యూపీ టీ20 లీగ్‌లో టీమిండియా యువ బౌలర్‌, కేకేఆర్‌ మాజీ మీడియం పేసర్‌ శివమ్‌ మావి విధ్వంసం సృష్టించాడు. ఎనిమిదో స్థానంలో బ్యాటింగ్‌కు దిగి మెరుపులు మెరిపించాడు. ఈ లీగ్‌లో కాశీ రుద్రాస్‌కు ఆడుతున్న మావి.. గోరఖ్‌పూర్‌ లయన్స్‌తో జరిగిన మ్యాచ్‌లో కేవలం 19 బంతుల్లోనే హాఫ్‌ సెంచరీ బాదాడు. ఇందులో 6 సిక్సర్లు ఉన్నాయి. ఈ ఇన్నింగ్స్‌లో మొత్తం 21 బంతులు ఎదుర్కొన్న మావి 54 పరుగులు చేసి ఔటయ్యాడు.ఎనిమిదో వికెట్‌కు మావి శివ సింగ్‌తో (17 బంతుల్లో 34 నాటౌట్‌; 4 సిక్సర్లు) కలిసి 87 పరుగులు జోడించాడు. మావి, శివ సింగ్‌ ఇన్నింగ్స్‌ చివర్లో సుడిగాలి ఇన్నింగ్స్‌లు ఆడటంతో రుద్రాస్‌ జట్టు నిర్ణీత 20 ఓవర్లలో 8 వికెట్ల నష్టానికి 176 పరుగులు చేసింది. ఈ జట్టు తరఫున కెప్టెన్‌ కరణ్‌ శర్మ (39), యశోవర్దన్‌ సింగ్‌ (23) కూడా ఓ మోస్తరు స్కోర్లు చేశారు. గోరఖ్‌పూర్‌ బౌలర్లలో అబ్దుల్‌ రెహ్మాన్‌ 3, శివమ్‌ శర్మ 2, ప్రిన్స్‌ యాదవ్‌, వాసు వట్స్‌, విజయ్‌ యాదవ్‌ తలో వికెట్‌ తీశాడు.అనంతరం మావి బౌలింగ్‌లోనూ రాణించాడు. 3.1 ఓవర్లలో 24 పరుగులిచ్చి 3 వికెట్లు తీశాడు. మావి ఆల్‌రౌండ్‌ షోతో చెలరేగడంతో రుద్రాస్‌ గోరఖ్‌పూర్‌ జట్టుపై 50 పరుగుల తేడాతో గెలుపొందింది. మావితో పాటు అటల్‌ బిహారీ రాయ్‌ (4-0-13-3), కార్తీక్‌ యాదవ్‌ (3-0-14-2), సునీల్‌ కుమార్‌ (3-0-25-1) కూడా సత్తా చాటడంతో గోరఖ్‌పూర్‌ జట్టు 19.1 ఓవర్లలో 126 పరుగులకే టపా కట్టేసింది. గోరఖ్‌పూర్‌ తరఫున ప్రిన్స్‌ యాదవ్‌ (29 బంతుల్లో 49; 4 ఫోర్లు, 4 సిక్సర్లు), కెప్టెన్‌ ఆకాశ్‌దీప్‌ నాథ్‌ (34) పోరాటం చేశారు. అయితే అప్పటికే ఆ జట్టు ఓటమి ఖరారైపోయింది. ఆల్‌రౌండ్‌ ప్రదర్శనతో ఇరగదీసిన మావికి ప్లేయర్‌ ఆఫ్‌ ద మ్యాచ్‌ అవార్డు లభించింది.26 ఏళ్ల మావిని 2018 ఐపీఎల్‌ సీజన్‌లో కేకేఆర్‌ రూ. 3 కోట్ల రికార్డు ధర చెల్లించి సొంతం చేసుకుంది. మావి కేకేఆర్‌ తరఫున 32 మ్యాచ్‌లు ఆడి 30 వికెట్లు తీశాడు. అనంతరం 2024 సీజన్‌ మెగా వేలంలో మావిని లక్నో సూపర్‌ జెయింట్స్‌ ఊహించని ధర (రూ. 6.4 కోట్లు) వెచ్చించి కొనుగోలు చేసింది. అయితే ఆ సీజన్‌ ప్రారంభానికి ముందే అతను పక్కటెముకల గాయంతో వైదొలిగాడు.ఐపీఎల్‌ ప్రదర్శనల కారణంగా మావికి 2023లో టీమిండియా నుంచి పిలుపు వచ్చింది. అరంగేట్రం టీ20లోనే అతను 4 వికెట్ల ప్రదర్శనతో చెలరేగి సత్తా చాటాడు. అయితే ఆతర్వాత మ్యాచ్‌ల్లో రాణించలేకపోవడంతో మావి అంతర్జాతీయ టీ20 కెరీర్‌కు 6 మ్యాచ్‌లతోనే బ్రేక్‌ పడింది.

టీమిండియా స్టార్‌ ఆటగాడు, దిగ్గజ బ్యాటర్‌ విరాట్‌ కోహ్లి అంతర్జాతీయ క్రికెట్‌లో ఇవాల్టితో (ఆగస్ట్‌ 18) 17 ఏళ్లు పూర్తి చేసుకున్నాడు. 2008లో ఇదే రోజున విరాట్‌ వన్డేల ద్వారా టీమిండియా అరంగేట్రం చేశాడు. నాటి నుంచి విరాట్‌ ఏం చేశాడో ప్రపంచమంతా చూసింది.17 ఏళ్ల సుదీర్ఘ కెరీర్‌లో సెంచరీల మీద సెంచరీలు కొడుతూ, పరుగుల వరద పారిస్తున్న విరాట్‌.. ఎన్నో రికార్డులు బద్దలు కొట్టాడు. మరెన్నో కొత్త రికార్డులు నెలకొల్పాడు. ఈ సుదీర్ఘ అంతర్జాతీయ కెరీర్‌లో విరాట్‌ సాధించిన భారీ రికార్డులపై ఓ లుక్కేద్దాం.అన్ని ఫార్మాట్లలో 550 మ్యాచ్‌లు ఆడిన విరాట్‌... 52.27 సగటున 82 సెంచరీలు, 143 హాఫ్‌ సెంచరీల సాయంతో 27599 పరుగులు చేశాడు.అంతర్జాతీయ క్రికెట్‌లో అత్యధిక పరుగులు చేసిన ఆటగాళ్ల జాబితాలో సచిన్‌ (34357), సంగక్కర​ (28016) తర్వాత మూడో స్థానంసచిన్‌ (100) తర్వాత అత్యధిక సెంచరీలు చేసిన ఆటగాడుఒకే దశకంలో 20000 పైచిలుకు పరుగులు చేసిన తొలి ఆటగాడుసచిన్‌ (76) తర్వాత అత్యధిక మ్యాన్‌ ఆఫ్‌ ద మ్యాచ్‌ అవార్డులు (69) అందుకున్న ఆటగాడుఅత్యధిక మ్యాన్‌ ఆఫ్‌ ద సిరీస్‌ అవార్డులు (21) అందుకున్న ఆటగాడుఅత్యధిక ఐసీసీ అవార్డులు (10) అందుకున్న ఆటగాడువన్డేల్లో అత్యధిక సెంచరీలు (51) చేసిన ఆటగాడువన్డేల్లో అత్యంత వేగంగా 8000-14000 పరుగులు చేసిన ఆటగాడువన్డే ఛేదనల్లో​ అత్యధిక సెంచరీలు (24) చేసిన ఆటగాడువన్డేల్లో ఓ జట్టుపై (శ్రీలంక) అత్యధిక సెంచరీలు (10)వన్డేల్లో మూడు దేశాలపై (శ్రీలంక, వెస్టిండీస్‌, ఆస్ట్రేలియా) 8కి పైగా సెంచరీలు చేసిన ఏకైక ఆటగాడుటీ20ల్లో అత్యధిక హాఫ్‌ సెంచరీలు (39)టీ20ల్లో అత్యధిక సగటు (48.70) కలిగిన ఆటగాడుటీ20ల్లో అత్యధిక హాఫ్‌ సెంచరీలు (39)ఐసీసీ ర్యాంకింగ్స్‌లో మూడు ఫార్మాట్లలో నంబర్‌ వన్‌గా నిలిచిన ఏకైక భారత ఆటగాడుకెప్టెన్‌గా అత్యధిక (7) డబుల్‌ సెంచరీలు చేసిన ఆటగాడుఅత్యంత వేగంగా 25 టెస్ట్‌ సెంచరీలు చేసిన భారత ఆటగాడుభారత టెస్ట్‌ క్రికెట్‌ చరిత్రలో అత్యంత విజయవంతమైన సారధి (68 మ్యాచ్‌ల్లో 40 విజయాలు)గతేడాది టీ20 ఫార్మాట్‌కు.. ఈ ఏడాది టెస్ట్‌లకు రిటైర్మెంట్‌ ప్రకటించిన విరాట్‌, ప్రస్తుతం వన్డేల్లో మాత్రమే కొనసాగుతున్నాడు.

టీమిండియా టీ20 స్పెషలిస్ట్‌ రింకూ సింగ్‌లో కొత్త కోణం బయటపడింది. ఈ విధ్వంసకర మిడిలార్డర్‌ బ్యాటర్‌.. స్వరాష్ట్రంలో జరుగుతున్న యూపీ టీ20 లీగ్‌లో బౌలర్‌ అవతారమెత్తాడు. అవతారమెత్తడమే కాకుండా ఈ విభాగంలోనూ సత్తా చాటాడు.ఈ లీగ్‌లో మీరట్‌ మెవరిక్స్‌కు ఆడుతున్న రింకూ.. ఇవాళ (ఆగస్ట్‌ 18) కాన్పూర్‌ స్ట్రయికర్స్‌తో జరిగిన మ్యాచ్‌లో 2 ఓవర్లు స్పిన్‌ బౌలింగ్‌ వేసి ఆదర్శ్‌ సింగ్‌ అనే బ్యాటర్‌ను క్లీన్‌ బౌల్డ్‌ చేశాడు. ఈ వికెట్‌ తీశాక రింకూ తీవ్ర ఉద్వేగానికి లోనై గర్జించసాగాడు. దీనికి సంబంధించిన వీడియో సోషల్‌మీడియాలో వైరలవుతోంది.King Rinku @rinkusingh235 rattles the stumps on his first ball! The Captain announces his arrival. #UPT20League #ANAXUPT20League #KhiladiYahanBantaHai #MMvsKS pic.twitter.com/mLwjJWVRSw— UP T20 League (@t20uttarpradesh) August 17, 2025రింకూలోని బౌలింగ్‌ నైపుణ్యాన్ని చూసి టీమిండియా అభిమానులు హర్షం వ్యక్తం చేస్తున్నారు. భారత జట్టుకు మరో ఆల్‌రౌండర్‌ దొరికాడంటూ సంబరపడిపోతున్నారు.కాగా, ప్రస్తుత పరిస్థితుల్లో కేవలం బ్యాటింగ్‌నే నమ్ముకుంటే టీమిండియాలో చోటు దక్కడం కష్టంగా మారింది. ఆటగాళ్లంతా అదనంగా మరో విభాగంలో (బ్యాటర్లైతే బౌలింగ్‌ లేదా వికెట్‌కీపింగ్‌, బౌలర్లైతే బ్యాటింగ్‌) సత్తా చాటితేనే ప్లేయింగ్‌ ఎలెవెన్‌లో చోటు దక్కే అవకాశం ఉంది.ఈ విషయాన్ని రింకూ గ్రహించినట్లున్నాడు. కేవలం బ్యాటింగ్‌లో మెరుపులు మెరిపిస్తే సరిపోదు, అదనంగా మరో టాలెంట్‌ను జోడించుకోవాలని భావించి బంతి పట్టాడు. ఈ క్రమంలో తొలి ప్రయత్నంలోనే సక్సెస్‌ సాధించాడు. ఆసియా కప్‌ జట్టులో చోటు ప్రశ్నార్థకమైన వేల రింకూ తనలోని బౌలింగ్‌ టాలెంట్‌ను బయటికి తీసి సెలెక్టర్లను ఇంప్రెస్‌ చేశాడు.బౌలర్‌గా రాణించినా ఆసియా కప్‌ జట్టులో రింకూకు చోటు దక్కుతుందని చెప్పలేని పరిస్థితి. ఖండాంతర టోర్నీకి ముందు 15 బెర్త్‌ల కోసం 20 మంది పోటీపడుతున్నారు. లోయరార్డర్‌లో ఓ బెర్త్‌ కోసం రింకూ సింగ్‌, రియాన్‌ పరాగ్‌, వాషింగ్టన్‌ సుందర్‌ మధ్య తీవ్రమైన పోటీ నెలకొంది. రింకూతో పోలిస్తే రియాన్‌ పరాగ్‌, సుందర్‌ మెరుగైన బౌలర్లు. వారితో పోటీలో రింకూ ఏమేరకు నెగ్గుకొస్తాడో చూడాలి.మ్యాచ్‌ విషయానికొస్తే.. రింకూ జట్టు మీరట్‌ కార్పూర్‌ జట్టుపై 86 పరుగుల తేడాతో ఘన విజయం సాధించింది. తొలుత బ్యాటింగ్‌ చేసిన మీరట్‌.. మాధవ్‌ కౌశిక్‌ (31 బంతుల్లో 95) మెరుపు ఇన్నింగ్స్‌తో చెలరేగడంతో నిర్ణీత 20 ఓవర్లలో 2 వికెట్ల నష్టానికి 225 పరుగుల భారీ స్కోర్‌ చేసింది. ఈ ఇన్నింగ్స్‌లో రింకూకు బ్యాటింగ్‌ చేసే అవకాశం రాలేదు. అనంతరం ఛేదనలో కాన్పూర్‌ జట్టు తడబడింది. నిర్ణీత ఓవర్లలో ఆ జట్టు 9 వికెట్లు కోల్పోయి 139 పరుగులు మాత్రమే చేయగలిగింది.

బ్రిస్బేన్‌: ఆ్రస్టేలియా గడ్డపై ఇప్పటికే వన్డే సిరీస్‌ చేజిక్కించుకున్న భారత మహిళల ‘ఎ’ జట్టు చివరి మ్యాచ్‌లో పరాజయం పాలైంది. ఆ్రస్టేలియా ‘ఎ’ జట్టుతో మూడు మ్యాచ్‌ల సిరీస్‌లో భాగంగా ఆదివారం జరిగిన మూడో వన్డేలో 9 వికెట్ల తేడాతో ఓడి 2–1తో సిరీస్‌ ఖాతాలో వేసుకుంది. స్టార్‌ బ్యాటర్‌ అలీసా హీలీ (85 బంతుల్లో 137 నాటౌట్‌; 23 ఫోర్లు, 3 సిక్స్‌లు) విజృంభించడంతో ఆ్రస్టేలియా ‘ఎ’ జట్టు అలవోకగా విజయం సాధించింది. టాస్‌ గెలిచి మొదట బ్యాటింగ్‌కు దిగిన భారత ‘ఎ’ జట్టు 47.4 ఓవర్లలో 216 పరుగులకు ఆలౌటైంది. ఓపెనర్‌ షఫాలీ వర్మ (59 బంతుల్లో 52; 7 ఫోర్లు) అర్ధశతకంతో మెరవగా... వికెట్‌ కీపర్‌ యస్తిక భాటియా (54 బంతుల్లో 42; 5 ఫోర్లు) ఫర్వాలేదనిపించింది. నందిని కశ్యప్‌ (53 బంతుల్లో 28; 2 ఫోర్లు), రాఘ్వీ బిస్త్‌ (32 బంతుల్లో 18; 2 ఫోర్లు), తనూశ్రీ సర్కార్‌ (22 బంతుల్లో 17), కెప్టెన్‌ రాధా యదవ్‌ (22 బంతుల్లో 18; 1 ఫోర్, 1 సిక్స్‌) మెరుగైన ఆరంభాలను భారీ స్కోర్లుగా మలచలేకపోయారు. తేజల్‌ హసబ్నిస్‌ (1) విఫలమైంది. ఆ్రస్టేలియా ‘ఎ’ జట్టు బౌలర్లలో తహిలా మెక్‌గ్రాత్‌ 40 పరుగులిచ్చి 3 వికెట్లు పడగొట్టింది. సియానా జింజర్‌ 50 పరుగులిచ్చి 2 వికెట్లు, ఎల్లా హేవార్డ్‌ 43 పరుగులిచ్చి 2 వికెట్లు, అనిక లెరాయిడ్‌ 16 పరుగులిచ్చి 2 వికెట్లు తీశారు. అనంతరం లక్ష్యఛేదనలో ఆస్ట్రేలియా ‘ఎ’ జట్టు 27.5 ఓవర్లలోనే ఒక వికెట్‌ మాత్రమే కోల్పోయి 222 పరుగులు చేసింది. హీలీ అజేయ శతకంతో చెలరేగగా... తహీలా విల్సన్‌ (51 బంతుల్లో 59; 8 ఫోర్లు) అర్ధశతకం సాధించింది. భారత బౌలర్లలో రాధా యాదవ్‌ ఒక వికెట్‌ పడగొట్టింది. ఇరు జట్ల మధ్య గురువారం నుంచి ఇక్కడే ఏకైక అనధికారిక టెస్టు మ్యాచ్‌ జరగనుంది.దంచికొట్టిన హీలీ..గాయం నుంచి కోలుకొని వచ్చిన అలీసా హీలీ... భారత ‘ఎ’ జట్టుతో పరిమిత ఓవర్ల సిరీస్‌లను సంపూర్ణంగా వినియోగించుకుంది. మొదట టి20 సిరీస్‌తో లయ అందుకున్న హీలీ... వన్డే సిరీస్‌లో అదరగొట్టింది. గత మ్యాచ్‌లో త్రుటిలో సెంచరీ చేజార్చుకున్న అలీసా... ఈ మ్యాచ్‌లో అజేయ శతకంతో అదరగొట్టింది. 7 పరుగుల వ్యక్తిగత స్కోరు వద్ద హీలీ ఇచ్చిన క్యాచ్‌ను భారత ఫీల్డర్లు నేలపాలు చేయగా... దాన్ని వినియోగించుకున్న ఆస్ట్రేలియా సీనియర్‌ జట్టు రెగ్యులర్‌ కెప్టెన్‌ బౌండరీలతో చెలరేగింది. రెండో ఓవర్‌లో ఫోర్‌తో మోత ప్రారంభించిన హీలీ... భారీ సిక్స్‌తో లక్ష్యఛేదనను పూర్తి చేసేంతవరకు అదే జోరు కొనసాగించింది. ఆంధ్రప్రదేశ్‌ బౌలర్‌ షబ్నమ్‌ వేసిన ఇన్నింగ్స్‌ ఐదో ఓవర్‌లో హ్యాట్రిక్‌ ఫోర్లు బాదిన హీలీ... మిన్ను మణి, తనూజ కన్వర్‌ ఓవర్లలో రెండేసి ఫోర్లు కొట్టింది. మరో ఎండ్‌ నుంచి తహిలా విల్సన్‌ కూడా ధాటిగా ఆడటంతో ఆస్ట్రేలియా ‘ఎ’ జట్టు స్కోరు బోర్డు పరుగులు పెట్టింది. షబ్నమ్‌ ఓవర్‌లో మరో రెండు ఫోర్లు కొట్టిన హీలీ 30 బంతుల్లో అర్ధశతకం పూర్తి చేసుకుంది. తొలి వికెట్‌కు 137 పరుగులు జోడించిన అనంతరం తహిలా వెనుదిరగగా... హీలీ మాత్రం అదే జోష్‌ కనబర్చింది. మిన్ను మణి వేసిన ఇన్నింగ్స్‌ 21వ ఓవర్‌లో 4, 4, 6 కొట్టి 64 బంతుల్లోనే సెంచరీ పూర్తి చేసుకుంది. మరో ఎండ్‌ నుంచి రాచెల్‌ (21 నాటౌట్‌) సహకారం లభించడంతో హీలీ జట్టును విజయతీరాలకు చేర్చింది

రెడ్‌ బాల్‌ క్రికెట్‌కు మాత్రమే పనికొస్తాడనుకున్న భారత అండర్‌-19 జట్టు మాజీ కెప్టెన్‌ యశ్‌ ధుల్‌.. టీ20 ఫార్మాట్‌లోనూ మెరుపులు మెరిపిస్తున్నాడు. ఢిల్లీ ప్రీమియర్‌ లీగ్‌-2025లో సెంట్రల్‌ ఢిల్లీకి ఆడుతున్న ధుల్‌.. వరుస సెంచరీలతో అదరగొడుతున్నాడు.కొద్ది రోజుల కిందట నార్త్రన్‌ ఢిల్లీ స్ట్రయికర్స్‌పై మెరుపు సెంచరీతో (56 బంతుల్లో 8 ఫోర్లు, 7 భారీ సిక్సర్ల సాయంతో అజేయమైన 101 పరుగులు) విరుచుకుపడిన చేసిన ధుల్‌.. తాజాగా అదే జట్టుపై మరోసారి విధ్వంసకర శతకంతో (51 బంతుల్లో 105; 14 ఫోర్లు, 4 సిక్సర్లు) బీభత్సం సృష్టించాడు.ధుల్‌ సెంచరీలతో పేట్రేగిపోయిన రెండు సందర్భాల్లో సెంట్రల్‌ ఢిల్లీ ఘన విజయాలు సాధించింది. తాజాగా నార్త్రన్‌ ఢిల్లీ స్ట్రయికర్స్‌తో జరిగిన మ్యాచ్‌లో తొలుత బ్యాటింగ్‌ చేసిన సెంట్రల్‌ ఢిల్లీ 16 ఓవర్లలో (వర్షం కారణంగా కుదించారు) 7 వికెట్ల నష్టానికి 197 పరుగుల భారీ స్కోర్‌ చేసింది. ధుల్‌తో పాటు యుగల్‌ సైనీ (28 బంతుల్లో 63; 6 ఫోర్లు, 4 సిక్సర్లు) సత్తా చాటాడు. నార్త్రన్‌ ఢిల్లీ బౌలర్లలో కెప్టెన్‌ హర్షిత్‌ రాణా, అర్జున్‌ రప్రియ తలో 3 వికెట్లు తీశారు.అనంతరం భారీ లక్ష్య ఛేదనలో నార్త్రన్‌ ఢిల్లీ అద్భుతంగా పోరాడినప్పటికీ విజయం సాధించలేకపోయింది. 16 ఓవర్లలో ఆ జట్టు 9 వికెట్ల నష్టానికి 182 పరుగులు చేసి లక్ష్యానికి 16 పరుగుల దూరంలో నిలిచిపోయింది. ఓపెనర్లు సర్తక్‌ రంజన్‌ (52), అర్నవ్‌ బుగ్గా (43) మెరుపు ఇన్నింగ్స్‌లతో గెలుపుకు గట్టి పునాది వేసినప్పటికీ.. ఆతర్వాత వచ్చిన వారు దాన్ని కొనసాగించలేకపోయారు. మధ్యలో వైభవ్‌ కంద్‌పాల్‌ (34) మినహా అంతా విఫలమయ్యారు. సెంట్రల్‌ ఢిల్లీ బౌలర్లు తలో చేయి వేసి నార్త్రన్‌ ఢిల్లీ గెలుపుకు అడ్డుకున్నారు.ఆ ముద్రను చెరిపేసిన ధుల్‌రెడ్‌ బాల్‌ బ్యాటర్‌గా ముద్రపడిన ధుల్‌.. వరుస టీ20 సెంచరీలతో ఆ ఇమేజ్‌ను చెరిపేశాడు. తాజా ప్రదర్శనలతో ఆల్‌ ఫార్మాట్‌ బ్యాటర్‌ అనిపించుకున్నాడు. ధుల్‌కు అండర్‌-19 క్రికెట్‌ ఆడే రోజుల నుంచి నిదానంగా ఆడతాడన్న చెడ్డ పేరుంది. టెక్నిక్‌ పరంగా బలంగా ఉన్నప్పటికీ.. పరిమిత ఓవర్ల ఫార్మాట్లలో, ముఖ్యంగా టీ20ల్లో అవేవీ లెక్కలోని రావు.అందుకే ధుల్‌ తన శైలిని మార్చుకొని బ్యాట్‌ను ఝులిపించడం ప్రారంభించాడు. ఈ క్రమంలోనే డీపీఎల్‌లో రెండు విధ్వంసకర శతకాలతో విరుచుకుపడ్డాడు. ధుల్‌కు ఆటగాడిగానే కాకుండా కెప్టెన్‌గానూ మంచి ట్రాక్‌ రికార్డు ఉంది. అతని సారథ్యంలో భారత్‌.. అండర్‌-19 జట్టు 2021 ఆసియా కప్‌, 2022 వరల్డ్‌కప్‌ గెలిచింది.ధుల్‌ రంజీ అరంగేట్రంలో రెండు ఇన్నింగ్స్‌ల్లో సెంచరీలు చేసి సీనియర్‌ లెవెల్లో గ్రాండ్‌గా ఎంట్రీ ఇచ్చాడు. ఆతర్వాత 2022లో అతనికి ఐపీఎల్‌ అవకాశం దక్కింది. ఆ సీజన్‌లో ఢిల్లీ క్యాపిటల్స్‌ తరఫున అరంగేట్రం చేసిన ధుల్‌.. 3 ఇన్నింగ్స్‌ల్లో కేవలం 16 పరుగులే చేసి నిరాశపరిచాడు. ఆ సీజన్‌లో పేలవ ప్రదర్శన తర్వాత ధుల్‌ను ఏ ఐపీఎల్‌ ఫ్రాంచైజీ పట్టించుకోలేదు. తాజాగా ప్రదర్శనతో ఢిల్లీ క్యాపిటల్స్‌ ధుల్‌ను మరోసారి దక్కించుకునే ప్రయత్నం చేయవచ్చు.

టీమిండియా వెటరన్‌ పేసర్‌ భువనేశ్వర్‌ కుమార్‌ (Bhuvneshwar Kumar) ఆసక్తికర వ్యాఖ్యలు చేశాడు. భారత దిగ్గజ బ్యాటర్‌ విరాట్‌ కోహ్లి (Virat Kohli)తో తన అనుబంధం ఏళ్లుగా కొనసాగుతోందని.. అయితే, ఇప్పుడు తమ మధ్య జరిగే సంభాషణలు పూర్తిగా మారిపోయాయని వెల్లడించాడు. జట్టులో చోటు గల్లంతుకాగా కోహ్లి కెప్టెన్సీలో టీమిండియాలో వరుస అవకాశాలు అందిపుచ్చుకున్న భువీ.. ఆ తర్వాత కెరీర్‌లో వెనుకబడిపోయాడు. టీమిండియా తరఫున 2022లో చివరగా ఆడిన భువనేశ్వర్‌ కుమార్‌.. ఆ తర్వాత వివిధ లీగ్‌లలో సత్తా చాటినా రీఎంట్రీ ఇవ్వలేకపోయాడు. మహ్మద్‌ షమీ, జస్‌ప్రీత్‌ బుమ్రా, మహ్మద్‌ సిరాజ్‌లు పేస్‌ దళంలో కీలకంగా మారగా.. వీరితో పాటు ఆకాశ్‌ దీప్‌, అర్ష్‌దీప్‌ సింగ్‌, ముకేశ్‌ కుమార్‌, ప్రసిద్‌ కృష్ణల రాకతో భువీ స్థానం గల్లంతైంది.తిరిగి ఆర్సీబీ గూటికిప్రస్తుతం లీగ్‌ క్రికెట్‌ మాత్రమే ఆడుతున్న భువనేశ్వర్‌ కుమార్‌ను రాయల్‌ చాలెంజర్స్‌ బెంగళూరు 2025 మెగా వేలంలో కొనుగోలు చేసింది. సన్‌రైజర్స్‌ హైదరాబాద్‌ ఈ రైటార్మ్‌ పేసర్‌ను వదిలేయగా.. ఆర్సీబీ రూ. 10.75 కోట్లకు అతడిని కొనుక్కుంది. ఇందుకు తగ్గట్లుగానే భువీ పైసా వసూల్‌ ప్రదర్శన ఇచ్చాడు.ఈ సీజన్‌లో 14 మ్యాచ్‌లలో కలిసి 17 వికెట్లు కూల్చిన భువీ.. ఆర్సీబీ తొలిసారి ట్రోఫీ గెలవడంలో తన వంతు పాత్ర పోషించాడు. ఆర్సీబీలోకి పునరాగమనం చేసిన వెంటనే.. తన పాత కెప్టెన్‌ విరాట్‌ కోహ్లితో కలిసి ఈ మేర జట్టుకు చిరస్మరణీయ విజయాన్ని అందించాడు.అప్పటిలా కాదు.. అన్నీ మారిపోయాయి.. కోహ్లితో మాట్లాడాలంటేఈ నేపథ్యంలో తాజాగా భువనేశ్వర్‌ కుమార్‌ ఓ పాడ్‌కాస్ట్‌లో మాట్లాడుతూ.. కోహ్లితో తన అనుబంధం గురించి వివరించాడు. ‘‘ఇప్పుడు అన్నీ మారిపోయాయి. అప్పట్లో ఉన్నట్లు కాదు. మేము ఇప్పుడు మా కుటుంబాల గురించి ఎక్కువగా మాట్లాడుకుంటున్నాం.క్రికెట్‌ కాకుండా.. మిగిలిన జీవితం గురించి ఎక్కువగా చర్చించుకుంటున్నాం. అప్పట్లో మేము యువకులం. అప్పటికి పెళ్లిళ్లు కూడా కాలేదు. అందుకే అందరు యువకుల మాదిరే మేము కూడా జోక్స్‌ వేసుకుంటూ సరదాగా గడిపేవాళ్లం. కానీ ఇప్పుడు మేము పరిణతి చెందిన పురుషులం.వయసు పెరుగుతోంది కదా!ఏదేమైనా మైదానంలో మాత్రం మేము ఎప్పుడూ ప్రొఫెషనల్‌గానే ఉంటాము. ఆర్సీబీ లేదంటే.. ఏ ఫ్రాంఛైజీ అయినా ఓ ఆటగాడిని కొన్నదంటే.. జట్టులోని మిగతా సభ్యులతో అతడికి స్నేహం ఉన్నా లేకపోయినా.. మైదానంలో సమిష్టిగా విజయం కోసం పోరాడాల్సి ఉంటుంది.అందుకే గ్రౌండ్‌లో మేము కేవలం ఆట గురించి మాత్రమే చర్చించుకుంటాం. అయితే, ఆట ముగిసిన తర్వాత అంతా మళ్లీ మామూలే. మా వయసు పెరుగుతోంది కదా! అందుకే.. అప్పటికీ.. ఇప్పటికీ సంభాషణల్లో చాలా మార్పులు వచ్చాయి’’ అని 35 ఏళ్ల భువీ చెప్పుకొచ్చాడు.

భారత ఏ మహిళల క్రికెట్‌ జట్టు ఆస్ట్రేలియా గడ్డపై సంచలనం సృష్టించింది. మూడు మ్యాచ్‌ల వన్డే సిరీస్‌ను మరో మ్యాచ్‌ మిగిలుండగానే 2-0 తేడాతో కైవసం చేసుకుంది. తద్వారా ఈ సిరీస్‌కు ముందు టీ20 సిరీస్‌లో (ఆసీస్‌ చేతిలోనే) ఎదురైన క్లీన్‌ స్వీప్‌ (0-3) పరాభవానికి ప్రతీకారం తీర్చుకుంది. బ్రిస్బేన్‌ వేదికగా ఇవాళ (ఆగస్ట్‌ 15) జరిగిన రెండో వన్డేలో భారత్‌ 2 వికెట్ల తేడాతో ఆసీస్‌ను మట్టికరిపించింది. దీనికి ముందు ఇదే వేదికగా జరిగిన తొలి వన్డేలోనూ భారత్‌ ఇదే తరహాలో ఆసీస్‌పై విజయం సాధించింది.రెండో వన్డేలో టాస్‌ గెలిచి తొలుత బ్యాటింగ్‌ చేసిన ఆసీస్‌.. అలైస్సా హీలీ (91), కిమ్‌ గార్త్‌ (41 నాటౌట్‌) సత్తా చాటడంతో నిర్ణీత 50 ఓవర్లలో 9 వికెట్ల నష్టానికి 265 పరుగులు చేసింది. భారత బౌలర్లలో మిన్ను మణి (10-1-46-3), సైమా ఠాకోర్‌ (8-1-30-2) ఆసీస్‌ బ్యాటర్లను ఇబ్బంది పెట్టారు. రాధా యాదవ్‌, టైటాస్‌ సాధు, ప్రేమా రావత్‌, తనుజా కన్వర్‌ తలో వికెట్‌ తీశారు.అనంతరం 266 పరుగుల లక్ష్య ఛేదనకు దిగిన భారత్‌.. మరో బంతి మాత్రమే మిగిలుండగా 8 వికెట్లు కోల్పోయి విజయాన్ని అందుకుంది. 193 పరుగులకే 7 వికెట్లు కోల్పోయి ఓటమి దిశగా సాగుతున్న దశలో తనూజా కన్వర్‌ (50), పేమా రావత్‌ (32 నాటౌట్‌) అద్బుతమైన పోరాటపటిమ కనబర్చి భారత్‌ను గెలిపించారు. అంతకుముందు యస్తికా భాటియా (66), కెప్టెన్‌ రాధా యాదవ్‌ (60) అర్ద సెంచరీలతో రాణించారు. ఆసీస్‌ బౌలర్లలో జార్జియా, యామీ ఎడ్గర్‌, హేవర్డ్‌ తలో 2 వికెట్లు తీయగా.. కిమ్‌ గార్త్‌ ఓ వికెట్‌ దక్కించుకుంది. ఈ సిరీస్‌లో నామమాత్రపు మూడో వన్డే ఇదే వేదికగా ఆగస్ట్‌ 17న జరుగనుంది. ఈ మ్యాచ్‌ అనంతరం భారత్‌ ఆసీస్‌తోనే ఓ అనధికారిక టెస్ట్‌ మ్యాచ్‌ కూడా ఆడనుంది. ఈ మ్యాచ్ ఆగస్ట్‌ 21న ప్రారంభమవుతుంది.

త్వరలో ప్రారంభం కానున్న ఆసియా కప్‌ కోసం భారత జట్టును మరి ‍కొద్ది రోజుల్లో ప్రకటించే అవకాశం ఉంది. జట్టు ప్రకటనకు ముందు సెలెక్టర్లు పెద్ద సైజు కసరత్తే చేస్తున్నారు. ఆటగాళ్ల ఎంపిక రొటీన్‌ ప్రక్రియలా లేదు. 15 బెర్త్‌ల కోసం 20 మంది అర్హులు పోటీపడుతున్నారు. ఎవరిని ఎంపిక చేయాలో, ఎవరిని వదిలేయాలో తెలీక​ సెలెక్టర్లు తలలు పట్టుకున్నారు.సంజూ శాంసన్‌, అభిషేక్‌ శర్మ, తిలక్‌ వర్మ, సూర్యకుమార్‌ యాదవ్‌, శివమ్‌ దూబే, హార్దిక్‌ పాండ్యా, రింకూ సింగ్‌, అక్షర్‌ పటేల్‌, వరుణ్‌ చక్రవర్తి, అర్షదీప్‌, మొహమ్మద్‌ షమీ లాంటి టీ20 స్టార్లతో ఇప్పటికే జట్టు పటిష్టంగా ఉండగా.. కొత్తగా శుభ్‌మన్‌ గిల్‌, యశస్వి జైస్వాల్‌, శ్రేయస్‌ అయ్యర్‌, మొహమ్మద్‌ సిరాజ్‌, బుమ్రా, వాషింగ్టన్‌ సుందర్‌ లాంటి ఆటగాళ్లను అకామడేట్‌ చేయాల్సిన పరిస్థితి ఏర్పడింది.ఇటీవల ఇంగ్లండ్‌తో జరిగిన టెస్ట్‌ సిరీస్‌లో వీరంతా (శ్రేయస్‌ మినహా) ఆకాశమే హద్దుగా చెలరేగారు. వీరి ఫామ్‌ను బట్టి ఆసియా కప్‌కు తప్పక ఎంపిక చేయాల్సిన పరిస్థితి ఏర్పడింది. వీరంతా ఆసియా కప్‌ ఆడేందుకు సంసిద్దత కూడా వ్యక్తం చేశారు. ఇలాంటి పరిస్థితుల్లో ఇదివరకే సెట్‌ అయిన ఆటగాళ్లను క​దిలిస్తారా లేక టెస్ట్‌ హీరోలను ఎంపిక చేస్తారా అన్నది ప్రశ్నార్థకంగా మారింది. ఈ విషయంలో సెలెక్టర్లు ఎటూ తేల్చుకోలేకపోతున్నారు.టెస్ట్‌ జట్టు కెప్టెన్‌ గిల్‌, అతని గుజరాత్‌ టైటాన్స్‌ సహచరుడు కూడా అయిన సిరాజ్‌ను అకామడేట్‌ చేయడం​ వారి ముందున్న ప్రధాన సమస్య. గిల్‌ను ప్లేయింగ్‌ ఎలెవెన్‌లోకి తేవాలంటే సెట్‌ అయిన ఓపెనర్లు సంజూ శాంసన్‌, అభిషేక్‌ శర్మలలో ఎవరో ఒకరిని కదిలించాలి. జట్టు ప్రయోజనాల దృష్ట్యా ఇది ఆమోదయోగ్యమైంది కాదు. ఒకవేళ కదిలించినా అది పెద్ద సాహసమే అవుతుంది.అలాగని గిల్‌ను పక్కకు పెట్టే పరిస్థితి కూడా లేదు. ఓపెనింగ్‌ కాకుండా వేరే ఏదైన స్థానంలో అయిన ఆడిద్దామా అంటే ఎక్కడా ఖాళీలు లేవు. బ్యాటింగ్‌ ఆర్డర్‌ మొత్తం సెట్‌ అయిపోయింది. వన్‌ డౌన్‌లో తిలక్‌ వర్మ, నాలుగో స్థానంలో సూర్యకుమార్‌, ఆతర్వాత దూబే, హార్దిక్‌, రింకూ ఇలా బ్యాటింగ్‌ ఆర్డర్‌ మొత్తం ఆక్రమించబడింది. వీరిలో ఏ ఒక్కరినీ కదిలించే పరిస్థితి లేదు. వీరు ఇటీవలికాలంలో అద్భుతంగా రాణించి జట్టుకు చిరస్మరణీయ విజయాలు అందించారు. పొట్టి ఫార్మాట్‌లో వీరందరికి తిరుగులేని కూడా రికార్డు ఉంది. ర్యాంకింగ్స్‌లో కూడా వీరు టాప్‌లో ఉన్నారు. వీరిని జట్టులో కొనసాగించడం సమంజసమే అయినప్పటికీ.. అంతే అర్హత కలిగిన గిల్‌, జైస్వాల్‌, శ్రేయస్‌ అయ్యర్‌ లాంటి ఆటగాళ్లను కూడా కాదనలేని పరిస్థితి. ఈ తల నొప్పులు బ్యాటింగ్‌కు మాత్రమే పరిమితం​ కాలేదు. బౌలింగ్‌ విభాగంలోనూ ఉన్నాయి. అయితే తీవ్రత బ్యాటింగ్‌లో ఉన్నంత లేదు. షమీ స్థానంలో బుమ్రా ఎంట్రీకి ఎలాంటి సమస్య లేనప్పటికీ.. కొత్తగా సిరాజ్‌ను అకామడేట్‌ చేయడమే సమస్య. అర్షదీప్‌, బుమ్రా ఫస్ట్‌ ఛాయిస్‌ పేసర్లు కాగా.. మూడో పేసర్‌ స్థానం కోసం​ సిరాజ్‌, ప్రసిద్ద్‌ కృష్ణ, షమీ పోటీపడుతున్నారు. స్పిన్‌ బౌలింగ్‌ ఆల్‌రౌండర్‌ అయిన వాషింగ్టన్‌ సుందర్‌కు అకామడేట్‌ చేయడం కూడా ప్రస్తుత పరిస్థితుల్లో ఇబ్బందిగానే ఉంది.ఇన్ని తలనొప్పుల మధ్య సెలెక్టర్లు ఎవరెవరిని ఎంపిక చేస్తారో అన్నది ఆసక్తికరంగా మారింది. ఆగస్ట్‌ 19న జట్టును ప్రకటించే అవకాశం ఉంది.

ఆసియా కప్‌-2025 కోసం భారత జట్టును మరో రెండు రోజుల్లో ప్రకటించే అవకాశం ఉంది. అంతా సజావుగా సాగితే ఒకటి రెండు మార్పులు మినహా అంతా అనుకుంటున్న జట్టే యూఏఈకి (ఆసియా కప్‌ వేదిక) వెళ్లనుంది. ఈ పరిస్థితుల్లో రెవ్‌స్పోర్ట్స్‌ అనే ప్రముఖ క్రికెట్‌ వెబ్‌సైట్‌కు చెందిన రోహిత్‌ జుగ్లన్‌ అనే జర్నలిస్ట్‌ బాంబును పేల్చాడు.ఆసియా కప్‌ సెలెక్షన్‌కు ముందు టీమిండియా కెప్టెన్‌ సూర్యకుమార్‌ యాదవ్‌ జపాన్‌లో ఉన్నాడని సోషల్‌మీడియాలో పోస్ట్‌ చేశాడు. స్కై జపాన్‌ను ఎందుకు వెళ్లాడో చెప్పని జుగ్లన్‌.. అతను ఆసియా కప్‌ ఆడతాడా లేదా అన్న అనుమానులు మాత్రం వ్యక్తం చేశాడు. టీమిండియాను బీసీసీఐ కార్యకలాపాలను దగ్గర ఫాలో​ అయ్యే జుగ్లన్‌ ఈ పోస్ట్‌ చేయడంతో టీమిండియాలో ఏదో జరుగుతుందని అభిమానులు చర్చించుకుంటున్నారు.Things were looking good till yesterday in every report for a player or 2 but there could be a last minute change for Asia cup sqaud Captain Surya is in Japan for couple of days Lets wait for the captain and a last call #AsiaCup2025— Rohit Juglan (@rohitjuglan) August 13, 2025అసలే గత కొద్ది రోజులుగా టెస్ట్‌ కెప్టెన్‌ శుభ్‌మన్‌ గిల్‌నే భారత టీ20 కెప్టెన్‌గానూ నియమించాలని డిమాండ్లు వినిపిస్తున్నాయి. చాలా మంది మాజీలు కూడా ఈ వాదనను సమర్దిస్తున్నారు. గిల్‌ టెస్ట్‌ కెప్టెన్‌గా తన తొలి పర్యటనలోనే (ఇంగ్లండ్‌) విజయవంతం కావడంతో అతనికి మద్దతు పెరిగింది. ఈ పరిస్థితుల్లో స్కై విదేశాలకు వెళ్లడం అనుమానాలకు తావిస్తుంది.వాస్తవంగా మేజర్‌ టోర్నీలకు జట్టు ఎంపిక సమయంలో కెప్టెన్లు కూడా సెలెక్టర్లతో డిస్కషన్స్‌లో పాల్గొంటారు. అయితే స్కై కెప్టెన్‌ అయినప్పటి నుంచి ఇలాంటి పరిస్థితి ఎప్పుడూ కనిపించలేదు. బీసీసీఐ పెద్దలు స్కైను తాత్కాలిక కెప్టెన్‌ అనుకున్నారో ఏమో కానీ అతనికి అంత సీన్‌ ఇవ్వలేదు. స్కై కూడా వరుస విజయాలు సాధించినా ఎప్పుడూ కెప్టెన్‌లా(ఆఫ్‌ ద ఫీల్డ్‌) ప్రవర్తించలేదు.తాజా పరిస్థితులను బట్టి చూస్తే స్కై కెప్టెన్సీకి కాలం చెల్లినట్లు కనిపిస్తుంది. ఆసియా కప్‌కు గిల్‌నే కెప్టెన్‌గా ఎంపిక​ చేసి, స్కైను సాధారణ ఆటగాడిగా కొనసాగమని చెప్పినా ఆశ్చర్యపోనక్కర్లేదు. ఇది తెలిసే స్కై ఆసియా కప్‌ నుంచి తప్పుకోవాలని చూస్తున్నట్లు వినికిడి. గిల్‌ను కొందరు బీసీసీఐ పెద్దలు ఆల్‌ ఫార్మాట్‌ కెప్టెన్‌గా ప్రమోట్‌ చేస్తున్నట్లు తెలుస్తుంది. రోహిత్‌ రిటైరయ్యాక వన్డే పగ్గాలు కూడా గిల్‌కేనని సంకేతాలు అందాయి. మిగిలింది టీ20 కెప్టెన్సీ. దీన్ని కూడా గిల్‌కే కట్టబెడితే ఓ పని అయిపోతుందని బీసీసీఐలో ఓ కోఠరీ యత్నిస్తున్నట్లు సమాచారం. ఈ క్రమంలో స్కై బలపశువు కావచ్చు.

పాకిస్తాన్‌ మాజీ క్రికెటర్ బాసిత్ అలీ ఇటీవల The Game Plan అనే యూట్యూబ్‌ ఛానల్‌తో మాట్లాడుతూ ఆసక్తికర వ్యాఖ్యలు చేశాడు. ఆసియా కప్‌ 2025లో భారత్‌ తమతో ఆడకపోతేనే మంచిదని అభిప్రాయపడ్డాడు. ఇటీవల వరల్డ్‌ ఛాంపియన్‌షిప్‌ ఆఫ్‌ లెజెండ్స్‌ టోర్నీలో భారత్‌ తమతో మ్యాచ్‌లను ఎలాగైతే బాయ్‌కాట్‌ చేసిందో ఆసియా కప్‌లోనూ అలాగే చేస్తే బాగుంటుందని అన్నాడు.ఒకవేళ భారత్‌ ఆసియా కప్‌లో తమతో మ్యాచ్‌లు ఆడేందుకు ముందుకు వస్తే మాత్రం వారు కొట్టే చావుదెబ్బను ఊహించలేమని తెలిపాడు. ఇలా జరగకూడదని దేవుడిని ప్రార్దిస్తున్నట్లు చెప్పుకొచ్చాడు.బాసిత్‌ అలీ చేసిన ఈ వ్యాఖ్యలు పాక్‌ అభిమానులకు తీవ్ర ఆగ్రహాన్ని తెప్పిస్తున్నాయి. బాసిత్‌ వ్యాఖ్యలపై పాక్‌ మీడియా కూడా దుమ్మెత్తిపోస్తుంది. మరోవైపు భారత అభిమానులు మాత్రం బాసిత్‌ వ్యాఖ్యలతో ఏకీభవిస్తున్నారు. కరెక్ట్‌గా చెప్పాడంటూ సోషల్‌మీడియాలో కామెంట్లు చేస్తున్నారు. తాజాగా పాక్‌ విండీస్‌ చేతిలో ఘోర పరాజయాన్ని ఎదుర్కొన్న తర్వాత బాసిత్‌ ఈ వ్యాఖ్యలు చేశాడు. విండీస్‌తో జరిగిన చివరి వన్డేలో పాక్‌ 92 పరుగులకే ఆలౌటై, 202 పరుగుల భారీ తేడాతో ఘోర పరాజయాన్ని ఎదుర్కొంది. ఈ ఓటమితో పాక్‌ విండీస్‌కు 35 ఏళ్ల తర్వాత వన్డే సిరీస్‌ను కోల్పోయింది.ఈ ఓటమి తర్వాత బాసిత్ అలీ పాక్‌ జట్టుపై తీవ్ర అసంతృప్తి వ్యక్తం చేశాడు. ఇలాంటి జట్టుతో భారత్‌ లాంటి పటిష్ట జట్టును ఎప్పుడు ఓడించాలంటూ కామెంట్లు చేశాడు.కాగా, యూఏఈ వేదికగా టీ20 ఫార్మాట్లో జరిగే ఆసియా కప్‌-2025లో భారత్‌-పాకిస్తాన్‌ మ్యాచ్‌ సెప్టెంబర్ 14న జరగనుంది. ఈ టోర్నీలో ఇరు జట్ల మధ్య మరిన్ని మ్యాచ్‌లు జరిగే ఆస్కారం​ కూడా ఉంది. దీనికి ముందు పాక్‌తో ఆడేందుకు భారత ప్రభుత్వం సమ్మతించాలి. పాక్‌తో ఆడే విషయమై భారత క్రీడాభిమానులు, క్రికెట్‌ విశ్లేషకులు, మాజీలు భిన్నంగా స్పందిస్తున్నారు. కొందరు క్రికెట్‌ వేరు, దేశ సమస్య వేరని అంటుంటే.. మరికొందరు మాత్రం నీచ బుద్ది ఉన్న పాక్‌తో క్రికెటే కాకుండా ఏ ఆట ఆడకూడదని భీష్మించుకూర్చున్నారు.

ముంబై: భారత వన్డే కెప్టెన్‌ రోహిత్‌ శర్మ కొంత విరామం తర్వాత మళ్లీ క్రికెట్‌ మైదానంలోకి దిగేందుకు సిద్ధమవుతున్నాడు. ఈ క్రమంలో ఫిట్‌నెస్‌కు పదును పెడుతున్నాడు. తన మిత్రుడు, వ్యక్తిగత కోచ్‌ అయిన అభిషేక్‌ నాయర్‌తో కలిసి అతను మంగళవారం జిమ్‌ ట్రైనింగ్‌లో పాల్గొన్నాడు. రోహిత్‌ ఇప్పటికే టెస్టులు, టి20లనుంచి రిటైర్‌ కావడం, అన్ని ఫార్మాట్‌లలో కొత్త ఆటగాళ్లు సత్తా చాటుతుండటంతో వన్డేల్లో కూడా అతను కొనసాగే అంశంపై ఇటీవల చర్చ మొదలైంది. 2027 వన్డే వరల్డ్‌ కప్‌లో ఆడాలనే లక్ష్యంతో రోహిత్‌ ఉన్నా... ఇప్పటికిప్పుడు దీనిపై ఇంకా స్పష్టత వచ్చే అవకాశం లేదు. ఈ నేపథ్యంలో నాయర్‌ పర్యవేక్షణలోనే రోహిత్‌ త్వరలోనే నెట్స్‌లో బ్యాటింగ్‌ ప్రాక్టీస్‌కు దిగే అవకాశం ఉంది. అతను చివరిసారిగా జూన్‌ 1న ఐపీఎల్‌ మ్యాచ్‌ ఆడాడు. ఆ తర్వాత భారత టెస్టు జట్టు ఇంగ్లండ్‌లో పర్యటించగా... రోహిత్‌ కూడా అదే సమయంలో ఇంగ్లండ్‌లోనే సరదాగా సెలవులు గడిపాడు. ఇప్పుడు విరామం తర్వాత మళ్లీ క్రికెట్‌పై దృష్టి పెట్టాడు. భారత్‌ తమ తర్వాతి వన్డేలో అక్టోబర్‌ 19న ఆ్రస్టేలియాలో బరిలోకి దిగుతుంది. 2025–26 సీజన్‌లో టీమిండియా మరో 9 వన్డే మ్యాచ్‌లు మాత్రమే ఆడనుంది. ఆసీస్‌ టూర్‌తో పాటు స్వదేశంలోనే దక్షిణాఫ్రికా, న్యూజిలాండ్‌లతో భారత్‌ తలపడుతుంది. భవిష్యత్తు సంగతి ఎలా ఉన్నా... ప్రస్తుతానికి రోహిత్‌ వన్డేల్లో టాప్‌ బ్యాటర్‌గానే కొనసాగుతున్నాడు. 11,168 పరుగులు మాత్రమే కాదు, 32 సెంచరీలు, మూడు డబుల్‌ సెంచరీలతో అతనికి ఘనమైన రికార్డు ఉంది. భారత్‌ ఆడిన తమ చివరి టోర్నీ చాంపియన్స్‌ ట్రోఫీలో కెపె్టన్‌గా జట్టును విజేతగా నిలపడంతో పాటు ఫైనల్లో రోహిత్‌ స్వయంగా ‘ప్లేయర్‌ ఆఫ్‌ ద మ్యాచ్‌’గా నిలిచిన విషయం గమనార్హం.

మహారాజా ట్రోఫీ కేఎస్‌సీఏ టీ20 టోర్నీలో మైసూర్‌ వారియర్స్‌ కెప్టెన్‌ మనీశ్‌ పాండే ఆకాశమే హద్దుగా చెలరేగాడు. నిన్న (ఆగస్ట్‌ 11) బెంగళూరు బ్లాస్టర్స్‌తో జరిగిన మ్యాచ్‌లో విధ్వంసం సృష్టించాడు. కేవలం 29 బంతుల్లో 4 ఫోర్లు, 4 సిక్సర్ల సాయంతో అజేయమైన 58 పరుగులు చేశాడుCAPTAIN MANISH PANDEY SHOW. 👑- 58* runs from just 29 balls including 4 fours & 4 sixes in his first match in Maharaja Trophy 2025. pic.twitter.com/2kDjibBYqS— Johns. (@CricCrazyJohns) August 11, 2025ఫలితంగా తొలుత బ్యాటింగ్‌ చేసిన మైసూర్‌ వారియర్స్‌ నిర్ణీత 20 ఓవర్లలో 5 వికెట్ల నష్టానికి 180 పరుగులు చేసింది. మైసూర్‌ ఇన్నింగ్స్‌లో మనీశ్‌తో పాటు సుమిత్‌ కుమార్‌ (28 బంతుల్లో 44 నాటౌట్‌; 2 ఫోర్లు, సిక్స్‌), హర్షిల్‌ ధర్మాణి (31 బంతుల్లో 38; 2 ఫోర్లు, సిక్స్‌) రాణించారు. బెంగళూరు బ్లాస్టర్స్‌ బౌలర్లలో శుభాంగ్‌ హేగ్డే 3 వికెట్లతో సత్తా చాటాడు.అనంతరం బరిలోకి దిగిన బ్లాస్టర్స్‌.. ఎల్‌ఆర్‌ కుమార్‌ (4-0-27-3), అజిత్‌ కార్తీక్‌ (3.2-0-21-3), కృష్ణప్ప గౌతమ్‌ (4-0-28-2) ధాటికి 19.2 ఓవర్లలో 141 పరుగులకే ఆలౌటైంది. కెప్టెన్‌ మయాంక్‌ అగర్వాల్‌ (66) బ్లాస్టర్స్‌ను గెలిపించేందుకు విఫలయత్నం చేశాడు.కాగా, మహారాజా ట్రోఫీ అనేది కర్ణాకటలో జరిగే స్థానిక టీ20 టోర్నీ. ఈ టోర్నీ యొక్క నాలుగో ఎడిషన్‌ నిన్ననే మొదలైంది. వాస్తవానికి ఈ టోర్నీ బెంగళూరులోని చిన్నస్వామి స్టేడియంలో జరగాల్సి ఉంది. అయితే మహిళల వరల్డ్‌కప్‌ ఏర్పాట్లలో భాగంగా వేదికను మైసూర్‌లోని వడియార్‌ క్రికెట్‌ స్టేడియంకు మార్చారు. ఈ లీగ్‌లో మొత్తం 6 జట్లు పాల్గొంటుండగా.. మనీశ్‌ పాండే నేతృత్వంలోని మైసూర్‌ వారియర్స్‌ డిఫెండింగ్‌ ఛాంపియన్‌గా ఉంది. ఈ టోర్నీ ప్రస్తుత ఎడిషన్‌లో మనీశ్‌ పాండే, మయాంక్‌ అగర్వాల్‌, కరుణ్‌ నాయర్‌, ప్రసిద్ద్‌ కృష్ణ, దేవ్‌దత్‌ పడిక్కల్‌, అభినవ్‌ మనోహర్‌ లాంటి స్టార్‌ ఆటగాళ్లు పాల్గొంటున్నారు.

త్వరలో జరుగనున్న ఆసియా కప్‌ 2025 కోసం భారత జట్టును మరికొద్ది రోజుల్లో అధికారికంగా ప్రకటిస్తారు. అయితే ఈలోపే జట్టు ఇలా ఉండబోతుందంటూ సోషల్‌మీడియాలో ప్రచారం మొదలైంది. పీటీఐ సోర్సస్‌ ప్రకారం.. టీమిండియాలో చెప్పుకోదగ్గ మార్పులేమీ లేవు. చాలా గ్యాప్‌ తర్వాత బుమ్రా పొట్టి ఫార్మాట్‌లోకి ఎంట్రీ ఇచ్చే అవకాశం ఉంది. కెప్టెన్‌గా సూర్యకుమార్‌ యాదవ్‌ కొనసాగనున్నాడు. అతని డిప్యూటీ (వైస్‌ కెప్టెన్‌) విషయంలో మాత్రం బీసీసీఐ ముల్లగుల్లాలు పడుతున్నట్లు తెలుస్తుంది. అక్షర్‌ను కొనసాగించాలా లేదా శుభ్‌మన్‌ గిల్‌కు బాధ్యతలు అప్పజెప్పాలా అన్న సందిగ్దంలో ఉన్నట్లు సమాచారం. ఓ పేసర్‌ బెర్త్‌ కోసం హర్షిత్‌ రాణా, ప్రసిద్ద్‌ కృష్ణ మధ్య పోటీ ఉన్నట్లు తెలుస్తుంది. రెండో వికెట్‌కీపర్‌గా జితేశ్‌ శర్మ, ధృవ్‌ జురెల్‌ పోటీ పడుతున్నారు.టాప్‌-5గా అభిషేక్‌ శర్మ, సంజూ శాంసన్‌, తిలక్‌ వర్మ, సూర్యకుమార్‌ యాదవ్‌, హార్దిక్‌ పాండ్యా ఎంపిక కావడం ఖరారైపోయింది. ఇదే జరిగితే గిల్‌ స్థానం ఎక్కడ అన్న ప్రశ్న ఉత్పన్నమవుతుంది. టెస్ట్‌ జట్టుకు కెప్టెన్‌ అయిన గిల్‌ను జట్టులోకి తీసుకొని ఖాళీగా కూర్చోబెట్టే పరిస్థితి లేదు. అలాగని తప్పించనూ లేరు. గిల్‌ను తుది జట్టులోకి తప్పక​ తీసుకోవాలని భావిస్తే టాపార్డర్‌ డిస్టర్బ్‌ అయ్యే ప్రమాదం ఉంది.భారత్‌ చివరిగా ఆడిన ఇంగ్లండ్‌ సిరీస్‌లో టాపార్డర్‌ విశేషంగా రాణించింది. ముఖ్యంగా ఓపెనర్ అభిషేక్‌ శర్మ ఆకాశమే హద్దుగా చెలరేగాడు. ఓ హాఫ్‌ సెంచరీతో పాటు విధ్వంసకర శతకం బాదాడు. తిలక్‌ వర్మ, హార్దిక్‌ తలో హాఫ్‌ సెంచరీతో పర్వాలేదనిపించారు. సూర్యకుమార్‌ యాదవ్‌, సంజూ శాంసన్‌ తడబడినా మరో అవకాశం ఇవ్వక తప్పదు.ఆల్‌రౌండర్ల కోటాలో శివమ్‌ దూబే, అక్షర్‌ పటేల్‌, వాషింగ్టన్‌ సుందర్‌ తప్పక తుది జట్టులో ఉంటారు. స్పెషలిస్ట్‌ స్పిన్నర్లుగా వరుణ్‌ చక్రవర్తి, కుల్దీప్‌ యాదవ్‌ కొనసాగుతారు. స్పెషలిస్ట్‌ పేసర్‌గా అర్షదీప్‌ స్థానం పక్కా. రింకూ సింగ్‌ స్థానమే ప్రశ్నార్థకంగా మారింది. గత సిరీస్‌లో అతను చెప్పుకోదగ్గ ప్రదర్శన ఒక్కటీ చేయలేదు. పైగా జట్టులో ఆల్‌రౌండర్ల హవా కూడా పెరగడంతో రింకూ స్థానం గల్లంతయ్యే ప్రమాదం ఉంది.ఆసియా కప్‌-2025 కోసం భారత జట్టు (పీటీఐ సోర్సస్‌ ప్రకారం)..సూర్యకుమార్‌ యాదవ్‌ (కెప్టెన్‌), శుభ్‌మన్‌ గిల్‌, అక్షర్‌ పటేల్‌, అభిషేక్‌ శర్మ, సంజూ శాంసన్‌, తిలక్‌ వర్మ, శివమ్‌ దూబే, హార్దిక్‌ పాండ్యా, వాషింగ్టన్‌ సుందర్‌, వరుణ్‌ చక్రవర్తి, కుల్దీప్‌ యాదవ్‌, జస్ప్రీత్‌ బుమ్రా, అర్షదీప్‌ సింగ్‌, హర్షిత్‌ రాణా/ప్రసిద్ద్‌ కృష్ణ, జితేశ్‌ శర్మ/ధృవ్‌ జురెల్‌

టీమిండియా యువ సంచలనం ముషీర్‌ ఖాన్‌ ఇటీవలికాలంలో ప్రతి మ్యాచ్‌లో చెలరేగిపోతున్నాడు. బ్యాట్‌తో పాటు బంతితోనూ ఇరగదీస్తున్నాడు. కొద్ది రోజుల కిందట ఇంగ్లండ్‌ పర్యటనలో హ్యాట్రిక్‌ సెంచరీలు సహా ఓ 10 వికెట్ల ప్రదర్శన (మ్యాచ్‌ మొత్తంలో), ఓ 6 వికెట్ల ప్రదర్శన నమోదు చేసిన ఈ ముంబై కుర్రాడు.. తాజాగా ముంబైలోనే జరుగుతున్న ప్రతిష్టాత్మక కంగా లీగ్‌లో మరోసారి ఆల్‌రౌండ్‌ ప్రదర్శనతో ఔరా అనిపించాడు. ఈ లీగ్‌లోని ఓ మ్యాచ్‌లో ముషీర్‌ తొలి ఇన్నింగ్స్‌లో 84 పరుగులు, 3 వికెట్లు (8 పరుగులకే).. రెండో ఇన్నింగ్స్‌లో 35 (నాటౌట్‌) పరుగులు, 7 వికెట్లు (4 పరుగులకే) తీశాడు. ఈ మ్యాచ్‌ మొత్తంలో అతను 119 పరుగులతో పాటు 10 వికెట్లు సాధించాడు.ఇటీవలికాలంలో ముషీర్‌ ప్రదర్శనలు చేస్తుంటే త్వరలోనే టీమిండియా తలుపులు తట్టేలా ఉన్నాయి. 20 ఏళ్ల ముషీర్‌ మరో టీమిండియా యువ కెరటం​ సర్ఫరాజ్‌ ఖాన్‌కు స్వయానా తమ్ముడు. సర్ఫరాజ్‌ కూడా అదిరిపోయే ప్రదర్శనలతో భారత టెస్ట్‌ అరీనా చుట్టూ ఉన్నాడు. అయితే సీనియర్లు క్రియాశీలకంగా ఉండటంతో అతనికి సరైన అవకాశాలు రావడం లేదు. టీమిండియాలో స్థిరపడటానికి అన్న సర్ఫారాజ్‌తో పోల్చుకుంటే తమ్ముడు ముషీర్‌కు మెరుగైన అవకాశాలు ఉన్నాయి. ముషీర్‌ రైట్‌ హ్యాండ్‌ బ్యాటింగ్‌తో పాటు అదిరిపోయే లెఫ్ట్‌ ఆర్మ్‌ స్పిన్‌ బౌలింగ్‌ చేస్తాడు.ముషీర్‌కు దేశవాలీ ఫస్ట్‌ క్లాస్‌ క్రికెట్‌లో మంచి ట్రాక్‌ రికార్డు ఉంది. 2022-23 రంజీ సీజన్‌లో ముంబై తరఫున అరంగేట్రం చేసిన ముషీర్‌.. ఆడిన 9 మ్యాచ్‌ల్లో 51.14 సగటున 3 సెంచరీలు, ఓ హాఫ్‌ సెంచరీ సాయంతో 716 పరుగులు చేశాడు. ఇందులో ఓ అజేయ డబుల్‌ సెంచరీ కూడా ఉంది.ఫస్ట్‌ క్లాస్‌ క్రికెట్‌లో ముషీర్‌ బౌలర్‌గానూ రాణించాడు. 9 మ్యాచ్‌ల్లో 8 వికెట్లు తీశాడు. ముషీర్‌ 2024 అండర్‌-19 వరల్డ్‌కప్‌లో భారత జట్టు సభ్యుడు. టీమిండియా రన్నరప్‌గా నిలిచిన ఆ టోర్నీలో ముషీర్‌ రెండు సెంచరీలు చేశాడు. 2024 రంజీ ఫైనల్లో సెంచరీ చేసిన ముషీర్‌.. ముంబై తరఫున రంజీ ఫైనల్లో సెంచరీ చేసిన అతి పిన్న వయస్కుడిగా సచిన్‌ టెండూల్కర్‌ రికార్డును బద్దలు కొట్టాడు.కాగా, ముషీర్‌ ఇటీవల ముంబై క్రికెట్‌ అసోసియేషన్‌ ఎమర్జింగ్‌ టీమ్‌ (MCA Colts) తరఫున ఇంగ్లండ్‌లో పర్యటించాడు. ఈ పర్యటనలో Notts 2nd XIతో జరిగిన తొలి మ్యాచ్‌లో 127 బంతుల్లో 14 ఫోర్ల సాయంతో 123 పరుగులు చేసిన ముషీర్‌.. ఆ మ్యాచ్‌లో బౌలింగ్‌లోనూ ఇరగదీసి 6 వికెట్లు ప్రదర్శన నమోదు చేశాడు.అనంతరం జులై 3న ఛాలెంజర్స్‌తో (కంబైన్డ్‌ నేషనల్‌ కౌంటీస్‌) జరిగిన రెండో మ్యాచ్‌ రెండో ఇన్నింగ్స్‌లో సెంచరీ (127 బంతుల్లో 125; 11 ఫోర్లు, సిక్స్‌) చేసిన ముషీర్‌.. బౌలింగ్‌లోనూ చెలరేగి ఆ మ్యాచ్‌ మొత్తంలో పది వికెట్లు (తొలి ఇన్నింగ్స్‌లో 6, రెండో ఇన్నింగ్స్‌లో 4) తీశాడు.జులై 10న ముషీర్‌ లౌబరో UCCE జట్టుతో జరిగిన మ్యాచ్‌లో మరోసారి సెంచరీతో కదంతొక్కాడు. ఈ మ్యాచ్‌లో ముషీర్‌ 146 బంతుల్లో 22 ఫోర్లు, 2 సిక్సర్ల సాయంతో 154 పరుగులు చేసి రిటైర్డ్‌ హర్ట్‌గా వెనుదిరిగాడు.

రోహిత్‌ శర్మ, విరాట్‌ కోహ్లి అభిమానులకు చేదు వార్త. ఈ భారత స్టార్‌ ద్వయం త్వరలోనే వన్డేలకు కూడా రిటైర్మెంట్‌ ప్రకటించి కెరీర్‌ను ముగిస్తారని సమాచారం. అక్టోబర్‌లో ఆస్ట్రేలియాతో జరుగబోయే సిరీసే వీరికి చివరిదని ఓ ప్రముఖ దినపత్రిక తమ కథనంలో పేర్కొంది. రోహిత్‌, కోహ్లి ఇప్పటికే టీ20లకు, టెస్ట్‌లకు రిటైర్మెంట్‌ ప్రకటించిన విషయం తెలిసిందే.కొద్ది రోజుల ముందు వరకు రోకో (రోహిత్‌, కోహ్లి) 2027 వన్డే వరల్డ్‌కప్‌ వరకు ఆడతారని ప్రచారం జరిగింది. అయితే తాజా నివేదిక ప్రకారం ఇది తప్పని తెలుస్తుంది. ఒకవేళ రోకో 2027 వరల్డ్‌కప్‌ ఆడాలని అనుకుంటే డిసెంబర్‌లో జరిగే విజయ్‌ హజారే ట్రోఫీలో తమను తాము నిరూపించుకోవాలని బీసీసీఐ ఆదేశించిందట.ఇంగ్లండ్‌ పర్యటనకు ముందు కూడా బీసీసీఐ రోహిత్‌, కోహ్లిలకు రంజీల్లో నిరూపించుకోవాలని కండీషన్‌ పెట్టింది. బోర్డు ఆదేశానుసారం వారు అలా చేసినా, అనూహ్యంగా టెస్ట్‌ల నుంచి తప్పుకున్నారు.ఇప్పుడు వన్డేల విషయంలోనూ రోకో గతంలో ఎదుర్కొన్న ఛాలెంజ్‌నే ఎదుర్కొంటున్నట్లు తెలుస్తుంది. జట్టులోకి రావాలంటే తప్పక దేశవాలీ టోర్నీల్లో రాణించాల్సి ఉంటుంది.యువ ఆటగాళ్ల నుంచి ఎదురవుతున్న సవాళ్ల నేపథ్యంలో భారత క్రికెట్‌ కంట్రోల్‌ బోర్డు ఈ మేరకు నిర్ణయించినట్లు తెలుస్తుంది. ప్రస్తుత పరిస్థితులను బట్టి చూస్తే రోహిత్‌, కోహ్లి 2027 వరల్డ్‌ కప్‌ వరకు ఆడటం అనుమానంగా కనిపిస్తుంది. వీరికి వయసు మీద పడినట్లు స్పష్టంగా తెలుస్తుంది. ఇటీవల వైరలైన కోహ్లి తెల్ల గడ్డం ఫోటో ఇందుకు నిదర్శనం. పైకి కనిపించకపోయినా కోహ్లి కంటే రోహితే వయోభారం సమస్యలను అధికంగా ఎదుర్కొంటున్నాడు. రోహిత్‌ విషయానికొస్తే.. బాగా లావైపోయి ఆటకు పనికొస్తాడా అన్నట్లు కనిపిస్తున్నాడు. టీ20, టెస్ట్‌ ఫార్మాట్లకు రిటైర్మెంట్‌ ప్రకటించడంతో వీరు ప్రాక్టీస్‌కు పెద్దగా ప్రాధాన్యత ఇస్తున్నట్లు కనిపించడం లేదు. కోహ్లి లండన్‌లోనే మకాం వేసి అప్పుడప్పుడు బ్యాట్‌ను తిప్పుతుండగా.. రోహిత్‌ పూర్తిగా ప్రాక్టీస్‌ మానేసి కుటుంబంతో జాలీ ట్రిప్‌లు ఎంజాయ్‌ చేస్తున్నాడు.

ఆర్సీబీ కెప్టెన్‌ రజత్‌ పాటిదార్‌ ఓ విచిత్రమైన సమస్యను ఎదుర్కొన్నాడు. అతను మూడు నెలలుగా వాడని ఓ ఫోన్‌ నంబర్‌ను ఛత్తీస్‌ఘడ్‌కు చెందిన మనీశ్‌ అనే కుర్రాడికి కేటాయించారు (ఆపరేటర్‌).మనీశ్‌ సిమ్‌ యాక్టివేట్‌ చేసుకోగానే వాట్సప్‌ డీపీపై రజత్‌ పాటిదార్‌ ఫోటో వచ్చింది. అనంతరం అతనికి టీమిండియా స్టార్‌ విరాట్‌ కోహ్లి, సౌతాఫ్రికా మాజీ ప్లేయర్‌ ఏబీ డివిలియర్స్‌, మరికొంత మంది ఆర్సీబీ ఆటగాళ్ల నుంచి ఫోన్లు వచ్చాయి.స్టార్‌ క్రికెటర్ల నుంచి ఫోన్లు రావడాన్ని ప్రాంక్‌ అనుకున్న మనీశ్‌.. వారికి అదే రీతిలో సమాధానం చెప్పాడట. నేను కోహ్లిని మాట్లాడుతన్నాను అంటే నేను టెండూల్కర్‌ని చెప్పు అని ఆ కుర్రాడు సమాధానం చెప్పాడట. ఏబీడీకి కూడా ఇలాంటి అనుభవమే ఎదురైందట.చిన్నగా విషయం పాటిదార్‌కు తెలియడంతో అతను మనీశ్‌ను సంప్రదించాడు. సిమ్‌ కార్డును తిరిగి ఇచ్చేయమని అడిగాడు. ఇది ‍కూడా ప్రాంకే అని భావించిన ఆ యువకుడు నేను ధోనిని అంటూ పాటిదార్‌ మాటను దాటవేశాడట. మనీశ్‌కు ఎంత నచ్చజెప్పినా వినకపోవడంతో పాటిదార్‌ చివరికి పోలీసులను ఆశ్రయించాడు.పోలీసుల రంగప్రవేశంలో మనీశ్‌ విషయాన్ని గ్రహించి సిమ్‌ను పాటిదార్‌కు తిరిగి ఇచ్చేశాడు. తాను నిజంగానే కోహ్లితో మాట్లాడానని తెలిసి మనీశ్‌ ఉబ్బితబ్బిబవుతున్నాడు. కోహ్లీతో మాట్లాడాను, నమ్మలేకపోతున్నాను అంటూ ఓ టీవీ ఛానెల్‌తో చెప్పాడు.కోహ్లి కల నెరవేర్చిన పాటిదార్‌పాటిదార్‌ ఐపీఎల్‌లో కోహ్లి 18 ఏళ్ల కలను నెరవేర్చాడు. ఈ ఏడాదే కెప్టెన్‌గా బాధ్యతలు చేపట్టిన పాటిదార్‌ ఆర్సీబీకి అందని ద్రాక్షగా ఉండిన ఐపీఎల్‌ టైటిల్‌ను అందించాడు. పాటిదార్‌ త్వరలో ప్రారంభం కాబోయే దులీప్‌ ట్రోఫీలో సెంట్రల్ జోన్‌కు వైస్‌ కెప్టెన్‌గా ఎంపికయ్యారు.

టీమిండియాను ఉద్దేశించి భారత మాజీ క్రికెటర్‌ సందీప్‌ పాటిల్‌ (Sandeep Patil) ఆసక్తికర వ్యాఖ్యలు చేశాడు. నవతరం ఆటగాళ్లంతా పనిభారం అంటూ సాకులు చూపడం సరికాదని విమర్శించాడు. ఆధునిక క్రికెట్‌లో కెప్టెన్‌, హెడ్‌కోచ్‌ కంటే ఫిజియోలకే ఎక్కువ ప్రాముఖ్యం దక్కుతోందంటూ వ్యంగ్యాస్త్రాలు సంధించాడు.కాగా ఆండర్సన్‌- టెండుల్కర్‌ ట్రోఫీ (Anderson- Tendulkar Trophy) ఆడేందుకు టీమిండియా ఇటీవల ఇంగ్లండ్‌ పర్యటనకు వెళ్లిన విషయం తెలిసిందే. ఆతిథ్య జట్టుతో ఆద్యంతం రసవత్తరంగా సాగిన ఐదు మ్యాచ్‌ల టెస్టు సిరీస్‌ను గిల్‌ సేన 2-2తో సమంగా ముగించింది. బుమ్రా మూడే ఆడాడుఅయితే, ఈ సిరీస్‌లో ప్రధాన పేసర్‌ జస్‌ప్రీత్‌ బుమ్రా (Jasprit Bumrah) వర్క్‌లోడ్‌ మేనేజ్‌మెంట్‌లో భాగంగా.. అతడిని కేవలం మూడు టెస్టుల్లోనే ఆడించారు. పనిభారం తగ్గించుకునే క్రమంలో బుమ్రా కీలక సమయంలో.. కీలక మ్యాచ్‌లకు దూరం కావాల్సి వచ్చింది. సిరీస్‌ డ్రా అయింది కాబట్టి సరిపోయింది గానీ.. లేదంటే బుమ్రాతో పాటు మేనేజ్‌మెంట్‌పై విమర్శల దాడి మరింత ఎక్కువయ్యేది. ఈ నేపథ్యంలో వర్క్‌లోడ్‌ మేనేజ్‌మెంట్‌ గురించి క్రికెట్‌ వర్గాల్లో చర్చ నడుస్తుండగా.. టీమిండియా మాజీ చీఫ్‌ సెలక్టర్‌ సందీప్‌ పాటిల్‌ చేసిన వ్యాఖ్యలు వైరల్‌ అవుతున్నాయి.అతడే డిసైడ్‌ చేస్తాడా?‘‘అసలు బీసీసీఐ ఇలాంటి వాటికి ఎలా అంగీకరిస్తుందో నాకైతే అర్థం కావడం లేదు. కెప్టెన్‌, హెడ్‌కోచ్‌ కంటే వీరికి ఫిజియోనే అత్యంత ముఖ్యమైన వ్యక్తి అయ్యేలా ఉన్నాడు. అసలు సెలక్టర్లు ఏం చేస్తున్నారు?సెలక్షన్‌ కమిటీ సమావేశాల్లో వీరితో కలిసి ఫిజియో కూడా కూర్చుంటాడా ఏమిటి?. ఎవరి వర్క్‌లోడ్‌ ఎంత? ఎవరు ఆడాలని అతడే డిసైడ్‌ చేస్తాడా?’’ అని 1983 వన్డే వరల్డ్‌కప్‌ విన్నర్‌ సందీప్‌ పాటిల్‌ అసహనం వ్యక్తం చేశాడు.పనికిమాలిన వ్యవహారంఅదే విధంగా.. ‘‘వర్క్‌లోడ్‌ మేనేజ్‌మెంట్‌ అనేదే ఓ పనికిమాలిన వ్యవహారం. ఆటగాళ్లు ఫిట్‌గా ఉన్నారా? లేదంటే అన్‌ఫిట్‌?.. ఈ రెండిటి ఆధారంగానే జట్ల ఎంపిక ఉండాలి. అంతేగానీ.. ఈ వర్క్‌లోడ్‌ బిజినెస్‌ను పట్టించుకోకూడదు.మా రోజుల్లో అయితే ఫ్యాన్సీ స్ట్రోక్స్‌ ఆడేందుకు ప్రయత్నించినా సునిల్‌ గావస్కర్‌ తిట్టేవాడు. అయితే, రోజులు మారాయి. కానీ ఈ నవతరం క్రికెటర్లు తరచూ మ్యాచ్‌లు మిస్‌ కావడాన్ని నేను జీర్ణించుకోలేకపోతున్నా’’ అని సందీప్‌ పాటిల్‌ మిడ్‌-డేతో పేర్కొన్నాడు.చదవండి: నిన్ను ఇలా చూడలేకపోతున్నాం భయ్యా!.. విరాట్‌ కోహ్లి ఫొటో వైరల్‌

విరాట్‌ కోహ్లి (Virat Kohli).. ఈ పేరుకు పరిచయం అక్కర్లేదు. భారత క్రికెట్‌లో సంచలనాలు సృష్టించిన ఈ దిగ్గజ బ్యాటర్‌.. ప్రపంచంలోని అత్యుత్తమ క్రికెటర్లలో ఒకడిగా పేరుగాంచాడు. టీమిండియా లెజెండ్‌, శతక శతకాల ధీరుడు సచిన్‌ టెండుల్కర్‌ (Sachin Tendulkar) తర్వాత అంతర్జాతీయ స్థాయిలో అత్యధిక సెంచరీలు (82) బాదిన రెండో ఆటగాడిగా రికార్డులకెక్కాడు.ప్రపంచ రికార్డుఇక వన్డేల్లో సచిన్‌కూ సాధ్యం కాని విధంగా.. 51 శతకాలు బాది ప్రపంచ రికార్డు నెలకొల్పాడు. అయితే, గతేడాది అంతర్జాతీయ టీ20ల నుంచి తప్పుకొన్న ఈ రన్‌మెషీన్‌.. ఇటీవలే టెస్టు ఫార్మాట్‌కు రిటైర్మెంట్‌ ప్రకటించాడు.ఊహించని విధంగాసంప్రదాయ క్రికెట్‌లో టీమిండియాను ఉన్నత శిఖరాలకు తీసుకువెళ్లిన విరాట్‌ కోహ్లి.. తనలో ఇంకా ఆడగలిగే సత్తా ఉండి కూడా ఇలాంటి నిర్ణయం తీసుకోవడం క్రికెట్‌ వర్గాలను ఆశ్చర్యపరిచింది. ఈ నేపథ్యంలో తన రిటైర్మెంట్‌ గురించి స్పందిస్తూ.. ‘‘గడ్డానికి కొన్ని రోజుల క్రితమే రంగు వేసుకున్నాను.తరచూ ఇలా గడ్డానికి రంగే వేయాల్సి వస్తుందంటేనే.. మీరు విశ్రాంతి తీసుకోవాల్సిన సమయం వచ్చేసిందని అర్థం’’ అంటూ లండన్‌లో యువీ ఫౌండేషన్‌ కార్యక్రమంలో పాల్గొన కోహ్లి సరదాగా వ్యాఖ్యానించాడు. తాజాగా కోహ్లి న్యూ లుక్‌కు సంబంధించిన ఫొటో ఒకటి సోషల్‌ మీడియాలో వైరల్‌గా మారింది.నిన్ను ఇలా చూడలేకపోతున్నాం విరాట్‌ భయ్యా! భారత సంతతికి చెందిన వ్యాపారవేత్త షాష్‌ విరాట్‌ కోహ్లితో కలిసి దిగిన ఫొటోను ఇన్‌స్టాగ్రామ్‌లో గురువారం షేర్‌ చేశాడు. ఇందులో కోహ్లి గడ్డం, మీసం తెల్లబడి ఉన్నట్లు కనిపిస్తోంది. ఇది చూసిన కింగ్‌ అభిమానులు.. ‘‘నిన్ను ఇలా చూడలేకపోతున్నాం విరాట్‌ భయ్యా! నువ్వు పెద్దవాడివై పోతున్నామంటే మనసు ఒప్పుకోవడం లేదు. నువ్వు ఎల్లప్పుడూ యాంగ్రీ యంగ్‌మేన్‌ లుక్‌లోనే ఉండాలి’’ అంటూ ఉద్వేగపూరిత కామెంట్లు చేస్తున్నారు.వన్డేలకు కూడా రిటైర్మెంట్‌?మరికొందరేమో టెస్టులోకి తిరిగి రావాలని కోరుతుండగా.. ఇంకొందరు మాత్రం వన్డేలకు కూడా కోహ్లి త్వరలోనే రిటైర్మెంట్‌ ప్రకటిస్తాడా? అనే సందేహాలు వ్యక్తం చేస్తున్నారు. కాగా ఇంగ్లండ్‌ పర్యటనకు ముందు టెస్టుల నుంచి వైదొలిగిన 36 ఏళ్ల కోహ్లి.. వన్డేల్లో, ఐపీఎల్‌లో కొనసాగుతానని స్పష్టం చేశాడు. తిరుగులేని ఛేజింగ్‌ కింగ్‌కాగా విరాట్‌ కోహ్లి తదుపరి ఆస్ట్రేలియాతో పరిమిత ఓవర్ల సిరీస్‌ సందర్భంగా టీమిండియాలో పునరాగమనం చేసే అవకాశం ఉంది. ఇదిలా ఉంటే.. 2008లో టీమిండియా తరఫున అరంగేట్రం చేసిన ఈ కుడిచేతి వాటం బ్యాటర్‌.. 123 టెస్టులు, 125 టీ20 మ్యాచ్‌లు ఆడి.. ఆయా ఫార్మాట్లలో 9230, 4188 పరుగులు సాధించాడు.ఇక వన్డేల్లో ఛేజింగ్‌ కింగ్‌గా పేరొందిన కోహ్లి ఇప్పటికి 302 మ్యాచ్‌లు ఆడి 14181 పరుగులు చేశాడు. చివరగా ఐపీఎల్‌-2025 ఫైనల్లో పంజాబ్‌ కింగ్స్‌తో మ్యాచ్‌లో కోహ్లి ఆడాడు. అహ్మదాబాద్‌లోని నరేంద్ర మోదీ స్టేడియంలో జరిగిన ఈ టైటిల్‌ పోరులో రాయల్‌ చాలెంజర్స్‌ బెంగళూరు ఆరు పరుగుల తేడాతో గెలిచింది. తద్వారా ఐపీఎల్‌ ట్రోఫీని ముద్దాడాలన్న కోహ్లి, ఆర్సీబీ పదిహేడేళ్ల కల నెరవేరింది. ఇక కోహ్లి తన భార్య అనుష్క శర్మ, పిల్లలు వామిక, అకాయ్‌లతో కలిసి లండన్‌లోనే ఎక్కువగా నివాసం ఉంటున్న విషయం తెలిసిందే. చదవండి: సంజూ శాంసన్‌కు మీకిస్తే బదులుగా ఇద్దరిని ఇవ్వండి.. రాయల్స్‌ డిమాండ్‌..!

ముంబై జట్టును వీడాలని నిర్ణయించుకున్న టీమిండియా స్టార్‌ ఓపెనర్‌ యశస్వి జైస్వాల్‌ (Yashasvi Jaiswal) అనూహ్యంగా యూటర్న్‌ తీసుకున్నాడు. గోవాకు వెళ్లిపోవాలని నిశ్చయించుకున్న ఈ యువ ఆటగాడు తిరిగి ముంబైకే ఆడాలని ఫిక్సయ్యాడు. అయితే, జైసూ తన నిర్ణయం మార్చుకోవడానికి ప్రధాన కారణం టీమిండియా కెప్టెన్‌ రోహిత్‌ శర్మ (Rohit Sharma).ఈ విషయాన్ని ముంబై క్రికెట్‌ అసోసియేషన్‌ (MCA) అధ్యక్షుడు అజింక్య నాయక్‌ వెల్లడించాడు. ‘‘ముంబై వంటి జట్టుకు ప్రాతినిథ్యం వహించడం ఎంతటి గర్వకారణమో రోహిత్‌ శర్మ.. యశస్వికి అర్థమయ్యేలా చెప్పాడు.టీమిండియాలోకి ఎలా వచ్చావో మర్చిపోవద్దురికార్డు స్థాయిలో 42సార్లు రంజీ ట్రోఫీ గెలిచిన ఘనమైన చరిత్ర ముంబైకి ఉంది. అంతేకాదు.. తన ప్రతిభను నిరూపించుకోవడానికి వేదికను కల్పించి.. టీమిండియాకు ఆడే స్థాయికి తీసుకువచ్చింది ముంబై అసోసియేషన్‌ అన్న విషయం మర్చిపోవద్దని రోహిత్‌.. యశస్వికి గుర్తు చేశాడు.ఇందుకు యశస్వి ముంబైకి రుణపడి ఉండాలని హితబోధ చేశాడు. ముంబైలోనే క్రికెట్‌ ప్రయాణం మొదలుపెట్టిన యశస్వి.. ఇక్కడ అన్ని ఏజ్‌ గ్రూపుల జట్లకు ఎంపికైన విషయాన్ని మర్చిపోవద్దని సూచించాడు.యశస్వి రిక్వెస్ట్‌.. మేము కూడా ఓకే చెప్పామురోహిత్‌ శర్మతో పాటు ముంబైకి ఆడిన మరి కొందరు దిగ్గజ క్రికెటర్లతో చర్చించిన తర్వాత యశస్వి జైస్వాల్‌ తనకు మంజూరు చేసిన నిరభ్యంతర పత్రాన్ని వెనక్కి తీసుకోవాలంటూ మాకు మరోసారి ఈ-మెయిల్‌ పంపాడు. తాను గోవా జట్టుకు మారడం లేదని తెలిపాడు. మేము అతడి అభ్యర్థనకు సానుకూలంగా స్పందించి ఆమోదం తెలిపాము’’ అని అజింక్య నాయక్‌ పేర్కొన్నట్లు ముంబై మిర్రర్‌ తన కథనంలో వెల్లడించింది.యూపీ నుంచి ముంబై.. టీమిండియా దాకా ఇలాకాగా ఉత్తరప్రదేశ్‌కు చెందిన యశస్వి జైస్వాల్‌ క్రికెటర్‌ కావాలన్న కలను నెరవేర్చుకునేందుకు పదకొండేళ్ల వయసులో ముంబైకి వచ్చాడు. అంచెలంచెలుగా ఎదిగి భారత్‌ అండర్‌-19 జట్టులో చోటు సంపాదించిన ఈ లెఫ్టాండర్‌ బ్యాటర్‌.. 2020 వరల్డ్‌కప్‌లో రన్నరప్‌గా నిలిచిన జట్టులో సభ్యుడు. అంతకంటే ముందు ముంబై తరఫున దేశీ వన్డే టోర్నీ విజయ్‌ హజారే ట్రోఫీలో డబుల్‌ సెంచరీ చేసి వెలుగులోకి వచ్చాడు.అయితే, ముంబై జట్టులోని సీనియర్‌ ఆటగాడితో విభేదాలు అంటూ వార్తలు వచ్చిన వేళ.. తాను గోవాకు ఆడాలనుకుంటున్నట్లు ఎంసీఏకు యశస్వి లేఖ రాశాడు. అయితే, కొన్నిరోజుల తర్వాత మళ్లీ ముంబైకే ఆడతానని స్పష్టం చేశాడు. కాగా యశస్వి జైస్వాల్‌ ఇటీవల ఇంగ్లండ్‌ పర్యటనలో భాగంగా ఐదు టెస్టుల సిరీస్‌ ఆడాడు. ఆండర్సన్‌ - టెండుల్కర్‌ ట్రోఫీలో జైసూ మొత్తంగా 400 పరుగులు సాధించాడు. ఇందులో రెండు శతకాలు, ఓ హాఫ్‌ సెంచరీ ఉన్నాయి.ఇదిలా ఉంటే.. అంతర్జాతీయ టీ20లు, టెస్టులకు రిటైర్మెంట్‌ ప్రకటించిన ముంబై దిగ్గజం రోహిత్‌ శర్మ.. ప్రస్తుతం టీమిండియా వన్డే జట్టు కెప్టెన్‌గా కొనసాగుతున్నాడు. కాగా జైసూ రోహిత్‌ శర్మకు ఓపెనింగ్‌ జోడీగా తన టెస్టు కెరీర్‌ ఆరంభించిన విషయం తెలిసిందే.చదవండి: IND vs WI: అతడి ఖేల్‌ ఖతం.. శ్రేయస్‌ అయ్యర్‌ రీ ఎంట్రీ పక్కా!

