సౌతాఫ్రికాతో జరిగే చివరి రెండు టీ20 మ్యాచ్‌లకు టీమిండియా ఆల్‌రౌండర్‌ అక్షర్‌ పటేల్‌ దూరమయ్యాడు. అనారోగ్యం కారణంగా అతడు ఈ సిరీస్‌ నుంచి తప్పుకొన్నాడు. ఈ విషయాన్ని భారత క్రికెట్‌ నియంత్రణ మండలి (BCCI) ధ్రువీకరించింది.సఫారీ జట్టుతో నాలుగో టీ20 కోసం జట్టు సహచరులతో పాటు లక్నోకు వచ్చినా... వైద్యుల సూచనల మేరకు తర్వాతి మ్యాచ్‌లు ఆడరాదని అక్షర్‌ (Axar Patel) నిర్ణయం తీసుకున్నట్లు తెలుస్తోంది. ఇక ఈ సిరీస్‌లో తొలి రెండు మ్యాచ్‌లు ఆడిన అక్షర్‌ ధర్మశాలలో జరిగిన మూడో టీ20లో కూడా బరిలోకి దిగలేదన్న సంగతి తెలిసిందే.అక్షర్‌ స్థానంలోమరోవైపు.. అక్షర్‌ స్థానంలో మరో లెఫ్టార్మ్‌ స్పిన్‌ ఆల్‌రౌండర్‌ షహబాజ్‌ అహ్మద్‌ (Shahbaz Ahmed)ను సెలక్టర్లు ఎంపిక చేశారు. బెంగాల్‌కు చెందిన 31 ఏళ్ల షహబాజ్‌ టీమిండియా తరఫున ఇప్పటి వరకు 3 వన్డేలు, 2 టీ20లు ఆడి మొత్తం 5 వికెట్లు పడగొట్టాడు. హాంగ్జూలో జరిగిన 2023 ఆసియా క్రీడల్లో అతను చివరిసారిగా టీమిండియాకు ప్రాతినిథ్యం వహించాడు. ఇదిలా ఉంటే.. స్వదేశంలో సౌతాఫ్రికాతో ఆల్‌ ఫార్మాట్ల సిరీస్‌తో బిజీగా ఉన్న టీమిండియా.. టెస్టుల్లో 2-0తో వైట్‌వాష్‌ అయిన విషయం తెలిసిందే. అయితే, ఆ తర్వాత మూడు వన్డేల సిరీస్‌ను 2-1తో గెలుచుకుని ఊరట పొందింది. 2-1తో ఆధిక్యం ఈ క్రమంలో కటక్‌ వేదికగా తొలి టీ20లో సఫారీలను 101 పరుగుల తేడాతో చిత్తుగా ఓడించిన భారత జట్టు.. ముల్లన్‌పూర్‌లో మాత్రం 51 పరుగుల తేడాతో ఓటమి చవిచూసింది. ఇక ధర్మశాలలో ఆదివారం నాటి మ్యాచ్‌లో గెలిచి మళ్లీ విజయం బాట పట్టిన టీమిండియా.. 2-1తో ఆధిక్యం సంపాదించింది. ఇక లక్నోలో బుధవారం నాటి మ్యాచ్‌లోనూ గెలుపొంది మరో మ్యాచ్‌ మిగిలి ఉండగానే సిరీస్‌ను కైవసం చేసుకోవాలని పట్టుదలగా ఉంది. కాగా మూడో టీ20లో అక్షర్‌ పటేల్‌తో పాటు ప్రధాన పేసర్‌ జస్‌ప్రీత్‌ బుమ్రా సేవలను కూడా టీమిండియా కోల్పోయింది. వ్యక్తిగత కారణాల దృష్ట్యా బుమ్రా ఇంటికి వెళ్లిపోయినట్లు వార్తలు వచ్చాయి. అయితే, అతడి రీఎంట్రీ గురించి మాత్రం బీసీసీఐ నుంచి ఇప్పటి వరకు అప్‌డేట్‌ లేదు.చదవండి: మాక్‌ వేలంలో రూ. 30.50 కోట్లకు అమ్ముడుపోయిన గ్రీన్‌.. ఎవరు కొన్నారంటే?

సౌతాఫ్రికాతో మూడో టీ20లో గెలిచి జోరు మీదున్న టీమిండియాకు ఎదురుదెబ్బ తగిలింది. అనారోగ్యం కారణంగా ఈ మ్యాచ్‌కు దూరమైన స్టార్‌ ఆల్‌రౌండర్‌ ఒకరు.. మిగిలిన రెండు టీ20లకు కూడా అందుబాటులో ఉండటం లేదని సమాచారం. ఇంతకీ ఎవరా ఆటగాడు?స్వదేశంలో సౌతాఫ్రికా చేతిలో టెస్టుల్లో 2-0తో వైట్‌వాష్‌కు గురైన భారత జట్టు.. వన్డే సిరీస్‌ (IND vs SA)ను 2-1తో గెలిచింది. ఇదే జోరులో ఐదు మ్యాచ్‌ల టీ20 సిరీస్‌లో కటక్‌లో జరిగిన తొలి మ్యాచ్‌లో ఏకంగా 101 పరుగులతో సఫారీలను చిత్తు చేసిన టీమిండియా.. ముల్లన్‌పూర్‌లో 51 పరుగుల తేడాతో ఓడిపోయింది.గెలుపుబాట పట్టిన సూర్య సేన..ఈ క్రమంలో ధర్మశాలలో ఆదివారం నాటి మూడో టీ20లో సత్తా చాటి తిరిగి గెలుపుబాట పట్టిన సూర్య సేన.. 2-1తో ఆధిక్యంలోకి వచ్చింది. అయితే, ఈ మ్యాచ్‌లో భారత్‌ తమ తుదిజట్టులో రెండు మార్పులతో బరిలోకి దిగింది. ప్రధాన పేసర్‌ జస్‌ప్రీత్‌ బుమ్రా వ్యక్తిగత కారణాలతో దూరం కాగా.. ఆల్‌రౌండర్‌ అక్షర్‌ పటేల్‌కు విశ్రాంతినిచ్చారు.అక్షర్‌ పటేల్‌ అవుట్‌!అయితే, తాజా సమాచారం ప్రకారం అక్షర్‌ పటేల్‌ (Axar Patel) అనారోగ్యం బారిన పడ్డాడని.. మిగిలిన రెండు మ్యాచ్‌లకు కూడా దూరమయ్యాడని వార్తలు వినిపిస్తున్నాయి. అదే నిజమైతే ఇప్పటికే బుమ్రా రూపంలో కీలక బౌలర్‌ దూరం కాగా.. అక్షర్‌ కూడా అందుబాటులో లేకుంటే తుదిజట్టు కూర్పు విషయంలో కాస్త గందరగోళం నెలకొనవచ్చు.కాగా కటక్‌లో 23, ముల్లన్‌పూర్‌లో 21 పరుగులు చేసిన అక్షర్‌ పటేల్‌.. ఆయా మ్యాచ్‌లలో రెండు (2/7), ఒక వికెట్‌ (1/27) పడగొట్టాడు. మరోవైపు.. అక్షర్‌ స్థానంలో మూడో టీ20లో ఆడిన చైనామన్‌ స్పిన్నర్‌ కుల్దీప్‌ యాదవ్‌ రెండు వికెట్లతో మెరిశాడు. ఇదిలా ఉంటే.. భారత్‌- సౌతాఫ్రికా మధ్య నాలుగో టీ20 లక్నోలో బుధవారం జరుగనుండగా.. శుక్రవారి నాటి ఆఖరి మ్యాచ్‌కు అహ్మదాబాద్‌ వేదిక.సౌతాఫ్రికాతో టీ20 సిరీస్‌కు బీసీసీఐ ప్రకటించిన ప్రాథమిక జట్టుఅభిషేక్ శర్మ, శుబ్‌మన్‌ గిల్‌, సూర్యకుమార్ యాదవ్ (కెప్టెన్‌), తిలక్ వర్మ, హార్దిక్ పాండ్యా, శివం దూబే, జితేశ్‌ శర్మ (వికెట్‌ కీపర్‌), హర్షిత్ రాణా, అర్ష్‌దీప్ సింగ్, కుల్దీప్ యాదవ్, వరుణ్ చక్రవర్తి, సంజూ శాంసన్‌, వాషింగ్టన్‌ సుందర్‌, అక్షర్‌ పటేల్‌, జస్‌ప్రీత్‌ బుమ్రా.

టీ20 ప్రపంచకప్‌-2024 టైటిల్‌ గెలిచిన తర్వాత టీమిండియాలో చోటు చేసుకున్న ప్రధాన మార్పు.. దిగ్గజాలు రోహిత్‌ శర్మ- విరాట్‌ కోహ్లిలేని జట్టు. ఈ మెగా టోర్నీలో భారత్‌ చాంపియన్‌గా నిలిచిన తర్వాత వీరిద్దరు అంతర్జాతీయ పొట్టి ఫార్మాట్‌కు రిటైర్మెంట్‌ ప్రకటించారు.హార్దిక్‌ పాండ్యాకు బదులుఇక అప్పటి నుంచి జట్టు పునర్నిర్మాణంలో భాగంగా భిన్న పరిణామాలు చోటుచేసుకున్నాయి. హార్దిక్‌ పాండ్యాకు బదులు సూర్యకుమార్‌ యాదవ్‌కు బీసీసీఐ పగ్గాలు అప్పగించింది. అతడు సారథిగా విజయాలు సాధిస్తున్నా.. బ్యాటర్‌గా మాత్రం అప్పటి నుంచి విఫలమవుతూనే ఉన్నాడు.మరోవైపు.. బ్యాటింగ్‌ ఆర్డర్‌లో కీలకమైన మూడో స్థానంలో ఎవరిని ఆడించాలన్న విషయం ఇప్పటికీ స్పష్టత రాకపోవడం విమర్శలకు తావిస్తోంది. టీ20 ఫార్మాట్లో మరో వరల్డ్‌కప్‌ టోర్నీకి సమయం ఆసన్నమవుతున్న వేళ.. టీమిండియాలో ఇంత వరకు ఈ కన్ఫ్యూజన్‌కు మాత్రం తెరపడటం లేదు.మూడో స్థానంలోఒకప్పుడు మూడో స్థానంలో వికెట్‌ కీపర్‌ బ్యాటర్‌ రిషభ్‌ పంత్‌ బ్యాటింగ్‌కు వచ్చేవాడు. రోడ్డు ప్రమాదంలో తీవ్రంగా గాయపడి కోలుకుని తిరిగి వచ్చిన తర్వాత కూడా సత్తా చాటి ప్రపంచకప్‌లో పాల్గొన్నాడు పంత్‌. అయితే, ఆ తర్వాత పంత్‌తో పాటు చాలా మంది సీనియర్లకు టెస్టుల్లో ప్రాధాన్యం ఇస్తూ టీ20 జట్టును యువ ఆటగాళ్లతో నింపేసింది యాజమాన్యం.అభిషేక్‌ శర్మకు తోడుగా.. సంజూ శాంసన్‌ను ఓపెనర్‌గా పంపగా.. వీరు సక్సెస్‌ఫుల్‌ జోడీగా నిరూపించుకున్నారు. ఇక మూడో స్థానంలో యువ ఆటగాడు తిలక్‌ వర్మ.. కెప్టెన్‌ సూర్యతో పోటీపడ్డాడు. వన్‌డౌన్‌లో తాను సరైన వాడినేనని నిరూపించుకున్నాడు కూడా!పక్కనపెట్టేశారుఅయితే, గత కొంతకాలంగా హెడ్‌కోచ్‌ గౌతం గంభీర్‌ బ్యాటింగ్‌ ఆర్డర్‌లో ప్రయోగాలతో విమర్శల పాలవుతున్న విషయం తెలిసిందే. గిల్‌ కోసం ఓపెనర్‌గా సంజూను తప్పించి.. మిడిలార్డర్‌లో ఓసారి, వన్‌డౌన్‌లో ఓసారి ఆడించారు. ఇప్పుడిక ఏకంగా వికెట్‌ కీపర్‌ కోటాలోనూ ఆడించకుండా పక్కనపెట్టేశారు. మరోవైపు.. కీపర్‌గా, ఫినిషర్‌గా జితేశ్‌ శర్మ రాణిస్తుండటంతో సంజూ ప్రపంచకప్‌ ఆశలు దాదాపు ఆవిరిఅయ్యినట్టే!ముచ్చటైన ‘మూడు’ కోసం ఇ‍ప్పటికే ఏడుగురుఇక మూడో స్థానం విషయానికొస్తే.. 2024 వరల్డ్‌కప్‌ తర్వాత ఇప్పటి వరకు సూర్యకుమార్‌ యాదవ్‌, తిలక్‌ వర్మ, రుతురాజ్‌ గైక్వాడ్‌, సంజూ శాంసన్‌, అభిషేక్‌ శర్మ, శివం దూబే, అక్షర్‌ పటేల్‌.. ఇలా చాలా మంది ఆడారు. వీరిలో సూర్య 26.92 సగటుతో 157కు పైగా స్ట్రైక్‌రేటుతో 377 పరుగులు సాధించగా.. తిలక్‌ వర్మ 185కు పైగా స్ట్రైక్‌రేటుతో.. 161కి పైగా సగటుతో ఏకంగా 323 పరుగులు సాధించాడు.మిగిలిన వారిలో రుతురాజ్‌, సంజూ, అభిషేక్‌, శివం, అక్షర్‌.. ప్రయోగాత్మకంగా వచ్చి వరుసగా 84, 58, 24, 24, 21 పరుగులు చేశారు. అయితే, ఇటీవల సౌతాఫ్రికాతో సిరీస్‌కు ముందు కెప్టెన్‌ సూర్యకుమార్‌ యాదవ్‌ మాట్లాడుతూ.. తమ జట్టులో కేవలం ఓపెనింగ్‌ జోడీ మాత్రమే స్థిరంగా ఉంటుందని స్పష్టం చేశాడు. మిగతా ఆటగాళ్లు బ్యాటింగ్‌ ఆర్డర్‌లో ఏ స్థానంలో రావడానికి ఎల్లప్పుడూ సిద్ధంగా ఉండాలని.. ఉంటారనీ పేర్కొన్నాడు. వారధినిజానికి టీ20 క్రికెట్‌లో నంబర్‌ 3 అనేది ఫిల్లర్‌ పొజిషన్‌ కానేకాదు. ఓపెనర్లు వేసిన పునాదిని బలపరుస్తూ.. మిడిలార్డర్‌కు సహకరించేలా వన్‌డౌన్‌ బ్యాటర్‌ వారధిని నిర్మించాల్సి ఉంటుంది. పరిస్థితిని బట్టి ఒక్కోసారి పవర్‌ప్లేలోనే రావాల్సి ఉంటుంది. మరికొన్నిసార్లు బాధ్యతాయుతంగా ఆడుతూ ఇన్నింగ్స్‌ నిర్మించాల్సి ఉంటుంది.మిగతా వారితో పోలిస్తే వన్‌డౌన్‌లో ఆడే ఆటగాడికి ఫిక్స్‌డ్‌ పొజిషన్‌ ఉండటం అత్యంత ముఖ్యం. అందుకు తగ్గట్టుగా అతడు నైపుణ్యాలు కనబరచగలడు. కానీ టీమిండియా నాయకత్వ బృందం దీనిని ఒక ట్రయల్‌ రూమ్‌గా మార్చేసి ఇష్టారీతిన ప్రయోగాలు చేస్తోంది. సమస్యను ఫిక్స్‌ చేసుకోవాలిఅయితే, ఇక్కడ మరో ఆసక్తికర విషయం ఏమిటంటే.. మన జట్టులో ప్రతిభకు కొదవలేదు. కానీ దానిని ఉపయోగించుకునే విధానంలో ‍స్పష్టత లోపించింది. ఏదేమైనా వరల్డ్‌కప్‌ నాటికి టీమిండియా నంబర్‌ 3 సమస్యను ఫిక్స్‌ చేసుకోవాలి. అనుభవజ్ఞుడైన సూర్యను లేదంటే.. మూడో స్థానంలో ఇప్పటికే నిరూపించుకున్న తిలక్‌ వర్మను పంపాలి. ప్రపంచకప్‌ లాంటి మెగా టోర్నీలు గెలవాలంటే ప్రతిభ ఒక్కటే సరిపోదు. అందుకు తగ్గ ప్రణాళికలు, జట్టు కూర్పులో స్పష్టత అవసరం.చదవండి: చరిత్ర సృష్టించిన తిలక్‌ వర్మ.. ప్రపంచంలోనే ‘బెస్ట్‌’ ప్లేయర్‌గా..

సౌతాఫ్రికాతో టీ20 సిరీస్‌ను ఘనంగా ఆరంభించిన టీమిండియా.. అదే జోరును కొనసాగించలేకపోయింది. ముల్లన్‌పూర్‌ వేదికగా రెండో టీ20లో 51 పరుగుల తేడాతో ఓడిపోయింది. ఈ మ్యాచ్‌లోనూ టీమిండియా బ్యాటింగ్‌ ఆర్డర్‌లో ప్రయోగం చేయగా.. అది కాస్తా బెడిసికొట్టింది.ఓపెనర్‌, వైస్‌ కెప్టెన్‌ శుబ్‌మన్‌ గిల్‌ (0) గోల్డెన్‌ డకౌట్‌ కాగా.. వన్‌డౌన్‌లో ఆల్‌రౌండర్‌ అక్షర్‌ పటేల్‌ను పంపించింది మేనేజ్‌మెంట్‌. సఫారీలు విధించిన 214 పరుగుల భారీ లక్ష్య ఛేదనలో అక్షర్‌ 21 బంతుల్లో 21 పరుగులు చేసి నిష్క్రమించాడు.మరోవైపు.. విధ్వంసకర ఓపెనర్‌ అభిషేక్‌ శర్మ (17)తో పాటు కెప్టెన్‌ సూర్యకుమార్‌ యాదవ్‌ (5) దారుణంగా విఫలమయ్యాడు. మిగిలిన వారిలో హార్దిక్‌ పాండ్యా (20), జితేశ్‌ శర్మ (17 బంతుల్లో 27) ఫర్వాలేదనిపించగా.. తిలక్‌ వర్మ (34 బంతుల్లో 62) ఒంటరి పోరాటం చేశాడు. అయితే, సఫారీ బౌలర్ల ధాటికి 19.1 ఓవర్లలో 162 పరుగులకే టీమిండియా కుప్పకూలడంతో పరాజయం ఖరారైంది.ఈ నేపథ్యంలో బ్యాటింగ్‌ ఆర్డర్‌లో మార్పుల గురించి ప్రస్తావిస్తూ సౌతాఫ్రికా దిగ్గజ పేసర్‌ డేల్‌ స్టెయిన్‌.. టీమిండియా నాయకత్వ బృందాన్ని విమర్శించాడు. ‘‘అక్షర్‌ మీ జట్టులోని అత్యుత్తమ బ్యాటర్లలో ఒకడై ఉండవచ్చు. కానీ ఇలాటి భారీ ఛేదన సమయంలో మీరు ఇలాంటి నిర్ణయం ఎలా తీసుకుంటారు?నా అభిప్రాయం ప్రకారం ఈ మ్యాచ్‌లో మీరు చేసిన అతి పెద్ద తప్పు ఇదే. అక్షర్‌ బ్యాటింగ్‌ చేయగలడు. కానీ అతడిని ముందు తోసి చిక్కుల్లో పడేయడం సరికాదు. ఒకవేళ గిల్‌ కంటే ముందు అభిషేక్‌ శర్మ అవుటై ఉంటే.. లెఫ్ట్‌- రైట్‌ కాంబినేషన్‌ కోసం అక్షర్‌ను పంపించారనుకోవచ్చు.కానీ ఇక్కడ అలా జరుగలేదు. అభిషేక్‌తో పాటు మరో లెఫ్టాండర్‌ అక్షర్‌ను పంపారు. ఏం చేస్తున్నారో అర్థమే కాలేదు. ప్రయోగాలు చేయడం మంచిదే. అయితే, ఇలాంటి సమయంలో ఇలాంటి నిర్ణయాలు తీసుకోవడం సరికాదు’’ అని హెడ్‌కోచ్‌ గౌతం గంభీర్‌, కెప్టెన్‌ సూర్యకుమార్‌ల తీరును స్టెయిన్‌ తప్పుబట్టాడు.కాగా సిరీస్‌ ఆరంభానికి ముందు సూర్య మాట్లాడుతూ.. తమ జట్టులో ఓపెనింగ్‌ జోడీ మాత్రమే ఫిక్స్‌డ్‌గా ఉంటుందని పేర్కొన్నాడు. మిగతా వారంతా ఏ స్థానంలో బ్యాటింగ్‌ చేసేందుకు సిద్ధంగా ఉండాలని.. తమ వ్యూహాలకు అనుగుణంగానే ఈ నిర్ణయం తీసుకున్నట్లు తెలిపాడు.అయితే, టీ20 ఓపెనర్‌గా గిల్‌ను పంపడం కోసం.. ఫామ్‌లో ఉన్న సంజూ శాంసన్‌పై వేటు వేశారు. కానీ టీ20 జట్టులో పునరాగమనం చేసిన నాటి నుంచి గిల్‌ పేలవ ప్రదర్శన కనబరుస్తూనే ఉన్నాడు. ఇదిలా ఉంటే.. కటక్‌ వేదికగా సౌతాఫ్రికాతో తొలి టీ20లో టీమిండియా 101 పరుగులతో భారీ విజయం సాధించింది. తాజా మ్యాచ్‌లో సఫారీలు గెలిచి.. ఐదు మ్యాచ్‌ల సిరీస్‌ను 1-1తో సమం చేశారు.

టీమిండియాతో రెండో టెస్టులో టాస్‌ గెలిచిన సౌతాఫ్రికా.. తొలుత బ్యాటింగ్‌ ఎంచుకుంది. బర్సపరా వికెట్‌ ఆరంభంలో బ్యాటింగ్‌కు అనుకూలిస్తుందనే అంచనాతో తాము ఈ నిర్ణయం తీసుకున్నట్లు ప్రొటిస్‌ జట్టు కెప్టెన్‌ తెంబా బవుమా తెలిపాడు. పిచ్‌పై ప్రస్తుతానికి పగుళ్లు లేవన్న బవుమా.. ఈ వికెట్‌పై భారీ స్కోరు సాధించాలనే పట్టుదలతో ఉన్నామని పేర్కొన్నాడు.గువాహటి వేదికగా జరిగే చారిత్రాత్మక తొలి టెస్టులో తాము భాగం కావడం సంతోషంగా ఉందని బవుమా హర్షం వ్యక్తం చేశాడు. ఈ మ్యాచ్‌లో తాము ఒక మార్పుతో బరిలోకి దిగుతున్నామని.. సెనురాన్‌ ముత్తుస్వామి జట్టులోకి వచ్చినట్లు వెల్లడించాడు.భారత తుదిజట్టులోకి ఆ ఇద్దరుటీమిండియా రెగ్యులర్‌ కెప్టెన్‌ శుబ్‌మన్‌ గిల్‌ మెడ నొప్పి కారణంగా సౌతాఫ్రికాతో రెండో టెస్టుకు దూరం కావడంతో.. అతడి స్థానంలో రిషభ్‌ పంత్‌ పగ్గాలు చేపట్టాడు. బీసీసీఐ తనకు ఈ అవకాశం ఇచ్చినందుకు ధన్యవాదాలు తెలిపిన ఈ వికెట్‌ కీపర్‌ బ్యాటర్‌.. తమ తుదిజట్టులో రెండు మార్పులు చేసినట్లు తెలిపాడు.గిల్‌ స్థానంలో పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డిని ఎంపిక చేశామన్న పంత్‌.. స్పిన్‌ ఆల్‌రౌండర్‌ అక్షర్‌ పటేల్‌ స్థానంలో సాయి సుదర్శన్‌ను తీసుకున్నట్లు వెల్లడించాడు. ఇక తొలిసారి భారత జట్టు టెస్టు కెప్టెన్‌గా వ్యవహరించే అవకాశం దక్కినందుకు సంతోషంగా ఉందన్న పంత్‌.. ఈ అవకాశాన్ని సద్వినియోగం చేసుకుంటానని పేర్కొన్నాడు. టాస్‌ ఓడటంపై స్పందిస్తూ.. బర్సపరా వికెట్‌ బ్యాటింగ్‌కు బాగుంటుందన్న పంత్‌.. బౌలింగ్‌ కూడా మరీ అంత చెత్త ఆప్షన్‌ ఏమీ కాదన్నాడు. శుబ్‌మన్‌ కోలుకుంటున్నాడని.. త్వరలోనే తిరిగి జట్టుతో చేరతాడని పంత్‌ తెలిపాడు.టీమిండియాకు చావోరేవోఇదిలా ఉంటే.. ప్రపంచ టెస్టు చాంపియన్‌షిప్‌ 2025-27 సీజన్‌లో భాగంగా టీమిండియా స్వదేశంలో రెండు మ్యాచ్‌ల సిరీస్‌ ఆడుతున్న విషయం తెలిసిందే. ఇందులో భాగంగా కోల్‌కతా వేదికగా తొలి టెస్టు జరుగగా.. భారత జట్టు సఫారీల చేతిలో ముప్పై పరుగుల తేడాతో ఓడిపోయింది. దీంతో బవుమా బృందం 1-0తో ఆధిక్యంలోకి వెళ్లింది.ఇక గువాహటి వేదికగా శనివారం మొదలైన రెండో టెస్టులో పంత్‌ సేన చావో రేవో తేల్చుకోవాల్సి ఉంది. ఈ మ్యాచ్‌లో గెలిస్తేనే భారత్‌ సిరీస్‌ను 1-1తో సమం చేయగలదు. లేదంటే సొంతగడ్డపై సఫారీల చేతిలో వైట్‌వాష్‌ కాకతప్పదు. మరోవైపు.. ఈడెన్‌ గార్డెన్స్‌ పిచ్‌పై బ్యాటర్లు పరుగులు రాబట్టేందుకు ఇబ్బంది పడటంతో పాటు.. తొలి టెస్టు మూడురోజుల్లోనే ముగిసిపోవడం విమర్శలకు తావిచ్చింది. ఈ నేపథ్యంలో గువాహటి పిచ్‌ను ఎర్రమట్టితో తయారు చేయించినట్లు తెలుస్తోంది. తొలుత బ్యాటింగ్‌కు అనుకూలంగా ఉండే ఈ వికెట్‌.. పాతబడే కొద్ది స్పిన్నర్లకు అనుకూలించనున్నట్లు తెలుస్తోంది. అయితే, ఇక్కడ టాస్‌ ఓడటం భారత జట్టుకు ప్రతికూలంగా మారే అవకాశం లేకపోలేదు. భారత్‌ వర్సెస్‌ సౌతాఫ్రికా రెండో టెస్టు తుదిజట్లు ఇవేభారత్‌కేఎల్‌ రాహుల్, యశస్వి జైస్వాల్, సాయి సుదర్శన్, ధ్రువ్ జురెల్, రిషబ్ పంత్(కెప్టెన్‌, వికెట్‌ కీపర్‌), రవీంద్ర జడేజా, నితీశ్‌ కుమార్ రెడ్డి, వాషింగ్టన్ సుందర్, కుల్దీప్ యాదవ్, జస్‌ప్రీత్‌ బుమ్రా, మొహమ్మద్‌ సిరాజ్‌.సౌతాఫ్రికాఐడెన్ మార్క్రమ్‌, ర్యాన్ రికెల్టన్, వియాన్ ముల్డర్, తెంబా బావుమా(కెప్టెన్‌), టోనీ డి జోర్జి, ట్రిస్టన్ స్టబ్స్, కైల్ వెరెన్నె (వికెట్‌ కీపర్‌), మార్కో యాన్సెన్, సెనురాన్ ముత్తుసామి, సైమన్ హార్మర్, కేశవ్ మహారాజ్.Updates: లంచ్‌ బ్రేక్‌ సమయానికి సౌతాఫ్రికా స్కోరు: 156-2(55)స్టబ్స్‌ 32, బవుమా 36 పరుగులతో క్రీజులో ఉన్నారు.డ్రింక్స్‌ బ్రేక్‌ సమయానికి సౌతాఫ్రికా స్కోరు: 129-2 (42)బవుమా 24, స్టబ్స్‌ 19 పరుగులతో ఆడుతున్నారు.రెండో వికెట్‌ కోల్పోయిన సౌతాఫ్రికా27.2: కుల్దీప్‌ యాదవ్‌ బౌలింగ్‌లో పంత్‌కు క్యాచ్‌ ఇచ్చి వెనుదిరిగిన రికెల్టన్‌ (82 బంతుల్లో 35).టీ బ్రేక్‌ సమయానికి సౌతాఫ్రికా స్కోరు: 82-1 (26.5).ట్రిస్టన్‌ స్టబ్స్‌ 0, రికెల్టన్‌ 35 పరుగులతో ఉన్నారు.తొలి వికెట్‌ కోల్పోయిన సౌతాఫ్రికా26.5: బుమ్రా బౌలింగ్‌లో మార్క్రమ్‌ (81 బంతుల్లో 38) బౌల్డ్‌.చదవండి: వైభవ్‌ మెరుపులు వృధా.. ఆసియా కప్‌ సెమీస్‌లో టీమిండియా ఓటమి🚨 Toss 🚨#TeamIndia have been asked to bowl first Updates ▶️ https://t.co/Wt62QebbHZ#INDvSA | @IDFCFIRSTBank pic.twitter.com/isE64twdaB— BCCI (@BCCI) November 22, 2025

సౌతాఫ్రికాతో టెస్టు సిరీస్‌లో చావోరేవో తేల్చుకునేందుకు టీమిండియా సిద్ధమైంది. గువాహటి వేదికగా శనివారం మొదలయ్యే రెండో టెస్టులో గెలిచి సిరీస్‌ను 1-1తో సమం చేయాలని పట్టుదలగా ఉంది. అయితే, కెప్టెన్‌ శుబ్‌మన్‌ గిల్‌ (Shubman Gill) మెడ నొప్పి కారణంగా ఈ మ్యాచ్‌కు దూరం కావడం ఆందోళనకరంగా పరిణమించింది.గిల్‌ స్థానంలో రిషభ్‌ పంత్‌ (Rishabh Pant)ను బీసీసీఐ తాత్కాలిక కెప్టెన్‌గా నియమించింది. అయితే, తుదిజట్టులో గిల్‌ స్థానాన్ని ఎవరు భర్తీ చేస్తారన్నది మాత్రం ప్రశ్నార్థకంగా మారింది. ఈ విషయంపై పంత్‌ స్పందిస్తూ.. తాము ఇప్పటికే గిల్‌ రీప్లేస్‌మెంట్‌ గురించి నిర్ణయం తీసుకున్నామని చెప్పాడు. కానీ ఆ ఆటగాడి పేరు మాత్రం వెల్లడించలేదు.ఆరుగురు స్పెషలిస్టు బ్యాటర్లుఈ నేపథ్యంలో టీమిండియా మాజీ వికెట్‌ కీపర్‌ బ్యాటర్‌ సబా కరీం (Saba Karim) కీలక వ్యాఖ్యలు చేశాడు. గువాహటిలోని బర్సపరా స్టేడియంలో తొలిసారిగా టెస్టు మ్యాచ్‌ జరుగుతున్న తరుణంలో.. భారత జట్టు ఆరుగురు స్పెషలిస్టు బ్యాటర్లను ఆడించాలని సూచించాడు. అదే విధంగా ముగ్గురు స్పిన్నర్లు, ఇద్దరు సీమర్లకు ప్లేయింగ్‌ ఎలెవన్‌లో చోటు ఇవ్వాలని పేర్కొన్నాడు.ఇందులో భాగంగా ఆల్‌రౌండర్‌ అక్షర్‌ పటేల్‌పై వేటు వేయక తప్పదని సబా కరీం అభిప్రాయపడ్డాడు. ఈ మేరకు ఈఎస్‌పీఎన్‌క్రిక్‌ఇన్ఫోతో మాట్లాడుతూ.. ‘‘శుబ్‌మన్‌ గిల్‌ లేకపోవడం టీమిండియాకు పెద్ద దెబ్బ. అయితే, ఇలాంటి సమయంలో తుది జట్టులోకి సాయి సుదర్శన్‌తో పాటు దేవ్‌దత్‌ పడిక్కల్‌ను కూడా తీసుకుంటే మంచిది.అతడిపై వేటు వేయాల్సి వస్తుందిఆరు స్పెషలిస్టు బ్యాటర్లు.. ఇద్దరు సీమర్లు, ముగ్గురు స్పిన్నర్లతో టీమిండియా బరిలోకి దిగాలి. గువాహటిలో గెలవాలంటే ఇదే సరైన కాంబినేషన్‌. కాబట్టి ఆల్‌రౌండర్‌ అక్షర్‌ పటేల్‌ను తప్పించకతప్పదు. బ్యాటింగ్‌, బౌలింగ్‌లో వైవిధ్యం కోసం అతడిపై వేటు వేయాల్సి వస్తుంది.కుల్దీప్‌ యాదవ్‌, రవీంద్ర జడేజా, వాషింగ్టన్‌ సుందర్‌ స్పిన్నర్ల కోటాలో తుదిజట్టులో ఉంటారు. ఇక పేస్‌ విభాగంలో బుమ్రా, సిరాజ్‌ ఉండనే ఉన్నారు’’ అని సబా కరీం పేర్కొన్నాడు. సాయి, పడిక్కల్‌ రాకతో జట్టులో ఎడమచేతి వాటం ఆటగాళ్ల సంఖ్య పెరుగుతుందని.. అందుకే ధ్రువ్‌ జురెల్‌ను నాలుగో స్థానంలో ఆడిస్తే సరిపోతుందని అభిప్రాయపడ్డాడు. అప్పుడు లెఫ్ట్‌- రైట్‌ కాంబినేషన్‌ సెట్‌ అవుతుందని పేర్కొన్నాడు.తొలి టెస్టులో ఆరుగురుకాగా కోల్‌కతాలో జరిగిన తొలి టెస్టులో అక్షర్‌ పటేల్‌ రెండు వికెట్లు తీయడంతో పాటు వరుసగా 26, 17 పరుగులు చేశాడు. ఈ మ్యాచ్‌లో భారత్‌.. సౌతాఫ్రికా చేతిలో 30 పరుగుల తేడాతో ఓటమిపాలైంది. ఇక తొలి టెస్టులో భారత్‌ ఆరుగురు ఎడమచేతి వాటం ఆటగాళ్లతో బరిలోకి దిగిన విషయం తెలిసిందే. యశస్వి జైస్వాల్‌, వాషింగ్టన్‌ సుందర్‌, రిషభ్‌ పంత్‌, రవీంద్ర జడేజా, అక్షర్‌ పటేల్‌, కుల్దీప్‌ యాదవ్‌లకు తుదిజట్టులో చోటు ఇచ్చింది.సౌతాఫ్రికాతో తొలి టెస్టు ఆడిన భారత తుదిజట్టుయశస్వి జైస్వాల్, కేఎల్ రాహుల్, వాషింగ్టన్ సుందర్, శుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), రవీంద్ర జడేజా, ధ్రువ్ జురెల్, అక్షర్ పటేల్, కుల్దీప్ యాదవ్, జస్‌ప్రీత్‌ బుమ్రా, మొహమ్మద్‌ సిరాజ్.చదవండి: గంభీర్‌పై విమర్శల వర్షం.. స్పందించిన బీసీసీఐ

సౌతాఫ్రికాతో తొలి టెస్టులో భారత బౌలర్లు మరోసారి సత్తా చాటారు. ప్రొటిస్‌ జట్టు తొలి ఇన్నింగ్స్‌లో టీమిండియా పేసర్లు ప్రభావం చూపితే.. రెండో ఇన్నింగ్స్‌లో స్పిన్నర్లు తిప్పేశారు. ఫలితంగా అరవై పరుగులకే సగం వికెట్లు కోల్పోయిన సౌతాఫ్రికా.. శనివారం ఆట ముగిసే సరికి పీకల్లోతు కష్టాల్లో కూరుకుపోయింది. కాగా రెండు టెస్టుల సిరీస్‌లో భాగంగా భారత్‌- సౌతాఫ్రికా (IND vs SA) మధ్య శుక్రవారం తొలి మ్యాచ్‌ మొదలైన విషయం తెలిసిందే. కోల్‌కతా వేదికగా ఈడెన్‌ గార్డెన్స్‌ మైదానంలో టాస్‌ గెలిచిన ప్రొటిస్‌ జట్టు తొలుత బ్యాటింగ్‌ ఎంచుకోగా.. భారత్‌ బౌలింగ్‌ చేసింది. పర్యాటక జట్టును తొలి ఇన్నింగ్స్‌లో 159 పరుగులకే కుప్పకూల్చింది.తొలి ఇన్నింగ్స్‌లో టీమిండియా పేసర్ల సత్తాటీమిండియా ప్రధాన పేసర్‌ జస్‌ప్రీత్‌ బుమ్రా (Jasprit Bumrah) ఐదు వికెట్ల చెలరేగి ప్రొటిస్‌ బ్యాటింగ్‌ ఆర్డర్‌ పతనాన్ని శాసించగా.. మొహమ్మద్‌ సిరాజ్‌ రెండు వికెట్లు తీశాడు. స్పిన్నర్లు కుల్దీప్‌ యాదవ్‌ రెండు, అక్షర్‌ పటేల్‌ (Axar Patel) ఒక వికెట్‌ దక్కించుకున్నారు. ఇక సౌతాఫ్రికా తొలి ఇన్నింగ్స్‌లో ఓపెనర్లు ఐడెన్‌ మార్క్రమ్‌ (31), రియాన్‌ రికెల్టన్‌ (23).. వియాన్‌ ముల్దర్‌ (24), టోనీ డి జోర్జి (24) మాత్రమే చెప్పుకోదగ్గ స్కోర్లు చేశారు.ఈ క్రమంలో తొలి రోజే బ్యాటింగ్‌ మొదలుపెట్టిన టీమిండియా.. శుక్రవారం ఆట పూర్తయ్యేసరికి వికెట్‌ నష్టానికి 37 పరుగులు చేసింది. ఇక 37/1 ఓవర్‌నైట్‌ స్కోరుతో రెండో రోజు ఆట మొదలుపెట్టిన భారత్‌.. మరో 152 పరుగులు జతచేసి ఆలౌట్‌ అయింది.ఓపెనర్‌ కేఎల్‌ రాహుల్‌ (39) టాప్‌ రన్‌ స్కోరర్‌గా నిలవగా.. వాషింగ్టన్‌ సుందర్‌ (29), రిషభ్‌ పంత్‌ (27), రవీంద్ర జడేజా (27) ఫర్వాలేదనిపించారు. ఫలితంగా 189 పరుగులు చేసిన టీమిండియా.. తొలి ఇన్నింగ్స్‌లో సౌతాఫ్రికాపై ముప్పై పరుగుల స్వల్ప ఆధిక్యం సంపాదించింది. ప్రొటిస్‌ బౌలర్లలో సైమన్‌ హార్మర్‌ నాలుగు వికెట్లు తీయగా.. మార్కో యాన్సెన్‌ మూడు వికెట్లతో సత్తా చాటాడు. కేశవ్‌ మహరాజ్‌, కార్బిన్‌ బాష్‌ ఒక్కో వికెట్‌ దక్కించుకున్నారు.భారత స్పిన్‌ దెబ్బకు సఫారీలు విలవిలఅనంతరం రెండో ఇన్నింగ్స్‌ మొదలుపెట్టిన సౌతాఫ్రికాకు ఆది నుంచే భారత స్పిన్నర్లు చుక్కలు చూపించారు. రియాన్‌ రికెల్టన్‌ (11)ను కుల్దీప్‌ యాదవ్‌ ఎల్బీడబ్ల్యూ చేసి వికెట్ల వేట మొదలుపెట్టగా... జడ్డూ ఐడెన్‌ మార్క్రమ్‌ (4), వియాన్‌ ముల్దర్‌ (11)లను వెనక్కి పంపి సఫారీలకు కోలుకోలేని షాకిచ్చాడు..@imkuldeep18 comes into the attack… and STRIKES instantly! 💥South Africa lose their first as Rickelton falls LBW to the Chinaman! 👌🏻Catch the LIVE action ⬇️#INDvSA 1st Test LIVE NOW 👉 https://t.co/uK1oWLgsfx pic.twitter.com/OOZQRsBLzl— Star Sports (@StarSportsIndia) November 15, 2025 అదే విధంగా.. టోనీ డి జోర్జి (2), ట్రిస్టన్‌ స్టబ్స్‌ (5) వికెట్లను కూడా జడ్డూ తన ఖాతాలో వేసుకున్నాడు. ఇక వికెట్‌ కీపర్‌ కైలీ వెరెన్నె (9)ను అక్షర్‌ పటేల్‌ అవుట్‌ చేయగా.. కుల్దీప్‌ యాదవ్‌.. మార్కో యాన్సెన్‌ (13)ను పెవిలియన్‌కు పంపించాడు. Spinning a web! 🕸️🌀Some gun bowling from the No.1 Test All-rounder #RavindraJadeja has South Africa 3 down!#INDvSA 1st Test LIVE NOW 👉 https://t.co/uK1oWLgsfx pic.twitter.com/qgrOk7lvGW— Star Sports (@StarSportsIndia) November 15, 2025నాలుగేసిన జడ్డూఫలితంగా శనివారం నాటి రెండో రోజు ఆట పూర్తయ్యేసరికి సౌతాఫ్రికా 35 ఓవర్లలో ఏకంగా ఏడు వికెట్లు కోల్పోయి కేవలం 93 పరుగులు చేసింది. తద్వారా టీమిండియా కంటే కేవలం 63 పరుగుల ఆధిక్యంలో నిలిచింది. కెప్టెన్‌ బవుమా 29, కార్బిన్‌ బాష్‌ ఒక పరుగుతో క్రీజులో ఉన్నారు. ఇక మూడోరోజైన ఆదివారం ఆటలో ఆరంభంలోనే మిగిలిన మూడు వికెట్లను భారత బౌలర్లు పడగొట్టారంటే.. టీమిండియా ముందు స్వల్ప లక్ష్యమే ఉంటుందని చెప్పవచ్చు. స్పిన్నర్లు ఇదే జోరు కొనసాగిస్తే.. టార్గెట్‌ వంద కంటే తక్కువగానే ఉండొచ్చు.ఇదిలా ఉంటే.. సఫారీ జట్టు రెండో ఇన్నింగ్స్‌లో జడేజా నాలుగు వికెట్లతో చెలరేగగా.. కుల్దీప్‌ యాదవ్‌ రెండు, అక్షర్‌ పటేల్‌ ఒక వికెట్‌ దక్కించుకున్నారు. బుమ్రా ఇంకా వికెట్ల ఖాతా తెరవలేదు. సిరాజ్‌ చేతికి ఇంకా బంతి రానేలేదు.చదవండి: ఒక్క ఛాన్స్‌ ప్లీజ్‌: గిల్‌ను బతిమిలాడిన సిరాజ్‌.. కట్‌ చేస్తే..

సౌతాఫ్రికాతో తొలి టెస్టులో టీమిండియా ప్రధాన పేసర్‌ జస్‌ప్రీత్‌ బుమ్రా (Jasprit Bumrah) అద్భుత ప్రదర్శన కనబరిచాడు. ఐదు వికెట్లు కూల్చి ప్రత్యర్థి జట్టు పతనాన్ని శాసించాడు. అతడికి తోడుగా మొహమ్మద్‌ సిరాజ్‌, కుల్దీప్‌ యాదవ్‌ (Kuldeep Yadav), అక్షర్‌ పటేల్‌ రాణించడంతో ప్రొటిస్‌ జట్టు స్వల్ప స్కోరుకే కుప్పకూలింది.టాస్‌ గెలిచిన సౌతాఫ్రికాప్రపంచ టెస్టు చాంపియన్‌షిప్‌ 2025-27 (WTC )సీజన్‌లో భాగంగా రెండు టెస్టులు ఆడేందుకు సౌతాఫ్రికా జట్టు భారత పర్యటనకు వచ్చింది. ఈ క్రమంలో ఇరుజట్ల మధ్య శుక్రవారం తొలి టెస్టు మొదలైంది. కోల్‌కతాలోని ఈడెన్‌ గార్డెన్స్‌ మైదానంలో టాస్‌ గెలిచిన పర్యాటక సౌతాఫ్రికా తొలుత బ్యాటింగ్‌ ఎంచుకుంది. ఆరంభం నుంచే విజృంభించిబుమ్రా ఆరంభం నుంచే బ్యాటర్లపై ఒత్తిడి పెంచాడు. ఓపెనర్లు ఐడెన్‌ మార్క్రమ్‌ (31), రియాన్‌ రికెల్టన్‌ (23) వికెట్లు తీసి ఆదిలోనే సఫారీలకు షాకిచ్చాడు. ఇక చైనామన్‌ స్పిన్నర్‌ కుల్దీప్‌ యాదవ్‌.. సౌతాఫ్రికా వన్‌డౌన్‌ బ్యాటర్‌ వియాన్‌ ముల్దర్‌ (24)తో పాటు కెప్టెన్‌ తెంబా బవుమా (3) వికెట్లను తన ఖాతాలో వేసుకున్నాడు.సౌతాఫ్రికా ఆలౌట్‌.. స్కోరెంతంటే?ఆ తర్వాత బుమ్రా మరోసారి తన పేస్‌ పదునుతో టోనీ డి జోర్జి (24)ని బౌల్డ్‌ చేయగా.. వికెట్‌ కీపర్‌ వెరెన్నె (16)ను వికెట్ల ముందు దొరకబుచ్చుకున్న సిరాజ్‌.. మార్కో యాన్సెన్‌ (0)ను డకౌట్‌ చేశాడు. ఇక స్పిన్నర్‌ అక్షర్‌ పటేల్‌.. కార్బిన్‌ బాష్‌ (3)ను ఎల్బీడబ్ల్యూ చేసి ఒక వికెట్‌ దక్కించుకోగా.. సైమన్‌ హార్మర్‌ (5)ను తొమ్మిదో వికెట్‌గా బుమ్రా వెనక్కి పంపాడు.ఆ తర్వాత కేశవ్‌ మహరాజ్‌ (0)ను ఎల్బీడబ్ల్యూగా వెనక్కి పంపిన బుమ్రా.. ఐదు వికెట్ల లాంఛనాన్ని పూర్తి చేసుకుని... సౌతాఫ్రికా కథను ముగించాడు. తొలి ఇన్నింగ్స్‌లో 55 ఓవర్లలో 159 పరుగులు చేసిన సౌతాఫ్రికా ఆలౌట్‌ అయింది.భారత్‌ వర్సెస్‌ సౌతాఫ్రికా తొలి టెస్టు తుది జట్లుభారత్యశస్వి జైస్వాల్, కేఎల్ రాహుల్, వాషింగ్టన్ సుందర్, శుబ్‌మన్‌ గిల్ (కెప్టెన్‌), రిషభ్‌ పంత్ (వికెట్ కీపర్‌), రవీంద్ర జడేజా, ధ్రువ్ జురెల్, అక్షర్ పటేల్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్.దక్షిణాఫ్రికా ఐడెన్ మార్క్రమ్‌, ర్యాన్ రికెల్టన్, వియాన్ ముల్డర్, తెంబా బావుమా (కెప్టెన్‌), టోనీ డి జోర్జి, ట్రిస్టన్ స్టబ్స్, కైల్ వెరెన్ని (వికెట్ కీపర్‌), సైమన్ హార్మర్, మార్కో యాన్సెన్, కార్బిన్ బాష్, కేశవ్ మహారాజ్చదవండి: IND vs SA: అతడిని ఎందుకు పక్కన పెట్టారు? గంభీర్‌పై కుంబ్లే ఫైర్‌

కరారా: ఆ్రస్టేలియా పర్యటనలో వన్డే సిరీస్‌ను కోల్పోయిన భారత జట్టు టి20 సిరీస్‌ను కోల్పోకుండా తిరిగి రావడం ఖాయమైంది. చివరి పోరులో సత్తా చాటితే సిరీస్‌ను గెలుచుకునే అవకాశం కూడా టీమిండియా ముందుంది. గురువారం ఏకపక్షంగా సాగిన నాలుగో టి20 మ్యాచ్‌లో భారత్‌ 48 పరుగుల తేడాతో ఆ్రస్టేలియాను ఓడించింది. తాజా ఫలితంతో ఐదు మ్యాచ్‌ల సిరీస్‌లో 2–1తో ఆధిక్యంలో నిలిచింది. తొలి మ్యాచ్‌ వర్షం కారణంగా రద్దయింది. టాస్‌ ఓడి ముందుగా బ్యాటింగ్‌కు దిగిన భారత్‌ 20 ఓవర్లలో 8 వికెట్ల నష్టానికి 167 పరుగులు చేసింది. శుబ్‌మన్‌ గిల్‌ (39 బంతుల్లో 46; 4 ఫోర్లు, 1 సిక్స్‌) టాప్‌ స్కోరర్‌గా నిలవగా... అభిషేక్‌ శర్మ (21 బంతుల్లో 28; 3 ఫోర్లు, 1 సిక్స్‌), శివమ్‌ దూబే (18 బంతుల్లో 22; 1 ఫోర్, 1 సిక్స్‌), అక్షర్‌ పటేల్‌ (11 బంతుల్లో 21 నాటౌట్‌; 1 ఫోర్, 1 సిక్స్‌), సూర్యకుమార్‌ యాదవ్‌ (10 బంతుల్లో 20; 2 సిక్స్‌లు) కీలక పరుగులు సాధించారు. గిల్, అభిషేక్‌ తొలి వికెట్‌కు 40 బంతుల్లో 56 పరుగులు జోడించి సరైన ఆరంభం అందించగా, తర్వాతి బ్యాటర్లు తలా ఓ చేయి వేశారు. ఆసీస్‌ బౌలర్లలో ఎలిస్, జంపా చెరో 3 వికెట్లు పడగొట్టారు. అనంతరం ఆ్రస్టేలియా 18.2 ఓవర్లలో 119 పరుగులకే కుప్పకూలింది. కెప్టెన్‌ మిచెల్‌ మార్ష్ (24 బంతుల్లో 30; 4 ఫోర్లు), మాథ్యూ షార్ట్‌ (19 బంతుల్లో 25; 2 ఫోర్లు, 2 సిక్స్‌లు) మినహా ఇతర బ్యాటర్లు ప్రభావం చూపలేకపోయారు. ఒకదశలో 91/3తో మెరుగైన స్థితిలో కనిపించిన ఆసీస్‌ తర్వాతి 28 పరుగులకే మిగిలిన 7 వికెట్లు చేజార్చుకొని కుదేలైంది. వాషింగ్టన్‌ సుందర్‌ 8 బంతులు వేసి 3 పరుగులిచ్చి 3 వికెట్లు పడగొట్టగా... అక్షర్‌ పటేల్, శివమ్‌ దూబే చెరో 2 వికెట్లు తీశారు. ఆల్‌రౌండ్‌ ప్రదర్శన కనబర్చిన అక్షర్‌ పటేల్‌ ‘ప్లేయర్‌ ఆఫ్‌ ద మ్యాచ్‌’గా ఎంపికయ్యాడు. ఇరు జట్ల మధ్యచివరిదైన ఐదో టి20 శనివారం బ్రిస్బేన్‌లో జరుగుతుంది. స్కోరు వివరాలు భారత్‌ ఇన్నింగ్స్‌: అభిషేక్‌ (సి) డేవిడ్‌ (బి) జంపా 28; గిల్‌ (బి) ఎలిస్‌ 46; దూబే (బి) ఎలిస్‌ 22; సూర్యకుమార్‌ (సి) డేవిడ్‌ (బి) బార్త్‌లెట్‌ 20; తిలక్‌ వర్మ (సి) ఇన్‌గ్లిస్‌ (బి) జంపా 5; జితేశ్‌ (ఎల్బీ) (బి) జంపా 3; సుందర్‌ (సి) (సబ్‌) కునెమన్‌ (బి) ఎలిస్‌ 12; అక్షర్‌ పటేల్‌ (నాటౌట్‌) 21; అర్ష్దీప్‌ (సి) ఫిలిప్‌ (బి) స్టొయినిస్‌ 0; వరుణ్‌ (నాటౌట్‌) 1; ఎక్స్‌ట్రాలు 9; మొత్తం (20 ఓవర్లలో 8 వికెట్లకు) 167. వికెట్ల పతనం: 1–56, 2–88, 3–121, 4–125, 5–131, 6–136, 7–152, 8–164. బౌలింగ్‌: డ్వార్‌షుయిస్‌ 4–0–31–0, బార్త్‌లెట్‌ 4–0–26–1, ఎలిస్‌ 4–0–21–3, స్టొయినిస్‌ 4–0–41–1, జంపా 4–0–45–3. ఆస్ట్రేలియా ఇన్నింగ్స్‌: మార్ష్ (సి) అర్ష్దీప్‌ (బి) దూబే 30; షార్ట్‌ (ఎల్బీ) (బి) అక్షర్‌ 25; ఇన్‌గ్లిస్‌ (బి) అక్షర్‌ 12; డేవిడ్‌ (సి) సూర్యకుమార్‌ (బి) దూబే 14; ఫిలిప్‌ (సి) వరుణ్‌ (బి) అర్ష్దీప్‌ 10; స్టొయినిస్‌ (ఎల్బీ) (బి) సుందర్‌ 17; మ్యాక్స్‌వెల్‌ (బి) వరుణ్‌ 2; డ్వార్‌షుయిస్‌ (బి) బుమ్రా 5; బార్త్‌లెట్‌ (సి అండ్‌ బి) సుందర్‌ 0; ఎలిస్‌ (నాటౌట్‌) 2; జంపా (సి) గిల్‌ (బి) సుందర్‌ 0; ఎక్స్‌ట్రాలు 2; మొత్తం (18.2 ఓవర్లలో ఆలౌట్‌) 119. వికెట్ల పతనం: 1–37, 2–67, 3–70, 4–91, 5–98, 6–103, 7–116, 8–116, 9–118, 10–119. బౌలింగ్‌: అర్ష్దీప్‌ 3–0–22–1, బుమ్రా 4–0–27–1, వరుణ్‌ 4–0–26–1, అక్షర్‌ 4–0–20–2, దూబే 2–0–20–2, సుందర్‌ 1.2–0–3–3.

క్వీన్స్‌లాండ్ వేదికగా ఆస్ట్రేలియా(Australia)తో జరిగిన నాలుగో టీ20లో 48 పరుగుల తేడాతో భారత్(India) ఘన విజయం సాధించింది. దీంతో ఐదు మ్యాచ్‌ల టీ20 సిరీస్‌లో 2-1 ఆధిక్యంలో వెళ్లింది. భారత్‌ నిర్ధేశించిన 168 పరుగుల లక్ష్యాన్ని చేధించలేక కంగారులు చతకలపడ్డారు. లక్ష్య చేధనలో ఆసీస్‌ 18.2 ఓవర్లలో 119 పరుగులకే కుప్పకూలింది. ఆసీస్‌ ఓపెనర్లు మిచెల్‌ మార్ష్‌(30), మాథ్యూ షార్ట్‌(25) ఘనమైన ఆరంభాన్ని ఇచ్చినప్పటికి మిడిలార్డర్‌ విఫలం కావడంతో ఆస్ట్రేలియా ఓటమి చవిచూడాల్సి వచ్చింది. అక్షర్‌ మ్యాజిక్‌..భారత స్పిన్నర్‌ అక్షర్‌ పటేల్‌ బంతితో మ్యాజిక్‌ చేశాడు. తన నాలుగు ఓవర్ల కోటాలో కేవలం 20 పరుగులు మాత్రమే ఇచ్చి రెండు కీలక వికెట్లను పడగొట్టాడు. అక్షర్‌ దూకుడుగా ఆడుతున్న షార్ట్‌ను ఔట్‌ చేసి భారత్‌కు తొలి వికెట్‌ను అందించాడు. అతడితో పాటు వాషింగ్టన్‌ సుందర్‌ మూడు, శివమ్‌ దూబే రెండు, వరుణ్‌ చక్రవర్తి, బుమ్రా అర్ష్‌దీప్‌ సింగ్‌ తలా వికెట్‌ సాధించారు.రాణించిన గిల్‌..అంతకుముందు బ్యాటింగ్ టీమిండియా నిర్ణీత 20 ఓవ‌ర్ల‌లో 8 వికెట్ల న‌ష్టానికి 167 ప‌రుగులు చేసింది. భార‌త బ్యాట‌ర్ల‌లో శుభ్‌మన్ గిల్ 46 ప‌రుగుల‌తో టాప్ స్కోరర్‌గా నిలిచాడు. కానీ అతడు 120 కంటే తక్కువ స్ట్రైక్‌ రేట్‌తో బ్యాటింగ్ చేశాడు. ఇక గిల్‌తో పాటు అభిషేక్‌ శర్మ(28), అక్షర్‌ పటేల్‌(21) రాణించారు.ఆస్ట్రేలియా బౌలర్లలో నాథన్ ఎల్లిస్, ఆడమ్ జంపా మూడేసి వికెట్లతో సత్తాచాటారు. ఇక ఇరు జట్ల మధ్య ఐదో టీ20 బ్రిస్బేన్ వేదికగా శనివారం జరగనుంది. ఈ మ్యాచ్‌లో భారత్ విజయం సాధిస్తే 3-1తో సిరీస్ సొంతం​ చేసుకుంటుంది. ఒకవేళ ఓడిపోతే 2-2 సిరీస్ సమంగా ముగుస్తుంది.చదవండి: IND vs AUS: గంభీర్ పిచ్చి ప్రయోగం.. అట్టర్‌ ప్లాప్‌Same matchup, same result! 😎Varun’s googly does the trick yet again as Maxwell’s off stump takes the hit! 🎯#AUSvIND 👉 4th T20I | LIVE NOW 👉 https://t.co/HUqC93tuuG pic.twitter.com/wrFxyTxV85— Star Sports (@StarSportsIndia) November 6, 2025

టీమిండియా ఆస్ట్రేలియాతో ఐదు టీ20 మ్యాచ్‌లకు సిద్ధమైంది. అక్టోబరు 29- నవంబరు 8 వరకు ఈ సిరీస్‌ నిర్వహణకు షెడ్యూల్‌ ఖరారైంది. ఈ నేపథ్యంలో భారత జట్టును పరిశీలిస్తే ఇందులో ఏకంగా ఎనిమిది మంది ఎడమచేతి వాటం గల ఆటగాళ్లు ఉన్నారు.మరి లెఫ్టాండర్ల వల్ల జట్టుకు అదనపు ప్రయోజనాలు ఏమైనా ఉంటాయా? వీరిని ఎక్కువగా తుదిజట్టులోకి తీసుకోవడం వల్లే కలిగే లాభాలు ఏమిటో తెలుసుకుందాం!బ్రియన్‌ లారా మారథాన్‌ ఇన్నింగ్స్‌ నుంచి ఆడం గిల్‌క్రిస్ట్‌ విధ్వంసకర ఇన్నింగ్స్‌, సౌరవ్‌ గంగూలీ మెరుపులు .. ఎడమచేతి వాటం బ్యాటర్ల అద్భుత ప్రదర్శనలకు ఇవి నిదర్శనాలు.అడ్వాంటేజ్‌ ఏంటి?క్రికెట్‌లో కుడిచేతి వాటం బ్యాటర్లే ఎక్కువ. కాబట్టి బౌలర్లు కూడా అందుకు తగ్గట్లుగానే శిక్షణలో ఎక్కువగా రైట్‌ హ్యాండ్‌ బ్యాటర్లకే బౌల్‌ చేస్తూ ఉంటారు. కాబట్టి లెఫ్టాండర్లు బరిలో ఉన్నపుడు వారి లైన్‌ అండ్‌ లెంగ్త్‌ మార్చుకోవాల్సి ఉంటుంది.ఒకవేళ క్రీజులో లెఫ్ట్‌- రైట్‌ బ్యాటర్లు జోడీగా ఉన్నారంటే బౌలర్లకు వారిని విడదీయడం మరింత కష్టతరంగా మారుతుంది. ముఖ్యంగా స్ట్రైక్‌ రొటేట్‌ చేసుకుంటూ ఇద్దరూ దంచికొడుతున్నారంటే.. బౌలర్ల రిథమ్‌ దెబ్బ తింటుంది. ఫీల్డింగ్‌లోనూ మార్పులు చేయడం బౌలింగ్‌ చేస్తున్న కెప్టెన్‌కు తలనొప్పిగా మారుతుంది. తరచూ ఫీల్డర్లను మార్చడం కూడా మైనస్‌గా మారుతుంది.డేటా ఏం చెబుతోంది?తమ రైట్‌ హ్యాండ్‌ కౌంటర్‌పార్ట్స్‌ కంటే లెఫ్టాండర్లు మూడు ఫార్మాట్లలోనూ రాణించిన దాఖలాలు ఎన్నో ఉన్నాయి. టెస్టు క్రికెట్‌లో లెఫ్టాండర్లు విండీస్‌ లెజెండ్‌ బ్రియన్‌ లారా, శ్రీలంక దిగ్గజం కుమార్‌ సంగక్కర వేల కొద్దీ పరుగులు రాబట్టారు. సంగక్కర టెస్టుల్లో 12,400 పరుగులు సాధిస్తే.. లారా 11,953 పరుగులు స్కోరు చేశాడు.ఇక వన్డేల్లో సౌరవ్‌ గంగూలీ, శిఖర్‌ ధావన్‌ టీమిండియా తరఫున అద్భుత ప్రదర్శనలు కనబరిచారు. గంగూలీ 311 వన్డేల్లో 11363 పరుగులు స్కోరు చేస్తే.. 167 వన్డేలు ఆడి 6793 రన్స్‌ రాబట్టాడు.అదే విధంగా టీ20 ఫార్మాట్లో డేవిడ్‌ వార్నర్‌ అద్భుతంగా రాణించగా.. ప్రస్తుతం టీమిండియాలో ఉన్న అభిషేక్‌ శర్మ, తిలక్‌ వర్మ ఆకాశమే హద్దుగా చెలరేగుతున్న విషయం తెలిసిందే.మ్యాచ్‌ స్వరూపాన్ని మలుపు తిప్పగలరు!లెఫ్టాండ్‌ బ్యాటర్లు ఆఫ్‌ స్పిన్నర్లను సమర్థవంతంగా ఎదుర్కోగలరు. స్పిన్నర్ల బౌలింగ్‌లో వీరికి షాట్‌ సెలక్షన్‌ సులభంగా ఉంటుంది.పవర్‌ ప్లే, డెత్‌ ఓవర్లలోనూ వీరి సంప్రదాయ విరుద్ధ బ్యాటింగ్‌ కారణంగా ప్రత్యర్థి బౌలర్లు, ఫీల్డర్లను మార్పు చేసే క్రమంలో గందరగోళానికి గురయ్యే అవకాశం ఉంటుంది. ఇలాంటి కీలక సమయాల్లో వ్యూహాలు మార్చుకోవాల్సి రావడం విజయావకాశాలను దెబ్బ తీస్తుంది.సైకలాజికల్‌ ఎడ్జ్‌కుడిచేతి వాటం బౌలర్లు లెఫ్టాండర్‌ బ్యాటర్లను ఎదుర్కొనేటపుడు సవాళ్లు ఎదుర్కొంటారు. ప్రతిసారి లైన్‌ అండ్‌ లెంగ్త్‌ మార్చడం వారికి కఠినతరంగా మారుతుంది. ఫీల్డింగ్‌ ప్లేస్‌మెంట్లను తరచూ మార్చాల్సి రావడం వల్ల బ్యాటర్లకు పరుగులు స్కోరు చేసే అవకాశాలు పెరుగుతాయి.లెజెండరీ లెఫ్టాండ్‌ బ్యాటర్లుబ్రియన్‌ లారా టెస్టుల్లో క్వాడ్రపుల్‌ (400*) సెంచరీ చేసి ఇప్పటికీ తన పేరిటే ఆ రికార్డును పదిలం చేసుకున్నాడు. ఆస్ట్రేలియా దిగ్గజం ఆడం గిల్‌క్రిస్ట్‌ వన్డే, టెస్టుల్లో తనదైన ముద్ర వేశాడు. ఇక క్రిస్‌ గేల్‌, యువరాజ్‌ సింగ్‌ల గురించి త్యేకంగా చెప్పాల్సిన పనిలేదు. భారత యువ సంచలనం వైభవ్‌ సూర్యవంశీ కూడా లెఫ్టాండ్‌ బ్యాటరే. ఇప్పటికే యూత్‌ వన్డే, యూత్‌ టెస్టులలో వైభవ్‌ ఇరగదీస్తున్నాడు.భారత ప్రస్తుత టీ20 జట్టులో ఎనిమిది మందిఆస్ట్రేలియా పర్యటనలో ఉన్న ప్రస్తుత భారత టీ20 జట్టులో ఏకంగా ఎనిమిది మంది ఎడమచేతి వాటం ఆటగాళ్లు ఉన్నారు. టాపార్డర్‌లో విధ్వంసకర ఓపెనర్‌ అభిషేక్‌ శర్మ.. వన్‌డౌన్‌లో తిలక్‌వర్మ అందుబాటులో ఉన్నారు. వీరిద్దరు స్పిన్‌ బౌలింగ్‌ కూడా చేయగలరు. ఇక పేస్‌ బౌలింగ్‌ ఆల్‌రౌండర్‌ శివం దూబేతో పాటు నయా ఫినిషర్‌ రింకూ సింగ్‌ కూడా లెఫ్టాండరే. వీరితో పాటు స్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌, వాషింగ్టన్‌ సుందర్‌ కూడా ఎడమచేతి వాటం గల ప్లేయర్లే. స్పిన్‌ కోటాలో కుల్దీప్‌ యాదవ్‌, పేసర్ల కోటాలో అర్ష్‌దీప్‌ సింగ్‌ లెఫ్టాండర్ల జాబితాలో ఉన్నారు.చదవండి: స్పృహ తప్పి పడిపోయాడు!.. ప్రాణాపాయమే!;.. ​కీలక అప్‌డేట్‌ ఇచ్చిన సూర్య

ఆస్ట్రేలియాతో రెండో వన్డేలో టీమిండియా మెరుగైన స్కోరు సాధించింది. మాజీ కెప్టెన్‌ రోహిత్‌ శర్మ (Rohit Sharma)తో పాటు వైస్‌ కెప్టెన్‌ శ్రేయస్‌ అయ్యర్‌ (Shreyas Iyer) అర్థ శతకాలతో రాణించగా.. ఆల్‌రౌండర్‌ అక్షర్‌ పటేల్‌తో పాటు లోయర్‌ ఆర్డర్‌లో పేస్‌ బౌలర్‌ హర్షిత్‌ రాణా (Harshit Rana) అదరగొట్టారు. ఫలితంగా నిర్ణీత 50 ఓవర్లలో తొమ్మిది వికెట్ల నష్టానికి 264 పరుగులు చేయగలిగింది. కాగా మూడు వన్డేలు, ఐదు టీ20లు ఆడేందుకు టీమిండియా ఆస్ట్రేలియాతో పర్యటిస్తున్న విషయం తెలిసిందే. ఇందులో భాగంగా ఇరుజట్ల మధ్య పెర్త్‌లో తొలి వన్డే జరుగగా.. ఆతిథ్య ఆసీస్‌ ఏడు వికెట్ల తేడాతో గెలిచింది. ఈ క్రమంలో ఆడిలైడ్‌లో గురువారం నాటి రెండో వన్డేలోనూ టాస్‌ ఓడిన టీమిండియా తొలుత బ్యాటింగ్‌ చేసింది.A tough day for the King of Cricket 👑@imVkohli waved goodbye to the Adelaide crowd 🏏💬#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/yAG1uQFPA8— Star Sports (@StarSportsIndia) October 23, 2025గిల్‌, కోహ్లి ఫెయిల్‌ఓపెనర్‌, కెప్టెన్‌ శుబ్‌మన్‌ గిల్‌ (9)తో పాటు వన్‌డౌన్‌ బ్యాటర్‌ విరాట్‌ కోహ్లి (0)లను వరుస బంతుల్లో ఆసీస్‌ యువ పేసర్‌ జేవియర్‌ బార్ట్‌లెట్‌ పెవిలియన్‌కు పంపాడు. దీంతో ఆదిలోనే టీమిండియాకు భారీ షాక్‌ తగిలింది. ఈ నేపథ్యంలో మరో ఓపెనర్‌ రోహిత్‌ శర్మ, నాలుగో నంబర్‌ బ్యాటర్‌ శ్రేయస్‌ అయ్యర్‌ ఇన్నింగ్స్‌ చక్కదిద్దే బాధ్యత తీసుకున్నారు.రోహిత్‌, శ్రేయస్‌ హాఫ్‌ సెంచరీలునెమ్మదిగా, నిలకడగా ఆడుతూ ఇన్నింగ్స్‌ నిర్మించారు. ఈ క్రమంలో రోహిత్‌ శర్మ 74 బంతుల్లో అర్ధ శతకం పూర్తి చేసుకున్నాడు. మొత్తంగా 97 బంతులు ఎదుర్కొన్న హిట్‌మ్యాన్‌ ఏడు ఫోర్లు, రెండు సిక్సర్ల సాయంతో 73 పరుగులు చేశాడు. అయితే, మిచెల్‌ స్టార్క్‌ బౌలింగ్‌లో హాజిల్‌వుడ్‌కు క్యాచ్‌ ఇవ్వడంతో రోహిత్‌ పెవిలియన్‌కు చేరాడు.Making Head(s) turn! 🚨#AxarPatel sends it straight back over the bowler's head for a boundary. 💪#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/GSBJAAzEbG— Star Sports (@StarSportsIndia) October 23, 2025వేగంగా ఆడిన అక్షర్‌, హర్షిత్‌ఇక శ్రేయస్‌ అయ్యర్‌ 77 బంతులు ఎదుర్కొని ఏడు ఫోర్లు బాది 61 పరుగుల వద్ద.. ఆడం జంపా బౌలింగ్‌లో బౌల్డ్‌ అయ్యాడు. ఈ క్రమంలో ఆల్‌రౌండర్‌ అక్షర్‌ పటేల్‌ వేగంగా ఆడే ప్రయత్నం చేశాడు. 41 బంతుల్లో ఐదు ఫోర్లు కొట్టిన అక్షర్‌ హాఫ్‌ సెంచరీ (44)కి ఆరు పరుగుల దూరంలో ఉన్న వేళ.. జంపా బౌలింగ్‌లో అవుటయ్యాడు.Crucial runs for #TeamIndia from the blade of #HarshitRana! 👏#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/lUjw3AVjEt— Star Sports (@StarSportsIndia) October 23, 2025ఇతరులలో వికెట్‌ కీపర్‌ బ్యాటర్‌ కేఎల్‌ రాహుల్‌ (11), ఆల్‌రౌండర్లు వాషింగ్టన్‌ సుందర్‌ (12), నితీశ్‌ కుమార్‌ రెడ్డి (8) విఫలం కాగా.. టెయిలెండర్‌ హర్షిత్‌ రాణా ధనాధన్‌ ఇన్నింగ్స్‌ ఆడాడు. 18 బంతుల్లో మూడు ఫోర్ల సాయంతో 24 పరుగులతో అజేయంగా నిలిచాడు. మరో పేసర్‌ అర్ష్‌దీప్‌ సింగ్‌ 14 బంతులు ఎదుర్కొని 13 పరుగులు చేశాడు.#ArshdeepSingh bhai, how much room is too much room? 🙌😄#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/bNwG2pNnt3— Star Sports (@StarSportsIndia) October 23, 2025జంపాకు నాలుగు వికెట్లుఈ నేపథ్యంలో తొమ్మిది వికెట్ల నష్టానికి టీమిండియా 264 పరుగులు సాధించి.. ఆసీస్‌కు 265 పరుగుల లక్ష్యం విధించింది. ఇక ఆస్ట్రేలియా బౌలర్లలో స్పిన్నర్‌ ఆడం జంపా అత్యధికంగా నాలుగు వికెట్లు తీయగా.. పేసర్లు బార్ట్‌లెట్‌ మూడు, స్టార్క్‌ రెండు వికెట్లు దక్కించుకున్నారు. చదవండి: డకౌట్‌ తర్వాత కోహ్లి చర్య వైరల్‌.. గుడ్‌బై చెప్పేశాడా?

పెర్త్‌: స్టార్‌ ఆటగాళ్లు విరాట్‌ కోహ్లి, రోహిత్‌ శర్మ సమక్షంలో శుబ్‌మన్‌ గిల్‌ వన్డే కెప్టెన్‌గా రాటుదేలుతాడని భారత ఆల్‌రౌండర్‌ అక్షర్‌ పటేల్‌ అభిప్రాయ పడ్డాడు. ఇద్దరు సీనియర్‌ బ్యాటర్లు తమ అనుభవంతో గిల్‌కు సరైన మార్గనిర్దేశనం చేయగలరని అతను అన్నాడు. ‘గిల్‌కు కెప్టెన్‌గా ఇది సరైన సమయం. కెప్టెన్లుగా పని చేసిన రోహిత్, కోహ్లి జట్టుతో ఉన్నారు. వారు అతనికి తమ వైపునుంచి సహాయపడగలరు. ఇది గిల్‌ నాయకుడిగా ఎదగడంలో ఉపయోగపడుతుంది. ఇప్పటి వరకు తాను కెప్టెన్‌గా వ్యవహరించిన మ్యాచ్‌లలో ఎప్పుడూ ఒత్తిడికి లోను కాకపోవడం గిల్‌కు సంబంధించి అతి పెద్ద సానుకూలత’ అని అక్షర్‌ వ్యాఖ్యానించాడు. కోహ్లి, రోహిత్‌ల ఆట గురించి తాను ప్రత్యేకంగా చెప్పనవసరం లేదని అక్షర్‌ గుర్తు చేశాడు. ‘కోహ్లి, రోహిత్‌ అత్యున్నత స్థాయి క్రికెటర్లు. వారి ఫామ్‌లో ఎలా ఉందో తొలి వన్డేలో తెలుస్తుంది. ప్రొఫెషనల్‌ ఆటగాళ్లుగా తాము ఏం చేయాలో వారిద్దరికి బాగా తెలుసు. సీఓఈలో ప్రాక్టీస్‌ చేసి ఈ సిరీస్‌కు సిద్ధమయ్యారు. నెట్స్‌లో, ఫిట్‌నెస్‌పరంగా కూడా చాలా చురుగ్గా కనిపిస్తున్నారు’ అని అక్షర్‌ వెల్లడించాడు. ఆ్రస్టేలియాలో ఎలాంటి పిచ్‌లు ఎదురైనా తమకు ఇబ్బంది లేదని, తాము పిచ్‌ల గురించి మాట్లాడటం మానేసి వ్యూహాలపైనే చర్చిస్తున్నామని అతను స్పష్టం చేశాడు. ‘ఒకప్పుడు మన జట్టు ఆ్రస్టేలియాకు వస్తే పిచ్‌లు, పరిస్థితులు, బౌన్స్‌ల గురించి చర్చ జరిగేది. మేం చాలా తక్కువగా కూడా అక్కడ ఆడేవాళ్లం. కానీ 2015 వరల్డ్‌ కప్‌ తర్వాత పరిస్థితి మారింది. మేం ఇక్కడ ఎక్కువగా ఆడటం మొదలు పెట్టడంతో బ్యాటింగ్‌ కూడా మెరుగైంది. ఇప్పుడైతే ఆ్రస్టేలియాలో ఆడుతున్నట్లు అనిపించడం లేదు. ప్రత్యేకంగా సన్నద్ధం కావాల్సిన అవసరమూ లేదు. పిచ్‌ గురించి కాకుండా పరుగులు ఎలా చేయాలి తదితర ప్రణాళికల గురించే మాట్లాడుకుంటున్నాం’ అని అక్షర్‌ వివరించాడు. ఆసియా కప్‌లో తాను బాగా ఆడానని, ఆ్రస్టేలియా గడ్డపై సవాల్‌కు తాను సిద్ధంగా ఉన్నట్లు అతను పేర్కొన్నాడు.

ఆసియా కప్‌ 2025లో (Asia cup 2025) భాగంగా బంగ్లాదేశ్‌తో ఇవాళ (సెప్టెంబర్‌ 24) జరుగుతున్న సూపర్‌-4 మ్యాచ్‌లో (India vs Bangladesh) టాస్‌ ఓడి తొలుత బ్యాటింగ్‌కు దిగిన భారత జట్టు నామమాత్రపు స్కోర్‌కు పరిమితమైంది. ఓపెనర్లు అభిషేక్‌ శర్మ (37 బంతుల్లో 75; 6 ఫోర్లు, 5 సిక్సర్లు), శుభ్‌మన్‌ గిల్‌ (19 బంతుల్లో 29; 2 ఫోర్లు, సిక్స్‌) మంచి ఆరంభాన్ని ఇచ్చినా నిర్ణీత 20 ఓవర్లలో 6 వికెట్ల నష్టానికి 168 పరుగులే చేసింది.అభిషేక్‌ క్రీజ్‌లో ఉండగా భారత్‌ స్కోర్‌ తప్పకుండా 200 పరుగులు దాటుతుందని అంతా అనుకున్నారు. అయితే అతను ఔట్‌ కావడంతో పరిస్థితితారుమారైంది. కెప్టెన్‌ సూర్యకుమార్‌ యాదవ్‌ (Surya kumar Yadav) బంతులు వృధా చేసి (11 బంతుల్లో 5) ఔటయ్యాడు. అంతకుముందే శివమ్‌ దూబే (2) నిరాశపరిచాడు.తిలక్‌ వర్మ (7 బంతుల్లో 5) కూడా స్థాయికి తగ్గట్టుగా ఆడలేకపోయాడు. హార్దిక్‌ పాండ్యా (29 బంతుల్లో 38; 4 ఫోర్లు, సిక్స్‌) ఓ మోస్తరు ఇన్నింగ్స్‌ ఆడినా.. టీ20 స్థాయి తగ్గట్టుగా లేదు. అక్షర్‌ పటేల్‌ (15 బంతుల్లో 10 నాటౌట్‌) దారుణంగా ఆడాడు. చివరి ఓవర్‌లో బంతులు వృధా చేసి భారత్‌ ఓ మోస్తరు స్కోర్‌కే పరిమితమయ్యేలా చేశాడు.తొలి 11 ఓవర్లలో 2 వికెట్ల నష్టానికి 112 పరుగులు చేసిన భారత్‌.. చివరి 9 ఓవర్లలో కేవలం 56 పరుగులే చేసి నాలుగు వికెట్లు కోల్పోయింది.మంచి ఆరంభం లభించినా టీమిండియా నామమాత్రపు స్కోర్‌కు పరిమితమవడానికి అభిషేక్‌, గిల్‌ మినహా అంతా కారణమైనప్పటికీ.. భారత అభిమానులు మాత్రం కెప్టెన్‌ సూర్యకుమార్‌ యాదవ్‌ను నిందిస్తున్నారు. బ్యాటింగ్‌ ఆర్డర్‌లో ఇన్‌ ఫామ్‌ బ్యాటర్‌ సంజూ శాంసన్‌ను కాదని అక్షర్‌ పటేల్‌ను ముందుగా పంపడాన్ని తప్పుబడుతున్నారు. శివమ్‌ దూబే విషయంలోనూ (తిలక్‌ వర్మను కాదని దూబేను వన్‌డౌన్‌లో పంపారు) ఇదే అభిప్రాయాన్ని వ్యక్తపరుస్తున్నారు. వ్యక్తితంగా విఫలమవడాన్ని నిందిస్తున్నారు. మొత్తంగా బ్యాటింగ్‌ ఆర్డర్‌లో అనవసర మార్పులపై ఫైరవుతున్నారు.భారత బ్యాటింగ్‌ ఆర్డర్‌లో మార్పుల గురించి అటుంచితే, ఈ మ్యాచ్‌లో బంగ్లా బౌలర్లకు క్రెడిట్‌ ఇవ్వాలి. భారత ఆటగాళ్ల వరుస విరామాల్లో ఔట్‌ చేసి ఒత్తిడి తెచ్చారు. ముస్తాఫిజుర్‌ తన అనుభవాన్నంతా రంగరించి చివరి ఓవర్‌ అద్భుతంగా బౌలింగ్‌ చేశాడు. రిషద్‌ హొసేన్‌, తంజిమ్‌ హసన్‌ కూడా భారత బ్యాటర్లను ఇబ్బంది పెట్టారు.169 పరుగుల నామమాత్రపు లక్ష్యాన్ని కాపాడుకునేందుకు బరిలోకి దిగిన భారత్‌.. ఆదిలోనే సత్ఫలితాన్ని రాబట్టగలిగింది. బుమ్రా తన తొలి ఓవర్‌లోనే తంజిద్‌ను (1) ఔట్‌ చేశాడు. ఆతర్వాత కుల్దీప్‌ ధాటిగా ఆడుతున్న పర్వేజ్‌ హొసేన్‌ను (21) పెవిలియన్‌కు పంపాడు. 9 ఓవర్ల తర్వాత బంగ్లా స్కోర్‌ 57/2గా ఉంది. సైఫ్‌ హసన్‌ (24), తౌమిద్‌ హృదోయ్‌ (6) క్రీజ్‌లో ఉన్నారు. చదవండి: Asia cup 2025: చరిత్ర సృష్టించిన అభిషేక్‌ శర్మ

ఆసియా కప్‌-2025 టోర్నమెంట్‌ లీగ్‌ దశను టీమిండియా అజేయంగా ముగించింది. ఆఖరిగా శుక్రవారం ఒమన్‌తో జరిగిన మ్యాచ్‌లో 21 పరుగుల తేడాతో గెలిచి.. గ్రూప్‌-ఎ టేబుల్‌ టాపర్‌గా తన స్థానాన్ని నిలుపుకొంది. తదుపరి సూపర్‌-4 దశలో తమ తొలి మ్యాచ్‌లో భాగంగా భారత్‌.. దాయాది పాకిస్తాన్‌తో తలపడేందుకు షెడ్యూల్‌ ఖరారైంది.అయితే, దుబాయ్‌ వేదికగా ఆదివారం జరిగే ఈ మ్యాచ్‌కు ముందు టీమిండియాకు భారీ షాక్‌ తగిలింది. ఒమన్‌తో మ్యాచ్‌ సందర్భంగా ఆల్‌రౌండర్‌ అక్షర్‌ పటేల్‌ (Axar Patel Injury) గాయపడ్డాడు. భారత్‌ విధించిన లక్ష్యాన్ని ఛేదించే క్రమంలో ఒమన్‌ వన్‌డౌన్‌ బ్యాటర్‌ మహ్మద్‌ మీర్జా (33 బంతుల్లో 51) దూకుడగా ఆడాడు.మైదానానికి బలంగా కొట్టుకున్న తలఈ క్రమంలో పదిహేనో ఓవర్లో శివం దూబే (Shivam Dube) బౌలింగ్‌లో మీర్జా బంతిని గాల్లోకి లేపగా.. మిడాఫ్‌ నుంచి పరిగెత్తుకుని వచ్చిన అక్షర్‌.. క్యాచ్‌ పట్టేందుకు విఫలయత్నం చేశాడు. ఈ క్రమంలో అదుపుతప్పి కిందపడిన అక్షర్‌ తల మైదానానికి బలంగా కొట్టుకుంది.దీంతో ఫిజియో వచ్చి పరీక్షించి.. అతడిని మైదానం నుంచి తీసుకువెళ్లాడు. ఆ తర్వాత అక్షర్‌ మళ్లీ ఫీల్డింగ్‌కు రాలేదు. అయితే, ఈ విషయం గురించి స్పందించిన భారత జట్టు ఫీల్డింగ్‌ కోచ్‌ టి.దిలీప్‌ అప్‌డేట్‌ అందించాడు. అక్షర్‌ పటేల్‌ బాగానే ఉన్నాడని చెప్పాడు.స్పష్టత లేదుకానీ అక్షర్‌ గాయం తీవ్రతపై పూర్తి స్పష్టతనివ్వలేదు. ఈ నేపథ్యంలో పాకిస్తాన్‌తో సూపర్‌-4 మ్యాచ్‌కు అతడు అందుబాటులో ఉంటాడో లేదోనన్న సందిగ్దత నెలకొంది. కాగా యూఏఈ వేదికగా టీ20 ఫార్మాట్లో జరుగుతున్న ఆసియా కప్‌ టోర్నీలో భారత్‌ లీగ్‌ దశలో మూడింటికి మూడు గెలిచింది. యూఏఈ, పాకిస్తాన్‌, ఒమన్‌లను ఓడించి అజేయంగా నిలిచింది. ఇక స్పిన్‌ ఆల్‌రౌండర్‌ అక్షర్‌ పటేల్‌ ఈ మెగా టోర్నీలో ఇప్పటి వరకు రెండు వికెట్లు తీయడంతో పాటు.. 26 పరుగులు సాధించాడు. చదవండి: Asia Cup 2025 Super 4: సూపర్‌-4లో ఆడే జట్లు ఇవే.. షెడ్యూల్‌, టైమింగ్‌ వివరాలు

ఆసియాకప్‌-2025కు టీమిండియా తమ సన్నాహాకాలను ప్రారంభించింది. ఇప్పటికే దుబాయ్‌కు చేరుకున్న భారత జట్టు శుక్రవారం తొలి ప్రాక్టీస్ సెషన్‌లో పాల్గోంది. మరో మూడు రోజుల పాటు ఐసీసీ అకాడమీలో ఏర్పాటు స్పెషల్ ట్రైనింగ్ క్యాంపులో భారత ఆటగాళ్లు చెమటోడ్చనున్నారు. మెన్ ఇన్ బ్లూ తమ తొలి మ్యాచ్‌లో సెప్టెంబర్ 10న యూఏఈతో తలపడనుంది. ఈ నేపథ్యంలో టీమిండియా స్టార్ ఆల్‌రౌండర్ అక్షర్ పటేల్ గురించి వెటరన్ ఆటగాడు అజింక్య రహానే ఆసక్తికర వ్యాఖ్యలు చేశాడు. టీమిండియా తరపున అద్బుతంగా రాణిస్తున్నప్పటికి, అక్షర్‌కు తగినంత గుర్తింపు దక్కలేదని రహానే తెలిపాడు."అక్షర్ పటేల్ ఒక అండర్‌రేటెడ్‌ ప్లేయర్ అని నేను భావిస్తున్నాను. గత రెండు, మూడేళ్లలో అతడు ఒక క్రికెటర్‌గా అతడు చాలా మెరుగుపడ్డాడు. ఫార్మాట్‌తో సంబంధం లేకుండా అద్బుతంగా రాణిస్తున్నాడు. తనకు వచ్చినప్పుడల్లా బ్యాటర్‌గా, బౌలర్‌గా తన మార్క్‌ను చూపిస్తున్నాడు. పవర్ ప్లేలో కొత్త బంతితో బౌలింగ్ చేసే సత్తా కూడా అక్షర్‌కు ఉంది. మిడిల్ ఫేజ్‌లో కూడా బౌలింగ్ చేయగలడు. అవసరమైతే డెత్ ఓవర్లలో బంతితో మ్యాజిక్ చేయగలడు. అక్షర్ లాంటి ఆటగాడు జట్టులో ఉంటే కెప్టెన్ ఎప్పుడూ సంతోషంగానే ఉంటాడు. అక్షర్ ఫీల్డింగ్‌లో కూడా అద్బుతాలు చేయగలడు. ఆసియాకప్ దుబాయ్‌లో జరగనుంది. అక్కడి పిచ్‌లు ఎక్కువగా స్పిన్నర్లకు అనుకూలంగా ఉంటాయి. కాబట్టి అక్షర్ జట్టుకు ఎక్స్ ఫ్యాక్టర్‌గా మారనున్నాడు" అని యూట్యూబ్ ఛానల్‌లో రహానే పేర్కొన్నాడు. కాగా ఆసియాకప్‌కు ఎంపిక చేసిన భారత జట్టులో అక్షర్ సభ్యునిగా ఉన్నాడు. అయితే భారత టీ20 జట్టు వైస్ కెప్టెన్సీ నుంచి మాత్రం పటేల్‌ను తప్పించారు. అతడి స్దానంలో శుబ్‌మన్ గిల్‌కు ఆ బాధ్యతలు అప్పగించారు.చదవండి: ODI WC 2027: ఇంగ్లండ్‌కు డేంజర్‌ బెల్స్‌.. వ‌న్డే వరల్డ్ కప్‌కు డైరెక్ట్ ఎంట్రీ కష్టమే!?

