడిపై అనవసర ఒత్తిడి పెంచుతాయి. ఈ వయసులోనే అతడు చక్కగా ఆడుతున్నాడు. అయితే మరో రెండు నెలల్లో నువ్వు టీమిండియాకు ఆడాలి అని చెప్పడం మాత్రం అతడిపై కచ్చితంగా ఒత్తిడి పెంచుతుంది. మరో పదేళ్ల తర్వాత కూడా వైభవ్‌ వయసు ఇంకా పాతికేళ్లే ఉంటుంది’ అని కుంబ్లే అన్నాడు. క్రికెట్‌లో విజయవంతం కావడానికి ఒక నిర్దిష్టమైన మార్గం అంటూ ఏదీ లేదని... నిరంతరం శ్రమిస్తూ ఎప్పటికప్పుడు మెరుగవుతూ ముందుకు సాగితే ఫలితాలు అనుకూలంగా వస్తాయని కుంబ్లే పేర్కొన్నాడు. ‘ఈ ఏడాదో, వచ్చే ఏడాదో అతడి పేరు సెలెక్టర్ల పరిశీలనకు రావడం ఖాయం. ఇప్పటికే అతడి ఆటతీరును అంతా నిశితంగా పరిశీలిస్తున్నారు. కాస్త ఓపిక పట్టడం ముఖ్యం’ అని వివరించాడు. క్రీడా సంస్కృతి పెరగాలి... భారత్‌కు ఒలింపిక్స్‌ ఆతిథ్యమిచ్చే అవకాశం దక్కితే అది దేశ క్రీడారంగంలో కీలక మలుపుగా నిలుస్తుందని కుంబ్లే అన్నాడు. మౌలిక వసతులు పెంపొందడంతో పాటు... కొత్త తరం అథ్లెట్లకు స్ఫూర్తినిస్తుందని అభిప్రాయపడ్డారు. ‘భారీ క్రీడా పోటీలతో పరిస్థితుల్లో మార్పు వస్తుంది. 1982లో జరిగిన ఆసియా క్రీడలు నాపై చాలా ప్రభావం చూపాయి. దీంతో దేశంలో క్రీడా సంస్కృతి పెంపొందుతుంది’ అని కుంబ్లే అన్నాడు. ఏదో ఒక రోజు భారత ఫుట్‌బాల్‌ జట్టు కూడా ఫిఫా ప్రపంచకప్‌లో పాల్గొంటుందని జంబో ఆశాభావం వ్యక్తం చేశాడు.

ఐపీఎల్‌-2026 సీజన్‌లో రాజస్తాన్ రాయల్స్ జైత్రయాత్ర కొనసాగుతోంది. గౌహతి వేదికగా రాయల్ ఛాలెంజర్స్ బెంగళూరుతో జరిగిన మ్యాచ్‌లో 6 వికెట్ల తేడాతో రాజస్తాన్‌ విజయం సాధించింది. రాయల్స్‌కు ఇది వరుసగా నాలుగో విజయం కావడం గమనార్హం.ఈ మ్యాచ్‌లో తొలుత బ్యాటింగ్ చేసిన బెంగళూరు జట్టు నిర్ణీత 20 ఓవర్లలో 8 వికెట్ల నష్టానికి 201 పరుగులు చేసింది. ఇన్నింగ్స్ తొలి బంతికే డేంజరస్ బ్యాటర్ ఫిల్ సాల్ట్ ఔటైనప్పటికి.. తర్వాత వచ్చిన ఆర్సీబీ బ్యాటర్లు దూకుడుగా ఆడారు. ముఖ్యంగా కెప్టెన్ రజత్ పాటిదార్ అద్బుతమైన ఇన్నింగ్స్ ఆడాడు. ఓ వైపు వికెట్లు పడుతున్నప్పటికి పాటిదార్ మాత్రం ప్రత్యర్ధి బౌలర్లపై ఎదురుదాడికి దిగాడు. పాటిదార్ 40 బంతుల్లో 4 ఫోర్లు,4 సిక్స్‌లతో 63 పరుగులు చేసి టాప్‌ స్కోరర్‌గా నిలవగా.. వెంకటేశ్‌ అయ్యర్‌(29), షెఫర్డ్‌(22), విరాట్‌ కోహ్లి(32) రాణించారు. రాజస్తాన్‌ బౌలర్లలో రవి బిష్ణోయ్‌, బ్రిజేష్‌ శర్మ, జోఫ్రా ఆర్చర్‌ తలా రెండు వికెట్లు సాధించారు. వీరితో పాటు సందీప్‌ శర్మ, రవీంద్ర జడేజాతలా వికెట్‌ సాధించారు.వైభవ్ విధ్వంసంఅనంతరం 202 పరుగుల లక్ష్యాన్ని రాజస్తాన్ కేవలం 4 వికెట్లు మాత్రమే కోల్పోయి 18 ఓవర్లలో చేధించింది. ఈ భారీ లక్ష్య చేధనలో రాజస్తాన్ యువ ఓపెనర్ వైభవ్ సూర్యవంశీ విధ్వంసం సృష్టించాడు. ఆర్సీబీ బౌలర్లను ఉతికారేశాడు. వైభవ్ బ్యాటింగ్ ధాటికి ఫీల్డర్లు కేవలం ప్రేక్షక పాత్ర మాత్రమే పోషించారు. కేవలం 26 బంతులు మాత్రమే ఎదుర్కొన్న వైభవ్‌.. 8 ఫోర్లు, 7 సిక్స్‌లతో 78 పరుగులు చేశాడు. అతడితో పాటు ధ్రువ్ జురెల్‌(43 బంతుల్లో 8 ఫోర్లు, 3 సిక్స్‌లతో 81 నాటౌట్‌) కీలక ఇన్నింగ్స్ ఆడాడు. ఆర్సీబీ బౌలర్లలో జోష్ హాజిల్‌వుడ్‌, కృనాల్ పాండ్యా తలా రెండు వికెట్లు సాధించారు.చదవండి: IPL 2026: వైభవ్‌ సూర్యవంశీ విధ్వంసం.. కేవలం 26 బంతుల్లోనే! వీడియో

ఐపీఎల్‌-2026లో రాజస్తాన్ రాయల్స్ చిచ్చర పిడుగు వైభవ్ సూర్యవంశీ మరోసారి అద్బుతమైన ఇన్నింగ్స్ ఆడాడు. ఈ ధనధాన్ లీగ్‌లో భాగంగా గౌహతి వేదికగా రాయల్ ఛాలెంజర్స్ బెంగళూరుతో మ్యాచ్‌లో వైభవ్ విధ్వంసం సృష్టించాడు. 202 పరుగుల లక్ష్య చేధనలో వైభవ్ ఆకాశమే హద్దుగా చెలరేగిపోయాడు.జోష్ హాజిల్‌వుడ్‌, భువనేశ్వర్ కుమార్ వంటి వరల్డ్ క్లాస్ ఫాస్ట్ బౌలర్లను సైతం ఈ బుడ్డోడు ఉతికారేశాడు. తొలిసారి హేజిల్‌వుడ్‌ను ఎదుర్కొన్న వైభవ్‌.. 4 ఓవర్‌లో వరసగా 4, 4, 4 ,6తో 19 పరుగులు పిండుకున్నాడు. ఆ తర్వాత భువనేశ్వర్ ఓవర్‌లో వరసగా రెండు సిక్సర్లతో 15 బంతుల్లోనే అర్ధ శతకం పూర్తి చేసుకున్నాడు. ఈ ఏడాది సీజన్‌లో వైభవ్‌ 15 బంతుల్లోనే హాఫ్ సెంచరీ సాధించడం ఇది రెండో సారి కావడం విశేషం. ఈ మ్యాచ్‌లో ఓవరాల్‌గా కేవలం 26 బంతులు మాత్రమే ఎదుర్కొన్న వైభవ్‌.. 8 ఫోర్లు, 7 సిక్స్‌లతో 78 పరుగులు చేశాడు. వైభవ్‌ ఈ తుఫాన్‌ ఇన్నింగ్స్‌తో ఆరెంజ్‌ క్యాప్‌ను తన సహచరుడు జైశ్వాల్‌ నుంచి సొంతం చేసుకున్నాడు. ఈ ఏడాది సీజన్‌లో వైభవ్‌ నాలుగు మ్యాచ్‌లు 266.67 స్ట్రైక్‌ రేటుతో 200 పరుగులు చేశాడు.చదవండి: IPL 2026: బిష్ణోయ్ సూప‌ర్ డెలివ‌రీ.. కోహ్లి ఫ్యూజ్‌లు ఔట్‌? వీడియో వైరల్‌Vaibhav Sooryavanshi in IPL1st ball v Bumrah - 61st ball v Bhuvi - 41st ball v Shardul - 61st ball v Washington- 61st ball v Arshdeep - 41st ball v Hazlewood - 4Unreal Talent, Unreal Hitting pic.twitter.com/XGQT8SnR4u— Cricketopia (@CricketopiaCom) April 10, 2026

ఐపీఎల్‌-2026 సీజన్‌లో రాజస్తాన్ యువ సంచలనం వైభవ్ సూర్యవంశీ తన అద్బుత బ్యాటింగ్‌తో దుమ్ములేపుతున్నాడు. ఇప్పటివరకు ఆడిన మూడు మ్యాచ్‌లలోనూ వైభవ్ సత్తాచాటాడు .ప్రపంచంలోనే అత్యుత్తమ బౌలర్‌గా పేరొందిన జస్ప్రీత్ బుమ్రాను సైతం వైభవ్ విడిచిపెట్టలేదు. ముంబై ఇండియన్స్‌తో జరిగిన మ్యాచ్‌లో బుమ్రా వేసిన తొలి బంతికే వైభవ్ సిక్సర్‌గా మలిచి అందరిని ఆశ్చర్యపరిచాడు. ఈ మ్యాచ్‌లో వైభవ్ కేవలం 14 బంతుల్లో 39 పరుగులు చేశాడు. ఈ నేపథ్యంలో వైభవ్‌పై దక్షిణాఫ్రికా బ్యాటింగ్ దిగ్గజం గ్రేమ్ స్మిత్ ప్రశంసల వర్షం కురిపించాడు. వైభవ్‌ను "అసలైన సూపర్ స్టార్"గా స్మిత్‌ అభివర్ణించాడు.నేను ఊహించినట్లే ఫ్లాట్ పిచ్‌లు, అధిక స్కోరింగ్ మ్యాచ్‌లతో ఐపీఎల్ ప్రారంభమైంది. ఎప్ప‌టిలాగే రోహిత్ శ‌ర్మ, విరాట్ కోహ్లి వంటి సీనియ‌ర్ సూప‌ర్ స్టార్లు అద్భుతంగా రాణిస్తున్నారు. కానీ రాజ‌స్తాన్ రాయ‌ల్స్ యువ ఆట‌గాడు వైభ‌వ్ సూర్య‌వంశీ మాత్రం అంద‌రికంటే ఎక్కువగా న‌న్ను ఆక‌ట్టుకున్నాడు. మొదటి బంతి నంచే త‌న ప‌వర్‌ను అత‌డు చూపిస్తున్నాడు. అత‌డి బ్యాటింగ్ టెక్నిక్ నిజంగా అద్భుతం. ఈ టోర్నమెంట్ ముగిసేలోపు వైభ‌వ్‌ ఒక సూపర్ స్టార్ అవుతాడు. భార‌త క్రికెట్‌కు కూడా అత‌డు భ‌విష్య‌త్తు బ్యాటింగ్‌ స్టార్ అవుతాడ‌ని స్మిత్ పేర్కొన్నాడు.చదవండి: భారత లెజెండరీ క్రికెటర్‌ కన్నుమూత

టీమిండియా ప్రధాన పేసర్‌, ముంబై ఇండియన్స్‌ బౌలర్‌ జస్‌ప్రీత్‌ బుమ్రా గురించి ప్రత్యేక పరిచయం అక్కర్లేదు. తనదైన శైలితో రాణిస్తూ ప్రపంచంలోనే అత్యుత్తమ బౌలర్లలో ఒకడిగా పేరొందాడు బుమ్రా. అతడు బంతితో రంగంలోకి దిగాడంటే దిగ్గజ బ్యాటర్లు సైతం వణికిపోవాల్సిందే.అయితే, రాజస్తాన్‌ రాయల్స్‌ చిచ్చరపిడుగు, పదిహేనేళ్ల వైభవ్‌ సూర్యవంశీ మాత్రం బుమ్రాను సునాయాసంగా ఎదుర్కొన్నాడు. అతడికి ఏకంగా సిక్సర్‌తో స్వాగతం పలికి ఔరా అనిపించాడు. ఐపీఎల్‌-2026లో భాగంగా ముంబై ఇండియన్స్‌- రాజస్తాన్‌ రాయల్స్‌ మంగళవారం తలపడ్డాయి.తొలి బంతికే సిక్సర్‌ ఈ మ్యాచ్‌లో వైభవ్‌- బుమ్రా ఫైట్‌ కోసం అభిమానులు ఆసక్తిగా ఎదురుచూశారు. బుమ్రా బౌలింగ్లో తొలి బంతికే సిక్సర్‌ బాదిన వైభవ్‌.. అతడి ఓవర్లో మరో సిక్స్‌ కూడా రాబట్టాడు. ఈ నేపథ్యంలో అతడి బ్యాటింగ్‌ తీరుపై మరోసారి ప్రశంసలు కురుస్తున్నాయి.The sheer audacity of Vaibhav Sooryavanshi 🫡🎥 The 1️⃣5️⃣ year old welcomes Jasprit Bumrah with a maximum! 👏#TATAIPL | #KhelBindaas | #RRvMI | @rajasthanroyals pic.twitter.com/cI0zqCXz0X— IndianPremierLeague (@IPL) April 7, 2026ఈ నేపథ్యంలో వైభవ్‌ సూర్యవంశీ బుమ్రాను ఉద్దేశించి చేసిన వ్యాఖ్యలు వైరల్‌గా మారాయి. ముంబైపై విజయానంతరం రాయల్స్‌ సోషల్‌ మీడియాలో ఓ వీడియో షేర్‌ చేసింది. ఇందులో బుమ్రాను ఎదుర్కొన్న అనుభవం ఎలా ఉందన్న ప్రశ్నకు బదులిస్తూ..గొప్పగా ఫీలవ్వడానికి ఏమీ లేదు‘‘ఇందులో నేనేమీ గొప్పగా ఫీలవ్వడానికి ఏమీ లేదు. బౌలర్‌ కంటే కూడా బంతిపైనే ఎక్కువగా దృష్టి పెట్టేందుకు నేను ఎల్లవేళలా ప్రయత్నిస్తాను. అయితే, బుమ్రా వంటి దిగ్గజ బౌలర్‌ ఎదురుగా ఉండటం వల్ల కాస్త గాబరాగానే అనిపించింది.అయితే, నా అలవాటుకు తగ్గట్లే బంతిపైనే ఎక్కువ ఫోకస్‌ పెట్టడం వల్ల అనుకున్న ఫలితం రాబట్టగలిగాను’’ అని వైభవ్‌ సూర్యవంశీ తెలిపాడు. కాగా ముంబైతో మ్యాచ్‌లో వైభవ్‌ 14 బంతుల్లో ఒక ఫోర్‌, ఐదు సిక్సర్ల సాయంతో 39 పరుగులు చేశాడు. శార్దూల్‌ ఠాకూర్‌ బౌలింగ్‌లో తిలక్‌ వర్మకు క్యాచ్‌ ఇవ్వడంతో పెవిలియన్‌ చేరాడు. ఈ మ్యాచ్‌లో రాజస్తాన్‌ ముంబైపై 27 పరుగుల తేడాతో గెలిచింది.చదవండి: ఢిల్లీ కొంపముంచిన మిల్లర్‌.. అక్షర్‌ పటేల్‌ రియాక్షన్‌ ఇదే! View this post on Instagram A post shared by Rajasthan Royals (@rajasthanroyals)

రాజస్తాన్‌ రాయల్స్‌ స్టార్‌, భారత అండర్‌-19 వరల్డ్‌కప్‌ విజేత వైభవ్‌ సూర్యవంశీపై ప్రశంసల వర్షం కురుస్తోంది. ఇటు ఐపీఎల్‌లో.. అటు భారత జూనియర్‌ జట్టు తరఫున ఈ బిహారీ పిల్లాడు ఇరగదీస్తున్న సంగతి తెలిసిందే. విధ్వంసకర బ్యాటింగ్‌కు పెట్టింది పేరుగా మారి.. ఇప్పటికే ఎన్నో ప్రపంచ రికార్డులు నెలకొల్పాడు వైభవ్‌.మెరుపులు మెరిపించాడుఇక ఐపీఎల్‌-2026లోనూ వైభవ్‌ సూర్యవంశీ (Vaibhav Suryavanshi) దుమ్ములేపుతున్నాడు. ఈ సీజన్‌లో రాయల్స్‌ ఇప్పటికి ఆడిన మూడు మ్యాచ్‌లూ గెలవడంలో ఈ ఓపెనింగ్‌ బ్యాటర్‌ది కీలక పాత్ర. అతడు చేసిన స్కోర్లు వరుసగా.. 17 బంతుల్లో 52, 18 బంతుల్లో 31, 14 బంతుల్లో 39 పరుగులు.ఈ నేపథ్యంలో భారత జాతీయ జట్టుకు వైభవ్‌ సూర్యవంశీని ఎంపిక చేయాలనే డిమాండ్లు పెరుగుతున్నాయి. ముఖ్యంగా ముంబై ఇండియన్స్‌తో మ్యాచ్‌లో వరల్డ్‌క్లాస్‌ బౌలర్‌ జస్‌ప్రీత్‌ బుమ్రాకు సిక్సర్‌తో వైభవ్‌ ఆహ్వానం పలికిన తీరు దిగ్గజాలను సైతం ఆకట్టుకుంటోంది.The sheer audacity of Vaibhav Sooryavanshi 🫡🎥 The 1️⃣5️⃣ year old welcomes Jasprit Bumrah with a maximum! 👏#TATAIPL | #KhelBindaas | #RRvMI | @rajasthanroyals pic.twitter.com/cI0zqCXz0X— IndianPremierLeague (@IPL) April 7, 2026డెస్టినీ చైల్డ్‌ఈ క్రమంలో భారత మాజీ ఆల్‌రౌండర్‌ ఇర్ఫాన్‌ పఠాన్‌ వైభవ్‌ సూర్యవంశీ ఆట తీరుపై ప్రశంసల వర్షం కురిపించాడు. ‘‘సూర్యవంశీ డెస్టినీ చైల్డ్‌. అతడి భవిష్యత్తు ఉజ్వలంగా ఉండబోతోంది. పదిహేనేళ్ల వయసులోనే పరిమిత ఓవర్ల క్రికెట్‌లో అతడి ప్రదర్శన చూసి ఆశ్చర్యంగా ఉంది.చితక్కొడతాను అని చెప్పి మరీ కొట్టాడుఇంతకు ముందు ఎవరూ ఇలాంటి ప్రదర్శన ఇవ్వలేదు. ఈ పిల్లాడు ఏం చెప్పాడో గుర్తుందా?.. ‘నేను జస్‌ప్రీత్‌ బుమ్రా బౌలింగ్‌లో ఆడేందుకు ఎదురుచూస్తున్నా. గతేడాది అవుటయ్యాను. ఈసారి మాత్రం కచ్చితంగా అతడి బౌలింగ్‌లో చితక్కొడతాను’ అని చెప్పాడు.అన్నట్లుగానే మొదటి బంతికే బుమ్రా బౌలింగ్‌లో సిక్సర్‌ బాదాడు. దీంతో బుమ్రా సైతం ఆశ్చర్యానికి లోనయ్యాడు. తన వ్యూహం మార్చుకుని స్లో బాల్‌ వేయాల్సి వచ్చింది. అసలు పరిమిత ఓవర్ల క్రికెట్‌లో బుమ్రా కంటే అత్యుత్తమ బౌలర్‌ ఎవరూ లేరు. అలాంటిది బుమ్రా బౌలింగ్‌లోనే వైభవ్‌ అదరగొట్టాడు.20 ఏళ్లు ధనాధన్‌దయచేసి వైభవ్‌ను ఇంకా ఎదురుచూసేలా చేయకండి. త్వరలోనే అతడికి టీమిండియా క్యాప్ ఇవ్వండి. అతడు ఇరవై ఏళ్ల పాటు అంతర్జాతీయ క్రికెట్‌ ఆడగలడు. బౌలర్లకు ఇక చుక్కలే. వారిని భయపెడుతున్న పేరు వైభవ్‌’’ అంటూ టీమిండియాకు వైభవ్‌ను ఎంపిక చేయాలని ఇర్ఫాన్‌ పఠాన్‌ బీసీసీఐకి సూచించాడు. చదవండి: Yashasvi Jaiswal: ‘టార్గెట్‌ మూడు ఓవర్లే.. అందుకే ఈ విధ్వంసం’

రాజస్థాన్‌ రాయల్స్‌ చిచ్చరపిడుగు, యువ సంచలనం వైభవ్‌ సూర్యవంశీ ఐపీఎల్‌ 2026లో తన అద్భుత ప్రదర్శనను కొనసాగిస్తున్నాడు. ఈ ఎడిషన్‌లో 3 మ్యాచ్‌ల్లోనే 11 సిక్సర్లు బాదిన అతను.. ఓ చరిత్రాత్మక రికార్డును సొంతం చేసుకున్నాడు. తాజాగా (ఏప్రిల్‌ 7) ముంబై ఇండియన్స్‌తో జరిగిన మ్యాచ్‌లో 5 సిక్సర్లు బాదిన అనంతరం ఈ ఘనతను సాధించాడు.ఇంతకీ ఆ రికార్డు ఏంటంటే..?సూర్యవంశీ ఇప్పటివరకు తన ఐపీఎల్‌ కెరీర్‌లో 10 ఇన్నింగ్స్‌ల్లో 171 బంతులు ఎదుర్కొని 35 సిక్స్‌లు బాదాడు. అంటే ప్రతి 4.88 బంతులకు ఓ సిక్సర్‌ బాదినట్లు లెక్క. ఇది ఐపీఎల్‌ చరిత్రలో కనీస బంతుల్లో సిక్స్‌ కొట్టిన రికార్డు. ఈ విభాగంలో రొమారియో షెపర్డ్‌, ఉర్విల్‌ పటేల్‌, జేక్‌ ఫ్రేజర్‌ మెక్‌గుర్క్‌, ఆండ్రీ రసెల్‌ లాంటి విధ్వంసకర బ్యాటర్లను సూర్యవంశీ అధిగమించాడు.- వైభవ్‌ సూర్యవంశీ – 4.88 - రొమారియో షెపర్డ్‌ – 5.1 - ఉర్విల్‌ పటేల్‌ – 5.3 - జేక్‌ ఫ్రేజర్‌ మెక్‌గుర్క్‌ – 6.4 - ఆండ్రీ రసెల్‌ – 6.8 ఆకాశమే హద్దుప్రస్తుత ఎడిషన్‌లో వైభవ్‌ సూర్యవంశీ ఆకాశమే హద్దుగా చెలరేగుతున్నాడు. సీఎస్‌కేతో జరిగిన తొలి మ్యాచ్‌లో 15 బంతుల్లో హాఫ్‌ సెంచరీ (4 ఫోర్లు, 5 సిక్సర్లు) చేసిన అతను.. ఆతర్వాత గుజరాత్‌ టైటాన్స్‌తో జరిగిన మ్యాచ్‌లో 18 బంతుల్లో 5 ఫోర్లు, సిక్సర్‌ సాయంతో 31 పరుగులు చేశాడు. తాజాగా ముంబై ఇండియన్స్‌పై కూడా అదే జోరును కొనసాగించి 14 బంతుల్లో ఫోర్‌, 5 సిక్సర్ల సాయంతో 39 పరుగులు చేశాడు.ఈ సీజన్‌లో వైభవ్‌.. యశస్వి జైస్వాల్‌తో కలిసి అందిస్తున్న మెరుపు ఆరంభాలు రాజస్తాన్‌ రాయల్స్‌ను అత్యంత విజయవంతమైన జట్టుగా కొనసాగిస్తున్నాయి. రాయల్స్‌ ఈ సీజన్‌లో ఇప్పటివరకు ఆడిన 3 మ్యాచ్‌ల్లో విజయాలు సాధించి, టేబుల్‌ టాపర్‌గా కొనసాగుతుంది.తాజాగా ముంబై ఇండియన్స్‌తో జరిగిన మ్యాచ్‌లో రాయల్స్‌ 27 పరుగుల తేడాతో గెలుపొందింది. వర్షం కారణంగా 11 ఓవర్లకు కుదించిన ఈ మ్యాచ్‌లో తొలుత బ్యాటింగ్‌ చేసిన రాయల్స్‌ 3 వికెట్ల నష్టానికి 150 పరుగులు చేసింది. జైస్వాల్‌ (77 నాటౌట్‌) పరుగులతో సత్తా చాటగా.. వైభవ్‌ (39) రాణించాడు. అనంతరం ఛేదనలో ముంబై ఇండియన్స్‌ సైతం పోరాడినప్పటికీ.. లక్ష్యానికి 28 పరుగుల దూరంలో (123-9) నిలిచిపోయింది.

ఐపీఎల్ 2026 సీజ‌న్‌లో రాజ‌స్తాన్ రాయ‌ల్స్ దూకుడు మాములుగా లేదు. అన్ని జ‌ట్ల‌తో పోలిస్తే రాజ‌స్తాన్ తుది జ‌ట్టులోని స్వ‌దేశీ ఆట‌గాళ్ల‌లో అనుభ‌వం లేని ఆట‌గాళ్లే ఎక్కువ‌గా క‌నిపిస్తారు. జ‌ట్టు మొత్తం కుర్రాళ్ల‌తో నిండిపోయిన‌ప్ప‌టికీ యువ‌రక్తం కావ‌డంతో జోష్ రెండింత‌లు అయిన‌ట్లుంది. జ‌ట్టులో ర‌వీంద్ర జ‌డేజా మాత్ర‌మే టీమిండియా త‌ర‌ఫున ఎక్కువ మ్యాచ్‌లు ఆడాడు. జ‌డేజాను మిన‌హాయిస్తే మిగ‌తా ఆట‌గాళ్ల‌కు అనుభ‌వం త‌క్కువే. కాగా ఈ సీజ‌న్‌లో రాజ‌స్తాన్ తాము ఆడిన మూడు మ్యాచ్‌ల్లోనూ విజ‌యాలు సాధించి మెరుగైన ర‌న్‌రేట్‌తో ప‌ట్టిక‌లో అగ్ర‌స్థానంలో కొన‌సాగుతోంది. జ‌ట్టులో కూడా ఒక‌రిని మించి మ‌రొక‌రు చెల‌రేగిపోతుండ‌డం వారికి సానుకూలాంశంగా మారింది. జైస్వాల్ నుంచి ఆర్చర్ దాకా బ్యాటింగ్ చేసే వాళ్లే ఉండడం రాజస్తాన్‌కు ప్లస్ పాయింట్ అని చెప్పొచ్చు. బౌలింగ్ కూడా సమతుల్యతతో ఉండడం కలిసొచ్చే అంశం.భయపెడుతున్న వైభవ్‌..52, 31, 39.. ఇవి ఈ సీజన్‌లో వైభవ్ సూర్యవంశీ సాధించిన పరుగులు. చేసింది తక్కువ స్కోరే అయినప్పటికీ అతడి దనాధన్ బ్యాటింగ్ ప్రభావం ప్రత్యర్థి జట్లపై గట్టిగానే చూపిస్తోంది. క్రీజులో ఉన్నంతసేపు దంచుడే పరమావధిగా పెట్టుకున్నసూర్యవంశీ భారీ సిక్సర్లు, ఫోర్లతో విరుచుకుపడుతున్నాడు. విధ్వంసకర స్ట్రైక్‌రేట్‌తో పరుగులు సాధించి తన తర్వాత వచ్చే బ్యాటర్లపై ఒత్తిడి తగ్గించడంలో సక్సెస్ అయ్యాడు. ముంబైతో మ్యాచ్‌లో బుమ్రా, దీపక్ చాహర్ పదునైన బంతులను సిక్సర్లుగా మలిచిన తీరు అభినందనీయమని చెప్పొచ్చు.జైస్వాల్ మోత..సాధారణంగా యశస్వి జైస్వాల్ చూడ్డానికి బక్కపలుచగా ఉన్నప్పటికీ అతడి ఆటతీరు మాత్రం అసాధారణమని చెప్పొచ్చు. ఆడిన మూడు మ్యాచ్‌ల్లో ఇప్పటికే రెండు అర్థసెంచరీలు సాధించిన జైస్వాల్ ఆరెంజ్ క్యాప్ రేసులో దూసుకెళ్తున్నాడు. రాజస్తాన్‌కు ఓపెనర్లిద్దరే సగం బలం అని చెప్పొచ్చు. ఆ తర్వాత వన్‌డౌన్‌లో వచ్చే ధ్రువ్ జురేల్ కూడా మంచి ఫామ్‌లో ఉన్నాడు. గుజరాత్ టైటాన్స్‌తో మ్యాచ్‌లో జురేల్ 75 పరుగుల ఇన్నింగ్స్ రాజస్తాన్ గెలుపుకు కారణమైంది.పరాగ్ నాయకత్వం..జట్టు విజయాలు సాధిస్తుంటే తప్పులు పెద్దగా కనిపించవు. ఆ జట్టు కెప్టెన్ రియాన్ పరాగ్ బ్యాటింగ్‌లో మెరుపులు లేనప్పటికీ అతని కెప్టెన్సీలో రాయల్స్ చెలరేగిపోవడం అతని వ్యక్తిగత ప్రదర్శన గురించి మాట్లాడుకునే అవకాశం కల్పించడం లేదు. నాయకుడిగా మూడు మ్యాచ్‌ల్లో సక్సెస్ అయిన పరాగ్ బ్యాటింగ్‌లోనూ అదరగొడితే రాయల్స్‌కు తిరుగు లేనట్లే. హెట్‌మైర్‌, జడేజా వంటి అనుభవజ్ఞులు తమదైన రోజున ఎంత ప్రమాదకర ఆటగాళ్లో ప్రత్యేకంగా చెప్పనవసరం లేదు.బౌలింగ్‌లోనూ అదుర్స్‌..బ్యాటింగ్‌లోనే కాదు బౌలింగ్‌లోనూ రాజస్తాన్ అదుర్స్ అనిపిస్తోంది. ఇంగ్లండ్ పేసర్ జోఫ్రా ఆర్చర్ ఫామ్‌లో ఉండడం, స్పిన్నర్లు రవి బిష్ణోయ్‌, జడేజాల స్పిన్ మాయజాలాం, నండ్రీ బర్గర్ సూపర్ బౌలింగ్‌, తుషార్ డెత్ ఓవర్ల స్పెషలిస్ట్‌గా ముద్ర ఉండడంతో అంతా మ్యాచ్ విన్నర్లుగానే కనిపిస్తున్నారు.ఐపీఎల్ ఆరంభ సీజన్‌లో అండర్‌డాగ్స్‌గా బరిలోకి దిగి తొలి టైటిల్ ఎగరేసుకుపోయిన రాజస్తాన్ ఆ తర్వాత మళ్లీ టైటిల్ సాధించలేకపోయింది. శాంసన్ వచ్చిన తర్వాత రాయల్స్ ఆటతీరు మారడమే గాక 2024లో ఫైనల్ వరకు చేరుకుంది. ఇప్పుడు శాంసన్ నుంచి నాయకత్వ బాధ్యతలు తీసుకున్న పరాగ్ అదే లెగసీని కంటిన్యూ చేస్తున్నాడు. అన్ని విభాగాల్లో పటిష్టంగా కనిపిస్తున్న రాజస్తాన్ రాయల్స్ సీజన్ మొత్తం ఇదే తరహా ఆటతీరు ప్రదర్శిస్తే కప్ కొట్టినా ఆశ్చర్యపోనవసరం లేదు.A hat-trick of wins and yet to be beaten! 🩷#RR light up Guwahati with a phenomenal 2️⃣7️⃣ run win over #MI to take the top spot on the points table 👏Scorecard ▶️ https://t.co/BCCaxRwjYg#TATAIPL | #KhelBindaas | #RRvMI | @rajasthanroyals pic.twitter.com/lLoKuuOZV4— IndianPremierLeague (@IPL) April 7, 2026చదవండి: కేకేఆర్‌ ఫ్యాన్స్‌ ఆగ్రహం.. దిగొచ్చిన అయ్యర్‌ సోదరి!

ఐపీఎల్‌-2026లో రాజస్తాన్‌ రాయల్స్‌ చిచ్చరపిడుగు వైభవ్‌ సూర్యవంశీ జోరు కొనసాగుతోంది. తొలుత చెన్నై సూపర్‌ కింగ్స్‌తో మ్యాచ్‌లో 15 బంతుల్లోనే అర్ధ శతకం బాదిన ఈ ఓపెనింగ్‌ బ్యాటర్‌.. ఆ తర్వాత గుజరాత్‌ టైటాన్స్‌తో మ్యాచ్‌లో 18 బంతుల్లో 31 పరుగులతో మెరిశాడు.విధ్వంసకర బ్యాటింగ్‌తాజాగా ముంబై ఇండియన్స్‌తో మంగళవారం నాటి మ్యాచ్‌లోనూ వైభవ్‌ సూర్యవంశీ విధ్వంసకర బ్యాటింగ్‌తో అలరించాడు. కేవలం 14 బంతుల్లోనే 39 పరుగులు సాధించాడు. ఇందులో ఓ ఫోర్‌, ఐదు సిక్సర్లు ఉన్నాయి. అయితే ఈ మ్యాచ్‌లో వైభవ్‌.. ముంబై స్టార్‌, టీమిండియా పేస్‌ దళ నాయకుడు జస్‌ప్రీత్‌ బుమ్రా బౌలింగ్‌లో రెండు సిక్సర్లు బాదడం హైలైట్‌గా నిలిచింది.The sheer audacity of Vaibhav Sooryavanshi 🫡🎥 The 1️⃣5️⃣ year old welcomes Jasprit Bumrah with a maximum! 👏#TATAIPL | #KhelBindaas | #RRvMI | @rajasthanroyals pic.twitter.com/cI0zqCXz0X— IndianPremierLeague (@IPL) April 7, 2026ప్రపంచస్థాయి బౌలర్‌ అయిన బుమ్రాను వైభవ్‌ ఎలా ఎదుర్కొంటాడోనని క్రికెట్‌ ప్రేమికులు ఎదురుచూడగా.. ఈ లెఫ్టాండర్‌ బ్యాటర్‌ తనదైన శైలిలో దుమ్మురేపాడు. ఇక ఈ మ్యాచ్‌లో రాజస్తాన్‌ ముంబైపై గెలిచి హ్యాట్రిక్‌ విజయం నమోదు చేసింది.ఈ గుండె గట్టిదిరా బుడ్డోడాఈ క్రమంలో ఇరుజట్ల ఆటగాళ్లు కరచాలనం చేసుకునే సమయంలో ముంబై కెప్టెన్‌, టీమిండియా స్టార్‌ హార్దిక్‌ పాండ్యా వైభవ్‌ను ప్రత్యేకంగా అభినందించాడు. అతడి భుజం తడుతూ.. గుండెపై చేయి వేసి.. ‘ఈ గుండె గట్టిదిరా బుడ్డోడా’ అన్నట్లుగా రియాక్షన్‌ ఇచ్చాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది.A hat-trick of wins and yet to be beaten! 🩷#RR light up Guwahati with a phenomenal 2️⃣7️⃣ run win over #MI to take the top spot on the points table 👏Scorecard ▶️ https://t.co/BCCaxRwjYg#TATAIPL | #KhelBindaas | #RRvMI | @rajasthanroyals pic.twitter.com/lLoKuuOZV4— IndianPremierLeague (@IPL) April 7, 2026 ఏ బౌలర్‌ బౌలింగ్‌లోనైనాఇక మ్యాచ్‌ అనంతరం హార్దిక్‌ పాండ్యా మాట్లాడుతూ వైభవ్‌ సూర్యవంశీపై ప్రశంసలు కురిపించాడు. ‘‘పదహారు, పదిహేడేళ్ల పిల్లాడు ఇలా ఆడుతూ ఉంటే చూడటానికి ఎంతో బాగుంది. రాజస్తాన్‌తో మ్యాచ్‌కు సన్నద్ధమయ్యే క్రమంలో మేము వైభవ్‌ గురించి చాలా సేపు చర్చించాము.అతడు అత్యద్భుతంగా బ్యాటింగ్‌ చేస్తున్నాడు. అతడికి అసలు భయమే లేదు. అందుకే ఏ బౌలర్‌ బౌలింగ్‌లోనైనా అలాంటి షాట్లు ఆడగలుగుతున్నాడు. అతడి భవిష్యత్తు బంగారం కావాలని నేను కోరుకుంటున్నాను’’ అని హార్దిక్‌ పాండ్యా వైభవ్‌కు ఆల్‌ ది బెస్ట్‌ చెప్పాడు.చదవండి: Yashasvi Jaiswal: ‘టార్గెట్‌ మూడు ఓవర్లే.. అందుకే ఈ విధ్వంసం’𝙂𝙖𝙢𝙚 𝙧𝙚𝙘𝙤𝙜𝙣𝙞𝙨𝙚𝙨 𝙜𝙖𝙢𝙚! 🤝🎥 #MI captain Hardik Pandya with some very kind words for the young Vaibhav Sooryavanshi 🩷#TATAIPL | #KhelBindaas | #RRvMI | @rajasthanroyals pic.twitter.com/t5Wg9LCtoV— IndianPremierLeague (@IPL) April 7, 2026

గువాహటి: ఐపీఎల్‌ 19వ సీజన్‌లో రాజస్తాన్‌ రాయల్స్‌ ‘హ్యాట్రిక్‌’ నమోదు చేసుకుంది. గత రెండు మ్యాచ్‌ల్లో విజయాలు సాధించిన రియాన్‌ పరాగ్‌ సారథ్యంలోని రాజస్తాన్‌ మంగళవారం జరిగిన మ్యాచ్‌లో 27 పరుగుల తేడాతో ఐదుసార్లు చాంపియన్‌ ముంబై ఇండియన్స్‌పై విజయం సాధించింది. భారీ వర్షం కారణంగా నిర్ణీత సమయం కంటే రెండున్నర గంటలు ఆసల్యంగా ప్రారంభమైన మ్యాచ్‌ను 11 ఓవర్లకు కుదించారు. టాస్‌ ఓడి మొదట బ్యాటింగ్‌కు దిగిన రాజస్తాన్‌ నిర్ణీత 11 ఓవర్లలో 3 వికెట్ల నష్టానికి 150 పరుగులు చేసింది. యశస్వి జైస్వాల్‌ (32 బంతుల్లో 77 నాటౌట్‌; 10 ఫోర్లు, 4 సిక్స్‌లు), వైభవ్‌ సూర్యవంశీ (14 బంతుల్లో 39; 1 ఫోర్, 5 సిక్స్‌లు) ఆకాశమే హద్దుగా చెలరేగారు. అనంతరం ముంబై తడబడింది. 11 ఓవర్లలో 9 వికెట్లకు 123 పరుగులు చేసి ఓడింది. రికెల్టన్‌ (8), రోహిత్‌ (5), సూర్యకుమార్‌ (6), తిలక్‌ (14), హార్దిక్‌ (9) విఫలమయ్యారు. దంచుడే... దంచుడు మ్యాచ్‌ను రాయల్స్‌ మెరుపులతో ఆరంభించింది. చహర్‌ వేసిన ఇన్నింగ్స్‌ తొలి ఓవర్‌లో జైస్వాల్‌ 4, 6, 4, 4, 4 కొట్టడంతో 22 పరుగులు రాగా... బుమ్రా వేసిన మరుసటి ఓవర్‌లో వైభవ్‌ రెండు సిక్స్‌లు బాదాడు. బౌల్ట్‌ వేసిన మూడో ఓవర్‌లో జైస్వాల్‌ రెండు, వైభవ్‌ ఒక సిక్స్‌ కొట్టడంతో మరోసారి 22 పరుగులు వచ్చాయి. దీంతో 3 ఓవర్లు ముగిసేసరికి రాజస్తాన్‌ 58 పరుగులు చేసింది. 4వ ఓవర్‌లో హార్దిక్‌ నాలుగు పరుగులే ఇవ్వగా... శార్దుల్‌ వేసిన ఐదో ఓవర్‌లో 6, 4, 6 కొట్టిన వైభవ్‌ మరో భారీ షాట్‌కు ప్రయత్నించి అవుటయ్యాడు. దీంతో 80 పరుగుల తొలి వికెట్‌ భాగస్వామ్యానికి తెరపడింది. ధ్రువ్‌ జురేల్‌ (2) విఫలం కాగా... కెప్టెన్ రియాన్‌ పరాగ్‌ (10 బంతుల్లో 20; 1 ఫోర్, 2 సిక్స్‌లు) ఉన్నంతసేపు ధాటిగా ఆడాడు.స్కోరు వివరాలు రాజస్తాన్‌ రాయల్స్‌ ఇన్నింగ్స్‌: జైస్వాల్‌ (నాటౌట్‌) 77; వైభవ్‌ (సి) తిలక్‌ (బి) శార్దుల్‌ 39; జురేల్‌ (ఎల్బీ) ఘజన్‌ఫర్‌ 2; పరాగ్‌ (సి) తిలక్‌ (బి) ఘజన్‌ఫర్‌ 20; హెట్‌మైర్‌ (నాటౌట్‌) 6; ఎక్స్‌ట్రాలు 6; మొత్తం (11 ఓవర్లలో 3 వికెట్లకు) 150. వికెట్ల పతనం: 1–80, 2–84, 3–121. బౌలింగ్‌: దీపక్‌ చహర్‌ 1–0–22–0; బుమ్రా 3–0–32–0; బౌల్ట్‌ 1–0–22–0; హార్దిక్‌ 2–0–17–0; శార్దుల్‌ 2–0– 36–1; ఘజన్‌ఫర్‌ 2–0–21–2. ముంబై ఇండియన్స్‌ ఇన్నింగ్స్‌: రికెల్టన్‌ (సి) జురేల్‌ (బి) ఆర్చర్‌ 8; రోహిత్‌ (సి) జురేల్‌ (బి) సందీప్‌ 5; సూర్యకుమార్‌ (సి) ఆర్చర్‌ (బి) బర్గర్‌ 6; తిలక్‌ (సి) హెట్‌మైర్‌ (బి) బిష్ణోయ్‌ 14; హార్దిక్‌ (సి) జైస్వాల్‌ (బి) బిష్ణోయ్‌ 9; నమన్‌ (సి) బిష్ణోయ్‌ (బి) బర్గర్‌ 25; రూథర్‌ఫోర్డ్‌ (సి) సందీప్‌ (బి) దేశ్‌పాండే 25; శార్దుల్‌ (సి) జురేల్‌ (బి) సందీప్‌ 8; దీపక్‌ (నాటౌట్‌) 5; బౌల్ట్‌ (రనౌట్‌) 1; బుమ్రా (నాటౌట్‌) 7; ఎక్స్‌ట్రాలు 11; మొత్తం (11 ఓవర్లలో 9 వికెట్లకు) 123. వికెట్ల పతనం: 1–10, 2–20, 3–22, 4–41, 5–46, 6–93, 7–103, 8–111, 9–116. బౌలింగ్‌: ఆర్చర్‌ 2–0–17–1; బర్గర్‌ 2–0–21–2; సందీప్‌ 3–0–26 –2; దేశ్‌పాండే 2–0–29–1; బిష్ణోయ్‌ 2–0–25–2.

రాజ‌స్తాన్ రాయల్స్‌ యువ సంచ‌ల‌నం వైభ‌వ్ సూర్య‌వంశీ.. టీమిండియా పేస్ గుర్రం జ‌స్ప్రీత్ బుమ్రాను సైతం వ‌ద‌ల్లేదు. ముంబై ఇండియ‌న్స్‌తో మ్యాచ్‌లో బుమ్రాను సూర్య‌వంశీ ఎలా ఎదుర్కొంటాడో అని అంతా ఆస‌క్తిగా ఎదురు చూశారు. కానీ వైభవ్ మాత్రం ఎలాంటి వణుకు బెణుకు లేకుండా బుమ్రాను ఉతికారేశాడు.రాజస్తాన్ ఇన్నింగ్స్‌లో బుమ్రా తను వేసిన తొలి బంతినే వైభవ్ అద్భుతమైన సిక్సర్‌గా మలిచాడు. ఆషాట్‌కు బుమ్రా సైతం ఫిదా అయిపోయాడు. బుమ్రా నవ్వుతూ తన ఎండ్‌ వైపు వెళ్లిపోయాడు. అదే ఓవర్‌లో నాలుగో బంతిని కూడా సూర్యవంశీ స్టాండ్స్‌కు పంపించాడు.The sheer audacity of Vaibhav Sooryavanshi 🫡🎥 The 1️⃣5️⃣ year old welcomes Jasprit Bumrah with a maximum! 👏#TATAIPL | #KhelBindaas | #RRvMI | @rajasthanroyals pic.twitter.com/cI0zqCXz0X— IndianPremierLeague (@IPL) April 7, 2026ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. నెటిజన్లు సూర్యవంశీపై ప్రశంసల వర్షం కురిపిస్తున్నారు. బుమ్రాకే చుక్కులు చూపించావు.. బుడ్డోడా నీవు గ్రేట్‌ అంటూ కొనియాడుతున్నారు. కాగా వైభవ్‌ ఈ మ్యాచ్‌లో కేవలం 14 బంతుల్లో 1 ఫోర్‌, 5 సిక్సర్లతో 39 పరుగులు చేశాడు.ఇక గౌహతి వేదికగా జరుగుతున్న ఈ మ్యాచ్‌ను వర్షం కారణంగా కేవలం 11 ఓవర్లకు కుదించారు. తొలుత బ్యాటింగ్‌ చేసిన రాజస్తాన్ నిర్ణీత ఓవర్లలో 3 వికెట్ల నష్టానికి ఏకంగా 150 పరుగులు చేసింది. వైభవ్‌తో పాటు యశస్వీ జైశ్వాల్ ముంబై బౌలర్లకు చుక్కలు చూపించాడు. జైశ్వాల్‌ కేవలం 32 బంతుల్లో 10 ఫోర్లు, 4 సిక్స్‌లతో 77 పరుగులు చేసి అజేయంగా నిలిచాడు. అతడితో పాటు వైభవ్‌ సూర్యవంశీ(14 బంతుల్లో 1 సిక్స్‌, 5 సిక్సర్లతో 39), రియాన్‌ పరాగ్‌(10 బంతుల్లో 1 ఫోర్లు, 2 సిక్స్‌లతో 20) మెరుపులు మెరిపించారు. ముంబై బౌలర్లలో ఘజన్‌ఫర్ రెండు, శార్థూల్ ఠాకూర్ ఓ వికెట్ సాధించాడు.చదవండి: ముంబై ఇండియ‌న్స్‌లోకి వైభ‌వ్ సూర్య‌వంశీ?Vaibhav ka jawaab nahi! 😍🔥Jasprit Bumrah par bhi Vaibhav Sooryavanshi pade bhaari! 💪Bhojpuri ka asli mazza sirf JioHotstar par dekhiye! 😍#TATAIPL 2026 | #RRvMI | LIVE NOW 👉 https://t.co/Dc4qz69QC4 pic.twitter.com/QcsrgoF9rG— Star Sports (@StarSportsIndia) April 7, 2026

వైభ‌వ్ సూర్య‌వంశీ.. విధ్వంస‌క‌ర బ్యాటింగ్‌కు పెట్టింది పేరు. ఐపీఎల్‌-2026 సీజ‌న్‌లోనూ వైభ‌వ్ త‌న భీక‌ర ఫామ్‌ను కొన‌సాగిస్తున్నాడు. 15 ఏళ్ల వైభ‌వ్ త‌న సంచ‌ల‌న బ్యాటింగ్‌తో వ‌ర‌ల్డ్‌క్లాస్ బౌల‌ర్ల‌ను సైతం వ‌ణికిస్తున్నాడు. చెన్నై సూపర్ కింగ్స్‌తో జరిగిన మ్యాచ్‌లో కేవలం 15 బంతుల్లోనే సూర్యవంశీ హాఫ్ సెంచరీ మార్క్‌ను అందుకున్నాడు.ఆ తర్వాత గుజరాత్ టైటాన్స్‌తో జరిగిన మ్యాచ్‌లో కూడా 31 పరుగులతో సత్తాచాటాడు. ఇప్పుడు మూడో మ్యాచ్‌లో జస్ప్రీత్ బుమ్రా, ట్రెంట్ బౌల్ట్, శాంట్నర్ వంటి పవర్‌ఫుల్ బౌలింగ్ ఎటాక్‌ను ఎదుర్కొనేందుకు వైభవ్ సిద్దమయ్యాడు.మంగళవారం రాజస్తాన్ రాయల్స్ గౌహతి వేదికగా ముంబై ఇండియన్స్‌తో తలపడనుంది. అయితే ఈమ్యాచ్‌కు ముందు బీసీసీఐ మాజీ సెలెక్టర్ జతిన్ పరాంజ్పే కీలక వ్యాఖ్యలు చేశాడు. వైభవ్ సూర్యవంశీ త్వరలోనే ముంబై ఇండియన్స్ తరపున ఆడే అవకాశముందని పరాంజ్పే జోస్యం చెప్పాడు."ఈ రోజు వైభవ్ సూర్యవంశీ తన భవిష్యత్తు జట్టుపైనే ఆడబోతున్నాడు. భవిష్యత్తులో ట్రేడింగ్ ద్వారా లేదా వేలంలో భారీ ధరకు వైభవ్‌ను ముంబై సొంతం చేసుకునే అవకాశం ఉందని" అని పరాంజ్పే ఎక్స్ వేదికగా పేర్కొన్నాడు. కాగా గౌహతి వేదికగా రాజస్తాన్-ముంబై మధ్య జరగాల్సిన మ్యాచ్‌కు వర్షం అంతరాయం కలిగించింది. దీంతో టాస్ కూడా ఇంకా పడలేదు.చదవండి: భారత జట్టు ప్రకటన.. వైభవ్‌ సూర్యవంశీకి నో ఛాన్స్‌!

ఐపీఎల్‌-2026 సీజ‌న్ త‌ర్వాత భార‌త అండ‌ర్‌-19, అండ‌ర్‌-25జ‌ట్లు రెడ్ బాల్ సిరీస్‌ల కోసం శ్రీలంక ప‌ర్య‌ట‌న‌కు వెళ్లనుంది. ఈ క్ర‌మంలో భార‌త క్రికెట్ బోర్డు కీల‌క నిర్ణ‌యం తీసుకుంది. యువ ఆట‌గాళ్ల‌లలో రెడ్ బాల్ స్కిల్స్‌ను వెలికితీసేందుకు బెంగ‌ళూరులోని సెంటర్ ఆఫ్ ఎక్సలెన్స్‌లో ఒక ప్ర‌త్యేక ట్రైనింగ్ క్యాంప్‌ను బీసీసీఐ ఏర్పాటు చేసింది.ఈ అండర్-25 హై-పెర్ఫార్మెన్స్ క్యాంప్ కోసం 25 మంది ఆటగాళ్లను బీసీసీఐ షార్ట్‌లిస్ట్ చేసింది. అయితే ఈ లిస్ట్‌లో యువ ఆట‌గాళ్లు వైభ‌వ్ సూర్య‌వంశీ, అయూశ్ మాత్రేల‌కు చోటు ద‌క్క‌లేదు. వీరిద్ద‌రూ ఐపీఎల్‌-2026లో బీజీగా ఉండ‌డంతో బోర్డు ప‌రిగ‌ణ‌లోకి తీసుకోలేదు. కానీ ప్ర‌ధాన జ‌ట్టులో మాత్రం వారు చోటు ద‌క్కించుకునే అవ‌కాశ‌ముంది.కాగా శ్రీలంక టూర్ కంటే ముందు బీసీసీఐ ఇంట్రా-సీఓఈ టోర్నమెంట్‌ను నిర్వహించనుంది. ఈ టోర్నమెంట్‌లో నాలుగు రోజుల రెడ్-బాల్ మ్యాచ్‌ల సిరీస్ జ‌ర‌గ‌నుంది. దేశ‌వ్యాప్తంగా 64 మంది యువ క్రికెటర్లు ఇందులో పాల్గొంటారు. వీరిని 4 జట్లుగా విభ‌జిస్తారు. ఒక్కో జ‌ట్టులో 16 మంది ఉంటారు.ఇందుకోసం సీకే నాయుడు ట్రోఫీ, అండర్-23 వన్డే టోర్నీల్లో రాణించిన 25 మందిని, రంజీ ట్రోఫీ, విజయ్ హజారే, సయ్యద్ ముస్తాక్ అలీ టోర్నీల్లో స‌త్తాచాటిన 25 మందిని ఎంపిక‌చేశారు. మిగిలిన 14 మందిలో అండ‌ర్‌-19 వ‌ర‌ల్డ్‌క‌ప్, ఐపీఎల్ స్టార్లు ఉన్నారు.ఈ ఇంట్రా-సీఓఈ టోర్నమెంట్‌లో రాణించిన వారికి 'ఇండియా ఎమర్జింగ్'(అండర్‌-25) ప్రధాన జ‌ట్టులో చోటు ద‌క్క‌నుంది. ఈ జ‌ట్టు శ్రీలంకలో పర్యటించి రెడ్-బాల్ మ్యాచ్‌లు ఆడనుంది. మొత్తం ఈ క్యాంప్ మొత్తం దిగ్గ‌జ క్రికెట‌ర్‌, బీసీసీఐ సెంట‌ర్ ఆఫ్ ఎక్స‌లెన్స్ హెడ్ వివిఎస్ లక్ష్మణ్ పర్య‌వేక్ష‌ణ‌లో జ‌ర‌గ‌నుంది.బీసీసీఐ అండర్-25 షార్ట్‌లిస్ట్ ప్లేయర్స్ వీరే:ఆయుష్ దోసేజా, యష్ ధుల్, మయాంక్ వర్మ, ఆయుష్ పాండే, శాశ్వత్ రావత్, మహేష్ పిథియా, రాజ్ లింబాని, ఆర్య దేశాయ్, సిద్ధార్థ్ దేశాయ్, అకిబ్ ఖాన్, కార్తీక్ యాదవ్, విద్యాధర్ పాటిల్, కె. హిమతేజ, భువనగిరి పున్నయ్య, పుఖ్రాజ్ మాన్, యశ్వర్ధన్ దలాల్, పార్థ్ వత్స్, ఈడెన్ ఆపిల్ టామ్, హిమాన్షు సింగ్, అమన్ మోఖాడే.చదవండి: David Warner Arrest: ఆస్ట్రేలియా దిగ్గజం డేవిడ్ వార్నర్‌ అరెస్టు

భారత క్రికెట్‌ వర్గాల్లో గత కొంతకాలంగా చర్చనీయాంశమైన పేరు వైభవ్‌ సూర్యవంశీ. గతేడాది రాజస్తాన్‌ రాయల్స్‌ తరఫున ఐపీఎల్‌లో అరంగేట్రం చేసిన ఈ చిచ్చర పిడుగు ఫాస్టెస్ట్‌ సెంచరీ (35 బంతుల్లో)తో ఓవర్‌నైట్‌ స్టార్‌గా మారిపోయాడు. కేవలం పద్నాలుగేళ్ల వయసులోనే ఈ ఘనత సాధించి.. సరికొత్త చరిత్ర సృష్టించాడు.ఫార్మాట్లకు అతీతంగాఇక భారత్‌ అండర్‌-19 క్రికెట్‌ జట్టు తరఫునా ఫార్మాట్లకు అతీతంగా వైభవ్‌ సూర్యవంశీ (Vaibhav Suryavanshi) అదరగొట్టాడు. అదే విధంగా వరల్డ్‌కప్‌ ఫైనల్లో విధ్వంసకర శతకం (80 బంతుల్లో 175)తో భారత్‌కు టైటిల్‌ అందించాడు. ఈ క్రమంలో భారీ అంచనాలతో ఐపీఎల్‌-2026 బరిలో దిగిన ఈ లెఫ్టాండర్‌ బ్యాటర్‌ తొలి మ్యాచ్‌లో భాగంగా చెన్నై సూపర్‌ కింగ్స్‌పై దంచికొట్టాడు.ఆది నుంచే దూకుడుకేవలం 15 బంతుల్లోనే అర్థ శతకం సాధించి సత్తా చాటాడు వైభవ్‌. ఇక గుజరాత్‌ టైటాన్స్‌తో మ్యాచ్‌లోనూ ఈ ఓపెనింగ్‌ బ్యాటర్‌ 18 బంతుల్లో 31 పరుగులతో అలరించాడు. ఈ క్రమంలో రాజస్తాన్‌ రాయల్స్‌ తమ మూడో మ్యాచ్‌లో భాగంగా మంగళవారం గువాహటిలో ముంబై ఇండియన్స్‌తో తలపడనుండగా.. వైభవ్‌ గురించి మరోసారి చర్చ మొదలైంది.వరల్డ్‌క్లాస్‌ బౌలర్‌, టీమిండియా పేస్‌దళ నాయకుడు జస్‌ప్రీత్‌ బుమ్రాను వైభవ్‌ ఎలా ఎదుర్కొంటాడోనన్నది ఆసక్తికరంగా మారింది. మరోవైపు.. ముంబై సైతం ఈ కుర్రాడి కోసం ప్రత్యేక ప్రణాళికలు రచించిందా? అన్న చర్చ నడుస్తోంది. ఈ నేపథ్యంలో ముంబై ఇండియన్స్‌ కోచ్‌ పారస్‌ మాంబ్రే కీలక వ్యాఖ్యలు చేశాడు.వైభవ్‌ గురించి తెలుసు‘‘ముందుగా ఒక విషయం స్పష్టం చేయాలనుకుంటున్నా. వైభవ్‌ కొత్త ఆటగాడేమీ కాదు. ఐపీఎల్‌లో అతడికి ఇది రెండో సంవత్సరం. కాబట్టి అతడు కొత్త కాదు. అయితే, అతడొక మంచి ప్లేయర్‌. అయినా అతడి కోసం మేమేమీ ప్రత్యేకంగా ప్రణాళికలు రచించడం లేదు. మిగతా వారిలాగే అతడు కూడా!’’ అని పారస్‌ మాంబ్రే కొట్టిపారేశాడు.అతడికి అంత సీన్‌ లేదుఇక రాజస్తాన్‌ రాయల్స్‌ స్పిన్నర్‌ రవి బిష్ణోయి గురించి ప్రస్తావన రాగా.. ‘‘రవి మిస్టరీ స్పిన్నర్‌గానే కొనసాగుతున్నాడని నేను నమ్మను. గత కొన్నేళ్లుగా అతడు ఎలా ఆడుతున్నాడో అందరికీ తెలుసు. ఆటగాళ్ల కెరీర్‌లో ఒడిదుడుకులు సహజం. ఒక్కోసారి బాగా ఆడతారు.. మరోసారి తేలిపోతారు. ఇప్పుడు ఫామ్‌లో ఉన్నంత మాత్రాన అతడి గురించి భయపడాల్సిందేమీ లేదు’’ అని పారస్‌ మాంబ్రే అతడిని తేలికగానే తీసుకుంటున్నట్లు తెలిపాడు.కాగా గుజరాత్‌ టైటాన్స్‌తో మ్యాచ్‌లో రవి బిష్ణోయి అదరగొట్టిన సంగతి తెలిసిందే. నాలుగు ఓవర్ల కోటాలో 41 పరుగులు ఇచ్చి నాలుగు వికెట్లు కూల్చాడు. సాయి సుదర్శన్‌ (73), గ్లెన్‌ ఫిలిప్స్‌ (3), వాషింగ్టన్‌ సుందర్‌ (4), రాహుల్‌ తెవాటియా (12) రూపంలో కీలక వికెట్లు తీసి రాజస్తాన్‌ విజయంలో కీలక పాత్ర పోషించాడు.చదవండి: BCCI: ‘అమ్మిన మోడల్‌ ఇది కాదు.. ఏటా రూ. 2400 కోట్ల నష్టం’

భార‌త యువ సంచ‌ల‌నం వైభ‌వ్ సూర్య‌వంశీ ఫార్మాట్‌తో సంబంధం లేకుండా దూసుకుపోతున్నాడు. అండ‌ర్‌-19 ప్రపంచ‌కప్ ఫైన‌ల్లో భారీ సెంచ‌రీతో స‌త్తాచాటి భార‌త్‌ను ఛాంపియ‌న్‌గా నిలిపిన వైభ‌వ్‌.. ఇప్పుడు అదే జోరును ఐపీఎల్‌నూ కొన‌సాగిస్తున్నాడు. ఐపీఎల్‌-2026లో భాగంగా చెన్నై సూపర్‌ కింగ్స్‌తో జ‌రిగిన మ్యాచ్‌లో 15 బంతుల్లోనే హాఫ్ సెంచరీ చేశాడు.అతిపిన్న వయసులో వేగవంతమైన అర్ధశతకం చేసిన బ్యాటర్‌గా నిలిచాడు. త‌ద్వారా ఐపీఎల్ చ‌రిత్ర‌లోనే అతిపిన్న వయసులో ఫాస్టెస్ట్ హాఫ్ సెంచ‌రీ చేసిన బ్యాటర్‌గా సూర్య‌వంశీ నిలిచాడు. ఇప్పుడు అదే దూకుడును శ‌నివారం గుజ‌రాత్ టైటాన్స్‌తో జ‌రిగే మ్యాచ్‌లో కొన‌సాగించాల‌ని వైభ‌వ్ భావిస్తున్నాడు.ఈ నేప‌థ్య‌లో సూర్య‌వంశీపై భార‌త దిగ్గ‌జ క్రికెట‌ర్ యువ‌రాజ్ సింగ్ ప్ర‌శంస‌ల వ‌ర్షం కురిపించాడు. వైభ‌వ్ ఒక అద్భుత‌మైన బ్యాట‌ర్ అని యువీ కొనియాడాడు."ఐపీఎల్‌ ఎంతో మంది యువ ఆట‌గాళ్ల‌ను క్రికెట్ ప్ర‌పంచానికి ప‌రిచయం చేసింది. ఇప్పుడు వైభ‌వ్ సూర్య‌వంశీ కూడా అక్క‌డ నుంచే వ‌చ్చాడు. అసాధ‌ర‌ణ ప్ర‌ద‌ర్శ‌న‌ క‌న‌బ‌రుస్తున్నాడు. అత‌డి బ్యాట్ స్పీడ్ అద్భుతం. నిజం చెప్పాలంటే వైభ‌వ్‌ బ్యాట్ స్పీడ్ నా కంటే మెరుగ్గా ఉంది.ఇంత వేగంగా బ్యాట్ తిప్పే ప్లేయర్లను నేను చాలా తక్కువ మందిని చూశాను. కేవ‌లం 15 ఏళ్ల వ‌య‌స్సులోనే అద్భుత‌మైన బ్యాటింగ్ స్కిల్స్ క‌లిగి ఉన్నాడు. వైభవ్‌కు మైదానం నలుమూలలా షాట్లు ఆడే స‌త్తా ఉంది. అత‌డు మరిన్ని మ్యాచ్‌లు ఆడేకొద్దీ, మరింత మెరుగైన బ్యాటర్‌గా ఎదుగుతాడు" అని స్పోర్ట్స్ టాక్‌కు ఇచ్చిన ఇంట‌ర్వ్యూలో యువీ పేర్కొన్నాడు. కాగా వైభవ్‌కు 15 ఏళ్లు నిండడంతో అంతర్జాతీయ క్రికెట్‌లో అడుగుపెట్టేందుకు అర్హత సాధించాడు.చదవండి: PSL 2026: ఐపీఎల్ పొమ్మంది.. కట్ చేస్తే! అక్క‌డ వ‌ర‌ల్డ్ రికార్డు

గుజరాత్‌ టైటాన్స్‌ స్టార్‌ బ్యాటర్‌ జోస్‌ బట్లర్‌.. రాజస్తాన్‌ రాయల్స్‌ సంచలనం వైభవ్ సూర్యవంశీపై ప్రశంసల వర్షం కురిపించాడు. రాబోయే దశాబ్దంలో వైభవ్ ప్రపంచ క్రికెట్‌ను శాసించే అవకాశముందని జోస్యం చెప్పాడు. 15 ఏళ్ల సూర్యవంశీ ఆటతీరుకు తాను ముగ్దుడినయ్యానని బట్లర్ పేర్కొన్నాడు. ఇవాళ గుజరాత్‌ టైటాన్స్‌, రాజస్తాన్‌ రాయల్స్‌ మధ్య మ్యాచ్‌ జరగనున్న నేపథ్యంలో బట్లర్‌ సూర్యవంశీతో సరదాగా సంభాషించిన వీడియోను రాజస్తాన్‌ యాజమాన్యం షేక్‌ చేసుకుంది. వీడియోలో బట్లర్ మాట్లాడుతూ.. ‘నేను చూసిన అత్యుత్తమ ఆటగాళ్లలో వైభవ్ ఒకడు. వైభవ్‌కు 21 లేదా 25 ఏళ్లు వచ్చేసరికి ప్రపంచం అతని పాదాల చెంత ఉంటుంది. అండర్-19 ప్రపంచకప్ ఫైనల్లో మీరు మా ఇంగ్లండ్ జట్టు హృదయాన్ని ముక్కలు చేశారు. హరారే వేదికగా జరిగిన ఫైనల్‌ మ్యాచ్‌లో నువ్వు ఆడిన 175 పరుగుల ప్రపంచ రికార్డు ఇన్నింగ్స్‌ ఇప్పటికీ నా కళ్ల ముందు కదలాడుతూనే ఉంది. ఆరోజు నువ్వు చాలా బాగా ఆడావు. నీ ఆట చాలా బాగుంది. ఇదే స్వేచ్ఛతో కష్టపడి ఆడే తత్వాన్ని కొనసాగించు. భవిష్యత్తులో నువ్వు గొప్ప క్రికెటర్‌ అవుతావు. అందులో ఎలాంటి సందేహం లేదు.’ వైభవ్‌ను పొగడ్తల్లో ముంచడంతో పాటు విలువైన సూచనలు కూడా ఇచ్చాడు. ఐపీఎల్ చరిత్రలోనే అత్యంత పిన్న వయసులో సెంచరీ చేసిన ఆటగాడిగా వైభవ్ సూర్యవంశీ రికార్డు సృష్టించాడు. ఈ సీజన్‌లో చెన్నై సూపర్ కింగ్స్‌తో జరిగిన మ్యాచ్‌లో కేవలం 17 బంతుల్లోనే 52 పరుగులు చేసి జట్టు విజయంలో కీలక పాత్ర పోషించాడు. మరోవైపు బట్లర్ పంజాబ్ కింగ్స్‌తో జరిగిన మ్యాచ్‌లో 33 బంతుల్లో 38 పరుగులు చేశాడు. ఐపీఎల్‌లో ఇప్పటివరకు 122 మ్యాచ్‌లు ఆడిన బట్లర్, దాదాపు 40 సగటుతో, 149 స్ట్రైక్ రేట్‌తో 4,158 పరుగులు చేశాడు. బట్లర్‌ ఫామ్‌పై విమర్శలు వస్తున్న వేళ ఒక్క ఇన్నింగ్స్‌తో వాటికి సమాధానం చెబుతాడేమో చూడాలి.Two generations of the Royals 💗🥹 pic.twitter.com/d8y76RbGaT— Rajasthan Royals (@rajasthanroyals) April 3, 2026చదవండి: పంజాబ్ సిక్సర్ల మోత వెనుక ర‌హ‌స్య‌మిదే!