ఆస్ట్రేలియా-ఏ జట్టు ఈ ఏడాది సెప్టెంబర్‌లో భారత పర్యటనకు రానుంది. ఈ పర్యటనలో భారత-ఏ జట్టుతో రెండు నాలుగు రోజుల అనధికారిక టెస్ట్‌ మ్యాచ్‌లు, మూడు అనధికారిక వన్డేలు ఆడనుంది. ఈ పర్యటన సెప్టెంబర్‌ 16 నుంచి మొదలు కానుంది.ఈ పర్యటన కోసం రెండు వేర్వేరు ఆస్ట్రేలియా జట్లను (రెండు ఫార్మాట్ల కోసం) ఇవాళ (ఆగస్ట్‌ 7) ప్రకటించారు. టెస్ట్‌ జట్టులో సామ్‌ కొన్‌స్టాస్‌ ఎంపిక హైలైట్‌గా నిలిచింది. అతని టాలెంట్‌కు భారత్‌లోని స్పిన్‌ ఫ్రెండ్లీ పిచ్‌పై కఠినమైన సవాళ్లు ఎదురు కానున్నాయి.భారత్‌తో జరిగిన తన డెబ్యూ సిరీస్‌లో (బీజీటీ 2024-25) బుమ్రాతో గొడవపడి వార్తల్లోకెక్కిన కొన్‌స్టాస్‌.. ఆతర్వాత లభించిన అవకాశాలను సద్వినియోగం చేసుకోలేకపోయాడు. ఇటీవల వెస్టిండీస్‌ పర్యటనలో దారుణంగా విఫలమయ్యాడు. ఆసీస్‌ మీడియా కొన్‌స్టాస్‌కు భారీ హైప్‌ ఇస్తుంటుంది. మరో రికీ పాంటింగ్‌తో పోలుస్తుంది.కొన్‌స్టాస్‌కు 2027 బీజీటీ కోసం సిద్దం చేసేందుకు ఆసీస్‌ సెలెక్టర్లు భారత్‌-ఏతో సిరీస్‌కు ఎంపిక చేశారు. ఈ జట్టులో కొన్‌స్టాస్‌తో పాటు ఆసీస్‌ టెస్ట్‌ ప్లేయర్లు కూపర్ కొన్నోలీ, టాడ్‌ మర్ఫీ, నాథన్‌ మెక్‌స్వీకి చోటు దక్కింది. వన్డే జట్టులో ఎక్కువగా యువ ఆటగాళ్లకు చోటు కల్పించారు. 26 ఏళ్ల ఆరోన్‌ హార్డీనే జట్టులో అతి పెద్ద వయస్కుడు. ఈ జట్టులో విధ్వంసకర బ్యాటర్‌ జేక్‌ ఫ్రేజర్‌ మెక్‌గుర్క్‌కు కూడా చోటు లభించింది.షెడ్యూల్‌..సెప్టెంబర్‌ 16 నుండి 19- తొలి టెస్ట్‌ (లక్నో)సెప్టెంబర్‌ 23 నుంచి 26- రెండో టెస్ట్‌ (లక్నో)సెప్టెంబర్‌ 30- తొలి వన్డే (కాన్పూర్‌)ఆక్టోబర్‌ 3- రెండో వన్డే (కాన్పూర్‌)అక్టోబర్‌ 5- మూడో వన్డే (కాన్పూర్‌)భారత్‌-ఏతో నాలుగో రోజుల మ్యాచ్‌ల కోసం ఆస్ట్రేలియా-ఏ జట్టు: జేవియర్ బార్ట్‌లెట్, కూపర్ కొన్నోలీ, జాక్ ఎడ్వర్డ్స్, ఆరోన్ హార్డీ, కాంప్‌బెల్ కెల్లావే, సామ్ కొన్‌స్టాస్, నాథన్ మెక్‌స్వీనీ, లాన్స్ మోరిస్, టాడ్ మర్ఫీ, ఫెర్గస్ ఓ'నీల్, ఓలివర్ పీక్, జోష్ ఫిలిప్, కోరీ రోచిసియోలి, లియామ్ స్కాట్భారత్‌-ఏతో వన్డే సిరీస్‌ కోసం ఆస్ట్రేలియా-ఏ జట్టు: కూపర్ కొన్నోలీ, హ్యారీ డిక్సన్, జాక్ ఎడ్వర్డ్స్, సామ్ ఎలియట్, జేక్ ఫ్రేజర్-మెక్‌గుర్క్, ఆరోన్ హార్డీ, మెకెంజీ హార్వే, టాడ్ మర్ఫీ, తన్వీర్ సంఘ, లియామ్ స్కాట్, లాచీ షా, టామ్ స్ట్రాకర్, విల్ సదర్లాండ్, కల్లమ్ విడ్లర్

భారత్‌కు చెందిన ఓ యువ జట్టు ప్రపంచంలోనే అతి పెద్ద ఫుట్‌బాల్‌ టోర్నీని నెగ్గి చరిత్ర సృష్టించింది. కొద్ది రోజుల కిందట నార్వేలో జరిగిన నార్వే కప్‌ 2025లో పంజాబ్‌కు చెందిన మినర్వా అకాడమీ అబ్బురపరిచే ప్రదర్శనలతో టైటిల్‌ను కైవసం చేసుకుంది. ఈ అండర్‌-13 జట్టుకు బ్రాండింగ్‌ లేకపోయనా, స్పాన్సర్లు లేకపోయినా, ప్రభుత్వ మద్దతు లేకపోయనా సంచలనాలు సృష్టించింది. ఈ యువ జట్టు తమ అభిరుచి, పట్టుదలతో ప్రపంచాన్ని ఆశ్చర్యపరిచింది. ఫైనల్లో మినర్వా అకాడమీ స్థానిక జట్టు ఎస్‌ఐఎఫ్‌పై 14-1 గోల్స్‌ తేడాతో గెలుపొందింది. మినర్వా అకాడమీ తరఫున దనమోని, రాజ్‌ హ్యాట్రిక్‌ గోల్స్‌ సాధించారు. చింగ్కే, కే చేతన్‌, పున్షిబా, అమర్సన్, ఆజమ్, రీసన్ గోల్స్ చేశారు.ఈ టోర్నీలో మినర్వా అకాడమీ ఆది నుంచి సంచలన ప్రదర్శనలు నమోదు చేసింది. గ్రూప్ స్టేజీలో అలస్కా ఐఎల్‌పై 25-0, ఫోర్డ్‌ ఐఎల్‌-3పై 15-0, క్కొకెల్వ్డలాన్‌ ఐఎల్‌పై 22-0 గోల్స్‌ తేడాతో గెలుపొందింది.నాకౌట్ మ్యాచ్‌ల్లో రోగ్‌లాండర్స్‌పై (Round of 32) 11-0, అమ్డాల్‌ టొక్కెపై (Round of 16) 17-0, క్వార్టర్‌ ఫైనల్లో ఫైల్లింగ్స్‌డలెన్‌పై 18-1, సెమీస్‌లో రదథెల్‌ చరిఫ్‌ క్లబ్‌పై (పాలస్తీన్‌) 8-2 గోల్స్‌ తేడాతో నెగ్గి ఫైనల్‌కు చేరింది. ఈ టోర్నీలో మినర్వ అకాడమీ 8 మ్యాచ్‌ల్లో మొత్తం 130 గోల్స్‌ చేసింది. ఈ యూరప్‌ సీజన్‌లో భారత్‌కు చెందిన జట్లు మూడు టైటిళ్లు సాధించాయి. నార్వే కప్‌కు ముందు భారత జట్లు గోథియా కప్, డానా కప్‌లు గెలిచాయి.అనామక కుర్రాళ్లు ప్రతిష్టాత్మక నార్వే కప్‌ గెలిచిన తర్వాత స్వదేశంలో వారిపై ప్రశంసల జల్లు కురుస్తుంది. ఈ జట్టు యూరప్‌లో ట్రోఫీని మాత్రమే కైవసం చేసుకోలేదు. ప్రతి భారత ఫుట్‌బాల్‌ ప్రేమికుడి కలను సాకారం చేసింది. ఎక్కడో మారుమూల అకాడమీ నుంచి వచ్చి విశ్వవేదికపై భారత కీర్తిపతాకను రెపరెపలాడించింది. ఆట పట్ల అభిరుచి ఏమి చేయించగలదో నిరూపించింది. మొత్తంగా దేశం గర్వపడేలా చేసింది.

ముంబై: ఇంగ్లండ్‌తో టెస్టు సిరీస్‌లో భారత స్టార్‌ పేసర్‌ జస్‌ప్రీత్‌ బుమ్రా ముందుగా అనుకున్నట్లుగా మూడు మ్యాచ్‌లే ఆడాడు. అయితే అతను బరిలోకి దిగని బర్మింగ్‌హామ్, ఓవల్‌ టెస్టులలోనే టీమిండియా గెలిచింది. దాంతో బుమ్రా లేకపోయినా పెద్దగా తేడా రాదని, అతను లేకపోయినా మ్యాచ్‌లు గెలవగలమని కొన్ని విశ్లేషణలు ప్రచారంలోకి వచ్చాయి. దీనిపై భారత క్రికెట్‌ దిగ్గజం సచిన్‌ టెండూల్కర్‌ స్పందించాడు. అసాధారణ బౌలర్‌ అయిన బుమ్రా గురించి తప్పుగా మాట్లాడవద్దంటూ అండగా నిలిచాడు. ‘బుమ్రా సిరీస్‌ను చాలా బాగా మొదలు పెట్టాడు. ఆడింది మూడు మ్యాచ్‌లే అయినా... తొలి టెస్టులో ఒకసారి, మూడో టెస్టులో ఒకసారి ఐదు వికెట్ల ప్రదర్శన నమోదు చేశాడు. అయితే ప్రజలు వేరే అంశాలు ముందుకు తెచ్చి అతను లేని టెస్టుల్లో భారత్‌ గెలిచిందంటూ ప్రచారం చేస్తున్నారు. కానీ నా అభిప్రాయ ప్రకారం అది యాదృచ్ఛికం మాత్రమే. బుమ్రా ఒక అసాధారణ బౌలర్‌. ఇప్పటికే ఎన్నో అద్భుతాలు చేశాడు. చాలా కాలంగా నిలకడగా రాణించాడు. నా దృష్టిలో నిస్సందేహంగా అందరికంటే అతను అగ్ర స్థానంలో ఉంటాడు’ అని సచిన్‌ కితాబిచ్చాడు. మాంచెస్టర్‌ టెస్టులో స్టోక్స్‌ ‘షేక్‌ హ్యాండ్‌’కు నిరాకరించి జడేజా, సుందర్‌ ఆటను కొనసాగించడంలో ఎలాంటి తప్పూ లేదని టెండూల్కర్‌ అభిప్రాయపడ్డాడు. ‘డ్రా’కు అంగీకరించాలని ఇంగ్లండ్‌ కోరడంలో అర్థం లేదన్న సచిన్‌... భారత బ్యాటర్లు స్పందించిన తీరుతో తాను వంద శాతం ఏకీభవిస్తున్నానని అన్నాడు.

టీమిండియా స్టార్‌ ఆటగాడు రిషబ్‌ పంత్‌ మైదానంలో ఎంత దూకుడుగా ఉంటాడో, మానవత్వం ప్రదర్శించడంలోనూ అంతే దూకుడుగా ఉంటాడు. ఇటీవల ఇంగ్లండ్‌ గడ్డపై పాదం ఫ్రాక్చర్‌ అయినా బరిలోకి దిగి యావత్‌ క్రికెట్‌ ప్రపంచంచే జేజేలు పలికించుకున్న పంత్‌.. తాజాగా ఓ చర్య ద్వారా గొప్ప మానవతావాది అని నిరూపించుకున్నాడు.కర్ణాటక రాష్ట్రం బాగల్‌కోట్ జిల్లాలోని రబ్కవి గ్రామానికి చెందిన జ్యోతి కనబుర్ మఠ్ అనే విద్యార్థిని చదువుకు ఆర్దిక సాయం చేసి తన గొప్ప మనసును చాటుకున్నాడు. జ్యోతి 12వ తరగతిలో 85 శాతం మార్కులు సాధించింది. BCA చదవాలన్న ఆశతో ఉన్న ఆమెకు రూ. 40,000 ఫీజు కట్టలేని పరిస్థితి ఏర్పడింది. తండ్రి టీ కొట్టు నడుపుతూ కుటుంబాన్ని పోషిస్తుంటాడు. ఈ విషయం సోషల్ మీడియా ద్వారా వెలుగులోకి రావడంతో, రిషబ్‌ పంత్‌ స్పందించి జులై 17న నేరుగా కాలేజీకి ఆన్‌లైన్ ద్వారా ఫీజు చెల్లించాడు. “నీ కలలు నిజమవ్వాలి” అంటూ ఆమెకు భరోసా ఇచ్చాడు.పంత్‌ చేసిన ఈ పనికి యావత్‌ మానవాళి జేజేలు కొడుతుంది. ఆటలో ధీరుడు, గుణంలో కర్ణుడు అంటూ ఆకాశానికెత్తుతుంది. రియల్‌ హీరో అంటూ కొనియాడుతుంది. వాస్తవానికి పంత్‌కు ఇలాంటి దానాలు కొత్త కాదు. గతంలో చాలా సందర్భాల్లో పేదలకు ఆర్దిక సాయం చేశాడు. రిషబ్‌ పంత్‌ ఫౌండేషన్‌ ద్వారా తనకు వచ్చే ఆదాయంలో 10 శాతం పేదలకు పంచి పెడుతున్నాడు. విద్య, ఆరోగ్యం, ఉపాధి రంగాల్లో అవసరమైన వారికి తగు సాయం చేస్తుంటాడు.గతంలో ఓ సందర్భంలో పంత్‌ మాట్లాడుతూ.. క్రికెట్ వల్ల నాకు లభించిన ప్రతిదానికి నేను కృతజ్ఞుడిని. ఇప్పుడు సమాజానికి తిరిగి ఇవ్వాలనుకుంటున్నానని అన్నాడు.తన ఆటతీరుతో విశ్వవ్యాప్తంగా ఉన్న క్రికెట్‌ అభిమానులను మెప్పించిన పంత్‌.. తన మానవతా గుణంతో దేశ ప్రజల మనసులు గెలుచుకుంటున్నాడు. సమాజానికి సేవ చేయాలనే తపనతో ఉన్న పంత్‌ చర్యలు ఎంతో మందికి స్ఫూర్తిదాయకంగా నిలుస్తున్నాయి. కాగా, తాజాగా ముగిసిన టెండూల్కర్‌-ఆండర్సన్‌ ట్రోఫీలో పంత్‌ ఆకాశమే హద్దుగా చెలరేగాడు. అయితే దురదృష్టవశాత్తు నాలుగో టెస్ట్‌ సందర్భంగా గాయపడి చివరి మ్యాచ్‌కు దూరమయ్యాడు. నాలుగో టెస్ట్‌లో పాదం ఫ్రాక్చర్‌ అయినా పంత్‌ బ్యాటింగ్‌కు దిగి అర్ద సెంచరీ పూర్తి చేసుకున్నాడు. ఈ సిరీస్‌లో పంత్‌ 7 ఇన్నింగ్స్‌ల్లో 2 సెంచరీలు, 3 హాఫ్‌ సెంచరీల సాయంతో 479 పరుగులు చేసి, ఆరో లీడింగ్‌ రన్‌ స్కోరర్‌గా నిలిచాడు. ఈ సిరీస్‌ను భారత్‌ 2-2తో సమం చేసుకుంది.

ఇంగ్లండ్‌లో జరిగిన ఐదు మ్యాచ్‌ల టెండూల్కర్‌-ఆండర్సన్‌ టెస్ట్‌ సిరీస్‌ నిన్నటితో (ఆగస్ట్‌ 5) ముగిసింది. ఈ సిరీస్‌ వీరోచితమైన పోరాటాల తర్వాత 2-2తో సమమైంది. చివరిదైన ఐదో టెస్ట్‌ హోరాహోరీగా సాగి అభిమానులకు కావాల్సినంత మజాను అందజేసింది. ఈ మ్యాచ్‌లో భారత్‌ ఇంగ్లండ్‌ను 6 పరుగుల స్వల్ప తేడాతో ఓడించింది.నువ్వా-నేనా అన్నట్లు సాగిన ఈ మ్యాచ్‌ తర్వాత టీమిండియా తదుపరి ఆడబోయే మ్యాచ్‌లపై ఒక్కసారిగా హైప్‌ పెరిగిపోయింది. టీమిండియా మళ్లీ ఎప్పుడు బరిలోకి దిగుతుందని ఫ్యాన్స్‌ శోధించడం మొదలుపెట్టారు. ఈ నేపథ్యంలో ఈ ఏడాది టీమిండియా తదుపరి షెడ్యూల్‌ను మీ ముందుంచుతున్నాము.టెండూల్కర్‌-ఆండర్సన్‌ టెస్ట్‌ సిరీస్‌ తర్వాత టీమిండియా నెలకు పైగా బ్రేక్‌ తీసుకుంటుంది. తదుపరి మ్యాచ్‌ను వచ్చే నెల 10న ఆసియా కప్‌లో భాగంగా యూఏఈతో ఆడనుంది. ఈసారి ఆసియా కప్‌ టీ20 ఫార్మాట్‌లో అబుదాబీ, దుబాయ్‌ల్లో జరుగనుంది. ఈ ఖండాంతర టోర్నీలో భారత్‌ రెండో మ్యాచ్‌ను చిరకాల ప్రత్యర్థి పాకిస్తాన్‌తో ఆడనుంది. ఈ మ్యాచ్‌ సెప్టెంబర్‌ 14న దుబాయ్‌లో జరుగనుంది. అనంతరం​ భారత్‌ సెప్టెంబర్‌ 19న ఒమన్‌తో అబుదాబీలో పోటీపడనుంది. ఆసియా కప్‌ గ్రూప్‌ దశలో భారత్‌ ఈ మూడు మ్యాచ్‌లు ఆడనుంది.ఆసియా కప్‌ సూపర్‌-4 స్టేజీలో మ్యాచ్‌లు (భారత్‌ గ్రూప్‌-ఏలో ఉంది)B1 vs B2 - 20 సెప్టెంబర్ 2025, దుబాయ్A1 vs A2 - 21 సెప్టెంబర్ 2025, దుబాయ్A2 vs B1 - 23 సెప్టెంబర్ 2025, అబుదాబిA1 vs B2 - 24 సెప్టెంబర్ 2025, దుబాయ్A2 vs B2 - 25 సెప్టెంబర్ 2025, దుబాయ్A1 vs B1 - 26 సెప్టెంబర్ 2025, దుబాయ్సెప్టెంబర్‌ 28- ఫైనల్‌ (దుబాయ్‌)భారత్‌ వర్సెస్‌ వెస్టిండీస్‌ (స్వదేశంలో)అక్టోబర్‌ 2-6: తొలి టెస్ట్, అహ్మదాబాద్‌అక్టోబర్‌ 10-14: రెండో టెస్ట్‌, ఢిల్లీభారత్‌ వర్సెస్‌ ఆస్ట్రేలియా (ఆస్ట్రేలియాలో)అక్టోబర్‌ 19: తొలి వన్డే, పెర్త్‌అక్టోబర్‌ 23: రెండో వన్డే, అడిలైడ్‌అక్టోబర్‌ 25: మూడో వన్డే, సిడ్నీఅక్టోబర్‌ 29: మొదటి టీ20 కాన్‌బెర్రాఅక్టోబర్‌ 31: రెండో టీ20, మెల్‌బోర్న్‌నవంబర్‌ 2: మూడో టీ20, హోబర్ట్‌నవంబర్‌ 6: నాలుగో టీ20, కర్రారానవంబర్‌ 8: ఐదో టీ20, బ్రిస్బేన్‌భారత్‌ వర్సెస్‌ సౌతాఫ్రికా (స్వదేశంలో)నవంబర్‌ 14-18: తొలి టెస్ట్‌, కోల్‌కతానవంబర్‌ 22-26: రెండో టెస్ట్‌, గౌహతినవంబర్‌ 30: తొలి వన్డే, రాంచీడిసెంబర్‌ 3: రెండో వన్డే, రాయ్‌పూర్‌డిసెంబర్‌ 6: మూడో వన్డే, వైజాగ్‌డిసెంబర్‌ 9: తొలి టీ20, కటక్‌డిసెంబర్‌ 11: రెండో టీ20, చండీఘడ్‌డిసెంబర్‌ 14: మూడో టీ20, ధర్మశాలడిసెంబర్‌ 17:నాలుగో టీ20, లక్నోడిసెంబర్‌ 19: ఐదో టీ20, అహ్మదాబాద్‌

ఇంగ్లండ్‌తో జరిగిన టెండూల్కర్‌-ఆండర్సన్‌ ట్రోఫీ-2025 రికార్డులకు అడ్డాగా మారింది. ఐదు మ్యాచ్‌ల ఈ సిరీస్‌లో చాలా రికార్డులు తిరగరాయబడ్డాయి. వీటిలో సింహభాగం భారత్‌, భారత్‌ ఆటగాళ్ల ఖాతాలో పడ్డాయి. జట్టు పరంగా టీమిండియా ఓ సరికొత్త రికార్డు నెలకొల్పింది.ఓ టెస్ట్‌ సిరీస్‌లో ఆస్ట్రేలియా తర్వాత రెండో అత్యధిక పరుగులు నమోదు చేసిన జట్టుగా రికార్డుల్లోకెక్కింది. ఈ సిరీస్‌లో భారత్‌ 42.32 సగటున 3809 పరుగులు చేసింది. 1989 యాషెస్‌ సిరీస్‌లో ఆస్ట్రేలియా అత్యధికంగా 3877 పరుగులు చేసింది. తాజా సిరీస్‌లో భారత్‌ కేవలం 5 టెస్ట్‌ల్లోనే ఈ పరుగులు చేయగా.. ఆసీస్‌ నాటి యాషెస్‌ సిరీస్‌లో 6 టెస్ట్‌లు ఆడి భారత్‌ కంటే కేవలం 68 పరుగులే ఎక్కువ చేసింది.ఈ రికార్డుతో పాటు టెండూల్కర్‌-ఆండర్సన్‌ సిరీస్‌ మరిన్ని రికార్డులకు వేదికైంది. ఆ రికార్డులపై ఓ లుక్కేద్దాం.భారత్‌-ఇంగ్లండ్‌ మధ్య ద్వైపాక్షిక సిరీస్‌లో అత్యధిక పరుగులు- శుభ్‌మన్‌ గిల్‌ (5 మ్యాచ్‌ల్లో 754 పరుగులు). గతంలో ఈ రికార్డు గ్రహం గూచ్‌ (752) పేరిట ఉండేది.ఓ టెస్ట్‌ సిరీస్‌లో అత్యధిక పరుగులు చేసిన భారత కెప్టెన్‌- శుభ్‌మన్‌ గిల్‌. గతంలో ఈ రికార్డు సునీల్‌ గవాస్కర్‌ (732) పేరిట ఉండేది.SENA దేశాల్లో జరిగిన సిరీస్‌ల్లో అత్యధిక పరుగులు చేసిన ఆసియా బ్యాటర్‌: శుభ్‌మన్‌ గిల్‌, గతంలో ఈ రికార్డు విరాట్‌ కోహ్లి (692) పేరిట ఉండేది.టెస్ట్‌ల్లో అత్యధిక వ్యక్తిగత స్కోర్‌ చేసిన భారత కెప్టెన్‌: శుభ్‌మన్‌ గిల్‌ (269 ఎడ్జ్‌బాస్టన్‌ టెస్ట్‌లో). గతంలో ఈ రికార్డు విరాట్‌ కోహ్లి (254) పేరిట ఉండేది.SENA దేశాల్లో అత్యధిక వ్యక్తిగత స్కోర్‌ సిన ఆసియా కెప్టెన్‌: శుభ్‌మన్‌ గిల్‌. గతంలో ఈ రికార్డు తిలకరత్నే దిల్షన్‌ (193) పేరిట ఉండేది.ఓ టెస్ట్‌ మ్యాచ్‌లో అత్యధిక పరుగులు చేసిన పర్యాటక బ్యాటర్‌: శుభ్‌మన్‌ గిల్‌ (430, ఎడ్జ్‌బాస్టన్‌ టెస్ట్‌లో 269+161). గతంలో ఈ రికార్డు ఆసీస్‌ మాజీ కెప్టెన్‌ మార్క్‌ టేలర్‌ (426) పేరిట ఉండేది.ఒకే టెస్ట్‌లో సెంచరీ, 5 వికెట్ల ప్రదర్శన నమోదు చేసిన తొలి ఇంగ్లండ్‌ కెప్టెన్‌: బెన్‌ స్టోక్స్‌ (నాలుగో టెస్ట్‌)ఒకే టెస్ట్‌లో రెండు సెంచరీలు చేసిన తొలి భారత వికెట్‌కీపర్‌: రిషబ్‌ పంత్‌ (హెడింగ్లే టెస్ట్‌)టెస్ట్‌ల్లో అత్యధిక పరుగులు చేసిన బ్యాటర్ల జాబితాలో రెండో స్థానానికి ఎగబాకిన జో రూట్‌: ఈ సిరీస్‌లో రూట్‌ ద్రవిడ్‌, కల్లిస్‌, రికీ పాంటింగ్‌లను అధిగమించి టెస్ట్‌ల్లో అత్యధిక పరుగులు చేసిన ఆటగాళ్ల జాబితాలో రెండో స్థానానికి ఎగబాకాడు. ఈ లిస్ట్‌లో సచిన్‌ టెండూల్కర్‌ టాప్‌లో ఉన్నాడు.వరల్డ్‌ టెస్ట్‌ ఛాంపియన్‌షిప్‌ చరిత్రలో 6000 పరుగులు చేసిన తొలి బ్యాటర్‌: జో రూట్‌SENA దేశాల్లో 150 వికెట్లు తీసిన తొలి ఆసియా బౌలర్‌: బుమ్రా (61 ఇన్నింగ్స్‌ల్లో)ఓ సిరీస్‌లో రెండో అత్యధిక పరుగులు (ఇరు జట్లు): ఈ సిరీస్‌లో భారత్‌, ఇంగ్లండ్‌ కలిపి 7000 పైచిలుకు పరుగులు నమోదు చేశాయి. 1993 యాషెస్‌ సిరీస్‌లో మాత్రమే ఈ ఘనత నమోదైంది.భారత్‌ అత్యల్ప, అతి భారీ విజయాలు (పరుగుల పరంగా): భారత టెస్ట్‌ క్రికెట్‌ చరిత్రలో అత్యల్ప, అతి భారీ విజయాలు ఈ సిరీస్‌లోనే నమోదయ్యాయి. ఈ సిరీస్‌లోని ఓవల్‌ టెస్ట్‌లో భారత్‌ 6 పరుగుల స్వల్ప తేడాతో గెలుపొందగా.. ఎడ్జ్‌బాస్టన్‌ టెస్ట్‌లో 336 పరుగుల భారీ తేడాతో గెలుపొందింది.

ఓవల్‌ టెస్ట్‌ విజయానంతరం వరల్డ్‌ టెస్ట్‌ ఛాంపియన్‌షిప్‌ (2025-27) పాయింట్ల పట్టికలో భారత్‌ ఇం​గ్లండ్‌ను వెనక్కు నెట్టి మూడో స్థానానికి ఎగబాకింది. ఇంగ్లండ్‌ నాలుగో స్థానానికి పడిపోయింది. ఈ మ్యాచ్‌కు ముందు భారత్‌ నాలుగో స్థానంలో ఉండగా.. ఇంగ్లండ్‌ మూడో ప్లేస్‌లో ఉండింది.ఈ మ్యాచ్‌‌ విజయానంతరం భారత్‌ విజయాల శాతం 46.67గా ఉండగా.. ఇంగ్లండ్‌ విన్నింగ్‌ పర్సంటేజ్‌ 43.33కు పడిపోయింది. ఆస్ట్రేలియా (100), శ్రీలంక (66.67) మొదటి రెండు స్థానాల్లో ఉన్నాయి. 16.67 విజయాల శాతంతో బంగ్లాదేశ్‌ ఐదో ప్లేస్‌లో ఉంది. వెస్టిండీస్‌ ఈ సైకిల్‌లో ఆడిన మూడు మ్యాచ్‌ల్లో ఓడి ఆరో స్థానంలో ఉంది. న్యూజిలాండ్‌, పాకిస్తాన్‌, సౌతాఫ్రికా ఈ సైకిల్‌లో ఇంకా ఒక్క మ్యాచ్‌ కూడా ఆడలేదు.కాగా, ఐదు మ్యాచ్‌ల టెస్ట్‌ సిరీస్‌ కోసం ఇంగ్లండ్‌లో పర్యటించిన భారత జట్టు 2-2తో సిరీస్‌ను సమం చేసుకుంది. 1, 3 టెస్ట్‌ మ్యాచ్‌లు ఇంగ్లండ్‌ గెలువగా.. భారత్‌ 2, 5 మ్యాచ్‌ల్లో విజయాలు సాధించింది. నాలుగో టెస్ట్‌ డ్రాగా ముగిసింది. డబ్ల్యూటీసీలో భారత్‌ తదుపరి టెస్ట్‌ సిరీస్‌ వెస్టిండీస్‌తో ఆడనుంది. రెండు మ్యాచ్‌ల ఈ సిరీస్‌ భారత్‌ వేదికగా ఆక్టోబర్‌ 2 నుంచి ప్రారంభమవుతుంది. తొలి టెస్ట్‌ అహ్మదాబాద్‌లో, రెండో టెస్ట్‌ (అక్టోబర్‌ 10 నుంచి) ఢిల్లీలో జరుగనున్నాయి.ఇదిలా ఉంటే, హోరాహోరీగా సాగిన ఓవల్‌ టెస్ట్‌లో భారత్‌ 6 పరుగుల స్వల్ప తేడాతో ఇంగ్లండ్‌పై విజయం సాధించింది. ఈ మ్యాచ్‌ చివరి రోజు భారత్‌ 35 పరుగుల స్వల్ప లక్ష్యాన్ని కాపాడుకుని చిరస్మరణీయ విజయం సాధించింది. భారత బౌలర్లలో సిరాజ్‌ మ్యాజిక్‌ చేసి ఇంగ్లండ్‌‌ చేతిలో ఉండిన 4 వికెట్లలో 3 వికెట్లు తీశాడు. ప్రసిద్ద్‌ కృష్ణ ఓ వికెట్‌ పడగొట్టాడు.374 పరుగుల భారీ లక్ష్య ఛేదనలో ఇంగ్లండ్‌ ఓ దశలో పటిష్ట స్థితిలో (301/3) ఉన్నప్పటికీ.. భారత బౌలర్లు మ్యాచ్‌పై ఆశలు వదులుకోకుండా వీరోచితంగా పోరాడారు. ముఖ్యంగా సిరాజ్‌ ఓటమిని ఒప్పుకునే ప్రసక్తే లేదన్నట్లు ముందుకు సాగాడు. అతనికి ప్రసిద్ద్‌ సహకరించాడు. వీరిద్దరు కలిపి ఇంగ్లండ్‌ సెకెండ్‌ ఇన్నింగ్స్‌లో 9 వికెట్లు తీశారు. సెకెండ్‌ ఇన్నింగ్స్‌లో 5 వికెట్లు సహా మ్యాచ్‌ మొత్తంలో 9 వికెట్లు తీసిన సిరాజ్‌కు ప్లేయర్‌ ఆఫ్‌‌ ద మ్యాచ్‌ అవార్డు లభించింది.

క్రికెట్‌ చరిత్రలో అత్యుత్తమ టెస్ట్‌ మ్యాచ్‌లలో ఇది ఒకటి. ఓవల్‌ వేదికగా జరిగిన హోరాహోరీ సమరంలో ఇంగ్లండ్‌పై భారత్‌ 6 పరుగుల స్వల్ప తేడాతో గెలుపొందింది. ఈ మ్యాచ్‌ క్రికెట్‌ ప్రపంచం మొత్తాన్ని మునివేళ్లపై నిలబెట్టింది. ఆట చివరి రోజు భారత బౌలర్లు ధీరత్వాన్ని ప్రదర్శించి 35 పరుగుల స్వల్ప లక్ష్నాన్ని విజయవంతంగా కాపాడుకున్నారు. ఇంగ్లండ్‌ చేతిలో 4 వికెట్లుండగా.. సిరాజ్‌ 3 వికెట్లు తీసి ప్రత్యర్థి నోటి కాడి గెలుపును లాగేసుకున్నాడు. ప్రసిద్ద్‌ కృష్ణ తన వంతుగా ఓ వికెట్‌ తీశాడు.374 పరుగుల భారీ లక్ష్య ఛేదనలో ఇంగ్లండ్‌ ఓ దశలో పటిష్టమైన స్థితిలో (301/3) ఉన్నప్పటికీ.. భారత బౌలర్లు మ్యాచ్‌పై ఆశలు వదులుకోకుండా వీరోచితంగా పోరాడారు. ముఖ్యంగా సిరాజ్‌ ఓటమిని ఒప్పుకునే ప్రసక్తే లేదన్నట్లు ముందుకు సాగాడు. ఈ గెలుపులో సిరాజ్‌ది ప్రధానపాత్ర. ఈ హైదరాబాదీ పేసర్‌ అసలుసిసలైన పోరాట యోధుడిలా పోరాడి భారత్‌కు చిరస్మరణీయ విజయాన్నందించాడు. రెండో ఇన్నింగ్స్‌లో ఐదు వికెట్లు సహా, మ్యాచ్‌ మొత్తంలో తొమ్మిది వికెట్లు తీసి ప్లేయర్‌ ఆఫ్‌ ద మ్యాచ్‌గా నిలిచాడు.కాగా, ఈ గెలుపు అనంతరం గాయపడిన టీమిండియా హీరో రిషబ్‌ పంత్‌ స్పందించాడు. ఇన్‌స్టా వేదికగా భావోద్వేగమైన పోస్ట్‌ పెట్టాడు. ఈ సిరీస్‌లో నాలుగో టెస్ట్‌ సందర్భంగా గాయపడి, ఐదో టెస్ట్‌కు దూరంగా ఉన్న పంత్‌.. టీమిండియా సాధించిన విజయాన్ని పొగడ్తలతో ముంచెత్తాడు. సహచరులను కొనియాడాడు. తన జట్టు పట్ల గర్వంగా ఉన్నానని అన్నాడు. దేశమే సర్వస్వమని తెలిపాడు. దేశానికి ప్రాతినిథ్యం వహించేప్పుడు సర్వ శక్తులు ఒడ్డి పోరాడతామని అన్నాడు. దేనికి వెనుకాడేది లేదని ‍స్పష్టం చేశాడు.పంత్‌ మాటల్లో.. ఈ ఇంగ్లండ్‌ పర్యటన మా నుంచి చాలా అడిగింది. అంతకుమించి తిరిగి ఇచ్చింది. ఈ జట్టు పట్ల చాలా గర్వంగా ఉంది. యువ ఆటగాళ్లు పరిస్థితులకు తగ్గట్టుగా పోరాడిన తీరు అమోఘంగా ఉంది. దేశానికి ప్రాతినిథ్యం వహించడం మాకు సర్వస్వం. ఇది మాలోని ప్రతి విషయాన్ని వెలికి తీస్తుంది. దీనికి మేము గర్వపడుతున్నాము.మా అద్భుతమైన సహాయక సిబ్బందికి, సిరీస్‌ ఆధ్యాంతం మాకు అండగా నిలబడిన అభిమానులకు ధన్యవాదాలు. ఈ జట్టు ఆకలితో ఉంది. ఐక్యంగా ఉంది. సీనియర్ల రిటైర్మెంట్‌ తర్వాత భారత క్రికెట్‌ను విజయవంతంగా ముందుకు తీసుకెళ్తుంది.కాగా, ఈ సిరీస్‌లో రిషబ్‌ పంత్‌ టీమిండియాకు వైస్‌ కెప్టెన్‌గా వ్యవహరించిన విషయం తెలిసిందే. ఈ సిరీస్‌లో అతను అరివీర భయంకరమైన ఫామ్‌లో ఉండగా గాయపడ్డాడు. 7 ఇన్నింగ్స్‌ల్లో 2 సెంచరీలు, 3 హాఫ్‌ సెంచరీల సాయంతో 479 పరుగులు చేశాడు. నాలుగో టెస్ట్‌లో క్రిస్‌ వోక్స్‌ బౌలింగ్‌లో రివర్స్‌ స్వీప్‌ చేయబోగా పంత్‌ పాదం​ ఫ్రాక్చర్‌కు గురైంది. పాదం ఫ్రాక్చర్‌ అయినా పంత్‌ ఆ మ్యాచ్‌లో బ్యాటింగ్‌కు దిగి దేశానికి ఆడటమంటే తనకేంటో ప్రపంచం మొత్తానికి నిరూపించాడు. ఆ ఇన్నింగ్స్‌లో పంత్‌ కుంటుతూనే హాఫ్‌ సెంచరీ చేయడం విశేషం. ఓవల్‌ టెస్ట్‌లో విజయంతో భారత్‌ ఐదు మ్యాచ్‌ల టెస్ట్‌ సిరీస్‌ను 2-2తో సమం చేసుకుంది.

ఓవల్‌ టెస్ట్‌లో టీమిండియా చారిత్రక విజయం సాధించిన అనంతరం జట్టు హెడ్‌ కోచ్‌ గౌతమ్‌ గంభీర్‌ ఆటగాళ్లను పొగడ్తలతో ముంచెత్తుతూ సోషల్‌మీడియాలో ఓ కదిలించే పోస్ట్‌ పెట్టాడు. కొన్ని గెలుస్తాం.. కొన్ని ఓడతాం.. కానీ, ఎప్పటికీ లొంగిపోము. వెల్‌డన్‌ బాయ్స్‌ అంటూ తన ఎక్స్‌ ఖాతాలో రాసుకొచ్చాడు. ఈ మెసేజ్‌తో పాటు గంభీర్‌ టీమిండియా ఆటగాళ్లు విజయదరహాసంతో ఉన్న పలు ఫోటోలను పోస్ట్‌ చేశాడు. గంభీర్‌ చేసిన ఈ పోస్ట్‌ సోషల్‌మీడియాలో వైరలవుతోంది.కాగా, ఇంగ్లండ్‌ సిరీస్‌ ఆధ్యాంతం టీమిండియా చూపించిన పోరాటస్పూర్తిలో గంభీర్‌ ప్రధానపాత్ర పోషించాడు. ఎలాంటి పరిస్థితుల్లో అయినా ఆశలు వదులుకోకూడదంటూ (Never give up) ఆటగాళ్లలో కసిని రగిల్చాడు. మనది యంగ్‌ టీమ్‌ కాదు, గన్‌ టీమ్‌ అంటూ ఆటగాళ్లలో ఉత్తేజాన్ని నింపాడు. ఆటగాళ్లను ప్రతి విషయంలో దగ్గరుండి ప్రోత్సహించాడు. కొందరు ఆటగాళ్లు (ఆకాశ్‌దీప్‌, జైస్వాల్‌) విఫలమైప్పుడు వెనకేసుకొచ్చి సత్ఫలితాలు రాబట్టాడు.అవసరమైనప్పుడు దండించాడు. మంచి ప్రదర్శన చేసినప్పుడు ముద్దులతో ముంచెత్తాడు. మొత్తంగా ఈ సిరీస్‌లో టీమిండియా ఆటగాళ్ల అద్భుత ప్రదర్శనకు స్పూర్తిదాతగా నిలిచాడు. ఓవల్‌ టెస్ట్‌ విజయం తర్వాత గంభీర్‌లోని చిన్నపిల్లాడు బయటికి వచ్చాడు. విజయగర్వంతో ఊగిపోతూ ఎగిరి గంతులేశాడు. కెప్టెన్‌ శుభ్‌మన్‌ గిల్‌ను ముద్దులతో ముంచెత్తాడు. టీమిండియా మొత్తాన్ని తీవ్ర భావోద్వేగంతో ఆలింగనం చేసుకున్నాడు. ముఖ్యంగా సిరాజ్‌పై ప్రశంసలపై వర్షం కురిపించాడు. అతన్ని కెప్టెన్‌తో పాటు ప్రెస్‌ కాన్ఫరెన్స్‌లో కూర్చోబెట్టి కొత్త ఆనవాయితీకి తెరలేపాడు.ఓవల్‌ టెస్ట్‌లో సిరాజ్‌ చారిత్రక స్పెల్‌తో భారత్‌కు అపురూప విజయాన్నందించాడు. చివరి రోజు 35 పరుగుల స్వల్ప లక్ష్యాన్ని కాపాడుకోవాల్సి ఉండగా.. సిరాజ్‌ మియా మ్యాజిక్‌ చేశాడు. ఇంగ్లండ్‌ చేతిలో 4 వికెట్లుండగా.. 3 వికెట్లు తీసి వారి నోటి కాడి విజయాన్ని లాక్కున్నాడు.ఈ మ్యాచ్‌ మొత్తం అద్బుతమైన పోరాటాలతో సాగింది. తొలుత భారత్‌ స్వల్ప స్కోర్‌కే ఔటైనా, ఆతర్వాత అనూహ్యంగా పుంజుకుని ఇంగ్లండ్‌ను కూడా ఓ మోస్తరు స్కోర్‌కే పరిమితం చేసింది. అనంతరం రెండో ఇన్నింగ్స్‌లో భారత్‌ బ్యాటర్లు అద్భుతమే చేశారు. జైస్వాల్‌, ఆకాశ్‌దీప్‌, జడేజా, సుందర్‌ సూపర్‌ ఇన్నింగ్స్‌లు ఆడి భారత్‌కు భారీ స్కోర్‌ అందించారు. అనంతరం 374 పరుగుల లక్ష్య ఛేదనలో ఇంగ్లండ్‌ ఓ దశలో పటిష్ట స్థితిలో (301/3) ఉన్నప్పటికీ భారత బౌలర్లు మ్యాచ్‌పై ఆశలను వదులుకోకుండా పోరాడారు. ఇంగ్లండ్‌ లోయర్‌ ఆర్డర్‌ బ్యాటర్లపై ప్రతాపం చూపించారు. సిరాజ్‌, ప్రసిద్ద్‌ నిరుత్సాహపడకుండా వారు చేయాల్సిందంతా చేసి సత్పలితాన్ని రాబట్టారు. ఈ గెలుపుతో భారత్‌ ఐదు మ్యాచ్‌ల సిరీస్‌ను 2-2తో డ్రా చేసుకుంది.

టీమిండియా చివరి టెస్ట్‌లో విజయం సాధించడంపై దర్శకధీరుడు రాజమౌళి హర్షం వ్యక్తం చేశారు. వాట్‌ ఏ స్పెల్‌ సిరాజ్ మియా అంటూ మహమ్మద్ సిరాజ్‌పై ప్రశంసలు కురిపించారు. అలాగే ప్రసిధ్ కృష్ణను సైతం కొనియాడారు. ఓవల్‌లో టీమిండియా తిరిగి పుంజుకుని అద్భుతంగా పోరాడిందని ప్రశంసలు కురిపించారు. టెస్ట్‌ క్రికెట్‌కు మరేది సాటిరాదని మరోసారి నిరూపించారని ట్వీట్ చేశారు. ప్రస్తుతం రాజమౌళి చేసిన ట్వీట్‌ సోషల్ మీడియాలో వైరల్‌గా మారింది.కాగా.. ఇంగ్లాండ్‌తో జరిగిన ఐదో టెస్ట్‌ మ్యాచ్‌లో టీమిండియా సంచలన విజయం సాధించింది. చివరి రోజు వరకు సాగిన ఈ మ్యాచ్‌లో ఆరు పరుగుల తేడాతో మనోళ్లు విజయకేతనం ఎగరేశారు. సిరాజ్‌ అద్భుతమైన బౌలింగ్‌లో ఇంగ్లాండ్ పతనాన్ని శాసించాడు. ఐదు వికెట్లు తీసి విజయంలో కీలక పాత్ర పోషించాడు. ప్రసిధ్ కృష్ణ సైతం నాలుగు వికెట్లు తీసి ఇంగ్లాండ్‌ను కోలుకోలేని దెబ్బతీశాడు. ఈ విజయంతో ఐదు మ్యాచ్‌ల టెస్ట్ సిరీస్‌ 2-2తో డ్రాగా ముగిసింది.ఇక రాజమౌళి సినిమాల విషయానికొస్తే ప్రస్తుతం మహేశ్ బాబు మూవీతో బిజీగా ఉన్నారు. వీరిద్దరి కాంబోలో యాక్షన్ అడ్వెంచరస్‌ చిత్రాన్ని తెరకెక్కిస్తున్నారు. ఈ చిత్రంలో బాలీవుడ్ భామ ప్రియాంక చోప్రా హీరోయిన్‌గా నటిస్తోంది. ఇప్పటికే ఈ మూవీ షూటింగ్ మొదటి షెడ్యూల్‌ కూడా పూర్తి చేసుకుంది. వీరిద్దరి కాంబోలో వస్తోన్న మొదటి చిత్రం కావడంతో అభిమానుల్లో భారీ అంచనాలు నెలకొన్నాయి.SIRAJ MIYAA… 🔥What a spell!!!Prasidh’s double blow!!!India fights back at The Oval!!!Test cricket… nothing comes close. 🥰🥰Team India 🇮🇳🫡— rajamouli ss (@ssrajamouli) August 4, 2025

ఇంగ్లండ్‌పై ఓవల్‌ వేదికగా అనూహ్య విజయం సాధించిన టీమిండియాపై కాంగ్రెస్‌ ఎంపీ శశిథరూర్‌ ప్రశంసలు కురిపించారు. ఇదొక చారిత్రాత్మక విజయమని కొనియాడారు. మన చేతుల్లో మ్యాచ్‌లో లేదు.. పోయింది అనుకున్న సమయంలో టీమిండియా ఆటగాళ్లు అద్భుతం చేశారన్నారు. తాను కూడా మ్యాచ్‌ మన నుంచి చేజారిపోయిందనే అనుకున్నానని, అయితే అది తప్పు అని నిరూపించి మన ఆటగాళ్లు అద్భుతమే సృష్టించారని పొగడ్తల వర్షం కురిపించారు. అదే సమయంలో మ్యాచ్‌ ఓడిపోయే అవకాశం ఉందని తాను చెప్పిన దానికి బదులుగా టీమిండియా సభ్యులకు క్షమాపణలు తెలియజేశారు శశిథరూర్‌.Words fail me….WHAT A WIN! 🇮🇳🏏 Absolutely exhilarated & ecstatic for #TeamIndia on their series-clinching victory against England! The grit, determination, and passion on display were simply incredible. This team is special. I am sorry that I expressed a spasm of doubt about…— Shashi Tharoor (@ShashiTharoor) August 4, 2025 ‘మ్యాచ్‌ను టీమిండియా కోల్పోతుందనే అనుకున్నా. ఓటమి ఖాయమని చెప్పాను. అయితే అది తప్పైంది. మన మీద మనం నమ్మకం ఉంచితే అద్భుతాలు సృష్టించవచ్చనే దానికి ఇదొక నిదర్శనం. ఎప్పుడూ మీపై నమ్మకాన్ని కోల్పోకండి’ అంటూ శశిథరూర్‌ తన సోషల్‌ మీడియా అకౌంట్‌ ‘ఎక్స్‌’ ద్వారా ట్వీట్‌ చేశారు. ఇంగ్లండ్‌తో చివ‌రి వ‌ర‌కు ఉత్కంఠగా సాగిన ఐదో టెస్టులో టీమిండియా ఆరు పరుగుల తేడాతో సంచనల విజయం సాధించింది.లార్డ్స్ టెస్టులో బ్యాట్‌తో జ‌ట్టును గెలిపించ‌లేక‌పోయిన సిరాజ్‌.. ఓవ‌ల్‌లో మాత్రం బంతితో త‌న జ‌ట్టుకు చారిత్ర‌త్మ‌క విజ‌యాన్ని అందించాడు. ఈ కీల‌క పోరులో సిరాజ్ సంచ‌ల‌న ప్ర‌ద‌ర్శ‌న క‌న‌బ‌రిచాడు. బుమ్రా లేని లోటును తెలియ‌నివ్వ‌లేదు. తొలి ఇన్నింగ్స్‌లో నాలుగు వికెట్లు ప‌డ‌గొట్టిన సిరాజ్‌.. రెండో ఇన్నింగ్స్‌లో 5 వికెట్ల‌తో స‌త్తాచాటాడు. మొత్తంగా 9 వికెట్లు ప‌డ‌గొట్టి ప్లేయ‌ర్ ఆఫ్‌ది మ్యాచ్‌గా నిలిచాడు. ఈ టెస్టులో విజయం సిరీస్‌ను భారత్‌ 2-2తో సమం చేసింది. ఒక మ్యాచ్‌ డ్రాగా ముగిసింది.

ఇంగ్లండ్‌తో జరిగిన ఐదో టెస్ట్‌లో టీమిండియా పేసర్‌ మొహమ్మద్‌ సిరాజ్‌ ఆకాశమే హద్దుగా చెలరేగాడు. ఈ మ్యాచ్‌లో ఐదు వికెట్ల ప్రదర్శన సహా మొత్తం 9 వికెట్లు తీసిన సిరాజ్‌.. ఆట చివరి రోజు అద్బుతం చేశాడు. ఇంగ్లండ్‌ గెలుపుకు 35 పరుగులు అవసరమైన దశలో తనలోని అత్యుత్తమ టాలెంట్‌ను వెలికి తీసి ఇంగ్లండ్‌ గెలుపును అడ్డుకున్నాడు. చివరి రోజు ప్రారంభానికి ముందు ఇంగ్లండ్‌ చేతిలో 4 వికెట్లు ఉండగా.. సిరాజ్‌ మ్యాజిక్‌ స్పెల్‌తో మూడు వికెట్లు తీశాడు. మరో వికెట్‌ను ప్రసిద్ద్‌ కృష్ణ పడగొట్టాడు.దీంతో ఇంగ్లండ్‌ లక్ష్యానికి 8 పరుగుల దూరంలో నిలిచిపోయింది. ఈ గెలుపుతో భారత్‌ ఐదు మ్యాచ్‌ల సిరీస్‌ను 2-2తో డ్రా చేసుకుంది. ఈ సిరీస్‌ మొత్తంలో సిరాజ్‌ విశేషంగా రాణించాడు. 5 మ్యాచ్‌ల్లో 23 వికెట్లు తీసి లీడింగ్‌ వికెట్‌ టేకర్‌గా నిలిచాడు. ఈ సిరీస్‌లో అత్యధిక బంతులు వేసిన బౌలర్‌ కూడా సిరాజే.374 పరుగుల లక్ష్య ఛేదనలో ఇంగ్లండ్‌ హ్యారీ బ్రూక్‌ (111), జో రూట్‌ (105) సెంచరీలతో చెలరేగడంతో ఓ దశలో సునాయాసంగా గెలిచేలా కనిపించింది. అయితే భారత పేసర్లు అనూహ్యంగా పుంజుకోవడంతో చివరి 7 వికెట్లు 66 పరుగుల వ్యవధిలో కోల్పోయింది. సిరాజ్‌ చిరకాలం గర్తుండిపోయే స్పెల్‌ వేసి టీమిండియా అపూర్వ విజయాన్నిందించాడు. అంతకుముందు భారత్‌ రెండో ఇన్నింగ్స్‌లో 396 పరుగులకు ఆలౌటైంది. యశస్వి జైస్వాల్‌ (118) సెంచరీతో కదంతొక్కగా.. ఆకాశ్‌దీప్‌ (66), రవీంద్ర జడేజా (53), వాషింగ్టన్‌ సుందర్‌ (53) అర్ద సెంచరీలతో రాణించారు. ఇంగ్లండ్‌ బౌలర్లలో జోష్‌ టంగ్‌ 5 వికెట్లు తీశాడు.దీనికి ముందు ఇంగ్లండ్‌ తొలి ఇన్నింగ్స్‌లో 247 పరుగులకు ఆలౌటైంది. జాక్‌ క్రాలే (64), హ్యారీ బ్రూక్‌ (53) అర్ద సెంచరీలతో రాణించారు. భారత బౌలర్లలో సిరాజ్‌, ప్రసిద్ద్‌ కృష్ణ తలో 4 వికెట్లు తీశారు.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో కరుణ్‌ నాయర్‌ (57) ఒక్కడే అర్ద సెంచరీతో రాణించాడు. ఇంగ్లండ్‌ బౌలర్లలో అట్కిన్సన్‌ 5 వికెట్లతో చెలరేగాడు. ఈ సిరీస్‌లో ఇంగ్లండ్‌ 1,3 మ్యాచ్‌లు గెలువగా.. భారత్‌ 2, 5 మ్యాచ్‌ల్లో నెగ్గింది. నాలుగో టెస్ట్‌ డ్రాగా ముగిసింది.

ఆసియా కప్‌-2025కు ముందు టీమిండియాకు శుభవార్త అందింది. టీ20 జట్టు కెప్టెన్‌ సూర్యకుమార్‌ యాదవ్‌ ఖండాంతర​ టోర్నీకి సిద్దమయ్యాడు. స్కై కొద్ది రోజుల కిందట మ్యూనిచ్‌లో స్పోర్ట్స్‌ హెర్నియా సర్జరీ చేయించుకున్నాడు. సర్జరీ విజయవంతం కావడంతో అతను ఎన్‌సీఏలో రిపోర్ట్‌ చేశాడు. ఆసియా కప్‌ సమయానికి పూర్తి ఫిట్‌నెస్‌ సాధించేందుకు ఎన్‌సీఏలో తగు చర్యలు చేపట్డాడు.ఎన్‌సీఏలో రిపోర్ట్‌ చేయడం వల్ల స్కైను దులీప్‌ ట్రోఫీ కోసం పరిగణలోకి తీసుకోలేదు. వెస్ట్‌ జోన్‌ సెలెక్టర్లు స్కై అందుబాటులో లేకపోవడంతో శార్దూల్‌ ఠాకూర్‌ను కెప్టెన్‌గా ఎంపిక చేశారు. ఈ జట్టులో ముంబై స్టార్లు, టీమిండియా ప్లేయర్లు యశస్వి జైస్వాల్‌, శ్రేయస్‌ అయ్యర్‌, సర్ఫరాజ్‌ ఖాన్‌, షమ్స్‌ ములానీ, తనుశ్‌ కోటియన్‌, తుషార్‌ దేశ్‌పాండే ఉన్నారు.కాగా, ఆసియా కప్‌ పూర్తి షెడ్యూల్‌ ఇటీవలే విడుదలైంది. ఈ టోర్నీని సెప్టెంబర్‌ 9-28 మధ్య తేదీల్లో యూఏఈ వేదికగా నిర్వహించనున్నారు. ఈ టోర్నీలో సూర్యకుమార్‌ యాదవ్‌ భారత జట్టు కెప్టెన్‌గా వ్యవహరించాల్సి ఉంది. స్కై ఈ ఏడాది ఐపీఎల్‌లో చివరిసారి బ్యాట్‌ పట్టాడు. ఆతర్వాత అతను శస్త్ర చికిత్స నిమిత్తం మ్యూనిచ్‌కు వెళ్లాడు.శ్రేయస్‌ కూడా..!మరో టీమిండియా బ్యాటర్‌ కూడా ఇటీవలే ఎన్‌సీఏని సందర్శించాడు. రొటీన్‌ ఫిట్‌నెస్‌ పరీక్షల్లో భాగంగా శ్రేయస్‌ అయ్యర్‌ ఎన్‌సీఏకి వచ్చినట్లు తెలుస్తుంది. ప్రస్తుతం శ్రేయస్‌ పూర్తి ఫిట్‌నెస్‌ సాధించి దులీప్‌ ట్రోఫీకి అందుబాటులో ఉన్నాడు. దులీప్‌ ట్రోఫీ ఆగస్ట్‌ 28 నుంచి ప్రారంభం కానుంది. వెస్ట్‌ జోన్‌ సెప్టెంబర్‌ 4న తమ తొలి మ్యాచ్‌ ఆడనుంది.

భారత్‌-ఇంగ్లండ్‌ మధ్య జరుగుతున్న 5 టెస్ట్‌ల టెండూల్కర్‌-ఆండర్సన్‌ ట్రోఫీ-2025 రికార్డులకు అడ్డాగా మారింది. ఈ సిరీస్‌లో ఏళ్ల నాటి రికార్డులు తిరగరాయబడ్డాయి. కొన్ని విభాగాల్లో సరికొత్త రికార్డులు నెలకొల్పబడ్డాయి. ఐదో టెస్ట్‌లో రికార్డుల పరంపర తారాస్థాయికి చేరింది.ఈ మ్యాచ్‌ నాలుగో రోజు సరికొత్త చరిత్ర సృష్టించబడింది. ఈ సిరీస్‌లో ఏకంగా 9 మంది బ్యాటర్లు 400 ప్లస్‌ పరుగులు చేశారు. 148 ఏళ్ల టెస్ట్‌ క్రికెట్‌ చరిత్రలో ఇప్పటివరకు ఏ సిరీస్‌లోనూ ఇంత మంది 400 ప్లస్‌ పరుగులు చేయలేదు.ఈ సిరీస్‌లో టీమిండియా కెప్టెన్‌ శుభ్‌మన్‌ గిల్‌ అత్యధికంగా 754 పరుగులు చేశాడు. గిల్‌ తర్వాత జో రూట్‌ (537), కేఎల్‌ రాహుల్‌ (532), రవీంద్ర జడేజా (516), హ్యారీ బ్రూక్‌ (481), రిషబ్‌ పంత్‌ (479), బెన్‌ డకెట్‌ (462), జేమీ స్మిత్‌ (434), యశస్వి జైస్వాల్‌ (411) 400 ప్లస్‌ పరుగులు చేశారు.గతంలో ఇలా..!వెస్టిండీస్‌, ఆస్ట్రేలియా మధ్య జరిగిన 1975-76 సిరీస్‌లో ఇరు జట్లకు చెందిన 8 మంది బ్యాటర్లు 400 ప్లస్‌ పరుగులు చేశారు. ఆతర్వాత 1993 యాషెస్‌ సిరీస్‌లోనూ ఇదే ఫీట్‌ రిపైటైంది. అయితే 9 మంది 400 ప్లస్‌ పరుగులు నమోదు చేయడం మాత్రం ఇదే మొదటిసారి.భారత క్రికెట్‌ చరిత్రలోనూ ఇదే మొదటిసారిఈ సిరీస్‌లో ఏకంగా ముగ్గురు భారత బ్యాటర్లు (గిల్‌, రాహుల్‌, జడేజా) 500 ప్లస్‌ పరుగులు చేయడం మరో విశేషం. 93 ఏళ్ల భారత టెస్ట్ క్రికెట్ చరిత్రలో ఎన్నడూ ఇలాంటి ఫీట్‌ నమోదు కాలేదు.మ్యాచ్‌ విషయానికొస్తే.. ఓవల్‌ వేదికగా జరుగుతున్న ఐదో టెస్ట్‌ మ్యాచ్‌ రసవత్తరంగా సాగుతోంది. ఈ మ్యాచ్‌ చివరి రోజు ఇంగ్లండ్‌ గెలవాలంటే 35 పరుగులు, భారత్‌ గెలుపుకు నాలుగు వికెట్లు కావాలి. నాలుగో రోజు వెలుతురులేమి కారణంగా ఆటను గంట ముందుగా నిలిపి వేశారు.374 పరుగుల లక్ష్య ఛేదనలో ఇంగ్లండ్‌ రెండో ఇన్నింగ్స్‌లో 6 వికెట్ల నష్టానికి 339 పరుగులు చేసింది. జేమీ ఓవర్టన్‌ (0), జేమీ స్మిత్‌ (2) క్రీజ్‌లో ఉన్నారు. ఈ సిరీస్‌లో ఇంగ్లండ్‌ 2-1 ఆధిక్యంలో ఉంది. 1, 3 టెస్ట్‌ల్లో ఇంగ్లండ్‌ గెలువగా.. భారత్‌ రెండో టెస్ట్‌ గెలిచింది. నాలుగో టెస్ట్‌ డ్రాగా ముగిసింది. స్కోర్‌ వివరాలు..భారత్‌ 224 & 396ఇంగ్లండ్‌ 247 & 339/6 (76.2)

భారత్‌-ఇంగ్లండ్‌ మధ్య ఓవల్‌ వేదికగా జరుగుతున్న ఐదో టెస్ట్‌ రసవత్తరంగా సాగుతోంది. ఈ మ్యాచ్‌ చివరి రోజు ఇంగ్లండ్‌ గెలవాలంటే 35 పరుగులు, భారత్‌ గెలుపుకు నాలుగు వికెట్లు కావాలి. నాలుగో రోజు వెలుతురులేమి కారణంగా ఆటను గంట ముందుగా నిలిపి వేశారు.374 పరుగుల లక్ష్య ఛేదనలో ఇంగ్లండ్‌ రెండో ఇన్నింగ్స్‌లో 6 వికెట్ల నష్టానికి 339 పరుగులు చేసింది. జేమీ ఓవర్టన్‌ (0), జేమీ స్మిత్‌ (2) క్రీజ్‌లో ఉన్నారు.అంత ఈజీ కాదుఐదో రోజు ఇంగ్లండ్‌ ఛేదించాల్సిన లక్ష్యం 35 పరుగులే అయినప్పటికీ ఇది అంత ఈజీ కాదు. 22 బంతుల తర్వాత భారత బౌలర్ల చేతికి కొత్త బంతి వస్తుంది. కొత్త బంతితో భారత బౌలర్లను ఎదుర్కోవడం ఇంగ్లండ్‌ టెయిలెండర్లకు కత్తి మీద సామే అవుతుంది. ఏ చిన్న పొరపాటు జరిగినా వికెట్‌ సమర్పించుకోక తప్పదు.ఇలాంటి పరిస్థితుల్లో భారత పేసర్లు సర్వశక్తులు ఒడ్డి వికెట్ల కోసం ప్రయత్నిస్తారు. నాలుగో రోజు చివర్లోనే సిరాజ్‌, ప్రసిద్ద్‌ లయను అందుకున్నారు. ఐదో రోజు ఆరంభంలోనే వికెట్‌ పడితే ఇంగ్లండ్‌పై తీవ్రమైన ఒత్తిడి వస్తుంది. క్రీజ్‌లో ఉన్న ఆటగాళ్లలో జేమీ స్మిత్‌ను తప్పిస్తే ఆట భారత్‌వైపుకు మళ్లే అవకాశం లేకపోలేదు.ఇంగ్లండ్‌కు శుభవార్తఈ పరిస్థితుల్లో ఇంగ్లండ్‌ జట్టుకు శుభవార్త వినిపించింది. తొలి రోజు ఫీల్డింగ్‌ చేస్తూ గాయపడిన క్రిస్‌ వోక్స్‌ అవసరమైతే బ్యాటింగ్‌కు వస్తాడని జో రూట్‌ తెలిపాడు. వోక్స్‌కు ఎడమ భుజం మిస్‌ లొకేట్‌ అయినప్పటికీ జట్టు కోసం గాయాన్ని లెక్క చేయకుండా బ్యాటింగ్‌కు వస్తాడని రూట్‌ స్పష్టం చేశాడు. అయినా, మ్యాచ్‌ అంతవరకు (వోక్స్‌ బ్యాటింగ్‌ చేసేంత వరకు) వస్తుందని అనుకోవట్లేదని రూట్‌ ధీమా వ్యక్తం చేశాడు. కాగా, ఈ సిరీస్‌ నాలుగో టెస్ట్‌లో టీమిండియా ఆటగాడు రిషబ్‌ పంత్‌ కూడా గాయాన్ని (విరిగిన పాదం) లెక్క చేయకుండా బ్యాటింగ్‌కు దిగిన విషయం తెలిసిందే.బ్రూక్‌, రూట్‌ సెంచరీలు భారీ లక్ష్య ఛేదనలో బ్రూక్‌ (111), జో రూట్‌ (105) సెంచరీలు చేసి ఇంగ్లండ్‌ను గెలుపుతీరాల వరకు తీసుకెళ్లారు. అయితే స్వల్ప వ్యవధిలో వీరిద్దరు ఔట్‌ కావడంతో ఇంగ్లండ్‌ డిఫెన్స్‌లో పడింది. 36 పరుగుల వ్యవధిలో ఇంగ్లండ్‌ బ్రూక్‌, రూట్‌తో పాటు జేకబ్‌ బేతెల్‌ వికెట్‌ కూడా కోల్పోయి తడబాటుకు లోనైంది. జైస్వాల్‌ సూపర్‌ శతకంఅంతకుముందు భారత్‌ రెండో ఇన్నింగ్స్‌లో 396 పరుగులకు ఆలౌటై, ఇంగ్లండ్‌కు 374 పరుగుల లక్ష్యాన్ని నిర్దేశించింది. యశస్వి జైస్వాల్‌ (118) సెంచరీతో కదంతొక్కగా.. ఆకాశ్‌దీప్‌ (66), రవీంద్ర జడేజా (53), వాషింగ్టన్‌ సుందర్‌ (53) అర్ద సెంచరీలతో రాణించారు. ఇంగ్లండ్‌ బౌలర్లలో జోష్‌ టంగ్‌ 5 వికెట్లు తీశాడు.దీనికి ముందు ఇంగ్లండ్‌ తొలి ఇన్నింగ్స్‌లో 247 పరుగులకు ఆలౌటైంది. జాక్‌ క్రాలే (64), హ్యారీ బ్రూక్‌ (53) అర్ద సెంచరీలతో రాణించారు. భారత బౌలర్లలో సిరాజ్‌, ప్రసిద్ద్‌ కృష్ణ తలో 4 వికెట్లు తీశారు.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో కరుణ్‌ నాయర్‌ (57) ఒక్కడే అర్ద సెంచరీతో రాణించాడు. ఇంగ్లండ్‌ బౌలర్లలో అట్కిన్సన్‌ 5 వికెట్లతో చెలరేగాడు. ఐదు మ్యాచ్‌ల ఈ టెస్ట్‌ సిరీస్‌లో భారత్‌ 1-2తో వెనుకపడి ఉంది.

ఆఖరి టెస్టుకు, ఐదు మ్యాచ్‌ల సిరీస్‌కు నాలుగో రోజే తెరపడాలి. కానీ వెలుతురు మందగించడంతో ఆగిన ఆట... తర్వాత జోరు వాన కురవడంతో ఎంతకీ కొనసాగలేదు. నాటకీయ ముగింపునకు తెరలేచిన ఈ పోరు తుది ఫలితం నేటికి వాయిదా పడింది. ఆతిథ్య ఇంగ్లండ్‌ 3–1 ఆధిక్యంతో సిరీస్‌ గెలుచుకునేందుకు మరో 35 పరుగుల దూరంతో దగ్గరైంది. అలాగే భారత్‌ కూడా 2–2తో సమం చేసేందుకు అంతే దగ్గరగా ఉంది. ప్రధాన బ్యాటర్లంతా అవుట్‌కాగా 35 పరుగులు చేసేలోపు 4 వికెట్లు తీస్తే టీమిండియా సమం చేసుకొని సగర్వంగా తిరిగొస్తుంది. లండన్‌: నాటకీయత మొదలవగానే... ఉత్కంఠ అంతకంతకు పెరగకముందే... ప్రతికూల వాతావరణం ఆటకు ‘రెడ్‌ సిగ్నల్‌’ ఇవ్వడంతో ‘టెండూల్కర్‌–అండర్సన్‌ ట్రోఫీ’ సిరీస్‌ ఫలితం నాలుగో రోజు తేలలేదు. ఇన్నాళ్లు జరిగిన నాలుగు టెస్టుల అసలు మజా కంటే చివరి ఐదో టెస్టు ‘కొసరే’ ఇరు జట్లను ఊరిస్తోంది. ఇంగ్లండ్‌ 374 పరుగులు ఛేదన కాస్తా 35 పరుగుల దూరంలో నిలిచింది. వర్షంతో ఆట నిలిచే సమయానికి ఇంగ్లండ్‌ రెండో ఇన్నింగ్స్‌లో 76.2 ఓవర్లలో 6 వికెట్ల నష్టానికి 339 పరుగులు చేసింది. హ్యారీ బ్రూక్‌ (98 బంతుల్లో 111; 14 ఫోర్లు, 2 సిక్స్‌లు), జో రూట్‌ (152 బంతుల్లో 105; 12 ఫోర్లు) శతక్కొట్టారు. జేమీ స్మిత్‌ (2 బ్యాటింగ్‌), ఓవర్టన్‌ (0 బ్యాటింగ్‌) క్రీజులో ఉన్నారు. భారత బౌలర్లలో ప్రసిధ్‌ కృష్ణ 3, సిరాజ్‌ 2 వికెట్లు తీశారు. ఆకాశ్‌దీప్‌కు ఒక వికెట్‌ దక్కింది. ‘టాప్‌’ లేపడంతో ఉత్సాహం తొలి సెషన్‌ భారత శిబిరంలో ఉత్సాహం నింపింది. లక్ష్యఛేదన జట్టులోని ఇద్దరు టాపార్డర్‌ బ్యాటర్లు పెవిలియన్‌ చేరారు. ఓవర్‌నైట్‌ స్కోరు 50/1తో నాలుగో రోజు రెండో ఇన్నింగ్స్‌ను కొనసాగించిన డకెట్‌ (54, 6 ఫోరు), కెప్టెన్‌ ఒలీ పోప్‌ (34 బంతుల్లో 27; 5 ఫోర్లు) నిలకడను ప్రదర్శించారు. ఓవర్‌నైట్‌ బ్యాటర్‌ డకెట్‌ 76 బంతుల్లో తన అర్ధసెంచరీ పూర్తి చేసుకున్న కాసేపటికే ప్రసిధ్‌ కృష్ణ బౌలింగ్‌లో స్లిప్‌లో ఉన్న రాహుల్‌కు క్యాచ్‌ ఇచ్చి ని్రష్కమించాడు. మళ్లీ ఐదు ఓవర్ల లోపలే సిరాజ్‌ చక్కని డెలివరీతో కెపె్టన్‌ పోప్‌ను ఎల్బీగా అవుట్‌ చేశాడు. అప్పటికి ఇంగ్లండ్‌ 106/3 స్కోరే చేసింది. తర్వాత రూట్, బ్రూక్‌ పరుగుల బాధ్యతను తమ భుజాలపై వేసుకున్నారు. తొలి సెషన్‌లోనే బ్రూక్‌ అవుటయ్యే ప్రమాదం నుంచి బయటపడి భారత బౌలర్లకు మింగుడుపడిని ఇన్నింగ్స్‌కు శ్రీకారం చుట్టేశాడు. ఇంగ్లండ్‌ 164/3 వద్ద లంచ్‌ బ్రేక్‌కు వెళ్లింది. బ్రూక్, రూట్‌ శతకాలు నాలుగో ఇన్నింగ్స్‌లో తొలి సెషన్‌లోనే రెండు కీలక వికెట్లు పడిపోవడం బౌలింగ్‌ జట్టు ఆత్మవిశ్వాసాన్ని అమాంతం పెంచుతుంది. అయితే క్రీజులో పాతుకుపోయిన రూట్‌తో అందివచ్చిన అవకాశాన్ని సది్వనియోగం చేసుకున్న బ్రూక్‌ సాఫీగా పరుగులు సాధిస్తుండటంతో భారత శిబిరంలోని ఆత్మవిశ్వాసం కాస్తా సన్నగిల్లింది. ఇదే అదనుగా ఇద్దరు లక్ష్యాన్ని కరిగించే పనినిలో ముందడుగు వేశారు. ఈ సెషన్‌ భారత్‌ ఆశల్ని చిదిమింది. వన్డేను తలపించే ఆటతీరుతో బ్రూక్‌ 91 బంతుల్లోనే శతకం సాధించాడు. అతను ని్రష్కమించాక... ఆఖరి సెషన్‌లో రూట్‌ 137 బంతుల్లో సెంచరీ చేశాడు. లక్ష్యానికి చేరువైన దశలో బెథెల్‌ (5), రూట్‌ అవుటవడంతోనే డ్రామా మొదలైంది. స్కోరు వివరాలు భారత్‌ తొలి ఇన్నింగ్స్‌: 224; ఇంగ్లండ్‌ తొలి ఇన్నింగ్స్‌: 247; భారత్‌ రెండో ఇన్నింగ్స్‌: 396; ఇంగ్లండ్‌ రెండో ఇన్నింగ్స్‌: క్రాలీ (బి) సిరాజ్‌ 14; డకెట్‌ (సి) రాహుల్‌ (బి) ప్రసిధ్‌కృష్ణ 54; పోప్‌ (ఎల్బీడబ్ల్యూ) (బి) సిరాజ్‌ 27; రూట్‌ (సి) జురేల్‌ (బి) ప్రసి«ద్‌ 105; బ్రూక్‌ (సి) సిరాజ్‌ (బి) ఆకాశ్‌దీప్‌ 111; బెథెల్‌ (బి) ప్రసి«ద్‌కృష్ణ 5; స్మిత్‌ బ్యాటింగ్‌ 2; ఓవర్టన్‌ బ్యాటింగ్‌ 0; ఎక్స్‌ట్రాలు 21; మొత్తం (76.2 ఓవర్లలో 6 వికెట్లకు) 339. వికెట్ల పతనం: 1–50, 2–82, 3–106, 4–301, 5–332, 6–337. బౌలింగ్‌: ఆకాశ్‌దీప్‌ 20–4–85–1, ప్రసి«ద్‌కృష్ణ 22.2–3–109–3, సిరాజ్‌ 26–5–95–2, సుందర్‌ 4–0–19–0, జడేజా 4–0–22–0.

భారత్‌-ఇంగ్లండ్‌ మధ్య ఓవల్‌ వేదికగా జరుగుతున్న ఐదో టెస్ట్‌ మ్యాచ్‌ హోరాహోరీగా సాగుతోంది. ఇంగ్లండ్‌ గెలుపునకు 35 పరుగుల దూరంలో ఉన్నప్పుడు వెలుతురులేమి వల్ల మ్యాచ్‌ నిలిచిపోయింది. ఆతర్వాత భారీ వర్షం మొదలైంది. దీంతో మైదానం మొత్తాన్ని కవర్లతో కప్పేశారు. ఆటగాళ్లంతా డ్రెస్సింగ్‌ రూమ్‌ల్లో సేద తీరుతున్నారు.ఆట నిలిచిపోయే సమయానికి ఇంగ్లండ్‌ సెకెండ్‌ ఇన్నింగ్స్‌లో 6 వికెట్ల నష్టానికి 339 పరుగులు చేసింది. క్రాలే (14), డకెట్‌ (54), ఓలీ పోప్‌ (27), బ్రూక్‌ (111), జో రూట్‌ (105), జేకబ్‌ బేతెల్‌ (5() ఔట్‌ కాగా.. జేమీ స్మిత్‌ (2), జేమీ ఓవర్టన్‌ (0) క్రీజ్‌లో ఉన్నారు. ఈ మ్యాచ్‌లో ఇంగ్లండ్‌ గెలుపుకు 35 పరుగులు, భారత గెలుపుకు 4 వికెట్లు కావాలి.అంతకుముందు భారత్‌ రెండో ఇన్నింగ్స్‌లో 396 పరుగులకు ఆలౌటై, ఇంగ్లండ్‌కు 374 పరుగుల లక్ష్యాన్ని నిర్దేశించింది. యశస్వి జైస్వాల్‌ (118) సెంచరీతో కదంతొక్కగా.. ఆకాశ్‌దీప్‌ (66), రవీంద్ర జడేజా (53), వాషింగ్టన్‌ సుందర్‌ (53) అర్ద సెంచరీలతో రాణించారు. ఇంగ్లండ్‌ బౌలర్లలో జోష్‌ టంగ్‌ 5 వికెట్లు తీశాడు.దీనికి ముందు ఇంగ్లండ్‌ తొలి ఇన్నింగ్స్‌లో 247 పరుగులకు ఆలౌటైంది. జాక్‌ క్రాలే (64), హ్యారీ బ్రూక్‌ (53) అర్ద సెంచరీలతో రాణించారు. భారత బౌలర్లలో సిరాజ్‌, ప్రసిద్ద్‌ కృష్ణ తలో 4 వికెట్లు తీశారు.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో కరుణ్‌ నాయర్‌ (57) ఒక్కడే అర్ద సెంచరీతో రాణించాడు. ఇంగ్లండ్‌ బౌలర్లలో అట్కిన్సన్‌ 5 వికెట్లతో చెలరేగాడు. ఐదు మ్యాచ్‌ల ఈ టెస్ట్‌ సిరీస్‌లో భారత్‌ 1-2తో వెనుకపడి ఉంది.

భారత్‌-ఇంగ్లండ్‌ మధ్య జరుగుతున్న టెండూల్కర్‌-ఆండర్సన్‌ టెస్ట్‌ సిరీస్‌ రికార్డుపుటల్లోకెక్కింది. ఈ సిరీస్‌లో ఇరు జట్లకు చెందిన ఆటగాళ్లు ఏకంగా 50 అర్ద సెంచరీలు బాదారు. టెస్ట్‌ క్రికెట్‌ ఆరంభం నుంచి ఓ సిరీస్‌లో అత్యధిక హాఫ్‌ సెంచరీల సంఖ్య ఇదే. 1993 యాషెస్‌ సిరీస్‌లోనూ ఇన్నే హాఫ్‌ సెంచరీలు నమోదయ్యాయి. తాజాగా టెండూల్కర్‌-ఆండర్సన్‌ ట్రోఫీ ఆల్‌టైమ్‌ రికార్డును సమం చేసింది. ఐదో టెస్ట్‌ రెండో ఇన్నింగ్స్‌లో ఇంగ్లండ్‌ ఆటగాడు జో రూట్‌ చేసిన హాఫ్‌ సెంచరీ ఈ సిరీస్‌లో 50వది.టెస్ట్ సిరీస్‌లో అత్యధిక వ్యక్తిగత 50+ స్కోర్లు50* - ఇంగ్లండ్‌లో టీమిండియా, 202550 - ది యాషెస్, 199349 - ది యాషెస్, 1920/2146 - ఆస్ట్రేలియాలో వెస్టిండీస్, 1960/6146 - ఆస్ట్రేలియాలో వెస్టిండీస్ 1968/69మ్యాచ్‌ విషయానికొస్తే.. 374 పరుగుల లక్ష్య ఛేదనలో ఇంగ్లండ్‌ గెలుపు దిశగా సాగుతోంది. నాలుగో రోజు రెండో సెషన్‌ డ్రింక్స్‌ విరామ సమయానికి ఇంగ్లండ్‌ లక్ష్యానికి ఇంకా 128 పరుగుల దూరంలో మాత్రమే ఉంది. ఆ జట్టు స్కోర్‌ సెకెండ్‌ ఇన్నింగ్స్‌లో 246/3గా ఉంది.క్రాలే (14), డకెట్‌ (54), ఓలీ పోప్‌ (27) ఔట్‌ కాగా.. జో రూట్‌ (59), బ్రూక్‌ (82) క్రీజ్‌లో ఉన్నారు. భారత బౌలర్లలో సిరాజ్‌ 2, ప్రసిద్ద్‌ కృష్ణ ఓ వికెట్‌ తీశారు. ఈ మ్యాచ్‌లో భారత్‌ గెలుపుకు కేవలం 6 వికెట్లు (గాయం కారణంగా వోక్స్‌ మ్యాచ్‌ నుంచి వైదొలిగాడు) కావాలి.అంతకుముందు భారత్‌ రెండో ఇన్నింగ్స్‌లో 396 పరుగులకు ఆలౌటైంది. యశస్వి జైస్వాల్‌ (118) సెంచరీతో కదంతొక్కగా.. ఆకాశ్‌దీప్‌ (66), రవీంద్ర జడేజా (53), వాషింగ్టన్‌ సుందర్‌ (53) అర్ద సెంచరీలతో రాణించారు. ఇంగ్లండ్‌ బౌలర్లలో జోష్‌ టంగ్‌ 5 వికెట్లు తీశాడు.దీనికి ముందు ఇంగ్లండ్‌ తొలి ఇన్నింగ్స్‌లో 247 పరుగులకు ఆలౌటైంది. జాక్‌ క్రాలే (64), హ్యారీ బ్రూక్‌ (53) అర్ద సెంచరీలతో రాణించారు. భారత బౌలర్లలో సిరాజ్‌, ప్రసిద్ద్‌ కృష్ణ తలో 4 వికెట్లు తీశారు.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో కరుణ్‌ నాయర్‌ (57) ఒక్కడే అర్ద సెంచరీతో రాణించాడు. ఇంగ్లండ్‌ బౌలర్లలో అట్కిన్సన్‌ 5 వికెట్లతో చెలరేగాడు. ఐదు మ్యాచ్‌ల ఈ టెస్ట్‌ సిరీస్‌లో భారత్‌ 1-2తో వెనుకపడి ఉంది.

ఇటీవలికాలంలో భారత అండర్‌-19 క్రికెట్‌ హీరోలు చెలరేగిపోతున్నారు. వైభవ్‌ సూర్యవంశీ, ఆయుశ్‌ మాత్రే లాంటి వారు ఇటీవల ఇంగ్లండ్‌ గడ్డపై ఆకాశమే హద్దుగా చెలరేగగా.. తాజాగా ఢిల్లీ ప్రీమియర్‌ లీగ్‌-2025లో భారత అండర్‌-19 జట్టు మాజీ సారధి యశ్‌ ధుల్‌ విధ్వంసకర శతకంతో విరుచుకుపడ్డాడు. డీపీఎల్‌ 2025 రెండో మ్యాచ్‌లో ధుల్‌ సెంట్రల్‌ ఢిల్లీ కింగ్స్‌కు ఆడుతూ నార్త్రన్‌ ఢిల్లీ స్ట్రయికర్స్‌పై 56 బంతుల్లో 8 ఫోర్లు, 7 భారీ సిక్సర్ల సాయంతో అజేయమైన 101 పరుగులు చేశాడు. ఫలితంగా సెంట్రల్‌ ఢిల్లీ 8 వికెట్ల తేడాతో ఘన విజయం సాధించింది.ప్రస్తుత డీపీఎల్‌ సీజన్‌లో ధుల్‌ సెంచరీనే మొదటిది. గత సీజన్‌ మొత్తంలో 93 పరుగులే చేసిన ధుల్‌ ఈ సీజన్‌ తొలి మ్యాచ్‌లోనే సెంచరీతో మెరిశాడు. రెడ్‌ బాల్‌ బ్యాటర్‌గా ముద్రపడిన ధుల్‌ ఈ ఇన్నింగ్స్‌తో ఆ ముద్రను చెరిపేసి ఆల్‌ ఫార్మాట్‌ బ్యాటర్‌ అనిపించుకున్నాడు. అండర్‌-19 క్రికెట్‌ ప్రదర్శనల ఆధారంగా 2023 ఐపీఎల్‌ సీజన్‌లో ఢిల్లీ క్యాపిటల్స్‌ తరఫున అరంగేట్రం చేసిన ధుల్‌.. ఆ సీజన్‌లో దారుణంగా విఫలమయ్యాడు. 3 ఇన్నింగ్స్‌ల్లో కేవలం 16 పరుగులే చేశాడు. ఆ సీజన్‌లో పేలవ ప్రదర్శన తర్వాత ధుల్‌ను ఏ ఐపీఎల్‌ ఫ్రాంచైజీ పట్టించుకోలేదు. తాజాగా ప్రదర్శనతో ఢిల్లీ క్యాపిటల్స్‌ ధుల్‌ను మరోసారి దక్కించుకనే ప్రయత్నం చేయవచ్చు.మ్యాచ్‌ విషయానికొస్తే.. తొలుత బ్యాటింగ్‌ చేసిన ఉత్తర ఢిల్లీ.. సర్తక్‌ రంజన్‌ (82), అర్నవ్‌ బుగ్గా (67) అర్ద సెంచరీలతో రాణించడంతో నిర్ణీత 20 ఓవర్లలో 7 వికెట్ల నష్టానికి 174 పరుగులు చేసింది. సెంట్రల్‌ ఢిల్లీ బౌలర్లలో గవిన్ష్‌ ఖురానా, మనీ గ్రేవాల్‌ తలో 2 వికెట్లు తీయగా.. సిమర్‌జీత్‌ సింగ్‌, తేజస్‌ బరోకా తలో వికెట్‌ పడగొట్టారు.అనంతరం ఓ మోస్తరు లక్ష్య ఛేదనకు దిగిన సెంట్రల్‌ ఢిల్లీ.. ఓపెనర్‌ యశ్‌ ధుల్‌ విధ్వంసకర శతకంతో విరుచుకుపడటంతో 17.3 ఓవర్లలోనే విజయతీరాలకు చేరింది (2 వికెట్లు కోల్పోయి). సెంట్రల్‌ ఢిల్లీని విజయతీరాలకు చేర్చడంలో ధుల్‌కు యుగల్‌ సైనీ (36), జాంటి సిద్దూ (23 నాటౌట్‌) సహకరించారు. ఉత్తర ఢిల్లీ బౌలర్లలో కుల్దీప్‌ యాదవ్‌ 2 వికెట్లు తీశాడు.

ఓవల్‌ టెస్ట్‌లో భారత్‌ పట్టు సాధించింది. ఈ మ్యాచ్‌లో గెలవాలంటే భారత్‌ మరో 9 వికెట్లు తీయాలి. ఇంకా రెండు రోజుల ఆట మిగిలి ఉంది. ఇదే మ్యాచ్‌లో ఇంగ్లండ్‌ గెలవాలంటే మరో 324 పరుగులు చేయాలి. చేతిలో 9 వికెట్లు ఉన్నాయి. మూడో రోజు ఆట ముగిసే సమయానికి ఇం​గ్లండ్‌ వికెట్‌ నష్టపోయి 50 పరుగులు చేసింది. బెన్‌ డకెట్‌ 34 పరుగులతో క్రీజ్‌లో ఉన్నాడు. సిరాజ్‌ అద్బుతమైన బంతిలో జాక్‌ క్రాలేను (14) క్లీన్‌ బౌల్డ్‌ చేశాడు.క్రాలే వికెట్‌తో సిరాజ్‌ ఓ అరుదైన ఘనత సాధించాడు. విదేశీ టెస్ట్‌ల్లో సిరాజ్‌ 100 వికెట్లు పూర్తి చేసుకున్నాడు. ఈ మైలురాయిని సిరాజ్‌ కేవలం 27 టెస్ట్‌ల్లో తాకాడు. టెస్ట్‌ కెరీర్‌లో మొత్తంగా 119 వికెట్లు తీసిన సిరాజ్‌ విదేశాల్లోనే సింహభాగం వికెట్లు తీసి ఓవర్సీస్‌ మొనగాడనిపించుకున్నాడు. సిరాజ్‌ స్వదేశంలో కేవలం 19 వికెట్లు (14 మ్యాచ్‌ల్లో) సాధించాడు.మ్యాచ్‌ విషయానికొస్తే.. భారత్‌ రెండో ఇన్నింగ్స్‌లో 396 పరుగులు చేసి ఇంగ్లండ్‌కు 374 పరుగుల లక్ష్యాన్ని నిర్దేశించింది. భారత రెండో ఇన్నింగ్స్‌లో యశస్వి జైస్వాల్‌ (118) సెంచరీతో కదంతొక్కగా.. ఆకాశ్‌దీప్‌ (66), రవీంద్ర జడేజా (53), వాషింగ్టన్‌ సుందర్‌ (53) అర్ద సెంచరీలతో రాణించారు. ఇంగ్లండ్‌ బౌలర్లలో జోష్‌ టంగ్‌ 5 వికెట్లు తీశాడు.అంతకుముందు ఇంగ్లండ్‌ తొలి ఇన్నింగ్స్‌లో 247 పరుగులకు ఆలౌటైంది. జాక్‌ క్రాలే (64), హ్యారీ బ్రూక్‌ (53) అర్ద సెంచరీలతో రాణించారు. భారత బౌలర్లలో సిరాజ్‌, ప్రసిద్ద్‌ కృష్ణ తలో 4 వికెట్లు తీశారు. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో కరుణ్‌ నాయర్‌ (57) ఒక్కడే అర్ద సెంచరీతో రాణించాడు. ఇంగ్లండ్‌ బౌలర్లలో అట్కిన్సన్‌ 5 వికెట్లతో చెలరేగాడు. ఐదు మ్యాచ్‌ల ఈ టెస్ట్‌ సిరీస్‌లో భారత్‌ 1-2తో వెనుకపడి ఉంది.

ఆఖరి పోరులో గెలవాలన్నా... సిరీస్‌ను సమం చేయాలన్నా... ఇప్పుడు భారత్‌ భారమంతా బౌలర్లమీదే ఉంది. బ్యాట్‌ పట్టి అర్ధశతకాలతో రెండో ఇన్నింగ్స్‌లో నిలబెట్టిన బౌలర్లే... ఇప్పుడు 9 వికెట్లు తీస్తే 2–2తో ‘అండర్సన్‌–టెండూల్కర్‌ ట్రోఫీ’ సిరీస్‌ను సమం చేసిన గర్వంతో భారత్‌ స్వదేశానికి బయల్దేరుతుంది. ఇదే జరిగితే టీమిండియా టెస్టుల భవిష్యత్తుకు ఇక ఏమాత్రం ఢోకా ఉండదు. ఈ ఫార్మాట్‌ నుంచి స్టార్‌ బ్యాటర్లు రోహిత్‌ శర్మ, విరాట్‌ కోహ్లి తప్పుకోవడంతో డీలాపడిన టెస్టు జట్టుకు నూతనోత్సాహాన్ని ఇంగ్లండ్‌ పర్యటన ఇచ్చినట్లు అవుతుంది. భారత్‌ నిర్దేశించిన 374 పరుగుల విజయలక్ష్యాన్ని ఛేదించేందుకు బరిలోకి దిగిన ఇంగ్లండ్‌ ఆట ముగిసే సమయానికి 13.5 ఓవర్లలో ఒక వికెట్‌ కోల్పోయి 50 పరుగులు చేసింది. మరో రెండు రోజుల ఆట మిగిలి ఉన్న ఈ మ్యాచ్‌లో ఇంగ్లండ్‌ గెలవాలంటే మరో 324 పరుగులు చేయాలి. భారత్‌ నెగ్గాలంటే మరో 9 వికెట్లు పడగొట్టాలి. మొత్తానికి సిరీస్‌లోని చివరి టెస్టులోనూ ఫలితం రావడం ఖాయమైంది. లండన్‌: కేఎల్‌ రాహుల్, సాయి సుదర్శన్, శుబ్‌మన్‌ గిల్, కరుణ్‌ నాయర్‌... వీళ్లంతా స్పెషలిస్టు బ్యాటర్లు. కానీ కీలకమైన చివరి టెస్టులో బ్యాట్లెత్తారు. పేసర్‌ ఆకాశ్‌దీప్‌ సహా రవీంద్ర జడేజా, వాషింగ్టన్‌ సుందర్‌లు ప్రధానంగా బౌలర్లు. బౌలింగ్‌ ఆల్‌రౌండర్లు అయినా భారత బ్యాటింగ్‌ భారాన్ని మోశారు. ప్రధాన బ్యాటింగ్‌ బలగమే కనీసం 20 పరుగులైనా చేయలేకపోయిన చోటు ఈ ముగ్గురు అర్ధసెంచరీలతో అదరగొట్టారు. ఓపెనర్‌ యశస్వి జైస్వాల్‌ (118; 14 ఫోర్లు, 2 సిక్స్‌లు) సెంచరీ సాధించగా... ఆకాశ్‌దీప్, జడేజా, సుందర్‌ తమ విలువైన అర్ధశతకాలతో ఈ టెస్టులో పోరాడే స్కోరును జత చేశారు. దీంతో భారత్‌ రెండో ఇన్నింగ్స్‌లో 88 ఓవర్లలో 396 పరుగులు చేసింది. ఆకాశ్‌దీప్‌ (66; 12 ఫోర్లు), జడేజా (53; 5 ఫోర్లు), వాషింగ్టన్‌ సుందర్‌ (53; 4 ఫోర్లు, 4 సిక్స్‌లు) రాణించారు. ప్రత్యర్థి బౌలర్లలో జోష్‌ టంగ్‌ 5 వికెట్లు, అట్కిన్సన్‌ 3 వికెట్లు, ఓవర్టన్‌ 2 వికెట్లు తీశారు. అనంతరం లక్ష్యఛేదనకు దిగిన ఇంగ్లండ్‌ మూడో రోజు ఆట నిలిచే ముగిసే సమయానికి 13.5 ఓవర్లలో ఒక వికెట్‌ కోల్పోయి 50 పరుగులు చేసింది. క్రాలీ (14)ని సిరాజ్‌ బౌల్డ్‌ చేయగా, డకెట్‌ (34 బ్యాటింగ్‌; 4 ఫోర్లు) క్రీజులో ఉన్నాడు. ఊహించని ఫిఫ్టీ... ఓవర్‌నైట్‌ స్కోరు 75/2 శనివారం మూడో రోజు ఆట రెండో ఇన్నింగ్స్‌ కొనసాగించిన భారత్‌కు, ఓపెనర్‌ జైస్వాల్‌కు ఆకాశ్‌దీప్‌ కొండంత అండగా నిలిచాడు. ‘నైట్‌ వాచ్‌మన్‌’గా వచ్చిన ఆకాశ్‌దీప్‌ ఊహించని విధంగా ఆతిథ్య బౌలర్లను ఎదుర్కొన్నాడు. తొలిసెషన్‌లో తేలిగ్గానే అతని వికెట్‌ను దక్కించుకుందామనుకున్న ప్రధాన పేసర్లు అట్కిన్సన్, టంగ్‌లకు కొరకరాని కొయ్యగా మారాడు. మరోవైపు జైస్వాల్‌ కూడా అడపాదడపా బౌండరీలతో స్కోరుబోర్డును కదిలించాడు. మూడో వికెట్‌కు 100 పరుగులు జతయ్యాక 70 బంతుల్లో ఆకాశ్‌దీప్‌ టెస్టుల్లో తొలి ఫిఫ్టీని పూర్తి చేసుకున్నాడు. ఆ తర్వాతే జట్టు స్కోరు 177 వద్ద వెనుదిరిగాడు. జైస్వాల్‌ ‘శత’క్కొట్టినా... రెండో సెషన్‌లో ఇంగ్లండ్‌ బౌలర్లు ప్రభావం చూపెట్టారు. గిల్‌ (11), కరుణ్‌ నాయర్‌ (17)లను అట్కిన్సన్‌ పెవిలియన్‌ చేర్చాడు. ఈ దశలో జైస్వాల్‌ ... జడేజా అండతో పరుగులు చక్కబెట్టాడు. ఈ క్రమంలో జైస్వాల్‌ టెస్టుల్లో ఆరో సెంచరీని 127 బంతుల్లో పూర్తిచేసుకున్నాడు. భాగస్వామ్యం బలపడుతుండగానే టంగ్‌... జైస్వాల్‌ వికెట్‌ తీసి దెబ్బకొట్టాడు. ధ్రువ్‌ జురేల్‌ (34; 4 ఫోర్లు)తో కలిసి జడేజా జట్టు స్కోరును 300 దాటించాడు. 304/6 స్కోరు వద్ద రెండో సెషన్‌ ముగిసింది. ఆఖరి సెషన్‌ మొదలైన కొద్దిసేపటి తర్వాత జురేల్‌ అవుటవ్వగా... జడేజా, సుందర్‌ టీమిండియాను నడిపించారు. జడేజా 71 బంతుల్లో అర్ధసెంచరీ పూర్తయిన వెంటనే వికెట్‌ను సమరి్పంచుకోగా, సుందర్‌ భారీ సిక్సర్లతో విరుచుకుపడ్డాడు. 39 బంతుల్లో మెరుపు ఫిఫ్టీని సాధించి స్కోరు పెంచే క్రమంలో అవుట్‌కావడంతో భారత్‌ ఇన్నింగ్స్‌ ముగిసింది. స్కోరు వివరాలు భారత్‌ తొలి ఇన్నింగ్స్‌: 224; ఇంగ్లండ్‌ రెండో ఇన్నింగ్స్‌: 247; భారత్‌ రెండో ఇన్నింగ్స్‌: జైస్వాల్‌ (సి) ఓవర్టన్‌ (బి) టంగ్‌ 118; రాహుల్‌ (సి) రూట్‌ (బి) టంగ్‌ 7; సాయి సుదర్శన్‌ (ఎల్బీడబ్ల్యూ) (బి) అట్కిన్సన్‌ 11; ఆకాశ్‌దీప్‌ (సి) అట్కిన్సన్‌ (బి) ఓవర్టన్‌ 66; శుబ్‌మన్‌ (ఎల్బీడబ్ల్యూ) (బి) అట్కిన్సన్‌ 11; నాయర్‌ (సి) స్మిత్‌ (బి) అట్కిన్సన్‌ 17; జడేజా (సి) బ్రూక్‌ (బి) టంగ్‌ 53; ధ్రువ్‌ జురేల్‌ (ఎల్బీడబ్ల్యూ) (బి) ఓవర్టన్‌ 34; సుందర్‌ (సి) క్రాలీ (బి) టంగ్‌ 53; సిరాజ్‌ (ఎల్బీడబ్ల్యూ) (బి) టంగ్‌ 0; ప్రసిధ్‌కృష్ణ (నాటౌట్‌) 0; ఎక్స్‌ట్రాలు 26; మొత్తం (88 ఓవర్లలో ఆలౌట్‌) 396. వికెట్ల పతనం: 1–46, 2–70, 3–177, 4–189, 5–229, 6–273, 7–323, 8–357, 9–357, 10–396. బౌలింగ్‌: అట్కిన్సన్‌ 27–3–127–3, టంగ్‌ 30–4–125–5, ఓవర్టన్‌ 22–2–98–2, బెథెల్‌ 4–0–13–0, రూట్‌ 5–1–15–0. ఇంగ్లండ్‌ రెండో ఇన్నింగ్స్‌: క్రాలీ (బి) సిరాజ్‌ 14; డకెట్‌ (బ్యాటింగ్‌) 34; ఎక్స్‌ట్రాలు 2; మొత్తం (13.5 ఓవర్లలో వికెట్‌ నష్టానికి) 50. వికెట్ల పతనం: 1–50. బౌలింగ్‌: ఆకాశ్‌దీప్‌ 5–1–15–0, ప్రసిధ్‌ 5–1–23–0, సిరాజ్‌ 3.5–0–11–1.

