ఐదు మ్యాచ్‌ల టెస్ట్‌ సిరీస్‌ కోసం భారత సీనియర్‌ క్రికెట్‌ జట్టు జూన్‌ 20 నుంచి ఇంగ్లండ్‌లో పర్యటించనుంది. ఈ సిరీస్‌కు ముందు భారత్‌-ఏ, ఇంగ్లండ్‌ లయన్స్‌ మధ్య రెండు అనధికారిక టెస్ట్‌ మ్యాచ్‌లు జరుగనున్నాయి. ఇందులో మొదటి టెస్ట్‌ మే 30న ప్రారంభం​ కానుంది. ఈ మ్యాచ్‌ కోసం 14 మంది సభ్యుల భారత-ఏ జట్టు ఎంపిక పూర్తైనట్లు తెలుస్తుంది. ఐపీఎల్‌ రివైజ్డ్‌ షెడ్యూల్‌ కారణంగా ఇంగ్లండ్‌ లయన్స్‌తో రెండో టెస్ట్‌కు జట్టు ఎంపికను వాయిదా వేసినట్లు తెలుస్తుంది. ఐపీఎల్‌ ప్లే ఆఫ్స్‌ తేదీలతో తొలి అనధికారిక టెస్ట్‌ మ్యాచ్‌ తేదీలు క్లాష్‌ అవుతున్న కారణంగా ప్లే ఆఫ్స్‌ అవకాశాలు ఉన్న జట్ల ఆటగాళ్లను ఎంపిక చేయలేదు. రెండో అనధికారిక టెస్ట్‌ కోసం భారత-ఏ జట్టును త్వరలో ప్రకటించే అవకాశం ఉంది.కాగా, తొలి అనధికారిక టెస్ట్‌ కోసం ఎంపిక చేసిన భారత-ఏ జట్టులో యువ ఆటగాళ్లు యశస్వి జైస్వాల్‌, ఇషాన్‌ కిషన్‌ చోటు దక్కించుకున్నారని సమాచారం. వీరితో పాటు దేశవాలీ క్రికెట్‌లో విశేషంగా రాణించిన కరుణ్‌ నాయర్‌కు కూడా బెర్త్‌ దక్కినట్లు తెలుస్తుంది.ఈ ముగ్గురితో పాటు ఐపీఎల్‌ ప్లే ఆఫ్స్‌ అవకాశాలు లేని జట్లకు చెందిన నితీశ్‌ రెడ్డి, ధృవ్‌ జురెల్‌, అభిమన్యు ఈశ్వరన్‌, ఆకాశ్‌దీప్‌, తనుశ్‌ కోటియన్‌ను కూడా తొలి అనధికారిక టెస్ట్‌ కోసం ఎంపి​క చేసినట్లు తెలుస్తుంది. వీరంతా ఇటీవల ముగిసిన ఆస్ట్రేలియా టూర్‌లో భాగమై ఉన్నారు. ధృవ్‌ జురెల్‌, ఇషాన్‌ కిషన్‌ ఎంపికతో సంజూ శాంసన్‌కు మొండిచెయ్యి ఎదురైనట్లు తెలుస్తుంది. పైన పేర్కొన్న ఆటగాళ్లతో పాటు దేశవాలీ క్రికెట్‌లో సత్తా చాటిన శార్దూల్‌ ఠాకూర్‌, అన్షుల్‌ కంబోజ్‌, మానవ్‌ సుతార్‌ను కూడా తొలి అనధికారిక టెస్ట్‌ కోసం ఎంపిక చేసినట్లు సమాచారం. ఐపీఎల్‌-2025లో అంచనాలకు మించి రాణించిన సీఎస్‌కే పేసర్‌ ఖలీల్‌ అహ్మద్‌కు కూడా జట్టులో చోటు దక్కినట్లు తెలుస్తుంది.ఐపీఎల్‌ టైటిల్‌ రేసులో ముందున్న గుజరాత్‌ టైటాన్స్‌ ఆటగాళ్లు సాయి సుదర్శన్‌, వాషింగ్టన్‌ సుందర్‌ను రెండో అనధికారిక టెస్ట్‌కు ఎంపిక చేస్తారని తెలుస్తుంది. వీరితో పాటు రజత్‌ పాటిదార్‌, అర్షదీప్‌ సింగ్‌, తిలక్‌ వర్మను కూడా రెండో టెస్ట్‌కు ఎంపిక చేసే అవకాశం ఉంది. ఈ టెస్ట్‌ జూన్‌ 6న ప్రారంభమవుతుంది. గత ఇంగ్లండ్‌ సిరీస్‌లో రాణించిన సర్ఫరాజ్‌ ఖాన్‌ను నేరుగా భారత సీనియర్‌ జట్టుకు ఎంపిక చేస్తారని ప్రచారం​ జరుగుతుంది.ఇదిలా ఉంటే, రెండు అనధికారిక టెస్ట్‌ తర్వాత జూన్‌ 20న భారత సీనియర్‌ జట్టు ఇంగ్లండ్‌తో తొలి టెస్ట్‌ ఆడనుంది. ఈ సిరీస్‌ కోసం భారత జట్టును ప్రకటించాల్సి ఉంది. రోహిత్‌ శర్మ టెస్ట్‌లకు రిటైర్మెంట్‌ ప్రకటించడంతో అతని స్థానంలో శుభ్‌మన్‌ గిల్‌ను భారత కెప్టెన్‌గా నియమించవచ్చని తెలుస్తుంది. విరాట్‌ కోహ్లి కూడా టెస్ట్‌లకు గుడ్‌బై చెప్పడంతో అతని స్థానాన్ని కూడా భర్తీ చేయాల్సి ఉంటుంది.

భార‌త క్రికెట్ జ‌ట్టు ఈ ఏడాది జూన్‌లో ఇంగ్లండ్ ప‌ర్య‌ట‌న‌కు వెళ్లనుంది. ఈ టూర్‌లో భాగంగా ఇంగ్లండ్‌తో ఐదు మ్యాచ్‌ల టెస్టు సిరీస్‌లో టీమిండియా త‌ల‌ప‌డ‌నుంది. వ‌ర‌ల్డ్ టెస్టు ఛాంపియ‌న్‌షిప్ 2025-27లో భాగంగా జ‌ర‌గ‌నుంది. ఈ సిరీస్‌లో ఎలాగైనా గెలిచి డ‌బ్ల్యూటీసీ కొత్త సైకిల్‌లో బోణీ కొట్టాల‌ని టీమిండియా భావిస్తోంది. జూన్ 20 నుంచి భార‌త్‌-ఇంగ్లండ్ మ‌ధ్య టెస్టు సిరీస్ ప్రారంభం కానుంది. ఈ క్ర‌మంలో భార‌త జ‌ట్టును బీసీసీఐ మే 23న ప్ర‌క‌టించే అవ‌కాశ‌ముంది. ఈ ప‌ర్య‌ట‌న‌కు భార‌త జ‌ట్టు కొత్త కెప్టెన్‌తో వెళ్ల‌నుంది.రోహిత్ శ‌ర్మ టెస్టుల‌కు విడ్కోలు ప‌లక‌డంతో టీమిండియాకు కొత్త టెస్టు కెప్టెన్ రానున్నాడు. కెప్టెన్సీ రేసులో శుబ్‌మ‌న్ గిల్ ముందు వ‌రుస‌లో ఉన్నాడు. ఇక ఇది ఇలా ఉండ‌గా.. ఈ టెస్టు సిరీస్‌కు ముందు భార‌త‌-ఎ జ‌ట్టు కూడా ఇంగ్లండ్ ప‌ర్య‌ట‌న‌కు వెళ్ల‌నుంది. ఇండియా-ఎ జ‌ట్టు ఇంగ్లండ్ ల‌య‌న్స్‌తో మూడు అనధికారిక టెస్ట్ మ్యాచ్‌లు ఆడుతుంది. ఈ మ్యాచ్‌లు మే 26 నుండి జూన్ 19 వరకు జరగ‌నున్నాయి.ఈ అనాధికారిక సిరీస్ కోసం భార‌త-ఎ జ‌ట్టును బీసీసీఐ మే 13 న ప్ర‌కటించనున్న‌ట్లు తెలుస్తోంది. ఈ జ‌ట్టు కెప్టెన్‌గా మిడిలార్డ‌ర్ బ్యాట‌ర్ శ్రేయ‌స్ అయ్య‌ర్‌ను ఎంపిక చేయాల‌ని సెల‌క్ట‌ర్లు భావిస్తున్న‌ట్లు స‌మాచారం. అయ్య‌ర్ ప్ర‌స్తుతం ఐపీఎల్‌-2025లో పంజాబ్ కింగ్స్ కెప్టెన్‌గా వ్య‌వ‌హ‌రిస్తున్నాడు. ఒక‌వేళ పంజాబ్ కింగ్స్ ఫైన‌ల్‌కు చేరితే అయ్య‌ర్ తొలి అనాధికారిక టెస్టుకు దూర‌మయ్యే అవ‌కాశ‌ముంది.అయితే ప్ర‌స్తుతం మ‌ధ్య‌లోనే ఆగిపోయిన ఐపీఎల్ సీజ‌న్ తిరిగి మే 15 నుంచి ప్రారంభ‌మ‌య్యే సూచ‌న‌లు క‌న్పిస్తున్నాయి. ఒక‌వేళ ఐపీఎల్ తిరిగి ప్రారంభమ‌వ్వ‌డం ఆల‌స్యమైతే భార‌త‌-ఎ జ‌ట్టుతో పాటే అయ్య‌ర్ ఇంగ్లండ్‌కు వెళ్ల‌నున్నాడు. శ్రేయ‌స్‌తో పాటు కరుణ్ నాయ‌ర్, ఇషాన్ కిష‌న్‌ల‌ను కూడా భార‌త‌-ఎ జ‌ట్టుకు ఎంపిక చేయాల‌ని సెల‌క్ట‌ర్లు యోచిస్తున్న‌ట్లు స‌మాచారం.సాయి సుద‌ర్శ‌న్‌, అభిమ‌న్యు ఈశ్వ‌ర‌న్‌, నితీష్ కుమార్ రెడ్డి, వాషింగ్టన్ సుందర్, తనుష్ కోటియన్‌ల‌ను కూడా ఇండియా-ఎ జ‌ట్టు త‌ర‌పున ఇంగ్లండ్ పంప‌ననున్న‌ట్లు వినికిడి. ప్ర‌ధాన జ‌ట్టులో ఉండే చాలా మంది ఆట‌గాళ్లు ఇండియా-ఎ జ‌ట్టు త‌ర‌పున ఆడ‌నున్న‌ట్లు బీసీసీఐ వ‌ర్గాలు వెల్ల‌డించాయి.