ఐపీఎల్‌-2026కు ముందు ఢిల్లీ క్యాపిట‌ల్స్ ఫ్రాంచైజీలో కీల‌క మార్పు చోటు చేసుకోనున్న‌ట్లు తెలుస్తోంది. కెప్టెన్ అక్ష‌ర్ పటేల్‌పై వేటు వేసేందుకు ఢిల్లీ క్యాపిట‌ల్స్ సిద్ద‌మైన‌ట్లు స‌మాచారం. న్యూస్ 24 నివేదిక ప్ర‌కారం.. అక్ష‌ర్ స్ధానంలో స్టార్ వికెట్ కీప‌ర్ బ్యాట‌ర్ కేఎల్ రాహుల్‌కు త‌మ జ‌ట్టు ప‌గ్గాల‌ను అప్ప‌గించాల‌ని క్యాపిట‌ల్స్ యాజ‌మాన్యం భావిస్తుందంట‌.వ‌చ్చే ఏడాది సీజ‌న్‌లో అక్ష‌ర్ కేవ‌లం ఆట‌గాడిగా మాత్ర‌మే కొన‌సాగ‌నున్నాడ‌ని స‌ద‌రు రిపోర్ట్ పేర్కొంది. అయితే ఇప్ప‌టివ‌ర‌కు ఢిల్లీ ఫ్రాంచైజీ నుంచి మాత్రం ఎటువంటి అధికారిక ప్ర‌క‌ట‌న రాలేదు. ఐపీఎల్‌-2026కు ముందు ఆయా ఫ్రాంచైజీల‌కు సంబంధించి అనేక వార్త‌లు వ‌స్తున్నాయి.అందులో ఇది ఒక‌టి. కాగా రిష‌బ్ పంత్ ల‌క్నో సూప‌ర్ జెయింట్స్‌కు వెళ్ల‌డంతో ఐపీఎల్‌-2025లో ఢిల్లీ కెప్టెన్‌గా అక్ష‌ర్ ప‌టేల్ ఎంపిక‌య్యాడు. అంద‌రూ కేఎల్ రాహుల్‌ డీసీ కెప్టెన్ అవుతాడ‌ని భావించిన‌ప్ప‌టికి అనూహ్యంగా అక్ష‌ర్‌కు త‌మ జ‌ట్టు ప‌గ్గాల‌ను ఢిల్లీ అప్ప‌గించింది.అయితే రాహుల్ కెప్టెన్సీ బాధ్య‌త‌లు చేప‌ట్టేందుకు మొగ్గు చూప‌క‌పోవ‌డంతోనే అక్ష‌ర్‌ను సార‌థిగా నియ‌మించిన‌ట్లు వార్త‌లు వ‌చ్చాయి. కానీ ఈసారి మాత్రం కెప్టెన్‌గా జ‌ట్టును న‌డిపించేందుకు రాహుల్ ఆస‌క్తిగా ఉన్న‌ట్లు ఐపీఎల్ వ‌ర్గాలు వెల్ల‌డించాయి. త్వ‌రలోనే దీనిపై అధికారిక ప్ర‌క‌ట‌న రానున్న‌ట్లు ప‌లు రిపోర్ట్‌లు పేర్కొంటున్నాయి.కాగా ఈ ఏడాది సీజ‌న్‌లో ఢిల్లీ క్యాపిట‌ల్స్ ప్లే ఆఫ్స్‌కు ఆర్హ‌త సాధించ‌లేక‌పోయింది. 14 మ్యాచ్‌ల‌లో ఐదింట విజ‌యంతో 5వ స్దానంతో ఢిల్లీ స‌రిపెట్టుకుంది. రాహుల్ కెప్టెన్‌గా అపార‌మైన అనుభ‌వం ఉంది. మూడు సీజ‌న్ల పాటు ల‌క్నో సూప‌ర్ జెయింట్స్ కెప్టెన్‌గా రాహుల్ వ్య‌వ‌హ‌రించాడు

టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill).. అంతర్జాతీయ టీ20లలో రీఎంట్రీ ఇచ్చేందుకు సిద్ధమయ్యాడు. ఆసియా కప్‌-2025 (Asia Cup) టోర్నమెంట్‌ ఆడబోయే భారత టీ20 జట్టుకు అతడు ఎంపికయ్యాడు. అంతేకాదు.. పొట్టి ఫార్మాట్లో జరిగే ఈ ఖండాంతర ఈవెంట్లో కెప్టెన్‌ సూర్యకుమార్‌ యాదవ్‌కు గిల్‌ డిప్యూటీగా వ్యవహరించనున్నాడు.ఏడాది కాలంగా దూరంకాగా 2024 జూలైలో శ్రీలంక పర్యటన సందర్భంగా గిల్‌ చివరగా టీ20లలో టీమిండియాకు ఆడాడు. నాడు సూర్య కెప్టెన్సీలో ఓపెనర్‌గా వచ్చిన ఈ కుడిచేతి వాటం బ్యాటర్‌ 39 పరుగులు చేశాడు. అనంతరం.. దాదాపు ఏడాది కాలంగా భారత టీ20 జట్టుకు దూరంగా ఉన్న గిల్‌.. మెగా టోర్నీ నేపథ్యంలో అకస్మాత్తుగా జట్టులోకి రావడమే కాకుండా.. వైస్‌ కెప్టెన్‌గానూ ఎంపిక కావడం గమనార్హం.అక్షర్‌ పటేల్‌ను తప్పించి..ఇన్నాళ్లు టీ20 జట్టు వైస్‌ కెప్టెన్‌గా ఉన్న అక్షర్‌ పటేల్‌ను తప్పించి.. గిల్‌ను సూర్య డిప్యూటీగా నియమించడంపై విమర్శలు వస్తున్నాయి. ఈ నేపథ్యంలో.. ఆసియా కప్‌ జట్టు ప్రకటన సందర్భంగా కెప్టెన్‌ సూర్యకుమార్‌ యాదవ్‌ (Suryakumar Yadav) ఈ విషయంపై స్పందించాడు. అందుకే వైస్‌ కెప్టెన్‌గా గిల్‌‘‘టీ20 ప్రపంచకప్‌-2024లో గెలిచిన తర్వాత టీమిండియా శ్రీలంకలో టీ20 సిరీస్‌ ఆడినపుడు నేను కెప్టెన్‌గా ఉంటే.. గిల్‌ వైస్‌ కెప్టెన్‌గా ఉన్నాడు. నిజానికి టీ20 ప్రపంచకప్‌-2026 కోసం కొత్త సైకిల్‌ను మేము అప్పుడే ఆరంభించాము.అయితే, ఆ తర్వాత వరుస టెస్టు సిరీస్‌లతో గిల్‌ బిజీ అయ్యాడు. అందుకే టీమిండియా తరఫున టీ20 మ్యాచ్‌లు ఆడలేకపోయాడు. అంతేకాదు.. చాంపియన్స్‌ ట్రోఫీతోనూ మరింత బిజీ అయిపోయాడు.అందుకే టీ20లకు కాస్త దూరమయ్యాడు. అతడు తిరిగి జట్టులోకి రావడం సంతోషంగా ఉంది’’ అని సూర్యకుమార్‌ యాదవ్‌ మీడియా సమావేశంలో పేర్కొన్నాడు. కాగా రోహిత్‌ శర్మ అంతర్జాతీయ టీ20 రిటైర్మెంట్‌ తర్వాత సూర్య టీమిండియా టీ20 పగ్గాలు చేపట్టగా.. టెస్టులకు వీడ్కోలు పలికిన నేపథ్యంలో ఇటీవలే గిల్‌ టెస్టు జట్టు సారథి అయ్యాడు.ఇక ఇప్పటికే వన్డేల్లోనూ వైస్‌ కెప్టెన్‌గా ఉన్న గిల్‌.. టీ20లలోనూ రీఎంట్రీ ఇవ్వడంతో అతడిని ఆల్‌ ఫార్మాట్‌ ఫ్యూచర్‌ కెప్టెన్‌గా తీర్చిదిద్దేందుకు సిద్ధమైనట్లు బీసీసీఐ సంకేతాలు ఇచ్చినట్లయింది. కాగా సెప్టెంబరు 9- 28 వరకు యూఏఈ వేదికగా ఆసియా కప్‌ -2025 టోర్నీ జరుగనుంది.ఐపీఎల్‌లో అదరగొట్టాడుఇదిలా ఉంటే.. ఇంగ్లండ్‌ గడ్డ మీద ఆండర్సన్‌- టెండుల్కర్‌ ట్రోఫీ సందర్భంగా శుబ్‌మన్‌ గిల్‌ టీమిండియా టెస్టు కెప్టెన్‌గా తన ప్రయాణం మొదలుపెట్టాడు. బ్యాటర్‌గా 754 పరుగులతో ఇరగదీసిన గిల్‌.. ఎడ్జ్‌బాస్టన్‌లో తొలిసారి భారత్‌కు టెస్టు విజయం అందించాడు. అంతేకాదు.. ఐదు మ్యాచ్‌ల సిరీస్‌ను 2-2తో సమం చేసి సత్తా చాటాడు.అయితే, అంతర్జాతీయ టీ20లలో గిల్‌ ఇప్పటి వరకు 21 మ్యాచ్‌లు ఆడి 139.28 స్ట్రైక్‌రేటుతో 578 పరుగులు చేశాడు. ఇందులో ఓ సెంచరీ (126) ఉంది. ఇక ఐపీఎల్‌-2025లో గుజరాత్‌ టైటాన్స్‌ కెప్టెన్‌గా వ్యవహరించిన గిల్‌.. 15 మ్యాచ్‌లలో కలిపి 650 పరుగులు సాధించాడు. గుజరాత్‌ను ప్లే ఆఫ్స్‌ చేర్చినా టైటిల్‌ మాత్రం అందించలేకపోయాడు.చదవండి: Asia Cup 2025: అందుకే శ్రేయస్‌ను సెలక్ట్‌ చేయలేదు: కుండబద్దలు కొట్టిన అగార్కర్‌#ShubmanGill is back in T20Is! 😳Here's what skipper #SuryakumarYadav has to say about his inclusion as a vice-captain! 🗣Watch the Press Conference Now 👉 https://t.co/kwwh4UUSWe pic.twitter.com/OiX06F3995— Star Sports (@StarSportsIndia) August 19, 2025

ఆసియాక‌ప్‌-2025 సెప్టెంబ‌ర్ 9 నుంచి యూఈఏ వేదిక‌గా ప్రారంభం కానుంది. 8 జ‌ట్లు పాల్గోనే ఈ మెగా టోర్నీకి యూఏఈలోని దుబాయ్‌, అబుదాబిలు ఆతిథ్య‌మివ్వ‌నున్నాయి. ఈ మెగా ఈవెంట్‌కు భార‌త జ‌ట్టును బీసీసీఐ వ‌చ్చే వారం ప్ర‌క‌టించే అవ‌కాశ‌ముంది. ఇప్ప‌టికే అజిత్ అగార్కర్ నేతృత్వంలోని సెలక్షన్ కమిటీ జట్టు ఎంపికపై కసరత్తలు మొదలు పెట్టినట్లు తెలుస్తోంది.సూర్య‌కుమార్ ఫిట్‌..?గ‌త నెల‌లో స్పోర్ట్స్ హెర్నియా సర్జరీ చేయించుకున్న టీమిండియా కెప్టెన్ సూర్య‌కుమార్ యాద‌వ్ టోర్నీ ఆరంభ స‌మ‌యానికి పూర్తి ఫిట్‌నెస్ సాధించ‌నున్నాడు. దీంతో ఈ ఏడాది ఆసియాక‌ప్‌లో భార‌త జ‌ట్టుకు సూర్య‌నే సార‌థ్యం వ‌హించ‌నున్నాడు. అయితే ఇంగ్లండ్ ప‌ర్య‌ట‌న‌లో భార‌త జ‌ట్టును అద్భుతంగా న‌డిపించిన టెస్టు కెప్టెన్ శుబ్‌మ‌న్ గిల్‌కు ప్ర‌మోష‌న్ ఇచ్చేందుకు సెల‌క్ట‌ర్లు సిద్ద‌మైన‌ట్లు స‌మాచారం. గిల్‌ను భార‌త టీ20 జ‌ట్టు వైస్ కెప్టెన్‌గా నియ‌మించ‌నున్న‌ట్లు వార్త‌లు వినిపిస్తున్నాయి. ఆసియాక‌ప్‌లో సూర్య‌కు డిప్యూటీగా గిల్ వ్య‌వ‌హ‌రించే సూచ‌న‌లు క‌న్నిస్తున్నాయి.అక్ష‌ర్‌కు షాక్‌..?కాగా ప్ర‌స్తుతం భార‌త టీ20 జ‌ట్టు కెప్టెన్‌గా ఆల్‌రౌండ‌ర్ అక్ష‌ర్ పటేల్ ఉన్నాడు. రోహిత్ శ‌ర్మ టీ20ల నుంచి త‌ప్పుకొన్న త‌ర్వాత సూర్య కెప్టెన్‌గా, అక్ష‌ర్ వైస్ కెప్టెన్‌గా ఎంపిక‌య్యాడు. అయితే ఏడాది తిర‌గక ముందే అక్ష‌ర్‌పై వేటు వేసేందుకు బీసీసీఐ సిద్ద‌మైంది. గిల్‌ను ఆల్‌ఫార్మాట్ కెప్టెన్‌గా చేసేందుకు బీసీసీఐ యోచిస్తున్న‌ట్లు ప‌లు రిపోర్ట్‌లు పేర్కొంటున్నాయి. గిల్ ప్ర‌స్తుతం వ‌న్డేల్లో రోహిత్ శ‌ర్మ డిప్యూటీగా ఉన్నాడు. ఒక‌వేళ హిట్‌మ్యాన్ వ‌న్డేల నుంచి త‌ప్పుకొంటే 50 ఓవ‌ర్ల ఫార్మాట్‌లో కూడా ఈ పంజాబీ బ్యాట‌ర్ భార‌త జ‌ట్టును న‌డిపించే అవ‌కాశ‌ముంది. కాగా గిల్ చివ‌ర‌గా భార‌త త‌ర‌పున టీ20ల్లో గ‌తేడాది శ్రీలంక‌పై ఆడాడు. కానీ ఐపీఎల్‌లో మాత్రం దుమ్ములేపాడు. ఐపీఎల్‌-2025 సీజ‌న్‌లో 650 ప‌రుగుల‌తో గుజ‌రాత్ త‌ర‌పున లీడింగ్ ర‌న్‌స్కోర‌ర్‌గా నిలిచాడు.చదవండి: మహేశ్‌ బాబు మరదలితో సచిన్‌ ప్రేమ?!.. టెండుల్కర్‌ ఏమన్నాడంటే..

ఆస్ట్రేలియా ఫాస్ట్‌ బౌలర్‌ స్కాట్‌ బోలాండ్‌ (Scott Boland) సరికొత్త చరిత్ర సృష్టించాడు. సమకాలీన బౌలర్లలో ఎవరికీ సాధ్యం కాని అరుదైన ఘనత సాధించాడు. 1915 తర్వాత టెస్టు క్రికెట్‌లో అత్యుత్తమ బౌలింగ్‌ గణాంకాలు నమోదు చేసిన ఆటగాడిగా రికార్డులకెక్కాడు.వెస్టిండీస్‌తో మూడో టెస్టు సందర్భంగా బోలాండ్‌ ఈ ఫీట్‌ నమోదు చేశాడు. కాగా వెస్టిండీస్‌ పర్యటనలో భాగంగా ఆస్ట్రేలియా ఆతిథ్య జట్టుతో మూడు టెస్టులు, ఐదు టీ20లు ఆడుతోంది. ఇందులో భాగంగా తొలుత టెస్టు సిరీస్‌ మొదలుకాగా.. మొదటి రెండు మ్యాచ్‌లు గెలిచి సిరీస్‌ను కైవసం చేసుకుంది ఆసీస్‌.225 పరుగులకు ఆసీస్‌ ఆలౌట్‌ఈ క్రమంలో విండీస్‌- ఆసీస్‌ (WI vs AUS) మధ్య నామమాత్రపు మూడో టెస్టు జమైకా వేదికగా శనివారం మొదలైంది. కింగ్‌స్టన్‌లోని సబీనా పార్క్‌ మైదానంలో టాస్‌ గెలిచిన ఆస్ట్రేలియా తొలుత బ్యాటింగ్‌ చేసింది. కామెరాన్‌ గ్రీన్‌ (46), స్టీవ్‌ స్మిత్‌ (48) రాణించడంతో తొలి ఇన్నింగ్స్‌లో 225 పరుగులు చేయగలిగింది. విండీస్‌ బౌలర్లలో షమార్‌ జోసెఫ్‌ నాలుగు వికెట్లు కూల్చగా.. జేడన్‌ సీల్స్‌, జస్టిన్‌ గ్రీవ్స్‌ తలా మూడు వికెట్లు పడగొట్టారు.143 పరుగులకు కుప్పకూలిన విండీస్‌ఇక ఆసీస్‌ ఆలౌట్‌ అయిన తర్వాత తమ తొలి ఇన్నింగ్స్‌ మొదలుపెట్టిన వెస్టిండీస్‌.. 143 పరుగులకే కుప్పకూలింది. జాన్‌ కాంప్‌బెల్‌ చేసిన 36 పరుగులే విండీస్‌ ఇన్నింగ్స్‌లో టాప్‌ స్కోర్‌. దీనిని బట్టి ఆసీస్‌ బౌలర్ల విజృంభణ ఏ స్థాయిలో ఉందో అర్థం చేసుకోవచ్చు. స్కాట్‌ బోలాండ్‌ అత్యుత్తమంగా 13.1 ఓవర్లలో కేవలం 34 పరుగులు ఇచ్చి ఏకంగా మూడు వికెట్లు కూల్చాడు. మిగతా వారిలో కెప్టెన్‌ ప్యాట్‌ కమిన్స్‌, జోష్‌ హాజిల్‌వుడ్‌ రెండేసి వికెట్లు పడగొట్టగా.. మిచెల్‌ స్టార్క్‌, బ్యూ వెబ్‌స్టర్‌ ఒక్కో వికెట్‌ తమ ఖాతాలో వేసుకున్నారు.కాగా వెస్టిండీస్‌తో టెస్టులో ఉత్తమంగా రాణించిన స్కాట్‌ బోలాండ్‌.. ఓ అరుదైన రికార్డును సాధించాడు. 1915 తర్వాత టెస్టు క్రికెట్‌లో కనీసం 2000 డెలివరీలు సంధించిన బౌలర్లలో అత్యుత్తమ సగటు కలిగిన ఆటగాడిగా నిలిచాడు. తన నాలుగేళ్ల కెరీర్‌లో 17.33 సగటుతో బోలాండ్‌ 59 వికెట్లు కూల్చాడు. ఇక 1901- 1914 వరకు ఇంగ్లండ్‌కు ఆడిన సిడ్నీ బార్న్స్‌ 16.43 సగటుతో వికెట్లు కూల్చాడు.1915 నుంచి ఇప్పటికి.. 2000 డెలివరీల తర్వాత అత్యుత్తమ బౌలింగ్‌ యావరేజ్‌ కలిగి ఉన్న బౌలర్లు (యాక్టివ్‌ క్రికెటర్లలో)👉స్కాట్‌ బోలాండ్‌ (ఆస్ట్రేలియా): 2021-2025- 17.33 సగటుతో 59 వికెట్లు👉బెర్ట్‌ ఐరన్‌మోంగర్‌ (ఆస్ట్రేలియా): 1928- 1933- 17.97 సగటుతో 74 వికెట్లు👉ఫ్రాంక్‌ టైసన్‌ (ఇంగ్లండ్‌): 1954- 1959- 18.56 సగటుతో 76 వికెట్లు👉అక్షర్‌ పటేల్‌ (ఇండియా): 2021-2024- 19.34 సగటుతో 55 వికెట్లు👉జస్‌ప్రీత్‌ బుమ్రా (ఇండియా): 2018-2025- 19.48 సగటుతో 217 వికెట్లు. చదవండి: ENG VS IND 3rd Test: 23 ఏళ్ల కిందటి రాహుల్‌ ద్రవిడ్‌ రికార్డును బద్దలు కొట్టిన గిల్‌

టీమిండియాకు రెండు ఐసీసీ ట్రోఫీలు అందించిన కెప్టెన్‌ రోహిత్‌ శర్మ (Rohit Sharma). అతడి సారథ్యంలో 2024లో టీ20 ప్రపంచకప్‌ (T20 World Cup) గెలిచిన భారత్‌.. యాభై ఓవర్ల ఫార్మాట్లో ఈ ఏడాది చాంపియన్స్‌ ట్రోఫీ (ICC Champions Trophy)ని కూడా కైవసం చేసుకుంది. ఇక పొట్టి వరల్డ్‌కప్‌ గెలిచిన తర్వాత అంతర్జాతీయ టీ20లకు వీడ్కోలు పలికిన రోహిత్‌.. ఇటీవలే టెస్టులకు కూడా రిటైర్మెంట్‌ ప్రకటించాడు.ప్రస్తుతం భారత వన్డే జట్టు కెప్టెన్‌గా కొనసాగుతున్న రోహిత్‌ శర్మ.. టీ20 ప్రపంచకప్‌-2024 ఫైనల్‌ నాటి జ్ఞాపకాలను తాజాగా గుర్తు చేసుకున్నాడు. ఒక దశలో తాను భయంతో వణికిపోయానని.. అయితే, తమ జట్టు మీద తనకున్న నమ్మకం వమ్ముకాలేదని పేర్కొన్నాడు. అక్షర్‌ పటేల్‌ ఇన్నింగ్స్‌ మ్యాచ్‌ను తిరిగి తమ ఆధీనంలోకి తీసుకువచ్చిందని తెలిపాడు.ఆదుకున్న కోహ్లి, అక్షర్‌, దూబేకాగా బార్బడోస్‌ వేదికగా గతేడాది జూన్‌లో జరిగిన వరల్డ్‌కప్‌ ఫైనల్లో టీమిండియా సౌతాఫ్రికాతో తలపడింది. టాస్‌ గెలిచిన భారత్‌ తొలుత బ్యాటింగ్‌ ఎంచుకోగా... ఓపెనర్‌ రోహిత్‌ శర్మ 9 పరుగులకే పెవిలియన్‌ చేరాడు. వన్‌డౌన్‌లో వచ్చిన వికెట్‌ కీపర్‌ బ్యాటర్‌ రిషభ్‌ పంత్‌ డకౌట్‌ కాగా.. పవర్‌ హిట్టర్‌ సూర్యకుమార్‌ యాదవ్‌ 3 పరుగులకే అవుటయ్యాడు.ఈ క్రమంలో దూకుడుగా మొదలుపెట్టి 1.3 ఓవర్లలోనే 23 పరుగులు సాధించిన టీమిండియా.. ఐదో ఓవర్‌ పూర్తయ్యేసరికి 34 పరుగులు మాత్రమే చేసి మూడు కీలక వికెట్లు కోల్పోయింది. ఇలాంటి దశలో మరో ఓపెనర్‌ విరాట్‌ కోహ్లి (76), ఐదు, ఆరు స్థానాల్లో వచ్చిన అక్షర్‌ పటేల్‌ (47), శివం దూబే (27) జట్టును ఆదుకున్నారు.ఫలితంగా నిర్ణీత 20 ఓవర్లలో ఏడు వికెట్ల నష్టానికి టీమిండియా 176 పరుగులు చేయగలిగింది. ఇక లక్ష్య ఛేదనలో సౌతాఫ్రికా 20 ఓవర్లు పూర్తయ్యేసరికి ఎనిమిది వికెట్ల నష్టానికి 169 పరుగులే చేయగలిగింది. దీంతో ఏడు పరుగుల స్వల్ప తేడాతో గెలిచి టీమిండియా పదమూడేళ్ల తర్వాత ఐసీసీ ట్రోఫీని ముద్దాడింది.భయంతో వణికిపోయాను.. ఏమీ తోచలేదుఈ విషయాలను గుర్తు చేసుకున్న రోహిత్‌ శర్మ.. ‘‘నిజం చెప్పాలంటే నేను వణికిపోయాను. నాకసలు ఏమీ తోచలేదు. ఫలితం విషయంలో ప్రత్యర్థికి అవకాశం ఇచ్చామా అనిపించింది.అయితే, నా మనసులో మాత్రం మా లోయర్‌ ఆర్డర్‌ మీద పూర్తి నమ్మకం ఉంది. ఆ టోర్నీ మొత్తంలో వారికి ఎక్కువగా బ్యాటింగ్‌ చేసే అవకాశం రానప్పటికీ.. ఈసారి కచ్చితంగా ప్రభావం చూపుతారని నమ్మాను.అతడే గేమ్‌ ఛేంజర్‌నిజానికి చాలా మందికి అక్షర్‌ పటేల్‌ ఇన్నింగ్స్‌ గురించి గుర్తుండకపోవచ్చు. అయితే, అతడే గేమ్‌ ఛేంజర్‌. క్లిష్ట పరిస్థితుల్లో 31 బంతుల్లో 47 పరుగులు చేయడం గొప్ప విషయం. ఇక విరాట్‌ గురించి చెప్పేదేముంది. తను అద్భుత బ్యాటింగ్‌తో మరోసారి ఆకట్టుకున్నాడు’’ అని పేర్కొన్నాడు. జియోహాట్‌స్టార్‌కు ఇచ్చిన ఇంటర్వ్యూలో రోహిత్‌ శర్మ ఈ మేరకు వ్యాఖ్యలు చేశాడు. కాగా ఫైనల్లో విరాట్‌ కోహ్లి ‘ప్లేయర్‌ ఆఫ్‌ ది మ్యాచ్‌’గా నిలవగా... భారత ప్రధాన పేసర్‌ ‘జస్‌ప్రీత్‌ బుమ్రా’ ప్లేయర్‌ ఆఫ్‌ ది సిరీస్‌ అవార్డు గెలుచుకున్నాడు.చదవండి: విధ్వంసకర శతకం, మూడు ఫిఫ్టీలు.. ఇంగ్లండ్‌ను చిత్తు చేసిన భారత్‌

ఐపీఎల్‌-2025 (IPL 2025)ఆరంభంలో అదరగొట్టిన ఢిల్లీ క్యాపిటల్స్‌కు నిరాశే మిగిలింది. ప్లే ఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో ఢిల్లీ జట్టు ముంబై ఇండియన్స్‌ చేతిలో ఓడిపోయింది. తద్వారా టాప్‌-4 నుంచి అధికారికంగా నిష్క్రమించగా.. ముంబై ప్లే ఆఫ్స్‌నకు అర్హత సాధించింది.గుజరాత్‌ టైటాన్స్‌, రాయల్‌ చాలెంజర్స్‌ బెంగళూరు, పంజాబ్‌ కింగ్స్‌తో పాటు ముంబై టైటిల్‌ పోరులో నిలిచింది. మరోవైపు.. ముంబై చేతిలో ఓడిపోయిన ఢిల్లీ అత్యంత చెత్త రికార్డును మూటగట్టుకుంది. ఐపీఎల్‌ సీజన్‌లో తొలి నాలుగు మ్యాచ్‌లలో గెలిచి కూడా.. ప్లే ఆఫ్స్‌ చేరని ఏకైక జట్టుగా నిలిచింది.వరుసగా నాలుగు విజయాలుకాగా ఐపీఎల్‌-2025లో ఢిల్లీ క్యాపిటల్స్‌ కెప్టెన్‌గా అక్షర్‌ పటేల్‌ (Axar Patel) పగ్గాలు చేపట్టిన విషయం తెలిసిందే. అతడి సారథ్యంలో తొలుత లక్నో సూపర్‌ జెయింట్స్‌తో తలపడ్డ ఢిల్లీ.. ఒక వికెట్‌ తేడాతో గెలుపొందింది. మరుసటి మ్యాచ్‌లో సన్‌రైజర్స్‌ హైదరాబాద్‌పై ఏడు వికెట్ల తేడాతో జయభేరి మోగించింది.ఆ తర్వాత చెన్నై సూపర్‌ కింగ్స్‌ను ఢీకొట్టిన అక్షర్‌ సేన.. చెపాక్‌లో సీఎస్‌కేను 25 పరుగుల తేడాతో ఓడించింది. అనంతరం రాయల్‌ చాలెంజర్స్‌ బెంగళూరు జట్టును తమ సొంత మైదానం చిన్నస్వామి స్టేడియంలో ఆరు వికెట్ల తేడాతో చిత్తు చేసింది. ఇలా సీజన్‌లోని తొలి నాలుగు మ్యాచ్‌లలో గెలుపొందిన ఢిల్లీ.. ఆ తర్వాత అదే జోరును కనబరచలేకపోయింది.ముంబై చేతిలో అపుడూ ఓడిన ఢిల్లీముంబై ఇండియన్స్‌ చేతిలో ఓడిన(ఏప్రిల్‌ 13) ఢిల్లీ సీజన్‌లో తొలి పరాజయం చవిచూసింది. అయితే, మరుసటి మ్యాచ్‌లో రాజస్తాన్‌ రాయల్స్‌తో తలపడ్డ ఢిల్లీ అదృష్టవశాత్తూ సూపర్‌ ఓవర్లో గెలుపొందింది. ఆ తర్వాత గుజరాత్‌ టైటాన్స్‌ చేతిలో ఓడిన అక్షర్‌ సేన.. అనంతరం లక్నో సూపర్‌ జెయింట్స్‌పై సీజన్‌లో రెండో విజయం సాధించింది.అయితే, ఆర్సీబీ మాత్రం ప్రతీకారం తీర్చుకుని ఢిల్లీలోనే ఢిల్లీ జట్టును ఓడించింది. అనంతరం కోల్‌కతా నైట్‌ రైడర్స్‌ చేతిలోనూ అక్షర్‌ సేన ఓడిపోయింది. ఆ తర్వాత సన్‌రైజర్స్‌ హైదరాబాద్‌తో జరగాల్సిన మ్యాచ్‌ వర్షం వల్ల రద్దు కావడంతో గట్టెక్కింది. అనంతరం పంజాబ్‌ కింగ్స్‌తో ఢిల్లీ మ్యాచ్‌ సాంకేతిక కారణాల (ఆపరేషన్‌ సిందూర్‌) వల్ల ఆగిపోయింది.ఆ తర్వాత గుజరాత్‌ను ఢీకొట్టిన ఢిల్లీ పది వికెట్ల తేడాతో చిత్తుగా ఓడింది. తాజాగా ముంబై ఇండియన్స్‌ చేతిలో మరోసారి ఓటమిని చవిచూసింది. ప్లే ఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో వాంఖడే వేదికగా ఢిల్లీ జట్టు.. హార్దిక్‌ సేనతో తలపడింది.సూర్య, నమన్‌ ధనాధన్‌టాస్‌ గెలిచి తొలుత బౌలింగ్‌ ఎంచుకున్న ఢిల్లీ ముంబైని బ్యాటింగ్‌కు ఆహ్వానించింది. ఈ క్రమంలో ఆతిథ్య జట్టు నిర్ణీత 20 ఓవర్లలో 180 పరుగులు చేసింది. సూర్యకుమార్‌ యాదవ్‌ (73 నాటౌట్‌), నమన్‌ ధీర్‌ (24 నాటౌట్‌) రాణించారు. ఢిల్లీ బౌలర్లలో ముకేశ్‌ కుమార్‌ రెండు వికెట్లు కూల్చగా.. దుష్మంత చమీర, ముస్తాఫిజుర్‌ రహ్మాన్‌, కుల్దీప్‌ యాదవ్‌ ఒక్కో వికెట్‌ దక్కించుకున్నారు.లక్ష్య ఛేదనలో ఢిల్లీ విలవిలఇక లక్ష్య ఛేదనలో ఢిల్లీ చేతులెత్తేసింది. ఓపెనర్లు కేఎల్‌ రాహుల్‌ (11), తాత్కాలిక కెప్టెన్‌ ఫాఫ్‌ డుప్లెసిస్‌ (6).. వన్‌డౌన్‌ బ్యాటర్‌ అభిషేక్‌ పోరెల్‌(6) దారుణంగా విఫలమయ్యారు. సమీర్‌ రిజ్వీ (39), విప్రాజ్‌ నిగమ్‌ (20) కాసేపు పోరాడినా ఫలితం లేకుండా పోయింది.మిగతా వారంతా మూకుమ్మడిగా విఫలం కావడంతో 18.2 ఓవర్లలో కేవలం 121 పరుగులు మాత్రమే చేసి ఢిల్లీ ఆలౌట్‌ అయింది. దీంతో ముంబై చేతిలో 59 పరుగుల తేడాతో ఓడిపోయి.. టోర్నీ నుంచి నిష్క్రమించింది.ఇలా ఐపీఎల్‌ సీజన్‌ ఆరంభంలో వరుసగా తొలి నాలుగు మ్యాచ్‌లు గెలిచినప్పటికీ.. ప్లే ఆఫ్స్‌ చేరకుండా ఇంటిబాట పట్టిన తొలి జట్టుగా ఢిల్లీ క్యాపిటల్స్‌ అపవాదును మూటగట్టుకుంది. కాగా లీగ్‌లో తమ చివరి మ్యాచ్‌లో ఢిల్లీ పంజాబ్‌తో తలపడనుంది.చదవండి: వారికి నేనిచ్చే సలహా ఇదే: వైభవ్‌ సూర్యవంశీపై ధోని కామెంట్స్‌Dominant victory ✅Playoffs ✅A dream outing for #MI in their last match at Wankhede this season as they secure a 59-run win over #DC 💙👏Scorecard ▶ https://t.co/fHZXoEJVed#TATAIPL | #MIvDC | @mipaltan pic.twitter.com/mitYRgtqlZ— IndianPremierLeague (@IPL) May 21, 2025

ఆరెంజ్‌ ఆర్మీ అశలను ఆవిరి చేసే వార్త!.. హైదరాబాద్‌ ‘ప్లే ఆఫ్స్‌’ ఆశలకు హైదరాబాద్‌లోనే తెరపడింది. దీంతో ఈ ఐపీఎల్‌లో సన్‌రైజర్స్‌ ముందుకా... వెనక్కా అని ఈ నెల 18న లక్నోలో సూపర్‌జెయింట్స్‌తో జరిగే మ్యాచ్‌ వరకు నిరీక్షించాల్సిన పని లేకుండానే వరుణుడు తేల్చేశాడు. కమిన్స్‌ నిప్పులు చెరిగే బౌలింగ్‌తో మొదలైన మ్యాచ్‌పై విరామంలో నీళ్లతో నింపేశాడు. చినుకులా కురిసిన వాన... వరదలా మారింది. మైదానం మొత్తాన్ని చిత్తడి చిత్తడి చేసింది. దీంతో తెరిపినిచ్చినా... తేరుకొని ఆడే అవకాశమే లేకపోయింది. ఇక చేయాల్సిందల్లా మిగిలిపోయిన ఆ మూడు మ్యాచ్‌లు ఆడటం తప్ప గత ఏడాది రన్నరప్‌ ‘రైజర్స్‌’కు ఇంకేం మిగల్లేదు! సాక్షి, హైదరాబాద్‌: ఐపీఎల్‌ గత సీజన్‌ రన్నరప్‌ సన్‌రైజర్స్‌ హైదరాబాద్‌ ఆట ఈసారి ఇంకా మూడు మ్యాచ్‌లు మిగిలుండగానే ముగిసింది. సొంతగడ్డపై సోమవారం ఢిల్లీ క్యాపిటల్స్‌తో మ్యాచ్‌ రద్దు కావడంతో ముందుకెళ్లే మార్గాలన్నీ మూసుకుపోయాయి. ఇక మిగతా మ్యాచ్‌లను గెలిచి పాయింట్ల పట్టికలో కాస్త మెరుగైన స్థానంలో నిలవడమే మిగిలుంది. సన్‌రైజర్స్‌ మిగిలిన మూడు మ్యాచ్‌ల్లో గెలిచినా 13 పాయింట్ల వద్దే నిలిచిపోతుంది. టాప్‌–4లో నిలిచే జట్లే ‘ప్లే ఆఫ్స్‌’ దశకు చేరుతాయి. ఇప్పటికే నాలుగు జట్లు కనీసం 14 పాయింట్ల సంఖ్యను అందుకున్నాయి. ఢిల్లీతో మ్యాచ్‌లో టాస్‌ గెలిచిన సన్‌రైజర్స్‌ ఫీల్డింగ్‌ ఎంచుకోగా... ముందుగా బ్యాటింగ్‌కు దిగిన ఢిల్లీ క్యాపిటల్స్‌ నిర్ణీత 20 ఓవర్లలో 7 వికెట్ల నష్టానికి 133 పరుగులు చేసింది. అశుతోష్‌ శర్మ (26 బంతుల్లో 41; 2 ఫోర్లు, 3 సిక్స్‌లు), ట్రిస్టన్‌ స్టబ్స్‌ (36 బంతుల్లో 41 నాటౌట్‌; 4 ఫోర్లు), ధాటిగా ఆడారు. ప్యాట్‌ కమిన్స్‌ 3 వికెట్లు తీశాడు. ఇన్నింగ్స్‌ విరామానికి ఇరుజట్ల ఆటగాళ్లు వెళ్లగానే మైదానంలోకి అనుకోని అతిథిగా వచ్చిపడిన వాన స్టేడియాన్ని ముంచెత్తింది. భారీ వర్షం చాలా సేపటికి తగ్గినా... అవుట్‌ ఫీల్డ్‌ చిత్తడిగా మారడంతో చేసేదేమీ లేక అంపైర్లు మ్యాచ్‌ను రద్దు చేసి ఇరు జట్లకు చెరో పాయింట్‌ కేటాయించారు.ఢిల్లీ ప్లే ఆఫ్స్‌ అవకాశాలు ఇలా..వర్షం కారణంగా సన్‌రైజర్స్‌తో మ్యాచ్‌ రద్దు కావడంతో ఢిల్లీ ప్లే ఆఫ్స్‌ ఆశలు సజీవమయ్యాయి. ఇప్పటికి మొత్తంగా పదకొండు మ్యాచ్‌లు పూర్తి చేసుకుని ఆరు గెలిచిన ఢిల్లీ ఖాతాలో పన్నెండు పాయింట్లు ఉండగా.. మ్యాచ్‌ రద్దైనందు వల్ల నిబంధనల ప్రకారం తాజాగా మరో పాయింట్‌ అదనంగా చేరింది. దీంతో ప్రస్తుతం పదమూడు పాయింట్లతో ఢిల్లీ పట్టికలో ఐదో స్థానంలో ఉంది. నెట్‌ రన్‌రేటు (0.362) పరంగానూ మెరుగ్గానే ఉంది.ఇక లీగ్‌ దశలో ఢిల్లీకి ఇంకా మూడు మ్యాచ్‌లు మిగిలి ఉన్నాయి. పంజాబ్‌ కింగ్స్‌తో మే 8న ధర్మశాలలో, మే 11న గుజరాత్‌ టైటాన్స్‌తో ఢిల్లీలో.. అదే విధంగా వాంఖడేలో ముంబై ఇండియన్స్‌తో మే 15న అక్షర్‌ సేన తలపడాల్సి ఉంది.ఈ మూడు మ్యాచ్‌లలో గెలిస్తే పందొమ్మిది పాయింట్లతో సులువుగానే ఢిల్లీ ప్లే ఆఫ్స్‌ చేరుతుంది. రెండు గెలిస్తే 17 పాయింట్లు మాత్రమే వస్తాయి. ఇలాంటి దశలో నెట్‌ రన్‌రేటు భారీగా మెరుగుపరచుకోవాల్సి ఉంటుంది. ఒకవేళ రెండు మ్యాచ్‌లలో గనుక ఓడితే పదిహేను పాయింట్లే వస్తాయి కాబట్టి.. ఇప్పటికే పద్నాలుగేసి పాయింట్లతో ఉన్న ముంబై, గుజరాత్‌ ఒక్కో మ్యాచ్‌ గెలిస్తే టాప్‌-4కు ఈజీగానే చేరుకుంటాయి. ఇదంతా కాక.. ఢిల్లీ గనుక మూడూ ఓడిపోతే కథ కంచికే!చదవండి: IPL 2025 MI Vs GT: సమఉజ్జీల సమరంప్రస్తుత పాయింట్ల పట్టికలో టాప్‌-5 ఇలా.. PC: IPL SMACKED...and again! 🔥Ashutosh Sharma adding the much-needed fire to #DC's innings 💪Updates ▶ https://t.co/1MkIwk4VNE#TATAIPL | #SRHvDC | @DelhiCapitals pic.twitter.com/sMA3ZLKotz— IndianPremierLeague (@IPL) May 5, 2025

ప్రస్తుత ఐపీఎల్‌ సీజన్‌ను వరుసగా నాలుగు విజయాలతో ప్రారంభించిన ఢిల్లీ క్యాపిటల్స్‌ లీగ్‌ సాగే కొద్ది ప్రభ కోల్పోతున్నట్లు కనిపిస్తుంది. చివరి ఐదు మ్యాచ్‌ల్లో ఆ జట్టు మూడు పరాజయాలు ఎదుర్కొని రెండే విజయాలు సాధించింది. ఇందులో ఒకటి సూపర్‌ ఓవర్‌లో (రాజస్థాన్‌ రాయల్స్‌) గెలిచింది. తాజాగా (ఏప్రిల్‌ 27) ఈ జట్టు సొంత మైదానంలో ఆర్సీబీ చేతిలో చిత్తైంది. ఈ ఓటమి తర్వాత పాయింట్ల పట్టికలో నాలుగో స్థానానికి పడిపోయింది. లీగ్‌ ప్రారంభంలో వరుస పరాజయాలు ఎదుర్కొన్న ముంబై ఇండియన్స్‌ ప్రస్తుతం ఢిల్లీని వెనక్కు నెట్టి మూడో స్థానానికి ఎగబాకింది. తాజాగా ఢిల్లీపై గెలుపుతో ఆర్సీబీ పాయింట్ల పట్టికలో అగ్రస్థానానికి ఎగబాకగా.. గుజరాత్‌ రెండో స్థానానికి పడిపోయింది. ఢిల్లీ ఈ సీజన్‌లో ఇప్పటివరకు ఆడిన 9 మ్యాచ్‌ల్లో 6 విజయాలు, 3 పరాజయలతో 12 పాయింట్లు ఖాతాలో కలిగి ఉంది. ఆ జట్టు రన్‌రేట్‌ 0.482గా ఉంది. గుజరాత్‌, ముంబై కూడా చెరో 12 పాయింట్లు కలిగినప్పటికీ వారి రన్‌రేట్‌ ఢిల్లీ కంటే మెరుగ్గా ఉంది. ఢిల్లీ తదుపరి ఆడబోయే మ్యాచ్‌ల్లో ఇలాంటి ప్రదర్శనే కొనసాగిస్తే ప్లే ఆఫ్స్‌ అవకాశాలు గల్లంతయ్యే ప్రమాదముంది. లీగ్‌ ప్రారంభంలో అద్భుత విజయాలు సాధించిన జట్లు ప్లే ఆఫ్స్‌ బెర్త్‌ దక్కించుకోలేని సందర్భాలు చాలా ఉన్నాయి. ఢిల్లీ ఇకనైనా జాగ్రత్త పడితేనే టైటిల్‌ వేట కొనసాగించగలదు.నిన్న ఆర్సీబీతో జరిగిన మ్యాచ్‌లో తొలుత బ్యాటింగ్‌ చేసి అతి తక్కువ స్కోర్‌కు (162) పరిమితమైన ఢిల్లీ.. ఆ తర్వాత బౌలింగ్‌లోనూ పెద్దగా ప్రభావం చూపలేక ఓటమిపాలైంది. ఈ సీజన్‌లో తొలుత బ్యాటింగ్‌ చేస్తూ ఢిల్లీ చేసిన అత్యల్ప స్కోర్ ఇదే. బ్యాటింగ్‌కు అనుకూలించే పిచ్‌పై ఢిల్లీ బ్యాటర్లు తడబడ్డారు. ఒక్కరు కూడా చెప్పుకోదగ్గ స్కోర్‌ చేయలేదు. ఇక్కడ క్రెడిట్‌ ఆర్సీబీ బౌలర్లకు ఇవ్వాలి. భువనేశ్వర్‌ కుమార్‌ (4-0-33-3), హాజిల్‌వుడ్‌ (4-0-36-2), సుయాశ్‌ శర్మ (4-0-22-0), కృనాల్‌ పాండ్యా (4-0-28-1) అద్భుతంగా బౌలింగ్‌ చేశారు. ఢిల్లీ బ్యాటర్లలో కేఎల్‌ రాహుల్‌ (41), ట్రిస్టన్‌ స్టబ్స్‌ (34) ఓ మోస్తరు స్కోర్లు చేశారు.అనంతరం స్వల్ప లక్ష్య ఛేదనకు దిగిన ఆర్సీబీ కూడా ఆదిలో తడబడినప్పటికీ (4 ఓవర్లలో 26 పరుగులకు 3 వికెట్లు కోల్పోయింది).. విరాట్‌ (47 బంతుల్లో 51; 4 ఫోరు​), కృనాల్‌ (47 బంతుల్లో 73 నాటౌట్‌; 5 ఫోర్లు, 4 సిక్సర్లు) బాధ్యతాయుతమైన ఇన్నింగ్స్‌లు ఆడి తమ జట్టును విజయతీరాలకు చేర్చారు. టిమ్‌ డేవిడ్‌ (5 బంతుల్లో 19 నాటౌట్‌; 3 ఫోర్లు, సిక్స్‌) ఆఖర్లో వేగంగా ఆడి మ్యాచ్‌ను ముగించాడు. ‌ఆల్‌రౌండ్‌ షోతో సత్తా చాటిన కృనాల్‌ పాండ్యాకు ప్లేయర్‌ ఆఫ్‌ ద మ్యాచ్‌ అవార్డు దక్కింది. ఢిల్లీ బౌలర్లలో అక్షర్‌ పటేల్‌ (4-0-19-2), కుల్దీప్‌ యాదవ్‌ (4-0-28-0), చమీరా (3-0-24-1) బాగానే బౌలింగ్‌ చేసినప్పటికీ.. లక్ష్యం మరీ చిన్నది కావడంతో వారు డిఫెండ్‌ చేసుకోలేకపోయారు. ఆ జట్టు బౌలర్లలో స్టార్క్‌ (3-0-31-0), ముకేశ్‌ కుమార్‌ (3.3-0-51-0) ధారాళంగా పరుగులు సమర్పించుకున్నారు. మొత్తంగా ఈ మ్యాచ్‌లో ఢిల్లీ అన్ని విభాగాల్లో సామర్థ్యం మేరకు రాణించలేక ఓటమిపాలైంది.మ్యాచ్‌ అనంతరం ఢిల్లీ కెప్టెన్‌ అక్షర్‌ పటేల్‌ మాట్లాడుతూ ఇలా అన్నాడు. మేము 10-15 పరుగులు తక్కువగా చేశామని భావిస్తున్నాను. మేము బ్యాటింగ్‌ చేసేటప్పుడు మంచు కారణంగా వికెట్‌ కాస్త కఠినంగా ఉండింది. ఆర్సీబీ బ్యాటింగ్‌ చేసే సమయానికి వికెట్‌ సులువుగా మారింది. ఈ మ్యాచ్‌లో మేము కొన్ని ఈజీ క్యాచ్‌లను మిస్ చేశాము. ఆ క్యాచ్‌లను పట్టి ఉండాల్సింది. మేము వరుస విరామాల్లో వికెట్లు కోల్పోయాము. ఓ బ్యాటర్ కొంత సమయం క్రీజ్‌లో గడిపి ఉంటే వేగంగా పరుగులు సాధించగలిగేవాడు. అదనంగా 10-15 పరుగులు వచ్చేవి. బ్యాటింగ్‌ ఆర్డర్‌లో ఓ స్థానం కిందికి రావడంపై స్పందిస్తూ.. రాహుల్‌ బాగా బ్యాటింగ్ చేస్తున్నాడు. అందుకే అతన్ని 4వ స్థానంలో పంపాము. మైదానంలో ఓ వైపు చిన్నగా ఉంది. రాహుల్‌ను ముందుగా పంపడానికి ఇది కూడా ఓ కారణమని చెప్పాడు.

ఢిల్లీపై గుజరాత్‌ విజయంఐపీఎల్‌ 2025 సీజన్‌లో భాగంగా అహ్మదాబాద్‌లోని నరేంద్ర మోదీ స్టేడియం వేదికగా ఇవాళ (ఏప్రిల్‌ 19) మధ్యాహ్నం జరిగిన మ్యాచ్‌లో ఢిల్లీ క్యాపిటల్స్‌పై గుజరాత్‌ టైటాన్స్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన ఢిల్లీ నిర్ణీత 20 ఓవర్లలో 8 వికెట్ల నష్టానికి 203 పరుగులు చేసింది. ఢిల్లీ బ్యాటర్లలో అక్షర్‌ 39, అశుతోష్‌ శర్మ 37, కరుణ్‌ నాయర్‌, ట్రిస్టన్‌ స్టబ్స్‌ తలో 31, కేఎల్‌ రాహుల్‌ 28, అభిషేక్‌ పోరెల్‌ 18, విప్రాజ్‌ నిగమ్‌ 0, డొనోవన్‌ ఫెరియెరా 1, స్టార్క్‌ 2 (నాటౌట్‌), కుల్దీప్‌ 4 (నాటౌట్‌) పరుగులు చేశారు. గుజరాత్‌ బౌలర్లలో ప్రసిద్ద్‌ కృష్ణ 4 వికెట్లు తీయగా.. సిరాజ్‌, అర్షద్‌ ఖాన్‌, ఇషాంత్‌ శర్మ, సాయికిషోర్‌ తలో వికెట్‌ పడగొట్టారు.అనంతరం​ భారీ లక్ష్య ఛేదనకు దిగిన గుజరాత్‌ ఆదిలోనే శుభ్‌మన్‌ గిల్‌ (7) వికెట్‌ కోల్పోయినప్పటికీ.. జోస్‌ బట్లర్‌ వీరోచిత ఇన్నింగ్స్‌ (97 నాటౌట్‌) కారణంగా 19.2 ఓవర్లలో (3 వికెట్ల నష్టానికి) లక్ష్యాన్ని చేరుకుంది. గుజరాత్‌ బ్యాటర్లలో సాయి సుదర్శన్‌ 36, రూథర్‌ఫోర్డ్‌ 43, తెవాతియా 11 పరుగులు (నాటౌట్‌) చేశారు. ఆఖర్లో బట్లర్‌కు సెంచరీ చేసే అవకాశం ఉన్నా తెవాతియా చివరి ఓవర్‌లో వరుసగా సిక్సర్‌, బౌండరీ కొట్టి గుజరాత్‌ను విజయతీరాలకు చేర్చాడు. ఢిల్లీ బౌలర్లలో ముకేశ్‌ కుమార్‌, కుల్దీప్‌ యాదవ్‌ తలో వికెట్‌ పడగొట్టారు. ఈ గెలుపుతో గుజరాత్‌ ఢిల్లీని వెనక్కు నెట్టి పాయింట్ల పట్టికలో అగ్రస్థానానికి ఎగబాకింది. ప్రస్తుతం గుజరాత్‌, ఢిల్లీ, పంజాబ్‌ తలో 10 పాయింట్లతో తొలి మూడు స్థానాల్లో ఉన్నాయి.హాఫ్‌ సెంచరీ పూర్తి చేసిన బట్లర్‌12.5వ ఓవర్‌- మోహిత్‌ శర్మ బౌలింగ్‌లో బౌండరీ బాది బట్లర్‌ హాఫ్‌ సెంచరీ పూర్తి చేశాడు. బట్లర్‌ ఇన్నింగ్స్‌లో 3 ఫోర్లు, 3 సిక్సర్లు ఉన్నాయి. బట్లర్‌కు జతగా రూథర్‌ఫోర్డ్‌ క్రీజ్‌లో ఉన్నాడు. ఇదే ఓవర్‌లో రూథర్‌ఫోర్డ్‌ తొలి రెండు బంతులకు రెండు సిక్సర్లు బాదాడు. 13 ఓవర్ల తర్వాత గుజరాత్‌ స్కోర్‌ 129/2గా ఉంది. బట్లర్‌ 52, రూథర్‌ఫోర్డ్‌ 31 పరుగులతో క్రీజ్‌లో ఉన్నారు. రెండో వికెట్‌ కోల్పోయిన గుజరాత్‌7.3వ ఓవర్‌- 74 పరుగుల వద్ద గుజరాత్‌ రెండో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో స్టబ్స్‌కు క్యాచ్‌ ఇచ్చి సాయి సుదర్శన్‌ (36) ఔటయ్యాడు. 9 ఓవర్ల తర్వాత గుజరాత్‌ స్కోర్‌ 85/2గా ఉంది. బట్లర్‌ (38), రూథర్‌ఫోర్డ్‌ (3) క్రీజ్‌లో ఉన్నారు. తొలి వికెట్‌ కోల్పోయిన గుజరాత్‌1.4వ ఓవర్‌- 204 పరుగుల లక్ష్య ఛేదనలో గుజరాత్‌ 14 పరుగుల వద్ద తొలి వికెట్‌ కోల్పోయింది. కరుణ్‌ నాయర్‌ అద్బుతమైన త్రోతో శుభ్‌మన్‌ గిల్‌ను (7) రనౌట్‌ చేశాడు. 3 ఓవర్ల తర్వాత గుజరాత్‌ స్కోర్‌ 29/1గా ఉంది. సాయి సుదర్శన్‌ (16), బట్లర్‌ (6) క్రీజ్‌లో ఉన్నారు. భారీ స్కోర్‌ చేసిన ఢిల్లీటాస్‌ ఓడి తొలుత బ్యాటింగ్‌ చేసిన ఢిల్లీ నిర్ణీత ఓవర్లలో 8 వికెట్ల నష్టానికి 203 పరుగులు చేసింది. ఢిల్లీ బ్యాటర్లలో అక్షర్‌ 39, అశుతోష్‌ శర్మ 37, కరుణ్‌ నాయర్‌, ట్రిస్టన్‌ స్టబ్స్‌ తలో 31, కేఎల్‌ రాహుల్‌ 28, అభిషేక్‌ పోరెల్‌ 18, విప్రాజ్‌ నిగమ్‌ 0, డొనోవన్‌ ఫెరియెరా 1, స్టార్క్‌ 2 (నాటౌట్‌), కుల్దీప్‌ 4 (నాటౌట్‌) పరుగులు చేశారు. గుజరాత్‌ బౌలర్లలో ప్రసిద్ద్‌ కృష్ణ 4 వికెట్లు తీయగా.. సిరాజ్‌, అర్షద్‌ ఖాన్‌, ఇషాంత్‌ శర్మ, సాయికిషోర్‌ తలో వికెట్‌ పడగొట్టారు. 18 ఓవర్లలో ఢిల్లీ స్కోరు: 188/6 (18) అశుతోష్‌ 12 బంతుల్లో 32 పరుగులతో క్రీజులో ఉండగా.. ఫెరీరా ఇంకా ఖాతా తెరవలేదు.ఒకే ఓవర్లో రెండు వికెట్లు17.1: ప్రసిద్‌ కృష్ణ బౌలింగ్‌లో బట్లర్‌కు క్యాచ్‌ ఇచ్చి వెనుదిరిగిన అక్షఱ్‌ పటేల్‌ (38). ఆ వెంటనే విప్రాజ్‌ నిగమ్‌ను అవుట్‌ చేసిన ప్రసిద్‌. 18వ ఓవర్లో వరుస బంతుల్లో గుజరాత్‌కు రెండు వికెట్లు. ఢిల్లీ స్కోరు: 173/6 (17.2)అక్షర్‌ పటేల్‌కు గాయం?15.3: అర్షద్‌ ఖాన్‌ బౌలింగ్‌లో డీప్‌ స్క్వేర్‌ లెగ్‌ మీదుగా బంతిని తరలించిన అక్షర్‌.. సింగిల్‌ తీసే ప్రయత్నం చేశాడు. ఈ క్రమంలో అతడు చీలమండ నొప్పితో విలవిల్లాడగా.. ఫిజియో వచ్చి పరీక్షించాడు.15 ఓవర్లలో ఢిల్లీ స్కోరు: 150/4అక్షర్‌ 33, అశుతోష్‌ 2 పరుగులతో క్రీజులో ఉన్నారు.నాలుగో వికెట్‌ కోల్పోయిన ఢిల్లీ14.2: సిరాజ్‌ బౌలింగ్లో స్టబ్స్‌ (31) అవుట్‌. అక్షర్‌ 32 పరుగులతో ఉన్నాడు. స్కోరు: 146/4 (14.2). అశుతోష్‌ శర్మ క్రీజులోకి వచ్చాడు.ఢిల్లీ ధనాధన్‌14 ఓవర్లు పూర్తయ్యే సరికి ఢిల్లీ స్కోరు: 146/3స్టబ్స్‌ 19 బంతుల్లో 31, అక్షర్‌ పటేల్‌ 24 బంతుల్లో 32 పరుగులతో జోరుమీదున్నారు.పది ఓవర్లలో ఢిల్లీ స్కోరు: 105-3స్టబ్స్‌ 8, అక్షర్‌ పటేల్‌ 15 పరుగులతో ఉన్నారు.మూడో వికెట్‌ డౌన్‌8.1: ప్రసిద్‌ కృష్ణ బౌలింగ్‌ మూడో వికెట్‌గా వెనుదిరిగిన కరుణ్‌ నాయర్‌ (31). స్కోరు: 93/3 (8.2). అక్షర్‌ పటేల్‌ 12 పరుగులతో ఆడుతుండగా.. ట్రిస్టన్‌ స్టబ్స్‌క్రీజులోకి వచ్చాడు. పవర్‌ ప్లేలో ఢిల్లీ స్కోరు: 73/2 (6)కరుణ్‌ నాయర్‌ 19, అక్షర్‌ 4 పరుగులతో క్రీజులో ఉన్నారు. కేఎల్‌ రాహుల్‌ అవుట్‌4.4: ప్రసిద్‌ కృష్ణ బౌలింగ్లో లెగ్‌ బిఫోర్‌ వికెట్‌గా వెనుదిరిగిన కేఎల్‌ రాహుల్‌ (28). దీంతో ఢిల్లీ రెండో వికెట్‌ కోల్పోయింది. అక్షర్‌ పటేల్‌ క్రీజులోకి వచ్చాడు. స్కోరు: 58/2 (4.4)నాలుగు ఓవర్లలో ఢిల్లీ స్కోరు: 52/1రాహుల్‌ 22, కరుణ్‌ నాయర్‌ 8 పరుగులతో క్రీజులో ఉన్నారు.తొలి వికెట్‌ కోల్పోయిన ఢిల్లీ1.4: అర్షద్‌ ఖాన్‌ బౌలింగ్‌లో అభిషేక్‌ పోరెల్‌ సిరాజ్‌కు క్యాచ్‌ ఇచ్చి 18 పరుగుల వ్యక్తిగత స్కోరు వద్ద నిష్క్రమించాడు. కేఎల్‌ రాహుల్‌ క్రీజులోకి వచ్చాడు. స్కోరు: 23/1 (1.4)తొలి ఓవర్లోనే 16 పరుగులుగుజరాత్‌ బౌలింగ్‌ ఎటాక్‌ను సిరాజ్‌ పేలవంగా ఆరంభించాడు. తొలి రెండు బంతులను వైడ్‌గా వేసిన ఈ రైటార్మ్‌ పేసర్‌ బౌలింగ్‌లో.. తర్వాతి రెండు బంతుల్లో అభిషేక్‌ పోరెల్‌ వరుసగా 4, 6 బాదాడు. ఐదో బంతిని కూడా బౌండరీకి తరలించాడు. అభిషేక్‌ పోరెల్‌ 14, కరుణ్‌ నాయర్‌ సున్నా పరుగులతో క్రీజులో ఉన్నారు.ఐపీఎల్‌-2025లో మరో ఆసక్తికర పోరు... వరుస విజయాలతో జోరు మీదున్న ఢిల్లీ ‍క్యాపిటల్స్‌ శనివారం మధ్యాహ్నం నాటి మ్యాచ్‌లో గుజరాత్‌ టైటాన్స్‌తో తలపడుతోంది. అహ్మదాబాద్‌లోని నరేంద్ర మోదీ స్టేడియం ఇందుకు వేదిక. టాస్‌ గెలిచిన గుజరాత్‌ తొలుత బౌలింగ్‌ ఎంచుకోగా.. ఢిల్లీ బ్యాటింగ్‌ చేస్తోంది.తుదిజట్లుగుజరాత్‌ టైటాన్స్‌సాయి సుదర్శన్, శుబ్‌మన్‌ గిల్(కెప్టెన్‌), జోస్ బట్లర్(వికెట్‌ కీపర్‌), షారుక్ ఖాన్, రాహుల్ తెవాటియా, రషీద్ ఖాన్, అర్షద్ ఖాన్, రవిశ్రీనివాసన్ సాయి కిషోర్, ప్రసిద్ధ్ కృష్ణ, మహ్మద్ సిరాజ్, ఇషాంత్ శర్మ.ఇంపాక్ట్‌ సబ్‌స్టిట్యూట్స్‌: షెర్ఫానే రూథర్‌ఫర్డ్‌, మహిపాల్‌ లామ్రోర్‌, అనూజ్‌ రావత్‌, వాషింగ్టన్‌ సుందర్‌, కరీం జనత్‌.ఢిల్లీ క్యాపిటల్స్‌అభిషేక్ పోరెల్, కరుణ్ నాయర్, కేఎల్ రాహుల్(వికెట్‌ కీపర్‌), ట్రిస్టన్ స్టబ్స్, అక్షర్ పటేల్(కెప్టెన్‌), అశుతోష్ శర్మ, విప్రజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మ, ముకేష్ కుమార్.ఇంపాక్ట్‌ సబ్‌స్టిట్యూట్స్‌: జేక్‌ ఫ్రేజర్‌-మెగర్క్‌, దర్శన్‌ నల్కాండే, సమీర్‌ రిజ్వీ, డొనొవన్‌ ఫెరీరా, దుష్మంత చమీర.కాగా ఢిల్లీ ఇప్పటి వరకు ఆడిన ఆరు మ్యాచ్‌లలో ఐదు గెలిచి పాయింట్ల పట్టికలో అగ్రస్థానంలో ఉండగా.. గుజరాత్‌ ఆరింట నాలుగు గెలిచి మూడో స్థానంలో కొనసాగుతోంది.చదవండి: సంజూతో విభేదాలు!.. స్పందించిన రాహుల్‌ ద్రవిడ్‌

గెలుపు జోష్‌లో ఉన్న ఢిల్లీ క్యాపిటల్స్‌ (Delhi Capitals) జట్టుకు ఎదురుదెబ్బ తగిలింది. ఆ టీమ్‌ బౌలింగ్‌ కోచ్‌ మునాఫ్‌ పటేల్‌ (Munaf Patel)కు ఐపీఎల్‌ పాలక మండలి జరిమానా విధించింది. అంతేకాదు.. అతడి ఖాతాలో ఓ డీమెరిట్‌ పాయింట్‌ కూడా జతచేసింది. రాజస్తాన్‌ రాయల్స్‌తో మ్యాచ్‌ సందర్భంగా మునాఫ్‌ పటేల్‌ అనుచిత ప్రవర్తనకు గానూ భారత క్రికెట్‌ నియంత్రణ మండలి (BCCI) ఈ మేరకు శిక్ష విధించింది.మ్యాచ్‌ ‘టై’.. ఫలితం తేల్చేందుకుఅసలేం జరిగిందంటే.. ఐపీఎల్‌-2025 (IPL 2025)లో భాగంగా ఢిల్లీ సొంత మైదానంలో బుధవారం రాజస్తాన్‌ రాయల్స్‌తో తలపడింది. అరుణ్‌జైట్లీ స్టేడియంలో టాస్‌ ఓడి తొలుత బ్యాటింగ్‌ చేసిన అక్షర్‌ సేన.. నిర్ణీత 20 ఓవర్లలో ఐదు వికెట్ల నష్టానికి 188 పరుగులు చేసింది.సూపర్‌ ఓవర్‌లో గెలిచిన ఢిల్లీఈ క్రమంలో లక్ష్య ఛేదనకు దిగిన రాజస్తాన్‌ రాయల్స్‌ కూడా 20 ఓవర్ల పూర్తయ్యేసరికి నాలుగు వికెట్లు కోల్పోయి.. 188 పరుగులే చేసింది. ఫలితంగా మ్యాచ్‌ ‘టై’ కావడంతో అంపైర్లు సూపర్‌ ఓవర్‌ నిర్వహించారు. ఇందులో భాగంగా తొలుత బ్యాటింగ్‌ చేసిన రాజస్తాన్‌ ఐదు బంతుల్లో రెండు వికెట్లు కోల్పోయి 11 పరుగులు చేయగా.. ఢిల్లీ (2, 4, 1, 6) నాలుగు బంతుల్లోనే లక్ష్యాన్ని ఛేదించింది.పట్టికలో అగ్రస్థానానికిఈ నేపథ్యంలో రాజస్తాన్‌ రాయల్స్‌పై గెలుపొందడంతో పాటు.. సీజన్‌లో ఐదో విజయం అందుకుని పాయింట్ల పట్టికలో అగ్రస్థానానికి దూసుకెళ్లింది. ఇదిలా ఉంటే.. ఢిల్లీ- రాజస్తాన్‌ జట్ల మధ్య సూపర్‌ ఓవర్‌ సమయంలో ఢిల్లీ బౌలింగ్‌ కోచ్‌ మునాఫ్‌ పటేల్‌ ఫోర్త్‌ అంపైర్‌తో వాదనకు దిగాడు.అంపైర్‌తో వాగ్వాదంబౌండరీ లైన్‌ వద్ద ఫోర్త్‌ అంపైర్‌ నిల్చుని ఉండగా.. అక్కడే కూర్చుని ఉన్న మునాఫ్‌ పటేల్‌ అతడితో తీవ్ర స్థాయిలో వాగ్వాదానికి దిగాడు. మైదానంలో ఉన్న తమ ఆటగాళ్లకు సందేశం చేరవేసేందుకు వేరే ఆటగాడిని పంపాలని భావించగా.. ఫోర్త్‌ అంపైర్‌ అందుకు నిరాకరించినట్లు సమాచారం. ఈ నేపథ్యంలోనే అతడితో మునాఫ్‌ వాదనకు దిగినట్లు తెలుస్తోంది. ఇందుకు సంబంధించిన దృశ్యాలు సోషల్‌ మీడియాలో చక్కర్లు కొట్టాయి.జరిమానాతో పాటుఈ క్రమంలో ఐపీఎల్‌ పాలక మండలి మునాఫ్‌ పటేల్‌కు జరిమానా విధిస్తున్నట్లు ప్రకటన విడుదల చేసింది. అంపైర్‌తో అనుచితంగా ప్రవర్తించిన కారణంగా అతడి మ్యాచ్‌ ఫీజులో 25 శాతం మేర కోత విధించడంతో పాటు.. ఓ డీమెరిట్‌ పాయింట్‌ కూడా జతచేసినట్లు వెల్లడించింది. ఐపీఎల్‌ ప్రవర్తనా నియామవళిలోని ఆర్టికల్‌ 2.20 నిబంధనను అతడు ఉల్లంఘించిన కారణంగా ఈ మేరకు చర్యలు తీసుకున్నట్లు తెలిపింది.కాగా మునాఫ్‌ పటేల్‌ మార్గదర్శనంలో ఢిల్లీ బౌలింగ్‌ విభాగం రాణిస్తోంది. అద్భుత ప్రదర్శనతో ఆకట్టుకుంటూ జట్టును అగ్రస్థానంలో నిలపడంలో బౌలర్లు కూడా కీలక పాత్ర పోషిస్తున్నారు. కాగా రాజస్తాన్‌ రాయల్స్‌తో మ్యాచ్‌లో ఆఖరి ఓవర్‌ను కట్టుదిట్టంగా వేసి.. మ్యాచ్‌ టై కావడానికి ప్రధాన కారణమైన పేసర్‌ మిచెల్‌ స్టార్క్‌.. సూపర్‌ ఓవర్‌లోనూ అద్భుతం చేసి ఢిల్లీని గెలిపించాడు. తద్వారా ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.చదవండి: Rohit Sharma: కమిన్స్‌, స్టార్క్‌ కాదు!.. అతడిని ఎదుర్కోవడమే అత్యంత కష్టం𝙉𝙚𝙧𝙫𝙚𝙨. 𝘿𝙧𝙖𝙢𝙖. 𝙀𝙢𝙤𝙩𝙞𝙤𝙣𝙨! 😉A quick morning catch-up on that late-night Super-Over nail-biter! 🙌#TATAIPL | #DCvRR | @DelhiCapitals pic.twitter.com/QeKsfPmCyk— IndianPremierLeague (@IPL) April 17, 2025

ఢిల్లీ క్యాపిటల్స్‌ స్టార్‌ కేఎల్‌ రాహుల్‌ (KL Rahul) బ్యాటింగ్‌ తీరును భారత మాజీ క్రికెటర్‌ ఛతేశ్వర్‌ పుజారా (Cheteshwar Pujara) విమర్శించాడు. రాజస్తాన్‌ రాయల్స్‌తో మ్యాచ్‌లో రాహుల్‌ జిడ్డు ఇన్నింగ్స్‌ ఆడాడని.. సీనియర్‌ ఆటగాడు ఇలా చేయడం తగదని పేర్కొన్నాడు. క్రీజులో కుదురుకున్న తర్వాతైనా ఈ కర్ణాటక క్రికెటర్‌ బ్యాట్‌ ఝులిపించాల్సిందని పుజారా అభిప్రాయపడ్డాడు.ఐపీఎల్‌-2025 (IPL 2025)లో ఢిల్లీ క్యాపిటల్స్‌కు ఆడుతున్న టీమిండియా వికెట్‌ కీపర్‌ బ్యాటర్‌ కేఎల్‌ రాహుల్‌.. ఆరంభ మ్యాచ్‌కు దూరమైన విషయం తెలిసిందే. ఆ తర్వాత అందుబాటులోకి వచ్చిన రాహుల్‌ ఢిల్లీ విజయాల్లో కీలక పాత్ర పోషిస్తూ తన విలువను చాటుకుంటున్నాడు. ఇప్పటికి ఐదు ఇన్నింగ్స్‌లో కలిపి 238 పరుగులు చేసిన ఈ కుడిచేతి వాటం బ్యాటర్‌.. ఢిల్లీ తరఫున టాప్‌ రన్‌ స్కోరర్‌గా కొనసాగుతున్నాడు. అయితే, రాజస్తాన్‌ రాయల్స్‌తో బుధవారం నాటి మ్యాచ్‌లో మాత్రం కేఎల్‌ రాహుల్‌ స్లో ఇన్నింగ్స్‌ ఆడాడు. అరుణ్‌జైట్లీ స్టేడియంలో టాస్‌ ఓడి తొలుత బ్యాటింగ్‌ చేసిన ఢిల్లీ ఆరంభంలోనే ఓపెనర్‌ జేక్‌ ఫ్రేజర్‌-మెగర్క్‌ (9) వికెట్‌ కోల్పోయింది. అతడి స్థానంలో వన్‌డౌన్‌లో వచ్చిన కరుణ్‌ నాయర్‌ రనౌట్‌ అయి డకౌట్‌గా వెనుదిరిగాడు.స్ట్రైక్‌ రేటు 118.75ఈ క్రమంలో మరో ఓపెనర్‌ అభిషేక్‌ పోరెల్‌ (37 బంతుల్లో 49) ఇన్నింగ్స్‌ చక్కదిద్దే బాధ్యత తీసుకోగా.. నాలుగో స్థానంలో వచ్చిన రాహుల్‌ అతడికి సహకరించాడు. అయితే, క్రీజులో నిలదొక్కుకునేందుకు రాహుల్‌ చాలా సమయమే తీసుకున్నాడు. మొత్తంగా 32 బంతులు ఎదుర్కొని రెండు ఫోర్లు, రెండు సిక్సర్ల సాయంతో 38 పరుగులు చేశాడు. స్ట్రైక్‌ రేటు 118.75.ఇక జోఫ్రా ఆర్చర్‌ బౌలింగ్‌లో షార్ట్‌ డెలివరీని ఆడబోయి రాహుల్‌ బంతిని గాల్లోకి లేపగా.. మిడ్‌ వికెట్‌ పొజిషన్‌లో ఉన్న హెట్‌మెయిర్‌ వేగంగా పరిగెత్తుకుని వచ్చి క్యాచ్‌ అందుకున్నాడు. దీంతో రాహుల్‌ ఇన్నింగ్స్‌కు తెరపడింది.షాట్ల ఎంపికలో జాగ్రత్త రాహుల్‌ఈ నేపథ్యంలో కేఎల్‌ రాహుల్‌ బ్యాటింగ్‌ గురించి ఛతేశ్వర్‌ పుజారా స్పందించాడు. ‘‘కేఎల్‌ సీనియర్‌ ఆటగాడు.. అతడు 15- 20 బంతులు ఆడాలని అనుకుని ఉంటాడు. ఆ తర్వాత బ్యాట్‌ ఝులిపిద్దామనుకున్నాడేమో!... కానీ నాకైతే అతడు కాస్త దూకుడుగా ఆడితే బాగుండు అనిపించింది.తను క్రీజులో కుదురుకున్నాడు.. పిచ్‌ పిరిస్థితులపై కూడా అవగాహన ఉంది. పరుగులు రాబట్టకపోతే కష్టమనీ తెలుసు. అయినా సరే ఎందుకో అతడు దూకుడుగా ఆడలేకపోయాడు. రాహుల్‌ బ్యాటింగ్‌ ఆర్డర్‌లో కాస్త మార్పు వచ్చింది.ఐపీఎల్‌లో తను ఓపెనర్‌గా వచ్చేవాడు. ఇప్పుడు మిడిలార్డర్‌లో వస్తున్నాడు. నిజానికి పవర్‌ ప్లేలో అతడి ఆట తీరు వేరేలా ఉండేది. ఏదేమైనా షాట్ల ఎంపికలో రాహుల్‌ ఇంకాస్త జాగ్రత్తగా ఉండాలి. అయితే, అతి జాగ్రత్త పనికిరాదు.ఎంత సేపూ వికెట్‌ కాపాడుకోవడం కోసమేనా?కేవలం వికెట్‌ కాపాడుకునేందుకే అతడు ప్రాధాన్యం ఇస్తున్నాడు. అలా కాకుండా తనదైన సహజశైలిలో రాహుల్‌ బ్యాటింగ్‌ చేస్తే బాగుంటుంది’’ అని పుజారా అభిప్రాయపడ్డాడు.ఇక మ్యాచ్‌ విషయానికొస్తే.. రాహుల్‌ అవుటైన తర్వాత.. ఆఖర్లో ట్రిస్టన్‌ స్టబ్స్‌ (18 బంతుల్లో 34 నాటౌట్‌), కెప్టెన్‌ అక్షర్‌ పటేల్‌ (14 బంతుల్లో 34) ధనాధన్‌ దంచికొట్టారు. ఫలితంగా ఢిల్లీ 20 ఓవర్లలో 188 పరుగులు చేయగలిగింది. లక్ష్య ఛేదనలో రాజస్తాన్‌ కూడా 188 పరుగులు చేసినా.. సూపర్‌ ఓవర్‌లో చెత్త బ్యాటింగ్‌తో ఢిల్లీ చేతిలో ఓడిపోయింది.చదవండి: అతడు చేసిన తప్పేంటి?.. మీకసలు తెలివి ఉందా?: షేన్‌ వాట్సన్‌ ఫైర్‌📁 TATA IPL↳ 📂 Super OverAnother day, another #TATAIPL thriller! 🤩Tristan Stubbs wins the Super Over for #DC in style! 🔥Scorecard ▶ https://t.co/clW1BIPA0l#DCvRR pic.twitter.com/AXT61QLtyg— IndianPremierLeague (@IPL) April 16, 2025𝙉𝙚𝙧𝙫𝙚𝙨. 𝘿𝙧𝙖𝙢𝙖. 𝙀𝙢𝙤𝙩𝙞𝙤𝙣𝙨! 😉A quick morning catch-up on that late-night Super-Over nail-biter! 🙌#TATAIPL | #DCvRR | @DelhiCapitals pic.twitter.com/QeKsfPmCyk— IndianPremierLeague (@IPL) April 17, 2025

ఐపీఎల్‌-2025లో ఆదివారం అరుణ్ జైట్లీ స్టేడియం వేదిక‌గా ముంబై ఇండియ‌న్స్‌తో జ‌రిగిన మ్యాచ్‌లో 12 ప‌రుగుల తేడాతో ఢిల్లీ క్యాపిట‌ల్స్ ఓట‌మి పాలైన సంగ‌తి తెలిసిందే. అయితే ఓట‌మి బాధ‌లో ఉన్న ఢిల్లీ క్యాపిట‌ల్స్ కెప్టెన్ అక్ష‌ర్ పటేల్‌కు భారీ షాక్ త‌గిలింది. అక్ష‌ర్‌కు ఐపీఎల్ అడ్వైజరీ కమిటీ భారీ జ‌రిమానా విధించింది.ముంబైతో జ‌రిగిన మ్యాచ్‌లో ఢిల్లీ క్యాపిట‌ల్స్‌ జట్టు నిర్ణీ సమయంలో పూర్తి ఓవర్ల కోటా పూర్తి చేయడంలో విఫలమైంది. ఈ సీజన్‌లో తొలిసారి ఢిల్లీ స్లో ఓవర్‌ రేట్‌ నమోదు చేయడంతో... ఐపీఎల్‌ నియమావళి ప్రకారం ఆ జట్టు కెప్టెన్ అయిన అక్ష‌ర్ ప‌టేల్‌పై రూ. 12 లక్షలు జరిమానా విధించారు."ఢిల్లీ క్యాపిట‌ల్స్ సార‌థి అక్ష‌ర్ ప‌టేల్‌కు జ‌రిమ‌నా విధించాం. అరుణ్ జైట్లీ స్టేడియంలో ముంబై ఇండియన్స్‌తో జరిగిన మ్యాచ్‌లో స్లో ఓవర్ రేట్‌ను కొనసాగించినందుకు ఈ నిర్ణ‌యం తీసుకున్నాము. ఆర్టికల్ 2.22 ఐపీఎల్‌ కోడ్‌ ఆఫ్‌ కండక్ట్ ప్రకారం అక్ష‌ర్ కు రూ. 12 లక్షలు జరిమానా విధించాం’’ అని ఐపీఎల్ అడ్వైజరీ కమిటీ ఓ ప్ర‌క‌ట‌న‌లో పేర్కొంది. ఐపీఎల్ 2025 సీజన్‌లో ‘స్లో ఓవర్ రేట్‌’ కారణంగా జరిమానా ఎదుర్కొన్న ఆరో కెప్టెన్ అక్ష‌ర్ ప‌టేల్ కావ‌డం గ‌మ‌నార్హం. ఈ జాబితాలో సంజూ శాంస‌న్‌, రియాన్ ప‌రాగ్‌, హార్దిక్ పాండ్యా, రిష‌బ్ పంత్‌, ర‌జత్ పాటిదార్ ఉన్నారు.కాగా ఈ మ్యాచ్‌లో మొద‌ట బ్యాటింగ్ చేసిన ముంబై ఇండియ‌న్స్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 205 ప‌రుగుల భారీ స్కోర్ చేసింది. ముంబై బ్యాట‌ర్ల‌లో తిల‌క్ వ‌ర్మ‌(59) టాప్ స్కోర‌ర్‌గా నిల‌వ‌గా.. ర్యాన్ రికెల్ట‌న్‌(41), సూర్య‌కుమార్‌(40), న‌మాన్ ధీర్‌(38) ప‌రుగుల‌తో రాణించారు. ఢిల్లీ బౌల‌ర్ల‌లో కుల్దీప్ యాద‌వ్, విప్ర‌జ్ నిగ‌మ్‌ రెండు వికెట్లు ప‌డ‌గొట్ట‌గా.. ముఖేష్ కుమార్ ఓ వికెట్ సాధించారు. అనంత‌రం 206 పరుగుల భారీ లక్ష్యంతో బరిలోకి దిగిన ఢిల్లీ క్యాపిటల్స్‌ 19 ఓవర్లలో 193 పరుగులకు ఆలౌటైంది. ఢిల్లీ 19 ఓవర్‌లో వరుసగా మూడు రనౌట్లు అయి మ్యాచ్‌ను చేజార్చుకుంది. చ‌ద‌వండి: IPL 2025: రోహిత్ శ‌ర్మ మాస్ట‌ర్ మైండ్‌.. డగౌట్​ నుంచే మ్యాచ్ తిప్పేసిన హిట్​మ్యాన్

ప్రస్తుత ఐపీఎల్‌ సీజన్‌లో ఢిల్లీ క్యాపిటల్స్‌ జైత్రయాత్ర కొనసాగుతోంది. ఈ సీజన్‌లో ఆ జట్టు ఇప్పటివరకు ఆడిన మూడు మ్యాచ్‌ల్లో గెలిచి ఏకైక అజేయ జట్టుగా నిలిచింది. గడిచిన 16 సీజన్లలో ఢిల్లీ ఆడిన తొలి మూడు మ్యాచ్‌లు గెలవడం ఇదే తొలిసారి. 2009 సీజన్‌లో ఆ జట్టు వీరేంద్ర సెహ్వాగ్‌ నేతృత్వంలో వరుసగా తొలి మూడు మ్యాచ్‌ల్లో విజయాలు సాధించింది. తాజాగా సెహ్వాగ్‌ రికార్డును అక్షర్‌ సమం చేశాడు. ఈ సీజన్‌తోనే ఢిల్లీ కెప్టెన్‌గా బాధ్యతలు చేపట్టిన అక్షర్‌ వరుసగా మూడు మ్యాచ్‌ల్లో తన జట్టుకు తిరుగులేని విజయాలను అందించాడు. 15 ఏళ్ల తర్వాత ఢిల్లీ చెన్నై సూపర్‌ కింగ్స్‌ను వారి అడ్డాలో (చెపాక్‌ స్టేడియం) ఓడించింది. ఢిల్లీ ఫ్రాంచైజీ చరిత్రలో అక్షర్‌కు ముందు సెహ్వాగ్‌ (2008), గంభీర్‌ (2010) మాత్రమే సీఎస్‌కేను వారి సొంత మైదానంలో ఓడించారు. నిన్న (ఏప్రిల్‌ 5) మధ్యాహ్నం చెపాక్‌లో జరిగిన మ్యాచ్‌లో ఢిల్లీ సీఎస్‌కేను 25 పరుగుల తేడాతో ఓడించింది.కేఎల్‌ రాహుల్‌ బాధ్యతాయుతమైన హాఫ్‌ సెంచరీతో ఢిల్లీ విజయంలో కీలకపాత్ర పోషించాడు. ఛేదనలో సీఎస్‌కే తడబడింది. ఢిల్లీ నిర్దేశించిన 184 పరుగుల లక్ష్యాన్ని ఛేదించలేక చతికిలబడింది. ధోని జిడ్డు బ్యాటింగ్‌తో (26 బంతుల్లో 30; ఫోర్‌, సిక్స్‌) సీఎస్‌కే విజయావకాశలను దెబ్బ తీశాడు. మరో ఎండ్‌లో త్రీడి ప్లేయర్‌ విజయ్‌ శంకర్‌ (54 బంతుల్లో 69 నాటౌట్‌; 5 ఫోర్లు, సిక్స్‌) కూడా నిదానంగా ఆడి సీఎస్‌కే పరాజయానికి కారకుడయ్యాడు. ఢిల్లీ బ్యాటర్లలో జేక్‌ ఫ్రేజర్‌ డకౌట్‌ కాగా.. అభిషేక్‌ పోరెల్‌ 33, అక్షర్‌ పటేల్‌ 21, సమీర్‌ రిజ్వి 20, ట్రిస్టన్‌ స్టబ్స్‌ 24 (నాటౌట్‌), అశోతోష్‌ శర్మ 1, విప్రాజ్‌ నిగమ్‌ 1 (నాటౌట్‌) పరుగులు చేశారు.సీఎస్‌కే బౌలర్లలో ఖలీల్‌ అహ్మద్‌ పొదుపుగా బౌలింగ్‌ చేసి 2 వికెట్లు తీయగా.. రవీంద్ర జడేజా, నూర్‌ అహ్మద్‌, మతీశ పతిరణ తలో వికెట్‌ పడగొట్టారు. అనంతరం బ్యాటింగ్‌కు దిగిన సీఎస్‌కే 74 పరుగులకే సగం వికెట్లు కోల్పోయి ఓటమి బాటలో నడిచింది. ఈ దశలో విజయ్‌ శంకర్‌, ధోని గెలుపు ప్రయత్నాలు ఏమాత్రం చేయకుండా వికెట్‌ కాపాడుకునే పని పడ్డారు. ధోని ఏకంగా 18 బంతుల తర్వాత తన తొలి సిక్సర్‌ను కొట్టాడు. విజయ్‌ శంకర్‌ ప్రస్తుత ఐపీఎల్‌ సీజన్‌లోనే అతి నిదానమైన హాఫ్‌ సెంచరీ (43 బంతుల్లో) చేశాడు. చివర్లో విజయ్‌ శంకర్‌ ధాటిగా ఆడే ప్రయత్నం చేసినా అప్పటికే జరగాల్సిన నష్టం జరిగిపోయింది. ఈ మ్యాచ్‌లో చెత్తగా ఆడిన ధోనిని సొంత అభిమానులు సైతం విసుక్కున్నారు. ధోని ఇక తప్పుకోవడం మంచిదని అభిప్రాయపడుతున్నారు. ఢిల్లీ బౌలర్లలో మిచెల్‌ స్టార్క్‌ (4-0-27-1), విప్రాజ్‌ నిగమ్‌ (4-0-27-2) అద్భుతంగా బౌలింగ్‌ చేశారు. ముకేశ్‌ కుమార్‌, కుల్దీప్‌ తలో వికెట్‌ తీసి పర్వాలేదనిపించారు. సీఎస్‌కే బ్యాటర్లలో రచిన్‌ రవీంద్ర 3, డెవాన్‌ కాన్వే 13, రుతురాజ్‌ 5, శివమ్‌ దూబే 18, రవీంద్ర జడేజా 2 పరుగులు చేశారు. ఈ ఓటమితో సీఎస్‌కే ఖాతాలో హ్యాట్రిక్‌ పరాజయాలు చేరాయి. తమ తొలి మ్యాచ్‌లో ముంబై ఇండియన్స్‌పై గెలుపొందిన ఈ జట్టు ఆతర్వాత వరుసగా ఆర్సీబీ, రాజస్థాన్‌ రాయల్స్‌, ఢిల్లీ చేతుల్లో ఓడింది. మరోవైపు అక్షర్‌ నేతృత్వంలోని ఢిల్లీ వరుసగా లక్నో, సన్‌రైజర్స్‌, సీఎస్‌కేపై విజయాలు సాధించింది. ఢిల్లీ తమ తదుపరి మ్యాచ్‌లో ఆర్సీబీతో (ఏప్రిల్‌ 10) తలపడనుండగా.. సీఎస్‌కే పంజాబ్‌ కింగ్స్‌ను (ఏప్రిల్‌ 8) ఢీకొట్టనుంది.

IPL 2025 CSK vs DC Updates: ఐపీఎల్‌-2025లో భాగంగా శనివారం చెన్నై సూపర్‌ కింగ్స్‌- ఢిల్లీ క్యాపిటల్స్‌ మధ్య మ్యాచ్‌ అప్‌డేట్స్‌ఢిల్లీ క్యాపిట‌ల్స్ ఘ‌న విజ‌యంచెపాక్ వేదిక‌గా చెన్నై సూప‌ర్ కింగ్స్‌తో జ‌రిగిన మ్యాచ్‌లో 25 ప‌రుగుల తేడాతో ఢిల్లీ క్యాపిట‌ల్స్ విజ‌యం సాధించింది. 184 ప‌రుగుల భారీ ల‌క్ష్యంతో బ‌రిలోకి దిగిన సీఎస్‌కే నిర్ణీత 20 ఓవ‌ర్ల‌లో 5 వికెట్లు కోల్పోయి 158 ప‌రుగుల‌కే ప‌రిమిత‌మైంది. సీఎస్‌కే బ్యాట‌ర్ల‌లో విజ‌య్ శంక‌ర్ 69 ప‌రుగుల‌తో టాప్ స్కోర‌ర్‌గా నిల‌వ‌గా.. ఎంఎస్ ధోని(30 నాటౌట్‌) ప‌ర్వాలేద‌న్పించాడు. మిగితా బ్యాట‌ర్లంతా దారుణంగా విఫ‌ల‌మ‌య్యారు. ఢిల్లీ బౌల‌ర్ల‌లో విప్ర‌జ్ నిగ‌మ్ రెండు వికెట్లు ప‌డ‌గొట్ట‌గా.. ముఖేష్ కుమార్‌, కుల్దీప్ యాద‌వ్‌, స్టార్క్ త‌లా వికెట్ సాధించారు.ఓట‌మి దిశ‌గా సీఎస్‌కే..17 ఓవ‌ర్లు ముగిసే స‌రికి సీఎస్‌కే 5 వికెట్ల న‌ష్టానికి 117 ప‌రుగులు చేసింది. సీఎస్‌కే విజ‌యానికి 18 బంతుల్లో 67 ప‌రుగులు కావాలి. క్రీజులో విజ‌య్ శంక‌ర్‌(51), ధోని(13) ఉన్నారు.సీఎస్‌కే ఐదో వికెట్ డౌన్‌ర‌వీంద్ర జ‌డేజా రూపంలో సీఎస్‌కే ఐదో వికెట్ కోల్పోయింది. 2 ప‌రుగులు చేసిన జ‌డేజా.. కుల్దీప్ యాద‌వ్ బౌలింగ్‌లో ఔట‌య్యాడు. 12 ఓవ‌ర్లు ముగిసే స‌రికి సీఎస్‌కే 5 వికెట్ల న‌ష్టానికి 80 ప‌రుగులు చేసింది. క్రీజులో ధోని(4), విజ‌య్ శంక‌ర్‌(26) ఉన్నారు.నాలుగో వికెట్‌ డౌన్‌శివం దూబే (15 బంతుల్లో 18) రూపంలో చెన్నై నాలుగో వికెట్‌ కోల్పోయింది. విప్రాజ్‌ బౌలింగ్‌లో దబే స్టబ్స్‌కు క్యాచ్‌ ఇచ్చి పెవిలియన్‌ చేరాడు. స్కోరు: 65/4 (9.2). జడేజా క్రీజులోకి వచ్చాడు. శంకర్‌ 17 పరుగులతో ఉన్నాడు. పవర్‌ ప్లేలో చెన్నై స్కోరు: 46/3 (6)దూబే 5, శంకర్‌ 11 రన్స్‌తో ఉన్నారు.మూడో వికెట్‌ కోల్పోయిన చెన్నై5.3: విప్రాజ్‌ నిగమ్‌ బౌలింగ్‌లో ఓపెనర్‌ డెవాన్‌ కాన్వే (13) అక్షర్‌ పటేల్‌కు క్యాచ్‌ ఇచ్చి వెనుదిరిగాడు. దీంతో చెన్నై మూడో వికెట్‌ కోల్పోయింది. ఇంపాక్ట్‌ ప్లేయర్‌గా శివం దూబే క్రీజులోకి వచ్చీ రాగానే ఫోర్‌ బాదాడు. విజయ్‌ శంకర్‌ 11 పరుగులతో ఉన్నాడు. స్కోరు: 45/3 (5.4) రెండో వికెట్‌ కోల్పోయిన చెన్నై2.3: కెప్టెన్‌ రుతురాజ్‌ గైక్వాడ్‌ రూపంలో సీఎస్‌కే రెండో వికెట్‌ కోల్పోయింది. స్టార్క్‌ బౌలింగ్‌లో మెగర్క్‌కు క్యాచ్‌ ఇచ్చి రుతు 5 పరుగుల వ్యక్తిగత స్కోరు వద్ద పెవిలియన్‌ చేరాడు. విజయ్‌ శంకర్‌ క్రీజులోకి వచ్చాడు. కాన్వే 5 రన్స్‌తో ఉన్నాడు. స్కోరు: 20/2 (2.3)తొలి వికెట్‌ కోల్పోయిన సీఎస్‌కే1.5: ముకేశ్‌ కమార్‌ బౌలింగ్‌ రచిన్‌ రవీంద్ర బౌల్డ్‌ అయ్యాడు. మొత్తంగా ఆరు బంతులు ఎదుర్కొన్న ఈ ఓపెనింగ్‌ బ్యాటర్‌ కేవలం మూడు పరుగులు చేసి నిష్క్రమించాడు. రుతురాజ్‌ గైక్వాడ్‌ క్రీజులోకి రాగా కాన్వే ఐదు పరుగులతో ఉన్నాడు. స్కోరు: 15-1(2)ఆఖరి ఓవర్లో రెండు వికెట్లు.. ఢిల్లీ స్కోరెంతంటే?చెన్నై సూపర్‌ కింగ్స్‌తో మ్యాచ్‌లో ఢిల్లీ క్యాపిటల్స్‌ మెరుగైన స్కోరు సాధించింది. టాస్‌ గెలిచి తొలుత బ్యాటింగ్‌ చేసిన అక్షర్‌ సేన.. నిర్ణీత 20 ఓవర్లలో ఆరు వికెట్ల నష్టానికి 183 పరుగులు చేసింది. కాగా తొలి ఓవర్లోనే ఓపెనర్‌ మెగర్క్‌ డకౌట్‌గా వెనుదిరిగినప్పటికీ.. మరో ఓపెనర్‌ కేఎల్‌ రాహుల్‌ జట్టును ఆదుకున్నాడు.Kamaal KL! 😎🏏KL Rahul brings up a sublime fifty as he leads the charge for #DC, eyeing a historic win at Chepauk, their first since 2010! Watch LIVE action ➡ https://t.co/4Kn2OwL1UW #IPLonJioStar 👉 #CSKvDC, LIVE NOW on Star Sports 2, Star Sports 2 Hindi & JioHotstar pic.twitter.com/bSx5mXAuoh— Star Sports (@StarSportsIndia) April 5, 2025వన్‌డౌన్‌ బ్యాటర్‌ అభిషేక్‌ పోరెల్‌ (20 బంతుల్లో 33) ఆది నుంచే దంచికొట్టగా.. రాహుల్‌ మాత్రం తొలుత ఆచితూచి ఆడాడు. అనంతరం కాస్త స్పీడు పెంచిన ఈ వికెట్‌ కీపర్‌ బ్యాటర్‌ అర్ధ శతకం పూర్తి చేసుకున్నాడు. అయితే, ఆఖరి ఓవర్లో.. 77 పరుగుల వ్యక్తిగత స్కోరు వద్ద కీపర్‌ ధోనికి క్యాచ్‌ ఇచ్చి పెవిలియన్‌ చేరాడు.మిగతా వాళ్లలో కెప్టెన్‌ అక్షర్‌ పటేల్‌ (14 బంతుల్లో 21) , సమీర్‌ రిజ్వీ (15 బంతుల్లో 21), ఆఖర్లో ట్రిస్టన్‌ స్టబ్స్‌ (12 బంతుల్లో 24 నాటౌట్‌) ఫర్వాలేదనిపించారు. ఇక సీఎస్‌కే బౌలర్లలో ఖలీల్‌ అహ్మద్‌ రెండు వికెట్లు తీయగా.. రవీంద్ర జడేజా, నూర్‌ అహ్మద్‌, మతీషా పతిరణ ఒక్కో వికెట్‌ పడగొట్టారు. ఆఖరి ఓవర్లో రెండు వికెట్లు19.2:పతిరణ బౌలింగ్‌లో రాహుల్‌ (77) వికెట్‌ కీపర్‌ ధోనికి క్యాచ్‌ ఇచ్చి అవుటయ్యాడు.ధోని మ్యాజిక్‌.. ఐదో వికెట్‌ డౌన్‌19.3: పతిరణ బౌలింగ్‌లో అశుతోశ్‌ శర్మ (1) రనౌట్‌ అయ్యాడు. స్టబ్స్‌తో కలిసి పరుగు పూర్తి చేసుకున్న అశుతోశ్‌ను.. వికెట్ల వెనుక వేగంగా కదిలిన ధోని అద్బుత రీతిలో రనౌట్‌ చేసి వెనక్కి పంపాడు. నాలుగో వికెట్‌ కోల్పోయిన ఢిల్లీ16.1: ఖలీల్‌ అహ్మద్‌ మరోసారి అద్భుతం చేశాడు. తొలి ఓవర్లో మేగర్క్‌ రూపంలో కీలక వికెట్‌ తీసిన ఈ పేస్‌ బౌలర్‌.. తాజాగా సమీర్‌ రిజ్వీని వెనక్కి పంపాడు.అహ్మద్‌ బౌలింగ్‌లో జడేజాకు క్యాచ్‌ ఇచ్చి 20 పరుగుల వ్యక్తిగత స్కోరు వద్ద రిజ్వీ పెవిలియన్‌ చేరాడు. అతడి స్థానంలో ట్రిస్టన్‌ స్టబ్స్‌ క్రీజులోకి వచ్చాడు. స్కోరు: 148/4 (16.2)15 ఓవర్లలో ఢిల్లీ స్కోరు: 138/3 (15)కేఎల్‌ రాహుల్‌ అర్ధ శతకం పూర్తి చేసుకున్నాడు. ఐపీఎల్‌లో అతడికి ఇది 38వ ఫిఫ్టీ. మరోవైపు సమీర్‌ రిజ్వీ నిలకడగానే ఆడుతున్నాడు. పదిహేను ఓవర్లు ముగిసే సరికి రాహుల్‌ 38 బంతుల్లో 4 ఫోర్లు, 3 సిక్సర్ల సాయంతో 61 పరుగులు చేయగా.. రిజ్వీ 13 బంతుల్లో 19 రన్స్‌ చేశాడు.10.4: మూడో వికెట్‌ కోల్పోయిన ఢిల్లీఅక్షర్‌ పటేల్‌ రూపంలో ఢిల్లీ మూడో వికెట్‌ కోల్పోయింది. నూర్‌ అహ్మద్‌ బౌలింగ్‌లో అక్షర్‌ బౌల్డ్‌ అయ్యాడు. మొత్తంగా 14 బంతులు ఎదుర్కొన్న కెప్టెన్‌ 21 రన్స్‌ చేసి పెవిలియన్‌ చేరాడు. స్కోరు: 90/3 (10.4). సమీర్‌ రిజ్వీ క్రీజులోకి వచ్చాడు.10 ఓవర్లు ముగిసే సరికి ఢిల్లీ స్కోరు: 82/2 అక్షర్‌ పటేల్‌, కేఎల్‌ రాహుల్‌ నిలకడగా ఆడుతున్నారు. పది ఓవర్లు ముగిసే సరికి అక్షర్‌ 12 బంతుల్లో 20, రాహుల్‌ 23 బంతుల్లో 29 రన్స్‌తో ఉన్నారు. రెండో వికెట్‌ కోల్పోయిన ఢిల్లీ6.5: జోరు మీదున్న పోరెల్‌కు జడేజా చెక్‌ పెట్టాడు. జడ్డూ బౌలింగ్‌లో పతిరణకు క్యాచ్‌ ఇచ్చి అతడు 33 పరుగుల వ్యక్తిగత స్కోరు వద్ద నిష్క్రమించాడు. అక్షర్‌ పటేల్‌ క్రీజులోకి రాగా.. రాహుల్‌ 21 పరుగులతో ఉన్నాడు. స్కోరు: 54/2 (6.5) పవర్‌ ప్లే ముగిసే సరికి ఢిల్లీ స్కోరు: 51/1 (6)పోరెల్‌ 32, రాహుల్‌ 19 పరుగులతో క్రీజులో ఉ‍న్నారు.నాలుగు ఓవర్లలో ఢిల్లీ స్కోరు: 32/1రాహుల్‌ 8, పోరెల్‌ 24 పరుగులతో క్రీజులో ఉన్నారు.రెండు ఓవర్లలో ఢిల్లీ స్కోరు: 20/1 (2) ముకేశ్‌ బౌలింగ్‌లో చితక్కొట్టిన అభిషేక్‌ పోరెల్‌. 0,4, 6, 4, 4, 1. రాహుల్‌ ఇంకా పరుగుల ఖాతా తెరవలేదు.తొలి ఓవర్లో ఒక్క పరుగు.. ఒక వికెట్‌ఖలీల్‌ అహ్మద్‌ చెన్నై బౌలింగ్‌ ఎటాక్‌ ఆరంభించాడు. తొలి నాలుగు బంతులను డాట్‌ చేసిన ఖలీల్‌... ఐదో బంతికి మెగర్క్‌ను పెవిలియన్‌కు పంపాడు. ఆఖరి బంతికి అభిషేక్‌ పోరెల్‌ ఒక పరుగు చేశాడు. ఢిల్లీ స్కోరు: 1-1 (1)రుతు సారథ్యంలోనేఈ మ్యాచ్‌కు చెన్నై రెగ్యులర్‌ కెప్టెన్‌ రుతురాజ్‌ గైక్వాడ్‌ దూరమయ్యాడని.. అతడి స్థానంలో మాజీ సారథి మహేంద్ర సింగ్‌ ధోని నాయకుడిగా వ్యవహరిస్తాడని వార్తలు వచ్చాయి. అయితే, గాయం నుంచి కోలుకున్న రుతు మైదానంలో అడుగుపెట్టడం గమనార్హం.ఫాఫ్‌ లేడుమరోవైపు.. టాస్‌ గెలిచిన ఢిల్లీ క్యాపిటల్స్‌ కెప్టెన్‌ అక్షర్‌ పటేల్‌.. తొలుత బ్యాటింగ్‌ చేయనున్నట్లు తెలిపాడు. మ్యాచ్‌ సాగుతున్న కొద్దీ వికెట్‌ స్లోగా మారే అవకాశం ఉందని.. అందుకే ఈ నిర్ణయం తీసుకున్నట్లు వెల్లడించాడు. ఈ మ్యాచ్‌లో కూడా తాము ముగ్గురు ఫాస్ట్‌ బౌలర్లు, ముగ్గురు స్పిన్నర్లతో బరిలోకి దిగుతున్నట్లు తెలిపాడు. దురదృష్టవశాత్తూ ఫాఫ్‌ డుప్లెసిస్‌ ఫిట్‌గా లేడని.. అందుకే అతడి స్థానంలో సమీర్‌ రిజ్వీ తుదిజట్టులోకి వచ్చినట్లు వెల్లడించాడు.తుదిజట్లుచెన్నైరచిన్ రవీంద్ర, డెవాన్ కాన్వే, రుతురాజ్ గైక్వాడ్(కెప్టెన్‌), విజయ్ శంకర్, రవీంద్ర జడేజా, ఎంఎస్‌ ధోని(వికెట్‌ కీపర్‌), రవిచంద్రన్ అశ్విన్, నూర్ అహ్మద్, ముకేష్ చౌదరి, ఖలీల్ అహ్మద్, మతీషా పతిరణఇంపాక్ట్‌ సబ్‌స్టిట్యూట్స్‌శివం దూబే, జేమీ ఓవర్టన్‌, షేక్‌ రషీద్‌, కమలేశ్‌ నాగర్‌కోటిఢిల్లీజేక్ ఫ్రేజర్-మెగర్క్, కేఎల్‌ రాహుల్(వికెట్‌ కీపర్‌), అభిషేక్ పోరెల్, ట్రిస్టన్ స్టబ్స్, సమీర్ రిజ్వీ, అక్షర్ పటేల్(కెప్టెన్‌), అశుతోష్ శర్మ, విప్రాజ్ నిగమ్, మిచెల్ స్టార్క్, కుల్దీప్ యాదవ్, మోహిత్ శర్మఇంపాక్ట్‌ సబ్‌స్టిట్యూట్స్‌ముకేశ్‌ కుమార్‌, కరుణ్‌ నాయర్‌, దర్శన్‌ నాల్కండే, డొనోవాన్‌ ఫెరీరా, త్రిపురాణ విజయ్‌

భారత క్రికెట్‌ నియంత్రణ మండలి (BCCI) ఇటీవల మహిళల సీనియర్‌ జట్టుకు సంబంధించిన వార్షిక కాంట్రాక్టులను విడుదల చేసింది. అయితే, పురుషుల సీనియర్‌ టీమ్‌ సెంట్రల్‌ కాంట్రాక్టుల విషయంలో ఆచితూచి నిర్ణయం తీసుకోవాల్సి ఉన్నందున కాస్త జాప్యం జరుగుతోందని బోర్డు వర్గాలు వెల్లడించాయి. తాజా సమాచారం ప్రకారం మరికొన్ని రోజుల్లోనే బీసీసీఐ ఈ అంశంపై తుదినిర్ణయం తీసుకోనున్నట్లు తెలుస్తోంది.ఈ నేపథ్యంలో బోర్డు కార్యదర్శి దేవజిత్‌ సైకియా.. టీమిండియా ప్రధాన కోచ్‌ గౌతం గంభీర్‌తో శనివారం సమావేశం కానున్నట్లు సమాచారం. కాగా బీసీసీఐ టీమిండియా ఆటగాళ్లను A+, A, B, C గ్రేడ్లుగా విభజించి వార్షిక వేతనాలు అందచేస్తోన్న విషయం తెలిసిందే. రోహిత్‌, కోహ్లిల కొనసాగింపు!కెప్టెన్‌ రోహిత్‌ శర్మతో పాటు దిగ్గజ బ్యాటర్‌ విరాట్‌ కోహ్లి, ఆల్‌రౌండర్‌ రవీంద్ర జడేజా, పేస్‌ దళ నాయకుడు జస్‌ప్రీత్‌ బుమ్రా అత్యుత్తమ గ్రేడ్‌ అయిన A+లో కొనసాగుతున్న విషయం తెలిసిందే.అయితే, టీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత రోహిత్‌, కోహ్లి, జడ్డూ అంతర్జాతీయ పొట్టి ఫార్మాట్‌కు వీడ్కోలు పలికారు. ప్రస్తుతం ఈ ముగ్గురు కేవలం వన్డే, టెస్టుల్లో మాత్రమే కొనసాగుతున్నారు. కాబట్టి వీరిని A+ గ్రేడ్‌ నుంచి తప్పించాలని బోర్డు నిర్ణయించినట్లు గతంలో వార్తలు పుట్టుకొచ్చాయి. అయితే, టైమ్స్‌ ఆఫ్‌ ఇండియా అందించిన తాజా సమాచారం ప్రకారం.. ఈ ముగ్గురితో పాటు బుమ్రాను A+ గ్రేడ్‌లోనే కొనసాగించనున్నారు.అంతేకాదు..టీ20 జట్టు వైస్‌ కెప్టెన్‌గా ఉన్న స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌కు ఈసారి ప్రమోషన్‌ దక్కనుంది. B గ్రేడ్‌ నుంచి అతడిని A గ్రేడ్‌కు ప్రమోట్‌ చేసే సూచనలు కనిపిస్తున్నాయి. అంతేకాదు.. క్రమశిక్షణారాహిత్యం వల్ల సెంట్రల్‌ కాంట్రాక్టు కోల్పోయిన మిడిలార్డర్‌ బ్యాటర్‌ శ్రేయస్‌ అయ్యర్‌ తిరిగి ఈ జాబితాలో చేరనున్నాడు.అంతేకాదు.. టాప్‌ గ్రేడ్‌లో అతడిని చేర్చేందుకు బీసీసీఐ నాయకత్వ బృందం సుముఖంగా ఉన్నట్లు సమాచారం. ఐసీసీ చాంపియన్స్‌ ట్రోఫీ-2025లో భారత టాప్‌ రన్‌ స్కోరర్‌గా నిలిచి.. జట్టు విజయంలో కీలక పాత్ర పోషించినందుకు అతడికి ఈ మేర రిటర్న్‌గిఫ్ట్‌ లభించనున్నట్లు తెలుస్తోంది. అయితే, శ్రేయస్‌ మాదిరి అనూహ్యంగా సెంట్రల్‌ కాంట్రాక్టు కోల్పోయిన ఇషాన్‌ కిషన్‌ విషయంలో మాత్రం బీసీసీఐ ఇంకా గుర్రుగానే ఉన్నట్లు తెలుస్తోంది.టాప్‌ క్లాస్‌లో అతడి పేరుఈ విషయాల గురించి బీసీసీఐ సన్నిహిత వర్గాలు మాట్లాడుతూ.. ‘‘శ్రేయస్‌ తిరిగి వార్షిక కాంట్రాక్టు దక్కించుకోబోతున్నాడు. అది కూడా టాప్‌ క్లాస్‌లో అతడి పేరు చేరనుంది. ఇందుకు సంబంధించి చర్చలు జరుగుతున్నాయి. కానీ ఇషాన్‌ కిషన్‌ విషయంలో మాత్రం ఇంకా ఏ నిర్ణయం తీసుకోలేదు’’ అని పేర్కొన్నాయి.తొలిసారి వీళ్లకు చోటుఇక ఈసారి మిస్టరీ స్పిన్నర్‌ వరుణ్‌ చక్రవర్తి, ఆంధ్ర ఆల్‌రౌండర్‌ నితీశ్‌ కుమార్‌ రెడ్డి, అభిషేక్‌ శర్మ కొత్తగా బీసీసీఐ వార్షిక కాంట్రాక్టులు దక్కించుకునే సూచనలు కనిపిస్తున్నాయి. కాగా బీసీసీఐ కాంట్రాక్టు దక్కించుకోవాలంటే.. ఒక క్యాలెండర్‌ ఇయర్‌లో టీమిండియా తరఫున మూడు టెస్టులు లేదంటే.. ఎనిమిది వన్డేలు.. లేదా పది అంతర్జాతీయ టీ20లు ఆడి ఉండాలి. తద్వారా మరుసటి ఏడాది సదరు ఆటగాళ్లకు బోర్డు వార్షిక కాంట్రాక్టు ఇస్తుంది.ఇక బీసీసీఐ A+ గ్రేడ్‌లో ఉన్న ఆటగాళ్లకు ఏడాదికి రూ. 7 కోట్లు, A గ్రేడ్‌లో ఉన్నవారికి రూ. 5 కోట్లు, B గ్రేడ్‌లో ఉన్నవారికి రూ. 3 కోట్లు, C గ్రేడ్‌లో ఉన్నవారికి రూ. కోటి వార్షిక జీతంగా ఇస్తుంది.గతేడాది కాలానికి (2023-24) గానూ బీసీసీఐ ప్రకటించిన కాంట్రాక్టుల జాబితాగ్రేడ్‌- A+: రోహిత్‌ శర్మ,విరాట్‌ కోహ్లి, జస్‌ప్రీత్‌ బుమ్రా, రవీంద్ర జడేజాగ్రేడ్‌- A: రవిచంద్రన్‌ అశ్విన్‌, మహ్మద్‌ షమీ, మహ్మద్‌ సిరాజ్‌, కేఎల్‌ రాహుల్‌, శుబ్‌మన్‌ గిల్‌, హార్దిక్‌ పాండ్యాగ్రేడ్‌- B: సూర్యకుమార్‌ యాదవ్‌, రిషభ్‌ పంత్‌, కుల్దీప్‌ యాదవ్‌, అక్షర్‌ పటేల్‌, యశస్వి జైస్వాల్‌గ్రేడ్‌- C: రింకూ సింగ్‌, తిలక్‌ వర్మ, రుతురాజ్‌ గైక్వాడ్‌, శార్దూల్‌ ఠాకూర్‌, శివం దూబే, రవి బిష్ణోయి, జితేశ్‌ శర్మ, వాషింగ్టన్‌ సుందర్‌, ముకేశ్‌ కుమార్‌, సంజూ శాంసన్‌, అర్ష్‌దీప్‌ సింగ్‌, కేఎస్‌ భరత్‌, ప్రసిద్‌ కృష్ణ, ఆవేశ్‌ ఖాన్‌,రజత్‌ పాటిదార్‌.