లండన్‌: అండర్సన్‌–టెండూల్కర్‌ ట్రోఫీలో ఆఖరి టెస్టు రసకందాయంగా జరుగుతోంది. రెండో రోజును ఇరు జట్ల బౌలర్లు శాసించారు. దీంతో ఒక్క రోజే 15 వికెట్లు నేలకూలాయి. ముందుగా భారత్‌ తొలి ఇన్నింగ్స్‌ ఇలా మొదలవగానే అలా 224 పరుగుల వద్ద ముగిసింది. మరోవైపు జోరుగా మొదలైన ఇంగ్లండ్‌ రెండో ఇన్నింగ్స్‌ అంతే జోరుగా కుప్పకూలింది. 92 పరుగుల వరకు వికెట్‌ కోల్పోని ఆతిథ్య జట్టు 247 పరుగులకే ఆలౌటైంది. కేవలం 23 పరుగుల ఆధిక్యమే లభించగా... అనంతరం రెండో ఇన్నింగ్స్‌ ఆరంభించిన భారత్‌ ఆట నిలిచే సమయానికి 18 ఓవర్లలో 2 వికెట్ల నష్టానికి 75 పరుగులు చేసింది. రాహుల్‌ (7), సాయి సుదర్శన్‌ (11) వెనుదిరగ్గా... యశస్వి జైస్వాల్‌ (49 బంతుల్లో 51 బ్యాటింగ్‌; 7 ఫోర్లు, 2 సిక్స్‌లు) వేగంగా ఆడి అజేయ అర్ధ శతకంతో నిలిచాడు. జైస్వాల్‌తో ఆకాశ్‌దీప్‌ (4 బ్యాటింగ్‌) క్రీజులో ఉన్నాడు. జైస్వాల్‌ ఇచ్చిన రెండు క్యాచ్‌లు ఇంగ్లండ్‌ ఫీల్డర్లు వదిలేయడం కలిసొచ్చింది. ప్రస్తుతం టీమిండియా 52 పరుగుల ఆధిక్యంలో ఉంది. 34 బంతుల్లోనే ముగిసె... రెండో రోజు ఆట మొదలైన కొద్దిసేపటికే భారత్‌ ఆలౌటైంది. 204/6 ఓవర్‌నైట్‌ స్కోరుతో శుక్రవారం తొలి ఇన్నింగ్స్‌ కొనసాగించిన భారత్‌ మిగిలిన నాలుగు వికెట్లను తొలి అర గంటలోనే కోల్పోయింది. మూడో ఓవర్లోనే ఓవర్‌నైట్‌ స్పెషలిస్ట్‌ బ్యాటర్‌ కరుణ్‌ నాయర్‌ను (109 బంతుల్లో 57; 8 ఫోర్లు) టంగ్‌ వికెట్ల ముందు దొరకబుచ్చుకున్నాడు. దీంతో 218 పరుగుల వద్ద ఏడో వికెట్‌ పడింది. ఆ తర్వాత 6 పరుగుల వ్యవధిలోనే అట్కిన్సన్‌... వాషింగ్టన్‌ సుందర్‌ (55 బంతుల్లో 26; 3 ఫోర్లు), సిరాజ్‌ (0), ప్రసిధ్‌ కృష్ణ (0) వికెట్లను పడగొట్టాడు. దీంతో భారత్‌ తొలి ఇన్నింగ్స్‌ 69.4 ఓవర్లలో 224 వద్ద ముగిసింది. రెండో రోజు భారత్‌ కేవలం 20 పరుగులే చేయగలిగింది. అట్కిన్సన్‌కు ఐదు వికెట్లు దక్కాయి. ఓపెనింగ్‌ జోరులో... ఇంగ్లండ్‌ తొలి ఇన్నింగ్స్‌ దూకుడుగా మొదలైంది. క్రాలీ, డకెట్‌ పేసర్లపై బౌండరీలతో విరుచుకుపడ్డారు. సిరాజ్‌ మూడో ఓవర్లో క్రాలీ 2 ఫోర్లు కొడితే... ఆకాశ్‌దీప్‌ ఓవర్లో డకెట్‌ మూడు ఫోర్లు బాదాడు. సిరాజ్, ప్రసిధ్‌ కృష్ణ ఇలా ఎవరిని విడిచిపెట్టకుండా యథేచ్చగా ఆడేశారు. బౌండరీలు, సిక్స్‌లతో వన్డేను తలపించే ‘పవర్‌ ప్లే’లా సాగిన ఓపెనింగ్‌ జోరుతో ఇంగ్లండ్‌ 12 ఓవర్లలోనే 92 పరుగులు చేసింది. ఈ దూకుడుకు మరుసటి ఓవర్లో డకెట్‌ (38 బంతుల్లో 43; 5 ఫోర్లు, 2 సిక్స్‌లు)ను అవుట్‌ చేయడం ద్వారా ఆకాశ్‌దీప్‌ బ్రేకులేశాడు. 15వ ఓవర్లో ఇంగ్లండ్‌ వందకు చేరగా, క్రాలీ 42 బంతుల్లోనే ఫిఫ్టీ పూర్తిచేసుకున్నాడు. 109/1 స్కోరు వద్ద లంచ్‌ బ్రేక్‌కు వెళ్లారు. రెండో సెషన్‌లో బౌలర్ల హవా ఆ తర్వాత కూడా బజ్‌బాల్‌ ఆట ఆడిన క్రాలీని ప్రసి«ద్‌కృష్ణ పెవిలియన్‌ చేర్చాడు. ఇక్కడి నుంచి బౌలింగ్‌ ప్రతాపం మొదలైంది. సిరాజ్‌ నిప్పులు చెరిగే బౌలింగ్‌తో విలువైన వికెట్లను పడేశాడు. పోప్‌ (22; 4 ఫోర్లు), జో రూట్‌ (29; 6 ఫోర్లు), బెథెల్‌ (6)లను వరుస విరామాల్లో సిరాజ్‌ అవుట్‌ చేయడంతో 196 పరుగుల వద్ద 5 వికెట్లను కోల్పోయింది. జట్టు స్కోరు 200 దాటాక స్మిత్‌ (8), ఓవర్టన్‌ (0)లను ప్రసిధ్‌ కృష్ణ పెవిలియన్‌ చేర్చాడు. 215/7 స్కోరు వద్ద రెండో సెషన్‌ ముగిసింది. టెయిలెండర్ల అండతో 57 బంతుల్లో అర్ధ సెంచరీ సాధించిన బ్రూక్‌ను సిరాజ్‌ బౌల్డ్‌ చేశాడు. తొలి రోజు ఫీల్డింగ్‌లో భుజానికి గాయమైన వోక్స్‌ ఈ మ్యాచ్‌కు పూర్తిగా దూరమయ్యాడు. దాంతో 9 వికెట్లకే ఇంగ్లండ్‌ ఇన్నింగ్స్‌ ముగిసింది. తొలి ఇన్నింగ్స్‌లో ఆతిథ్య జట్టుకు 23 పరుగుల స్వల్ప ఆధిక్యం లభించింది.జట్టునుంచి బుమ్రా విడుదలఐదో టెస్టుకు దూరమైన పేస్‌ బౌలర్‌ జస్‌ప్రీత్‌ బుమ్రాను బీసీసీఐ జట్టు నుంచి విడుదల చేసింది. దీని వల్ల అతను ఈ టెస్టు జరిగే సమయంలో టీమ్‌తో పాటు ఉండాల్సిన అవసరం లేదు. ఈ సిరీస్‌లో ముందుగా అనుకున్నట్లుగానే 3 టెస్టులే ఆడిన బుమ్రా 14 వికెట్లు పడగొట్టాడు. ఇంగ్లండ్‌ పర్యటన ముగిసిన తర్వాత వచ్చే నెలలో భారత్‌ ఆసియా కప్‌ టి20 టోర్నీ ఆడనుంది. బుమ్రా ఇందులో ఆడతాడా లేదా అనే విషయంపై సెలక్టర్లు తర్వాత నిర్ణయం తీసుకుంటారు.స్కోరు వివరాలు భారత్‌ తొలిఇన్నింగ్స్‌: జైస్వాల్‌ (ఎల్బీడబ్ల్యూ) (బి) అట్కిన్సన్‌ 2; రాహుల్‌ (బి) వోక్స్‌ 14; సుదర్శన్‌ (సి) స్మిత్‌ (బి) టంగ్‌ 38; గిల్‌ రనౌట్‌ 21; కరుణ్‌ (ఎల్బీడబ్ల్యూ) (బి) టంగ్‌ 57; జడేజా (సి) స్మిత్‌ (బి) టంగ్‌ 9; జురేల్‌ (సి) బ్రూక్‌ (బి) అట్కిన్సన్‌ 19; సుందర్‌ (సి) ఓవర్టన్‌ (బి) అట్కిన్సన్‌ 26; ఆకాశ్‌దీప్‌ నాటౌట్‌ 0; సిరాజ్‌ (బి) అట్కిన్సన్‌ 0; ప్రసి«ద్‌కృష్ణ (సి) స్మిత్‌ (బి) అట్కిన్సన్‌ 0; ఎక్స్‌ట్రాలు 38; మొత్తం (69.4 ఓవర్లలో ఆలౌట్‌) 224. వికెట్ల పతనం: 1–10, 2–38, 3–83, 4–101, 5–123, 6–153, 7–218, 8–220, 9–224, 10–224. బౌలింగ్‌: వోక్స్‌ 14–1–46–1, అట్కిన్సన్‌ 21.4–8–33–5, టంగ్‌ 16–4–57–3, ఓవర్టన్‌ 16–0–66–0, బెథెల్‌ 2–1–4–0. ఇంగ్లండ్‌ తొలిఇన్నింగ్స్‌: క్రాలీ (సి) జడేజా (బి) ప్రసిధ్‌ 64, డకెట్‌ (సి) జురేల్‌ (బి) ఆకాశ్‌దీప్‌ 43; ఒలీ పోప్‌ (ఎల్బీడబ్ల్యూ) (బి) సిరాజ్‌ 22; రూట్‌ (ఎల్బీడబ్ల్యూ) (బి) సిరాజ్‌ 29; బ్రూక్‌ (బి) సిరాజ్‌ 53; బెథెల్‌ (ఎల్బీడబ్ల్యూ) (బి) సిరాజ్‌ 6; స్మిత్‌ (సి) రాహుల్‌ (బి) ప్రసిధ్‌ 8; ఓవర్టన్‌ (ఎల్బీడబ్ల్యూ) (బి) ప్రసిధ్‌ 0; అట్కిన్సన్‌ (సి) ఆకాశ్‌దీప్‌ (బి) ప్రసిధ్‌ 11; టంగ్‌ నాటౌట్‌ 0; వోక్స్‌ అబ్సెంట్‌ హర్ట్‌; ఎక్స్‌ట్రాలు 11; మొత్తం (51.2 ఓవర్లలో ఆలౌట్‌) 247. వికెట్ల పతనం: 1–92, 2–129, 3–142, 4–175, 5–195, 6–215, 7–215, 8–235, 9–247. బౌలింగ్‌: సిరాజ్‌ 16.2–1–86–4, ఆకాశ్‌దీప్‌ 17–0–80–1, ప్రసి«ద్‌కృష్ణ 16–1–62–4, జడేజా 2–0–11–0. భారత్‌ రెండో ఇన్నింగ్స్‌: జైస్వాల్‌ బ్యాటింగ్‌ 51; రాహుల్‌ (సి) రూట్‌ (బి) టంగ్‌ 7; సుదర్శన్‌ (ఎల్బీడబ్ల్యూ) (బి) అట్కిన్సన్‌ 11; ఆకాశ్‌దీప్‌ బ్యాటింగ్‌ 4; ఎక్స్‌ట్రాలు 2; మొత్తం (18 ఓవర్లలో 2 వికెట్లకు) 75. వికెట్ల పతనం: 1–46, 2–70. బౌలింగ్‌: అట్కిన్సన్‌ 6–2–26–1, టంగ్‌ 7–1–25–1, ఓవర్టన్‌ 5–1–22–0.

ఓవల్‌ టెస్ట్‌లో ఇంగ్లండ్‌ తొలి ఇన్నింగ్స్‌ ముగిసింది. టీమిండియా పేసర్లు మొహమ్మద్‌ సిరాజ్‌ (16.2-1-86-4), ప్రసిద్ద్‌ కృష్ణ (16-1-62-4), ఆకాశ్‌దీప్‌ (17-0-80-1) చెలరేగడంతో ఆతిథ్య జట్టు 9 వికెట్ల నష్టానికి 247 పరుగులు చేసింది. తొలి రోజు ఫీల్డింగ్‌ చేస్తూ గాయపడిన క్రిస్‌ వోక్స్‌ మ్యాచ్‌ మొత్తానికి దూరం కావడంతో బ్యాటింగ్‌కు రాలేదు. దీంతో ఇంగ్లండ్‌ ఇన్నింగ్స్‌కు 247 పరుగుల వద్ద పుల్‌ స్టాప్‌ పడింది. ఆ జట్టుకు 23 పరుగుల స్వల్ప ఆధిక్యం లభించింది.ఇంగ్లండ్‌ ఇన్నింగ్స్‌లో జాక్‌ క్రాలే 64, బెన్‌ డకెట్‌ 43, ఓలీ పోప్‌ 22, జో రూట్‌ 29, హ్యారీ బ్రూక్‌ 53, జేకబ్‌ బేతెల్‌ 6, జేమీ స్మిత్‌ 8, జేమీ ఓవర్టన్‌ డకౌటయ్యరు. అంతకుముందు భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో యశస్వి జైస్వాల్‌ 2, కేఎల్‌ రాహుల్‌ 14, సాయి సుదర్శన్‌ 38, శుభ్‌మన్‌ గిల్‌ 21, కరుణ్‌ నాయర్‌ 57, రవీంద్ర జడేజా 9, ధ్రువ్‌ జురెల్‌ 19, వాషింగ్టన్‌ సుందర్‌ 26, సిరాజ్‌, ప్రసిద్ద్‌ డకౌట్‌ అయ్యారు. కాగా, ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడిన విషయం తెలిసిందే.

ఇంగ్లండ్‌ పతనాన్ని అడ్డుకున్న వరుణుడుతొలి ఇన్నింగ్స్‌ ఇంగ్లండ్‌ పతనాన్ని వరుణుడు అడ్డుకున్నాడు. 242 పరుగులకు 8 వికెట్లు కోల్పోయిన దశలో ఒక్కసారిగా భారీ వర్షం ప్రారంభమైంది. ప్రస్తుతం ఇంగ్లండ్‌ భారత్‌ తొలి ఇన్నింగ్స్‌ స్కోర్‌ దాటి 18 పరుగుల ఆధిక్యంలో ఉంది. హ్యారీ బ్రూక్‌ (48), జోష్‌ టంగ్‌ (0) క్రీజ్‌లో ఉన్నారు. ఇంగ్లండ్‌ ఇన్నింగ్స్‌లో క్రిస్‌ వోక్స్‌ ఆడే అవకాశం లేదు. గాయం కారణంగా వోక్స్‌ తదుపరి మ్యాచ్‌కు అందుబాటులో లేడు. తొలి రోజు ఆట సందర్భంగా వోక్స్‌ భుజానికి తీవ్ర గాయమైంది.ఇంగ్లండ్‌తో జరుగుతున్న ఐదో టెస్ట్‌లో భారత పేసర్లు చెలరేగిపోతున్నారు. నిప్పులు చెరిగే బంతులతో ఇంగ్లండ్‌ బ్యాటర్లను బెంబేలెత్తిస్తున్నారు. సిరాజ్‌ (12-1-66-3), ప్రసిద్ద్‌ కృష్ణ (11.5-0-51-3), ఆకాశ్‌దీప్‌ (17-0-80-1) పోటీ పడి సత్తా చాటుతుండటంతో ఇంగ్లండ్‌ తొలి ఇన్నింగ్స్‌లో పతనం అంచుల్లో ఉంది. రెండో రోజు టీ విరామం సమయానికి ఆ జట్టు 215 పరుగులకే 7 వికెట్లు కోల్పోయింది.టీ విరామానికి ముందు ఓవర్‌లో ప్రసిద్ద్‌ విజృంభించాడు. ఐదు బంతుల వ్యవధిలో జేమీ స్మిత్‌, జేమీ ఓవర్టన్‌లను పెవిలియన్‌కు పంపాడు. ప్రస్తుతం ఇంగ్లండ్‌ భారత్‌ తొలి ఇన్నింగ్స్‌ స్కోర్‌కు ఇంకా 9 పరుగులు వెనుకపడి ఉంది. హ్యారీ బ్రూక్‌ (33) ఒంటరి పోరాటం చేస్తున్నాడు.ఇంగ్లండ్‌ ఇన్నింగ్స్‌లో జాక్‌ క్రాలే 64, బెన్‌ డకెట్‌ 43, ఓలీ పోప్‌ 22, జో రూట్‌ 29, జేకబ్‌ బేతెల్‌ 6, జేమీ స్మిత్‌ 8, జేమీ ఓవర్టన్‌ డకౌటయ్యాడు. అంతకుముందు భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో యశస్వి జైస్వాల్‌ 2, కేఎల్‌ రాహుల్‌ 14, సాయి సుదర్శన్‌ 38, శుభ్‌మన్‌ గిల్‌ 21, కరుణ్‌ నాయర్‌ 57, రవీంద్ర జడేజా 9, ధ్రువ్‌ జురెల్‌ 19, వాషింగ్టన్‌ సుందర్‌ 26, సిరాజ్‌, ప్రసిద్ద్‌ డకౌట్‌ అయ్యారు. కాగా, ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడిన విషయం తెలిసిందే.

ఇంగ్లండ్‌తో జరుగుతున్న ఐదో టెస్ట్‌లో టీమిండియా స్టార్‌ పేసర్‌ మొహమ్మద్‌ సిరాజ్‌ ఓ అరుదైన మైలురాయిని తాకాడు. ఈ మ్యాచ్‌లో ఓలీ పోప్‌ వికెట్‌ తీయడంతో అంతర్జాతీయ క్రికెట్‌లో 200 వికెట్లు పూర్తి చేసుకున్నాడు. సిరాజ్‌ 41 టెస్ట్‌ మ్యాచ్‌ల్లో 117 వికెట్లు.. 44 వన్డేల్లో 71 వికెట్లు.. 16 టీ20ల్లో 14 వికెట్లు తీశాడు.ఈ మ్యాచ్‌లో సిరాజ్‌ ఓలీ పోప్‌ వికెట్‌ తర్వాత మరో రెండు వికెట్లు కూడా తీశాడు. జో రూట్‌, బేకబ్‌ బేతెల్‌లను పెవిలియన్‌కు పంపాడు. ఈ మ్యాచ్‌లో సిరాజ్‌ ఇప్పటివరకు 3 వికెట్లు తీశాడు. సిరాజ్‌ తీసిన 3 వికెట్లు ఎల్బీడబ్ల్యూలే కావడం విశేషం.సిరాజ్‌ చెలరేగడంతో టీమిండియా మ్యాచ్‌పై ఆశలు సజీవంగా ఉంచుకుంది. సిరాజ్‌తో పాటు ఆకాశ్‌దీప్‌, ప్రసిద్ద్‌ కృష్ణ (తలో వికెట్‌) కూడా తలో చేయి వేయడంతో ఇంగ్లండ్‌ 195 పరుగులకే 5 వికెట్లు కోల్పోయింది. ఇంగ్లండ్‌ ఇన్నింగ్స్‌లో జాక్‌ క్రాలే (64), బెన్‌ డకెట్‌ (43), ఓలీ పోప్‌ (22), జో రూట్‌ (29), జేకబ్‌ బేతెల్‌ (6) ఔట్‌ కాగా.. హ్యారీ బ్రూక్‌ (22), జేమీ స్మిత్‌ (5) క్రీజ్‌లో ఉన్నారు.అంతకుముందు భారత్‌ తొలి ఇన్నింగ్స్‌లో 224 పరుగులకే ఆలౌటైంది. భారత ఇన్నింగ్స్‌లో యశస్వి జైస్వాల్‌ 2, కేఎల్‌ రాహుల్‌ 14, సాయి సుదర్శన్‌ 38, శుభ్‌మన్‌ గిల్‌ 21, కరుణ్‌ నాయర్‌ 57, రవీంద్ర జడేజా 9, ధ్రువ్‌ జురెల్‌ 19, వాషింగ్టన్‌ సుందర్‌ 26, సిరాజ్‌, ప్రసిద్ద్‌ డకౌట్‌ అయ్యారు. కాగా, ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడిన విషయం తెలిసిందే.

ఓవల్‌ వేదికగా ఇంగ్లండ్‌తో జరుగుతున్న ఐదో టెస్ట్‌లో టీమిండియా ఓ రికార్డును తిరగరాసింది. ఓ టెస్ట్‌ సిరీస్‌లో అత్యధిక పరుగుల విభాగంలో భారత్‌ తమ పూర్వపు రికార్డును బద్దలు కొట్టింది. 1978-79 వెస్టిండీస్‌ సిరీస్‌లో భారత్‌ ఆరు టెస్ట్‌ మ్యాచ్‌లు ఆడి 3270 పరుగులు చేసింది. ప్రస్తుత ఇంగ్లండ్‌ సిరీస్‌కు ముందు ఓ సిరీస్‌లో భారత జట్టు చేసిన అత్యధిక పరుగులు ఇవే.ప్రస్తుత సిరీస్‌తో టీమిండియా తమ పాత రికార్డును బద్దలు కొట్టి కొత్త రికార్డును నెలకొల్పింది. ఈ ఇంగ్లండ్‌ సిరీస్‌లో భారత్‌ ఐదో టెస్ట్‌ మ్యాచ్‌ తొలి రోజు పాత రికార్డును చెరిపేసింది. తొలి రోజు భారత్‌ తొలి ఇన్నింగ్స్‌లో 6 వికెట్ల నష్టానికి 204 పరుగులు చేసింది. ఈ స్కోర్‌తో ఈ సిరీస్‌లో భారత్‌ పరుగుల సంఖ్య 3393 పరుగులకు చేరింది.ఈ సిరీస్‌ మొత్తంలో భారత్‌ చేసిన ఈ పరుగులు 1995 నుంచి ఓ సిరీస్‌లో ఓ జట్టుచే చేయబడిన అత్యధిక పరుగులు కూడా కావడం మరో విశేషం.మ్యాచ్‌ విషయానికొస్తే.. 204/6 స్కోర్‌ వద్ద రెండు రోజు ఆట ప్రారంభించిన భారత్‌.. సెషన్‌ ప్రారంభమైన గంటలోపే 224 పరుగులకు ఆలౌటైంది. ఓవర్‌నైట్‌ బ్యాటర్లు కరుణ్‌ నాయర్‌, వాషింగ్టన్‌ సుందర్‌ పెద్దగా పరుగులేమీ జోడించకుండానే పెవిలియన్‌కు చేరారు. ఆతర్వాత వచ్చిన సిరాజ్‌, ప్రసిద్ద్‌ కృష్ణ కనీసం ఖాతా కూడా తెరవకుండానే ఔటయ్యారు.ఇవాల్టి ఆటలో అట్కిన్సన్‌ వీర లెవెల్లో విజృంభించాడు. చివరి నాలుగు వికెట్లలో మూడు వికెట్లు (సుందర్‌, సిరాజ్‌, ప్రసిద్ద్‌) అతనే తీశాడు. చాలాకాలం తర్వాత అర్దసెంచరీతో రాణించిన కరుణ్‌ను టంగ్‌ బోల్తా కొట్టించాడు.ఇంగ్లండ్‌ పేసర్‌ గస్‌ అట్కిన్సన్‌ (21.4-8-33-5) ధాటికి భారత ఇన్నింగ్స్‌ పేకమేడలా కూలింది. అట్కిన్సన్‌కు జోష్‌ టంగ్‌ (16-4-57-3), క్రిస్‌ వోక్స్‌ (14-1-46-1) సహకరించారు.భారత ఇన్నింగ్స్‌లో యశస్వి జైస్వాల్‌ 2, కేఎల్‌ రాహుల్‌ 14, సాయి సుదర్శన్‌ 38, శుభ్‌మన్‌ గిల్‌ 21, కరుణ్‌ నాయర్‌ 57, రవీంద్ర జడేజా 9, ధ్రువ్‌ జురెల్‌ 19, వాషింగ్టన్‌ సుందర్‌ 26, సిరాజ్‌, ప్రసిద్ద్‌ డకౌట్‌ అయ్యారు. అనంతరం తొలి ఇన్నింగ్స్‌ ప్రారంభించిన ఇంగ్లండ్‌ రెండో రోజు రెండో సెషన్‌ సమయానికి 2 వికెట్ల నష్టానికి 134 పరుగులు చేసింది. జాక్‌ క్రాలే (64), బెన్‌ డకెట్‌ (43) ఔట్‌ కాగా.. ఓలీ పోప్‌ (18), జో రూట్‌ (4) క్రీజ్‌లో ఉన్నారు. భారత బౌలర్లలో ఆకాశ్‌దీప్‌, ప్రసిద్ద్‌ కృష్ణ తలో వికెట్‌ తీశారు. కాగా, ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడిన విషయం తెలిసిందే.

ఇంగ్లండ్‌తో ఐదో టెస్ట్‌లో టీమిండియా చెత్త ఆటతీరును ప్రదర్శించింది. తొలి ఇన్నింగ్స్‌లో కేవలం 224 పరుగులకే ఆలౌటైంది. ఇంగ్లండ్‌ పేసర్‌ గస్‌ అట్కిన్సన్‌ (21.4-8-33-5) ధాటికి భారత ఇన్నింగ్స్‌ పేకమేడలా కూలింది. అట్కిన్సన్‌కు జోష్‌ టంగ్‌ (16-4-57-3), క్రిస్‌ వోక్స్‌ (14-1-46-1) సహకరించారు.204/6 వద్ద రెండు రోజు ఆట ప్రారంభించిన భారత్‌.. సెషన్‌ ప్రారంభమైన గంటలోపే ఆలౌటైంది. ఓవర్‌నైట్‌ బ్యాటర్లు కరుణ్‌ నాయర్‌, వాషింగ్టన్‌ సుందర్‌ పెద్దగా పరుగులేమీ జోడించకుండానే పెవిలియన్‌కు చేరారు. ఆతర్వాత వచ్చిన సిరాజ్‌, ప్రసిద్ద్‌ కృష్ణ కనీసం ఖాతా కూడా తెరవలేకపోయారు.ఇవాల్టి ఆటలో అట్కిన్సన్‌ వీర లెవెల్లో విజృంభించాడు. చివరి నాలుగు వికెట్లలో మూడు వికెట్లు (సుందర్‌, సిరాజ్‌, ప్రసిద్ద్‌) అతనే తీశాడు. చాలాకాలం తర్వాత అర్దసెంచరీతో రాణించిన కరుణ్‌ను టంగ్‌ బోల్తా కొట్టించాడు.భారత ఇన్నింగ్స్‌లో యశస్వి జైస్వాల్‌ 2, కేఎల్‌ రాహుల్‌ 14, సాయి సుదర్శన్‌ 38, శుభ్‌మన్‌ గిల్‌ 21, కరుణ్‌ నాయర్‌ 57, రవీంద్ర జడేజా 9, ధ్రువ్‌ జురెల్‌ 19, వాషింగ్టన్‌ సుందర్‌ 26, సిరాజ్‌, ప్రసిద్ద్‌ డకౌట్‌ అయ్యారు. ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడిన విషయం తెలిసిందే.

మొదటిరోజు ఆట ముగిసే సమయానికి 6 వికెట్ల నష్టానికి టీమిండియా 204 పరుగులు చేసింది. కరుణ్‌ నాయర్‌ 52(98), వాషింగ్టన్ సుందర్ 19(45) పరుగులతో క్రీజులో ఉన్నారు. ఇంగ్లండ్‌ బౌలర్లలో జోష్‌ టంగ్‌ , గస్‌ అట్కిన్సన్‌ చెరో రెండు వికెట్లు సాధించగా క్రిస్‌ వోక్స్‌ ఒక వికెట్‌ పడగొట్టాడు. ఇంగ్లండ్‌తో జరుగుతున్న చివరిదైన ఐదో టెస్ట్‌లో టీమిండియా పీకల్లోతు కష్టాల్లో కూరుకుపోయింది. వర్షం అంతరాయాల నడుమ సాగుతున్న ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన భారత్‌ 123 పరుగులకే సగం వికెట్లు కోల్పోయింది. యశస్వి జైస్వాల్‌ 2, కేఎల్‌ రాహుల్‌ 14, సాయి సుదర్శన్‌ 38, శుభ్‌మన్‌ గిల్‌ 21, రవీంద్ర జడేజా 9 పరుగులకు ఔట్‌ కాగా.. కరుణ్‌ నాయర్‌ (9), ధ్రువ్‌ జురెల్‌ (0) క్రీజ్‌లో ఉన్నారు.ఇంగ్లండ్‌ బౌలర్లలో జోష్‌ టంగ్‌ 2, క్రిస్‌ వోక్స్‌, గస్‌ అట్కిన్సన్‌ తలో వికెట్‌ తీయగా.. శుభ్‌మన్‌ గిల్‌ రనౌటయ్యాడు. ప్రస్తుతం ఔటైన వారంతా మంచి ఫామ్‌లో ఉన్న ఆటగాళ్లే. కొత్తగా జట్టులోకి వచ్చిన ధ్రువ్‌, ఈ సిరీస్‌లోనే ఆరు ఇన్నింగ్స్‌ల్లో దారుణంగా విఫలమైన కరుణ్‌ నాయర్‌ టీమిండియాను ఏమేరకు ఆదుకుంటారో చూడాలి. వీరిద్దరి తర్వాత గత మ్యాచ్‌ సెంచరీ హీరో వాషింగ్టన్‌ సుందర్‌పైనే టీమిండియా ఆశలన్నీ ఉన్నాయి. వీరే టీమిండియాను గట్టెక్కించాలి.కాగా, ఈ మ్యాచ్‌ కోసం భారత్‌, ఇంగ్లండ్‌ జట్లు చెరో నాలుగు మార్పులు చేశాయి. భారత్‌ తరఫున రిషబ్‌ పంత్‌, శార్దూల్‌ ఠాకూర్‌, బుమ్రా, అన్షుల్‌ కంబోజ్‌ స్థానాల్లో ధ్రువ్‌ జురెల్‌, కరుణ్‌ నాయర్‌, ప్రసిద్ద్‌ కృష్ణ, ఆకాశ్‌దీప్‌ తుది జట్టులోకి రాగా.. ఇంగ్లండ్‌ తరఫున బెన్‌ స్టోక్స్, ‌జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బేతెల్‌, గస్‌ అట్కిన్సన్‌, జోష్‌ టంగ్‌, జేమీ ఓవర్టన్‌ ప్లేయింగ్‌ ఎలెవెన్‌లోకి వచ్చారు.ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉన్న విషయం తెలిసిందే. ఈ మ్యాచ్‌లో గెలిస్తేనే భారత్‌ సిరీస్‌ను సమం చేసుకోగలుగుతుంది. ఓడినా, డ్రా అయినా ఇంగ్లండే సిరీస్‌ ఎగరేసుకుపోతుంది. తుది జట్లు..భారత్ (ప్లేయింగ్ XI): యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్(కెప్టెన్‌), కరుణ్ నాయర్, రవీంద్ర జడేజా, ధ్రువ్ జురెల్ (వికెట్‌కీపర్‌), వాషింగ్టన్ సుందర్, ఆకాశ్ దీప్, ప్రసిద్ధ్ కృష్ణ, మహమ్మద్ సిరాజ్ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, ఓలీ పోప్(కెప్టెన్‌), జో రూట్, హ్యారీ బ్రూక్, జాకబ్ బెథెల్, జామీ స్మిత్(వికెట్‌కీపర్‌), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్

కెన్నింగ్టన్‌ ఓవల్‌ వేదికగా ఇంగ్లండ్‌తో ఇవాళ (జులై 31) మొదలైన ఐదో టెస్ట్‌లో టీమిండియా కష్టాల్లో ఉంది. వరుణుడి అంతరాయాల నడుమ సాగుతున్న ఈ మ్యాచ్‌లో టాస్‌ ఓడి తొలుత బ్యాటింగ్‌ చేస్తున్న భారత్‌.. లంచ్‌ విరామం తర్వాత వర్షం ఆటంకం కలిగించే సమయానికి 3 వికెట్ల నష్టానికి 85 పరుగులు చేసింది.INDIA HAS GIFTED A WICKET TO ENGLAND IN TOUGH CONDITIONS 💔 pic.twitter.com/K3TweTiVGs— Johns. (@CricCrazyJohns) July 31, 2025ఆట నిలిచిపోయే సమయానికి 10 నిమిషాల ముందు భారత్‌ ఇంగ్లండ్‌కు ఓ ఫ్రీ గిఫ్ట్‌ ఇచ్చింది. శుభ్‌మన్‌ గిల్‌ (21) లేని పరుగు కోసం ప్రయత్నించి అనవసరంగా వికెట్‌ పారేసుకున్నాడు. అప్పటికే కష్టాల్లో ఉన్న టీమిండియాను గిల్‌ రనౌట్‌ మరింత ఇరకాటంలో పడేసింది. ఈ ఇన్నింగ్స్‌లో గిల్‌ మంచి టచ్‌లో ఉన్నట్లు కనిపించాడు. ఆడిన 35 బంతుల్లో 4 సొగసైన బౌండరీలు బాదాడు.సిరీస్‌లో తొలి మ్యాచ్‌ నుంచి భీకర ఫామ్‌లో ఉన్న గిల్‌ చీప్‌గా రనౌట్‌ కావడాన్ని భారత అభిమానులు జీర్ణించుకోలేకపోతున్నారు. అంతకుముందు భారత్‌ 38 పరుగులకే ఇద్దరు ఓపెనర్ల వికెట్లు కోల్పోయింది. యశస్వి జైస్వాల్‌ 2, కేఎల్‌ రాహుల్‌ 14 పరుగులు చేసి పలాయనం చిత్తగించారు. సాయి సుదర్శన్‌తో కలిసి ఇన్నింగ్స్‌ నిర్మించే ప్రయత్నం చేస్తున్న గిల్‌ అనవసరంగా రనౌటై టీమిండియాను కష్టాల్లోకి నెట్టేశాడు.ప్రస్తుతం సాయి సుదర్శన్‌తో (28) పాటు కరుణ్‌ నాయర్‌ (0) క్రీజ్‌లో ఉన్నాడు. ఇంగ్లండ్‌ బౌలర్లలో క్రిస్‌ వోక్స్‌ (రాహుల్‌), అట్కిన్సన్‌కు (జైస్వాల్‌) తలో వికెట్‌ దక్కింది. ఈ మ్యాచ్‌లో ఇంగ్లండ్‌ టాస్‌ గెలిచి టీమిండియాను బ్యాటింగ్‌కు ఆహ్వానించింది. వరుణుడు టాస్‌కు ముందు, లంచ్‌ విరామంలో ఓసారి, తాజాగా మరోసారి ఆటకు అడ్డుతగిలాడు. వాతావరణ శాఖ నివేదికల ప్రకారం ఈ రోజు ఆట అంతా ఇలాగే కొనసాగే అవకాశం ఉంది. మధ్యమధ్యలో వరుణుడు పలకరిస్తూ పోతుంటాడు.కాగా, ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉన్న విషయం తెలిసిందే. ఈ మ్యాచ్‌లో గెలిస్తేనే భారత్‌ సిరీస్‌ను సమం చేసుకోగలుగుతుంది. ఓడినా, డ్రా అయినా ఇంగ్లండే సిరీస్‌ ఎగరేసుకుపోతుంది.

కెన్నింగ్టన్‌ ఓవల్‌ వేదికగా ఇంగ్లండ్‌తో ఇవాళ (జులై 31) మొదలైన ఐదో టెస్ట్‌లో టీమిండియా ఓపెనర్‌ కేఎల్‌ రాహుల్‌ ఓ అరుదైన ఘనత సాధించాడు. ఈ మ్యాచ్‌లో 40 బంతులు ఎదుర్కొని బౌండరీ సాయంతో 14 పరుగులు చేసి ఔటైన రాహుల్‌.. ఈ సిరీస్‌లో తానెదుర్కొన్న బంతుల సంఖ్యను వెయ్యి (1000) దాటించాడు. తద్వారా గత 11 ఏళ్ల ఓ టెస్ట్‌ సిరీస్‌లో 1000 బంతులు ఎదుర్కొన్న ఏకైక భారత ఓపెనింగ్‌ బ్యాటర్‌గా రికార్డుల్లోకెక్కాడు. ఓవరాల్‌గా ఈ ఘనత సాధించిన మూడో భారత ఓపెనర్‌గా నిలిచాడు. రాహుల్‌కు ముందు మురళీ విజయ్‌, సునీల్‌ గవాస్కర్‌ మాత్రమే ఈ ఘనత సాధించారు.ఇదిలా ఉంటే, ఇంగ్లండ్‌తో ఐదో టెస్ట్‌లో టాస్‌ ఓడి తొలుత బ్యాటింగ్‌కు దిగిన భారత్‌ లంచ్‌ విరామం సమయానికి 2 వికెట్ల నష్టానికి 72 పరుగులు (23 ఓవర్లలో) చేసింది. సాయి సుదర్శన్‌ (25), శుభ్‌మన్‌ గిల్‌ (15) క్రీజ్‌లో ఉన్నారు. వర్షం అంతరాయం కలిగించడంతో లంచ్‌ బ్రేక్‌ను కాస్త ముందుగానే తీసుకున్నారు. వెట్‌ ఔట్‌ ఫీల్డ్‌ కారణంగా లంచ్‌ తర్వాత కూడా ఆట ఆలస్యమవుతుంది. మ్యాచ్‌ ప్రారంభానికి ముందు కూడా వరుణుడు అడ్డు తగిలాడు. దీంతో టాస్‌ కూడా ఆలస్యమైంది.ఆదిలోనే ఎదురుదెబ్బలుటాస్‌ ఓడి తొలుత బ్యాటింగ్‌కు దిగిన టీమిండియాకు ఆదిలోనే ఎదురుదెబ్బలు తగిలాయి. ఓపెనర్లు యశస్వి జైస్వాల్‌ (2), కేఎల్‌ రాహుల్‌ (14) జట్టు స్కోర్‌ కనీసం 50 పరుగులు కూడా దాటించకుండానే పెవిలియన్‌కు చేరారు. జట్టు స్కోర్‌ 10 పరుగుల వద్ద జైస్వాల్‌ను అట్కిన్సన్‌, 38 పరుగుల స్కోర్‌ వద్ద రాహుల్‌ను క్రిస్‌ వోక్స్‌ బోల్తా కొట్టించారు.చరిత్ర సృష్టించిన శుభ్‌మన్‌ గిల్‌ఈ సిరీస్‌లో భీకర ఫామ్‌లో ఉన్న శుభ్‌మన్‌ గిల్‌ ఈ ఇన్నింగ్స్‌లో ఓ ఆల్‌టైమ్‌ రికార్డును బద్దలు కొట్టి చరిత్ర సృష్టించాడు. 11 పరుగుల వ్యక్తిగత స్కోర్‌ వద్ద ఓ టెస్ట్‌ సిరీస్‌లో అత్యధిక పరుగులు చేసిన భారత కెప్టెన్‌గా సునీల్‌ గవాస్కర్‌ రికార్డును ఛేదించాడు.1978/79 వెస్టిండీస్‌ సిరీస్‌లో గవాస్కర్‌ భారత కెప్టెన్‌గా 732 పరుగులు చేయగా.. ప్రస్తుత సిరీస్‌లో గిల్‌ 737* పరుగుల వద్ద బ్యాటింగ్‌ను కొనసాగిస్తున్నాడు.చెరో నాలుగు మార్పులుఈ మ్యాచ్‌ కోసం భారత్‌, ఇంగ్లండ్‌ జట్లు చెరో నాలుగు మార్పులు చేశాయి. భారత్‌ తరఫున రిషబ్‌ పంత్‌, శార్దూల్‌ ఠాకూర్‌, బుమ్రా, అన్షుల్‌ కంబోజ్‌ స్థానాల్లో ధ్రువ్‌ జురెల్‌, కరుణ్‌ నాయర్‌, ప్రసిద్ద్‌ కృష్ణ, ఆకాశ్‌దీప్‌ తుది జట్టులోకి రాగా.. ఇంగ్లండ్‌ తరఫున బెన్‌ స్టోక్స్, ‌జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బేతెల్‌, గస్‌ అట్కిన్సన్‌, జోష్‌ టంగ్‌, జేమీ ఓవర్టన్‌ ప్లేయింగ్‌ ఎలెవెన్‌లోకి వచ్చారు.ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉన్న విషయం తెలిసిందే. ఈ మ్యాచ్‌లో గెలిస్తేనే భారత్‌ సిరీస్‌ను సమం చేసుకోగలుగుతుంది. ఓడినా, డ్రా అయినా ఇంగ్లండే సిరీస్‌ ఎగరేసుకుపోతుంది. తుది జట్లు..భారత్ (ప్లేయింగ్ XI): యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్(కెప్టెన్‌), కరుణ్ నాయర్, రవీంద్ర జడేజా, ధ్రువ్ జురెల్ (వికెట్‌కీపర్‌), వాషింగ్టన్ సుందర్, ఆకాశ్ దీప్, ప్రసిద్ధ్ కృష్ణ, మహమ్మద్ సిరాజ్ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, ఓలీ పోప్(కెప్టెన్‌), జో రూట్, హ్యారీ బ్రూక్, జాకబ్ బెథెల్, జామీ స్మిత్(వికెట్‌కీపర్‌), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్

ఇంగ్లండ్‌ గడ్డపై ఐదు మ్యాచ్‌ల సిరీస్‌లో టీమిండియా కెప్టెన్‌ శుభ్‌మన్‌ గిల్‌ వరుస పెట్టి రికార్డులు బద్దలు కొడుతున్నాడు. ఈ సిరీస్‌ ఆరంభం నుంచి భీకర ఫామ్‌లో ఉన్న గిల్‌.. తాజాగా మరో ఆల్‌టైమ్‌ రికార్డును బ్రేక్‌ చేసి చరిత్ర సృష్టించాడు.లండన్‌లోని కెన్నింగ్టన్‌ ఓవల్‌ మైదానంలో ఇవాళ (జులై 31) ఐదో టెస్ట్‌ ప్రారంభం కాగా.. భారత్‌ టాస్‌ ఓడి తొలుత బ్యాటింగ్‌కు దిగింది. కష్టమైన పిచ్‌పై తడబడుతూనే బ్యాటింగ్‌కు దిగిన భారత్‌కు ఆదిలోనే భారీ ఎదురుదెబ్బలు తగిలాయి. స్కోర్‌ 50 పరుగులు కూడా దాటకుండానే ఓపెనర్లు యశస్వి జైస్వాల్‌ (2), కేఎల్‌ రాహుల్‌ (14) పెవిలియన్‌కు చేరారు.ఈ దశలో బరిలోకి దిగిన గిల్‌.. ఎంతో సంయమనంగా బ్యాటింగ్‌ చేస్తూ లంచ్‌ విరామంలోపు మరో వికెట్‌ పడకుండా జాగ్రత్తగా ఆడాడు. ఈ క్రమంలో గిల్‌ సునీల్‌ గవాస్కర్‌ పేరిట ఉండిన ఓ ఆల్‌టైమ్‌ రికార్డును చెరిపేసి చరిత్రపుటల్లో తన పేరును లిఖించుకున్నాడు. 11 పరుగుల వ్యక్తిగత స్కోర్‌ వద్ద గిల్‌ ఓ టెస్ట్‌ సిరీస్‌లో అత్యధిక పరుగులు చేసిన భారత కెప్టెన్‌గా సునీల్‌ గవాస్కర్‌ రికార్డును బద్దలు కొట్టాడు.1978/79 వెస్టిండీస్‌ సిరీస్‌లో గవాస్కర్‌ 732 పరుగులు చేయగా.. ప్రస్తుత ఇంగ్లండ్‌ సిరీస్‌లో గిల్‌ ఈ రికార్డును తన ఖాతాలో వేసేసుకున్నాడు. ఈ సిరీస్‌లో గిల్‌ ఇప్పటివరకు 737* పరుగులు చేశాడు. తొలి రోజు లంచ్‌ విరామం సమయానికి భారత్‌ స్కోర్‌ 72/2గా ఉంది. గిల్‌ (15), సాయి సుదర్శన్‌ (25) క్రీజ్‌లో ఉన్నారు.ఓ టెస్ట్‌ సిరీస్‌లో అత్యధిక పరుగులు చేసిన భారత కెప్టెన్‌లు737* - శుభ్‌మన్ గిల్ vs ENG, 2025732 - సునీల్ గవాస్కర్ vs WI, 1978/79655 - విరాట్ కోహ్లీ vs ENG, 2016/17610 - విరాట్ కోహ్లీ vs SL, 2017/18593 - విరాట్ కోహ్లీ vs ENG, 2018కాగా, ఈ మ్యాచ్‌ కోసం భారత్‌, ఇంగ్లండ్‌ జట్లు చెరో నాలుగు మార్పులు చేశారు. భారత్‌ తరఫున రిషబ్‌ పంత్‌, శార్దూల్‌ ఠాకూర్‌, బుమ్రా, అన్షుల్‌ కంబోజ్‌ స్థానాల్లో ధ్రువ్‌ జురెల్‌, కరుణ్‌ నాయర్‌, ప్రసిద్ద్‌ కృష్ణ, ఆకాశ్‌దీప్‌ తుది జట్టులోకి రాగా.. ఇంగ్లండ్‌ తరఫున బెన్‌ స్టోక్స్, ‌జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బేతెల్‌, గస్‌ అట్కిన్సన్‌, జోష్‌ టంగ్‌, జేమీ ఓవర్టన్‌ ప్లేయింగ్‌ ఎలెవెన్‌లోకి వచ్చారు.ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉన్న విషయం తెలిసిందే. ఈ మ్యాచ్‌లో గెలిస్తేనే భారత్‌ సిరీస్‌ను సమం చేసుకోగలుగుతుంది. ఓడినా, డ్రా అయినా ఇంగ్లండే సిరీస్‌ ఎగరేసుకుపోతుంది. తుది జట్లు..భారత్ (ప్లేయింగ్ XI): యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్(కెప్టెన్‌), కరుణ్ నాయర్, రవీంద్ర జడేజా, ధ్రువ్ జురెల్ (వికెట్‌కీపర్‌), వాషింగ్టన్ సుందర్, ఆకాశ్ దీప్, ప్రసిద్ధ్ కృష్ణ, మహమ్మద్ సిరాజ్ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, ఓలీ పోప్(కెప్టెన్‌), జో రూట్, హ్యారీ బ్రూక్, జాకబ్ బెథెల్, జామీ స్మిత్(వికెట్‌కీపర్‌), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్

భారత్‌, ఇంగ్లండ్‌ మధ్య లండన్‌లోని కెన్నింగ్టన్‌ ఓవల్‌ వేదికగా ఇవాళ (జులై 31) ఐదో టెస్ట్‌ ప్రారంభమైంది. ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన టీమిండియాకు ఆదిలోనే ఎదురుదెబ్బలు తగిలాయి. ఓపెనర్లు యశస్వి జైస్వాల్‌ (2), కేఎల్‌ రాహుల్‌ (14) జట్టు స్కోర్‌ కనీసం 50 పరుగులు కూడా దాటించకుండానే పెవిలియన్‌కు చేరారు. జట్టు స్కోర్‌ 10 పరుగుల వద్ద జైస్వాల్‌ను అట్కిన్సన్‌, 38 పరుగుల స్కోర్‌ వద్ద రాహుల్‌ను క్రిస్‌ వోక్స్‌ బోల్తా కొట్టించారు.20 ఓవర్లు ముగిసే సమయానికి జట్టు స్కోర్‌ 56/2గా ఉంది. సాయి సుదర్శన్‌ (18), శుభ్‌మన్‌ గిల్‌ (6) క్రీజ్‌లో ఉన్నారు.కాగా, ఈ మ్యాచ్‌ కోసం భారత్‌, ఇంగ్లండ్‌ జట్లు చెరో నాలుగు మార్పులు చేశాయి. భారత్‌ తరఫున రిషబ్‌ పంత్‌, శార్దూల్‌ ఠాకూర్‌, బుమ్రా, అన్షుల్‌ కంబోజ్‌ స్థానాల్లో ధ్రువ్‌ జురెల్‌, కరుణ్‌ నాయర్‌, ప్రసిద్ద్‌ కృష్ణ, ఆకాశ్‌దీప్‌ తుది జట్టులోకి రాగా.. ఇంగ్లండ్‌ తరఫున బెన్‌ స్టోక్స్, ‌జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బేతెల్‌, గస్‌ అట్కిన్సన్‌, జోష్‌ టంగ్‌, జేమీ ఓవర్టన్‌ ప్లేయింగ్‌ ఎలెవెన్‌లోకి వచ్చారు.ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉన్న విషయం తెలిసిందే. ఈ మ్యాచ్‌లో గెలిస్తేనే భారత్‌ సిరీస్‌ను సమం చేసుకోగలుగుతుంది. ఓడినా, డ్రా అయినా ఇంగ్లండే సిరీస్‌ ఎగరేసుకుపోతుంది. తుది జట్లు..భారత్ (ప్లేయింగ్ XI): యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్(కెప్టెన్‌), కరుణ్ నాయర్, రవీంద్ర జడేజా, ధ్రువ్ జురెల్ (వికెట్‌కీపర్‌), వాషింగ్టన్ సుందర్, ఆకాశ్ దీప్, ప్రసిద్ధ్ కృష్ణ, మహమ్మద్ సిరాజ్ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, ఓలీ పోప్(కెప్టెన్‌), జో రూట్, హ్యారీ బ్రూక్, జాకబ్ బెథెల్, జామీ స్మిత్(వికెట్‌కీపర్‌), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్

టాస్‌ విషయంలో టీమిండియా ఇప్పటికే తమ ఖాతాలో ఉన్న చెత్త రికార్డును మరింత మెరుగుపర్చుకుంది. వరుసగా 14 అంతర్జాతీయ మ్యాచ్‌ల్లో టాస్‌ ఓడి.. వరుసగా అత్యధిక మ్యాచ్‌ల్లో టాస్‌ ఓడిన జట్టుగా చలామణి అవుతున్న భారత్‌.. తాజాగా ఇంగ్లండ్‌తో ఐదో టెస్ట్‌లోనూ టాస్‌ ఓడి తమ వరుస టాస్‌ ఓటముల సంఖ్యను 15కు పెంచుకుంది. అంతర్జాతీయ క్రికెట్‌లో ఏ జట్టు ఇప్పటివరకు వరుసగా ఇన్ని మ్యాచ్‌ల్లో టాస్‌లు ఓడలేదు.ఇంగ్లండ్‌తో ఐదో టెస్ట్‌ కలుపుకొని భారత్‌ వరుసగా ఐదు టెస్ట్‌లు, అంతకుముందు 8 వన్డేలు, 2 టీ20ల్లో టాస్‌ కోల్పోయింది. భారత్‌ చివరిసారిగా ఈ ఏడాది జనవరిలో సూర్యకుమార్‌ యాదవ్‌ నేతృత్వంలో (రాజ్‌కోట్‌లో ఇంగ్లండ్‌తో జరిగిన టీ20 మ్యాచ్‌) టాస్‌ గెలిచింది.టాస్‌ విషయంలో భారత్‌ కెప్టెన్‌గా శుభ్‌మన్‌ గిల్‌ కూడా ఓ చెత్త రికార్డును మూటగట్టుకున్నాడు. ఇంగ్లండ్‌తో సిరీస్‌తోనే భారత కెప్టెన్‌గా అరంగేట్రం చేసిన గిల్‌.. ఈ సిరీస్‌లో వరుసగా ఐదు మ్యాచ్‌ల్లో టాస్‌ ఓడాడు. తద్వారా కెప్టెన్‌గా అరంగేట్రం సిరీస్‌లోనే ఐదు మ్యాచ్‌ల్లో టాస్‌ ఓడిన కెప్టెన్‌గా నిలిచాడు. టెస్ట్‌ క్రికెట్‌ చరిత్రలో ఓ జట్టు ఐదు మ్యాచ్‌ల సిరీస్‌లో అన్ని మ్యాచ్‌ల్లో టాస్‌లు ఓడటం ఇది 14వ సారి.మ్యాచ్‌ విషయానికొస్తే.. లండన్‌లోని కెన్నింగ్టన్‌ ఓవల్‌ మైదనంలో ఇవాళ (జులై 31) మొదలైన ఐదో టెస్ట్‌లో టీమిండియా టాస్‌ ఓడి తొలుత బ్యాటింగ్‌కు దిగింది. ఈ మ్యాచ్‌ కోసం భారత్‌ ఏకంగా నాలుగు మార్పులు చేసింది. రిషబ్‌ పంత్‌, శార్దూల్‌ ఠాకూర్‌, బుమ్రా, అన్షుల్‌ కంబోజ్‌ స్థానాల్లో ధ్రువ్‌ జురెల్‌, కరుణ్‌ నాయర్‌, ప్రసిద్ద్‌ కృష్ణ, ఆకాశ్‌దీప్‌ తుది జట్టులోకి వచ్చారు.ఈ మ్యాచ్‌లో కరుణ్‌ నాయర్‌కు తుది జట్టులో చోటు దక్కుతుందని ఎవరూ ఊహించలేదు. గత మ్యాచ్‌లో బ్యాటింగ్‌లో ఓ మోస్తరుగా రాణించిన శార్దూల్‌ ఠాకూర్‌ను పక్కకు పెట్టి మరీ కరుణ్‌కు అవకాశం ఇచ్చారు. బహుశా కరుణ్‌కు ఇదే లాస్ట్‌ ఛాన్స్‌ కావచ్చు. ఈ మ్యాచ్‌లో విఫలమైతే కరుణ్‌ కెరీర్‌ సమాప్తమైనట్లే.మరోవైపు ఇంగ్లండ్‌ సైతం ఈ మ్యాచ్‌ కోసం​ నాలుగు మార్పులు చేసింది. స్టోక్స్, ‌జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బేతెల్‌, గస్‌ అట్కిన్సన్‌, జోష్‌ టంగ్‌, జేమీ ఓవర్టన్‌ తుది జట్టులోకి వచ్చారు. వర్షం కారణంగా టాస​్‌ కాస్త ఆలస్యమైంది. ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉంది.తుది జట్లు..భారత్ (ప్లేయింగ్ XI): యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్(కెప్టెన్‌), కరుణ్ నాయర్, రవీంద్ర జడేజా, ధ్రువ్ జురెల్ (వికెట్‌కీపర్‌), వాషింగ్టన్ సుందర్, ఆకాశ్ దీప్, ప్రసిద్ధ్ కృష్ణ, మహమ్మద్ సిరాజ్ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, ఓలీ పోప్(కెప్టెన్‌), జో రూట్, హ్యారీ బ్రూక్, జాకబ్ బెథెల్, జామీ స్మిత్(వికెట్‌కీపర్‌), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్

ఇంగ్లండ్‌ గడ్డపై భారత్‌ వరుసగా ఐదో మ్యాచ్‌లో టాస్‌ ఓడింది. లండన్‌లోని కెన్నింగ్టన్‌ ఓవల్‌ మైదనంలో ఇవాళ (జులై 31) ఐదో టెస్ట్‌ ప్రారంభం కానుండగా, ఈ మ్యాచ్‌లో టీమిండియా టాస్‌ ఓడి ఇంగ్లండ్‌ తాత్కాలిక సారధి ఓలీ పోప్‌ ఆహ్వానం మేరకు తొలుత బ్యాటింగ్‌ చేయనుంది. ఈ మ్యాచ్‌ కోసం భారత్‌ ఏకంగా నాలుగు మార్పులు చేసింది. రిషబ్‌ పంత్‌, శార్దూల్‌ ఠాకూర్‌, బుమ్రా, అన్షుల్‌ కంబోజ్‌ స్థానాల్లో ధ్రువ్‌ జురెల్‌, కరుణ్‌ నాయర్‌, ప్రసిద్ద్‌ కృష్ణ, ఆకాశ్‌దీప్‌ తుది జట్టులోకి వచ్చారు.ఈ మ్యాచ్‌లో కరుణ్‌ నాయర్‌కు తుది జట్టులో చోటు దక్కుతుందని ఎవరూ ఊహించలేదు. గత మ్యాచ్‌లో బ్యాటింగ్‌లో ఓ మోస్తరుగా రాణించిన శార్దూల్‌ ఠాకూర్‌ను పక్కకు పెట్టి మరీ కరుణ్‌కు అవకాశం ఇచ్చారు. బహుశా కరుణ్‌కు ఇదే లాస్ట్‌ ఛాన్స్‌ కావచ్చు. ఈ మ్యాచ్‌లో విఫలమైతే కరుణ్‌ కెరీర్‌ సమాప్తమైనట్లే.మరోవైపు ఇంగ్లండ్‌ సైతం ఈ మ్యాచ్‌ కోసం​ నాలుగు మార్పులు చేసింది. బెన్‌ స్టోక్స్, ‌జోఫ్రా ఆర్చర్‌, బ్రైడన్‌ కార్స్‌, లియామ్‌ డాసన్‌ స్థానాల్లో జేకబ్‌ బేతెల్‌, గస్‌ అట్కిన్సన్‌, జోష్‌ టంగ్‌, జేమీ ఓవర్టన్‌ తుది జట్టులోకి వచ్చారు. వర్షం కారణంగా టాస్‌ కాస్త ఆలస్యమైంది. ఐదు మ్యాచ్‌ల ఈ సిరీస్‌లో భారత్‌ 1-2తో వెనుకపడి ఉంది.తుది జట్లు..భారత్ (ప్లేయింగ్ XI): యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్(కెప్టెన్‌), కరుణ్ నాయర్, రవీంద్ర జడేజా, ధ్రువ్ జురెల్ (వికెట్‌కీపర్‌), వాషింగ్టన్ సుందర్, ఆకాశ్ దీప్, ప్రసిద్ధ్ కృష్ణ, మహమ్మద్ సిరాజ్ఇంగ్లండ్ (ప్లేయింగ్ XI): జాక్ క్రాలే, బెన్ డకెట్, ఓలీ పోప్(కెప్టెన్‌), జో రూట్, హ్యారీ బ్రూక్, జాకబ్ బెథెల్, జామీ స్మిత్(వికెట్‌కీపర్‌), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్

టీమిండియా లెగ్‌ స్పిన్నర్‌ యుజ్వేంద్ర చహల్‌ ఇంగ్లండ్‌ గడ్డపై ఇరగదీశాడు. కౌంటీ ఛాంపియన్‌షిప్‌ డివిజన్‌-2లో నార్తంప్టన్‌షైర్‌కు ప్రాతినిథ్యం వహిస్తున్న అతను.. డెర్బీషైర్‌తో జరుగుతున్న మ్యాచ్‌లో ఆరు వికెట్లతో చెలరేగాడు. చహల్‌కు కౌంటీల్లో ఇదే తొలి ఆరు వికెట్ల ప్రదర్శన. గత సీజన్‌లో అతను రెండు సార్లు ఐదు వికెట్ల ప్రదర్శనలు నమోదు చేశాడు. ప్రస్తుత ప్రదర్శనతో కలుపుకొని ఈ సీజన్‌లో చహల్‌ 3 మ్యాచ్‌ల్లో 47.30 సగటున 10 వికెట్లు తీశాడు.ఓవరాల్‌గా ఫస్ట్‌క్లాస్‌ క్రికెట్‌లో 43 మ్యాచ్‌లు ఆడిన చహల్‌.. 35.63 సగటున 119 వికెట్లు తీశాడు. ఈ ఫార్మాట్‌లో మెరుగైన ట్రాక్‌ రికార్డు ఉన్నప్పటికీ చహల్‌ ఇంతవరకు భారత్‌ తరఫున ఒక్క టెస్ట్‌ అవకాశం కూడా రాలేదు. పరిమిత ఓవర్ల ఫార్మాట్‌లోనూ చహల్‌కు ఇటీవల అవకాశాలు తక్కువ అవుతున్నాయి. యువ స్పిన్నర్ల రాకతో చహల్‌ కేవలం ఐపీఎల్‌కే పరిమితమయ్యాడు. చహల్‌ భారత్‌ తరఫున 72 వన్డేలు, 80 టీ20లు ఆడి వరుసగా 121, 96 వికెట్లు తీశాడు.మ్యాచ్‌ విషయానికొస్తే.. నార్తంప్టన్‌షైర్‌, డెర్బీషైర్‌ మధ్య మ్యాచ్‌ నిన్న మొదలైంది. ఈ మ్యాచ్‌లో తొలుత బ్యాటింగ్‌ చేసిన డెర్బీ.. లోయర్‌ ఆర్డర్‌ బ్యాటర్‌ మార్టిన్‌ ఆండర్సన్‌ సెంచరీతో (105) కదంతొక్కడంతో 377 పరుగులు చేసింది. చహల్‌ (33.2-5-118-6) ఆరు వికెట్ల ప్రదర్శనతో డెర్బీషైర్‌ను దెబ్బేశాడు. నార్తంప్టన్‌ బౌలర్లలో గుత్రీ, లూక్‌ ప్రాక్టర్‌, స్క్రిమ్‌షా, రాబర్ట్‌ కియోగ్‌ తలో వికెట్‌ తీశారు. డెర్బీ ఇన్నింగ్స్‌లో ఎట్చిన్సన్‌ (45), రీస్‌ (39), అనురిన్‌ డొనాల్డ్‌ (37), జాక్‌ చాపెల్‌ (32), జో హాకిన్స్‌ (34 నాటౌట్‌) ఓ మోస్తరు స్కోర్లు చేశారు.అనంతరం ఇన్నింగ్స్‌ ప్రారంభించిన నార్తంప్టన్‌ రెండో రోజు రెండో సెషన్‌ సమయానికి 3 వికెట్లు కోల్పోయి 133 పరుగులు చేసింది. రికార్డో (8), మెక్‌మనస్‌ (17), జేమ్స్‌ సేల్స్‌ (35) ఔట్‌ కాగా.. లూక్‌ ప్రాక్టర్‌ (68), జార్జ్‌ బార్ట్‌లెట్‌ (3) క్రీజ్‌లో ఉన్నారు. డెర్బీ బౌలర్లలో రీస్‌, టిక్నర్‌, జాక్‌ చాపల్‌కు తలో వికెట్‌ దక్కింది.

టీమిండియా విధ్వంసకర బ్యాటర్‌ అభిషేక్‌ శర్మ చరిత్ర సృష్టించాడు. తాజాగా (జులై 30) విడుదల చేసిన ఐసీసీ టీ20 బ్యాటర్ల ర్యాంకింగ్స్‌లో అగ్రస్థానానికి ఎగబాకాడు. తద్వారా విరాట్‌ కోహ్లి, గౌతమ్‌ గంభీర్‌, సూర్యకుమార్‌ యాదవ్‌ తర్వాత ఈ ఘనత సాధించిన నాలుగో భారత బ్యాటర్‌గా రికార్డుల్లోకెక్కాడు.ర్యాంకింగ్స్‌లో టాప్‌ ప్లేస్‌కు చేరే క్రమంలో అభిషేక్‌ ఆసీస్‌ స్టార్‌ బ్యాటర్‌ ట్రవిస్‌ హెడ్‌ను కిందకు దించాడు. ప్రస్తుతం అభిషేక్‌ ఖాతాలో 829 రేటింగ్‌ పాయింట్లు ఉండగా.. హెడ్‌ వద్ద 814 పాయింట్లు ఉన్నాయి. ర్యాంకింగ్స్‌లో మూడో స్థానంలో కూడా భారత బ్యాటరే ఉన్నాడు. 804 రేటింగ్‌ పాయింట్లతో తిలక్‌ వర్మ ఆ స్థానంలో కొనసాగుతున్నాడు. టాప్‌-10లో భారత్‌ టీ20 జట్టు కెప్టెన్‌ సూర్యకుమార్‌ యాదవ్‌ కూడా ఉన్నాడు. స్కై ఆరో స్థానంలో కొనసాగుతున్నాడు.గత వారం ర్యాంకింగ్స్‌లో టాప్‌-10లో ఉండిన మరో భారత బ్యాటర్‌ యశస్వి జైస్వాల్‌ (9) తాజా ర్యాంకింగ్స్‌లో రెండు స్థానాలు కోల్పోయి 11వ స్థానానికి పడిపోయాడు. భారత బ్యాటర్లలో రుతురాజ్‌ గైక్వాడ్‌ 25, సంజూ శాంసన్‌ 33, శుభ్‌మన్‌ గిల్‌ 38, హార్దిక్‌ పాండ్యా 53, రింకూ సింగ్‌ 56, శివమ్‌ దూబే 61 స్థానాల్లో ఉన్నారు.టాప్‌-10లో అభిషేక్‌, హెడ్‌, తిలక్‌ తర్వాత సాల్ట్‌, బట్లర్‌, నిస్సంక, సీఫర్ట్‌, ఇంగ్లిస్‌, హోప్‌ ఉన్నారు. ఈ వారం ర్యాంకింగ్స్‌లో ఆసీస్‌ బ్యాటర్లు ఇంగ్లిస్‌, టిమ్‌ డేవిడ్‌, కెమరూన్‌ గ్రీన్‌ బాగా లబ్ది పొందారు. వీరిలో గ్రీన్‌ ఏకంగా 64 స్థానాలు మెరుగుపర్చుకొని 24 స్థానానికి ఎగబాకాడు. గ్రీన్‌ తాజాగా వెస్టిండీస్‌తో ముగిసిన ఐదు మ్యాచ్‌ల సిరీస్‌లో విశేషంగా రాణించాడు.సహచరుడు గిల్‌ కూడా టాప్‌లోనే..!టీ20 బ్యాటర్ల ర్యాంకింగ్స్‌లో అభిషేక్‌ టాప్‌ ర్యాంక్‌కు చేరగా.. అతని ఆప్త మిత్రుడు శుభ్‌మన్‌ గిల్‌ వన్డేల్లో టాప్‌ ప్లేస్‌లో కొనసాగుతున్నాడు. వీరిద్దరు టీమిండియా దిగ్గజం యువరాజ్‌ సింగ్‌ దగ్గర శిష్యరికం చేస్తుండటం విశేషం. అభిషేక్‌, గిల్‌ టీ20, వన్డే ఫార్మాట్లలో నంబర్‌ వన్‌ బ్యాటర్లుగా ఉండగా.. భారత్‌ రెండు ఫార్మాట్లలో నంబర్‌ వన్‌ జట్టుగా కొనసాగుతుంది.అలాగే టెస్ట్‌ల్లో నంబర్‌ వన్‌ బౌలర్‌గా బుమ్రా, నంబర్‌ వన్‌ ఆల్‌రౌండర్‌గా రవీంద్ర జడేజా, నంబర్‌ వన్‌ టీ20 ఆల్‌రౌండర్‌గా హార్దిక్‌ పాండ్యా కొనసాగుతున్నారు.

సిడ్నీ: ఆసియా ఫుట్‌బాల్‌ సమాఖ్య (ఏఎఫ్‌సీ) మహిళల ఆసియా కప్‌ ఫుట్‌బాల్‌ టోర్నమెంట్‌లో భారత జట్టుకు క్లిష్టమైన ‘డ్రా’ పడింది. వచ్చే ఏడాది ఆ్రస్టేలియాలో మార్చి 1 నుంచి 21 వరకు జరిగే ఈ టోర్నీలో ఆసియా ఘనాపాటి జపాన్‌ సహా మాజీ చాంపియన్లు చైనీస్‌ తైపీ, వియత్నాం జట్లున్న గ్రూప్‌ ‘సి’లో భారత అమ్మాయిల జట్టుకు చోటు దక్కింది. దీనికి సంబంధించిన ‘డ్రా’ వేడుక సిడ్నీ టౌన్‌ హాల్‌లో మంగళవారం అట్టహాసంగా జరిగింది. భారత స్టార్‌ మిడ్‌ఫీల్డర్‌ సంగీత బస్ఫొరె ప్రత్యేక ఆహ్వానితులుగా ‘డ్రా’ ఈవెంట్‌లో పాల్గొంది. మొత్తం 12 ఆసియా జట్లను మూడు గ్రూప్‌లుగా విభజించారు. ఒక్కో జట్టులో నాలుగేసి టీమ్‌లు తలపడతాయి. గ్రూప్‌ ‘సి’లో భారత అమ్మాయిల జట్టు తమ తొలి మ్యాచ్‌లో మార్చి 4న వియత్నాంతో... రెండో మ్యాచ్‌లో మార్చి 7న ప్రపంచ మాజీ చాంపియన్‌ జపాన్‌తో... మూడో మ్యాచ్‌లో మార్చి 10న చైనీస్‌ తైపీతో ఆడుతుంది. ప్రపంచ ర్యాంకింగ్స్‌లో జపాన్‌ 7వ స్థానంలో, వియత్నాం 37వ స్థానంలో, చైనీస్‌ తైపీ 42వ స్థానంలో, భారత్‌ 70వ స్థానంలో ఉన్నాయి. సెమీస్‌ చేరితే ప్రపంచకప్‌ టోర్నీకి... ఆసియా కప్‌ గ్రూప్‌ ‘ఎ’లో ఆతిథ్య ఆ్రస్టేలియా, దక్షిణ కొరియా, ఇరాన్, ఫిలిప్పీన్స్‌... గ్రూప్‌ ‘బి’లో డిఫెండింగ్‌ చాంపియన్‌ చైనా, ఉత్తర కొరియా, బంగ్లాదేశ్, ఉజ్బెకిస్తాన్‌ జట్లున్నాయి. ఒక్కో గ్రూప్‌ నుంచి తొలి రెండు స్థానాల్లో నిలిచిన జట్లు క్వార్టర్‌ ఫైనల్‌కు అర్హత సాధిస్తాయి. అలాగే ఈ మూడు గ్రూప్‌ల్లో మెరుగైన మూడో స్థానం పొందిన రెండు జట్లు కూడా నాకౌట్‌కు క్వాలిఫై అవుతాయి. ఈ 8 జట్ల మధ్య జరిగే క్వార్టర్‌ ఫైనల్స్‌ విజేతలు అంటే సెమీఫైనల్‌ చేరిన నాలుగు జట్లు 2027లో బ్రెజిల్‌లో జరిగే ప్రపంచకప్‌ టోర్నీకి నేరుగా అర్హత పొందుతాయి. క్వార్టర్స్‌లో ఓడిన జట్లు ప్లే ఆఫ్స్‌ ఆడాల్సి ఉంటుంది. ఆసియా నుంచి మరో రెండు జట్లకు ప్రపంచకప్‌ బెర్త్‌లు లభిస్తాయి.

టీమిండియా యువ ఆల్‌రౌండర్‌, ఆంధ్ర కుర్రాడు నితీశ్‌ కుమార్‌ రెడ్డి చిక్కుల్లో చిక్కుకున్నాడు. గాయం కారణంగా ఇంగ్లండ్‌ పర్యటన నుంచి అర్దంతరంగా (మూడో టెస్ట్‌ తర్వాత) వైదొలిగిన నితీశ్‌.. ప్రస్తుతం చట్టపరమైన ఇబ్బందులు ఎదుర్కొంటున్నాడు. నితీశ్‌పై అతని మాజీ ఏజెన్సీ 'స్క్వేర్ ది వన్' రూ. 5 కోట్ల బకాయిలు చెల్లించాలని పిటిషన్ దాఖలు చేసింది.స్క్వేర్ ది వన్ సంస్థ 2021 నుంచి నితీశ్‌కు సంబంధించిన వాణిజ్య (ప్రకటనలు, ఎండార్స్‌మెంట్‌లు) కార్యకలాపాలు చూస్తుంది. అయితే నితీశ్‌ 2024-25 బోర్డర్‌ గవాస్కర్‌ ట్రోఫీ సందర్భంగా స్క్వేర్ ది వన్ సంస్థతో నాలుగేళ్ల బంధాన్ని తెంచుకొని కొత్త ఏజెంట్‌ను పెట్టుకున్నాడు.తమతో అకస్మాత్తుగా ఒప్పందాన్ని రద్దు చేసుకున్నాడన్న కోపంతో స్క్వేర్ ది వన్ సంస్థ నితీశ్‌పై ప్రతీకారం తీర్చుకునేందుకు పూనుకుంది. ఇందులో భాగంగా నితీశ్‌ తమకు చెల్లించవలిసిన బకాయిలు ఎగ్గొట్టాడని ఆర్బిట్రేషన్ అండ్ కన్సిలియేషన్ చట్టంలోని సెక్షన్ 11(6) కింద పిటిషన్‌ దాఖలు చేసింది.బకాయిల విషయమై తాము నితీశ్‌ను సంప్రదించగా.. ఎండార్స్‌మెంట్ డీల్స్ అన్నీ తానే స్వయంగా కుదుర్చుకున్నట్లు తెలిపాడని, బకాయిలు చెల్లించేందుకు నిరాకరించాడని స్క్వేర్ ది వన్ సంస్థ ఆరోపిస్తుంది. ఈ కేసు ఈ నెల 28న ఢిల్లీ హైకోర్టులో విచారణకు రానుంది.ఎస్‌ఆర్‌హెచ్‌తో తెగదెంపులు.. క్లారిటీ ఇచ్చిన నితీశ్‌కుమార్‌ రెడ్డిలీగల్‌ పరమైన సమస్యలు ఎదుర్కొంటుండగానే నితీశ్‌ తనపై జరుగుతున్న మరో ప్రచారంపై క్లారిటీ ఇచ్చాడు. తాను ఎస్‌ఆర్‌హెచ్‌ను వీడుతున్నట్లు జరుగుతున్న ప్రచారాన్ని నితీశ్‌ కొట్టి పారేశాడు. ఎస్‌ఆర్‌హెచ్‌తో తన బంధం గౌరవం, ప్యాషన్‌తో ఏర్పడిందని.. తానెప్పుడూ ఎస్‌ఆర్‌హెచ్‌తోనే ఉండాలని కోరుకుంటానని ఎక్స్‌ వేదికగా క్లారిటీ ఇచ్చాడు.కాగా, గత ఐపీఎల్‌ సీజన్‌లో తనను నాలుగో నంబర్‌లో బ్యాటింగ్‌కు పంపలేదని నితీశ్‌ ఎస్‌ఆర్‌హెచ్‌పై ఆగ్రహంగా ఉన్నట్లు గత కొన్ని రోజులుగా ప్రచారం జరుగుతుంది. దీనిపై నితీశ్‌ తాజాగా వివరణ ఇచ్చాడు. నితీశ్‌ గాయం నుంచి పూర్తిగా కోలుకుంటే ఆగస్ట్‌ 8 నుంచి ప్రారంభమయ్యే ఆంధ్ర ప్రీమియర్‌ లీగ్‌లో పాల్గొనే అవకాశం ఉంది. ఈ లీగ్‌లో నితీశ్‌ భీమవరం​ బుల్స్‌కు నాయకత్వం వహించాల్సి ఉంది.

మాంచెస్టర్‌ టెస్ట్‌లో టీమిండియా పీకల్లోతు కష్టాల్లో కూరుకుపోయింది. చివరి రోజు భారత్‌ తొలి సెషన్‌లోనే ఓవర్‌నైట్‌ బ్యాటర్లు కేఎల్‌ రాహుల్‌ (90), శుభ్‌మన్‌ గిల్‌ (103) వికెట్లు కోల్పోయింది.ఆట ప్రారంభమైన కొద్ది సేపటికే కేఎల్‌ రాహుల్‌ ఔటయ్యాడు. బెన్‌ స్టోక్స్‌ అద్భుతమైన బంతితో రాహుల్‌ను ఎల్బీడబ్ల్యూ చేశాడు. రికార్డు సెంచరీ పూర్తి చేసిన వెంటనే శుభ్‌మన్‌ గిల్‌ కూడా పెవిలియన్‌కు చేరాడు.జోఫ్రా ఆర్చర్‌ బౌలింగ్‌లో వికెట్‌కీపర్‌ జేమీ స్మిత్‌కు క్యాచ్‌ ఇచ్చి గిల్‌ నాలుగో వికెట్‌గా (222 పరుగుల వద్ద) వెనుదిరిగాడు. లంచ్‌ విరామం సమయానికి భారత్‌ రెండో ఇన్నింగ్స్‌లో 4 వికెట్ల నష్టానికి 223 పరుగులు చేసి ఇంగ్లండ్‌ తొలి ఇన్నింగ్స్‌ స్కోర్‌కు ఇంకా 88 పరుగులు వెనుక​పడి ఉంది. సుందర్‌ (21), రవీంద్ర జడేజా క్రీజ్‌లో ఉన్నారు.ఈ మ్యాచ్‌లో భారత్‌ గట్టెక్కడం దాదాపుగా అసాధ్యమనే చెప్పాలి. ఇంకా రెండు సెషన్ల ఆట మిగిలి ఉండగా.. భారత్‌ 6 వికెట్లను నిలుపుకోవాలి. సుందర్‌, జడేజా తర్వాత పంత్‌ బ్యాటింగ్‌కు వస్తాడని తెలుస్తుంది. ఈ ముగ్గురు ఔటైతే భారత్‌ ఖేల్‌ ఖతం అయినట్లే.ఈ మ్యాచ్‌లో ఓడితే భారత్‌ సిరీస్‌ను కూడా కోల్పోతుంది. ఏదైనా అద్భుతం జరిగితే తప్ప ఈ మ్యాచ్‌ను భారత్‌ డ్రా చేసుకునే అవకాశం లేదు.స్కోర్‌ వివరాలు..భారత్‌ తొలి ఇన్నింగ్స్‌- 358 ఆలౌట్‌ (సాయి సుదర్శన్‌ 61, జైస్వాల్‌ 58, పంత్‌ 54, స్టోక్స్‌ 5/72)ఇంగ్లండ్‌ తొలి ఇన్నింగ్స్‌- 669 ఆలౌట్‌ (రూట్‌ 150, స్టోక్స్‌ 141, రవీంద్ర జడేజా 4/143)భారత్‌ రెండో ఇన్నింగ్స్‌- 223/4 (ఐదో రోజు లంచ్‌ విరామం సమయానికి)

మాంచెస్టర్‌ టెస్ట్‌లో టీమిండియా కెప్టెన్‌ శుభ్‌మన్‌ గిల్‌ వీరోచితంగా పోరాడుతున్నాడు. 311 పరుగుల లోటుతో రెండో ఇన్నింగ్స్‌ను ప్రారంభించిన భారత్‌.. ఖాతా తెరవకుండానే యశస్వి జైస్వాల్‌, సాయి సుదర్శన్‌ వికెట్లు కోల్పోగా.. గిల్‌.. కేఎల్‌ రాహుల్‌తో కలిసి ఇన్నింగ్స్‌ను నిర్మించాడు. వీరిద్దరు మూడో వికెట్‌కు రికార్డు స్థాయిలో 188 పరుగులు జోడించాక, రాహుల్‌ 90 పరుగుల వ్యక్తిగత స్కోర్‌ వద్ద ఔటయ్యాడు.రాహుల్‌ ఔటైనా ఏమాత్రం ఒత్తిడికి లోను కాని గిల్‌.. వాషింగ్టన్‌ సుందర్‌ (7) సాయంతో భారత్‌ను గట్టెక్కించే ప్రయత్నం చేస్తూ సెంచరీ పూర్తి చేశాడు. ఈ సిరీస్‌లో గిల్‌కు ఇది నాలుగో సెంచరీ. ఈ సెంచరీతో అతను దిగ్గజాల సరసన చేరాడు. ఓ టెస్ట్‌ సిరీస్‌లో అత్యధిక సెంచరీ చేసిన భారత ఆటగాడిగా, ఓ టెస్ట్‌ సిరీస్‌లో అత్యధిక సెంచరీలు చేసిన కెప్టెన్‌గా డాన్‌ బ్రాడ్‌మన్‌, సునీల్‌ గవాస్కర్‌, విరాట్‌ కోహ్లితో కలిసి రికార్డును షేర్‌ చేసుకున్నాడు.ఓ టెస్ట్ సిరీస్‌లో భారత్‌ తరఫున అత్యధిక సెంచరీలు4 - సునీల్ గవాస్కర్ vs వెస్టిండీస్‌, 1971 (విదేశాల్లో)4 - సునీల్ గవాస్కర్ vs వెస్టిండీస్‌, 1978/79 (స్వదేశంలో)4 - విరాట్ కోహ్లీ vs ఆస్ట్రేలియా, 2014/15 (విదేశాల్లో)4 - శుభ్‌మన్ గిల్ vs ఇంగ్లండ్, 2025 (విదేశాల్లో)**కెప్టెన్‌గా ఓ టెస్ట్ సిరీస్‌లో అత్యధిక సెంచరీలు4 - సర్ డాన్ బ్రాడ్‌మన్ vs ఇండియా, 1947/48 (విదేశాల్లో)4 - సునీల్ గవాస్కర్ vs వెస్టిండీస్‌, 1978/79 (స్వదేశంలో)4 - శుభ్‌మన్ గిల్ vs ఇంగ్లాండ్, 2025 (విదేశాల్లో)**అలాగే ఓ టెస్ట్‌ సిరీస్‌లో భారత్‌ తరఫున మూడో అత్యధిక పరుగులు చేసిన బ్యాటర్‌గా.. ఇంగ్లండ్‌లో, ఇంగ్లండ్‌పై అత్యధిక పరుగులు చేసిన భారత బ్యాటర్‌గా, ఇంగ్లండ్‌ గడ్డపై అత్యధిక పరుగులు చేసిన ఆసియా బ్యాటర్‌గా పలు రికార్డులు సాధించాడు. ఇంగ్లండ్‌ గడ్డపై ఓ టెస్ట్‌ సిరీస్‌లో అత్యధిక పరుగులు సాధించిన ఆసియా బ్యాటర్లు🏏శుభ్‌మన్‌ గిల్‌ (ఇండియా)- 720*- 2025లో- అత్యుత్తమ స్కోరు 269🏏మొహమ్మద్‌ యూసఫ్‌ (పాకిస్తాన్‌)- 631- 2006లో- అత్యుత్తమ స్కోరు 202🏏రాహుల్‌ ద్రవిడ్‌ (ఇండియా)- 602- 2002లో- అత్యుత్తమ స్కోరు 217🏏విరాట్‌ కోహ్లి (ఇండియా)- 593- 2018లో- అత్యుత్తమ స్కోరు 149🏏సునిల్‌ గావస్కర్‌ (ఇండియా)- 542- 1979లో- అత్యుత్తమ స్కోరు 221.ఓ టెస్ట్ సిరీస్‌లో భారత్‌ తరఫున అత్యధిక పరుగులు చేసిన బ్యాటర్లు774 - సునీల్ గవాస్కర్ vs వెస్టిండీస్‌, 1971 (బయట)732 - సునీల్ గవాస్కర్ vs వెస్టిండీస్‌, 1978/79 (హోం)720* - శుభ్‌మన్ గిల్ vs ఇంగ్లండ్, 2025 (బయట)712 - యశస్వి జైస్వాల్ vs ఇంగ్లండ్, 2024 (హోం)ఈ సెంచరీతో గిల్‌ వరల్డ్‌ టెస్ట్‌ ఛాంపియన్‌షిప్‌తో అత్యధిక సెంచరీలు చేసిన భారత ఆటగాడిగా రోహిత్‌ శర్మ రికార్డును సమం చేశాడు. వీరిద్దరు డబ్ల్యూటీసీ చరిత్రలో తలో 9 సెంచరీలు చేశారు.25 ఏళ్ల వయసులో గిల్‌కు ఇది 18వ సెంచరీ. టెస్ట్‌ల్లో 9, వన్డేల్లో 8, టీ20ల్లో ఓ సెంచరీ చేశాడు. ఈ వయసులో సచిన్‌ 40, విరాట్‌ 26 సెంచరీలు చేశారు.మాంచెస్టర్‌లో 35 ఏళ్ల తర్వాత సెంచరీ చేసిన భారత ఆటగాడిగా గిల్‌ రికార్డు నెలకొల్పాడు.మ్యాచ్‌ విషయానికొస్తే.. గిల్‌ సెంచరీ పూర్తి చేసే సమయానికి భారత్‌ రెండో ఇన్నింగ్స్‌లో 3 వికెట్ల నష్టానికి 206 పరుగులు చేసింది. ఇంగ్లండ్‌ తొలి ఇన్నింగ్స్‌ స్కోర్‌కు భారత్‌ ఇంకా 105 పరుగులు వెనుక​పడి ఉంది. గిల్‌కు జతగా వాషింగ్టన్‌ సుందర్‌ (7) క్రీజ్‌లోకి వచ్చాడు.స్కోర్‌ వివరాలు..భారత్‌ తొలి ఇన్నింగ్స్‌- 358 ఆలౌట్‌ (సాయి సుదర్శన్‌ 61, జైస్వాల్‌ 58, పంత్‌ 54, స్టోక్స్‌ 5/72)ఇంగ్లండ్‌ తొలి ఇన్నింగ్స్‌- 669 ఆలౌట్‌ (రూట్‌ 150, స్టోక్స్‌ 141, రవీంద్ర జడేజా 4/143)

టీమిండియా కెప్టెన్‌ శుభ్‌మన్‌ గిల్‌ సరికొత్త చరిత్ర సృష్టించాడు. ఇంగ్లండ్‌ గడ్డపై ఓ టెస్ట్‌ సిరీస్‌లో 700 పరుగుల మార్కును తాకిన తొలి ఆసియా ప్లేయర్‌గా రికార్డు నెలకొల్పాడు. ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌లో భాగంగా జరుగుతున్న నాలుగో మ్యాచ్‌లో గిల్‌ ఈ ఫీట్‌ను సాధించాడు. రెండో ఇన్నింగ్స్‌లో 85 పరుగుల వ్యక్తిగత స్కోర్‌ వద్ద గిల్‌ ఈ సిరీస్‌లో 700 పరుగులు పూర్తి చేసుకున్నాడు.గతంలో ఇంగ్లండ్‌ గడ్డపై ఓ టెస్ట్‌ సిరీస్‌లో 700 పరుగుల మైలురాయిని ఏ ఆసియా బ్యాటర్‌ తాకలేదు. గిల్‌కు ముందు పాకిస్తాన్‌ బ్యాటర్‌ మొహమ్మద్‌ యూసఫ్‌ అత్యధికంగా 631 పరుగులు (2006 పర్యటనలో) సాధించాడు.ఇంగ్లండ్‌ గడ్డపై ఓ టెస్ట్‌ సిరీస్‌లో అత్యధిక పరుగులు సాధించిన ఆసియా బ్యాటర్లు🏏శుభ్‌మన్‌ గిల్‌ (ఇండియా)- 700*- 2025లో- అత్యుత్తమ స్కోరు 269🏏మొహమ్మద్‌ యూసఫ్‌ (పాకిస్తాన్‌)- 631- 2006లో- అత్యుత్తమ స్కోరు 202🏏రాహుల్‌ ద్రవిడ్‌ (ఇండియా)- 602- 2002లో- అత్యుత్తమ స్కోరు 217🏏విరాట్‌ కోహ్లి (ఇండియా)- 593- 2018లో- అత్యుత్తమ స్కోరు 149🏏సునిల్‌ గావస్కర్‌ (ఇండియా)- 542- 1979లో- అత్యుత్తమ స్కోరు 221.ఓవరాల్‌గా ఇంగ్లండ్‌ గడ్డపై ఓ టెస్ట్‌ సిరీస్‌లో అత్యధిక పరుగులు చేసిన రికార్డు ఆసీస్‌ దిగ్గజం డాన్‌ బ్రాడ్‌మన్‌ పేరిట ఉంది. బ్రాడ్‌మన్‌ 1930 ఇంగ్లండ్‌ పర్యటనలో 5 మ్యాచ్‌ల్లో ఏకంగా 974 పరుగులు చేశాడు. బ్రాడ్‌మన్‌ తర్వాత ఇంగ్లండ​ గడ్డపై అత్యధిక పరుగులు చేసిన రికార్డు (విదేశీ ఆటగాళ్లు) మార్క్‌ టేలర్‌ (839), వివ్‌ రిచర్డ్స్‌ (829), స్టీవ్‌ స్మిత్‌ (774), బ్రియాన్‌ లారా (765) పేరిట ఉంది.నాలుగో బ్యాటర్‌ప్రస్తుత ఇంగ్లండ్‌ పర్యటనలో 700 పరుగుల మార్కును తాకిన గిల్‌ భారత్‌ తరఫున ఓ టెస్ట్‌ సిరీస్‌లో ఈ ఘనత సాధించిన నాలుగో బ్యాటర్‌గా రికార్డుల్లోకెక్కాడు.భారత్‌ తరఫున ఓ టెస్ట్ సిరీస్‌లో 700 కంటే ఎక్కువ పరుగులు చేసిన బ్యాటర్లు774 - సునీల్ గవాస్కర్ vs వెస్టిండీస్‌, 1971 (బయట)732 - సునీల్ గవాస్కర్ vs వెస్టిండీస్‌, 1978/79 (హోం)712 - యశస్వి జైస్వాల్ vs ఇంగ్లండ్, 2024 (హోం)701* - శుభ్‌మన్ గిల్ vs ఇంగ్లండ్, 2025 (బయట)మ్యాచ్‌ విషయానికొస్తే.. 311 పరుగుల లోటుతో రెండో ఇన్నింగ్స్‌ను ప్రారంభించిన టీమిండియా పోరాడుతోంది. తొలి ఓవర్లో ఖాతా తెరవ‌కుండానే రెండు వికెట్లు కోల్పోయి భార‌త్‌ను శుభ్‌మన్‌ గిల్‌, కేఎల్‌ రాహుల్‌ ఆదుకున్నారు. వీరిద్దరు మూడో వికెట్‌కు 188 పరుగులు జోడించారు.ఆదిలోనే షాక్‌ అయితే చివరి రోజు భారత్‌కు ఆదిలోనే షాక్‌ తగిలింది. 90 పరుగుల వ్యక్తిగత స్కోర్‌ వద్ద కేఎల్‌ రాహుల్‌ బెన్‌ స్టోక్స్‌ బౌలింగ్‌లో ఎల్బీడబ్ల్యూ అయ్యాడు. ప్రస్తుతం శుభ్‌మన్‌ గిల్‌ 90, వాషింగ్టన్‌ సుందర్‌ 4 పరుగులతో క్రీజ్‌లో ఉన్నారు. భారత్‌ స్కోర్‌ 193/3గా ఉంది. ఇంగ్లండ్‌ తొలి ఇన్నింగ్స్‌ స్కోర్‌కు భారత్‌ ఇంకా 118 పరుగులు వెనుక​పడి ఉంది.స్కోర్‌ వివరాలు..భారత్‌ తొలి ఇన్నింగ్స్‌- 358 ఆలౌట్‌ (సాయి సుదర్శన్‌ 61, జైస్వాల్‌ 58, పంత్‌ 54, స్టోక్స్‌ 5/72)ఇంగ్లండ్‌ తొలి ఇన్నింగ్స్‌- 669 ఆలౌట్‌ (రూట్‌ 150, స్టోక్స్‌ 141, రవీంద్ర జడేజా 4/143)

మాంచెస్ట‌ర్ వేదిక‌గా భార‌త్- ఇంగ్లండ్ మ‌ధ్య జ‌రుగుతున్న నాలుగో టెస్టు తుది అంకానికి చేరుకుంది. ఈ మ్యాచ్‌లో ఓట‌మి నుంచి త‌ప్పించుకుని, సిరీస్ ఆశ‌ల‌ను స‌జీవంగా ఉంచుకోవ‌డానికి టీమిండియా పోరాడుతోంది.311 పరుగుల లోటుతో రెండో ఇన్నింగ్స్‌ను మొద‌లు పెట్టిన భార‌త జ‌ట్టుకు ఆరంభంలోనే గ‌ట్టి ఎదురుదెబ్బ త‌గిలింది. వోక్స్‌ వేసిన తొలి ఓవర్లో స్కోరు బోర్డుపై ‘సున్నా’ పరుగులు ఉండగానే యశస్వి జైస్వాల్(0), సాయి సుదర్శన్‌(0) వికెట్ల‌ను భార‌త్ కోల్పోయింది.ఈ స‌మ‌యంలో కేఎల్ రాహుల్(210 బంతుల్లో 8 ఫోర్లతో 87 నాటౌట్), శుభ్‌మన్ గిల్(167 బంతుల్లో 10 ఫోర్లతో 78 నాటౌట్) ఇంగ్లండ్ బౌల‌ర్ల‌ను స‌మ‌ర్ధ‌వంతంగా ఎదుర్కొన్నారు. దీంతో నాలుగో రోజు ఆట ముగిసే స‌మ‌యానికి భార‌త్ రెండు వికెట్ల న‌ష్టానికి 174 ప‌రుగులు చేసింది. ఇంగ్లండ్ స్కోర్‌కు భార‌త్ ఇంకా 137 పరుగుల వెనుకంజలో ఉంది. ఈ మ్యాచ్‌లో ఇంగ్లండ్ విజయం సాధించాలంటే 8 వికెట్లు కావాలి. మాంచెస్ట‌ర్ టెస్టును భార‌త్‌ డ్రా ము గించాలంటే ఆఖ‌రి రోజు ఆట‌లో క‌నీసం రెండు సెష‌న్ల పాటు వికెట్లు కోల్పోకుండా ఆడాలి. ఈ క్ర‌మంలో భార‌త జ‌ట్టుకు ఓ గుడ్‌న్యూస్ అందింది. కాలి పాదం ఎముక విరిగిన గాయంతో బాధ‌ప‌డుతున్న స్టార్ వికెట్ కీప‌ర్ బ్యాట‌ర్ రిష‌బ్ పంత్‌.. ఐదో రోజు ఆట‌లో బ్యాటింగ్‌కు రానున్నాడు. ఈ విష‌యాన్ని టీమిండియా బ్యాటింగ్ కోచ్ సితాన్షు కోటక్ ధ్రువీక‌రించాడు. ఆఖ‌రి రోజు ఆటలో బ్యాటింగ్ చేసేందుకు పంత్ సిద్దంగా ఉన్నాడ‌ని కోట‌క్ నాలుగో రోజు అనంత‌రం కోట‌క్ పేర్కొన్నాడు.ఆరు వారాల విశ్రాంతి?కాగా మొద‌టి రోజు ఆట సంద‌ర్భంగా పంత్‌కు గాయ‌మైంది. క్రిస్ వోక్స్ బౌలింగ్‌లో రివ‌ర్స్ స్వీప్ ఆడేందుకు ప్ర‌య‌త్నించ‌గా బంతి.. బ్యాట్‌కు త‌గులుతూ అత‌డి కుడి కాలి పాదానికి తాకింది. దీంతో అత‌డు మైదానం నుంచి బ‌య‌ట‌కు వెళ్లిపోయాడు.ఆ త‌ర్వాత అత‌డికి స్కానింగ్ త‌ర‌లించ‌గా మెటాటార్సల్ ఫ్రాక్చర్(పాదంలోని ఎముక విర‌గ‌డం) ఉన్న‌ట్లు వైద్యులు నిర్ధారించారు. అత‌డికి ఆరు వారాల విశ్రాంతి అవ‌స‌ర‌మ‌ని వైద్యులు సూచించిన‌ట్లు ప‌లు రిపోర్ట్‌లు పేర్కొన్నాయి.కానీ రిష‌బ్ మాత్రం గాయంతో బాధ‌ప‌డుతూనే రెండో రోజు బ్యాటింగ్‌కు వ‌చ్చి హాఫ్ సెంచ‌రీ బాదాడు. ఇప్పుడు కూడా ఆఖ‌రి రోజు ఆట భార‌త్‌కు కీల‌కం కావ‌డంతో ఈ పోరాట యోధుడు మ‌రోసారి నొప్పిని భరిస్తూనే బ్యాటింగ్ చేయ‌నున్నాడు.చదవండి: IND vs ENG: ఇంగ్లండ్‌కు టీమిండియా స‌వాల్‌ విసురుతుందా? ఆఖరి రోజు ఎవరిది?