ఢిల్లీ క్యాపిటల్స్‌తో మ్యాచ్‌ సందర్భంగా సన్‌రైజర్స్‌ హైదరాబాద్‌ స్టార్‌ ఇషాన్‌ కిషన్‌ (Ishan Kishan) సరికొత్త చరిత్ర సృష్టించాడు. ఐపీఎల్‌ చరిత్రలో ఇంత వరకు ఏ వికెట్‌ కీపర్‌కూ సాధ్యం కాని అరుదైన ఘనత సాధించాడు. కాగా ఐపీఎల్‌-2025 మెగా వేలానికి ముందు ముంబై ఇండియన్స్‌ ఇషాన్‌ను వదిలివేసిన విషయం తెలిసిందే.ఈ క్రమంలో సన్‌రైజర్స్‌ హైదరాబాద్‌ (SRH) రూ. 11.25 కోట్ల భారీ ధరకు అతడిని కొనుగోలు చేసింది. ఇందుకు తగ్గట్లుగానే ఈ జట్టు తరఫున తొలి మ్యాచ్‌లోనే ఇషాన్‌ ఇరగదీశాడు. వన్‌డౌన్‌లో బ్యాటింగ్‌కు వచ్చి కేవలం 47 బంతుల్లోనే 106 పరుగులతో అజేయంగా నిలిచాడు. తద్వారా రాజస్తాన్‌ రాయల్స్‌పై సన్‌రైజర్స్‌ గెలవడంలో కీలక పాత్ర పోషించి.. ప్లేయర్‌ ఆఫ్‌ ది మ్యాచ్‌గా నిలిచాడు.కానీ తర్వాత మాత్రం ఇషాన్‌ కిషన్‌ వరుసగా విఫలమయ్యాడు. ఒకానొక దశలో తుదిజట్టు నుంచి తప్పించాలన్న అభిప్రాయాలు వ్యక్తమయ్యాయి. ఇలాంటి తరుణంలో ఢిల్లీ క్యాపిటల్స్‌తో సోమవారం నాటి మ్యాచ్‌లో తొలిసారిగా అతడికి యాజమాన్యం వికెట్‌ కీపింగ్‌ బాధ్యతలు అప్పగించింది.హెన్రిచ్‌ క్లాసెన్‌ స్థానంలోహెన్రిచ్‌ క్లాసెన్‌ను బ్యాటర్‌గా రంగంలోకి దింపి.. అతడి స్థానంలో ఇషాన్‌ను తమ జట్టు వికెట్‌ కీపర్‌గా అరంగేట్రం చేయించింది. ఉప్పల్‌లో జరిగిన ఈ మ్యాచ్‌లో టాస్‌ గెలిచిన సన్‌రైజర్స్‌ బౌలింగ్‌ ఎంచుకుంది.ఈ క్రమంలో బ్యాటింగ్‌కు దిగిన ఢిల్లీ క్యాపిటల్స్‌కు ఆదిలోనే షాకుల మీద షాకులు తగిలాయి. ఓపెనర్‌ కరుణ్‌ నాయర్‌ను డకౌట్‌ చేసిన రైజర్స్‌ సారథి, స్టార్‌ పేసర్‌ ప్యాట్‌ కమిన్స్‌.. ఆ తర్వాత మరో ఓపెనర్‌ ఫాఫ్‌ డుప్లెసిస్‌ (3) వికెట్‌ తీశాడు.అనంతరం వన్‌డౌన్‌ బ్యాటర్‌ అభిషేక్‌ పోరెల్‌ (8)ను కూడా వెనక్కి పంపించాడు. ఈ ముగ్గురూ కమిన్స్‌ బౌలింగ్‌లో వికెట్‌ కీపర్‌ ఇషాన్‌ కిషన్‌కు క్యాచ్‌ ఇచ్చి దాదాపుగా ఒకే రీతిలో అవుటయ్యాడు.టాప్‌-4 బ్యాటర్ల వికెట్లలో భాగమైఆ తర్వాత జయదేవ్‌ ఉనాద్కట్‌ బౌలింగ్‌ ఢిల్లీ స్టార్‌ కేఎల్‌ రాహుల్‌ ఇచ్చిన క్యాచ్‌ను కూడా ఇషాన్‌ ఒడిసిపట్టాడు. తద్వారా ఢిల్లీ ఇన్నింగ్స్‌లో టాప్‌-4 బ్యాటర్ల వికెట్లలో భాగమై.. సరికొత్త చరిత్ర సృష్టించాడు. ఐపీఎల్‌లో ఇలా ఓ వికెట్‌ కీపర్‌ ప్రత్యర్థి జట్టుకు చెందిన నలుగురు టాప్‌ బ్యాటర్ల క్యాచ్‌ అందుకోవడం ఇదే తొలిసారి.ఇక ఓవరాల్‌గా ఐపీఎల్‌లో ఒకే ఇన్నింగ్స్‌లో నాలుగు లేదా అంతకంటే ఎక్కువ క్యాచ్‌లు అందకున్న 27వ ఆటగాడిగా ఇషాన్‌ నిలిచాడు. ఇందులోని వికెట్‌ కీపర్ల జాబితాలో అతడిది పదమూడో స్థానం కావడం గమనార్హం.ప్లే ఆఫ్స్‌ రేసు నుంచి అవుట్‌మ్యాచ్‌ విషయానికొస్తే.. టాపార్డర్‌ విఫలమైన వేళ మిడిలార్డర్‌లో కేఎల్‌ రాహుల్‌ (10), కెప్టెన్‌ అక్షర్‌ పటేల్‌ (6) కూడా నిరాశపరిచారు. అయితే ఆరు, ఎనిమిదో స్థానాల్లో వచ్చిన ట్రిస్టన్‌ స్టబ్స్‌ (41 నాటౌట్‌), అశుతోష్‌ శర్మ (41) రాణించడంతో ఢిల్లీ నిర్ణీత 20 ఓవర్లలో ఏడు వికెట్ల నష్టానికి 133 పరుగులు చేసింది.అయితే, ఢిల్లీ ఇన్నింగ్స్‌ ముగిసిన తర్వాత వర్షం పడింది. అవుట్‌ఫీల్డ్‌ మొత్తం తడిగా మారడంతో మ్యాచ్‌ కొనసాగే వీలు లేకపోవడంతో అంపైర్లు రద్దు చేస్తున్నట్లు ప్రకటించారు. దీంతో ఇరుజట్లకు చెరో పాయింట్‌ రాగా.. సన్‌రైజర్స్‌ ప్లే ఆఫ్స్‌ రేసు నుంచి అధికారికంగా నిష్క్రమించింది. మరోవైపు.. ఢిల్లీ ఆశలు మాత్రం ఇంకా సజీవంగానే ఉన్నాయి.చదవండి: ఆ ముఖంలో నవ్వే లేదు.. రహానే, కోహ్లి కావాలేమో?

ప్రస్తుత ఐపీఎల్‌ సీజన్‌లో ఇప్పటివరకు నలుగురు ఆటగాళ్లు సెంచరీలు చేశారు. ఈ నలుగురిలో ఓ కామన్‌ పాయింట్‌ ఉంది. అదేంటంటే.. నలుగురు లెఫ్ట్‌ హ్యాండ్‌ బ్యాటర్లే. పైగా నలుగురు 27 ఏళ్ల లోపు వారే. ఈ నలుగురు 45 బంతుల్లోపే సెంచరీలు పూర్తి చేశారు. వీరిలో ఇద్దరు సన్‌రైజర్స్‌ ఆటగాళ్లు కాగా.. ఒకరు పంజాబ్‌, ఒకరు రాజస్థాన్‌ ఆటగాడు.ఈ సీజన్‌లో తొలి సెంచరీని సన్‌రైజర్స్‌ ఆటగాడు ఇషాన్‌ కిషన్‌ చేశాడు. సీజన్‌ రెండో మ్యాచ్‌లో రాజస్థాన్‌ రాయల్స్‌పై ఇషాన్‌ ఈ ఘనత సాధించాడు. ఈ మ్యాచ్‌లో 45 బంతుల్లో సెంచరీ పూర్తి చేసిన ఇషాన్‌, మొత్తంగా 47 బంతులు ఎదుర్కొని 11 ఫోర్లు, 6 సిక్సర్ల సాయంతో 106 పరుగులతో అజేయంగా నిలిచాడు. ఐపీఎల్‌లో ఇషాన్‌ చేసిన ఈ సెంచరీ 15వ వేగవంతమైన సెంచరీ.ఈ సీజన్‌లో రెండో సెంచరీని పంజాబ్‌ ఆటగాడు ప్రియాంశ్‌ ఆర్య చేశాడు. సీజన్‌ 22వ మ్యాచ్‌లో సీఎస్‌కేతో జరిగిన మ్యాచ్‌లో ప్రియాంశ్‌ మూడంకెల స్కోర్‌ను సాధించాడు. ఈ మ్యాచ్‌లో ప్రియాంశ్‌ 42 బంతుల్లో 7 ఫోర్లు, 9 సిక్సర్ల సాయంతో 103 పరుగులు చేశాడు.ప్రియాంశ్‌ ఈ సెంచరీని కేవలం​ 39 బంతుల్లో పూర్తి చేశాడు. ఐపీఎల్‌లో ఇది ఆరో వేగవంతమైన సెంచరీ. ప్రియాంశ్‌ ఈ రికార్డును సన్‌రైజర్స్‌ ఆటగాడు ట్రవిస్‌ హెడ్‌తో షేర్‌ చేసుకున్నాడు. ట్రవిస్‌ కూడా గత సీజన్‌లో ఆర్సీబీతో జరిగిన మ్యాచ్‌లో 39 బంతుల్లో శతక్కొట్టాడు.ఈ సీజన్‌లో మూడో సెంచరీని సన్‌రైజర్స్‌ ఆటగాడు అభిషేక్‌ శర్మ చేశాడు. సీజన్‌ 27వ మ్యాచ్‌లో పంజాబ్‌తో జరిగిన మ్యాచ్‌లో అభిషేక్‌ కేవలం 40 బంతుల్లోనే సెంచరీ పూర్తి చేశాడు. ఈ మ్యాచ్‌లో 55 బంతులు ఎదుర్కొన్న అభిషేక్‌ 14 ఫోర్లు, 10 సిక్సర్ల సాయంతో 141 పరుగులు చేశాడు. ఐపీఎల్‌లో అభిషేక్‌ది ఏడో వేగవంతమైన సెంచరీ.ఈ సీజన్‌లో నాలుగో సెంచరీని రాజస్థాన్‌ ఆటగాడు వైభవ్‌ సూర్యవంశీ చేశాడు. సీజన్‌ 47వ మ్యాచ్‌లో వైభవ్‌ గుజరాత్‌ టైటాన్స్‌పై ఈ ఘనత సాధించాడు. ఈ మ్యాచ్‌లో కేవలం​ 35 బంతుల్లో సెంచరీ పూర్తి చేసిన వైభవ్‌.. మొత్తంగా 38 బంతులు ఎదుర్కొని 7 ఫోర్లు, 11 సిక్సర్ల సాయంతో 101 పరుగులు చేశాడు. ఐపీఎల్‌లో ఇది రెండో వేగవంతమైన సెంచరీ. ఐపీఎల్‌లో ఫాస్టెస్‌ సెంచరీ రికార్డు క్రిస్‌ గేల్‌ (30 బంతుల్లో) పేరిట ఉంది.వైభవ్‌ ఈ సెంచరీ చేసే సమయానికి అతని వయసు కేవలం​ 14 ఏళ్ల 32 రోజులు. ఈ సెంచరీతో వైభవ్‌ చాలా రికార్డులు తన ఖాతాలో వేసుకున్నాడు. ఈ సీజన్‌లో సెంచరీలు చేసిన నలుగురిలో వైభవ్‌ అత్యంత పిన్న వయస్కుడు.

గతేడాది రన్నరప్‌గా నిలిచిన సన్‌రైజర్స్‌ హైదరాబాద్‌.. ఐపీఎల్‌-2025 (IPL 2025)లో మాత్రం పేలవ ప్రదర్శన కనబరుస్తోంది. ఇప్పటి వరకు ఎనిమిది మ్యాచ్‌లు పూర్తి చేసుకున్న కమిన్స్‌ బృందం కేవలం రెండు మాత్రమే గెలిచింది. తద్వారా కేవలం నాలుగు పాయింట్లు మాత్రమే సాధించి పట్టికలో తొమ్మిదో స్థానంలో కొనసాగుతోంది.ఇక సన్‌రైజర్స్‌ శుక్రవారం నాటి మ్యాచ్‌లో చెన్నై సూపర్‌ కింగ్స్‌ (CSK vs SRH)తో తలపడనుంది. చెపాక్‌ స్టేడియం ఇందుకు వేదిక. ఈ మ్యాచ్‌ నుంచి వరుసగా విజయాలు సాధిస్తేనే కమిన్స్‌ బృందానికి ప్లే ఆఫ్‌ ఆశలు సజీవంగా ఉంటాయి. ఇదిలా ఉంటే.. గత మ్యాచ్‌లో సన్‌రైజర్స్‌ సొంత మైదానం ఉప్పల్‌లో ముంబై ఇండియన్స్‌తో తలపడిన విషయం తెలిసిందే.ఈ మ్యాచ్‌లో రైజర్స్‌ ముంబై చేతిలో ఏడు వికెట్ల తేడాతో ఓడింది. టాస్‌ ఓడి తొలుత బ్యాటింగ్‌ చేసిన రైజర్స్‌.. ఆది నుంచే తడ‘బ్యా’టుకు గురైంది. ముంబై బౌలర్ల ధాటికి టాపార్డర్‌ పెవిలియన్‌కు క్యూ కట్టింది.ఇషాన్‌ కిషన్‌ స్వీయ తప్పిదంఓపెనర్లు ట్రవిస్‌ హెడ్‌ (0), అభిషేక్‌ శర్మ (8) పూర్తిగా విఫలం కాగా.. ఇషాన్‌ కిషన్‌ స్వీయ తప్పిదంతో వికెట్‌ పారేసుకుని విమర్శలు మూటగట్టుకున్నాడు. రైజర్స్‌ ఇన్నింగ్స్‌లో మూడో ఓవర్‌ను దీపక్‌ చహర్‌ వేయగా.. బంతిని డౌన్‌ ది లెగ్‌ ఆడేందుకు ఇషాన్‌ ప్రయత్నించాడు.ఈ క్రమంలో బంతి వికెట్‌ కీపర్‌ రియాన్‌ రికెల్టన్‌ చేతిలో పడింది. అయితే, బాల్‌ ఇషాన్‌ బ్యాట్‌ లేదంటే గ్లౌవ్స్‌ను తాకిందా లేదా అన్న సందేహంతో ముంబై బౌలర్‌గానీ, వికెట్‌ కీపర్‌గానీ అప్పీలు చేయలేదు.అంపైర్‌ కూడా వెంటనే ఏ నిర్ణయానికీ రాలేదు. కానీ ఇంతలోనే తాను అవుటయ్యాయని ఫిక్స్‌ అయి ఇషాన్‌ క్రీజును వీడాడు. ఏం జరిగిందో అర్థం కాని అంపైర్‌.. అవుట్‌ ఇచ్చేందుకు వేలు పైకెత్తాలా అన్న సందిగ్దంలో ఆఖరికి అవుట్‌ ఇచ్చాడు.అయితే, రీప్లేలో మాత్రం ఇషాన్‌ కిషన్‌ నాటౌట్‌ అని తేలింది. దీంతో ఇషాన్‌ అమ్ముడుపోయాడంటూ నెటిజన్లు దుమ్మెత్తిపోశారు. ఇక ఈ ఘటనపై భారత మాజీ ఓపెనర్‌ వీరేందర్‌ సెహ్వాగ్‌ ఘాటుగా స్పందించాడు.అంపైర్‌ కూడా డబ్బులు తీసుకుంటున్నాడు‘‘చాలాసార్లు ఇలాగే మెదడు పనిచేయడం ఆగిపోతుంది. నిజంగా ఇదొక మతిలేని చర్య. కాసేపు ఆగితే ఏమయ్యేది?.. అంపైర్‌ కూడా తాను చేస్తున్న పనికి డబ్బు తీసుకుంటున్నాడు కదా!అతడు తన నిర్ణయం ప్రకటించేదాకానైనా ఎదురుచూడాలి. తన పనిని తనను చేసుకోనివ్వాలి. ఇదేం రకమైన నిజాయితీయో నాకైతే అర్థం కావడం లేదు. క్రీడాస్ఫూర్తిని పాటిస్తున్నానని అతడు ఇలా చేసి ఉండవచ్చు, కానీ అవుట్‌ కాకుండానే వెళ్లిపోవడం.. అది కూడా అంపైర్‌ను తికమకపెట్టేలా వ్యవహరించడం సరికాదు. హఠాత్తుగా అతడు అలా ఎందుకు వెళ్లిపోయాడో తెలియడం లేదు’’అంటూ సెహ్వాగ్‌ ఇషాన్‌కు చురకలు అంటించాడు.ఇక మ్యాచ్‌ విషయానికొస్తే.. రైజర్స్‌ నిర్ణీత 20 ఓవర్లలో ఎనిమిది వికెట్ల నష్టానికి 143 పరుగులు చేసింది. హెన్రిచ్‌ క్లాసెన్‌ (71), అభినవ్‌ మనోహర్‌ (43) వల్ల ఈమాత్రం పరువునిలుపుకోగలిగింది. సన్‌రైజర్స్‌ విధించిన నామమాత్రపు లక్ష్యాన్ని ముంబై 15.4 ఓవర్లలోనే ఛేదించింది.చదవండి: కోటీశ్వరుడినయ్యా.. నేను స్టార్‌ అనుకుంటే వచ్చే ఏడాది కనిపించడు! Fairplay or facepalm? 🤯 Ishan Kishan walks... but UltraEdge says 'not out!' What just happened?!Watch the LIVE action ➡ https://t.co/sDBWQG63Cl #IPLonJioStar 👉 #SRHvMI | LIVE NOW on Star Sports 1, Star Sports 1 Hindi & JioHotstar! pic.twitter.com/bQa3cVY1vG— Star Sports (@StarSportsIndia) April 23, 2025

