india vs west indies

టీమిండియా హెడ్‌కోచ్ గౌత‌మ్ గంభీర్‌పై భార‌త దిగ్గ‌జ క్రికెట‌ర్ సునీల్ గావ‌స్క‌ర్ ఆస‌క్తికర వ్యాఖ్య‌లు చేశాడు. కోచ్‌గా గంభీర్ మంచి నైపుణ్యం ఉన్న ఆట‌గాళ్ల‌ను, సుదీర్ఘ బ్యాటింగ్ లైన‌ప్ క‌లిగిన ప్లేయ‌ర్ల‌ను ఆడిస్తున్న‌ప్ప‌టికీ, ఈ విధానం జ‌ట్ట‌కు న‌ష్టం క‌లిగిస్తోంద‌నే భావ‌న క‌లుగుతుంద‌ని స్ప‌ష్టం చేశారు. కేవ‌లం బ్యాటింగ్‌పైనే దృష్టి సారిస్తూ జ‌ట్టు కూర్పు విష‌యంలో గంభీర్ అనుస‌రిస్తున్న ప‌ద్ద‌తులు త‌ప్పుల త‌క‌డ‌గా ఉన్నాయని అభివ‌ర్ణించారు. జ‌ట్టులో న‌లుగురు ప్ర‌ధాన బౌల‌ర్లు, ఇద్ద‌రు ఆల్‌రౌండ‌ర్లు క‌చ్చితంగా ఉండాల‌ని, కానీ గంభీర్ మాత్రం బ్యాటింగ్‌కు ప్రాధాన్య‌మిస్తూ బ్యాటింగ్ ఆర్డ‌ర్‌ను ఎనిమిదికి పెంచ‌డంలో అర్థం లేద‌ని అభిప్రాయ‌ప‌డ్డారు. వెస్టిండీస్ సిరీస్ ఒక గుణ‌పాఠం లాంటిద‌ని, ఈ సిరీస్ నుంచి నేర్చుకోవాల్సిన విష‌యాలు చాలానే ఉన్నాయ‌ని పేర్కొన్నారు. అందులో మొద‌టిది ఏంటంటే, క‌నీసం న‌లుగురు రెగ్యుల‌ర్ బౌల‌ర్ల‌తో ఆడాల‌ని తెలిపారు. ఇక ఐదు, ఆరో బౌల‌ర్‌గా సేవ‌లందించేందుకు ఇద్ద‌రు ఆల్‌రౌండ‌ర్ల‌ను ఆడిస్తే వాళ్లు బ్యాటింగ్‌లో కూడా ఉప‌యుక్తంగా ఉంటార‌న్నారు. ఉదాహ‌ర‌ణ‌కు బ్యాటింగ్ ద్వారానే ఎక్కువ పేరు తెచ్చుకున్న న‌మ‌న్ ధీర్ లాంటి ఆట‌గాడు రెండు లేదా మూడు ఓవ‌ర్లు మాత్ర‌మే బౌలింగ్ చేయ‌గ‌ల‌డని, అవ‌స‌ర‌మైన‌ప్పుడు బ్యాట్‌తో రాణించ‌గ‌ల‌డ‌ని విండీస్‌తో చివ‌రి టీ20 మ్యాచ్‌లో నిరూపించాడని పేర్కొన్నారు.మాజీ భారత బ్యాటర్‌ చతేశ్వర్‌ పుజారా సైతం బౌలింగ్‌ విభాగంపై స్పందించాడు. జట్టులో స్పిన్నర్ల ఎంపికపై స్పష్టత ఉండాలని సూచించాడు. కుల్దీప్‌ యాదవ్‌, రవి బిష్ణోయ్‌ వంటి ఆటగాళ్లకు తగిన అవకాశాలు ఇవ్వాలని తెలిపాడు. మైదానంలో బౌండరీల దూరాన్ని బట్టి కుల్దీప్‌కు ప్రతిసారీ తుది జట్టులో చోటు దక్కకపోవచ్చని పుజారా పేర్కొన్నాడు. అయినప్పటికీ జట్టు భవిష్యత్తు ప్రణాళికల్లో తమకు స్థానం ఉందనే నమ్మకం ఆటగాళ్లకు కల్పించాలని చెప్పాడు. నాలుగు ఓవర్లలో 40-50 పరుగులు సమర్పించుకున్నంత మాత్రాన స్పిన్నర్లు ఆత్మవిశ్వాసం కోల్పోకుండా జట్టు యాజమాన్యం అండగా నిలవాలని సూచించాడు. రాబోయే రెండేళ్లలో ఎవరిని ప్రధాన స్పిన్నర్లుగా కొనసాగించాలనే దానిపై స్పష్టమైన నిర్ణయం తీసుకుని, వారికి తగినన్ని అవకాశాలు కల్పించాలని పుజారా అభిప్రాయపడ్డాడు.ఇదీ చదవండి: జింబాబ్వేపై సిరీస్ విజయం.. అసంతృప్తితో రగిలిన మంధాన!వేదిక మారింది.. డిసెంబ‌ర్ 16న ఐపీఎల్ మినీ వేలం!

జ‌ట్టు కోసం ఏ స్థానంలోనైనా బ్యాటింగ్ చేయ‌డానికి తాను సిద్ధంగా ఉన్న‌ట్లు టీమిండియా వైస్ కెప్టెన్ తిల‌క్ వ‌ర్మ‌ తెలిపాడు. ప్ర‌స్తుతం తిల‌క్ వ‌ర్మ భార‌త టీ20 జ‌ట్టులో ఎక్కువ‌గా ఐదు లేదా ఆరు స్థానాల్లో బ్యాటింగ్‌కు వ‌స్తున్నాడు. త‌న‌కిచ్చిన బాధ్య‌త‌ను స‌క్ర‌మంగా నిర్వ‌ర్తిస్తూనే బ్యాట‌ర్‌గానూ త‌న విలువ‌ను చాటుతూ వ‌స్తున్నాడు. వైస్ కెప్టెన్‌గా ప్ర‌మోష‌న్ పొందిన త‌ర్వాత ఆట‌గాడిగా త‌న బాధ్య‌త మ‌రింత పెరిగిన‌ట్ల‌యింది. తన కొత్త పాత్రలోని సవాళ్లను అధిగమించడానికి.. నైపుణ్యాలను మెరుగుపరుచుకోవడంతో పాటు మానసికంగా సిద్ధమవుతున్నట్లు తెలిపాడు. శనివారం రాత్రి వెస్టిండీస్‌తో వర్షం కారణంగా ఐదో టీ20 రద్దయిన సంగ‌తి తెలిసిందే. ఈ నేప‌థ్యంలో మ్యాచ్ ర‌ద్దు అనంత‌రం తిల‌క్ వ‌ర్మ మాట్లాడుతూ.. ‘‘బ్యాటింగ్‌లో మూడోస్థానం నుంచి ఐదు లేదా ఆరు స్థానాల‌కు మార‌డం అంత సుల‌భం కాదు. ఇది కొంచెం స‌వాలుతో కూడుకున్న‌దే. ఐదు లేదా ఆరో స్థానంలో బ్యాటింగ్‌కు వ‌స్తున్నామంటే ఫినిష‌ర్‌గా మ్యాచ్‌ల్లో స్కోరును పెంచ‌డం (తొలి ఇన్నింగ్స్ బ్యాటింగ్‌), ఎలా ముగించాలి (రెండో ఇన్నింగ్స్‌ బ్యాటింగ్‌) అనే దానిపై ఒత్తిడి ఉండ‌డం స‌హాజం. అయితే వ్య‌క్తిగ‌తంగా నాకు మూడో స్థానంలో బ్యాటింగ్ చేయ‌డం సుల‌భంగా ఉంటుంది. కానీ జ‌ట్టులో ఆయా కాంబినేష‌న్ల కోసం నేను ఐదు లేదా ఆరో స్థానంలో బ్యాటింగ్‌కు రావాల్సి వ‌స్తోంది. తొలి రెండు స్థానాలు ఓపెనింగ్ కాంబినేష‌న్ ఉంది. ఇక ఇషాన్ కిష‌న్ మూడో స్థానంలో అద్భుతంగా ఆడుతున్నాడు. నాలుగో స్థానంలో కెప్టెన్ శ్రేయ‌స్ ఉన్నాడు. వాళ్లంతా అద్బుతంగా ఆడుతుండ‌డంతో నా స్థానాన్ని త్యాగం చేయ‌డం త‌ప్ప మ‌రో మార్గం లేదు. అంతేకాదు బ్యాటింగ్‌ స్లాట్‌లో ఐదో స్థానం నుంచే ఖాళీ ఉండ‌డంతో జ‌ట్టు కోసం ఐదు లేదా ఆరో స్థానంలో బ్యాటింగ్‌కు ప‌ని పూర్తి చేయ‌డ‌మే ల‌క్ష్యంగా పెట్టుకున్నాను. ఇటీవ‌లే చాలా మ్యాచ్‌ల్లో ఐదు లేదా ఆరో స్థానంలోనే బ్యాటింగ్‌కు వ‌చ్చి స‌ఫ‌ల‌మ‌య్యాను. కాబ‌ట్టి ఈ స్థానాల్లో కూడా రాణించ‌గ‌ల‌ను అనే గ‌ట్టి న‌మ్మ‌కం ఏర్ప‌డింది. లోయ‌ర్ ఆర్డ‌ర్‌లో బ్యాటింగ్ చేయ‌డం పెను స‌వాల్‌తో కూడుకున్న ప‌ని. బ్యాటింగ్‌లో ఎదురయ్యే సవాళ్లను ఎదుర్కోవడానికి, నా షాట్ల పరిధిని, నైపుణ్య స్థాయిని మెరుగుపరుచుకోవడం కోసం నెట్స్‌లో అవిశ్రాంతంగా సాధన చేస్తున్నా. ఫినిష‌ర్‌గా బ్యాటింగ్‌కు వ‌చ్చిన‌ప్పుడు గ‌రిష్ఠంగా 5 లేదా ఆరు ఓవ‌ర్లు మాత్ర‌మే మిగిలి ఉంటాయి. ఈ స‌మ‌యంలో వేగంగా ఆడుతూనే నా త‌ర్వాతి బ్యాట‌ర్ల‌ స‌హ‌కారంతో ఇన్నింగ్స్‌ను నిర్మించాల్సి ఉంటుంది. ఒక్క‌టి మాత్రం క‌చ్చితంగా చెప్ప‌గ‌ల‌ను. ఇప్పుడు మూడో స్థానం నుంచి ఆరో స్థానం వ‌ర‌కు ఏ స్థానంలో బ్యాటింగ్‌కు వ‌చ్చినా ఆడ‌గ‌లిగే స‌త్తాను అల‌వ‌రుచుకున్నాను.’’ అని ముగించాడు.ఇక తిలక్‌ వర్మ విండీస్‌తో టీ20 సిరీస్‌లో 4 ఇన్నింగ్స్‌ల్లో 122 పరుగులు సాధించాడు. అంతకముందు మూడు మ్యాచ్‌ల వన్డే సిరీస్‌ను 2-1 తేడాతో సొంతం చేసుకున్న టీమిండియా, వెస్టిండీస్‌తో టీ20 సిరీస్‌ను 2-2తో సమం చేసింది.ఇదీ చదవండి:'సంజూను కాపాడుతుంది వాళ్లే.. ఇది క‌రెక్ట్ కాదు'ప్ర‌పంచ రికార్డు బ‌ద్ద‌లుకొట్టిన‌ భార‌త్‌, విండీస్ టీ20 సిరీస్‌

టీమిండియా స్టార్ ఓపెన‌ర్ సంజూ సామ్స‌న్‌పై భార‌త మాజీ క్రికెట‌ర్ క్రిష్ణ‌మాచారి శ్రీకాంత్ ఆస‌క్తిక‌ర వ్యాఖ్య‌లు చేశాడు. అత‌డిలో అద్భుత ప్ర‌తిభ దాగున్న‌ప్ప‌టికీ, విఫ‌లమైన ప్ర‌తీసారి సంజూ పీఆర్ విభాగం కాపాడుతూ వ‌స్తోంద‌ని తెలిపాడు. ఈ కార‌ణం చేత‌నే వైభ‌వ్ జ‌ట్టులోకి రాకుండా సంజూ సామ్స‌న్ అడ్డుకుంటున్నాడ‌నే ఆరోప‌ణ‌లు కూడా వ‌స్తున్నాయ‌ని పేర్కొన్నాడు. విండీస్‌తో టీ20 సిరీస్ ముగిసిన త‌ర్వాత టీమిండియా న్యూజిలాండ్ ప‌ర్య‌ట‌న‌కు వెళ్ల‌నున్న నేప‌థ్యంలో శ్రీకాంత్ ఈ వ్యాఖ్య‌లు చేశాడు. ఆయ‌న మాట్లాడుతూ.. ''సంజు సామ్సన్ ఒక సంపూర్ణ మ్యాచ్ విన్నర్, అతను టీ20 ప్రపంచ కప్‌లో ఇది నిరూపించుకున్నాడు. కానీ అతడికి నిలకడ లేకపోవడం పెద్ద సమస్య. అతను ఫామ్‌లో ఉన్నప్పుడు అద్భుతంగా రాణిస్తాడన‌డంలో సందేహం లేదు. కానీ త‌క్కువ స్కోర్ల‌కు ఔటైన సంద‌ర్భాల్లో త‌న స్థానాన్ని కాపాడుకోవ‌డానికి రకరకాల మార్గాలను అన్వేషించ‌డం అల‌వాటుగా మార్చుకున్నాడు. ఈ ఏడాది ఆరంభంలో జ‌రిగిన‌ టీ20 ప్రపంచ కప్ తర్వాత సామ్సన్ చాలా మ్యాచ్‌ల్లో త‌క్కువ స్కోర్ల‌కే వెనుదిరిగాడు.అభిమానులు అతనిపై విమర్శలు ఎక్కుపెట్టిన‌ప్పుడు, అతని పీఆర్ బృందం బ‌య‌టికి వ‌చ్చి ఆ విమ‌ర్శ‌ల‌ను తిప్పి కొట్ట‌డం చేస్తున్నారు. అత‌డి పీఆర్ విభాగం బ‌లంగా ఉండ‌డం చేత‌నే వైభవ్ సూర్యవంశీ స్థానాన్ని అడ్డుకుంటున్నాడనే ప్ర‌చారం పెరిగిపోయింది. అలా కాకుండా జట్టులో వాళ్లిద్ద‌రికీ సమాన అవకాశాలు ఇచ్చి ఉండుంటే, వాళ్ల‌ ప్రదర్శనలపై మనకు మరింత స్పష్టమైన అవగాహన వచ్చేది'' అని పేర్కొన్నాడు.ఇక సంజూ సామ్స‌న్ టీ20 సిరీస్‌లో త‌న స్థాయికి త‌గ్గ ప్ర‌ద‌ర్శ‌న చేయ‌డంలో విఫ‌ల‌మ‌య్యాడు. సిరీస్‌లో రెండు అర్థ‌సెంచరీలు సాధించిన సామ్స‌న్ 5 ఇన్నింగ్స్‌లు క‌లిపి 168 ప‌రుగులు సాధించాడు. తొలి టీ20లో విఫ‌లం కావ‌డంతో సంజూను ప‌క్క‌న‌బెట్టి వైభ‌వ్‌ను ఆడించాల‌ని డిమాండ్లు వ‌చ్చాయి. జ‌ట్టు మేనేజ్‌మెంట్ మాత్రం సామ్స‌న్‌పై న‌మ్మ‌కంతో అత‌డికే ఓటు వేసింది. రెండో టీ20లో 82 ప‌రుగుల తుఫాన్ ఇన్నింగ్స్‌తో అల‌రించిన సామ్స‌న్.. ఉప్ప‌ల్‌లో జ‌రిగిన నాలుగో టీ20లో 23 బంతుల్లోనే 56 ప‌రుగుల మెరుపు ఇన్నింగ్స్‌తో అల‌రించాడు. అయితే సామ్స‌న్ రాణించిన రెండు మ్యాచ్‌ల్లోనూ టీమిండియా ఓటమిపాల‌వ్వ‌డం గ‌మ‌నార్హం.ఇదీ చదవండి: ‘భార‌త్‌ను ఓడించినంత ప‌ని చేశాం; ఇది సిరీస్ గెలుపుతో స‌మానం’‘ఇదేం షెడ్యూల్‌.. సుఖంగా నిద్రపోయి ఎన్ని రోజులైందో!’

భారత్‌, వెస్టిండీస్ మధ్య జరిగిన ఐదు మ్యాచ్‌ల టీ20 సిరీస్‌లో ఒక మ్యాచ్ వర్షంతో రద్దవ్వడం వల్ల ఇరుజట్లు 2-2తో సమంగా నిలిచాయి. దీంతో సంయుక్తంగా ట్రోఫీని అందుకున్నాయి. అయితే భారత గడ్డపై సిరీస్ గెలవడంలో కరీబియన్లు మరోసారి విఫలమయ్యారని విమర్శలు వస్తున్న వేళ వెస్టిండీస్ జట్టు కెప్టెన్ షై హోప్ ఆసక్తికర వ్యాఖ్యలు చేశాడు. విజయాలను ఎప్పుడు ట్రోఫీలతో లెక్కగట్టకూడదని, టీ20 సిరీస్‌లో సొంతగడ్డపై బలమైన జట్టుగా పేరున్న టీమిండియాను ఢీకొట్టడమే గాక 2-2తో సిరీస్‌ను సమం చేసి వారిని ఓడించినంత పని చేశామని తెలిపాడు. ఇది తమకు సిరీస్ గెలుపుతో సమానమని హోప్ వ్యాఖ్యానించాడు. శనివారం బెంగళూరు వేదికగా జరిగిన ఐదో టీ20 వర్షార్పణం కావడంతో మ్యాచ్ రద్దయింది. ట్రోఫీ ప్రదానోత్సవం అనంతరం హోప్ మాట్లాడుతూ.. ‘‘భారత గడ్డపై గత 24 ఏళ్లకు పైగా మేము ఒక్క ద్వైపాక్షిక సిరీస్ కూడా గెలవలేదు. అలాంటిది ఈ పర్యటనలో సిరీస్ నిర్ణయాత్మక (చివరి) మ్యాచ్ ఆడేంత వరకు రావడం, గెలిచేందుకు బలమైన అవకాశాన్ని సృష్టించుకోవడం ఒక యూనిట్‌గా మా ఎదుగుదలను చూపిస్తోంది. విజయాన్ని ఎప్పుడూ కేవలం ట్రోఫీలు లేదా సిరీస్ గెలుపుతోనే కొలవలేము. Photo Credit: Twitterఈ సిరీస్ పొడుగునా మా ఆటగాళ్లు ప్రదర్శించిన పోరాట పటిమ, జట్టుగా సాధించిన ప్రగతి నిజంగా అభినందనీయం. ముఖ్యంగా బౌలింగ్ విభాగంలో కీమో పాల్, రోస్టన్ చేజ్.. డెత్ ఓవర్లలో షమర్ స్ప్రింగర్ అందించిన సహకారం సిరీస్‌ను సమం చేయడంలో ఎంతగానో తోడ్పడింది. మైదానంలోకి అడుగుపెట్టేటప్పుడు నాపై నాకు నమ్మకం ఉంటుంది. నా ఆట శైలి, ప్రక్రియలో ఎలాంటి మార్పులు చేయను, వీలైనంత ప్రశాంతంగా ఉంటూ జట్టుకు విజయాన్ని అందించడానికే ప్రయత్నిస్తాను. టీ20ల్లో భారత్‌ను వారి సొంతగడ్డపైనే ఓడించినంత పని చేశాం.. ఇది మాకు సిరీస్ గెలుపుతో సమానం’’ అని చెప్పుకొచ్చాడు.Photo Credit: Twitterఇక విండీస్ కెప్టెన్ షై హోప్ భారత పర్యటనలో అద్భుత ప్రదర్శన కనబరిచాడు. వన్డే, టీ20 సిరీస్‌లు కలిపి నాలుగు సెంచరీలు బాదిన హోప్.. ‘ప్లేయర్ ఆఫ్ ది సిరీస్‌’ అవార్డుతో పాటు మూడు ‘ప్లేయర్ ఆఫ్ ది మ్యాచ్‌’ అవార్డులు కూడా దక్కించుకోవడం విశేషం. ఐదు టీ20 మ్యాచ్‌లాడిన హోప్ నాలుగు ఇన్నింగ్స్‌లు కలిపి 190కి పైగా స్ట్రై‍క్‌రేట్‌తో 261 పరుగులు సాధించాడు. ఇందులో రెండు సెంచరీలు, ఒక హాఫ్ సెంచరీ ఉన్నాయి. అంతకముందు వన్డే సిరీస్‌లోనూ హోప్ అదరగొట్టాడు. మూడు మ్యాచ్‌లాడిన హోప్ 112 స్ట్రైక్‌రేట్‌తో 278 పరుగులు చేశాడు. ఇందులో రెండు సెంచరీలున్నాయి. వన్డే సిరీస్‌ను 2-1 తేడాతో భారత్‌ సొంతం చేసుకున్న సంగతి తెలిసిందే.ఇదీ చదవండి: ‘ఇదేం షెడ్యూల్‌.. సుఖంగా నిద్రపోయి ఎన్ని రోజులైందో!’ప్ర‌పంచ రికార్డు బ‌ద్ద‌లుకొట్టిన‌ భార‌త్‌, విండీస్ టీ20 సిరీస్‌

వెస్టిండీస్‌తో ఐదు మ్యాచ్‌ల టీ20 సిరీస్ ముగించుకున్న టీమిండియా ఐదు రోజుల గ్యాప్‌లోనే న్యూజిలాండ్ టూర్‌కు బ‌య‌ల్దేరి వెళ్ల‌నుంది. ఈ సుదీర్ఘ ప‌ర్య‌ట‌న‌లో టీమిండియా మొద‌ట ఐదు టీ20లు, ఆ త‌ర్వాత ఐదు వ‌న్డేలు, రెండు టెస్టు మ్యాచ్‌లు ఆడ‌నుంది. దాదాపు రెండు నెల‌ల పాటు భార‌త జ‌ట్టు న్యూజిలాండ్‌లోనే ఉండ‌నుంది. ఈ నేప‌థ్యంలో భార‌త స్టార్ ఓపెన‌ర్ సంజూ సామ్స‌న్‌.. టీమిండియా బిజీ షెడ్యూల్‌పై కాస్త అసంతృప్తి వ్య‌క్తం చేశాడు. టైట్ షెడ్యూల్ కార‌ణంగా స‌రైన నిద్ర కూడా పోవ‌డం లేద‌ని వాపోయాడు. ఆసియా గేమ్స్ నుంచి రాగానే విండీస్‌తో టీ20 సిరీస్, అది ముగియ‌గానే మ‌ళ్లీ న్యూజిలాండ్‌తో టీ20 సిరీస్ ఆడాల్సి వ‌స్తోంద‌ని, వారి గ‌డ్డ‌పై అడుగుపెట్టాకా కేవ‌లం ఒక్క‌రోజు మాత్ర‌మే త‌మ‌కు ప్రాక్టీస్‌కు అవ‌కాశం ఉండ‌డం ఇబ్బంది క‌లిగించే అంశ‌మ‌ని సామ్స‌న్ తెలిపాడు. ఐదో టీ20 మ్యాచ్ అనంత‌రం సంజూ సామ్స‌న్ మాట్లాడుతూ.. ''నిజం చెప్పాలంటే ఇటీవ‌లే మా షెడ్యూల్ తీరు చూస్తుంటే, ప్రాక్టీస్ చేయ‌డానికి స‌రైన స‌మ‌య‌మే దొర‌క‌డం లేదనిపిస్తోంది. జ‌పాన్‌లో జ‌రిగిన‌ ఆసియా గేమ్స్‌లో స్వ‌ర్ణం గెలిచి భార‌త్‌లో అడుగుపెట్టిన మూడు రోజుల‌కే వెస్టిండీస్‌తో టీ20 సిరీస్ ఆడాల్సి వ‌చ్చింది. ఇప్పుడు న్యూజిలాండ్‌కు బ‌య‌ల్దేరి వెళ్తున్నాం. మేము 20వ తేదీన న్యూజిలాండ్‌కు చేరుకుంటాము, 21వ తేదీన ప్రాక్టీస్ చేస్తాము.. 22వ తేదీన తొలి టీ20 మ్యాచ్ ఆడ‌నున్నాం. కాబట్టి, మాకు అక్క‌డి ప‌రిస్థితుల‌పై అవ‌గాహ‌న తెచ్చుకునేందుకు స‌మ‌యం లేదు. ప్రాక్టీస్‌కు ఒకేరోజు స‌మయం మాత్ర‌మే ఉండ‌డంతో, విండీస్‌తో సిరీస్‌లో నేర్చుకున్న పాఠాల‌ను కివీస్ గ‌డ్డ‌పై కొన‌సాగించాల‌నుకుంటున్నాం. అక్కడి పరిస్థితులకు అలవాటు పడటానికి కొంచెం సమయం పడుతుంది. అయితే విండీస్‌తో జ‌రిగిన చివ‌రి టీ20 మ్యాచ్ ర‌ద్దు కావ‌డంతో మాకు కాస్త విశ్రాంతి దొరికిన‌ట్ల‌యింది.’’ అని చెప్పుకొచ్చాడు. భార‌త్‌, వెస్టిండీస్ మ‌ధ్య జ‌రిగిన‌ ఐదు మ్యాచ్‌ల టీ20 సిరీస్ 2-2తో డ్రాగా ముగిసింది. శ‌నివారం చిన్న‌స్వామి స్టేడియం వేదిక‌గా జ‌రిగిన ఐదో టీ20 వ‌ర్షంతో ర‌ద్దు కావ‌డం వ‌ల్ల ఇరుజ‌ట్లు సంయుక్త విజేత‌లుగా నిలిచాయి. ఇక సంజూ సామ్స‌న్ టీ20 సిరీస్‌లో త‌న స్థాయికి త‌గ్గ ప్ర‌ద‌ర్శ‌న చేయ‌డంలో విఫ‌ల‌మ‌య్యాడు. సిరీస్‌లో రెండు అర్థ‌సెంచరీలు సాధించిన సామ్స‌న్ 5 ఇన్నింగ్స్‌లు క‌లిపి 168 ప‌రుగులు సాధించాడు. తొలి టీ20లో విఫ‌లం కావ‌డంతో సంజూను ప‌క్క‌న‌బెట్టి వైభ‌వ్‌ను ఆడించాల‌ని డిమాండ్లు వ‌చ్చాయి. అయితే జ‌ట్టు మేనేజ్‌మెంట్ మాత్రం సామ్స‌న్‌పై న‌మ్మ‌కంతో అత‌డికే ఓటు వేసింది. రెండో టీ20లో 82 ప‌రుగుల తుఫాన్ ఇన్నింగ్స్‌తో అల‌రించిన సామ్స‌న్.. ఉప్ప‌ల్‌లో జ‌రిగిన నాలుగో టీ20లో 23 బంతుల్లోనే 56 ప‌రుగుల మెరుపు ఇన్నింగ్స్‌తో అల‌రించాడు. అయితే సామ్స‌న్ రాణించిన రెండు మ్యాచ్‌ల్లోనూ టీమిండియా ఓటమిపాల‌వ్వ‌డం గ‌మ‌నార్హం.🔴NO TIME TO PREPARE, JUST PLAY - SANJU UNHAPPY ON BCCI HECTIC SCHEDULE 🤦 🎙️: Sanju Samson says that nowadays, the busy cricket schedule leaves very little time for practice & preparation. - India will arrive on the 20th, practise on the 21st and play on the 22nd. With changing weather and pitch conditions in NZ, players have to rely on their experience, adapt quickly & make the most of the limited practice time.— Sam (@cricsam02) October 17, 2026ఇదీ చదవండి: ప్ర‌పంచ రికార్డు బ‌ద్ద‌లుకొట్టిన‌ భార‌త్‌, విండీస్ టీ20 సిరీస్‌పాపం వెస్టిండీస్.. రిక్త హస్తాలతోనే స్వదేశానికి!

భార‌త్‌, వెస్టిండీస్ మ‌ధ్య జ‌రిగిన ఐదు మ్యాచ్‌ల టీ20 సిరీస్‌లో ప‌రుగుల వ‌ర‌ద పారింది. బ్యాటింగ్‌కు అనుకూలించిన పిచ్‌ల‌పై ఇరుజ‌ట్ల‌ బ్యాట‌ర్లు చెల‌రేగ‌గా.. బౌల‌ర్లు మాత్రం వికెట్ల కోసం శ్ర‌మించాల్సి వ‌చ్చింది. ఐదు టీ20లు క‌లిపి దాదాపు 1700 ప‌రుగుల‌కు పైగా (రెండు ఇన్నింగ్స్‌లు కలిపి) న‌మోద‌వ్వ‌డం విశేషం. ఇందులో వెస్టిండీస్ ఒక‌సారి ఆలౌట్ కాగా, భార‌త్ రెండుసార్లు ఆలౌట్ అయింది. ఈ నేప‌థ్యంలో రెండు జ‌ట్లు క‌లిపి ఐదు టీ20ల్లో కొట్టిన సిక్స‌ర్ల సంఖ్య 105గా ఉంది. ఒక ద్వైపాక్షిక సిరీస్‌లో వందకు పైగా సిక్సర్లు రావడం ఇది నాలుగోసారి. గతంలో 2023-34లో ఇంగ్లండ్‌, వెస్టిండీస్ మధ్య జరిగిన టీ20 సిరీస్‌లో 120 సిక్సర్లు నమోదయ్యాయి. 2025లో ఆస్ట్రేలియా, వెస్టిండీస్ మధ్య జరిగిన టీ20 సిరీస్‌లో ఇరుజట్ల బ్యాటర్లు కలిపి 117 సిక్సర్లు బాదారు. 2026లో భారత్, న్యూజిలాండ్ మధ్య జరిగిన టీ20 సిరీస్‌లో 116 సిక్సర్లు నమోదయ్యాయి. 2019లో టీమిండియా, విండీస్ మధ్య జరిగిన టీ20 సిరీస్‌లో 96 సిక్సర్లు రాగా.. 2021-22లో ఇంగ్లండ్‌, వెస్టిండీస్ మధ్య టీ20 సిరీస్‌లో 96 సిక్సర్లు నమోదయ్యాయి.ర‌న్‌రేట్ ప‌రంగా ప్ర‌పంచ రికార్డు..ఇక భార‌త్‌, వెస్టిండీస్ మ‌ధ్య జ‌రిగిన ద్వైపాక్షిక టీ20 సిరీస్ ర‌న్‌రేట్ ప‌రంగా ప్ర‌పంచ రికార్డు న‌మోదు చేసింది. ఐదు మ్యాచ్‌ల టీ20 సిరీస్‌లో భాగంగా 10.98 ర‌న్‌రేట్‌తో పరుగులు రావ‌డం విశేషం. గ‌తంలో ఈ రికార్డు భార‌త్‌, న్యూజిలాండ్ టీ20 సిరీస్ (10.57 ర‌న్‌రేట్‌) అత్యుత్తమంగా ఉండగా, తాజా రికార్డుతో ఇది రెండో స్థానానికి ప‌డిపోయింది. ఇక 2025లో ఆస్ట్రేలియా, వెస్టిండీస్ మ‌ధ్య టీ20 సిరీస్‌లో 9.63 ర‌న్‌రేట్‌తో ప‌రుగులు వ‌చ్చాయి. 2026లో భార‌త్‌, ఇంగ్లండ్ మ‌ధ్య జ‌రిగిన టీ20 సిరీస్‌లో 9.36 ర‌న్‌రేట్‌తో ప‌రుగులు సాధించ‌గా, 2023-24లో ఇంగ్లండ్‌, వెస్టిండీస్ టీ20 సిరీస్‌లో 9.21 ర‌న్‌రేట్‌తో ప‌రుగులు న‌మోద‌య్యాయి.An entertaining series comes to an end 🤝 🎥 BCCI Hon. Treasurer Mr A. Raghuram Bhat presents the @mflone_ T20I Series trophy to #TeamIndia Captain Shreyas Iyer and West Indies Captain Shai Hope 🏆 #INDvWI https://t.co/iKA8vx68ba— BCCI (@BCCI) October 17, 2026ఇదీ చదవండి: పాపం వెస్టిండీస్.. రిక్త హస్తాలతోనే స్వదేశానికి!బంగ్లాదేశ్‌ను చిత్తు చేసిన జింబాబ్వే

భారత గడ్డపై సిరీస్‌ను సొంతం చేసుకోవాలనుకున్న వెస్టిండీస్ కల నెరవేరలేదు. విండీస్ కోచ్ డారెన్ సామీ ‘ఈసారి భారత్‌ను వారి సొంతగడ్డపై ఓడించి 24 ఏళ్ల కలను నిజం చేస్తాం’ అని సిరీస్ ప్రారంభానికి ముందు చేసిన చాలెంజ్ నిర్వీర్యంగా మారిపోయింది. అయితే గతంతో పోలిస్తే వెస్టిండీస్ జట్టు భారత్‌కు గట్టి పోటీనిచ్చింది. కెప్టెన్ షై హోప్ సెంచరీలతో హోరెత్తించడమే గాక, వన్డే, టీ20 సిరీస్‌లు కలిపి 539 పరుగులు సాధించిన హోప్ ‘ప్లేయర్ ఆఫ్ ది సిరీస్‌’ అవార్డుతో పాటు మూడు ‘ప్లేయర్ ఆఫ్ ది మ్యాచ్’ అవార్డులు పట్టుకెళ్లాడు. మరో స్టార్ షెర్ఫేన్ రూథర్‌ఫోర్డ్‌ ఐపీఎల్ పుణ్యమా అని భారత్ మైదానాలు కొట్టిన పిండిగా మారిపోయాయి. దీంతో అతడు కూడా బ్యాట్‌ను ఝలిపించాడు. 5 మ్యాచ్‌ల్లో నాలుగు ఇన్నింగ్స్‌ల్లో బ్యాటింగ్ ఆడిన రూథర్‌ఫోర్డ్ 221 పరుగులు సాధించాడు. ఇక కీమో పాల్‌, రోస్టన్ చేజ్, షమర్ స్ప్రింగర్‌ లాంటి క్రికెటర్లు భారత్‌పై రాణించి ఐపీఎల్ నిర్వాహకుల దృష్టిలో పడ్డారు. వెస్టిండీస్ భారత గడ్డపై చివరిసారిగా 2002లో ద్వైపాక్షిక సిరీస్‌ను గెలుచుకుంది. నాడు ఏడు మ్యాచ్‌ల వన్డే సిరీస్‌ను 4-3తో వెస్టిండీస్ కైవసం చేసుకుంది. ఆ తర్వాత మళ్లీ వెస్టిండీస్ భారత గడ్డపై సిరీస్ గెలవడంలో విఫలమవుతూనే వచ్చింది. తాజాగా వన్డే సిరీస్‌ను 2-1 తేడాతో కోల్పోయిన విండీస్‌.. టీ20 సిరీస్‌లో మాత్రం ఊహకందని విధంగా రాణించి సిరీస్‌ను 2-2తో సమం చేసింది. అయితే చివరి టీ20లో గెలిచి సిరీస్‌ను ఎగరేసుకుపోవాలని భావించిన వెస్టిండీస్ కలకు వరుణుడు అడ్డుపడ్డాడు. దీంతో పాపం విండీస్ ఈసారి కూడా రిక్త హస్తాలతోనే స్వదేశానికి వెళ్లిపోయింది.ఇదీ చదవండి: వైభవ్‌ ఒక అద్భుతం.. కానీ ఓపిక పట్టాల్సిందే: శ్రేయస్‌ అయ్యర్‌భువనేశ్వర్‌ కుమార్‌ అరుదైన రికార్డు.. భారత క్రికెట్‌ చరిత్రలో!

బెంగ‌ళూరు వేదిక‌గా భార‌త్‌-వెస్టిండీస్ మ‌ద్య జ‌ర‌గాల్సిన ఐదో టీ20 వర్షార్పణమైంది. దీంతో ఐదు మ్యాచ్‌ల టీ20 సిరీస్ 2-2తో సమంగా ముగిసింది. ట్రోఫీని ఇరు జట్లు సంయుక్తంగా పంచుకున్నాయి. కాగా వర్షం కారణంగా మ్యాచ్‌ను తొలుత తొమ్మిది ఓవర్లకు కుదించారు. టాస్ ఓడి బ్యాటింగ్‌కు దిగిన భారత్ నిర్ణీత 7.4 ఓవర్లలో 5 వికెట్ల నష్టానికి 118 పరుగుల భారీ స్కోరు సాధించింది.ఈ దశలో మళ్లీ వర్షం కురవడంతో ఆటను నిలిపివేశారు. వర్షం ఆగితే కనీసం ఐదు ఓవర్ల ఆటనైనా జరుగుతుందని అభిమానులు భావించారు. కానీ వర్షం తగ్గముఖం పట్టే సూచనలు కనిపించకపోవడంతో అంపైర్లు మ్యాచ్‌ను రద్దు చేస్తున్నట్లు ప్రకటించారు.ఇషాన్ కిషన్, నామన్ ధీర్ మెరుపులుటాస్ గెలిచి విండీస్ తొలుత భారత్‌ను బ్యాటింగ్‌కు ఆహ్వానించింది. ఈ క్రమంలో అభిషేక్ శర్మ(6) మొదటి ఓవర్‌లోనే ఔటైనప్పటికి.. ఇషా కిషన్ మెరుపులు మెరిపించాడు. రొమారియో షెపర్డ్ వేసిన ఓవర్లో రెండు సిక్సర్లు, రెండు ఫోర్లతో మొత్తం 24 పరుగులు పిండుకున్నాడు.అతడితో సంజూ శాంసన్(16) కూడా దూకుడుగా ఆడాడు. అయితే స్వల్ప వ్యవధిలోనే వీరిద్దరూ వెనుదిరిగారు. అనంతరం కెప్టెన్ శ్రేయస్ అయ్యర్‌(22), నమన్ ధీర్‌(24 నాటౌట్‌)లు బ్యాట్‌కు పనిచెప్పారు. అయితే 7.4 ఓవర్ల వద్ద భారత్ 5 వికెట్లకు 118 పరుగులు చేసిన సమయంలో వర్షం మళ్లీ జోరుగా కురవడంతో ఇన్నింగ్స్‌కు తెరపడింది.భువ‌నేశ్వ‌ర్ అరుదైన రికార్డుకాగా సీనియ‌ర్ పేస‌ర్ భువ‌నేశ్వ‌ర్ కుమార్ సుదీర్ఘ విరామం త‌ర్వాత భార‌త జ‌ట్టులోకి రీఎంట్రీ ఇచ్చాడు. చివరిసారిగా నవంబర్ 2022లో న్యూజిలాండ్ టూర్‌లో టీమిండియా తరఫున టీ20 ఆడిన భువి... సరిగ్గా దాదాపు 4 సంవత్సరాల (1,425 రోజులు) తర్వాత మళ్లీ భారత జెర్సీలో క‌నిపించాడు.ఈ సుదీర్ఘ విరామ కాలంలో అత‌డు భారత్ తరఫున ఏకంగా 104 టీ20 మ్యాచ్‌లకు దూరమయ్యాడు. తద్వారా భారత్ తరఫున అత్యధిక టీ20 మ్యాచ్‌లు మిస్సయిన ఆటగాళ్ల జాబితాలో భువీ.. ఖలీల్ అహ్మద్‌తో కలిసి సంయుక్తంగా అగ్రస్థానంలో (104 మ్యాచ్‌లు) నిలిచాడు.

బెంగళూరు: పరుగుల వరదతో ముంచెత్తిన భారత్, వెస్టిండీస్‌ టి20 సిరీస్‌ చివరకు వరుణుడి ప్రతాపంతో ముగిసింది. భారీ వాన కారణంగా శనివారం జరిగిన చివరి టి20 మ్యాచ్‌ అర్ధాంతరంగా రద్దయింది. దాంతో ఐదు మ్యాచ్‌ల సిరీస్‌ 2–2తో సమంగా ముగిసింది. వర్షం వల్ల దాదాపు రెండు గంటలకు పైగా ఆట ఆలస్యం కావడంతో 9 ఓవర్ల చొప్పున మ్యాచ్‌ను నిర్వహించాలని నిర్ణయించారు. అయితే చిన్నస్వామి స్టేడియంలో భారత్‌ ఇన్నింగ్స్‌ కూడా పూర్తిగా ముగియక ముందే మళ్లీ జోరు వానతో మ్యాచ్‌ ఆగిపోయింది. ఈ దశలో ఆట మొదలయ్యే అవకాశం ఏమాత్రం కనిపించకపోవడంతో అంపైర్లు అధికారికంగా రద్దు చేస్తున్నట్లు ప్రకటించారు.టాస్‌ ఓడి ముందుగా బ్యాటింగ్‌కు దిగిన భారత్‌ 7.4 ఓవర్లలో 5 వికెట్ల నష్టానికి 118 పరుగులు చేసింది. ఇషాన్‌ కిషన్‌ (10 బంతుల్లో 30; 3 ఫోర్లు, 2 సిక్స్‌లు), నమన్‌ ధీర్‌ (6 బంతుల్లో 24 నాటౌట్‌; 1 ఫోర్, 3 సిక్స్‌లు) మెరుపు బ్యాటింగ్‌ అభిమానులకు వినోదాన్ని పంచింది. తొలి ఓవర్లో అభిషేక్‌(6) అవుటైనా, షెఫర్డ్‌ వేసిన రెండో ఓవర్లో ఇషాన్‌ 2 ఫోర్లు, 2 సిక్స్‌లు బాదడంతో మొత్తం 24 పరుగులు వచ్చాయి. సంజు సామ్సన్‌(7 బంతుల్లో 16; 2 ఫోర్లు, 1 సిక్స్‌), శ్రేయస్‌ అయ్యర్‌ (14 బంతుల్లో 22; 2 ఫోర్లు) ఫర్వాలేదనిపించారు. ఆ తర్వాత నమన్‌ తాను ఆడిన ఆరు బంతుల్లో వరుసగా 6, 4, 6, 1, 6, 1 బాదాడు. తిలక్‌ వర్మ (7) బౌల్డ్‌ కాగానే ఆట ఆగిపోయింది. నాలుగు మ్యాచ్‌లో కలిపి 261 పరుగులు చేసిన హోప్‌కు ‘ప్లేయర్‌ ఆఫ్‌ ద సిరీస్‌’ అవార్డు దక్కింది.

ఉప్పల్ వేదికగా భారత్‌, వెస్టిండీస్ మధ్య జరిగిన నాలుగో టీ20లో అభిషేక్ శర్మ, విండీస్ బౌలర్ కీమో పాల్ మధ్య జరిగిన మాటల యుద్ధం ఆలస్యంగా వెలుగులోకి వచ్చింది. మ్యాచ్ ముగిసిన అనంతరం ఇరుజట్ల ఆటగాళ్ల కరచాలనం సందర్భంగా సైగలతో కవ్వింపు చర్యలకు పాల్పడ్డ విండీస్ బౌలర్‌కు అభిషేక్ మాస్ వార్నింగ్ ఇవ్వడం వైరల్‌గా మారింది. కరచాలనం చేసుకునే సమయంలో కీమో పాల్ వైఖరి పట్ల ఆగ్రహం వ్యక్తం చేసిన అభిషేక్‌.. ఇది మంచి పద్దతి కాదంటూ సీరియస్‌గా అక్కడి నుంచి వెళ్లిపోవడం కెమెరా కంటికి చిక్కింది. ఇద్దరి మధ్య మాటల యుద్ధం నడుస్తున్న సమయంలోనే అక్కడికి చేరుకున్న ఆటగాళ్లు, అంపైర్ వారిని విడదీశారు. దీనికి సంబంధించిన వీడియో ప్రస్తుతం సోషల్ మీడియాలో ట్రెండింగ్‌లో నిలిచింది.మ్యాచ్ సమయంలో 5 వికెట్ల ప్రదర్శన నమోదు చేసిన కీమో పాల్.. వికెట్ తీసిన ప్రతీసారి కాస్త అగ్రెసివ్‌గా ప్రవర్తించాడు. తన వెలికి చేష్టలతో టీమిండియా బ్యాటర్లకు సైగలు చేశాడు. అయితే అభిషేక్ శర్మ ఔటైన సమయంలోనూ కీమో పాల్ వెటకారంగా సైగలు చేశాడు. అతడి చర్యలతో సుర్రుమన్న అభిషేక్.. కీమో పాల్‌తో మాటల యుద్ధానికి దిగాడు. అయితే అంపైర్లు, ఇత‌ర ఆట‌గాళ్లు జోక్యం చేసుకొని అభిషేక్‌ను పంపించారు. అయితే కీమో పాల్ ప్ర‌వ‌ర్త‌న‌ను రుచించని అభిషేక్ శర్మ మ్యాచ్ అనంతరం షేక్ హ్యాండ్ ఇచ్చే స‌మ‌యంలో కీమో పాల్ వ‌ద్ద‌కు రాగానే.. ఇలాంటి పనులు చేయొద్దని, హుందాగా ప్రవరిస్తే బాగుంటుందని పాల్‌కు మాస్ వార్నింగ్ ఇవ్వ‌డం క‌నిపించింది.మ్యాచ్‌లో తొలుత బ్యాటింగ్ చేసిన వెస్టిండీస్ 20 ఓవ‌ర్ల‌లో మూడు వికెట్ల న‌ష్టానికి 247 ప‌రుగులు చేసింది. షై హోప్ (50 బంతుల్లో 102 నాటౌట్‌) అజేయ సెంచ‌రీ సాధించ‌గా, రూథ‌ర్‌ఫోర్డ్ (49 నాటౌట్‌) మెరిశాడు. అనంత‌రం భార‌త్ 19.3 ఓవ‌ర్ల‌లో (223-9) ప‌రుగుల‌కు ఆలౌటైంది( అర్ష‌దీప్ సింగ్ రిటైర్డ్ హ‌ర్ట్‌). ఓపెన‌ర్ సంజూ సామ్స‌న్ (56), తిల‌క్ వ‌ర్మ (43), నితీశ్‌రెడ్డి (41) మిన‌హా మిగ‌తావాళ్లు విఫ‌ల‌మ‌య్యారు. ఐదు మ్యాచ్‌ల టీ20 సిరీస్‌లు ఇరుజ‌ట్లు 2-2తో స‌మంగా ఉన్నాయి. రేపు బెంగ‌ళూరు వేదిక‌గా భార‌త్‌, వెస్టిండీస్‌లు చివ‌రి టీ20 మ్యాచ్ ఆడ‌నున్నాయి.Abhishek Sharma was not happy with the send off by Keema Paul during the 3rd T20i 🫪 #indvwi https://t.co/TYTMQYjjv8— Nibraz Ramzan (@nibraz88cricket) October 15, 2026ఇదీ చదవండి: ప్రధాన సమస్య అదే.. ఐపీఎల్ స్టార్లంతా ఎక్క‌డికి పోయారు?చేజింగ్ అంటేనే అత‌డి వెన్నులో వ‌ణుకు!

వెస్టిండీస్‌తో జ‌రుగుతున్న టీ20 సిరీస్ ద్వారా టీమిండియాలో ఉన్న స‌మ‌స్య‌లు ఒక్కొక్క‌టిగా బ‌య‌ట‌ప‌డుతున్నాయి. ప‌వ‌ర్ ప్లే, స్లాగ్ ఓవ‌ర్లు ప‌క్క‌కు పెడితే.. మిడిల్ ఓవ‌ర్ల‌లో భార‌త్‌కు ప‌రుగులు రావ‌డం క‌ష్ట‌మైపోతుంది. ఒక‌ప్పుడు జ‌ట్టులో ఆరో స్థానం వ‌ర‌కు స్పెష‌లిస్ట్ బ్యాట‌ర్లు ఉండేవారు. రాను రాను ఆ బాధ్య‌త‌ల‌ను ఆల్‌రౌండ‌ర్ల‌తో పూడుస్తున్నారు. కానీ ఆల్‌రౌండ‌ర్ల‌ను పూర్తిగా న‌మ్మ‌లేము. క‌చ్చితంగా ఒకరిద్ద‌రు స్పెష‌లిస్ట్ బ్యాట‌ర్లు ఉండి తీరాల్సిందే. కెప్టెన్ శ్రేయ‌స్ అయ్య‌ర్‌, తిల‌క్ వ‌ర్మను మిన‌హాయిస్తే ప్ర‌స్తుతం టీమిండియా టీ20 జ‌ట్టులో నిఖార్సైన స్పెష‌లిస్ట్ బ్యాట‌ర్ కరువ‌య్యాడ‌ని చెప్పొచ్చు.మ‌రి కోట్లు ఖ‌ర్చు పెట్టి ప్ర‌తీఏటా ఘ‌నంగా నిర్వ‌హిస్తున్న ఐపీఎల్ ద్వారా వెలుగులోకి వ‌స్తున్న స్టార్ బ్యాట‌ర్లంతా ఏమ‌వుతున్నారు? ఐపీఎల్‌లో దంచికొట్టే ర‌జ‌త్ ప‌టీదార్‌, దేవ‌ద‌త్ ప‌డిక్క‌ల్‌, రుతురాజ్ గైక్వాడ్‌, ధ్రువ్ జురేల్, రింకూ సింగ్‌ వంటి అనుభం ఉన్న క్రికెట‌ర్ల‌ను త‌ర‌చూ ఎందుకు ఆడించ‌డం లేద‌నేది ప్ర‌శ్న‌గా మిగిలిపోయింది. బౌలింగ్‌లో చేస్తున్న మార్పులు బ్యాటింగ్‌లో ఎందుకు జ‌ర‌గ‌డం లేద‌ని చాలా మంది అభిప్రాయ‌పడుతున్నారు.రొటేష‌న్ పాల‌సీ గాలికి..ఐపీఎల్ పుణ్య‌మా అని పుట్ట‌గొడుగుల్లా బ్యాట‌ర్లు పుట్టుకురావ‌డంతో జాతీయ జ‌ట్టులో ఎవ‌రికీ అవ‌కాశం ఇవ్వాల‌నేది కాస్త త‌లనొప్పి వ్య‌వ‌హార‌మే అయిన‌ప్ప‌టికీ, రొటేష‌న్ పాల‌సీ ద్వారా బ్యాట‌ర్ల‌ను త‌ర‌చూ మార్చుకునేందుకు వీలుంటుంది. ఆస్ట్రేలియా, సౌతాఫ్రికా, న్యూజిలాండ్‌, ఇంగ్లండ్ జ‌ట్లు త‌ర‌చూ రొటేష‌న్ పాల‌సీతోనే బ్యాటింగ్‌లో మార్పులు చేస్తూ వ‌స్తున్నాయి. కానీ మ‌న టీమిండియాకు వ‌చ్చేస‌రికి మాత్రం ఒక సిరీస్‌కు జ‌ట్టును ఎంపిక చేస్తే అదే జ‌ట్టును వ‌రుస‌గా ఆడిస్తూ వ‌స్తున్నారు.వ‌న్డే, టెస్టు క్రికెట్‌తో పోలిస్తే టీ20 క్రికెట్ వేరు. క్రీజులోకి వ‌చ్చిన‌ప్ప‌టి నుంచి కొట్టుడే ప‌ర‌మావ‌ధిగా బ్యాట‌ర్లు ఉంటారు. నిల‌క‌డైన జ‌ట్టు ఉండాల‌నేది మంచిదే అయిన‌ప్ప‌టికీ, అన్ని సందర్భాల్లో ఇది వ‌ర్తించ‌దు. ఉదాహ‌ర‌ణ‌కు విండీస్‌తో జ‌రుగుతున్న టీ20 సిరీస్‌లో ఓపెన‌ర్లు ఎంత బాగా ఆడినా, మిడిలార్డ‌ర్ బ‌లోపేతం లేక‌పోతే ప‌రుగులు త‌గ్గిపోతాయి.బలహీనంగా మిడిలార్డర్‌..విండీస్‌తో జ‌రిగిన‌ గత మూడు మ్యాచ్‌లలో మధ్య ఓవర్లలో భారత్ ఆట గణనీయంగా మందగించింది. పవర్‌ప్లేలో వేగంగా ప్రారంభించినప్పటికీ, ఫీల్డింగ్ ఆంక్షలు ఎత్తివేసిన తర్వాత వారి బౌండరీల వేట సామర్థ్యం దెబ్బతింది. ఈ స్వల్ప తగ్గుదలనే వెస్టిండీస్ త‌మ‌కు అనుకూలంగా మ‌లుచుకొని ఫ‌లితాలు రాబ‌ట్టింది. రెండు, నాలుగో వ‌న్డేల్లో మ‌న వైఫ‌ల్యానికి కార‌ణం మిడిలార్డ‌ర్ బ‌లంగా లేక‌పోవ‌డ‌మే అని బ‌ల్ల‌గుద్ది చెప్పొచ్చు.స్పెషలిస్ట్‌ బ్యాటర్‌ ఎక్కడ?ఐపీఎల్ ద్వారా వెలుగులోకి వ‌చ్చిన చాలా మంది క్రికెట‌ర్లు టీమిండియాలో ఆడాల‌ని క‌ల‌లు కంటుంటారు. అంద‌రికీ కాక‌పోయినా, ఇప్ప‌టికే తామేంటో నిరూపించుకున్న ప‌టీదార్‌, ప‌డిక్క‌ల్‌, జురెల్, రుతురాజ్ వంటి స్పెష‌లిస్ట్ బ్యాట‌ర్ల సేవ‌ల‌ను ఉప‌యోగించుకుంటే బాగుంటుంది. వీళ్లంద‌రికీ త‌లా ఒకటి లేదా రెండు మ్యాచ్‌ల్లో అవ‌కాశాలు ఇస్తూ పోతే కీల‌క ప్లేయ‌ర్ గాయ‌ప‌డ్డా మ‌న రిజ‌ర్వ్ బెంచ్ బలంగా ఉంద‌న్న న‌మ్మ‌కం ఉంటుంది.ఇదీ చదవండి: అత‌డి వ‌య‌సు 29 ఏళ్లు.. 24 ఏళ్ల నిషేధం!‘కొత్తవాళ్ల మోజులో పడి ఆ టీ20 స్పెషలిస్ట్‌ను మరిచారా?’

ఉప్పల్ వేదికగా వెస్టిండీస్‌తో జరిగిన నాలుగో టీ20 మ్యాచ్‌లో టీమిండియా 24 పరుగుల తేడాతో పరాజయం చవిచూసింది. మిడిలార్డర్‌లో తిలక్ వర్మ, నితీశ్ కుమార్ రెడ్డిలు రాణించినప్పటికీ, జట్టును గెలిపించలేకపోయారు. గెలుపుకు 24 పరుగుల దూరంలో టీమిండియా నిలిచిపోయింది. సాధారణంగా ఆరు లేదా ఏడో స్థానంలో బ్యాటింగ్‌కు వచ్చే ఆటగాడిని ఫినిషర్‌గా పరిగణిస్తుంటారు. గత దశాబ్దంలో ఈ పాత్రను ధోని సమర్థంగా నిర్వర్తించాడు. చాలా మ్యాచ్‌ల్లో అతడు ఫినిషర్‌గా వచ్చి జట్టును గెలిపించాడు. కానీ ఇప్పుడు టీమిండియాకు ఫినిషర్ లోటు స్పష్టంగా తెలుస్తోంది. అనుభవం లేని ఆల్‌రౌండర్ నమన్ ధీర్ ఒత్తిడిని తట్టు‍కోలేక గోల్డెన్ డక్‌గా వెనుదిరిగాడు. ఆ తర్వాత నితీశ్‌రెడ్డి ఫినిషింగ్ టచ్ ఇచ్చినప్పటికీ, అది సరిపోలేదు.ఈ నేపథ్యంలో టీమిండియాకు ఇప్పుడు రింకూ సింగ్ లాంటి ఫినిషర్ అవసరం ఉందని భారత మాజీ క్రికెటర్ వసీం జాఫర్ అభిప్రాయపడ్డాడు. జాఫర్ మాట్లాడుతూ.. ''248 పరుగుల భారీ లక్ష్యాన్ని ఛేదించే క్రమంలో జట్టులో సరైన ఫినిషర్ లేకపోవడం వల్లే భారత్ 24 పరుగుల తేడాతో ఓటమి చవిచూసింది. కొత్త ఆటగాళ్ల మోజులో పడి గతంలో ఫినిషర్‌గా మంచి పేరు పొందిన రింకూ సింగ్ లాంటి విధ్వంసకర వీరుడిని జట్టు మేనేజ్‌మెంట్‌ పూర్తిగా మరిచిపోయినట్లుంది. నిజానికి రింకూ సింగ్‌కు ఫినిషర్‌గా మంచి రికార్డు ఉంది. టీమిండియా తరఫున రింకూ చాలా మ్యాచ్‌ల్లో ఐదు లేదా ఆరు స్థానాల్లో బ్యాటింగ్‌కు వచ్చి 22 ఇన్నింగ్స్‌ల్లో 156కు పైగా స్ట్రైక్‌రేట్‌తో 518 పరుగులు సాధించాడు. బ్యాటర్ కోణం నుంచి చూస్తే రింకూ ప్రదర్శన అద్భుతంగా ఉంటుంది. ఎడమచేతి వాటం బ్యాటర్ అయిన రింకూ సింగ్ బౌలింగ్ చేయలేడన్న కారణంతో భారత జట్టుకు ఎంపిక చేయకపోవడం చాలా దురదృష్టకరం. రజత్ పటీదార్ కూడా లైన్‌లో ఉన్నప్పటికీ, రింకూ సింగ్ అతడి కంటే చాలా బెటర్ అని నా అభిప్రాయం. ఒత్తిడిలోనూ బాగా ఆడగలనని రింకూ సింగ్ ఇప్పటికే నిరూపించుకున్నాడు. లోయర్ ఆర్డర్‌లో అతడి లాంటి ఫినిషర్ ఇప్పుడు జట్టుకు చాలా అవసరం. ఇక స్పిన్ ఆల్‌రౌండర్‌గా జట్టులోకి వచ్చిన నమన్‌ధీర్ పెద్దగా ఆకట్టుకోలేకపోతున్నాడు. స్పిన్‌కు అనుకూలించే భారత పిచ్‌లపై కూడా అతడు సరైన బౌలింగ్ ప్రదర్శన చేయలేకపోతున్నాడు. పవర్‌ప్లే తర్వాత బౌలింగ్‌లో వైవిధ్యం లేకపోతే ఆఫ్-స్పిన్నర్లకు బౌలింగ్ చేయడం కొంచెం కష్టం. రోస్టన్ చేజ్ అలా చేస్తాడు; అతడిని అభినందించాలి. ముఖ్యంగా భారత్‌లో ఉండే వైవిధ్యమైన పిచ్‌లపై నమన్ ధీర్ నాలుగు ఓవర్లు బౌలింగ్ చేస్తాడని ఆశించడం చాలా అత్యాశే అవుతుంది.అతను టీ20 క్రికెట్ ఆడాలంటే బ్యాటింగ్‌లో అతని ప్రదర్శన చాలా ముఖ్యమని నేను భావిస్తున్నాను. దురదృష్టవశాత్తు, గత రెండు మ్యాచ్‌లలో అది జరగలేదు, కానీ వచ్చి 25-30 పరుగుల మెరుపు ఇన్నింగ్స్ ఆడగల సామర్థ్యం అతనికి ఉంది.'' అని చెప్పుకొచ్చాడు.ఈ ఏడాది జూలైలో జింబాబ్వే పర్యటన తర్వాత రింకూ సింగ్ భారత్‌కు ప్రాతినిధ్యం వహించలేదు. ఈ ఏడాది టీ20ల్లో అతడు 13 మ్యాచ్‌లాడి 139.44 స్ట్రైక్‌రేట్‌తో 152 పరుగులు సాధించాడు. ఐదు మ్యాచ్‌ల టీ20 సిరీస్‌లో ఇరుజట్లు 2-2తో సమానంగా ఉన్నాయి. ఇరుజట్ల మధ్య ఆఖరి మ్యాచ్ రేపు బెంగళూరు వేదికగా జరగనుంది.ఇదీ చదవండి: చేజింగ్ అంటేనే అత‌డి వెన్నులో వ‌ణుకు!మైదానంలోనే కాదు.. బయటా మాస్ బ్యాటింగే! వైభవ్‌ వీడియో వైరల్‌

టీమిండియా రైజింగ్ స్టార్ అభిషేక్ శ‌ర్మ మొదటి బంతి నుంచే విధ్వంసం సృష్టించాల‌ని త‌హ‌త‌హ‌లాడుతుంటాడు. బ‌రిలోకి దిగింది మొద‌లు బౌండ‌రీలు, సిక్స‌ర్ల వ‌ర్షంతో స్టేడియాన్ని హోరెత్తిచ‌డం అత‌డి నైజం. ముఖ్యంగా బ్యాటింగ్‌లో తొలి ప‌వ‌ర్ ప్లేలో(0-6 ఓవ‌ర్లు) అత‌డి ఆట‌తీరు న‌భూతో న‌భ‌విష్య‌త్తు అన్న త‌ర‌హాలో ఉంటుంది. ఇప్ప‌టికీ చాలాసార్లు ప‌వ‌ర్ ప్లేలో త‌న ఆట ఎలా ఉంటుందో రుచి చూపించాడు.నాణేనికి ఒకవైపు మాత్రమే..కానీ ఇదంతా నాణేనికి ఒక‌వైపు మాత్ర‌మే.. రెండో వైపు క‌థ మొత్తం వేరేలా ఉంది. ప‌వ‌ర్ ప్లేలో అభిషేక్‌కు స్ట్రైక్ రాక‌పోతే, మిగిలిన ఓవ‌ర్లు ఎలా ఆడ‌తాడ‌నేందుకు బుధ‌వారం ఉప్ప‌ల్ వేదిక‌గా జ‌రిగిన మ్యాచ్ ఒక ఉదాహ‌ర‌ణ‌. 248 ప‌రుగుల భారీ ల‌క్ష్యంతో బ‌రిలోకి దిగిన టీమిండియాకు మ‌రో ఓపెన‌ర్ సంజూ సామ్స‌న్ మంచి ఆరంభాన్ని ఇచ్చాడు. 4.1 ఓవ‌ర్ల పాటు బ్యాటింగ్ చేసిన సామ్స‌న్ 23 బంతుల్లో 56 ప‌రుగులు చేసి ఔట‌య్యాడు. సంజూ ఔట‌య్యే స‌మ‌యానికి అభిషేక్ మూడు బంతుల్లో 2 ప‌రుగులతో ఆడుతున్నాడు.కనిపించని మెరుపులుప‌వ‌ర్ ప్లే ముగిసిన త‌ర్వాత కూడా అభిషేక్ శ‌ర్మ క్రీజులో ఉన్న‌ప్ప‌టికీ బ్యాటింగ్ చేయ‌డంలో ఇబ్బంది ఎదుర్కొన్నాడు. బ్యాటింగ్‌లో పెద్ద‌గా మెరుపులు క‌నిపించని అభిషేక్ శ‌ర్మ చివ‌ర‌కు 24 బంతుల్లో 29 ప‌రుగులు చేసి ఔట‌య్యాడు. అత‌డి ఇన్నింగ్స్‌లో కేవ‌లం మూడు ఫోర్లు, ఒక సిక్స‌ర్ మాత్ర‌మే ఉన్నాయి. వాస్త‌వానికి ఉప్ప‌ల్ స్టేడియం అభిషేక్‌కు కొట్టిన పిండి. ఎందుకంటే స‌న్‌రైజ‌ర్స్ హైద‌రాబాద్ త‌ర‌ఫున లెక్క‌లేన‌న్ని మెరుపు ఇన్నింగ్స్‌లు ఆడాడు.చేజింగ్‌ అంటే భయమా?కానీ ఇక్క‌డ గ‌మ‌నించాల్సిన అంశం ఏంటంటే.. ఐపీఎల్ సంగతి ప‌క్క‌న‌బెడితే అంత‌ర్జాతీయ టీ20 మ్యాచ్‌ల్లో చేజింగ్ అన‌గానే అభిషేక్ శ‌ర్మ‌కు ఎక్క‌డ లేని వ‌ణుకు వ‌స్తున్న‌ట్లుగా అనిపిస్తుంది. చేజింగ్ స‌మ‌యంలో అత‌డి బ్యాటింగ్ శైలి ఇదే విష‌యాన్ని స్ప‌ష్టం చేస్తోంది. ముఖ్యంగా 200 ప్ల‌స్ స్కోర్లు ఛేదించాల్సిన స‌మ‌యంలో అభిషేక్ పూర్తిగా త‌డ‌బ‌డుతున్నాడు. చేజింగ్‌లో గ‌త‌ ఆరు ఇన్నింగ్స్‌ల్లో అభిషేక్ అత్య‌ధిక స్కోరు 29 మాత్ర‌మే. అదీ వెస్టిండీస్‌తో మ్యాచ్‌లో వ‌చ్చింది.ఛేద‌న‌లో గ‌త ఆరు ఇన్నింగ్స్‌ల్లో అభిషేక్ చేసిన స్కోర్లు17 (8) వ‌ర్సెస్ సౌతాఫ్రికా0 (1) వ‌ర్సెస్ న్యూజిలాండ్‌0 (1) వ‌ర్సెస్ న్యూజిలాండ్‌10 (7) వ‌ర్సెస్ ఇంగ్లండ్‌3 (5) వ‌ర్సెస్ ఇంగ్లండ్‌29 (24) వ‌ర్సెస్ వెస్టిండీస్‌గ‌త ఆరు ఇన్నింగ్స్‌ల్లో ఛేద‌న స‌మ‌యంలో అభిషేక్ సాధించిన ప‌రుగులివి. ఇందులో రెండు గోల్డెన్ డ‌క్‌లు ఉండ‌డం గ‌మ‌నార్హం. మొత్తంగా ఛేదన సమయంలో గత ఆరు ఇన్నింగ్స్‌ల్లో 46 బంతులెదుర్కొని 59 పరుగులు మాత్రమే సాధించాడు. మొద‌ట బ్యాటింగ్ చేస్తే దంచికొట్ట‌డం.. రెండో బ్యాటింగ్‌కు వ‌స్తే విఫ‌ల‌మ‌వ్వ‌డం అభిషేక్ స్టైల్‌గా మారిపోయిన‌ట్లుంది. కానీ ఒక బ్యాట‌ర్‌గా తొలి ఇన్నింగ్స్‌లోనే కాదు.. రెండో ఇన్నింగ్స్‌లోనూ ఒత్తిడిని తట్టుకొని ఆడితేనే ఆట‌కు పూర్తి న్యాయం చేసిన వాడ‌వుతాడు. అందుకే ఉప్ప‌ల్‌లో జ‌రిగిన టీ20 మ్యాచ్‌లో అభిషేక్ ఔట‌వ్వ‌గానే సోష‌ల్ మీడియాలో విమ‌ర్శ‌లు వెల్లువెత్తాయి. ‘‘అభిషేక్ ఒక ప‌వ‌ర్ ప్లే బ్యాట‌ర్ మాత్ర‌మే.. స్లాగ్ ఓవ‌ర్ల‌లో బ్యాటింగ్ చేసే స‌త్తా అత‌డికి లేదు అని, ఛేద‌న అన‌గానే అభిషేక్ వెన్నులో వ‌ణుకు పుడుతుందేమో’’ అని కామెంట్లు పెట్టారు.🚨 ABHISHEK SHARMA WHEN INDIA CHASING 200+ TOTAL: vs South Africa: 17 (8) vs New Zealand: 0 (1) vs New Zealand: 0 (1) vs England: 10 (7) vs England: 3 (5) vs West Indies: 29 (24) Total Runs: 59 Total Balls: 46 Average: 9.83 Strike Rate: 128.26 https://t.co/LaaomXJjD9— Muhammad Ahmed (@MuhammadAh87423) October 14, 2026ఇదీ చదవండి: భారత సంతతి క్రికెటర్ల విధ్వంసం.. కెనడా చేతిలో ఒమన్ చిత్తుటీమిండియా స్టార్‌ ఓపెనర్‌ సంచలన నిర్ణయం.. 17 ఏళ్ల కెరీర్‌కు గుడ్‌బై

ఉప్ప‌ల్ వేదిక‌గా టీమిండియాతో జ‌రిగిన నాలుగో టీ20లో 24 ప‌రుగుల తేడాతో విజ‌యాన్ని అందుకున్న వెస్టిండీస్ ఐదు మ్యాచ్‌ల టీ20 సిరీస్‌ను 2-2తో స‌మం చేసింది. కెప్టెన్ షై హోప్ అజేయ సెంచ‌రీతో భార‌త్‌కు మ‌రోసారి కొర‌క‌రాని కొయ్య‌లా త‌యార‌య్యాడు. కెప్టెన్ అంటే జ‌ట్టును న‌డిపించ‌డ‌మే కాకుండా బ్యాట్‌తోనూ రాణిస్తూ భార‌త్ పాలిట విల‌న్‌గా త‌యార‌య్యాడు. టీ20 సిరీస్‌లో హోప్‌కు ఇది రెండో సెంచ‌రీ కాగా, అంత‌క‌ముందు వ‌న్డే సిరీస్‌లోనూ రెండు సెంచ‌రీలు సాధించగా.. ఓవ‌రాల్‌గా భార‌త్ ప‌ర్య‌ట‌న‌లో హోప్ నాలుగు సెంచ‌రీలు సాధించడం విశేషం. తాజాగా నాలుగో టీ20లో సెంచ‌రీతో మెరిసిన హోప్ 'ప్లేయ‌ర్ ఆఫ్ ది మ్యాచ్8 అవార్డు గెలుచుకున్నాడు. ఓవ‌రాల్‌గా హోప్‌కు ఇది మూడో 'ప్లేయ‌ర్ ఆఫ్ ది మ్యాచ్' అవార్డు కావ‌డం విశేషం. ఈ నేప‌థ్యంలో మ్యాచ్ విజ‌యం అనంత‌రం అవార్డు అందుకున్న హోప్ మాట్లాడుతూ.. అవార్డుల‌తో త‌న లగేజీ మొత్తం నిండిపోతుంద‌ని, అంత బరువును విండీస్‌కు తీసుకెళ్ల‌డం క‌ష్ట‌మ‌వుతుందేమోన‌ని, ఈ అవార్డులకు ఎక్స్‌ట్రా లగేజీ తీసుకెళ్లాల్సి వస్తుందేమోనంటూ స‌ర‌దాగా వ్యాఖ్యానించాడు. ఇక త‌న ప్ర‌ద‌ర్శ‌న ప‌ట్ల సంతృప్తి వ్య‌క్తం చేసిన హోప్ జ‌ట్టు బౌల‌ర్ల‌పై ప్ర‌శంస‌ల వ‌ర్షం కురిపించాడు.ఇది బౌలర్ల విజయం..‘‘టీమిండియా వంటి పటిష్టమైన జట్టుపై పిచ్‌ స్వభావాన్ని బట్టి చూస్తే మేము చేసిన 247 పరుగుల భారీ స్కోరు కూడా సరిపోదేమోనని మొదట భావించాను. కానీ మా బౌలర్లు అద్భుతంగా రాణించారు. ముఖ్యంగా పిచ్ కాస్త భిన్నంగా ఉంది. మేం ఊహించిన దానికంటే కాస్త నెమ్మదిగా ఉంది. బంతి ఆగుతూ వచ్చింది. కొత్త బంతితో బౌలింగ్ చేస్తే కొన్ని బౌన్స్ అయితే.. మరికొన్ని లో-హైట్‌లో వచ్చాయి. ఆ తర్వాత స్పిన్నర్లు, పేసర్ బౌలింగ్ చేసినప్పుడు షాట్స్ కొట్టడం చాలా కష్టమైంది. దీంతో 247 ప‌రుగుల టార్గెట్ ఆ త‌ర్వాత‌ స‌రైన‌దే అనిపించింది. భారత్‌లో ఒకే బౌలర్‌తో వరుసగా 3 ఓవర్లు వేయించడం కొంచెం కష్టం. ఇంకో ఓవర్ ఇస్తే బాగుండేదేమో అని అనిపించినా.. కొన్నిసార్లు మైదానంలో కుదరదు. గుడకేష్ మోటీ రెండు ఓవర్లలో 2 వికెట్లు తీసినా.. పరిస్థితుల కారణంగా మరో ఓవర్ ఇవ్వలేకపోయాను. సెకండ్ ఇన్నింగ్స్‌లో మంచు ప్రభావం ఎక్కువగా ఉంటుంది. మ‌రోవైపు కీమో పాల్ కూడా ఐదు వికెట్లతో భార‌త్‌పై ఒత్తిడిని పెంచాడు. అది ఛేజింగ్ టీమ్‌కు అడ్వాంటేజ్‌గా మారుతుంది. ఏదేమైనా ఇది చాలా మంచి మ్యాచ్. భారత్ కూడా అన్ని విభాగాల్లోనూ చాలా బాగా ఆడింది. వారికి క్రెడిట్ ఇవ్వాల్సిందే. కానీ మేం గట్టి పోటీ ఇచ్చి సిరీస్‌ అవకాశాలను సజీవంగా ఉంచుకున్నాం. ఇక బెంగళూరులో జరిగే ఆఖరి మ్యాచ్‌లోనూ గెలిచి సిరీస్‌ను సొంతం చేసుకునేందుకు ప్రయత్నిస్తాం’’ అని హోప్‌ చెప్పుకొచ్చాడు.Shai Hope is going back home with a lot of extra luggage 😂 https://t.co/qG92O9vBiR— Cricinfo (@cricinfo) October 15, 2026ఇదీ చ‌ద‌వండి:IND vs WI: ఇలాంటి జట్టుతో ప్రపంచకప్‌ గెలవడం అసాధ్యం!ఐదు వికెట్ల ప్రదర్శన.. చరిత్ర సృష్టించిన విండీస్‌ బౌలర్‌

ఉప్ప‌ల్ వేదిక‌గా వెస్టిండీస్‌తో జ‌రిగిన నాలుగో టీ20లో టీమిండియా 24 ప‌రుగుల తేడాతో ఓటమి చ‌విచూసిన సంగ‌తి తెలిసిందే. టాపార్డ‌ర్ విఫ‌లం కావ‌డం జ‌ట్టు కొంప‌ముంచింది. ఓపెన‌ర్ సామ్స‌న్ రాణించిన‌ప్ప‌టికీ.. అభిషేక్‌, ఇషాన్‌, అయ్య‌ర్‌లు తక్కువ స్కోర్ల‌కే పెవిలియ‌న్ చేర‌డం టీమిండియాపై గ‌ట్టి ప్ర‌భావం చూపించింది. మిడిలార్డ‌ర్‌లో తిల‌క్ వ‌ర్మ‌, నితీశ్ కుమార్ రెడ్డిలు రాణించిన‌ప్ప‌టికీ, స్వ‌ల్ప వ్య‌వ‌ధిలో ఈ ఇద్ద‌రు ఔట్ కావ‌డంతో భార‌త్ ఓట‌మి ఖ‌రారైంది.ఇదిలా ఉంటే, మ్యాచ్‌లో 41 ప‌రుగులిచ్చి ఐదు వికెట్ల ప్ర‌ద‌ర్శ‌న‌తో టీమిండియా ఓట‌మి కార‌ణ‌మైన కీమో పాల్ టీ20 క్రికెట్‌లో అరుదైన రికార్డును త‌న పేరిట లిఖించుకున్నాడు. భార‌త్‌పై టీ20ల్లో కీమో పాల్ న‌మోదు చేసిన ఐదు వికెట్ల హాల్ ఓవ‌రాల్‌గా రెండో అత్యుత్త‌మ ప్ర‌ద‌ర్శ‌న‌. ఈ జాబితాలో వెస్టిండీస్ బౌల‌ర్‌ ఒబెద్ మెక్‌కాయ్ (6/17, 2022లో బాసెటెర్రే) తొలి స్థానంలో ఉండ‌గా, శ్రీలంక బౌల‌ర్‌ వ‌నిందు హ‌స‌రంగ (4/9, 2021లో కొలంబో వేదిక‌గా), న్యూజిలాండ్ బౌల‌ర్ మిచెల్ సాంట్న‌ర్ (4/11, 2016లో నాగ్‌పూర్ వేదిక‌గా) మూడు, నాలుగు స్థానాల్లో కొన‌సాగుతున్నారు.రెండుసార్లు ఐదు వికెట్ల హాల్‌..అంతేకాదు కీమో పాల్ మ‌రో అరుదైన రికార్డు కూడా త‌న ఖాతాలో వేసుకున్నాడు. అంత‌ర్జాతీయ టీ20 క్రికెట్‌లో రెండు ఐదు వికెట్ల హాల్ న‌మోదు చేసిన తొలి వెస్టిండీస్ క్రికెట‌ర్‌గా కీమో పాల్ నిలిచాడు. 2018లో ఢాకా వేదిక‌గా బంగ్లాదేశ్‌తో జ‌రిగిన టీ20 మ్యాచ్‌లో కీమో పాల్ 15 ప‌రుగులిచ్చి ఐదు వికెట్లు తీయ‌డం విశేషం. ఓవ‌రాల్‌గా కీమో పాల్ 25 టీ20 మ్యాచ్‌లాడి 31 వికెట్లు ప‌డ‌గొట్టాడు. ఇక మ్యాచ్ విష‌యానికొస్తే.. టాస్‌ ఓడి ముందుగా బ్యాటింగ్‌కు దిగిన వెస్టిండీస్‌ 20 ఓవర్లలో 3 వికెట్ల నష్టానికి 247 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ కెప్టెన్‌ షై హోప్‌ (50 బంతుల్లో 102 నాటౌట్‌; 4 ఫోర్లు, 9 సిక్స్‌లు) సిరీస్‌లో రెండో సెంచరీతో చెలరేగగా... షెర్ఫాన్‌ రూథర్‌ఫర్డ్‌ (26 బంతుల్లో 49 నాటౌట్‌; 4 ఫోర్లు, 3 సిక్స్‌లు), హెట్‌మైర్‌ (12 బంతుల్లో 33; 4 ఫోర్లు, 2 సిక్స్‌లు) మెరుపు ఇన్నింగ్స్‌లు ఆడారు. అనంతరం భారత్‌ 19.3 ఓవర్లలో 9 వికెట్లకు 223 పరుగులు చేసి ఓడిపోయింది. సంజు సామ్సన్‌ (23 బంతుల్లో 56; 6 ఫోర్లు, 4 సిక్స్‌లు) అర్ధసెంచరీ సాధించగా... తిలక్‌ వర్మ (25 బంతుల్లో 43; 2 ఫోర్లు, 3 సిక్స్‌లు), నితీశ్‌ కుమార్‌ రెడ్డి (20 బంతుల్లో 41; 1 ఫోర్, 4 సిక్స్‌లు) రాణించారు.ఇదీ చదవండి: అందుకే ఓడిపోయాం.. అతడు అవుట్‌ కావడం వల్లే ఇలా: సంజూమానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

శ్రేయస్ అయ్యర్ సారథ్యంలోని భారత జట్టుకు వెస్టిండీస్ మరో షాకిచ్చింది. ఉప్పల్ వేదికగా జరిగిన నాలుగో టీ20లో టీమిండియాపై 24 పరుగుల తేడాతో విండీస్ ఘన విజయం సాధించింది. దీంతో ఐదు మ్యాచ్‌ల టీ20 సిరీస్ 2-2తో సమమైంది. ఈ మ్యాచ్‌లో తొలుత బ్యాటింగ్ చేసిన వెస్టిండీస్ ఏకంగా 247 పరుగుల భారీ స్కోరు సాధించింది. లక్ష్య ఛేదనలో భారత బ్యాటర్లు పోరాడినప్పటికీ, కీలక సమయంలో వికెట్లు కోల్పోవడంతో ఓటమి తప్పలేదు. కాగా ఈ ​మ్యాచ్ అనంతరం కెప్టెన్ శ్రేయస్ అయ్యర్ మాట్లాడుతూ.. బౌలింగ్ వైఫల్యం కారణంగానే ఓడిపోయామని చెప్పుకొచ్చాడు.బౌలింగే కొంపముంచింది: అ‍య్యర్‌"మా ఓటమికి ప్రధాన కారణం బౌలింగే. ఈ మ్యాచ్‌లో మా బౌలర్లు నిరాశపరిచారు. సరైన లైన్ అండ్ లెంగ్త్‌తో బంతులు వేయడంలో విఫలమయ్యారు. అయితే మా బ్యాటర్లు మాత్రం చివరి వరకు పోరాడారు. 250 పరుగుల భారీ లక్ష్యాన్ని ఛేదిస్తున్నప్పుడు దూకుడుగా ఆడాల్సి ఉంటుంది, ఆ విషయంలో మా బ్యాటర్లు ఎలాంటి పొరపాటూ చేయలేదు. బౌలింగ్‌లోనే ప్రణాళికలను సరిగ్గా అమలు చేయలేకపోయాం.. అక్కడే మ్యాచ్ మన చేతుల్లోంచి జారిపోయింది" అని అయ్యర్ తెలిపాడు.విండీస్ బౌలర్లపై ప్రశంసలు"ఛేజింగ్‌లో సంజూ శాంసన్‌ మాకు మెరుపు ఆరంభాన్ని ఇచ్చాడు. పవర్ ప్లే ముగిసేసరికి మ్యాచ్ మా నియంత్రణలోనే ఉంది. అభిషేక్ శర్మకు పవర్ ప్లేలో ఎక్కువగా స్ట్రైక్ దొరకనప్పటికీ, మేము ఓవర్‌కు 12 పరుగుల చొప్పున సాధించాం. అయితే విండీస్ బౌలర్లు తమ ప్రణాళికలను చక్కగా అమలు చేశారు. పిచ్‌ నుంచి కూడా వారికి మంచి సహకారం లభించింది. విండీస్ కెప్టెన్ అద్భుతంగా ఫీల్డ్ సెట్ చేశాడు, ఫీల్డింగ్‌లోనూ వారు ఎలాంటి తప్పిదాలు చేయలేదు. కాబట్టి ఆ క్రెడిట్ ఖచ్చితంగా వారికే దక్కుతుంది" అని శ్రేయస్ పేర్కొన్నాడు.ఉప్పల్‌లో కొత్తగా తయారు చేసిన పిచ్ గురించి మాట్లాడుతూ.. "మా బౌలర్లు పిచ్ స్వభావాన్ని అర్థం చేసుకుని దానికి తగినట్లుగా బౌలింగ్ చేయడానికి ప్రయత్నించారు. కానీ విండీస్ బౌలర్లు మాకంటే అద్భుతంగా బౌలింగ్ చేశారు. ఏదేమైనప్పటికీ, శనివారం బెంగళూరులో జరిగే చివరి మ్యాచ్‌లో గెలిచి సిరీస్ సొంతం చేసుకుంటామన్న నమ్మకం ఉంది" అని అయ్యర్ ధీమా వ్యక్తం చేశాడు. కాగా సిరీస్‌ డిసైడర్‌ ఐదో టీ20 శనివారం బెంగళూరు వేదికగా జరగనుంది.చదవండి: IND vs WI: అభిషేక్ శర్మ ప్రపంచ రికార్డు

ఉప్పల్ వేదికగా వెస్టిండీస్‌తో జరిగిన నాలుగో టీ20లో 24 పరుగుల తేడాతో టీమిండియా ఓటమి పాలైంది. విండీస్ నిర్దేశించిన 248 పరుగుల భారీ లక్ష్య ఛేదనలో భారత బ్యాటర్లు పోరాడినప్పటికీ విజయాన్ని అందుకోలేకపోయారు. దీంతో ఐదు మ్యాచ్‌ల సిరీస్ ప్రస్తుతం 2-2తో సమమైంది. శనివారం బెంగళూరులోని చిన్నస్వామి స్టేడియం వేదికగా జరగనున్న ఆఖరి మ్యాచ్ సిరీస్ విజేతను నిర్ణయించనుంది. టీమిండియాకు భారీ షాక్‌!అయితే ఈ కీలక మ్యాచ్‌కు ముందు భారత్‌కు గట్టి ఎదురుదెబ్బ తగిలే అవకాశముంది. స్టార్ ఫాస్ట్ బౌలర్ అర్ష్‌దీప్ సింగ్ గాయం కారణంగా బెంగళూరు టీ20కి దూరమయ్యే ఛాన్స్ ఉంది. నాలుగో టీ20లో బ్యాటింగ్ చేస్తుండగా అర్ష్‌దీప్ సింగ్ భుజానికి గాయమైంది. ఇన్నింగ్స్ చివరి ఓవర్లో షమర్ జోసఫ్ వేసిన వేగవంతమైన బౌన్సర్‌ అర్ష్‌దీప్ భుజానికి బలంగా తాకింది. దీంతో అతడు తీవ్రమైన నొప్పితో విలవిల్లాడాడు. వెంటనే ఫిజియో మైదానానికి వచ్చి చికిత్స అందించినప్పటికీ అతడి నొప్పి తగ్గలేదు. దీంతో అతడు ఫిజియో సాయంతో మైదానాన్ని వీడాడు. ఈ గాయం తీవ్రతపై బీసీసీఐ లేదా టీమ్ మేనేజ్‌మెంట్ నుంచి ఇంకా ఎలాంటి ప్రకటన రాలేదు.కానీ అర్ష్‌దీప్ పరిస్థితి చూస్తుంటే గాయం తీవ్రమైనదిగా తెలుస్తోంది. ఈ క్రమంలో బెంగళూరులో జరగనున్న నిర్ణయాత్మక చివరి టీ20కి అర్ష్‌దీప్ అందుబాటుపై సందిగ్ధం నెలకొంది.చదవండి: IND vs WI: అభిషేక్ శర్మ ప్రపంచ రికార్డు

ఉప్ప‌ల్ వేదిక‌గా వెస్టిండీస్‌తో జ‌రిగిన మ్యాచ్‌లో అభిషేక్ శ‌ర్మ నిరాశ‌ప‌రిచాడు. త‌న‌కు క‌లిసొచ్చే రాజీవ్ గాంధీ అంతర్జాతీయ క్రికెట్ స్టేడియంలో అభిషేక్ ఈసారి మెరుపులు మెరిపించ‌లేక‌పోయాడు. 24 బంతులు ఎదుర్కొన్న అభిషేక్ కేవ‌లం 29 ప‌రుగులు మాత్ర‌మే చేసి ఔట‌య్యాడు.అయితే అభిషేక్ నామ‌మాత్ర‌పు స్కోర్ సాధించిన‌ప్ప‌టికి ఓ అరుదైన రికార్డును త‌న పేరిట లిఖించుకున్నాడు. అంత‌ర్జాతీయ టీ20 క్రికెట్‌లో ఒకే క్యాలెండ‌ర్ ఈయ‌ర్‌లో ఫుల్ మెంబ‌ర్ టీమ్ త‌ర‌పున ఆడుతూ అత్య‌ధిక సిక్స‌ర్లు బాదిన ప్లేయ‌ర్‌గా అభిషేక్ నిలిచాడు.సూర్యకుమార్ యాదవ్ ఆల్‌టైమ్ రికార్డు బ్రేక్ష‌మీర్ స్ప్రింగ‌ర్ బౌలింగ్‌లో సిక్స‌ర్ బాద‌డంతో అభిషేక్ ఈ ఫీట్‌ను త‌న ఖాతాలో వేసుకున్నాడు. ఈ ఏడాదిలో అత‌డికి ఇది 69వ సిక్స‌ర్‌. ఇంత‌కుముందు ఈ రికార్డు టీమిండియా మాజీ కెప్టెన్‌ సూర్య‌కుమార్ యాద‌వ్ పేరిట ఉండేది. 2022లో సూర్యకుమార్ మొత్తం 68 సిక్సర్లు బాదగా, తాజా ఇన్నింగ్స్‌తో అభిషేక్ ఆ రికార్డును బ్రేక్ చేసి అగ్రస్థానానికి దూసుకెళ్లాడు.షాయ్ హోప్ వీరోచిత శతకం.. భార‌త్ ఓట‌మిఇక ఈ మ్యాచ్‌లో తొలుత బ్యాటింగ్ చేసిన వెస్టిండీస్ నిర్ణీత 20 ఓవర్లలో 3 వికెట్ల నష్టానికి 247 పరుగుల భారీ స్కోర్ సాధించింది. విండీస్ కెప్టెన్ షాయ్ హోప్ వీరోచిత శ‌త‌కంతో చెల‌రేగాడు. హోప్ కేవలం 50 బంతుల్లోనే 102 పరుగులతో అజేయంగా నిలిచాడు. అత‌డితో పాటు షెర్ఫేన్ రూథర్‌ఫోర్డ్ 26 బంతుల్లో 49 పరుగులతో మెరుపు ఇన్నింగ్స్ ఆడాడు.వీరిద్దరూ నాలుగో వికెట్‌కు కేవలం 43 బంతుల్లోనే 91 పరుగుల భాగస్వామ్యాన్ని నెలకొల్పారు. అనంత‌రం ఈ భారీ ల‌క్ష్యంతో బరిలోకి దిగిన భార‌త్ 223 ప‌రుగులు మాత్ర‌మే చేసి ఓట‌మి పాలైంది. భారత బ్యాటర్లలో సంజూ శాంసన్‌ (56) టాప్‌ స్కోరర్‌గా నిలవగా.. తిలక్‌ వర్మ (43), నితీశ్‌ కుమార్‌ రెడ్డి (41) గెలుపు కోసం తమ వంతు ప్రయత్నం చేశారు.చదవండి: IND vs WI: ఉప్పల్‌ 'హోప్‌' పాలు...