ఐపీఎల్‌ 2025లో భాగంగా నిన్న (మార్చి 24) జరిగిన రసవత్తర సమరంలో లక్నో సూపర్‌ జెయింట్స్‌పై ఢిల్లీ క్యాపిటల్స్‌ పరుగు తేడాతో గెలిచింది. లక్నో నిర్దేశించిన భారీ లక్ష్య ఛేదనలో ఢిల్లీ ఆదిలో తడబడినా చివరికి విజయం సాధించింది. ఆశుతోష్‌ శర్మ (31 బంతుల్లో 66 నాటౌట్‌; 5 ఫోర్లు, 5 సిక్సర్లు), విప్రాజ్‌ నిగమ్‌ (15 బంతుల్లో 39; 5 ఫోర్లు, 2 సిక్సర్లు) సంచలన ఇన్నింగ్స్‌లు ఆడి ఢిల్లీని గెలిపించారు.టాస్‌ ఓడి తొలుత బ్యాటింగ్‌ చేసిన లక్నో.. మిచెల్‌ మార్ష్‌ (36 బంతుల్లో 72; 6 ఫోర్లు, 6 సిక్సర్లు), నికోలస్‌ పూరన్‌ (30 బంతుల్లో 75; 6 ఫోర్లు, 7 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో నిర్ణీత ఓవర్లలో 8 వికెట్ల నష్టానికి 209 పరుగులు చేసింది. అనంతరం ఛేదనలో 65 పరుగులకే సగం వికెట్లు కోల్పోయిన ఢిల్లీని అశుతోష్‌.. ట్రిస్టన్‌ స్టబ్స్‌ (22 బంతుల్లో 34; ఫోర్‌, 3 సిక్సర్లు), విప్రాజ్‌ నిగమ్‌ సాయంతో గెలిపించాడు. అప్పటికే 9 వికెట్లు కోల్పోయిన ఢిల్లీకి చివరి ఓవర్‌లో గెలుపుకు 6 పరుగులు కావాలి. తొలి బంతికి లక్నో కెప్టెన్‌ రిషబ్‌ పంత్‌ మోహిత్‌ శర్మ స్టంపింగ్‌ను మిస్‌ చేశాడు. దీంతో ఊపిరిపీల్చుకున్న ఢిల్లీ ఆ తర్వాత మూడో బంతిని అశుతోష్‌ సిక్సర్‌గా మలచడంతో సంబరాలు చేసుకుంది. ఐపీఎల్‌లో ఇంత భారీ లక్ష్యాన్ని (210) ఛేదించడం ఢిల్లీకి ఇదే మొదటిసారి. ఐపీఎల్‌లో ఓ జట్టు లక్నోపై 200 ప్లస్‌ టార్గెట్‌ను ఛేదించడం​ కూడా ఇదే మొదటిసారి.మ్యాచ్‌ అనంతరం​ విన్నింగ్‌ కెప్టెన్‌ అక్షర్‌ పటేల్‌ మాట్లాడుతూ ఇలా అన్నాడు. ఎందుకో తెలీదు నా కెప్టెన్సీలోనే ఇలా జరుగుతుంది. పరిస్థితులు అప్‌ అండ్‌ డౌన్‌గా ఉంటాయి. మొత్తానికి మేం గెలిచాం. ఇప్పుడు ఆ ఓవర్ స్టబ్స్‌కి ఎందుకు ఇచ్చావని జనాలు నన్ను తిట్టరు. చివరిసారిగా ఇలాంటి ఉత్కంఠభరితమైన మ్యాచ్‌ ఎప్పుడు చూశానో గుర్తులేదు.మొదటి ఆరు ఓవర్లలో వాళ్ళు (మార్ష్‌, పూరన్‌) ఆడిన తీరు చూస్తే ఈజీగా 240 పైచిలుకు పరుగులు సాధిస్తారని అనుకున్నా. మా బౌలర్లు చాలా ఎక్కువ పరుగులు ఇచ్చారని అనిపించింది. మొదట్లో మేము కొన్ని క్యాచ్‌లు కూడా వదిలేశాము. అయినా తిరిగి ఆటలోకి రాగలిగాము. విప్రాజ్‌ సామర్థ్యం గురించి మాకు ముందే తెలుసు.కాగా, ఈ మ్యాచ్‌లో అక్షర్‌ ట్రిస్టన్‌ స్టబ్స్‌తో 13వ ఓవర్‌ వేయించాడు. అప్పటికే శివాలెత్తిపోయిన పూరన్‌ స్టబ్స్‌ బౌలింగ్‌లో మరింత రెచ్చిపోయి వరుసగా నాలుగు సిక్సర్లు, బౌండరీ సహా 28 పరుగులు పిండుకున్నాడు. అక్షర్‌ ఆ సమయంలో స్టబ్స్‌తో ఎందుకు బౌలింగ్‌ చేయించాడో ఎవరికీ అర్దం కాలేదు.

ఐపీఎల్‌-2025 (IPL)లో మరో ఆసక్తికర మ్యాచ్‌కు రంగం సిద్ధమైంది. ఢిల్లీ క్యాపిటల్స్‌ (Delhi Capitals)- లక్నో సూపర్‌ జెయింట్స్‌ (Lucknow Super Giants) మధ్య సోమవారం పోటీ జరుగనుంది. విశాఖపట్నంలోని వైఎస్సార్‌ ఏసీఏ–వీడీసీఏ స్టేడియం ఇందుకు వేదిక. కాగా ఢిల్లీ క్యాపిటల్స్‌కు ఇది రెండో హోంగ్రౌండ్‌ అన్న విషయం తెలిసిందే.ఇదిలా ఉంటే.. ఢిల్లీకి గతేడాది సారథ్యం వహించిన టీమిండియా స్టార్‌ రిషభ్‌ పంత్‌.. ఈసారి లక్నో సూపర్‌ జెయింట్స్‌కు కెప్టెన్‌ అయ్యాడు. రూ. 27 కోట్ల భారీ ధరకు లక్నో ఫ్రాంఛైజీ కొనుక్కోగా.. ఈ సీజన్‌లో తొలి మ్యాచ్‌లోనే తన పాత జట్టుపై ఈ వికెట్‌ కీపర్‌ ప్రతాపం చూపేందుకు సిద్ధమయ్యాడు.పంత్‌ వర్సెస్‌ అక్షర్‌!మరోవైపు.. పంత్‌ నిష్క్రమణతో ఖాళీ అయిన ఢిల్లీ క్యాపిటల్స్‌ కెప్టెన్సీ పోస్టును టీమిండియా ఆల్‌రౌండర్‌ అక్షర్‌ పటేల్‌ భర్తీ చేశాడు. ఈ జట్టులో మరో టీమిండియా స్టార్‌ కేఎల్‌ రాహుల్‌ కూడా కీలకం కానున్నాడు. అయితే, లక్నోతో మ్యాచ్‌కు అతడు దూరమయ్యే అవకాశాలు ఎక్కువగా ఉన్నాయి. రాహుల్‌ భార్య అతియా శెట్టి త్వరలోనే తమ తొలి సంతానానికి జన్మనివ్వనుండటం ఇందుకు కారణంగా తెలుస్తోంది.గాయాల బెడదఇదిలా ఉంటే.. లక్నో జట్టును గాయాల బెడద వేధిస్తోంది. ఆ జట్టు పేసర్‌ మొహ్సిన్‌ ఖాన్‌ సీజన్‌ మొత్తానికి దూరం కాగా.. అతడి స్థానంలో శార్దూల్‌ ఠాకూర్‌ జట్లుఓకి వచ్చాడు. అయితే, కీలక పేసర్లు మయాంక్‌ యాదవ్‌, ఆవేశ్‌ ఖాన్‌, ఆకాశ్‌ దీప్‌ కూడా గాయాల బారిన పడ్డారు. వీరంతా ప్రస్తుతం చికిత్స తీసుకుంటున్నారు.ఇలా స్టార్‌ పేసర్లంతా గాయపడటం లక్నో తుదిజట్టు కూర్పుపై కచ్చితంగా ప్రభావం చూపనుంది. మరోవైపు.. ఢిల్లీ రాహుల్‌ సేవలను కోల్పోయినా జేక్‌ ఫ్రేజర్‌-మెగర్క్‌తో పాటు ఫాఫ్‌ డుప్లెసిస్‌ అందుబాటులో ఉండటం.. ఆ జట్టుకు సానుకూలాంశంగా పరిణమించింది. అంతేకాదు ప్రపంచస్థాయి పేసర్‌ మిచెల్‌ స్టార్క్‌ కూడా జట్టుతో ఉండటం ఢిల్లీకి కలిసి రానుంది.లక్నోదే పైచేయిఇక లక్నో మిచెల్‌ మార్ష్‌తో అర్షిన్‌ కులకర్ణిని ఇన్నింగ్స్‌ ఆరంభించేందుకు పంపే సూచనలు ఉన్నాయి. పంత్‌ వికెట్‌ కీపర్‌గా బాధ్యతలు నిర్వర్తించడంతో పాటు నాయకుడిగానూ జట్టును ముందుండి నడిపించనుండగా.. నికోలస్‌ పూరన్‌ స్పెషలిస్టు బ్యాటర్‌గా అందుబాటులో ఉన్నాడు. ఇంపాక్ట్‌ ప్లేయర్‌గా ఆకాశ్‌ సింగ్‌ లేదంటే షాబాజ్ అహ్మద్‌ బరిలోకి దిగే ఛాన్స్‌ ఉంది. కాగా ఢిల్లీ- లక్నో జట్లు ఇప్పటి వరకు ముఖాముఖి ఐదుసార్లు తలపడగా.. ఢిల్లీ రెండుసార్లు, లక్నో మూడుసార్లు గెలిచాయి.వర్షం ముప్పు?ఇదిలా ఉంటే.. విశాఖపట్నంలో ఒక్కసారిగా వాతావరణం మారిపోయింది. ఉరుములతో ఆకాశం మేఘావృతమైంది. ఇక హైదరాబాద్‌లో ఇప్పటికే కుండపోత వర్షం కురుస్తుండగా.. విశాఖలోనూ వాన పడితే ఢిల్లీ- లక్నో మ్యాచ్‌పై ప్రభావం పడనుంది.ఐపీఎల్‌-2025: ఢిల్లీ వర్సెస్‌ లక్నో తుదిజట్లు (అంచనా)ఢిల్లీజేక్ ఫ్రేజర్-మెగర్క్, ఫాఫ్ డు ప్లెసిస్, అభిషేక్ పోరెల్ (వికెట్‌ కీపర్‌), కరుణ్ నాయర్, అక్షర్ పటేల్ (కెప్టెన్‌), ట్రిస్టన్ స్టబ్స్, అశుతోష్ శర్మ, మిచెల్ స్టార్క్, కుల్దీప్ యాదవ్, ముకేష్ కుమార్, టి.నటరాజన్ఇంపాక్ట్‌ ప్లేయర్‌: మోహిత్‌ శర్మలక్నోఅర్షిణ్‌ కులకర్ణి, మిచెల్‌ మార్ష్‌, రిషభ్‌ పంత్‌(కెప్టెన్‌, వికెట్‌ కీపర్‌), నికోలస్‌ పూరన్‌, ఆయుశ్‌ బదోని, డేవిడ్‌ మిల్లర్‌, అబ్దుల్‌ సమద్‌, శార్దూల్‌ ఠాకూర్‌, రాజ్‌వర్ధన్‌ హంగ్రేకర్‌, రవి బిష్ణోయి, షమార్‌ జోసెఫ్‌ఇంపాక్ట్‌ ప్లేయర్‌: ఆకాశ్‌ సింగ్‌/షాబాజ్‌ అహ్మద్‌.చదవండి: కలకాలం గుర్తుండిపోతుంది!.. ఎవరీ విఘ్నేశ్‌?.. ధోని కూడా ఫిదా!Captains 👍Match-day rivals 🆚Friends through & through 🤝𝗠. 𝗢. 𝗢. 𝗗 Axar & Rishabh as we gear up for tonight's #DCvLSG clash 👌👌#TATAIPL | @DelhiCapitals | @LucknowIPL | @akshar2026 | @RishabhPant17 pic.twitter.com/mI2RI3WHYF— IndianPremierLeague (@IPL) March 24, 2025

ఇండియన్ ప్రీమియర్ లీగ్‌ (IPL)లో ఒక్కసారి కూడా టైటిల్ సాధించలేకపోయిన అతి కొద్ది జట్లలో ఢిల్లీ క్యాపిటల్స్ (Delhi Capitals) ఒకటి. గత సీజన్లో వరుసగా పరాజయ పరంపరతో ప్రారంభించి మొదటి అయిదు మ్యాచ్ లలో నాలుగింటిలో ఓటమి చవిచూసి.. చివరికి ఆరో స్థానంతో ముగించింది ఢిల్లీ. అయితే, ఈసారి జట్టు స్వరూపాన్నే మార్చేసింది. గత సీజన్ కెప్టెన్ భారత్ జట్టు వికెట్ కీపర్ బ్యాటర్‌ రిషబ్ పంత్ (Rishabh Pant)ను రికార్డు స్థాయిలో రూ 27 కోట్లకు లక్నో సూపర్ జెయింట్స్‌ కనుగోలు చేసిన తర్వాత కొత్త వ్యూహానికి తెరతీసింది.అనుభవజ్ఞుడైన భారత్ వికెట్ కీపర్ బ్యాటర్ కెఎల్ రాహుల్‌ (KL Rahul), దక్షిణాఫ్రికా వెటరన్ ఆటగాడు ఫాఫ్ డు ప్లెసిస్ వంటి సీనియర్లను కొనుగోలు చేసింది. కానీ గతంలో పంజాబ్ కింగ్స్, లక్నో సూపర్ జెయింట్స్‌కి కెప్టెన్ గా వ్యవహరించిన కెఎల్ రాహుల్‌ ఢిల్లీ పగ్గాలు చేపట్టేందుకు అంత ఆసక్తి చూపించకపోవడంతో ఇటీవల ఛాంపియన్స్ ట్రోఫీ లో రాణించిన మరో యువ ఆల్ రౌండర్ అక్షర్ పటేల్ కి నాయకత్వ బాధ్యతలు అప్పగించారు.ఢిల్లీ క్యాపిటల్స్‌ మేనేజ్‌మెంట్‌లోనూ మార్పులుఢిల్లీ బ్యాక్‌రూమ్ సిబ్బందిలో కూడా మార్పులు చేశారు. ఆస్ట్రేలియా మాజీ కెప్టెన్ రికీ పాంటింగ్ స్థానంలో భారత్ మాజీ ఆల్ రౌండర్ హేమాంగ్ బదానీని ప్రధాన కోచ్‌గా నియమించారు. భారత మాజీ బ్యాటర్ విశాఖపట్నంకి చెందిన వై వేణుగోపాలరావు కొత్త క్రికెట్ డైరెక్టర్‌గా బాధ్యతలు చేపట్టాడు. ఇంగ్లండ్‌ మాజీ ఆటగాడు కెవిన్ పీటర్సన్‌ను మెంటార్‌గా, మాథ్యూ మోట్‌ను అసిస్టెంట్ కోచ్‌గా, మునాఫ్ పటేల్‌ను బౌలింగ్ కోచ్‌గా నియమించారు.సీనియర్లకు మళ్ళీ జట్టులో చోటుఅయితే ఢిల్లీ జట్టులో చాలా మంది గత సీజన్ ఆటగాళ్లు మళ్లీ జట్టు లో కొనసాగుతున్నారు. గత సీజన్ లో ప్రాతినిధ్యం వహించిన అక్షర్ పటేల్ , కుల్దీప్ యాదవ్, ట్రిస్టన్ స్టబ్స్, అభిషేక్ పోరెల్‌లను రెటైన్ చేసారు. వేలంలో ఆస్ట్రేలియా బ్యాటర్‌ జేక్ ఫ్రేజర్-మెక్‌గుర్క్‌ను తిరిగి కొనుగోలు చేశారు. పేసర్ ముఖేష్ కుమార్ కూడా గత సీజన్ లో ఢిల్లీ తరపున ఆడాడు. దేశవాళీ క్రికెట్ లో అద్భుతంగా రాణించిన కరుణ్ నాయర్ కూడా గతంలో ఈ ఫ్రాంచైజీ తరపున ఆడారు.గత సీజన్‌లో తమ ఫాస్ట్ బౌలింగ్ యూనిట్‌తో ఢిల్లీ సమస్యలను ఎదుర్కొంది. ఈ కారణంగా బౌలింగ్ విభాగాన్ని బలోపేతం చేశారు. ఆస్ట్రేలియా కి చెందిన సీనియర్ పేస్ బౌలర్ మిచెల్ స్టార్క్ (రూ 11.75 కోట్లు), టి నటరాజన్ (రూ 10.75 కోట్లు), ముఖేష్ కుమార్ (రూ 8 కోట్లు) , మోహిత్ శర్మ (రూ 2.20 కోట్లు)లను తీసుకువచ్చారు. ఇక స్పిన్ విభాగం లో కుల్దీప్ మరియు అక్షర్ పటేల్ ఉన్నారు.ఇంగ్లండ్‌ ఆటగాడు హ్యారీ బ్రూక్ జట్టు నుంచి తప్పుకోవడం ఢిల్లీ క్యాపిటల్స్ ని కొంత దెబ్బతీసింది. అయితే ఢిల్లీ కొత్త జట్టు కొత్త కెప్టెన్, కొత్త వ్యూహం తో ఈసారి రంగ ప్రవేశం చేస్తోంది. అక్షర్ పటేల్ నేతృత్వంలోని ఢిల్లీ క్యాపిటల్స్ మార్చి 24 (సోమవారం)న విశాఖపట్నంలోని డాక్టర్ వైఎస్ రాజశేఖర రెడ్డి ఏసీఏ-విడిసిఏ క్రికెట్ స్టేడియంలో రిషబ్ పంత్ నాయకత్వంలోని లక్నో సూపర్ జెయింట్స్‌తో జరిగే మ్యాచ్ తో తమ ఐపీఎల్ 2025 సీజన్ని ప్రారంభిస్తుంది. విశాఖపట్నం ని తన రెండో హోమ్ గ్రౌండ్ గా ఎంచుకున్న ఢిల్లీ తన మొదటి రెండు హోమ్ మ్యాచ్‌లను ఇక్కడే ఆడుతుంది.ఢిల్లీ క్యాపిటల్స్ జట్టు లో ప్రధాన ఆటగాళ్ళుజేక్ ఫ్రేజర్-మెక్‌గుర్క్ఆస్ట్రేలియా కి చెందిన జేక్ ఫ్రేజర్-మెక్‌గుర్క్ 2023 నుండి టీ20లలో పవర్‌ప్లేలో అత్యధిక స్ట్రైక్ రేట్‌ (168.04) ఉన్న బ్యాటర్లలో ట్రావిస్ హెడ్ (184.8), అభిషేక్ శర్మ (181.47) ల తర్వాత మూడో స్థానం లో ఉన్నాడు. 21 ఏళ్ల ఈ యువ బ్యాటర్‌ 2024లో ఢిల్లీ క్యాపిటల్స్ తరపున 234.04 స్ట్రైక్ రేట్‌తో 330 పరుగులు సాధించాడు. ఈ కారణంగా ఢిల్లీ క్యాపిటల్స్ మరోసారి అతడిని కొనుగోలు చేసింది.కెఎల్ రాహుల్మాజీ లక్నౌ కెప్టెన్ కెఎల్ రాహుల్ ఇటీవల ఛాంపియన్ ట్రోఫీ లో తన అసాధారణ ప్రతిభతో భారత్ జట్టుకి విజయాలు చేకూర్చి ప్రశంసలు అందుకున్నాడు. ఈ సీజన్‌లో రాహుల్ ఢిల్లీ క్యాపిటల్స్ తరపున ఓపెనింగ్ చేయనున్నాడు. ఐపీఎల్ లో బాగా నిలకడ రాణిస్తున్న బ్యాటర్లలో ఒకడిగా పేరు పొందిన రాహుల్ 132 మ్యాచ్‌లు ఆడి 135 స్ట్రైక్ రేట్‌తో 37 అర్ధ సెంచరీలు, నాలుగు సెంచరీలతో 4,683 పరుగులు సాధించాడు.ఫాఫ్ డు ప్లెసిస్అపార అనుభవం ఉన్న ఈ దక్షిణాఫ్రికా వెటరన్ ఆటగాడు ఈ సీజన్ లో ఓపెనర్ గాను, ఢిల్లీ క్యాపిటల్స్‌కు వైస్ కెప్టెన్‌గా వ్యవహరిస్తాడు. ఫాఫ్ 145 ఐపీఎల్ మ్యాచ్‌లలో ఆడాడు. 140 స్ట్రైక్ రేట్‌తో 37 అర్ధ సెంచరీ లతో 4571 పరుగులు చేశాడు.కరుణ్ నాయర్దేశవాళీ క్రికెట్ లో సెంచరీలతో రికార్డుల మోత మోగించిన కరుణ్ నాయర్ మళ్ళీ ఐపీఎల్ లో ఢిల్లీ తరపున రంగ ప్రవేశం చేయడానికి సిద్ధంగా ఉన్నాడు. విదర్భ రంజీ ట్రోఫీ విజయంలో కరుణ్ నాయర్ కీలక పాత్ర పోషించాడు. ఫైనల్స్‌లో 120 , 80 పరుగులు చేశాడు. విజయ్ హజారే ట్రోఫీలో కరుణ్ నాయర్ ఎనిమిది మ్యాచ్‌ల్లో 700 కంటే ఎక్కువ పరుగులు సాధించాడు. 76 ఐపీఎల్ మ్యాచ్‌లతో, దాదాపు 130 స్ట్రైక్ రేట్‌తో 10 అర్ధ సెంచరీలతో 1,496 పరుగులు చేశాడు. మిడిల్ ఆర్డర్‌లో అతని స్థిరత్వం ఢిల్లీ కి కీలకం.అక్షర్ పటేల్కొత్త కెప్టెన్ గా బాధ్యతలు చేపట్టిన అక్షర్ పటేల్ తన జట్టును ఫైనల్స్‌కు తీసుకెళ్లాలని పట్టుదలతో ఉన్నాడు. ఇటీవల ఛాంపియన్స్ ట్రోఫీ లో భారత్ తరపున బ్యాటింగ్ లోనూ, బౌలింగ్ లోనూ రాణించిన అక్షర్ పటేల్ కి కెప్టెన్ గా పెద్ద అనుభవం లేదు. అయితే తన నైపుణ్యంతో రాణించగల సామర్థ్యముంది. అక్షర్ ఇంతవరకు 150 ఐపీఎల్ మ్యాచ్‌లలో, 130 స్ట్రైక్ రేట్‌తో మూడు అర్ధ సెంచరీలతో 1,653 పరుగులు చేశాడు. 8 కంటే తక్కువ ఎకానమీతో 123 వికెట్లతో సాధించిన అక్షర్ జట్టుకు సరైన సమతుల్యతను ఇస్తాడనడంలో సందేహం లేదు.ఢిల్లీ క్యాపిటల్స్ జట్టుకెఎల్ రాహుల్, జేక్ ఫ్రేజర్-మెక్‌గుర్క్, కరుణ్ నాయర్, అభిషేక్ పోరెల్, ట్రిస్టియన్ స్టబ్స్, అక్షర్ పటేల్, కుల్దీప్ యాదవ్, టి నటరాజన్, మిచెల్ స్టార్క్, సమీర్ రిజ్వీ, అశుతోష్ శర్మ, మోహిత్ శర్మ, ఫాఫ్ డుప్లెసిస్, ముఖేష్ కుమార్, దర్శన్ నల్కాండే, విప్ రాజ్ నిగమ్, దుష్మంత చమీరా, డోనోవన్ ఫెరీరా, అజయ్ మండల్, మన్వంత్ కుమార్, త్రిపురాన విజయ్, మాధవ్ తివారీ.

ఇండియన్‌ ప్రీమియర్‌ లీగ్‌ (IPL)- 2025లో ఐదు జట్లకు కొత్త కెప్టెన్లు వచ్చారు. లక్నో సూపర్‌ జెయింట్స్‌కు రిషభ్‌ పంత్‌ (Rishabh Pant), పంజాబ్‌ కింగ్స్‌కు శ్రేయస్‌ అయ్యర్‌, ఢిల్లీ క్యాపిటల్స్‌కు అక్షర్‌ పటేల్‌, రాయల్‌ చాలెంజర్స్‌ బెంగళూరుకు రజత్‌ పాటిదార్‌, కోల్‌కతా నైట్‌ రైడర్స్‌కు అజింక్య రహానే సారథ్యం వహించనున్నారు.అయితే, వీరిలో రజత్‌ (Rajat Patidar), అక్షర్‌లకు ఐపీఎల్‌లో కెప్టెన్‌గా పనిచేసిన అనుభవం లేదు. ఈ నేపథ్యంలో ఈసారి ఈ ఇద్దరు కఠిన సవాళ్లు ఎదుర్కోబోతున్నారని టీమిండియా మాజీ వికెట్‌ కీపర్‌ బ్యాటర్‌ రాబిన్‌ ఊతప్ప అన్నాడు. అయితే, వీరిద్దరిలో రజత్‌తో పోలిస్తే అక్షర్‌పై ఒత్తిడి కాస్త తక్కువగా ఉంటుందని అభిప్రాయపడ్డాడు.కోహ్లి సూపర్‌స్టార్‌డమ్‌తోనూ పోటీఇందుకు గల కారణాన్ని వెల్లడిస్తూ.. ‘‘అక్షర్‌ పటేల్‌, రజత్‌ పాటిదార్‌లను పోల్చి చూస్తే అక్షర్‌కు కాస్త వెసలుబాటు ఉంటుంది. జట్టు, సారథ్య బాధ్యతలు తీసుకోవడం కొత్తే అయినా.. కొంతమంది పాతవాళ్లు కూడా ఉండటం అక్షర్‌కు సానుకూలాంశం.రజత్‌కు కూడా జట్టులో కొంతమంది ఆటగాళ్లతో గతంలో ఆడిన అనుభవం ఉంది. కానీ.. అతడు మిగతా విషయాలతో పాటు.. విరాట్‌ కోహ్లి సూపర్‌స్టార్‌డమ్‌తోనూ పోటీ పడాల్సి ఉంటుంది. అతడిపై కోహ్లి ప్రభావం కచ్చితంగా ఉంటుంది. కెప్టెన్సీ నైపుణ్యాలు మెరగుపరచుకునే క్రమంలో ఒక్కోసారి కోహ్లిపైనే ఆధారపడాల్సి ఉంటుంది.కోహ్లి నీడలో కాకుండా.. అయితే, నాకు తెలిసి రజత్‌కు ఆర్సీబీ మేనేజ్‌మెంట్‌ పూర్తి స్వేచ్ఛ ఇచ్చి ఉంటుందనిపిస్తోంది. కోహ్లి నీడలో కాకుండా.. రజత్‌ తన మార్కు చూపిస్తే బాగుంటుంది. ఏదేమైనా ఈసారి ఆర్సీబీ, కోల్‌కతా, ఢిల్లీ జట్లు తమ కొత్త కెప్టెన్లతో ఎలాంటి ఫలితాలు సాధిస్తాయో చూడాలని ఆతురతగా ఉంది.ముఖ్యంగా రజత్‌పైనే ఎక్కువ మంది దృష్టి సారిస్తారు అనడంలో సందేహం లేదు. ఆర్సీబీకి ఉన్న క్రేజ్‌ అలాంటిది. ఈ జట్టు ఒక్కసారి కూడా టైటిల్‌ గెలవలేదు.. కాబట్టి రజత్‌ ఆ రాతను మారుస్తాడో లేదో చూడాలి. దేశవాళీ క్రికెట్‌లో మధ్యప్రదేశ్‌ జట్టుకు విజయాలు అందించిన ఘనత అతడికి ఉంది. అయితే, ఐపీఎల్‌లోనూ అదే ఫలితాన్ని పునరావృతం చేయడం అంత సులువేమీ కాదు’’ అని రాబిన్‌ ఊతప్ప అభిప్రాయపడ్డాడు. కాగా ఐపీఎల్‌-2025 సీజన్‌ మార్చి 22న కోల్‌కతా- బెంగళూరు మధ్య మ్యాచ్‌తో మొదలుకానుంది.ఐపీఎల్‌-2025లో ఆర్సీబీ జట్టువిరాట్‌ కోహ్లి, రజత్‌ పటిదార్‌, యశ్‌ దయాళ్‌, జోష్‌ హాజల్‌వుడ్‌, ఫిల్‌ సాల్ట్‌,జితేశ్‌ శర్మ, భువనేశ్వర్‌ కుమార్‌, లియామ్‌ లివింగ్‌స్టోన్‌, రసిక్‌ ధార్‌, కృనాల్‌ పాండ్యా , టిమ్‌ డేవిజ్‌, జాకబ్‌ బెథెల్‌, సుయాశ్‌ శర్మ, దేవ్‌దత్‌ పడిక్కల్‌, తుషార, రొమరియో షెఫర్డ్‌, లుంగి ఎంగిడి, స్వప్నిల్‌ సింగ్‌, మనోజ్‌, మోహిత్‌ రాఠి, అభినందన్‌, స్వస్తిక్‌ చికార.చదవండి: ముగ్గురు టీమిండియా కెప్టెన్లు.. అది నా అదృష్టం: హార్దిక్‌ పాండ్యా

ఐపీఎల్‌ 2025 సీజన్‌ ప్రారంభానికి ముందు ఢిల్లీ క్యాపిటల్స్‌ యాజమాన్యం కీలక ప్రకటన చేసింది. తమ జట్టు వైస్‌ కెప్టెన్‌గా ఫాఫ్‌ డుప్లెసిస్‌ను నియమిస్తున్నట్లు ఇవాళ (మార్చి 17) వెల్లడించింది. గత రెండు సీజన్లలో ఆర్సీబీ కెప్టెన్‌గా వ్యవహరించిన ఫాఫ్‌ను ఢిల్లీ ఈ సీజన్‌ మెగా వేలంలో సొంతం చేసుకుంది. ఢిల్లీ ఫాఫ్‌ను బేస్‌ ధర రూ. 2 కోట్లకు దక్కించుకుంది. కొద్ది రోజుల కిందటే ఢిల్లీ యాజమాన్యం తమ నూతన కెప్టెన్‌గా అక్షర్‌ పటేల్‌ను ఎంపిక చేసింది. ఈ సీజన్‌లో ఫాఫ్‌ అక్షర్‌కు డిప్యూటీగా పని చేస్తాడు. ఆర్సీబీ కెప్టెన్‌గా, సౌతాఫ్రికా కెప్టెన్‌గా ఫాఫ్‌కు మంచి అనుభవం ఉంది. ఫాఫ్‌ కెప్టెన్సీ అనుభవం​ ఈ సీజన్‌లో అక్షర్‌ పటేల్‌కు చాలా ఉపయోగపడుతుందని ఢిల్లీ మేనేజ్‌మెంట్‌ భావిస్తుంది. ఫాఫ్‌ ఐపీఎల్‌లో చెన్నై సూపర్‌కింగ్స్‌, ఆర్సీబీ ఫ్రాంచైజీల తరఫున ఆడాడు. ఫాఫ్‌ తన ఐపీఎల్‌ కెరీర్‌లో 145 మ్యాచ్‌లు ఆడి 136.37 స్ట్రయిక్‌రేట్‌తో 4571 పరుగులు చేశాడు. ఇందులో 37 హాఫ్‌ సెంచరీలు ఉన్నాయి. ఫాఫ్‌ ఈ సీజన్‌లో ఢిల్లీ ఓపెనర్‌గా బరిలోకి దిగే అవకాశం ఉంది. ఆసీస్‌ యువ ఆటగాడు జేక్‌ ఫ్రేజర్‌ మెక్‌గుర్క్‌తో ఫాఫ్‌ జోడీ కట్టవచ్చు. కాగా, ఢిల్లీ మేనేజ్‌మెంట్‌ అక్షర్‌ పటేల్‌ను కెప్టెన్‌గా నియమించకముందు ఈ సీజన్‌లోనే తమతో చేరిన కేఎల్‌ రాహుల్‌ను కెప్టెన్సీ కోసం​ సంప్రదించినట్లు తెలుస్తుంది. అయితే ఢిల్లీ మేనేజ్‌మెంట్‌ ఆఫర్‌ను రాహుల్‌ తిరస్కరించాడని సమాచారం. రాహుల్‌ కేవలం ఆటగాడిగా మాత్రమే కొనసాగేందుకు సుముఖత వ్యక్తం చేసినట్లు తెలుస్తుంది. ఈ సీజన్‌లో రాహుల్‌, డుప్లెసిస్‌తో పాటు ఆసీస్‌ స్పీడ్‌స్టర్‌ మిచెల్‌ స్టార్క్‌ కూడా ఢిల్లీతో జతకట్టాడు. ఈ సీజన్‌ మెగా వేలంలో ఢిల్లీ మేనేజ్‌మెంట్‌ స్టార్క్‌కు మంచి ధర చెల్లించి సొంతం చేసుకుంది. గత సీజన్‌ వరకు ఢిల్లీ కెప్టెన్‌గా ఉన్న రిషబ్‌ పంత్‌ను ఈ సీజన్‌లో లక్నో రికార్డు ధరకు (రూ.27 కోట్లు) సొంతం చేసుకుంది. పంత్‌ లక్నో కెప్టెన్‌గా నియమితుడయ్యాడు. ఇదిలా ఉంటే, ఐపీఎల్‌ 2025 సీజన్‌లో ఢిల్లీ క్యాపిటల్స్‌ ప్రయాణం.. మే 24న లక్నో సూపర్‌ జెయింట్స్‌తో జరిగే మ్యాచ్‌తో మొదలవుతుంది. ఈ మ్యాచ్‌ వైజాగ్‌లో జరుగనుంది. ఈ సీజన్‌ మార్చి 22న కేకేఆర్‌, ఆర్సీబీ మ్యాచ్‌తో మొదలవుతుంది.ఐపీఎల్‌ 2025 సీజన్‌ కోసం ఢిల్లీ జట్టు..అభిషేక్ పోరెల్, ఫాఫ్ డుప్లెసిస్, జేక్ ఫ్రేజర్-మెక్‌గుర్క్, కరుణ్ నాయర్, కేఎల్ రాహుల్, సమీర్ రిజ్వీ, ట్రిస్టన్ స్టబ్స్, అక్షర్ పటేల్, డోనోవన్ ఫెరీరా, అజయ్ మండల్, మన్వంత్ కుమార్, అశుతోష్ శర్మ, మాధవ్ తివారీ, దుష్మంత చమీర, కుల్దీప్‌ యాదవ్‌, ముకేశ్‌ కుమార్, టి. నటరాజన్‌, విప్రాజ్‌ నిగమ్‌, మిచెల్ స్టార్క్, త్రిపురణ విజయ్

క్రికెట్‌ అభిమానులను అలరించేందుకు ఐపీఎల్‌ 18వ సీజన్‌ రెడీ అవుతోంది. పొట్టి ఫార్మాట్‌లో క్రికెట్‌ లవర్స్‌ను బాగా ఆకట్టుకున్న ఈ మెగా టోర్నమెంట్‌ మార్చి 22 నుంచి ప్రారంభమవుతోంది. 10 టీమ్‌లు బరిలో​కి దిగేందుకు సమాయత్తమవుతున్నాయి. ఐపీఎల్‌ ఆరంభం నుంచి ఉన్న బెంగళూరు రాయల్‌ చాలెంజర్స్‌, ఢిల్లీ క్యాపిటల్స్‌, పంజాబ్‌ కింగ్స్‌ ఇప్పటివరకు కప్‌ కొట్టలేకపోయాయి. మధ్యలో వచ్చిన లక్నో సూపర్‌ జెయింట్స్‌ కూడా ఇంకా టైటిల్‌ దక్కించుకోలేదు. కొత్త కెప్టెన్లతో బరిలోకి దిగుతున్న ఈ నాలుగు జట్లు ఈసారైనా ఐపీఎల్‌ కప్‌ అందుకుంటాయా, లేదా అనేది ఆసక్తికరంగా మారింది.న్యూ రోల్‌లో రాణిస్తాడా?టోర్నమెంట్‌కు వారం రోజుల ముందు ఢిల్లీ క్యాపిటల్స్‌ ఫ్రాంచైజీ తమ టీమ్‌ కెప్టెన్‌ (Team Captain) ఎవరనేది ప్రకటించింది. ఆల్‌రౌండర్‌ అక్షర్‌ పటేల్‌ను కెప్టెన్‌గా ఎంపిక చేసినట్టు అధికారికంగా వెల్లడించింది. కేఎల్‌ రాహుల్‌ సారథ్య బాధ్యతలు తీసుకోవడానికి సుముఖంగా లేకపోవడంతో అక్షర్‌ పటేల్‌కు అరుదైన అవకాశం లభించింది. ఇప్పటివరకు ఆల్‌రౌండర్‌గా రాణించిన ఈ లెఫ్ట్‌ ఆర్మ్‌ స్పిన్నర్‌ కమ్‌ బ్యాటర్‌.. జ‌ట్టు నాయకుడిగా ఎలాంటి ముద్ర వేస్తాడనేది చూడాలి. ఆటగాడిగా తానేంటో నిరూపించుకున్న అక్షర్‌ కెప్టెన్‌గా జట్టును ఎలా నడిపిస్తాడేనన్నది ఆసక్తికరంగా మారింది.పొట్టి ఫార్మాట్‌లో రాణిస్తూ..గత కొంతకాలంగా పొట్టి ఫార్మాట్‌లో అక్షర్‌ పటేల్‌ (Axar Patel) స్థిరంగా రాణిస్తున్నాడు. టీమిండియాలో అవకాశం వచ్చిన ప్రతిసారీ దాన్ని సద్వినియోగం చేసుకునేందుకు శాయశక్తులా ప్రయత్నిస్తున్నాడు. తాజాగా ముగిసిన ఐసీసీ చాంపియన్స్‌ ట్రోఫీలోనూ జట్టు విజయంలో తన వంతు పాత్ర పోషించాడు. బ్యాటింగ్‌ ఆర్డర్‌లో ప్రమోషన్‌ పొందడమే కాకుండా మెప్పు పొందేలా ఆడాడు. ముఖ్యంగా మిడిల్‌ ఓవర్లలో స్పిన్నర్లను దీటుగా ఎదుర్కొంటూ పరుగులు రాబడుతూ జట్టుకు ప్రయోజనకరంగా మారాడు. చాంపియన్స్‌ ట్రోఫీలో 5 వికెట్లు పడగొట్టడంతో పాటు 109 పరుగులు చేసి తన విలువ చాటుకున్నాడు.ఐపీఎల్‌లో అదుర్స్‌2014లో ఐపీఎల్‌లో అరంగ్రేటం చేసిన అక్షర్‌ పటేల్‌ ఇప్పటివరకు 150 మ్యాచ్‌లు ఆడాడు. 21.47 సగటు, 130.88 స్టైక్‌ రేటుతో 1653 పరుగులు చేశాడు. గత రెండు సీజన్లలో అద్భుతంగా రాణించాడు. గత ఐపీఎల్‌లో 235 పరుగులు చేయగా, 2023లో 283 పరుగులు సాధించాడు. ఈ రెండు ఎడిషన్లలోనూ 11 వికెట్ల ప్రదర్శన చేశాడు. ఐపీఎల్‌లో ఇప్పటివరకు మొత్తం 123 వికెట్లు తన ఖాతాలో వేసుకు​న్నాడు. ఫీల్డింగ్‌లోనూ చురుకుదనం ప్రదర్శించాడు. బౌలింగ్‌కు కాస్త పేస్‌ జోడించి ‘ఆర్మ్‌ బాల్‌’తో నేరుగా వికెట్లపైకి సంధిస్తూ వికెట్లు చేజిక్కించుకోవడం అక్షర్‌ పటేల్‌ స్పెషాలిటీ. తన మ్యాజిక్‌తో ఈ ఐపీఎల్‌లో ఎలాంటి ఫలితం రాబతాడో చూడాలి మరి.చ‌ద‌వండి: 'అక్ష‌రా'ల అమూల్యం., టీమిండియాలో స్థానం సుస్థిరంక్యాపిటల్స్‌కు కప్‌ తెస్తాడా?ఢిల్లీ క్యాపిటల్స్‌ కెప్టెన్‌గా ఎంపికైన అక్షర్‌ పటేల్‌ ముందు ఇప్పుడు పెద్ద లక్షమే ఉంది. ఇప్పటివరకు డీసీ ఒక్కసారి కూడా ఐపీఎల్‌ టైటిల్‌ గెలవలేదు. 2020లో దుబాయ్‌లో జరిగిన టోర్నమెంట్‌లో ఫైనల్‌ వరకు చేరుకుని ముంబై ఇండియన్స్‌ చేతిలో పరాజయం పాలైంది. గత సీజన్‌లో ఆరో స్థానానికి పరిమితమైంది. మరి ఈసారి ఢిల్లీ క్యాపిటల్స్‌ను (Delhi Capitals) అక్షర్‌ పటేల్‌ అంతకంటే మెరుగైన స్థానంలో ఉంచుతాడా, టైటిల్‌ గెలుస్తాడా అనేది వేచి చూడాల్సిందే.

ఐపీఎల్‌-2025 సీజ‌న్‌లో ఢిల్లీ క్యాపిట‌ల్స్ కొత్త కెప్టెన్ ఎవ‌రన్న ఉత్కంఠ‌కు తెర‌ప‌డింది. టీమిండియా స్టార్ ఆల్‌రౌండ‌ర్ అక్ష‌ర్ ప‌టేల్‌ను ఢిల్లీ క్యాపిట‌ల్స్ ఫ్రాంచైజీ త‌మ కెప్టెన్‌గా నియమించింది. కాగా ఢిల్లీ క్యాపిట‌ల్స్ తొలుత కేఎల్ రాహ‌ల్‌ను కెప్టెన్‌గా ఎంపిక చేయాల‌ని భావించింది.కానీ అందుకు రాహుల్ సుముఖ‌త చూప‌క‌పోవ‌డంతో అక్ష‌ర్‌కు త‌మ జ‌ట్టు ప‌గ్గాల‌ను ఢిల్లీ యాజ‌మాన్యం అప్ప‌గించింది. ఐపీఎల్‌లలో అక్ష‌ర్ పటేల్ ఓ జట్టుకు కెప్టెన్‌గా వ్య‌వ‌హ‌రించ‌నుండ‌డం ఇదే తొలిసారి. కాగా అక్షర్ 2019 నుంచి డీసీ జట్టుతో కొనసాగుతున్నాడు.ఐపీఎల్‌-2025 మెగా వేలానికి ముందు రూ. 16.50 కోట్ల భారీ ధ‌ర వెచ్చించి అక్ష‌ర్‌ను ఢిల్లీ రిటైన్ చేసుకుంది. అదేవిధంగా అక్షర్ పటేల్ ప్రస్తుతం భారత జట్టులో కీలక సభ్యునిగా కొనసాగుతున్నాడు. టీ20ల్లో అతడికి బీసీసీఐ సెలక్టర్లు వైస్ కెప్టెన్సీ పగ్గాలు అప్పగించారు.ఇటీవల ముగిసిన ఛాంపియన్స్ ట్రోఫీలోనూ అక్షర్ ఆల్‌రౌండ్ షోతో అదరగొట్టాడు. భారత్ టైటిల్‌​ కైవసం చేసుకోవడంలో అక్షర్‌ది కీలక పాత్ర. . టీమిండియా తరఫున అక్షర్ పటేల్ 71 టీ20 మ్యాచ్‌లు ఆడిన అక్షర్ పటేల్ 535 పరుగులతో పాటు, 71 వికెట్లు కూడా తీసుకున్నాడు. 150 ఐపీఎల్ మ్యాచ్‌లలో 1653 పరుగులు చేసి 123 వికెట్లు తీసుకున్నాడు.రాహుల్ విషెస్‌..ఇక కెప్టెన్‌గా ఎంపికైన అక్ష‌ర్ పటేల్‌కు త‌న స‌హ‌చ‌ర ఆట‌గాడు కేఎల్ రాహుల్‌కు అభినంద‌న‌లు తెలిపాడు. "కంగ్రాట్స్ బాపు(అక్ష‌ర్ ప‌టేల్‌). ఈ స‌రికొత్త ప్ర‌యాణంలో మీకు అంతా మంచి జ‌రగాల‌ని కోరుకుంటున్నాను. నా వంతు స‌పోర్ట్ మీకు ఎల్ల‌ప్పుడూ ఉంటుంది" అని రాహుల్ త‌న ఇన్‌స్టా స్టోరీలో రాసుకొచ్చాడు.కాగా రాహుల్ గత మూడు సీజన్లలో లక్నో సూపర్ జెయింట్స్‌కు నాయకత్వం వహించాడు. అయితే ఐపీఎల్ 2025 మెగా వేలానికి ముందు రాహుల్‌ను లక్నో ఫ్రాంచైజీ విడుదల చేసింది. అతడి స్ధానంలో డైనమిక్ వికెట్ కీపర్-బ్యాటర్ రిషబ్ పంత్‌ను రూ. 27 కోట్లకు కొనుగోలు చేసి లక్నో సూపర్‌ జెయింట్స్ తమ జట్టు కెప్టెన్సీ అప్పగించింది.చదవండి: స్టార్ క్రికెట‌ర్ ఇంట్లో తీవ్ర విషాదం.. చిన్నారి మృతి

ఐపీఎల్‌-2025 (IPL 2025) సీజన్‌లో ఢిల్లీ క్యాపిటల్స్‌ తమ కొత్త కెప్టెన్‌ పేరును ప్రకటించింది. టీమిండియా స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌(Axar Patel)కు సారథిగా పగ్గాలు అప్పగించింది. ఈ మేరకు శుక్రవారం ఢిల్లీ క్యాపిటల్స్‌ ఫ్రాంచైజీ సోషల్‌ మీడియా వేదికగా ఆధికారిక ప్రకటన చేసింది.తొలుత స్టార్‌ బ్యాటర్‌ కేఎల్‌ రాహుల్‌కు కెప్టెన్సీ పగ్గాలు అప్పగించాలని ఢిల్లీ మెనెజ్‌మెంట్‌ భావించినప్పటికీ.. అతడు అందుకు ఆసక్తి చూపలేదు. ఈ క్రమంలోనే అక్షర్‌ పటేల్‌ను తమ జట్టు సారథిగా ఢిల్లీ ఫ్రాంచైజీ నియమించింది. కాగ ఐపీఎల్‌-2025 మెగా వేలానికి ముందు రూ. 16.50 కోట్ల భారీ ధ‌ర వెచ్చించి మ‌రీ అక్ష‌ర్‌ను ఢిల్లీ రిటైన్ చేసుకుంది. 31 ఏళ్ల అక్షర్ పటేల్‌.. 2019 ఐపీఎల్ సీజన్ నుంచి ఢిల్లీ క్యాపిటల్స్‌లో భాగంగా ఉన్నాడు. గతంలో దేశవాళీ క్రికెట్‌లో గుజరాత్ జట్టుకు కెప్టెన్‌గా పనిచేసిన అనుభవం అక్షర్‌కు ఉంది.అక్షర్‌ పటేల్‌ ప్రస్తుతం భారత జట్టు వైస్‌ కెప్టెన్‌గా ఉన్నాడు. స్వదేశంలో ఇంగ్లండ్‌తో జరిగిన ఐదు మ్యాచ్‌ల టీ20 సిరీస్‌లో సూర్యకుమార్‌ డిప్యూటీగా అక్షర్‌ వ్యవహరించాడు. ఆ సిరీస్‌లో పటేల్‌ ఆల్‌రౌండ్‌ షోతో అదరగొట్టాడు.ఐపీఎల్‌లో కూడా అతడికి అద్బుతమైన రికార్డు ఉంది. ఇప్పటివరకు 150 ఐపీఎల్‌ మ్యాచ్‌లు ఆడిన అక్షర్‌.. 1653 పరుగులతో పాటు 123 వికెట్లు పడగొట్టాడు. ఇక కెప్టెన్‌గా ఎంపికైన అనంతరం అక్షర్‌ పటేల్‌ తొలిసారి స్పందించాడు."ఢిల్లీ క్యాపిటల్స్‌కు కెప్టెన్‌గా ఎంపికవ్వడం నాకు దక్కిన గౌరవంగా భావిస్తున్నాను. నాపై నమ్మకం ఉంచి ఈ బాధ్యతలు అప్పగించిన ఢిల్లీ యాజమానులకు, సహాయక సిబ్బందికి కృతజ్ఞతలు తెలపాలనుకుంటున్నాను. ఢిల్లీ క్యాపిటల్స్‌తో నాకు బలమైన అనుబంధం ఉంది. ఢిల్లీ క్యాపిటల్స్‌ సభ్యునిగా ఉంటూనే ఒక క్రికెటర్‌గా నేను అత్యున్నతస్ధాయికి చేరుకున్నాను. ఈ జ‌ట్టును ముందుకు న‌డిపించేందుకు సిద్దంగా ఉన్నాను. మా కోచ్‌లు, స్కౌట్‌లో మెగా వేలంలో స‌రైన ఆట‌గాళ్ల‌ను కొనుగోలు చేశారు. మా జ‌ట్టు ఇప్పుడు అన్ని విభాగాల్లో స‌మ‌తుల్యంగా ఉంది. మా జ‌ట్టులో కెప్టెన్‌గా ప‌నిచేసిన అనుభ‌వం ఉన్న ఆట‌గాళ్లు చాలా మంది ఉన్నారు. ఇది నాకు చాలా ఉపయోగకరంగా ఉంటుంది. ఈ ఏడాది సీజన్‌ కోసం ఆతృతగా ఎదురుచూస్తున్నట్లు"అక్షర్‌ ఓ ప్రకటనలో పేర్కొన్నాడు. కాగా అక్షర్‌ పటేల్‌ ఢిల్లీ క్యాపిటల్స్‌ 13వ కెప్టెన్‌ కావడం గమనార్హం. గత సీజన్ వరకు తమ జట్టు కెప్టెన్‌గా వ్యవహరించిన రిషబ్‌ పంత్‌ను ఢిల్లీ మెగా వేలంలోకి విడిచిపెట్టిం‍ది. అతడిని లక్నో సూపర్‌ జెయింట్స్‌ రూ. 27 కోట్లకు కొనుగోలు చేసి కెప్టెన్సీ అప్పగించింది.ఢిల్లీ క్యాపిట్సల్ కెప్టెన్లు వీరే...1 వీరేంద్ర సెహ్వాగ్2 గౌతమ్ గంభీర్3 దినేష్ కార్తీక్4 జేమ్స్ హోప్స్5 మహేల జయవర్ధనే6 రాస్ టేలర్7 డేవిడ్ వార్నర్8 కెవిన్ పీటర్సన్9 JP డుమిని10 జహీర్ ఖాన్11 కరుణ్ నాయర్12 శ్రేయాస్ అయ్యర్13 రిషబ్ పంత్14 అక్షర్ పటేల్చదవండి: CT 2025: ఒకే వేదికపై ఆడటం అదనపు ప్రయోజనమే.. విమర్శలతో ఏకీభవిస్తా: స్టార్క్‌

ఛాంపియ‌న్స్ ట్రోఫీ ముగిసిన వెంట‌నే మ‌రో క్రికెట్ పండ‌గ అభిమానుల‌ను అల‌రించేందుకు సిద్ద‌మైంది. ఐపీఎల్‌-2025 మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్ గార్డెన్స్ వేదిక‌గా డిఫెండింగ్ ఛాంపియ‌న్ కోల‌క‌తా నైట్‌రైడ‌ర్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డ‌నున్నాయి. ఈ ఏడాది క్యాష్‌రిచ్ లీగ్ సీజ‌న్‌లో పాల్గోనే మొత్తం ప‌ది జ‌ట్లు త‌మ ప్రాక్టీస్‌ను మొద‌లు పెట్టేశాయి.ఛాంపియ‌న్స్ ట్రోఫీ-2025లో భాగ‌మైన భార‌త ఆట‌గాళ్లు సైతం ఒక్కొక్క‌రుగా తాము ప్రాతినిథ్యం వ‌హిస్తున్న జ‌ట్ల‌తో చేరుతున్నారు. అయితే ఈ టోర్నీలో భాగ‌మయ్యే ప‌ది జ‌ట్ల‌లో ఢిల్లీ క్యాపిటల్స్ ఫ్రాంచైజీ ఇంకా తమ కెప్టెన్ వివరాలను వెల్లడించలేదు. గ‌తసీజ‌న్ వ‌ర‌కు త‌మ జట్టు కెప్టెన్‌గా వ్య‌వ‌హ‌రించిన రిష‌బ్ పంత్‌ను ఐపీఎల్ మెగా వేలంలోకి ఢిల్లీ విడిచిపెట్టింది. దీంతో ఢిల్లీ కెప్టెన్ ఎంపిక ఇప్పుడు అనివార్య‌మైంది.నో చెప్పిన రాహుల్‌..ఈ క్ర‌మంలో ఐపీఎల్‌-2025 మెగా వేలంలో రూ.14 కోట్ల‌కు కొనుగోలు చేసిన కేఎల్ రాహుల్‌కు ఢిల్లీ త‌మ జ‌ట్టు ప‌గ్గాల‌ను అప్ప‌గిస్తుంద‌ని అంతాభావించారు. అంతా అనుకున్న‌ట్లే అత‌డిని కెప్టెన్‌గా ఎంపిక‌చేసేందుకు ఢిల్లీ యాజ‌మాన్యం ముందుకు వ‌చ్చింది. కానీ రాహుల్ మాత్రం కెప్టెన్సీపై త‌న‌కు ఆస‌క్తి లేద‌ని, కేవ‌లం బ్యాట‌ర్‌గా మాత్ర‌మే కొన‌సాగుతాన‌ని సున్నితంగా తిరష్క‌రించిన‌ట్లు తెలుస్తోంది. దీంతో భార‌త స్టార్ ఆల్‌రౌండ‌ర్ అక్ష‌ర్ ప‌టేల్ ఢిల్లీ క్యాపిట‌ల్స్ కెప్టెన్సీ బాధ్య‌త‌లు చెప‌డాత‌డ‌ని ప‌లు రిపోర్ట్‌లు పేర్కొంటున్నాయి.రేసులో డుప్లెసిస్‌..అయితే ఢిల్లీ కెప్టెన్సీ రేసులో ద‌క్షిణాఫ్రికా మాజీ కెప్టెన్ ఫాప్ డుప్లెసిస్ కూడా ఉన్న‌ట్లు తెలుస్తోంది. ఢిల్లీ క్యాపిట్స‌ల్ మెనెజ్‌మెంట్ డుప్లెసిస్‌ను పేరును ప‌రిశీలిస్తున్న‌ట్లు క్రికెట్ వ‌ర్గాలు వెల్ల‌డించాయి. కాగా డుప్లెసిస్‌కు కెప్టెన్‌గా చాలా అనుభ‌వం ఉంది. గ‌త మూడు సీజ‌న్ల‌లో రాయ‌ల్ ఛాలెంజ‌ర్స్ బెంగ‌ళూరు కెప్టెన్‌గా డుప్లెసిస్ వ్య‌వ‌హ‌రించాడు. అత‌డు కెప్టెన్సీలో ఐపీఎల్‌-2022,24 సీజ‌న్ల‌లో ఆర్సీబీ ప్లే ఆఫ్స్ ఆర్హ‌త సాధించింది. డుప్లెసిస్ కెప్టెన్‌గా కాకుండా వ్య‌క్తిగ‌త ప్ర‌ద‌ర్శ‌న ప‌రంగా కూడా ఆక‌ట్టుకున్నాడు. డుప్లెసిస్ ప‌లు ఫ్రాంచైజీ క్రికెట్ లీగ్స్‌లో కూడా వ్య‌వ‌హ‌రిస్తున్నాడు. దీంతో అత‌డిని అనుభ‌వాన్ని దృష్టిలో పెట్టుకుని తమ జట్టు పగ్గాలను అప్పగించాలని ఢిల్లీ భావిస్తోంది. ఒకట్రెండు రోజుల్లో ఢిల్లీ కొత్త కెప్టెన్ ఎవరన్నదానిపై ఓ క్లారిటీ వచ్చే ఛాన్స్ ఉంది.2025 ఐపీఎల్‌ సీజన్‌ కోసం ఢిల్లీ జట్టు..ఫాఫ్‌ డుప్లెసిస్‌, జేక్‌ ఫ్రేజర్‌ మెక్‌గుర్క్‌, కరుణ్‌ నాయర్‌, సమీర్‌ రిజ్వి, అషుతోష్‌ శర్మ, విప్రాజ్‌ నిగమ్‌, దర్శన్‌ నల్కండే, అజయ్‌ జాదవ్‌ మండల్‌, త్రిపురణ విజయ్‌, అక్షర్‌ పటేల్‌, మన్వంత్‌ కుమార్‌, మాధవ్‌ తివారి, ట్రిస్టన్‌ స్టబ్స్‌, అభిషేక్‌ పోరెల్‌, డొనొవన్‌ ఫెరియెరా, కేఎల్‌ రాహుల్‌, కుల్దీప్‌ యాదవ్‌, దుష్మంత చమీరా, మిచెల్‌ స్టార్క్‌, మోహిత్‌ శర్మ, టి నటరాజన్‌, ముకేశ్‌ కుమార్‌చదవండి: Hardik Pandya: ఈ విజయం ఆయనకే అంకితం.. హార్దిక్ పాండ్యా భావోద్వేగం

ఐపీఎల్‌ 2025 సీజన్‌ ప్రారంభానికి ముందు కేఎల్‌ రాహుల్‌ సంచలన నిర్ణయం తీసుకున్నాడని తెలుస్తుంది. రాహుల్‌.. ఢిల్లీ క్యాపిటల్స్‌ కెప్టెన్సీ బాధ్యతలు చేపట్టేందుకు నిరాకరించాడని సమాచారం. కెప్టెన్సీ చేపట్టే విషయంలో డీసీ యాజమాన్యం రాహుల్‌ను సంప్రదించగా.. సున్నితంగా తిరస్కరించినట్లు తెలుస్తుంది. కేవలం ఆటగాడిగా మాత్రమే కొనసాగుతానని రాహుల్‌ మేనేజ్‌మెంట్‌కు స్పష్టం చేశాడట. దీంతో డీసీ యాజమాన్యం అక్షర్‌ పటేల్‌ పేరును కెప్టెన్‌గా ఖరారు చేసినట్లు సమాచారం. ఇవాళో రేపో ఢిల్లీ క్యాపిటల్స్‌ కెప్టెన్‌గా అక్షర్‌ పేరును అధికారికంగా ప్రకటించే అవకాశం ఉంది. ఛాంపియన్స్‌ ట్రోఫీ సక్సెస్‌ అనంతరం డీసీ మేనేజ్‌మెంట్‌ అక్షర్‌ విషయంలో చాలా హ్యాపీగా ఉందని తెలుస్తుంది. అక్షర్‌ను డీసీ మేనేజ్‌మెంట్‌ మెగా వేలానికి ముందు రూ. 16.5 కోట్లకు రీటైన్‌ చేసుకుంది. కేఎల్‌ రాహుల్‌ను మెగా వేలంలో రూ. 14 కోట్లకు సొంతం చేసుకుంది. రాహుల్‌కు టీమిండియాతో పాటు ఐపీఎల్‌లో పంజాబ్‌, లక్నో సూపర్‌ జెయింట్స్‌కు కెప్టెన్‌గా పని చేసిన అనుభవం ఉండగా.. అక్షర్‌ కెప్టెన్‌గా ఎంపికైతే ఇదే అతనికి ఫుల్‌టైమ్‌ కెప్టెన్‌గా తొలి అసైన్‌మెంట్‌ అవుతుంది. అక్షర్‌కు దేశవాలీ టోర్నీ సయ్యద్‌ ముస్తాక్‌ అలీ టోర్నీలో గుజరాత్‌ కెప్టెన్‌గా పని చేసిన అనుభవం ఉంది.అక్షర్‌ గత సీజన్‌లో రిషబ్‌ పంత్‌ అందుబాటులో లేనప్పుడు ఢిల్లీ క్యాపిటల్స్‌ కెప్టెన్‌గా వ్యవహరించారు. అక్షర్‌ 2019 నుంచి ఢిల్లీ క్యాపిటల్స్‌తోనే కొనసాగుతున్నాడు. అక్షర్‌ తన ఐపీఎల్‌ కెరీర్‌లో 150 మ్యాచ్‌లు ఆడి 1653 పరుగులు, 123 వికెట్లు తీశాడు. అక్షర్‌ బ్యాటింగ్‌ స్ట్రయిక్‌రేట్‌ 130.88గా ఉండగా.. బౌలింగ్‌ ఎకానమీ 7.28గా ఉంది. అక్షర్‌ ఇటీవల ఇంగ్లండ్‌తో జరిగిన టీ20 సిరీస్‌లో టీమిండియా వైస్‌ కెప్టెన్‌గా కూడా పని చేశాడు. కాగా, గత సీజన్‌ వరకు కెప్టెన్‌గా ఉన్న రిషబ్‌ పంత్‌ను ఢిల్లీ వదిలేసుకున్న విషయం తెలిసిందే. మెగా వేలంలో పాల్గొన్న పంత్‌ను లక్నో రికార్డు ధరకు కొనుగోలు చేసి కెప్టెన్సీ బాధ్యతలు కట్టబెట్టింది.పలు మ్యాచ్‌లకు దూరం కానున్న రాహుల్‌..?ఐపీఎల్‌ 2025 సీజన్‌ మార్చి 22 నుంచి ప్రారంభంకానుండగా.. ఢిల్లీ తమ తొలి మ్యాచ్‌ను మార్చి 24న ఆడనుంది. వైజాగ్‌లో జరిగే పోరులో ఢిల్లీ..లక్నోతో తలపడనుంది. కాగా, ఈ సీజన్‌లో తొలి రెండు, మూడు మ్యాచ్‌లకు కేఎల్‌ రాహుల్‌ దూరం కానున్నాడని తెలుస్తుంది. రాహుల్‌ భార్య అతియా శెట్టి త్వరలో బిడ్డకు జన్మనివ్వనుందని సమాచారం. ఈ కారణంగానే రాహుల్‌ ఫ్రాంచైజీ మేనేజ్‌మెంట్‌ వద్ద పర్మిషన్‌ తీసుకున్నాడని ప్రచారం జరుగుతుంది. రాహుల్‌-అతియాల వివాహాం 2023 జనవరిలో జరిగింది. ఈ జంట గతేడాది నవంబర్‌లో ప్రెగ్నెన్సీ విషయాన్ని బహిర్గతం చేసింది.2025 ఐపీఎల్‌ సీజన్‌ కోసం ఢిల్లీ జట్టు..ఫాఫ్‌ డుప్లెసిస్‌, జేక్‌ ఫ్రేజర్‌ మెక్‌గుర్క్‌, కరుణ్‌ నాయర్‌, సమీర్‌ రిజ్వి, అషుతోష్‌ శర్మ, విప్రాజ్‌ నిగమ్‌, దర్శన్‌ నల్కండే, అజయ్‌ జాదవ్‌ మండల్‌, త్రిపురణ విజయ్‌, అక్షర్‌ పటేల్‌, మన్వంత్‌ కుమార్‌, మాధవ్‌ తివారి, ట్రిస్టన్‌ స్టబ్స్‌, అభిషేక్‌ పోరెల్‌, డొనొవన్‌ ఫెరియెరా, కేఎల్‌ రాహుల్‌, కుల్దీప్‌ యాదవ్‌, దుష్మంత చమీరా, మిచెల్‌ స్టార్క్‌, మోహిత్‌ శర్మ, టి నటరాజన్‌, ముకేశ్‌ కుమార్‌

భారత్‌- న్యూజిలాండ్‌ మధ్య చాంపియన్స్‌ ట్రోఫీ-2025(ICC Champions Trophy) నేపథ్యంలో టీమిండియా మాజీ కోచ్‌ రవిశాస్త్రి(Ravi Shastri) కీలక వ్యాఖ్యలు చేశాడు. కివీస్‌తో మ్యాచ్‌లో భారత తుదిజట్టులో ఓ మార్పు చోటు చేసుకోవచ్చని అంచనా వేశాడు. పిచ్‌ పరిస్థితికి తగ్గట్లుగా టీమిండియా మేనేజ్‌మెంట్‌ ఈ మేరకు నిర్ణయం తీసుకోవచ్చని అంచనా వేశాడు.అయితే, ఎవరిపై వేటు వేస్తారు? ఎవరిని తీసుకువస్తారన్న విషయంపై మాత్రం రవిశాస్త్రి స్పష్టతనివ్వలేకపోయాడు. కాగా పాకిస్తాన్‌ వేదికగా ఫిబ్రవరి 19న మొదలైన చాంపియన్స్‌ ట్రోఫీ తాజా ఎడిషన్‌ మార్చి 9న దుబాయ్‌ వేదికగా భారత్‌- న్యూజిలాండ్‌ మధ్య ఫైనల్‌తో ముగుస్తుంది. ఆతిథ్య జట్టు హోదాలో పాకిస్తాన్‌ సహా భారత్‌, ఆస్ట్రేలియా, సౌతాఫ్రికా, న్యూజిలాండ్‌, అఫ్గనిస్తాన్, బంగ్లాదేశ్‌, ఇంగ్లండ్‌ ఈ వన్డే టోర్నమెంట్లో పాల్గొన్నాయి. ఈ క్రమంలో తొలి సెమీ ఫైనల్లో ఆసీస్‌ను ఓడించి రోహిత్‌ సేన.. సౌతాఫ్రికాను చిత్తు చేసి సాంట్నర్‌ బృందం టైటిల్‌ పోరుకు అర్హత సాధించాయి. ఇక టీమిండియా తమ మ్యాచ్‌లన్నీ దుబాయ్‌లోనే ఆడగా.. కివీస్‌కు కూడా ఇక్కడ ఓ మ్యాచ్‌ ఆడిన అనుభవం ఉంది కాబట్టి తమకూ పిచ్‌ పరిస్థితులపై అవగాహన ఉందని కోచ్‌ గ్యారీ స్టెడ్‌ అన్నాడు.భారత తుదిజట్టులో ఓ మార్పుఇదిలా ఉంటే.. గ్రూప్‌ దశలో భాగంగా భారత్‌- పాకిస్తాన్‌ మ్యాచ్‌కు వాడిన పిచ్‌నే భారత్‌- కివీస్‌ ఫైనల్‌కు తిరిగి ఉపయోగించబోతున్నారనే వార్తలు వినిపిస్తున్నాయి. ఈ నేపథ్యంలో కామెంటేటర్‌ రవిశాస్త్రి ఐసీసీ రివ్యూలో మాట్లాడుతూ.. ‘‘ఫైనల్‌ మ్యాచ్‌లో భారత తుదిజట్టులో ఓ మార్పు చోటుచేసుకున్నా ఆశ్చర్యం లేదు. పిచ్‌ పరిస్థితికి అనుగుణంగా నిర్ణయం ఉంటుంది.టీమిండియా- ఆస్ట్రేలియా మధ్య మ్యాచ్‌ జరిగిన పిచ్‌ ఈ టోర్నమెంట్లోనే అత్యుత్తమైనది. మళ్లీ అలాంటి హోరాహోరీ చూడాలని ఉంది. ఇక ఈ మ్యాచ్‌ ముగిసిన తర్వాత గ్రౌండ్స్‌మెన్‌కి దాదాపు ఐదు రోజుల విరామం లభించింది. 280- 300 పరుగుల మేర రాబట్టగలిగే పిచ్‌ తయారు చేసి ఉండవచ్చు’’ అని అభిప్రాయపడ్డాడు.ప్లేయర్‌ ఆఫ్‌ ది మ్యాచ్‌ వారికేఇక ఫైనల్లో ‘ప్లేయర్‌ ఆఫ్‌ ది మ్యాచ్‌’గా ఆల్‌రౌండర్‌ ఉండబోతున్నాడని రవిశాస్త్రి ఈ సందర్భంగా అంచనా వేశాడు. ‘‘అక్షర్‌ పటేల్‌ లేదంటే రవీంద్ర జడేజా టీమిండియా తరఫున ప్లేయర్‌ ఆఫ్‌ ది మ్యాచ్‌గా నిలవబోతున్నారు. ఒకవేళ న్యూజిలాండ్‌కు అవకాశం ఉంటే మాత్రం నేను గ్లెన్‌ ఫిలిప్స్‌ వైపు మొగ్గుచూపుతాను. అతడు అద్భుతంగా ఫీల్డింగ్‌ చేస్తాడు. మెరుపు ఇన్నింగ్స్‌తో 4- 50 పరుగులు రాబట్టగలడు. ఒకటీ లేదా రెండు వికెట్లు తీసి ఆశ్చర్యపరచనూగలడు’’ అని రవిశాస్త్రి పేర్కొన్నాడు. ఆసీస్‌తో సెమీస్‌ ఆడిన భారత తుదిజట్టురోహిత్ శర్మ (కెప్టెన్‌), శుబ్‌మన్ గిల్, విరాట్ కోహ్లీ, శ్రేయాస్ అయ్యర్, అక్షర్ పటేల్, కేఎల్‌ రాహుల్ (వికెట్‌ కీపర్‌), హార్దిక్ పాండ్యా, రవీంద్ర జడేజా, మమ్మద్ షమీ, కుల్దీప్ యాదవ్, వరుణ్ చక్రవర్తి.సౌతాఫ్రికాతో సెమీ ఫైనల్‌ ఆడిన న్యూజిలాండ్‌ ప్లేయింగ్‌ ఎలెవన్‌విల్ యంగ్, రచిన్ రవీంద్ర, కేన్ విలియమ్సన్, డారిల్ మిచెల్, టామ్ లాథమ్ (వికెట్‌ కీపర్‌), గ్లెన్ ఫిలిప్స్, మైఖేల్ బ్రేస్‌వెల్, మిచెల్ సాంట్నర్ (కెప్టెన్‌), మ్యాట్ హెన్రీ, కైలీ జెమీసన్‌, విలియం ఓ రూర్కీ.చదవండి: CT 2025: వరుణ్‌తోనే పెను ముప్పు: కివీస్‌ కోచ్‌

అక్షర్‌ పటేల్‌ భారత జట్టు తరఫున 2014లో అంతర్జాతీయ క్రికెట్‌లోకి అడుగు పెట్టాడు. అయితే పదేళ్ల కాలంలో కేవలం 14 టెస్టులు, 57 వన్డేలు, 60 టి20లు మాత్రమే ఆడగలిగాడు. తనలాంటి లెఫ్టార్మ్‌ స్పిన్‌ బౌలింగ్, లెఫ్ట్‌ హ్యాండ్‌ బ్యాటింగ్‌ కలగలిసిన సీనియర్‌ ప్లేయర్‌ రవీంద్ర జడేజా నీడలోనే అతను ఎక్కువ కాలం ఉండిపోవడమే అందుకు కారణం. జడేజా ఏదో కారణంతో జట్టుకు దూరమైతే తప్ప అక్షర్‌కు అవకాశం దక్కకపోయేది. కానీ గత ఏడాది కాలంలో పరిస్థితి మారింది. వన్డేలు, టి20ల్లో చక్కటి ప్రదర్శనలతో అతను జట్టు విజయాల్లో కీలక ఆటగాడిగా ఎదిగాడు. జడేజాతో పోలికలు వచ్చినా సరే... తనదైన శైలిలో రెండు విభాగాల్లోనూ వైవిధ్యాన్ని కనబరుస్తూ స్థానాన్ని సుస్థిరం చేసుకున్నాడు. సాక్షి క్రీడా విభాగం టి20 వరల్డ్‌ కప్‌ ఫైనల్లో దక్షిణాఫ్రికాతో భారత్‌ పోరు... 34 పరుగులకే జట్టు రోహిత్, పంత్, సూర్యకుమార్‌ వికెట్లు కోల్పోయింది. ఈ స్థితిలో తీవ్ర ఒత్తిడి మధ్య ఐదో స్థానంలో అక్షర్‌ బరిలోకి దిగాడు. మరో ఎండ్‌లో కోహ్లిలాంటి దిగ్గజం ఉండగా అక్షర్‌ కీలక బాధ్యతలు తన భుజాన వేసుకున్నాడు. పాండ్యా, దూబే, జడేజాలాంటి ఆల్‌రౌండర్లను కాదని అక్షర్‌పై నమ్మకంతో కోచ్‌ ద్రవిడ్‌ ముందు పంపించాడు. దూకుడుగా ఆడి సాధ్యమైనన్ని ఎక్కువ పరుగులు రాబట్టే ఉద్దేశంతో వచ్చిన అతను తనపై ఉంచిన నమ్మకాన్ని నిలబెట్టుకున్నాడు. కోహ్లితో కలిసి అక్షర్‌ నాలుగో వికెట్‌కు 54 బంతుల్లో 72 పరుగులు జోడించాడు. ఇందులో కోహ్లి 23 బంతుల్లో ఒక్క బౌండరీ లేకుండా 21 పరుగులు చేస్తే... అక్షర్‌ ఒక ఫోర్, 4 సిక్స్‌లతో 31 బంతుల్లో 47 పరుగులు సాధించాడు. చివరకు భారత్‌ ప్రపంచ చాంపియన్‌గా నిలవడంలో ఈ ఇన్నింగ్స్‌ విలువేమిటో అందరికీ తెలిసింది. ఆ మ్యాచ్‌ టీమిండియాలో అక్షర్‌ స్థాయిని పెంచింది. ఇప్పుడు దాదాపు ఏడాది కాలంగా అది కనిపిస్తోంది. 2021లో ఇంగ్లండ్‌ జట్టు టెస్టు సిరీస్‌ కోసం భారత్‌కు వచ్చింది. ఈ సిరీస్‌లో జడేజా గైర్హాజరులో 3 టెస్టులు ఆడిన అక్షర్‌ కేవలం 10.59 సగటుతో 27 వికెట్లు పడగొట్టాడు. నిజానికి ఈ ప్రదర్శన అతనికి టెస్టు జట్టులో స్థానాన్ని సుస్థిరం చేయాలి. కానీ అలా జరగలేదు. ఆ తర్వాత కూడా అడపాదడపా అవకాశాలే తప్ప రెగ్యులర్‌గా బరిలోకి దిగలేదు. అలాంటి సమయంలో అక్షర్‌ వన్డేలు, టి20లపై ఎక్కువగా దృష్టి పెట్టాడు. జడేజాతో పోలిస్తే అక్షర్‌ బంతిని ఎక్కువ టర్న్‌ చేయలేడు. అందుకే టెస్టులతో పోలిస్తే వన్డే, టి20లకు అవసరమైన నైపుణ్యాలను సానబెట్టుకున్నాడు. బౌలింగ్‌కు కాస్త పేస్‌ జోడించి ‘ఆర్మ్‌ బాల్‌’తో నేరుగా వికెట్లపైకి సంధిస్తూ బ్యాటర్లను ఇబ్బంది పెట్టే శైలితో ఫలితం సాధించాడు. దీని వల్ల కొన్నిసార్లు బ్యాటర్‌కు భారీ షాట్‌ ఆడే అవకాశం వచ్చినా... అదే ఉచ్చులో ఎల్బీడబ్ల్యూ లేదా బౌల్డ్‌కు అవకాశం ఉంటుంది. ఆ్రస్టేలియాతో సెమీఫైనల్లో మ్యాక్స్‌వెల్‌ వికెట్‌ దీనికి చక్కటి ఉదాహరణ. ఇదే సమయంలో తన బ్యాటింగ్‌లో మరింత సాధన చేశాడు. పరిమిత ఓవర్లలో భారీ షాట్లతో పరుగులు రాబట్టడంలో తన ప్రత్యేకత చూపించాలని అతను భావించాడు. అన్నింటికి మించి జడేజాతో ఫీల్డింగ్‌ విషయంలో సహజంగానే పోలిక వచ్చింది. ఇందులోనూ ప్రత్యేక సాధన చేసి తాను ఫీల్డింగ్‌లోనూ చురుకైన వాడినేనని నిరూపించుకోవడం అతనికి వన్డేలు, టి20ల్లో మరిన్ని అవకాశాలు కల్పించింది. టి20 వరల్డ్‌ కప్‌లో అందరికీ సూర్యకుమార్‌ క్యాచ్‌ బాగా గుర్తుండిపోవచ్చు. అంతకుముందు ఆసీస్‌తో మ్యాచ్‌లో మార్ష్ క్యాచ్‌ను బౌండరీ వద్ద అక్షర్‌ ఒంటిచేత్తో అందుకున్న తీరు అద్భుతం. ఇక జడేజా రిటైర్మెంట్‌తో టి20ల్లో అతని స్థానం సుస్థిరమైంది. బ్యాటర్‌గానే తన కెరీర్‌ మొదలు పెట్టిన అక్షర్‌ తనలోని అసలైన బ్యాటర్‌ను గత కొంత కాలంగా బయటకు తెచ్చాడు. ముఖ్యంగా గత రెండేళ్లుగా అతని దానికి పూర్తి న్యాయం చేకూరుస్తున్నాడు. ఐపీఎల్‌లో ఢిల్లీ క్యాపిటల్స్‌ టీమ్‌ అతనికి అలాంటి అవకాశం ఇచ్చింది. వాటిని చాలా వరకు అక్షర్‌ సమర్థంగా వాడుకున్నాడు. ఇప్పుడు భారత జట్టు అవసరాలరీత్యా అతనికి ఐదో స్థానంలో ఆడే అవకాశం దక్కుతోంది. వన్డేల్లో రాహుల్‌కే కీపర్‌గా తొలి ప్రాధాన్యత లభిస్తుండటంతో పంత్‌కు చోటు ఉండటం లేదు. దాంతో టాప్‌–6లో అంతా కుడిచేతి వాటం బ్యాటర్లే ఉంటున్నారు. దీనిని దృష్టిలో ఉంచుకొని అక్షర్‌ను మేనేజ్‌మెంట్‌ ఐదో స్థానంలో పంపిస్తోంది. అది చక్కటి ఫలితాలను కూడా అందించింది. అక్షర్‌ బ్యాటింగ్‌లో చెప్పుకోదగ్గ అంశం అతను స్పిన్నర్లను సమర్థంగా ఎదుర్కొనే తీరు. ముఖ్యంగా డీప్‌ మిడ్‌ వికెట్‌ మీదుగా స్లాగ్‌ స్వీప్‌తో అతను పెద్ద సంఖ్యలో పరుగులు రాబడుతున్నారు. అలవోకగా సిక్స్‌లు కొడుతున్న అతని నైపుణ్యం జట్టుకు అదనపు బలాన్ని ఇస్తోంది. టి20 వరల్డ్‌ కప్‌ తర్వాత శ్రీలంకతో వన్డే సిరీస్‌లో అతను తొలిసారి ఐదో స్థానంలో ఆడాడు. అక్షర్‌ వరుసగా 44, 52, 41 నాటౌట్, 8, 42, 27 పరుగులు సాధించాడు. ఒక బ్యాటర్‌గా చూస్తే ఇవన్నీ అద్భుత గణాంకాలు కాకపోయినా... ఆల్‌రౌండర్‌ కోణంలో, పైగా తక్కువ స్కోర్ల మ్యాచ్‌లలో ఈ స్కోర్లన్నీ అమూల్యమైనవే. ఇప్పుడు టీమిండియాలో అన్ని విధాలా ఆధారపడదగ్గ ప్లేయర్‌గా మారిన అక్షర్‌ ఇదే ఫామ్‌ను కొనసాగిస్తే సుదీర్ఘ కాలం జట్టుకు ప్రాతినిధ్యం వహించగలడు.