ఐపీఎల్‌ 2025 సీజన్‌లో భాగంగా నిన్న (ఏప్రిల్‌ 23) జరిగిన మ్యాచ్‌లో సన్‌రైజర్స్‌ హైదరాబాద్‌ను ముంబై ఇండియన్స్‌ చిత్తుగా ఓడించింది. ఈ మ్యాచ్‌లో తొలుత బ్యాటింగ్‌ చేసిన సన్‌రైజర్స్‌.. ట్రెంట్‌ బౌల్ట్‌ (4-0-26-4), దీపక్‌ చాహర్‌ (4-0-12-2), హార్దిక్‌ పాండ్యా (3-0-31-1), బుమ్రా (4-0-39-1), సాంట్నర్‌ (4-0-19-0) చెలరేగడంతో నిర్ణీత 20 ఓవర్లలో 8 వికెట్ల కోల్పోయి 143 పరుగులు మాత్రమే చేయగలిగింది. 35 పరుగులకే సగం వికెట్లు కోల్పోయిన సన్‌రైజర్స్‌ను క్లాసెన్‌ (71), అభినవ్‌ మనోహర్‌ (43) ఆదుకున్నారు.అనంతరం ఛేదనలో ముంబై ఆదిలోనే రికెల్టన్‌ (11) వికెట్‌ కోల్పోయినా.. రోహిత్‌ (46 బంతుల్లో 70; 8 ఫోర్లు, 3 సిక్స‍ర్లు), సూర్యకుమార్‌ యాదవ్‌ (19 బంతుల్లో 40 నాటౌట్‌; 5 ఫోర్లు, 2 సిక్సర్లు) మెరుపు ఇన్నింగ్స్‌లు ఆడి తమ జట్టును గెలిపించారు. ముంబై మరో 26 బంతులు మిగిలుండగానే 3 వికెట్లు మాత్రమే కోల్పోయి లక్ష్యాన్ని ఛేదించింది. ఈ గెలుపుతో ముంబై వరుసగా నాలుగో విజయాన్ని నమోదు చేసి పాయింట్ల పట్టికలో మూడో స్థానానికి ఎగబాకింది.ఈ మ్యాచ్‌లో సన్‌రైజర్స్‌ బ్యాటర్‌ ఇషాన్‌ కిషన్‌ వ్యవహరించిన తీరుపై సొంత అభిమానులే తీవ్రస్థాయిలో మండిపడుతున్నారు. ఇషాన్‌ ముంబై ఇండియన్స్‌తో కలిసి మ్యాచ్‌ ఫిక్సింగ్‌కు పాల్పడ్డాడని ఆరోపిస్తున్నారు. ఇషాన్‌ తమను నమ్మించి వెన్నుపోటు పొడిచాడని దుయ్యబడుతున్నారు. ఇకపై సన్‌రైజర్స్‌ యాజమాన్యం అతనికి అవకాశాలు ఇవ్వకూడదని డిమాండ్‌ చేస్తున్నారు.అసలేం జరిగిందంటే.. సొంత మైదానంలో ఎస్‌ఆర్‌హెచ్‌ నిన్న ముంబై ఇండియన్స్‌తో తలపడింది. ఈ మ్యాచ్‌లో ఇషాన్‌ అంపైర్ ఔట్ ఇవ్వ‌క‌పోయినా త‌నంత‌ట తానే మైదానాన్ని వీడాడు. హెడ్‌ ఔటయ్యాక మూడో స్థానంలో బ్యాటింగ్‌కు వచ్చిన ఇషాన్‌.. దీపక్‌ చాహర్‌ వేసిన ఇన్నింగ్స్‌ 3వ ఓవ‌ర్ తొలి బంతిని లెగ్ సైడ్ దిశగా ఆడే ప్రయత్నం చేశాడు. కానీ బంతి ఇషాన్ బ్యాట్‌ను మిస్సై వికెట్ కీప‌ర్ రికెల్టన్ చేతికి వెళ్లింది. బంతికి బ్యాట్‌కు తాకిందని భావించిన ఇషాన్‌ అంపైర్‌ ఎలాంటి ప్రకటన చేయకపోయినా ఔటయ్యానని అనుకుని పెవిలియన్‌ బాట పట్టాడు. రీ ప్లేలో బంతి బ్యాట్‌కు కానీ శరీరానికి కానీ తగల్లేదని తేలింది. దీంతో ఇషాన్‌పై ఎస్‌ఆర్‌హెచ్‌ అభిమానుల ఆగ్రహం కట్టలు తెంచుకుంది. అప్పటికే హెడ్‌ ఔటై కష్టాల్లో ఉన్నామని తెలిసి కూడా ఇషాన్‌కు ఇంత నిర్లక్షమా అని ‍మండిపడుతున్నారు. వరుస పరాజయాలతో సతమతమవుతున్నా ఇషాన్‌కు ఏ మాత్రం పట్ట లేదని దుయ్యబడుతున్నారు. రూ. 15.25 కోట్లు పెట్టి కొనుక్కుంటే ఇలాగేనా చేసేదని దుమ్మెత్తిపోస్తున్నారు.కాగా, ఈ సీజన్‌లో ఇషాన్‌ తన తొలి మ్యాచ్‌లో రాజస్థాన్‌ రాయల్స్‌పై సెంచరీ చేశాడు. అప్పుడు సన్‌రైజర్స్‌ అభిమానులు ఇషాన్‌ను ఆహా ఓహో అంటూ ఆకాశానికెత్తారు. ఆ మ్యాచ్‌ తర్వాత ఇషాన్‌ వరుసగా 7 మ్యాచ్‌ల్లో విఫలమై అభిమానులను నిరాశలో ముంచెత్తాడు. సరిగ్గా ఆడకపోతే ఫామ్‌లో లేడని భావించిన ఫ్యాన్స్‌, ఔట్‌ కాకపోయినా ఔటయ్యానని తనకు తానే ప్రకటించుకోవడంపై ఫైరవుతున్నారు. ముంబై ఇండియన్స్‌ నుంచి వచ్చాడు. ఆ ఫ్రాంచైజీకి అమ్ముడుపోయాడంటూ కామెంట్లు చేస్తున్నారు. ఈ సీజన్‌లోనే ముంబైతో జరిగిన తొలి మ్యాచ్‌లో ఇషాన్‌ ఆ జట్టు ఓనర్‌ నీతా అంబానీతో చనువుగా ఉ​న్న విషయాన్ని ఈ సందర్భంగా ప్రస్తావిస్తున్నారు. ఇలా చేసినందుకు నీతా మేడం ఇషాన్‌కు రిలయన్స్‌ మార్ట్‌ నుండి సరుకులు పంపుతుందని జో​క్‌ చేస్తున్నారు. ఇషాన్‌ ఐపీఎల్‌ కెరీర్‌ ఆరంభం నుంచి ముంబై ఇండియన్స్‌లోనే కొనసాగిన విషయం తెలిసిందే.

ఐపీఎల్‌-2025లో ఉప్ప‌ల్ వేదిక‌గా ముంబై ఇండియ‌న్స్‌తో జ‌రుగుతున్న మ్యాచ్‌లో స‌న్‌రైజ‌ర్స్ హైద‌రాబాద్ బ్యాట‌ర్ ఇషాన్ కిష‌న్ ఔటైన విధానం తీవ్ర చ‌ర్చ‌నీయాంశ‌మైంది. అంపైర్ ఔట్ ఇవ్వ‌క‌పోయినా కిష‌న్ మాత్రం త‌నంత‌ట తానే మైదానాన్ని వీడేందుకు సిద్దం కావ‌డం అంద‌ర‌ని షాక్‌కు గురిచేసింది.అస‌లేమి జ‌రిగిందంటే?ట్రావిస్ హెడ్ ఔట‌య్యాక క్రీజులోకి ఇషాన్ కిష‌న్ బ్యాటింగ్‌కు వ‌చ్చాడు. ఈ క్ర‌మంలో 3వ ఓవ‌ర్ వేసిన దీప‌క్ చాహ‌ర్ తొలి బంతిని కిష‌న్‌కు లెగ్ సైడ్ వైపున‌కు సంధించాడు. ఆ బంతిని డౌన్ ది లెగ్ ఆడ‌టానికి ఇషాన్ ప్ర‌య‌త్నించాడు. కానీ బంతి కిష‌న్ బ్యాట్ మిస్స్ అయ్యి వికెట్ కీప‌ర్ రికెల్టన్ చేతికి వెళ్లింది. వెంట‌నే కిషన్ మాత్రం ఔట్ అని భావించి పెవిలియ‌న్‌కు వైపు న‌డిచాడు. అప్ప‌టికి బౌలర్, వికెట్ కీప‌ర్ క‌నీసం అప్పీల్ కూడా చేయ‌లేదు. ఎప్పుడైతే కిష‌న్ వెళ్లిపోవ‌డం చూసి అంపైర్ ఔట్ అని వేలు పైకెత్తాడు. కిష‌న్ ఏదో క్రీడా స్పూర్తి ప్ర‌ద‌ర్శించి వెళ్లిపోయాడ‌ని అంతా అనుకున్నారు. కానీ ఇక్క‌డే అస‌లు ట్విస్ట్ చోటు చేసుకుంది. రిప్లేలో బంతి క‌నీసం బ్యాట్ కి గాని గ్లౌస్‌కి, బాడీ కి గానీ తగిలిన ఆనవాళ్లు రిప్లేలో క‌న్పించ‌లేదు. అత‌డు ఔటైన త‌ర్వాత ఎస్ఆర్‌హెచ్ బ్యాట‌ర్లు పెవిలియ‌న్‌కు క్యూ క‌ట్టారు. దీంతో కిష‌న్‌పై ఎస్ఆర్‌హెచ్ అభిమానులు సోష‌ల్ మీడియా వేదిక‌గా విమ‌ర్శ‌ల వ‌ర్షం కురిపిస్తున్నారు. కొంచెం అయినా తెలివి ఉందా అంటూ పోస్టులు చేస్తున్నారు. మ‌రి కొంత మంది మ్యాచ్ ఫిక్సింగ్ అంటూ కామెంట్లు చేస్తున్నారు.Fairplay or facepalm? 🤯 Ishan Kishan walks... but UltraEdge says 'not out!' What just happened?!Watch the LIVE action ➡ https://t.co/sDBWQG63Cl #IPLonJioStar 👉 #SRHvMI | LIVE NOW on Star Sports 1, Star Sports 1 Hindi & JioHotstar! pic.twitter.com/bQa3cVY1vG— Star Sports (@StarSportsIndia) April 23, 2025Mumbai Indians players forgot the entire script, But thanks to umpire and Ishan Kishan who remembered it correctly...#SRHvsMI pic.twitter.com/dN7f5oZEub— Dr Artistic Soul (@dr_artisticsoul) April 23, 2025