పరుగుల వరద పారుతున్న టి20 సిరీస్‌లో ఈసారి వెస్టిండీస్‌ వంతు... గత మ్యాచ్‌లో భారత జట్టు 223 పరుగుల స్కోరును నిలబెట్టుకుంది... ఈసారి ఛేదనలో సరిగ్గా అన్నే పరుగులు చేసినా టీమిండియాకు ఓటమి తప్పలేదు. కెప్టెన్‌ షై హోప్‌ సెంచరీతో భారీ స్కోరుతో విండీస్‌ సవాల్‌ విసరగా... ఉప్పల్‌ మైదానంలో భారత్‌ గెలుపు తీరం చేరడంలో విఫలమైంది. సామ్సన్‌ శుభారంభం ఇచ్చినా... ‘లోకల్‌ బాయ్‌’ తిలక్‌ వర్మ, సన్‌రైజర్స్‌ ప్లేయర్‌ నితీశ్‌ కుమార్‌ రెడ్డి తీవ్రంగా ప్రయత్నించినా లాభం లేకపోయింది. దాంతో ఉప్పల్‌ స్టేడియంలో భారత జట్టుకు తొలిసారి టి20 మ్యాచ్‌లో ఓటమి ఎదురైంది. 35,817 మంది ప్రేక్షకులు హాజరైన పోరులో తుది ఫలితంతో అభిమానులు కొంత నిరాశ చెందినా... 29 సిక్స్‌లు, 31 ఫోర్లతో ఫుల్‌ వినోదం లభించింది. సాక్షి, హైదరాబాద్‌: కీలక సమయంలో భారత బ్యాటర్ల వైఫల్యంతో నాలుగో టి20 చేజారింది. పవర్‌ బ్యాటింగ్‌తో సత్తా చాటిన వెస్టిండీస్‌ టి20 సిరీస్‌ను సమం చేసింది. బుధవారం రాత్రి రాజీవ్‌గాంధీ అంతర్జాతీయ స్టేడియంలో జరిగిన మ్యాచ్‌లో విండీస్‌ 24 పరుగుల తేడాతో భారత్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన వెస్టిండీస్‌ 20 ఓవర్లలో 3 వికెట్ల నష్టానికి 247 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ కెప్టెన్‌ షై హోప్‌ (50 బంతుల్లో 102 నాటౌట్‌; 4 ఫోర్లు, 9 సిక్స్‌లు) సిరీస్‌లో రెండో సెంచరీతో చెలరేగగా... షెర్ఫాన్‌ రూథర్‌ఫర్డ్‌ (26 బంతుల్లో 49 నాటౌట్‌; 4 ఫోర్లు, 3 సిక్స్‌లు), హెట్‌మైర్‌ (12 బంతుల్లో 33; 4 ఫోర్లు, 2 సిక్స్‌లు) మెరుపు ఇన్నింగ్స్‌లు ఆడారు. హోప్, రూథర్‌ఫర్డ్‌ నాలుగో వికెట్‌కు 43 బంతుల్లో అభేద్యంగా 91 పరుగులు జోడించారు. అనంతరం భారత్‌ 19.3 ఓవర్లలో 9 వికెట్లకు 223 పరుగులు చేసి ఓడిపోయింది. అర్ష్‌దీప్‌ గాయం కారణంగా బ్యాటింగ్‌ కొనసాగించకపోవడంతో మరో మూడు బంతులు మిగిలి ఉండగానే భారత్‌ ఇన్నింగ్స్‌ ముగిసింది. సంజు సామ్సన్‌ (23 బంతుల్లో 56; 6 ఫోర్లు, 4 సిక్స్‌లు) అర్ధసెంచరీ సాధించగా... తిలక్‌ వర్మ (25 బంతుల్లో 43; 2 ఫోర్లు, 3 సిక్స్‌లు), నితీశ్‌ కుమార్‌ రెడ్డి (20 బంతుల్లో 41; 1 ఫోర్, 4 సిక్స్‌లు) రాణించారు. విండీస్‌ బౌలర్‌ కీమో పాల్‌ 41 పరుగులిచ్చి 5 వికెట్లు పడగొట్టాడు. సిరీస్‌ 2–2తో సమం కాగా...చివరిదైన ఐదో టి20 శనివారం బెంగళూరులో జరుగుతుంది. భారీ భాగస్వామ్యం... తొలి ఓవర్లో మయాంక్‌ 3 పరుగులే ఇచ్చినా అర్ష్ దీప్ వేసిన రెండో ఓవర్లో ఆండ్రూ (16 బంతుల్లో 21; 2 ఫోర్లు, 1 సిక్స్‌) ధాటిని ప్రదర్శిస్తూ 2 ఫోర్లు, సిక్స్‌ బాదాడు. ఆండ్రూను అక్షర్‌ వెనక్కి పంపినా,అర్ష్ దీప్ ఓవర్లో హెట్‌మైర్‌ 2 ఫోర్లు, సిక్స్‌ కొట్టాడు. పవర్‌ప్లే ముగిసేసరికి స్కోరు 79 పరుగులకు చేరింది. నమన్‌ ధీర్‌ ఓవర్లో హోప్, హెట్‌మైర్‌ కలిసి 19 పరుగులు రాబట్టారు. హెట్‌మైర్‌ను అవుట్‌ చేసి ప్రిన్స్‌ ఈ జోడీని విడదీయగా, 28 బంతుల్లో హోప్‌ అర్ధ సెంచరీ పూర్తయింది. అక్షర్‌ ఓవర్లో వరుసగా 4, 6, 4 కొట్టిన రావ్‌మన్‌ పావెల్‌ (17 బంతుల్లో 24; 2 ఫోర్లు, 1 సిక్స్‌) జోరు తగ్గకుండా చూడగా, అదే ఓవర్‌ను హోప్‌ సిక్స్‌తో ముగించాడు. దాంతో మొత్తం 22 పరుగులు వచ్చాయి.పావెల్‌ వెనుదిరిగాక వచ్చిన రూథర్‌ఫర్డ్‌ కూడా కెప్టెన్‌కు సహకరించాడు. ఆ తర్వాత 13–16 మధ్య 4 ఓవర్లలో 34 పరుగులే ఇచ్చిన భారత్‌... ప్రత్యర్థిని కట్టడి చేసినట్లు అనిపించింది. అయితే చివరి 4 ఓవర్లలో హోప్, రూథర్‌ఫర్డ్‌ చెలరేగిపోయి 62 పరుగులు రాబట్టారు. మయాంక్‌ ఓవర్‌లో రూథర్‌ఫర్డ్‌ వరుసగా 6, 4, 6 బాదగా... నితీశ్‌ ఆఖరి ఓవర్లో 19 పరుగులు ఇచ్చాడు. 90 పరుగుల వద్ద ఇన్నింగ్స్‌ ఆఖరి రెండు బంతుల్లో సిక్స్‌లు కొట్టి హోప్‌ 50 బంతుల్లో శతకాన్ని అందుకున్నాడు. సామ్సన్‌ సూపర్‌... ఒకవైపు సామ్సన్‌ విధ్వంసక ప్రదర్శనతో చెలరేగిపోగా, మరో ఎండ్‌లో అభిషేక్‌ శర్మ (24 బంతుల్లో 29; 3 ఫోర్లు, 1 సిక్స్‌) ఆశ్చర్యకరంగా చాలా వరకు ప్రేక్షకపాత్ర పోషించాడు. జోసెఫ్‌ ఓవర్లో వరుసగా 4, 6, 6 బాదిన సామ్సన్‌...ఛేజ్‌ ఓవర్లో 2 ఫోర్లు, 2 సిక్స్‌లు కొట్టడంతో 25 పరుగులు వచ్చాయి. షెఫర్డ్‌ బౌలింగ్‌లో వరుసగా 2 ఫోర్లు కొట్టిన సామ్సన్‌ 20 బంతుల్లో హాఫ్‌ సెంచరీని అందుకున్నాడు. 60 పరుగుల టీమ్‌ స్కోరు వద్ద అవుటయ్యే సమయానికి సామ్సన్‌ ఒక్కడే 56 పరుగులు చేయడం విశేషం. ఈ దశలో జట్టు ఇన్నింగ్స్‌ తడబడింది. అదే ఓవర్లో ఇషాన్‌ కిషన్‌ (6) వెనుదిరగ్గా, శ్రేయస్‌ (16) కూడా ప్రభావం చూపలేకపోయాడు. ఎట్టకేలకు తన 15వ బంతికి సిక్స్‌ కొట్టిన అభిషేక్‌ దానిని ఎక్కువసేపు కొనసాగించలేకపోగా, నమన్‌ ధీర్‌ (0) మొదటి బంతికే అవుటయ్యాడు. ఈ దశలో తిలక్, నితీశ్‌ కలిసి భారీ షాట్లతో జట్టును లక్ష్యం దిశగా నడిపించారు. ఆరో వికెట్‌కు 32 బంతుల్లోనే 70 పరుగులు జత చేసిన తర్వాత తక్కువ వ్యవధిలో వీరిద్దరు అవుట్‌ కావడంతో భారత్‌ గెలుపు ఆశలు కోల్పోయింది. స్కోరు వివరాలు వెస్టిండీస్‌ ఇన్నింగ్స్‌: హోప్‌ (నాటౌట్‌) 102; ఆండ్రూ (ఎల్బీ) (బి) అక్షర్‌ 21; హెట్‌మైర్‌ (సి అండ్‌ బి) ప్రిన్స్‌ 33; పావెల్‌ (సి) సామ్సన్‌ (బి)అర్ష్ దీప్ 24; రూథర్‌ఫర్డ్‌ (నాటౌట్‌) 49; ఎక్స్‌ట్రాలు 18; మొత్తం (20 ఓవర్లలో 3 వికెట్లకు) 247. వికెట్ల పతనం: 1–52, 2–110, 3–156. బౌలింగ్‌: మయాంక్‌ 4–0–52–0,అర్ష్ దీప్ 4–0–52–1, ప్రిన్స్‌ యాదవ్‌ 4–0–36–1, అక్షర్‌ 4–0–45–1, నమన్‌ ధీర్‌ 1–0–19–0, నితీశ్‌ రెడ్డి 3–0–39–0. భారత్‌ ఇన్నింగ్స్‌: సామ్సన్‌ (సి) హెట్‌మైర్‌ (బి) పాల్‌ 56; అభిషేక్‌ (సి) స్ప్రింగ్‌ (బి) మోతీ 29; ఇషాన్‌ కిషన్‌ (సి) ఆండ్రూ (బి) పాల్‌ 6; శ్రేయస్‌ (సి) ఆండ్రూ (బి) స్ప్రింగర్‌ 16; తిలక్‌ (సి) పావెల్‌ (బి) షెఫర్డ్‌ 43; నమన్‌ ధీర్‌ (స్టంప్డ్‌) హోప్‌ (బి) మోతీ 0; నితీశ్‌ (సి) పావెల్‌ (బి) పాల్‌ 41; అక్షర్‌ (సి) రూథర్‌ఫర్డ్‌ (బి) పాల్‌ 3; ప్రిన్స్‌ (బి) పాల్‌ 0;అర్ష్ దీప్ (రిటైర్డ్‌ హర్ట్‌) 5; మయాంక్‌ (నాటౌట్‌) 0; ఎక్స్‌ట్రాలు 24; మొత్తం (19.3 ఓవర్లలో 9 వికెట్లకు) 223. వికెట్ల పతనం: 1–60; 2–67, 3–97, 4–130, 5–130, 6–200, 7–212, 8–212, 9–213. బౌలింగ్‌: ఛేజ్‌ 4–0–43–0, షామర్‌ జోసెఫ్‌ 2.3–0–47–0, షెఫర్డ్‌ 3–0–32–1, కీమో పాల్‌ 4–0–41–5, స్ప్రింగర్‌ 4–0–40–1, గుడకేశ్‌ మోతీ 2–0–13–2. చదవండి: నాలుగో టీ20లోనూ సెంచరీ.. చరిత్ర సృష్టించిన హోప్‌

ఉప్పల్ వేదికగా మరికొన్ని గంటల్లో భారత్‌, వెస్టిండీస్ మధ్య నాలుగో టీ20 మ్యాచ్ జరగనుంది. ఇప్పటికే ఇరుజట్లు ఉదయమే మైదానానికి చేరుకొని ముమ్మర సాధన చేశాయి. ఐదు మ్యాచ్‌ల టీ20 సిరీస్‌లో 2-1తో ఆధిక్యంలో ఉన్న టీమిండియా ఈ మ్యాచ్‌లోనూ గెలిచి మరో మ్యాచ్ ఉండగానే సిరీస్ కైవసం చేసుకోవాలని భావిస్తోంది. మరోవైపు వెస్టిండీస్ మాత్రం మూడో టీ20లో విజయానికి చేరువగా వచ్చి ఓడిపోయినప్పటికీ, నేటి వన్డేలో మాత్రం ఎలాంటి పొరపాట్లకు తావివ్వకుండా మ్యాచ్‌ను గెలిచి సిరీస్‌ను సమం చేయాలని చూస్తోంది.ఈ నేపథ్యంలో నాలుగో టీ20కి టీమిండియా జట్టు ఎలాంటి మార్పులు లేకుండానే బరిలోకి దిగే అవకాశముంది. అభిషేక్ శర్మ సూపర్ ఫామ్‌లో ఉండడంతో పాటు ఐపీఎల్‌లో తన హొంగ్రౌండ్ కావడం అతడికి సానుకూలాంశం. ఇక మరో ఓపెనర్‌ సంజూ సామ్సన్ విఫలమవుతున్నప్పటికీ, ఉప్పల్ మైదానంలో అతడికి ఉన్న ట్రాక్ రికార్డు దృశ్యా అభిషేక్‌తో కలిసి మరోసారి ఓపెనింగ్ చేయనున్నాడు. దీంతో ఈ మ్యాచ్‌కు కూడా వైభవ్ సూర్యవంశీ మరోసారి బెంచ్‌కే పరిమితం కానున్నాడు. వన్‌డౌన్‌లో ఇషాన్ కిషన్‌, నాలుగో స్థానంలో కెప్టెన్ శ్రేయస్ అయ్యర్ మరోసారి కీలకం కానున్నారు. మ్యాచ్‌లో కళ్లన్నీ లోకల్ బాయ్ తిలక్ వర్మపైనే నెలకొన్నాయి. 73 అంతర్జాతీయ మ్యాచ్‌ల కెరీర్‌ తర్వాత తొలిసారి తన సొంతగడ్డపై భారత్‌ తరఫున బరిలోకి దిగుతున్న తిలక్‌వర్మపై అందరి దృష్టీ నిలిచింది. గత టీ20లో అనూహ్యంగా రనౌటైన తిలక్‌ ఈసారి గుర్తుండిపోయే ఇన్నింగ్స్‌ ఆడాలని పట్టుదలగా ఉన్నాడు. ఆల్‌రౌండర్లుగా అక్షర్‌పటేల్‌, నితీశ్‌కుమార్‌రెడ్డి, నమన్ ధీర్‌లు మంచి ఆటను కనబరుస్తున్నారు. బౌలింగ్ విభాగంలో అర్షదీప్ వైడ్లు ఎక్కువగా వేస్తుండడం ఆందోళన కలిగిస్తోంది. మయాంక్ యాదవ్‌, ప్రిన్స్ యాదవ్‌లు మరోసారి చెలరేగితే విండీస్‌కు కష్టాలు తప్పవనిపిస్తోంది.నాలుగో టీ20కి భారత జట్టు అంచనాఅభిషేక్ శర్మ, సంజూ సామ్సన్ (వికెట్ కీపర్‌), ఇషాన్ కిషన్‌, శ్రేయస్ అయ్యర్ (కెప్టెన్‌), తిలక్ వర్మ, నితీశ్‌కుమార్ రెడ్డి, నమన్ ధీర్‌, అక్షర్ పటేల్‌, ప్రిన్స్ యాదవ్‌, అర్షదీప్ సింగ్‌, మయాంక్ యాదవ్‌.ఇదీ చదవండి:న్యూజిలాండ్‌తో సిరీస్‌.. ఆ ముగ్గురి వల్లే జ‌ట్ల ఎంపిక ఆల‌స్యం!నాలుగో టీ20.. స‌హచ‌రుల‌కు వైస్ కెప్టెన్ తిల‌క్ వ‌ర్మ వార్నింగ్‌!

ఉప్ప‌ల్ వేదిక‌గా టీమిండియా, వెస్టిండీస్ మ‌ధ్య నాలుగో టీ20 జ‌ర‌గ‌నుంది. ఇవాళ జ‌ర‌గ‌నున్న ఈ మ్యాచ్‌ను భార‌త వైస్ కెప్టెన్ తిల‌క్ వ‌ర్మ త‌న హోంగ్రౌండ్‌లో ఆడ‌నున్నాడు. ఇప్ప‌టికే భార‌త జ‌ట్టు ఆట ఏ విధంగా ఉండ‌బోతుంద‌నేది విలేకరుల స‌మావేశంలో వెల్ల‌డించాడు. తాజాగా సొంత‌గ‌డ్డ‌పై టీ20 మ్యాచ్ ఆడుతున్న తిల‌క్ వ‌ర్మ‌ను ఒక అరుదైన రికార్డు ఊరిస్తోంది. ఈ మ్యాచ్‌లో ఆ రికార్డు అందుకోవ‌డం కాస్త క‌ష్ట‌మే అయిన‌ప్ప‌టికీ, సొంత ప్రేక్ష‌కుల మ‌ధ్య ఆ ఫీట్‌ను సాధిస్తే వ‌చ్చే కిక్కు వేరుగా ఉంటుంది. తిల‌క్ వ‌ర్మ‌ మ‌రో 10 సిక్స‌ర్లు కొడితే అత‌డి ఖాతాలో వంద సిక్స‌ర్ల రికార్డు చేర‌నుంది. ఇప్ప‌టివ‌ర‌కు 68 మ్యాచ్‌ల్లో 1791 ప‌రుగులు సాధించిన తిల‌క్ వ‌ర్మ ఖాతాలో 90 సిక్స‌ర్లు, 138 ఫోర్లు ఉన్నాయి. ఐదో స్థానంలో బ్యాటింగ్‌కు వ‌స్తున్న తిల‌క్ వ‌ర్మ సొంత గ‌డ్డ‌పై 10 సిక్స‌ర్లు కొట్టి రికార్డును అందుకుంటాడా అన్న‌ది చూడాలి.రెండు సిక్సర్లు కొడితే..తిల‌క్ వ‌ర్మ‌తో పాటు ఓపెన‌ర్ సంజూ సామ్స‌న్ కూడా వంద సిక్స‌ర్ల రికార్డుకు అత్యంత ద‌గ్గ‌ర్లో ఉన్నాడు. ప్ర‌స్తుతం సంజూ ఖాతాలో 98 సిక్స‌ర్లు ఉన్నాయి. మ‌రో రెండు కొడితే వంద సిక్స‌ర్ల రికార్డు అత‌డి సొంత‌మవుతోంది. మూడో టీ20లో విఫ‌ల‌మైన‌ప్ప‌టికీ, ఉప్ప‌ల్ మైదానంలో సామ్స‌న్ ట్రాక్ రికార్డు ఘ‌నంగా ఉండ‌డంతో ఈ వేదిక‌లోనే ఆ రికార్డును అందుకునే అవ‌కాశ‌ముంది. సంజూ సామ్స‌న్ ఉప్ప‌ల్ త‌న ఫామ్‌ను కొన‌సాగించి రికార్డు అందుకుంటాడా లేదా చూడాలి.భారత్‌ నుంచి ఐదుగురు మాత్రమే..ఇక అంత‌ర్జాతీయ టీ20 క్రికెట్‌లో భార‌త్ త‌రుపున ఇప్ప‌టి వ‌ర‌కు కేవ‌లం ఐదుగురు ఆట‌గాళ్లు మాత్ర‌మే 100 సిక్స‌ర్ల మైలురాయిని చేరుకున్నారు. రోహిత్ శ‌ర్మ‌, సూర్య‌కుమార్ యాద‌వ్‌, అభిషేక్ శ‌ర్మ‌, హార్దిక్ పాండ్యా, విరాట్ కోహ్లీలు మాత్ర‌మే టీ20ల్లో 100 సిక్స‌ర్లు బాదారు.అంత‌ర్జాతీయ టీ20ల్లో అత్య‌ధిక సిక్స‌ర్లు కొట్టిన భార‌త బ్యాటర్లు..👉రోహిత్ శ‌ర్మ – 159 మ్యాచ్‌ల్లో 205 సిక్స‌ర్లు👉సూర్య‌కుమార్ యాద‌వ్ – 113 మ్యాచ్‌ల్లో 179 సిక్స‌ర్లు👉అభిషేక్ శ‌ర్మ – 65 మ్యాచ్‌ల్లో 141 సిక్స‌ర్లు👉హార్దిక్ పాండ్యా – 138 మ్యాచ్‌ల్లో 126 సిక్స‌ర్లు👉విరాట్ కోహ్లి – 125 మ్యాచ్‌ల్లో 124 సిక్స‌ర్లు👉కేఎల్ రాహుల్ – 72 మ్యాచ్‌ల్లో 99 సిక్స‌ర్లు👉సంజూ శాంస‌న్ – 75 మ్యాచ్‌ల్లో 98 సిక్స‌ర్లు👉తిల‌క్ వ‌ర్మ – 68 మ్యాచ్‌ల్లో 90 సిక్స‌ర్లు

ఉప్ప‌ల్ వేదిక‌గా మ‌రికొన్ని గంట‌ల్లో భార‌త్‌, వెస్టిండీస్ మ‌ధ్య నాలుగో టీ20 మ్యాచ్ ప్రారంభం కానుంది. ఈ నేప‌థ్యంలో టీమిండియా వైస్‌కెప్టెన్ తిల‌క్ వ‌ర్మ త‌న స‌హ‌చ‌ర ఆట‌గాళ్ల‌కు హెచ్చ‌రికలు జారీ చేశాడు. మ్యాచ్‌కు ముందు నిర్వ‌హించే సంప్ర‌దాయ ప్రెస్ కాన్ఫ‌రెన్స్‌కు వైస్ కెప్టెన్ హోదాలో హాజ‌రైన తిల‌క్ వ‌ర్మ విలేక‌రుల స‌మ‌క్షంలో భార‌త జ‌ట్టు ఆట‌గాళ్లకు గంభీర్ ఇచ్చిన సందేశాన్ని వెల్ల‌డించాడు. తిల‌క్ వ‌ర్మ మాట్లాడుతూ.. ‘‘టీ20ల్లో వెస్టిండీస్ చాలా ప్ర‌మాద‌క‌ర‌మైన జ‌ట్టు. రెండుసార్లు టీ20ల్లో ప్ర‌పంచ చాంపియ‌న్లు అయిన విండీస్‌కు ఈ ఫార్మాట్‌లో ఆట ఎలా ఆడాల‌న్న‌ది బాగా తెలుసు. అదే వారికున్న అద్భుత‌మైన బ‌లం. మూడు మ్యాచ్‌లు ముగిసేస‌రికి మనం 2-1తో ఆధిక్యంలో ఉన్న‌ప్ప‌టికీ, త‌మ‌దైన రోజున మ్యాచ్‌ను గెలిచే స‌త్తా వారికి ఉంది. అందుకే వాళ్ల‌తో జాగ్ర‌త్త‌గా ఉండాల్సిన అవ‌స‌ర‌ముంది. రెండో టీ20లో ఓట‌మి త‌ర్వాత భార‌త బౌలింగ్ విభాగం విమ‌ర్శ‌ల‌కు గురైంది. ప‌వ‌ర్‌ప్లేలోనే వ‌చ్చిన అవ‌కాశాల‌ను అద్భుతంగా స‌ద్వినియోగం చేసుకున్న ప‌ర్యాట‌క జ‌ట్టు విజ‌యాన్ని అందుకుంది. అందుకే మూడో టీ20కి ముందు మా ర‌క్ష‌ణాత్మ‌క విధానాన్ని స‌మీక్షించుకున్నామ‌ని, ప్ర‌త్య‌ర్థిని ఆధిప‌త్యం చెలాయించ‌నివ్వ‌కుండా మ‌రింత దూకుడుగా ఆడి వికెట్ల కోసం ప్ర‌య‌త్నించాల‌ని హెడ్‌కోచ్ గౌతమ్ గంభీర్ స‌ల‌హా ఇచ్చారు. అందుకే మూడో టీ20లో వాళ్లు విజ‌యానికి చేరువైన క్ర‌మంలో ప‌దే ప‌దే బౌల‌ర్ల‌ను మార్చి ఫ‌లితం సాధించాము. కొద్ది ఓవర్లలోనే మ్యాచ్ గమనాన్ని మార్చగల సత్తా ఉన్న ప్రత్యర్థిపై, ప్రణాళికలను మరింత మెరుగ్గా అమలు చేస్తూ, ఆ ప్రదర్శనను మరింత మెరుగుపరుచుకోవాలని మేము భావిస్తున్నాం’’ అని చెప్పుకొచ్చాడు.ఇక వైస్ కెప్టెన్ హోదాలో తొలిసారి హోంగ్రౌండ్‌లో మ్యాచ్ ఆడుతుండ‌డంపై తిల‌క్ వ‌ర్మ స్పందించాడు. "భారత జట్టు వైస్ కెప్టెన్‌గా హైదరాబాద్ ప్రేక్షకుల ముందు ఆడటం నాకు నిజంగా గర్వకారణం. ఇది నాకు ఒక ప్రత్యేకమైన క్షణం అవుతుంది,ష అని చెప్పుకొచ్చాడు. కాగా తిల‌క్ వ‌ర్మ‌తో పాటు అభిషేక్ శ‌ర్మ‌, ఇషాన్ కిష‌న్‌, నితీశ్‌కుమార్ రెడ్డి కూడా ఐపీఎల్ ఫ్రాంచైజీ స‌న్‌రైజ‌ర్స్ హైద‌రాబాద్ జ‌ట్టులో భాగం కావ‌డం వ‌ల్ల వీరికి కూడా సొంత‌గ్రౌండ్ కానుంది. మ‌రి ఈ న‌లుగురు ఇవాళ ఎలా రాణిస్తార‌న్న‌ది చూడాలి.A special feeling at home, but a challenge to conquer! 🇮🇳 #TilakVarma opens up about the joy of playing in Hyderabad and how #TeamIndia is gearing up to embrace the challenge! 💪 Watch #INDvWI 4th T20I 👉 WED, OCT 14, 6 PM https://t.co/aqHw6HJwFx— Star Sports (@StarSportsIndia) October 13, 2026 ఇదీ చదవండి: మునుపెన్నడూ చూడని రనౌట్‌!.. స్పందించిన తిలక్‌ వర్మన‌రాలు తెగే ఉత్కంఠ‌.. టెస్టు క్రికెట్ చ‌రిత్ర‌లో తొలిసారి!

సెప్టెంబ‌ర్ నెల‌కు గానూ పురుషుల ఐసీసీ ప్లేయ‌ర్ ఆఫ్ ది మంత్ అవార్డును టీమిండియా కెప్టెన్ శుబ్‌మ‌న్ గిల్ కైవ‌సం చేసుకున్నాడు. త‌నతో పాటు నామినీలుగా ఉన్న స‌హ‌చ‌ర క్రికెట‌ర్ అభిషేక్ శ‌ర్మ‌, జింబాబ్వే కెప్టెన్ సికంద‌ర్ ర‌జాల‌ను వెన‌క్కి నెట్టిన గిల్‌ ఈ అవార్డు సొంతం చేసుకున్నాడు. ఇటీవ‌లే వెస్టిండీస్‌తో జ‌రిగిన వ‌న్డే సిరీస్‌లో అజేయ డ‌బుల్ సెంచ‌రీ స‌హా శ‌త‌కంతో మెరిసిన గిల్ 333 ప‌రుగులు చేశాడు. ఈ రెండు మ్యాచ్‌ల్లో నెగ్గిన టీమిండియా, ఆఖ‌రి వ‌న్డేలో ఓడిన‌ప్ప‌టికీ 2-1 తేడాతో వ‌న్డే సిరీస్‌ను కైవ‌సం చేసుకుంది.ఐదోసారి అవార్డు..ఇక ఐసీసీ ప్లేయ‌ర్ ఆఫ్ ది మంత్ అవార్డును గిల్ గెలుచుకోవ‌డం ఇది ఐదోసారి. గ‌తంలో2023లో జ‌న‌వ‌రి, సెప్టెంబ‌ర్ నెల‌ల్లో, 2025లో ఫిబ్ర‌వ‌రి, జూలై నెల‌ల్లో ఐసీసీ ప్లేయ‌ర్ ఆఫ్ ది మంత్ అవార్డులు ద‌క్కించుకున్నాడు. ఈ నేప‌థ్యంలో అత్య‌ధికసార్లు ఐసీసీ ప్లేయ‌ర్ ఆఫ్ ది మంత్ అవార్డులు గెలుచుకున్న ఏకైక క్రికెట‌ర్‌గా గిల్ చ‌రిత్ర సృష్టించాడు. భారత పురుషుల విభాగంలో చివరిసారిగా ఈ అవార్డును మార్చి 2026లో సంజు సామ్సన్ గెలుచుకున్నారు. గిల్ సాధించిన ఐదు విజయాలతో కలిపి, ఇప్పటివరకు 11 మంది ఆటగాళ్లు ఈ అవార్డును 17 సార్లు గెలుచుకోవ‌డం విశేషం.ఈ అవార్డుపై గిల్ స్పందించాడు. “ఐదోసారి ఐసీసీ ప్లేయర్ ఆఫ్ ది మంత్ అవార్డును గెలుచుకోవడం అద్భుతంగా అనిపిస్తోంది. ఈ గౌరవాన్ని నాకిచ్చిన‌ ప్యానెల్‌కు నేను కృతజ్ఞుడను. విండీస్‌తో వ‌న్డే సిరీస్‌లో పరుగులు సాధించడం ఎంతో సంతృప్తినిచ్చింది. మా సొంత అభిమానుల ముందు అజేయ డ‌బుల్ సెంచ‌రీతో ఛేజింగ్‌లో భాగం కావడం నాకు మ‌రింత ప్ర‌త్యేకం. వాళ్లిచ్చే మద్దతు నాకు ఎల్లప్పుడూ అదనపు ఉత్సాహాన్ని ఇస్తుంది," అని చెప్పుకొచ్చాడు.షెఫాలీదే అవార్డు..ఇక మ‌హిళ‌ల విభాగంలో టీమిండియా సంచ‌ల‌నం షెఫాలీ వ‌ర్మ సెప్టెంబ‌ర్ నెల‌కు గానూ ఐసీసీ ప్లేయ‌ర్ ఆఫ్ ది మంత్ అవార్డు ద‌క్కించుకుంది. ఇటీవ‌లే జ‌రిగిన మ‌హిళ‌ల ఆసియా క‌ప్‌లో షెఫాలీ వ‌ర్మ 184.61 స్ట్రైక్‌రేట్‌తో 360 ప‌రుగులు సాధించ‌డంతో పాటు బౌలింగ్‌లో ఆరు వికెట్లు తీసింది. అంతేకాదు ఆసియా గేమ్స్‌లో భార‌త్ స్వ‌ర్ణం గెల‌వ‌డంలోనూ షెఫాలీ వ‌ర్మ‌ది కీల‌క‌పాత్ర‌. సెమీఫైన‌ల్లో బంగ్లాదేశ్‌పై అజేయ సెంచ‌రీ (100 నాటౌట్‌) సాధించిన షెఫాలీ.. శ్రీలంక‌తో జ‌రిగిన ఫైన‌ల్లో 48 ప‌రుగుల కీల‌క ఇన్నింగ్స్ ఆడింది. ఇక షెఫాలీ వ‌ర్మ ఐసీసీ ప్లేయ‌ర్ ఆఫ్ ది మంత్‌గా నిల‌వ‌డం ఇది రెండోసారి. గ‌తంలో 2025 న‌వంబ‌ర్ నెల‌లోనూ ఈ అవార్డు ద‌క్కించుకుంది.ఇదీ చదవండి: జింబాబ్వే మాజీ క్రికెట‌ర్ అకాల మ‌ర‌ణంచెన్నై పోలీసులకు సీఎస్‌కే భారీ కానుక

భార‌త్‌, వెస్టిండీస్ మ‌ధ్య జ‌రిగిన మూడో టీ20లో వైస్ కెప్టెన్ తిల‌క్ వ‌ర్మ వివాదాస్ప‌ద రీతిలో ర‌నౌట్ అయిన సంగ‌తి తెలిసిందే. అక్ష‌ర్ ప‌టేల్ కొట్టిన బంతి బౌండ‌రీ వెళ్లింద‌ని భావించిన తిల‌క్ వ‌ర్మ ప‌రిగెత్త‌కుండా నింపాదిగా పిచ్‌పై న‌డుచుకుంటూ వెళ్లాడు. అయితే ఇక్క‌డే బుర్ర‌కు ప‌దును పెట్టిన విండీస్ ఆట‌గాళ్లు తెలివిగా తిల‌క్ వ‌ర్మ క్రీజులోకి రాక‌ముందే బెయిల్స్‌ను ఎగుర‌గొట్టారు. దీంతో తిల‌క్ వ‌ర్మ అనూహ్య ర‌నౌట్‌గా వెనుదిరిగాల్సి వ‌చ్చింది. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది.తాజాగా తిల‌క్ వ‌ర్మ ర‌నౌట్‌పై భార‌త దిగ్గ‌జం సునీల్ గావ‌స్క‌ర్ త‌న‌దైన శైలిలో చుర‌క‌లు అంటించారు. ఆడుతుంది అంత‌ర్జాతీయ మ్యాచ్ అన్న విష‌యం మ‌రిచిన‌ తిల‌క్ వ‌ర్మ స్కూల్‌కు వెళ్లే పిల్లాడిలా ప్ర‌వ‌ర్తించాడ‌ని ఎద్దేవా చేశాడు. అక్షర్ పటేల్ ఆడిన షాట్ బౌండరీకి వెళ్లిందని భావించి, మధ్యలోనే కలుసుకుని గ్లౌస్ పంచ్ ఇచ్చుకున్నారని, కనీసం క్రీజులో బ్యాట్ పెట్టాలని చూడకుండా మైదానంలో నిద్రపోయాడని గవాస్కర్ విమర్శించారు. అంతర్జాతీయ స్థాయిలో ఇలాంటి చిన్న తప్పులు మ్యాచ్ ఫలితాలను మార్చేస్తాయని, ఇది కేవలం 'స్కూల్ బాయ్ స్టఫ్' (చిన్నపిల్లల ఆటలాంటిది) అని తప్పుబట్టారు. క్రీజులో బ్యాట్ పెట్టాలని తెలివి లేదా? బౌండరీలు గురించి తర్వాత ఆలోచించాలి. ముందు క్రీజులో బ్యాట్ పెట్టాలని చురకలు అంటించారు. ఆ మాత్రం తెలుసుకోకుండా తిలక్ వర్మ మైదానంలోనే నిద్రపోయాడంటూ ఆగ్రహం వ్యక్తం చేశాడు. ఇలాంటి చిన్న తప్పిదాలే, మ్యాచ్ ఫలితాలను మార్చేస్తాయని ఆగ్రహించారు. మ‌రోసారి ఇలాంటి సీన్‌లు రిపీట్ కావొద్దని తిల‌క్ వ‌ర్మ‌కు హిత‌వు ప‌లికారు.𝐖𝐀𝐈𝐓, 𝐖𝐇𝐀𝐓 𝐉𝐔𝐒𝐓 𝐇𝐀𝐏𝐏𝐄𝐍𝐄𝐃?! 🤯 A near-boundary save turns into a run-out as the West Indies catch Tilak Varma short of his crease! #INDvWI 3rd T20I | LIVE NOW 👉 https://t.co/GmwwFjql5J https://t.co/plCeyKV5SE— Star Sports (@StarSportsIndia) October 11, 2026ఇదీ చదవండి: టీ20 చ‌రిత్ర‌లో మునుపెన్న‌డూ చూడ‌ని ర‌నౌట్‌!

‘ప్రొఫెషనల్‌ క్రికెటర్‌గా భారత్‌ తరఫున ఆడుతున్నప్పుడు నా బాధ్యతలను నేను సక్రమంగా నిర్వర్తించాలి. అందుకోసం అవసరమైన సన్నద్ధత, ప్రాక్టీస్‌, శిక్షణ.. నా చేతుల్లో ఉన్న ప్రతిదీ చేస్తాను. కానీ ఈ ఫార్మాట్‌లో ఫలితం ఎప్పుడూ మన చేతుల్లో ఉండదు. అందుకే వరుసగా మూడు ఇన్నింగ్స్‌ల్లో విఫలమయ్యానని చెప్పి.. తర్వాతి ఇన్నింగ్స్‌లో నెమ్మదిగా ఆడి ఫామ్‌ అందుకోవాలని అనుకోలేం. నేను పరుగులు చేయలేకపోతే ఆ బాధ్యత నాదే. అందుకు మరెవరినీ నిందించను. మైదానంలోకి అడుగుపెట్టిన ప్రతిసారీ పరుగులు చేయడమే నా పని. దాన్ని సాధించేందుకు ప్రయత్నిస్తూనే ఉంటాను’.. వెస్టిండీస్‌తో రెండో టీ20 మ్యాచ్ సంద‌ర్భంగా సంజూ సామ్సన్‌ చేసిన వ్యాఖ్య‌లివి.క‌ట్‌చేస్తే.. మూడో టీ20లో శాంస‌న్ కేవ‌లం మూడు ప‌రుగులు మాత్ర‌మే చేసి ఔట‌య్యాడు. దీంతో సంజూ సామ్సన్‌ ఆట‌తీరుపై విమ‌ర్శ‌లు వెల్లువెత్తుతున్నాయి. ఒక మ్యాచ్‌లో భారీ ఇన్నింగ్స్ వ‌చ్చిన వెంట‌నే మ‌రుస‌టి మ్యాచ్‌లో తుస్సుమ‌నిపించ‌డం అత‌డికి అల‌వాటుగా మారిపోయింది. వెస్టిండీస్‌తో రెండో టీ20లో 82 ప‌రుగులు చేసిన సంద‌ర్భంలో సామ్సన్‌ మాట్లాడిన మాట‌ల‌ను తాజాగా అభిమానులు ట్రోల్ చేస్తున్నారు. ‘‘బ్యాటింగ్‌లో విఫ‌ల‌మైతే బాధ్య‌త నాదే అని డైలాగులు చెప్ప‌డం కాదు గురూ.. ఆ బాధ్య‌త‌ను ఇప్పుడు తీసుకుంటావా? ఇలాగే ఆడుతూ పోతే జట్టులో చోటు కోల్పోవడం ఖాయం’’ అంటూ సోష‌ల్ మీడియాలో ప్ర‌శ్న‌ల వ‌ర్షం కురిపిస్తున్నారు.2026 టీ20 ప్ర‌పంచ‌క‌ప్‌ను టీమిండియా గెల‌వ‌డంలో కీల‌క‌పాత్ర పోషించిన సంజూ సామ్సన్‌.. అదే బ్రాండ్‌నేమ్‌తో ఇప్ప‌టివ‌ర‌కు జ‌ట్టులో కొన‌సాగుతూనే వ‌స్తున్నాడు. వ‌రుస‌గా విఫ‌ల‌మ‌వుతున్న‌ప్ప‌టికీ సంజూకు తుది జ‌ట్టులో అవ‌కాశాలు ల‌భిస్తూనే ఉన్నాయి. తాను ఆడిన గ‌త 11 ఇన్నింగ్స్‌ల్లో సంజూ సామ్సన్‌ వ‌రుస‌గా 1, 27, 10, 57, 50, 9, 7, 2, 11, 82, 3 ప‌రుగులు చేశాడు. ఈ అంకెలు చూస్తుంటే అత‌డిలో స్థిరత్వం లోపించిద‌న్న విష‌యం స్ప‌ష్టంగా తెలుస్తోంది. అస‌లే ఎప్పుడెప్పుడు జ‌ట్టులోకి వ‌చ్చేద్దామా అని చ‌కోర ప‌క్షిలా ఎదురుచూస్తున్న యువ సంచ‌ల‌నం వైభ‌వ్ సూర్య‌వంశీకి స్థిర‌త్వ‌లేమి ఇన్నింగ్స్‌ల‌తో సంజూనే అత‌డి రాక‌కు బాట‌లు వేస్తున్నాడ‌నిపిస్తోంది. సామ్సన్‌ ఆట‌తీరు ఇలాగే కొన‌సాగితే మాత్రం వెస్టిండీస్‌తో టీ20 సిరీస్ అత‌డికి ఆఖ‌రి సిరీస్ అయినా ఆశ్చ‌ర్య‌పోన‌వ‌స‌రం లేదు. అలా జ‌ర‌గ‌కూడ‌ద‌నుకుంటే సంజూ సామ్సన్‌ ఇప్ప‌టినుంచైనా బాధ్య‌త‌గా ఆడాల్సిన అవ‌స‌ర‌ముంది.ఇదీ చదవండి: టీ20 చ‌రిత్ర‌లో మునుపెన్న‌డూ చూడ‌ని ర‌నౌట్‌!శ్రేయ‌స్‌, హెట్‌మైర్‌ గొడవ; ఒళ్లు మండిన న‌మ‌న్‌ధీర్ ఏం చేశాడంటే?

ఇండోర్ వేదిక‌గా వెస్టిండీస్‌తో జ‌రిగిన మూడో టీ20 మ్యాచ్‌లో టీమిండియా బ్యాట‌ర్ తిల‌క్ వ‌ర్మ ఔటైన విధానం చ‌ర్చ‌నీయాంశంగా మారింది. తిల‌క్ వ‌ర్మ ర‌నౌటైన తీరు చూస్తే అది అత‌డి నిర్ల‌క్ష్య వైఖ‌రి అనాలా? లేక బ్యాడ్‌ల‌క్ అనాలా అర్థం కావ‌డం లేదు. విష‌యంలోకి వెళితే.. విండీస్ బౌల‌ర్ గుడకేశ్ మోటీ వేసిన 17వ ఓవ‌ర్లో స్ట్రైక్‌లో ఉన్న అక్ష‌ర్ ప‌టేల్ డీప్ మిడ్ వికెట్ మీదుగా బంతిని బౌండ‌రీ త‌ర‌లించాడు. అయితే అక్క‌డే ఉన్న ఫీల్డ‌ర్ క‌మిల్ పూర‌న్ బంతి రోప్‌ను తాక‌కుండా అడ్డుకునే ప్ర‌య‌త్నంలో డైవ్ చేశాడు. అయితే బంతిని ఆపే ప్ర‌య‌త్నంలో పూర‌న్ బౌండ‌రీ తాడును తాకాడ‌ని, అందువ‌ల్ల అది ఫోర్ అని తిల‌క్‌, అక్ష‌ర్ ప‌టేల్ భావించారు. ఫోర్ వ‌చ్చింద‌న్న భ్ర‌మ‌లో సింగిల్ పూర్తి చేసిన అనంత‌రం ఇద్ద‌రు త‌మ వైపున‌కు నింపాదిగా న‌డుచుకుంటూ వెళ్లారు. అంత‌లోనే పూర‌న్ నుంచి బంతి అందుకున్న షెయ్ హోప్ బెయిల్స్ ఎగుర‌గొట్టే ప్ర‌య‌త్నం చేయ‌గా, అక్ష‌ర్ అప్ప‌టికే క్రీజులోకి చేరుకున్నాడు. దీంతో హోప్ బంతిని నాన్‌స్ట్రైక్ ఎండ్‌వైపు ఉన్న మోటీ వైపునకు విసిరాడు. అయితే అప్ప‌టికీ తిల‌క్ వ‌ర్మ క్రీజులోకి రాక‌పోవ‌డాన్ని గ‌మ‌నించిన మోటీ బంతితో వికెట్ల‌ను గిరాటేశాడు. బౌండ‌రీ ఇవ్వాలా వ‌ద్దా అని నిర్ణ‌యించడానికి థర్డ్ అంపైర్ రివ్యూ కోర‌గా, పూర‌న్ అసాధార‌ణ ఫీల్డింగ్‌తో బౌండ‌రీ రాక‌పోగా తిల‌క్ వ‌ర్మ రనౌట్ అయిన‌ట్లు డిస్‌ప్లేపై క‌నిపించింది. దీంతో తిల‌క్ వ‌ర్మ షాక్‌కు గుర‌య్యాడు. కానీ రూల్స్ ప్ర‌కారం తాను ఇంకా క్రీజులోకి రాక‌పోవ‌డంతో ఏమీ చేయ‌లేక నిరాశ‌తో తిల‌క్‌ పెవిలియ‌న్ బాట ప‌ట్టాడు. దీంతో భార‌త్‌కు బౌండ‌రీ రావాల్సిన చోట ఫీల్డ‌ర్ చేసిన పనికి విండీస్‌కు వికెట్ ల‌భించిన‌ట్ల‌యింది. తిల‌క్ వ‌ర్మ ఔట‌య్యే స‌మ‌యానికి 16 బంతుల్లో 28 ప‌రుగుల‌తో ఆడుతున్నాడు. అత‌డు ఔట్ కాక‌పోయుంటే భార‌త్ స్కోరు 250 క‌చ్చితంగా దాటేదేమోన‌ని అభిమానులు త‌మ అభిప్రాయం వ్య‌క్తం చేశారు. బౌండ‌రీ వ‌స్తుంద‌నుకుంటే ఎవ‌రూ ఊహించ‌ని విధంగా తిల‌క్ వ‌ర్మ ర‌నౌట్ కావ‌డం గ‌మ‌నార్హం. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది. మ్యాచ్ విష‌యానికొస్తే అభిషేక్ శ‌ర్మ (69), ఇషాన్ కిష‌న్ మెరుపుల‌తో తొలుత బ్యాటింగ్ చేసిన టీమిండియా 223 ప‌రుగుల‌కు ఆలౌటైంది. అనంత‌రం వెస్టిండీస్ ల‌క్ష్య ఛేద‌న‌లో 14 ప‌రుగుల దూరంలో ఆగిపోవ‌డంతో భార‌త్ విజ‌యాన్ని అందుకుంది. దీంతో ఐదు మ్యాచ్‌ల టీ20 సిరీస్‌లో టీమిండియా 2-1తో ఆధిక్యంలోకి దూసుకెళ్లింది. ఇరుజ‌ట్ల మ‌ధ్య నాలుగో టీ20 హైద‌రాబాద్ వేదిక‌గా బుధ‌వారం జ‌ర‌గ‌నుంది.𝐖𝐀𝐈𝐓, 𝐖𝐇𝐀𝐓 𝐉𝐔𝐒𝐓 𝐇𝐀𝐏𝐏𝐄𝐍𝐄𝐃?! 🤯 A near-boundary save turns into a run-out as the West Indies catch Tilak Varma short of his crease! #INDvWI 3rd T20I | LIVE NOW 👉 https://t.co/GmwwFjql5J https://t.co/plCeyKV5SE— Star Sports (@StarSportsIndia) October 11, 2026ఇదీ చ‌ద‌వండి:శ్రేయ‌స్‌, హెట్‌మైర్‌ గొడవ; ఒళ్లు మండిన న‌మ‌న్‌ధీర్ ఏం చేశాడంటే?అందుకే ఓడిపోయాము.. క్రెడిట్‌ మొత్తం వాళ్లకే దక్కాలి: విండీస్‌ కెప్టెన్‌

ఇండోర్ వేదిక‌గా టీమిండియా, వెస్టిండీస్ మ‌ధ్య జ‌రిగిన మూడో టీ20 మ్యాచ్‌లో భార‌త కెప్టెన్ శ్రేయ‌స్ అయ్య‌ర్‌, విండీస్ హిట్ట‌ర్ షిమ్రోన్ హెట్‌మైర్ మ‌ధ్య జ‌రిగిన గొడ‌వ ఆల‌స్యంగా వెలుగు చూసింది. విండీస్ బ్యాటింగ్ స‌మ‌యంలో వీరిద్ద‌రి మ‌ధ్య మాట‌ల యుద్ధం జ‌రిగిన‌ట్లు తెలుస్తోంది. నమన్‌ ధీర్‌ బౌలింగ్‌ వేయడానికి ముందు స్ట్రైక్‌లో ఉన్న హెట్‌మైర్.. నాన్‌స్ట్రైక్ ఎండ్‌లో ఉన్న బ్యాట‌ర్‌తో అదే ప‌నిగా మాట్లాడుతూ కనిపించింది. దీంతో చిర్రెత్తుకొచ్చిన శ్రేయ‌స్ అయ్య‌ర్ అంపైర్ ద‌గ్గ‌రకు వెళ్లి.. ''ఓవ‌ర్ టూ ఓవ‌ర్ గ్యాప్‌లో విండీస్ బ్యాట‌ర్లు చాలా స‌మ‌యం తీసుకుంటున్నారు. దీనివ‌ల్ల 30 గ‌జాల స‌ర్కిల్ వెలుప‌ల మాకు ఒక ఫీల్డ‌ర్ త‌క్కువ‌య్యే ప్ర‌మాదం పొంచి ఉంది. వాళ్ల తీరుపై చ‌ర్య తీసుకోండి'' అని ఫిర్యాదు చేశాడు. దీంతో విండీస్ బ్యాట‌ర్ల‌ను పిలిచిన అంపైర్ ఇలా చేయ‌డం త‌గద‌ని హెచ్చ‌రించారు. అనంత‌రం క్రీజులోకి వెళుతున్న హెట్‌మైర్ అయ్య‌ర్ వైపు చూస్తూ.. ''బౌలింగ్ చేయ‌డమే మీ ప‌ని. మాట్లాడుకోవ‌డానికి నేను నా స‌మ‌యం తీసుకుంటాను.'' అని ఘాటుగా వ్యాఖ్యానించాడు. అయితే అయ్య‌ర్ గొడ‌వ పెద్ద‌ది చేసేందుకు ఇష్ట‌ప‌డ‌లేదు. ఇదంతా గమనించిన నమన్‌ ధీర్‌కు ఒళ్లు మండినట్లుంది. అదే ఓవ‌ర్‌లో త‌న బౌలింగ్‌తో హెట్‌మైర్‌ను పెవిలియ‌న్ చేర్చిన నమన్‌ ధీర్‌ కెప్టెన్ శ్రేయ‌స్‌ను సంతోషంలో ముంచెత్తాడు. ఇదే సమయంలో పెవిలియ‌న్ వైపు బాట ప‌ట్టిన హెట్‌మైర్ వైపు చూస్తూ శ్రేయ‌స్ న‌వ్వుతూ ఇచ్చిన‌ లుక్ సోషల్‌ మీడియాలో వైరల్‌గా మారింది.ఇదీ చ‌ద‌వండి: చ‌రిత్ర సృష్టించిన శ్రేయ‌స్‌ అయ్యర్‌'ఆ అమ్మాయికి మాటిస్తున్నా.. బెస్ట్ ఇన్నింగ్స్ గిఫ్ట్‌గా ఇస్తా'

టీమిండియా కెప్టెన్ శ్రేయ‌స్ అయ్య‌ర్ అంత‌ర్జాతీయ టీ20ల్లో చ‌రిత్ర సృష్టించాడు. ఆదివారం వెస్టిండీస్‌తో జ‌రిగిన మూడో టీ20లో భార‌త జ‌ట్టు తొలుత బ్యాటింగ్ చేసి 20 ఓవ‌ర్ల‌లో 224 ప‌రుగులు చేసిన సంగ‌తి తెలిసిందే. ఈ నేప‌థ్యంలో అయ్య‌ర్ సార‌థ్యంలో టీమిండియా 37వ సారి 200 ప్ల‌స్ స్కోరు సాధించ‌డం విశేషం. త‌ద్వారా భారత మాజీ కెప్టెన్‌ ఎంఎస్‌ ధోని రికార్డు (36 సార్లు) బ‌ద్ద‌లుకొట్టిన శ్రేయ‌స్ అయ్య‌ర్ తొలి స్థానంలో నిలిచాడు. ఇక శ్రేయ‌స్, ధోని త‌ర్వాత కోహ్లి కెప్టెన్సీలో భార‌త్ 29 సార్లు 200 ప్ల‌స్ స్కోర్లు చేసింది. ఇక టీ20 కెప్టెన్‌గా అయ్య‌ర్‌కు 19 మ్యాచ్‌ల్లో ఇది 11వ విజ‌యం కాగా.. ఏడు మ్యాచ్‌ల్లో ఓట‌మి పాలైంది. ఒక మ్యాచ్‌లో ఫ‌లితం రాలేదు. కెప్టెన్‌గా అయ్య‌ర్ విన్నింగ్ ప‌ర్సంటేజీ 57.89 శాతంగా ఉంది.మ్యాచ్ విష‌యానికొస్తే.. ఆదివారం జరిగిన మూడో టీ20లో టీమిండియా 14 పరుగుల తేడాతో వెస్టిండీస్‌ను ఓడించింది. ఫలితంగా ఐదు మ్యాచ్‌ల సిరీస్‌లో టీమిండియా 2–1తో ముందంజ వేసింది. టాస్‌ ఓడి మొదట బ్యాటింగ్‌కు దిగిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. అభిషేక్‌ శర్మ (30 బంతుల్లో 69; 6 ఫోర్లు, 5 సిక్స్‌లు) అర్ధశతకంతో ఆకట్టుకున్నాడు.ఇషాన్‌ కిషన్‌ (37; 6 ఫోర్లు, 1 సిక్స్‌), తిలక్‌ వర్మ (28; 4 ఫోర్లు) రాణించారు. విండీస్‌ బౌలర్లలో చేజ్, షమార్‌ జోసెఫ్, స్ప్రింగర్‌ తలా రెండు వికెట్లు పడగొట్టారు. అనంతరం లక్ష్యఛేదనలో విండీస్‌ జట్టు 20 ఓవర్లలో 7 వికెట్లకు 209 పరుగులు చేసి విజయానికి దూరంగా నిలిచింది. కమిల్‌ పూరన్‌ (42; 3 ఫోర్లు, 3 సిక్స్‌లు), హెట్‌మైర్‌ (43; 6 ఫోర్లు, 2 సిక్స్‌లు) పోరాడినా ఫలితం లేకపోయింది. భారత బౌలర్లలో అర్ష్ దీప్ 3, నమన్‌ ధీర్‌ 2 వికెట్లు పడగొట్టారు.ఇదీ చ‌ద‌వండి: 'ఆ రెండు ఓవ‌ర్లే ట‌ర్నింగ్ పాయింట్‌.. లేదంటే ఓడిపోయేవాళ్లం!'

వెస్టిండీస్‌పై మూడో టీ20లో టీమిండియా 14 ప‌రుగుల తేడాతో విజ‌యం సాధించింది. మ్యాచ్ అనంతరం టీమిండియా కెప్టెన్ శ్రేయ‌స్ అయ్య‌ర్ మాట్లాడాడు. విండీస్ బ్యాట‌ర్లు ఆఖ‌రి వ‌ర‌కు పోరాడ‌డంతో ఒక ద‌శ‌లో ఈ మ్యాచ్‌లో కూడా ఓట‌మి పాల‌వుతామోన‌ని భావించిన‌ట్లు తెలిపాడు. కానీ బౌల‌ర్లు అద్భుతంగా రాణించి భార‌త్‌ను నిల‌బెట్టారని, ఆ రెండు ఓవ‌ర్లు మ్యాచ్‌కు ట‌ర్నింగ్ పాయింట్‌గా నిలిచింద‌ని పేర్కొన్నాడు. శ్రేయ‌స్ మాట్లాడుతూ.. ''గ‌త మ్యాచ్ అనుభ‌వం ఇంకా నా క‌ళ్ల ముందే మెదులుతుంది. విండీస్ ఎదుట 224 ప‌రుగుల టార్గెట్ పెట్టిన‌ప్ప‌టికీ, నా మ‌దిలో మాత్రం ఏ మూల‌నో చిన్న‌పాటి ఓట‌మి భ‌యం ఉండేది. అయితే మ్యాచ్‌లో మా బౌల‌ర్లు అద్భుత ప్ర‌ద‌ర్శ‌న క‌న‌బ‌రిచారు. ముఖ్యంగా అర్ష‌దీప్‌, ప్రిన్స్‌ యాద‌వ్‌లు వేసిన ఇన్నింగ్స్ 18, 19 ఓవ‌ర్లు మ్యాచ్‌కు ట‌ర్నింగ్ పాయింట్‌గా నిలిచింద‌ని చెప్పొచ్చు. అప్ప‌టిదాకా విండీస్ కూడా విజ‌యం దిశ‌గా న‌డిచింది. కీల‌క స‌మ‌యంలో అర్ష‌దీప్ రెండు వికెట్లు తీసి వారిపై ఒత్తిడిని పెంచాడు. ఆ త‌ర్వాతి ఓవ‌ర్‌లో ప్రిన్స్‌ యాద‌వ్ ఒత్తిడిలో అద్భుతంగా బౌలింగ్ చేసి విండీస్ బ్యాట‌ర్ల‌ను క‌ట్టడి చేశాడు. గెలుపు క్రెడిట్ మాత్రం క‌చ్చితంగా బౌల‌ర్ల‌కు ఇచ్చి తీరాల్సిందే. అంత‌క‌ముందు బ్యాటింగ్‌లో అభిషేక్ శ‌ర్మ‌, ఇషాన్ కిష‌న్‌లు మంచి ఆరంభాన్ని ఇచ్చారు. ఆ ఆరంభాన్ని మా బ్యాట‌ర్లు చాలా స‌ద్వినియోగం చేసుకున్నారు. ఆఖ‌ర్లో తిల‌క్ వ‌ర్మ‌, అక్ష‌ర్ ప‌టేల్‌, నితీశ్ రెడ్డిలు త‌మ బ్యాటింగ్‌తో టీమిండియా స్కోరును 220 ప‌రుగులు దాటించారు. జ‌ట్టు స‌మ‌ష్టి ప్ర‌ద‌ర్శ‌న‌తోనే మ్యాచ్‌లో విజ‌యం సాధ్య‌మైంది. హైద‌రాబాద్‌లో మ్యాచ్ ఆడ‌డం కోసం ఎదురుచూస్తున్నాం.'' అని చెప్పుకొచ్చాడు.ఇదీ చ‌ద‌వండి: తిల‌క్ వ‌ర్మ ఖాతాలో అరుదైన రికార్డు

వెస్టిండీస్‌తో జ‌రిగిన మూడో టీ20లో టీమిండియా వైస్ కెప్టెన్ తిల‌క్ వ‌ర్మ మ‌రో అరుదైన రికార్డును త‌న ఖాతాలో వేసుకున్నాడు. అంత‌ర్జాతీయ టీ20ల్లో టీమిండియా త‌ర‌ఫున అత్య‌ధిక క్యాచ్‌లు అందుకున్న ప్లేయ‌ర్ల జాబితాలో తిల‌క్ వ‌ర్మ చోటు సంపాదించాడు. నిన్న‌టి మ్యాచ్‌లో తిల‌క్ వ‌ర్మ 50 క్యాచ్‌ల మార్క్‌ను పూర్తి చేసుకున్నాడు. ఈ నేప‌థ్యంలో టీ20ల్లో 50కి పైగా క్యాచ్‌లు పూర్తి చేసుకున్న ఐదో భార‌త ఆట‌గాడిగా తిల‌క్ వ‌ర్మ నిలిచాడు. టీ20ల్లో టీమిండియా త‌ర‌ఫున అత్య‌ధిక క్యాచ్‌లు అందుకున్న రికార్డు రోహిత్ శ‌ర్మ పేరిట ఉంది. అతడు 65 క్యాచ్‌లు తీసుకున్నాడు. రోహిత్ త‌ర్వాత వ‌రుస‌గా హార్దిక్ పాండ్యా (64), సూర్య‌కుమార్ యాద‌వ్ (58), విరాట్ కోహ్లి (54) ఉన్నారు. తాజాగా తిల‌క్ వ‌ర్మ వీరి స‌ర‌స‌న చేరాడు.ఓవ‌రాల్‌గా అంత‌ర్జాతీయ పురుషుల‌ టీ20 క్రికెట్‌లో 34 మంది ప్లేయ‌ర్లు 50 లేదా అంత‌కంటే ఎక్కువ క్యాచ్‌లు తీసుకున్నారు. అయితే తిలక్ వర్మ ప్రతి ఇన్నింగ్స్‌లో 0.757 డిస్మిసల్స్ నిష్పత్తిలో క్యాచ్‌లు తీసుకొని మొద‌టి స్థానంలో నిలవ‌డం విశేషం. యూఏఈకి చెందిన మహమ్మద్ వసీమ్ (0.767 - 99 మ్యాచ్‌లలో 76 క్యాచ్‌లు) తిల‌క్ వ‌ర్మ త‌ర్వాతి స్థానంలో ఉన‌ర్నాడు.మ్యాచ్ విష‌యానికొస్తే.. సమష్టి ప్రదర్శనతో సత్తాచాటిన భారత జట్టు... వెస్టిండీస్‌తో మూడో టి20లో విజయం సాధించింది. ఆదివారం జరిగిన పోరులో శ్రేయస్‌ అయ్యర్‌ సారథ్యంలోని టీమిండియా 14 పరుగుల తేడాతో వెస్టిండీస్‌ను ఓడించింది. ఫలితంగా ఐదు మ్యాచ్‌ల సిరీస్‌లో టీమిండియా 2–1తో ముందంజ వేసింది. టాస్‌ ఓడి మొదట బ్యాటింగ్‌కు దిగిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. అభిషేక్‌ శర్మ (30 బంతుల్లో 69; 6 ఫోర్లు, 5 సిక్స్‌లు) అర్ధశతకంతో ఆకట్టుకున్నాడు. ఇషాన్‌ కిషన్‌ (37; 6 ఫోర్లు, 1 సిక్స్‌), తిలక్‌ వర్మ (28; 4 ఫోర్లు) రాణించారు. విండీస్‌ బౌలర్లలో చేజ్, షమార్‌ జోసెఫ్, స్ప్రింగర్‌ తలా రెండు వికెట్లు పడగొట్టారు. అనంతరం లక్ష్యఛేదనలో విండీస్‌ జట్టు 20 ఓవర్లలో 7 వికెట్లకు 209 పరుగులు చేసి విజయానికి దూరంగా నిలిచింది. కమిల్‌ పూరన్‌ (42; 3 ఫోర్లు, 3 సిక్స్‌లు), హెట్‌మైర్‌ (43; 6 ఫోర్లు, 2 సిక్స్‌లు) పోరాడినా ఫలితం లేకపోయింది. భారత బౌలర్లలో అర్ష్ దీప్ 3, నమన్‌ ధీర్‌ 2 వికెట్లు పడగొట్టారు.ఇదీ చ‌దవండి: Shreyas Iyer: 'ఆ అమ్మాయికి మాటిస్తున్నా.. బెస్ట్ ఇన్నింగ్స్ గిఫ్ట్‌గా ఇస్తా'

ఇండోర్ వేదిక‌గా వెస్టిండీస్‌తో జ‌రిగిన మూడో టీ20 మ్యాచ్‌లో టీమిండియా 14 ప‌రుగుల తేడాతో విజ‌యాన్ని అందుకున్న సంగ‌తి తెలిసిందే. మ్యాచ్ అనంత‌రం శ్రేయ‌స్ అయ్య‌ర్‌, ఇయాన్ బిష‌ప్ మ‌ధ్య ఆస‌క్తిక‌ర సంభాష‌ణ న‌డిచింది. ఇయాన్ బిష‌ప్ అడిగిన ప్ర‌శ్న‌కు అయ్య‌ర్ అదిరిపోయే రిప్లై ఇచ్చాడు. తొలి టీ20లో సెంచ‌రీతో జ‌ట్టును గెలిపించిన శ్రేయ‌స్ అయ్య‌ర్‌.. రెండో టీ20 మ్యాచ్‌లోనూ 40 ప‌రుగుల కీల‌క ఇన్నింగ్స్ ఆడాడు. అయితే మూడో టీ20లో మాత్రం ఒక్క ప‌రుగు మాత్ర‌మే చేసి రోస్ట‌న్ చేజ్ బౌలింగ్‌లో ఎల్బీగా వెనుదిరిగాడు. దీంతో అయ్య‌ర్‌ ఆట‌ను చూసేందుకు వ‌చ్చిన ఒక వీరాభిమాని త‌న ఫెవ‌రెట్ ప్లేయ‌ర్ ఔట‌వ్వ‌డంతో బోరుమ‌ని ఏడ్చింది. ఆమె ఏడుస్తున్న దృష్ట్యాలు కెమెరాల్లో రికార్డ‌య్యియి. ఇది గ‌మ‌నించిన ఇయాన్ బిష‌ప్ మ్యాచ్ అనంత‌రం శ్రేయ‌స్‌తో మాట్లాడుతూ ఫ్యాన్ గ‌ర్ల్ ఏడ్చిన విష‌యాన్ని ప్ర‌స్తావించాడు. ''శ్రేయాస్ నువ్వు తొంద‌ర‌గా ఔట‌వ్వ‌డంతో, ఈరోజు మ్యాచ్‌కు వ‌చ్చిన వారిలో మీ వీరాభిమాని ఒక‌రు స్టాండ్స్‌లో బోరున ఏడ్వ‌డం గ‌మ‌నించాను. నాకు తెలిసి ఆ అమ్మాయి నీకు పెద్ద ఫ్యాన్ అనుకుంటా. ఈ విష‌యంపై నీ స్పంద‌న ఏంటి'' అని అడిగాడు. దీనికి అయ్య‌ర్ న‌వ్వుతూ..''నేను ఎప్పుడు టీమ్‌కు బెస్ట్ ఇవ్వ‌డానికే ప్ర‌య‌త్నిస్తాను. కానీ దుర‌దృష్ట‌వ‌శాత్తూ ఇవాళ తొంద‌ర‌గా ఔట‌య్యాను. నా ఆట‌ను చూసేందుకు వ‌చ్చిన వీరాభిమానిని పూర్తిగా నిరాశ‌ప‌రిచాను. పెద్ద స్కోరు చేయ‌క‌పోవ‌డంపై క్ష‌మాప‌ణ అడుగుతున్నా. ఆ అమ్మాయికి మాటిస్తున్నా.. క‌చ్చితంగా త‌ర్వాతి మ్యాచ్‌లో బెస్ట్ ఇన్నింగ్స్ ఆడి ఆమె మొహంలో సంతోషాన్ని తిరిగి తెస్తాను'' అని పేర్కొన్నాడు. అయ్య‌ర్ వ్యాఖ్య‌లు విన్న స‌ద‌రు ఫ్యాన్ గ‌ర్ల్ స్టాండ్స్‌లోనే ఎగిరి గంతేయ‌డం విశేషం. ప్ర‌స్తుతం బిష‌ప్‌, అయ్య‌ర్ మ‌ధ్య సంభాష‌ణ వైర‌ల్‌గా మారింది. టీమిండియా కెప్టెన్‌గానే గాక త‌న అభిమాని మొహంలో సంతోషం చూడ‌డం కోసం మాట్లాడిన అయ్య‌ర్ ఒక మెట్టు పైకి ఎక్కేశాడు అని చెవులు కొరుక్కుంటున్నారు.🚨 INDIAN GIRL BREAKS DOWN IN TEARS AFTER SHREYAS IYER'S EARLY DISMISSAL! 💔 A young Indian girl couldn't control her emotions after her favourite cricketer, Shreyas Iyer, was dismissed for just 1 run. She started crying in the stands, and despite her boyfriend's repeated attempts to console her, she couldn't stop her tears. Even legendary Sunil Gavaskar praised the young fan for her emotional attachment and unconditional love for Shreyas Iyer. This is what being a true fan looks like! ❤️🥹— Central Cricket (@arshdeep3444) October 11, 2026ఇదీ చ‌దవండి:జయం మనదేమరోసారి విజృంభించిన షమీ.. ఎంత చేసి ఏం ప్రయోజనం..?