టీమిండియా యాజమాన్యం తీరుపై భారత మాజీ క్రికెటర్‌ నవజ్యోత్‌ సింగ్‌ సిద్ధు(Navjot Singh Sidhu) మండిపడ్డాడు. అందరు ఆటగాళ్లను సమానంగా చూడాలని.. అభ్రతా భావంతో కుంగిపోయేలా చేయకూడదని హితవు పలికాడు. భారత తుదిజట్టులో కేఎల్‌ రాహుల్‌(KL Rahul)ను స్పేర్‌ టైర్‌ కంటే దారుణంగా వాడుతున్నారంటూ సిద్ధు ఘాటు విమర్శలు చేశాడు.ఆరంభంలో ఓపెనర్‌గా కర్ణాటక బ్యాటర్‌ కేఎల్‌ రాహుల్‌ 2014లో టీమిండియా తరఫున అరంగేట్రం చేశాడు. ఆరంభంలో ఓపెనర్‌గా బరిలోకి దిగిన ఈ వికెట్‌ కీపర్‌ బ్యాటర్‌ను తర్వాత మిడిలార్డర్‌కు డిమోట్‌ చేశారు. అయితే, ఇటీవల ఆస్ట్రేలియా(India vs Australia)తో బోర్డర్‌- గావస్కర్‌ ట్రోఫీ టెస్టు సిరీస్‌ సందర్భంగా మళ్లీ ఓపెనర్‌గా పంపారు.టీ20లకు దూరంఇక వన్డే జట్టులో వికెట్‌ కీపర్‌గా.. మిడిలార్డర్‌ బ్యాటర్‌గా రాహుల్‌ సేవలు వినియోగించుకుంటున్న భారత క్రికెట్‌ నియంత్రణ మండలి(బీసీసీఐ).. టీ20ల నుంచి పూర్తిగా అతడిని పక్కనపెట్టింది. ఇటీవల ఇంగ్లండ్‌తో వన్డే సిరీస్‌లో రాహుల్‌కు కలిసివచ్చిన ఐదో స్థానంలో అక్షర్‌ పటేల్‌ను ప్రమోట్‌ చేసి.. ఆరో స్థానంలో అతడిని ఆడించింది. ఐసీసీ చాంపియన్స్‌ ట్రోఫీ-2025లోనూ ఇదే కొనసాగించింది.మారుస్తూనే ఉన్నారుఅయితే, తాను ఏ స్థానంలో వచ్చినా చాంపియన్స్‌ ట్రోఫీలో రాహుల్‌ మాత్రం అదరగొడుతున్నాడు. గ్రూప్‌ దశలో తొలి మ్యాచ్‌లో బంగ్లాదేశ్‌పై 47 బంతుల్లో 41 పరుగులతో అజేయంగా నిలిచి.. జట్టు విజయంలో తన వంతు పాత్ర పోషించాడు. అయితే, పాకిస్తాన్‌తో మ్యాచ్‌లో హార్దిక్‌ పాండ్యాను ఐదు, అక్షర్‌ను ఆరో స్థానంలో పంపగా.. రాహుల్‌కు ఆడే అవకాశం రాలేదు.ఇక న్యూజిలాండ్‌తో మ్యాచ్‌లో మళ్లీ రాహుల్‌ను ఆరో స్థానంలో పంపగా.. ఈ వికెట్‌ కీపర్‌ బ్యాటర్‌ 29 బంతుల్లో 23 రన్స్‌ చేశాడు. అయితే, ఆస్ట్రేలియాతో కీలకమైన సెమీ ఫైనల్లో మాత్రం ఈ కర్ణాటక స్టార్‌ అదరగొట్టాడు. ఉత్కంఠగా సాగిన మ్యాచ్‌లో ఆరో స్థానంలో వచ్చిన రాహుల్‌ 34 బంతుల్లోనే 42 పరుగులతో అజేయంగా నిలిచి.. సిక్సర్‌తో జట్టు విజయాన్ని ఖరారు చేశాడు.అతడిని స్పేర్‌ టైర్‌ కంటే దారుణంగా వాడుతున్నారుఈ నేపథ్యంలో కేఎల్‌ రాహుల్‌పై ప్రశంసలు కురుస్తున్నా... జట్టులో తనకంటూ సుస్థిర స్థానం లేకపోవడం పట్ల నవజ్యోత్‌ సింగ్‌ సిద్ధు సానుభూతి వ్యక్తం చేశాడు. ‘‘కేఎల్‌ రాహుల్‌... మీకు తెలుసా?.. అదనంగా మన దగ్గర పెట్టుకునే టైర్‌ కంటే కూడా అధ్వాన్నంగా, దారుణంగా అతడిని మేనేజ్‌మెంట్‌ వాడుకుంటోంది.ఓసారి వికెట్‌ కీపర్‌గా మాత్రమే ఆడిస్తారు, ఓసారి ఓపెనర్‌గా రమ్మంటారు.. మరోసారి ఐదు.. ఆరు స్థానాలు.. బోర్డర్‌- గావస్కర్‌ ట్రోఫీ వస్తే.. మూడో నంబర్‌లో ఆడమంటారు. మీ రెగ్యులర్‌ ఓపెనర్లు అందుబాటులో లేకుంటే మళ్లీ ఇన్నింగ్స్‌ ఆరంభించమంటారు.వన్డేల్లో ఓపెనర్‌గా రావడం సులువే. కానీ టెస్టుల్లో మాత్రం కష్టం. ఏదేమైనా జట్టు కోసం అతడు నిస్వార్థంగా తన స్థానాన్ని త్యాగం చేస్తూనే ఉన్నాడు’’ అని భారత జట్టు మాజీ ఓపెనర్‌ నవజ్యోత్‌ సింగ్‌ సిద్ధు స్టార్‌ స్పోర్ట్స్ షోలో వ్యాఖ్యానించాడు.కాగా కేఎల్‌ రాహుల్‌ ఇప్పటి వరకు అంతర్జాతీయ కెరీర్‌లో 58 టెస్టులు, 84 వన్డేలు, 72 టీ20 మ్యాచ్‌లు ఆడాడు. టెస్టుల్లో ఎనిమిది శతకాల సాయంతో 3257 పరుగులు సాధించిన ఈ కుడిచేతి వాటం బ్యాటర్‌.. వన్డేల్లో ఏడు సెంచరీలు కొట్టి 3009 రన్స్‌ పూర్తి చేసుకున్నాడు. ఇక టీ20లలోనూ రెండు శతకాలు నమోదు చేసిన రాహుల్‌ ఖాతాలో 2265 పరుగులు ఉన్నాయి.చదవండి: ‘లాహోర్‌లో ఫైనల్‌ జరిగితే బాగుండేది’.. బీసీసీఐ స్ట్రాంగ్‌ రియాక్షన్‌

టీమిండియా స్టార్‌ క్రికెటర్‌ విరాట్‌ కోహ్లి(Virat Kohli) ఐసీసీ వన్డే ర్యాంకింగ్స్‌లో ముందుకు దూసుకువచ్చాడు. ఆరు నుంచి నాలుగో స్థానానికి ఎగబాకాడు. మరోవైపు.. భారత జట్టు కెప్టెన్‌ రోహిత్‌ శర్మ మాత్రం తన మూడో ర్యాంకు కోల్పోయాడు.కాగా ఐసీసీ చాంపియన్స్‌ ట్రోఫీ-2025(ICC Champions Trophy)లో టీమిండియా అదరగొడుతున్న విషయం తెలిసిందే. గ్రూప్‌ దశలో బంగ్లాదేశ్‌, పాకిస్తాన్‌, న్యూజిలాండ్‌లను ఓడించి గ్రూప్‌-‘ఎ’ టాపర్‌గా సెమీ ఫైనల్‌కు చేరింది భారత్‌. దుబాయ్‌లో మంగళవారం జరిగిన సెమీస్‌ మ్యాచ్‌లో ఆస్ట్రేలియాను నాలుగు వికెట్ల తేడాతో ఓడించి ఫైనల్‌కు దూసుకువెళ్లింది.నిరాశపరిచిన రోహిత్‌ఇక ఈ మ్యాచ్‌లో ఓపెనర్‌ రోహిత్‌ శర్మ(Rohit Sharma- 28) నిరాశపరచగా.. వన్‌డౌన్‌ బ్యాటర్‌ విరాట్‌ కోహ్లి మాత్రం అద్భుత అర్ధ శతకంతో ఆకట్టుకున్నాడు. 98 బంతుల్లో ఐదు ఫోర్ల సాయంతో 84 పరుగులు చేసి జట్టు విజయానికి బాటలు వేశాడు. మిగతా వాళ్లలో శ్రేయస్‌ అయ్యర్‌(45), వికెట్‌ కీపర్‌ బ్యాటర్‌ కేఎల్‌ రాహుల్‌(42 నాటౌట్‌) రాణించారు. ఫలితంగా ఈ మ్యాచ్‌లో ఆసీస్‌ విధించిన 265 పరుగుల లక్ష్యాన్ని టీమిండియా మరో పదకొండు బంతులు మిగిలి ఉండగానే ఛేదించింది.నాలుగో స్థానానికిఇదిలా ఉంటే.. ఆసీస్‌తో మ్యాచ్‌లో అద్భుత ప్రదర్శన కారణంగా.. ఐసీసీ ప్రకటించిన తాజా వన్డే బ్యాటర్ల ర్యాంకింగ్స్‌లో కోహ్లి అదరగొట్టాడు. 747 రేటింగ్‌ పాయింట్లతో నాలుగో స్థానానికి చేరుకున్నాడు. ఇక టీమిండియా మరో ఓపెనర్‌ శుబ్‌మన్‌ గిల్‌ ఆసీస్‌తో మ్యాచ్‌లో విఫలమైనా(8) తన అగ్రస్థానాన్ని నిలబెట్టుకున్నాడు. మరోవైపు.. రోహిత్‌ మూడు నుంచి ఐదో ర్యాంకుకు పడిపోయాడు.ఇదిలా ఉంటే.. ఐసీసీ మెన్స్‌ ఆల్‌రౌండర్ల ర్యాంకింగ్స్‌లో టీమిండియా స్టార్‌ అక్షర్‌ పటేల్‌ దుమ్ములేపాడు. ఏకంగా 17 స్థానాలు ఎగబాకి 13వ ర్యాంకు సాధించాడు. ఇక బౌలర్ల ర్యాంకింగ్స్‌లో శ్రీలంక స్పిన్నర్‌ మహీశ్‌ తీక్షణ టాప్‌లో కొనసాగుతుండగా.. సౌతాఫ్రికా స్పిన్‌ బౌలర్‌ కేశవ్‌ మహరాజ్‌ రెండు స్థానాలు మెరుగుపరచుకుని రెండో స్థానానికి చేరుకున్నాడు. మరోవైపు.. న్యూజిలాండ్‌ స్టార్‌ మ్యాట్‌ హెన్రీ మూడు స్థానాలు ఎగబాకి మూడో ర్యాంకులో నిలిచాడు.ఐసీసీ మెన్స్‌​ బ్యాటింగ్‌ ర్యాంకింగ్స్‌ టాప్‌-5లో ఉన్నది వీళ్లే1. శుబ్‌మన్‌ గిల్‌(ఇండియా)- 791 రేటింగ్‌ పాయింట్లు2. బాబర్‌ ఆజం(పాకిస్తాన్‌)- 770 రేటింగ్‌ పాయింట్లు3. హెన్రిచ్‌ క్లాసెన్‌(సౌతాఫ్రికా)- 760 రేటింగ్‌ పాయింట్లు4. విరాట్‌ కోహ్లి(ఇండియా)- 747 రేటింగ్‌ పాయింట్లు5. రోహిత్‌ శర్మ(ఇండియా)- 745 రేటింగ్‌ పాయింట్లు.చదవండి: శుబ్‌మన్‌ గిల్‌ చేసిన ‘తప్పు’..! టీమిండియాకు శాపమయ్యేది! ఎందుకంటే..

ఐసీసీ ఛాంపియ‌న్స్ ట్రోఫీ-2025లో భార‌త క్రికెట్ జ‌ట్టు త‌మ జైత్ర యాత్ర‌ను కొన‌సాగిస్తోంది. ఈ మెగా టోర్నీలో వ‌రుస‌గా మూడు మ్యాచ్‌ల్లో విజ‌యం సాధించిన టీమిండియా.. లీగ్ స్టేజిని ఆజేయంగా ముగించింది. ఆదివారం దుబాయ్ వేదిక‌గా జ‌రిగిన ఆఖ‌రి గ్రూపు మ్యాచ్‌లో న్యూజిలాండ్‌ను 44 ప‌రుగుల తేడాతో భార‌త్ చిత్తు చేసింది. దీంతో విజ‌యోత్స‌హంతో సెమీస్‌కు భార‌త్ స‌న్న‌ద్ద‌మైంది. మంగ‌ళ‌వారం జ‌ర‌గ‌నున్న తొలి సెమీఫైన‌ల్లో ఆస్ట్రేలియాను టీమిండియా ఢీకొట్ట‌నుంది. ఇక ఇది ఇలా ఉండ‌గా.. కివీస్‌తో జ‌రిగిన మ్యాచ్‌లో ఓ ఆసక్తికర సంఘటన చోటు చేసుకుంది. టీమిండియా స్టార్ ప్లేయర్ విరాట్ కోహ్లి.. ఆల్‌రౌండర్ అక్షర్ పటేల్ కాళ్లును మొక్కబోయాడు. అవును మీరు విన్నది నిజమే. కోహ్లి ఎందుకు అలా చేశాడో తెలియాలంటే పూర్తి కథనం చదవాల్సిందే.అసలేం జరిగిందంటే?టాస్ ఓడి తొలుత బ్యాటింగ్ చేసిన భార‌త్.. శ్రేయస్ అయ్యర్ (79), అక్షర్ పటేల్‌ (42) , హార్దిక్ పాండ్యా(45) రాణించ‌డంతో నిర్ణీత 50 ఓవ‌ర్ల‌లో 9 వికెట్ల న‌ష్టానికి 249 ప‌రుగులు చేసింది. 250 ప‌రుగుల ల‌క్ష్యంతో బ‌రిలోకి దిగిన కివీస్‌కు భార‌త స్పిన్న‌ర్లు చుక్క‌లు చూపించారు. టీమిండియా స్పిన్న‌ర్ల దాటికి బ్లాక్ క్యాప్స్ బ్యాట‌ర్లు విల్ల‌విల్లాడారు. అయితే న్యూజిలాండ్‌ వ‌రుస క్ర‌మంలో వికెట్లు కోల్పోయిన‌ప్ప‌టికి కేన్ విలియ‌మ్స‌న్ మాత్రం భార‌త్‌కు కొర‌క‌రాని కొయ్య‌గా మారాడు. మిగితా బ్యాటర్లు స్పిన్నర్లను ఎదుర్కొవడానికి ఇబ్బంది పడితే కేన్ మాత్రం సమర్ధవంతంగా ఆడుతూ ఇన్నింగ్స్‌ను ముందుకు నడిపిం‍చే ప్రయత్నం చేశాడు. ఈ క్రమంలో విలియమ్సన్ ఔట్ చేసేందుకు భారత కెప్టెన్ రోహిత్ శర్మ చాలా ప్రయత్నాలు చేశాడు. ఆఖరికి అక్షర్ పటేల్.. విలియమ్సన్ వికెట్‌ను భారత్‌కు అందించాడు. కివీస్ ఇన్నింగ్స్ 41 ఓవర్ వేసిన అక్షర్ పటేల్‌.. అద్బుతమైన బంతితో కేన్‌ను బోల్తా కొట్టించాడు. అక్షర్ సంధించిన ఫ్లైటెడ్ డెలివరీని సరిగ్గాఇ అంచనా వేయలేకపోయిన విలియమ్సన్ స్టంప్ ఔట్‌ రూపంలో పెవిలియన్‌కు చేరాడు. అక్షర్‌ తన 10 ఓవర్ల స్పెల్‌ చివరి బంతికి వికెట్‌ తీయడం గమనార్హం. దీంతో భారత్ విజయం లాంఛనమైంది. ఈ క్రమంలో విరాట్ కోహ్లి వేగంగా అక్షర్ వద్దకు వెళ్లి అతడు కాళ్లను టచ్ చేసే ప్రయత్నం చేశాడు. అక్షర్ వెంటనే కిందకూర్చుని నవ్వుతూ కోహ్లిని ఆపేశాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.Kohli touching Axar Patel's feet after he got Williamson out 😭#Kohli #AxarPatel #INDvNZ #ChampionsTrophy2025 pic.twitter.com/mJmgQ95Y15— voodoo mama juju (@ayotarun) March 2, 2025

ఐసీసీ ఛాంపియన్స్‌ ట్రోఫీలో భాగంగా ఆదివారం పాకిస్తాన్‌తో జరిగిన మ్యాచ్‌లో 6 వికెట్ల తేడాతో భారత్‌ విజయం సాధించిన సంగతి తెలిసిందే. ఈ మ్యాచ్‌లో టీమిండియా స్టార్‌ ప్లేయర్‌ విరాట్‌ కోహ్లి ఆజేయ శతకంతో చెలరేగాడు. ఆఖరి వరకు క్రీజులో ఉండి తమ జట్టును విజయ తీరాలకు చేర్చాడు.అయితే కోహ్లి తన 51 వ వన్డే సెంచరీని అందుకునే క్రమంలో కొంత ఉత్కంఠ నెలకొంది. మైదానంలోనూ, టీవీల ముందు అభిమానులు కూడా కోహ్లి సెంచరీ చేస్తాడా లేదా అనేదాని గురించే ఆసక్తిగా ఎదురు చూశారు.వీరి పరిస్థితి ఇలా ఉంటే క్రీజ్‌లో మరోవైపు ఉన్న అక్షర్‌ పటేల్‌ పరిస్థితి ఎలా ఉంది! భారత్‌ విజయానికి 19 పరుగులు, కోహ్లి సెంచరీకి 14 పరుగులు కావాల్సిన స్థితిలో అక్షర్‌ బ్యాటింగ్‌కు వచ్చాడు. అతను ఒక్క పెద్ద షాట్‌ ఆడి బౌండరీ సాధించినా లెక్క మారిపోయేది. అందుకే అతను పరుగులు తీయరాదనే అందరూ కోరుకున్నారు.తాను కూడా ఇలాగే భావించినట్లు, కోహ్లి సెంచరీ కోసం లెక్కలు వేసుకున్నట్లు అక్షర్‌ వెల్లడించాడు. ‘మ్యాచ్‌ చివరికి వచ్చేసరికి నేను కూడా లెక్కలు వేయడం మొదలు పెట్టాను. బంతి నా బ్యాట్‌ ఎడ్జ్‌ తీసుకొని కూడా వెళ్లరాదని కోరుకున్నాను. ఆ సమయంలో అంతా సరదాగా అనిపించింది.ఇంత తీవ్ర ఒత్తిడి ఉండే మ్యాచ్‌లో విరాట్‌ సెంచరీని డ్రెస్సింగ్‌ రూమ్‌ నుంచి నేను చూడటం ఇదే మొదటిసారి. ఈ ఇన్నింగ్స్‌ను చాలా ఆస్వాదించాను. 50 ఓవర్ల పాటు ఫీల్డింగ్‌ చేసిన తర్వాత వికెట్ల మధ్య అతను పరుగెత్తిన తీరు విరాట్‌ ఫిట్‌నెస్‌కు తార్కాణం’ అని అక్షర్‌ వ్యాఖ్యానించాడు. ఇక టీమిండియా తమ ఆఖరి లీగ్‌ మ్యాచ్‌లో మార్చి 2న దుబాయ్‌ వేదికగా న్యూజిలాండ్‌తో తలపడనుంది.

టీమిండియాతో మ్యాచ్‌లో పాకిస్తాన్‌ ఫాస్ట్‌బౌలర్‌ షాహిన్‌ ఆఫ్రిది(Shaheen Afridi) అనుసరించిన వ్యూహంపై విమర్శలు వస్తున్నాయి. బౌలింగ్‌ పరంగా అతడి ఆటకు వంక పెట్టాల్సిన అవసరం లేకున్నా.. ఆఖర్లో అతడు వైడ్‌లు వేసిన తీరు ఇందుకు కారణం. కాగా చాంపియన్స్‌ ట్రోఫీ-2025(ICC Champions Trophy)లో భాగంగా రిజ్వాన్‌ బృందం.. ఆదివారం రోహిత్‌ సేనను ఢీకొట్టిన విషయం తెలిసిందే.చిరకాల ప్రత్యర్థుల(India vs Pakistan) పోటీని చూసేందుకు భారత సినీ, క్రీడా తారలు దుబాయ్‌ స్టేడియానికి విచ్చేయగా.. వారికి టీమిండియా పైసా వసూల్‌ ప్రదర్శన ఇచ్చింది. టాస్‌ ఓడిన భారత జట్టు తొలుత బౌలింగ్‌ చేసి.. దాయాదిని 241 పరుగులకు కట్టడి చేసింది. కుల్దీప్‌ యాదవ్‌ మూడు వికెట్లతో చెలరేగగా.. హార్దిక్‌ పాండ్యా రెండు కీలక వికెట్లు కూల్చాడు. మిగతా వాళ్లలో అక్షర్‌ పటేల్‌, రవీంద్ర జడేజా, హర్షిత్‌ రాణా ఒక్కో వికెట్‌ తమ ఖాతాలో వేసుకున్నారు.36 ఓవర్లు ముగిసే సరికిఇక లక్ష్య ఛేదనలో భారత్‌ అలవోకగా విజయం వైపు దూసుకుపోతోంది... 36 ఓవర్లు ముగిసే సరికి భారత్‌ స్కోరు సరిగ్గా 200కు చేరింది. 84 బంతుల్లో 42 పరుగులు చేయడం ఇక లాంఛనమే! సరిగ్గా ఇక్కడే అభిమానులు ఫలితం గురించి కాకుండా కోహ్లి శతకం గురించి ఆలోచించడం మొదలు పెట్టారు. ఆ సమయంలో విరాట్‌ స్కోరు 81. అంటే మరో 19 పరుగులు కావాలి.కానీ మరో వైపు శ్రేయస్‌ అయ్యర్, హార్దిక్‌ పాండ్యా చకచకా పరుగులు రాబట్టడంతో ఉత్కంఠ పెరిగింది. పరుగులు తరుగుతూ పోవడంతో అటు వైపు బ్యాటర్‌ పరుగులు చేయరాదని, కోహ్లి సెంచరీ పూర్తి చేసుకోవాలని అంతా కోరుకున్నారు. ముందుగా అయ్యర్‌ 7, ఆపై పాండ్యా 8 పరుగులు చేశారు!ఇక పాండ్యా అవుటయ్యే సమయానికి కోహ్లి 86 వద్ద ఉన్నాడు. విజయానికి 19 పరుగులు కావాలి. ఈ సమయంలో అక్షర్‌ పటేల్‌ కాస్త సంయమనం పాటించాడు. సింగిల్స్‌ తీసే అవకాశం ఉన్నా ఆగిపోయాడు. దాంతో కోహ్లి పని సులువైంది. గెలుపు కోసం 2 పరుగులు చేయాల్సిన స్థితిలో కోహ్లి 96 వద్ద ఉన్నాడు. తర్వాతి బంతి(42.3 ఓవర్‌)కి ఎక్స్‌ట్రా కవర్‌ మీదుగా ఫోర్‌ కొట్టడంతో కోహ్లి 51వ వన్డే సెంచరీ, భారత్‌ గెలుపు పూర్తయ్యాయి.ఏకంగా మూడు వైడ్‌ బాల్స్‌ వేయడంతోఅయితే, టీమిండియా ఇన్నింగ్స్‌లో ఆఖరి ఓవర్‌ ఖుష్దిల్‌ వేయగా.. అంతకంటే ముందు ఓవర్‌లో షాహిన్‌ ఆఫ్రిది రంగంలోకి దిగాడు. ఆ ఓవర్లో అతడు ఏకంగా మూడు వైడ్‌ బాల్స్‌ వేయడం టీమిండియా అభిమానులకు చిరాకు తెప్పించింది. అప్పటిదాకా మంచి లైన్‌ అండ్‌ లెంగ్త్‌తో బౌల్‌ చేసిన షాహిన్‌.. కోహ్లి శతకానికి చేరువైన సమయంలో వైడ్స్‌ వేయడం విమర్శలకు తావిచ్చింది. షాహిన్‌ ఉద్దేశపూర్వకంగానే కోహ్లి శతకాన్ని అడ్డుకునే ప్రయత్నం చేశాడనే అభిప్రాయాలు వ్యక్తమయ్యాయి.లూజర్‌.. లూజర్‌ అంటూఇక స్టేడియంలో ఉన్న ప్రేక్షకులు కూడా లూజర్‌.. లూజర్‌ అంటూ అతడి బౌలింగ్‌ తీరుపై ఆగ్రహం వ్యక్తం చేశారు. ఈ విషయంపై ప్రముఖ నటుడు పరేశ్‌ రావల్‌ కూడా స్పందించాడు. ‘‘విరాట్‌ కోహ్లి నుంచి నిజంగా ఇదొక అద్భుతమైన ఇన్నింగ్స్‌. అతడి 51వ వన్డే శతకాన్ని అడ్డుకునేందుకు చాలా ప్రయత్నాలే జరిగాయి. షాహిన్‌ ఆఫ్రిది వైడ్‌ బాల్స్‌ అనే కోరల నుంచి తప్పించుకుని సూపర్‌ సెంచరీ చేశాడు’’ అని బాలీవుడ్‌, టాలీవుడ్‌ నటుడు పరేశ్‌ రావల్‌ షాహిన్‌ ఆఫ్రిదిని ఉద్దేశించి సెటైరికల్‌ ట్వీట్‌ చేశాడు.చదవండి: అతి చేయొద్దు.. ఇలాంటి ప్రవర్తన సరికాదు: పాక్‌ దిగ్గజం ఆగ్రహం

టీమిండియా బౌలింగ్‌ దళంపై కెప్టెన్‌ రోహిత్‌ శర్మ(Rohit Sharma) ప్రశంసలు కురిపించాడు. పాకిస్తాన్‌తో మ్యాచ్‌లో తమ బౌలర్లు అదరగొట్టారని.. ప్రత్యర్థిని నామమాత్రపు స్కోరుకు కట్టడి చేసి తమపై కాస్త ఒత్తిడిని తగ్గించారని అన్నాడు. మిడిల్‌ ఓవర్లలో పొదుపుగా బౌలింగ్‌ చేసిన తీరు అద్భుతమని బౌలర్లను కొనియాడిన రోహిత్‌ శర్మ.. ఇక ఛేజ్‌మాస్టర్‌ విరాట్‌ కోహ్లి(Virat Kohli) నుంచి ఇలాంటి ఇన్నింగ్స్‌ రావడం తననేమీ ఆశ్చర్యపరచలేదని తెలిపాడు.చాంపియన్స్‌ ట్రోఫీ-2025లో బంగ్లాదేశ్‌పై గెలిచి విజయంతో ఈ ఐసీసీ టోర్నీని ఆరంభించిన రోహిత్‌ సేన.. ఆదివారం నాటి తమ రెండో మ్యాచ్‌లో పాకిస్తాన్‌ను ఓడించింది. చిరకాల ప్రత్యర్థిపై ఆరు వికెట్ల తేడాతో జయభేరి మోగించి సెమీ ఫైనల్‌ రేసులో మున్ముందుకు దూసుకుపోయింది.దుబాయ్‌ వేదికగా దాయాది పాకిస్తాన్‌తో తలపడ్డ టీమిండియా.. టాస్‌ ఓడి తొలుత బౌలింగ్‌ చేసింది. ఈ క్రమంలో 49.4 ఓవర్లలో ప్రత్యర్థిని 241 పరుగులకు ఆలౌట్‌ చేసింది. కుల్దీప్‌ యాదవ్‌ మూడు, హార్దిక్‌ పాండ్యా రెండు వికెట్లతో మెరవగా.. అక్షర్‌ పటేల్‌, రవీంద్ర జడేజా, హర్షిత్‌ రాణా ఒక్కో వికెట్‌ తీశారు. అదే విధంగా.. అక్షర్‌ తన అద్భుత ఫీల్డింగ్‌తో రెండు రనౌట్లలో భాగమయ్యాడు.ఇక లక్ష్య ఛేదనకు దిగిన భారత్‌ 42.3 ఓవర్లలోనే టార్గెట్‌ను ఊదేసింది. విరాట్‌ కోహ్లి ఫోర్‌ బాది శతకం పూర్తి చేసుకోవడంతో జట్టును విజయతీరాలకు చేర్చాడు. మిగతా వాళ్లలో ఓపెనర్‌ శుబ్‌మన్‌ గిల్‌(46), మిడిలార్డర్‌ స్టార్‌ శ్రేయస్‌ అయ్యర్‌(56) అద్బుత ఇన్నింగ్స్‌ ఆడారు.ఈ నేపథ్యంలో విజయానంతరం టీమిండియా కెప్టెన్‌ రోహిత్‌ శర్మ మాట్లాడుతూ... జట్టు ప్రదర్శన పట్ల సంతృప్తి వ్యక్తం చేశాడు. ‘‘బంతితో మేము మ్యాచ్‌ ఆరంభించిన విధానం సూపర్‌. బౌలింగ్‌ విభాగం అద్భుతమైన ప్రదర్శనతో పాకిస్తాన్‌ను నామమాత్రపు స్కోరుకే పరిమితం చేసింది. లక్ష్య ఛేదనలో లైట్ల వెలుగులో బ్యాటింగ్‌ చేయడం ఈ పిచ్‌పై ఎంత బాగుంటుందో.. స్లో వికెట్‌పై ఆడటం అంతే కఠినంగానూ ఉంటుందని మాకు తెలుసు.అయితే, మా బ్యాటింగ్‌ లైనప్‌ త్వరగానే పనిపూర్తి చేసింది. ఏదేమైనా.. అక్షర్‌, కుల్దీప్‌, జడేజా మిడిల్‌ ఓవర్లలో గొప్పగా రాణించారు. వన్డే ఫార్మాట్లో తమకున్న అనుభవాన్ని ఇక్కడ చూపించారు. రిజ్వాన్‌తో పాటు సౌద్‌ షకీల్‌ల వికెట్లు మాకు కీలకం. వారిద్దరిని ఎక్కువ సేపు క్రీజులో ఉండనీయవద్దనే మా ప్రయత్నాలు ఫలించాయి.ఈ ముగ్గురు స్పిన్నర్లు ఈరోజు అద్భుతమే చేశారు. అయితే, పేసర్లు హార్దిక్‌, హర్షిత్‌, షమీ బౌలింగ్‌ చేసిన విధానాన్ని కూడా మనం మర్చిపోకూడదు. బౌలింగ్‌ యూనిట్‌లో ప్రతి ఒక్కరు తమ కర్తవ్యాన్ని చక్కగా నిర్వర్తించారు.ఇక కోహ్లి దేశం కోసం ఆడటాన్ని ఎంతగా ఇష్టపడతాడో నేను ప్రత్యేకంగా చెప్పాల్సిన పనిలేదు. జట్టు ప్రయోజనాల కోసం తన శక్తినంతా ధారపోస్తాడు. కీలక సమయంలో తనలోని అత్యుత్తమ నైపుణ్యాలను మరింత మెరుగ్గా ప్రదర్శిస్తాడు. కోహ్లి అంటే ఏమిటో ఈరోజు మరోసారి నిరూపించాడు.డ్రెసింగ్‌ రూంలో కూర్చున వాళ్లలో ఒక్కరు కూడా కోహ్లి ఇన్నింగ్స్‌ చూసి ఆశ్చర్యపోలేదు. ఎందుకంటే.. సుదీర్ఘకాలంగా జట్టు కోసం అతడేం చేస్తున్నాడో అందరికీ తెలుసు. మిడిల్‌ ఓవర్లలో.. మరో ఎండ్‌లోని బ్యాటర్లతో చక్కటి సమన్వయంతో అతడు ముందుకు సాగిన విధానం అద్భుతం. అంతేకాదు తనదైన స్టైల్లో మ్యాచ్‌ను ముగించడం రెట్టింపు సంతోషం. గిల్‌, శ్రేయస్‌ కూడా విలువైన ఇన్నింగ్స్‌ ఆడారు’’ అని రోహిత్‌ శర్మ చెప్పుకొచ్చాడు.చదవండి: ‘ఏంటిది?’.. రిజ్వాన్‌ చర్యకు హర్షిత్‌ రాణా రియాక్షన్‌ వైరల్‌.. గంభీర్‌ కూడా!

ఐసీసీ ఛాంపియన్స్ ట్రోఫీ-2025లో దుబాయ్ వేదికగా పాకిస్తాన్‌తో జరుగుతున్న మ్యాచ్‌లో భారత ఆల్‌రౌండర్ అక్షర్‌​ పటేల్ అద్బుతమైన ఫీల్డింగ్ ప్రదర్శన కనబరిచాడు. అక్షర్‌​ సంచలన త్రోతో పాక్ ఓపెనర్‌​ ఇమామ్ ఉల్ హక్‌ను పెవిలియన్‌కు పంపాడు. ఈ మ్యాచ్‌లో టాస్ గెలిచిన పాక్ కెప్టెన్ మహ్మద్ రిజ్వాన్ తొలుత బ్యాటింగ్ చేయాలని నిర్ణయించుకున్నాడు.ఈ క్రమంలో బ్యాటింగ్‌కు దిగిన పాకిస్తాన్ 9 ఓ‍వర్‌లో బాబర్ ఆజం రూపంలో తొలి వికెట్ కోల్పోయింది. ఆ తర్వాత ఓవర్‌లోనే ఇమామ్ ఉల్ హక్ దూరదృష్టవశాత్తూ రనౌట్ రూపంలో పెవిలియన్‌కు చేరాడు. పాక్ ఇన్నింగ్స్ పదో ఓవర్‌ వేసిన కుల్దీప్ యాదవ్‌ బౌలింగ్‌లో రెండో బంతికి ఇమామ్‌ మిడాన్‌ దిశగా ఆడాడు. షాట్ ఆడిన వెంటనే ఇమామ్‌ నాన్‌స్టైకర్‌ ఎండ్‌వైపు సింగిల్‌ కోసం ప్రయత్నించాడు.కానీ మిడాన్‌లో ఉన్న అక్షర్‌ పటేల్‌ డైరక్ట్‌త్రోతో స్టంప్స్‌ను గిరాటేశాడు. ఇమామ్‌ డైవ్‌ చేసినప్పటికి ఫలితం మాత్రం లేకపోయింది. దీంతో కేవలం 10 పరుగులు మాత్రమే చేసి ఇమామ్‌ పెవిలియన్‌కు చేరాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది.అదేవిధంగా ఓ క్యాచ్‌ను అక్షర్ ఈ మ్యాచ్‌లో అందుకున్నాడు. ఇక తొలుత బ్యాటింగ్‌ చేస్తున్న పాకిస్తాన్‌ తడబడుతోంది. 44 ఓవర్లు ముగిసే సరికి పాకిస్తాన్‌ 7 వికెట్ల నష్టానికి 206 పరుగులు చేసింది. భారత బౌలర్లలో ఇప్పటివరకు హార్దిక్‌ పాండ్యా, ​కుల్దీప్‌ యాదవ్‌ తలా రెండు వికెట్లు సాధించగా.. అక్షర్‌ పటేల్‌, రవీంద్ర జడేజా తలా వికెట్‌ సాధించారు.చదవండి: IND vs PAK: టీమిండియా చెత్త రికార్డు.. ప్ర‌పంచంలోనే తొలి జ‌ట్టుగా Bapu, tari fielding kamaal chhe...!!! 🔥 pic.twitter.com/uL1YObjwvJ— Mufaddal Vohra (@mufaddal_vohra) February 23, 2025

ఛాంపియ‌న్స్ ట్రోఫీ-2025(ICC Champions Trophy)లో దుబాయ్ వేదిక‌గా బంగ్లాదేశ్‌తో జ‌రుగుతున్న మ్యాచ్‌లో భార‌త బౌల‌ర్లు అద‌ర‌గొడుతున్నారు. టాస్ గెలిచి తొలుత బ్యాటింగ్‌కు దిగిన బంగ్లాదేశ్‌(Bangladesh) కు ఆరంభంలోనే పేస‌ర్లు మ‌హ్మ‌ద్ ష‌మీ, హ‌ర్షిత్ రాణా చుక్క‌లు చూపించ‌గా.. ఆ త‌ర్వాత అక్ష‌ర్ ప‌టేల్ త‌న స్పిన్ మ‌యాజాలంతో ఉక్కిరి బిక్కిరి చేశాడు. అక్షర్ పటేల్ తృటిలో తన తొలి హ్యాట్రిక్‌ను కోల్పోయాడు. భారత కెప్టెన్ రోహిత్ శర్మ(Rohit Sharma) చేసిన తప్పిదం వల్ల అక్షర్ ఈ ఫీట్‌ను సాధించలేకపోయాడు.అసలేం జరిగిందంటే..?బంగ్లా ఇన్నింగ్స్ 9వ ఓవర్ వేసిన అక్షర్ పటేల్‌​.. రెండో బంతికి తాంజిద్ హసన్, మూడో బంతికి ముష్ఫికర్ ర‌హీంల‌ను పెవిలియ‌న్‌కు పంపాడు. దీంతో అక్ష‌ర్‌కు తొలి హ్యాట్రిక్ సాధించే అవ‌కాశం ల‌భించింది. ఈ క్ర‌మంలో క్రీజులోకి వ‌చ్చిన జాకీర్ అలీకి రోహిత్ శ‌ర్మ క్లోజ్ ఫీల్డ్‌ను సెట్ చేశాడు.ఆ ఓవ‌ర్‌లో నాలుగో బంతిని అక్ష‌ర్.. అలీకి ఔట్‌సైడ్ ఆఫ్ దిశ‌గా ఆఫ్ బ్రేక్ డెలివ‌రీగా సంధించాడు. ఆ బంతిని జాకీర్ అలీ డిఫెన్స్ ఆడే ప్ర‌య‌త్నం చేశాడు. కానీ బంతి బ్యాట్ ఎడ్జ్ తీసుకుని స్లిప్స్ దిశ‌గా వెళ్లింది. అయితే మొదటి స్లిప్‌లో ఉన్న రోహిత్ శ‌ర్మ ఈజీ క్యాచ్‌ను జార‌విడిచాడు. అంద‌రూ రోహిత్ అందుకున్నాడ‌ని భావించిన‌ప్ప‌టికి ఆఖ‌రి నిమిషంలో బంతి అత‌డి చేతి నుంచి జారిపోయింది. అంతా ఒక్క‌సారిగా షాక్ అయిపోయారు. రోహిత్ క్యాచ్ విడిచిపెట్టిన వెంట‌నే అక్ష‌ర్‌కు సారీ చెప్పాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది. ఇక 25 ఓవ‌ర్లు ముగిసే స‌రికి బంగ్లాదేశ్ 5 వికెట్లు కోల్పోయి 92 ప‌రుగులు చేసింది. తొలి బంతికే ఔటయ్యే ప్రమాదం నుంచి తప్పించుకున్న జాకీర్‌.. 31 పరుగులతో బ్యాటింగ్‌ కొనసాగిస్తున్నాడు. ఆ తర్వాత కూడా జాకీర్‌ అలీకి రెండు ఛాన్స్‌లు లభించాయి. భార‌త బౌల‌ర్ల‌లో ఇప్పటివ‌రకు అక్షర్ పటేల్‌, మ‌హ్మ‌ద్ ష‌మీ త‌లా రెండు వికెట్లు సాధించ‌గా.. హ‌ర్షిత్ రాణా ఒక్క వికెట్ సాధించారు.తుది జట్లు..బంగ్లాదేశ్: తంజిద్ హసన్, సౌమ్య సర్కార్, నజ్ముల్ హొస్సేన్ శాంటో(కెప్టెన్‌), తౌహిద్ హృదయ్, ముష్ఫికర్ రహీమ్(వికెట్‌కీపర్‌), మెహిదీ హసన్ మిరాజ్, జాకర్ అలీ, రిషాద్ హొస్సేన్, తంజిమ్ హసన్ సకీబ్, తస్కిన్ అహ్మద్, ముస్తాఫిజుర్ రహ్మన్‌భారత్: రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్(వికెట్‌కీపర్‌), హార్దిక్ పాండ్యా, అక్షర్ పటేల్, రవీంద్ర జడేజా, హర్షిత్ రాణా, మహమ్మద్ షమీ, కుల్దీప్ యాదవ్చదవండి: CT 2025: ‘టీమిండియా ఓడినా.. 2027 వరల్డ్‌కప్‌ వరకు అతడే కెప్టెన్‌’This moment could have put Axar's name in the record books for decades. But Rohit Sharma successfully ruined it 😒 pic.twitter.com/zDnFk83r0D— Mark. (@CheekuGang) February 20, 2025

మెగా క్రికెట్‌ పోరుకు టీమిండియా సిద్ధమైంది. దుబాయ్‌ వేదికగా గురువారం చాంపియన్స్‌ ట్రోఫీ(ICC Champions Trophy) బరిలో దిగనుంది. తొలి పోరులో రోహిత్‌ సేన బంగ్లాదేశ్‌తో తలపడనుంది. ఈ క్రమంలో శనివారమే దుబాయ్‌(Dubai)కు చేరుకున్న భారత జట్టు నెట్స్‌లో తీవ్రంగా శ్రమించింది. లీగ్‌ దశలో మూడు మ్యాచ్‌లు కీలకమే కాబట్టి విజయంతో టోర్నమెంట్‌ను మొదలుపెట్టాలనే పట్టుదలతో ఉంది.మా జట్టులో ఇద్దరు స్పిన్నర్లే ఉన్నారుఈ నేపథ్యంలో మీడియాతో మాట్లాడిన టీమిండియా కెప్టెన్‌ రోహిత్‌ శర్మ(Rohit Sharma) జట్టు ఎంపిక తీరుపై వస్తున్న విమర్శలపై స్పందించాడు. ‘‘చాంపియన్స్‌ ట్రోఫీ కోసం భారత జట్టులో ఐదుగురు స్పిన్నర్లను ఎంపిక చేయడంపై తీవ్ర చర్చ సాగుతోంది. అయితే మా జట్టులో ఇద్దరు స్పిన్నర్లను మాత్రమే ఎంపిక చేశాం. మరో ముగ్గురు బ్యాటింగ్‌ చేయగల ఆల్‌రౌండర్లు. అటు బ్యాటింగ్, ఇటు బౌలింగ్‌ చేయగల ప్లేయర్లు జట్టుకు అవసరం. ఈ ముగ్గురు జట్టుకు వైవిధ్యాన్ని అందిస్తారు. అయినా మేం మా బలాన్ని బట్టి ఆటగాళ్లను ఎంచుకుంటాం. జడేజా, అక్షర్‌, వాషీ జట్టులో ఉంటే మాకు భిన్న రకాల ప్రణాళికలతో ముందుకు వెళ్లేందుకు ఆస్కారం ఉంటుంది. మాకు బ్యాటింగ్‌, బౌలింగ్‌ చేయగల ఆటగాళ్ల అవసరం ఉంది.టీమిండియా గురించి మాట్లాడేవారు ఇతర జట్లలో ముగ్గురు పేస్‌ బౌలింగ్‌ ఆల్‌రౌండర్లు ఉంటే.. వారి వద్ద ఆరుగురు పేసర్లు ఉన్నారేంటి అని అడగరు’’ అంటూ రోహిత్ శర్మ విమర్శకులకు కౌంటర్‌ ఇచ్చాడు. ఈ సందర్భంగా చాంపియన్స్‌ ట్రోఫీ గెలవడమే తమ ప్రధాన లక్ష్యం అని పేర్కొన్న హిట్‌మ్యాన్‌.. ప్రస్తుతం బంగ్లాదేశ్‌తో మ్యాచ్‌పైనే తమ దృష్టి మొత్తం కేంద్రీకృతమై ఉందని తెలిపాడు.కొత్తగా వరుణ్‌ చక్రవర్తికాగా చాంపియన్స్‌ ట్రోఫీ-2025కి ఎంపిక చేసిన పదిహేను మంది సభ్యుల భారత జట్టులో స్పిన్‌ దళానికి ప్రాధాన్యం దక్కింది. ప్రాథమిక జట్టులో ఆల్‌రౌండర్లు రవీంద్ర జడేజా, అక్షర్‌ పటేల్‌, వాషింగ్టన్‌ సుందర్‌తో పాటు చైనామన్‌ స్పిన్నర్‌ కుల్దీప్‌ యాదవ్‌ మాత్రమే ఉన్నాడు. అయితే, ఫైనల్‌ టీమ్‌ను ఖరారు చేసే సమయంలో బీసీసీఐ సెలక్టర్లు ఓపెనింగ్‌ బ్యాటర్‌ యశస్వి జైస్వాల్‌పై వేటు వేసి అతడి స్థానంలో మిస్టరీ స్పిన్నర్‌ వరుణ్‌ చక్రవర్తిని తీసుకువచ్చారు. ఫలితంగా జట్టులో ఏకంగా ఐదుగురు స్పిన్నర్లకు చోటు దక్కినట్లయింది.ఈ నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌, మాజీ వికెట్‌ కీపర్‌ బ్యాటర్‌ దినేశ్‌ కార్తిక్‌ సహా పలువురు మాజీ క్రికెటర్లు సెలక్టర్ల తీరును విమర్శించారు. మెగా టోర్నీకి ఏకంగా ఐదుగురు స్పిన్నర్లను ఎంపిక చేయడం వల్ల తుదిజట్టు కూర్పు దెబ్బతినే అవకాశం ఉందని అభిప్రాయపడ్డారు. ఈ క్రమంలో రోహిత్‌ శర్మ పైవిధంగా స్పందించాడు.ఇదిలా ఉంటే.. గ్రూప్‌-‘ఎ’ పోటీలో భాగంగా గురువారం తమ తొలి మ్యాచ్‌లో బంగ్లాదేశ్‌తో తలపడనున్న టీమిండియా.. తదుపరి ఫిబ్రవరి 23న దాయాది పాకిస్తాన్‌ను ఢీకొట్టనుంది. అనంతరం లీగ్‌ దశలో ఆఖరిగా న్యూజిలాండ్‌తో మార్చి 2న మ్యాచ్‌ ఆడనుంది. ఇక ఈ టోర్నీలో గ్రూప్‌-బి నుంచి ఆస్ట్రేలియా, సౌతాఫ్రికా, అఫ్గనిస్తాన్‌, బంగ్లాదేశ్‌ పోటీపడుతున్నాయి. కాగా మెగా ఈవెంట్లో తొలి మ్యాచ్‌లో ఆతిథ్య పాకిస్తాన్‌ జట్టు న్యూజిలాండ్‌ చేతిలో చిత్తుగా ఓడింది.చాంపియన్స్‌ ట్రోఫీ-2025కి భారత జట్టురోహిత్‌ శర్మ(కెప్టెన్‌), శుబ్‌మన్‌ గిల్‌(వైస్‌ కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌(వికెట్‌ కీపర్‌), రిషభ్‌ పంత్‌(వికెట్‌ కీపర్‌), హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, మహ్మద్‌ షమీ, అర్ష్‌దీప్‌ సింగ్‌, రవీంద్ర జడేజా, వరుణ్‌ చక్రవర్తి.చదవండి: CT 2025: షెడ్యూల్‌, జట్లు, మ్యాచ్‌ ఆరంభ సమయం.. లైవ్‌ స్ట్రీమింగ్‌.. పూర్తి వివరాలు

టీమిండియా సెలక్టర్ల తీరును భారత స్పిన్‌ దిగ్గజం రవిచంద్రన్‌ అశ్విన్‌(Ravichandran Ashwin) విమర్శించాడు. చాంపియన్స్‌ ట్రోఫీ-2025(ICC Champions Trophy 2025)కి ఎంపిక చేసిన జట్టులో ఐదుగురు స్పిన్నర్లకు చోటు ఇవ్వడం ఏమిటని ప్రశ్నించాడు. తుదిజట్టు కూర్పు విషయంలో ఇబ్బందులు తప్పవని అభిప్రాయపడ్డాడు.యశస్వి జైస్వాల్‌ను తప్పించికాగా ఈ ఐసీసీ టోర్నీకి భారత క్రికెట్‌ నియంత్రణ మండలి(BCCI) మంగళవారం తమ పూర్తిస్థాయి జట్టును ప్రకటించిన విషయం తెలిసిందే. ప్రాథమిక జట్టులో ఉన్న బ్యాటర్‌ యశస్వి జైస్వాల్‌ను తప్పించి.. అతడి స్థానంలో కొత్తగా మిస్టరీ స్పిన్నర్‌ వరుణ్‌ చక్రవర్తిని చేర్చింది. అదే విధంగా.. జస్‌ప్రీత్‌ బుమ్రా గాయం కారణంగా దూరం కాగా.. హర్షిత్‌ రాణాకు పిలుపునిచ్చింది.ఇదిలా ఉంటే.. ఇప్పటికే జట్టులో కుల్దీప్‌ యాదవ్‌తో పాటు ఆల్‌రౌండర్లు అక్షర్‌ పటేల్‌, రవీంద్ర జడేజా, వాషింగ్టన్‌ సుందర్‌ల రూపంలో నలుగురు స్పిన్నర్లు ఉన్నారు. వరుణ్‌ రాకతో ఆ సంఖ్య ఐదుకు చేరింది. ఈ నేపథ్యంలో మాజీ క్రికెటర్‌ రవిచంద్రన్‌ అశ్విన్‌ కీలక వ్యాఖ్యలు చేశాడు.నాకు అర్థం కావడం లేదు‘‘దుబాయ్‌కు ఇంతమంది స్పిన్నర్లను తీసుకువెళ్లడంలో మర్మమేమిటో నాకు అర్థం కావడం లేదు. యశస్వి జైస్వాల్‌పై వేటు వేసి స్పిన్నర్ల సంఖ్య ఐదుకు పెంచారు. ఈ పర్యటనలో ముగ్గురు లేదంటే నలుగురు స్పిన్నర్లు ఉంటారని ముందుగానే ఊహించాం.కానీ దుబాయ్‌కు ఏకంగా ఐదుగురు స్పిన్నర్లతో వెళ్తున్నామా? ఒకరు.. లేదంటే ఇద్దరు అదనంగా ఉన్నారని అనిపించడం లేదా?.. అందులో ఇద్దరు లెఫ్టార్మ్‌ స్పిన్నర్లు(రవీంద్ర జడేజా, అక్షర్‌ పటేల్‌). ఇద్దరూ అత్యుత్తమ ఆటగాళ్లే.పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యాతో పాటు జడేజా, అక్షర్‌ తుదిజట్టులో ఉంటారు. కుల్దీప్‌ కూడా ఆడతాడు. ఇలాంటపుడు ఒకవేళ మీరు వరుణ్‌ చక్రవర్తిని కూడా జట్టులోకి తీసుకోవాలనుకుంటే.. ఓ పేసర్‌ను పక్కనపెట్టాల్సి ఉంటుంది.అప్పుడు హార్దిక్‌ పాండ్యాను రెండో పేసర్‌గా ఉపయోగించుకోవాలి. లేదంటే.. స్పిన్నర్‌ను తప్పించి మూడో సీమర్‌ను తుదిజట్టులోకి తెచ్చుకోవాలి. నాకు తెలిసి కుల్దీప్‌ యాదవ్‌ నేరుగా ప్లేయింగ్‌ ఎలెవన్‌లో చోటు దక్కించుకున్నాడు. మరి అప్పుడు వరుణ్‌కు ఎలా చోటిస్తారు?ఒకవేళ కుల్దీప్‌తో పాటు వరుణ్‌ కూడా తీసుకుంటే బాగానే ఉంటుంది. కానీ దుబాయ్‌లో బంతి అంతగా టర్న్‌ అవుతుందని మీరు భావిస్తున్నారా? నేనైతే ఈ జట్టు ఎంపిక తీరు పట్ల సంతృప్తిగా లేను’’ అని అశ్విన్‌ తన యూట్యూబ్‌ చానెల్‌ వేదికగా అభిప్రాయాలు పంచుకున్నాడు.3-0తో క్లీన్‌స్వీప్‌కాగా చాంపియన్స్‌ ట్రోఫీకి ముందు టీమిండియా ఇంగ్లండ్‌తో మూడు వన్డేల సిరీస్‌లో అదరగొట్టిన విషయం తెలిసిందే. ఆల్‌రౌండ్‌ ప్రదర్శనతో సొంతగడ్డపై బట్లర్‌ బృందాన్ని 3-0తో క్లీన్‌స్వీప్‌ చేసింది. ఇదిలా ఉంటే.. చాంపియన్స్‌ ట్రోఫీ ఆడే భారత తుదిజట్టులో జడేజాతో పాటు అక్షర్‌ పటేల్‌ ఉండటం ఖాయం. ఎనిమిదో స్థానంలో బ్యాటింగ్‌కు వీలుగా వీరికి ప్రాధాన్యం ఉంటుంది. ఇక ఇద్దరు స్పెషలిస్టు పేసర్లను ఆడించాలనుకుంటే కుల్దీప్‌ యాదవ్‌ లేదంటే వరుణ్‌ చక్రవర్తిలలో ఒక్కరికే స్థానం దక్కుతుంది. కాగా ఫిబ్రవరి 19 నుంచి పాకిస్తాన్‌ వేదికగా చాంపియన్స్‌ ట్రోఫీ మొదలుకానుండగా.. టీమిండియా మాత్రం తమ మ్యాచ్‌లు దుబాయ్‌లో ఆడుతుంది.ఐసీసీ చాంపియన్స్‌ ట్రోఫీ-2025కి భారత జట్టు:రోహిత్‌ శర్మ(కెప్టెన్‌), శుబ్‌మన్‌ గిల్‌(వైస్‌ కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌(వికెట్‌ కీపర్‌), రిషభ్‌ పంత్‌(వికెట్‌ కీపర్‌), హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, మహ్మద్‌ షమీ, అర్ష్‌దీప్‌ సింగ్‌, రవీంద్ర జడేజా, వరుణ్‌ చక్రవర్తి. చదవండి: CT 2025: ఏ జట్టునైనా ఓడిస్తాం.. చాంపియన్స్‌ ట్రోఫీ మాదే: బంగ్లాదేశ్‌ కెప్టెన్‌

టీమిండియా హెడ్‌కోచ్‌ గౌతం గంభీర్‌(Gautam Gambhir) తీరుపై భారత క్రికెట్‌ జట్టు మాజీ కెప్టెన్‌ క్రిష్ణమాచారి శ్రీకాంత్‌ ఆగ్రహం వ్యక్తం చేశాడు. మిడిలార్డర్‌ విషయంలో గౌతీ అనుసరిస్తున్న వ్యూహాలు సరికావని విమర్శించాడు. ఆల్‌రౌండర్‌ అక్షర్‌ పటేల్‌(Axar Patel)ను ప్రమోట్‌ చేయడం బాగానే ఉన్నా.. అందుకోసం కేఎల్‌ రాహుల్‌(KL Rahul)ను బలి చేయడం సరికాదని హితవు పలికాడు.వరుసగా రెండింట గెలిచి.. సిరీస్‌ సొంతంకాగా టీమిండియా ప్రస్తుతం స్వదేశంలో ఇంగ్లండ్‌తో వన్డేలతో బిజీగా ఉన్న విషయం తెలిసిందే. మూడు మ్యాచ్‌లలో ఇప్పటికే రెండు గెలిచి సిరీస్‌ సొంతం చేసుకుంది రోహిత్‌ సేన. అయితే, ఈ సిరీస్‌లో వికెట్‌ కీపర్‌గా రిషభ్‌ పంత్‌ను కాదని సీనియర్‌ కేఎల్‌ రాహుల్‌కు పెద్దపీట వేసిన యాజమాన్యం.. బ్యాటింగ్‌ ఆర్డర్‌లో మాత్రం అతడిని డిమోట్‌ చేసింది.అతడికి ప్రమోషన్‌.. రాహుల్‌కు అన్యాయం?స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ను ఐదో స్థానంలో ఆడిస్తూ.. కేఎల్‌ రాహుల్‌ను ఆరో నంబర్‌ బ్యాటర్‌గా పంపింది. ఈ క్రమంలో నాగ్‌పూర్‌, కటక్‌ వన్డేల్లో అక్షర్‌ వరుసగా 52, 41 నాటౌట్‌ పరుగులు చేయగా... రాహుల్‌ మాత్రం విఫలమయ్యాడు. తొలి వన్డేలో రెండు, రెండో వన్డేలో పది పరుగులకే పరిమితమయ్యాడు.ఇది చాలా దురదృష్టకరంఈ పరిణామాలపై టీమిండియా మాజీ చీఫ్‌ సెలక్టర్‌ క్రిష్ణమాచారి శ్రీకాంత్‌ స్పందించాడు. తన యూట్యూబ్‌ చానెల్‌ వేదికగా మాట్లాడుతూ.. ‘‘నాలుగో నంబర్‌ బ్యాటర్‌ శ్రేయస్‌ అయ్యర్‌ ఫామ్‌లో ఉండటం టీమిండియాకు సానుకూలాంశం. అయితే, కేఎల్‌ రాహుల్‌ పరిస్థితి చూసి నాకు బాధ కలుగుతోంది.ఇది చాలా దురదృష్టకరం. అక్షర్‌ పటేల్‌ 30, 40 పరుగులు చేస్తున్నాడు. మంచిదే.. కానీ కేఎల్‌ రాహుల్‌ పట్ల మేనేజ్‌మెంట్‌ వ్యవహరిస్తున్న తీరు అన్యాయం. ఐదో స్థానంలో అతడు అద్భుతంగా బ్యాటింగ్‌ చేయగలడు. అందుకు అతడి గణాంకాలే నిదర్శనం.ఎల్లప్పుడూ ఇదే వ్యూహం పనికిరాదుకాబట్టి.. హేయ్‌.. గంభీర్‌ నువ్వు చేస్తున్నది తప్పు. పరిస్థితులకు అనుగుణంగా అక్షర్‌ను ఐదో స్థానంలో బ్యాటింగ్‌కు పంపవచ్చు. కానీ ఎల్లప్పుడూ ఇదే వ్యూహం పనికిరాదు. ఇలాంటి వాటి వల్ల దీర్ఘకాలం ఎలాంటి పరిస్థితులు ఎదురవుతాయో నీకూ తెలుసు. కీలకమైన మ్యాచ్‌లో ఇలాంటి వ్యూహాలు బెడిసికొట్టిన సందర్భాలు చాలానే ఉన్నాయి.రిషభ్‌ పంత్‌ విషయంలోనూ ఇలాగే చేస్తారా?అక్షర్‌ పటేల్‌తో నాకు ఎలాంటి సమస్యా లేదు. అతడికి ఇబ్బడిముబ్బడిగా అవకాశాలు ఇస్తున్నారు. కానీ అందుకోసం రాహుల్‌ను ఆరో నంబర్‌లో ఆడిస్తారా? అలాగే చేయాలని అనుకుంటే రిషభ్‌ పంత్‌ను కూడా ఆరోస్థానంలోనే పంపండి. రాహుల్‌ ఆత్మవిశ్వాసాన్ని ఎందుకు దెబ్బతీస్తున్నారు? వరల్డ్‌క్లాస్‌ ప్లేయర్‌గా పేరొందిన అద్భుతమైన ఆటగాడి పట్ల ఇలా వ్యవహరించడం సరికాదు’’ అని క్రిష్ణమాచారి శ్రీకాంత్‌ గంభీర్‌ విధానాన్ని ఎండగట్టాడు. చదవండి: క్రికెట్‌ చరిత్రలో అరుదైన ఘటన

క‌టక్ వేదికగా ఇంగ్లండ్‌తో రెండో వన్డేలో తలపడేందుకు టీమిండియా సిద్దమైంది. ఆదివారం(ఫిబ్రవరి 9) మధ్యహ్నం 1:30 గంటలకు ఈ మ్యాచ్‌ ప్రారంభం కానుంది. తొలి వన్డేలో పర్యాటక ఇంగ్లండ్‌ను చిత్తు చేసిన భారత్‌.. రెండో వన్డేలోనూ అదే జోరును కొనసాగించాలని ఉవ్విళ్లూరుతోంది. ఇప్పటికే కటక్‌కు చేరుకున్న ఇరు జట్లు నెట్స్‌లో తీవ్రంగా శ్రమిస్తున్నాయి. మరోవైపు ఈ మ్యాచ్‌లో ఎలాగైనా గెలిచి సిరీస్‌లో నిలబడాలని ఇంగ్లండ్‌​ భావిస్తోంది.జ‌గ‌న్నాథుడిని దర్శించుకున్న భారత క్రికెటర్లు..ఈ క్రమంలో భారత క్రికెటర్లు అక్షర్ పటేల్, వరుణ్ చక్రవర్తి, వాషింగ్టన్ సుందర్‌ పూరి జగన్నాథ స్వామిని దర్శించుకున్నారు. పోలీసులు భారీ భద్రత మధ్య భారత క్రికెటర్లను ఆలయంలోకి తీసుకెళ్లారు. ఈ సందర్భంగా ఆలయానికి వచ్చిన వీరికి అర్చకులు, అధికారులు స్వాగతం పలికారు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది.రోహిత్‌ ఫామ్‌ను అందుకుంటాడా?ఇక ఇది ఇలా ఉండగా.. ఐసీసీ ఛాంపియన్స్‌​ ట్రోఫీకి ముందు భారత జట్టు కెప్టెన్‌ రోహిత్‌ శర్మ ఫామ్‌ అందరిని ఆందోళనకు గురిచేస్తోంది. బోర్డర్‌-గవాస్కర్‌ ట్రోఫీలో పేలవ ప్రదర్శన కనబరిచిన రోహిత్‌.. ఇప్పుడు ఇంగ్లండ్‌తో వన్డే సిరీస్‌లో కూడా అదే తీరును కనబరిచాడు. నాగ్‌పూర్‌ వేదికగా జరిగిన తొలి వన్డేలో హిట్‌మ్యాన్‌ కేవలం 2 పరుగులు మాత్రమే చేసి ఔటయ్యాడు. ఒకప్పుడు షార్ట్‌ పిచ్‌ బంతులను అలోవకగా సిక్సర్లగా మలిచిన రోహిత్‌.. ఇప్పుడు అదే బంతులకు తన వికెట్‌ను సమర్పించుకుంటున్నాడు. కనీసం రెండో వన్డేతోనైనా రోహిత్‌ తన ఫామ్‌లను అందుకోవాలని భావిస్తున్నారు.విరాట్‌ కోహ్లి ఇన్‌​..!ఇక తొలి వన్డేకు గాయం కారంణంగా దూరమైన టీమిండియా స్టార్‌ ప్లేయర్‌ విరాట్‌ కోహ్లి తిరిగి తన ఫిట్‌నెస్‌ను సాధించాడు. దీంతో అతడు రెండో వన్డేలో జట్టు సెలక్షన్‌కు అందుబాటులో ఉండనున్నాడు. కింగ్‌ కోహ్లి జట్టులోకి వస్తే.. ఓపెనర్‌ యశస్వి జైశ్వాల్‌పై వేటు పడే అవకాశముంది.నాగ్‌పూర్‌ వన్డేతో అరంగేట్రం చేసిన జైశ్వాల్‌ కేవలం 13 పరుగులు మాత్రమే చేసి ఔటయ్యాడు. రెండో వన్డేలో భారత ఇన్నింగ్స్‌ను రోహిత్‌ శర్మ, శుబ్‌మన్‌​ గిల్‌​ ప్రారంభించనున్నట్లు తెలుస్తోంది. ఫస్ట్‌ డౌన్‌లో ​కోహ్లి బ్యాటింగ్‌కు రానున్నాడు.చదవండి: నాయకుడే ఇలా ఉంటే ఎలా?: రోహిత్‌పై కపిల్‌ దేవ్‌ వ్యాఖ్యలు Odisha: Indian cricket team players visited the Jagannath Temple in Puri to seek blessings pic.twitter.com/fXtNjbJSuP— IANS (@ians_india) February 8, 2025

ఇంగ్లండ్‌తో వన్డే సిరీస్‌ను టీమిండియా(India vs England) విజయంతో ఆరంభించింది. ఆల్‌రౌండ్‌ ప్రదర్శనతో నాగ్‌పూర్‌ వేదికగా పర్యాటక జట్టును నాలుగు వికెట్ల తేడాతో ఓడించి 1-0తో ఆధిక్యంలోకి వెళ్లింది. ఇక ఈ మ్యాచ్‌లో స్పిన్‌ బౌలింగ్‌ ఆల్‌రౌండర్లు రవీంద్ర జడేజా(Ravindra Jadeja), అక్షర్‌ పటేల్‌(Axar Patel).. ఇద్దరూ అదరగొట్టడం విశేషం.ఈ నేపథ్యంలో భారత మాజీ ఓపెనర్‌ ఆకాశ్‌ చోప్రా ఆసక్తికర వ్యాఖ్యలు చేశాడు. రోహిత్‌ శర్మ కెప్టెన్సీలో ఇలా జడ్డూ, అక్షర్‌ కలిసి ఆడతారని తాను అస్సలు ఊహించలేదన్నాడు. ఏదేమైనా ఈ మ్యాచ్‌లో ఇద్దరు రాణించడం శుభసూచకమని.. అయితే అక్షర్‌ కంటే జడ్డూ మెరుగ్గా బౌలింగ్‌ చేశాడని కితాబిచ్చాడు.జడ్డూ, అక్షర్‌.. ఒకరు బౌలింగ్‌లో.. ఒకరు బ్యాటింగ్‌లోకాగా ఇంగ్లండ్‌తో తొలి వన్డేలో లెఫ్టార్మ్‌ స్పిన్నర్‌ రవీంద్ర జడేజా పొదుపుగా బౌలింగ్‌ చేయడంతో పాటు కీలక వికెట్లు తీశాడు. తొమ్మిది ఓవర్ల బౌలింగ్‌లో కేవలం 26 పరుగులే ఇచ్చి స్టార్‌ బ్యాటర్లు జో రూట్‌(19), జొకొబ్‌ బెతెల్‌(51) వికెట్లతో పాటు.. టెయిలెండర్‌ ఆదిల్‌ రషీద్‌(8)ను అవుట్‌ చేశాడు.ఇక లక్ష్య ఛేదనలో భాగంగా జడేజాకు ఎక్కువగా బ్యాటింగ్‌ చేసే అవకాశం రాలేదు. మొత్తంగా 10 బంతులు ఎదుర్కొని 12 పరుగులతో అజేయంగా నిలిచాడు. మరోవైపు.. జోస్‌ బట్లర్‌ (52) రూపంలో బిగ్‌ వికెట్‌ దక్కించుకున్న మరో లెఫ్టార్మ్‌ స్పిన్నర్‌ అక్షర్‌ పటేల్‌.. బ్యాటర్‌గానూ దుమ్ములేపాడు.ఐదో స్థానంలో బ్యాటింగ్‌కు వచ్చిన అక్షర్‌ పటేల్‌ 47 బంతుల్లో ఆరు ఫోర్లు, ఒక సిక్సర్‌సాయంతో 52 పరుగులు సాధించాడు. ఈ నేపథ్యంలో కామెంటేటర్‌ ఆకాశ్‌ చోప్రా వీరిద్దరి గురించి తన అభిప్రాయాలు పంచుకున్నాడు. ‘‘ఈ మ్యాచ్‌ సందర్భంగా రవీంద్ర జడేజా అంతర్జాతీయ క్రికెట్‌లో 6000 పరుగులు పూర్తి చేసుకోవడంతో 600 వికెట్ల క్లబ్‌లో చేరాడు.రోహిత్‌ కెప్టెన్సీలో ఆ ఇద్దరు కలిసి ఆడతారని అస్సలు అనుకోలేదుతద్వారా భారత్‌ తరఫున ఈ ఘనత సాధించిన తొలి స్పిన్నర్‌గా రికార్డు సాధించాడు. అంతకు ముందు ఫాస్ట్‌బౌలర్‌ కపిల్‌ పాజీ ఈ ఫీట్‌ అందుకున్నాడు. నిజానికి ఈ మ్యాచ్‌లో అతడికి ఆడే అవకాశం వస్తుందా లేదా అన్న సందేహం ఉండేది. ఎందుకంటే.. చాంపియన్స్‌ ట్రోఫీ జట్టులో అతడు పదిహేనవ ఆటగాడిగా ఉన్నాడు.నిజానికి ఇద్దరు లెఫ్టార్మ్‌ స్పిన్నర్లను ఒకే మ్యాచ్‌లో ఆడించరనే అభిప్రాయం ఉంది. ముఖ్యంగా రోహిత్‌ శర్మ కెప్టెన్సీలో ఇలాంటిది జరుగుతుందని నేను అనుకోలేదు. కానీ ఈరోజు(గురువారం) ఇది జరిగింది.ఈ మ్యాచ్‌లో జడ్డూ అక్షర్‌ కంటే మెరుగ్గా బౌలింగ్‌ చేశాడు. అక్షర్‌కు బ్యాటింగ్‌కు చేసే అవకాశం వచ్చింది. ఇకపై జడ్డూ బౌలింగ్‌ ఆల్‌రౌండర్‌.. అక్షర్‌ బ్యాటింగ్‌ ఆల్‌రౌండర్‌గా మీకు(మేనేజ్‌మెంట్‌) ఉపయోగపడతాడు’’ అని ఆకాశ్‌ చోప్రా చెప్పుకొచ్చాడు.భారత్‌ వర్సెస్‌ ఇంగ్లండ్‌ తొలి వన్డే స్కోర్లు👉వేదిక: విదర్భ క్రికెట్‌ అసోసియేషన్‌ స్టేడియం, నాగ్‌పూర్‌👉టాస్‌: ఇంగ్లండ్‌.. బ్యాటింగ్‌👉ఇంగ్లండ్‌ స్కోరు: 248 (47.4)👉భారత్‌ స్కోరు: 251/6 (38.4)👉ఫలితం: నాలుగు వికెట్ల తేడాతో ఇంగ్లండ్‌పై భారత్‌ విజయం👉ప్లేయర్‌ ఆఫ్‌ ది మ్యాచ్‌: శుబ్‌మన్‌ గిల్‌(96 బంతుల్లో 87 పరుగులు).చదవండి: సెంచరీకి చేరువలో ఉన్నాడని.. ఇలా చేస్తావా?: మండిపడ్డ గావస్కర్‌

భారత్‌లో ఇంగ్లండ్‌ పరాజయాల పరంపర కొనసాగుతోంది. తొలుత ఐదు మ్యాచ్‌ల టీ20 సిరీస్‌ను 4-1తో కోల్పోయిన బట్లర్‌ బృందం.. వన్డే సిరీస్‌(India vs England ODIs)నూ ఓటమితోనే ఆరంభించింది. నాగ్‌పూర్‌లో గురువారం జరిగిన మ్యాచ్‌లో నాలుగు వికెట్ల తేడాతో టీమిండియా చేతిలో ఓడిపోయింది. ఈ నేపథ్యంలో కెప్టెన్‌ జోస్‌ బట్లర్‌(Jos Buttler) విచారం వ్యక్తం చేశాడు.క్రెడిట్‌ మొత్తం అతడికేశుభారంభం అందుకున్నా దానిని కొనసాగించలేకపోవడమే తమ పరాజయానికి కారణమని బట్లర్‌ అన్నాడు. అదే విధంగా.. టీమిండియా విజయంలో క్రెడిట్‌ మొత్తం శ్రేయస్‌ అయ్యర్‌(Shreyas Iyer)కు దక్కుతుందంటూ అతడి బ్యాటింగ్‌ తీరును ప్రశంసించాడు. కాగా విదర్భ క్రికెట్‌ అసోసియేషన్‌ స్టేడియంలో జరిగిన తొలి వన్డేలో టాస్‌ గెలిచిన బట్లర్‌ తొలుత బ్యాటింగ్‌ వైపు మొగ్గుచూపాడు.అతడి రనౌట్‌లో అయ్యర్‌ కీలక పాత్రఈ క్రమంలో టీమిండియా సీనియర్‌ పేసర్‌ భారత బౌలింగ్‌ అటాక్‌ ఆరంభించి.. తొలి ఓవర్లో పరుగులేమీ ఇవ్వలేదు. అనంతరం వన్డే అరంగేట్ర ఆటగాడు, మరో పేసర్‌ హర్షిత్‌ రాణా సైతం మెయిడిన్‌ వేసి సత్తా చాటాడు. అయితే, ఆ తర్వాత ఇంగ్లండ్‌ ఓపెనర్‌ ఫిల్‌ సాల్ట్‌ ధనాధన్‌ ఇన్నింగ్స్‌తో హర్షిత్‌ రాణాకు చుక్కలు చూపించాడు.ఒకే ఓవర్లో ఏకంగా ఇరవై ఆరు పరుగులు పిండుకుని రాణాను పనిష్‌ చేశాడు. కానీ మంచి జోరు మీదున్న సమయంలో అనవసరపు పరుగు కోసం యత్నించి రనౌట్‌ అయ్యాడు. భారత స్టార్‌ బ్యాటర్‌ శ్రేయస్‌ అయ్యర్‌ అద్భుత ఫీల్డింగ్‌ కారణంగా సాల్ట్‌(26 బంతుల్లో 5 ఫోర్లు, 3 సిక్సర్లు- 43 రన్స్‌) వెనుదిరిగాడు.A moment of brilliance on the field by #ShreyasIyer and #PhilSalt is RUNOUT! 🙌🏻Start watching FREE on Disney+ Hotstar ➡️ https://t.co/gzTQA0IDnU#INDvENGOnJioStar 1st ODI 👉 LIVE NOW on Disney+ Hotstar, Star Sports 2, Star Sports 3, Sports 18 1 & Colors Cineplex! pic.twitter.com/n9hvFfJQpE— Star Sports (@StarSportsIndia) February 6, 2025 ఇక మరో ఓపెనర్‌ బెన్‌ డకెట్‌ సైతం 29 బంతుల్లో ఆరు ఫోర్ల సాయంతో 32 పరుగులతో రాణించగా.. వన్‌డౌన్‌లో వచ్చిన రీఎంట్రీ స్టార్‌ జో రూట్‌(19) నిరాశపరిచాడు. ఇక హ్యారీ బ్రూక్‌ హర్షిత్‌ రాణా దెబ్బకు పరుగుల ఖాతా తెరవకుండానే వెనుదిరిగాడు. ఇలాంటి తరుణంలో బట్లర్‌, జాకొబ్‌ బెతెల్‌తో కలిసి ఇన్నింగ్స్‌ చక్కదిద్దే ప్రయత్నం చేశాడు.బట్లర్‌ 67 బంతుల్లో 52 పరుగులు చేయగా.. బెతెల్‌ 64 బాల్స్‌ ఎదుర్కొని 51 రన్స్‌ సాధించాడు. కానీ మిగతా వాళ్లు మాత్రం చేతులెత్తేశారు. లియామ్‌ లివింగ్‌స్టోన్‌(5), బ్రైడన్‌ కార్సే(10), ఆదిల్‌ రషీద్‌(8) త్వరత్వరగా పెవిలియన్‌ చేరగా.. టెయిలెండర్‌ జోఫ్రా ఆర్చర్‌ 18 బంతుల్లో 21 పరుగులతో అజేయంగా నిలిచాడు. 38.4 ఓవర్లలోనే..ఫలితంగా ఇంగ్లండ్‌ 47.4 ఓవర్లలో 248 పరుగులు చేయగలిగింది. భారత బౌలర్లలో హర్షిత్‌ రాణా, రవీంద్ర జడేజా మూడేసి వికెట్లతో చెలరేగగా.. మహ్మద్‌ షమీ, అక్షర్‌ పటేల్‌, కుల్దీప్‌ యాదవ్‌ ఒక్కో వికెట్‌ దక్కించుకున్నారు.ఇక నామమాత్రపు లక్ష్యంతో బరిలోకి దిగిన టీమిండియా 38.4 ఓవర్లలో ఆరు వికెట్లు నష్టపోయి పని పూర్తి చేసింది. ఓపెనర్లు యశస్వి జైస్వాల్‌(15), కెప్టెన్‌ రోహిత్‌ శర్మ(2) విఫలమైనా.. శుబ్‌మన్‌ గిల్‌ (87) అద్భుత అర్థ శతకంతో మెరిశాడు. అతడికి తోడుగా నాలుగో నంబర్‌ బ్యాటర్‌ శ్రేయస్‌ అయ్యర్‌ టీ20 తరహా మాదిరి 36 బంతుల్లోనే 59 పరుగులతో దుమ్ములేపాడు. ఇక ఆల్‌రౌండర్‌ అక్షర్‌ పటేల్‌(47 బంతుల్లోనే 52) కూడా హాఫ్‌ సెంచరీ సాధించాడు.మా ఓటమికి కారణం అదేఈ నేపథ్యంలో ఓటమి అనంతరం ఇంగ్లండ్‌ కెప్టెన్‌ జోస్‌ బట్లర్‌ మాట్లాడుతూ.. ‘‘గెలవలేకపోయినందుకు బాధగా ఉంది. పవర్‌ ప్లేలో మేము అద్భుతంగా రాణించాం. కానీ త్వరత్వరగా వికెట్లు కోల్పోవడం ప్రభావం చూపింది. ఇంకో 40- 50 పరుగులు చేసేందుకు వికెట్‌ అనుకూలంగానే ఉంది. కానీ మేము ఆఖరిదాకా నిలవలేకపోయాం.ఏదేమైనా మా వాళ్లు శుభారంభం అందించారనేది వాస్తవం. ఆ సమయంలో మ్యాచ్‌ మాకు అనుకూలంగానే ఉంది. ఇక టీమిండియా విజయంలో శ్రేయస్‌ అయ్యర్‌కు క్రెడిట్‌ ఇవ్వాల్సి ఉంటుంది. అతడి అద్భుత ఇన్నింగ్స్‌ వల్ల భారత్‌కు మెరుగైన భాగస్వామ్యం లభించింది. ఏదేమైనా.. ఇకపై మేము ఇన్నింగ్స్‌ ఆసాంతం ఇంకాస్త మెరుగ్గా ఆడాల్సి ఉంది’’ అని పరాజయానికి గల కారణాలను విశ్లేషించాడు. చదవండి: IND vs ENG: శ్రేయస్‌ అయ్యర్‌ వరల్డ్‌​ రికార్డు

ఇంగ్లండ్‌తో (England) మూడు మ్యాచ్‌ల టీ20 సిరీస్‌ను టీమిండియా (Team India) ఘనంగా ప్రారంభించింది. నాగ్‌పూర్‌ వేదికగా జరిగిన తొలి వన్డేలో భారత్‌ 4 వికెట్ల తేడాతో గెలుపొందింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. టీమిండియా బౌలర్లు చెలరేగడంతో 248 పరుగులకే (47.4 ఓవర్లలో) ఆలౌటైంది. రవీంద్ర జడేజా, హర్షిత్‌ రాణా తలో మూడు వికెట్లు తీసి ఇంగ్లండ్‌ను దెబ్బ కొట్టారు. షమీ, అక్షర్‌, కుల్దీప్‌ తలో వికెట్‌ తీశారు.ఇంగ్లండ్‌ బ్యాటర్లలో జోస్‌ బట్లర్‌ (52), జేకబ్‌ బేతెల్‌ (51) హాఫ్‌ సెంచరీలతో రాణించగా.. ఓపెనర్లు బెన్‌ డకెట్‌ (32), ఫిలిప్‌ సాల్ట్‌ (43) ఓ మోస్తరు స్కోర్లు చేశారు. రూట్‌ 19, బ్రూక్‌ 0, లివింగ్‌స్టోన్‌ 5, కార్స్‌ 10, ఆదిల్‌ రషీద్‌ 8, సాకిబ్‌ మహమూద్‌ 2 పరుగులు చేసి ఔటయ్యారు. ఆఖర్లో జోఫ్రా ఆర్చర్‌ (21 నాటౌట్‌) బ్యాట్‌ ఝులిపించడంతో ఇంగ్లండ్‌ ఈ మాత్రం స్కోరైనా చేయగలిగింది.అనంతరం బ్యాటింగ్‌కు దిగిన భారత్‌.. 38.4 ఓవర్లలో 6 వికెట్లు కోల్పోయి లక్ష్యాన్ని ఛేదించింది. ఛేదనలో ఓపెనర్లు రోహిత్‌ శర్మ (2), యశస్వి జైస్వాల్‌ (15) త్వరగా ఔటైనా.. మిడిలార్డర్‌ బ్యాటర్లు శ్రేయస్‌ అయ్యర్‌ (59), శుభ్‌మన్‌ గిల్‌ (87), అక్షర్‌ పటేల్‌ (52) అద్భుతంగా ఆడారు. ముఖ్యంగా శ్రేయస్‌ మెరుపు ఇన్నింగ్స్‌ ఆడి మధ్యలోనే భారత్‌ గెలుపు ఖరారు చేశాడు. లక్ష్యానికి చేరువైన తరుణంలో భారత్‌ వరుసగా వికెట్లు కోల్పోయింది. హార్దిక్‌ పాండ్యా (9 నాటౌట్‌), రవీంద్ర జడేజా (12 నాటౌట్‌) భారత్‌ను విజయతీరాలకు చేర్చారు. ఇంగ్లండ్‌ బౌలర్లలో సాకిబ్‌ మహమూద్‌, ఆదిల్‌ రషీద్‌ తలో రెండు వికెట్లు పడగొట్టగా.. ఆర్చర్‌, జేకబ్‌ బేతెల్‌ చెరో వికెట్‌ దక్కించుకున్నారు. రెండో వన్డే కటక్‌ వేదికగా ఫిబ్రవరి 9న జరుగనుంది.జడేజా@600ఈ మ్యాచ్‌లో టీమిండియా లెఫ్ట్‌ ఆర్మ్‌ స్పిన్నర్‌ రవీంద్ర జడేజా ఓ అరుదైన మైలురాయిని తాకాడు. ఈ మ్యాచ్‌లో మూడు వికెట్లు తీసిన జడేజా.. అంతర్జాతీయ క్రికెట్‌లో 600 వికెట్లు పూర్తి చేసుకున్నాడు. తద్వారా భారత్‌ తరఫున ఈ ఘనత సాధించిన ఐదో బౌలర్‌గా రికార్డు నెలకొల్పాడు. జడ్డూకు ముందు అనిల్‌ కుంబ్లే (953), అశ్విన్‌ (765), హర్భజన్‌ సింగ్‌ (707), కపిల్‌ దేవ్‌ (687) మాత్రమే 600 అంతర్జాతీయ వికెట్లు పడగొట్టారు. భారత్‌ తరఫున 600 వికెట్లు పడగొట్టిన తొలి లెఫ్ట్‌ ఆర్మ్‌ స్పిన్నర్‌, అలాగే అంతర్జాతీయ క్రికెట్‌లో 600 వికెట్లతో పాటు 6000 పరుగులు చేసిన ఏకైక భారత స్పిన్నర్‌ జడేజానే.అరంగ్రేటంలోనే మెరిసిన రాణా.. నిరాశపరిచిన జైస్వాల్‌ఈ మ్యాచ్‌తో వన్డే క్రికెట్‌లోకి ఎంట్రీ ఇచ్చిన హర్షిత్‌ రాణా తనపై పెట్టుకున్న అంచనాలకు న్యాయం చేశాడు. ఈ మ్యాచ్‌లో తొలుత ధారాళంగా పరుగులు సమర్పించుకున్న ఆతను.. ఆతర్వాత కోలుకుని మూడు వికెట్లు తీశాడు. ఇంగ్లండ్‌ ఇన్నింగ్స్‌ ఆరంభంలో ఫిల్‌ సాల్ట్‌ రాణాకు చుక్కలు చూపించాడు. ఇదే మ్యాచ్‌తో వన్డే అరంగేట్రం చేసిన మరో భారత ఆటగాడు యశస్వి జైస్వాల్‌ నిరాశపరిచాడు. ఈ మ్యాచ్‌లో జైస్వాల్‌ 22 బంతుల్లో 15 పరుగులు చేసి ఔటయ్యాడు.కొనసాగిన రోహిత్‌ వైఫల్యాల పరంపరఅంతర్జాతీయ క్రికెట్‌లో రోహిత్‌ వైఫల్యాల పరంపర కొనసాగింది. ఈ మ్యాచ్‌లో అతను 7 బంతులు ఎదుర్కొని 2 పరుగులకే ఔటయ్యాడు. ఇటీవలికాలంలో ఫార్మాట్లకతీతంగా రోహిత్‌ ప్రదర్శనలు చాలా దారుణంగా ఉన్నాయి.గత 16 ఇన్నింగ్స్‌ల్లో రోహిత్‌ కేవలం ఒకే అర్ద సెంచరీ చేశాడు. గత ఏడాదంతా కలుపుకుని రోహిత్‌ చేసింది కేవలం 166 పరుగులే. విరాట్‌ దూరం.. పంత్‌కు నో ప్లేస్‌ఈ మ్యాచ్‌కు టీమిండియా స్టార్‌ బ్యాటర్‌ విరాట్‌ కోహ్లి దూరంగా ఉన్నాడు. మోకాలి గాయం కారణంగా కోహ్లి ఈ మ్యాచ్‌లో ఆడలేదు. గాయాల కారణంగా కోహ్లి మ్యాచ్‌లకు దూరం కావడం చాలా అరుదు. ఈ మ్యాచ్‌లో మరో భారత స్టార్‌ ఆటగాడికి కూడా చోటు దక్కలేదు. వికెట్‌కీపర్‌, బ్యాటర్‌ రిషబ్‌ పంత్‌ బెంచ్‌కే పరిమితమయ్యాడు. కేఎల్‌ రాహుల్‌ అదనంగా వికెట్‌కీపింగ్‌ బాధ్యతలు మోశాడు.

సౌతాఫ్రికా గడ్డపై విజయం తర్వాత సూర్యకుమార్‌ సేన స్వదేశంలో మరో పొట్టి ఫార్మాట్‌ పోరుకు సిద్ధమైంది. ఇంగ్లండ్‌(India Vs England)తో ఐదు మ్యాచ్‌ల సిరీస్‌లో భాగంగా కోల్‌కతా వేదికగా బుధవారం తొలి టీ20 ఆడనుంది. ఈడెన్‌ గార్డెన్స్‌లో జరిగే ఈ మ్యాచ్‌ కోసం ఇరుజట్లు పూర్తిస్థాయిలో సన్నద్ధమయ్యాయి. బ్యాటింగ్‌కు అనుకూలించే పిచ్‌పై పరుగుల వరద పారించేందుకు సై అంటున్నాయి.ఇక టీ20 ప్రపంచకప్‌-2024(T20 World Cup 2024)లో సెమీస్‌లో తలపడ్డ ఇండియా- ఇంగ్లండ్‌ ముఖాముఖి పోటీపడటం ఇదే తొలిసారి. నాడు టీమిండియా చేతిలో చిత్తైన ఇంగ్లిష్‌ జట్టు ప్రతీకారం తీర్చుకోవాలని భావిస్తుండగా.. ఆధిపత్యాన్ని నిలబెట్టుకోవాలని భారత్‌ పట్టుదలగా ఉంది. దీంతో ఈ పోరు మరింత రసవత్తరంగా మారనుంది.ఇదిలా ఉంటే.. వరల్డ్‌కప్‌-2024 సమయంలో టీమిండియా వైస్‌ కెప్టెన్‌గా ఉన్న హార్దిక్‌ పాండ్యాకు భారత క్రికెట్‌ నియంత్రణ మండలి భారీ షాకిచ్చిన విషయం తెలిసిందే. ఐసీసీ టోర్నీలో అదరగొట్టిన ఈ ఆల్‌రౌండర్‌ను కాదని.. సూర్యకుమార్‌ యాదవ్‌ను రోహిత్‌ శర్మ(Rohit Sharma) వారసుడిగా ప్రకటించింది. సారథిగా సూపర్‌ హిట్‌ఈ క్రమంలో గతేడాది శ్రీలంక పర్యటన సందర్భంగా టీ20 పూర్తిస్థాయి కెప్టెన్‌గా బాధ్యతలు చేపట్టిన సూర్య.. 3-0తో క్లీన్‌స్వీన్‌ విజయంతో ప్రస్థానం ఆరంభించాడు. అనంతరం సొంతగడ్డపై బంగ్లాదేశ్‌పై కూడా సూర్య ఇదే ఫలితం పునరావృతం చేయగలిగాడు. ఆ తర్వాత సౌతాఫ్రికా పర్యటనలో 3-1తో టీమిండియాను గెలిపించాడు. ఇక ఇంగ్లండ్‌తో టీ20 సిరీస్‌ల నేపథ్యంలో కొత్త వైస్‌ కెప్టెన్‌గా అక్షర్‌ పటేల్‌ ఎంపికయ్యాడు. ఈ నేపథ్యంలో హార్దిక్‌ పాండ్యాతో సూర్య అనుబంధం పట్ల అనుమానాలు వ్యక్తం అవుతున్నాయి. ఈ నేపథ్యంలో మంగళవారం మీడియా సమావేశంలో భాగంగా ఈ ప్రస్తావన రాగా సూర్య హుందాగా స్పందించాడు.మా జట్టులో చాలా మంది కెప్టెన్లు ఉన్నారు.. హార్దిక్‌ మాత్రం‘‘హార్దిక్‌ పాండ్యాతో నాకు మంచి సాన్నిహిత్యం ఉంది. మా నాయకత్వ బృందంలో అతడు ఎల్లప్పుడూ కీలక భాగమే. భారత జట్టును ఎలా నడిపించాలో మాకందరికీ బాగా తెలుసు. మైదానంలోకి దిగాక జట్టు కోసం అందరం చర్చించే నిర్ణయం తీసుకుంటాం. సరిగ్గా చెప్పాలంటే మా జట్టులో ఒకరికంటే ఎక్కువ మంది కెప్టెన్లు ఉన్నారు. మైదానంలో అవసరమైనపుడు సూచనలు, సలహాలు ఇస్తారు.ఇక హెడ్‌ కోచ్‌ గౌతం గంభీర్‌తో కూడా నేను గతంలో కలిసి పని చేశాను. ఆయన ఆటగాళ్లకు మంచి స్వేచ్ఛనిస్తారు. కోచ్‌ పర్యవేక్షణలో ప్రస్తుతం మా జట్టు సరైన దిశలోనే వెళుతోంది. వికెట్‌ కీపర్‌గా సంజూ శాంసన్‌ బాగా ఆడుతున్నాడు కాబట్టి మరో ప్లేయర్‌ గురించి ఆలోచన లేదు.ఒకే జట్టుతో ఎక్కువ మ్యాచ్‌లుటీ20 వరల్డ్‌ కప్‌ టోర్నీకి ఇంకా చాలా సమయం ఉంది. ఆలోగా దాదాపు ఒకే జట్టుతో ఎక్కువ మ్యాచ్‌లు ఆడి టీమ్‌ను సిద్ధం చేయడం ముఖ్యం’’ అని సూర్యకుమార్‌ యాదవ్‌ పేర్కొన్నాడు. జట్టులో ఎలాంటి విభేదాలు లేవని స్పష్టం చేస్తూనే.. తమ భవిష్యత్తు ప్రణాళిక గురించి కూడా వివరించాడు.నేను బాగా ఆడలేదు కాబట్టేఇక ఐసీసీ చాంపియన్స్‌ ట్రోఫీ-2025లో పాల్గొనే భారత జట్టులో చోటు దక్కకపోవడంపై కూడా సూర్య ఈ సందర్భంగా స్పందించాడు. వన్డే ఫార్మాట్లో తన ప్రదర్శన బాగా లేనందువల్లే ఎంపిక కాలేదని నిజాయితీగా ఒప్పుకొన్నాడు. ఏదేమైనా వన్డేల్లో బాగా ఆడలేకపోవడమే తనను తీవ్ర నిరాశకు గురి చేస్తోందని తెలిపాడు.చదవండి: ఐసీసీ ఛాంపియన్స్‌ ట్రోఫీ బెస్ట్‌ టీమ్‌.. కెప్టెన్‌గా సంజూ శాంసన్‌! నితీశ్‌కు చోటు?