2024-25 సంవత్సరానికి గానూ భారత క్రికెట్‌ కంట్రోల్‌ బోర్డు (బీసీసీఐ) తమ వార్షిక సెంట్రల్‌ కాంట్రాక్ట్‌ ఆటగాళ్ల జాబితాను (34 మంది) విడుదల చేసింది. భారత స్టార్‌ ఆటగాళ్లు విరాట్‌ కోహ్లి, రోహిత్‌ శర్మ, రవీంద్ర జడేజా, జస్ప్రీత్‌ బుమ్రా తమ ఏ ప్లస్‌ కేటగిరీని రీటైన్‌ చేసుకోగా.. క్రమశిక్షణారాహిత్యం కారణంగా గతేడాది కాంట్రాక్ట్‌ కోల్పోయిన శ్రేయస్‌ అయ్యర్‌, ఇషాన్‌ కిషన్‌ కాంట్రాక్ట్‌ జాబితాలోకి రీ ఎంట్రీ ఇచ్చారు. శ్రేయస్‌ బి కేటగిరీలో, ఇషాన్‌ సి కేటగిరీలో చోటు దక్కించుకున్నారు. ఆంధ్ర ఆల్‌రౌండర్‌ నితీశ్‌ ‍కుమార్‌ రెడ్డి, ఆర్సీబీ కెప్టెన్‌ రజత్‌ పాటిదార్‌, యువ పేసర్‌ హర్షిత్‌ రాణా తొలిసారి బీసీసీఐ సెంట్రల్‌ కాంట్రాక్ట్‌ పొందారు.🚨 𝗡𝗘𝗪𝗦 🚨BCCI announces annual player retainership 2024-25 - Team India (Senior Men)#TeamIndiaDetails 🔽https://t.co/lMjl2Ici3P pic.twitter.com/CsJHaLSeho— BCCI (@BCCI) April 21, 2025సెంట్రల్‌ కాంట్రాక్ట్‌ ఆటగాళ్ల జాబితా మొత్తం నాలుగు కేటగిరీలుగా విభజించడింది. ఇందులో ఏ ప్లస్‌ కింద విరాట్‌ కోహ్లి, రోహిత్‌ శర్మ, రవీంద్ర జడేజా, జస్ప్రీత్‌ బుమ్రా ఉన్నారు. వీరికి ఏడాది 7 కోట్ల రూపాయల శాలరీ లభించనుంది.గ్రేడ్‌-ఏలో సిరాజ్‌, కేఎల్‌ రాహుల్‌, శుభ్‌మన్‌ గిల్‌, హార్దిక్‌ పాండ్యా, షమీ, రిషబ్‌ పంత్‌ ఉన్నారు. వీరికి ఏడాదికి 5 కోట్ల రూపాయల శాలరీ లభించనుంది.గ్రేడ్‌-బిలో సూర్యకుమార్‌ యాదవ్‌, కుల్దీప్‌ యాదవ్‌, అక్షర్‌ పటేల్‌, యశస్వి జైస్వాల్‌, శ్రేయస్‌ అయ్యర్‌ ఉన్నారు. వీరికి ఏడాదికి 3 కోట్ల రూపాయలు శాలరీగా లభించనుంది.గ్రేడ్‌-సిలో రింకూ సింగ్, తిలక్ వర్మ, రుతురాజ్ గైక్వాడ్, శివం దూబే, రవి బిష్ణోయ్, వాషింగ్టన్ సుందర్, ముఖేష్ కుమార్, సంజు శాంసన్, అర్ష్దీప్ సింగ్, ప్రసిద్ కృష్ణ, రజత్ పాటిదార్, ధృవ్ జురెల్, సర్ఫరాజ్ ఖాన్, నితీష్ కుమార్ రెడ్డి, ఇషాన్ కిషన్, అభిషేక్ శర్మ, ఆకాష్ దీప్, వరుణ్ చక్రవర్తి, హర్షిత్ రాణా ఉన్నారు. వీరికి ఏడాదికి కోటి రూపాయలు శాలరీగా లభించనుంది.ఈ ఏడాది కొత్తగా కాంట్రాక్ట్‌ పొందిన ఆటగాళ్లు: ధృవ్ జురెల్, సర్ఫరాజ్ ఖాన్, నితీష్ కుమార్‌ రెడ్డి, ఇషాన్ కిషన్, అభిషేక్ శర్మ, ఆకాష్ దీప్, వరుణ్ చకరవర్తి, హర్షిత్ రాణా, శ్రేయస్ అయ్యర్ఈ ఏడాది కాంట్రాక్ట్‌ కోల్పోయిన ఆటగాళ్లు: శార్దూల్ ఠాకూర్, జితేష్ శర్మ, కేఎస్‌ భరత్, అవేష్ ఖాన్ఈ ఏడాది పదోన్నతి పొందిన ఆటగాడు: రిషబ్ పంత్‌ (బి కేటగిరి నుండి ఏ కేటగిరికి)రిటైర్డ్ అయిన ఆటగాడు: రవిచంద్రన్‌ అశ్విన్ (కేటగిర ఏ నుంచి ఔట్‌)

ఐపీఎల్‌-2025 (IPL 2025)లో ముంబై ఇండియన్స్‌- సన్‌రైజర్స్‌ హైదరాబాద్‌ (MI vs SRH) మ్యాచ్‌ సందర్భంగా గురువారం ఆసక్తికర ఘటన చోటు చేసుకుంది. రైజర్స్‌ స్టార్‌ బ్యాటర్‌ ఇషాన్‌ కిషన్‌ (Ishan Kishan).. ముంబై జట్టు యజమాని నీతా అంబానీ (Nita Ambani)ని కలిశాడు. ముంబై చేతిలో ఓటమి అనంతరం తన మాజీ ఓనర్‌ దగ్గరకు వెళ్లి మర్యాదపూర్వకంగా పలకరించాడు.ప్రేమగా చెంప నిమిరిన మాజీ ఓనర్‌బదులుగా ఇషాన్‌ కిషన్‌ చేతిని పట్టుకుని.. తల్లి మాదిరి ప్రేమపూర్వకంగా నీతా అంబానీ అతడి చెంప నిమిరారు. ఓటమికి కుంగిపోవాల్సిన పనిలేదన్నట్లుగా ఇషాన్‌ను ఓదార్చారు. ఇందుకు సంబంధించిన ఫొటో సోషల్‌ మీడియాలో వైరల్‌గా మారింది.ఈ నేపథ్యంలో లక్నో సూపర్‌ జెయింట్స్‌ ఓనర్‌ సంజీవ్‌ గోయెంకాపై మీమ్స్‌ పేలుతున్నాయి. ‘‘తమ జట్టుతో ప్రయాణించిన మాజీ ఆటగాడి పట్ల నీతా తల్లిలా ప్రేమను కురిపిస్తుంటే.. గోయెంకా మాత్రం ఒక్క మ్యాచ్‌లో ఓడినా తమ కెప్టెన్లను అందరి ముందే ఉతికి ఆరేస్తాడు.. ఇదే ఈ ఇద్దరికి ఉన్న తేడా’’ అంటూ ముంబై అభిమానులు వ్యంగ్యాస్త్రాలు సంధిస్తున్నారు.కాగా 2016లో ఇషాన్‌ కిషన్‌ ఐపీఎల్‌లో అరంగేట్రం చేశాడు. గుజరాత్‌ లయన్స్‌ అతడిని రూ. 35 లక్షల కనీస ధరకు కొనుగోలు చేయగా.. రెండేళ్ల పాటు అదే జట్టుకు ఆడి 319 పరుగులు చేశాడు.ముంబైతో సుదీర్ఘ అనుబంధంఅయితే, గుజరాత్‌ ఫ్రాంఛైజీ ఐపీఎల్‌ నుంచి కనుమరుగైన తర్వాత ముంబై ఇండియన్స్‌ ఇషాన్‌ కిషన్‌ను కొనుగోలు చేసింది. 2018 వేలంలో ఈ ఎడమచేతి వాటం బ్యాటర్‌ను సొంత చేసుకోగా.. రోహిత్‌ శర్మ కెప్టెన్సీలో ఆ ఏడాది 500కు పైగా పరుగులు సాధించాడు. అప్పటి నుంచి ఏడేళ్లపాటు ముంబై జట్టుకు ప్రాతినిథ్యం వహించాడు. 2022 వేలంలో అత్యధికంగా రూ. 15.25 కోట్ల ధర పలికాడు.రూ. 11.25 కోట్లకు రైజర్స్‌కు సొంతంఅయితే, మెగా వేలం-2025కి ముందు ముంబై ఇషాన్‌ కిషన్‌ను వదిలేసింది. ఈ క్రమంలో వేలంపాటలోనూ అతడిని కొనుగోలు చేసేందుకు పెద్దగా ఆసక్తి చూపించలేదు. ఇక అతడి కోసం ఇతర ఫ్రాంఛైజీలతో పోటీ పడి మరీ సన్‌రైజర్స్‌ హైదరాబాద్‌ రూ. 11.25 కోట్లకు ఇషాన్‌ను కొనుక్కుంది. ఇప్పటి వరకు ఐపీఎల్‌-2025లో విధ్వంసకర శతకం (106 నాటౌట్‌) బాదడం మినహా ఇషాన్‌ ఆకట్టుకోలేకపోతున్నాడు. ఏడు మ్యాచ్‌లలో కలిపి అతడు సాధించిన పరుగులు 138. నాలుగు వికెట్ల తేడాతో సన్‌రైజర్స్‌ ఓటమిఇక ముంబై- సన్‌రైజర్స్‌ మధ్య మ్యాచ్‌ విషయానికొస్తే.. వాంఖడేలో టాస్‌ గెలిచిన హార్దిక్‌ పాండ్యా తొలుత బౌలింగ్‌ ఎంచుకున్నాడు. ఈ క్రమంలో బ్యాటింగ్‌ దిగిన కమిన్స్‌ బృందం.. నిర్ణీత 20 ఓవర్లలో ఐదు వికెట్ల నష్టానికి 162 పరుగులు చేసింది.లక్ష్య ఛేదనకు దిగిన ముంబై ఆరు వికెట్లు నష్టపోయి 18.1 ఓవర్లలో టార్గెట్‌ను పూర్తి చేసింది. బంతితో, బ్యాట్‌తో రాణించిన ముంబై ఆల్‌రౌండర్‌ విల్‌ జాక్స్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఆఫ్‌ స్పిన్నర్‌ అయిన జాక్స్‌ మూడు ఓవర్ల బౌలింగ్‌లో కేవలం 14 పరుగులే ఇచ్చి రెండు వికెట్లు పడగొట్టాడు. ట్రవిస్‌ హెడ్‌ (28), ఇషాన్ కిషన్‌ (2) రూపంలో రెండు కీలక వికెట్లు తన ఖాతాలో వేసుకున్నాడు. ఇక లక్ష్య ఛేదనలో వన్‌డౌన్‌లో వచ్చిన విల్‌ జాక్స్‌ 26 బంతుల్లో 36 పరుగులు సాధించాడు.చదవండి: ఇలాంటి వికెట్‌ మీద కష్టమే.. మా వాళ్లు నిర్లక్ష్యంగా ఆడలేదు.. కానీ: కమిన్స్‌Applying the finishing touches 🤌🎥 #MI skipper Hardik Pandya gave them the final flourish with a brilliant cameo of 21(9)Scorecard ▶ https://t.co/8baZ67Y5A2#TATAIPL | #MIvSRH | @mipaltan | @hardikpandya7 pic.twitter.com/hPI3CxwzLF— IndianPremierLeague (@IPL) April 17, 2025

గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌ (Shubman Gill)పై విమర్శలు వెల్లువెత్తుతున్నాయి. ఓవైపు తమ ఫీల్డర్‌ నొప్పితో విలవిల్లాడుతుంటే... అతడు మాత్రం ప్రత్యర్థి జట్టు బ్యాటర్‌తో కలిసి నవ్వులు చిందించడం ఇందుకు కారణం. అసలేం జరిగిందంటే.. ఐపీఎల్‌-2025 (IPL 2025)లో భాగంగా గుజరాత్‌ ఆదివారం సన్‌రైజర్స్‌ హైదరాబాద్‌ జట్టుతో తలపడింది.ఆరంభంలోనే షాకులుఉప్పల్‌ మైదానంలో జరిగిన ఈ మ్యాచ్‌లో టాస్‌ గెలిచిన గుజరాత్‌ కెప్టెన్‌ గిల్‌ తొలుత బౌలింగ్‌ ఎంచుకోగా.. బౌలర్లు అతడి నమ్మకాన్ని వమ్ముకానీయలేదు. రెండో ఓవర్‌ మొదటి బంతికే ఓపెనర్‌ ట్రవిస్‌ హెడ్‌ (8)ను పెవిలియన్‌కు పంపిన టైటాన్స్‌ పేసర్‌ మహ్మద్‌ సిరాజ్‌.. తదుపరి ఐదో ఓవర్‌ నాలుగో బంతికి మరో ఓపెనర్‌ అభిషేక్‌ శర్మ (18)ను కూడా అవుట్‌ చేశాడు.ఈ క్రమంలో వన్‌డౌన్‌ బ్యాటర్‌ ఇషాన్‌ కిషన్‌ (Ishan Kishan) నిలదొక్కుకునే ప్రయత్నం చేసి విఫలమయ్యాడు. ఎనిమిదో ఓవర్‌ రెండో బంతికి టైటాన్స్‌ మరో పేసర్‌ ప్రసిద్‌ కృష్ణ బౌలింగ్‌లో 17 పరుగుల వ్యక్తిగత స్కోరు వద్ద నిష్క్రమించాడు. అయితే, అంతకంటే ముందు.. అంటే ఆరో ఓవర్‌లో ప్రసిద్‌ కృష్ణ బౌలింగ్‌లో నాలుగో బంతిని ఇషాన్‌ ఎదుర్కొన్నాడు.గ్లెన్‌ ఫిలిప్స్‌నకు గాయంఅవుట్‌ సైడ్‌ ఆఫ్‌ దిశగా ప్రసిద్‌ వేసిన షార్ట్‌ బాల్‌ను పాయింట్‌ వైపు తరలించగా.. అక్కడ ఫీల్డింగ్‌ చేస్తున్న టైటాన్స్‌ స్టార్‌ గ్లెన్‌ ఫిలిప్స్‌ బంతిని ఆపే క్రమంలో గాయపడ్డాడు. మైదానంలో కుప్పకూలి నొప్పితో విలవిల్లాడగా.. వాషింగ్టన్‌ సుందర్‌ అతడికి దగ్గరికి పరిగెత్తుకు వచ్చాడు. ఇంతలో ఫిజియో కూడా వచ్చి ఫిలిప్స్‌ను పరీక్షించి.. మైదానం బయటకు తీసుకువెళ్లాడు.ఇషాన్‌- గిల్‌ నవ్వులుఅయితే, ఆ సమయంలో నితీశ్‌ రెడ్డితో కలిసి సింగిల్‌ పూర్తి చేసుకున్న ఇషాన్‌ కిషన్‌ దగ్గరికి వెళ్లిన గిల్‌.. అతడితో నవ్వుతూ ముచ్చటించాడు. ఇషాన్‌ తన భుజంపై చేయి వేయగా.. గిల్‌ కూడా నవ్వులు చిందిస్తూ సరదాగా సంభాషిస్తున్నట్లుగా ఉన్న దృశ్యాలు సోషల్‌ మీడియాలో వైరల్‌ అయ్యాయి. ఈ క్రమంలో గిల్‌ తీరుపై నెటిజన్లు తీవ్ర స్థాయిలో ఆగ్రహం వ్యక్తం చేస్తున్నారు.glenn phillips is lying in pain and these two buddies are gossiping like they're in some college park 😭😭😭#SRHvGT pic.twitter.com/172aqoAtM4— 🍂 (@jaaniyeeex) April 6, 2025మీకసలు మానవత్వం ఉందా?‘‘సొంత జట్టు ఆటగాడు గాయపడి.. నొప్పితో బాధపడుతుంటే.. కెప్టెన్‌ మాత్రం ఇలా ప్రత్యర్థి జట్టు ఆటగాడితో ముచ్చట్లు పెడుతున్నాడు. ఆటగాళ్ల మధ్య స్నేహం తప్పు కాదు. కానీ పరిస్థితికి తగ్గట్లుగా హుందాగా , కాస్త మానవత్వంతో వ్యవహరించాలి. మ్యాచ్‌ అయిపోయిన తర్వాత కావాల్సినంత సేపు జోకులు వేసుకోవచ్చు’’ అంటూ గిల్‌కు చురకలు అంటిస్తున్నారు.కాగా ఇషాన్‌- శుబ్‌మన్‌ గిల్‌ అండర్‌-19 స్థాయి నుంచి అంతర్జాతీయ స్థాయిలోనూ ఓపెనింగ్‌ జోడీగా రాణించారు. వీరిద్దరి మధ్య గాఢమైన స్నేహబంధం ఉంది. అయితే, టైటాన్స్‌- రైజర్స్‌ మ్యాచ్‌ సందర్భంగా ఓ ఆటగాడు గాయపడిన వేళ.. ఇలా నవ్వులు చిందిస్తూ మాట్లాడుకోవడం వీరిపై విమర్శలకు దారితీసింది.Left national team to chase IPL money. Got injured without playing a ball.- Glenn Phillips proving once again, greed has its own price. 🥲 #GTvSRH pic.twitter.com/S0urYUhW7q— MUHAMMAD SAMI (@mrsalaar96) April 6, 2025 కానీ ఓ ట్విస్ట్‌!అయితే, అప్పటికి ఫిలిప్స్‌ పరిస్థితిని గిల్‌ చూడకపోవడం గమనార్హం. విషయం తెలిసిన వెంటనే అతడు తమ ఫీల్డర్‌ దగ్గరికి వెళ్లినట్లు కనిపించింది. దీంతో.. ‘‘తెలిసీ తెలియక మాట్లాడవద్దు’’ అంటూ ట్రోలర్స్‌కు గిల్‌ ఫ్యాన్స్‌ కౌంటర్లు ఇస్తున్నారు.ఇదిలా ఉంటే.. సన్‌రైజర్స్‌ టాపార్డర్‌ అభిషేక్‌ శర్మ(18), ట్రవిస్‌ హెడ్‌ (8), ఇషాన్‌ కిషన్‌ (17) మరోసారి విఫలం కాగా.. నితీశ్‌ రెడ్డి 34 బంతుల్లో 31 పరుగులు చేశాడు. ఇతరులలో హెన్రిచ్‌ క్లాసెన్‌ (19 బంతుల్లో 27), కెప్టెన్‌ ప్యాట్‌ కమిన్స్‌ (9 బంతుల్లో 22 నాటౌట్‌) కాస్త వేగంగా ఆడారు. ఫలితంగా సన్‌రైజర్స్‌ నిర్ణీత 20 ఓవర్లలో ఎనిమిది వికెట్ల నష్టానికి 152 పరుగులు చేసింది.గిల్‌ సూపర్‌ బ్యాటింగ్‌టైటాన్స్‌ పేసర్లు మహ్మద్‌ సిరాజ్‌ నాలుగు వికెట్లతో రైజర్స్‌ బ్యాటింగ్‌ ఆర్డర్‌ పతనాన్ని శాసించగా.. ప్రసిద్ కృష్ణ, సాయి కిషోర్‌ రెండేసి వికెట్లు తమ ఖాతాలో వేసుకున్నారు. ఇక రైజర్స్‌ విధించిన నామమాత్రపు లక్ష్యాన్ని టైటాన్స్‌ 16.4 ఓవర్లలోనే ఛేదించింది.ఓపెనర్‌ శుబ్‌మన్‌ గిల్‌ (43 బంతుల్లో 61 నాటౌట్‌) అద్భుత అర్థ శతకం సాధించగా.. వాషింగ్టన్‌ సుందర్‌ (29 బంతుల్లో 49), షెర్ఫానే రూథర్‌ఫర్డ్‌ (16 బంతుల్లో 35 నాటౌట్‌) అదరగొట్టారు. ఫలితంగా ఏడు వికెట్ల తేడాతో గుజరాత్‌ టైటాన్స్‌ గెలుపొందింది. రైజర్స్‌ బౌలర్లలో మహ్మద్‌ షమీకి రెండు, కమిన్స్‌కు ఒక వికెట్‌ దక్కాయి.3️⃣ wins on the trot 💙A commanding 7️⃣-wicket win over #SRH takes #GT to the second spot in the #TATAIPL 2025 points table 🆙Scorecard ▶ https://t.co/Y5Jzfr6Vv4#SRHvGT | @gujarat_titans pic.twitter.com/tYB1Dt5mdd— IndianPremierLeague (@IPL) April 6, 2025 చదవండి: ఇలా వచ్చి.. అలా వెళ్లారు.. అసలేం చేస్తున్నారు? కావ్యా మారన్‌ రియాక్షన్‌ వైరల్‌

సన్‌రైజర్స్‌ హైదరాబాద్‌ ఆట తీరు మారలేదు. ఐపీఎల్‌-2025 (IPL 2025)లో తమ ఆరంభ మ్యాచ్‌లో మురిపించిన కమిన్స్‌ బృందం.. ఆ తర్వాత పరాజయాల పరంపర కొనసాగిస్తోంది. లక్నో సూపర్‌ జెయింట్స్‌, ఢిల్లీ క్యాపిటల్స్‌.. తాజాగా కోల్‌కతా నైట్‌ రైడర్స్‌ (KKR) చేతిలో ఓడి హ్యాట్రిక్‌ ఓటములు నమోదు చేసింది.ఈడెన్‌ గార్డెన్స్‌లో గురువారం డిఫెండింగ్‌ చాంపియన్‌ కేకేఆర్‌.. ఐపీఎల్‌-2024 రన్నరప్‌ సన్‌రైజర్స్‌ మధ్య మ్యాచ్‌ జరిగింది. టాస్‌ గెలిచిన రైజర్స్‌ తొలుత బౌలింగ్‌ ఎంచుకుని.. ఆరంభంలో బాగానే రాణించింది. కానీ మ్యాచ్‌ సాగుతున్న కొద్దీ కేకేఆర్‌ క్రమంగా పుంజుకుంది.దుమ్ములేపిన కేకేఆర్‌ బ్యాటర్లుకెప్టెన్‌ అజింక్య రహానే (38), అంగ్‌క్రిష్‌ రఘువన్షీ(32 బంతుల్లో 50), వెంకటేశ్‌ అయ్యర్‌ (29 బంతుల్లో 60), రింకూ సింగ్‌ (17 బంతుల్లో 32 నాటౌట్‌).. ధనాధన్‌ ఇన్నింగ్స్‌ కారణంగా నిర్ణీత 20 ఓవర్లలో ఆరు వికెట్ల నష్టానికి 200 పరుగులు సాధించింది. రైజర్స్‌ బౌలర్లలో కెప్టెన్‌ ప్యాట్‌ కమిన్స్‌ (Pat Cummins), మహ్మద్‌ షమీ, జీషన్‌ అన్సారీ, హర్షల్‌ పటేల్‌, కమిందు మెండిస్‌ ఒక్కో వికెట్‌ తమ ఖాతాలో వేసుకున్నారు.Lighting up Eden Gardens with some fireworks 💥 Sit back and enjoy Rinku Singh and Venkatesh Iyer's super striking 🍿👏5⃣0⃣ up for Iyer in the process!Updates ▶ https://t.co/jahSPzdeys#TATAIPL | #KKRvSRH | @KKRiders pic.twitter.com/AAAqnOsRy8— IndianPremierLeague (@IPL) April 3, 2025 మూకుమ్మడిగా విఫలంఇక భారీ లక్ష్యంతో బరిలోకి దిగిన సన్‌రైజర్స్‌ 16.4 ఓవర్లలో కేవలం 120 పరుగులకే కుప్పకూలింది. ఓపెనర్లు ట్రవిస్‌ హెడ్‌ (4), అభిషేక్‌ శర్మ(2).. వన్‌డౌన్‌లో వచ్చిన ఇషాన్‌ కిషన్‌(2) మూకుమ్మడిగా విఫలమయ్యారు. నితీశ్‌ కుమార్‌ రెడ్డి (19), కమిందు మెండిస్‌ (27), హెన్రిచ్‌ క్లాసెన్‌ (33) కూడా నిరాశపరిచారు.ఫలితంగా కేకేఆర్‌ చేతిలో 80 పరుగుల భారీ తేడాతో రైజర్స్‌కు ఓటమి తప్పలేదు. ఈ నేపథ్యంలో మ్యాచ్‌ అనంతరం కెప్టెన్‌ ప్యాట్‌ కమిన్స్‌ తీవ్ర విచారం వ్యక్తం చేశాడు. ‘‘వికెట్‌ బాగానే ఉంది. కానీ మేమే సరిగ్గా ఆడలేకపోయాం.తొలుత క్యాచ్‌లు వదిలేశాం. ఆఖర్లో పరుగులు సమర్పించుకున్నాం. వరుసగా మూడు మ్యాచ్‌లు ఓడిపోయాం. ఇప్పటికైనా పొరపాట్లు సరిచేసుకోవాలి. సమీక్ష నిర్వహించి .. మరింత మెరుగైన ఆప్షన్ల కోసం ప్రయత్నించాలి.ఫీల్డింగ్‌ తప్పిదాల వల్లే ఓటమిమా బ్యాటర్లు అత్యుత్తమ ప్రదర్శనతో ఎన్నోసార్లు విజయాలు సాధించారు. కానీ ఈసారి మాత్రం అలా జరుగలేదు. అయితే, ఫీల్డింగ్‌ తప్పిదాల వల్లే మేము భారీ మూల్యం చెల్లించాం. ఓవరాల్‌గా చూస్తే బౌలింగ్‌ మాత్రం ఫర్వాలేదు.ఆరంభంలో క్యాచ్‌లు వదిలేయడం తీవ్ర ప్రభావం చూపింది. మేము కేవలం మూడు ఓవర్లే స్పిన్‌ వేశాం. బంతిపై మాకు అంతగా గ్రిప్‌ దొరకలేదు. అందుకే ఆడం జంపాను ఆడించలేదు. వరుస ఓటములు నిరాశపరిచాయి.అయితే, ఈ విషయాన్ని తలచుకుని కుంగిపోవాల్సిన పనిలేదు. తదుపరి సొంత మైదానంలో ఆడబోతున్నాం. అది మాకు సానుకూలాంశం’’ అని కమిన్స్‌ ఓటమికి గల కారణాలు విశ్లేషించాడు. ​కాగా సీజన్‌ ఆరంభంలో రాజస్తాన్‌ రాయల్స్‌పై 44 పరుగుల తేడాతో గెలిచిన సన్‌రైజర్స్‌.. ఆ తర్వాత లక్నో చేతిలో ఐదు వికెట్ల తేడాతో, ఢిల్లీ చేతిలో ఏడు వికెట్ల తేడాతో ఓటమి పాలైంది.ఐపీఎల్‌-2025: కేకేఆర్‌ వర్సెస్‌ సన్‌రైజర్స్‌👉కేకేఆర్‌ స్కోరు: 200/6 (20)👉సన్‌రైజర్స్‌ స్కోరు: 120 (16.4)👉ఫలితం: సన్‌రైజర్స్‌పై 80 పరుగుల తేడాతో కేకేఆర్‌ గెలుపు👉ప్లేయర్‌ ఆఫ్‌ ది మ్యాచ్‌: వైభవ్‌ అరోరా (3/29).చదవండి: IPL 2025: గుజరాత్‌కు భారీ షాక్‌.. స్వ‌దేశానికి వెళ్లిపోయిన ర‌బాడ‌