ఇండోర్‌లోని హోల్కర్ స్టేడియం వేదిక‌గా భార‌త్‌-వెస్టిండీస్ మ‌ధ్య మూడో టీ20 ఆదివారం జ‌ర‌గ‌నుంది. రెండో టీ20లో ఓట‌మిపాలైన టీమిండియా.. ఈ మ్యాచ్‌లో ఎలాగైనా గెలిచి సిరీస్ ఆధిక్యాన్ని పెంచుకోవాల‌ని ప‌ట్టుద‌ల‌తో ఉంది. మ‌రోవైపు రాంచీలో అద్భుత విజ‌యం సాధించిన విండీస్ కూడా త‌మ జోరును కొన‌సాగించాల‌ని భావిస్తోంది. అయితే ఈ మ్యాచ్‌లో సైతం భార‌త బౌల‌ర్ల‌కు క‌రేబియ‌న్ బ్యాట‌ర్ల నుంచి ముప్పు పొంచి ఉంది. చిన్న బౌండరీలు, ఫ్లాట్ పిచ్‌లకు పేరుగాంచిన ఇండోర్‌ మైదానంలో బౌలర్లు చిన్న తప్పు చేసినా మూల్యం చెల్లించుకోక తప్పదు. అంతేకాకుండా విండీస్ ఈ మ్యాచ్‌లో త‌మ తురుపు ముక్క అమీర్ జంగూను బ‌రిలోకి దించినట్లు తెలుస్తోంది.పూర‌న్‌పై వేటు.. జంగూకు చోటుతొలి రెండు టీ20ల్లో విఫ‌ల‌మైన యువ ఓపెన‌ర్ కామిల్ పూర‌న్‌ను ప‌క్క‌న పెట్ట‌నున్న‌ట్లు తెలుస్తోంది. అత‌డి స్ధానంలో అమీర్ జంగూకు తుది జ‌ట్టులో కల్పించ‌నున్న‌ట్లు స‌మాచారం. వాస్త‌వానికి తొలుత ఎంపిక చేసిన జ‌ట్టులో జంగూ పేరు లేదు. కానీ టీ20 సిరీస్‌కు ముందు జ్యువెల్ ఆండ్రూ గాయ‌ప‌డ‌డంతో జంగూకు సెల‌క్ట‌ర్లు పిలుపిచ్చారు. అంతకుముందు టీమిండియాతో జ‌రిగిన వన్డే సిరీస్‌లో జంగూ దుమ్ములేపాడు. ఆడిన 3 ఇన్నింగ్స్‌ల్లో 119.50 సగటుతో, 135.80 స్ట్రైక్ రేట్‌తో ఏకంగా 239 పరుగులు సాధించాడు. ఈ క్ర‌మంలోనే అత‌డికి టీ20 జ‌ట్టులో చోటు ఇచ్చారు. ఇప్పుడు ప్లేయింగ్ ఎలెవ‌న్‌లోకి అత‌డు ఎంట్రీ ఇస్తే భార‌త బౌల‌ర్ల‌కు చుక్క‌లు క‌నిపించ‌డం ఖాయం.విండీస్ తుది జ‌ట్టు(అంచ‌నా): షాయ్ హోప్ (కెప్టెన్‌), జంగూ, షిమ్రాన్ హెట్మెయర్, రోవ్‌మాన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, రొమారియో షెపర్డ్, గుడాకేష్ మోటీ, షమర్ స్ప్రింగర్, అకేల్ హోసేన్, షమర్ జోసెఫ్

టీమిండియా మాజీ ఓపెన‌ర్ వీరేంద్ర సెహ్వాగ్ యువ సంచ‌ల‌నం వైభ‌వ్ సూర్య‌వంశీపై ఆస‌క్తిక‌ర వ్యాఖ్య‌లు చేశాడు. వైభ‌వ్‌ను చూస్తుంటే న‌న్ను నేను అద్దంలో చూసుకున్న‌ట్లుగా అనిపిస్తోంద‌ని సెహ్వాగ్ తెలిపాడు. మొద‌టి బంతి నుంచే దూకుడుగా ఆడాల‌నే ఆలోచ‌న కొంత‌వ‌ర‌కు నా ఆలోచ‌న‌లాగే ఉంద‌ని పేర్కొన్నాడు. శ‌నివారం పీహెచ్‌డీ ఛాంబ‌ర్ ఆఫ్ కామ‌ర్స్ అండ్ ఇండ‌స్ట్రీ వార్షిక స‌భ్య స‌మావేశంలో పాల్గొన్న సెహ్వాగ్ ఈ వ్యాఖ్య‌లు చేశాడు.‘‘ఆట‌కు వ‌య‌సుతో ప్రామాణికం ఉండ‌కూడ‌దు. ఉదాహరణకు అండర్-19 అయితే, మీ వయస్సు 19 ఏళ్ల లోపు ఉండాలి. కానీ మీరు ఐపీఎల్‌లో ఆడినా లేదా భారత్ తరఫున ఆడినా, వయస్సుతో పనేమీ ఉండదు. 37 ఏళ్ల వ‌య‌సులో కోహ్లీ జాతీయ జ‌ట్టుకు ఆడుతున్నాడు.. అలాగే 15 ఏళ్ల వైభవ్ సూర్యవంశీ కూడా ఆడుతున్నాడు. ఇక్క‌డ వ‌య‌సు కంటే వారు చేసే ప్ర‌ద‌ర్శ‌న‌నే ముఖ్యం. ప్ర‌స్తుతం వైభ‌వ్‌ సూర్యవంశీ తన అత్యుత్తమ ఫామ్‌లో ఉన్నాడు. తొలి బంతి నుంచే క‌సితీరా బాదాల‌నుకుంటాడు. మ‌రి అతడికి ఎప్పుడు అవకాశం వస్తుంది, భారత్ తరఫున ఎన్ని మ్యాచ్‌లు ఆడతాడు అన్నదే ముఖ్యం. వ‌య‌సు విభాగాల క్రికెట్ ఆడుతున్న‌ప్పుడు ఆట‌గాళ్ల‌ వ‌య‌సు ప‌రిగ‌ణ‌లోకి తీసుకోవాలి కానీ ఐపీఎల్ లేదా భార‌త జ‌ట్టుకు ఆడిన అనుభ‌వం ఉన్న ఆట‌గాడికి వ‌య‌సు కొల‌మానం కాకూడ‌దు అనేది నా అభిప్రాయం’’ అని చెప్పుకొచ్చాడు.15 ఏళ్ల వ‌య‌సులోనే అంత‌ర్జాతీయ క్రికెట్‌లోకి దూసుకొచ్చిన వైభ‌వ్ సూర్య‌వంశీ ప్ర‌స్తుతం టీ20 క్రికెట్‌లో టీమిండియా త‌ర‌ఫున ప్రాతినిధ్యం వ‌హిస్తున్నాడు. అయితే వ‌య‌సు దృష్ట్యా అతడు ఫామ్‌లో ఉన్న‌ప్ప‌టికీ తుదిజ‌ట్టులో అవ‌కాశం కోసం ఎదురుచూడా ల్సిందేన‌ని ఇటీవ‌లే భార‌త హెడ్‌కోచ్ గౌత‌మ్ గంభీర్ స్ప‌ష్టం చేశాడు. దీంతో వెస్టిండీస్‌తో టీ20 సిరీస్‌కు ఎంపికైన‌ప్ప‌టికీ వైభ‌వ్ బెంచ్‌కే ప‌రిమిత‌మయ్యాడు. ఇప్ప‌టివ‌ర‌కు 8 టీ20 మ్యాచ్‌లు ఆడిన వైభ‌వ్ 186 స్ట్రైక్ రేట్‌తో 246 ప‌రుగులు సాధించాడు. ఇందులో రెండు అర్థ‌సెంచ‌రీలు ఉన్నాయి.ఇదీ చదవండి: ఊత‌ప్ప మెరుపులు వృథా.. సౌతాఫ్రికా చేతిలో భార‌త్ ఓట‌మిక్రిస్టియానో రొనాల్డోకు భారీ షాక్‌

ఇండోర్‌: భారత్, వెస్టిండీస్‌ మధ్య మరో సారి పరుగుల వరదకు రంగం సిద్ధమైంది. గత రెండు మ్యాచ్‌లలో విజృంభించిన బ్యాటర్లు... ఇండోర్‌లోని చిన్న మైదానంలో మరోసారి చెలరేగేందుకు రెడీ అయ్యారు. ఐదు మ్యాచ్‌ల సిరీస్‌లో భాగంగా ఆదివారం భారత్, వెస్టిండీస్‌ మధ్య మూడో టి20 జరగనుంది. గత మ్యాచ్‌లో 250 పరుగుల లక్ష్యాన్ని అలవోకగా ఛేదించిన విండీస్‌ రెట్టించిన ఆత్మవిశ్వాసంతో బరిలోకి దిగుతుండగా... సిరీస్‌లో పైచేయి సాధించాలని టీమిండియా కృతనిశ్చయంతో ఉంది. ఈ సిరీస్‌లో పిచ్‌లు పూర్తిగా బ్యాటింగ్‌కు అనుకూలంగా మార్చి... ఆటలోనే అసలు మజాను తగ్గిస్తున్నారని భారత హెడ్‌ కోచ్‌ గౌతమ్‌ గంభీర్‌ చెబుతున్నా... ఇప్పటికిప్పుడు ఎలాంటి మార్పులు చేసే అవకాశమైతే లేదు. దీంతో ఈ మైదానంలో మరోసారి పరుగుల పండగ ఖాయమే. గత రెండేళ్లలో ఇక్కడ టి20 మ్యాచ్‌ జరగకపోయినా... చివరి మూడు వన్డేల్లో మూడొందల పైచిలుకు స్కోర్లు నమోదయ్యాయి. రోహిత్‌ శర్మ, హాషిమ్‌ ఆమ్లా, పుజారా, శ్రేయస్, రూసో వంటి వాళ్లు ఇక్కడ టి20 సెంచరీలు చేయగా... సెహ్వాగ్‌ వన్డేల్లో ద్విశతకం నమోదు చేశాడు. మ్యాచ్‌కు వర్ష సూచన లేదు. బౌలర్లపైనే భారంఅభిషేక్‌ శర్మ, సంజూ సామ్సన్, ఇషాన్‌ కిషన్, శ్రేయస్‌ అయ్యర్, తిలక్‌ వర్మ, నమన్‌ ధీర్‌తో భారత బ్యాటింగ్‌ పటిష్టంగా ఉంది. గత మ్యాచ్‌లో ఆకట్టుకోలేకపోయిన శివమ్‌ దూబే స్థానంలో ఆంధ్ర ఆల్‌రౌండర్‌ నితీశ్‌ కుమార్‌ రెడ్డికి అవకాశం దక్కుతుందో చూడాలి. అక్షర్‌ పటేల్, కుల్దీప్‌ యాదవ్‌ స్పిన్‌ బాధ్యతలు పంచుకోనుండగా... గత మ్యాచ్‌లో మూడు వికెట్లతో ఆకట్టుకున్న మయాంక్‌ యాదవ్‌తో పాటు అర్ష్ దీప్‌ సింగ్‌ పేస్‌ భారం మోయనున్నారు. బ్యాటింగ్‌లో భారత జట్టుకు పెద్దగా ఇబ్బందులు లేకున్నా... బౌలింగ్‌తోనే అసలు సమస్య వచ్చింది. రాంచీ మ్యాచ్‌లో కొండంత స్కోరు చేసినా... దాన్ని కాపాడుకోలేకపోయిన మన బౌలర్లు... ఇండోర్‌లో ఏమాత్రం ప్రభావం చూపుతారనేది అసలు సమస్య. ఇక వెస్టిండీస్‌ కెప్టెన్‌ షై హోప్‌ ఫుల్‌ ఫామ్‌లో ఉన్నాడు. టీమిండియాతో చివరి వన్డేలో భారీ సెంచరీ చేసిన అతడు... గత మ్యాచ్‌లో అజేయ శతకంతో జట్టుకు రికార్డు విజయాన్ని అందించాడు. హెట్‌మైర్, పావెల్‌ స్థాయికి తగ్గ రీతిలో రాణించాల్సి ఉండగా... షెర్ఫాన్‌ రూథర్‌ఫోర్డ్, రొమారియో షెఫర్డ్‌ ఏం చేయగలరో గత మ్యాచ్‌లో నిరూపించారు. ఈ నేపథ్యంలో భారత జట్టు ఎలాంటి ఉదాసీనతకు తావివ్వకుండా చెలరేగితేనే సిరీస్‌లో పైచేయి సాధించవచ్చు.

ఇండోర్‌లోని హోల్క‌ర్ స్టేడియం వేదిక‌గా భార‌త్‌, వెస్టిండీస్ రేపు మూడో టీ20 మ్యాచ్‌లో త‌ల‌ప‌డ‌నున్నాయి. రెండో టీ20 మ్యాచ్‌లో టీమిండియా విధించిన 250 ప‌రుగుల ల‌క్ష్యాన్ని విండీస్ 9 బంతులు మిగిలి ఉండ‌గానే ఛేదించి రికార్డు సృష్టించింది. ఈ నేప‌థ్యంలో మూడో టీ20కి టీమిండియా తుదిజ‌ట్టులో రెండు మార్పులు మాత్రం ఖాయంగా క‌నిపిస్తున్నాయి. ఆల్‌రౌండ‌ర్ శివ‌మ్ దూబేతో పాటు స్పిన్న‌ర్ కుల్దీప్ యాద‌వ్ మూడో టీ20 మ్యాచ్‌కు బెంచ్‌కు ప‌రిమితమ‌య్యే అవ‌కాశ‌ముంది. వీరి స్థానాల్లో నితీశ్ కుమార్ రెడ్డి, ప్రిన్స్ యాద‌వ్‌లు తుదిజ‌ట్టులోకి వ‌చ్చే చాన్స్ ఉంది. రెండో టీ20లో అర్థ‌సెంచ‌రీతో సంజూ శాంస‌న్ ఫామ్‌లోకి రావ‌డంతో చిచ్చ‌ర‌పిడుగు వైభ‌వ్ సూర్య‌వంశీ మ‌రోసారి బెంచ్‌కే ప‌రిమితం కానున్నాడు. ఓపెన‌ర్లుగా అభిషేక్‌, శాంస‌న్, వ‌న్‌డౌన్‌లో ఇషాన్ కిష‌న్ రానున్నారు. శ్రేయ‌స్ అయ్య‌ర్‌, తిల‌క్ వ‌ర్మ‌, నితీశ్ రెడ్డిల‌తో మిడిలార్డ‌ర్ పటిష్టంగా క‌నిపిస్తోంది. లోయ‌ర్ ఆర్డ‌ర్‌లో అక్ష‌ర్ ప‌టేల్‌, న‌మ‌న్ ధీర్‌లు కీల‌కం కానున్నారు. బౌలింగ్ విభాగంలో కుల్దీప్ యాద‌వ్ విఫ‌లం కావ‌డంతో అత‌డి స్థానంలో ప్రిన్స్ యాద‌వ్ రానున్నాడు. న‌మన్‌తో క‌లిసి అక్ష‌ర్ ప‌టేల్ స్పిన్ బాధ్య‌త‌లు పంచుకోనున్నాడు. ఇక అర్ష‌దీప్‌, మ‌యాంక్ యాద‌వ్‌, ప్రిన్స్ యాద‌వ్‌లు పేస్ బౌలింగ్‌ బాధ్య‌త‌లు తీసుకోనున్నారు.ఆక‌ట్టుకోని దూబే..గ‌త 10 ఇన్నింగ్స్‌ల్లో పెద్దగా ఆక‌ట్టుకోని శివమ్ దూబే శుక్ర‌వారం జ‌రిగిన రెండో టీ20లో బ్యాటింగ్‌లో ప్ర‌మోష‌న్ ల‌భించిన‌ప్ప‌టికీ దారుణంగా విఫ‌ల‌మ‌య్యాడు. 10 బంతుల్లో ఏడు ప‌రుగులు చేసి నిరాశ‌ప‌రిచాడు. అత‌డి స్లో బ్యాటింగ్ వ‌ల్ల టీమిండియా కీల‌క ర‌న్‌రేట్‌ను కోల్పోవాల్సి వ‌చ్చింది. అదీగాక బౌలింగ్‌లోనూ దూబే పెద్ద‌గా రాణించ‌లేక‌పోయాడు. మ్యాచ్‌లో 2 ఓవ‌ర్లు మాత్ర‌మే బౌలింగ్ వేసిన దూబే 30 ప‌రుగులు స‌మ‌ర్పించుకున్నాడు. దీంతో శివ‌మ్ దూబేపై వేటు వేయాల‌నే డిమాండ్లు పెరిగాయి. అందుకే మూడో టీ20కి దూబే స్థానంలో నితీశ్ ఎంట్రీ ఖాయంగా క‌నిపిస్తోంది.అందుకే కుల్దీప్‌పై వేటు..ఇండోర్ పిచ్ పేస‌ర్ల‌కు అనుకూలించే అవ‌కాశం ఉండ‌డంతో కుల్దీప్ యాద‌వ్ మూడో టీ20కి బెంచ్‌కు ప‌రిమితమ‌య్యే చాన్స్ ఉంది. తొలి టీ20లో రెండు వికెట్లు తీసిన కుల్దీప్.. రెండో టీ20లో ఒక వికెట్ తీసినప్ప‌టికీ 4 ఓవ‌ర్ల‌లో 53 ప‌రుగులు స‌మ‌ర్పించుకున్నాడు. దీంతో మూడో టీ20కి ప్రిన్స్ యాద‌వ్ రాక ఖాయంగా క‌న‌బ‌డుతోంది. ఇప్ప‌టికే రెండో టీ20లో త‌న ఫాస్ట్ బౌలింగ్‌తో ఆక‌ట్టుకున్న మ‌యాంక్ యాద‌వ్ మూడు కీల‌క వికెట్లు తీశాడు. మూడో టీ20లోనూ అత‌డు మ‌రోసారి కీల‌కం కానున్నాడు. సీనియ‌ర్ల గైర్హాజ‌రీలో బౌలింగ్‌లో పెద్ద‌న్న పాత్ర పోషిస్తున్న అర్ష‌దీప్ విఫ‌ల‌మ‌వ్వ‌డం కాస్త ఆందోళ‌న క‌లిగిస్తోంది. క‌నీసం మూడో టీ20లోనైనా అర్ష‌దీప్ మెరుగైన ప్ర‌ద‌ర్శ‌న చేస్తాడ‌ని ఆశిద్దాం.భార‌త తుదిజ‌ట్టు అంచ‌నాసంజు శాంసన్ (వికెట్ కీప‌ర్‌), అభిషేక్ శర్మ, ఇషాన్ కిషన్, శ్రేయ‌స్ అయ్యర్ (కెప్టెన్‌), తిలక్ వర్మ, నమన్ ధీర్, నితీష్ కుమార్ రెడ్డి, అక్షర్ పటేల్, అర్ష‌దీప్ సింగ్‌, ప్రిన్స్ యాదవ్, మయాంక్ యాదవ్.ఇదీ చదవండి:రేపు విండీస్‌తో మూడో టీ20.. ఒక్క ఫిఫ్టీ కొడితే ఇన్ని రికార్డులా?బంగ్లాదేశ్ జట్టులో మిస్టరీ స్పిన్నర్‌

వెస్టిండీస్‌తో రెండో వ‌న్డేలో అనూహ్య ఓట‌మి చ‌విచూసిన టీమిండియా రేపు ఇండోర్ వేదిక‌గా మూడో టీ20 మ్యాచ్‌కు సిద్ధ‌మ‌వుతోంది. అయితే రెండో టీ20లో ఓట‌మి పాలైన‌ప్ప‌టికీ, ఓపెన‌ర్ సంజూ శాంస‌న్ (41 బంతుల్లో 82 ప‌రుగులు) ఫామ‌లోకి రావ‌డం ఊర‌టనిచ్చే అంశం. దీంతో మూడో టీ20లో శాంస‌న్ మ‌రోసారి కీల‌క‌మ‌య్యే అవ‌కాశ‌ముంది. ఈ నేప‌థ్యంలో శాంస‌న్‌ను మూడో టీ20లో అనేక రికార్డులు ఊరిస్తున్నాయి.100 సిక్స‌ర్ల రికార్డు..రేపు జ‌ర‌గ‌బోయే మూడో టీ20లో శాంస‌న్ మ‌రో రెండు సిక్స‌ర్లు బాదితే అంత‌ర్జాతీయ టీ20 క్రికెట్‌లో వంద సిక్స‌ర్లు పూర్తి చేసుకోనున్నాడు. రెండో టీ20లో నాలుగు సిక్స‌ర్లు బాదిన శాంస‌న్ ఖాతాలో ప్ర‌స్తుతం 98 సిక్స‌ర్లు ఉన్నాయి. రాబోయే మ్యాచ్‌లో శాంస‌న్ ఆ రెండు సిక్స‌ర్లు కొడితే టీమిండియా త‌ర‌ఫున టీ20ల్లో వంద సిక్స‌ర్లు బాదిన ఆరో క్రికెట‌ర్‌గా నిల‌వ‌నున్నాడు. ఓవ‌రాల్‌గా టీ20 క్రికెట్‌లో వంద లేదా అంత‌కంటే ఎక్కువ సిక్స‌ర్లు కొట్టిన జాబితాలో 45వ ఆట‌గాడిగా శాంస‌న్ నిల‌వ‌నున్నాడు.టీమిండియా త‌ర‌ఫున‌ అత్య‌ధిక సిక్స‌ర్ల వీరులు..రోహిత్ శ‌ర్మ- 205 సిక్స‌ర్లుసూర్య‌కుమార్ యాద‌వ్‌- 179 సిక్స‌ర్లుఅభిషేక్ శ‌ర్మ- 136 సిక్స‌ర్లుహార్దిక్ పాండ్యా- 126 సిక్స‌ర్లువిరాట్ కోహ్లి- 124 సిక్స‌ర్లువిండీస్‌పై అత్య‌ధిక ఫిఫ్టీలు..రెండో టీ20లో హాఫ్ సెంచ‌రీ సాధించిన సంజూ శాంస‌న్‌కు విండీస్‌పై రెండో హాఫ్ సెంచ‌రీ న‌మోదు చేశాడు. ఈ నేప‌థ్యంలో శాంస‌న్ కేఎల్ రాహుల్ రెండు అర్థ‌సెంచ‌రీల రికార్డును స‌మం చేశాడు. రేపు జ‌ర‌గ‌నున్న మ్యాచ్‌లో శాంస‌న్ మ‌రో ఫిఫ్టీ సాధిస్తే మాత్రం రిష‌బ్ పంత్ (మూడు అర్థ‌సెంచ‌రీలు) స‌ర‌స‌న చేర‌నున్నాడు. మ‌రో విష‌య‌మేంటంటే, శాంస‌న్ అంత‌ర్జాతీయ‌ టీ20ల్లో త‌న తొలి హాఫ్ సెంచ‌రీని విండీస్‌పైనే న‌మోదు చేశాడు.గంభీర్ రికార్డుకు ఎస‌రు..ఇక రేప‌టి మ్యాచ్‌లో అర్థ‌సెంచ‌రీ సాధిస్తే శాంస‌న్ మ‌రో రికార్డు కూడా త‌న ఖాతాలో వేసుకోనున్నాడు. వెస్టిండీస్‌పై అన్ని ఫార్మాట్లు క‌లిపి శాంస‌న్ నాలుగు అర్థ‌సెంచ‌రీలు చేశాడు. మ‌రొక్క అర్థ‌శ‌త‌కం సాధిస్తే గంభీర్ (4 ఫిఫ్టీలు) రికార్డును బ‌ద్ద‌లుకొట్ట‌నున్నాడు.ఇదీ చదవండి: సౌతాఫ్రికాపై వీరోచిత శతకం.. రికార్డుల మోత మోగించిన రెన్షాచాంపియన్స్ అని ఊరికే అనలేదు.. ఇదీ కమ్‌బ్యాక్ అంటే!

వెస్టిండీస్‌తో రెండో టీ20లో టీమిండియా ఓట‌మి అనంత‌రం జ‌ట్టు ఆల్‌రౌండ‌ర్ శివ‌మ్ దూబేపై విమ‌ర్శ‌లు వెల్లువెత్తుతున్నాయి. బ్యాటింగ్‌లో ప్ర‌మోష‌న్ పొందిన శివ‌మ్ దూబే దానికి న్యాయం చేయ‌లేక‌పోయాడు. నిజానికి ఇషాన్ కిష‌న్ త‌ర్వాత కెప్టెన్ శ్రేయ‌స్ అయ్య‌ర్ బ్యాటింగ్‌కు రావాలి. డ‌గౌట్‌లో కూడా అయ్య‌ర్ ప్యాడ్లు క‌ట్టుకొని బ్యాట్ ప‌ట్టుకొని రెడీగా ఉన్నాడు. ఇషాన్ కిష‌న్ ఔట్ కాగానే, అయ్య‌ర్ వ‌స్తాడ‌ని అంతా భావించారు. కానీ గంభీర్ శ్రేయ‌స్‌ను పిలిచి శివ‌మ్ దూబే పంపించాల‌ని కోరాడు. లెఫ్ట్-రైట్ కాంబినేష‌న్‌తో ప‌రుగులు ఎక్కువ‌గా వ‌స్తాయ‌ని గంభీర్ వివ‌రించాడు. దీంతో శ్రేయ‌స్ త‌న స్థానంలో దూబేను పంపాడు. వాస్త‌వానికి దూబే స్పిన్న‌ర్ల‌ను మంచిగా ఆడ‌గ‌ల‌డు. కుదురుకోవ‌డానికి ఎక్కువ స‌మ‌యం కూడా తీసుకోడు. కానీ నిన్న‌టి మ్యాచ్‌లో మాత్రం రోస్టన్ చేజ్ బౌలింగ్‌లో ఆడ‌డంలో ఇబ్బంది ఎదుర్కొన్న శివ‌మ్ దూబే 10 బంతులాడి ఏడు ప‌రుగులు మాత్ర‌మే చేసి ఔట‌య్యాడు. స్కోరును పెంచాల్సిన స‌మ‌యంలో అత‌డి స్లో బ్యాటింగ్‌తో టీమిండియాకు ప‌రుగులు త‌గ్గాయి. దూబే స్లో ఇన్నింగ్స్ భారత్ రన్ రేట్‌ను తగ్గించింది. ఇది మొత్తం స్కోరుపై ప్రభావం చూపింది, దీంతో భారత్ లక్ష్యానికి కనీసం 30 పరుగుల వెనుకబడింది. ఒక‌వేళ‌ శివమ్ స్థానంలో ఫామ్‌లో ఉన్న శ్రేయస్ అయ్యర్ వ‌చ్చి ఉంటే.. భారత్ స్కోరు 280కి పైగా ఉండేది. అప్పుడు విండీస్ ఎంత ధాటిగా ఆడినా భార‌త్‌కే గెలిచే అవకాశం ఎక్కువ‌గా ఉండేది.బ్యాటింగ్‌లో విఫ‌ల‌మైనా బౌలింగ్‌తో ఆక‌ట్టుకుంటాడ‌నుకుంటే నిరాశ‌ప‌రిచాడు. గ‌త 10 ఇన్నింగ్స్‌ల్లో 5 ఇన్నింగ్స్‌ల్లో బౌలింగ్ చేసిన దూబే కేవ‌లం నాలుగు వికెట్లు మాత్ర‌మే తీసి ప‌రుగులు భారీగా ఇచ్చుకున్నాడు. దీంతో అటు బ్యాటింగ్‌లో.. ఇటు బౌలింగ్‌లో వ‌రుస‌గా విఫ‌ల‌మ‌వుతున్న‌ప్ప‌టికీ శివ‌మ్ దూబేను ఆడించ‌డంపై విమ‌ర్శ‌లు పెరిగాయి. అత‌డిని జ‌ట్టులో ఉంచ‌డం దండ‌గ అని, అత‌డి స్థానంలో తెలుగు క్రికెట‌ర్ నితీశ్‌కుమార్ రెడ్డికి ఒక అవ‌కాశం ఇస్తే బాగుంటుంద‌ని అభిప్రాయం వ్య‌క్తం చేస్తున్నారు. క‌నీసం మూడో టీ20లోనైనా దూబే స్థానంలో నితీశ్‌రెడ్డిని ఆడించాల‌నే విజ్ఞ‌ప్తులు పెరిగాయి. అయితే శివ‌మ్ దూబేను మాత్రం హెడ్‌కోచ్ గంభీర్ వెనుకేసుకొచ్చాడు."ప్రపంచ కప్‌లోనూ, అంతకు ముందు కూడా మేము శివమ్‌ను చాలా కాలంగా ఇలాగే ఉపయోగిస్తున్నాం. ఇది ఒక్కసారి జరిగిన సంఘటన కాదు. ఈ మ్యాచ్‌లో మేము అంచ‌నాలు త‌ప్పాం. ఇది అంతర్జాతీయ క్రికెట్‌.. కొన్నిసార్లు మనకు అనుకూలంగా .. మ‌రికొన్నిసార్లు ప్ర‌తికూలంగా ఉంటుంది. అన్నింటికన్నా ముఖ్యంగా, మేము మా బ్యాటింగ్ లైనప్‌ విషయంలో ఎప్పుడూ సరళంగానే ఉన్నాం, ఇకపైనా అలాగే కొనసాగిస్తాం. టీ20 క్రికెట్‌లో ఓపెనర్లు మాత్రమే స్థిరంగా ఉంటారని నేను ముందే చెప్పాను.’’ అని గంభీర్ తెలిపాడు.ఇదీ చదవండి:మ్యాచ్ ఓట‌మిపై గంభీర్ ఆగ్ర‌హం.. వాళ్లను రిస్క్‌లో పెడుతున్నాం!

రాంచీ వేదిక‌గా జ‌రిగిన రెండో టీ20లో 250 ప‌రుగుల ల‌క్ష్యాన్ని ఛేదించిన వెస్టిండీస్ జ‌ట్టు టీమిండియాకు ఊహించ‌ని షాక్ ఇచ్చింది. మ్యాచ్‌లో కీల‌క ఇన్నింగ్స్ ఆడిన షెర్ఫేన్ రూథ‌ర్‌ఫోర్డ్ ఇచ్చిన‌ క్యాచ్‌ జార‌విడ‌వ‌డం టీమిండియా కొంప‌ముంచింద‌ని చెప్పొచ్చు. మ్యాచ్‌కు ట‌ర్నింగ్ పాయింట్ కూడా అదే. ఇక కెప్టెన్ షెయ్ హోప్‌తో క‌లిసి రూథ‌ర్‌ఫోర్డ్ చేసిన విధ్వంసం మాములుగా లేదు. ఈ ఇద్ద‌రు నాలుగో వికెట్‌కు 120 ప‌రుగులు జోడించి మ్యాచ్ గ‌మనాన్ని నిర్దేశించారు. రూథ‌ర్‌ఫోర్డ్ ఔటైన‌ప్ప‌టికీ హోప్ చివ‌రి దాకా నిల‌బ‌డి భారీ సిక్స‌ర్‌తో సెంచ‌రీ చేయ‌డ‌మే గాక జ‌ట్టును గెలిపించాడు. మొత్తం మీద రెండు జ‌ట్లు క‌లిపి 38.3 ఓవ‌ర్ల‌లోనే 502 ప‌రుగులు సాధించాయి. దీంతో రాంచీలోని జేఎస్‌సీఏ క్రికెట్ స్టేడియం పిచ్‌పై విమ‌ర్శ‌లు వెల్లువెత్తాయి. బ్యాలెన్సింగ్‌గా రూపొందించాల్సిన పిచ్‌ను కాస్తా బ్యాటింగ్‌కు అనుకూలంగా మార్చేశారంటూ భిన్నాభిప్రాయాలు వ్య‌క్త‌మ‌వుతున్నాయి.ఈ నేప‌థ్యంలో టీమిండియా హెడ్ కోచ్ గౌత‌మ్ గంభీర్ భారీ ల‌క్ష్యం నిర్దేశించిన‌ప్ప‌టికీ ఓడిపోవ‌డంపై స్పందించాడు. మ్యాచ్ ఓట‌మి అనంత‌రం నిర్వ‌హించిన ప్రెస్ కాన్ఫ‌రెన్స్‌లో మాట్లాడాడు. తాను ఎవ‌రినీ నిందించ‌లేన‌ని, త‌మ బౌల‌ర్లు క‌ష్ట‌ప‌డ్డార‌ని, కానీ పిచ్ బ్యాటింగ్‌కు అనుకూలంగా ఉన్న‌ప్పుడు ఎవ‌రు మాత్రం ఏం చేయ‌గ‌ల‌ర‌ని పేర్కొన్నాడు. పిచ్ రూప‌క‌ల్ప‌న అనేది బ్యాట్‌కు, బంతికి స‌మానంగా ఉండేలా చూడాల్సిన అవ‌స‌ర‌ముంద‌న్నాడు. రిస్క్‌లో బౌలర్ల కెరీర్‌..గంభీర్ ఇంకా మాట్లాడుతూ.. ‘‘బ్యాట్‌కు, బంతికి మ‌ధ్య మంచి పోటీ ఉండాల‌నే మ‌నంద‌రం కోరుకుంటున్నాం. కానీ ప్ర‌స్తుత ప‌రిస్థితుల్లో బౌల‌ర్ల కెరీర్‌లు ప్ర‌మాదంలో ప‌డుతున్నాయి. వారు డ్రెస్సింగ్ రూమ్‌లోకి వ‌చ్చేందుకు ఎంత‌గానో శ్ర‌మిస్తారు. బ్యాట్‌కు, బంతికి స‌మాన‌మైన పోటీ ఉన్న‌ప్పుడే మెరుగైన ఆట సాధ్య‌మ‌వుతుంది. ఇక మ్యాచ్‌ పరిస్థితులను పరిశీలిస్తే.. రోస్టన్‌ చేజ్‌ స్పెల్‌ ఆటను మలుపు తిప్పింది. మ్యాచ్‌ ఫలితంపై ప్రభావం చూపింది. ఈ పిచ్‌పై అతడు బౌలింగ్‌ చేసిన విధానం అద్భుతం. తన లైన్‌ను మార్చుకుంటూ బ్యాటర్లను అయోమయానికి గురిచేశాడు. ముఖ్యంగా వెస్టిండీస్‌ లాంటి ప్రమాదకర జట్లపై భారీ స్కోర్లను కాపాడుకోవాలంటే మనమూ కొత్త మార్గాలను అన్వేషించాలి. ఈ ఓటమికి ఎవరినీ బాధ్యులుగా చూపలేను. ఎవరినీ నిందించలేను. 250 పరుగుల లక్ష్యాన్ని కాపాడుకోలేకపోయామన్నదే అసలు విషయం. వెస్టిండీస్‌ బ్యాటర్లు అద్భుతంగా ఆడారు. వారు విజయానికి అర్హులు. మేం ఇంకా చాలా విషయాల్లో మెరుగుపడాల్సి ఉంది'' అని గంభీర్ స్పష్టం చేశాడు.కావాలని క్యాచ్‌లు విడవరు..మ్యాచ్‌లో క్యాచ్‌లు జారవిడవడంపై గంభీర్‌కు ప్రశ్న ఎదురైంది. ‘టాస్‌ మన చేతుల్లో ఉండదు. క్యాచ్‌లు జారవిడవడం గతంలోనూ జరిగింది.. భవిష్యత్తులోనూ జరగొచ్చు. ఎవరూ ఉద్దేశపూర్వకంగా క్యాచ్‌లు వదలరు. అందుకే ఇలాంటి విషయాల్లో ఎవరినీ నిందించలేం. ఎంత స్కోర్ చేస్తే గెలవగలమనే విషయాన్ని చెప్పలేం. రెండు వికెట్లు త్వరగా తీసిన తర్వాత 250 పరుగులు మంచి స్కోరని అనుకున్నాం. కానీ బ్యాటింగ్‌లో వెస్టిండీస్‌ సాధించిన దానికి కచ్చితంగా క్రెడిట్‌ ఇవ్వాలి’ అని గంభీర్ వివరించాడు.ఇదీ చదవండి: అదే మా కొంపముంచింది.. వారు మాత్రం అత్యద్భుతం: శ్రేయస్‌ అయ్యర్‌

వెస్టిండీస్ కెప్టెన్ షాయ్ హోప్ మ‌రోసారి మ్యాచ్ విన్నింగ్ ప్ర‌ద‌ర్శ‌న చేశాడు. శుక్ర‌వారం రాంచీ వేదిక‌గా టీమిండియాతో జ‌రిగిన రెండో టీ20లో హోప్ అద్భుత సెంచ‌రీతో క‌దం తొక్కాడు. ఈ క‌రేబియ‌న్ వీరుడు 250 ప‌రుగుల ల‌క్ష్య చేధ‌న‌లో ఆకాశ‌మే హ‌ద్దుగా చెల‌రేగాడు. ఇన్నింగ్స్ ఆరంభం నుంచి చివ‌రి వ‌ర‌కు అజేయంగా నిలిచి మ్యాచ్‌ను ముగించాడు.ఓవ‌రాల్‌గా 45 బంతులు ఎదుర్కొన్న హోప్‌.. 6 ఫోర్లు, 9 సిక్స్‌లతో 102 పరుగులు చేసి నాటౌట్‌గా నిలిచాడు. అతడు మెరుపు ఇన్నింగ్స్ ఫలితంగా ఈ కొండంత లక్ష్యాన్ని విండీస్ 18.3 ఓవర్లలో కేవలం నాలుగు వికెట్లు మాత్రమే కోల్పోయి చేధించింది. విండీస్‌కు తమ టీ20 చరిత్రలో ఇదే అత్యధిక లక్ష్య చేధన కావడం గమనార్హం. ఇక ఈ మ్యాచ్‌లో విధ్వంసం సృష్టించిన హోప్ పలు అరుదైన రికార్డులను తన పేరిట లిఖించుకున్నాడు.జాయింట్ ఫాస్టెస్ట్ సెంచరీ👉అంతర్జాతీయ టీ20ల్లో విండీస్ తరపున రెండో అత్యంత వేగవంతమైన సెంచరీ సాధించిన ఆటగాడిగా హోప్‌ నిలిచాడు. అంతకుముందు ఈ రికార్డు కరేబియన్ లెజెండ్ క్రిస్ గేల్ (47 బంతుల్లో సెంచరీ) పేరిట ఉండేది.తాజా మ్యాచ్‌లో కేవలం 45 బంతుల్లోనే శతకం పూర్తి చేసిన హోప్.. గేల్ ఆల్‌టైమ్ రికార్డును బ్రేక్ చేశాడు. ఈ జాబితాలో జాన్సన్ ఛార్లెస్ (39 బంతులు) మాత్రమే హోప్ కంటే ముందున్నాడు.👉టీ20ల్లో భారత్‌పై అత్యంత వేగంగా సెంచరీ సాధించిన రికార్డును హోప్ సమం చేశాడు. టీ20 ప్రపంచకప్ 2026లో ఇంగ్లండ్‌ ప్లేయర్ జాకబ్ బెథెల్ కూడా భారత్‌పై 45 బంతుల్లోనే శతకం సాధించిన విషయం తెలిసిందే.చదవండి: అదే మా కొంపముంచింది.. వారు మాత్రం అత్యద్భుతం: శ్రేయస్‌ అయ్యర్‌

రాంచీ వేదికగా జరిగిన రెండో టీ20లో ఆతిథ్య భారత జట్టుకు వెస్టిండీస్ ఊహించని షాకిచ్చింది. టీమిండియా నిర్దేశించిన 250 పరుగుల భారీ లక్ష్యాన్ని చేధించిన విండీస్.. తమ టీ20 చరిత్రలోనే అత్యంత ఘనమైన విజయాన్ని నమోదు చేసింది.ఈ మ్యాచ్‌లో భారత బ్యాటర్లు అద్భుత ప్రదర్శన చేసినప్పటికీ, బౌలర్ల వైఫల్యం జట్టు కొంపముంచింది. ఒక్క మయాంక్ యాదవ్ తప్ప మిగతా బౌలర్లు తీవ్రంగా నిరాశపరిచారు. అయితే బౌలింగ్‌లో రాణించిన మయాంక్.. ఫీల్డింగ్‌లో చేసిన ఒకే ఒక్క పొరపాటు మ్యాచ్ ఫలితాన్నే మార్చేసింది.మ్యాచ్ స్వరూపాన్ని మార్చిన లడ్డూ లాంటి క్యాచ్!కొండంత లక్ష్య ఛేదనలో మయాంక్ దాటికి వెస్టిండీస్ 58 పరుగులకే 3 కీలక వికెట్లు కోల్పోయి కష్టాల్లో పడింది. ఆ సమయంలో క్రీజులోకి వచ్చిన షెర్ఫేన్ రూథర్‌ఫోర్డ్, కెప్టెన్ షాయ్ హోప్‌తో కలిసి భారత బౌలర్లపై ఎదురుదాడికి దిగాడు. కేవలం 15 బంతుల్లోనే 37 పరుగులు సాధించి డేంజర్‌గా మారాడు. దీంతో అతడిని కట్టడి చేసేందుకు కెప్టెన్ శ్రేయస్‌ అయ్యర్ స్పిన్నర్ కుల్దీప్ యాదవ్‌కు బంతిని ఇచ్చాడు.ఇన్నింగ్స్ 10వ ఓవర్ చివరి బంతిని కుల్దీప్ తెలివిగా స్లో డెలివరీగా వేశాడు. కుల్దీప్ ట్రాప్‌లో చిక్కుకున్న రూథర్‌ఫోర్డ్, షార్ట్ ఫైన్ లెగ్ మీదుగా షాట్ ఆడేందుకు ప్రయత్నించాడు. అయితే షాట్ సరిగ్గా కనెక్ట్ కాకపోవడంతో బంతి నేరుగా అక్కడే ఉన్న ఫీల్డర్ మయాంక్ యాదవ్ చేతుల్లోకి వెళ్లింది. కానీ మయాంక్ ఆ సులువైన క్యాచ్‌ను జారవిడిచాడు.39 పరుగుల వద్ద లభించిన ఈ లైఫ్‌లైన్‌ను రూథర్‌ఫోర్డ్ ఉపయోగించుకున్నాడు. ఆ తర్వాత మరింత విజృంభించి ఆడిన అతడు కేవలం 37 బంతుల్లోనే 84 పరుగులు చేసి విండీస్ విజయంలో కీలక పాత్ర పోషించాడు. ఒకవేళ మయాంక్ ఆ క్యాచ్ పట్టి ఉంటే భారత్ ఖచ్చితంగా విజయం సాధించేది.గవాస్కర్ ఫైర్!ఈ సులువైన క్యాచ్ జారవిడవడంపై కామెంట్రీ బాక్స్‌లో ఉన్న భారత క్రికెట్ దిగ్గజం సునీల్ గవాస్కర్ మండిపడ్డాడు. ఆటగాళ్ల అనవసరమైన హడావుడి, షోఆఫ్ వల్లే ఇలాంటి తప్పులు జరుగుతున్నాయని మండిపడ్డాడు."ప్రతి క్యాచ్ పట్టిన తర్వాత కిందపడిపోవాలనే ఆతృత చాలా మంది ఆటగాళ్లలో కనిపిస్తోంది. తాము పట్టిన క్యాచ్‌ను గొప్పగా చూపించుకోవాలనే ఉద్దేశంతో అలా చేస్తూ బ్యాలెన్స్ కోల్పోతున్నారు. దానివల్ల సులువైన క్యాచ్‌లను కూడా జారవిడుస్తున్నారు. ఫీల్డింగ్ చేసేటప్పుడు స్థిరంగా ఉంటూ బ్యాలెన్స్‌ను కాపాడుకోండి. కిందపడటం ముఖ్యం కాదు, బంతిని సరిగ్గా పట్టుకోవడం ముఖ్యం" అని గవాస్కర్ పేర్కొన్నాడు.చదవండి: అదే మా కొంపముంచింది.. వారు మాత్రం అత్యద్భుతం: శ్రేయస్‌ అయ్యర్‌

రాంచీ వేదికగా వెస్టిండీస్‌తో జరిగిన రెండో టీ20లో టీమిండియా 6 వికెట్ల తేడాతో ఓటమిపాలైంది. ఏకంగా 250 పరుగుల భారీ లక్ష్యాన్ని కూడా భారత బౌలర్లు కాపాడుకోలేకపోయారు. విండీస్ జట్టు ఈ భారీ లక్ష్యాన్ని కేవలం 18.3 ఓవర్లలోనే ఛేదించి మూడు మ్యాచ్‌ల సిరీస్‌ను 1-1తో సమం చేసింది. స్టిండీస్ కెప్టెన్ షాయ్ హోప్ (102), షెఫానే రూథర్‌ఫోర్డ్ (84) విధ్వంసకర ఇన్నింగ్స్‌లతో చెలరేగి తమ జట్టుకు రికార్డు విజయాన్ని అందించారు.భారీ స్కోరు చేసినా తప్పని ఓటమిఈ మ్యాచ్‌లో తొలుత బ్యాటింగ్ చేసిన భారత్ నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు సాధించింది. వికెట్ కీపర్ బ్యాటర్ సంజూ శాంసన్ (82) హాఫ్ సెంచరీతో అదరగొట్టగా.. ఇషాన్ కిషన్ (43), తిలక్ వర్మ (44), శ్రేయస్ అయ్యర్ (40) మెరుపు ఇన్నింగ్స్‌లతో రాణించారు.మా ఓటమికి కారణమిదేఇక ఈ ఓటమిపై మ్యాచ్ అనంతరం భారత కెప్టెన్ శ్రేయస్ అయ్యర్ స్పందించాడు. మంచు ప్రభావం మ్యాచ్ ఫలితంపై తీవ్ర ప్రభావం చూపిందని అతడు తెలిపాడు."అద్భుత విజయం సాధించిన వెస్టిండీస్‌కు నా అభినందనలు. నిజం చెప్పాలంటే టీ20 ఫార్మాట్‌లో ఏ స్కోరూ సురక్షితం కాదని మరోసారి రుజువైంది. మంచు ప్రభావం ఈ మ్యాచ్‌లో కీలక పాత్ర పోషించింది. 249 పరుగుల భారీ లక్ష్యాన్ని కూడా ప్రత్యర్థి మరో రెండు ఓవర్లు మిగిలి ఉండగానే ఛేదించిందంటే పరిస్థితి ఎలా ఉందో అర్థం చేసుకోవచ్చు. ఇలాంటి పిచ్‌పై బౌలర్లు చిన్న పొరపాటు చేసినా మూల్యం చెల్లించుకోక తప్పదు. లైన్ తప్పితే బంతి నేరుగా స్టాండ్స్‌లోకి వెళ్లిపోతుంది.మేము కూడా కొన్ని తప్పిదాలు చేశాము. ఫీల్డింగ్‌లో కొన్ని క్యాచ్‌లు విడిచాము. కానీ అదంతా ఆటలో సహజమే. ఏదేమైనప్పటికీ విండీస్ అద్భుతంగా బ్యాటింగ్ చేసింది. ఈ మ్యాచ్‌లో సంజూ శాంసన్ మరోసారి తన క్లాస్ చూపించాడు. ఇక బౌలింగ్‌లో మయాంక్ యాదవ్ అసాధారణ ప్రదర్శన కనబరిచాడు.ఆరంభంలోనే మూడు వికెట్లు పడగొట్టి మమ్మల్ని గేమ్‌లో ఉంచాడు. కానీ ఆ తర్వాత పరిస్థితి తారుమారైంది. తర్వాతి మ్యాచ్‌లో కచ్చితంగా పుంజుకుంటాం" అని అయ్యర్ పేర్కొన్నాడు.చదవండి: IND vs WI: చ‌రిత్ర సృష్టించిన వెస్టిండీస్.. ప్రపంచంలోనే తొలి జట్టుగా

రాంచీ వేదికగా టీమిండియాతో జరిగిన రెండో టీ20లో 6 వికెట్ల తేడాతో వెస్టిండీస్ సంచలన విజయం సాధించింది. ఆతిథ్య భారత్ నిర్దేశించిన 250 పరుగుల భారీ లక్ష్యాన్ని విండీస్ కేవలం 4 వికెట్లు మాత్రమే కోల్పోయి 18.3 ఓవర్లలోనే ఊదిపడేసింది. కెప్టెన్ షాయ్ హోప్(45 బంతుల్లో 6 ఫోర్లు, 9 సిక్సర్లతో అద్భుత సెంచరీతో అజేయంగా నిలిచి మ్యాచ్‌ను ముగించాడు.అతడితో పాటు రూథర్‌ఫోర్డ్‌(37 బంతుల్లో 84), రొమారియో షెపర్డ్(34) కీల‌క ఇన్నింగ్స్‌లు ఆడారు. అయితే కొండంత లక్ష్యంతో బరిలోకి దిగిన విండీస్ 58 ప‌రుగుల‌కే 3 వికెట్లు కోల్పోయి పీక‌ల్లోతు క‌ష్టాల్లో ప‌డింది. ఈ స‌మ‌యంలో హోప్‌, రూథ‌ర్‌ఫోర్డ్ భార‌త బౌల‌ర్ల‌పై ఎదురు దాడికి దిగారు. రాంచీ మైదానంలో సిక్స‌ర్ల వ‌ర్షం కురిపించారు. టీమిండియా చెత్త ఫీల్డింగ్ కూడా వారికి క‌లిసిసొచ్చింది. రూథ‌ర్‌ఫోర్డ్ అవుటైన‌ప్ప‌టీ హోప్ మాత్రం ఏ మాత్రం వెన‌క్కి త‌గ్గ‌లేదు. ఆరో స్ధానంలో బ్యాటింగ్‌కు వ‌చ్చిన షెప‌ర్డ్‌తో క‌లిసి జ‌ట్టును విజ‌య తీరాల‌కు చేర్చాడు. భార‌త బౌల‌ర్లు దారుణంగా విఫ‌ల‌మ‌య్యారు. ఈ అద్భుత విజ‌యంతో వెస్టిండీస్ ప‌లు అరుదైన రికార్డుల‌ను తమ‌ పేరిట లిఖించుకుంది.విండీస్ సాధించిన రికార్డులు ఇవే..👉టీ20ల్లో టీమిండియాపై అత్య‌ధిక ల‌క్ష్యాన్ని చేధించిన జ‌ట్టుగా వెస్టిండీస్ చ‌రిత్ర సృష్టించింది. అంతకుముందు ఈ రికార్డు ఆస్ట్రేలియా పేరిట ఉండేది. 2023 నవంబర్‌లో భారత్‌పై ఆస్ట్రేలియా 223 పరుగులు ఛేజ్ చేసింది. ఇప్పుడు ఆ రికార్డును విండీస్ బ్రేక్ చేసింది.👉అదేవిధంగా టీ20 ఫార్మాట్‌లో విండీస్‌కు ఇదే అత్యధిక పరుగుల చేధన. గతంలో 2015లో జోహన్నెస్‌బర్గ్‌లో సౌతాఫ్రికాపై ఛేదించిన త‌మ‌ 232 పరుగుల రికార్డును కరేబియన్ జట్టు దాటేసింది.👉టీ20ల్లో ఇది రెండో అతి పెద్ద చేధ‌న కావ‌డం విశేషం. ఈ జాబితాలో సౌతాఫ్రికా అగ్ర‌స్ధానంలో ఉంది. 2023లో వెస్టిండీస్‌పై దక్షిణాఫ్రికా జట్టు 259 పరుగుల లక్ష్యాన్ని ఛేదించింది.చదవండి: వెస్టిండీస్‌ 'షై'నింగ్‌

రాంచీ వేదిక‌గా టీమిండియాతో జ‌రిగిన రెండో టీ20 మ్యాచ్‌లో వెస్టిండీస్ ఆరు వికెట్ల తేడాతో సంచ‌ల‌న విజ‌యాన్ని సాధించింది. భార‌త్ విధించిన 250 ప‌రుగుల భారీ ల‌క్ష్యాన్ని విండీస్ 18.3 ఓవ‌ర్లలోనే ఛేదించ‌డం విశేషం. కెప్టెన్ షెయ్ హోప్ (45 బంతుల్లో 102 నాటౌట్‌, 6 ఫోర్లు, 9 సిక్స‌ర్లు) ఆకాశ‌మే హ‌ద్దుగా చెల‌రేగాడు. హోప్‌కు తోడు రూథ‌ర్‌ఫోర్డ్ (37 బంతుల్లో 84, 7 ఫోర్లు, 7 సిక్స‌ర్లు) విధ్వంసం సృష్టించ‌గా, ఆఖ‌ర్లో రొమారియో షెప‌ర్డ్ (13 బంతుల్లో 34 నాటౌట్‌, 3 ఫోర్లు, 3 సిక్స‌ర్లు) మెరుపులు తోడ‌య్యాయి. భార‌త బౌల‌ర్ల‌లో మ‌యాంక్ యాద‌వ్ 3 వికెట్లు తీయ‌గా, కుల్దీప్ యాద‌వ్ ఒక వికెట్ ప‌డ‌గొట్టాడు. అంతకముందు టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40; 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌; 3 ఫోర్లు, 3 సిక్సర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు. దీంతో ఐదు మ్యాచ్‌ల టీ20 సిరీస్‌లో ఇరుజట్లు 1-1తో సమంగా నిలిచాయి. ఇరుజట్ల మధ్య మూడో టీ20 ఆదివారం జరగనుంది.👉తద్వారా వెస్టిండీస్ తమ టీ20 చరిత్రలోనే అత్యధిక పరుగుల టార్గెట్‌ను విజయవంతంగా ఛేదించి ప్రపంచ రికార్డు నెలకొల్పింది. గ‌తంలో 2015లో ద‌క్షిణాఫ్రికా విధించిన 236 ప‌రుగుల ల‌క్ష్యాన్ని 19.2 ఓవ‌ర్ల‌లో ఆరు వికెట్లు కోల్పోయి ఛేదించ‌డ‌మే ఇప్ప‌టివ‌ర‌కు ఆ జ‌ట్టుకు అత్యుత్త‌మంగా ఉండేది. తాజాగా టీమిండియాపై 250 ప‌రుగుల టార్గెట్‌ను ఛేదించి ప్ర‌పంచ రికార్డు నెల‌కొల్పింది. 2024లో ఇంగ్లండ్ విధించిన 221 ప‌రుగుల టార్గెట్‌ను 5 వికెట్లు కోల్పోయి 19 ఓవ‌ర్ల‌లోనే ఛేదించింది. 👉ఇక 2016లో ముంబై వేదిక‌గా టీమిండియా విధించిన‌ 196 ప‌రుగుల ల‌క్ష్యాన్ని వెస్టిండీస్ 19.4 ఓవ‌ర్ల‌లో మూడు వికెట్లు కోల్పోయి అందుకుంది. 2017లో కింగ్‌స్ట‌న్ వేదిక‌గా భార‌త్ విధించిన 194 ప‌రుగుల ల‌క్ష్యాన్ని 18.3 ఓవ‌ర్లలో ఒక వికెట్ మాత్ర‌మే కోల్పోయి ఛేధించ‌డం విశేషం. 👉 ఇక అంతర్జాతీయ టీ20 క్రికెట్‌లో చేజింగ్‌లో వెస్టిండీస్‌ ఛేదించిన 250 పరుగుల లక్ష్యం రెండో అత్యుత్తమం. 2023లో ఇదే వెస్టిండీస్‌పై సౌతాఫ్రికా 259 పరుగుల లక్ష్యాన్ని 4 వికెట్లు కోల్పోయి ఛేదించడం ఇప్పటికీ ప్రపంచ రికార్డుగానే ఉంది.Brilliant knocks from Shai Hope and Sherfane Rutherford guide West Indies home in the 2nd T20I in Ranchi. We move to Indore for the 3rd T20I. Scorecard ▶️ https://t.co/mZlyaWZsoe #TeamIndia | #INDvWI | @mflone_ https://t.co/Inp7I7R259— BCCI (@BCCI) October 9, 2026ఇదీ చదవండి: చ‌రిత్ర సృష్టించిన తిల‌క్ వ‌ర్మ‌..

రాంచీ వేదికగా వెస్టిండీస్‌తో రెండో టీ20లో టీమిండియా వైస్ కెప్టెన్ తిలక్ వర్మ చరిత్ర సృష్టించాడు. మ్యాచ్‌లో ఫినిషర్‌గా వచ్చిన తిలక్ వర్మ మరోసారి తన విలువను చాటి చెప్పాడు. కెప్టెన్‌తో కలిసి వైస్ కెప్టెన్ చేసిన విధ్వంసంతో భారత్ స్కోరు 240 పరుగులు దాటేసింది. 18 బంతుల్లోనే 44 పరుగులతో అజేయంగా నిలిచిన తిలక్ వర్మ ఇన్నింగ్స్‌లో మూడు ఫోర్లు, మూడు సిక్సర్లు ఉన్నాయి. మరో విశేషమేమిటంటే షమర్ స్ప్రింగర్ బౌలింగ్‌లో తిలక్ వర్మ హ్యాట్రిక్ సిక్సర్లతో చెలరేగాడు. ఈ నేపథ్యంలోనే తిలక్ వర్మ పురుషుల టీ20 క్రికెట్‌లో 5వేల పరుగుల మైలురాయిని చేరుకున్నాడు. 166 ఇన్నింగ్స్‌లో తిలక్ వర్మ ఈ ఫీట్ అందుకున్నాడు. కాగా టీ20 క్రికెట్‌లో భారత బ్యాటర్లలో అత్యంత వేగంగా 5వేల పరుగుల మార్క్‌ను అందుకున్న బ్యాటర్ల జాబితాలో తిలక్ వర్మ ఐదో స్థానంలో నిలిచాడు. కేఎల్ రాహుల్ (143 ఇన్నింగ్స్‌లు), రుతురాజ్ గైక్వాడ్ (145 ఇన్నింగ్స్‌లు), శుబ్‌మన్ గిల్ (154 ఇన్నింగ్స్‌లు), అభిషేక్ శర్మ (165 ఇన్నింగ్స్‌లు) తిలక్ కంటే ముందున్నారు. అయితే కోహ్లికి టీ20 క్రికెట్‌లో 5వేల పరుగుల మార్క్‌ను చేరేందుకు 167 ఇన్నింగ్స్‌లు అవసరమవ్వగా.. తిలక్‌ వర్మ ఒక్క ఇన్నింగ్స్‌ తక్కువ తేడాతో అతడి రికార్డును బద్దలుకొట్టాడు. ఒకే ఒక్కడు..ఈ క్రమంలో తిలక్ వర్మ ఎవరికీ సాధ్యం కాని ఫీట్‌ను తన పేరిట లిఖించుకున్నాడు. అదేంటంటే.. ఇప్పటి వరకు 143 మంది ఆటగాళ్లు 5000కు పైగా పరుగులు సాధించారు. వారిలో 44 మంది 140 లేదా అంతకంటే ఎక్కువ స్ట్రైక్-రేట్‌ను కొనసాగిస్తూ ఆ మార్క్‌ను అందుకున్నారు. ఇక‌ ఆ 143 మంది ఆటగాళ్లలో ఐదుగురు 40 లేదా అంతకంటే ఎక్కువ సగటును కలిగి ఉన్నారు. అయితే 40 కంటే ఎక్కువ సగటుతో, 140 కంటే ఎక్కువ స్ట్రైక్-రేట్‌తో 5వేల‌ కంటే ఎక్కువ పరుగులు సాధించిన ఏకైక ఆటగాడిగా తిలక్ వర్మ (41.57 సగటుతో 5031 పరుగులు, స్ట్రైక్ రేట్: 145.36) చ‌రిత్ర‌ సృష్టించాడు.డెత్ ఓవ‌ర్లంటే చెల‌రేగిపోతాడుఇక టీ20ల్లో డెత్ ఓవ‌ర్లు అంటేనే తిల‌క్ వ‌ర్మ‌కు పూన‌కాలు వ‌స్తాయి. 2026 ఏడాదిలో డెత్ ఓవ‌ర్స్‌లో 178 బంతులాడిన తిల‌క్ 232.58 స్ట్రైక్‌రేట్‌తో 414 ప‌రుగులు చేయ‌డం విశేషం. ఈ ఏడాది డెత్ ఓవ‌ర్ల‌లో కనీసం 100 బంతులు ఎదుర్కొన్న 58 మంది బ్యాటర్లలో తిల‌క్ వ‌ర్మ‌దే అత్యుత్తమ స్ట్రైక్ రేట్ కావ‌డం విశేషం.6️⃣. 6️⃣. 6️⃣ 🚀 Absolute carnage from Tilak Varma 💥💥 Scorecard ▶️ https://t.co/mZlyaWZsoe #TeamIndia | #INDvWI | @mflone_ | @TilakV9 https://t.co/95kMEXxtwO— BCCI (@BCCI) October 9, 2026ఇదీ చదవండి: సంజూ, తిలక్‌ వర్మ మెరుపులు.. టీమిండియా భారీ స్కోరు

రాంచీ వేదికగా వెస్టిండీస్‌తో జరుగుతున్న రెండో టీ20 మ్యాచ్‌లో టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40; 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌; 3 ఫోర్లు, 3 సిక్సర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు. అభిషేక్‌ (12 బంతుల్లో 20) మెరుపు ఆరంభాన్ని ఇవ్వగా.. ఇషాన్‌, సంజూ శాంసన్‌లు ఇన్నింగ్స్‌ను కొనసాగించారు. ఈ ఇద్దరు కలిసి రెండో వికెట్‌కు 97 పరుగులు జోడించారు. ఇషాన్‌, శాంసన్‌, శివమ్‌ దూబేలు స్వల్ప వ్యవధిలో పెవిలియన్‌ చేరినప్పటికీ, ఆఖర్లో శ్రేయస్‌, తిలక్‌ ధాటిగా ఆడారు. ఈ ఇద్దరు కలిసి ఐదో వికెట్‌కు 32 బంతుల్లోనే 83 పరుగులు జోడించడం విశేషం. భారత ఇన్నింగ్స్‌లో 25 ఫోర్లు, 13 సిక్సర్లు ఉన్నాయి.అంతకముందు టాస్ గెలిచిన వెస్టిండీస్‌ బౌలింగ్ ఎంచుకుంది. రెండో ఇన్నింగ్స్‌ సమయంలో మంచు కురిసే అవకాశం ఉండడంతో బౌలింగ్‌ ఎంచుకున్నట్లు హోప్‌ తెలిపాడు. తొలి టీ20 ఆడిన జట్టుతోనే టీమిండియా బరిలోకి దిగింది. మరోవైపు వెస్టిండీస్‌ మాత్రం తుదిజట్టులో ఒక మార్పు చేసింది.ఇదీ చదవండి: ఏ జట్టుకు సాధ్యం కాలేదు.. టీమిండియా అరుదైన రికార్డు

అంత‌ర్జాతీయ టీ20 క్రికెట్‌లో టీమిండియా మ‌రో అరుదైన రికార్డు సాధించింది. 2026 క్యాలెండ‌ర్ ఇయ‌ర్‌లో ఇప్ప‌టివ‌ర‌కు 311 సిక్స‌ర్లు బాదిన భార‌త జ‌ట్టు గ‌తంలో ఒక క్యాలెండ‌ర్ ఇయ‌ర్‌లో బాదిన అత్య‌ధిక సిక్స‌ర్ల రికార్డును బ‌ద్ద‌లుకొట్టింది. 2022 ఏడాదిలో టీమిండియా తాము ఆడిన టీ20 మ్యాచ్‌ల్లో 289 సిక్స‌ర్లు బాదింది. తాజాగా తన రికార్డును తానే సవరించుకోవడం విశేషం. అంత‌ర్జాతీయ టీ20 క్రికెట్‌లో ఒక క్యాలెండర్ ఇయ‌ర్‌లో 250కి పైగా సిక్సర్ల ఫీట్‌ను టీమిండియా రెండుసార్లు సాధించడం విశేషం. ఇక ఐసీసీ ఫుల్ మెంబ‌ర్ టీమ్స్‌లోనూ టీమిండియా మిన‌హా మ‌రే జ‌ట్టు కూడా ఈ రికార్డు ద‌రిదాపుల్లో కూడా లేక‌పోవ‌డం విశేషం. 2026 ఏడాదిలో భార‌త్ 311 సిక్స‌ర్ల‌తో టాప్‌లో ఉండ‌గా, సౌతాఫ్రికా (177 సిక్స‌ర్లు), వెస్టిండీస్ (164 సిక్స‌ర్లు) రెండు, మూడు స్థానాల్లో కొన‌సాగుతున్నాయి.ఇషాన్ కిష‌న్ అరుదైన రికార్డువెస్టిండీస్‌తో మ్యాచ్‌లో ఇషాన్ కిష‌న్ త‌న పేరిట ఒక అరుదైన రికార్డు లిఖించుకున్నాడు. 2026 క్యాలెండ‌ర్ ఇయ‌ర్‌లో 50 సిక్స‌ర్లు పూర్తి చేసుకున్న ఇషాన్ కిష‌న్ సూర్య‌కుమార్‌, అభిషేక్ శ‌ర్మ‌ల స‌ర‌స‌న చేరాడు. 2022లో సూర్య‌కుమార్ ఒక క్యాలెండ‌ర్ ఇయ‌ర్‌లో 68 సిక్స‌ర్లు, అభిషేక్ శ‌ర్మ (2026లో 63 సిక్స‌ర్లు*, 2025లో 54 సిక్స‌ర్లు) తొలి రెండు స్థానాల్లో నిలిచారు.ఇదీ చదవండి: సౌతాఫ్రికా బౌలర్ల విజృంభణ.. ఆసీస్‌ను రక్షించిన బ్యాడ్‌లైట్‌

రాంచీ వేదిక‌గా టీమిండియాతో జ‌రిగిన రెండో టీ20 మ్యాచ్‌లో వెస్టిండీస్ ఆరు వికెట్ల తేడాతో సంచ‌ల‌న విజ‌యాన్ని సాధించింది. భార‌త్ విధించిన 250 ప‌రుగుల భారీ ల‌క్ష్యాన్ని విండీస్ 18.3 ఓవ‌ర్లలోనే ఛేదించ‌డం విశేషం. కెప్టెన్ షెయ్ హోప్ (45 బంతుల్లో 102 నాటౌట్‌, 6 ఫోర్లు, 9 సిక్స‌ర్లు) ఆకాశ‌మే హ‌ద్దుగా చెల‌రేగాడు. హోప్‌కు తోడు రూథ‌ర్‌ఫోర్డ్ (37 బంతుల్లో 84, 7 ఫోర్లు, 7 సిక్స‌ర్లు) విధ్వంసం సృష్టించ‌గా, ఆఖ‌ర్లో రొమారియో షెప‌ర్డ్ (13 బంతుల్లో 34 నాటౌట్‌, 3 ఫోర్లు, 3 సిక్స‌ర్లు) మెరుపులు తోడ‌య్యాయి. భార‌త బౌల‌ర్ల‌లో మ‌యాంక్ యాద‌వ్ 3 వికెట్లు తీయ‌గా, కుల్దీప్ యాద‌వ్ ఒక వికెట్ ప‌డ‌గొట్టాడు.దంచికొడుతున్న విండీస్‌..250 పరుగుల భారీ టార్గెట్‌తో బరిలోకి దిగిన వెస్టిండీస్ 9 ఓవర్లు ముగిసేసరికి 3 వికెట్ల నష్టానికి 113 పరుగులు చేసింది. కెప్టెన్ హోప్‌ 24 బంతుల్లో ఫిఫ్టీ మార్క్‌ అందుకోగా, రూథర్‌ఫోర్డ్ (31) క్రీజులో​ ఉన్నాడు. అంతకముందు విండీస్ కోల్పోయిన మూడు వికెట్లు మయాంక్ యాదవ్ ఖాతాలోకి వెళ్లాయి.విండీస్‌ టార్గెట్‌ 250 రన్స్‌రాంచీ వేదికగా వెస్టిండీస్‌తో జరుగుతున్న రెండో టీ20 మ్యాచ్‌లో టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40, 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌, 3 ఫోర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు.మూడో వికెట్ కోల్పోయిన టీమిండియాఏడు ప‌రుగులు చేసిన శివ‌మ్ దూబే చేజ్ బౌలింగ్‌లో క్లీన్‌బౌల్డ్‌గా వెనుదిర‌గ‌డంతో టీమిండియా 158 ప‌రుగుల వ‌ద్ద మూడో వికెట్ కోల్పోయింది. రోస్ట‌న్ చేజ్‌కు ఇది మూడో వికెట్ కావ‌డం గ‌మ‌నార్హం. శాంస‌న్ (82), శ్రేయ‌స్ (2) క్రీజులో ఉన్నారు.10 ఓవర్లలో భారత్‌ స్కోరెంతంటే?10 ఓవర్లు ముగిసేసరికి భారత్‌ వికెట్‌ నష్టానికి 127 పరుగులు చేసింది. సంజూ శాంసన్‌ (73), ఇషాన్‌ కిషన్‌ (33) క్రీజులో ఉన్నారు.ఫిఫ్టీ బాదిన సంజూ..టీమిండియా ఓపెనర్ సంజూ శాంసన్ 21 బంతుల్లో అర్థసెంచరీ మార్క్ చేరుకున్నాడు. అతడి ఇన్నింగ్స్‌లో 6 ఫోర్లు, 3 సిక్సర్లు ఉన్నాయి. ప్రస్తుతం భారత్ వికెట్ నష్టానికి 80 పరుగులు చేసింది.అభిషేక్ శ‌ర్మ (20) ఔట్‌..విండీస్‌తో జ‌రుగుతున్న రెండో టీ20లో బ్యాటింగ్‌కు దిగిన టీమిండియా తొలి వికెట్ కోల్పోయింది. 20 ప‌రుగులు చేసిన అభిషేక్ శ‌ర్మ.. రోస్ట‌న్ చేజ్ బౌలింగ్‌లో గుద‌కేశ్ మోతీకి క్యాచ్ ఇచ్చి వెనుదిరిగాడు. టీమిండియా 4 ఓవ‌ర్ల‌లో వికెట్ న‌ష్టానికి 42 ప‌రుగులు చేసింది.రాంచీ వేదిక‌గా టీమిండియా, వెస్టిండీస్ మధ్య రెండో టీ20 మ్యాచ్ ప్రారంభ‌మ‌య్యింది. టాస్ గెలిచిన వెస్టిండీస్‌ బౌలింగ్ ఎంచుకుంది. రెండో ఇన్నింగ్స్‌ సమయంలో మంచు కురిసే అవకాశం ఉండడంతో బౌలింగ్‌ ఎంచుకున్నట్లు హోప్‌ తెలిపాడు. తొలి టీ20 ఆడిన జట్టుతోనే టీమిండియా బరిలోకి దిగింది. మరోవైపు వెస్టిండీస్‌ మాత్రం తుదిజట్టులో ఒక మార్పు చేసింది.భారత్ తుదిజ‌ట్టు: అభిషేక్ శర్మ, సంజు శాంసన్(వికెట్ కీప‌ర్‌), ఇషాన్ కిషన్, శ్రేయాస్ అయ్యర్(కెప్టెన్‌), తిలక్ వర్మ, శివమ్ దూబే, నమన్ ధీర్, అక్షర్ పటేల్, అర్ష్‌దీప్ సింగ్, కుల్దీప్ యాదవ్, మయాంక్ యాదవ్వెస్టిండీస్ తుదిజ‌ట్టు: షెయ్ హోప్ (కెప్టెన్‌, వికెట్ కీప‌ర్‌), కమిల్ పూరన్, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, రొమారియో షెపర్డ్, గుడాకేష్ మోటీ, షమర్ స్ప్రింగర్, అకేల్ హోసేన్, షమర్ జోసెఫ్.🚨 Toss 🚨 West Indies have won the toss and elected to field first in Ranchi. Updates ▶️ https://t.co/mZlyaWZsoe #TeamIndia | #INDvWI | @mflone_ https://t.co/0KxGk6XkDf— BCCI (@BCCI) October 9, 2026ఇదీ చదవండి: పాక్‌తో మ్యాచ్‌; బ‌రిలో భారత దిగ్గజ క్రికెటర్ల కుమారులు!

పంజాబ్ ఆల్‌రౌండ‌ర్ న‌మ‌న్ ధీర్ టీమిండియా త‌ర‌పున త‌న అంత‌ర్జాతీయ టీ20 కెరీర్‌ను ఘ‌నంగా ఆరంభించాడు. మంగ‌ళ‌వారం ల‌క్నో వేదిక‌గా వెస్టిండీస్‌తో జ‌రిగిన తొలి టీ20లో న‌మ‌న్ ధీర్ అద‌ర‌గొట్టాడు. బ్యాటింగ్‌లో అవ‌కాశం రానిప్ప‌టికి బౌలింగ్‌లో మాత్రం అద్భుత‌మైన ప్ర‌ద‌ర్శ‌న క‌న‌బ‌రిచాడు. త‌న నాలుగు ఓవ‌ర్ల‌లో కోటాలో 31 ప‌రుగులిచ్చి మూడు వికెట్లు ప‌డ‌గొట్టాడు.ఈ ప్రదర్శనతో టీ20 అరంగేట్రంలో భారత్ తరఫున అత్యుత్తమ బౌలింగ్ గణాంకాలు నమోద చేసిన మూడో బౌలర్‌గా అతడు రికార్డు సృష్టించాడు. ఈ నేపథ్యంలో నమన్ ధీర్‌పై భారత మాజీ క్రికెటర్ కృష్ణమాచారి శ్రీకాంత్ ప్రశంసల వర్షం కురిపించాడు. నమన్ ఒక అద్భుతమైన ఆటగాడని, అతడి రాకతో వాషింగ్టన్ సుందర్ వైట్-బాల్ కెరీర్ ముగిసినట్లేనని శ్రీకాంత్ సంచలన వ్యాఖ్యలు చేశాడు.అనుకోకుండా వచ్చివాస్తవానికి వెస్టిండీస్‌తో టీ20 సిరీస్‌కు ప్రకటించిన మొదట జట్టులో నమన్ ధీర్‌కు చోటు దక్కలేదు. అయితే, వాషింగ్టన్ సుందర్‌ను రెడ్-బాల్ క్రికెట్ ప్రాక్టీస్ కోసం రంజీ ట్రోఫీ ఆడేందుకు బీసీసీఐ రిలీజ్ చేయడంతో నమన్‌కు అనుహ్యంగా జట్టు నుంచి పిలుపునొచ్చింది. వచ్చిన అవకాశాన్ని రెండు చేతులా అందిపుచ్చుకున్న నమన్, తన ప్రదర్శనతో సెలక్టర్ల నమ్మకాన్ని నిలబెట్టుకున్నాడు.సుందర్ ఇక టెస్టులే ఆడుకోవాలి!తన యూట్యూబ్ ఛానెల్‌లో శ్రీకాంత్ మాట్లాడుతూ... "సుందర్ స్థానంలో అనుకోకుండా వచ్చిన నమన్ ధీర్ ఈ అవకాశాన్ని చక్కగా వినియోగించుకున్నాడు. ఇప్పటికే వన్డేల్లోనూ రాణించిన నమన్‌ను ఇకపై తుది జట్టు నుంచి పక్కన పెట్టే సాహసం సెలక్టర్లు చేయలేరు. దీంతో వాషింగ్టన్ సుందర్ పరిమిత ఓవర్ల కెరీర్ ముగిసినట్లే. అతడు ఇక టెస్టు క్రికెట్‌పైనే దృష్టి పెట్టాలి" అని పేర్కొన్నాడు.సుందర్ ఫిట్‌నెస్ సమస్యలను ప్రస్తావిస్తూ... "సుందర్ ప్రతి రెండు మ్యాచ్‌ల తర్వాత ఏదో ఒక గాయం బారిన పడుతుంటాడు. ఇప్పుడు అతడి స్థానంలో సరైన ఆల్‌రౌండర్ దొరికాడు. నమన్ ధీర్ బ్యాటింగ్‌తో పాటు బౌలింగ్‌లోనూ మంచి నైపుణ్యం కలిగి ఉన్నాడు. బౌలింగ్ వేసేటప్పుడు బ్యాటర్ మైండ్‌సెట్‌ను ముందే పసిగడతాడు. తాను వేగంగా వేసినప్పుడు బంతి సిక్సర్ వైపు వెళ్తే వెంటనే అలర్ట్ అయి వేగాన్ని తగ్గించి తెలివిగా బౌలింగ్ చేస్తాడు. టీ20 క్రికెట్‌కు అతడు సరిగ్గా సరిపోతాడు" అని శ్రీకాంత్ అభిప్రాయపడ్డాడు.చదవండి: టీమిండియాతో మ్యాచ్‌.. ఆసీస్‌ పేసర్‌ సరికొత్త చరిత్ర! 39 ఏళ్ల తర్వాత

టీమిండియాతో ఐదు మ్యాచ్‌ల టీ20 సిరీస్‌ను వెస్టిండీస్‌తో ఓట‌మితో ఆరంభించింది. లక్నో వేదికగా మంగళవారం జరిగిన తొలి టీ20లో వెస్టిండీస్ జట్టు భారత్ చేతిలో 8 వికెట్ల తేడాతో ఘోర పరాజయాన్ని మూటగట్టుకుంది. పర్యాటక జట్టు నిర్దేశించిన 172 పరుగుల లక్ష్యాన్ని భారత్ కేవలం రెండు వికెట్లు మాత్రమే కోల్పోయి 14.4 ఓవర్లలోనే ఊదిపడేసిందిటీమిండియా కెప్టెన్ శ్రేయస్ అయ్యర్ కేవలం 43 బంతుల్లోనే 102 పరుగులతో నాటౌట్‌గా నిలిచి, అద్భుత శతకంతో జట్టును విజయతీరాలకు చేర్చాడు. ఈ ఓటమిపై మ్యాచ్ అనంతరం కరేబియన్ జట్టు కెప్టెన్ షాయ్ హోప్ స్పందిస్తూ.. తమ బ్యాటింగ్ వైఫల్యమే ఓటమికి ప్రధాన కారణమని అంగీకరించాడు.మా ఓటమికి కారణమిదే"నిజాయితీగా చెప్పాలంటే ఈ మ్యాచ్‌లో మేము చాలా పొరపాట్లు చేశాం. ముఖ్యంగా బ్యాటింగ్‌లో తీవ్రంగా నిరాశపరిచాం. పవర్‌ప్లేలో ఆశించిన ఆరంభం లభించలేదు. దూకుడుగా ఆడే క్రమంలో వరుసగా వికెట్లు కోల్పోయాం. భారత్ లాంటి బలమైన జట్టుతో ఆడుతున్నప్పుడు బోర్డుపై భారీ స్కోరు ఉండటం చాలా అవసరం. వికెట్లను కాపాడుకుంటూ మరో 20 నుంచి 30 పరుగులు అదనంగా చేసి ఉంటే పరిస్థితి వేరుగా ఉండేది. ఆఖరి ఓవర్లలో కూడా అనుకున్నంతగా పరుగులు రాబట్టలేకపోయాం.రెండో ఇన్నింగ్స్‌లో మంచు ప్రభావం ఎక్కువగా ఉండటంతో భారత్‌కు లక్ష్య ఛేదన మరింత సులువైంది. అయితే ఈ విషయంలో బౌలర్లను తప్పుపట్టలేను. ఎంచుకున్న టీమ్ కాంబినేషన్ ప్రకారమే బరిలోకి దిగినప్పటికీ, జట్టులో మరొక అదనపు స్పిన్నర్ ఉండి ఉంటే బాగుండేదని మ్యాచ్ తర్వాత అనిపించింది.మా వ్యూహం ప్రకారం పవర్‌ప్లేలోనే రోస్టన్ చేజ్, అకీల్ హొసేన్‌లతో చెరో రెండు ఓవర్లు బౌలింగ్ చేయించాను. ఆ తర్వాత భారత్ మరికొన్ని వికెట్లు కోల్పోయి, వారి మిడిల్ ఆర్డర్‌లో లెఫ్ట్ హ్యాండర్లు వచ్చినప్పుడు చేజ్‌ను రంగంలోకి దించాలనుకున్నాం.కానీ మేమనుకున్న ప్లాన్ ఏదీ వర్కవుట్ అవ్వలేదు. మ్యాచ్ ముగిసాక ఎన్నైనా మాట్లాడుకోవచ్చు.. కానీ ఈ రోజు భారత్ మాకంటే అత్యుత్తమ ప్రదర్శన చేసి విజయం సాధించింది" అని పోస్ట్ మ్యాచ్ ప్రెజెంటేషన్‌లో షాయ్ హోప్ పేర్కొన్నాడు.చదవండి: IND vs NZ: సెలక్టర్ల సంచలన నిర్ణయం.. భారత కెప్టెన్‌గా ఎవ‌రూ ఊహించ‌ని ప్లేయ‌ర్‌

వెస్టిండీస్‌తో జరిగిన తొలి టీ20లో సెంచరీ బాదడం ద్వారా టీమిండియా కెప్టెన్ శ్రేయస్ అయ్యర్ అనేక రికార్డులను తన పేరిట లిఖించుకున్నాడు. ఇప్పటికే టీ20ల్లో చేజింగ్‌లో భారత్ తరఫున సెంచరీ సాధించిన తొలి కెప్టెన్‌గా నిలిచాడు. తాజాగా శ్రేయస్ మరో ఘనతను కూడా తన పేరిట లిఖించుకున్నాడు. అదేంటంటే.. తాజా సెంచరీ ద్వారా అంతర్జాతీయ క్రికెట్‌లో అన్ని ఫార్మాట్లలో (టెస్టులు, వన్డేలు, టీ20లు) శతకాలు బాదిన ఏడో క్రికెటర్‌గా నిలిచాడు. గతంలో టీమిండియా తరఫున విరాట్ కోహ్లి, రోహిత్ శర్మ, శుబ్‌మన్ గిల్‌, కేఎల్ రాహుల్‌, సురేశ్ రైనా, యశస్వి జైస్వాల్‌లు ఈ ఫీట్ సాధించారు.👉దీంతో పాటు మరో రికార్డు కూడా ఖాతాలో వేసుకున్నాడు. ఫుల్ టీం మెంబర్ కెప్టెన్‌గా టీ20ల్లో ఫాస్టెస్ట్ సెంచరీ నమోదు చేసిన ఐదో బ్యాటర్‌గా శ్రేయస్ అయ్యర్ నిలిచాడు. విండీస్‌తో టీ20లో అయ్యర్ 42 బంతుల్లో సెంచరీ సాధించి హ్యారీ బ్రూక్‌తో క‌లిసి సంయుక్తంగా మూడో స్థానంలో ఉన్నాడు. జింబాబ్వే తరఫున సికందర్ రజా (2024లో 33 బంతుల్లో జాంబియాపై) శతకం సాధించి తొలి స్థానంలో నిలవగా, రోహిత్ శర్మ (2017లో శ్రీలంక‌పై 35 బంతుల్లో శ‌త‌కం) రెండో స్థానంలో, ఇంగ్లండ్ త‌ర‌ఫున‌ హ్యారీ బ్రూక్ (2026లో శ్రీలంక‌పై 42 బంతుల్లో) మూడు, సౌతాఫ్రికా త‌ర‌ఫున డుప్లెసిస్ (2015లో వెస్టిండీస్‌పై 46 బంతుల్లో) నాలుగో స్థానాల్లో ఉన్నారు.👉ల‌క్నో వేదిక‌లో శ్రేయ‌స్ అయ్య‌ర్‌కు మంచి రికార్డు ఉంది. ఈ వేదిక‌లో శ్రేయ‌స్ అయ్య‌ర్ ఐదు మ్యాచ్‌లు ఆడితే అందులో ఒక‌సారి మాత్ర‌మే ఔటవ్వ‌గా.. మిగ‌తా నాలుగుసార్లు అజేయంగా నిలిచాడు. ఇందులో రెండు సెంచ‌రీలు, రెండు అర్థ‌సెంచ‌రీలు ఉన్నాయి. తాజాగా విండీస్‌పై సెంచ‌రీ బాదిన శ్రేయ‌స్‌.. ఐపీఎల్ 2026 సీజ‌న్‌లో ల‌క్నోతో మ్యాచ్‌లో పంజాబ్ కింగ్స్ త‌ర‌ఫున 51 బంతుల్లో శ‌త‌కం సాధించాడు. ఓవ‌రాల్‌గా ల‌క్నో వేదిక‌గా ఆడిన‌ ఐదు మ్యాచ్‌ల్లో 335 ప‌రుగులు చేసిన శ్రేయ‌స్ ఖాతాలో 32 ఫోర్లు, 17 సిక్స‌ర్లు ఉన్నాయి.👉ఇక అంత‌ర్జాతీయ‌ టీ20 క్రికెట్‌లో చేజింగ్‌లో టీమిండియా త‌ర‌ఫున శ్రేయ‌స్ అయ్య‌ర్‌, ఇషాన్ కిష‌న్ నెలకొల్పిన 137 ప‌రుగుల అజేయ భాగ‌స్వామ్యం మూడో అత్యుత్త‌మంగా నిలిచింది. గ‌తంలో జైస్వాల్‌-గిల్ రెండుసార్లు (165 ప‌రుగులు వ‌ర్సెస్ వెస్టిండీస్‌పై, 2023లో), (156 ప‌రుగులు అజేయ భాగ‌స్వామ్యం వ‌ర్సెస్ జింబాబ్వేపై 2024లో) ఈ ఫీట్ న‌మోదు చేశారు.No better way to bring up your maiden T20I ton! 🤩 🎥 Relive Captain Shreyas Iyer's 𝙢𝙞𝙡𝙚𝙨𝙩𝙤𝙣𝙚 𝙢𝙤𝙢𝙚𝙣𝙩 🔥 Updates ▶️ https://t.co/2czVyKWreK #TeamIndia | #INDvWI | @mflone_ | @ShreyasIyer15 https://t.co/LGOfKb5SYx— BCCI (@BCCI) October 6, 2026ఇదీ చ‌ద‌వండి: హర్మన్‌, మంధాన మధ్య విభేదాలు!