భారత మహిళా క్రికెటర్‌ వేద కృష్ణమూర్తి 32 ఏళ్ల వయసులోనే అంతర్జాతీయ క్రికెట్‌లోని అన్ని ఫార్మాట్లకు రిటైర్మెంట్‌ ప్రకటించింది. రిటైర్మెంట్‌ నిర్ణయాన్ని వేద ఇవాళ (జులై 25) సోషల్‌మీడియా వేదికగా పంచుకుంది. రైట్‌ హ్యాండ్‌ బ్యాటర్‌, అకేషనల్‌ లెగ్‌ స్పిన్‌ బౌలర్‌ అయిన వేద 2011లో టీమిండియా అరంగేట్రం చేసింది. అప్పటి నుంచి తొమ్మిదేళ్ల పాటు భారత జట్టుకు ప్రాతినథ్యం వహించి 48 వన్డేలు, 76 టీ20లు ఆడింది. ఇందులో 10 హాఫ్‌ సెంచరీల సాయంతో 1704 పరుగులు చేసి 3 వికెట్లు తీసింది. వేద భారత మహిళా జట్టు రన్నరప్‌గా నిలిచిన 2017 వన్డే వరల్డ్‌కప్‌, 2020 టీ20 వరల్డ్‌కప్‌ జట్లలో సభ్యురాలిగా ఉంది.కర్ణాటకలోని కడూర్‌ అనే చిన్న పట్టణం నుంచి వచ్చిన వేద టీమిండియా సాధించిన అనేక విజయాల్లో కీలక సభ్యురాలిగా ఉంది. వేద తన రిటైర్మెంట్‌ సందేశంలో తనకు సహకరించిన కుటుంబ సభ్యులు, బంధుమిత్రులు, కోచ్‌లు, మెంటర్లు, సహచర క్రికెటర్లు, కెప్టెన్లకు పేరు పేరున కృతజ్ఞతలు తెలిపింది. అలాగే తనకు అవకాశమిచ్చిన బీసీసీఐ, కర్ణాటక క్రికెట్‌ బోర్డు, రైల్వేస్‌ క్రికెట్‌ బోర్డుకు కూడా ధన్యవాదాలు తెలిపింది.వేద దేశవాలీ క్రికెట్‌లో కర్ణాటక, రైల్వేస్‌ జట్లకు నాయకత్వం వహించింది. వేద చివరిగా 2020 టీ20 వరల్డ్‌కప్‌ ఫైనల్లో టీమిండియాకు ప్రాతినిథ్యం వహించింది. అంతకు రెండేళ్ల ముందు (ఏప్రిల్‌, 2018) భారత్‌ తరఫున తన చివరి వన్డే ఆడింది. వేదకు అత్యంత చురుకైన ఫీల్డర్‌గా పేరుంది. మహిళల టీ20ల్లో ఆమె సంయుక్తంగా అత్యధిక క్యాచ్‌లు పట్టుకున్న నాన్‌ వికెట్‌కీపర్‌గా కొనసాగుతుంది.గత కొంతకాలంగా జాతీయ జట్టు అవకాశాలు రాకపోవడంతో వేద వ్యాఖ్యాతగా వ్యవహరిస్తుంది. వేద మహిళల ఐపీఎల్‌ రెండో సీజన్‌లో (2024) గుజరాత్‌ జెయింట్స్‌ తరఫున ఆడింది. ఆ సీజన్‌లో చెప్పుకోదగ్గ ప్రదర్శనలు (4 ఇన్నింగ్స్‌ల్లో కేవలం 22 పరుగులు) చేయకపోవడంతో ఆమెను తదుపరి సీజన్‌లో ఏ ఫ్రాంచైజీ తీసుకోలేదు. వేద మహిళల బిగ్‌బాష్‌ లీగ్‌లో కూడా ఆడింది. 2017-18 సీజన్‌లో ఆమె హోబర్ట్‌ హరికేన్స్‌కు ప్రాతినిథ్యం వహించింది.

మాంచెస్టర్‌: నాలుగో టెస్టులో ఇంగ్లండ్‌ మళ్లీ ‘బజ్‌బాల్‌’ ఆటకు దిగినట్లుంది. ఓపెనర్లు జాక్‌ క్రాలీ, బెన్‌ డకెట్‌లిద్దరూ వన్డేను తలపించే బ్యాటింగ్‌ దూకుడు కనిపించడంతో ఒక్క సెషన్‌లోనే 148 పరుగులు చేసింది. అంతకుముందు భారత ఇన్నింగ్స్‌ను గాయపడిన రిషభ్‌ పంత్‌ బ్యాటింగ్‌కు దిగి ఆదుకున్నాడు. టెస్టులో పోరాడేందుకు తనవంతు పరుగులు జతచేసే నిష్క్రమించాడు. దీంతో తొలి ఇన్నింగ్స్‌లో భారత్‌ 114.1 ఓవర్లలో 358 పరుగుల వద్ద ఆలౌటైంది. రిషభ్‌ పంత్‌ (75 బంతుల్లో 54; 3 ఫోర్లు, 2 సిక్స్‌లు), శార్దుల్‌ ఠాకూర్‌ (88 బంతుల్లో 41; 5 ఫోర్లు) రాణించారు. లోయర్‌ ఆర్డర్‌పై ప్రతాపం చూపిన బెన్‌ స్టోక్స్‌ 5 వికెట్లు పడగొట్టగా, ఆర్చర్‌కు 3 వికెట్లు దక్కాయి. అనంతరం ఆట ప్రారంభించిన ఇంగ్లండ్‌ రెండో రోజు ఆట ముగిసే సమయానికి తొలి ఇన్నింగ్స్‌లో 46 ఓవర్లలో 2 వికెట్ల నష్టానికి 225 పరుగులు చేసింది. ఓపెనర్లు జాక్‌ క్రాలీ (113 బంతుల్లో 84; 13 ఫోర్లు, 1 సిక్స్‌), బెన్‌ డకెట్‌ (100 బంతుల్లో 94; 13 ఫోర్లు) అదరగొట్టారు. పోప్‌ (20 బ్యాటింగ్‌; 3 ఫోర్లు), రూట్‌ (11 బ్యాటింగ్‌; 2 ఫోర్లు) క్రీజులో ఉన్నారు. జడేజా, అన్షుల్‌ కంబోజ్‌లకు ఒక్కో వికెట్‌ దక్కింది. భారత్‌ తొలి ఇన్నింగ్స్‌ స్కోరుకు ఇంగ్లండ్‌ ఇంకా 133 పరుగులు వెనుకబడి ఉంది. తడబడిన మిడిలార్డర్‌ రెండో రోజు ఓవర్‌నైట్‌ స్కోరు 264/4తో గురువారం ఆట ప్రారంభించిన భారత్‌ ఆదిలోనే కీలకమైన వికెట్‌ను కోల్పోయింది. క్రితం రోజు స్కోరుకు కేవలం ఒక పరుగే జతచేసిన జడేజా (20; 3 ఫోర్లు)ను ఆర్చర్‌ బోల్తా కొట్టించాడు. ఈ దశలో శార్దుల్‌కు వాషింగ్టన్‌ సుందర్‌ జతయ్యాడు. ఇద్దరు అడపాదడపా బౌండరీలు కొడుతూ జట్టు స్కోరును 300 దాటించారు. ఈ సెషన్‌ ముగిసే దశలో ఉండగా క్రీజులో పాతుకుపోయిన శార్దుల్‌ను స్టోక్స్‌ అవుట్‌ చేసి భారత్‌ను కష్టాల్లోకి నెట్టాడు. తొలిరోజు రిటైర్డ్‌హర్ట్‌గా వెనుదిరిగిన రిషభ్‌ పంత్‌ క్రీజులోకి వచ్చాడు. ఈ దశలో 321/6 స్కోరు వద్ద వర్షం కాసేపు ఆటంకపరిచింది. అక్కడితోనే తొలి సెషన్‌ ముగిసింది. రెండో సెషన్‌లో పంత్, సుందర్‌ ఇన్నింగ్స్‌ను గాడినపెట్టే ప్రయత్నం చేశారు. కానీ ఈ జోడీ బలపడుతుండగానే స్టోక్స్‌ మళ్లీ గట్టిదెబ్బే కొట్టాడు. నాలుగు బంతుల వ్యవధిలో సుందర్‌ (90 బంతుల్లో 27; 2 ఫోర్లు), అన్షుల్‌ కంబోజ్‌ (0)లను అవుట్‌ చేశాడు. ఆర్చర్‌ బౌలింగ్‌లో 6 కొట్టిన పంత్‌... స్టోక్స్‌ వేసిన మరుసటి ఓవర్లో బౌండరీతో 69 బంతుల్లో అర్ధసెంచరీని పూర్తిచేసుకున్నాడు. తర్వాత కాసేపటికే ఆర్చర్‌... పంత్‌తో పాటు బుమ్రా (4) వికెట్‌ పడగొట్టడంతో భారత్‌ ఇన్నింగ్స్‌కు తెరపడింది. స్కోరు వివరాలు భారత్‌ తొలి ఇన్నింగ్స్‌: జైస్వాల్‌ (సి) బ్రూక్‌ (బి) డాసన్‌ 58; రాహుల్‌ (సి) క్రాలీ (బి) వోక్స్‌ 46; సుదర్శన్‌ (సి) కార్స్‌ (బి) స్టోక్స్‌ 61; గిల్‌ (ఎల్బీడబ్ల్యూ) (బి) స్టోక్స్‌ 12; పంత్‌ (బి) ఆర్చర్‌ 54; జడేజా (సి) బ్రూక్‌ (బి) ఆర్చర్‌ 20; శార్దుల్‌ (సి) డకెట్‌ (బి) సోŠట్‌క్స్‌ 41; సుందర్‌ (సి) వోక్స్‌ (బి) స్టోక్స్‌ 27; అన్షుల్‌ (సి) స్మిత్‌ (బి) స్టోక్స్‌ 0; బుమ్రా (సి) స్మిత్‌ (బి) ఆర్చర్‌ 4; సిరాజ్‌ (నాటౌట్‌) 5; ఎక్స్‌ట్రాలు 30; మొత్తం (114.1 ఓవర్లలో ఆలౌట్‌) 358. వికెట్ల పతనం: 1–94, 2–120, 3–140, 4–235, 5–266, 6–314, 7–337, 8–337, 9–349, 10–358. బౌలింగ్‌: వోక్స్‌ 23–5–66–1, ఆర్చర్‌ 26.1–3–73–3, కార్స్‌ 21–1–71–0, స్టోక్స్‌ 24–3–72–5, డాసన్‌ 15–1–45–1, జో రూట్‌ 5–0–19–0. ఇంగ్లండ్‌ తొలి ఇన్నింగ్స్‌: క్రాలీ (సి) రాహుల్‌ (బి) జడేజా 84; డకెట్‌ (సి) సబ్‌–జురేల్‌ (బి) అన్షుల్‌ 94, ఒలీ పోప్‌ (బ్యాటింగ్‌) 20; రూట్‌ (బ్యాటింగ్‌) 11; ఎక్స్‌ట్రాలు 16; మొత్తం (46 ఓవర్లలో 2 వికెట్లకు) 225. వికెట్ల పతనం: 1–166, 2–197. బౌలింగ్‌: బుమ్రా 13–4–37–0, అన్షుల్‌ కంబోజ్‌ 10–1–48–1, సిరాజ్‌ 10–0–58–0, శార్దుల్‌ 5–0–35–0, జడేజా 8–0–37–1.

మాంచెస్టర్‌ టెస్ట్‌లో భారత్‌ తొలి ఇన్నింగ్స్‌ ముగిసింది. టాస్‌ ఓడి తొలుత బ్యాటింగ్‌ చేసిన భారత్‌ 358 పరుగులకు ఆలౌటైంది. 264/4 వద్ద రెండో రోజు ఆట ప్రారంభించిన టీమిండియా.. ఓవర్‌నైట్‌ స్కోర్‌కు మరో 94 పరుగులు జోడించి మిగతా 6 వికెట్లు కోల్పోయింది.తొలి రోజు ఆటలో గాయపడిన వికెట్‌కీపర్‌ బ్యాటర్‌ రిషబ్‌ పంత్‌ ఇవాళ వీరోచితంగా పోరాడి హాఫ్‌ సెంచరీ పూర్తి చేశాడు. ఇవాళ శార్దూల్‌ ఠాకూర్‌ ఔటయ్యాక రీఎంట్రీ ఇచ్చిన పంత్‌.. వాషింగ్టన్‌ సుందర్‌, అన్షుల్‌ కంబోజ్‌ సాయంతో భారత ఇన్నింగ్స్‌ను తీర్చిదిద్దాడు. పంత్‌ తొమ్మిదో వికెట్‌గా వెనుదిరిగాక భారత ఇన్నింగ్స్‌ క్షణాల్లో ముగిసింది.భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రిషబ్‌ పంత్‌ 54, రవీంద్ర జడేజా 20, శార్దూల్‌ ఠాకూర్‌ 41, వాషింగ్టన్‌ సుందర్‌ 27, అన్షుల్‌ కంబోజ్‌ 0, జస్ప్రీత్‌ బుమ్రా 5, మహ్మద్‌ సిరాజ్‌ 5 (నాటౌట్‌) పరుగులు చేశారు.ఇవాల్టి ఆటలో ఇంగ్లండ్‌ బౌలర్‌ బెన్‌ స్టోక్స్‌ చెలరేగిపోయాడు. ఈ ఇన్నింగ్స్‌లో మొత్తంగా అతను 5 వికెట్లు తీశాడు. ఆర్చర్‌కు సత్తా చాటి 3 వికెట్లు తీశాడు. వోక్స్‌, డాసన్‌ తలో వికెట్‌ పడగొట్టారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.

మాంచెస్టర్‌ టెస్ట్‌లో టీమిండియా వికెట్‌ కీపర్‌ బ్యాటర్‌ రిషబ్‌ పంత్‌ చరిత్ర సృష్టించాడు. ఈ మ్యాచ్‌ తొలి ఇన్నింగ్స్‌లో గాయాన్ని సైతం​ లెక్క చేయకుండా బరిలోకి దిగిన పంత్‌.. వరల్డ్‌ టెస్ట్‌ ఛాంపియన్‌షిప్‌ చరిత్రలో అత్యధిక పరుగులు (67 ఇన్నింగ్స్‌ల్లో 2719 పరుగులు) చేసిన భారత ఆటగాడిగా అవతరించాడు. ఈ రికార్డు ఇంతకుముందు రోహిత్‌ శర్మ (69 ఇన్నింగ్స్‌ల్లో 2716 పరుగులు) పేరిట ఉండేది. పంత్‌ తాజాగా హిట్‌మ్యాన్‌ రికార్డును బద్దలు కొట్టాడు.ఈ మ్యాచ్‌లో పంత్‌ 54 పరుగుల వ్యక్తిగత స్కోర్‌ వద్ద ఔటయ్యాడు. తొలి రోజు ఆటలో 37 పరుగుల వద్ద రిటైర్డ్‌ హర్ట్‌ అయిన పంత్‌.. మరో 17 పరుగులు జోడించి పెవిలియన్‌కు చేరాడు. బొటన వేలు గాయంతో బాధపడుతూనే పంత్‌ ఆడిన ఈ ఇన్నింగ్స్‌ విమర్శకుల ప్రశంసలు అందుకుంటుంది. పంత్‌ వీరోచిత పోరాటానికి అందరూ సలాం​ కొడుతున్నారు. పంత్‌ హాఫ్‌ సెంచరీకి చేరువలో జోఫ్రా ఆర్చర్‌ బౌలింగ్‌లో బాదిన ఓ సిక్సర్‌ మ్యాచ్‌ మొత్తానికే హైలైట్‌గా నిలిచింది. ఈ సిక్సర్‌తో పంత్‌ భారత్‌ తరఫున టెస్ట్‌ల్లో అత్యధిక సిక్సర్లు బాదిన ఆటగాడిగా వీరేంద్ర సెహ్వాగ్‌ రికార్డును సమం చేశాడు. ప్రస్తుతం పంత్‌, సెహ్వాగ్‌ టెస్ట్‌ల్లో తలో 90 సిక్సర్లతో ఉన్నారు.హాఫ్‌ సెంచరీ పూర్తి కాగానే పంత్‌ జోఫ్రా ఆర్చర్‌ బౌలింగ్‌లో క్లీన్‌ బౌల్డ్‌ అయ్యాడు. పంత్‌ ఔటయ్యాక భారత్‌ ఇన్నింగ్స్‌ కొద్ది క్షణాల్లోనే ముగిసింది. భారత్‌ తొలి ఇన్నింగ్స్‌లో 358 పరుగులకు ఆలౌటైంది. ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌ చేసింది.భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రిషబ్‌ పంత్‌ 54, రవీంద్ర జడేజా 20, శార్దూల్‌ ఠాకూర్‌ 41, వాషింగ్టన్‌ సుందర్‌ 27, అన్షుల్‌ కంబోజ్‌ 0, జస్ప్రీత్‌ బుమ్రా 5, మహ్మద్‌ సిరాజ్‌ 5 (నాటౌట్‌) పరుగులు చేశారు. ఇంగ్లండ్‌ బౌలర్లలో స్టోక్స్‌ 5, ఆర్చర్‌ 3, వోక్స్‌ డాసన్‌ తలో వికెట్‌ తీశారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.

మాంచెస్టర్‌ టెస్ట్‌లో భారత్‌ ఓ మోస్తరు స్కోర్‌ దిశగా పయనిస్తుంది. రెండో రోజు లంచ్‌ విరామం సమయానికి టీమిండియా 6 వికెట్ల కోల్పోయి 321 పరుగులు చేసింది. వాషింగ్టన్‌ సుందర్‌ (20), రిషబ్‌ పంత్‌ (39) క్రీజ్‌లో ఉన్నారు.ఓవర్‌నైట్‌ స్కోర్‌ 264/4 వద్ద రెండో రోజు ఆట ప్రారంభించిన టీమిండియాకు ఆదిలోనే ఎదురుదెబ్బ తగిలింది. రవీంద్ర జడేజా తన వ్యక్తిగత స్కోర్‌కు మరో పరుగు మాత్రమే జోడించి జోఫ్రా ఆర్చర్‌ బౌలింగ్‌లో హ్యారీ బ్రూక్‌కు క్యాచ్‌ ఇచ్చి ఔటయ్యాడు.జడేజా ఆదిలోనే ఔటైనప్పటికీ శార్దూల్‌ ఠాకూర్‌ (41).. వాషింగ్టన్‌ సుందర్‌ సాయంతో ఇన్నింగ్స్‌ను చక్కదిద్దాడు. లంచ్‌ విరామానికి కొద్ది సమయం ముందు శార్దూల్‌ స్టోక్స్‌ బౌలింగ్‌లో బెన్‌ డకెట్‌కు క్యాచ్‌ ఇచ్చి ఆరో వికెట్‌గా వెనుదిరిగాడు.అనంతరం పంత్‌ గాయంతో బాధపడుతూనే బరిలోకి దిగాడు. తొలి రోజులో ఆటలో పంత్‌ 37 పరుగుల వ్యక్తిగత స్కోర్‌ వద్ద గాయం బారిన పడి రిటైర్డ్‌ హర్ట్‌గా వెనుదిరిగాడు. పంత్‌ గాయం తీవ్రమైందే అయినప్పటికీ జట్టు అవసరాల దృష్ట్యా బ్యాటింగ్‌కు దిగాడు. పంత్‌ సేవలు ఈ మ్యాచ్‌లో కేవలం బ్యాటింగ్‌కు మాత్రమే పరిమితమవుతాయని, అతను వికెట్‌కీపింగ్‌ చేయడని బీసీసీఐ ప్రకటన విడుదల చేసింది.ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌కు దిగిన విషయం తెలిసిందే. భారత ఇన్నింగ్స్‌లో యశస్వి జైస్వాల్‌ 58, కేఎల్‌ రాహుల్‌ 46, సాయి సుదర్శన్‌ 61, శుభ్‌మన్‌ గిల్‌ 12, రవీంద్ర జడేజా 20, శార్దూల్‌ ఠాకూర్‌ 41 పరుగులు చేశారు. ఇంగ్లండ్‌ బౌలర్లలో స్టోక్స్‌ 3, వోక్స్‌, ఆర్చర్‌, డాసన్‌ తలో వికెట్‌ తీశారు. ఐదు మ్యాచ్‌ల ఈ సిరీస్‌లో ప్రస్తుతం ఇంగ్లండ్‌ 2-1 ఆధిక్యంలో ఉన్న విషయం తెలిసిందే.

భారత పురుషుల సీనియర్‌ క్రికెట్‌ జట్టు వచ్చే ఏడాది మరోసారి ఇంగ్లండ్‌లో పర్యటించనుంది. ప్రస్తుతం ఇంగ్లండ్‌ పర్యటనలోనే ఉన్న టీమిండియా.. 2026 జులైలో ఇంగ్లండ్‌తో 5 టీ20లు, 3 వన్డేలు ఆడనుంది. ఈ మేరకు ఇవాళ (జులై 24) షెడ్యూల్‌ విడుదలైంది. వచ్చే ఏడాది జులై 1 (డర్హమ్‌), 4 (మాంచెస్టర్‌), 7 (నాటింగ్హమ్‌), 9 (బ్రిస్టల్‌), 11 (సౌతాంప్టన్‌) తేదీల్లో ఐదు టీ20లు.. ఆతర్వాత 14 (బర్మంగ్హమ్‌), 16 (కార్డిఫ్‌), 19 (లార్డ్స్‌) తేదీల్లో మూడు వన్డేలు జరుగనున్నాయి. భారత్‌తో జరగాల్సిన మ్యాచ్‌లతో పాటు వచ్చే ఏడాది హెం సమ్మర్‌ షెడ్యూల్‌ మొత్తాన్ని​ ఇంగ్లండ్‌ క్రికెట్‌ బోర్డు ప్రకటించింది. పురుషులతో పాటు మహిళల క్రికెట్‌కు సంబంధించిన షెడ్యూల్‌ను కూడా విడుదల చేసింది. వచ్చే ఏడాది హోం సమ్మర్‌లో భారత మహిళల జట్టు కూడా ఇంగ్లండ్‌తో మ్యాచ్‌లు ఆడనుంది. ఈ పర్యటనలో భారత్‌ 3 టీ20లు, ఓ టెస్ట్‌ మ్యాచ్‌ ఆడనుంది. వచ్చే ఏడాది ఇంగ్లండ్‌ పురుషుల హోం సమ్మర్‌ షెడ్యూల్‌..మొదటి టెస్ట్ న్యూజిలాండ్‌తో జూన్ 4-8 లార్డ్స్, లండన్రెండవ టెస్ట్ న్యూజిలాండ్‌తో జూన్ 17-21 ది కియా ఓవల్, లండన్మూడవ టెస్ట్ న్యూజిలాండ్‌తో జూన్ 25-29 ట్రెంట్ బ్రిడ్జ్, నాటింగ్‌హామ్మొదటి T20I ఇండియాతో జూలై 1 బ్యాంక్స్ హోమ్స్ రివర్‌సైడ్, డర్హమ్రెండవ T20I ఇండియాతో జూలై 4 ఓల్డ్ ట్రాఫోర్డ్, మాంచెస్టర్3వ T20I ఇండియాతో జూలై 7 ట్రెంట్ బ్రిడ్జ్, నాటింగ్‌హామ్4వ T20I ఇండియాతో జూలై 9 సీట్ యూనిక్ స్టేడియం, బ్రిస్టల్5వ T20I ఇండియాతో జూలై 11 యుటిలిటా బౌల్, సౌతాంప్టన్మొదటి వన్డే ఇండియాతో జూలై 14 ఎడ్జ్‌బాస్టన్, బర్మింగ్‌హామ్రెండవ వన్డే ఇండియా తోజూలై 16 సోఫియా గార్డెన్స్, కార్డిఫ్మూడవ వన్డే ఇండియాతో జూలై 19 లార్డ్స్, లండన్మొదటి టెస్ట్ పాకిస్తాన్‌తో ఆగస్టు 19-23 హెడింగ్లీ, లీడ్స్రెండవ టెస్ట్ పాకిస్తాన్‌తో ఆగస్టు 27-31 లార్డ్స్, లండన్మూడవ టెస్ట్ పాకిస్తాన్‌తో సెప్టెంబర్ 9-13 ఎడ్జ్‌బాస్టన్, బర్మింగ్‌హామ్మొదటి T20I శ్రీలంకతో సెప్టెంబర్ 15 యుటిలిటా బౌల్, సౌతాంప్టన్రెండవ T20I శ్రీలంకతో సెప్టెంబర్ 17 సోఫియా గార్డెన్స్, కార్డిఫ్3వ T20I శ్రీలంకతో సెప్టెంబర్ 19 ఓల్డ్ ట్రాఫోర్డ్, మాంచెస్టర్మొదటి ODI శ్రీలంకతో సెప్టెంబర్ 22 బ్యాంక్స్ హోమ్స్ రివర్‌సైడ్, డర్హామ్రెండవ ODI శ్రీలంకతో సెప్టెంబర్ 24 హెడింగ్లీ, లీడ్స్మడవ ODI శ్రీలంకతో సెప్టెంబర్ 27 ది కియా ఓవల్, లండన్వచ్చే ఏడాది ఇంగ్లండ్‌ మహిళల హోం సమ్మర్‌ షెడ్యూల్‌..మొదటి వన్డే న్యూజిలాండ్‌తో మే 10 బ్యాంక్స్ హోమ్స్ రివర్‌సైడ్, డర్హామ్రెండవ వన్డే న్యూజిలాండ్‌తో మే 13 ది కౌంటీ గ్రౌండ్, నార్తాంప్టన్మూడవ వన్డే న్యూజిలాండ్‌తో మే 16 సోఫియా గార్డెన్స్, కార్డిఫ్1వ T20I న్యూజిలాండ్‌తో మే 20 ది సెంట్రల్ కో-ఆప్ కౌంటీ గ్రౌండ్, డెర్బీ2వ T20I న్యూజిలాండ్‌తో మే 23 ది స్పిట్‌ఫైర్ గ్రౌండ్, కాంటర్‌బరీ3వ T20I న్యూజిలాండ్‌తో మే 25 ది 1వ సెంట్రల్ కౌంటీ గ్రౌండ్, హోవ్1వ T20I ఇండియాతో మే 28 అంబాసిడర్ క్రూయిజ్ లైన్ గ్రౌండ్, చెల్మ్స్‌ఫోర్డ్2వ T20I ఇండియాతో మే 30 సీట్ యూనిక్ స్టేడియం, బ్రిస్టల్3వ T20I ఇండియాతో జూన్ 2 ది కూపర్ అసోసియేట్స్ కౌంటీ గ్రౌండ్, టౌంటన్టెస్ట్ ఇండియాతో జూలై 10-14 లార్డ్స్, లండన్1వ వన్డే ఐర్లాండ్‌తో సెప్టెంబర్ 1 ది అప్టన్‌స్టీల్ కౌంటీ గ్రౌండ్, లీసెస్టర్2వ వన్డే ఐర్లాండ్‌తో సెప్టెంబర్ 3 ది సెంట్రల్ కో-ఆప్ కౌంటీ గ్రౌండ్, డెర్బీ3వ వన్డే ఐర్లాండ్‌తో సెప్టెంబర్ 6 వోర్సెస్టర్‌షైర్ న్యూ రోడ్, వోర్సెస్టర్‌

దాదాపు ఆరు వారాల క్రితం... నార్తాంప్టన్‌లో ఇంగ్లండ్‌ లయన్స్‌తో భారత్‌ ‘ఎ’ తలపడిన అనధికారిక టెస్టులో అన్షుల్‌ కంబోజ్‌ సభ్యుడిగా ఉన్నాడు. ఈ మ్యాచ్‌లో 4 వికెట్లు తీయడంతో పాటు అతను అర్ధ సెంచరీ కూడా సాధించాడు. మరో 10 రోజుల్లో భారత్, ఇంగ్లండ్‌ మధ్య టెస్టు సిరీస్‌ ప్రారంభం కానుండగా జట్టులో ప్రధాన పేసర్‌ ఒకరు గాయంతో బాధపడుతుండటంతో ముందు జాగ్రత్తగా మరో పేసర్‌ను టీమ్‌తో చేర్చాలని మేనేజ్‌మెంట్‌ భావించింది. ‘ఎ’ తరఫున ప్రదర్శన చూసిన తర్వాత కంబోజ్‌కు అవకాశం దక్కవచ్చని అంతా అనుకున్నారు. అయితే హర్షిత్‌ రాణాను జట్టు ఎంచుకుంది. స్వదేశానికి తిరిగి వచ్చిన తర్వాతి రోజు ఉదయమే తాను రోజూ సాధన చేసే అకాడమీకి కంబోజ్‌ చేరుకున్నాడు. ఇంగ్లండ్‌ నుంచి వస్తూ వస్తూ అతను కొన్ని డ్యూక్స్‌ బంతులను వెంట తెచ్చుకున్నాడు. సింగిల్‌ స్టంప్‌ను పెట్టుకొని వాటితో ప్రాక్టీస్‌ మొదలు పెట్టేశాడు. కోచ్‌ ఎలా ఉన్నావు అడిగితే ‘అంతా బాగుంది సర్‌. కానీ నాకు ఇంకా నమ్మకం ఉంది’ అంటూ జవాబిచ్చాడు. జట్టులో స్థానంపై ఆశలు కోల్పోని కంబోజ్‌కు కొద్ది రోజులకే తీపి కబురు వచ్చింది. డ్యూక్స్‌ బంతులతో సాధన ఇంగ్లండ్‌తో మ్యాచ్‌ కోసమేనా అన్నట్లుగా వచ్చీ రాగానే టెస్టు క్రికెట్‌లో అరంగేట్రం చేసే అవకాశం కూడా లభించింది. – సాక్షి క్రీడా విభాగంహరియాణాలో బాక్సర్లకు అడ్డా అయిన కర్నాల్‌ సమీపంలో ఫజీల్‌పూర్‌ అన్షుల్‌ స్వస్థలం. చాలా మందిలాగే అతనూ మట్టి మైదానాల్లో క్రికెట్‌ ఆడుతూ వచ్చాడు. 14 ఏళ్ల వయసు వచ్చాకే బౌలింగ్‌పై పూర్తి స్థాయిలో దృష్టి పెట్టాడు. తండ్రి ఉధమ్‌ సింగ్‌ అన్ని రకాలుగా అండగా నిలవగా... స్థానిక కోచ్‌ సతీశ్‌ రాణా అతడిని తీర్చి దిద్దాడు. అకాడమీలో చేర్పించిన అనంతరం అన్షుల్‌ ఆట పదునెక్కింది. ఆ్రస్టేలియా దిగ్గజం గ్లెన్‌ మెక్‌గ్రాత్‌ను విపరీతంగా అభిమానించే అతను... మెక్‌గ్రాత్‌ తరహాలోనే పేస్‌ కంటే కూడా కచ్చితత్వంపైనే ఎక్కువగా ఆధారపడతాడు. భారత్‌లో స్వింగ్‌ బౌలింగ్‌కు బాగా అనుకూలించే మైదానంగా గుర్తింపు పొందిన లాహ్లిలో ఎక్కువగా ప్రాక్టీస్‌ చేయడం కలిసి రాగా, తీవ్ర సాధనతో అన్షుల్‌ సీమ్‌ బౌలింగ్‌లో రాటుదేలాడు. ఇప్పుడే అదే ప్రత్యేకత అతడిని తొలిసారి టెస్టు జట్టుకు ఎంపికయ్యేలా చేసింది. నాన్నకు ఆనందం పంచుతూ... ఆరేళ్ల క్రితం భారత అండర్‌–19 జట్టుకు ఎంపిక కావడం అన్షుల్‌ కెరీర్‌లో కీలక మలుపు. నిజానికి అంతకు కొద్ది రోజుల ముందే అండర్‌–19 వరల్డ్‌ కప్‌లో ఆడే భారత జట్టులో చోటు లభించే అవకాశం రాగా, గాయం కారణంగా టోర్నీకి దూరమయ్యాడు. ఆ సమయంలో తీవ్రంగా బాధపడిన అన్షుల్‌ ఆటను వదిలేద్దామనుకున్నాడు. కానీ అతనిలోని ప్రతిభ గురించి తెలిసిన తండ్రి కొనసాగమని గట్టిగా ప్రోత్సహించాడు. దాంతో పట్టుదలగా ఆడుతూ ముందుకు వెళ్లిన అన్షుల్‌ 2022లో తొలిసారి హరియాణా తరఫున రంజీ ట్రోఫీ మ్యాచ్‌ బరిలోకి దిగాడు. మూడేళ్లు గడిచేసరికి ఇప్పుడు భారత్‌ తరఫున టెస్టు క్రికెట్‌ ఆడటంతో తండ్రి ఆనందానికి అవధుల్లేవు. గత పదేళ్లుగా ఉధమ్‌ సింగ్‌ నరాల సంబంధిత వ్యాధితో బాధపడుతున్నాడు. కంబోజ్‌ ఎంపిక తండ్రి బాధలన్నీ ఒక్క క్షణంలో దూరం చేసిందని అతని సోదరుడు సంయమ్‌ చెప్పాడు. కంబోజ్‌ మ్యాచ్‌ ఆడే సమయంలోనే అతని తల్లికి కిడ్నీ సంబంధిత సర్జరీ కూడా ఉంది. ఆ సమయంలో కొడుకు లేకపోయినా... కోలుకున్న తర్వాత ఆ కుటుంబంలో కనిపించే సంతోషం గురించి ప్రత్యేకంగా చెప్పనవసరం లేదు. ఇప్పటి వరకు 24 మ్యాచ్‌ల ఫస్ట్‌ క్లాస్‌ కెరీర్‌లో 22.88 సగటుతో 79 వికెట్లు పడగొట్టిన అన్షుల్‌ తొలి టెస్టులో బౌలింగ్‌ కోసం ఉత్సాహంగా ఎదురు చూస్తున్నాడు.ఆ రెండు ప్రదర్శనలు...అన్షుల్‌ అనూహ్యంగా దూసుకు వచ్చిన తరహా ఆటగాడు కాదు. దేశవాళీ క్రికెట్‌లో నిలకడైన ప్రదర్శనతో ఒక్కో మెట్టు ఎక్కుతూ వచ్చాడు. 2023–24 సీజన్‌ వన్డే టోర్నీ విజయ్‌ హజారే ట్రోఫీని హరియాణా గెలుచుకోవడంలో 17 వికెట్లతో అతను కీలక పాత్ర పోషించాడు. ఇది అతనికి రూ.20 లక్షలతో తొలి ఐపీఎల్‌ అవకాశం ఇప్పించింది. 2024 సీజన్‌లో ముంబై ఇండియన్స్‌ తరఫున 3 మ్యాచ్‌లు ఆడగలిగాడు. తొలి మ్యాచ్‌లో ట్రవిస్‌ హెడ్‌ను క్లీన్‌బౌల్డ్‌ చేయగా... అది నోబాల్‌గా తేలింది. ఈ స్థాయిలో ఆడటం అంత సులువు కాదని అది తనకు నేర్పించిందని అతను గుర్తు చేసుకున్నాడు. అన్షుల్‌ ప్రతిభకు ఐపీఎల్‌ 2025లో గుర్తింపు దక్కింది. వేలంలో రూ.3 కోట్ల 40 లక్షలకు అతడిని సొంతం చేసుకున్న చెన్నై సూపర్‌ కింగ్స్‌ 8 మ్యాచ్‌లలో అవకాశం ఇచ్చింది. ఈ హరియాణా ప్లేయర్‌ తన పేరును, జెర్సీ నంబర్‌ను ఒకే చోట చేర్చి (అన్షుల్‌ కంబోజ్‌–ఏకే 47) పేరుతో జెర్సీని ధరించి ఐపీఎల్‌ మ్యాచ్‌ల్లో బరిలోకి దిగాడు. గత సీజన్‌ దులీప్‌ ట్రోఫీ మ్యాచ్‌లో భారత్‌ ‘సి’ తరఫున ఇన్నింగ్స్‌లో 8 వికెట్లు తీసిన అన్షుల్, రంజీ మ్యాచ్‌లో కేరళపై ఇన్నింగ్స్‌లో 10 వికెట్లు తీసిన మూడో బౌలర్‌గా ఘనతను అందుకున్నాడు. అనంతపురంలో జరిగిన దులీప్‌ ట్రోఫీ మ్యాచ్‌లో బౌలింగ్‌కు ఏమాత్రం అనుకూలంగా లేని పిచ్‌పై భారత్‌ ‘సి’ 525 పరుగులు చేయగా... అన్షుల్‌ దెబ్బకు ‘బి’ 332 పరుగులకే ఆలౌటైంది. ‘ప్రతిభ మాత్రమే కాదు...జహీర్, బుమ్రా తరహాలో తనదైన వ్యూహంతో బౌలింగ్‌ చేయగల అరుదైన పేసర్‌ అన్షుల్‌’ అంటూ అతని సీఎస్‌కే సహచరుడు అశ్విన్‌ ప్రశంసలు కురిపించాడు. ఇంగ్లండ్‌ గడ్డపై తనకు లభించిన అవకాశాలను అన్షుల్‌ సద్వినియోగం చేసుకుంటే భవిష్యత్తులో మరింత ముందుకు వెళ్లడం ఖాయం.

తొలి సెషన్‌లో ఒక్క వికెట్‌ కోల్పోకుండా ఓపెనర్ల పట్టుదల... ఆపై తక్కువ వ్యవధిలో మూడు వికెట్లు... కీలక సమయంలో రిషభ్‌ పంత్‌కు గాయం... చివరకు సంతృప్తిగా ముగింపు! మాంచెస్టర్‌ టెస్టులో భారత జట్టు పరిస్థితి ఇది. టాస్‌ ఓడినా సానుకూల ఆటతో భారత బ్యాటింగ్‌ కొనసాగింది. యశస్వి జైస్వాల్, సాయి సుదర్శన్‌ అర్ధ సెంచరీలతో ఆకట్టుకోగా, ఇంగ్లండ్‌ కెప్టెన్‌ స్టోక్స్‌ బంతితో రాణించాడు. ఇంకా లోతైన బ్యాటింగ్‌ ఉండటంతో రెండో రోజు టీమిండియా ఎంత భారీ స్కోరు నమోదు చేస్తుందనేది చూడాలి. మాంచెస్టర్‌: ఇంగ్లండ్‌తో నాలుగో టెస్టును భారత్‌ ఆత్మవిశ్వాసంతో ప్రారంభించింది. బుధవారం తొలి రోజు ఆట ముగిసే సమయానికి టీమిండియా తొలి ఇన్నింగ్స్‌లో 83 ఓవర్లలో 4 వికెట్ల నష్టానికి 264 పరుగులు చేసింది. సాయి సుదర్శన్‌ (151 బంతుల్లో 61; 7 ఫోర్లు), యశస్వి జైస్వాల్‌ (107 బంతుల్లో 58; 10 ఫోర్లు, 1 సిక్స్‌) హాఫ్‌ సెంచరీలు చేశారు. రిషభ్‌ పంత్‌ (48 బంతుల్లో 37 రిటైర్డ్‌హర్ట్‌; 2 ఫోర్లు, 1 సిక్స్‌) గాయంతో మైదానం వీడాడు. ప్రస్తుతం రవీంద్ర జడేజా (19 బ్యాటింగ్‌), శార్దుల్‌ ఠాకూర్‌ (19 బ్యాటింగ్‌) క్రీజులో ఉన్నారు. ఓల్డ్‌ ట్రఫోర్డ్‌ మైదానం చరిత్రలో టాస్‌ గెలిచి ఫీల్డింగ్‌ ఎంచుకున్న జట్టు ఒక్కసారి కూడా మ్యాచ్‌ గెలవలేదు. అయినా సరే, స్టోక్స్‌ మరోసారి టాస్‌ గెలిచి అలాంటి సాహసం చేశాడు. ఈ సిరీస్‌లో ఇంగ్లండ్‌ నాలుగు టాస్‌లూ గెలవగా... అంతర్జాతీయ క్రికెట్‌లో భారత్‌ వరుసగా 14 టాస్‌లు ఓడిపోయింది! ఓపెనర్ల శుభారంభం... భారత్‌కు మరోసారి ఓపెనర్లు జైస్వాల్, కేఎల్‌ రాహుల్‌ (98 బంతుల్లో 46; 4 ఫోర్లు) మెరుగైన ఆరంభాన్ని అందించారు. ఇంగ్లండ్‌ బౌలర్లను సమర్థంగా ఎదుర్కొంటూ వీరిద్దరు చక్కటి షాట్లతో పరుగులు రాబట్టారు. లంచ్‌ సమయానికి జట్టు వికెట్‌ నష్టపోకుండా 78 పరుగులు చేసింది. అయితే రెండో సెషన్‌లో పరిస్థితి మారింది. తక్కువ వ్యవధిలో పదునైన బంతితో రాహుల్‌ను అవుట్‌ చేసి వోక్స్‌ జట్టుకు తొలి వికెట్‌ అందించాడు. 96 బంతుల్లో అర్ధ సెంచరీ మార్క్‌ను అందుకున్న తర్వాత డాసన్‌ బౌలింగ్‌లో జైస్వాల్‌ వెనుదిరగ్గా... గత టెస్టు వైఫల్యాన్ని శుబ్‌మన్‌ గిల్‌ (12) ఇక్కడా కొనసాగించాడు. స్టోక్స్‌ బంతిని ఆడకుండా వదిలేసిన గిల్‌ రివ్యూ కోరినా లాభం లేకపోయింది. అంతకుముందు భారత్‌ కొన్ని ఉత్కంఠ క్షణాలను ఎదుర్కొంది. స్టోక్స్‌ బౌలింగ్‌లో 20 పరుగుల వద్ద సుదర్శన్‌ ఇచ్చిన సునాయాస క్యాచ్‌ను కీపర్‌ స్మిత్‌ వదిలేయడం కాస్త కలిసొచ్చింది. కీలక భాగస్వామ్యం... టీ విరామం తర్వాత సుదర్శన్, పంత్‌ చక్కటి సమన్వయంతో ఇన్నింగ్స్‌ను నడిపించారు. సుదర్శన్‌ ఆత్మవిశ్వాసంతో బ్యాటింగ్‌ చేయగా, పంత్‌ కూడా సంయమనం ప్రదర్శిస్తూ పరుగులు రాబట్టాడు. వీరిద్దరు నాలుగో వికెట్‌కు 72 పరుగులు జోడించిన తర్వాత గాయంతో పంత్‌ తప్పుకోవాల్సి వచ్చింది. 134 బంతుల్లో కెరీర్‌లో తొలి అర్ధ సెంచరీ పూర్తి చేసుకున్న అనంతరం సుదర్శన్‌ను స్టోక్స్‌ వెనక్కి పంపాడు. ఈ దశలో జడేజా, శార్దుల్‌ కలిసి జాగ్రత్తగా ఆడారు. వీరిద్దరు 55 బంతుల్లో అభేద్యంగా 29 పరుగులు జత చేసి తొలి రోజును ముగించారు. చివర్లో వెలుతురు మందగించడంతో అంపైర్ల సూచనతో ఇంగ్లండ్‌ స్పిన్‌ బౌలింగ్‌కే పరిమితమైంది. దాంతో 80 ఓవర్ల తర్వాత కూడా జట్టు కొత్త బంతి తీసుకునే ప్రయత్నం చేయలేదు. స్కోరు వివరాలు భారత్‌ తొలి ఇన్నింగ్స్‌: జైస్వాల్‌ (సి) బ్రూక్‌ (బి) డాసన్‌ 58; రాహుల్‌ (సి) క్రాలీ (బి) వోక్స్‌ 46; సుదర్శన్‌ (సి) కార్స్‌ (బి) స్టోక్స్‌ 61; గిల్‌ (ఎల్బీ) (బి) స్టోక్స్‌ 12; పంత్‌ (రిటైర్డ్‌హర్ట్‌) 37; జడేజా (బ్యాటింగ్‌) 19; శార్దుల్‌ (బ్యాటింగ్‌) 19; ఎక్స్‌ట్రాలు 12; మొత్తం (83 ఓవర్లలో 4 వికెట్లకు) 264. వికెట్ల పతనం: 1–94, 2–120, 3–140, 3–212 (రిటైర్డ్‌ నాటౌట్‌), 4–235. బౌలింగ్‌: వోక్స్‌ 17–4–43–1, ఆర్చర్‌ 16–2–44–0, కార్స్‌ 16–1–60–0, స్టోక్స్‌ 14–2–47–2, డాసన్‌ 15–1–45–1, రూట్‌ 5–0–19–0.అన్షుల్‌ కంబోజ్‌ @ 318పేస్‌ బౌలర్‌ అన్షుల్‌ కంబోజ్‌ ఈ మ్యాచ్‌తో అంతర్జాతీయ క్రికెట్‌లోకి అడుగు పెట్టాడు. భారత్‌ తరఫున టెస్టు మ్యాచ్‌ ఆడిన 318వ ఆటగాడిగా అతను నిలిచాడు. హరియాణాకు చెందిన 24 ఏళ్ల అన్షుల్‌ 24 ఫస్ట్‌ క్లాస్‌ మ్యాచ్‌లలో 22.88 సగటుతో 79 వికెట్లు పడగొట్టాడు. లార్డ్స్‌ టెస్టులో ఆడిన జట్టు నుంచి మూడు మార్పులతో భారత్‌ బరిలోకి దిగింది. గాయాలతో దూరమైన నితీశ్, ఆకాశ్‌దీప్‌కు బదులుగా అన్షుల్, శార్దుల్‌లను ఎంపిక చేయగా...కరుణ్‌ నాయర్‌ను తప్పించి సాయి సుదర్శన్‌కు అవకాశం కల్పించారు. రిషభ్‌ పంత్‌కు గాయం!భారత్‌ను ఈ టెస్టులో ఇబ్బంది పెట్టే ప్రమాదం ఉన్న ఘటన తొలి రోజే చోటు చేసుకుంది. వికెట్‌ కీపర్‌ రిషభ్‌ పంత్‌ బ్యాటింగ్‌ చేస్తూ గాయపడి రిటైర్డ్‌హర్ట్‌గా వెనుదిరిగాడు. వోక్స్‌ వేసిన బంతిని రివర్స్‌ స్వీప్‌ ఆడబోగా బంతి నేరుగా అతని కుడి పాదంపై పడింది. ఎల్బీడబ్ల్యూ అప్పీల్‌కు అంపైర్‌ స్పందించకపోవడంతో ఇంగ్లండ్‌ రివ్యూ కోరింది. బంతి కాలికి తగిలే ముందే బ్యాట్‌ను తాకుతూ వెళ్లడంతో అతను నాటౌట్‌గా తేలాడు. అయితే బంతి బలంగా తాకడంతో పంత్‌ తీవ్ర నొప్పితో విలవిల్లాడాడు. సహచరుల అండతో ఒంటికాలిపై అడుగు వేయాల్సి వచ్చింది. చివరకు కార్ట్‌లో అతడిని మైదానం బయటకు తీసుకెళ్లారు. గాయం తీవ్రత ఎలాంటిదనే విషయంపై ఇంకా స్పష్టత రాలేదు. ఆ తర్వాత ఈ టెస్టులో అతని పరిస్థితి ఏమిటనేది తేలుతుంది.

మాంచెస్టర్‌​ టెస్ట్‌లో టీమిండియా కష్టాల్లో పడింది. 140 పరుగులకే 3 వికెట్లు కోల్పోయింది. కేఎల్‌ రాహుల్‌ (46), యశస్వి జైస్వాల్‌ (58) శుభారంభాన్ని అందించి ఔట్‌ కాగా.. శుభ్‌మన్‌ గిల్‌ కేవలం 12 పరుగులు మాత్రమే చేసి పెవిలియన్‌కు చేరాడు. 46 పరుగుల వ్యవధిలో భారత్‌ 3 కీలకమైన వికెట్లు కోల్పోయి ఇన్నింగ్స్‌ను కొనసాగిస్తుంది. సాయి సుదర్శన్‌ (26), రిషబ్‌ పంత్‌ (3) భారత్‌ను పటిష్ట స్థితికి తీసుకెళ్లే ప్రయత్నం చేస్తున్నారు.భారత్‌ కోల్పోయిన వికెట్లలో రాహుల్‌ వికెట్‌ క్రిస్‌ వోక్స్‌కు.. జైస్వాల్‌ వికెట్‌ లియామ్‌ డాసన్‌కు.. శుభ్‌మన్‌ గిల్‌ వికెట్‌ బెన్‌ స్టోక్స్‌కు దక్కింది. ఈ మ్యాచ్‌లో ఇంగ్లండ్‌ టాస్‌ గెలిచి తొలుత బౌలింగ్‌ ఎంచుకుంది.కాగా, ఐదు మ్యాచ్‌ల ఈ సిరీస్‌లో భారత్‌ ప్రస్తుతం 1-2 తేడాతో వెనుకపడి ఉన్న విషయం తెలిసిందే. మొదటి, మూడు టెస్ట్‌ల్లో ఇంగ్లండ్‌ విజయం సాధించగా.. భారత్‌ రెండో మ్యాచ్‌లో గెలుపొందింది. ఈ మ్యాచ్‌లో గెలిస్తేనే భారత్‌ సిరీస్‌లో నిలబడుతుంది. కాబట్టి ఈ మ్యాచ్‌ భారత్‌కు డు ఆర్‌ డైగా మారింది.తుది జట్లు..ఇంగ్లండ్: జాక్ క్రాలీ, ⁠ ⁠బెన్ డకెట్, ఓలీ పోప్, జో రూట్, ⁠హ్యారీ బ్రూక్,⁠ బెన్ స్టోక్స్ (కెప్టెన్), జామీ స్మిత్ (వికెట్-కీపర్), లియామ్ డాసన్, ⁠క్రిస్ వోక్స్, బ్రైడన్ కార్సే, జోఫ్రా ఆర్చర్.భారత్‌: యశస్వి జైస్వాల్, KL రాహుల్, సాయి సుదర్శన్‌, శుభమన్ గిల్, రిషబ్ పంత్ (WK),రవీంద్ర జడేజా, వాషింగ్టన్ సుందర్, శార్దూల్‌ ఠాకూర్‌, అన్షుల్ కంబోజ్, జస్ప్రీత్ బుమ్రా, మహ్మద్ సిరాజ్.

మాంచెస్టర్‌ వేదికగా ఇంగ్లండ్‌తో జరుగుతున్న నాలుగో టెస్ట్‌లో టీమిండియా ఓపెనర్‌ యశస్వి జైస్వాల్‌ ఓ అరుదైన మైలురాయిని అధిగమించాడు. ఈ మ్యాచ్‌ తొలి ఇన్నింగ్స్‌లో 58 పరుగులు చేసి ఔటైన జైస్వాల్‌.. టెస్ట్‌ల్లో ఇంగ్లండ్‌పై 1000 పరుగులు పూర్తి చేసుకున్నాడు. తద్వారా భారత్‌ తరఫున ఈ ఘనత సాధించిన 20వ బ్యాటర్‌గా రికార్డుల్లోకెక్కాడు. అలాగే ఈ ఘనత సాధించిన రెండో వేగవంతమైన భారత బ్యాటర్‌గా సచిన్‌ టెండూల్కర్‌, మొహమ్మద్‌ అజహారుద్దీన్‌ రికార్డును సమం చేశాడు. సచిన్‌, అజహార్‌, జైస్వాల్‌ ఇంగ్లండ్‌పై తలో 16 ఇన్నింగ్స్‌ల్లో 1000 పరుగులు పూర్తి చేసుకున్నారు. ఇంగ్లండ్‌పై అత్యంత వేగంగా 1000 పరుగులు పూర్తి చేసిన రికార్డు రాహుల్‌ ద్రవిడ్‌ పేరిట ఉంది. ద్రవిడ్‌ కేవలం 15 ఇన్నింగ్స్‌ల్లోనే ఈ ఘనత సాధించాడు.మ్యాచ్‌ విషయానికొస్తే.. ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌ చేస్తుంది. 47 ఓవర్లు ముగిసే సమయానికి 2 వికెట్ల నష్టానికి 138 పరుగులు చేసి ఇన్నింగ్స్‌ను కొనసాగిస్తుంది. ఓపెనర్లు కేఎల్‌ రాహుల్‌ (46), యశస్వి జైస్వాల్‌ (58) ఔట్‌ కాగా.. సాయి సుదర్శన్‌ (20), కెప్టెన్‌ శుభ్‌మన్‌ గిల్‌ (11) క్రీజ్‌లో ఉన్నారు. భారత్‌ కోల్పోయిన వికెట్లలో రాహుల్‌ వికెట్‌ క్రిస్‌ వోక్స్‌కు.. జైస్వాల్‌ వికెట్‌ లియామ్‌ డాసన్‌కు దక్కింది. కాగా, ఐదు మ్యాచ్‌ల ఈ సిరీస్‌లో భారత్‌ ప్రస్తుతం 1-2 తేడాతో వెనుకపడి ఉన్న విషయం తెలిసిందే. మొదటి, మూడు టెస్ట్‌ల్లో ఇంగ్లండ్‌ విజయం సాధించగా.. భారత్‌ రెండో మ్యాచ్‌లో గెలుపొందింది. ఈ మ్యాచ్‌లో గెలిస్తేనే భారత్‌ సిరీస్‌లో నిలబడుతుంది. కాబట్టి ఈ మ్యాచ్‌ భారత్‌కు డు ఆర్‌ డైగా మారింది.తుది జట్లు..ఇంగ్లండ్: జాక్ క్రాలీ, ⁠ ⁠బెన్ డకెట్, ఓలీ పోప్, జో రూట్, ⁠హ్యారీ బ్రూక్,⁠ బెన్ స్టోక్స్ (కెప్టెన్), జామీ స్మిత్ (వికెట్-కీపర్), లియామ్ డాసన్, ⁠క్రిస్ వోక్స్, బ్రైడన్ కార్సే, జోఫ్రా ఆర్చర్.భారత్‌: యశస్వి జైస్వాల్, KL రాహుల్, సాయి సుదర్శన్‌, శుభమన్ గిల్, రిషబ్ పంత్ (WK),రవీంద్ర జడేజా, వాషింగ్టన్ సుందర్, శార్దూల్‌ ఠాకూర్‌, అన్షుల్ కంబోజ్, జస్ప్రీత్ బుమ్రా, మహ్మద్ సిరాజ్.

మాంచెస్టర్‌ వేదికగా భారత్‌తో ఇవాళ (జులై 23) మొదలైన నాలుగో టెస్ట్‌ మ్యాచ్‌లో ఇంగ్లండ్‌ టాస్‌ గెలిచి తొలుత బౌలింగ్‌ ఎంచుకుంది. ఈ మ్యాచ్‌ కోసం భారత్‌ ఏకంగా మూడు మార్పులు చేసింది. కరుణ్‌ నాయర్‌, నితీశ్‌ కుమార్‌ రెడ్డి, ఆకాశ్‌దీప్‌ స్థానాల్లో సాయి సుదర్శన్‌, శార్దూల్‌ ఠాకూర్‌, అన్షుల్‌ కంబోజ్‌ తుది జట్టులోకి ఎంట్రీ ఇచ్చారు. ఈ మ్యాచ్‌తో 24 హర్యానా యువ పేసర్‌ అన్షుల్‌ కంబోజ్‌ టెస్ట్‌ క్రికెట్‌లోకి అరంగేట్రం చేస్తున్నాడు. మరోవైపు ఇంగ్లండ్‌ ఈ మ్యాచ్‌ కోసం రెండు రోజుల కిందటే తుది జట్టును ప్రకటించింది. మూడో టెస్ట్‌ ఆడిన జట్టు నుంచి గాయపడిన షోయబ్‌ బషీర్‌ తప్పుకున్నాడు. అతడి స్థానంలో లియామ్‌ డాసన్‌ తుది జట్టులోకి వచ్చాడు. ఐదు మ్యాచ్‌ల ఈ టెస్ట్‌ సిరీస్‌లో ఇంగ్లండ్‌ 2-1 ఆధిక్యంలో కొనసాగుతున్న విషయం తెలిసిందే. తొలి, మూడో టెస్ట్‌ల్లో ఇంగ్లండ్‌ గెలువగా.. భారత్‌ రెండో టెస్ట్‌లో విజయం సాధించింది. తుది జట్లు..ఇంగ్లండ్: జాక్ క్రాలీ, ⁠ ⁠బెన్ డకెట్, ఓలీ పోప్, జో రూట్, ⁠హ్యారీ బ్రూక్,⁠ బెన్ స్టోక్స్ (కెప్టెన్), జామీ స్మిత్ (వికెట్ కీపర్), లియామ్ డాసన్, ⁠క్రిస్ వోక్స్, బ్రైడన్ కార్సే, జోఫ్రా ఆర్చర్.భారత్‌: యశస్వి జైస్వాల్, KL రాహుల్, సాయి సుదర్శన్‌, శుభమన్ గిల్, రిషబ్ పంత్ (వికెట్‌ కీపర్‌),రవీంద్ర జడేజా, వాషింగ్టన్ సుందర్, శార్దూల్‌ ఠాకూర్‌, అన్షుల్ కంబోజ్, జస్ప్రీత్ బుమ్రా, మహ్మద్ సిరాజ్.

మూడు మ్యాచ్‌ల సిరీస్‌లో భాగంగా ఇంగ్లండ్‌ మహిళల క్రికెట్‌ జట్టుతో ఇవాళ (జులై 22) జరుగుతున్న నిర్ణయాత్మక చివరి వన్డేలో భారత మహిళా జట్టు కెప్టెన్‌ హర్మన్‌ప్రీత్‌ కౌర్‌ చెలరేగిపోయింది. ఈ మ్యాచ్‌లో హర్మన్‌ కేవలం 82 బంతుల్లోనే సెంచరీ పూర్తి చేసి, భారత్‌ తరఫున వన్డేల్లో రెండో వేగవంతమైన సెంచరీని నమోదు చేసింది. ఫలితంగా టాస్‌ గెలిచి తొలుత బ్యాటింగ్‌ చేసిన భారత్‌ నిర్ణీత 50 ఓవర్లలో 5 వికెట్ల నష్టానికి 318 పరుగుల భారీ స్కోర్‌ చేసింది.ఈ మ్యాచ్‌లో మొత్తంగా 84 బంతులు ఎదుర్కొన్న హర్మన్‌ 14 ఫోర్ల సాయంతో 102 పరుగులు చేసి ఔటైంది. హర్మన్‌తో పాటు భారత ఇన్నింగ్స్‌లో జెమీమా రోడ్రిగెజ్‌ (50), స్మృతి మంధన (45), హర్లీన్‌ డియోల్‌ (45), రిచా ఘోష్‌ (38 నాటౌట్‌), ప్రతిక రావల్‌ (26) కీలక ఇన్నింగ్స్‌లు ఆడారు. భారత బ్యాటర్ల ధాటికి ఈ మ్యాచ్‌లో ఇంగ్లీష్‌ బౌలర్లు బెంబేలెత్తిపోయారు. సోఫీ ఎక్లెస్టోన్‌ (10-2-28-1) మినహా మిగతా బౌలర్లంతా ధారాళంగా పరుగులు సమర్పించుకున్నారు. లారెన్‌ బెల్‌ 10 ఓవర్లలో 82, లారెన్‌ ఫైలర్‌ 10 ఓవర్లలో 64, చార్లోట్‌ డీన్‌ 10 ఓవర్లలో 69, లిన్సే స్మిత్‌ 10 ఓవర్లలో 74 పరుగులు సమర్పించుకొని తలో వికెట్‌ తీశారు.భారత్‌ తరఫున అత్యంత వేగవంతమైన వన్డే సెంచరీలు..70 స్మృతి మంధన vs ఐర్లాండ్‌ రాజ్‌కోట్ 202582 హర్మన్‌ప్రీత్ కౌర్ vs ఇంగ్లాండ్ చెస్టర్-లీ-స్ట్రీట్ 202585 హర్మన్‌ప్రీత్ కౌర్ vs దక్షిణాఫ్రికా బెంగళూరు 202489 జెమిమా రోడ్రిగ్స్ vs దక్షిణాఫ్రికా కొలంబో RPS 2025ఇదిలా ఉంటే, మూడు మ్యాచ్‌ల ఈ సిరీస్‌లో ప్రస్తుతం ఇరు జట్లు తలో మ్యాచ్‌ గెలిచి 1-1తో సమంగా ఉన్నాయి. ఈ మ్యాచ్‌లో గెలిచిన జట్టుకే సిరీస్‌ సొంతమవుతుంది. దీనికి ముందు ఇరు జట్ల మధ్య 5 మ్యాచ్‌ల టీ20 సిరీస్‌ జరగగా, భారత్ 3-2 తేడాతో ఆ సిరీస్‌ను కైవసం చేసుకుంది. ఈ పరిమిత ఓవర్ల సిరీస్‌ల కోసం భారత జట్టు ఇంగ్లండ్‌లో పర్యటిస్తుంది.

ఇంగ్లండ్‌ అండర్‌-19 జట్టుతో జరుగుతున్న రెండో యూత్‌ టెస్ట్‌లో భారత అండర్‌-19 జట్టు కెప్టెన్‌ ఆయుశ్‌ మాత్రే తృటిలో సెంచరీ మిస్‌ చేసుకున్నాడు. ఈ మ్యాచ్‌ తొలి ఇన్నింగ్స్‌లో మాత్రే 90 బంతుల్లో 14 ఫోర్లు, సిక్సర్‌ సాయంతో 80 పరుగులు చేసి ఔటయ్యాడు. మాత్రే సెంచరీ మిస్‌ అయినా మరో భారత యువ ఆటగాడు విహాన్‌ మల్హోత్రా శతక్కొట్టాడు. విహాన్‌ 123 బంతుల్లో 19 ఫోర్లు, 3 సిక్సర్ల సాయంతో 120 పరుగులు చేశాడు. ఈ మ్యాచ్‌లో భారత్‌ మూడో రోజు రెండో సెషన్‌ సమయానికి తొలి ఇన్నింగ్స్‌లో 8 వికెట్లు కోల్పోయి 260 పరుగులు చేసింది. భారత్‌ ఇంగ్లండ్‌ తొలి ఇన్నింగ్స్‌ స్కోర్‌కు ఇంకా 49 పరుగులు వెనుకపడి ఉంది. కనిష్క్‌ చౌహాన్‌ (7), నమన్‌ పుష్పక్‌ (0) క్రీజ్‌లో ఉన్నారు.ఆయుశ్‌ మాత్రే వికెట్‌ కోల్పోయాక టీమిండియా 85 పరుగుల వ్యవధిలో 6 వికెట్లు కోల్పోయింది. మాత్రే, విహాన్‌ క్రీజ్‌లో ఉండగా టీమిండియా భారీ స్కోర్‌ చేస్తుందని అంతా అనుకున్నారు. అయితే రాల్ఫీ ఆల్బర్ట్‌ (15-2-53-6) టీమిండియా బ్యాటర్లను కుదురుకోనివ్వకుండా వరుస విరామాల్లో వికెట్లు తీశాడు. మాత్రే, విహాన్‌ ఔటయ్యాక నలుగురు బ్యాటర్లు (అభిగ్యాన్‌ కుందు, రాహుల్‌ కుమార్‌, అంబరీష్‌, హెనిల్‌ పటేల్‌) డకౌట్‌ అయ్యారు. మధ్యలో హర్‌వంశ్‌ పంగాలియా (28) భారత ఇన్నింగ్స్‌ను చక్కదిద్దే ప్రయత్నం చేశాడు. ఈ ఇన్నింగ్స్‌లో భారత చిచ్చరపిడుగు వైభవ్‌ సూర్యవంశీ (20) తక్కువ స్కోర్‌కే ఔటయ్యాడు.ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ తొలి ఇన్నింగ్స్‌లో 309 పరుగులకు ఆలౌటైంది. కెప్టెన్‌ థామస్‌ ర్యూ అర్ధ శతకం (59)తో మెరవగా.. భారత సంతతికి చెందిన ఏకాన్ష్‌ సింగ్‌ (117) శతకంతో ఆకట్టుకున్నాడు. మిగతా వారిలో జేమ్స్‌ మింటో (46) ఒక్కడే చెప్పుకోదగ్గ స్కోరు చేశాడు. భారత బౌలర్లలో నమన్‌ పుష్పక్‌ 4, ఆదిత్య రావత్‌, అంబరీష్‌ తలో 2, హెనిల్‌ పటేల్‌, విహాన్‌ మల్హోత్రా చెరో వికెట్‌ పడగొట్టారు.కాగా, భారత్‌-ఇంగ్లండ్‌ మధ్య రెండు మ్యాచ్‌ల ఈ సిరీస్‌లోని తొలి టెస్టు ‘డ్రా’గా ముగిసింది. ఆ మ్యాచ్‌లో భారత కెప్టెన్‌ ఆయుశ్‌ మాత్రే తొలి ఇన్నింగ్స్‌లో సెంచరీతో కదంతొక్కాడు. రెండో ఇన్నింగ్స్‌లో వైభవ్‌ మెరుపు అర్ద సెంచరీతో ఆకట్టుకున్నాడు. దీనికి ముందు జరిగిన 5 మ్యాచ్‌ల వన్డే సిరీస్‌ను భారత్‌ 3-2 తేడాతో కైవసం చేసుకుంది. ఈ సిరీస్‌లో వైభవ్‌ సూర్యవంశీ ఆకాశమే హద్దుగా చెలరేగిపోయాడు. ఓ సెంచరీ సహా పలు విధ్వంసకర ఇన్నింగ్స్‌లు ఆడాడు.

మాంచెస్టర్‌ వేదికగా ఇంగ్లండ్‌తో రేపటి నుంచి ప్రారంభంకాబోయే నాలుగో టెస్ట్‌కు ముందు భారత జట్టుకు భారీ ఎదురుదెబ్బలు తగిలాయి. సిరీస్‌లో నిలబడాలంటే తప్పక గెలవాల్సిన మ్యాచ్‌కు ముందు ముగ్గురు కీలక ఆటగాళ్లు జట్టుకు దూరమయ్యారు. ఈ విషయాన్ని కెప్టెన్‌ శుభ్‌మన్‌ గిల్‌ అధికారికంగా ధృవీకరించినట్లు తెలుస్తుంది. నితీశ్‌ కుమార్‌ రెడ్డి సిరీస్‌లోని మిగతా రెండు మ్యాచ్‌లకు దూరం కాగా.. పేసర్లు అర్షదీప్‌ సింగ్‌, ఆకాశ్‌దీప్‌ నాలుగో టెస్ట్‌కు దూరమయ్యారని గిల్‌ పేర్కొన్నట్లు సమాచారం. ‌పైన పేర్కొన్న విషయాల్లో నితీశ్‌, అర్షదీప్‌ అందుబాటులో ఉండరన్న విషయంపై క్లారిటీ ఉన్నప్పటికీ.. ఆకాశ్‌దీప్ విషయంలో మాత్రం గిల్‌ పూర్తి సమచారాన్ని అందించినట్లు తెలుస్తుంది. ఆకాశ్‌దీప్‌కు ప్రత్యామ్నాయంపై కూడా గిల్‌ మాట్లాడినట్లు సమాచారం​. అన్షుల్‌ కంబోజ్‌, ప్రసిద్ద్‌ కృష్ణల్లో ఎవరిని ఆడిస్తారనే విషయంపై మ్యాచ్‌ ప్రారంభానికి కొద్ది గంటల ముందు నిర్ణయం తీసుకుంటామని గిల్‌ చెప్పినట్లు తెలుస్తుంది.అలాగే కరుణ్‌ నాయర్‌ భవితవ్యంపై కూడా గిల్‌ మాట్లాడినట్లు సమాచారం. కరుణ్‌కు మరో అవకాశం ఉంటుందని గిల్‌ పరోక్షంగా చెప్పినట్లు తెలుస్తుంది. కరుణ్‌ ఈ సిరీస్‌లో తన స్థాయి ప్రదర్శన చేయలేదన్న విషయాన్ని అంగీకరించిన గిల్‌.. అతనికి మరో అవకాశం ఉంటుందని చెప్పినట్లు సమాచారం. ఈ సిరీస్‌లో కరుణ్‌ ఫామ్‌ను అందిపుచ్చుకుంటాడని గిల్‌ ధీమా వ్యక్తం చేసినట్లు తెలుస్తుంది.పంత్‌ విషయంలోనూ గిల్‌ క్లారిటీ ఇచ్చినట్లు సమాచారం. నాలుగో టెస్ట్‌లో పంత్‌ వికెట్‌కీపింగ్‌ చేస్తాడని గిల్‌ ధృవీకరించినట్లు తెలుస్తుంది. ఈ విషయాలతో పాటు గిల్‌ మూడో టెస్ట్‌ సందర్భంగా జరిగిన ఓ విషయాన్ని కూడా ప్రస్తావించినట్లు సమాచారం. రెండో ఇన్నింగ్స్‌లో ఇంగ్లండ్‌ 90 సెకెన్లు ఆలస్యంగా బరిలోకి దిగిందని, ఇలా చేయడం క్రీడాస్పూర్తికి విరుద్దమని గిల్‌ అసహనం వ్యక్తిం చేసినట్లు సమాచారం.నాలుగో టెస్ట్‌లో ఇంగ్లండ్ ప్లేయింగ్‌ ఎలెవెన్‌..జాక్ క్రాలీ, ⁠ ⁠బెన్ డకెట్, ఓలీ పోప్, జో రూట్, ⁠హ్యారీ బ్రూక్,⁠ బెన్ స్టోక్స్ (కెప్టెన్), జామీ స్మిత్ (వికెట్-కీపర్), లియామ్ డాసన్, ⁠క్రిస్ వోక్స్, బ్రైడన్ కార్సే, జోఫ్రా ఆర్చర్.టీమిండియా (అంచనా)..యశస్వి జైస్వాల్, KL రాహుల్, కరుణ్ నాయర్, శుభమన్ గిల్, రిషబ్ పంత్ (WK), ధృవ్‌ జురెల్‌, రవీంద్ర జడేజా, వాషింగ్టన్ సుందర్, అన్షుల్ కంబోజ్, జస్ప్రీత్ బుమ్రా, మహ్మద్ సిరాజ్.

భారత్‌, ఇంగ్లండ్‌ మధ్య నాలుగో టెస్ట్‌ మాంచెస్టర్‌ వేదికగా రేపటి నుంచి ప్రారంభం కానుంది. భారతకాలమానం ప్రకారం ఈ మ్యాచ్‌ మధ్యాహ్నం 3:30 గంటలకు ప్రారంభం​ కావాల్సి ఉంది. అయితే ఈ మ్యాచ్‌కు వరుణుడి ఆటంకం పొంచి ఉందని వాతావరణ శాఖ హెచ్చరిస్తుంది. మ్యాచ్ జరిగే ఐదు రోజులూ వర్షం పడే అవకాశాలున్నాయని అంచనా.వెదర్‌ రిపోర్ట్‌ను నిజం చేస్తూ మాంచెస్టర్‌లో ఇవాల్టి నుంచే వర్షం మొదలైంది. స్టేడియం చుట్టూ దట్టమైన మబ్బులు కమ్ముకొని భారీ వర్షం​ కురుస్తుంది. పరిస్థితి ఇలాగే కొనసాగితే మైదానం చిత్తడిగా మారి, రేపు ఆట ప్రారంభ సమయానికి ఇబ్బంది పెట్టవచ్చు. వాతావరణం ఇలాగే కొనసాగితే పిచ్‌ ప్రభావంలో ‍కూడా మార్పు రావచ్చు. BAD NEWS FOR CRICKET FANS 📢- It's raining in Manchester ahead of the 4th Test. [Bharat Sharma from PTI] pic.twitter.com/OF0PgPhzxv— Johns. (@CricCrazyJohns) July 22, 2025ప్రస్తుతానికి పిచ్‌ బ్యాటర్లు, బౌలర్లకు సమాంతరంగా సహరించవచ్చు. తొలి మూడు రోజుల్లో ఉదయం పూట (తొలి సెషన్‌లో) బంతి బౌన్స్‌ అవుతుంది. దీన్ని బ్యాటర్లు అడ్వాంటేజ్‌గా తీసుకోవచ్చు. ఆట గడిచే కొద్దీ స్పిన్నర్లకు అనుకూలంగా మారుతుందని అంచనా. ఈ పిచ్‌పై తొలుత బ్యాటింగ్‌ చేసే జట్టుకు లబ్ది చేకూరే అవకాశం ఉందని విశ్లేషకులు అంటున్నారు.టీమిండియా విషయానికొస్తే.. ఐదు మ్యాచ్‌ల ఈ సిరీస్‌లో ప్రస్తుతం 1-2 తేడాతో వెనుకపడి ఉంది. ఈ మ్యాచ్‌ భారత్‌కు డు ఆర్‌ డై అన్నట్లుగా మారింది. మాంచెస్టర్‌లో భారత్‌ ఇప్పటివరకు ఒక్కసారి కూడా విజయం సాధించలేకపోవడం ఆందోళన కలిగించే అంశం. ఈ పిచ్‌పై టీమిండియా ఇప్పటివరకు 9 టెస్ట్‌ మ్యాచ్‌లు ఆడగా.. నాలుగు సార్లు ఓటమిపాలై, ఐదు మ్యాచ్‌లను డ్రా చేసుకుంది. చివరిగా భారత్‌ ఈ పిచ్‌పై 2014లో మ్యాచ్‌ ఆడింది. ఆ మ్యాచ్‌లో ఓటమిపాలైంది. 2014లో ఆడిన భారత్‌ జట్టు సభ్యుల్లో ప్రస్తుతం రవీంద్ర జడేజా ఒక్కడే ఉన్నాడు. ఇది ఓ రకంగా భారత్‌కు కలిసొచ్చే విషయం. ఈ మ్యాచ్‌లో భారత్‌ ముగ్గురు పేసర్లు, ఇద్దరు స్పిన్నర్లతో బరిలోకి దిగే అవకాశం ఉంది. భారత్‌ ఈ మ్యాచ్‌లో గెలిచి సిరీస్‌ను సమం చేసుకుంటుందో, లేక ఓడి మరో మ్యాచ్‌ మిగిలుండగానే సిరీస్‌ను చేజార్చుకుంటుందో చూడాలి.నాలుగో టెస్ట్‌లో ఇంగ్లండ్ ప్లేయింగ్‌ ఎలెవెన్‌..జాక్ క్రాలీ, ⁠ ⁠బెన్ డకెట్, ఓలీ పోప్, జో రూట్, ⁠హ్యారీ బ్రూక్,⁠ బెన్ స్టోక్స్ (కెప్టెన్), జామీ స్మిత్ (వికెట్-కీపర్), లియామ్ డాసన్, ⁠క్రిస్ వోక్స్, బ్రైడన్ కార్సే, జోఫ్రా ఆర్చర్.టీమిండియా (అంచనా)..యశస్వి జైస్వాల్, KL రాహుల్, సాయి సుదర్శన్/కరుణ్ నాయర్, శుభమన్ గిల్, రిషబ్ పంత్, ధ్రువ్ జురెల్ (WK), రవీంద్ర జడేజా, వాషింగ్టన్ సుందర్, అన్షుల్ కాంబోజ్, జస్ప్రీత్ బుమ్రా, మహ్మద్ సిరాజ్.

టీమిండియా వికెట్‌ కీపర్‌ రిషబ్‌ పంత్‌ చరిత్ర సృష్టించేందుకు అతి సమీపంలో ఉన్నాడు. జులై 23 నుంచి ఇంగ్లండ్‌తో ప్రారంభం కాబోయే నాలుగో టెస్ట్‌లో పంత్‌ మరో 182 పరుగులు చేస్తే.. ఓ టెస్ట్‌ సిరీస్‌లో అత్యధిక పరుగులు చేసిన వికెట్‌కీపర్‌ బ్యాటర్‌గా సరికొత్త రికార్డు నెలకొల్పుతాడు. ప్రస్తుతం ఈ రికార్డు సౌతాఫ్రికా దిగ్గజం డెనిస్‌ లిండ్సే పేరిట ఉంది. లిండ్సే 1966/67 ఆస్ట్రేలియా సిరీస్‌లో 5 మ్యాచ్‌ల్లో (7 ఇన్నింగ్స్‌ల్లో) 86.57 సగటున 3 సెంచరీలు, 2 అర్ద సెంచరీల సాయంతో 606 పరుగులు చేశాడు.ఈ రికార్డు బద్దలు కొట్టేందుకు పంత్‌ 182 పరుగుల దూరంలో ఉన్నాడు. ఆరు దశాబ్దాల తర్వాత పంత్‌కు ఈ రికార్డు బద్దలు కొట్టే అవకాశం వచ్చింది. ప్రస్తుతం ఇంగ్లండ్‌తో జరుగుతున్న ఐదు మ్యాచ్‌ల టెస్ట్‌ సిరీస్‌లో పంత్‌ ఇప్పటివరకు 3 మ్యాచ్‌లు ఆడి 6 ఇన్నింగ్స్‌ల్లో రెండు సెంచరీలు, రెండు హాఫ్‌ సెంచరీల సాయంతో 425 పరుగులు చేసి లీడింగ్‌ రన్‌ స్కోరర్ల జాబితాలో శుభ్‌మన్‌ గిల్‌ (607) తర్వాత రెండో స్థానంలో ఉన్నాడు. ఒక వేళ పంత్‌ నాలుగో టెస్ట్‌లో ఈ అవకాశం మిస్‌ అయినా ఐదో టెస్ట్‌లో సాధించే అవకాశం ఉంటుంది.మరో 101 పరుగులు చేస్తే..!ఇంగ్లండ్‌తో నాలుగో టెస్ట్‌లో పంత్‌ 101 పరుగులు చేస్తే ఓ టెస్ట్ సిరీస్‌లో అత్యధిక పరుగులు చేసిన భారత వికెట్ కీపర్‌గా రికార్డు సాధిస్తాడు. ప్రస్తుతం ఈ రికార్డు బుద్ది కుందరన్‌ పేరిట ఉంది. కుందరన్‌ 1963/64లో ఇంగ్లండ్‌తో జరిగిన 5 మ్యాచ్‌ల టెస్ట్‌ సిరీస్‌లో 10 ఇన్నింగ్స్‌లు ఆడి 525 పరుగులు చేశాడు. ఇందులో 2 సెంచరీలు, ఓ హాఫ్‌ సెంచరీ ఉంది.ఓ టెస్ట్‌ సిరీస్‌లో అత్యధిక పరుగులు చేసిన వికెట్‌ కీపర్‌ బ్యాటర్లు..డెనిస్‌ లిండ్సే-606ఆండీ ఫ్లవర్‌- 540కుందరన్‌- 525బ్రాడ్‌ హడిన్‌- 493గెర్రి అలెగ్జాండర్‌- 484ఆడమ్‌ గిల్‌క్రిస్ట్‌- 473అలెక్‌ స్టివార్ట్‌- 465వాల్కాట్‌- 452రిషబ్‌ పంత్‌- 425రికార్డుల మాట అటుంచితే, అసలు పంత్‌ ఆడతాడా..?రికార్డుల మాట అటుంచితే ఇంగ్లండ్‌తో నాలుగో టెస్ట్‌లో పంత్‌ ఆడతాడా లేదా అన్నది ప్రస్తుతం ప్రశ్నార్థకంగా మారింది. మూడో టెస్ట్‌లో గాయపడిన పంత్‌.. నాలుగో మ్యాచ్‌కు ముందు ప్రాక్టీస్‌ సెషన్స్‌లో పాల్గొనడం లేదు.పంత్ గాయంపై భార‌త అసిస్టెంట్ కోచ్ ర్యాన్ డెష్కటే అప్‌డేట్ ఇచ్చాడు. పంత్ ఇంకా నొప్పితో బాధ‌ప‌డుతున్నాడ‌ని, నాలుగో టెస్ట్ స‌మ‌యానికి ఫిట్‌నెస్ సాధిస్తాడ‌ని థీమా వ్య‌క్తం చేశాడు. ముందుస్తు జాగ్ర‌త్త‌గా పంత్‌ను ప్రాక్టీస్‌కు దూరంగా ఉంచామని తెలిపాడు.కాగా, మూడో టెస్ట్‌ తొలి ఇన్నింగ్స్‌ బ్యాటింగ్‌కు ముందే పంత్‌ చేతి వేలికి గాయ‌మైంది. దీంతో అత‌డి స్ధానంలో ధ్రువ్ జురెల్ స‌బ్‌స్ట్యూట్ వికెట్ కీప‌ర్‌గా బాధ్య‌త‌లు నిర్వ‌ర్తించాడు. వికెట్‌కీపింగ్‌కు దూరంగా ఉన్నా పంత్‌ రెండు ఇన్నింగ్స్‌ల్లో బ్యాటింగ్‌ మాత్రం చేశాడు.

లండన్‌: ఇంగ్లండ్‌తో నాలుగో టెస్టు ఈ నెల 23 నుంచి జరగనుండగా అప్పుడే తుది జట్టుపై చర్చ మొదలైంది. సిరీస్‌లో జట్టు ఆడిన మూడు టెస్టులను చూస్తే బ్యాటర్‌ కరుణ్‌ నాయర్‌ మినహా ఇతర ఆటగాళ్లంతా రాణించారు. నాయర్‌ మాత్రం తనపై ఉంచిన నమ్మకాన్ని నిలబెట్టుకోలేకపోయాడు. క్రీజ్‌లోకి వచ్చాక మెరుగ్గానే ఇన్నింగ్స్‌లను ఆరంభించినా...వాటిని అతను భారీ స్కోర్లుగా మలచలేకపోయాడు.అతను వరుసగా 0, 20, 31, 26, 40, 14 (మొత్తం 131 పరుగులు) స్కోర్లు నమోదు చేశాడు. ఎనిమిదేళ్ల విరామం తర్వాత తనకు లభించిన ‘మరో చాన్స్‌’ను నాయర్‌ సది్వనియోగం చేసుకోలేదు. ముఖ్యంగా లార్డ్స్‌ టెస్టు రెండో ఇన్నింగ్స్‌లో అతను అవుటైన తీరు విమర్శలకు దారి తీసింది. ఈ నేపథ్యంలో నాలుగో టెస్టులో నాయర్‌ స్థానం నిలబెట్టుకోవడం కష్టంగానే ఉంది.కీలకమైన మూడో స్థానంలో నాయర్‌కు బదులుగా యువ ఆటగాడు సాయి సుదర్శన్‌కు మరో అవకాశం ఇవ్వాలని విశ్లేషకులు అభిప్రాయ పడుతున్నారు. లీడ్స్‌ టెస్టు మొదటి ఇన్నింగ్స్‌లో డకౌట్‌ అయినా... రెండో ఇన్నింగ్స్‌లో చక్కటి షాట్లతో చెప్పుకోదగ్గ ప్రదర్శన (30 పరుగులు) కనబర్చాడు. తుది జట్టుకు సంబంధించి ఈ ఒక్క మార్పు మాత్రం కచ్చితంగా ఉండవచ్చని తెలుస్తోంది. కాగా, 5 మ్యాచ్‌ల టెస్ట్‌ సిరీస్‌ కోసం భారత జట్టు ఇంగ్లండ్‌లో పర్యటిస్తుంది. ఈ సిరీస్‌లో ఇప్పటివరకు జరిగిన మూడు మ్యాచ్‌ల్లో ఇంగ్లండ్‌ 2, భారత్‌ ఓ టెస్ట్‌ మ్యాచ్‌లో గెలిచాయి. సిరీస్‌లో నిలబడాలంటే భారత్‌ నాలుగో టెస్ట్‌లో గెలవడం తప్పనిసరి. ఈ నేపథ్యంలో తుది జట్టులో పలు మార్పులకు ఆస్కారం ఉంది. విశ్లేషకుల అభిప్రాయం మేరకు కరుణ్‌ నాయర్‌ను తప్పించి సాయి సుదర్శన్‌కు అవకాశం ఇవ్వవచ్చు.

సౌతాంప్టన్‌: ఇంగ్లండ్‌తో బుధవారం జరిగిన తొలి వన్డేను భారత మహిళల జట్టు గెలుచుకోవడంలో దీప్తి శర్మ ప్రధాన పాత్ర పోషించింది. ఆఫ్‌స్పిన్నర్‌గా జట్టు బౌలింగ్‌ బృందంలో రెగ్యులర్‌ సభ్యురాలైన దీప్తి... బ్యాటర్‌గా లోయర్‌ ఆర్డర్‌లో అనేక మార్లు కీలక ఇన్నింగ్స్‌లు ఆడింది. ఇప్పుడు ఇంగ్లండ్‌తో మ్యాచ్‌లో ఆరో స్థానంలో బ్యాటింగ్‌కు వచ్చిన దీప్తి తనపై ఉంచిన నమ్మకాన్ని నిలబెడుతూ జట్టును విజయం వరకు తీసుకెళ్లింది.28వ ఓవర్లో 127/4 వద్ద క్రీజ్‌లోకి వచ్చిన ఆమె 62 బంతుల్లో 3 ఫోర్లు, 1 సిక్స్‌తో 64 పరుగులు సాధించి చివరి వరకు అజేయంగా నిలిచింది. లారెన్‌ బెల్‌ బౌలింగ్‌లో దీప్తి ఒంటి చేత్తో కొట్టిన సిక్సర్‌ హైలైట్‌గా నిలిచింది.‘ఇన్నేళ్ల నా కెరీర్‌లో చాలా సందర్భాల్లో ఇలాంటి స్థితిలోనే బరిలోకి దిగాను. నేను ఎంత ప్రశాంతంగా ఉండగలనో నాకు బాగా తెలుసు. కాబట్టి ఏమాత్రం ఒత్తిడికి గురి కాలేదు. ఈసారి కూడా అదే కీలకంగా మారింది. జెమీమాతో భాగస్వామ్యం నెలకొల్పడంపై ముందుగా దృష్టి పెట్టాను. మా పార్ట్‌నర్‌షిప్‌ జట్టు గెలుపు వరకు తీసుకెళుతుందని నేను నమ్మాను.నేను చివరి వరకు నిలిస్తే విజయం ఖాయమవుతుందని తెలుసు. జెమీమా తర్వాత రిచా, అమన్‌ కూడా బాగా సహకరించారు. ఒంటి చేత్తో సిక్సర్‌ కొట్టడం రిషభ్‌ పంత్‌ను చూసి నేర్చుకున్నాను’ అని మ్యాచ్‌ అనంతరం దీప్తి శర్మ వ్యాఖ్యానించింది.ఇంగ్లండ్‌ పేసర్‌ ఫైలర్‌ షార్ట్‌ పిచ్‌ బంతులతో పన్నిన వ్యూహానికి తాము సిద్ధంగా ఉండటం వల్లే ఎలాంటి సమస్యా రాలేదని దీప్తి పేర్కొంది. ఆమె కెరీర్‌లో ‘ప్లేయర్‌ ఆఫ్‌ ద మ్యాచ్‌’గా నిలవడం 20వసారి కాగా... మొదటిసారి బౌలింగ్‌లో ఒక్క వికెట్‌ కూడా తీయకుండా కేవలం బ్యాటింగ్‌ ప్రదర్శనతోనే ఆమె ఈ అవార్డును గెలుచుకోవడం విశేషం.త్వరలో జరిగే వన్డే వరల్డ్‌ కప్‌లోనూ ఆల్‌రౌండర్‌గా ఆమె కీలకం కానుంది. ‘మా జట్టు ఇటీవల వరుసగా చెప్పుకోదగ్గ విజయాలు సాధిస్తోంది. శ్రీలంకతో ముక్కోణపు టోర్నీ గెలిచాక ఇక్కడ కూడా బాగా రాణిస్తున్నాం. వరల్డ్‌ కప్‌కు ఇంకా చాలా సమయం ఉంది. దాని గురించి ఇప్పుడే ఆలోచించడం లేదు. ప్రస్తుతం ఒక్కో మ్యాచ్‌పైనే దృష్టి పెట్టాం’ అని దీప్తి పేర్కొంది. తొలి వన్డేలో 4 వికెట్లతో ఇంగ్లండ్‌ను ఓడించిన భారత్‌ సిరీస్‌లో 1–0తో ముందంజ వేయగా... రేపు లార్డ్స్‌ మైదానంలో రెండో వన్డే జరుగుతుంది.