చాంపియన్స్‌ ట్రోఫీ-2025(ICC Champions Trophy) నేపథ్యంలో టీమిండియా మాజీ క్రికెటర్‌ రవిచంద్రన్‌ అశ్విన్‌ ఆసక్తికర వ్యాఖ్యలు చేశాడు. ఈ ఐసీసీ టోర్నీలో ఆడే భారత తుదిజట్టులో వాషింగ్టన్‌ సుందర్‌కు తప్పక స్థానం లభిస్తుందని అభిప్రాయపడ్డాడు. అయితే, ఈ స్పిన్‌ బౌలింగ్‌ ఆల్‌రౌండర్‌ను లోయర్‌ ఆర్డర్‌లో కాకుండా.. టాప్‌-5లో బ్యాటింగ్‌కు పంపించాలని అశూ మేనేజ్‌మెంట్‌కు సూచించాడు.పాకిస్తాన్‌- యూఏఈ వేదికలుగా చాంపియన్స్‌ ట్రోఫీ ఫిబ్రవరి 19 నుంచి మొదలుకానుంది. ఈ మెగా ఈవెంట్లో టీమిండియా ఫిబ్రవరి 20 నుంచి తమ వేట మొదలుపెట్టనుంది. లీగ్‌ దశలో భాగంగా తొలుత బంగ్లాదేశ్‌తో తలపడనున్న రోహిత్‌ సేన.. ఫిబ్రవరి 23న చిరకాల ప్రత్యర్థి పాకిస్తాన్‌(India vs Pakistan)తో మ్యాచ్‌ ఆడుతుంది. ఆ నలుగురుఆ తర్వాత న్యూజిలాండ్‌ను ఢీకొట్టనుంది. ఇక టీమిండియా ఆడే మ్యాచ్‌లన్నీ దుబాయ్‌లోనే జరుగుతాయి. ఈ నేపథ్యంలో భారత క్రికెట్‌ నియంత్రణ మండలి(బీసీసీఐ) ప్రకటించిన జట్టులో స్పిన్‌ విభాగంలో ముగ్గురు ఆల్‌రౌండర్లు, ఒక స్పెషలిస్టు బౌలర్‌కు చోటు దక్కింది. ఆ నాలుగు ఎవరంటే.. రవీంద్ర జడేజా, వాషింగ్టన్‌ సుందర్‌, అక్షర్‌ పటేల్‌.. కుల్దీప్‌ యాదవ్‌.వీరిలో కుల్దీప్‌ లెఫ్టార్మ్‌ రిస్ట్‌ స్పిన్నర్‌ కాగా.. రవీంద్ర జడేజా, అక్షర్‌ పటేల్‌ కూడా ఎడమచేతి వాటం బౌలర్లే. అయితే, ఇందులో రైటార్మ్‌ స్పిన్నర్‌ వాషింగ్టన్‌ సుందర్‌ ఒక్కడే. అందునా అతడు ఆఫ్‌ స్పిన్నర్‌. ఈ ప్రత్యేకతే అతడికి చాంపియన్స్‌ ట్రోఫీ తుదిజట్టులో చోటు దక్కేలా చేస్తుందని స్పిన్‌ దిగ్గజం రవిచంద్రన్‌ అశ్విన్‌ అభిప్రాయపడ్డాడు.అంతేకాదు.. టీమిండియా హెడ్‌కోచ్‌ గౌతం గంభీర్‌కు వాషీ అంటే ఎంతో ఇష్టమని.. అది కూడా అతడికి ప్లస్‌ పాయింట్‌గా మారుతుందని అశూ పేర్కొన్నాడు. ఈ మేరకు తన యూట్యూబ్‌ చానెల్‌లో మాట్లాడుతూ.. ‘‘ఈరోజుల్లో రైట్‌- లెఫ్ట్‌ కాంబినేషన్లకు అధిక ప్రాధాన్యం దక్కుతోంది.గంభీర్‌కు అతడంటే చాలా ఇష్టం.కానీ మనకు ఎక్కువ మంది ఆఫ్‌ స్పిన్నర్లు లేరు. లెఫ్టార్మ్‌ స్పిన్నర్లే ఎక్కువ ఉన్నారు. చాంపియన్స్‌ ట్రోఫీ జట్టులో వాషింగ్టన్‌ సుందర్‌ ఎనిమిదో స్థానంలో బ్యాటింగ్‌ చేయడం ఖాయంగా కనిపిస్తోంది. అందుకు రెండు కారణాలున్నాయి.. నాకు తెలిసినంత వరకు గంభీర్‌కు అతడంటే చాలా ఇష్టం.అతడి ఆటతీరును దగ్గరగా గమనించడంతో పాటు.. కచ్చితంగా అండగా నిలబడతాడు. ఇక వాషీ ఆఫ్‌ స్పిన్నర్‌ కావడం కూడా కలిసి వస్తుంది. అయితే, అతడు ఎనిమిదో నంబర్‌లో బ్యాటింగ్‌ చేస్తే మాత్రం జట్టు సమతూకంగా ఉండకపోవచ్చు. బ్యాటింగ్‌ ఆర్డర్‌లో అతడిని ముందుకు పంపాలి.టాప్‌ 5లో ఉంటేసమర్థవంతంగా బౌలింగ్‌ చేయడంతో పాటు నాలుగు లేదంటే ఐదో స్థానంలో ఆడే ఆల్‌రౌండర్‌ ఉంటే జట్టుకు ఎంతో ఉపయోగకరం. అదీ ఆఫ్‌ స్పిన్నర్‌ టాప్‌ 5లో ఉంటే ఇంకా బాగుంటుంది’’ అని అశ్విన్‌ తన అభిప్రాయాలు పంచుకున్నాడు.కాగా అశ్విన్‌ మాదిరే వాషీ కూడా తమిళనాడుకు చెందినవాడే. ఈ ఇద్దరూ స్పిన్‌ బౌలింగ్‌ ఆల్‌రౌండర్లే కావడం మరో విశేషం. ఇదిలా ఉంటే.. ఇటీవల ఆస్ట్రేలియాతో బోర్డర్‌- గావస్కర్‌ ట్రోఫీలో ఆడిన భారత జట్టులో అశూ- వాషీ ఇద్దరికీ చోటు దక్కింది. అయితే, పెర్త్‌ టెస్టులో అనుభవజ్ఞుడైన అశూను కాదని.. మేనేజ్‌మెంట్‌ వాషీని ఆడించింది. అందుకు తగ్గట్లుగానే అతడు రాణించాడు కూడా!అశూ ఆకస్మిక రిటైర్‌మెంట్‌అయితే, ఆ తర్వాత మరో రెండు టెస్టుల్లోనూ అశూకు అవకాశం రాలేదు. ఈ నేపథ్యంలో బ్రిస్బేన్‌లో మూడో టెస్టు డ్రా అయిన తర్వాత అతడు సంచలన ప్రకటన చేశాడు. అంతర్జాతీయ క్రికెట్‌కు వీడ్కోలు పలికాడు. మేనేజ్‌మెంట్‌ తీరు నచ్చకే అశూ రిటైర్మెంట్‌ ప్రకటించాడనే ఊహాగానాలు వినిపించాయి. ఈ నేపథ్యంలో గంభీర్‌కు వాషీ ఆట అంటే ఇష్టమంటూ అశూ చేసిన వ్యాఖ్యలు సందేహాలకు తావిస్తున్నాయి.కాగా రైటార్మ్‌ ఆఫ్‌ బ్రేక్‌ స్పిన్నర్‌, ఎడమచేతి వాటం బ్యాటర్‌ అయిన వాషింగ్టన్‌ సుందర్‌.. ఇప్పటి వరకు టీమిండియా తరఫున 9 టెస్టులు, 22 వన్డేలు, 52 టీ20లు ఆడాడు. ఆయా ఫార్మాట్లలో 468, 315, 161 పరుగులు చేయడంతో పాటు.. 25, 23, 47 వికెట్లు తీశాడు.చదవండి: ‘నా కుమారుడిపై పగబట్టారు.. కావాలనే తొక్కేస్తున్నారు’

కోల్‌కతా: భారత్‌ తరఫున మూడు ఫార్మాట్‌లలో కలిపి 180 అంతర్జాతీయ మ్యాచ్‌లు ఆడిన స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ 184 వికెట్లు తీయడంతో పాటు 1,712 పరుగులు కూడా సాధించాడు. ఇప్పుడు ఇంగ్లండ్‌తో జరగబోయే టి20 సిరీస్‌ కోసం అతను తొలిసారి వైస్‌ కెప్టెన్‌గా ఎంపికయ్యాడు. సుదీర్ఘ కాలం పాటు తనదైన బౌలింగ్, బ్యాటింగ్‌ శైలిని పోలిన రవీంద్ర జడేజా నీడలోనే ఉండిపోయిన అతను... ఇటీవలే కొన్ని అత్యుత్తమ ప్రదర్శనలతో తనకంటూ ఓ ప్రత్యేకతను చాటుకున్నాడు. దాదాపు 11 ఏళ్ల అంతర్జాతీయ కెరీర్‌లో ఎంతో సాధించానని, ఇప్పుడు కొత్తగా తనను తాను నిరూపించుకోవాల్సిన అవసరం లేదని అక్షర్‌ పటేల్‌ వ్యాఖ్యానించాడు. ‘భారత జట్టుకు సంబంధించి మూడు ఫార్మాట్‌లలో సంధి దశ నడుస్తోందనేది వాస్తవం. అయితే దీనిపై సెలక్టర్లే నిర్ణయం తీసుకుంటారు. నాకు సంబంధించి నేను కొత్తగా నిరూపించుకోవాల్సింది ఏమీ లేదు. అప్పగించిన పనిని సమర్థంగా చేయడమే నాకు తెలుసు. అలా చేస్తే చాలు జట్టులో స్థానం గురించి చింతించాల్సిన అవసరం ఉండదు. ఫార్మాట్‌ ఏదైనా అవకాశం లభించిన ప్రతీసారి ఆటను మెరుగుపర్చుకుంటూ ఉత్తమ ప్రదర్శన ఇస్తాను. జట్టులో నా స్థానం గురించి ఎప్పుడూ ఆందోళన చెందను’ అని అతను అన్నాడు. తాజాగా వైస్‌ కెప్టెన్సీతో కొంత బాధ్యత పెరిగిందనేది మాత్రం వాస్తవమని అక్షర్‌ అభిప్రాయపడ్డాడు. ‘టీమ్‌ నాయకత్వ బృందంలో నాకు కూడా అవకాశం దక్కడం సంతోషం. దీని వల్ల బాధ్యత మరింత పెరుగుతుంది. మన టి20 జట్టు స్థిరంగా ఉంది కాబట్టి కొత్తగా అనూహ్య నిర్ణయాలేమీ ఉండవు. అయితే మైదానంలో వేగంగా నిర్ణయాలు తీసుకోవాల్సిన అవసరం ఉంటుంది’ అని అతను చెప్పాడు. భారత జట్టులో ఓపెనర్లకు మాత్రమే వారి స్థానాల విషయంలో స్పష్టత ఉంటుందని, మూడు నుంచి ఏడో స్థానం వరకు బ్యాటర్లు ఎక్కడైనా ఆడేందుకు సిద్ధంగా ఉండాలని అతను అభిప్రాయ పడ్డాడు. ‘ఏడాది కాలంగా ఇది కొనసాగుతోంది. 3–7 బ్యాటర్లు మ్యాచ్‌లో ఆ సమయంలో ఉన్న పరిస్థితిని బట్టి ఎక్కడైనా ఆడాల్సి ఉంటుంది. దీని గురించి ఆటగాళ్లందరికీ ఇప్పటికే చెప్పేశాం’ అని పటేల్‌ వెల్లడించాడు. మరోవైపు ఆస్ట్రేలియాతో సిరీస్‌ కోసం జట్టులో తాను ఎంపిక కాకపోవడంపై ఎలాంటి నిరాశ కలగలేదని... 15 మందిని ఎంపిక చేస్తారని, తనకు చోటు దక్కకపోవడం పెద్ద విషయం కాదని అక్షర్‌ స్పష్టం చేశాడు. ఆ సిరీస్‌లో భారత జట్టు ప్రదర్శన గురించి ఇప్పుడు చర్చ అనవసరమని, ఇప్పుడు కొత్తగా మళ్లీ మొదలు పెడుతున్నామని ఈ గుజరాత్‌ ఆల్‌రౌండర్‌ వ్యాఖ్యానించాడు.

భారత మాజీ వికెట్‌కీపర్‌ కమ్‌ బ్యాటర్‌ దినేశ్‌ కార్తీక్‌ ఆసక్తికర వ్యాఖ్యలు చేశాడు. 2025 ఐపీఎల్‌ సీజన్‌లో ఢిల్లీ క్యాపిటల్స్‌ కెప్టెన్‌గా అక్షర్‌ పటేల్‌ వ్యవహరిస్తాడని జోస్యం చెప్పాడు. మెగా వేలంలో డీసీ యాజమాన్యం కేఎల్‌ రాహుల్‌ను రూ. 14 కోట్లకు సొంతం చేసుకున్నా, అక్షర్‌ పటేల్‌కే ఢిల్లీ కెప్టెన్‌గా ఎంపికయ్యే అవకాశాలు అధికంగా ఉన్నాయని అన్నాడు. క్రిక్‌బజ్‌లో జరిగిన ఓ కార్యక్రమం సందర్భంగా డీకే ఈ విషయాలను పంచుకున్నాడు.ఇంగ్లండ్‌తో ఐదు మ్యాచ్‌ల టీ20 సిరీస్‌లో టీమిండియా వైస్‌ కెప్టెన్‌గా అక్షర్‌ పటేల్‌ ఎంపికయ్యాడు. హార్దిక్‌ పాండ్యాను కాదని అక్షర్‌ను టీమిండియా వైస్‌ కెప్టెన్‌గా నియమించడంపై డీకే స్పందిస్తూ.. హార్దిక్‌ను వైస్ కెప్టెన్సీ నుండి ఎందుకు తొలగించారో నాకు తెలియదు. హార్దిక్‌ను వైస్‌ కెప్టెన్సీ నుంచి తప్పించడానికి కారణం కూడా కనిపించడం లేదు. హార్దిక్‌ వైస్‌ కెప్టెన్‌గా ఉండగా టీమిండియా బాగా రాణించింది. హార్దిక్‌, సూర్యకుమార్‌ ఆథ్వర్యంలో టీమిండియా ద్వైపాక్షిక సిరీస్‌లో (సౌతాఫ్రికా) గెలిచింది. అక్షర్ పటేల్‌ విషయానికొస్తే.. అతనికి ఇదో మంచి అవకాశం. మరి ముఖ్యంగా అతను ఢిల్లీ క్యాపిటల్స్ కెప్టెన్‌గా కూడా ఉండబోతున్నాడు. ఇంగ్లండ్‌తో సిరీస్‌ అక్షర్‌కు బాగా ఉపయోగపడుతుంది. గుజరాత్‌ కెప్టెన్‌గా కూడా అక్షర్‌కు అనుభవం ఉంది. అక్షర్‌కు నా శుభాకాంక్షలు అంటూ కార్తీక్ చెప్పుకొచ్చాడు.డీకే ఏ ఆధారంగా అక్షర్‌ను ఢిల్లీ క్యాపిటల్స్‌ కెప్టెన్‌ అన్నాడో తెలీదు కానీ, అక్షర్‌కు ఇంగ్లండ్‌తో టీ20 సిరీస్‌ బాగా ఉపయోగపడుతుంది. అక్షర్‌ గత సీజన్‌లో ఢిల్లీ క్యాపిటల్స్‌ కెప్టెన్‌గా వ్యవహరించాడు. రిషబ్‌ పంత్‌ గైర్హాజరీలో అక్షర్‌ ఓ మ్యాచ్‌లో డీసీ కెప్టెన్‌గా సేవలందించాడు. మెగా వేలానికి ముందు డీసీ యాజమాన్యం అక్షర్‌ను రూ.18 కోట్లకు రీటైన్‌ చేసుకుంది. 30 ఏళ్ల స్పిన్‌ బౌలింగ్‌ ఆల్‌రౌండర్‌ అయిన అక్షర్‌.. 2019 నుంచి ఢిల్లీ క్యాపిటల్స్‌లో భాగమై ఉన్నాడు. కాగా, అక్షర్‌ ఢిల్లీ క్యాపిటల్స్‌ కెప్టెన్‌ అవుతాడని తేల్చి చెప్పిన దినేశ్‌ కార్తీక్‌ గతంలో ఆ ఫ్రాంచైజీకి కెప్టెన్‌గా వ్యవహరించాడు.సాధారణ ఆటగాడిగా రాహుల్‌..?అక్షర్‌ పటేల్‌ ఢిల్లీ కెప్టెన్‌గా ఎంపికైతే పంజాబ్‌ కింగ్స్‌, లక్నో సూపర్‌ జెయింట్స్‌ మాజీ కెప్టెన్‌ కేఎల్‌ రాహుల్‌ 2020 సీజన్‌ తర్వాత తొలిసారి సాధారణ ఆటగాడిగా బరిలోకి దిగుతాడు. 2020, 2021 సీజన్లలో పంజాబ్‌ కెప్టెన్‌గా.. 2022-24 వరకు లక్నో కెప్టెన్‌గా వ్యవహరించిన రాహుల్‌ను ఇటీవల ముగిసిన మెగా వేలంలో ఢిల్లీ క్యాపిటల్స్‌ దక్కించుకుంది. రాహుల్‌ డీసీ తరఫున ఓపెనర్‌గా బరిలోకి దిగుతాడో లేక మిడిలార్డర్‌లో బ్యాటింగ్‌ చేస్తాడో అన్న అంశం ఆసక్తికరంగా మారింది.ఇదిలా ఉంటే, గత సీజన్‌లో ఢిల్లీ కెప్టెన్‌గా వ్యవహరించిన రిషబ్‌ పంత్‌ను మెగా వేలంలో లక్నో సూపర్‌ జెయింట్స్‌ సొంతం చేసుకున్న విషయం తెలిసిందే.

ఇంగ్లండ్‌తో టీ20 సిరీస్‌(India vs England)కు భారత క్రికెట్‌ నియంత్రణ మండలి(బీసీసీఐ) తమ జట్టును ప్రకటించింది. సూర్యకుమార్‌ యాదవ్‌ కెప్టెన్సీలోని ఈ జట్టులో పదిహేను మందికి స్థానం కల్పించినట్లు తెలిపింది. ఇందుకు సంబంధించి శనివారం అధికారిక ప్రకటన విడుదల చేసింది.ఎట్టకేలకు షమీ పునరాగమనంఇక ఈ సిరీస్‌తో టీమిండియా సీనియర్‌ పేసర్‌ మహ్మద్‌ షమీ ఎట్టకేలకు పునరాగమనం చేయనున్నాడు. వన్డే వరల్డ్‌కప్‌-2023 తర్వాత చీలమండ నొప్పికి శస్త్ర చికిత్స చేయించుకున్న ఈ బెంగాల్‌ బౌలర్‌.. దాదాపు ఏడాది కాలంగా జట్టుకు దూరంగా ఉన్న విషయం తెలిసిందే. ఈ క్రమంలో దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ బరిలో దిగిన షమీ.. తొమ్మిది మ్యాచ్‌లు ఆడి పదకొండు వికెట్లు పడగొట్టాడు.అనంతరం దేశీ వన్డే టోర్నీ విజయ్‌ హజారే ట్రోఫీలోనూ బెంగాల్‌ తరఫున బరిలోకి దిగి.. ఎటువంటి ఇబ్బంది లేకుండా పది ఓవర్ల కోటా పూర్తి చేశాడు. ఈ క్రమంలో ఫిట్‌నెస్‌ నిరూపించుకున్న షమీకి టీమిండియా సెలక్టర్లు పిలుపునిచ్చారు. ఇక పేస్‌ దళ నాయకుడు జస్‌ప్రీత్‌ బుమ్రాతో పాటు, మరో స్టార్‌ ఫాస్ట్‌ బౌలర్‌ మహ్మద్‌ సిరాజ్‌ విశ్రాంతి పేరిట జట్టుకు దూరమయ్యారు.వైస్‌ కెప్టెన్‌గా అతడేఈ క్రమంలో షమీ సారథ్యంలోని పేస్‌ విభాగంలో అర్ష్‌దీప్‌ సింగ్‌తో పాటు హర్షిత్‌ రాణా చోటు దక్కించుకున్నారు. ఇక స్పిన్నర్ల కోటాలో వరుణ్‌ చక్రవర్తి, రవి బిష్షోయి స్థానం సంపాదించగా.. ఆల్‌రౌండర్ల జాబితాలో హార్దిక్‌ పాండ్యా, నితీశ్‌ కుమార్‌ రెడ్డి, అక్షర్‌ పటేల్‌(Axar Patel), వాషింగ్టన్‌ సుందర్‌ ఎంపికయ్యారు. ఇక ఈ సిరీస్‌ ద్వారా.. స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ వైస్‌ కెప్టెన్‌గా వ్యవహరించనున్నాడు.సూపర్‌స్టార్‌పై వేటు!మరోవైపు.. సూపర్‌స్టార్‌, వికెట్‌ కీపర్‌ బ్యాటర్‌ రిషభ్‌ పంత్‌(Rishabh Pant)ను మాత్రం సెలక్టర్లు ఇంగ్లండ్‌తో టీ20లకు ఎంపిక చేయలేదు. వికెట్‌ కీపర్ల కోటాలో సంజూ శాంసన్‌తో పాటు ధ్రువ్‌ జురెల్‌ చోటు దక్కించుకున్నాడు. అయితే, ఆస్ట్రేలియాతో బోర్డర్‌- గావస్కర్‌ ట్రోఫీ కారణంగా బిజీగా గడిపిన పంత్‌కు విశ్రాంతినిచ్చారా? లేదంటే అతడిపై వేటు వేశారా అన్నది మాత్రం తెలియరాలేదు.ఇక సౌతాఫ్రికాలో మాదిరి ఈసారి కూడా అభిషేక్‌ శర్మతో కలిసి సంజూ శాంసన్‌ ఓపెనర్‌గా బరిలోకి దిగనుండగా.. లెఫ్టాండర్లు తిలక్‌ వర్మ, రింకూ సింగ్‌ కూడా ఈ జట్టులో ఉన్నారు. సౌతాఫ్రికా పర్యటనలో అదరగొట్టిన టీమిండియాకాగా సూర్య సేన చివరగా సౌతాఫ్రికా పర్యటనలో భాగంగా టీ20 సిరీస్‌ ఆడింది. ఆ టూర్‌లో సంజూ శాంసన్‌, తిలక్‌ వర్మ రెండేసి శతకాలతో దుమ్ములేపారు. వీళ్లిద్దరి విధ్వంసకర ఇన్నింగ్స్‌ కారణంగా టీమిండియా ప్రొటిస్‌ జట్టును 3-1తో ఓడించి సిరీస్‌ కైవసం చేసుకుంది. ఇంగ్లండ్‌తో ఐదు టీ20లుకోల్‌కతా వేదికగా జనవరి 22న మొదటి టీ20 జరుగనుండగా.. జనవరి 25న చెన్నై రెండో టీ20 మ్యాచ్‌కు ఆతిథ్యం ఇవ్వనుంది. అనంతరం.. జనవరి 28న రాజ్‌కోట్‌లో మూడో టీ20.. జనవరి 31న పుణె వేదికగా నాలుగో టీ20, ఫిబ్రవరి 2న ముంబైలో ఐదో టీ20 జరుగనుంది. అయితే, ఇంగ్లండ్‌తో మూడు వన్డేలకు మాత్రం బీసీసీఐ జట్టును ప్రకటించలేదు.ఇంగ్లండ్‌తో టీ20 సిరీస్‌కు భారత జట్టుసూర్యకుమార్‌ యాదవ్‌(కెప్టెన్‌), సంజూ శాంసన్‌(వికెట్‌ కీపర్‌), అభిషేక్‌ శర్మ, తిలక్‌ వర్మ, హార్దిక్‌ పాండ్యా, రింకూ సింగ్‌, నితీశ్‌ కుమార్‌ రెడ్డి, అక్షర్‌ పటేల్‌(వైస్‌ కెప్టెన్‌), హర్షిత్‌ రాణా, అర్ష్‌దీప్‌ సింగ్‌, మహ్మద్‌ షమీ, వరుణ్‌ చక్రవర్తి, రవి బిష్ణోయి, వాషింగ్టన్‌ సుందర్‌, ధ్రువ్‌ జురెల్‌(వికెట్‌ కీపర్‌). చదవండి: స్టీవ్‌ స్మిత్‌ ఊచకోత.. విధ్వంసకర శతకం.. ‘బిగ్‌’ రికార్డ్‌!

టీమిండియా స్టార్ క్రికెటర్ అక్ష‌ర్ ప‌టేల్(Axar Patel) తండ్రయ్యాడు. అత‌డి భార్య మేహా పండింటి మ‌గ బిడ్డ‌కు జ‌న్మ‌నిచ్చింది. ఈ విష‌యాన్ని అక్ష‌ర్ ప‌టేల్ మంగ‌ళవారం(డిసెంబ‌ర్ 24) సోషల్ మీడియా వేదిక‌గా అభిమానుల‌తో పంచుకున్నాడు. తన కుమారుడికి భారత జెర్సీ వేసి తీసిన ఫోటోను ఈ గుజరాతీ షేర్ చేశాడు. డిసెంబ‌ర్ 19న త‌మ మొదటి బిడ్డకు బిడ్డకు స్వాగతం పలికినట్లు అక్షర్ వెల్లడించాడు. అదే విధంగా తమ బిడ్డకు హక్ష్ పటేల్ అని పేరు పెట్టినట్లు భారత ఆల్‌రౌండర్ చెప్పుకొచ్చాడు.కాగా అక్షర్ పటేల్ ప్రస్తుతం భారత జట్టుకు దూరంగా ఉన్నాడు. తొలుత బోర్డర్-గవాస్కర్ ట్రోఫీ కోసం ఎంపిక చేసిన భారత జట్టులో సెలక్టర్లు ఎంపిక చేయలేదు. అయితే ఈ సిరీస్ మధ్యలో రవిచంద్రన్ అశ్విన్ రిటైర్మెంట్ ప్రకటించడంతో.. మిగిలిన రెండు టెస్టులకు అతడి స్ధానాన్ని అక్షర్ పటేల్‌తో భర్తీ చేస్తారని అంతా భావించారు. కానీ అతడు పితృత్వ సెలవులో ఉండడంతో సెలక్టర్లు పరిగణలోకి తీసుకోలేదు.ఈ విషయాన్ని బాక్సింగ్ డే టెస్ట్‌కు ముందు ప్రీ-మ్యాచ్ ప్రెస్ కాన్ఫరెన్స్ సందర్భంగా భారత కెప్టెన్ రోహిత్ శర్మ సైతం ధ్రువీకరించాడు. ఇక అశ్విన్ స్ధానాన్ని ముంబై ఆల్‌రౌండర్ తనుష్ కోటియన్‌తో భర్తీ చేశారు. అక్షర్ ఛాంపియన్స్ ట్రోఫీ-2025తో తిరిగి మళ్లీ భారత జట్టులోకి వచ్చే ఛాన్స్ ఉంది. కాగా టీ20 వరల్డ్‌కప్‌-2024ను భారత్ సొంతం చేసుకోవడంలో అక్షర్ కీలక పాత్ర పోషించాడు.He's still figuring out the off side from the leg, but we couldnt wait to introduce him to all of you in blue. World, welcome Haksh Patel, India's smallest, yet biggest fan, and the most special piece of our hearts.19-12-2024 🩵🧿 pic.twitter.com/LZFGnyIWqM— Axar Patel (@akshar2026) December 24, 2024

గింగిరాలు తిరిగే బంతులతో... ప్రత్యర్థులను ముప్పుతిప్పలు పెట్టిన స్టార్‌ ఆఫ్‌స్పిన్నర్‌ రవిచంద్రన్‌ అశ్విన్‌ అంతర్జాతీయ క్రికెట్‌కు వీడ్కోలు పలకగా... భారత జట్టులో అతడి స్థానాన్ని భర్తీ చేసేవారెవరు అనే చర్చ జోరుగా సాగుతోంది. విదేశీ పిచ్‌లపై ప్రదర్శనను పక్కన పెడితే... స్వదేశంలో టీమిండియా జైత్రయాత్ర వెనక అశ్విన్‌ పాత్ర ఎంతో ఉందనేది కాదనలేని సత్యం. అశ్విన్‌ అరంగేట్రం చేసిన నాటి నుంచి ఇప్పటి వరకు సొంతగడ్డపై టీమిండియా 65 టెస్టులు ఆడగా... వీటన్నింటిలో అశ్విన్‌ బరిలోకి దిగాడు. ఈ మధ్య కాలంలో అశ్విన్‌ విఫలమైన రెండు సిరీస్‌లలో (2012 ఇంగ్లండ్‌తో, 2024 న్యూజిలాండ్‌తో) తప్ప అన్నీట్లో టీమిండియా జయకేతనం ఎగరవేసింది. ఈ గణాంకాలు చాలు అతడేంటో చెప్పేందుకు. 106 టెస్టుల్లో 537 వికెట్లు పడగొట్టి... భారత్‌ తరఫున అత్యధిక వికెట్లు తీసిన రెండో బౌలర్‌గా నిలిచిన 38 ఏళ్ల అశ్విన్‌... ‘బోర్డర్‌–గావస్కర్‌ ట్రోఫీ’ మూడో టెస్టు అనంతరం బుధవారం అంతర్జాతీయ కెరీర్‌కు వీడ్కోలు పలకగా... సహచరులు, సీనియర్లు అశ్విన్‌ ఘనతలను కొనియాడారు.అయితే ఇకపై అశ్విన్‌ సేవలు అందుబాటులో లేకపోవడంతో... స్పిన్‌ మాంత్రికుడి స్థానాన్ని భర్తీ చేసేది ఎవరనే చర్చ ప్రధానంగా సాగుతోంది. ఇందులో వాషింగ్టన్‌ సుందర్, కుల్దీప్‌ యాదవ్, తనుశ్‌ కొటియాన్, అక్షర్‌ పటేల్‌ పేర్లు గట్టిగా వినిపిస్తున్న నేపథ్యంలో వారి ప్రదర్శనలను ఓసారి పరిశీలిస్తే... –సాక్షి క్రీడావిభాగంసుందర్‌కే చాన్స్‌ ఎక్కువ...ఇప్పుడున్న పరిస్థితుల్లో అశ్విన్‌ స్థానాన్ని భర్తీ చేసే ఆటగాడు ఎవరా అనే ప్రశ్నకు వాషింగ్టన్‌ సుందర్‌ అనే సమాధానమే వినిపిస్తోంది. ఈ ఇద్దరూ తమిళనాడుకు చెందిన వాళ్లే కాగా... సుందర్‌ కూడా అశ్విన్‌ బాటలోనే అటు బంతితో మాయ చేయడంతో పాటు ఇటు బ్యాటింగ్‌లోనూ సత్తా చాటగల సమర్థుడు. తాజా ‘బోర్డర్‌–గావస్కర్‌ ట్రోఫీ’ తొలి టెస్టులో అశ్విన్‌ను కాదని టీమ్‌ మేనేజ్‌మెంట్‌ సుందర్‌కే అవకాశమిచ్చింది. సమీప భవిష్యత్తులో ఇలాగే జరిగే సూచనలు కనిపించడంతోనే అంతర్జాతీయ కెరీర్‌కు వీడ్కోలు పలికిన అశ్విన్‌... కొత్త తరానికి మార్గం సుగమం చేశాడు. అశ్విన్‌ తరహాలోనే టి20 ఫార్మాట్‌లో సత్తాచాటి అటు నుంచి జాతీయ జట్టు తలుపు తట్టిన 25 ఏళ్ల సుందర్‌... ఇప్పటి వరకు టీమిండియా తరఫున 7 టెస్టులు ఆడి 24 వికెట్లు పడగొట్టాడు. బ్యాటింగ్‌లో 48.37 సగటుతో 387 పరుగులు సాధించాడు. విదేశీ పిచ్‌లపై అశ్విన్‌ కంటే మెరుగైన బ్యాటింగ్‌ నైపుణ్యం సుందర్‌ సొంతం కాగా... ఇదే విషయాన్ని దృష్టిలో పెట్టుకొని జట్టు యాజమాన్యం సుందర్‌ను ప్రోత్సహిస్తోంది. కెపె్టన్, కోచ్‌ నమ్మకాన్ని సంపాదించిన సుందర్‌... ఎప్పటికప్పుడు బౌలింగ్‌లో వైవిధ్యం చూపగల నేర్పరి కావడంతో అతడు ఈ జాబితాలో ముందు వరుసలో కనిపిస్తున్నాడు. రేసులో కుల్దీప్‌ యాదవ్‌ ఒకదశలో విదేశాల్లో భారత ప్రధాన స్పిన్నర్‌ అని హెడ్‌ కోచ్‌తో మన్ననలు అందుకున్న మణికట్టు స్పిన్నర్‌ కుల్దీప్‌ యాదవ్‌ ఆ తర్వాత పెద్దగా ప్రభావం చూపలేకపోయాడు. చైనామన్‌ స్పిన్నర్‌గా జట్టులోకి వచి్చన కుల్దీప్‌ ప్రధానంగా పరిమిత ఓవర్ల ఫార్మాట్‌లోనే ఆకట్టుకున్నాడు. ఇప్పటి వరకు జాతీయ జట్టు తరఫున 106 వన్డేల్లో 172 వికెట్లు... 40 టి20ల్లో 69 వికెట్లు పడగొట్టాడు. అదే సమయంలో టెస్టు ఫార్మాట్‌లో 13 మ్యాచ్‌లాడిన 30 ఏళ్ల కుల్దీప్‌ యాదవ్‌ 22.16 సగటుతో 56 వికెట్లు పడగొట్టాడు. అయితే ప్రస్తుతం అశ్విన్‌ స్థానం కోసం పోటీపడుతున్న వారిలో బ్యాటింగ్‌ పరంగా కుల్దీప్‌ యాదవ్‌ కాస్త వెనుకబడి ఉండటం అతడికి ప్రతిబంధకంగా మారింది. ఆంధ్ర ఆటగాడు నితీశ్‌ కుమార్‌ రెడ్డి పేస్‌ ఆల్‌రౌండర్‌గా టెస్టు జట్టులో స్థానం సుస్థిరం చేసుకోవడం ఖాయంగానే కనిపిస్తున్న నేపథ్యంలో కుల్దీప్‌కు బ్యాటింగ్‌ ప్రతిభతో సంబంధం లేకుండా స్వదేశీ పిచ్‌లపై ప్రధాన స్పిన్నర్‌గా ఎంపిక చేసుకునే అవకాశాలు లేకపోలేదు. వయసురీత్యా చూసుకుంటూ ఇప్పటికే 30వ పడిలో ఉన్న కుల్దీప్‌... అశ్విన్‌ వారసుడిగా పేరు తెచ్చుకుంటాడా అనేది కాలమే నిర్ణయించాలి. అక్షర్‌కు అవకాశం లేనట్టే! గత కొంతకాలంగా పరిశీలిస్తే... సొంతగడ్డపై భారత జట్టు ఆడిన టెస్టుల్లో అక్షర్‌ పటేల్‌ మూడో స్పిన్నర్‌గా బరిలోకి దిగాడు. తన ఎత్తును వినియోగించుకుంటూ ఎడమ చేత్తో బంతిని స్పిన్‌ చేయడంతో పాటు బ్యాటింగ్‌లోనూ ప్రభావం చూపాడు. 30 ఏళ్ల అక్షర్‌ ఇప్పటి వరకు జాతీయ జట్టు తరఫున 14 టెస్టులు ఆడి 19.34 సగటుతో 55 వికెట్లు పడగొట్టడంతో పాటు 35.88 సగటుతో 646 పరుగులు చేశాడు. పరిమిత ఓవర్ల ఫార్మాట్లలోనూ స్పిన్‌ ఆల్‌రౌండర్‌గా తనదైన పాత్ర పోషిస్తున్న అక్షర్‌ పటేల్‌కు తన బౌలింగ్‌ శైలే ప్రధాన సమస్యగా మారింది. ప్రస్తుతం టీమిండియాలో సీనియర్‌ స్పిన్నర్‌గా ఉన్న రవీంద్ర జడేజా కూడా ఎడమచేతి వాటం బౌలరే కాగా... అక్షర్‌ మాదిరే బ్యాటింగ్‌లోనూ సత్తా చాటగల సమర్థుడు. దీంతో బౌలింగ్‌లో వైవిధ్యం ఉండాలి అంటే వీరిద్దరిలో ఒక్కరినే ఎంపిక చేసుకోవాల్సిన పరిస్థితి ఏర్పడింది.తనుశ్‌పై దృష్టి...ముంబైకి చెందిన కుడిచేతి వాటం ఆఫ్‌స్పిన్నర్‌ తనుశ్‌ కొటియాన్‌కు కూడా అశ్విన్‌ స్థానాన్ని భర్తీ చేసే అవకాశం ఉందని విశ్లేషకులు అంచనా వేస్తున్నారు. దేశవాళీల్లో అపార అనుభవం ఉన్నా... ఇప్పటి వరకు జాతీయ జట్టు తరఫున అరంగేట్రం చేయని 26 ఏళ్ల తనుశ్‌... ఇటీవల ఆ్రస్టేలియా పర్యటనలో భాగంగా భారత్‌ ‘ఎ’ జట్టు తరఫున ఆకట్టుకున్నాడు. ఫస్ట్‌క్లాస్‌ క్రికెట్‌లో 33 మ్యాచ్‌లు ఆడి 25.70 సగటుతో 101 వికెట్లు పడగొట్టిన కొటియాన్‌... బ్యాట్‌తో 41.21 సగటుతో 1525 పరుగులు సాధించాడు. బౌలింగ్‌లో చక్కటి ప్రతిభతో పాటు అవసరమైతే లోయర్‌ ఆర్డర్‌లో బ్యాటింగ్‌ చేయగల సత్తా ఉన్న తనుశ్‌... జాతీయ జట్టులో చోటు దక్కించుకుంటే సుదీర్ఘ కాలం కొనసాగే అవకాశాలున్నాయి. అయితే ప్రస్తుతానికి టీమిండియాలో ఉన్న పోటీని తట్టుకోవడం అంత సులభం అయితే కాదు.

సయ్యద్‌ ముస్తాక్‌ అలీ టోర్నీలో టీమిండియా ఆటగాడు, గుజరాత్‌ ప్లేయర్‌ అక్షర్‌ పటేల్‌ చెలరేగిపోయాడు. కర్ణాటకతో ఇవాళ (డిసెంబర్‌ 5) జరిగిన మ్యాచ్‌లో అక్షర్‌ శివాలెత్తిపోయాడు. ఈ మ్యాచ్‌లో అక్షర్‌ 20 బంతులను ఎదుర్కొని 2 ఫోర్లు, అర డజన్లు సిక్సర్ల సాయంతో అజేయమైన 56 పరుగులు చేశాడు. ఇన్నింగ్స్‌ చివరి ఓవర్‌లో విద్యాధర్‌ అనే వ్యక్తి బౌలింగ్‌లో అక్షర్‌ పేట్రేగిపోయాడు. ఈ ఓవర్‌లో అతను ఏకంగా 24 పరుగులు రాబట్టాడు. ఇందులో 3 సిక్సర్లు, ఓ బౌండరీ ఉంది. అక్షర్‌ విజృంభించడంతో ఈ మ్యాచ్‌లో తొలుత బ్యాటింగ్‌ చేసిన గుజరాత్‌ నిర్ణీత 20 ఓవర్లలో 5 వికెట్ల నష్టానికి 251 పరుగుల భారీ స్కోర్‌ చేసింది. AXAR PATEL SMASHED 6,2,6,4,0,6 - 24 RUNS IN THE FINAL OVER. 🤯 pic.twitter.com/lTV3Of4CLV— Mufaddal Vohra (@mufaddal_vohra) December 5, 2024ఓపెనర్‌ ఆర్య దేశాయ్‌ 40 బంతుల్లో 5 ఫోర్లు, 4 సిక్సర్ల సాయంతో 73 పరుగులు చేశాడు. మరో ఓపెనర్‌, ఈ సీజన్‌లో రెండు వేగవంతమైన సెంచరీలు చేసిన ఉర్విల్‌ పటేల్‌ 14 బంతుల్లో 2 ఫోర్లు, 4 సిక్సర్ల సాయంతో 33 పరుగులు చేశాడు. అభిషేక్‌ దేశాయ్‌ 32 బంతుల్లో 47.. హేమంగ్‌ పటేల్‌ 12 బంతుల్లో 30 పరుగులు చేశారు. కర్ణాటక బౌలర్లలో కౌశిక్‌, భాండగే తలో రెండు వికెట్లు పడగొట్టగా.. విద్యాధర్‌ పాటిల్‌ ఓ వికెట్‌ దక్కించుకున్నాడు.అనంతరం భారీ లక్ష్య ఛేదనకు దిగిన కర్ణాటక గెలుపు కోసం​ చివరి వరకు పోరాడింది. ఆ జట్టు​ 19.1 ఓవర్లలో 203 పరుగులు చేసి ఆలౌటైంది. ఫలితంగా 48 పరుగుల తేడాతో ఓటమిపాలైంది. స్మరన్‌ రవిచంద్రన్‌ (49), మయాంక్‌ అగర్వాల్‌ (45), మనీశ్‌ పాండే (30), కృష్ణణ్‌ శ్రీజిత్‌ (26) కర్ణాటకను గెలిపించేందుకు విఫలయత్నం చేశారు. గుజరాత్‌ బౌలర్లలో రవి బిష్ణోయ్‌ 3 వికెట్లు పడగొట్టగా.. అక్షర్‌ పటేల్‌, నగస్వల్లా చెరో 2, చింతన్‌ గజా, విశాల్‌ జేస్వాల్‌, ఆర్య దేశాయ్‌ తలో వికెట్‌ దక్కించుకున్నారు.

సౌతాఫ్రికా పర్యటనను ఘనంగా ఆరంభించిన టీమిండియా జోరుకు తాత్కాలికంగా బ్రేక్‌ పడింది. తొలి టీ20లో ఎదురైన పరాభవానికి ఆతిథ్య ప్రొటిస్‌ జట్టు బదులు తీర్చుకుంది. రెండో మ్యాచ్‌లో మూడు వికెట్ల తేడాతో భారత్‌పై గెలిచి.. సిరీస్‌ను 1-1తో సమం చేసింది. కాగా నాలుగు టీ20 మ్యాచ్‌ల సిరీస్‌ ఆడేందుకు సూర్య సేన సౌతాఫ్రికాకు వెళ్లిన విషయం తెలిసిందే.ఈ క్రమంలో డర్బన్‌ వేదికగా జరిగిన తొలి మ్యాచ్‌లో టీమిండియా 61 పరుగుల తేడాతో గెలుపొందింది. అయితే, గెబెహాలో ఆదివారం జరిగిన రెండో టీ20లో మాత్రం ఓటమిపాలైంది. కీలక బ్యాటర్లంతా విఫలమైనా.. స్వల్ప లక్ష్యాన్ని కాపాడటం కోసం బౌలర్లు ఆఖరి వరకు పోరాడారు. అయినప్పటికీ ఫలితం లేకపోయింది.ఒకే ఒక్క ఓవర్‌ ఇస్తారా?ఈ నేపథ్యంలో సూర్యకుమార్‌ యాదవ్‌ కెప్టెన్సీపై భారత మాజీ ఓపెనర్‌, కామెంటేటర్‌ ఆకాశ్‌ చోప్రా విమర్శలు చేశాడు. అక్షర్‌ పటేల్‌ బౌలింగ్‌ సేవలను సమర్థవంతంగా వినియోగించుకోవడంలో సూర్య విఫలమయ్యాడని పేర్కొన్నాడు. రెండో టీ20లో అక్షర్‌కు కేవలం ఒకే ఒక్క ఓవర్‌ ఇవ్వడం భారత కెప్టెన్‌ చేసిన అతిపెద్ద తప్పని విమర్శించాడు.ఈ మేరకు సోషల్‌ మీడియా వేదికగా ఆకాశ్‌​ చోప్రా మాట్లాడుతూ.. ‘‘అక్షర్‌ పటేల్‌ సేవలను పూర్తిగా వినియోగించుకుంటున్నారా? అసలు అతడిని ఎందుకు ఆడిస్తున్నారు? డర్బన్‌లో అక్షర్‌కు కేవలం ఒకే ఒక్క ఓవర్‌ ఇచ్చారు. గెబెహాలోనూ అదే పరిస్థితి.సూర్య చేసిన అతిపెద్ద తప్పు ఇదిస్పిన్నర్లు మాత్రమే ఆరు నుంచి ఏడు వికెట్లు తీస్తున్న పిచ్‌పై అక్షర్‌తో ఇలా ఒకే ఒక్క ఓవర్‌ వేయించడం ఏమిటి? అక్షర్‌ సేవలను వినియోగించుకోవడంలో మేనేజ్‌మెంట్‌ విఫలమవుతోంది. తుదిజట్టులో ముగ్గురు స్పిన్నర్లను ఆడిస్తున్నారు. కానీ వారిని సరైన విధంగా ఉపయోగించుకోలేకపోతున్నారు.భారత జట్టు బ్యాటింగ్‌ వైఫల్యం గురించి నేను ప్రస్తుతానికి మాట్లాడదలచుకోలేదు. కానీ బౌలర్‌గా అక్షర్‌ పటేల్‌ను ఉపయోగించుకోవడంలో విఫలమయ్యారు. ఈ మ్యాచ్‌లో సూర్య చేసిన అతిపెద్ద తప్పు ఇది అని కచ్చితంగా చెప్పగలను’’ అని పేర్కొన్నాడు. కేవలం 124 పరుగులుఇక ఈ మ్యాచ్‌లో బ్యాట్‌ ఝులిపించే ప్రయత్నం చేసిన అక్షర్‌ పటేల్‌ రనౌట్‌ కావడం నిజంగా అతడి దురదృష్టమని ఆకాశ్‌ చోప్రా ఈ సందర్భంగా పేర్కొన్నాడు. కాగా సౌతాఫ్రికాతో రెండో టీ20లో టాస్‌ ఓడిన భారత జట్టు తొలుత బ్యాటింగ్‌ చేసింది. నిర్ణీత 20 ఓవర్లలో ఆరు వికెట్ల నష్టానికి కేవలం 124 పరుగులు చేసింది. తిలక్‌ వర్మ(20), స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌(27), హార్దిక్‌ పాండ్యా(39 నాటౌట్‌) రాణించడంతో ఈ మాత్రం స్కోరు సాధ్యమైంది. ఇక లక్ష్య ఛేదనకు దిగిన సౌతాఫ్రికాను భారత బౌలర్లు ఆది నుంచే ఇబ్బంది పెట్టారు. వరుణ్‌ ఐదు వికెట్లు తీసినా..ముఖ్యంగా మిస్టరీ స్పిన్నర్‌ వరుణ్‌ చక్రవర్తి కేవలం 17 పరుగులే ఇచ్చి ఐదు వికెట్లు కూల్చాడు. మరో స్పిన్నర్‌ రవి బిష్ణోయి సైతం ఒక వికెట్‌ తీయగా.. పేసర్‌ అర్ష్‌దీప్‌ సింగ్‌ కూడా ఒక వికెట్‌ దక్కించుకున్నాడు.అయితే, స్పిన్‌కు అనుకూలిస్తున్న పిచ్‌పై అక్షర్‌ పటేల్‌కు మాత్రం ఒకే ఒక్క ఓవర్‌ ఇవ్వగా.. అతడు కేవలం రెండు పరుగులే ఇచ్చాడు. ఇదిలా ఉంటే.. భారత బౌలర్లు అటాక్‌ చేస్తున్నా సౌతాఫ్రికా హిట్టర్‌ ట్రిస్టన్‌ స్టబ్స్‌ 41 బంతుల్లో 47 పరగులుతో అజేయంగా నిలిచి జట్టును విజయతీరాలకు చేర్చాడు. తద్వారా ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఇక ఇరుజట్ల మధ్య బుధవారం సెంచూరియన్‌ వేదికగా మూడో టీ20 జరుగనుంది.చదవండి: హార్దిక్‌ సెల్ఫిష్‌ ఇన్నింగ్స్‌..! ఇదంతా ఐపీఎల్‌ కోసమేనా: పాక్‌ మాజీ క్రికెటర్‌

టీమిండియా టీ20 పూర్తిస్థాయి కెప్టెన్‌గా బాధ్యతలు చేపట్టిన తర్వాత సూర్యకుమార్‌ యాదవ్‌ అద్బుతమైన విజయాలు సాధించాడు. యువ ఆటగాళ్లతో కూడిన జట్లతోనే శ్రీలంక పర్యటనలో పొట్టి సిరీస్‌ను 3-0తో క్లీన్‌స్వీప్‌ చేసిన ఈ ముంబై బ్యాటర్‌.. సొంతగడ్డపై బంగ్లాదేశ్‌పై 3-0తో వైట్‌వాష్‌ చేసి సత్తా చాటాడు.సఫారీ పిచ్‌లపై అంత ఈజీ కాదుఅయితే, సౌతాఫ్రికా టూర్‌ రూపంలో సూర్యకు అసలు సిసలు సవాలు ఎదురుకానుంది. శ్రీలంక, బంగ్లాదేశ్‌లను క్లీన్‌స్వీప్‌ చేసినంత సులువుగా సౌతాఫ్రికాను పడగొట్టడం సాధ్యం కాదు. సొంత పిచ్‌లపై చెలరేగే సఫారీ బౌలర్లను ఎదుర్కోవడం కత్తిమీద సాములాంటిదే.పైగా టీ20 ప్రపంచకప్‌-2024లో స్వల్ప తేడాతో టీమిండియా చేతిలో ఓడి తొలి టైటిల్‌ గెలిచే అవకాశాన్ని తృటిలో కోల్పోయింది సౌతాఫ్రికా. అందుకు ఈ సిరీస్‌లో ప్రతీకారం తీర్చుకోవాలని పట్టుదలతో ఉంది. అలాంటపుడు యువ జట్టుతో ప్రొటిస్‌ టీమ్‌ను ఎదుర్కోవడం సూర్యకు బిగ్‌ చాలెంజ్‌ అనడంలో సందేహం లేదు.తిలక్‌ వర్మ పునరాగమనం ఇదిలా ఉంటే.. బంగ్లాదేశ్‌తో టీ20 సిరీస్‌లో ఆడిన ఆటగాళ్లలో నితీశ్‌ రెడ్డి, రియాన్‌ పరాగ్‌, వాషింగ్టన్‌ సుందర్‌, మయాంక్‌ యాదవ్‌ సౌతాఫ్రికా టూర్‌కు వెళ్లే జట్టులో లేరు. వీరిలో నితీశ్‌, సుందర్‌ ఆస్ట్రేలియా పర్యటనతో బిజీ కానున్నారు. ఈ క్రమంలో 11 నెలల తర్వాత హైదరాబాద్‌ ప్లేయర్‌ తిలక్‌ వర్మ పునరాగమనం ఖాయం కాగా.. రాయల్‌ చాలెంజర్స్‌ బెంగళూరు స్టార్‌ బౌలర్‌ యశ్‌ దయాల్‌ అరంగేట్రం కూడా ఫిక్సయినట్లు తెలుస్తోంది.ఈసారి ఛాన్స్‌ పక్కా ఈ ఇద్దరితో పాటు.. సీనియర్‌ స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ సైతం సౌతాఫ్రికాతో తొలి టీ20లో బరిలోకి దిగనున్నట్లు సమాచారం. కాగా టీ20 ప్రపంచకప్‌ గెలిచిన జట్టులో సభ్యుడైన అక్షర్‌ ఇటీవల స్వదేశంలో బంగ్లాదేశ్‌, న్యూజిలాండ్‌తో టెస్టులు ఆడిన జట్లలో సభ్యుడే. అయితే, తుదిజట్టులో మాత్రం అతడికి చోటు దక్కలేదు. అయితే, సౌతాఫ్రికా సిరీస్‌లో అక్షర్‌ను ఆడించనున్నట్లు తెలుస్తోంది.ఇక ప్రొటిస్‌తో తొలి టీ20లో టీమిండియా ముగ్గురు పేసర్లను తుదిజట్టులో ఆడించేందుకు సిద్ధమైనట్లు సమాచారం. ఈ క్రమంలోనే యశ్‌ దయాళ్‌ ఎంట్రీ ఖాయమైందనే అభిప్రాయాలు వ్యక్తమవుతున్నాయి. కాగా ఇటీవలి రిటెన్షన్స్‌లో భాగంగా ఆర్సీబీ యశ్‌ను రూ. 5 కోట్లకు అట్టిపెట్టుకున్న విషయం తెలిసిందే.సౌతాఫ్రికాతో టీ20 సిరీస్‌కు భారత జట్టుసూర్యకుమార్‌ (కెప్టెన్‌), అభిషేక్‌ శర్మ, సంజూ శాంసన్‌, రింకూ సింగ్, తిలక్‌ వర్మ, జితేశ్‌ శర్మ, హార్దిక్‌ పాండ్యా, అక్షర్‌ పటేల్, రమణ్‌దీప్‌ సింగ్, వరుణ్‌ చక్రవర్తి, రవి బిష్ణోయ్, అర్ష్‌దీప్ సింగ్‌, విజయ్‌ కుమార్‌ వైశాక్, ఆవేశ్‌ ఖాన్, యశ్‌ దయాళ్‌.సౌతాఫ్రికాతో తొలి టీ20- భారత తుదిజట్టు(అంచనా)సంజూ శాంసన్ (వికెట్ కీపర్), అభిషేక్ శర్మ, సూర్యకుమార్ యాదవ్ (కెప్టెన్), తిలక్ వర్మ, హార్దిక్ పాండ్యా, రింకు సింగ్, అక్షర్ పటేల్, రవి బిష్ణోయ్, అర్ష్‌దీప్‌ సింగ్, యశ్ దయాళ్, ఆవేశ్‌ ఖాన్‌.చదవండి: ఇండియా వర్సెస్‌ సౌతాఫ్రికా టీ20 సిరీస్‌.. పూర్తి వివరాలు

న్యూజిలాండ్‌తో జరుగబోయే మూడో టెస్ట్‌లో టీమిండియా కీలక మార్పు చేయనున్నట్లు తెలుస్తుంది. ఈ మ్యాచ్‌లో భారత్‌ ఒకే ఒక స్పెషలిస్ట్‌ పేసర్‌తో బరిలోకి దిగాలని భావిస్తున్నట్లు సమాచారం. ముంబైలోని వాంఖడే పిచ్‌ స్పిన్నర్లకు అనుకూలించే అవకాశం ఉన్నందున అదనపు స్పిన్నర్‌ బరిలోకి దిగే అవకాశం​ ఉంది. ఇలా చేస్తే స్పెషలిస్ట్‌ పేసర్‌గా బుమ్రా ఒక్కడికే అవకాశం దక్కుతుంది. అదనపు స్పిన్నర్‌ కోటాలో అక్షర్‌ పటేల్‌ తుది జట్టులోకి రావచ్చు. అక్షర్‌కు బౌలింగ్‌తో పాటు బ్యాటింగ్‌ చేయగల సామర్థ్యం ఉన్నందున్న మేనేజ్‌మెంట్‌ ఇతనివైపే మొగ్గు చూపుతుంది. ఒకవేళ అక్షర్‌ తుది జట్టులోకి వస్తే ఆకాశ్‌దీప్‌పై వేటు పడుతుంది. ఆకాశ్‌దీప్‌ రెండో టెస్ట్‌ మొత్తంలో కేవలం ఆరు ఓవర్లు మాత్రమే వేశాడు. సెకెండ్‌ ఇన్నింగ్స్‌లో అయితే అతను బంతిని కూడా పట్టుకోలేదు. వాంఖడే ట్రాక్‌ ఇంచుమించు పూణే పిచ్‌ మాదిరే ఉండే అవకాశం ఉన్నందున టీమిండియా తప్పక నలుగురు స్పిన్నర్లతో బరిలోకి దిగుతుంది. ఆకాశ్‌దీప్‌ స్థానంలో కుల్దీప్‌ యాదవ్‌ పేరును సైతం పరిశీలించే అవకాశాలు లేకపోలేదు. అయితే కుల్దీప్‌కు గజ్జల్లో గాయమైందని ప్రచారం జరుగుతుంది. ఈ కారణంగానే అతన్ని ఆస్ట్రేలియా పర్యటనకు కూడా ఎంపిక చేయలేదని తెలుస్తుంది.కాగా, మూడు మ్యాచ్‌ల టెస్ట్‌ సిరీస్‌ కోసం న్యూజిలాండ్‌ జట్టు భారత్‌లో పర్యటిస్తున్న విషయం తెలిసిందే. ఈ సిరీస్‌లో ఇప్పటివరకు జరిగిన రెండు మ్యాచ్‌ల్లో న్యూజిలాండ్‌ జయభేరి మోగించింది. తద్వారా 2-0 తేడాతో సిరీస్‌ను కైవసం చేసుకుంది. ముడో టెస్ట్‌ ముంబై వేదికగా నవంబర్‌ 1 నుంచి ప్రారంభం కానుంది.కివీస్‌తో మూడో టెస్ట్‌కు భారత తుది జట్టు (అంచనా)..రోహిత్ శర్మ(కెప్టెన్), యశస్వీ జైస్వాల్, శుభ్‌మన్ గిల్, విరాట్ కోహ్లి, సర్ఫరాజ్ ఖాన్, రిషభ్ పంత్, రవిచంద్రన్ అశ్విన్, రవీంద్ర జడేజా, అక్షర్ పటేల్, వాషింగ్టన్ సుందర్, జస్ప్రీత్ బుమ్రాచదవండి: టీమిండియా హెడ్‌ కోచ్‌గా వీవీఎస్‌ లక్ష్మణ్‌

బంగ్లాదేశ్‌తో టీమిండియా రెండో టెస్టు నేపథ్యంలో క్రికెట్‌ ప్రేమికుల దృష్టి విరాట్‌ కోహ్లిపైనే కేంద్రీకృతమై ఉంది. ఈ స్టార్‌ ప్లేయర్‌ బ్యాట్‌ ఝులిపిస్తాడా? లేదంటే మరోసారి నిరాశనే మిగులుస్తాడా? అన్నది చర్చనీయాంశంగా మారింది. ఈ నేపథ్యంలో ప్రాక్టీస్‌ సెషన్‌లో కోహ్లి భారత బౌలర్లను ఎదుర్కోలేక ఇబ్బంది పడ్డాడన్న విషయం అభిమానుల్లో ఆందోళనకు కారణమైంది.తొలి టెస్టులో పూర్తిగా విఫలంసుమారు ఏడాదిన్నర విరామం తర్వాత.. బంగ్లాదేశ్‌తో తొలి మ్యాచ్‌ సందర్భంగా విరాట్‌ కోహ్లి సొంతగడ్డపై టెస్టు బరిలో దిగాడు. అయితే, చెన్నై వేదికగా జరిగిన ఈ మ్యాచ్‌లో రెండు ఇన్నింగ్స్‌లో వరుసగా 6, 17 పరుగులు మాత్రమే చేయగలిగాడు. తొలి ఇన్నింగ్స్‌లో బంగ్లా పేసర్‌ హసన్‌ మహమూద్‌ బౌలింగ్‌లో అవుటైన ఈ ఢిల్లీ బ్యాటర్‌.. రెండో ఇన్నింగ్స్‌లో స్పిన్నర్‌ మెహిదీ హసన్‌ మిరాజ్‌ చేతికి చిక్కాడు.ఈ మ్యాచ్‌లో టీమిండియా 280 పరుగుల తేడాతో బంగ్లాదేశ్‌ను ఓడించి కాబట్టి సరిపోయింది గానీ.. లేదంటే కోహ్లి వైఫల్యంపై విమర్శలు తారస్థాయికి చేరేవే! అయితే, ఫామ్‌ తాత్కాలికం, క్లాస్‌ శాశ్వతం అంటూ ఈ రన్‌మెషీన్‌కు మాజీ క్రికెటర్లు మద్దతుగా నిలుస్తున్నారు. రెండోటెస్టులో మునుపటి కోహ్లిని చూస్తామని జోస్యం చెబుతున్నారు.15 బంతుల్లో నాలుగుసార్లు అవుట్‌!ఈ నేపథ్యంలో నెట్స్‌లో కోహ్లి పూర్తిగా విఫలమయ్యాడనే వార్తలు తెరమీదకు వచ్చాయి. ఇండియన్‌ ఎక్స్‌ప్రెస్‌ అందించిన వివరాల ప్రకారం.. టీమిండియా ప్రధాన పేసర్‌ జస్‌ప్రీత్‌ బుమ్రా బౌలింగ్‌లో 15 బంతులు ఎదుర్కొన్న ఈ కుడిచేతి వాటం బ్యాటర్‌ నాలుగుసార్లు అవుటయ్యాడు. తను వేసిన నాలుగో బంతికే కోహ్లి వికెట్ల ముందు దొరికిపోవడంతో.. బుమ్రా.. ‘‘యూ ఆర్‌ ప్లంబ్‌(ఎల్బీడబ్ల్యూ)’’ అంటూ సెలబ్రేట్‌ చేసుకున్నాడు.ఆ తర్వాత రెండో బంతికే ఆఫ్‌ స్టంప్‌ పక్క దిశగా వెళ్తున్న బంతిని టచ్‌ చేసి.. వికెట్‌ పారేసుకున్నాడు. మరో రెండుసార్లు కూడా బుమ్రా బౌలింగ్‌లో ఇలాగే బంతిని తప్పుగా అంచనా వేసిమూల్యం చెల్లించిన కోహ్లి.. ఆ తర్వాత స్పిన్‌ త్రయం రవిచంద్రన్‌ అశ్విన్‌, రవీంద్ర జడేజా, అక్షర్‌ పటేల్‌లను ఎదుర్కొన్నాడు.జడ్డూ బౌలింగ్‌లో తడబడ్డ కోహ్లిఈ ముగ్గురిలో ముఖ్యంగా లెఫ్టార్మ్‌ స్పిన్నర్‌ జడ్డూ బౌలింగ్‌లో తడబడ్డ కోహ్లి.. అక్షర్‌ బౌలింగ్‌లో మరింత తేలిపోయాడు. దీంతో.. కోహ్లి అసహనంగా నెట్స్‌ను వీడి వెళ్లిపోయాడు. ఆ తర్వాత శుబ్‌మన్‌ గిల్‌ వచ్చి ప్రాక్టీస్‌ మొదలుపెట్టాడు.కాగా రెండో టెస్టుకు వేదికైన కాన్పూర్‌ పిచ్‌ స్పిన్నర్లకు ఎక్కువగా అనుకూలించే అవకాశం ఉంది. దీంతో బంగ్లా స్పిన్నర్లు షకీబ్‌ అల్‌ హసన్‌, మెహిదీ హసన్‌ మిరాజ్‌ వంటి వారిని కోహ్లి ఎలా ఎదుర్కోనున్నాడన్నది ఆసక్తికంరగా మారింది. భారత్‌- బంగ్లా మధ్య శుక్రవారం నుంచి ఆఖరిదైన రెండో టెస్టు మొదలుకానుంది.చదవండి: Ind vs Ban: అతడికి రెస్ట్‌.. టీమిండియాలోకి ఇషాన్‌ ఎంట్రీ!

భారత్‌, బంగ్లాదేశ్‌ మధ్య తొలి టెస్ట్‌ సెప్టెంబర్‌ 19 నుంచి చెన్నై వేదికగా ప్రారంభం కానున్న విషయం తెలిసిందే. ఈ మ్యాచ్‌ కోసం ఇరు జట్లు కఠోర సాధనలో నిమగ్నమై ఉన్నాయి. బంగ్లాదేశ్‌తో పోలిస్తే భారత్‌ ఇంకాస్త ఎక్కువగా శ్రమిస్తుంది. టీమిండియా టెస్ట్‌ క్రికెట్‌ ఆడి చాన్నాళ్లు కావడంతో ఈ ఫార్మాట్‌కు అలవాటు పడేందుకు చెమటోడుస్తుంది. సెప్టెంబర్‌ 13 నుంచే చెన్నైలో భారత శిక్షణా శిబిరం మొదలైంది. బ్యాటింగ్‌, బౌలింగ్‌, ఫీల్డింగ్‌ విభాగాల్లో భారత ఆటగాళ్లు లయను అందుకున్నారు. భారత ఆటగాళ్ల ప్రాక్టీస్‌కు సంబంధించిన ఫోటోలు, వీడియోలు సోషల్‌మీడియాలో చక్కర్లు కొడుతున్నాయి.మ్యాచ్‌ ప్రారంభానికి మరో రెండు రోజులే ఉండటంతో భారత తుది జట్టు కూర్పుపై రకరకాల ఊహాగానాలు వస్తున్నాయి. తుది జట్టులో వారుండబోతున్నారు.. వీరుండబోతున్నారంటూ సోషల్‌మీడియాలో పుకార్లు షికార్లు చేస్తున్నాయి. భారత మేనేజ్‌మెంట్‌ నుంచి మాత్రం తుది జట్టు విషయమై ఇప్పటివరకు ఎలాంటి అధికారిక ప్రకటన వెలువడలేదు. అయితే పీటీఐ నుంచి వస్తున్న సమాచారం మేరకు బంగ్లాతో తొలి టెస్ట్‌లో భారత స్పిన్‌ విభాగం ఖరారైనట్లు తెలుస్తుంది. తుది జట్టులో రవిచంద్రన్‌ అశ్విన్‌, రవీంద్ర జడేజా, కుల్దీప్‌ యాదవ్‌ ఉండనున్నారని సమాచారం​. అక్షర్‌ పటేల్‌ బెంచ్‌కే పరిమితం కానున్నట్లు తెలుస్తుంది.మరోవైపు బ్యాటింగ్‌ విభాగంలో ఓ బెర్త్‌ మినహా బెర్త్‌లు అన్నింటి విషయమై క్లారిటీ ఉంది. ఓపెనర్లుగా రోహిత్‌, జైస్వాల్‌, వన్‌డౌన్‌లో శుభ్‌మన్‌ గిల్‌, నాలుగో స్థానంలో విరాట్‌ బరిలోకి దిగడం దాదాపుగా ఖరారైంది. ఐదో స్థానం కోసం కేఎస్‌ రాహుల్‌, సర్ఫరాజ్‌ ఖాన్‌ పోటీ పడుతున్నప్పటికీ.. రాహుల్‌కు అవకాశం దక్కే ఛాన్స్‌​ ఉంది. వికెట్‌ కీపర్‌ కోటాలో రిషబ్‌ పంత్‌ ఆడటం దాదాపుగా ఖాయమైంది. ఆతర్వాతి స్థానాల్లో జడేజా, అశ్విన్‌, కుల్దీప్‌ అనుకుంటే తొమ్మిది బెర్త్‌లు ఖరారైపోయినట్లే. ఇక మిగిలింది పేస్‌ విభాగం. ఈ కేటగిరీలో బుమ్రా స్థానం ఖరారు కాగా.. మరో పేసర్‌ కోటాలో అనుభవజ్ఞుడు సిరాజ్‌కు ఛాన్స్‌ ఇస్తారా లేక ఆకాశ్‌దీప్‌, యశ్‌ దయాల్‌లలో ఎవరో ఒకరివైపు మొగ్గు చూపుతారా అన్నది వేచి చూడాల్సి ఉంది.బంగ్లాతో తొలి టెస్ట్‌కు భారత తుది జట్టు (అంచనా)..రోహిత్‌ శర్మ (కెప్టెన్‌), యశస్వి జైస్వాల్‌, శుభ్‌మన్‌ గిల్‌, విరాట్‌ కోహ్లి, కేఎల్‌ రాహుల్‌, రిషబ్‌ పంత్‌, రవీంద్ర జడేజా, రవిచంద్రన్‌ అశ్విన్‌, కుల్దీప్‌ యాదవ్‌, జస్ప్రీత్‌ బుమ్రా, ఆకాశ్‌దీప్‌చదవండి: ముమ్మర సాధనలో...

వరుస వైఫల్యాలతో విమర్శలపాలైన టీమిండియా మిడిలార్డర్‌ స్టార్‌ శ్రేయస్‌ అయ్యర్‌ ఎట్టకేలకు బ్యాట్‌ ఝులిపించాడు. దులిప్‌ ట్రోఫీ-2024లో తన తొలి అర్ధ శతకం నమోదు చేశాడు. ఇండియా-‘డి’ జట్టుకు సారథ్యం వహిస్తున్న అతడు.. ఇండియా- ‘సి’తో మ్యాచ్‌లో.. రెండో ఇన్నిం గ్స్‌లో 44 బంతులు ఎదుర్కొని 54 పరుగులు చేశాడు.బంగ్లాతో సిరీస్‌లో చోటు దక్కాలంటే..కాగా సెప్టెంబరు 19 నుంచి సొంతగడ్డపై టీమిండియా బంగ్లాదేశ్‌తో టెస్టులు ఆడనుంది. ప్రపంచ టెస్టు చాంపియన్‌షిప్‌ ఫైనల్‌ చేరే క్రమంలో ఈ సిరీస్‌ భారత్‌కు కీలకంగా మారింది. ఈ నేపథ్యంలో కెప్టెన్‌ రోహిత్‌ శర్మ, విరాట్‌ కోహ్లి, జస్‌ప్రీత్‌ బుమ్రా, రవిచంద్రన్‌ అశ్విన్‌ మినహా మిగతా టీమిండియా స్టార్లంతా దులిప్‌ ట్రోఫీ బరిలో దిగారు. ఈ దేశవాళీ రెడ్‌బాల్‌ టోర్నీలో సత్తా చాటి బంగ్లాతో ఆడే జట్టులో చోటే లక్ష్యంగా ముందుకు సాగుతున్నారు.వరుస మ్యాచ్‌లలో విఫలంఅయితే, శ్రేయస్‌ అయ్యర్‌ గత కొంతకాలంగా ఫామ్‌లేమితో సతమతమవుతున్నాడు. ఇటీవల ముంబై జట్టు తరఫున బుచ్చిబాబు ఇన్విటేషనల్‌ టోర్నీలో ఆడిన అయ్యర్‌.. నామమాత్రపు స్కోర్లకే పరిమితమయ్యాడు. అయినప్పటికీ, దులిప్‌ ట్రోఫీ తాజా ఎడిషన్‌లో ఇండియా-డి జట్టు కెప్టెన్‌గా బీసీసీఐ అతడికి అవకాశం ఇచ్చింది.ఈ క్రమంలో గురువారం(సెప్టెంబరు 5) అనంతపురం వేదికగా ఇండియా-‘సి’తో మొదలైన తొలి మ్యాచ్‌ తొలి ఇన్నింగ్స్‌లో శ్రేయస్‌ అయ్యర్‌ నిరాశపరిచాడు. పదహారు బంతులు ఎదుర్కొని కేవలం తొమ్మిది పరుగులు మాత్రమే చేశాడు. విజయ్‌కుమార్‌ వైశాక్‌ బౌలింగ్‌లో అభిషేక్‌ పొరల్‌కు క్యాచ్‌ ఇచ్చి పెవిలియన్‌ చేరాడు.అక్షర్‌ ఆల్‌రౌండ్‌ షోతోఇక కెప్టెన్‌ శ్రేయస్‌ అయ్యర్‌ సహా మిగతా బ్యాటర్లంతా విఫలమైన వేళ.. స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ అద్భుత బ్యాటింగ్‌తో ఇండియా-‘డి’కి గౌరవప్రదమైన స్కోరు అందించాడు. 118 బంతుల్లో 86 పరుగులతో అక్షర్‌ రాణించగా.. ఇండియా-‘డి’ 164 పరుగులకు ఆలౌట్‌ అయింది.ఈ క్రమంలో తొలి ఇన్నింగ్స్‌ మొదలుపెట్టిన ఇండియా-‘సి’కి ఇండియా-‘డి’ బౌలర్లు చెక్‌ పెట్టారు. పేసర్లు హర్షిత్‌ రాణా(4/33), అర్ష్‌దీప్‌ సింగ్‌(1/29), ఆదిత్య థాకరే(1/33), స్పిన్నర్లు అక్షర్‌ పటేల్‌(2/46), సారాంశ్‌ జైన్‌(2/16) రాణించడంతో ఇండియా-‘సి’ 168 పరుగులకు ఆలౌట్‌ కాగా.. కేవలం నాలుగు పరుగుల స్వల్ప ఆధిక్యం లభించింది.బ్యాట్‌ ఝులిపించిన శ్రేయస్‌ అయ్యర్‌ఈ క్రమంలో శుక్రవారం నాటి రెండో రోజు ఆటలో భాగంగా ఇండియా-‘డి’ టీ విరామ సమయానికి 24 ఓవర్లలో మూడు వికెట్లు నష్టపోయి 140 పరుగులు చేసింది. ఓపెనర్లు అథర్వ తైడే(15), యశ్‌ దూబే(5) విఫలం కాగా.. వన్‌డౌన్‌లో వచ్చిన శ్రేయస్‌ అయ్యర్‌ కెప్టెన్‌ ఇన్నింగ్స్‌ ఆడాడు. కేవలం ముప్పై తొమ్మిది బంతుల్లోనే యాభై పరుగుల మార్కు అందుకున్నాడు ఈ కుడిచేతి వాటం బ్యాటర్‌.అయితే, 54 పరుగుల వ్యక్తిగత స్కోరు వద్ద అన్షుల్‌ కాంబోజ్‌ బౌలింగ్‌లో షాట్‌కు యత్నించిన శ్రేయస్‌.. రుతురాజ్‌ గైక్వాడ్‌కు క్యాచ్‌ ఇచ్చి అవుట్‌ అయ్యాడు. అతడి ఇన్నింగ్స్‌లో 9 ఫోర్లు, ఒక సిక్సర్‌ ఉండటం విశేషం. టీ బ్రేక్‌ సమయానికి దేవ్‌దత్‌ పడిక్కల్‌ 42, రికీ భుయ్‌ 21 పరుగులతో క్రీజులో ఉన్నారు.చదవండి: DT 2024: ముషీర్ ఖాన్@181.. 321 ప‌రుగుల‌కు భార‌త్‌-బి ఆలౌట్‌

సాక్షి, అనంతపురం: దేశవాళీ టోర్నీ దులీప్‌ ట్రోఫీలో అక్షర్‌ పటేల్‌ అటు బ్యాట్‌తో ఇటు బంతితో సత్తా చాటాడు. అనంతపురంలోని రూరల్‌ డెవలప్‌మెంట్‌ ట్రస్ట్‌ స్టేడియంలో గురువారం భారత్‌ ‘సి’ జట్టుతో ప్రారంభమైన మ్యాచ్‌లో భారత్‌ ‘డి’ జట్టుకు ప్రాతినిధ్యం వహిస్తున్న అక్షర్‌ పటేల్‌ (118 బంతుల్లో 86; 6 ఫోర్లు, 6 సిక్సర్లు) అర్ధశతకంతో మెరిశాడు. టాపార్డర్‌ విఫలమైన చోట అక్షర్‌ ఆదుకోవడంతో భారత్‌ ‘డి’ జట్టు తొలి ఇన్నింగ్స్‌లో 164 పరుగులు చేసింది. కెపె్టన్‌ శ్రేయస్‌ అయ్యర్‌ (9), దేవదత్‌ పడిక్కల్‌ (0), యశ్‌ దూబే (10), అథర్వ (4)తో పాటు ఆంధ్ర ఆటగాళ్లు శ్రీకర్‌ భరత్‌ (13), రికీ భుయ్‌ (4) ఆకట్టుకోలేకపోయారు.76 పరుగులకే 8 వికెట్లు కోల్పోయిన దశలో అక్షర్‌ పటేల్‌ ఎడాపెడా బౌండరీలతో విరుచుకుపడ్డాడు. అర్‌‡్షదీప్‌ సింగ్‌ (13)తో తొమ్మిదో వికెట్‌కు 84 పరుగులు జోడించి జట్టుకు ఓ మాదిరి స్కోరు అందించాడు. భారత్‌ ‘సి’ బౌలర్లలో విజయ్‌ కుమార్‌ వైశాఖ్‌ 3, అన్షుల్‌ కంబోజ్, హిమాన్షు చౌహాన్‌ చెరో రెండు వికెట్లు పడగొట్టారు. అనంతరం తొలి ఇన్నింగ్స్‌ ప్రారంభించిన భారత్‌ ‘సి’ జట్టు ఆట ముగిసే సమయానికి 4 వికెట్లు కోల్పోయి 91 పరుగులు చేసింది. కెపె్టన్‌ రుతురాజ్‌ గైక్వాడ్‌ (5), సాయి సుదర్శన్‌ (7), ఆర్యన్‌ జుయెల్‌ (12), రజత్‌ పాటిదార్‌ (13) విఫలం కాగా... బాబా ఇంద్రజీత్‌ (15 బ్యాటింగ్‌), అభి పొరెల్‌ (32 బ్యాటింగ్‌) క్రీజులో ఉన్నారు. భారత్‌ ‘డి’ బౌలర్లలో హర్షిత్‌ రాణా, అక్షర్‌ పటేల్‌ చెరో రెండు వికెట్లు ఖాతాలో వేసుకున్నారు. చేతిలో 6 వికెట్లు ఉన్న భారత్‌ ‘సి’ జట్టు... భారత్‌ ‘డి’ స్కోరుకు 73 పరుగులు వెనుకబడి ఉంది. స్కోరు వివరాలు భారత్‌ ‘డి’ తొలి ఇన్నింగ్స్‌: అథర్వ (సి) విజయ్‌ కుమార్‌ (బి) అన్షుల్‌ 4; యశ్‌ దూబే (సి) పొరెల్‌ (బి) అన్షుల్‌ 10; శ్రేయస్‌ అయ్యర్‌ (సి) పొరెల్‌ (బి) విజయ్‌ కుమార్‌ 9; దేవదత్‌ పడిక్కల్‌ (సి) రుతురాజ్‌ గైక్వాడ్‌ (బి) విజయ్‌ కుమార్‌ 0; రికీ భుయ్‌ (సి) అన్షుల్‌ (బి) హిమాన్షు 4; శ్రీకర్‌ భరత్‌ (సి) ఇంద్రజీత్‌ (బి) మానవ్‌ 13; అక్షర్‌ పటేల్‌ (సి) మానవ్‌ సుతార్‌ (బి) హృతిక్‌ షోకీన్‌ 86; సారాంశ్‌ జైన్‌ (రనౌట్‌) 13; హర్షిత్‌ రాణా (సి) రజత్‌ పాటిదార్‌ (బి) హిమన్షు 0; అర్ష్‌దీప్‌ సింగ్‌ (సి) మానవ్‌ సుతార్‌ (బి) విజయ్‌ కుమార్‌ 13; ఆదిత్య (నాటౌట్‌) 0; ఎక్స్‌ట్రాలు: 12, మొత్తం: (48.3 ఓవర్లలో ఆలౌట్‌) 164. వికెట్ల పతనం: 1–4, 2–23, 3–23, 4–23, 5–34, 6–48, 7–76, 8–76, 9–160, 10–164, బౌలింగ్‌: అన్షుల్‌ కంబోజ్‌ 12–0–47–2; విజయ్‌ కుమార్‌ వైశాఖ్‌ 12–3–19–3; హిమాన్షు చౌహాన్‌ 9–2–22–2; మానవ్‌ సుతార్‌ 7–2–34–1; హృతిక్‌ షోకీన్‌ 8.3–1–32–1. భారత్‌ ’సి’ తొలి ఇన్నింగ్స్‌: రుతురాజ్‌ గైక్వాడ్‌ (సి) అథర్వ (బి) హర్షిత్‌ రాణా 5; సాయి సుదర్శన్‌ (సి) శ్రీకర్‌ భరత్‌ (బి) హర్షిత్‌ రాణా 7; ఆర్యన్‌ జుయెల్‌ (సి అండ్‌ బి) అక్షర్‌ పటేల్‌ 12; రజత్‌ పాటిదార్‌ (బి) అక్షర్‌ పటేల్‌ 13; బాబా ఇంద్రజీత్‌ (బ్యాటింగ్‌) 15; అభిõÙక్‌ పొరెల్‌ (బ్యాటింగ్‌) 32; ఎక్స్‌ట్రాలు: 7, మొత్తం: (33 ఓవర్లలో 4 వికెట్లకు) 91. వికెట్ల పతనం: 1–11, 2–14, 3–40, 4–43, బౌలింగ్‌: హర్షిత్‌ రాణా 7–5–13–2; అర్‌‡్షదీప్‌ సింగ్‌ 8–1–24–0; ఆదిత్య 7–1–18–0, అక్షర్‌ పటేల్‌ 6–2–16–2; సారాంశ్‌ జైన్‌ 5–1–14–0.

దులీప్‌ ట్రోఫీ 2024 సీజన్‌లో భాగంగా ఇండియా-సితో ఇవాళ (సెప్టెంబర్‌ 5) జరుగుతున్న మ్యాచ్‌లో ఇండియా-డి తొలి ఇన్నింగ్స్‌లో 164 పరుగులకు ఆలౌటైంది. అక్షర్‌ పటేల్‌ 86 పరుగులు చేసి ఇండియా-డిని ఆదుకున్నాడు. అక్షర్‌ మినహా ఇండియా-డిలో ఎవ్వరూ రాణించలేదు. 76 పరుగులకే 8 వికెట్లు కోల్పోయిన దశలో అక్షర్‌.. అర్ష్‌దీప్‌ సింగ్‌తో కలిసి తొమ్మిదో వికెట్‌కు 84 పరుగులు జోడించాడు. THE SHOW OF AXAR PATEL. 🔥He smashed an excellent fifty when his team was 8 down on just 76 runs - AXAR PATEL, THE CRISIS MAN. 👏pic.twitter.com/ezWupOFTKQ— Tanuj Singh (@ImTanujSingh) September 5, 2024అథర్వ తైడే 4, యశ్‌ దూబే 10, శ్రేయస్‌ అయ్యర్‌ 9, దేవ్‌దత్‌ పడిక్కల్ 0, రికీ భుయ్‌ 4, శ్రీకర్‌ భరత్‌ 13,సరాన్ష్‌ జైన్‌ 13, హర్షిత్‌ రాణా 0, అర్ష్‌దీప్‌ సింగ్‌ 13 పరుగులు చేశారు. ఇండియా-సి బౌలర్లలో విజయ్‌కుమార్‌ వైశాఖ్‌ 3, అన్షుల్‌ కంబోజ్‌, హిమాన్షు చౌహన్‌ చెరో 2, మానవ్‌ సుతార్‌, హృతిక్‌ షొకీన్‌ తలో వికెట్‌ పడగొట్టారు. అనంతరం తొలి ఇన్నింగ్స్‌ ప్రారంభించిన ఇండియా-సి 3 ఓవర్లలో వికెట్‌ నష్టపోకుండా 4 పరుగులు చేసింది. రుతురాజ్‌ గైక్వాడ్‌, సాయి సుదర్శన్‌ (4) క్రీజ్‌లో ఉన్నారు.తుది జట్లు..ఇండియా-సి: రుతురాజ్ గైక్వాడ్ (కెప్టెన్‌), సాయి సుదర్శన్, రజత్ పాటిదార్, అభిషేక్ పోరెల్ (వికెట్‌కీపర్‌), బాబా ఇంద్రజిత్, ఆర్యన్ జుయల్, హృతిక్ షోకీన్, విజయ్‌కుమార్ వైశాఖ్‌, మానవ్ సుతార్, అన్షుల్ కంబోజ్, హిమాన్షు చౌహాన్ఇండియా-డి: దేవదత్ పడిక్కల్, యష్ దూబే, రికీ భుయ్, శ్రేయస్ అయ్యర్ (కెప్టెన్‌), శ్రీకర్ భరత్, అథర్వ తైడే (వికెట్‌కీపర్‌), అక్షర్ పటేల్, సరాన్ష్ జైన్, అర్ష్‌దీప్ సింగ్, హర్షిత్ రాణా, ఆదిత్య ఠాకరే

టీ20 వరల్డ్‌కప్‌ 2024లో భాగంగా ఇంగ్లండ్‌తో నిన్న (జూన్‌ 27) జరిగిన రెండో సెమీఫైనల్లో టీమిండియా 68 పరుగుల తేడాతో ఘన విజయం సాధించి, ఫైనల్‌కు చేరింది. ఈ మ్యాచ్‌లో తొలుత బ్యాటింగ్‌ చేసిన భారత్‌.. రోహిత్‌ శర్మ (39 బంతుల్లో 57; 6 ఫోర్లు, 2 సిక్సర్లు), సూర్యకుమార్‌ యాదవ్‌ (36 బంతుల్లో 47; 4 ఫోర్లు, 2 సిక్సర్లు), హార్దిక్‌ పాండ్యా (13 బంతుల్లో 23, ఫోర్‌, 2 సిక్సర్లు) రాణించడంతో నిర్ణీత ఓవర్లలో 7 వికెట్ల నష్టానికి 171 పరుగులు చేసింది. కష్టతరమైన పిచ్‌పై ఈ స్కోర్‌ ఫైటింగ్‌ స్కోర్‌గా చెప్పవచ్చు. ఈ స్కోర్‌ను ఛేదించే క్రమంలో దూకుడుగా ఇన్నింగ్స్‌ను ప్రారంభించిన ఇంగ్లండ్‌కు టీమిండియా స్పిన్నర్‌ అక్షర్‌ పటేల్‌ కళ్లెం వేశాడు. 20 పరుగుల వ్యవధిలో మూడు కీలకమైన వికెట్లు (బట్లర్‌, మొయిన్‌ అలీ, బెయిర్‌స్టో) తీసి టీమిండియా గెలుపుకు పునాది వేశాడు.అక్షర్‌ రెచ్చిపోవడంతో డిఫెన్స్‌లో పడిపోయిన ఇంగ్లండ్‌.. ఆతర్వాత ఏ దశలోనూ కోలుకోలేకపోయింది. అక్షర్‌తో పాటు మరో ఎండ్‌లో కుల్దీప్‌ యాదవ్‌ (4-0-19-3), బుమ్రా (2.4-0-12-2) కూడా చెలరేగడంతో ఇంగ్లండ్‌ ఇన్నింగ్స్‌ పేకమేడలా కూలింది. ఆ జట్టు 16.4 ఓవర్లలో 103 పరుగులకే ఆలౌటై ఘెర పరాభవాన్ని మూటగట్టుకుంది. ఈ గెలుపుతో టీమిండియా 2022 ఎడిషన్‌లో ఎదురైన పరాభవానికి ప్రతీకారం తీర్చుకుంది. మూడు కీలకమైన వికెట్లు తీసి ఇంగ్లండ్‌ పతనాని​కి పునాది వేసిన అక్షర్‌ పటేల్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది.కాగా, భారతకాలమానం రేపు (జూన్‌ 29) రాత్రి 8 గంటలకు ప్రారంభమయ్యే ఫైనల్లో టీమిండియా.. సౌతాఫ్రికాతో అమీతుమీ తేల్చుకుంటుంది.

టీ20 వ‌ర‌ల్డ్‌క‌ప్‌-2024 ఫైన‌ల్లో టీమిండియా అడుగుపెట్టింది. ఈ మెగా టోర్నీలో భాగంగా గ‌యానా వేదిక‌గా జ‌రిగిన సెమీఫైన‌ల్లో ఇంగ్లండ్‌ను 68 ప‌రుగుల తేడాతో చిత్తు చేసిన భార‌త జ‌ట్టు.. తమ ఫైన‌ల్ బెర్త్‌ను ఖారారు చేసుకుంది. ఈ విజ‌యంతో గ‌త టీ20 వ‌ర‌ల్డ్‌క‌ప్ సెమీస్ ఓట‌మికి భార‌త్ బ‌దులు తీర్చుకుంది. ఈ మ్యాచ్‌లో భార‌త్ ఆల్‌రౌండ్ షోతో అద‌ర‌గొట్టింది. తొలుత బ్యాటింగ్ చేసిన టీమిండియా నిర్ణీత 20 ఓవ‌ర్ల‌లో నిర్ణీత 20 ఓవ‌ర్ల‌లో 7 వికెట్ల న‌ష్టానికి 171 ప‌రుగులు చేసింది. విరాట్ కోహ్లి, రిష‌బ్ పంత్ ఆరంభంలోనే ఔటైన‌ప్ప‌టికి కెప్టెన్ రోహిత్ శ‌ర్మ‌(57), సూర్య‌కుమార్ యాద‌వ్‌(47) అద్బుతమైన ప్ర‌ద‌ర్శ‌న క‌న‌బ‌రిచారు. ఆఖ‌రిలో హార్దిక్ పాండ్యా(23), జ‌డేజా(17), అక్ష‌ర్ ప‌టేల్‌(10) కీల‌క ఇన్నింగ్స్ ఆడారు. ఇంగ్లండ్ బౌల‌ర్ల‌లో క్రిస్ జోర్డాన్ 3 వికెట్లు ప‌డ‌గొట్ట‌గా.. ర‌షీద్‌, అర్చ‌ర్‌, టాప్లీ, కుర్రాన్ త‌లా వికెట్ సాధించారు.తిప్పేసిన స్పిన్న‌ర్లు..అనంత‌రం 172 ప‌రుగుల ల‌క్ష్యంతో బ‌రిలోకి దిగిన భార‌త బౌల‌ర్ల దాటికి 16.4 ఓవ‌ర్ల‌లో 103 ప‌రుగుల‌కే కుప్ప‌కూలింది. భార‌త బౌల‌ర్ల‌లో స్పిన్న‌ర్లు కుల్దీప్ యాద‌వ్‌, అక్ష‌ర్ ప‌టేల్ తిప్పేశారు. అక్ష‌ర్ ప‌టేల్‌, కుల్దీప్ త‌లా మూడు వికెట్లు ప‌డ‌గొట్టి ఇంగ్లండ్ ప‌త‌నాన్ని శాసించారు. వీరితో పాటు జ‌స్ప్రీత్ బుమ్రా రెండు కీల‌క వికెట్లు ప‌డ‌గొట్టాడు. ఇంగ్లండ్ బ్యాట‌ర్ల‌లో హ్యారీ బ్రూక్‌(25) పరుగుల‌తో టాప్ స్కోర‌ర్‌గా నిలిచాడు. ఇక జూన్ 29న బార్బోడ‌స్ వేదిక‌గా జ‌ర‌గ‌నున్న ఫైన‌ల్లో ద‌క్షిణాఫ్రికాతో భార‌త్ త‌ల‌ప‌డ‌నుంది.జ‌

టీ20 వరల్డ్‌కప్‌-2024లో సంచలన విజయాలు నమోదు చేస్తున్న అమెరికా జట్టు ఇప్పుడు కీలక పోరుకు సిద్దమైంది. ఈ మెగా టోర్నీలో భాగంగా బుధవారం న్యూయర్క్‌ వేదికగా పటిష్టమైన టీమిండియాను అమెరికా ఢీ కొట్టనుంది. పాక్‌పై విజయం సాధించి మంచి ఊపులో ఉన్న ఆతిథ్య అమెరికా.. భారత్‌పై కూడా సత్తాచాటాలని ఉవ్విళ్లూరుతోంది. టీమిండియాను అడ్డుకునేందుకు యూఎస్‌ఎ తమ అస్త్రశస్త్రాలను సిద్దం చేసుకుంది. ఈ క్రమంలో యూఎస్‌ఎ కెప్టెన్‌ మోనాంక్ పటేల్.. భారత ఆటగాళ్లు అక్షర్ పటేల్,జస్ప్రీత్ బుమ్రాతో తనకు ఉన్న అనుబంధం గురించి ఆసక్తికర వ్యాఖ్యలు చేశాడు. అక్షర్‌ పటేల్‌ తను ఒకే పట్టణం నుంచి వచ్చామని మోనాంక్ పటేల్ తెలిపాడు."అండర్‌-19, అండర్‌-15 మ్యాచ్‌ల్లో గుజరాత్‌ తరపున అక్షర్‌ పటేల్‌, బుమ్రాతో కలిసి ఆడాను. అక్షర్‌, నేను ఒకే గ్రామం నుంచి క్రికెట్‌ కెరీర్‌ వైపు అడుగులు వేశాము. అక్షర్‌ మా ఊరిలో చాలా యువకులకు ఆదర్శంగా నిలిచాడు. అంతేకాకుండా వారికి క్రికెట్‌ వైపు అడుగులు వేసేందుకు అన్నిరకాలగా అక్షర్‌ మద్దతుగా నిలిచాడు. ఇప్పుడు బుమ్రా, అక్షర్‌ భారత జట్టులో కీలక ఆటగాళ్లగా కొనసాగుతుండటం చాలా సంతోషంగా ఉందని" ప్రీమ్యాచ్‌ కాన్ఫిరెన్స్‌లో మోనాంక్‌ పటేల్‌ పేర్కొన్నాడు. కాగా మోనాంక్‌ పటేల్‌ భారత సంతతికి చెందిన ఆటగాడు కావడం గమనార్హం.ఎవ‌రీ మోనాంక్ పటేల్‌?31 ఏళ్ల మోనాంక్ పటేల్ గుజరాత్‌లోని ఆనంద్‌లో జన్మించాడు. మోనాంక్ పటేల్ భారత్ వేదికగానే క్రికెట్ వైపు అడుగులు వేశాడు. మోనాంక్ గుజరాత్ తరపున ఏజ్-గ్రూప్ క్రికెట్ ఆడాడు. అదే విధంగా గుజరాత్ అండర్‌-19 జట్టుకు కూడా పటేల్ ప్రాతినిథ్యం వహించాడు.ఆ తర్వాత యునైటెడ్ స్టేట్స్‌కు మకాం మార్చిన మోనాంక్‌.. ఆ దేశం తరపున ప్రొఫిషనల్ క్రికెట్ ఆడుతున్నాడు. అత‌డు తొలిసారి టీ20 వ‌ర‌ల్డ్‌క‌ప్ అమెరికా క్వాలిఫైయర్స్ కోసం జాతీయ జ‌ట్టులో చోటు ద‌క్కించుకున్నాడు.క్వాలిఫైయర్స్ ఒమన్‌తో జరిగిన మొదటి రౌండ్ మ్యాచ్‌లో మోనాంక్ అద్భుత‌మైన సెంచ‌రీతో చెల‌రేగాడు. అక్క‌డ నుంచి ప‌టేల్ వెన‌క్కి తిరిగి చూడ‌లేదు. ఈ క్ర‌మంలోనే స్టీవ‌న్ టేల‌ర్ నుంచి అమెరికా జ‌ట్టు ప‌గ్గాల‌ను మోనాంక్ ప‌టేల్ సొంతం చేసుకున్నాడు.

టీమిండియా ఆల్‌రౌండర్‌ అక్షర్‌ పటేల్‌ ఐసీసీ ర్యాంకింగ్స్‌లో దుమ్ములేపాడు. టీ20 మెన్స్‌ ర్యాంకింగ్స్‌ ఈ లెఫ్టార్మ్‌ స్పిన్నర్‌ ​తొలిసారిగా మూడో స్థానం సంపాదించాడు. బౌలర్ల జాబితాలో ఇంగ్లండ్‌ స్టార్‌ ఆదిల్‌ రషీద్‌, శ్రీలంక కీలక ఆటగాడు వనిందు హసరంగ తర్వాతి స్థానం ఆక్రమించాడు.వెస్టిండీస్‌ లెఫ్టార్మ్‌ స్పిన్నర్‌ అకీల్‌ హొసేన్‌ సౌతాఫ్రికాతో సిరీస్‌లో తేలిపోవడంతో ఐదు స్థానాలు దిగజారగా.. అతడి స్థానాన్ని అక్షర్‌ పటేల్‌ భర్తీ చేశాడు. ఇక టీమిండియా నుంచి మరో స్పిన్నర్‌ రవి బిష్ణోయి టాప్‌-5లో చోటు దక్కించుకోవడం విశేషం.ఐసీసీ టీ20 మెన్స్‌ తాజా బౌలింగ్‌ ర్యాంకింగ్స్‌ టాప్‌-51. ఆదిల్‌ రషీద్‌- ఇంగ్లండ్‌- 722 రేటింగ్‌ పాయింట్లు2. వనిందు హసరంగ- శ్రీలంక- 687 రేటింగ్‌ పాయింట్లు3. అక్షర్‌ పటేల్‌- ఇండియా- 660 రేటింగ్‌ పాయింట్లు4. మహీశ్‌ తీక్షణ- శ్రీలంక- 659 రేటింగ్‌ పాయింట్లు5. రవి బిష్ణోయి- ఇండియా- 659 రేటింగ్‌ పాయింట్లు.మనోడే మళ్లీ నంబర్‌ వన్‌ బౌలర్ల సంగతి ఇలా ఉంటే.. టీ20 బ్యాటర్ల జాబితాలో టీమిండియా స్టార్‌ సూర్యకుమార్‌ యాదవ్‌ తన అగ్రస్థానాన్ని నిలబెట్టుకున్నాడు. అదే విధంగా టాప్‌-6 ఆటగాళ్లంతా తమ తమ స్థానాల్లో కొనసాగుతుండగా.. ఇంగ్లంఢ్‌ సారథి జోస్‌ బట్లర్‌ ఒక ర్యాంకు మెరుగుపరచుకుని ఏడో స్థానానికి చేరుకున్నాడు.ఇక వెస్టిండీస్‌ స్టార్‌ బ్రాండన్‌ కింగ్‌ ఏకంగా ఐదుస్థానాలు ఎగబాకి ఎనిమిదో ర్యాంకు సాధించాడు.ఐసీసీ మెన్స్‌ టీ20 తాజా బ్యాటింగ్‌ ర్యాంకింగ్స్‌ టాప్‌-51. సూర్యకుమార్‌ యాదవ్‌- ఇండియా- 861 పాయింట్లు2. ఫిల్‌ సాల్ట్‌- ఇంగ్లండ్‌- 788 పాయింట్లు3. మహ్మద్‌ రిజ్వాన్‌- పాకిస్తాన్‌- 769 పాయింట్లు4. బాబర్‌ ఆజం- పాకిస్తాన్‌- 761 పాయింట్లు5. ఐడెన్‌ మార్క్రమ్‌- సౌతాఫ్రికా- 733 పాయింట్లు.చదవండి: Hardik-Natasa: ఇక్కడ బాగుంది.. హార్దిక్‌ పాండ్యా పోస్ట్‌ వైరల్‌

ఐపీఎల్‌-2024లో భాగంగా ఢిల్లీ క్యాపిట‌ల్స్ కీల‌క పోరుకు సిద్ద‌మైంది. ఆదివారం వేదిక‌గా రాయల్ ఛాలెంజర్స్ బెంగళూరు త‌ల‌ప‌డ‌నుంది. ఢిల్లీ ప్లే ఆఫ్ రేసులో నిల‌బ‌డాలంటే క‌చ్చితంగా ఈ మ్యాచ్‌లో గెలవాల్సిందే. అయితే ఈ మ్యాచ్‌కు ఢిల్లీ కెప్టెన్ రిష‌బ్ పంత్ దూర‌మ‌య్యాడు.ఈ ఏడాది సీజ‌న్‌లో మూడోసారి స్లో ఓవర్‌ రేట్‌ నమోదు చేసినందుకు గాను ఐపీఎల్‌ యాజమాన్యం అతడిపై ఒక మ్యాచ్‌ సస్పెన్షన్‌ వేటు వేసింది. ఈ క్ర‌మంలో ఆర్సీబీతో మ్యాచ్‌కు ఢిల్లీ క్యాపిట‌ల్స్ కెప్టెన్‌గా ఆల్‌రౌండ‌ర్ అక్ష‌ర్ ప‌టేల్ వ్య‌వ‌హ‌రించ‌నున్నాడు. ఈ విష‌యాన్ని ఢిల్లీ హెడ్ కోచ్ రికీ పాంటింగ్ వెల్ల‌డించాడు."ఆదివారం ఆర్సీబీతో మ్యాచ్‌లో మా జ‌ట్టు కెప్టెన్‌గా అక్షర్ పటేల్ వ్య‌వ‌హరించనున్నాడు. అత‌డు గ‌త రెండు సీజన్ల నుంచి ఢిల్లీ ఫ్రాంచైజీకి వైస్-కెప్టెన్‌గా ఉన్నాడు. అత‌డికి అంత‌ర్జాతీయ క్రికెట్‌తో పాటు ఐపీఎల్‌లో కూడా చాలా అనుభ‌వం ఉంది. గేమ్‌ను బాగా అర్థం చేసుకుంటాడు. కెప్టెన్సీ చేసే అవ‌కాశం రావ‌డంతో అత‌డు చాలా సంతోషంగా ఉన్నాడు. ఇక రిష‌బ్ పంత్ దూరం కావ‌డం మా దురదృష్టం. మేము అతడి బ్యాన్‌పై అప్పీల్ చేశాము. కానీ ఫలితం మాత్రం మాకు అనుకూలంగా రాలేదు" అని పోస్ట్ మ్యాచ్ ప్రెస్ కాన్ఫరెన్స్‌లో పాంటింగ్ పేర్కొన్నాడు.