లక్నో వేదికగా వెస్టిండీస్‌తో జరిగిన 1st టీ20లో టీమిండియా 8 వికెట్ల తేడాతో విజయం సాధించింది. అజేయ సెంచరీ సాధించి కెప్టెన్ శ్రేయస్ అయ్యర్‌ జట్టును గెలిపించాడు. మ్యాచ్ విజయం అనంతరం ‘ప్లేయర్ ఆఫ్ ది మ్యాచ్‌’ అవార్డు అందుకున్న అయ్యర్ తన ప్రదర్శనపై స్పందించాడు."చాలా ఆనందంగా ఉంది. నా తొలి సెంచరీ గురించి చాలా రోజులుగా ఎదురుచూస్తూ వచ్చాను. కెప్టెన్‌గా ఆ ఫీట్‌ను అందుకోవడం నా సంతోషాన్ని రెట్టింపు చేసింది. ఇవాళ నా కల నిజమైంది. విజయం ఇచ్చే కిక్కు వేరు. ఇది మన రోజైనప్పుడు, జట్టు కోసం మ్యాచ్ గెలవాలి. మొత్తంగా ఇది ఒక సమష్టి ప్రదర్శన. ఇదే దృక్పథంతో కొనసాగితే, టీ20ల్లో అత్యంత విధ్వంసక జట్లలో ఒకటిగా నిలుస్తాం. ఇక టీ20ల్లో అరంగేట్రం చేసిన నమన్ ధీర్‌లో అద్భుత ప్రతిభ దాగుంది. క్లిష్ట సమయాల్లో బౌలింగ్ చేసేందుకు ధీర్ ముందుకొచ్చాడు. పిచ్‌పై లభించిన టర్న్‌ను చక్కగా ఉపయోగించుకున్నాడు. అతడి వైఖరి నాకు బాగా నచ్చింది. వన్డే సిరీస్ తర్వాత ప్రయాణ ఇబ్బందులు ఎదురైనప్పటికీ, దానిని ఒక సాకుగా చూడకుండా, జట్టు మొత్తం అద్భుతంగా ఆడింది.ఈరోజు ఎందుకో బాగా నిద్ర వస్తోంది. మ్యాచ్ గెలిచిన సంతోషంలో ఆనందంగా నిద్రపోతాను. ఇప్పటికే నా సహచరుడు అక్షర్ కళ్లు బాగా ఎర్రబడిపోయాయి.. ఇంకా ఎక్కువసేపు మాట్లాడదలచుకోలేను (నవ్వుతూ). మంచి విశ్రాంతి అనంతరం రెండో టీ20కి సిద్ధమవుతాం.’ అని అయ్యర్ చెప్పుకొచ్చాడు.మ్యాచ్ విష‌యానికొస్తే తొలుత బ్యాటింగ్ చేసిన వెస్టిండీస్ 19.1 ఓవ‌ర్ల‌లో 171 ప‌రుగుల‌కు ఆలౌటైంది. రూథ‌ర్‌పోర్డ్ (56), కెప్టెన్ హోప్ (52) అర్థ‌సెంచ‌రీల‌తో చెల‌రేగారు. భార‌త బౌల‌ర్ల‌లో న‌మ‌న్ ధీర్ మూడు వికెట్ల‌తో స‌త్తా చాట‌గా, అక్ష‌ర్ ప‌టేల్‌, కుల్దీప్ యాద‌వ్ చెరో 2 వికెట్లు ప‌డ‌గొట్టారు. అనంత‌రం భార‌త జ‌ట్టు 14.4 ఓవ‌ర్ల‌లోనే 2 వికెట్లు మాత్ర‌మే కోల్పోయి 172 ప‌రుగులు చేసి విజ‌యాన్ని సాధించింది. శ్రేయ‌స్ అయ్య‌ర్ (43 బంతుల్లో 102 నాటౌట్‌), ఇషాన్ కిష‌న్ (37 నాటౌట్‌) జ‌ట్టును గెలిపించారు. విండీస్ బౌల‌ర్ల‌లో అకిల్ హొసెన్, రోస్ట‌న్ చేజ్‌లు చెరొక వికెట్ తీశారు. ఇరుజట్ల మధ్య రెండో టీ20 మ్యాచ్‌ శుక్రవారం రాంచీ వేదికగా జరగనుంది.- Won Gold in Asian Games 3 days before. - Won the Match as a Captain. - 10th Consecutive Wins in T20I. - Maiden T20I Hundred. - Won POTM Awards. CAPTAIN SHREYAS IYER, TAKE A BOW. 🙇 https://t.co/UF8Zx9sEy2— Tanuj (@ImTanujSingh) October 6, 2026 Sealed in 𝙨𝙤𝙢𝙚 𝙨𝙩𝙮𝙡𝙚! 💥 🎥 A breathtaking batting display from #TeamIndia to clinch the 1️⃣st T20I by eight wickets 👊 Scorecard ▶️ https://t.co/2czVyKWreK #INDvWI | @mflone_ https://t.co/JgxYkZLDwS— BCCI (@BCCI) October 6, 2026ఇదీ చదవండి: ఫేర్‌వెల్ మ్యాచ్‌.. వెక్కివెక్కి ఏడ్చిన మెస్సీ

ల‌క్నో వేదికగా వెస్టిండీస్‌తో జ‌రిగిన తొలి టీ20లో టీమిండియా 8 వికెట్ల తేడాతో ఘ‌న విజ‌యాన్ని అందుకుంది. భార‌త కెప్టెన్ శ్రేయ‌స్ అయ్య‌ర్ అజేయ సెంచ‌రీతో జ‌ట్టును గెలిపించిన సంగ‌తి తెలిసిందే. ఈ నేప‌థ్యంలో కెప్టెన్‌గా శ్రేయ‌స్ అయ్య‌ర్ టీ20ల్లో అరుదైన ఫీట్‌తో చరిత్ర సృష్టించాడు. చేజింగ్‌లో సెంచ‌రీ చేసిన తొలి భార‌త కెప్టెన్‌గా ఎవరికీ సాధ్యం కాని రికార్డును తన పేరిట లిఖించుకున్నాడు. గ‌తంలో ఇదే వెస్టిండీస్‌పై విరాట్ కోహ్లి చేజింగ్‌లో చేసిన 94 ప‌రుగుల అజేయ ఇన్నింగ్స్ ఇప్ప‌టివ‌ర‌కు అత్యుత్త‌మ స్కోరుగా ఉంది. తాజాగా కోహ్లి రికార్డును బ్రేక్ చేసిన‌ శ్రేయ‌స్ చ‌రిత్ర సృష్టించాడు. ఇక ఓవ‌రాల్‌గా చూసుకుంటే టీ20ల్లో భార‌త కెప్టెన్‌గా సెంచ‌రీ చేసిన మూడో ఆట‌గాడిగా శ్రేయ‌స్ నిలిచాడు. రోహిత్ శ‌ర్మ కెప్టెన్ హోదాలో మూడుసార్లు శ‌త‌కాలు బాద‌గా, సూర్య‌కుమార్ యాద‌వ్ ఒక‌సారి సెంచ‌రీ సాధించాడు. తాజాగా వీరి స‌ర‌స‌న శ్రేయ‌స్ అయ్య‌ర్ చోటు సంపాదించాడు.👉ఇక టీ20 క్రికెట్‌లో ఛేద‌నలో భార‌త్ త‌ర‌ఫున సెంచ‌రీ చేసిన నాలుగో ఆట‌గాడిగా శ్రేయ‌స్ అయ్య‌ర్ రికార్డులకెక్కాడు. గ‌తంలో సూర్య‌కుమార్ (117) ఒక‌సారి, కేఎల్ రాహుల్ (110 నాటౌట్‌, 101 నాటౌట్‌) రెండుసార్లు, రోహిత్ శ‌ర్మ (100 నాటౌట్‌) ఒక‌సారి సెంచ‌రీలు చేశారు.👉వెస్టిండీస్‌పై టీ20ల్లో సెంచరీ చేసిన మూడో క్రికెట‌ర్‌గా శ్రేయ‌స్ అయ్య‌ర్ నిలిచాడు. గ‌తంలో రోహిత్ శ‌ర్మ (111 నాటౌట్‌, 2018లో), కేఎల్ రాహుల్ (110 నాటౌట్‌, 2016లో) శ‌త‌కాలు సాధించారు.ఇక మ్యాచ్ విష‌యానికొస్తే తొలుత బ్యాటింగ్ చేసిన వెస్టిండీస్ 19.1 ఓవ‌ర్ల‌లో 171 ప‌రుగుల‌కు ఆలౌటైంది. రూథ‌ర్‌పోర్డ్ (56), కెప్టెన్ హోప్ (52) అర్థ‌సెంచ‌రీల‌తో చెల‌రేగారు. భార‌త బౌల‌ర్ల‌లో న‌మ‌న్ ధీర్ మూడు వికెట్ల‌తో స‌త్తా చాట‌గా, అక్ష‌ర్ ప‌టేల్‌, కుల్దీప్ యాద‌వ్ చెరో 2 వికెట్లు ప‌డ‌గొట్టారు. అనంత‌రం భార‌త జ‌ట్టు 14.4 ఓవ‌ర్ల‌లోనే 2 వికెట్లు మాత్ర‌మే కోల్పోయి 172 ప‌రుగులు చేసి విజ‌యాన్ని సాధించింది. శ్రేయ‌స్ అయ్య‌ర్ (43 బంతుల్లో 102 నాటౌట్‌), ఇషాన్ కిష‌న్ (37 నాటౌట్‌) జ‌ట్టును గెలిపించారు. విండీస్ బౌల‌ర్ల‌లో అకిల్ హొసెన్, రోస్ట‌న్ చేజ్‌లు చెరొక వికెట్ తీశారు.ఇదీ చదవండి: శ్రేయస్‌ సెంచరీ మెరుపులు

భార‌త్‌-వెస్టిండీస్ మ‌ధ్య ఐదు మ్యాచ్‌ల టీ20 సిరీస్‌కు స‌మ‌యం ఆసన్నమైంది. ఈ సిరీస్‌లో భాగంగా తొలి మ్యాచ్ మంగ‌ళ‌వారం ల‌క్నోలోని ఏకానా స్టేడియం వేదిక‌గా జ‌ర‌గ‌నుంది. ఈ క్ర‌మంలో తొలి టీ20 కోసం టీమిండియా మాజీ ఓపెనర్ ఆకాశ్ చోప్రా తన భారత ప్లేయింగ్ ఎలెవ‌న్‌ను ప్ర‌కటించాడు. యువ ఓపెనర్ వైభవ్ సూర్యవంశీని పక్కనబెట్టి, అభిషేక్ శర్మకు జోడీగా సంజూ శాంసన్‌ను అత‌డు ఎంపిక చేశాడు.ఇటీవ‌ల ముగిసిన ఆసియా క్రీడ‌ల్లో శాంసన్, సూర్యవంశీ ఇద్దరూ తుది జట్టులో ఆడినప్పటికీ, విండీస్‌తో మ్యాచ్‌కు మాత్రం వీరిద్దరిలో ఒకరికే చోటు ద‌క్కుతుంద‌ని అత‌డు అభిప్రాయ‌ప‌డ్డాడు. కెప్టెన్ శ్రేయ‌స్ అయ్య‌‌ర్‌, హెడ్ కోచ్ గౌత‌మ్ గంభీర్ తరహాలోనే చోప్రా కూడా సంజూ వైపే మొగ్గు చూపాడు.ఆకాశ్ చోప్రా ఎంపిక చేసిన జట్టులో బ్యాటింగ్ ఆర్డర్‌లో మూడు, నాలుగు స్ధానాల్లో వ‌రుస‌గా ఇషాన్ కిష‌న్‌, కెప్టెన్ శ్రేయ‌స్ అయ్య‌ర్‌కు అవ‌కాశ‌మిచ్చాడు. ఐదో స్ధానంలో తిల‌క్ వ‌ర్మ‌కు ఛాన్స్ దక్కింది. ఆల్‌రౌండ‌ర్ల కోటాలో శివమ్ దూబే, నితీశ్ కుమార్ రెడ్డి, అక్ష‌ర్ ప‌టేల్‌కు చోటు లభించింది.మ్యాచ్ పరిస్థితిని బట్టి దూబే, నితీశ్‌ బ్యాటింగ్ ఆర్డర్‌ను మార్చుకోవచ్చని చోప్రా పేర్కొన్నాడు. స్పెష‌లిస్ట్ స్పిన్న‌ర్‌గా కుల్‌దీప్ యాద‌వ్‌ను ఎంపిక చేయగా, ఫాస్ట్ బౌల‌ర్లుగా అర్ష్‌దీప్ సింగ్‌, మ‌యాంక్ యాద‌వ్‌ల‌కు అవ‌కాశ‌మిచ్చాడు.చోప్రా ఎంపిక చేసిన ప్లేయింగ్‌ ఎలెవన్‌ ఇదేఅభిషేక్ శర్మ, సంజు శాంసన్, ఇషాన్ కిషన్, శ్రేయాస్ అయ్యర్, తిలక్ వర్మ, శివమ్ దూబే, నితీష్ కుమార్ రెడ్డి, అక్షర్ పటేల్, కుల్దీప్ యాదవ్, అర్ష్దీప్ సింగ్, మయాంక్ యాదవ్చదవండి: హ‌ర్మ‌న్ ప్రీత్ కౌర్ సంచ‌ల‌న నిర్ణ‌యం

లక్నో వేదికగా ఇవాళ వెస్టిండీస్‌తో తొలి టీ20 మ్యాచ్‌ నేపథ్యంలో టీమిండియా బౌలింగ్‌ కోచ్‌ మోర్నీ మోర్కెల్‌ వైభవ్‌ సూర్యవంశీపై ఆసక్తికర వ్యాఖ్యలు చేశాడు. మ్యాచ్‌కు ముందు నిర్వహించే ప్రెస్‌ కాన్ఫరెన్స్‌కు హాజరైన మోర్కెల్‌ మాట్లాడుతూ.. భారత టీనేజ్‌ సంచలనం వైభవ్‌ సూర్యవంశీకి భారత తుది జట్టులో చోటు దక్కకపోయినా పెద్దగా నష్టపోయేది ఏమీ లేదని అభిప్రాయపడ్డాడు. మ్యాచ్‌లో బరిలోకి దిగే ఉత్తమ జట్టు ఎంపికపై సెలెక్టర్లు, హెడ్‌కోచ్‌ గౌతమ్‌ గంభీర్‌, కెప్టెన్‌ నిర్ణయంపైనే ఆధారపడి ఉంటుందని మోర్కెల్‌ చెప్పుకొచ్చాడు. ఈ ఏడాది జూన్‌ నుంచి టీమిండియా టీ20 జట్టు బిజీగా గడుపుతూ వస్తోందని, అందుకే విండీస్‌తో టీ20 సిరీస్‌కు కొంతమంది ఆటగాళ్లకు విశ్రాంతి ఇచ్చేందుకు గంభీర్‌ కొత్త కాంబినేషన్‌తో ప్రయోగాలు చేసే అవకాశముందని మోర్కెల్‌ తెలిపాడు.ఇక వైభవ్‌ సూర్యవంశీ గురించి మాట్లాడుతూ.. ‘ప్రస్తుతం జట్టులో ఉన్న అనుభవజ్ఞులైన ఆటగాళ్లతో కలిసి ప్రయాణం చేయడం, వారితో కలిసి ప్రాక్టీస్‌ చేయడం వల్ల ఎన్నో విషయాలు నేర్చుకునే అద్భుతమైన అవకాశం అతడికి లభించనుంది. వైభవ్‌ టాలెంట్‌ గురించి మనందరికీ తెలుసు.తుదిజట్టులో చోటు దక్కకపోయినా సీనియర్‌ ఆటగాళ్లతో కలిసి ఎంత ఎక్కువ సమయం గడిపితే, అంత ఎక్కువ మేలు జరుగుతుంది. మ్యాచ్‌లో ఆడే అవకాశం రానప్పటికీ డ్రెస్సింగ్‌ రూమ్‌ను పంచుకోవడం, డగౌట్‌లో కూర్చోవడం, సీనియర్లతో కలిసి ట్రావెల్ చేయడం ద్వారా మ్యాచ్ పరిస్థితులను అర్థం చేసుకోవచ్చు. అతడి వయసును దృష్టిలో పెట్టుకొని చూస్తే భవిష్యత్తులో భారత్‌కు కీ ప్లేయర్‌గా మారతాడనడంలో సందేహం లేదు.’ అని చెప్పుకొచ్చాడు.ఆసియా గేమ్స్‌లో పాకిస్తాన్‌ను ఓడించి స్వర్ణ పతకం కైవసం చేసుకున్న టీమిండియా ఫుల్‌ స్క్వాడ్‌తో విండీస్‌తో సిరీస్‌లో బరిలోకి దిగుతోంది. ఒకటి రెండు మార్పులు మినహా ఆసియా గేమ్స్‌లో ఆడిన జట్టే తొలి టీ20లో ఆడనుంది. ఇక మూడు మ్యాచ్‌ల వన్డే సిరీస్‌ను భారత్‌ 2-1 తేడాతో సొంతం చేసుకుంది.Lucknow, Uttar Pradesh: Bowling Coach, Indian Men’s Cricket Team, Morne Morkel says, "I think for the spectators it's going to be fantastic viewing. I think for both sides. At the moment the red flag of the problem might be our guys travelling back after the Asian Games. Some of the guys only arrived a couple of days ago. So jet lag and government getting rid of their attorney..."— IANS (@ians_india) October 5, 2026ఇదీ చదవండి: ‘ఇమ్రాన్‌ను పశువు కంటే హీనంగా చూస్తున్నారు’

లక్నో: వెస్టిండీస్‌పై వన్డే సిరీస్‌ను గెలుచుకున్న భారత్‌ ఇప్పుడు టి20 మ్యాచ్‌లకు సిద్ధమైంది. ఐదు మ్యాచ్‌ల సిరీస్‌లో భాగంగా నేడు ఇరు జట్ల మధ్య తొలి పోరు జరగనుంది. ఆసియా క్రీడల్లో స్వర్ణం గెలిచిన జట్టులోని దాదాపు అందరు సభ్యులు ఇప్పుడు మూడు రోజుల తర్వాత మరో టి20 మ్యాచ్‌ బరిలోకి దిగుతున్నారు. అంతర్జాతీయ క్యాలెండర్‌లో ప్రస్తుతం వన్డేలతో పోలిస్తే టి20లకు ప్రాధాన్యత లేకపోయినా... భారత్, విండీస్‌ ఐదు మ్యాచ్‌ల సమరంలో తలపడుతుండటం విశేషం. అయితే విండీస్‌లాంటి జట్టుతో ఈ ఫార్మాట్‌లో అభిమానులకు పూర్తి వినోదం ఖాయం. ఆసియా క్రీడల ఫైనల్‌ను బట్టి చూస్తే భారత తుది జట్టులో కొన్ని మార్పులు ఖాయం. బుమ్రాను ఈ సిరీస్‌కు ఎంపిక చేయలేదు కాబట్టి అతని స్థానంలో అర్ష్ దీప్‌ ఆడతాడు. సొంత మైదానం కాబట్టి మయాంక్‌ యాదవ్‌ లేదా ప్రిన్స్‌ యాదవ్‌లలో ఒకరిని ఎంపిక చేయడం ఖాయం. రెగ్యులర్‌ ఓపెనర్లు అభిషేక్‌ శర్మ, సంజు సామ్సన్‌లతో పాటు మూడో స్థానంలో ఇషాన్‌ కిషన్‌కు తిరుగులేదు. కెపె్టన్‌ శ్రేయస్‌ అయ్యర్, తిలక్‌ల నుంచి జట్టు మంచి ప్రదర్శన ఆశిస్తోంది. మరో వైపు విండీస్‌ను టి20ల్లో అంచనా వేస్తే భంగపాటు తప్పదు. బౌలింగ్‌ ఘనంగా లేకపోయినా...బ్యాటింగ్‌తోనే ఆ జట్టు ప్రత్యరి్థపై ఆధిపత్యం ప్రదర్శించగలదు.

వెస్టిండీస్‌పై వ‌న్డే సిరీస్‌ను 2-1 తేడాతో సొంతం చేసుకున్న టీమిండియా రేపటి నుంచి ఐదు మ్యాచ్‌ల టీ20 సిరీస్ ఆడనుంది. కాగా తొలి టీ20 మ్యాచ్‌కు లక్నోలోని ఎక్నా క్రికెట్ స్టేడియం వేదిక కానుంది. సొంతగడ్డపై టీ20 సిరీస్ ఆడుతుండడంతో టీమిండియా ఫెవరెట్‌గా కనిపిస్తున్నప్పటికీ, వెస్టిండీస్‌ను తక్కువ అంచనా వేయలేం. రెండుసార్లు టీ20 చాంపియన్స్ అయిన వెస్టిండీస్ టీ20 క్రికెట్‌లో బలమైన జట్టుగా పరిగణించవచ్చు.బౌలింగ్‌ పెద్దన్నగా అర్ష్‌దీప్‌తుది జ‌ట్టులో ఒక‌టి రెండు మార్పులు మిన‌హా ఆసియా గేమ్స్‌కు ఆడిన జ‌ట్టే దాదాపు విండీస్‌తో బ‌రిలోకి దిగ‌నుంది. అయితే ఆసియా గేమ్స్‌లో టీమిండియా బౌలింగ్ దళానికి నాయకత్వం వహించిన జ‌స్‌ప్రీత్ బుమ్రాకు విండీస్‌తో సిరీస్‌కు విశ్రాంతినిచ్చారు. దీంతో ఆసియా గేమ్స్‌తో పాటు జ‌పాన్‌తో మ్యాచ్‌కు దూరమైన అర్ష్‌దీప్ సింగ్ సిరీస్‌కు ఫ్రంట్‌లైన్ బౌల‌ర్‌గా వ్య‌వ‌హ‌రించ‌నున్నాడు. రవి బిష్ణోయ్‌పై వేటుఅత‌డికి ప్రిన్స్ యాద‌వ్‌ లేదా మ‌యాంక్ యాద‌వ్‌లలో ఒకరు బాధ్యత పంచుకోనున్నారు. ఇక విండీస్‌తో వ‌న్డే సిరీస్‌లో ఆడిన కుల్దీప్ ఆసియా గేమ్స్‌లో పాల్గొన‌లేదు. కానీ విండీస్‌తో టీ20 సిరీస్‌కు ఎంపికైన కుల్దీప్‌ ఆడడం ఖాయం కావడంతో ఆసియా గేమ్స్‌లో విఫ‌ల‌మైన ర‌వి బిష్ణోయ్‌పై వేట ప‌డ‌నుంది. ఇక ఆల్‌రౌండ‌ర్లుగా శివ‌మ్ దూబే, అక్ష‌ర్ ప‌టేల్‌, న‌మ‌న్ ధీర్ కొన‌సాగే అవ‌కాశ‌ముంది. దీంతో నితీశ్‌కుమార్ రెడ్డి బెంచ్‌కే పరిమితం కానున్నాడు.బ్యాటింగ్ విభాగానికి వ‌స్తే అభిషేక్ శ‌ర్మ‌, సంజూ శాంస‌న్ మ‌రోసారి ఓపెన‌ర్లుగా వ‌చ్చే అవ‌కాశ‌ముంది. ఆసియా గేమ్స్‌లో పేల‌వ ప్ర‌ద‌ర్శ‌న క‌న‌బ‌రిచినప్ప‌టికీ సంజూ శాంస‌న్‌కు మ‌రో అవ‌కాశం ద‌క్కనుంది. వైభవ్‌ సూర్యవంశీ ఆడుతాడని ప్రచారం జరిగినప్పటికీ, తాజాగా గంభీర్‌ వ్యాఖ్యలతో అతడు బెంచ్‌కు పరిమితమయ్యే అవకాశముంది. ఇక వ‌న్‌డౌన్‌లో ఇషాన్ కిష‌న్‌, కెప్టెన్ శ్రేయ‌స్, వైస్ కెప్టెన్‌ తిల‌క్ వ‌ర్మ నాలుగు, ఐదు స్థానాల్లో బ్యాటింగ్‌కు రానున్నారు. ఆల్‌రౌండ‌ర్ శివ‌మ్ దూబే ఆరో స్థానంలో ఆడ‌నున్నాడు.గంభీర్ వ్యాఖ్య‌లు వైరల్‌..విండీస్‌తో తొలి టీ20కి ముందు భారత హెడ్‌కోచ్‌ గౌతమ్‌ గంభీర్‌ వైభవ్‌ సూర్యవంశీని ఆడించడంపై స్పందించాడు. 'వైభవ్ సూర్యవంశీకి అవకాశం కల్పించడం కష్టమవుతోంది. అతను ఫామ్‌లో ఉన్న మాట వాస్తవమే. కానీ, జట్టులోకి ఎందుకు తీసుకోవడం లేదనేది అతనికి అర్థమయ్యేలా చెప్పాను. కొన్నిసార్లు అత్యుత్తమ ప్రదర్శన చేసే ఆటగాడైనా సరే.. అవకాశాల కోసం ఎదురు చూడాల్సి వస్తుంది. ఒకవేళ వైభవ్‌ను ఆడిస్తే.. అభిషేక్, సంజూ శాంసన్‌లలో ఎవర్ని తప్పించాలనేది కష్టమవుతుంది. గత కొంతకాలంగా మెరుగ్గా రాణిస్తున్న ఈ కాంబినేషన్‌ను ఉన్నట్టుండి మార్చలేం. రెండు, మూడు వైఫల్యాలకే .. సీనియర్ ఆటగాళ్లను పక్కనపెట్టి కుర్రాళ్లను ఆడించడం సరికాదు. పాపులర్ అయ్యే నిర్ణయాలు తీసుకోవడం సరైన నిర్ణయమే. కానీ సరైన నిర్ణయం తీసుకోవడం చాలా కష్టమైన పని. సంజూ-అభిషేక్ జోడీని కొనసాగించి మేం మంచి నిర్ణయమే తీసుకున్నామని అనిపిస్తోంది.'అని గంభీర్ చెప్పుకొచ్చాడు.తొలి టీ20 భార‌త తుది జ‌ట్టు అంచ‌నా:అభిషేక్ శర్మ, సంజూ శాంసన్, ఇషాన్ కిషన్, శ్రేయస్ అయ్యర్, శివమ్ దూబే, తిలక్ వర్మ, అక్షర్ పటేల్, నమన్ ధీర్, కుల్దీప్ యాదవ్, అర్ష్‌దీప్ సింగ్, ప్రిన్స్ యాదవ్/మయాంక్ యాదవ్ఇదీ చదవండి: న్యూజిలాండ్‌ టూర్‌కు ముందు భార‌త ఆట‌గాళ్ల కీల‌క నిర్ణ‌యం

వెస్టిండీస్‌పై వ‌న్డే సిరీస్ విజ‌యంతో జోష్ మీదున్న టీమిండియాకు భారీ షాక్ త‌గిలింది. న్యూ చండీగ‌ఢ్ వేదిక‌గా జ‌రిగిన మూడో వ‌న్డేలో స్లో ఓవ‌ర్ రేట్ న‌మోదు చేసినందుకు ఇరుజ‌ట్ల‌కు ఐసీసీ జ‌రిమానా విధించింది. అయితే వెస్టిండీస్ కంటే భార‌త్‌కే ఎక్కువ‌గా జ‌రిమానా విధించ‌డం ఆశ్చర్యపరిచింది.స్లో ఓవ‌ర్ రేట్ న‌మోదు చేసినందుకు వెస్టిండీస్‌కు వారి మ్యాచ్ ఫీజులో 10 శాతం జ‌రిమానా విధించగా.. అదే స‌మ‌యంలో భార‌త్‌కు మాత్రం వారి మ్యాచ్ ఫీజులో నుంచి 20 శాతం జ‌రిమానా విధించ‌డం గ‌మ‌నార్హం. నిర్ణీత స‌మ‌యం ముగిసేలోగా భార‌త్ నాలుగు ఓవ‌ర్లు వెనుకంజ‌లో ఉండ‌గా, వెస్టిండీస్ రెండు ఓవ‌ర్లు వెనుకంజ‌లో ఉందని, అందుకే విండీస్ కంటే భారత్‌కు ఎక్కువ జరిమానా విధించినట్లు ఐసీసీ మ్యాచ్ రిఫ‌రీ ప్ర‌కాశ్ భ‌ట్ స్ప‌ష్టం చేశారు. దీంతో ఆర్టిక‌ల్ 2.22 ప్ర‌కారం ఐసీసీ కోడ్ ఆఫ్ కండ‌క్ట్ కింద మ్యాచ్‌లో స్లో ఓవ‌ర్‌రేట్ న‌మోదు చేసినందుకు గానూ భారత్‌ మ్యాచ్‌ ఫీజులో 20 శాతం, విండీస్‌ జట్టు మ్యాచ్‌ ఫీజులో 10 శాతం జరిమానాతో పాటు, కేటాయించిన సమయంలోపూ బౌలింగ్ చేయడంలో విఫలమైన ప్రతి ఓవర్‌కు ఆటగాళ్లకు వారి మ్యాచ్ ఫీజులో అద‌నంగా ఐదు శాతం జరిమానా విధిస్తున్నట్లు రిఫ‌రీ వెల్ల‌డించారు. అయితే ఇద్ద‌రు కెప్టెన్లు త‌మ త‌ప్పును అంగీక‌రించడంతో ఇరుజట్లకు జ‌రిమానాతో స‌రిపెట్టిన‌ట్లు రిఫ‌రీ ప్రకాశ్‌ భట్‌ తెలిపారు. మ్యాచ్ విషయానికొస్తే మూడో వన్డేలో వెస్టిండీస్ 5 వికెట్ల తేడాతో భారత్‌పై విజయం సాధించింది. తొలుత బ్యాటింగ్ చేసిన టీమిండియా నిర్ణీత 50 ఓవర్లలో 7 వికెట్ల నష్టానికి 351 పరుగులు చేసింది. కేఎల్ రాహుల్ (129 నాటౌట్‌) అజేయ సెంచరీ చేయగా.. రోహిత్ శర్మ (92), రుతురాజ్ (57) అర్థశతకాలతో రాణించారు. అనంతరం వెస్టిండీస్ 48.2 ఓవర్లలో 5 వికెట్లు కోల్పోయి 352 పరుగులు చేసి విజయాన్ని అందుకుంది. కెప్టెన్ షెయ్ హోప్ (162 నాటౌట్‌) అజేయ శతకంతో జట్టును గెలిపించగా, అమీర్ జాంగో (67), కీమో పాల్ (44) రాణించారు. ఇక ఇరుజట్ల మధ్య ఐదు మ్యాచ్‌ల టీ20 సిరీస్ రేపటి నుంచి ప్రారంభం కానుంది. తొలి టీ20కి లక్నో వేదిక కానుంది. ఇదీ చదవండి: క్రికెట్ చరిత్రలో కనీవినీ ఎరుగని సిక్సర్‌..

టీమిండియాతో టీ20 సిరీస్‌‌కు ముందు వెస్టిండీస్ క్రికెట్ బోర్డు కీలక నిర్ణయం తీసుకుంది. ఇటీవల ముగిసిన వన్డే సిరీస్‌లో అద్భుత ప్రదర్శన చేసిన లెఫ్ట్ హ్యాండ్ బ్యాటర్ అమీర్ జంగూను టీ20 జట్టులోకి తీసుకుంది. చంఢీఘడ్ వన్డేలో గాయపడిన యువ బ్యాటర్ జ్యువెల్ ఆండ్రూకు బ్యాకప్‌గా జంగూను ఎంపిక చేశారు. చండీగఢ్ వేదికగా జరిగిన మూడో వన్డేలో ఫీల్డింగ్ చేస్తుండగా యువ బ్యాటర్ జ్యువెల్ ఆండ్రూ చేతి వేలికి తీవ్ర గాయమైంది. గాయం కారణంగా అతడు ఆ మ్యాచ్‌లో బ్యాటింగ్‌కు కూడా రాలేకపోయాడు. ఆండ్రూ గాయం తీవ్రత దృష్ట్యా అతడు టీ20 సిరీస్‌ నుంచి తప్పుకునే అవకాశాలు ఉండడంతో జంగూకు చోటిచ్చారు.వన్డే సిరీస్‌లో జంగూ విధ్వంసంటీమిండియాతో వన్డే సిరీస్‌లో జంగూ దుమ్ములేపాడు. ఆడిన 3 ఇన్నింగ్స్‌ల్లో 119.50 సగటుతో, 135.80 స్ట్రైక్ రేట్‌తో ఏకంగా 239 పరుగులు సాధించాడు. తొలి వన్డేలో మెరుపు హాఫ్ సెంచరీ సాధించిన జంగూ.. గువాహటి వన్డేలో అద్భుత సెంచరీతో చెలరేగాడు. చివరి వన్డేలో అర్ధ శతకంతో మెరిశాడు. ఇప్పుడు భీకర ఫామ్‌లో ఉన్న జంగూ టీ20 జట్టులో రావడంతో మరోసారి భారత బౌలర్లకు కఠిన సవాల్ ఎదురుకానుంది.టీ20 కెరీర్ ట్రాక్ రికార్డ్2025 సెప్టెంబర్ 27న నేపాల్‌పై అరంగేట్రం చేసిన జంగూ.. ఇప్పటివరకు వెస్టిండీస్ తరఫున 7 టీ20లు ఆడి 163 పరుగులు చేశాడు. మొత్తంగా 34 టీ20 మ్యాచ్‌ల్లో 710 పరుగులు సాధించిన జంగూ.. కరేబియన్ ప్రీమియర్ లీగ్‌-2026 విజతగా యాంటిగ్వా అండ్ బార్బుడా ఫాల్కన్స్ నిలవడంలో కూడా కీలక పాత్ర పోషించాడు. 9 మ్యాచ్‌ల్లో 213 పరుగులు చేసి రాణించాడు. ఇక ఐదు మ్యాచ్‌ల టీ20 సిరీస్‌లో భాగంగా తొలి మ్యాచ్ అక్టోబర్ 6న లక్నో వేదికగా జరగనుంది.చదవండి: జట్టు ప్రకటన.. కెప్టెన్‌గా పృథ్వీ షా

జపాన్ వేదిక‌గా జ‌రిగిన‌ ఆసియా క్రీడలు-2026లో స్వర్ణ పతకంతో సత్తా చాటిన భారత పురుషుల క్రికెట్ జట్టు స్వదేశానికి చేరుకుంది. ఆదివారం రాత్రి న్యూఢిల్లీలోని ఇందిరా గాంధీ అంతర్జాతీయ విమానాశ్రయానికి చేరుకున్న విజేతలైన టీమిండియా ఆటగాళ్లకు అధికారులు ఘన స్వాగతం పలికారు. కాగా శనివారం జరిగిన హోరాహోరీ ఫైనల్ పోరులో చిరకాల ప్రత్యర్థి పాకిస్తాన్‌పై 19 పరుగుల తేడాతో విజయం సాధించి భారత్ పసిడి పతకాన్ని ముద్దాడింది.అభిషేక్‌, తిల‌క్ మెరుపులుఈ ఉత్కంఠభరిత ఫైనల్లో తొలుత బ్యాటింగ్ చేసిన భారత్ నిర్ణీత ఓవర్లలో 6 వికెట్ల నష్టానికి 211 పరుగుల భారీ స్కోరు సాధించింది. ఓపెనర్ అభిషేక్ శర్మ (28 బంతుల్లో 3 ఫోర్లు, 7 సిక్సర్లతో 61), తిలక్ వర్మ (22 బంతుల్లో 3 ఫోర్లు, 4 సిక్సర్లతో 51 నాటౌట్), శివం దూబే (15 బంతుల్లో 1 ఫోర్, 2 సిక్సర్లతో 27 నాటౌట్) మెరుపు ఇన్నింగ్స్‌లు ఆడారు. అనంతరం 212 పరుగుల కొండంత లక్ష్యంతో బరిలోకి దిగిన పాకిస్తాన్‌ను భారత బౌలర్లు కట్టడి చేశారు. పాక్ బ్యాటర్ హసన్ నవాజ్ (51 బంతుల్లో 5 ఫోర్లు, 7 సిక్సర్లతో 96) ఒంటరి పోరాటం చేసినప్పటికీ జట్టును విజయతీరాలకు చేర్చలేకపోయాడు. దీంతో పాకిస్తాన్ నిర్ణీత ఓవర్లలో 6 వికెట్లు కోల్పోయి 192 పరుగులకే పరిమితమై ఓటమి పాలైంది. విండీస్ టీ20 సిరీస్‌కు రెడీఇక స్వ‌దేశానికి చేరుకున్న భార‌త జ‌ట్టు 48 గంట‌లు తిర‌గ‌కుముందే మ‌రో కీల‌క పోరుకు సిద్ద‌మైంది. సొంత‌గ‌డ్డ‌పై విండీస్‌తో ఐదు మ్యాచ్‌ల టీ20 సిరీస్‌లో శ్రేయ‌స్ అయ్య‌ర్ సార‌థ్యంలోని భార‌త జ‌ట్టు త‌ల‌ప‌డ‌నుంది. ఈ సిరీస్‌లో భాగంగా తొలి టీ20 అక్టోబ‌ర్ 6న ల‌క్నో వేదిక‌గా జ‌ర‌గ‌నుంది. శ్రేయ‌స్ సేన నేరుగా ఢిల్లీ నుంచి ల‌క్నోకు ప‌య‌నం కానుంది. కాగా ఇప్ప‌టికే విండీస్‌తో మూడు వ‌న్డేల సిరీస్‌ను 2-1తో భార‌త్ సొంతం చేసుకున్న సంగ‌తి తెలిసిందే.చదవండి: WCL 2026: అంబటి రాయుడు మెరుపులు వృథా.. ఇంగ్లండ్‌ చేతిలో భారత్‌ ఓటమి

న్యూ చండీగ‌ఢ్ వేదిక‌గా వెస్టిండీస్‌తో జ‌రిగిన మూడో వ‌న్డేలో రోహిత్ శ‌ర్మ సెంచ‌రీకి 8 ప‌రుగుల దూరంలో ఔటైన సంగ‌తి తెలిసిందే. ఆరంభం నుంచి మంచి ఈజ్‌తో క‌నిపించిన రోహిత్ 92 ప‌రుగుల వ్య‌క్తిగ‌త స్కోరు వ‌ద్ద వెనుదిరిగాడు. ఇప్ప‌టివ‌ర‌కు వ‌న్డేల్లో 35 సెంచ‌రీలు చేసిన రోహిత్ నిన్న‌టి మ్యాచ్‌లో సెంచ‌రీ చేసి ఉంటే ఆ సంఖ్య 36కు చేరుకునేది.ఈ నేప‌థ్యంలోనే రోహిత్ శ‌ర్మ 92 ప‌రుగుల వ‌ద్ద ఔట‌వ్వ‌డంపై భార‌త క్రికెట్ దిగ్గజం సునీల్ గవాస్కర్ మాత్రం అసంతృప్తి వ్యక్తం చేశాడు. సెంచరీకి కేవలం 8 పరుగుల దూరంలో రోహిత్ ఔట్ కావడం తనను చాలా నిరాశపరిచిందని పేర్కొన్నాడు. రోహిత్ శర్మ తన కెరీర్‌ను ఓ ప్రత్యేకమైన మైలురాయితో ముగించాలని తాను కోరుకుంటున్నట్లు గవాస్కర్ త‌న మ‌న‌సులోని మాట‌ను వెల్ల‌డించాడు‘హయర్ క్రికెట్ లైవ్’ కార్యక్రమంలో గవాస్కర్ మాట్లాడుతూ.. "2027 వన్డే ప్రపంచకప్ తర్వాత సుమారు 40 ఏళ్ల వయసులో రోహిత్ అంతర్జాతీయ క్రికెట్‌కు వీడ్కోలు పలికే అవకాశం ఉంది. నా వ్యక్తిగత కోరిక ఏంటంటే.. అతను రిటైర్ అయ్యే నాటికి అతని వయసు కన్నా ఎక్కువ వన్డే సెంచరీలు చేయాలి. ప్రస్తుతం రోహిత్ ఖాతాలో 35 సెంచరీలు ఉన్నాయి. ఈ మ్యాచ్‌లో శతకం పూర్తి చేసి ఉంటే, ఆ సంఖ్య 36కు చేరేది. తద్వారా 40 సెంచరీల మార్క్‌కు మరింత దగ్గరయ్యేవాడు" అని అభిప్రాయపడ్డాడు.ఈ సందర్భంగా తన కెరీర్‌లోని చివరి దశను గవాస్కర్ గుర్తుచేసుకున్నాడు. "నాకు 38 ఏళ్ల వయసులో, టెస్టుల్లో 38 సెంచరీలు చేయాలని లక్ష్యంగా పెట్టుకున్నాను. కానీ దురదృష్టవశాత్తు మూడుసార్లు 90ల్లో ఔటయ్యాను. అందుకే రోహిత్ సెంచరీ మిస్ కావడం చూసి నిరాశ చెందాను. నేను సాధించలేకపోయాను.. రోహిత్ అయినా ఆ ఘనత అందుకోవాలి" అని అభిలాషించాడు.అదే సమయంలో 2023 ప్రపంచకప్ తర్వాత రోహిత్ బ్యాటింగ్ శైలిలో మార్పు వచ్చిందని గవాస్కర్ విశ్లేషించాడు. "ప్రపంచకప్‌లో మొదటి బంతి నుంచే దూకుడుగా ఆడేవాడు. ఇప్పుడు తన వికెట్‌కు ఎక్కువ విలువ ఇస్తున్నాడు. ఇది మంచి పరిణామమే. అయినా, రోహిత్‌ను నేను 30-40 పరుగులు చేసే ఆటగాడిగా కాకుండా, 'సెంచరీల వీరుడి'గానే చూస్తాను" అని స్పష్టం చేశాడు.ఇదీ చదవండి: సెంచ‌రీతో ఫామ్‌లోకి ఆసీస్ బ్యాట‌ర్‌.. సౌతాఫ్రికాకు చుక్క‌లే!

ఏషియ‌న్ గేమ్స్‌-2026 క్రికెట్ పోటీల్లో స్వ‌ర్ణం గెలుచుకున్న భార‌త పురుషుల జ‌ట్టు.. ఇప్పుడు స్వ‌దేశంలో వెస్టిండీస్‌తో ఐదు మ్యాచ్‌ల టీ20 సిరీస్‌లో తలపడేందుకు సిద్ధమైంది. ఈ సిరీస్‌లో భాగంగా ఇరు జట్ల మధ్య తొలి టీ20 మ్యాచ్ అక్టోబర్ 6న లక్నో వేదికగా జరగనుంది. అయితే ఈ మ్యాచ్‌లో భారత యువ సంచలనం వైభవ్ సూర్యవంశీకి తుది జట్టులో చోటు దక్కేది అనుమానంగానే మారింది.ఆసియా క్రీడల్లో అద్భుతమైన ప్రదర్శన కనబరిచినప్పటికీ, జట్టు కూర్పు కారణాల వల్ల వైభవ్‌ను మరోసారి బెంచ్‌కే పరిమితం చేసే అవకాశాలు కనిపిస్తున్నాయి. రెగ్యులర్‌ ఓపెనర్లు అభిషేక్ శర్మ, సంజూ శాంసన్‌‌లనే విండీస్‌తో సిరీస్‌లోనూ కొనసాగించనున్నట్లు సమాచారం.గతనెలలో అఫ్గానిస్తాన్‌తో జరిగిన సిరీస్‌లోనూ వైభవ్ మూడు మ్యాచ్‌లకు గాను డ్రింక్స్ బాయ్‌గానే పరిమితమయ్యాడు. పాకిస్తాన్‌తో ఫైనల్ మ్యాచ్ అనంతరం జియో హాట్‌‌స్టార్‌తో మాట్లాడిన భారత కెప్టెన్ శ్రేయస్ అయ్యర్ చేసిన వ్యాఖ్యలు ఈ వార్తలకు మరింత ఊతమిస్తున్నాయి."ప్రస్తుతం మేము ప్రపంచకప్ గెలిచిన జట్టులోని ఓపెనర్లతోనే ముందుకు వెళ్తున్నాం. వారు ఆ స్థానానికి పూర్తిగా అర్హులు. ప్రస్తుతం వైభవ్ 15 మంది సభ్యుల జట్టులోనే ఉన్నాడు కాబట్టి అతడికి భవిష్యత్తులో ఖచ్చితంగా అవకాశాలు వస్తాయి. అవకాశం వచ్చినప్పుడు అతడు మైదానంలో ఖచ్చితంగా ఆధిపత్యం చెలాయిస్తాడనే నమ్మకం ఉంది" అని శ్రేయస్ వెల్లడించాడు.వైభవ్‌తో తనకున్న బంధం గురించి మాట్లాడుతూ.. "నేను వైభవ్‌తో చాలా క్లోజ్‌గా ఉంటాను. అందరూ అతనితో ఎప్పుడూ క్రికెట్ గురించే మాట్లాడుతుంటారు, కానీ నేను మైదానం వెలుపల అతడి జీవనశైలి, కుటుంబం, ఇతర విషయాల గురించి ఎక్కువగా చర్చిస్తాను. అది అతనికి ఎంతో ఉత్సాహాన్ని ఇస్తుంది. అతడు చూడటానికి చాలా సైలెంట్‌గా ఉంటాడు కానీ. మైదానంలో మాత్రం ప్రత్యర్థులపై విరుచుకుపడతాడు. డ్రెసింగ్ రూమ్‌లో కూడా చాలా సరదాగా ఉంటాడు" అని అయ్యర్ పేర్కొన్నాడు.చదవండి: WCL 2026: భార‌త్‌తో విభేదాలు.. కీలక టోర్నీ నుంచి పాక్ అవుట్‌

వెస్టిండీస్‌తో మూడు వ‌న్డేల సిరీస్‌ను 2-1 తేడాతో టీమిండియా ముగించింది. ముల్లాన్‌పూర్ వేదిక‌గా జ‌రిగిన మూడో వ‌న్డేలో గెలిచి సిరీస్ క్లీన్ స్వీప్ చేయాల‌ని భావించిన భార‌త్‌కు విండీస్ షాకిచ్చింది. 352 ప‌రుగుల భారీ ల‌క్ష్యాన్ని చేధించి క్లీన్ స్వీప్ నుంచి క‌రేబియ‌న్ జ‌ట్టు త‌ప్పించుకుంది. చివరి మ్యాచ్‌లో టీమిండియా ఓడిపోయినప్పటికీ, ‘ప్లేయర్ ఆఫ్ ది సిరీస్’ అవార్డు మాత్రం కెప్టెన్ శుభ్‌మన్ గిల్‌కే దక్కింది. గిల్ మూడో వన్డేలో విఫ‌ల‌మైన‌ప్ప‌టికి తొలి రెండు మ్యాచ్‌లలో వరుసగా సెంచరీ, డబుల్ సెంచరీలతో చెలరేగాడు. ఈ సిరీస్‌లోని 3 ఇన్నింగ్స్‌లలో కలిపి మొత్తం 334 పరుగులు సాధించాడు. దీంతో గిల్ ఒక అరుదైన రికార్డును తన పేరిట లిఖించుకున్నాడు. భారత్ తరఫున వన్డేల్లో అత్యధిక సార్లు (7 సార్లు) ‘ప్లేయర్ ఆఫ్ ది సిరీస్’ అవార్డు గెలుచుకున్న మూడో ఆటగాడిగా దిగ్గజాలు యువరాజ్ సింగ్, ఎంఎస్ ధోనీ, సౌరవ్ గంగూలీ సరసన నిలిచాడు.యువీ, ధోనీ, గంగూలీలు కూడా ఏడేసి సార్లు ఈ అవార్డును గెలుచుకోగా, గిల్ కేవలం 70 వన్డేల్లోనే ఈ ఘనత సాధించడం విశేషం. త్వరలో న్యూజిలాండ్‌తో జరగనున్న వన్డే సిరీస్‌లో గిల్ రాణిస్తే, వీరి రికార్డును అధిగమించి రెండో స్థానంలోకి వెళ్లే అవకాశముంది.చదవండి: IND vs PAK: 'అతడు పేరుకే స్పిన్నర్‌.. చూస్తుంటే నవ్వొస్తోంది"

న్యూ చండీగఢ్‌: బ్యాటింగ్‌లో భారీ స్కోరు చేసినా... ప్రత్యర్థిని నిలువరించడంలో బౌలర్లు విఫలమవడంతో... వెస్టిండీస్‌తో చివరి వన్డేలో భారత్‌ పరాజయం పాలైంది. మూడు మ్యాచ్‌ల సిరీస్‌లో భాగంగా శనివారం జరిగిన పోరులో వెస్టిండీస్‌ 5 వికెట్ల తేడాతో టీమిండియాపై విజయం సాధించింది. గత రెండు మ్యాచ్‌ల్లో గెలిచిన శుబ్‌మన్‌ గిల్‌ సారథ్యంలోని టీమిండియా 2–1తో సిరీస్‌ కైవసం చేసుకుంది. శనివారం పరుగుల వరద పారిన పోరులో టాస్‌ గెలిచి మొదట బ్యాటింగ్‌ ఎంచుకున్న భారత్‌ నిర్ణీత 50 ఓవర్లలో 7 వికెట్ల నష్టానికి 351 పరుగులు చేసింది. కేఎల్‌ రాహుల్‌ (87 బంతుల్లో 129 నాటౌట్‌; 10 ఫోర్లు, 6 సిక్స్‌లు) అజేయ సెంచరీతో చెలరేగి వన్డేల్లో తన అత్యుత్తమ వ్యక్తిగత స్కోరు నమోదు చేసుకోగా... ‘హిట్‌ మ్యాన్‌’ రోహిత్‌ శర్మ (85 బంతుల్లో 92; 10 ఫోర్లు, 3 సిక్స్‌లు) త్రుటిలో సెంచరీ చేజార్చుకున్నాడు. రుతురాజ్‌ గైక్వాడ్‌ (57; 1 ఫోర్, 4 సిక్స్‌లు) అర్ధశతకం సాధించాడు. గత మ్యాచ్‌లో రికార్డు డబుల్‌ సెంచరీ సాధించిన భారత సారథి శుబ్‌మన్‌ గిల్‌ ఒక పరుగుకే అవుట్‌ కాగా... స్టార్‌ బ్యాటర్‌ విరాట్‌ కోహ్లి (0) ‘గోల్డెన్‌ డకౌట్‌’గా వెనుదిరిగాడు. వీరిద్దరూ వరుస బంతుల్లో అవుట్‌ కావడంతో 4 పరుగులకే 2 వికెట్లు కోల్పోయిన జట్టును రోహిత్‌ ఆదుకున్నాడు. మూడో వికెట్‌కు గైక్వాడ్‌తో కలిసి 137 పరుగులు జోడించాడు. ఇక ఈ సిరీస్‌లో తొలిసారి బ్యాటింగ్‌ చేసే అవకాశం దక్కించుకున్న కేఎల్‌ రాహుల్‌ తన క్లాసిక్‌ గేమ్‌తో కట్టిపడేశాడు. విండీస్‌ బౌలర్లలో జైడెన్‌ సీల్స్‌ 3 వికెట్లు పడగొట్టాడు. అనంతరం లక్ష్యఛేదనలో వెస్టిండీస్‌ 48.2 ఓవర్లలో 5 వికెట్లు కోల్పోయి 352 పరుగులు చేసింది. విండీస్‌కు వన్డేల్లో ఇదే అతిపెద్ద లక్ష్యఛేదన. కెప్టెన్‌ షై హోప్‌ (143 బంతుల్లో 162 నాటౌట్‌; 17 ఫోర్లు, 3 సిక్స్‌లు) అసాధారణంగా ఆడి చివరి వరకు అజేయంగా నిలిచి జట్టును గెలిపించాడు. ‘ప్లేయర్‌ ఆఫ్‌ ద మ్యాచ్‌’ అవార్డు సొంతం చేసుకున్నాడు. అమిర్‌ జంగూ (67; 5 ఫోర్లు, 1 సిక్స్‌), కీమో పాల్‌ (44) హోప్‌కు సహకరించారు. భారత బౌలర్లు పెద్దగా ప్రభావం చూపలేకపోయారు. సిరాజ్, బ్రార్, కుల్దీప్, నమన్‌ ధీర్‌ తలా ఒక వికెట్‌ పడగొట్టారు. ఈ మ్యాచ్‌ ద్వారా అంతర్జాతీయ వన్డే అరంగేట్రం చేసిన అన్షుల్‌ కంబోజ్‌ 9 ఓవర్లలో 82 పరుగులచ్చి వికెట్‌ పడగొట్టలేకపోయాడు. గిల్‌కు ‘ప్లేయర్‌ ఆఫ్‌ ద సిరీస్‌’ అవార్డు దక్కింది. ఇరు జట్ల మధ్య మంగళవారం నుంచి టి20 సిరీస్‌ ప్రారంభంకానుంది. ఇదీ చదవండి: ముగిసిన ఆసియా గేమ్స్‌.. భార‌త్‌కు నాలుగో స్థానం

చండీగ‌ఢ్ వేదిక‌గా భార‌త్‌తో జ‌రుగుతున్న చివ‌రి వ‌న్డేలో వెస్టిండీస్ టార్గెట్‌ను ఛేదించే ప‌నిలో ఉంది. 352 ప‌రుగుల ల‌క్ష్యంతో బ‌రిలోకి దిగిన వెస్టిండీస్ ప్ర‌స్తుతం 38 ఓవ‌ర్లు ముగిసేస‌రికి 3 వికెట్ల న‌ష్టానికి 255 ప‌రుగులు చేసింది. ఆ జ‌ట్టు కెప్టెన్ షెయ్ హోప్ అజేయ‌ సెంచ‌రీతో చెల‌రేగ‌గా, కీమో పాల్ (31) అత‌డికి స‌హ‌క‌రిస్తున్నాడు. ఈ నేప‌థ్యంలో షెయ్ హోప్ ఒక్క సెంచ‌రీతో అనేక రికార్డుల‌ను త‌న పేరిట లిఖించుకున్నాడు. 104 బంతుల్లో సెంచ‌రీ మార్క్ చేరుకున్న షెయ్ హోప్ ఇన్నింగ్స్‌లో 10 ఫోర్లు, ఒక సిక్స‌ర్ ఉన్నాయి. కాగా వ‌న్డేల్లో హోప్‌కు ఇది 21వ సెంచ‌రీ. ఇక భార‌త గ‌డ్డ‌పై టీమిండియాపై అత్య‌ధిక సెంచ‌రీలు బాదిన బ్యాట‌ర్ల‌లో హోప్ చోటు సంపాదించాడు.👉తాజాగా చేసిన సెంచ‌రీ హోప్‌కు నాలుగోది కాగా 14 ఇన్నింగ్స్‌ల్లో ఈ సెంచ‌రీలు చేశాడు. కివీస్ బ్యాట‌ర్‌ డారిల్ మిచెల్ కూడా నాలుగు సెంచ‌రీలు చేసిన‌ప్ప‌టికీ 8 ఇన్నింగ్స్‌ల్లోనే దీనిని అందుకున్నాడు. ఒక ద‌క్షిణాఫ్రికా దిగ్గ‌జం ఏబీ డివిలియ‌ర్స్ 11 ఇన్నింగ్స్‌ల్లో ఐదు సెంచ‌రీలు బాదాడు.👉ఓవ‌రాల్‌గా టీమిండియాపై షెయ్ హోప్ ఐదు సెంచ‌రీలు చేశాడు. ఈ క్రమంలో భారత్‌పై వన్డేల్లో అత్యధిక సెంచరీలు బాదిన క్రికెటర్‌గా హోప్‌ తొలి స్థానంలో నిలిచాడు. హోప్‌ కంటే ముందు క్రిస్‌ గేల్‌ (4 సెంచరీలు) ఈ ఫీట్‌ సాధించాడు.👉వ‌న్డేల్లో 21సెంచ‌రీల మార్క్‌ను అందుకునే క్ర‌మంలో హోప్‌కు 152 ఇన్నింగ్స్‌లు అవ‌స‌ర‌మ‌య్యాయి. ఈ క్ర‌మంలో అత్యంత త‌క్కువ ఇన్నింగ్స్‌ల్లో ఈ ఫీట్ సాధించిన బ్యాట‌ర్‌గా డికాక్‌, వార్న‌ర్‌ల‌తో క‌లిసి సంయుక్తంగా మూడో స్థానంలో ఉన్నాడు. ఇక 21 సెంచ‌రీలు చేసేందుకు హ‌షీమ్ ఆమ్లా 116 ఇన్నింగ్స్‌లు తీసుకొని తొలి స్థానంలో ఉండ‌గా, కోహ్లి (138 ఇన్నింగ్స్‌లు) రెండో స్థానంలో కొన‌సాగుతున్నాడు. డివిలియ‌ర్స్ (183 ఇన్నింగ్స్‌లు), రోహిత్ శ‌ర్మ (186 ఇన్నింగ్స్‌లు) నాలుగు, ఐదు స్థానాల్లో ఉన్నారు.👉వ‌న్డేల్లో కెప్టెన్ క‌మ్ వికెట్ కీప‌ర్‌గా ఎక్కువ సెంచ‌రీలు సాధించిన బ్యాట‌ర్‌గా షెయ్ హోప్ (8 సెంచ‌రీలు) తొలి స్థానంలో నిలిచాడు. ఇక ఎంఎస్ ధోని (6 సెంచ‌రీలు), ఏబీ డివిలియ‌ర్స్ (4 సెంచ‌రీలు) త‌ర్వాతి రెండు స్థానాల్లో కొన‌సాగుతున్నారు.ఇదీ చదవండి: ద్రవిడ్‌ రికార్డు బద్దలు కొట్టిన కేఎల్‌ రాహుల్‌

వెస్టిండీస్‌తో జ‌రుగుతున్న మూడో వ‌న్డే మ్యాచ్‌లో కేఎల్ రాహుల్ (87 బంతుల్లో 129 నాటౌట్‌) అజేయ సెంచ‌రీతో మెరిసిన సంగ‌తి తెలిసిందే. ఐదో స్థానంలో బ్యాటింగ్‌కు వ‌చ్చి సెంచ‌రీతో చెల‌రేగిన రాహుల్ కెరీర్‌లో తొమ్మిదో సెంచ‌రీ సాధించాడు. త‌ద్వారా కేఎల్ రాహుల్ భార‌త దిగ్గ‌జం రాహుల్ ద్ర‌విడ్ రికార్డును బ‌ద్ద‌లుకొట్టాడు. కేఎల్ రాహుల్‌ ఇన్నింగ్స్‌కు ముందు, వెస్టిండీస్‌పై భారత వికెట్ కీప‌ర్ బ్యాటర్ చేసిన అత్యధిక వన్డే స్కోరు ద్రవిడ్ పేరిట ఉండేది. ద్ర‌విడ్ 124 బంతుల్లో 109 పరుగులతో నాటౌట్‌గా నిలిచాడు. మ‌రోసారి ఇదే వెస్టిండీస్‌పై 124 బంతుల్లో 103 ప‌రుగుల‌తో నాటౌట్‌గా నిలిచాడు. ఇక వీరిద్ద‌రి త‌ర్వాత ఎంఎస్ ధోని (130 బంతుల్లో 95 ప‌రుగులు), స‌మీర్ దిఘే (96 బంతుల్లో 94 నాటౌట్‌) త‌ర్వాతి స్థానాల్లో ఉన్నారు. ఓవ‌రాల్‌గా వెస్టిండీస్‌పై వ‌న్డేల్లో అత్య‌ధిక వ‌న్డే స్కోర్లు సాధించిన వికెట్ కీప‌ర్ల‌లో జాస్ బ‌ట్ల‌ర్ అగ్ర‌స్థానంలో నిలిచాడు. 2019లో బ‌ట్ల‌ర్ 77 బంతుల్లోనే 150 ప‌రుగులు సాధించాడు. ఏబీ డివిలియ‌ర్స్ (44 బంతుల‌ల్ఓ 149 ప‌రుగులు) రెండో స్థానంలో ఉండ‌గా, బ్రెండ‌న్ టేల‌ర్ (124 బంతుల్లో 138 ప‌రుగులు) మూడో స్థానంలో ఉన్నాడు. ఇక కేఎల్ రాహుల్ (87 బంతుల్లో 129 నాటౌట్‌) నాలుగో స్థానంలో కొన‌సాగుతున్నాడు. పాకిస్తాన్ బ్యాట‌ర్ క‌మ్రాన్ అక్మ‌ల్‌ (125 బంతుల్లో 124 ప‌రుగులు) ఐదో స్థానంలో ఉన్నాడు.దీంతోపాటు కేఎల్ రాహుల్ మ‌రో మైలురాయిని చేరుకున్నాడు. వెస్టిండీస్‌పై వన్డేల్లో సెంచరీ సాధించిన రెండో భారత వికెట్‌ కీపర్‌గా రాహుల్‌ నిలిచాడు. ద్రవిడ్‌ తొలి క్రికెటర్‌గా ఉన్నాడు. ఈ ఇద్దరు కర్ణాటక రాష్ట్రానికి చెందినవారు కావడం విశేషం. అలాగే అంత‌ర్జాతీయ క్రికెట్‌లో అన్ని ఫార్మాట్లు క‌లిపి కేఎల్ రాహుల్ 10వేల ప‌రుగుల మైలురాయిని చేరుకున్నాడు. కాగా ఈ మైలురాయిని అందుకున్న 15వ భార‌త బ్యాట‌ర్‌గా నిలిచాడు.ఇక మ్యాచ్ విష‌యానికొస్తే 352 ప‌రుగుల ల‌క్ష్యంతో బ‌రిలోకి దిగిన వెస్టిండీస్ 32 ఓవ‌ర్లు ముగిసేస‌రికి 3 వికెట్ల న‌ష్టానికి 215 ప‌రుగులు చేసింది. షెయ్ హోప్ (96), కీమో పాల్ (5) క్రీజులో ఉన్నారు. అంత‌క‌ముందు రూథ‌ర్‌ఫోర్డ్ (23), అమీర్ జాంగో (67) అర్థ‌సెంచ‌రీ చేసి ఔట‌య్యారు.చదవండి: వ‌న్డే చ‌రిత్ర‌లోనే భార‌త బౌల‌ర్ అత్యంత చెత్త రికార్డు

న్యూ చండీగ‌ఢ్ వేదిక‌గా వెస్టిండీస్‌తో జ‌రుగుతున్న చివ‌రి వ‌న్డేలో టీమిండియా బౌల‌ర్ గుర్నూర్ బ్రార్ వ‌న్డే క్రికెట్ చ‌రిత్ర‌లోనే అత్యంత చెత్త రికార్డు న‌మోదు చేశాడు. వ‌రుస‌గా మూడు వ‌న్డేలు క‌లిపి అత్య‌ధిక ప‌రుగులు స‌మ‌ర్పించుకున్న బౌల‌ర్ల జాబితాలో గుర్నూర్ బ్రార్ చోటు సంపాదించాడు. విండీస్‌తో వ‌న్డే సిరీస్‌లో మూడు మ్యాచ్‌లు ఆడిన గుర్నూర్ ఇప్ప‌టివ‌ర‌కు 253 ప‌రుగులు ఇచ్చుకున్నాడు. త‌ద్వారా అత్య‌ధిక ప‌రుగులు స‌మ‌ర్పించుకున్న బౌల‌ర్‌గా గుర్నూర్ తొలి స్థానంలో నిలిచాడు. గుర్నూర్ త‌ర్వాత కెవిన్ ఒబ్రియాన్ (2015లో) 246 ప‌రుగులు స‌మ‌ర్పించుకొని రెండో స్థానంలో ఉన్నాడు. ఆ త‌ర్వాత వ‌రుస‌గా షాహిన్ అఫ్రిది (245 ప‌రుగులు, 2019లో), మ‌స‌క‌ద్జ (244 ప‌రుగులు, 2010లో), ఆడ‌మ్ జంపా (240 ప‌రుగులు, 2023లో), అల్జారీ జోసెఫ్ (240 ప‌రుగులు, 2026లో), భువ‌నేశ్వ‌ర్ కుమార్ (239 ప‌రుగులు, 2015లో) ఉన్నారు.ఇక మ్యాచ్ విష‌యానికొస్తే.. 352 ప‌రుగుల ల‌క్ష్యంతో బ‌రిలోకి దిగిన వెస్టిండీస్ నిల‌క‌డ‌గా ఆడుతోంది.ప్ర‌స్తుతం వికెట్ న‌ష్టానికి 147 ప‌రుగులు చేసింది. షెయ్ హోప్ (61), అమీర్ జాంగో (66) క్రీజులో ఉన్నారు. అంత‌కముందు భార‌త్ 50 ఓవర్ల‌లో 7 వికెట్ల న‌ష్టానికి 351 ప‌రుగుల భారీ స్కోరు చేసింది. కేఎల్ రాహుల్ (129 నాటౌట్‌) అజేయ సెంచ‌రీతో మెర‌వ‌గా, రోహిత్ శ‌ర్మ (92) అర్థ‌సెంచ‌రీతో రాణించాడు.ఇదీ చదవండి: వ‌న్డే క్రికెట్‌లో టీమిండియా సరికొత్త రికార్డు

వెస్టిండీస్‌తో జ‌రుగుతున్న మూడో వ‌న్డేలో టీమిండియా భారీ స్కోరు చేసింది. కేఎల్ రాహుల్ (129 నాటౌట్‌) విధ్వంస‌క‌ర సెంచ‌రీకి తోడు రోహిత్ శ‌ర్మ (92) రాణించ‌డంతో భార‌త జ‌ట్టు 351 ప‌రుగుల భారీ స్కోరు చేసింది. ఈ నేప‌థ్యంలో వ‌న్డే క్రికెట్‌లో టీమిండియా అరుదైన రికార్డు నెల‌కొల్పింది. వన్డే చ‌రిత్ర‌లో టీమిండియా 350 ప్ల‌స్ స్కోరు సాధించ‌డం ఇది 45వ సారి. సౌతాఫ్రికా 36 సార్లు 350 ప్ల‌స్ స్కోర్లు సాధించి రెండో స్థానంలో ఉండ‌గా, తొలి స్థానంలో ఉన్న భార‌త్‌కు.. రెండో ప్లేస్‌లో ఉన్న ద‌క్షిణాఫ్రికాకు మ‌ధ్య 11 వ్య‌త్యాస‌ముంది. దీంతో భార‌త జ‌ట్టు ఎవ‌రికీ అంద‌నంత ఎత్తులో కొన‌సాగుతుంది. ఇక భార‌త్‌, ఆస్ట్రేలియా త‌ర్వాత ఆస్ట్రేలియా 31సార్లు 350 ప్ల‌స్ స్కోర్లు చేయ‌గా, ఇంగ్లండ్ 29 సార్లు, న్యూజిలాండ్ 18 సార్లు చొప్పున వ‌న్డేల్లో 350 ప్ల‌స్ స్కోరు చేశాయి.దీంతోపాటు టీమిండియా మ‌రో రికార్డు కూడా సాధించింది. విండీస్‌తో వ‌న్డే సిరీస్‌లో మూడు మ్యాచ్‌లు క‌లిపి 45 సిక్స‌ర్లు కొట్టారు. త‌ద్వారా ఒక ద్వైపాక్షిక సిరీస్‌లో అత్య‌ధిక సిక్స‌ర్లు బాదిన జ‌ట్ల జాబితాలో టీమిండియా ఇంగ్లండ్‌తో క‌లిపి సంయుక్తంగా మూడో స్థానంలో కొన‌సాగుతుంది. భార‌త్‌, ఇంగ్లండ్ కంటే ముందు ఆస్ట్రేలియా (66 సిక్స‌ర్లు వ‌ర్సెస్ టీమిండియా, 2013లో), వెస్టిండీస్ (66 సిక్స‌ర్లు వ‌ర్సెస్ ఇంగ్లండ్‌, 2019లో) సంయుక్తంగా తొలి స్థానంలో కొన‌సాగుతున్నాయి. ఇక సౌతాఫ్రికా (55 సిక్స‌ర్లు వ‌ర్సెస్ ఆస్ట్రేలియా, 2023లో) రెండో స్థానంలో కొన‌సాగుతుంది.ఇదీ చదవండి: రాహుల్‌ సెంచరీ, దంచికొట్టిన రోహిత్‌.. విండీస్‌ టార్గెట్‌ 352 రన్స్‌

న్యూ చండీగఢ్ వేదికగా వెస్టిండీస్‌తో జరుగుతున్న చివరి వన్డేలో కేఎల్ రాహుల్ అజేయ సెంచరీతో మెరిశాడు. 80 బంతుల్లో సెంచరీ మార్క్‌ అందుకున్న కేఎల్‌ రాహుల్‌ ఇన్నింగ్స్‌లో 10 ఫోర్లు, ఆరు సిక్సర్లు ఉన్నాయి. దీంతో టీమిండియా నిర్ణీత 50 ఓవర్లలో 7 వికెట్ల నష్టానికి 351 పరుగుల భారీ స్కోరు చేసింది. కేఎల్ రాహుల్ (87 బంతుల్లో 129 నాటౌట్‌, 10 ఫోర్లు, ఆరు సిక్సర్లు) విధ్వంసం సృష్టించగా, అంతకముందు ఓపెనర్ రోహిత్ శర్మ (92) తృటిలో సెంచరీ చేజార్చుకోగా, రుతురాజ్ గైక్వాడ్ (57) అర్థసెంచరీతో రాణించారు. చివర్లో నమన్ ధీర్ (30) హోంగ్రౌండ్‌లో ఆకట్టుకున్నాడు. వెస్టిండీస్ బౌలర్లలో జైడన్ సీల్స్ మూడు వికెట్లు తీయగా, కీమో పాల్ రెండు వికెట్లు పడగొట్టాడు. కెప్టెన్ శుబ్‌మన్ గిల్ (1), విరాట్ కోహ్లి గోల్డెన్ డక్ కావడంతో టీమిండియా ఆరంభంలోనే 4 పరుగుల వద్ద రెండు వికెట్లు కోల్పోయింది.ఈ దశలో రోహిత్ శర్మ, రుతురాజ్‌లు కలిసి మూడో వికెట్‌కు 137 పరుగుల సెంచరీ భాగస్వామ్యంతో ఇన్నింగ్స్‌ను నిలబెట్టారు. అయితే 8 పరుగుల దూరంలో సెంచరీ చేజార్చుకోగా, హాఫ్ సెంచరీ చేసిన వెంటనే రుతురాజ్ కూడా వెనుదిరగడంతో భారత్ స్కోరు డౌన్ అయింది. ఈ దశలో వికెట్ కీపర్ కేఎల్ రాహుల్.. లోయర్ ఆర్డర్‌తో కలిసి ఇన్నింగ్స్‌ను నడిపించాడు. అతడికి నమన్ ధీర్ కూడా చక్కగా సహకరించాడు. ముఖ్యంగా చివరి ఓవర్‌లో రాహుల్ విశ్వరూపం ప్రదర్శించాడు. రెండు సిక్సర్లు, ఒక ఫోర్‌తో చెలరేగిన రాహుల్ జట్టు స్కోరును 350 పరుగుల మార్క్‌ను దాటించాడు. Smiles, cheers, and celebrations all around 🥳🎥 Scenes to cherish for KL Rahul and #TeamIndia 🤩Updates ▶️ https://t.co/PhSJSbvW7C#INDvWI | @mflone_ | @klrahul pic.twitter.com/wFTPDqLlvt— BCCI (@BCCI) October 3, 2026ఇదీ చదవండి: Asian Games: భార‌త పురుషుల హాకీ జ‌ట్టుకు స్వ‌ర్ణం