ఐపీఎల్‌ 2026లో భాగంగా నిన్న (ఏప్రిల్‌ 1) జరిగిన మ్యాచ్‌లో లక్నో సూపర్‌ జెయింట్స్‌పై ఢిల్లీ క్యాపిటల్స్‌ 6 వికెట్ల తేడాతో ఘన విజయం సాధించిన విషయం తెలిసిందే. ఈ మ్యాచ్‌లో లక్నో కెప్టెన్‌ రిషబ్‌ పంత్‌ వ్యక్తిగతంగా, కెప్టెన్‌గా దారుణంగా నిరాశపరిచాడు. ఓపెనర్‌గా బరిలోకి దిగి 9 బంతుల్లో 7 పరుగులు మాత్రమే చేసి రనౌటయ్యాడు.అనంతరం స్వల్ప లక్ష్యాన్ని కాపాడుకునే క్రమంలో బౌలర్లు అద్భుతమైన బ్రేక్‌ ఇచ్చినా, పంత్‌ తన పేలవ నిర్ణయాలతో గెలిచే అవకాశమున్న మ్యాచ్‌ను జారవిడిచాడు. పంత్‌ వ్యక్తిగతంగా, కెప్టెన్‌గా విఫలం​ కావడంపై ఇంగ్లండ్‌ మాజీ కెప్టెన్‌ మైఖేల్‌ వాన్‌ ఘాటుగా స్పందించాడు. ఓ పక్క సలహాలు ఇస్తూనే, మరోపక్క తలంటాడు.వాన్‌ మాటల్లో.. పంత్‌కు ఉన్న ప్రతిభతో ఏ దేశ క్రికెట్‌ జట్టులోనైనా స్థానం సంపాదించగలడు. టీమిండియాలోనే కాస్త కష్టం. ఎందుకంటే, ప్రస్తుత భారత జట్టులో ఇషాన్‌ కిషన్‌, సంజూ శాంసన్‌, జితేష్‌ శర్మ లాంటి మెరికలు ఉన్నారు. వీరితో పోటీ పడి నెగ్గుకు రావడం పంత్‌కు అంత ఈజీ కాదు.పంత్‌ మరో నిరుత్సాహకరమైన ఐపీఎల్‌ సీజన్‌ను భరించలేడు. అతను బ్యాటింగ్‌, కెప్టెన్సీ రెండింటిలోనూ మెరుగుపడాలి. నేను అతని స్థానంలో ఉంటే వైభవ్‌ సూర్యవంశీని గమనించేవాడిని. వైభవ్‌ ఆడే తీరు పంత్‌ను గుర్తు చేస్తుంది. పంత్‌ కెరీర్‌ తొలినాళ్లలో చాలా ధైర్యంగా ఆడేవాడు. ఇప్పుడా ధైర్యం కనిపించడం లేదు.ముందుగా పంత్‌ తన మైండ్‌ సెట్‌ను మార్చుకోవాలి. ఏ స్థానంలో బ్యాటింగ్‌ చేసినా 40-45 బంతుల్లో సెంచరీ చేయగలననే ధీమాతో ఆడాలి.నెక్స్ట్‌ టాస్క్‌ ఎస్‌ఆర్‌హెచ్‌లక్నో సూపర్‌ జెయింట్స్‌కు నెక్స్ట్‌ టాస్క్‌ ఎస్‌ఆర్‌హెచ్‌. ఏప్రిల్‌ 5న హైదారాబాద్‌ వేదికగా జరిగే ఈ మ్యాచ్‌లోనైనా పంత్‌ ఫామ్‌లోకి రావాలి. లేని ప్రయోగాలకు పోకుండా తన రెగ్యులర్‌ బ్యాటింగ్‌ స్థానంలోనే బరిలోకి దిగాలి. కెప్టెన్సీలోనూ చాలా మెరుగుపడాలి. ఒకవేళ తొలి మ్యాచ్‌ ప్రదర్శనే ఆ మ్యాచ్‌లో కూడా కొనసాగితే, పంత్‌కు కష్టాలు తప్పవు.వైభవ్‌ సూర్యవంశీ విషయానికొస్తే.. ఈ రాజస్థాన్‌ రాయల్స్‌ చిచ్చరపిడుగు తమ తొలి మ్యాచ్‌లోనే ఉగ్రరూపం ప్రదర్శించాడు. సీఎస్‌కేపై 15 బంతుల్లోనే అర్ద సెంచరీ చేసి తన జట్టును గెలిపించాడు.

భారత యువ క్రికెటర్‌ వైభవ్‌ సూర్యవంశీపై ప్రశంసల వర్షం కురుస్తోంది. ఇటు ఐపీఎల్‌.. అటు భారత అండర్‌-19 జట్టు తరఫున ఈ చిచ్చరపిడుగు విధ్వంసకర బ్యాటింగ్‌తో సంచలనాలు సృష్టిస్తున్న సంగతి తెలిసిందే. గతేడాది రాజస్తాన్‌ రాయల్స్‌ తరఫున ఐపీఎల్‌లో అరంగేట్రం చేసిన వైభవ్‌.. గుజరాత్‌ టైటాన్స్‌తో మ్యాచ్‌ సందర్భంగా ఫాస్టెస్ట్‌ సెంచరీ నమోదు చేశాడు.ఐపీఎల్‌లో ఫాస్టెస్ట్‌ సెంచరీకేవలం 35 బంతుల్లోనే శతక్కట్టిన వైభవ్‌ సరికొత్త చరిత్ర సృష్టించాడు. అత్యంత పిన్న వయసులోనే ఐపీఎల్‌లో ఫాస్టెస్ట్‌ సెంచరీ నమోదు చేసిన ఆటగాడిగా రికార్డు సాధించాడు. అప్పటికి వైభవ్‌ వయసు పద్నాలుగు సంవత్సరాలు మాత్రమే. ఇక భారత్‌ అండర్‌-19 వరల్డ్‌కప్‌ గెలవడంలోనూ వైభవ్‌ కీలక పాత్ర పోషించాడు. ఇంగ్లండ్‌తో ఫైనల్లో 80 బంతుల్లోనే 175 పరుగులతో దుమ్ములేపాడు.ఇదే జోరు కొనసాగిస్తూ ఐపీఎల్‌-2026లోనూ వైభవ్‌ సూర్యవంశీ (Vaibhav Suryavanshi) శుభారంభం అందుకున్నాడు. ఇటీవలే పదిహేనో వసంతంలో అడుగుపెట్టిన ఈ రాజస్తాన్‌ స్టార్‌.. చెన్నై సూపర్‌ కింగ్స్‌తో మ్యాచ్‌లో కేవలం 17 బంతుల్లోనే 52 పరుగులతో విధ్వంసం సృష్టించాడు.టీమిండియాకు ఎంపిక చేయాలనే డిమాండ్లుఈ నేపథ్యంలో వైభవ్‌ సూర్యవంశీని టీమిండియాకు ఎంపిక చేయాలనే డిమాండ్లు పెరుగుతున్నాయి. ఐపీఎల్‌ తాజా ఎడిషన్‌ ముగిసిన తర్వాత భారత జట్టు ఇంగ్లండ్‌ పర్యటనకు వెళ్లనున్న నేపథ్యంలో.. ఇంగ్లండ్‌ మాజీ కెప్టెన్‌ మైకేల్‌ వాన్‌ ఈ లెఫ్టాండర్‌ బ్యాటర్‌ను ఈ టూర్‌కు పంపాలని బీసీసీఐకి విజ్ఞప్తి చేశాడు.టీమిండియాలోకి వచ్చేస్తాడుఇప్పుడు ఈ జాబితాలో పాకిస్తాన్‌ మాజీ క్రికెటర్లు కమ్రాన్‌ అక్మల్‌, బసిత్‌ అలీ కూడా చేరారు. గేమ్‌ ప్లాన్‌ షోలో అక్మల్‌ మాట్లాడుతూ.. ‘‘ఇప్పటికి కేవలం 8 ఐపీఎల్‌ మ్యాచ్‌లు ఆడిన ఈ పిల్లాడు రికార్డుల మీద రికార్డులు సృష్టిస్తున్నాడు. త్వరలోనే అతడు టీమిండియా తరఫున అంతర్జాతీయ క్రికెట్లో అడుగుపెట్టే అవకాశం కనిపిస్తోంది.ఐపీఎల్‌ ముగిసిన తర్వాత భారత జాతీయ జట్టు ఆడే సిరీస్‌ల సందర్భంగా అతడు టీమ్‌లోకి రావొచ్చు. అదే జరిగితే అంతర్జాతీయ టీ20లలో అరంగేట్రం చేసిన పిన్న వయస్కుడిగా నిలుస్తాడు. ఇదే ఫామ్‌ను కొనసాగిస్తే తప్పకుండా అతడు టీమిండియాలోకి వచ్చేస్తాడు’’ అని అంచనా వేశాడు.నాకు భయం వేస్తోందిమరోవైపు బసిత్‌ అలీ మాట్లాడుతూ.. ‘‘ఆట పట్ల అతడికి పూర్తి అవగాహన ఉంది. చిన్న వయసులోనే ఎంతో పరిణతి సాధించాడు. చెన్నైతో మ్యాచ్‌లో రాజస్తాన్‌ 128 పరుగులు చేధించాల్సి రావడం పెద్ద విషయం కాదు. అయితే, 15 బంతుల్లోనే వైభవ్‌ 50 పరుగులు చేయడం చర్చనీయాంశం.అతడి తండ్రి ఎంతగానో గర్వపడుతూ ఉంటాడు. కోచ్‌లు, క్రికెట్‌ క్లబ్‌ స్నేహితులు సంతోషిస్తూ ఉంటారు. ఇప్పుడే ఇలా ఉంటే.. అతడు పాతికేళ్ల వయసులోకి వస్తే బౌలర్ల పరిస్థితి ఏమిటోనన్న విషయం తలచుకుంటేనే నాకు భయం వేస్తోంది. ఈ పిల్లాడు అందరిపైనా ఆధిపత్యం చెలాయించగలడు’’ అంటూ వైభవ్‌ సూర్యవంశీని ఆకాశానికెత్తాడు.చదవండి: IPL 2026: పాపం అర్జున్ టెండూల్క‌ర్‌.. జ‌ట్టు మారినా?

భార‌త పురుష‌ల క్రికెట్ జ‌ట్టు ఈ ఏడాది జూలైలో జింబాబ్వే ప‌ర్య‌ట‌న‌కు వెళ్ల‌నుంది. ఈ టూర్‌లో భాగంగా ఆతిథ్య జ‌ట్టుతో టీమిండియా మూడు టీ20ల సిరీస్‌లో త‌ల‌ప‌డ‌నుంది. ఇందుకు సంబంధించిన షెడ్యూల్‌ను జింబాబ్వే క్రికెట్ బోర్డు బుధ‌వారం విడుదల చేసింది. ఈ సిరీస్ జూలై 23న ప్రారంభమై జూలై 26తో ముగిస్తుంది.అన్ని మ్యాచ్‌లు హరారే వేదికగా జింబాబ్వే వేదికగానే జరగనున్నాయి.భారత్‌, జింబాబ్వే మధ్య ద్వైపాక్షిక సిరీస్ జరగనుండడం 2024 తర్వాత ఇదే తొలిసారి. అయితే అంత‌కంటే ముందు భార‌త జ‌ట్టు.. ఇంగ్లండ్‌, ఐర్లాండ్‌, అఫ్గానిస్తాన్‌ల‌తో వైట్‌బాల్ సిరీస్‌ల‌లో త‌ల‌ప‌డ‌నుంది. అంతేకాకుండా జింబాబ్వే ప‌ర్య‌ట‌న ముగిసిన వెంట‌నే టీమిండియా శ్రీలంక‌తో రెండు మ్యాచ్‌ల టెస్టు సిరీస్‌లో త‌ల‌ప‌డ‌నుంది.అయితే ఈ వరుస సిరీస్‌ల నేపథ్యంలో ఐర్లాండ్‌, జింబాబ్వే టూర్‌ల‌కు సీనియర్ ఆటగాళ్లకు విశ్రాంతి ఇచ్చే అవ‌కాశ‌ముంది. ఈ సిరీస్‌లో వైభ‌వ్ సూర్యవంశీ, అయూశ్ మాత్రే వంటి యువ ఆట‌గాళ్ల‌కు చోటు ద‌క్కేందుకు అస్కారం ముంది. ఐపీఎల్‌-2026లో అద్భుత‌మైన ప్ర‌ద‌ర్శ‌న క‌న‌బ‌రిచే యంగ్ క్రికెట‌ర్ల‌ను కూడా సెలెక్ట‌ర్లు ప‌రిగణ‌లోకి తీసుకునే ఛాన్స్ ఉంది. ఏదేమైన‌ప్ప‌టికి 15 ఏళ్ల వైభ‌వ్ సూర్య‌వంశీకి మాత్రం భార‌త సీనియ‌ర్ జ‌ట్టు త‌ర‌పున పిలుపు రావ‌డం దాదాపు ఖాయ‌మ‌న్పిస్తోంది.కెప్టెన్‌గా శ్రేయ‌స్ అయ్య‌ర్‌?మ‌రోవైపు గ‌త కొంత‌కాలంగా కేవ‌లం వ‌న్డేల‌కు మాత్ర‌మే ప‌రిమిత‌మైన శ్రేయ‌స్ అయ్య‌ర్ తిరిగి టీ20 జ‌ట్టులోకి వ‌చ్చే సూచ‌న‌లు క‌న్పిస్తున్నాయి. ఇంగ్లండ్ టూర్ ముగిసిన త‌ర్వాత టీమిండియా టీ20 రెగ్యుల‌ర్ కెప్టెన్ సూర్య‌కుమార్ యాద‌వ్ తిరిగి స్వ‌దేశానికి వ‌చ్చే అవ‌కాశ‌ముంది. సూర్య ప్ర‌స్తుతం స్వ‌ల్ప గ‌జ్జ గాయంతో బాధ‌ప‌డుతున్నాడు. దీంతో అత‌డికి ముఖ్య‌మైన సిరీస్‌లోనే అత‌డిని ఆడించాల‌ని బీసీసీఐ సెల‌క్ష‌న్ క‌మిటీ భావిస్తుందంట‌. ఈ క్ర‌మంలో ఐర్లాండ్ లేదా జింబాబ్వే టూర్‌లో భార‌త జ‌ట్టు ప‌గ్గాల‌ను శ్రేయ‌స్ చేప‌ట్టే అవ‌కాశ‌ముంద‌ని క్రికెట్ పండితులు అభిప్రాయ‌ప‌డుతున్నారు. శ్రేయ‌స్ చివ‌ర‌గా రెండేళ్ల కింద‌ట టీమిండియా త‌ర‌పున టీ20ల్లో ఆడాడు. లక్నో స్పీడ్ స్టార్ యయాంక్ యాదవ్‌ను కూడా తిరిగి టీ20 జట్టులోకి తీసుకోవాలని అజిత్ అగార్క‌ర్ నేతృత్వంలోని సెలక్షన్ కమిటీ భావిస్తుందంట.చదవండి: రిటైర్మెంట్‌ ప్రకటించిన ఇంగ్లండ్‌ లెజెండ్‌

భారత యువ సంచలనం, రాజస్తాన్‌ రాయల్స్‌ స్టార్‌ వైభవ్‌ సూర్యవంశీ ఐపీఎల్‌-2026 టోర్నీని ఘనంగా ఆరంభించాడు. చెన్నై సూపర్‌ కింగ్స్‌తో సోమవారం నాటి మ్యాచ్‌లో ఈ ఓపెనింగ్‌ బ్యాటర్‌ దుమ్మురేపాడు. మెరుపు అర్ధ శతకం బాది శెభాష్‌ అనిపించుకున్నాడు.ప్రశంసల వర్షంగువాహటి వేదికగా కేవలం 17 బంతుల్లోనే 52 పరుగులు సాధించాడు వైభవ్‌ సూర్యవంశీ (Vaibhav Suryavanshi). అతడి విధ్వంసకర ఇన్నింగ్స్‌లో నాలుగు ఫోర్లు, ఐదు సిక్సర్లు ఉన్నాయి. ఇక వైభవ్‌ ధనాధన్‌ ఇన్నింగ్స్‌ కారణంగా రాజస్తాన్‌ చెన్నైపై అలవోక విజయం సాధించింది. 128 పరుగుల నామమాత్రపు లక్ష్యాన్ని కేవలం 12.1 ఓవర్లలో రెండు వికెట్లు మాత్రమే కోల్పోయి ఛేదించింది.ఈ నేపథ్యంలో వైభవ్‌ సూర్యవంశీపై ప్రశంసల వర్షం కురుస్తోంది. ఇక ఇంగ్లండ్‌ మాజీ కెప్టెన్‌ మైకేల్‌ వాన్‌ అయితే ఓ అడుగు ముందుకేసి.. వైభవ్‌ను వెంటనే టీమిండియాకు ఎంపిక చేయాలనే ప్రతిపాదన తెచ్చాడు. క్రిక్‌బజ్‌ షోలో మాట్లాడుతూ..నేనే గనుక సెలక్టర్‌ అయి ఉంటే‘‘అతడు ఎప్పుడు టీమిండియా తరఫున అరంగేట్రం చేస్తాడు? అని నేనెంతో ఆతురతగా ఎదురుచూస్తున్నాను. ఇది కాస్త తొందరపాటే అని అనిపించవచ్చు. ఐపీఎల్‌ తాజా ఎడిషన్‌లో అతడికి ఇదే తొలి ఇన్నింగ్స్‌. ఏదేమైనా కొన్ని నెలల తర్వాత టీమిండియా ఇంగ్లండ్‌ పర్యటనకు వెళ్లాల్సి ఉంది.ఒకవేళ నేనే గనుక సెలక్టర్‌ అయి ఉంటే వైభవ్‌ను ఈ టూర్‌కు కచ్చితంగా ఎంపిక చేస్తా. ప్రస్తుతానికి అతడికి జట్టులో చేరాల్సిన అవసరం లేకపోవచ్చు. కానీ జట్టుకు అతడి అవసరం ఉంటుందేమో!.. పదిహేనేళ్ల పిల్లాడిని టూర్‌కు అనుమతిస్తారా? అంటే నేనేమీ చెప్పలేను.కానీ అతడు ఇప్పటికే ఆటగాడిగా పరిణతి సాధించాడు. టీమిండియా తరఫున కూడా కచ్చితంగా సత్తా చాటగలడు’’ అని మైకేల్‌ వాన్‌ పేర్కొన్నాడు. వీలైనంత త్వరగా వైభవ్‌ను జాతీయ జట్టుకు ఎంపిక చేయాలని భారత క్రికెట్‌ నియంత్రణ మండలి (BCCI)కి సూచించాడు.చదవండి: Ravindra Jadeja: రంగుమారిన మరుక్షణం మాట మార్చాడు!

ఐపీఎల్ 2026 సీజన్‌లో రాజస్తాన్ రాయల్స్ శుభారంభం చేసింది. సోమవారం చెన్నై సూపర్‌కింగ్స్‌తో జరిగిన మ్యాచ్‌లో రాజస్తాన్ 8 వికెట్ల తేడాతో విజయం సాధించింది. లోస్కోరింగ్ మ్యాచ్ అయినప్పటికీ రాజస్తాన్ ఓపెనర్ వైభవ్ సూర్యవంశీ తన విధ్వంసకర ఆటతీరుతో అభిమానుల్లో జోష్ నింపాడు. 15 బంతుల్లోనే హాఫ్ సెంచరీ మార్క్ అందుకున్న సూర్యవంశీ సీఎస్‌కేతో మ్యాచ్ ముగిసిన అనంతరం దూకుడైన బ్యాటింగ్ వెనుక ఉన్న రహస్యాన్ని పంచుకున్నాడు. వైభవ్ సూర్యవంశీ మాట్లాడుతూ..‘ నా బర్త్ డే సెలబ్రేషన్స్ గురించి పెద్దగా పట్టించుకోలేదు. అయితే కేక్ కటింగ్ నుంచి తప్పించుకోవడానికి త్వరగా నిద్రపోయాను. ఇక సీఎస్‌కేతో మ్యాచ్ విషయానికొస్తే పవర్ ప్లేలో దూకుడుగా ఆడాలనే లక్ష్యంతో బరిలోకి దిగాను. అయితే మొదట్లో బ్యాటింగ్ కాస్త కష్టమనిపించింది. కానీ బంతి పాతబడేకొద్దీ నా పని సులువయింది. డిఫెన్స్ గురించి ఆలోచిస్తాను కానీ సీఎస్‌కే విధించిన లక్ష్యం చిన్నది కావడంతో పవర్ ప్లేలో వీలైనంత స్కోర్ చేయాలని భావించాం. ఒకవేళ స్కోర్ ఎక్కువగా ఉండి ప్రత్యర్థి బౌలర్లు మమ్మల్ని కట్టడి చేసి ఉంటే పరిస్థితి ప్రమాదకరంగా మారి ఉండేది. కానీ నేను ఎక్కడా ఆ అవకాశం తీసుకోలేదు. మా కోచ్‌లు కూడా ప్రతి బౌలర్‌పైనా అటాకింగ్ గేమ్ ఆడమని చెప్పారు. నేను వాళ్ల మాటలను తూచా తప్పకుండా పాటించాను. ఇక ప్రతీ బంతి తర్వాత జైస్వాల్‌తో మాట్లాడుతూనే వచ్చాను. అతను ఎక్కువగా సింగిల్స్ తీసి నాకు స్ట్రైకింగ్ ఇచ్చి ప్రోత్సహించడంతో స్వేచ్ఛగా భారీ షాట్లు ఆడగలిగాను’ అని చెప్పుకొచ్చాడు. మ్యాచ్‌లో రాజస్తాన్‌ రాయల్స్‌ 8 వికెట్ల తేడాతో చెన్నై సూపర్‌కింగ్స్‌పై విజయం సాధించింది.చదవండి: ఒక్క ఇన్నింగ్స్‌తో న‌లుగురికి చెక్‌!

ఐపీఎల్ 2026 సీజన్‌లో వైభవ్ సూర్యవంశీ తన ఆట మొదలుపెట్టేశాడు. అండర్‌-19 టీ20 ప్రపంచకప్ ఫామ్‌ను కంటిన్యూ చేసిన సూర్యవంశీ ఐపీఎల్ 19వ సీజన్‌లో రాజ‌స్తాన్ రాయ‌ల్స్ త‌ర‌ఫున తన తొలి మ్యాచ్‌లోనే ఫాస్టెస్ట్ అర్థసెంచరీ సాధించాడు. తద్వారా ఒక్క ఇన్నింగ్స్‌తో న‌లుగురి రికార్డుల‌కు చెక్ పెట్టాడు ఈ బీహార్ చిన్నోడు. మ్యాచ్‌లో 15 బంతుల్లోనే అర్థ‌సెంచ‌రీ సాధించిన సూర్య‌వంశీ 17 బంతుల్లో 52 ప‌రుగులు చేసి ఔట‌య్యాడు. ఈ నేప‌థ్యంలో గ‌త ఐపీఎల్ సీజ‌న్ల‌లో 16 బంతుల్లో అర్థ‌సెంచ‌రీలు సాధించిన సురేశ్ రైనా, అభిషేక్ శ‌ర్మ‌, ఇషాన్ కిష‌న్‌, ట్రావిస్ హెడ్‌ల రికార్డులు క‌నుమ‌రుగ‌య్యాయి. చెన్నై విధించిన టార్గెట్ చిన్న‌ది కావడంతో చ‌ప్ప‌గా సాగుతున్నమ్యాచ్‌ను సూర్య‌వంశీ త‌న ఇన్నింగ్స్‌తో అభిమానుల్లో జోష్ నింపాడు. అంతేకాదు ఐపీఎల్‌లో రాజ‌స్తాన్ రాయ‌ల్స్ త‌ర‌ఫున త‌క్కువ బంతుల్లో ఫిఫ్టీ మార్క్ సాధించిన జాబితాలో రెండు సూర్య‌వంశీ పేరిటే ఉండ‌డం విశేషం. 2025లో గుజ‌రాత్ టైటాన్స్‌తో మ్యాచ్‌లో 17 బంతుల్లో అర్థ‌సెంచ‌రీ మార్క్ అందుకున్న వైభ‌వ్‌.. తాజాగా సీఎస్‌కేపై 15 బంతుల్లోనే ఫిఫ్టీ మార్క్ అందుకొని త‌న రికార్డును తానే స‌వ‌రించుకున్నాడు. కాగా 2023లో కేకేఆర్‌తో మ్యాచ్‌లో 13 బంతుల్లోనే అర్థ‌శ‌త‌కం సాధించిన జైస్వాల్ రికార్డు ఇప్ప‌టికీ చెక్కుచెద‌ర‌కుండా ఉంది. 2018లో జాస్ బ‌ట్ల‌ర్‌ ఢిల్లీ క్యాపిట‌ల్స్‌పై 18 బంతుల్లో అర్థశ‌త‌కం సాధించాడు. అంతేకాదు లోస్కోరింగ్ మ్యాచ్ అయిన‌ప్ప‌టికీ మ‌రికొన్ని రికార్డులు కూడా మ్యాచ్‌లో న‌మోద‌య్యాయి. First ball of IPL 2025: SIX 😮‍💨Second ball of IPL 2026: SIX 😮‍💨pic.twitter.com/oJjCeUhf5p— Rajasthan Royals (@rajasthanroyals) March 30, 2026మ్యాచ్‌లో నమోదైన రికార్డులు..ఐపీఎల్‌లో సీఎస్‌కేపై అత్య‌ధిక విజ‌యాలు న‌మోదు చేసిన జ‌ట్ల‌లో రాజ‌స్తాన్ రెండో స్థానానికి చేరుకుంది. పంజాబ్ కింగ్స్‌తో క‌లిసి సంయుక్తంగా ఉన్న రాజ‌స్తాన్ సీఎస్‌కేపై తాజా దానితో క‌లిపి 16 విజ‌యాలు న‌మోదు చేసింది. తొలి స్థానంలో ముంబై (21 విజ‌యాలు) ఉంది. 13 విజ‌యాల‌తో ఆర్సీబీ మూడో స్థానంలో, 12 విజ‌యాల‌తో ఢిల్లీ క్యాపిట‌ల్స్ నాలుగో స్థానంలో, 11 విజ‌యాల‌తో కేకేఆర్ ఐదో స్థానంలో ఉన్నాయి.2020 నుంచి చూసుకుంటే సీఎస్‌కేతో ఆడిన 11 మ్యాచ్‌ల్లో రాజ‌స్తాన్ రాయ‌ల్స్ 9 విజయాలు సాధించి స్ప‌ష్ట‌మైన ఆధిక్యంలో నిలవ‌డం విశేషం.ఐపీఎల్‌లో 120 ప్ల‌స్ స్కోర్ల‌ను అత్యంత త‌క్కువ ఓవ‌ర్ల‌లో ఛేదించిన నాలుగో జ‌ట్టుగా రాజ‌స్తాన్ నిలిచింది. గ‌తంలో ఎస్ఆర్‌హెచ్ (9.4 ఓవ‌ర్ల‌లో), పంజాబ్ కింగ్స్ (11.1 ఓవ‌ర్లలో), డెక్క‌న్ చార్జ‌ర్స్ (12 ఓవ‌ర్ల‌లో) తొలి మూడు స్థానాల్లో ఉన్నాయి.చదవండి: రాయల్స్‌ రాజసం

ఐపీఎల్‌లో గత ఏడాది రాజస్తాన్, చెన్నై జట్లు చివరి రెండు స్థానాల్లో నిలిచాయి. తాజా సీజన్‌లో పలు మార్పులతో కొత్తగా మొదలు పెట్టేందుకు ఇరు జట్లు సన్నద్ధమయ్యాయి. ఈ పోరులో చివరకు రాజస్తాన్‌దే పైచేయి అయింది. బౌలింగ్‌లో సమష్టి ప్రదర్శనతో చెన్నైని స్వల్ప స్కోరుకే పరిమితం చేసిన రాయల్స్‌ ఆ తర్వాత మరో 47 బంతులు మిగిలి ఉండగానే అలవోకగా లక్ష్యాన్ని ఛేదించింది. 15 ఏళ్ల వైభవ్‌ సూర్యవంశీ 15 బంతుల్లోనే అర్ధ సెంచరీ బాది మరో సీజన్‌ను ఘనంగా మొదలు పెట్టడం విశేషం. గువాహటి: ఐపీఎల్‌లో రెండు భారీ స్కోర్ల మ్యాచ్‌ల తర్వాత మూడో మ్యాచ్‌లో బౌలర్ల ప్రభావం కనిపించింది. సోమవారం జరిగిన మ్యాచ్‌లో రాజస్తాన్‌ రాయల్స్‌ 8 వికెట్ల తేడాతో చెన్నై సూపర్‌ కింగ్స్‌పై ఘనవిజయం సాధించింది. టాస్‌ ఓడి ముందుగా బ్యాటింగ్‌కు దిగిన చెన్నై 19.4 ఓవర్లలో 127 పరుగులకే కుప్పకూలింది. పవర్‌ప్లేలోనే 4 వికెట్లు కోల్పోయిన టీమ్‌ ఒకదశలో 82/8 వద్ద నిలిచింది. అయితే జేమీ ఒవర్టన్‌ (36 బంతుల్లో 43; 2 ఫోర్లు, 2 సిక్స్‌) జట్టు స్కోరును 100 దాటించాడు. అనంతరం రాజస్తాన్‌ 12.1 ఓవర్లలో 2 వికెట్లకు 128 పరుగులు చేసి గెలిచింది. వైభవ్‌ సూర్యవంశీ (17 బంతుల్లో 52; 4 ఫోర్లు, 5 సిక్స్‌లు) చెలరేగడంతో రాయల్స్‌ గెలుపు లాంఛనంగా మారిపోయింది. యశస్వి జైస్వాల్‌ (36 బంతుల్లో 38 నాటౌట్‌; 3 ఫోర్లు, 1 సిక్స్‌) కీలక ఇన్నింగ్స్‌ ఆడాడు. రెండు కీలక వికెట్లు తీసిన బర్గర్‌కు ‘ప్లేయర్‌ ఆఫ్‌ ద మ్యాచ్‌’ అవార్డు లభించింది. వరల్డ్‌ కప్‌ స్టార్లు విఫలం... భారత్‌కు టి20 ప్రపంచ కప్‌ అందించిన జోష్‌లో ఉన్న సంజు సామ్సన్‌కు ఐపీఎల్‌ కొత్త జట్టుతో సరైన ఆరంభం లభించలేదు. 11 సీజన్ల పాటు రాజస్తాన్‌కు ప్రాతినిధ్యం వహించిన సామ్సన్‌ ఇప్పుడు తొలిసారి చెన్నై తరఫున తన పాత జట్టుపై ప్రత్యరి్థగా బరిలోకి దిగాడు. అయితే బర్గర్‌ అద్భుత బంతికి సామ్సన్‌ (6) బౌల్డ్‌ కాగా, మరో వరల్డ్‌ కప్‌ విజేత శివమ్‌ దూబే (6) ఆట ఒక సిక్స్‌కే ముగిసింది. ఈ ఏడాది భారత్‌కు కెప్టెన్‌గా అండర్‌–19 వరల్డ్‌ కప్‌ అందించిన ఆయుశ్‌ మాత్రే (0) తొలి బంతికే అవుటయ్యాడు. గత రెండు సీజన్లు ఐపీఎల్‌లో ఆడే అవకాశం రాని సర్ఫరాజ్‌ ఖాన్‌ (12 బంతుల్లో 17; 2 ఫోర్లు, 1 సిక్స్‌) ఇప్పుడు బరిలోకి దిగినా అంతగా ఆకట్టుకోలేకపోయాడు. కార్తీక్‌ శర్మ అరంగేట్రం... ఐపీఎల్‌ వేలంలో రూ.14.20 కోట్లకు అమ్ముడుపోయి అందరి దృష్టినీ ఆకర్షించిన 20 ఏళ్ల కార్తీక్‌ శర్మకు చెన్నై తొలి మ్యాచ్‌లో అవకాశం కలి్పంచింది. అయితే కార్తీక్‌ (15 బంతుల్లో 18; 1 సిక్స్‌) కూడా ఆశించిన స్థాయిలో ఆడలేకపోయాడు. చెన్నై టీమ్‌లోనే ఉన్న మరో రూ.14.20 కోట్ల ప్లేయర్‌ ప్రశాంత్‌ వీర్‌కు మ్యాచ్‌ చాన్స్‌ లభించలేదు. మరోవైపు బెంగాల్‌ ప్రొ టి20 లీగ్‌ ద్వారా వెలుగులోకి వచ్చిన పేసర్‌ బ్రిజేశ్‌ శర్మతో రాజస్తాన్‌ ఐపీఎల్‌లో అరంగేట్రం చేయించింది. ఏ స్థాయిలోనైనా ప్రొఫెషనల్‌ క్రికెట్‌లో అతనికి ఇదే తొలి మ్యాచ్‌. 277 మ్యాచ్‌ల అనంతరం... చెన్నై జట్టుకు కర్త, కర్మ, క్రియవంటి ధోని మాత్రమే కాకుండా సురేశ్‌ రైనాకు కూడా ప్రత్యేక అనుబంధం ఉంది. ధోని, రైనాలు రామలక్ష్మణుల్లా సుదీర్ఘ కాలం ఆ జట్టును నడిపించారు. అయితే ధోని, రైనాలలో ఏ ఒక్కరు కూడా తుది జట్టులో లేకుండా 277 మ్యాచ్‌ల తర్వాత చెన్నై టీమ్‌ బరిలోకి దిగడం (చాంపియన్స్‌ లీగ్‌తో కలిపి) విశేషం. వైభవ్‌ సూపర్‌... తనపై ఉన్న అంచనాలను అందుకుంటూ వైభవ్‌ సూర్యవంశీ మళ్లీ చెలరేగిపోయాడు. ‘సున్నా’ వద్ద కార్తీక్‌ కష్టసాధ్యమైన క్యాచ్‌ను వదిలేయడంతో బతికిపోయిన అతను ఆ తర్వాత దూసుకుపోయాడు. కంబోజ్‌ ఓవర్లో 2 ఫోర్లు, సిక్స్‌ కొట్టిన వైభవ్‌... నూర్‌ బౌలింగ్‌లో వరుసగా 2 సిక్స్‌లతో అర్ధ సెంచరీ మార్క్‌ను అందుకున్నాడు. 6158 రోజుల తర్వాత... భారత ఆల్‌రౌండర్‌ రవీంద్ర జడేజా 17 ఏళ్ల తర్వాత తన మొదటి ఐపీఎల్‌ జట్టు రాజస్తాన్‌ తరఫున మ్యాచ్‌ ఆడాడు. 2008లో రాజస్తాన్‌ రాయల్స్‌ తరఫున బరిలోకి దిగి 20 మే, 2009న చివరిసారిగా ఆ జట్టుకు అతను ప్రాతినిధ్యం వహించాడు. 6158 రోజుల తర్వాత అతను మళ్లీ రాజస్తాన్‌కు ఆడటం విశేషం. ఈ మధ్య కాలంలో అతను కొచ్చి తరఫున ఒక సీజన్, గుజరాత్‌ లయన్స్‌ తరఫున రెండు సీజన్లు, చెన్నై తరఫున 12 సీజన్ల పాటు ఆడాడు.స్కోరు వివరాలు చెన్నై సూపర్‌కింగ్స్‌ ఇన్నింగ్స్‌: సామ్సన్‌ (బి) బర్గర్‌ 6; రుతురాజ్‌ (బి) ఆర్చర్‌ 6; మాత్రే (సి) జురేల్‌ (బి) బర్గర్‌ 0; షార్ట్‌ (సి) జైస్వాల్‌ (బి) సందీప్‌ 2; సర్ఫరాజ్‌ (ఎల్బీ) (బి) జడేజా 17; కార్తీక్‌ (ఎల్బీ) (బి) బ్రిజేశ్‌ 18; దూబే (సి) బిష్ణోయ్‌ (బి) జడేజా 6; ఒవర్టన్‌ (రనౌట్‌) 43; నూర్‌ (సి) జురేల్‌ (బి) ఆర్చర్‌ 1; హెన్రీ (సి అండ్‌ బి) బిష్ణోయ్‌ 5; కంబోజ్‌ (నాటౌట్‌) 7; ఎక్స్‌ట్రాలు 16; మొత్తం (19.4 ఓవర్లలో ఆలౌట్‌) 127. వికెట్ల పతనం: 1–14, 2–19, 3–19, 4–38, 5–51, 6–57, 7–74, 8–82, 9–94, 10–127. బౌలింగ్‌: ఆర్చర్‌ 4–0–19–2, బర్గర్‌ 4–0–26–2, బ్రిజేశ్‌ 3–0–17–1, సందీప్‌ 2.4–0–22–1, రవి బిష్ణోయ్‌ 3–0–16–1, జడేజా 3–0–18–2. రాజస్తాన్‌ రాయల్స్‌ ఇన్నింగ్స్‌: జైస్వాల్‌ (నాటౌట్‌) 38; వైభవ్‌ (సి) సర్ఫరాజ్‌ (బి) కంబోజ్‌ 52; జురేల్‌ (బి) కంబోజ్‌ 18; పరాగ్‌ (నాటౌట్‌) 14; ఎక్స్‌ట్రాలు 6; మొత్తం (12.1 ఓవర్లలో 2 వికెట్లకు) 128. వికెట్ల పతనం: 1–75, 2–99. బౌలింగ్‌: హెన్రీ 3–0–40–0, ఖలీల్‌ 3–0–17–0, కంబోజ్‌ 3–0–27–2, నూర్‌ 2–0–24–0, ఒవర్టన్‌ 1–0–14–0, షార్ట్‌ 0.1–0–1–0.ఐపీఎల్‌లో ఇప్పటి వరకు 254 మ్యాచ్‌లు ఆడిన చెన్నై సూపర్‌ కింగ్స్‌ (సీఎస్‌కే) కేవలం 12 సార్లు మాత్రమే ఆలౌటైంది. ముంబై ఇండియన్స్‌ అత్యధికంగా 5 సార్లు చెన్నైను (2012, 2013, 2015, 2019, 2022లో) ఆలౌట్‌ చేయగా... రాజస్తాన్‌ రాయల్స్‌ (2008, 2026లో), పంజాబ్‌ కింగ్స్‌ (2022, 2025లో) రెండుసార్లు చొప్పున ఈ ఘనత సాధించాయి. ఢిల్లీ క్యాపిటల్స్‌ (2009లో), రాయల్‌ చాలెంజర్స్‌ బెంగళూరు (2009లో), సన్‌రైజర్స్‌ హైదరాబాద్‌ (2025లో) ఒక్కోసారి చెన్నైను ఆలౌట్‌ చేశాయి.ఆరు ఐపీఎల్‌ సీజన్‌ల తర్వాత (2020లో 74; 2021లో 119; 2022లో 55; 2023లో 55; 2024లో 82 నాటౌట్‌; 2025లో 66) సంజూ సామ్సన్‌ తన ఐపీఎల్‌ తొలి మ్యాచ్‌లో రెండంకెల స్కోరు చేయకుండా సింగిల్‌ డిజిట్‌కే అవుటయ్యాడు.

ఐపీఎల్‌ 2026లో భాగంగా చెన్నై సూపర్‌ కింగ్స్‌తో ఇవాళ (మార్చి 30) జరిగిన మ్యాచ్‌లో రాజస్థాన్‌ రాయల్స్‌ 8 వికెట్ల తేడాతో ఘన విజయం సాధించింది. టాస్‌ ఓడి తొలుత బ్యాటింగ్‌ చేసిన సీఎస్‌కే, రాయల్స్‌ బౌలర్ల ధాటికి 19.4 ఓవర్లలో 127 పరుగులకే కుప్పకూలింది. ఆ‍ర్చర్‌, బర్గర్‌, రవీంద్ర జడేజా తలో 2.. బ్రిజేష్‌ శర్మ, సందీప్‌ శర్మ, రవి బిష్ణోయ్‌ తలో వికెట్‌ తీసి సీఎస్‌కే ఇన్నింగ్స్‌ను మట్టుబెట్టారు. సీఎస్‌కే ఇన్నింగ్స్‌లో ఓవర్టన్‌ (43), కార్తీక్‌ శర్మ (18, సర్ఫరాజ్‌ ఖాన్‌ (17) మాత్రమే రెండంకెల స్కోర్లు చేశారు. ఆఖర్లో ఓవర్టన్‌ పోరాడటంతో సీఎస్‌కే ఈమాత్రం స్కోరైనా చేయగలిగింది.అనంతరం స్వల్ప లక్ష్యాన్ని రాయల్స్‌ కేవలం 12.1 ఓవర్లలో 2 వికెట్లు మాత్రమే కోల్పోయి సునాయాసంగా ఛేదించింది. వైభవ్‌ సూర్యవంశీ (17 బంతుల్లో 52; 4 ఫోర్లు, 5 సిక్సర్లు) విధ్వంసకర అర్ద సెంచరీతో ఆదిలోనే రాయల్స్‌ గెలుపును ఖరారు చేశాడు. యశస్వి జైస్వాల్‌ (36 బంతుల్లో 38 నాటౌట్‌; 3 ఫోర్లు, సిక్స్‌), కెప్టెన్‌ రియాన్‌ పరాగ్‌ (11 బంతుల్లో 14 నాటౌట్‌; ఫోర్‌, సిక్స్‌) రాయల్స్‌ను విజయతీరాలకు చేర్చారు. మధ్యలో జురెల్‌ (9 బంతుల్లో 18; 4 ఫోర్లు) సైతం మెరుపు ఇన్నింగ్స్‌ ఆడాడు. సీఎస్‌కే బౌలర్లలో అన్షుల్‌ కంబోజ్‌కు రెండు వికెట్లు దక్కాయి.

గత ఏడాది కాలంగా రికార్డుల మోత మోగిస్తున్నాడు భారత యువ క్రికెటర్‌ వైభవ్‌ సూర్యవంశీ. పద్నాలుగేళ్ల వయసులోనే ఐపీఎల్‌లో అరంగేట్రం చేశాడు ఈ బిహారీ పిల్లాడు. రాజస్తాన్‌ రాయల్స్‌ తరఫున బరిలోకి దిగి అత్యంత పిన్న వయసులో ఫాస్టెస్ట్‌ సెంచరీ చేసిన ఆటగాడిగా చరిత్రకెక్కాడు.ఆ తర్వాత భారత్‌ అండర్‌-19 జట్టు తరఫునా వైభవ్‌ సూర్యవంశీ (Vaibhav Suryavanshi) అదరగొట్టాడు. ముఖ్యంగా వరల్డ్‌కప్‌ ఫైనల్లో ఇంగ్లండ్‌పై 80 బంతుల్లోనే ఈ లెఫ్టాండర్‌ బ్యాటర్‌ 175 పరుగులు సాధించడం విశేషం. తద్వారా భారత్‌ మరోసారి ట్రోఫీ గెలవడంలో తన వంతు పాత్ర పోషించి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.ఇక ఇటీవలే పదిహేనో వసంతంలో అడుగుపెట్టిన వైభవ్‌ సూర్యవంశీ.. ఐపీఎల్‌-2026లో సత్తా చాటేందుకు సిద్ధమయ్యాడు. ఇక క్యాష్‌ రిచ్‌ లీగ్‌లో ఇప్పటి వరకు ఓ ఐదు ప్రధాన రికార్డులు చెక్కుచెదరకుండా ఉన్నాయి. మరి వైభవ్‌ సూర్యవంశీ వాటిని ఈసారి బ్రేక్‌ చేయగలడా?అత్యధిక వ్యక్తిగత స్కోరుఐపీఎల్‌లో అత్యధిక వ్యక్తిగత స్కోరు సాధించిన ఆటగాడిగా క్రిస్‌ గేల్‌ కొనసాగుతున్నాడు. ఈ వెస్టిండీస్‌ దిగ్గజం ఆర్సీబీ తరఫున పుణె వారియర్స్‌తో మ్యాచ్‌ సందర్భంగా చిన్నస్వామి స్టేడియంలో పరుగుల వరద పారించాడు.ఐపీఎల్‌ 2013 ఎడిషన్‌లో కేవలం 66 బంతుల్లోనే 175 పరుగులతో విధ్వంసం సృష్టించాడు. అతడి ఇన్నింగ్స్‌లో 13 ఫోర్లు, 17 సిక్సర్లు ఉండటం విశేషం. ఇక ఇటీవలే వైభవ్‌ సూర్యవంశీ ఈసారి తన టార్గెట్‌ గేల్‌ రికార్డు బద్దలు కొట్టడమే అని తెలిపిన సంగతి తెలిసిందే. మరి ఈ సీజన్‌లోనే ఈ కుర్రాడు గేల్‌ను అధిగమిస్తాడో? లేదో? చూడాలి.ఒకే ఇన్నింగ్స్‌లో అత్యధిక సిక్సర్ల రికార్డుయూనివర్సల్‌ బాస్‌ క్రిస్‌ గేల్‌ విధ్వంసకర ఆట తీరుకు పెట్టింది పేరు. ఆర్సీబీ తరఫున పుణెపై 2013 నాటి మ్యాచ్‌లో అతడు ఏకంగా 17 సిక్సర్లు బాదాడు. ఒక ఇన్నింగ్స్‌లో అత్యధిక సిక్సర్లు బాదిన ఆటగాడిగా రికార్డు సాధించాడు.ఇక వైభవ్‌ సూర్యవంశీ ఇటీవల అండర్‌-19 వరల్డ్‌కప్‌ ఫైనల్లో, యూత్‌ టీ20 మ్యాచ్‌లో ఏకంగా 15 సిక్సర్లు బాదాడు. గేల్‌ రికార్డును వైభవ్‌ ఈసారి బ్రేక్‌ చేసే అవకాశాలు లేకపోలేదు.ఒక ఎడిషన్‌లో అత్యధిక సిక్సర్లుఐపీఎల్‌లో ఒక ఎడిషన్‌లో అత్యధిక సిక్సర్లు బాదిన ఆటగాడిగానూ క్రిస్‌ గేల్‌ నిలిచాడు. 2012 సీజన్‌లో ఈ విండీస్‌ లెజెండ్‌ 59 సిక్సర్లు బాదాడు. ఇక 2019లో ఆండ్రీ రసెల్‌ 52 సిక్స్‌లు బాదాడు. ఈ రికార్డులను వైభవ్‌ బద్దలు కొట్టే అవకాశం ఉంది. గతేడాది ఐపీఎల్‌లో ఏడు మ్యాచ్‌లు ఆడిన వైభవ్‌ 24 సిక్సర్లు బాదాడు.సీజన్‌లో అత్యధిక స్ట్రైక్‌రేటుఐపీఎల్‌ 2024 సీజన్లో ఆస్ట్రేలియా స్టార్‌, ఢిల్లీ క్యాపిటల్స్‌ ఆటగాడు జేక్‌ ఫ్రేజర్‌ మెగర్క్‌ తొమ్మిది మ్యాచ్‌లలో కలిపి 141 బంతులు ఎదుర్కొని 234.34 స్ట్రైక్‌రేటుతో పరుగులు రాబట్టాడు. తద్వారా ఓ సీజన్లో అత్యధిక స్ట్రైక్‌రేటు నమోదు చేసిన ఆటగాడిగా నిలిచాడు. గతేడాది వైభవ్‌ 122 బంతులు ఎదుర్కొని 206కు పైగా స్ట్రైక్‌రేటుతో పరుగులు రాబట్టాడు.ఒకే ఓవర్లో ఆరు సిక్సర్లుఫస్ట్‌ క్లాస్‌, లిస్ట్‌-ఎ, టీ20 మ్యాచ్‌లలో ఇప్పటికే చాలా మంది ఆటగాళ్లు ఒకే ఓవర్లో ఆరు సిక్సర్లు బాదారు. అయితే, ఐపీఎల్‌లో మాత్రం ఇంత వరకు ఏ ఆటగాడికీ ఈ ఘనత సాధ్యం కాలేదు. క్రిస్‌గేల్‌, రాహుల్‌ శర్మ, రాహుల్‌ తెవాటియా, రవీంద్ర జడేజా, రింకూ సింగ్‌, రియాన్‌ పరాగ్‌ ఇప్పటి వరకు ఒకే ఓవర్లో ఐదు సిక్సర్లు బాదగలిగారు.చదవండి: జడ్డూ, సందీప్‌ శర్మను కాదని అతడికే పగ్గాలు.. ఎందుకంటే?: సంగక్కర

వైభవ్ సూర్యవంశీ.. ఈ పేరుకు ప్రత్యేక పరిచయం అక్కర్లేదు. ఫుట్‌బాల్ ప్రపంచంలో లామిన్ యమల్ ఎంతటి సంచలనమో.. ఇప్పుడు క్రికెట్ వరల్డ్‌లో వైభవ్ కూడా అంతే ఫేమస్‌. కేవలం 14 ఏళ్ల 23 రోజుల వయసులోనే ఐపీఎల్ అరంగేట్రం చేసి చరిత్ర సృష్టించిన వైభవ్.. ఇప్పుడు అంతర్జాతీయ స్ధాయిలో సత్తాచాటేందుకు సిద్దమయ్యాడు.వరల్డ్‌క్లాస్ బౌలర్లను సైతం తన బ్యాటింగ్‌తో వణికిస్తున్న ఈ బిహార్ ఆటగాడు.. నేడు తన 15వ పుట్టిన రోజును జరపునకుంటున్నాడు. దీంతో వైభవ్ అంతర్జాతీయ క్రికెట్‌లో అరంగేట్రం చేసేందేకు అర్హత సాధించాడు. ఐసీసీ నిబంధనల ప్రకారం.. ఒక ఆటగాడు అంతర్జాతీయ క్రికెట్ ఆడాలంటే కనీసం 15 ఏళ్లు నిండి ఉండాలి. ఇప్పుడు సరిగ్గా ఐపీఎల్ 2026 ప్రారంభానికి ఒక్క రోజు ముందే తన 15వ ఏటలోకి అడుగుపెట్టాడు. దీంతో సీనియర్ జట్టు తరుపున ఆడేందుకు ఎలాంటి అడ్డంకులు లేవు.వైభ‌వ్ జోరు కొన‌సాగుతుందా?త‌న అరంగేట్ర ఐపీఎల్ సీజ‌న్‌లో దుమ్ములేపిన వైభ‌వ్ ఇప్పుడు.. ఐపీఎల్ 2026లో ఎలా రాణిస్తాడో అని అంద‌రూ అతృతగా ఎదురు చూస్తున్నారు. గత సీజన్‌లో వైభవ్ తన ఆడిన తొలి బంతినే సిక్సర్‌గా మలిచాడు. అది కూడా శార్ధూల్ ఠాకూర్ వంటి సీనియర్ బౌలర్ బౌలింగ్‌లో కావడం గమనార్హం. ఆ తర్వాత గుజరాత్ టైటాన్స్‌తో 35 బంతుల్లోనే సెంచరీ బాదిన వైభవ్‌.. ఐపీఎల్ చరిత్రలో శతక్కొట్టిన అతి పిన్న వయష్కుడిగా రికార్డులెక్కాడు. అనంతరం అండర్‌-19 ప్రపంచకప్‌లోనై ఈ యువ సంచలనం సత్తాచాటాడు. ఇంగ్లండ్‌తో జరిగిన ఫైనల్లో భారీ సెంచరీ వైభవ్‌(175) చెలరేగాడు. ఇప్పుడు అదే జోరును ఈ ఏడాది ఐపీఎల్‌లో కొనసాగించాలని అభిమానులు కోరుకుంటున్నారు.డేంజర్‌లో సచిన్ రికార్డు!భార‌త్ త‌ర‌పున అంత‌ర్జాతీయ క్రికెట్‌లో అరంగేట్రం చేసిన అత్యంత పిన్న‌వ‌య‌ష్కుడిగా రికార్డు మాస్ట‌ర్ బ్లాస్ట‌ర్ స‌చిన్ టెండూల్క‌ర్ క‌లిగి ఉన్నాడు. స‌చిన్ 16 ఏళ్ల 205 రోజుల్లో టీమిండియా త‌ర‌పున డెబ్యూ చేశాడు. ఇప్పుడు ఈ క్రికెట్ దేవుడు రికార్డు డేంజ‌ర్‌లో ప‌డింది. వైభ‌వ్ సూర్య‌వంశీ ఈ ఏడాది జూన్‌లో ఐర్లాండ్‌తో జ‌ర‌గనున్న టీ20 సిరీస్‌కు ఎంపిక చేసే అవ‌కాశ‌ముంది. ఐపీఎల్ త‌ర్వాత టీమిండియా రెండు టీ20ల సిరీస్ కోసం ఐర్లాండ్ ప‌ర్య‌ట‌న‌కు వెళ్ల‌నుంది. అనంత‌రం అక్క‌డ నుంచి ఇంగ్లండ్ టూర్‌కు మెన్ ఇన్ బ్లూ వెళ్ల‌నుంది. అయితే టీమిండియా బిజీ షెడ్యూల్ కార‌ణంగా ఐరీష్ టూర్‌కు అభిషేక్ శ‌ర్మ‌, సంజూ శాంస‌న్ వంటి ప్లేయ‌ర్ల‌కు విశ్రాంతి ఇవ్వ‌నున్న‌ట్లు తెలుస్తోంది. దీంతో 15 ఏళ్ల వైభ‌వ్ సూర్యవంశీకి భార‌త సీనియ‌ర్ జ‌ట్టు నుంచి పిలుపు వ‌చ్చే ఛాన్స్ ఉంద‌ని క్రికెట్ నిపుణులు అభిప్రాయ‌ప‌డుతున్నారు.ఇదే జ‌రిగితే భార‌త్ త‌ర‌పున అంత‌ర్జాతీయ అరంగేట్రం చేసిన అతి పిన్న వ‌య‌ష్కుడిగా వైభ‌వ్ చ‌రిత్ర సృష్టించనున్నాడు. ఒక‌వేళ ఐర్లాండ్ టూర్‌కు ఎంపిక కాకపోయినా.. ఈ ఏడాది ఆఖరిలో జరిగే ఏషియన్ గేమ్స్‌లోనైనా అతడు భారత్ తరపున డెబ్యూ చేసే ఛాన్స్ ఉంది.చదవండి: Evin Lewis: విండీస్‌ క్రికెటర్‌ సంచలన నిర్ణయం!

అత‌డు కూడా అంద‌రిలా సాధార‌ణంగా క్రికెట్ ఆడుకుంటూ పోతే పెద్ద‌గా గుర్తింపు వ‌చ్చేది కాదేమో. కానీ 12 ఏళ్ల‌కే రంజీ ట్రోఫీలో అరంగేట్రం చేసి ఆడ‌కముందే రికార్డు సృష్టించాడు. ఇక బ్యాట్ ప‌ట్టి క‌ద‌నరంగంలోకి దూకిన త‌ర్వాత బ్యాట్‌కు అలుపొచ్చిందేమో కానీ అత‌డి పరుగుల దాహం కొనసాగుతూనే వస్తోంది.14 ఏళ్ల‌కే ఐపీఎల్‌లో అడుగుపెట్టి సంచ‌ల‌నం సృష్టించిన ఆ బుడ‌త‌డు ఇటీవ‌లే ముగిసిన అండ‌ర్‌-19 ప్ర‌పంచ‌క‌ప్‌లోనూ త‌న ప్ర‌ద‌ర్శ‌న‌తో అద‌ర‌గొట్టాడు. ఆ ప్ర‌పంచ‌క‌ప్‌లో ఇంగ్లండ్‌తో జ‌రిగిన ఫైన‌ల్లో 55 బంతుల్లోనే 175 ప‌రుగులు సాధించి ఔరా అనిపించాడు. కేవ‌లం 14 ఏళ్ల వ‌య‌సులోనే ప‌వ‌ర్‌హిట్టింగ్‌తో సంచ‌ల‌నాల‌కు కేంద్ర బిందువుగా మారాడు బీహార్ చిన్నోడు వైభ‌వ్ సూర్య‌వంశీ.ఇవాళ వైభవ్‌ సూర్యవంశీ 15వ పుట్టినరోజు జ‌రుపుకుంటున్నాడు. స‌చిన్ లాగే 15 ఏళ్ల వ‌య‌సులో అంత‌ర్జాతీయ క్రికెట్‌లో అరంగేట్రం చేయాల‌ని త‌హ‌త‌హ‌లాడుతున్న వైభ‌వ్ సూర్య‌వంశీ కోరిక నెర‌వేరాల‌ని ఆశిద్దాం. హ్యాపీ బ‌ర్త్‌డే టూ వైభ‌వ్ సూర్య‌వంశీ..క్రికెట్ ప్రపంచంలో సంచలనం సృష్టిస్తున్న వైభవ్ సూర్యవంశీ మార్చి 27తో మ‌రో మైలురాయిని అందుకున్నాడు. ఐపీఎల్ 2026 సీజన్ ప్రారంభానికి సరిగ్గా ఒక్క రోజు ముందు వైభవ్ తన 15వ పుట్టినరోజును జరుపుకోబోతున్నాడు. గతేడాది 14 ఏళ్ల వయసులోనే ఐపీఎల్‌లోకి ఎంట్రీ ఇచ్చి అందరినీ ఆశ్చర్యపరిచిన ఈ బీహార్ కుర్రాడు, ఇప్పుడు 15వ ఏట అడుగుపెడుతూ మరింత జోరు చూపించడానికి సిద్ధమయ్యాడు.15వ పుట్టినరోజు సందర్భంగా వైభవ్ సూర్య‌వంశీ తన లక్ష్యాలను పంచుకున్నాడు. ఈసారి రాజస్థాన్ రాయల్స్‌కు ఐపీఎల్ టైటిల్ అందించడమే తన ప్రధాన ఉద్దేశమని పేర్కొన్నాడు. ఐపీఎల్ చరిత్రలో క్రిస్ గేల్ పేరిట ఉన్న‌ 175 పరుగుల రికార్డును బద్దలు కొట్టాలనేది త‌న చిర‌కాల కోరిక అని వైభ‌వ్ పేర్కొన్నాడు. త్వరలో జాతీయ జట్టులోకి..ఇప్ప‌టికే అండ‌ర్‌-19 జూనియ‌ర్ స్థాయి క్రికెట్‌లో టీ20 ప్ర‌పంచ‌క‌ప్ ఫైన‌ల్లోనే 175 ప‌రుగుల ట్రేడ్ మార్క్ ఇన్నింగ్స్ ఆడి బీసీసీఐ సెలెక్ట‌ర్ల దృష్టిలో ప‌డ్డాడు. ఐసీసీ నిబంధ‌న‌ల ప్ర‌కారం ఒక ఆట‌గాడు సీనియ‌ర్ జ‌ట్టు త‌ర‌ఫున అంత‌ర్జాతీయ క్రికెట్‌లో అడుగుపెట్టేందుకు క‌నీసం 15 ఏళ్లు ఉండాల‌న్న‌ది నిబంధ‌న‌. తాజాగా వైభ‌వ్ సూర్య‌వంశీ 15వ ఏట అడుగుపెట్ట‌డంతో సీనియ‌ర్ జ‌ట్టు లోకి తొంద‌ర్లోనే పిలుపు వ‌చ్చే అవ‌కాశ‌ముంది. అండ‌ర్‌-19 క్రికెట్‌లో ఇప్ప‌టివ‌ర‌కు వైభ‌వ్ సూర్య‌వంశీ 18 మ్యాచ్‌లు ఆడి 701 ప‌రుగులు సాధించాడు. ఇందులో మూడు సెంచ‌రీలు, ఒక అర్థ‌సెంచ‌రీ ఉన్నాయి.హోంగ్రౌండ్‌లో వేడుకలు..ఐపీఎల్ 2026లో రాజస్థాన్ రాయల్స్ తన మొదటి మ్యాచ్‌ను మార్చి 30న చెన్నై సూపర్ కింగ్స్‌తో ఆడనుంది. రాజస్థాన్ రాయల్స్‌కు ఇది రెండో హోమ్ గ్రౌండ్ కావడంతో జట్టు సభ్యులందరూ ఇప్పటికే అక్కడికి చేరుకున్నారు. వైభవ్ సూర్యవంశీ కూడా టీమ్‌తోనే ఉన్నాడు. దీంతో తన 15వ పుట్టినరోజు వేడుకలు తన జట్టు కెప్టెన్ రియాన్ పరాగ్ సొంత ఊరైన గౌహతిలోనే జరగనున్నాయి. వరుసగా రెండో ఏడాది వైభవ్ తన పుట్టినరోజును ఐపీఎల్ ఫ్రాంచైజీతో జరుపుకోవడం విశేషం.ఐపీఎల్ 2025 సీజన్‌కు ముందు జ‌రిగిన వేలంలోకి వైభవ్ సూర్యవంశీ ఎంట్రీ ఇవ్వడంతోనే రికార్డు లిఖించాడు. ఆ త‌ర్వాత రాజ‌స్థాన్ రాయ‌ల్స్ అత‌డిని రూ. 1.1 కోట్ల‌కు ద‌క్కించుకోవ‌డం అంద‌రినీ ఆశ్చ‌ర్య‌పరిచింది. ఆ సీజ‌న్‌లో రాజస్థాన్ రాయల్స్ తరపున 7 మ్యాచ్‌లు ఆడిన వైభవ్, ఏకంగా 252 పరుగులు చేశాడు. అతని స్ట్రైక్ రేట్ 200 కంటే ఎక్కువగా ఉండటం విశేషం.ద్రవిడ్‌ పర్యవేక్షణలో..రాజస్థాన్ రాయల్స్ జట్టులో ప్రస్తుతం వైభవ్ అంటే అందరికీ ఎంతో ఇష్టం. టీమ్ మెంటార్ రాహుల్ ద్రవిడ్ పర్యవేక్షణలో వైభవ్ తన ఆటను మెరుగుపరుచుకుంటున్నాడు. రియాన్ పరాగ్ వంటి యువ కెప్టెన్ తోడుండటంతో వైభవ్ స్వేచ్ఛగా బ్యాటింగ్ చేస్తున్నాడు. బర్త్‌డే వేడుకల అనంతరం వైభవ్ తిరిగి నెట్స్ లో ప్రాక్టీస్ మొదలుపెట్టనున్నాడు. రైతు కొడుకు నుంచి క్రికెటర్‌ దాకా..2011 మార్చి 27న బీహార్‌లోని తాజ్‌పూర్ అనే ఓ మారుమూల గ్రామంలో జన్మించాడు వైభవ్ సూర్యవంశీ. నాలుగేళ్ల వయసులోనే క్రికెట్‌పై వైభ‌వ్ పెంచుకున్న మ‌క్కువ‌ అతని తండ్రి సంజీవ్‌కి అర్థమైంది. వెంటనే తన ఇంటి వెనుక భాగంలో వైభవ్ కోసం ఒక చిన్న ఆట స్థలాన్ని ఏర్పాటు చేశాడు. ఆయనే స్వయంగా రోజంతా కష్టపడి ఆ స్థలం అంతా చదును చేసి కొడుకు కోసం చిన్న ప్లే గ్రౌండ్‌ తయారు చేసి ఇచ్చాడు. అలా ఇంటి వెనుక వైభవ్‌ ఆడుకునే వాడు. అతనికి తొమ్మిది సంవత్సరాలు నిండగానే క్రికెట్‌ కోచింగ్‌ కోసం తమ ఊరికి దగ్గర్లోని సమస్తిపూర్ పట్టణంలోని క్రికెట్ అకాడమీలో వైభవ్‌ను చేర్పాడు వాళ్ల నాన్న. తొమ్మిదేళ్ల కొడుకు క్రికెటర్‌గా ఎదుగుతాడనే నమ్మకంతో.. సంజీవ్‌ చాలా పెద్ద నిర్ణయం తీసుకున్నాడు. వైభవ్‌ క్రికెట్‌ కోచింగ్‌ కోసం తన పొలం అమ్మాలని నిర్ణయించుకున్నాడు.కొడుకు కోసం పొలం అమ్మి..ఆ పొలంపై తన కుటుంబం ఆధారపడి జీవిస్తుందనే విషయాన్ని కూడా పక్కనపెట్టి.. కొడుకు ఎదుగుదలనే నమ్మాడు. తన కొడుకు క్రికెట్ కలలను సాకారం చేసుకోవడానికి మోతీపూర్‌లోని తన పొలాన్ని అమ్మేశాడు. తండ్రి పొలం అమ్మిన విషయం తెలిసి వైభవ్‌ క్రికెట్‌ను ప్రాణం పెట్టి నేర్చుకున్నాడు. సమస్తిపూర్‌లో రెండున్నర సంవత్సరాలు ప్రాక్టీస్ చేసిన తర్వాత విజయ్ మర్చంట్ ట్రోఫీ కోసం అండర్-16 ట్రయల్స్ ఇచ్చాడు వైభవ్‌. అదే సమయంలో మాజీ రంజీ ఆటగాడు మనీష్ ఓజా ఆధ్వర్యంలో వైభవ్‌కు మంచి క్వాలిటీ కోచింగ్‌ కూడా అందింది. ఆయన కోచింగ్‌ వైభవ్‌కు ఎంతో ప్లస్‌ అయింది. ఆ తర్వాతి చరిత్ర అందరికీ తెలిసిందే.A boy with a dream who picked up a bat and has made it his mission to achieve it all 🔥Today is your day, Vaibhav Sooryavanshi 💗🎂 pic.twitter.com/oEJWupOgXp— Rajasthan Royals (@rajasthanroyals) March 26, 2026Wishing a very happy birthday to our very own Boss Baby, Vaibhav Suryavanshi. He consistently delivers explosive performances and lights up the field with his dynamic play. All the very best for IPL 2026 Vaibhav.#Vaibhavsooryavanshi #happybirthdayVaibhavSooryavanshi pic.twitter.com/8yyl49eZTq— 𝐈𝐂𝐓 ᴬᵁᴿᴬ🇮🇳 (@AURAICTT) March 26, 2026చదవండి: భార‌త ఫుట్‌బాల్ జ‌ట్టుకు అవ‌మానం!