టీమిండియా యువ ఆల్‌రౌండర్‌ నితీశ్‌ కుమార్‌ రెడ్డి కెప్టెన్‌ అయ్యాడు. ఆంధ్ర ప్రీమియర్‌ లీగ్‌ 2025 ఎడిషన్‌లో "భీమవరం బుల్స్‌" ఫ్రాంచైజీ సారధిగా నియమించబడ్డాడు. ఈ మేరకు సదరు ఫ్రాంచైజీ అధికారిక ప్రకటన విడుదల చేసింది. ఇటీవల ముగిసిన వేలంలో భీమవరం బుల్స్‌ నితీశ్‌ను రూ. 10 లక్షలకు సొంతం చేసుకుంది. ప్రస్తుతం ఇంగ్లండ్‌ పర్యటనలో బిజీగా ఉన్న నితీశ్‌.. పర్యటన ముగియంగానే బుల్స్‌తో జతకడతాడు. ఆంధ్ర ప్రీమియర్‌ లీగ్‌ (APL) నాలుగో ఎడిషన్‌ ఆగప్ట్‌ 8న మొదలుకానుంది. అదే నెల 24న జరిగే ఫైనల్‌తో ముగుస్తుంది. ఈ టోర్నీ విశాఖలోని Dr.YSR ACA-VDCA స్టేడియంలో జరుగనుంది. ఈ సీజన్‌లో ఏపీఎల్‌ ఏడు కొత్త జట్లతో బరిలోకి దిగుతుంది. గతంలో ఉన్న ఆరు ఫ్రాంచైజీలు తెరమరుగయ్యాయి.భీమవరం బుల్స్ ఫుల్ స్క్వాడ్నితీష్ కుమార్ రెడ్డి (కెప్టెన్), సత్యనారాయణ రాజు, హరి శంకర్ రెడ్డి, హేమంత్ రెడ్డి, పిన్నిటి తేజస్వి, మునీష్ వర్మ, సాయి శ్రవణ్, టి వంశీ కృష్ణ, ఎం యువన్, బి సాత్విక్, కె రేవంత్ రెడ్డి, సాయి సూర్య తేజ రెడ్డి, సిహెచ్ శివ, శశాంక్ శ్రీవత్స్, సి రవితేజ, ఎన్ హిమాకర్, కశ్యప్‌ ప్రకాశ్‌, భువనేశ్వర్‌ రావు, భస్వంత్‌ కృష్ణ, జె విష్ణు దత్తాహనుమ విహారీ, కేఎస్‌ భరత్ కూడా..!ఆంధ్ర ప్రీమియర్ లీగ్ 2025లో నితీశ్‌ కుమార్‌ రెడ్డితో పాటు మరో ఇద్దరు టీమిండియా ప్లేయర్లు కూడా వేర్వేరు ఫ్రాంచైజీలకు సారథ్యం వహిస్తారు. భారత టెస్ట్ క్రికెటర్లు హనుమ విహారీ అమరావతి రాయల్స్‌కు, కేఎస్‌ భరత్‌ కాకినాడ కింగ్స్ కు నాయకత్వం వహిస్తారు.మిగిలిన నాలుగు జట్లు రాయల్స్ ఆఫ్ రాయలసీమ, సింహాద్రి వైజాగ్ లయన్స్, తుంగభద్ర వారియర్స్, విజయవాడ సన్‌షైనర్స్‌కు వరుసగా షేక్ రషీద్, రికీ భుయ్, మహదీప్, అశ్విన్ హెబ్బర్‌ కెప్టెన్లుగా వ్యవహరిస్తారు.కాగా, జులై 14న జరిగిన APL 2025 వేలం మొత్తం 520 మంది ఆటగాళ్లు పాల్గొన్నారు. రాయల్స్ ఆఫ్ రాయలసీమ ఆల్ రౌండర్ పైలా అవినాష్ ఈ వేలంలో అత్యధికంగా రూ. 11.5 లక్షల బిడ్‌ను సంపాదించాడు.తదుపరి రెండు ఖరీదైన బిడ్‌లు రాయల్స్ ఆఫ్ రాయలసీమకు చెందిన పి. గిరినాథ్ రెడ్డి (రూ. 10.05 లక్షలు), భీమవరం బుల్స్ ఆల్ రౌండర్ సత్యనారాయణ రాజుకు (రూ. 9.8 లక్షలు) దక్కాయి.

టీమిండియా స్టార్‌ మహిళా క్రికెటర్‌ దీప్తి శర్మను అభిమానులు "లేడీ సెహ్వాగ్‌" అని పిలుచుకుంటారు. దీప్తి సెహ్వాగ్‌లా భయం, బెరుకు లేకుండా డాషింగ్‌గా షాట్లు ఆడటమే ఇందుకు కారణం. లేడీ సెహ్వాగ్‌ బిరుదుకు దీప్తి శర్మ తాజాగా మరోసారి సార్దకత చేకూర్చింది. నిన్న (జులై 16) ఇంగ్లండ్‌తో జరిగిన తొలి వన్డేలో దీప్తి మెరుపు ఇన్నింగ్స్‌ (64 బంతుల్లో 62; 3 ఫోర్లు, సిక్స్‌) ఆడి భారత విజయంలో ప్రధానపాత్ర పోషించింది.ఈ ఇన్నింగ్స్‌లో దీప్తి కొట్టిన ఏకైక సిక్సర్‌ ప్రస్తుతం సోషల్‌మీడియాలో వైరలవుతుంది. ఈ షాట్‌ను దీప్తి రిషబ్‌ పంత్‌లా ఆడటం​ వల్ల అందరి దృష్టిని ఆకర్శిస్తుంది. దీప్తి పంత్‌ ట్రేడ్‌ మార్క్‌ షాట్‌ అయిన "ఒంటి చేత్తో సిక్సర్‌" విజయవంతంగా పూర్తి చేయడంలో సఫలమైంది. DEEPTI SHARMA ON ONE-HANDED SIX:"I play these shots in practice - I picked that up from Rishabh Pant". pic.twitter.com/Y5u2eYdZ0i— Johns. (@CricCrazyJohns) July 17, 2025మ్యాచ్‌ అనంతరం ఈ షాట్‌ గురించి దీప్తి మాట్లాడుతూ.. నేను ఇలాంటి షాట్లను నిత్యం ప్రాక్టీస్‌ చేస్తుంటాను. రిషబ్‌ పంత్‌ను చూసినప్పటి నుంచే ఇలాంటి షాట్లను ఆడటం మొదలుపెట్టానని అంది.ఇదిలా ఉంటే, ఇంగ్లండ్‌ పర్యటనలో భారత మహిళల క్రికెట్‌ జట్టు జోరు కొనసాగుతోంది. ఈ పర్యటనలో ఇదివరకే ఐదు మ్యాచ్‌ల టీ20 సిరీస్‌ను 3-2 తేడాతో కైవసం చేసుకున్న భారత్‌.. తాజాగా మూడు మ్యాచ్‌ల వన్డే సిరీస్‌లో ఘనంగా బోణీ కొట్టింది. సౌతాంప్టన్‌ వేదికగా జరిగిన తొలి వన్డేలో భారత్‌ 4 వికెట్ల తేడాతో ఇంగ్లండ్‌ను చిత్తు చేసి, సిరీస్‌లో 1-0 ఆధిక్యంలోకి వెళ్లింది.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. సోఫీ డంక్లీ (83), డేవిడ్‌సన్‌ రిచర్డ్స్‌ (53) రాణించడంతో నిర్ణీత 50 ఓవర్లలో 6 వికెట్ల నష్టానికి 258 పరుగులు చేసింది. భారత బౌలర్లలో క్రాంతి గౌడ్‌, స్నేహ్‌ రాణా తలో రెండు వికెట్లు తీయగా.. అమన​్‌జోత్‌ కౌర్‌, శ్రీ చరణి చెరో వికెట్‌ పడగొట్టారు.అనంతరం ఓ మోస్తరు లక్ష్య ఛేదనకు దిగిన భారత్‌.. ఆది నుంచే నిలకడగా ఆడుతూ పెద్దగా కష్టపడకుండానే విజయం సాధించింది. టాపార్డర్‌ బ్యాటర్లలో ప్రతీక రావల్‌ (36), స్మృతి మంధన (28), హర్లీన్‌ డియోల్‌ (27), కెప్టెన్‌ హర్మన్‌ప్రీత్‌ కౌర్‌ (17), జెమీమా రోడ్రిగెజ్‌ (48) ఓ మోస్తరు స్కోర్లతో పర్వాలేదనిపించగా.. ఆల్‌రౌండర్‌ దీప్తి శర్మ (62 నాటౌట్‌) బాధ్యతాయుతమైన హాఫ్‌ సెంచరీతో భారత్‌ను గెలిపించింది.

టీమిండియా స్టార్‌ పేసర్‌ మహ్మద్‌ షమీ మాజీ భార్య హసీన్‌ జహా, ఆమె కుమార్తె (మొదటి భర్త ద్వారా కలిగిన సంతానం) అర్షి జహాపై హత్యాయత్నం కేసు నమోదైనట్లు తెలుస్తుంది. వివాదాస్పద స్థలం విషయంలో హసీన్‌, అర్షి తనపై దాడి చేశారని దలియా ఖాతూన్‌ అనే మహిళ పశ్చిమ బెంగాల్‌లోని బిర్భూమ్‌ జిల్లాలో గల సూరి పట్టణ పోలీసు స్టేషన్‌లో ఫిర్యాదు చేసింది. దీంతో హసీన్‌, అర్షిపై BNSలోని 126(2), 115(2), 117(2), 109, 351(3), 3(5) సెక్షన్ల కింద కేసు నమోదు చేశారు. హసీన్‌, అర్షి దలియా ఖాతూన్‌పై దాడి చేస్తున్న దృశ్యాలకు సంబంధించిన వీడియోలు సోషల్‌మీడియాలో వైరలవుతున్నాయి.పూర్తి వివరాల్లోకి వెళితే.. పశ్చిమ బెంగాల్‌లోని సూరి పట్టణం వార్డ్‌ నంబర్‌ 5లో హసీన్‌ జహా, అమె కుమార్తె అర్షి జహా నివాసముంటున్నారు. ఆ పక్కనే ఉన్న ఖాళీ స్థలంలో ఇటీవల వారు ఇల్లు నిర్మించడం మొదలుపెట్టారు. ఈ స్థలం అర్షి పేరున రిజిస్టర్‌ అయ్యిందని వారంటున్నారు. An attempt to murder FIR under BNS sections 126(2), 115(2), 117(2), 109, 351(3) and 3(5) has lodged against Hasin Jahan, the estranged wife of Mohammed Shami and Arshi Jahan, her daughter from her first marriage by her neighbour Dalia Khatun in Suri town of Birbhum district in… pic.twitter.com/2dnqXUKMdK— NCMIndia Council For Men Affairs (@NCMIndiaa) July 16, 2025అయితే ఆ స్థలం తమదని అటు పక్క నివాసముంటున్న దలియా ఖాతూన్‌ ముందుకు వచ్చింది. హసీన్‌ మొదలుపెట్టిన కట్టడాన్ని ఆమె ఆపే ప్రయత్నం చేసింది. ఈ క్రమంలో ఖాతూన్‌పై హసీన్‌, అర్షి దాడికి దిగినట్లు తెలుస్తుంది.కాగా, షమీకి ఇటీవలే కలకత్తా హైకోర్టు విడాకులు మంజూరు చేసింది. హసీన్‌కు రూ. 4 లక్షల భరణం ఇవ్వాలంటూ షమీని ఆదేశించింది. షమీ ఆర్థిక స్థితిని పరిగణనలోకి తీసుకున్న హైకోర్టు ఈమేరకు తీర్పును వెలువరించింది. ఇందులో హసీన్‌కు రూ. 1.5 లక్షలు, షమీ ద్వారా కలిగిన కూతురు ఐరాకు రూ. 2.5 లక్షలు అని కోర్టు తెలిపింది.

ఇంగ్లండ్‌ పర్యటనలో భారత మహిళల క్రికెట్‌ జట్టు అదిరిపోయే విజయాలతో దూసుకుపోతుంది. ఈ పర్యటనలో ఇదివరకే ఐదు మ్యాచ్‌ల టీ20 సిరీస్‌ను 3-2 తేడాతో కైవసం చేసుకున్న భారత్‌.. తాజాగా మూడు మ్యాచ్‌ల వన్డే సిరీస్‌లోనూ బోణీ కొట్టింది. ఈ సిరీస్‌లో భాగంగా నిన్న (జులై 16) సౌతాంప్టన్‌ వేదికగా జరిగిన తొలి వన్డేలో భారత్‌ 4 వికెట్ల తేడాతో ఇంగ్లండ్‌ను చిత్తు చేసింది. తద్వారా ఈ సిరీస్‌లో 1-0 ఆధిక్యంలోకి వెళ్లింది.తొలి వన్డేలో టాస్‌ గెలిచి తొలుత బ్యాటింగ్‌ చేసిన ఇంగ్లండ్‌.. సోఫీ డంక్లీ (83), డేవిడ్‌సన్‌ రిచర్డ్స్‌ (53) రాణించడంతో నిర్ణీత 50 ఓవర్లలో 6 వికెట్ల నష్టానికి 258 పరుగులు చేసింది. ఇంగ్లండ్‌ ఇన్నింగ్స్‌లో ఎమ్మా లాంబ్‌ (39), కెప్టెన్‌ నాట్‌ సీవర్‌ బ్రంట్‌ (41), సోఫీ ఎక్లెస్టోన్‌ (23 నాటౌట్‌) ఓ మోస్తరు స్కోర్లు చేశారు. ట్యామీ బేమౌంట్‌ (5), ఆమీ జోన్స్‌ (1) నిరాశపరిచారు. భారత బౌలర్లలో క్రాంతి గౌడ్‌, స్నేహ్‌ రాణా తలో రెండు వికెట్లు తీయగా.. అమన్‌జోత్‌ కౌర్‌, శ్రీ చరణి చెరో వికెట్‌ పడగొట్టారు.అనంతరం ఓ మోస్తరు లక్ష్య ఛేదనకు దిగిన భారత్‌.. ఆది నుంచే నిలకడగా ఆడుతూ పెద్దగా కష్టపడకుండానే విజయం సాధించింది. టాపార్డర్‌ బ్యాటర్లలో ప్రతీక రావల్‌ (36), స్మృతి మంధన (28), హర్లీన్‌ డియోల్‌ (27), కెప్టెన్‌ హర్మన్‌ప్రీత్‌ కౌర్‌ (17), జెమీమా రోడ్రిగెజ్‌ (48) ఓ మోస్తరు స్కోర్లతో పర్వాలేదనిపించగా.. ఆల్‌రౌండర్‌ దీప్తి శర్మ (62 నాటౌట్‌) బాధ్యతాయుతమైన హాఫ్‌ సెంచరీతో భారత్‌ను గెలిపించింది. దీప్తి.. అమన్‌జోత్‌ (20 నాటౌట్‌) సహకారంతో టీమిండియాను విజయతీరాలకు (48.2 ఓవర్లలో 6 వికెట్లు కోల్పోయి) చేర్చింది.చివర్లో జెమీమా, రిచా ఘోష్‌ (10) స్వల్ప వ్యవధిలో (15 పరుగులు) ఔటైనప్పుడు కాస్త ఒత్తిడికి గురైన భారత శిబిరం.. దీప్తి బాధ్యతాయుతమైన బ్యాటింగ్‌ చూసి గెలుపు ఖరారు చేసుకుంది. ఇంగ్లండ్‌ బౌలర్లలో సోఫీ ఎక్లెస్టోన్‌ (10-1-34-1) ఒక్కరే భారత బ్యాటర్లను కాస్త ఇబ్బంది పెట్టింది. మిగతా బౌలర్లనంతా భారత బ్యాటర్లు సమర్దవంతంగా ఎదుర్కొన్నారు. ఛార్లోట్‌ డీన్‌ 2, లారెన్‌ ఫైలర్‌, లారెన్‌ బెల్‌ తలో వికెట్‌ తీశారు. ఈ సిరీస్‌లో రెండో వన్డే ప్రతిష్టాత్మక లార్డ్స్‌ మైదానంలో జులై 19న జరుగనుంది.

లండన్‌: సుదీర్ఘ విరామం తర్వాత టెస్టు జట్టులోకి వచ్చిన ఇంగ్లండ్‌ పేసర్‌ జోఫ్రా ఆర్చర్‌ తన ప్రదర్శనతో విమర్శకుల నోళ్లు మూయించడం ఆనందంగా ఉందని అన్నాడు. ఈ క్రమంలో ఆర్చర్‌ విమర్శకులను ఉద్దేశించి ‘కీబోర్డ్‌ వారియర్స్‌’ అనే పదాన్ని ఉపయోగించాడు. 2021లో చివరిసారి ఇంగ్లండ్‌ తరఫున టెస్టు మ్యాచ్‌ ఆడిన ఆర్చర్‌... టీమిండియాతో జరిగిన లార్డ్స్‌ టెస్టుతో పునరాగమనం చేశాడు. తొలి ఇన్నింగ్స్‌లో రెండు వికెట్లతో ఫర్వాలేదనిపించిన ఆర్చర్‌... రెండో ఇన్నింగ్స్‌లో మూడు కీలక వికెట్లతో జట్టు విజయంలో కీలకపాత్ర పోషించాడు.‘ఇది సుదీర్ఘ ప్రయాణం. ఇన్నాళ్ల తర్వాత తిరిగి జట్టులోకి వచ్చి విజయంలో భాగమవడం సంతోషంగా ఉంది. గత మూడు నాలుగేళ్లుగా ఎంతమంది ‘కీబోర్డ్‌ వారియర్స్‌’ నన్ను లక్ష్యంగా చేసుకొని వ్యాఖ్యలు చేశారో లెక్కచెప్పలేను. ఎన్నో గాయాలు, మరెన్నో పునరావాస శిబిరాల తర్వాత వచ్చిన ఈ గెలుపు చాలా ప్రత్యేకం’ అని ఆర్చర్‌ అన్నాడు. మోచేయి, వెన్నునొప్పి, కండరాలు ఇలా ఎన్నో గాయాల బారిన పడిన 30 ఏళ్ల ఆర్చర్‌... గత కొంత కాలంగా పరిమిత ఓవర్ల క్రికెట్‌ మాత్రమే ఆడుతున్నాడు. ఇప్పుడు పూర్తి ఫిట్‌నెస్‌ సంతరించుకోవడంతో సుదీర్ఘ ఫార్మాట్‌లో తిరిగి అడుగు పెట్టాడు. భారత రెండో ఇన్నింగ్స్‌లో ఓపెనర్‌ యశస్వి జైస్వాల్‌తో పాటు పంత్, వాషింగ్టన్‌ సుందర్‌ను ఆర్చర్‌ పెవిలియన్‌కు పంపాడు. పంత్‌ వికెట్‌తో జట్టులో నూతనోత్సాహం వచ్చిందని ఆర్చర్‌ వెల్లడించాడు. ‘ఇన్నాళ్ల తర్వాత ఆడిన తొలి టెస్టులో నేను అనుకున్న దానికంటే ఎక్కువ ఓవర్లు బౌలింగ్‌ చేశా. ఇది శుభసూచకం. పంత్‌ వికెట్‌తో జట్టులో కొత్త ఉత్సాహం వచ్చింది. ఆ తర్వాత మరింత పట్టుబిగించగలిగాం’ అని ఆర్చర్‌ అన్నాడు. ఐదు మ్యాచ్‌ల సిరీస్‌లో భాగంగా సోమవారం లార్డ్స్‌ వేదికగా ముగిసిన మూడో టెస్టులో ఇంగ్లండ్‌ 22 పరుగుల తేడాతో భారత్‌పై విజయం సాధించింది. ఈ సిరీస్‌లో ఆతిథ్య జట్టు ప్రస్తుతం 2–1తో ఆధిక్యంలో ఉండగా... ఇరు జట్ల మధ్య ఈ నెల 23 నుంచి మాంచెస్టర్‌లో నాలుగో మ్యాచ్‌ ప్రారంభం కానుంది.

లార్డ్స్‌ టెస్ట్‌లో (మూడవది) భారత్‌ ఇంగ్లండ్‌ చేతిలో 22 పరుగుల స్వల్ప తేడాతో పోరాడి ఓడిన విషయం తెలిసిందే. ఈ మ్యాచ్‌లో టీమిండియా 193 పరుగుల లక్ష్యాన్ని కూడా ఛేదించలేక బోల్తా పడింది. ఆల్‌రౌండర్‌ రవీంద్ర జడేజా.. టెయిలెండర్ల సహకారంతో వీరోచితంగా పోరాడినా టీమిండియాను గట్టెక్కించలేకపోయాడు. తద్వారా ఐదు మ్యాచ్‌ల సిరీస్‌లో ఇంగ్లండ్‌ 2-1 ఆధిక్యంలోకి వెళ్లింది.లార్డ్స్‌ టెస్ట్‌లో టీమిండియా ఎంత పోరాడి ఓడినా ఓ చెత్త రికార్డును మూటగట్టుకుంది. 2013 నుంచి టీమిండియా 26 టెస్ట్‌ల్లో 150 ప్లస్‌ పరుగుల లక్ష్యాన్ని ఛేదిస్తూ కేవలం 2 సార్లు మాత్రమే విజయవంతమైంది. 17 మ్యాచ్‌ల్లో పరాజయంపాలవగా.. 7 మ్యాచ్‌లు డ్రా అయ్యాయి. భారత్‌ గెలిచిన రెండు సందర్భాల్లో ఒకటి 2021లో బ్రిస్బేన్‌లో ఆస్ట్రేలియాపై కాగా.. రెండోది 2024లో రాంచీలో ఇంగ్లండ్‌పై.ఛేజింగ్‌ కష్టాలు.. సచిన్‌ రిటైర్మెంట్‌ నుంచి ఇంతే..!భారత్‌కు ఛేజింగ్‌ కష్టాలు కొత్తేమీ కానప్పటికీ.. క్రికెట్‌ దిగ్గజం సచిన్‌ టెండూల్కర్‌ రిటైర్మెంట్‌ నుంచి పరిస్థితి మరింత దిగజారింది. 2013 నవంబర్‌లో సచిన్‌ టెస్ట్‌లకు గుడ్‌బై చెప్పగా.. అదే ఏడాది డిసెంబర్‌ నుంచి భారత్‌ 26 టెస్ట్‌ల్లో కేవలం రెండు సార్లు మాత్రమే 150 ప్లస్‌ లక్ష్యాలను ఛేదించింది.గడిచిన 12 ఏళ్లలో టీమిండియా ప్రపంచంలోనే అగ్రశ్రేణి జట్టుగా చలామణి అయినప్పటికీ ఛేజింగ్‌ కష్టాలు ఎదుర్కొంది. స్వల్ప లక్ష్య ఛేదనల్లో పాకిస్తాన్‌, వెస్టిండీస్‌ లాంటి జట్లు కూడా భారత్‌ కంటే మెరుగ్గా ఉన్నాయి. ఈ జాబితాలో టీమిండియా ఎనిమిదో స్థానంలో ఉందంటే పరిస్థితి ఎంత దారుణంగా ఉందో ఇట్టే అర్దమవుతుంది.గడిచిన 12 ఏళ్లలో భారత్‌ 250 పరుగులలోపు లక్ష్యాలను ఛేదిస్తూ ఓడిన సందర్భాలు..2018 బర్మింగ్‌హామ్‌లో ఇంగ్లండ్‌పై 193 పరుగుల లక్ష్యాన్ని ఛేదిస్తూ 162 పరుగులకే ఆలౌట్‌2018 సౌతాంప్టన్‌లో ఇంగ్లండ్‌పై 245 పరుగుల లక్ష్యాన్ని ఛేదిస్తూ 184 పరుగులకే ఆలౌట్.2015 గాలెలో శ్రీలంకపై 176 పరుగుల లక్ష్యాన్ని ఛేదిస్తూ 112 పరుగులకే ఆలౌట్.2018 కేప్‌టౌన్‌లో దక్షిణాఫ్రికాపై 208 పరుగుల లక్ష్యాన్ని ఛేదిస్తూ 135 పరుగులకే ఆలౌట్.2024 హైదరాబాద్‌లో ఇంగ్లండ్‌పై 231 పరుగుల లక్ష్యాన్ని ఛేదిస్తూ 202 పరుగులకే ఆలౌట్.

లండన్‌: ఇంగ్లండ్‌తో మూడో టెస్టులో చివరి బ్యాటర్‌ ఔటైనపుడు ఎలా అనిపించిందని బ్రిటన్‌ రాజు చార్లెస్‌-3 టీమిండియా కెప్టెన్‌ శుబ్‌మన్‌ గిల్‌ను ప్రశ్నించారు. మంగళవారం లండన్‌లోని క్లారెన్స్‌ హౌస్‌ గార్డెన్‌లో కింగ్‌ చార్లెస్‌... భారత పురుషుల, మహిళల క్రికెట్‌ జట్లతో ముచ్చటించారు.ఐదు మ్యాచ్‌ల టెస్టు సిరీస్‌లో భాగంగా లార్డ్స్‌ వేదికగా సోమవారం ముగిసిన మూడో మ్యాచ్‌లో టీమిండియా 22 పరుగుల తేడాతో ఇంగ్లండ్‌ చేతిలో పరాజయం పాలైంది. టాపార్డర్‌ ఆకట్టుకోలేకపోయినా... ఆఖర్లో టెయిలెండర్లు అద్భుతంగా పోరాడటంతో ఒకదశలో భారత జట్టు విజయం సాధిస్తుందనిపించింది.కానీ హైదరాబాదీ సిరాజ్‌ చివరి వికెట్‌ రూపంలో వెనుదిరగడంతో టీమిండియా ఆశలు అడియాశలయ్యాయి. బషీర్‌ వేసిన బంతిని సిరాజ్‌ డిఫెన్స్‌ ఆడేందుకు ప్రయత్నించగా... బంతి నెమ్మదిగా వెళ్లి వికెట్లను తాకింది. దీంతో భారత్‌కు పరాజయం తప్పలేదు.భారత జట్లకు ఆతిథ్యమిచ్చిన సందర్భంగా కింగ్‌ చార్లెస్‌ దీని గురించి భారత సారథితో మాట్లాడారు. ఈ కార్యక్రమంలో ఇంగ్లండ్‌లో భారత హై కమిషనర్‌ విక్రమ్‌ దొరైస్వామి, డిప్యూటీ హై కమిషనర్‌ సుజిత్‌ ఘోష్, బీసీసీఐ ఉపాధ్యక్షుడు రాజీవ్‌ శుక్లా, కార్యదర్శి దేవజిత్‌ సైకియా తదితరులు పాల్గొన్నారు.కింగ్‌ చార్లెస్‌తో భేటీ అనంతరం దానికి సంబంధించిన అంశాలను గిల్‌ పంచుకున్నాడు.‘కింగ్‌ చార్లెస్‌తో కలవడం చాలా బాగుంది. ఎన్నో విషయాల గురించి ఆయన మాట్లాడారు. మూడో టెస్టులో చివరి బ్యాట్స్‌మన్‌ ఔట్‌ అయిన విధానం చాలా దురదృష్టకరమని అన్నారు. అనుకోకుండా బంతి వికెట్ల మీదకు వెళ్లిందన్నారు. ఆ సమయంలో మీకు ఎలా అనిపించింది అని ప్రశ్నించారు. అది దురదృష్టకరమని... సిరీస్‌లో మిగిలిన రెండు మ్యాచ్‌ల్లో మంచి ప్రదర్శన చేస్తామని కింగ్‌ చార్లెస్‌కు చెప్పాం.ఇంగ్లండ్‌లో ఎక్కడ మ్యాచ్‌లు ఆడినా మాకు విశేష ఆదరణ దక్కుతుంది. అందుకు తగ్గట్లే జట్టు కూడా విజయం కోసం శాయశక్తులా కృషి చేస్తోంది. సిరీస్‌లో ఇప్పటి వరకు ఇరు జట్లు మెరుగైన ప్రదర్శన చేశాయి. మూడు మ్యాచ్‌లూ ప్రేక్షకులను అలరించాయి. టెస్టు మ్యాచ్‌ చివరి రోజు చివరి సెషన్‌లో ఒక జట్టు స్వల్ప తేడాతో మాత్రమే ఓడిందంటే... ఆ మ్యాచ్‌లో ‘క్రికెట్‌’ గెలిచినట్లే’ అని గిల్‌ అన్నాడు. ఇక భారత మహిళల క్రికెట్‌ జట్టు కెప్టెన్‌ హర్మన్‌ప్రీత్‌ కౌర్‌తో కింగ్‌ చార్లెస్‌ ప్రయాణానికి సంబంధించిన వివరాలు అడిగి తెలుసుకున్నారు. కింగ్‌తో భేటీ అనంతరం నాలుగో టెస్టు కోసం పురుషుల జట్టు మాంచెస్టర్‌కు బయలుదేరగా... మహిళల జట్టు వన్డే సిరీస్‌ కోసం సౌతాంప్టన్‌కు తిరుగు పయనమైంది.

ఇంగ్లండ్‌ అండర్‌-19 జట్టుతో జరుగుతున్న తొలి యూత్‌ టెస్ట్‌లో భారత యువ జట్టు చిచ్చరపిడుగు వైభవ్‌ సూర్యవంశీ తొలి ఇన్నింగ్స్‌లో విఫలమైనా రెండో ఇన్నింగ్స్‌లో సత్తా చాటాడు. తొలి ఇన్నింగ్స్‌లో 13 బంతుల్లో 3 ఫోర్ల సాయంతో 14 పరుగులు మాత్రమే చేసి ఔటైన వైభవ్‌.. రెండో ఇన్నింగ్స్‌లో తన సహజ శైలిలో విరుచుకుపడ్డాడు. ఈ ఇన్నింగ్స్‌లో 44 బంతులు ఎదుర్కొన్న వైభవ్‌.. 9 ఫోర్లు, సిక్సర్‌ సాయంతో 56 పరుగులు చేసి ఔటయ్యాడు. ఫలితంగా భారత్‌ మూడో రోజు ఆట ముగిసే సమయానికి రెండో ఇన్నింగ్స్‌లో 3 వికెట్ల నష్టానికి 128 పరుగులు చేసింది. తొలి ఇన్నింగ్స్‌లో సెంచరీ చేసిన కెప్టెన్‌ ఆయుశ్‌ మాత్రే ఈ ఇన్నింగ్స్‌లో 32 పరుగులకే ఔటయ్యాడు. మరో స్టార్‌ ప్లేయర్‌ చవ్డా 3 పరుగులకే ఔటై నిరాశపరిచాడు. విహాన్‌ మల్హోత్రా (34), అభిగ్యాన్‌ కుందు (0) క్రీజ్‌లో ఉన్నారు. భారత్‌ 229 పరుగుల ఆధిక్యంలో కొనసాగుతుంది. ఇంగ్లండ్‌ బౌలర్లలో ఆర్చీ వాన్‌ 3 వికెట్లు తీశాడు.అంతకుముందు ఇంగ్లండ్‌ తొలి ఇన్నింగ్స్‌లో 439 పరుగులకు ఆలౌటైంది. రాకీ ఫ్లింటాఫ్‌ (93), కెప్టెన్‌ హమ్జా షేక్‌ (84) సత్తా చాటారు. లోయర్‌ మిడిలార్డర్‌ ఆటగాళ్లు ఎకాంశ్‌ సింగ్‌ (59), రాల్ఫీ ఆల్బర్ట్‌ (50) అర్ద సెంచరీలతో రాణించారు. జాక్‌ హోమ్‌ (44), థామస్‌ రూ (34), జేడన్‌ డెన్లీ (27), జేమ్స్‌ మింటో (20) ఓ మోస్తరు స్కోర్లతో పర్వాలేదనిపించారు. భారత బౌలర్లలో హెనిల్‌ పటేల్‌ 3 వికెట్లతో సత్తా చాటగా.. అంబరీష్‌, వైభవ్‌ సూర్యవంశీ చెరో 2.. దీపేశ్‌ దేవేంద్రన్‌, మొహమ్మద్‌ ఎనాన్‌, విహాన్‌ మల్హోత్రా తలో వికెట్‌ తీశారు.దీనికి ముందు భారత్‌ తొలి ఇన్నింగ్స్‌లో 540 పరుగులకు ఆలౌటైంది. కెప్టెన్‌ ఆయుశ్‌ మాత్రే (102) సూపర్‌ సెంచరీతో కదంతొక్కగా.. విహాన్‌ మల్హోత్రా (67), అభిగ్యాన్‌ కుందు (90), రాహుల్‌ కుమార్‌ (85), ఆర్‌ఎస్‌ అంబరీష్‌ (70) అర్ద సెంచరీలతో రాణించారు.కుర్ర చిచ్చరపిడుగు వైభవ్‌ సూర్యవంశీ ఈ ఇన్నింగ్స్‌లో నిరాశపరిచాడు. వైభవ్‌ 13 బంతుల్లో 3 ఫోర్ల సాయంతో 14 పరుగులు చేసి అలెక్స్‌ గ్రీన్‌ బౌలింగ్‌లో రాల్ఫీ ఆల్బర్ట్‌కు క్యాచ్‌ ఇచ్చి పెవిలియన్‌కు చేరాడు.మిగతా బ్యాటర్లలో చవ్డా 11, మొహమ్మద్‌ ఎనాన్‌ 23, హెనిల్‌ పటేల్‌ 38, దీపేశ్‌ దేవేంద్రన్‌ 4, అన్మోల్‌జీత్‌ సింగ్‌ 8 (నాటౌట్‌) పరుగులు చేశారు. ఇంగ్లండ్‌ బౌలర్లలో గ్రీన్‌, ఆల్బర్ట్‌ తలో 3 వికెట్లు తీయగా.. జాక్‌ హోమ్‌, ఆర్చీ వాన్‌ చెరో 2 వికెట్లు దక్కించుకున్నారు.కాగా, ఈ మ్యాచ్‌కు ముందు ఇంగ్లండ్‌తో జరిగిన ఐదు మ్యాచ్‌ల వన్డే సిరీస్‌ను భారత్‌ 3-2 తేడాతో కైవసం చేసుకుంది. ఈ సిరీస్‌లో వైభవ్‌ సూర్యవంశీ ఆకాశమే హద్దుగా చెలరేగాడు. చివరి మ్యాచ్‌ మినహా తొలి నాలుగు మ్యాచ్‌ల్లో చెలరేగిపోయాడు.తొలి మ్యాచ్‌లో 19 బంతుల్లో 3 ఫోర్లు, 5 సిక్సర్ల సాయంతో 48 పరుగులు చేసిన వైభవ్‌.. రెండో వన్డేలో 34 బంతుల్లో 5 ఫోర్లు, 3 సిక్సర్ల సాయంతో 45 పరుగులు.. మూడో వన్డేలో 31 బంతుల్లో 6 ఫోర్లు, 9 సిక్సర్ల సాయంతో 86 పరుగులు.. నాలుగో వన్డేలో ఆకాశమే హద్దుగా చెలరేగి 78 బంతుల్లో 13 ఫోర్లు, 10 సిక్సర్ల సాయంతో ఏకంగా 143 పరుగులు చేశాడు.ఐదో వన్డేలో 42 బంతులు ఎదుర్కొన్న వైభవ్‌ 3 ఫోర్లు, 2 సిక్సర్ల సాయంతో, 78.57 స్ట్రయిక్‌రేట్‌తో 33 పరుగులు చేశాడు.

లార్డ్స్‌ టెస్టులో భారత్‌ గుండె పగిలింది. విజయానికి ఎంతో చేరువగా వచ్చినా చివరకు ఓటమే పలకరించింది. ఐదో రోజు చేతిలో 6 వికెట్లతో 135 పరుగులు చేయాల్సిన టీమిండియా లక్ష్యాన్ని అందుకోవడంలో విఫలమైంది. ఆశలు పెట్టుకున్న పంత్, రాహుల్‌ విఫలం కాగా... 82/7 నుంచి జట్టును గెలిపించేందుకు రవీంద్ర జడేజా పోరాడినా లాభం లేకపోయింది. ఇంగ్లండ్‌ కెప్టెన్‌ స్టోక్స్‌ జట్టును ముందుండి నడిపించగా... పట్టుదలగా బౌలింగ్‌ చేసిన ఆతిథ్య జట్టు మ్యాచ్‌ చేజారకుండా కాపాడుకోగలిగింది. ఈ టెస్టులో పలు సందర్భాల్లో శుబ్‌మన్‌ గిల్‌ బృందం ఆధిక్యం ప్రదర్శించినా... కీలక క్షణాలను ఇంగ్లండ్‌ సరిగ్గా ఒడిసి పట్టుకుంది. టీమ్‌ వెనుకబడిన ప్రతీసారి పోరాటయోధుడిలా నేనున్నానంటూ ముందుకొచ్చి సత్తా చాటిన స్టోక్స్‌దే ఈ గెలుపు అనడం అతిశయోక్తి కాదు. లండన్‌: ‘అండర్సన్‌–టెండూల్కర్‌ ట్రోఫీ’లో ఇంగ్లండ్‌ ఆధిక్యంలోకి దూసుకెళ్లింది. సోమవారం లార్డ్స్‌ మైదానంలో ముగిసిన మూడో టెస్టులో ఇంగ్లండ్‌ 22 పరుగుల స్వల్ప తేడాతో భారత్‌పై విజయం సాధించింది. అనూహ్య మలుపులు, ఉత్కంఠతో సాగుతూ వచ్చిన మ్యాచ్‌లో బ్యాటింగ్‌ వైఫల్యం భారత్‌ను దెబ్బ తీసింది. 193 పరుగుల లక్ష్యంతో ఐదో రోజు బరిలోకి దిగిన భారత్‌ తమ రెండో ఇన్నింగ్స్‌లో 74.5 ఓవర్లలో 170 పరుగులకు ఆలౌటైంది. రవీంద్ర జడేజా (181 బంతుల్లో 61 నాటౌట్‌; 4 ఫోర్లు, 1 సిక్స్‌) మినహా ఎవరూ ప్రభావం చూపలేకపోయారు. ఇంగ్లండ్‌ పదునైన బౌలింగ్‌తో స్వల్ప స్కోరును కూడా కాపాడుకోవడంలో సఫలమైంది. రెండు ఇన్నింగ్స్‌లలో కలిపి 77 పరుగులు చేయడంతో పాటు 5 వికెట్లు తీసిన బెన్‌ స్టోక్స్‌ ‘ప్లేయర్‌ ఆఫ్‌ ద మ్యాచ్‌’ అవార్డు గెల్చుకున్నాడు. సిరీస్‌లో ఇంగ్లండ్‌ 2–1తో ముందంజలో ఉండగా... నాలుగో టెస్టు ఈ నెల 23 నుంచి మాంచెస్టర్‌లో జరుగుతుంది. ఆర్చర్‌ పదునైన బౌలింగ్‌... ఓవర్‌నైట్‌ స్కోరు 58/4తో ఆటను కొనసాగించిన భారత్‌కు చివరి రోజు సరైన ఆరంభం లభించలేదు. 11 పరుగుల వ్యవధిలో జట్టు మూడు కీలక వికెట్లు కోల్పోయింది. గాయంతో బాధపడుతున్న పంత్‌ తడబడుతూనే బ్యాటింగ్‌ చేశాడు. ఆర్చర్‌ అద్భుత బంతితో పంత్‌ (9)ను క్లీన్‌బౌల్డ్‌ చేయగా, స్టోక్స్‌ బౌలింగ్‌లో కేఎల్‌ రాహుల్‌ (58 బంతుల్లో 39; 6 ఫోర్లు) వికెట్ల ముందు దొరికిపోయాడు. అంపైర్‌ అవుట్‌ ఇవ్వకపోవడంతో రివ్యూ కోరిన ఇంగ్లండ్‌ ఫలితం సాధించింది. తర్వాతి ఓవర్లోనే ఆర్చర్‌ తన బౌలింగ్‌లో అద్భుత రిటర్న్‌ క్యాచ్‌తో సుందర్‌ (0)ను పెవిలియన్‌ పంపించాడు. 82/7 వద్ద పరిస్థితి చూస్తే భారత్‌ ఇన్నింగ్స్‌ ముగిసేందుకు ఎంతో సమయం పట్టదనిపించింది. జడేజా పోరాటం... అప్పటి వరకు 15 బంతులు ఎదుర్కొని 8 పరుగులు చేసిన జడేజా... జట్టు భారాన్ని తనపై వేసుకున్నాడు. తాను ప్రధాన పాత్ర పోషిస్తూ తర్వాతి ముగ్గురు బ్యాటర్లతో అతను కీలక భాగస్వామ్యాలు నెలకొల్పాడు. భారీ షాట్లకు పోకుండా సింగిల్స్‌తోనే ఒక్కో పరుగు జోడించడంతో పాటు అవతలి బ్యాటర్లను కాపాడుకుంటూ అతని ఇన్నింగ్స్‌ సాగింది. ఈ క్రమంలో పరుగుల రాక కూడా బాగా తగ్గిపోయింది. పదునైన డిఫెన్స్‌ చూపించగలిగినా... నితీశ్‌ కుమార్‌ రెడ్డి (53 బంతుల్లో 13; 1 ఫోర్‌) లంచ్‌కు ముందు వోక్స్‌ చక్కటి బంతికి వెనుదిరిగాడు. ఆ తర్వాత జస్‌ప్రీత్‌ బుమ్రా (54 బంతుల్లో 5; 1 ఫోర్‌), జడేజా భాగస్వామ్యం ఏకంగా 22 ఓవర్ల పాటు సాగింది. సహనం కోల్పోయిన బుమ్రా భారీ షాట్‌ ఆడబోయి అవుట్‌ కాగా... మొహమ్మద్‌ సిరాజ్‌ (40 బంతుల్లో 4) అండతో జడేజా జట్టును గెలుపు దిశగా నడిపించాడు. అయితే చివర్లో పెరిగిన ఉత్కంఠ మధ్య స్పిన్నర్‌ బషీర్‌ బౌలింగ్‌లో సిరాజ్‌ వికెట్‌తో భారత్‌ ఓటమి ఖాయయైంది. అలా ముగిసింది... భారత్‌ విజయానికి మరో 46 పరుగులు కావాల్సిన సమయంలో జడేజాతో సిరాజ్‌ జత కలిశాడు. జడేజా జాగ్రత్తగా స్ట్రయికింగ్‌ నిలబెట్టుకుంటుండగా... సిరాజ్‌ కూడా పట్టుదలగా 29 బంతులు ఆడి సహకరించాడు. మెలమెల్లగా భాగస్వామ్యం 13.1 ఓవర్లలో 23 పరుగులు పూర్తి చేసుకుంది. ఎన్ని ప్రయత్నాలు చేసినా చివరి వికెట్‌ తీయలేక ఇంగ్లండ్‌ శిబిరంలో అసహనం పెరిగిపోతోంది. ఇలాగే సాగితే సింగిల్స్‌తో మరో 23 పరుగులు కావడం సాధ్యమే అనిపించింది. అయితే సిరాజ్‌ అనూహ్య వికెట్‌తో ఆట ముగిసింది. బషీర్‌ వేసిన బంతిని సిరాజ్‌ దానిని చక్కగా డిఫెన్స్‌ ఆడాడు. అయితే కింద పడిన బంతి నెమ్మదిగా అతని కాలి వెనక భాగం వైపు వెళ్లగా, దానిని సిరాజ్‌ గుర్తించలేకపోయాడు. తేరుకునేలోపే బంతి స్టంప్స్‌ను తాకి ఒక బెయిల్‌ కింద పడటంతో ఇంగ్లండ్‌ సంబరాలు చేసుకుంది.స్కోరు వివరాలు ఇంగ్లండ్‌ తొలి ఇన్నింగ్స్‌: 387; భారత్‌ తొలి ఇన్నింగ్స్‌: 387; ఇంగ్లండ్‌ రెండో ఇన్నింగ్స్‌: 192; భారత్‌ రెండో ఇన్నింగ్స్‌: జైస్వాల్‌ (సి) స్మిత్‌ (బి) ఆర్చర్‌ 0; రాహుల్‌ (ఎల్బీ) (బి) స్టోక్స్‌ 39; కరుణ్‌ నాయర్‌ (ఎల్బీ) (బి) కార్స్‌ 14; గిల్‌ (సి) స్మిత్‌ (బి) కార్స్‌ 6; ఆకాశ్‌దీప్‌ (బి) స్టోక్స్‌ 1; పంత్‌ (బి) ఆర్చర్‌ 9; జడేజా (నాటౌట్‌) 61; సుందర్‌ (సి అండ్‌ బి) ఆర్చర్‌ 0; నితీశ్‌ రెడ్డి (సి) స్మిత్‌ (బి) వోక్స్‌ 13; బుమ్రా (సి) (సబ్‌) కుక్‌ (బి) స్టోక్స్‌ 5; సిరాజ్‌ (బి) బషీర్‌ 4; ఎక్స్‌ట్రాలు 18; మొత్తం (74.5 ఓవర్లలో ఆలౌట్‌) 170. వికెట్ల పతనం: 1–5, 2–41, 3–53, 4–58, 5–71, 6–81, 7–82, 8–112, 9–147, 10–170. బౌలింగ్‌: వోక్స్‌ 12–5–21–1, ఆర్చర్‌ 16–1–55–3, స్టోక్స్‌ 24–4–48–3, కార్స్‌ 16–2–30–2, రూట్‌ 1–0–1–0, బషీర్‌ 5.5–1–6–1.

లార్డ్స్‌ టెస్ట్‌లో టీమిండియా పైచేయి సాధించినట్లే సాధించి పట్టు చేజార్చుకునేలా ఉంది. రెండో ఇన్నింగ్స్‌లో ఇంగ్లండ్‌ను 192 పరుగులకే కుప్పకూల్చిన భారత్‌.. ఆతర్వాత స్వల్ప లక్ష్య ఛేదనను తడబాటుతో మొదలుపెట్టింది. ఓపెనర్‌ యశస్వి జైస్వాల్‌ నిర్లక్ష్యమైన షాట్‌ ఆడి అనవసరంగా వికెట్‌ పారేసుకున్నాడు. జోఫ్రా ఆర్చర్‌ బౌలింగ్‌లో జైస్వాల్‌ డకౌటయ్యాడు. తొలి ఇన్నింగ్స్‌లోనూ ఆర్చర్‌రే జైస్వాల్‌ను ఔట్‌ చేశాడు. 3 ఓవర్ల తర్వాత భారత్‌ వికెట్‌ నష్టానికి 5 పరుగులు చేసింది. కేఎల్‌ రాహుల్‌కు (5) జతగా కరుణ్‌ నాయర్‌ క్రీజ్‌లోకి వచ్చాడు. క్రికెట్‌ మరో ఛాన్స్‌ ఇవ్వు అని ప్రాధేయపడి జట్టులోకి రీఎంట్రీ ఇచ్చిన కరుణ్‌ ఇప్పటివరకు ఆడిన 5 ఇన్నింగ్స్‌ల్లో దారుణంగా విఫలమయ్యాడు. ఈ ఇన్నింగ్స్‌లో అయినా కరుణ్‌ రాణిస్తాడేమో చూడాలి. ఒక వేళ ఈ ఇన్నింగ్స్‌లో కరుణ్‌ బాగా ఆడకపోతే అతని స్థానం గల్లంతైనట్లే. ఈ మ్యాచ్‌లో భారత్‌ గెలవాలంటే మరో 188 పరుగులు చేయాలి. ఇంగ్లండ్‌ గెలుపుకు 9 వికెట్లు​ కావాలి. ఇవాల్టి ఆటలో మరో గంట మిగిలి ఉంది. ఈ గంటలో భారత్‌ వికెట్‌ పడకుండా జాగ్రత్త పడాలి. ఒకవేళ వికెట్‌ పోగొట్టుకుంటే మాత్రం ఆతర్వాత వచ్చే ఆటగాళ్లపై తీవ్రమైన ఒత్తిడి ఉంటుంది. ఈ పిచ్‌పై 193 పరుగుల లక్ష్యం మరీ అంత చిన్నదేమీ కాదు. భారత బ్యాటర్లు ఎమరపాటుగా ఉంటే మాత్రం తగిన మూల్యం చెల్లింఉకోవాల్సి వస్తుంది.దీనికి ముందు భారత్‌ ఇంగ్లండ్‌ను 192 పరుగులకే కుప్పకూల్చింది. వాషింగ్టన్‌ సుందర్‌ తన స్పిన్‌ మాయాజాలంతో ఇంగ్లండ్‌ బ్యాటర్ల భరతం పట్టాడు. కీలకమైన రూట్‌ (40), జేమీ స్మిత్‌ (8), బెన్‌ స్టోక్స్‌ (33) వికెట్లతో షోయబ్‌ బషీర్‌ (2) వికెట్ తీసి ఇంగ్లండ్‌ను చావుదెబ్బకొట్టాడు. మరో ఎండ్‌ నుంచి బుమ్రా కూడా ఇంగ్లండ్‌ ఆటగాళ్లపై అటాక్‌ చేశాడు. టీ విరామం తర్వాత బుమ్రా క్రిస్‌ వోక్స్‌ (10), బ్రైడన్‌ కార్స్‌లను (1) క్లీన్‌ బౌల్డ్‌ చేశాడు.అంతకుముందు తొలి సెషన్‌లో సిరాజ్‌, నితీశ్‌ కుమార్‌, ఆకాశ్‌దీప్‌ చెలరేగిపోయారు. డకెట్‌ (12), ఓలీ పోప్‌ను (4) సిరాజ్‌ పెవిలియన్‌కు పంపగా.. జాక్‌ క్రాలేను (22) నితీశ్‌, హ్యారీ బ్రూక్‌ను (23) ఆకాశ్‌దీప్ ఔట్‌ చేశారు.ఈ మ్యాచ్‌లో ఇరు జట్లు తొలి ఇన్నింగ్స్‌ల్లో ఒకే స్కోర్‌ (387) చేసిన విషయం తెలిసిందే. తొలుత బ్యాటింగ్‌ చేసిన ఇంగ్లండ్‌ తరఫున రూట్‌ (104), జేమీ స్మిత్‌ (51), బ్రైడన్‌ కార్స్‌ (56) సత్తా చాటగా.. భారత్‌ తరఫున కేఎల్‌ రాహుల్‌ (100), పంత్‌ (74), జడేజా (72) రాణించారు. బుమ్రా ఐదు వికెట్లతో ఇంగ్లండ్‌ తొలి ఇన్నింగ్స్‌ పతనాన్ని శాశించగా.. సిరాజ్‌, నితీశ్‌ తలో 2, రవీంద్ర జడేజా ఓ వికెట్‌ పడగొట్టారు. ఇంగ్లండ్‌ తొలి ఇన్నింగ్స్‌లో క్రాలే 18, డకెట్‌ 23, ఓలీ పోప్‌ 44, హ్యారీ బ్రూక్‌ 11, బెన్‌ స్టోక్స్‌ 44, క్రిస్‌ వోక్స్‌ 0, జోఫ్రా ఆర్చర్‌ 4 పరుగులకు ఔటయ్యారు. భారత తొలి ఇన్నింగ్స్‌లో యశస్వి జైస్వాల్‌ 13, కరుణ్‌ నాయర్‌ 40, శుభ్‌మన్‌ గిల్‌ 16, నితీశ్‌ రెడ్డి 30, వాషింగ్టన్‌ సుందర్‌ 23, ఆకాశ్‌దీప్‌ 7, బుమ్రా 0, సిరాజ్‌ 0 (నాటౌట్‌) పరుగులు చేశారు. ఇంగ్లండ్‌ బౌలర్లలో వోక్స్‌ 3, ఆర్చర్‌, స్టోక్స్‌ తలో 2, కార్స్‌, బషీర్‌ చెరో వికెట్‌ తీశారు. కాగా, ఐదు మ్యాచ్‌ల ఈ సిరీస్‌లో ఇరు జట్లు తలో మ్యాచ్‌ గెలిచి 1-1తో సమంగా ఉన్న విషయం తెలిసిందే.

లార్డ్స్‌ టెస్ట్‌లో టీమిండియా బౌలర్లు దుమ్మురేపుతున్నారు. నాలుగో రోజు ప్రారంభం నుంచే చెలరేగుతున్న మన వాళ్లు టీ విరామం సమయానికి ఇంగ్లండ్‌ను పీకల్లోతు కష్టాల్లోకి నెట్టారు. తొలి సెషన్‌లో సిరాజ్‌, నితీశ్‌ కుమార్‌ రెడ్డి, ఆకాశ్‌దీప్‌ విజృంభించగా.. రెండో సెషన్‌లో వాషింగ్టన్‌ సుందర్‌ సత్తా చాటాడు.టీ విరామం సమయానికి రెండో ఇన్నింగ్స్‌లో ఇంగ్లండ్‌ స్కోర్‌ 6 వికెట్ల నష్టానికి 175 పరుగులుగా ఉంది. బెన్‌ స్టోక్స్‌ (27), క్రిస​్‌ వోక్స్‌ (8) ఇంగ్లండ్‌ను గట్టెక్కించే ప్రయత్నం చేస్తున్నారు.తొలి సెషన్‌లో సిరాజ్‌ (7-2-11-2), నితీశ్‌ రెడ్డి (5-1-20-1), ఆకాశ్‌దీప్‌ (5-2-23-1) పదునైన బంతులతో ఇంగ్లండ్‌ బ్యాటర్లను బెంబేలెత్తించగా.. రెండో సెషన్‌లో సుందర్‌ (7-2-13-2) తన మాయాజాలంతో ఇంగ్లండ్‌ బ్యాటర్లను ముప్పుతిప్పలు పెట్టాడు.భారత పేస్‌ అటాక్‌ ధాటికి ఇంగ్లండ్‌ 87 పరుగులకే 4 వికెట్లు కోల్పోయి డకెట్‌ (12), ఓలీ పోప్‌ను (4) సిరాజ్‌ పెవిలియన్‌కు పంపగా.. జాక్‌ క్రాలేను (22) నితీశ్‌, హ్యారీ బ్రూక్‌ను (23) ఆకాశ్‌దీప్.. జేమీ స్మిత్‌ (8), జో రూట్‌ను (40) సుందర్‌ ఔట్‌ చేశాడు.ఈ మ్యాచ్‌లో ఇరు జట్లు తొలి ఇన్నింగ్స్‌ల్లో ఒకే స్కోర్‌ (387) చేసిన విషయం తెలిసిందే. తొలుత బ్యాటింగ్‌ చేసిన ఇంగ్లండ్‌ తరఫున రూట్‌ (104), జేమీ స్మిత్‌ (51), బ్రైడన్‌ కార్స్‌ (56) సత్తా చాటగా.. భారత్‌ తరఫున కేఎల్‌ రాహుల్‌ (100), పంత్‌ (74), జడేజా (72) రాణించారు. బుమ్రా ఐదు వికెట్లతో ఇంగ్లండ్‌ తొలి ఇన్నింగ్స్‌ పతనాన్ని శాశించగా.. సిరాజ్‌, నితీశ్‌ తలో 2, రవీంద్ర జడేజా ఓ వికెట్‌ పడగొట్టారు. ఇంగ్లండ్‌ తొలి ఇన్నింగ్స్‌లో క్రాలే 18, డకెట్‌ 23, ఓలీ పోప్‌ 44, హ్యారీ బ్రూక్‌ 11, బెన్‌ స్టోక్స్‌ 44, క్రిస్‌ వోక్స్‌ 0, జోఫ్రా ఆర్చర్‌ 4 పరుగులకు ఔటయ్యారు. భారత తొలి ఇన్నింగ్స్‌లో యశస్వి జైస్వాల్‌ 13, కరుణ్‌ నాయర్‌ 40, శుభ్‌మన్‌ గిల్‌ 16, నితీశ్‌ రెడ్డి 30, వాషింగ్టన్‌ సుందర్‌ 23, ఆకాశ్‌దీప్‌ 7, బుమ్రా 0, సిరాజ్‌ 0 (నాటౌట్‌) పరుగులు చేశారు. ఇంగ్లండ్‌ బౌలర్లలో వోక్స్‌ 3, ఆర్చర్‌, స్టోక్స్‌ తలో 2, కార్స్‌, బషీర్‌ చెరో వికెట్‌ తీశారు. కాగా, ఐదు మ్యాచ్‌ల ఈ సిరీస్‌లో ఇరు జట్లు తలో మ్యాచ్‌ గెలిచి 1-1తో సమంగా ఉన్న విషయం తెలిసిందే.

లార్డ్స్‌ టెస్ట్‌ నాలుగో రోజు ఆట తొలి సెషన్‌లో టీమిండియా పేసర్లు చెలరేగిపోయారు. సిరాజ్‌ (7-2-11-2), నితీశ్‌ రెడ్డి (5-1-20-1), ఆకాశ్‌దీప్‌ (5-2-23-1) పదునైన బంతులతో ఇంగ్లండ్‌ బ్యాటర్లను బెంబేలెత్తించారు. భారత పేస్‌ అటాక్‌ ధాటికి ఇంగ్లండ్‌ 87 పరుగులకే 4 వికెట్లు కోల్పోయి పీకల్లోతు కష్టాల్లో పడింది. డకెట్‌ (12), ఓలీ పోప్‌ను (4) సిరాజ్‌ పెవిలియన్‌కు పంపగా.. జాక్‌ క్రాలేను (22) నితీశ్‌, హ్యారీ బ్రూక్‌ను (23) ఆకాశ్‌దీప్‌ ఔట్‌ చేశారు. లంచ్‌ విరామం సమయానికి ఇంగ్లండ్‌ 4 వికెట్ల నష్టానికి 98 పరుగులు చేసింది. జో రూట్‌ (17), బెన్‌ స్టోక్స్‌ (2) క్రీజ్‌లో ఉన్నారు. ఇంగ్లండ్‌ 98 పరుగుల ఆధిక్యంలో ఉంది.ఈ మ్యాచ్‌లో ఇరు జట్లు తొలి ఇన్నింగ్స్‌ల్లో ఒకే స్కోర్‌ (387) చేసిన విషయం తెలిసిందే. తొలుత బ్యాటింగ్‌ చేసిన ఇంగ్లండ్‌ తరఫున రూట్‌ (104), జేమీ స్మిత్‌ (51), బ్రైడన్‌ కార్స్‌ (56) సత్తా చాటగా.. భారత్‌ తరఫున కేఎల్‌ రాహుల్‌ (100, పంత్‌ (74), జడేజా (72) రాణించారు. బుమ్రా ఐదు వికెట్లతో ఇంగ్లండ్‌ తొలి ఇన్నింగ్స్‌ పతనాన్ని శాశించగా.. సిరాజ్‌, నితీశ్‌ తలో 2, రవీంద్ర జడేజా ఓ వికెట్‌ పడగొట్టారు. ఇంగ్లండ్‌ తొలి ఇన్నింగ్స్‌లో క్రాలే 18, డకెట్‌ 23, ఓలీ పోప్‌ 44, హ్యారీ బ్రూక్‌ 11, బెన్‌ స్టోక్స్‌ 44, క్రిస్‌ వోక్స్‌ 0, జోఫ్రా ఆర్చర్‌ 4 పరుగులకు ఔటయ్యారు. భారత తొలి ఇన్నింగ్స్‌లో యశస్వి జైస్వాల్‌ 13, కరుణ్‌ నాయర్‌ 40, శుభ్‌మన్‌ గిల్‌ 16, నితీశ్‌ రెడ్డి 30, వాషింగ్టన్‌ సుందర్‌ 23, ఆకాశ్‌దీప్‌ 7, బుమ్రా 0, సిరాజ్‌ 0 (నాటౌట్‌) పరుగులు చేశారు. ఇంగ్లండ్‌ బౌలర్లలో వోక్స్‌ 3, ఆర్చర్‌, స్టోక్స్‌ తలో 2, కార్స్‌, బషీర్‌ చెరో వికెట్‌ తీశారు. కాగా, ఐదు మ్యాచ్‌ల ఈ సిరీస్‌లో ఇరు జట్లు తలో మ్యాచ్‌ గెలిచి 1-1తో సమంగా ఉన్న విషయం తెలిసిందే.

అదృష్టం ఒక్క‌సారే త‌లుపు త‌డుతుందంటారు. కానీ అత‌డికి రెండుసార్లు ల‌క్ త‌గిలింది. ఇంట‌ర్నేష‌న‌ల్ కెరీర్ ముగిసింద‌నుకుంటున్న త‌రుణంలో అనూహ్యంగా పుంజుకుని సెకండ్ చాన్స్ ద‌క్కించుకున్నాడు. అయితే ఈ అవ‌కాశాన్ని కూడా జార‌విచుకునే ప‌రిస్థితిలో నిలిచాడు. అత‌డు ఎవ‌రో కాదు టీమిండియా సీనియ‌ర్ బ్యాట‌ర్ క‌రుణ్ నాయ‌ర్‌. ఊహించ‌ని విధంగా టెస్ట్ జ‌ట్టులో చోటు సంపాదించిన ఈ విద‌ర్భ క్రికెట‌ర్.. వ‌రుస వైఫ‌ల్యాల‌తో జ‌ట్టుకు భారంగా మారుతున్నాడు. ఇంగ్లండ్‌తో జ‌రిగిన మూడు టెస్ట్ మ్యాచ్‌ల్లోనూ విఫ‌లం కావ‌డంతో అత‌డిని టీమ్ నుంచి త‌ప్పించాల‌న్న డిమాండ్లు రోజురోజుకు అధిక‌మ‌వుతున్నాయి.బ్యాటింగ్ భారం మోస్తాడ‌నుకుంటే..33 ఏళ్ల క‌రుణ్ నాయ‌ర్.. ఇంగ్లండ్ టెస్టు సిరీస్‌కు ఎంపికై త‌న పున‌రాగ‌మాన్ని ఘ‌నంగా చాటాడు. 3006 రోజుల విరామం త‌ర్వాత‌ జాతీయ జ‌ట్టులో చోటు ద‌క్కించుకుని అంద‌రినీ ఆశ్చ‌ర్యంలో ముంచెత్తాడు. దేశ‌వాళీ క్రికెట్‌లో ప‌రుగుల వ‌ర‌ద పారించి సెలెక్ట‌ర్ల కంట్లో ప‌డ‌డ‌డంతో ఇంగ్లండ్ టూర్‌కు ఎంపిక‌య్యాడు. రోహిత్ శ‌ర్మ‌, విరాట్ కోహ్లి (Virat Kohli) రిటైర్మెంట్ నేపథ్యంలో బ్యాటింగ్ భారాన్ని మోస్తాడ‌న్న భ‌రోసాతో బీసీసీఐ అత‌డిని ఎంపిక చేసింది. అయితే గ‌త 2 టెస్టుల్లో అత‌డి తీరు స్థాయికి త‌గ్గ‌ట్టు లేక‌పోవ‌డంతో విమ‌ర్శ‌లు ఎదుర్కొన్నాడు. ప్ర‌స్తుతం లార్డ్స్‌లో జ‌రుగుతున్న మూడో టెస్ట్ ఫ‌స్ట్ ఇన్నింగ్స్‌లో 40 ప‌రుగులు సాధించాడు. 5 ఇన్నింగ్స్‌లో క‌లిపి కేవ‌లం 117 ప‌రుగులు మాత్ర‌మే చేశాడు. ఇదే ఇన్నింగ్స్‌లో శుబ‌మ‌న్ గిల్ 601 ప‌రుగులు సాధించి స‌త్తా చాటాడు. దీని బ‌ట్టే చూస్తే క‌రుణ్ ఎంతగా విఫ‌ల‌మ‌య్యాడ‌న్న‌ది అర్థ‌మ‌వుతుంది.ఇలాగైతే క‌ష్ట‌మే..మూడో టెస్ట్ సెకండ్ ఇన్నింగ్స్‌లోనూ క‌రుణ్ ఆట‌తీరు ఇలాగే కొన‌సాగితే జ‌ట్టులో అత‌డి స్థానం గ‌ల్లంతయ్యే అవ‌కాశం ఉంద‌ని సీనియ‌ర్లు హెచ్చరిస్తున్నారు. రెండో ఇన్నింగ్స్‌లో విఫ‌ల‌మ‌యితే ముప్పు త‌ప్ప‌ద‌ని చ‌తేశ్వ‌ర్ పూజారా (cheteshwar pujara) అభిప్రాయ‌ప‌డ్డాడు. భారీ స్కోరు చేయ‌డంలో క‌రుణ్ విఫ‌ల‌మ‌వుతున్నాడ‌ని, అన‌వ‌స‌ర త‌ప్పిదాల‌తో వికెట్ పారేసుకుంటున్నార‌ని పూజారా వ్యాఖ్యానించాడు. రెండంకెల స్కోరును భారీ స్కోరుగా మ‌ల‌చ‌డానికి అత‌డు ప్ర‌య‌త్నం చేయాల‌ని సూచించాడు. క్రీజులోనే పాతుకుపోవ‌డం ద్వారా త‌ప్పిదాల‌కు ఆస్కారం క‌లుగుతోంద‌ని విశ్లేషించాడు. బ్యాక్‌ఫుట్ చురుగ్గా క‌ద‌ప‌డం ద్వారా ప‌రుగులు సాధించొచ్చ‌ని స‌ల‌హాయిచ్చాడు. సెకండ్ ఇన్నింగ్స్‌లో క‌రుణ్ ఎక్కువ స్కోరు చేస్తాడ‌న్న ఆశాభావాన్ని పూజారా వ్య‌క్తం చేశాడు. కరుణ్ లాంటి బ్యాటర్‌కు సిరీస్‌లో తనదైన ముద్ర వేయడానికి ఆరు ఇన్నింగ్స్‌లు సరిపోతాయని వ్యాఖ్యానించాడు.చ‌ద‌వండి: అత‌డిని నాలుగో టెస్టులోనూ ఆడించాల్సిందేక‌రుణ్ ప్లేస్‌లో ఎవ‌రు?త‌ర్వాతి ఇన్నింగ్స్‌లో ఎన్ని ప‌రుగులు చేస్తాడ‌నే దానిపై క‌రుణ్ భ‌విత‌వ్యం ఆధారప‌డి ఉంటుంద‌ని క్రీడా పండితులు అభిప్రాయ‌ప‌డుతున్నారు. అత‌డి స్థానానికి పోటీ ఎక్కువ‌గా ఉంది. మొదటి టెస్ట్‌లో బాగానే ఆడిన‌ప్ప‌టికీ జ‌ట్టులో స్థానం కోల్పోయిన యువ ఆట‌గాడు సాయి సుద‌ర్శ‌న్ మ‌ళ్లీ చోటు ద‌క్కించుకోవ‌డానికి వేచిచూస్తున్నాడు. మ‌రో టాలెంటెడ్ ప్లేయ‌ర్ అభిమన్యు ఈశ్వరన్ కూడా జ‌ట్టులో స్థానం సంపాదించి స‌త్తా చాటాల‌ని ఉవ్విళ్లూరుతున్నాడు. ఇంగ్లాండ్ లయన్స్‌తో జరిగిన అనధికారిక టెస్టుల్లో మూడు అర్ధ సెంచరీలతో సహా 227 పరుగులు చేసిన ధ్రువ్ జురెల్ (Dhruv Jurel) కూడా రేసులో ఉన్నాడు. కాబ‌ట్టి క‌రుణ్‌కు ఇది పరీక్షా స‌మ‌యం. త‌న‌కు స్థాయికి త‌గిన‌ట్టు భారీ ఇన్నింగ్స్ ఆడితేనే జ‌ట్టులో అత‌డి చోటుకు భ‌రోసా ఉంటుంది. లేక‌పోతే పున‌రాగ‌మనం మూన్నాళ్ల ముచ్చ‌టే అవుతుంది. చూద్దాం నాయ‌ర్ ఏం చేస్తాడో!

మూడో టెస్టు రెండో రోజు రసవత్తర ఆటకు తెరలేచింది. తొలిరోజంతా కష్టపడినా బుమ్రా ఒక వికెట్‌ మాత్రమే తీస్తే... రెండో రోజు తొలి సెషన్‌లోనూ వైవిధ్యమైన బంతులతో ఇంగ్లండ్‌ ప్రధాన బ్యాటింగ్‌ బలగాన్ని కూల్చేశాడు. అయితే భారత బ్యాటింగ్‌ మాత్రం తడబడింది. ఆరంభంలోనే విలువైన వికెట్లను కోల్పోయింది. మొదటి రోజు 4 వికెట్లు పడితే... రెండో రోజు ఆటలో 9 వికెట్లు కూలాయి. ఇరుజట్లు బ్యాటింగ్‌ కంటే కూడా బౌలింగ్‌తోనే సత్తా చాటుకున్నాయి. లండన్‌: భారత ప్రీమియర్‌ బౌలర్‌ బుమ్రా తానెంత విలువైన ఆటగాడో మరోసారి చాటుకున్నాడు. తొలిరోజు శ్రమించినా దక్కని సాఫల్యం రెండో రోజు ఆరంభంలోనే సాధ్యమైంది. క్రీజులో పాతుకుపోయిన బ్యాటర్లను తొలి సెషన్‌ మొదలైన కొద్దిసేపటికే అవుట్‌ చేశాడు. భారత్‌ పట్టుబిగించేలా చేశాడు. నింపాదిగానే పరుగులు చేద్దామనుకున్న ఇంగ్లండ్‌ బ్యాటర్లపై నిప్పులు చెరిగాడు. ఇంగ్లండ్‌ భారీ స్కోరుకు బాట వేసినా... బుమ్రా బాధ్యతగా అడ్డుకట్ట వేశాడు. అయితే టీమిండియా ఇన్నింగ్సే సానుకూల దృక్పథంతో మొదలవలేదు.ఆతిథ్య బౌలర్లు కీలక వికెట్లను తీసి మ్యాచ్‌ను రసపట్టుగా మార్చేశారు. ముందుగా ఇంగ్లండ్‌ తొలి ఇన్నింగ్స్‌లో 112.3 ఓవర్లలో 387 పరుగుల వద్ద ఆలౌటైంది. ఓవర్‌నైట్‌ బ్యాటర్‌ జో రూట్‌ (199 బంతుల్లో 104; 10 ఫోర్లు) ‘శత’క్కొట్టగా... వికెట్‌ కీపర్‌ జేమీ స్మిత్‌ (56 బంతుల్లో 51; 6 ఫోర్లు), బౌలర్‌ బ్రైడన్‌ కార్స్‌ (83 బంతుల్లో 56; 6 ఫోర్లు, 1 సిక్స్‌) అర్ధ సెంచరీలతో రాణించారు. భారత స్పీడ్‌స్టర్‌ బుమ్రా 5 వికెట్లు తీశాడు. సిరాజ్, నితీశ్‌ కుమార్‌ రెడ్డి చెరో 2 వికెట్లు తీశారు. తర్వాత భారత్‌ రెండో రోజు ఆట ముగిసే సమయానికి తొలి ఇన్నింగ్స్‌లో 43 ఓవర్లలో 3 వికెట్ల నష్టానికి 145 పరుగులు చేసింది. కేఎల్‌ రాహుల్‌ (113 బంతుల్లో 53 బ్యాటింగ్‌; 5 ఫోర్లు), కరుణ్‌ నాయర్‌ (62 బంతుల్లో 40; 4 ఫోర్లు) రాణించారు. ఆర్చర్, వోక్స్, స్టోక్స్‌ తలా ఒక వికెట్‌ తీశారు. చేతిలో 7 వికెట్లున్న టీమిండియా ఇంగ్లండ్‌ స్కోరుకు ఇంకా 242 పరుగుల దూరంలో ఉంది. బుమ్రా పేస్‌... స్టోక్స్, రూట్‌ క్లీన్‌బౌల్డ్‌ రెండో రోజు ఆరంభాన్ని భారత పేస్‌ స్టార్‌ బుమ్రా దెబ్బతీశాడు. ఓవర్‌నైట్‌ స్కోరు 251/4తో శుక్రవారం ఆట కొనసాగించిన ఇంగ్లండ్‌ కాసేపటికే కెప్టెన్‌ స్టోక్స్‌ (44) వికెట్‌ను కోల్పోయింది. సెంచరీ మురిపెం పూర్తవగానే రూట్‌ వికెట్‌ పడింది. ఈ ఇద్దరూ క్లీన్‌ బౌల్డయ్యారు. రూట్‌ అవుటైన మరుసటి బంతికే క్రిస్‌ వోక్స్‌ (0) డకౌట్‌ అయ్యాడు! ముగ్గుర్ని బుమ్రానే అవుట్‌ చేశాడు. బుమ్రా పేస్‌కు విలవిలలాడిన ఇంగ్లండ్‌కు స్మిత్‌ క్యాచ్‌ నేలపాలవడం వరమైంది. సిరాజ్‌ బౌలింగ్‌లో రాహుల్‌ క్యాచ్‌ చేజార్చినపుడు అతని స్కోరు 5 మాత్రమే.ఈ లైఫ్‌లైన్‌తో కార్స్‌తో కలిసి ఇంగ్లండ్‌ పోటీ స్కోరుకు స్మిత్‌ బాట వేశాడు. ముందుగా ఇద్దరు జట్టు స్కోరును 300 దాటించారు. తర్వాత క్రీజులో పాతుకుపోయి ఎనిమిదో వికెట్‌కు 84 పరుగులు జోడించారు. ఫిఫ్టీ పూర్తయ్యాక మళ్లీ సిరాజ్‌కే అతని వికెట్‌ దక్కింది. బుమ్రా... ఆర్చర్‌ (4)ను ఎక్కువసేపు నిలువనీయలేదు. అయితే కార్స్‌ అడపాదడపా బౌండరీలు, ఓ భారీ సిక్సర్‌తో అర్ధసెంచరీ చేసుకున్నాడు. 387 వద్ద సిరాజ్‌ అతన్ని అవుట్‌ చేయడంతో ఇంగ్లండ్‌ ఇన్నింగ్స్‌ ముగిసింది.యశస్వి, గిల్‌ విఫలం ఆరంభం నుంచే దూకుడుగా ఆడుదామనుకున్న యశస్వి జైస్వాల్‌ (13; 3 ఫోర్లు) జోరుకు ఆర్చర్‌ ఆదిలోనే అడ్డుకట్ట వేశాడు. తద్వారా నాలుగేళ్ల తర్వాత మళ్లీ భారత్‌తోనే అంతర్జాతీయ టెస్టుల్లో పునరాగమనం చేసిన ఆర్చర్‌ ఇన్నింగ్స్‌ ఆరంభంలోనే వికెట్‌తో సత్తా చాటుకున్నాడు. ఈ దశలో రాహుల్‌కు కరుణ్‌ నాయర్‌ జతయ్యాడు. ఇద్దరు ఇంగ్లండ్‌ బౌలర్లను సమర్థంగా ఎదుర్కొన్ని నింపాదిగా పరుగులు రాబట్టారు. ఈ జోడీ క్రీజులో పాగా వేస్తున్న సమయంలోనే నాయర్‌ వికెట్‌ తీసిన స్టోక్స్‌ రెండో వికెట్‌కు 61 పరుగులు భాగస్వామ్యానికి తెరదించాడు.తర్వాత ఈ సిరీస్‌లో భీకరమైన ఫామ్‌లో ఉన్న భారత కెప్టెన్‌ శుబ్‌మన్‌ గిల్‌ (44 బంతుల్లో 16; 2 ఫోర్లు)ను వోక్స్‌ అవుట్‌ చేసి ఇంగ్లండ్‌ శిబిరంలో ఆనందాన్ని నింపాడు. ఇలా 107 పరుగులకే టీమిండియా కీలకమైన 3 వికెట్లు కోల్పోంది. దీంతో రాహుల్‌ బాధ్యతగా ఆడి అర్ధసెంచరీ పూర్తిచేసుకోగా... గాయంతో కీపింగ్‌ చేయలేకపోయినా రిషభ్‌ పంత్‌ (19 బ్యాటింగ్‌; 3 ఫోర్లు) బ్యాటింగ్‌లో కుదురుగా ఆడాడు. స్కోరు వివరాలు ఇంగ్లండ్‌ తొలి ఇన్నింగ్స్‌: క్రాలీ (సి) పంత్‌ (బి) నితీశ్‌ 18; డకెట్‌ (సి) పంత్‌ (బి) నితీశ్‌ 23; పోప్‌ (సి) సబ్‌–జురేల్‌ (బి) జడేజా 44; జో రూట్‌ (బి) బుమ్రా 104; బ్రూక్‌ (బి) బుమ్రా 11; స్టోక్స్‌ (బి) బుమ్రా 44; స్మిత్‌ (సి) సబ్‌–జురేల్‌ (బి) సిరాజ్‌ 51; వోక్స్‌ (సి) సబ్‌–జురేల్‌ (బి) బుమ్రా 0; కార్స్‌ (బి) సిరాజ్‌ 56; ఆర్చర్‌ (బి) బుమ్రా 4; బషీర్‌ (నాటౌట్‌) 1; ఎక్స్‌ట్రాలు 31; మొత్తం (112.3 ఓవర్లలో ఆలౌట్‌) 387.వికెట్ల పతనం: 1–43, 2–44, 3–153, 4–172, 5–260, 6–271, 7–271, 8–355, 9–370, 10–387.బౌలింగ్‌: బుమ్రా 27–5–74–5, ఆకాశ్‌దీప్‌ 23–3–92–0, సిరాజ్‌ 23.3–6–85–2; నితీశ్‌ కుమార్‌ 17–0–62–2, జడేజా 12–1–29–1, సుందర్‌ 10–1–21–0. భారత్‌ తొలి ఇన్నింగ్స్‌: జైస్వాల్‌ (సి) బ్రూక్‌ (బి) ఆర్చర్‌ 13; రాహుల్‌ (బ్యాటింగ్‌) 53; కరుణ్‌ (సి) రూట్‌ (బి) స్టోక్స్‌ 40; గిల్‌ (సి) స్మిత్‌ (బి) వోక్స్‌ 16; పంత్‌ (బ్యాటింగ్‌) 19; ఎక్స్‌ట్రాలు 4; మొత్తం (43 ఓవర్లలో 3 వికెట్లకు) 145.వికెట్ల పతనం: 1–13, 2–74, 3–107.బౌలింగ్‌: వోక్స్‌ 13–1–56–1, ఆర్చర్‌ 10–3–22–1, కార్స్‌ 8–1–27–0, స్టోక్స్‌ 6–2–16–1, బషీర్‌ 6–1–22–0. ⇒ 37 టెస్టుల్లో జో రూట్‌ సెంచరీల సంఖ్య. టెస్టుల్లో అత్యధిక సెంచరీలు చేసిన క్రికెటర్ల జాబితాలో రూట్‌ ఐదో స్థానానికి చేరుకున్నాడు. సచిన్‌ టెండూల్కర్‌ (51), జాక్వస్‌ కలిస్‌ (45), రికీ పాంటింగ్‌ (41), కుమార సంగక్కర (38) వరుసగా తొలి నాలుగు స్థానాల్లో ఉన్నారు.⇒ 211 టెస్టుల్లో అత్యధిక క్యాచ్‌లు తీసుకున్న ఫీల్డర్‌గా జో రూట్‌ ప్రపంచ రికార్డు నెలకొల్పాడు. 210 క్యాచ్‌లతో రాహుల్‌ ద్రవిడ్‌ (భారత్‌) పేరిట ఉన్న రికార్డును రూట్‌ సవరించాడు.⇒ 11 భారత్‌పై టెస్టుల్లో అత్యధిక సెంచరీలు చేసిన క్రికెటర్‌గా స్టీవ్‌ స్మిత్‌ (11) పేరిట ఉన్న రికార్డును జో రూట్‌ (11) సమం చేశాడు.⇒ 4 లార్డ్స్‌ మైదానంలో వరుసగా మూడు సెంచరీలు చేసిన నాలుగో క్రికెటర్‌గా రూట్‌ గుర్తింపు పొందాడు. గతంలో మైకేల్‌ వాన్, జాక్‌ హాబ్స్, దిలీప్‌ వెంగ్‌సర్కార్‌ ఈ ఘనత సాధించారు.

గతేడాది నుంచి టీమిండియాలో భారీ మార్పులే జరుగుతున్నాయి. టీ20 ప్రపంచకప్‌-2024లో భారత్‌ గెలిచిన తర్వాత కెప్టెన్‌ రోహిత్‌ శర్మ (Rohit Sharma)తో పాటు దిగ్గజ బ్యాటర్‌ విరాట్‌ కోహ్లి (Virat Kohli), ఆల్‌రౌండర్‌ రవీంద్ర జడేజా కూడా అంతర్జాతీయ టీ20 క్రికెట్‌కు వీడ్కోలు పలికారు.హార్దిక్‌ పాండ్యాకు ఊహించని షాకిస్తూఈ క్రమంలో మరో ఆల్‌రౌండర్‌ హార్దిక్‌ పాండ్యాకు ఊహించని షాకిస్తూ పవర్‌ హిట్టర్‌ సూర్యకుమార్‌ యాదవ్‌తో రోహిత్‌ స్థానాన్ని భర్తీ చేసింది భారత క్రికెట్‌ నియంత్రణ మండలి (BCCI). టీమిండియా టీ20 కొత్త కెప్టెన్‌గా సూర్యకు పగ్గాలు అప్పగించగా.. అతడు ద్వైపాక్షిక సిరీస్‌లలో వరుస విజయాలు అందిస్తూ దూసుకుపోతున్నాడు.ఇక టీ20ల నుంచి తప్పుకొన్న తర్వాత టెస్టు, వన్డే జట్టు కెప్టెన్‌గా కొనసాగిన రోహిత్‌ శర్మకు వన్డేల్లో మోదం, టెస్టుల్లో ఖేదం అన్నట్లుగా పరిస్థితి మారింది. స్వదేశంలో న్యూజిలాండ్‌ చేతిలో టీమిండియా టెస్టుల్లో 3-0తో క్లీన్‌స్వీప్‌ కావడంతో పాటు.. ఆస్ట్రేలియా పర్యటనలోనూ 3-1తో ఓడి పదేళ్ల తర్వాత బోర్డర్‌- గావస్కర్‌ ట్రోఫీని కోల్పోయింది.టెస్టు రిటైర్మెంట్‌ ప్రకటనఈ రెండు సిరీస్‌లలో బ్యాటర్‌గా, కెప్టెన్‌గా పూర్తిగా విఫలమైన రోహిత్‌ శర్మ.. ఇంగ్లండ్‌ పర్యటనకు ముందు కీలక నిర్ణయం తీసుకున్నాడు. ఇంగ్లండ్‌లోనూ టెస్టులకు సారథిగా అతడే ఉంటాడని ముందుగా బీసీసీఐ లీకులిచ్చినా.. అనూహ్యంగా రోహిత్‌ నుంచి టెస్టు రిటైర్మెంట్‌ ప్రకటన వచ్చింది. అయితే, వన్డేల్లో మాత్రం తాను కొనసాగుతానని రోహిత్‌ శర్మ చెప్పగా.. బీసీసీఐ కూడా తమ వన్డే కెప్టెన్‌ అంటూ ఈ విషయాన్ని ధ్రువీకరించింది.టీమిండియా టెస్టు సారథిగా గిల్‌ఇక రోహిత్‌ శర్మ తర్వాత మాజీ కెప్టెన్‌ విరాట్‌ కోహ్లి కూడా టెస్టులకు గుడ్‌బై చెప్పాడు. వీరిద్దరి కంటే ముందే.. అంటే ఆస్ట్రేలియా పర్యటనలో ఉన్నపుడే స్పిన్‌ దిగ్గజం రవిచంద్రన్‌ అశ్విన్‌ కూడా వీడ్కోలు పలికాడు. ఈ క్రమంలో టెస్టుల్లో ప్రస్తుత టీమిండియాలో రవీంద్ర జడేజా సీనియర్‌గా ఉండగా.. జస్‌ప్రీత్‌ బుమ్రాకు పగ్గాలు అప్పగిస్తారని అంతా భావించారు.అయితే, పనిభారాన్ని తగ్గించే నిమిత్తం బుమ్రా నిర్ణయానుసారమే అతడి పేరును బోర్డు కెప్టెన్సీకి పరిగణనలోకి తీసుకోలేదు. ఈ క్రమంలో అనూహ్య రీతిలో యువ ఆటగాడు శుబ్‌మన్‌ గిల్‌ టీమిండియా టెస్టు సారథిగా ఎంపికయ్యాడు.చారిత్రాత్మ​క విజయంతో..ఇక కెప్టెన్‌గా తొలి టెస్టులోనే సెంచరీ బాది రికార్డులు సృష్టించిన గిల్.. తొలి ప్రయత్నంలో గెలుపును మాత్రం అందుకోలేకపోయాడు. అయితేనేం.. రెండో టెస్టులోనే చారిత్రాత్మ​క విజయాన్ని సొంతం చేసుకున్నాడు. ఎడ్జ్‌బాస్టన్‌లో డబుల్‌ సెంచరీ (269), సెంచరీ (161)తో చెలరేగి.. ఈ వేదికపై తొలిసారి భారత్‌కు గెలుపు అందించాడు.తదుపరి వన్డే సిరీస్‌లో కెప్టెన్‌గా గిల్‌! ఈ నేపథ్యంలో తాజాగా ఓ ఆసక్తికర వార్త తెరమీదకు వచ్చింది. రెవ్‌స్పోర్ట్స్‌ జర్నలిస్టు ఒకరు.. ‘‘తదుపరి వన్డే సిరీస్‌లో గిల్‌ కెప్టెన్‌గా ఉండబోతున్నాడు’’ అని ట్వీట్‌ చేశారు. దీంతో రోహిత్‌ శర్మను తప్పించి గిల్‌కు వన్డే పగ్గాలు కూడా అప్పగిస్తారా? అనే చర్చ నడుస్తోంది. వన్డే వరల్డ్‌కప్‌-2027లో జరుగనున్న విషయం తెలిసిందే.అప్పటికి రోహిత్‌ శర్మకు 40 ఏళ్లు వస్తాయి గనుక.. అతడు ఆడకపోవచ్చని కొంత మంది అభిప్రాయం వ్యక్తం చేస్తున్నారు. రోహిత్‌తో పాటు.. కోహ్లి కూడా వరల్డ్‌కప్‌ టోర్నీ కంటే ముందే వన్డేలకూ గుడ్‌బై చెబుతాడంటూ కామెంట్లు చేస్తున్నారు. వీరిద్దరు ఇప్పటికే టీమిండియాకు ఎనలేని సేవ చేశారని.. కొత్త వాళ్లకు అవకాశం ఇవ్వాలని పేర్కొంటున్నారు.ఇకపై ఐపీఎల్‌లో మాత్రమే రో-కో కొనసాగితే చాలని అంటున్నారు. కాగా టెస్టు రిటైర్మెంట్‌ తర్వాత బంగ్లాదేశ్‌తో వన్డే సిరీస్‌ సందర్భంగా వీరిద్దరు రీఎంట్రీ ఇవ్వాల్సి ఉంది. అయితే, బీసీసీఐ మాత్రం సెప్టెంబరులో జరగాల్సిన ఈ సిరీస్‌ను వాయిదా వేసింది. ఈ క్రమంలో నవంబరులో ఆస్ట్రేలియాతో పరిమిత ఓవర్ల సిరీస్‌ సందర్భంగా రోహిత్‌, కోహ్లి పునరాగమనం చేయనున్నారు. ఇంతలోనే రోహిత్‌ నుంచి పగ్గాలు గిల్‌ చేపట్టబోతున్నాడనే వదంతి సోషల్‌ మీడియాలో వ్యాపిస్తోంది.చదవండి: కావాలనే క్వాడ్రపుల్‌ సెంచరీ (400) మిస్‌.. లారా రియాక్షన్‌ ఇదే7th May ko kaha tha. Baar baar mat poocho bhai log. #RohitSharma #ShubmanGill https://t.co/PWcHEyJHbr— Rohit Juglan (@rohitjuglan) July 10, 2025Whenever India's next odi series will be - Gill will lead— Rohit Juglan (@rohitjuglan) July 10, 2025

ఇంగ్లండ్‌ ‘బజ్‌బాల్‌’ ఆటకు చెల్లుచీటో... లేదంటే భారత బౌలింగ్‌ దళమంటే వణుకో... తెలీదు కానీ లార్డ్స్‌ టెస్టుతో ఆతిథ్య జట్టు ఆట మొదటికొచ్చింది. కొన్నాళ్లుగా ఓడినా... గెలిచినా ఇలా ఫలితాలతో సంబంధం లేకుండా దూకుడు, దంచుడుతో గ్రేటెస్టు ఫార్మాట్‌ను లేటెస్ట్‌గా మార్చేసిన జట్టే... ఇప్పుడు ఆ పాత మధురమంటూ క్లాసిక్‌కు తిరిగొచ్చింది. గంటల తరబడి క్రీజులో నిలిచేందుకు... బంతుల్ని అదేపనిగా డిఫెన్స్‌ చేసేందుకు తెగ ప్రాధాన్యమిచ్చింది. మొత్తానికి భారత బౌలింగ్‌ అంటే ఆషామాషీ కాదని తెలుసుకొని స్టోక్స్‌ బృందం తెలివిగా మూడో టెస్టు మ్యాచ్‌ను ప్రారంభించింది. లండన్‌: భారత బౌలర్లు కొత్త బంతితో చెలరేగకపోయినా... ఇంగ్లండ్‌ బ్యాటర్లను బెంబేలెత్తించకపోయినా... తొలిరోజు పట్టుబిగించకపోయినా... భారత్‌దే ఓ రకంగా పైచేయి అని చెప్పాలి. గత టెస్టు ఫలితంతో ఈ టెస్టులో ఇంగ్లండ్‌ను ఆచితూచి ఆడేలా చేసింది. ఓవరాల్‌గా బ్యాటింగ్‌నే మార్చేసింది. దీంతో గురువారం మొదలైన మూడో టెస్టులో రోజంతా బ్యాటింగ్‌ చేసిన ఆతిథ్య జట్టు ఆట ముగిసే సమయానికి తొలి ఇన్నింగ్స్‌లో 83 ఓవర్లలో 4 వికెట్ల నష్టానికి 251 పరుగులే చేసింది. జో రూట్‌ (191 బంతుల్లో 99 బ్యాటింగ్‌; 9 ఫోర్లు) సెంచరీ ముంగిట నిలిచాడు. ఓలీ పోప్‌ (44; 4 ఫోర్లు), బెన్‌ స్టోక్స్‌ (39 బ్యాటింగ్‌; 3 ఫోర్లు) రాణించారు. ఆంధ్రప్రదేశ్‌ ఆటగాడు నితీశ్‌ కుమార్‌ రెడ్డి 2 వికెట్లు తీయగా... బుమ్రా, జడేజా చెరో వికెట్‌ పడగొట్టారు. ప్రసిధ్‌ కృష్ణ స్థానంలో బుమ్రా రావడం మినహా భారత జట్టులో మరో మార్పు చేయలేదు. బాగుందిరా... మామ! ఇంగ్లండ్‌ ఓపెనర్లు జాక్‌ క్రాలీ (18; 4 ఫోర్లు), బెన్‌ డకెట్‌ (23; 3 ఫోర్లు) తమ స్వభావానికి విరుద్ధంగా లార్డ్స్‌ టెస్టును మొదలుపెట్టారు. బ్యాటింగ్‌లో దూకుడు, పరుగుల్లో వేగం ఈ రెండు లేనేలేవు. ఆఫ్‌స్టంప్‌కు ఆవల పడినా... బ్యాట్‌కు రవ్వంత దూరంగా వెళ్లినా... అలాంటి బంతుల్ని వికెట్‌ కీపర్‌కే వదిలేశారు. బుమ్రా బౌలింగ్‌లో మరింత జాగ్రత్త పడ్డారు. ఆకాశ్‌ దీప్, సిరాజ్‌లు బౌలింగ్‌కు వచ్చినా అనవసర షాట్ల జోలికి వెళ్లలేదు. ఇలాంటి పరిస్థితుల్లో 14వ ఓవర్‌ వేసిన ఆంధ్ర ఆల్‌రౌండర్‌ నితీశ్‌ కుమార్‌ రెడ్డి మూడో బంతికి డకెట్‌ను, ఆరో బంతికి క్రాలీని అవుట్‌ చేయడంతో భారత శిబిరంలో సంబరాలు అంబరాన్నంటాయి. కెపె్టన్‌ శుబ్‌మన్‌ గిల్‌ తెలుగు ఆటగాడ్ని తెలుగు మాటలతోనే అభినందించాడు. గిల్‌ నోట ‘బాగుందిరా మామ’ మాట వికెట్లలో అమర్చిన మైక్‌లో రికార్డు కావడంతో ‘ఎక్స్‌’లో ఈ క్లిప్‌ బాగా వైరలైంది. తర్వాత వచ్చిన పోప్, రూట్‌లు మరింత ఆచితూచి ఆడటంతో ఈ సెషన్‌లో ఇంకో వికెట్‌కు ఆస్కారం లేకపోయింది. ‘నీరు’గార్చిన రెండో సెషన్‌ భారత బౌలర్లను రెండో సెషన్‌ పూర్తిగా నీరుగార్చింది. నితీశ్‌ ఇచ్చిన వికెట్ల ఊపుతో రెండో సెషన్‌లో వికెట్లను తీద్దామనుకున్న పేసర్లకు నిరాశే ఎదురైంది. రూట్, పోప్‌ కుదురుగా ఆడుతూ స్కోరుబోర్డు నింపాదిగా నడిపించారు. ఈ సెషన్‌లో 24 ఓవర్లపాటు క్రీజులో ఉన్న బ్యాటర్లు 70 పరుగులు చేయడం చూసిన ప్రేక్షకులకు ఆడుతోంది ఇంగ్లండేనా అనే అనుమానం కలుగకమానదు. ఇంత జిడ్డుగా ఆడుతుండటంతో భారత పేస్‌ తురుపుముక్క బుమ్రా ఏమీ చేయలేకపోయాడు. షాట్లు ఆడే ప్రయత్నం, పరుగులు తీసే క్రమం ఏమాత్రం పుంజుకోలేకపోవడంతో వికెట్లు తీసే అవకాశమే చిక్కలేదు. పైగా పిచ్‌ కూడా నిర్జీవంగా మారడంతో భారత బౌలర్లకు, ఫీల్డర్లకు చెమటలే తప్ప సాఫల్యం దక్కనేలేదు. 36వ ఓవర్లో ఇంగ్లండ్‌ స్కోరు వందకు చేరగా, డ్రింక్స్‌ విరామం తర్వాతే రూట్‌ అర్ధసెంచరీ పూర్తయ్యింది. రూట్‌తోపాటు పోప్‌ మొండిగా నిలబడటంతో ఇంగ్లండ్‌ వికెట్‌ నష్టపోలేదు. నింపాదిగా 150 స్కోరును దాటింది. రూట్‌ 99 బ్యాటింగ్‌ మూడో సెషన్‌ మొదలైన బంతికే పోప్‌ వికెట్‌ను చేజార్చుకున్న ఇంగ్లండ్‌కు కాసేపటికే బుమ్రా కూడా షాకిచ్చాడు. హ్యారీ బ్రూక్‌ (11)ను క్లీన్‌బౌల్డ్‌ చేశాడు. దీంతో స్వల్ప వ్యవధిలోనే 2 వికెట్లు కోల్పోవడంతో భారత శిబిరానికి ఈ సెషన్‌ టర్నింగ్‌ అవుతుందని అంతా భావించారు. కానీ ఈ పైచేయి అక్కడితే ఆగిపోయింది. రూట్‌ తన జిడ్డు ఆటతీరును కొనసాగించి బాగా విసిగించాడు. కెప్టెన్ బెన్‌ స్టోక్స్‌ కూడా దీటుగా ఎదుర్కోవడంతో పట్టుబిగించే అవకాశం లేకపోయింది. అబేధ్యమైన ఐదో వికెట్‌కు రూట్, స్టోక్స్‌ 79 పరుగులు జోడించారు. రూట్‌ సెంచరీకి పరుగు దూరంలో ఉన్నాడు.పంత్‌కు గాయం... జురేల్‌ కీపింగ్‌! భారత డాషింగ్‌ వికెట్‌కీపర్‌–బ్యాటర్‌ రిషభ్‌ పంత్‌ తొలిరోజు ఆటలో మైదానంలో గాయపడ్డాడు. దీంతో రెండో సెషన్‌ నుంచి ధ్రువ్‌ జురేల్‌ వికెట్‌ కీపింగ్‌ చేశాడు. బుమ్రా వేసిన ఇన్నింగ్స్‌ 34వ ఓవర్లో బంతిని ఆపేందుకు డైవ్‌ చేయగా అతని ఎడమ చేతికి గాయమైంది. నొప్పితో బాధపడుతున్న పంత్‌కు కాసేపు ఫిజియో వచ్చి సపర్యలు చేశాడు. నొప్పినివారణ స్ప్రే చేసిన అతని నొప్పి తగ్గకపోవడంతో మైదానం వీడాల్సివచ్చింది. స్కోరు వివరాలు ఇంగ్లండ్‌ తొలి ఇన్నింగ్స్‌: క్రాలీ (సి) పంత్‌ (బి) నితీశ్‌ రెడ్డి 18; డకెట్‌ (సి) పంత్‌ (బి) నితీశ్‌ రెడ్డి 23; ఒలీ పోప్‌ (సి) (సబ్‌) జురేల్‌ (బి) జడేజా 44; జో రూట్‌ (బ్యాటింగ్‌) 99; బ్రూక్‌ (బి) బుమ్రా 11; స్టోక్స్‌ (బ్యాటింగ్‌) 39; ఎక్స్‌ట్రాలు 17; మొత్తం (83 ఓవర్లలో 4 వికెట్లకు) 251. వికెట్ల పతనం: 1–43, 2–44, 3–153, 4–172. బౌలింగ్‌: బుమ్రా 18–3–35–1, ఆకాశ్‌దీప్‌ 17–2–75–0, సిరాజ్‌ 14–5–33–0; నితీశ్‌ కుమార్‌ రెడ్డి 14–0–46–2, రవీంద్ర జడేజా 10–1–26–1, వాషింగ్టన్‌ సుందర్‌ 10–1–21–0.