సన్‌రైజర్స్‌ హైదరాబాద్‌ యాజమాన్యానికి ఇంగ్లండ్‌ మాజీ కెప్టెన్‌ మైకేల్‌ వాన్‌ (Michael Vaughan) కీలక సూచనలు చేశాడు. ‘రోడ్ల’పై బౌలింగ్‌ చేయించే వైఖరికి స్వస్తి పలకాలని.. బౌలర్ల ఆత్మవిశ్వాసాన్ని దెబ్బతీసే విధంగా ప్రవర్తించకూడదని హితవు పలికాడు. మేటి బౌలర్లు జట్టులో ఉన్నా.. బౌలింగ్‌ కోసం స్పెషలిస్టు బ్యాటర్ల మీద ఆధారపడాల్సిన దుస్థితి ఇందుకు నిదర్శమని పేర్కొన్నాడు.కాగా ఇండియన్‌ ప్రీమియర్‌ లీగ్‌ (IPL)-2025లో సన్‌రైజర్స్‌ తమ ఆరంభ మ్యాచ్‌లో అదరగొట్టిన విషయం తెలిసిందే. సొంత మైదానం ఉప్పల్‌లో రాజస్తాన్‌ రాయల్స్‌పై 286 పరుగులు స్కోరు చేసింది. అయితే, రాయల్స్‌ కూడా అంత తేలికగ్గా తలవంచలేదు. 242 రన్స్‌ చేసింది.రైజర్స్‌కు చేదు అనుభవంఇక రెండో మ్యాచ్‌లో మాత్రం రైజర్స్‌కు చేదు అనుభవం ఎదురైంది. లక్నో సూపర్‌ జెయింట్స్‌ (Lucknow Super Giants)తో ఉప్పల్‌లో గురువారం నాటి మ్యాచ్‌లో కమిన్స్‌ బృందం 190 పరుగులకే కుప్పకూలింది. మరోవైపు.. రైజర్స్‌ బ్యాటింగ్‌ పవర్‌ రుచిని వారికే చూపిస్తూ.. ఆట అంటే ఇట్టా ఉండాలి అన్నట్లుగా లక్నో స్టార్‌ నికోలస్‌ పూరన్‌ ఆకాశమే హద్దుగా చెలరేగాడు.ఈ పవర్‌ హిట్టర్‌ను కట్టడి చేయాలని రైజర్స్‌ బౌలర్లు ఎంతగా కష్టపడినా ఫలితం లేకుండా పోయింది. 26 బంతుల్లోనే ఆరు ఫోర్లు, ఆరు సిక్సర్ల సాయంతో 70 పరుగులు సాధించాడు. ఆఖరికి కమిన్స్‌ అద్భుత బంతితో అతడిని వికెట్ల ముందు దొరకబుచ్చుకోవడంతో ఎట్టకేలకు సన్‌రైజర్స్‌కు బ్రేక్‌ దొరికింది. కానీ అప్పటికే జరగాల్సిన నష్టం జరిగిపోయింది. 16.1 ఓవర్లలోనే లక్నో లక్ష్యాన్ని ఛేదించింది.Raining sixes in Hyderabad... but by #LSG 🌧Nicholas Pooran show guides LSG to 77/1 after 6 overs 👊Updates ▶ https://t.co/X6vyVEvxwz#TATAIPL | #SRHvLSG | @LucknowIPL pic.twitter.com/K2Dlk5AXQw— IndianPremierLeague (@IPL) March 27, 2025 400కు పైగా పరుగులుఇక తొలి రెండు మ్యాచ్‌లలో సన్‌రైజర్స్‌ బ్యాటర్ల గురించి పక్కనపెడితే.. బౌలర్లు మాత్రం బాధితులుగా మిగిలిపోయారు. మహ్మద్‌ షమీ, కమిన్స్‌, హర్షల్‌ పటేల్‌, ఆడం జంపా.. ఇలా జట్టులోని బౌలింగ్‌ విభాగం అంతా కలిసి ఇప్పటికే 400 (242, 193)కు పైగా పరుగులు సమర్పించుకున్నారు.కాగా లక్నోతో మ్యాచ్‌లో వికెట్‌ కీపర్‌ బ్యాటర్‌ ఇషాన్‌ కూడా బౌలింగ్‌కు రావడం గమనార్హం. అతడు ఒకే ఒక్క బంతి వేయగా ప్రత్యర్థి బ్యాటర్‌ ఫోర్‌ బాదాడు. ఈ నేపథ్యంలో కామెంటేటర్‌ మైకేల్‌ వాన్‌ మాట్లాడుతూ.. ‘‘ఎస్‌ఆర్‌హెచ్‌ ఇకనైనా జాగ్రత్తగా ఉండాలి.తమ బౌలర్లు ఆత్మవిశ్వాసం కోల్పోకుండా చూసుకోవాలి. ఎందుకంటే వాళ్లు రోడ్లమీద బౌలింగ్‌ చేస్తున్నారు. జంపా ఆటను నాశనం చేశారు. షమీ ఓవర్‌కు 12 పరుగుల చొప్పున ఇచ్చాడు. అందుకే సన్‌రైజర్స్‌ జాగ్రత్త పడాలి.రోడ్ల మీద బౌలింగ్‌ చేయించడం మానుకోండిసొంత మైదానంలో రోడ్ల మీద బౌలింగ్‌ చేయించే పనులు మానుకోవాలి. ఇది ఇలాగే కొనసాగితే వేరే వేదికలపై మీ బౌలర్లు రాణించలేరు. అప్పటికే వాళ్లు ఆత్మవిశ్వాసం కోల్పోయి.. వేరే చోట బౌలింగ్‌ చేయాలంటే భయపడిపోయే స్థితికి వస్తారు’’ అని వాన్‌ చురకలు అంటించాడు.ఇక లక్నోతో మ్యాచ్‌లో ఇషాన్‌ కిషన్‌తో బ్యాటింగ్‌ చేయడాన్ని ప్రస్తావిస్తూ.. ‘‘నాకు తెలిసి కమిన్స్‌కు కొత్త బౌలర్‌ దొరికి ఉంటాడు. వాళ్లు సొంత గ్రౌండ్‌లో ఐదో మ్యాచ్‌ ఆడే సరికి ఇషాన్‌ కిషన్‌ మరిన్ని ఓవర్లు బౌలింగ్‌ చేయాల్సి వస్తదేమో!.. ఎందుకంటే మిగతా బౌలర్లు ..‘ఈ రోడ్ల మీద మేము బౌలింగ్‌ చేయలేము అని చేతులెత్తేస్తారు’’ అంటూ వ్యంగ్యాస్త్రాలు సంధించాడు. క్రిక్‌బజ్‌ షోలో ఈ మేరకు వాన్‌ వ్యాఖ్యలు చేశాడు.చదవండి: BCCI: అతడికి ఈసారి టాప్‌ గ్రేడ్‌.. తొలిసారి వీళ్లకు వార్షిక కాంట్రాక్టులు!

ఐపీఎల్‌-2025లో సన్‌రైజర్స్ హైదరాబాద్ తరఫున తన తొలి మ్యాచ్‌లోనే సెంచ‌రీ చేసిన ఇషాన్ కిష‌న్‌.. రెండో మ్యాచ్‌లో మాత్రం తీవ్ర నిరాశ‌ప‌రిచాడు. ఈ మెగా టోర్నీలో భాగంగా ఉప్ప‌ల్ వేదిక‌గా లక్నో సూపర్ జెయింట్స్‌తో జ‌రుగుతున్న మ్యాచ్‌లో కిష‌న్ గోల్డెన్ డ‌క్‌గా వెనుదిరిగాడు.క్రీజులోకి వ‌చ్చిన తొలి బంతికే కిష‌న్ ఔట‌య్యాడు. ఎస్ఆర్‌హెచ్ ఇన్నింగ్స్ మూడో ఓవ‌ర్ వేసిన శార్థూల్ ఠాకూర్ బౌలింగ్‌లో తొలి బంతికి అభిషేక్ శ‌ర్మ ఔట్ కాగా.. రెండో బంతికి కిష‌న్ పెవిలియ‌న్‌కు చేరాడు. ఆ ఓవ‌ర్‌లో శార్ధూల్ రెండో బంతిని కిష‌న్‌కు లెగ్ సైడ్ డెలివ‌రీగా సంధించాడు.ఆ బంతిని ఇషాన్ లెగ్ సైడ్ ఆడేందుకు ప్ర‌య‌త్నించాడు. కానీ బంతి మాత్రం బ్యాట్ ఎడ్జ్ తీసుకుని వికెట్ కీప‌ర్ చేతికి వెళ్లింది. దీంతో కిష‌న్ గోల్డెన్ డ‌క్‌గా వెనుదిరిగాడు. ఇక మ్యాచ్‌లో టాస్ గెలిచిన ల‌క్నో సూప‌ర్ జెయింట్స్ తొలుత బ్యాటింగ్ ఎంచుకుంది. కాగా ఐపీఎల్‌-2025 మెగా వేలంలో కిష‌న్‌ను రూ.11 కోట్ల‌కు ఎస్ఆర్‌హెచ్ కొనుగోలు చేసింది.తుది జ‌ట్లులక్నో సూపర్ జెయింట్స్ ప్లేయింగ్ XI: ఐడెన్ మార్క్రామ్, నికోలస్ పూరన్, రిషబ్ పంత్ (కెప్టెన్‌), ఆయుష్ బడోని, డేవిడ్ మిల్లర్, అబ్దుల్ సమద్, దిగ్వేష్ సింగ్ రాఠీ, శార్దూల్ ఠాకూర్, అవేష్ ఖాన్, రవి బిష్ణోయ్, ప్రిన్స్ యాదవ్సన్‌రైజర్స్ హైదరాబాద్ ప్లేయింగ్ ఎలెవన్: అభిషేక్ శర్మ, ట్రావిస్ హెడ్, ఇషాన్ కిషన్ (వికెట్ కీప‌ర్‌), నితీష్ కుమార్ రెడ్డి, హెన్రిచ్ క్లాసెన్, అనికేత్ వర్మ, అభినవ్ మనోహర్, పాట్ కమిన్స్ (కెప్టెన్‌), సిమర్జీత్ సింగ్, మహమ్మద్ షమీ, హర్షల్ పటేల్చ‌ద‌వండి: IND vs ENG: రోహిత్ శ‌ర్మ కీల‌క నిర్ణ‌యం.. ఆ సిరీస్‌కు దూరం!