పద్నాలుగేళ్ల వయసులోనే క్రికెట్‌ ప్రపంచంలో అద్భుతాలు చేశాడు వైభవ్‌ సూర్యవంశీ. ఇటు ఐపీఎల్‌లో.. అటు భారత అండర్‌-19 క్రికెట్‌ జట్టు తరఫునా సత్తా చాటాడు. క్యాష్‌ రిచ్‌ లీగ్‌లో విధ్వంసకర శతకంతో అతి పిన్న వయసులో ఫాస్టెస్ట్‌ సెంచరీ నమోదు చేసిన ఈ బిహారీ పిల్లాడు.. అండర్‌-19 వరల్డ్‌కప్‌ ఫైనల్లో 80 బంతుల్లోనే 175 పరుగులు చేశాడు.తద్వారా భారత్‌ ట్రోఫీ గెలవడంలో కీలక పాత్ర పోషించిన వైభవ్‌ను ప్లేయర్‌ ఆఫ్‌ ది మ్యాచ్‌ అవార్డు వరించింది. ఇక ఇటీవలే పదిహేనో వసంతంలో అడుగుపెట్టిన వైభవ్‌.. ఐపీఎల్‌-2026లో రాజస్తాన్‌ రాయల్స్‌ తరఫున మరోసారి సత్తా చాటేందుకు సన్నద్ధమయ్యాడు.అతడొక గొప్ప ఆటగాడుఈ నేపథ్యంలో వైభవ్‌ సూర్యవంశీ (Vaibhav Suryavanshi) గురించి సౌతాఫ్రికా బ్యాటింగ్‌ దిగ్గజం ఏబీ డివిలియర్స్‌ చేసిన వ్యాఖ్యలు.. అందుకు ప్రతిగా టీమిండియా స్టార్‌, ఆర్సీబీ ఆటగాడు జితేశ్‌ శర్మ (Jitesh Sharma) బదులిచ్చిన తీరు వైరల్‌గా మారింది. ‘‘అతడొక గొప్ప ఆటగాడు. అండర్‌-19 క్రికెట్‌లో అతడి ఆట తీరును నేను గమనించాను.ఐపీఎల్‌లాంటి పెద్ద టోర్నీలో ఆడిన తర్వాత అదే స్థాయిలో.. అవే ప్రమాణాలు పాటిస్తూ ముందుకు సాగడం అందరికీ సాధ్యం కాదు. అయితే, వైభవ్‌ సూర్యవంశీ మాత్రం వరల్డ్‌కప్‌ టోర్నీలో అంతే ప్రొఫెషనల్‌గా, భయం లేకుండా ఆడటం నన్ను ఎంతగానో ఆకట్టుకుంది. ప్రొఫెషనల్‌గా ఎదుగుతాడుఆ వయసుకే అతడు అంతగా పరిణతి చెందిన తీరు నన్ను ఆశ్చర్యపరిచింది. ఎక్కడ ఆడుతున్నా తన గేమ్‌ప్లాన్‌కు కట్టుబడి ఉంటాడు. తను తనలాగే ఆడతాడు. వేరే వాళ్లను అనుకరించే ప్రయత్నం చేయడు. బౌలర్లను గౌరవిస్తాడు. చెత్త బంతుల్ని మాత్రం అస్సలు వదిలిపెట్టడు. అతడొక గొప్ప ప్రొఫెషనల్‌గా ఎదుగుతాడు’’ అని డివిలియర్స్‌ ప్రశంసలు కురిపించాడు.అయితే, ఇందుకు జితేశ్‌ శర్మ బదులిస్తూ.. ‘‘అతడు అస్సలు ప్రొఫెషనల్‌ కాదు. నేను ఈ మాట కచ్చితంగా చెప్పగలను’’ అంటూ సరాదాగా కామెంట్‌ చేశాడు. ‘‘అందరూ అతడిని ప్రొఫెషనల్‌ అనుకుంటారు. మైదానంలో అతడు ఎలా ఉంటాడన్నది పక్కనపెడితే.. మైదానం వెలుపల మాత్రం అస్సలు చెప్పిన మాట వినడు. రాత్రివేళ ఐస్‌క్రీమ్‌ తినొద్దని నేను ఎంతగానో మొత్తుకున్నా.చెప్పిన మాట అసలే వినడుఅయినా అతడు నా మాట వినలేదు. ఈ విషయంలో అతడు ఎప్పుడూ ఎవరి మాటా వినడు’’ అని జితేశ్‌ శర్మ వైభవ్‌కు ఉన్న అలవాటు గురించి డివిలియర్స్‌కు చెప్పాడు. కాగా చిన్న వయసు కాబట్టి ఐస్‌క్రీమ్‌ పట్ల వైభవ్‌కు ఆ మాత్రం ఇష్టం ఉండటం సహజమే. అయితే, ప్రొఫెషనల్‌ క్రికెటర్‌గా ఎదిగే క్రమంలో డైట్‌ పాటిస్తూ జీవనశైలిని మెరుగుపరచుకుంటేనే ఫిట్‌గా ఉండి.. అనుకున్న శిఖరాలకు చేరుకోగలడనే అభిప్రాయాలు వ్యక్తమవుతున్నాయి. కాగా ఏసీసీ ఎమర్జింగ్‌ ఆసియా కప్‌ రైజింగ్‌ స్టార్స్‌లో భారత జట్టుకు జితేశ్‌ శర్మ కెప్టెన్‌గా వ్యవహరించగా.. వైభవ్‌ సూర్యవంశీ అందులో సభ్యుడిగా ఉన్నాడు.చదవండి: భారత్‌తో స్నేహం కావాలి: పాక్‌కు దిమ్మతిరిగే షాకిచ్చిన బంగ్లాదేశ్‌!

ఐపీఎల్‌-2026 సీజ‌న్‌కు మ‌రో ఐదు రోజుల్లో తెర‌లేవ‌నుంది. ఈ ధ‌న‌ధాన్ క్రికెట్ పండ‌గ మార్చి 28 నుంచి మొద‌లు కానుంది. అయితే ప్రస్తుతం అంద‌రి కళ్లు రాజస్తాన్ రాయల్స్ యువ సంచలనం వైభవ్ సూర్యవంశీ పైనే ఉన్నాయి. గత సీజన్‌లో ఊహకందని విధంగా విధ్వంసం సృష్టించిన వైభవ్‌.. ఈ ఏడాది ఎలా రాణిస్తాడో అని అందరూ వెయ్యి కళ్లతో ఎదరుచూస్తున్నారు. ఐపీఎల్‌-2025 సీజన్‌తో పాటు అండర్‌-19 క్రికెట్ స్ధాయిలో వైభవ్ దుమ్ములేపాడు. అండర్-19 ప్రపంచ కప్ 2026ను భారత్ సొంతం చేసుకోవడంలో వైభవ్‌ది కీలక పాత్ర. ఇంగ్లండ్‌తో జరిగిన ఫైనల్ పోరులో వైభవ్‌ కేవలం 80 బంతుల్లో 175 పరుగులు చేసి చరిత్ర సృష్టించాడు.ఇప్పుడు ఈ ఏడాది ఐపీఎల్ సీజన్‌లోనూ సత్తాచాటేందుకు వైభవ్ సిద్దమవుతున్నాడు. ఈ నేపథ్యంలో 14 ఏళ్ల వైభవ్ తన సహచర ఆటగాళ్లతో కలిసి ప్రెస్ కాన్ఫరెన్స్‌లో పాల్గొన్నాడు. ఈ సందర్భంగా వైభవ్‌కు రిపోర్టర్ నుంచి ఓ ప్రశ్న ఎదురైంది.ఐపీఎల్ 2026 కోసం మీ ప్లాన్స్ ఏంటి? ఆరెంజ్ క్యాప్ కోసం ఎన్ని పరుగులు చేయాలనుకుంటున్నారు? అని సదరు విలేఖ‌రి ప్రశ్నించాడు.అందుకు వైభ‌వ్ న‌వ్వుతూ.. మీరు నన్ను ఇలాంటి ప్రశ్నలు అడిగితే, రెండు నుండి మూడు వేల పరుగులు చేస్తాన‌ని చెబుతా అని బ‌దులిచ్చాడు. దీంతో అక్క‌డ ఉన్నవారంతా ఒక్క‌సారిగా న‌వ్వారు. ఇందుకు సంబంధించిన వీడియోను రాజ‌స్తాన్ రాయ‌ల్స్ ఎక్స్‌లో షేర్ చేసింది.అయితే ఇదే ప్ర‌శ్న‌కు వైభ‌వ్ త‌ర్వాత సీరియ‌స్‌గా స‌మాధ‌న‌మిచ్చాడు. నేను ఇన్ని పరుగులు చేయాలని ఒక టార్గెట్ పెట్టుకోలేదు. నేను స‌హజ‌శైలిలోనే బ్యాటింగ్ చేస్తాను. నా వ్యక్తిగ‌త మైలురాయిల కంటే జట్టుకు ట్రోఫీ అందించడమే నా ప్రధాన ల‌క్ష్యం" అని అత‌డు చెప్పుకొచ్చాడు.చదవండి: IPL 2026: ఇషాన్ కిష‌న్‌పై యువ ప్లేయ‌ర్ సీరియ‌స్‌..

వైభవ్‌ సూర్యవంశీ.. భారత క్రికెట్‌లో పరిచయం అక్కర్లేని పేరు. పసిప్రాయంలోనే దూకుడైన ఇన్నింగ్స్‌లతో ప్రత్యర్థులను వణికించిన 15 ఏళ్ల సూర్యవంశీ ఏడాది కాలంగా అండర్‌-19 క్రికెట్‌లోనూ అదరగొడుతున్నాడు. ఇటీవలే అండర్‌-19 ప్రపంచకప్‌ ఫైనల్లో 175 పరుగుల సంచలన ఇన్నింగ్స్‌ అతడి అసాధారణ ప్రతిభకు ఒక ఉదాహరణగా చెప్పవచ్చు. ఇంతకాలం అండర్‌-19 క్రికెట్‌లో దుమ్మురేపిన వైభవ్‌ సూర్యవంశీ ఇక ఐపీఎల్‌లో తన మెరుపులు చూపించేందుకు సమాయ త్తమవుతున్నాడు. ఐపీఎల్‌లో రాజస్థాన్‌ రాయల్స్‌ తరఫున ఆడుతున్న సూర్యవంశీపై ఈసారి భారీ అంచనాలున్నాయి. ఈ నేపథ్యంలో రాజస్థాన్‌ కెప్టెన్‌గా ప్రమోషన్‌ పొందిన రియాన్‌ పరాగ్‌ వైభవ్‌ గురించి ఆసక్తికర వ్యాఖ్యలు చేశాడు.‘ఏడాది కాలంగా తిరుగులేని ప్రదర్శనతో వైభవ్‌ సూర్యవంశీ అందరి దృష్టిలో పడ్డాడు. ఎక్కడ మ్యాచ్‌ ఆడితే అక్కడ భారీ స్కోర్లు కొట్టడమే ధ్యేయంగా పెట్టుకున్నాడు. ఐపీఎల్‌ ద్వారా వైభవ్‌ కొత్తగా నిరూపించుకోవాల్సిన పని లేదు. అలాంటి యంగ్‌ ఓపెనర్‌ మా జట్టులో ఉండడం మాకు కొండంత బలం. ఇటీవలే అండర్‌-19 ప్రపంచకప్‌లో సూర్యవంశీ ఆడిన అసాధారణ ఇన్నింగ్స్‌లే అందుకు నిదర్శనం. ఐపీఎల్‌లో వైభవ్‌ సూర్యవంశీపై భారీ అంచనాలు ఉండడం సహజమే. కానీ కెప్టెన్‌గా వైభవ్‌కు నేను ఇచ్చే సలహా ఒక్కటే. అందరి దృష్టి తన మీదే ఉండడంతో మీడియా అటెన్షన్‌ ఉంటుంది. అందుకే మీడియాకు, సోషల్‌ మీడియాకు దూరంగా ఉంటూ అతడు తన ఆటను ఎంజాయ్‌ చేస్తూ ఆడితే బాగుంటుంది. అతడికింకా 15-16 ఏళ్లు మాత్రమే. అందుకే సూర్యవంశీని తన ఆటను స్వేచ్ఛగా ఆడనిద్దాం. జట్టుగా అతడిపై ఎలాంటి ఒత్తిడి లేకుండా చూసుకోవడం మా బాధ్యత. సంచలన ఇన్నింగ్స్‌లతో దేశానికి గర్వకారణంగా నిలిచిన వైభవ్‌ సూర్యవంశీ ఐపీఎల్‌లోనూ అదరగొట్టాలని ఆశిస్తున్నా’ అని పరాగ్‌ చెప్పుకొచ్చాడు. ఇక రాజస్థాన్‌ రాయల్స్‌ కోచ్‌ కుమార సంగక్కర మాట్లాడుతూ.. ‘బ్యాటర్లు, బౌలర్లు, ఆల్‌రౌండర్ల సమతూకంతో మా జట్టు అన్ని రంగాల్లో బలంగా కనిపిస్తోంది. ఈసారి కచ్చితంగా టైటిల్‌ కొట్టేందుకే అహర్నిశలు శ్రమించనున్నాం’ అని తెలిపాడు. కాగా గతేడాది వరకు రాజస్థాన్‌ రాయల్స్‌కు కెప్టెన్‌గా వ్యవహరించిన సంజూ శాంసన్‌ ట్రేడింగ్‌లో చెన్నై సూపర్‌కింగ్స్‌కు వెళ్లిపోవడంతో రియాన్‌ పరాగ్‌ రాజస్థాన్‌ నూతన కెప్టెన్‌గా బాధ్యతలు తీసుకున్నాడు. శాంసన్‌ స్థానంలో ఆల్‌రౌండర్లు రవీంద్ర జడేజా, సామ్‌ కరన్‌లు చెన్నై నుంచి రాజస్థాన్‌కు వచ్చారు.చదవండి: ఇరాన్‌కు షాకిచ్చిన ఫిఫా!

భారత క్రికెట్‌​ నియంత్రణ మండలి (బీసీసీఐ) వార్షిక అవార్డుల కార్యక్రమం ‘నమన్‌ –2026’ ఆదివారం ఘనంగా జరిగింది. ఢిల్లీ వేదికగా జరిగిన ఈ వేడుకలో భారత సీనియర్, జూనియర్, పురుషులు, మహిళలు, మాజీలు అంతా ఒక్క చోట చేరడంతో సందడి నెలకొంది.ఫైనల్లో 175 పరుగులుఈ అవార్డుల కార్యక్రమంలో చిచ్చరపిడుగు వైభవ్‌ సూర్యవంశీ (Vaibhav Suryavanshi) హైలైట్‌ అయ్యాడు. పద్నాలుగేళ్ల వయసులోనే క్రికెట్‌ ప్రపంచంలో తనకంటూ ప్రత్యేక గుర్తింపు తెచ్చుకున్న ఈ బిహారీ పిల్లాడు.. అండర్‌-19 వరల్డ్‌కప్‌-2026 ఫైనల్లో ఇంగ్లండ్‌పై 175 పరుగులు సాధించాడు. తద్వారా భారత్‌ విజయంలో కీలక పాత్ర పోషించి ప్లేయర్‌ ఆఫ్‌ ది మ్యాచ్‌గా నిలిచాడు.ఇక నమన్‌ అవార్డుల ప్రదానోత్సవంలో భాగంగా ఆయుశ్‌ మాత్రే సారథ్యంలోని అండర్‌-19 వరల్డ్‌కప్‌ విజేత జట్టు పురస్కారాలు అందుకుంది. ఈ సందర్భంగా వైభవ్‌ సూర్యవంశీ మాట్లాడుతూ.. ‘‘ఈ అనుభూతి గొప్పగా ఉంది. వరల్డ్‌కప్‌లో గెలిచి దేశానికి ట్రోఫీ అందించడం ఆనందకరం’’ అని పేర్కొన్నాడు.ఈ మూడింటిలో ఏది ఇష్టం? ఈ క్రమంలో కామెంటేటర్‌ హర్షా భోగ్లే.. టీమిండియా టీ20 వరల్డ్‌కప్‌ విన్నింగ్‌ స్టార్లు సంజూ శాంసన్‌, హార్దిక్‌ పాండ్యా, అభిషేక్‌ శర్మలతో కలిసి వైభవ్‌ సూర్యవంశీని ప్రశ్నలు అడిగాడు. ‘ఐపీఎల్‌లో ఒకే ఓవర్లో ఆరు సిక్సర్లు బాదడం, ఫాస్టెస్ట్‌ సెంచరీ నమోదు చేయడం.. లేదంటే అత్యధిక వ్యక్తిగత స్కోరు సాధించడం.. ఈ మూడింటిలో నువ్వు ఏ రికార్డు సాధించాలని అనుకుంటున్నావు’’ అని వైభవ్‌ను అడిగాడు.గేల్‌ రికార్డు బద్దలు కొట్టడమే లక్ష్యంఇందుకు బదులిస్తూ.. ఐపీఎల్‌లో అత్యధిక స్కోరు సాధించిన ఆటగాడిగా నిలవడమే తన లక్ష్యమని వైభవ్‌ సూర్యవంశీ పేర్కొన్నాడు. కాగా ఐపీఎల్‌-2013లో వెస్టిండీస్‌ వీరుడు, యూనివర్సల్‌ బాస్‌ క్రిస్‌గేల్‌ 175 పరుగుల వ్యక్తిగత స్కోరు నమోదు చేశాడు. ఇప్పటికీ ఈ రికార్డు ఈ లెఫ్టాండర్‌ పేరిటే ఉండగా.. మరో లెఫ్టాండర్‌ వైభవ్‌ సూర్యవంశీ ఈ రికార్డును బద్దలు కొట్టాడమే తన లక్ష్యమని చెప్పడం విశేషం.కాగా గతేడాది ఐపీఎల్‌లో అరంగేట్రం చేసిన వైభవ్‌ సూర్యవంశీ.. రాజస్తాన్‌ రాయల్స్‌ తరఫున బరిలోకి దిగి అత్యంత పిన్న వయసు (14) లో ఫాస్టెస్ట్‌ సెంచరీ చేసిన ఆటగాడిగా నిలిచాడు. గుజరాత్‌ టైటాన్స్‌తో మ్యాచ్‌లో 35 బంతుల్లోనే శతకం బాదాడు. ఇదిలా ఉంటే.. ఇటీవలే 15వ వసంతంలో అడుగుపెట్టిన వైభవ్‌.. ఐపీఎల్‌-2026కు సన్నద్ధమవుతున్నాడు.చదవండి: అతడి ఆట అసాధారణం.. గంభీర్‌పై ద్రవిడ్‌ ప్రశంసలుVaibhav Suryavanshi wants to break Chris Gayle’s 175 record in the IPL. pic.twitter.com/X4UhulmHBT— Mufaddal Vohra (@mufaddal_vohra) March 15, 2026

టీ20 ప్రపంచకప్‌ టోర్నీలో తిరుగులేని జట్టుగా టీమిండియా ఆధిపత్యం కొనసాగిస్తోంది. రోహిత్‌ శర్మ సారథ్యంలో 2024లో చాంపియన్‌గా నిలిచిన భారత్‌.. తాజాగా సూర్యకుమార్‌ కెప్టెన్సీలో సొంతగడ్డపై 2026 టైటిల్‌ గెలిచింది. ఈ రెండు సీజన్లలో కలిపి మొత్తంగా 17 మ్యాచ్‌లు ఆడిన టీమిండియా ఏకంగా 16 గెలిచింది.వరుసగా రెండోసారి పొట్టి క్రికెట్‌ వరల్డ్‌కప్‌ ట్రోఫీ గెలిచిన ఏకైక జట్టుగానూ చరిత్ర సృష్టించింది. ఈ నేపథ్యంలో టీమిండియా మాజీ కెప్టెన్‌ సౌరవ్‌ గంగూలీ ఆసక్తికర వ్యాఖ్యలు చేశాడు. టీ20 ఫార్మాట్లో భారత్‌కు రెండు జట్లు ఉంటే బాగుంటుందని అభిప్రాయపడ్డాడు.రెండు జట్లు ఉంటే‘‘ఒకవేళ బుమ్రా ఫిట్‌గా ఉండి.. విరాట్‌ కోహ్లి, రోహిత్‌ శర్మ కూడా అందుబాటులో ఉంటే భారత్‌ మరో జట్టు ఏర్పాటు చేసుకోవచ్చు. టీ20 ప్రపంచకప్‌ ఆడేందుకు ఓ జట్టు ఉండాలి. నిజానికి కేఎల్‌ రాహుల్‌, రిషభ్‌ పంత్‌, యశస్వి జైస్వాల్‌ వంటి వాళ్లకు టీ20 ఫార్మాట్లో అవకాశాలే రావడం లేదు.అతడిని ఎందుకు సెలక్ట్‌ చేయట్లేదుఇక వైభవ్‌ సూర్యవంశీ.. ప్రపంచంలోని ఏ జట్టులోనైనా సరే అతడికి చోటు ఉంటుంది. శ్రేయస్‌ అయ్యర్‌ విషయాని​కి వస్తే.. ఇప్పటికీ అతడు భారత టీ20 జట్టులోకి రాలేకపోతున్నాడు. అతడికి అసలు ఎందుకు అవకాశాలు ఇవ్వడం లేదో నాకైతే ఇంత వరకు అర్థం కావడమే లేదు.అయ్యర్‌ విషయంలో యాజమాన్యం వైఖరి నన్ను ఆశ్చర్యానికి గురిచేస్తోంది. ఇక బౌలర్ల విషయానికొస్తే ప్రసిద్‌ కృష్ణ, కుల్దీప్‌ యాదవ్‌లకు కూడా టీ20లలో ఆడే అవకాశం రావడం లేదు. లెక్కకు మిక్కిలి ఆప్షన్లు ఉన్నాయి కాబట్టి భారత్‌ రెండు టీ20 జట్లు ఏర్పాటు చేస్తే బాగుంటుంది’’ అని గంగూలీ రెవ్‌స్పోర్ట్స్‌తో పేర్కొన్నాడు.విజయవంతమైన కెప్టెన్‌, ఆటగాడిగాకాగా శ్రేయస్‌ అయ్యర్‌ ఐపీఎల్‌లో విజయవంతమైన కెప్టెన్‌, ఆటగాడిగా కొనసాగుతున్నాడు. 2024లో కోల్‌కతా నైట్‌ రైడర్స్‌ కెప్టెన్‌గా టైటిల్‌ గెలిచిన అయ్యర్‌.. గతేడాది పంజాబ్‌ కింగ్స్‌ సారథిగా జట్టును ఫైనల్‌కు చేర్చాడు. ఇక ఈ రెండు సీజన్లలో కలిపి ఏకంగా దాదాపు 950 పరుగులు సాధించాడు. అయితే, టీ20 జట్టులో ఖాళీ లేకపోవడం వల్లే శ్రేయస్‌ అయ్యర్‌కు చోటు ఇవ్వలేకపోతున్నామని చీఫ్‌ సెలక్టర్‌ అజిత్‌ అగార్కర్‌ ఇప్పటికే స్పష్టం చేసిన విషయం తెలిసిందే.చదవండి: సచిన్ రిటైర్మెంట్ వెనుక అసలు కథ..

భారత క్రికెట్‌లో యువ సంచలనం వైభవ్‌ సూర్యవంశీ.. మైదానంలో పరుగుల వరద పారించడం ఈ పిల్లాడికి పరిపాటి అయిపోయింది. పద్నాలుగేళ్ల వయసులోనే ఎన్నెన్నో ప్రపంచ రికార్డులు సాధించాడు ఈ బిహారీ అబ్బాయి.యూత్‌ వన్డే, యూత్‌ టెస్టుల్లో అతి పిన్న వయసులోనే విధ్వంసకర శతకాలు బాదిన బ్యాటర్‌గా వైభవ్‌ చరిత్రకెక్కాడు. ఐపీఎల్‌లో రాజస్తాన్‌ రాయల్స్‌ తరఫున మొదలైన అతడి పరుగుల ప్రవాహం.. భారత్‌ అండర్‌-19 జట్టు తరఫునా కొనసాగుతోంది.ఇటీవల ముగిసిన అండర్‌-19 వరల్డ్‌కప్‌ టోర్నీ ఫైనల్లో ఇంగ్లండ్‌పై 175 పరుగులు చేసి.. భారత్‌ను గెలిపించాడు వైభవ్‌ (Vaibhav Suryavanshi). తద్వారా టీమిండియా వైపు తొలి అడుగు వేశాడు. ఇక ప్రస్తుతం వైభవ్‌ సూర్యవంశీ ఐపీఎల్‌-2026 కోసం రాజస్తాన్‌ రాయల్స్‌తో కలిసి నెట్స్‌లో చెమటోడుస్తున్నాడు.పదో తరగతి పరీక్షలు డుమ్మాఇదిలా ఉంటే.. ఆటతో కాకుండా వ్యక్తిగత విషయాలతోనూ ఇటీవల వైభవ్‌ సూర్యవంశీ పేరు వైరల్‌ అవుతోంది. క్రికెట్‌తో బిజీగా ఉన్నందున అతడు ఈసారి పదో తరగతి పరీక్షలు రాయలేకపోయాడు. ఈ విషయాన్ని వైభవ్‌ తండ్రి సంజీవ్‌ సూర్యవంశీ ధ్రువీకరించారు.102వ ర్యాంకుమరోవైపు.. తాజాగా సంజీవ్‌ సూర్యవంశీ చేసిన పోస్టు వైరల్‌గా మారింది. వైభవ్‌ సూర్యవంశీకి వరుసకు మేనమామ అయిన అభిషేక్‌ చౌహాన్‌ (Abhishek Chauhan) యూపీఎస్‌సీ పరీక్షలో అఖిల భారత స్థాయిలో 102వ ర్యాంకు సాధించినట్లు ఆయన పేర్కొన్నారు. తొలి ప్రయత్నంలోనే అభిషేక్‌ ఈ మేర ర్యాంకు సాధించడం మరో విశేషం. ఆయన ఐపీఎస్‌ సర్వీస్‌ను ఎంచుకున్నట్లు తెలుస్తోంది.ఉన్నత విద్యావంతుల కుటుంబంబిహార్‌లోని సమస్తిపూర్‌లో గల మొహియుద్దీన్‌నగర్‌ బ్లాక్‌లో గల రాజాజన్‌ గ్రామంలో 1999లో అభిషేక్‌ చౌహాన్‌ జన్మించారు. ఆయన తల్లిదండ్రులు డాక్టర్‌ అభయ్‌ కుమార్‌ సింగ్‌, తల్లి అనురాధా రాజ్‌పుత్‌. అభయ్‌ కుమార్‌ సింగ్‌ నలంద ఓపెన్‌ యూనివర్సిటీలో రిజిస్ట్రార్‌గా పనిచేస్తున్నారు. ఇక ఎంటెక్‌లో గోల్డ్‌ మెడల్‌ సాధించిన అభిషేక్‌ 2022 నుంచి సివిల్స్‌ పరీక్షకు సన్నద్ధం అయ్యారు. 2025లో తొలిసారి పరీక్ష రాయగా.. ఇటీవల విడుదలైన ఫలితాల్లో 102వ ర్యాంకు సాధించారు. దీంతో సమస్తిపూర్‌లో సంతోషకర వాతావరణం నెలకొంది. బంధువులు, స్నేహితుల రాకతో హడావుడిగా మారింది. ఈ నేపథ్యంలో వైభవ్‌ తండ్రి సంజీవ్‌ సూర్యవంశీ.. అభిషేక్‌ చౌహాన్‌కు శుభాకాంక్షలు తెలిపారు.చదవండి: T20 WC Final: విజేత ఆ జట్టే: సౌతాఫ్రికా దిగ్గజాలు

భారత యువ క్రికెట్‌ సంచలనం వైభవ్‌ సూర్యవంశీ మరోసారి విధ్వంసకర ఇన్నింగ్స్‌తో మెరిశాడు. ఐపీఎల్‌-2026 టోర్నమెంట్ ఆరంభానికి ముందే తన బ్యాట్‌ పవర్‌ ఏమిటో ఇంకోసారి చాటిచెప్పాడు. డీవై పాటిల్‌ టీ20 కప్‌ 2026 టోర్నీలో భాగంగా ఈ బిహారీ పిల్లాడు.. ప్రత్యర్థి బౌలర్లపై విరుచుకుపడ్డాడు.డీవై పాటిల్‌ బ్లూ జట్టుకు ప్రాతినిథ్యంముంబై వేదికగా జరిగే ఈ టీ20 లీగ్‌లో డీవై పాటిల్‌ బ్లూ జట్టుకు ప్రాతినిథ్యం వహిస్తున్న వైభవ్‌ సూర్యవంశీ (Vaibhav Suryavanshi).. గురువారం నాటి మ్యాచ్‌లో ఇండియన్‌ నావీ జట్టుపై చితక్కొట్టాడు. కేవలం 14 బంతుల్లోనే అర్ద శతకం పూర్తి చేసుకున్న ఈ లెఫ్టాండ్‌ బ్యాటర్‌.. మొత్తంగా 19 బంతుల్లో 63 పరుగులు సాధించాడు.వైభవ్‌ సూర్యవంశీ విధ్వంసంవైభవ్‌ సూర్యవంశీ ఇన్నింగ్స్‌లో ఏడు ఫోర్లు, ఐదు సిక్సర్లు ఉండటం విశేషం. వరుణ్‌ చౌదరి బౌలింగ్‌లో ఒకే ఓవర్లో వైభవ్‌ 20 పరుగులు పిండుకోవడం మరో హైలైట్‌. ఇక వైభవ్‌తో పాటు అర్జున్‌ టెండుల్కర్‌ సైతం అద్భుత అజేయ అర్ధ శతకంతో ఆకట్టుకున్నాడు. కేవలం 29 బంతుల్లోనే 55 పరుగులు సాధించాడు.దంచికొట్టిన అర్జున్‌ టెండుల్కర్‌వైభవ్‌, అర్జున్‌ ధనాధన్‌ దంచికొట్టడంతో డీవై పాటిల్‌ బ్లూ జట్టు ఇండియన్‌ నేవీ జట్టును ఐదు వికెట్ల తేడాతో ఓడించింది. కాగా డీవై పాటిల్‌ బ్లూ జట్టుకు శశాంక్‌ సింగ్‌ (Shashank Singh) కెప్టెన్‌గా ఉండగా.. ఐపీఎల్‌ స్టార్లు యశ్‌ ధుల్‌, సర్ఫరాజ్‌ ఖాన్‌, జితేశ్‌ శర్మ, మయాంక్‌ యాదవ్‌ కూడా జట్టులో భాగంగా ఉన్నారు.Arjun Tendulkar hitting sixes for fun in the DY Patil tournament.He can give finishing touches for LSG in IPL.After coming to LSG , he becomes a different beast 🥵 pic.twitter.com/hwHTiQwaQz— Rupesh Kumar (@drona_17) February 26, 2026కాగా వైభవ్‌ సూర్యవంశీ ఫార్మాట్లకు అతీతంగా విధ్వంసకర బ్యాటింగ్‌తో అలరిస్తున్న విషయం తెలిసిందే. భారత్‌ అండర్‌-19 జట్టు తరఫున చివరగా వరల్డ్‌కప్‌ బరిలో దిగిన ఈ పద్నాలుగేళ్ల పిల్లాడు.. ఇంగ్లండ్‌తో ఫైనల్లో భారీ శతకం (80 బంతుల్లో 175) బాది భారత్‌కు టైటిల్‌ అందించాడు. ప్రస్తుతం డీవై పాటిల్‌ టీ20 కప్‌ టోర్నీతో బిజీగా ఉన్న వైభవ్‌.. తదుపరి ఐపీఎల్‌-2026లో రాజస్తాన్‌ రాయల్స్‌ తరఫున బరిలో దిగుతాడు. ఇదిలా ఉంటే.. ఫిబ్రవరి 22న నవీ ముంబైలో మొదలైన డీవై పాటిల్‌ టీ20 కప్‌ 2026.. మార్చి 6న ఫైనల్‌తో ముగియనుంది. ఇందులో 16 జట్లు భాగంగా ఉన్నాయి.చదవండి: కెప్టెన్‌గా సూపర్‌ హిట్‌!.. భారీ షాకిచ్చిన బీసీసీఐ!

బిహార్ యువ సంచ‌ల‌నం వైభ‌వ్ సూర్య‌వంశీ త‌న అద్భుత ప్ర‌ద‌ర్శ‌న‌ల‌తో క్రికెట్ ప్ర‌పంచాన్ని ఆక‌ర్షించిన సంగ‌తి తెలిసిందే. 14 ఏళ్ల వైభ‌వ్ ఫార్మాట్‌తో సంబంధం లేకుండా దుమ్ములేపుతున్నాడు. ముఖ్యంగా ఐపీఎల్‌-2025లో రాజ‌స్తాన్ రాయ‌ల్స్‌కు ప్రాతినిథ్యం వ‌హించిన వైభ‌వ్‌.. త‌న సంచ‌ల‌న బ్యాటింగ్‌తో వ‌ర‌ల్డ్ క్లాస్ బౌల‌ర్ల‌ను సైతం వ‌ణికించాడు.కేవ‌లం 14 ఏళ్ల 32 రోజుల వయసులోనే సెంచ‌రీ చేసి త‌న పేరును ఐపీఎల్ చ‌రిత్ర‌లో సువర్ణక్షరాలతో లిఖించుకున్నాడు. ఐపీఎల్‌లో సెంచ‌రీ చేసిన అత్యంత పిన్న వ‌య‌ష్కుడిగా వైభ‌వ్ నిలిచాడు. అత‌డు 206.56 స్ట్రైక్ రేట్‌తో కేవ‌లం 7 మ్యాచ్‌ల్లోనే 252 ప‌రుగులు చేశాడు. దీంతో వైభ‌వ్ “ టాటా కర్వ్ సూపర్ స్ట్రైకర్ ఆఫ్ ది సీజన్” అవార్డును గెలుచుకున్నాడు. ఈ క్ర‌మంలో తాజాగా టాటా మోటార్స్ అతనికి ప్రత్యేక బహుమతిగా కొత్త టాటా కర్వ్ SUV కారును అందించింది. వైభవ్ తన కుటుంబ సభ్యులతో కలిసి పాట్నాలో జరిగిన ప్రత్యేక కార్యక్రమానికి హాజరయ్యాడు.ఇందుకు సంబంధించిన ఫోటోల‌ను టాటా మోటార్స్ ఇన్‌స్టాలో షేర్ చేసింది. కాగా టాటా కర్వ్ టాప్ మోడల్ ఆన్-రోడ్ ధర ఢిల్లీలో రూ. 22 లక్షలు ఉన్న‌ట్లు తెలుస్తోంది. ఈ కారు అత్యాధునికమైన డీజిల్ ఇంజిన్ ,డ్యూయల్ క్లచ్ ట్రాన్స్‌మిషన్ టెక్నాలజీ వంటి ఫ్యూచ‌ర్స్ క‌లిగి ఉంది.

భారత యువ చిచ్చరపిడుగు వైభవ్‌ సూర్యవంశీ బిహార్‌ ముఖ్యమంత్రి నితీశ్‌ కుమార్‌ చేతుల మీదుగా భారీ నగదు పురస్కారం అందుకున్నాడు. ఇటీవల జరిగిన అండర్‌-19 ప్రపంచకప్‌లో అద్భుత ప్రదర్శనలు చేసినందుకు గానూ బిహార్‌ ప్రభుత్వం వైభవ్‌కు 'పశుపతినాథ్ యోజన' స్కీం కింద రూ.50 లక్షల చెక్కును అందజేసింది. నిన్న (ఫిబ్రవరి 22) పాట్నాలోని ముఖ్యమంత్రి కార్యాలయంలో నితీశ్‌ కుమార్‌ చేతుల మీదుగా వైభవ్‌ ఈ క్యాష్‌ ప్రైజ్‌ను అందుకున్నాడు. ఈ కార్యక్రమంలో బిహార్‌ ఉప ముఖ్యమంత్రి విజయ్ కుమార్ సిన్హా, సమ్రాట్ చౌధరి తదితరులు పాల్గొన్నారు. పలువురు అధికారులు వైభవ్‌ను సన్మానించారు. వైభవ్‌ ఇటీవల పదో తరగతి బోర్డు పరీక్షలకు దూరంగా ఉంటున్నట్లు ప్రకటించి వార్తల్లో నిలిచాడు. క్రికెట్‌పై ఫోకస్‌ పెట్టడం కోసం ఈ నిర్ణయం తీసుకుంటున్నట్లు తెలిపాడు. త్వరలో జరుగబోయే ఐపీఎల్‌ 2026 కోసం వైభవ్‌ ఇప్పటినుంచే ప్రాక్టీస్‌ షురూ చేశాడు. వైభవ్‌ను రాజస్థాన్‌ రాయల్స్‌ మరోసారి రీటైన్‌ చేసుకున్న విషయం తెలిసిందే. వైభవ్‌ గత ఎడిషన్‌లోనే ఐపీఎల్‌ అరంగేట్రం చేశాడు. తొలి ఎడిషన్‌లోనే అతను రాయల్స్‌ తరఫున అద్భుతాలు చేశాడు. 7 మ్యాచ్‌ల్లో 206 స్ట్రయిక్‌రేట్‌తో సెంచరీ, హాఫ్‌ సెంచరీ సాయంతో 252 పరుగులు చేశాడు. గుజరాత్ టైటాన్స్‌పై వైభవ్ చేసిన 38 బంతుల శతకం ఐపీఎల్‌ చరిత్రలో భారత ఆటగాడు చేసిన అత్యంత వేగవంతమైన శతకం కావడం విశేషం. అరంగేట్రం ఎడిషన్‌లో, అదీ 14 ఏళ్ల వయసులోనే ఈ ఫీట్‌ను సాధించిన వైభవ్‌ రాత్రికిరాత్రే సూపర్‌ స్టార్‌ అయ్యాడు.స్వరాష్ట్రం అండదండలు వైభవ్ చిన్న వయసులోనే కోచ్ మనీష్ ఓజా మార్గదర్శకత్వంలో రోజుకు 600 బంతులు ఎదుర్కొంటూ కఠిన శిక్షణ పొందాడు. స్వరాష్ట్ర క్రికెట్‌ సంఘం (బిహార్‌) నుంచి అతనికి అత్యంత​ పిన్న వయసులోనే రంజీ ట్రోఫీ అవకాశం కూడా లభించింది. బిహార్‌ క్రికెట్‌ బోర్డు అండదండలే వైభవ్‌ కెరీర్‌కు పునాది అయ్యాయి. రెండో అత్యధిక రన్‌ స్కోరర్‌ ఇటీవల జరిగిన అండర్-19 వరల్డ్ కప్‌లో వైభవ్‌ రెండో అత్యధిక రన్ స్కోరర్‌గా నిలిచాడు. ఏడు ఇన్నింగ్స్‌ల్లో 62.71 సగటున 439 పరుగులతో మెరిశాడు. ఫైనల్లో ఇంగ్లండ్‌పై అతను చేసిన భారీ శతకం (80 బంతుల్లో 175 పరుగులు) భారత్‌ను ప్రపంచ ఛాంపియన్‌గా నిలబెట్టింది.

భారత యువ క్రికెట్‌ తరంగం వైభవ్‌ సూర్యవంశీ పద్నాలుగేళ్ల వయసులోనే ఎన్నో అద్భుతాలు చేశాడు. ఐపీఎల్‌లో అత్యంత పిన్న వయసులోనే విధ్వంసకర శతకం బాదిన ఈ బిహారీ పిల్లాడు.. యూత్‌ వన్డే, టెస్టుల్లోనూ శతకాల మోత మోగించాడు.ఇటీవల అండర్‌-19 వరల్డ్‌కప్‌ టోర్నీ-2026లోనూ వైభవ్‌ సూర్యవంశీ (Vaibhav Suryavanshi) అదరగొట్టాడు. ఇంగ్లండ్‌తో ఫైనల్లో మెరుపు, భారీ శతకం (80 బంతుల్లో 175) బాది.. భారత్‌ ఆరో టైటిల్‌ గెలవడంలో కీలక పాత్ర పోషించాడు. టోర్నీ ఆసాంతం అద్భుత ప్రదర్శన కనబరిచి ప్లేయర్‌ ఆఫ్‌ ది మ్యాచ్‌, ప్లేయర్‌ ఆఫ్‌ ది సిరీస్‌ అవార్డులు గెలుచుకున్నాడు.ఐపీఎల్‌-2026కు సన్నద్ధంఇక వైభవ్‌ సూర్యవంశీ తదుపరి ఐపీఎల్‌-2026లో భాగంగా రాజస్తాన్‌ రాయల్స్‌ తరఫున బరిలోకి దిగనున్నాడు. అంతకంటే ముందు అతడు పదో తరగతి పరీక్షలు రాయాల్సి ఉంది. తొలుత వైభవ్‌ పరీక్షలకు హాజరవుతాడని.. ఇందుకోసం ఆటకు విరామం ఇస్తాడనే వార్తలు వచ్చాయి.పరీక్షలకు దూరంఅయితే, వైభవ్‌ చదివే స్కూల్‌ డైరెక్టర్‌ మాత్రం అతడు ఈ ఏడాది పరీక్షలకు హాజరు కావడం లేదని వెల్లడించారు. ఈ విషయాన్ని వైభవ్‌ సూర్యవంశీ తండ్రి సంజీవ్‌ సూర్యవంశీ తాజాగా ధ్రువీకరించారు. ‘మిడ్‌డే’తో మాట్లాడుతూ..అవును.. మాకు అదే ముఖ్యం‘‘అవును.. నా కుమారుడు ప్రస్తుతం నాగ్‌పూర్‌లో రాజస్తాన్‌ రాయల్స్‌ జట్టుతో కలిసి క్రికెట్‌ ప్రాక్టీస్‌ చేస్తున్నాడు. ఈసారి వైభవ్‌ పరీక్షల గురించి చాలా చర్చ నడుస్తోంది. అందుకే అతడు పరీక్షలు రాయకూడదని నిర్ణయించుకున్నాడు.వచ్చే ఏడాది పదో తరగతి పరీక్షలు రాస్తాడు. ఈ ఏడాది ఒకవేళ పరీక్షలకు హాజరైనా అతడు పూర్తి స్థాయిలో దృష్టి పెట్టలేకపోయేవాడు. ఒత్తిడిలో ఏ పనీ చేయకూడదు. నిజానికి చదువులో వైభవ్‌ ఎప్పుడూ ముందే ఉంటాడు.అన్ని సబ్జెక్టులలోనూ వాడికి 90 శాతానికి పైగా మార్కులు వచ్చేవి. అయితే, ఇప్పుడు మా ప్రాధాన్యం క్రికెట్‌ మాత్రమే’’ అని సంజీవ్‌ సూర్యవంశీ స్పష్టం చేశారు. కాగా మంగళవారం సీబీఎస్‌ఈ పదో తరగతి పరీక్షలో భాగంగా వైభవ్‌ బిహార్‌లో ఉ‍న్న పోదార్‌ ఇంటర్నేషనల్‌ స్కూల్‌లో ఎగ్జామ్‌కు హాజరుకావాల్సింది. అయితే, అతడు పరీక్షా కేంద్రానికి రాలేదని.. అతడికి ఆబ్సెంట్‌ వేశామని పాఠశాల ప్రిన్సిపల్‌ ఎన్‌కే సిన్హా ANIకి తెలిపారు.చదవండి: అతడి ఖేల్‌ ఖతం.. కెరీర్‌ ముగిసినట్లే: పాంటింగ్‌

విధ్వంసకర ఆట తీరుతో క్రికెట్‌ ప్రపంచంలో తనకంటూ ప్రత్యేక గుర్తింపు తెచ్చుకుంటున్న నయా సంచలనం వైభవ్‌ సూర్యవంశీ. ఇండియన్‌ ప్రీమియర్‌ లీగ్‌ (IPL)తో సత్తా చాటి వెలుగులోకి వచ్చిన ఈ బిహారీ పిల్లాడు.. భారత్‌ తరఫునా అదరగొడుతున్నాడు. పద్నాలుగేళ్ల వయసులోనే అండర్‌-19 స్థాయిలో అదరగొడుతున్న ఈ లెఫ్టాండర్‌ బ్యాటర్‌.. వరల్డ్‌కప్‌ ఫైనల్లోనూ దుమ్ములేపాడు.జింబాబ్వే వేదికగా ఇంగ్లండ్‌పై భారీ శతకం (80 బంతుల్లో 175) బాదిన వైభవ్‌ సూర్యవంశీ.. భారత్‌ ఆరోసారి వరల్డ్‌కప్‌ ట్రోఫీని ముద్దాడటంలో కీలక పాత్ర పోషించాడు. అంతకుముందు భారత్‌ అండర్‌-19 జట్టు తరఫున ఆస్ట్రేలియా, ఇంగ్లండ్‌, సౌతాఫ్రికా గడ్డ మీద ఈ చిచ్చరపిడుగు సత్తా చాటాడు.అంతేకాదు.. దక్షిణాఫ్రికాలో ఏకంగా కెప్టెన్‌గా వ్యవహరించిన వైభవ్‌.. యూత్‌ వన్డే సిరీస్‌ను 3-0తో క్లీన్‌స్వీప్‌ చేయడం విశేషం. ఇలా టీనేజ్‌లోనే క్రికెట్‌ ప్రపంచంలో తనదైన ముద్ర వేస్తున్న ఈ పద్నాలుగేళ్ల పిల్లాడు.. ఆటతో బిజీగా ఉన్న కారణంగా చదువు విషయంలో ఏడాది వెనుకపడనున్నాడు.బిహార్‌లోని తేజ్‌పూర్‌కు చెందిన వైభవ్‌ సూర్యవంశీ.. అక్కడి మాడెస్టీ స్కూల్‌లో పదో తరగతి చదువుతున్నాడు. ఈ క్రమంలో ఫిబ్రవరి 17- మార్చి 11 మధ్య జరగాల్సిన సీబీఎస్‌ఈ క్లాస్‌ 10 బోర్డు ఎగ్జామ్‌కు వైభవ్‌ సూర్యవంశీ హాజరు కావాల్సి ఉంది. తొలుత వైభవ్‌ పరీక్షలు రాస్తాడని వార్తలు వచ్చాయి.అయితే, తాజా సమాచారం ప్రకారం వైభవ్‌ సూర్యవంశీ ఈ ఏడాది పరీక్షలకు దూరంగా ఉండాలని నిర్ణయించుకున్నట్లు సమాచారం. ఈ విషయాన్ని మాడెస్టీ స్కూల్‌ డైరెక్టర్‌ ఆదర్శ్‌ కుమార​ పింటూ నిర్ధారించారు. వైభవ్‌కు అడ్మిట్‌ కార్డు కూడా జారీ చేశామని.. అయితే, ఆఖరి నిమిషంలో అతడు మనసు మార్చుకున్నట్లు వెల్లడించారు.వైభవ్‌ సూర్యవంశీ తండ్రి సంజీవ్‌ సూర్యవంశీ ఈ మేరకు తమ నిర్ణయాన్ని తెలిపినట్లు పింటూ పేర్కొన్నారు. కాగా వరుస సిరీస్‌లు, వరల్డ్‌కప్‌ టోర్నీతో బిజీగా గడిపిన వైభవ్‌.. ప్రస్తుతం రాజస్తాన్‌ రాయల్స్‌ క్యాంపుతో ఐపీఎల్‌కు సన్నద్ధమయ్యే పనిలో ఉన్నాడు. దీంతో పరీక్షలకు సరిగ్గా ప్రిపేర్‌ కాలేకపోయాడని.. అందుకే ఈసారి పరీక్షలు రాయొద్దని నిర్ణయించుకున్నట్లు తెలుస్తోంది. ఈ నేపథ్యంలో ఆటతో పాటు వైభవ్‌ చదువును కూడా బ్యాలెన్స్‌ చేస్తే బాగుండనే అభిప్రాయాలు వ్యక్తమవుతున్నాయి.దిగ్గజాల క్వాలిఫికేషన్‌ తెలుసా?ఇక వైభవ్‌ పరీక్షలు స్కిప్‌ చేసిన నేపథ్యంలో భారత క్రికెట్‌ దిగ్గజాల విద్యార్హతల అంశం మరోసారి తెరమీదకు వచ్చింది. క్రికెట్‌ దేవుడిగా పేరొందిన సచిన్‌ టెండుల్కర్‌ పదో తరగతిలో ఫెయిల్‌ అయ్యాడు. ఈ ముంబైకర్‌ ఆట మీద మాత్రమే దృష్టి పెట్టి అంతర్జాతీయ క్రికెట్‌లో వంద శతకాలు సాధించిన ఏకైక క్రికెటర్‌గా ప్రసిద్ధికెక్కాడు.మరోవైపు.. టీమిండియాకు మూడు ఐసీసీ టైటిళ్లు అందించిన దిగ్గజ కెప్టెన్‌ మహేంద్ర సింగ్‌ ధోని.. ఇంటర్‌ చదివాడు. రైల్వేలో ఉద్యోగం చేస్తూ టీమిండియాలోకి వచ్చి జట్టు గతినే మార్చివేశాడు ఈ జార్ఖండ్‌ డైనమైట్‌. ఇక ఢిల్లీకి చెందిన రన్‌మెషీన్‌ విరాట్‌ కోహ్లి కూడా పన్నెండో తరగతి వరకే చదివాడు. అదే విధంగా.. భారత్‌కు రెండు ఐసీసీ ట్రోఫీలు అందించిన సారథి, ముంబైకర్‌ రోహిత్‌ శర్మ సైతం ఇంటర్‌తోనే ఆపివేసినట్లు తెలుస్తోంది.చదవండి: IND vs PAK: అతడి ఆటకు మేము లొంగిపోము: సూర్య

నిన్న‌టివ‌ర‌కు మైదానంలో బౌల‌ర్ల‌ను బెంబేలెత్తించిన‌ భార‌త యువ‌ సంచ‌ల‌నం వైభ‌వ్ సూర్య‌వంశీ ఇప్పుడు క్లాస్‌రూమ్‌లో కూర్చుని ప‌రీక్ష‌లు రాసేందుకు సిద్ద‌మ‌య్యాడు. ఫిబ్రవరి 17 నుంచి ప్రారంభం కానున్న సీబీఎస్‌ఈ పదో తరగతి బోర్డు పరీక్షలకు అత‌డు హాజ‌రు కానున్నాడు. బిహార్‌లోని సమస్తిపుర్‌లోని పోడార్‌ ఇంటర్నేషనల్‌ స్కూల్‌లో వైభవ్‌ ఈ పరీక్షలు రాయనున్నాడు.వైభవ్ సూర్యవంశీ మా పాఠశాలలో 10వ తరగతి బోర్డు పరీక్షలకు హాజరు కానున్నాడు. అత‌డికి ఇప్ప‌టికే అడ్మిట్ కార్డ్ అందించాము. ఉపాధ్యాయులు, విద్యార్థులు, త‌ల్లిదండ్రులు వైభ‌వ్ రాక కోసం ఆతృతగా ఎదురుచూస్తున్నారు. అతడు ఇంకా విద్యార్ధి కాబట్టి ఎటువంటి ప్రత్యేక సౌకర్యాలు కల్పించడం లేదు. అందరితో కలిసే పరీక్షలు రాయనున్నాడు. అందుకు తగ్గట్టు భద్రతా ఏర్పాట్లు చేస్తున్నట్లు పోడార్ స్కూల్ ప్రిన్సిపాల్ నీల్ కిషోర్ సిన్హా పేర్కొన్నారు.కాగా 14 ఏళ్ల వైభ‌వ్ ఐపీఎల్‌-2025లో రాజ‌స్తాన్ త‌ర‌పున కేవ‌లం 15 బంతుల్లో సెంచ‌రీ సాధించి అంద‌రి దృష్టిని ఆకర్షించాడు. ఆ త‌ర్వాత కూడా భార‌త్-ఎ జ‌ట్టు, అండ‌ర్-19 జ‌ట్టు త‌ర‌పున సంచ‌ల‌న ప్ర‌ద‌ర్శ‌న‌లు చేశాడు. ఇటీవ‌ల జ‌రిగిన అండర్‌-19 ప్రపంచకప్‌లో సైతం దుమ్ములేపాడు. ఇంగ్లండ్‌తో జరిగిన అండర్‌-19 ప్రపంచకప్‌ ఫైనల్‌లో 175 పరుగులతో సత్తాచాటిన వైభ‌వ్‌.. భార‌త్‌ను ఛాంపియ‌న్‌గా నిలిపాడు. మొత్తంగా 439 పరుగులు చేసిన వైభవ్ 'ప్లేయర్ ఆఫ్ ది టోర్నమెంట్' గా నిలిచాడు.చ‌ద‌వండి: వారెవ్వా జింబాబ్వే

ఐసీసీ అండర్‌-19 వరల్డ్‌కప్‌-2026 ఫైనల్లో సత్తా చాటి మరోసారి ప్రశంసలు అందుకుంటున్నాడు వైభవ్‌ సూర్యవంశీ. ఇంగ్లండ్‌తో టైటిల్‌ పోరులో ఈ పద్నాలుగేళ్ల బాలుడు కేవలం 80 బంతుల్లోనే 175 పరుగులు సాధించాడు. తద్వారా భారత్‌ ఆరోసారి ప్రపంచకప్‌ ట్రోఫీ గెలవడంలో కీలక పాత్ర పోషించి ప్లేయర్‌ ఆఫ్‌ ది మ్యాచ్‌గా నిలిచాడు.ఈ నేపథ్యంలో ఈ భారత యువ క్రికెట్‌ తరంగాన్ని ఏకంగా దిగ్గజ గ్యారీ సోబర్స్‌తో పోల్చాడు ఇంగ్లండ్‌ మాజీ క్రికెటర్‌ మార్క్‌ బుచర్‌. ఇక ఈ మెగా టోర్నీ తర్వాత ఇండియన్‌ ప్రీమియర్‌ లీగ్‌ (IPL)తో వైభవ్‌ సూర్యవంశీ బిజీ కానున్నాడు. అయితే, అంతకంటే ముందే మరో దేశీ టీ20 లీగ్‌లో అతడు భాగం కానున్నట్లు వార్తలు వినిపిస్తున్నాయి.IPL కంటే ముందే ఆ టీ20 లీగ్‌లోక్రిక్‌బజ్‌ కథనం ప్రకారం.. దేశీ కార్పొరేట్‌ టీ20 ఈవెంట్‌ డీవై పాటిల్‌ టీ20 టోర్నమెంట్లో వైభవ్‌ పాల్గొననున్నట్లు అతడి సన్నిహితులు తెలిపారు. ఇందుకు సంబంధించి నిర్వాహకులతో చర్చలు తుదిదశకు చేరినట్లు సమాచారం. కాగా ఈ కాంపిటిషన్‌ ఫిబ్రవరి 23న మొదలుకానుంది.హార్దిక్‌ పాండ్యా సైతందేశీ ఆటగాళ్లతో పాటు అంతర్జాతీయ క్రికెటర్లు కూడా డీవై పాటిల్‌ టీ20 టోర్నమెంట్లో ఆడతారు. ఐపీఎల్‌ కంటే ముందే పొట్టి క్రికెట్‌ వైబ్‌ ఇక్కడ కనిపిస్తుంది. ముఖ్యంగా క్యాష్‌ రిచ్‌ లీగ్‌ కంటే ముందు ఈ టోర్నీలో ఆడటం యువ ఆటగాళ్ల ఆత్మవిశ్వాసాన్ని పెంచేందుకు తోడ్పడుతుంది. నవీ ముంబై వేదికగా జరిగే గతేడాది ఈ టోర్నీలో హార్దిక్‌ పాండ్యా, కృనాల్‌ పాండ్యా వంటి స్టార్‌ ప్లేయర్లు ఆడారు. శివం దూబే, నేహాల్‌ వధేరా, దీపక్‌ చహర్‌ తదితరులు కూడా భాగమయ్యారు.పైసా వసూల్‌ ప్రదర్శనకాగా దేశీ క్రికెట్‌లో సత్తా చాటి ఐపీఎల్‌ ఫ్రాంఛైజీ రాజస్తాన్‌ రాయల్స్‌ దృష్టిని ఆకర్షించాడు వైభవ్‌ సూర్యవంశీ. ఈ చిచ్చరపిడుగు కోసం రాయల్స్‌ ఏకంగా 1.10 కోట్ల రూపాయలు ఖర్చు చేసింది. అందుకు తగినట్లుగానే ఈ బిహారీ పిల్లాడు పైసా వసూల్‌ ప్రదర్శన ఇచ్చాడు. సంజూ శాంసన్‌ గైర్హాజరీలో యశస్వి జైస్వాల్‌కు జోడీగా ఓపెనర్‌గా వచ్చి.. తానేంటో నిరూపించుకున్నాడు.గుజరాత్‌ టైటాన్స్‌తో మ్యాచ్‌లో కేవలం 38 బంతుల్లోనే 101 పరుగులు చేయడంతో వైభవ్‌ పేరు ఒక్కసారిగా మారుమ్రోగిపోయింది. ఆ తర్వాత భారత్‌ అండర్‌-19 జట్టు తరఫున ఇంగ్లండ్‌, ఆస్ట్రేలియా, సౌతాఫ్రికాలలో అదరగొట్టి యూత్‌ వన్డే, యూత్‌ టెస్టుల్లో ధనాధన్‌ శతకాలతో ఆకట్టుకున్నాడు వైభవ్‌. ఇదిలా ఉంటే.. ఐపీఎల్‌-2026 సన్నాహకాల్లో భాగంగా ఫిబ్రవరి 21 వరకు ట్రెయినింగ్‌ సెషన్‌లో వైభవ్‌ పాల్గొనున్నాడు. చదవండి: ENG vs WI: నేపాల్‌ మీదైనా గెలిచాం.. సంతోషం: హ్యారీ బ్రూక్‌

భారత యువ క్రికెటర్‌ వైభవ్‌ సూర్యవంశీపై ఇంగ్లండ్‌ మాజీ బ్యాటర్‌ మార్క్‌ బుచర్‌ ప్రశంసల వర్షం కురిపించాడు. పద్నాలుగేళ్ల ఈ పిల్లాడిని దిగ్గజ గ్యారీ సోబర్స్‌తో పోల్చాడు. కాగా ఫార్మాట్‌లకు అతీతంగా ధనాధన్‌ దంచికొడుతూ క్రికెట్‌ ప్రపంచంలో తనకంటూ ప్రత్యేక గుర్తింపు తెచ్చుకుంటున్నాడు వైభవ్‌.ధనాధన్‌బిహార్‌కు చెందిన ఈ కుర్రాడు గతేడాది ఐపీఎల్‌లో సత్తా చాటాడు. అనంతరం ఆస్ట్రేలియా, ఇంగ్లండ్‌, దక్షిణాఫ్రికా గడ్డ మీద భారత అండర్‌-19 జట్టు తరఫున అదరగొట్టాడు. యూత్‌ వన్డేలు, యూత్‌ టెస్టుల్లో విధ్వంసకర శతకాలు బాది రికార్డులు నెలకొల్పాడు.ఫైనల్లోనూ భారీ శతకంఇక ఇటీవల ఐసీసీ అండర్‌-19 వరల్డ్‌కప్‌-2026 ఫైనల్లోనూ ఇంగ్లండ్‌పై భారీ శతకం (175) బాది టీమిండియాకు టైటిల్‌ అందించాడు. ఈ నేపథ్యంలో ఇంగ్లండ్‌ మాజీ క్రికెటర్‌ మార్క్‌ బుచర్‌ వైభవ్‌ సూర్యవంశీ (Vaibhav Suryavanshi) ఆట తీరు తనకు వెస్టిండీస్‌ లెజెండ్‌ గ్యారీ సోబర్స్‌ను గుర్తుకు తెస్తోందన్నాడు.గ్యారీ సోబర్స్‌కి కార్బన్‌ కాపీవిజ్డన్‌ క్రికెట్‌ వీక్లీ పాడ్‌కాస్ట్‌తో మాట్లాడుతూ.. “వైభవ్‌ను చూడగానే నాకు తొలుత గ్యారీ సోబర్స్‌ జ్ఞప్తికి వచ్చాడు. విధ్వంసకర రీతిలో బ్యాట్‌ను స్వింగ్‌ చేయడం.. ఆ టైమింగ్‌, పరిపూర్ణత సూపర్‌. అతడి హ్యాండ్‌ స్పీడ్‌, క్రీజులో కదిలే విధానం అన్నీ ఆ దిగ్గజం మాదిరే ఉంటాయి.అచ్చం సోబర్స్‌ లాగే అతడు బ్యాటింగ్‌ చేస్తున్నాడు. ఇప్పటి వరకు ఏ తరంలోని ఆటగాడు కూడా ఇలా సోబర్స్‌ను నాకు గుర్తుచేయలేదు. అయితే, వైభవ్‌ మాత్రం తన బ్యాటింగ్‌ తీరుతో నన్ను కళ్లు తిప్పుకోనివ్వకుండా చేస్తున్నాడు. ముఖ్యంగా బ్యాట్‌ స్వింగ్‌ కోసం అతడు కాళ్లను కదిలించే విధానం సూపర్‌’’ అని మార్క్‌ బుచర్‌ వైభవ్‌ సూర్యవంశీని కొనియాడాడు. చదవండి: పాక్‌ స్పిన్నర్‌కు అశ్విన్‌ మద్దతు.. నెటిజన్స్‌ ఫైర్‌

‘జీవితంలో ఏదీ ఈజీ కాదు. దేనినైనా కఠోర శ్రమతోనే సాధించగలం. నేను కూడా పెద్ద లక్ష్యాన్ని నిర్దేశించుకుని అందుకు తగినట్లు కష్టపడ్డా. స్కూల్‌కు వెళ్తూనే రెగ్యులర్‌గా ప్రాక్టీస్‌ కొనసాగించా’ అని చెప్పాడు అండర్‌–19 ప్రపంచ కప్‌ గెలిచిన భారత జట్టు ఓపెనర్, నగర యువకుడు అరోన్‌ జార్జి. జింబాబ్వే–నమీబియా సంయుక్తంగా ఆతిథ్యం ఇచ్చిన టి–20 ప్రపంచ కప్‌ను గెలిచిన అనంతరం స్వదేశానికి చేరుకున్న జార్జిని ‘సాక్షి’ పలకరించింది. ఈ సందర్భంగా ప్రపంచకప్‌ వరకు తన ప్రయాణం, ఆ మెగా టోర్నీలో అనుభవాలను పంచుకున్నాడు. ప్రాక్టీస్‌కు తోడు నిత్యం తనను తాను మెరుగుపర్చుకుంటూ ముందుకుసాగానని తెలిపాడు. తన విజయం వెనుక తల్లిదండ్రుల కృషి ఉందని, జీవిత లక్ష్యం టీమ్‌ఇండియాకు ఆడటమేనని వివరించాడు. హైదరాబాద్‌ క్రికెట్‌ దిగ్గజాలు అజారుద్దీన్, వీవీఎస్‌ లక్ష్మణ్, అంబటి రాయుడుతో మంచి సంబంధాలు ఉన్నాయన్నాడు. లక్ష్మణ్‌ మెంటార్‌షిప్‌ తనకు ప్రేరణ ఇచ్చిందని పేర్కొన్నాడు. అరోన్‌ జార్జి ఇంకా ఏమన్నాడో అతడి మాటల్లోనే...! సచిన్‌ టెండూల్కర్‌ ప్రేరణతోనే క్రికెటర్‌ను కావాలని నిర్ణయించుకున్నా. నాలుగో ఏట నుంచే బ్యాట్‌ పట్టా. ప్లాస్టిక్‌ బ్యాట్‌తో ప్రాక్టీస్‌ మొదలుపెట్టా.. నా బ్యాటింగ్‌ స్టైల్‌ చూసి మా నాన్న క్రికెట్‌ వైపు మళ్లించాడు. ప్రాక్టీస్, మ్యాచ్‌లకు వెళ్లే సపమయంలో తెల్లవారు జామున మూడున్నరకే అమ్మ నిద్ర లేచి అన్నీ సిద్ధం చేసేది. నాన్న ఈసో వర్గీస్‌ విశ్రాంతి పోలీస్‌ అధికారి. అమ్మ ప్రీతి గృహిణి. అక్క నల్సార్‌లో లా చదువుతోంది. ఈ ముగ్గురూ నాకోసం చాలా కష్టపడ్డారు. అతడితో ఓపెనింగ్‌ మంచి అనుభవం 14 ఏళ్ల బిహార్‌ కుర్ర సంచలనం వైభవ్‌ సూర్యవంశీతో కలిసి ఇన్నింగ్స్‌ ఓపెన్‌ చేయడం మంచి కిక్‌ ఇచ్చింది. అతడు మంచి హిట్టర్‌. ఇద్దరం సమన్వయంతో ఆడాం. సాలిడ్‌ షాట్స్‌ కొట్టాం. రన్‌ రేట్‌ పడిపోకుండా చూశాం. అండర్‌–19 ప్రపంచ కప్‌ జట్టులో అనేక రాష్ట్రాల వారున్నా.. క్రీడా స్ఫూర్తితో.. భారత జట్టుగా మందుకుసాగాం.నైపుణ్యం పెంచుకోవడమే అతిపెద్ద సవాలు ఎప్పటికప్పుడు నైపుణ్యాలను పెంచుకోవడమే అతిపెద్ద సవాలు. నాకు నేనే కొత్త సవాళ్లను పెట్టుకునేవాడిని. అందుకు అనుగుణంగా ప్రాక్టీస్‌ చేసి వాటిని అధిగమించేవాడిని. భారత అండర్‌–19 జట్టుకు ఎంపిక కావడం నాలో మరింత ఉత్సాహం పెంచింది. టీమ్‌ ఇండియాకు ఆడాలన్న జీవిత లక్ష్యానికి దగ్గరయ్యాననే ఆనందం కలిగింది. చిన్న ప్రాంతమైన మల్లాపూర్‌ నుంచి ప్రపంచ కప్‌నకు చేరుకోవడం అంతా కలగా ఉంది. గత ఏడాది నా కెప్టెన్సీలోనే హైదరాబాద్‌ జట్టు వినూ మన్కడ్‌ ట్రోఫీని నెగ్గింది. ఇదే టోర్నిలో అంతకుముందు రెండు సీజన్లు 300 పైగా పరుగులు చేయడం నా కెరీర్‌ను మలుపు తిప్పింది.నాన్న స్నేహితుడే.. తొలి శిక్షకుడు నాకు నాలుగేళ్ల వయసు ఉండగా.. చాలా చిన్నగా ఉండేవాడిని. ఎక్కడకు వెళ్లినా చిన్న పిల్లవాడివంటూ ఎవరూ తీసుకోలేదు. నా ఆట తీరును చూసి.. ప్రతిభ ఉందని నాన్న స్నేహితుడు సుభాష్‌ చందర్‌ గుర్తించారు. నాకు శిక్షణ ఇవ్వడం ప్రారంభించారు. నా తొలి గురువు ఆయనే. వర్షం వచ్చినా, ఎన్ని ఇబ్బందులు ఎదురైనా ప్రాక్టీస్‌కు డుమ్మా కొట్టలేదు. లెక్కకు మించి గాయాలు అయ్యాయి. అయినప్పటికీ మొక్కవోని ధైర్యం, పట్టుదలతో ముందుకుసాగాను. తార్నాక వీజే క్రికెట్‌ అకాడమీ కోచ్‌ విజు నాయర్‌ మెళకువలు నేర్పారు. నన్ను తీర్చిదిద్దారు. ప్రస్తుతం భారత అంతర్జాతీయ జట్టు మాజీ ఫీల్డింగ్‌ కోచ్‌ శ్రీధర్‌ పర్యవేక్షణలో శిక్షణ పొందుతున్నాను.పిల్లలూ చదువును మరువొద్దు.. ఇప్పుడు పెద్ద ఎత్తున పిల్లలు క్రికెట్‌ అకాడమీలలో చేరుతున్నారు. ఇది మంచిదే. కానీ, క్రికెట్‌తో పాటు చదువుకు కూడా ప్రాధాన్యం ఇవ్వాలి. పైస్థాయికి వెళ్లినప్పుడు, ఇంటర్వ్యూల సమయంలో విద్య మన వ్యక్తిత్వాన్ని చెబుతుంది.