మహిళల క్రికెట్‌లో టీమిండియా చరిత్ర సృష్టించింది. ఇంగ్లండ్‌ గడ్డపై తొలిసారి టీ20 సిరీస్‌ కైవసం చేసుకుంది. ఐదు మ్యాచ్‌ల సిరీస్‌లో భాగంగా నిన్న (జులై 9) జరిగిన నాలుగో టీ20 భారత్‌ 6 వికెట్ల తేడాతో ఆతిథ్య జట్టును మట్టికరిపించింది. తద్వారా మరో మ్యాచ్‌ మిగిలుండగానే 3-1 తేడాతో సిరీస్‌ను చేజిక్కించకుంది. 2012 నుంచి ఇంగ్లండ్‌లో ద్వైపాక్షిక టీ20 సిరీస్‌లు ఆడుతున్న భారత్‌ తొలిసారి విజయఢంకా మోగించింది. భారత్‌కు ఇంగ్లండ్‌పై వారి దేశంలో కాని స్వదేశంలో కాని ఇదే తొలి టీ20 సిరీస్‌ గెలుపు. టీమిండియా ఇంగ్లండ్‌లో ఇప్పటివరకు నాలుగు టీ20 సిరీస్‌లు ఆడగా.. ఇంగ్లండ్‌ 3, భారత్‌ 1 గెలిచాయి. 2012, 2021, 2022 సిరీస్‌ల్లో ఇంగ్లండ్‌ గెలుపొందగా.. ప్రస్తుత సిరీస్‌లో (2025) భారత్‌ విజేతగా నిలిచింది. ఈ సిరీస్‌లో నామమాత్రపు చివరి మ్యాచ్‌ బర్మింగ్హమ్‌ వేదికగా జులై 12న జరుగనుంది. ఈ మ్యాచ్‌ అనంతరం ఇరు జట్ల మధ్య మూడు మ్యాచ్‌ల వన్డే సిరీస్‌ జరుగనుంది. జులై 16, 19, 22 తేదీల్లో సౌతాంప్టన్‌, లార్డ్స్‌, చెస్టర్‌ లీ స్ట్రీట్‌లో ఈ మ్యాచ్‌లు జరుగనున్నాయి.నాలుగో టీ20 విషయానికొస్తే.. మాంచెస్టర్‌ వేదికగా జరిగిన ఈ మ్యాచ్‌లో స్పిన్నర్లు టీమిండియా విజయంలో కీలకపాత్ర పోషించారు. ఈ మ్యాచ్‌లో ఇంగ్లండ్‌ టాస్‌ గెలిచి తొలుత బ్యాటింగ్‌ చేయగా.. టీమిండియా స్పిన్నర్లు చెలరేగిపోయారు. రాధా యాదవ్‌ (4-0-15-2), శ్రీ చరణి (4-0-30-2), దీప్తి శర్మ (4-0-29-1) పొదుపుగా బౌలింగ్‌ చేయడమే కాకుండా వరుస విరామాల్లో వికెట్లు తీసి ఇంగ్లండ్‌ బ్యాటర్లను ముప్పుతిప్పలు పెట్టారు. పేసర్లు అమన్‌జోత్‌ కౌర్‌ (4-0-20-1), అరుంధతి రెడ్డి (3-0-16-0) కూడా పర్వాలేదనిపించారు. ఫలితంగా ఇంగ్లండ్‌ నిర్ణీత 20 ఓవర్లలో 7 వికెట్లు కోల్పోయి 126 పరుగులు మాత్రమే చేయగలిగింది. ఇంగ్లండ్‌ బ్యాటర్లలో ఓపెనర్‌ సోఫీ డంక్లీ (22) టాప్‌ స్కోరర్‌గా నిలువగా.. కెప్టెన్‌ బేమౌంట్‌ (20), అలైస్‌ క్యాప్సీ (18), స్కోల్‌ఫీల్డ్‌ (16), ఎక్లెస్టోన్‌ (16 నాటౌట్‌), వాంగ్‌ (11 నాటౌట్‌) అతి కష్టం మీద రెండంకెల స్కోర్లు చేశారు.అనంతరం స్వల్ప లక్ష్యాన్ని భారత్‌ మరో 3 ఓవర్లు మిగిలుండగానే సునాయాసంగా ఛేదించింది. స్మృతి మంధన 32, షఫాలీ వర్మ 31, జెమీమా రోడ్రిగెజ్‌ 24 (నాటౌట్‌), హర్మన్‌ప్రీత్‌ కౌర్‌ 26 , రిచా ఘోష్‌ 7 (నాటౌట్‌) పరుగులు చేసి భారత్‌ను గెలపించారు. ఇంగ్లండ్‌ బౌలర్లలో చార్లోట్‌ డీన్‌, ఎక్లెస్టోన్‌, వాంగ్‌ తలో వికెట్‌ తీశారు.

టీమిండియా డాషింగ్‌ బ్యాటర్‌ రిషబ్‌ పంత్‌ చరిత్ర సృష్టించేందుకు అడుగు దూరంలో ఉన్నాడు. రేపటి నుంచి ఇంగ్లండ్‌తో ప్రారంభమయ్యే మూడో టెస్ట్‌లో మరో 5 సిక్సర్లు బాదితే టెస్ట్‌ల్లో భారత్‌ తరఫున అత్యధిక సిక్సర్లు బాదిన ఆటగాడిగా అవతరిస్తాడు. ప్రస్తుతం ఈ రికార్డు వీరేంద్ర సెహ్వాగ్‌ పేరిట ఉంది. వీరూ 103 టెస్ట్‌ల్లో 90 సిక్సర్లు బాదాడు. వీరూ తర్వాతి స్థానంలో రోహిత్‌ శర్మ ఉన్నాడు. హిట్‌మ్యాన్‌ 67 టెస్ట్‌ల్లో 88 సిక్సర్లు కొట్టాడు. పంత్‌ విషయానికొస్తే.. ఇతగాడు కేవలం 45 మ్యాచ్‌ల్లోనే 86 సిక్సర్లు బాది చరిత్ర సృష్టించేందుకు మరో 5 సిక్సర్ల దూరంలో ఉన్నాడు. పంత్‌ ప్రస్తుత ఫామ్‌ను బట్టి చూస్తే రేపటి నుంచి ప్రారంభమయ్యే టెస్ట్‌లో ఈ రికార్డు సాధించడం ఖాయంగా కనినిస్తుంది.ఓవరాల్‌గా చూస్తే టెస్ట్‌ల్లో అత్యధిక సిక్సర్లు బాదిన ఆటగాళ్ల జాబితాలో పంత్‌ 12వ స్థానంలో ఉన్నాడు. ఇంగ్లండ్‌తో మూడో టెస్ట్‌లో పంత్‌ 5 సిక్సర్లు కొడితే భారత్‌ తరఫున అత్యధిక సిక్సర్లు కొట్టిన రికార్డుతో పాటు టెస్ట్‌ల్లో అత్యధిక సిక్సర్లు బాదిన ఆటగాళ్ల జాబితాలో ఏడో స్థానానికి ఎగబాకుతాడు. టెస్ట్‌ల్లో అత్యధిక సిక్సర్ల రికార్డు ఇంగ్లండ్‌ కెప్టెన్‌ బెన్‌ స్టోక్స్‌ పేరిట ఉంది. స్టోక్స్‌ 113 మ్యాచ్‌ల్లో 133 సిక్సర్లు బాదాడు. స్టోక్స్‌ తర్వాతి స్థానాల్లో బ్రెండన్‌ మెక్‌కల్లమ్‌ (107), గిల్‌క్రిస్ట్‌ (100), టిమ్‌ సౌథీ (98), గేల్‌ (98), కల్లిస్‌ (97), సెహ్వాగ్‌ (91), ఏంజెలో మాథ్యూస్‌ (90), రోహిత్‌ శర్మ (88), లారా (88) ఉన్నారు (టాప్‌-10లో).కొద్ది రోజుల కిందట మరో భారీ సిక్సర్ల రికార్డు బద్దలు కొద్ది రోజుల కిందట జరిగిన ఎడ్జ్‌బాస్టన్‌ టెస్ట్‌లో పంత్‌ మరో భారీ సిక్సర్ల రికార్డు సాధించాడు. విదేశీ గడ్డపై టెస్టుల్లో అత్యధిక సిక్సర్లు బాదిన క్రికెటర్‌గా అవతరించాడు. ఈ క్రమంలో బెన్‌ స్టోక్స్‌ పేరిట ఉన్న ఆల్‌టైమ్‌ రికార్డును బద్దలు కొట్టాడు. పంత్‌ ఇంగ్లండ్‌లో (టెస్ట్‌ల్లో) 23 సిక్సర్లు బాదగా.. స్టోక్స్‌ సౌతాఫ్రికాలో 21 సిక్సర్లు కొట్టాడు. భీకర ఫామ్‌లో పంత్‌ఇంగ్లండ్‌తో 5 మ్యాచ్‌ల టెస్ట్‌ సిరీస్‌ ఆడేందుకు టీమిండియా ఇంగ్లండ్‌లో పర్యటిస్తున్న విషయం తెలిసిందే. ఈ సిరీస్‌లోని తొలి మ్యాచ్‌లో పంత్‌ రెండు ఇన్నింగ్స్‌లో శతకాలతో చెలరేగాడు. తొలి ఇన్నింగ్స్‌లో 178 బంతుల్లో 12 ఫోర్లు, ఆరు సిక్సర్ల సాయంతో 134 పరుగులు చేసిన పంత్‌.. రెండో ఇన్నింగ్స్‌లో 140 బంతుల్లో 15 ఫోర్లు, మూడు సిక్సర్ల సాయంతో 118 పరుగులు సాధించాడు.ఎడ్జ్‌బాస్టన్‌ వేదికగా జరిగిన రెండో టెస్టులో పంత్‌ తొలి ఇన్నింగ్స్‌లో తక్కువ స్కోర్‌కే (25) ఔటైనా, రెండో ఇన్నింగ్స్‌లో తనదైన శైలిలో మెరుపు అర్ద సెంచరీ (65) చేశాడు. రేపటి నుంచి లార్డ్స్‌ వేదికగా ప్రారంభమయ్యే మూడో టెస్ట్‌లో భారీ అంచనాలు ఉన్నాయి. పంత్‌ మరోసారి చెలరేగాలని అంతా ఆశిస్తున్నారు. ఈ సిరీస్‌లో భారత్‌, ఇంగ్లండ్‌ తలో మ్యాచ్‌ గెలిచి 1-1తో సమంగా ఉన్నాయి. తొలి టెస్ట్‌లో ఇంగ్లండ్‌ గెలవగా.. రెండో టెస్ట్‌లో భారత్‌ భారీ విజయం సాధించింది.

ఆర్సీబీ స్టార్‌ క్రికెటర్‌ యశ్‌ దయాల్‌పై లైంగిక​ వేధింపుల కేసు నమోదైంది. ఉత్తర్‌ప్రదేశ్‌లోని ఘజియాబాద్‌కు చెందిన ఓ యువతి యశ్‌ దయాల్‌పై లైంగిక​ వేధింపులు సహా శారీరక హింస, మానసిక వేధింపులు మరియు తప్పుడు వాగ్దానాల వంటి ఆరోపణలు చేస్తూ సీఎం గ్రీవెన్స్‌ పోర్టల్‌లో ఫిర్యాదు చేసింది. Ghaziabad, UP: An FIR has been registered against cricketer Yash Dayal at PS Indirapuram, under BNS Section 69, on charges of sexual exploitation, physical violence, mental harassment and cheating by making false promises of marriage.— ANI (@ANI) July 7, 2025ఈ ఫిర్యాదు ఆధారంగా ఇందిరాపురం పోలిస్‌ స్టేషన్‌లో యశ్‌ దయాల్‌పై కేసు నమోదైంది. భారతీయ న్యాయ సంహిత (BNS) సెక్షన్‌ 69 కింద యశ్‌పై కేసు కట్టారు. పెళ్లి, ఉద్యోగం వంటి తప్పుడు వాగ్దానాలతో మోసం చేసిన ఘటనల్లో ఈ సెక్షన్‌ వాడతారు. ఈ కేసులో నేరం రుతువైతే పదేళ్ల వరకు శిక్ష పడుతుంది.ఫిర్యాదు ప్రకారం.. ఘజియాబాద్‌కు చెందిన యువతి దయాల్‌తో తనకు ఐదేళ్ల సంబంధం ఉందని తెలిపింది. దయాల్ తనను అతని కుటుంబానికి పరిచయం చేశాడని, వారు తనను కోడలుగా స్వాగతించారని ఆమె పేర్కొంది. సదరు యువతి గత 5 సంవత్సరాలుగా దయాల్‌తో సంబంధంలో ఉన్నట్లు చెప్పుకొచ్చింది.దయాల్‌ మోసాన్ని గ్రహించి నిరసన తెలిపినప్పుడు శారీరక, మానసిక వేధింపులకు గురయ్యానని ఫిర్యాదు చేసింది. దయాల్‌తో సంబంధంలో ఉన్నప్పుడు ఆర్దికంగానూ నష్టపోయానని ఆరోపించింది. దయాల్‌కు తనతో పాటు మరో ముగ్గురు మహిళలలో కూడా సంబంధాలు ఉన్నట్లు తెలిపింది. దీనికి సంబంధించిన ఆధారాలు కూడా తన వద్ద ఉన్నట్లు పేర్కొంది. దయాల్‌పై చట్టపరమైన చర్యలు తీసుకోవాలని డిమాండ్‌ చేసింది. కాగా, 27 ఏళ్ల యశ్‌ దయాల్‌ను ఆర్సీబీ గత ఐపీఎల్‌ సీజన్‌కు ముందు రూ. 5 కోట్లకు రీటైన్‌ చేసుకుంది. తాజాగా ముగిసిన సీజన్‌లో దయాల్‌ 15 మ్యాచ్‌ల్లో 13 వికెట్లు తీసి పర్వాలేదనిపించాడు. ఈ సీజన్‌లో దయాల్‌ మంచి ఎకానమీతో బౌలింగ్‌ చేసి ఆర్సీబీ విజయాల్లో కీలకపాత్ర పోషించాడు. దయాల్‌ 2023 సీజన్‌లో రింకూ సింగ్‌కు బౌలింగ్‌ చేస్తూ చివరి ఓవర్‌లో వరుసగా ఐదు సిక్సర్లు ఇచ్చి తొలిసారి వార్తల్లో నిలిచాడు. దయాల్‌ విరాట్‌ కోహ్లి మద్దతుతో ఆర్సీబీలో కొనసాగుతున్నాడు.

టీమిండియా యువ సంచనలం ముషీర్‌ ఖాన్‌ ఇంగ్లండ్‌ పర్యటనలో పట్టపగ్గాల్లేకుండా చెలరేగిపోతున్నాడు. వరుస సెంచరీలు, ఐదు వికెట్ల ప్రదర్శనలతో దుమ్మురేపుతున్నాడు. ముంబై క్రికెట్‌ అసోసియేషన్‌ ఎమర్జింగ్‌ టీమ్‌ (MCA Colts) తరఫున ఇంగ్లండ్‌లో పర్యటిస్తున్న ముషీర్‌ ఆల్‌రౌండర్‌గా అదరగొడుతున్నాడు.ఈ పర్యటనలో Notts 2nd XIతో జరిగిన తొలి మ్యాచ్‌లో 127 బంతుల్లో 14 ఫోర్ల సాయంతో 123 పరుగులు చేసిన ముషీర్‌.. ఆ మ్యాచ్‌లో బౌలింగ్‌లోనూ ఇరగదీసి 6 వికెట్లు ప్రదర్శన నమోదు చేశాడు.అనంతరం జులై 3న ఛాలెంజర్స్‌తో (కంబైన్డ్‌ నేషనల్‌ కౌంటీస్‌) ప్రారంభమైన రెండో మ్యాచ్‌ రెండో ఇన్నింగ్స్‌లో సెంచరీ (127 బంతుల్లో 125; 11 ఫోర్లు, సిక్స్‌) చేసిన ముషీర్‌.. బౌలింగ్‌లోనూ చెలరేగి ఆ మ్యాచ్‌ మొత్తంలో పది వికెట్లు (తొలి ఇన్నింగ్స్‌లో 6, రెండో ఇన్నింగ్స్‌లో 4) తీశాడు.తాజాగా ముషీర్‌ లౌబరో UCCE జట్టుతో జరిగిన మ్యాచ్‌లో మరోసారి సెంచరీతో కదంతొక్కాడు. ఈ మ్యాచ్‌లో ముషీర్‌ 146 బంతుల్లో 22 ఫోర్లు, 2 సిక్సర్ల సాయంతో 154 పరుగులు చేసి రిటైర్డ్‌ హర్ట్‌గా వెనుదిరిగాడు. ముషీర్‌కు ఇంగ్లండ్‌ పర్యటనలో ఇది వరుసగా మూడో సెంచరీ.హ్యాట్రిక్‌ సెంచరీలు, అదిరిపోయే బౌలింగ్‌ ప్రదర్శనలతో ఇంగ్లండ్‌ పర్యటనలో దుమ్మురేపుతున్న ముషీర్‌పై ప్రశంసల వర్షం కురుస్తుంది. భారత క్రికెట్‌కు మరో భవిష్యత్‌ తార దొరికాడని టీమిండియా అభిమానులు సంబురపడిపోతున్నారు. 20 ఏళ్ల ముషీర్‌ గతేడాది సెప్టెంబర్‌లో కారు ప్రమాదానికి గురైన తర్వాత ఆడుతున్న తొలి రెడ్‌ బాల్‌ టోర్నీ ఇది.ఈ టోర్నీలో ముషీర్‌ ఆకాశమే హద్దుగా చెలరేగుతూ భారత సీనియర్‌ టీమ్‌ సెలెక్టర్లకు సవాలు విసురుతున్నాడు. ఇప్పటికే భారత జట్టులో చోటు కోసం తీవ్రమైన పోటీ నెలకొని ఉంది. ముషీర్‌ అన్న సర్ఫరాజ్‌ ఖాన్‌ సూపర్‌ ఫామ్‌లో ఉన్నా టీమిండియా బెర్త్‌ దక్కడం లేదు. మరోవైపు కౌంటీల్లో సత్తా చాటుతూ ఇషాన్‌ కిషన్‌, తిలక్‌ వర్మ కూడా భారత టెస్ట్‌ జట్టు బెర్త్‌ వైపు చూస్తున్నారు. ఇంత పోటీలో ముషీర్‌ టీమిండియా వైపు ఎలా వస్తాడో చూడాలి. ఇక్కడ ముషీర్‌కు ఓ అడ్వాంటేజ్‌ ఉంది. ముషీర్‌ బ్యాటింగ్‌తో పాటు బౌలింగ్‌లోనూ ఇరగదీస్తున్నాడు. లెఫ్ట్‌ ఆర్మ్‌ ఆఫ్‌ స్పిన్నర్‌ అయిన ముషీర్‌.. ఇంగ్లండ్‌ పర్యటనకు ముందు కూడా సత్తా చాటాడు.ముషీర్‌కు దేశవాలీ ఫస్ట్‌ క్లాస్‌ క్రికెట్‌లో మంచి ట్రాక్‌ రికార్డు ఉంది. 2022-23 రంజీ సీజన్‌లో ముంబై తరఫున అరంగేట్రం చేసిన ముషీర్‌.. ఆడిన 9 మ్యాచ్‌ల్లో 51.14 సగటున 3 సెంచరీలు, ఓ హాఫ్‌ సెంచరీ సాయంతో 716 పరుగులు చేశాడు. ఇందులో ఓ అజేయ డబుల్‌ సెంచరీ కూడా ఉంది.ఫస్ట్‌ క్లాస్‌ క్రికెట్‌లో ముషీర్‌ బౌలర్‌గానూ రాణించాడు. 9 మ్యాచ్‌ల్లో 8 వికెట్లు తీశాడు. ముషీర్‌ 2024 అండర్‌-19 వరల్డ్‌కప్‌లో భారత జట్టు సభ్యుడిగా ఉన్నాడు. టీమిండియా రన్నరప్‌గా నిలిచిన ఈ టోర్నీలో ముషీర్‌ రెండు సెంచరీలు చేశాడు. 2024 రంజీ ఫైనల్లో సెంచరీ చేసిన ముషీర్‌.. ముంబై తరఫున రంజీ ఫైనల్లో సెంచరీ చేసిన అతి పిన్న వయస్కుడిగా సచిన్‌ టెండూల్కర్‌ రికార్డును బద్దలు కొట్టాడు.

ఇంగ్లండ్‌ పర్యటనలో టీమిండియా చిచ్చరపిడుగు వైభవ్‌ సూర్యవంశీ తొలిసారి శాంతించాడు. ఐదు వన్డేల సిరీస్‌లో తొలి నాలుగు మ్యాచ్‌ల్లో ఆకాశమే హద్దుగా చెలరేగిన వైభవ్‌.. నిన్న (జులై 7) జరిగిన చివరి మ్యాచ్‌లో ఓ మోస్తరు ఇన్నింగ్స్‌తో (42 బంతుల్లో 3 ఫోర్లు, 2 సిక్సర్ల సాయంతో, 78.57 స్ట్రయిక్‌రేట్‌తో 33 పరుగులు) సరిపెట్టాడు. ఫలితంగా తొలుత బ్యాటింగ్‌ చేసిన టీమిండియా తక్కువ స్కోర్‌కే పరిమితమై.. ఆతర్వాత ఆ స్కోర్‌ను కాపాడుకోవడంలో విఫలమైంది. ఈ మ్యాచ్‌లో ఓడినా టీమిండియా 3-2 తేడాతో సిరీస్‌ను కైవసం చేసుకుంది. భారత్‌ 1,3,4 వన్డేలు గెలువగా.. ఇంగ్లండ్‌ 2, 5 వన్డేల్లో నెగ్గింది. భారత్‌ త్వరలో ఇంగ్లండ్‌తో రెండు మ్యాచ్‌ల యూత్‌ టెస్ట్‌ సిరీస్‌ ఆడనుంది. ఈ సిరీస్‌లో తొలి టెస్ట్‌ జులై 12 నుంచి 15 వరకు బెకెన్హమ్‌లో జరుగనుంది.మ్యాచ్‌ విషయానికొస్తే.. టాస్‌ గెలిచి తొలుత బ్యాటింగ్‌ చేసిన యంగ్‌ ఇండియా నిర్ణీత 50 ఓవర్లలో 9 వికెట్ల నష్టానికి 210 పరుగులు మాత్రమే చేసింది. ఆర్‌ఎస్‌ అంబ్రిష్‌ (66) అజేయ అర్ద శతకంతో రాణించి టీమిండియాకు ఈ మాత్రం స్కోరైనా అందించాడు. జట్టులో నెక్స్‌ హైయ్యెస్ట్‌ స్కోర్‌ వైభవ్‌దే. రాహుల్‌ కుమార్‌ (21), హర్వంశ్‌ పంగాలియా (24), కనిశ్క్‌ చౌహాన్‌ (24), యుద్దజిత్‌ గుహా (10) రెండంకెల స్కోర్లు చేయగా.. ఆయుశ్‌ మాత్రే (1) వైఫల్యాల పరంపరను కొనసాగించాడు. మరో స్టార్‌ బ్యాటర్‌ విహాన్‌ మల్హోత్రా (1) కూడా ఈ మ్యాచ్‌లో విఫలమయ్యాడు. ఇంగ్లండ్‌ బౌలర్లలో ఫ్రెంచ్‌, ఆల్బర్ట్‌ చెరో 2 వికెట్లు తీయగా.. ఫిర్బాంక్‌, మోర్గాన్‌, గ్రీన్‌, ఎకాంశ్‌ సింగ్‌ తలో వికెట్‌ తీశారు.అనంతరం స్వల్ప లక్ష్య ఛేదనకు దిగిన ఇంగ్లండ్‌ 31.1 ఓవర్లలో 3 వికెట్లు కోల్పోయి ఆడుతూపాడుతూ విజయం సాధించింది. తొలుత బెన్‌ డాకిన్స్‌ (66), ఆతర్వాత బెన్‌ మేస్‌ (82 నాటౌట్‌), కెప్టెన్‌ థామస్‌ రూ (49 నాటౌట్‌) రాణించి ఇంగ్లండ్‌ను విజయతీరాలకు చేర్చారు. భారత బౌలర్లలో నమన్‌ పుష్పక్‌ 2, దిపేశ్‌ దేవేంద్రన్‌ ఓ వికెట్‌ తీశాడు.శాంతించిన వైభవ్‌ఈ సిరీస్‌లో వైభవ్‌ 100 లోపు స్ట్రయిక్‌రేట్‌తో బ్యాటింగ్‌ చేయడం ఇదే మొదటిసారి. ఐదు మ్యాచ్‌ల ఈ సిరీస్‌లో వైభవ్‌ తొలి నాలుగు మ్యాచ్‌ల్లో 130కి పైగా స్ట్రయిక్‌రేట్‌తో పరుగులు చేశాడు.తొలి మ్యాచ్‌లో 19 బంతుల్లో 3 ఫోర్లు, 5 సిక్సర్ల సాయంతో 48 పరుగులు చేసిన వైభవ్‌.. రెండో వన్డేలో 34 బంతుల్లో 5 ఫోర్లు, 3 సిక్సర్ల సాయంతో 45 పరుగులు.. మూడో వన్డేలో 31 బంతుల్లో 6 ఫోర్లు, 9 సిక్సర్ల సాయంతో 86 పరుగులు.. నాలుగో వన్డేలో ఆకాశమే హద్దుగా చెలరేగి 78 బంతుల్లో 13 ఫోర్లు, 10 సిక్సర్ల సాయంతో ఏకంగా 143 పరుగులు చేశాడు. ఈ సిరీస్‌ వైభవ్‌ విధ్వంసం ధాటికి ఇంగ్లండ్‌ యువ బౌలర్లు బెంబేలెత్తిపోయారు. వైభవ్‌ ప్రతి మ్యాచ్‌ల కనీసం రెండైనా సిక్సర్లు కొట్టాడు. ఐదో వన్డేలో నిదానంగా ఆడినా 3 ఫోర్లు, 2 సిక్సర్లు బాదాడు.

ఇంగ్లండ్‌ పర్యటనలో భారత యువ చిచ్చరపిడుగు వైభవ్‌ సూర్యవంశీ తొలిసారి శాంతించాడు. ఇవాళ (జులై 7) జరుగుతున్న ఐదో యూత్‌ వన్డేలో 42 బంతులు ఎదుర్కొని 3 ఫోర్లు, 2 సిక్సర్ల సాయంతో, 78.57 స్ట్రయిక్‌రేట్‌తో 33 పరుగులు చేశాడు. ఈ సిరీస్‌లో వైభవ్‌ ఇంత తక్కువ స్ట్రయిక్‌రేట్‌తో బ్యాటింగ్‌ చేయడం ఇదే మొదటిసారి. ఐదు మ్యాచ్‌ల ఈ సిరీస్‌లో వైభవ్‌ తొలి నాలుగు మ్యాచ్‌ల్లో 130కి పైగా స్ట్రయిక్‌రేట్‌తో పరుగులు చేశాడు.తొలి మ్యాచ్‌లో 19 బంతుల్లో 3 ఫోర్లు, 5 సిక్సర్ల సాయంతో 48 పరుగులు చేసిన వైభవ్‌.. రెండో వన్డేలో 34 బంతుల్లో 5 ఫోర్లు, 3 సిక్సర్ల సాయంతో 45 పరుగులు.. మూడో వన్డేలో 31 బంతుల్లో 6 ఫోర్లు, 9 సిక్సర్ల సాయంతో 86 పరుగులు.. నాలుగో వన్డేలో ఆకాశమే హద్దుగా చెలరేగి 78 బంతుల్లో 13 ఫోర్లు, 10 సిక్సర్ల సాయంతో ఏకంగా 143 పరుగులు చేశాడు. ఈ సిరీస్‌ వైభవ్‌ విధ్వంసం ధాటికి ఇంగ్లండ్‌ యువ బౌలర్లు బెంబేలెత్తిపోయారు. వైభవ్‌ ప్రతి మ్యాచ్‌ల కనీసం రెండైనా సిక్సర్లు కొట్టాడు.ఇంగ్లండ్‌ పర్యటనలో వైభవ్‌ తొలిసారి శాంతించడంతో భారత్‌ స్వల్ప స్కోర్‌కే పరిమితమైంది. ఇవాళ జరుగుతున్న ఐదో వన్డేలో తొలుత బ్యాటింగ్‌ చేసిన యంగ్‌ ఇండియా నిర్ణీత 50 ఓవర్లలో 9 వికెట్ల నష్టానికి 210 పరుగులు మాత్రమే చేసింది. ఆర్‌ఎస్‌ అంబ్రిష్‌ (66) అజేయ అర్ద శతకంతో రాణించి టీమిండియాకు ఈ మాత్రం స్కోరైనా అందించాడు. జట్టులో నెక్స్‌ హైయ్యెస్ట్‌ స్కోర్‌ వైభవ్‌దే. మిగతా ఆటగాళ్లలో రాహుల్‌ కుమార్‌ (21), హర్వంశ్‌ పంగాలియా (24), కనిశ్క్‌ చౌహాన్‌ (24), యుద్దజిత్‌ గుహా (10) రెండంకెల స్కోర్లు చేయగా.. ఆయుశ్‌ మాత్రే (1) వైఫల్యాల పరంపరను కొనసాగించాడు. మరో స్టార్‌ బ్యాటర్‌ విహాన్‌ మల్హోత్రా (1) కూడా ఈ మ్యాచ్‌లో విఫలమయ్యాడు. ఇంగ్లండ్‌ బౌలర్లలో ఫ్రెంచ్‌, ఆల్బర్ట్‌ చెరో 2 వికెట్లు తీయగా.. ఫిర్బాంక్‌, మోర్గాన్‌, గ్రీన్‌, ఎకాంశ్‌ సింగ్‌ తలో వికెట్‌ తీశారు.అనంతరం స్వల్ప లక్ష్య ఛేదనకు దిగిన ఇంగ్లండ్‌ విజయం దిశగా అడుగులు వేస్తుంది. 21 ఓవర్ల తర్వాత ఆ జట్టు 3 వికెట్ల నష్టానికి 125 పరుగులు చేసింది. బెన్‌ డాకిన్స్‌ (66) అర్ద సెంచరీతో రాణించగా.. బెన్‌ మేస్‌ (45) ఇంగ్లండ్‌ను గెలుపు దిశగా తీసుకెళ్తున్నాడు. మేస్‌కు జతగా కెప్టెన్‌ రూ (2) క్రీజ్‌లో ఉన్నాడు.కాగా, ఈ సిరీస్‌ను భారత్‌ ఇదివరకే కైవసం చేసుకుంది. తొలి నాలుగు మ్యాచ్‌ల్లో భారత్‌ మూడింట విజయాలు సాధించింది. చివరిదైన ఈ మ్యాచ్‌లో ఓడినా టీమిండియాకు ఒరిగేదేమీ ఉండదు. ఈ సిరీస్‌లో ఇంగ్లండ్‌ రెండో వన్డేలో మాత్రమే నెగ్గింది. వన్డే సిరీస్‌ అనంతరం భారత్‌ ఇంగ్లండ్‌తో రెండు మ్యాచ్‌ల యూత్‌ టెస్ట్‌ సిరీస్‌ ఆడనుంది. తొలి టెస్ట్‌ జులై 12 నుంచి 15 వరకు బెకెన్హమ్‌లో జరుగనుంది.

భారత టెస్టు క్రికెట్‌లో ఇంత వరకు ఏ కెప్టెన్‌కూ సాధ్యం కాని అరుదైన ఘనతను శుబ్‌మన్‌ గిల్‌ (Shubman Gill) సాధించాడు. ఇంగ్లండ్‌లోని ఎడ్జ్‌బాస్టన్‌ మైదానంలో తొలిసారి టీమిండియాకు టెస్టు విజయాన్ని అందించాడు. బ్యాటర్‌గానూ అద్భుత ఇన్నింగ్స్‌తో ఆకట్టుకుని.. సారథిగా రెండో ప్రయత్నంలోనే చిరస్మరణీయ గెలుపుతో సత్తా చాటాడు.చారిత్రాత్మక విజయంతోనే సమాధానంఈ నేపథ్యంలో 25 ఏళ్ల శుబ్‌మన్‌ గిల్‌పై ప్రశంసల వర్షం కురుస్తోంది. కెప్టెన్‌గా ఇతడేంటి? అన్న వాళ్లకు చారిత్రాత్మక విజయంతోనే సమాధానమిచ్చాడంటూ మాజీ క్రికెటర్లు ఈ కుర్రాడిని కొనియాడుతున్నారు. అయితే, అంతా బాగానే ఉన్నా టీమిండియా రెండో ఇన్నింగ్స్‌ డిక్లేర్‌ చేసే సమయంలో గిల్‌ వ్యవహరించిన తీరు అతడిని చిక్కుల్లో పడేసేలా ఉంది.చిక్కుల్లో పడేలా గిల్‌ చర్య?టెండుల్కర్‌- ఆండర్సన్‌ ట్రోఫీలో భాగంగా భారత్‌ ఇంగ్లండ్‌తో ఎడ్జ్‌బాస్టన్‌ వేదికగా రెండో టెస్టు ఆడిన విషయం తెలిసిందే. ఈ మ్యాచ్‌ తొలి ఇన్నింగ్స్‌లో ద్విశతకం (269)తో చెలరేగిన గిల్‌.. రెండో ఇన్నింగ్స్‌ (161)లోనూ శతక్కొట్టాడు. ఇక రెండో ఇన్నింగ్స్‌లో తాను అవుటైన కాసేపటికే గిల్‌ ఇన్నింగ్స్‌ డిక్లేర్‌ ప్రకటన చేశాడు.డ్రెసింగ్‌రూమ్‌ బయటకు వచ్చి అప్పటికి క్రీజులో ఉన్న రవీంద్ర జడేజా (69*), వాషింగ్టన్‌ సుందర్‌ (12*)లను వెనక్కి రావాల్సిందిగా గిల్‌ రెండు చేతులతో సైగ చేశాడు. అయితే, ఈ సందర్భంగా అతడు తన జెర్సీ తీసేసి.. బ్లాక్‌ వెస్ట్‌ (లో దుస్తులు)తో దర్శనమిచ్చాడు. అది నైక్‌ బ్రాండ్‌కు చెందినది.ఇందుకు సంబంధించిన ఫొటోలు సోషల్‌ మీడియాలో వైరల్‌ అవుతున్నాయి. ఈ నేపథ్యంలో పలువురు నెటిజన్లు గిల్‌ తీరును విమర్శిస్తూ అతడితో పాటు బీసీసీఐ కూడా చిక్కుల్లో పడే అవకాశం ఉందంటూ హెచ్చరిస్తున్నారు. అసలు విషయం ఏమిటంటే..బీసీసీఐ అధికారిక కిట్‌ స్పాన్సర్‌ అడిడాస్‌ అన్న విషయం తెలిసిందే. ఇందుకు గానూ భారత పురుషుల జట్టు జెర్సీలు, కిట్లు రూపొందించేందుకు బీసీసీఐతో భారీ మొత్తానికి అడిడాస్‌ 2023లో ఐదేళ్లకు ఒప్పందాన్ని కుదుర్చుకుంది. అయితే, ఆ బ్రాండ్‌కు కాంపిటీటర్‌ అయిన మరో బ్రాండ్‌ వెస్ట్‌ ధరించి గిల్‌ ఇన్నింగ్స్‌ డిక్లేర్‌ చేయడం.. అది విశేషంగా వైరల్‌ కావడంతో చట్టపరంగా బోర్డుకు, అతడికి చిక్కులు వచ్చే అవకాశాలు ఉన్నట్లు నెటిజన్లు భావిస్తున్నారు. మరి కొందరేమో ఓ అడుగు ముందుకేసి.. ‘‘నువ్వు ఇప్పుడు కెప్టెన్‌వి. ఆచితూచి అడుగేయాలి. ఇలా చేయడం ఎంతమాత్రం సరికాదు’’ అంటూ గిల్‌పై విమర్శల వర్షం కురిపిస్తున్నారు. కాగా ఐదు మ్యాచ్‌ల సిరీస్‌లో భాగంగా భారత్‌- ఇంగ్లండ్‌ మధ్య జూలై 10 -14 మధ్య లార్డ్స్‌లో మూడో టెస్టు నిర్వహణకు షెడ్యూల్‌ ఖరారైంది.టీమిండియా వర్సెస్‌ ఇంగ్లండ్‌ రెండో టెస్టు సంక్షిప్త స్కోర్లు🏏టీమిండియా- 587 & 427/6 d🏏ఇంగ్లండ్‌- 407 & 271🏏ఫలితం- ఇంగ్లండ్‌ను 336 పరుగుల తేడాతో చిత్తు చేసిన టీమిండియా.. 🏏తొలి టెస్టులో ఓటమికి బదులు తీర్చుకుని.. సిరీస్‌ 1-1తో సిరీస్‌ సమం🏏ప్లేయర్‌ ఆఫ్‌ ది మ్యాచ్‌- శుబ్‌మన్‌ గిల్‌.చదవండి: ప్రాణం పెట్టి ఆడాడు.. అతడొక అద్భుతం అంతే: శుబ్‌మన్‌ గిల్‌pic.twitter.com/SkeKPaxH5S— Shubman Gill (@ShubmanGill) July 6, 2025While Siraj & Akash Deep tore through England, the umpire had other plans for DSP Siraj… and got the stare of the century. 😤🎥India made history — first Asian team to conquer Edgbaston! 🏰🇮🇳From serious records to serial reactions —Historic win. Hilarious moments. One… pic.twitter.com/jF3q64fpws— Star Sports (@StarSportsIndia) July 6, 2025

బుమ్రాకు విశ్రాంతినివ్వడం... కుల్దీప్‌ను విస్మరించడం... ప్రసి«ద్‌ను కొనసాగించడం... టాపార్డర్‌ను కూల్చిన అనంతరం ప్రత్యర్థిని కోలుకోనివ్వడం... సరైన సమయంలో ఇన్నింగ్స్‌ ‘డిక్లేర్‌’ చేయకపోవడం... ఇన్ని ప్రతికూలతలకు తోడు చివరి రోజు వర్షం సైతం ఆతిథ్య జట్టును ఆదుకునేలా కనిపించడంతో.. ఒకదశలో భారత విజయంపై నీలినీడలు కమ్ముకోగా... ఆకాశ్‌దీప్‌ సింగ్‌ వాటిని పటాపంచలు చేస్తూ విజృంభించాడు. యువసారథి శుబ్‌మన్‌ గిల్‌ బ్యాటింగ్‌ మెరుపులకు... ఆకాశ్‌ నిప్పులు చెరిగే బౌలింగ్‌ తోడవడంతో ఇంగ్లండ్‌తో రెండో టెస్టులో టీమిండియా విజయఢంకా మోగించింది. నాలుగేళ్ల క్రితం ‘గబ్బా స్టేడియం’లో ఆ్రస్టేలియాపై తొలి విజయంలో కీలకపాత్ర పోషించిన గిల్, పంత్, సిరాజ్‌... ఇక్కడ కూడా సత్తా చాటడంతో బర్మింగ్‌హామ్‌లోని ఎడ్జ్‌బాస్టన్‌ మైదానంలో టీమిండియా తొలిసారి టెస్టుల్లో గెలిచింది. గతంలో ఎడ్జ్‌బాస్టన్‌ గ్రౌండ్‌లో ఇంగ్లండ్‌తో భారత్‌ 8 టెస్టులు ఆడగా ... ఏడింటిలో ఓడి... ఒకసారి ‘డ్రా’ చేసుకుంది. తొమ్మిదో ప్రయత్నంలో గెలుపు రుచి చూసింది. బర్మింగ్‌హామ్‌: ఇంగ్లండ్‌ పర్యటనలో భారత క్రికెట్‌ జట్టు చరిత్ర సృష్టించింది. వందేళ్లకు పైగా చరిత్ర ఉన్న ఎడ్జ్‌బాస్టన్‌ మైదానంలో తొలిసారి టెస్టు ఫార్మాట్‌లో విజయం నమోదు చేసుకుంది. బ్యాటర్ల బీభత్సానికి బౌలర్ల సహకారం తోడవడంతో రెండో టెస్టులో టీమిండియా 336 పరుగుల తేడాతో ఇంగ్లండ్‌ను చిత్తు చేసింది. విదేశాల్లో పరుగుల తేడా పరంగా భారత జట్టుకు ఇదే అతిపెద్ద విజయం కావడం విశేషం. 608 పరుగుల లక్ష్యఛేదనలో ఓవర్‌నైట్‌ స్కోరు 72/3తో ఆదివారం చివరిరోజు రెండో ఇన్నింగ్స్‌ కొనసాగించిన ఆతిథ్య ఇంగ్లండ్‌ జట్టు చివరకు 68.1 ఓవర్లలో 271 పరుగులకు ఆలౌటైంది. జేమీ స్మిత్‌ (99 బంతుల్లో 88; 9 ఫోర్లు, 4 సిక్స్‌లు) ఒంటరి పోరాటం చేశాడు. భారీ వర్షం కురవడంతో ... చివరిరోజు ఆట ఆలస్యంగా ప్రారంభం కాగా... ఒకదశలో వరుణుడి సాయంతో ఇంగ్లండ్‌ గట్టెక్కేలా కనిపించినా... వాన తెరిపినిచి్చన అనంతరం భారత బౌలర్లు విజృంభించి ఇంగ్లండ్‌ ఆశలపై నీళ్లు చల్లారు. ఆకాశ్‌దీప్‌ 6 వికెట్లతో అదరగొట్టగా... సిరాజ్, ప్రసిధ్‌ కృష్ణ, జడేజా, సుందర్‌ తలా ఒక వికెట్‌ పడగొట్టారు. బర్మింగ్‌హామ్‌లో భారత్‌కు ఇదే మొదటి గెలుపు కాగా... ఐదు మ్యాచ్‌ల టెస్టు సిరీస్‌ను టీమిండియా 1–1తో సమం చేసింది. భారత కెప్టెన్‌ గిల్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. లార్డ్స్‌లో గురువారం నుంచి మూడో టెస్టు జరుగుతుంది. మళ్లీ అతడే... వర్షంతో దాదాపు రెండు గంటలు ఆలస్యంగా ఆట ప్రారంభం కావడంతో ఓవర్లను కుదించారు. దీంతో ఏ మూలో భారత విజయంపై అనుమానాలు రేకెత్తగా... వాటిని ఆకాశ్‌దీప్‌ పటాపంచలు చేశాడు. రెండో ఓవర్‌ తొలి బంతికే పోప్‌ (24)ను క్లీన్‌ బౌల్డ్‌ చేసిన ఆకాశ్‌... తదుపరి ఓవర్‌లో బ్రూక్‌ (23)ను వికెట్ల ముందు దొరకబుచ్చుకున్నాడు. దీంతో ఇంగ్లండ్‌ ఆత్మరక్షణలో పడగా... లంచ్‌ విరామానికి ముందు కెప్టెన్‌ బెన్‌ స్టోక్స్‌ (73 బంతుల్లో 33; 6 ఫోర్లు)ను అవుట్‌ చేయడం ద్వారా సుందర్‌ జట్టును విజయానికి మరింత చేరువ చేశాడు. ఇక గెలుపు లాంఛనం మాత్రమే మిగలగా... తొలి ఇన్నింగ్స్‌ సెంచరీ హీరో జేమీ స్మిత్‌ ఎదురుదాడికి దిగాడు. ధాటిగా ఆడుతూ ఓటమి అంతరాన్ని తగ్గించే ప్రయత్నం చేశాడు. ఆకాశ్‌దీప్‌ బౌలింగ్‌లో రెండు భారీ సిక్స్‌లు కొట్టిన స్మిత్‌ మరో షాట్‌ ఆడే ప్రయత్నంలో క్యాచ్‌ అవుట్‌ కావడంతో ఇంగ్లండ్‌ ఓటమి ఖరారైంది. స్కోరు వివరాలు భారత్‌ తొలి ఇన్నింగ్స్‌: 587; ఇంగ్లండ్‌ తొలి ఇన్నింగ్స్‌: 407; భారత్‌ రెండో ఇన్నింగ్స్‌: 427/6 డిక్లేర్డ్‌; ఇంగ్లండ్‌ రెండో ఇన్నింగ్స్‌: డకెట్‌ (బి) ఆకాశ్‌దీప్‌ 25; క్రాలీ (సి) (సబ్‌) సుదర్శన్‌ (బి) సిరాజ్‌ 0; పోప్‌ (బి) ఆకాశ్‌దీప్‌ 24; రూట్‌ (బి) ఆకాశ్‌దీప్‌ 6; బ్రూక్‌ (ఎల్బీ) ఆకాశ్‌దీప్‌ 23; స్టోక్స్‌ (ఎల్బీ) (బి) సుందర్‌ 33; స్మిత్‌ (సి) సుందర్‌ (బి) ఆకాశ్‌దీప్‌ 88; వోక్స్‌ (సి) సిరాజ్‌ (బి) ప్రసిధ్‌ కృష్ణ 7; కార్స్‌ (సి) గిల్‌ (బి) ఆకాశ్‌దీప్‌ 38; టంగ్‌ (సి) సిరాజ్‌ (బి) జడేజా 2; బషీర్‌ (నాటౌట్‌) 12; ఎక్స్‌ట్రాలు 13; మొత్తం (68.1 ఓవర్లలో ఆలౌట్‌) 271. వికెట్ల పతనం: 1–11, 2–30, 3–50, 4–80, 5–83, 6–153, 7–199, 8–226, 9–246, 10–271. బౌలింగ్‌: ఆకాశ్‌దీప్‌ 21.1–2–99–6; సిరాజ్‌ 12–3–57–1; ప్రసిధ్‌ కృష్ణ 14–2–39–1; జడేజా 15–4–40–1; సుందర్‌ 6–2–28–1. ­

ఎడ్జ్‌బాస్టన్‌ టెస్ట్‌లో టీమిండియా చారిత్రక విజయం సాధించింది. చివరి రోజు వరకు సాగిన ఈ మ్యాచ్‌లో భారత్‌ 336 పరుగుల తేడాతో ఇంగ్లండ్‌ను చిత్తు చేసింది. విదేశాల్లో భారత్‌కు ఇదే భారీ విజయం. ఎడ్జ్‌బాస్టన్‌లో భారత్‌కు ఇదే తొలి విజయం (58 ఏళ్ల తర్వాత). ఈ వేదికపై భారత్‌ ఈ మ్యాచ్‌కు ముందు వరకు ఒక్క విజయం కూడా సాధించలేదు. 8 మ్యాచ్‌ల్లో ఏడింట ఓడి, ఓ మ్యాచ్‌ డ్రా చేసుకుంది. ఈ గెలుపుతో గిల్‌ ఎడ్జ్‌బాస్టన్‌లో విజయం సాధించిన తొలి ఆసియా కెప్టెన్‌గా కూడా రికార్డు నెలకొల్పాడు. 608 పరుగల భారీ లక్ష్య ఛేదనలో 72/3 స్కోర్‌ వద్ద చివరి రోజు ఆటను ప్రారంభించిన ఇంగ్లండ్‌ 271 పరుగుల వద్ద ఆలౌటైంది. ఆకాశ్‌దీప్‌ (21.2-2-99-6) నిప్పులు చెరిగే బంతులతో ఇంగ్లండ్‌ బ్యాటర్ల భరతం​ పట్టాడు. ఆకాశ్‌దీప్‌కు కెరీర్‌లో ఇదే తొలి ఐదు వికెట్ల ఘనత. తొలి ఇన్నింగ్స్‌లో 4 వికెట్లు పడగొట్టిన ఆకాశ్‌దీప్‌ మొత్తంగా 10 వికెట్ల ఘనత కూడా సాధించాడు.ఈ మ్యాచ్‌లో బుమ్రా స్థానంలో బరిలోకి దిగిన ఆకాశ్‌దీప్‌ అద్భుతంగా బౌలింగ్‌ చేసి టీమిండియా చారిత్రక విజయం సాధించడంలో కీలకపాత్ర పోషించాడు. మిగతా భారత బౌలర్లలో సిరాజ్‌, ప్రసిద్ద్‌ కృష్ణ, రవీంద్ర జడేజా, వాషింగ్టన్‌ సుందర్‌ తలో వికెట్‌ తీశారు. సెకెండ్‌ ఇన్నింగ్స్‌లోనూ టాప్‌ స్కోరర్‌గా నిలిచిన జేమీ స్మిత్‌ (88) డ్రా కోసం విఫలయత్నం చేశాడు.అంతకుముందు టీమిండియా 427/6 వద్ద రెండో ఇన్నింగ్స్‌‌‌‌‌‌‌‌ను డిక్లేర్ చేసింది. శుభ్‌‌‌‌‌‌‌‌మన్ గిల్ (162 బాల్స్‌‌‌‌‌‌‌‌లో 13 ఫోర్లు, 8 సిక్సర్లతో 161) సెంచ‌రీతో చెల‌రేగ‌గా.. రవీంద్ర జడేజా (69 నాటౌట్‌‌), రిషబ్ పంత్ (65), కేఎల్ రాహుల్ (55) హాఫ్ సెంచ‌రీలతో రాణించారు.దీనికి ముందు ఇంగ్లండ్‌ తొలి ఇన్నింగ్స్‌లో 407 పరుగులకు ఆలౌటైంది. హ్యారీ బ్రూక్‌ (158), జేమీ స్మిత్‌ (184 నాటౌట్‌) భారీ శతకాలతో చెలరేగారు. భారత బౌలర్లలో సిరాజ్‌ 6, ఆకాశ్‌దీప్‌ 4 వికెట్లు తీశారు.ఈ మ్యాచ్‌లో భారత్‌ తొలి ఇన్నింగ్స్‌లో 587 పరుగులు చేసింది. కెప్టెన్‌ శుభ్‌మన్‌ గిల్‌ (269) భారీ డబుల్‌ సెంచరీతో రికార్డులు తిరగరాశాడు. యశస్వి జైస్వాల్‌ (87), రవీంద్ర జడేజా (89) సెంచరీలకు చేరువలో ఔటయ్యారు.ఈ గెలుపుతో భారత్‌ ఐదు మ్యాచ్‌ల టెస్ట్‌ సిరీస్‌లో 1-1తో సమంగా నిలిచింది. తొలి టెస్ట్‌లో ఇంగ్లండ్‌ భారత్‌పై విజయం సాధించింది. ఈ సిరీస్‌లో మూడో టెస్ట్‌ జులై 10 నుంచి ప్రతిష్టాత్మక లార్డ్స్‌ మైదానంలో జరుగనుంది. గిల్‌ కెప్టెన్సీలో భారత్‌కు ఇదే తొలి గెలుపు.

Update: లంచ్‌ తర్వాత మరో 2 వికెట్లు తీసిన టీమిండియా. క్రిస్‌ వోక్స్‌ను (7) ప్రసిద్ద్‌ కృష్ణ.. జేమీ స్మిత్‌ను ఆకాశ్‌దీప్‌ (88) ఔట్‌ చేశారు. 56 ఓవర్ల తర్వాత ఇంగ్లండ్‌ స్కోర్‌ 226/8గా ఉంది. భారత్‌ గెలుపుకు కేవలం 2 వికెట్లు మాత్రమే కావాలి. ఆకాశ్‌దీప్‌ ఈ ఇన్నింగ్స్‌లో 5 వికెట్ల ప్రదర్శన నమోదు చేసి 10 వికెట్ల ప్రదర్శనపై కన్నేశాడు. ఆకాశ్‌దీప్‌ తొలి ఇన్నింగ్స్‌లో 4 వికెట్లు తీశాడు. ఎడ్జ్‌బాస్టన్‌లో చరిత్ర సృష్టించేందుకు టీమిండియా సిద్దమవుతోంది. ఈ వేదికగా ఇంగ్లండ్‌తో జరుగుతున్న రెండో టెస్ట్‌లో చారిత్రక గెలుపుకు 4 వికెట్ల దూరంలో ఉంది. ఎడ్జ్‌బాస్టన్‌లో భారత్‌ ఇప్పటివరకు ఒక్క మ్యాచ్‌ కూడా గెలవలేదు. ఇక్కడ ఆడిన 8 మ్యాచ్‌ల్లో ఏడింట ఓడి, ఓ మ్యాచ్‌ డ్రా చేసుకుంది. ఈ మ్యాచ్‌లో గెలిచి చరిత్ర సృష్టించాలని టీమిండియా ఆటగాళ్లు ఆరాటపడుతున్నారు. వారి ఆరాటం మరికొద్ది గంటల్లో తీరే అవకాశం ఉంది.608 పరుగల భారీ లక్ష్య ఛేదనలో 72/3 వద్ద చివరి రోజు ఆటను ప్రారంభించిన ఇంగ్లండ్‌.. లంచ్‌ విరామం సమయానికి 6 వికెట్లు కోల్పోయి 153 పరుగులు చేసింది. ఈ మ్యాచ్‌లో ఇంగ్లండ్‌ గెలవాలంటే మరో 455 పరుగులు కావాలి. అది అసాధ్యం. భారత్‌ గెలలాంటే మాత్రం కేవలం 4 వికెట్లు తీస్తే చాలు.వర్షం​ కారణంగా ఇవాల్టి ఆట గంట 40 నిమిషాలు ఆలస్యంగా ప్రారంభమైంది. వర్షం కారణంగా 10 ఓవర్లు కోతకు గురైంది. ఈ రోజు కేవలం​ 80 ఓవర్ల ఆట మాత్రమే జరుగుతుంది. ఆట ప్రారంభం కాగానే టీమిండియా పేసర్‌ ఆకాశ్‌దీప్‌ ఇంగ్లండ్‌ను భారీ దెబ్బేశాడు. అతని బౌలింగ్‌లో ఓలీ పోప్‌ (24) క్లీన్‌ బౌల్డ్‌ అయ్యాడు. ఆతర్వాత కొద్ది సేపటికే ఆకాశ్‌దీప్‌ మరోసారి రెచ్చిపోయాడు. ఈ సారి ఇన్‌ ఫామ్‌ బ్యాటర్‌ హ్యారీ బ్రూక్‌ (23) ఎల్బీడబ్ల్యూ చేసి ఇంగ్లండ్‌ డ్రా ఆశలపై నీళ్లు చల్లాడు. అనంతరం స్టోక్స్‌, జేమీ స్మిత్‌ ఆరో వికెట్‌కు 70 పరుగులు జోడించి టీమిండియా బౌలర్ల సహనాన్ని పరీక్షించారు. ఈసారి వాషింగ్టన్‌ సుందర్‌ అద్బుతమైన బంతితో బెన్‌ స్టోక్స్‌ను (33) పెవిలియన్‌కు సాగనంపాడు. స్టోక్స్‌ వికెట్‌ పడగానే అంపైర్లు లంచ్‌ విరామాన్ని ప్రకటించారు. 32 పరుగులతో జేమీ స్మిత్‌ క్రీజ్‌లో ఉన్నాడు. నాలుగో రోజు ఆటలో బెన్‌ డకెట్‌ (25), రూట్‌ను (60) ఔట్‌ చేసిన ఆకాశ్‌దీప్‌ ఈ ఇన్నింగ్స్‌లో మొత్తం 4 వికెట్లు తీయగా.. సిరాజ్‌, సుందర్‌ తలో వికెట్‌ దక్కించుకున్నారు. నాలుగో రోజు ఆటలో టీమిండియా 427/6 వద్ద రెండో ఇన్నింగ్స్‌‌‌‌‌‌‌‌ను డిక్లేర్ చేసింది. శుభ్‌‌‌‌‌‌‌‌మన్ గిల్ (162 బాల్స్‌‌‌‌‌‌‌‌లో 13 ఫోర్లు, 8 సిక్సర్లతో 161) సెంచ‌రీతో చెల‌రేగ‌గా.. రవీంద్ర జడేజా (69 నాటౌట్‌‌), రిషబ్ పంత్ (65), కేఎల్ రాహుల్ (55) హాఫ్ సెంచ‌రీలతో రాణించారు.దీనికి ముందు ఇంగ్లండ్‌ తొలి ఇన్నింగ్స్‌లో 407 పరుగులకు ఆలౌటైంది. హ్యారీ బ్రూక్‌ (158), జేమీ స్మిత్‌ (184 నాటౌట్‌) భారీ శతకాలతో చెలరేగారు. భారత బౌలర్లలో సిరాజ్‌ 6, ఆకాశ్‌దీప్‌ 4 వికెట్లు తీశారు.ఈ మ్యాచ్‌లో భారత్‌ తొలి ఇన్నింగ్స్‌లో 587 పరుగులు చేసింది. కెప్టెన్‌ శుభ్‌మన్‌ గిల్‌ (269) భారీ డబుల్‌ సెంచరీతో రికార్డులు తిరగరాశాడు. యశస్వి జైస్వాల్‌ (87), రవీంద్ర జడేజా (89) సెంచరీలకు చేరువలో ఔటయ్యారు.స్కోర్‌ వివరాలు..భారత్‌ 587 & 427/6 డిక్లేర్‌ఇంగ్లండ్‌ 407 & 153/6 (40.3)

ఎడ్జ్‌బాస్టన్‌ నుంచి టీమిండియా అభిమానులకు గుడ్‌ న్యూస్‌ తెలుస్తుంది. చివరి రోజు ఆట ప్రారంభానికి ముందు ఆటంకం కలిగించిన వరుణుడు ప్రస్తుతం శాంతించాడు. వర్షం పూర్తిగా తగ్గుముఖం పట్టడంతో మైదానంలో కప్పి ఉంచిన కవర్లను తొలగించారు. ఔట్‌ ఫీల్డ్‌ను వేగంగా డ్రై చేశారు. సూర్యుడు మేఘాలను ముసుగు నుంచి బయటికి వచ్చాడు.అయితే ఓవర్ల కోత మాత్రం తప్పలేదు. ఇవాల్టి ఆటలో 90 కాకుండా 80 ఓవర్లకు మాత్రమే అవకాశం ఉంటుంది. వర్షం కారణంగా 10 ఓవర్ల కోత పడింది. భారతకాలమానం ప్రకారం మధ్యాహ్నం 3:30 గంటలకు ప్రారంభం కావాల్సిన మ్యాచ్‌.. దాదాపు 2 గంటలు ఆలస్యంగా భారతకాలమానం ప్రకారం సాయంత్రం 5:10 గంటలకు ప్రారంభమయ్యింది.సవరించిన సెషన్‌ టైమింగ్స్‌ను కూడా అంపైర్లు ప్రకటించారు. తొలి సెషన్‌ 5:10 నుంచి 7 గంటల వరకు.. రెండో సెషన్‌ 7:40 నుంచి 9:40 వరకు.. మూడో సెషన్‌ రాత్రి 10 గంటల నుంచి 11:30 గంటల వరకు జరుగనుంది.కాగా, ఈ మ్యాచ్‌లో భారత్‌ చారిత్రక గెలుపుకు 7 వికెట్ల దూరంలో ఉంది. ఇంగ్లండ్‌.. భారత్‌ నిర్దేశించిన 608 పరుగుల లక్ష్యాన్ని ఛేదిస్తూ నాలుగో రోజు ఆట ముగిసే సమయానికి 3 వికెట్లు కోల్పోయి 72 పరుగులు చేసింది.నాలుగో రోజు ఆటలో టీమిండియా 427/6 వద్ద రెండో ఇన్నింగ్స్‌‌‌‌‌‌‌‌ను డిక్లేర్ చేసింది. శుభ్‌‌‌‌‌‌‌‌మన్ గిల్ (162 బాల్స్‌‌‌‌‌‌‌‌లో 13 ఫోర్లు, 8 సిక్సర్లతో 161) సెంచ‌రీతో చెల‌రేగ‌గా.. రవీంద్ర జడేజా (69 నాటౌట్‌‌), రిషబ్ పంత్ (65), కేఎల్ రాహుల్ (55) హాఫ్ సెంచ‌రీలతో రాణించారు.మరోవైపు టీమిండియా ఎడ్జ్‌బాస్టన్‌లో ఇప్పటివరకు ఒక్క మ్యాచ్‌ కూడా గెలవలేదు. ఈ మ్యాచ్‌లో గెలిచి చరిత్ర సృష్టించాలని టీమిండియా ఆటగాళ్లు ఆరాటపడుతున్నారు.స్కోర్‌ వివరాలు..భారత్‌ 587 & 427/6 డిక్లేర్‌ఇంగ్లండ్‌ 407 & 72/3 (16) ప్రస్తుత రన్‌రేట్‌: 4.5

ఇంగ్లండ్‌పై చారిత్రక గెలుపు సాధించేందుకు 7 వికెట్ల దూరంలో టీమిండియాకు చేదు వార్త. రెండో టెస్ట్‌ చివరి రోజు ఆట ప్రారంభానికి ముందు ఎ‍డ్జ్‌బాస్టన్‌లో భారీ వర్షం కురుస్తుంది. స్టేడియం మొత్తాన్ని కవర్లతో కప్పేశారు. అక్కడ వాతావరణం రాత్రిని తలపిస్తుంది. ఫ్లడ్‌ లైట్లు ఆన్‌ చేశారు. భారతకాలమానం ప్రకారం మ్యాచ్‌ మధ్యాహ్నం 3:30 గంటలకు ప్రారంభం కావాల్సి ఉంది. అయితే ప్రస్తుత పరిస్థితిలో ఇది సాధ్యపడేలా లేదు. మరో గంట పాటు వర్షం ఇలాగే కొనసాగే అవకాశముందని వాతావరణ శాఖ నివేదించింది. అయితే మధ్యాహ్నం స‌మ‌యంలో వ‌ర్షం ఉండ‌క‌పోవ‌చ్చ‌ని తెలుస్తుంది. వర్షం​ కారణంగా తొలి సెషన్‌ రద్దైతే టీమిండియాకు భారీ నష్టం సంభవిస్తుంది. మిగతా రెండు సెషన్లలో భారత బౌలర్లు ఏడు వికెట్లు తీయాల్సి ఉంటుంది. ఇది అంత ఈజీ కాదు. ఏం జరుగుతుందో వేచి చూడాలి.HEAVY RAIN AT EDGBASTON...!!!! [Amit Shah from RevSportz] pic.twitter.com/zdrYfwj3ri— Johns. (@CricCrazyJohns) July 6, 2025కాగా, ఈ మ్యాచ్‌లో ఇంగ్లండ్‌ భారత్‌ నిర్దేశించిన 608 పరుగుల లక్ష్యాన్ని ఛేదిస్తూ.. నాలుగో రోజు ఆట ముగిసే సమయానికి 3 వికెట్లు కోల్పోయి 72 పరుగులు చేసింది. భార‌త్‌ విజ‌యానికి ఇంకా 7 వికెట్లు అవ‌స‌రం కాగా.. ఇంగ్లండ్ గెలుపున‌కు 536 ప‌రుగులు కావాలి.నాలుగో రోజు ఆటలో టీమిండియా 427/6 వద్ద రెండో ఇన్నింగ్స్‌‌‌‌‌‌‌‌ను డిక్లేర్ చేసింది. శుభ్‌‌‌‌‌‌‌‌మన్ గిల్ (162 బాల్స్‌‌‌‌‌‌‌‌లో 13 ఫోర్లు, 8 సిక్సర్లతో 161) సెంచ‌రీతో చెల‌రేగ‌గా.. రవీంద్ర జడేజా (69 నాటౌట్‌‌), రిషబ్ పంత్ (65), కేఎల్ రాహుల్ (55) హాఫ్ సెంచ‌రీలతో రాణించారు.గిల్‌పై విమర్శలుటీమిండియా కెప్టెన్‌ శుభ్‌మన్‌ గిల్‌ సెకెండ్‌ ఇన్నింగ్స్‌ను లేట్‌గా డిక్లేర్ చేయ‌డాన్ని చాలా మంది క్రికెట్ నిపుణులు త‌ప్పుబ‌డుతున్నారు. కాస్త ముందుగానే ఇంగ్లండ్‌కు బ్యాటింగ్ చేసే అవ‌కాశాన్ని ఇచ్చి ఉంటే మ‌రిన్ని వికెట్లు ప‌డివుండేవని అభిప్రాయ‌ప‌డుతున్నారు.మరోవైపు టీమిండియా ఎడ్జ్‌బాస్టన్‌లో ఇప్పటివరకు ఒక్క మ్యాచ్‌ కూడా గెలవలేదు. ఈ మ్యాచ్‌లో గెలిచి చరిత్ర సృష్టించాలని టీమిండియా ఆటగాళ్లు ఆరాటపడుతున్నారు.స్కోర్‌ వివరాలు..భారత్‌ 587 & 427/6 డిక్లేర్‌ఇంగ్లండ్‌ 407 & 72/3 (16) ప్రస్తుత రన్‌రేట్‌: 4.5

ప్ర‌స్తుత టీమిండియా టెస్ట్ టీమ్‌లో అంద‌రికంటే సీనియ‌ర్ ఆట‌గాడు ర‌వీంద్ర జ‌డేజా. రోహిత్ శ‌ర్మ‌, విరాట్ కోహ్లి రిటైర్ కావ‌డంతో జ‌ట్టులో సీనియ‌ర్‌గా కొన‌సాగుతున్నాడు జ‌డ్డూ. ఇంగ్లండ్‌తో జ‌రుగుతున్న తాజా టెస్ట్ సిరీస్‌లో శుబ్‌మ‌న్ గిల్ నాయ‌క‌త్వంలోని జ‌ట్టులో అత‌డు స‌భ్యుడిగా ఉన్నాడు. రెండో టెస్టులో కీల‌కమైన ఇన్నింగ్స్ ఆడి.. జ‌ట్టు భారీ స్కోరు చేయ‌డంలో త‌న‌వంతు పాత్ర పోషించాడు. ఆట రెండో రోజు 89 పరుగులు చేసి జట్టుకు తన విలువను మ‌రోసారి గుర్తు చేశాడీ సీనియ‌ర్ ఆల్‌రౌండ‌ర్‌. కెప్టెన్‌ గిల్‌తో కలిసి కీలకమైన 203 పరుగుల భాగస్వామ్యాన్ని నెల‌కొల్పాడు. ఆరో వికెట్ అంత‌కంటే దిగువ స్థానాల్లో 200 ప‌రుగులు భాగ‌స్వామ్యాల్లో పాలుపంచుకోవ‌డం జ‌డేజాకు ఇది మూడోసారి.కాగా, ఇంగ్లండ్‌తో సెకండ్ టెస్ట్ మ్యాచ్‌లో రెండో రోజు ఆట ముగిసిన త‌ర్వాత జ‌డేజాకు మీడియా నుంచి ఆస‌క్తిక‌ర ప్ర‌శ్న ఎదురైంది. కెప్టెన్సీపై ఇంకా ఆశ‌లు ఉన్నాయా అని మీడియా ప్ర‌తినిధి అడ‌గ్గా.. చిరున‌వ్వుతో లేద‌న్న‌ట్టుగా స‌మాధానం ఇచ్చాడు. 'వో టైమ్ గ‌యా' (ఆ స‌మ‌యం దాటిపోయింది) అని వ్యాఖ్యానించాడు.చాన్స్ లేదా?నిజంగానే అత‌డికి స‌మ‌యం మించిపోయింద‌ని క్రీడావ్యాఖ్య‌త‌లు అభిప్రాయ‌ప‌డుతున్నారు. జ‌డేజా వ‌య‌సు ఇప్పుడు 35 ఏళ్లు. ఇంకో రెండుమూడేళ్లు క్రికెట్ ఆడినా కూడా అత‌డికి కెప్టెన్ చాన్స్ రాదు. ఎందుకంటే జ‌ట్టు ప్ర‌యోజ‌నాల‌ను గ‌మ‌నంలోకి తీసుకుని గిల్‌కు టెస్ట్ టీమ్ సార‌థ్య బాధ్య‌త‌లు క‌ట్ట‌బెట్టింది బీసీసీఐ. నాయ‌క‌త్వ బాధ్య‌త‌ను భుజానికెత్తుకోవ‌డానికి బుమ్రా నిరాక‌రించ‌డంతో గిల్‌కు చాన్స్ ద‌క్కింది. బహుశా రోహిత్ శ‌ర్మ తప్పుకున్న త‌ర్వాత వ‌న్డే జ‌ట్టు ప‌గ్గాలు కూడా శుబ్‌మ‌న్‌కే ద‌క్కుతాయి. ఈ నేప‌థ్యంలోనే త‌న‌కు ఇక చాన్స్ లేద‌ని జ‌డేజా వ్యాఖ్యానించి ఉంటాడ‌ని క్రీడావ్యాఖ్య‌త‌లు పేర్కొంటున్నారు.క‌లిసిరాని కెప్టెన్సీఅయితే దేశం త‌ర‌పున జాతీయ జ‌ట్టుకు నాయ‌క‌త్వం వ‌హించే చాన్స్ రాక‌పోయినా.. మ‌రోవిధంగా అత‌డికి కెప్టెన్సీ ద‌క్కింది. సార‌థిగా త‌న‌కు వ‌చ్చిన అవ‌కాశాన్ని జ‌డేజా స‌ద్వినియోగం చేసుకోలేక‌పోయాడు. ఇండియ‌న్ ప్రీమియ‌ర్ లీగ్ (ఐపీఎల్‌)లో అత్యంత విజ‌య‌వంత‌మైన జ‌ట్టుగా పేరున్న చెన్నై సూప‌ర్ కింగ్స్ (సీఎస్కే)కు 2022లో కెప్టెన్‌గా చాన్స్ ద‌క్కించ‌కున్నాడు. వ‌రుస ప‌రాజ‌యాల‌తోనే మ‌ధ్య‌లోనే నాయ‌క‌త్వం నుంచి వైదొల‌గ‌డంతో మ‌ళ్లీ ధోనికే ప‌గ్గాలు అప్ప‌గించాల్సి వ‌చ్చింది. ఆ ర‌కంగా చూస్తే కెప్టెన్సీ జ‌డ్డూకు కలిసిరాలేద‌నే చెప్పాలి.నంబ‌ర్ 1 ఆల్‌రౌండ‌ర్‌ఆల్‌రౌండ‌ర్‌గా జ‌డేజా ఆట‌కు పేరు పెట్ట‌లేం. బ్యాట్‌తోనే కాకుండా బంతితో కూడా తానేంటో నిరూపించుకున్నాడు. మెరుపు ఫీల్డింగ్‌తో జ‌ట్టు విజ‌యాల్లో ఎన్నోసార్లు కీల‌క‌పాత్ర పోషించాడు. ఇప్ప‌టికీ యంగ్ ప్లేయ‌ర్స్‌తో పోటీ ప‌డుతూ మైదానంలో విన్యాసాలు చేస్తుంటాడు. చాలా సంద‌ర్భాల్లో జ‌ట్టును క‌ష్టాల నుంచి గ‌ట్టెక్కించిన ఘ‌న‌త అత‌డికి ఉంది. అందుకే ఐసీసీ టెస్ట్ ఆల్‌రౌండ‌ర్ల ర్యాంకుల్లో టాప్‌లో కొన‌సాగుతున్నాడు.చ‌ద‌వండి: చ‌రిత్ర‌ సృష్టించిన జ‌డేజా.. డ‌బ్ల్యూటీసీలో తొలి ప్లేయ‌ర్‌ గిల్ గురించి జడేజా.. ఆట‌గాడి నుంచి టెస్ట్ కెప్టెన్ వ‌ర‌కు గిల్ ఎదుగుదల గురించి మీడియా ప్ర‌తినిధులు జ‌డేజాను అడగ్గా.. శుబ్‌మన్ గిల్ (shubhman gills) ఎంత ఎదిగాడో మీరు చూడలేదా? అంటూ ఎదురు ప్ర‌శ్నించాడు. డ‌బుల్ సెంచ‌రీ చేసిన గిల్‌ను ప్ర‌శంసించాడు. సుదీర్ఘ భాగ‌స్వామ్యం నెల‌కొల్పాల‌ని తామిద్దం మాట్లాడుకున్నామ‌ని వెల్ల‌డించాడు.

ఎడ్జ్‌బాస్టన్‌ వేదికగా ఇంగ్లండ్‌తో జరుగుతున్న రెండో టెస్ట్‌లో టీమిండియా భారీ స్కోర్‌ చేసింది. కెప్టెన్‌ శుభ్‌మన్‌ గిల్‌ రికార్డు డబుల్‌ సెంచరీతో (387 బంతుల్లో 269; 30 ఫోర్లు, 3 సిక్సర్లు) చెలరేగడంతో 587 పరుగులకు ఆలౌటైంది (తొలి ఇన్నింగ్స్‌లో).భారత ఇన్నింగ్స్‌లో గిల్‌తో పాటు యశస్వి జైస్వాల్‌ (87), రవీంద్ర జడేజా (89), వాషింగ్టన్‌ సుందర్‌ (42) రాణించారు. గిల్‌.. జడేజాతో ఆరో వికెట్‌కు 203 పరుగులు , వాషింగ్టన్‌ సుందర్‌తో (42) ఏడో వికెట్‌కు 144 పరుగులు జోడించాడు.మిగతా భారత ఆటగాళ్లలో కేఎల్‌ రాహుల్‌ 2, కరుణ్‌ నాయర్‌ 31, రిషబ్‌ పంత్‌ 25, నితీశ్‌ కుమార్‌ రెడ్డి 1, ఆకాశ్‌దీప్‌ 6, సిరాజ్‌ 8, ప్రసిద్ద్‌ కృష్ణ 5 (నాటౌట్‌) పరుగులు చేశారు. ఇంగ్లండ్‌ బౌలర్లలో షోయబ్‌ బషీర్‌ 3, క్రిస్‌ వోక్స్‌, జోష్‌ టంగ్‌ తలో 2, బ్రైడన్‌ కార్స్‌, బెన్‌ స్టోక్స్‌, జో రూట్‌ చెరో వికెట్‌ పడగొట్టారు.అనంతరం బరిలోకి దిగిన ఇంగ్లండ్‌కు ఆదిలోనే వరుస షాక్‌లు తగిలాయి. బుమ్రా స్థానంలో ఈ మ్యాచ్‌ ఆడుతున్న ఆకాశ్‌దీప్‌ వరుస బంతుల్లో తొలి టెస్ట్‌ సెంచరీ హీరోలు బెన్‌ డకెట్‌, ఓలీ పోప్‌లను డకౌట్‌ చేశాడు. దీంతో ఇంగ్లండ్‌ 13 పరుగలకే 2 కీలక వికెట్లు కోల్పోయి పీకల్లోతు కష్టాల్లో పడింది. 25 పరుగుల వద్ద ఇంగ్లండ్‌కు మరో ఎదురుదెబ్బ తగిలింది. సిరాజ్‌ బౌలింగ్‌లో కరుణ్‌ నాయర్‌ క్యాచ్‌ పట్టడంతో జాక్‌ క్రాలే (19) ఔటయ్యాడు. రెండో రోజు ఆట ముగిసే సమయానికి ఇంగ్లండ్‌ 3 వికెట్లు కోల్పోయి 77 పరుగులు చేసింది. రూట్‌ (18), బ్రూక్‌ (30) క్రీజ్‌లో ఉన్నారు.చరిత్ర సృష్టించిన రవీంద్ర జడేజాఈ మ్యాచ్‌లో గిల్‌తో కలిసి అద్భుతమైన భాగస్వామ్యం నెలకొల్పి టీమిండియాకు జీవం పోసిన జడేజా ఓ భారీ రికార్డును సొంతం చేసుకున్నాడు. 79 పరుగుల వ్యక్తిగత స్కోర్‌ వద్ద వరల్డ్‌ టెస్ట్‌ ఛాంపియన్‌షిప్‌లో 2000 పరుగులు పూర్తి చేసుకున్నాడు. అప్పటికే బౌలర్‌గా 132 వికెట్లు తీసిన జడ్డూ.. డబ్ల్యూటీసీలో 2000 పరుగులు, 100 వికెట్లు సాధించిన తొలి ఆటగాడిగా చరిత్ర సృష్టించాడు. డబ్ల్యూటీసీలో మొత్తం 41 మ్యాచ్‌లు ఆడిన జడేజా తాజా ఇన్నింగ్స్‌తో కలుపుకొని 39 సగటుతో 2010 పరుగులు చేశాడు.బౌలింగ్‌లో 25.92 సగటున 132 వికెట్లు తీశాడు.ఎ‍డ్జ్‌బాస్టన్‌ అంటే చాలు పూనకాలు వస్తాయి..!రవీంద్ర జడేజాకు ఇంగ్లండ్‌లోని ఎడ్జ్‌బాస్టన్‌ మైదానం అంటే చాలు పూనకాలు వస్తాయి. జడ్డూ ఇక్కడ ఆడిన రెండు మ్యాచ్‌ల్లో మరపురాని ఇన్నింగ్స్‌లు ఆడాడు. 2022 పర్యటనలో సెంచరీ (194 బంతుల్లో 104; 13 ఫోర్లు) చేసిన జడ్డూ.. ఈసారి కూడా సెంచరీ చేసినంత పని చేశాడు. నాడు రిషబ్‌ పంత్‌తో కలిసి 222 పరుగుల భాగస్వామ్యం నెలకొల్పిన జడేజా.. తాజాగా గిల్‌తో కలిసి 203 పరుగుల భాగస్వామ్యం నెలకొల్పాడు.

ఎడ్జ్‌బాస్టన్‌ వేదికగా ఇంగ్లండ్‌తో జరుగుతున్న రెండో టెస్ట్‌లో భారత్‌ తొలి ఇన్నింగ్స్‌లో 587 పరుగులకు ఆలౌటైంది. కెప్టెన్‌ శుభ్‌మన్‌ గిల్‌ రికార్డు డబుల్‌ సెంచరీ (387 బంతుల్లో 269; 30 ఫోర్లు, 3 సిక్సర్లు) చేసి భారత్‌కు భారీ స్కోర్‌ అందించాడు. భారత ఇన్నింగ్స్‌లో గిల్‌తో పాటు యశస్వి జైస్వాల్‌ (87), రవీంద్ర జడేజా (89), వాషింగ్టన్‌ సుందర్‌ (42) రాణించారు. గిల్‌.. జడేజాతో ఆరో వికెట్‌కు 203 పరుగులు , వాషింగ్టన్‌ సుందర్‌తో (42) ఏడో వికెట్‌కు 144 పరుగులు జోడించాడు.మిగతా భారత ఆటగాళ్లలో కేఎల్‌ రాహుల్‌ 2, కరుణ్‌ నాయర్‌ 31, రిషబ్‌ పంత్‌ 25, నితీశ్‌ కుమార్‌ రెడ్డి 1, ఆకాశ్‌దీప్‌ 6, సిరాజ్‌ 8, ప్రసిద్ద్‌ కృష్ణ 5 (నాటౌట్‌) పరుగులు చేశారు. ఇంగ్లండ్‌ బౌలర్లలో షోయబ్‌ బషీర్‌ 3, క్రిస్‌ వోక్స్‌, జోష్‌ టంగ్‌ తలో 2, బ్రైడన్‌ కార్స్‌, బెన్‌ స్టోక్స్‌, జో రూట్‌ చెరో వికెట్‌ పడగొట్టారు.వరుస షాక్‌లుఅనంతరం బరిలోకి దిగిన ఇంగ్లండ్‌కు ఆదిలోనే భారీ షాక్‌ తగిలింది. బుమ్రా స్థానంలో ఈ మ్యాచ్‌ ఆడుతున్న ఆకాశ్‌దీప్‌ నిప్పులు చెరిగాడు. వరుస బంతుల్లో తొలి టెస్ట్‌లో సెంచరీలు చేసిన బెన్‌ డకెట్‌, ఓలీ పోప్‌లను డకౌట్‌ చేశాడు. దీంతో ఇంగ్లండ్‌ 13 పరుగలకే 2 కీలక వికెట్లు కోల్పోయి పీకల్లోతు కష్టాల్లో పడింది.మరో ఎదురుదెబ్బ13 పరుగుల వద్ద వరుస బంతుల్లో ఇన్‌ ఫామ్‌ బ్యాటర్లు డకెట్‌, పోప్‌ వికెట్లు కోల్పోయిన ఇంగ్లండ్‌కు మరో ఎదురుదెబ్బ తగిలింది. 25 పరుగుల వద్ద జాక్‌ క్రాలే (19) ఔటయ్యాడు. సిరాజ్‌ బౌలింగ్‌లో కరుణ్‌ నాయర్‌ క్యాచ్‌ పట్టడంతో క్రాలే పెవిలియన్‌కు చేరాడు. రెండో రోజు ఆట ముగిసే సమయానికి 3 వికెట్ల నష్టానికి 77 పరుగులు చేసింది. 20 ఓవర్ల తర్వాత ఇంగ్లండ్‌ స్కోర్‌ 77/3గా ఉంది. రూట్‌ (18), బ్రూక్‌ (30) క్రీజ్‌లో ఉన్నారు.

ఎడ్జ్‌బాస్టన్‌ వేదికగా ఇంగ్లండ్‌తో జరుగుతున్న రెండో టెస్ట్‌లో టీమిండియా భారీ స్కోర్‌ చేసింది. రెండో రోజు టీ విరామం తర్వాత భారత తొలి ఇన్నింగ్స్‌ 587 పరుగుల వద్ద ముగిసింది. కెప్టెన్‌ శుభ్‌మన్‌ గిల్‌ రికార్డు డబుల్‌ సెంచరీ (387 బంతుల్లో 269; 30 ఫోర్లు, 3 సిక్సర్లు) చేసి భారత్‌కు ఈ స్థాయి స్కోర్‌ అందించాడు. ఈ మ్యాచ్‌లో భారత్‌ టాస్‌ ఓడి తొలుత బ్యాటింగ్‌ చేసింది. తొలి రోజు 5 వికెట్ల నష్టానికి 310 పరుగులు చేసిన భారత్‌.. ఇవాళ (రెండో రోజు) మరో 264 పరుగులు జోడించి మిగతా 5 వికెట్లు కోల్పోయింది. తొలి రోజే సెంచరీ పూర్తి చేసిన గిల్‌.. ఇవాళ డబుల్‌ సెంచరీ సాధించాడు.భారత ఇన్నింగ్స్‌లో గిల్‌తో పాటు యశస్వి జైస్వాల్‌ (87), రవీంద్ర జడేజా (89), వాషింగ్టన్‌ సుందర్‌ (42) రాణించారు. గిల్‌.. జడేజాతో ఆరో వికెట్‌కు 203 పరుగులు , వాషింగ్టన్‌ సుందర్‌తో (42) ఏడో వికెట్‌కు 144 పరుగులు జోడించాడు.మిగతా భారత ఆటగాళ్లలో కేఎల్‌ రాహుల్‌ 2, కరుణ్‌ నాయర్‌ 31, రిషబ్‌ పంత్‌ 25, నితీశ్‌ కుమార్‌ రెడ్డి 1, ఆకాశ్‌దీప్‌ 6, సిరాజ్‌ 8, ప్రసిద్ద్‌ కృష్ణ 5 (నాటౌట్‌) పరుగులు చేశారు. ఇంగ్లండ్‌ బౌలర్లలో షోయబ్‌ బషీర్‌ 3, క్రిస్‌ వోక్స్‌, జోష్‌ టంగ్‌ తలో 2, బ్రైడన్‌ కార్స్‌, బెన్‌ స్టోక్స్‌, జో రూట్‌ చెరో వికెట్‌ పడగొట్టారు.కాగా, ఐదు మ్యాచ్‌ల టెస్ట్‌ సిరీస్‌ కోసం భారత్‌ ఇంగ్లండ్‌లో పర్యటిస్తున్న విషయం తెలిసిందే. లీడ్స్‌ వేదికగా జరిగిన తొలి మ్యాచ్‌లో భారత్‌ 5 వికెట్ల తేడాతో పరాజయంపాలైంది. చివరి రోజు వరకు ఉత్కంఠగా సాగిన ఆ మ్యాచ్‌లో భారత్‌ 371 పరుగుల భారీ లక్ష్యాన్ని కూడా కాపాడుకోలేకపోయింది. ఆ మ్యాచ్‌లో భారత తరఫున ఐదు శతకాలు నమోదైనా ప్రయోజనం లేకుండా పోయింది. తొలి ఇన్నింగ్స్‌లో జైస్వాల్‌ (101), గిల్‌ (147), పంత్‌ (134).. రెండో ఇన్నింగ్స్‌లో కేఎల్‌ రాహుల్‌ (137), పంత్‌ (118) శతకాలు చేశారు.

ఎడ్జ్‌బాస్టన్‌ వేదికగా ఇంగ్లండ్‌తో జరుగుతున్న రెండో టెస్ట్‌లో టీమిండియా కెప్టెన్‌ శుభ్‌మన్‌ గిల్‌ భారీ డబుల్‌ సెంచరీతో (266) చెలరేగి ఇన్నింగ్స్‌ను కొనసాగిస్తున్నాడు. రెండో రోజు లంచ్‌ తర్వాత గిల్‌ ఈ అరుదైన ఘనత సాధించాడు. గిల్‌కు టెస్ట్‌ల్లో ఇది తొలి డబుల్‌ సెంచరీ. ఈ మైలురాయిని గిల్‌ 311 బంతుల్లో చేరుకున్నాడు. ఈ డబుల్‌తో గిల్‌ పలు రికార్డులు సొంతం చేసుకున్నాడు.ఇంగ్లండ్‌ గడ్డపై టెస్ట్‌ల్లో డబుల్‌ సెంచరీ సాధించిన తొలి భారత కెప్టెన్‌గా.. సేనా దేశాల్లో (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) డబుల్‌ సెంచరీ సాధించిన తొలి ఆసియా కెప్టెన్‌గా..ఇంగ్లండ్‌లో డబుల్‌ సెంచరీ సాధించిన మూడో భారత ఆటగాడిగా.. ఇంగ్లండ్‌ గడ్డపై అత్యధిక స్కోర్‌ చేసిన భారత ఆటగాడిగా.. టెస్ట్‌ల్లో డబుల్‌ సెంచరీ సాధించిన ఆరో భారత కెప్టెన్‌గా.. విదేశాల్లో డబుల్‌ సెంచరీ సాధించిన రెండో భారత కెప్టెన్‌గా.. సేనా దేశాల్లో 250 పరుగుల మార్కు తాకిన తొలి భారత ఆటగాడిగా.. టెస్ట్‌ల్లో అత్యధిక స్కోర్‌ చేసిన భారత కెప్టెన్‌గా పలు రికార్డులు సాధించాడు.మ్యాచ్‌ విషయానికొస్తే.. గిల్‌ రికార్డు డబుల్‌ సెంచరీతో చెలరేగడంతో భారత్‌ ఇప్పటికే భారీ స్కోర్‌ చేసేసింది. డబుల్‌ సెంచరీ తర్వాత కూడా గిల్‌ జోరు కొనసాగుతుంది. 266 పరుగుల వద్ద గిల్‌ బ్యాటింగ్‌ను కొనసాగిస్తున్నాడు. అతనికి జతగా ఆకాశ్‌దీప్‌ (0) క్రీజ్‌లో ఉన్నాడు. టీ విరామం సమయానికి​ భారత్‌ స్కోర్‌ 565/7గా ఉంది.310/5 స్కోర్‌ వద్ద రెండో రోజు ఆట ప్రారంభించిన భారత్..‌ లంచ్‌ విరామానికి ముందు రవీంద్ర జడేజా (137 బంతుల్లో 89; 10 ఫోర్లు, సిక్సర్) వికెట్‌ కోల్పోయింది. 41 పరుగుల ఓవర్‌నైట్‌ స్కోర్‌తో రెండో రోజు ఆటను ప్రారంభించిన జడేజా గిల్‌తో అద్భుతమైన భాగస్వామ్యం నెలకొల్పి టీమిండియాను పటిష్ట స్థితికి చేర్చాడు. గిల్‌-జడేజా ఆరో వికెట్‌కు 203 పరుగులు జోడించారు. అనంతరం గిల్‌, వాషింగ్టన్‌ సుందర్‌తో (42) కలిసి ఏడో వికెట్‌కు 144 పరుగులు జోడించాడు. ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన భారత్‌ తొలి రోజు ఆటలో యశస్వి జైస్వాల్‌ (87), కేఎల్‌ రాహుల్‌ (2), కరుణ్‌ నాయర్‌ (31), రిషబ్‌ పంత్‌ (25), నితీశ్‌ కుమార్‌ రెడ్డి (1) వికెట్లు కోల్పోయింది. ఇంగ్లండ్‌ బౌలర్లలో క్రిస్‌ వోక్స్‌ 2 వికెట్లు తీయగా.. బ్రైడన్‌ కార్స్‌, బెన్‌ స్టోక్స్‌, షోయబ్‌ బషీర్‌, జోష్‌ టంగ్‌ తలో వికెట్‌ పడగొట్టారు.