న్యూ చండీగఢ్ వేదిక‌గా వెస్టిండీస్‌తో జ‌రుగుతున్న చివ‌రి వ‌న్డేలో భార‌త స్టార్ బ్యాట‌ర్ విరాట్ కోహ్లి నిరాశ‌ప‌రిచాడు. తొలి బంతికే ఔట‌య్యి గోల్డెన్ డ‌క్‌గా పెవిలియ‌న్ చేరాడు. జైడ‌న్ సీల్స్ వేసిన అద్భుత బంతిని ఆడ‌డంలో అంచ‌నా త‌ప్పిన కోహ్లి క్లీన్‌బౌల్డ్ అయ్యాడు. గోల్డెన్ డ‌కౌట్ నేప‌థ్యంలో కోహ్లి ఒక చెత్త రికార్డును త‌న పేరిట లిఖించుకున్నాడు. వ‌న్డేల్లో కోహ్లికి ఇది నాలుగో గోల్డెన్ డ‌కౌట్ కాగా, అందులో మూడుసార్లు వెస్టిండీస్‌పైనే తాను ఆడిన‌ ఇన్నింగ్స్ తొలి బంతికే వెనుదిరగ‌డం గ‌మ‌నార్హం.వ‌న్డేల్లో కోహ్లి గోల్డెన్ డ‌కౌట్‌లు..2011లో నార్త్‌సౌండ్ వేదిక‌గా జ‌రిగిన వ‌న్డేలో డారెన్ సామీ బౌలింగ్‌లో తొలిసారి గోల్డెన్ డ‌క్‌2013లో ధ‌ర్మ‌శాల వేదిక‌గా ఇంగ్లండ్‌తో వ‌న్డేలో టిమ్ బ్రెస్న‌న్ బౌలింగ్‌లో రెండోసారి గోల్డెన్ డ‌క్‌2019లో విశాఖ‌ప‌ట్నం వేదిక‌గా కీర‌న్ పొలార్డ్ బౌలింగ్‌లో మూడోసారి గోల్డెన్ డ‌క్‌తాజాగా చండీగ‌ఢ్ వేదిక‌గా విండీస్ బౌల‌ర్‌ జైడన్ సీల్స్ బౌలింగ్‌లో నాలుగోసారి గోల్డెన్ డ‌క్‌గా వెనుదిరిగాడు. అయితే వెస్టిండీస్‌తో వ‌న్డేల్లో మూడుసార్లు గోల్డెన్‌డ‌క్ అయిన కోహ్లి.. ఇదే విండీస్‌పై వ‌న్డేల్లో 2,429 ప‌రుగులు చేయ‌గా.. అందులో 10 సెంచ‌రీలు ఉండ‌డం విశేషం.మరో చెత్త రికార్డు కూడాగోల్డెన్ డ‌క్స్‌తో పాటు కోహ్లి మ‌రో చెత్త రికార్డు కూడా మూట‌గ‌ట్టుకున్నాడు. అంత‌ర్జాతీయ క్రికెట్‌లో మూడు ఫార్మాట్లు ( వ‌న్డే, టెస్టు, టీ20) క‌లిపి కోహ్లి ఇప్ప‌టివ‌ర‌కు 41 సార్లు డ‌కౌట్ అవ్వ‌గా, భార‌త్ త‌ర‌ఫున అత్య‌ధిక‌సార్లు డ‌కౌట్ అయిన రెండో బ్యాట‌ర్‌గా కోహ్లి నిలిచాడు. ఈ జాబితాలో జ‌హీర్ ఖాన్ (43 సార్లు) తొలి స్థానంలో ఉండ‌గా, ఇషాంత్ శ‌ర్మ (40 సార్లు) మూడో స్థానంలో ఉన్నాడు. ఇక వ‌న్డేల్లో 19 సార్లు డ‌కౌట్ అయిన కోహ్లి.. టెస్టుల్లో 15 సార్లు, టీ20ల్లో ఏడుసార్లు డ‌కౌట్‌గా వెనుదిరిగాడు.క‌లిసిరాని అక్టోబ‌ర్‌..అక్టోబ‌ర్ నెల కోహ్లికి క‌లిసి రాలేదని చెప్పొచ్చు. గ‌త మూడేళ్ల‌లో కోహ్లి అక్టోబ‌ర్ నెల‌లోనే నాలుగుసార్లు డకౌట్ అవ్వడం గమనార్హం. 2024 అక్టోబర్‌లో తొలిసారి న్యూజిలాండ్‌తో టెస్టు మ్యాచ్‌లో డకౌట్ అయిన కోహ్లి.. 2025 అక్టోబర్‌లో ఆస్ట్రేలియాతో జరిగిన వన్డే సిరీస్‌లో కోహ్లి రెండుసార్లు డకౌట్ అయ్యాడు. తాజాగా అక్టోబర్‌లోనే మరోసారి కోహ్లి డకౌట్‌గా వెనుదిరగడం విశేషం.ఇదీ చదవండి: అమన్‌ చేతిలో వరల్డ్‌ చాంపియన్‌ చిత్తు; భార‌త్ ఖాతాలో 20వ స్వ‌ర్ణం

టీమిండియా స్టార్ ఓపెనర్ రోహిత్ శ‌ర్మ మ‌రో అరుదైన ఘ‌న‌త‌ను త‌న పేరిట లిఖించుకున్నాడు. వ‌న్డేల్లో అత్యంత వేగంగా 10వేల ప‌రుగుల మైలు రాయిని అందుకున్న ఓపెన‌ర్‌గా రోహిత్ వ‌ర‌ల్డ్ రికార్డు సృష్టించాడు. న్యూ చండీగఢ్ వేదికగా వెస్టిండీస్‌తో జ‌రుగుతున్న మూడో వ‌న్డేలో 2 ప‌రుగులు వ్య‌క్తిగ‌త స్కోర్ వ‌ద్ద హిట్ మ్యాన్ ఈ ఫీట్ సాధించాడు. కేవ‌లం 202 ఇన్నింగ్స్‌ల‌లోనే అత‌డు ఈ ఘ‌న‌త అందుకున్నాడు.స‌చిన్ రికార్డ్ బ్రేక్‌ఇంత‌కుముందు ఈ రికార్డు భార‌త క్రికెట్ దిగ్గ‌జం స‌చిన్ టెండూల్క‌ర్ పేరిట ఉండేది. వన్డేల్లో ఓపెనర్‌గా 10,000 పరుగులు పూర్తి చేసుకునేందుకు సచిన్ 214 ఇన్నింగ్స్‌లు తీసుకోన్నాడు. తాజా నాక్‌తో మాస్ట‌ర్ బ్లాస్ట‌ర్ ఆల్‌టైమ్ రికార్డును రోహిత్ బ్రేక్ చేశాడు. ఓవ‌రాల్‌గా వ‌న్డేల్లో ప‌ది వేలు ప‌రుగులు చేసిన నాలుగో ఓపెన‌ర్‌గా ఈ ముంబైక‌ర్ నిలిచాడు.కాగా రోహిత్ శర్మ తన వన్డే కెరీర్‌లో ఇప్పటికే మొత్తం 12,000కి పైగా పరుగులు సాధించాడు. అందులో 2,000 పరుగులు మిడిల్ ఆర్డర్‌లో బ్యాటింగ్ చేసినప్పుడు సాధించినవి. ఓపెన‌ర్‌గా అత్య‌ధిక ప‌రుగులు చేసిన జాబితాలో రోహిత్ నాలుగో స్దానంలో ఉన్నాడు. మ‌రో 179 పరుగుల చేస్తే క్రిస్ గేల్‌(10,179)ను రోహిత్ అధిగ‌మిస్తాడు.వన్డేల్లో ఓపెనర్‌గా వేగంగా 10,000 పరుగులు చేసిన బ్యాటర్లురోహిత్ శర్మ (భారత్) – 202 ఇన్నింగ్స్‌లుసచిన్ టెండూల్కర్ (భారత్) – 214 ఇన్నింగ్స్‌లుక్రిస్ గేల్ (వెస్టిండీస్) – 268 ఇన్నింగ్స్‌లుసనత్ జయసూర్య (శ్రీలంక) – 303 ఇన్నింగ్స్‌లువన్డేల్లో ఓపెనర్లుగా అత్యధిక పరుగులు చేసిన టాప్-4 బ్యాటర్లు:సచిన్ టెండూల్కర్ (భారత్): 15,310 పరుగులుసనత్ జయసూర్య (శ్రీలంక): 12,740 పరుగులుక్రిస్ గేల్ (వెస్టిండీస్): 10,179 పరుగులురోహిత్ శర్మ (భారత్): 10,000* పరుగులుచదవండి: IND vs WI: విండీస్‌ బౌలర్‌ సూపర్‌ డెలివరీ.. విరాట్‌ కోహ్లి ఫ్యూజ్‌లు అవుట్‌

న్యూ చండీగఢ్ వేదికగా వెస్టిండీస్‌తో జరుగుతున్న మూడో వన్డేలో టీమిండియా స్టార్ బ్యాటర్ విరాట్ కోహ్లీ తీవ్రంగా నిరాశపరిచాడు. వెస్టిండీస్ పేసర్ జైడెన్ సీల్స్ అద్భుతమైన బంతితో కోహ్లీని బోల్తా కొట్టించాడు. అతడి ధాటికి విరాట్ ఖాతా తెరవకుండానే గోల్డెన్ డక్‌గా వెనుదిరిగాడు.మొదట బ్యాటింగ్‌కు దిగిన భారత్‌కు ఆదిలోనే గట్టి ఎదురుదెబ్బ తగిలింది. ఇన్నింగ్స్ మూడో ఓవర్ వేసిన సీల్స్.. మూడో బంతికి కెప్టెన్ శుభ్‌మన్ గిల్‌ను పెవిలియన్‌కు పంపాడు. ఆ తర్వాత క్రీజులోకి వచ్చిన విరాట్ ఇన్నింగ్స్‌ను చక్కదిద్దుతాడని అభిమానులు భావించారు. కానీ, సీల్స్ వేసిన తదుపరి బంతికే విరాట్ వద్ద సమాధానమే లేకుండాపోయింది.సీల్స్ ఆ ఓవర్ నాలుగో బంతిని మిడిల్ స్టంప్ లైన్ దిశగా సంధించాడు. అయితే ఆ బంతిని కోహ్లి ఫ్లిక్ చేయడానికి ప్రయత్నించాడు. కానీ బంతి లైన్‌ను అంచనా వేయడంలో పూర్తిగా విఫలమయ్యాడు. దీంతో బంతి బ్యాట్‌ను మిస్సై మిడిల్ స్టంప్‌ను ఎగరగొట్టింది. దీంతో మైదానమంతా ఒక్కసారిగా సైలెంట్‌ అయిపోయింది. ప్రస్తుతం దీనికి సంబంధించిన వీడియో సోషల్ మీడియాలో వైరల్ అవుతోంది.Virat Kohli 0(1) ball by ball highlights pic.twitter.com/kfp9prvnSu— Nilesh 🥀 (@WhyNiluYaar) October 3, 2026

Update: IND Vs WI 3rd ODI Match న్యూ చండీగఢ్ వేదికగా వెస్టిండీస్‌తో జరుగుతున్న చివరి వన్డేలో కేఎల్ రాహుల్ అజేయ సెంచరీతో మెరిశాడు. 80 బంతుల్లో సెంచరీ మార్క్‌ అందుకున్న కేఎల్‌ రాహుల్‌ ఇన్నింగ్స్‌లో 10 ఫోర్లు, ఆరు సిక్సర్లు ఉన్నాయి. దీంతో టీమిండియా నిర్ణీత 50 ఓవర్లలో 7 వికెట్ల నష్టానికి 351 పరుగుల భారీ స్కోరు చేసింది. కేఎల్ రాహుల్ (87 బంతుల్లో 129 నాటౌట్‌, 10 ఫోర్లు, ఆరు సిక్సర్లు) విధ్వంసం సృష్టించగా, అంతకముందు ఓపెనర్ రోహిత్ శర్మ (92) తృటిలో సెంచరీ జార్చుకోగా, రుతురాజ్ గైక్వాడ్ (57) అర్థసెంచరీతో రాణించారు. వెస్టిండీస్ బౌలర్లలో జైడన్ సీల్స్ మూడు వికెట్లు తీయగా, కీమో పాల్ రెండు వికెట్లు పడగొట్టాడు.ఏడో వికెట్ కోల్పోయిన టీమిండియావెస్టిండీస్‌తో జరుగుతున్న మూడో వన్డేలో భారత్ 290 పరుగుల వద్ద ఏడో వికెట్ కోల్పోయింది. డెబ్యూ మ్యాచ్ ఆడుతున్న అన్షుల్ కంబోజ్ (17) రనౌట్ అయ్యాడు. రోహిత్ సెంచ‌రీ మిస్‌.. సెంచ‌రీకి 8 ప‌రుగుల దూరంలో రోహిత్ శ‌ర్మ (92) ఔట‌య్యాడు. కీమో పాల్ బౌలింగ్‌లో జువెల్ ఆండ్రూకు క్యాచ్ ఇచ్చిన రోహిత్ పెవిలియ‌న్ చేరాడు. ప్ర‌స్తుతం భార‌త్ 3 వికెట్ల న‌ష్టానికి 143 ప‌రుగులు చేసింది. రుతురాజ్ (45), కేఎల్ రాహుల్ (2) క్రీజులో ఉన్నారు.రోహిత్‌ శర్మ హాఫ్‌ సెంచరీఆరంభంలోనే రెండు వికెట్లు కోల్పోయి కష్టాల్లో పడిన భారత జట్టును రోహిత్‌ శర్మ(65), రుతురాజ్‌ గైక్వాడ్‌(34) ఆదుకున్నారు. 20 ఓవర్లకు భారత్‌ రెండు వికెట్ల నష్టానికి 102 పరుగులు చేసింది.భారత్‌కు భారీ షాక్‌టాస్‌ గెలిచి బ్యాటింగ్‌కు దిగిన టీమిండియాకు ఆరంభంలోనే గట్టి ఎదురు దెబ్బతగిలింది. మూడో ఓవర్‌ వేసిన జైడన్‌ సీల్స్‌ బౌలింగ్‌లో శుబ్‌మన్‌ గిల్‌(1), విరాట్‌ కోహ్లి(0) వరుస క్రమంలో ఔటయ్యారు. దీంతో భారత్‌ కేవలం 4 పరుగులకే 2 వికెట్లు కోల్పోయి కష్టాల్లో పడింది.న్యూ చండీగఢ్ వేదిక‌గా నామమాత్ర‌పు మూడో వ‌న్డేలో భార‌త్‌-వెస్టిండీస్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన టీమిండియా కెప్టెన్ శుబ్‌మ‌న్ గిల్ తొలుత బ్యాటింగ్‌ ఎంచుకున్నాడు. ఈ ఆఖరి మ్యాచ్‌లో పేసర్‌ అన్షుల్‌ కాంబోజ్‌ భారత్‌ తరపున అరంగేట్రం చేశాడు.అతడు విరాట్‌ కోహ్లి చేతుల మీదగా క్యాప్‌ను అందుకున్నాడు. ప్రసిద్ద్‌ కృష్ణ గాయం కారణంగా దూరం కావడంతో కాంబోజ్‌కు డెబ్యూ చేసే అవకాశం లభించింది. అదేవిధంగా పేసర్ మహ్మద్ సిరాజ్ తుది జట్టులోకి వచ్చాడు. మరోవైపు విండీస్ మూడు మార్పులతో బరిలోకి దిగింది. తుది జట్లువెస్టిండీస్: జాన్ కాంప్‌బెల్, జ్యువెల్ ఆండ్రూ, షాయ్ హోప్ (కెప్టెన్‌), అమీర్ జాంగూ, షెర్ఫేన్ రూథర్‌ఫోర్డ్, కీమో పాల్, మాథ్యూ ఫోర్డ్, గుడాకేష్ మోటీ, అల్జారీ జోసెఫ్, విటెల్ లావ్స్, జేడెన్ సీల్స్ఇండియా ప్లేయింగ్ ఎలెవన్: శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లి, రుతురాజ్ గైక్వాడ్, కెఎల్ రాహుల్ (వికెట్ కీపర్‌), నితీష్ కుమార్ రెడ్డి, నమన్ ధీర్, అన్షుల్ కాంబోజ్, కుల్దీప్ యాదవ్, మహ్మద్ సిరాజ్, గుర్నూర్ బ్రార్

భార‌త్‌, వెస్టిండీస్ మ‌ధ్య జ‌రుగుతున్న వ‌న్డే సిరీస్‌లో ప‌రుగుల వ‌ర‌ద పారుతోంది. తొలి వ‌న్డేలో ఇరుజ‌ట్లు క‌లిపి 500కు పైగా ప‌రుగులు చేస్తే, రెండో వ‌న్డేలో ఏకంగా 800కు పైగా ప‌రుగులు సాధించాయి. బ్యాటింగ్‌కు అనుకూలంగా ఉన్న ప్లాట్‌పిచ్‌ల‌పై ఇరుజ‌ట్ల బ్యాట‌ర్లు చెల‌రేగారు. ఇప్ప‌టికే సిరీస్‌లో ఏడు శ‌త‌కాలు న‌మోద‌య్యాయి. నిర్జీవం లేని పిచ్‌ల‌పై మ్యాచ్‌లు ఆడ‌డంపై కొంద‌రు విమ‌ర్శ‌లు గుప్పిస్తున్నారు. బ్యాట్‌, బాల్ మ‌ధ్య స‌మ‌న్వ‌యం లేద‌ని స్వ‌యంగా భార‌త హెడ్‌కోచ్ గౌత‌మ్ గంభీర్ బ‌హిరంగంగానే అసంతృప్తి వ్య‌క్తం చేయ‌డం గ‌మ‌నార్హం, ఈ నేప‌థ్యంలో శ‌నివారం జ‌ర‌గ‌నున్న మూడో వ‌న్డేకు బ్యాట్‌కు, బంతికి స‌మ‌న్వ‌యం కుదిరేలా పిచ్‌ను రూపొందించిన‌ట్లు తెలుస్తోంది.ఈ నేప‌థ్యంలో ఇప్ప‌టికే 2-0తో సిరీస్‌ను సొంతం చేసుకున్న టీమిండియా టార్గెట్ క్లీన్‌స్వీప్ దిశ‌గా అడుగులు వేస్తుంది. ఇప్ప‌టికే సిరీస్ సొంతం కావ‌డంతో మొద‌ట జ‌ట్టులో మార్పులు చేయాల‌ని భావించింది. కానీ చివ‌రి నిమిషంలో టీమిండియా మేనేజ్‌మెంట్ దానిని ఉప‌సంహ‌రించుకున్న‌ట్లు తెలుస్తోంది. "టార్గెట్ క్వీన్‌స్వీప్‌" అని భావిస్తున్న టీమిండియా ఒకటి లేదా రెండు మార్పులు మాత్ర‌మే చేసే అవ‌కాశ‌మున్న‌ట్లు తెలుస్తోంది. ప్ర‌సిధ్ క్రిష్ణ స్థానంలో సిరాజ్ ఆడే అవ‌కాశ‌ముండ‌గా, నితీశ్‌కుమార్ రెడ్డి కూడా జ‌ట్టులోకి వ‌చ్చే చాన్స్ లేక‌పోలేదు. ఇది మిన‌హా తొలి రెండు వ‌న్డేల‌కు ఆడిన జ‌ట్టునే దాదాపు ఆడించాల‌ని చూస్తోంది.భారత జట్టుకు ప్రధాన సమస్యగా మారిన అంశం బౌలింగ్ విభాగమే. మధ్య ఓవర్లలో వికెట్లు తీయడంలో బౌలర్లు ఇబ్బంది పడుతున్నారు. కుల్దీప్ యాదవ్‌కు సహకారం లభించడం లేదు. రవీంద్ర జడేజా కూడా గత ఎనిమిది మ్యాచ్‌ల్లో కేవలం మూడు వికెట్లే తీయడంతో విమర్శలు ఎదుర్కొంటున్నాడు.మరోవైపు.. సిరీస్ కోల్పోయినప్పటికీ వెస్టిండీస్ బ్యాటర్లు అద్భుతంగా రాణిస్తున్నారు. గువాహటి మ్యాచ్లో విండీస్ 405 పరుగులు చేసి గట్టి పోటీనిచ్చింది. జాన్ క్యాంప్బెల్, హోప్, అమీర్ జాంగూ శతకాలతో రాణించారు. ముల్లంపూర్లో తొలిసారిగా పురుషుల వన్డే మ్యాచ్ జరుగుతుండటంతో, ఇక్కడి పిచ్ బౌలర్లకు కొంతైనా సహకరిస్తుందని ఆశిస్తున్నారు. ఇప్పటికే సిరీస్ కోల్పోయిన వెస్టిండీస్ జట్టు, ఈ ఆఖరి మ్యాచ్లోనైనా విజయం సాధించి పరువు నిలబెట్టుకోవాలని పట్టుదలగా ఉంది.భార‌త జ‌ట్టు అంచ‌నా:శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లి, రుతురాజ్ గైక్వాడ్, కెఎల్ రాహుల్ (వికెట్‌కీప‌ర్‌), నమన్ ధీర్, రవీంద్ర జడేజా, నితీష్ కుమార్ రెడ్డి, కుల్దీప్ యాదవ్, మహ్మద్ సిరాజ్, గుర్నూర్‌ బ్రార్.ఇదీ చదవండి: ఎస్ఆర్‌హెచ్‌ను వీడనున్న అభిషేక్‌ శర్మ!

టీమిండియా పేసర్ ఆకిబ్ నబీ తన అంతర్జాతీయ అరంగేట్రంలో తీవ్ర నిరాశపరిచాడు. వెస్టిండీస్‌తో గౌహతి వేదికగా జరిగిన రెండో వన్డే మ్యాచ్‌లో డెబ్యూ చేసిన నబీ.. గల్లీ బౌలర్ కంటే దారుణంగా విఫలమయ్యాడు. ఈ జమ్మూ స్పీడ్ స్టార్‌ 8.5 ఓవర్లలో 9.5 ఎకానమీతో ఏకంగా 84 పరుగులు ఇచ్చి ఒక్క వికెట్ కూడా తీయలేకపోయాడు. ఈనేపథ్యంలో నబీపై భారత వెటరన్ క్రికెటర్ హనుమ విహారి ఆసక్తికర వ్యాఖ్యలు చేశాడు. నబీ వన్డేలు, టీ20లకు కాకుండా టెస్టు క్రికెట్‌కే సెట్ అవుతాడని అతడు అభిప్రాయపడ్డాడు. కాగా గ‌త కొంత‌కాలంగా రెడ్ బాల్ టోర్నీల్లో అద్భుతంగా రాణిస్తున్న 29 ఏళ్ల న‌బీకి వైట్ బాల్ క్రికెట్‌లో మాత్రం అంత మంచి రికార్డు లేదు.రంజీ ట్రోఫీ 2025-26 సీజ‌న్ ఛాంపియ‌న్‌గా జ‌మ్మూ అండ్ కాశ్మీర్ నిల‌వ‌డంలో న‌బీది కీల‌క పాత్ర‌. కానీ ఆ త‌ర్వాత జ‌రిగిన ప‌రిమిత ఓవ‌ర్ల దేశ‌వాళీ టోర్నీల్లో అత‌డు రాణించ‌లేక‌పోయాడు. ఈ క్ర‌మంలోనే వైట్‌బాల్ ఫార్మాట్ అత‌డికి సరిపోద‌ని విహారీ అన్నాడు."ఆకిబ్ న‌బీ మైదానంలో కాస్త త‌డ‌బ‌డుతున్న‌ట్లు కనిపించాడు. అత‌డి వ‌ద్ద అధిక పేస్ లేదు. ఎక్కువగా స్వింగ్‌పైనే ఆధారపడతాడు. కానీ వైట్ బాల్ క్రికెట్‌లో అంత స్వింగ్ ల‌భించ‌దు. అతడిని తప్పుడు ఫార్మాట్‌లో ఆడిస్తున్నారు. నబీకి టెస్ట్ క్రికెట్‌లో అవకాశాలు ఇవ్వాలి. అప్పుడే అతడి అసలు సత్తా ఏంటో తెలుస్తుంది. వన్డేలు, టీ20లు అతడికి సెట్ కాడు. రెడ్-బాల్ క్రికెట్టే అతడికి సరిగ్గా సరిపోతుంది" అని విహారి తన యూట్యూబ్ ఛానల్‌లో పేర్కొన్నాడు. కాగా గౌహతి వన్డేలో నబీ ఒక్కడే కాదు గుర్నూర్ బ్రార్ దారుణంగా విఫలమయ్యాడు. తన పది ఓవర్ల కోటాలో ఏకంగా 96 పరుగులు సమర్పించుకున్నాడు. అయితే అరంగేట్రంలో నబీ నిరాశపరిచినప్పటికి టీమ్ మేనెజ్‌మెంట్ మరో అవకాశం ఇచ్చే సూచనలు కనిపిస్తున్నాయి.చదవండి: AUS vs SA: ఆస్ట్రేలియా క్రికెట్‌ సంచలన నిర్ణయం.. 10 ఏళ్ల తర్వాత అతడికి పిలుపు

వెస్టిండీస్‌తో టీ20 సిరీస్‌కు ఎంపిక చేసిన భారత జట్టులో కీలక మార్పు చోటు చేసుకుంది. ఈ సిరీస్‌ నుంచి స్టార్‌ ఆల్‌రౌండర్‌ వాషింగ్టన్‌ సుందర్‌ను బీసీసీఐ తప్పించింది. అతడి స్దానంలో యువ ఆల్‌రౌండర్‌ నమన్ ధీర్‌ను టీ20 జట్టులోకి ఎంపిక చేశారు.న్యూజిలాండ్‌తో జరగనున్న కీలకమైన టెస్టు సిరీస్‌ను దృష్టిలో ఉంచుకునే సుందర్‌ను టీ20 జట్టు నుంచి పక్కన పెట్టినట్లు బీసీసీఐ ఓ ప్రకటనలో పేర్కొంది. కాగా సుందర్‌ గాయం కారణంగా శ్రీలంకతో జరిగిన టెస్టు సిరీస్‌కు దూరమయ్యాడు. ప్రస్తుతం జరుగుతున్న వన్డే సిరీస్‌కు కూడా అతడు అందుబాటులో లేడు. కానీ వన్డేలు అనంతరం జరగనున్న టీ20 సిరీస్‌లో అతడు ఆడుతాడని అంతా భావించారు. కానీ కివీస్‌తో టెస్టు సిరీస్‌కు ముందు వాషింగ్టన్ సుందర్‌కు రెడ్ బాల్ క్రికెట్ ఆడే అవకాశం కల్పించాలనే ఉద్దేశంతోనే టీ20 సిరీస్‌ను కూడా బీసీసీఐ తప్పించింది. అక్టోబర్ 11 నుంచి ప్రారంభం కానున్న రంజీ ట్రోఫీలో తమిళనాడు తరపున అతడు ఆడనున్నాడు. కాగా నమర్‌ ధీర్‌ ఇప్పటికే వన్డేల్లో భారత్‌ తరపున అరంగేట్రం చేశాడు. రెండో వన్డేలో అతడు గాయపడినప్పటికి ప్రస్తుతం బాగానే ఉన్నట్లు తెలుస్తోంది. పంజాబ్‌కు చెందిన ఈ ఆల్‌రౌండర్‌ ప్రస్తుతం అద్భుతమైన ఫామ్‌లో ఉన్నాడు. ఇటీవల ముగిసిన పంజాబ్‌ టీ20 లీగ్‌లో అతడు అసాధరణ ప్రదర్శన కనబరిచాడు. ఈ క్రమంలోనే అతడికి భారత టీ20 జట్టులో కూడా చోటు దక్కింది.భారత టీ20 జట్టు (అప్‌డేటెడ్):శ్రేయస్ అయ్యర్ (కెప్టెన్), అభిషేక్ శర్మ, వైభవ్ సూర్యవంశీ, ఇషాన్ కిషన్ (వికెట్ కీపర్), సంజూ శామ్సన్ (వికెట్ కీపర్), తిలక్ వర్మ (వైస్ కెప్టెన్), శివమ్ దూబే, కుల్దీప్ యాదవ్, అక్షర్ పటేల్, రవి బిష్ణోయ్, నితీష్ కుమార్ రెడ్డి, అర్ష్‌దీప్ సింగ్, ప్రిన్స్ యాదవ్, మయాంక్ యాదవ్, నమన్ ధీర్.

గౌహ‌తి వేదిక‌గా భార‌త్‌, వెస్టిండీస్ మ‌ధ్య జ‌రిగిన రెండో వ‌న్డేలో ఇరుజ‌ట్ల బ్యాట‌ర్లు రికార్డులను ఊచ‌కోత కోశారు. కేవ‌లం రికార్డుల కోస‌మే ఆడుతున్నారా అనేంత‌లా బ్యాట‌ర్లు విధ్వంసం సృష్టించారు. తొలుత భార‌త బౌల‌ర్లను విండీస్ చిత‌క్కొట్టింది. ఆకాశ‌మే హ‌ద్దుగా చెల‌రేగి ఫోర్లు, సిక్స‌ర్ల వ‌ర్షం కురిపించారు. ఈ క్ర‌మంలో ఆ జ‌ట్టు నుంచి ముగ్గురు బ్యాట‌ర్లు.. క్యాంప్‌బెల్‌, షెయ్ హోప్‌, అమీర్ జంగాలు శ‌త‌కాల‌తో చెల‌రేగారు. అస‌లే సొంత‌గ‌డ్డ‌పై ఆడుతున్న టీమిండియా.. భారీ ల‌క్ష్య ఛేద‌న క‌ళ్ల ముందు క‌నిపిస్తున్నప్ప‌టికీ, విండీస్ బౌల‌ర్ల‌ను ఊచ‌కోత కోశారు. ఈ క్ర‌మంలో ఓపెన‌ర్లు శుబ్‌మ‌న్ గిల్, రోహిత్ శ‌ర్మ‌లు విధ్వంస‌కర సెంచ‌రీల‌తో చెల‌రేగారు. అయితే గిల్ ఒక అడుగు ముందుకేసి త‌న సెంచ‌రీని కాస్త డ‌బుల్ సెంచ‌రీగా మ‌లిచాడు. ఈ నేప‌థ్యంలోనే వ‌న్డే క్రికెట్ చ‌రిత్ర‌లోనే ఒక అద్భుతం చోటుచేసుకుంది. ఒకే వ‌న్డే మ్యాచ్‌లో ఐదుగురు బ్యాట‌ర్లు సెంచ‌రీలు చేయ‌డం ఇదే తొలిసారి. టెస్టుల్లో ఇలాంటి ఫీట్లు స‌ర్వ సాధార‌ణం. అయితే అంతర్జాతీయంగా వన్డేల్లో మాత్రం ఇలా ఒకే మ్యాచ్‌లో ఐదుగురు బ్యాటర్లు సెంచరీలు చేయడం మాత్రం ఇదే తొలిసారి. ఓవరాల్‌గా లిస్ట్-ఎ క్రికెట్‌లో మాత్రం రెండోసారి. తొలిసారి 2025లో రాజ్‌కోట్ వేదికగా బరోడా, హైదరాబాద్ మధ్య జరిగిన మ్యాచ్‌లో ఐదుగురు బ్యాటర్లు శతకాలతో మెరిశారు.ఇదీ చదవండి: గిల్ డబుల్ సెంచరీ, రోహిత్ సెంచరీ.. టీమిండియా రికార్డు ఛేదన

గౌహతి వేదికగా వెస్టిండీస్‌తో జరిగిన రెండో వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. కెప్టెన్ శుబ్‌మన్ గిల్ (133 బంతుల్లో 223 నాటౌట్‌, 26 ఫోర్లు, 8 సిక్సర్లు) అజేయ డబుల్ సెంచరీకి తోడు రోహిత్ శర్మ (101) సెంచరీ చేయడంతో విండీస్ విధించిన 406 పరుగుల భారీ టార్గెట్‌ను 43.3 ఓవర్లలోనే ఛేదించడం విశేషం. కోహ్లి (29), రుతురాజ్ గైక్వాడ్ (31 నాటౌట్‌) తమ వంతు పాత్ర పోషించారు. వెస్టిండీస్ బౌలర్లలో జైడన్ సీల్స్‌, షమర్ జోసెఫ్ చెరొక వికెట్ తీశారు.అంతకముందు తొలుత బ్యాటింగ్ చేసిన వెస్టిండీస్ ముగ్గురు బ్యాట‌ర్లు సెంచ‌రీల‌తో విరుచుకుప‌డ‌డంతో నిర్ణీత 50 ఓవ‌ర్ల‌లో 7 వికెట్ల న‌ష్టానికి 405 ప‌రుగులు చేసింది. అమిర్ జాంగో (77 బంతుల్లో 114; 13 ఫోర్లు, 3 సిక్స‌ర్లు), జాన్ క్యాంప్‌బెల్ (68 బంతుల్లో 101; 9 ఫోర్లు, 5 సిక్స‌ర్లు), కెప్టెన్ షెయ్ హోప్ (94 బంతుల్లో 104; 8 ఫోర్లు, 3 సిక్స‌ర్లు) వీరోచిత శ‌త‌కాలు సాధించి భారీ స్కోరుకు బాట‌లు వేశారు.చివ‌ర్లో రోస్ట‌న్ చేజ్ (25 బంతుల్లో 29 నాటౌట్‌) ధాటిగా ఆడ‌డంతో వెస్టిండీస్ 400 ప‌రుగుల మార్క్‌ను దాటింది. భార‌త బౌల‌ర్ల‌లో అంద‌రూ దారాళంగా ప‌రుగులు స‌మ‌ర్పించుకున్నారు. కుల్దీప్ యాద‌వ్‌, గుర్నూర్ బ్రార్‌, ర‌వీంద్ర జ‌డేజాలు త‌లా రెండు వికెట్లు ప‌డ‌గొట్టారు.ఇక టీమిండియా వరుసగా రెండో వన్డేలోనూ విజయం సాధించి మూడు మ్యాచ్‌ల వన్డే సిరీస్‌ను మరో మ్యాచ్ మిగిలి ఉండగానే 2-0తో సొంతం చేసుకుంది. అజేయ డబుల్‌సెంచరీతో జట్టును గెలిపించిన కెప్టెన్ గిల్‌కు ‘ప్లేయర్ ఆఫ్ ది మ్యాచ్‌’ అవార్డు లభించింది. ఇరుజట్ల మధ్య చివరి వన్డే శనివారం ఛండీగర్ వేదికగా జరగనుంది.A night for the 𝗵𝗶𝘀𝘁𝗼𝗿𝘆 𝗯𝗼𝗼𝗸𝘀 📚✨#TeamIndia register their highest successful ODI run chase to take an unassailable 2️⃣-0️⃣ lead in the series 👏👏Scorecard ▶️ https://t.co/6XCYRtZLAi#INDvWI | @mflone_ pic.twitter.com/wiEGxX2pCt— BCCI (@BCCI) September 30, 2026ఇదీ చదవండి: గిల్ ప్ర‌పంచ రికార్డు.. వ‌న్డే చ‌రిత్ర‌లోనే ఫాస్టెస్ట్ డబుల్ సెంచ‌రీ

వెస్టిండీస్‌తో జరుగుతున్న రెండో వన్డేలో టీమిండియా కెప్టెన్ శుబ్‌మన్ గిల్ ఫాస్టెస్ట్‌ డబుల్ సెంచరీతో చెలరేగాడు. 117 బంతుల్లో డబుల్ సెంచ‌రీ సాధించిన గిల్ ఇన్నింగ్స్‌లో 24 ఫోర్లు, 7 సిక్సర్లు ఉన్నాయి. కాగా వ‌న్డే క్రికెట్ చ‌రిత్ర‌లో గిల్‌దే వేగ‌వంత‌మైన డ‌బుల్ సెంచ‌రీ. ఇప్ప‌టివ‌ర‌కు ఈ రికార్డు ఇషాన్ కిష‌న్ (126 బంతులు) పేరిట ఉండేది. తాజాగా ఇషాన్‌ను అధిగ‌మించిన గిల్ నెంబ‌ర్‌వ‌న్ స్థానాన్ని ఆక్ర‌మించాడు. ఇక మ్యాక్స్‌వెల్ (128 బంతులు) మూడో స్థానంలో, పాతుమ్ నిసాంక (136 బంతులు), క్రిస్ గేల్ (138 బంతులు), వీరేంద్ర సెహ్వాగ్ (140 బంతులు) త‌ర్వాతి స్థానాల్లో ఉన్నారు. మ్యాచ్‌లో 63 బంతుల్లోనే సెంచరీ సాధించిన గిల్.. మరో వంద పరుగులు చేయడానికి కేవ‌లం 40 బంతులే తీసుకోవడం విశేషం. కాగా గిల్‌కు వ‌న్డేల్లో ఇది రెండో డ‌బుల్ సెంచ‌రీ కావ‌డం విశేషం. గ‌తంలో 2023లో న్యూజిలాండ్‌పై 149 బంతుల్లో 208 ప‌రుగులు సాధించాడు.ఈ క్ర‌మంలో గిల్ ఒక అరుదైన ఫీట్ సాధించాడు. చేజింగ్‌లో ఒక జ‌ట్టు త‌ర‌ఫున డ‌బుల్ సెంచరీ బాదిన రెండో క్రికెట‌ర్‌గా గిల్ రికార్డుల‌కెక్కాడు. ఇంత‌క‌ముందు 2023 వ‌న్డే ప్ర‌పంచ‌క‌ప్ స‌మ‌యంలో ఆసీస్ విధ్వంస‌క‌ర బ్యాట‌ర్ గ్లెన్ మాక్స్‌వెల్ అఫ్గానిస్తాన్‌తో జ‌రిగిన మ్యాచ్‌లో 292 ప‌రుగుల ల‌క్ష్యాన్ని ఛేదించే క్ర‌మంలో 128 బంతుల్లో 201 ప‌రుగుల అజేయ ఇన్నింగ్స్‌తో అల‌రించాడు. ఇ​క టీమిండియా తరఫున వన్డేల్లో రెండు డబుల్‌ సెంచరీలు సాధించిన జాబితాలోనూ గిల్‌ చోటు సంపాదించాడు. భారత్‌ తరఫున రోహిత్‌ శర్మ మూడు డబుల్‌ సెంచరీలు, సెహ్వాగ్‌ రెండు డబుల్‌సెంచరీలు సాధించారు. తాజాగా గిల్‌ కూడా రోహిత్‌, సెహ్వాగ్‌ సరసన చేరాడు. అయితే వన్డేల్లో మూడు డబుల్‌ సెంచరీలు సాధించిన రికార్డు మాత్రం ఇప్పటికీ రోహిత్‌ పేరిటే ఉంది.𝗠𝗔𝗝𝗘𝗦𝗧𝗜𝗖. 𝗠𝗔𝗥𝗩𝗘𝗟𝗢𝗨𝗦. 𝗠𝗔𝗚𝗡𝗜𝗙𝗜𝗖𝗘𝗡𝗧 🫡Shubman Gill becomes just the 2️⃣nd Indian to score multiple ODI double hundreds 👏👏Updates ▶️ https://t.co/6XCYRtZLAi#TeamIndia | #INDvWI | @mflone_ | @ShubmanGill pic.twitter.com/e6MCoUfNbV— BCCI (@BCCI) September 30, 2026ఇదీ చదవండి: వన్డే చరిత్రలో తొలి బ్యాటర్‌గా.. అంద‌నంత ఎత్తులో రోహిత్ శ‌ర్మ‌

టీమిండియా స్టార్ ఓపెన‌ర్ రోహిత్ శ‌ర్మ వ‌న్డే క్రికెట్‌లో మ‌రో అరుదైన ఫీట్ సాధించాడు. స్వ‌దేశంలో వ‌న్డే క్రికెట్‌లో 200 సిక్స‌ర్లు పూర్తి చేసుకున్న తొలి బ్యాట‌ర్‌గా రోహిత్ శ‌ర్మ రికార్డుల‌కెక్కాడు. రెండో స్థానంలో క్రిస్ గేల్ (147 సిక్స‌ర్లు) కొన‌సాగుతున్నాడు. మూడో స్థానంలో మార్టిన్ గుప్టిల్ (132 సిక్స‌ర్లు), బ్రెండ‌న్ మెక్‌క‌ల్ల‌మ్ (126 సిక్స‌ర్లు), ఎంఎస్ ధోని (123 సిక్స‌ర్లు) వ‌రుస‌గా నాలుగు, ఐదు, ఆరు స్థానాల్లో ఉన్నారు. పైన చెప్పుకున్న క్రికెట‌ర్ల‌లో రోహిత్ మిన‌హా మిగ‌తావారంతా ఎప్పుడో రిటైర్ అయ్యారు. దీంతో రోహిత్ 200 సిక్సర్ల రికార్డుతో ఎవ‌రికీ అంద‌నంత ఎత్తులో ఉన్నాడు. ఓవ‌రాల్‌గా చూసుకున్నా రోహిత్ శ‌ర్మ వ‌న్డేల్లో 376 సిక్స‌ర్లతో తొలి స్థానంలో కొన‌సాగుతున్నాడు. ఇక మ్యాచ్‌ విషయానికొస్తే.. ముగ్గురు బ్యాట‌ర్లు సెంచ‌రీల‌తో విరుచుకుప‌డ‌డంతో వెస్టిండీస్ నిర్ణీత 50 ఓవ‌ర్ల‌లో 7 వికెట్ల న‌ష్టానికి 405 ప‌రుగులు చేసింది. అమిర్ జాంగో (77 బంతుల్లో 114; 13 ఫోర్లు, 3 సిక్స‌ర్లు), జాన్ క్యాంప్‌బెల్ (68 బంతుల్లో 101; 9 ఫోర్లు, 5 సిక్స‌ర్లు), కెప్టెన్ షెయ్ హోప్ (94 బంతుల్లో 104; 8 ఫోర్లు, 3 సిక్స‌ర్లు) వీరోచిత శ‌త‌కాలు సాధించి భారీ స్కోరుకు బాట‌లు వేశారు. ప్ర‌తిగా భార‌త్ కూడా ధీటుగా స్పందిస్తోంది. ప్ర‌స్తుతం 28 ఓవ‌ర్ల‌లో వికెట్ న‌ష్టానికి 282 ప‌రుగులు చేసింది. గిల్ (164), కోహ్లి (2) క్రీజులో ఉన్నారు. అంత‌క‌ముందు రోహిత్ శ‌ర్మ (101) సెంచ‌రీ చేసి ఔట‌య్యాడు.ఇదీ చదవండి: విండీస్‌తో రెండో వన్డే.. చరిత్ర సృష్టించిన రోహిత్ శ‌ర్మ

గువాహటి వేదికగా వెస్టిండీస్‌తో జరుగుతున్న రెండో వన్డేలో టీమిండియా స్టార్ ఓపెన‌ర్ రోహిత్ శ‌ర్మ అద్భుత సెంచ‌రీతో చెల‌రేగాడు. తొలి వ‌న్డేలో విఫ‌ల‌మైన‌ప్ప‌టికి.. ఈ మ్యాచ్‌లో మాత్రం క‌రేబియ‌న్ బౌల‌ర్ల‌ను హిట్‌మ్యాన్ ఉతికారేశాడు. 406 పరుగుల భారీ లక్ష్యం చేధనలో రోహిత్‌ తన విశ్వరూపించాడు.ఈ క్రమంలో రోహిత్‌ కేవలం 72 బంతుల్లోనే తన 35వ వన్డే సెంచరీ మార్క్‌ను అందుకున్నాడు. ఓవరాల్‌గా 75 బంతులు ఎదుర్కొన్న ముంబైకర్‌.. 10 ఫోర్లు, 6 సిక్స్‌లతో 101 పరుగులు చేసి ఔటయ్యాడు. లక్ష్య చేధనలో ఓపెనింగ్‌ వికెట్‌కు శుబ్‌మన్‌ గిల్‌తో కలిసి 255 పరుగుల భాగస్వామ్యాన్ని నెలకొల్పాడు. కాగా ఇదే మ్యాచ్‌లో 12,000 పరుగుల మైలు రాయిని కూడా రోహిత్‌ అందుకున్నాడు. ఈ ఫీట్‌ సాధించిన భారత క్రికెటర్‌గా హిట్‌మ్యాన్‌ నిలిచాడు.చదవండి: Shubman Gill: ఫాస్టెస్ట్‌ సెంచరీ.. సెహ్వాగ్ ఆల్‌టైమ్ రికార్డ్ బ్రేక్‌

గువాహటి వేదికగా వెస్టిండీస్‌తో జరుగుతున్న రెండో వన్డేలో భారత కెప్టెన్ శుబ్‌మన్ గిల్ విధ్వంసకర శతకంతో చెలరేగాడు. విండీస్ నిర్దేశించిన 406 పరుగుల భారీ లక్ష్య ఛేదనలో గిల్ ఆకాశమే హద్దుగా విరుచుకుపడ్డాడు. ఇన్నింగ్స్ ఆరంభం నుంచే ప్రత్యర్థి బౌలర్లపై విరుచుకుపడుతూ ఉతికేసాడు. ఈ క్రమంలోనే గిల్ కేవలం 63 బంతుల్లోనే (10 ఫోర్లు, 5 సిక్సర్లు) తన వన్డే కెరీర్‌లో 11వ శతకాన్ని అందుకున్నాడు. తద్వారా వన్డేల్లో వెస్టిండీస్‌పై అత్యంత వేగంగా (ఫాస్టెస్ట్) సెంచరీ నమోదు చేసిన భారత ఆటగాడిగా శుబ్‌మన్ గిల్ సరికొత్త చరిత్ర సృష్టించాడు. సెహ్వాగ్ ఆల్‌టైమ్ రికార్డ్ బద్దలుఇప్పటివరకు ఈ అరుదైన రికార్డు టీమిండియా మాజీ ఓపెనర్ వీరేంద్ర సెహ్వాగ్ పేరిట ఉండేది. 2011లో ఇండోర్ వేదికగా వెస్టిండీస్‌తో జరిగిన వన్డే మ్యాచ్‌లో సెహ్వాగ్ 69 బంతుల్లో సెంచరీ సాధించాడు. తాజాగా గిల్ తన సంచలన ఇన్నింగ్స్‌తో సెహ్వాగ్ పేరిట ఉన్న ఈ 15 ఏళ్ల నాటి ఆల్‌‌టైమ్ రికార్డును బ్రేక్ చేశాడు.చదవండి: టీమిండియా కెప్టెన్‌ వరల్డ్‌ రికార్డు.. సచిన్‌కూ సాధ్యం కాలేదుA 6⃣2⃣-ball CENTURY 🙇‍♂️Shubman Gill in his element...once again ✌️Updates ▶️ https://t.co/6XCYRtZLAi#TeamIndia | #INDvWI | @mflone_ | @ShubmanGill pic.twitter.com/wYTBLhlzTV— BCCI (@BCCI) September 30, 2026

టీమిండియా కెప్టెన్ శుబ్‌మన్ గిల్ తన అద్భుతమైన ఫామ్‌ను కొనసాగిస్తున్నాడు. గువాహటి వేదికగా వెస్టిండీస్‌తో జరుగుతున్న రెండో వన్డేలో గిల్ దుమ్మురేపాడు. 406 పరుగుల కొండంత లక్ష్య ఛేదనలో కెప్టెన్‌గా ముందుండి జట్టును నడిపిస్తున్నాడు. కేవలం 50 బంతుల్లోనే 81 పరుగులు చేసి క్రీజులో ఉన్నాడు. ఈ క్రమంలోనే గిల్ వన్డే క్రికెట్‌లో ఓ సరికొత్త ప్రపంచ రికార్డును తన పేరిట లిఖించుకున్నాడు.అత్యంత వేగంగా 3,500 వన్డే పరుగులువన్డే క్రికెట్ చరిత్రలోనే అత్యంత వేగంగా 3,500 పరుగులు పూర్తి చేసిన బ్యాటర్‌గా గిల్ చరిత్ర సృష్టించాడు. కేవలం 68 ఇన్నింగ్స్‌ల్లోనే గిల్ ఈ అరుదైన మైలురాయిని అందుకున్నాడు. ఇంతకుముందు ఈ రికార్డు సౌతాఫ్రికా దిగ్గజం హాషిమ్ ఆమ్లా (69 ఇన్నింగ్స్‌లు) పేరిట ఉండగా, గిల్ ఆ ఆల్‌టైమ్ రికార్డును తిరగరాశాడు. ప్రస్తుతం గిల్ వన్డే కెరీర్‌లో 10 సెంచరీలు, 20 అర్ధ సెంచరీలు ఉన్నాయి. కాగా ఈ రికార్డు భారత క్రికెట్‌ దిగ్గజాలు విరాట్‌ కోహ్లి, సచిన్‌ టెండూల్కర్‌లకు కూడా సాధ్యం కాలేదు.స్వదేశంలోనూ సరికొత్త చరిత్రదీంతో పాటు గిల్ మరో అరుదైన రికార్డును కూడా తన ఖాతాలో వేసుకున్నాడు. స్వదేశంలో అత్యంత వేగంగా 2,000 వన్డే పరుగులు పూర్తి చేసిన తొలి ఆటగాడిగా ప్రపంచ రికార్డు నెలకొల్పాడు. భారతదేశంలో కేవలం 33 ఇన్నింగ్స్‌ల్లోనే గిల్ ఈ ఘనత సాధించాడు.గతంలో ఈ రికార్డు వెస్టిండీస్ మాజీ దిగ్గజం డెస్మండ్ హెయిన్స్ (36 ఇన్నింగ్స్‌‌లు) పేరిట ఉండగా, క్వింటన్ డి కాక్ (37 ఇన్నింగ్స్‌లు) తర్వాతి స్థానంలో ఉన్నాడు. తాజా ప్రదర్శనతో గిల్ వీరిద్దరినీ దాటేసి అగ్రస్థానానికి చేరుకున్నాడు.చదవండి: IND vs WI: వెస్టిండీస్‌ కెప్టెన్‌ ప్రపంచ రికార్డు

గౌహ‌తి వేదిక‌గా వెస్టిండీస్‌తో జ‌రుగుతున్న రెండో వ‌న్డేలో టీమిండియా స్టార్ ఓపెన‌ర్ రోహిత్ శ‌ర్మ రికార్డుల మీద రికార్డులు కొల్ల‌గొడుతున్నాడు. 73 ప‌రుగుల వ్య‌క్తిగ‌త స్కోరు వ‌ద్ద రోహిత్ వ‌న్డేల్లో 12వేల ప‌రుగుల మార్క్‌ను అందుకున్నాడు. ఈ మార్క్ చేరుకునేందుకు రోహిత్‌కు 282 ఇన్నింగ్స్‌లు అవ‌స‌ర‌మ‌య్యాయి.తద్వారా 12వేల పరుగులు పూర్తి చేసేందుకు తక్కువ ఇన్నింగ్స్‌లు తీసుకున్న రెండో బ్యాటర్‌గా రోహిత్ శర్మ నిలిచాడు. రోహిత్ కంటే కోహ్లి (242 ఇన్నింగ్స్‌లు) ముందున్నాడు. ఇక సచిన్ టెండూల్కర్ (300 ఇన్నింగ్స్‌లు), పాంటింగ్ (314 ఇన్నింగ్స్‌లు), సంగ్కకర (336 ఇన్నింగ్స్‌లు) తర్వాతి స్థానాల్లో ఉన్నారు.ఇక వన్డే క్రికెట్‌లో 12వేల పరుగులు పూర్తి చేసుకున్న మూడో భారత బ్యాటర్‌గా రికార్డు సృష్టించాడు. ఇప్పటివరకు సచిన్ టెండూల్కర్, విరాట్ కోహ్లీ మాత్రమే భారత్ తరఫున ఈ మైలురాయిని చేరుకున్నారు. 2007లో వన్డే అరంగేట్రం చేసిన రోహిత్ శర్మ ఇప్పటివరకు 289 మ్యాచ్‌లు ఆడాడు. 1️⃣2️⃣,0️⃣0️⃣0️⃣ and he keeps going strong 💪🙌#TeamIndia great Rohit Sharma becomes the 3️⃣rd Indian to get to this 𝗠𝗔𝗝𝗢𝗥 𝗠𝗜𝗟𝗘𝗦𝗧𝗢𝗡𝗘 🫡Updates ▶️ https://t.co/6XCYRtZLAi#INDvWI | @mflone_ | @ImRo45 pic.twitter.com/Ov3O2Y34Jz— BCCI (@BCCI) September 30, 2026

గౌహ‌తి వేదిక‌గా వెస్టిండీస్‌తో జ‌రుగుతున్న రెండో వ‌న్డే ద్వారా అంత‌ర్జాతీయ వ‌న్డేల్లో అరంగేట్రం చేసిన అకీబ్ నబీ చెత్త రికార్డు మూట‌గ‌ట్టుకున్నాడు. అరంగేట్రం మ్యాచ్‌లోనే అత్య‌ధిక ప‌రుగులు స‌మ‌ర్పించుకున్న బౌల‌ర్‌గా అకీబ్ న‌బీ రికార్డుల‌కెక్కాడు. 1975లో లార్డ్స్ వేదిక‌గా ఇంగ్లండ్‌తో జ‌రిగిన వ‌న్డేలో క‌ర్స‌న్ గార్వి 11 ఓవ‌ర్లు వేసి 83 ప‌రుగులు స‌మ‌ర్పించుకున్నాడు. తాజాగా అకీబ్ నబీ 51 ఏళ్ల తర్వాత ఆ చెత్త రికార్డును త‌న పేరిట లిఖించుకున్నాడు.గుర్నూర్ బ్రార్ చెత్త రికార్డుటీమిండియా బౌల‌ర్ గుర్నూర్ బ్రార్ చెత్త రికార్డు న‌మోదు చేశాడు. మ్యాచ్‌లో 10 ఓవ‌ర్లు బౌలింగ్ వేసిన గుర్నూర్ బ్రార్ 96 ప‌రుగులిచ్చి రెండు వికెట్లు తీశాడు. ఈ నేప‌థ్యంలో ప్ర‌త్య‌ర్థి జ‌ట్టుకు అత్య‌ధిక ప‌రుగులు స‌మ‌ర్పించుకున్న భార‌త‌ బౌల‌ర్ల జాబితాలో గుర్నూర్ చోటు ద‌క్కించుకున్నాడు. ఈ జాబితాలో భువ‌నేశ్వ‌ర్ కుమార్ (106 ప‌రుగులు వ‌ర్సెస్ సౌతాఫ్రికా, 2015లో), విన‌య్ కుమార్ (102 ప‌రుగులు వ‌ర్సెస్ ఆస్ట్రేలియా, 2013లో), గుర్నూర్ బ్రార్ (97 ప‌రుగులు వ‌ర్సెస్ ఇంగ్లండ్‌, 2026), గుర్నూర్ బ్రార్ (96 ప‌రుగులు వ‌ర్సెస్ వెస్టిండీస్‌, 2026), భువ‌నేశ్వ‌ర్ కుమార్ (92 ప‌రుగులు వ‌ర్సెస్ న్యూజిలాండ్‌, 2017) వ‌రుస‌గా తొలి ఐదు స్థానాల్లో ఉన్నారు. మ‌రో విశేష‌మేమిటంటే.. గుర్నూర్ బ్రార్ ఏడాదిలో రెండుసార్లు ప్ర‌త్య‌ర్థి జ‌ట్టుకు అత్య‌ధిక ప‌రుగులు స‌మ‌ర్పించుకున్న చెత్త బౌల‌ర్‌గా నిలిచాడు. ఇదీ చ‌ద‌వండి: వన్డే క్రికెట్‌లో కుల్దీప్ యాదవ్ అరుదైన ఫీట్‌

టీమిండియా స్టార్ ఆల్‌రౌండర్ రవీంద్ర జడేజాను గత కొంతకాలంగా వేధిస్తున్న వన్డే వికెట్ల కరువు ఎట్టకేలకు ముగిసింది. ఏకంగా 277 బంతుల తర్వాత అతడు మళ్లీ వన్డేల్లో వికెట్ పడగొట్టాడు. గువాహటి వేదికగా వెస్టిండీస్‌‌తో జరుగుతున్న రెండో వన్డేలో విండిస్ బ్యాటర్ అమీర్ జాంగోను ఔట్ చేయడం ద్వారా జడేజా ఈ సుదీర్ఘ నిరీక్షణను ముగించాడు. అంతేకాకుండా ఈ వికెట్‌తో జడేజా ఓ అరుదైన ఘనతను కూడా తన పేరిట లిఖించుకున్నాడు. భారత్-వెస్టిండీస్ వన్డేల చరిత్రలోనే అత్యధిక వికెట్లు పడగొట్టిన బౌలర్‌గా జడేజా నిలిచాడు. జడేజా ఇప్పటివరకు భారత్‌-విండీస్ వన్డే సిరీస్‌లలో 45 వికెట్లు పడగొట్టాడు.ఇంతకుముందు ఈ రికార్డు లెజెండ్ కోర్ట్నీ వాల్ష్ పేరిట ఉండేది. 1985-99 మధ్య కాలంలో భారత్‌తో 38 మ్యాచ్‌లు ఆడి వాల్ష్‌ 44 వికెట్లు పడగొట్టాడు. తాజా మ్యాచ్‌తో 27 ఏళ్ల వాల్ష్‌ ఆల్‌టైమ్‌ రికార్డును జడ్డూ బ్రేక్‌ చేశాడు.ఇక ఈ మ్యాచ్ విషయానికి వస్తే.. టాస్ ఓడి తొలుత బ్యాటింగ్ చేసిన విండీస్ నిర్ణీత ఓవర్లలో 7 వికెట్ల నష్టానికి 405 పరుగుల భారీ స్కోర్‌ సాధించింది. జాన్‌ క్యాంప్‌బెల్‌(101), షాయ్‌ హోప్‌(104), అమీర్‌ జంగూ(114) భారీ సెంచరీలతో కదం తొక్కారు. భారత బౌలర్లలో గుర్నూర్‌ బ్రార్‌, రవీంద్ర జడేజా, కుల్దీప్‌ యాదవ్‌ తలా వికెట్‌ సాధించారు.

టీమిండియా స్పిన్నర్ కుల్దీప్ యాదవ్ వన్డే కెరీర్‌లో మరో అరుదైన మైలురాయిని అందుకున్నాడు. కీమో పాల్‌ను ఔట్ చేయడం ద్వారా కుల్దీప్ యాదవ్ వన్డేల్లో 200 వికెట్ల మార్క్‌ను చేరుకున్నాడు. భారత క్రికెట్‌లో ఇప్పటివరకు తొమ్మిది మంది బౌలర్లు మాత్రమే ఈ సంఖ్యను వారిలో స్పిన్ బౌలర్లలో అనిల్ కుంబ్లే, హర్భజన్ సింగ్, రవీంద్ర జడేజా మాత్రమే ఈ ఘనత సాధించారు. తాజాగా కుల్దీప్ యాదవ్ వీరి సరసన చేరాడు.కుల్దీప్ ఇప్పటివరకు 123 వన్డేల్లో 200 వికెట్లు పడగొట్టాడు. అతడి బౌలింగ్ సగటు 26.70గా ఉంది. కెరీర్‌లో 10 సార్లు నాలుగు వికెట్ల ప్రదర్శన చేశాడు. రెండు సందర్భాల్లో 5 వికెట్ల ఘనత సాధించాడు. అత్యుత్తమ బౌలింగ్ గణాంకాలు 6/25గా ఉన్నాయి. భారత వన్డే క్రికెట్‌లో అత్యధిక వికెట్లు తీసిన బౌలర్ల జాబితాలో కుల్దీప్ ప్రస్తుతం తొమ్మిదో స్థానంలో ఉన్నాడు. ఈ జాబితాలో అనిల్ కుంబ్లే అగ్రస్థానంలో కొన‌సాగుతున్నాడు. స్పిన్న‌ర్ల‌లో కుంబ్లే 269 వన్డేల్లో 334 వికెట్లు సాధించ‌గా, హర్భజన్ సింగ్ 265 వికెట్లతో రెండో స్థానంలో ఉండగా, రవీంద్ర జడేజా 232 వికెట్లతో త‌ర్వాతి స్థానంలో ఉన్నాడు. ఓవ‌రాల్ జాబితాలో కుంబ్లే త‌ర్వాత శ్రీనాథ్ (315 వికెట్లు), అగార్క‌ర్ (288 వికెట్లు), జ‌హీర్ ఖాన్ (269 వికెట్లు), హ‌ర్భ‌జ‌న్ సింగ్ (265 వికెట్లు), క‌పిల్ దేవ్ (253 వికెట్లు), జ‌డేజా (232 వికెట్లు), ష‌మీ (206 వికెట్లు) ఉన్నారు.ఈ నేప‌థ్యంలో కుల్దీప్ యాద‌వ్ మ‌రో రికార్డు కూడా అందుకున్నాడు. అతి త‌క్కువ వ‌న్డేల్లో 200 వికెట్ల మార్క్ చేరుకున్న రెండో బౌల‌ర్‌గా నిలిచాడు. కుల్దీప్ 123 వ‌న్డేల్లో ఈ ఫీట్ అందుకోగా, ష‌మీ 104 వ‌న్డేల్లో 200 వికెట్ల మార్క్ చేరుకొని తొలి స్థానంలో ఉన్నాడు. అజిత్ అగార్కర్ 133 వన్డేల్లో, జహార్ ఖాన్ 144 వన్డేల్లో 200 వికెట్ల మార్క్‌ను చేరుకున్నారు.ఇదీ చదవండి: శ‌త‌కాల‌తో విండీస్ బ్యాట‌ర్ల విధ్వంసం.. భార‌త్ టార్గెట్ 406 రన్స్‌

గౌహ‌తి వేదిక‌గా టీమిండియాతో జ‌రుగుతున్న రెండో వ‌న్డేలో వెస్టిండీస్ భారీ స్కోరు సాధించింది. ముగ్గురు బ్యాట‌ర్లు సెంచ‌రీల‌తో విరుచుకుప‌డ‌డంతో వెస్టిండీస్ నిర్ణీత 50 ఓవ‌ర్ల‌లో 7 వికెట్ల న‌ష్టానికి 405 ప‌రుగులు చేసింది. అమిర్ జాంగో (77 బంతుల్లో 114; 13 ఫోర్లు, 3 సిక్స‌ర్లు), జాన్ క్యాంప్‌బెల్ (68 బంతుల్లో 101; 9 ఫోర్లు, 5 సిక్స‌ర్లు), కెప్టెన్ షెయ్ హోప్ (94 బంతుల్లో 104; 8 ఫోర్లు, 3 సిక్స‌ర్లు) వీరోచిత శ‌త‌కాలు సాధించి భారీ స్కోరుకు బాట‌లు వేశారు.చివ‌ర్లో రోస్ట‌న్ చేజ్ (25 బంతుల్లో 29 నాటౌట్‌) ధాటిగా ఆడ‌డంతో వెస్టిండీస్ 400 ప‌రుగుల మార్క్‌ను దాటింది. భార‌త బౌల‌ర్ల‌లో అంద‌రూ దారాళంగా ప‌రుగులు స‌మ‌ర్పించుకున్నారు. కుల్దీప్ యాద‌వ్‌, గుర్నూర్ బ్రార్‌, ర‌వీంద్ర జ‌డేజాలు త‌లా రెండు వికెట్లు ప‌డ‌గొట్టారు.ఇది రెండోసారి..ఇక వ‌న్డేల్లో భార‌త్‌తో మ్యాచ్‌లో ప్ర‌త్య‌ర్థి జ‌ట్టు త‌ర‌ఫున ముగ్గురు శ‌త‌కాలు సాధించ‌డం ఇది రెండోసారి మాత్ర‌మే. గ‌తంలో 2015లో ముంబై వేదికగా భార‌త్‌తో జ‌రిగిన ఐదో వ‌న్డేలో సౌతాఫ్రికా బ్యాట‌ర్లు క్వింట‌న్ డికాక్ (109), డుప్లెసిస్ (133), డివిలియ‌ర్స్ (119) శత‌కాల‌తో చెల‌రేగారు. తాజా వ‌న్డేలో విండీస్ త‌ర‌ఫున క్యాంప్‌బెల్‌, హోప్‌, అమీర్ జాంగోలు సెంచ‌రీలు సాధించిన సంగ‌తి తెలిసిందే. ఇక వ‌న్డే క్రికెట్ చ‌రిత్ర‌లో సౌతాఫ్రికా ఈ ఫీట్‌ను మూడుసార్లు న‌మోదు చేయ‌డం విశేషం.405- ఇక వెస్టిండీస్‌కు వన్డేల్లో ఇదే అత్యధిక స్కోరు. గతంలో 389 పరుగులే ఆ జట్టుకు అత్యుత్తమం. 2019లో ఇంగ్లండ్‌తో మ్యాచ్‌లో విండీస్ 389 ప‌రుగులు చేసింది. 2025లో ఐర్లాండ్‌తో వ‌న్డేలో 385 ప‌రుగులు చేసింది.ఇదీ చదవండి: వెస్టిండీస్‌ కెప్టెన్‌ ప్రపంచ రికార్డు

గువాహటి వేదిక‌గా టీమిండియాతో జ‌రుగుతున్న రెండో వ‌న్డేలో వెస్టిండీస్ కెప్టెన్ షాయ్ హోప్ విధ్వంస‌క‌ర సెంచ‌రీతో చెల‌రేగాడు. ఫ‌స్ట్ డౌన్‌లో బ్యాటింగ్‌కు వ‌చ్చిన హోప్ తొలుత కాస్త ఆచితూచి ఆడాడు. సింగిల్స్ తీస్తూ త‌న స‌హ‌చ‌ర ఆట‌గాడు జాన్ క్యాంప్‌బెల్‌కు స్టైక్ ఇచ్చాడు. అయితే క్యాంప్‌బెల్ ఔట‌య్యాక హోప్ త‌న విశ్వ‌రూపాన్ని ప్ర‌ద‌ర్శించాడు. టీ20ల్లో శైలిలో భార‌త బౌల‌ర్ల‌ను ఉతికారేశాడు. ఈ క్ర‌మంలో హోప్ 90 బంతుల్లో త‌న సెంచ‌రీ మార్క్‌ను అందుకున్నాడు. ఈ క‌రేబియ‌న్ వీరుడికి ఇది వ‌న్డేల్లో 20వ సెంచ‌రీ కావ‌డం గ‌మ‌నార్హం.లారా రికార్డు బ్రేక్‌త‌ద్వారా హోప్ ఓ అరుదైన రికార్డును త‌న పేరిట లిఖించుకున్నాడు. వ‌న్డే ఫార్మాట్‌లో అత్య‌ధిక సెంచ‌రీలు చేసిన రెండో వెస్టిండీస్ ప్లేయ‌ర్‌గా హోప్ నిలిచాడు. ఇప్ప‌టివ‌ర‌కు ఈ రికార్డు విండీస్ దిగ్గ‌జం బ్రియాన్ లారా పేరిట ఉండేది. లారా త‌న వ‌న్డే కెరీర్‌లో 19 సెంచ‌రీలు సాధించాడు. తాజా సెంచ‌రీతో లారా ఆల్‌టైమ్ రికార్డును హోప్ బ్రేక్ చేశాడు. ఈ జాబితాలో యూనివ‌ర్స‌ల్ బాస్ క్రిస్ గేల్‌(25) అగ్రస్థానంలో ఉన్నాడు.ధోని వరల్డ్‌ రికార్డ్‌ బ్రేక్‌అదేవిధంగా వన్డేల్లో వికెట్ కీపర్-కెప్టెన్‌గా అత్యధిక సెంచరీలు చేసిన ఎంఎస్‌ ధోని రికార్డ్‌ను హోప్‌ బ్రేక్‌ చేశాడు. ధోని వికెట్ కీపర్-కెప్టెన్‌గా తన కెరీర్‌లో 6 సెంచరీలు చేయగా.. హోప్‌ 7 శతకాలు నమోదు చేశాడు.వన్డేల్లో వెస్టిండీస్ తరపున అత్యధిక శతకాలు చేసిన ప్లేయ‌ర్లు వీరే25 – క్రిస్ గేల్20 – షాయ్ హోప్19 – బ్రయాన్ లారా17 – డెస్మండ్ హేన్స్చదవండి: IND vs WI: టీమిండియాకు భారీ షాక్‌.. మ్యాచ్ మ‌ధ్య‌లోనే వెళ్లిపోయిన స్టార్‌

గువాహటి వేదిక‌గా వెస్టిండీస్‌తో జ‌రుగుతున్న రెండో వ‌న్డేలో టీమిండియాకు ఊహించ‌ని ఎదురుదెబ్బ త‌గిలింది. ఆల్‌రౌండ‌ర్ నమర్ ధీర్‌ గాయం కార‌ణంగా మ్యాచ్ మ‌ధ్య‌లోనే మైదానం వీడాడు. బౌలింగ్ వేసే సమయంలో నమన్ ధీర్‌కు గాయ‌మైంది. బంతిని విసిరిన తర్వాత అతడి ఎడమ మడమ మడతపడటంతో న‌మ‌న్ కింద‌ప‌డిపోయి నొప్పితో విలవిల్లాడాడు.వెంటనే ఫిజియో పరిగెత్తుకుంటూ వచ్చి చికిత్స అందించాడు. అయినప్పటికి అతడి నొప్పి తగ్గకపోవడంతో ఓవర్ పూర్తి చేయకుండానే మైదానం వీడాడు. అతడి స్ధానంలో నితీష్ కుమార్ రెడ్డి సబ్‌స్ట్యూట్‌గా ఫీల్డింగ్‌కు వచ్చాడు. మిగిలిన ఓవర్లలో నమన్ తిరిగి ఫీల్డింగ్‌కు వచ్చే సూచనలు కనిపించడం లేదు. కనీసం బ్యాటింగ్‌కు అయినా వస్తాడో లేదో చూడాలి మరి.కాగా ఈ మ్యాచ్‌లో భారత బౌలర్లు దారుణంగా విఫలమయ్యారు. టీమిండియా బౌలింగ్‌ను విండీస్ బ్యాటర్లు చీల్చి చెండాడుతున్నారు. 40 ఓవర్లకు దాటక ముందే విండీస్ స్కోర్ 300 పరుగులకు చేరింది. ఓపెనర్ జాన్ క్యాంప్‌బెల్‌(101) విధ్వంసకర సెంచరీతో చెలరేగగా.. షాయ్ హోప్‌(97), జాంగో(81) శతకాలకు చేరువలో ఉన్నారు.చదవండి: IND vs WI: అరెరే.. కోహ్లి ఎంత పనిచేశావు! వీడియో వైర‌ల్‌

గువాహటి వేదికగా వెస్టిండీస్‌తో జ‌రుగుతున్న రెండో వ‌న్డేలో టీమిండియా స్టార్ విరాట్ కోహ్లి ఫీల్డింగ్‌లో తీవ్ర నిరాశ‌ప‌రిచాడు. మైదానంలో ఎల్లప్పుడూ చురుగ్గా ఉండే కోహ్లి ఓ సునాయ‌స క్యాచ్‌ను జార‌విడిచాడు. విండీస్ ఇన్నింగ్స్ 12 ఓవ‌ర్ వేసిన స్పిన్న‌ర్ నమ‌న్ ధీర్‌.. రెండో బంతిని షాయ్ హోప్‌కు ఆఫ్ స్టంప్ వెలుపల లెగ్‌బ్రేక్ డెలివ‌రీగా సంధించాడు.ఆ బంతిని హోప్ ఫ్రంట్ ఫుట్‌పై వచ్చి షార్ట్ మిడ్ వికెట్ దిశగా గట్టిగా బాదాడు. అయితే బంతి నేరుగా షార్ట్ మిడ్ వికెట్‌లో ఉన్న కోహ్లి చేతికి వెళ్లింది. కానీ ఆ బంతిని ఒడిసిప‌ట్టుకోవ‌డంలో కోహ్లి విఫ‌ల‌మ‌య్యాడు. అయితే బంతి చాలా వేగంగా వచ్చినప్పటికీ విరాట్ కోహ్లి లాంటి ఫీల్డర్‌కు ఇదేమి అతి క‌ష్ట‌మైన క్యాచేమి కాదు.ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. ఒక‌వేళ కోహ్లి క్యాచ్‌ను అందుకుని ఉండింటే న‌మ‌న్ ధీర్ ఖాతాలో తొలి అంత‌ర్జాతీయ వికెట్ చేరిండేది. కాగా ఇదే మ్యాచ్‌లో కోహ్లి కంటే ముందు కుల్దీప్ యాద‌వ్ కూడా హోప్ ఇచ్చిన క్యాచ్‌ను జారవిడిచాడు. రెండు లైఫ్‌లు రావ‌డంతో హోప్ చెల‌రేగి ఆడుతున్నాడు. 77 ప‌రుగులు చేసి సెంచ‌రీకి చేరువ‌య్యాడు.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌pic.twitter.com/6wtcE3gTrH— Drizzyat12Kennyat8 (@45kennyat7PM) September 30, 2026

గువాహటి వేదికగా వెస్టిండీస్‌తో జ‌రుగుతున్న రెండో వ‌న్డేలో టీమిండియా ఆట‌గాడు న‌మ‌న్ ధీర్ సంచ‌ల‌న క్యాచ్‌తో మెరిశాడు. ఈ పంజాబీ ప్లేయర్ అద్భుతమైన క్యాచ్‌తో విండీస్ ఓపెనర్ కీస్ కార్టీని పెవిలియన్‌కు పంపాడు. అయితే కార్టీ ఔటైనప్పటికి నమన్‌ పట్టిన క్యాచ్ మాత్రం వివాదస్పదమైంది.అసలేం జరిగిందంటే?విండీస్ ఇన్నింగ్స్ 5వ ఓవర్ వేసిన ప్రసిద్ధ్ కృష్ణ ఆఖరి బంతిని ఆఫ్ స్టంప్ వెలుపల గుడ్ లెంగ్త్ డెలివరీగా విసిరాడు. ఆ బంతిని కార్టీ కవర్ పాయింట్ దిశగా ఆడేందుకు ప్రయత్నించగా, అక్కడ ఫీల్డింగ్ చేస్తున్న నమన్ ధీర్ ముందుకు డైవ్ చేస్తూ సంచలన క్యాచ్‌ను అందుకున్నాడు. అయితే నమన్ ధీర్ బంతిని నేల తాకకుండా క్లీన్‌గా పట్టుకున్నాడా లేదా అనే విషయంలో ఆన్-ఫీల్డ్ అంపైర్లు సందేహపడి, తుది నిర్ణయం కోసం థర్డ్ అంపైర్‌కు రిఫర్ చేశారు.థర్డ్ అంపైర్ పలు కోణాల్లో రీప్లేలను పరిశీలించి ఔట్‌గా ప్రకటించాడు. ఈ నిర్ణయంతో కార్టీ ఒక్కసారిగా షాక్‌కు గురయ్యాడు. అది నాటౌట్ అంటూ తీవ్ర అసంతృప్తితో తల ఊపుతూ పెవిలియన్‌కు బాటపట్టాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. నెటిజన్లు కూడా ఈ విషయంలో రెండు వర్గాలుగా విడిపోయారు. కొంతమంది ఇది క్లియర్ ఔట్ అంటుంటే, మరికొందరేమో బంతి నేలకు తాకిందని కామెంట్లు చేస్తున్నారు.కాగా, ఈ మ్యాచ్‌లో వెస్టిండీస్ భారీ స్కోరు దిశగా దూసుకుపోతోంది. ఓపెనర్ జాన్ క్యాంప్‌బెల్ (101) మెరుపు సెంచరీతో చెలరేగడంతో విండీస్ 25 ఓవర్లు ముగిసేసరికి 2 వికెట్ల నష్టానికి 198 పరుగులు చేసింది.In the air... and in comes a diving Naman Dhir ✈️Prasidh Krishna with the opening breakthrough ☝️Updates ▶️ https://t.co/6XCYRtZLAi#TeamIndia | #INDvWI | @mflone_ | @prasidh43 pic.twitter.com/QrcMAljwHE— BCCI (@BCCI) September 30, 2026

గౌహ‌తి వేదిక‌గా టీమిండియాతో జ‌రుగుతున్న రెండో వ‌న్డేలో వెస్టిండీస్ ఓపెన‌ర్ జాన్ క్యాంప్‌బెల్ విధ్వంస‌క‌ర సెంచ‌రీతో చరిత్ర సృష్టించాడు. 65 బంతుల్లోనే శ‌త‌కం మార్క్ అందుకున్న క్యాంప్‌బెల్ విండీస్‌ తరఫున భార‌త్‌పై వ‌న్డేల్లో ఫాస్టెస్ట్ సెంచ‌రీ సాధించిన తొలి బ్యాట‌ర్‌గా నిలిచాడు. గ‌తంలో 1999లో సింగ‌పూర్ వేదిక‌గా జ‌రిగిన వ‌న్డేలో రికార్డో పావెల్ 72 బంతుల్లో శ‌త‌కం సాధించ‌గా, 2002లో విజ‌య‌వాడ వేదిక‌గా జ‌రిగిన మ్యాచ్‌లో మార్లోన్ శామ్యూల్స్ 73 బంతుల్లో, 2018లో గౌహ‌తి వేదిక‌గా షిమ్రోన్ హెట్‌మైర్ 74 బంతుల్లో సెంచ‌రీ మార్క్‌ను అందుకున్నారు. అంతేకాదు వ‌న్డే క్రికెట్‌లో వెస్టిండీస్ త‌ర‌ఫున ఫాస్టెస్ట్ సెంచ‌రీ సాధించిన బ్యాట‌ర్ల జాబితాలోనూ క్యాంప్‌బెల్ చోటు ద‌క్కించుకున్నాడు. 65 బంతుల్లో సెంచ‌రీ బాదిన క్యాంప్‌బెల్ జాబితాలో ఐదో స్థానంలో నిలిచాడు. తొలి స్థానంలో బ్రియాన్ లారా (45 బంతుల్లోనే) కొన‌సాగుతున్నాడు.వన్డేల్లో విండీస్‌ తరఫున ఫాస్టెస్ట్ సెంచరీలు (బంతుల వారీగా)45 – బ్రియాన్ లారా వ‌ర్సెస్‌ బంగ్లాదేశ్, ఢాకా, 199955 – క్రిస్ గేల్ వర్సెస్ ఇంగ్లండ్, సెయింట్ జార్జెస్, 201961 – ఎవిన్ లూయిస్ వ‌ర్సెస్‌ శ్రీలంక, క్యాండీ, 202463 – నికోలస్ పూరన్ వ‌ర్సెస్‌ నెదర్లాండ్స్, హరారే, 202365 – జాన్ క్యాంప్‌బెల్ వ‌ర్సెస్‌ భారత్, గౌహతి, 202666 – షెయ్ హోప్ వ‌ర్సెస్‌ న్యూజిలాండ్, నేపియర్, 2025అయితే సెంచ‌రీ బాదిన మ‌రుస‌టి ఓవ‌ర్లోనే బ్రార్‌ బౌలింగ్‌లో షాట్‌కు యత్నించిన క్యాంప్‌బెల్‌.. న‌మ‌న్‌ధిర్‌కు క్యాచ్‌ ఇచ్చి వెనుదిరిగాడు. తొలి వ‌న్డేలో ఓట‌మి చ‌విచూసిన వెస్టిండీస్ రెండో వ‌న్డేను దూకుడుగా ఆరంభించింది. ముఖ్యంగా క్యాంప్‌బెల్ భార‌త బౌల‌ర్లపై విరుచుకుప‌డ్డాడు. అత‌డి ధాటికి వెస్టిండీస్ 25 ఓవ‌ర్ల‌లోనే 200 ప‌రుగుల మార్క్‌ చేరువకు వచ్చింది. మ‌రో ఓపెన‌ర్ కీస్ కార్టీ 9 ప‌రుగుల‌కే వెనుదిరగ్గా, కెప్టెన్ షెయ్ హోప్ అర్థ‌సెంచ‌రీతో మెరిశాడు. ప్ర‌స్తుతం వెస్టిండీస్ 25 ఓవ‌ర్లలో రెండు వికెట్ల న‌ష్టానికి 198 ప‌రుగులు చేసింది.ఇదీ చదవండి: భార‌త స్పిన్న‌ర్ ఆరు వికెట్ల ప్ర‌ద‌ర్శ‌న‌.. ఆసీస్ 176 ఆలౌట్‌

గువాహటి వేదికగా టీమిండియాతో జరుగుతున్న రెండో వన్డేలో వెస్టిండీస్ ఓపెనర్ జాన్ క్యాంప్‌బెల్ విధ్వంసకర ఇన్నింగ్స్ ఆడాడు. ఈ కరేబియన్ ఆటగాడు తొలి ఓవర్ నుంచే భారత బౌలర్లపై విరుచుకుపడ్డాడు. ముఖ్యంగా అరంగేట్ర పేసర్ ఆకిబ్ నబీకి చుక్కలు చూపించాడు.అతడి ధాటికి నబీ తన మొదటి స్పెల్‌లో వేసిన 3 ఓవర్లలోనే ఏకంగా 35 పరుగులు సమర్పించుకున్నాడు. ఈ క్రమంలో క్యాంప్‌బెల్ కేవలం 29 బంతుల్లోనే అర్ధశతకం పూర్తి చేసుకున్నాడు. తద్వారా వన్డేల్లో భారత్‌పై అత్యంత వేగంగా అర్ధశతకం సాధించిన వెస్టిండీస్ బ్యాటర్‌గా క్యాంప్‌బెల్ కొత్త చరిత్ర సృష్టించాడు.ఇప్పటివరకు ఈ రికార్డు కరేబియన్ దిగ్గజం క్రిస్ గేల్ పేరిట ఉండేది. 2002లో అహ్మదాబాద్ వేదికగా (మళ్లీ 2019లో పోర్ట్ ఆఫ్ స్పెయిన్ వేదికగా) జరిగిన మ్యాచ్‌లలో గేల్ 30 బంతుల్లో హాఫ్ సెంచరీ సాధించాడు. తాజా ఇన్నింగ్స్‌తో గేల్ పేరిట ఉన్న 24 ఏళ్ల ఆల్‌టైమ్ రికార్డును క్యాంప్‌బెల్ బద్దలు కొట్టాడు. గత మ్యాచ్‌లో విండీస్ ఓడిపోయినప్పటికి క్యాంప్‌బెల్ మాత్రం 62 పరుగులతో అద్భుతమైన నాక్ ఆడాడు. ఇప్పుడు రెండో వన్డేలోనూ అదే జోరును కొనసాగిస్తున్నాడు. అతడి విధ్వంసం ఫలితంగా విండీస్ భారీ స్కోర్ దిశగా పయనిస్తోంది. 13 ఓవర్లకు విండీస్ వికెట్ నష్టానికి 118 పరుగులు చేసింది.Update:కాగా దూకుడుగా ఆడిన క్యాంప్‌బెల్‌ తన రెండో వన్డే సెంచరీ మార్క్‌ను అందుకున్నాడు. ఓవరాల్‌గా 68 బంతులు ఎదుర్కొన్న క్యాంప్‌బెల్‌.. 9 ఫోర్లు, 5 సిక్స్‌లతో 101 పరుగులు చేసి ఔటయ్యాడు.వన్డేల్లో భారత్‌పై వెస్టిండీస్ తరఫున ఫాస్టెస్ట్ హాఫ్ సెంచరీలు29 జె. క్యాంప్‌బెల్ - గౌహతి 202630 క్రిస్‌. గేల్ - అహ్మదాబాద్ 200230 క్రిస్‌. గేల్ - పోర్ట్ ఆఫ్ స్పెయిన్ 201932 హైండ్స్ - వడోదర 200233 పూరన్ - విశాఖపట్నం 2019

టీమిండియా పేసర్ ఆకిబ్ నబీకి అంతర్జాతీయ అరంగేట్రం చేదు అనుభవాన్ని మిగిల్చింది. గువాహటి వేదికగా వెస్టిండీస్‌తో జరుగుతున్న రెండో వన్డేలో భారత క్యాప్‌ను అందుకున్న నబీ ఏ మాత్రం ప్రభావం చూపలేకపోయాడు. తొలి ఓవర్ నుంచే ధారాళంగా పరుగులు సమర్పించుకున్నాడు.అతడి బౌలింగ్‌ను విండీస్ ఓపెనర్ జాన్ క్యాంప్‌బెల్ ఉతికారేశాడు. మొత్తంగా నబీ తన మొదటి స్పెల్‌లో మూడు ఓవర్లు వేసి 11.70 ఏకానమి రేటుతో ఏకంగా 35 పరుగులు ఇచ్చాడు. దీంతో కెప్టెన్ శుభ్‌మన్ గిల్ వెంటనే అతడి స్థానంలో గుర్నూర్ బ్రార్‌ను బౌలింగ్‌కు దించాడు. కాగా జస్ప్రీత్ బుమ్రా, అర్ష్‌దీప్ సింగ్ వంటి ప్రధాన పేసర్లు ఆసియా క్రీడల కోసం జపాన్‌కు వెళ్లడంతో నబీ తొలిసారి వన్డే జట్టుకు ఎంపికయ్యాడు. మొదటి వన్డేలో బెంచ్‌కే పరిమితమైనప్పటికి గువాహటి మ్యాచ్‌లో డెబ్యూ చేసే అవకాశం వచ్చింది. తన వచ్చిన అవకాశాన్ని నబీ సద్వినియోగ పరుచుకులేకపోయాడు. కనీసం తన సెకెండ్ స్పెల్‌లోనైనా కమ్‌బ్యాక్ ఇస్తాడో లేదో చూడాలి. కాగా నబీకి వైట్‌బాల్ క్రికెట్ కంటే రెడ్ బాల్ క్రికెట్‌లో మంచి ట్రాక్ రికార్డు ఉంది. రంజీట్రోఫీ 2025-26 సీజన్ విజేతగా జమ్మూ కాశ్మీర్ నిలవడంలో నబీది కీలక పాత్ర. అతడు ఇంకా వైట్‌బాల్‌తో నిరూపించుకోవాల్సి ఉంది. ఇక ఈ మ్యాచ్‌లో టాస్ గెలిచిన భారత్ తొలుత బౌలింగ్ ఎంచుకుంది. నితీశ్ కుమార్ రెడ్డి స్ధానంలో నబీ తుది జట్టులోకి రాగా.. విండీస్ ఏకంగా నాలుగు మార్పులతో బరిలోకి దిగింది.