వైభవ్‌ సూర్యవంశీ.. క్రికెట్‌ వర్గాల్లో ఎక్కడ చూసినా ఈ పేరే హాట్‌టాపిక్‌. ఫార్మాట్‌ ఏదైనా ఈ పాలబుగ్గల పిల్లాడికి బంతిని బౌండరీకి తరలించడమే తెలుసు.. విధ్వంసకర ఇన్నింగ్స్‌తో ప్రత్యర్థి జట్టు బౌలర్లకు పీడకలను మిగల్చడం ఈ యువ బ్యాటర్‌కు అలవాటుగా మారింది..ఐసీసీ అండర్‌-19 వరల్డ్‌కప్‌ టోర్నీ-2026లో వైభవ్‌ ప్రదర్శనే ఇందుకు నిదర్శనం. పద్నాలుగేళ్ల ఈ ఎడమచేతి వాటం బ్యాటర్‌.. ఈ ఈవెంట్లో ఏడు మ్యాచ్‌లలో కలిపి మూడు అర్ధ శతకాలు.. ఓ సెంచరీ సాధించాడు. ఆ శతకం కూడా ఫైనల్లో.. అదీ ఇంగ్లండ్‌ జట్టుపై ఏకంగా 175 పరుగులు సాధించడం విశేషం.Carnage continues as Vaibhav Sooryavanshi brings up 150 in style! 🔥🤩The English bowlers have no answers as the Boss Baby is going all guns blazing with towering sixes! 🙌🏻😮‍💨ICC Men's #U19WorldCup | FINAL | #INDvENG | LIVE NOW 👉 https://t.co/ZFk8pN9tv3 pic.twitter.com/Dkh4YCXOEC— Star Sports (@StarSportsIndia) February 6, 2026 55 బంతుల్లోనే శతక్కొట్టిన వైభవ్‌వరల్డ్‌కప్‌ ఫైనల్లో 55 బంతుల్లోనే శతక్కొట్టిన వైభవ్‌.. పలు చిరస్మరణీయ రికార్డులు నెలకొల్పాడు. పద్నాలుగేళ్ల వయసులోనే ఈ బిహారీ కుర్రాడు.. వరల్డ్‌కప్‌ టోర్నీ ఫైనల్లో ‘ప్లేయర్‌ ఆఫ్‌ ది మ్యాచ్‌’గా నిలవడంతో పాటు.. ‘ప్లేయర్‌ ఆఫ్‌ ది సిరీస్‌’ అవార్డు కూడా అందుకున్నాడు.Team India be like: Top karne ki aadat ho gayeli hai apun ko 🏆😎The 6th trophy for Team India in the ICC Men’s #U19WorldCup 🇮🇳Watch the highlights 👉 https://t.co/nXMmxDoivS pic.twitter.com/VDeA2PH3Gh— Star Sports (@StarSportsIndia) February 6, 2026పుత్రోత్సాహంఈ నేపథ్యంలో వైభవ్‌ సూర్యవంశీపై ప్రశంసల వర్షం కురుస్తోంది. ఫైనల్లో ‘న భూతో న భవిష్యతి’ అన్నట్లుగా సాగిన అతడి విధ్వంసం గురించే ప్రధానంగా చర్చ నడుస్తోంది. ఇక వైభవ్‌ తండ్రి సంజీవ్‌ సూర్యవంశీ ఆనందానికి హద్దుల్లేకుండా పోయాయి. పుత్రోత్సాహంతో ఆయన ఉప్పొంగిపోతున్నారు.అప్పటిదాకా బిగ్‌ క్రికెటర్‌ అని ఒప్పుకోనుఈ క్రమంలో సంజీవ్‌ సూర్యవంశీ చేసిన వ్యాఖ్యలు వైరల్‌గా మారాయి. ‘‘ఇది కేవలం ఆరంభం మాత్రమే. తను సాధించాల్సింది ఇంకెంతో ఉంది. వైభవ్‌ టెస్టు మ్యాచ్‌ ఆడేదాకా తననొక స్టార్‌ క్రికెటర్‌గా నేను పరిగణించను’’ అని సంజీవ్‌ సూర్యవంశీ టైమ్స్‌ ఆఫ్‌ ఇండియాతో పేర్కొన్నారు.అదే విధంగా.. ‘‘నువ్వెంత గొప్పగా ఆడితే అంత హుందాగా, ఒద్దికగా ఉండాలని తనకు చెబుతూ ఉంటాను. సీనియర్లు, కోచ్‌లతో చర్చిస్తూ లోపాలు సరిచేసుకోవాలని చెప్తాను. ‘అండర్‌-19 ప్రపంచకప్‌ ఫైనల్లో సెంచరీ చేశావు.. భేష్‌.. అయితే, ఇప్పుడు అది ముగిసిన అధ్యాయం.టెస్టు క్రికెట్‌ ఆడటమే లక్ష్యంటీమిండియా తరఫున టెస్టు క్రికెట్‌ ఆడటమే లక్ష్యంగా పెట్టుకోవాలి’ అని తనకు చెప్పాను. సచిన్‌ టెండుల్కర్‌ను చూసి ఓ క్రికెటర్‌ ఎలా ఉండాలో నేర్చుకోవాలని తనకి బోధించాను. టన్నుల కొద్దీ పరుగులు సాధించినా.. ఆయన ఎప్పుడూ ఒక్క వివాదంలోనూ చిక్కుకోలేదు. ‍క్రికెట్‌ ప్రపంచం మొత్తం ఆయనను ఆరాధిస్తున్న తీరు గురించి తరచూ చెబుతూ ఉంటాను’’ అని సంజీవ్‌ సూర్యవంశీ పేర్కొన్నారు. తద్వారా తన కుమారుడు కెరీర్‌లోనే కాదు వ్యక్తిత్వంలోనూ మిన్నగా ఉండేలా తీర్చిదిద్దుతున్నట్లు చెప్పకనే చెప్పారు సంజీవ్‌.చదవండి: IND vs PAK: శ్రీలంక లేఖ.. దిగొచ్చిన పాక్‌ బోర్డు? యూటర్న్‌?

అండర్‌ 19 వరల్డ్‌కప్‌ 2026 ఫైనల్లో చిచ్చరపిడుగు వైభవ్‌ సూర్యవంశీ ఆకాశమే హద్దుగా చెలరేగి, భారత్‌ను ఆరోసారి జగజ్జేతగా నిలిపిన విషయం విధితమే. హరారే వేదికగా ఇంగ్లండ్‌తో జరిగిన ఈ మ్యాచ్‌లో వైభవ్‌ విధ్వంసకర శతకంతో విరుచుకుపడ్డాడు. 80 బంతుల్లో 15 ఫోర్లు, 15 సిక్సర్ల సాయంతో 175 పరుగులు చేశాడు. ఈ మహా విధ్వంసం కారణంగా వైభవ్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. టోర్నీ మొత్తంలో ఇదే తరహా ఫామ్‌ను (439 పరుగులు, ఓ వికెట్‌) కొనసాగించినందుకు ప్లేయర్‌ ఆఫ్‌ ద టోర్నీ అవార్డు కూడా వైభవ్‌కే దక్కింది.ఈ నేపథ్యంలో ఓ ఆసక్తికర విషయం సోషల్‌మీడియాలో వైరలవుతోంది. అదేంటంటే.. భారత్‌ అండర్‌ 19 ప్రపంచకప్‌ గెలిచిన గత ఐదు సందర్భాల్లో ప్లేయర్‌ ఆఫ్‌ ద ఫైనల్స్‌గా నిలిచిన ఏ ఒక్క ఆటగాడు కెరీర్‌లో పెద్దగా ఎదగలేకపోయాడు. తూతూమంత్రంగా కొద్ది రోజులు లైమ్‌లైట్‌లో ఉన్నా, ఆతర్వాత శాశ్వతంగా కనుమరుగైపోయారు. దీంతో భారత ఆటగాళ్లకు ఫైనల్స్‌ కలిరాదనే భావన కలుగుతోంది.తాజాగా వైభవ్‌ సూర్యవంశీ అండర్‌ 19 ప్రపంచకప్‌ ఫైనల్లో ప్లేయర్‌ ఆఫ్‌ ద మ్యాచ్‌గా నిలవడంతో, ఇతనికి కూడా గత ఐదు వరల్డ్‌కప్‌ ఫైనల్స్‌ హీరోలకు పట్టిన గతే పడుతుందా అని అభిమానులు చర్చించుకుంటున్నారు. వైభవ్‌ దూకుడు చూసి కొందరు అలాగే జరుగుతుందని అంటుంటే.. మరికొందరేమో వైభవ్‌ టీమిండియా తరఫున అద్భుతమైన కెరీర్‌ను కొనసాగిస్తాడని అభిప్రాయపడుతున్నారు.ఇంతకీ గతంలో భారత్‌ అండర్‌ 19 వరల్డకప్‌లు గెలిచిన సందర్భాల్లో ప్లేయర్‌ ఆఫ్‌ ద ఫైనల్స్‌ ఎవరని అనుకుంటున్నారా..? అయితే ఇది చూడండి. భారత్‌ తొలిసారి ప్రపంచకప్‌ గెలిచిన సందర్భంలో (2000) రితిందర్‌ సింగ్‌ సోధి ప్లేయర్‌ ఆఫ్‌ ద ఫైనల్స్‌గా నిలిచాడు. శ్రీలంకతో జరిగిన ఆ మ్యాచ్‌లో సోధి అద్భుతమైన ఆల్‌రౌండ్‌ ప్రదర్శనతో సత్తా చాటి భారత్‌ తొలిసారి వరల్డ్‌కప్‌ సాధించడంలో కీలకపాత్ర పోషించాడు. ఆ మ్యాచ్‌లో సోధి తొలుత బౌలింగ్‌లో (10-0-26-0), ఆతర్వాత బ్యాటింగ్‌లో (39 నాటౌట్‌ (43)) రాణించాడు. ఈ ప్రపంచకప్‌ తర్వాత సోధి కొద్ది రోజులు లైమ్‌లైట్‌లో ఉన్నా, ఆతర్వాత కనుమరుగైపోయాడు.ఆతర్వాత భారత్‌ రెండోసారి ప్రపంచకప్‌ గెలిచిన సందర్భంలో (2008) అజితేశ్‌ అర్గల్‌ ప్లేయర్‌ ఆఫ్‌ ద ఫైనల్స్‌గా నిలిచాడు. సౌతాఫ్రికాతో జరిగిన ఆ మ్యాచ్‌లో అర్గల్‌ అద్భుతమైన బౌలింగ్‌ ప్రదర్శనతో (5-2-7-2) మెరిసి, భారత్‌ రెండో ప్రపంచకప్‌ సాధించడంలో తనవంతు పాత్ర పోషించాడు. రైట్‌ ఆర్మ్‌ మీడియం పేసర్‌ అయిన అర్గల్‌ ఆ ప్రపంచకప్‌ తర్వాత ఎక్కడా కనిపించలేదు. ఐపీఎల్‌లో ఓ అవకాశం వచ్చినా సద్వినియోగం చేసుకోలేకపోవడంతో ఆటగాడిగా కనుమరుగైపోయారు. అయితే ఆశ్చర్యకరంగా అతను అంపైరింగ్‌ను కెరీర్‌గా ఎంచుకొని, క్రికెట్‌తో బంధాన్ని కొనసాగిస్తున్నాడు.భారత్‌ మూడోసారి ప్రపంచకప్‌ సాధించడంలో (2012) నాటి కెప్టెన్‌ ఉన్ముక్త్‌ చంద్‌ అత్యంత కీలకపాత్ర పోషించాడు. ఆస్ట్రేలియాతో జరిగిన నాటి ఫైనల్లో ఉన్ముక్త్‌ అద్భుతమైన సెంచరీ (111 నాటౌట్‌) చేసి భారత్‌ను ఒంటిచేత్తో గెలిపించాడు. ఫలితంగా అతనికి ప్లేయర్‌ ఆఫ్‌ ద మ్యాచ్‌ అవార్డు లభించింది. ఆ సమయంలో ఉన్ముక్త్‌ను అందరూ భావి భారత తారగా అనుకున్నారు. అయితే ఆశర్చర్యకరంగా అతని కెరీర్‌ కూడా ముందుకు సాగలేదు. అవకాశాలు లభించినా అతను ఒడిసి పట్టుకోలేకపోయాడు. భారత్‌లో కాదని వేరే దేశానికి వెళ్లినా అతని ఫేట్‌ మారలేదు. దీంతో అతను క్రమంగా కనుమరుగైపోయాడు.భారత్‌ నాలుగోసారి (2018) ప్రపంచ ఛాంపియన్‌గా అవతరించడంలో మన్‌జోత్‌ కల్రా కీలకపాత్ర పోషించాడు. ఆస్ట్రేలియాతో జరిగిన నాటి ఫైనల్స్‌లో కల్రా మెరుపు సెంచరీ (101 నాటౌట్‌) చేసి భారత్‌కు ఏకపక్ష విజయాన్ని అందించాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు. పై ముగ్గురితో పోలిస్తే, కల్రా పరిస్థితి మరీ దారుణం. వరల్డ్‌కప్‌ ఫైనల్‌ తర్వాత ఇతను ఎక్కడా కనపడలేదు. లిస్ట్‌-ఏ, టీ20 ఫార్మాట్‌లో కేవలం ఒకటి అరా మ్యాచ్‌లు మాత్రమే ఆడాడు. వరల్డ్‌కప్‌ ఫైనల్లో సెంచరీ చేసి రాత్రికిరాత్రే హీరో ఇమేజ్‌ దక్కినా, ఎందుకో ఆ ఇమేజ్‌ను కొనసాగించలేకపోయాడు. ఢిల్లీకి చెందిన ఈ లెఫ్ట్‌ హ్యాండ్‌ బ్యాటర్‌ మెరుపులా ఒక్కసారి మెరిసి ఆతర్వాత అదృశ్యమయ్యాడు.భారత్‌ ఐదోసారి వరల్డ్‌కప్‌ గెలవడంలో రాజ్‌ బవా కీలకపాత్ర పోషించాడు. ఇంగ్లండ్‌తో జరిగిన నాటి ఫైనల్లో బవా ఆల్‌రౌండర్‌గా (34 (54), 5-31) సత్తా చాటి ప్లేయర్‌ ఆఫ్‌ ద ఫైనల్స్‌గా నిలిచాడు. ఆ ఫైనల్‌ తర్వాత బవాకు మంచి అవకాశాలే లభించినా, పెద్దగా సద్వినియోగం చేసుకోలేకపోయాడు. ఐపీఎల్‌లో అడపాదడపా ‍ప్రదర్శనలతో నెట్టుకొస్తున్నాడు. ఇతను శాశ్వతంగా కనుమరుగుకాకపోయినప్పటికీ.. ఇంచుమించు అంచున ఉన్నాడు.పై ఐదుగురు వరల్డ్‌కప్‌ ఫైనల్స్‌ హీరోల పరిస్థితి చూశాక వైభవ్‌ ఎమవుతాడోనని టీమిండియా అభిమానులు ఆందోళన చెందుతున్నారు. అయితే ఇక్కడ గమనించాల్సిన మరో ఆసక్తికర విషయం ఉంది. ప్లేయర్‌ ఆఫ​ ద ఫైనల్స్‌గా నిలిచిన ఆటగాళ్ల కెరీర్‌లు బాగా లేకపోయినా, ప్లేయర్‌ ఆఫ్‌ ద టోర్నీగా నిలిచిన వాళ్ల కెరీర్‌లు మాత్రం అద్భుతంగా ఉన్నాయి. తాజా వరల్డ్‌కప్‌లో వైభవ్‌ ప్లేయర్‌ ఆఫ్‌ ద ఫైనల్స్‌తో పాటు ప్లేయర్‌ ఆఫ్‌ ద టోర్నీగా కూడా నిలిచాడు. దీంతో వైభవ్‌ కెరీర్‌కు వచ్చిన ఢోకా ఏమీ లేదని ఫ్యాన్స్‌ ఊరట పొందుతున్నారు. అండర్‌-19 ప్రపంచకప్‌ చరిత్రలో ఇప్పటివరకు (వైభవ్‌ సహా) ఐదుగురు (యువరాజ్‌ సింగ్‌, శిఖర్‌ ధవన్‌, శుభ్‌మన్‌ గిల్‌, యశస్వి జైస్వాల్‌)ప్లేయర్‌ ఆఫ్‌ ద టోర్నీగా నిలిచారు. వీరంతా కెరీర్‌లో అత్యున్నతి సాధించారు. వైభవ్‌ కూడా వీరి బాటలోనే నడవాలని ఆశిద్దాం.

హరారే వేదికగా నిన్న (ఫిబ్రవరి 6) జరిగిన అండర్‌-19 ప్రపంచకప్‌ 2026 ఫైనల్లో ఇంగ్లండ్‌పై భారత్‌ 100 పరుగుల తేడాతో ఘన విజయం సాధించి, ఆరోసారి జగజ్జేతగా ఆవిర్భవించింది. ఈ మ్యాచ్‌లో యంగ్‌ ఇండియా చిచ్చరపిడుగు వైభవ్‌ సూర్యవంశీ చరిత్రాత్మక ఇన్నింగ్స్‌ ఆడి భారత్‌ను గెలిపించాడు. ఈ ఇన్నింగ్స్‌ అండర్‌ 19 క్రికెట్‌ చరిత్రలోనే అత్యుత్తమమైందిగా కీర్తించబడుతుంది. ఈ ఇన్నింగ్స్‌లో వైభవ్‌ కేవలం 80 బంతుల్లో 15 ఫోర్లు, 15 సిక్సర్ల సాయంతో 175 పరుగులు చేశాడు. అండర్‌ 19 లెవెల్లోనే కాదు, యావత్‌ క్రికెట్‌ చరిత్రలోనే అత్యుత్తమ ఇన్నింగ్స్‌లలో ఇదీ ఒకటిగా నిలిచిపోతుంది. ఈ ఇన్నింగ్స్‌లో వైభవ్‌ విధ్వంసం నభూతో నభవిష్యతి అన్నట్లుగా సాగింది. 14 కుర్ర వైభవ్‌ ఇంగ్లండ్‌ బౌలర్లపై సునామీలా విరుచుకుపడ్డాడు. పడ్డ బంతిని పడ్డట్టు ఎడాపెడా బాదాడు. వైభవ్‌లోని ఫైర్‌ చూసి ఇంగ్లండ్‌ బౌలర్లు వణికిపోయారు. ఏం చేయాలో.. బంతిని ఎక్కడ వేయాలో తెలియక తలలు పట్టుకున్నారు. వైభవ్‌ను ఆపడం ఇంగ్లండ్‌ బౌలర్ల వల్ల కాలేదు. విచక్షణారాహిత్యంగా సాగిన వైభవ్‌ ఇన్నింగ్స్‌ యావత్‌ క్రికెట్‌ ప్రపంచాన్నే ఆశ్చర్యపరిచింది. 14 ఏళ్ల పిల్లాడు ఇంతలా రెచ్చిపోవడమేంటో ఎవరికీ అంతుచిక్కడం లేదు. వైభవ్‌ విధ్వంసాన్ని ప్రపంచవ్యాప్తంగా ఉన్న క్రికెట్‌ అభిమానులు మారణహోమంగా అభివర్ణిస్తున్నారు. ఐస్‌లాండ్‌ క్రికెట్‌ అయితే ఓ అడుగు ముందుకేసి వైభవ్‌ను అరెస్ట్‌ చేయాలని డిమాండ్‌ చేసింది. ఐస్‌లాండ్‌ క్రికెట్‌ చేసిన ఓ ట్వీట్‌ ప్రస్తుతం సోషల్‌మీడియాలో వైరలవుతుంది. ఇంగ్లండ్‌ బౌలర్లపై వైభవ్‌ విరుచుకుపడిన తీరును ఐస్‌లాండ్‌ క్రికెట్‌ ఎక్స్‌ రేటెడ్‌ హింసగా పేర్కొంది. Someone arrest Vaibhav Sooryavanshi right now. This violence on the field against the English bowlers is X-rated!— Iceland Cricket (@icelandcricket) February 6, 2026ఐస్‌లాండ్‌ క్రికెట్‌ ఈ ట్వీట్‌ను సరదాగా చేసినా, నెటిజన్లు దీన్ని నిజంగానే అన్వయించుకుంటున్నారు. ఎందుకంటే, ఇంగ్లండ్‌ బౌలర్లపై వైభవ్‌ విరుచుకుపడిన తీరు ఎక్స్‌ రేటెడ్‌ హింసలాగే ఉంది. ఆ బాదుడు నిజంగానే ఇంగ్లండ్‌ ఆటగాళ్లను భయబ్రాంతులకు గురి చేసింది. ఇది తలచుకొని వారు కొన్ని నెలలైనా సుఖంగా నిద్రపోలేరు. అంతలా సాగించి వైభవ్‌ బీభత్సం.ఈ సునామీ ఇన్నింగ్స్‌తో వైభవ్‌ ఎన్నో రికార్డులను కొల్లగొట్టాడు. ఇందులో అత్యధిక సిక్సర్లు, ఫైనల్లో అత్యధిక వ్యక్తిగత స్కోర్‌ వంటి భారీ రికార్డులు కూడా ఉన్నాయి. వైభవ్‌ ఊచకోత కారణంగా తొలుత బ్యాటింగ్‌ చేసిన భారత్‌ నిర్ణీత 50 ఓవర్లలో 9 వికెట్ల నష్టానికి 411 పరుగుల భారీ స్కోర్‌ చేసింది. అండర్‌ 19 ప్రపంచకప్‌ ఫైనల్స్‌ చరిత్రలో ఇదే అత్యధిక స్కోర్‌.అనంతరం కష్టసాధ్యమైన ఛేదనలో ఇంగ్లండ్‌ అద్భుతంగా పోరాడింది. అయితే లక్ష్యం అతి భారిది కావడంతో ఆ జట్టుకు ఓటమి తప్పలేదు. కాలెబ్‌ (115) వీరోచిత శతకంతో ఆకట్టుకున్నాడు. చివరికి ఇంగ్లండ్‌ 40.2 ఓవర్లలో 311 పరుగులకు ఆలౌటై, 100 పరుగుల తేడాతో పరాజయంపాలైంది.

అంతర్జాతీయ క్రికెట్‌ వేదికపై భారత కుర్రాళ్లు మళ్లీ అదరగొట్టారు. అద్భుత ఆటతో అండర్‌–19 ప్రపంచ కప్‌ను సొంతం చేసుకున్నారు. సంచలన బ్యాటర్‌ వైభవ్‌ సూర్యవంశీ మెరుపు సెంచరీతో పాటు కెప్టెన్ ఆయుశ్‌ మాత్రే రాణించడంతో భారత్‌ 100 పరుగుల తేడాతో ఇంగ్లండ్‌ యువ జట్టును ఓడించింది. భారత్‌ 50 ఓవర్లలో 9 వికెట్ల నష్టానికి 411 పరుగులు చేయగా, ఇంగ్లండ్‌ 40.2 ఓవర్లలో 311పరుగులకు ఆలౌటైంది. ఫాల్క్‌నర్‌ సెంచరీ సాధించాడు. భారత్‌ అండర్‌–19 ప్రపంచ కప్‌ గెలుచుకోవడం ఇది ఆరో సారి కావడం విశేషం. ఈ టోర్నీలో ఆడిన ఏడు మ్యాచ్‌లలోనూ గెలిచిన భారత్‌ అజేయంగాముగించింది. గతంలో భారత్‌కు అండర్‌–19 వరల్డ్‌ కప్‌ అందించిన కెపె్టన్లు కైఫ్‌ (2000), కోహ్లి (2008), ఉన్ముక్త్‌ చంద్‌ (2012), పృథ్వీ షా (2018), యశ్‌ ధుల్‌ (2022) సరసన ఆయుశ్‌ మాత్రే నిలిచాడు. స్థాయి ఎలాంటిదైనా, వేదిక ఏదైనా, ప్రత్యర్థి ఎవరైనా తనకు తెలిసింది మైదానంలో బ్యాట్‌తో విధ్వంసం సృష్టించడమే అని వైభవ్‌ సూర్యవంశీ మరోసారి నిరూపించాడు. ఈ పాలబుగ్గల కుర్రాడు సునామీ ఆటతో సరికొత్త రికార్డులను సృష్టిస్తూ దూసుకుపోయాడు. ఆ షాట్లలో పవర్, పదును, ఎక్కడా తడబాటు కనిపించకుండా పూర్తి సాధికారతతో ఆడిన వైనం నిజంగా అసాధారణం. విశేషణాలతో వర్ణించలేని గొప్ప ఇన్నింగ్స్‌ను వైభవ్‌ క్రికెట్‌ ప్రపంచానికి చూపించాడు. పాయింట్, కవర్స్, మిడ్‌ వికెట్, ఫైన్‌ లెగ్, లాంగాఫ్, లాంగాన్‌... ఇలా ప్రతీ దిశలో అత్యద్భుత షాట్లతో పరుగుల సునామీ సృష్టించిన వైభవ్‌ ఏకంగా 15 ఫోర్లు, 15 సిక్సర్లతో విరుచుకుపడ్డాడు.బౌండరీల ద్వారానే 150 పరుగులు రాబట్టిన అతని ఆట ముందు అండర్‌–19 వరల్డ్‌ కప్‌ దాసోహమంటూ భారత యువ జట్టును ఆరోసారి విశ్వ విజేతను చేసింది. వైభవ్‌ మెరుపులతో 400పైగా పరుగులు చేసి సవాల్‌ విసిరిన భారత్‌ ముందు ఇంగ్లండ్‌ నిలవలేకపోయింది. కొంత పోరాడినా లక్ష్యానికి సుదూరంగానే ఆగిపోవడంతో భారత కుర్రాళ్లు ప్రపంచ చాంపియన్లుగా సగర్వంగా నిలిచారు. హరారే: ఐసీసీ అండర్‌–19 ప్రపంచకప్‌లో భారత్‌ మరోసారి విజేతగా నిలిచింది. మొత్తం 16 సార్లు టోర్నీని నిర్వహించగా... భారత్‌ టైటిల్‌ సాధించడం ఇది ఆరోసారి కావడం విశేషం. శుక్రవారం ఇక్కడ జరిగిన ఫైనల్‌ మ్యాచ్‌లో భారత యువ జట్టు 100 పరుగుల తేడాతో ఇంగ్లండ్‌ అండర్‌–19 టీమ్‌ను ఓడించింది. టాస్‌ గెలిచి ముందుగా బ్యాటింగ్‌కు దిగిన భారత్‌ 50 ఓవర్లలో 9 వికెట్ల నష్టానికి 411 పరుగుల భారీ స్కోరు సాధించింది. ‘ప్లేయర్‌ ఆఫ్‌ ద మ్యాచ్‌’ వైభవ్‌ సూర్యవంశీ (80 బంతుల్లో 175; 15 ఫోర్లు, 15 సిక్స్‌లు) అసాధారణ సెంచరీతో చెలరేగగా, కెప్టెన్ ఆయుశ్‌ మాత్రే (51 బంతుల్లో 53; 7 ఫోర్లు, 2 సిక్స్‌లు) అర్ధ సెంచరీతో అండగా నిలిచాడు. వీరిద్దరు రెండో వికెట్‌కు 90 బంతుల్లోనే 142 పరుగులు జోడించారు. అనంతరం ఇంగ్లండ్‌ 40.2 ఓవర్లలో 311 పరుగులకు ఆలౌటైంది. కాలెబ్‌ ఫాల్క్‌నర్‌ (67 బంతుల్లో 115; 9 ఫోర్లు, 7 సిక్స్‌లు) శతకం నమోదు చేయగా, బెన్‌ డాకిన్స్‌ (56 బంతుల్లో 66; 7 ఫోర్లు, 2 సిక్స్‌లు) రాణించాడు. టోర్నీలో 7 ఇన్నింగ్స్‌లలో కలిపి ఏకంగా 169.49 స్ట్రయిక్‌రేట్‌తో మొత్తం 439 పరుగులు సాధించిన వైభవ్‌ సూర్యవంశీకే ‘ప్లేయర్‌ ఆఫ్‌ ద టోర్నీ’ అవార్డు దక్కింది. రాణించిన కెప్టెన్ గత మ్యాచ్‌లో చెలరేగిన హైదరాబాదీ బ్యాటర్‌ ఆరోన్‌ జార్జ్‌ (9) ఫైనల్లో విఫలమైన అనంతరం వైభవ్, ఆయుశ్‌ కలిసి ఇన్నింగ్స్‌ను నడిపించారు. ధాటిగా ఆడిన కెప్టెన్ 50 బంతుల్లో అర్ధ సెంచరీ పూర్తి చేసుకున్నాడు. తర్వాతి బంతికే అతను అవుట్‌ కాగా, 51 పరుగులు జత చేసిన వేదాంత్‌ త్రివేది (36 బంతుల్లో 32; 2 ఫోర్లు), విహాన్‌ మల్హోత్రా (36 బంతుల్లో 30; 2 ఫోర్లు) ఆరు పరుగుల వ్యవధిలో వెనుదిరిగారు. అభిజ్ఞాన్‌ కుందు (31 బంతుల్లో 40; 6 ఫోర్లు, 1 సిక్స్‌), చివర్లో కనిష్క్‌ చౌహాన్‌ (20 బంతుల్లో 37 నాటౌట్‌; 3 ఫోర్లు, 1 సిక్స్‌) దూకుడు ప్రదర్శించడంతో స్కోరు 400 దాటింది. తొలి 25 ఓవర్లలో 250 పరుగులు చేసిన భారత్‌ తర్వాతి 25 ఓవర్లలో 161 పరుగులు సాధించింది.ఫాల్క్ నర్‌ మినహా... భారీ లక్ష్య ఛేదనలో ఇంగ్లండ్‌ బాగా తడబడింది. డాకిన్స్, బెన్‌ మాయెస్‌ (28 బంతుల్లో 45; 7 ఫోర్లు, 2 సిక్స్‌లు) రెండో వికెట్‌కు 74 పరుగులు జోడించి మెరుగైన స్థితిలో నిలిపినా ఆ తర్వాత జట్టు వరుసగా వికెట్లు కోల్పోయి 22 ఓవర్లలో 177/7 వద్ద ఓటమికి చేరువైంది. ఈ దశలో జేమ్స్‌ మింటో (28)తో కలిసి ఫాల్‌్కనర్‌ కొద్దిగా పోరాడాడు. భారీ షాట్లు ఆడిన ఫాల్‌్కనర్‌ అంబ్రిష్‌ ఓవర్లో 3 సిక్స్‌లు బాది 63 బంతుల్లో సెంచరీ సాధించాడు. అయితే తర్వాతి ఓవర్లోనే ఖిలాన్‌ చక్కటి క్యాచ్‌తో అతను చివరి వికెట్‌గా అవుట్‌ కావడంతో భారత్‌ సంబరాల్లో మునిగిపోయింది. విధ్వంసాన్ని సృష్టిస్తూ... తొలి మూడు బంతుల్లో పరుగు తీయలేదు, నాలుగో బంతికి ఫోర్‌తో స్కోర్‌ మొదలైంది. అవతలి వైపు తొలి వికెట్‌ పడే సమయానికి 13 బంతుల్లో 10 పరుగులే. అయితే ఈ కొద్దిసేపు మాత్రమే వైభవ్‌ కాస్త ప్రశాంతంగా కనిపించాడు. పాయింట్‌ దిశగా కొట్టిన మొదటి సిక్స్‌తో జోరు షురూ చేసిన అతను అనంతరం ఎక్కడా తగ్గలేదు. ఆ తర్వాతా ఇదే మోత కొనసాగుతూ మరో 14 సిక్సర్లు అతని ఖాతాలో చేరాయి! మింటో ఓవర్లో 3 ఫోర్లు, 2 సిక్స్‌లు కొట్టిన వైభవ్‌ 32 బంతుల్లోనే హాఫ్‌ సెంచరీని చేరుకున్నాడు. ఆఫ్‌ స్పిన్నర్‌ ఫర్హాన్‌ ఓవర్లో 2 సిక్స్‌లు బాదిన అనంతరం అతని తర్వాతి ఓవర్లో వైభవ్‌ మరింత చెలరేగిపోయాడు. వరుసగా 6, 6, 4, 6తో బంతిని చితక్కొట్టాడు. ఆల్బర్ట్‌ ఓవర్లో ఆఫ్‌ సైడ్‌ దిశగా సింగిల్‌ తీయడంతో 55 బంతుల్లో వైభవ్‌ శతకం పూర్తయింది. ఆ వెంటనే గ్రీన్‌ ఓవర్లో కూడా మరో 2 సిక్స్‌లు కొట్టిన అనంతరం ఆల్బర్ట్‌ వేసిన ఇన్నింగ్స్‌ 23వ ఓవర్లో మరింత పండగ చేసుకున్నాడు. వైభవ్‌ వరుసగా 2, 4, 6, 6, 4, 4 బాదగా వైడ్‌తో కలిసి మొత్తం 27 పరుగులు వచ్చాయి. 71 బంతుల్లో అతను 150 పరుగుల మార్క్‌ను చేరుకున్నాడు. అర్ధసెంచరీ నుంచి సెంచరీ చేరేందుకు 23 బంతులు తీసుకున్న అతనికి సెంచరీనుంచి 150కు చేరేందుకు 16 బంతులు సరిపోయాయి. మోర్గాన్‌ ఓవర్లో కూడా 2 సిక్స్‌లు, 2 ఫోర్లు కొట్టిన అతను డబుల్‌ సెంచరీ దిశగా నడిచాడు. అయితే పుల్‌–సూ్కప్‌ షాట్‌కు ప్రయత్నించి కీపర్‌కు క్యాచ్‌ ఇవ్వడంతో వైభవ్‌ అసాధారణ ఇన్నింగ్స్‌ ముగిసింది.175 సీనియర్‌ వరల్డ్‌ కప్, మహిళల వరల్డ్‌ కప్‌తో సహా ఏదైనా ఐసీసీ టోర్నీ ఫైనల్లో అత్యధిక స్కోరు (175) సాధించిన బ్యాటర్‌గా వైభవ్‌ నిలిచాడు. అండర్‌–19 స్థాయిలో వైభవ్‌ కొత్త రికార్డులిలా... 1 భారత్‌ తరఫున వరల్డ్‌ కప్‌లో అత్యధిక స్కోరు 2 ఓవరాల్‌గా భారత్‌ తరఫున రెండో అత్యధిక స్కోరు (తొలి స్థానంలో అంబటి రాయుడు 177 నాటౌట్‌) 15 ఇన్నింగ్స్‌లో అత్యధిక సిక్స్‌లు 30 అత్యధిక బౌండరీలు 150 బౌండరీల ద్వారా అత్యధిక పరుగులు 5 ఐదో వేగవంతమైన సెంచరీ (55 బంతుల్లో) 30 ప్రపంచకప్‌లో అత్యధిక సిక్స్‌లు 439 ఒకే వరల్డ్‌ కప్‌లో భారత్‌ తరఫున చేసిన పరుగుల్లో శిఖర్‌ ధావన్‌ (505) తర్వాత రెండో స్థానం. స్కోరు వివరాలు భారత అండర్‌–19 ఇన్నింగ్స్‌: ఆరోన్‌ జార్జ్‌ (సి) మాయెస్‌ (బి) గ్రీన్‌ 9; వైభవ్‌ (సి) ర్యూ (బి) లమ్స్‌డెన్‌ 175; ఆయుశ్‌ (సి) మాయెస్‌ (బి) గ్రీన్‌ 53; వేదాంత్‌ (సి) మాయెస్‌ (బి) మింటో 32; విహాన్‌ (సి) డాకిన్స్‌ (బి) మింటో 30; అభిజ్ఞాన్‌ (సి) ఆల్బర్ట్‌ (బి) మోర్గాన్‌ 40; అంబ్రిష్‌ (బి) మింటో 18; కనిష్క్ (నాటౌట్‌) 37; ఖిలాన్‌ (సి) మూర్స్‌ (బి) మోర్గాన్‌ 3; హెనిల్‌ (రనౌట్‌) 5; దీపేశ్‌ (నాటౌట్‌) 0; ఎక్స్‌ట్రాలు 9; మొత్తం (50 ఓవర్లలో 9 వికెట్లకు) 411. వికెట్ల పతనం: 1–20, 2–162, 3–251, 4–302, 5–308, 6–359, 7–367, 8–375, 9–393. బౌలింగ్‌: మోర్గాన్‌ 9–0–74–2, గ్రీన్‌ 5–0–49–2, లమ్స్‌డెన్‌ 8–0–81–1, మింటో 8–0–63–3, ఫర్హాన్‌ 10–0–77–0, ఆల్బర్ట్‌ 10–0–66–0. ఇంగ్లండ్‌ అండర్‌–19 ఇన్నింగ్స్‌: డాకిన్స్‌ (సి) ఖిలాన్‌ (బి) ఆయుశ్‌ 66; మూర్స్‌ (బి) అంబ్రిష్‌ 17; మాయెస్‌ (సి) హెనిల్‌ (బి) ఖిలాన్‌ 45; థామస్‌ ర్యూ (సి) ఆయుశ్‌ (బి) కనిష్క్ 31; ఫాల్క్‌నర్‌ (సి) ఖిలాన్‌ (బి) కనిష్క్ 115; ఆల్బర్ట్‌ (రనౌట్‌) 0; ఫర్హాన్‌ (సి) అభిజ్ఞాన్‌ (బి) దీపేశ్‌ 1; మోర్గాన్‌ (సి) అండ్‌ (బి) దీపేశ్‌ 0; మింటో (సి) (సబ్‌) ఇనాన్‌ (బి) అంబ్రిష్‌ 28; లమ్స్‌డెన్‌ (సి) వేదాంత్‌ (బి) అంబ్రిష్‌ 3; గ్రీన్‌ (నాటౌట్‌) 0; ఎక్స్‌ట్రాలు 5; మొత్తం (40.2 ఓవర్లలో ఆలౌట్‌) 311. వికెట్ల పతనం: 1–19, 2–93, 3–142, 4–174, 5–174, 6–177, 7–177, 8–269, 9–281, 10–311. బౌలింగ్‌: అంబ్రిష్‌ 9–1–56–3, హెనిల్‌ 4–2–28–0, దీపేశ్‌ 6–0–64–2, ఖిలాన్‌ 8–0–66–1, కనిష్క్ 8.2–0–63–2, ఆయుశ్‌ 5–0–31–1.

అండర్-19 ప్రపంచకప్ 2026 విజేత‌గా భార‌త్ నిలిచింది. జింబాబ్వేలోని హరారే స్పోర్ట్స్ క్లబ్ వేదికగా జ‌రిగిన ఫైన‌ల్లో 100 ప‌రుగుల తేడాతో ఇంగ్లండ్‌ను చిత్తు చేసిన యంగ్ ఇండియా.. రికార్డుస్దాయిలో ఆరోసారి వ‌ర‌ల్డ్‌క‌ప్ టైటిల్‌ను ముద్దాడింది. ఈ విజ‌యంలో యువ సంచ‌ల‌నం వైభ‌వ్ సూర్యవంశీది కీల‌క పాత్ర. తుది పోరులో వైభ‌వ్ త‌న విశ్వ‌రూపాన్ని ప్ర‌ద‌ర్శించాడు.ఆరంభంలో కాస్త ఆచితూచి ఆడిన సూర్య‌వంశీ.. క్రీజులో కుదుర్కొన్నాక ప్ర‌త్య‌ర్ధి బౌల‌ర్ల‌పై విరుచుకుప‌డ్డాడు. కేవ‌లం 80 బంతుల్లో 15 ఫోర్లు, 15 సిక్సర్లతో 175 పరుగులు చేశాడు. ఇందులో ఏకంగా 150 పరుగులు కేవలం ఫోర్లు, సిక్సర్ల రూపంలోనే రావడం విశేషం. అత‌డి విధ్వంసం ఫ‌లితంగా భారత్ నిర్ణీత 50 ఓవర్లలో 9 వికెట్ల న‌ష్టానికి 411 ప‌రుగుల భారీ స్కోరు సాధించింది. అనంత‌రం 412 ప‌రుగుల ల‌క్ష్య చేధ‌న‌లో ఇంగ్లండ్ 311 ప‌రుగుల‌కు ఆలౌటైంది. ఈ మ్యాచ్‌లో తుపాన్ ఇన్నింగ్స్ ఆడిన సూర్య‌వంశీ ప‌లు వ‌ర‌ల్డ్ రికార్డుల‌ను త‌న పేరిట లిఖించుకున్నాడు.వ‌ర‌ల్డ్ రికార్డులు బ‌ద్ద‌లు👉అండర్-19 ప్రపంచకప్ ఫైనల్లో అత్య‌ధిక‌ వ్య‌క్తిగ‌త స్కోరు(175) సాధించిన ప్లేయ‌ర్‌గా వైభ‌వ్ నిలిచాడు. ఇప్ప‌టివ‌ర‌కు ఈ రికార్డు ఉన్మక్త్ చంద్(111*) పేరిట ఉండేది. తాజా మ్యాచ్‌తో చంద్‌ను వైభ‌వ్ అధిగ‌మించాడు.👉అండర్ 19 ప్రపంచకప్ ఫైనల్లో అత్యంత వేగంగా సెంచరీ బాదిన తొలి బ్యాటర్‌గా నిలిచాడు. ఈ మ్యాచ్‌లో 55 బంతుల్లోనే వైభ‌వ్ సెంచ‌రీ సాధించాడు.👉అండర్ 19 ప్రపంచకప్ ఫైనల్లో సెంచరీ బాదిన అతని పిన్న వయస్కుడు కూడా సూర్య‌వంశీనే కావ‌డం విశేషం.👉అండర్-19 ప్రపంచకప్ ఇన్నింగ్స్‌లో అత్యధిక సిక్సర్లు బాదిన ఆటగాడిగా చరిత్ర సృష్టించాడు. ఇంత‌కుముందు ఈ రికార్డు ఇంగ్లండ్ ఆట‌గాడు మైఖేల్ హిల్(12) పేరిట ఉండేది.👉అండర్-19 వ‌ర‌ల్డ్‌క‌ప్ టోర్నీలో అత్య‌ధిక సిక్స‌ర్లు బాదిన ప్లేయ‌ర్‌గా వైభ‌వ్ (30) నిలిచాడు.

అండర్-19 ప్రపంచకప్ 2026 విజేత‌గా భార‌త్ నిలిచింది. జింబాబ్వేలోని హరారే స్పోర్ట్స్ క్లబ్ వేదికగా జరిగిన ఫైన‌ల్ మ్యాచ్‌లో ఇంగ్లండ్‌ను 100 ప‌రుగుల తేడాతో ఓడించిన యువ భార‌త్.. ఆరో వ‌ర‌ల్డ్‌క‌ప్ టైటిల్‌ను సొంతం చేసుకుంది. ఈ తుది పోరులో మొద‌ట బ్యాటింగ్ చేసిన టీమిండియా నిర్ణీత 50 ఓవ‌ర్ల‌లో 9 వికెట్ల నష్టానికి 411 ప‌రుగుల భారీ స్కోర్ సాధించింది.భార‌త యువ సంచ‌ల‌నం వైభ‌వ్ సూర్య‌వంశీ ఈ టోర్నీ చ‌రిత్ర‌లో చిర‌స్మ‌ర‌ణీయంగా నిలిచిపోయే ఇన్నింగ్స్ ఆడాడు. 14 ఏళ్ల వైభ‌వ్ త‌న బ్యాటింగ్‌తో విధ్వంసం సృష్టించాడు. కేవలం 80 బంతుల్లో 175 పరుగులు (15 ఫోర్లు, 15 సిక్సర్లు) చేసి ఫైనల్ మ్యాచ్ చరిత్రలోనే అత్యధిక వ్యక్తిగత స్కోరు సాధించిన ఆటగాడిగా నిలిచాడు. అత‌డితో పాటు కెప్టెన్ అయూశ్ మాత్రే(53), కనిష్క్ చౌహాన్ (37) రాణించారు. ఇంగ్లండ్ బౌల‌ర్ల‌లో జేమ్స్ మింటో మూడు వికెట్లు ప‌డ‌గొట్ట‌గా.. సెబాస్టియన్ మోర్గాన్, అలెక్స్ గ్రీన్ త‌లా రెండు వికెట్లు సాధించారు.ఫాల్కనర్ విరోచిత పోరాటం..అనంత‌రం భారీ ల‌క్ష్య చేధించేందుకు బ‌రిలోకి దిగిన ఇంగ్లండ్ 40.2 ఓవ‌ర్ల‌లో 311 ప‌రుగులకు ఆలౌటైంది. ఇంగ్లండ్ బ్యాట‌ర్ల‌లో కాలేబ్ ఫాల్కనర్ వీరోచిత పోరాటం క‌న‌బ‌రిచాడు. ఓవైపు క్ర‌మం త‌ప్పుకొండా వికెట్లు ప‌డుతున్న‌ప్ప‌టికి ఫాల్కనర్ మాత్రం త‌న ప్ర‌య‌త్నం ఆప‌లేదు. ఫాల్కనర్ బంతుల్లో 115 పరుగులు చేసి చివ‌రి వికెట్‌గా వెనుదిరిగాడు.అత‌డితో పాటు బెన్ డాకిన్స్ (66),థామస్ రెవ్(31) త‌మ వంతు ప్ర‌య‌త్నం చేశారు. మిగితా బ్యాట‌ర్లు మొత్తం దారుణంగా విఫ‌ల‌మ‌య్యారు. భార‌త బౌల‌ర్ల‌లో ఆర్‌ఎస్ అంబరీష్ మూడు వికెట్లు ప‌డ‌గొట్ట‌గా.. కనిష్క్ చౌహాన్, దీపేష్ దేవేంద్రన్ త‌లా రెండు వికెట్లు సాధించారు. ఫైన‌ల్లో భారీ సెంచ‌రీతో చెల‌రేగిన వైభ‌వ్ ప్లేయ‌ర్ ఆఫ్‌ది మ్యాచ్‌గా నిలిచాడు.

అండర్-19 ప్రపంచకప్ 2026లో భాగంగా ఇంగ్లండ్‌తో జ‌రుగుతున్న‌ ఫైనల్ మ్యాచ్‌లో భార‌త బ్యాట‌ర్లు జూలు విధిల్చారు. టాస్ గెలిచిన తొలుత బ్యాటింగ్ చేసిన భార‌త యువ జ‌ట్టు నిర్ణీత 50 ఓవ‌ర్ల‌లో 9 వికెట్ల న‌ష్టానికి 411 ప‌రుగుల భారీ స్కోర్ సాధించింది. ఓపెన‌ర్ వైభ‌వ్ సూర్యవంశీ అయితే కనీవినీ ఎరుగని రీతిలో విధ్వంసం సృష్టించాడు.హరారే స్పోర్ట్స్ క్ల‌బ్ మైదానంలో సిక్స‌ర్ల వ‌ర్షం కురిపించాడు. ఓపెన‌ర్ ఆరోన్ జార్జ్ త్వ‌ర‌గా ఔటైన‌ప్ప‌టికి వైభ‌వ్ మాత్రం కెప్టెన్ ఆయూష్ మాత్రేతో క‌లిసి స్కోర్ బోర్డును ప‌రుగులు పెట్టించాడు. అతడి బ్యాటింగ్ చూసి ప్ర‌త్య‌ర్ది బౌల‌ర్లు గ‌జ‌గ‌జ వ‌ణికిపోయారు. ఈ క్ర‌మంలో అత‌డు కేవ‌లం 55 బంతుల్లోనే త‌న సెంచరీ మార్క్‌ను అందుకున్నాడు.ఓవ‌రాల్‌గా సూర్య‌వంశీ 80 బంతుల్లో 175 పరుగులు న‌మోదు చేశాడు. ఇందులో 15 ఫోర్లు, 15 సిక్సర్లు ఉన్నాయి. అత‌డితో పాటు మాత్రే(53), అభిజ్ఞాన్ కుండు(40), కనిష్క్ చౌహాన్(37) రాణించారు. ఇంగ్లండ్ బౌల‌ర్ల‌లో జేమ్స్ మింటో మూడు వికెట్లు ప‌డ‌గొట్ట‌గా.. సెబాస్టియన్ మోర్గాన్, అలెక్స్ గ్రీన్ త‌లా రెండు వికెట్లు సాధించారు.టీమిండియా స‌రికొత్త చ‌రిత్ర‌అండర్-19 ప్రపంచకప్ ఫైనల్ చరిత్రలోనే అత్యధిక స్కోర్ సాధించిన జ‌ట్టుగా భార‌త్ నిలిచింది. గ‌తంలో ఈ రికార్డు ఆస్ట్రేలియా పేరిట ఉండేది. అండ‌ర్‌-19 ప్ర‌పంచ‌క‌ప్ 2024 ఫైన‌ల్లో భార‌త్‌పై ఆసీస్ 253 ప‌రుగులు చేసింది. తాజా మ్యాచ్‌లో 411 ప‌రుగులు చేసిన యంగ్ ఇండియా.. కంగారుల ఆల్‌టైమ్ రికార్డును బ్రేక్ చేసింది.అండర్-19 ప్రపంచకప్‌లో 400 పరుగుల మార్కును అత్య‌ధిక సార్లు దాటిన జ‌ట్టుగా భార‌త్ రికార్డులకెక్కింది. టీమిండియా మూడు సార్లు 400కు పైగా టోట‌ల్స్‌ను న‌మోదు చేసింది.

అండర్-19 ప్రపంచకప్ 2026 ఫైనల్‌లో భారత యువ సంచలనం వైభవ్ సూర్యవంశీ విధ్వంసం సృష్టించాడు. హరారే స్పోర్ట్స్ క్లబ్ వేదిక‌గా ఇంగ్లండ్‌తో జ‌రుగుతున్న తుది పోరులో వైభ‌వ్ ఆకాశమే హద్దుగా చెలరేగిపోయాడు. ఇన్నింగ్స్ ఆరంభం నుంచే ప్ర‌త్యర్ధి బౌల‌ర్లను ఉతికారేశాడు. అత‌డి బ్యాటింగ్ తుఫాను ముందు బౌండ‌రీలు చిన్న‌బోయాయి.ఈ క్రమంలో కేవ‌లం 55 బంతుల్లోనే వంద పరుగుల మార్కును వైభవ్ అందుకున్నాడు. అండర్-19 ప్రపంచకప్ చరిత్రలో సెకెండ్ ఫాస్టెస్ట్ సెంచ‌రీ చేసిన ప్లేయ‌ర్‌గా వైభవ్ రికార్డులకెక్కాడు. తొలి స్దానంలో ఆస్ట్రేలియాకు చెందిన విల్ మలాజ్జుక్(51) ఉన్నాడు. అయ‌తే ఈ ఫైన‌ల్ మ్యాచ్‌లో వైభ‌వ్ సునాయసంగా డ‌బుల్ సెంచ‌రీ సాధిస్తాడ‌ని అంతా భావించారు. కానీ ద్విశ‌తకానికి 25 పరుగుల దూరంలో అత‌డు నిలిచిపోయాడు. ఓ భారీ షాట్‌కు ప్ర‌య‌త్నించి సూర్య‌వంశీ త‌న వికెట్‌ను కోల్పోయాడు. ఓవ‌రాల్‌గా 80 బంతులు ఎదుర్కొన్న వైభ‌వ్‌..15 ఫోర్లు, 15 సిక్స్‌ల‌తో 175 పరుగులు చేశాడు. అత‌డి విధ్వంసం ఫ‌లితంగా భార‌త్ స్కోర్‌ 25 ఓవ‌ర్ల‌కే 250 ప‌రుగుల మార్క్ దాటిపోయింది.కెప్టెన్ ఆయుష్ మాత్రేతో క‌లిసి వైభవ్ సూర్యవంశీ రెండో వికెట్‌కు 142 పరుగుల భారీ భాగస్వామ్యాన్ని నెలకొల్పాడు. కాగా ఈ మ్యాచ్‌లో తుపాన్ ఇన్నింగ్స్ ఈ బిహార్ ఆట‌గాడు ప‌లు వ‌ర‌ల్డ్ రికార్డుల‌ను త‌న ఖాతాలో వేసుకున్నాడు.చ‌రిత్ర సృష్టించిన వైభ‌వ్‌అండర్-19 ప్రపంచకప్ ఇన్నింగ్స్‌లో అత్యధిక సిక్సర్లు బాదిన ఆటగాడిగా చరిత్ర సృష్టించాడు. ఇంత‌కుముందు ఈ రికార్డు ఇంగ్లండ్ ఆట‌గాడు మైఖేల్ హిల్(12) పేరిట ఉండేది. తాజా మ్యాచ్‌తో మైఖేల్ హిల్ రికార్డును వైభ‌వ్(15) బ్రేక్ చేశాడు. అదేవిధంగా అండర్-19 ప్రపంచకప్ చరిత్రలో అత్యంత వేగంగా సెంచరీ చేసిన భార‌త ఆట‌గాడిగా 14 ఏళ్ల వైభ‌వ్ నిలిచాడు. గతంలో ఈ రికార్డు రాజ్ అంగద్ బావా పేరిట ఉండేది. అత‌డు 2022లో ఉగాండాపై 69 బంతుల్లో సెంచరీ సాధించాడు.Carnage continues as Vaibhav Sooryavanshi brings up 150 in style! 🔥🤩The English bowlers have no answers as the Boss Baby is going all guns blazing with towering sixes! 🙌🏻😮‍💨ICC Men's #U19WorldCup | FINAL | #INDvENG | LIVE NOW 👉 https://t.co/ZFk8pN9tv3 pic.twitter.com/Dkh4YCXOEC— Star Sports (@StarSportsIndia) February 6, 2026

భారత యువ క్రికెట్‌ తరంగం వైభవ్‌ సూర్యవంశీ సరికొత్త చరిత్ర సృష్టించాడు. తన ఖాతాలో మరో ప్రపంచ రికార్డును జమ చేసుకున్నాడు. ఐసీసీ అండర్‌-19 ప్రపంచకప్‌ టోర్నమెంట్లో ఇప్పటి వరకు ఏ ఆటగాడికీ సాధ్యం కాని అరుదైన ఘనత సాధించాడు.ఇండియన్‌ ప్రీమియర్‌ లీగ్‌, యూత్‌ వన్డేల్లో అతి పిన్న వయసులోనే ఫాస్టెస్ట్‌ సెంచరీలు నమోదు చేసిన వైభవ్‌ సూర్యవంశీ ప్రస్తుతం అండర్‌-19 వరల్డ్‌కప్‌ టోర్నీతో బిజీగా ఉన్నాడు. ఈ ఐసీసీ ఈవెంట్లో ఆరంభం నుంచి అద్భుత ప్రదర్శన కనబరిచిన భారత్‌ ఫైనల్‌కు చేరింది.55 బంతుల్లో సెంచరీఇందులో భాగంగా శుక్రవారం నాటి టైటిల్‌ పోరులో ఇంగ్లండ్‌తో తలపడుతున్న ఆయుశ్‌ మాత్రే బృందం.. హరారే వేదికగా టాస్‌ గెలిచి తొలుత బ్యాటింగ్‌ ఎంచుకుంది. ఓపెనర్లలో ఆరోన్‌ జార్జ్‌ (9) విఫలం కాగా.. 14 ఏళ్ల వైభవ్‌ సూర్యవంశీ నెమ్మదిగా ఆరంభించినా వేగం పెంచాడు. ఫలితంగా 32 బంతుల్లో అర్ధ శతకం పూర్తి చేసుకున్న పద్నాలుగేళ్ల ఈ చిచ్చర పిడుగు.. 55 బంతుల్లో సెంచరీ సాధించాడు.That's a BIGGIEEEE! 🤯🔥Vaibhav Sooryavanshi is unstoppable at the moment as he scores a MASSIVE SIX off Farhan Ahmed while the 100 run-stand between Boss Baby & Ayush! 🔥🙌🏻ICC Men's #U19WorldCup | FINAL | #INDvENG | LIVE NOW 👉 https://t.co/ZFk8pN9tv3 pic.twitter.com/O876Ot9LrZ— Star Sports (@StarSportsIndia) February 6, 2026ఈ క్రమంలో ఐదు సిక్సర్లు బాదిన వైభవ్‌ సూర్యవంశీ.. ఈ ఎడిషన్‌లో ఇరవై సిక్స్‌లు పూర్తి చేసుకున్నాడు. తద్వారా అండర్‌-19 వరల్డ్‌కప్‌ టోర్నీలో అత్యధిక సిక్సర్లు బాదిన బ్యాటర్‌గా ఈ లెఫ్టాండర్‌ బ్యాటర్‌ చరిత్రకెక్కాడు. మొత్తంగా 80 బంతులు ఎదుర్కొన్న వైభవ్‌ సూర్యవంశీ 15 ఫోర్లు, 15 సిక్సర్లు బాది ఏకంగాఇ 175 పరుగులు సాధించాడు. అయితే, లమ్స్‌డన్‌ బౌలింగ్‌లో థామస్‌కు క్యాచ్‌ ఇవ్వడంతో వైభవ్‌ డబుల్‌ సెంచరీ చేయకుండానే నిష్క్రమించాడు.అండర్‌-19 ప్రపంచకప్‌ టోర్నీలో అత్యధిక సిక్సర్లు బాదిన క్రికెటర్లు🏏వైభవ్‌ సూర్యవంశీ- 2026లో 20*🏏డెవాల్డ్‌ బ్రెవిస్‌- 2022లో 18🏏ఫిన్‌ అలెన్‌- 2016, 2018లో కలిపి 18🏏జాక్‌ బర్న్‌హామ్‌- 2016లో 15🏏మైకేల్‌ హిల్‌-2008లో 14🏏నికోలస్‌ పూరన్‌- 2014లో 14.వరల్డ్‌కప్‌-2026 ఫైనల్‌ భారత్‌ వర్సెస్‌ ఇంగ్లండ్‌ తుదిజట్లుభారత్‌ఆరోన్ జార్జ్, వైభవ్ సూర్యవంశీ, ఆయుష్ మాత్రే (కెప్టెన్‌), విహాన్ మల్హోత్రా, వేదాంత్ త్రివేది, అభిజ్ఞాన్ కుందు(వికెట్‌ కీపర్‌), RS అంబరీష్, కనిష్క్ చౌహాన్, ఖిలాన్ పటేల్, హెనిల్ పటేల్, దీపేష్ దేవేంద్రన్ఇంగ్లండ్‌బెన్ డాకిన్స్, జోసెఫ్ మూర్స్, బెన్ మేయెస్, థామస్ రూ (వికెట్‌ కీపర్‌/కెప్టెన్‌), కాలేబ్ ఫాల్కనర్, రాల్ఫీ ఆల్బర్ట్, ఫర్హాన్ అహ్మద్, సెబాస్టియన్ మోర్గాన్, జేమ్స్ మింటో, మానీ లమ్స్‌డెన్, అలెక్స్ గ్రీన్చదవండి: మాపై ఉగ్రదాడి జరిగింది: పాకిస్తాన్‌కు దిమ్మతిరిగేలా శ్రీలంక లేఖ