టీ20 వరల్డ్‌కప్‌ 2024 జట్ల ప్రకటన కోసం మే 1 డెడ్‌లైన్‌ కావడంతో అన్ని దేశాల సెలెక్షన్‌ ప్యానెల్‌లు తమతమ జట్లను ఫైనల్‌ చేసే పనిలో నిమగ్నమై ఉన్నాయి. ఈ క్రమంలో భారత సెలెక్టర్లు కూడా తమ జట్టుకు తుది రూపు తెచ్చేందుకు తీవ్రస్థాయిలో కసరత్తు చేస్తున్నారు. టీమిండియా విషయంలో సెలెక్టర్లు ఇదివరకే ఓ అంచనాతో ఉన్నప్పటికీ ఒకట్రెండు బెర్తుల విషయంలో సమస్యలు ఎదురవుతున్నాయి. హార్దిక్‌ బెర్త్‌ కన్ఫర్మ్‌..?ఆల్‌రౌండర్‌ కోటాలో హార్దిక్‌ పాండ్యా, శివమ్‌ దూబేల మధ్య పోటీ ఉందని ప్రచారం జరుగుతున్నప్పటికీ.. సెలెక్టర్లు పాండ్యావైపే మొగ్గు చూపుతున్నట్లు తెలుస్తుంది. శివమ్‌ దూబేకు ఐపీఎల్‌లో బౌలింగ్‌ చేసే అవకాశం రాకపోవడం అతనికి మైనస్‌ అవుతుంది. దూబే బ్యాటింగ్‌లో మెరుపులు మెరిపిస్తున్నా ఆల్‌రౌండర్‌ కోటా కాబట్టి సెలెక్టర్లు రెండు విభాగాలను పరిగణలోకి తీసుకుంటారు. హార్దిక్‌కు గత అనుభవం కూడా కలిసొస్తుంది. పంత్‌ ఫిక్స్‌.. సంజూ వర్సెస్‌ రాహుల్‌రిషబ్‌ పంత్‌ టీ20 వరల్డ్‌కప్‌ బెర్త్‌ పక్కా చేసుకున్నట్లు తెలుస్తుంది. ఐపీఎల్‌ 2024లో ప్రదర్శనల ఆధారంగా పంత్‌ ఎంపిక జరుగనున్నట్లు సమాచారం.సెకెండ్‌ ఛాయిస్‌ వికెట్‌కీపర్‌ స్థానం కోసం కేఎల్‌ రాహుల్‌, సంజూ శాంసన్‌ తీవ్రంగా పోటీపడుతున్నప్పటికీ.. రాహుల్‌వైపే సెలెక్టర్లు మొగ్గు చూపుతున్నట్లు తెలుస్తుంది.అక్షర్‌ వర్సెస్‌ ఆవేశ్‌ వర్సెస్‌ బిష్ణోయ్‌బౌలింగ్‌ విభాగంలో బుమ్రా, సిరాజ్‌, అర్ష్‌దీప్‌ సింగ్‌, రవీంద్ర జడేజా, కుల్దీప్‌ బెర్త్‌లు దాదాపుగా ఖరారైనట్లు సమాచారం. ఒక్క బెర్త్‌ విషయంలో సెలెక్టర్లు తర్జనభర్జన పడుతున్నట్లు తెలుస్తుంది. అక్షర్‌ పటేల్‌, ఆవేశ్‌ ఖాన్‌, రవి బిష్ణోయ్‌లలో ఎవరిని ఎంపిక చేయాలని సెలెక్టర్లు తలలుపట్టుకున్నారు. వరల్డ్‌కప్‌ వేదికలు స్లో ట్రాక్స్‌ కావడంతో అక్షర్‌కు మెరుగైన అవకాశాలు ఉండచ్చు.

‘‘ఇంపాక్ట్‌ ప్లేయర్‌ నిబంధన నాకెందుకో అంతగా నచ్చలేదు. ప్రేక్షకులకు వినోదం అందించడమే లక్ష్యంగా చూస్తే ఇది బాగానే ఉంటుంది. కానీ.. క్రికెటింగ్‌ కోణంలో చూస్తే.. సరికాదనే అనిపిస్తోంది. ఇక్కడ 12 మందితో కాదు 11 మందితోనే ఆడాలి.. ఇంపాక్ట్‌ ప్లేయర్‌ రూల్‌ వల్ల వాషింగ్టన్‌ సుందర్‌, శివం దూబే వంటి ఆల్‌రౌండర్లకు బౌలింగ్‌ చేసే అవకాశం రావడం లేదు. టీమిండియాకు ఇదైతే శుభసూచకం కాదు’’- రోహిత్‌ శర్మ, టీమిండియా కెప్టెన్‌, ముంబై ఇండియన్స్‌ ఓపెనర్‌. ‘‘ఇంపాక్ట్‌ ప్లేయర్‌ రూల్‌కు నేను అనుకూలం కాదు. ఈ నిబంధన వల్ల జట్లు నిఖార్సైన బ్యాటర్లు లేదంటే బౌలర్ల సేవలనే ఉపయోగించుకుంటాయి. ఆల్‌రౌండర్లను ఎవరు పట్టించుకుంటారు? ఇలాంటి నిబంధనలు రూపొందించే వాళ్లు కేవలం బ్యాటింగ్‌ ఒక్కటే మ్యాచ్‌ దిశానిర్దేశాన్ని మారుస్తుందని అనుకుంటారేమో(నవ్వులు).. ఈ రూల్‌ వల్ల బౌలర్లకు తిప్పలు తప్పవు. ఇంపాక్ట్‌ ప్లేయర్‌ రూల్‌ వల్ల జట్టులో అదనపు సభ్యుడు చేరతాడు. ఒకవేళ ఒక జట్టు బ్యాటింగ్‌ ఆర్డర్‌ బలహీనంగా ఉంటే వాళ్లు బ్యాటర్‌ను.. బౌలింగ్‌ వీక్‌గా ఉంటే బౌలర్‌ను తెచ్చుకుంటారు. అందుకే బ్యాటర్‌ వచ్చీ రాగానే హిట్టింగ్‌ మొదలుపెడతాడు. గత రెండేళ్లుగా గమనిస్తూనే ఉన్నా.. ఎనిమిదో నంబర్‌ వరకు బ్యాటర్లు ఉంటారు కాబట్టి స్వేచ్ఛగా బ్యాట్‌ ఝులిపిస్తారు’’- అక్షర్‌ పటేల్‌, టీమిండియా స్పిన్‌ ఆల్‌రౌండర్‌, ఢిల్లీ క్యాపిటల్స్‌ ప్లేయర్‌. మొన్న రోహిత్‌ శర్మ.. ఇప్పుడు అక్షర్‌ పటేల్‌ ఇలా చాలా మంది ఐపీఎల్‌లోని ఇంపాక్ట్‌ ప్లేయర్‌ నిబంధన ఆల్‌రౌండర్లకు నష్టం చేకూరుస్తుందనే వాదనలు వినిపిస్తున్నారు.  ఏమిటీ ఇంపాక్ట్‌ ప్లేయర్‌ నిబంధన? ఐపీఎల్‌-2023కి ముందు నిర్వాహకులు ఈ నిబంధనను ప్రవేశపెట్టారు. బ్యాటింగ్‌ లేదంటే బౌలింగ్‌ చేయడానికి జట్టులోకి వచ్చే సబ్‌స్టిట్యూట్‌ ప్లేయర్‌. ఈ నిబంధన ప్రకారం ఇండియన్‌ ప్లేయర్‌ను ఎక్కువగా వాడుకునే అవకాశం ఉంటుంది. టాస్‌ సమయంలో కెప్టెన్‌ సబ్‌స్టిట్యూట్‌ ప్లేయర్లుగా నలుగురి పేర్లను నామినేట్‌ చేయాలి. అందులో ఒకరిని ఇంపాక్ట్‌ ప్లేయర్‌గా ఉపయోగించుకోవాలి. ఎప్పుడు తెచ్చుకోవచ్చు? ఇన్నింగ్స్‌ ఆరంభానికి ముందు లేదంటే ఓవర్‌ పూర్తైన తర్వాత.. లేదంటే వికెట్‌ పడిన అనంతరం.. లేదా బ్యాటర్‌ రిటైర్‌ అయినపుడు కెప్టెన్‌ తమ ఇంపాక్ట్‌ ప్లేయర్‌ను బరిలోకి దించవచ్చు. ఒక బౌలింగ్‌ చేస్తున్న జట్టు ఓవర్‌ మధ్యలోనే(వికెట్‌ పడ్డా/బ్యాటర్‌ రిటైర్‌ అయినా) ఇంపాక్ట్‌ ప్లేయర్‌ను తీసుకువస్తే ఆ వ్యక్తిని మిగిలిన ఓవర్‌ పూర్తయ్యేదాకా బౌలింగ్‌ చేసేందుకు అనుమతించరు.  ఇంపాక్ట్‌ ప్లేయర్‌ వచ్చిన తర్వాత.. ఎవరి స్థానంలో అయితే ఇంపాక్ట్‌ ప్లేయర్‌ వస్తారో.. సదరు ఆటగాడు మిగిలిన మ్యాచ్‌కు దూరమవుతాడు. కనీసం సబ్‌స్టిట్యూట్‌ ఫీల్డర్‌గా ఉండే అవకాశం కూడా ఉండదు. ఒకవేళ విదేశీ ప్లేయర్‌ని తీసుకుంటే? నిబంధనల ప్రకారం తుదిజట్టులో నలుగురు మాత్రమే విదేశీ ఆటగాళ్లు ఉండవచ్చు. కాబట్టి అప్పటికే జట్టులో నలుగురూ ఉన్నారంటే కచ్చితంగా ఇండియన్‌ ప్లేయర్‌నే ఇంపాక్ట్‌ ప్లేయర్‌గా తెచ్చుకోవాలి. అయితే, టాస్‌ సమయంలోనే నలుగురు సబ్‌ట్యూట్‌లలో ఒకరిగా విదేశీ ప్లేయర్‌ను నామినేట్‌ చేయాలి. జట్టులో ఎంతమంది? ఇంపాక్ట్‌ ప్లేయర్‌ రూల్‌ కారణంగా జట్టులో 11 మంది కంటే ఎక్కువయ్యే అవకాశం లేదు. బ్యాటర్‌ స్థానంలో బ్యాటర్‌.. బౌలర్‌ స్థానంలో బౌలర్‌నే ఎక్కువగా సబ్‌ట్యూట్‌గా ఉపయోగించుకుంటారు. ఒకవేళ బౌలింగ్‌ టీమ్‌ గనుక ఇంపాక్ట్‌ ప్లేయర్‌గా బౌలర్‌ను తీసుకువస్తే.. నాలుగు ఓవర్ల కోటా పూర్తి చేయవచ్చు. లేదంటే పవర్‌ ప్లే లేదా డెత్‌ ఓవర్ల స్పెషలిస్టు సేవలను వారి ప్రయోజనాలకు అనుగుణంగా వాడుకోవచ్చు. శివం దూబేకు నో ఛాన్స్‌! ముందే సర్దుకున్న హార్దిక్‌  అయితే, ఈ ఇంపాక్ట్‌ ప్లేయర్‌ రూల్‌ వలన ఆల్‌రౌండర్లు నష్టపోతున్నారనేది చర్చ. రోహిత్‌ శర్మ, అక్షర్‌ పటేల్‌ చెప్పినట్లు బ్యాటింగ్‌ టీమ్‌ స్పెషలిస్టు బ్యాటర్‌ను.. బౌలింగ్‌ టీమ్‌ స్పెషలిస్టు బౌలర్‌ను తెచ్చుకుంటుంది. ఒకవేళ ఆల్‌రౌండర్లకు ఛాన్స్‌ ఇచ్చినా వాళ్లు ఏదో ఒక సేవకే పరిమితం అవుతారు. ఈ సీజన్‌లో చెన్నై సూపర్‌ కింగ్స్‌ పేస్‌ ఆల్‌రౌండర్‌ శివం దూబేను ఇంపాక్ట్‌ ప్లేయర్‌గా వాడుకుంటోంది. అతడు కేవలం బ్యాటింగ్‌ మాత్రమే చేస్తుండగా.. బౌలింగ్‌ చేసే అవకాశం రావడం లేదు. టీ20 వరల్డ్‌కప్‌-2024 టోర్నీకి ముందు ఇలా జరగడం ఒక విధంగా అతడికి నష్టం చేకూరుస్తోంది. ప్రపంచకప్‌ జట్టులో స్థానం కోసం హార్దిక్‌ పాండ్యాతో పోటీ పడుతున్న దూబే.. బౌలింగ్‌ చేయనట్లయితే సెలక్టర్లు అతడి వైపు మొగ్గు చూపరు. మరోవైపు.. ముంబై ఇండియన్స్‌ కెప్టెన్‌గా ఉన్న పాండ్యా ప్రమాదాన్ని ముందుగా పసిగట్టాడేమో మళ్లీ బౌలింగ్‌ మొదలుపెట్టి తన ఆల్‌రౌండ్‌ నైపుణ్యాలను మరోసారి నిరూపించుకునే ప్రయత్నం చేస్తున్నాడు. అలా చూసుకుంటే కష్టమే ఆల్‌రౌండర్లకు జరుగుతున్న నష్టం గురించి ఇది ఒక్క ఉదాహరణ మాత్రమే. ఇక అంతర్జాతీయ మ్యాచ్‌లలో ఇంపాక్ట్‌ ప్లేయర్‌ రూల్‌ ఉండదు కాబట్టి తుదిజట్టు కూర్పు కాస్త కష్టంగానే మారుతుంది. ఐపీఎల్‌లో ఇంపాక్ట్‌ ప్లేయర్‌గా బరిలోకి దిగి ఫామ్‌(బ్యాటింగ్‌/బౌలింగ్‌) కోల్పోయిన ఆల్‌రౌండర్‌కు జాతీయ జట్టు తరఫున ముఖ్యంగా వరల్డ్‌కప్‌ వంటి మెగా టోర్నీ సమీపిస్తున్న తరుణంలో టీమిండియాలో చోటు దక్కించుకోవడం కష్టమే!

India vs England, 2nd Test: ఇంగ్లండ్‌తో రెండో టెస్టులో టీమిండియా బ్యాటర్‌ శ్రేయస్‌ అయ్యర్‌ అద్భుత క్యాచ్‌తో మెరిశాడు. బంతిని సరిగ్గా అంచనా వేసి డైవ్‌ చేసి మరీ ఒడిసిపట్టి భారత శిబిరంలో నవ్వులు నింపాడు. కాగా హైదరాబాద్‌లో ఇంగ్లండ్‌ చేతిలో ఓడిన టీమిండియా.. విశాఖపట్నంలో రెండో మ్యాచ్‌లో తలపడుతోంది. డాక్టర్‌ వైఎస్‌ రాజశేఖర్‌రెడ్డి స్టేడియంలో శుక్రవారం మొదలైన ఈ మ్యాచ్‌లో టాస్‌ గెలిచిన భారత్‌ తొలుత బ్యాటింగ్‌ చేసింది. ఓపెనర్‌ యశస్వి జైస్వాల్‌ డబుల్‌ సెంచరీ(209) కారణంగా తొలి ఇన్నింగ్స్‌లో 396 పరుగులు చేసింది. బ్యాటింగ్‌లో విఫలం అయితే, ఈ మ్యాచ్‌లో బ్యాటర్‌గా శ్రేయస్‌ అయ్యర్‌ విఫలమయ్యాడు. 59 బంతులు ఎదుర్కొన్న ఈ నాలుగో నంబర్‌ బ్యాటర్‌ కేవలం 27 పరుగులు మాత్రమే చేశాడు. తద్వారా జట్టుతో పాటు అభిమానులనూ నిరాశపరిచాడు. అయితే, రెండో రోజు ఆటలో భాగంగా శనివారం సూపర్‌ క్యాచ్‌ అందుకుని ఇంగ్లండ్‌ రెండో వికెట్‌ కోల్పోవడంలో తన వంతు పాత్ర పోషించాడు. ఇంగ్లండ్‌ ఇన్నింగ్స్‌ 23వ ఓవర్‌ను టీమిండియా స్పిన్నర్‌ అక్షర్‌ పటేల్‌ వేశాడు. డైవ్‌ చేసి.. క్యాచ్‌ పట్టి అతడి బౌలింగ్‌లో రెండో బంతికి ఫోర్‌ బాదిన ఇంగ్లిష్‌ ఓపెనర్‌ జాక్‌ క్రాలే.. మరుసటి బాల్‌కు కూడా షాట్‌ ఆడాలని ప్రయత్నించి విఫలమయ్యాడు. ఈ క్రమంలో బంతి గాల్లోకి లేవగా బ్యాక్‌వర్డ్‌ పాయింట్‌లో ఫీల్డింగ్‌ చేస్తున్న శ్రేయస్‌ అయ్యర్‌ వెనక్కి పరుగెత్తి.. డైవ్‌ చేసి క్యాచ్‌ పట్టాడు.  దీంతో 76 పరుగుల వ్యక్తిగత స్కోరుతో ప్రమాదకరంగా మారుతున్న జాక్‌ క్రాలే కథ ముగిసింది. రెండో వికెట్‌ దక్కడంతో టీమిండియాలో సంబరాలు మొదలయ్యాయి. ఇక శ్రేయస్‌ అయ్యర్‌ క్యాచ్‌ అందుకున్న వీడియో నెట్టింట వైరల్‌గా మారింది. ఇందుకు స్పందించిన నెటిజన్లు.. ‘‘బ్యాటింగ్‌తో కాకపోయినా.. ఫీల్డింగ్‌తోనైనా జట్టులో చోటిచ్చినందుకు కనీస న్యాయం చేస్తున్నావు’’ అంటూ సెటైరికల్‌గా ప్రశంసిస్తున్నారు. చదవండి: Ind vs Eng: పుజారా అక్కడ దంచికొడుతున్నాడు.. జాగ్రత్త: గిల్‌కు మాజీ కోచ్‌ వార్నింగ్‌ 𝙄. 𝘾. 𝙔. 𝙈. 𝙄 That was a ripper of a catch! ⚡️ ⚡️ Follow the match ▶️ https://t.co/X85JZGt0EV #TeamIndia | #INDvENG | @ShreyasIyer15 | @IDFCFIRSTBank pic.twitter.com/JSAHGek6nK — BCCI (@BCCI) February 3, 2024

India vs England 1st Test Day 3 Updates: టీమిండియాతో తొలి టెస్టు మూడో రోజు ఆటలో ఇంగ్లండ్‌ మెరుగైన ప్రదర్శన కనబరిచింది. హైదరాబాద్‌లో శనివారం నాటి ఆట పూర్తయ్యే సరికి 77 ఓవర్లలో ఆరు వికెట్ల నష్టానికి 316 పరుగులు చేసింది. వన్‌డౌన్‌ బ్యాటర్‌ ఒలీ పోప్‌ అద్భుత సెంచరీ కారణంగా ఈ మేరకు మెరుగైన స్కోరు సాధించింది. మూడో రోజు హైదరాబాద్‌ టెస్టు ఆసక్తికరమైన మలుపులు తిరిగింది. ఆరంభంలో టీమిండియా, ఆ తర్వాత ఇంగ్లండ్‌ అడ్వాంటేజ్‌ తీసుకున్నారు. ఓ దశలో మ్యాచ్‌ ఇండియా వైపే మొగ్గు చూపినా.. ఇంగ్లండ్‌ బ్యాట్స్ మన్‌ పోరాడడంతో ఆ జట్టుకు 126 పరుగుల స్వల్ప ఆధిక్యం దక్కింది. మూడో రోజు ఆట ముగిసే సరికి పోప్‌ 148, రెహాన్‌ అహ్మద్‌ 16 పరుగులతో క్రీజులో ఉన్నారు. ఇక ఇంగ్లండ్‌ రెండో ఇన్నింగ్స్‌లో భారత బౌలర్లు రవిచంద్రన్‌ అశ్విన్‌ రెండు, జస్‌ప్రీత్‌ బుమ్రా రెండు వికెట్లు తీయగా.. రవీంద్ర జడేజా, అక్షర్‌ పటేల్‌ చెరో వికెట్‌ తీశారు. కాగా టీమిండియా తొలి ఇన్నింగ్స్‌లో 436 పరుగులకు ఆలౌట్‌ అయింది. ఇక రెండో ఇన్నింగ్స్‌లో 316/6 స్కోరు చేసిన ఇంగ్లండ్‌ ప్రస్తుతం భారత జట్టు కంటే 126 పరుగుల ఆధిక్యంలో ఉంది.  ఆరో వికెట్‌ డౌన్‌.. 275 పరుగుల వద్ద ఇంగ్లండ్‌ ఆరో వికెట్‌ కోల్పోయింది.  34 పరుగులు చేసిన బెన్‌ ఫోక్స్‌ను.. అక్షర్‌ పటేల్‌ క్లీన్‌ బౌల్డ్‌ చేశాడు. క్రీజులోకి రెహాన్‌ ఆహ్మద్‌ వచ్చాడు. అతడితో పాటు ఓలీ పోప్‌(125) పరుగులతో ఉన్నాడు. ఒలీ పోప్‌ టాప్‌ క్లాస్‌ సెంచరీ 60.2: జడేజా బౌలింగ్‌లో మూడు పరుగులు తీసి శతకం పూర్తి చేసుకున్న ఇంగ్లండ్‌ వన్‌డౌన్‌ బ్యాటర్‌ ఒలీ పోప్‌. ఇంగ్లండ్‌ స్కోరు: 245/5 (61) 200 పరుగుల మార్కు అందుకున్న ఇంగ్లండ్‌ 52 ఓవర్లలో ఇంగ్లండ్‌ స్కోరు:  200-5 ఆధిక్యంలోకి ఇంగ్లండ్‌.. టీమిండియాతో జరుగుతున్న తొలి టెస్టులో ఇంగ్లండ్‌ రెండో ఇన్నింగ్స్‌లో 5 పరుగుల ఆధిక్యంలోకి వచ్చింది. 50 ఓవర్లు ముగిసే సరికి 5 వికెట్ల నష్టానికి 195 పరుగులు చేసింది. క్రీజులో పోప్‌(81), బెన్‌ ఫోక్స్‌(10) పరుగులతో ఉన్నారు. టీ బ్రేక్‌ సమయానికి ఇంగ్లండ్‌ స్కోరు: 172/5 (42) ఒలీ పోప్‌ 67, బెన్‌ ఫోక్స్‌ రెండు పరుగులతో క్రీజులో ఉన్నారు. టీమిండియా కంటే ఇంగ్లండ్‌ ఇంకా 18 పరుగులు వెనుబడి ఉంది. స్టోక్స్‌ అవుట్‌ 36.5: అశ్విన్‌ బౌలింగ్‌లో ఐదో వికెట్‌గా వెనుదిరిగిన ఇంగ్లండ్‌ కెప్టెన్‌ బెన్‌స్టోక్స్‌(6). ఇంగ్లండ్‌ స్కోరు: 163/5 (36.5). టీమిండియా ఇంకా 27 పరుగుల ఆధిక్యంలో కొనసాగుతోంది. స్టోక్స్‌ స్థానంలో బెన్‌ ఫోక్స్‌ క్రీజులోకి వచ్చాడు. పోప్‌ 60 పరుగులతో ఆడుతున్నాడు. 28.3: పోప్‌ హాఫ్‌ సెంచరీ నాలుగో వికెట్‌ కోల్పోయిన ఇంగ్లండ్‌ 27.4: .జడేజా బౌలింగ్‌లో బెయిర్‌స్టో బౌల్డ్‌(10). బెన్‌స్టోక్స్‌ క్రీజులోకి వచ్చాడు. స్కోరు: 140/4 (27.4)   27 ఓవర్లలో ఇంగ్లండ్‌ స్కోరు: 136/3 బెయిర్‌ స్టో ఆరు, పోప్‌ 46 పరుగులతో క్రీజులో ఉన్నారు. టీమిండియా ఆధిక్యం 54 పరుగులు ఇంగ్లండ్‌ స్కోరు: 122/3 (24).. టీమిండియాకు 68 పరుగుల ఆధిక్యం బెయిర్‌స్టో 3, ఒలీ పోప్‌ 35 పరుగులతో క్రీజులో ఉన్నారు.  దెబ్బకు దెబ్బ కొట్టిన బుమ్రా రెండో ఇన్నింగ్స్‌లో బుమ్రా బౌలింగ్‌లో రూట్‌(2) ఎల్బీడబ్ల్యూగా వెనుదిరిగాడు. దీంతో ఇంగ్లండ్‌ మూడో వికెట్‌ కోల్పోయింది. బెయిర్‌స్టో క్రీజులోకి వచ్చాడు. 21 ఓవర్లలో ఇంగ్లండ్‌ స్కోరు: 117-3. కాగా అంతకు ముందు రూట్‌ బుమ్రాను బౌల్డ్‌ చేసిన సంగతి తెలిసిందే. బుమ్రా మ్యాజిక్‌.. రెండో వికెట్‌ కోల్పోయిన ఇంగ్లండ్‌ 18.5: బుమ్రా బౌలింగ్‌లో బెన్‌ డకెట్‌(47) క్లీన్‌బౌల్డ్‌. దెబ్బకు ఎగిరిపడ్డ వికెట్‌. రెండో వికెట్‌ కోల్పోయిన ఇంగ్లండ్‌. జో రూట్‌ క్రీజులోకి వచ్చాడు. పోప్‌ 31 పరుగులతో ఆడుతున్నాడు. ఇంగ్లండ్‌ స్కోరు: 113/2 (18.5). టీమిండియాకు ఇంకా 77 పరుగుల ఆధిక్యం నిలకడగా ఆడుతున్న డకెట్‌, పోప్‌  16.3: డకెట్‌, పోప్‌ కలిసి 43 బంతుల్లో 50 పరుగుల భాగస్వామ్యం నమోదు చేశారు. స్కోరు:  97-1(17). టీమిండియా ఆధిక్యం 93 రన్స్‌. భోజన విరామ సమయానికి ఇంగ్లండ్‌ స్కోరు: 89/1 (15) ఒలీ పోప్‌ 16, బెన్‌ డకెట్‌ 38 పరుగులతో క్రీజులో ఉన్నారు. టీమిండియా కంటే ఇంగ్లండ్‌ ఇంకా 101 పరుగులు వెనుకబడి ఉంది  12 ఓవర్లలో ఇంగ్లండ్‌ స్కోరు: 67/1 డకెట్‌ 30, పోప్‌ ఆరు పరుగులతో క్రీజులో ఉన్నారు. క్రాలే దూకుడుకు బ్రేక్‌.. తొలి వికెట్‌ కోల్పోయిన ఇంగ్లండ్‌ 9.2: అశ్విన్‌ బౌలింగ్‌లో రోహిత్‌ శర్మకు క్యాచ్‌ ఇచ్చి అవుటైన ఇంగ్లండ్‌ ఓపెనర్‌ జాక్‌ క్రాలే. 33 బంతుల్లోనే 31 పరుగులతో జోరు మీదున్న క్రాలేకు అశూ అడ్డుకట్ట వేయడంతో ఇంగ్లండ్‌ తొలి వికెట్‌ కోల్పోయింది. అతడి స్థానంలో ఒలీ పోప్‌ క్రీజులోకి వచ్చాడు. స్కోరు: 45/1 (9.2) 7 ఓవర్లలో స్కోరు: 33-0 క్రాలే 25, డకెట్‌ 8 పరుగులతో క్రీజులో ఉన్నారు. 6.3: అక్షర్‌ పటేల్‌ బౌలింగ్‌లో సిక్సర్‌ కొట్టిన క్రాలే 5.5: అశ్విన్‌ బౌలింగ్‌లో ఫోర్‌ బాదిన క్రాలే 5 ఓవర్లలో ఇంగ్లండ్‌ స్కోరు: 13-0 ఓపెనర్లు జాక్‌ క్రాలే 10, బెన్‌ డకెట్‌ 3 పరుగులతో క్రీజులో ఉన్నారు. టీమిండియా కంటే ఇంగ్లండ్‌ ఇంకా 177 పరుగులు వెనుకబడి ఉంది. హైలైట్స్‌ ఇంగ్లండ్‌ తొలి ఇన్నింగ్స్‌ స్కోరు: 246 టీమిండియా మొదటి ఇన్నింగ్స్‌ స్కోరు: 436 టీమిండియా ఆలౌట్‌.. ఓవరాల్‌గా 190 పరుగుల ఆధిక్యం 120.6: రెహాన్‌ అహ్మద్‌ బౌలింగ్‌లో అక్షర్‌ పటేల్‌ బౌల్డ్‌. పదో వికెట్‌ కోల్పోయిన టీమిండియా. తొలి ఇన్నింగ్స్‌లో భారత్‌ స్కోరు: 436 (121). మూడో రోజు ఆటలో ఇంగ్లండ్‌ ఆటగాడు జో రూట్‌ రెండు వికెట్లు తీయగా... రెహాన్‌ అహ్మద్‌ ఒక వికెట్‌ తన ఖాతాలో వేసుకున్నాడు. వచ్చీ రాగానే బుమ్రా బౌల్డ్‌ 119.4: జడ్డూ స్థానంలో క్రీజులోకి వచ్చిన బుమ్రా జో రూట్‌ బౌలింగ్‌ క్లీన్‌బౌల్డ్‌ అయ్యాడు. దీంతో టీమిండియా తొమ్మిదో వికెట్‌ కోల్పోయింది. సిరాజ్‌ క్రీజులోకి వచ్చాడు. అక్షర్‌ పటేల్‌ 44 పరుగులతో ఆడుతున్నాడు. టీమిండియా స్కోరు: 436/9 (120). 190 పరుగుల ఆధిక్యంలో టీమిండియా జడ్డూ అవుట్‌.. ఎనిమిదో వికెట్‌ డౌన్‌ 119.3: జో రూట్‌ బౌలింగ్‌లో లెగ్‌ బిఫోర్‌ వికెట్‌గా వెనుదిరిగిన రవీంద్ర జడేజా. 87 పరుగుల వ్యక్తిగత స్కోరు వద్ద జడ్డూ ఇన్నింగ్స్‌ ముగిసిపోయింది. అతడి స్థానంలో జస్‌ప్రీత్‌ బుమ్రా క్రీజులోకి వచ్చాడు. టీమిండియా ఆధిక్యం 190 రన్స్‌ 118.6: ఫోర్‌ బాదిన అక్షర్‌ 179 పరుగుల ఆధిక్యంలో టీమిండియా 113: జడేజా 84, అక్షర్‌ పటేల్‌​ 36 పరుగులతో క్రీజులో ఉన్నారు. భారత్‌- ఇంగ్లండ్‌ మధ్య మొదలైన మూడో రోజు ఆట రవీంద్ర జడేజా 83, అక్షర్‌ పటేల్‌ 35 పరుగులతో క్రీజులో ఉన్నారు. స్కోరు:  423-7(112). రెండో రోజు హైలైట్స్‌ ►శుక్రవారం నాటి ముగిసే సరికి తొలి ఇన్నింగ్స్‌లో టీమిండియా స్కోరు: 421/7 ►కేఎల్‌ రాహుల్(86), జడేజా అర్ధ సెంచరీలు  ►రాణించిన కేఎస్‌ భరత్(41), అక్షర్‌ పటేల్‌   ఆధిక్యంలో కొనసాగుతున్న భారత్‌ టీమిండియా- ఇంగ్లండ్‌ మధ్య తొలి టెస్టు మూడో రోజు ఆట ఆరంభమైంది. హైదరాబాద్‌ వేదికగా గురువారం మొదలైన ఈ మ్యాచ్‌లో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసిన విషయం తెలిసిందే. భారత బౌలర్ల విజృంభణతో 246 పరుగులకు ఆలౌట్‌ అయింది. ఈ ‍క్రమంలో తొలి రోజే బ్యాటింగ్‌ మొదలుపెట్టిన రోహిత్‌ సేన ప్రస్తుతం 175కు పైగా పరుగుల ఆధిక్యంలో కొనసాగుతోంది. తుదిజట్లు: టీమిండియా రోహిత్ శర్మ (కెప్టెన్‌), యశస్వి జైస్వాల్, శుభమన్ గిల్, శ్రేయస్ అయ్యర్, కేఎల్‌ రాహుల్, రవీంద్ర జడేజా, శ్రీకర్ భరత్, అక్షర్ పటేల్‌, రవిచంద్రన్ అశ్విన్, జస్ప్రీత్ బుమ్రా,మహ్మద్ సిరాజ్. ఇంగ్లండ్‌ జాక్ క్రాలే, బెన్ డకెట్, ఒలీ పోప్, జో రూట్, జానీ బెయిర్‌ స్టో, బెన్ స్టోక్స్ (కెప్టెన్‌), బెన్ ఫోక్స్ (వికెట్‌ కీపర్‌), రెహాన్ అహ్మద్, టామ్ టామ్‌ హార్ట్లే, మార్క్ వుడ్, జాక్ లీచ్. చదవండి: మొదటి టెస్టు మన చేతుల్లోకి...

ఐసీసీ తాజాగా (భారత్‌-ఆఫ్ఘనిస్తాన్‌ మూడో టీ20 అనంతరం) విడుదల చేసిన టీ20 ర్యాంకింగ్స్‌లో టీమిండియా ఆటగాళ్లు​ సత్తా చాటారు. బ్యాటింగ్‌లో యశస్వి జైస్వాల్‌, బౌలింగ్‌లో అక్షర్‌ పటేల్‌ టాప్‌-10లోకి దూసుకొచ్చారు. ఆఫ్ఘనిస్తాన్‌తో రెండో టీ20లో మెరుపు ఇన్నింగ్స్‌తో విజృంభించిన యశస్వి.. ఏడు స్థానాలు మెరుగుపర్చుకుని ఆరో స్థానానికి ఎగబాకగా.. ఇదే సిరీస్‌లో విశేషంగా రాణించిన అక్షర్‌ పటేల్‌ ఏకంగా 12 స్థానాలు ఎగబాకి ఐదో ప్లేస్‌కు చేరుకున్నాడు. ఆఫ్ఘనిస్తాన్‌ సిరీస్‌లో ఆడనప్పటికీ  సూర్యకుమార్‌ యాదవ్‌ టాప్‌ ప్లేస్‌ను కాపాడుకోగా.. ఆఫ్ఘన్‌ సిరీస్‌కు దూరమైన రుతురాజ్‌ ఓ స్థానం కోల్పోయి తొమ్మిదో ప్లేస్‌కు పడిపోయాడు. ఈ జాబితాలో ఫిలప్‌ సాల్ట్‌, మొహమ్మద్‌ రిజ్వాన్‌, బాబర్‌ ఆజమ్‌, ఎయిడెన్‌ మార్క్రమ్‌ రెండు నుంచి ఐదు స్థానాల్లో ఉన్నారు.  బౌలింగ్‌ విషయానికొస్తే.. ర్యాంకింగ్స్‌లో అక్షర్‌ పటేల్‌ ఎఫెక్ట్‌ సహచర బౌలర్‌ రవి భిష్ణోయ్‌పై పడింది. తాజా ర్యాంకింగ్స్‌లో బిష్ణోయ్‌ ఏకంగా నాలుగు స్థానాలు దిగజారి ఆరో ప్లేస్‌కు పడిపోయాడు. జింబాబ్వే సిరీస్‌లో రాణించిన లంక బౌలర్లు హసరంగ, తీక్షణ ఒకటి, రెండు స్థానాలు మెరుగుపర్చుకుని సంయుక్తంగా మూడో స్థానానికి ఎగబాకారు.  ఆదిల్‌ రషీద్‌ అగ్రస్థానంలో కొనసాగుతుండగా.. అకీల్‌ హొసేన్‌ ఓ స్థానం మెరుగుపర్చుకుని రెండో ప్లేస్‌కు చేరాడు.  ఇదిలా ఉంటే, ఆఫ్ఘనిస్తాన్‌తో నిన్న ముగిసిన టీ20 సిరీస్‌ను టీమిండియా 3-0 తేడాతో క్లీన్‌ స్వీప్‌ చేసింది. రసవత్తరంగా సాగిన నిన్నటి సమరంలో భారత్‌ రెండో సూపర్‌ ఓవర్‌లో విజయం సాధించింది. తొలుత రోహిత్‌ శర్మ మెరుపు శతకంతో విరుచుకుపడటంతో భారత్‌ 212 పరుగులు చేయగా.. ఛేదనలో ఆఫ్ఘనిస్తాన్‌ కూడా అంతే స్కోర్‌ చేసింది. దీంతో మ్యాచ్‌ టై అయ్యి సూపర్‌ ఓవర్‌కు దారి తీసింది. సూపర్‌ ఓవర్‌లో సైతం మరోసారి స్కోర్లు సమం కావడంతో రెండో సూపర్‌ ఓవర్‌ అనివార్యమైంది. ఈ సూపర్‌ ఓవర్‌లో భారత్‌ ఎట్టకేలకు విజయం సాధించింది.

టీ20 ప్ర‌పంచ‌క‌ప్‌-2024 నేప‌థ్యంలో టీమిండియా బౌలింగ్ ద‌ళ కూర్పు గురించి మాజీ స్పిన్న‌ర్ ప్ర‌జ్ఞాన్ ఓజా ఆస‌క్తిక‌ర వ్యాఖ్య‌లు చేశాడు. ఈ మెగా టోర్నీలో భార‌త జ‌ట్టు ముగ్గురు స్పిన్ బౌల‌ర్ల‌తో బ‌రిలోకి దిగాల‌ని సూచించాడు. త‌న ప్రాధాన్యం మాత్రం వీళ్లేనంటూ ముగ్గురు స్టార్ల పేర్లు చెప్పాడు. అమెరికా- వెస్టిండీస్ సంయుక్తంగా ఆతిథ్యం ఇస్తున్న ప్ర‌పంచ‌క‌ప్‌-2024 జూన్ 4 నుంచి ఆరంభం కానుంది. ఈవెంట్ మొద‌లైన మ‌రుస‌టి రోజు టీమిండియా ఐర్లాండ్‌తో త‌మ తొలి మ్యాచ్ ఆడ‌నుంది. ఇదిలా ఉంటే.. ఈ ఐసీసీ టోర్నీకి ముందు ఆఖ‌రి ద్వైపాక్షిక సిరీస్‌లో భాగంగా రోహిత్ సేన అఫ్గ‌నిస్తాన్‌తో స్వ‌దేశంలో త‌ల‌ప‌డుతోంది.  ఇందులో భాగంగా ఇప్ప‌టికే 2-0తో సిరీస్‌ను కైవ‌సం చేసుకుంది. ఈ జ‌ట్టులో స్పిన్ విభాగం నుంచి అక్ష‌ర్ ప‌టేల్‌, ర‌వి బిష్ణోయి, కుల్దీప్ యాద‌వ్, వాషింగ్ట‌న్ సుంద‌ర్ చోటు ద‌క్కించుకోగా.. తొలి రెండు మ్యాచ్‌ల‌లో చైనామ‌న్ బౌల‌ర్ కుల్దీప్‌న‌కు తుదిజ‌ట్టులో చోటు ద‌క్క‌లేదు. ర‌వి, అక్ష‌ర్, సుంద‌ర్ ఈ రెండు విజ‌యాల్లో త‌మ వంతు పాత్ర పోషించారు. ముఖ్యంగా అఫ్గ‌న్‌తో ఆదివారం ముగిసిన రెండో టీ20లో అక్ష‌ర్ రెండు కీల‌క వికెట్లు తీసి ప్లేయ‌ర్ ఆఫ్ ది మ్యాచ్‌గా నిలిచాడు. ఈ నేప‌థ్యంలో క‌ల‌ర్స్ షోలో మాట్లాడుతూ ప్ర‌జ్ఞాన్ ఓజా అక్ష‌ర్ ప‌టేల్‌పై ప్ర‌శంస‌లు కురిపించాడు. బంతితోనూ, బ్యాటింగ్‌తోనూ రాణించ‌గ‌ల ఈ ఆల్‌రౌండ‌ర్ అస‌లైన మ్యాచ్ విన్న‌ర్ అని కొనియాడాడు. కీల‌క స‌మ‌యంలో మ్యాచ్‌ను మ‌లుపుతిప్ప‌గ‌ల స‌త్తా అక్ష‌ర్ సొంత‌మ‌ని ఓజా పేర్కొన్నాడు. ఈ సంద‌ర్భంగా టీ20 ప్రపంచ‌క‌ప్‌-2024 జ‌ట్టులో అత‌డికి క‌చ్చితంగా చోటివ్వాల‌ని అభిప్రాయ‌ప‌డ్డాడు. అదే విధంగా..."నా వ‌ర‌కైతే వ‌ర‌ల్డ్ క‌ప్ జ‌ట్టులో ముగ్గురు స్పిన్న‌ర్లు ఉండాలి. నంబ‌ర్ 1.. ర‌వీంద్ర జ‌డేజా. అత‌డి అనుభ‌వం జ‌ట్టుకు ప్ర‌యోజ‌న‌క‌రం. ఇక రెండో బౌల‌ర్‌.. ర‌వి బిష్ణోయి, మూడో ఆట‌గాడు అక్ష‌ర్ ప‌టేల్‌. క్లిష్ట ప‌రిస్థితుల్లో తెలివిగా బౌలింగ్ చేయ‌గ‌ల‌డు" అని మాజీ లెఫ్టార్మ్ స్పిన్న‌ర్ ప్ర‌జ్ఞాన్ ఓజా పేర్కొన్నాడు. ఆ ముగ్గురికి ప్రాధాన్యం ఇవ్వాలంటూ..  కుల్దీప్ యాద‌వ్‌ను మాత్రం విస్మ‌రించాడు. ఇదిలా ఉంటే.. అఫ్గ‌న్‌తో సిరీస్‌కు విశ్రాంతి తీసుకున్న ర‌వీంద్ర జ‌డేజా ఇంగ్లండ్‌తో టెస్టు సిరీస్ సంద‌ర్భంగా జ‌ట్టుతో చేర‌నున్నాడు. చ‌ద‌వండి: BCCI: బీసీసీఐ సెల‌క్ట‌ర్‌పై వేటు? కార‌ణం అదే! ప్ర‌క‌ట‌న విడుద‌ల‌

India vs Afghanistan, 2nd T20I: అఫ్గనిస్తాన్‌తో రెండో టీ20లో టీమిండియా జయభేరి మోగించింది. ఇబ్రహీం జద్రాన్‌ బృందాన్ని ఆరు వికెట్ల తేడాతో ఓడించింది. తద్వారా మరో మ్యాచ్‌ మిగిలి ఉండగానే సిరీస్‌ను 2-0తో గెలుచుకుంది.  టీ20 ప్రపంచకప్‌-2024కు ముందు ఆడుతున్న ఆఖరిదైన ద్వైపాక్షిక సిరీస్‌లో అఫ్గన్‌పై ఆద్యంతం ఆధిపత్యం కనబరుస్తూ సత్తా చాటుకుంది. ముఖ్యంగా యువ ఆటగాళ్లే ఈ విజయంలో కీలక పాత్ర పోషించడం విశేషం. కాగా టీమిండియాతో తొలిసారి టీ20 సిరీస్‌ ఆడేందుకు అఫ్గనిస్తాన్‌ భారత పర్యటనకు వచ్చిన విషయం తెలిసిందే. స్టార్‌ స్పిన్నర్‌ రషీద్‌ ఖాన్‌ గైర్హాజరీలో యువ బ్యాటర్‌ ఇబ్రహీం జద్రాన్‌ ఈ జట్టుకు సారథ్యం వహిస్తున్నాడు.  172 పరుగులకు అఫ్గన్‌ ఆలౌట్‌ ఈ క్రమంలో మొహాలీ వేదికగా తొలి మ్యాచ్‌లో 6 వికెట్ల తేడాతో భారత్‌ చేతిలో ఓడిన అఫ్గన్‌ జట్టు.. ఆదివారం నాటి మ్యాచ్‌లోనూ ఆరు వికెట్ల తేడాతో ఓటమిపాలైంది. ఇండోర్‌ మ్యాచ్‌లో టాస్‌ ఓడి తొలుత బ్యాటింగ్‌ చేసిన జద్రాన్‌ బృందం నిర్ణీత 20 ఓవర్లలో 172 పరుగులకు ఆలౌట్‌ అయింది.  టీమిండియా బౌలర్లలో అర్ష్‌దీప్‌ సింగ్‌ మూడు, రవి బిష్ణోయి రెండు, అక్షర్‌ పటేల్‌ రెండు, శివం దూబే ఒక వికెట్‌ పడగొట్టారు. రనౌట్ల రూపంలో రెండు వికెట్లు వచ్చాయి. కాగా గుల్బదిన్‌ నైబ్‌ (35 బంతుల్లో 57), కరీం జనత్‌(10 బంతుల్లో 20), ముజీబ్‌ ఉర్‌ రహ్మాన్‌(9 బంతుల్లో 21) మెరుపు ఇన్నింగ్స్‌ కారణంగా ఈ మేరకు స్కోరు చేయగలిగింది. ఇది మెరుగైన స్కోరే అయినప్పటికీ.. పరుగుల వరదపారించడానికి వీలైన హోల్కర్‌ స్టేడియంలో టీమిండియాను నిలువరించడం అంతతేలిక కాదని అఫ్గన్‌కు త్వరగానే అర్థమైంది. ఇండియా ఇన్నింగ్స్‌లో ఐదో బంతికే కెప్టెన్‌ రోహిత్‌ శర్మను డకౌట్‌ చేసినప్పటికీ.. మరో ఓపెనర్‌ యశస్వి జైస్వాల్‌ అఫ్గన్‌ బౌలర్లకు కొరకరాని కొయ్యలా మారాడు. విరాట్‌ కోహ్లి (16 బంతుల్లో 29 పరుగులు) కూడా త్వరగానే పెవిలియన్‌ చేరినా పట్టుదలగా క్రీజులో నిలబడ్డాడు. కోహ్లి దంచికొడితే.. జైస్వాల్‌, దూబే దుమ్ములేపారు కోహ్లి స్థానంలో క్రీజులోకి వచ్చిన శివం దూబేతో కలిసి స్కోరు బోర్డును పరుగులు పెట్టించాడు. జైస్వాల్‌ 34 బంతుల్లో 5 ఫోర్లు, ఆరు సిక్సర్లతో చెలరేగి 68 పరుగులు సాధించగా.. దూబే 32 బంతుల్లో 5 ఫోర్లు, 4 సిక్స్‌ల సాయంతో 63 పరుగులతో అజేయంగా నిలిచాడు.  వీరిద్దరి సునామీ ఇన్నింగ్స్‌ కారణంగా 15.4 ఓవర్లలోనే టీమిండియా అఫ్గన్‌ విధించిన 173 పరుగుల లక్ష్యాన్ని ఛేదించింది.  సిరీస్‌ను 2-0తో సొంతం చేసుకుంది. కీలక సమయంలో అఫ్గన్‌ కీలక వికెట్లు(జద్రాన్‌, గుల్బదిన్‌) తీసిన అక్షర్‌ పటేల్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. అదొక్కటే లోటు అంతాబాగానే ఉన్నా తొలి టీ20 మాదిరే రెండో టీ20లోనూ రోహిత్‌ శర్మ డకౌట్‌ కావడం అభిమానులకు నిరాశ కలిగింది. రీఎంట్రీలో హిట్‌మ్యాన్‌ మెరుపులు చూడాలనుకుంటే ఆ లోటు ఇప్పటికి అలాగే మిగిలిపోయింది.

Tilak VarmaTraining Video: టీమిండియా యువ బ్యాటర్‌, హైదరాబాదీ స్టార్‌ తిలక్‌ వర్మ అఫ్గనిస్తాన్‌తో టీ20 సిరీస్‌కు సన్నద్ధం అవుతున్నాడు. ఇందులో భాగంగా జిమ్‌లో చెమటోడుస్తూ ఫిట్‌నెస్‌ మెరుగుపరుచుకునే పనిలో ఉన్నాడు. ఈ నేపథ్యంలో తన వర్కౌట్లకు సంబంధించిన వీడియోను తిలక్‌ సోషల్‌ మీడియాలో షేర్‌ చేశాడు. ‘‘కొత్త ఏడాది చేసుకున్న తీర్మానాలకు కట్టుబడి ఉంటాను. 2024ను ఆరంభించడానికి ఇంతకంటే గొప్ప మార్గం ఇంకొకటి లేదు’’ అని తిలక్‌ వర్మ సదరు వీడియోకు క్యాప్షన్‌ ఇచ్చాడు. ఇందుకు బదులుగా టీమిండియా వైస్‌ కెప్టెన్‌ సూర్యకుమార్‌ యాదవ్‌.. ‘‘నీకు ఇలాంటి నకిలీ క్యాప్షన్లు ఎవరు ఇస్తారు’’ అంటూ సరదాగా ట్రోల్‌ చేశాడు. క్యాప్షన్‌, వీడియో రెండూ నకిలీవే మరో టీమిండియా స్టార్‌, ఆల్‌రౌండర్‌ అక్షర్‌ పటేల్‌ కూడా సూర్యకు వత్తాసు పలుకుతూ.. ‘‘క్యాప్షన్‌ ఒక్కటే కాదు.. ఆ వీడియో కూడా నకిలీదే. డిసెంబరు 30నాటి ట్రెయినింగ్‌ సెషన్‌కు సంబంధించిన వీడియో అది’’ అంటూ తిలక్‌ వర్మను ఆటపట్టించాడు. తిలక్‌ను ఉద్దేశించి సూర్య, అక్షర్‌ చేసిన కామెంట్లు అభిమానుల దృష్టిని ఆకర్షిస్తున్నాయి. ప్రపంచకప్‌ జట్టులో చోటే లక్ష్యంగా కాగా అండర్‌-19 వరల్డ్‌కప్‌లో సత్తా చాటి ఐపీఎల్‌ ఫ్రాంఛైజీల దృష్టిని ఆకర్షించిన హైదరాబాదీ బ్యాటర్‌ తిలక్‌ వర్మ.. ముంబై ఇండియన్స్‌ తరఫున ఆడే అవకాశం దక్కించుకున్నాడు. ఐపీఎల్‌-2022, 2023 సీజన్లలో మెరుగైన ప్రదర్శనతో ఆకట్టుకుని.. టీమిండియాలో ఎంట్రీ ఇచ్చాడు. వెస్టిండీస్‌తో టీ20 సిరీస్‌ సందర్భంగా అంతర్జాతీయ క్రికెట్లో అరంగేట్రం చేసిన ఈ లెఫ్టాండర్‌.. ఇటీవల దక్షిణాఫ్రికాతో ముగిసిన సిరీస్‌లోనూ ఆడాడు.  అంతర్జాతీయ కెరీర్లో ఇప్పటి వరకు మొత్తంగా 15 టీ20లు, 4 వన్డేలు ఆడిన తిలక్‌ వర్మ.. ఆయా ఫార్మాట్లలో వరుసగా 310, 68 పరుగులు సాధించాడు. అదే విధంగా రెండు వికెట్లు తన ఖాతాలో వేసుకున్నాడీ పార్ట్‌టైమ్‌ స్పిన్నర్‌. తదుపరి జనవరి 11 నుంచి మొదలుకానున్న అఫ్గనిస్తాన్‌ సిరీస్‌లో తనను తాను నిరూపించుకుని టీ20 ప్రపంచకప్‌ జట్టులో చోటే లక్ష్యంగా తిలక్‌ వర్మ ముందుకుసాగుతున్నాడు. చదవండి: T20 WC 2024: రోహిత్‌, కోహ్లి విషయంలో బీసీసీఐ చీఫ్‌ సెలక్టర్‌ అగార్కర్‌ కీలక నిర్ణయం! View this post on Instagram A post shared by Tilak Varma (@tilakvarma9)

South Africa A vs India A, 2nd unofficial Test: సౌతాఫ్రికా-‘ఏ’ జట్టుతో అనధికారిక రెండో టెస్టులో టీమిండియా బ్యాటర్లు తిలక్‌ వర్మ, అక్షర్‌ పటేల్‌ అర్ధ శతకాలతో రాణించారు. యూపీకి చెందిన యువ వికెట్‌ కీపర్‌ బ్యాటర్‌ ధ్రువ్‌ జురేల్‌ సైతం హాఫ్‌ సెంచరీతో మెరిశాడు. కాగా ప్రొటిస్‌ యువ జట్టుతో రెండు మ్యాచ్‌ల అనధికారిక టెస్టు సిరీస్‌ ఆడేందుకు భారత్‌-ఏ జట్టు సౌతాఫ్రికా పర్యటనకు వెళ్లింది. ఈ క్రమంలో ఇరు జట్ల మధ్య తొలి టెస్టు డ్రాగా ముగియగా.. బెనోనీలో బాక్సింగ్‌ డే మొదలుకావాల్సిన రెండో టెస్టు వర్షం కారణంగా ఒకరోజు ఆలస్యంగా ఆరంభమైంది. టాస్‌ పడకుండానే తొలి రోజు ముగిసిపోగా.. రెండో రోజు ఆట సందర్భంగా టాస్‌ గెలిచిన భారత్‌-ఏ జట్టు తొలుత బౌలింగ్‌ ఎంచుకుంది. ఆవేశ్‌ ఖాన్‌కు ఐదు వికెట్లు ఆతిథ్య సౌతాఫ్రికా-ఏ జట్టును 263 పరుగులకు పరిమితం చేసింది. ప్రొటిస్‌ ఇన్నింగ్స్‌లో టెయిలెండర్‌ షెపో మొరేకీ 42 పరుగులతో టాప్‌ స్కోరర్‌గా నిలిచాడు. భారత పేసర్లలో ఆవేశ్‌ ఖాన్‌ అత్యధికంగా ఐదు వికెట్లతో చెలరేగగా.. నవదీప్‌ సైనీ ఒక వికెట్‌ పడగొట్టాడు. స్పిన్‌ ఆల్‌రౌండర్లు అక్షర్‌ పటేల్‌ రెండు, వాషింగ్టన్‌ సుందర్‌ ఒక వికెట్‌ దక్కించుకున్నారు.  ఈ క్రమంలో చివరిదైన నాలుగో రోజు ఆటలో భాగంగా.. శుక్రవారం బ్యాటింగ్‌ కొనసాగించిన భారత్‌-ఏ.. 95.4 ఓవర్లలో ఆరు వికెట్ల నష్టానికి 327 పరుగులు చేసింది. దీంతో ఫలితం తేలకుండానే ఈ మ్యాచ్‌ కూడా ముగిసిపోయింది.  అక్షర్‌ ధనాధన్‌ హాఫ్‌ సెంచరీ ఇక భారత్‌ ఇన్నింగ్స్‌లో హైదరాబాదీ స్టార్‌ తిలక్‌ వర్మ 169 బంతులు ఎదుర్కొని 50 పరుగులు సాధించగా.. అక్షర్‌ పటేల్‌ 61 బంతుల్లోనే అర్ధ శతకం పూర్తి చేసి అజేయంగా నిలిచాడు. వికెట్‌ కీపర్‌ ధ్రువ్‌ జురేల్‌ 69 పరుగులతో టాప్‌ స్కోరర్‌గా నిలిచాడు.  టాపార్డర్‌లో ఓపెనర్‌, కెప్టెన్‌ అభిమన్యు ఈశ్వరన్‌ 18, సాయి సుదర్శన్‌ 30, వన్‌డౌన్‌లో దిగిన రజత్‌ పాటిదార్‌ 33 పరుగులు సాధించారు. మిగతా వాళ్లలో సర్ఫరాజ్‌ ఖాన్‌ 34, వాషింగ్టన్‌ సుందర్‌(9- నాటౌట్‌) రన్స్‌ చేశారు. రోహిత్‌ సేనతో చేరిన భరత్‌ కాగా ఆంధ్ర క్రికెటర్‌, టీమిండియా వికెట్‌ కీపర్‌ కోన శ్రీకర్‌ భరత్‌ సారథ్యంలో భారత్‌-ఏ జట్టు సౌతాఫ్రికాకు వెళ్లింది. అతడి కెప్టెన్సీలో తొలి టెస్టు డ్రా చేసుకుంది. అయితే, భరత్‌ టీమిండియాతో చేరే క్రమంలో ‘ఏ’ జట్టుకు దూరం కాగా.. అభిమన్యు ఈశ్వరన్‌ అతడి స్థానంలో రెండో టెస్టులో జట్టును ముందుండి నడిపించాడు. ఇక అనధికారిక టెస్టుల్లో మ్యాచ్‌లు నాలుగు రోజుల పాటే సాగుతాయన్న విషయం తెలిసిందే.

South Africa vs India, 3rd T20I: టీమిండియా స్టార్‌ ఆల్‌రౌండర్‌ రవీంద్ర జడేజా భవితవ్యం గురించి భారత మాజీ క్రికెటర్‌ ఆకాశ్‌ చోప్రా కీలక వ్యాఖ్యలు చేశాడు. అంతర్జాతీయ టీ20 ఫార్మాట్లో  అక్షర్‌ పటేల్‌ రూపంలో జడ్డూకు ప్రమాదం పొంచి ఉందన్నాడు.  టీ20 జట్టులో స్థానం సుస్థిరం చేసుకోవాలంటే జడ్డూ బ్యాట్‌ ఝులిపించాల్సిందేనని అభిప్రాయపడ్డాడు. లేనిపక్షంలో ఏ క్షణమైనా సెలక్టర్లు జడేజాపై వేటు వేయడానికి వెనుకాడరని పేర్కొన్నాడు. ముఖ్యంగా సౌతాఫ్రికాతో టీ20 సిరీస్‌లో వైస్‌ కెప్టెన్‌ అన్న ట్యాగ్‌ అతడిని కాపాడుతుందనుకుంటే పొరబడ్డేనని ఆకాశ్‌ చోప్రా పేర్కొన్నాడు.  సమం చేసి పరువు నిలుపుకోవాలని కాగా సౌతాఫ్రికా పర్యటనలో భారత టీ20 జట్టుకు సూర్యకుమార్‌ యాదవ్‌ సారథ్యం వహిస్తుండగా.. రవీంద్ర జడేజా అతడికి డిప్యూటీగా వ్యవహరిస్తున్నాడు. ఇక మూడు మ్యాచ్‌ల సిరీస్‌లో మొదటిది వర్షం కారణంగా రద్దు కాగా.. రెండో టీ20లో టీమిండియా ఓటమిపాలైంది. ఈ క్రమంలో సిరీస్‌ సమం చేసి పరువు కాపాడుకోవాలని పట్టుదలగా ఉన్న భారత్‌.. మూడో టీ20లో పలు మార్పులతో బరిలోకి దిగాలనే యోచనలో ఉన్నట్లు తెలుస్తోంది. ఈ నేపథ్యంలో కామెంటేటర్‌ ఆకాశ్‌ చోప్రా సోషల్‌ మీడియా వేదికగా తన అభిప్రాయాలు పంచుకున్నాడు. అక్షర్‌ పటేల్‌ రూపంలో జడ్డూకు పోటీ ‘‘రింకూ సింగ్‌ మరోసారి మంచి స్కోరు సాధించాలని కోరుకుంటున్నా. జితేశ్‌ శర్మతో పాటు రవీంద్ర జడేజా కూడా తమ వంతు పాత్ర పోషించాల్సి ఉంటుంది. ముఖ్యంగా జడ్డూ ఇంకాస్త మెరుగ్గా ఆడాలి. ఎందుకంటే పొట్టి ఫార్మాట్లో అక్షర్‌ పటేల్‌ రూపంలో అతడికి గట్టి పోటీ ఉంది. కేవలం వైస్‌ కెప్టెన్‌ అయినంత మాత్రాన జడ్డూ తుదిజట్టులో ఉంటాడన్న నమ్మకం లేదు. నిజానికి ఇటీవలి కాలంలో టీమిండియా వైస్‌ కెప్టెన్‌ పదవికి పెద్దగా విలువేమీ ఉండటం లేదు. అప్పుడు అజింక్య రహానే.. మొన్న అయ్యర్‌ ఆస్ట్రేలియాతో సిరీస్‌లో శ్రేయస్‌ అయ్యర్‌ వైస్‌ కెప్టెన్‌గా ఉన్నాడు. అంతకు ముందు టెస్టుల్లో అజింక్య రహానే కూడా టెస్టు జట్టు సారథికి డిప్యూటీగా వ్యవహరించాడు. ఈ మధ్య సెలక్టర్లు ఆటగాళ్లపై వేటు వేయడానికి ముందూ వెనుకా ఆలోచించడం లేదు.  అది వైస్‌ కెప్టెన్‌ అయినా.. ఇంకెవరైనా సరే! ఇలా ఎందుకు చేస్తున్నారో నాకైతే అంతుపట్టడం లేదు’’ అంటూ గురువారం నాటి మూడో టీ20 ఆరంభం నేపథ్యంలో ఆకాశ్‌ చోప్రా ఈ మేరకు వ్యాఖ్యలు చేశాడు. ఇదిలా ఉంటే రెండో టీ20లో రింకూ సింగ్‌ 68 పరుగులతో టాప్‌ స్కోరర్‌గా నిలవగా.. కెప్టెన్‌ సూర్య 56 పరుగులు సాధించాడు. రవీంద్ర జడేజా 14 బంతుల్లో 19 పరుగులు చేశాడు. జితేశ్‌ శర్మ కేవలం ఒక్క పరుగు మాత్రమే చేసి పెవిలియన్‌ చేరాడు. ఇక సౌతాఫ్రికా- టీమిండియా మధ్య సిరీస్‌ విజేతను తేల్చే మూడో టీ20కి జొహన్నస్‌బర్గ్‌ వేదిక. చదవండి: #AusVsPak: పాక్‌ బౌలర్లకు చుక్కలు.. టెస్టులో వార్నర్‌ టీ20 ఇన్నింగ్స్‌! ఆ తప్పిదం వల్ల నో వికెట్‌!

టీమిండియా టీ20 కెప్టెన్‌గా వ్యవహరించిన తొలి సిరీస్‌లోనే సూర్యకుమార్‌ యాదవ్‌ అదరగొట్టాడు. ఆస్ట్రేలియాతో సిరీస్‌లో అటు బ్యాటర్‌గా.. ఇటు సారథిగా తన పాత్రను సమర్థవంతంగా పోషించి.. భారత జట్టుకు ట్రోఫీని అందించాడు. రోహిత్‌ శర్మ, విరాట్‌ కోహ్లి సహా కీలక ఆటగాళ్లు ఎవరూ లేకుండానే యువ జట్టుతో ఆసీస్‌పై పైచేయి సాధించగలిగాడు. కాగా ఆస్ట్రేలియాతో నాలుగో టీ20లో గెలుపొందడం ద్వారా టీమిండియా ఓ మ్యాచ్‌ మిగిలి ఉండగానే సిరీస్‌ను కైవసం చేసుకుంది. రాయ్‌పూర్‌ వేదికగా శుక్రవారం జరిగిన మ్యాచ్‌లో 20 పరుగుల తేడాతో విజయం సాధించి 3-1తో సత్తా చాటింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత జట్టు నిర్ణీత 20 ఓవర్లలో 9 వికెట్ల నష్టానికి 174 పరుగులు సాధించింది. రింకూ సింగ్‌ 29 బంతుల్లో 46 పరుగులు చేసి టాప్‌ స్కోరర్‌గా నిలిచాడు. వికెట్‌ కీపర్‌ బ్యాటర్‌ జితేశ్‌ శర్మ 19 బంతుల్లోనే 35 పరుగులతో రాణించాడు. ఇక లక్ష్య ఛేదనకు దిగిన ఆస్ట్రేలియాను టీమిండియా స్పిన్నర్లు అక్షర్‌ పటేల్‌, రవి బిష్ణోయి దెబ్బకొట్టారు. అక్షర్‌ అత్యధికంగా మూడు వికెట్లు తీయగా.. రవి ఒక వికెట్‌ తన ఖాతాలో వేసుకున్నాడు. మరోవైపు చాలా రోజుల తర్వాత భారత జట్టులో పునరాగమనం చేసిన పేసర్‌ దీపక్‌ చహర్‌ రెండు వికెట్లు పడగొట్టగా.. ఆవేశ్‌ ఖాన్‌ కూడా ఒక వికెట్‌ తీయగలిగాడు. ఈ క్రమంలో.. నిర్ణీత 20 ఓవర్లలో ఏడు వికెట్లు నష్టపోయిన మాథ్యూ వేడ్‌ బృందం 154 పరుగులకే ఆట ముగించి.. భారత్‌కు సిరీస్‌ను సమర్పించుకుంది. ఈ నేపథ్యంలో సిరీస్‌ విజయంపై టీమిండియా తాత్కాలిక కెప్టెన్‌ సూర్యకుమార్‌ యాదవ్‌ హర్షం వ్యక్తం చేశాడు. ‘‘ఈరోజు టాస్‌ తప్ప అన్నీ మాకు అనుకూలంగా జరిగాయి. మా కుర్రాళ్లు పట్టుదలగా నిలబడి మ్యాచ్‌ గెలిపించారు. వాళ్లు ఇలా బాధ్యతగా ఆడటమే మాకు అన్నిటికన్నా ముఖ్యం. మ్యాచ్‌కు ముందే మేమంతా సమావేశమైన సమయంలో.. ‘మిమ్మల్ని మీరు నిరూపించుకునే అద్భుత అవకాశం. ప్రతి ఒక్కరు భయం లేకుండా ఆడాలి’ అని చెప్పాం. నిజానికి అక్షర్‌ పటేల్‌ను ఒత్తిడిలోకి నెట్టడం నాకెంతో ఇష్టం. ఎందుకంటే.. ఎంత ప్రెజర్‌ పెడితే అతడు అంత గొప్ప స్పెల్స్‌ వేస్తాడు. ఇక డెత్‌ ఓవర్లలో యార్కర్లు వేయాలని ముందుగానే నిర్ణయించుకున్నాం’’ ప్రణాళికను సరిగ్గానే అమలు చేశాం’’ అని సూర్య పేర్కొన్నాడు. కాగా ఆసీస్‌తో మ్యాచ్‌లో 4 ఓవర్ల బౌలింగ్‌లో 16 పరుగులు మాత్రమే ఇచ్చి మూడు వికెట్లు తీసిన అక్షర్‌ పటేల్‌ ప్లేయర్‌ ఆఫ్‌ ది మ్యాచ్‌గా నిలిచాడు. ఇక టీమిండియా- ఆస్ట్రేలియా మధ్య మిగిలిన నామమాత్రపు మ్యాచ్‌ ఆదివారం బెంగళూరులో జరుగనుంది. చదవండి: టీమిండియా హెడ్‌కోచ్‌ అయితేనేం! కుమారుల కోసం అలా.. The moment #TeamIndia recorded their third win of the series 👌 Celebrations and smiles all around in Raipur 😃#INDvAUS | @IDFCFIRSTBank pic.twitter.com/BxRiBbSzCz — BCCI (@BCCI) December 1, 2023

టీమిండియా క్రికెటర్లు రిషబ్‌ పంత్‌, అక్షర్‌ పటేల్‌ ఇవాళ (నవంబర్‌ 3) ఉదయం తిరుమల శ్రీవారిని దర్శించుకున్నారు. వీఐపీ బ్రేక్ దర్శనంలో వీరు స్వామివారికి ప్రత్యేక పూజలు నిర్వహించారు. స్వామివారి దర్శనానంతరం ఆలయం వెలుపలికి వచ్చిన పంత్, అక్షర్‌లతో ఫొటోలు దిగేందుకు జనాలు ఎగబడ్డారు. టీటీడీ సిబ్బంది సైతం ఈ ఇద్దరితో ఫొటోలు దిగేందుకు ఆసక్తి చూపారు.  Pant & Axar visited Lord Balaji Temple at Andhra Pradesh.pic.twitter.com/VzYQVgRiD9 — Johns. (@CricCrazyJohns) November 3, 2023 కాగా, గాయాల కారణంగా పంత్‌, అక్షర్‌లు ప్రస్తుతం టీమిండియాకు దూరంగా ఉన్న విషయం తెలిసిందే. గతేడాది చివర్లో కార్‌ యాక్సిడెంట్‌కు గురైన పంత్‌ పూర్తిగా కోలుకునే క్రమంలో ఉండగా.. అక్షర్‌ ఇటీవలే వరల్డ్‌కప్‌కు ఎంపికయ్యాక గాయపడ్డాడు. అక్షర్‌ స్థానంలో రవిచంద్రన్‌ అశ్విన్‌ టీమిండియాకు ఎంపికయ్యాడు. ఇదిలా ఉంటే, 2023 వన్డే ప్రపంచకప్‌లో భారత్‌ వరుస విజయాలతో దూసుకుపోతున్న విషయం తెలిసిందే. ఈ ఎడిషన్‌లో భారత్‌ ఇప్పటివరకు ఆడిన ఏడు మ్యాచ్‌ల్లో ఏడింట విజయాలు సాధించి సెమీస్‌కు అర్హత సాధించింది. నిన్ననే శ్రీలంకతో జరిగిన మ్యాచ్‌లో భారత్‌ రికార్డు స్థాయిలో 302 పరుగుల భారీ తేడాతో విజయం సాధించింది. ఈ ఎడిషన్‌లో భారత్‌ లీగ్‌ దశలో ఇంకా రెండు మ్యాచ్‌లు (సౌతాఫ్రికా, నెదర్లాండ్స్‌) ఆడాల్సి ఉంది.

టీమిండియా స్టార్‌ ఆల్‌రౌండర్‌ అక్షర్‌ పటేల్‌ గాయం కారణంగా వన్డే ప్రపంచకప్‌-2023కు దూరమైన సంగతి తెలిసిందే. తొలుత ప్రకటించిన ప్రిలిమనరీ జట్టులో సభ్యునిగా ఉన్న అక్షర్‌.. టోర్నీ ఆరంభ సమయానికి పూర్తి ఫిట్‌నెస్‌ సాధించకపోవడంతో 15 మంది సభ్యుల జట్టులో చోటు దక్కలేదు. వరల్డ్‌కప్‌కు దూరమైన అక్షర్‌ ఇప్పుడు పూర్తి ఫిట్‌నెస్‌ సాధించాడు. ప్రస్తుతం జరగుతున్న సయ్యద్‌ ముస్తాక్‌ అలీ ట్రోఫీలో గుజరాత్‌ జట్టు తరుపున అక్షర్‌ ఆడుతున్నాడు. ఈ టోర్నీలో భాగంగా పంజాబ్‌తో జరిగిన మ్యాచ్‌లో అక్షర్‌ అద్భుతమైన హాఫ్‌ సెంచరీతో చెలరేగాడు. కేవలం 27 బంతుల్లో 3 ఫోర్లు, 4 సిక్స్‌లతో 52 పరగులు చేశాడు. ఈ మ్యాచ్‌లో గుజరాత్‌ 36 పరుగుల తేడాతో ఓటమి పాలైంది. 234 పరుగుల భారీ లక్ష్య చేధనలో గుజరాత్‌ నిర్ణీత ఓవర్లలో 7 వికెట్ల నష్టానికి 197 పరుగులు మాత్రమే చేసింది. అంతకుముందు బ్యాటింగ్‌ చేసిన పంజాబ్‌ నిర్ణీత 20 ఓవర్లలో 5 వికెట్ల నష్టానికి 233 పరుగులు చేసింది. పంజాబ్‌ బ్యాటర్లలో ఓపెనర్‌ అభిషేక్‌ శర్మ(112) సెంచరీతో చెలరేగాడు. చదవండి: World Cup 2023: ఇంగ్లండ్‌తో మ్యాచ్‌.. టీమిండియాకు భారీ షాక్‌!

టీమిండియా స్టార్‌ ఆల్‌రౌండర్‌ అక్షర్‌ పటేల్‌ వరల్డ్‌కప్‌ 2023కు ఆఖరి నిమిషంలో దూరమైన సంగతి తెలిసిందే. గాయం కారణంగా అక్షర్‌ ఈ మెగా టోర్నీకి అందుబాటులో లేడని బీసీసీఐ గురువారం ఓ ప్రకటనలో వెల్లడించింది. అదే విధంగా అతడి స్ధానంలో వెటరన్‌ ఆఫ్‌ స్పిన్నర్‌ రవి చంద్రన్‌ అశ్విన్‌ను బీసీసీఐ సెలక్షన్‌ కమిటీ ఎంపిక చేసింది. అయితే వన్డే వరల్డ్ కప్ నుంచి తనను తప్పిస్తూ బీసీసీఐ తీసుకున్న నిర్ణయంపై అక్షర్ పటేల్ అసంతృప్తిగా ఉన్నట్లు వార్తలు వినిపిస్తున్నాయి. తాజాగా అతడి ఇన్‌స్టాగ్రామ్ స్టోరీలు ఈ వార్తలకు మరింత ఊతమిస్తున్నాయి.  " కామర్స్ కు బదులుగా సైన్స్ సబ్జెక్స్ తీసుకుని ఉండాల్సి ఉంది. మంచి పీఆర్ ను నియమించుకోవాల్సిందని" తన ఇన్‌స్టాగ్రామ్ స్టోరీలో అక్షర్‌ రాసుకొచ్చాడు. అదే విధంగా మరో స్టోరీలో  ఓ అస్తి పంజరం కత్తెరతో గుండెను కోసేస్తున్నట్లు ఉన్న ఎనిమిషేన్‌ ఫోటోను అక్షర్‌ షేర్‌ చేశాడు. అయితే వెంటనే తన చేసిన పోస్టులను అక్షర్‌ డిలీట్‌ చేశాడు. కానీ నెటిజన్లు అప్పటికే స్క్రీన్‌ షాట్లు తీసి సోషల్‌ మీడియాలో షేర్‌ చేశారు. కాగా అతడి పోస్టులను చూస్తే.. గాయం చిన్నదే అయినప్పటికీ కావాలనే తనను పక్కన పెట్టినట్లు అక్షర్‌ ఫీల్‌ అవుతున్నట్లు తెలుస్తోంది. ఇక ఇది ఇలా ఉండగా.. "అక్షర్‌ ఇటువంటి పోస్టులు ఏమీ చేయలేదని, అవన్నీ ఫేక్‌ స్క్రీన్‌ షాట్లు" అని మరి కొంత మం‍ది సోషల్‌ మీడియాలో ​కామెట్లు చేస్తున్నారు. ఇక ఈ విషయంపై అక్షర్‌ పటేల్‌ మాత్రం  ఇప్పటివరకు ఎటువంటి ప్రకటన చేయలేదు.

భారత వరల్డ్‌కప్‌ జట్టులో అందరూ ఊహించినట్లుగానే కీలక మార్పు జరిగింది. తొలుత ప్రకటించిన ప్రొవిజనల్‌ జట్టులోని సభ్యుడు అక్షర్‌ పటేల్‌ ఆసియా కప్‌-2023 సందర్భంగా గాయం బారిన పడి, పూర్తిగా కోలుకోలేని కారణంగా వరల్డ్‌కప్‌ జట్టు నుంచి తప్పించబడ్డాడు. అక్షర్‌ స్థానంలో వెటరన్‌ స్పిన్నర్‌ రవిచంద్రన్‌ అశ్విన్‌ వరల్డ్‌ కప్‌ జట్టులోకి వచ్చాడు. ఈ ఒక్క మార్పు మినహా, ముందుగా ప్రకటించిన జట్టే యధాథంగా కొనసాగించబడింది. జట్టులో మార్పులు చేర్పులకు ఇవాళే (సెప్టెంబర్‌ 28) ఆఖరి తేదీ కావడంతో భారత సెలక్టర్లు హుటాహుటిన మార్పు విషయాన్ని అనౌన్స్‌ చేశారు.  కాగా, ప్రపంచకప్‌ కోసం తొలుత ప్రకటించిన భారత జట్టులో అశ్విన్‌కు చోటు దక్కని విషయం తెలిసిందే. అయితే తదనంతరం జరిగిన పరిణామాల్లో వరల్డ్‌కప్‌ జట్టుకు ఎంపికైన అక్షర్‌ పటేల్‌ గాయపడటం.. ఆసీస్‌తో సిరీస్‌కు అశ్విన్‌‌ భారత జట్టులోకి రావడంతో.. వచ్చీ రావడంతోనే చెలరేగిపోవడం (2 మ్యాచ్‌ల్లో 5 వికెట్లు).. గాయం నుంచి పూర్తిగా కోలుకోని అక్షర్‌కు అశ్విన్‌ ప్రత్యామ్నాయంగా మారడం వంటివి చకాచకా జరిగిపోయాయి. ఇదిలా ఉంటే, అక్టోబర్‌ 5 నుంచి ప్రారంభంకాబోయే వరల్డ్‌కప్‌లో భారత్‌ తమ తొలి మ్యాచ్‌ను అక్టోబర్‌ 8న ఆడనుంది. చెన్నైలో జరిగే ఈ మ్యాచ్‌లో టీమిండియా.. ఆసీస్‌తో తలపడుతుంది. ఆతర్వాత అక్టోబర్‌ 14న భారత్‌.. తమ చిరకాల ప్రత్యర్థి పాక్‌ను ఢీకొంటుంది. ఈ రెండు మ్యాచ్‌లకు ముందు భారత్‌ రెండు వార్మప్‌ మ్యాచ్‌లు ఆడుతుంది. సెప్టెంబర్‌ 30న  ఇంగ్లండ్‌తో.. అక్టోబర్‌ 3న నెదర్లాండ్స్‌తో రోహిత్‌ సేన తలపడుతుంది. వరల్డ్‌కప్‌కు భారత జట్టు: రోహిత్‌ శర్మ (కెప్టెన్‌), శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, సూర్యకుమార్‌ యాదవ్‌, హార్ధిక్‌ పాండ్యా, రవీంద్ర జడేజా, రవిచంద్రన్‌ అశ్విన్‌, కేఎల్‌ రాహుల్‌, ఇషాన్‌ కిషన్‌, శార్దూల్‌ ఠాకూర్‌, జస్ప్రీత్‌ బుమ్రా, కుల్దీప్‌ యాదవ్‌, మొహమ్మద్‌ షమీ, మొహమ్మద్‌ సిరాజ్‌

భారత వెటరన్‌ స్పిన్నర్‌ రవిచంద్రన్‌ అశ్విన్‌ ప్రపంచకప్‌ జట్టులోకి రావడంపై నెలకొన్న సందిగ్ధతకు తెరపడినట్లు తెలుస్తుంది. సెప్టెంబర్‌ 30న గౌహతిలో ఇంగ్లండ్‌తో జరిగే వార్మప్‌ మ్యాచ్‌లో ఆశ్విన్‌ ఆడటం ఖాయమైపోయిందని సమాచారం. ఈ మ్యాచ్‌ కోసం భారత జట్టు ఇవాళ (సెప్టెంబర్‌ 28) గౌహతికి చేరగా అశ్విన్‌ జట్టుతో పాటు కనిపించాడు. దీనికి సంబంధించిన ఫోటోలు సోషల్‌మీడియాలో వైరలవుతున్నాయి. ఈ ఫోటోలు చూసి అశ్విన్‌ వరల్డ్‌కప్‌ జట్టులోకి రావడం​ ఖాయమైపోయిందని అభిమానులు అనుకుంటున్నారు.  Exclusive visuals: Team India arrives in Guwahati for first warm up match against England. Ravichandran Ashwin travels with the squad, no Axar Patel. @ThumsUpOfficial @cricketworldcup @CricSubhayan @debasissen pic.twitter.com/nkNQppcXjO — RevSportz (@RevSportz) September 28, 2023 కాగా, ప్రపంచకప్‌ కోసం తొలుత ప్రకటించిన భారత జట్టులో అశ్విన్‌కు చోటు దక్కని విషయం తెలిసిందే. అయితే తదనంతరం జరిగిన పరిణామాల్లో వరల్డ్‌కప్‌ జట్టుకు ఎంపికైన అక్షర్‌ పటేల్‌ గాయపడటం.. ఆసీస్‌తో సిరీస్‌కు అశ్విన్‌‌ భారత జట్టులోకి రావడంతో.. వచ్చీ రావడంతోనే చెలరేగిపోవడం.. గాయం నుంచి పూర్తిగా కోలుకోని అక్షర్‌కు అశ్విన్‌ ప్రత్యామ్నాయంగా మారడం వంటివి చకాచకా జరిగిపోయాయి. Virat Kohli And #TeamIndia Arrived In Guwahati For The 1st Warm Up Game Against England ahead of World Cup 2023.🇮🇳💙#ViratKohli #CWC2023 @imVkohli pic.twitter.com/LdHrWWucv0— virat_kohli_18_club (@KohliSensation) September 28, 2023 తాజాగా ఇంగ్లండ్‌తో వార్మప్‌ మ్యాచ్‌కు అక్షర్‌ జట్టుతో కనిపించకపోవడం.. అశ్విన్‌ జట్టుతో పాటు ప్రయాణించడం చూస్తుంటే ప్రపంచకప్‌ జట్టుకు అశ్విన్‌ ఎంపిక లాంఛనమేనని తెలుస్తుంది. మరి సెలెక్టర్లు అశ్విన్‌ను అక్షర్‌కు ప్రత్యామ్నాయంగా ఎంపిక చేస్తారో లేక యాష్‌ను జట్టుతో పాటు అదనపు సభ్యుడిగా కొనసాగిస్తారో వేచి చూడాలి. తొలుత అక్షర్‌ వార్మప్‌ మ్యాచ్‌ల సమయానికంతా గాయం నుంచి కోలుకుంటాడని బీసీసీఐ పెద్దలు చెప్పుకొచ్చారు. అయితే అక్షర్‌ గాయం విషయంలో ఆశించిన పురోగమనం లేకపోవడంతో అతని ప్రత్యామ్నాయంగా అశ్విన్‌ను జట్టులోకి ఎంపిక చేసినట్లు తేటతెల్లమవుతుంది. వరల్డ్‌కప్‌ జట్టులో మార్పులు చేర్పులకు ఇవాళే (సెప్టెంబర్‌ 28) ఆఖరి తేదీ కావడంతో మరికాసేపట్లో ఈ విషయంపై క్లారిటీ వచ్చే అవకాశం ఉంది.  ఇదిలా ఉంటే, అక్టోబర్‌ 5 నుంచి ప్రారంభంకాబోయే వరల్డ్‌కప్‌లో భారత్‌ తమ తొలి మ్యాచ్‌ను అక్టోబర్‌ 8న ఆడుతుంది. చెన్నైలో జరిగే ఈ మ్యాచ్‌లో టీమిండియా.. ఆసీస్‌తో తలపడుతుంది. ఆతర్వాత అక్టోబర్‌ 14న భారత్‌.. తమ చిరకాల ప్రత్యర్థి పాక్‌ను ఢీకొంటుంది. ఈ రెండు మ్యాచ్‌లకు ముందు భారత్‌ రెండు వార్మప్‌ మ్యాచ్‌లు ఆడుతుంది. సెప్టెంబర్‌ 30న  ఇంగ్లండ్‌తో.. అక్టోబర్‌ 3న నెదర్లాండ్స్‌తో రోహిత్‌ సేన తలపడుతుంది. భారత వరల్డ్‌కప్‌ జట్టు: రోహిత్‌ శర్మ (కెప్టెన్‌), శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, సూర్యకుమార్‌ యాదవ్‌, హార్ధిక్‌ పాండ్యా, రవీంద్ర జడేజా, అక్షర్‌ పటేల్‌, కేఎల్‌ రాహుల్‌, ఇషాన్‌ కిషన్‌, శార్దూల్‌ ఠాకూర్‌, జస్ప్రీత్‌ బుమ్రా, కుల్దీప్‌ యాదవ్‌, మొహమ్మద్‌ షమీ, మొహమ్మద్‌ సిరాజ్‌

టీమిండియా వెటరన్‌ స్పిన్నర్‌ రవి చంద్రన్‌ వన్డే వరల్డ్‌కప్‌-2023లో ఆడే అవకాశాలు కనిపిస్తున్నాయి. స్పిన్‌ ఆల్‌రౌండర్‌ అక్షర్‌ పటేల్‌ గాయపడటంతో అతడికి మార్గం సుగమమయ్యే ఛాన్స్‌ ఉంది. భారత జట్టు కెప్టెన్‌ రోహిత్‌ శర్మ ఇందుకు సంబంధించి సంకేతాలు ఇచ్చాడు. కాగా ఆసియా వన్డే కప్‌-2023లో బంగ్లాదేశ్‌తో మ్యాచ్‌ సందర్భంగా గాయపడిన అక్షర్‌ పటేల్‌ ఇంకా కోలుకోలేదు. ఈ క్రమంలో స్వదేశంలో ఆస్ట్రేలియాతో వన్డే సిరీస్‌కు అతడు దూరమయ్యాడు. తొలి రెండు మ్యాచ్‌లు ఆడలేకపోయినప్పటికీ.. రాజ్‌కోట్‌ వన్డేకు అందుబాటులోకి వస్తాడనుకుంటే గాయం తీవ్రత దృష్ట్యా కుదరడం లేదని సమాచారం. ఇక వన్డే వరల్డ్‌కప్‌ టోర్నీకి మరో ఎనిమిది రోజులు మాత్రమే సమయం ఉంది. ఈ నేపథ్యంలో అక్షర్‌ గనుక కోలుకోకపోతే అశ్విన్‌ ప్రపంచకప్‌ జట్టులో ఎంట్రీ ఇవ్వడం ఖాయమే!  సుదీర్ఘ కాలం తర్వాత ఆస్ట్రేలియాతో వన్డే సిరీస్‌తో పునరాగమనం చేసిన అశ్విన్‌.. రెండు మ్యాచ్‌లలో కలిపి 4 వికెట్లు తీశాడు. వన్డేల్లోనూ సత్తా చాటగలనని నిరూపించుకున్నాడు. ఈ నేపథ్యంలో ఆసీస్‌తో నామమాత్రపు మూడో వన్డేకు ముందు మీడియాతో మాట్లాడిన కెప్టెన్‌ రోహిత్‌ శర్మకు అశూ గురించి ప్రశ్న ఎదురైంది. ఇందుకు బదులుగా.. ‘‘అతడు క్లాస్‌ బౌలర్‌. ఒత్తిడిని అధిగమించి ఎలా ఆడాలో తెలిసిన అనుభవజ్ఞుడు. గతేడాది కాలంగా వన్డేలు ఆడనప్పటికీ గత రెండు మ్యాచ్‌లతో తన బౌలింగ్‌ స్థాయి ఏమిటో చాటిచెప్పాడు. అతడి బౌలింగ్‌లో వైవిధ్యం ఉంటుంది. వన్డే వరల్డ్‌కప్‌నకు ముందు మాకు అన్నీ సానుకూలాంశాలే కనిపిస్తున్నాయి. మా బ్యాకప్‌ ప్లేయర్లందరూ సంసిద్ధంగా ఉండటం సంతోషంగా ఉంది’’ అని రోహిత్‌ సమాధానమిచ్చాడు. కాగా సెప్టెంబరు 28 వరకు ప్రపంచకప్‌ జట్టులో మార్పులకు అవకాశం ఉన్న నేపథ్యంలో రోహిత్‌ మాటల్ని బట్టి అశ్విన్‌ ప్రపంచకప్‌ ఆడే ఛాన్స్‌ ఉందనే అభిప్రాయాలు వ్యక్తమవుతున్నాయి. మరోవైపు.. అక్షర్‌ ప్రస్తుతం జాతీయ క్రికెట్‌ అకాడమీలో పునరావాసం పొందుతున్న విషయం తెలిసిందే. ఇక అక్టోబరు 5 నుంచి ఐసీసీ టోర్నీ ఆరంభం కానుండగా.. 8న ఆస్ట్రేలియాతో టీమిండియా తమ తొలి మ్యాచ్‌ ఆడనుంది.

ఈనెల 27న రాజ్‌కోట్‌ వేదికగా ఆస్ట్రేలియాతో జరుగనున్న నామమాత్రపు చివరి వన్డేకు ముందు టీమిండియాకు బ్యాడ్‌ న్యూస్‌ అందింది. ఆసియా కప్‌-2023 సందర్భంగా గాయపడి, ఆసీస్‌తో జరిగిన తొలి రెండు వన్డేలకు దూరంగా ఉన్న స్టార్‌ ఆల్‌రౌండర్‌ అక్షర్‌ పటేల్‌.. గాయం నుంచి పూర్తిగా కోలుకోలేక ఆసీస్‌తో జరిగే మూడో వన్డేకు కూడా దూరమయ్యాడు. ఈ విషయాన్ని ప్రముఖ క్రికెట్‌ వెబ్‌సైట్‌ క్రిక్‌బజ్‌ ప్రకటించింది.  ప్రస్తుతం ఎన్‌సీఏలోని రిహాబ్‌లో ఉన్న అక్షర్‌ గాయం నుంచి కోలుకునేందు​కు ముమ్మర ప్రయత్నాలు చేస్తున్నాడు. భారత సెలక్టర్లు ఆసీస్‌తో మూడో వన్డేకు అక్షర్‌కు ప్రత్యామ్నాయ ఆటగాడిని కూడా ప్రకటించలేదు. తాజా పరిస్థితుల నేపథ్యంలో అక్షర్‌ వరల్డ్‌కప్‌కు ​కూడా దూరమయ్యే ప్రమాదముందని తెలుస్తుంది. అయితే ఈ విషయాన్ని బీసీసీఐ వర్గాలు కొట్టిపారేస్తున్నాయి. అక్షర్‌ వరల్డ్‌కప్‌ సన్నాహక మ్యాచ్‌ల సమయానికంతా కోలుకుంటాడని చెబుతున్నాయి.  మరోవైపు వరల్డ్‌కప్‌లో అక్షర్‌కు ప్రత్యామ్నాయంగా భావిస్తున్న వెటరన్‌ స్పిన్నర్‌ రవిచంద్రన్‌ అశ్విన్‌ ఆసీస్‌తో సిరీస్‌లో జోరును ప్రదర్శిస్తూ సెలెక్టర్లకు సవాలు విసిరాడు. యాష్‌ ఆసీస్‌తో తొలి రెండు వన్డేల్లో 4 వికెట్లు తీసి సత్తా చాటాడు. దీంతో వరల్డ్‌కప్‌లో స్పిన్‌ ఆల్‌రౌండర్‌గా ఎవరిని ఎంపిక చేయాలన్న విషయంపై సెలెక్టర్లు తలలు పట్టుకుంటున్నారు. ఒకవేళ వరల్డ్‌కప్‌ సమయానికి అక్షర్‌ పూర్తి​ ఫిట్‌నెస్‌ సాధిస్తే.. అక్షర్‌, అశ్విన్‌లలో ఎవరిని ఎంపిక చేస్తారో వేచి చూడాలి. వీరిద్దరిలోనే ఎవరిని ఎంపిక చేయాలో అర్ధం కాక సెలెక్టర్లు సతమతమవుతుంటే, వాషింగ్టన్‌ సుందర్‌ నేను కూడా లైన్‌లో ఉన్నానంటూ సవాలు విసురుతున్నాడు. మరి ఉన్న ఒక్క స్పిన్‌ ఆల్‌రౌండర్‌ పోజిషన్‌ కోసం ఎవరిని ఎంపిక చేస్తారో అని అభిమానులు ఆసక్తిగా ఎదురుచూస్తున్నాడు. కాగా, వరల్డ్‌కప్‌లో పాల్గొనబోయే 15 మంది సభ్యుల బృంధాన్ని అన్ని జట్లు సెప్టెంబర్‌ 28వ తేదీలోపు ప్రకటించాల్సి ఉంది. ఇదిలా ఉంటే, ఆసీస్‌తో జరుగుతున్న మూడు మ్యాచ్‌ల వన్డే సిరీస్‌లో మరో మ్యాచ్‌ ఉండగానే టీమిండియా 2-0 తేడాతో సిరీస్‌ను కైవసం చేసుకుంది. తొలి వన్డేలో 5 వికెట్ల తేడాతో గెలుపొందిన భారత్‌.. నిన్న జరిగిన రెండో వన్డేలో 99 పరుగుల తేడాతో విజయం సాధించింది. 