తిరువనంతపురం వేదిక‌గా వెస్టిండీస్‌తో జరిగిన తొలి వన్డేలో విరాట్ కోహ్లీ 55వ వన్డే శతకాన్ని నమోదు చేశాడు. విండీస్‌పై 139 పరుగుల అజేయ‌ ఇన్నింగ్స్‌తో భారత్‌కు ఘన విజయాన్ని అందించాడు. త‌ద్వారా అనేక రికార్డులను తన ఖాతాలో వేసుకున్న కోహ్లి.. భార‌త దిగ్గజం సునీల్ గావ‌స్క‌ర్‌ రికార్డును కూడా స‌మం చేయ‌డం విశేషం. ఈ రికార్డు ఆల‌స్యంగా వెలుగు చూసిన‌ప్ప‌టికీ, ప్ర‌స్తుతం సోష‌ల్ మీడియాలో ట్రెండింగ్‌లో నిలిచింది.వెస్టిండీస్‌పై అద్భుత రికార్డు క‌లిగిన సునీల్ గావస్కర్‌.. ఆ జ‌ట్టుపై అత్య‌ధిక శ‌త‌కాలు న‌మోదు చేసిన భార‌త క్రికెట‌ర్‌గా నిలిచాడు. గావ‌స్క‌ర్ వెస్టిండీస్‌పై 38 మ్యాచ్‌ల్లో 13 శ‌త‌కాలు సాధించాడు. అయితే కోహ్లి 78 మ్యాచ్‌ల్లో ఈ ఫీట్‌ను సాధించాడు. విండీస్‌తో తొలి వ‌న్డేలో సెంచ‌రీ చేసిన కోహ్లి 13వ శ‌త‌కంతో గ‌వాస్క‌ర్ రికార్డును స‌మం చేశాడు. రేపు విండీస్‌తో రెండో వన్డే జరగనున్న నేపథ్యంలో గౌహతి వేదికగా కోహ్లి మరో సెంచరీ చేస్తే విండీస్‌పై అత్యధిక సెంచరీలు చేసిన బ్యాటర్‌గా నిలవనున్నాడు. అసలే గౌహతిలో తాను ఆడిన రెండు వన్డేల్లోనూ సెంచరీలు బాదిన కోహ్లికి ఇప్పుడున్న ఫామ్‌ దృష్ట్యా అది పెద్ద కష్టం కాకపోవచ్చు.అయితే గావ‌స్క‌ర్ ఈ 13 శ‌త‌కాల‌ను టెస్టులోనే న‌మోదు చేయగా, కోహ్లి మాత్రం వ‌న్డేల్లో 11, టెస్టుల్లో రెండు సెంచ‌రీలు చేశాడు. అయితే భార‌త లిటిల్ మాస్ట‌ర్ స‌చిన్ టెండూల్క‌ర్ మాత్రం వెస్టిండీస్‌పై త‌న కెరీర్‌లో ఏడు శ‌త‌కాలు మాత్ర‌మే చేశాడు. ఇందులో మూడు టెస్టుల్లో వ‌స్తే, మ‌రో నాలుగు వ‌న్డే క్రికెట్‌లో సాధించాడు.ఇదీ చదవండి: గౌహ‌తిలో రో-కోల ట్రాక్ రికార్డు అదుర్స్‌.. విండీస్‌కు చుక్కలే!

సెప్టెంబర్ 27, 2026.. వన్డే అంతర్జాతీయ క్రికెట్ చరిత్రలో చిర‌స్మ‌ర‌ణీయంగా నిలిచిపోయింది. ఒకే రోజున వేర్వేరు వేదికల్లో జరిగిన మూడు వన్డే మ్యాచ్‌ల్లో ఏకంగా 6 సెంచరీలతో కొత్త ప్రపంచ రికార్డు నమోదైంది. ఒకే రోజు 6 వ‌న్డే సెంచ‌రీలు న‌మోదు కావ‌డం ఇదే తొలిసారి.అంత‌కుముందు 5 సెంచరీలు నమోదు కావడమే అత్యధిక రికార్డుగా ఉండేది.తాజాగా ఆ రికార్డు తుడిచిపెట్టుకుపోయింది. ఈ విషయాన్ని అంతర్జాతీయ క్రికెట్ కౌన్సిల్ (ICC) ఎక్స్ ) వేదికగా అధికారికంగా వెల్లడించింది.ఈ ప్రపంచ రికార్డులో భాగమైన 6 సెంచరీల వివరాలు ఇవే:విరాట్ కోహ్లి: తిరువ‌నంతపురం వేదిక‌గా వెస్టిండీస్‌తో జ‌రిగిన తొలి వ‌న్డేలో టీమిండియా స్టార్ విరాట్ కోహ్లి భారీ సెంచ‌రీతో క‌దం తొక్కాడు. కేవ‌లం 88 బంతుల్లో 10 ఫోర్లు, 9 సిక్స్‌ల‌తో 139 ప‌రుగులు చేశాడు. కోహ్లికి త‌న వ‌న్డే కెరీర్‌లో 55వ సెంచరీ, అంతర్జాతీయ క్రికెట్‌లో 86వ శతకం కావ‌డం విశేషం. ఈ క్ర‌మంలోనే వన్డేల్లో అత్యంత వేగంగా 15,000 పరుగులు పూర్తి చేసిన ప్లేయ‌ర్‌గా కోహ్లి నిలిచాడు.శుబ్‌మ‌న్ గిల్‌: ఇక ఇదే మ్యాచ్‌లో భార‌త కెప్టెన్ శుబ్‌మ‌న్ గిల్ అద్భుతమైన సెంచ‌రీ సాధించాడు. 108 బంతుల్లో 110 పరుగులు చేసి భారత్ 296 పరుగుల లక్ష్యాన్ని సునాయాసంగా ఛేదించడంలో గిల్ కీల‌క పాత్ర పోషించాడు.జ‌స్టిన్ గ్రీవ్స్: తిరువ‌నంతపురం వన్డేలో విండీస్ ఓపెనర్ జస్టిన్ గ్రీవ్స్ (12 ఫోర్లతో 101 పరుగులు) కూడా విరోచిత సెంచరీ నమోదు చేశాడు.డేవిడ్ మిల్ల‌ర్‌: జోహాన్స్‌బ‌ర్గ్ వేదిక‌గా ఆస్ట్రేలియాతో జ‌రిగిన రెండో వ‌న్డేలో సౌతాఫ్రికా ప్లేయ‌ర్ డేవిడ్ మిల్ల‌ర్ విధ్వంస‌క‌ర సెంచ‌రీతో విరుచుకుప‌డ్డాడు. కేవ‌లం 93 బంతుల్లో 12 ఫోర్లు, 9 సిక్స్‌ల‌తో 142 ప‌రుగులు చేశాడు.టెంబా బవుమా: ఇదే మ్యాచ్‌లో ప్రోటీస్ కెప్టెన్ టెంబా బ‌వుమా కూడా సెంచ‌రీతో చెల‌రేగాడు. 116 బంతుల్లో బ‌వుమా 103 ప‌రుగులు చేశాడు.టామ్ బాంటన్ : లండ‌న్ వేదిక‌గా శ్రీలంకతో జ‌రిగిన సిరీస్ డిసైడ‌ర్ మూడో వ‌న్డేలో ఇంగ్లండ్ ఓపెనర్ టామ్ బాంటన్‌ 126 (105 బంతుల్లో) శతక్కొట్టాడు.

ప్రస్తుతం భారత పర్యటనలో ఉన్న వెస్టిండీస్ కెప్టెన్ షై హోప్ ఒక కీలక నిర్ణయం తీసుకున్నాడు. ఆస్ట్రేలియా వేదికగా జరిగే బిగ్ బాష్ లీగ్ 2026-27 సీజన్ కోసం 'హోబర్ట్ హరికేన్స్' ఫ్రాంచైజీతో అతడు ఒప్పందం కుదుర్చుకున్నాడు. రాబోయే సీజన్‌లో హరికేన్స్ జట్టుకు ఎంపికైన తొలి విదేశీ పురుషుల ఆటగాడిగా హోప్ నిలిచాడు. సీజన్ మొత్తానికి అతడు అందుబాటులో ఉండనున్నాడు.ఆస్ట్రేలియా దిగ్గజ వికెట్ కీపర్, తమ జట్టు సీనియర్ ప్లేయర్ మాథ్యూ వేడ్ రిటైర్మెంట్ ప్రకటించడంతో టాప్ ఆర్డర్‌ను బలోపేతం చేసుకునేందుకు హోబర్ట్ హరికేన్స్ ఈ నిర్ణయం తీసుకుంది. వైట్ బాల్ క్రికెట్‌లో హోప్‌కు ఉన్న అపార అనుభవం జట్టుకు కలిసొస్తుందని ఫ్రాంచైజీ భావిస్తోంది.హోప్ గతంలో హోబర్ట్ హరికేన్స్ తరఫునే హోప్ బిగ్ బాష్ లీగ్‌లో అరంగేట్రం చేశాడు. అయితే ఆ సీజన్‌లో 5 ఇన్నింగ్స్‌ల్లో 115.73 స్ట్రైక్ రేట్‌తో కేవలం 103 పరుగులు మాత్రమే చేసి నిరాశపరచడంతో ఫ్రాంచైజీ అతడిని వదులుకుంది. మళ్లీ ఇప్పుడు అదే జట్టుతో అతడు జతకట్టాడు. అరంగేట్ర సీజన్‌లో విఫలమైనప్పటికీ, ఈసారి మాత్రం బిగ్ బాష్ లీగ్‌లో సత్తా చాటాలని హోప్ పట్టుదలతో ఉన్నాడు.హోప్‌ అరుదైన రికార్డుభారత్‌తో జరిగిన తొలి వన్డేలో షై హోప్ 12 పరుగులు మాత్రమే చేసినప్పటికీ ఒక అరుదైన రికార్డును తన పేరిట లిఖించుకున్నాడు. వన్డేల్లో భారత్‌పై 1,000 పరుగులు పూర్తి చేసిన 9వ విండీస్ బ్యాటర్‌గా అతడు నిలిచాడు. విండీస్ దిగ్గజం వివియన్ రిచర్డ్స్ (997 పరుగులు) కూడా సాధ్యం కాని ఈ ఫీట్‌ను హోప్ సాధించాడు. అంతకుముందు విండీస్ దిగ్గజాలు బ్రియాన్‌ లారా, క్రిస్ గేల్, శివనారాయణ్ చంద్రపాల్ తదితరులు మాత్రమే భారత్‌పై వన్డేల్లో ఈ మైలురాయిని అందుకున్నారు.చదవండి: ఆసీస్‌తో తొలి టెస్టు.. భార‌త ఓపెన‌ర్ డ‌బుల్ సెంచ‌రీ, రెండోరోజు ముగిసిన ఆట

తిరువనంతపురం వేదికగా వెస్టిండీస్‌తో జరిగిన తొలి వన్డేలో భారత్ 8 వికెట్ల తేడాతో ఘన విజయం సాధించిన సంగతి తెలిసిందే. ఈ మ్యాచ్‌లో అద్భుతంగా రాణించిన విరాట్ కోహ్లి, శుబ్‌మన్ గిల్, కుల్దీప్ యాదవ్‌లపై భారత మాజీ క్రికెటర్ కృష్ణమాచారి శ్రీకాంత్ ప్రశంసల వర్షం కురిపించాడు. ముఖ్యంగా గిల్‌ను పొగ‌డ్త‌ల‌తో అత‌డు ముంచెత్తాడు. గిల్ వ‌న్డేల్లో మాస్ట‌ర్స్ చేశాడ‌ని అత‌డు కొనియాడాడు.అయితే ఈ మ్యాచ్‌లో పంజాబ్ యంగ్ ఆల్‌రౌండర్ నమన్ ధీర్‌కు తుది జట్టులో చోటివ్వడాన్ని మాత్రం శ్రీకాంత్ తీవ్రంగా తప్పుబట్టాడు. టీమిండియా క్యాప్ అందరికీ అంత సులభంగా దక్కకూడదని, భారత్ తరఫున ఆడటానికి ఒక నిర్దిష్టమైన అర్హత ఉండాలని చిక్కా అభిప్రాయపడ్డాడు."నమన్ ధీర్ భారత జట్టు తరఫున ఆడేందుకు అర్హుడు కాదు. దేశవాళీ క్రికెట్‌లో కూడా అతడికి అంత గొప్ప రికార్డేమీ లేదు. ఇండియన్ క్యాప్ అనేది షాప్‌లో దొరికే సాధారణ వస్తువు కాదు కదా? ఇలా ప్రతీ ఒక్కరికీ భారత జట్టులో ఆడే అవకాశం ఎలా ఇచ్చేస్తారు? ఒకవేళ అతడికి బ్యాటింగ్ చేసే అవకాశం వచ్చినా ఏడో స్థానంలోనే వస్తాడు.. ఆ స్థానంలో వచ్చి అతడేమి సాధిస్తాడు?బ్యాటింగ్‌తో పాటు రెండు మూడు ఓవర్లు బౌలింగ్ చేయగలడంతే. అంతమాత్రాన అతడిని ఆల్‌రౌండర్‌గా పరిగణించలేం. మన భారత బ్యాటింగ్ ఆర్డర్ చాలా బలంగా ఉంది. అలాంటప్పుడు జట్టులో అదనపు బ్యాటర్ అవసరం లేదు. పైగా ఎనిమిదో స్థానంలో ఉన్నవారికి అసలు బ్యాటింగ్ చేసే అవకాశమే రాకపోవచ్చు" అని క్రిస్ శ్రీకాంత్ మండిపడ్డాడు.కాగా శ్రేయస్ అయ్యర్, ఇషాన్ కిషన్ వంటి ఫస్ట్ చాయిస్ ఆటగాళ్లు ఆసియా క్రీడల పోటీల కోసం జపాన్ వెళ్లడంతో నమన్ ధీర్‌కు ఈ మ్యాచ్‌లో అరంగేట్రం చేసే అవకాశం దక్కింది. ఈ మ్యాచ్‌లో నమన్‌కు బ్యాటింగ్ చేసే అవకాశం రానప్పటికీ, బౌలింగ్‌లో కెప్టెన్ అతడితో 5 ఓవర్లు వేయించాడు. అయితే, అతడు 33 పరుగులిచ్చి ఒక్క వికెట్ కూడా తీయలేకపోయాడు.చదవండి: IND vs WI: చరిత్ర సృష్టించిన రోహిత్‌ శర్మ.. ప్రపంచంలోనే తొలి ప్లేయర్‌గా

వెస్టిండీస్‌తో జరుగుతున్న మూడు వన్డేల సిరీస్‌లో టీమిండియా శుభారంభం చేసింది. తిరువనంతపురం వేదికగా జరిగిన తొలి వన్డేలో కరేబియన్ జట్టుపై 8 వికెట్ల తేడాతో భారత్ ఘన విజయం సాధించింది. విండీస్ నిర్దేశించిన 296 పరుగుల లక్ష్యాన్ని భారత్ కేవలం 2 వికెట్లు మాత్రమే కోల్పోయి, 41.4 ఓవర్లలోనే సునాయాసంగా ఛేదించింది.కెప్టెన్ శుబ్‌మన్ గిల్ (110), విరాట్ కోహ్లి (139) భారీ సెంచరీలతో విరుచుకుపడగా.. రోహిత్ శర్మ (32) పరుగులతో రాణించాడు. రోహిత్ శర్మకు మంచి ఆరంభం లభించినప్పటికీ దానిని భారీ స్కోరుగా మలచలేకపోయాడు. అయినప్పటికీ ఈ ఇన్నింగ్స్‌తో హిట్ మ్యాన్ ఒక ప్రపంచ రికార్డును తన పేరిట లిఖించుకున్నాడు.సచిన్ టెండూల్కర్ రికార్డు బ్రేక్వన్డేల్లో ఓపెనర్‌గా తొలి 200 ఇన్నింగ్స్‌ల తర్వాత అత్యధిక పరుగులు చేసిన బ్యాటర్‌గా రోహిత్ శర్మ చరిత్ర సృష్టించాడు. ఇంతకుముందు ఈ రికార్డు 'క్రికెట్ దేవుడు' సచిన్ టెండూల్కర్ పేరిట ఉండేది. తాజా మ్యాచ్‌తో సచిన్ ఆల్-టైమ్ రికార్డును రోహిత్ తిరగరాశాడు. రోహిత్ శర్మ 200 ఇన్నింగ్స్‌ల్లో 9,897 పరుగులు చేయగా.. సచిన్ 9,217 రన్స్ చేశాడు. ఓవరాల్‌గా వన్డేల్లో అత్యధిక పరుగులు చేసిన బ్యాటర్ల జాబితాలో రోహిత్ శర్మ (11,927 పరుగులు) ప్రస్తుతం ఏడో స్థానంలో కొనసాగుతున్నాడు.వన్డేల్లో ఓపెనర్‌గా తొలి 200 ఇన్నింగ్స్‌ల తర్వాత అత్యధిక పరుగులు చేసిన ఆటగాళ్లు వీరేరోహిత్ శర్మ – 9,897 పరుగులు*సచిన్ టెండూల్కర్ – 9,217 పరుగులుసౌరవ్ గంగూలీ – 7,870 పరుగులుక్రిస్ గేల్ – 7,669 పరుగులుసయీద్ అన్వర్ – 7,564 పరుగులుడెస్మండ్ హేన్స్ – 7,454 పరుగులుఆడమ్ గిల్‌క్రిస్ట్ – 7,147 పరుగులువీరేంద్ర సెహ్వాగ్ – 7,051 పరుగులుతమీమ్ ఇక్బాల్ – 6,871 పరుగులుసనత్ జయసూర్య – 6,727 పరుగులు

తిరువనంతపురం వేదికగా వెస్టిండీస్‌తో జరిగిన తొలి వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. వెస్టిండీస్ విధించిన 296 పరుగుల లక్ష్యాన్ని భారత్ 41.4 ఓవర్లలోనే కేవలం రెండు వికెట్లు మాత్రమే కోల్పోయి ఛేదించింది. విరాట్ కోహ్లి (88 బంతుల్లో 139 నాటౌట్‌, 10 ఫోర్లు, 9 సిక్సర్లు), కెప్టెన్ శుబ్‌మన్ గిల్ (108 బంతుల్లో 110 పరుగులు, 13 ఫోర్లు, ఒక సిక్సర్‌) సెంచరీలతో చెలరేగడంతో భారత్ సునాయాస విజయాన్ని సాధించింది. రోహిత్ శర్మ 32 పరుగులు చేశాడు. విండీస్ బౌలర్లలో అల్జారీ జోసెఫ్‌, రోస్టన్ చేజ్ చెరొక వికెట్ పడగొట్టారు. అజేయ సెంచరీతో జట్టు విజయంలో కీలకపాత్ర పోషించిన విరాట్ కోహ్లికి ‘ప్లేయర్ ఆఫ్ ది మ్యాచ్‌’ అవార్డు లభించింది. విండీస్‌పై విజయంతో మూడు మ్యాచ్‌ల వన్డే సిరీస్‌లో భారత్ 1-0తో ఆధిక్యంలో నిలిచింది. ఇరుజట్ల మధ్య రెండో వన్డే సెప్టెంబర్ 30న గౌహతి వేదికగా జరగనుంది.అంతకముందు టాస్ ఓడి తొలుత బ్యాటింగ్ చేసిన విండీస్ నిర్ణీత ఓవ‌ర్ల‌లో 7 వికెట్ల న‌ష్టానికి 295 ప‌రుగుల భారీ స్కోర్ సాధించింది. విండీస్ ఓపెన‌ర్ జ‌స్టిన్ గ్రీవ్స్‌(101) సెంచ‌రీతో క‌దం తొక్క‌గా.. జాన్ క్యాంప్‌బెల్‌(62), అమీర్ జాంగో(58) అర్ధ శ‌త‌కాల‌తో రాణించారు. భార‌త బౌల‌ర్ల‌లో కుల్దీప్ యాద‌వ్ నాలుగు వికెట్లు ప‌డ‌గొట్ట‌గా, ప్ర‌సిద్ద్ కృష్ణ రెండు వికెట్లు తీశాడు.🔙 to 🔙 to seal the deal 👊#TeamIndia with a clinical chase in just 4️⃣1️⃣.4️⃣ overs to win by 8️⃣ wickets 👏👏Scorecard ▶️ https://t.co/O2cs86p4gq#INDvWI | @mflone_ pic.twitter.com/SUj4bbE9rh— BCCI (@BCCI) September 27, 2026ఇదీ చదవండి: సిక్స‌ర్‌తో సెంచ‌రీ పూర్తి చేసిన కోహ్లి

తిరువ‌నంత‌పురం వేదిక‌గా వెస్టిండీస్‌తో జ‌రుగుతున్న తొలి వ‌న్డేలో ర‌న్ మెషిన్‌ విరాట్ కోహ్లి సెంచ‌రీతో దుమ్మురేపాడు. 74 బంతుల్లో శ‌త‌కం మార్క్ అందుకున్న కోహ్లి ఇన్నింగ్స్‌లో 6 ఫోర్లు, ఆరు సిక్స‌ర్లు ఉన్నాయి. అయితే గుద‌కేశ్ మోతీ బౌలింగ్‌లో 94 ప‌రుగుల వ‌ద్ద ఉన్నప్పుడు భారీ సిక్స‌ర్ బాదిన కోహ్లి సెంచ‌రీ పూర్తి చేయడం విశేషం. కాగా కోహ్లికి వన్డేల్లో ఇది 55వ సెంచరీ.ఈ క్ర‌మంలో కోహ్లి మ‌రో రికార్డును అందుకున్నాడు. లిస్ట్‌-ఏ క్రికెట్‌లో 59 సెంచ‌రీలు చేసిన కోహ్లికి విండీస్‌పై సాధించిన సెంచ‌రీ 60వ‌ది. ఈ క్ర‌మంలో మాస్ట‌ర్ బ్లాస్ట‌ర్ స‌చిన్ టెండూల్క‌ర్ 60 సెంచ‌రీల‌ రికార్డును స‌మం చేశాడు. అంతేకాదు 109 ప‌రుగుల వ్య‌క్తిగ‌త స్కోరు వ‌ద్ద స్వ‌దేశంలో వ‌న్డేల్లో స‌చిన్ సాధించిన (6,796) ప‌రుగుల రికార్డును కోహ్లి అధిగ‌మించాడు. ఇక తిరువనంతపురం వేదికగా జరిగిన గతంలో జరిగిన రెండు వన్డేల్లోనూ కోహ్లి నాటౌట్‌గా నిలిచాడు. తాజాగా వెస్టిండీస్‌తో వన్డేలో (139 పరుగులు నాటౌట్‌) మరోసారి అజేయంగా నిలిచి ఆ రికార్డును పదిలంగా ఉంచుకున్నాడు. ఇదే స్టేడియంలో 2023లో శ్రీలంకతో జరిగిన వన్డేలో 166 పరుగుల అజేయ ఇన్నింగ్స్ కోహ్లి కెరీర్‌లో ఒక బెస్ట్ ఇన్నింగ్స్ అనడంలో ఎలాంటి సందేహం లేదు.The bat raise, the roar, the milestone 👏👏A Virat Kohli show in Thiruvananthapuram 🍿Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/7pW58tYKeJ— BCCI (@BCCI) September 27, 2026ఇదీ చదవండి: కోహ్లి, గిల్ శతకాల మోత.. తొలి వన్డేలో భారత్ ఘన విజయం

తిరువనంతపురం వేదిక‌గా వెస్టిండీస్‌తో జ‌రిగిన తొలి వ‌న్డే మ్యాచ్‌లో టీమిండియా ర‌న్‌మెషిన్ విరాట్ కోహ్లి మ‌రో మైలురాయిని చేరుకున్నాడు. 61 ప‌రుగుల వ్య‌క్తిగ‌త స్కోరు వ‌ద్ద కోహ్లి వ‌న్డేల్లో 15వేల ప‌రుగులు పూర్తి చేసుకున్నాడు. 15 వేల ప‌రుగులు పూర్తి చేసేందుకు కోహ్లికి 303 ఇన్నింగ్స్‌లు అవ‌స‌ర‌మ‌య్యాయి. త‌ద్వారా అంత‌ర్జాతీయ వ‌న్డేల్లో అత్యంత వేగంగా 15వేల ర‌న్స్ పూర్తి చేసిన తొలి క్రికెట‌ర్‌గా కోహ్లి నిలిచాడు. గ‌తంలో ఈ రికార్డు భారత క్రికెట్ దిగ్గజం సచిన్ టెండూల్కర్ (377 ఇన్నింగ్స్‌లు) పేరిట ఉంది. ఈ నేప‌థ్యంలో 15వేల పరుగుల మైలురాయి చేరుకునే క్రమంలో స‌చిన్ రికార్డును బ‌ద్ద‌లు కొట్టిన కోహ్లి ప్రపంచ రికార్డు సాధించాడు. అయితే వన్డే క్రికెట్‌లో అత్యధిక పరుగుల రికార్డు మాత్రం ఇప్పటికీ సచిన్ (18,426) పేరిటే ఉంది. సచిన్‌ అగ్రస్థానంలో కొనసాగుతుండ‌గా, కోహ్లి అత‌డిని అనుస‌రిస్తున్నాడు. లంక దిగ్గజ బ్యాటర్‌ కుమార సంగక్కర (14,234 పరుగులు) మూడో స్థానంలో, రికీ పాంటింగ్‌ (13,704 పరుగులు) నాలుగు, సనత్‌ జయసూర్య (13,430 పరుగులు) ఐదో స్థానంలో కొనసాగుతున్నారు.కాగా సచిన్ 34 ఏళ్ల 66 రోజుల వయసులో సచిన్ 15వేల పరుగులు పూర్తి చేస్తే, కోహ్లి 37 ఏళ్ల 326 రోజుల వయసులో 15వేల మార్క్ అందుకున్నాడు. అయితే ఇన్నింగ్సల్ పరంగా చూసుకుంటే సచిన్‌కు 377 ఇన్నింగ్స్‌లు అవసరమవ్వగా, కోహ్లి కేవలం 303 ఇన్నింగ్స్‌ల్లోనే ఈ ఫీట్ సాధించాడు. ఇక బంతుల పరంగా సచిన్ 17,528 బంతులు అవసరమవ్వగా.. కోహ్లికి 15,950 బంతులు అవసరమయ్యాయి.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026 Fastest to 1⃣5⃣0⃣0⃣0⃣ ODI runs ✅Congratulations to Virat Kohli on becoming the second player to achieve the feat after Sachin Tendulkar 👏👏Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/CMhAIOXQhR— BCCI (@BCCI) September 27, 2026ఇదీ చదవండి: ఐదు వికెట్లతో చెలరేగిన భారత బౌలర్‌.. ఆసీస్‌ 217 ఆలౌట్‌

తిరువనంతపురం వేదికగా టీమిండియాతో జరుగుతున్న తొలి వన్డేలో వెస్టిండీస్ గౌరవప్రదమైన స్కోరు సాధించింది. విండీస్ ఓపెనర్ జస్టిన్ గ్రీవ్స్ సెంచరీతో విరుచుకుపడడంతో నిర్ణీత 50 ఓవర్లలో 7 వికెట్ల నష్టానికి 295 పరుగులు చేసింది. గ్రీవ్స్ (108 బంతుల్లో 101, 12 ఫోర్లు) శతకానికి తోడు మరో ఓపెనర్ జాన్ కాంప్‌బెల్ (62) అర్థశతకం సాధించాడు. వీరిద్దరు తొలి వికెట్‌కు 135 పరుగులు జోడించి జట్టుకు శుబారంభం అందించారు. ఈ దశలో భారత స్పిన్నర్ కుల్దీప్ యాదవ్ తన బౌలింగ్‌తో విండీస్ బ్యాటర్లను హడలెత్తించాడు. 19 ఓవర్లు ముగిసేసరికి ఒక్క వికెట్ కూడా కోల్పోని విండీస్ ఆ తర్వాత కుల్దీప్ మాయజాలంతో వరుసగా వికెట్లను చేజార్చుకుంది. జస్టిన్ గ్రీవ్స్‌, జువెల్ ఆండ్రూలను రెండు వరుస బంతుల్లో ఔట్ చేసిన కుల్దీప్ టీమిండియాకు బ్రేక్ ఇచ్చాడు. ఈ దశలో మిడిలార్డర్‌లో అమిర్ జాంగో (43 బంతుల్లో 58 నాటౌట్‌) మెరుపు ఇన్నింగ్స్‌కు తోడు ఆఖర్లో రోస్టన్ చేజ్ (24) పరుగులు చేయడంతో విండీస్ 290 పరుగుల మార్క్‌ను దాటగలిగింది. భారత బౌలర్లలో కుల్దీప్ యాదవ్ 4 వికెట్లు తీయడంతో పాటు పొదుపుగా బౌలింగ్ చేయగా, ప్రసిధ్ క్రిష్ణ రెండు వికెట్లు పడగొట్టాడు.అంతకముందు విండీస్‌తో తొలి వన్డే ద్వారా టీమిండియా తరఫున కొత్త ఆటగాడు అరంగేట్రం చేశాడు. పంజాబ్‌కు చెందిన 26 ఏళ్ల విధ్వంసకర బ్యాటర్‌ నమన్‌ ధిర్‌ ఈ మ్యాచ్‌తో తన అంతర్జాతీయ కెరీర్‌ను ప్రారంభించనున్నాడు. ఈ మ్యాచ్‌లో టీమిండియా టాస్‌ గెలిచి బౌలింగ్‌ ఎంచుకోగా.. గిల్ చేతుల మీదుగా నమన్‌ ధిర్ క్యాప్ అందుకున్నాడు.ఇదీ చదవండి: మిల్ల‌ర్ ప్ర‌పంచ రికార్డు.. బవుమా సెంచరీ; సౌతాఫ్రికా భారీ స్కోరు

తిరువనంతపురం వేదికగా వెస్టిండీస్‌తో జరుగుతున్న తొలి వన్డేలో టీమిండియా స్టార్ క్రికెటర్ విరాట్ కోహ్లి అరుదైన ఘనత సాధించాడు. విండీస్‌పై అత్యధిక వన్డేలు ఆడిన భారత ప్లేయర్‌గా విరాట్ రికార్డులకెక్కాడు.. ఇది కరేబియన్ జట్టుపై కోహ్లికి 44వ వన్డే మ్యాచ్ కావడం గమనార్హం.అంతకుముందు ఈ రికార్డు భారత మాజీ కెప్టెన్ మహమ్మద్ అజారుద్దీన్ పేరిట ఉండేది. అజారుద్దీన్‌ 1985-1998 మధ్య విండీస్‌పై 43 వన్డేలు ఆడాడు. తాజా మ్యాచ్‌తో 28 ఏళ్ల అజారుద్దీన్ ఆల్‌టైమ్ రి​కార్డును కోహ్లి బ్రేక్ చేశాడు. కాగా ప్రస్తుత భారత జట్టులోని యాక్టివ్ క్రికెటర్లలో ఎవరూ లేరు.కోహ్లి ఇప్పటివరకు విండీస్‌పై 41 వ‌న్డే ఇన్నింగ్స్‌ల‌లో 2,261 పరుగులు చేసి లీడింగ్ ర‌న్ స్కోర‌ర్‌గా కొన‌సాగుతున్నాడు. అంతేకాకుండా విండీస్‌పై విరాట్ రికార్డు స్దాయిలో 9 వ‌న్డే సెంచ‌రీలు చేయ‌డం విశేషం. ఇక ఓవరాల్‌గా వెస్టిండీస్‌పై అత్యధిక వన్డేలు ఆడిన రికార్డు పాకిస్తాన్ మాజీ కెప్టెన్లు జావేద్ మియాందాద్, వసీం అక్రమ్‌ల పేరిట ఉంది. వీరిద్దరూ కరీబియన్ జట్టుపై చెరో 64 వన్డే మ్యాచ్‌లు ఆడారు.విండీస్‌పై అత్యధిక వన్డేలు ఆడిన భారత ఆటగాళ్లు వీరేవిరాట్ కోహ్లీ – 44 మ్యాచ్‌లుమహమ్మద్ అజారుద్దీన్ – 43 మ్యాచ్‌లుకపిల్ దేవ్ – 42 మ్యాచ్‌లురాహుల్ ద్రావిడ్ – 40 మ్యాచ్‌లుమహేంద్ర సింగ్ ధోనీ – 39 మ్యాచ్‌లుచదవండి: IND vs WI: బెడిసి కొట్టిన టీమిండియా ప్ర‌యోగం.. ఉతికారేసిన విండీస్‌ బ్యాటర్‌

తిరువనంతపురం వేదికగా వెస్టిండీస్‌తో జరుగుతున్న తొలి వన్డేలో టీమిండియా కెప్టెన్ శుబ్‌మన్ గిల్ వేసిన మొదటి వ్యూహమే బెడిసికొట్టింది. మ్యాచ్ ఆరంభంలోనే విండీస్‌పై ఒత్తిడి పెంచేందుకు గిల్ తీసుకున్న ఒక నిర్ణయం భారత్‌కు షాకిచ్చింది. మహ్మద్ సిరాజ్‌కు తుది జట్టులో చోటు దక్కకపోవడంతో ఇన్నింగ్స్ తొలి ఓవర్‌ను పేసర్ ప్రసిద్ధ్ కృష్ణతో గిల్ వేయించాడు. ఆ తర్వాత రెండో ఓవర్ వేసేందుకు గుర్నూర్ బ్రార్ వస్తాడని అంతా భావించినప్పటికీ.. గిల్ అందరినీ ఆశ్చర్యపరుస్తూ పేస్ బౌలింగ్ ఆల్‌రౌండర్ నితీశ్ కుమార్‌కు బంతిని అప్పగించాడు. అయితే ఈ నిర్ణయానికి టీమిండియా భారీ మూల్యమే చెల్లించుకోవాల్సి వచ్చింది.ఈ ఆంధ్రా ఆల్‌రౌండర్ చెత్త బంతులు విసిరి తీవ్రంగా నిరాశపరిచాడు. నితీష్‌ బౌలింగ్‌ను విండీస్ ఓపెనర్ జస్టిన్ గ్రీవ్స్ ఉతికారేశాడు. ఆ ఓవర్‌లో నాలుగు ఫోర్లతో మొత్తం 16 పరుగులు పిండుకున్నాడు. ఈ క్రమంలో కొత్త బంతిని నితీష్‌కు అప్పగించడాన్ని నెటిజన్లు తప్పుపడుతున్నారు. కాగా ఈ మ్యాచ్‌లో టీమిండియా తరపున ముంబై ఇండియన్స్‌ ఆటగాడు నమన్‌ ధీర్‌ అంతర్జాతీయ అరంగేట్రం చేశాడు.తుది జట్లువెస్టిండీస్: జాన్ కాంప్‌బెల్, జస్టిన్ గ్రీవ్స్, కీసీ కార్తీ, షాయ్ హోప్(కెప్టెన్‌), అమీర్ జాంగూ, జ్యువెల్ ఆండ్రూ, రోస్టన్ చేజ్, మాథ్యూ ఫోర్డే, గుడాకేష్ మోటీ, అల్జారీ జోసెఫ్, జేడెన్ సీల్స్భారత్: రోహిత్ శర్మ, శుభ్‌మన్ గిల్ (కెప్టెన్‌), విరాట్ కోహ్లీ, రుతురాజ్ గైక్వాడ్, కెఎల్ రాహుల్ (వికెట్ కీపర్‌), నమన్ ధీర్, రవీంద్ర జడేజా, నితీష్ కుమార్ రెడ్డి, గుర్నూర్ బ్రార్, కుల్దీప్ యాదవ్, ప్రసిద్ధ్ కృష్ణచదవండి: విండీస్‌తో తొలి వన్డే.. విధ్వంసకర బ్యాటర్‌ అరంగేట్రం

తిరువనంతపురం వేదికగా వెస్టిండీస్‌తో జరిగిన తొలి వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. 296 పరుగుల లక్ష్యాన్ని భారత్ 41.4 ఓవర్లలోనే కేవలం రెండు వికెట్లు మాత్రమే కోల్పోయి ఛేదించింది. విరాట్ కోహ్లి (139 నాటౌట్‌), కెప్టెన్ శుబ్‌మన్ గిల్ (110) సెంచరీలతో చెలరేగడంతో భారత్ సునాయాస విజయం సాధించింది. రోహిత్‌ శర్మ 32 పరుగులు చేశాడు.అంతకముందు టాస్ ఓడి తొలుత బ్యాటింగ్ చేసిన విండీస్ నిర్ణీత ఓవ‌ర్ల‌లో 7 వికెట్ల న‌ష్టానికి 295 ప‌రుగుల భారీ స్కోర్ సాధించింది. విండీస్ ఓపెన‌ర్ జ‌స్టిన్ గ్రీవ్స్‌(101) సెంచ‌రీతో క‌దం తొక్క‌గా.. జాన్ క్యాంప్‌బెల్‌(62), అమీర్ జాంగో(58) అర్ధ శ‌త‌కాల‌తో రాణించారు. భార‌త బౌల‌ర్ల‌లో కుల్దీప్ యాద‌వ్ నాలుగు వికెట్లు ప‌డ‌గొట్ట‌గా, ప్ర‌సిద్ద్ కృష్ణ రెండు వికెట్లు తీశాడు.కోహ్లి సెంచరీతిరువ‌నంత‌పురం వేదిక‌గా వెస్టిండీస్‌తో జ‌రుగుతున్న తొలి వ‌న్డేలో ర‌న్ మెషిన్‌ విరాట్ కోహ్లి సెంచ‌రీతో దుమ్మురేపాడు. 74 బంతుల్లో శ‌త‌కం మార్క్ అందుకున్న కోహ్లి ఇన్నింగ్స్‌లో 6 ఫోర్లు, ఆరు సిక్స‌ర్లు ఉన్నాయి. భారత్‌ విజయానికి 44 పరుగుల దూరంలో ఉంది.గిల్‌ (110) ఔట్‌సెంచరీ చేసిన గిల్‌ (110) ఔటవ్వడంతో టీమిండియా 225 పరుగుల వద్ద రెండో వికెట్‌ కోల్పోయింది. భారత్‌ విజయానికి 67 పరుగులు అవసరం.గిల్‌ సెంచరీ..విండీస్‌తో వన్డేలో కెప్టెన్‌ గిల్‌ సెంచరీ సాధించాడు. 96 బంతుల్లో సెంచరీ మార్క్‌ సాధించిన గిల్‌ ఇన్నింగ్స్‌లో 12 ఫోర్లు, ఒక సిక్సర్‌ ఉన్నాయి. ప్రస్తుతం భారత్‌ 33 ఓవర్లలో వికెట్‌ నష్టానికి 217 పరుగులు చేసింది. భారత్‌ విజయానికి 79 పరుగులు అవసరం. కోహ్లి (74) పరుగులతో క్రీజులో ఉన్నాడు.విండీస్‌తో తొలి వన్డేలో టీమిండియా విజయం దిశగా సాగుతోంది. 29 ఓవర్లు ముగిసేసరికి భారత్‌ వికెట్‌ నష్టానికి 193 పరుగులు చేసింది. గిల్‌ (95), కోహ్లి (61) పరుగులతో ఆడుతున్నారు. గిల్ అర్థ‌శ‌త‌కం.. భారత్ స్కోరెంతంటే?భార‌త కెప్టెన్ శుబ్‌మ‌న్ గిల్ అర్థ‌సెంచ‌రీ సాధించ‌డంతో టీమిండియా ల‌క్ష్యం దిశగా సాగుతోంది. 17 ఓవ‌ర్లు ముగిసేస‌రికి వికెట్ న‌ష్టానికి 107 ప‌రుగులు చేసింది. గిల్ (55), కోహ్లి (19) ప‌రుగుల‌తో ఆడుతున్నారు. అంత‌క‌ముందు రోహిత్ (32) అల్జారీ జోసెఫ్ బౌలింగ్‌లో క్యాచ్ ఔట్‌గా వెనుదిరిగాడు.టీమిండియా తొలి వికెట్‌ డౌన్‌..టీమిండియా తొలి వికెట్‌ కోల్పోయింది. 32 పరుగులు చేసిన రోహిత్‌ శర్మ.. అల్జారీ జోషఫ్‌ బౌలింగ్‌లో ఔటయ్యాడు. క్రీజులోకి విరాట్‌ కోహ్లి వచ్చాడు. 13 ఓవర్లకు భారత్‌ స్కోర్‌: 80-1నిలకడగా ఆడుతున్న టీమిండియా ఓపెనర్లు5 ఓవర్లు ముగిసే సరికి భారత్‌ వికెట్‌ నష్టపోకుండా 29 పరుగులు చేసింది. క్రీజులో శుబ్‌మన్‌ గిల్‌(12), రోహిత్‌ శర్మ ఉన్నారు.గ్రీవ్స్‌ సెంచరీ.. వెస్టిండీస్‌ భారీ స్కోర్‌తిరువ‌నంత‌పురం వేదిక‌గా టీమిండియాతో జ‌రుగుతున్న తొలి వ‌న్డేలో వెస్టిండీస్ బ్యాట‌ర్లు స‌త్తాచాటారు. టాస్ ఓడి తొలుత బ్యాటింగ్ చేసిన విండీస్ నిర్ణీత ఓవ‌ర్ల‌లో 7 వికెట్ల న‌ష్టానికి 295 ప‌రుగుల భారీ స్కోర్ సాధించింది. విండీస్ ఓపెన‌ర్ జ‌స్టిన్ గ్రీవ్స్‌(101) సెంచ‌రీతో క‌దం తొక్క‌గా.. జాన్ క్యాంప్‌బెల్‌(62), అమీర్ జాంగో(58) అర్ధ శ‌త‌కాల‌తో రాణించారు. భార‌త బౌల‌ర్ల‌లో కుల్దీప్ యాద‌వ్ నాలుగు వికెట్లు ప‌డ‌గొట్ట‌గా, ప్ర‌సిద్ద్ కృష్ణ రెండు వికెట్లు తీశాడు.అమీర్ జంగూ హాఫ్‌ సెంచరీఅమీర్ జంగూ ఆఖరిలో అద్భుత ఇన్నింగ్స్‌ ఆడుతున్నాడు. జంగూ 38 బంతుల్లో తన హాఫ్‌ సెంచరీ మార్క్‌ను అందుకున్నాడు.విండీస్‌ ఆరో వికెట్‌ డౌన్‌.. ఛేజ్‌ అవుట్విండీస్‌ ఆరో వికెట్‌ కోల్పోయింది. 24 పరుగులు చేసిన రోస్టన్‌ ఛేజ్‌.. ప్రసిద్ద్‌ కృష్ణ బౌలింగ్‌లో ఔటయ్యాడు. 45 ఓవర్లకు విండీస్‌ స్కోర్‌: 250/6కుల్దీప్‌ మ్యాజిక్‌.. ఒకే ఓవర్‌లో రెండు వికెట్లువెస్టిండీస్‌ ఒకే ఓవర్‌లో వరుసగా రెండు వికెట్లు కోల్పోయింది. 36 ఓవర్‌ వేసిన కుల్దీప్‌ యాదవ్‌.. మూడో బంతికి గ్రీవ్స్‌(101), నాలుగో బంతికి ఆండ్రూ(0)లను పెవిలియన్‌కు పంపాడు. 35.4 ఓవర్లకు వెస్టిండీస్‌ స్కోర్‌: 198/5జస్టిన్‌ గ్రీవ్స్‌ సెంచరీజస్టిన్‌ గ్రీవ్స్‌ 104 బంతుల్లో తన తొలి వన్డే సెంచరీ మార్క్‌ను అందుకున్నాడు.విండీస్‌ మూడో వికెట్‌ డౌన్‌విండీస్‌ మూడో వికెట్‌ కోల్పోయింది. 12 పరుగులు చేసిన కెప్టెన్‌ షాయ్‌ హోప్‌.. కుల్దీప్‌ యాదవ్‌ బౌలింగ్‌లో ఔటయ్యాడు. 34 ఓవర్లకు విండీస్‌ స్కోర్‌: 195/3విండీస్‌ రెండో డౌన్‌వెస్టిండీస్‌ రెండో వికెట్‌ కోల్పోయింది. 13 పరుగులు చేసిన కార్టీ.. ప్రసిద్ద్‌ కృష్ణ బౌలింగ్‌లో ఔటయ్యాడు. 30.1 ఓవర్లకు విండీస్‌ స్కోర్‌: 176/228 ఓవర్లకు విండీస్‌ స్కోరెంతంటే?28 ఓవర్లు ముగిసే సరికి విండీస్‌ వికెట్‌ నష్టానికి 168 పరుగులు చేసింది. క్రీజులో గ్రీవ్స్‌(87), కార్టీ(10) ఉన్నారు.విండీస్‌ తొలి వికెట్‌ డౌన్‌ఎట్టకేలకు విండీస్‌ ఓపెనింగ్‌ భాగస్వామ్యాన్ని భారత బౌలర్లు బ్రేక్‌ చేశారు. 135 పరుగుల వద్ద విండీస్‌ తొలి వికెట్‌ కోల్పోయింది. 62 పరుగులు చేసిన క్యాంప్‌బెల్‌.. కుల్దీప్‌ యాదవ్‌ బౌలింగ్‌లో ఔటయ్యాడు.గ్రీవ్స్‌ హాఫ్‌ సెంచరీజస్టిన్‌ గ్రీవ్స్‌(58) హాఫ్‌ సెంచరీని పూర్తి చేసుకున్నాడు. అతడితో పాటు జాన్‌ క్యాంప్‌బెల్‌(43) క్రీజులో ఉన్నాడు. 15 ఓవర్లకు విండీస్‌ స్కోర్‌: 107/0దంచికొడుతున్న విండీస్ ఓపెనర్లువిండీస్‌ ఓపెనర్లు జాన్‌ క్యాంప్‌బెల్‌(36), జస్టిన్‌ గ్రీవ్స్‌(42) దూకుడుగా ఆడుతున్నారు. పవర్‌ ప్లే(10) ముగిసే సరికి వెస్టిండీస్‌ వికెట్‌ నష్టపోకుండా 85 పరుగులు చేసింది.విండీస్‌ ఓపెనర్‌ జస్టిన్‌ గ్రీవ్‌(15 బంతుల్లో 6 ఫోర్లతో 26) దూకుడుగా ఆడుతున్నాడు. 4 ఓవర్లు ముగిసే విండీస్‌ వికెట్‌ నష్టపోకుండా 35 పరుగులు చేసింది.తిరువ‌నంత‌పురం వేదిక‌గా తొలి వ‌న్డేలో భార‌త్‌-వెస్టిండీస్ జ‌ట్లు త‌ల‌ప‌డతున్నాయి. ఈ మ్యాచ్‌లో టాస్ గెలిచిన టీమిండియా కెప్టెన్‌ శుబ్‌మన్‌ గిల్‌ తొలుత బౌలింగ్ ఎంచుకున్నాడు. భారత్‌ తరపున ముంబై ఇండియన్స్‌ ఆటగాడు నమన్‌ ధీర్‌ అంతర్జాతీయ అరంగేట్రం చేశాడు. అదేవిధంగా ఇంగ్లండ్ టూర్‌కు దూరంగా ఉన్న ఆల్‌రౌండర్లు రవీంద్ర జడేజా, నితీశ్‌కుమార్‌ రెడ్డి తిరిగి తుది జట్టులోకి వచ్చారు. ఓవరాల్‌గా ముగ్గురు పేసర్లు, ఇద్దరు స్పిన్నర్లతో భారత్‌ బరిలోకి దిగింది. మరోవైపు విండీస్‌ సీనియర్‌ ఓపెనర్‌ జాన్‌ క్యాంప్‌బెల్‌ పునరాగమనం చేశాడు. జస్టిన్ గ్రీవ్స్‌తో కలిసి అతడు ఇన్నింగ్స్‌ను ప్రారంభించనున్నాడు.తుది జట్లువెస్టిండీస్ : జాన్ కాంప్‌బెల్, జస్టిన్ గ్రీవ్స్, కీసీ కార్తీ, షాయ్ హోప్(కెప్టెన్‌), అమీర్ జాంగూ, జ్యువెల్ ఆండ్రూ, రోస్టన్ చేజ్, మాథ్యూ ఫోర్డే, గుడాకేష్ మోటీ, అల్జారీ జోసెఫ్, జేడెన్ సీల్స్భారత్: రోహిత్ శర్మ, శుభ్‌మన్ గిల్ (కెప్టెన్‌), విరాట్ కోహ్లీ, రుతురాజ్ గైక్వాడ్, కెఎల్ రాహుల్ (వికెట్ కీపర్‌), నమన్ ధీర్, రవీంద్ర జడేజా, నితీష్ కుమార్ రెడ్డి, గుర్నూర్ బ్రార్, కుల్దీప్ యాదవ్, ప్రసిద్ధ్ కృష్ణ

తిరువనంత‌పురం వేదిక‌గా మ‌రి కాసేపట్లో భార‌త్‌-వెస్టిండీస్ మ‌ధ్య తొలి వన్డే ప్రారంభం కానుంది. అయితే ఈ మ్యాచ్‌కు ముందు ప‌ర్య‌ట‌క విండీస్ జ‌ట్టుకు ఊహించ‌ని షాక్ త‌గిలింది. విధ్వంస‌క‌ర బ్యాట‌ర్ షెర్ఫేన్ రూథర్‌ఫోర్డ్ వ్యక్తిగత కారణాల వల్ల మొద‌టి వ‌న్డేకు దూర‌మ‌య్యాడు. ఈ విష‌యాన్ని వెస్టిండీస్ క్రికెట్ బోర్డుతో పాటు కెప్టెన్ షాయ్ హోప్ కూడా ధ్రువీక‌రించాడు. ఎడ‌మచేతి వాటం బ్యాట‌ర్ అయిన రూథ‌ర్‌ఫోర్డ్ ఇంకా గ‌యానాలోనే ఉన్నాడు. అత‌డు సెప్టెంబ‌ర్ 30 గౌహ‌తి వేదిక‌గా జ‌ర‌గ‌నున్న రెండో వ‌న్డేకు ముందు జ‌ట్టుతో క‌ల‌వ‌నున్న‌ట్లు విండీస్ క్రికెట్ వ‌ర్గాలు వెల్ల‌డించాయి. రూథ‌ర్‌ఫోర్డ్ స్ధానంలో అమీర్ జంగూకు తుది జ‌ట్టులో చోటు ద‌క్కే అవ‌కాశ‌ముంది. మ‌రోవైపు గాయం నుంచి కోలుకున్న ఓపెన‌ర్ జాన్ క్యాంప్‌బెల్ పున‌రాగ‌మ‌నం చేసేందుకు సిద్ద‌మ‌య్యాడు. క్యాంప్‌బెల్ యువ బ్యాట‌ర్ జస్టిన్ గ్రీవ్స్‌తో క‌లిసి విండీస్ ఇన్నింగ్స్‌ను ప్రారంభించనున్న‌ట్లు తెలుస్తోంది. అదేవిధంగా నెట్స్‌లో గాయ‌ప‌డిన టీమిండియా కెప్టెన్ శుబ్‌మ‌న్ గిల్ కూడా పూర్తి ఫిట్‌నెస్ సాధించాడు. దీంతో తిరువ‌నంత‌పురం వ‌న్డేలో అత‌డే జ‌ట్టును న‌డిపించ‌నున్నాడు.తుది జట్లు(అంచనా)విండీస్‌: జాన్ క్యాంప్‌బెల్, జస్టిన్ గ్రీవ్స్, కీసీ కార్టీ, షాయ్ హోప్ (కెప్టెన్ & వికెట్ కీపర్), అమీర్ జంగూ, షెర్ఫేన్ రూథర్‌ఫోర్డ్, రోస్టన్ చేజ్, మాథ్యూ ఫోర్డ్, గుడాకేష్ మోటీ, అల్జారీ జోసెఫ్, జేడెన్ సీల్స్భారత్‌: శుభమన్ గిల్ (కెప్టెన్‌), రోహిత్ శర్మ, విరాట్ కోహ్లీ, రుతురాజ్ గైక్వాడ్, కేఎల్‌ రాహుల్ (వికెట్ కీపర్‌), నితీష్ కుమార్ రెడ్డి, రవీంద్ర జడేజా, గుర్నూర్ బ్రార్, ప్రసిద్ధ్ కృష్ణ, కుల్దీప్ యాదవ్, మహ్మద్ సిరాజ్చదవండి: బ్యాటర్ల విధ్వంసం.. భారత్‌ సంచలన విజయం; సిరీస్‌ కైవసం

వెస్టిండీస్‌తో తొలి వ‌న్డే సంద‌ర్భంగా టీమిండియా సీనియ‌ర్ బ్యాట‌ర్ రోహిత్ శ‌ర్మను ప్ర‌పంచ రికార్డు ఊరిస్తోంది. రేపు తిరువ‌నం త‌పురంలోని గ్రీన్‌ఫీల్డ్ స్టేడియం వేదిక‌గా ఇరుజ‌ట్ల మ‌ధ్య తొలి వ‌న్డే మ్యాచ్‌ జ‌ర‌గ‌నుంది. శుక్ర‌వారం జ‌రిగిన టీమిండియా ఇంట్రాస్వ్కాడ్ మ్యాచ్‌లో సూప‌ర్ ఫామ్ క‌న‌బ‌రిచిన రోహిత్ అదే ఆట‌ను విండీస్‌తో తొలి వ‌న్డేలోనూ ప్ర‌ద‌ర్శించాల‌ని ప‌ట్టుద‌ల‌తో ఉన్నాడు. రోహిత్ శ‌ర్మ ప్ర‌స్తుతం వ‌న్డే క్రికెట్‌లో భారత్‌ తరఫున అత్య‌ధిక ప‌రుగులు చేసిన జాబితాలో మూడో స్థానంలో కొన‌సాగుతున్నాడు. ఇప్ప‌టివ‌ర‌కు రోహిత్ 288 వ‌న్డే మ్యాచ్‌లాడి 11,895 ప‌రుగులు సాధించాడు. ఇందులో 34 సెంచ‌రీలు, 62 హాఫ్ సెంచ‌రీలున్నాయి. వ‌న్డేల్లో 12వేల ప‌రుగుల మైలురాయిని అందుకునేందుకు రోహిత్‌కు మ‌రో 105 ప‌రుగులు అవ‌స‌రం. ఇంగ్లండ్‌తో వ‌న్డే సిరీస్ సంద‌ర్భంగా ఆఖ‌రి వ‌న్డేలో సూప‌ర్‌సెంచ‌రీతో మెరిసిన హిట్‌మ్యాన్‌.. బ్యాటింగ్‌కు అనుకూలంగా ఉండే తిరువ‌నంత‌పురంలోనూ శ‌త‌కం సాధించాల‌ని భావిస్తున్నాడు. రోహిత్ ఫామ్‌లో ఉంటే ఇదేమీ పెద్ద విష‌యం కాదు. తొలి వ‌న్డేలో ఈ మైలురాయిని అందుకోలేన‌ప్ప‌టికీ, వ‌న్డే సిరీస్ ముగిసేలోపే 12వేల మార్కును చేరుకోవ‌డం ఖాయం.దీంతో పాటు రోహిత్ శ‌ర్మ‌ను మ‌రో రికార్డు కూడా ఊరిస్తోంది. అదేంటంటే, మ‌రో 135 ప‌రుగులు చేస్తే వ‌న్డేల్లో ఓపెన‌ర్‌గా 10వేల ప‌రుగుల మార్క్‌ను అందుకుంటాడు. త‌ద్వారా వన్డేల్లో ఓపెన‌ర్‌గా ప‌దివేల ప‌రుగుల మార్క్ అందుకున్న నాలుగో బ్యాట‌ర్‌గా, భార‌త్ త‌ర‌ఫున రెండో బ్యాట‌ర్‌గా నిల‌వ‌నున్నాడు. స‌చిన్ టెండూల్క‌ర్ ఈ ఫీట్ సాధించిన తొలి భార‌త ప్లేయ‌ర్‌గా కొన‌సాగుతున్నాడు.ఇక వెస్టిండీస్‌పై కూడా వ‌న్డేల్లో రోహిత్ శ‌ర్మ‌కు మంచి రికార్డే ఉంది. ఇప్ప‌టివ‌ర‌కు విండీస్‌తో 37 వ‌న్డేలు ఆడిన రోహిత్ 1,613 ప‌రుగులు చేశాడు. ఇందులో మూడు సెంచ‌రీలు, 12 హాఫ్ సెంచ‌రీలున్నాయి.ఇదీ చదవండి: ఓట‌మి బాధ‌లో ఉన్న ఆసీస్‌కు షాక్‌.. స్వ‌దేశానికి స్టార్ ఆట‌గాడు!

తిరువ‌నంత‌పురం వేదిక‌గా రేపు భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఇప్ప‌టికే ఇరుజ‌ట్లు త‌మ ప్రాక్టీస్‌ను ముమ్మ‌రం చేశాయి. టీమిండియా రెండుగా చీలిపోయి 50 ఓవ‌ర్ల ఇంట్రాస్వ్కాడ్ మ్యాచ్ కూడా ఆడేశాయి. ఈ మ్యాచ్‌లో కోహ్లి, రోహిత్‌, నితీశ్‌కుమార్ రెడ్డి, జ‌డేజా త‌మ బ్యాటింగ్‌తో ఆక‌ట్టుకున్నారు. అటు వెస్టిండీస్ కూడా టీమిండియాను వారి సొంత‌గ‌డ్డ‌పైనే ఓడించి నంబ‌ర్‌వ‌న్ ర్యాంకు నుంచి ప‌డ‌గొట్టేందుకు సిద్ధ‌మైన‌ట్లు పేర్కొంది. అంతేకాదు 24 ఏళ్ల త‌ర్వాత భార‌త్‌పై వ‌న్డే సిరీస్ గెలిచే అవ‌కాశం త‌మ‌కు ల‌భించింద‌ని, దీనిని స‌ద్వినియోగం చేసుకుంటామ‌ని విండీస్ హెడ్‌కోచ్ డారెన్ సామీ ప్ర‌గ‌ల్భాలు ప‌లికాడు. టీమిండియాను ఓడించి చూపిస్తామ‌ని స‌వాల్ చేయ‌డం గ‌మ‌నార్హం.గ‌త రికార్డులు ఇలా..ఈ విష‌యం ప‌క్క‌న‌బెడితే, అస‌లు టీమిండియా గ‌డ్డ‌పై వెస్టిండీస్ వ‌న్డే రికార్డు ఎలా ఉంది? విజ‌యాలెన్నీ? ఓట‌ములెన్నీ అనేది ఒక‌సారి ప‌రిశీలిద్దాం. 1983 నుంచి 2022 వ‌ర‌కు చూసుకుంటే భార‌త్‌లో వెస్టిండీస్ 61 మ్యాచ్‌లు ఆడింది. ఇందులో 28 విజ‌యాలు, 32 ఓట‌ములు చ‌విచూసింది. ఒక మ్యాచ్ టైగా ముగిసింది.అత్య‌ధిక స్కోరెంతంటే?ఇక భార‌త గ‌డ్డ‌పై వ‌న్డేల్లో వెస్టిండీస్ చేసిన అత్య‌ధిక స్కోరు 333 ప‌రుగులు. 1983 డిసెంబ‌ర్ 7న జంషెడ్‌పూర్ వేదికగా జ‌రిగిన వ‌న్డేలో ఈ స్కోరు సాధించింది. ఆ మ్యాచ్‌లో భార‌త్ 229 ప‌రుగులకే ప‌రిమితం కావ‌డంతో విండీస్ జ‌ట్టు 104 ప‌రుగుల తేడాతో విజయం సాధించింది. చివ‌ర‌గా 2014లో కొచ్చి వేదిక‌గా జ‌రిగిన వ‌న్డేలో భార‌త్‌పై విండీస్ 321 ప‌రుగులు చేసింది.అత్య‌ల్ప స్కోరెంతంటే?ఇక భార‌త గ‌డ్డ‌పై విండీస్ అత్య‌ల్ప స్కోరు 80గా ఉంది. 2006 చాంపియ‌న్స్ ట్రోఫీలో శ్రీలంక‌తో మ్యాచ్‌లో వెస్టిండీస్ 80 ప‌రుగుల‌కు ఆలౌటైంది. ఇక భార‌త్‌పై విండీస్ అత్య‌ల్ప స్కోరు 104గా ఉంది. 2018లో ఇదే తిరువ‌నంత‌పురం వేదిక‌గా జ‌రిగిన వ‌న్డేలో విండీస్ 104 ప‌రుగుల‌కు ఆలౌటైంది. ఆ మ్యాచ్‌లో భార‌త్ 211 బంతులు మిగిలి ఉండ‌గానే టార్గెట్‌ను ఛేదించి విజ‌యాన్ని అందుకుంది. తిరువనంతపురం వేదిక అంటేనే విండీస్‌కు హడల్‌ అని చెప్పొచ్చు.చివ‌రిసారి క్లీన్‌స్వీప్‌..2021-22లో వెస్టిండీస్ జ‌ట్టు భార‌త్‌లో ప‌ర్య‌టించింది. మూడు వ‌న్డే మ్యాచ్‌ల సిరీస్‌ను భార‌త్ 3-0తో విండీస్‌ను క్లీన్‌స్వీప్ చేసింది. కోవిడ్ కార‌ణంగా మూడు మ్యాచ్‌లకు అహ్మ‌దాబాద్‌లోని న‌రేంద్ర‌మోదీ స్టేడియం వేదిక‌గా నిలిచింది. మ్యాచ్‌ల‌న్నీ క్లోజ్ డోర్స్‌లోనే (ప్రేక్ష‌కులు లేకుండా) జ‌రిగాయి. తొలి వ‌న్డేను ఆరు వికెట్ల తేడాతో నెగ్గిన టీమిండియా, రెండో వ‌న్డేను 44 ప‌రుగుల తేడాతో గెలిచింది. ఇక చివ‌రి వ‌న్డేలో 96 ప‌రుగుల తేడాతో విజ‌యం సాధించింది. నాలుగేళ్ల త‌ర్వాత మ‌ళ్లీ వ‌న్డే సిరీస్ ఆడేందుకు భార‌త గ‌డ్డ‌పై అడుగుపెట్టిన వెస్టిండీస్ ఈసారి ఎలాంటి ప్ర‌ద‌ర్శ‌న చేస్తుంద‌నేది చూడాలి. ఇక వెస్టిండీస్ భార‌త గ‌డ్డ‌పై చివ‌రిసారి 2002లో వ‌న్డే సిరీస్‌ను గెలుచుకుంది. అప్ప‌టినుంచి ఇప్ప‌టిదాకా వెస్టిండీస్ రిక్త హ‌స్తాల‌తోనే వెనుదిరిగింది.ఇదీ చ‌ద‌వండి: ఇరాన్‌ను చిత్తు చేసిన భారత్‌.. ఆసియా గేమ్స్‌లో నాలుగో స్వ‌ర్ణం

వెస్టిండీస్‌తో వ‌న్డే సిరీస్ నేప‌థ్యంలో ఆదివారం తిరువ‌నంత‌పురం వేదిక‌గా టీమిండియా తొలి వ‌న్డే ఆడ‌నుంది. ఈ నేప‌థ్యంలో ఇప్ప‌టికే ప్రాక్టీస్ ఆరంభించిన భార‌త జ‌ట్టు శుక్ర‌వారం రెండు జ‌ట్లుగా విడిపోయి ఇంట్రా స్వ్కాడ్ మ్యాచ్ ఆడాయి. ఇండియా-ఏ జ‌ట్టులో గిల్‌, కోహ్లి, జ‌డేజా, రుతురాజ్‌, కేఎల్ రాహుల్ బ్యాటింగ్ చేయ‌గా, ఇండియా-బి జ‌ట్టులో రోహిత్ శ‌ర్మ‌, జైస్వాల్‌, ధ్రువ్ జురెల్‌, నితీశ్‌కుమార్ రెడ్డి, న‌మ‌న్ ధిర్‌లు బ్యాటింగ్ చేశారు. ఇరుజ‌ట్లు 50 ఓవ‌ర్ల మ్యాచ్ ఆడాయి. ఈ మ్యాచ్‌లో ఇండియా-ఏ జ‌ట్టు విజ‌యం సాధించింది. సీనియ‌ర్లు కోహ్లి, రోహిత్‌లు బ్యాటింగ్‌లో అద‌ర‌గొట్ట‌గా, కెప్టెన్ గిల్ ప్లాఫ్ అయ్యాడు. మ్యాచ్‌లో తొలుత బ్యాటింగ్ చేసిన ఇండియా-ఎ 50 ఓవర్లలో 4 వికెట్ల నష్టానికి 319 పరుగులు చేసింది. టీమిండియా మాజీ కెప్టెన్ విరాట్ కోహ్లి 88 బంతుల్లో 91 పరుగులతో నాటౌట్‌గా నిలిచాడు. రవీంద్ర జడేజా 39 బంతుల్లో 45 పరుగులతో అజేయంగా నిలిచాడు. రుతురాజ్ గైక్వాడ్ 38 బంతుల్లో 42 పరుగులు చేయగా.. కేఎల్ రాహుల్ 29 బంతుల్లో 36 పరుగులతో రాణించాడు. కానీ కెప్టెన్ శుబ్‌మ‌న్ గిల్ మాత్రం 8 బంతుల్లో 7 పరుగులే చేసి పెవిలియన్ చేరాడు.అనంతరం 320 పరుగుల లక్ష్యంతో బరిలోకి దిగిన ఇండియా-బి 50 ఓవర్లలో 7 వికెట్లకు 309 పరుగులు చేసింది. ఓపెనర్ యశస్వి జైస్వాల్ 68 బంతుల్లో 72 పరుగులతో ఆకట్టుకోగా.. రోహిత్ శర్మ 59 బంతుల్లో 64 పరుగులు చేశాడు. వీరిద్దరూ జట్టుకు మంచి ఆరంభాన్ని అందించారు. మిడిలార్డర్‌లో నితీష్ కుమార్ రెడ్డి కీలక ఇన్నింగ్స్ ఆడాడు. 57 బంతుల్లో 61 పరుగులు చేసి జట్టు స్కోరును ముందుకు తీసుకెళ్లాడు. నమన్ ధిర్ 28 బంతుల్లో 31 పరుగులు చేశాడు. అలా చివ‌రికి ఇండియా-బి 309 పరుగులకే పరిమితమై ఓట‌మి చ‌విచూసింది. మొత్తం మీద ఇంట్రా స్క్వాడ్ మ్యాచ్ ద్వారా కోహ్లి, రోహిత్ త‌మ బ్యాటింగ్‌తో అల‌రించారు.తొలి వన్డే తిరువ‌నంతపురం వేదికగా జరుగనుండగా, రెండో మ్యాచ్ గౌహతి వేదికగా సెప్టెంబర్ 30న ఉంటుంది. అక్టోబర్ 3వ తేదీన న్యూ ఛండీఘర్ వేదికగా చివరి మ్యాచ్ జర‌గుంది. ఈ వన్డే సిరీస్‌లో రోహిత్ శర్మ, విరాట్ కోహ్లి ఇద్దరూ బరిలోకి దిగనున్నారు. అక్టోబర్ 6వ తేదీ నుంచి ఇరుజ‌ట్ల మ‌ధ్య ఐదు మ్యాచ్‌ల టీ20 సిరీస్ షురూ కానుంది.ఇదీ చదవండి: విండీస్‌తో తొలి వన్డే.. భారత తుదిజట్టు అంచనా!