అండర్-19 ప్రపంచకప్ 2026 చాంపియ‌న్స్‌గా యువ భార‌త జ‌ట్టు అవ‌త‌రించింది. శుక్ర‌వారం హ‌రారే వేదిక‌గా జ‌రిగిన ఫైన‌ల్లో ఇంగ్లండ్‌ను 100 ప‌రుగుల తేడాతో ఓడించిన భార‌త్.. ఆరో అండర్-19 వ‌ర‌ల్డ్‌క‌ప్ టైటిల్‌ను త‌మ ఖాతాలో వేసుకుంది. 412 ప‌రుగుల భారీ ల‌క్ష్యంతో బ‌రిలోకి దిగిన ఇంగ్లండ్ 40.2 ఓవ‌ర్ల‌లో 311 ప‌రుగులకు ఆలౌటైంది. ఇంగ్లండ్ బ్యాట‌ర్ల‌లో కాలేబ్ ఫాల్కనర్(115 ) ఒంట‌రి పోరాటం చేశాడు. భార‌త బౌల‌ర్ల‌లో ఆర్‌ఎస్ అంబరీష్ మూడు వికెట్లు ప‌డ‌గొట్ట‌గా.. కనిష్క్ చౌహాన్, దీపేష్ దేవేంద్రన్ త‌లా రెండు వికెట్లు సాధించారు. ఎనిమిదో వికెట్ డౌన్‌269 ప‌రుగుల వ‌ద్ద ఇంగ్లండ్ ఎనిమిదో వికెట్ కోల్పోయింది. 28 ప‌రుగులు చేసిన మింటో..అంబ‌రిష్ బౌలింగ్‌లో ఔట‌య్యాడు. మ‌రోవైపు ఫాల్క‌న‌ర్(77) మాత్రం ఒంట‌రి పోరాటం చేస్తున్నాడు.ఫాల్కనర్ ఒంట‌రి పోరాటం31 ఓవ‌ర్లు ముగిసే స‌రికి ఇంగ్లండ్ 7 వికెట్ల న‌ష్టానికి 246 ప‌రుగులు చేసింది. కాలేబ్ ఫాల్కనర్ (58) దూకుడుగా ఆడుతున్నాడు. ఇంగ్లండ్ విజయానికి ఇంకా 166 ప‌రుగులు కావాలి.ఇంగ్లండ్ ఏడో వికెట్ డౌన్142 ప‌రుగుల వ‌ద్ద ఇంగ్లండ్ మూడో వికెట్ కోల్పోయింది. 31 ప‌రుగులు చేసిన థామస్ రెవ్.. కనిష్క్ చౌహాన్ బౌలింగ్‌లో ఔట‌య్యాడు. ఇంగ్లండ్ విజ‌యానికి ఇంకా 227 ప‌రుగులు అవ‌స‌ర‌మ‌వ్వ‌గా.. ఆరో టైటిల్‌ను ముద్దాడేందుకు భార‌త్‌కు మూడు వికెట్లు కావాలి.ఒకే ఓవ‌ర్‌లో రెండు వికెట్లుఅయూశ్ మాత్రే వేసిన 21 ఓవ‌ర్‌లో ఇంగ్లండ్ వ‌రుసగా రెండు కీల‌క వికెట్ల‌ను కోల్పోయింది. 66 ప‌రుగులు చేసిన బెన్ డాకిన్స్ క్యాచ్ ఔట్ కాగా.. రాల్ఫీ ఆల్బర్ట్ క్లీన్ ర‌నౌట‌య్యాడు. 21 ఓవ‌ర్లకు ఇంగ్లండ్ స్కోర్‌: 174/5ఇంగ్లండ్ మూడో వికెట్ డౌన్142 ప‌రుగుల వ‌ద్ద ఇంగ్లండ్ మూడో వికెట్ కోల్పోయింది. 31 ప‌రుగులు చేసిన థామస్ రెవ్.. కనిష్క్ చౌహాన్ బౌలింగ్‌లో ఔట‌య్యాడు.ఇంగ్లండ్ రెండో వికెట్ డౌన్‌93 ప‌రుగుల వ‌ద్ద ఇంగ్లండ్ రెండో వికెట్ కోల్పోయింది. 45 ప‌రుగులు చేసిన బెన్ మేయెస్.. ఖిలాన్ పటేల్ బౌలింగ్ లో క్లీన్ బౌల్డ‌య్యాడు. 15 ఓవ‌ర్లకు ఇంగ్లండ్ స్కోర్‌: 114/2తొలి వికెట్ కోల్పోయిన ఇంగ్లండ్‌భారీ ల‌క్ష్య చేధ‌న‌కు దిగిన ఇంగ్లండ్‌కు ఆరంభంలోనే భారీ షాక్ త‌గిలింది. 17 ప‌రుగులు చేసిన‌ జోసెఫ్ మూర్స్.. అంబరీష్ బౌలింగ్‌లో క్లీన్ బౌల్డ‌య్యాడు. 7 ఓవ‌ర్లకు ఇంగ్లండ్ స్కోర్‌: 25/1భారత్‌ భారీ స్కోరుఓపెనర్‌ వైభవ్‌ సూర్యవంశీ విధ్వంసకర శతకం (80 బంతుల్లో 175)తో మెరవగా.. కెప్టెన్‌ ఆయుశ్‌ మాత్రే హాఫ్‌ సెంచరీ (53) సాధించాడు. వేదాంత్‌ 32, విహాన్‌ 30, అభిజ్ఞాన్‌ 40 పరుగులతో రాణించగా.. ఆఖర్లో కనిష్క్‌ 20 బంతుల్లో 37 పరుగులతో అజేయంగా నిలిచాడు. ఫలితంగా నిర్ణీత 50 ఓవర్లలో భారత్‌ తొమ్మిది వికెట్ల నష్టానికి 411 పరుగుల భారీ స్కోరు సాధించింది.UPDATES:తొమ్మిదో వికెట్‌ డౌన్‌48.6: హెనిల్‌ పటేల్‌ (5) రనౌట్‌. తొమ్మిదో వికెట్‌ డౌన్‌. స్కోరు: 393-9(49)ఎనిమిదో వికెట్‌ డౌన్‌46.4: సెబాస్టియన్‌ బౌలింగ్‌లో ఖిలాన్‌ పటేల్‌ (3) అవుట్‌. క్రీజులోకి హెనిల్‌ పటేల్‌. స్కోరు: 376-8(47).ఏడో వికెట్‌ కోల్పోయిన భారత్‌45.1: జేమ్స్‌ బౌలింగ్‌లో ఏడో వికెట్‌గా పెవిలియన్‌ చేరినఅంబరీష్‌ (18). క్రీజులోకి ఖిలాన్‌ పటేల్‌ఆరో వికెట్‌ డౌన్‌44.2: సెబాస్టియన్‌ బౌలింగ్‌లో రాల్ఫీకి క్యాచ్‌ ఇచ్చి వెనుదిరిగిన అభిజ్ఞాన్‌ (40). క్రీజులోకి వచ్చిన కనిష్క్‌ చౌహాన్‌. స్కోరు: 367-6 (45). 41 ఓవర్లలో భారత్ స్కోరు: 323-5(41)అంబరీష్‌ పది, అభిజ్ఞాన్‌ ఏడు పరుగులతో ఉన్నారు.ఐదో వికెట్‌ కోల్పోయిన భారత్‌36.3: సెబాస్టియన్‌ బౌలింగ్‌లో మేయ్స్‌కు క్యాచ్‌ ఇచ్చి ఐదో వికెట్‌గా వెనుదిరిగిన వేదాంత్‌ (32). ఆర్‌ఎస్‌ అంబరీశ్‌ క్రీజులోకి వచ్చాడు.నాలుగో వికెట్‌ కోల్పోయిన భారత్‌34.2: జేమ్స్‌ బౌలింగ్‌లో డాకిన్స్‌కు క్యాచ్‌ ఇచ్చి విహాన్‌ (30) అవుట్‌. క్రీజులోకి అభిజ్ఞాన్‌ కుందు. స్కోరు: 304-4(34.4). వేదాంత్‌ 29 పరుగులతో ఉన్నాడుభారత్‌ స్కోరు: 297-3(33)విహాన్‌ మల్హోత్రా 27, వేదాంత్‌ త్రివేది 27 పరుగులతో ఉన్నారు.వైభ‌వ్ డ‌బుల్ సెంచ‌రీ మిస్‌వైభ‌వ్ సూర్య‌వంశీ విధ్వంసానికి బ్రేక్ ప‌డింది. సుడిగాలి ఇన్నింగ్స్ ఆడిన వైభ‌వ్‌.. డ‌బుల్ సెంచ‌రీ చేసేందుకు కేవ‌లం 25 ప‌రుగుల దూరంలో నిలిచిపోయాడు. 80 బంతులు మాత్ర‌మే ఎదుర్కొన్న వైభ‌వ్‌..15 ఫోర్లు, 15 సిక్స్‌ల‌తో 175 ప‌రుగులు చేశాడు. స్కోరు: 253-3(26)వైభవ్‌ సెంచరీ19.6ఫ: 55 బంతుల్లో సెంచరీ చేసిన వైభవ్‌రెండో వికెట్‌ డౌన్‌18.6: అలెక్స్‌ గ్రీన్‌ బౌలింగ్‌లో మేయ్స్‌కు క్యాచ్‌ ఇచ్చి ఆయుశ్‌ (53) అవుట్‌. విహాన్‌ మల్హోత్రా క్రీజులోకి రాగా.. వైభవ్‌ 97 పరుగులతో ఉన్నాడు. స్కోరు: 162-2(19)వంద పరుగుల భాగస్వామ్యంఆయుశ్‌ మాత్రే- వైభవ్‌ సూర్యవంశీ వంద పరుగుల భాగస్వామ్యం పూర్తి చేసుకున్నారు.స్కోరు: 122-1 (15).హాఫ్‌ సెంచరీ పూర్తి చేసుకున్న వైభవ్‌ సూర్యవంశీ10.5: ఫర్హాన్‌ అహ్మద్‌ బౌలింగ్లో సింగిల్‌ తీసి ఫిఫ్టీ పూర్తి చేసుకున్న వైభవ్‌. 31 బంతుల్లో అర్ధ శతకం. స్కోరు: 89-1 (11). ఆయుశ్‌ 28 పరుగులతో ఉన్నాడు.భారత్‌ హాఫ్‌ సెంచరీ- 53-1(8) ఆయుశ్‌ 18, వైభవ్‌ 24 పరుగులతో ఉన్నారు.తొలి వికెట్‌ కోల్పోయిన భారత్‌3.6: సెమీస్‌లో సెంచరీ చేసిన ఓపెనర్‌ ఆరోన్‌ జార్జ్‌ (11 బంతుల్లో 9).. అలెక్స్‌ గ్రీన్‌ బౌలింగ్‌లో అవుట్‌. స్కోరు: 20-1(4). వైభవ్‌ సూర్యవంశీ 10 పరుగులతో ఉండగా.. ఆయుశ్‌ మాత్రే క్రీజులోకి వచ్చాడు.మా వాళ్లు అదరగొడతారు..ఈ సందర్భంగా భారత యువ జట్టు కెప్టెన్‌ ఆయుశ్‌ మాత్రే మాట్లాడుతూ.. "మేము తొలుత బ్యాటింగ్‌ చేస్తాము. పిచ్‌ బాగుందనిపిస్తోంది. మెరుగైన స్కోరు సాధిస్తాం. ఇది బ్యాటింగ్‌ పిచ్‌ కాబట్టి మా వాళ్లు అదరగొడతారు. మాదైన సహజ శైలిలోనే ఆడతాము. సెమీస్‌లో ఆడిన జట్టునే కొనసాగిస్తున్నాం’’ అని తెలిపాడు.కాగా అండర్‌-19 వరల్డ్‌కప్‌ టోర్నీలో భారత్‌ ఇప్పటి వరకు ఆరుసార్లు టైటిల్‌ గెలిచింది. ఇప్పటికి పదిసార్లు (తాజా ఎడిషన్‌ కలిపి) ఫైనల్‌ చేరింది భారత్‌. మరోవైపు.. ఇప్పటికి ఒ‍కే ఒక్కసారి ట్రోఫీ సాధించిన ఇంగ్లండ్‌.. రెండో టైటిల్‌పై కన్నేసింది. ఇదిలా ఉంటే.. తొలి సెమీస్‌ మ్యాచ్‌లో డిఫెండింగ్‌ చాంపియన్‌ ఆస్ట్రేలియాను ఓడించి ఇంగ్లండ్‌ ఫైనల్‌ చేరగా.. రెండో సెమీ ఫైనల్లో అఫ్గనిస్తాన్‌ను చిత్తు చేసి భారత్‌ టైటిల్‌ పోరుకు అర్హత సాధించింది.వరల్డ్‌కప్‌ ఫైనల్‌ భారత్‌ వర్సెస్‌ ఇంగ్లండ్‌ తుదిజట్లుభారత్‌ఆరోన్ జార్జ్, వైభవ్ సూర్యవంశీ, ఆయుష్ మాత్రే (కెప్టెన్‌), విహాన్ మల్హోత్రా, వేదాంత్ త్రివేది, అభిజ్ఞాన్ కుందు(వికెట్‌ కీపర్‌), RS అంబరీష్, కనిష్క్ చౌహాన్, ఖిలాన్ పటేల్, హెనిల్ పటేల్, దీపేష్ దేవేంద్రన్ఇంగ్లండ్‌బెన్ డాకిన్స్, జోసెఫ్ మూర్స్, బెన్ మేయెస్, థామస్ రూ (వికెట్‌ కీపర్‌/కెప్టెన్‌), కాలేబ్ ఫాల్కనర్, రాల్ఫీ ఆల్బర్ట్, ఫర్హాన్ అహ్మద్, సెబాస్టియన్ మోర్గాన్, జేమ్స్ మింటో, మానీ లమ్స్‌డెన్, అలెక్స్ గ్రీన్

భారత అండర్‌-19 క్రికెట్‌ జట్టు సరికొత్త చరిత్ర సృష్టించింది. ఐసీసీ అండర్‌ వరల్డ్‌కప్‌ టోర్నమెంట్లో అత్యధిక పరుగుల లక్ష్యాన్ని ఛేదించిన జట్టుగా నిలిచింది. ఏకంగా 310 పరుగులకు పైగా టార్గెట్‌ను పూర్తి.. ప్రపంచంలో ఈ ఘనత సాధించిన తొలి జట్టుగా రికార్డు సాధించింది.జింబాబ్వే వేదికగా జరుగుతున్న వరల్డ్‌కప్‌-2026 టోర్నీ రెండో సెమీ ఫైనల్లో భారత్‌.. అఫ్గనిస్తాన్‌తో తలపడింది. హరారేలో టాస్‌ గెలిచిన అఫ్గన్‌ జట్టు నిర్ణీత 50 ఓవర్లలో కేవలం నాలుగు వికెట్లు నష్టపోయి ఏకంగా 310 పరుగులు సాధించింది. ఫైజల్‌ షినోజాదా (110), ఉజైరుల్లా నియాజాయ్‌ (101 నాటౌట్‌) శతకాల వల్ల ఈ మేర భారీ స్కోరు సాధ్యమైంది.కొండంత లక్ష్యం కొండంత లక్ష్యం ముందున్నా దూకుడుగా ఇన్నింగ్స్‌ మొదలుపెట్టిన యువ భారత్‌ ఆత్మవిశ్వాసంతో ముందుకు సాగింది. ఓపెనర్లలో ఆరోన్‌ జార్జ్‌ శతక్కొట్టగా (104 బంతుల్లో 115; 15 ఫోర్లు, 2 సిక్స్‌లు).. వైభవ్‌ సూర్యవంశీ (33 బంతుల్లో 68) మెరుపు అర్ధ శతకం సాధించాడు. మూడో స్థానంలో బ్యాటింగ్‌ చేసిన కెప్టెన్‌ ఆయుశ్‌ మాత్రే కూడా హాఫ్‌ సెంచరీ (59 బంతుల్లో 62) సాధించాడు.ఇదే అత్యధిక లక్ష్య ఛేదనవీరికి తోడు విహాన్‌ మల్హోత్రా (47 బంతుల్లో 38), వేదాంత్‌ త్రివేది (6 బంతుల్లో 5) అజేయంగా నిలిచి భారత్‌ విజయాన్ని ఖరారు చేశారు. ఈ క్రమంలో కేవలం 41.1 ఓవర్లలోనే యువ భారత్‌ 311 పరుగుల లక్ష్యాన్ని ఛేదించి వరల్డ్‌కప్‌ ఫైనల్లో అడుగుపెట్టింది. ప్లేయర్‌ ఆఫ్‌ ది మ్యాచ్‌ అవార్డు ఆరోన్‌కు లభించింది. కాగా అండర్‌-19 వరల్డ్‌కప్‌ టోర్నీలో ఇదే అత్యధిక లక్ష్య ఛేదన.ఇంతకుముందు 2006లో న్యూజిలాండ్‌ ఐర్లాండ్‌ విధించిన 305 పరుగుల లక్ష్యాన్ని పూర్తి చేయగా.. 2022లో సౌతాఫ్రికా బంగ్లాదేశ్‌ ఇచ్చిన 294 పరుగుల టార్గెట్‌ను ఫినిష్‌ చేసింది. ఇదిలా ఉంటే.. ఇప్పటికి పదహారు ఎడిషన్లు పూర్తి కాగా.. భారత్‌ ఫైనల్‌ చేరడం ఇది పదోసారి కావడం విశేషం.ఇంగ్లండ్‌ వర్సెస్‌ భారత్‌మరో సెమీ ఫైనల్లో ఇంగ్లండ్‌ ఆస్ట్రేలియాను ఓడించి టైటిల్‌ పోరుకు అర్హత సాధించింది. బులవాయోలో మంగళవారం జరిగిన తొలి సెమీఫైనల్లో ఇంగ్లండ్‌ 27 పరుగుల తేడాతో ఆసీస్‌ను ఓడించి ఫైనల్లోకి దూసుకెళ్లింది. మొదట ఇంగ్లండ్‌ నిర్ణీత 50 ఓవర్లలో 7 వికెట్లకు 277 పరుగులు చేసింది.ఇంగ్లండ్‌ కెప్టెన్‌ థామస్‌ ర్యూ (107 బంతుల్లో 110; 14 ఫోర్లు, 1 సిక్స్‌) సెంచరీ సాధించాడు. అనంతరం 278 పరుగుల లక్ష్యాన్ని ఛేదించేందుకు బరిలోకి దిగిన ఆస్ట్రేలియా అండర్‌–19 జట్టు 47.3 ఓవర్లలో 250 పరుగులకు ఆలౌటై ఓడిపోయింది. కెప్టెన్‌ ఒలివర్‌ పీక్‌ (88 బంతుల్లో 100; 10 ఫోర్లు, 1 సిక్స్‌) సెంచరీతో రాణించినా ఫలితం లేకపోయింది. ఇక శుక్రవారం జరిగే వరల్డ్‌కప్‌ ఫైనల్లో భారత్‌- ఇంగ్లండ్‌ అమీతుమీ తేల్చుకుంటాయి.Highest successful run-chase ✔️Stunning batting display ✔️10th final calling ✔️Team India colts deliver a clinical show to set up a finals date with England! 🇮🇳🫰🏻NEXT ON ICC MEN'S U19 World Cup 👉 FINAL | #INDvENG | FRI, 6th FEB, 1 PM #ENGvIND pic.twitter.com/LMRhFgBzST— Star Sports (@StarSportsIndia) February 4, 2026

ఐసీసీ అండర్‌-19 వరల్డ్‌కప్‌ టోర్నీ-2026లో భారత యువ జట్టు ఫైనల్‌కు దూసుకువెళ్లింది. హరారే వేదికగా సెమీ ఫైనల్లో అఫ్గనిస్తాన్‌ను ఓడించి టైటిల్‌ పోరుకు అర్హత సాధించింది. జింబాబ్వే వేదికగా జనవరి 15న ప్రపంచకప్‌ టోర్నీ మొదలైన విషయం తెలిసిందే.ఆది నుంచి అద్భుత ప్రదర్శనలతో ఆకట్టుకున్న భారత జట్టు.. సూపర్‌ సిక్స్‌ దశలో నాలుగింటికి నాలుగు మ్యాచ్‌లు గెలిచి సత్తా చాటింది. చిరకాల ప్రత్యర్థి పాకిస్తాన్‌ను ఓడించి సెమీస్‌లో అడుగుపెట్టింది. ఈ క్రమంలో రెండో సెమీ ఫైనల్లో బుధవారం అఫ్గన్‌ జట్టుతో తలపడింది.ఇద్దరు శతకాలు బాదిహరారేలో టాస్‌ ఓడిన భారత్‌ తొలుత బౌలింగ్‌ చేసింది. అయితే, వికెట్లు తీయలేక భారత బౌలర్లు ఆపసోపాలు పడ్డారు. అఫ్గన్‌ బ్యాటర్లలో ఫైజల్‌ షినోజాదా (110), ఉజైరుల్లా నియాజాయ్‌ (101 నాటౌట్‌) శతకాలతో చెలరేగి.. అఫ్గన్‌ను పటిష్ట స్థితిలో నిలిపారు.వీరిద్దరి అద్భుత ప్రదర్శన కారణంగా నిర్ణీత 50 ఓవర్లలో నాలుగు వికెట్ల నష్టానికి అఫ్గనిస్తాన్‌ 310 పరుగుల భారీ స్కోరు సాధించింది. వరల్డ్‌కప్‌ తాజా ఎడిషన్‌లో ఇదే అత్యధిక స్కోరు. భారత బౌలర్లలో దీపేశ్‌ దేవేంద్రన్‌, కనిష్క్ చౌహాన్‌ తలా రెండు వికెట్లు తీశారు. ఈ క్రమంలో 311 పరుగుల భారీ లక్ష్యంతో బరిలోకి దిగిన ఆయుశ్‌ మాత్రే సేన ఆది నుంచే దూకుడుగా ఆడింది. శతక్కొట్టిన హైదరాబాదీ బ్యాటర్‌ఓపెనర్లలో వైభవ్‌ సూర్యవంశీ (33 బంతుల్లో 68) ధనాధన్‌ దంచికొట్టగా... హైదరాబాదీ బ్యాటర్‌ ఆరోన్‌ జార్జ్‌ శతకం (104 బంతుల్లో 115; 15 ఫోర్లు, 2 సిక్స్‌లు)తో సత్తా చాటాడు. వన్‌డౌన్‌లో వచ్చిన కెప్టెన్‌ ఆయుశ్‌ మాత్రే 59 బంతుల్లో ఐదు ఫోర్లు, నాలుగు సిక్సర్లు బాది 62 పరుగులు సాధించాడు.మిగతా వారిలో విహాన్‌ మల్హోత్రా (47 బంతుల్లో 38), వేదాంత్‌ త్రివేది (6 బంతుల్లో 5) అజేయంగా నిలిచి భారత్‌ గెలుపును ఖరారు చేశారు. టాపార్డర్‌ దంచికొట్టడంతో అఫ్గన్‌ విధించిన లక్ష్యాన్ని భారత్‌ 41.1 ఓవర్లలోనే ఊదేసింది. కేవలం మూడు వికెట్లు నష్టపోయి 311 పరుగులు సాధించి.. ఏడు వికెట్ల తేడాతో జయభేరి మోగించింది. తద్వారా వరల్డ్‌కప్‌ ఫైనల్‌కు దూసుకువెళ్లింది. అఫ్గనిస్తాన్‌ బౌలర్లలో నూరిస్తాని ఒమర్‌జాయ్‌ రెండు వికెట్లు తీయగా.. వహీదుల్లా జద్రాన్‌కు ఒక వికెట్‌ దక్కింది. కాగా తొలి సెమీ ఫైనల్లో ఆస్ట్రేలియాను ఓడించి ఇంగ్లండ్‌ ఫైనల్లో అడుగుపెట్టింది. భారత్‌- ఇంగ్లండ్‌ మధ్య శుక్రవారం ఫైనల్‌ జరుగనుంది. చదవండి: Ricky Ponting: వద్దని మొత్తుకున్నా వినలేదు.. అతడిని వదిలేశారుHighest successful run-chase ✔️Stunning batting display ✔️10th final calling ✔️Team India colts deliver a clinical show to set up a finals date with England! 🇮🇳🫰🏻NEXT ON ICC MEN'S U19 World Cup 👉 FINAL | IND 🆚 ENG | FRI, 6th FEB, 1 PM pic.twitter.com/Pzay5mAdoI— Star Sports (@StarSportsIndia) February 4, 2026

భారత చిచ్చరపిడుగు వైభవ్‌ సూర్యవంశీ మరోసారి విధ్వంసకర ఇన్నింగ్స్‌తో మెరిశాడు. ఐసీసీ అండర్‌-19 ప్రపంచకప్‌-2026 సెమీ ఫైనల్లో భాగంగా అఫ్గనిస్తాన్‌పై.. ఈ పద్నాలుగేళ్ల పిల్లాడు ధనాధన్‌ దంచికొట్టాడు.24 బంతుల్లోనే..కేవలం 24 బంతుల్లోనే యాభై పరుగుల మార్కు అందుకున్న వైభవ్‌ సూర్యవంశీ (Vaibhav Suryavanshi).. ఆ తర్వాత కూడా జోరు కొనసాగించాడు. మొత్తంగా 33 బంతులు ఎదుర్కొన్న ఈ ఎడమచేతి వాటం బ్యాటర్‌.. 68 పరుగులు సాధించాడు. అతడి ఇన్నింగ్స్‌లో తొమ్మిది ఫోర్లు, నాలుగు సిక్సర్లు ఉన్నాయి.𝐅𝐀𝐒𝐓. 𝐅𝐄𝐀𝐑𝐋𝐄𝐒𝐒. 𝐅𝐈𝐅𝐓𝐘.Vaibhav Sooryavanshi goes full throttle in the SEMI-FINAL chase! 🚀#ICCMensU19WC | Semi-Final 2 | #INDvAFG 👉 LIVE NOW ➡️ https://t.co/BH7PyKi0Hq pic.twitter.com/skcIOVMznz— Star Sports (@StarSportsIndia) February 4, 2026సుడిగాలి ఇన్నింగ్స్‌వైభవ్‌ సూర్యవంశీ సుడిగాలి ఇన్నింగ్స్‌ కారణంగా భారత్‌ తొమ్మిది ఓవర్లలోనే 84 పరుగులు చేసింది. అయితే, భారత ఇన్నింగ్స్‌ పదో ఓవర్‌లో నూరిస్తాని ఒమర్‌జాయ్‌ బౌలింగ్‌లో మూడో బంతికి.. ఒస్మాన్‌ సదాత్‌కు క్యాచ్‌ ఇవ్వడంతో వైభవ్‌ సూర్యవంశీ పెవిలియన్‌ చేరాడు. కాగా ఓపెనర్‌ ఆరోన్‌ జార్జ్‌తో కలిసి మరో ఓపెనర్‌ వైభవ్‌ సూర్యవంశీ తొలి వికెట్‌కు 57 బంతుల్లో 90 పరుగులు జోడించాడు.311 పరుగుల లక్ష్యంకాగా వరల్డ్‌కప్‌ రెండో సెమీ ఫైనల్లో భాగంగా జింబాబ్వేలోని హరారే వేదికగా టాస్‌ గెలిచిన అఫ్గనిస్తాన్‌ తొలుత బ్యాటింగ్‌ చేసింది. ఫైజల్‌ షినోజాదా (110), ఉజైరుల్లా నియాజాయ్‌ (101 నాటౌట్‌) శతకాలతో చెలరేగారు.ఫలితంగా నిర్ణీత 50 ఓవర్లలో కేవలం నాలుగు వికెట్లు నష్టపోయి అఫ్గనిస్తాన్‌ 310 పరుగులు సాధించింది. అఫ్గన్‌ విధించిన 311 పరుగుల లక్ష్యాన్ని ఛేదించేందుకు బరిలోకి దిగిన భారత్‌కు శుభారంభమే లభించింది. పది ఓవర్ల ఆట పూర్తయ్యే సరికి యువ భారత జట్టు వికెట్‌ నష్టానికి 91 పరుగులు చేసింది.చదవండి: Ricky Ponting: వద్దని మొత్తుకున్నా వినలేదు.. అతడిని వదిలేశారు

అండర్‌ 19 ప్రపంచకప్‌ 2026లో భాగంగా ఇవాళ (ఫిబ్రవరి 4) రెండో సెమీఫైనల్‌ జరుగుతుంది. హరారే వేదికగా భారత్‌-ఆఫ్ఘనిస్తాన్‌ అమీతుమీ తేల్చుకోనున్నాయి. ఈ మ్యాచ్‌లో ఆఫ్ఘనిస్తాన్‌ కెప్టెన్‌ మహబూబ్‌ ఖాన్‌ టాస్‌ గెలిచి బ్యాటింగ్‌ ఎంచుకున్నాడు. ఈ మ్యాచ్‌ కోసం భారత్‌ ఎలాంటి మార్పులు చేయలేదు. గత మ్యాచ్‌లో పాక్‌తో ఆడిన జట్టునే కొనసాగించారు. నిన్న జరిగిన తొలి సెమీఫైనల్లో ఇంగ్లండ్‌ డిఫెండింగ్‌ ఛాంపియన్‌ ఆస్ట్రేలియాపై విజయం సాధించి ఫైనల్‌కు చేరుకుంది. ఈ మ్యాచ్‌లో గెలిచిన జట్టు ఫిబ్రవరి 6న ఇంగ్లండ్‌ తాడోపేడో తేల్చుకుంటుంది.తుది జట్లు..ఆఫ్ఘనిస్తాన్: ఉస్మాన్ సదాత్, ఖలీద్ అహ్మద్జాయ్, ఫైసల్ షినోజాదా, ఉజైరుల్లా నియాజై, మహబూబ్ ఖాన్(w/c), అజీజుల్లా మియాఖిల్, అబ్దుల్ అజీజ్, ఖతీర్ స్టానిక్జాయ్, రూహుల్లా అరబ్, నూరిస్తానీ ఒమర్జాయ్, వహిదుల్లా జద్రాన్‌భారత్‌: ఆరోన్ జార్జ్, వైభవ్ సూర్యవంశీ, ఆయుష్ మ్హత్రే(సి), వేదాంత్ త్రివేది, విహాన్ మల్హోత్రా, అభిజ్ఞాన్ కుందు(w), RS అంబరీష్, కనిష్క్ చౌహాన్, ఖిలాన్ పటేల్, హెనిల్ పటేల్, దీపేష్ దేవేంద్రన్

అండర్‌-19 ప్రపంచకప్‌ 2026 ఎడిషన్‌లో యంగ్‌ ఇండియా ఫైనల్‌ ఫోర్‌కు చేరింది. ఇవాళ (ఫిబ్రవరి 4) జరిగే రెండో సెమీఫైనల్లో ఆఫ్ఘనిస్తాన్‌ను ఢీకొట్టేందుకు సిద్దంగా ఉంది. ఈ మ్యాచ్‌ హరారే వేదికగా భారతకాలమానం ప్రకారం మధ్యాహ్నం ఒంటి గంటకు ప్రారంభమవుతుంది. ఈ మ్యాచ్‌లో ఆయుశ్‌ మాత్రే నేతృత్వంలోని యువ భారత్‌ హాట్‌ ఫేవరెట్‌గా బరిలోకి దిగుతుంది. యంగ్‌ ఇండియా ఈ మ్యాచ్‌లో కూడా గెలిస్తే.. ఫిబ్రవరి 6న జరిగే ఫైనల్లో ఇంగ్లండ్‌తో అమీతుమీ తేల్చుకుంటుంది. నిన్న జరిగిన తొలి సెమీఫైనల్లో ఇంగ్లండ్‌ డిఫెండింగ్‌ ఛాంపియన్‌ ఆస్ట్రేలియాపై విజయం సాధించి ఫైనల్‌కు చేరుకుంది.యంగ్‌ ఇండియా ఆరో టైటిల్‌కు రెండు అడుగుల దూరంలో ఉన్న నేపథ్యంలో అండర్‌-19 ప్రపంచకప్‌ చరిత్రలో భారత ప్రస్థానంపై ఓ లుక్కేద్దాం. యువకుల క్రికెట్‌కు సంబంధించి ఈ టోర్నీ చాలా ప్రాముఖ్యం కలిగింది. ఈ టోర్నీ చరిత్రలో భారత్‌ అత్యంత విజయవంతమైన జట్టుగా చలామణి అవుతుంది. ఇప్పటివరకు జరిగిన 15 ఎడిషన్లలో 5 టైటిళ్లు సాధించి, టోర్నీ చరిత్రలో అత్యధిక టైటిళ్లు సాధించిన జట్టుగా నిలిచింది. అలాగే నాలుగు సార్లు రన్నరప్‌గానూ నిలిచి, మొత్తం తొమ్మిది సార్లు ఫైనల్‌కు చేరిన ఏకైక జట్టుగా చరిత్ర సృష్టించింది. గతం ఇంత ఘనంగా కలిగిన భారత జట్టు మరో టైటిల్‌ను సొంతం చేసుకుంటుందో లేదో తేలియాలంటే మరో రెండు రోజుల వేచి చూడాలి. భారత్‌ ఆరో టైటిల్‌ను సాధించాలని ఆకాంక్షించే ముందు అండర్-19 ప్రపంచకప్‌ టోర్నీల్లో భారత ప్రస్థానంపై ఓ లుక్కేద్దాం. ఈ టోర్నీ 1988లో ప్రారంభం కాగా.. భారత్‌ తమ తొలి టైటిల్‌ను 2000లో సాధించింది.2000 - మొహమ్మద్‌ కైఫ్‌శ్రీలంకలో జరిగిన ఆ ఎడిషన్‌లో మొహమ్మద్‌ కైఫ్‌ నేతృత్వంలోని యంగ్‌ ఇండియా ఫైనల్లో శ్రీలంకను చిత్తు చేసి తొలి అండర్‌-19 ప్రపంచ్‌కప్‌ టైటిల్‌ను సొంతం చేసుకుంది. ఈ టోర్నీ ద్వారానే యువరాజ్‌ సింగ్‌ వంటి స్టార్లు అంతర్జాతీయ క్రికెట్‌ సమాజానికి పరిచయమయ్యారు.2008 – విరాట్ కోహ్లీ 2008లో మలేషియాలో జరిగిన ప్రపంచకప్‌లో విరాట్ కోహ్లీ నాయకత్వంలో భారత్‌ రెండోసారి టైటిల్‌ గెలిచింది. ఆ జట్టులో రవీంద్ర జడేజా, మనీష్ పాండే వంటి ఆటగాళ్లు ఉన్నారు. ఈ విజయం తర్వాత కోహ్లీ సీనియర్‌ జట్టులోకి ప్రవేశించి, భారత క్రికెట్‌ చరిత్రలో గొప్ప ఆటగాడిగా ఎదిగాడు. 2012 – ఉన్ముక్త్‌ చంద్‌ 2012లో ఆస్ట్రేలియాలో జరిగిన ప్రపంచకప్‌లో ఉన్ముక్త్ చంద్‌ నాయకత్వంలో భారత్‌ మూడో టైటిల్‌ గెలిచింది. ఫైనల్‌లో ఆస్ట్రేలియాపై అద్భుత విజయాన్ని సాధించింది. ఆ జట్టులో కేఎల్ రాహుల్‌, హనుమ విహారి వంటి ఆటగాళ్లు ఉన్నారు. 2018 – పృథ్వీ షా2018లో న్యూజిలాండ్‌లో జరిగిన ప్రపంచకప్‌లో పృథ్వీ షా నాయకత్వంలో భారత్‌ నాలుగో టైటిల్‌ గెలిచింది. శుభ్‌మన్ గిల్‌ అద్భుత ప్రదర్శనతో వెలుగులోకి వచ్చాడు. ఈ జట్టు అత్యంత బలమైన జట్టుగా గుర్తింపు పొందింది. 2022 – యష్ ధుల్‌ 2022లో వెస్టిండీస్‌లో జరిగిన ప్రపంచకప్‌లో యష్ ధుల్‌ నాయకత్వంలో భారత్‌ ఐదో టైటిల్‌ గెలిచింది. ఫైనల్‌లో ఇంగ్లాండ్‌ను ఓడించి, మరోసారి యువ క్రికెట్‌ శక్తిని ప్రపంచానికి చూపించింది. 2024 – ఫైనల్లో పరాజయం 2024లో దక్షిణాఫ్రికాలో జరిగిన ప్రపంచకప్‌లో భారత్‌ ఫైనల్‌కి చేరినా, ఆస్ట్రేలియా చేతిలో ఓడిపోయింది. ఈ ఎడిషన్‌లో యంగ్‌ ఇండియా ఓడిపోయినప్పటికీ, అద్భుత ప్రదర్శనలతో ఆకట్టుకుంది. దీనికి ముందు భారత్‌ 2006, 2016, 2020 ఎడిషన్లలోనూ రన్నరప్‌తో సరిపెట్టుకుంది.

అండర్‌-19 ప్రపంచకప్‌లో నిన్న జరిగిన కీలకమైన సూపర్‌ సిక్స్‌ మ్యాచ్‌లో భారత్‌ పాకిస్తాన్‌పై 58 పరుగుల తేడాతో ఘన విజయం సాధించి సెమీస్‌లోని ప్రవేశించింది. ఈ దెబ్బతో పాక్‌ టోర్నీ నుంచి నిష్క్రమించి, ఇంటిబాట పట్టింది. ఫిబ్రవరి 4న జరిగే రెండో సెమీస్‌లో భారత్‌ ఆఫ్ఘనిస్తాన్‌తో తలపడుతుంది. 3న జరిగే తొలి సెమీస్‌లో ఆస్ట్రేలియా, ఇంగ్లండ్‌ అమీతుమీ తేల్చుకుంటాయి.ఇదిలా ఉంటే, నిన్నటి భారత్‌-పాక్‌ మ్యాచ్‌​​కు సంబంధించిన ఓ వీడియో ప్రస్తుతం సోషల్‌మీడియాలో వైరలవుతుంది. ఇందులో భారత చిచ్చరపిడుగు వైభవ్‌ సూర్యవంశీ పాక్‌ ఆటగాడు అలీ బలోచ్‌పై ఊగిపోతూ కనిపించాడు. Vihaan sprinting like Usain boult to save a Pakistani player from Vaibhav Suryavanshi. 😭https://t.co/2thurxK3QC— Gangadhar (@90_andypycroft) February 1, 2026పాక్‌ ఇన్నింగ్స్‌ 37వ ఓవర్‌లో విహాన్ మల్హోత్రా బలోచ్‌ను ఔట్ చేసిన తర్వాత సూర్యవంశీ అతనిపైకి దూసుకెళ్లాడు. విహాన్ వెంటనే జోక్యం చేసుకుని పరిస్థితిని అదుపులోకి తెచ్చాడు. ఆ సమయంలో వైభవ్‌ ఉగ్రం చూస్తే పాక్‌ ప్లేయర్‌ బుర్ర బద్దలు కొట్టేలా అనిపించింది. దీనికి సంబంధించిన వీడియోనే ప్రస్తుతం నెట్టింట హల్‌చల్‌ చేస్తుంది.మరోసారిపహల్గాం ఉగ్రదాడి తర్వాత భారత్‌-పాక్‌ మధ్య క్రికెట్‌ సంబంధాలు పూర్తిగా దెబ్బతిన్నాయి. అప్పటి నుంచి జరిగిన ప్రతి క్రికెట్‌ మ్యాచ్‌లో భారత ఆటగాళ్లు పాక్‌ ఆటగాళ్లకు షేక్‌ హ్యాండ్‌ ఇవ్వలేదు. తాజా మ్యాచ్‌లోనూ అదే పరిస్థితి కొనసాగింది. ఇరు జట్ల ఆటగాళ్లు మ్యాచ్‌ అయిపోగానే ఎవరి దారిన వాళ్లు పెవిలియన్‌ వైపు వెళ్లారు.నిన్నటి మ్యాచ్‌ పూర్తి వివరాల్లోకి వెళితే... తొలుత బ్యాటింగ్‌ చేసిన భారత్‌ 49.5 ఓవర్లలో 252 పరుగులకు ఆలౌటైంది. వేదాంత్‌ త్రివేది (68) బాధ్యతాయుతమైన అర్ద సెంచరీతో భారత్‌కు గౌరవప్రదమైన స్కోర్‌ అందించాడు. ఆఖర్లో కనిష్క్‌ చౌహాన్‌ (35), ఖిలన్‌ పటేల్‌ (21) కీలక ఇన్నింగ్స్‌లు ఆడారు.భారత బ్యాటర్లలో ఆరోన్‌ జార్జ్‌ (16), కెప్టెన్‌ ఆయుశ్‌ మాత్రే (0), అభిగ్యాన్‌ కుందు (16), దీపేశ్‌ దేవేంద్రన్‌ (1) విఫలం కాగా.. వైభవ్‌ సూర్యవంశీ (30), విహాన్‌ మల్హోత్రా (21), అంబ్రిష్‌ (29) ఓ మోస్తరు స్కోర్లు చేశారు.పాక్‌ బౌలర్లలో అబ్దుల్‌ సుభాన్‌ 3, మొహమ్మద్‌ సయ్యద్‌ 2, అలీ రజా, అహ్మద్‌ హుసేన్‌, మొమిన్‌ ఖమార్‌, అలీ హస్సన్‌ బలోచ్‌ తలో వికెట్‌ తీశారు.అనంతరం ఓ మోస్తరు లక్ష్య ఛేదనలో పాక్‌ తొలుత విజయం దిశగా సాగింది. అయితే మధ్యలో భారత స్పిన్నర్లు ఖిలన్‌ పటేల్‌ (9.2-1-35-3), ఆయుశ్‌ మాత్రే (8-0-21-3), కనిష్క్‌ చౌహాన్‌ (10-1-30-1), విహాన్‌ మల్హాత్రా (4-0-15-1) చెలరేగడంతో పాక్‌కు ఓటమి తప్పలేదు. పేసర్లు అంబ్రిష్‌ (5-0-26-1), హెనిల్‌ పటేల్‌ (5-0-30-1) కూడా రాణించడంతో పాక్‌ 46.2 ఓవర్లలో 194 పరుగులకే ఆలౌటైంది.పాక్‌ ఇన్నింగ్స్‌లో ఉస్మాన్‌ ఖాన్‌ (66) ఒక్కడే అర్ద సెంచరీతో రాణించాడు. హమ్జా జహూర్‌ (42), ‍కెప్టెన్‌ ఫర్హాన్‌ యూసఫ్‌ (38) ఓ మోస్తరు స్కోర్లతో పర్వాలేదనిపించగా.. మిగతా బ్యాటర్లంతా దారుణంగా విఫలమయ్యారు.

భారత యువ జట్టు కెరటాలు ఆయుశ్‌ మాత్రే, వైభవ్‌ సూర్యవంశీ సోషల్‌మీడియా వేదికగా భారీ ట్రోలింగ్‌ను ఎదుర్కొంటున్నాడు. అండర్‌-19 ప్రపంచకప్‌ 2026లో భాగంగా పాకిస్తాన్‌తో జరుగుతున్న సూపర్‌ సిక్స్‌ మ్యాచ్‌లో దారుణంగా విఫలమైనందుకు టీమిండియా ఫ్యాన్స్‌ ఆగ్రహానికి గురవుతున్నారు. చోకర్స్‌ అంటూ ట్రోలింగ్‌ చేస్తున్నారు. సూర్యవంశీతో పోలిస్తే మాత్రేపై ట్రోలింగ్‌ ధాటి అధికంగా ఉంది. ప్రతి కీలక మ్యాచ్‌లో విఫలమవుతాడు, ఇతన్ని ఎలా కెప్టెన్‌గా కొనసాగిస్తున్నారని విమర్శిస్తున్నారు. ఈ మ్యాచ్‌లో మాత్రే రెండు బంతులు ఆడి ఖాతా కూడా తెరవలేకపోగా.. చిన్న జట్లపై చెలరేగిపోయే వైభవ్‌ సూర్యవంశీ ​కీలకమైన మ్యాచ్‌లో సత్తా చాటలేకపోయారు. వైభవ్‌ 22 బంతుల్లో 5 ఫోర్లు, సిక్సర్‌ సాయంతో 30 పరుగులు చేసి ఔటయ్యాడు. వాస్తవానికి వైభవ్‌ చేసిన ఈ స్కోర్‌ అంత తీసి పాడేయాల్సిందేమీ కాకపోయినప్పటికీ.. కీలకమైన సూపర్‌ సిక్స్‌ మ్యాచ్‌ కావడం, అందులోనూ ప్రత్యర్ధి పాక్‌ కావడం వల్ల అభిమానులు ఆగ్రహిస్తున్నారు. రెండు లైఫ్‌లు లభించిన తర్వాత కూడా జాగ్రత్త పడకపోవడంతో ఫ్యాన్స్‌ ఆగ్రహం వైభవ్‌పై కట్టలు తెంచుకుంది.వీరిద్దరితో పాటు మరో ఓపెనర్‌ ఆరోన్‌ జార్జ్‌ (16) కూడా విఫలం కావడంతో టాస్‌ ఓడి తొలుత బ్యాటింగ్‌కు దిగిన భారత్‌ కష్టాల్లో పడింది. ఈ ముగ్గురు ఒకే స్కోర్‌ (47 పరుగులు) వద్ద, నాలుగు బంతుల వ్యవధిలో ఔట్‌ కావడం అభిమానులకు మరింత ఆగ్రహం తెప్పించింది. పాక్‌ పేసర్‌ మొహమ్మద్‌ సయ్యమ్‌ భారత టాపార్డర్‌ను కూల్చడంలో సఫలీకృతుడయ్యాడు. మరో 62 పరుగుల తర్వాత భారత్‌ మరో వికెట్‌ కోల్పోయింది. 109 పరుగుల వద్ద విహాన్‌ మల్హోత్రా (21) అహ్మద్‌ హుస్సేన్‌ బౌలింగ్‌లో అతనికే క్యాచ్‌ ఇచ్చి ఔటయ్యాడు. 30 ఓవర్ల తర్వాత భారత్‌ 4 వికెట్ల నష్టానికి 140 పరుగులు చేసి ఎదురీదుతుంది. వేదాంత్‌ త్రివేది (50), అభిగ్యాన్‌ కుందు (12) భారత్‌కు గౌరవప్రదమైన స్కోర్‌ అందించే ప్రయత్నం చేస్తున్నారు.కెప్టెన్సీ నుంచి తీసేయండి..!ఇటీవలికాలంలో ఆయుశ్‌ మాత్రే ప్రదర్శలు చాలా దారుణంగా ఉన్నాయి. ప్రస్తుత ప్రపంచకప్‌లో అతను ఇప్పటివరకు 99 పరుగులు మాత్రమే చేశాడు. అందులో 53 పరుగులు న్యూజిలాండ్‌పై చిన్న లక్ష్యాన్ని ఛేదించే సమయంలో వచ్చాయి. దీనికి ముందు ఆసియా కప్‌లోనూ అతని ప్రదర్శనలు దారుణంగా ఉన్నాయి. ఆ టోర్నీలో ఐదు ఇన్నింగ్స్‌ల్లో 65 పరుగులు మాత్రమే చేశాడు. వరుస వైఫల్యాల నేపథ్యంలో మాత్రేను కెప్టెన్సీ నుంచి తొలగించాలని డిమాండ్లు వినిపిస్తున్నాయి.

అండ‌ర్‌-19 ప్ర‌పంచ‌క‌ప్ 2026లో మ‌రో హైవోల్టేజ్ మ్యాచ్‌కు తెరలేచింది. సూప‌ర్ సిక్స్‌లో భాగంగా బులవాయో వేదిక‌గా భారత్-పాకిస్తాన్ జ‌ట్లు త‌ల‌ప‌డ‌తున్నాయి. ఈ మ్యాచ్‌లో టాస్ గెలిచిన పాకిస్తాన్ తొలుత బౌలింగ్ ఎంచుకుంది. ఈ కీల‌క మ్యాచ్‌కు పాక్ ఆట‌గాడు మహ్మద్‌ షయాన్ గాయం కార‌ణంగా దూర‌మ‌య్యాడు.అత‌డి స్దానంలో అలీ హసన్ బలోచ్‌కు తుది జ‌ట్టులో చోటు ద‌క్కింది. మ‌రోవైపు భార‌త్ కూడా త‌మ తుది జ‌ట్టులో ఓ మార్పు చేసింది. ఉద‌వ్ మోహ‌న్ స్దానంలో దీపేష్ ప్లేయింగ్ ఎలెవ‌న్‌లోకి వ‌చ్చాడు. కాగా ఈ మ్యాచ్‌లో ఎలాగైనా గెలిచి ఆసియాక‌ప్ ఫైన‌ల్లో ఎదురైన ప‌రాభావానికి ప్ర‌తీకారం తీర్చుకోవాల‌ని భార‌త్ భావిస్తోంది.తుది జ‌ట్లుపాకిస్తాన్: సమీర్ మిన్హాస్, హంజా జహూర్ (వికెట్ కీప‌ర్‌), ఉస్మాన్ ఖాన్, అహ్మద్ హుస్సేన్, ఫర్హాన్ యూసఫ్ (కెప్టెన్‌), హుజైఫా అహ్సన్, అలీ హసన్ బలోచ్, అబ్దుల్ సుభాన్, మోమిన్ కమర్, మొహమ్మద్ సయామ్, అలీ రజాభార‌త్‌ : ఆరోన్ జార్జ్, వైభవ్ సూర్యవంశీ, ఆయుష్ మాత్రే (కెప్టెన్‌), విహాన్ మల్హోత్రా (వైస్ కెప్టెన్‌), అభిజ్ఞాన్ కుందు (వికెట్ కీప‌ర్‌), వేదాంత్ త్రివేది, ఆర్ ఎస్ అంబరీష్, కనిష్క్ చౌహాన్, ఖిలాన్ పటేల్, హెనిల్ పటేల్, దీపేష్ దేవేంద్రన్

అండర్‌ 19 ప్రపంచకప్‌లో యువ భారత్‌ వరుస విజయాలతో దూసుకుపోతుంది. గ్రూప్‌ దశలో హ్యాట్రిక్‌ విజయాలతో సూపర్‌ సిక్స్‌కు చేరిన యంగ్‌ ఇండియా.. ఈ దశలోనూ తమ తొలి మ్యాచ్‌లో విజయం సాధించింది.బులవాయో వేదికగా ఇవాళ (జనవరి 27) జింబాబ్వేతో జరిగిన మ్యాచ్‌లో భారత్‌ 204 పరుగుల భారీ తేడాతో గెలుపొందింది. టాస్‌ ఒడి తొలుత బ్యాటింగ్‌ చేసిన భారత్‌.. విహాన్‌ మల్హోత్రా (109 నాటౌట్‌) సెంచరీతో సత్తా చాటడంతో నిర్ణీత 50 ఓవర్లలో 8 వికెట్ల నష్టానికి 352 పరుగుల భారీ స్కోర్‌ చేసింది.చిచ్చరపిడుగు వైభవ్‌ సూర్యవంశీ (30 బంతుల్లో 52; 4 ఫోర్లు, 4 సిక్సర్లు) మెరుపు ఇన్నింగ్స్‌తో అలరించగా.. మరో మిడిలార్డర్‌ బ్యాటర్‌, వికెట్‌ కీపర్‌ అభిగ్యాన్‌ కుందు (62 బంతుల్లో 61; 5 ఫోర్లు, సిక్స్‌) సెంచరీ వీరుడు విహాన్‌కు సహకరించాడు. ఆఖర్లో ఖిలన్‌ పటేల్‌ (12 బంతుల్లో 30; ఫోర్‌, 3 సిక్సర్లు) బ్యాట్‌ ఝులిపించడంతో భారత్‌ 350 పరుగుల మార్కును దాటింది.మిగతా ఆటగాళ్లలో ఆరోన్‌ జార్జ్‌ 23, కెప్టెన్‌ ఆయుశ్‌ మాత్రే 21, వేదాంత్‌ త్రివేది 15, కనిష్క్‌ చౌహాన్‌ 3, అంబ్రిష్‌ 21, హెనిల్‌ పటేల్‌ 2 (నాటౌట్‌) పరుగులు చేశారు. జింబాబ్వే బౌలర్లలో టటెండ చిముగోరో 3 వికెట్లు పడగొట్టగా.. పనాషే మజాయ్‌, కెప్టెన్‌ సింబరాషే మడ్జెంగెరె తలో 2, ధృవ్‌ పటేల్‌ ఓ వికెట్‌ తీశారు.అనంతరం భారీ లక్ష్య ఛేదనలో జింబాబ్వే ఆదిలోనే చేతులెత్తేసింది. భారత బౌలర్లు మూకుమ్మడిగా విరుచుకుపడటంతో 37.4 ఓవర్లలో 148 పరుగులకే చాపచుట్టేసింది. లీరాయ్‌ (62), కియాన్‌ బ్లిగ్నాట్‌ (37), టటెండ చిముగోరో (29) మినహా అందరూ సింగిల్‌ డిజిట్‌ స్కోర్లకే పరిమితమయ్యారు. భారత బౌలర్లలో ఉధవ్‌ మోహన్‌, ఆయుశ్‌ మాత్రే తలో 3 వికెట్లు పడగొట్టగా.. అంబ్రిష్‌ 2, హెనిల్‌ పటేల్‌, ఖిలన్‌ పటేల్‌ చెరో​ వికెట్‌ తీశారు. సూపర్‌ సిక్స్‌లో భారత్‌ నెక్స్ట్‌ టార్గెట్‌ దాయాది పాకిస్తాన్‌. ఈ మ్యాచ్‌ ఫిబ్రవరి 1న బులవాయో వేదికగా జరుగనుంది.

జింబాబ్వే, నమీబియా వేదికగా జరుగుతున్న అండర్‌ 19 ప్రపంచకప్‌-2026లో ఇవాళ (జనవరి 27) యంగ్‌ ఇండియా మ్యాచ్‌ జరుగుతుంది. బులవాయోలో జరుగుతున్న ఈ మ్యాచ్‌లో భారత్‌, ఆతిథ్య జింబాబ్వేతో తలపడుతుంది. ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన టీమిండియా భారీ స్కోర్‌ (352-8) చేసింది.మిడిలార్డర్‌ బ్యాటర్‌ విహాన్‌ మల్హోత్రా బాధ్యతాయుతమైన సెంచరీతో (107 బంతుల్లో 109 నాటౌట్‌; 7 ఫోర్లు) చెలరేగగా.. చిచ్చరపిడుగు వైభవ్‌ సూర్యవంశీ (30 బంతుల్లో 52; 4 ఫోర్లు, 4 సిక్సర్లు) తన సహజ శైలిలో మెరుపు ఇన్నింగ్స్‌తో అలరించాడు. మరో మిడిలార్డర్‌ బ్యాటర్‌, వికెట్‌ కీపర్‌ అభిగ్యాన్‌ కుందు (62 బంతుల్లో 61; 5 ఫోర్లు, సిక్స్‌) సెంచరీ వీరుడు విహాన్‌కు సహకరించాడు.ఆఖర్లో ఖిలన్‌ పటేల్‌ (12 బంతుల్లో 30; ఫోర్‌, 3 సిక్సర్లు) బ్యాట్‌ ఝులిపించడంతో భారత్‌ 350 పరుగుల మార్కును దాటింది. మిగతా ఆటగాళ్లలో ఆరోన్‌ జార్జ్‌ 23, కెప్టెన్‌ ఆయుశ్‌ మాత్రే 21, వేదాంత్‌ త్రివేది 15, కనిష్క్‌ చౌహాన్‌ 3, అంబ్రిష్‌ 21, హెనిల్‌ పటేల్‌ 2 (నాటౌట్‌) పరుగులు చేశారు. జింబాబ్వే బౌలర్లలో టటెండ చిముగోరో 3 వికెట్లు పడగొట్టగా.. పనాషే మజాయ్‌, కెప్టెన్‌ సింబరాషే మడ్జెంగెరె తలో 2, ధృవ్‌ పటేల్‌ ఓ వికెట్‌ తీశారు.కాగా, గ్రూప్‌ దశలో భారత్‌ వరుసగా యూఎస్‌ఏ, బంగ్లాదేశ్‌, న్యూజిలాండ​్‌పై విజయాలు సాధించి సూపర్‌ సిక్స్‌లోకి ప్రవేశించింది. సూపర్‌ సిక్స్‌లో భాగంగానే భారత్‌ జింబాబ్వేతో తలపడుతుంది. ఈ మ్యాచ్‌ తర్వాత భారత్‌ దాయాది పాకిస్తాన్‌ను ఢీకొట్టనుంది. ఫిబ్రవరి 1న బులవాయో వేదికగా ఈ మ్యాచ్‌ జరుగనుంది.

అండర్‌-19 ప్రపంచకప్‌ టోర్నీ-2026లో భారత జట్టు చిచ్చర పిడుగు వైభవ్‌ సూర్యవంశీ జోరు కొనసాగిస్తున్నాడు. తొలి మ్యాచ్‌లో భాగంగా యూఏఈపై రెండు పరుగులే చేసి విఫలమైన ఈ లెఫ్టాండర్‌.. ఆ తర్వాత బంగ్లాదేశ్‌తో మ్యాచ్‌ (72)తో ఫామ్‌లోకి వచ్చాడు.తొలుత బ్యాటింగ్‌చివరగా న్యూజిలాండ్‌పై 23 బంతుల్లో 40 పరుగులు చేసిన వైభవ్‌ సూర్యవంశీ (Vaibhav Suryavanshi).. తాజాగా జింబాబ్వేపై ప్రతాపం చూపాడు. బులవాయో వేదికగా మంగళవారం నాటి వన్డేలో టాస్‌ ఓడిన భారత్‌... ఆతిథ్య జింబాబ్వే ఆహ్వానం మేరకు తొలుత బ్యాటింగ్‌కు దిగింది.వైభవ్‌ ధనాధన్‌ఈ క్రమంలో భారత ఓపెనర్లు ఆరోన్‌ జార్జ్‌, వైభవ్‌ సూర్యవంశీ దూకుడుగా ఇన్నింగ్స్‌ ఆరంభించారు. అయితే, ఆరోన్‌ 16 బంతుల్లో 23 పరుగులు చేసి జోరు మీదున్న వేళ జింబాబ్వే పేసర్‌ పనాషే మజాయ్‌ షాకిచ్చాడు. అతడి బౌలింగ్‌లో షాట్‌ బాదే క్రమంలో ఆరోన్‌.. సింబరెషెకు క్యాచ్‌ ఇచ్చి పెవిలియన్‌ చేరాడు.దీంతో వన్‌డౌన్‌ బ్యాటర్‌, కెప్టెన్‌ ఆయుశ్‌ మాత్రేతో కలిసి ఇన్నింగ్స్‌ చక్కదిద్దే బాధ్యతను వైభవ్‌ సూర్యవంశీ తీసుకున్నాడు. ఈ క్రమంలో నాలుగు ఫోర్లు, నాలుగు సిక్సర్ల సాయంతో.. కేవలం 24 బంతుల్లోనే యాభై పరుగులు పూర్తి చేసుకున్నాడు ఈ పద్నాలుగేళ్ల బ్యాటర్‌. 52 పరుగులు చేసిమొత్తంగా 30 బంతులు ఎదుర్కొన్న వైభవ్‌ సూర్యవంశీ.. 52 పరుగులు చేసి నిష్క్రమించాడు. టటెండ చిముగొరొ బౌలింగ్‌లో సింబరెషెకు క్యాచ్‌ ఇచ్చి మూడో వికెట్‌గా వెనుదిరిగాడు. కాగా ఆయుశ్‌ మాత్రే (21) రూపంలో జింబాబ్వే రెండో వికెట్‌ దక్కించుకుంది. కాగా ఇప్పటికే ఆడిన మూడు మ్యాచ్‌లలో విజయాలు సాధించిన భారత్‌కు.. సూపర్‌ సిక్స్‌ దశలో ఇదే తొలి మ్యాచ్‌. తుదిజట్లుభారత్‌ఆరోన్ జార్జ్, వైభవ్ సూర్యవంశీ, ఆయుష్ మాత్రే (కెప్టెన్‌), విహాన్ మల్హోత్రా, అభిజ్ఞాన్ కుందు (వికెట్‌ కీపర్‌), వేదాంత్ త్రివేది, కనిష్క్ చౌహాన్, ఆర్ఎస్ అంబరీష్, ఖిలాన్ పటేల్, హెనిల్ పటేల్, ఉద్ధవ్ మోహన్.జింబాబ్వేనథానియల్ హ్లబంగానా (వికెట్‌ కీపర్‌), టకుడ్జ్వా మకోని, కియాన్ బ్లిగ్నాట్, వెబ్‌స్టర్ మధిధి, ధ్రువ్ పటేల్, లీరోయ్ చివౌలా, సింబరెషె మడ్జెంగెరెరే (కెప్టెన్‌), బ్రాండన్ సెంజెర్, మైఖేల్ బ్లిగ్నాట్, టాటెండ చిముగోరో, పనాషే మజాయ్‌.చదవండి: ICC: ఇదేం ట్విస్టు!.. పాక్‌ అవుట్‌.. బంగ్లాదేశ్‌కు ఛాన్స్‌!𝙒𝙞𝙙𝙩𝙝 𝙤𝙣 𝙤𝙛𝙛𝙚𝙧, & Vaibhav Sooryavanshi accepted it with interest! 🤌Team India are off to a flying start💥#ICCMensU19WC | #INDvZIM 👉 LIVE NOW ➡️ https://t.co/ty11gF03Wh pic.twitter.com/tEXWCDWeuA— Star Sports (@StarSportsIndia) January 27, 2026

అండర్‌-19 ప్రపంచకప్ 2026లో భాగంగా బంగ్లాదేశ్‌తో మ్యాచ్‌లో భారత యువ సంచలనం వైభవ్ సూర్యవంశీ అద్బుతమైన ఇన్నింగ్స్ ఆడాడు. ఆరంభంలోనే కెప్టెన్ ఆయూశ్ మాత్రే(6), అయుష్ మాత్రే (6), వేదాంత్ త్రివేది (0), విహాన్ మల్హోత్రా (7) వికెట్లు కోల్పోయి భారత్ కష్టాల్లో పడింది.ఈ క్రమంలో వైభవ్ సూర్యవంశీ తన సహచర ఆటగాడు అభిజ్ఞాన్ కుండు(80)తో కలిసి జట్టును ఆదుకున్నాడు. వైభవ్ మొత్తంగా 67 బంతుల్లో 6 ఫోర్లు, 3 సిక్స్‌లతో 72 పరుగులు చేసి ఔటయ్యాడు. ఈ క్రమంలో 14 ఏళ్ల సూర్యవంశీ పలు అరుదైన రికార్డులను తన పేరిట లిఖించుకున్నాడు.తొలి ప్లేయర్‌గా..అండర్-19 ప్రపంచకప్ చరిత్రలో హాఫ్ సెంచరీ చేసిన అత్యంత పిన్న వయష్కుడిగా వైభవ్ నిలిచాడు. సూర్యవంశీ కేవలం 14 ఏళ్ల 296 రోజుల వయస్సులో ఈ ఫీట్ సాధించాడు. ఇంతకుముందు ఈ రికార్డు అఫ్గానిస్థాన్ క్రికెటర్ షాహిదుల్లా కమల్ పేరిట ఉంది. 2014 అండర్‌-19 ప్రపంచకప్‌లో కమల్ 15 ఏళ్ల 19 రోజుల వయస్సులో ఈ ఘనత సాధించాడు. తాజా మ్యాచ్‌తో కమల్ ఆల్‌టైమ్ రికార్డును వైభవ్ బ్రేక్ చేశాడు.అదేవిధంగా యూత్ వన్డేల్లో భారత్ తరపున అత్యధిక పరుగులు చేసిన బ్యాటర్ల జాబితాలో వైభవ్ సూర్యవంశీ.. స్టార్ బ్యాటర్ విరాట్ కోహ్లిని అధిగమించాడు. కోహ్లి 28 మ్యాచ్‌లలో 978 పరుగులు చేయగా.. సూర్యవంశీ 20 మ్యాచ్‌ల్లోనే 1,047 పరుగులు సాధించాడు. ఈ అరుదైన ఫీట్ సాధించిన జాబితాలో విజయ్ జోల్ (1,404 పరుగులు) అగ్రస్ధానంలో ఉన్నాడు. ఓవరాల్‌గా అయితే బంగ్లాదేశ్ స్టార్ నజ్ముల్ హుస్సేన్ శాంటో (1,820 పరుగులు) టాప్‌లో కొనసాగుతున్నాడు.కాగా మ్యాచ్ విషయానికి వస్తే.. తొలుత బ్యాటింగ్ చేసిన భారత్‌ 48.4 ఓవర్లలో 238 పరుగులకు ఆలౌటైంది. భారత బ్యాటర్లలో వైభవ్‌, కుండు మినహా ఎవరూ చెప్పుకోదగ్గ ప్రదర్శన చేయలేకపోయారు. బంగ్లాదేశ్ బౌలర్లలో అల్ ఫహాద్ 5 వికెట్లతో సత్తాచాటగా.. ఇక్బాల్‌, ఎండి అజీజుల్ హకీం తమీమ్ తలా రెండు వికెట్లు సాధించారు.చదవండి: IND vs NZ: న్యూజిలాండ్‌తో మూడో వ‌న్డే.. భార‌త జ‌ట్టులో కీల‌క మార్పులు!

అండర్‌-19 ప్రపంచకప్ 2026లో భాగంగా బంగ్లాదేశ్‌తో జరుగుతున్న మ్యాచ్‌లో భారత్ నామమాత్రపు స్కోర్‌కే పరిమితమైంది. వర్షం కారణంగా ఈ మ్యాచ్‌ను 49 ఓవర్లకు కుదించారు. టాస్ ఓడి తొలుత బ్యాటింగ్ చేసిన యువ భారత జట్టు 48.4 ఓవర్లలో 238 పరుగులకు ఆలౌటైంది.ప్రారంభంలోనే కెప్టెన్ ఆయుష్ మాత్రే (6), వేదాంత్ త్రివేది (0), విహాన్ మల్హోత్రా (7) వికెట్లు కోల్పోయి భారత్ కష్టాల్లోపడింది. ఈ క్రమంలో యువ సంచలనం వైభవ్ సూర్యవంశీ (67 బంతుల్లో 6 ఫోర్లు, 3 సిక్స్‌లతో 72), అభిజ్ఞాన్ కుండు(80 పరుగులు) బాధ్యతాయుతంగా ఆడి ఇన్నింగ్స్‌ను చక్కదిద్దారు.అయితే వీరిద్దరూ క్రీజులో ఉన్నప్పుడు భారీ స్కోర్‌ చేసేలా కన్పించిన భారత్‌.. వరుస క్రమంలో వికెట్లు కోల్పోవడంతో ప్రత్యర్ధిముందు మెరుగైన లక్ష్యాన్ని ఉంచలేకపోయింది. బంగ్లాదేశ్ బౌలర్లలో అల్ ఫహాద్ 5 వికెట్లతో సత్తాచాటగా.. ఇక్బాల్‌, ఎండి అజీజుల్ హకీం తమీమ్ తలా రెండు వికెట్లు సాధించారు. కాగా ప్రస్తుతం బంగ్లా-భారత్ మధ్య నెలకొన్న రాజకీయ ఉద్రిక్తతల నేపథ్యంలో ఇరు జట్లు కెప్టెన్‌లు టాస్ సందర్భంగా కరచాలనం చేసుకునేందుకు నిరాకరించారు.చదవండి: U19 World Cup 2026: భార‌త్- బంగ్లా మ్యాచ్‌లో 'నో హ్యాండ్ షేక్‌'

ఐసీసీ అండర్-19 ప్రపంచ కప్ 2026లో భారత్ శుభారంభం చేసింది. గురువారం బులవాయో వేదికగా అమెరికాతో జరిగిన మ్యాచ్‌లో 6 వికెట్ల తేడాతో యువ భారత జట్టు ఘన విజయం సాధించింది. ఈ మ్యాచ్‌లో టీమిండియా ఆల్‌రౌండ్‌షోతో అదరగొట్టింది.తొలుత బ్యాటింగ్ చేసిన అమెరికా భారత బౌలర్లు చెలరేగడంతో 35.2 ఓవ‌ర్ల‌లో కేవ‌లం 107 ప‌రుగుల‌కే కుప్ప‌కూలింది. పేసర్ హేనిల్ పటేల్ అద్భుతమైన ప్రదర్శనతో ప్రత్యర్ధి పతనాన్ని శాసించాడు. హెనిల్ 7 ఓవ‌ర్లు బౌలింగ్ చేసి కేవ‌లం 16 ప‌రుగులు మాత్ర‌మే ఇచ్చి 5 వికెట్లు ప‌డ‌గొట్టాడు.అతడితో పాటు దీపేష్‌, అబ్రిష్‌, ఖిలాన్‌ పటేల్‌, వైభవ్‌ సూర్యవంశీ తలా వికెట్‌ సాధించారు. అమెరికా బ్యాటర్లలో నితీష్‌ సుదిని (36) టాప్ స్కోరర్‌గా నిలిచాడు. అనంతరం ఆటకు వర్షం అంతరాయం కలిగించడంతో భారత్ లక్ష్యాన్ని 37 ఓవర్లలో 96 పరుగులుగా నిర్ణయించారు.ఈ టార్గెట్‌ను భార‌త్ 17.2 ఓవ‌ర్ల‌లో 4 వికెట్లు కోల్పోయి చేధించింది. వైభ‌వ్ సూర్య‌వంశీ(2), అయూశ్ మాత్రే(19), త్రివేది(2) నిరాశ‌ప‌రిచిన‌ప్ప‌టికి.. వికెట్ కీపర్ అభిజ్ఞాన్ కుండు (42) బాధ్యతాయుతమైన ఇన్నింగ్స్ ఆడి జట్టును విజయతీరాలకు చేర్చాడు. అమెరికా బౌల‌ర్ల‌లో రిత్విక్ రెండు వికెట్లు ప‌డ‌గొట్ట‌గా.. రిషబ్ షింపి ఒక్క వికెట్ సాధించాడు. భార‌త్ త‌మ త‌దుప‌రి మ్యాచ్‌లో జ‌న‌వ‌రి 17న బంగ్లాదేశ్‌తో త‌ల‌ప‌డ‌నుంది.చదవండి: BCB: ఆటగాళ్ల తిరుగు బాటు..! కీలక అధికారిపై వేటు వేసిన బీసీబీ

అండ‌ర్‌-19 ప్ర‌పంచ‌క‌ప్ తొలి మ్యాచ్‌లో భార‌త యువ సంచ‌ల‌నం వైభ‌వ్ సూర్య‌వంశీ తీవ్ర నిరాశ‌ప‌రిచాడు. ఈ టోర్నీలో భాగంగా అమెరికాతో జరుగుతున్న మ్యాచ్‌లో సూర్యవంశీ తన మార్క్ చూపించలేకపోయాడు. ఈ మ్యాచ్‌లో మొదట బ్యాటింగ్ చేసిన అమెరికా.. భారత బౌలర్లు చెలరేగడంతో 35.2 ఓవ‌ర్ల‌లో కేవ‌లం 107 ప‌రుగుల‌కే కుప్ప‌కూలింది.దీంతో స్వల్ప లక్ష్య చేధనలో వైభవ్ తనదైన శైలిలో విరుచుకుపడతాడని అంతా భావించారు. కానీ 14 ఏళ్ల వైభవ్ మాత్రం తుస్సుమన్పించాడు. 2 పరుగులు చేసిన సూర్యవంశీ.. రిత్విక్ అప్పిడి బౌలింగ్‌లో క్లీన్ బౌల్డయ్యాడు. దీంతో ప్రత్యర్ధి జట్టు సంబరాల్లో మునిగితేలిపోయింది. బౌలింగ్‌లో మాత్రం వైభవ్ ఓ వికెట్ పడగొట్టాడు.వర్షం అటంకి..కాగా భారత్ లక్ష్య చేధనకు వరుణుడు అడ్డంకిగా మారాడు. 4 ఓవర్లలో భారత్ స్కోర్ 21/1 వద్ద ఉండగా.. వర్షం అంతరాయం కలిగించింది. క్రీజులో అయూశ్ మాత్రే(15), త్రివేది(2) ఉన్నారు. అంతకుముందు భారత బౌలర్లలో హెనిల్ పటేల్ 5 వికెట్లతో చెలరేగాడు. అతడితో పాటు దీపేష్‌, అబ్రిష్‌, ఖిలాన్‌ పటేల్ తలా వికెట్ సాధించారు. అమెరికా బ్యాటర్లలో నితీష్‌ సుదిని (36) టాప్ స్కోరర్‌గా నిలివగా.. మిగితా ప్లేయర్లంతా దారుణంగా విఫలమయ్యారు.చదవండి: IND vs NZ: జడేజా కథ ముగిసినట్లేనా? అతడే సరైన ప్రత్యామ్నాయం

అండర్‌-19 ప్రపంచకప్‌లో భాగంగా బులవాయో వేదికగా అమెరికాతో జరగుతున్న మ్యాచ్‌లో భారత బౌలర్లు నిప్పులు చెరిగారు. తొలుత బ్యాటింగ్ చేసిన అమెరికా జ‌ట్టు యువ భార‌త‌ బౌల‌ర్ల ధాటికి 35.2 ఓవ‌ర్ల‌లో కేవ‌లం 107 ప‌రుగుల‌కే కుప్ప‌కూలింది. ముఖ్యంగా టీమిండియా పేస‌ర్ హెనిల్ పటేల్ అద్భుతమైన బౌలింగ్‌తో అమెరికా న‌డ్డి విరిచాడు.హెనిల్ 7 ఓవ‌ర్లు బౌలింగ్ చేసి కేవ‌లం 16 ప‌రుగులు మాత్ర‌మే ఇచ్చి 5 వికెట్ల‌ను ప‌డ‌గొట్టాడు. అమరీందర్ గిల్, అర్జున్ మ‌హేష్ వంటి కీల‌క వికెట్ల‌ను హెనిల్ త‌న ఖాతాలో వేసుకున్నాడు. అతడితో పాటు దీపేష్‌, అబ్రిష్‌, ఖిలాన్‌ పటేల్‌, వైభవ్‌ సూర్యవంశీ తలా వికెట్‌ సాధించారు. అమెరికా బ్యాటర్లలో నితీష్‌ సుదిని (36) టాప్ స్కోరర్‌గా నిలివగా.. మిగితా ప్లేయర్లంతా దారుణంగా విఫలమయ్యారు.తుది జట్ల వివరాలు:భారత్: ఆయుష్ మాత్రే (కెప్టెన్), వైభవ్ సూర్యవంశీ, విహాన్ మల్హోత్రా, హెనిల్ పటేల్, అభిజ్ఞాన్ కుందు (కీపర్), హర్వాన్ష్ పంగాలియా, ఆర్ఎస్ అంబరీష్, కనిష్క్ చౌహాన్, దీపేష్ దేవేంద్రన్, ఖిలాన్ పటేల్అమెరికా: సాహిల్ గార్గ్,అమరీందర్ గిల్, అర్జున్ మహేష్,ఉత్కర్ష్ శ్రీవాస్తవ,అద్నిత్ జంబ్, అమోఘ్ ఆరేపల్లి, నితీష్ సుదిని, ఆదిత్ కప్పా, శబరీష్ ప్రసాద్‌, రిషబ్ షింపీ, రిత్విక్ అప్సిడి

జింబాబ్వే, నమీబియా వేదికలుగా నేటి నుంచి (జనవరి 15) అండర్‌-19 క్రికెట్‌ వరల్డ్‌కప్‌-2026 ప్రారంభం కానుంది. ఫిబ్రవరి 6 వరకు జరిగే ఈ మెగా టోర్నీలో 16 జట్లు పోటీపడుతున్నాయి. భారత్‌–యూఎస్‌ఏ మ్యాచ్‌తో ఈ టోర్నీ ప్రారంభమవుతుంది. ఆస్ట్రేలియా డిఫెండింగ్‌ ఛాంపియన్‌గా బరిలోకి దిగుతుండగా, టాంజానియా తొలిసారి అండర్-19 వరల్డ్‌కప్‌లో అడుగుపెట్టింది.23 రోజుల పాటు సాగే ఈ టోర్నీలో మొత్తం 41 మ్యాచ్‌లు జరుగనున్నాయి. 16 జట్లు 4 గ్రూప్‌లుగా (గ్రూప్‌కు 4) విభజించబడి పోటీపడతాయి. అనంతరం సూపర్‌-6, సెమీస్‌, ఫైనల్‌ జరుగుతాయి. గ్రూప్‌ల వివరాలు- గ్రూప్ A: ఆస్ట్రేలియా, ఐర్లాండ్, శ్రీలంక, జపాన్ - గ్రూప్ B: భారత్, న్యూజిలాండ్, బంగ్లాదేశ్, అమెరికా - గ్రూప్ C: జింబాబ్వే, స్కాట్లాండ్, ఇంగ్లాండ్, పాకిస్తాన్ - గ్రూప్ D: వెస్టిండీస్, దక్షిణాఫ్రికా, అఫ్గానిస్తాన్, టాంజానియా ఈ టోర్నీలో భారత్‌కు అద్భుతమైన రికార్డు ఉంది. మొత్తం ఐదు సార్లు టైటిల్‌ గెలిచింది. గత ఎడిషన్‌ (2024) ఫైనల్లో ఆస్ట్రేలియా చేతిలో ఓడింది. ఈ టోర్నీలో భారత్‌కు ఆయుశ్‌ మాత్రే కెప్టెన్‌గా వ్యవహరించనున్నాడు. చిచ్చరపిడుగు వైభవ్‌ సూర్యవంశీ ప్రత్యేక ఆకర్శనగా నిలువనున్నాడు. యువ భారత జట్టులో మరి కొంతమంది గమనించదగ్గ ఆటగాళ్లు ఉన్నారు. ఆరోన్‌ జార్జ్‌, విహాన్‌ మల్హోత్రా, వేదాంత్‌ త్రివేది, అభిగ్యాన్‌ కుందు, దీపేశ్‌ దేవేంద్రన్‌, హెనిల్‌ పటేల్‌, అంబ్రిష్‌ లాంటి వారు అద్భుత ప్రదర్శనలు చేస్తున్నారు. దిగ్గజ బ్యాటర్లు విరాట్‌ కోహ్లి, స్టీవ్‌ స్మిత్‌, కేన్‌ విలియమ్సన్‌, రోహిత్‌ శర్మ లాంటి వారు అండర్‌-19 ప్రపంచకప్‌లో మెరిసి అంతర్జాతీయ స్థాయికి ఎదిగారు. అందుకే ఈ టోర్నీకి చాలా ప్రత్యేకత ఉంది.ఈ టోర్నీలో అత్యంత విజయంవంతమైన జట్టు భారత్‌ (5) కాగా.. ఆస్ట్రేలియా 4, పాకిస్తాన్‌ 2, ఇంగ్లాండ్, దక్షిణాఫ్రికా, బంగ్లాదేశ్, వెస్టిండీస్ తలో సారి టైటిళ్లు గెలిచాయి. ఈ మెగా టోర్నీ భారత అభిమానుల కోసం JioHotstar యాప్, వెబ్‌సైట్‌లో ప్రత్యక్ష ప్రసారం కానుంది. ఇవాళ జరిగే భారత్‌-యూఎస్‌ఏ మ్యాచ్‌ భారతకాలమానం ప్రకారం మధ్యాహ్నం ఒంటి గంట నుంచి ప్రారంభం కానుంది. బులవాయోలోని క్వీన్స్‌ క్లబ్‌ వేదికగా ఈ మ్యాచ్‌ జరుగుతుంది.