ఎడ్జ్‌బాస్టన్‌ వేదికగా భారత్‌, ఇంగ్లండ్‌ మధ్య రెండో టెస్ట్‌ ఇవాళ (జులై 2) ప్రారంభమైంది. ఈ మ్యాచ్‌లో ఇంగ్లండ్‌ టాస్‌ గెలిచి తొలుత బౌలింగ్‌ ఎంచుకుంది. ఈ మ్యాచ్‌ కోసం భారత్‌ మూడు మార్పులు చేయగా.. ఇంగ్లండ్‌ తొలి టెస్ట్‌లో ఆడిన జట్టునే యధాతథంగా కొనసాగించింది.భారత్‌ తరఫున బుమ్రా స్థానంలో ఆకాశ్‌దీప్‌.. సాయి సుదర్శన్‌ స్థానంలో వాషింగ్టన్‌ సుందర్‌.. శార్దూల్‌ ఠాకూర్‌ స్థానంలో నితీశ్‌ కుమార్‌ రెడ్డి తుది జట్టులో చోటు దక్కించుకున్నారు.తొలుత బ్యాటింగ్‌ చేస్తున్న భారత్‌కు ఆదిలోనే భారీ షాక్‌ తగిలింది. ఇన్‌ ఫామ్‌ బ్యాటర్‌ కేఎల్‌ రాహుల్‌ 2 పరుగులకే ఔటై నిరాశపరిచాడు. క్రిస్‌ వోక్స్‌ బౌలింగ్‌లో రాహుల్‌ క్లీన్‌ బౌల్డ్‌ అయ్యాడు.రాహుల్‌ తర్వాత బరిలోకి దిగిన కరుణ్‌ నాయర్‌ కూడా తక్కువ స్కోర్‌కే (31) ఔటయ్యాడు. కరుణ్‌ వికెట్‌ బ్రైడన్‌ కార్స్‌కు దక్కింది.‌ ఈ మధ్యలో యశస్వి జైస్వాల్‌ హాఫ్‌ సెంచరీ పూర్తి చేసుకున్నాడు. జైస్వాల్‌కు టెస్ట్‌ల్లో ఇది 11వ అర్ద సెంచరీ. జైస్వాల్‌ తొలి టెస్ట్‌ తొలి ఇన్నింగ్స్‌లో సెంచరీతో చెలరేగిన విషయం తెలిసిందే.రాహుల్‌, కరుణ్‌ వికెట్లు కోల్పోయాక జాగ్రత్తగా ఆడిన జైస్వాల్‌, శుభ్‌మన్‌ గిల్‌ మూడో వికెట్‌కు 66 పరుగులు జోడించారు. ఈ దశలో జైస్వాల్‌ (107 బంతుల్లో 13 ఫోర్ల సాయంతో 87 పరుగులు) ఓ అనవసర షాట్‌ ఆడి వికెట్‌ పారేసుకున్నాడు. బెన్‌ స్టోక్స్‌ బౌలింగ్‌లో కట్‌ షాట్‌ ఆడే ప్రయత్నం చేయగా బంతి బాటమ్‌ ఎడ్జ్‌ తీసుకొని వికెట్‌కీపర్‌ జేమీ స్మిత్‌ చేతుల్లోకి వెళ్లింది.జైస్వాల్‌ ఔటయ్యాక శుభ్‌మన్‌ గిల్‌, రిషబ్‌ పంత్‌ కొద్ది సేపు జాగ్రత్తగా ఆడారు. వీరిద్దరు నాలుగో వికెట్‌కు 47 పరుగులు జోడించాక రిషబ్‌ పంత్‌ (25) షోయబ్‌ బషీర్‌ బౌలింగ్‌లో ఔటయ్యాడు. జాక్‌ క్రాలే అద్బుతమైన క్యాచ్‌ పట్టడంతో పంత్‌ పెవిలియన్‌ బాట పట్టాడు. అనంతరం క్రీజ్‌లోకి వచ్చిన నితీశ్‌ కుమార్‌ రెడ్డి (1) ఇలా వచ్చి అలా వెళ్లాడు. ఇతని వికెట్‌ వోక్స్‌కు దక్కింది. వోక్స్‌ బౌలింగ్‌లో నితీశ్‌ క్లీన్‌ బౌల్ట్‌ అయ్యాడు.211 పరుగులకే 5 వికెట్లు కోల్పోయి కష్టాల్లో ఉన్న టీమిండియాను గిల్‌, రవీంద్ర జడేజా గట్టెక్కించే ప్రయత్నం చేశారు. వీరిద్దరు ఆరో వికెట్‌కు 99 పరుగులు జోడించి ఇన్నింగ్స్‌లను కొనసాగిస్తున్నారు. గిల్‌ 114, రవీంద్ర జడేజా 41 పరుగులతో క్రీజ్‌లో ఉన్నారు. 85 ఓవర్ల తర్వాత టీమిండియా స్కోర్‌ 310/5గా ఉంది.

ఎడ్జ్‌బాస్టన్‌ వేదికగా భారత్‌, ఇంగ్లండ్‌ మధ్య రెండో టెస్ట్‌ ఇవాళ (జులై 2) ప్రారంభమైంది. ఈ మ్యాచ్‌లో ఇంగ్లండ్‌ టాస్‌ గెలిచి తొలుత బౌలింగ్‌ ఎంచుకుంది. ఈ మ్యాచ్‌ కోసం భారత్‌ మూడు మార్పులు చేయగా.. ఇంగ్లండ్‌ తొలి టెస్ట్‌లో ఆడిన జట్టునే యధాతథంగా కొనసాగించింది. భారత్‌ తరఫున బుమ్రా స్థానంలో ఆకాశ్‌దీప్‌.. సాయి సుదర్శన్‌ స్థానంలో వాషింగ్టన్‌ సుందర్‌.. శార్దూల్‌ ఠాకూర్‌ స్థానంలో నితీశ్‌ కుమార్‌ రెడ్డి తుది జట్టులో చోటు దక్కించుకున్నారు.తొలుత బ్యాటింగ్‌ చేస్తున్న భారత్‌కు ఆదిలోనే భారీ షాక్‌ తగిలింది. ఇన్‌ ఫామ్‌ బ్యాటర్‌ కేఎల్‌ రాహుల్‌ 2 పరుగులకే ఔటై నిరాశపరిచాడు. క్రిస్‌ వోక్స్‌ బౌలింగ్‌లో రాహుల్‌ క్లీన్‌ బౌల్డ్‌ అయ్యాడు.రాహుల్‌ తర్వాత బరిలోకి దిగిన కరుణ్‌ నాయర్‌ కూడా తక్కువ స్కోర్‌కే (31) ఔటయ్యాడు. కరుణ్‌ వికెట్‌ బ్రైడన్‌ కార్స్‌కు దక్కింది.‌ ఈ మధ్యలో యశస్వి జైస్వాల్‌ హాఫ్‌ సెంచరీ పూర్తి చేసుకున్నాడు. జైస్వాల్‌కు టెస్ట్‌ల్లో ఇది 11వ అర్ద సెంచరీ. జైస్వాల్‌ తొలి టెస్ట్‌ తొలి ఇన్నింగ్స్‌లో సెంచరీతో చెలరేగిన విషయం తెలిసిందే.రాహుల్‌, కరుణ్‌ వికెట్లు కోల్పోయాక జాగ్రత్తగా ఆడిన జైస్వాల్‌, శుభ్‌మన్‌ గిల్‌ మూడో వికెట్‌కు 66 పరుగులు జోడించారు. ఈ దశలో జైస్వాల్‌ (107 బంతుల్లో 13 ఫోర్ల సాయంతో 87 పరుగులు) ఓ అనవసర షాట్‌ ఆడి వికెట్‌ పారేసుకున్నాడు. బెన్‌ స్టోక్స్‌ బౌలింగ్‌లో కట్‌ షాట్‌ ఆడే ప్రయత్నం చేయగా బంతి బాటమ్‌ ఎడ్జ్‌ తీసుకొని వికెట్‌కీపర్‌ జేమీ స్మిత్‌ చేతుల్లోకి వెళ్లింది.జైస్వాల్‌ ఔటయ్యాక శుభ్‌మన్‌ గిల్‌, రిషబ్‌ పంత్‌ కొద్ది సేపు జాగ్రత్తగా ఆడారు. వీరిద్దరు నాలుగో వికెట్‌కు 47 పరుగులు జోడించాక రిషబ్‌ పంత్‌ (25) షోయబ్‌ బషీర్‌ బౌలింగ్‌లో ఔటయ్యాడు. జాక్‌ క్రాలే అద్బుతమైన క్యాచ్‌ పట్టడంతో పంత్‌ పెవిలియన్‌ బాట పట్టాడు. అనంతరం క్రీజ్‌లోకి వచ్చిన నితీశ్‌ కుమార్‌ రెడ్డి (1) ఇలా వచ్చి అలా వెళ్లాడు. ఇతని వికెట్‌ వోక్స్‌కు దక్కింది. వోక్స్‌ బౌలింగ్‌లో నితీశ్‌ క్లీన్‌ బౌల్ట్‌ అయ్యాడు.211 పరుగులకే 5 వికెట్లు కోల్పోయి కష్టాల్లో ఉన్న టీమిండియాను గిల్‌, రవీంద్ర జడేజా గట్టెక్కించే ప్రయత్నం చేస్తున్నారు. వీరిద్దరు ఆరో వికెట్‌కు 59 పరుగులు జోడించి ఇన్నింగ్స్‌లను కొనసాగిస్తున్నారు. గిల్‌ 86, రవీంద్ర జడేజా 30 పరుగులతో క్రీజ్‌లో ఉన్నారు. 76 ఓవర్ల తర్వాత టీమిండియా స్కోర్‌ 270/5గా ఉంది.

ఎడ్జ్‌బాస్టన్‌ వేదికగా భారత్‌, ఇంగ్లండ్‌ మధ్య రెండో టెస్ట్‌ ఇవాళ (జులై 2) ప్రారంభమైంది. ఈ మ్యాచ్‌లో ఇంగ్లండ్‌ టాస్‌ గెలిచి తొలుత బౌలింగ్‌ ఎంచుకుంది. ఈ మ్యాచ్‌ కోస​ం భారత్‌ మూడు మార్పులు చేయగా.. ఇంగ్లండ్‌ తొలి టెస్ట్‌లో ఆడిన జట్టునే యధాతథంగా కొనసాగించింది. భారత్‌ తరఫున బుమ్రా స్థానంలో ఆకాశ్‌దీప్‌.. సాయి సుదర్శన్‌ స్థానంలో వాషింగ్టన్‌ సుందర్‌.. శార్దూల్‌ ఠాకూర్‌ స్థానంలో నితీశ్‌ కుమార్‌ రెడ్డి తుది జట్టులో చోటు దక్కించుకున్నారు.తొలుత బ్యాటింగ్‌ చేస్తున్న భారత్‌కు ఆదిలోనే భారీ షాక్‌ తగిలింది. ఇన్‌ ఫామ్‌ బ్యాటర్‌ కేఎల్‌ రాహుల్‌ 2 పరుగులకే ఔటై నిరాశపరిచాడు. క్రిస్‌ వోక్స్‌ బౌలింగ్‌లో రాహుల్‌ క్లీన్‌ బౌల్డ్‌ అయ్యాడు. రాహుల్‌ తర్వాత బరిలోకి దిగిన కరుణ్‌ నాయర్‌ కూడా తక్కువ స్కోర్‌కే (31) ఔటయ్యాడు. ఈ వికెట్‌ బ్రైడన్‌ కార్స్‌కు దక్కింది.‌ 11వ హాఫ్‌ సెంచరీఈ మధ్యలో యశస్వి జైస్వాల్‌ హాఫ్‌ సెంచరీ పూర్తి చేసుకున్నాడు. జైస్వాల్‌కు టెస్ట్‌ల్లో ఇది 11వ అర్ద సెంచరీ. జైస్వాల్‌ తొలి టెస్ట్‌ తొలి ఇన్నింగ్స్‌లో సెంచరీతో చెలరేగిన విషయం తెలిసిందే. రాహుల్‌, కరుణ్‌ వికెట్లు కోల్పోయాక జాగ్రత్తగా ఆడిన జైస్వాల్‌, శుభ్‌మన్‌ గిల్‌ మూడో వికెట్‌కు 66 పరుగులు జోడించాడు.పాపం​ జైస్వాల్‌ఈ దశలో జైస్వాల్‌ ఓ అనవసర షాట్‌ ఆడి వికెట్‌ పారేసుకున్నాడు. బెన్‌ స్టోక్స్‌ బౌలింగ్‌లో కట్‌ షాట్‌ ఆడే ప్రయత్నం చేయగా బంతి బాటమ్‌ ఎడ్జ్‌ తీసుకొని వికెట్‌కీపర్‌ జేమీ స్మిత్‌ చేతుల్లోకి వెళ్లింది. వికెట్‌ తీసిన ఆనందంలో స్టోక్స్‌ సంబరాలు చేసుకోగా.. జైస్వాల్‌ క్రీజ్‌లో అలాగే ఉండిపోయాడు. ఈ ఇన్నింగ్స్‌లో జైస్వాల్‌ చాలా సార్లు కట్‌ షాట్లు ఆడే ప్రయత్నం​ చేసి విఫలమయ్యాడు. చివరికి అదే షాట్‌ ఆడి వికెట్‌ పారేసుకున్నాడు. జైస్వాల్‌ 107 బంతుల్లో 13 ఫోర్ల సాయంతో 87 పరుగులు చేసి పెవిలియన్‌ బాట పట్టాడు. జైస్వాల్‌ సెంచరీకి ముందు ఔట్‌ కావడంతో టీమిండియా అభిమానులు నిరాశపడ్డారు. పాపం జైస్వాల్‌ అంటూ సోషల్‌మీడియా వేదికగా సానుభూతిని వ్యక్తం చేస్తున్నారు.50 ఓవర్ల తర్వాత టీమిండియా స్కోర్‌ 170/3గా ఉంది. శుభ్‌మన్‌ గిల్‌ 38, రిషబ్‌ పంత్‌ 6 పరుగులతో క్రీజ్‌లో ఉన్నారు.కాగా, ఐదు మ్యాచ్‌ల టెస్ట్‌ సిరీస్‌ కోసం భారత్‌ ఇంగ్లండ్‌లో పర్యటిస్తుంది. లీడ్స్‌ వేదికగా జరిగిన తొలి మ్యాచ్‌లో భారత్‌ 5 వికెట్ల తేడాతో పరాజయంపాలైంది. చివరి రోజు వరకు ఉత్కంఠగా సాగిన ఆ మ్యాచ్‌లో భారత్‌ 371 పరుగుల భారీ లక్ష్యాన్ని కూడా కాపాడుకోలేకపోయింది.

టీమిండియా ఓపెనర్‌గా శిఖర్‌ ధావన్‌ (Shikhar Dhawan) తనకంటూ ప్రత్యేక గుర్తింపు సంపాదించుకున్నాడు. రోహిత్‌ శర్మ (Rohit Sharma)తో కలిసి భారత ఇన్నింగ్స్‌ ఆరంభించిన ఈ లెఫ్టాండర్‌.. ఎన్నో విజయాల్లో కీలక పాత్ర పోషించాడు. ముఖ్యంగా వన్డేల్లో అత్యుత్తమంగా రాణించాడు. తన కెరీర్‌లో మొత్తంగా 167 వన్డేలు ఆడిన గబ్బర్‌ 6793 పరుగులు సాధించాడు.అయితే, నయా స్టార్లు శుబ్‌మన్‌ గిల్‌, ఇషాన్‌ కిషన్‌ (Ishan Kishan)ల రాకతో టీమిండియాలో ధావన్‌ స్థానం ప్రశ్నార్థకమైంది. ఈ ఇద్దరు ఓపెనర్లుగా పాతుకుపోవడంతో పాటు.. వీరికి తోడు యశస్వి జైస్వాల్‌, రుతురాజ్‌ గైక్వాడ్‌ కూడా రేసులోకి వచ్చారు. ఫలితంగా ధావన్‌ను సెలక్టర్లు పట్టించుకోవడమే మానేశారు.ఈ క్రమంలో 2022లో టీమిండియా తరఫున చివరగా ఆడిన శిఖర్‌ ధావన్‌.. రెండేళ్ల పాటు పునరాగమనం కోసం ఎదురుచూశాడు. కానీ యువ ఆటగాళ్ల జోరు ముందు నిలవలేక గతేడాది ఆగష్టులో అన్ని ఫార్మాట్ల క్రికెట్‌కు వీడ్కోలు పలికాడు.అతడి డబుల్‌ సెంచరీ.. నా కెరీర్‌కు ముగింపుతాజాగా ఈ విషయాల గురించి శిఖర్‌ ధావన్‌ స్పందించాడు. బంగ్లాదేశ్‌ మీద ఇషాన్‌ కిషన్‌ డబుల్‌ సెంచరీ బాదినపుడే తన కెరీర్‌ ముగింపు దశకు వచ్చిందని భావించినట్లు తెలిపాడు. ఈ మేరకు.. ‘‘నేను చాలాసార్లు ఫిఫ్టీలు బాదాను. ఎన్నోసార్లు డెబ్బైలలో అవుటయ్యాను.వాటిని సెంచరీలుగా మలచడంలో విఫలమయ్యాను. ఎప్పుడైతే ఇషాన్‌ కిషన్‌ బంగ్లాదేశ్‌తో వన్డేలో 200 పరుగులు చేశాడో.. అప్పుడే నా కెరీర్‌ ముగింపునకు వచ్చేసిందని నా మనసు చెప్పింది. నా అంతరాత్మ చెప్పినట్లే జరిగింది.ఆ సమయంలో నా స్నేహితులు, శ్రేయోభిలాషులు నా గురించి చాలా ఫీలయ్యారు. నేనెక్కడ బాధపడిపోతానో అని నన్ను కనిపెట్టుకుని ఉన్నారు. కానీ నేను మాత్రం జీవితాన్ని ఆస్వాదించడం మొదలుపెట్టాను’’ అని హిందుస్తాన్‌ టైమ్స్‌కు ఇచ్చిన ఇంటర్వ్యూలో శిఖర్‌ ధావన్‌ పేర్కొన్నాడు. కాగా డబుల్‌ సెంచరీ వీరుడు ఇషాన్‌ కిషన్‌ కూడా అనతికాలంలోనే క్రమశిక్షణా రాహిత్యం వల్ల జట్టులో చోటుతో పాటు.. సెంట్రల్‌ కాంట్రాక్టు కూడా కోల్పోవడం గమనార్హం. మరోవైపు.. గిల్‌ మాత్రం నిలకడైన ఆటతో టీమిండియా టెస్టు కెప్టెన్‌గా ఎదిగాడు.ఒక్కరూ మాట్లాడలేదుఇక జట్టులో స్థానం కోల్పోయిన తర్వాత ఒక్కరు కూడా తనను మళ్లీ కాంటాక్టు చేయలేదని ఈ సందర్భంగా ధావన్‌ చెప్పుకొచ్చాడు. ‘‘జట్టులో చోటు కోల్పోవడం సాధారణ విసయమే. పద్నాలుగేళ్ల వయసు నుంచే మాకు ఇది అలవాటు అవుతుంది.అంతేకాదు ఎవరి బిజీలో వాళ్లుంటారు. పర్యటనల్లో బిజీబిజీగా గడుపుతూ ఉంటారు. అయితే, ద్రవిడ్‌ భాయ్‌ మాత్రం ఆ సమయంలో నాతో మాట్లాడాడు. ఆయన నాకు మెసేజ్‌ చేశారు’’ అని ధావన్‌ తెలిపాడు. కాగా శిఖర్‌ ధావన్‌ ప్రస్తుతం లీగ్‌ క్రికెట్‌ ఆడుతున్నాడు. నేపాల్‌ ప్రీమియర్‌ లీగ్‌లో, లెజెండ్స్‌ లీగ్‌ క్రికెట్‌లోనూ అతడు భాగమవుతున్నాడు.చదవండి: చరిత్ర సృష్టించిన భారత బ్యాటర్‌.. తొలి ప్లేయర్‌గా ప్రపంచ రికార్డు

గత ఐపీఎల్‌ సీజన్‌ మెగా వేలంలో రూ. 27 కోట్ల ధర దక్కించుకొని, ఐపీఎల్‌ చరిత్రలోనే అత్యంత ఖరీదైన ఆటగాడిగా చరిత్ర సృష్టించిన లక్నో సూపర్‌ జెయింట్స్‌ సారధి రిషబ్‌ పంత్‌ మరోసారి వేలం బరిలోకి దిగనున్నాడు. ఈసారి పంత్‌ ఢిల్లీ ప్రీమియర్‌ లీగ్‌ వేలంలో తన అదృష్టాన్ని పరీక్షించుకోనున్నాడు. జులై 6, 7 తేదీల్లో న్యూఢిల్లీలో జరుగబోయే డీపీఎల్‌ వేలంలో పంత్‌ పేరు నమోదు చేసుకున్నట్లు జోరుగా ప్రచారం జరుగుతుంది. పంత్‌ డీపీఎల్‌ ఆడేందుకు గతంలో తన ఇష్టాన్ని వ్య‍క్తం చేశాడు. పంత్‌ డీపీఎల్‌ ఎంట్రీ విషయాన్ని డీడీసీఏకు (ఢిల్లీ అండ్‌ డిస్ట్రిక్ట్‌ క్రికెట్‌ అసోసియేషన్‌) చెందిన ఓ కీలక అధికారి బహిర్గతం చేశాడు. పంత్‌తో పాటు ఐపీఎల్‌ 2025 సంచలనాలు ప్రియాంశ్‌ ఆర్య (పంజాబ్‌ కింగ్స్‌), దిగ్వేశ్‌ రాఠీ (లక్నో సూపర్‌ జెయింట్స్‌) కూడా డీపీఎల్‌ వేలంలో పాల్గొననున్నారు. ఈ ముగ్గురితో పాటు మరో ఏడుగురు ఐపీఎల్‌ స్టార్లు (ఇషాంత్ శర్మ, ఆయుష్ బదోని, హర్షిత్ రాణా, హిమ్మత్ సింగ్, సుయాష్ శర్మ, మయాంక్ యాదవ్, అనూజ్ రావత్) కూడా డీపీఎల్‌ 2025 వేలం బరిలో ఉండనున్నారు. ప్రియాంశ్‌ ఆర్య, దిగ్వేశ్‌ రాఠీ గత డీపీఎల్‌ సీజన్‌లో సంచలనాలు సృష్టించి ఐపీఎల్‌లోకి ఎంట్రీ ఇచ్చారు. ఈ ఇద్దరూ ఐపీఎల్‌లోనూ ఇరగదీసి తమకు గుర్తింపునిచ్చిన డీపీఎల్‌ బరిలో మళ్లీ నిలువనున్నారు.కొత్తగా రెండు ఫ్రాంచైజీలుగతేడాదే పురుడుపోసుకున్న డీపీఎల్‌ రాబోయే ఎడిషన్‌లో మరో రెండు కొత్త జట్లను పరిచయం చేస్తుంది. తొలి ఎడిషన్‌లో (2024) ఆరు జట్లతో జరిగిన డీపీఎల్‌ ఈసారి ఎనిమిది జట్లతో సాగనుంది. కొత్త జట్ల వివరాలను డీడీసీఏ అధ్యక్షుడు రోహన్‌ జైట్లీ ఇవాళ వెల్లండించారు. ఇందులో ఓ జట్టు పేరు ఔటర్‌ ఢిల్లీ కాగా.. మరో జట్టు పేరు న్యూఢిల్లీ. ఔటర్‌ ఢిల్లీని సవిత పెయింట్స్‌ ప్రైవేట్‌ లిమిటెడ్‌ వారు రూ.10.6 కోట్లకు కొనుగోలు చేయగా.. న్యూఢిల్లీ ఫ్రాంచైజీని భీమా టోలింగ్‌ అండ్‌ ట్రాఫిక్‌ సొల్యూషన్స్‌ ప్రైవేట్‌ లిమిటెడ్‌ మరియు క్రేయాన్‌ అడ్వర్టైజ్‌మెంట్‌ సంస్థలు రూ.9.2 కోట్లకు దక్కించుకున్నాయి.డీపీఎల్‌ తొలి ఎడిషన్‌లో సెంట్రల్ ఢిల్లీ కింగ్స్, ఈస్ట్ ఢిల్లీ రైడర్స్, నార్త్ ఢిల్లీ స్ట్రైకర్స్, పురానీ దిల్లీ 6, సౌత్ ఢిల్లీ సూపర్ స్టార్జ్, వెస్ట్ ఢిల్లీ లయన్స్ జట్లు పాల్గొన్నాయి. గత ఎడిషన్‌లో ఈస్ట్ ఢిల్లీ రైడర్స్ ఛాంపియన్‌గా నిలిచింది. ఫైనల్లో ఆ జట్టు సౌత్ ఢిల్లీ సూపర్ స్టార్జ్‌ను ఓడించి విజేతగా అవతరించింది. గత సీజన్‌లో సౌత్ ఢిల్లీ సూపర్ స్టార్జ్ ఊహలకందని విధంగా 20 ఓవర్లలో 308 పరుగులు చేసి ఔరా అనిపించింది. ఆ సీజన్‌లో ఇలాంటి ప్రదర్శనలు ఎన్నో నమోదయ్యాయి. గత సీజన్‌లో ప్రియాంశ్‌ ఆర్య రెండు సెంచరీలు నమోదు చేశాడు. ఆయుశ్‌ బదోని ఓసారి శతక్కొట్టాడు. గత సీజన్‌ సూపర్‌ సక్సెస్‌ కావడంతో ఈ సీజన్‌పై భారీ అంచనాలు ఉన్నాయి. డీపీఎల్‌ మహిళల విభాగంలోనూ జరుగుతుంది.

ప్రస్తుతం భారత క్రికెట్‌ మొత్తం ఇంగ్లండ్‌ చుట్టూ తిరుగుతుంది. పురుషులు, మహిళలు, దివ్యాంగులు.. ఇలా విభాగంతో సంబంధం లేకుండా భారత క్రికెటర్లంతా ఇంగ్లండ్‌లో పర్యటిస్తున్నారు. భారత పురుషుల సీనియర్‌ జట్టు ఇంగ్లండ్‌తో ఐదు మ్యాచ్‌ల టెస్ట్‌ సిరీస్‌ ఆడుతుండగా.. భారత పురుషుల అండర్‌-19 జట్టు ఇంగ్లండ్‌ అండర్‌-19 జట్టుతో ఐదు మ్యాచ్‌ల యూత్‌ వన్డే సిరీస్‌ ఆడుతుంది. భారత సీనియర్‌ మహిళల జట్టు కూడా ఇంగ్లండ్‌లోనే ఉంది. ఈ పర్యటనలో భారత జట్టు ఐదు టీ20లు, మూడు వన్డేలు ఆడనుంది. పురుషులు, మహిళల జట్లే కాక, భారత పురుషుల దివ్యాంగ జట్టు కూడా ఇంగ్లండ్‌లో పర్యటిస్తుంది. ఈ జట్టు ఇంగ్లండ్‌ దివ్యాంగ టీమ్‌తో ఏడు మ్యాచ్‌ల టీ20 సిరీస్‌ ఆడుతుంది. ఇదే కాక చాలామంది భారత పురుష క్రికెటర్లు ఇంగ్లండ్‌లో కౌంటీ క్రికెట్‌ ఆడుతున్నారు. టీమిండియా యువ ఆటగాళ్లు రుతురాజ్‌ గైక్వాడ్‌, తిలక్‌ వర్మ, ఇషాన్‌ కిషన్‌, ఖలీల్‌ అహ్మద్‌ వేర్వేరు జట్ల తరఫున కౌంటీ ఛాంపియన్‌షిప్‌ ఆడుతున్నారు. వీరిలో తిలక్‌ వర్మ, ఇషాన్‌ కిషన్‌ తమ కౌంటీ అరంగేట్రంలోనే సెంచరీలు చేసి అదరగొట్టగా.. మిగతా ఇద్దరు తమ తొలి మ్యాచ్‌లు ఆడాల్సి ఉంది.పైన పేర్కొన్న జట్లు, ఆటగాళ్లే కాక ప్రస్తుతం మరో భారత స్థానిక జట్టు కూడా ఇంగ్లండ్‌లో పర్యటిస్తుంది. ముంబై క్రికెట్‌ అసోసియేషన్‌ తమ ఎమర్జింగ్‌ జట్టును ఇంగ్లండ్‌కు పంపింది. ఈ జట్టు ప్రస్తుతం నాట్స్‌ సెకెండ్‌ 11తో మ్యాచ్‌ ఆడుతుంది. ఈ మ్యాచ్‌లో టీమిండియా యువ ఆటగాడు సర్ఫరాజ్‌ ఖాన్‌ సోదరుడు ముషీర్‌ ఖాన్‌ సెంచరీతో అదరగొట్టాడు. ముషీర్‌ 127 బంతుల్లో 14 ఫోర్ల సాయంతో సెంచరీ పూర్తి చేశాడు. ముషీర్‌ సెంచరీ చేసిన విషయాన్ని ముంబై క్రికెట్‌ అసోసియేషన్‌కు చెందిన ఓ అధికారి సోషల్‌మీడియాలో పోస్ట్‌ చేశాడు.HUNDRED FOR MUSHEER KHAN 🇮🇳- Mumbai Cricket Association has sent the Emerging players to UK and they are currently playing against Notts 2nd 11, A great work by MCA for Developing the young stars. pic.twitter.com/lFkqecQ37n— Johns. (@CricCrazyJohns) June 30, 2025ఇదిలా ఉంటే, ప్రస్తుతం ఇంగ్లండ్‌ పర్యటనలో ఉన్న అన్ని భారత క్రికెట్‌ జట్లలో ఒక్క భారత సీనియర్‌ పురుషుల జట్టు మినహా అన్ని జట్లు సక్సెస్‌ చూశాయి. భారత సీనియర్‌ పురుషుల జట్టు ఇంగ్లండ్‌తో జరిగిన తొలి టెస్ట్‌లో ఓటమిపాలు కాగా.. అండర్‌-19 జట్టు తొలి వన్డేలో ఇంగ్లండ్‌ను మట్టికరిపించింది. మరోవైపు భారత సీనియర్‌ మహిళల జట్టు తొలి టీ20లో ఇంగ్లండ్‌ను చిత్తు చేయగా.. భారత పురుషుల దివ్యాంగుల జట్టు ప్రతిష్టాత్మక లార్డ్స్‌ మైదానంలో ఇంగ్లండ్‌ను ఓడించింది.ప్రస్తుతం ఇంగ్లండ్‌లో పర్యటిస్తున్న భారత ఆటగాళ్లలో చాలామంది శతకాలు చేశారు. సీనియర్‌ పురుషుల జట్టులో జైస్వాల్‌, గిల్‌, రాహుల్‌, పంత్‌ (2).. సీనియర్‌ మహిళల జట్టులో స్మృతి మంధన.. కౌంటీల్లో​ తిలక్‌ వర్మ, ఇషాన్‌ కిషన్‌.. తాజాగా ముషీర్‌ ఖాన్‌ శతకాలతో హోరెత్తించారు. ముషీర్‌ ఖాన్‌ ఇటీవల ముగిసిన ఐపీఎల్‌లో పంజాబ్‌ కింగ్స్‌కు ప్రాతినిథ్యం వహించాడు. అయితే ఈ సీజన్‌లో అతనికి పెద్దగా అవకాశాలు రాలేదు. ముషీర్‌ దేశవాలీ సీజన్‌లో అన్న సర్ఫరాజ్‌ ఖాన్‌తో పోటీపడి పరుగులు సాధిస్తున్నాడు. అన్నదమ్ములిద్దరూ ముంబై జట్టుకే ఆడతారు. సర్ఫరాజ్‌ ఇటీవల ఇంగ్లండ్‌ లయన్స్‌పై తృటిలో సెంచరీ చేజార్చుకుప్పటికీ.. టీమిండియా ఇంట్రా స్క్వాడ్‌ మ్యాచ్‌లో మెరుపు సెంచరీ చేశాడు. అయినా అతనికి భారత జట్టు నుంచి పిలుపు రాలేదు.

జులై 2వ తేదీ నుంచి బర్మింగ్హమ్‌ వేదికగా టీమిండియాతో జరుగబోయే రెండో టెస్ట్‌ కోసం ఇంగ్లండ్‌ తుది జట్టును ఇవాళ (జూన్‌ 30) ప్రకటించారు. ఈ మ్యాచ్‌లో ఇంగ్లండ్‌ తొలి టెస్ట్‌లో ఆడిన జట్టునే యథాతథంగా కొనసాగించింది. రెండో టెస్ట్‌ కోసం ప్రత్యేకంగా ఎంపిక చేసిన స్టార్‌ పేసర్‌ జోఫ్రా ఆర్చర్‌కు తుది జట్టులో చోటు దక్కలేదు. తొలి టెస్ట్‌లో రాణించిక పోయినా ఇంగ్లండ్‌ మేనేజ్‌మెంట్‌ క్రిస్‌ వోక్స్‌పై నమ్మకం ఉంచింది. అతనితో పాటు జోష్‌ టంగ్‌, బ్రైడన్‌ కార్స్‌ను కొనసాగించింది. నాలుగో పేసర్‌గా కెప్టెన్‌ బెన్‌ స్టోక్స్‌ వ్యవహరించనున్నాడు. స్పెషలిస్ట్‌ స్పిన్నర్‌గా షోయబ్‌ బషీర్‌ కొనసాగనున్నాడు. బ్యాటింగ్‌ విభాగంలో జాక్‌ క్రాలే, బెన్‌ డకెట్‌, ఓలీ పోప్‌,జో రూట్‌, హ్యారీ బ్రూక్‌ తమ యధా స్థానాల్లో బరిలోకి దిగనున్నారు. వికెట్‌కీపర్‌గా జేమీ స్మిత్‌ వ్యవహరించనున్నాడు.రెండో టెస్ట్‌ జులై 2న భారతకాలమానం ప్రకారం మధ్యాహ్నం 3:30 గంటలకు ప్రారంభం కానుంది. ఐదు మ్యాచ్‌ల ఈ టెస్ట్‌ సిరీస్‌లో ఇంగ్లండ్‌ 1-0 ఆధిక్యంలో కొనసాగుతుంది. లీడ్స్‌ వేదికగా జరిగిన తొలి టెస్ట్‌లో ఇంగ్లండ్‌ 5 వికెట్ల తేడాతో విజయం సాధించింది. చివరి రోజు వరకు ఉత్కంఠగా సాగిన ఈ మ్యాచ్‌లో భారత్‌ 371 పరుగుల భారీ లక్ష్యాన్ని కూడా కాపాడుకోలేక పరాజయంపాలైంది.ఛేదనలో బెన్‌ డకెట్‌ (149) సూపర్‌ సెంచరీ చేసి ఇంగ్లండ్‌ను గెలిపించాడు. జాక్‌ క్రాలే (65), జో రూట్‌ (53 నాటౌట్‌), బెన్‌ స్టోక్స్‌ (33), జేమీ స్మిత్‌ (44 నాటౌట్‌) తలో చేయి వేశారు. భారత బౌలర్లు సెకెండ్‌ ఇన్నింగ్స్‌లో ఇంగ్లండ్‌ బ్యాటర్లను ఏమాత్రం కట్టడి చేయలేకపోయారు. ఇంగ్లండ్‌ బ్యాటర్లు భారత బౌలర్లను సునాయాసంగా ఎదుర్కొని పరుగులు చేశారు. ప్రసిద్ద్‌ కృష్ణ, శార్దూల్‌ ఠాకూర్‌ తలో 2 వికెట్లు తీసినా ధారాళంగా పరుగులు సమర్పించుకున్నారు. అనుభవజ్ఞుడైన స్పిన్నర్‌ రవీంద్ర జడేజాది కూడా అదే పరిస్థితి.ఈ మ్యాచ్‌లో భారత బ్యాటర్లు రెండు ఇన్నింగ్స్‌ల్లో అద్బుతంగా ఆడారు. అయినా సెకెండ్‌ ఇన్నింగ్స్‌లో బౌలర్లు ప్రభావం చూపలేకపోవడంతో టీమిండియాకు ఓటమి తప్పలేదు. ఈ మ్యాచ్‌లో భారత్‌ తరఫున ఐదు శతకాలు నమోదైన ప్రయోజనం లేకుండా పోయింది. తొలి ఇన్నింగ్స్‌లో జైస్వాల్‌ (101), గిల్‌ (147), పంత్‌ (134) సెంచరీలు చేశారు. రెండో ఇన్నింగ్స్‌లో కేఎల్‌ రాహుల్‌ (137), పంత్‌ (118) శతకాలు చేశారు. ఇంగ్లండ్‌ తరఫున తొలి ఇన్నింగ్స్‌లో ఓలీ పోప్‌ (106) సెంచరీ చేయగా.. హ్యారీ బ్రూక్‌ (99) తృటిలో ఆ అవకాశాన్ని చేజార్చుకున్నాడు. తొలి ఇన్నింగ్స్‌లో బుమ్రా 5 వికెట్ల ప్రదర్శన చేసినప్పటికీ ఇంగ్లండ్‌ భారీ స్కోర్ చేసింది.టీమిండియాతో రెండో టెస్ట్‌ కోసం ఇంగ్లండ్‌ తుది జట్టు..జాక్ క్రాలే, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (కెప్టెన్), జేమీ స్మిత్ (వికెట్ కీపర్), క్రిస్ వోక్స్, బ్రైడాన్ కార్స్, జోష్ టంగ్, షోయబ్ బషీర్

14 ఏళ్ల భారత యువ చిచ్చరపిడుగు వైభవ్‌ సూర్యవంశీ ఇంగ్లండ్‌ గడ్డపై మరోసారి రెచ్చిపోయాడు. ఇంగ్లండ్‌ అండర్‌ 19 జట్టుతో ఇవాళ (జూన్‌ 30) జరుగుతున్న మ్యాచ్‌లో మరో మెరుపు ఇన్నింగ్స్‌ ఆడాడు. తొలి వన్డేలో 19 బంతుల్లో 3 ఫోర్లు, 5 సిక్సర్ల సాయంతో 48 పరుగులు చేసిస వైభవ్‌.. రెండో వన్డేలో 34 బంతుల్లో 5 ఫోర్లు, 3 సిక్సర్ల సాయంతో 45 పరుగులు చేసి ఔటయ్యాడు. వైభవ్‌ వరుసగా రెండు మ్యాచ్‌ల్లో అర్హమైన హాఫ్‌ సెంచరీలను మిస్‌ చేసుకున్నాడు. మరోవైపు వైభవ్‌తో పాటు ఇన్నింగ్స్‌ను ప్రారంభించిన మరో ఐపీఎల్‌ సంచలన ఆయుశ్‌ మాత్రే ఈ మ్యాచ్‌లో నిరాశపరిచాడు. మాత్రే తానెదుర్కొన్న తొలి బంతికే డకౌటయ్యాడు (గోల్డెన్‌ డక్‌). మాత్రే వైభవ్‌ తరహాలో కాకపోయినా తొలి వన్డేలో పర్వాలేదనిపించాడు. ఆ మ్యాచ్‌లో అతను 30 బంతులు ఎదుర్కొని 4 ఫోర్ల సాయంతో 21 పరుగులు చేశాడు.రెండో వన్డే విషయానికొస్తే.. ఇంగ్లండ్‌ టాస్‌ గెలిచి భారత్‌ను తొలుత బ్యాటింగ్‌కు ఆహ్వానించింది. అధికారికంగా తొలి బంతికే ఆయుశ్‌ మాత్రే (0) వికెట్‌ కోల్పోయిన భారత్‌.. ఆతర్వాత కుదురుకుంది. వైభవ్‌ సూర్యవంశీ (45), విహాన్‌ మల్హోత్రా (49), చవ్డా (22), అభిగ్యాన్‌ కుందు (32), రాహుల్‌ కుమార్‌ (47), కనిష్క్‌ చౌహాన్‌ (45) రాణించడంతో ఓ మోస్తరుకు మించి భారీ స్కోర్‌ చేసింది. అయితే చివరి వరుస ఆటగాళ్లు వెంటవెంటనే ఔట్‌ కావడంతో భారత్‌ ఇన్నింగ్స్‌ 49 ఓవర్లలో 290 పరుగుల వద్ద ముగిసింది (ఆలౌట్‌). ఇంగ్లండ్‌ బౌలర్లలో ఫ్రెంచ్‌ 4 వికెట్లు పడగొట్టగా.. జాక్‌ హోమ్‌, అలెక్స్‌ గ్రీన్‌ తలో 3 వికెట్లు తీశారు. కాగా, భారత అండర్‌-19 జట్టు 5 వన్డేలు, 2 టెస్ట్‌ మ్యాచ్‌ల కోసం ఇంగ్లండ్‌లో పర్యటిస్తుంది. నాటింగ్హమ్‌ వేదికగా ప్రస్తుతం రెండో వన్డే జరుగుతుండగా.. హోవ్‌లో జరిగిన తొలి వన్డేలో భారత్‌ ఇంగ్లండ్‌పై 6 వికెట్ల తేడాతో ఘన విజయం సాధించింది. ఆ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ 42.2 ఓవర్లలో 174 పరుగులకే కుప్పకూలగా.. భారత్‌ కేవలం 24 ఓవర్లలోనే లక్ష్యాన్ని ఛేదించింది. ఈ పర్యటనలో భారత జట్టుకు ఆయుశ్‌ మాత్రే సారథ్యం వహిస్తున్నాడు.

నాటింగ్హమ్‌ వేదికగా నిన్న (జూన్‌ 28) జరిగిన తొలి టీ20లో ఇంగ్లండ్‌పై భారత మహిళల క్రికెట్‌ జట్టు 97 పరుగుల తేడాతో ఘన విజయం సాధించింది. ఈ గెలుపుతో భారత్‌ ఐదు మ్యాచ్‌ల సిరీస్‌లో 1-0 ఆధిక్యంలోకి వెళ్లింది. ఈ మ్యాచ్‌లో స్మృతి మంధన విధ్వంసకర శతకం (62 బంతుల్లో 15 ఫోర్లు, 3 సిక్సర్ల సాయంతో 112 పరుగులు) సాధించి టీమిండియాను గెలిపించింది. ఈ సెంచరీతో మంధన మూడు ఫార్మాట్లలో శతకాలు చేసిన తొలి భారత మహిళా ప్లేయర్‌గా చరిత్ర సృష్టించింది. మంధన కేవ‌లం 51 బంతుల్లోనే సెంచ‌రీ మార్క్‌ను అందుకుంది. తద్వారా మహిళల టీ20ల్లో ఐదో ఫాస్టెస్ట్‌ సెంచరీని, భారత్‌ తరఫున రెండో ఫాస్టెస్ట్‌ సెంచరీని (హర్మన్‌-49 బంతుల్లో) నమోదు చేసింది.ఈ మ్యాచ్‌లో తొలుత బ్యాటింగ్‌ చేసిన భారత్‌.. మంధన శతక్కొట్టడంతో నిర్ణీత 20 ఓవర్లలో 5 వికెట్ల నష్టానికి 210 పరుగులు చేసింది. అనంతరం 211 పరుగుల భారీ లక్ష్యాన్ని ఛేదించేందుకు బరిలోకి దిగిన ఇంగ్లండ్‌.. భార‌త బౌల‌ర్ల ధాటికి కేవ‌లం 113 ప‌రుగులకే ఆలౌటైంది. భార‌త బౌల‌ర్ల‌లో క‌డ‌ప‌ అమ్మాయి శ్రీచ‌ర‌ణీ నాలుగు వికెట్లతో స‌త్తాచాటింది. ఆమెతో పాటు దీప్తీ శర్మ, రాధా యాదవ్ తలో రెం‍డు వికెట్లు సాధించారు. ఇంగ్లండ్ బ్యాటర్లలో కెప్టెన్ సీవర్ బ్రంట్‌(66) టాప్ స్కోరర్‌గా నిలిచింది.ఓటమి బాధలో ఉన్న ఇంగ్లండ్‌కు మరో షాక్‌ఓటమి బాధలో ఉన్న ఇంగ్లండ్‌కు మరో షాక్‌ తగిలింది. స్లో ఓవర్‌ రేట్‌ కారణంగా ఆ జట్టు మ్యాచ్‌ ఫీజ్‌లో 10 శాతం జరిమానాగా విధించబడింది. నిర్ణీత సమయంలోగా ఇంగ్లండ్‌ రెండు ఓవర్లు వెనుకపడింది. ఓవర్‌కు 5 శాతం చొప్పున ఐసీసీ 10 శాతం మ్యాచ్‌ ఫీజ్‌ను జరిమానాగా విధించింది. ఐసీసీ కోడ్‌ ఆఫ్‌ కాండక్ట్‌లో ఇది ఆర్టికల్‌ 2.22 నిబంధన ఉల్లంఘన కిందికి వస్తుంది. ఐసీసీ జరిమానాను ఇంగ్లండ్‌ కెప్టెన్‌ నాట్‌ సీవర్‌ బ్రంట్‌ స్వీకరించింది. ఇంగ్లండ్‌ జట్టులోకి సభ్యులందరికీ ఈ జరిమానా వర్తిస్తుంది.కాగా, ఇంగ్లండ్‌ మహిళల టీ20 క్రికెట్‌ చరిత్రలో ఇదే అతి పెద్ద ఓటమి. టీ20ల్లో ఇంగ్లండ్‌పై 200 ప్లస్‌ స్కోర్‌ చేసిన రెండో జట్టుగా భారత్‌ రికార్డుల్లోకెక్కింది. రెండో టీ20 బ్రిస్టల్‌ వేదికగా జులై 1న జరుగనుంది.

భారత దివ్యాంగుల క్రికెట్‌ జట్టు (మిక్స్‌డ్‌) చారిత్రక లార్డ్స్‌ మైదానంలో ఆతిథ్య ఇంగ్లండ్‌ జట్టును 2 వికెట్ల తేడాతో చిత్తు చేసింది. ఉత్కంఠభరితంగా సాగిన ఈ మ్యాచ్‌లో భారత్‌ చివరి ఓవర్‌లో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 20 ఓవర్లలో 9 వికెట్ల నష్టానికి 123 పరుగులు చేసింది. అంగస్‌ బ్రౌన్‌ (47 బంతుల్లో 77; 5 ఫోర్లు, 5 సిక్సర్లు) మెరుపు అర్ద శతకంతో చెలరేగాడు. భారత బౌలర్లలో వివేక్‌ కుమార్‌, కెప్టెన్‌ రవీంద్ర సంటే తలో వికెట్లు తీశారు.అనంతరం బరిలోకి దిగిన భారత్‌.. ఓపెనర్‌ రాజేశ్‌ ఇరప్పా కున్నూర్‌ (29), సాయి ఆకాశ్‌ (34 బంతుల్లో 44) సత్తా చాటడంతో 19.1 ఓవర్లలో 8 వికెట్లు కోల్పోయి లక్ష్యాన్ని ఛేదించింది. ఈ గెలుపుతో భారత్‌ ఏడు మ్యాచ్‌ల సిరీస్‌లో ఇంగ్లండ్‌ ఆధిక్యాన్ని 1-2కు తగ్గించింది. దీనికి ముందు జరిగిన రెండు మ్యాచ్‌ల్లో ఇంగ్లండ్‌ విజయం సాధించింది. క్రికెట్‌ మక్కాగా పిలువబడే లార్డ్స్‌ మైదానంలో ఇది తొలి దివ్యాంగుల అంతర్జాతీయ క్రికెట్‌ మ్యాచ్‌. ఈ గెలుపును భారత దివ్యాంగుల జట్టు 1983 వరల్డ్‌కప్‌ గెలిచిన భారత జట్టుకు అంకితమిచ్చింది.ఈ మ్యాచ్‌ జూన్‌ 25న జరిగింది. 42 ఏళ్ల క్రితం సరిగ్గా ఇదే రోజు లార్డ్స్‌ మైదానంలో కపిల్‌ డెవిల్స్‌ వెస్టిండీస్‌ను చిత్తు చేసి తొలిసారి జగజ్జేతగా అవతరించింది. జూన్‌ 25ను వరల్డ్‌ మిక్స్‌డ్‌ డిజేబులిటీ డేగా (World Mixed Disability Day) జరుపుకున్నారు.

ఇటీవలికాలంలో టీమిండియా పేసు గుర్రం జస్ప్రీత్‌ బుమ్రా ప్రస్తావన వచ్చే సరికి వర్క్‌ లోడ్‌ అన్న పదం వినిపిస్తుంది. చాలామందికి ఈ పదం చాలా సాధారణంగా అనిపించవచ్చు. క్రికెట్‌పై పెద్దగా అవగాహన లేని వారు.. ఈ ఇంత దానికే వర్క్‌ లోడ్‌ అంటే ఎలా అని అంటుంటారు. గతంలో చాలామంది పేసర్లు బుమ్రా కంటే ఎక్కువ మ్యాచ్‌లు ఆడి, లెక్కలేనన్ని ఓవర్లు వేశారని గుర్తు చేస్తుంటారు.అయితే అప్పటి క్రికెట్‌కు, ఇప్పటి క్రికెట్‌కు పోల్చుకోలేని వ్యత్యాసం ఉందన్న విషయం వారికి అర్దం కాదు. అప్పట్లో పేసర్లు టెస్ట్‌ మ్యాచ్‌లు, అప్పుడప్పుడు వన్డేలు ఆడేవారు. అది కూడా ఏడాదిలో కొంతకాలం మాత్రమే. అయితే పొట్టి క్రికెట్‌ ఆగమనంతో పరిస్థితి చాలా మారింది. ఏడాది పొడవునా ఏదో ఒక ఫార్మాట్‌లో మ్యాచ్‌లు జరుగుతుంటాయి. మధ్యలో ప్రైవేట్‌ లీగ్‌లు, ఖాళీగా ఉంటే దేశవాలీ మ్యాచ్‌లు ఆడాల్సి ఉంటుంది.ఇలాంటి పరిస్థితుల్లో పేస్‌ బౌలర్లపై సహజంగానే పని భారం ఉంటుంది. శరీరం పెద్దగా సహకరించదు. ఒకవేళ ధైర్యం చేసి బరిలోకి దిగినా గాయాలు తప్పవు. గాయాల బారిన పడితే కొన్ని సందర్భాల్లో అర్దంతరంగా కెరీర్‌లే ముగిసిపోతాయి. కెరీర్‌ ముగిస్తే సదరు బౌలర్‌ జీవితం​ కూడా ముగిసినట్లే. ఇవన్నీ చూసుకొనే పేసర్లు ఆచితూచి మ్యాచ్‌లు ఆడుతుంటారు. సంబంధిత క్రికెట్‌ బోర్డులు కూడా ఈ విషయాన్ని దృష్టిలో పెట్టుకొనే వారిని ఎంపిక చేస్తుంటారు. బుమ్రా సహా ప్రపంచ క్రికెట్‌లో పేసర్లందరి విషయంలోనూ ఇదే జరుగుతుంది. అయితే, గత ఏడాదిన్నర కాలంగా మిగతా పేసర్లతో పోలిస్తే బుమ్రాపై అదనపు పని భారం పడుతుంది. టెస్ట్‌ల్లో ప్రపంచ ప్రఖ్యాత పేసర్లు మిచెల్‌ స్టార్క్‌ (362), కగిసో రబాడ (298) వంటి వారు 2024 నుంచి గరిష్టంగా 362 ఓవర్లు వేస్తే, బుమ్రా ఏకంగా 410 ఓవర్లు వేశాడు. ఈ గణాంకాలు చేస్తే చాలు బుమ్రాపై ఎంత పని భారం పడుతుందో చెప్పడానికి.టీమిండియా బుమ్రాపై అతిగా ఆధారపడుతూ, అతనిచే సామర్థ్యానికి మించి బౌలింగ్‌ చేయిస్తుంది. ఇదే కొనసాగితే బుమ్రా ఎక్కువ కాలం క్రికెట్‌ ఆడే అవకాశం ఉండదు. వర్క్‌ లోడ్‌ ఎక్కువై గాయాల బారిన పడి, బుమ్రా కెరీర్‌ అర్దంతరంగా ముగిసే ప్రమాదం ఉంది. ఇది దృష్టిలో పెట్టుకొనే భారత మేనేజ్‌మెంట్‌ బుమ్రాను పరిమితంగా వినియోగించుకుంటుంది. ఇంగ్లండ్‌ టూర్‌లో కేవలం మూడు మ్యాచ్‌లే ఆడించాలని నిర్ణయించుకుంది.బుమ్రా గురించి ఆలోచిస్తే ఇది ఓకే. మరి టీమిండియా ప్రదర్శన మాటేంటి అన్న ప్రశ్న ఉత్పన్నమవుతుంది. గత కొంతకాలంగా టెస్ట్‌ల్లో బుమ్రా లేకపోతే టీమిండియా సున్నా అన్న విషయం ప్రత్యేకించి చెప్పక్కర్లేదు. ఇది తెలిసి కూడా బీసీసీఐ బుమ్రాకు ప్రత్యామ్నాయాన్ని తయారు చేసుకోలేకపోతుంది. బుమ్రా ఒక్కడు ఎంత వరకు చేయగలడని మాజీలు చాలాకాలంగా ప్రశ్నిస్తూనే ఉన్నారు. బుమ్రా రాణించకపోతే టీమిండియా పరిస్థితి ఏంటన్నది తాజాగా ముగిసిన లీడ్స్‌ టెస్ట్‌ సూచిస్తుంది. ఆ మ్యాచ్‌లో బుమ్రా తొలి ఇన్నింగ్స్‌లో ఐదు వికెట్లు తీసినా, రెండో ఇన్నింగ్స్‌లో ప్రభావం చూపలేకపోవడంతో టీమిండియా ఓటమిపాలైంది. ఇకనైనా భారత్‌ బుమ్రాపై అతిగా ఆధారపడకుండా, ప్రత్యామ్నాయాలను చూసుకోవాలి.

ఐదు మ్యాచ్‌ల టెస్ట్‌ సిరీస్‌ కోసం ఇంగ్లండ్‌లో పర్యటిస్తున్న టీమిండియా జులై 2 నుంచి బర్మింగ్హమ్‌ వేదికగా రెండో టెస్ట్‌ ఆడుతుంది. ఈ మ్యాచ్‌కు ముందు టీమిండియాకు భారీ షాక్‌ తగిలినట్లు తెలుస్తుంది. స్టార్‌ పేసర్‌ జస్ప్రీత్‌ బుమ్రా ఈ మ్యాచ్‌ నుంచి వైదొలిగాడని వార్తలు వినిపిస్తున్నాయి. వర్క్‌ లోడ్‌ మేనేజ్‌మెంట్‌లో భాగంగా జట్టు యాజమాన్యమే ఈ నిర్ణయం తీసుకున్నట్లు తెలుస్తుంది.బుమ్రా తాజాగా ముగిసిన లీడ్స్‌ టెస్ట్‌లో 44 ఓవర్లు బౌలింగ్‌ చేశాడు. ఇది అతనిపై అదనపు భారం పడేలా చేసిందని మేనేజ్‌మెంట్‌ భావిస్తుంది. దీంతో అతనికి రెండో టెస్ట్‌లో విశ్రాంతినిచ్చి, తిరిగి మూడో టెస్ట్‌లో బరిలోకి దించే అవకాశం ఉంది. ఈ సిరీస్‌ ప్రారంభానికి ముందే బుమ్రా అన్ని మ్యాచ్‌లు ఆడడని బీసీసీఐ పరోక్షంగా చెప్పింది. వర్క్‌ లోడ్‌ కారణంగా స్టార్‌ పేసర్‌ కేవలం మూడు మ్యాచ్‌లే ఆడతాడని బోర్డులోని కీలక సభ్యులంతా చెప్పారు.తొలి టెస్ట్‌కు, రెండో టెస్ట్‌కు మధ్య 8 రోజుల గ్యాప్‌ ఉండటంతో బుమ్రా రెండో టెస్ట్‌లో ఆడతాడని అంతా అనుకున్నారు. ఒకవేళ విశ్రాంతినిచ్చినా, చివరి మూడు టెస్ట్‌ల్లో ఉంటుందని అంచనా వేశారు. అయితే తొలి టెస్ట్‌లో పడిన అదనపు భారం కారణంగా బుమ్రా విషయంలో ప్రణాళికలు మారాయని తెలుస్తుంది. బుమ్రా విషయంలో బీసీసీఐ ఎలాంటి సాహసాలు చేసేందుకు సిద్దంగా ఉండదు. జులై 10 నుంచి లార్డ్స్‌లో జరిగే మూడో టెస్ట్‌కు బుమ్రా సిద్దంగా ఉండే అవకాశం ఉంది. 16 రోజుల గ్యాప్‌లో బుమ్రా పూర్తి సన్నద్దత సాధించవచ్చు.రెండో టెస్ట్‌లో బుమ్రా ఆడకపోతే సిరాజ్‌ భారత పేస్‌ విభాగానికి నాయకత్వం వహిస్తాడు. ఇప్పటికే తొలి టెస్ట్‌ కోల్పోయి సిరీస్‌లో వెనుకపడిన టీమిండియాకు ఇది అంత శుభపరిణాయం కాదు. తొలి టెస్ట్‌లో బుమ్రా మినహా పేసర్లంతా తేలిపోయారు. తొలి ఇన్నింగ్స్‌లో ఐదు వికెట్లు తీసిన బుమ్రా కూడా రెండో ఇన్నింగ్స్‌లో ప్రభావం చూపించలేకపోయాడు. రెండో టెస్ట్‌లో బుమ్రా ఆడినా, ఆడకపోయిన భారత బౌలింగ్‌ విభాగంలో భారీ మార్పులకు ఆస్కారం ఉంది.ఒకవేళ బుమ్రా ఆడకపోతే ఆకాశ్‌దీప్‌, అర్షదీప్‌ సింగ్‌లలో ఎవరో ఒకరికి అవకాశం దక్కుతుంది. బుమ్రా ఆడకుండా, తొలి టెస్ట్‌లో ధారాళంగా పరుగులు సమర్పించుకున్న ప్రసిద్ద్‌ కృష్ణపై కూడా వేటు పడితే ఆకాశ్‌దీప్‌, అర్షదీప్‌ సింగ్‌ ఇద్దరికీ తుది జట్టులో చోటు దక్కుతుంది. తొలి టెస్ట్‌లో ఏమాత్రం ప్రభావం చూపించలేకపోయిన శార్దూల్‌ ఠాకూర్‌పై కూడా వేటు పడే అవకాశం ఉంది. అతని స్థానంలో రిస్ట్‌ స్పిన్నర్‌ కుల్దీప్‌ యాదవ్‌ను తుది జట్టులోకి తీసుకోవచ్చు. బ్యాటింగ్‌ విభాగం​లో భారత్‌ ఎలాంటి సాహసాలు చేయకపోవచ్చు.పూర్తి లైనప్‌ను యధాతథంగా కొనసాగించే అవకాశం ఉంది. తొలి టెస్ట్‌లో సాయి సుదర్శన్‌, కరుణ్‌ నాయర్‌ విఫలమైన వారికి మరో ఛాన్స్‌ తప్పక ఉంటుంది. టీమిండియా విషయాన్ని పక్కన పెడితే ఇంగ్లండ్‌ రెండో టెస్ట్‌ కోసం​ జట్టును ప్రకటించింది. ప్రమాదకర పేసర్‌ జో​ఫ్రా ఆర్చర్‌ నాలుగేళ్ల తర్వాత టెస్ట్‌ ఫార్మాట్‌లోకి రీఎంట్రీ ఇచ్చాడు.

ఇంగ్లండ్‌ చేతిలో తొలి టెస్ట్‌లో (హెడింగ్లే) ఓడిన టీమిండియా పలు చెత్త రికార్డులను మూటగట్టుకుంది. ఇందులో ప్రధానమైనవి రెండున్నాయి. మొదటిది.. ఈ మ్యాచ్‌లో భారత ఆటగాళ్లు ఐదు సెంచరీలు చేసినా టీమిండియా ఓటమిపాలవ్వడం​. రెండోది.. టీమిండియా హ్యాట్రిక్‌ పరాజయాలు (టెస్ట్‌ల్లో) సహా చివరి 9 మ్యాచ్‌ల్లో ఒకే ఒక మ్యాచ్‌ గెలవడం. టెస్ట్‌ క్రికెట్‌ చరిత్రలో టీమిండియాకు ముందు జింబాబ్వే మాత్రమే ఈ చెత్త రికార్డును మూటగట్టుకుంది. ఆఫ్ఘనిస్తాన్‌, బంగ్లాదేశ్‌, ఐర్లాండ్‌ లాంటి చిన్న జట్లు కూడా వారాడిన చివరి 9 మ్యాచ్‌ల్లో కనీసం రెండైనా గెలిచాయి. సౌతాఫ్రికా అయితే టెంబా బవుమా సారథ్యంలో చివరి 9 మ్యాచ్‌ల్లో ఏకంగా ఎనిమిదింట గెలిచింది.మరో ఆసక్తికర విషయం ఏంటంటే.. జింబాబ్వే చివరి 9 మ్యాచ్‌ల్లో ఒకటే గెలిచినా, రెండు మ్యాచ్‌లు డ్రా అయినా చేసుకుంది. ఆరింట మాత్రమే ఓడింది. టీమిండియా అయితే ఒకటి గెలిచి, మరో మ్యాచ్‌ మాత్రమే డ్రా చేసుకొని, ఏకంగా ఏడింట ఓటమిపాలైంది. ఈ లెక్కన భారత్‌ను జింబాబ్వే సరసన అనడానికి కూడా వీళ్లేదు.డ్రా అయినా చేసుకోవాల్సింది..!తాజాగా ఇంగ్లండ్‌తో జరిగిన మ్యాచ్‌ను భారత్‌ కనీసం డ్రా అయినా చేసుకొని ఉండాల్సింది. ఈ మ్యాచ్‌లో టీమిండియా గెలవాల్సిన పరిస్థితి నుంచి ఓటమిని కొని తెచ్చుకుంది. ఆటగాళ్ల స్వయంకృతాపరాధాలే భారత్‌ ఓటమికి కారణం. బౌలర్ల వైఫల్యం, ఫీల్డర్లు క్యాచ్‌లు జారవిడచడం టీమిండియా కొంపముంచాయి.ఈ మ్యాచ్‌లో భారత్‌ 5 వికెట్ల తేడాతో పరాజయంపాలైంది. తొలి ఇన్నింగ్స్‌లో 471, రెండో ఇన్నింగ్స్‌లో 364 పరుగులు చేసినా టీమిండియాకు పరాభవం తప్పలేదు. భారత​ బౌలర్లు 371 పరుగుల భారీ లక్ష్యాన్ని కూడా కాపాడుకోలేకపోయారు.ఛేదనలో బుమ్రా సహా భారత బౌలర్లంతా తేలిపోయారు. మ్యాచ్‌ మొత్తంలో భారత ఫీల్డర్లు ఏకంగా ఏడు క్యాచ్‌లు నేలపాలు చేసింది. జైస్వాల్‌ ఒక్కడే నాలుగు క్యాచ్‌లు జారవిడిచాడు. భారీ లక్ష్య ఛేదనలో బెన్‌ డకెట్‌ అద్భుతమైన సెంచరీ చేసి ఇంగ్లండ్‌ను గెలిపించాడు. రెండో టెస్ట్‌ జులై 2 నుంచి బర్మింగ్హమ్‌ వేదికగా జరుగనుంది.టీమిండియా చివరిగా ఆడిన 9 టెస్ట్‌ల వివరాలు..ఇంగ్లండ్‌తో- ఓటమి (టెండూల్కర్‌-ఆండర్సన్‌ ట్రోఫీ 2025)ఆస్ట్రేలియాతో-ఓటమి (బోర్డర్‌-గవాస్కర్‌ ట్రోఫీ 2024-25)ఆస్ట్రేలియాతో-ఓటమి (బోర్డర్‌-గవాస్కర్‌ ట్రోఫీ 2024-25)ఆస్ట్రేలియాతో-డ్రా (బోర్డర్‌-గవాస్కర్‌ ట్రోఫీ 2024-25)ఆస్ట్రేలియాతో-ఓటమి (బోర్డర్‌-గవాస్కర్‌ ట్రోఫీ 2024-25)ఆస్ట్రేలియాతో-విజయం (బోర్డర్‌-గవాస్కర్‌ ట్రోఫీ 2024-25)న్యూజిలాండ్‌తో-ఓటమి (స్వదేశంలో 3 మ్యాచ్‌ల టెస్ట్‌ సిరీస్‌ 2024)న్యూజిలాండ్‌తో-ఓటమి (స్వదేశంలో 3 మ్యాచ్‌ల టెస్ట్‌ సిరీస్‌ 2024)న్యూజిలాండ్‌తో-ఓటమి (స్వదేశంలో 3 మ్యాచ్‌ల టెస్ట్‌ సిరీస్‌ 2024)

టీమిండియా స్టార్‌ క్రికెటర్‌ రింకూ సింగ్‌ (Rinku Singh) కొత్త ప్రయాణం ఆరంభించబోతున్నాడు. ఉత్తరప్రదేశ్‌ విద్యా శాఖ విభాగంలో అతడు ఉద్యోగం చేరనున్నాడు. అలీగఢ్‌కు చెందిన రింకూ సింగ్‌ పేద కుటుంబంలో జన్మించాడు.పేద కుటుంబంతన తండ్రి ఇంటింటికి గ్యాస్‌ సిలిండర్లు వేస్తూ కుటుంబాన్ని పోషించగా.. ఆయన బాధ్యతల్లో భాగం పంచుకునేందుకు రింకూ చిరు ఉద్యోగాలు చేశాడు. ఒకానొక సమయంలో స్వీపర్‌గానూ పనిచేసేందుకు వెనకాడలేదని వార్తలు వచ్చాయి. అయితే, కష్టాల సుడిగుండంలో చిక్కుకుపోయినా.. క్రికెటర్‌గా ఎదగాలన్న రింకూ తన కలను సాకారం చేసుకునేందుకు అహర్నిషలు శ్రమించాడు.పట్టుదలతో టీమిండియా స్టార్‌గాదేశవాళీ క్రికెట్‌లో యూపీ తరఫున సత్తా చాటిన రింకూ సింగ్‌ దశ.. ఐపీఎల్‌తో మారిపోయింది. కోల్‌కతా నైట్‌ రైడర్స్‌ అతడిని కొనుగోలు చేసి.. ఆరంభంలో పక్కకుపెట్టినా.. ఆ తర్వాత వరుస అవకాశాలు ఇచ్చింది. ఈ క్రమంలో 2018లో ఐపీఎల్‌లో అరంగేట్రం చేసిన ఈ ఎడమచేతి వాటం బ్యాటర్‌.. అద్భుత ఆట తీరుతో అలరించాడు.ఈ నేపథ్యంలో టీమిండియా సెలక్టర్లు రింకూపై నమ్మకం ఉంచి 2023లో ఐర్లాండ్‌ పర్యటనకు వెళ్లే భారత జట్టులో చోటిచ్చారు. అలా రింకూ అంతర్జాతీయ క్రికెట్‌లో అడుగుపెట్టాడు. అదే ఏడాది వన్డేల్లోనూ ఎంట్రీ ఇచ్చాడు. రింకూ ఇప్పటికి భారత్‌ తరఫున 33 టీ20 మ్యాచ్‌లు ఆడి 546 పరుగులు, రెండు వన్డేల్లో కలిపి 55 పరుగులు సాధించాడు.రూ. 13 కోట్లకు రిటైన్‌ఇక ఐపీఎల్‌-2025 మెగా వేలానికి ముందు కోల్‌కతా ఫ్రాంఛైజీ రింకూను తమ మొదటి ప్రాధాన్య ఆటగాడిగా.. ఏకంగా రూ. 13 కోట్లకు రిటైన్‌ చేసుకుంది. క్యాష్‌ రిచ్‌ లీగ్‌లో ఇప్పటికి 58 మ్యాచ్‌లు పూర్తి చేసుకున్న రింకూ 1099 పరుగులు చేశాడు.స్కూల్‌డ్రాపౌట్‌? ఇలా క్రికెట్‌ రంగంలో సేవలు అందిస్తూ.. రాష్ట్రానికి పేరు తీసుకువస్తున్న రింకూను ఉద్యోగంతో సత్కరించాలని ఉత్తరప్రదేశ్‌ ప్రభుత్వం భావించింది. ఈ క్రమంలో ఇంటర్నేషనల్‌ మెడల్‌ విన్నర్స్‌ డైరెక్ట్‌ రిక్రూట్‌మెంట్‌-2022 పథకం ప్రకారం అతడిని జిల్లా ప్రాథమిక విద్యా అధికారి (BSA) నియమించేందుకు సిద్ధమైంది. ఇందుకు సంబంధించిన ప్రక్రియను రాష్ట్ర ప్రభుత్వం ఇప్పటికే మొదలుపెట్టినట్లు తెలుస్తోంది. స్థానిక మీడియా ఇందుకు సంబంధించిన కథనాలు ఇచ్చింది. కాగా ఇంటర్నెట్‌లో అందుబాటులో ఉన్న సమాచారం ప్రకారం.. రింకూ తొమ్మిదో తరగతిలో చేరకముందే డ్రాపౌట్‌ అయినట్లు తెలుస్తోంది.ఎంపీతో నిశ్చితార్థంఇక వ్యక్తిగత జీవితంలోనూ రింకూ సింగ్‌ కొత్త ప్రయాణానికి సిద్ధమయ్యాడు. లోక్‌సభ ఎంపీ ప్రియా సరోజ్‌తో మూడేళ్ల ప్రేమను పెళ్లి పీటల వరకు తీసుకువచ్చాడు. ఈ ఏడాది జూన్‌ 8న ప్రియసఖి వేలికి ఉంగరం తొడిగి నిశ్చితార్థం చేసుకున్న రింకూ.. ఈ ఏడాది నవంబరులో లేదంటే వచ్చే ఏడాది ఫిబ్రవరిలో వివాహ బంధంలోకి అడుగుపెట్టనున్నాడు.చదవండి: తప్పుడు వ్యక్తులతో స్నేహం.. అప్పుడు అతడు తప్పు ఎవరూ మాట్లాడలేదు: పృథ్వీ షా

టీమిండియా హెడ్‌ కోచ్‌గా గౌతమ్‌ గంభీర్‌ గతేడాది టీ20 వరల్డ్‌కప్‌ తర్వాత (2024, జూన్‌) బాధ్యతలు చేపట్టాడు. రాహుల్‌ ద్రవిడ్‌ నుంచి గంభీర్‌ బాధ్యతలు స్వీకరించాడు. ద్రవిడ్‌ ఆథ్వర్యంలో భారత్‌ టీ20 వరల్డ్‌ ఛాంపియన్‌గా అవతరించింది. ద్రవిడ్‌ వారసుడిగా అప్పటికే కేకేఆర్‌కు ఐపీఎల్‌ టైటిల్‌ (మెంటార్‌) అందించిన గంభీర్‌ రావడంతో టీమిండియాపై అంచనాలు భారీగా పెరిగాయి. మూడు ఫార్మాట్లలో భారత్‌కు తిరుగుండదని అందరూ భావించారు.అయితే అంచనాలు తారుమారయ్యాయి. గంభీర్‌ ఆథ్వర్యంలో టీమిండియా టెస్ట్‌ల్లో దారుణంగా విఫలమవుతూ వస్తుంది. టీమిండియా హెడ్‌ కోచ్‌గా గంభీర్‌ రెండు వరుస విజయాలతో తన ప్రయాణాన్ని మొదలుపెట్టాడు. తొలి రెండు విజయాలు బంగ్లాదేశ్‌పై సాధించినవి కావడంతో వాటికి అంత ప్రాముఖ్యత దక్కలేదు.అయితే గంభీర్‌కు అసలు పరీక్ష మూడో టెస్ట్‌ నుంచి మొదలైంది. భారత్‌ స్వదేశంలో ఇంగ్లండ్‌ చేతిలో వరుసగా మూడు టెస్ట్‌ల్లో ఓడింది. ఇక్కడి నుంచే గంభీర్‌పై విమర్శలు ప్రారంభమయ్యాయి. అయితే ఆ తర్వాతి మ్యాచ్‌లో భారత్‌ ఆస్ట్రేలియాను ఓడించడంతో గంభీర్‌ విజయ ప్రస్తానం మొదలైందని అంతా అనుకున్నారు. అయితే గంభీర్‌ విజయ పరంపర కేవలం ఆ ఒక్క మ్యాచ్‌కే పరిమితమైంది. బోర్డర్‌ గవాస్కర్‌ ట్రోఫీలో భాగంగా జరిగిన రెండో టెస్ట్‌లో భారత్‌ ఆస్ట్రేలియా చేతిలో పరాజయంపాలైంది. ఐదు మ్యాచ్‌ల ఈ సిరీస్‌లో మూడో టెస్ట్‌ డ్రా కాగా.. నాలుగు, ఐదు మ్యాచ్‌ల్లో టీమిండియా వరుసగా పరాజయాలు చవిచూసింది.తాజాగా ఇంగ్లండ్‌ చేతిలో ఓటమితో భారత్‌ గంభీర్‌ ఆథ్వర్యంలో హ్యాట్రిక్‌ పరాజయాలను మూటగట్టుకుంది. గంభీర్‌ టీమిండియా హెడ్‌ కోచ్‌గా ఉండగా.. భారత్‌ 11 టెస్ట్‌ మ్యాచ్‌ల్లో కేవలం​ మూడే విజయాలు సాధించింది. ఒకటి డ్రా చేసుకొని, ఏకంగా ఏడింట పరాజయాలు ఎదుర్కొంది. వరుస వైఫల్యాల నేపథ్యంలో గంభీర్‌పై విమర్శలు ధాటి బాగా పెరిగింది. ద్రవిడ్‌ హయాంలో వరుస విజయాలతో దూసుకుపోయిన టీమిండియా.. గంభీర్‌ వచ్చాక అదఃపాతాళానికి పడిపోయిందని భారత క్రికెట్‌ అభిమానులే అంటున్నారు. గంభీర్‌ వచ్చాక టీమిండియాలో రాజకీయాలు ఎక్కువయ్యాయని, అందుకే ఈ పరాజయాలు పరంపర అని మరికొందరు అభిప్రాయపడుతున్నారు.గంభీర్‌ తన తీరును మార్చుకోకపోతే టీమిండియా ఇంగ్లండ్‌లో వైట్‌వాష్‌ తప్పదని జోస్యం చెబుతున్నారు. గంభీర్‌ రాజకీయాలు మాని జట్టును గెలుపు బాట పట్టించడంపై దృష్టి సారించాలని సూచిస్తున్నారు. గంభీర్‌ ఇదే ధోరణిని కొనసాగిస్తే.. భారత్‌కు టెస్ట్‌ క్రికెట్‌ చరిత్రలో అతి పెద్ద పరాజయాలు పరంపర తప్పదని హెచ్చరిస్తున్నారు. 1967-68లో భారత్‌ వరుసగా ఏడు మ్యాచ్‌ల్లో పరాజయాలు ఎదుర్కొంది. ఇప్పటికే హ్యాట్రిక్‌ పరాజయాలు ఎదుర్కొన్న భారత్‌.. ఇంగ్లండ్‌ చేతిలో వైట్‌ వాష్‌ అయితే ఆ రికార్డును సమం చేస్తుంది. ప్రస్తుతం టీమిండియా గంభీర్‌ ఆథ్వర్యంలో గత 9 మ్యాచ్‌ల్లో ఒకే విజయం సాధించి, మరో అపవాదును మూటగట్టుకుంది.

ఇంగ్లండ్‌ పర్యటన కోసం టీమిండియా బ్యాకప్‌ పేసర్‌గా ఎంపికైన హర్షిత్‌ రాణాను బీసీసీఐ వెనక్కు పిలిచినట్లు తెలుస్తుంది. హర్షిత్‌ను వెంటనే స్వదేశానికి తిరిగి రావాలని బీసీసీఐ ఆదేశించినట్లు సమాచారం. ఈ మేరకు భారత మేనేజ్‌మెంట్‌ రెండో టెస్ట్‌ మ్యాచ్‌కు ముందు హర్షిత్‌ను రిలీజ్‌ చేసినట్లు తెలుస్తుంది. రెండో టెస్ట్‌ కోసం బర్మింగ్హమ్‌కు పయనమైన భారత జట్టుతో పాటు హర్షిత్‌ లేడని టైమ్స్‌ ఆఫ్‌ ఇండియా తెలిపింది. వాస్తవానికి హర్షిత్‌ ఇంగ్లండ్‌ పర్యటన కోసం తొలుత ప్రకటించిన భారత జట్టులో లేడు. సుదీర్ఘంగా సాగే పర్యటన కావడంతో పేస్‌ బౌలర్లు గాయపడే అవకాశం ఉందని హెడ్‌ కోచ్‌ గంభీర్‌ ముందు జాగ్రత్త చర్యగా హర్షిత్‌ పేరును సిఫార్సు చేశాడు. దీంతో తొలి టెస్ట్‌ ప్రారంభానికి ముందు హర్షిత్‌ హుటాహుటిన ఇంగ్లండ్‌కు పయనమయ్యాడు. అయితే తాజా పరిస్థితుల ప్రకారం బ్యాకప్‌ పేసర్‌ అవసరం లేదని భారత మేనేజ్‌మెంట్‌ భావిస్తున్నట్లు తెలుస్తుంది. జట్టులోని పేసర్లంతా ఫిట్‌గా ఉన్నారని సమాచారం. అందుకే మేనేజ్‌మెంట్‌ హర్షిత్‌ను బీసీసీఐకి సరెండర్‌ చేసినట్లు తెలుస్తుంది.గంభీర్‌పై విమర్శలుఇంగ్లండ్‌ పర్యటన కోసం​ హర్షిత్‌ను టీమిండియా బ్యాకప్‌ పేసర్‌ ఎంపిక​ చేసిన తర్వాత టీమిండియా హెడ్‌ కోచ్‌ గౌతమ్‌ గంభీర్‌పై విమర్శలు వచ్చాయి. హర్షిత్‌ విషయంలో గంభీర్‌ పక్షపాతంగా వ్యవహరిస్తున్నాడని విశ్లేషకులు బహిరంగ కామెంట్లు చేశారు. గంభీర్‌ కేకేఆర్‌ కోచ్‌గా ఉన్నప్పుడు హర్షిత్‌ను దగ్గరగా చూశాడు. అదే పరిచయంతో గంభీర్‌ టీమిండియా హెడ్‌ కోచ్‌ అయ్యాక హర్షిత్‌ పేరును సెలెక్టర్లకు కూడా సిఫార్సు చేసినట్లు టాక్‌ వినిపించింది. గంభీర్‌ టీమిండియా హెడ్‌ కోచ్‌ అయ్యాకే హర్షిత్‌ మూడు ఫార్మాట్లలో భారత్‌ జట్టు తరఫున అరంగేట్రం చేశాడు. హర్షిత్‌లో గుర్తించదగ్గ ప్రత్యేకతలేమీ లేనప్పటికీ.. టీమిండియా తరఫున సులువుగా అన్ని ఫార్మాట్లలో అరంగేట్రం చేశాడు. తాజాగా ఇంగ్లండ్‌ పర్యటనకు హర్షిత్‌ను బ్యాకప్‌ పేసర్‌గా ఎంపిక చేయడంతో విమర్శల శృతి మించిందని గంభీరే స్వయంగా హర్షిత్‌ను బీసీసీఐ సరెండర్‌ చేసినట్లు వార్తలు వస్తున్నాయి.కాగా, బ్యాకప్‌ పేసర్‌తో పాటు పేస్‌ బౌలింగ్‌ బలం సంపూర్ణంగా ఉన్నా భారత్‌ తొలి టెస్ట్‌లో ఇంగ్లండ్‌ చేతిలో పరాజయంపాలైంది. ఈ మ్యాచ్‌లో భారత ఓటమికి బౌలింగ్‌ విభాగం కూడా ఒకానొక కారణం. తొలి ఇన్నింగ్స్‌లో బుమ్రా పుణ్యమా అని (5 వికెట్ల ప్రదర్శన) ఇంగ్లండ్‌ను ఆలౌట్‌ చేసిన భారత్‌.. రెండో ఇన్నింగ్స్‌లో దారుణంగా విఫలమైంది. బుమ్రా సహా బౌలింగ్‌ విభాగమంతా తేలిపోయింది. రెండో ఇన్నింగ్స్‌లో ఇంగ్లండ్‌ ఓపెనర్‌ బెన్‌ డకెట్‌కు పగ్గాలేయడం​ ఎవరి వల్ల కాలేదు. బుమ్రా సైతం చేతులెత్తేశాడు. ఫలితంగా భారత్‌ 371 పరుగుల లక్ష్యాన్ని కూడా కాపాడుకోలేక పరాజయంపాలైంది.

టీమిండియా వికెట్‌ కీపర్‌ బ్యాటర్‌ రిషబ్‌ పంత్‌ క్రికెట్‌ చరిత్రలో మోస్ట్‌ అన్‌ లక్కీ బ్యాటర్‌గా మారిపోతున్నాడు. ఫార్మాట్‌ ఏదైనా ఇతగాడు సెంచరీ చేశాడంటే అతని జట్టు గెలవడం లేదు. తాజాగా భారత్‌, ఇంగ్లండ్‌ మధ్య లీడ్స్‌ వేదికగా జరిగిన తొలి టెస్ట్‌ ఇందుకు ఉదాహరణ. ఈ మ్యాచ్‌లో పంత్‌ రెండు ఇన్నింగ్స్‌ల్లో సెంచరీలు చేసినా ఇండియా గెలవలేదు. దీనికి ముందు ఐపీఎల్‌-2025లోనూ ఇలాగే జరిగింది. ఆర్సీబీతో జరిగిన మ్యాచ్‌లో పంత్‌ అద్బుత సెంచరీ చేసినా, ఆ మ్యాచ్‌లోనూ అతని జట్టు (లక్నో) గెలవలేదు.టెస్ట్‌ క్రికెట్‌లో, ప్రత్యేకించి విదేశాల్లో పంత్‌ సెంచరీల బ్యాడ్‌ లక్‌ ఇప్పుడు మొదలైంది కాదు. 2018 నుంచి పంత్‌ విదేశాల్లో 6 టెస్ట్‌ సెంచరీలు చేయగా.. ఇందులో టీమిండియా ఒక్క మ్యాచ్‌లో కూడా గెలవలేదు. 2018లో పంత్‌ తన తొలి విదేశీ టెస్ట్‌ సెంచరీని (114) కెన్నింగ్‌స్టన్‌ ఓవల్‌ మైదానంలో ఇంగ్లండ్‌పై చేశాడు. ఆ మ్యాచ్‌లో టీమిండియా దారుణంగా ఓడింది. విదేశాల్లో పంత్‌ రెండో టెస్ట్‌ సెంచరీని (159 నాటౌట్‌) 2019లో సిడ్నీ గ్రౌండ్‌లో ఆస్ట్రేలియాపై చేశాడు. ఆ మ్యాచ్‌లో టీమిండియా అదృష్టవశాత్తు డ్రాతో గట్టెక్కింది.విదేశాల్లో పంత్‌ మూడో టెస్ట్‌ సెంచరీని (100 నాటౌట్‌) 2022లో న్యూలాండ్స్‌లో సౌతాఫ్రికాపై చేశాడు. ఆ మ్యాచ్‌లో కూడా టీమిండియాకు పరాజయమే ఎదురైంది. విదేశాల్లో పంత్‌ నాలుగో టెస్ట్‌ సెంచరీ (146) అదే ఏడాది ఇంగ్లండ్‌పై (ఎడ్జ్‌బాస్టన్‌) చేశాడు. ఆ మ్యాచ్‌లోనూ టీమిండియాకు పరాభవం తప్పలేదు. తాజాగా హెడింగ్లే టెస్ట్‌లో పంత్‌ ఇంగ్లండ్‌పై రెండు ఇన్నింగ్స్‌ల్లో సెంచరీలు (134 & 118) చేసినా టీమిండియా గెలవలేకపోయింది. ఈ మ్యాచ్‌లో భారత్‌ తరఫున ఐదు సెంచరీలు (పంత్‌-2, జైస్వాల్‌, గిల్‌, రాహుల్‌) నమోదైనా గెలుపు దక్కకపోవడం శోచనీయం.ఇదిలా ఉంటే, హెడింగ్లేలో నిన్న ముగిసిన తొలి టెస్ట్‌లో భారత్‌ 5 వికెట్ల తేడాతో పరాజయంపాలైంది. ఈ మ్యాచ్‌లో తొలి ఇన్నింగ్స్‌లో 471, రెండో ఇన్నింగ్స్‌లో 364 పరుగులు చేసినా టీమిండియాకు పరాభవం తప్పలేదు. భారత​ బౌలర్లు 371 పరుగుల భారీ లక్ష్యాన్ని కూడా కాపాడుకోలేకపోయారు. ఛేదనలో బుమ్రా సహా భారత బౌలర్లంతా తేలిపోయారు. ఈ మ్యాచ్‌లో క్యాచ్‌లు కూడా టీమిండియా కొంపముంచాయి. భారత జట్టు మ్యాచ్‌ మొత్తంలో ఏడు క్యాచ్‌లు నేలపాలు చేసింది. ఒక్క జైస్వాల్‌ ఒక్కడే నాలుగు క్యాచ్‌లు జారవిడిచాడు. భారీ లక్ష్య ఛేదనలో బెన్‌ డకెట్‌ అద్భుతమైన సెంచరీ చేసి ఇంగ్లండ్‌ను గెలిపించాడు. రెండో టెస్ట్‌ జులై 2 నుంచి బర్మింగ్హమ్‌ వేదికగా జరుగనుంది.

టీమిండియా వికెట్‌కీపర్‌ బ్యాటర్‌ రిషబ్‌ పంత్‌ సరికొత్త చరిత్ర సృష్టించాడు. ఐసీసీ టెస్ట్‌ ర్యాంకింగ్స్‌లో 800 రేటింగ్‌ పాయింట్లు సాధించిన తొలి భారత వికెట్‌కీపర్‌ బ్యాటర్‌గా రికార్డు నెలకొల్పాడు. భారత టెస్ట్‌ క్రికెట్‌ చరిత్రలో ఇప్పటివరకు ఏ వికెట్‌కీపర్‌ బ్యాటర్‌ 800 రేటింగ్‌ పాయింట్లు సాధించలేదు. టీమిండియా దిగ్గజ వికెట్‌కీపర్‌ బ్యాటర్‌ మహేంద్ర సింగ్‌ ధోనికి కూడా ఇది సాధ్యపడలేదు.ఐసీసీ తాజాగా (జూన్‌ 25) విడుదల చేసిన ర్యాంకింగ్స్‌లో పంత్‌ 800 రేటింగ్‌ పాయింట్ల మార్కును (801) తాకాడు. అలాగే ర్యాంకింగ్స్‌లో ఓ స్థానం మెరుగపర్చుకొని ఏడో స్థానానికి ఎగబాకాడు. ప్రస్తుతమున్న వికెట్‌కీపర్లలో పంత్‌దే అత్యుత్తమ ర్యాంకింగ్‌. ఇంగ్లండ్‌తో నిన్న (జూన్‌ 24) ముగిసిన తొలి టెస్ట్‌లో రెండు ఇన్నింగ్స్‌ల్లో సెంచరీలు చేయడంతో పంత్‌ ఈ ఘనతలను సాధించాడు.తాజా ర్యాంకింగ్స్‌లో టాప్‌-10లో పంత్‌తో పాటు మరో భారత బ్యాటర్‌ కూడా ఉన్నాడు. ఇంగ్లండ్‌తో తొలి టెస్ట్‌లో (తొలి ఇన్నింగ్స్‌లో) సెంచరీ చేసిన యశస్వి జైస్వాల్‌ నాలుగో స్థానంలో కొనసాగుతున్నాడు. మరో తొలి ఇన్నింగ్స్‌ సెంచరీ హీరో, టీమిండియా నయా కెప్టెన్‌ శుభ్‌మన్‌ గిల్‌ ఐదు స్థానాలు మెరుగుపర్చుకొని 20వ స్థానానికి చేరాడు. సెకెండ్‌ ఇన్నింగ్స్‌లో అద్బుతమైన సెంచరీ చేసిన కేఎల్‌ రాహుల్‌ ఏకంగా 10 స్థానాలు మెరుగుపర్చుకొని 38వ స్థానానికి ఎగబాకాడు.ఈ వారం ర్యాంకింగ్స్‌లో ఇంగ్లండ్‌ ఓపెనర్‌ బెన్‌ డకెట్‌ గణనీయంగా లబ్ది పొందాడు. భారత్‌పై అద్భుతమైన సెంచరీ (149) చేసినందుకు గానూ ఐదు స్థానాలు ఎగబాకి ఎనిమిదో స్థానానికి చేరాడు. ఇంగ్లండ్‌ ఆటగాళ్లలో జో రూట్‌, హ్యారీ బ్రూక్‌ మొదటి రెండు స్థానాల్లో కొనసాగుతుండగా.. ఓలీ పోప్‌ 3 స్థానాలు మెరుగుపర్చుకొని 19వ స్థానానికి ఎగబాకాడు. కేన్‌ విలియమ్సన్‌ 3, స్టీవ్‌ స్మిత్‌ 5, టెంబా బవుమా 6, కమిందు మెండిస్‌ 9, సౌద్‌ షకీల్‌ 10 స్థానాల్లో ఉన్నారు.మిగతా బ్యాటర్ల విషయానికొస్తే.. ఇటీవల శ్రీలంకతో జరిగిన తొలి టెస్ట్‌లో రెండు ఇన్నింగ్స్‌ల్లో సెంచరీలు చేసిన బంగ్లాదేశ్‌ కెప్టెన్‌ నజ్ముల్‌ షాంటో ఏకంగా 21 స్థానాలు మెరుగుపర్చుకొని 29వ స్థానానికి చేరగా.. అదే మ్యాచ్‌లో తొలి ఇన్నింగ్స్‌లో సెంచరీ చేసిన మరో బంగ్లాదేశీ ముష్ఫికర్‌ రహీం 11 స్థానాలు మెరుగుపర్చుకొని 28వ స్థానానికి ఎగబాకాడు. అదే మ్యాచ్‌లో భారీ సెంచరీ చేసిన శ్రీలంక ఆటగాడు పథుమ్‌ నిస్సంక కూడా 21 స్థానాలు మెరుగుపర్చుకొని 31వ స్థానానికి ఎగబాకాడు. ఈ వారం​ బ్యాటింగ్‌ ర్యాంకింగ్స్‌లో ఇవే చెప్పుకోదగ్గ మార్పులు.బౌలర్ల ర్యాంకింగ్స్‌ విషయానికొస్తే.. టాప్‌-10 పెద్దగా మార్పులేమీ లేవు. బుమ్రా, రబాడ, కమిన్స్‌, నౌమన్‌ అలీ, హాజిల్‌వుడ్‌, నాథన్‌ లియోన్‌, జన్సెన్‌, మ్యాట్‌ హెన్రీ టాప్‌-8లో కొనసాగుతున్నారు. మిచెల్‌ స్టార్క్‌ ఓ స్థానం ఎగబాకి తొమ్మిదో స్థానానికి చేరాడు. భారత్‌తో తాజాగా జరిగిన టెస్ట్‌లో రాణించిన బ్రైడన్‌ కార్స్‌ 8 స్థానాలు, జోష్‌ టంగ్‌ 16 స్థానాలు మెరుగుపర్చుకొని 32, 64 స్థానాలకు ఎగబాకారు. ఇంగ్లండ్‌తో తొలి టెస్ట్‌లో పర్వాలేదనిపించిన భారత పేసర్‌ ప్రసిద్ద్‌ కృష్ణ 21 స్థానాలు మెరుగుపర్చుకొని 72వ ప్లేస్‌కు చేరాడు. ఆల్‌రౌండర్ల ర్యాంకింగ్స్‌లో రవీంద్ర జడేజా, మెహిది హసన్‌ మిరాజ్‌, జన్సెన్‌ టాప్‌-3లో కొనసాగుతున్నారు.