తిరువ‌నంత‌పురం వేదిక‌గా ఆదివారం భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఈ నేప‌థ్యంలో భార‌త తుది జ‌ట్టులో ఎవ‌రు ఉంటారు, ఎవ‌రు ఉండ‌ర‌నే దానిపై ఆస‌క్తిక‌ర చ‌ర్చ న‌డుస్తోంది. ఆసియా గేమ్స్‌లో పాల్గొనేందుకు శ్రేయ‌స్ అయ్య‌ర్ నేతృత్వంలోని భార‌త జ‌ట్టు జ‌పాన్‌కు రాగా, విండీస్‌తో వ‌న్డే సిరీస్‌కు రోహిత్‌, కోహ్లి, జ‌డేజా సిద్ధ‌మ‌య్యారు. వీరితో పాటు కెప్టెన్ గిల్‌, వైస్‌కెప్టెన్‌ కేఎల్ రాహుల్ ఆడ‌నున్నారు. ఈ నేప‌థ్యంలో విండీస్‌తో తొలి వ‌న్డేకు తుదిజ‌ట్టు ఎలా ఉండ‌బోతుంద‌నేది ఒక‌సారి ప‌రిశీలిద్దాం.తుదిజ‌ట్టులో యశస్వి జైస్వాల్, నమన్ ధీర్, ధ్రువ్ జురెల్‌ల‌కు అవ‌కాశం ద‌క్క‌డం క‌ష్ట‌మే. శ్రేయస్ అయ్యర్ స్థానంలో భారత జట్టులోకి వచ్చిన రుతురాజ్ గైక్వాడ్ మాత్రం ఆడే అవకాశాలు మెండుగా ఉన్నాయి. ఇక ఓపెన‌ర్లుగా రోహిత్ శర్మ, గిల్ రానున్నారు. వ‌న్‌డౌన్‌లో కోహ్లి, ఆ త‌ర్వాత రుతురాజ్ గైక్వాడ్ వ‌చ్చే అవ‌కాశ‌ముంది. ఇక ఐదో స్థానంలో వికెట్ కీప‌ర్ కేఎల్ రాహుల్ రానున్నాడు. ఆల్‌రౌండ‌ర్లుగా జ‌డేజా, నితీశ్‌కుమార్ రెడ్డి ఆడే అవ‌కాశ‌ముంది. జ‌ట్టులో ప్రధాన స్పిన్నర్‌గా కుల్దీప్ యాదవ్ ఉండ‌వ‌చ్చు. ఫాస్ట్ బౌలింగ్ విభాగంలో ప్రసిద్ధ కృష్ణ మహమ్మద్ సిరాజ్, గుర్నూర్ బ్రార్‌లు ఆడే అవ‌కాశ‌ముంది. ఈ సిరీస్ కోసం ఎంపిక చేసిన ఫాస్ట్ బౌలర్ ఆకిబ్ నబీ, నమన్ ధిర్ బెంచ్‌కు ప‌రిమితం కానున్నారు.భార‌త తుది జ‌ట్టు అంచ‌నా:రోహిత్ శర్మ, శుబ్‌మ‌న్ గిల్‌, విరాట్ కోహ్లి, రుతురాజ్ గైక్వాడ్, కేఎల్ రాహుల్, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిధ్‌ కృష్ణ, మహ్మద్ సిరాజ్, గుర్నూర్ బ్రార్.ఇదీ చదవండి: భారత్‌తో తొలి వన్డే.. విండీస్ హెడ్‌కోచ్ సంచలన వ్యాఖ్యలు

టీమిండియాతో వన్డే సిరీస్ నేపథ్యంలో వెస్టిండీస్ కోచ్ డారెన్ సామీ సంచలన వ్యాఖ్యలు చేశాడు. ఐసీసీ ట్రోఫీలు సాధించాలంటే ముందు టీమిండియాను చావుదెబ్బ కొట్టాలని పేర్కొన్నాడు. డారెన్ సామీ మాట్లాడుతూ.. ‘భారత్‌లో ద్వైపాక్షిక సిరీస్ గెలిచి 24 ఏళ్లవుతుంది. ఈసారి మాకు వారిపై సిరీస్ గెలిచేందుకు మంచి అవకాశముంది. ఇందుకు మమ్మల్ని మేము సవాల్ చేసుకొని అత్యుత్తమ ఆటతీరును ప్రదర్శించేందుకు ప్రయత్నిస్తాం. పరిమిత ఓవర్ల క్రికెట్లో ఐసీసీ ట్రోఫీలు గెలవాలంటే భారత్ వంటి పెద్ద జట్లను అడ్డుకునే రీతిలో మా ఆటతీరు ఉండాలి. వచ్చే ఏడాది ఫిబ్రవరిలో క్వాలిఫయర్స్ ఉంటాయి. దక్షిణాఫ్రికా వేదికగా జరగనున్న వరల్డ్‌కప్‌లో మేం ఆడేందుకు అర్హత సాధిస్తామన్న నమ్మకం మాకుంది. ఈసారి జట్టులో టాప్ క్లాస్ ప్లేయర్లు ఉన్నారు. షెయ్ హోప్‌తో పాటు అమీర్ జంగూ, రూథర్‌ఫోర్డ్‌, అల్జారీ జోసెఫ్ లాంటి క్రికెటర్లతో జట్టు పటిష్టంగా కనిపిస్తుంది. వన్డేల్లో ప్రపంచ నంబర్‌వన్‌గా ఉన్న టీమిండియాను ఈసారి వన్డే సిరీస్‌లో నేలమట్టం చేసి ట్రోఫీతో ఇంటికి వెళతాం. ఐపీఎల్ వల్ల మా ప్లేయర్లకు భారత గడ్డపై మంచి అనుభవముంది.’ అని తెలిపాడు. భారత్‌తో తొలి వన్డేకు రోజు సమయం మాత్రమే మిగిలి ఉన్న నేపథ్యంలో విండీస్ కోచ్ చేసిన వ్యాఖ్యలు హాట్‌టాఫిక్‌గా మారాయి.2002లో చివరిసారి..భారత గడ్డపై వెస్టిండీస్ చివరిసారి 2002లో వన్డే సిరీస్ గెలిచింది. ఆ జట్టుకు కార్ల్ హూపర్ కెప్టెన్‌గా ఉండగా, టీమిండియాకు సౌరవ్ గంగూలీ నేతృత్వం వహించాడు. ఆనాడు రెండు జట్ల మధ్య ఏడు మ్యాచ్‌ల వన్డే సిరీస్ జరగ్గా వెస్టిండీస్ 4-3 తేడాతో భారత్‌ను ఓడించింది. ఆ తర్వాత చాలాసార్లు భారత పర్యటనకు వచ్చినప్పటికీ విండీస్ రిక్త హస్తాలతోనే వెనుదిరిగింది.టీమిండియా వర్సెస్ వెస్టిండీస్ మధ్య మూడు మ్యాచ్‌ల వ‌న్డే సిరీస్ ఆదివారం ప్రారంభం కానుంది. తొలి వన్డే తిరువ‌నంతపురం వేదికగా జరుగనుండగా, రెండో మ్యాచ్ గౌహతి వేదికగా సెప్టెంబర్ 30న ఉంటుంది. అక్టోబర్ 3వ తేదీన న్యూ ఛండీఘర్ వేదికగా చివరి మ్యాచ్ జర‌గుంది. ఈ వన్డే సిరీస్‌లో రోహిత్ శర్మ, విరాట్ కోహ్లి ఇద్దరూ బరిలోకి దిగనున్నారు. అక్టోబర్ 6వ తేదీ నుంచి ఇరుజ‌ట్ల మ‌ధ్య ఐదు మ్యాచ్‌ల టీ20 సిరీస్ షురూ కానుంది.ఇదీ చదవండి: 10వేల మీటర్ల రేసులో గుల్వీర్ చరిత్ర.. పోల్‌వాల్ట్‌లో తొలి పతకం

స్వ‌దేశంలో వెస్టిండీస్‌తో టీమిండియా మూడు మ్యాచ్‌ల వ‌న్డే సిరీస్ ఆడ‌నున్న సంగ‌తి తెలిసిందే. ఆదివారం తిరువ‌నంత‌పురం వేదిక‌గా రెండు జ‌ట్ల మ‌ధ్య తొలి వ‌న్డే మ్యాచ్ జ‌ర‌గ‌నుంది. ఈ మ్యాచ్ ఆడేందుకు ఇప్ప‌టికే ఇరుజ‌ట్లు కేర‌ళ‌కు చేరుకొని ప్రాక్టీస్ ఆరంభించాయి. వెస్టిండీస్‌పై గెలిచి ఇంగ్లండ్‌తో వ‌న్డే సిరీస్ ఓట‌మిని మ‌రిచిపోవాల‌ని టీమిండియా చూస్తుండ‌గా, సొంత‌గ‌డ్డ‌పై భార‌త్‌కు షాకివ్వాల‌నే యోచ‌న‌లో విండీస్ ఉంది. రెండు జ‌ట్లు పేప‌ర్‌పై బ‌లంగా క‌నిపిస్తుండ‌డంతో హోరాహోరీ పోరు త‌ప్ప‌ద‌నిపిస్తోంది. ఇదిలా ఉంటే, విండీస్‌తో సిరీస్ అన‌గానే టీమిండియా ర‌న్‌మెషిన్ విరాట్ కోహ్లి చెల‌రేగిపోతుంటాడు. గ‌త గ‌ణాంకాలు కూడా ఇదే స్ప‌ష్టం చేస్తున్నాయి. 2018లో వెస్టిండీస్ భార‌త్ ప‌ర్య‌ట‌న‌కు వ‌చ్చింది. ఈ సిరీస్‌కు టీమిండియా కెప్టెన్‌గా కోహ్లి వ్య‌వ‌హ‌రించాడు. 2018లో ఆకాశ‌మే హ‌ద్దుగా..ఆనాటి సిరీస్‌ను భార‌త్ 3-1తో (ఒక మ్యాచ్ టై) గెలుచుకుంది. అయితే ఆ సిరీస్‌లో కోహ్లి ఆకాశ‌మే హ‌ద్దుగా చెల‌రేగాడు. ఆడిన ఐదు వ‌న్డేల్లో కోహ్లి 453 ప‌రుగులు సాధించి టాప్ స్కోర‌ర్‌గా నిలిచాడు. ఇందులో మూడు సెంచ‌రీలు ఉండ‌డం విశేషం. ఈ మూడు సెంచ‌రీలు మూడు వ‌రుస మ్యాచ్‌ల్లో రావ‌డం విశేషం. గౌహ‌తి వేదిక‌గా జ‌రిగిన తొలి వ‌న్డేలో కోహ్లి (107 బంతుల్లో 140 నాటౌట్‌) విజృంభించ‌డంతో భార‌త్ సునాయాస విజ‌యం సాధించింది.ఇక రెండో వ‌న్డేలో కోహ్లి 129 బంతుల్లో 157 ప‌రుగులు సాధించాడు. ఈ మ్యాచ్ టైగా ముగియ‌డం గ‌మ‌నార్హం. ఇక మూడో వ‌న్డేలో మ‌రోసారి సెంచ‌రీతో చెలరేగిన కోహ్లి 119 బంతుల్లో 107 ప‌రుగులు చేశాడు. మూడు వ‌రుస వ‌న్డేల్లో శ‌త‌కాలు సాధించిన తొలి బ్యాట‌ర్‌గానూ కోహ్లి అప్ప‌ట్లో రికార్డులకెక్కాడు.బాబర్‌ ఆజం మాత్రమే..ఆ త‌ర్వాత రోహిత్ శ‌ర్మ 2019 వ‌న్డే ప్ర‌పంచ‌క‌ప్‌లో వ‌రుస‌గా మూడు సెంచ‌రీలు సాధించి కోహ్లి స‌ర‌స‌న చేరాడు. ఇక కోహ్లి తర్వాత వెస్టిండీస్‌పై వరుసగా మూడు వన్డేల్లో సెంచరీలు బాదిన క్రికెటర్‌గా పాకిస్తాన్ బాబర్ ఆజం ఉన్నాడు. ఓవ‌రాల్‌గా చూసుకున్నా కోహ్లికి విండీస్‌పై ఘ‌న‌మైన రికార్డు ఉంది. వ‌న్డే క్రికెట్‌లో కోహ్లి 41 ఇన్నింగ్స్‌ల్లో 97 స్ట్రైక్‌రేట్‌తో 2,261 ప‌రుగులు సాధించాడు. ఇందులో 9 సెంచరీలు, 11 అర్ధ సెంచరీలు ఉన్నాయి.ఇక కెప్టెన్‌గా ద్వైపాక్షిక వన్డే సిరీస్‌లో అత్యధిక పరుగులు సాధించిన జాబితాలోనూ కోహ్లి తొలి స్థానంలో ఉన్నాడు. 2018లో సౌతాఫ్రికాతో వ‌న్డే సిరీస్‌లో కోహ్లి 558 ప‌రుగులు సాధించాడు. రెండో స్థానంలో ఆసీస్ కెప్టెన్ జార్జ్ బెయిలీ (478 ప‌రుగులు, భార‌త్‌పై 2013లో) ఉన్నాడు. ఇక మూడో స్థానంలో మ‌రోసారి కోహ్లి (453 ప‌రుగులు వ‌ర్సెస్ వెస్టిండీస్‌పై) ఉన్నాడు. ఇక వెస్టిండీస్‌తో ద్వైపాక్షిక వ‌న్డే సిరీస్‌ల్లో కోహ్లి మిన‌హా ఏ బ్యాట‌ర్ కూడా 400 ప‌రుగుల మార్క్‌ను దాట‌లేక‌పోవ‌డం గ‌మ‌నార్హం.తిరువనంతపురంలో జరగబోయే తొలి వన్డే మ్యాచ్ కోసం ఇప్పటికే కోహ్లీ అక్కడికి చేరుకుని నెట్స్‌లో తీవ్రంగా శ్రమిస్తున్నాడు. త‌న స‌హ‌చ‌రుడు రోహిత్ శర్మతో కలిసి కోహ్లి తిరిగి జట్టులోకి రావడంతో, ఈ సిరీస్ భారత్ గడ్డపై అభిమానులకు అసలైన 'మాస్ వినోదాన్ని' అందించడం ఖాయంగా కనిపిస్తోంది.ఇదీ చదవండి: టేబుల్ టెన్నిస్‌లో కాంస్యం.. అథ్లెటిక్స్‌లో 9 పతకాలు ఖాయం!

వెస్టిండీస్ క్రికెట్ బోర్డు సంచ‌ల‌న నిర్ణ‌యం తీసుకుంది. ఆర్థిక పునర్వ్యవస్థీకరణ ప్రణాళికలో భాగంగా పురుషుల క్రికెటర్ల రిటెయినర్ ఫీజుల్లో 25 శాతం కోత విధిస్తున్నట్లు క్రికెట్ వెస్టిండీస్‌ ప్రకటించింది. ఈ ఫీజుల కోత 2026 అక్టోబర్ నుండి అమల్లోకి వచ్చి 2027 సెప్టెంబర్ వరకు కొనసాగుతుంది. అలాగే దేశ‌వాళీ ఆట‌గాళ్ల కాంట్రాక్టుల విధానంలోనూ మార్పులు చోటు చేసుకున్నాయి. ప్ర‌స్తుతం ఉన్న 12 నెల‌ల కాంట్రాక్టు బ‌దులుగా.. కొత్త‌గా ఏడు నెలల కాంట్రాక్టును తీసుకు రానున్నారు. కొత్త కాంట్రాక్టు ప‌రిధి ఈ ఏడాది అక్టోబ‌ర్ నుంచి వ‌చ్చే ఏడాది ఏప్రిల్ వ‌ర‌కు ఉండ‌నుంది.ప్ర‌స్తుతం విండీస్ క్రికెట్ తీవ్ర ఆర్థిక సంక్షోభాన్ని ఎదుర్కొంటోంది. 2024- 2025 ఆర్థిక సంవత్సరానికి గాను వెస్టిండీస్ క్రికెట్ బోర్డు 28 మిలియన్ అమెరికన్ డాలర్ల నికర నష్టాన్ని విండీస్ క్రికెట్ బోర్డు చ‌విచూసింది. అంతేకాకుండా 2025- 2026 ఆర్థిక సంవత్సరంలో సైతం మరో 26 మిలియన్ డాలర్ల నష్టం వాటిల్లుతుందని అంచనా వేసింది.దీంతో ఈ ఆర్థిక ఇబ్బందుల నుండి గట్టెక్కేందుకు అంతర్జాతీయ క్రికెట్ కౌన్సిల్ నుంచి జూలై నెల‌లో విండీస్ క్రికెట్ బోర్డు 12.82 మిలియన్ అమెరికన్ డాలర్ల(భారత కరెన్సీలో దాదాపు రూ.23.68 రుణాన్ని సహాయంగా పొందింది. ఈ కార‌ణాల‌తో ఆట‌గాళ్ల‌ను ఫీజుల‌ను కూడా సీడబ్ల్యూఐ త‌గ్గించింది.కాగా విండీస్ జ‌ట్టు ప్ర‌స్తుతం మూడు వ‌న్డేలు, ఐదు టీ20ల సిరీస్ కోసం భార‌త ప‌ర్య‌ట‌న‌లో ఉంది. తొలుత‌ మూడు వ‌న్డేల సిరీస్ సెప్టెంబ‌ర్ 27 నుంచి తిరువ‌నంత‌పురం వేదిక‌గా ప్రారంభం కానుంది.చదవండి: తుదిజట్టు నుంచి వాళ్లిద్దరిలో ఒకరిని తప్పిస్తే వైభవ్‌కు లైన్‌ క్లియర్‌!

ఇంగ్లండ్ స్టార్ పేసర్ రీస్ టోప్లీ తాజాగా 'క్రిక్‌ట్రాకర్'కు ఇచ్చిన ఇంటర్వ్యూలో తన ఆల్‌టైమ్ టీ20 ఎలెవన్‌ను ప్రకటించాడు. ఈ జట్టులో భారత స్టార్ ఓపెనర్ రోహిత్ శర్మకు చోటు దక్కకపోవడం గమనార్హం. ఐపీఎల్‌లో ముంబై ఇండియన్స్ తరఫున ఆడినప్పుడు రోహిత్‌తో కలిసి డ్రెస్సింగ్ రూమ్ పంచుకున్నప్పటికీ, టోప్లీ తన ఆల్‌టైమ్ టీ20 తుది జట్టులో అతడికి అవకాశం ఇవ్వలేదు. ఈ జట్టులో భారత్ నుంచి ముగ్గురు ఆటగాళ్లకు చోటు లభించింది. రన్ మెషీన్ విరాట్ కోహ్లి, మిస్టర్ 360 సూర్యకుమార్ యాదవ్, యార్కర్ల కింగ్ జస్ప్రీత్ బుమ్రాలు టోప్లీ జట్టులో స్థానం సంపాదించుకున్నారు. టోప్లీ త‌న జ‌ట్టులో ఓపెన‌ర్లుగా వెస్టిండీస్ లెజెండ్ క్రిస్ గేల్‌, ఇంగ్లండ్ స్టార్ వికెట్ కీప‌ర్ బ్యాట‌ర్ జోస్ బ‌ట్ల‌ర్‌కు అవ‌కాశ‌మిచ్చాడు. మిడిలార్డర్‌లో విరాట్‌, సూర్యకుమార్‌, ఎబీ డివిలియర్స్‌లకు చోటు దక్కింది. ఆల్‌రౌండర్ల కోటాలో కీరన్ పొలార్డ్ (వెస్టిండీస్), షాహిద్ అఫ్రిది (పాకిస్తాన్)లను టోప్లీ ఎంపిక చేశాడు. ఫాస్ట్ బౌలర్ల విభాగంలో లసిత్ మలింగ (శ్రీలంక), జస్ప్రీత్ బుమ్రా (భారత్), బ్రెట్ లీ (ఆస్ట్రేలియా)లకు చోటు దక్కింది. స్పెషలిస్ట్‌ స్పిన్నర్‌గా ముత్తయ్య మురళీధరన్‌కు టోప్లీ చోటిచ్చాడు.ఐపీఎల్‌లో ముంబై ఇండియన్స్ తరపున రోహిత్ (7329) లీడింగ్ రన్ స్కోరర్‌గా కొనసాగుతున్నప్పటికి ఆల్‌టైమ్ జట్టులో చోటు దక్కకపోవడం అందరిని ఆశ్చర్యపరుస్తోంది. రీస్ టోప్లీ ఎంపిక చేసిన ఆల్-టైమ్ T20 జట్టు: క్రిస్ గేల్, జోస్ బట్లర్ (వికెట్ కీపర్), విరాట్ కోహ్లి, సూర్యకుమార్ యాదవ్, ఏబీ డివిలియర్స్, కీరన్ పొలార్డ్, షాహిద్ అఫ్రిది, లసిత్ మలింగ, బ్రెట్ లీ, జస్ప్రీత్ బుమ్రా, ముత్తయ్య మురళీధరన్.

వెస్టిండీస్‌తో జరగబోయే తొలి వన్డే కోసం టీమిండియా స్టార్ బ్యాటర్, 'రన్ మెషిన్' విరాట్ కోహ్లి సన్నద్దమవుతున్నాడు. ఇప్పటికే తొలి వన్డే వేదికైన తిరువనంతపురం చేరుకున్న విరాట్, ప్రాక్టీస్ కూడా మొదలుపెట్టాడు. ఇంగ్లాండ్ పర్యటనలో దుమ్మురేపిన కోహ్లి, ఇప్పుడు సొంతగడ్డపై కూడా అదే జోరును కొనసాగించేందుకు సిద్ధమవుతున్నాడు. ఈ క్రమంలో విండీస్‌తో తొలి మ్యాచ్‌కు ముందు విరాట్‌ను ఒక ప్రపంచ రికార్డు ఊరిస్తోంది.తిరువనంతపురం వన్డేలో కోహ్లి మరో 59 పరుగులు చేస్తే, అంతర్జాతీయ వన్డేల్లో అత్యంత వేగంగా 15,000 రన్స్‌ పూర్తి చేసిన క్రికెటర్‌గా ప్రపంచ రికార్డు సృష్టిస్తాడు. విరాట్ ఇప్పటివరకు 311 ఇన్నింగ్స్‌లలో 14,941 పరుగులు చేశాడు. ప్రస్తుతం ఈ రికార్డు భారత క్రికెట్ దిగ్గజం సచిన్ టెండూల్కర్ (377 ఇన్నింగ్స్‌లు) పేరిట ఉంది. విండీస్‌తో మ్యాచ్‌లో సచిన్ ఆల్-టైమ్ రికార్డును కోహ్లి అధిగమించే మంచి అవకాశం ఉంది. కాగా వన్డేల్లో అత్యధిక పరుగుల (18,426) జాబితాలో సచిన్ అగ్రస్థానంలో కొనసాగుతుండగా, విరాట్ తదుపరి స్థానంలో ఉన్నాడు.మరోవైపు మాజీ కెప్టెన్ రోహిత్ శర్మ సైతం ఒక మైలురాయికి చేరువలో ఉన్నాడు. ఈ మ్యాచ్‌లో రోహిత్ 105 రన్స్ సాధిస్తే, వన్డేల్లో 12,000 పరుగుల మైలురాయిని చేరుకుంటాడు. భారత్ - విండీస్ మధ్య తొలి వన్డే ఆదివారం తిరువనంతపురం వేదికగా జరగనుంది.విండీస్‌తో వన్డేలకు భారత జట్టు: శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లి, రుతురాజ్ గైక్వాడ్, కేఎల్ రాహుల్ (వైస్ కెప్టెన్ అండ్‌ వికెట్ కీపర్), యశస్వి జైస్వాల్, నామన్ ధిర్, ధ్రువ్ జురెల్ (వికెట్ కీపర్), నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిద్ధ్ కృష్ణ, మహమ్మద్ సిరాజ్, గుర్నూర్ బ్రార్, ఆఖిబ్ నబి.చదవండి: పాకిస్తాన్‌ కెప్టెన్‌గా డేంజరస్‌ ప్లేయర్‌.. ఎవరంటే?

టీమిండియా సీనియ‌ర్లు రోహిత్ శ‌ర్మ‌, విరాట్ కోహ్లి ఇవాళ కేర‌ళంలో అడుగుపెట్ట‌నున్నారు. వెస్టిండీస్‌తో వ‌న్డే సిరీస్‌లో భాగంగా తొలి వ‌న్డే సెప్టెంబ‌ర్ 27న తిరువ‌నంత‌పురం వేదికగా జ‌ర‌గ‌నుంది. ఈ నేప‌థ్యంలో గిల్ సార‌థ్యంలోని టీమిండియా బృందం ఇప్పటికే కేర‌ళ‌కు చేరుకోగా.. ఇవాళ కోహ్లి, రోహిత్‌లు జట్టుతో జాయిన్‌ అవనున్నారు. టెస్టులు, టీ20లకు రిటైర్మెంట్ ప్ర‌క‌టించిన రో-కో ద్వ‌యం 2027 వ‌న్డే ప్ర‌పంచ‌క‌ప్ నేప‌థ్యంలో కేవ‌లం వ‌న్డే ఫార్మాట్‌లో మాత్ర‌మే కొన‌సాగుతున్నారు. ఇటీవ‌లే ఇంగ్లండ్‌కు వ‌న్డే సిరీస్ కోల్పోయిన‌ప్ప‌టికీ రో-కో మాత్రం త‌మ ప్ర‌ద‌ర్శ‌నతో ఆక‌ట్టుకున్నారు. ముఖ్యంగా హిట్‌మ్యాన్ ఇంగ్లండ్‌తో మూడో వ‌న్డేలో చారిత్ర‌క సెంచ‌రీతో మెరిశాడు. ఇక వ‌న్డే ప్ర‌పంచ‌క‌ప్‌కు స‌రిగ్గా ఏడాది స‌మ‌యం మాత్ర‌మే ఉండ‌డంతో రో-కో ద్వ‌యంపై అంద‌రి దృష్టి నెల‌కొని ఉంది. ఆసియా క్రీడ‌ల కోసం శ్రేయ‌స్ అయ్య‌ర్ నేతృత్వంలో ఒక బృందం ఇప్ప‌టికే జ‌పాన్‌కు చేరుకోవ‌డంతో జ‌ట్టులో మార్పులు అనివార్య‌మ‌య్యాయి. అకిబ్ న‌బీ, న‌మ‌న్ ధిర్‌ల‌ను విండీస్‌తో వ‌న్డే సిరీస్‌కు ఎంపిక చేశారు. ఇక మరో సీనియ‌ర్ ఆల్‌రౌండ‌ర్ ర‌వీంద్ర జ‌డేజా కూడా ఆరు నెల‌ల త‌ర్వాత మ‌ళ్లీ వ‌న్డే మ్యాచ్ ఆడ‌నుండ‌డం విశేషం.మ‌రోవైపు ఆసియా క్రీడ‌ల్లో ఆడేందుకు ఇప్ప‌టికే శ్రేయ‌స్ అయ్య‌ర్ టీం జ‌పాన్‌లో అడుగుపెట్టింది. జ‌పాన్‌తో ఏకైక టీ20 మ్యాచ్ ఆడి అతిక‌ష్టం మీద గెలిచిన టీమిండియా ఇప్పుడు ఆసియా క్రీడ‌ల్లో వ‌రుస‌గా రెండో స్వ‌ర్ణం గెల‌వాల‌ని ఆశిస్తోంది. కానీ జ‌పాన్‌తో ఆడిన మ్యాచ్‌లో 5 ఓవ‌ర్ల ఆట మాత్ర‌మే సాధ్య‌మైన‌ప్ప‌టికీ, పిచ్ మాత్రం భార‌త్‌కు అనుకూలంగా లేద‌న్న విష‌యం స్ప‌ష్ట‌మైంది. దీంతో ఈసారి భార‌త్‌కు స్వ‌ర్ణం సాధిస్తుందా లేదా అనేది చూడాలి.ఇదీ చదవండి: ‘అంతా తొండి.. అందుకే కరచాలనం చేయలేదు’

భారత్‌తో జరిగే 3 వన్డేలు, 5 టీ20 మ్యాచ్‌ల సిరీస్‌ల కోసం వెస్టిండీస్‌ క్రికెట్‌ బోర్డు తాజాగా త‌మ జ‌ట్టును ప్ర‌క‌టించింది. ఈ జ‌ట్ల‌కు టీమ్‌లకు కూడా షై హోప్‌ కెప్టెన్‌గా వ్యవహరిస్తాడు. ఇటీవల సొంతగడ్డపై శ్రీలంక, న్యూజిలాండ్‌తో సిరీస్‌లు ఆడిన జట్లలో పెద్దగా మార్పులు చేయకుండా టీమ్‌లను ఎంపిక చేశారు. గాయం నుంచి కోలుకుంటున్న హెట్‌మైర్‌ను టీ20లకే ఎంపిక చేయగా, సీనియర్‌ ఆల్‌రౌండర్‌ జేసన్‌ హోల్డర్‌కు ఈ సిరీస్‌లనుంచి విశ్రాంతి కల్పించారు.ఎవరీ కామిల్ పూరన్?అయితే ఈ జట్టు ఎంపికలో అందరి దృష్టిని ఆకర్షించిన పేరు 'కామిల్ పూరన్'. కరేబియన్ ప్రీమియర్ లీగ్ (CPL 2026) లో సెయింట్ లూసియా కింగ్స్ తరఫున ఓపెనర్‌గా చెలరేగిపోవడంతో ఈ విధ్వంసకర ఆటగాడికి తొలిసారి జాతీయ టీ20 జట్టులో చోటు దక్కింది. స 8 ఇన్నింగ్స్‌ల్లోనే 160 స్ట్రైక్ రేట్, 39 సగటుతో 273 పరుగులు చేసి జట్టును ముందుండి నడిపించాడు.30 ఏళ్ల పూరన్ ఫస్ట్ క్లాస్ క్రికెట్‌లో ట్రినిడాడ్ అండ్ టొబాగోకు ఆడుతున్నాడు. ఇప్పటివరకు 8 ఫస్ట్ క్లాస్ మ్యాచ్‌ల్లో 2 హాఫ్ సెంచరీలతో కలిపి 333 పరుగులు చేశాడు. టాప్ ఆర్డర్ బ్యాటింగ్‌తో పాటు ఆఫ్ స్పిన్ బౌలింగ్ చేయడం ఇతడి ప్రత్యేకం. లిస్ట్-ఎ క్రికెట్‌లో పెద్దగా రాణించకపోయినా, టీ20ల్లో మాత్రం పూరన్ ఫామ్ చూస్తుంటే భారత బౌలర్లకు అతడితో గండం తప్పదనిపిస్తోంది.భారత్‌కు విటల్ సవాల్?మరోవైపు విండీస్ 19 ఏళ్ల యంగ్ స్పిన్ సంచలనం 'విటల్ లాస్' నుంచి భారత బ్యాటర్లకు కఠిన పరీక్ష ఎదురుకానుంది. జూలైలో న్యూజిలాండ్‌తో జరిగిన వన్డే సిరీస్‌ ద్వారా అరంగేట్రం చేసిన లాస్.. తన సంచలన బౌలింగ్‌తో అందరినీ మంత్రముగ్ధులను చేశాడు.స్పిన్‌ను అద్భుతంగా ఆడగలిగే కివీస్ బ్యాటర్లే అతడి ఉచ్చులో చిక్కుకుని విలవిల్లాడారు. ఇప్పటివరకు ఆడిన 5 వన్డేల్లో 5.3 ఎకానమీతో 8 వికెట్లు తీసి ఆకట్టుకున్నాడు. ఇటీవలి సీపీఎల్‌ లోనూ మెరిసిన ఈ యంగ్ స్పిన్నర్, టీమిండియాను ఏ మేర తిప్పలు పెడతాడో చూడాలి.విండీస్‌ వన్డే జట్టు: హోప్‌ (కెప్టెన్‌), జ్వెల్‌ ఆండ్రూ, జాన్‌ క్యాంప్‌బెల్, కీసీ కార్టీ, మాథ్యూ ఫోర్డ్, జస్టిన్‌ గ్రీవ్స్, అమీర్‌ జంగూ, అల్జారి జోసెఫ్, షామర్‌ జోసెఫ్, విటెల్‌ లాస్, గుడకేశ్‌ మోతీ, కీమో పాల్, షెర్ఫాన్‌ రూథర్‌ఫర్డ్, జేడెన్‌ సీల్స్‌. విండీస్‌ టి20 జట్టు: హోప్‌ (కెపె్టన్‌), జ్వెల్‌ ఆండ్రూ, రోస్టన్‌ ఛేజ్, మాథ్యూ ఫోర్డ్, షిమ్రాన్‌ హెట్‌మైర్, అకీల్‌ హొసీన్, షామర్‌ జోసెఫ్, గుడకేశ్‌ మోతీ, కీమో పాల్, కామిల్‌ పూరన్, రావ్‌మన్‌ పావెల్, షెర్ఫాన్‌ రూథర్‌ఫర్డ్, క్వింటన్‌ సాంప్సన్, రొమారియో షెఫర్డ్, షామర్‌ స్ప్రింగర్‌.చదవండి: IND vs NZ: టీమిండియాకు కొత్త కెప్టెన్‌?

త్వరలో భారత్‌తో జరగనున్న వన్డే, టీ20 సిరీస్‌ల కోసం వెస్టిండీస్‌ క్రికెట్‌ జట్లను నిన్న ప్రకటించారు. రెండు జట్లకు కెప్టెన్‌గా షాయ్‌ హోప్‌ను ఎంపిక చేశారు.విధ్వంసకర బ్యాటర్‌ షిమ్రోన్‌ హెట్‌మైర్‌ వన్డేలకు దూరం​ కాగా.. టీ20 జట్టుకు అందుబాటులో ఉన్నాడు. కరీబియన్ ప్రీమియర్ లీగ్ 2026 తర్వాత రిఫ్రెష్‌ అయ్యేందుకు అతడికి విశ్రాంతి ఇచ్చారు. దీంతో నేరుగా టీ20 సిరీస్‌లో జట్టుతో చేరతాడు.మరోవైపు, ఆగస్టులో శస్త్రచికిత్స చేయించుకున్న అకీమ్ అగస్టే ఇంకా పునరావాస చికిత్స పొందుతున్నాడు. దీంతో అతడికి వన్డే జట్టులో చోటు దక్కలేదు. అతడి స్థానంలో టాప్, మిడిలార్డర్‌లో బ్యాటింగ్ చేయగల జువెల్ ఆండ్రూను ఎంపిక చేశారు. ఇవి మినహా జట్టులో చెప్పుకోదగ్గ మార్పులేమీ లేవు.వెస్టిండీస్‌ జట్టు సెప్టెంబర్‌ 27 నుంచి భారత్‌లో పర్యటించనుంది. ఈ పర్యటనలో తొలుత మూడు వన్డేలు, ఆతర్వాత ఐదు మ్యాచ్‌ల టీ20 సిరీస్‌ జరుగనుంది. తొలి వన్డే తిరువనంతపురం వేదికగా సెప్టెంబర్‌ 27న జరుగనుండగా.. రెండో వన్డే సెప్టెంబర్ 30న గువాహటిలో, మూడో వన్డే అక్టోబర్ 3న న్యూ చండీగఢ్‌లో జరగనున్నాయి.భారత్‌తో వన్డే సిరీస్‌కు వెస్టిండీస్ జట్టుషాయ్‌ హోప్ (కెప్టెన్), జువెల్ ఆండ్రూ, జాన్ క్యాంప్‌బెల్, కీసీ కార్టీ, రోస్టన్ చేజ్, మాథ్యూ ఫోర్డ్, జస్టిన్ గ్రీవ్స్, అమీర్ జాంగూ, అల్జారీ జోసెఫ్, షమర్ జోసెఫ్, విటెల్ లాస్, గుడాకేశ్ మోటీ, కీమో పాల్, షెర్ఫేన్ రూథర్‌ఫోర్డ్, జేడెన్ సీల్స్.అక్టోబర్‌ 6 నుంచి టీ20 సిరీస్‌వన్డే సిరీస్‌ అనంతరం​ అక్టోబర్‌ 6 నుంచి టీ20 సిరీస్‌ మొదలవుతుంది. ఈ సిరీస్‌ కోసం ఎంపిక చేసిన జట్టుకు కూడా షాయ్‌ హోప్‌ కెప్టెన్‌గా వ్యవహరించనున్నాడు. ఈ జట్టులో యువ ఓపెనర్ కమిల్ పూరన్‌కు చోటు దక్కింది. CPL 2026లో పూరన్‌ అద్భుతంగా (8 ఇన్నింగ్స్‌ల్లో 159.64 స్ట్రైక్‌రేట్‌తో 273 పరుగులు) రాణించాడు. ఈ ప్రదర్శనతో అతడికి జాతీయ జట్టులో తొలిసారి అవకాశం లభించింది.2026 టీ20 ప్రపంచకప్‌లో ఆడిన క్వెంటిన్ సాంప్సన్‌కు కూడా జట్టులో చోటు కల్పించారు. మరోవైపు, స్టార్‌ ఆల్‌రౌండర్ జేసన్ హోల్డర్‌కు విశ్రాంతి ఇచ్చారు.భారత్‌తో టీ20 సిరీస్‌కు వెస్టిండీస్ జట్టుషాయ్‌ హోప్ (కెప్టెన్), జువెల్ ఆండ్రూ, రోస్టన్ చేజ్, మాథ్యూ ఫోర్డ్, షిమ్రోన్ హెట్‌మయర్, అకీల్ హొసేన్, షమర్ జోసెఫ్, గుడాకేశ్ మోటీ, కీమో పాల్, కమిల్ పూరన్, రోవ్‌మన్ పావెల్, షెర్ఫేన్ రూథర్‌ఫోర్డ్, క్వెంటిన్ సాంప్సన్, రొమారియో షెఫర్డ్, షమర్ స్ప్రింగర్.కాగా, 2022 తర్వాత వెస్టిండీస్ జట్టు తొలిసారి ద్వైపాక్షిక పరిమిత ఓవర్ల సిరీస్ల కోసం భారత్‌లో పర్యటించనుంది. ఈ జట్టు టీమిండియాతో ఆడిన గత ఐదు వన్డేల్లోనూ ఓటమి చవిచూసింది. చివరిసారిగా 2019లో భారత్‌పై వన్డే విజయం సాధించింది. ప్రస్తుతం వన్డే ర్యాంకింగ్స్‌లో పదో స్థానంలో ఉన్న విండీస్.. 2027 వన్డే ప్రపంచకప్ అర్హత టోర్నీకి సన్నద్ధమయ్యేందుకు ఈ సిరీస్‌ను ఉపయోగించుకోనుంది.టీ20 సిరీస్‌ విషయానికొస్తే.. 2023లో భారత్‌తో జరిగిన ఐదు మ్యాచ్‌ల టీ20 సిరీస్‌ను వెస్టిండీస్‌ 3-2తో గెలుచుకుంది. మూడు సంవత్సరాల తర్వాత విండీస్‌పై ప్రతీకారం తీర్చుకునేందుకు భారత్‌కు ఈ సిరీస్‌ ద్వారా అవకాశం లభించనుంది. ఇదీ చదవండి: మరో ముగ్గురికి టీమిండియా నుంచి పిలుపు

ఈ నెల‌ఖారులో వెస్టిండీస్‌తో ప్రారంభం కానున్న వ‌న్డే, టీ20 సిరీస్‌కు భార‌త జ‌ట్ల‌ను బీసీసీఐ సెల‌క్ష‌న్ కమిటీ సోమవారం ప్రకటించే అవకాశముంది. అయితే మహారాష్ట్ర బ్యాటర్ రుతురాజ్ గైక్వాడ్ తిరిగి వన్డే జట్టులోకి వచ్చే సూచనలు కనిపిస్తున్నాయి. వైస్ కెప్టెన్ శ్రేయ‌స్ అయ్య‌ర్ ఆసియా క్రీడ‌ల కోసం జపాన్‌కు వెళ్ల‌నుండ‌డంతో అత‌డి స్దానంలో గైక్వాడ్‌ను ఎంపిక చేయాల‌ని సెల‌క్ట‌ర్లు భావిస్తున్న‌ట్లు తెలుస్తోంది. భారత్-వెస్టిండీస్ మధ్య వన్డే సిరీస్ సెప్టెంబర్ 27 నుంచి ప్రారంభం కానుండగా.. అదే సమయంలో భారత మరో జట్టు ఆసియా క్రీడల్లో బిజీగా ఉండనుంది. ఒకే సమయంలో రెండు వేర్వేరు టోర్నీలు జరుగుతుండటంతో జట్ల ఎంపిక సెలక్టర్లకు పెద్ద సవాలుగా మారింది. శ్రేయస్ అయ్యర్, ఇషాన్ కిషన్‌ జస్ప్రీత్ బుమ్రా, అర్ష్‌దీప్ సింగ్ వంటి కీలక ప్లేయర్లు ఏషియన్ గేమ్స్ కారణంగా విండీస్‌తో వన్డేలకు అందుబాటులో ఉండకపోవచ్చు. ఒకవేళ బుమ్రా ఆసియా క్రీడల్లో పాల్గొనకపోతే కచ్చితంగా విండీస్ సిరీస్‌లో ఆడుతాడు. రుతురాజ్ చివ‌ర‌గా డిసెంబర్ 2025లో దక్షిణాఫ్రికాపై భార‌త త‌ర‌పున ఆడాడు. ఈ మ్యాచ్‌లో సెంచ‌రీ సాధించిన‌ప్ప‌టికి, జ‌ట్టులో పోటీ కార‌ణంగా అత‌డు చోటు కోల్పోయాడు.సీనియ‌ర్ జ‌ట్టులో లేక‌పోయినా భారత 'ఎ' జట్టులో మాత్రం రెగ్యులర్‌ సభ్యునిగా రుతురాజ్‌ ఉన్నాడు. ఆస్ట్రేలియా 'ఎ'తో జరగనున్న అనాధికరిక వన్డే సిరీస్‌లో ఇండియా-ఎ కెప్టెన్‌గా గైక్వాడ్‌ వ్యవహరించనున్నాడు. ఇక గైక్వాడ్‌తో పాటు స్టార్ వికెట్ కీపర్ బ్యాటర్ రిషబ్ పంత్ కూడా తిరిగి వన్డే జట్టులోకి రానున్నట్లు సమాచారం. కేఎల్ రాహుల్‌కు బ్యాకప్‌గా అతడిని తీసుకోవాలని సెలక్టర్లు యోచిస్తున్నట్లు వార్తలు వస్తున్నాయి.ఆసియాక‌ప్, విండీస్ వ‌న్డే షెడ్యూల్‌సెప్టెంబర్ 27: విండీస్‌తో తొలి వన్డేసెప్టెంబర్ 28: ఆసియా క్రీడల క్వార్టర్ ఫైనల్ మ్యాచ్సెప్టెంబర్ 30: గౌహతిలో విండీస్‌తో రెండో వన్డేఅక్టోబర్ 1: ఆసియా క్రీడల సెమీ-ఫైనల్అక్టోబర్ 3: విండీస్‌తో మూడో వన్డే.. అదే రోజు ఆసియా క్రీడల స్వర్ణ, కాంస్య పతకాల మ్యాచ్‌లుచదవండి: హెడ్‌కోచ్‌గా సౌరవ్‌ గంగూలీ.. బ్యాటింగ్‌ కోచ్‌గా యువరాజ్‌!

ఈ ఏడాది అక్టోబర్‌లో భారత క్రికెట్ అభిమానులకు డబుల్ ధమాకా లభించనుంది. ఒకవైపు జపాన్‌లో జరిగే ఆసియా క్రీడలులో శ్రేయస్ అయ్యర్ సారథ్యంలో ఒక భారత జట్టు బరిలోకి దిగుతుండగా.. స్వదేశంలో వెస్టిండీస్‌తో జరిగే వన్డే సిరీస్‌లో మరో జట్టు తలపడనుంది. ఏషియన్ గేమ్స్‌లో నేరుగా క్వార్టర్ ఫైనల్లో అడుగుపెట్టిన భారత జట్టు సెప్టెంబర్ 28న క్వార్టర్స్, అక్టోబర్ 1న సెమీఫైనల్స్ ఆడనుంది. పతక పోరు (ఫైనల్, మూడో స్థానం మ్యాచ్‌) అక్టోబర్ 3న జరగనుంది.ఇదే సమయంలో వెస్టిండీస్ జట్టు 3 వన్డేలు, 5 టీ20ల సిరీస్ కోసం భారత్‌లో పర్యటించనుంది. తొలి రెండు వన్డేలు సెప్టెంబర్ 27, 28 తేదీల్లో జరగనుండగా.. ఆఖరి వన్డే అక్టోబర్ 3న షెడ్యూల్ అయింది. అయితే భారత్ ఒకవేళ ఆసియా క్రీడల్లో ఫైనల్/మెడల్ రౌండ్‌కు అర్హత సాధిస్తే.. అక్టోబర్ 3న ఒకే రోజు వేర్వేరు వేదికలపై రెండు భారత జట్లు ఆడే అరుదైన దృశ్యం ఆవిష్కృతమవుతుంది.శ్రేయస్ అయ్యర్ దూరంకాగా ఆసియా క్రీడల బాధ్యతల కారణంగా స్వదేశంలో వెస్టిండీస్‌తో జరిగే వన్డే సిరీస్‌కు వైస్ కెప్టెన్ శ్రేయస్ అయ్యర్ దూరం కానున్నట్లు తెలుస్తోంది. అతడి స్ధానంలో ఆర్సీబీ కెప్టెన్ రజత్ పాటిదార్ పేరును బీసీసీఐ సెలక్టర్లు పరిశీలిస్తున్నట్లు సమాచారం. పాటిదార్‌ ప్రస్తుతం అద్భుతమైన ఫామ్‌లో ఉన్నాడు. ఈ ఏడాది జరిగిన ఐపీఎల్‌లో కూడా అతడు దుమ్ములేపాడు. శ్రేయాస్‌ లాగే మిడిలార్డర్‌లో రాణించే సత్తా పాటిదార్‌ ఉంది.మరోవైపు ఆసియా క్రీడల కోసం పయనమవుతున్న భారత క్రీడాకారుల బృందానికి బీసీసీఐ అధ్యక్షుడు మిథున్ మన్హాస్ శుభాకాంక్షలు తెలిపారు. భారత అథ్లెట్లు, క్రికెట్ జట్లు తమ అత్యుత్తమ ప్రదర్శన కనబరిచి పసిడి పతకాలు సాధిస్తారని ధీమా వ్యక్తం చేశారు.ఆసియా క్రీడలకు భారత పురుషల జట్టు: శ్రేయస్ అయ్యర్ (కెప్టెన్), అభిషేక్ శర్మ, సంజు శాంసన్ (వికెట్ కీపర్), ఇషాన్ కిషన్ (వికెట్ కీపర్), శివం దూబే, తిలక్ వర్మ (వైస్ కెప్టెన్), నితీష్ కుమార్ రెడ్డి, అక్షర్ పటేల్, వాషింగ్టన్ సుందర్, వరుణ్ చకరవర్తి, రవి బిష్ణోయ్, జస్ప్రీత్ బుమ్రా, హర్షిత్ రాణా, అర్ష్‌దీప్ సింగ్, వైభవ్ సూర్యవంశీ.

మహిళల టీ20 ప్రపంచకప్‌ 2026 వార్మప్‌ మ్యాచ్‌ల్లో టీమిండియా బోణీ కొట్టింది. కార్డిఫ్‌ వేదికగా విండీస్‌తో ఇవాళ (జూన్‌ 8) జరిగిన మ్యాచ్‌లో 26 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసి నిర్ణీత 20 ఓవర్లలో 8 వికెట్ల నష్టానికి 179 పరుగులు చేయగా.. విండీస్‌ నిర్ణీత ఓవర్లలో 8 వికెట్లు కోల్పోయి 153 పరుగులకే పరిమితమైంది.భారత ఇన్నింగ్స్‌లో భారతి ఫుల్మాలి (56 నాటౌట్‌) అర్ద సెంచరీతో రాణించగా.. షఫాలీ వర్మ (29), స్మృతి మంధన (39), యస్తికా భాటియా (36) ఓ మోస్తరు స్కోర్లతో పర్వాలేదనిపించారు. మిగతా ప్లేయర్లలో జెమీమా రోడ్రిగ్స్‌ 7, రిచా ఘోష్‌ డకౌట్‌, రాధా యాదవ్‌ 1, శ్రేయాంక పాటిల్‌ 2, క్రాంతి గౌడ్‌ 4, శ్రీ చరణి 2 (నాటౌట్‌) పరుగులు చేశారు. విండీస్‌ బౌలర్లలో అఫీ ఫ్లెచర్‌ 4 వికెట్లతో సత్తా చాటగా.. కరిష్క రామ్హరాక్‌, ఆలియా అలెన్‌, డియాండ్రా డొట్టిన్‌ తలో వికెట్‌ తీశారు.అనంతరం ఓ మోస్తరు లక్ష్య ఛేదనలో ఓపెనర్లు డొట్టిన్‌ (49), షెర్మైన్‌ క్యాంప్‌బెల్‌ (25) శుభారంభం అందించినా, శ్రేయాంక పాటిల్‌ (4-0-36-4), రాధా యాదవ్‌ (4-0-25-3) చెలరేగడంతో విండీస్‌కు ఓటమి తప్పలేదు. ఓపెనర్లు మినహా విండీస్‌ ఇన్నింగ్స్‌లో ఎవరూ రాణించలేదు. భారత్‌ జూన్‌ 10న జరగే తమ మరో మ్యాచ్‌లో ఇంగ్లండ్‌తో తలపడనుంది.

టీ20 ప్రపంచకప్‌-2026 టోర్నమెంట్లో టీమిండియా ఓపెనర్‌ అభిషేక్‌ శర్మ ఆట తీరుపై విమర్శల వర్షం కొనసాగుతోంది. ఇప్పటి వరకు ఆరు మ్యాచ్‌లు ఆడిన ఈ లెఫ్టాండ్‌ బ్యాటర్‌ చేసిన పరుగులు 80. ఇందులో మూడు డకౌట్లు.. ఓ హాఫ్‌ సెంచరీ ఉన్నాయి.సూపర్‌-8 దశలో వెస్టిండీస్‌తో తప్పక గెలవాల్సిన మ్యాచ్‌లోనూ అభిషేక్‌ శర్మ విఫలమయ్యాడు. పదకొండు బంతులు ఎదుర్కొని కేవలం పది పరుగులే చేసి నిష్క్రమించాడు. దీంతో సెమీ ఫైనల్‌కు ముందు భారత శిబిరంలో ఆందోళన నెలకొంది.ఈ నేపథ్యంలో భారత మాజీ క్రికెటర్‌ మనోజ్‌ తివారి.. అభిషేక్‌ శర్మ (Abhishek Sharma) ఆట తీరుపై మండిపడ్డాడు. నిర్లక్ష్యంగా ఆడితే.. తుదిజట్టులో చోటు కోల్పోయే దుస్థితి వస్తుందని హెచ్చరించాడు. ఈ మేరకు క్రిక్‌బజ్‌తో మాట్లాడుతూ..తక్కువ సమయంలోనే సూపర్‌ స్టార్‌గా‘‘వికెట్‌ కాపాడుకునే ప్రయత్నం చేయాలి. లేదంటే చెత్త షాట్లతో మూల్యం చెల్లించాల్సి వస్తుంది. అతి తక్కువ సమయంలోనే అభిషేక్‌ శర్మ సూపర్‌ స్టార్‌ అయ్యాడు. భవిష్యత్తులోనూ సూపర్‌స్టార్‌గా కొనసాగాలంటే జట్టుకు విజయాలు అందించాలి.భారత జట్టులో చోటు కోసం ఎంతో మంది పోటీపడుతున్నారు. ఎంతో మంది మ్యాచ్‌ విన్నర్లుగా ఇప్పటికే నిరూపించుకున్నారు. వాళ్లందరినీ దాటి జట్టులో కొనసాగాలంటే మెరుగ్గా ఆడాలి. బ్యాటింగ్‌ చేయడు.. చెత్త ఫీల్డింగ్‌వెస్టిండీస్‌తో మ్యాచ్‌లో అతడు బ్యాట్‌ ఝులిపించాల్సింది. అంతేకాదు రెండు క్యాచ్‌లు జారవిడిచి.. చెత్త ఫీల్డింగ్‌తోనూ నిరాశపరిచాడు. అతడి మైండ్‌సెట్‌ ఇప్పటికైనా మారాలి’’ అని మనోజ్‌ తివారి అభిషేక్‌ శర్మ ఆట తీరును విమర్శించాడు. మరోవైపు.. భారత మాజీ ఆల్‌రౌండర్‌ ఇర్ఫాన్‌ పఠాన్‌ సైతం అభిషేక్‌ ఫామ్‌లేమిపై ఆందోళన వ్యక్తం చేశాడు. కాగా ఐసీసీ ర్యాంకింగ్స్‌లో నంబర్‌ వన్‌ బ్యాటర్‌గా ఉన్న ఈ టీమిండియా ఓపెనర్‌ ఆటపై అభిమానులు సైతం గుర్రుగా ఉన్నారు.చదవండి: అతడిని సెలక్ట్‌ చేసింది ఎవరు?.. BCCI గ్రీన్‌ సిగ్నల్‌!

టీ20 ప్రపంచకప్‌-2026 టోర్నీలో కీలక ముందడుగు వేసింది టీమిండియా. సూపర్‌-8లో తప్పక గెలవాల్సిన మ్యాచ్‌లో వెస్టిండీస్‌ను ఓడించి సెమీ ఫైనల్లో అడుగుపెట్టింది. ఈ క్రమంలో ముంబై వేదికగా వాంఖడే మైదానంలో గురువారం ఇంగ్లండ్‌ను ఢీకొట్టనుంది. ముంబైకి చేరుకున్న టీమిండియాఇందుకోసం ఇప్పటికే భారత జట్టు ముంబైకి చేరుకుంది. కాగా ఈ ఎడిషన్‌ ఆరంభంలో నేపాల్‌ వంటి పసికూన జట్టుతో సవాలు ఎదుర్కొన్నప్పటికీ.. ఆ తర్వాత ఇంగ్లండ్‌ పుంజుకున్న తీరు అమోఘం.Touchdown, Mumbai! 📍#TeamIndia are in and gearing up for the semi-final in just three days! 👏ICC Men’s #T20WorldCup Semi-Final 2 👉 #INDvENG | THU, 5 MAR, 5:30 PM pic.twitter.com/gfOBk4T29X— Star Sports (@StarSportsIndia) March 2, 2026అందరూ మేటి ఆటగాళ్లేముఖ్యంగా సూపర్‌-8లో శ్రీలంక, పాకిస్తాన్‌, న్యూజిలాండ్‌లను ఓడించి.. హ్యాట్రిక్‌ విజయాలతో సెమీస్‌ చేరిన తొలి జట్టుగా నిలిచింది. ఈ నేపథ్యంలో హెడ్‌కోచ్‌ గౌతం గంభీర్‌.. ఇంగ్లండ్‌ గట్టి ప్రత్యర్థి అని.. ఆ జట్టుతో జాగ్రత్తగా ఆడాల్సి ఉంటుందని పేర్కొన్నాడు. ఆ జట్టులో ఫిల్‌ సాల్ట్, హ్యారీ బ్రూక్‌, సామ్‌ కరన్, విల్‌ జాక్స్‌ సహా అందరు మేటి ఆటగాళ్లేనని అన్నాడు.వాంఖడే పిచ్‌ పరిస్థితులు వేరుగా ఉంటాయని... అటువంటి చోట ఇంగ్లండ్‌ లాంటి జట్టును ఎదుర్కోవడం సవాలుతో కూడుకున్నదే అని గౌతీ పేర్కొన్నాడు. ఇంగ్లండ్‌ వంటి జట్టును ఓడించేందుకు తాము ఇంకాస్త ఎక్కువగానే శ్రమించాల్సి ఉంటుందని అన్నాడు.సంజూ సత్తా ఏంటో నాకు బాగా తెలుసుఅదే విధంగా.. వెస్టిండీస్‌తో మ్యాచ్‌లో భారత్‌ గెలిచిన తీరుపై కూడా గౌతీ స్పందించాడు. ఈ మ్యాచ్‌లో 97 పరుగులతో అజేయంగా నిలిచి జట్టును గెలిపించిన సంజూ శాంసన్‌ను ప్రశంసించాడు. అయితే, క్రికెట్‌ జట్టు క్రీడ అని అందరూ కలసి కట్టుగా ఆడాల్సిందే... జట్టుగా గెలవాల్సిందేనని పేర్కొన్నాడు.‘‘సంజూ సత్తా ఏంటో నాకు బాగా తెలుసు. మెగా ఈవెంట్‌కు ముందు న్యూజిలాండ్‌తో జరిగిన సిరీస్‌ అతనికి క్లిష్టంగా గడిచింది. అందుకే కాస్త విశ్రాంతి ఇచ్చాము. ఇప్పుడు వెస్టిండీస్‌తో కీలకమైన ‘సూపర్‌–8’ మ్యాచ్‌లో శాంసన్‌ మ్యాచ్‌ విన్నింగ్‌ ఇన్నింగ్స్‌తో అదరగొట్టాడు’’ అని గంభీర్‌ కితాబిచ్చాడు.🚨 BIG STATEMENT BY GAUTAM GAMBHIR 🚨 "For so many year, we only glorified individual success. But this Indian Team is different, we play as a team. Shivam Dube's 2 boundaries is as important as Sanju Samson 97*."What's your take 🤔pic.twitter.com/zdecRc7PVJ— Fan Account Richard Kettlebourogh (@RichKettle07) March 3, 2026అదే విధంగా తిలక్‌ వర్మ, శివమ్‌ దూబే తదితర సహచరులు కూడా బాగా ఆడారని గౌతీ అన్నాడు. తాను కోచ్‌గా ఉన్నంతకాలం జట్టు విజయంలో భాగమైన ప్రతి ఆటగాడి సహకారానికి తగిన గుర్తింపు లభిస్తుందన్నాడు. అతడి రెండు ఫోర్లు కీలకం.. లేదంటే సంజూ ఇన్నింగ్స్‌ వేస్ట్‌!‘క్రికెట్‌ ఎప్పటికైనా టీమ్‌ గేమ్‌. ఓ జట్టుగా ఆడాలి. జట్టుగానే గెలవాలి. కొన్నేళ్లుగా మనం ఒకరిద్దరి సేవలగురించే ప్రత్యేకంగా మాట్లాడుకునేవాళ్లం. ఇప్పుడు అందరి సహకారం గురించి ప్రస్తావించడం నాకూ ఆనందంగానే ఉంది’ అని గంభీర్‌ ఫలానా ఆటగాడి పేరుచెప్పకుండా తన శైలిలో సమాధాన మిచ్చాడు.‘జట్టు విజయంలో ఎవరైనా పెద్ద స్కోరు చేస్తే పతాక శీర్షికలకెక్కుతారు. కానీ నా దృష్టిలో మాత్రం ఆ పెద్ద స్కోరుకు విలువపెంచే భాగస్వామ్యంలో తక్కువ పరుగులు చేసినా విజయంలో ఈ రెండూ విలువైనవే! ఒకటి ఎక్కువ ఇంకోటి తక్కువ కాదు. ఎందుకంటే కీలకమైన సమయంలో శివమ్‌ దూబే కొట్టిన రెండు విలువైన బౌండరీలు లక్ష్యఛేదనకెంతో ఉపయోగపడ్డాయి. అవే లేకపోయినా... ఫలితం ప్రతికూలంగా ఉన్నా... సామ్సన్‌ (97 నాటౌట్‌) అద్భుత ఇన్నింగ్స్‌ మరుగున పడేది’ అని గౌతీ వివరించాడు.చదవండి: స్వార్థపరుడు.. అతడు జట్టులో దండగ: భారత మాజీ కెప్టెన్‌ ఫైర్‌

టీమిండియా విధ్వంసకర ఓపెనర్‌గా పేరొందిన అభిషేక్‌ శర్మ.. టీ20 ప్రపంచకప్‌-2026 టోర్నీలో ఇప్పటి వరకు చెప్పుకోదగ్గ ప్రదర్శన చేయలేదు. గ్రూప్‌ దశలో అమెరికా, పాకిస్తాన్‌, నెదర్లాండ్స్‌ జట్లతో మ్యాచ్‌లలో ఈ లెఫ్టాండ్‌ బ్యాటర్‌ డకౌట్‌ అయ్యాడు. ఇక నమీబియాతో మ్యాచ్‌కు అనారోగ్యం వల్ల దూరం అయ్యాడు.జింబాబ్వేతో మ్యాచ్‌లో మాత్రంఅనంతరం సూపర్‌-8 మ్యాచ్‌లో సౌతాఫ్రికాతో పోరులోనూ అభిషేక్‌ (Abhishek Sharma) విఫలమయ్యాడు. కేవలం 15 పరుగులే చేసి నిష్క్రమించాడు. ఆ తర్వాత పసికూన జింబాబ్వేతో మ్యాచ్‌లో మాత్రం అర్ధ శతకం (30 బంతుల్లో 55) చేయగలిగాడు. అయితే, తాజాగా వెస్టిండీస్‌తో కీలక మ్యాచ్‌లో మాత్రం మరోసారి అభిషేక్‌ తేలిపోయాడు.అవుటైపోవడం బెటర్‌ఈ ఓపెనింగ్‌ బ్యాటర్‌ 11 బంతులు ఎదుర్కొని కేవలం 10 పరుగులే చేసి నిష్క్రమించాడు. అకీల్‌ హొసేన్‌ బౌలింగ్‌లో షిమ్రన్‌ హెట్‌మైర్‌కు క్యాచ్‌ ఇచ్చి అభిషేక్‌ శర్మ పెవిలియన్‌ చేరాడు. ఈ నేపథ్యంలో టీమిండియా మాజీ అసిస్టెంట్‌ కోచ్‌ అభిషేక్‌ నాయర్‌ అభిషేక్‌ను ఉద్దేశించి కీలక వ్యాఖ్యలు చేశాడు. స్టార్‌ స్పోర్ట్స్ షోలో మాట్లాడుతూ.. ‘‘ఓపెనర్‌ ఎంత వేగంగా ఆడితే అంత మంచింది.తక్కువ బంతుల్లోనే ఎక్కువ పరుగులు చేయడంపై దృష్టి పెట్టాలి. అయితే, విండీస్‌తో మ్యాచ్‌లో అభిషేక్‌ ఆ పని చేయలేకపోయాడు. ఒకవేళ పరుగులు రాబట్టడంలో విఫలమైతే అవుటైపోవడం బెటర్‌. టీ20 క్రికెట్‌లో ఇది కీలకం.పవర్‌ప్లే అయ్యాక అతడు అవుటయ్యాడుపరుగులు తీయలేక ఇబ్బంది పడుతున్న బ్యాటర్‌ అవుటైతే వేరొకరికి అవకాశం వస్తుంది. నిజానికి వెస్టిండీస్‌ ఓపెనర్‌ షాయీ హోప్‌ ఈ నియమాన్ని పాటించకుండా పవర్‌ ప్లేలో మొత్తం క్రీజులో ఉండి జట్టును వెనుకపడేశాడు. పవర్‌ప్లే అయ్యాక అతడు అవుటయ్యాడు.ఇక అభిషేక్‌ శర్మ తొమ్మిది బంతుల్లో తొమ్మిది పరుగులే చేసి.. ఆ తర్వాత మరీ వెనుకబడ్డాడు. ఆ వెంటనే అవుటైపోయాడు. జట్టు ప్రయోజనాల కోసం అతడు రిస్క్‌ తీసుకునే సాహసం చేయలేదు’’ అని అభిషేక్‌ నాయర్‌.. అభిషేక్‌ శర్మ ఆట తీరును విశ్లేషించాడు.కాగా వెస్టిండీస్‌తో మ్యాచ్‌లో సంజూ శాంసన్‌ (50 బంతుల్లో 97 నాటౌట్‌) అద్భుత ఇన్నింగ్స్‌తో రాణించి.. టీమిండియాను విజయతీరాలకు చేర్చాడు. ఇదిలా ఉంటే.. విండీస్‌ కెప్టెన్‌, ఓపెనర్‌ షాయీ హోప్‌ 33 బంతుల్లో 32 పరుగులు చేశాడు. అతడి స్లో బ్యాటింగ్‌ జట్టుపై తీవ్ర ప్రభావం చూపింది. ఈ మ్యాచ్‌లో విండీస్‌ 20 ఓవర్లలో నాలుగు వికెట్ల నష్టానికి 195 పరుగులు చేయగా.. భారత్‌ 19.2 ఓవర్లలో ఐదు వికెట్లు కోల్పోయి లక్ష్యాన్ని ఛేదించింది.చదవండి: స్వార్థపరుడు.. అతడు జట్టులో దండగ: భారత మాజీ కెప్టెన్‌ ఫైర్‌

టీమిండియా అద్భుతం చేసింది. చావోరేవో తేల్చుకోవాల్సిన మ్యాచ్‌లో వెస్టిండీస్‌ను ఓడించి టీ20 ప్రపంచకప్‌-2026 సెమీ ఫైనల్‌కు చేరుకుంది. ఈ మ్యాచ్‌లో ఓపెనింగ్‌ బ్యాటర్‌ సంజూ శాంసన్‌ కీలక పాత్ర పోషించాడు.ఆద్యంతం నిలకడగా ఆడిన సంజూ జట్టును విజయతీరాలకు చేర్చాడు. మొత్తంగా 50 బంతుల్లో 12 ఫోర్లు, 4 సిక్స్‌లు బాది 97 పరుగులతో అజేయంగా నిలిచాడు. ఆఖరి ఓవర్లో సిక్స్‌, ఫోర్‌ బాది విజయ లాంఛనాన్ని పూర్తి చేశాడు.వచ్చీ రాగానే వరుసగా రెండు ఫోర్లుఅయితే, టీమిండియా గెలుపునకు 10 బంతుల్లో 17 పరుగులు అవసరమైన వేళ హార్దిక్‌ పాండ్యా (14 బంతుల్లో 17) ఐదో వికెట్‌గా వెనుదిరగగా.. శివం దూబే క్రీజులోకి వచ్చాడు. వచ్చీ రాగానే వరుసగా రెండు ఫోర్లు బాదాడు. దీంతో ఆఖరి ఓవర్లో విజయ సమీకరణం ఏడు పరుగులుగా మారగా.. సంజూ తొలుత సిక్స్‌, ఆ తర్వాత ఫోర్‌ బాది గెలుపు ఖరారు చేశాడు.Shivam Dube wastes no time as India push to finish this in style to book their semi-final berth. 🔥ICC Men’s #T20WorldCup, SUPER 8, #INDvWI | LIVE NOW ➡️ https://t.co/Y26WH6p8dS pic.twitter.com/Ta4LWZ1VR2— Star Sports (@StarSportsIndia) March 1, 2026ఆ రెండు ఫోర్లు అత్యంత కీలకంనిజానికి దూబే బాదిన రెండు ఫోర్ల వల్ల సంజూపై ఒత్తిడి తగ్గి మరింత స్వేచ్ఛగా బ్యాట్‌ ఝులిపించగలిగాడు. భారత ప్రధాన పేసర్‌ జస్‌ప్రీత్‌ బుమ్రా కూడా ఇదే మాట అంటున్నాడు. ‘‘దూబే బాదిన ఆ రెండు ఫోర్లు అత్యంత కీలకం.క్రికెట్‌ రికార్డులలో వాటికి చోటు లేకపోవచ్చు. కానీ క్రికెట్‌ గురించి పూర్తి అవగాహన ఉన్న వారికి వాటి ప్రాధాన్యం ఏమిటో అర్థమవుతుంది. ఆ రెండు ఫోర్లే ఒత్తిడిని తగ్గించాయి. చివరి ఓవర్లో 8-9 పరుగులు తీయడం కూడా ఒక్కోసారి కష్టం కావచ్చు.సంజూ విషయంలో హ్యాపీఏదేమైనా సంజూ విషయంలోనూ నేను సంతోషంగా ఉన్నాను. అతడు గత కొంతకాలంగా ఎన్నో ఒడిదుడుకులు ఎదుర్కొన్నాడు. వాటన్నింటినీ అధిగమించి గొప్ప ఇన్నింగ్స్‌ ఆడాడు. అతడు రోజురోజుకీ మరింత గొప్పగా ఆడాలని కోరుకుంటున్నా’’ అని బుమ్రా పేర్కొన్నాడు. కాగా విండీస్‌తో మ్యాచ్‌లో బుమ్రా రెండు వికెట్లు తీసిన సంగతి తెలిసిందే.చదవండి: స్వార్థపరుడు.. అతడు జట్టులో దండగ: భారత మాజీ కెప్టెన్‌ ఫైర్‌

టీ20 ప్రపంచకప్‌-2026 టోర్నమెంట్లో ఆరంభం నుంచి అద్భుత ఆట తీరు కనబరిచిన వెస్టిండీస్‌కు చేదు అనుభవం ఎదురైంది. సూపర్‌-8 దశలో జింబాబ్వేపై ఘన విజయం సాధించి సెమీస్‌ రేసులోకి దూసుకవచ్చిన విండీస్‌.. కీలక మ్యాచ్‌లలో మాత్రం చేతులెత్తేసింది.విండీస్‌ అవుట్‌తొలుత సౌతాఫ్రికా చేతిలో చిత్తుగా ఓడిన కరేబియన్‌ జట్టు.. తాజాగా ఆదివారం నాటి మ్యాచ్‌లో టీమిండియా చేతిలో ఓటమిపాలైంది. ఫలితంగా భారత్‌ సెమీస్‌కు దూసుకువెళ్లగా.. వెస్టిండీస్‌ టోర్నీ నుంచి నిష్క్రమించింది.ఈ నేపథ్యంలో టీమిండియా మాజీ కెప్టెన్‌ క్రిష్ణమాచారి శ్రీకాంత్‌.. వెస్టిండీస్‌ సారథి షాయీ హోప్‌పై తీవ్ర స్థాయిలో మండిపడ్డాడు. అతడొక స్వార్థ పరుడు.. తుదిజట్టులో అతడికి చోటు దండగ అంటూ ఘాటుగా విమర్శించాడు. తన వైఫల్యాన్ని కప్పిపుచ్చుకునేందుకు ఇతరులపై నిందలు వేయడం సరికాదని చురకలు అంటించాడు.స్వార్థపరుడు..‘‘ప్రతి మ్యాచ్‌లో కేవలం స్వార్థం కోసం మాత్రమే అతడు ఆడతాడు. టీమిండియా చేతిలో ఓటమి తర్వాత.. తప్పునంతా పావెల్‌, హోల్డర్‌లపై నెట్టేసేందుకు ప్రయత్నించాడు. ఆఖర్లో సరిగ్గా ఆడలేదంటూ వారిని నిందించాడు.నిజానికి నీ చెత్త బ్యాటింగ్‌తో నువ్వే వెస్టిండీస్‌ ఇన్నింగ్స్‌కు ముగింపు పలికావు. కానీ నిన్ను నువ్వు ఎప్పుడూ నిందించుకోవు. నిన్ను కెప్టెన్‌గా నియమించడమే వెస్టిండీస్‌ క్రికెట్‌ చేసిన అతి పెద్ద తప్పు.తుదిజట్టులో ఉండటమే దండగఅసలు తుదిజట్టులో షాయీ హోప్‌ ఉండటమే దండగ. అతడు కేవలం ఆదేశాలు ఇవ్వడానికి మాత్రమే ముందుంటాడు. బ్యాట్‌తో రాణించలేడు. అతడికి బదులు వేరొకరిని జట్టులోకి తీసుకుంటే బాగుండేదేమో! నీ బదులు రొమారియో షెఫర్డ్‌ను ఓపెనర్‌గా పంపి ఉంటే బాగుండేది హోప్‌’’ అంటూ క్రిష్ణమాచారి శ్రీకాంత్‌ షాయీ హోప్‌ ఆట తీరుపై ఆగ్రహం వ్యక్తం చేశాడు.కాగా కోల్‌కతాలో భారత్‌తో మ్యాచ్‌లో టాస్‌ ఓడిన విండీస్‌ తొలుత బ్యాటింగ్‌కు దిగింది. కెప్టెన్‌, ఓపెనింగ్‌ బ్యాటర్‌, వికెట్‌ కీపర్‌ షాయీ హోప్‌ 33 బంతులు ఎదుర్కొని 32 పరుగులే చేయగలిగాడు. వరుణ్‌ చక్రవర్తి బౌలింగ్‌లో బౌల్డ్‌ అయి పెవిలియన్‌ చేరాడు. ఇక మరో ఓపెనర్‌ రోస్టన్‌ ఛేజ్‌ 25 బంతుల్లో 40 పరుగులతో రాణించాడు.సంజూ శాంసన్‌ ధనాధన్‌ఆఖర్లో రోవ్‌మన్‌ పావెల్‌ (19 బంతుల్లో 34), జేసన్‌ హోల్డర్‌ (22 బంతుల్లో 37) మెరుపు ఇన్నింగ్స్‌తో అజేయంగా నిలిచారు. ఫలితంగా 20 ఓవర్లలో విండీస్‌ 195 పరుగులు స్కోరు చేయగలిగింది.అయితే, సంజూ శాంసన్‌ (50 బంతుల్లో 97 నాటౌట్‌) విజృంభణ కారణంగా టీమిండియా 192. ఓవర్లలో కేవలం ఐదు వికెట్లు నష్టపోయి లక్ష్యాన్ని ఛేదించింది. ఫలితంగా ఐదు వికెట్ల తేడాతో విండీస్‌ను ఓడించి సెమీస్‌ బెర్తు ఖాయం చేసుకుంది.చదవండి: IND vs WI అతడొక వరల్డ్‌క్లాస్‌ ప్లేయర్‌.. అందుకే మద్దతు: గంభీర్‌Varun strikes, and Eden Gardens erupts! 🌪️The bowling change does the trick for #TeamIndia as skipper Shai Hope walks back! ☝️ICC Men’s #T20WorldCup, SUPER 8, #INDvWI | LIVE NOW ➡️ https://t.co/Y26WH6p8dS pic.twitter.com/rPIjxyNNaS— Star Sports (@StarSportsIndia) March 1, 2026

వెస్టిండీస్‌తో సూపర్‌-8 మ్యాచ్‌లో టీమిండియా అదరగొట్టింది. ఐదు వికెట్ల తేడాతో విండీస్‌ను ఓడించి టీ20 ప్రపంచకప్‌-2026 టోర్నీ సెమీ ఫైనల్లో అడుగుపెట్టింది. ఈ క్రమంలో పాకిస్తాన్‌ పేరిట ఉన్న ప్రపంచ రికార్డును భారత జట్టు సమం చేసింది.సౌతాఫ్రికా చేతిలో చిత్తుగా ఓడిశ్రీలంకతో కలిసి వరల్డ్‌కప్‌ టోర్నీకి ఆతిథ్యం ఇస్తున్న డిఫెండింగ్‌ చాంపియన్‌ భారత్‌.. లీగ్‌ దశలో అజేయంగా నిలిచిన విషయం తెలిసిందే. అయితే, సూపర్‌-8 దశలో తొలి మ్యాచ్‌లోనే సౌతాఫ్రికా చేతిలో చిత్తుగా ఓడిన టీమిండియా సెమీస్‌ అవకాశాలను సంక్లిష్టం చేసుకుంది.వరుస విజయాలతో సెమీస్‌కుఅయితే, తదుపరి మ్యాచ్‌లో జింబాబ్వే (IND vs ZIM)ను భారీ తేడాతో ఓడించి సెమీ ఫైనల్‌ రేసులో ముందుకు వచ్చిన భారత్‌.. ఆదివారం నాటి మ్యాచ్‌లో వెస్టిండీస్‌ (IND vs WI)ను చిత్తు చేసి బెర్తును ఖరారు చేసుకుంది. కోల్‌కతాలోని ఈడెన్‌ గార్డెన్స్‌ వేదికగా టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన విండీస్‌ జట్టు నిర్ణీత 20 ఓవర్లలో నాలుగు వికెట్ల నష్టానికి 195 పరుగులు సాధించింది.విండీస్‌ బ్యాటర్లలో రోవ్‌మన్‌ పావెల్‌ (19 బంతుల్లో 34), జేసన్‌ హోల్డర్‌ (22 బంతుల్లో 37) అజేయ ఇన్నింగ్స్‌తో అలరించగా.. ఓపెనర్‌ రోస్టన్‌ ఛేజ్‌ (25 బంతుల్లో 40) టాప్‌ రన్‌ స్కోరర్‌గా నిలిచాడు. భారత బౌలర్లలో జస్‌ప్రీత్‌ బుమ్రా రెండు వికెట్లు తీయగా.. హార్దిక్‌ పాండ్యా, వరుణ్‌ చక్రవర్తి చెరో వికెట్‌ తమ ఖాతాలో వేసుకున్నారు.సంజూ స్పెషల్‌ఇక లక్ష్య ఛేదనలో భారత్‌ ఆరంభంలో తడబడినా ఓపెనర్‌ సంజూ శాంసన్‌ (Sanju Samson) జట్టును విజయతీరాలకు చేర్చాడు. 50 బంతుల్లో 12 ఫోర్లు, 4 సిక్సర్ల సాయంతో 97 పరుగులతో అజేయంగా నిలిచి గెలుపును ఖరారు చేశాడు. ఈ మ్యాచ్‌లో వెస్టిండీస్‌పై ఐదు వికెట్ల తేడాతో గెలిచిన భారత్‌ సెమీ ఫైనల్‌లో అడుగుపెట్టింది.Man on a mission! 🚀Sanju Samson looks in sublime touch as he bring up his fifty! 🙌ICC Men’s #T20WorldCup, SUPER 8, #INDvWI | LIVE NOW ➡️ https://t.co/Y26WH6p8dS pic.twitter.com/yrCOStYeaF— Star Sports (@StarSportsIndia) March 1, 2026పాక్‌ ప్రపంచ రికార్డు సమంకాగా టీమిండియా టీ20 ప్రపంచకప్‌ టోర్నీలో సెమీస్‌ చేరడం ఇది ఆరోసారి. తద్వారా పాకిస్తాన్‌ పేరిట ఉన్న ప్రపంచ రికార్డును భారత్‌ సమం చేసింది. ఇక ఇదే ఎడిషన్‌లో అందరి కంటే ముందే సెమీస్‌ బెర్తు ఖరారు చేసుకున్న ఇంగ్లండ్‌ సైతం ఆరోసారి సెమీ ఫైనల్లో అడుగుపెట్టి.. పాక్‌, భారత్‌ సరసన నిలిచింది. ఇక గురువారం నాటిమ్యాచ్‌లో ఫైనల్‌ బెర్తు కోసం టీమిండియా ఇంగ్లండ్‌ మధ్యమ్యాచ్‌ జరుగుతుంది. ఇందుకు ముంబై వేదిక.టీ20 ప్రపంచకప్‌ టోర్నీలో అత్యధికసార్లు సెమీ ఫైనల్‌ చేరిన జట్లు ఇవే👉పాకిస్తాన్‌- ఆరుసార్లు (2007, 2009, 2010, 2012, 2021, 2022)👉టీమిండియా- ఆరుసార్లు (2007, 2014, 2016, 2022, 2024, 2026)👉ఇంగ్లండ్‌- ఆరుసార్లు (2010, 2016, 2021, 2022, 2024, 2026చదవండి: ఇది సరిపోతుందా బాస్‌!.. విమర్శలకు సంజూ ’స్టైల్‌’ కౌంటర్‌

టీమిండియా హెడ్‌కోచ్‌ గౌతం గంభీర్‌ సంజూ శాంసన్‌పై ప్రశంసలు కురిపించాడు. అతడొక వరల్డ్‌క్లాస్‌ ప్లేయర్‌ అంటూ ఆకాశానికెత్తాడు. సరైన సమయంలో రాణించి తన విలువను మరోసారి చాటుకున్నాడని కొనియాడాడు.టీ20 ప్రపంచకప్‌-2026 ఆరంభానికి ముందు ఫామ్‌లేమితో సతమతమైన సంజూ (Sanju Samson)తుదిజట్టులో స్థానం కోల్పోయిన సంగతి తెలిసిందే. ఓపెనర్‌, వికెట్‌ కీపర్‌ బ్యాటర్‌గా అతడి స్థానాన్ని ఇషాన్‌ కిషన్‌ (Ishan Kishan) భర్తీ చేశాడు. అయితే, మరో ఓపెనర్‌ అభిషేక్‌ శర్మ కడుపు నొప్పి కారణంగా నమీబియాతో మ్యాచ్‌కు దూరం కాగా సంజూ తొలిసారి వరల్డ్‌కప్‌ మ్యాచ్‌ ఆడాడు.బాధ్యతాయుత ఇన్నింగ్స్‌అనంతరం సూపర్‌-8లో జింబాబ్వేతో మ్యాచ్‌లో ఆడిన సంజూ.. తాజాగా వెస్టిండీస్‌తో ఆదివారం నాటి కీలక మ్యాచ్‌లోనూ తుదిజట్టులో చోటు దక్కించుకున్నాడు. యాజమాన్యం తనపై పెట్టుకున్న నమ్మకాన్ని నిలబెట్టుకుంటూ అదిరిపోయే ఆట తీరుతో జట్టును సెమీ ఫైనల్‌కు చేర్చాడు.Man on a mission! 🚀Sanju Samson looks in sublime touch as he bring up his fifty! 🙌ICC Men’s #T20WorldCup, SUPER 8, #INDvWI | LIVE NOW ➡️ https://t.co/Y26WH6p8dS pic.twitter.com/yrCOStYeaF— Star Sports (@StarSportsIndia) March 1, 2026కోల్‌కతా వేదికగా సహచర ఆటగాళ్లు స్థాయికి తగ్గట్లు రాణించలేక విఫలమైన వేళ సంజూ.. 50 బంతుల్లో 97 పరుగులతో అజేయంగా నిలిచి జట్టును విజయతీరాలకు చేర్చాడు. ఈ నేపథ్యంలో హెడ్‌కోచ్‌ గౌతం గంభీర్‌ సంజూను ప్రశంసలతో ముంచెత్తాడు.అతడొక వరల్డ్‌క్లాస్‌ ప్లేయర్‌.. అందుకే మద్దతు‘‘సంజూ మంచి ఆటగాడు అని అందరికీ తెలుసు. అయితే, కొన్నిసార్లు విఫలమైనా అతడికి మద్దతుగా నిలవడం అవసరం. మేము అదే పని చేశాము. అందుకు తగ్గట్లుగానే జట్టుకు అతడి అవసరం ఉన్న కీలక సమయంలో రాణించాడు.అతడి పూర్తి స్థాయి నైపుణ్యాలను ఈరోజు ప్రదర్శించి.. జట్టుకు విజయం అందించాడు. అతడు వరల్డ్‌క్లాస్‌ ప్లేయర్‌ అని నేను తరచూ చెబుతూ ఉంటాను. సంజుకు గొప్ప ప్రతిభ ఉంది. ఇప్పటి నుంచి అతడి నుంచి ఇలాంటి ఇంకెన్నో ఇన్నింగ్స్‌ చూడాలని కోరుకుంటున్నా’’ అని గంభీర్‌ సంజూను కొనియాడాడు.ఐదు వికెట్ల తేడాతో విజయంకాగా వెస్టిండీస్‌తో చావోరేవో తేల్చుకోవాల్సిన మ్యాచ్‌లో టీమిండియా ఐదు వికెట్ల తేడాతో విజయం సాధించింది. కోల్‌కతాలో టాస్‌ ఓడి తొలుత బ్యాటింగ్‌ చేసిన విండీస్‌.. నిర్ణీత 20 ఓవర్లలో నాలుగు వికెట్ల నష్టానికి 195 పరుగులు చేసింది.లక్ష్య ఛేదనకు దిగిన భారత్‌ 19.2 ఓవర్లలో ఐదు వికెట్లు నష్టపోయి 199 పరుగులు సాధించింది. ఫలితంగా ఐదు వికెట్ల తేడాతో గెలిచి గ్రూప్‌-1 నుంచి సౌతాఫ్రికాతో పాటు సెమీస్‌ బెర్తు ఖరారు చేసుకుంది. ముంబై వేదికగా గురువారం సెమీ ఫైనల్లో టీమిండియా ఇంగ్లండ్‌తో అమీతుమీ తేల్చుకుంటుంది.As soon as Sanju Samson smashed a match winning SIX, just look at the Celebration of Abhishek Sharma, Tilak Varma, Hardik Pandya, Suryakumar Yadav and Jay Shah 💥- Most trolled and most hated Sanju Samson delivered at the biggest stage 👏🏻#INDvsWI pic.twitter.com/tYJmi4fxwC— Fan Account Richard Kettlebourogh (@RichKettle07) March 1, 2026