ఐసీసీ అండర్‌-19 ప్రపంచకప్‌-2026 వార్మప్‌ మ్యాచ్‌లో యువ భారత జట్టుకు పరాభవం ఎదురైంది. సన్నాహక మ్యాచ్‌లో స్కాట్లాండ్‌పై ఘన విజయం సాధించిన మాత్రే సేన.. ఇంగ్లండ్‌తో మ్యాచ్‌లో మాత్రం ఓటమి పాలైంది. మెరుగైన స్కోరు సాధించినా.. లక్ష్యాన్ని కాపాడుకోలేక చతికిలపడింది.జింబాబ్వే వేదికగా జనవరి 15 నుంచి అండర్‌-19 ప్రపంచకప్‌ టోర్నీ మొదలుకానుంది. ఇందుకోసం భారత్‌- ఇంగ్లండ్‌ అండర్‌-19 జట్ల మధ్య సోమవారం బులవాయో వేదికగా సన్నాహక మ్యాచ్‌ జరిగింది. టాస్‌ గెలిచిన భారత్‌ తొలుత బ్యాటింగ్‌ ఎంచుకుంది.అభిజ్ఞాన్‌ కుందు హాఫ్‌ సెంచరీఓపెనర్లలో కెప్టెన్‌ ఆయుశ్‌ మాత్రే (49) మెరుగ్గా రాణించగా.. వైభవ్‌ సూర్యవంశీ (1) మాత్రం విఫలమయ్యాడు. వన్‌డౌన్‌లో వచ్చిన వేదాంత్‌ త్రివేది (14).. మిడిలార్డర్‌లో విహాన్‌ మల్హోత్రా (10) నిరాశపరిచారు.ఇలాంటి పరిస్థితుల్లో వికెట్‌ కీపర్‌ బ్యాటర్‌ అభిజ్ఞాన్‌ కుందు ఇన్నింగ్స్‌ చక్కదిద్దే బాధ్యతను తలకెత్తుకున్నాడు. ఐదో స్థానంలో వచ్చిన ఈ లెఫ్టాండర్‌ బ్యాటర్‌.. 99 బంతులు ఎదుర్కొని ఐదు ఫోర్లు, రెండు సిక్సర్ల సాయంతో 82 పరుగులు సాధించాడు.రాణించిన బౌలింగ్‌ ఆల్‌రౌండర్లుఅభిజ్ఞాన్‌కు తోడుగా బౌలింగ్‌ ఆల్‌రౌండర్లు ఆర్‌ఎస్‌ అంబరీష్‌ (48), కనిష్క్‌ చౌహాన్‌ (45 నాటౌట్‌) రాణించారు. మిగిలిన వారిలో హర్‌వన్ష్‌ పంగాలియా (19) విఫలం కాగా.. ఖిలాన్‌ పటేల్‌ 11 పరుగులతో అజేయంగా నిలిచాడు. ఫలితంగా నిర్ణీత 50 ఓవర్లలో ఎనిమిది వికెట్లు నష్టపోయిన భారత అండర్‌-19 జట్టు 295 పరుగులు సాధించింది.ఇంగ్లండ్‌ బౌలర్లలో జేమ్స్‌ మింటో ఐదు వికెట్లు తీసి భారత బ్యాటింగ్‌ ఆర్డర్‌ పతనాన్ని శాసించగా.. సెబాస్టియన్‌ మోర్గాన్‌ రెండు, మ్యానీ లమ్స్‌డన్‌ ఒక వికెట్‌ తమ ఖాతాలో వేసుకున్నారు. ఇక లక్ష్య ఛేదనలో హెనిల్‌ పటేల్‌ ఆదిలోనే ఇంగ్లండ్‌కు షాకిచ్చాడు. ఓపెనర్‌ బెన్‌ డాకిన్స్‌ (8)ను స్వల్ప స్కోరుకే పెవిలియన్‌కు పంపాడు.థామస్‌ ధనాధన్‌ఇక ఖిలాన్‌ పటేల్‌.. మరో ఓపెనర్‌ జోసఫ్‌ మూర్స్‌ (46), వన్‌డౌన్‌ బ్యాటర్‌ బెన్‌ మేయస్‌ (34) వికెట్లు తీసుకున్నాడు. అయితే, నాలుగో నంబర్‌ బ్యాటర్‌ థామస్‌ ర్యూ మాత్రం పట్టుదలగా నిలబడ్డాడు. 66 బంతుల్లోనే ఆరు ఫోర్లు, మూడు సిక్సర్ల సాయంతో 71 పరుగులతో అజేయంగా నిలిచాడు.ఇంగ్లండ్‌ గెలుపుమరో ఎండ్‌ నుంచి కెలెబ్‌ ఫాల్కనర్‌ (29 నాటౌట్‌) థామస్‌కు సహకారం అందించాడు. అయితే, ఈ మ్యాచ్‌కు వర్షం అంతరాయం కలిగించిన కారణంగా డక్‌వర్త్‌ లూయీస్‌ పద్ధతి (DLS) ప్రకారం ఇంగ్లండ్‌ లక్ష్యాన్ని 177 పరుగులుగా నిర్ణయించగా.. 34.3 ఓవర్లలోనే 196 పరుగులు సాధించింది. ఫలితంగా 20 పరుగుల తేడాతో భారత అండర్‌-19 జట్టుపై ఇంగ్లండ్‌ గెలుపొందింది. చదవండి: చరిత్ర సృష్టించిన పడిక్కల్‌.. తొలి ప్లేయర్‌గా అరుదైన రికార్డు

ఇంగ్లండ్‌ అండర్‌-19 జట్టుతో మ్యాచ్‌లో భారత యువ క్రికెటర్‌ వైభవ్‌ సూర్యవంశీ దారుణంగా విఫలమయ్యాడు. పట్టుమని పది పరుగులు కూడా చేయలేక చతికిలపడ్డాడు. ఇటీవల సౌతాఫ్రికా గడ్డపై వైభవ్‌ పరుగుల వరద పారించిన విషయం తెలిసిందే.భారత్‌ అండర్‌-19 జట్టు కెప్టెన్‌గా, బ్యాటర్‌గా అదరగొట్టి.. సౌతాఫ్రికాతో మూడు యూత్‌ వన్డేల సిరీస్‌ను 3-0తో క్లీన్‌స్వీప్‌ చేశాడు వైభవ్‌. అండర్‌-19 వరల్డ్‌కప్‌-2026 టోర్నీకి ముందు అతడు ఫామ్‌లోకి రావడంతో భారత శిబిరంలో ఆత్మవిశ్వాసం పెరిగింది.స్కాట్లాండ్‌తో మ్యాచ్‌లోనూ అదరగొట్టిఅదే జోరును కొనసాగిస్తూ స్కాట్లాండ్‌తో అండర్‌-19 వరల్డ్‌కప్‌-2026 వార్మప్‌ మ్యాచ్‌లోనూ వైభవ్‌ సూర్యవంశీ అదరగొట్టాడు. జింబాబ్వే వేదికగా.. స్కాట్లాండ్‌ జట్టుపై ఈ ఓపెనింగ్‌ బ్యాటర్‌ 50 బంతుల్లోనే 96 పరుగులు సాధించాడు. ఈ మ్యాచ్‌లో డీఎల్‌ఎస్‌ పద్ధతి ప్రకారం భారత్‌.. పసికూన స్కాట్లాండ్‌పై 121 పరుగుల భారీ తేడాతో గెలుపొందింది.ఒకే ఒక్క పరుగుజట్టు విజయంలో కీలక పాత్ర పోషించిన వైభవ్‌ సూర్యవంశీకి ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది. అయితే, జింబాబ్వేలో ఇంగ్లండ్‌ అండర్‌-19 జట్టుతో సోమవారం నాటి వార్మప్‌ మ్యాచ్‌లో మాత్రం వైభవ్‌ పూర్తిగా నిరాశపరిచాడు. కెప్టెన్‌ ఆయుశ్‌ మాత్రే (49)తో కలిసి ఓపెనర్‌గా వచ్చిన ఈ పద్నాలుగేళ్ల చిచ్చర పిడుగు.. నాలుగు బంతులు ఎదుర్కొని కేవలం ఒకే ఒక్క పరుగు చేశాడు.ఇంగ్లిష్‌ పేసర్‌ సెబాస్టియన్‌ మోర్గాన్‌ బౌలింగ్‌లో షాట్‌ ఆడే క్రమంలో థామస్‌ ర్యూకి క్యాచ్‌ ఇచ్చి వైభవ్‌ పెవిలియన్‌ చేరాడు. పసికూన స్కాట్లాండ్‌పై చితక్కొట్టిన ఈ లెఫ్టాండర్‌ బ్యాటర్‌.. తాజాగా పటిష్ట ఇంగ్లండ్‌తో మ్యాచ్‌లో తేలిపోవడంతో అభిమానులు నిరాశకు గురయ్యారు. భారత్‌ మెరుగైన స్కోరుఇక ఈ మ్యాచ్‌లో భారత్‌ నిర్ణీత 50 ఓవర్లలో ఎనిమిది వికెట్ల నష్టానికి 295 పరుగులు సాధించింది. వైభవ్‌తో పాటు వేదాంత్‌ త్రివేది (14), విహాన్‌ మల్హోత్రా (10) విఫలమైనా.. వికెట్‌ కీపర్‌ బ్యాటర్‌ అభిజ్ఞాన్‌ కుందు బాధ్యతాయుత ఇన్నింగ్స్‌ ఆడాడు. 99 బంతుల్లో 82 పరుగులతో టాప్‌ రన్‌ స్కోరర్‌గా నిలిచాడు.మిగిలిన వారిలో ఆర్‌ఎస్‌ అంబరీశ్‌ 48, కనిష్క్‌ చౌహాన్‌ 45 (నాటౌట్‌) రాణించారు. ఇంగ్లండ్‌ బౌలర్లలో జేమ్స్‌ మింటో ఐదు వికెట్లతో చెలరేగగా.. సెబాస్టియన్‌ మోర్గాన్‌ రెండు, మ్యానీ లమ్స్‌డన్‌ ఒక వికెట్‌ తమ ఖాతాలో వేసుకున్నారు. కాగా జింబాబ్వే వేదికగా జనవరి 15 నుంచి అండర్‌-19 వరల్డ్‌కప్‌ మొదలుకానుంది.చదవండి: IND vs NZ: టీమిండియాకు భారీ షాక్‌.. జట్టులోకి ఊహించని ఆటగాడు

భార‌త యువ సంచ‌ల‌నం వైభ‌వ్ సూర్య‌వంశీ త‌న సూపర్ ఫామ్‌ను కొన‌సాగిస్తున్నాడు. అండర్-19 ప్రపంచకప్ 2026 సన్నాహకాల్లో భాగంగా స్కాట్లాండ్‌తో జరుగుతున్న వార్మప్ మ్యాచ్‌లో వైభ‌వ్ విధ్వంసం సృష్టించాడు. 14 ఏళ్ల సూర్యవంశీ స్కాట్లాండ్ బౌలర్లను ఉతికారేశాడు. దాదాపు 192 స్ట్రైక్ రేట్‌తో బ్యాటింగ్ చేసి టీమిండియాకు మెరుపు ఆరంభాన్ని ఇచ్చాడు.ఈ క్రమంలో కేవలం 27 బంతుల్లోనే తన హాఫ్ సెంచరీ మార్క్‌ను అందుకున్నాడు. ఓవరాల్‌గా 50 బంతులు ఎదుర్కొన్న వైభవ్‌.. 9 ఫోర్లు, 7 సిక్స్‌లతో 96 పరుగులు చేశాడు. కేవలం 4 పరుగుల దూరంలో సెంచరీని చేజార్చుకున్నాడు. అతడు సాధించిన స్కోర్‌లో 78 పరుగులు కేవలం బౌండరీల ద్వారానే రావడం గమనార్హం. అతడితో పాటు ఆరోన్‌ జార్జ్‌ 61 పరుగులతో రాణించారు. 33 ఓవర్లు ముగిసే సరికి భారత్‌ 3 వికెట్ల నష్టానికి 244 పరుగులు చేసింది. క్రీజులో ప్రస్తుతం అభిజ్ఞాన్ కుండు(10), విహాన్ మల్హోత్రా(46) ఉన్నారు. అయితే గాయం నుంచి కోలుకుని తిరిగొచ్చిన కెప్టెన్ అయూష్ మాత్రం తీవ్ర నిరాశపరిచాడు. మాత్రే కేవలం 22 పరుగులు చేసి ఔటయ్యాడు.కాగా వార్మాప్ మ్యాచ్‌లకు ముందు దక్షిణాఫ్రికాతో జరిగిన యూత్ వన్డే సిరీస్‌లోనూ వైభవ్ అద్భుతాలు చేశాడు. రెండో వన్డేలో కేవలం 74 బంతుల్లో 127 పరుగులు చేసిన వైభవ్‌.. మూడో వన్డేలో 15 బంతుల్లోనే హాఫ్ సెంచరీ చేసి రికార్డు సృష్టించాడు. ఇక వరల్డ్‌కప్‌ ప్రధాన టోర్నీ జనవరి 15 నుంచి ప్రారంభం కానుంది. తొలి మ్యాచ్‌లో భారత్‌, అమెరికా జట్లు తలపడనున్నాయి.చదవండి: WPL 2026: ఈ ఐదుగురు ప్లేయర్లపైనే కళ్లన్నీ.. గొంగడి త్రిషకు మంచి రోజులు వచ్చినట్లేనా?

భారత క్రికెట్‌లోకి దూసుకువచ్చిన సరికొత్త సంచలనం పేరు వైభవ్‌ సూర్యవంశీ. తోటి పిల్లలంతా స్కూల్‌ చదువుతో బిజీగా ఉంటే.. అతడు మాత్రం అద్భుత బ్యాటింగ్‌తో ప్రపంచవ్యాప్తంగా తనదైన ముద్ర వేస్తున్నాడు. పద్నాలుగేళ్ల వయసుకే ఇప్పటికే ఆరు దేశాల్లో ఆరు సెంచరీలు చేసి మరో ‘మాస్టర్‌ బ్లాస్టర్‌’గా నీరాజనాలు అందుకుంటున్నాడు.దూకుడైన ఆటకు మారుపేరైన వైభవ్‌ సూర్యవంశీ (Vaibhav Suryavanshi).. భారత అండర్‌-19 జట్టు కెప్టెన్‌గానూ అరంగేట్రంలోనే అదరగొట్టాడు. సౌతాఫ్రికా అండర్‌-19 జట్టుతో బుధవారం ముగిసిన మూడు మ్యాచ్‌ల యూత్‌ వన్డే సిరీస్‌ను 3-0తో క్లీన్‌స్వీప్‌ చేశాడు. ఆఖరి వన్డేలో విధ్వంసకర శతకం బాది.. మరోసారి తన ప్రతిభను నిరూపించుకున్నాడు.సెంచరీల మోతచెన్నై వేదికగా 2024లో ఆస్ట్రేలియా అండర్‌-19 జట్టు (104)తో యూత్‌ టెస్టులో శతక్కట్టిన వైభవ్‌.. ఐపీఎల్‌-2025లో రాజస్తాన్‌ రాయల్స్‌ తరఫున గుజరాత్‌ టైటాన్స్‌(101)పై సెంచరీ సాధించాడు. గతేడాది ఇంగ్లండ్‌ గడ్డ మీద యూత్‌ వన్డేలో శతకం (143) నమోదు చేసిన ఈ లెఫ్టాండర్‌ బ్యాటర్‌... ఆస్ట్రేలియాలో యూత్‌ టెస్టులోనూ (113) శతక్కొట్టాడు.ఇక ఇండియా-ఎ తరఫున దోహా వేదికగా యూఏఈపై టీ20 సెంచరీ (144) సాధించిన వైభవ్‌ సూర్యవంశీ.. తన సొంతజట్టు బిహార్‌ తరఫున దేశీ క్రికెట్‌లో మహారాష్ట్రపై టీ20 శతకం (108*) సాధించాడు. అనంతరం దుబాయ్‌లో యూఏఈ అండర్‌​-19 జట్టుతో యూత్‌ వన్డేలో (171)లోనూ శతక్కొట్టిన ఈ ఓపెనింగ్‌ బ్యాటర్‌.. ఇటీవల విజయ్‌ హజారే వన్డే టోర్నీలో అరుణాచల్‌ ప్రదేశ్‌పై (190) భారీ శతకం సాధించాడు. తాజాగా సౌతాఫ్రికాతో మూడో యూత్‌ వన్డేలో 127 పరుగులతో సత్తా చాటాడు.ఆరు దేశాల్లో ఆరు సెంచరీలుఇలా భారత్‌, ఇంగ్లండ్‌, ఆస్ట్రేలియా, ఖతార్‌, యూఏఈ, సౌతాఫ్రికా దేశాల్లో సెంచరీలు చేసి.. తాను ఎక్కడైనా బ్యాట్‌ ఝులిపించగలనని నిరూపించుకున్నాడు. ఈ నేపథ్యంలో త్వరలోనే వైభవ్‌ టీమిండియాలో అరంగేట్రం చేయడం ఖాయమనే అభిప్రాయాలు వ్యక్తమవుతున్నాయి.ఈ విషయంపై భారత దిగ్గజ స్పిన్నర్‌ రవిచంద్రన్‌ అశ్విన్‌ స్పందిస్తూ.. ‘‘171(95), 50(26), 190(84), 68(24), 108*(61), 46(25) & 127(74)... గత ముప్పై రోజులుగా దేశీ, అండర్‌-19 క్రికెట్‌లో వైభవ్‌ సూర్యవంశీ సాధించిన స్కోర్లు ఇవి.ఏంటి తమ్ముడూ ఇది!ఇదంతా ఏంటి తమ్ముడు?... శాంపిల్‌ చూపించావా? మున్ముందు ఇంతకంటే గొప్పగా చెలరేగిపోతావా?.. 14 ఏళ్ల వయసున్న పిల్లాడు ఇలా ఆడుతున్నాడంటే నమ్మబుద్ధికావడమే లేదు. అతడి ఆటను వర్ణించేందుకు మాటలు రావడం లేదు.సంజూ శాంసన్‌ స్థానంలోఅండర్‌-19 వరల్డ్‌కప్‌-2026లో అతడు షోటాపర్‌ కాబోతున్నాడు. ఆ తర్వాత ఐపీఎల్‌.. రాజస్తాన్‌ రాయల్స్‌లో సంజూ శాంసన్‌ స్థానంలో పూర్తి స్థాయి ఓపెనర్‌గా బరిలోకి దిగబోతున్నాడు. వచ్చే నాలుగు నెలలు మనకు వైభవ్‌ జాతరే!అతడి పట్టుదల, టెంపర్‌మెంట్‌, పరుగుల దాహం.. మనకు సరికొత్త అనుభూతి పంచబోతోంది’’ అంటూ అశూ.. వైభవ్‌ను ఆకాశానికెత్తాడు. ఐపీఎల్‌-2026లో రాజస్తాన్‌ ఓపెనర్‌గా సంజూ స్థానాన్ని ఈ చిచ్చరపిడుగు భర్తీ చేస్తాడని అంచనా వేశాడు. కాగా సంజూ శాంసన్‌ను రాజస్తాన్‌.. చెన్నై సూపర్‌ కింగ్స్‌కు ట్రేడ్‌ చేసిన విషయం తెలిసిందే.ఓపెనింగ్‌ స్థానానికి ఎసరుఈ నేపథ్యంలో కొంతమంది నెటిజన్లు మరో అడుగు ముందుకు వేసి.. భారత టీ20 జట్టులోనూ సంజూ ఓపెనింగ్‌ స్థానానికి వైభవ్‌ ఎసరుపెట్టబోతున్నాడని కామెంట్లు చేస్తున్నారు. టీ20 ప్రపంచకప్‌-2026లో సత్తా చాటితేనే సంజూ స్థానం పదిలంగా ఉంటుందని పేర్కొంటున్నారు.ఒకవేళ అన్నీ కలిసివచ్చి ఈ ఏడాదే గనుక వైభవ్‌ అంతర్జాతీయ క్రికెట్‌లో అడుగుపెడితే.. క్రికెట్‌ దేవుడు, దిగ్గజ బ్యాటర్‌ సచిన్‌ టెండుల్కర్‌ పేరిట ఉన్న రికార్డు బద్దలవడం ఖాయం. సచిన్‌ పదహారేళ్లకు టీమిండియా తరఫున అరంగేట్రం చేస్తే.. వైభవ్‌ పద్నాలుగు- పదిహేనేళ్ల వయసులోనే ఈ ఘనత సాధించే అవకాశం ఉంది. కాగా బిహార్‌లో 2011, మార్చి 27న వైభవ్‌ సూర్యవంశీ జన్మించాడు.చదవండి: శ్రేయస్‌ అయ్యర్‌కు షాక్‌.. ఒక్క పరుగు తేడాతో..

భారత అండర్‌-19 క్రికెట్‌ జట్టు కెప్టెన్‌గా అరంగేట్రంలోనే వైభవ్‌ సూర్యవంశీ అదరగొట్టాడు. అతడి సారథ్యంలోని యువ భారత్‌ సౌతాఫ్రికాను తమ స్వదేశంలోనే మట్టికరిపించింది. మూడు యూత్‌ వన్డేల సిరీస్‌ను 3-0తో క్లీన్‌స్వీప్‌ చేసి సఫారీ గడ్డపై జయభేరి మోగించింది.తొలిసారి సారథిగాబెనోని వేదికగా మూడో యూత్‌ వన్డేలో ఏకంగా 233 పరుగుల తేడాతో సౌతాఫ్రికా అండర్‌-19 జట్టును చిత్తు చేసి విజయాన్ని పరిపూర్ణం చేసుకుంది. ఆయుశ్‌ మాత్రే (Ayush Mhatre) గైర్హాజరీ నేపథ్యంలో వైభవ్‌ సూర్యవంశీ (Vaibhav Suryavanshi) తొలిసారి భారత యువ జట్టు పగ్గాలు చేపట్టాడు.సౌతాఫ్రికాతో యూత్‌ వన్డే సిరీస్‌లో భాగంగా బ్యాటర్‌గా, సారథిగా వైభవ్‌ రాణించాడు. తొలి రెండు వన్డేల్లో గెలిచి ఇప్పటికే సిరీస్‌ సొంతం చేసుకున్న భారత్‌.. బుధవారం నాటి నామమాత్రపు మూడో వన్డేలోనూ అదరగొట్టింది. టాస్‌ ఓడి తొలుత బ్యాటింగ్‌కు దిగిన వైభవ్‌ సేన నిర్ణీత 50 ఓవర్లలో 393 పరుగుల భారీ స్కోరు సాధించింది.శతక్కొట్టిన ఆరోన్‌, వైభవ్‌ఓపెనర్లు ఆరోన్‌ జార్జ్‌ (106 బంతుల్లో 118), వైభవ్‌ సూర్యవంశీ (74 బంతుల్లో 127) శతక్కొట్టగా.. మిగిలిన వారు నామమాత్రపు స్కోర్లకే పరిమితమయ్యారు. ఇక 63 బంతుల్లోనే సెంచరీ చేసిన వైభవ్‌.. యూత్‌ వన్డేల్లో అత్యంత పిన్న వయసులో (14 ఏళ్ల తొమ్మిది నెలలు) ఈ ఘనత సాధించిన కెప్టెన్‌గా చరిత్రకెక్కాడు.కిషన్‌ కుమార్‌ సింగ్‌ దెబ్బకుసౌతాఫ్రికా బౌలర్లలో టాండో సోనీ మూడు వికెట్లు తీయగా.. జేసన్‌ రోవెల్స్‌ రెండు, మైకేల్‌ క్రుయిస్‌కాంప్‌ ఒక వికెట్‌ దక్కించుకున్నారు. అనంతరం లక్ష్య ఛేదనకు దిగిన ప్రొటిస్‌ యువ బ్యాటర్లకు భారత బౌలర్లు చుక్కలు చూపించారు. లెఫ్టార్మ్‌ పేసర్‌ కిషన్‌ కుమార్‌ సింగ్‌ దెబ్బకు టాపార్డర్‌ కకావికలమైంది.ఓపెనర్లు జెరిచ్‌ వాన్‌ షాల్విక్‌ (1), అద్నాన్‌ లగడెయిన్‌ (9) ఇలా వచ్చి అలా వెళ్లగా.. వన్‌డౌన్‌లో వచ్చిన లెతాబో ఫహ్లమ్‌హొలక డకౌట్‌ అయ్యాడు. ఈ ముగ్గురిని అవుట్‌ చేసి కిషన్‌ శుభారంభం అందించగా.. మిగతా బౌలర్లు దానిని కొనసాగించారు.వైభవ్‌ సూర్యవంశీ బౌలింగ్‌లోఇక ప్రొటిస్‌ బ్యాటర్లలో కెప్టెన్‌ ముహమద్‌ బుల్‌బులియా (4) కూడా తీవ్రంగా నిరాశపరచగా.. జేసన్‌ రోవెల్స్‌ 19 పరుగులు చేయగలిగాడు. డేనియల్‌ బోస్మాన్‌ (40), పాల్‌ జేమ్స్‌ (41), కోర్నె బోతా (36 నాటౌట్‌) మాత్రమే చెప్పుకోదగ్గ ప్రదర్శన చేశారు. మిగిలిన వారిలో మైకేల్‌ (1), జేజే బాసన్‌ (1) తేలిపోగా.. వైభవ్‌ సూర్యవంశీ బౌలింగ్‌లో ఆఖరి వికెట్‌గా టాండో సోనీ (6) వెనుదిరగడంతో భారత్‌ గెలుపు ఖరారైంది.భారత బౌలర్లలో కిషన్‌ కుమార్‌ మూడు, మొహమెద్‌ ఇనాన్‌ రెండు వికెట్లతో సత్తా చాటగా.. హెనిల్‌ పటేల్‌, కనిష్క్‌ చౌహాన్‌, ఉద్ధవ్‌ మోహన్‌, ఆర్‌ఎస్‌ అంబరీశ్‌, లెఫ్టార్మ్‌ స్పిన్‌ బౌలింగ్‌ చేయగల వైభవ్‌ సూర్యవంశీ తలా ఒక వికెట్‌​ తీశారు. బ్యాటర్‌గా, కెప్టెన్‌గా రాణించిన వైభవ్‌ సూర్యవంశీకి ప్లేయర్‌ ఆఫ్‌ ది మ్యాచ్‌, ప్లేయర్‌ ఆఫ్‌ ది సిరీస్‌ అవార్డులు లభించాయి. చదవండి: IND vs NZ: టీమిండియాకు శుభవార్త

భారత అండర్‌-19 స్టార్‌ క్రికెటర్‌ వైభవ్‌ సూర్యవంశీ మరోసారి శతక్కొట్టాడు. సౌతాఫ్రికా అండర్‌-19 జట్టుతో బుధవారం నాటి మూడో యూత్‌ వన్డేలో ఈ ఓపెనింగ్‌ బ్యాటర్‌ ఆకాశమే హద్దుగా చెలరేగాడు. ఇరవై నాలుగు బంతుల్లోనే అర్ధ శతకం పూర్తి చేసుకున్న వైభవ్‌.. ఆ తర్వాత కూడా జోరు కొనసాగించాడు.ప్రపంచ రికార్డుకేవలం 63 బంతుల్లోనే వంద పరుగుల మార్కు అందుకున్నాడు. ఈ క్రమంలో వైభవ్‌ సూర్యవంశీ (Vaibhav Suryavanshi) సరికొత్త ప్రపంచ రికార్డు నెలకొల్పాడు. యూత్‌ వన్డేల్లో అత్యంత పిన్న వయసులో అతి తక్కువ బంతుల్లోనే సెంచరీ చేసిన కెప్టెన్‌గా చరిత్ర సృష్టించాడు. కేవలం పద్నాలుగేళ్ల వయసులోనే ఈ లెఫ్టాండర్‌ బ్యాటర్‌ ఈ అరుదైన ఫీట్‌ అందుకున్నాడు.127 పరుగులుబెనోనీ వేదికగా ఈ మ్యాచ్‌లో మొత్తంగా 74 బంతులు ఎదుర్కొన్న వైభవ్‌ సూర్యవంశీ.. తొమ్మిది ఫోర్లు, పది సిక్స్‌లు బాది 127 పరుగులు సాధించాడు. టాండో సోని బౌలింగ్‌లో జేసన్‌ రోవెల్స్‌కు క్యాచ్‌ ఇవ్వడంతో వైభవ్‌ విధ్వంసకర శతక ఇన్నింగ్స్‌కు తెరపడింది. ఇక మరో ఓపెనర్‌ ఆరోన్‌ జార్జ్‌ సైతం దుమ్ములేపాడు.227 పరుగుల భాగస్వామ్యంఆరోన్‌తో కలిసి వైభవ్‌.. తొలి వికెట్‌కు ఏక​ంగా 227 పరుగుల భాగస్వామ్యం నెలకొల్పాడు. మరోవైపు.. ఆరోన్‌ సైతం శతక్కొట్టాడు. 106 బంతుల్లో 16 ఫోర్లు బాది 118 పరుగులు సాధించి జేసన్‌ రోవెల్స్‌ బౌలింగ్‌లో నిష్క్రమించాడు. మిగిలిన వారిలో వన్‌డౌన్‌ బ్యాటర్‌ వేదాంత్‌ త్రివేది 34, అభిజ్ఞాన్‌ కుందు 21 పరుగులు చేయగా.. మొహమద్‌ ఎనాన్‌ 28, హెనిల్‌ పటేల్‌​ 19 పరుగులతో అజేయంగా నిలిచారు. హర్‌వన్ష్‌ పంగాలియా (2), ఆర్‌ఎస్‌ అంబరిష్‌ (8), కనిష్క్‌ చౌహాన్‌ (10) విఫలమయ్యారు. ఫలితంగా భారత్‌ నిర్ణీత 50 ఓవర్లలో ఏడు వికెట్ల నష్టానికి 393 పరుగులు చేసింది.కెప్టెన్‌గా మొదటిసారే..కాగా ఆయుశ్‌ మాత్రే గైర్హాజరీలో సౌతాఫ్రికా పర్యటనలో వైభవ్‌ సూర్యవంశీ తొలిసారిగా భారత జట్టు కెప్టెన్‌గా వ్యవహరిస్తున్నాడు. బ్యాటర్‌గా, కెప్టెన్‌గా రాణిస్తూ ఇప్పటికే తొలి రెండు యూత్‌ వన్డేల్లో గెలిచి.. సారథి హోదాలో తొలి సిరీస్‌ను సొంతం చేసుకున్నాడు వైభవ్‌. ఇరుజట్ల మధ్య బుధవారం నాటి నామమాత్రపు మ్యాచ్‌లోనూ భారత్‌ విజయం సాధించే అవకాశాలే ఎక్కువగా ఉన్నాయి. చదవండి: బంగ్లాదేశ్‌కు భారీ షాక్‌

భారత యువ చిచ్చరపిడుగు వైభవ్‌ సూర్యవంశీ విధ్వంసాల పర్వం కొనసాగుతోంది. ఈ ఫార్మాట్‌, ఆ ఫార్మాట్‌ అన్న తేడా లేకుండా చెలరేగిపోతున్నాడు. ప్రస్తుతం భారత అండర్‌-19 జట్టులో భాగంగా సౌతాఫ్రికా పర్యటనలో ఉన్న అతను.. ఇవాళ (జనవరి 7) జరుగుతున్న మూడో యూత్‌ వన్డేలో మెరుపు అర్ద శతకం (24 బంతుల్లో 5 ఫోర్లు, 4 సిక్సర్లు) బాది ఇన్నింగ్స్‌ను కొనసాగిస్తున్నాడు.తొలుత బ్యాటింగ్‌ చేస్తున్న భారత్‌ 11 ఓవర్ల తర్వాత వికెట్‌ నష్టపోకుండా 114 పరుగులు చేసింది. వైభవ్‌ (29 బంతుల్లో 57), ఆరోన్‌ జార్జ్‌ (38 బంతుల్లో 53) అర్ద సెంచరీలు పూర్తి చేసుకుని ఇన్నింగ్స్‌లు కొనసాగిస్తున్నారు. మూడు మ్యాచ్‌ల ఈ సిరీస్‌ను భారత్‌ ఇదివరకే 2-0తో కైవసం చేసుకుంది.గత మ్యాచ్‌లోనూ ఇంతే..!వైభవ్‌ గత మ్యాచ్‌లోనూ (రెండో వన్డే) ఇదే తరహాలో మెరుపు అర్ద సెంచరీ (68) చేశాడు. అంతకుముందు విజయ్‌ హజారే ట్రోఫీలో అరుణాచల్‌ ప్రదేశ్‌పై ఉగ్రరూపం దాల్చి (190) తృటిలో డబుల్‌ సెంచరీ చేసే అవకాశాన్ని కోల్పోయాడు. దానికి ముందు అండర్‌-19 ఆసియా కప్‌లో యూఏఈపై విధ్వంసకర శతకం (171) బాదాడు. అదే టోర్నీలో మలేషియాపై మెరుపు అర్ద సెంచరీ చేశాడు.ఇలా చెప్పుకుంటూ పోతే ఇటీవలికాలంలో వైభవ్‌ ప్రతి రెండు, మూడు ఇన్నింగ్స్‌లకు ఓ సుడిగాలి అర్ద శతకం కానీ మెరుపు శతకం కానీ చేశాడు. త్వరలో జరుగనున్న అండర్‌-19 ప్రపంచకప్‌ సన్నాహకాల్లో భాగంగా భారత జట్టు సౌతాఫ్రికాలో పర్యటిస్తుంది. ఈ సిరీస్‌కు వైభవే కెప్టెన్‌.అండర్‌-19 ప్రపంచకప్‌ జింబాబ్వే, నమీబియా వేదికలుగా జనవరి 15 నుంచి ప్రారంభం కానుంది. ఈ మెగా టోర్నీలో భారత్‌ ఆయుశ్‌ మాత్రే సారథ్యంలో తమ అదృష్టాన్ని పరీక్షించుకోనుంది. ఇటీవల భారత యువ జట్టు ఆసియా కప్‌ ఫైనల్లో పాక్‌ చేతిలో ఓడిపోయి కసితో రగిలిపోతుంది.

భారత యువ క్రికెటర్‌ వైభవ్‌ సూర్యవంశీ మరోసారి అదరగొట్టాడు. సౌతాఫ్రికాతో రెండో యూత్‌ వన్డేలో విధ్వంసకర ఇన్నింగ్స్‌తో మెరిశాడు. బెనోనీ వేదికగా ఆతిథ్య జట్టు బౌలర్లను ఓ ఆట ఆడుకున్న పద్నాలుగేళ్ల ఈ చిచ్చరపిడుగు.. మెరుపు అర్ధ శతకంతో సత్తా చాటాడు.మరో ‘ఫాస్టెస్ట్‌’ రికార్డుకేవలం పందొమ్మిది బంతుల్లోనే యాభై పరుగుల మార్కు అందుకున్న వైభవ్‌ సూర్యవంశీ (Vaibhav Suryavanshi).. యూత్‌ వన్డేల్లో ఫాస్టెస్ట్‌ ఫిఫ్టీ సాధించిన మూడో ఆటగాడిగా.. అఫ్గనిస్తాన్‌ స్టార్‌ ఒమర్జాయ్‌ సరసన నిలిచాడు. సౌతాఫ్రికాకు చెందిన స్టీవ్‌ స్టాల్క్‌ (13 బంతుల్లో 2016లో), టీమిండియా ప్రస్తుత స్టార్‌ రిషభ్‌ పంత్‌ (Rishabh Pant- 18 బంతుల్లో 2018లో) ఈ ఇద్దరి కంటే ముందు వరుసలో ఉన్నారు. ఇదిలా ఉంటే.. యూత్‌ వన్డేల్లో ఫాస్టెస్ట్‌ సెంచరీ రికార్డును వైభవ్‌ తన పేరిట లిఖించుకున్న విషయం తెలిసిందే. ఇంగ్లండ్‌ గడ్డ మీద గతేడాది 52 బంతుల్లోనే ఈ లెఫ్టాండర్‌ బ్యాటర్‌ శతక్కొట్టాడు. పది సిక్సర్లు ఇక సౌతాఫ్రికాతో రెండో మ్యాచ్‌లో మొత్తంగా 24 బంతులు ఎదుర్కొన్న వైభవ్‌.. 68 పరుగులు సాధించాడు. ఈ ఓపెనింగ్‌ బ్యాటర్‌ ఇన్నింగ్స్‌లో ఒక ఫోర్‌తో పాటు పది సిక్సర్లు ఉండటం విశేషం. కాగా అండర్‌–19 ప్రపంచకప్‌నకు ముందు దక్షిణాఫ్రికాతో జరుగుతున్న వన్డే సిరీస్‌లో యువ భారత జట్టు దుమ్మురేపడం సానుకూలాంశంగా పరిణమించింది.8 వికెట్ల తేడాతోవరుస మ్యాచ్‌ల్లో విజయాలు సాధించిన వైభవ్‌ సూర్య వంశీ సారథ్యంలోని భారత అండర్‌–19 జట్టు మరో మ్యాచ్‌ మిగిలుండగానే 2–0తో వన్డే సిరీస్‌ పట్టేసింది. బెనోనీలో సోమవారం జరిగిన రెండో మ్యాచ్‌లో యువ భారత్‌ 8 వికెట్ల తేడాతో (డక్‌వర్త్‌ – లూయిస్‌ పద్ధతి ప్రకారం) సౌతాఫ్రికాను చిత్తుచేసింది. మొదట ఆతిథ్య జట్టు 49.3 ఓవర్లలో 245 పరుగులకు ఆలౌటైంది. జాసన్‌ రౌల్స్‌ (113 బంతుల్లో 114; 7 ఫోర్లు, 3 సిక్స్‌లు) సెంచరీతో చెలరేగగా... డానియల్‌ బోస్‌మన్‌ (31), అద్నాన్‌ (25) ఫర్వాలేదనిపించారు.యువ భారత బౌలర్లలో కిషన్‌ సింగ్‌ 4 వికెట్లు పడగొట్టాడు. అనంతరం వెలుతురు లేమి కారణంగా ఆటకు అంతరాయం వాటిల్లింది. దీంతో యువ భారత్‌ లక్ష్యాన్ని 27 ఓవర్లలో 174గా నిర్ణయించారు. ఛేదనలో ఆద్యంతం దూకుడు కనబర్చిన భారత్‌ 23.3 ఓవర్లలో 2 వికెట్ల నష్టానికి 176 పరుగులు చేసింది. గీత దాటించడమే లక్ష్యంవైభవ్‌ సూర్యవంశీ (24 బంతుల్లో 68; 1 ఫోర్, 10 సిక్స్‌లు) ఆకాశమే హద్దుగా చెలరేగిపోయాడు. బంతి ఎక్కడపడ్డా దాన్ని గీత దాటించడమే లక్ష్యంగా సఫారీ బౌలర్లపై విరుచుకుపడ్డాడు. ఇప్పటికే సీనియర్‌ స్థాయిలో తనకంటూ ప్రత్యేక గుర్తింపు తెచ్చుకున్న వైభవ్‌ సూర్యవంశీ దూకుడుతో లక్ష్యం వేగంగా కరిగిపోయింది. మిగతా వారిలో అభిజ్ఞాన్‌ కుందు (42 బంతుల్లో 48 నాటౌట్‌; 3 ఫోర్లు, 2 సిక్స్‌లు), వేదాంత్‌ త్రిపాఠి (31 నాటౌట్‌; 4 ఫోర్లు), హైదరాబాద్‌ ప్లేయర్‌ ఆరోన్‌ జార్జ్‌ (20; 3 ఫోర్ల) ఫర్వాలేదనిపించారు. సౌతాఫ్రికా బౌలర్లలో మిచెల్‌ క్రుస్‌కాంప్‌ 2 వికెట్లు పడగొట్టాడు. వైభవ్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కంది. ఇరు జట్ల మధ్య నామమాత్రమైన మూడో వన్డే బుధవారం ఇక్కడే జరగనుంది. చదవండి: నలిగిపోతున్న క్రికెట్‌Vaibhav Suryavanshi as captain vs SA U-19:10 Sixes & 1 four in the Innings.14 years old and already terrifying bowlers. Scary talent. 🥶🇮🇳 pic.twitter.com/xUUEnaKGT2— Adarsh (@AdarshUniverse) January 5, 2026

అండ‌ర్ 19 ప్ర‌పంచ‌క‌ప్-2026 స‌న్నాహకాల్లో భాగంగా సౌతాఫ్రికాతో జ‌రుగుతున్న యూత్ వ‌న్డే సిరీస్‌లో యువ భార‌త జ‌ట్టు అద‌ర‌గొడుతోంది. తొలి వ‌న్డేలో ద‌క్షిణాఫ్రికాను చిత్తు చేసిన భారత అండ‌ర్‌-19 జ‌ట్టు.. ఇప్ప‌డు రెండో వన్డేలోనూ అదే ఫలితాన్ని పునరావృతం చేసింది.సోమవారం జరిగిన ఈ మ్యాచ్‌లో 8 వికెట్ల తేడాతో టీమిండియా విజయం సాధించింది. దీంతో మూడు వన్డేల సిరీస్‌ను మరో మ్యాచ్ మిగిలి ఉండగానే 2-0తో భారత్‌ కైవసం చేసుకుంది. ఈ మ్యాచ్‌లో మొదట బ్యాటింగ్ చేసిన దక్షిణాఫ్రికా 49.3 ఓవర్లలో 245 పరుగులకు ఆలౌటైంది.సౌతాఫ్రికా బ్యాటర్లలో జేసన్ రౌల్స్ సెంచరీతో కదం తొక్కాడు. రౌల్స్ 113 బంతుల్లో 7 ఫోర్లు, 3 సిక్స్‌లతో 114 పరుగులు చేశాడు. భారత యువ పేసర్ కిషన్ కుమార్ సింగ్ 4 వికెట్లతో ప్రోటీస్ పతనాన్ని శాసించాడు. అతడితో పాటు ఆర్‌ ఆర్ఎస్ అంబరీష్ రెండు, కన్షిక్‌, దీపేష్‌ తలా వికెట్‌ సాధించారు.వైభవ్ మెరుపులు..అనంతరం వర్షం కారణంగా భారత్ లక్ష్యాన్ని 27 ఓవర్లలో 174 పరుగులుగా కుదించారు. లక్ష్య చేధనలో కెప్టెన్ వైభవ్ సూర్యవంశీ విధ్వంసం సృష్టించాడు. క్రీజులో ఉన్నంత సేపు బౌండరీల వర్షం కురిపించాడు. కేవలం 24 బంతులు మాత్రమే ఎదుర్కొన్న వైభవ్‌.. 10 సిక్స్‌లు, ఒక ఫోర్‌తో 68 పరుగులు చేశాడు. ఆ తర్వాత అభిజ్ఞాన్ కుందు (48 ), వేదాంత్ త్రివేది (31) అజేయంగా నిలిచి మ్యాచ్‌ను ఫినిష్ చేశారు. భారత జట్టు 23.3 ఓవర్లలోనే లక్ష్యాన్ని ఊదిపడేసింది.చదవండి: IND vs SA: వైభవ్ సూర్యవంశీ విధ్వంసం.. కేవలం 19 బంతుల్లోనే

బెనోని వేదిక‌గా సౌతాఫ్రికా అండ‌ర్‌-19తో జ‌రుగుతున్న రెండో యూత్ వ‌న్డేలో భార‌త్ అండ‌ర్ 19 కెప్టెన్ వైభ‌వ్ సూర్య‌వంశీ విధ్వంసం సృష్టించాడు. 246 పరుగుల స్వల్ప లక్ష్య చేధనలో వైభవ్ ఆకాశమే హద్దుగా చెలరేగాడు. ఇన్నింగ్స్ ఆరంభం నుంచే సఫారీ బౌలర్లను ఉతికారేశాడు. ఈ యువ సంచలనం విల్లోమూర్ పార్క్ మైదానంలో సిక్సర్ల వర్షం కురిపించాడు.ఈ క్రమంలో కేవలం 19 బంతుల్లోనే తన హాఫ్ సెంచరీ మార్క్‌ను అందుకున్నాడు. మొత్తంగా కేవలం 24 బంతులు మాత్రమే ఎదుర్కొన్న వైభవ్‌.. 10 సిక్స్‌లు, ఒక ఫోర్‌తో 68 పరుగులు చేసి ఔటయ్యాడు. అతడి విధ్వంసం ధాటికి భారత్ స్కోర్ 10 ఓవర్లలోనే వంద పరుగుల మార్క్ దాటింది. టీమిండియా విజయానికి ఇంకా 115 పరుగులు కావాలి. అయితే వర్షం కారణంగా ఆట నిలిచిపోయింది.ప్రస్తుతం క్రీజులో అభిజ్ఞాన్ కుండు(2), వేదాంత్ త్రివేది(9) ఉన్నారు. అంతకుముందు బ్యాటింగ్ చేసిన సౌతాఫ్రికా 49.3 ఓవర్లలో 245 పరుగులకు ఆలౌటైంది. భారత యువ పేసర్‌ కిషన్‌ కుమార్‌ సింగ్‌ 4 వికెట్లతో సత్తాచాటాడు. అతడితో పాటు ఆర్‌ ఆర్ఎస్ అంబరీష్ రెండు, కన్షిక్‌, దీపేష్‌ తలా వికెట్‌ సాధించారు.ప్రోటీస్‌ బ్యాటర్లలో జేసన్ రౌల్స్ సెంచరీ సాధించాడు. రౌల్స్ 113 బంతుల్లో 7 ఫోర్లు, 3 సిక్స్‌లతో 114 పరుగులు చేశాడు. కాగా ఈ సిరీస్‌కు రెగ్యూలర్ కెప్టెన్ అయూష్ మాత్రే దూరం కావడంతో జట్టును వైభవ్ నడిపిస్తున్నాడు.చదవండి: 129 ఫోర్లు, 59 సిక్సర్లు.. 1009 రన్స్‌ బాదిన ఆ ‘కుర్రాడు’ ఎక్కడ?Vaibhav vikraal Suryavanshi pic.twitter.com/eqiMzYeYvI— Anuj (@A1iconic) January 5, 2026

బెనోని వేదిక‌గా ద‌క్షిణాఫ్రికా అండ‌ర్‌-19తో జ‌రుగుతున్న మొద‌టి యూత్ వ‌న్డేలో భార‌త్ అండ‌ర్‌-19 జట్టు బ్యాట‌ర్లు అద‌ర‌గొట్టారు. టాస్ ఓడి తొలుత బ్యాటింగ్‌కు దిగిన భారత యువ జట్టు నిర్ణీత 50 ఓవర్లలో 300 పరుగులకు ఆలౌటైంది. కెప్టెన్ వైభవ్ సూర్యవంశీ(11), వైస్ కెప్టెన్ ఆరోన్ జార్జ్(11), త్రివేది(21) వంటి టాపార్డర్ బ్యాటర్లు విఫలమైనప్పటికి.. మిడిలార్డర్‌, లోయార్డర్ బ్యాటర్లు మాత్రం అద్భుతమైన ప్రదర్శన కనబరిచారు.ముఖ్యంగా 19 ఏళ్ల హర్వంశ్ సింగ్ పంగాలియా అసాధరణ పోరాటం కనబరిచాడు. క్లిష్ట సమయంలో హర్వంశ్‌.. అంబరీష్‌తో కలిసిఐదో వికెట్‌కు 140 పరుగుల భారీ భాగస్వామ్యాన్ని నెలకొల్పాడు. పంగాలియా 95 బంతుల్లో 7 ఫోర్లు, 2 సిక్స్‌లతో 93 పరుగులు చేశాడు. అతడితో పాటు అంబరిష్‌(65), కన్షిక్ చౌహన్‌(32), ఖిలాన్ పటేల్‌(26) కీలక ఇన్నింగ్స్‌లు ఆడారు. సౌతాఫ్రికా బౌలర్లలో బాసన్ నాలుగు వికెట్లతో సత్తాచాటగా.. సోనీ,బాసన్‌, మబాతా తలా వికెట్ సాధించారు. కాగా ఈ సిరీస్ అండర్‌-19 ప్రపంచకప్ సన్నాహకాల్లో భాగంగా జరుగుతోంది. ఈ సిరీస్‌కు రెగ్యూలర్ కెప్టెన్ అయూష్ మాత్రే దూరమయ్యాడు. ఈ క్రమంలోనే వైభవ్‌కు జట్టు పగ్గాలను అప్పగించారు. కానీ కెప్టెన్‌గా తన తొలి మ్యాచ్‌లో సూర్యవంశీ విఫలమయ్యాడు.తుది జట్లుభారత్ అండర్‌19: వైభవ్ సూర్యవంశీ (కెప్టెన్), ఆరోన్ వర్గీస్, వేదాంత్ త్రివేది, అభిజ్ఞాన్ కుందు (కీపర్), హర్వంశ్ పంగాలియా, ఆర్.ఎస్. అంబరీష్, కనిష్క్ చౌహాన్, మహమ్మద్ ఎనాన్, ఖిలన్ పటేల్, దీపేష్ దేవేంద్రన్, హెనిల్ పటేల్.దక్షిణాఫ్రికా అండర్ -19:మొహమ్మద్ బుల్బులియా (కెప్టెన్), జోరిచ్ వాన్ షాల్క్‌వైక్, అద్నాన్ లగాడియన్, జేసన్ రౌల్స్, అర్మాన్ మనక్, పాల్ జేమ్స్, బండిల్ మబాతా, లెతాబో పహ్లామోహ్లాకా (కీపర్), జెజె బాసన్, బయండా మజోలా, నితాండో సోని.చదవండి: IND vs NZ: న్యూజిలాండ్‌తో వన్డే సిరీస్‌కు భారత జట్టు ప్రకటన.. స్టార్‌ ప్లేయర్‌ వచ్చేశాడు

భారత యువ క్రికెటర్‌ వైభవ్‌ సూర్యవంశీ పేలవ బ్యాటింగ్‌తో నిరాశపరిచాడు. భారీ అంచనాల నడుమ సౌతాఫ్రికా గడ్డపై అడుగుపెట్టిన ఈ పద్నాలుగేళ్ల చిచ్చర పిడుగు.. తొలి మ్యాచ్‌లోనే విఫలమయ్యాడు. గతేడాది ఐపీఎల్‌లో సంచలన సెంచరీతో మెరిసిన వైభవ్‌ సూర్యవంశీ (Vaibhav Suryavanshi)... ఆ తర్వాత ఆస్ట్రేలియా, ఇంగ్లండ్‌లలో భారత అండర్‌-19 జట్టు తరఫునా అదరగొట్టాడు.సెంచరీల మోతఓపెనింగ్‌ బ్యాటర్‌గా బరిలోకి దిగి యూత్‌ వన్డే, యూత్‌ టెస్టుల్లో సెంచరీల మోత మోగించాడు. ఇటీవల ఆసియా అండర్‌-19 వన్డే కప్‌లోనూ రాణించిన వైభవ్‌ సూర్యవంశీ.. తన అద్భుత ప్రదర్శనలకు గానూ ప్రధాన్‌ మంత్రి రాష్ట్రీయ బాల పురస్కారం అందుకున్నాడు. ఇక అంతకు ముందే విజయ్‌ హజారే ట్రోఫీ 2025-26 టోర్నీలో బిహార్‌ తరఫున వైస్‌ కెప్టెన్‌ హోదాలో భారీ శతకం బాదాడు.తాత్కాలిక కెప్టెన్‌గాఅనంతరం సౌతాఫ్రికా అండర్‌-19 జట్టుతో (IND U19 Vs SA U19) యూత్‌ వన్డేలతో వైభవ్‌ సూర్యవంశీ బిజీ అయ్యాడు. కొత్త ఏడాదిలోని ఈ తొలి టూర్‌లో భాగంగా భారత అండర్‌-19 జట్టు సౌతాఫ్రికా యువ జట్టుతో మూడు యూత్‌ వన్డేలు ఆడనుంది. తొలి మ్యాచ్‌లకు రెగ్యులర్‌ కెప్టెన్‌ ఆయుశ్‌ మాత్రే దూరం కాగా.. వైభవ్‌ సూర్యవంశీ తాత్కాలిక కెప్టెన్‌గా వ్యవహరిస్తున్నాడు.బెనోని వేదికగా శనివారం నాటి ఈ మ్యాచ్‌లో టాస్‌ ఓడిన భారత యువ జట్టు తొలుత బ్యాటింగ్‌కు దిగింది. ఇటీవలి కాలంలో మెరుగైన ఇన్నింగ్స్‌ ఆడుతూ ఫామ్‌లో ఉన్న ఆరోన్‌ జార్జ్‌ (5) ఓపెనర్‌గా వచ్చి విఫలమయ్యాడు. ఇలాంటి తరుణంలో.. తన దూకుడైన శైలికి భిన్నంగా బాధ్యతాయుతంగా ఇన్నింగ్స్‌ మొదలుపెట్టాడు మరో ఓపెనర్‌ వైభవ్‌ సూర్యవంశీ.11 పరుగులు చేసిఅయితే, 12 బంతుల్లో రెండు ఫోర్ల సాయంతో 11 పరుగులు చేసిన వైభవ్‌.. జేజే బాసన్‌ బౌలింగ్‌లో లెథాబోకు క్యాచ్‌ ఇవ్వడంతో పెవిలియన్‌ చేరాల్సి వచ్చింది. కెప్టెన్‌గా తొలి మ్యాచ్‌లోనే ఇలా వైభవ్‌ విఫలం కావడం అభిమానులను తీవ్రంగా నిరాశపరిచింది.సౌతాఫ్రికా బౌలర్ల ధాటికి వన్‌డౌన్‌లో వచ్చిన వేదాంత్‌ త్రివేది (21), వికెట్‌ కీపర్‌ బ్యాటర్‌ అభిజ్ఞాన్‌ కుందు (21) కూడా చేతులెత్తేశారు. ఈ క్రమంలో 15 ఓవర్ల ఆట ముగిసేసరికి భారత్‌ నాలుగు వికెట్ల నష్టానికి కేవలం 68 పరుగులే చేసి కష్టాల్లో కూరుకుపోయింది.చదవండి: టీ20 ప్రపంచకప్‌-2026: అభిషేక్‌ శర్మపై కూడా వేటు వేస్తారా?

జింబాబ్వే, నమీబియా వేదికలుగా జరగనున్న అండర్‌-19 ప్రపంచకప్‌-2026 భారత జట్టును బీసీసీఐ శనివారం ప్రకటించింది. ఈ జట్టు కెప్టెన్‌గా ఆయూష్ మాత్రే ఎంపికయ్యాడు. అతడి డిప్యూటీగా విహాన్ మల్హోత్రా వ్యవహరించనున్నాడు. అదేవిధంగా ఈ జట్టులో వైభవ్ సూర్యవంశీ, ఆరోన్ జార్జ్ వంటి విధ్వంసకర ఆటగాళ్లు ఉన్నారు.అయితే అండర్-19 ఆసియా కప్ 2025 జట్టులో భాగమైన యువరాజ్ హోగిల్, నమన్ పుష్పక్‌లపై సెలక్టర్లు వేటు వేశారు. వారిద్దరి స్ధానంలో మహ్మద్ ఎనాన్, ఆర్.ఎస్. అంబ్రిష్‌లకు చోటు దక్కింది. ఈ టోర్నమెంట్ జనవరి 15 నుండి ఫిబ్రవరి 6 వరకు జరగనుంది. ఈ మెగా ఈవెంట్‌లో యువ భారత జట్టు తమ తొలి మ్యాచ్‌లో జనవరి 15న అమెరికాతో తలపడనుంది.కెప్టెన్‌గా వైభవ్‌..ఇక ఈ టోర్నీ ఆరంభానికి ముందు భారత జట్టు దక్షిణాఫ్రికా పర్యటనకు వెళ్లనుంది. అయితే ఈ టూర్‌కు రెగ్యూలర్ కెప్టెన్ మాత్రే, వైస్ కెప్టెన్ మల్హోత్రా గాయాల కారణంగా దూరమయ్యారు. దీంతో మాత్రే స్ధానంలో యువ ఆటగాడు వైభవ్ సూర్యవంశీ జట్టును నడిపించనున్నాడు. మాత్రే, మల్హోత్రా నేరుగా ప్రపంచకప్ జట్టులో చేరనున్నారు. సౌతాఫ్రికాతో మూడు వన్డేల సిరీస్‌ జనవరి 3 నుంచి ప్రారంభం కానుంది.అండర్‌-19 ప్రపంచ కప్ 2026 కోసం భారత జట్టు:ఆయుష్ మాత్రే (కెప్టెన్‌), ఆర్.ఎస్. అంబరీష్, కనిష్క్ చౌహాన్, డి. దీపేష్, మొహమ్మద్ ఈనాన్, ఆరోన్ జార్జ్, అభిజ్ఞాన్ కుందు, కిషన్ కుమార్ సింగ్, విహాన్ మల్హోత్రా, ఉదవ్ మోహన్, హెనిల్ పటేల్, ఖిలాన్ ఎ. పటేల్, హర్వాన్ష్ సింగ్, వైభవ్ సూర్యవంశీ, వేదాంత్ త్రివేది.సౌతాఫ్రికా టూర్‌కు భారత జట్టువైభవ్ సూర్యవంశీ(కెప్టెన్‌), ఆర్.ఎస్. అంబరీష్, కనిష్క్ చౌహాన్, డి. దీపేష్, మొహమ్మద్ ఈనాన్, ఆరోన్ జార్జ్, అభిజ్ఞాన్ కుందు, కిషన్ కుమార్ సింగ్, ఉదవ్ మోహన్, హెనిల్ పటేల్, ఖిలాన్ ఎ. పటేల్, హర్వాన్ష్ సింగ్, వేదాంత్ త్రివేది.

భారత క్రికెట్‌ యువ సంచలనం వైభవ్‌ సూర్యవంశీకి అరుదైన గౌరవం లభించింది. పద్నాలుగేళ్లకే ప్రపంచ రికార్డులు సృష్టిస్తున్న ఈ చిచ్చరపిడుగును.. ప్రధాన్‌ మంత్రి రాష్ట్రీయ బాల్‌ పురస్కార్‌ (Pradhan Mantri Rashtriya Bal Puraskar) వరించింది. రాష్ట్రపతి ద్రౌపది ముర్ము చేతుల మీదుగా అతడు శుక్రవారం ఈ ప్రతిష్టాత్మక అవార్డు అందుకున్నాడు.బిహార్‌కు చెందిన వైభవ్‌ సూర్యవంశీ (Vaibhav Suryavanshi).. పద్నాలుగేళ్ల వయసులోనే క్రికెట్‌ ప్రపంచంలో తనకంటూ ప్రత్యేక గుర్తింపు తెచ్చుకుంటున్నాడు. తొలుత దేశవాళీ క్రికెట్లో సత్తా చాటిన ఈ లెఫ్టాండర్‌ బ్యాటర్‌.. రంజీల్లో అరంగేట్రం చేసిన అత్యంత పిన్న వయస్కుడి (12)గా రికార్డు సాధించాడు.ఐపీఎల్‌లో ఫాస్టెస్ట్‌ సెంచరీఅనంతరం ఇండియన్‌ ప్రీమియర్‌ లీగ్‌-2025లో రాజస్తాన్‌ రాయల్స్‌ తరఫు ఫాస్టెస్ట్‌ సెంచరీ నమోదు చేయడం ద్వారా మరోసారి తన ప్రతిభను చాటుకున్నాడు. గుజరాత్‌ టైటాన్స్‌ వంటి పటిష్ట బౌలింగ్‌ విభాగం ఉన్న జట్టుపై కేవలం 35 బంతుల్లోనే శతకం బాది.. క్యాష్‌ రిచ్‌ లీగ్‌ చరిత్రలో చిన్న వయసులో ఈ ఘనత సాధించిన భారత తొలి బ్యాటర్‌గా నిలిచాడు.భారత అండర్‌-19 జట్టు తరఫున మెరుపులుప్రస్తుతం భారత అండర్‌-19 జట్టు తరఫున ఆడుతున్న వైభవ్‌ సూర్యవంశీ.. ఆస్ట్రేలియా, ఇంగ్లండ్‌లలోనూ యూత్‌ వన్డేల్లో ఫాస్టెస్ట్‌ సెంచరీలు నమోదు చేశాడు. ఇటీవల అండర్‌-19 ఆసియా కప్‌-2025లోనూ విధ్వంసకర శతకంతో దుమ్ములేపాడు. తాజాగా దేశీ వన్డే టోర్నీ విజయ్‌ హజారే ట్రోఫీ 2025-26లో బిహార్‌ వైస్‌ కెప్టెన్‌గా బరిలో దిగిన వైభవ్‌.. మరోసారి దుమ్ములేపాడు.అరుణాచల్‌ ప్రదేశ్‌తో బుధవారం మ్యాచ్‌లో కేవలం 36 బంతుల్లోనే శతక్కొట్టిన వైభవ్‌ సూర్యవంశీ.. మొత్తంగా 84 బంతుల్లో 190 పరుగులు సాధించాడు. తద్వారా లిస్ట్‌-ఎ క్రికెట్‌లో అత్యంత వేగంగా 150 పరుగుల మార్కు దాటిన బ్యాటర్‌గా ప్రపంచ రికార్డు నెలకొల్పాడు.అత్యున్నత పురస్కారంఇలా చిన్న వయసులోనే క్రికెట్‌లో సంచలనాలు సృష్టిస్తున్న వైభవ్‌ సూర్యవంశీని.. పిల్లలకు అందించే అత్యున్నత పురస్కారంతో ప్రభుత్వం సత్కరించింది. రాష్ట్రపతి ముర్ము చేతుల మీదుగా అవార్డు అందుకున్న వైభవ్‌.. అనంతరం ప్రధాన మంత్రి నరేంద్ర మోదీతో భేటీ అవుతాడు. VIDEO | Delhi: Young cricketer Vaibhav Suryavanshi conferred with Pradhan Mantri Rashtriya Bal Puraskar.(Source: Third Party)#VaibhavSuryavanshi (Full video available on PTI Videos - https://t.co/n147TvrpG7) pic.twitter.com/JrKqy7ziTN— Press Trust of India (@PTI_News) December 26, 2025కాగా 5-18 ఏళ్ల మధ్య వయసు గల పిల్లలకు సాహసం, సంస్కృతి, వాతావరణం, నవకల్పనలు, సైన్స్‌ అండ్‌ టెక్నాలజీ, సామాజిక సేవ, క్రీడలు తదితర విభాగాల్లో ప్రధాన్‌ మంత్రి బాల్‌ పురస్కార్‌ అందజేస్తారు.టోర్నీ నుంచి అవుట్‌భారత అండర్‌-19 జట్టు తదుపరి జింబాబ్వే పర్యటనతో బిజీ కానుంది. ప్రపంచకప్‌ సన్నాహకాల్లో భాగంగా జనవరి 15 నుంచి జింబాబ్వేతో మ్యాచ్‌లు ఆడనుంది. ఈ నేపథ్యంలో విజయ్‌ హజారే ట్రోఫీ 2025-26 మిగిలిన మ్యాచ్‌లకు వైభవ్‌ సూర్యవంశీ దూరం కానున్నాడు.చదవండి: Virat Kohli: మళ్లీ సెంచరీ చేస్తాడనుకుంటే..