సీకే నాయుడు- సీఎస్‌ నాయుడు, క్రిపాల్‌ సింగ్‌- ఏజీ మిల్కా సింగ్‌, సుభాష్‌- బాలూ గుప్తే, అమర్‌ సింగ్‌- లధా రామ్‌జీ, మాధవ్‌- అరవింద్‌ ఆప్టే, మోహిందర్‌- సురీందర్‌ అమర్‌నాథ్‌, వజీర్‌ అలీ- నజీర్‌ అలీ, టీమిండియాకు ప్రాతినిథ్యం వహించిన అన్నదమ్ముల జోడీలు ఇవి.ప్రస్తుతం ఆక్టివ్‌గా ఉన్న హార్దిక్‌ పాండ్యా- కృనాల్‌ పాండ్యా (Hardik Pandya- Krunal Pandya)లతో పాటు మాజీ ఆటగాళ్లు పఠాన్‌ బ్రదర్స్‌ కూడా ఈ జాబితాలో ఉన్నారు. అన్న యూసఫ్‌ పఠాన్‌ (Yousuf Pathan) బ్యాటింగ్‌ ఆల్‌రౌండర్‌ అయితే.. తమ్ముడు ఇర్ఫాన్‌ పఠాన్‌ (Irfan Pathan) బౌలింగ్‌ ఆల్‌రౌండర్‌. అన్న కంటే ముందు తమ్ముడే అంతర్జాతీయ క్రికెట్‌లో అడుగుపెట్టాడు. అయితే, ఎవరికి వారు తమదైన శైలిలో దూసుకుపోయి గుర్తింపు సాధించారు.ఇక వీరిద్దరు మహేంద్ర సింగ్‌ ధోని సారథ్యంలో 2007 టీ20 ప్రపంచకప్‌ గెలిచిన, 2011 వన్డే వరల్డ్‌కప్‌ గెలిచిన భారత జట్టులో సభ్యులు కావడం మరో విశేషం. ఇదిలా ఉంటే.. ఒకానొక సందర్భంలో పరిమిత ఓవర్ల క్రికెట్‌లో అన్న యూసఫ్‌ సేవలు వినియోగించుకునే క్రమంలో టీమిండియా యాజమాన్యం తమ్ముడు ఇర్ఫాన్‌ను నిర్దాక్షిణ్యంగా పక్కన పెట్టిందట.కోచ్‌ నాతో ఇదే అన్నాడుఈ విషయాన్ని ఇర్ఫాన్‌ పఠాన్‌ తాజాగా వెల్లడించాడు. శ్రీలంక పర్యటనలో భాగంగా తాను అద్భుత ప్రదర్శన కనబరిచినా.. తదుపరి న్యూజిలాండ్‌ టూర్‌లో ఒక్క మ్యాచ్‌ కూడా ఆడే అవకాశాన్ని మేనేజ్‌మెంట్‌ ఇవ్వలేదని తెలిపాడు. యూసఫ్‌ కోసం తనను తప్పించామని నాటి కోచ్‌ గ్యారీ కిర్‌స్టన్‌ స్వయంగా తనతో అన్నట్లు తెలిపాడు.మా అన్నను ఆడించేందుకు.. నాపై వేటు వేశారుఈ మేరకు సోనీ స్పోర్ట్స్‌ నెట్‌వర్క్‌ షోలో మాట్లాడుతూ.. ‘‘టీమిండియాలో నా స్థానాన్ని నా సోదరుడు తీసుకున్నాడు. 2009లో శ్రీలంకతో మ్యాచ్‌లో మేమిద్దరం కలిసి ఆడి.. గెలిచాం. రెండు మ్యాచ్‌లలో కలిపి నేను నాలుగు వికెట్లు తీశాను.జట్టులో నా చోటు పదిలమైందని అనుకున్నాను. కానీ న్యూజిలాండ్‌తో నాకు ఒక్క మ్యాచ్‌ కూడా ఆడే అవకాశం రాలేదు. ఆ తర్వాత జట్టు నుంచి తప్పించారు.అప్పుడు గ్యారీ కిర్‌స్టన్‌.. ‘సారీ.. నీకు జట్టులో చోటు లేదు.. ఎందుకంటే.. ఏడో స్థానంలో ఆడేందుకు మేము మీ సోదరుడి పేరును పరగణనలోకి తీసుకున్నాం’ అని చెప్పాడు’’’ అని ఇర్ఫాన్‌ పఠాన్‌ చెప్పుకొచ్చాడు. జట్టు కూర్పు కోసం ఎవరిపై ఎప్పుడు ఎందుకు వేటు వేస్తారో తెలియని పరిస్థితి ఉంటుందని పేర్కొన్నాడు. ఇంగ్లండ్‌- టీమిండియా మధ్య టెస్టు సిరీస్‌ నేపథ్యంలో చర్చ సందర్భంగా ఇర్ఫాన్‌ ఈ విషయాన్ని వెల్లండించాడు.బ్రదర్స్‌ అదుర్స్‌కాగా గుజరాత్‌కు చెందిన 40 ఏళ్ల ఇర్ఫాన్‌ పఠాన్‌ పేస్‌ బౌలింగ్‌ ఆల్‌రౌండర్‌. 2003- 2012 వరకు టీమిండియాకు ఆడిన ఈ లెఫ్టార్మ్‌ ఫాస్ట్‌ మీడియం బౌలర్‌.. 29 టెస్టుల్లో 100, 120 వన్డేల్లో 173, 24 టీ20 మ్యాచ్‌లలో 28 వికెట్లు కూల్చాడు.అదే విధంగా.. ఎడమచేతి వాటం గల ఇర్ఫాన్‌ పఠాన్‌ టెస్టుల్లో 1105, వన్డేల్లో 1544, టీ20లలో 127 పరుగులు సాధించాడు. మరోవైపు.. 42 ఏళ్ల యూసఫ్‌ పఠాన్‌ 2007- 2012 మధ్య కాలంలో 57 వన్డేల్లో 810, 22 టీ20లలో 236 పరుగులు చేశాడు. ఈ రైటార్మ్‌ ఆఫ్‌ బ్రేక్‌ బౌలర్‌ ఖాతాలో 33 వన్డే వికెట్లు, 13 టీ20 వికెట్లు ఉన్నాయి.చదవండి: ఏ ఒక్కరినో తప్పుబట్టను.. కెప్టెన్‌ నిర్ణయం ప్రకారమే అలా చేశాం: గంభీర్‌𝘒𝘢𝘩𝘢𝘯𝘪 𝘣𝘩𝘢𝘪𝘺𝘰 𝘬𝘪...𝘗𝘢𝘵𝘩𝘢𝘯 𝘬𝘪 𝘻𝘶𝘣𝘢𝘯𝘪! 😊#SonySportsNetwork #GroundTumharaJeetHamari #ENGvIND #NayaIndia #DhaakadIndia #TeamIndia #ExtraaaInnings | @IrfanPathan @rpsingh @Vimalwa pic.twitter.com/AkdeeMzz67— Sony Sports Network (@SonySportsNetwk) June 24, 2025

లీడ్స్‌ వేదికగా భారత్‌, ఇంగ్లండ్‌ మధ్య జరుగుతున్న తొలి టెస్ట్‌ రసవత్తరంగా సాగుతోంది. చివరి రోజు ఆటలో (371 పరుగుల లక్ష్య ఛేదనలో) తొలి రెండు సెషన్లలో (253/2) ఆధిపత్యం చలాయించిన ఇంగ్లండ్‌.. రెండో సెషన్‌ చివరి దశలో అనూహ్యంగా రెండు వికెట్లు కోల్పోయి డిఫెన్స్‌లో పడింది. లక్ష్యానికి 118 పరుగుల దూరంలో ఉన్న సమయంలో శార్దూల్‌ వరుస బంతుల్లో సెట్‌ బ్యాటర్‌ బెన్‌ డకెట్‌ (149), ఇన్‌ ఫామ్‌ బ్యాటర్‌ హ్యారీ బ్రూక్‌ను (0) ఔట్‌ చేసి ఇంగ్లండ్‌ను దెబ్బ కొట్టాడు.భారతకాలమానం ప్రకారం రాత్రి 8 గంటల 52 నిమిషాల సమయంలో వర్షం మరోసారి మొదలుకావడంతో టీ బ్రేక్‌ను ముందుగానే ప్రకటించారు. టీ విరామం సమయానికి ఇంగ్లండ్‌ లక్ష్యానికి 102 పరుగుల దూరంలో ఉంది. రెండో ఇన్నింగ్స్‌లో ఆ జట్టు 4 వికెట్ల నష్టానికి 269 పరుగులు చేసింది. క్రీజ్‌లో జో రూట్‌ (14), బెన్‌ స్టోక్స్‌ (13) ఉన్నారు. ఒకవేళ టీ విరామం తర్వాత వర్షం తగ్గి మ్యాచ్‌ యధావిధిగా సాగితే ఇరు జట్లకు సమానమైన విజయావకాశాలు ఉన్నాయి. భారత్‌ గెలవాలంటే మరో 6 వికెట్లు తీయాలి.ఓవర్‌నైట్‌ స్కోర్‌ 21/0 వద్ద చివరి రోజు ఆటను ప్రారంభించిన ఇంగ్లండ్‌.. డకెట్‌, జాక్‌ క్రాలే (65) మొండి పట్టుదలతో ఆడటంతో సునాయాసంగా విజయం సాధించేలా కనిపించింది. డకెట్‌, క్రాలే తొలి వికెట్‌కు 188 పరుగులు రికార్డు భాగస్వామ్యం నెలకొల్పి ఇంగ్లండ్‌ గెలుపుకు బలమైన పునాది వేశారు. ఈ దశలో ప్రసిద్ద్‌ కృష్ణ క్రాలే, పోప్‌ను (8) స్వల్ప వ్యవధిలో ఔట్‌ చేసి భారత్‌ను తిరిగి మ్యాచ్‌లోకి తెచ్చాడు. అయితే సెంచరీ పూర్తి చేసిన తర్వాత మరింత రెచ్చిపోయిన డకెట్‌ వేగంగా పరుగులు సాధిస్తూ లక్ష్యాన్ని చిన్నదిగా చేశాడు. ఈ దశలో శార్దూల్‌ వరుస బంతుల్లో డకెట్‌, బ్రూక్‌ను ఔట్‌ చేసి భారత శిబిరంలో ఆశలు రేకెత్తించాడు.ఇవాల్టి ఆటలో తొలి సెషన్‌ వరకు ఎలాంటి ఆటంకం కలిగించని వర్షం​.. రెండో సెషన్‌లో ఓ సారి, టీ​కి ముందు మరోసారి పలకరించింది.స్కోర్‌ వివరాలు.. భారత్‌: 471 (జైస్వాల్‌ 101, గిల్‌ 147, పంత్‌ 134) & 364 (రాహుల్‌ 137, పంత్‌ 118)ఇంగ్లండ్‌: 465 (పోప్‌ 106, బ్రూక్‌ 99) & 269/4 (డకెట్‌ 149, క్రాలే 65)

టీమిండియా విధ్వంసకర ఆటగాడు శివమ్‌ దూబే ముంబైలోని అంధేరి వెస్ట్ ప్రాంతంలోని ఓషివరాలో రెండు లగ్జరీ అపార్ట్‌మెంట్లను కొనుగోలు చేశాడు. స్క్వేర్‌యార్డ్స్ సమీక్షించిన ఆస్తి రిజిస్ట్రేషన్ పత్రాల ప్రకారం.. ఈ అపార్ట్‌మెంట్ల ధర రూ. 27.50 కోట్లని తెలుస్తుంది. ఈ రెండు అపార్ట్‌మెంట్లు DLH ఎన్‌క్లేవ్ అనే నివాస ప్రాజెక్ట్‌లోని 17 మరియు 18వ అంతస్తులలో ఉన్నాయి. వీటి మొత్తం వైశాల్యం 9,603 చదరపు అడుగులు (నివాస ప్రాంతం 4,200, బాల్కనీ 3,800 చదరపు అడుగులు).అపార్ట్‌మెంట్లతో పాటు మూడు పార్కింగ్‌ స్థలాలను దూబే దేవ్ ల్యాండ్ అండ్ హౌసింగ్ లిమిటెడ్ నుండి కొనుగోలు చేశాడు. ఈ లావాదేవీ జూన్ 20, 2025న నమోదు చేయబడింది. దీనికి మొత్తం రూ. 1.65 కోట్ల స్టాంప్ డ్యూటీ మరియు రూ. 30,000 రిజిస్ట్రేషన్ ఛార్జీలు చెల్లించబడ్డాయి. DLH ఎన్‌క్లేవ్‌లో ఇదివరకే పలువురు సెలబ్రిటీలు ఉన్నారు. బాలీవుడ్‌ హాస్యనటుడు కపిల్ శర్మ, గాయకుడు మికా సింగ్, దివంగత నటుడు ఇర్ఫాన్ ఖాన్ కుటుంబం ఇక్కడే నివాసముంటుంది.31 ఏళ్ల శివం దూబే (లెఫ్ట్‌ హ్యాండ్‌ బ్యాటర్‌, రైట్‌ ఆర్మ్‌ మీడియం పేస్‌ బౌలర్‌) భారత టీ20 జట్టులో రెగ్యులర్‌ సభ్యుడిగా ఉండటంతో పాటు ఐపీఎల్‌లో చెన్నై సూపర్‌ కింగ్స్‌కు ప్రాతినిథ్యం వహిస్తాడు. దేశీయ క్రికెట్‌లో అతను ముంబైకి ఆడతాడు. 2019 నవంబర్‌లో టీమిండియా తరపున అంతర్జాతీయ అరంగేట్రం చేసిన దూబే.. 2024 టీ20 ప్రపంచ కప్‌ గెలుచుకున్న భారత జట్టులో సభ్యుడిగా ఉన్నాడు. దూబే ఇప్పటివరకు టీమిండియా తరఫున 4 వన్డేలు, 35 టీ20లు ఆడి 574 పరుగులు చేశాడు. అలాగే 14 వికెట్లు పడగొట్టాడు. దూబే ఐపీఎల్‌లో 79 మ్యాచ్‌లు ఆడి 10 హాఫ్‌ సెంచరీల సాయంతో 1859 పరుగులు చేయడంతో పాటు 5 వికెట్లు తీశాడు.

వరుణుడి ఆటంకం తర్వాత తిరిగి మొదలైన మ్యాచ్‌వర్షం పాక్షిక అంతరాయం కలిగించిన తర్వాత మ్యాచ్‌ మళ్లీ మొదలైంది. రెండో ఓవర్‌లోనే ప్రసిద్ద్‌ కృష్ణ జాక్‌ క్రాలేను (65) ఔట్‌ చేశాడు. ఇంగ్లండ్‌ గెలుపుకు ఇంకా 183 పరుగులు చేయాలి. భారత్‌ గెలవాలంటే మరో 9 వికెట్లు తీయాలి. లీడ్స్‌ వేదికగా భారత్‌-ఇంగ్లండ్‌ మధ్య జరుగుతున్న తొలి టెస్ట్‌ మ్యాచ్‌ వర్షం​ కారణంగా నిలిచిపోయింది. చివరి రోజు ఇంగ్లండ్‌ 371 పరుగుల లక్ష్యాన్ని ఛేదిస్తుండగా.. రెండో సెషన్‌లో వర్షం మొదలైంది. వర్షం మొదలయ్యే సమయానికి ఇంగ్లండ్‌ రెండో ఇన్నింగ్స్‌లో వికెట్‌ కోల్పోకుండా 181 పరుగులు చేసింది. బెన్‌ డకెట్‌ (105) సెంచరీ పూర్తి చేసి ఇన్నింగ్స్‌ను కొనసాగిస్తున్నాడు. అతనికి జతగా మరో ఓపెనర్‌ జాక్‌ క్రాలే (59) బాధ్యతాయుతంగా ఆడుతూ క్రీజ్‌లో ఉన్నాడు. ఈ మ్యాచ్‌లో ఇంగ్లండ్‌ విజయం దిశగా సాగుతున్న వేల వరుణుడు అడ్డుపడ్డాడు. ఈ మ్యాచ్‌లో ఇంగ్లండ్‌ గెలవాలంటే మరో 190 పరుగులు చేయాల్సి ఉంది. భారత్‌ గెలవాలంటే 10 వికెట్లు తీయాలి.స్కోర్‌ వివరాలు.. భారత్‌: 471 (జైస్వాల్‌ 101, గిల్‌ 147, పంత్‌ 134) & 364 (రాహుల్‌ 137, పంత్‌ 118)ఇంగ్లండ్‌: 465 (పోప్‌ 106, బ్రూక్‌ 99) & 117/0 (డకెట్‌ 105 నాటౌట్‌, క్రాలే 59 నాటౌట్‌)

ఈ ఏడాది చివర్లో భారత్‌లో జరగాల్సిన ఆసియా కప్‌-2025 కోసం టోర్నీ అధికారిక ప్రసారదారు సోనీ స్పోర్ట్స్‌ ఓ ప్రత్యేక పోస్టర్‌ను విడుదల చేసింది. ఈ పోస్టర్‌లో భారత్‌, బంగ్లాదేశ్‌, శ్రీలంక టీ20 జట్లకు చెందిన కెప్టెన్లు సూర్యకుమార్ యాదవ్, నజ్ముల్ శాంటో, చరిత్ అసలంక మాత్రమే ఉన్నారు. ఈ పోస్టర్‌లో పాకిస్తాన్‌కు ప్రాతినిథ్యం లేకపోవడం​ సోషల్‌మీడియాలో చర్చలకు తావిచ్చింది. ఆసియా కప్‌ నుంచి పాక్‌ వైదొలిగిందని ప్రచారం మొదలైంది.పహల్గాం ఉదంతం, తదనంతర పరిణామాల్లో (ఆపరేషన్‌ సిందూర్‌) భారత్‌, పాక్‌ మధ్య అప్పటివరకు ఉన్న తేలికపాటి సంబంధాలు కూడా తెగిపోయిన విషయం తెలిసిందే. క్రీడలు సహా అన్ని అంశాల్లో భారత్‌ పాక్‌తో సంబంధాలు తెంచుకుంది. క్రికెట్‌కు సంబంధించి ఆసియా కప్‌, ఐసీసీ టోర్నీల్లో, అదీ తటస్థ వేదికల్లో మాత్రమే భారత్‌ పాక్‌తో మ్యాచ్‌లు ఆడే విషయం పరిశీలనలో ఉంది. వాస్తవానికి క్రికెట్‌లో కూడా భారత్‌ పాక్‌తో పూర్తి స్థాయి సంబంధాలు తెంచుకోవాలని భారతీయుల నుంచి ఒత్తిడి ఉంది.ఆసియా క్రికెట్‌ కౌన్సిల్‌ అధ్యక్షుడిగా పాకిస్తాన్‌కు చెందిన మంత్రి, పాకిస్తాన్‌ క్రికెట్‌ బోర్డు చైర్మన్‌ మొహిసిన్‌ నఖ్వీ ఉండటంతో భారత్‌ ఆసియా కప్‌ నుంచి కూడా వైదొలుగుతుందని పలు నివేదికలు తెలిపాయి.మరికొన్ని నివేదికలేమో భారత్‌ తమ దేశ క్రికెట్‌ బోర్డు (బీసీసీఐ) పరపతిని ఉపయోగించి పాకిస్తాన్‌నే ఆసియా కప్‌ నుంచి వైదొలిగేలా చేస్తుందని చెప్పాయి. తాజాగా సోనీ​ స్పోర్ట్స్‌ పాక్‌ ప్రాతినిథ్యం లేని పోస్టర్‌ను విడుదల చేయడంతో ఇదే నిజమైదేంమోనని అనిపిస్తుంది. మొత్తానికి సోనీ​ స్పోర్ట్స్‌ విడుదల చేసిన ఆసియా కప్‌ పోస్టర్‌ భారత్‌, పాక్‌ల మధ్య మరోసారి అగ్గి రాజేసేలా ఉంది.కాగా, ఆసియా కప్‌ 2025పై ఇప్పటివరకు ఎలాంటి అధికారిక ప్రకటన లేదు. ఈ టోర్నీ యొక్క ఖచ్చితమైన వివరాలు, వేదికలు, షెడ్యూల్‌ గురించి ఏసీసీ ఎలాంటి సమాచారం ఇవ్వ లేదు. ఏసీసీ అధ్యక్షుడిగా పాక్‌కు చెందిన వ్యక్తి ఉన్నా, తమ దేశ భాగస్వామ్యంపై ఇప్పటివరకు స్పందించలేదు. కొద్ది రోజుల కిందట టోర్నీని భారత్‌లో కాకుండా యూఏఈలో నిర్వహిస్తారని కూడా ప్రచారం జరిగింది.2031 వరకు ఏసీసీ ఈవెంట్స్ హక్కులను దక్కించుకున్న సోనీ స్పోర్ట్స్సోనీ పిక్చర్స్ నెట్‌వర్క్స్ ఇండియా (SPNI) 2024 నుండి 2031 వరకు అన్ని ఏసీసీ టోర్నమెంట్‌ల మీడియా హక్కులను $170 మిలియన్ల బేస్ ధరకు దక్కించుకుంది. ఇది మునుపటి సైకిల్ కంటే 70% ఎక్కువ. ఆశ్చర్యకరంగా మీడియా హక్కుల కోసం పోటీ బిడ్డింగ్ జరగలేదు. జియోస్టార్ మధ్యలో వైదొలిగింది.

భారత క్రికెట్‌లో తమకంటూ ప్రత్యేక అధ్యాయాన్ని లిఖించుకున్న ఆటగాళ్లలో సౌరవ్‌ గంగూలీ (Sourav Ganguly) ఒకడు. కెప్టెన్‌గా భారత జట్టు దశ దిశను మార్చిన ఘనత అతడి సొంతం. అంతేకాదు.. సచిన్‌ టెండుల్కర్‌, రాహుల్‌ ద్రవిడ్‌లతో కూడిన తన సమకాలీన అత్యుత్తమ బ్యాటర్ల జాబితాలో స్థానం సంపాదించాడు దాదా.విదేశీ గడ్డపై తాను ఎదుర్కొన్న ప్రతీ బౌలర్‌పై గంగూలీ ఒకానొక సందర్భంలో పూర్తి ఆధిపత్యం కనబరిచాడు. 1992లో వెస్టిండీస్‌తో వన్డే మ్యాచ్‌తో అంతర్జాతీయ క్రికెట్‌లో అడుగుపెట్టిన దాదా.. 1996లో టెస్టుల్లోనూ అరంగేట్రం చేశాడు.పదహారేళ్ల తన సుదీర్ఘ కెరీర్‌లో టీమిండియా తరఫున 113 టెస్టులు ఆడిన గంగూలీ.. పదహారు శతకాల సాయంతో 7212 పరుగులు సాధించాడు. అదే విధంగా.. 311 వన్డేల్లో ఈ ఎడమచేతి వాటం బ్యాటర్‌ 11363 పరుగులు చేశాడు. ఇందులో 22 సెంచరీలు, 72 అర్ధ శతకాలు ఉన్నాయి.గంగూలీని భయపెట్టిన బౌలర్‌ ఎవరో తెలుసా?ఇంతటి అనుభవం, అసాధారణ నైపుణ్యాలు ఉన్న గంగూలీని భయపెట్టిన బౌలర్‌ ఎవరో తెలుసా?.. దాదానే స్వయంగా ఈ విషయం గురించి మాట్లాడాడు. పీటీఐకి ఇచ్చిన ఇంటర్వ్యూలో మాట్లాడుతూ.. తాను ఎదుర్కొన్న బౌలర్లలో తనను ఎక్కువగా భయపెట్టిందిఆస్ట్రేలియా దిగ్గజ పేసర్‌ గ్లెన్‌ మెగ్రాత్‌ అని గంగూలీ తెలిపాడు. తన కెరీర్‌లో ఎదుర్కొన్న అత్యుత్తమ బౌలర్ల జాబితాలో భాగమైన పాక్‌ పేస్‌ లెజెండ్‌ వసీం అక్రం, ఆసీస్‌ స్పిన్‌ దిగ్గజం షేన్‌ వార్న్‌ల పేర్లు కాకుండా దాదా మెగ్రాత్‌ పేరు చెప్పడం విశేషం. కాగా 1999-2011 మధ్య ఆస్ట్రేలియా అత్యంత పటిష్టమైన జట్టుగా కొనసాగింది.మూడుసార్లు వరుసగా కంగారూ జట్టు వన్డే వరల్డ్‌కప్‌ అందుకుంది. ఇక ఆసీస్‌ ప్రధాన బౌలర్లలో ఒకడైన మెగ్రాత్‌ది ఇందులో కీలక పాత్ర. ఈ రైటార్మ్‌ పేసర్‌ 1993- 2007 మధ్య ఆస్ట్రేలియా తరఫున 124 టెస్టుల్లో 563 వికెట్లు పడగొట్టాడు.అదే విధంగా.. 250 వన్డేల్లో మెగ్రాత్‌ 381 వికెట్లు కూల్చాడు. రెండు టీ20 మ్యాచ్‌లలో కలిపి ఐదు వికెట్లు తన ఖాతాలో వేసుకున్నాడు. ఇక ఐపీఎల్‌లో ఒకప్పటి ఢిల్లీ డేర్‌డెవిల్స్‌ ప్రస్తుత ఢిల్లీ క్యాపిటల్స్‌ జట్టుకు మెగ్రాత్‌ ఆడాడు. క్యాష్‌ రిచ్‌ లీగ్‌లో మొత్తంగా 14 మ్యాచ్‌లు ఆడి 12 వికెట్లు తీశాడు.చదవండి: IND vs ENG: రిషబ్‌ పంత్‌కు భారీ షాకిచ్చిన ఐసీసీ..

తెలుగు తేజం, హైదరాబాదీ ఆటగాడు, టీమిండియా టీ20 స్పెషలిస్ట్‌ తిలక్‌ వర్మ ఇంగ్లండ్‌ కౌంటీ క్రికెట్‌లో అరంగేట్రం మ్యాచ్‌లోనే ఇరగదీశాడు. కౌంటీ ఛాంపియన్‌షిప్‌ డివిజన్‌ వన్‌-2025లో ఆడేందుకు ఇటీవలే హ్యాంప్‌షైర్‌తో ఒప్పందం చేసుకున్న తిలక్‌.. ఇంగ్లండ్‌ గడ్డపై తన తొలి మ్యాచ్‌ తొలి ఇన్నింగ్స్‌లోనే సెంచరీ చేసి శభాష్‌ అనిపించుకున్నాడు. ఎసెక్స్‌తో రెండు రోజుల క్రితం ప్రారంభమైన మ్యాచ్‌లో తన జట్టు కష్టాల్లో ఉన్నప్పుడు (34/2) బరిలోకి దిగిన తిలక్‌.. ఎంతో సంయమనంతో బ్యాటింగ్‌ చేసి 239 బంతుల్లో 11 ఫోర్లు, 3 సిక్సర్ల సాయంతో సెంచరీ పూర్తి చేశాడు. అయితే దురదృష్టవశాత్తు సెంచరీ పూర్తి కాగానే హార్మర్‌ బౌలింగ్‌లో డీన్‌ ఎల్గర్‌కు క్యాచ్‌ ఇచ్చి ఔటయ్యాడు.ఈ మ్యాచ్‌లో తొలుత బ్యాటింగ్‌ చేసిన ఎసెక్స్‌ తొలి ఇన్నింగ్స్‌లో 296 పరుగులకు ఆలౌట్‌ కాగా.. హ్యాంప్‌షైర్‌ 5 వికెట్ల నష్టానికి 327 పరుగులు చేసి ఇన్నింగ్స్‌ను కొనసాగిస్తుంది (మూడో రోజు తొలి సెషన్‌). తిలక్‌ ఔట్‌ కాగానే మరో హ్యాంప్‌షైర్‌ ఆటగాడు లియామ్‌ డాసన్‌ కూడా సెంచరీ పూర్తి చేశాడు. అంతకుముందు ఎసెక్స్‌ ఇన్నింగ్స్‌లో చార్లీ అల్లీసన్‌ (101) సెంచరీతో కదంతొక్కాడు.కాగా, తిలక్‌ ఇటీవలే హ్యాంప్‌షైర్‌తో ఆడేందుకు ఒప్పందం కుదుర్చుకున్నాడు. జూన్ 18 నుండి ఆగస్టు 2 వరకు ఈ జట్టుకు అందుబాటులో ఉండనున్నట్లు ప్రకటించాడు. ఈ ఒప్పందంలో తిలక్‌ నాలుగు రోజుల మ్యాచ్‌లు ఆడనున్నాడు. వైట్‌బాల్‌ గేమ్స్‌ ఆడతాడో లేదో క్లారిటీ లేదు. ప్ర‌స్తుతం ఇంగ్లండ్‌లో టీ20 బ్లాస్ట్ టోర్నీ జ‌రుగుతోంది.22 ఏళ్ల తిలక్‌ ఈ మ్యాచ్‌కు ముందు వరకు 18 ఫ‌స్ట్ క్లాస్‌లు మ్యాచ్‌లు ఆడి 50కి పైగా సగటుతో 1204 పరుగులు చేశాడు. ఇందులో ఐదు సెంచరీలు, నాలుగు ఆర్ధ శ‌త‌కాలు ఉన్నాయి. టీమిండియా తరఫున 4 వన్డేలు, 25 టీ20లు ఆడిన తిలక్‌.. టీ20ల్లో స్పెషలిస్ట్‌గా పేరు తెచ్చుకున్నాడు. పొట్టి ఫార్మాట్‌లో అతను 24 ఇన్నింగ్స్‌లలో 49.93 స‌గ‌టుతో 749 పరుగులు చేశాడు.తిలక్‌కు ముందు మరో ఇద్దరు టీమిండియా యువ ఆటగాళ్లు, టీ20 స్పెషలిస్ట్‌లు ఇంగ్లండ్‌ కౌంటీల్లో ఆడేందుకు ఒప్పందాలు చేసుకున్నారు. టీమిండియా పాకెట్‌ డైనమైట్‌ ఇషాన్‌ కిషన్‌ నాటింగ్హమ్‌షైర్‌తో.. రుతురాజ్‌ గైక్వాడ్‌ యార్క్‌షైర్‌తో జతకట్టారు. ఇషాన్‌ కూడా తిలక్‌ తరహాలోనే తన కౌంటీ అరంగేట్రంలో ఇరగదీశాడు. యార్క్‌షైర్‌తో జరిగిన మ్యాచ్‌లో 98 బంతుల్లో 12 ఫోర్లు, సిక్సర్‌ సాయంతో 87 పరుగులు చేసి ఔటయ్యాడు.

భారత్‌-ఇంగ్లండ్‌ మధ్య లీడ్స్‌ వేదికగా జరుగుతున్న తొలి టెస్ట్‌ రసవత్తరంగా సాగుతోంది. ప్రస్తుత పరిస్థితిని బట్టి చూస్తే ఈ మ్యాచ్‌లో ఇరు జట్లకు సమానమైన విజయావకాశాలు ఉన్నాయి. ఇంగ్లండ్‌ గెలవాలంటే చివరి రోజు 350 పరుగులు (90 ఓవర్లలో) సాధించాలి. అదే భారత్‌ గెలవాలంటే 10 వికెట్లు తీయాలి. ఆధునిక టెస్ట్‌ క్రికెట్‌లో రెండూ అసాధ్యం కాదు. ఫలితం ఏ జట్టుకైనా అనుకూలంగా రావచ్చు.అయితే, గత రికార్డులను పరిశీలిస్తే మాత్రం ఎ‍డ్జ్‌ ఇంగ్లండ్‌కే సూచిస్తున్నాయి. 2019లో ఇదే మైదానంలో ఆసీస్‌తో జరిగిన మ్యాచ్‌లో స్టోక్స్‌ నమ్మశక్యంకాని శతకాన్ని (135 నాటౌట్‌) బాది ఇంగ్లండ్‌కు చారిత్రక విజయాన్ని అందించాడు. ఆ మ్యాచ్‌ తొలి ఇన్నింగ్స్‌లో 67 పరుగులకే కుప్పకూలిన ఇంగ్లండ్‌.. రెండో ఇన్నింగ్స్‌లో రికార్డు స్థాయిలో 359 పరుగుల లక్ష్యాన్ని ఛేదించి చరిత్ర సృష్టించింది. లీడ్స్‌ మైదానానికి 350 పరుగుల లక్ష్యాన్ని విజయవంతంగా ఛేదించిన ఘన చరిత్ర ఉండటం ఐదో రోజు ఆట​కు ముందు భారత ఆటగాళ్లను డిఫెన్స్‌లో పడేస్తుంది. అప్పట్లో ఆ లక్ష్యాన్ని ఛేదించింది ఇంగ్లండే కావడం టీమిండియాను మరింత బయపెడుతుంది. ఇంగ్లండ్‌ ఆటగాళ్లు సైతం చివరి రోజు 350 పరుగుల లక్ష్యాన్ని ఛేదించడంలో తగ్గేదేలేదంటున్నారు.చివరి రోజు ఆట ప్రారంభానికి ముందు టీమిండియాను మరో చెడు సూచకం కూడా బయపెడుతుంది. భారత్‌ తమ యావత్‌ టెస్ట్‌ క్రికెట్‌ చరిత్రలో 350 ప్లస్‌ లక్ష్యాన్ని కాపాడుకోలేక ఒకే ఒకసారి చతికిలపడింది. టీమిండియా 59 మ్యాచ్‌ల్లో 350 ప్లస్‌ లక్ష్యాలను కాపాడుకునేందుకు బరిలోకి దిగగా.. 42 సార్లు సఫలమైంది. ఒకే ఒక సందర్భంలో బోల్తా పడింది. ఆ ఒక్క ఓటమి ఇంగ్లండ్‌ చేతిలోనే కావడం టీమిండియాను కలవరపెడుతుంది. 2022లో బర్మింగ్‌హామ్‌లోని ఎడ్జ్‌బాస్టన్‌లో జరిగిన మ్యాచ్‌లో భారత్‌ 378 పరుగుల లక్ష్యాన్ని కాపాడుకోలేక ఇంగ్లండ్‌ చేతిలో ఓటమిపాలైంది. ఆ మ్యాచ్‌లో రూట్‌, బెయిర్‌స్టో అద్భుత శతకాలు సాధించి ఇంగ్లండ్‌ను గెలిపించారు.మరోవైపు చివరి రోజు ఆటకు ముందు వాతావరణం కూడా భారత్‌ విజయానికి అడ్డుకట్ట వేసేలా కనిపిస్తుంది. మ్యాచ్‌ మధ్య మధ్యలో వరుణుడు పలకరించే అవకాశం ఉందని వాతావరణ శాఖ హెచ్చరించింది. ఇన్ని ప్రతికూలతల నడుమ భారత బౌలర్లు చివరి రోజు ఏం చేస్తారోనని టీమిండియా అభిమానులు ఆసక్తిగా ఎదురుచూస్తున్నారు.స్కోర్‌ వివరాలు..భారత్‌: 471 & 364ఇంగ్లండ్‌: 465 & 21/0చివరి రోజు భారత్‌ గెలుపుకు 10 వికెట్లు కావాలి. అదే ఇంగ్లండ్‌ గెలవాలంటే 90 ఓవర్లలో 350 పరుగులు చేయాలి. ఇంగ్లండ్‌ ఓపెనర్లు జాక్‌ క్రాలే, బెన్‌ డకెట్‌ క్రీజ్‌లో ఉన్నారు.

భారత స్టార్‌ క్రికెటర్‌ రింకూ సింగ్‌ (Rinku Singh)- లోక్‌సభ ఎంపీ ప్రియా సరోజ్‌ (Priya Saroj)ల పెళ్లి వాయిదా పడినట్లు సమాచారం. ఈ ఏడాది జరగాల్సిన వీరి వివాహం (Wedding Postoponed) వచ్చే సంవత్సరంలో జరుగనున్నట్లు తెలుస్తోంది. కాగా ఐపీఎల్‌లో కోల్‌కతా నైట్‌ రైడర్స్‌ (KKR)కు ప్రాతినిథ్యం వహిస్తూ వెలుగులోకి వచ్చాడు ఉత్తరప్రదేశ్‌కు చెందిన రింకూ సింగ్‌.గుజరాత్‌ టైటాన్స్‌తో మ్యాచ్‌లో ఒకే ఓవర్లో ఐదు సిక్సర్లు బాదిన అతడు.. టీమిండియా సెలక్టర్ల దృష్టిని ఆకర్షించాడు. ఈ క్రమంలో 2023లో ఐర్లాండ్‌తో టీ20 సందర్భంగా అంతర్జాతీయ క్రికెట్‌లో అడుగుపెట్టాడు. నయా ఫినిషర్‌గా గుర్తింపు తెచ్చుకున్న ఈ ఎడమచేతి వాటం బ్యాటర్‌.. అదే ఏడాది వన్డేల్లోనూ అరంగేట్రం చేశాడు.ఇప్పటి వరకు భారత్‌ తరఫున 33 టీ20లు, 2 వన్డే మ్యాచ్‌లు ఆడిన రింకూ సింగ్‌.. ఆయా ఫార్మాట్లలో 339, 41 పరుగులు సాధించాడు. ఇక ఐపీఎల్‌ ఇప్పటికి 58 మ్యాచ్‌లు పూర్తి చేసుకున్న ఈ కేకేఆర్‌ స్టార్‌.. 1099 రన్స్‌ చేశాడు. ఇందులో నాలుగు అర్ధ శతకాలు ఉన్నాయి.ఎంపీతో ప్రేమలో రింకూనిరుపేద కుటుంబం నుంచి వచ్చి స్టార్‌ క్రికెటర్‌గా ఎదిగిన రింకూ.. కెరీర్‌ పరంగా నిలదొక్కుకున్నాడు. ఇటీవలే వివాహ బంధంలో అడుగుపెట్టేందుకు కూడా సిద్ధపడ్డాడు. సమాజ్‌వాదీ పార్టీ ఎంపీ ప్రియా సరోజ్‌తో ఏర్పడిన పరిచయం ప్రేమగా మారగా.. ఇరు కుటుంబాల అంగీకారంతో ఈ ఏడాది జూన్‌ 8న వీరి నిశ్చితార్థం జరిగింది. మూడేళ్లుగా ఈ క్షణం కోసం ఎదురుచూస్తున్నామంటూ రింకూ- ప్రియా తమ ఎంగేజ్‌మెంట్‌ ఫొటోలను సోషల్‌ మీడియాలో షేర్‌ చేశారు.జూన్‌ 8న నిశ్చితార్థంఇక లక్నోలోని ఓ హోటల్లో అంగరంగ వైభవంగా జరిగిన వేడుకలో రింకూ- ప్రియా ఉంగరాలు మార్చుకున్నారు. సమాజ్‌వాదీ చీఫ్‌ అఖిలేశ్‌ యాదవ్‌తో పాటు జయా బచ్చన్‌, బీసీసీఐ ఉపాధ్యక్షుడు రాజీవ్‌ శుక్లా, టీమిండియా వెటరన్‌ పేసర్‌ భువనేశ్వర్‌ కుమార్‌ తదితరులు వీరి ఎంగేజ్‌మెంట్‌కు హాజరయ్యారు.ఈ క్రమంలో నవంబరు 18న తాజ్‌ హోటల్లో పెళ్లి వేడుకను జరిపేందుకు పెద్దలు ముహూర్తం ఖరారు చేశారు. అయితే, అమర్‌ ఉజాలా న్యూస్‌పేపర్‌ కథనం ప్రకారం.. రింకూ- ప్రియాల వివాహం వాయిదా పడినట్లు తెలుస్తోంది. వచ్చే ఏడాది ఫిబ్రవరిలో వీరి పెళ్లి జరుగనుందని సమాచారం. కారణం ఇదే?టీమిండియా క్రికెటర్‌గా రింకూ బిజీ షెడ్యూల్‌ కారణంగానే ఈ నిర్ణయం తీసుకున్నట్లు వార్తలు వినిపిస్తున్నాయి. కాగా ఈ ఏడాది నవంబరులో టీమిండియా సౌతాఫ్రికా పర్యటనకు వెళ్లనుంది. నవంబరు 14- డిసెంబరు 19 వరకు రెండు టెస్టులు, మూడు వన్డేలు, ఐదు టీ20లు ఆడనుంది.చదవండి: పంత్ సెంచరీలపై అలా.. కేఎల్‌ రాహుల్‌ శతకంపై ఇలా! గోయెంకా పోస్ట్‌ వైరల్‌

తొలి టెస్ట్ లో టీమిండియా విధించిన 371 పరుగుల లక్ష్యాన్ని ఛేదించేందుకు ఇంగ్లండ్ బరిలోకి దిగింది. సోమవారం నాటి నాలుగో రోజు ఆట ముగిసే సరికి వికెట్ నష్టపోకుండా 21 పరుగులు చేసింది. ఇక ఈ మ్యాచ్ లో భారత్ విజయం సాధించాలంటే ఆఖరిదైన ఐదవ రోజు బౌలింగ్ లో సత్తా చాటి 10 వికెట్లు తీయాల్సి ఉంది. మరోవైపు విజయానికి ఇంగ్లండ్ కు 350 పరుగులు అవసరం.ఇంగ్లండ్‌ లక్ష్యం 371లీడ్స్‌ వేదికగా ఇంగ్లండ్‌తో జరుగుతున్న తొలి టెస్ట్‌లో టీమిండియా పట్టు బిగించింది. నాలుగో రోజు భారత్‌ సెకెండ్‌ ఇన్నింగ్స్‌లో భారీ స్కోర్‌ (364) చేసి ఆలౌటైంది. ఫలితంగా ఇంగ్లండ్‌ ముందు 371 పరుగుల భారీ లక్ష్యాన్ని ఉంచింది. కేఎల్‌ రాహుల్‌ (137), రిషబ్‌ పంత్‌ (118) సెంచరీలతో కదంతొక్కారు. మిగతా భారత ఆటగాళ్లలో సాయి సుదర్శన్‌ 30, రవీంద్ర జడేజా 25 (నాటౌట్‌), యశస్వి జైస్వాల్‌ 4, శుభ్‌మన్‌ గిల్‌ 8, కరుణ్‌ నాయర్‌ 20, శార్దూల్‌ ఠాకూర్‌ 4, సిరాజ్‌ 0, బుమ్రా 0, ప్రసిద్ద్‌ కృష్ణ 0 పరుగులకు ఔటయ్యారు. ఇంగ్లండ్‌ బౌలర్లలో బ్రైడన్‌ కార్స్‌, జోష్‌ టంగ్‌ తలో 3 వికెట్లు పడగొట్టగా.. బషీర్‌ 2, వోక్స్‌, స్టోక్స్‌ చెరో వికెట్‌ దక్కించుకున్నారు.ఈ మ్యాచ్‌లో తొలుత బ్యాటింగ్‌ చేసిన భారత్‌.. యశస్వి జైస్వాల్‌ (101), శుభ్‌మన్‌ గిల్‌ (147), రిషబ్‌ పంత్‌ (134) సెంచరీలతో చెలరేగడంతో తొలి ఇన్నింగ్స్‌లో 471 పరుగులు చేసింది. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ తలో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ చెరో వికెట్‌ పడగొట్టారు.అనంతరం బ్యాటింగ్‌కు దిగిన ఇంగ్లండ్‌ టీమిండియాకు ధీటుగా బదులిచ్చింది. ఓలీ పోప్‌ (106) సెంచరీతో కదంతొక్కగా.. హ్యారీ బ్రూక్‌ (99) పరుగు తేడాతో సెంచరీ మిస్‌ అయ్యాడు. మిగతా బ్యాటర్లలో బెన్‌ డకెట్‌ 62, జేమీ స్మిత్‌ 40, క్రిస్ వోక్స్‌ 38 రాణించడంతో ఇంగ్లండ్‌ తొలి ఇన్నింగ్స్‌లో 465 పరుగులకు ఆలౌటైంది. దీంతో భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.

టీమిండియా ఓపెనర్‌ కేఎల్‌ రాహుల్‌ ఇంగ్లండ్‌ గడ్డపై సరికొత్త చరిత్ర సృష్టించాడు. ఇంగ్లీష్‌ నేలపై అత్యధిక సెంచరీలు సాధించిన భారత ఓపెనర్‌గా రికార్డు నెలకొల్పాడు. లీడ్స్‌ వేదికగా జరుగుతున్న తొలి టెస్ట్‌ రెండో ఇన్నింగ్స్‌లో సెంచరీ సాధించడంతో రాహుల్‌ ఈ ఘనత సాధించాడు. ఈ ఇన్నింగ్స్‌లో రాహుల్‌ ఎంతో బాధ్యతాయుతంగా బ్యాటింగ్‌ చేస్తూ ఈ రికార్డుతో పాటు మరిన్ని మైలురాళ్లను చేరుకున్నాడు.47 పరుగుల ఓవర్‌నైట్‌ స్కోర్‌తో నాలుగో రోజు ఆటను ప్రారంభించిన రాహుల్‌.. 202 బంతుల్లో 13 ఫోర్ల సాయంతో సెంచరీ పూర్తి చేసుకున్నాడు. టీ విరామం అనంతరం రాహుల్‌ 137 పరుగులతో ఇన్నింగ్స్‌ను కొనసాగిస్తున్నాడు. అతనికి జతగా కరుణ్‌ నాయర్‌ (20) క్రీజ్‌లో ఉన్నాడు. కడపటి వార్తలు అందేసరికి భారత్‌ స్కోర్‌ 332/4గా ఉంది. భారత్‌ 338 పరుగుల ఆధిక్యంలో కొనసాగుతుంది.ఇదే ఇన్నింగ్స్‌లో మరో భారత ఆటగాడు రిషబ్‌ పంత్‌ (118) కూడా శతకొట్టాడు. పంత్‌ తొలి ఇన్నింగ్స్‌లో కూడా సెంచరీతో (134) మెరిశాడు. ఈ మ్యాచ్‌పై భారత్‌ పట్టు బిగించింది.తాజా సెంచరీతో రాహుల్‌ సాధించిన రికార్డులు..ఆసియా ఖండం బయట అత్యధిక సెంచరీలు సాధించిన ఓపెనర్ల జాబితాలో రాహుల్‌ రెండో స్థానంలో ఉన్నాడు. రాహుల్‌ తన కెరీర్‌లో 9 టెస్ట్‌ సెంచరీలు చేయగా.. అందులో ఆరు ఆసియా బయటే చేయడం​ విశేషం. భారత ఓపెనర్లలో సునీల్‌ గవాస్కర్‌ అత్యధికంగా ఆసియా బయట 15 సెంచరీలు చేశాడు. గవాస్కర్‌ తర్వాత రాహుల్‌ అత్యధికంగా 6, వీరేంద్ర సెహ్వాగ్‌ 4 సెంచరీలు చేశారు.ఇంగ్లండ్‌పై అత్యధిక సెంచరీలు చేసిన భారత్‌ ఓపెనర్లు..కేఎల్‌ రాహుల్‌-3విజయ్‌ మర్చంట్‌-2సునీల్‌ గవాస్కర్‌-2రవిశాస్త్రి-2రాహుల్‌ ద్రవిడ్‌-2లీడ్స్‌లో మూడో ఇన్నింగ్స్‌లో సెంచరీ చేసిన రెండో పర్యాటక ఓపెనర్‌గా రికార్డు. రాహుల్‌కు ముందు (1955) సౌతాఫ్రికాకు చెందిన జాకీ మెక్‌గ్లూ లీడ్స్‌లో మూడో ఇన్నింగ్స్‌లో సెంచరీ చేశాడు.ఇంగ్లండ్‌ గడ్డపై ఆరో అత్యధిక సెంచరీలు చేసిన భారత ఆటగాడు. ఈ సెంచరీతో రాహుల్‌ ఇంగ్లండ్‌పై మూడు సెంచరీలు చేసినట్లైంది. భారత ఆటగాళ్లలో రాహుల్‌ ద్రవిడ్‌ (6), సచిన్‌ టెండూల్కర్‌ (4), దిలీప్‌ వెంగసర్కార్‌ (4), రిషబ్‌ పంత్‌ (4) మాత్రమే ఇంగ్లండ్‌ గడ్డపై రాహుల్‌ కంటే ఎక్కువ సెంచరీలు చేశారు. సౌరభ్‌ గంగూలీ రాహుల్‌తో సమానంగా 3 సెంచరీలు చేశాడు.SENA దేశాల్లో అత్యధిక సెంచరీలు చేసిన భారత ఆటగాళ్ల జాబితాలో రాహుల్‌ ఐదో స్థానంలో ఉన్నాడు. రాహుల్‌ సేనా దేశాల్లో 6 సెంచరీలు చేశాడు. ఈ విభాగంలో సచిన్‌ టెండూల్కర్‌ (17), విరాట్‌ కోహ్లి (12), రాహుల్‌ ద్రవిడ్‌ (10), సునీల్‌ గవాస్కర్‌ (8) రాహుల్‌ కంటే ముందున్నారు. రాహుల్‌తో సమానంగా మహ్మద్‌ అజారుద్దీన్‌ సేనా దేశాల్లో 6 సెంచరీలు చేశాడు.కాగా, ఈ మ్యాచ్‌లో తొలి ఇన్నింగ్స్‌లో భారత్‌ 471, ఇంగ్లండ్‌ 465 పరుగులు చేసిన విషయం తెలిసిందే. భారత తొలి ఇన్నింగ్స్‌లో యశస్వి జైస్వాల్‌ (101), శుభ్‌మన్‌ గిల్‌ (147), రిషబ్‌ పంత్‌ (134) సెంచరీలు చేయగా.. ఇంగ్లండ్‌ ఇన్నింగ్స్‌లో ఓలీ పోప్‌ (106) సెంచరీతో కదంతొక్కాడు. హ్యారీ బ్రూక్‌ (99) పరుగు తేడాతో సెంచరీ మిస్‌ అయ్యాడు. భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.

టీమిండియా స్టార్‌ ఆటగాడు రిషబ్‌ పంత్‌ టెస్ట్‌ల్లో సరికొత్త చరిత్ర సృష్టించాడు. ఓ టెస్ట్‌ మ్యాచ్‌ రెండు ఇన్నింగ్స్‌ల్లో సెంచరీలు చేసిన తొలి ఆసియా వికెట్‌కీపర్‌ బ్యాటర్‌గా ప్రపంచ రికార్డు నెలకొల్పాడు. టెస్ట్‌ క్రికెట్‌ చరిత్రలో ఇప్పటివరకు ఏ ఆసియా వికెట్‌కీపర్‌ బ్యాటర్‌ ఈ ఘనత సాధించలేదు. లీడ్స్‌ వేదికగా ఇంగ్లండ్‌తో జరుగుతున్న తొలి టెస్ట్‌లో పంత్‌ ఈ ఘనత సాధించాడు.ఈ మ్యాచ్‌ తొలి ఇన్నింగ్స్‌లో 178 బంతుల్లో డజను ఫోర్లు, అర డజను సిక్సర్ల సాయంతో 134 పరుగులు చేసిన పంత్‌.. రెండో ఇన్నింగ్స్‌లో 140 బంతుల్లో ​15 ఫోర్లు, 3 సిక్సర్ల సాయంతో 118 పరుగులు చేసి ఔటయ్యాడు. రెండో ఇన్నింగ్స్‌లో పంత్‌కు ముందు కేఎల్‌ రాహుల్‌ కూడా సెంచరీతో కదంతొక్కడంతో భారత్‌ పటిష్ట స్థితికి చేరింది.నాలుగో రోజు టీ విరామం సమయానికి భారత్‌ రెండో ఇన్నింగ్స్‌లో 4 వికెట్ల నష్టానికి 298 పరుగులు చేసి 304 పరుగుల ఆధిక్యంలో కొనసాగుతోంది. కేఎల్‌ రాహుల్‌ 120, కరుణ్‌ నాయర్‌ 4 పరుగులతో క్రీజ్‌లో ఉన్నారు. రెండో ఇన్నింగ్స్‌లో భారత ఆటగాళ్లు యశస్వి జైస్వాల్‌ 4, సాయి సుదర్శన్‌ 30, శుభ్‌మన్‌ గిల్‌ 8 పరుగులు చేసి ఔటయ్యారు. ఇంగ్లండ్‌ బౌలర్లలో బ్రైడన్‌ కార్స్‌ 2 వికెట్లు పడగొట్టగా.. షోయబ్‌ బషీర్‌, బెన్‌ స్టోక్స్‌ తలో వికెట్‌ తీశారు.ఈ మ్యాచ్‌లో తొలుత బ్యాటింగ్‌ చేసిన భారత్‌.. యశస్వి జైస్వాల్‌ (101), శుభ్‌మన్‌ గిల్‌ (147), రిషబ్‌ పంత్‌ (134) సెంచరీలతో చెలరేగడంతో తొలి ఇన్నింగ్స్‌లో 471 పరుగులు చేసింది. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ తలో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ చెరో వికెట్‌ పడగొట్టారు.అనంతరం బ్యాటింగ్‌కు దిగిన ఇంగ్లండ్‌ టీమిండియాకు ధీటుగా బదులిచ్చింది. ఓలీ పోప్‌ (106) సెంచరీతో కదంతొక్కగా.. హ్యారీ బ్రూక్‌ (99) పరుగు తేడాతో సెంచరీ మిస్‌ అయ్యాడు. మిగతా బ్యాటర్లలో బెన్‌ డకెట్‌ 62, జేమీ స్మిత్‌ 40, క్రిస్ వోక్స్‌ 38 రాణించడంతో ఇంగ్లండ్‌ తొలి ఇన్నింగ్స్‌లో 465 పరుగులకు ఆలౌటైంది. దీంతో భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.

లీడ్స్‌ వేదికగా ఇంగ్లండ్‌తో జరుగుతున్న తొలి టెస్ట్‌లో టీమిండియా వైస్‌ కెప్టెన్‌ రిషబ్‌ పంత్‌ రెండు ఇన్నింగ్స్‌ల్లో సెంచరీలు చేశాడు. తొలి ఇన్నింగ్స్‌లో 178 బంతుల్లో డజను ఫోర్లు, అర డజను సిక్సర్ల సాయంతో 134 పరుగులు చేసిన పంత్‌.. రెండో ఇన్నింగ్స్‌లో 130 బంతుల్లో 13 ​ ఫోర్లు, రెండు సిక్సర్ల సాయంతో సెంచరీ పూర్తి చేసుకున్నాడు. అయితే ఈ సారి పంత్‌ సెంచరీ చేసిన తర్వాత పల్టీ సెలబ్రేషన్స్‌ చేసుకోలేదు. స్టాండ్స్‌ నుంచి గవాస్కర్‌ పల్టీ కొట్టాలని అడిగినా పంత్‌ పెద్దగా పట్టించుకోలేదు. డబుల్‌ సెంచరీ తర్వాత అన్నట్లు సైగలు చేశాడు. తాజా సెంచరీతో టెస్ట్‌ల్లో పంత్‌ సెంచరీల సంఖ్య 8కి చేరింది. మరో ఎండ్‌లో కేఎల్‌ రాహుల్‌ కూడా సెంచరీ పూర్తి చేశాడు. తొలి ఇన్నింగ్స్‌లో 42 పరుగులకు ఔటైన రాహుల్‌.. ఈసారి మరింత బాధ్యతాయుతంగా ఆడి కెరీర్‌లో తొమ్మిదో సెంచరీ పూర్తి చేశాడు. రాహుల్‌ 202 బంతుల్లో 13 ఫోర్ల సాయంతో సెంచరీ మార్కును అందుకున్నాడు.నాలుగో రోజు ఆట ప్రారంభం కాగానే శుభ్‌మన్‌ గిల్‌ (8) వికెట్‌ కోల్పోయిన భారత్‌ను రాహుల్‌-పంత్‌ జోడీ ఆదుకుంది. ఈ ఇద్దరు ఎంతో సంయమనంతో బ్యాటింగ్‌ చేస్తూ.. భారత్‌ పైచేయి సాధించే దిశగా తీసుకెళ్తున్నారు. ఈ జోడీ ఇప్పటికే నాలుగో వికెట్‌కు 172 పరుగులు జోడించింది. పంత్‌ సెంచరీ పూర్తయ్యే సమయానికి రెండో ఇన్నింగ్స్‌లో భారత్‌ స్కోర్‌ 264/3గా ఉంది. రాహుల్‌ 112, పంత్‌ 100 పరుగులతో క్రీజ్‌లో ఉన్నారు. ప్రస్తుతానికి భారత్‌ ఆధిక్యం 270 పరుగులుగా ఉంది. భారత రెండో ఇన్నింగ్స్‌లో జైస్వాల్‌ 4, సాయి సుదర్శన్‌ 30, గిల్‌ 8 పరుగులు చేసి ఔటయ్యారు. ఇంగ్లండ్‌ బౌలర్లలో బ్రైడన్‌ కార్స్‌ 2, స్టోక్స్‌ ఓ వికెట్‌ దక్కించుకున్నారు.అంతకుముందు భారత్‌, ఇంగ్లండ్‌ తొలి ఇన్నింగ్స్‌ల్లో నువ్వా నేనా అన్నట్లు బ్యాటింగ్‌ చేశాయి. తొలుత బ్యాటింగ్‌ చేసిన భారత్‌.. ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీలతో చెలరేగడంతో 471 పరుగులు చేసింది. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ తలో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ చెరో వికెట్‌ పడగొట్టారు.అనంతరం బ్యాటింగ్‌కు దిగిన ఇంగ్లండ్‌ టీమిండియాకు ధీటుగా బదులిచ్చింది. ఓపెనర్‌ బెన్‌ డకెట్‌ (62) అర్ధ శతకంతో రాణించగా.. ఓలీ పోప్‌ (106) శతక్కొట్టాడు. హ్యారీ బ్రూక్‌ 99 పరుగులతో తృటిలో సెంచరీ మిస్‌ అయ్యాడు. మిగతా ఆటగాళ్లలో జేమీ స్మిత్‌ 40, క్రిస్ వోక్స్‌ 38 పరుగులతో పర్వాలేదనిపించారు. ఫలితంగా ఇంగ్లండ్‌ మొదటి ఇన్నింగ్స్‌లో 465 పరుగులు చేసింది. దీంతో భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.

లీడ్స్ వేదికగా ఇంగ్లండ్‌తో జరుగుతున్న తొలి టెస్ట్‌లో టీమిండియా ఓపెనర్‌ కేఎల్‌ రాహుల్‌ బాధ్యతాయుతమైన హాఫ్‌ సెంచరీతో మెరిశాడు. 47 పరుగుల ఓవర్‌నైట్‌ స్కోర్‌తో నాలుగో రోజు ఆటను ప్రారంభించిన రాహుల్‌.. 87 బంతుల్లో హాఫ్‌ సెంచరీని పూర్తి చేశాడు. రాహుల్‌కు కెరీర్‌లో ఇది 18వ హాఫ్‌ సెంచరీ. SENA దేశాల్లో (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) ఓపెనర్‌గా అతనికిది తొమ్మిదో హాఫ్‌ సెంచరీ. ఈ హాఫ్‌ సెంచరీతో రాహుల్‌ భారత మాజీ డాషింగ్‌ ఓపెనర్‌ వీరేంద్ర సెహ్వాగ్‌, మరో మాజీ ఓపెనర్‌ మురళీ విజయ్‌ రికార్డును సమం చేశాడు. భారత ఓపెనర్లుగా సెహ్వాగ్‌, మురళీ కూడా సేనా దేశాల్లో తలో 9 హాఫ్‌ సెంచరీలు చేశారు. ఈ విభాగంలో సునీల్‌ గవాస్కర్‌ ఒక్కడే ప్రస్తుతం రాహుల్‌ కంటే ముందున్నాడు. భారత ఓపెనర్‌గా గవాస్కర్‌ సేనా దేశాల్లో 19 హాఫ్‌ సెంచరీలు చేశాడు.సేనా దేశాల్లో అత్యధిక 50 ప్లస్‌ స్కోర్లు చేసిన భారత ఓపెనర్లు:19 - సునీల్ గవాస్కర్ 57 ఇన్నింగ్స్‌లలో9* - కేఎల్ రాహుల్ 42 ఇన్నింగ్స్‌లలో9 - మురళీ విజయ్ 42 ఇన్నింగ్స్‌లలో9 - వీరేంద్ర సెహ్వాగ్ 49 ఇన్నింగ్స్‌లలోమ్యాచ్‌ విషయానికొస్తే.. ఓవర్‌నైట్‌ స్కోర్‌ 90/2 వద్ద నాలుగో రోజు ఆటను ప్రారంభించిన భారత్‌కు ఆదిలోనే పెద్ద ఎదురుదెబ్బ​ తగిలింది. తొలి ఓవర్‌ చివరి బంతికే (24.6వ ఓవర్‌) బ్రైడన్‌ కార్స్‌ బౌలింగ్‌లో శుభ్‌మన్‌ గిల్‌ (8) క్లీన్‌ బౌల్డ్‌ అయ్యాడు. ఓవర్‌నైట్‌ స్కోర్‌కు మరో రెండు పరుగులు మాత్రమే జోడించి భారత్‌ మూడో వికెట్‌ కోల్పోయింది.ఈ దశలో రిషబ్‌ పంత్‌ రాహుల్‌కు జత కలిశాడు. వీరిద్దరు మరో వికెట్‌ పడకుండా జాగ్రత్తగా ఆడుతూ ఇన్నింగ్స్‌లు కొనసాగిస్తున్నారు. లంచ్‌ విరామం సమయానికి భారత్‌ స్కోర్‌ 153/3గా ఉంది. రాహుల్‌ 72, పంత్‌ 31 పరుగులతో క్రీజ్‌లో ఉన్నారు. ప్రస్తుతానికి భారత్‌ ఆధిక్యం 159 పరుగులుగా ఉంది. భారత రెండో ఇన్నింగ్స్‌లో యశస్వి జైస్వాల్‌ (4) విఫలం కాగా.. వన్‌డౌన్‌ బ్యాటర్‌ సాయి సుదర్శన్‌ (30) ఓ మోస్తరు ఇన్నింగ్స్‌ ఆడాడు. ఇంగ్లండ్‌ బౌలర్లలో బ్రైడన్‌ కార్స్‌ 2, స్టోక్స్‌ ఓ వికెట్‌ పడగొట్టారు.అంతకుముందు భారత్‌, ఇంగ్లండ్‌ తొలి ఇన్నింగ్స్‌ల్లో నువ్వా నేనా అన్నట్లు బ్యాటింగ్‌ చేశాయి. తొలుత బ్యాటింగ్‌ చేసిన భారత్‌.. ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీలతో చెలరేగడంతో 471 పరుగులు చేసింది. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ తలో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ చెరో వికెట్‌ పడగొట్టారు.అనంతరం బ్యాటింగ్‌కు దిగిన ఇంగ్లండ్‌ టీమిండియాకు ధీటుగా బదులిచ్చింది. ఓపెనర్‌ బెన్‌ డకెట్‌ (62) అర్ధ శతకంతో రాణించగా.. ఓలీ పోప్‌ (106) శతక్కొట్టాడు. హ్యారీ బ్రూక్‌ 99 పరుగులతో తృటిలో సెంచరీ మిస్‌ అయ్యాడు. మిగతా ఆటగాళ్లలో జేమీ స్మిత్‌ 40, క్రిస్ వోక్స్‌ 38 పరుగులతో పర్వాలేదనిపించారు. ఫలితంగా ఇంగ్లండ్‌ మొదటి ఇన్నింగ్స్‌లో 465 పరుగులు చేసింది. దీంతో భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.

టీమిండియా మాజీ కెప్టెన్‌ సౌరవ్‌ గంగూలీ (Sourav Ganguly) 2003 వన్డే ప్రపంచకప్‌ నాటి జ్ఞాప​కాలు గుర్తు చేసుకున్నాడు. జట్టు ఎంపిక సమయంలో ఆచితూచి వ్యవహరించామని.. కూర్పు దృష్ట్యా నాడు ఓ దిగ్గజ బ్యాటర్‌కు మొండిచేయి చూపామని పేర్కొన్నాడు. ఈ కారణంగా అతడు తనతో మూడు నెలల పాటు ఒక్క మాట కూడా మాట్లాడలేదని తాజాగా వెల్లడించాడు.కాగా 2003లో సౌతాఫ్రికాలో జరిగిన వన్డే వరల్డ్‌కప్‌ (ODI World Cup 2003) జట్టులో యాజమాన్యం వీవీఎస్‌ లక్ష్మణ్‌కు చోటు ఇవ్వలేదు. అతడిని కాదని దినేశ్‌ మోంగియా (Dinesh Mongia)ను సెలక్టర్లు ఎంపిక చేశారు. ఇక నాటి ఈ ఐసీసీ టోర్నీలో టీమిండియా రన్నరప్‌తో సరిపెట్టుకుంది.నాతో మూడు నెలలు మాట్లాడలేదుతాజాగా నాటి జ్ఞాపకాలు గుర్తు చేసుకున్న వరల్డ్‌కప్‌ జట్టు కెప్టెన్‌ సౌరవ్‌ గంగూలీ.. లక్ష్మణ్‌ గురించి ఆసక్తికర విషయాలు వెల్లడించాడు. టైమ్స్‌ ఆఫ్‌ ఇండియాతో మాట్లాడుతూ.. ‘‘ఆటగాళ్లకు విశ్రాంతినివ్వడం సహజమే. అలా చాలా మందిని చాలా సార్లు పక్కనపెట్టాల్సి వచ్చేది.అందుకు వారు అసంతృప్తికి లోనవడం కూడా మామూలే. వరల్డ్‌కప్‌ జట్టులో స్థానం దక్కనందుకు లక్ష్మణ్‌ నాతో మూడు నెలల పాటు ఒక్క మాట కూడా మాట్లాడలేదు. నేను చొరవ తీసుకుని అతడిని కదిలించాను.ఏ ఆటగాడి కెరీర్‌లోనైనా ఇలాంటి ఆటుపోట్లు తప్పవు. ముఖ్యంగా సమర్థవంతుడైన తనకు చోటు దక్కనందుకు లక్ష్మణ్‌ అసంతృప్తికి లోనుకావడం, బాధపడటం సహజమే.పాక్‌లో అదరగొట్టాడుఅయితే, ప్రపంచకప్‌ టోర్నీలో మా ప్రదర్శన పట్ల అతడు సంతోషం వ్యక్తం చేశాడు. ఈ ఈవెంట్‌ తర్వాత అతడు వన్డే జట్టులోకి తిరిగి వచ్చాడు. పాకిస్తాన్‌, ఆస్ట్రేలియా పర్యటనల్లో అద్భుత ప్రదర్శన కనబరిచాడు. ఏ ఆటగాడైనా జట్టులో చోటు దక్కనపుడు బాధపడినా... దానిని మరీ వ్యక్తిగతంగా తీసుకోరు. జట్టు ప్రయోజనాల కోసం తమ అత్యుత్తమ ప్రదర్శన ఇచ్చేందుకు ఎల్లప్పుడూ సిద్ధంగా ఉంటారు’’ అని గంగూలీ పేర్కొన్నాడు.కాగా టీమిండియా తరఫున గంగూలీ 1992 నుంచి 2008 వరకు 113 టెస్టులు, 311 వన్డే మ్యాచ్‌లు ఆడాడు. ఆయా ఫార్మాట్లలో వరుసగా 7212, 11363 పరుగులు సాధించాడు. భారత క్రికెట్‌ జట్టు దశ దిశ మార్చిన కెప్టెన్‌గా పేరొందిన దాదా ఖాతాలో.. 16 టెస్టు, 22 వన్డే శతకాలు ఉన్నాయి.మరోవైపు.. హైదరాబాదీ వీవీఎస్‌ లక్ష్మణ్‌ 1996- 2012 మధ్య భారత్‌కు ప్రాతినిథ్యం వహించాడు. తన కెరీర్‌లో 134 టెస్టుల్లో 8781 పరుగులు,86 వన్డేల్లో 2338 పరుగులు సాధించాడు. ఇక గతంలో గంగూలీ భారత క్రికెట్‌ నియంత్రణ మండలి అధ్యక్షుడిగా పనిచేయగా.. లక్ష్మణ్‌ జాతీయ క్రికెట్‌ అకాడమీ చీఫ్‌గా ఉన్నాడు. ప్రధాన కోచ్‌ల గైర్హాజరీలో టీమిండియా హెడ్‌కోచ్‌గా వ్యవహరిస్తున్నాడు.చదవండి: దంచికొట్టిన ఉన్ముక్త్‌ చాంద్‌.. క్లాసెన్‌ బృందానికి తప్పని ఓటమి

టీమిండియా పాకెట్‌ డైనమైట్‌ ఇషాన్‌ కిషన్‌ కౌంటీ క్రికెట్‌లోకి గ్రాండ్‌గా ఎంట్రీ ఇచ్చాడు. అరంగేట్రం ఇన్నింగ్స్‌లోనే మెరుపు హాఫ్‌ సెంచరీతో ఆకట్టుకున్నాడు. ఈ ఇన్నింగ్స్‌లో ఇషాన్‌ కేవలం 57 బంతుల్లోనే హాఫ్‌ సెంచరీ పూర్తి చేశాడు. మొత్తంగా 94 బంతుల్లో 11 ఫోర్లు, సిక్సర్‌ సాయంతో 83 పరుగులు చేసి ఇన్నింగ్స్‌ను కొనసాగిస్తున్నాడు. కౌంటీల్లో ఇషాన్‌కు ఇదే తొలి అసైన్‌మెంట్‌. ఇటీవలే అతను నాటింగ్హమ్‌షైర్‌తో ఒప్పందం కుదుర్చుకున్నాడు. ఈ జట్టుతో ఇషాన్‌ ఒప్పందం కేవలం రెండు మ్యాచ్‌లకు మాత్రమే వర్తిస్తుంది. సౌతాఫ్రికా వికెట్ కీప‌ర్ బ్యాట‌ర్ కైల్ వెర్రెయిన్ జాతీయ విధులు హాజరయ్యేందుకు జింబాబ్వేకు వెళ్లడంతో (రెండు మ్యాచ్‌ల టెస్ట్‌ సిరీస్‌ కోసం) నాటింగ్హమ్‌షైర్‌ ఇషాన్‌తో స్వల్ప కాలిక ఒప్పందం చేసుకుంది. డివిజన్‌–1 కౌంటీ చాంపియన్‌షిప్‌లో భాగంగా నాటింగ్హమ్‌షైర్‌ యార్క్‌షైర్‌తో తలపడుతుంది. రెండో రోజు తొలి సెషన్‌లో నాటింగ్హమ్‌షైర్‌ 348/6గా ఉంది. ఇషాన్‌, లియామ్‌ పాటర్సన్‌ (22) క్రీజ్‌లో ఉన్నారు. అంతకుముందు నాటింగ్హమ్‌ ఇన్నింగ్స్‌లో హసబ్‌ హమీద్‌ 52, బెన్‌ స్లేటర్‌ 96, ఫ్రెడ్డీ 23, జో క్లార్క్‌ 31, జాక్‌ హేన్స్‌ 18, లిండన్‌ జేమ్స్‌ 12 పరుగులు చేసి ఔటయ్యారు. యార్క్‌షైర్‌ బౌలర్లలో జార్జ్‌ హిల్‌, డేనియల్‌ మోరియార్టీ తలో 2 వికెట్లు పడగొట్టగా.. జాక్‌ వైట్‌, విలయమ్‌ ఓరూర్కీ చెరో వికెట్‌ దక్కించుకున్నారు.10 రోజుల్లో మూడో ఆటగాడు..10 రోజుల వ్యవధిలో కౌంటీ ఛాంపియన్‌షిప్‌లో ఆడేందుకు ఒప్పందం కుద‌ర్చుకున్న మూడో భార‌త ఆట‌గాడిగా ఇషాన్‌ కిషన్‌ నిలిచాడు. కిష‌న్ కంటే ముందు రుతురాజ్ గైక్వాడ్ ,తిలక్ వర్మ యార్క్‌షైర్, హాంప్‌షైర్‌లతో జ‌తక‌ట్టారు.ఇషాన్ కిషన్ గత కొంత కాలంగా జాతీయ జట్టుకు దూరంగా ఉంటున్న సంగతి తెలిసిందే. గ‌తేడాది బీసీసీఐ నిబంధ‌న‌లు ఉల్ల‌ఘించి బీసీసీఐ సెంట్రల్ కాంట్రాక్ట్‌ను కోల్పోయిన ఇషాన్‌.. తిరిగి ఈ ఏడాది తన కాం‍ట్రాక్ట్‌ను దక్కించుకున్నాడు.టీమిండియా ప్రస్తుతం ఇంగ్లండ్ పర్యటనలో ఉన్న విషయం తెలిసిందే. దాదాపు రెండు నెలల పాటు భారత జట్టు ఇంగ్లండ్‌లోనే ఉండనుంది. ఒకవేళ ఏ ఆటగాడు అయినా గాయపడితే ప్రత్యామ్నాయంగా ఇషాన్‌కు పిలుపు వచ్చే అవకాశముంది.

భారత్‌-ఇంగ్లండ్‌ మధ్య లీడ్స్‌ వేదికగా జరుగుతున్న తొలి టెస్ట్‌ మ్యాచ్‌ ఆసక్తికరంగా సాగుతుంది. తొలి ఇన్నింగ్స్‌ల్లో ఇరు జట్లు నువ్వా నేనా అన్నట్లు బ్యాటింగ్‌ చేశాయి. తొలుత బ్యాటింగ్‌ చేసిన భారత్‌.. ఓపెనర్‌ యశస్వి జైస్వాల్‌ (101), కెప్టెన్‌ శుబ్‌మన్‌ గిల్‌ (147), వికెట్‌ కీపర్‌ బ్యాటర్‌ రిషభ్‌ పంత్‌ (134) సెంచరీలతో చెలరేగడంతో 471 పరుగులు చేసింది. ఇంగ్లండ్‌ బౌలర్లలో జోష్‌ టంగ్‌, కెప్టెన్‌ బెన్‌ స్టోక్స్‌ తలో నాలుగు వికెట్లు తీయగా.. షోయబ్‌ బషీర్‌, బ్రైడన్‌ కార్స్‌ చెరో వికెట్‌ పడగొట్టారు.అనంతరం బ్యాటింగ్‌కు దిగిన ఇంగ్లండ్‌ టీమిండియాకు ధీటుగా బదులిచ్చింది. ఓపెనర్‌ బెన్‌ డకెట్‌ (62) అర్ధ శతకంతో రాణించగా.. ఓలీ పోప్‌ (106) శతక్కొట్టాడు. హ్యారీ బ్రూక్‌ 99 పరుగులతో తృటిలో సెంచరీ మిస్‌ అయ్యాడు. మిగతా ఆటగాళ్లలో జేమీ స్మిత్‌ 40, క్రిస్ వోక్స్‌ 38 పరుగులతో పర్వాలేదనిపించారు. ఫలితంగా ఇంగ్లండ్‌ మొదటి ఇన్నింగ్స్‌లో 465 పరుగులు చేసింది. దీంతో భారత్‌కు 6 పరుగుల స్వల్ప ఆధిక్యం లభించింది. భారత బౌలర్లలో జస్ప్రీత్‌ బుమ్రా ఐదు వికెట్లతో చెలరేగగా.. ప్రసిద్‌ కృష్ణ మూడు, సిరాజ్‌ రెండు వికెట్లు దక్కించుకున్నారు.ఆరు పరుగుల స్వల్ప ఆధిక్యంతో రెండో ఇన్నింగ్స్‌ ప్రారంభించిన టీమిండియా మూడో రోజు ఆట ముగిసే సమయానికి 2 వికెట్లు కోల్పోయి 90 పరుగులు చేసింది. ఓపెనర్‌ యశస్వి జైస్వాల్‌ (4), వన్‌డౌన్‌ బ్యాటర్‌ సాయి సుదర్శన్‌ (30) ఔట్‌ కాగా.. మరో ఓపెనర్‌ కేఎల్‌ రాహుల్‌ (47), కెప్టెన్‌ శుభ్‌మన్‌ గిల్‌ 6 పరుగులతో క్రీజులో ఉన్నారు.‌ 6 పరుగుల ఆధిక్యం కలుపుకొని భారత్‌ 96 పరుగుల ఆధిక్యంలో ఉంది.నాలుగో రోజు ఆట ప్రారంభం కాగానే టీమిండియాకు షాక్‌ఓవర్‌నైట్‌ స్కోర్‌ 90/2 వద్ద నాలుగో రోజు ఆటను ప్రారంభించిన టీమిండియాకు ఆదిలోనే షాక్‌ తగిలింది. తొలి ఓవర్‌ చివరి బంతికే (24.6వ ఓవర్‌) బ్రైడన్‌ కార్స్‌ బౌలింగ్‌లో తొలి ఇన్నింగ్స్‌ సెంచరీ హీరో శుభ్‌మన్‌ గిల్‌ (8) క్లీన్‌ బౌల్డ్‌ అయ్యాడు. ఓవర్‌నైట్‌ స్కోర్‌కు మరో రెండు పరుగులు మాత్రమే జోడించి భారత్‌ మూడో వికెట్‌ కోల్పోయింది. కేఎల్‌ రాహుల్‌కు జతగా రిషబ్‌ పంత్‌ క్రీజ్‌లోకి వచ్చాడు. గిల్‌ వికెట్‌ కోల్పోవడంతో కేఎల్‌ రాహుల్‌, రిషబ్‌ పంత్‌పై ఒత్తిడి పడే అవకాశం ఉంది. ఇంగ్లండ్‌ ముందు టీమిండియా గౌరవప్రదమైన టార్గెట్‌ ఉంచాలంటే రాహుల్‌, పంత్‌ చాలా కీలకం కానున్నారు. వీరిద్దరు ఈ రోజంతా క్రీజ్‌లో ఉంటేనే భారత్‌ ఓ మోస్తరు స్కోర్‌ చేయగలుగుతుంది.

అంతర్జాతీయ హాకీ సమాఖ్య 2024–2025 ప్రొ లీగ్‌ను భారత పురుషుల జట్టు విజయంతో ముగించింది. యూరోపియన్‌ చివరి అంచె లీగ్‌లో భాగంగా ఆదివారం ఆంట్‌వర్ప్‌లో ఆతిథ్య బెల్జియం జట్టుతో జరిగిన మ్యాచ్‌లో టీమిండియా 4–3 గోల్స్‌ తేడాతో గెలుపొందింది. యూరోపియన్‌ అంచెలో భారత్‌కు దక్కిన ఏకైక విజయం ఇదే కావడం గమనార్హం. యూరోపియన్‌ అంచెలో భారత్‌ వరుసగా ఏడు మ్యాచ్‌ల్లో ఓడిపోయి, చివరి మ్యాచ్‌లో నెగ్గి ఊపిరి పీల్చుకుంది.ఈ మ్యాచ్‌లో భారత్‌ తరఫున సుఖ్‌జీత్‌ సింగ్‌ (21వ, 35వ నిమిషంలో) రెండు గోల్స్‌ చేయగా... అమిత్‌ రోహిదాస్‌ (36వ నిమిషంలో), కెప్టేన్‌ హర్మన్‌ప్రీత్‌ సింగ్‌ (59వ నిమిషంలో) ఒక్కో గోల్‌ సాధించారు. బెల్జియం జట్టు తరఫున స్లూవర్‌ (8వ నిమిషంలో), స్టాక్‌బ్రోయెక్స్‌ (34వ నిమిషంలో), హుగో (41వ నిమిషంలో) ఒక్కో గోల్‌ చేశారు.మొత్తం తొమ్మిది జట్ల మధ్య జరుగుతున్న ప్రొ లీగ్‌లో భారత జట్టు తమ 16 మ్యాచ్‌లను పూర్తి చేసుకుంది. 6 మ్యాచ్‌ల్లో గెలిచి, 10 మ్యాచ్‌ల్లో ఓడిపోయిన భారత్‌ 18 పాయింట్లతో ఎనిమిదో స్థానంతో సరిపెట్టుకుంది. మరోవైపు భారత మహిళల జట్టు వరుసగా ఆరో పరాజయాన్ని చవిచూసింది. బెల్జియంతో ఆదివారం జరిగిన మ్యాచ్‌లో భారత్‌ 0–2తో ఓడిపోయింది.

ప్రధాన పేసర్‌ జస్‌ప్రీత్‌ బుమ్రా 5 వికెట్లతో అదరగొట్టినా... మిగిలిన వాళ్లు పెద్దగా ప్రభావం చూపకపోవడంతో... ఇంగ్లండ్‌ తొలి ఇన్నింగ్స్‌లో భారత జట్టు భారీ స్కోరుకు అతి చేరువగా వచ్చింది. బ్రూక్‌ బాదుడుకు లోయర్‌ ఆర్డర్‌ సహకారం తోడవడంతో కేవలం 6 పరుగుల వెనుకబడిన ఇంగ్లండ్‌ పోటీలోకి రాగా... రెండో ఇన్నింగ్స్‌లో కేఎల్‌ రాహుల్‌ రాణించడంతో టీమిండియా మెరుగైన స్థితిలో నిలిచింది. ప్రస్తుతానికి ఇరు జట్లు సమంగానే ఉన్నా... నాలుగో రోజు భారత బ్యాటర్లు ఎలాంటి ప్రదర్శన కనబరుస్తారన్నది కీలకంగా మారింది. సొంతగడ్డపై దంచికొట్టే అలవాటు ఉన్న ఇంగ్లండ్‌ ముందు ఎంత లక్ష్యం నిర్దేశించినా సురక్షితం కాదనే విశ్లేషణల మధ్య... టీమిండియా సోమవారం పూర్తిగా బ్యాటింగ్‌ చేయాల్సిన పరిస్థితి నెలకొంది! లీడ్స్‌: భారత్, ఇంగ్లండ్‌ తొలి టెస్టు రసవత్తరంగా సాగుతోంది. ఆధిక్యం చేతులు మారుతూ సాగుతున్న పోరులో మూడో రోజు ఆట ముగిసే సమయానికి భారత్‌ రెండో ఇన్నింగ్స్‌లో 23.5 ఓవర్లలో 2 వికెట్ల నష్టానికి 90 పరుగులు చేసింది. తొలి ఇన్నింగ్స్‌ సెంచరీ హీరో యశస్వి జైస్వాల్‌ (4) త్వరగానే అవుటైనా... కేఎల్‌ రాహుల్‌ (75 బంతుల్లో 47 బ్యాటింగ్‌; 7 ఫోర్లు), సాయి సుదర్శన్‌ (48 బంతుల్లో 30; 4 ఫోర్లు) ఆకట్టుకున్నారు. చేతిలో 8 వికెట్లు ఉన్న టీమిండియా... ప్రస్తుతం తొలి ఇన్నింగ్స్‌ ఆధిక్యం 6 పరుగులు కలుపుకొని ఓవరాల్‌గా 96 పరుగుల ముందంజలో ఉంది.రాహుల్‌తో పాటు కెపె్టన్‌ శుబ్‌మన్‌ గిల్‌ (6 బ్యాటింగ్‌) క్రీజులో ఉన్నాడు. అంతకుముందు ఓవర్‌నైట్‌ స్కోరు 209/3తో ఆదివారం తొలి ఇన్నింగ్స్‌ కొనసాగించిన ఇంగ్లండ్‌... చివరకు 100.4 ఓవర్లలో 465 పరుగులకు ఆలౌటైంది. ఒలీ పోప్‌ (137 బంతుల్లో 106; 14 ఫోర్లు) ఎక్కువసేపు నిలవలేకపోగా... హ్యారీ బ్రూక్‌ (112 బంతుల్లో 99; 11 ఫోర్లు, 2 సిక్స్‌లు) ఒక్క పరుగు తేడాతో సెంచరీని చేజార్చుకున్నాడు. మిగతా బ్యాటర్లు తలా కొన్ని పరుగులు చేయడంతో ఇంగ్లండ్‌ జట్టు... టీమిండియా తొలి ఇన్నింగ్స్‌ స్కోరుకు 6 పరుగుల దూరంలో నిలిచింది. భారత బౌలర్లలో బుమ్రా 5 వికెట్లతో అదరగొట్టగా... ప్రసిధ్‌ కృష్ణ 3, మొహమ్మద్‌ సిరాజ్‌ 2 వికెట్లు తీశారు. జైస్వాల్‌ 4 పరుగులకే... తొలి ఇన్నింగ్స్‌లో చక్కటి సెంచరీ చేసిన జైస్వాల్‌... రెండో ఇన్నింగ్స్‌లో ఆకట్టుకోలేకపోయాడు. ఫీల్డింగ్‌లో మూడు క్యాచ్‌లు వదిలేయడంతో నెలకొన్న ఒత్తిడి అతడి ఆటతీరులో కనిపించింది. కార్స్‌ వేసిన నాలుగో ఓవర్‌లో కీపర్‌కు క్యాచ్‌ ఇచ్చి భారంగా పెవిలియన్‌కు వెనుదిరిగాడు. ఈ దశలో అరంగేట్ర ఆటగాడు సాయి సుదర్శన్‌తో కలిసి రాహుల్‌ క్లాస్‌ ఇన్నింగ్స్‌తో ఆకట్టుకున్నాడు. ఇంగ్లండ్‌ బ్యాటర్లు భారీ షాట్లతో రెచ్చిపోయిన పిచ్‌పై రాహుల్‌ సంయమనం పాటించాడు. రాహుల్‌తో కలిసి రెండో వికెట్‌కు 66 పరుగులు జోడించిన అనంతరం సుదర్శన్‌ వెనుదిరగగా... కెపె్టన్‌ గిల్‌తో కలిసి రాహుల్‌ మరో వికెట్‌ పడకుండా రోజును ముగించాడు. వర్షం కారణంగా ఆట నిర్ణిత సమయం కంటే ముందే ముగిసింది. ఇంగ్లండ్‌ బౌలర్లలో కార్స్, స్టోక్స్‌ చెరో వికెట్‌ పడగొట్టారు. బ్రూక్‌... పరుగు తేడాతో బ్యాటింగ్‌కు అనుకూలిస్తున్న పిచ్‌పై మూడో రోజు ఇంగ్లండ్‌ సమష్టి ప్రదర్శనతో సత్తా చాటింది. ‘సెంచరీ హీరో’ ఓలీ పోప్‌ క్రితం రోజు స్కోరుకు మరో 6 పరుగులు మాత్రమే జత చేసి వెనుదిరగగా... కెపె్టన్‌ బెన్‌ స్టోక్స్‌ (52 బంతుల్లో 20; 3 ఫోర్లు)ను సిరాజ్‌ అవుట్‌ చేశాడు. ఇక ఇంగ్లండ్‌ ఇన్నింగ్స్‌ ముగిసేందుకు ఎక్కువ సమయం పట్టుదు అనుకుంటే... లోయర్‌ ఆర్డర్‌తో కలిసి హ్యారీ బ్రూక్‌ చెలరేగిపోయాడు. ధనాధన్‌ షాట్లతో చకచకా పరుగులు రాబట్టాడు. వికెట్‌ కీపర్‌ జేమీ స్మిత్‌ (52 బంతుల్లో 40; 5 ఫోర్లు, 1 సిక్స్‌), క్రిస్‌ వోక్స్‌ (55 బంతుల్లో 38; 3 ఫోర్లు, 2 సిక్స్‌లు) ధాటిగా ఆడారు.తొలి సెషన్‌లో 28 ఓవర్లు ఆడిన ఇంగ్లండ్‌ 2 వికెట్లు కోల్పోయి 118 పరుగులు చేయగా... రెండో సెషన్‌లో 23.4 ఓవర్లలోనే 138 పరుగులు చేసి మిగిలిన ఐదు వికెట్లు కోల్పోయింది. రెండో రోజు ఆటలో బుమ్రా బౌలింగ్‌లో క్లీన్‌ బౌల్డ్‌ అయినా... ఆ బంతి నోబాల్‌ కావడంతో బతికిపోయిన బ్రూక్‌కు... మూడో రోజు మరో రెండు అవకాశాలు లభించాయి. వాటిని వినియోగించుకున్న అతడు భారత్‌ ఆధిక్యాన్ని తగ్గించగలిగాడు. శతకానికి ఒక పరుగు దూరంలో ప్రసిధ్‌ కృష్ణ వేసిన షార్ట్‌ పిచ్‌ బంతికి బ్రూక్‌ పెవిలియన్‌ చేరాడు. ఆ తర్వాత కార్స్‌ (23 బంతుల్లో 22; 4 ఫోర్లు), వోక్స్, టంగ్‌ (18 బంతుల్లో 11; 2 ఫోర్లు) విలువైన పరుగులు చేసి టీమిండియా ఆధిక్యాన్ని 6 పరుగులకు పరిమితం చేశారు.అదే తంతు..ఈ మ్యాచ్‌లో భారత ఫీల్డింగ్‌ మరీ పేలవంగా సాగింది. రెండో రోజు బుమ్రా బౌలింగ్‌లోనే మన ఫీల్డర్లు మూడు క్యాచ్‌లు జారవిడవగా... మూడో రోజు మరో రెండు క్యాచ్‌లు నేల పాలయ్యాయి. 46 పరుగుల వ్యక్తిగత స్కోరు వద్ద జడేజా బౌలింగ్‌లో బ్రూక్‌ ఇచ్చిన క్యాచ్‌ను పంత్‌ అందుకోలేకపోగా... 82 పరుగుల వద్ద బుమ్రా బౌలింగ్‌లో బ్రూక్‌ ఇచ్చిన సులువైన క్యాచ్‌ను జైస్వాల్‌ జారవిడిచాడు. ఒక ఎండ్‌లో బుమ్రా ఒత్తిడి పెంచుతున్నా... మరో ఎండ్‌ నుంచి అతడికి సరైన సహకారం దక్కలేదు.దీనిపై మాజీ ఆటగాళ్లు కూడా మండిపడగా... షార్ట్‌ బాల్స్‌తో వికెట్లు తీసిన ప్రసిధ్‌ కృష్ణ పరుగుల నియంత్రణలో పూర్తిగా విఫలమయ్యాడు. 20 ఓవర్లు వేసిన అతడు 128 పరుగులు సమరి్పంచుకున్నాడు. దీంతో ఇంగ్లండ్‌ బ్యాటర్ల మీద ఒత్తిడి కొనసాగలేకపోయింది. దీనికి తోడు తొలి టెస్టులో కెపె్టన్సీ చేస్తున్న గిల్‌ కూడా కొన్ని తప్పుడు నిర్ణయాలతో ఇంగ్లండ్‌కు సాయపడ్డాడు.టెయిలెండర్లు బ్యాటింగ్‌ చేస్తున్న సమయంలో బుమ్రాను రంగంలోకి దింపి ఆధిక్యం పెంచుకోవాల్సింది పోయి... జడేజాకు బంతి అప్పగించి ఇంగ్లండ్‌ మరికొన్ని పరుగులు చేసే అవకాశం ఇచ్చాడు. ఎట్టకేలకు రెండో సెషన్‌ చివర్లో బంతి అందుకున్న బుమ్రా వరుస ఓవర్లలో వోక్స్, టంగ్‌ను క్లీన్‌ బౌల్డ్‌ చేసి ఆతిథ్య జట్టు ఇన్నింగ్స్‌కు తెరదింపాడు. ఈ క్రమంలో అతడు టెస్టుల్లో 14వసారి 5 వికెట్ల ప్రదర్శన నమోదు చేసుకున్నాడు.స్కోరు వివరాలు భారత్‌ తొలి ఇన్నింగ్స్‌: 471; ఇంగ్లండ్‌ తొలి ఇన్నింగ్స్‌: క్రాలీ (సి) నాయర్‌ (బి) బుమ్రా 4; డకెట్‌ (బి) బుమ్రా 62; పోప్‌ (సి) పంత్‌ (బి) ప్రసిధ్‌ 106; రూట్‌ (సి) నాయర్‌ (బి) బుమ్రా 28; బ్రూక్‌ (సి) శార్దుల్‌ (బి) ప్రసిధ్‌ 99; స్టోక్స్‌ (సి) పంత్‌ (బి) సిరాజ్‌ 20; జేమీ స్మిత్‌ (సి) సుదర్శన్‌ (బి) ప్రసిధ్‌ 40; వోక్స్‌ (బి) బుమ్రా 38; కార్స్‌ (బి) సిరాజ్‌ 22; టంగ్‌ (బి) బుమ్రా 11; బషీర్‌ (నాటౌట్‌) 1; ఎక్స్‌ట్రాలు 34; మొత్తం (100.4 ఓవర్లలో ఆలౌట్‌) 465.వికెట్ల పతనం: 1–4, 2–126, 3–206, 4–225, 5–276, 6–349, 7–398, 8–453, 9–460, 10–465.బౌలింగ్‌: బుమ్రా 24.4–5–83–5; సిరాజ్‌ 27–0 –122–2; ప్రసిధ్‌ 20–0–128–3; జడేజా 23–4–68–0; శార్దుల్‌ 6–0–38–0. భారత్‌ రెండో ఇన్నింగ్స్‌: జైస్వాల్‌ (సి) స్మిత్‌ (బి) కార్స్‌ 4; రాహుల్‌ (బ్యాటింగ్‌) 47; సుదర్శన్‌ (సి) క్రాలీ (బి) స్టోక్స్‌ 30; గిల్‌ (బ్యాటింగ్‌) 6; ఎక్స్‌ట్రాలు 3; మొత్తం (23.5 ఓవర్లలో 2 వికెట్లకు) 90.వికెట్ల పతనం: 1–16, 2–82.బౌలింగ్‌: వోక్స్‌ 6–2– 18–0; కార్స్‌ 5–0–27–1; టంగ్‌ 5–0–15–0; బషీర్‌ 2.5–1– 11–0; స్టోక్స్‌ 5–1–18–1.