టీ20 ప్రపంచకప్‌-2026 టోర్నీ ఆరంభానికి ముందు పేలవ ప్రదర్శనతో విమర్శలు మూటగట్టుకున్నాడు టీమిండియా స్టార్‌ సంజూ శాంసన్‌. మెగా టోర్నీకి సన్నాహకంగా స్వదేశంలో న్యూజిలాండ్‌తో జరిగిన టీ20 సిరీస్‌లో వరుస వైఫల్యాలతో సతమతమయ్యాడు.ఈ సిరీస్‌లో సంజూ చేసిన పరుగులు 10, 6, 0, 24, 6. దీంతో వరల్డ్‌కప్‌ జట్టులో ఓపెనర్‌గా అతడి స్థానం గల్లంతైంది. ఇషాన్‌ కిషన్‌ అభిషేక్‌ శర్మకు జోడీగా ఐసీసీ ఈవెంట్లో వరుస అవకాశాలు అందిపుచ్చుక్నునాడు.ఉద్దేశపూర్వకంగానే!అయితే, అభిషేక్‌ శర్మ అనారోగ్యం కారణంగా నమీబియాతో తొలిసారి బరిలో దిగాడు సంజూ. ఆ మ్యాచ్‌లో 8 బంతుల్లో 22 పరుగులు చేసిన ఈ వికెట్‌ కీపర్‌ బ్యాటర్‌... తదుపరి జింబాబ్వేతో సూపర్‌-8 మ్యాచ్‌లో 15 బంతుల్లో 24 రన్స్‌ రాబట్టగలిగాడు. పొరపాట్లను పునరావృతం చేస్తూ షార్ట్‌ బంతుల్ని తప్పుగా అంచనా వేసి అవుటైన నేపథ్యంలో మరోసారి సంజూపై విమర్శల వర్షం కురిసింది.మరోవైపు.. అతడి అభిమానులు మాత్రం.. మిగతా వాళ్లకు ఇచ్చినట్లుగా సంజూకు అవకాశాలు ఇవ్వడం లేదని మద్దతుగా నిలిచారు. ఈ కేరళ స్టార్‌ను ఉద్దేశపూర్వకంగా ప్రతీసారి పక్కన పెడుతున్నారని భారత జట్టు యాజమాన్యాన్ని విమర్శించారు. అయితే, వరుస విమర్శల తర్వాత అప్పుడప్పుడు అవకాశాలు పొందుతున్నా సంజూ చెప్పుకోదగ్గ ఇన్నింగ్స్‌ ఆడలేక ప్రతీసారి చేతులెత్తేయం ప్రతికూలాంశంగా పరిణమించింది. ఏదో కారణంతో అదృష్టవశాత్తూ చాన్స్‌ దక్కినా దానిని అతడు వాడుకోలేకపోతున్నాడనే అపవాదు పడింది. ముందుగా చెప్పినట్లు ఈ వరల్డ్‌ కప్‌లో కూడా ఆడిన రెండు మ్యాచ్‌లలో విఫలం కావడం ఇందుకు కారణం.ఒకే ఒక అర్ధ సెంచరీ...నిజానికి 2024 నవంబర్‌లో సౌతాఫ్రికాపై సెంచరీ తర్వాత శాంసన్‌ 18 ఇన్నింగ్స్‌లు ఆడితే ఒకే ఒక అర్ధ సెంచరీ... అదీ బలహీన జట్టు ఒమన్‌పై వచ్చింది. వరల్డ్‌ కప్‌ జట్టులోకి ఎంపికైన తర్వాత కూడా కివీస్‌తో సిరీస్‌లో వైఫల్యంతో తన స్థానాన్ని అతను ఇషాన్‌ కిషన్‌కు కోల్పోవాల్సి రావడం గమనార్హం.కెరీర్‌కు కొత్త ఊపుఇలాంటి స్థితిలో ఆదివారం వెస్టిండీస్‌తో చావోరేవో తేల్చుకోవాల్సిన మ్యాచ్‌లో సంజూ ఇన్నింగ్స్‌ అతడి కెరీర్‌కు కొత్త ఊపు తెచ్చింది. కీలక మ్యాచ్‌లో ఎలాంటి ఒత్తిడి లేకుండా ప్రశాంతంగా ఆడుతూ చక్కటి షాట్లతో అతను జట్టును గెలుపు వరకు తీసుకెళ్లి ఎప్పటికీ గుర్తుంచుకునే ప్రదర్శన నమోదు చేశాడు.విండీస్‌తో మ్యాచ్‌లో అన్ని రకాల షాట్లతో సంజూ చెలరేగాడు. ఈసారి 20.. 30... దాటిన తర్వాత అతడు వికెట్‌ పారేసుకోలేదు. అకీల్‌ హొసీన్‌ ఓవర్లో ఫోర్, 2 సిక్స్‌లతో జోరు మొదలు పెట్టిన ఈ కుడిచేతి వాటం బ్యాటర్‌ షెఫర్డ్‌ ఓవర్లో వరుసగా 6, 4 బాది 26 బంతుల్లోనే హాఫ్‌ సెంచరీని అందుకున్నాడు. This team! 🥹💙🫂Next Stop: Semi-finals 🚀ICC Men’s #T20WorldCup Semi-Final 2 👉 #INDvENG | THU, 5 MAR, 6 PM pic.twitter.com/CEMSGouFlO— Star Sports (@StarSportsIndia) March 1, 2026టీమిండియాను సెమీస్‌కు చేర్చిటీ20 వరల్డ్‌ కప్‌ మ్యాచ్‌లో ఛేదనలో అత్యధిక పరుగులు చేసిన బ్యాటర్‌గా నిలిచిన సంజూ... ఆఖరి ఓవర్లో వరుస బంతుల్లో 6, 4తో మ్యాచ్‌ను ముగించాడు. టీమిండియాను సెమీ ఫైనల్‌కు చేర్చి చిరస్థాయిగా నిలిచిపోయే ఇన్నింగ్స్‌ ఆడాడు. మొత్తంగా 50 బంతుల్లో 12 ఫోర్లు, 4 సిక్స్‌లు.. 97 పరుగులు నాటౌట్‌గా నిలిచిప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.కాగా 2024లో విజేతగా నిలిచిన జట్టులో సభ్యుడైన సామ్సన్‌కు నాడు ఒక్క మ్యాచ్‌ కూడా ఆడే అవకాశమే రాలేదు. ఇప్పుడు అసలు సమరంలో సత్తాను ప్రదర్శించిన అతను ఇదే ఫామ్‌ను కొనసాగిస్తే సెమీస్, ఆపై ఫైనల్లో కూడా అద్భుతం చూడవచ్చు. చదవండి: మూడు పరుగులతో సెంచరీ మిస్‌!.. అత్యంత గొప్ప రోజు.. సంజూ ఎమోషనల్‌

‘‘నా జీవితంలోనే అత్యంత గొప్ప రోజుల్లో ఇదొకటి. ఇదే (ఆట) నా ప్రపంచం. క్రికెట్ ఆడటం మొదలుపెట్టిన నాటి నుంచే.. దేశం కోసం ఆడాలనే కల కన్నాను. ఇలాంటి రోజు కోసమే ఎదురుచూశాను. నా కెరీర్‌లో ఎన్నో ఎత్తు పళ్లాలు ఉన్నాయి.ఒక్కోసారి నా మీద నాకే సందేహం కలిగేది. నేనసలు ఆడగలనా.. ఒకవేళ ఆడితే ఎలా ఉంటుంది. అనుకున్న విధంగా రాణించగలనా.. ఇలా ఎన్నెన్నో సందేహాలు. అయితే, ఆ దేవుడి మీద నమ్మకం మాత్రం ఎప్పుడూ కోల్పోలేదు. ఈరోజు ఆయన నన్ను దీవించాడు. నేను చాలా చాలా సంతోషంగా ఉన్నాను. టీ20 ఫార్మాట్లో నాకెంతో అనుభవం ఉంది.విరాట్ కోహ్లి, రోహిత్ శర్మ వంటి దిగ్గజాల నుంచి ఎన్నో విషయాలు నేర్చుకున్నాను. గత మ్యాచ్‌లలో వేగంగా ఆడే క్రమంలో వికెట్లు కోల్పోయాను. అయితే, ఈ రోజు భాగస్వామ్యాలు నిర్మించడంపైనే ఎక్కువ దృష్టి సారించాను. బంతిని చూస్తూ ఆడాను. ఈరోజు నా ప్రణాళికలను పక్కాగా అమలు చేశాను’’ అంటూ టీమిండియా స్టార్ సంజూ శాంసన్ తీవ్ర భావోద్వేగానికి లోనయ్యాడు.టీ20 ప్రపంచకప్‌-2026లో భారత్ సెమీ ఫైనల్‌కు దూసుకువెళ్లడంలో సంజూదే కీలక పాత్ర. టీ20 ఫార్మాట్లో ప్రమాదకర జట్టుగా పేరొందిన వెస్టిండీస్‌తో మ్యాచ్‌లో ఈ కేరళ వికెట్ కీపర్ బ్యాటర్ టీమిండియాను గెలిపించాడు. సహచర ఆటగాళ్లు పెవిలియన్‌కు వరుస కడుతున్నా మొక్కవోని ఆత్మవిశ్వాసంతో నిలకడగా బ్యాటింగ్ చేశాడు.This team! 🥹💙🫂Next Stop: Semi-finals 🚀ICC Men’s #T20WorldCup Semi-Final 2 👉 #INDvENG | THU, 5 MAR, 6 PM pic.twitter.com/CEMSGouFlO— Star Sports (@StarSportsIndia) March 1, 2026చావోరేవో తేల్చుకోవాల్సిన మ్యాచ్‌లో 97 పరుగులతో అజేయంగా నిలిచి భారత జట్టును విజయతీరాలకు చేర్చాడు. సంజూ అద్భుత ఇన్నింగ్స్ కారణంగా టీమిండియా విండీస్‌ను ఐదు వికెట్ల తేడాతో ఓడించి.. సెమీ ఫైనల్లో అడుగుపెట్టింది. కాగా గత కొన్ని రోజులుగా సంజూ ఫామ్‌లేమితో సతమతమయ్యాడు. ఫలితంగా ఓపెనర్‌గా స్థానం కోల్పోయాడు.అయితే, గత మ్యాచ్ (జింబాబ్వే)తో మళ్లీ తుదిజట్టులోకి వచ్చిన సంజూ.. తాజాగా వెస్టిండీస్‌పై అదరగొట్టి తన విలువ చాటుకున్నాడు. చిరకాలం గుర్తుండిపోయే ఇన్నింగ్స్‌తో మెరిసి అభిమానులను ఖుషీ చేశాడు.భారత్ వర్సెస్ వెస్టిండీస్ స్కోర్లువేదిక- ఈడెన్ గార్డెన్స్‌, కోల్‌కతాటాస్‌- భారత్‌.. తొలుత బౌలింగ్‌వెస్టిండీస్ స్కోరు- 195/4(20)భారత్ స్కోరు- 199/5 (19.2)ఫలితం- ఐదు వికెట్ల తేడాతో గెలిచిన భారత్‌ప్లేయర్ ఆఫ్ ది మ్యాచ్‌- సంజూ శాంసన్ (50 బంతుల్లో 12 ఫోర్లు, 4 సిక్స్‌లు.. 97 పరుగులు నాటౌట్‌).

టీ20 ప్రపంచకప్‌-2026 టోర్నమెంట్లో టీమిండియా సెమీ ఫైనల్‌కు దూసుకువెళ్లింది. సూపర్‌-8 దశలో చావోరేవో తేల్చుకోవాల్సిన మ్యాచ్‌లో వెస్టిండీస్‌ (IND Beat WI)ను ఓడించి టైటిల్‌ దిశగా కీలక ముందడుగు వేసింది. కోల్‌కతా వేదికగా ఈడెన్‌ గార్డెన్స్‌లో ఆదివారం టాస్‌ గెలిచిన భారత్‌ తొలుత బౌలింగ్‌ ఎంచుకుంది.195 పరుగులుఈ క్రమంలో బ్యాటింగ్‌కు దిగిన వెస్టిండీస్‌ నిర్ణీత 20 ఓవర్లలో నాలుగు వికెట్ల నష్టానికి 195 పరుగులు చేసింది. ఓపెనర్లలో కెప్టెన్‌ షాయీ హోప్‌ (33 బంతుల్లో 32) ఫర్వాలేదనిపించగా.. రోస్టన్‌ ఛేజ్‌ (25 బంతుల్లో 40) రాణించాడు.మిగిలిన వారిలో షిమ్రన్‌ హెట్‌మైర్‌ (12 బంతుల్లో 27) ధనాధన్‌ దంచికొట్టగా.. షెర్ఫానే రూథర్‌ఫర్డ్‌ (9 బంతుల్లో 14) రాణించాడు. ఆఖర్లో రోవ్‌మన్‌ పావెల్‌ (19 బంతుల్లో 34), జేసన్‌ హోల్డర్‌ (22బంతుల్లో 37) మెరుపు ఇన్నింగ్స్‌తో అజేయంగా నిలిచారు.నిరాశపరిచిన అభిషేక్‌, ఇషాన్‌భారత బౌలర్లలో జస్‌ప్రీత్‌ బుమమ్రా రెండు వికెట్లు తీయగా.. హార్దిక్‌ పాండ్యా, వరుణ్‌ చక్రవర్తి తలా ఒక వికెట్‌ పడగొట్టారు. ఇక లక్ష్య ఛేదనలో భారత్‌కు ఆరంభంలోనే ఎదురుదెబ్బ తగిలింది. ఓపెనర్‌ అభిషేక్‌ శర్మ (11 బంతుల్లో 10) స్వల్ప స్కోరుకే వెనుదిరగగా.. వన్‌డౌన్‌ బ్యాటర్‌ ఇషాన్‌ కిషన్‌ (6 బంతుల్లో 10) సైతం నిరాశపరిచాడు.సంజూ బాధ్య‌తాయుత ఇన్నింగ్స్‌కెప్టెన్‌ సూర్యకుమార్‌ యాదవ్‌ (16 బంతుల్లో 18) చేతులెత్తేయగా.. తిల‌క్ వ‌ర్మ (15 బంతుల‌లో 27) వేగంగా ఆడే క్ర‌మంలో అవుట‌య్యాడు. ఇలాంటి ద‌శ‌లో ఓపెన‌ర్ సంజూ శాంస‌న్ బాధ్య‌తాయుత ఇన్నింగ్స్‌తో స్కోరు బోర్డును ముందుకు న‌డిపాడు. Man on a mission! 🚀Sanju Samson looks in sublime touch as he bring up his fifty! 🙌ICC Men’s #T20WorldCup, SUPER 8, #INDvWI | LIVE NOW ➡️ https://t.co/Y26WH6p8dS pic.twitter.com/yrCOStYeaF— Star Sports (@StarSportsIndia) March 1, 2026 అయితే విజ‌యానికి 10 బంతులలో 17 ప‌రుగులు అవ‌స‌ర‌మైన వేళ హార్దిక్ పాండ్యా (14 బంతుల‌లో 17) రూపంలో భార‌త్ ఐదో వికెట్ కోల్పోయింది. ఈ క్ర‌మంలో శివం దూబే సంజూకు జ‌త‌య్యాడు. దూబే 4 బంతుల‌లో 8 ప‌రుగులు చేయ‌గా.. సంజూ ఆఖ‌రి ఓవ‌ర్లో సిక్స‌ర్‌, ఫోర్ బాది టీమిండియాను విజ‌య‌తీరాల‌కు చేర్చాడు. సెంచ‌రీకి మూడు ప‌రుగుల దూరంలోఈ మ్యాచ్‌లో సంజూ మొత్తంగా 50 బంతులు ఎదుర్కొని 12 ఫోర్లు, 4 సిక్స‌ర్ల సాయంతో 97 ప‌రుగుల‌తో అజేయంగా నిలిచాడు. సెంచ‌రీకి మూడు ప‌రుగుల దూరంలో నిలిచిపోయినా చిరస్మ‌ర‌ణీయ ఇన్నింగ్స్‌తో జ‌ట్టుకు విజ‌యం అందించాడు. ఇక మ‌రో నాలుగు బంతులు మిగిలి ఉండ‌గానే ల‌క్ష్యాన్ని ఛేదించిన టీమిండియా ఐదు వికెట్ల తేడాతో విండీస్‌ను ఓడించింది.

ఐసీసీ టీ20 ప్రపంచకప్‌-2026 టోర్నీలో టీమిండియా తాడోపేడో తేల్చుకోవాల్సిన స్థితిలో నిలిచింది. వెస్టిండీస్‌తో ఆదివారం జరిగే మ్యాచ్‌లో గెలిస్తేనే భారత జట్టు సెమీ ఫైనల్‌కు చేరుకుంటుంది. లేదంటే ఈ డిఫెండింగ్‌ చాంపియన్‌కు చేదు అనుభవం తప్పదు.ఇంగ్లండ్‌, సౌతాఫ్రికా రైట్‌రైట్‌నాలుగు గ్రూపుల టాపర్లుగా టీమిండియా, సౌతాఫ్రికా, వెస్టిండీస్‌, జింబాబ్వే సూపర్‌-8 దశకు అర్హత సాధించిన విషయం తెలిసిందే. ఈ నేపథ్యంలో ముందుగా నిర్ణయించిన ప్రకారం టాపర్లన్నింటినీ గ్రూప్‌-1లో చేర్చింది అంతర్జాతీయ క్రికెట్‌ మండలి (ICC).ఇక లీగ్‌ దశలో ఆయా గ్రూపులలో రెండో స్థానంలో నిలిచిన ఇంగ్లండ్‌, న్యూజిలాండ్‌, పాకిస్తాన్‌, శ్రీలంక జట్లను గ్రూప్‌-2లో చేర్చింది. ఈ క్రమంలో గ్రూప్‌-2 నుంచి ఇంగ్లండ్‌ హ్యాట్రిక్‌ విజయాలతో ఇప్పటికే సెమీస్‌ బెర్తు ఖరారు చేసుకోగా.. గ్రూప్‌-1 నుంచి సౌతాఫ్రికా సెమీ ఫైనల్లో అడుగుపెట్టింది.మిగిలిన రెండు స్థానాల కోసంమరోవైపు.. మిగిలిన రెండు స్థానాల కోసం టీమిండియా- వెస్టిండీస్‌... పాకిస్తాన్‌- న్యూజిలాండ్‌ రేసులో ఉన్నాయి. ఈ నేపథ్యంలో శనివారం నాటి పాక్‌- శ్రీలంక మ్యాచ్‌ గ్రూప్‌-2 నుంచి మరో సెమీ ఫైనలిస్టును తేల్చనుండగా.. ఆదివారం జరిగే భారత్‌- విండీస్‌ మ్యాచ్‌తో నాలుగో సెమీ ఫైనలిస్టు ఎవరో తేలుతుంది.వెస్టిండీస్‌పై తప్పక గెలవాలికోల్‌కతాలోని ఈడెన్‌ గార్డెన్స్‌లో వెస్టిండీస్‌పై తప్పక గెలిస్తేనే టీమిండియా సెమీస్‌ చేరుకుంటుంది. బ్యాటింగ్‌కు అనుకూలంగా మలిచిన ఈ పిచ్‌పై ఫామ్‌ పరంగా ఇరుజట్లు సమానంగా కనిపిస్తుండటంతో పరుగుల వరద ఖాయం. పైచేయి సాధించిన వారిదే సెమీస్‌ బెర్తు.సెమీ ఫైనల్లో.. ప్రత్యర్థి ఎవరంటే?అయితే, పటిష్ట టీమిండియా విండీస్‌ను ఓడించి సెమీ ఫైనల్‌కు చేరితే.. ఇంగ్లండ్‌తో తలపడాల్సి ఉంటుంది. ముంబైలోని వాంఖడే మైదానంలో గురువారం (మార్చి 5)న జరిగే రెండో సెమీస్‌ మ్యాచ్‌లో హ్యారీ బ్రూక్‌ బృందంతో అమీతుమీ తేల్చుకోవాల్సి ఉంటుంది. అంతా సజావుగా సాగి విండీస్‌పై గెలిచి.. ఇంగ్లండ్‌తో భారత్‌ సెమీస్‌ ఆడితే ముఖాముఖి రికార్డు ప్రకారం టీమిండియాదే పైచేయిగా ఉండటం సానుకూలాంశం.టీ20 ప్రపంచకప్‌ టోర్నీలో భారత్‌- ఇంగ్లండ్‌ ఇప్పటికి ఐదుసార్లు తలపడగా.. భారత్‌ మూడు సార్లు, ఇంగ్లండ్‌ రెండుసార్లు గెలిచాయి. అయితే, ప్రస్తుత పరిస్థితి భిన్నంగా ఉంది. ఇంగ్లండ్‌ సూపర్‌-8లో హ్యాట్రిక్‌ విజయాలతో ఆత్మవిశ్వాసంతో ఉండగా.. భారత్‌ ఇంకా బెర్తు ఖరారు చేసుకోలేక ఒత్తిడిలో ఉంది. UPDATE: సామ్సన్‌ ఆట... సెమీస్‌ బాట...చదవండి: IND vs ZIM: అభిషేక్‌ డిఫెన్స్‌ ఆశ్చర్యపరిచింది

టీ20 ప్రపంచకప్‌-2026 టోర్నమెంట్‌ సెమీ ఫైనల్‌ రేసు ఆసక్తికరంగా మారింది. హ్యాట్రిక్‌ విజయాలతో గ్రూప్‌-2 నుంచి ఇంగ్లండ్‌ ముందుగా సెమీస్‌ చేరగా.. గ్రూప్‌-1 నుంచి సౌతాఫ్రికా బెర్తును ఖరారు చేసుకుంది. మిగిలిన రెండు బెర్తుల కోసం గ్రూప్‌-1 నుంచి టీమిండియా, వెస్టిండీస్‌.. గ్రూప్‌-2 నుంచి న్యూజిలాండ్‌, పాకిస్తాన్‌ పోటీలో ఉన్నాయి.పాకిస్తాన్‌ సెమీస్‌ చేరాలంటేఇందులో భాగంగా పాకిస్తాన్, శ్రీలంక (PAK vs SL) మధ్య శనివారం జరిగే ‘గ్రూప్‌–2’ సూపర్‌–8 మ్యాచ్‌ మూడో సెమీఫైనల్‌ బెర్త్‌ను ఖరారు చేస్తుంది. పల్లెకెలె వేదికగా ఈ మ్యాచ్‌లో ఆతిథ్య శ్రీలంక.. గెలిస్తే న్యూజిలాండ్‌ సెమీఫైనల్‌ చేరుకుంటుంది. పాకిస్తాన్‌ సెమీస్‌ చేరాలంటే మ్యాచ్‌లో గెలవడంతో పాటు రన్‌రేట్‌లో కూడా కివీస్‌ను వెనక్కి నెట్టాల్సి ఉంటుంది.64 పరుగుల తేడాతో గెలవాలి లేదా..ఒకవేళ పాక్‌ ముందుగా బ్యాటింగ్‌ చేస్తే కనీసం 65 పరుగుల తేడాతో గెలవాలి లేదా శ్రీలంక నిర్దేశించిన లక్ష్యాన్ని 13.1 ఓవర్లలో ఛేదించాల్సి ఉంటుంది. లేనిపక్షంలో నెట్‌ రన్‌రేటు పరంగా పటిష్టంగా ఉన్న న్యూజిలాండ్‌ (+1.390) సెమీస్‌కు దూసుకెళ్తుంది. ఈ విషయాన్ని అంతర్జాతీ క్రికెట్‌ మండలి (ICC) స్వయంగా చెప్పడం విశేషం. ఇక కోల్‌కతా వేదికగా ఆదివారం భారత్‌- వెస్టిండీస్‌ (IND vs WI) మధ్య జరిగే పోరు నాలుగో సెమీ ఫైనలిస్టును ఖరారు చేస్తుంది.సౌతాఫ్రికా రెండు విజయాలతోకాగా గ్రూప్‌ దశలో టాపర్లుగా నిలిచిన జట్లను సూపర్‌-8 గ్రూప్‌-1లో.. రెండో స్థానంతో ముగించిన జట్లను గ్రూప్‌-2లో సీడింగ్‌ చేశారు. ఈ క్రమంలో సౌతాఫ్రికా.. టీమిండియా, వెస్టిండీస్‌లపై గెలిచి నాలుగు పాయింట్లతో గ్రూప్‌-1 నుంచి ముందుగా సెమీస్‌ చేరింది. తదుపరి ఆదివారం నాటి మ్యాచ్‌లో జింబాబ్వేతో నామమాత్రపు మ్యాచ్‌ ఆడుతుంది.ఇంగ్లండ్‌ హ్యాట్రిక్‌ఇక ఇప్పటికే జింబాబ్వే వెస్టిండీస్‌, టీమిండియా చేతిలో ఓడి టోర్నీ నుంచి నిష్క్రమించిన సంగతి తెలిసిందే. మరోవైపు.. గ్రూప్‌-2లో ఇంగ్లండ్‌.. శ్రీలంక, పాకిస్తాన్‌, న్యూజిలాండ్‌లను ఓడించి సగర్వంగా సెమీ ఫైనల్లో అడుగుపెట్టింది. ఈ గ్రూపు నుంచి ఇప్పటికే శ్రీలంక రెండు పరాజయాలతో ఎలిమినేట్‌ అయింది.టీ20 ప్రపంచకప్‌-2026: శ్రీలంక వర్సెస్‌ పాకిస్తాన్‌👉వేదిక: పల్లెకెలె అంతర్జాతీయ స్టేడియం, శ్రీలంక 👉రాత్రి 7 గంటల నుంచి స్టార్‌ స్పోర్ట్స్, జియో హాట్‌స్టార్‌లో ప్రత్యక్ష ప్రసారంచదవండి: అతడు ఎక్కడ బౌలింగ్‌ చేశాడో చూశారా?: భారత మాజీ కెప్టెన్‌ ఫైర్‌

టీమిండియా స్టార్‌ రింకూ సింగ్‌ తీవ్ర విషాదంలో మునిగిపోయాడు. అతడి తండ్రి ఖాంచంద్‌ సింగ్‌ కన్నుమూశారు. క్యాన్సర్‌తో పోరాటంలో ఓడి శుక్రవారం తుదిశ్వాస విడిచారు. గ్రేటర్‌ నోయిడాలోని ఓ ప్రైవేటు ఆస్పత్రిలో చికిత్స పొందుతూ ఆయన మరణించారు.తండ్రి పాడె మోస్తూ..దీంతో రింకూ సింగ్‌ (Rinku Singh) హుటాహుటిన స్వస్థలానికి పయనమయ్యాడు. భారత జట్టును వీడి.. చెన్నై నుంచి ఉత్తరప్రదేశ్‌లోని అలీఘర్‌కు చేరుకున్నాడు. కన్నీళ్లను దిగమింగుకుని తండ్రి పాడె మోస్తూ.. సోదరులతో కలిసి అంత్యక్రియలు పూర్తి చేశాడు.ఈ నేపథ్యంలో రింకూ సింగ్‌ సంచలన నిర్ణయం తీసుకున్నట్లు తెలుస్తోంది. పుట్టెడు దుఃఖంలోనూ తిరిగి టీమిండియాతో చేరేందుకు అతడు సిద్ధమైనట్లు సమాచారం. ఈ విషయం గురించి రింకూ సన్నిహితులు స్థానిక మీడియాతో మాట్లాడుతూ.. ‘‘ఢిల్లీ నుంచి అలీఘర్‌కు రింకూ రోడ్డు మార్గంలో వచ్చాడు. తండ్రి అంత్యక్రియలకు అతడు హాజరయ్యాడు.आंखों में आंसू, कंधे पर पिता की अर्थी…क्रिकेटर रिंकू सिंह के पिताजी के निधन की खबर बेहद दुखद है। इस कठिन घड़ी में रिंकू और उनके परिवार के साथ पूरे देश की संवेदनाएं हैं।ईश्वर दिवंगत आत्मा को शांति दे और परिवार को यह दुःख सहने की शक्ति प्रदान करे। 🙏#RinkuSinghFatherDemise pic.twitter.com/PUSPVIAt3l— Dinesh Kumar (@DineshRedBull) February 27, 2026రింకూ తిరిగి జట్టుతో చేరతాడుతన నలుగురు అన్మదమ్ములతో కలిసి రింకూ కార్యక్రమం పూర్తి చేశాడు’’ అని చెప్పారు. మరోవైపు.. రింకూ అన్న మాట్లాడుతూ.. ‘‘మా నాన్న అంత్యక్రియల కోసమే రింకూ ఇక్కడికి వచ్చాడు. కార్యక్రమం పూర్తైంది. కోల్‌కతాలో మ్యాచ్‌ కోసం రింకూ తిరిగి జట్టుతో చేరతాడు’’ అని స్పష్టం చేశాడు.కీలక మ్యాచ్‌కు అందుబాటులో ఉండాలనికాగా టీ20 ప్రపంచకప్‌-2026 సూపర్‌-8లో టీమిండియా ఆదివారం కీలక మ్యాచ్‌ ఆడనుంది. కోల్‌కతాలోని ఈడెన్‌ గార్డెన్స్‌ వేదికగా వెస్టిండీస్‌ జరిగే ఈ మ్యాచ్‌లో గెలిస్తేనే.. భారత్‌ సెమీ ఫైనల్‌కు చేరుకుంటుంది. ఇంతటి కీలక మ్యాచ్‌కు అందుబాటులో ఉండాలని రింకూ నిర్ణయించుకున్నట్లు తెలుస్తోంది.బ్యాట్‌ ఝులిపించనేలేదుఇక లోయర్‌ ఆర్డర్‌లో బ్యాటింగ్‌ చేసే రింకూ ఇప్పటి వరకు మెరుగ్గా ఆడనేలేదు. లీగ్‌ దశలో నాలుగు.. సూపర్‌-8లో సౌతాఫ్రికాతో మ్యాచ్‌తో కలిపి మొత్తంగా 24 పరుగులే చేయగలిగాడు. అయితే, కొన్నిసార్లు ఏకంగా అతడిని ఎనిమిదో స్థానంలో ఆడించడం కూడా ప్రభావం చూపింది. కాగా జింబాబ్వేతో గురువారం నాటి మ్యాచ్‌కు రింకూ అందుబాటులో ఉన్నా.. అతడిని బెంచ్‌కే పరిమితం చేసింది యాజమాన్యం. చెన్నై వేదికగా ఈ మ్యాచ్‌లో 72 పరుగుల తేడాతో జింబాబ్వేను చిత్తు చేసింది టీమిండియా.చదవండి: అతడు ఎక్కడ బౌలింగ్‌ చేశాడో చూశారా?: భారత మాజీ కెప్టెన్‌ ఫైర్‌

ఐసీసీ టీ20 ప్రపంచకప్‌-2026 టోర్నమెంట్లో భారత జట్టు సెమీస్‌ అవకాశాలు మెరుగుపడ్డాయి. సూపర్‌-8 దశలో తొలి మ్యాచ్‌లో సౌతాఫ్రికా చేతిలో ఓడిపోయిన సూర్యకుమార్‌ సేన.. జింబాబ్వేపై గురువారం నాటి మ్యాచ్‌లో 72 పరుగుల తేడాతో గెలిచి నష్టాన్ని పూడ్చుకుంది.ఇక తదుపరి ఆదివారం నాటి మ్యాచ్‌లో వెస్టిండీస్‌పై గెలిచిందంటే టీమిండియా సెమీ ఫైనల్‌లో అడుగుపెడుతుంది. ఒకవేళ వర్షం పడి ఆటంకం కలిగితే.. అపుడు నెట్‌ రన్‌రేటు కీలకం అవుతుంది. ప్రస్తుతానికి భారత్‌ (-0.100) కంటే విండీస్‌ (+1.791) ఈ విషయంలో మెరుగ్గా ఉంది.భారీ తేడాతో గెలిచి ఉంటే బాగుండేదినిజానికి జింబాబ్వేతో మ్యాచ్‌లో భారత్‌ గెలిచినప్పటికీ.. ఇంకాస్త భారీ తేడాతో గెలిచి ఉంటే రన్‌రేటు మెరుగయ్యేది. ఈ నేపథ్యంలోనే టీమిండియా కెప్టెన్‌ సూర్యకుమార్‌ యాదవ్‌ భారత బౌలర్ల తీరుపై అసంతృప్తి వ్యక్తం చేశాడు. టీమిండియా ఇన్నింగ్స్‌లో ఆరుగురు బ్యాటర్లు కలిసి 150కి పైగా స్ట్రైక్‌రేటుతో ఏకంగా 256 పరుగులు రాబట్టారు. అయితే, జింబాబ్వేను తక్కువ స్కోరుకే అవుట్‌ చేయడంలో భారత బౌలర్లు విఫలమయ్యారు.𝐂𝐨𝐦𝐞𝐭𝐡 𝐭𝐡𝐞 𝐦𝐨𝐦𝐞𝐧𝐭, 𝐜𝐨𝐦𝐞𝐭𝐡 𝐇𝐚𝐫𝐝𝐢𝐤 𝐏𝐚𝐧𝐝𝐲𝐚. 🤌A breathtaking burst at the death by him, powered #TeamIndia past 250 with authority! 🙌ICC Men’s #T20WorldCup 👉 SUPER 8, #INDvZIM | LIVE NOW ➡️ https://t.co/vIdZg7mGmy pic.twitter.com/LazrvENuz8— Star Sports (@StarSportsIndia) February 26, 2026ముఖ్యంగా అక్షర్‌ పటేల్‌, మిస్టరీ స్పిన్నర్‌ వరుణ్‌ చక్రవర్తి బౌలింగ్‌లో జింబాబ్వే బ్యాటర్లు మెరుగ్గా ఆడారు. ఇక శివం దూబే వేసిన రెండు ఓవర్లలోనే ఏకంగా 46 పరుగులు పిండుకున్నారు. మొత్తానికి 20 ఓవర్లలో జింబాబ్వే ఆరు వికెట్లు నష్టపోయి 184 పరుగులు చేయగలిగింది.మా బ్యాటర్లు సూపర్‌.. కానీ బౌలర్లేఈ నేపథ్యంలో జింబాబ్వేపై విజయానంతరం సూర్యకుమార్‌ యాదవ్‌ మాట్లాడుతూ.. ‘‘ప్రతి ఒక్క బ్యాటర్‌ తమ వంతుగా పరుగులు ఇచ్చి జట్టును పటిష్ట స్థితిలో నిలిపారు. ఇంతకంటే ఏ ఆటగాడు ఎక్కువగా ఏమీ చేయలేడు. అయితే, బంతితో మా వాళ్లు ఇంకాస్త మెరుగ్గా రాణించాల్సింది. కట్టుదిట్టంగా బౌలింగ్‌ చేయాల్సింది’’ అని బౌలర్ల ఆటతీరుపై కాస్త అసంతృప్తి వ్యక్తం చేశాడు.ఏదేమైనా గెలుపు గెలుపేనని.. వెస్టిండీస్‌తో మ్యాచ్‌లో మాత్రం తాము బౌలింగ్‌ పరంగా మరింత స్మార్ట్‌గా ఉంటేనే అనుకున్న ఫలితం సులువుగా రాబట్టగలమని సూర్య పేర్కొన్నాడు. కోల్‌కతాకు వెళ్లిన తర్వాతే తుదిజట్టు కూర్పు గురించి ఆలోచిస్తామని.. సెమీస్‌ చేరే క్రమంలో కొన్ని కఠిన నిర్ణయాలు తీసుకోకతప్పదని అన్నాడు.అదరగొట్టిన అర్ష్‌దీప్‌కాగా ఆదివారం ఈడెన్‌ గార్డెన్స్‌ వేదికగా భారత్‌- వెస్టిండీస్‌ మధ్య మ్యాచ్‌కు షెడ్యూల్‌ ఖరారైంది. ఇదిలా ఉంటే.. గ్రూప్‌-1 నుంచి ఇప్పటికే సౌతాఫ్రికా సెమీస్‌ బెర్తు ఖరారు చేసుకోగా.. ఈ మ్యాచ్‌ ఫలితంతో రెండో సెమీ ఫైనలిస్టు ఎవరో తేలుతుంది. ఇదిలా ఉంటే.. జింబాబ్వేతో మ్యాచ్‌లో పేసర్‌ అర్ష్‌దీప్‌ సింగ్‌ మూడు వికెట్లతో సత్తా చాటగా.. వరుణ్‌ చక్రవర్తి, అక్షర్‌ పటేల్‌, శివం దూబే తలా ఒక్క వికెట్‌ తీశారు.భారత్‌ వర్సెస్‌ జింబాబ్వే స్కోర్లు👉వేదిక: చిదంబరం స్టేడియం, చెన్నై👉భారత్‌: 256/4(20)👉జింబాబ్వే: 184/6(20) 👉ఫలితం: 72 పరుగుల తేడాతో భారత్‌ గెలుపు.చదవండి: వైభవ్‌ సూర్యవంశీ విధ్వంసం.. దంచికొట్టిన అర్జున్‌ టెండుల్కర్‌

టీ20 ప్రపంచకప్‌-2026 టోర్నమెంట్‌లో లీగ్‌ దశ తుది అంకానికి చేరుకుంది. ఇరవై జట్లతో మొదలైన ఈ ఐసీసీ ఈవెంట్లో ఆస్ట్రేలియా మినహా అగ్రశ్రేణి జట్లన్నీ సూపర్‌-8కు చేరుకున్నాయి.సూపర్‌-8 చేరిన జట్లు ఇవేగ్రూప్‌-ఎ నుంచి భారత్‌, పాకిస్తాన్‌.. గ్రూప్‌-బి నుంచి శ్రీలంక, జింబాబ్వే.. గ్రూప్‌-సి నుంచి వెస్టిండీస్‌, ఇంగ్లండ్‌... గ్రూప్‌-డి నుంచి సౌతాఫ్రికా, న్యూజిలాండ్‌ సూపర్‌-8 బెర్తులు ఖరారు చేసుకున్నాయి. కాగా డిఫెండింగ్‌ చాంపియన్‌ హోదాలో భారత్‌ వరల్డ్‌కప్‌ టోర్నీకి ఆతిథ్యం ఇస్తున్న సంగతి తెలిసిందే. అయితే, ఒప్పందం ప్రకారం పాకిస్తాన్‌ కోసం శ్రీలంకను తటస్థ వేదికగా ఏర్పాటు చేశారు. ఈ క్రమంలో ఫిబ్రవరి 7న భారత్‌- శ్రీలంక వేదికగా మొదలైన టీ20 ప్రపంచకప్‌ పదో ఎడిషన్‌ లీగ్‌ దశ గురువారంతో ముగియనుంది.ఎవరు ఎవరితో ఢీ?అయితే, అంతకంటే ముందే అంటే బుధవారమే పాకిస్తాన్‌ నమీబియాపై గెలవడంతో సూపర్‌-8 బెర్తులు ఖరారైపోయాయి. గ్రూప్‌ దశలో నామమాత్రపు మ్యాచ్‌లలో వెస్టిండీస్‌- ఇటలీ.. శ్రీలంక- జింబాబ్వే.. అఫ్గనిస్తాన్‌- కెనడా గురువారం తలపడతాయి. మరి సూపర్‌-8 దశలో ఏ జట్టుకు ఏ జట్టుతో పోటీ? షెడ్యూల్‌, వేదికలు.. తదితర వివరాలు తెలుసుకుందామా?8️⃣ TEAMS 4️⃣ SEMI-FINAL SPOTSThe race intensifies and the stakes are higher than ever as we enter the Super 8 phase! 🤩 🔥Which four teams will move one step closer to their World Cup dream? Drop your predictions 👇ICC Men's #T20WorldCup SUPER 8 👉 Starts SAT, 21st FEB pic.twitter.com/wsgnCWEXmx— Star Sports (@StarSportsIndia) February 19, 2026

టీ20 ప్రపంచకప్‌ 2026 నుంచి ఆస్ట్రేలియా వైదొలగడంతో సూపర్‌-8 దశలో టీమిండియా ప్రత్యర్దులు ఖరారయ్యారు. సూపర్‌-8 గ్రూప్‌-1లో భారత్‌తో పాటు జింబాబ్వే, సౌతాఫ్రికా, వెస్టిండీస్‌ జట్లు ఉన్నాయి. గ్రూప్‌-1 మ్యాచ్‌లన్నీ భారత్‌లోనే జరుగుతాయి.భారత్‌ తమ తొలి సూపర్‌-8 మ్యాచ్‌ను ఫిబ్రవరి 22న ఆడుతుంది. అహ్మదాబాద్‌లోని నరేంద్ర మోదీ స్టేడియం వేదికగా సౌతాఫ్రికాతో తలపడుతుంది. ఈ మ్యాచ్‌ రాత్రి 7 గంటలకు ప్రారంభమవుతుంది.భారత రెండో సూపర్‌-8 మ్యాచ్‌ ఫిబ్రవరి 26న జరుగనుంది. చెన్నైలోని చిదంబరంలో స్టేడియం వేదికగా ఈ మ్యాచ్‌లో భారత్‌ జింబాబ్వేను ఢీకొంటుంది. ఈ మ్యాచ్‌ కూడా రాత్రి 7 గంటలకే మొదలవుతుంది.భారత్‌ తమ మూడో సూపర్‌-8 మ్యాచ్‌ను మార్చి 1న ఆడుతుంది. కోల్‌కతాలోని ఈడెన్‌ గార్డెన్స్‌ వేదికగా జరిగే ఈ మ్యాచ్‌లో భారత్‌ వెస్టిండీస్‌ను ఎదుర్కొంటుంది. ఈ మ్యాచ్‌ కూడా రాత్రి 7 గంటలకే ప్రారంభమవుతుంది.గ్రూప్‌-1లో మిగతా మ్యాచ్‌ల షెడ్యూల్‌ ఇలా..-ఫిబ్రవరి 23- జింబాబ్వే వర్సెస్‌ వెస్టిండీస్‌ (ముంబై, రాత్రి 7 గంటలకు)-ఫిబ్రవరి 26- వెస్టిండీస్‌ వర్సెస్‌ సౌతాఫ్రికా (అహ్మదాబాద్‌, మధ్యాహ్నం 3 గంటలకు)-మార్చి 1- జింబాబ్వే వర్సెస్‌ సౌతాఫ్రికా (ఢిల్లీ, మధ్యాహ్నం 3 గంటలకు)మరోవైపు సూపర్‌-8 గ్రూప్‌-2 బెర్త్‌ల్లో ప్రస్తుతానికి మూడు ఖరారయ్యాయి. రేపు (ఫిబ్రవరి 18) జరుగబోయే మ్యాచ్‌లో నమీబియాపై గెలిస్తే.. పాక్‌ నాలుగో బెర్త్‌ దక్కించుకుంటుంది. సూపర్‌-8 గ్రూప్‌-2లో న్యూజిలాండ్‌, ఇంగ్లండ్‌, శ్రీలంక జట్లు ఉన్నాయి. గ్రూప్‌-2 మ్యాచ్‌లన్నీ శ్రీలంకలో జరుగుతాయి. గ్రూప్‌-2కు సంబంధించి కూడా పలు సూపర్‌-8 మ్యాచ్‌లు ఖరారయ్యాయి.-ఫిబ్రవరి 22న ఇంగ్లండ్‌-శ్రీలంక (పల్లెకెలె, మధ్యాహ్నం 3 గంటలకు)-ఫిబ్రవరి 25న న్యూజిలాండ్‌-శ్రీలంక (కొలొంబో, రాత్రి 7 గంటలకు)-ఫిబ్రవరి 27న ఇంగ్లండ్‌-న్యూజిలాండ్‌ (కొలొంబో, రాత్రి 7 గంటలకు)గ్రూప్‌-1, గ్రూప్‌-2లో తొలి రెండు స్థానాల్లో నిలిచే జట్లు సెమీస్‌కు అర్హత సాధిస్తాయి. సెమీస్‌ మ్యాచ్‌లు మార్చి 4, 5 తేదీల్లో జరుగుతాయి. సెమీస్‌లో గెలిచిన జట్లు మార్చి 8న జరిగే ఫైనల్లో అమీతుమీ తేల్చుకుంటాయి. సెమీస్‌, ఫైనల్‌కు వేదికలు ఇంకా ఖరారు కాలేదు.​

వెస్టిండీస్‌తో టెస్టు సిరీస్‌లో తన బౌలింగ్‌తో ఆకట్టుకున్న టీమిండియా స్పిన్నర్‌ కుల్దీప్‌ యాదవ్‌(Kuldeep Yadav) అంతర్జాతీయ క్రికెట్‌ కౌన్సిల్‌ (ఐసీసీ) టెస్టు ర్యాంకింగ్స్‌లో కెరీర్‌ బెస్ట్‌ ర్యాంక్‌కు చేరాడు. న్యూఢిల్లీ వేదికగా విండీస్‌తో జరిగిన రెండో టెస్టులో 8 వికెట్లు పడగొట్టి ‘ప్లేయర్‌ ఆఫ్‌ ద మ్యాచ్‌’ అవార్డు అందుకున్న లెఫ్టార్మ్‌ స్పిన్నర్‌ కుల్దీప్‌ (683 పాయింట్లు) 7 స్థానాలు ఎగబాకి 14వ ర్యాంక్‌కు చేరాడు. టీమిండియా స్టార్‌ పేసర్‌ బుమ్రా (882 పాయంట్లు) అగ్రస్థానంలో కొనసాగుతుండగా... హైదరాబాదీ పేసర్‌ సిరాజ్‌ (726 పాయింట్లు) 12వ ‘ప్లేస్‌’లో ఉన్నాడు. బ్యాటింగ్‌లో భారత ఓపెనర్‌ యశస్వి జైస్వాల్‌ (753 పాయింట్లు) రెండు స్థానాలు మెరుగు పరుచుకొని భారత్‌ తరఫున అత్యుత్తమంగా ఐదో ర్యాంక్‌ కు చేరుకున్నాడు. పంత్‌ (753 పాయింట్లు) 8వ స్థానంలో ఉన్నాడు.వన్డే బౌలింగ్‌ ర్యాంకింగ్స్‌లో అఫ్గానిస్తాన్‌ స్టార్‌ స్పిన్నర్‌ రషీద్‌ ఖాన్‌ తిరిగి అగ్రస్థానానికి చేరాడు. ఇటీవల బంగ్లాదేశ్‌తో సిరీస్‌లో 11 వికెట్లతో సత్తా చాటిన రషీద్‌ ఖాన్‌ ఐదు స్థానాలు ఎగబాకి 710 పాయింట్లతో ‘టాప్‌’ ర్యాంక్‌ అందుకున్నాడు. టీమిండియా కెప్టెన్‌ గిల్‌ (784 పాయింట్లు) ‘టాప్‌’లోనే ఉన్నాడు.చదవండి: IND vs AUS: ఆసీస్‌తో తొలి వన్డే.. భారత తుది జట్టు ఇదే! మ్యాచ్ విన్న‌ర్‌కు నో ఛాన్స్‌?

ప్రపంచ టెస్టు చాంపియన్‌షిప్‌ (WTC) 2025-27 సీజన్‌లో పాకిస్తాన్‌ శుభారంభం చేసింది. సొంతగడ్డపై సౌతాఫ్రికా (Pak vs SA)తో తొలి టెస్టులో ఘన విజయం సాధించింది. స్పిన్‌కు అనుకూలించే పిచ్‌పై రాణించి.. పర్యాటక సఫారీ జట్టును 93 పరుగుల తేడాతో ఓడించింది. తద్వారా డబ్ల్యూటీసీ తాజా ఎడిషన్‌లో తొలి గెలుపు నమోదు చేసింది.రెండో స్థానానికి దూసుకువచ్చిన పాక్‌ఈ క్రమంలో డబ్ల్యూటీసీ పాయింట్ల పట్టికలో పాకిస్తాన్‌ రెండో స్థానానికి దూసుకువచ్చింది. ఇప్పటికి ఆడిన ఒక్క మ్యాచ్‌లో గెలవడం ద్వారా.. వందకు వంద విజయ శాతం నమోదుతో ఊహించని రీతిలో టాప్‌-2లోకి చేరుకుంది. ఇక ఈ పట్టికలో ఆస్ట్రేలియా అగ్రస్థానంలో ఉంది.ఆసీస్‌ వందకు వంద శాతండబ్ల్యూటీసీ 2025-27లో ఆసీస్‌ జట్టు తొలుత వెస్టిండీస్‌తో తలపడింది. విండీస్‌ వేదికగా జరిగిన మూడు మ్యాచ్‌ల టెస్టు సిరీస్‌లో ఆతిథ్య జట్టును 3-0తో వైట్‌వాష్‌ చేసింది. ఇక మూడో స్థానంలో ఉన్న శ్రీలంక.. స్వదేశంలో బంగ్లాదేశ్‌తో జరిగిన రెండు టెస్టుల సిరీస్‌లో ఒకటి డ్రా చేసుకుని.. రెండో మ్యాచ్‌లో గెలుపొందింది.అత్యధిక మ్యాచ్‌లు ఆడింది టీమిండియానే.. అందుకే ఇలాఇక ఈ సీజన్‌లో ఇప్పటికే ఏడు మ్యాచ్‌లు పూర్తి చేసుకున్న టీమిండియా ప్రస్తుతం నాలుగో స్థానంలో కొనసాగుతోంది. తొలుత ఇంగ్లండ్‌ పర్యటన రూపంలో కఠిన సవాలు ఎదుర్కొన్న గిల్‌ సేన.. ఐదు మ్యాచ్‌ల సిరీస్‌లో రెండు గెలిచి.. ఒకటి డ్రా చేసుకుంది. మరో రెండింటిలో ఇంగ్లండ్‌ చేతిలో ఓడిపోయింది.తాజాగా స్వదేశంలో వెస్టిండీస్‌తో రెండు టెస్టులు ఆడిన టీమిండియా.. 2-0తో విండీస్‌ను వైట్‌వాష్‌ చేసింది. తద్వారా ఇప్పటి వరకు నాలుగు విజయాలు, రెండు ఓటములు, ఒక డ్రా ద్వారా 52 పాయింట్లతో నాలుగో స్థానంలో ఉంది. ఇక టీమిండియాపై రెండు టెస్టులు గెలిచిన ఇంగ్లండ్‌.. ఒకటి డ్రా చేసుకోవడం ద్వారా మొత్తంగా 26 పాయింట్లతో టాప్‌-5లో నిలిచింది.ఖాతా తెరవని విండీస్‌కాగా ఈ సీజన్‌లో ఇప్పటికి ఐదు టెస్టులు ఆడిన వెస్టిండీస్‌ మాత్రం ఇంత వరకు గెలుపు ఖాతా తెరవలేదు. కనీసం ఒక్క మ్యాచ్‌నైనా డ్రా కూడా చేసుకోలేకపోయింది. దీంతో సున్నా పాయింట్లతో ఎనిమిదో స్థానంలో ఉంది. ఇక ఇప్పటి వరకు న్యూజిలాండ్‌ డబ్ల్యూటీసీ 2025-27 ప్రయాణం మొదలుపెట్టనే లేదు. ​పాయింట్లు ఇలాకాగా డబ్ల్యూటీసీ నిబంధనల ప్రకారం.. టెస్టు గెలిచిన జట్టుకు పన్నెండు పాయింట్లు వస్తాయి. ఒకవేళ ఇరుజట్ల మధ్య మ్యాచ్‌ డ్రా అయితే.. నాలుగు పాయింట్లు.. టై అయితే ఆరు పాయింట్లు ఇస్తారు. ఇక 2017లో తొలిసారి డబ్ల్యూటీసీ ప్రవేశపెట్టగా 2019 నాటి ఫైనల్లో న్యూజిలాండ్‌ టీమిండియాను ఓడించి.. మొట్టమొదటి చాంపియన్‌గా అవతరించింది.ఇక 2019-23 ఫైనల్లో ఆస్ట్రేలియా టీమిండియాపై గెలుపొంది టైటిల్‌ సాధించగా.. 2023-25 ఫైనల్లో సౌతాఫ్రికా ఆస్ట్రేలియాను చిత్తు చేసి ఐసీసీ గద గెలుచుకుంది. ఇ‍ప్పటికి రెండుసార్లు ఫైనల్‌ చేరినా రన్నరప్‌తోనే సరిపెట్టుకున్న టీమిండియా.. కొత్త కెప్టెన్‌ శుబ్‌మన్‌ గిల్‌ సారథ్యంలోనైనా పని పూర్తి చేయాలని పట్టుదలగా ఉంది.పాకిస్తాన్ వర్సెస్‌ సౌతాఫ్రికా తొలి టెస్టు👉వేదిక: గడాఫీ స్టేడియం, లాహోర్‌👉టాస్‌: పాకిస్తాన్‌.. తొలుత బ్యాటింగ్‌👉పాక్‌ తొలి ఇన్నింగ్స్‌ స్కోరు: 378👉సౌతాఫ్రికా తొలి ఇన్నింగ్స్‌ స్కోరు: 269👉పాక్‌ రెండో ఇన్నింగ్స్‌ స్కోరు: 167👉సౌతాఫ్రికా రెండో ఇన్నింగ్స్‌ స్కోరు: 183👉ఫలితం: సౌతాఫ్రికాపై 93 పరుగుల తేడాతో పాక్‌ గెలుపు.PC: ICCచదవండి: ఇప్పటికీ అవే వాడుతున్నాడు.. వాటిని అస్సలు మార్చడు: సూర్య

స్వదేశంలో వెస్టిండీస్‌తో జరిగిన రెండు మ్యాచ్‌ల టెస్ట్‌ సిరీస్‌ను భారత్‌ 2-0 తేడాతో క్లీన్‌ స్వీప్‌ చేసింది. ఇవాళ (అక్టోబర్‌ 15) ముగిసిన రెండో టెస్ట్‌లో భారత్‌ 7 వికెట్ల తేడాతో ఘన విజయం సాధించింది. అంతకుముందు తొలి టెస్ట్‌లో ఇన్నింగ్స్‌ 140 పరుగుల తేడాతో గెలుపొందింది.ఈ సిరీస్‌ గెలుపుతో టీమిండియా వరల్డ్‌ టెస్ట్‌ చాంపియన్‌షిప్‌ 2025-27కు (WTC) సంబంధించి పాయింట్ల శాతాన్ని భారీగా పెంచుకుంది. ఈ సిరీస్‌కు ముందు భారత డబ్ల్యూటీసీ పాయింట్ల శాతం 43.56 శాతంగా ఉండింది. ఈ సిరీస్‌ గెలుపుతో భారత్‌ ఖాతాలో 18.34 పాయింట్ల శాతం చేరి ఈ సంఖ్యను 61.90కి పెంచింది.విండీస్‌ను క్లీన్‌ స్వీప్‌ చేసిన తర్వాత భారత్‌ పాయింట్ల శాతాన్ని భారీగా పెంచుకున్నా, పట్టికలో మాత్రం మూడో స్థానంలోనే ఉంది. ఈ డబ్ల్యూటీసీ సైకిల్‌లో భారత్‌ 7 మ్యాచ్‌ల్లో 4 విజయాలు, 2 పరాజయాలు, ఓ డ్రాతో 52 పాయింట్లు సాధించింది.ఆస్ట్రేలియా, శ్రీలంక టాప్‌-2లో కొనసాగుతున్నాయి. ఆస్ట్రేలియా 3 మ్యాచ్‌ల్లో 3 విజయాలతో 100 శాతం పాయింట్లు సాధించగా.. శ్రీలంక 2 మ్యాచ్‌ల్లో ఓ విజయం, ఓ డ్రాతో 66.67 పాయింట్ల శాతాన్ని కలిగి ఉంది.ఈ జాబితాలో ఆస్ట్రేలియా, శ్రీలంక, భారత్‌ తర్వాతి స్థానాల్లో ఇంగ్లండ్‌ (43.33), బంగ్లాదేశ్‌ (16.67), వెస్టిండీస్‌, న్యూజిలాండ్‌, పాకిస్తాన్‌, సౌతాఫ్రికా ఉన్నాయి.కాగా, ప్రస్తుత డబ్ల్యూటీసీ సైకిల్‌లో టీమిండియా తదుపరి టాస్క్‌ నవంబర్‌లో ఎదుర్కొంటుంది. నవంబర్‌ 14 నుంచి సౌతాఫ్రికా భారత్‌లో పర్యటిస్తుంది. ఈ పర్యటనలో భాగంగా తొలుత రెండు మ్యాచ్‌ల టెస్ట్‌ సిరీస్‌ జరుగుతుంది. అనంతరం మూడు వన్డేలు, ఐదు మ్యాచ్‌ల టీ20 సిరీస్‌ జరుగుతుంది.చదవండి: సిగ్గుచేటు అంటూ గంభీర్‌ ఫైర్‌.. బీసీసీఐ స్పందన ఇదే

శుభ్‌మన్ గిల్‌.. టీమిండియా కెప్టెన్‌గా తొలి సిరీస్ విజయాన్ని అందుకున్నాడు. ఢిల్లీ వేదికగా జరిగిన రెండో టెస్టులో 7 వికెట్ల తేడాతో వెస్టిండీస్‌ను భారత్ చిత్తు చేసింది. దీంతో రెండు మ్యాచ్‌ల సిరీస్‌ను 2-0 తేడాతో గిల్ సారథ్యంలో టీమిండియా క్లీన్ స్వీప్ చేసింది.ఢిల్లీ టెస్టులో భారత్ ఆల్‌రౌండ్ షోతో అదరగొట్టింది. యశస్వి జైశ్వాల్‌(175), శుభ్‌మన్ గిల్(129), సాయిసుదర్శన్‌(87) బ్యాటింగ్‌లో సత్తాచాటగా.. కుల్దీప్ యాదవ్‌( 8 వికెట్లు), జడేజా(4 వికెట్లు), జస్పీత్ బుమ్రా (4) బౌలింగ్‌లో మాయ చేశారు. ఇక విజయంపై మ్యాచ్ అనంతరం గిల్ స్పందించాడు. తన నాయకత్వ అనుభవం, జట్టు వ్యూహాలపై గిల్ మాట్లాడాడు."భారత జట్టుకు కెప్టెన్‌గా వ్యవహరించడం నాకు దక్కిన అరుదైన గౌరవంగా భావిస్తున్నాను. కెప్టెన్‌గా తొలి సిరీస్ విజయాన్ని అందుకోవడం చాలా సంతోషంగా ఉంది. ప్రతీ ఆటగాడితో కలిసి పనిచేయడం, జ‌ట్టును న‌డిపించ‌డం వంటివి నేను నేర్చుకుంటున్నాను.పరిస్థితులకు తగ్గ నిర్ణయాలు తీసుకునేందుకు ప్రయత్నిస్తాను. కొన్ని సందర్భాల్లో ధైర్యమైన నిర్ణయాలు కూడా తీసుకోవాల్సి ఉంటుంది. మరి కొన్ని సార్లు ఎక్స్-ఫాక్టర్ ఆటగాళ్లను రంగం దించాల్సి వవస్తుంది. ఏ ఆటగాడైతే పరుగులు లేదా వికెట్లు అందించగలడో వారిని ఎక్స్‌-ఫాక్టర్‌గా ఉపయోగించుకోవాలి" అని గిల్ చెప్పుకొచ్చాడు.ఫాలో-ఆన్‌ నిర్ణయం గురించి మాట్లాడుతూ.. "విండీస్ తొలి ఇన్నింగ్స్ ముగిసిన తర్వాత మేము సుమారు 300 పరుగుల ఆధిక్యంలో ఉన్నాం. ఐదో రోజున వికెట్లు తీయడం కష్టం అవుతుందనే భావించి ఫాలో-ఆన్ ఆడించాము. మేము 500 పరుగులు చేసినా.. ఆఖరి రోజు ఆటలో వికెట్లు పడగొట్టడం కష్టమవుతుందని ఫాలో ఆన్‌ను అమలు చేశాము.నితీష్‌ రెడ్డి గురించి మాట్లాడుతూ .. నితీష్‌కు ఈ మ్యాచ్‌లో బౌలింగ్‌ చేసే అవకాశం రాలేదు. విదేశాల్లో మాత్రమే కాదు, ఇక్కడ పిచ్‌లపై కూడా అతడిని అలవాటు చేయాలని చూస్తున్నాము. విదేశీ గడ్డపై మ్యాచ్‌లను గెలవడంలో మాకు సహాయపడతారని భావించే కొంతమం‍ది ఆటగాళ్లను మేము ప్రత్యేకంగా తీర్చిదిద్దుతున్నాము. ఎందకంటే అక్కడ గెలవడం మాకు ఎల్లప్పుడూ ఒక సవాలుగా ఉంటుంది. నేను బ్యాటింగ్‌కు వెళ్లిన‌ప్పుడు కేవ‌లం బ్యాట‌ర్‌గానే ఆలోచిస్తాను. నేను 3-4 ఏళ్ల వయసు నుంచి బ్యాటింగ్ చేస్తున్నాను. క్రీజులోకి వెళ్లిన ప్ర‌తీసారి జ‌ట్టును గెలిపించడమే నా లక్ష్యంగా పెట్టుకుంటా. ఆస్ట్రేలియా పర్యటనకు సంబంధించి ఇంకా ఎలాంటి ప్రణాళికలు రచించలేదు. ఫ్లైట్‌లో కూడా ప్లాన్ చేసుకోవచ్చు న‌వ్వుతూ గిల్ పేర్కొన్నాడు.చదవండి: IND vs WI: టీమిండియా వ‌ర‌ల్డ్ రికార్డు..

వ‌ర‌ల్డ్ టెస్టు ఛాంపియ‌న్ షిప్ 2025-27 సైకిల్‌లో టీమిండియా ఖాతాలో తొలి టెస్టు సిరీస్ విజ‌యం చేరింది. ఢిల్లీ వేదిక‌గా వెస్టిండీస్‌తో జ‌రిగిన రెండో టెస్టులో 7 వికెట్ల తేడాతో భార‌త్ విజ‌య భేరి మ్రోగించింది. దీంతో రెండు మ్యాచ్‌ల టెస్టు సిరీస్‌ను గిల్ సేన 2-0 తేడాతో క్లీన్ స్వీప్ చేసింది.121 ప‌రుగుల‌ టార్గెట్‌తో బ‌రిలోకి దిగిన టీమిండియా కేవ‌లం మూడు వికెట్లు కోల్పోయి చేధించింది. ఆఖ‌రి రోజు తొలి సెష‌న్‌లోనే మ్యాచ్ ముగిసిపోయింది. భార‌త ఓపెన‌ర్ కేఎల్ రాహుల్ 58 ర‌న్స్ చేసి టాప్ స్కోర‌ర్‌గా నిల‌వ‌గా.. సుద‌ర్శ‌న్(39) రెండో ఇన్నింగ్స్‌లోనూ స‌త్తాచాటాడు. అంత‌కుముందు య‌శ‌స్వి జైశ్వాల్‌, గిల్ సెంచ‌రీల‌తో క‌దం తొక్క‌డంతో టీమిండియా త‌మ తొలి ఇన్నింగ్స్‌ను 518/5 డిక్లేర్‌ చేసింది. అనంతరం విండీస్ తొలి ఇన్నింగ్స్‌లో 248 ర‌న్స్ చేసి ఫాలోఆన్ ఆడింది. అయితే రెండో ఇన్నింగ్స్‌లో విండీస్ బ్యాట‌ర్లు పోరాడారు. క్యాంప్‌బెల్‌, హోప్‌లు సెంచ‌రీల‌తో సత్తాచాటడంతో సెకెండ్ ఇన్నింగ్స్‌లో కరేబియన్ జట్టు 390 పరుగులు చేయగల్గింది. దీంతో విండీస్ 121 ప‌రుగుల టార్గెట్‌ను భారత్ ముందు ఉంచింది. ఈ టార్గెట్‌ను భారత్ ఆడుతూ పాడుతూ చేధించింది.సౌతాఫ్రికా వరల్డ్ రికార్డు సమం..ఇ​క ఈ మ్యాచ్‌లో అద్బుతమైన విజయం సాధించిన భారత్ ఓ వరల్డ్ రికార్డును సమం చేసింది. ఒకే జట్టుపై వరుసుగా అత్యధిక టెస్టు సిరీస్ విజయాలు సాధించిన జట్టుగా సౌతాఫ్రికా సరసన టీమిండియా నిలిచింది. దక్షిణాఫ్రికా టీమ్ విండీస్‌(1998-24)పై వరుసగా 10 సార్లు టెస్టు సిరీస్‌ను సొంతం చేసుకుంది.భారత్ కూడా వెస్టిండీస్ (2002-25)పై 10 సార్లు టెస్టు సిరీస్‌ను కైవసం చేసుకుంది. ఈ రెండు జట్ల తర్వాత ఆస్ట్రేలియా ఉంది. విండీస్‌పై ఆసీస్ ఇప్పటివరకు 9 సార్లు టెస్టు సిరీస్‌లలో పై చేయి సాధించింది.చదవండి: అర్జున్‌ టెండూల్కర్‌కు గుడ్‌ న్యూస్‌.. జట్టులో చోటిచ్చిన సెలక్టర్లు

ఢిల్లీ వేదికగా వెస్టిండీస్‌తో జరిగిన రెండో టెస్టులో 7 వికెట్ల తేడాతో భార‌త్ ఘ‌న విజ‌యం సాధించింది. విండీస్ విధించిన 121 ప‌రుగుల ల‌క్ష్యాన్ని టీమిండియా మూడు వికెట్లు కోల్పోయి చేధించింది. దీంతో రెండు టెస్టుల సిరీస్‌ను 2-0 తేడాతో గిల్ సేన‌ క్లీన్ స్వీప్ చేసింది.63/1 ఓవ‌ర్ నైట్ స్కోర్‌తో ఆఖ‌రి రోజు ఆట‌ను ప్రారంభించిన భార‌త్ సాయిసుద‌ర్శ‌న్‌(39), కెప్టెన్ గిల్‌(13) వికెట్‌ను కోల్పోయింది. స్టార్ బ్యాట‌ర్లు కేఎల్ రాహుల్‌(58 నాటౌట్‌), ధ్రువ్ జురెల్(6 నాటౌట్‌) మ‌రో వికెట్ కోల్పోకుండా జాగ్ర‌త్త‌గా ఆడి మ్యాచ్ ఫినిష్ చేశారు. విండీస్ బౌల‌ర్ల‌లో కెప్టెన్ ఛేజ్ రెండు, వారిక‌న్ ఓ వికెట్ సాధించారు. కెప్టెన్‌గా శుభ్‌మ‌న్ గిల్‌కు ఇదే తొలి సిరీస్ విజ‌యం. సెంచ‌రీలతో మెరిసిన హోప్‌, క్యాంప్‌బెల్‌..కాగా ఈ మ్యాచ్‌లో భార‌త్ ఇన్నింగ్స్ తేడాతో గెలుస్తుంద‌ని అంతా భావించారు. కానీ ఫాల్ ఆన్ ఆడిన వెస్టిండీస్.. సెకెండ్ ఇన్నింగ్స్‌లో అద్బుత‌మైన పోరాటం క‌న‌బ‌రిచింది. ఓపెనర్‌ జాన్‌ క్యాంప్‌బెల్‌ (199 బంతుల్లో 115; 12 ఫోర్లు, 3 సిక్స్‌లు), షై హోప్‌ (214 బంతుల్లో 103; 12 ఫోర్లు, 2 సిక్స్‌లు) సెంచరీలతో క‌దం తొక్కారు. దీంతో క‌రేబియ‌న్ జ‌ట్టు రెండో ఇన్నింగ్స్‌లో 390 ప‌రుగుల భారీ స్కోర్ సాధించింది. ఓ ద‌శలో భార‌త్ ముందు మెరుగైన టార్గెట్‌ను ఉంచేలా క‌న్పించిన విండీస్ బ్యాట‌ర్లు.. మ‌రోసారి కుల్దీప్ యాద‌వ్ స్పిన్ మ‌యాజాలానికి చిత్తు అయ్యారు. వ‌రుస క్రమంలో వికెట్లు కోల్పోయి ఇన్నింగ్స్‌ను ముగించింది.అంత‌కుముందు టీమిండియా త‌మ ఫ‌స్ట్ ఇన్నింగ్స్‌లో 518 ర‌న్స్ స్కోరు చేసి డిక్లేర్ చేయ‌గా.. వెస్టిండీస్ త‌న తొలి ఇన్నింగ్స్‌లో 248 ర‌న్స్ చేసి ఫాలోఆన్ ఆడింది. అంత‌కుముందు టీమిండియా త‌మ ఫ‌స్ట్ ఇన్నింగ్స్‌లో 518 ర‌న్స్ స్కోరు చేసి డిక్లేర్ చేయ‌గా.. వెస్టిండీస్ త‌న తొలి ఇన్నింగ్స్‌లో 248 ర‌న్స్ చేసి ఫాలోఆన్ ఆడింది.భారత బ్యాటర్లలో యశస్వి జైస్వాల్ (175), శుభ్‌మన్ గిల్‌(129) అద్బుతమైన సెంచరీలతో చెలరేగారు. స్పిన్నర్ కుల్దీప్ యాదవ్ రెండు ఇన్నింగ్స్‌లు కలిపి 8 వికెట్ల పడగొట్టాడు. అతడితో రవీంద్ర జడేజా, మ‍హ్మద్ సిరాజ్‌, జస్ప్రీత్ బుమ్రా కూడా రాణించారు.చదవండి: అర్జున్‌ టెండూల్కర్‌కు గుడ్‌ న్యూస్‌.. జట్టులో చోటిచ్చిన సెలక్టర్లు

న్యూఢిల్లీ టెస్ట్‌లో భారత్‌ గెలుపు కోసం చివరి రోజు వరకు ఆగాల్సి వచ్చింది. చివరి సెషన్‌లో విండీస్‌ నిర్దేశించిన 121 పరుగుల స్వల్ప లక్ష్యాన్ని ఛేదించేందుకు బరిలోకి దిగిన టీమిండియా.. నాలుగో రోజు ఆట ముగిసే సమయానికి వికెట్‌ నష్టానికి 63 పరుగులు (18 ఓవర్లు) చేసింది. ఈ మ్యాచ్‌లో భారత్‌ గెలవాలంటే మరో 58 పరుగులు చేయాల్సి ఉంది.స్వల్ప లక్ష్య ఛేదనలో తొలి ఇన్నింగ్స్‌ సెంచరీ హీరో యశస్వి జైస్వాల్‌ (8) ఆదిలోనే ఔట్‌ కాగా.. కేఎల్‌ రాహుల్‌ (25 నాటౌట్‌), సాయి సుదర్శన్‌ (30 నాటౌట్‌) భారత్‌ను విజయం దిశగా తీసుకెళ్తున్నారు. జైస్వాల్‌ వికెట్‌ వారికన్‌కు దక్కింది. ఈ మ్యాచ్‌లో గెలిస్తే టీమిండియా 2 మ్యాచ్‌ల సిరీస్‌ను 2-0తో క్లీన్‌ స్వీప్‌ చేస్తుంది. అహ్మదాబాద్‌ వేదికగా జరిగిన తొలి టెస్ట్‌లో భారత్‌ ఇన్నింగ్స్‌ 140 పరుగుల తేడాతో గెలుపొందిన విషయం తెలిసిందే.విండీస్‌ బ్యాటర్ల అనూహ్య పోరాటంఅంతకుముందు విండీస్‌ ఫాలో ఆడుతూ అనూహ్యమైన పోరాటాన్ని ప్రదర్శించింది. ఆ జట్టు బ్యాటర్లు ఊహించని రీతిలో ప్రతిఘటించి భారత్‌ ముందు మూడంకెల టార్గెట్‌ను ఉంచారు.క్యాంప్‌బెల్‌, హోప్‌ వీరోచిత శతకాలుతొలుత జాన్‌ క్యాంప్‌బెల్‌ (115), షాయ్‌ హోప్‌ (103) వీరోచిత శతకాలు బాది విండీస్‌కు ఇన్నింగ్స్‌ పరాజయాన్ని తప్పించారు. ఆఖర్లో జస్టిన్‌ గ్రీవ్స్‌ (50 నాటౌట్‌), జేడన్‌ సీల్స్‌ (32) భారత బౌలర్ల సహనాన్ని పరీక్షించి టీమిండియా ముందు 121 పరుగుల లక్ష్యాన్ని ఉంచారు. గ్రీవ్స్‌, సీల్స్‌ చివరి వికెట్‌కు 79 పరుగులు జోడించారు. భారత బౌలర్లలో కుల్దీప్‌, బుమ్రా తలో 3, సిరాజ్‌ 2, జడేజా, సుందర్‌ తలో వికెట్‌ తీశారు.దీనికి ముందు కుల్దీప్‌ యాదవ్‌ (5/82), రవీంద్ర జడేజా (3/46) ధాటికి విండీస్‌ తొలి ఇన్నింగ్స్‌లో 248 పరుగులకే కుప్పకూలింది. ఆ ఇన్నింగ్స్‌లో అలిక్‌ అథనాజ్‌ (41) టాప్‌ స్కోరర్‌గా నిలిచాడు.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. యశస్వి జైస్వాల్‌ (175), కెప్టెన్‌ శుభ్‌మన్‌ గిల్‌ (129 నాటౌట్‌) సెంచరీలతో చెలరేగడంతో భారీ స్కోర్‌ (518/5 డిక్లేర్‌) చేసింది. సాయి సుదర్శన్‌ (87) సెంచరీని మిస్‌ చేసుకోగా.. కేఎల్‌ రాహుల్‌ 38, నితీశ్‌ రెడ్డి 43, జురెల్‌ 44 పరుగులు చేశారు.చదవండి: కొడుకు 6 వారాల్లో 10 కిలోలు తగ్గితే.. తండ్రి ఆర్నెళ్లలో 38 కేజీలు ఉఫ్‌!.. వీరి సీక్రెట్‌ ఇదే

121 పరుగుల స్వల్ప లక్ష్య ఛేదనలో టీమిండియాకు ఆదిలోనే షాక్‌ తగిలింది. తొలి ఇన్నింగ్స్‌ సెంచరీ హీరో యశస్వి జైస్వాల్‌ (Yashasvi Jaiswal) (8) తొలి ఓవర్‌లోనే రెండు బౌండరీలు బాది జోరుమీదున్నట్లు కనిపించినప్పటికీ.. ఆతర్వాతి ఓవర్‌లోనే ఔటయ్యాడు. వార్రికన్‌ బౌలింగ్‌లో ఆండర్సన్‌ ఫిలిప్‌కు క్యాచ్‌ ఇచ్చి పెవిలియన్‌కు చేరాడు. జైస్వాల్‌ ఔటయ్యాక కేఎల్‌ రాహుల్‌ (14), సాయి సుదర్శన్‌ (17) మరో వికెట్‌ పడకుండా జాగ్రత్తగా ఆడుతూ టీమిండియాను లక్ష్యం దిశగా తీసుకెళ్తున్నారు.12 ఓవర్ల తర్వాత టీమిండియా స్కోర్‌ వికెట్‌ నష్టానికి 39 పరుగులుగా ఉంది. ఈ మ్యాచ్‌లో భారత్‌ గెలవాలంటే మరో 82 పరుగులు చేయాల్సి ఉంది.విండీస్‌ బ్యాటర్ల అనూహ్య పోరాటంఅంతకుముందు విండీస్‌ ఫాలో ఆడుతూ అనూహ్యమైన పోరాటాన్ని ప్రదర్శించింది. ఆ జట్టు బ్యాటర్లు ఊహించని రీతిలో ప్రతిఘటించి భారత్‌ ముందు మూడంకెల టార్గెట్‌ను ఉంచారు.తొలుత జాన్‌ క్యాంప్‌బెల్‌ (115), షాయ్‌ హోప్‌ (103) వీరోచిత శతకాలు బాది ఇన్నింగ్స్‌ పరాజయాన్ని తప్పించగా.. ఆఖర్లో జస్టిన్‌ గ్రీవ్స్‌ (50 నాటౌట్‌), జేడన్‌ సీల్స్‌ (32) భారత బౌలర్ల సహనాన్ని పరీక్షించి టీమిండియా ముందు 121 పరుగుల లక్ష్యాన్ని ఉంచారు. గ్రీవ్స్‌, సీల్స్‌ చివరి వికెట్‌కు 79 పరుగులు జోడించారు. భారత బౌలర్లలో కుల్దీప్‌, బుమ్రా తలో 3, సిరాజ్‌ 2, జడేజా, సుందర్‌ తలో వికెట్‌ తీశారు.అంతకుముందు కుల్దీప్‌ యాదవ్‌ (5/82), రవీంద్ర జడేజా (3/46) ధాటికి విండీస్‌ తొలి ఇన్నింగ్స్‌లో 248 పరుగులకే కుప్పకూలింది. ఆ ఇన్నింగ్స్‌లో అలిక్‌ అథనాజ్‌ (41) టాప్‌ స్కోరర్‌గా నిలిచాడు.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. యశస్వి జైస్వాల్‌ (175), కెప్టెన్‌ శుభ్‌మన్‌ గిల్‌ (129 నాటౌట్‌) సెంచరీలతో చెలరేగడంతో భారీ స్కోర్‌ (518/5 డిక్లేర్‌) చేసింది. సాయి సుదర్శన్‌ (87) సెంచరీని మిస్‌ చేసుకోగా.. కేఎల్‌ రాహుల్‌ 38, నితీశ్‌ రెడ్డి 43, జురెల్‌ 44 పరుగులు చేశారు.కాగా, రెండు మ్యాచ్‌ల ఈ సిరీస్‌లోని తొలి టెస్ట్‌లో భారత్‌ ఇన్నింగ్స్‌ 140 పరుగుల తేడాతో విండీస్‌ను చిత్తుగా ఓడించిన విషయం తెలిసిందే.చదవండి: World Cup 2025: వరుస ఓటములు.. భారత్‌ సెమీ ఫైనల్‌ చేరాలంటే...