బంతి మీద పగబట్టినట్లు... బౌలర్లతో ఆజన్మ విరోధం ఉన్నట్లు... సింగిల్స్‌ తీయడమే తెలియదన్నట్లు... బిహార్‌ బ్యాటర్లు బౌండరీలతో చెలరేగిపోయారు. బంతి ఎక్కడపడ్డా దాన్ని గీత దాటించడమే లక్ష్యంగా అరుణాచల్‌ ప్రదేశ్‌ బౌలర్లపై విరుచుకుపడ్డారు. ఫలితంగా విజయ్‌ హజారే వన్డే టోర్నీలో బిహార్‌ జట్టు ప్రపంచ రికార్డు స్కోరు నమోదు చేసింది. 14 ఏళ్ల ఓపెనర్‌ వైభవ్‌ సూర్యవంశీ రికార్డులు తిరగరాస్తూ త్రుటిలో డబుల్‌ సెంచరీ మిస్‌ చేసుకోగా... సకీబుల్‌ గనీ లిస్ట్‌ ‘ఎ’క్రికెట్‌లో భారత్‌ తరఫున ‘ఫాస్టెస్ట్‌ సెంచరీ’ తన పేరిట రాసుకున్నాడు. ఆయుశ్‌ లొహారుక కూడా శతకంతో విజృంభించడంతో బిహార్‌ కొండంత స్కోరు చేసింది. ఛేదనలో అరుణాచల్‌ ప్రదేశ్‌ 177 పరుగులకు ఆలౌటై 397 పరుగుల తేడాతో పరాజయం మూటగట్టుకుంది. భారత దేశవాళీ వన్డే క్రికెట్‌ టోర్నమెంట్‌ విజయ్‌ హజారే ట్రోఫీలో పరుగుల వరద పారింది. టోర్నీ తొలి రోజు బుధవారం రికార్డు స్థాయిలో 22 సెంచరీలు నమోదయ్యాయి. సుదీర్ఘ విరామం అనంతరం దేశవాళీల్లో ఆడుతున్న స్టార్‌ ప్లేయర్లు విరాట్‌ కోహ్లి (ఢిల్లీ), రోహిత్‌ శర్మ (ముంబై) శతకాల మోత మోగిస్తే... బిహార్‌ యువ సంచలనం వైభవ్‌ సూర్యవంశీ త్రుటిలో డబుల్‌ సెంచరీ మిస్‌ అయ్యాడు. టి20 ప్రపంచకప్‌నకు ఎంపికైన ఇషాన్‌ కిషన్‌ (జార్ఖండ్‌) మెరుపు సెంచరీతో కదంతొక్కితే... అదే మ్యాచ్‌లో దేవదత్‌ పడిక్కల్‌ (కర్ణాటక) భారీ శతకంతో చెలరేగాడు. ఒడిశా ప్లేయర్‌ స్వస్తిక్‌ సమల్‌ ఈ టోర్నీ చరిత్రలో ఎనిమిదో డబుల్‌ సెంచరీ చేసిన ప్లేయర్‌గా రికార్డుల్లోకి ఎక్కితే... 32 బంతుల్లోనే సెంచరీ చేసిన బిహార్‌ కెప్టెన్ సకీబుల్‌ గనీ లిస్ట్‌ ‘ఎ’ క్రికెట్‌లో వేగవంతమైన సెంచరీ చేసిన భారత ఆటగాడిగా నిలిచాడు. రాంచీ: దేశవాళీ వన్డే క్రికెట్‌ టోర్నమెంట్‌ విజయ్‌ హజారే ట్రోఫీలో అద్భుతం ఆవిష్కృతమైంది. ప్లేట్‌ గ్రూప్‌లో భాగంగా బుధవారం జరిగిన పోరులో బిహార్‌ జట్టు రికార్డుల దుమ్ము దులిపింది. యువ ఓపెనర్‌ వైభవ్‌ సూర్యవంశీ (84 బంతుల్లో 190; 16 ఫోర్లు, 15 సిక్స్‌లు), కెప్టెన్ సకీబుల్‌ గనీ (40 బంతుల్లో 128 నాటౌట్‌; 10 ఫోర్లు, 12 సిక్స్‌లు), ఆయుశ్‌ లొహారుక (56 బంతుల్లో 116; 11 ఫోర్లు, 8 సిక్స్‌లు) సెంచరీలతో కదంతొక్కడంతో మొదట బ్యాటింగ్‌ చేసిన బిహార్‌ 50 ఓవర్లలో 6 వికెట్ల నష్టానికి 574 పరుగులు చేసింది. లిస్ట్‌ ‘ఎ’ క్రికెట్‌లో ఇదే అత్యధిక స్కోరు. అనంతరం లక్ష్యఛేదనలో అరుణాచల్‌ ప్రదేశ్‌ 42.1 ఓవర్లలో 177 పరుగులకు ఆలౌటైంది. బౌలర్లు వరుస విరామాల్లో వికెట్లు పడగొట్టి 397 పరుగుల తేడాతో బిహార్‌కు విజయాన్ని అందించారు. దంచుడే దంచుడు... మెరుపులా మొదలైన బిహార్‌ ఇన్నింగ్స్‌... ఉరుములా ప్రత్యర్థులను భయపెట్టి... తుపానులా చుట్టేసి... చివరకు సునామీలా రికార్డులన్నింటినీ తిరగరాసింది. ఇప్పటికే సీనియర్‌ స్థాయిలో భారీ సెంచరీలతో ప్రత్యేక గుర్తింపు సాధించుకున్న బిహార్‌ యువ ఓపెనర్‌ వైభవ్‌ సూర్యవంశీ... అరుణాచల్‌ ప్రదేశ్‌ బౌలర్లపై విరుచుకుపడ్డాడు. వరుస బౌండరీలతో బెంబేలెత్తించాడు. ఈ క్రమంలో 25 బంతుల్లో హాఫ్‌సెంచరీ పూర్తి చేసుకున్న వైభవ్‌... ఆ తర్వాత మరింతగా రెచ్చిపోయాడు. మరో 11 బంతుల్లోనే 50 పరుగులు జోడించి 36 బంతుల్లో శతకం నమోదు చేసుకున్నాడు. తద్వారా లిస్ట్‌ ‘ఎ’క్రికెట్‌లో శతకం బాదిన అత్యంత పిన్నవయసు్కడిగా రికార్డు సృష్టించాడు. తొలి వికెట్‌కు 14.3 ఓవర్లలో 158 పరుగులు జతచేసిన వైభవ్‌... 59 బంతుల్లోనే 150 పరుగుల మార్క్‌ అందుకొని... డివిలియర్స్‌ పేరిట ఉన్న రికార్డును తిరగరాశాడు. డబుల్‌ సెంచరీకి 10 పరుగుల దూరంలో వైభవ్‌ అవుటయ్యాడు. సకీబుల్‌ విధ్వంసం... వైభవ్‌ వెనుదిరగడంతో ఊపిరి పీల్చుకుందాం అనుకున్న అరుణాచల్‌ ప్రదేశ్‌ బౌలర్లకు బిహార్‌ సారథి సకీబుల్‌ గనీ పట్టపగలే చుక్కలు చూపించాడు. ప్రతి బంతిని బౌండరీకి తలరించడమే లక్ష్యంగా భారీ షాట్‌లతో పరుగుల వరద పారించాడు. ఈ క్రమంలో అతడు 32 బంతుల్లోనే సెంచరీ మార్క్‌ అందుకొని లిస్ట్‌ ‘ఎ’క్రికెట్‌లో భారత్‌ తరఫున ఫాస్టెస్ట్‌ సెంచరీ చేసిన ప్లేయర్‌గా రికార్డుల్లోకి ఎక్కాడు. ఈ మ్యాచ్‌లో 128 పరుగులు చేసి సకీబుల్‌ బౌండరీల ద్వారానే 112 పరుగులు రాబట్టాడు. ఓవరాల్‌గా ఈ మ్యాచ్‌లో బిహార్‌ ప్లేయర్లు 49 ఫోర్లు, 38 సిక్స్‌లు బాదారు. 574/6పురుషుల లిస్ట్‌ ‘ఎ’ (దేశవాళీ+అంతర్జాతీయ వన్డేలు) క్రికెట్‌లో ఇదే అత్యధిక స్కోరు. 2022–23 విజయ్‌ హజారే ట్రోఫీలో అరుణాచల్‌ ప్రదేశ్‌పైనే తమిళనాడు చేసిన స్కోరు (506/2) రెండో స్థానానికి చేరింది. 1 పురుషుల లిస్ట్‌ ‘ఎ’ క్రికెట్‌లో వేగంగా 150 పరుగులు చేసిన ప్లేయర్‌గా వైభవ్‌ సూర్యవంశీ నిలిచాడు. తాజా మ్యాచ్‌లో అతడు 59 బంతుల్లో ఈ మార్క్‌ అందుకున్నాడు. 2015లో వెస్టిండీస్‌పై దక్షిణాఫ్రికా స్టార్‌ ఏబీ డివిలియర్స్‌ 64 బంతుల్లో 150 పరుగులు చేసి రెండో స్థానంలో ఉన్నాడు.32 ఈ మ్యాచ్‌లో సకీబుల్‌ సెంచరీకి తీసుకున్న బంతులు. లిస్ట్‌ ‘ఎ’ క్రికెట్‌లో భారత్‌ తరఫున ఇదే ఫాస్టెస్ట్‌ సెంచరీ. ఓవరాల్‌గా లిస్ట్‌ ‘ఎ’ క్రికెట్‌లో వేగవంతమైన సెంచరీల జాబితాలో మెక్‌ గుర్క్‌ (29 బంతుల్లో), డివిలియర్స్‌ (31 బంతుల్లో) తొలి రెండు స్థానాల్లో ఉన్నారు. 38 ఈ మ్యాచ్‌లో సకీబుల్‌ సెంచరీకి తీసుకున్న బంతులు. లిస్ట్‌ ‘ఎ’ క్రికెట్‌లో భారత్‌ తరఫున ఇదే ఫాస్టెస్ట్‌ సెంచరీ. ఓవరాల్‌గా లిస్ట్‌ ‘ఎ’ క్రికెట్‌లో వేగవంతమైన సెంచరీల జాబితాలో మెక్‌ గుర్క్‌ (29 బంతుల్లో), డివిలియర్స్‌ (31 బంతుల్లో) తొలి రెండు స్థానాల్లో ఉన్నారు. 1 విజయ్‌ హజారే టోర్నీలో ఒకే జట్టు తరఫున మూడు సెంచరీలు నమోదవడం ఇదే తొలిసారి. ఓవరాల్‌గా లిస్ట్‌ ‘ఎ’ క్రికెట్‌లో 1995లో హైదరాబాద్‌తో మ్యాచ్‌లో విల్స్‌ ఎలెవన్‌ జట్టు తరఫున సచిన్‌ టెండూల్కర్, గగన్‌ ఖోడా,సంజయ్‌ మంజ్రేకర్‌ శతకాలు చేశారు.1 లిస్ట్‌ ‘ఎ’ క్రికెట్‌ చరిత్రలో సెంచరీ చేసిన అతిపిన్న వయస్కుడిగా వైభవ్‌ సూర్యవంశీ (14 సంవత్సరాల 272 రోజులు) రికార్డు నెలకొల్పాడు. జహూర్‌ ఇలాహీ (15 ఏళ్ల 209 రోజులు; 1986లో పాక్‌ ఆటోమొబైల్స్‌ కార్పొరేషన్‌) పేరిట ఉన్న రికార్డును వైభవ్‌ తిరగరాశాడు.ఇటు కోహ్లి... అటు రోహిత్‌‘శత’క్కొట్టిన సీనియర్‌ ప్లేయర్లు ఆంధ్రపై ఢిల్లీ; సిక్కింపై ముంబై గెలుపు బెంగళూరు: స్టార్‌ ఆటగాళ్లు విరాట్‌ కోహ్లి, రోహిత్‌ శర్మ సెంచరీలతో కదంతొక్కారు. సుదీర్ఘ విరామం అనంతరం విజయ్‌ హజారే ట్రోఫీలో ఆడిన ఈ ఇద్దరూ... అది్వతీయ ఫామ్‌ కొనసాగిస్తూ తమ జట్లను గెలిపించారు. ఎలైట్‌ గ్రూప్‌ ‘డి’లో భాగంగా జరిగిన పోరులో కోహ్లి ప్రాతినిధ్యం వహిస్తున్న ఢిల్లీ జట్టు 4 వికెట్ల తేడాతో ఆంధ్ర జట్టుపై గెలిచింది. మొదట ఆంధ్ర 50 ఓవర్లలో 8 వికెట్లకు 298 పరుగులు చేసింది. రికీ భుయ్‌ (122; 11 ఫోర్లు, 7 సిక్స్‌లు) సెంచరీ సాధించాడు. అనంతరం ఢిల్లీ 37.4 ఓవర్లలో 6 వికెట్లకు 300 పరుగులు చేసి నెగ్గింది. కోహ్లి (101 బంతుల్లో 131; 14 ఫోర్లు, 3 సిక్స్‌లు) సెంచరీ చేశాడు. లిస్ట్‌ ‘ఎ’ క్రికెట్‌లో కోహ్లికిది 58వ శతకం. ఈ క్రమంలో విరాట్‌ లిస్ట్‌ ‘ఎ’ క్రికెట్‌లో వేగంగా 16,000 పరుగులు పూర్తి చేసిన ప్లేయర్‌గా నిలిచాడు. సచిన్‌ టెండూల్కర్‌ 391 ఇన్నింగ్స్‌ల్లో ఈ మార్క్‌ అందుకోగా... కోహ్లి 330 ఇన్నింగ్స్‌లో 16 వేల పరుగుల మైలురాయి దాటాడు. రోహిత్‌ తగ్గేదేలే! ఎలైట్‌ గ్రూప్‌ ‘సి’లో జైపూర్‌ వేదికగా జరిగిన మ్యాచ్‌లో ముంబై జట్టు 8 వికెట్ల తేడాతో సిక్కింపై నెగ్గింది. మొదట సిక్కిం 7 వికెట్ల నష్టానికి 236 పరుగులు చేసింది. అనంతరం ముంబై 30.3 ఓవర్లలో 2 వికెటకు 237 పరుగులు చేసి గెలిచింది. రోహిత్‌ శర్మ (94 బంతుల్లో 155; 18 ఫోర్లు, 9 సిక్స్‌లు) వీరవిహారం చేశాడు. జాతీయ జట్టుకు ఆడాలంటే దేశవాళీల్లోనూ ఆడాలని బీసీసీఐ స్పష్టం చేయడంతో చాన్నాళ్ల తర్వాత కోహ్లి, రోహిత్‌ విజయ్‌ హజారే టోర్నీలో బరిలోకి దిగారు.

టీమిండియావైపు మరో పేస్‌ గన్‌ దూసుకొస్తున్నాడు. అతడి పేరు దీపేశ్‌ దేవేంద్రన్‌. తమిళనాడుకు చెందిన ఈ కుర్రాడి వయసు 17 ఏళ్లు. కుడి చేతి వాటం మీడియం ఫాస్ట్‌ బౌలింగ్‌ చేసే దీపేశ్‌.. తాజాగా ముగిసిన అండర్‌-19 ఆసియా కప్‌ ద్వారా వెలుగులోకి వచ్చాడు.ఈ టోర్నీలో దీపేశ్‌ అంచనాలను మించి రాణించాడు. దాదాపు ప్రతి మ్యాచ్‌లో వికెట్లు తీసి యంగ్‌ ఇండియా విజయాల్లో కీలకపాత్ర పోషించాడు. ఈ టోర్నీలో మొత్తం 5 మ్యాచ్‌లు ఆడి 4.77 ఎకానమీతో 14 వికెట్లు తీశాడు. ఇందులో ఓ ఐదు వికెట్ల ప్రదర్శన కూడా ఉంది. మలేషియాతో జరిగిన మ్యాచ్‌లో దీపేశ్‌ ఈ ప్రదర్శన నమోదు చేశాడు.సౌతాఫ్రికా పేస్‌ దిగ్గజం డేల్‌ స్టెయిన్‌ను ఆదర్శనంగా తీసుకొనే దీపేశ్‌.. అతనిలాగే పేస్‌ను ఆయుధంగా మలచుకునే ప్రయత్నం చేస్తున్నాడు. దీపేశ్‌కు వేగంతో పాటు లైన్‌ అండ్‌ లెంగ్త్‌ మెయింటైన్‌ చేసే కంటిస్టెన్సీ ఉంది. అలాగే కీలక సమయాల్లో బ్యాటర్లను ఒత్తిడిలోని నెట్టి, వికెట్లు తీసే సత్తా కూడా ఉంది. ఆదిలోనే వికెట్లు తీసే సామర్థ్యం దీపేశ్‌ సొంతం. పైన ప్రస్తావించిన విషయాలన్నీ తాజాగా జరిగిన ఆసియా కప్‌లో దీపేశ్‌ చేసి చూపించాడు.దీపేశ్‌.. తమిళనాడు ప్రీమియర్‌ లీగ్‌లో మధురై పాంథర్స్‌ తరఫున సత్తా చాటడం ద్వారా తొలిసారి వెలుగులోకి వచ్చాడు. ఆ ప్రదర్శనల కారణంగానే దీపేశ్‌కు ఆసియా కప్‌ అండర్‌-19 జట్టులో చోటు దక్కింది.వేగం, కచ్చితత్వం, దూకుడుతో పాటు లైన్ ఆండ్‌ లెంగ్త్‌ కంట్రోల్‌తో టాపార్డర్‌ను కూలదోసే సామర్థ్యం దీపేశ్‌ను మిగతా వారితో పోలిస్తే ప్రత్యేకంగా నిలుపుతున్నాయి. సాధారణంగా వీటన్నిటి కలయిక ఒకే బౌలర్‌లో ఉండటం చాలా అరుదు. ఈ అసాధారణ ప్రతిభే దీపేశ్‌ను భావి భారత ఫాస్ట్‌ బౌలర్‌గా చిత్రీకరిస్తుంది.ప్రస్తుతం గంటకు 140 కిమీ వేగానికి దగ్గరగా బౌలింగ్‌ చేస్తున్న దీపేశ్‌.. సరైన శిక్షణ​ ఇస్తే మరింత పేస్‌ను రాబట్టగలడని నిపుణులు అంచనా వేస్తున్నారు. దీపేశ్‌లో పేస్‌ వేరియేషన్‌ కూడా ఉంది. స్ట్రైక్‌ బౌలర్‌గానే కాకుండా ఫస్ట్‌ ఛేంజ్‌ బౌలర్‌గా కూడా ఉపయోగపడగలడు. 17 ఏళ్ల వయసులోనే ఖండాంతర టోర్నీలో అత్యుత్తమ ప్రతిభ కనబర్చి లీడింగ్‌ వికెట్‌ టేకర్‌గా నిలిచిన దీపేశ్‌ ఫిట్‌నెస్‌ మేనేజ్‌మెంట్‌పై కూడా దృష్టి పెట్టగలిగితే త్వరలోనే టీమిండియా తలుపులు తట్టే అవకాశం ఉంది. ఆసియా కప్‌లో ఫైనల్‌ మినహా దీపేశ్‌ ప్రతి మ్యాచ్‌లో చాలా పొదుపుగా కూడా బౌలింగ్‌ చేశాడు. దీపేశ్‌బ్యాటింగ్‌లోనూ అడపాదడపా మెరుపులు మెరిపించగలడు. పాక్‌తో జరిగిన ఫైనల్లో ఇది కూడా నిరూపితమైంది. ఆ మ్యాచ్‌ లో భారత ఓటమి ఖరారైనా దీపేశ్‌ బ్యాట్‌ ఝలిపించాడు. ఈ ఆల్‌రౌండ్‌ లక్షణం దీపేశ్‌ను టీమిండియా అవకాశానికి మరింత చేరువ చేస్తుంది. తాజాగా ముగిసిన అండర్‌-19 ఆసియా కప్‌లో దీపేశ్‌ ప్రదర్శనలు.. పాకిస్తాన్‌పై 3/16మలేషియాపై 5/22శ్రీలంకపై 1/25యూఏఈపై 2/21పాకిస్తాన్‌పై 3/83

దేశవాలీ వన్డే టోర్నీ విజయ్‌ హజారే ట్రోఫీ 2025-26లో తొలి రోజే రికార్డుల మోత మోగింది. అరుణాచల్‌ ప్రదేశ్‌తో జరుగుతున్న మ్యాచ్‌లో ఏకంగా ముగ్గురు బిహార్‌ ఆటగాళ్లు (వైభవ్‌ సూర్యవంశీ, ఆయుశ్‌ లోహారుకా, సకీబుల్‌ గనీ) విధ్వంసకర శతకాలు బాదారు. ఫలితంగా లిస్ట్‌-ఏ క్రికెట్‌ (50 ఓవర్ల ఫార్మాట్‌) చరిత్రలోనే అత్యంత భారీ స్కోర్‌ (574/6)నమోదైంది.ఆకాశమే హద్దుగా చెలరేగిన వైభవ్‌ సూర్యవంశీబిహార్‌ ఇన్నింగ్స్‌లో చిచ్చరపిడుగు వైభవ్‌ సూర్యవంశీ​ది తొలి శతకం. వైభవ్‌ కేవలం 36 బంతుల్లోనే సెంచరీ పూర్తి చేసి, లిస్ట్‌-ఎ క్రికెట్‌లో అత్యంత పిన్న వయసులో (14 ఏళ్ల 272 రోజులు) ఈ ఘనత సాధించిన క్రికెటర్‌గా నిలిచాడు. అలాగే లిస్ట్‌-ఏ క్రికెట్‌లో అన్మోల్‌ప్రీత్‌ సింగ్‌ (35 బంతులు) తర్వాత అత్యంత వేగంగా సెంచరీ పూర్తి చేసిన భారత ఆటగాడిగానూ నిలిచాడు. ఓవరాల్‌గా లిస్ట్‌-ఏ క్రికెట్‌లో ఫాస్టెస్ట్‌ సెంచరీ రికార్డు ఆస్ట్రేలియా ఆటగాడు జేక్‌ ఫ్రేజర్‌ మెగర్క్‌ (29 బంతులు) పేరిట ఉంది. ఆతర్వాతి స్థానంలో ఏబీ డివిలియర్స్‌ (31 బంతులు) ఉన్నాడు.ప్రపంచ రికార్డు బద్దలుసెంచరీ తర్వాత కూడా జోరు కొనసాగించిన వైభవ్‌.. కేవలం 54 బంతుల్లోనే 150 పరుగులు పూర్తి చేసి, లిస్ట్‌-ఎ క్రికెట్‌లో అత్యంత వేగంగా 150 పరుగులు పూర్తి చేసిన ఆటగాడిగా, ఏబీ డివిలియర్స్‌ (64 బంతులు) పేరిట ఉన్న ప్రపంచ రికార్డును బద్దలు కొట్టాడు. 150 పరుగుల తర్వాత కూడా అదే జోరు కొనసాగించిన వైభవ్‌.. దురదృష్టవశాత్తు డబుల్‌ సెంచరీని చేజార్చుకున్నాడు. 84 బంతుల్లో 16 ఫోర్లు, 15 సిక్సర్ల సాయంతో 190 పరుగులు చేసి ఔటయ్యాడు.కొద్ది నిమిషాల్లోనే బద్దలైన రికార్డువైభవ్‌ విధ్వంసం కళ్ల ముందు మెదులుతూ ఉండగానే మరో భారీ రికార్డు నమోదైంది. ఇదే మ్యాచ్‌లో వైభవ్‌ కెప్టెన్‌ (బిహార్‌ కెప్టెన్‌) సకీబుల్‌ గనీ కేవలం 32 బంతుల్లోనే శతక్కొట్టాడు. లిస్ట్‌-ఏ క్రికెట్‌లో భారత్‌ తరఫున ఇదే ఫాస్టెస్ట్‌ సెంచరీ. కొద్ది నిమిషాల ముందే వైభవ్‌ 36 బంతుల్లో శతక్కొట్టి, అన్మోల్‌ప్రీత్‌ సింగ్‌ (35 బంతులు) తర్వాత అత్యంత వేగంగా సెంచరీ పూర్తి చేసిన భారత ఆటగాడిగా నిలిచిన విషయం తెలిసిందే. తాజా ప్రదర్శన తర్వాత అన్మోల్‌ప్రీత్‌ పేరిట ఉండిన ఫాస్టెస్ట్‌ సెంచరీ రికార్డు సకీబుల్‌ గనీ ఖాతాలోకి చేరింది. ఈమ్యాచ్‌లో సకీబుల్‌ 40 బంతుల్లో 10 ఫోర్లు, 12 సిక్స సాయంతో 128 పరుగులు చేసి నాటౌట్‌గా నిలిచాడు.లిస్ట్‌-ఏ క్రికెట్‌లో ఫాస్టెస్ట్‌ సెంచరీలు (టాప్‌-5)..జేక్‌ ఫ్రేజర్‌- 29 బంతులుఏబీ డివిలియర్స్‌- 31సకీబుల్‌ గనీ- 32ఇషాన్‌ కిషన్‌- 33అన్మోల్‌ప్రీత్‌ సింగ్‌- 35ఆయుశ్‌ మెరుపు సెంచరీఇదే మ్యాచ్‌లో మరో సెంచరీ చేసిన ఆటగాడు ఆయుశ్‌ లోమాకురా. ఆయుశ్‌ 56 బంతుల్లో 11 ఫోర్లు, 8 సిక్సర్ల సాయంతో 116 పరుగులు చేశాడు. కాగా, ఈ మ్యాచ్‌లో బిహార్‌ చేసిన స్కోర్‌ (574) లిస్ట్‌-ఎ క్రికెట్‌ చరిత్రలోనే అత్యధిక స్కోర్‌గా నిలిచింది. దీనికి ముందు ఈ రికార్డు తమిళనాడు పేరిట ఉండేది. 2022 ఎడిషన్‌ విజయ్‌ హజారే ట్రోఫీలో ఆ జట్టు ఇదే అరుణాచల్‌ ప్రదేశ్‌పై రెండు వికెట్ల నష్టానికి 506 పరుగులు చేసింది.లిస్ట్‌-ఎ క్రికెట్‌లో అత్యధిక స్కోర్లు సాధించిన జట్లు👉బిహార్‌- అరుణాచల్‌ ప్రదేశ్‌ మీద 2025లో 574/6👉తమిళనాడు- అరుణాచల్‌ ప్రదేశ్‌ మీద 2022లో 506/2👉ఇంగ్లండ్‌- నెదర్లాండ్స్‌ మీద 2022లో 498/4👉సర్రే- గ్లౌసెస్టర్‌షైర్‌ మీద 2007లో 496/4 👉ఇంగ్లండ్‌- ఆస్ట్రేలియా మీద 2018లో 481/6.

జార్ఖండ్‌ కెప్టెన్‌, టీమిండియా స్టార్‌ ఇషాన్‌ కిషన్‌ దేశవాళీ క్రికెట్‌లో తన జోరు కొనసాగిస్తున్నాడు. ఇటీవల దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీలో ఈ ఎడమచేతి వాటం బ్యాటర్‌.. పరుగుల వరద పారించిన విషయం తెలిసిందే. విధ్వంసకర శతకాలతో విరుచుకుపడి.. 500కు పైగా పరుగులతో టాప్‌ రన్‌ స్కోరర్‌గా నిలిచాడు.అంతేకాదు.. జార్ఖండ్‌కు తొలిసారి సయ్యద్‌ ముస్తాక్‌ అలీ ట్రోఫీని అందించాడు. ఈ క్రమంలో దేశీ వన్డే టోర్నీ విజయ్‌ హజారే ట్రోఫీ 2025-26 టోర్నీలోనూ సారథిగా జార్ఖండ్‌ను ముందుకు నడిపిస్తున్నాడు ఇషాన్‌ కిషన్‌ (Ishan Kishan). ఇందులో భాగంగా ఎలైట్‌ గ్రూప్‌-ఎ లో ఉన్న జార్ఖండ్‌ కర్ణాటకతో బుధవారం నాటి మ్యాచ్‌లో టాస్‌ ఓడి తొలుత బ్యాటింగ్‌కు దిగింది.మెరుపు అర్ధ శతకాలుఅహ్మదాబాద్‌ వేదికగా నిర్ణీత 50 ఓవర్లలో తొమ్మిది వికెట్ల నష్టానికి ఏకంగా 412 పరుగులు సాధించింది. ఓపెనర్లలో శిఖర్‌ మోహన్‌ (44) ఫర్వాలేదనిపించగా.. ఉత్కర్ష్‌ సింగ్‌ (8) విఫలమయ్యాడు. వన్‌డౌన్‌ బ్యాటర్‌ శుభ్‌ శర్మ 15 పరుగులే చేయగా.. ఆ తర్వాతి స్థానాల్లో వచ్చిన విరాట్‌ సింగ్‌ (68 బంతుల్లో 88), కుమార్‌ కుశాగ్రా (47 బంతుల్లో 63) మెరుపు అర్ధ శతకాలతో దుమ్ములేపారు.ఆకాశమే హద్దుగాఇక ఆరో స్థానంలో బ్యాటింగ్‌కు వచ్చిన కెప్టెన్‌, వికెట్‌ కీపర్‌ బ్యాటర్‌ ఇషాన్‌ కిషన్‌ ఆకాశమే హద్దుగా చెలరేగాడు. కేవలం 33 బంతుల్లోనే వంద పరుగుల మార్కు అందుకున్నాడు. తద్వారా లిస్‌-ఎ ‍క్రికెట్‌లో ఫాస్టెస్ట్‌ సెంచరీ నమోదు చేసిన రెండో భారత బ్యాటర్‌గా ఇషాన్‌ చరిత్రకెక్కాడు.నిజానికి విజయ్‌ హజారే తాజా సీజన్‌ ఆరంభానికి ముందు లిస్ట్‌-ఎ క్రికెట్‌ ఫాస్టెస్ట్‌ సెంచూరియన్‌గా పంజాబీ బ్యాటర్‌ అన్మోల్‌ప్రీత్‌ సింగ్‌ (35 బంతుల్లో 115*) ఉన్నాడు. అయితే, బుధవారం నాటి మరో మ్యాచ్‌లో అరుణాచల్‌ ప్రదేశ్‌ మీద బిహార్‌ వైస్‌ కెప్టెన్‌ వైభవ్‌ సూర్యవంశీ 36 బంతుల్లో శతకం బాది అతడి తర్వాతి స్థానాన్ని ఆక్రమించాడు.వైభవ్‌ రికార్డు బద్దలుకానీ కాసేపటికే వైభవ్‌ను అధిగమించి.. ఇషాన్‌ రెండో స్థానానికి ఎగబాకాడు. మరోవైపు.. బిహార్‌ కెప్టెన్‌ సకీబుల్‌ గని కేవలం 32 బంతుల్లోనే సెంచరీ చేసి.. అన్మోల్‌ప్రీత్‌ సింగ్‌ను అధిగమించి అగ్రస్థానానికి చేరగా.. ఇషాన్‌ రెండో స్థానంలో కొనసాగుతున్నాడు. ఇదిలా ఉంటే.. కర్ణాటకతో మ్యాచ్‌లో ఇషాన్‌ మొత్తంగా 39 బంతుల్లో 7 ఫోర్లు, 14 సిక్స్‌లు బాది 125 పరుగులు సాధించాడు.మిగతా వారిలో అనుకూల్‌ రాయ్‌ (13), రాబిన్‌ మింజ్‌ (0) విఫలం కాగా.. సుశాంత్‌ మిశ్రా (1), సౌరభ్‌ శేఖర్‌ (0) అజేయంగా నిలిచారు. కర్ణాటక బౌలర్లలో అభిలాష్‌ శెట్టి నాలుగు వికెట్లు తీయగా.. విద్యాధర్‌ పాటిల్‌, శ్రేయస్‌ గోపాల్‌ చెరో రెండు.. ధ్రువ్‌ ప్రభాకర్‌ ఒక వికెట్‌ పడగొట్టారు. లిస్ట్‌-ఎ క్రికెట్‌లో ఫాస్టెస్ట్‌ సెంచరీ బాదిన భారత ఆటగాళ్లు👉సకీబుల్‌ గని- 32 బంతుల్లో👉ఇషాన్‌ కిషన్‌- 33 బంతుల్లో👉అన్మోల్‌ప్రీత్‌ సింగ్‌- 35 బంతుల్లో👉వైభవ్‌ సూర్యవంశీ- 36 బంతుల్లో. చదవండి: చరిత్ర సృష్టించిన వైభవ్‌ సూర్యవంశీ.. డివిలియర్స్‌ ప్రపంచ రికార్డు బద్దలు

దేశవాళీ వన్డే టోర్నమెంట్‌ విజయ్‌ హజారే ట్రోఫీ 2025-26 ఆరంభ మ్యాచ్‌లోనే అద్భుతం జరిగింది. లిస్ట్‌-ఎ క్రికెట్‌లో (వన్డే) అత్యధికస్కోరు సాధించిన జట్టుగా బిహార్‌ ప్రపంచ రికార్డు నమోదు చేసింది. ప్లేట్‌ గ్రూప్‌లో భాగంగా అరుణాచల్‌ ప్రదేశ్‌తో బుధవారం నాటి మ్యాచ్‌లో ఏకంగా 574 పరుగులు సాధించి ఈ ఫీట్‌ అందుకుంది.విధ్వంసకర సెంచరీలుచాలా సందర్భాల్లో టెస్టు ఇన్నింగ్స్‌లోనూ సాధ్యంకాని రీతిలో ఈ మేరు అత్యంత భారీ స్కోరు సాధించి.. బిహార్‌ సరికొత్త చరిత్ర లిఖించింది. కెప్టెన్‌ సకీబుల్‌ గనీ, వైస్‌ కెప్టెన్‌ వైభవ్‌ సూర్యవంశీ అద్భుతమైన విధ్వంసకర శతకాల కారణంగానే ఇది సాధ్యమైంది. రాంచి వేదికగా టాస్‌ గెలిచిన బిహార్‌ జట్టు తొలుత బ్యాటింగ్‌ ఎంచుకుంది. ఓపెనర్లలో మంగళ్‌ మహ్‌రౌర్‌ (33) ఫర్వాలేదనిపించగా.. వైభవ్‌ సూర్యవంశీ 36 బంతుల్లోనే శతక్కొట్టాడు. మొత్తంగా 84 బంతులు ఎదుర్కొని 16 ఫోర్లు, 15 సిక్స్‌ల సాయంతో 190 పరుగులు చేసి.. డబుల్‌ సెంచరీ జస్ట్‌ మిస్సయ్యాడు.ఆ ఇద్దరూ శతొక్కొట్టేశారు!వన్‌డౌన్లో వచ్చిన పీయూశ్‌ సింగ్‌ సైతం అర్ధ శతకం (77)తో మెరవగా.. నాలుగో స్థానంలో ఆడిన వికెట్‌ కీపర్‌ బ్యాటర్‌ ఆయుశ్‌ లొహరుకా అద్భుత శతకం (56 బంతుల్లో 116) సాధించాడు. ఇక ఐదో నంబర్‌ బ్యాటర్‌గా వచ్చిన కెప్టెన్‌ సకీబుల్‌ గని కేవలం 32 బంతుల్లోనే శతక్కొట్టి.. వైభవ్‌ రికార్డును బ్రేక్‌ చేశాడు. లిస్ట్‌-ఎ క్రికెట్‌లో ఫాస్టెస్ట్‌ సెంచరీ చేసిన భారత బ్యాటర్‌గా చరిత్రకెక్కాడు.అరుణాచల్‌ ప్రదేశ్‌తో మ్యాచ్‌లో మొత్తంగా 40 బంతుల్లో 10 ఫోర్లు, 12 సిక్సర్లు బాదిన గని.. 128 పరుగులతో అజేయంగా నిలిచాడు. ఆఖర్లో బిపిన్‌ సౌరభ్‌ (1), ఆకాశ్‌ రాజ్‌ (8) విఫలం కాగా.. సూరజ్‌ కశ్యప్‌ మూడు పరుగులతో.. గనీతో కలిసి అజేయంగా నిలిచాడు. ఫలితంగా నిర్ణీత 50 ఓవర్లలో బిహార్‌ ఆరు వికెట్ల నష్టానికి ఏకంగా 574 పరుగులు స్కోరు చేసింది.ఏ జట్టుకైనా ఇదే అత్యధిక స్కోరుకాగా లిస్ట్‌-ఎ క్రికెట్‌లో ఏ జట్టుకైనా ఇదే అత్యధిక స్కోరు కావడం విశేషం. అంతకు ముందు ఈ రికార్డు తమిళనాడు పేరిట ఉండేది. విజయ్‌ హజారే ట్రోఫీ 2022 సీజన్లో తమిళనాడు జట్టు.. అరుణాచల్‌ ప్రదేశ్‌తో మ్యాచ్‌లోనే రెండు వికెట్ల నష్టానికి 506 పరుగులు సాధించింది. తాజాగా వరల్డ్‌ రికార్డును బిహార్‌ తిరగరాసింది.లిస్ట్‌-ఎ క్రికెట్‌లో అత్యధిక స్కోర్లు సాధించిన జట్లు👉బిహార్‌- అరుణాచల్‌ ప్రదేశ్‌ మీద 2025లో 574/6👉తమిళనాడు- అరుణాచల్‌ ప్రదేశ్‌ మీద 2022లో 506/2👉ఇంగ్లండ్‌- నెదర్లాండ్స్‌ మీద 2022లో 498/4👉సర్రే- గ్లౌసెస్టర్‌షైర్‌ మీద 2007లో 496/4 👉ఇంగ్లండ్‌- ఆస్ట్రేలియా మీద 2018లో 481/6.చదవండి: IND vs NZ: కివీస్‌ జట్ల ప్రకటన.. గాయాల వల్ల కీల​క ప్లేయర్లు దూరం

భారత యువ సంచలనం వైభవ్‌ సూర్యవంశీ సరికొత్త చరిత్ర సృష్టించాడు. లిస్‌-ఎ క్రికెట్‌లో అత్యంత పిన్న వయసులోనే ఫాస్టెస్ట్‌ సెంచరీ బాదిన క్రికెటర్‌గా రికార్డు సాధించాడు. దేశవాళీ వన్డే టోర్నమెంట్‌ విజయ్‌ హజారే ట్రోఫీ 2025-26 సీజన్‌ బుధవారం మొదలైంది.ప్లేట్‌ గ్రూపులో భాగంగా.. రాంచి వేదికగా అరుణాచల్‌ ప్రదేశ్‌తో మ్యాచ్‌లో టాస్‌ గెలిచిన బిహార్‌ జట్టు తొలుత బ్యాటింగ్‌కు దిగింది. ఓపెనర్లలో మంగళ్‌ మహ్‌రౌర్‌ 43 బంతుల్లో 33 పరుగులు చేసి నిష్క్రమించగా.. వైభవ్‌ సూర్యవంశీ విధ్వంసకర ఇన్నింగ్స్‌తో అరుణాచల్‌ ప్రదేశ్‌ బౌలర్లపై విరుచుకుపడ్డాడు.ఫాస్టెస్ట్‌ సెంచరీ వీరుడుఈ క్రమంలో కేవలం 36 బంతుల్లోనే వంద పరుగుల మైలురాయి అందుకున్న వైభవ్‌ సూర్యవంశీ (Vaibhav Suryavanshi).. లిస్ట్‌-ఎ క్రికెట్‌లో అత్యంత పిన్న వయసులోనే ఈ ఘనత సాధించిన క్రికెటర్‌గా నిలిచాడు. పద్నాలుగేళ్ల 272 రోజుల వయసులో వైభవ్‌ ఈ ఘనత సాధించాడు. ఓవరాల్‌గా లిస్ట్‌-ఎ క్రికెట్‌లో ఫాస్టెస్ట్‌ సెంచరీ (Fastest Century)ల జాబితాలో వైభవ్‌ సూర్యవంశీ కోరే ఆండర్సన్‌, గ్రాహమ్‌ రోస్‌తో కలిసి సంయుక్తంగా నాలుగో స్థానంలో నిలిచాడు.ఇక ఈ లిస్టులో జేక్‌ ఫ్రేజర్‌ మెగర్క్‌ (29 బంతుల్లో 125), ఏబీ డివిలియర్స్‌ (31 బంతుల్లో 149), అన్మోల్‌ప్రీత్‌ సింగ్‌ (35 బంతుల్లో 115*) వైభవ్‌ కంటే ముందు వరుసలో ఉన్నారు. కాగా విజయ్‌ హజారే ట్రోఫీలో.. పంజాబీ బ్యాటర్‌ అన్మోల్‌ప్రీత్‌ సింగ్‌ తర్వాత రెండో ఫాస్టెస్ట్‌ సెంచూరియన్‌గా వైభవ్‌ సూర్యవంశీ నిలిచాడు.డివిలియర్స్‌ ప్రపంచ రికార్డు బద్దలుఇక సెంచరీ తర్వాత కూడా తన జోరును కొనసాగించిన వైభవ్‌ సూర్యవంశీ.. కేవలం 54 బంతుల్లోనే 150 పరుగులు పూర్తి చేసుకున్నాడు. తద్వారా లిస్ట్‌-ఎ క్రికెట్‌లో 64 బంతుల్లోనే 150 పరుగులు చేసిన సౌతాఫ్రికా దిగ్గజం ఏబీ డివిలియర్స్‌ పేరిట ఉన్న ప్రపంచ రికార్డును ఈ ఎడమచేతి వాటం బ్యాటర్‌ బద్దలు కొట్టాడు. డబుల్‌ సెంచరీ మిస్‌డబుల్‌ సెంచరీ మిస్‌ దిశగా దూసుకువెళ్లిన వైభవ్‌ సూర్యవంశీకి చేదు అనుభవం ఎదురైంది. టెచి నెరి బౌలింగ్‌లో షాట్‌ ఆడే క్రమంలో టెచి డోరియాకు క్యాచ్‌ ఇవ్వడంతో వైభవ్‌ తుఫాన్‌ ఇన్నింగ్స్‌కు తెరపడింది.మొత్తంగా అరుణాచల్‌ ప్రదేశ్‌తో మ్యాచ్‌లో84 బంతులు ఎదుర్కొన్న వైభవ్‌.. 16 ఫోర్లు, 15 సిక్సర్ల సాయంతో 190 పరుగులు చేశాడు. లిస్ట్‌-ఎ క్రికెట్‌లో డబుల్‌ సెంచరీకి పది పరుగుల దూరంలో నిలిచాడు. ఇక 30 ఓవర్లలో బిహార్‌ రెండు వికెట్ల నష్టానికి ఏకంగా 282 పరుగులు సాధించింది.

పాకిస్తాన్‌ క్రికెట్‌ జట్టు అభిమానులు మరోసారి తమ వక్రబుద్ధిని చాటుకున్నారు. భారత అండర్‌-19 క్రికెటర్లపై విద్వేష విషం చిమ్మారు. ప్రధానంగా పద్నాలుగేళ్ల వైభవ్‌ సూర్యవంశీని టార్గెట్‌ చేస్తూ చిల్లర చేష్టలకు దిగారు.ఫైనల్లో పాక్‌ గెలుపుఏసీసీ మెన్స్‌ ఆసియా కప్‌ (యూత్‌ వన్డే)-2025 టోర్నమెంట్‌ దుబాయ్‌ (Dubai) వేదికగా ఇటీవలే ముగిసిన విషయం తెలిసిందే. ఇందులో భాగంగా దాయాదులు భారత్‌- పాకిస్తాన్‌.. గ్రూప్‌-ఎ నుంచి పోటీపడ్డాయి. లీగ్‌ దశలో పాక్‌ను భారత్‌ ఓడించగా.. ఫైనల్లో పాకిస్తాన్‌ 191 పరుగుల తేడాతో యువ భారత జట్టుపై గెలిచి చాంపియన్‌గా నిలిచింది.ఇక ఆసియా కప్‌ అండర్‌-19 టైటిల్‌ను భారత్‌ ఇప్పటికే ఎనిమిదిసార్లు గెలవగా.. పాక్‌ తాజాగా రెండోసారి ట్రోఫీని ముద్దాడింది. అయితే, ఈ మ్యాచ్‌ సందర్భంగా పాక్‌ ఆటగాళ్లు.. భారత ప్లేయర్లను రెచ్చగొట్టగా అందుకు ధీటుగా సమాధానమిచ్చారు. ముఖ్యంగా విధ్వంసకర ఓపెనర్‌ వైభవ్‌ సూర్యవంశీ.. పాక్‌ ఆటగాళ్లకు వారి శైలిలోనే ఘాటుగా జవాబిచ్చాడు.చిల్లర చేష్టలు.. వైభవ్‌ సూర్యవంశీ ఏం చేశాడంటే..ఈ నేపథ్యంలో మ్యాచ్‌ అనంతరం భారత అండర్‌-19 ఆటగాళ్లు టీమ్‌ బస్‌ ఎక్కే వేళ.. అక్కడికి చేరుకున్న పాక్‌ అభిమానులు.. యువ క్రికెటర్లను హేళన చేస్తూ కామెంట్లు చేశారు. ముఖ్యంగా వైభవ్‌ సూర్యవంశీ (Vaibhav Suryavanshi)పై అనుచిత రీతిలో కామెంట్లు చేస్తూ రాక్షసానందం పొందారు. అయితే, ఇక్కడ వైభవ్‌ హుందాగా ప్రవర్తించడం విశేషం.ఓవైపు.. వయసులో పెద్ద అయిన పాక్‌ ఫ్యాన్స్‌ తన పట్ల విద్వేషం ప్రదర్శిస్తున్నా.. వైభవ్‌ మాత్రం అసలు ఆ వైపు కూడా చూడకుండా పక్కవాళ్లతో మాట్లాడుతూ వెళ్లి బస్సు ఎక్కాడు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.చిన్నపిల్లాడిపై ఇంత విద్వేషమా?ఈ నేపథ్యంలో.. ‘‘పద్నాలుగేళ్ల వయసులోనే క్రికెట్‌లో సంచలనాలు సృష్టిస్తున్న వైభవ్‌ను సిగ్గు లేకుండా హేళన చేస్తున్నారు. అండర్‌-19 ఆసియా కప్‌ గెలిస్తే ఏదో ప్రపంచ చాంపియన్లు అయినట్లు ఆ బిల్డప్‌ ఎందుకు?చిన్నపిల్లాడి పట్ల మీరు ప్రవర్తించిన తీరు మీ సంస్కారానికి అద్దం పడుతోంది. మరీ ఇంత అసూయ పనికిరాదు. ఇప్పటికైనా మీ వక్రబుద్ధిని మార్చుకోండి. చిన్నపిల్లాడే అయినా అతడు ఎంత హుందాగా ఉన్నాడో చూడండి. తనని చూసైనా నేర్చుకోండి’’ అని నెటిజన్లు హితవు పలుకుతున్నారు. కాగా ఆసియా కప్‌ టోర్నీలో వైభవ్‌ సూర్యవంశీ 252 పరుగులు సాధించాడు. ఇందులో ఓ భారీ శతకం (171) ఉంది.చదవండి: వరల్డ్‌కప్‌లో టీమిండియా ఫినిషర్‌ ఎవరు?Pakistan’s fans are acting shamelessly and they have no sense of shame whatsoever.👀These people are booing 14-year-old Vaibhav Suryavanshi just because Pakistan won a ‘cheap’ U19 Asia Cup. They’re acting like Pakistan won the World Cup.🤦🏻This is why Pakistani people have no… pic.twitter.com/D1X6lgshr0— Mention Cricket (@MentionCricket) December 22, 2025

వైభవ్ సూర్యవంశీ.. క్రికెట్ అభిమానులకు పరిచయం అక్కర్లేని పేరు. కేవలం 14 ఏళ్ల వయస్సులోనే విధ్వంసక‌ర బ్యాటింగ్‌తో మొత్తం క్రికెట్ ప్రపంచాన్ని తన వైపు తిప్పుకొన్న యువ సంచలనం అతడు. ఐపీఎల్‌ చరిత్రలోనే అమ్ముడైన అతి పిన్న వయష్కుడైన ఆటగాడిగా నుంచి.. అండర్-19 స్థాయిలో మెరుపు సెంచరీలు బాదడం వరకు అతడి ప్రయాణం నిజంగా ఒక అద్భుతం. అయితే అంత‌ర్జాతీయ అరంగేట్రానికి అడుగు దూరంలో నిలిచిన వైభవ్‌.. కొన్ని పాఠాలు నేర్చుకోవాల్సిన అవ‌స‌ర‌ముంది. వైభ‌వ్‌కు అద్భుత‌మైన టాలెంట్ ఉంద‌న‌డంలో ఎటువంటి సందేహం లేదు. కానీ జూనియ‌ర్ క్రికెట్‌కు సీనియ‌ర్ క్రికెట్‌కు చాలా తేడా ఉంటుంది.హిట్టింగ్ ఒక్కటే కాదు..క్రికెట్ ఒక చద‌రంగం వంటిది. ఎక్కడ ఎత్తుకు పై ఎత్తు వేయాలో.. ఎక్కడ తగ్గాలో స్పష్టంగా తెలియాలి. సీనియర్ స్ధాయిలో రాణించాలంటే కేవ‌లం హిట్టింగ్ చేసే సత్తా ఉంటే స‌రిపోదు. వీరేంద్ర సెహ్వాగ్ వంటి దిగ్గజాలు విధ్వంసకర ఆటగాళ్లగా పేరు గాంచినప్పటికి.. తమ శైలికి విరుద్దంగా ఆడి జట్టును గెలిపించిన సందర్భాలు ఎన్నో ఉన్నాయి. ఇటీవల ముగిసిన అండర్‌-19 ఆసియాకప్‌నే ఉదాహరణగా తీసుకుందాం.యూఏఈ, మలేషియా వంటి పసికూనలపై విధ్వసంకర బ్యాటింగ్‌తో విరుచుకుపడ్డ వైభవ్‌.. కీలకమైన ఫైనల్లో పాకిస్తాన్‌పై మాత్రం విఫలమయ్యాడు. కేవ‌లం ప‌ది బంతుల్లో 26 ప‌రుగులు చేసి పెవిలియ‌న్‌కు చేరాడు. 50 ఓవ‌ర్ల ఫార్మాట్‌లో జ‌ట్టుకు కావాల్సింది ఇది కాదు. నిల‌క‌డ‌గా ఆడి త‌న ల‌భించిన ఆరంభాల‌ను భారీ స్కోర్ల‌గా మ‌లుచుకోవాలి. అప్పుడే జ‌ట్టు విజ‌యాల్లో స‌ద‌రు ఆట‌గాడు భాగం అవుతాడు. వైభ‌వ్ త్వ‌రగా ఔట్ కావ‌డం కూడా భార‌త్ ఓట‌మికి ప్ర‌ధాన కార‌ణంగా చెప్పుకోవ‌చ్చు. అదే వైభ‌వ్ ఒక ప‌ది ప‌దేహేను ఓవ‌ర్ల పాటు కాస్త ఆచితూచి ఆడి క్రీజులో నిల‌బ‌డి ఉంటే ప‌రిస్థితి భిన్నంగా ఉండేది. ప‌రిస్థితికి త‌గ్గ‌ట్టు ఆడ‌డం నేర్చుకోవాలి. ఎప్పుడు డిఫెన్సివ్‌గా ఆడాలి.. ఎప్పుడు ఎటాక్ చేయాలో తెలుసుకోవాలి. ఈ విష‌యంలో అతడు ఇంకా ప‌రిణితి చెందాలి. ముఖ్యంగా స్పిన్ బౌలింగ్‌లో సింగిల్స్ తీస్తూ స్ట్రైక్ రొటేట్ చేయడం,షార్ట్ బంతులను ఎదుర్కోవడంలో సూర్య‌వంశీ ఇంకా మెరుగుప‌డాలి.టాలెంట్ ఉంటే స‌రిపోదు..క్రికెట్ వంటి జేంటిల్ మ్యాన్ గేమ్‌లో నిలదొక్క‌కోవాలంటే కేవ‌లం ప్ర‌తిభ ఉంటే స‌రిపోదు.. మ‌న ప్ర‌వ‌ర్త‌న కూడా ముఖ్యం. ఆసియా కప్ ఫైనల్‌లో పాకిస్థాన్ బౌలర్ అలీ రాజా- వైభ‌వ్ సూర్య‌వంశీ మ‌ధ్య జ‌రిగిన వాగ్వాదం తీవ్ర చ‌ర్చనీయాంశ‌మైంది. వైభ‌వ్‌ను ఔట్ చేసిన అనంత‌రం అలీ రాజా స్లెడ్జ్ చేశాడు. అయితే త‌న స‌హ‌నాన్ని కోల్పోయి వైభ‌వ్‌.. త‌న కాలి షూ వైపు చూపిస్తూ దుర్భాషలాడాడు. ఈ విషయంపై బీసీసీఐ కూడా సీరియస్ అయినట్లు తెలుస్తోంది. ఎందుకంటే మైదానంలో దూకుడు అవసరమే కానీ.. అది హుందాతనాన్ని దాటకూడదు.హద్దు దాటకూడదు..కాగా క్రికెటర్‌గా చిన్నవయసులో వచ్చిన కీర్తి ప్రతిష్ఠలను, డబ్బును హ్యాండిల్ చేయడం అంత సులువు కాదు. వైభవ్ అతి పిన్న వయస్సులోనే రాజస్తాన్ రాయల్స్ తరపున ఐపీఎల్ కాంట్రాక్ట్ పొందాడు. దీంతో ఈ బిహార్ ఆటగాడు ఓవర్‌నైట్ కోటీశ్వరుడిగా మారిపోయాడు. అంతేకాకుండా పేరు ప్రతిష్ఠలను కూడా సంపాదించుకున్నాడు. కాబట్టి ఒక హోదా పొందిన వైభవ్ తన కెరీర్ పక్క త్రోవపట్టకుండా జాగ్రత్త పడాలి. ఎందుకంటే ఇప్పటికే చాలా మంది క్రికెటర్లు అలా వచ్చి ఇలా వెళ్లిపోయారు. ఈ జాబితాలో వినోద్ కాంబ్లీ, పృథ్వీ షా లాంటి ఆటగాళ్లు ఉన్నారు. పృథ్వీ షాను తన కెరీర్ ఆరంభంలో భారత క్రికెట్‌కు మరో సచిన్ టెండూల్కర్ దొరికాడని అంతా భావించారు. అందుకు తగ్గట్టే తన అరంగేట్ర టెస్టులోనే సెంచరీ, ఐపీఎల్‌లో విధ్వంసకర బ్యాటింగ్‌తో అతడి పేరు మారుమ్రోగింది. కానీ కొన్నాళ్లకే తన లభించిన డబ్బును, కీర్తి ప్రతిష్ఠలను హ్యాండిల్ చేయలేక ఒక సాధారణ క్రికెటర్‌గా మిగిలిపోయాడు.జైశ్వాల్ ఒక రోల్ మోడల్‌..వైభవ్ సూర్య వంశీ.. తన రాజస్తాన్ రాయల్స్ టీమ్ యశస్వి జైశ్వాల్‌ను ఆదర్శంగా తీసుకోవాలి. జైశ్వాల్ అతి తక్కువ కాలంలోనే ఒక స్టార్ క్రికెటర్‌గా ఎదిగినా.. తన వినయాన్ని, ఆటపై ఫోకస్‌ను ఎప్పుడూ కోల్పోలేదు. ఐపీఎల్ అనేది ఒక వేదిక మాత్రమే.. అదే చివరి లక్ష్యం కాదని వైభవ్ గుర్తించాలి. ఇటీవలే దక్షిణాఫ్రికాతో జరిగిన వన్డే సిరీస్‌లో తొలి రెండు మ్యాచ్‌లలో విఫలమైన జైశ్వాల్ పెద్ద ఎత్తున విమర్శలు వచ్చాయి. కానీ అతడు ఎక్కడా తన విశ్వాసాన్ని కోల్పోలేదు. చివరి వన్డేలో సెంచరీతో సత్తాచాటి భారత్‌కు సిరీస్‌ను అందించాడు. ఇది కదా ఒక ఛాంపియన్ క్రికెటర్ లక్షణం.ఓవర్ కాన్ఫడెన్స్ వద్దు..వైభవ్ ఆటలో అతి విశ్వాసం కన్పిస్తోంది. అయితే సిక్స్.. లేదంటే అవుట్ అనే ధోరణిలో అతడు బ్యాటింగ్ చేస్తున్నాడు. ప్రతి బంతిని బౌండరీకి తరలించాలనే ప్రయత్నంలో అతడు తన వికెట్‌ను కోల్పోతున్నాడు. కానీ క్రికెట్ వంటి మాస్టర్ మైండ్ గేమ్‌లో అది ఏ మాత్రం పనికిరాదు. వికెట్ విలువ తెలిసి ఆడినవాడే గొప్ప బ్యాటర్ అవుతాడు. కఠినమైన బంతులను ఆచితూడి ఆడుతూ.. సులువైన బంతులను ఫనిష్ చేసేవాడే వరల్డ్ క్లాస్ బ్యాటర్ కాగలడు.

భారత్‌, పాకిస్తాన్‌ మధ్య ఇవాళ (డిసెంబర్‌ 21) జరిగిన అండర్‌-19 పురుషుల ఆసియా కప్ ఫైనల్లో ఉద్రికత్త చోటు చేసుకుంది. ఈ మ్యాచ్‌లో 348 పరుగుల భారీ లక్ష్యాన్ని ఛేదిస్తుండగా భారత బ్యాటర్లను పాక్‌ బౌలర్‌ అలీ రజా రెచ్చగొట్టాడు. తొలుత భారత కెప్టెన్‌ ఆయుశ్‌ మాత్రేను టార్గెట్‌ చేసిన రజా.. ఆతర్వాత చిచ్చరపిడుగు వైభవ్‌ సూర్యవంశీని గెలికాడు. ఇద్దరూ తగు రీతిలో రజాకు సమాధానం​ చెప్పడంతో వాతావరణం వేడెక్కింది.ఏమన్నావురా..?భారీ లక్ష్య ఛేదనలో భారత కెప్టెన్‌ ఆయుశ్‌ మాత్రే పరుగులు చేసేందుకు ఇబ్బంది పడుతున్నాడు. ఈ దశలో అలీ రజా అద్బుతమైన బంతితో మాత్రేను ఔట్‌ చేశాడు. ఔట్‌ చేసిన ఆనందంలో రజా మాత్రే పట్ల దురుసుగా స్పందించాడు. ఇక చాలు వెళ్లు అన్నట్లు హావభావాలు ప్రదర్శించాడు. దీంతో చిర్రెత్తిపోయిన మాత్రే ఏమన్నావురా అన్నట్లు రజా మీదికి వెళ్లాడు. దీంతో కాసేపు ఉద్రిక్త వాతావరణం నెలకొంది.वैभव सूर्यवंशी पाकिस्तानियों को उनकी औकात बताते हुए ।#INDvsPAK #vaibhavsuryavanshi pic.twitter.com/NpoPl5hBFA— सनातन सर्वोच्च🚩 मोदी का परिवार (@sanatani58) December 21, 2025నీ స్థాయి నా కాళ్ల కింద..!మాత్రేని గెలికి చీవాట్లు తిన్న రజా వైభవ్‌ సూర్యవంశీతో కూడా అలాగే ప్రవర్తించాడు. సిక్సర్‌తో ఛేదన ప్రారంభించిన సూర్యవంశీని (10 బంతుల్లో 26; ఫోర్‌, 3 సిక్సర్లు) ఔట్‌ చేసిన రజా ఓవరాక్షన్‌ చేశాడు. సూర్యవంశీ​కి ఫియరీ సెండాఫ్‌ ఇచ్చే ప్రయత్నం చేశాడు. రజా ఓవరాక్షన్‌కు సూర్యవంశీ కూడా తగు రీతిలో బదులిచ్చాడు. నీ స్థాయి నా కాళ్ల కింద అన్నట్లు రజాకు బుద్ది చెప్పాడు. దీనికి సంబంధించిన వీడియో సోషల్‌మీడియాలో వైరలవుతుంది.టీమిండియాకు పరాభవం348 పరుగుల భారీ లక్ష్య ఛేదనలో టీమిండియా తడబడింది. ఆది నుంచే క్రమం తప్పకుండా వికెట్లు కోల్పోతూ ఓటమిని కొని తెచ్చుకుంది. 26.2 ఓవర్లలో 156 పరుగులు మాత్రమే చేసి ఆలౌటైంది. ఫలితంగా 191 పరుగుల భారీ తేడాతో పరాజయంపాలైంది. పాక్‌ బౌలర్లలో అలీ రజా 4 వికెట్లు తీసి భారత పతనాన్ని శాశించాడు. మొహమ్మద్‌ సయ్యమ్‌, అబ్దుల్‌ సుభాన్‌, సుజైఫా ఎహసాన్‌ తలో 2 వికెట్లు తీసి టీమిండియాను దెబ్బకొట్టారు.భారత్‌ తరఫున చిచ్చరపిడుగు వైభవ్‌ సూర్యవంశీ (10 బంతుల్లో 26; ఫోర్‌, 3 సిక్సర్లు) సిక్సర్‌తో ఛేదనను ప్రారంభించినా కొద్ది సేపటికే ఔటయ్యాడు. అంతకుముందే కెప్టెన్‌ ఆయుశ్‌ మాత్రే (2), స్టార్‌ ప్లేయర్‌ ఆరోన్‌ జార్జ్‌ (16) పెవిలియన్‌కు చేరారు. 86 పరుగులకే 6 వికెట్లు కోల్పోవడంతో ఆదిలోనే భారత ఓటమి ఖరారైంది.ఆఖర్లో దీపేశ్‌ దేవేంద్రన్‌ (36) కంటితుడుపుగా బ్యాట్‌ ఝులిపించాడు. భారత ఇన్నింగ్స్‌లో ఇతనే టాప్‌ స్కోరర్‌. మిగతా ఆటగాళ్లలో విహాన్‌ మల్హోత్రా 7, వేదాంత్‌ త్రివేది 9, అభిగ్యాన్‌ కుందు 13, కనిష్క్‌ చౌహాన్‌ 9, ఖిలన్‌ పటేల్‌ 19, హెనిల్‌ పటేల్‌ 6 పరుగులు చేసి ఔటయ్యారు.అంతకుముందు టాస్‌ ఓడి తొలుత బ్యాటింగ్‌ చేసిన పాక్‌.. ఓపెనర్‌ సమీర్‌ మిన్హాస్‌ (113 బంతుల్లో 172; 17 ఫోర్లు, 9 సిక్సర్లు) భారీ శతకంతో చెలరేగడంతో నిర్ణీత 50 ఓవర్లలో 8 వికెట్ల నష్టానికి 347 పరుగులు చేసింది. అహ్మద్‌ హుసేన్‌ (56), ఉస్మాన్‌ ఖాన్‌ (35) పర్వాలేదనిపించారు. ఓ దశలో పాక్‌ 400 పరుగుల మార్కు దాటుందని అనిపించింది. అయితే భారత బౌలర్లు పుంజుకోవడంతో పాక్‌ ఆఖర్లో త్వరితగతిన 5 వికెట్లు కోల్పోయింది. ఇదే సమయంలో స్కోర్‌ కూడా నెమ్మదించింది.భారత బౌలర్లలో దీపేశ్‌ దేవేంద్రన్‌ 3 వికెట్లు పడగొట్టగా.. హెనిల్‌ పటేల్‌, ఖిలన్‌ పటేల్‌ తలో 2, కనిష్క్‌ చౌహాన్‌ ఓ వికెట్‌ తీశారు. కాగా, ఈ టోర్నీ సెమీఫైనల్లో భారత్‌ శ్రీలంకను.. పాక్‌ బంగ్లాదేశ్‌ను ఓడించి ఫైనల్స్‌కు చేరాయి. గత ఎడిషన్‌లోనూ ఫైనల్లోనే ఓడిన (బంగ్లాదేశ్‌) భారత్‌ మరోసారి రన్నరప్‌తోనే సరిపెట్టుకుంది.