భారత మాజీ అంపైర్ అనిల్ చౌదరి.. ఇప్పుడు కామెంటేట‌ర్‌గా స‌రికొత్త అవ‌తార‌మెత్తాడు. ఐపీఎల్‌-2025 సీజ‌న్‌లో హర్యాన్వి బాష‌లో చౌదరి వ్యాఖ్య‌త‌గా వ్య‌వ‌హ‌రిస్తున్నాడు. అయితే అనిల్ చౌదరి తాజాగా టీమిండియా వికెట్ కీప‌ర్ బ్యాట‌ర్ ఇషాన్ కిష‌న్‌తో త‌ను మాట్లాడిన ఓ వీడియో క్లిప్‌ను సోష‌ల్ మీడియాలో షేర్ చేశాడు. ఈ వీడియోలో చౌద‌రి, కిష‌న్ మ‌ధ్య జ‌రిగిన సంభాష‌ణ ప్రస్తుతం చ‌ర్చానీయంశమైంది. అందుకు కార‌ణం పాకిస్తాన్ కెప్టెన్ మ‌హ్మ‌ద్ రిజ్వాన్‌ను కిష‌న్ విమ‌ర్శించ‌డ‌మే. మ‌హ్మ‌ద్ రిజ్వాన్ ప‌దే ప‌దే వికెట్ల వెన‌క అప్పీల్ చేయ‌డాన్ని కిష‌న్ ట్రోల్‌ చేశాడు.అస‌లేం జ‌రిగిందంటే?అంపైర్ అనిల్ చౌద‌రి: కిష‌న్.. నువ్వు ఆడిన చాలా మ్యాచ్‌ల్లో నేను అంపైర్‌గా వ్య‌వ‌హ‌రించాను. ఇప్పుడు నీవు చాలా పరిణితి చెందిన ఆట‌గాడిగా మారావు. గ‌తంలో వికెట్ కీపింగ్ చేసే ప‌దే ప‌దే అప్పీల్ చేసి అంపైర్‌లు చిరాకు తెప్పించేవాడివి. కానీ ఇప్పుడు మాత్రం అవ‌స‌ర‌మైనప్పుడు మాత్ర‌మే అప్పీలు చేస్తున్నావు. ఈ మార్పు నీలో ఎలా వ‌చ్చింది?ఇషాన్ కిష‌న్: ఇప్పుడు అంపైర్‌లు చాలా తెలివిగా ఉన్నారు. మనం ప్రతిసారీ అప్పీల్ చేస్తే అంపైర్ అవుట్‌కు కూడా నాటౌట్ ఇస్తాడు. అంపైర్‌లకు వారి తీసుకున్న నిర్ణ‌యాల‌పై న‌మ్మ‌కం ఉండాలంటే సరైన సమయంలో అప్పీల్ చేస్తే బెట‌ర్. లేక‌పోతే మ‌హ్మ‌ద్ రిజ్వాన్ లాగా ప‌ద‌పదే అప్పీల్ చేస్తే.. అంపైర్లు ఒక్కొసారి ఔటైనా కూడా నాటౌట్ ఇస్తార‌ని కిష‌న్ ఫ‌న్నీగా స‌మాధ‌న‌మిచ్చాడు. ఈ సంద‌ర్భంగా అంపైరింగ్ కోసం కిష‌న్ మాట్లాడాడు. కొత్తగా వచ్చే అంపైర్లు నిర్ణయాలు తీసుకునేటప్పుడు మరింత నమ్మకంగా ఉండాలని కిష‌న్ పేర్కొన్నాడు. కాగా ఈ జార్ఖండ్ డైన్‌మేట్ ప్ర‌స్తుతం ఐపీఎల్‌-2025లో స‌న్‌రైజ‌ర్స్ హైద‌రాబాద్‌కు ప్రాతినిథ్యం వ‌హిస్తున్నాడు.ఆడిన తొలి మ్యాచ్‌లోనే సెంచ‌రీతో మెరిశాడు. రాజస్థాన్ రాయల్స్‌తో జరిగిన మ్యాచ్‌లో ఇషాన్ కిషన్ 106 పరుగులు చేసి నాటౌట్ గా నిలిచాడు. అయితే దేశ‌వాళీ క్రికెట్‌, ఫ్రాంచైజీ లీగ్‌ల‌లో దుమ్ములేపుతున్న కిష‌న్.. జాతీయ జ‌ట్టుకు మాత్రం గ‌త కొంత కాలంగా దూరంగా ఉన్నాడు.చ‌ద‌వండి: టిమ్‌ సీఫర్ట్‌ ప్రపంచ రికార్డు.. పాక్‌పై చితక్కొట్టి అరుదైన ఘనత View this post on Instagram A post shared by Anil Chaudhary (@anilchaudhary.13)

ఐపీఎల్‌ 2025 సీజన్‌లో ఇప్పటివరకు (మార్చి 26) ఆరు మ్యాచ్‌లు పూర్తయ్యాయి. ఇందులో తొలి ఐదు మ్యాచ్‌లు ధనాధన్‌ బ్యాటింగ్‌ విన్యాసాలతో సాగగా.. నిన్న జరిగిన ఆరో మ్యాచ్‌ ఎలాంటి మెరుపులు లేకుండా చప్పగా ముగిసింది. ఈ సీజన్‌లో ఇప్పటివరకు జరిగిన ఆరు మ్యాచ్‌ల్లో ఓ ఆసక్తికర విషయం చోటు చేసుకుంది. ఆరు మ్యాచ్‌ల్లో ఫ్రాంచైజీలు మారి వచ్చిన ఆటగాళ్లే తమ కొత్త జట్లను గెలిపించారు.సీజన్‌ తొలి మ్యాచ్‌లో డిఫెండింగ్‌ ఛాంపియన్‌ కేకేఆర్‌పై ఆర్సీబీ విజయం సాధించింది. ఈ మ్యాచ్‌లో ఆర్సీబీ గెలుపులో లక్నో నుంచి వలస వచ్చిన కృనాల్‌ పాండ్యా కీలకపాత్ర పోషించాడు. కృనాల్‌ ఆర్సీబీ తరఫున తన తొలి మ్యాచ్‌లోనే మ్యాచ్‌ విన్నింగ్‌ పెర్ఫార్మెన్స్‌ ఇచ్చాడు. ఈ మ్యాచ్‌లో అతను 4 ఓవర్లలో 29 పరుగులిచ్చి 3 వికెట్లు తీశాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.సీజన్‌ రెండో మ్యాచ్‌లో రాజస్థాన్‌ రాయల్స్‌పై సన్‌రైజర్స్‌ హైదరాబాద్‌ విజయం సాధించింది. ఈ మ్యాచ్‌లో ఇషాన్‌ కిషన్‌ విధ్వంసకర సెంచరీ చేసి సన్‌రైజర్స్‌ విజయంలో ప్రధానపాత్ర పోషించాడు. గత సీజన్‌ వరకు ముంబై ఇండియన్స్‌కు ఆడిన ఇషాన్‌.. సన్‌రైజర్స్‌ తరఫున తన తొలి మ్యాచ్‌లోనే మ్యాచ్‌ విన్నింగ్‌ ఇన్నింగ్స్‌ ఆడి ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.మూడో మ్యాచ్‌లో ముంబై ఇండియన్స్‌పై చెన్నై సూపర్‌ కింగ్స్‌ విజయం సాధించింది. ఈ మ్యాచ్‌లో ముంబై బ్యాటింగ్‌ లైనప్‌కు కుప్పకూల్చిన నూర్‌ అహ్మద్‌ సీఎస్‌కే గెలుపులో కీలకంగా వ్యవహరించాడు. గత సీజన్‌ వరకు గుజరాత్‌ టైటాన్స్‌కు ఆడిన నూర్‌.. సీఎస్‌కే తరఫున తన తొలి మ్యాచ్‌లోనే అద్భుత ప్రదర్శన చేసి ప్లేయర్‌ ఆఫ్‌ ద మ్యాచ్‌గా నిలిచాడు.సీజన్‌ నాలుగో మ్యాచ్‌లో లక్నో సూపర్‌ జెయింట్స్‌పై ఢిల్లీ క్యాపిటల్స్‌ అద్భుత విజయం సాధించింది. ఈ మ్యాచ్‌లో ఆశుతోష్‌ శర్మ అద్భుతమైన బ్యాటింగ్‌ విన్యాసాలు ప్రదర్శించి ఢిల్లీకి ఊహించని విజయాన్నందించాడు. గత సీజన్‌లో పంజాబ్‌కు ఆడిన అశుతోష్‌.. ఢిల్లీ తరఫున తొలి మ్యాచ్‌లోనే అదగొట్టాడు. ఫలితంగా ప్లేయర్‌ ఆఫ్‌ ద మ్యాచ్‌ అవార్డు గెలుచుకున్నాడు.ఐదో మ్యాచ్‌లో గుజరాత్‌పై పంజాబ్‌ సూపర్‌ విక్టరీ నమోదు చేసింది. ఈ మ్యాచ్‌లో శ్రేయస్‌ అయ్యర్‌ సెంచరీ త్యాగం చేసి మరీ తన కొత్త ఫ్రాంచైజీ పంజాబ్‌ను గెలిపించాడు. గత సీజన్‌లో కేకేఆర్‌కు టైటిల్‌ అందించిన శ్రేయస్‌.. పంజాబ్‌ తరఫున తన తొలి మ్యాచ్‌లో వీరంగం సృష్టించాడు. ఫలితంగా ప్లేయర్‌ ఆఫ్‌ ద మ్యాచ్‌గా నిలిచాడు. నిన్న జరిగిన ఆరో మ్యాచ్‌లో రాజస్థాన్‌ రాయల్స్‌పై కేకేఆర్‌ గెలుపొందింది. ఈ మ్యాచ్‌లో కేకేఆర్‌ను డికాక్‌ ఒంటిచేత్తో గెలిపించాడు. గత సీజన్‌లో లక్నోకు ఆడిన డికాక్‌.. కేకేఆర్‌ తరఫున తన రెండో మ్యాచ్‌లోనే అదరగొట్టి ప్లేయర్‌ ఆఫ్‌ ద మ్యాచ్‌గా ఎంపికయ్యాడు.ఈ ట్రెండ్‌ ప్రకారం చూస్తే.. నేడు జరుగబోయే సన్‌రైజర్స్‌, లక్నో మ్యాచ్‌లో కూడా ఫ్రాంచైజీ మారి వచ్చిన ఆటగాడే తన కొత్త జట్టును గెలిపించే అవకాశం ఉంది. ఆ ఆటగాడు ఎవరవుతారని అనుకుంటున్నారు. మరోసారి ఇషాన్‌ అయితే A.. పంత్‌ అయితే B.. మిచెల్‌ మార్ష్‌ అయితే C.. మార్క్రమ్‌ అయితే D అని కామెంట్‌ చేయండి.