India vs Australia, 1st ODI: ఆస్ట్రేలియాతో తొలి వన్డేలో వాషింగ్టన్‌ సుందర్‌ను కాదని.. రవిచంద్రన్‌ అశ్విన్‌కు చోటు ఇవ్వడంపై భిన్నాభిప్రాయాలు వ్యక్తమవుతున్నాయి. ఆసియా కప్‌-2023 ఫైనల్లో మైదానంలో దిగిన వాషీకి ఆసీస్‌తో తుదిజట్టులో చోటు దక్కుతుందని అంతా అనుకున్నారు. దాదాపు ఏడాదిన్నర తర్వాత జట్టులోకి అశూ రీఎంట్రీ ఇస్తున్న తరుణంలో సుందర్‌ వైపే మొగ్గుచూపుతారని హర్భజన్‌ సింగ్‌ వంటి మాజీలు కూడా అభిప్రాయపడ్డారు. ఆసియా కప్‌ ఫైనల్లో ఆడించారు కాబట్టి తొలి వన్డేలో అతడికి ప్రాధాన్యం ఉంటుందని పేర్కొన్నారు. అక్షర్‌ పటేల్‌ గాయం కారణంగా ఆశల పల్లకిలో కాగా అక్షర్‌ పటేల్‌ గాయం కారణంగా చెన్నై ఆఫ్‌ స్పిన్నర్లు రవిచంద్రన్‌ అశ్విన్‌, వాషింగ్టన్‌ సుందర్‌ వరల్డ్‌కప్‌-2023 ఆశలు సజీవంగా నిలిచిన విషయం తెలిసిందే. ఈ క్రమంలో ఆసీస్‌తో మూడు మ్యాచ్‌ల వన్డే సిరీస్‌లో రాణిస్తే ఐసీసీ ఈవెంట్‌లో అడుగుపెట్టే అవకాశం ముంగిట నిలిచారు. ఈ నేపథ్యంలో మొహాలీ వేదికగా శుక్రవారం మొదలైన తొలి మ్యాచ్‌లో అశూకు చోటు దక్కగా.. వాషీకి మొండిచేయి ఎదురైంది. దీంతో మేనేజ్‌మెంట్‌ తీరుపై అభిమానులు ఫైర్‌ అవుతున్నారు. వాషీని పరిగణనలోకి తీసుకోనపుడు ఎందుకు శ్రీలంకకు పంపించారని ప్రశ్నిస్తున్నారు.  ఆసియా కప్‌ ఫైనల్‌కు ఫస్ట్‌ ఛాయిస్‌ అశూనే ఈ క్రమంలో.. దినేశ్‌ కార్తిక్‌ ఆసక్తికర విషయాలు వెల్లడించాడు. అక్షర్‌ పటేల్‌ స్థానంలో ఆసియా కప్‌-2023 శ్రీలంకతో ఫైనల్‌కు తొలి ఛాయిస్‌ అశ్వినే అని పేర్కొన్నాడు. అశూ కుదరదన్నాడు కాబట్టే వాషీని ఫ్లైట్‌ ఎక్కించారని తనకు తెలిసిందన్నాడు.  ఈ మేరకు క్రిక్‌బజ్‌ షోలో డీకే మాట్లాడుతూ.. ‘‘నాకు తెలిసిన అంతర్గత సమాచారం ప్రకారం.. ఈ విషయంలో రోహిత్‌, అజిత్‌, రాహుల్‌ ద్రవిడ్‌లను నేను సమర్థిస్తాను. ఆసియా కప్‌ ఫైనల్‌కు ముందుగా వాళ్లు అశ్విన్‌కే పిలుపునిచ్చారు. ఆ తర్వాతే అశూను ఎంపిక చేశారు అయితే, తాను మ్యాచ్‌ ఆడేందుకు సిద్ధంగా లేనని అశ్విన్‌ చెప్పాడు. అంతేకాదు.. తనకు బదులు లోకల్‌ మ్యాచ్‌లు ఆడి రిథమ్‌లో ఉన్న వాషింగ్టన్‌ సుందర్‌ను పంపిస్తే బాగుంటుందని సూచించాడు. దీంతో ఎన్సీఏలోనే ఉన్న సుందర్‌ను శ్రీలంకకు పంపించారు. ఆ తర్వాత అశ్విన్‌ రెండు క్లబ్‌ మ్యాచ్‌లు ఆడాడు. ఆ తర్వాతే ఆసీస్‌తో సిరీస్‌కు అతడిని ఎంపిక చేశారు. అసలు విషయం ఇదే. వాళ్ల మొదటి ప్రాధాన్యం అశ్విన్‌కే. వాషింగ్టన్‌ ఈ విషయంలో కాస్త నిరాశకు గురికావొచ్చు. అయితే, వాళ్లు మాత్రం అశ్విన్‌ వైపే మొగ్గుచూపారు’’ అని చెప్పుకొచ్చాడు. వరల్డ్‌కప్‌ జట్టులోనూ.. కాగా గత ఆరేళ్ల వ్యవధిలో అశ్విన్‌ రెండే రెండు వన్డేలు ఆడిన విషయం తెలిసిందే. ఇక అక్షర్‌ గనుక కోలుకోకపోతే అక్టోబరు 5 నుంచి మొదలయ్యే వన్డే వరల్డ్‌కప్‌ టోర్నీలో ఈ 2011 ప్రపంచకప్‌ విజేతకు చోటు ఖాయమే అనిపిస్తోంది. ఇదిలా ఉంటే  ఆసీస్‌తో తొలి వన్డేలో అశూ ఒక వికెట్‌ తీశాడు. మార్నస్‌ లబుషేన్‌ వికెట్‌ తన ఖాతాలో వేసుకున్నాడు. చదవండి: అవును.. నాకు ధోనితో విభేదాలున్నాయి.. కానీ! గంభీర్‌కు స్ట్రాంగ్‌ కౌంటర్‌? WC: అలాంటి వాళ్లకు నో ఛాన్స్‌! అందుకే అతడిని ఎంపిక చేయలేదు: చీఫ్‌ సెలక్టర్‌

టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌కు ప్రపంచకప్‌-2023 జట్టుకు ఎంపికయ్యేందుకు ఇంకా దారులు మూసుకుపోలేదు. అతనితో పాటు స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌కు వరల్డ్‌కప్‌కు ఎంపికయ్యే అవకాశాలు పుష్కలంగా ఉన్నాయి. ఈ విషయంపై జట్టు కెప్టెన్‌ రోహిత్‌ శర్మ ఆసియా కప్‌ -2023 ముగిసిన అనంతరం​ క్లూ ఇచ్చాడు.  ముందుగా ప్రకటించిన ప్రొవిజనల్‌ జట్టులోని సభ్యుడు, స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ ఆసియా కప్‌లో బంగ్లాదేశ్‌తో జరిగిన సూపర్‌-4 మ్యాచ్‌ సందర్భంగా గాయపడిన విషయం తెలిసిందే. అక్షర్‌ స్థానంలో వాషింగ్టన్‌ సుందర్‌ హుటాహుటిన జట్టులో చేరి ఆసియా కప్‌ ఫైనల్‌ ఆడాడు. అక్షర్‌ గాయం​ తీవ్రత ఎక్కువగా ఉండటంతో అతను వరల్డ్‌కప్‌ ఫస్ట్‌ హాఫ్‌ మ్యాచ్‌లకు దూరమవుతాడని తెలుస్తుంది. ఒకవేళ ఇదే జరిగితే అక్షర్‌ స్థానాన్ని వాషింగ్టన్‌ సుందర్‌ లేదా అశ్విన్‌లలో ఎవరో ఒకరితో భర్తీ చేసే అవకాశం ఉంది. సుందర్‌తో పోలిస్తే అశ్విన్‌ అనుభవజ్ఞుడు కావడంతో అతనికే అవకాశాలు ఉంటాయి. మరోవైపు అక్షర్‌ త్వరలో ఆస్ట్రేలియాతో జరుగనున్న వన్డే సిరీస్‌కు కూడా అందుబాటులో ఉండడని సమాచారం. భారత సెలెక్టర్లు ఒకవేళ అశ్విన్‌ను ప్రపంచకప్‌ జట్టులో చేర్చుకోవాలని భావిస్తే, ఆసీస్‌ సిరీస్‌ కోసం ఇవాళ ప్రకటించే భారత జట్టులో అతని చోటు ఇస్తారు. కాగా, ముందుగా ప్రకటించిన భారత ప్రొవిజనల్‌ వరల్డ్‌కప్‌ స్క్వాడ్‌లో స్పిన్‌ బౌలర్లుగా అక్షర్‌ పటేల్‌తో పాటు రవీంద్ర జడేజా, కుల్దీప్‌ యాదవ్‌లను ప్రకటించిన విషయం తెలిసిందే. చివరి నిమిషంలో ఈ ప్రొవిజనల్‌ జట్టులో మార్పులు జరిగే అవకాశాలు లేకపోలేదు. ఎవరైనా ఆటగాడు గాయం బారిన పడితే, అతని స్థానాన్ని ఇంకొకరితో భర్తీ చేసే అవకాశం ఉంది.  ఇదిలా ఉంటే, ఆసీస్‌తో ఈ నెల 22, 24, 27 తేదీల్లో జరిగే మూడు మ్యాచ్‌ల వన్డే సిరీస్‌ కోసం భారత జట్టును ఇవాళ ప్రకటిస్తారు. ఈ జట్టుకు ఎంపికైన ఆటగాళ్లు దాదాపుగా ప్రపంచకప్‌ జట్టులో ఉంటారు. ఆసియా కప్‌ సందర్భంగా గాయపడిన అక్షర్‌ స్థానంలో సెలెక్టర్లు ఎవరిని తీసుకుంటారోనన్నది ఆసక్తికరంగా మారింది. ఈ సిరీస్‌ ముగిశాక అక్టోబర్‌ 5 నుంచి వన్డే ప్రపంచకప్‌ ప్రారంభమవుతుంది. అక్టోబర్‌ 8న ఆస్ట్రేలియాతో జరిగే మ్యాచ్‌తో టీమిండియా వరల్డ్‌కప్‌ జర్నీ స్టార్ట్‌ అవుతుంది. అక్టోబర్‌ 14న భారత్‌.. చిరకాల ప్రత్యర్ధి పాకిస్తాన్‌ను ఢీకొంటుంది.   

Asia Cup 2023 Final: ఆసియా కప్‌-2023 ఫైనల్‌కు ముందు టీమిండియాకు గట్టి ఎదురుదెబ్బ తగిలింది. స్టార్‌ ఆల్‌రౌండర్‌ అక్షర్‌ పటేల్‌ గాయం కారణంగా జట్టుకు దూరమైనట్లు తెలుస్తోంది. యువ క్రికెటర్‌ వాషింగ్టన్‌ సుందర్‌తో ఈ స్పిన్‌ ఆల్‌రౌండర్‌ స్థానాన్ని భర్తీ చేసేందుకు భారత క్రికెట్‌ నియంత్రణ మండలి నిర్ణయించినట్లు సమాచారం. లంకకు బయల్దేరిన యువ క్రికెటర్‌ ఈ క్రమంలో చెన్నై ఆటగాడు సుందర్‌ ఇప్పటికే శ్రీలంకు బయల్దేరినట్లు వార్తలు వినిపిస్తున్నాయి. ఈ విషయం గురించి బీసీసీఐ వర్గాలు పీటీఐతో మాట్లాడుతూ.. ‘‘అక్షర్‌ను గాయాలు వేధిస్తున్నాయి. చిటికిన వేలికి గాయమైంది. ముంజేయికి కూడా దెబ్బతగిలింది.  వాషీని ఎయిర్‌పోర్టులో చూశానన్న డీకే అంతేకాదు.. తొడ కండరాలు పట్టేశాయి కూడా. అందుకే వాషింగ్టన్‌ను శ్రీలంకకు పిలిపిస్తున్నారు’’ అని పేర్కొన్నాయి. ఇదిలా ఉంటే.. టీమిండియా వెటరన్‌ వికెట్‌ కీపర్‌ బ్యాటర్‌ దినేశ్‌ కార్తిక్‌ సైతం సుందర్‌ ప్రయాణం గురించి హింట్‌ ఇచ్చాడు.  ‘‘ఎయిర్‌పోర్టులో అనుకోకుండా.. నాకు వాషింగ్టన్‌ సుందర్‌ తారసపడ్డాడు. అతడికి ఎక్కడికి వెళ్తున్నాడో గెస్‌ చేయండి’’ అని ఎక్స్‌ ఖాతాలో పోస్ట్‌ చేశాడు.​ ఇదిలా ఉంటే.. బంగ్లాదేశ్‌తో మ్యాచ్‌ తర్వాత విలేకరులతో మాట్లాడిన టీమిండియా ఓపెనర్‌ శుబ్‌మన్‌ గిల్‌.. అక్షర్‌ గాయాలు అంత తీవ్రమైనవి కావని పేర్కొనడం గమనార్హం. బంగ్లాదేశ్‌తో మ్యాచ్‌లో అక్షర్‌ పోరాటం కాగా ఆసియా కప్‌-2023 సూపర్‌-4లో ఆఖరి మ్యాచ్‌లో భారత జట్టు ఓడిపోయిన విషయం తెలిసిందే. బంగ్లాదేశ్‌తో మ్యాచ్‌లో చివరి బంతి వరకు ఉత్కంఠ రేపిన శుక్రవారం నాటి మ్యాచ్‌లో అక్షర్‌ పటేల్‌ 34 బంతుల్లో 42 పరుగులతో రాణించాడు. అంతకుముందు బంగ్లా ఇన్నింగ్స్‌లో 9 ఓవర్ల బౌలింగ్‌లో 47 పరుగులు ఇచ్చి ఒక వికెట్‌ తీశాడు. ఇదిలా ఉంటే.. గాయాల తీవ్రత ఎక్కువైతే మాత్రం వన్డే వరల్డ్‌కప్‌-2023కి కూడా అక్షర్‌ పటేల్‌ దూరమయ్యే అవకాశాలు ఉన్నాయి. వన్డేల్లో సుందర్‌ గణాంకాలు ఇక యువ స్పిన్‌ ఆల్‌రౌండర్‌ వాషింగ్టన్‌ సుందర్‌ టీమిండియా తరఫున ఇప్పటి వరకు 16 వన్డేలు ఆడాడు. 16 వికెట్లు తీయడంతో పాటు 233 పరుగులు సాధించాడు. ఈ ఏడాది జనవరిలో న్యూజిలాండ్‌తో చివరిగా వన్డే ఆడాడు. కాగా ఆదివారం (సెప్టెంబరు 17) టీమిండియా- శ్రీలంక మధ్య ఫైనల్‌ మ్యాచ్‌ జరుగనుంది. చదవండి: అతడిని కాదని నీకు ఛాన్స్‌.. ‘రాక రాక’ వచ్చిన అవకాశం! ఇకనైనా మారు..

Asia Cup 2023- Ind Vs Ban: Rohit Sharma Comments On Loss: ‘‘భవిష్యత్తు మ్యాచ్‌లు.. దీర్ఘకాల ప్రయోజనాలను దృష్టిలో పెట్టుకుని అందరు ఆటగాళ్లకు అవకాశాలు ఇవ్వాలని భావించాం. అందుకే బంగ్లాదేశ్‌తో మ్యాచ్‌లో మార్పుల విషయంలో కాంప్రమైజ్‌ కాలేదు. వరల్డ్‌కప్‌ ఆడాల్సిన కొంతమంది ఆటగాళ్లను పరీక్షించేందుకు జట్టులోకి తీసుకున్నాం. అక్షర్‌ పటేల్‌ అద్భుతం ఈరోజు అక్షర్‌ పటేల్‌ అద్భుతంగా బ్యాటింగ్‌ చేశాడు. కానీ దురదృష్టవశాత్తూ లక్ష్యం పూర్తి చేయలేకపోయాడు. అయితే, ఆఖరి వరకు అతడు పట్టుదలగా పోరాడిన తీరు అద్భుతం’’ అని టీమిండియా కెప్టెన్‌ రోహిత్‌ శర్మ ఆల్‌రౌండర్‌ అక్షర్‌ పటేల్‌(34 బంతుల్లో 42 పరుగులు)ను ప్రశంసించాడు. బంగ్లాదేశ్‌ చేతిలో భంగపాటు అదే విధంగా.. బంగ్లాదేశ్‌ విజయంలో ఆ జట్టు బౌలర్లదే కీలక పాత్ర అన్న రోహిత్‌... వారికి క్రెడిట్‌ ఇవ్వాల్సిందేనని పేర్కొన్నాడు. కాగా ఆసియా కప్‌-2023 ఫైనల్లో బెర్తు ఖరారు చేసుకున్న తర్వాత సూపర్‌-4లో బంగ్లాదేశ్‌తో జరిగిన నామమాత్రపు మ్యాచ్‌లో భారత జట్టు ఓటమిపాలైన విషయం తెలిసిందే. స్టార్లు లేకుండా బరిలోకి దిగి ప్రాధాన్యం లేని మ్యాచ్‌ కావడంతో ఏకంగా ఐదు మార్పులతో బరిలోకి దిగిన టీమిండియా అనూహ్య రీతిలో బంగ్లా చేతిలో ఓడి పరాభవం మూటగట్టుకుంది. విరాట్‌ కోహ్లి, హార్దిక్‌ పాండ్యా, జస్‌ప్రీత్‌ బుమ్రా వంటి స్టార్లతో పాటు మహ్మద్‌ సిరాజ్‌, కుల్దీప్‌ యాదవ్‌ లాంటి కీలక ఆటగాళ్లకు రెస్ట్‌ ఇచ్చి.. షకీబ్‌ బృందం చేతిలో భంగపాటుకు గురైంది. అందుకే వాళ్లకు అవకాశాలు కాగా బంగ్లాతో మ్యాచ్‌లో హైదరాబాదీ స్టార్‌ తిలక్‌ వర్మ(5) వన్డే అరంగేట్రం చేయగా.. సూర్యకుమార్‌ యాదవ్‌(26) కూడా చోటు దక్కించుకున్నాడు. అదే విధంగా.. మహ్మద్‌ షమీ, శార్దూల్‌ ఠాకూర్‌, ప్రసిద్‌ కృష్ణ జట్టులోకి వచ్చారు. ఈ నేపథ్యంలో ఓటమిపై స్పందించిన కెప్టెన్‌ రోహిత్‌ శర్మ.. వన్డే వరల్డ్‌కప్‌-2023కు ముందు ఆటగాళ్ల సన్నద్ధతను పరీక్షించేందుకే ఈ మ్యాచ్‌లో వీరికి అవకాశం ఇచ్చినట్లు తెలిపాడు. రాజీపడేది లేదు ఆటలో గెలుపోటములు సహజమని.. భవిష్యత్తును దృష్టిలో పెట్టుకుని తీసుకున్న నిర్ణయం పట్ల పశ్చాత్తాపం లేదని పేర్కొన్నాడు. ఇక ఈ మ్యాచ్‌లో శతకం(121)తో ఆకట్టుకున్న శుబ్‌మన్‌ గిల్‌ గురించి ప్రస్తావిస్తూ.. ‘‘గిల్‌ అద్బుతం సెంచరీతో ఆకట్టుకున్నాడు.  గిల్‌ ఫామ్‌లో ఉన్నాడు.. సెంచరీతో అతడి నుంచి మేము ఏం కోరుకుంటున్నామో అదే చేసి చూపించాడు.  జట్టు కోసం ఏమేం చేయాలో అంతా చేశాడు. గతేడాది కాలంగా గిల్‌ మంచి ఫామ్‌లో ఉన్నాడు. కొత్త బంతితో బౌలర్లు అటాక్‌ చేసినపుడు కూడా సమర్థవంతంగా ఎదుర్కొంటున్నాడు. హార్డ్‌వర్క్‌తో ఎప్పటికప్పుడు తనని తాను నిరూపించుకుంటున్నాడు’’ అని రోహిత్‌ శర్మ ప్రశంసలు కురిపించాడు. కాగా ఈ మ్యాచ్‌లో రోహిత్‌ డకౌట్‌ అయ్యాడు. భారత్‌ వర్సెస్‌ బంగ్లాదేశ్‌ స్కోర్లు: టాస్‌: టీమిండియా.. బౌలింగ్‌ బంగ్లా స్కోరు: 265/8 (50) టీమిండియా స్కోరు: 259 (49.5)  విజేత: 6 పరుగుల తేడాతో బంగ్లాదేశ్‌ విజయం ప్లేయర్‌ ఆఫ్‌ ది మ్యాచ్‌: షకీబ్‌ అల్‌ హసన్‌(80 పరుగులు సహా.. 10 ఓవర్లలో 43 పరుగులు ఇచ్చి ఒక వికెట్‌). చదవండి: క్లాసెన్‌ మహోగ్రరూపం.. క్రికెట్‌ చరిత్రలో కనీవినీ ఎరుగని విధ్వంసం Super11 Asia Cup 2023 | Super 4 | India vs Bangladesh | Highlightshttps://t.co/hEYw3GY8qd#AsiaCup2023 — AsianCricketCouncil (@ACCMedia1) September 15, 2023

India World Cup 2023 squad: ‘‘అక్షర్‌ పటేల్‌- యుజీ చహల్‌.. ఈ ఇద్దరిలో ఎవరిని ఎంపిక చేసుకోవాలన్న విషయంలో కచ్చితంగా చర్చ జరిగి ఉంటుంది. టీమిండియాకు ఎనిమిదో నంబర్‌లో బ్యాటింగ్‌ చేయగల ఆటగాడు కావాలి. సరే.. అలాగే అనుకుందాం.. ఈ ఆప్షన్‌ ఉంది కాబట్టి ఇలా చేశారు. కానీ.. నిజంగానే బ్యాటింగ్‌ చేయగల సమర్థత ఆధారంగానే బౌలర్లను సెలక్ట్‌ చేస్తారా?’’ అని టీమిండియా మాజీ ఓపెనర్‌ ఆకాశ్‌ చోప్రా అసహనం వ్యక్తం చేశాడు. లెగ్‌ స్పిన్నర్‌ యజువేంద్ర చహల్‌ను కాదని.. ఆల్‌రౌండర్‌ అన్న కారణంగా అక్షర్‌ పటేల్‌ను జట్టులోకి తీసుకోవడం ఎందుకో సబబుగా అనిపించడం లేదని పేర్కొన్నాడు. చహల్‌కు నో ఛాన్స్‌ కాగా భారత్‌ వేదికగా అక్టోబరు 5 నుంచి వన్డే ప్రపంచకప్‌ టోర్నీ ఆరంభం కానున్న విషయం తెలిసిందే. ఈ నేపథ్యంలో భారత క్రికెట్‌ నియంత్రణ మండలి మంగళవారం 15 మంది సభ్యుల జట్టును ప్రకటించింది. ఆసియా వన్డే కప్‌-2023 టీమ్‌లో ఉన్న ప్రధాన ఆటగాళ్లందరికీ ఇందులో చోటు దక్కింది. పరిమిత ఓవర్ల క్రికెట్‌లో అద్భుత రికార్డు ఉన్న మణికట్టు స్పిన్నర్‌ యజువేంద్ర చహల్‌కు మాత్రం ఈసారి కూడా సెలక్టర్లు మొండిచేయి చూపారు. ఈ నేపథ్యంలో కామెంటేటర్‌ ఆకాశ్‌ చోప్రా తన యూట్యూబ్‌ చానెల్‌ వేదికగా స్పందించాడు. కేవలం బ్యాటింగ్‌ చేస్తారన్న కారణంగా బౌలర్లను జట్టులోకి తీసుకోవడం ఆశ్చర్యం కలిగిస్తోందని పేర్కొన్నాడు. ఇద్దరూ తుదిజట్టులో ఉండరు కదా! అదే విధంగా.. ‘‘బ్యాటింగ్‌లో డెప్త్‌ కోసం నంబర్‌ 8లో ఆల్‌రౌండర్‌ను తీసుకుంటామని అంటున్నారు. నిజానికి.. జట్టులోని టాప్‌-6 బ్యాటర్లలో కొందరు విఫలమైనా జడేజా రూపంలో సూపర్‌ ఫామ్‌లో ఉన్న ఆటగాడు అందుబాటులో ఉన్నాడు. టాప్‌ బ్యాటర్లంతా బాధ్యతాయుతంగా ఆడితే ఎనిమిదో నంబర్‌ ఆటగాడి గురించి ఆందోళనే ఉండదు కదా! ఒకేరకమైన నైపుణ్యాలు కలిగిన జడేజా, అక్షర్‌ తుదిజట్టులో కలిసి ఆడతారా? అంటే అదీ లేదు.  లెఫ్టాండర్‌ బ్యాటర్‌ ఉన్నపుడు లెఫ్టార్మ్‌ ఫింగర్‌ స్పిన్నర్‌ చేతికి కెప్టెన్‌ బంతిని ఇవ్వడు. కాబట్టి లెఫ్టార్మ్‌ స్పిన్నర్లతో మిడిల్‌ ఓవర్లలో 20 ఓవర్లు ఎలా వేయిస్తారు? ఇలా జరగడం సాధ్యమేనా? దీనిని బట్టి అక్షర్‌ను బెంచ్‌కే పరిమితం చేస్తారనడం స్పష్టంగా అర్థమవుతోంది కదా!’’ అని ఆకాశ్‌ చోప్రా చెప్పుకొచ్చాడు. అగార్కర్‌ రీజన్‌ ఇదీ కాగా చహల్‌ను ఎంపిక చేయకపోవడంపై మాజీ ఆఫ్‌ స్పిన్నర్‌ హర్భజన్‌ సింగ్‌ కూడా తీవ్ర అసహనం వ్యక్తం చేసిన విషయం తెలిసిందే. ఇదిలా ఉంటే.. బీసీసీఐ చీఫ్‌ సెలక్టర్‌ అజిత్‌ అగార్కర్‌ మాత్రం.. జడేజా, అక్షర్‌ ఎడంచేతి వాటం బ్యాటర్లకు సమర్థవంతంగా బౌలింగ్‌ చేయగలరు.. అదే విధంగా.. వీరిద్దరి బ్యాటింగ్‌ కూడా అవసరం కాబట్టే ఇద్దరినీ ఎంపిక చేశామని స్పష్టం చేశాడు. చదవండి: ప్రపంచకప్‌నకు ఆస్ట్రేలియా జట్టు ప్రకటన.. ఆ ముగ్గురు అవుట్‌! కెప్టెన్‌ సహా.. WC: అంతా బాగానే ఉంది.. కానీ అదొక్కటే లోటు! ఆ ఇద్దరిలో ఒక్కరికే ఛాన్స్‌..

India World Cup 2023 squad: ‘‘జట్టు కోసం కొన్ని కఠిన నిర్ణయాలు తీసుకోక తప్పదు. ఈ క్రమంలో కొందరికి నిరాశ కలగడం సహజం. సమతూకం కోసమే శార్దుల్, అక్షర్‌లను తీసుకున్నాం. గత కొన్నేళ్లుగా లోయర్‌ ఆర్డర్‌లో బలహీన బ్యాటింగ్‌తో సమస్య ఎదుర్కొన్నాం. 8వ, 9వ స్థానాల్లో ఆడేవారు కూడా కొన్ని పరుగులు చేయడం అవసరం. వారికి ఆ విషయం స్పష్టంగా చెప్పాం కూడా. పాకిస్తాన్‌తో మ్యాచ్‌లో హార్దిక్‌ ఆట చూస్తే అతను ఎంత కీలకమో అర్థమవుతుంది. ఫైనల్‌తో కలిపితే 11 మ్యాచ్‌లు ఆడాల్సి ఉంటుంది. టి20లతో పోలిస్తే వన్డేల్లో కోలుకునేందుకు, వ్యూహాలు రూపొందించుకునేందుకు తగినంత సమయం ఉంటుంది. అందుకే అక్షర్‌కు చోటు అన్ని రకాలుగా ఈ టీమ్‌ అత్యుత్తమం అని మేం భావిస్తున్నాం. టీమ్‌ ప్రకటించేందుకు ముందు ఎంతో చర్చించి, ఎంతో ఆలోచింతాం. ఎంపికతో ఎంతో సంతృప్తిగా ఉన్నాం’’ అని టీమిండియా కెప్టెన్‌ రోహిత్‌ శర్మ అన్నాడు. జట్టు సమతూకం కోసం ఆల్‌రౌండర్ల జాబితాలో అక్షర్‌ పటేల్‌ పేరును చేర్చినట్లు వెల్లడించాడు. కాగా బీసీసీఐ చీఫ్‌ సెలక్టర్‌ అజిత్‌ అగార్కర్‌తో కలిసి రోహిత్‌ మంగళవారం.. వన్డే వరల్డ్‌కప్‌-2023 జట్టును ప్రకటించాడు. నాడు రోహిత్‌ను కాదన్న ధోని ఈ సందర్భంగా టీమ్‌లో స్థానం దక్కదని వాళ్ల బాధ ఎలా ఉంటుందో తనకు తెలుసునన్న హిట్‌మ్యాన్‌.. జట్టు ప్రయోజనాల దృష్ట్యా కఠిన నిర్ణయాలు తీసుకోవాల్సి వచ్చిందని స్పష్టం చేశాడు. కాగా 2011 వరల్డ్‌కప్‌ సమయంలో రోహిత్‌ శర్మ పేరును పరిగణనలోకి తీసుకోవాలని సెలక్టర్లు సూచించినప్పటికీ.. నాటి కెప్టెన్‌ మహేంద్ర సింగ్‌ ధోని  పీయూశ్‌ చావ్లా కోసం అతడిని పక్కన పెట్టాడని ఇటీవలే మాజీ సెలక్టర్‌ రాజా వెంకట్‌ పేర్కొన్న విషయం తెలిసిందే. అందుకే ఆఫ్‌ స్పిన్నర్‌ ఆలోచన విరమించుకున్నాం: అగార్కర్‌ జట్టులో ఇప్పుడు ఎవరికీ ఫిట్‌నెస్‌ సమస్యలు లేవు. అందరూ పూర్తిగా కోలుకున్నారు. ఎన్‌సీఏలో జరిగిన క్యాంప్‌లో రాహుల్‌ 50 ఓవర్ల పాటు బ్యాటింగ్‌ చేసి 50 ఓవర్లు కీపింగ్‌ కూడా చేశాడు. కాబట్టి అతని గురించి ఎలాంటి ఆందోళన లేదు. ఆఫ్‌స్పిన్నర్‌పై చర్చ జరిగింది. అయితే జడేజా, అక్షర్‌ ఎడంచేతి వాటం బ్యాటర్లకు సమర్థంగా బౌలింగ్‌ చేయగలరని నమ్ముతున్నాం. వీరిద్దరి బ్యాటింగ్‌ కూడా అవసరం కాబట్టి ఆఫ్‌స్పిన్నర్‌ ఆలోచనను పక్కన పెట్టాం’’ అని జట్టు ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్ తమ ఎంపికలను సమర్థించుకున్నాడు. కాగా 2011 నాటి వరల్డ్‌కప్‌ జట్టులో ఇద్దరు ఆఫ్‌ స్పిన్నర్లు హర్భజన్‌ సింగ్‌, రవిచంద్రన్‌ అశ్విన్‌ ఉన్నారు. అదే విధంగా సచిన్‌ టెండుల్కర్‌, సురేశ్‌ రైనా రూపంలో మంచి ఆప్షన్లు ఉండేవి. ఇక 2019 నాటికి లెగ్‌ స్పిన్నర్‌ యజువేంద్ర చహల్‌, ఆఫ్‌ స్పిన్నర్‌ కేదార్‌ జాదవ్‌ జట్టులో చోటు దక్కించుకున్నారు. అయితే, ఈసారి మాత్రం ఉపఖండ పిచ్‌పై ఆఫ్‌ స్పిన్నర్‌ లేకుండానే టీమిండియా బరిలోకి దిగనుండటంపై మాజీ క్రికెటర్లు ఆందోళన వ్యక్తం చేస్తున్నారు.  చదవండి: అతడు ఉండగా అక్షర్‌ ఎందుకు? మ్యాచ్‌ విన్నర్‌కు చోటు లేకపోవడమేమిటి?: మాజీ క్రికెటర్‌

ODI World Cup 2023: వన్డే ప్రపంచకప్‌-2023లో టీమిండియా ఇద్దరు స్పిన్నర్లతో బరిలోకి దిగితే చాలని ఆస్ట్రేలియా దిగ్గజం మాథ్యూ హెడెన్‌ అభిప్రాయపడ్డాడు. కేరళ బ్యాటర్‌ సంజూ శాంసన్‌కు ప్రధాన జట్టులో చోటిస్తే బాగుంటుందన్న ఈ మాజీ ఓపెనర్‌.. ఇషాన్‌ కిషన్‌ను కూడా ఆడించాలని సూచించాడు. ప్రపంచకప్‌ పోటీలో పది జట్లు కాగా అక్టోబరు 5- నవంబరు 19 వరకు భారత్‌ వేదికగా ప్రపంచకప్‌ ఈవెంట్‌ జరుగనున్న విషయం తెలిసిందే. ఆతిథ్య టీమిండియాతో పాటు.. ఆస్ట్రేలియా, ఇంగ్లండ్‌, న్యూజిలాండ్‌, సౌతాఫ్రికా, పాకిస్తాన్‌, బంగ్లాదేశ్‌, శ్రీలంక, అఫ్గనిస్తాన్‌, నెదర్లాండ్స్‌ ట్రోఫీ కోసం పోటీలో నిలిచాయి. అనుకున్న ఫలితం రావాలంటే ఇక సొంతగడ్డపై ఐసీసీ టోర్నీలో ఆడటం రోహిత్‌ సేనకు సానుకూలాంశం. అయితే, అదే స్థాయిలో ఒత్తిడి కూడా ఉండటం సహజం. ఈ నేపథ్యంలో సమతూకమైన జట్టుతో బరిలోకి దిగి సరైన సమయంలో రాణిస్తేనే టీమిండియా అనుకున్న ఫలితం రాబట్టగలదు. పుష్కరకాలం తర్వాత మరోసారి స్వదేశంలో ప్రపంచ విజేతగా నిలవగలదు. ఈ నేపథ్యంలో వరల్డ్‌కప్‌నకు ఎంపిక చేసే జట్టు సెలక్టర్లకు సవాలుగా మారింది. ఇక ఆసియా కప్‌ ఈసారి.. వన్డే ఫార్మాట్లో నిర్వహించనున్న తరుణంలో ఈ ఈవెంట్‌లో ఆడే జట్టే ప్రపంచకప్‌ ప్రొవిజినల్‌ టీమ్‌ అని చీఫ్‌ సెలక్టర్‌ అజిత్‌ అగార్కర్‌ ఇప్పటికే చెప్పాడు. సంజూకు ఛాన్స్‌.. వాళ్లిద్దరికీ షాక్‌ ఈ క్రమంలో ఆసీస్‌ క్రికెటర్‌ మాథ్యూ హెడెన్‌ స్టార్‌ స్పోర్ట్స్‌ షోలో భారత జట్టు కూర్పు గురించి తన అభిప్రాయాలు పంచుకున్నాడు. ఐసీసీ ఈవెంట్లో మణికట్టు స్పిన్నర్లకు చోటు ఇవ్వాల్సిన అవసరం లేదని అభిప్రాయపడ్డాడు. ఐసీసీ ఈవెంట్‌కు తాను ఎంచుకున్న 15 మంది జట్టులో రవీంద్ర జడేజాతో పాటు అక్షర్‌ పటేల్‌కు స్పిన్నర్లుగా స్థానం కల్పించాడు. మణికట్టు స్పిన్నర్లు యజువేంద్ర చహల్‌, ఆసియా కప్‌ జట్టులో చోటు సంపాదించిన కుల్దీప్‌ యాదవ్‌లకు షాకిచ్చాడు. ఇక అంతర్జాతీయ వన్డేల్లో పేలవ రికార్డు ఉన్న భారత టీ20 స్టార్‌ సూర్యకుమార్‌ యాదవ్‌ను హెడెన్‌ తన జట్టుకు ఎంపిక చేయడం విశేషం. అదే సమయంలో సీనియర్లకే పెద్దపీట వేసిన ఆసీస్‌ లెజెండ్‌ యువ సంచలనం తిలక్‌ వర్మను విస్మరించాడు. కాగా ఈ వరల్డ్‌కప్‌లో టీమిండియా అక్టోబరు 8న ఆస్ట్రేలియాతో తమ ప్రయాణం మొదలుపెట్టనుంది.  ఐసీసీ వన్డే వరల్డ్‌కప్‌-2023కి మాథ్యూ హెడెన్‌ ఎంచుకున్న 15 మంది సభ్యుల భారత జట్టు: రోహిత్‌ శర్మ(కెప్టెన్‌), శుబ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, సంజూ శాంసన్‌, కేఎల్‌ రాహుల్‌, సూర్యకుమార్‌ యాదవ్‌, రవీంద్ర జడేజా, హార్దిక్‌ పాండ్యా, జస్‌ప్రీత్‌ బుమ్రా, మహ్మద్‌ షమీ, మహ్మద్‌ సిరాజ్‌, శార్దూల్‌ ఠాకూర్‌, ఇషాన్‌ కిషన్‌, అక్షర్‌ పటేల్‌. చదవండి: అలా అయితే.. 2011 వరల్డ్‌కప్‌ పీడకలగా మిగిలేదేమో! ఇప్పుడు: కోహ్లి A champion’s touch! 🏆 Former Aussie WC winner, @HaydosTweets has unveiled his #TeamIndia squad for the #CWC2023! 🌟 Would you make any changes to this dream team? 👀 Tune-in to the #WorldCupOnStar October 5, 2 PM onwards | Star Sports Network & Disney+ Hotstar#Cricket pic.twitter.com/lAxvbPJLgi — Star Sports (@StarSportsIndia) August 26, 2023

India Asia Cup 2023 squad: టీమిండియా మణికట్టు స్పిన్నర్‌ యజువేంద్ర చహల్‌ తీవ్ర నిరాశకు గురైనట్లు తెలుస్తోంది. అయితే.. అదే సమయంలో సానుకూల దృక్పథంతో ముందుకు సాగాలన్న అతడి ఆటిట్యూడ్‌తో అభిమానుల మనసు గెలవడం విశేషం. ఆసియా ‍కప్‌-2023లో పాల్గొనే జట్టును భారత క్రికెట్‌ నియంత్రణ మండలి సోమవారం ప్రకటించిన విషయం తెలిసిందే. వరల్డ్‌కప్‌లోనూ? వన్డే వరల్డ్‌కప్‌-2023 ఈవెంట్‌కు ప్రొవిజినల్‌ టీమ్‌గా భావిస్తున్న ఈ జట్టులో స్టార్‌ బౌలర్‌ యజువేంద్ర చహల్‌కు చోటు దక్కలేదు. మరో మణికట్టు స్పిన్నర్‌ కుల్దీప్‌ యాదవ్‌వైపే మొగ్గు చూపింది మేనేజ్‌మెంట్‌. ఈ చైనామన్‌ స్పిన్నర్‌తో పాటు స్పిన్‌ విభాగంలో ఆల్‌రౌండర్‌ రవీంద్ర జడేజా, అక్షర్‌ పటేల్‌లకు చోటిచ్చింది. క్రిప్టిక్‌ ట్వీట్‌తో చహల్‌ ఈ నేపథ్యంలో నిరాశకు గురైన యుజీ చహల్‌ క్రిప్టిక్‌ ట్వీట్‌తో ముందుకు వచ్చాడు. మబ్బుల్లో దాగిన సూర్యుడు... మళ్లీ ప్రకాశిస్తున్నట్లుగా ఉన్న ఎమోజీలతో క్యాప్షన్‌ ఏమీ లేకుండానే పోస్ట్‌ చేశాడు. సూర్యుడు మళ్లీ ఉదయిస్తాడు అన్న అర్థంలో నర్మగర్భ ట్వీట్‌ చేశాడు. దీంతో అభిమానులు అతడికి అండగా నిలుస్తున్నారు. ‘‘అవును.. నువ్వు చెప్పిందే నిజమే భాయ్‌. మళ్లీ నీకు మంచి రోజులు వస్తాయి’’ అని బదులిస్తున్నారు. కాగా బీసీసీఐ చీఫ్‌ సెలక్టర్‌ అజిత్‌ అగార్కర్‌, కెప్టెన్‌ రోహిత్‌ శర్మ చహల్‌ను జట్టు నుంచి తప్పించడంపై కీలక వ్యాఖ్యలు చేశారు. ఇకపై నో కుల్‌-చా! చోటు లేదు గనుకే అతడిని ఎంపిక చేయలేదని, అయితే.. వన్డే వరల్డ్‌కప్‌లో చహల్‌ దారులు మూసుకుపోలేదని హిట్‌మ్యాన్‌ చెప్పగా.. అగార్కర్‌ మాత్రం ఇకపై కుల్‌-చా ద్వయాన్ని ఒకేసారి జట్టులో చూసే అవకాశం లేదని పేర్కొన్నాడు.  ఇద్దరు రిస్ట్‌ స్పిన్నర్లకు జట్టులో చోటివ్వలేమని.. చహల్‌ కంటే కుల్దీప్‌ మెరుగ్గా ఉన్న నేపథ్యంలో చైనామన్‌ బౌలర్‌కే ఓటు వేశామని చెప్పుకొచ్చాడు. ఈ నేపథ్యంలో చహల్‌ ఈ మేరకు ట్వీట్‌ చేయడం గమనార్హం. అప్పుడు రోహిత్‌ సైతం.. ఇక గతంలో జట్టులో చోటు దక్కని నేపథ్యంలో ప్రస్తుత టీమిండియా సారథి రోహిత్‌ శర్మ సైతం.. ‘‘సూర్యుడు రేపు మళ్లీ ఉదయిస్తాడు’’ అని ట్విటర్‌లో రాసుకొచ్చాడు. 2018లో టెస్టుల్లో అతడికి స్థానం లేకపోవడంతో ఈ మేరకు వ్యాఖ్యలు చేశాడు. అదే రీతిలో చహల్‌ సైతం తన బాధను వ్యక్తపరుస్తూనే.. మళ్లీ తిరిగివస్తాననే ఆశాభావం వ్యక్తం చేయడం విశేషం. చదవండి: WC 2023: ధావన్‌ కెరీర్‌కు ఎండ్‌కార్డ్‌? అంతేనన్న అగార్కర్‌! వీడియో వైరల్‌  ⛅️——> 🌞 — Yuzvendra Chahal (@yuzi_chahal) August 21, 2023 Sun will rise again tomorrow 😊 — Rohit Sharma (@ImRo45) July 18, 2018

West Indies vs India, 2nd ODI- Sanju Samson: రాక రాక వచ్చిన అవకాశాన్ని సద్వినియోగం చేసుకోలేకపోయాడు టీమిండియా బ్యాటర్‌ సంజూ శాంసన్‌. వెస్టిండీస్‌తో రెండో వన్డేలో సంజూకు న్యాయం జరిగిందంటూ సంబరాలు చేసుకుంటున్న అభిమానులను పూర్తిగా నిరాశపరిచాడు. కాగా విండీస్‌ పర్యటన నేపథ్యంలో చాలా రోజుల తర్వాత ఈ కేరళ బ్యాటర్‌ వన్డే జట్టుకు ఎంపికైన విషయం తెలిసిందే. అయితే, మొదటి వన్డేలో వికెట్‌ కీపర్‌గా సంజూను కాదని ఇషాన్‌ కిషన్‌కు తుదిజట్టులో చోటు కల్పించారు. లెఫ్ట్‌- రైట్‌ కాంబినేషన్‌కు ప్రాధాన్యం ఇచ్చి అతడిని పక్కనపెట్టారు. ఈ క్రమంలో కెప్టెన్‌ రోహిత్‌ శర్మ స్థానంలో ఓపెనర్‌గా బరిలోకి దిగిన ఇషాన్‌.. అర్ధ శతకంతో అదరగొట్టి తన ఎంపిక సరైందేనని మరోసారి నిరూపించాడు. అయితే, సంజూకు మాత్రం అన్యాయం జరిగిందంటూ ఫ్యాన్స్‌ మేనేజ్‌మెంట్‌ తీరుపై మండిపడ్డారు. ఈ మాత్రం దానికి జట్టుకు ఎంపిక చేయడం లాంటి కంటితుడుపు చర్యలు ఎందుకని నెట్టింట ట్రోల్‌ చేశారు. అదే విధంగా.. వన్‌డౌన్‌లో సూర్యకుమార్‌ యాదవ్‌ను ఆడించిన నేపథ్యంలో ముంబై బ్యాటర్ల కోసం సంజూను బలిచేస్తున్నాడంటూ రోహిత్‌ శర్మను తప్పుబట్టారు. ఈ క్రమంలో రెండో వన్డేలో రోహిత్‌తో పాటు స్టార్‌ బ్యాటర్‌ విరాట్‌ కోహ్లికి విశ్రాంతినిచ్చిన నేపథ్యంలో సంజూ శాంసన్‌, అక్షర్‌ పటేల్‌లకు జట్టులో చోటు దక్కింది. అయితే, వీరిద్దరు విఫలం కావడం గమనార్హం. వన్‌డౌన్‌లో వచ్చిన సంజూ 19 బంతులు ఎదుర్కొని 9 పరుగులు మాత్రమే చేయగలిగాడు. మరోవైపు.. ఇషాన్‌ కిషన్‌ స్థానంలో క్రీజులోకి వచ్చిన అక్షర్‌ పటేల్‌ ఒక్క పరుగుకే పరిమితమయ్యాడు. నాలుగో నంబర్‌లో అతడిని ఆడించిన మేనేజ్‌మెంట్‌ నిర్ణయం తప్పని నిరూపించాడు.  ఇదిలా ఉంటే.. 24వ ఓవర్‌లో కెప్టెన్‌ హార్దిక్‌ పాండ్యా(7) నాలుగో వికెట్‌గా వెనుదిరగగా.. 25వ ఓవర్‌ మొదటి బంతికే సంజూ అవుటయ్యాడు. దీంతో టీమిండియా ఐదో వికెట్‌ కోల్పోయింది. ఆ వెంటనే వర్షం పడటంతో 24.1 ఓవర్ల వద్ద ఆటకు అంతరాయం కలిగింది.  సూర్యకుమార్ యాదవ్‌ క్రీజులోకి వచ్చేటప్పటికి టీమిండియా స్కోరు: 113/5. ఇదిలా ఉంటే కొంతమంది నెటిజన్లు.. ‘‘అవకాశం ఇవ్వలేదు అంటారు.. ఇస్తే ఇలా చేస్తారు’’ అంటూ సంజూను ట్రోల్‌ చేస్తున్నారు. చదవండి: కావాలనే రోహిత్‌, కోహ్లి లేకుండా! మ్యాచ్‌ ఓడిపోతేనే! ఆసియా కప్‌ తర్వాత ఇద్దరూ అవుట్‌?  Samson & Pandya depart leaving #TeamIndia reeling at 113/5 🫣 Can SKY open up his boundaries? Don't miss #WIvIND 2nd ODI, LIVE NOW & streaming FREE in 11 languages only on #JioCinema.#SabJawaabMilenge pic.twitter.com/RSDaSlzwSc — JioCinema (@JioCinema) July 29, 2023

West Indies vs India, 2nd ODI: వెస్టిండీస్‌తో రెండో వన్డేలో టీమిండియా చేసిన ప్రయోగం బెడిసికొట్టింది. స్పిన్‌ ఆల్‌రౌండర్‌ అక్షర్‌ పటేల్‌ను ముందుగా బ్యాటింగ్‌కు పంపడం జట్టుకు ఏమాత్రం కలిసిరాలేదు. కాగా బార్బడోస్‌లో శనివారం నాటి మ్యాచ్‌లో భారత జట్టు రెండు మార్పులతో బరిలోకి దిగింది. రోహిత్‌, కోహ్లి లేకుండానే కెప్టెన్‌ రోహిత్‌ శర్మతో పాటు స్టార్‌ బ్యాటర్‌ విరాట్‌ ​కోహ్లికి విశ్రాంతినివ్వగా.. పేస్‌ ఆల్‌రౌండర్‌ హార్దిక్‌ పాండ్యా పగ్గాలు చేపట్టాడు. వీరిద్దరి స్థానంలో సంజూ శాంసన్‌, అక్షర్‌ పటేల్‌ను తుది జట్టులోకి తీసుకున్నట్లు తెలిపాడు. ఇక బార్బడోస్‌లో మొదటి వన్డే మాదిరే రెండో మ్యాచ్‌లోనూ ఇషాన్‌, కిషన్‌, శుబ్‌మన్‌ గిల్‌ ఓపెనింగ్‌ చేశారు.  మరోసారి ఇషాన్‌ హాఫ్‌ సెంచరీ గత మ్యాచ్‌లో హాఫ్‌ సెంచరీ చేసిన ఇషాన్‌ మరోసారి అర్ధ శతకం(55)తో సత్తా చాటగా.. వరుస వైఫల్యాల నేపథ్యంలో గిల్‌(49 బంతుల్లో 34) ఈసారి పర్వాలేదనిపించాడు. ఈ క్రమంలో వన్‌డౌన్‌లో సంజూ శాంసన్‌ బ్యాటింగ్‌కు రాగా.. నాలుగో స్థానంలో అక్షర్‌ పటేల్‌ను ఆడించారు. 18వ ఓవర్‌ మూడో బంతికి రొమారియో షెఫర్డ్‌ బౌలింగ్‌లో ఇషాన్‌ కిషన్‌ అవుట్‌ కాగా.. అక్షర్‌ క్రీజులోకి వచ్చాడు.  బెడిసికొట్టిన ప్రయోగం ఇక ఆ ఓవర్లో షెఫర్డ్‌ కట్టుదిట్టమైన బౌలింగ్‌ కారణంగా పరుగుల ఖాతా తెరవలేకపోయిన అతడు.. మరుసటి ఓవర్లో అల్జారీ జోసఫ్‌ బౌలింగ్‌లో సింగిల్‌ తీశాడు. అయితే 20 ఓవర్‌ రెండో బంతికే పెవిలియన్‌ చేరాడు. విండీస్‌ పేసర్‌ షెఫర్డ్‌ సంధించిన షార్ట్‌ బాల్‌ను తప్పుగా అంచనా వేసి మూల్యం చెల్లించుకున్నాడు. వికెట్‌ కీపర్‌ షాయీ హోప్‌నకు సింపుల్‌ క్యాచ్‌ ఇచ్చి వెనుదిరిగాడు.  సంజూ సైతం.. మొత్తంగా 8 బంతులు ఎదుర్కొని కేవలం ఒక్క పరుగు మాత్రమే తీసిన అక్షర్‌.. తనకు వచ్చిన అవకాశాన్ని సద్వినియోగం చేసుకోలేకపోయాడు. దీంతో అభిమానులు ఉసూరుమంటున్నారు. ‘‘మంచి ఛాన్స్‌ను మిస్‌ చేశావు’’ అంటూ ఆవేదన వ్యక్తం చేస్తున్నారు. కాగా 24.1 ఓవర్లలో 5 వికెట్ల నష్టానికి టీమిండియా 113 పరుగులు చేసింది. సంజూ శాంసన్‌(9), హార్దిక్‌ పాండ్యా(7) కూడా పూర్తిగా నిరాశపరిచారు. ఇక ఇప్పటికే తొలి వన్డేలో 5 వికెట్ల తేడాతో గెలుపొందిన భారత జట్టు.. మూడు మ్యాచ్‌ల సిరీస్‌లో 1-0తో ముందున్న సంగతి తెలిసిందే.   చదవండి: కావాలనే రోహిత్‌, కోహ్లి లేకుండా! మ్యాచ్‌ ఓడిపోతేనే! ఆసియా కప్‌ తర్వాత ఇద్దరూ అవుట్‌?  Ishan Kishan gets to his fifty. Can he make it a big one here? . .#INDvWIAdFreeonFanCode #INDvWI pic.twitter.com/FlqtTjBImC — FanCode (@FanCode) July 29, 2023

West Indies vs India, 1st ODI: ‘‘గతంలో చాలా సార్లు నాకిలా జరిగింది. పరిస్థితులు, జట్టు కూర్పునకు అనుగుణంగా మేనేజ్‌మెంట్‌ నిర్ణయాలు తీసుకునే క్రమంలో నాకు ఆడే అవకాశం రాలేదు. జట్టులోకి రావడం, వెళ్లడం.. ఇప్పుడిదంతా సర్వసాధారణమైపోయింది. ఎన్నో ఏళ్లుగా నేను క్రికెట్‌ ఆడుతున్నాను. దాదాపు ఆరేళ్లకు పైనే అయింది. ఇవన్నీ అత్యంత సాధారణ విషయాలు’’ అని టీమిండియా స్పిన్నర్‌ కుల్దీప్‌ యాదవ్‌ అన్నాడు. వచ్చిన అవకాశాలను సద్వినియోగం చేసుకోవడం మాత్రమే మన చేతుల్లో ఉంటుందని పేర్కొన్నాడు. కాగా గత కొంతకాలంగా ఈ చైనామన్‌ స్పిన్నర్‌ టీమిండియాకు ఎంపికవుతున్నా అప్పుడప్పుడు మాత్రమే తుదిజట్టులో చోటు దక్కించుకోగలుగుతున్నాడు. టెస్టు క్రికెట్‌లో కాస్త వెనుకబడ్డాడు! ముఖ్యంగా టెస్టు క్రికెట్‌లో సీనియర్లు రవిచంద్రన్‌ అశ్విన​, రవీంద్ర జడేజాలు పాతుకుపోగా.. వీరితో పాటు ఆల్‌రౌండర్‌గా అక్షర్‌ పటేల్‌ కూడా దూసుకుపోతున్నాడు. దీంతో గత కొంత కాలంగా పరిమిత ఓవర్ల క్రికెట్‌కే పరిమితమైన కుల్దీప్‌ యాదవ్‌ వెస్టిండీస్‌తో వన్డే సిరీస్‌ సందర్భంగా జట్టులోకి వచ్చాడు. సంచలన స్పెల్‌తో మెరిసి బార్బడోస్‌ వేదికగా జరిగిన తొలి మ్యాచ్‌లో 3 ఓవర్ల బౌలింగ్‌లో కేవలం 6 పరుగులు మాత్రమే ఇచ్చి 4 వికెట్లు తీసి సంచలన ప్రదర్శనతో ఆకట్టుకున్నాడు. విండీస్‌పై టీమిండియా ఐదు వికెట్ల తేడాతో గెలుపొందడంలో కీలక పాత్ర పోషించి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఈ నేపథ్యంలో మ్యాచ్‌ అనంతరం మీడియాతో మాట్లాడిన కుల్దీప్‌ యాదవ్‌కు జట్టులో సుస్థిర స్థానం లేకపోవడం గురించి ప్రశ్న ఎదురుకాగా పైవిధంగా స్పందించాడు. ఇక ఇప్పుడు కూడా తన దృష్టి కేవలం వికెట్లు తీయడంపై ఉండదని.. చక్కని లైన్‌ అండ్‌ లెంగ్త్‌తో పొదుపుగా బౌలింగ్‌ చేయడమే ముఖ్యమని భావిస్తానని పేర్కొన్నాడు. ఈ నేపథ్యంలో కుల్దీప్‌ వ్యాఖ్యలు నెట్టింట వైరల్‌గా మారాయి. చదవండి: సెంట్రల్‌ కాంట్రాక్ట్‌ నుంచి తొలగింపు.. భువనేశ్వర్‌ కుమార్‌ కీలక నిర్ణయం!

Ind Vs WI 2023: వెస్టిండీస్‌తో టీ20 సిరీస్‌కు భారత క్రికెట్‌ నియంత్రణ మండలి ప్రకటించిన జట్టులో నలుగురు స్పిన్‌ బౌలర్లకు చోటు దక్కింది. ఇద్దరు లెగ్‌ స్పిన్నర్లు యజువేంద్ర చహల్‌, రవి బిష్ణోయి.. ఇద్దరు లెఫార్మ్‌ స్పిన్నర్లు అక్షర్‌ పటేల్‌, కుల్దీప్‌ యాదవ్‌ టీ20 జట్టులో స్థానం సంపాదించారు. విండీస్‌ గడ్డపై మ్యాచ్‌కు సెలక్టర్లు ఈ మేరకు నలుగురు స్పిన్నర్లను ఎంపిక చేయడాన్ని టీమిండియా మాజీ ఓపెనర్‌ ఆకాశ్‌ చోప్రా సమర్థించాడు. కరేబియన్‌ దీవిలో ప్రస్తుతం స్లో, టర్నింగ్‌ పిచ్‌లు ఉన్న నేపథ్యంలో సెలక్టర్లు ఈ మేరకు నిర్ణయం తీసుకుని ఉంటారని అభిప్రాయపడ్డాడు. ఇక విండీస్‌తో ఐదు మ్యాచ్‌ల టీ20 సిరీస్‌లో భారత స్పిన్‌ విభాగంలో రవీంద్ర జడేజాకు చోటు ఇవ్వకపోవడంపై కూడా ఆకాశ్‌ చోప్రా స్పందించాడు. అందుకే జడ్డూ జట్టులో లేడు తన యూట్యూబ్‌ చానెల్‌ వేదికగా మాట్లాడుతూ.. ‘‘వెస్టిండీస్‌తో టీ20 జట్టులో నలుగురు స్పిన్నర్లు అక్షర్‌ పటేల్‌, యుజీ చహల్‌, కుల్దీప్‌ యాదవ్‌, రవి బిష్ణోయికి సెలక్టర్లు చోటిచ్చారు. రవీంద్ర జడేజా లేడు కాబట్టి ఆల్‌రౌండర్‌ స్థానంలో అక్షర్‌ పటేల్‌కు తప్ప మరొకరికి స్థానం లేదు.  నా అభిప్రాయం ప్రకారం.. కేవలం జడ్డూపై పని ఒత్తిడి తగ్గించడానికి మాత్రమే అతడిని పక్కన పెట్టి ఉంటారు. నిజానికి టీ20 ఫార్మాట్లో రవీంద్ర జడేజా ప్రదర్శనపై ఎవరికీ ఎలాంటి అనుమానాలు లేవు. అయితే, అతడు కరేబియన్‌ గడ్డపై టెస్టులు, వన్డేలు ఆడాల్సి ఉంది. పాండ్యా సారథ్యంలో కాబట్టి జడ్డూకు విశ్రాంతినిచ్చే క్రమంలో మాత్రమే అతడి స్థానంలో అక్షర్‌ పటేల్‌ను ఎంపిక చేశారు. అంతేతప్ప జడ్డూను జట్టు నుంచి తప్పించినట్లు కాదు’’ అని ఆకాశ్‌ చోప్రా చెప్పుకొచ్చాడు. కాగా ఆగష్టు 3- 13 వరకు టీమిండియా- వెస్టిండీస్‌ మధ్య ఐదు మ్యాచ్‌ల టీ20 సిరీస్‌ జరుగనుంది. ఈ సిరీస్‌లో భారత జట్టుకు హార్దిక్‌ పాండ్యా సారథ్యం వహించనున్నాడు. విండీస్‌తో టి20 సిరీస్‌కు బీసీసీఐ ప్రకటించిన జట్టు: ఇషాన్ కిషన్ (వికెట్‌ కీపర్‌), శుబ్‌మన్‌ గిల్, యశస్వి జైస్వాల్, తిలక్ వర్మ, సూర్య కుమార్ యాదవ్ (వైస్‌ కెప్టెన్‌), సంజు శాంసన్ (వికెట్‌ కీపర్‌), హార్దిక్ పాండ్యా (కెప్టెన్‌), అక్షర్ పటేల్, యుజ్వేంద్ర చాహల్, కుల్దీప్ యాదవ్, రవి బిష్ణోయ్, అర్ష్దీప్ సింగ్, ఉమ్రాన్ మాలిక్, అవేష్ ఖాన్, ముఖేష్ కుమార్. చదవండి: Ind Vs WI: విఫలమైన కోహ్లి.. 2 పరుగులకే అవుట్‌! వీడియో వైరల్‌ రింకూ సింగ్‌కు గుడ్‌ న్యూస్‌.. భారత జట్టులో చోటు! వాళ్లకు కూడా

త్వరలో ప్రారంభంకానున్న వెస్టిండీస్‌ పర్యటనకు భారత జట్ల ఎంపిక పూర్తయ్యింది. విండీస్‌ పర్యటనలో భారత్‌ మూడు ఫార్మాట్ల సిరీస్‌లు ఆడనుంది. ఈ మూడు సిరీస్‌ల కోసం భారత సెలెక్టర్లు మూడు వేర్వేరు జట్లను ప్రకటించారు. అయితే ఈ పర్యటన నిమిత్తం ఎంపిక చేసిన ఆటగాళ్లలో సెలెక్టర్లు నలుగురికి పెద్ద పీట వేశారు. వారు తమకు వెరీ వెరీ స్పెషల్‌ అన్నట్లుగా వ్యవహరించారు. రోహిత్‌, కోహ్లిల కంటే వారికి ఎక్కువ ప్రాధాన్యత ఇచ్చారు. హిట్‌మ్యాన్‌, రన్‌ మెషీన్‌లను టీ20 జట్టులోకి తీసుకోని సెలెక్టర్లు.. మూడు ఫార్మాట్ల జట్లలో ఆ నలుగరుని ఎంపిక చేసి, వన్డే వరల్డ్‌కప్‌ కోసం వారిని సిద్దం చేస్తున్నామన్న సంకేతాలిచ్చారు. ఆ నలుగురు ఎవరంటే.. శుభ్‌మన్‌ గిల్‌, ఇషాన్‌ కిషన్‌, అక్షర్‌ పటేల్‌, ముకేశ్‌ కుమార్‌. ఈ నలుగరు క్రికెటర్లు టెస్ట్‌, వన్డే, టీ20 జట్లకు ఎంపికయ్యారు. సెలెక్టర్లు వీరికి ఇచ్చిన ప్రాధాన్యతను బట్టి చూస్తే మూడు ఫార్మాట్ల తుది జట్టలో వీరు ఉండటం ఖాయమని తెలుస్తుంది. గిల్‌ సూపర్‌ ఫామ్‌ దృష్ట్యా ఎలాగూ తుది జట్టులో ఉంటాడు. టీమిండియాకు రెగ్యులర్‌ వికెట్‌కీపర్‌ లేనందున ఇషాన్‌ కిషన్‌ కూడా లక్కీ ఛాన్స్‌ కొట్టేశాడు. ఒకవేళ సంజూ శాంసన్‌ను కూడా తుది జట్టులోకి తీసుకోవాలని భావిస్తే, ఇషాన్‌ బ్యాటర్‌గానైనా కొనసాగే అవకాశం ఉంది. టెస్ట్‌ల్లో జడేజాకు అవకాశం ఇచ్చినా.. వన్డే, టీ20ల్లో అక్షర్‌ పటేల్‌ స్థానానికి ఢోకా ఉండదు. ఇక ఈ నలుగురిలో మోస్ట్‌ లక్కీ ఎవరంటే ముకేశ్‌ కుమారేనని చెప్పాలి. షమీ గైర్హాజరీలో స్పెషలిస్ట్‌ రైట్‌ ఆర్మ్‌ పేసర్‌ కోటాలో ముకేశ్‌ జాక్‌పాట్‌ కొట్టాడు. ఈ నలుగురు విండీస్‌ పర్యటన పరిమిత ఓవర్ల సిరీస్‌లలో రాణిస్తే, వరల్డ్‌కప్‌ బెర్త్‌ దక్కించుకోవడం ఖాయం. విండీస్‌తో టెస్టులకు భారత జట్టు: రోహిత్ శర్మ (కెప్టెన్), శుభ్‌మన్ గిల్, రుతురాజ్ గైక్వాడ్, విరాట్ కోహ్లీ, యశస్వి జైస్వాల్, అజింక్య రహానే (వైస్‌ కెప్టెన్‌), కెఎస్ భరత్ (వికెట్‌), ఇషాన్ కిషన్ (వికెట్‌ కీపర్‌), ఆర్ అశ్విన్, ఆర్ జడేజా, శార్దూల్ ఠాకూర్, అక్షర్ పటేల్ , మహ్మద్‌ సిరాజ్, ముఖేష్ కుమార్, జయదేవ్ ఉనద్కత్, నవదీప్ సైనీ.  వన్డే సిరీస్‌కు భారత జట్టు: రోహిత్ శర్మ (కెప్టెన్), శుభ్‌మన్ గిల్, రుతురాజ్ గైక్వాడ్, విరాట్ కోహ్లీ, సూర్యకుమార్‌ యాదవ్‌, హార్ధిక్‌ పాండ్యా, ఇషాన్ కిషన్ (వికెట్‌ కీపర్‌), సంజు శాంసన్ (వికెట్‌ కీపర్‌), ఆర్ జడేజా, శార్దూల్ ఠాకూర్, అక్షర్ పటేల్ , మహ్మద్‌ సిరాజ్, ముఖేష్ కుమార్, జయదేవ్ ఉనద్కత్, చహల్‌, కుల్దీప్‌ యాదవ్‌, ఉమ్రాన్‌ మాలిక్‌.  టీ20 సిరీస్‌కు భారత జట్టు: ఇషాన్ కిషన్ (వికెట్‌ కీపర్‌), శుబ్‌మన్‌ గిల్, యశస్వి జైస్వాల్, తిలక్ వర్మ, సూర్య కుమార్ యాదవ్ (వైస్‌ కెప్టెన్‌), సంజు శాంసన్ (వికెట్‌ కీపర్‌), హార్దిక్ పాండ్యా (కెప్టెన్‌), అక్షర్ పటేల్, యుజ్వేంద్ర చాహల్, కుల్దీప్ యాదవ్, రవి బిష్ణోయ్, అర్ష్దీప్ సింగ్, ఉమ్రాన్ మాలిక్, అవేష్ ఖాన్, ముఖేష్ కుమార్. విండీస్‌ పర్యటన  వివరాలు.. జులై 12-16- తొలి టెస్ట్‌, డొమినికా జులై 20-24- రెండో టెస్ట్‌, పోర్ట్‌ ఆఫ్‌ స్పెయిన్‌ జులై 27- తొలి వన్డే, బ్రిడ్జ్‌టౌన్‌ జులై 29- రెండో వన్డే, బ్రిడ్జ్‌టౌన్‌ ఆగస్ట్‌ 1- మూడో వన్డే, పోర్ట్‌ ఆఫ్‌ స్పెయిన్‌ ఆగస్ట్‌ 4- తొలి టీ20, పోర్ట్‌ ఆఫ్‌ స్పెయిన్‌ ఆగస్ట్‌ 6- రెండో టీ20, గయానా ఆగస్ట్‌ 8- మూడో టీ20, గయానా ఆగస్ట్‌ 12- నాలుగో టీ20, ఫ్లోరిడా ఆగస్ట్‌ 13- ఐదో టీ20, ఫ్లోరిడా

మూడు ఫార్మాట్‌లలో భారత జట్టు కెప్టెన్‌గా స్టార్‌ ఓపెనర్‌ రోహిత్‌ శర్మ కొనసాగుతున్న తెలిసిందే. గతేడాది విరాట్‌ కోహ్లి నుంచి టీమిండియా కెప్టెన్సీ బాధ్యతలను రోహిత్‌ శర్మ స్వీకరించాడు.  కెప్టెన్సీ పరంగా రోహిత్‌ శర్మ ద్వైపాక్షిక సిరీస్‌లలో సఫలమైనప్పటికీ.. ఐసీసీ ఈవెంట్‌లలో మాత్రం జట్టును నడిపించడంలో విఫలమయ్యాడు. ముఖ్యంగా ఆసియాకప్‌, టీ20 ప్రపంచకప్‌-2022, డబ్ల్యూటీసీ ఫైనల్లో ఘోర ఓటములును టీమిండియా చవిచూసింది. ఈ క్రమంలో రోహిత్‌ వారసుడును తయారు చేయాల్సిన సమయం ఆసన్నమైంది అని పలువరు మాజీ క్రికెటర్‌లు అభిప్రాయపడ్డారు. కాగా భారత్‌ వేదికగా జరగనున్న వన్డే ప్రపంచకప్‌ తర్వాత రోహిత్‌ కెప్టెన్సీపై బీసీసీఐ ఓ నిర్ణయం తీసుకునే అవకాశం ఉంది. అయితే భవిష్యత్తులో టీమిండియా కెప్టెన్సీ కోసం ఇద్దరు ఆటగాళ్ల పేర్లను భారత క్రికెట్‌ దిగ్గజం సునీల్ గవాస్కర్ సూచించాడు. వారిద్దరూ ఎవరో కాదు.. ఒకరు టీమిండియా యువ ఓపెనర్‌ శుబ్‌మన్‌ గిల్‌.. మరొకరు ఆల్‌రౌండ్‌ అక్షర్‌ పటేల్‌. వారిని ఇప్పటి నుంచి జట్టు పగ్గాలు చేపట్టే విధంగా భారత సెలక్టర్లు తాయారు చేయాలని గవాస్కర్ అన్నాడు. "శుబ్‌మన్‌ గిల్‌, అక్షర్‌ పటేల్‌కు భవిష్యత్తులో టీమిండియా కెప్టెన్‌లు అయ్యే ఛాన్స్‌ ఉంది. గిల్‌ ఇప్పటికే తానుంటో నిరూపించుకోగా.. అక్షర్‌ రోజు రోజుకు మరింత మెరుగవుతున్నాడు. వీరిద్దని వేర్వేరు ఫార్మాట్‌లలో భారత జట్టు వైస్‌ కెప్టెన్‌లుగా నియమించాలి. ఇప్పటి నుంచే జట్టు పగ్గాలు చేపట్టే విధంగా తాయారుచేసుకోవాలి. నావరకు అయితే వీరిద్దరిని ఫ్యూచర్‌ కెప్టెన్‌లుగా సిద్దం చేసుకుంటే చాలు. ఇక టెస్టుల్లో అజింక్య రహానెను వైస్ కెప్టెన్‌గా చేయడం ఏ మాత్రం తప్పులేదు. కానీ ఒక యువ ఆటగాడిని నాయుకుడిగా తీర్చిదిద్దే అవకాశాన్ని సెలక్టర్లు కోల్పో‍యారు. టెస్టుల్లో భవిష్యత్తు కెప్టెన్‌గా ఎవరో ఒకరిని అనుకుని వైస్‌ కెప్టెన్‌గా ఎంపిక చేసి ఉంటే బాగుండేది" అని స్పోర్ట్స్‌ టూడేకు ఇచ్చిన ఇంటర్వ్యూలో సునీల్ గవాస్కర్ పేర్కొన్నారు. చదవండి: IND vs WI: వెస్టిండీస్‌ టూర్‌.. టీమిండియా అభిమానులకు గుడ్‌ న్యూస్‌!

WTC Final 2021-23: ‘‘ఐపీఎల్‌ ఆడుతున్న సమయంలోనూ మేము రెడ్‌బాల్‌తో ఎలా బౌలింగ్‌ చేయాలన్న అంశంపై చర్చించాం. మా దగ్గర రెడ్‌బాల్స్‌ ఉండేవి. అప్పుడప్పుడు మేము వాటితో ప్రాక్టీస్‌ చేసేవాళ్లం. వీలు దొరికినప్పుడల్లా నెట్స్‌లో కసరత్తులు చేసేవాళ్లం. నిర్విరామంగా రెండేసి నెలల పాటు పరిమిత ఓవర్ల క్రికెట్‌ ఆడి వెంటనే టెస్టు ఫార్మాట్‌కు మారడం అంటే కొంచెం కష్టమే. మానసికంగా సిద్ధపడితేనే ఒత్తిడి అధిగమించగలం’’ అని టీమిండియా స్పిన్‌ ఆల్‌రౌండర్‌ అక్షర్‌ పటేల్‌ పేర్కొన్నాడు. బీజీటీ-2023లో గెలిచి ఐపీఎల్‌-2023 సమయం నుంచే ప్రపంచ టెస్టు చాంపియన్‌షిప్‌ ఫైనల్‌కు సిద్ధమయ్యే పనిలో పడ్డామని వెల్లడించాడు. కాగా టీమిండియా- ఆస్ట్రేలియా డబ్ల్యూటీసీ ఫైనల్‌కు అర్హత సాధించిన విషయం తెలిసిందే. బోర్డర్‌- గావస్కర్‌ ట్రోఫీ-2023లో ఆసీస్‌ను మట్టికరిపించిన భారత్‌.. కంగారూలతో పాటు తుదిమెట్టుపై అడుగుపెట్టింది. ఈ క్రమంలో జూన్‌ 7-11 మధ్య ఇంగ్లండ్‌ వేదికగా టీమిండియా- ఆసీస్‌ ఐసీసీ ట్రోఫీ కోసం పోటీపడనున్నాయి. ఈ నేపథ్యంలో అక్షర్‌ పటేల్‌ ఐసీసీతో మాట్లాడుతూ ఆసక్తికర విషయాలు వెల్లడించాడు. ఐపీఎల్‌ సందర్భంగా డ్యూక్‌ బాల్స్‌తో ప్రాక్టీస్‌ చేసినట్లు తెలిపాడు. డ్యూక్‌ బాల్స్‌తో ప్రాక్టీస్‌ ‘‘ఐపీఎల్‌ సమయంలో మేము డ్యూక్‌ బాల్స్‌ ఆర్డర్‌ చేశాం. వాటితో ప్రాక్టీస్‌ చేశాం. మ్యాచ్‌ జరిగేది ఇంగ్లండ్‌లో! కాబట్టి డ్యూక్‌ బంతులతో ఆడటం అలవాటు చేసుకోవాలని ఇలా చేశాం. నిజానికి వైట్‌ బాల్‌ నుంచి రెడ్‌ బాల్‌కు మారడం.. ఎస్‌జీ బాల్స్‌ నుంచి డ్యూక్‌ బాల్స్‌కు మారడం వంటిదే. అయితే, ఇలాంటి సమయాల్లోనే మన నైపుణ్యాలకు పదునుపెట్టాల్సి వస్తుంది. ప్రణాళికలు పక్కాగా అమలు చేయగలగాలి. ఎలాంటి బాల్‌ అయినా సరే.. సరైన లైన్‌ అండ్‌ లెంగ్త్‌తో బౌలింగ్‌ చేయగలగాలి. డబ్ల్యూటీసీ ఫైనల్‌ ఇంగ్లండ్‌లో జరుగబోతోంది. భారత్‌తో పోల్చుకుంటే అక్కడ పిచ్‌ పరిస్థితులు భిన్నంగా ఉంటాయి’’ అని అక్షర్‌ పటేల్‌ వ్యాఖ్యానించాడు. PC: TOI కాగా భారత్‌ వేదికగా జరిగిన బీజీటీ-2023లో బంతి కంటే కూడా బ్యాట్‌తోనే అక్షర్‌ రాణించాడు. ఆసీస్‌తో ఈ టెస్టు సిరీస్‌లో 264 పరుగులు సాధించాడు. ఉస్మాన్‌ ఖవాజా(333), విరాట్‌ కోహ్లి (297) తర్వాతి స్థానంలో నిలిచాడు. డ్యూక్‌ బాల్స్‌.. 1760లో డ్యూక్‌ కుటుంబం క్రికెట్‌ ఎక్విప్‌మెంట్‌ తయారు చేసే కంపెనీని ప్రారంభించింది. 1987లో ఈ కంపెనీని భారత వ్యాపారవేత్త దిలీప్‌ జజోడియా కొనుగోలు చేశారు. ఈ కంపెనీ తయారు చేసే బాల్స్‌ డ్యూక్‌ బాల్స్‌గా పేరొందాయి. వీటిని ఇంగ్లండ్‌, వెస్టిండీస్‌, ఐర్లాండ్‌లలో ఉపయోగిస్తారు. ఎస్‌జీ బాల్‌ను బారత్‌లో వాడతారు.  చదవండి: డబ్ల్యూటీసీ ఫైనల్‌.. రవీంద్ర జడేజాకు నో ఛాన్స్‌! కారణమిదే..

ఐపీఎల్‌లో బ్యాటర్లు రాజ్యమేలే ఆనవాయితీ ఈ సీజన్‌లోనూ కొనసాగింది. ఫాస్ట్‌ బౌలర్‌, స్పిన్నర్‌ అన్న తేడా లేకుండా దాదాపు ప్రతి బౌలర్‌ను బ్యాటర్లు చితకబాదారు. షమీ, రషీద్‌ ఖాన్‌, మోహిత్‌ శర్మ లాంటి బౌలర్లు వికెట్లయితే పడగొట్టారు కానీ, పరుగులు ధారాళంగా సమర్పించుకున్నారు. ముంబై పేసర్‌ ఆకాశ్‌ మధ్వాల్‌ లాంటి బౌలర్లు ఒక మ్యాచ్‌లో అత్యుత్తమ గణాంకాలు (5/5) నమోదు చేసి, ఆ మరుసటి మ్యాచ్‌లోనే (4-0-52-1) తేలిపోయారు. ఇలాంటి ఘటనలు 73 మ్యాచ్‌ల్లో చాలా సందర్భాల్లో రిపీటయ్యాయి.   ఐపీఎల్‌-2023లో కనీసం 20 ఓవర్లు బౌల్‌ చేసి, అత్యంత చెత్త ఎకానమీ నమోదు చేసిన బౌలర్లపై ఓ లుక్కేద్దాం..   ఉమ్రాన్‌ మాలిక్‌.. 4 కోట్లు పెట్టి సన్‌రైజర్స్‌ తిరిగి దక్కించుకున్న ఈ కశ్మీర్‌ ఎక్స్‌ప్రెస్‌.. ఈ సీజన్‌లోకెల్లా అత్యంత చెత్త ఎకానమీ (8 మ్యాచ్‌ల్లో 10.85 ఎకానమీతో 5 వికెట్లు) కలిగిన బౌలర్‌గా నిలిచాడు. ఆ తర్వాతి స్థానంలో ముంబై పేసర్‌ క్రిస్‌ జోర్డాన్‌ (6 మ్యాచ్‌ల్లో 10.77 ఎకానమీతో 3 వికెట్లు) ఉన్నాడు. ఈ ముంబై పేసర్‌ ఆడిన ప్రతి మ్యాచ్‌లో ధారాళంగా పరుగులు సమర్పించుకుని తన జట్టు ఓటములకు ప్రధాన కారకుడిగా నిలిచాడు.  విజయ్‌కుమార్‌ వైశాక్‌.. ఈ ఏడాదే ఐపీఎల్‌ అరంగేట్రం చేసిన ఈ ఆర్సీబీ పేసర్‌ 7 మ్యాచ్‌ల్లో 10.54 ఎకానమీతో 9 వికెట్లు పడగొట్టాడు.   ముకేశ్‌ కుమార్‌.. ఈ ఏడాదే ఐపీఎల్‌ అరంగేట్రం చేసిన ఈ ఢిల్లీ పేసర్‌ 10 మ్యాచ్‌ల్లో 10.52 ఎకానమీతో 7 వికెట్లు పడగొట్టాడు. శార్దూల్‌ ఠాకూర్‌.. ఈ ఏడాది వేలానికి ముందు భారీ ధరకు ట్రేడ్‌ అయిన ఈ కేకేఆర్‌ ఆల్‌రౌండర్‌ ఈ సీజన్‌లో 11 మ్యాచ్‌లు ఆడి 10.48 ఎకానమీతో 7 వికెట్లు పడగొట్టాడు.  ఐపీఎల్‌ 2023లో చెత్త ఎకానమీ కలిగిన టాప్‌-5 బౌలర్లంతా పేసర్లే కాగా.. బెస్ట్‌ ఎకానమీ కలిగిన టాప్‌-4 బౌలర్లు స్పిన్నర్లు కావడం విశేషం. కనీసం 20 ఓవర్లు బౌల్‌ చేసి ఐపీఎల్‌ 2023 బెస్ట్‌ ఎకానమీ కలిగిన బౌలర్ల జాబితాలో అక్షర్‌ పటేల్‌ (14 మ్యాచ్‌ల్లో 7.19 ఎకానమీతో 11 వికెట్లు) అగ్రస్థానంలో ఉన్నాడు. ఆ తర్వాత కుల్దీప్‌ యాదవ్‌ (14 మ్యాచ్‌ల్లో 7.37 ఎకానమీతో 10 వికెట్లు), రవీంద్ర జడేజా (15 మ్యాచ్‌ల్లో 7.42 ఎకానమీతో 19 వికెట్లు), కృనాల్‌ పాండ్యా (15 మ్యాచ్‌ల్లో 7.45 ఎకానమీతో 9 వికెట్లు) టాప్‌-4లో ఉన్నారు.  ఇక ఈ ఏడాది ఐపీఎల్‌లో ఇప్పటివరకు జరిగిన మ్యాచ్‌ల్లో అత్యధిక వికెట్లు పడగొట్టి, పర్పుల్‌ క్యాప్‌ దక్కించుకున్న బౌలర్‌గా గుజరాత్‌ పేసర్‌ మహ్మద్‌ షమీ (16 మ్యాచ్‌ల్లో 28 వికెట్లు) కొనసాగుతున్నాడు. ఇతని తర్వాత రషీద్‌ ఖాన్‌ (16 మ్యాచ్‌ల్లో 27 వికెట్లు), మోహిత్‌ శర్మ (13 మ్యాచ్‌ల్లో 24 వికెట్లు) టాప్‌-3 బౌలర్లుగా ఉన్నారు. ఐపీఎల్‌ 2023లో టాప్‌-3 బౌలర్లంతా గుజరాత్‌కు చెందిన వారే కావడం విశేషం. వీరి దరిదాపుల్లో కూడా ఎవరూ లేరు.  చదవండి: ఐపీఎల్‌ 2023లో అతి పెద్ద సర్‌ప్రైజ్‌ ఎవరు..?

ఐపీఎల్‌-2023లో ఢిల్లీ క్యాపిటల్స్‌ మరో ఓటమి చవి చూసింది. అరుణ్‌ జైట్లీ స్టేడియం వేదికగా సన్‌రైజర్స్‌ హైదరాబాద్‌తో జరిగిన మ్యాచ్‌లో 9 పరుగుల తేడాతో పరాజయం పాలైంది. 198 పరుగుల భారీ లక్ష్యంతో బరిలోకి దిగిన ఢిల్లీ క్యాపిటల్స్‌ ఆదిలోనే కెప్టెన్‌ డేవిడ్‌ వార్నర్‌ వికెట్‌ కోల్పోయింది. అయినప్పటికీ మిచెల్‌ మార్ష్‌, ఫిలిప్‌ సాల్ట్‌లు ఢిల్లీ స్కోర్‌ బోర్డును పరుగులు పెట్టించారు.  ఒక దశలో వికెట్‌ వికెట్‌ నష్టానికి 112 పరుగులతో పటిష్టంగా  కనిపించిన ఢిల్లీ ఈజీగా మ్యాచ్‌ గెలిచేస్తుందని అంతా భావించారు. కానీ వరుస క్రమంలో వీరిద్దరూ ఔట్‌ కావడంతో ఫలితం తారుమారైంది. అయితే ఫిల్‌ సాల్ట్‌ ఔటైన తర్వాత అక్షర్‌ పటేల్‌కు బ్యాటింగ్‌ పంపించి ఉంటే ఫలితం మరో విధంగా ఉండేదాని పలువురు అభిప్రాయపడుతున్నారు. ఏడో స్థానంలో బ్యాటింగ్‌కు వచ్చిన అక్షర్‌ 29 పరుగులు చేసినప్పటికీ.. అప్పటికే జరగాల్సిన నష్టం జరిగిపోయింది. ఇ‍క ఇదే విషయంపై ఢిల్లీ క్యాపిటల్స్‌ కెప్టెన్‌ డేవిడ్‌ వార్నర్‌ మ్యాచ్‌ అనంతరం స్పందించాడు. అందుకే అక్షర్‌ను పంపలేదు.. "మేము బౌలింగ్‌లో దారుణంగా విఫలమయ్యాం. మిచిల్‌ మార్ష్‌ మాత్రం ఇక్కడి పరిస్థితులకు తగట్టు అద్భుతంగా బౌలింగ్‌ చేశాడు. అతడు మాకు కీలక ఆటగాడు. కానీ విజయానికి కేవలం 9 పరుగుల దూరంలో ఆగిపోవడం మమ్మల్ని చాలా నిరాశపరిచింది. పిచ్ మ్యాచ్‌ మొత్తం ఒకేలా ఉంది. మంచు ప్రభావం కూడా పెద్దగా లేదు. మాకు మంచి ఆరంభం లభించింది. కానీ మధ్యలో మేము వరుస క్రమంలో వికెట్లు కోల్పోయాం. అదే మా కొంపముం‍చింది.  మిడిల్‌ ఓవర్‌లలో ఎస్‌ఆర్‌హెచ్‌ స్పిన్నర్లు కూడా అద్భుతంగా బౌలింగ్‌ చేశారు. ఇక అక్షర్‌ పటేల్‌ మంచి టచ్‌లో ఉన్నాడని మాకు తెలుసు. అతడు స్నిన్నర్లను మంచిగా ఎదుర్కొంటాడు,. కానీ మా జట్టులో నాతో కలిపి ఇద్దరే లెఫ్ట్ హ్యాండర్లు ఉన్నారు. ఈ క్రమంలో అక్షర్ బ్యాటింగ్ చాలా కీలకం అని భావించాం. అందుకే అక్షర్‌ను కాదని గార్గ్‌, సర్ఫరాజ్‌ను పంపించాం. అక్షర్‌ ఆఖరిలో మ్యాచ్‌ను పూర్తి చేస్తాడని ఆశించాం. కానీ దురదృష్టవశాత్తూ అది జరగలేదు.  అయితే అక్షర్‌ను కొచెం ముందుగా బ్యాటింగ్‌కు పంపి ఉంటే ఫలితం వేరే విధంగా ఉండేదేమో" అని డేవిడ్‌ వార్నర్‌ పేర్కొన్నాడు. చదవండి: Mitchell Marsh: సిక్సర్ల వర్షం.. ఆట కట్టించిన అకీల్‌! కొం‍చెం కూడా తెలివి లేదు! అనవసరంగా..

ఐపీఎల్‌ 16వ సీజన్‌లో ఢిల్లీ క్యాపిటల్స్‌ వైఫల్యం కొనసాగుతుంది. తాజాగా ఎస్ఆర్‌హెచ్‌తో మ్యాచ్‌లో ఓటమిని కొనితెచ్చుకుంది. ఒక దశలో వికెట్‌ నష్టపోకుండా 112 పరుగులతో పటిష్టంగా కనిపించిన ఢిల్లీ ఈజీగా మ్యాచ్‌ గెలిచేస్తుందని అంతా భావించారు. అందుకు తగ్గట్లుగానే మిచెల్‌ మార్ష్‌, ఫిలిప్‌ సాల్ట్‌ల ఇన్నింగ్స్‌ కొనసాగింది. స్వల్ప వ్యవధిలో ఈ ఇద్దరు ఔట్‌ కావడం ఢిల్లీ క్యాపిటల్స్‌ కొంపముంచింది. వీరి తర్వాత వచ్చిన ఏ ఆటగాడు కూడా కనీసం క్రీజులో ఎక్కువసేపు నిలబడలేకపోయాడు. ఫామ్‌లో ఉన్న అక్షర్‌ పటేల్‌ను ఏడో స్థానంలో బ్యాటింగ్‌ పంపండం కూడా ఢిల్లీ ఓటమికి మరో కారణం. సాల్ట్‌ ఔటైన తర్వాత అక్షర్‌ పటేల్‌కు బ్యాటింగ్‌ ప్రమోషన్‌ ఇచ్చి నాలుగో స్థానంలో పంపి ఉంటే పరిస్థితి కచ్చితంగా వేరుగా ఉండేదే. ఎందుకంటే ఆఖరిదశలోనూ అక్షర్‌ పటేల్‌ వేగంగా ఆడేందుకే ప్రయత్నించాడు. 14 బంతుల్లో ఒక ఫోర్‌, రెండు సిక్సర్లతో 29 పరుగులు చేసిన అక్షర్‌పటేల్‌ క్రీజులోకి వచ్చేసరికి ఓవర్లు తక్కువగా ఉన్నాయి. దీంతో అతను కూడా ఏం చేయలేకపోయాడు. ఒక రకంగా ఇది కెప్టెన్‌ వార్నర్‌ తప్పు. ఫామ్‌లో ఉన్న అక్షర్‌ పటేల్‌ను కాదని మనీష్‌ పాండే, ప్రియమ్‌ గార్గ్‌లను బ్యాటింగ్‌ ఆర్డర్‌లో ముందు పంపించడం ఏంటో ఎవరికి అర్థం కాలేదు.  ఈ సీజన్‌లో అక్షర్‌ పటేల్‌ మంచి ప్రదర్శన కనబరుస్తున్నాడు. 8 మ్యాచ్‌ల్లో 211 పరుగులు చేసిన అక్షర్‌ ఖాతాలో ఒక హాఫ్‌ సెంచరీ ఉంది. ఇక బౌలింగ్‌లో ఏడు వికెట్లు పడగొట్టాడు. చదవండి: ఐపీఎల్‌ చరిత్రలో అత్యంత పేలవమైన ఔట్‌ అనుకుంటా!

ఐపీఎల్‌ 2023లో భాగంగా ఉప్పల్‌ వేదికగా సన్‌రైజర్స్‌ హైదరాబాద్‌తో నిన్న (ఏప్రిల్‌ 24) మ్యాచ్‌లో ఢిల్లీ క్యాపిటల్స్‌ 145 పరుగుల స్వల్ప లక్ష్యాన్ని విజయవంతంగా డిఫెండ్‌ చేసుకుని, 7 పరుగుల తేడాతో విజయం సాధించింది. ఈ మ్యాచ్‌లో ఆల్‌రౌండ్‌ ప్రదర్శనతో (34 బంతుల్లో 34, 4-0-21-2) రాణించినందుకు గాను జట్టు వైస్‌ కెప్టెన్‌ అక్షర్‌ పటేల్‌కు మ్యాన్‌ ఆఫ్‌ ద మ్యాచ్‌ అవార్డు లభించింది.  అక్షర్‌కు మ్యాన్‌ ఆఫ్‌ ద మ్యాచ్‌ అవార్డు లభించినప్పటికీ, ఢిల్లీని గెలిపించింది మాత్రం ఇంపాక్ట్‌ ప్లేయర్‌గా వచ్చిన ముకేశ్‌ కుమారేనని నెటిజన్లు కామెంట్లు చేస్తున్నారు. ఒత్తిడిలో చివరి ఓవర్‌ బౌల్‌ చేసిన ముకేశ్‌ అద్భుతమైన యార్కర్‌ బంతులను సంధించి, సన్‌రైజర్స్‌ను గెలవనీయకుండా చేశాడని అంటున్నారు.  ఆఖరి ఓవర్‌లో కష్టసాధ్యం కాని లక్ష్యాన్ని (13 పరుగులు) ముకేశ్‌ అద్భుతంగా డిఫెండ్‌ చేశాడని (5 పరుగులు మాత్రమే ఇచ్చాడు), ఢిల్లీపై ఫీల్డింగ్‌ పెనాల్టీ (30 యార్డ్స్‌ సర్కిల్‌ బయట నలుగురు ఫీల్డర్లకు మాత్రమే అనుమతి) అమల్లో ఉన్నా ఎంతో పరిణితితో బౌలింగ్‌ చేశాడని ముకేశ్‌పై ప్రశంసల వర్షం కురిపిస్తున్నారు.  ప్రస్తుత సీజన్‌లోనే ఐపీఎల్‌ అరంగేట్రం చేసిన 29 ఏళ్ల ముకేశ్‌ (బిహార్‌) ఎంతో అనుభవం ఉన్న బౌలర్‌లా ఆఖరి ఓవర్‌లో పరిస్థితులను హ్యాండిల్‌ చేశాడని, ఐపీఎల్‌ ప్లేయర్‌ ఆఫ్‌ ద మ్యాచ్‌ అక్షర్‌ పటేలే అయినా తమ హీరో మాత్రం ముకేశేనని ఢిల్లీ అభిమానులు కామెంట్స్‌ చేస్తున్నారు. ఢిల్లీ క్యాపిటల్స్‌ యాజమాన్యం సైతం ముకేశే తమను గెలిపించాడని, ఒత్తిడిలో అతడు పరిస్థితులను హ్యాండిల్‌ చేసిన తీరు అమోఘమని ప్రశంసల వర్షం కురిపించింది. ఈ సీజన్‌లో లక్నోతో జరిగిన మ్యాచ్‌తో ఐపీఎల్‌ అరంగేట్రం చేసిన ముకేశ్.. ఇప్పటివరకు ఆడిన 6 మ్యాచ్‌ల్లో 5 వికెట్లు పడగొట్టాడు.  కాగా, ఈ మ్యాచ్‌లో తొలుత బ్యాటింగ్‌ చేసిన ఢిల్లీ.. వార్నర్‌ (21), మిచెల్‌ మార్ష్‌ (25), మనీశ్‌పాండే (34), అక్షర్‌ పటేల్‌ (34) ఓ మోస్తరు స్కోర్లు చేయడంతో నిర్ణీత ఓవర్లలో 9 వికెట్ల నష్టానికి 144 పరుగులు చేసింది. సన్‌రైజర్స్‌ బౌలర్లలో వాషింగ్టన్‌ సుందర్‌ 3, భువనేశ్వర్‌ 2, నటరాజన్‌ ఓ వికెట్‌ పడగొట్టారు. కష్టసాధ్యంకాని లక్ష్యాన్ని ఛేదించేందుకు బరిలోకి దిగిన సన్‌రైజర్స్‌.. ఇషాంత్‌ శర్మ (1/18), నోర్జే (2/33), ముకేశ్‌ (0/27), అక్షర్‌ (2/21), కుల్దీప్‌ (1/22) ధాటికి చతికిలపడింది. ఆ జట్టు నిర్ణీత ఓవర్లలో 6 వికెట్ల నష్టానికి 137 పరుగులు మాత్రమే చేయగలిగింది.మయాంక్‌ అగర్వాల్‌ (49) టాప్‌ స్కోరర్‌గా నిలిచాడు.    