మరోసారి మెగా ఫైనల్లో భారత్‌- పాకిస్తాన్‌ తలపడనున్నాయి. ఏసీసీ మెన్స్‌ ఆసియా కప్‌-2025 టోర్నీ టైటిల్‌ పోరులో దాయాదులు అమీతుమీ తేల్చుకోనున్నాయి. కాగా దుబాయ్‌ వేదికగా శుక్రవారం జరిగిన తొలి సెమీస్‌లో ఆయుశ్‌ మాత్రే (Ayush Mhatre) సారథ్యంలోని భారత్‌ 8 వికెట్ల తేడాతో శ్రీలంకపై విజయఢంకా మోగించిన విషయం తెలిసిందే. ఐసీసీ అకాడమీ గ్రౌండ్‌లో ముందుగా బ్యాటింగ్‌కు దిగిన లంక నిర్ణీత 20 ఓవర్లలో 8 వికెట్ల నష్టానికి 138 పరుగులు చేసింది. పవర్‌ప్లేలో 28 పరుగులకే 3 కీలక వికెట్లు కోల్పోయిన లంకను కాసేపు కెప్టెన్‌ విమత్‌ దిన్సార (32; 4 ఫోర్లు), చమిక హీనతిగల (42; 3 ఫోర్లు) ఆదుకున్నారు. ఇద్దరు తర్వాతి 6 ఓవర్ల పాటు వికెట్‌ పడనీయకుండా నాలుగో వికెట్‌కు 45 పరుగులు జతచేశారు.ఆఖర్లో సేత్మిక సేనెవిరత్నే (22 బంతుల్లో 30; 2 ఫోర్లు, 1 సిక్స్‌) ధాటిగా ఆడటంతో లంక 130 పైచిలుకు స్కోరు చేయగలిగింది. యువ భారత ఓపెనర్లు ఆయుశ్‌ మాత్రే (7), వైభవ్‌ సూర్యవంశీ (Vaibhav Suryavanshi- 9)లు విఫలమయ్యారు. 25/2 స్కోరు వద్ద లంక పండగ చేసుకుంది.విహాన్‌ మల్హోత్ర, ఆరోన్‌ జార్జ్‌ ధనాధన్‌అయితే, వైస్‌ కెప్టెన్‌ విహాన్‌ మల్హోత్ర (45 బంతుల్లో 61 నాటౌట్‌; 4 ఫోర్లు, 2 సిక్స్‌లు), హైదరాబాదీ బ్యాటర్‌ ఆరోన్‌ జార్జ్‌ (49 బంతుల్లో 58 నాటౌట్‌; 4 ఫోర్లు, 1 సిక్స్‌) అజేయ అర్ధ శతకాలతో లంకేయుల ఆశలపై నీళ్లు చల్లారు. ఇద్దరు జట్టును గెలిపించేదాకా క్రీజును అట్టిపెట్టుకోవడంతో లంక బౌలర్లు ఆపసోపాలు పడ్డారు.అబేధ్యమైన మూడో వికెట్‌కు విహాన్‌, ఆరోన్‌ 114 పరుగులు జోడించారు. మూడు రోజుల క్రితం జరిగిన ఐపీఎల్‌ ఆటగాళ్ల వేలంలో లెఫ్ట్‌హ్యాండ్‌ బ్యాటర్‌ విహాన్‌ను రాయల్‌ చాలెంజర్స్‌ బెంగళూరు (ఆర్సీబీ) ఫ్రాంచైజీ ప్రాథమిక ధర రూ. 30 లక్షలకు కొనుగోలు చేసింది. కాగా వర్షం వల్ల ఈ యూత్‌ వన్డేను 20 ఓవర్లకు కుదించారు.పదకొండేళ్ల తర్వాతఇక మరో సెమీఫైనల్లో దుబాయ్‌లోని ది సెవెన్స్‌ స్టేడియంలో పాకిస్తాన్‌ కూడా 8 వికెట్ల తేడాతోనే బంగ్లాదేశ్‌పై గెలుపొందింది. వర్షం కారణంగా 27 ఓవర్లకు మ్యాచ్‌ కుదించగా.. బంగ్లాదేశ్‌ 26.3 ఓవర్లలో 121 పరుగులు చేసి ఆలౌట్‌ అయింది. అనంతరం 16.3 ఓవర్లలోనే పాకిస్తాన్‌ కేవలం రెండు వికెట్లు నష్టపోయి లక్ష్యాన్ని పూర్తి చేసింది. తద్వారా ఫైనల్‌కు అర్హత సాధించింది.కాగా పదకొండేళ్ల సుదీర్ఘ విరామం తర్వాత యువ చిరకాల ప్రత్యర్థులు భారత్‌- పాక్‌ (అండర్‌–19లో) ఆసియా కప్‌ ఫైనల్లో తలపడనున్నాయి. చివరిసారిగా 2014లో జరిగిన ఆసియాకప్‌ ఫైనల్లో పాక్‌ను ఓడించిన యువ భారత్‌ టైటిల్‌ సాధించింది. కాగా తాజా ఆసియా కప్‌ లీగ్‌ దశ మ్యాచ్‌లో భారత్‌ పాక్‌ను చిత్తుగా ఓడించిన విషయం తెలిసిందే.వేదిక, టైమింగ్స్‌.. లైవ్‌ స్ట్రీమింగ్‌ ఎక్కడంటేభారత్‌- పాకిస్తాన్‌ ఫైనల్‌ మ్యాచ్‌కు దుబాయ్‌లోని ఐసీసీ అకాడమీ గ్రౌండ్‌ వేదిక. భారత కాలమానం ప్రకారం ఉదయం 10.30 నిమిషాలకు మ్యాచ్‌ మొదలు అవుతుంది. సోనీ స్పోర్ట్స్‌ నెట్‌వర్క్‌ (టీవీ), సోనీ లివ్‌ (డిజిటల్‌) యాప్‌లో ప్రత్యక్ష ప్రసారం.చదవండి: విరాట్‌ కోహ్లి ఫ్యాన్స్‌కు శుభవార్త.. కెప్టెన్‌గా రిషభ్‌ పంత్‌

భారత క్రీడా‌ రంగంలో ఈ ఏడాది యువ ప్లేయర్లు దుమ్ములేపారు. ఐపీఎల్‌-2025లో పద్నాలుగేళ్ల వైభవ్‌ సూర్యవంశీతో పాటు ఆయుశ్‌ మాత్రే సంచలన ప్రదర్శనలు నమోదు చేయగా.. చెస్‌లో దివ్యా దేశ్‌ముఖ్‌ మహిళల వరల్డ్‌కప్‌ విజేతగా నిలిచి సత్తా చాటింది. వీరితో పాటు 2025లో అద్భుత ఆట తీరుతో ఆకట్టుకున్న భారత యువ ఆటగాళ్లు, వారి విజయాలను నెమరు వేసుకుందాం!దూసుకొచ్చిన యువ కెరటంభారత క్రికెట్‌లో నయా సెన్సేషన్‌ వైభవ్‌ సూర్యవంశీ (Vaibhav Suryavanshi). హర్యానాకు చెందిన ఈ పద్నాలుగేళ్ల చిచ్చర పిడుగు రికార్డులు సృష్టించడమే పనిగా పెట్టుకున్నాడు. ఐపీఎల్‌ వేలంలో రాజస్తాన్‌ రాయల్స్‌ అతడిని ఏకంగా 1.10 కోట్లకు కొనుగోలు చేసింది.ఈ క్రమంలో ఐపీఎల్‌లో అరంగేట్రం చేసిన వైభవ్‌ గుజరాత్‌ టైటాన్స్‌తో మ్యాచ్‌లో కేవలం 38 బంతుల్లోనే 101 పరుగులు సాధించాడు. తద్వారా అత్యంత పిన్న వయసులో ఐపీఎల్‌లో శతక్కొట్టిన ప్లేయర్‌గా చరిత్ర సృష్టించాడు. అదే విధంగా క్యాష్‌ రిచ్‌ లీగ్‌లో ఫాస్టెస్ట్‌ సెంచరీ చేసిన రెండో ఆటగాడిగానూ రికార్డు సాధించాడు. ఆ తర్వాత భారత్‌ అండర్‌-19 జట్టు తరఫునా యూత్‌ వన్డే, టెస్టుల్లో సెంచరీలతో చెలరేగాడు.ఆయుశ్‌ మాత్రేమహారాష్ట్రకు చెందిన ఆయుశ్‌ మాత్రే ఈ ఏడాది చెన్నై సూపర్‌ కింగ్స్‌ తరఫున ఐపీఎల్‌లో అడుగుపెట్టాడు. గుజరాత్‌తో మ్యాచ్‌లో ఒకే ఓవర్లో 28 పరుగులు చేసి అందరి దృష్టిని ఆకర్షించాడు. వైభవ్‌ మాదిరే సెంచరీ బాదాలని చూసిన ఆయుశ్‌ ఆర్సీబీతో మ్యాచ్‌లో 48 బంతుల్లోనే 94 పరుగులు చేశాడు. అయితే తృటిలో శతకం చేజార్చుకున్నాడు.ఇక వైభవ్‌ బ్యాటర్‌గా భారత అండర్‌-19 జట్టు తరఫున సత్తా చాటుతుండగా.. పదిహేడేళ్ల ఆయుశ్‌ అతడికి ఓపెనింగ్‌ జోడీగా ఉంటూనే కెప్టెన్‌గానూ కీలక బాధ్యతను సమర్థవంతంగా నెరవేరుస్తున్నాడు.దివ్య దేశ్‌ముఖ్‌భారత చెస్‌ రంగంలో సరికొత్త సంచలన దివ్య దేశ్‌ముఖ్‌. ఫిడే మహిళల వరల్డ్‌కప్‌-2025లో ఈ మహారాష్ట్ర అమ్మాయి అద్భుత విజయం సాధించింది. సీనియర్‌ గ్రాండ్‌ మాస్టర్‌ కోనేరు హంపిని ఓడించి టైటిల్‌ కైవసం చేసుకుంది.తద్వారా అత్యంత పిన్నవయసులోనే (19 ఏళ్లు) ఈ ఘనత సాధించిన చెస్‌ క్రీడాకారిణిగా చరిత్ర సృష్టించింది. అంతేకాదు.. గ్రాండ్‌ మాస్టర్‌ హోదా పొందడానికి ముందే ఈ ఫీట్‌ అందుకున్న ప్లేయర్‌గానూ రికార్డు సాధించింది. వరల్డ్‌కప్‌ విజయంతోనే దివ్యకు గ్రాండ్‌ మాస్టర్‌ హోదా దక్కింది. ఓవరాల్‌గా ఇండియాలో 88వ, మహిళలలో 44వ గ్రాండ్‌ మాస్టర్‌గా దివ్య నిలిచింది.ఇక వరల్డ్‌కప్‌ చాంపియన్‌గా నిలవడంతో పాటు ఫిడే మహిళల క్యాండిడేట్స్‌ టోర్నమెంట్‌-2026​కు కూడా దివ్య దేశ్‌ముఖ్‌ అర్హత సాధించింది.డి. గుకేశ్‌గతేడాది వరల్డ్‌చెస్‌ చాంపియన్‌గా నిలిచిన దొమ్మరాజు గుకేశ్‌ ఈ ఏడాదిని ఫిడే గ్రాండ్‌ స్విస్‌-2025లో విజయం సాధించాడు. అంతేకాదు.. తొలిసారిగా తన కెరీర్‌లో అత్యుత్తమంగా ఫిడే క్లాసికల్‌ రేటింగ్‌ లిస్టులో వరల్డ్‌ నంబర్‌ 3గా ఈ చెన్నై చిన్నోడు నిలిచాడు. ఆర్‌. ప్రజ్ఞానంద, వైశాలి రమేశ్‌బాబుచెన్నైకి చెందిన అక్కాతమ్ముళ్లైన ఈ చెస్‌ గ్రాండ్‌మాస్టర్లు ఈ ఏడాది కూడా తమ హవా కొనసాగించారు. ప్రజ్ఞానంద టాటా స్టీల్‌ చెస్‌-2025లో గుకేశ్‌ను టై బ్రేకర్‌లో ఓడించి టైటిల్‌ సాధించాడు.తద్వారా ఫిడే రేటింగ్స్‌లో అత్యుత్తమంగా వరల్డ్‌ నంబర్‌ 8 ర్యాంకు సాధించాడు. ఈ ఏడాది నిలకడైన ప్రదర్శనతో అతడు ఆకట్టుకున్నాడు.ఇక వైశాలి రమేశ్‌ బాబు వరుసగా రెండో ఏడాది ఫిడే గ్రాండ్‌ స్విస్‌ 2025 టైటిల్‌ గెలుచుకుంది. తద్వారా ఈ ఘనత సాధించిన తొలి భారత మహిళా చెస్‌ ప్లేయర్‌గా నిలిచింది. ఈ ప్రదర్శన నేపథ్యంలో వుమెన్స్‌ క్యాండిడేట్స్‌కు అర్హత సాధించింది. ఆమె కంటే ముందు హంపి, దివ్య ఈ క్వాలిఫై అయ్యారు.టాటా స్టీల్‌ చాలెంజర్స్‌లోనూ సత్తా చాటిన వైశాలి రమేశ్‌బాబు మహిళల రేటింగ్స్‌లో ఇండియా నంబర్‌ 2గా నిలిచింది. వీరితో పాటు తెలంగాణ స్టార్‌ అర్జున్‌ ఇరిగేసి కూడా ఈ ఏడాది మెరుగైన ప్రదర్శన ఇచ్చాడు.మరెన్నో విజయాలుఫ్రీస్టైల్‌ చెస్‌ గ్రాండ్‌స్లామ్‌ ఫైనల్స్‌లో మాగ్నస్‌ కార్ల్‌సన్‌నే ఓడించి నాకౌట్‌కు చేరాడు. అంతేకాదు.. రాపిడ్‌ రౌండ్‌ రాబిన్‌ స్టేజ్‌లోనూ మరోసారి అతడికి ఓటమిని రుచి చూపించాడు. అయితే, క్వార్టర్‌ఫైనల్స్‌లో విన్సెంట్‌ కెమెర్‌ చేతిలో ఓడిపోవడంతో అర్జున్‌ సెమీస్‌ చేరే అవకాశాన్ని కోల్పోయాడు.ఇక ఇతరులలో పారా ఆర్చర్‌ శీతల్‌ దేవి ఈ ఏడాది వరల్డ్‌ ఆర్చరీ పారా చాంపియన్‌షిప్స్‌ గెలిచింది. మరోవైపు.. షూటర్‌ సామ్రాట్‌ రాణా ఐఎస్‌ఎస్‌ఎఫ్‌ వరల్డ్‌ చాంపియన్స్‌షిప్స్‌లో పురుషుల 10 మీటర్ల ఎయిర్‌ పిస్టోల్‌ విభాగంలో టైటిల్‌ గెలిచి.. ఈ ఘనత సాధించిన తొలి భారతీయ అథ్లెట్‌గా నిలిచాడు.వీరితో పాటు పారా అథ్లెట్‌ సుమిత్‌ ఆంటిల్‌, అథ్లెట్‌ అనిమేశ్‌ కుజూర్‌ చెప్పుకోదగ్గ విజయాలు సాధించారు. మరోవైపు.. టీమ్‌ ఈవెంట్లలో భారత్‌ తొలిసారి మహిళల క్రికెట్‌ వన్డే వరల్డ్‌కప్‌ గెలవగా.. ఖో-ఖో పురుషుల, మహిళలు.. కబడ్డీ పురుషులు, మహిళా జట్లు చాంపియన్లుగా నిలిచి సత్తా చాటాయి. మహిళల అంధుల క్రికెట్‌ జట్టు టీ20 వరల్డ్‌కప్‌ గెలిచింది. చదవండి: Year-Ender 2025: విరాట్ కోహ్లి నుంచి జాన్ సీనా వ‌ర‌కు..

మలేషియాతో మ్యాచ్‌లో భారత అండర్‌-19 స్టార్‌ వైభవ్‌ సూర్యవంశీ ధనాధన్‌ దంచికొట్టాడు. విధ్వంసకర ఇన్నింగ్స్‌తో బౌలర్లపై విరుచుకుపడుతూ కేవలం పాతిక బంతుల్లోనే యాభై పరుగుల మార్కు అందుకున్నాడు. ఏసీసీ మెన్స్‌ అండర్‌-19 ఆసియా కప్‌-2025 టోర్నీలో భాగంగా.. మంగళవారం మలేషియాతో మ్యాచ్‌లో టాస్‌ ఓడిన భారత్‌ తొలుత బ్యాటింగ్‌కు దిగింది.దుబాయ్‌ వేదికగా ఈ యూత్ వన్డేలో భారత ఓపెనర్‌, కెప్టెన్‌ ఆయుశ్‌ మాత్రే (7 బంతుల్లో 14) నిరాశపరచగా.. వైభవ్‌ (Vaibhav Suryavanshi)మాత్రం తనదైన శైలిలో మెరుపులు మెరిపించాడు. 25 బంతుల్లోనే అర్ధ శతకం పూర్తి చేసుకున్న ఈ లెఫ్టాండర్‌ ఇన్నింగ్స్‌లో ఐదు ఫోర్లు, మూడు సిక్సర్లు ఉన్నాయి.దంచికొట్టిన వైభవ్‌ సూర్యవంశీ.. కానీఅయితే, హాఫ్‌ సెంచరీ పూర్తైన వెంటనే వైభవ్‌ సూర్యవంశీ అవుట్‌ కావడం అభిమానులను నిరాశపరిచింది. మలేషియా బౌలర్‌ ముహమ్మద్‌ అక్రమ్‌ బౌలింగ్‌లో ముహమ్మద్‌ ఎన్‌ ఉర్హానిఫ్‌నకు క్యాచ్‌ ఇవ్వడంతో అతడి ఇన్నింగ్స్‌కు తెరపడింది. కాగా ఆయుశ్‌తో కలిసి వైభవ్‌ తొలి వికెట్‌కు 9 బంతుల్లో 21... రెండో వికెట్‌కు విహాన్‌ మల్హోత్రా (Vihaan Malhotra)తో కలిసి 26.. వేదాంత్‌తో కలిసి మూడో వికెట్‌కు 40 పరుగులు జోడించాడు.అర్ధ శతకాలు పూర్తిఇదిలా ఉంటే.. మలేషియాతో మ్యాచ్‌లో వన్‌డౌన్లో వచ్చిన విహాన్‌ మల్హోత్రా (7) విఫలం కాగా.. మిగిలిన వారిలో వేదాంత్‌ త్రివేది (90) తృటిలో సెంచరీ చేజార్చున్నాడు. అభిజ్ఞాన్‌ కుందు ఏకంగా అజేయ డబుల్‌ సెంచరీ (125 బంతుల్లో 209)తో దుమ్ములేపాడు. ఫలితంగా 50 ఓవర్లలో ఏడు వికెట్ల నష్టానికి ఏకంగా 408 పరుగులు సాధించింది యువ భారత్‌.కాగా గ్రూప్‌-ఎలో భాగంగా భారత్‌ తమ తొలి మ్యాచ్‌లో యూఏఈని 234 పరుగుల తేడాతో మట్టికరిపించింది. అనంతరం దాయాది పాకిస్తాన్‌పై 90 పరుగుల తేడాతో జయభేరి మోగించింది. ఈ క్రమంలో సెమీ ఫైనల్‌కు అర్హత సాధించిన భారత్‌.. మంగళవారం నామమాత్రపు మ్యాచ్‌లో మలేషియాను ఓడించి అజేయంగా నిలవాలని పట్టుదలగా ఉంది. ఇదిలా ఉంటే.. యూఏఈపై శతక్కొట్టిన వైభవ్‌.. పాక్‌తో మ్యాచ్‌ (5)లో మాత్రం విఫలమయ్యాడు.చదవండి: సర్ఫరాజ్‌కు జాక్‌పాట్‌!.. మాక్‌ వేలంలో అమ్ముడు పోయిన ప్లేయర్లు వీరే

అండ‌ర్‌-19 ఆసియాక‌ప్ 2025లో యువ భార‌త జ‌ట్టు జోరు కొన‌సాగుతోంది. ఈ టోర్నీలో భాగంగా ఆదివారం దాయాది పాకిస్తాన్‌తో జ‌రిగిన మ్యాచ్‌లో 90 ప‌రుగుల తేడాతో టీమిండియా ఘ‌న విజ‌యం సాధించింది. ఈ మ్యాచ్‌లో భారత బౌలర్లు అద్భుతం చేశారు. 241 పరుగుల స్వల్ప లక్ష్యాన్ని చేధించలేక పాక్‌ చతికల పడింది. భారత బౌలర్ల ధాటి​కి పాక్‌ అండర్‌ 19 జట్టు 41.2 ఓవర్లలో కేవలం 150 పరుగులకే కుప్పకూలింది. దీపేష్ దేవేంద్రన్, కన్షిక్‌ చౌహన్‌ తలా మూడు వికెట్లతో పాక్‌ పతనాన్ని శాసించారు. వీరితో పాటు కిషాన్‌ కుమార్‌ రెండు వికెట్లు సాధించారు. పేసర్‌ దీపేష్‌ పవర్‌ప్లేలోనే మూడు వికెట్లు పడగొట్టి ప్రత్యర్ధిని దెబ్బతీశాడు.పాక్‌ బ్యాటర్లలో హుజైఫా అహ్సాన్(83 బంతుల్లో 9 ఫోర్లు, 2 సిక్స్‌లతో 70) ఒంటరి పోరాటం చేశాడు. ఓ వైపు వికెట్లు పడతున్నప్పటికి అహ్సాన్‌ మాత్రం దూకుడుగా ఆడి భారత్‌పై ఒత్తిడిపెంచాడు. ఈ క్రమంలో వైభవ్‌ సూర్యవంశీ అద్భుతమైన క్యాచ్‌తో పెవిలియన్‌కు పంపాడు. పాక్‌ ఇన్నింగ్స్‌లో ముగ్గురే ముగ్గురు డబుల్‌ డిజిట్‌ స్కోర్‌ సాధించారు.అదరగొట్టిన ఆరోన్‌..ఇక అంతకుముందు బ్యాటింగ్ చేసిన భారత్ 46.1 ఓవ‌ర్ల‌లో 240 ప‌రుగుల‌కు ఆలౌటైంది. భారత బ్యాటర్లలో భారత బ్యాటర్లలో ఆరోన్‌ జార్జ్‌(85) టాప్‌ స్కోరర్‌గా నిలవగా.. కనిష్క్ చౌహాన్(46), మాత్రే(38) రాణించారు. ఈ మ్యాచ్‌లో వైభవ్ సూర్యవంశీ(5) విఫలమయ్యాడు. పాక్‌ బౌలర్లలో మహ్మద్ సయ్యామ్‌, అబ్దుల్ సుభాన్ తలా మూడు వికెట్లు పడగొట్టారు. చదవండి: IPL 2026: కేకేఆర్‌ కీలక నిర్ణయం..! కెప్టెన్‌గా అతడే?

అండ‌ర్‌-19 ఆసియాక‌ప్‌లో భాగంగా పాకిస్తాన్‌తో జ‌రుగుతున్న మ్యాచ్‌లో భార‌త యువ బ్యాట‌ర్లు త‌డ‌బడ్డారు. టాస్ ఓడి తొలుత బ్యాటింగ్‌కు దిగిన భార‌త్ అండ‌ర్‌-19 జ‌ట్టు 46.1 ఓవ‌ర్ల‌లో 240 ప‌రుగుల‌కు ఆలౌటైంది. వర్షం కారణంగా ఈ మ్యాచ్‌ను 49 ఓవర్లకు కుదించారు. బ్యాటింగ్‌కు దిగిన భారత్‌కు ఆరంభంలోనే భారీ షాక్‌ తగిలింది.సూపర్‌ ఫామ్‌లో ఉన్న స్టార్‌ ఓపెనర్‌ వైభవ్‌ సూర్యవంశీ కేవలం 5 పరుగులు మాత్రమే చేసి పెవిలియన్‌కు చేరాడు. ఆ తర్వాత కెప్టెన్‌ ఆయూష్‌ మాత్రే, హైదరాబాద్‌ కుర్రాడు ఆరోన్‌ జార్జ్‌ ఆచితూచి ఆడుతూ ఇన్నింగ్స్‌ను చక్కదిద్దారు. అనంతరం మాత్రే ఔటయ్యాక విహాన్ మల్హోత్రా(12), వేదాంత్‌(7) వికెట్లను కోల్పోయింది. అనంతరం జార్జ్‌, వికెట్‌ కీపర్‌ అభిజ్ఞాన్ కుండు(22) కాసేపు పాక్‌ బౌలర్లను సమర్ధవంతంగా ఎదుర్కొన్నారు. ఏడో స్ధానంలో బ్యాటింగ్‌కు వచ్చిన కనిష్క్ చౌహాన్ కాస్త దూకుడుగా ఆడాడు. అయితే జార్జ్‌, చౌహన్‌ ఔటయ్యాక భారత టెయిలాండర్లు ఎక్కవ సేపు క్రీజులో నిలవలేకపోయారు.దీంతో మరో 17 బంతులు మిగిలూండగానే టీమిండియా ఆలౌటైంది. భారత బ్యాటర్లలో ఆరోన్‌ జార్జ్‌(85) టాప్‌ స్కోరర్‌గా నిలవగా.. కనిష్క్ చౌహాన్(46), మాత్రే(38) రాణించారు. పాక్‌ బౌలర్లలో మహ్మద్ సయ్యామ్‌, అబ్దుల్ సుభాన్ తలా మూడు వికెట్లు పడగొట్టగా.. నిఖాబ్ షఫీక్ రెండు వికెట్లు సాధించారు.చదవండి: శతక్కొట్టిన జైస్వాల్‌.. సర్ఫరాజ్‌ ధనాధన్‌.. భారీ లక్ష్యాన్ని ఊదేసిన ముంబై

భారీ అంచనాల నడుమ పాకిస్తాన్‌తో మ్యాచ్‌లో బరిలోకి దిగిన భారత యువ క్రికెటర్‌ వైభవ్‌ సూర్యవంశీ విఫలమయ్యాడు. పాక్‌తో మ్యాచ్‌లో ఈ ఓపెనింగ్‌ బ్యాటర్‌ కేవలం ఐదు పరుగులే చేసి నిష్క్రమించాడు. దీంతో అభిమానులు తీవ్ర నిరాశకు లోనయ్యారు.ఏసీసీ మెన్స్‌ అండర్‌-19 ఆసియా కప్‌-2025 (Asia Cup)లో భాగంగా గ్రూప్‌-‘ఎ’ లో ఉన్న భారత్‌- పాక్‌ (Ind vs Pak)మధ్య ఆదివారం మ్యాచ్‌ నిర్వహణకు షెడ్యూల్‌ ఖరారైంది. వన్డే ఫార్మాట్లో జరిగే ఈ టోర్నీలో వర్షం కారణంగా టాస్‌ ఆలస్యం కాగా.. మ్యాచ్‌ను 49 ఓవర్లకు కుదించారు.ధనాధన్‌ ఇన్నింగ్స్‌తో మొదలుపెట్టిన ఆయుశ్‌ఇక దుబాయ్‌లోని ఐసీసీ అకాడమీ గ్రౌండ్‌లో దాయాదితో పోరులో టాస్‌ ఓడిన భారత్‌ తొలుత బ్యాటింగ్‌కు దిగింది. గత మ్యాచ్‌లో యూఏఈపై విఫలమైన ఓపెనర్‌, కెప్టెన్‌ ఆయుశ్‌ మాత్రే (Ayush Mhatre) ఈసారి ధనాధన్‌ ఇన్నింగ్స్‌తో మొదలుపెట్టగా.. మరో ఓపెనర్‌ వైభవ్‌ సూర్యవంశీ మాత్రం ఆది నుంచే తడబడ్డాడు.పాక్‌ బౌలింగ్‌ అటాక్‌ను ఆరంభించిన అలీ రెజా.. తొలి ఓవర్లో కేవలం ఒకే ఒక్క పరుగు ఇచ్చాడు. అతడి బౌలింగ్‌లో నాలుగో బంతికి ఆయుశ్‌ మాత్రే పరుగు తీశాడు. ఇక రెండో ఓవర్లో మొహమ్మద్‌ సయ్యామ్‌ బౌలింగ్‌లో ఆయుశ్‌ ఫోర్‌, సిక్స్‌, ఫోర్‌తో అలరించగా.. వైభవ్‌ మాత్రం ఇక్కడా ఖాతా తెరవలేదు.టచ్‌లోకి వచ్చినట్లే వచ్చిమూడో ఓవర్లో మళ్లీ రెజా రంగంలోకి దిగగా.. తొలి బంతినే బౌండరీకి తరలించి వైభవ్‌ టచ్‌లోకి వచ్చినట్లు కనిపించాడు. తర్వాత ఆయుశ్‌ రెజా బౌలింగ్‌లో రెండు ఫోర్లు బాది సత్తా చాటాడు. అయితే, నాలుగో ఓవర్‌లో మొహమ్మద్‌ సయ్యామ్‌ బౌలింగ్‌లో రెండో బంతిని వైభవ్‌ స్ట్రెయిట్‌ షాట్‌ బాదగా.. అతడు బంతిని క్యాచ్‌ పట్టాడు.దీంతో ఆరు బంతులు ఎదుర్కొన్న వైభవ్‌.. ఒక ఫోర్‌ సాయంతో కేవలం ఐదు పరుగులే చేసి అవుటయ్యాడు. అతడి స్థానంలో హైదరాబాదీ స్టార్‌ ఆరోన్‌ జార్జ్‌ క్రీజులోకి వచ్చాడు. కాగా ఆయుశ్‌ మాత్రే 25 బంతుల్లో 38 పరుగులు చేసి నిష్క్రమించగా.. విహాన్‌ మల్హోత్రా (12), వేదాంత్‌ త్రివేది (7) ఫెయిలయ్యారు. ఫలితంగా 20 ఓవర్ల ఆట పూర్తయ్యేసరికి భారత్‌ నాలుగు వికెట్ల నష్టానికి 114 పరుగులే చేయగలిగింది. కాగా యూఏఈతో గత మ్యాచ్‌లో వైభవ్‌ సూర్యవంశీ భారీ శతకం (171) బాదిన విషయం తెలిసిందే. అయితే, సెమీస్‌ చేరడంలో కీలకమైన పాక్‌తో మ్యాచ్‌లో మాత్రం ఇలా నిరాశపరిచాడు. UPDATE: Asia Cup 2025: పాక్‌తో మ్యాచ్‌.. భారత్‌ స్కోరెంతంటే? చదవండి: IPL 2026: మా మేనేజర్‌ తప్పు వల్లే ఇలా..: కామెరాన్‌ గ్రీన్‌

ఆసియా క్రికెట్‌ మండలి అండర్‌-19 ఆసియా కప్‌ టోర్నీలో భారత్‌తో మ్యాచ్‌లో పాకిస్తాన్‌ టాస్‌ గెలిచింది. దుబాయ్‌లోని ఐసీసీ అకాడమీ గ్రౌండ్‌లో ఆదివారం నాటి మ్యాచ్‌లో.. ఆయుశ్‌ మాత్రే సేనను తొలుత బ్యాటింగ్‌కు ఆహ్వానించింది. వర్షం కారణంగా టాస్‌ ఆలస్యం కాగా.. మ్యాచ్‌ను నలభై తొమ్మిది ఓవర్లకు కుదించారు.తొలి మ్యాచ్‌లలో ఘన విజయాలుకాగా అండర్‌-19 ఆసియా కప్‌లో గ్రూప్‌-ఎ నుంచి భారత్‌, పాకిస్తాన్‌, యూఏఈ, మలేషియా.. గ్రూప్‌-బి నుంచి శ్రీలంక, బంగ్లాదేశ్‌, అఫ్గనిస్తాన్‌, నేపాల్‌ పోటీపడుతున్నాయి. ఈ క్రమంలో తమ తొలి మ్యాచ్‌లో భారత్‌ యూఏఈ (IND vs UAE)ని.. పాక్‌ మలేషియా (PAK vs MLY)ను చిత్తుగా ఓడించి శుభారంభం అందుకున్నాయి. తాజాగా ఆదివారం నాటి మ్యాచ్‌లో దాయాదులు అమీతుమీ తేల్చుకుంటాయి. ఈ మ్యాచ్‌లో భారత చిచ్చరపిడుగు, యూఏఈతో మ్యాచ్‌లో భారీ శతకంతో చెలరేగిన వైభవ్‌ సూర్యవంశీ (Vaibhav Suryavanshi)పైనే కళ్లన్నీ ఉన్నాయి. ఇదిలా ఉంటే.. గ్రూప్‌-బిలో శ్రీలంక, బంగ్లాదేశ్‌ తలా ఒక మ్యాచ్‌ గెలిచి టాప్‌-2లో ఉండగా.. గ్రూప్‌-ఎలో పాక్‌, భారత్‌ తొలి రెండు స్థానాల్లో ఉన్నాయి.భారత్‌ అండర్‌-19 వర్సెస్‌ పాకిస్తాన్‌ అండర్‌-19 తుదిజట్లుభారత్‌ఆయుష్ మాత్రే(కెప్టెన్‌), వైభవ్ సూర్యవంశీ, ఆరోన్ జార్జ్, విహాన్ మల్హోత్రా, వేదాంత్ త్రివేది, అభిజ్ఞాన్ కుందు(వికెట్‌ కీపర్‌), కనిష్క్ చౌహాన్, ఖిలాన్ పటేల్, దీపేష్ దేవేంద్రన్, కిషన్ కుమార్ సింగ్, హెనిల్ పటేల్.పాకిస్తాన్‌ఉస్మాన్ ఖాన్, సమీర్ మిన్హాస్, అలీ హసన్ బలోచ్, అహ్మద్ హుస్సేన్, ఫర్హాన్ యూసఫ్(కెప్టెన్‌), హమ్జా జహూర్(వికెట్‌ కీపర్‌), హుజైఫా అహ్సన్, నిఖాబ్ షఫీక్, అబ్దుల్ సుభాన్, మహ్మద్ సయ్యమ్, అలీ రజా.చదవండి: తుదిజట్టు, బ్యాటింగ్‌ ఆర్డర్‌లో మార్పులు!.. సౌతాఫ్రికా కోచ్‌ ఏమన్నాడంటే..

ఆసియా క్రికెట్‌ మండలి మెన్స్‌ అండర్‌-19 ఆసియా కప్‌-2025 టోర్నీలో భారత్‌ శుభారంభం చేసింది. యునైటెడ్‌ అరబ్‌ ఎమిరేట్స్‌తో శుక్రవారం నాటి మ్యాచ్‌లో ఏకంగా 234 పరుగుల తేడాతో ఘన విజయం సాధించింది.దుబాయ్‌లో ఐసీసీ అకాడమీ వేదికగా భారత్‌- యూఏఈ (IND vs UAE) మ్యాచ్‌తో ఈ వన్డే ఫార్మాట్‌ టోర్నీకి తెరలేచింది. ఈ మ్యాచ్‌లో టాస్‌ గెలిచిన యూఏఈ తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది. నిర్ణీత 50 ఓవర్లలో కేవలం ఆరు వికెట్లు నష్టపోయి ఏకంగా 433 పరుగుల రికార్డు స్కోరు సాధించింది.దంచికొట్టిన భారత బ్యాటర్లుఇందులో ఓపెనర్‌ వైభవ్‌ సూర్యవంశీ (Vaibhav Suryavanshi)ది కీలక పాత్ర. పద్నాలుగేళ్ల ఈ చిచ్చరపిడుగు కేవలం 95 బంతుల్లోనే 171 పరుగులతో దుమ్ములేపాడు. అతడి ఇన్నింగ్స్‌లో తొమ్మిది ఫోర్లు, 14 సిక్సర్లు ఉండటం విశేషం. ఇక వన్‌డౌన్‌ బ్యాటర్‌ ఆరోన్‌ జార్జ్‌ (69), ఆ తర్వాతి స్థానంలో వచ్చిన విహాన్‌ మల్హోత్రా (69) అర్ధ శతకాలతో సత్తా చాటగా.. వేదాంత్‌ త్రివేది (38) కూడా రాణించాడు.ఆఖర్లో వికెట్‌ కీపర్‌ బ్యాటర్‌ అభిజ్ఞాన్‌ కుందు (17 బంతుల్లో 32 నాటౌట్‌), కనిష్క్‌ చౌహాన్‌ (12 బంతుల్లో 28) దంచికొట్టారు. అయితే, కెప్టెన్‌, ఓపెనర్‌ ఆయుశ్‌ మాత్రే (4) మాత్రం నిరాశపరిచాడు. ఇక యూఏఈ బౌలర్లలో యుగ్‌ శర్మ, ఉద్దిశ్‌ సూరి చెరో రెండు వికెట్లు తీయగా.. షాలోమ్‌ డిసౌజా, కెప్టెన్‌ యాయిన్‌ రాయ్‌ తలా ఒక వికెట్‌ దక్కించుకున్నారు.కుదేలైన యూఏఈ బ్యాటింగ్‌ ఆర్డర్‌ఇక భారత్‌ విధించిన భారీ లక్ష్యంతో బరిలోకి దిగిన యూఏఈ ఆది నుంచే తడబడింది. ఓపెనర్లు కెప్టెన్‌ యాయిన్‌ రాయ్‌ (17), షాలోమ్‌ డిసౌజా (4).. వన్‌డౌన్‌ బ్యాటర్‌ అయాన్‌ మిస్బా (3) విఫలమయ్యారు. నాలుగో స్థానంలో ఆడిన ముహమూద్‌ రేయాన్‌ ఖాన్‌ (19) కూడా నిరాశపరిచగా.. అహ్మద్‌ హుదాదాద్‌ డకౌట్‌ అయ్యాడు.మిగతా వారిలో నూరుల్లా ఆయోబి 3 పరుగులకే పెవిలియన్‌ చేరగా.. ఐదో నంబర్‌ బ్యాటర్‌ పృథ్వీ మధు (50), ఉద్దిశ్‌ సూరి (106 బంతుల్లో 78 నాటౌట్‌) గట్టి పోరాటం చేశారు. వీరికి తోడుగా వికెట్‌ కీపర్‌ బ్యాటర్‌ సలే అమీన్‌ (20 నాటౌట్‌) తన వంతు ప్రయత్నం చేశాడు.234 పరుగుల తేడాతో జయభేరిఅయితే, భారత బౌలర్ల ధాటికి 50 ఓవర్లలో ఏడు వికెట్ల నష్టానికి 199 పరుగులకే యూఏఈ పరిమితమైంది. ఫలితంగా యువ భారత్‌ 234 పరుగుల తేడాతో జయభేరి మోగించింది. భారత బౌలర్లలో దీపేశ్‌ దేవేంద్రన్‌ రెండు వికెట్లు తీయగా.. కిషన్‌ కుమార్‌ సింగ్‌, హెనిల్‌ పటేల్‌, ఖిలాన్‌ పటేల్‌, విహాన్‌ మల్హోత్రా తలా ఒక వికెట్‌ తమ ఖాతాలో వేసుకున్నారు. భారత్‌ తదుపరి డిసెంబరు 14న చిరకాల ప్రత్యర్థి పాకిస్తాన్‌ను ఢీకొట్టనుంది.చదవండి: వాళ్లకు చెడు అలవాట్లు.. నా భర్త ఎలాంటివాడంటే: జడేజా భార్యVaibhav Sooryavanshi moves. The action responds. 😮‍💨A classy grab from our Boss Baby 👏 Watch #INDvUAE at the #DPWorldMensU19AsiaCup2025 LIVE NOW, on Sony Sports Network TV channels & Sony LIV!#SonySportsNetwork #SonyLIV pic.twitter.com/5w0MUUWzzZ— Sony Sports Network (@SonySportsNetwk) December 12, 2025

ఆసియా క్రికెట్‌ మండలి ఆధ్వర్యంలో అండర్‌-19 ఆసియా కప్‌-2025 టోర్నమెంట్‌కు శుక్రవారం తెరలేచింది. గ్రూప్‌-‘ఎ’ మ్యాచ్‌లో భాగంగా యునైటైడ్‌ అరబ్‌ ఎమిరేట్స్‌ (UAE).. భారత యువ జట్టును ఢీకొట్టింది. దుబాయ్‌లోని ఐసీసీ అకాడమీ గ్రౌండ్‌లో టాస్‌ ఓడిన భారత్‌ తొలుత బ్యాటింగ్‌ చేసింది.56 బంతుల్లోనే సెంచరీఓపెనర్లలో కెప్టెన్‌ ఆయుశ్‌ మాత్రే (4) విఫలం కాగా.. వైభవ్‌ సూర్యవంశీ (Vaibhav Suryavanshi) విధ్వంసకర శతకంతో దుమ్ములేపాడు. కేవలం 56 బంతుల్లోనే సెంచరీ పూర్తి చేసుకున్న ఈ లెఫ్టాండర్‌ బ్యాటర్‌.. ఓ దశలో డబుల్‌ సెంచరీ దిశగా పయనించాడు. అయితే, ఉద్దిశ్‌ సూరి బౌలింగ్‌లో బౌల్డ్‌ కావడంతో వైభవ్‌ సునామీ ఇన్నింగ్స్‌కు తెరపడింది.మొత్తంగా ఈ మ్యాచ్‌లో 95 బంతులు ఎదుర్కొన్న వైభవ్‌.. తొమ్మిది ఫోర్లు, పద్నాలుగు సిక్సర్ల సాయంతో 171 పరుగులు సాధించాడు. అతడికి తోడు ఆరోన్‌ జార్జ్‌ (69), విహాన్‌ మల్హోత్రా (69).. వేదాంత్‌ త్రివేది (38), అభిజ్ఞాన్‌ కుందు (17 బంతుల్లో 32 నాటౌట్‌) రాణించారు. దీంతో నిర్ణీత 50 ఓవర్లలో భారత్‌ ఆరు వికెట్ల నష్టానికి 433 పరుగుల భారీ స్కోరు సాధించింది.ప్చ్‌.. సారీ వైభవ్‌ సూర్యవంశీ!ఇదిలా ఉంటే.. యూత్‌ వన్డేల్లో వైభవ్‌ సూర్యవంశీ ఇప్పటికే ఓ సెంచరీ బాదాడు. ఇటీవల ఇంగ్లండ్‌ అండర్‌-19 జట్టుపై 52 బంతుల్లోనే శతక్కొట్టి రికార్డు సృష్టించాడు. అయితే, తాజాగా వైభవ్‌ ఆసియా కప్‌ వన్డే ఫార్మాట్‌లో సాధించిన శతకానికి మాత్రం యూత్‌ వన్డేల్లో చోటు దక్కదు.కారణం ఇదేఅండర్‌-19 ఆసియా కప్‌లో అసోసియేట్‌ జట్లతో జరిగే మ్యాచ్‌లకు యూత్‌ వన్డే హోదా లేదు. అందుకే యూఏఈపై వైభవ్‌ సాధించిన సెంచరీకి రికార్డుల్లో స్థానం లేకుండా పోయింది. అయితే, తదుపరి (డిసెంబరు 14)న పాకిస్తాన్‌తో జరిగే ఆసియా కప్‌ మ్యాచ్‌లో గనుక వైభవ్‌ సెంచరీ బాదితే అది రికార్డుల్లోకి ఎక్కే అవకాశం ఉంటుంది. మొత్తానికి ఆసియా కప్‌ టోర్నీలో టెస్టు హోదా కలిగిన జట్ల మధ్య జరిగే మ్యాచ్‌లకు మాత్రమే యూత్‌ వన్డే హోదా ఉంటుంది.ఇప్పటికే మూడు శతకాలుఇదిలా ఉంటే.. ఐసీసీ అండర్‌-19 వరల్డ్‌కప్‌ మ్యాచ్‌లలో అసోసియేట్‌ జట్లతో జరిగిన మ్యాచ్‌లకు మాత్రం యూత్‌ వన్డే స్టేటస్‌ ఉంటుంది. అంటే.. ప్రపంచకప్‌ టోర్నీలో యూఏఈతో భారత్‌ ఆడే మ్యాచ్‌ల రికార్డులు పరిగణనలోకి వస్తాయి.ఇక సీనియర్‌ టీ20 క్రికెట్‌లో వైభవ్‌ సూర్యవంశీ ఇప్పటికే మూడు శతకాలు సాధించాడు. ఐపీఎల్‌-2025లో రాజస్తాన్‌ రాయల్స్‌ తరఫున.. ఏసీసీ రైజింగ్‌ స్టార్స్‌ ఆసియా కప్‌లో యూఏఈపైనా.. సయ్యద్‌ ముస్తాక్‌ అలీ ట్రోఫీలో మహారాష్ట్ర మీదా వైభవ్‌ శతక్కొట్టాడు.A century in no time...just 𝗩𝗮𝗶𝗯𝗵𝗮𝘃 𝗦𝗼𝗼𝗿𝘆𝗮𝘃𝗮𝗻𝘀𝗵𝗶 things! 💯 Watch #INDvUAE at the #DPWorldMensU19AsiaCup2025 LIVE NOW, on Sony Sports Network TV channels & Sony LIV!#SonySportsNetwork #SonyLIV pic.twitter.com/3N140FhcRV— Sony Sports Network (@SonySportsNetwk) December 12, 2025

అండ‌ర్‌-19 ఆసియాక‌ప్‌లో భాగంగా దుబాయ్ వేదిక‌గా యూఏఈతో జ‌రుగుతున్న మ్యాచ్‌లో భార‌త బ్యాట‌ర్లు జూలు విదిల్చారు. టాస్ గెలిచి తొలుత బ్యాటింగ్‌కు దిగిన భార‌త యువ జ‌ట్టు నిర్ణీత 50 ఓవ‌ర్ల‌లో 6 వికెట్ల న‌ష్టానికి 433 ప‌రుగులు చేసిది. యువ‌సంచ‌ల‌నం, టీమిండియా ఓపెనర్‌ వైభ‌వ్ సూర్య‌వంశీ మ‌రోసారి విధ్వంసకర సెంచరీతో చెలరేగాడు. కేవలం 56 బంతుల్లోనే తన రెండో యూత్ వన్డే సెంచరీ మార్క్‌ను వైభవ్ అందుకున్నాడు. మొత్తంగా 95 బంతులు ఎదుర్కొన్న వైభవ్‌.. 14 సిక్సర్లు, 9 ఫోర్లతో 171 పరుగులు చేసి ఔటయ్యాడు. ఓ దశలో డబుల్‌ సెంచరీ చేసేలా వైభవ్‌ కన్పించాడు. దూకుడుగా ఆడే క్రమంలో తన వికెట్‌ను కోల్పోయాడు.వైభవ్‌తో పాటు ఆరోన్‌ జార్జ్‌(69), విహాన్‌ మల్హోత్రా(69) హాఫ్‌ సెంచరీలతో సత్తాచాటారు. ఆఖరిలో అభిజ్ఞాన్ కుండు(32), కన్షిక్‌ చౌహన్‌(28) మెరుపులు మెరిపించారు. వైభవ్.. ఆరోన్ జార్జ్ తో కలిసి 212 పరుగుల భాగస్వామ్యాన్ని నెల‌కొల్పాడు. కెప్టెన్ అయూష్ మాత్రే(4) మాత్రం సింగిల్ డిజిట్ స్కోర్‌కే ప‌రిమిత‌మ‌య్యాడు. యూఏఈ బౌలర్లలో యూగ్‌ శర్మ, సూరి తలా రెండు వికెట్లు సాధించాడు. కాగా యూత్‌ వన్డేల్లో భారత్‌ 400 ప్లస్‌ పైగా పరుగులు సాధించడం ఇదే మూడో సారి. తద్వారా ఈ ఫీట్‌ సాధించిన తొలి జట్టుగా టీమిండియా నిలిచింది.చదవండి: IND vs SA: ‘సూర్య’ గ్రహణం వీడేది ఎప్పుడు?[node:field_tags]A century in no time...just 𝗩𝗮𝗶𝗯𝗵𝗮𝘃 𝗦𝗼𝗼𝗿𝘆𝗮𝘃𝗮𝗻𝘀𝗵𝗶 things! 💯 Watch #INDvUAE at the #DPWorldMensU19AsiaCup2025 LIVE NOW, on Sony Sports Network TV channels & Sony LIV!#SonySportsNetwork #SonyLIV pic.twitter.com/3N140FhcRV— Sony Sports Network (@SonySportsNetwk) December 12, 2025

అండర్‌-19 ఆసియాకప్ 2025ను టీమిండియా యువ సంచలనం వైభవ్ సూర్యవంశీ ఘనంగా ఆరంభించాడు. ఈ టోర్నీలో భాగంగా దుబాయ్ వేదికగా యూఏఈతో జరుగుతున్న తొలి మ్యాచ్‌లో సూర్యవంశీ భారీ సెంచరీతో చెలరేగాడు. ఆతిథ్య జట్టు బౌలర్లకు వైభవ్ చుక్కలు చూపించాడు.తొలుత కాస్త ఆచితూచి ఆడిన సూర్యవంశీ.. క్రీజులో సెటిల్ అయ్యాక ఆకాశమే హద్దుగా చెలరేగిపోయాడు. తనదైన స్టైల్లో బౌండరీల వర్షం కురిపించాడు. అతడిని ఆపడం ప్రత్యర్ధి బౌలర్ల తరం కాలేదు. ఈ క్రమం‍లో కేవలం 56 బంతుల్లోనే తన రెండో యూత్ వన్డే సెంచరీ మార్క్‌ను వైభవ్ అందుకున్నాడు.సెంచరీ పూర్తి అయిన తర్వాత కూడా తన జోరును కొనసాగించాడు. అతడి దూకుడు చూస్తే సునాయసంగా డబుల్ సెంచరీ మార్క్‌ను అందుకుంటాడని అంతాభావించారు. స్పిన్నర్ ఉద్దీష్ సూరి బౌలింగ్‌లో అనవసరంగా రివర్స్ స్కూపు షాట్‌కు ప్రయత్నించి క్లీన్ బౌల్డయ్యాడు. ఓవరాల్‌గా 95 బంతులు ఎదుర్కొన్న వైభవ్‌.. 14 సిక్సర్లు, 9 ఫోర్లతో 171 పరుగులు చేసి ఔటయ్యాడు. ఈ ఏడాది అతడికి అన్ని ఫార్మాట్లలో కలిపి ఇది ఆరో సెంచరీ కావడం విశేషం.ఈ మ్యాచ్‌లో భారీ స్కోర్ దిశ‌గా భార‌త్ సాగుతోంది. 44 ఓవ‌ర్లు ముగిసే స‌రికి భార‌త యువ జ‌ట్టు 4 వికెట్లు కోల్పోయి 353 ప‌రుగులు చేసింది. విధ్వంసంక‌ర సెంచ‌రీతో మెరిసిన వైభవ్.. ఆరోన్ జార్జ్ తో కలిసి 212 పరుగుల భాగస్వామ్యాన్ని నెల‌కొల్పాడు. కెప్టెన్ అయూష్ మాత్రే(4) సింగిల్ డిజిట్ స్కోర్‌కే ప‌రిమిత‌మ‌య్యాడు.చదవండి: నాతో పాటు అతడి వల్లే ఈ ఓటమి: సూర్యకుమార్‌A century in no time...just 𝗩𝗮𝗶𝗯𝗵𝗮𝘃 𝗦𝗼𝗼𝗿𝘆𝗮𝘃𝗮𝗻𝘀𝗵𝗶 things! 💯 Watch #INDvUAE at the #DPWorldMensU19AsiaCup2025 LIVE NOW, on Sony Sports Network TV channels & Sony LIV!#SonySportsNetwork #SonyLIV pic.twitter.com/3N140FhcRV— Sony Sports Network (@SonySportsNetwk) December 12, 2025

టీమిండియా లెజెండ్స్ ఎంఎస్ ధోని, విరాట్ కోహ్లి, రోహిత్ శర్మలను ఫ్యాన్ ఫాలోయింగ్ గురుంచి ప్రత్యేక చెప్పాల్సిన అవసరం లేదు. ధోని అంతర్జాతీయ క్రికెట్‌కు రిటైర్మెంట్ ప్రకటించినప్పటికి క్రేజ్ మాత్రం ఇసుమంత కూడా తగ్గలేదు. ఐపీఎల్‌లో అతడి ఆట కోసం అభిమానులు వెయ్యి కళ్లతో ఎదురు చూస్తుంటారు. అదేవిధంగా రో-కో ద్వయం కూడా కేవలం వన్డే ఫార్మాట్‌లో మాత్రమే ఆడుతున్నప్పటికి వారిని ఆరాధించేవారు చాలా మంది ఉన్నారు. కానీ 2025 ఏడాదిలో వీరి ముగ్గురుని ఓ యువ క్రికెటర్ అధిగమించాడు. అతడి గురుంచి తెలుసుకునేందుకు నెటజన్లు గూగుల్‌లో తెగ వెతికేశారు. అతడే భారత అండర్‌-19 సంచలనం, ఫ్యూచర్ స్టార్ వైభవ్ సూర్యవంశీ.14 ఏళ్ల వైభవ్ సూర్యవంశీ ఈ ఏడాది గూగుల్‌లో భారత్‌లో అత్యధికంగా సెర్చ్ చేసిన వ్యక్తిగా నిలిచాడు. ఈ వండర్ కిడ్ ఐపీఎల్, ఇండియా 'ఎ'మ్యాచ్‌లు, సయ్యద్ ముస్తాక్ అలీ ట్రోఫీలలో తన సంచలన ప్రదర్శనతో అందరిని ఆకర్షించాడు. దీంతో అతడి గురుంచి తెలుసుకోవడానికి చాలా మంది మొగ్గు చూపారు. వైభవ్ 12 ఏళ్ల వయస్సలోనే ఫస్ట్ క్లాస్ అరంగేట్రం చేసి వరల్డ్ రికార్డు సృష్టించాడు.కాగా గూగుల్ 'ఇయర్ ఇన్ సెర్చ్ 2025' నివేదిక ప్రకారం.. వైభవ్ అగ్రస్ధానంలో ఉండగా మరో యువ సంచలనం పంజాబ్ కింగ్స్ ప్లేయర్ ప్రియాన్ష్ ఆర్య సెకెండ్ ప్లేస్‌లో ఉన్నాడు. వీరిద్దరి తర్వాత స్దానంలో అభిషేక్ శర్మ మరియు షేక్ రషీద్ నిలిచారు. అదేవిధంగా మహిళల ప్రపంచకప్‌ను సొంతం చేసుకోవడంలో కీలక పాత్ర పోషించిన జెమీమా రోడ్రిగ్స్ గురుంచి కూడా ఎక్కువ మంది నెటిజన్లు సెర్చ్ చేశారు.చదవండి: ఇండిగో సంక్షోభం.. బీసీసీఐకి ఊహించని షాక్‌!

సయ్యద్ ముస్తాక్ అలీ ట్రోఫీ-2025లో సచిన్ టెండూల్కర్ తనయుడు, గోవా ఆల్‌రౌండర్‌ అర్జున్ టెండూల్కర్ బ్యాట్‌తో రాణించలేకపోతున్నాడు. బౌలింగ్‌లో పర్వాలేదన్పిస్తున్న అర్జున్‌.. బ్యాటింగ్‌లో మాత్రం పూర్తిగా తేలిపోతున్నాడు.ఓపెనర్‌గా ప్రమోషన్ పొందిన అర్జున్ తన లభించిన అవకాశాన్ని అందిపుచ్చుకోలేకపోయాడు. గురువారం కోల్‌కతా వేదికగా బిహార్‌తో జరిగిన మ్యాచ్‌లో కేవలం 5 పరుగులు మాత్రమే చేసి ఔటయ్యాడు. ఈ జూనియర్ టెండూల్కర్ బిహార్ పేసర్ సురాజ్ బౌలింగ్‌లో క్లీన్ బౌల్డయ్యాడు. బౌలింగ్‌లో మాత్రం సత్తాచాటాడు. తన నాలుగు ఓవర్ల కోటాలో 32 పరుగులిచ్చి 2 వికెట్లు పడగొట్టాడు.వైభవ్, గనీ మెరుపులు వృథా..ఈ మ్యాచ్‌లో తొలుత బ్యాటింగ్ చేసిన బిహార్ నిర్ణీత 20 ఓవర్లలో 7 వికెట్ల నష్టానికి 180 పరుగులు చేసింది. కెప్టెన్‌ గనీ(41 బంతుల్లో 4 ఫోర్లు, 3 సిక్స్‌లతో 60) టాప్‌ స్కోరర్‌గా నిలవగా.. యువ సంచలనం వైభవ్‌ సూర్యవంశీ మరోసారి మెరుపులు మెరిపించాడు. కేవలం 25 బంతుల్లో 4 ఫోర్లు, 3 సిక్స్‌లతో 46 పరుగులు చేసి ఔటయ్యాడు. గోవా బౌలర్లలో దీప్‌రాజ్‌ నాలుగు వికెట్లు పడగొట్టగా.. అర్జున్‌ 2 వికెట్లు సాధించాడు. అనంతరం 181 పరుగుల లక్ష్యాన్ని గోవా కేవలం 5 వికెట్లు మాత్రమే కోల్పోయి చేధించింది. కెప్టెన్‌ సుయాష్‌ ప్రభుదేశాయ్‌(79) టాప్‌ స్కోరర్‌గా నిలవగా.. కశ్యప్ బఖలే(64) హాఫ్‌ సెంచరీతో రాణించాడు.చదవండి: ENG vs AUS: శతక్కొట్టిన జో రూట్‌.. 12 ఏళ్ల నిరీక్షణకు తెర

మొన్న ఐపీఎల్‌.. నిన్న ఆసియాక‌ప్.. నేడు సయ్యద్ ముస్తాక్ అలీ ట్రోఫీ. ఆ 14 ఏళ్ల యువ సంచల‌నం దూకుడును ఎవ‌రూ ఆప‌లేక‌పోతున్నారు. త‌న విధ్వంస‌క‌ర బ్యాటింగ్‌తో చిన్న‌నాటి స‌చిన్ టెండూల్క‌ర్‌, విరాట్ కోహ్లిల‌ను గుర్తు చేస్తున్నాడు. అవ‌తలి ఎండ్‌లో బౌల‌ర్ ఎవ‌రైన డోంట్ కేర్‌. అత‌డికి తెలిసిందల్లా బంతి బౌండ‌రీకి త‌ర‌లించ‌డ‌మే.అత‌డు క్రీజులో ఉన్నాడంటే సీనియ‌ర్ బౌల‌ర్ల‌కు సైతం గుండెల్లో రైళ్లు ప‌రిగెత్తాల్సిందే. వయస్సుతో సంబంధం లేకుండా సీనియ‌ర్ బౌల‌ర్ల‌ను అత‌డు ఎదుర్కొంటున్న తీరు అత్య‌ద్భుతం. 15 ఏళ్ల నిండ‌క‌ముందే రికార్డుల‌కు కేరాఫ్ అడ్రాస్‌గా మారిన ఆ చిచ్చ‌రపిడుగు ఎవ‌రో ఈపాటికే మీకు ఆర్ధ‌మైపోయింటుంది. అత‌డే భార‌త అండ‌ర్‌-19 స్టార్ ఓపెన‌ర్‌, బిహార్ యువ ఆట‌గాడు వైభ‌వ్ సూర్య‌వంశీ.స‌య్య‌ద్ ముస్తాక్ అలీ ట్రోఫీ-2025లో మంగ‌ళ‌వారం ఈడెన్ గార్డెన్స్ వేదిక‌గా మ‌హారాష్ట్ర‌తో జ‌రిగిన మ్యాచ్‌లో సూర్య‌వంశీ విధ్వంసక‌ర సెంచ‌రీతో చెల‌రేగాడు. మందకొడి పిచ్‌పై ఇతర బ్యాటర్లు పరుగులు చేయడానికి ఇబ్బంది ప‌డిన చోట.. వైభ‌వ్ మాత్రం ప్ర‌త్య‌ర్ధి బౌల‌ర్ల‌ను ఉతికారేశాడు.31 ప‌రుగులకే 2 వికెట్లు కోల్పోయి క‌ష్టాల్లో ప‌డిన బిహార్ జ‌ట్టును వైభ‌వ్ త‌న అద్బుత బ్యాటింగ్‌తో ఓ యోధుడిలా పోరాడాడు. ఆకాష్ రాజ్‌, అయూష్‌తో విలువైన భాగ‌స్వామ్యాల‌ను నెల‌కొల్పాడు. ఈ క్ర‌మంలో సూర్య‌వంశీ కేవ‌లం 58 బంతుల్లో సెంచ‌రీని పూర్తి చేశాడు. అయితే ఇది అత‌డి స్టాండ‌ర్డ్స్ ప్ర‌కారం "స్లో నాక్" అనే చెప్పాలి. ఎందుకంటే టీ20లలో అతని సగటు స్ట్రైక్ రేట్ 217.88. అంతకుముందు వైభ‌వ్ టీ20ల్లో 32, 35 బంతుల్లో రెండు శతకాలు బాదాడు. ఓవ‌రాల్‌గా 61 బంతులు ఎదుర్కొని 7 ఫోర్లు, 7 సిక్సర్ల సాయంతో 108 ప‌రుగులు చేసి అజేయంగా నిలిచాడు. దీంతో తొలుత బ్యాటింగ్ చేసిన బిహార్ నిర్ణీత 20 ఓవ‌ర్ల‌లో 3 వికెట్లు కోల్పోయి 176 ప‌రుగులు చేసింది. అనంత‌రం ఆ ల‌క్ష్యాన్ని మ‌హారాష్ట్ర 7 వికెట్లు కోల్పోయి చేధించింది.తొలి ప్లేయ‌ర్‌గా..ఈ సెంచ‌రీతో వైభ‌వ్ సూర్య‌వంశీ స‌రికొత్త చ‌రిత్ర సృష్టించాడు. . సయ్యద్‌ ముస్తాక్‌ అలీ టోర్నీలో సెంచరీ చేసిన అతి పిన్న వయస్కుడిగా (14 ఏళ్ల 250 రోజులు) రికార్డు నెలకొల్పాడు. వైభవ్‌కు ముందు ఈ రికార్డు మహారాష్ట్ర ఆటగాడు విజయ్‌ జోల్‌ పేరిట ఉండేది. తాజా ఇన్నింగ్స్‌తో జోల్ ఆల్‌టైమ్ రికార్డును ఈ బిహారీ బ్రేక్ చేశాడు.సీనియర్ జట్టు ఎంట్రీ ఎప్పుడు?వైభవ్ ప్రస్తుతం అద్భుతమైన ఫామ్‌లో ఉన్నాడు. ఈ టోర్నీకి ముందు జరిగిన ఆసియా కప్ రైజింగ్ స్టార్స్‌లో యూఏఈపై 42 బంతుల్లో 144 పరుగులు చేసి సంచలనం సృష్టించాడు. అదేవిధంగా రంజీ ట్రోఫీ 2025-26 సీజన్‌లో బిహార్ సీనియర్ ఆటగాళ్లు తడబడినప్పటికీ వైభవ్ మాత్రం మేఘాలయపై 93 పరుగులతో మెరుపు ఇన్నింగ్స్ ఆడాడు. ఓవరాల్‌గా ఈ ఏడాదిలో వైభవ్ కేవలం 15 టీ20 ఇన్నింగ్స్‌లు ఆడి మూడు సెంచరీలు సాధించాడు. దీంతో అతడు త్వరలోనే భారత సీనియర్ టీ20 జట్టులోకి వచ్చే అవకాశముంది. ఇంత చిన్న వయస్సులో అతడి నిలకడైన ఆట తీరు, సీనియర్ బౌలర్లపై అతను చూపిస్తున్న ఆధిపత్యం బీసీసీఐ సెలక్షన్ కమిటీ చైర్మన్ అజిత్ అగార్కర్‌ను ఖచ్చితంగా ఆలోచింపజేస్తోంది. అతడు వయస్సు తక్కువ కావడం వల్ల టీ20 ప్రపంచ కప్ 2026 నాటికి జట్టులోకి రాకపోయినా.. 15 ఏళ్ల నిండ‌గానే జాతీయ జ‌ట్టు త‌ర‌పున డెబ్యూ చేయ‌డం ఖాయం.గిల్ చోటుకు ఎస‌రు?అంతర్జాతీయ క్రికెట్ కౌన్సిల్ (ICC) రూల్స్ ప్ర‌కారం.. ఓ ఆట‌గాడు అంత‌ర్జాతీయ క్రికెట్‌లో అరేంగ్ర‌టం చేయ‌డానికి కనీస వయస్సు 15 సంవత్సరాలు ఉండాలి. వైభవ్‌ మార్చి 27, 2011 న జన్మించాడు. కాబట్టి అతడు మార్చి 27, 2026 తర్వాతే సీనియర్ జాతీయ జట్టు త‌ర‌పున‌ ఆడేందుకు అర్హత సాధిస్తాడు. అంటే వ‌చ్చే టీ20 ప్ర‌పంచ‌క‌ప్ సైకిల్‌లో భార‌త జ‌ట్టు త‌ర‌పున ప్రాతినిథ్యం వ‌హించాడు. ఒక‌వేళ అత‌డు రాబోయో రోజుల్లో కూడా ఇదే జోరును కొన‌సాగిస్తే వైస్ కెప్టెన్ గిల్ స్ధానం డెంజ‌ర్‌లో ప‌డిన‌ట్లే. ప్ర‌స్తుతం టీ20ల్లో భార‌త జట్టు ఇన్నింగ్స్‌ను అభిషేక్ శ‌ర్మ‌, గిల్ ప్రారంభిస్తున్నారు. అభిషేక్ దుమ్ములేపుతున్న‌ప్ప‌టికి గిల్ ఆశించినంత మేర రాణించ‌లేక‌పోతున్నాడు. త‌దుప‌రి మ్యాచ్‌లో కూడా గిల్ ఇదే పేల‌వ ఫామ్‌ను కొన‌సాగిస్తే అత‌డి స్ధానాన్ని శాంస‌న్ లేదా వైభ‌వ్‌తో భ‌ర్తీ చేసే అవ‌కాశ‌ముంది.స్పీడ్ గ‌న్స్‌ను ఎదుర్కోగ‌ల‌డా?అయితే సూర్య‌వంశీ అంతర్జాతీయ క్రికెట్ ఆడటానికి ఇది సరైన వయస్సు కాదు అని, జోష్ హాజిల్‌వుడ్, కగిసో రబాడ లేదా మార్క్ వుడ్ వంటి ఫాస్ట్‌ బౌలర్లను ఎదుర్కోవడం అతనికి చాలా కష్టమని కొంత‌మంది మాజీలు వాదిస్తున్నారు. కానీ సూర్య‌వంశీ ఇప్ప‌టికే ఐపీఎల్‌లో మ‌హ్మ‌ద్ సిరాజ్‌, వెటరన్ ఇషాంత్ శర్మ, అర్ష్‌దీప్ సింగ్, మార్కో జాన్సెన్ వంటి స్పీడ్‌స్టార్ల‌ను ఉతికారేశాడు. కాబ‌ట్టి అత‌డికి ప్రీమియ‌ర్ ఫాస్ట్ బౌల‌ర్ల‌ను ఎదుర్కొవ‌డం పెద్ద టాస్క్ ఏమి కాదు.చదవండి: IND vs SA: అత‌డిపై మీకు న‌మ్మ‌కం లేదా? మ‌రెందుకు సెలెక్ట్‌ చేశారు?