ఐపీఎల్‌-2023లో భాగంగా నిన్న (ఏప్రిల్‌ 11) మరో రసవత్తర మ్యాచ్‌ జరిగింది. అరుణ్‌ జైట్లీ స్టేడియం వేదికగా ఢిల్లీ క్యాపిటల్స్‌తో జరిగిన థ్రిల్లర్‌ గేమ్‌లో ముంబై ఇండియన్స్‌ ఆఖరి బంతికి విజయం సాధించింది. ఈ సీజన్‌లో ఇది వరుసగా మూడో లాస్ట్‌ బాల్‌ విక్టరీ మ్యాచ్‌ కావడం విశేషం. అంతకుముందు రింకూ సింగ్‌ ఊచకోతతో (ఆఖరి 5 బంతుల్లో 5 సిక్సర్లు) కేకేఆర్‌, ఆ తర్వాత స్టోయినిస్‌, పూరన్‌ విధ్వంసంతో లక్నో, తాజాగా రోహిత్‌, తిలక్‌ వర్మ మెరుపులతో ముంబై ఆఖరి బంతికి విజయం సాధించాయి. ముంబై గెలుపుకు ఆఖరి ఓవర్లో కేవలం 5 పరుగులు చేయాల్సి ఉండినప్పటికీ, నోర్జే కట్టుదిట్టమైన బౌలింగ్‌తో ముంబైకి ముచ్చెమటలు పట్టించాడు. అయితే, ఆఖరి బంతికి టిమ్‌ డేవిడ్‌ 2 పరుగులు తీయడంతో ముంబై 6 వికెట్ల తేడాతో విజయం సాధించింది.  ఇదిలా ఉంటే, ప్రస్తుత ఐపీఎల్‌ సీజన్‌లో ముంబై ఇండియన్స్‌ రెండు మ్యాచ్‌ల తర్వాత విజయం సాధించడంతో ఢిల్లీ ఆటగాడి మెరుపు ఇన్నింగ్స్‌ మరుగునపడిపోయింది. ఈ మ్యాచ్‌లో క్లిష్ట సమయంలో బ్యాటింగ్‌కు దిగిన అక్షర్‌.. ఆకాశమే హద్దుగా చెలరేగి 25 బంతుల్లో 4 ఫోర్లు, 5 సిక్సర్ల సాయంతో 54 పరుగులు చేసి డీసీ గౌరవప్రదమైన స్కోర్‌ సాధించేందుకు తోడ్పడ్డాడు. ఇటీవలికాలంలో ఫార్మాట్లకతీతంగా చెలరేగుతున్న అక్షర్‌.. ప్రస్తుత ఐపీఎల్‌ సీజన్‌లోనూ అద్భుతంగా బ్యాటింగ్‌ చేస్తూ పరిపూర్ణమైన బ్యాటర్‌గా గర్తింపు తెచ్చుకున్నాడు. ఈ సీజన్‌లో లక్నో సూపర్‌ జెయింట్స్‌పై 11 బంతుల్లో ఫోర్‌, సిక్స్‌ సాయంతో 16 పరుగులు చేసిన అక్షర్‌.. ఆతర్వాత గుజరాత్‌ టైటాన్స్‌పై 36 పరుగులు (22 బంతుల్లో 2 ఫోర్లు, 3 సిక్సర్ల సాయంతో), రాజస్థాన్‌ రాయల్స్‌పై 2 పరుగులు చేశాడు. ఐపీఎల్‌కు ముందు అక్షర్‌ అంతర్జాతీయ టీ20ల్లో కూడా అద్భుతంగా రాణించాడు. శ్రీలంకతో సిరీస్‌లో తొలి మ్యాచ్‌లో 20 బంతుల్లో 31 పరుగులు చేసిన అక్షర్‌.. రెండో టీ20లో 31 బంతుల్లో 65, మూడో టీ20లో 9 బంతుల్లో 21 పరుగులు స్కోర్‌ చేశాడు. బ్యాటింగ్‌ విషయంలో దినదినాభివృద్ధి చెందుతున్న అక్షర్‌.. టీమిండియాతో పాటు తన ఐపీఎల్‌ జట్టు ఢిల్లీ క్యాపిటల్స్‌కు కూడా కీలక ఆటగాడిగా మారాడు. 

ఢిల్లీ క్యాపిటల్స్‌ ఆల్‌రౌండర్‌ అక్షర్‌ పటేల్‌ కొట్టిన సిక్సర్‌ సూర్యను గాయపరిచింది. విషయంలోకి వెళితే.. ఇన్నింగ్స్‌ 17వ ఓవర్‌ జాసన్‌ బెహండార్ఫ్‌ వేశాడు. ఆ ఓవర్‌ మూడో బంతిని లాంగాన్‌ దిశగా సిక్సర్‌ బాదిన అక్షర్‌ నాలుగో బంతిని కూడా లాంగాన్‌ దిశగా భారీ షాట్‌ ఆడాడు. ఈసారి సూర్య బౌండరీ వద్ద క్యాచ్‌ అందుకునే ప్రయత్నం చేశాడు. అయితే చేతి నుంచి పట్టుజారిన బంతి సూర్య కుడి కంటి పైభాగాన్ని చీల్చుకుంటూ వెళ్లింది. దీంతో కంటికి చిన్న గాయమైంది. ఫిజియో వచ్చి పరీశీలించి డగౌట్‌కు తీసుకెళ్లాడు. కంటి పైభాగంలో ఏర్పడిన గాయానికి కుట్లు పడ్డట్లు తెలుస్తోంది. మొత్తానికి సూర్య గాయం ముంబై ఇండియన్స్‌ శిబిరంలో కాస్త ఆందోళన రేపింది. ఇక మ్యాచ్‌లో అక్షర్‌ పటేల్‌ హాఫ్‌ సెంచరీతో రాణించాడు. 24 బంతుల్లో 54 పరుగులు చేసి ఔటైన అక్షర్‌ పటేల్‌ ఇన్నింగ్స్‌లో 4 ఫోర్లు, 5 సిక్సర్లు ఉన్నాయి. Suryakumar Yadav seems to have hurt himself while attempting that catch of Axar Patel! #DCvMI #IPL2023 pic.twitter.com/0m06aQKbFy — Mohsin Kamal (@64MohsinKamal) April 11, 2023

గుజరాత్‌ టైటాన్స్‌తో మ్యాచ్‌లో ఢిల్లీ క్యాపిటల్స్‌ ఆల్‌రౌండర్‌ అక్షర్‌ పటేల్‌ అద్భుతంగా రాణించాడు. టాపార్డర్‌లో కెప్టెన్‌ డేవిడ్‌ వార్నర్‌ (37), సర్ఫరాజ్‌ ఖాన్‌(30) మినహా మిగతా వాళ్లు విఫలమైన వేళ అక్షర్‌ బ్యాట్‌ ఝులిపించాడు. ఈ స్పిన్‌ ఆల్‌రౌండర్‌ 22 బంతుల్లో 2 ఫోర్లు, 3 సిక్సర్లతో 36 పరుగులు సాధించాడు. ఈ క్రమంలో టాస్‌ ఓడి తొలుత బ్యాటింగ్‌కు దిగిన ఢిల్లీ నిర్ణీత 20 ఓవర్లలో 8 వికెట్లు నష్టపోయి 162 పరుగులు చేయగలిగింది. కానీ లక్ష్య ఛేదనకు దిగిన గుజరాత్‌ టైటాన్స్‌ను సాయి సుదర్శన్‌(62), డేవిడ్‌ మిల్లర్‌ (31) ఆఖరి వరకు అజేయంగా నిలిచి విజయతీరాలకు చేర్చారు. దీంతో సొంతగడ్డపై ఆడిన తొలి మ్యాచ్లో ఢిల్లీ ఆరు వికెట్ల తేడాతో ఓటమి పాలైంది. ఐపీఎల్‌-2023లో వరుసగా రెండో పరాజయం నమోదు చేసింది. ఇదిలా ఉంటే.. గుజరాత్‌తో మ్యాచ్‌లో అక్షర్‌ చేతికి వార్నర్‌ బంతినివ్వకపోవడం చర్చనీయాంశమైంది.  అందుకే అక్షర్‌ చేతికి బంతినివ్వలేదు.. అతడు మ్యాచ్‌ లాగేసుకున్నాడు ఈ నేపథ్యంలో మ్యాచ్‌ అనంతరం మాట్లాడిన ఢిల్లీ కెప్టెన్‌ వార్నర్‌ భాయ్‌.. తన నిర్ణయానికి గల కారణాన్ని వెల్లడించాడు. ‘‘మ్యాచ్‌ ఆరంభంలోనే గుజరాత్‌ సీమర్లను చూసి నేను ఆశ్చర్యపోయాననుకోకండి. నిజానికి ఊహించిన దానికంటే బంతి మరింత ఎక్కువగా స్వింగ్‌ అయింది. పరిస్థితులకు అనుగుణంగా ఎలా బౌలింగ్‌ చేయాలో వాళ్లు(గుజరాత్‌) చూపించారు. ఇంకా ఇక్కడ మరో ఆరు మ్యాచ్‌లు ఆడాల్సి ఉంది. ఆరంభ ఓవర్లలో బంతి ఇలాగే స్వింగ్‌ అయ్యే అవకాశం ఉంది. నిజానికి ఆఖరి వరకు మేము గెలుస్తామనే నమ్మకం ఉండింది. అయితే, సాయి అద్బుత బ్యాటింగ్‌తో మ్యాచ్‌ను మా నుంచి లాగేసుకున్నాడు. ఇక మిల్లర్‌ గురించి చెప్పేదేముంది. అతడు ఏం చేయగలడో అదే చేశాడు. నిజానికి డ్యూ(తేమ) ఎక్కువగా ఉంది. ఇలాంటి చోట 180-190 వరకు స్కోర్‌ చేస్తేనే మ్యాచ్‌ను కాపాడుకోగలం. అంతేగానీ అతడికి(అక్షర్‌ను ఉద్దేశించి) బౌలింగ్‌ ఇవ్వకపోవడం వల్ల కాదు’’ అని వార్నర్‌ తెలిపాడు. సీమర్లకు అనుకూలించే వికెట్‌పై స్పిన్‌ ఆల్‌రౌండర్‌ అక్షర్‌ పటేల్‌ చేతికి బంతినివ్వలేదని పరోక్షంగా చెప్పుకొచ్చాడు. ఇక ఈ మ్యాచ్‌లో 3 ఓవర్లు బౌలింగ్‌ చేసిన ఢిల్లీ చైనామన్‌ స్పిన్నర్‌ కుల్దీప్‌ యాదవ్‌ 18 పరుగులు ఇచ్చాడు.  చదవండి: IPL 2023: చెత్తగా ఆడుతున్నాడు.. వాళ్లను చూసి నేర్చుకో! సెహ్వాగ్‌ ఘాటు విమర్శలు DC Vs GT: రానున్న రెండేళ్లలో ఫ్రాంఛైజ్‌ క్రికెట్‌తో పాటు టీమిండియాలో కూడా! Double delight for @gujarat_titans 🙌🙌 They win their second consecutive game of #TATAIPL 2023 and move to the top of the Points Table. Scorecard - https://t.co/tcVIlEJ3bC#DCvGT pic.twitter.com/WTZbIZTQmm — IndianPremierLeague (@IPL) April 4, 2023

IPL 2023- Delhi Capitals New Captain: ఐపీఎల్‌-2023 సీజన్‌కు గానూ ఢిల్లీ క్యాపిటల్స్‌ తమ జట్టు సారథి పేరును ప్రకటించింది. ఆస్ట్రేలియా స్టార్‌ ఓపెనర్‌ డేవిడ్‌ వార్నర్‌ను కెప్టెన్‌గా నియమించినట్లు తెలిపింది. అతడికి డిప్యూటీగా టీమిండియా ఆల్‌రౌండర్‌ అక్షర్‌ పటేల్‌కు వైస్‌ కెప్టెన్‌గా అవకాశం ఇచ్చింది. ఈ మేరకు ఢిల్లీ క్యాపిటల్స్‌ గురువారం అధికారిక ప్రకటన విడుదల చేసింది. కాగా ఢిల్లీ క్యాపిటల్స్‌ రెగ్యులర్‌ కెప్టెన్‌ రిషభ్‌ పంత్‌ గతేడాది ఘోర రోడ్డుప్రమాదానికి గురైన విషయం విదితమే. ఈ నేపథ్యంలో టీమిండియా పలు కీలక సిరీస్‌లతో పాటు ఐపీఎల్‌-2023 సీజన్‌ మొత్తానికీ దూరమయ్యాడు. దీంతో అతడి స్థానంలో అనువభవజ్ఞుడైన వార్నర్‌ నాయకుడిగా జట్టును ముందుండి నడిపించనున్నాడు. కాగా గతంలో సన్‌రైజర్స్‌ హైదరాబాద్‌ కెప్టెన్‌గా సేవలు అందించిన వార్నర్‌ 2016లో ఆ జట్టును చాంపియన్‌గా నిలిపిన విషయం తెలిసిందే. ఇక గతేడాది పద్నాలుగింట ఏడు మ్యాచ్‌లు గెలిచిన ఢిల్లీ క్యాపిటల్స్‌ పాయింట్ల పట్టికలో ఐదో స్థానంలో నిలిచింది. ప్లే ఆఫ్స్‌ చేరకపోయినప్పటికీ మెరుగైన ప్రదర్శనతో పర్వాలేదనిపించింది. అయితే, ఈసారి మాత్రం పంత్‌ రూపంలో కెప్టెన్‌తో పాటు కీలక బ్యాటర్‌ సేవలు కోల్పోవడంతో పెద్ద ఎదురుదెబ్బ తగిలినట్లయింది. చదవండి: WTC Final: నంబర్‌ 1 బౌలర్‌ అశూ.. నంబర్‌ 1 ఆల్‌రౌండర్‌ జడ్డూ.. ఫైనల్లో ఆడేది ఎవరో ఒక్కరే! LLC 2023: క్రిస్‌ గేల్‌ వీరవిహారం.. వయసు పెరుగుతున్నా తగ్గేదేలేదంటున్న యూనివర్సల్‌ బాస్‌

WTC Final- India Vs Australia: ‘‘గతంలోనే తుది జట్టు ఎంపిక విషయంలో మేనేజ్‌మెంట్‌ తప్పు చేసింది. ఇద్దరు స్పిన్నర్లను ఆడించి మూల్యం చెల్లించింది. అక్కడ ఆడాల్సింది ఒకే ఒక్క మ్యాచ్‌. కాబట్టి జట్టు ఎంపిక విషయంలో ఆచితూచి వ్యవహరించాలి.  టెస్టు చాంపియన్‌షిప్‌ సైకిల్‌లో ఆఖరి మ్యాచ్‌ అయినందున చాలా మంది ఆటగాళ్లకు కూడా అదే చివరి మ్యాచ్‌ అవుతుంది. కాబట్టి తుది జట్టు కూర్పుపై స్పష్టత ఉంటేనే అత్యుత్తమ టీమ్‌ ఎంపిక సాధ్యమవుతుంది. గతంలో మాదిరి ఈసారి పొరపాట్లు దొర్లకుండా ఉండాలంటే అశ్విన్‌ లేదంటే జడేజాలలో ఎవరో ఒకరిని తప్పించాలి. నా అభిప్రాయం ప్రకారం వీళ్లిద్దరి మధ్య పోటీ ఉంటే కచ్చితంగా జడేజా వైపే మొగ్గు ఉంటుంది. ఎందుకంటే అతడు అశ్విన్‌ కంటే ఇంకాస్త మెరుగ్గా బ్యాటింగ్‌ చేయగలడు. ఇక వీళ్లిద్దరు ఫిట్‌గా ఉన్నారంటే అక్షర్‌ పటేల్‌కు కచ్చితంగా జట్టులో స్థానం దక్కదు. నాకు తెలిసి అతడికి బదులు శార్దూల్‌ జట్టులోకి వస్తాడు’’ అని టీమిండియా వెటరన్‌ క్రికెటర్‌, కామెంటేటర్‌ దినేశ్‌ కార్తిక్‌ అన్నాడు. అక్షర్‌కు నో చాన్స్‌ ప్రపంచ టెస్టు చాంపియన్‌షిప్‌ ఫైనల్లో భారత తుది జట్టు కూర్పుపై ఈ మేరకు క్రిక్‌బజ్‌ షోలో తన అభిప్రాయాలు పంచుకున్నాడు. స్పిన్‌ విభాగంలో రవిచంద్రన్‌ అశ్విన్‌ కంటే రవీంద్ర జడేజాకే తుది జట్టులో ఆడే అవకాశాలు ఎక్కువగా ఉన్నాయని అభిప్రాయపడ్డాడు. ఇక మరో స్పిన్‌ ఆల్‌రౌండర్‌ అక్షర్‌ పటేల్‌కు జట్టులో స్థానం దక్కడం కష్టమేనని పేర్కొన్నాడు. కాగా స్వదేశంలో ఆస్ట్రేలియాతో టెస్టు సిరీస్‌ గెలవడంలో అశ్విన్‌, జడేజా, అక్షర్‌ పటేల్‌ కీలక పాత్ర పోషించిన విషయం తెలిసిందే. అద్భుత ప్రదర్శనతో అశ్విన్‌, జడ్డూ ప్లేయర్‌ ఆఫ్‌ ది సిరీస్‌ అవార్డు అందుకున్నారు. అక్షర్‌ బ్యాట్‌ ఝులిపించి రోహిత్‌ సేన బోర్డర్‌- గావస్కర్‌ ట్రోఫీ గెలవడంలో తన వంతు సహాయం చేశాడు.  ఈ క్రమంలో ఆస్ట్రేలియాతో పాటు డబ్ల్యూటీసీ ఫైనల్‌ చేరుకున్న టీమిండియా ఇంగ్లండ్‌ వేదికగా జూన్‌ 7- 11 వరకు టెస్టు మ్యాచ్‌ ఆడనుంది. కాగా విదేశాల్లో.. ముఖ్యంగా పేస్‌కు అనుకూలించే పిచ్‌లపై తుదిజట్టులో సీమర్లకే అవకాశాలు ఎక్కువన్న నేపథ్యంలో డీకే ఈ మేరకు వ్యాఖ్యలు చేయడం గమనార్హం. నంబర్‌ 1 అశూ, జడ్డూ ఇదిలా ఉంటే.. డబ్ల్యూటీసీ 2019-21 ఫైనల్లో న్యూజిలాండ్‌తో మ్యాచ్‌లో అశ్విన్‌, జడేజా ఇద్దరూ ఆడారు. అశూ 4 వికెట్లు తీసి 29 పరుగులు చేయగా.. 31 పరుగులు చేసిన జడ్డూ.. ఒక వికెట్‌ తీశారు. ఈ మ్యాచ్‌లో 8 వికెట్ల తేడాతో గెలుపొందిన న్యూజిలాండ్‌ ట్రోఫీని కైవసం చేసుకుంది. కాగా అశ్విన్‌ ప్రస్తుతం ఐసీసీ టెస్టు ర్యాంకింగ్స్‌లో బౌలర్ల జాబితాలో నంబర్‌1గా ఉండగా.. జడ్డూ ఆల్‌రౌండర్ల విభాగంలో అగ్రస్థానంలో కొనసాగుతున్నాడు.  చదవండి: LLC 2023: క్రిస్‌ గేల్‌ వీరవిహారం.. వయసు పెరుగుతున్నా తగ్గేదేలేదంటున్న యూనివర్సల్‌ బాస్‌ WPL 2023: హమ్మ‍య్య,.. మొత్తానికి ఆర్‌సీబీ గెలిచింది

ICC Test All Rounders Rankings- Axar Patel: బోర్డర్‌- గావస్కర్‌ ట్రోఫీ-2023 సిరీస్‌లో టీమిండియా స్పిన్‌ ఆల్‌రౌండర్లు రవిచంద్రన్‌ అశ్విన్‌, రవీంద్ర జడేజా, అక్షర్‌ పటేల్‌ల ప్రదర్శన గురించి ప్రత్యేకంగా చెప్పనక్కర్లేదు. వెటరన్‌ స్పిన్నర్‌ అశూ బౌలింగ్‌ విభాగాన్ని ముందుండి నడిపిస్తే.. జడ్డూ ఆల్‌రౌండ్‌ ప్రతిభతో ఆకట్టుకున్నాడు. ఇక అక్షర్‌ పటేల్‌ వికెట్లు తీయలేకపోయినప్పటికీ బ్యాట్‌తో సత్తా చాటాడు.  ఆస్ట్రేలియాతో సొంతగడ్డపై ఈ ప్రతిష్టాత్మక నాలుగు మ్యాచ్‌ల సిరీస్‌లో అశ్విన్‌ 25 వికెట్లు తీసి అత్యధిక వికెట్లు పడగొట్టిన బౌలర్‌గా నిలవగా.. జడేజా 22 వికెట్లు తీయడంతో పాటు 135 పరుగులు సాధించాడు. ముఖ్యంగా మొదటి, రెండు టెస్టుల్లో టీమిండియా విజయాల్లో జడేజాదే ప్రధాన పాత్ర. ఈ క్రమంలో రెండుసార్లు ప్లేయర్‌ ఆఫ్‌ ది మ్యాచ్‌ అవార్డు అందుకున్న జడ్డూ ఓవరాల్‌గా అశ్విన్‌తో కలిసి ప్లేయర్‌ ఆఫ్‌ ది సిరీస్‌ అవార్డును పంచుకున్నాడు. మరోవైపు.. అక్షర్‌ పటేల్‌ ఈ ఆసీస్‌తో టెస్టు సిరీస్‌ తొలి మ్యాచ్‌లో విలువైన 84 పరుగులు సాధించాడు. ఒక వికెట్‌ తీయగలిగాడు. బ్యాట్‌ ఝులిపించిన అక్షర్‌ పటేల్‌ ఇక ఢిల్లీ టెస్టులో 74 పరుగులు చేసిన అక్షర్‌ పటేల్‌.. వికెట్లేమీ పడగొట్టలేకపోయాడు. ఇండోర్‌ టెస్టులో 27 పరుగులతో అజేయంగా నిలిచిన అతడు.. నిర్ణయాత్మక అహ్మదాబాద్‌ టెస్టులో 79 పరుగులతో ఆకట్టుకున్నాడు. రెండు వికెట్లు తన ఖాతాలో వేసుకున్నాడు. ఈ నేపథ్యంలో అంతర్జాతీయ మండలి బుధవారం ప్రకటించిన బ్యాటింగ్‌ ర్యాంకింగ్స్‌లో 44వ స్థానానికి చేరుకున్న అక్షర్‌.. ఆల్‌రౌండర్ల జాబితాలో నాలుగో స్థానానికి ఎగబాకాడు. ఇక ఇప్పటికే రవీంద్ర జడేజా ఈ జాబితాలో అగ్రస్థానంలో ఉండగా.. అశ్విన్‌ రెండో స్థానంలో కొనసాగుతున్నాడు. తాజాగా అక్షర్‌ రెండు స్థానాలు మెరుగుపరచుకుని ఇంగ్లండ్‌ సారథి బెన్‌స్టోక్స్‌ను వెనక్కినెట్టి నాలుగో ర్యాంకు సాధించాడు. ఈ నేపథ్యంలో ఐసీసీ టెస్టు ఆల్‌రౌండర్ల ర్యాంకింగ్స్‌లో టాప్‌-5లో ముగ్గురు టీమిండియా ఆటగాళ్లే ఉండటంతో అభిమానులు హర్షం ‍వ్యక్తం చేస్తున్నారు. ఐసీసీ టెస్టు ఆల్‌రౌండర్ల ర్యాంకింగ్స్‌లో టీమిండియా ఆటగాళ్ల సత్తా.. టాప్‌-5లో ఉన్నది వీళ్లే! 1. రవీంద్ర జడేజా- ఇండియా- 431 పాయింట్లు 2. రవిచంద్రన్‌ అశ్విన్‌- ఇండియా- 359 పాయింట్లు 3. షకీబ్‌ అల్‌ హసన్‌- బంగ్లాదేశ్‌- 329 పాయింట్లు 4. అక్షర్‌ పటేల్‌- ఇండియా- 316 పాయింట్లు 5. బెన్‌ స్టోక్స్‌- ఇంగ్లండ్‌- 307 పాయింట్లు. చదవండి: Rishabh Pant: వైరల్‌గా మారిన రిషబ్‌ పంత్‌ చర్య Ind Vs Aus ODIs: భారత్‌- ఆసీస్‌ వన్డే సిరీస్‌.. షెడ్యూల్‌, జట్లు.. పూర్తి వివరాలు

India vs Australia, 4th Test- Axar Patel Reocrd: టీమిండియా స్టార్‌ ఆల్‌రౌండర్‌ అక్షర్‌ పటేల్‌ చరిత్ర సృష్టించాడు. టెస్టుల్లో భారత్‌ తరఫున అత్యంత వేగంగా 50 వికెట్లు తీసిన బౌలర్‌గా రికార్డులకెక్కాడు. ఈ క్రమంలో స్టార్‌ పేసర్‌ జస్‌ప్రీత్‌ బుమ్రా పేరిట ఉన్న రికార్డు బద్దలు కొట్టాడు.  అదే విధంగా.. టెస్టుల్లో రికార్డుల రాజు, వెటరన్‌ స్పిన్నర్‌ రవిచంద్రన్‌ అశ్విన్‌ను వెనక్కినెట్టాడు ఈ స్పిన్‌ ఆల్‌రౌండర్‌. బోర్డర్‌- గావస్కర్‌ ట్రోఫీ-2023 సిరీస్‌లో ఆఖరిదైన నాలుగో టెస్టు ఆఖరి రోజు ఆట సందర్భంగా ఈ ఘనత సాధించాడు. అహ్మదాబాద్‌లో ఆసీస్‌ ఓపెనర్‌ ట్రవిస్‌ హెడ్‌ను బౌల్డ్‌ చేసిన అక్షర్‌.. అంతర్జాతీయ టెస్టు క్రికెట్‌లో 50 వికెట్ల మైలురాయిని చేరుకున్నాడు. బుమ్రా రికార్డు బద్దలు.. అశూ వల్ల కానిది! ఈ క్రమంలో బుమ్రా రికార్డు బద్దలు కొట్టిన అక్షర్‌.. అత్యంత తక్కువ బంతుల్లో టెస్టుల్లో 50 వికెట్ల ఘనత సాధించి చరిత్రకెక్కాడు. సెంచరీకి పది పరుగుల దూరంలో ఉన్న హెడ్‌ను అవుట్‌ చేసి ఈ అరుదైన ఫీట్‌ నమోదు చేశాడు. కాగా ఆసీస్‌తో నాలుగో టెస్టులో టీమిండియా తొలి ఇన్నింగ్స్‌లో 79 పరుగులు సాధించిన అక్షర్‌.. జట్టును పటిష్ట స్థితిలో తన వంతు పాత్ర పోషించిన విషయం తెలిసిందే. ఇదిలా ఉంటే ఆఖరి టెస్టు డ్రాగా ముగియడంతో సిరీస్‌ను టీమిండియా 2-1తో కైవసం చేసుకుంది. టెస్టుల్లో టీమిండియా తరఫున అత్యంత వేగంగా 50 వికెట్లు తీసిన బౌలర్లు 1. అక్షర్‌ పటేల్‌- 2205 బంతుల్లో 2. జస్‌ప్రీత్‌ బుమ్రా- 2465 బంతుల్లో 3. కర్సన్‌ ఘావ్రి- 2534 బంతుల్లో 4. రవిచంద్రన్‌ అశ్విన్‌- 2597 బంతుల్లో . చదవండి: Kane Williamson: 75 ఏళ్ల తర్వాత ఇదే తొలిసారి.. న్యూజిలాండ్‌ అత్యంత అరుదైన రికార్డు! వారెవ్వా కేన్‌ మామ WTC Final- Ind Vs Aus: అప్పుడు అడ్డుకున్న న్యూజిలాండ్‌.. ఈసారి ఇలా! టీమిండియాకు.. India 🇮🇳 🤝🏻 Australia 🇦🇺 The final Test ends in a draw as #TeamIndia win the Border-Gavaskar series 2-1 🏆#INDvAUS pic.twitter.com/dwwuLhQ1UT — BCCI (@BCCI) March 13, 2023 Milestone 🚨 - Congratulations @akshar2026 who is now the fastest Indian bowler to take 50 wickets in terms of balls bowled (2205). Travis Head is his 50th Test victim.#INDvAUS #TeamIndia pic.twitter.com/yAwGwVYmbo — BCCI (@BCCI) March 13, 2023

టీమిండియా స్పిన్నర్‌ అక్షర్‌ పటేల్‌ వికెట్‌ సాధించాడు. అదేంటి అతను ఒక బౌలర్‌.. వికెట్‌ సాధించడంలో గొప్పేముంది అనుకుంటే పొరపాటే. టీమిండియా, ఆస్ట్రేలియా మధ్య జరుగుతున్నబోర్డర్‌-గావస్కర్‌ ట్రోఫీలో అక్షర్‌ తొలి మూడు టెస్టులు కలిపి ఒక్క వికెట్‌ కూడా తీయలేకపోయాడు. అయితే బ్యాటింగ్‌లో మాత్రం అదరగొట్టిన అక్షర్‌ పటేల్‌ టీమిండియా తరపున రెండో టాప్‌ స్కోరర్‌గా ఉన్నాడు. మూడు టెస్టుల్లో నాలుగు ఇన్నింగ్స్‌లు కలిపి 185 పరుగులు చేసిన అక్షర్‌ ఖాతాలో రెండు హాఫ్‌ సెంచరీలు ఉన్నాయి.  ఆల్‌రౌండర్‌ అనే ట్యాగ్‌ ఉన్న అక్షర్‌ బ్యాట్‌తో రాణించినప్పటికి బంతితో మాత్రం విఫలమయ్యాడు. ఈ క్రమంలోనే నాలుగో టెస్టులో ఆసీస్‌ ఇన్నింగ్స్‌కు మూలస్తంభంలా నిలిచిన ఉస్మాన్‌ ఖవాజా(180 పరుగులు) వికెట్‌ను అక్షర్‌ దక్కించుకోవడం విశేషం. అక్షర్‌ పటేల్‌ బౌలింగ్‌లో ఖవాజా ఎల్బీగా వెనుదిరిగాడు. మొత్తంగా ఈ సిరీస్‌లో 47.4 ఓవర్లు బౌలింగ్‌ చేసిన తర్వాత వికెట్‌ పడగొట్టాడు. అక్షర్‌ పటేల్‌ తన టెస్టు కెరీర్‌లో ఒక వికెట్‌ తీయడం కోసం ఎదుర్కొన్న అతిపెద్ద గ్యాప్‌ ఇదే. చివరగా బంగ్లాదేశ్‌తో రెండో టెస్టులో అక్షర్‌ పటేల్‌ మూడు వికెట్లు తీశాడు. Axar Patel gets the BIG WICKET! 🙌 Usman Khawaja goes for 180(422) 👏#IndvsAus #BGT2023 #UsmanKhawaja #Cricket pic.twitter.com/7j2PfVKFxf — OneCricket (@OneCricketApp) March 10, 2023 చదవండి: డెబ్యూ శతకం.. టీమిండియాపైనే బాదాలా?

Australia tour of India, 2023: భారత్‌ వేదికగా జరుగుతున్న బోర్డర్‌- గావస్కర్‌ ట్రోఫీ సిరీస్‌లో మరో ఆసక్తికర పోరుకు రంగం సిద్ధమైంది. ఇండోర్‌ వేదికగా టీమిండియా- ఆస్ట్రేలియా మధ్య మార్చి 1 నుంచి మూడో టెస్టు ఆరంభం కానుంది. ఈ క్రమంలో ఇప్పటికే ఇరు జట్ల ఆటగాళ్లు ప్రాక్టీసులో తలమునకలయ్యారు. ఇదిలా ఉంటే.. నాగ్‌పూర్‌, ఢిల్లీ టెస్టులు రెండున్నర రోజుల్లోనే ముగిసిపోవడంపై ఆస్ట్రేలియా మీడియా, మాజీ క్రికెటర్లు పిచ్‌ల గురించి రాద్దాంతం చేసిన విషయం తెలిసిందే. నాలుగు మ్యాచ్‌ల టెస్టు సిరీస్‌ ఆరంభానికి ముందు ఆసీస్‌ వైస్‌ కెప్టెన్‌ స్టీవ్‌ స్మిత్‌, ఓపెనర్‌ డేవిడ్‌ వార్నర్‌ తదితరులు నాగ్‌పూర్‌ను పిచ్‌ను పరిశీలిస్తూ అత్యుత్సాహం ప్రదర్శించారు. పిచ్‌పై ఆసీస్‌ నిందలు ఇందుకు తోడు.. క్రికెట్‌ ఆస్ట్రేలియా సైతం ‘డాక్టర్డ్‌ పిచ్‌’ అంటూ ఆతిథ్య జట్టు తమకు అనుకూలంగా రూపొందించుకుందని నిందలు వేసింది. ఈ క్రమంలో తొలి రెండు టెస్టుల్లో స్పిన్నర్ల విజృంభణతో టీమిండియా గెలుపొందడం వారి అసహనాన్ని మరింత పెంచింది. అయితే, భారత స్పిన్‌ ఆల్‌రౌండర్లు రవీంద్ర జడేజా, అక్షర్‌ పటేల్‌ బ్యాట్‌తోనూ రాణించి జట్టు విజయాల్లో కీలక పాత్ర పోషించిన వేళ.. ఆసీస్‌ స్టార్‌ బ్యాటర్లు వార్నర్‌, ఉస్మాన్‌ ఖవాజా వంటి వాళ్లు పూర్తిగా విఫలమయ్యారు. దీంతో పిచ్‌పై నిందలు వేసే పనిలో పడి ఆస్ట్రేలియా ప్లేయర్లు ఆటపై దృష్టి పెట్టలేకపోయారంటూ విమర్శల పాలయ్యారు. అలా అయితే నయమే! ఈ క్రమంలో మూడో టెస్టుకు సంబంధించి ఎలాంటి పిచ్‌ను రూపొందిస్తారా అన్న అంశం క్రికెట్‌ వర్గాల్లో చర్చనీయాంశమైంది. ఈ నేపథ్యంలో ఇండోర్‌లోని హోల్కర్‌ స్టేడియం పిచ్‌ తయారీకి సంబంధించిన ఫొటోలు సోషల్‌ మీడియాలో వైరల్‌ అవుతున్నాయి. వీటిని గమనిస్తే పిచ్‌  ఎలాంటి పగుళ్లూ లేకుండా, కాస్త పచ్చగా కనిపిస్తోంది. మ్యాచ్‌ సమయానికి ఇలాగే ఉంటే బ్యాటర్లకు కాస్త అనుకూలిస్తుంది. ఇక ఈ సిరీస్‌లో ఇప్పటి వరకు భారీ స్కోర్లు నమోదు కాలేదన్న సంగతి తెలిసిందే. తొలి టెస్టులో టీమిండియా కెప్టెన్‌ రోహిత్‌ శర్మ సెంచరీ(120) చేయగా.. మిగతా వాళ్లలో ఎవరూ 100 పరుగుల మార్కును చేరుకోలేకపోయారు. ఇరు జట్ల స్పిన్నర్లు మొత్తంగా తొలి టెస్టులో 24.. రెండో టెస్టులో 28 వికెట్లు పడగొట్టారు. చదవండి: సూర్య కాదు.. ఆ ఆసీస్‌ బ్యాటర్‌ వల్లేనన్న ఆజం ఖాన్‌! ‘స్కై’తో నీకు పోలికేంటి? T20 WC 2023: అత్యుత్తమ టీ20 జట్టును ప్రకటించిన ఐసీసీ.. భారత్‌ నుంచి ఒకే ఒక్కరు! Pitch for 3rd Test between India vs Australia. pic.twitter.com/I91HxQ7s8b — Johns. (@CricCrazyJohns) February 27, 2023

టీమిండియా స్టార్‌ ఆల్ రౌండర్ శార్దూల్ ఠాకూర్ పెళ్లి పీటలెక్కనున్నాడు. తన ప్రేయసి మితాలీ పారుల్కర్ ఫిబ్రవరి 27న (సోమవారం) శార్దూల్ మనువాడనున్నాడు. ముంబైలోని ఓ ఫంక్షన్‌ హాల్‌లో వీరిద్దరి పెళ్లి ఘనంగా జరగనుంది. వీరిద్దరి వివాహానికి 250 మంది అతిథులు హాజరుకానున్నట్లు తెలుస్తోంది. మరో రెండ్రోజుల్లో జరగబోయే వీరి పెళ్లి సందడి ఇప్పటికే ప్రారంభమైంది. హల్దీ, మెహందీ వేడుకలు ఘనంగా ముగిశాయి. హల్దీ వేడుకలో శార్దూల్ డ్యాన్స్‌ ఇరగదీశాడు.  ఇందుకు సంబంధించిన ఫోటోలు, వీడియోలు సోషల్‌ మీడియాలో వైరల్‌గా మారాయి.  కాగా కొన్ని నెలల క్రితం ఓ ఇంటర్వ్యూలో పెళ్లికూతురు మిథాలీ స్వయంగా వారిద్దరి పెళ్లి గురించి ప్రస్తావించింది.  2021 నవంబర్ లో వీరిద్దరి నిశ్చితార్థం జరిగింది. అయితే వీరి వివాహం టీ20 ప్రపంచకప్‌-2022 అనంతరం జరగాల్సింది. కానీ వివిధ కారణల వలన వాయిదా పడింది.  ఇక ఈ ఏడాది ఆరంభంలో టీమిండియా స్టార్‌ క్రికెటర్లు కేఎల్‌ రాహుల్‌, అక్షర్‌ పటేల్‌ కూడా మూడుముళ్ల బంధంలోకి అడుగుపెట్టారు. బాలీవుడ్ నటి అతియా శెట్టితో రాహుల్‌ వివాహం కాగా..అక్షర్ పటేల్ తన స్నేహితురాలు మేహా పటేల్‌ను పెళ్లి చేసుకున్నాడు. View this post on Instagram A post shared by Shardul Thakur FC🔵 (@shardulthakur16) చదవండి: Dinesh Karthik: 'అతడికి 300 వికెట్లు తీసే సత్తా ఉంది.. ప్రపంచకప్‌లో అదరగొడతాడు'

David Warner: మార్చి 31 నుంచి ప్రారంభంకానున్న 2023 ఐపీఎల్‌ సీజన్‌ కోసం ఢిల్లీ క్యాపిటల్స్‌ ఫ్రాంచైజీ నూతన కెప్టెన్‌ను ఎంపిక చేసుకుంది. రెగ్యులర్‌ కెప్టెన్‌ రిషబ్‌ పంత్‌ గతేడాది చివర్లో జరిగిన కారు ప్రమాదంలో తీవ్రంగా గాయపడి, ప్రస్తుతం బెడ్‌ రెస్ట్‌లో ఉన్న నేపథ్యంలో ఢిల్లీ క్యాపిటల్స్‌కు ఈ ఎంపిక అనివార్యమైంది. పంత్‌ గైర్హాజరీలో డీసీ సారధ్య బాధ్యతలను ఆసీస్‌ స్టార్‌ ఆటగాడు డేవిడ్‌ వార్నర్‌ మోయనున్నట్లు డీసీ యాజమాన్యం కన్ఫర్మ్‌ చేసింది. ఈ విషయాన్ని డీసీ మేనేజ్‌మెంట్‌ అధికారికంగా ప్రకటించనప్పటికీ.. మేనేజ్‌మెంట్‌లోని ఓ కీలక వ్యక్తి ప్రముఖ స్పోర్ట్స్‌ వెబ్‌సైట్‌కు తెలిపారు. కెప్టెన్‌గా డేవిడ్‌ వార్నర్‌ను ఎంపిక చేసుకున్న యాజమాన్యం.. అతనికి డిప్యూటీగా (వైస్‌ కెప్టెన్‌) అక్షర్‌ పటేల్‌ను ఎంచుకున్నట్లు సదరు వ్యక్తి కన్ఫర్మ్‌ చేశాడు. స్వదేశంలో ఆసీస్‌తో జరుగుతున్న బోర్డర్‌ గవాస్కర్‌ ట్రోఫీ-2023లో అక్షర్‌ అద్భుత ప్రదర్శన కనబరుస్తున్న నేపథ్యంలో అతనికి ఈ పదవి దక్కినట్లు తెలుస్తోంది. కెప్టెన్సీ రేసులో వార్నర్‌తో పాటు రోవమన్‌ పావెల్‌, మనీశ్‌ పాండే, మిచెల్‌ మార్ష్‌ల పేర్లు వినిపించినప్పటికీ.. యాజమాన్యం అనుభవజ్ఞుడైన డేవిడ్‌ వార్నర్‌పై నమ్మకముంచింది. వార్నర్‌ గతంలో సన్‌రైజర్స్‌ హైదరాబాద్‌కు కెప్టెన్‌గా వ్యవహరించిన విషయం తెలిసిందే. ఢిల్లీ క్యాపిటల్స్‌ జట్టు: డేవిడ్‌ వార్నర్‌ (కెప్టెన్‌), అక్షర్‌ పటేల్‌ (వైస్‌ కెప్టెన్‌), రిపల్‌ పటేల్‌, మనీశ్‌ పాండే, రిలీ రొస్సో, రోవమన్‌ పావెల్‌, సర్ఫరాజ్‌ ఖాన్‌, పృథ్వీ షా, యశ్‌ ధుల్‌, ఫిల్‌ సాల్ట్‌, రిషబ్‌ పంత్‌, మిచెల్‌ మార్ష్‌, అమన్‌ హకీం ఖాన్‌,  లలిత్‌ యాదవ్‌, ఇషాంత్‌ శర్మ, ముకేశ్‌ కుమార్‌, అన్రిచ్‌ నోర్జే, ముస్తాఫిజుర్‌ రెహ్మన్‌, లుంగి ఎంగిడి, ఖలీల్‌ అహ్మద్‌, చేతన్‌ సకారియా, కమలేష్‌ నాగర్‌కోటి, ప్రవీణ్‌ దూబే, కుల్దీప్‌ యాదవ్‌, విక్కీ ఓస్వాల్‌ 

ఐసీసీ తాజాగా విడుదల చేసిన టెస్ట్‌ ర్యాంకింగ్స్‌లో టీమిండియా ఆటగాళ్లు అక్షర్‌ పటేల్‌, రవిచంద్రన్‌ అశ్విన్‌, రవీంద్ర జడేజా సత్తా చాటారు. బోర్డర్‌ గవాస్కర్‌ ట్రోఫీ-2023లో భాగంగా జరిగిన తొలి రెండు టెస్ట్‌ల్లో ఆల్‌రౌండ్‌ ప్రదర్శనతో ఇరగదీసిన వీరు బ్యాటింగ్‌, బౌలింగ్‌, ఆల్‌రౌండర్ల విభాగంలో ర్యాంకులను మెరుగుపర్చుకున్నారు. ఇదే సిరీస్‌లో తొలి టెస్ట్‌లో సెంచరీ చేసినప్పటికీ టీమిండియా కెప్టెన్‌ రోహిత్‌ శర్మ ర్యాంక్‌లో మాత్రం ఎలాంటి మార్పు లేదు. హిట్‌మ్యాన్‌ ఏడో స్థానంలో కొనసాగుతున్నాడు. యాక్సిడెంట్‌ కారణంగా గత రెండు నెలలుగా అంతర్జాతీయ క్రికెట్‌కు దూరంగా ఉన్నప్పటికీ రిషబ్‌ పంత్‌ 6వ ర్యాంక్‌ను కాపాడుకున్నాడు. ఈ విభాగంలో లబూషేన్‌ టాప్‌లో కొనసాగుతుండగా.. స్టీవ్‌ స్మిత్‌, బాబర్‌ ఆజమ్‌ రెండు, మూడు స్థానాలను పదిలం చేసుకున్నారు. ఈ సిరీస్‌లో రెండు అర్ధసెంచరీలతో(84, 74) చెలరేగిన అక్షర్‌ పటేల్‌.. ఏకంగా 18 స్థానాలు ఎగబాకి బ్యాటింగ్‌ విభాగంలో 61వ ప్లేస్‌కు చేరుకున్నాడు. కోహ్లి 16వ స్థానం‍లో, జడేజా 33వ స్థానంలో కొనసాగుతుండగా.. పుజారా ఓ స్థానం మెరుగుపర్చుకుని 25వ స్థానానికి, శ్రేయస్‌ అయ్యర్‌ 10 స్థానాలు కోల్పోయి 27కు, మయాం‍క్‌ అగర్వాల్‌ ఓ స్థానం కోల్పోయి 28కి, కేఎల్‌ రాహుల్‌ 7 స్థానాలు కోల్పోయి 58వ ప్లేస్‌కు పడిపోయారు.  బౌలింగ్‌ విభాగంలో ఇంగ్లండ్‌ వెటరన్‌ పేసర్‌ జేమ్స్‌ ఆండర్సన్‌ (866).. పాట్‌ కమిన్స్‌ను వెనక్కునెట్టి అగ్రస్థానానికి చేరుకోగా.. అశ్విన్‌ (864) ఓ ప్లేస్‌ మెరుగుపర్చుకుని రెండో స్థానానికి చేరుకున్నాడు. ఆసీస్‌తో టెస్ట్‌ సిరీస్‌ ఆడనప్పటికీ బుమ్రా 5వ స్థానాన్ని కాపాడుకోగా.. జడేజా (763) 6 స్థానాలు మెరుగుపర్చుకుని 9వ స్థానానికి ఎగబాకాడు. ఆల్‌రౌం‍డర్ల విభాగంలో టీమిండియా ఆటగాళ్లు ఆల్‌టైమ్‌ బెస్ట్‌ పెర్ఫార్మెన్స్‌ కనబర్చారు. 460 రేటింగ్‌ పాయింట్లతో జడ్డూ భాయ్‌, 376 పాయింట్లతో అశ్విన్‌ తొలి రెండు స్థానాలను నిలబెట్టుకోగా.. అక్షర్‌ పటేల్‌ 2 స్థానాలు మెరుపర్చుకుని 5వ స్థానానికి చేరాడు.      

India vs Australia- Test Series- BGT 2023: ‘‘పెర్త్‌ లేదంటే బ్రిస్బేన్‌లో ఆస్ట్రేలియా ఉపఖండ జట్లతో ఎలా మ్యాచ్‌లు ముగిస్తుందో ఇప్పుడు వారి పరిస్థితి కూడా అలాగే తయారైంది. వరుస ఓటములు చూస్తుంటే వారి సన్నద్ధత ఎలా ఉందో అర్థమవుతోంది. ముఖ్యంగా ఇండియాకు వచ్చే ముందు వాళ్లు అస్సలు ప్రిపేర్‌ అవ్వలేదని స్పష్టంగా తెలుస్తోంది.  భారత గడ్డపై టీమిండియాను ఓడించడం అసాధ్యం. స్పిన్నర్లను ఆడటంలో ఆసీస్‌ బ్యాటర్లు విఫలమయ్యారు. ఒకే సెషన్‌లో తొమ్మిది వికెట్లు పడ్డాయంటే వాళ్ల బ్యాటింగ్‌ ఎంత పేలవంగా ఉందో అర్థం చేసుకోవచ్చు’’ అని పాకిస్తాన్‌ మాజీ క్రికెటర్‌ రమీజ్‌ రాజా అన్నాడు. వాళ్లిద్దరు సూపర్‌ బోర్డర్‌- గావస్కర్‌ ట్రోఫీలో ఆస్ట్రేలియా ప్రదర్శనపై పెదవి విరిచిన ఈ రైట్‌హ్యాండ్‌ బ్యాటర్‌.. టీమిండియా ఆల్‌రౌండర్లు రవీంద్ర జడేజా, అక్షర్‌ పటేల్‌లపై ప్రశంసలు కురిపించాడు. జడ్డూ బంతితో మాయ చేస్తే.. అక్షర్‌ అద్భుతంగా బ్యాటింగ్‌ చేశాడని కొనియాడాడు. కాగా నాలుగు మ్యాచ్‌ల టెస్టు సిరీస్‌లో భాగంగా నాగ్‌పూర్‌లో జరిగిన తొలి మ్యాచ్‌లో ఇన్నింగ్స్‌ 132 పరుగుల తేడాతో ఓడిన ఆస్ట్రేలియా.. ఢిల్లీ టెస్టులో 6 వికెట్ల తేడాతో ఓటమిపాలైంది. ఈ రెండు టెస్టుల్లో టీమిండియా గెలుపొందడంలో ఆల్‌రౌండర్లు జడేజా, అక్షర్‌ కీలక పాత్ర పోషించారు.  గాయం నుంచి కోలుకుని పునరాగమనం చేసిన జడ్డూ రెండు మ్యాచ్‌లలోనూ ప్లేయర్‌ ఆఫ్‌ ది మ్యాచ్‌గా నిలిచి సత్తా చాటాడు. ఇక ఈ సిరీస్‌లో ఇప్పటికే రెండు మ్యాచ్‌లను రెండున్నర రోజుల్లోనే ముగించి 2-0తో ఆధిక్యంలో ఉన్న టీమిండియా క్లీన్‌స్వీప్‌ చేయాలని పట్టుదలగా ఉంది. చెత్త బ్యాటింగ్‌ ఈ నేపథ్యంలో పాకిస్తాన్‌ క్రికెట్‌ బోర్డు మాజీ చైర్మన్‌ రమీజ్‌ రాజా తన యూట్యూబ్‌ చానెల్‌ వేదికగా ఈ మేరకు ఆసక్తికర వ్యాఖ్యలు చేశాడు. ‘‘అక్షర్‌ పటేల్‌ బ్యాటింగ్‌ మ్యాచ్‌ను మలుపు తిప్పింది. ఆస్ట్రేలియా ఆధిక్యం కోసం ప్రయత్నిస్తున్న వేళ అశ్విన్‌తో కలిసి అతడు మెరుగైన భాగస్వామ్యం నమోదు చేశాడు. 60- 70 పరుగులు సాధించాడు. ఆస్ట్రేలియా మానసికంగా బలహీనపడిపోయింది. టెక్నికల్‌గానూ వారి ఆటలో ఎన్నో లోపాలు ఉన్నాయి. ఆసీస్‌ బ్యాటర్లు స్పిన్నర్ల బౌలింగ్‌లో ఎలా ఆడారో చూశాం కదా! షాట్ల ఎంపికలో పొరపాట్లు స్పష్టంగా కనిపించాయి. స్వీప్‌ షాట్లు కొంపముంచాయి. చెత్త బ్యాటింగ్‌తో భారీ మూల్యం చెల్లించారు’’ అని పాక్‌ మాజీ ఆటగాడు రమీజ్‌ అభిప్రాయపడ్డాడు.   చదవండి: టీమిండియాలో గుజరాతీ క్రికెటర్ల హవా.. ఒకప్పటి కర్ణాటకలా..! KL Rahul: వైస్‌ కెప్టెన్‌ హోదా తొలగింపు.. అతడి​కి లైన్‌ క్లియర్‌.. ఇక దేశవాళీ క్రికెట్‌ ఆడితేనే.. In his 1️⃣0️⃣0️⃣th Test, @cheteshwar1 finishes off the chase in style 🙌🏻#TeamIndia secure a 6️⃣-wicket victory in the second #INDvAUS Test here in Delhi 👏🏻👏🏻 Scorecard ▶️ https://t.co/hQpFkyZGW8@mastercardindia pic.twitter.com/Ebpi7zbPD0 — BCCI (@BCCI) February 19, 2023

క్రికెట్‌ తొలినాళ్లలో భారత జట్టు మహారాష్ట్ర క్రికెటర్లతో, ప్రత్యేకించి ముంబై క్రికెటర్లతో నిండి ఉండేదన్నది జగమెరిగిన సత్యం. రుస్తొంజీ జంషెడ్‌జీ, లాల్‌చంద్‌ రాజ్‌పుత్‌, గులాబ్‌రాయ్‌ రాంచంద్‌, ఏక్‌నాథ్‌ సోల్కర్‌, బాపు నాదకర్ణి, ఫరూక్‌ ఇంజనీర్‌, దిలీప్‌ సర్దేశాయ్‌, పోలీ ఉమ్రిగర్‌.. ఆతర్వాత 70,80 దశకాల్లో అజిత్‌ వాడేకర్‌, సునీల్‌ గవాస్కర్‌, దిలీప్‌ వెంగ్‌సర్కార్‌, బల్విందర్‌ సంధూ, రవిశాస్త్రి.. 90వ దశకంలో సంజయ్‌ మంజ్రేకర్‌, సచిన్‌ టెండూల్కర్‌, వినోద్‌ కాంబ్లీ.. 2000 సంవత్సరానికి ముందు ఆతర్వాత జహీర్‌ ఖాన్‌, అజిత్‌ అగార్కర్‌, వసీం జాఫర్‌, రోహిత్‌ శర్మ, అజింక్య రహానే, శ్రేయస్‌ అయ్యర్‌, సూర్యకుమార్‌ యాదవ్‌.. ఇలా దశకానికి కొందరు చొప్పున టీమిండియా తరఫున మెరుపులు మెరిపించారు. వీరిలో గవాస్కర్‌, సచిన్‌, రోహిత్‌ శర్మ లాంటి ప్లేయర్లు విశ్వవ్యాప్తంగా గుర్తింపు తెచ్చుకుని దిగ్గజ హోదా పొందారు.  అయితే ఇక్కడ గమనించాల్సిన విషయం ఏంటంటే.. భారత క్రికెట్‌కు మహారాష్ట్ర కాంట్రిబ్యూషన్‌ క్రమంగా తగ్గుతూ వచ్చింది. క్రికెట్‌ తొలినాళ్లలో భారత జట్టులో సగం ఉన్న మహా క్రికెటర్ల సంఖ్య రానురాను ఒకటి, రెండుకు పరిమితమైంది. మహారాష్ట్ర తర్వాత టీమిండియాకు అత్యధిక మంది క్రికెటర్లను అందించిన ఘనత ఢిల్లీకి దక్కుతుంది. దేశ రాజధాని ప్రాంతం నుంచి మోహిందర్‌ అమర్‌నాథ్‌, వీరేంద్ర సెహ్వాగ్‌, గౌతమ్‌ గంభీర్‌, శిఖర్‌ ధవన్‌, విరాట్‌ కోహ్లి లాంటి ప్లేయర్లు టీమిండియా తరఫున మెరిశారు. వీరిలో కోహ్లి విశ్వవ్యాప్తంగా పాపులారిటీ పొంది క్రికెట్‌ దిగ్గజంగా కొనసాగుతున్నాడు. మహారాష్ట్ర, ఢిల్లీ తర్వాత టీమిండియాకు అత్యధిక మంది స్టార్‌ క్రికెటర్లను అందించిన రాష్ట్రంగా కర్ణాటక గుర్తింపు పొందింది. 90వ దశకంలో ప్రత్యేకించి 1996వ సంవత్సరంలో టీమిండియాలో కర్ణాటక ప్లేయర్ల హవా కొనసాగింది. ఆ ఏడాది ఒకానొక సందర్భంలో ఏడుగురు కర్ణాటక ఆటగాళ్లు టీమిండియాలో ఉన్నారు. రాహుల్‌ ద్రవిడ్‌, అనిల్‌ కుంబ్లే, జవగల్‌ శ్రీనాథ్‌, వెంకటేశ్‌ ప్రసాద్‌, సునీల్‌ జోషి, దొడ్డ గణేష్‌, డేవిడ్‌ జాన్సన్‌ టీమిండియాకు ఒకే మ్యాచ్‌లో ప్రాతినిధ్యం వహించారు. 1996-2004, 2005 వరకు టీమిండియాలో కర్ణాటక ఆటగాళ్ల డామినేషన్‌ కొనసాగింది.  ప్రస్తుతం అదే హవాను గుజరాత్‌ ఆటగాళ్లు కొనసాగిస్తున్నారు. ఒకానొక సందర్భంలో కర్ణాటక ఆటగాళ్లు సగానికిపై టీమిండియాను ఆక్రమిస్తే.. ఇంచుమించు అదే రేంజ్‌లో ప్రస్తుతం గుజరాతీ ఆటగాళ్ల డామినేషన్‌ నడుస్తోంది. ప్రస్తుత భారత జట్టులో స్టార్‌ ఆల్‌రౌండర్లైన రవీంద్ర జడేజా, హార్ధిక్‌ పాండ్యా, అక్షర్‌ పటేల్‌.. టెస్ట్‌ స్టార్‌ బ్యాటర్‌, నయా వాల్‌ చతేశ్వర్‌ పుజారా, ప్రస్తుతం రెస్ట్‌లో ఉన్న టీమిండియా పేసు గుర్రం జస్ప్రీత్‌ బుమ్రా, లిమిటెడ్‌ ఓవర్స్‌ స్పెషలిస్ట్‌ బౌలర్‌ హర్షల్‌ పటేల్‌, లేటు వయసులో సంచలన ప్రదర్శనలతో టీమిండియా తలుపు తట్టిన వెటరన్‌ పేసర్‌ జయదేవ్‌ ఉనద్కత్‌ గుజరాత్‌ ప్రాంతవాసులే. వీరిలో కొందరు దేశావాలీ టోర్నీల్లో సౌరాష్ట్ర జట్టుకు ప్రాతినిధ్యం వహించినప్పటికీ, ఆ ప్రాంతం గుజరాత్‌ కిందకే వస్తుంది. బోర్డర్‌ గవాస్కర్‌ ట్రోఫీ-2023 కోసం, ఆతర్వాత ఆసీస్‌తో జరిగే వన్డే సిరీస్‌ కోసం తాజాగా ఎంపిక చేసిన భారత జట్టును ఓసారి పరిశీలిస్తే.. టెస్ట్‌ జట్టులో నలుగురు (పుజారా, జడేజా, అక్షర్‌, ఉనద్కత్‌), వన్డే జట్టులో నలుగురు (హార్ధిక్‌ పాండ్యా, జడేజా, అక్షర్‌, ఉనద్కత్‌) గుజరాతీ ఆటగాళ్లు ఉన్నారు. వీరిలో హార్ధిక్‌ టీమిండియా వైస్‌ కెప్టెన్‌ కాగా.. మిగతా ముగ్గురు స్టార్‌ క్రికెటర్ల హోదా కలిగి ఉన్నారు.   

టీమిండియా ఆల్‌రౌండర్‌ అక్షర్‌పటేల్‌ తన అద్భుత ఫామ్‌ను కొనసాగిస్తున్నాడు. తొలి టెస్టులో అర్దసెంచరీతో చెలరేగిన అక్షర్‌.. ఇప్పుడు రెండో టెస్టులోనే కీలక ఇన్నింగ్స్‌తో జట్టును అదుకున్నాడు. రవిచంద్రన్‌ అశ్విన్‌తో కలిసి అక్షర్‌ కీలక భాగస్వామ్యం నెలకొల్పాడు. వీరిద్దరు ఎనిమిదో వికెట్‌కు 114 ప‌రుగులు జోడించారు. అక్షర్‌ ప‌టేల్ 115 బాల్స్‌లో మూడు సిక్సర్లు, ఐదు ఫోర్లతో 74 ర‌న్స్ చేయ‌గా అశ్విన్ ఐదు ఫోర్లతో 31ప‌రుగులు చేశాడు. వీరిద్దరి కీలక ఇన్నింగ్స్‌ ఫలితంగా తొలి ఇన్నింగ్స్‌లో భారత్‌ 263 పరుగులకు ఆలౌటైంది. ఇక తన అద్భుత ప్రదర్శన పట్ల మ్యాచ్‌ అనంతరం అక్షర్‌పటేల్‌ స్పందించాడు. తన బ్యాటింగ్ స్కిల్స్‌ మెరుగుపడడంలో  ఆసీస్‌ లెజెండ్‌ రికీ పాంటింగ్‌ కీలక పాత్ర పోషించాడు అని అతడు తెలిపాడు. "ఐపీఎల్‌లో మా జట్టు(ఢిల్లీ క్యాపిటల్స్‌) హెడ్‌ కోచ్‌ రికీ పాంటింగ్‌ నుంచి చాలా విషయాలు నేర్చుకున్నాను. నా బ్యాటింగ్‌ స్కిల్స్‌ మెరుగుపడడంలో రికీ కీలక పాత్ర పోషించాడు. అదే విధంగా భారత జట్టులో కూడా చాలా మంది బ్యాటర్ల నుంచి బ్యాటింగ్‌ టెక్నిక్స్‌ నేర్చుకుంటున్నాను. నా జట్టు కోసం 100 శాతం ఎఫక్ట్‌ పెడతాను. ఆల్‌రౌండర్‌గా బ్యాట్‌తో బాల్‌తో రాణించడమే నా లక్క్ష్యం. నేను సాధించే 30, 40 పరుగులను మ్యాచ్ విన్నింగ్ స్కోర్‌లుగా మలచాలి అనుకున్నాను. రాబోయే మ్యాచ్‌ల్లో కూడా నా మైండ్‌ సెట్‌ ఈ విధంగానే ఉంటుంది" అని ఎన్డీడివీతో పేర్కొన్నాడు. చదవండి: IND Vs AUS 2nd Test: అక్షర్‌ లేకపోయుంటే.. వాళ్లకు పట్టిన గతే మనకూ!

IND Vs AUS 2nd Test Day-2 Analaysis.. ఢిల్లీ వేదికగా టీమిండియా, ఆస్ట్రేలియా మధ్య జరుగుతున్న రెండో టెస్టులో రెండోరోజు ఆట ముగిసింది. రెండోరోజు ఆటలో ఆస్ట్రేలియా రెండు సెషన్ల పాటు పూర్తి  ఆధిపత్యం కనబరిచింది. పిచ్‌ మనకు అనూకూలంగా ఉంటుందనుకుంటే రెండో రోజు ఆటలో అంతా రివర్స్‌ అయింది. ఆసీస్‌ స్పిన్నర్‌ నాథన్‌ లియోన్‌ మరోసారి తన మ్యాజిక్‌ చూపెట్టాడు. టీమిండియా ఓపెనర్‌ కేఎల్‌ రాహుల్‌ మరోసారి తక్కువ స్కోరుకే వెనుదిరిగి విమర్శల పాలయ్యాడు. అటు కెప్టెన్‌ రోహిత్‌ కూడా పెద్దగా ఆడలేదు. ఇక వందో టెస్టు ఆడుతున్న పుజారా ఇరగదీస్తాడనుకుంటే డకౌట్‌ అయ్యాడు. టాపార్డర్‌లో మళ్లీ అదే పరిస్థితి కనిపించింది. ఇక మిడిలార్డర్‌ విషయానికి వస్తే కోహ్లి కాస్త పర్వాలేదనిపించాడు. 44 పరుగులతో జట్టులో రెండో టాప్‌ స్కోరర్‌గా నిలిచాడు. కోహ్లి ఔట్‌ కాదని అంపైర్‌ తప్పుడు నిర్ణయానికి బలయ్యాడని తర్వాత తేలింది. ఒకవేళ కోహ్లి ఔట్‌ కాకపోయుంటే సెంచరీ చేసేవాడేమో. సూర్య స్థానంలో వచ్చిన అయ్యర్‌, వికెట్‌ కీపర్‌ శ్రీకర్‌ భరత్‌లు ఇలా వచ్చి అలా వెళ్లారు. తొలి టెస్టు హీరో జడేజా కూడా 25 పరుగులు చేసి ఔటయ్యాడు. దీంతో టీమిండియా 139 పరుగులకే ఏడు వికెట్లు కోల్పోయి కష్టాల్లో పడింది. చూస్తుంటే తొలి టెస్టులో ఆస్ట్రేలియా పరిస్థితే మనకు వచ్చినట్లుగా అనిపించింది. అయితే ఈ దశలో టీమిండియా ఆల్‌రౌండర్‌ అక్షర్‌ పటేల్‌ తానున్నానంటూ ఆపద్భాందవుడిలా వచ్చాడు. అక్షర్‌కు అశ్విన్‌ తోడయ్యాడు. స్టార్‌ బ్యాటర్లంతా విఫలమైన చోట అక్షర్‌ మాత్రం చక్కగా బ్యాటింగ్‌ చేశాడు. బౌలింగ్‌లో విఫలమైనప్పటికి తనలో మంచి బ్యాటర్‌ దాగున్నాడని మరోసారి చూపించాడు. బౌండరీలు కొట్టడానికి భయపడిన చోట అక్షర్‌ సిక్సర్లు బాదాడు. సిక్సర్‌తోనే హాఫ్‌ సెంచరీ మార్క్‌ అందుకున్నాడు. అశ్విన్‌ కూడా పరిణితితో కూడిన ఇన్నింగ్స్‌ ఆడాడు. అయితే ఇద్దరు స్వల్ప వ్యవధి తేడాలో ఔట్‌ కావడంతో టీమిండియా 262 పరుగులకు ఆలౌటైంది. దీంతో ఆసీస్‌కు కేవలం ఒక్క పరుగు ఆధిక్యం మాత్రమే లభించింది. చివరికి ఆట ఆఖరికి వచ్చేసరికి కష్టా‍ల్లో ఉన్న భారత్‌ను ఆదుకొని అక్షర్‌ పటేల్‌ మ్యాచ్‌ రెండో రోజు హీరోగా నిలిచాడు. అక్షర్‌ పటేల్‌ ఇన్నింగ్స్‌తో టీమిండియాలో ఒక లోటు తీరిపోయింది. కొన్నాళ్లుగా టీమిండియా బలహీనంగా ఉన్న లోయర్‌ ఆర్డర్‌ సమస్య తీరిపోయింది. ఇప్పుడు టీమిండియా ఒకటో నెంబర్‌ నుంచి ఎనిమిదో నెంబర్‌ దాకా బ్యాటింగ్‌ చేసేందుకు బ్యాటర్లు ఉండడం సానుకూలాంశం. 

బోర్డర్‌ గావస్కర్‌ ట్రోఫీలో భాగంగా టీమిండియా, ఆస్ట్రేలియా మధ్య జరుగుతున్న టెస్టు సిరీస్‌లో తొలిసారి వంద పరుగుల భాగస్వామ్యం నమోదైంది. వంద పరుగుల భాగస్వామ్యం నమోదు చేయడంలో ఇరుజట్ల బ్యాటర్లు విఫలమైన చోట టీమిండియా ఆల్‌రౌండర్లు అక్షర్‌ పటేల్‌, రవిచంద్రన్‌ అశ్విన్‌లు చేసి చూపించారు. ఢిల్లీ వేదికగా జరుగుతున్న రెండో టెస్టులో అక్షర్‌, అశ్విన్‌లు వంద పరుగుల భాగస్వామ్యాన్ని అందుకున్నారు. 139 పరుగులకే ఏడు వికెట్లు కోల్పో‍యి కష్టాల్లో పడిన టీమిండియాను అక్షర్‌ పటేల్‌, రవిచంద్రన్‌ అశ్విన్‌లు ఆదుకున్నారు. ఎనిమిదో వికెట్‌కు ఇద్దరు కలిసి 114 పరుగులు జోడించారు. తద్వారా సిరీస్‌లో తొలి వంద పరుగుల భాగస్వామ్యం అందుకున్న జంటగా నిలిచారు. అంతేకాదు ఈ జంట ఒక అరుదైన రికార్డు కూడా తమ ఖాతాలో వేసుకుంది. టెస్టు క్రికెట్‌లో టీమిండియా తరపున ఎనిమిదో స్థానంలో సెంచరీ పరుగుల భాగస్వామ్యం అందుకున్న నాలుగో జంటగా అశ్విన్‌, అక్షర్‌ నిలిచారు.  ఇక తొలి టెస్టులో అక్షర్‌ పటేల్‌, రవీంద్ర జడేజాలు వంద పరుగుల పార్ట్‌నర్‌షిప్‌కు దగ్గరి వరకు వచ్చి ఆగిపోయారు. ఆ మ్యాచ్‌లో ఇద్దరు కలిసి ఎనిమిదో వికెట్‌కు 88 పరుగులు జోడించారు.  ఇక రెండో టెస్టులో టీమిండియా ఇన్నింగ్స్‌ ముగిసింది. తొలి ఇన్నింగ్స్‌లో టీమిండియా 262 పరుగులకు ఆలౌట్‌ అయింది. దీంతో ఆస్ట్రేలియాకు ఒక్క పరుగు ఆధిక్యం లభించింది. ఒక దశలో 139 పరుగులకే ఏడు వికెట్లు కోల్పోయి పీకల్లోతూ కష్టాల్లో పడిన టీమిండియాను అక్షర్‌ పటేల్‌, అశ్విన్‌లు ఆదుకున్నారు. ఎనిమిదో వికెట్‌కు 114 పరుగులు జోడించి టీమిండియా పరువును కాపాడారు. అక్షర్‌ పటేల్‌ 74 పరుగులతో టాప్‌ స్కోరర్‌గా నిలవగా.. కోహ్లి 44, అశ్విన్‌ 37 పరగులు చేశారు. ఆసీస్‌ బౌలర్లలో నాథన్‌ లియోన్‌ ఐదు వికెట్లతో చెలరేగాడు. అంతకముందు ఆస్ట్రేలియా తొలి ఇన్నింగ్స్‌లో 263 పరుగులకు ఆలౌటైంది.  చదవండి: సిక్సర్‌తో ఫిఫ్టీ.. పూర్తిస్థాయి బ్యాటర్‌గా మారిపోయాడు

India vs Australia, 2nd Test: ఆస్ట్రేలియాతో రెండో టెస్టులో టీమిండియా ఆల్‌రౌండర్‌ అక్షర్‌ పటేల్‌ అద్భుత ప్రదర్శన కనబరిచాడు. ఢిల్లీ మ్యాచ్‌లో విరాట్‌ కోహ్లి(44) మినహా.. మిగతా కీలక బ్యాటర్లంతా విఫలమైన వేళ నేనున్నానంటూ జట్టును ఆదుకున్నాడు. 115 బంతుల్లో 9 ఫోర్లు, 3 సిక్సర్ల సాయంతో 74 పరుగులు చేశాడు. దీంతో టీమిండియా మెరుగైన స్కోరు చేయగలిగింది. రెండో రోజు ఆటలో భాగంగా తొలి ఇన్నింగ్స్‌లో 262 పరుగులకు ఆలౌట్‌ అయింది. దీంతో భారత్‌ను కట్టడి చేయాలనుకున్న ఆస్ట్రేలియాకు కేవలం ఒక్క పరుగు ఆధిక్యం లభించింది. కాగా బోర్డర్‌- గావస్కర్‌ ట్రోఫీలో భాగంగా ఢిల్లీలోని అరుణ్‌జైట్లీ స్టేడియంలో టీమిండియా- ఆస్ట్రేలియా మధ్య శుక్రవారం (ఫిబ్రవరి 17) రెండో టెస్టు మొదలైన సంగతి తెలిసిందే. ఇందులో భాగంగా టాస్‌ గెలిచిన ఆసీస్‌ తొలుత బ్యాటింగ్‌ ఎంచుకుంది.  భారత బౌలర్ల విజృంభణతో తొలి రోజే 263 పరుగులు చేసి ఆలౌట్‌ అయి మొదటి ఇన్నింగ్స్‌ ముగించింది. ఈ క్రమంలో టీమిండియా శుక్రవారం నాటి ఆట ముగిసే సరికి వికెట్‌ నష్టపోకుండా 9 ఓవర్లలో 21 పరుగులు చేసింది. నాథన్‌ దెబ్బ.. ఈ క్రమంలో శనివారం రెండో రోజు ఆట మొదలెట్టిన టీమిండియా నాథన్‌ లియోన్‌ దెబ్బకు వరుసగా ఓపెనర్లు కేఎల్‌ రాహుల్‌(17), రోహిత్‌ శర్మ(32), వన్‌డౌన్‌ బ్యాటర్‌ ఛతేశ్వర్‌ పుజారా(0) వికెట్లు కోల్పోయింది.  ఈ క్రమంలో నాలుగో స్థానంలో బ్యాటింగ్‌కు వచ్చిన కోహ్లి 84 బంతుల్లో 44 పరుగులు చేయగా.. ఐదో స్థానంలో దిగిన శ్రేయస్‌ అయ్యర్‌(4) పూర్తిగా నిరాశపరిచాడు. అయితే, అంపైర్‌ నిర్ణయానికి కోహ్లి బలైపోవడంతో టీమిండియా కష్టాల్లో పడింది. అక్షర్‌-అశూ అద్భుతం ఈ నేపథ్యంలో రవీంద్ర జడేజా 26 పరుగులతో ఫర్వాలేదనిపించగా.. శ్రీకర్‌ భరత్‌(6) ఇలా వచ్చి అలా వెళ్లిపోయాడు. ఇలా జట్టు కష్టాల్లో కూరుకుపోయిన వేళ.. ఎనిమిదో స్థానంలో బ్యాటింగ్‌కు దిగిన అక్షర్‌ బ్యాట్‌ ఝులిపించాడు. అశ్విన్‌(37) అతడికి తోడయ్యాడు. వీరిద్దరు కలిసి 100కు పైగా పరుగుల భాగస్వామ్యంతో మెరుగైన ప్రదర్శన చేయడంతో టీమిండియా 262 పరుగులు చేయగలిగింది. ఇక ఆసీస్‌ బౌలర్లలో స్పిన్నర్లు నాథన్‌ లియోన్‌కు అత్యధికంగా ఐదు, టాడ్‌ మర్ఫీకి రెండు, అరంగేట్ర స్పిన్నర్‌ కుహ్నెమన్‌కు రెండు, పేసర్‌ ప్యాట్‌ కమిన్స్‌కు ఒక వికెట్‌ దక్కాయి. చదవండి: IND vs AUS: చెత్త అంపైరింగ్‌.. కళ్లు కనిపించడం లేదా! కోహ్లిది నాటౌట్‌.. అంపైర్‌ నిర్ణయానికి బలి.. బాగా ఆడితే మాకేంటి? ఛీ.. నీతో షేక్‌హ్యాండా? ఘోర అవమానం.. తగిన శాస్తే అంటున్న నెటిజన్లు

ఢిల్లీ వేదికగా ఆస్ట్రేలియాతో జరుగుతున్న రెండో టెస్టులో టీమిండియా ఆల్‌రౌండర్‌ అక్షర్‌ పటేల్‌ మరోసారి ఆపద్భాంధవుడయ్యాడు. టాపార్డర్‌, మిడిలార్డర్‌ విఫలమైన వేళ తానున్నాంటూ మరోసారి టీమిండియాను ఆదుకున్నాడు. ఈ క్రమంలోనే అక్షర్‌ పటేల్‌ టెస్టులో మరో అర్థసెంచరీ నమోదు చేశాడు. బ్యాటర్లంతా విఫలమైన చోట అక్షర్‌ 95 బంతుల్లో అర్థసెంచరీ మార్క్‌ సాధించాడు. అతని ఇన్నింగ్స్‌లో ఆరు ఫోర్లు, రెండు సిక్సర్లు ఉన్నాయి.  తన స్కోరు 44 పరుగుల వద్ద ఉన్నప్పుడు అక్షర్‌ కుహ్నేమన్‌ బౌలింగ్‌లో సిక్సర్‌ బాది అర్థసెంచరీ మార్క్‌ను అందుకోవడం విశేషం. తొలి టెస్టులోనూ టీమిండియాకు ఇదే పరిస్థితి ఎదురైనప్పుడు అక్షర్‌ పటేల్‌  84 పరుగుల అద్భుత ఇన్నింగ్స్‌ ఆడాడు. జడేజాతో కలిసి కీలక భాగస్వామ్యం నెలకొల్పాడు. టీమిండియా 400 పరుగులు దాటగిలిగిందంటే అదంతా అక్షర్‌ పటేల్‌, జడేజాల చలువే. ఆ తర్వాత అశ్విన్‌, జడ్డూ స్పిన్‌ మాయాజాలంతో టీమిండియా ఘన విజయం సాధించింది. బౌలింగ్‌లో విఫలమైనా బ్యాటింగ్‌లో మెరిసి జట్టు విజయంలో అక్షర్‌ పటేల్‌ తన వంతు పాత్ర పోషించాడు.  అయితే కెరీర్‌ మొదట్లో అక్షర్‌ పటేల్‌ కేవలం బౌలింగ్‌కే పరిమితమయ్యాడు. ఆ తర్వాత లోయర్‌ ఆర్డర్‌లో బ్యాటింగ్‌ చేస్తూ బౌలింగ్‌ ఆల్‌రౌండర్‌గా మారిపోయాడు. అయితే తాజాగా ఆస్ట్రేలియాతో జరుగుతున్న టెస్టు సిరీస్‌లో మాత్రం అక్షర్‌ పటేల్‌లో పూర్తిస్థాయి బ్యాటర్‌ కనిపిస్తున్నాడు. బ్యాటర్లంతా విఫలమైన చోట ఆసీస్‌ బౌలర్లను పరీక్షిస్తూ బ్యాటింగ్‌ కొనసాగించిన అక్షర్‌ ఇన్నింగ్స్‌కు హ్యాట్సాఫ్‌ చెప్పాల్సిందే. అయితే మూడో స్పిన్నర్‌గా జట్టులో ఉన్న అక్షర్‌ పటేల్‌కు బౌలింగ్‌లో ఒక్క వికెట్‌ కూడా దక్కడం లేదు. అశ్విన్‌, జడేజాలు ప్రభావం చూపిస్తున్న చోట అక్షర్‌ మాత్రం తన బౌలింగ్‌ పదును చూపించడంలో విఫలమవుతున్నాడు. అక్షర్‌ పటేల్‌ లెఫ్టార్మ్‌ బౌలర్‌.. జడేజా కూడా లెఫ్టార్మ్‌ బౌలరే.. మరి జడ్డూ వికెట్లు తీస్తుంటే అక్షర్‌ మాత్రం ఎందుకు తీయలేకపోతున్నాడనేది ఆశ్చర్యకరంగా మారింది. అయితే బౌలింగ్‌లో విఫలమైనప్పటికి బ్యాటర్‌గా రాణిస్తుండడంతో అక్షర్‌ పటేల్‌ స్థానం జట్టులో ప్రస్తుతానికి పదిలంగానే కనిపిస్తుంది. కానీ మూడో స్పిన్నర్‌ ప్రభావం చూపాలని జట్టు మేనేజ్‌మెంట్‌ యోచన చేస్తే మాత్రం అక్షర్‌ పటేల్‌పై వేటు పడే అవకాశం ఉంది.  Dilli dhamaaka ft. Axar 🎇😎#INDvAUS #AxarPatelpic.twitter.com/yUE4xcIDLy — SunRisers Hyderabad (@SunRisers) February 18, 2023 5⃣0⃣ & counting ✅@akshar2026 smacks a MAXIMUM to bring up his half-century in style 👌🏻👌🏻 Follow the match ▶️ https://t.co/hQpFkyZGW8…#TeamIndia | #INDvAUS | @mastercardindia pic.twitter.com/noVvVrEbAX — BCCI (@BCCI) February 18, 2023 చదవండి: IND VS AUS 2nd Test Day 2: అశ్విన్‌ ఖాతాలో అరుదైన రికార్డు

India vs Australia, 1st Test: బోర్డర్‌- గావస్కర్‌ ట్రోఫీలో టీమిండియా శుభారంభం చేసింది. తొలి టెస్టులో పర్యాటక ఆస్ట్రేలియాను ఇన్నింగ్స్‌ 132 పరుగుల తేడాతో మట్టికరిపించింది. నాగ్‌పూర్‌లో మ్యాచ్‌లో భారీ విజయం సాధించి నాలుగు మ్యాచ్‌ల టెస్టు సిరీస్‌లో 1-0తో ముందంజలో నిలిచింది. భారత స్పిన్నర్ల ధాటికి ఆస్ట్రేలియా బ్యాటర్లు చేతులెత్తేయడంతో మూడు రోజుల్లోనే మొదటి టెస్టు ముగిసిపోయింది.  మ్యాచ్‌ సాగిందిలా.. విదర్భ క్రికెట్‌ స్టేడియంలో గురువారం(ఫిబ్రవరి 9)న మొదలైన టెస్టులో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఈ క్రమంలో తొలి రోజు ఆటలో మొదటి వికెట్‌ తీసి భారత పేసర్‌ మహ్మద్‌ సిరాజ్‌ శుభారంభం అందించగా.. స్పిన్నర్లు రవీంద్ర జడేజా, రవిచంద్రన్‌ అశ్విన్‌ విశ్వరూపం ప్రదర్శించారు. వీరికి తోడు షమీ కూడా రాణించాడు. టీమిండియా బౌలర్ల విజృంభణతో ఆస్ట్రేలియా 177 పరుగులకే ఆలౌట​ అయి తొలి ఇన్నింగ్స్‌ ముగించింది. రెండో రోజే సంపూర్ణ ఆధిపత్యం ఓవర్‌నైట్‌ స్కోరు 77/1తో రెండో రోజు ఆట ఆరంభించిన భారత్‌ను కెప్టెన్‌ రోహిత్‌ శర్మ నడిపించాడు. ‘నైట్‌ వాచ్‌మన్‌’ బ్యాటర్‌ అశ్విన్‌ (62 బంతుల్లో 23; 2 ఫోర్లు, 1 సిక్స్‌)తో కలిసి జట్టు స్కోరును వంద పరుగులు దాటించాడు. రెండో వికెట్‌ భాగస్వామ్యం బలపడుతున్న తరుణంలో కొత్త స్పిన్నర్‌ మర్ఫీ మాయాజాలం జట్టును ఇబ్బంది పెట్టింది. అశ్విన్‌ను వికెట్ల ముందు దొరకబుచ్చుకున్న మర్ఫీ... స్వల్ప వ్యవధిలో వెటరన్‌ బ్యాటర్‌ చతేశ్వర్‌ పుజారా (14 బంతుల్లో 7; 1 ఫోర్‌)ను కూడా బోల్తా కొట్టించాడు. దీంతో రోహిత్‌కు కోహ్లి జతయ్యాడు. జట్టు స్కోరు 151/3 వద్ద లంచ్‌ బ్రేక్‌కు వెళ్లారు.   రోహిత్‌ సెంచరీ  రెండో సెషన్‌ మాత్రం కష్టాలతో మొదలైంది. స్పిన్‌కు కలిసొచ్చిన పిచ్‌పై మర్ఫీ తొలి బంతికే కోహ్లి (26 బంతుల్లో 12; 2 ఫోర్లు) ఆట ముగించాడు. లెగ్‌స్టంప్‌కు ఆవల వేసిన బంతిని కోహ్లి ఫ్లిక్‌ చేయాలనుకున్నాడు. కానీ అదికాస్తా బ్యాట్‌ అంచును తాకుతూ కీపర్‌ క్యారీ చేతికి చిక్కింది. 151 స్కోరు వద్ద నాలుగో వికెట్‌ పడగా... ఈ 4 వికెట్లు మర్ఫీనే పడగొట్టాడు. క్రీజులో పాతుకొనిపోయిన రోహిత్‌ 171 బంతుల్లో (14 ఫోర్లు, 2 సిక్స్‌లు) టెస్టుల్లో తొమ్మిదో సెంచరీ పూర్తి చేసుకున్నాడు.  కానీ తొలి టెస్టు ఆడుతున్న మెరుపుల బ్యాటర్‌ సూర్యకుమార్‌ యాదవ్‌ (20 బంతుల్లో 8; 1 ఫోర్‌) నిరాశపరిచాడు. లయన్‌ బంతికి క్లీన్‌బౌల్డయ్యాడు. తర్వాత జడేజా అండతో భారత స్కోరును 200 పరుగులు దాటించాడు. రోహిత్, జడేజా జోడీ ముందు ఆసీస్‌ స్పిన్‌ పనిచేయలేదు. మర్ఫీ, లయన్‌ అలసిపోయారే తప్ప  జోడీని మాత్రం విడగొట్టలేకపోయారు. 226/5 స్కోరు వద్ద రెండో సెషన్‌ ముగిసింది.  జడేజా, అక్షర్‌... ఫిఫ్టీ–ఫిఫ్టీ  స్పిన్‌ వల్ల కాకపోవడంతో కంగారూ సారథి కమిన్స్‌ రంగంలోకి దిగాడు. మూడో సెషన్‌ ఆరంభంలో భారత ఇన్నింగ్స్‌కు వెన్నెముకగా నిలిచిన రోహిత్‌ను బౌల్డ్‌ చేశాడు. దీంతో ఆరో వికెట్‌కు 61 పరుగుల భాగస్వామ్యానికి చుక్కెదురైంది. ఆంధ్రప్రదేశ్‌ బ్యాటర్‌ శ్రీకర్‌ భరత్‌ (10 బంతుల్లో 8; 1 ఫోర్‌)కు నిరూపించుకునేకుందేకు చక్కని అవకాశం వచ్చినా... మర్ఫీ స్పిన్‌ ఉచ్చులో పడి తొందరగానే నిష్క్రమించాడు. 240 పరుగుల వద్ద ఏడో వికెట్‌ కూలింది.  ఈ దశలో జడేజాకు అక్షర్‌ పటేల్‌ జతయ్యాడు. క్రీజులో ఉన్న ఇద్దరు స్పిన్నర్లే కావడంతో అవతలి వైపు స్పిన్‌ ఉచ్చు తేలిపోయింది. ఆఖరి సెషన్‌లో ఇద్దరు చక్కని సమన్వయంతో పరుగులు జతచేయడంతో ఆలౌట్‌ కావాల్సిన జట్టు 300 పైచిలుకు పరుగుల్ని అవలీలగా చేసింది. చూడచక్కని బౌండరీలతో స్కోరును పెంచారు. ఈ క్రమంలో మొదట జడేజా 114 బంతుల్లో (7 ఫోర్లు), సెషన్‌ ముగిసేదశలో అక్షర్‌ 94 బంతుల్లో (8 ఫోర్లు) అర్ధసెంచరీలు పూర్తి చేసుకున్నారు. అబేధ్యమైన ఎనిమిదో వికెట్‌కు ఇద్దరు కలిసి 81 పరుగులు జోడించారు.  మూడో రోజు ఖతం మూడో రోజు ఆట మొదలైన కాసేపటికే జడేజా(70)ను మర్ఫీ పెవిలియన్‌కు పంపాడు. ఈ క్రమంలో అక్షర్‌కు జతైన మహ్మద్‌ షమీ మెరుపు ఇన్నింగ్స్‌ ఆడాడు. మర్ఫీ బౌలింగ్‌లో భారత పేసర్‌ షమీ వరుస సిక్సర్లు బాదాడు. 42 బంతుల్లో 36 పరుగులు చేసి.. అక్షర్‌తో కలిసి 50 పరుగుల భాగస్వామ్యం నమోదు చేశాడు.  అయితే, మర్ఫీ బౌలింగ్‌లోనే అతడు వెనుదిరగాల్సి వచ్చింది. ఈ క్రమంలో అక్షర్‌ పటేల్‌(84) కమిన్స్‌ బౌలింగ్‌లో అవుట్‌ కావడంతో టీమిండియా ఇన్నింగ్స్‌కు తెరపడింది. 223 పరుగుల ఆధిక్యంలో నిలిచింది. అశ్విన్‌ విశ్వరూపం ఈ నేపథ్యంలో రెండో ఇన్నింగ్స్‌ ఆరంభించిన ఆస్ట్రేలియాకు భారత స్పిన్నర్లు ఆరంభం నుంచే చుక్కలు చూపించారు. అశ్విన్‌ వరుస విరామాల్లో వికెట్లు తీసి తన పవరేంటో చూపించాడు. జడేజా రెండు, షమీ 2 వికెట్లతో మెరవగా.. అక్షర్‌ పటేల్‌ ఒక వికెట్‌ తన ఖాతాలో వేసుకున్నాడు.  భారత బౌలర్ల విజృంభించడంతో 91 పరుగులకే కుప్పకూలింది ఆస్ట్రేలియా. దీంతో.. ఇన్నింగ్స్‌ 132 పరుగుల తేడాతో ఘోర ఓటమిని మూటగట్టుకుంది. ఆల్‌రౌండ్‌ ప్రదర్శనతో ఆకట్టుకున్న రవీంద్ర జడేజా(70 పరుగులు, 7 వికెట్లు) ప్లేయర్‌ ఆఫ్‌ ది మ్యాచ్‌గా నిలిచాడు. బోర్డర్‌- గావస్కర్‌ ట్రోఫీ తొలి టెస్టు స్కోర్లు భారత్‌- 400 ఆస్ట్రేలియా- 177 & 91 (ఫొటో గ్యాలరీ కోసం ఇక్కడ క్లిక్ చేయండి) చదవండి: IND vs AUS: ఏమైంది కోహ్లి? ఈజీ క్యాచ్‌ విడిచిపెట్టిన విరాట్‌! వీడియో వైరల్‌ IND vs AUS: అశ్విన్‌ అరుదైన రికార్డు.. రెండో భారత బౌలర్‌గా

India vs Australia, 1st Test: బోర్డర్‌- గావస్కర్‌ ట్రోఫీలో భాగంగా ఆస్ట్రేలియాతో జరుగుతున్న తొలి టెస్టులో టీమిండియా ఆధిపత్యం కొనసాగుతోంది. ఆసీస్‌ను 177 పరుగులకు కట్టడి చేసిన భారత్‌.. 400 పరుగుల వద్ద తమ తొలి ఇన్నింగ్స్‌ ముగించింది. దీంతో మూడో రోజు ఆటలో 223 పరుగుల ఆధిక్యంలో నిలిచింది. శనివారం నాటి ఆటలో లంచ్‌ బ్రేక్‌ సమయానికి ఈ మేరకు స్కోరు చేసి ఆలౌట్‌ అయింది. రోహిత్‌, జడ్డూ, అక్షర్‌ అదుర్స్‌ ఇక రెండో రోజు ఆటలో భాగంగా కెప్టెన్‌ రోహిత్‌ శర్మ(120) అద్భుత సెంచరీతో చెలరేగగా.. స్పిన్‌ ఆల్‌రౌండర్లు రవీంద్ర జడేజా, అక్షర్‌ పటేల్‌ విలువైన అద్భుత అర్ధ శతకాలతో ఆకట్టుకున్నారు. ఇక మూడో ఆట ఆరంభమైన కాసేపటికే జడ్డూ(70)ను ఆసీస్‌ అరంగేట్ర స్పిన్నర్‌ టాడ్‌ మర్ఫీ పెవిలియన్‌కు పంపగా.. అక్షర్‌(84)తో కలిసి మహ్మద్‌ షమీ విలువైన యాభై పరుగుల భాగస్వామ్యం నమోదు చేశాడు. షమీ 47 బంతుల్లో 2 ఫోర్లు, 3 సిక్సర్ల సాయంతో 37 పరుగులు చేశాడు.  మర్ఫీకి మరుపురాని టెస్టు ఆస్ట్రేలియా బౌలర్లలో అరంగేట్ర బౌలర్‌ టాడ్‌ మర్ఫీకి అత్యధికంగా 7 వికెట్లు దక్కాయి.  ఓపెనర్‌ కేఎల్‌ రాహుల్‌ను అవుట్‌ చేయడం ద్వారా తొలి వికెట్‌ తీసిన మర్ఫీ.. అశ్విన్‌, పుజారా, కోహ్లి, జడేజా, శ్రీకర్‌ భరత్‌.. ఆఖర్లో షమీని పెవిలియన్‌కు పంపాడు. తద్వారా తన కెరీర్‌లో ఈ టెస్టును మధుర జ్ఞాపకంగా మలచుకున్నాడు. మిగతా వాళ్లలో కెప్టెన్‌ కమిన్స్‌కు రెండు, నాథన్‌ లియోన్‌కు ఒక వికెట్‌ దక్కాయి. చదవండి: IND vs AUS: చరిత్ర సృష్టించిన ఆసీస్‌ స్పిన్నర్‌.. 141 ఏళ్ల రికార్డు బద్దలు IND vs AUS: రోహిత్‌ శర్మకి సారీ చెప్పిన కోహ్లి.. ఏం జరిగిందంటే? వీడియో వైరల్‌ 🔥 SHAMI SPECIAL! That was entertaining while it lasted. 👏 A splendid knock from @MdShami11! 📷 BCCI • #MohammedShami #INDvAUS #AUSvIND #BorderGavaskarTrophy #TeamIndia #BharatArmy pic.twitter.com/u0vuLfYIXu — The Bharat Army (@thebharatarmy) February 11, 2023

నాగ్‌పూర్‌ వేదికగా జరుగుతున్న తొలి టెస్టులో టీమిండియా.. ఆస్ట్రేలియాపై పట్టు బిగించింది. రెండోరోజు ఆట ముగిసే సమయానికి భారత్‌ ఏడు వికెట్లు కోల్పోయి 321 పరుగులు చేసింది. జడేజా (66 పరుగులు), అక్షర్‌ పటేల్‌(52 పరుగులు)లు క్రీజులో ఉన్నారు. 144 పరుగుల ఆధిక్యంలో ఉన్న టీమిండియా మూడోరోజు ఆటలో 200 పరుగుల ఆధిక్యం సాధిస్తే మ్యాచ్‌పై పట్టు సాధించినట్లే. అంతకముందు రోహిత్‌ శర్మ అద్భుత శతకంతో అలరించాడు.  రెండోరోజు ముగిసిన తర్వాత అక్షర్‌ పటేల్‌ మీడియాతో మాట్లాడుతూ ఆస్ట్రేలియా మీడియాకు అదిరిపోయే పంచ్‌ ఇచ్చాడు. నాగ్‌పూర్‌ పిచ్‌పై ఆసీస్‌ మీడియా ప్రత్యేక కథనాలు ప్రచురించడంపై స్పందించిన అక్షర్‌.. '' మేం రేపు పొద్దున బ్యాటింగ్‌ చేసేవరకు పిచ్‌ మాకు అనుకూలంగానే ఉంటుంది.. ఆ తర్వాత బౌలింగ్‌కు వచ్చేసరికి ఏదో ఒక దారి వెతుక్కుంటాం'' అని నవ్వుతూ పేర్కొన్నాడు.  ఆ తర్వాత అక్షర్‌ మాట్లాడుతూ..'' ఇక మ్యాచ్‌లో అనవసర ఒత్తిడికి గురి కాకుండా స్ట్రైక్‌ రొటేషన్‌ మీద ఫోకస్‌ చేయమని జడేజా సూచనలు ఇచ్చాడు. అదే పాటించాను పరుగులు రాబట్టాను. ఇక ఏడాది నుంచి నా బ్యాటింగ్‌లో మార్పు వచ్చింది.  బ్యాటింగ్‌లో టెక్నిక్‌ పరంగా చాలా కాన్ఫిడెన్స్‌ ఉంది. బ్రేక్‌ దొరికిన సమయంలో దానిని మెరుగుపరుచుకున్నా. కోచింగ్‌ స్టాఫ్‌ వద్ద మరిన్ని మెళుకువలు నేర్చుకొని ఎబిలిటీ పెంచుకున్నా.  ఇది కొనసాగించడానికి ప్రయత్నిస్తా'' అంటూ చెప్పుకొచ్చాడు. చదవండి: దిగ్గజ ఆల్‌రౌండర్‌ రికార్డు బద్దలు కొట్టిన జడేజా ఆసీస్‌ కుర్రాడు ఆకట్టుకున్నా.. జడ్డూ, అక్షర్‌ తొక్కేశారు