గత సీజన్లో సన్‌రైజర్స్ హైదరాబాద్ జట్టు లో కొన్ని కీలక మార్పులు చేసింది. అందులో మొదటిది ఆస్ట్రేలియా ప్రస్తుత కెప్టెన్, పేస్ బౌలర్ పాట్ కమిన్స్‌ (Pat Cummins)కి నాయకత్వ బాధ్యతలను అప్పగించడం.. రెండోది ఆస్ట్రేలియాకే చెందిన ఓపెనర్, టీమిండియాకు ‘తలనొప్పి’ తెప్పించే ట్రావిస్ హెడ్‌ (Travis Head)ని అభిషేక్ శర్మకి జతగా ఓపెనింగ్‌కి పంపాలని నిర్ణయించడం. ఈ రెండు నిర్ణయాలు సన్‌రైజర్స్ హైదరాబాద్ జట్టు స్వరూపాన్నే మార్చేశాయి.పవర్ ప్లే అంటే ప్రత్యర్థికి దడేఅంతవరకూ ఎప్పుడూ విజయం కోసం ఎదురు చూసిన జట్టు.. ఇప్పుడు ప్రత్యర్థులను భయపెట్టే స్థాయికి చేరిపోయింది. మ్యాచ్ తొలి ఓవర్లలో, ముఖ్యంగా పవర్ ప్లే లో ట్రావిస్ హెడ్, అభిషేక్ శర్మల ద్వయం ప్రత్యర్థి బౌలర్ల పై విరుచుకుపడి విధ్వంసకర బ్యాటింగ్ తో వారి రిథమ్‌ని దెబ్బతీశారు. ఫలితంగా పరుగుల వెల్లువ ప్రవహించింది. వీరిద్దరూ ఐపీఎల్ అత్యధిక స్కోర్ రికార్డులను తిరగరాశారు. ఈ ఫార్ములా అద్భుతంగా పనిచేసింది. గత సంవత్సరం ఫైనల్ లో కోల్‌కతా నైట్ రైడర్స్ చేతిలో పరాజయం పాలైనప్పటికీ.. సన్‌రైజర్స్ హైదరాబాద్ టైటిల్‌కు చేరువగా రావడంలో బ్యాటర్లదే కీలక పాత్ర.సన్‌రైజర్స్ ఫార్ములాకి అప్‌గ్రేడ్ కిషన్ఇంత అద్భుత ఫలితాల్నిచ్చిన ఫార్ములాను సన్‌రైజర్స్ హైదరాబాద్ వదులుకుఉంటుందా? అందుకే అదే ఫార్ములాను అప్‌గ్రేడ్ చేసింది. భారత్ జట్టులో స్థానం కోల్పోయి అవకాశం కోసం ఎదురు చేస్తున్న ఇషాన్ కిషన్ ని మునుపటి నంబర్ 3 బ్యాటర్ రాహుల్ త్రిపాఠి స్థానం లో తీసుకొచ్చింది. ఈ నేపధ్యం లో సొంతగడ్డ పై సన్‌రైజర్స్ హైదరాబాద్ తన సత్తా మరోసారి ప్రదర్శించింది.ఇందుకు రాజస్థాన్ రాయల్స్ కూడా సన్‌రైజర్స్ కి తన వంతు సహకారం అందించింది. ఎందుకంటే అలాంటి ఊపు మీదున్న సన్‌రైజర్స్ బ్యాట్స్మన్ కి టాస్ గెలిచినప్పటికీ ముందుగా బ్యాటింగ్ కి ఆహ్వానించడం రాయల్స్ చేసిన పెద్ద తప్పిదనం. ఇందుకు భారీ మూల్యమే చెల్లించాల్సివచ్చింది.రాయల్స్ కొంపముంచిన టాస్రాయల్స్ కెప్టెన్ రియాన్ పరాగ్ టాస్ గెలిచి మొదట బౌలింగ్ ఎంచుకున్న తర్వాత సన్‌రైజర్స్ బ్యాటర్లు ఆ జట్టు బౌలర్ల పై విరుచుకు పడ్డారు. ట్రావిస్ హెడ్, అభిషేక్ శర్మ మొదటి ఆరు ఓవర్లలో 94 పరుగులు చేయడంతో స్కోర్ రాకెట్ వేగంతో ముందుకు పోయింది. వీరిద్దరి నిష్క్రమణ తర్వాత ఇషాన్ కిషన్ నంబర్ 3 స్థానంలో బ్యాటింగ్ కి వచ్చి అదే ఊపును కొనసాగించాడు.గతంలో ముంబై ఇండియన్స్ కి ప్రాతినిధ్యం వహించిన కిషన్ 47 బంతుల్లో 11 బౌండరీలు, ఆరు సిక్సర్లుతో అజేయంగా నిలిచి 106 పరుగులు చేశాడు. ఇషాన్ కిషన్ కి ఐపీఎల్ లో ఇది మొదటి సెంచరీ. ఫలితంగా సన్‌రైజర్స్ హైదరాబాద్ నిర్ణీత 20 ఓవర్లలో 6 వికెట్లకు 286 పరుగులు చేసి మరోసారి సత్తా చాటింది. గత సంవత్సరం బెంగళూరు లోని చిన్నస్వామి స్టేడియంలో బెంగుళూరు తో జరిగిన మ్యాచ్ లో 5 వికెట్ల నష్టానికి 287 పరుగుల ఐపీఎల్ స్కోర్ ని ఒక్క పరుగుతో వెనుక పడింది.చివరి వరకూ పోరాడిన రాయల్స్ఇంత అత్యధిక లక్ష్యాన్ని సాధించడం ఏ జట్టుకైనా కష్టమే. అయితే నిజానికి రాయల్స్ చివరి వరకూ పోరాడింది. ప్రారంభంలోనే భారత్ ఓపెనర్ యశస్వి జైస్వాల్ మరియు కెప్టెన్ రియాన్ పరాగ్‌ల వికెట్లను కోల్పోయినప్పటికీ తన పోరాటాన్ని కొనసాగించింది. ఇద్దరు వికెట్ కీపర్ బ్యాట్సమన్ సంజు సామ్సన్, మరియు ధ్రువ్ జురెల్ రాయల్స్‌ను జట్టుకి ఆత్మవిశ్వాసం కలిగించే రీతిలో ఆడారు.నాల్గవ వికెట్‌కు వారిద్దరు 111 పరుగుల భాగస్వామ్యాన్ని నెలకొల్పారు. సామ్సన్ 66 పరుగులు చేయగా, జురెల్ 70 పరుగులు చేశాడు. చివర్లో షిమ్రాన్ హెట్మైర్, శుభం దూబే వచ్చి స్కోర్ ని పరుగు పెట్టించినప్పటికీ ఫలితం లేకపోయింది. హెట్మైర్ 44 పరుగులు సాధించగా దూబే 32 పరుగులు చేయడంతో రాయల్స్ స్కోర్ ఆరు వికెట్ల నష్టానికి 242 కి చేరింది. కావ్యా మారన్‌ కళ్లలో ఆనందంఈ మ్యాచ్ లో చివరికి రాయల్స్ 44 పరుగుల తేడాతో పరాజయం చవిచూసినప్పటికీ ముందు జరిగే మ్యాచ్ లకు కొండంత ఆత్మ విశ్వాసాన్నిచిదనడంలో సందేహంలేదు. ఇక క్లాసెన్‌, ఇషాన్‌ కిషన్‌ ప్ర్యతర్థి జట్టు బౌలింగ్‌ను చితక్కొడుతుంటే.. రైజర్స్‌ జట్టు యజమాని కావ్యా మారన్‌ పలికించిన హావభావాలు, భావోద్వేగానికి గురైన తీరు జట్టు ప్రదర్శన పట్ల ఆమె ఎంత సంతోషంగా ఉన్నారో చెప్పేందుకు నిదర్శనాలుగా నిలిచాయనడంలో అతిశయోక్తి లేదు.చదవండి: మా వాళ్లకు అస్సలు బౌలింగ్‌ చేయను.. అతడొక అసాధారణ బ్యాటర్‌: కమిన్స్‌An epic run-fest goes the way of @SunRisers 🧡The Pat Cummins-led side registers a 4️⃣4️⃣-run win over Rajasthan Royals 👏Scorecard ▶ https://t.co/ltVZAvInEG#TATAIPL | #SRHvRR pic.twitter.com/kjCtGW8NdV— IndianPremierLeague (@IPL) March 23, 2025

ఇండియన్‌ ప్రీమియర్‌ లీగ్‌ (IPL) తాజా ఎడిషన్‌ను సన్‌రైజర్స్‌ హైదరాబాద్‌ (Sunrisers Hyderabad) అద్భుత విజయంతో ఆరంభించింది. గత సీజన్‌ తాలుకు విధ్వంసకర బ్యాటింగ్‌ను కొనసాగిస్తూ ఉప్పల్‌ స్టేడియంలో పరుగుల సునామీ సృష్టించింది. తమ తొలి మ్యాచ్‌లో రాజస్తాన్‌ రాయల్స్‌ను 44 పరుగుల తేడాతో చిత్తు చేసింది.‘పాకెట్‌ డైనమైట్‌’ సెంచరీస్టార్‌ ఓపెనర్‌ ట్రవిస్‌ హెడ్‌ (31 బంతుల్లో 67) తనదైన శైలిలో చెలరేగగా.. జట్టులోకి కొత్తగా వచ్చిన ఇషాన్‌ కిషన్‌ (Ishan kishan) ఆకాశమే హద్దుగా దూసుకుపోయాడు. ఈ పాకెట్‌ డైనమైట్‌ రాజస్తాన్‌ బౌలింగ్‌ను చితకొట్టి.. అజేయ అద్భుత శతకం సాధించాడు. కేవలం 47 బంతుల్లోనే 11 ఫోర్లు, ఆరు సిక్సర్ల సాయంతో 106 పరుగులు సాధించాడు.𝙄.𝘾.𝙔.𝙈.𝙄 🔥Ishan Kishan dealt in sixes on his way to a magnificent maiden #TATAIPL 💯 😮 👊Updates ▶ https://t.co/ltVZAvHPP8#SRHvRR | @SunRisers | @ishankishan51 pic.twitter.com/9PjtQK231J— IndianPremierLeague (@IPL) March 23, 2025 ఇక హెన్రిచ్‌ క్లాసెన్‌ క్రీజులో ఉన్నది కాసేపే అయినా ధనాధన్‌ ఇన్నింగ్స్‌ (14 బంతుల్లో 34)తో దుమ్ములేపాడు. ఫలితంగా నిర్ణీత ఇరవై ఓవర్లలో ఆరు వికెట్ల నష్టానికి రికార్డు స్థాయిలో రైజర్స్‌ 286 పరుగులు సాధించింది. లక్ష్య ఛేదనలో రాజస్తాన్‌ 242 పరుగులకే పరిమితం కావడంతో జయకేతనం ఎగురువేసింది.మా వాళ్లకు అస్సలు బౌలింగ్‌ చేయనుఈ నేపథ్యంలో విజయానంతరం సన్‌రైజర్స్‌ కెప్టెన్‌ ప్యాట్‌ కమిన్స్‌ ఆసక్తికర వ్యాఖ్యలు చేశాడు. తమ జట్టు బ్యాటర్లకు పొరపాటున కూడా బౌలింగ్‌ చేయబోనంటూ సహచర ఆటగాళ్ల దూకుడును ప్రశంసించాడు. ఇషాన్‌ కిషన్‌ అసాధారణ ఇన్నింగ్స్‌ ఆడాడని కొనియాడాడు. ‘‘నమ్మశక్యం కాని బ్యాటింగ్‌ ఇది. నేను మా వాళ్లకు అస్సలు బౌలింగ్‌ చేయను.బాబోయ్‌.. భయపెట్టేశారుప్రత్యర్థి జట్టు బౌలర్లను భయపెట్టేశారు. ఇలాంటి బ్యాటర్లు ఉంటే బౌలర్లకు చుక్కలే. వికెట్‌ తీయడం గురించి కాకుండా.. పరుగులను ఎలా నియంత్రించాలన్న అంశం మీదే ఎక్కువగా దృష్టి పెట్టాల్సి వస్తుంది. మేము గత వైభవాన్ని కొనసాగించాలని ఫిక్సయ్యాం. అసాధారణ ఇన్నింగ్స్‌ గతంలో ఆడిన ఒకరిద్దరు ప్లేయర్ల సేవలను ఈసారి మేము కోల్పోయాం. అయితే, వారి స్థానంలో వచ్చిన ఇషాన్‌ కిషన్‌ అసాధారణ ఇన్నింగ్స్‌ ఆడాడు. స్వేచ్ఛగా బ్యాటింగ్‌ చేయాలని.. ఆటను పూర్తిగా ఆస్వాదించాలని అతడు భావించాడు. మైదానంలో ఆ పని చేసి చూపించాడు.ప్రాక్టీస్‌లో మా బాయ్స్‌ కష్టపడ్డారు. అద్భుత రీతిలో మ్యాచ్‌కు సన్నద్ధమయ్యారు. ఇక మా కోచ్‌ల గురించి ప్రత్యేకంగా చెప్పాల్సిందేమీ లేదు. వారంతా అద్భుతం. గత మూడు- నాలుగు వారాలుగా మాతో పాటు ఉన్నారు. ఏదేమైనా మా వాళ్లు తమ భీకర బ్యాటింగ్‌తో సీజన్‌కు బ్లూప్రింట్‌లాంటిది తయారు చేశారు. మా బ్యాటర్లను ఎంత ప్రశంసించినా తక్కువే’’ అని కమిన్స్‌ జట్టు ప్రదర్శన పట్ల సంతృప్తి వ్యక్తం చేశాడు.ఐపీఎల్‌-2025: సన్‌రైజర్స్‌ వర్సెస్‌ రాజస్తాన్‌ స్కోర్లు👉వేదిక: రాజీవ్‌ గాంధీ అంతర్జాతీయ స్టేడియం, ఉప్పల్‌, హైదరాబాద్‌👉టాస్‌: రాజస్తాన్‌ రాయల్స్‌.. తొలుత బౌలింగ్‌👉సన్‌రైజర్స్‌ స్కోరు: 286/6 (20)👉రాజస్తాన్‌ స్కోరు: 242/6 (20)👉ఫలితం: 44 పరుగుల తేడాతో రాజస్తాన్‌పై సన్‌రైజర్స్‌ విజయం👉ప్లేయర్‌ ఆఫ్‌ ది మ్యాచ్‌: ఇషాన్‌ కిషన్‌చదవండి: IPL 2025 RCB Vs KKR: చరిత్ర సృష్టించిన విరాట్ కోహ్లి.. ఒకే ఒక్కడు

తొలి 42 బంతుల్లో 100 పరుగులు... 87 బంతుల్లో 200 పరుగులు... ఇక మిగిలింది 300 లక్ష్యమే... ఐపీఎల్‌లో 300 పరుగులు సాధ్యమా అనే ప్రశ్నకు జవాబిచ్చేలా ఆడిన సన్‌రైజర్స్‌ హైదరాబాద్‌ జట్టు దానిని ఈసారి అందుకోలేకపోయినా దాదాపు చేరువగా వచ్చిoది. తమ అత్యధిక టీమ్‌ స్కోరుకు ఒక పరుగు మాత్రమే తక్కువ చేసి ఐపీఎల్‌ టోర్నీ చరిత్రలో రెండో అత్యధిక స్కోరును తమ పేరిటే లిఖించుకుంది. మారింది సీజన్‌ మాత్రమే తాము కాదు అంటూ సన్‌రైజర్స్‌ బ్యాటర్లు చెలరేగిపోయారు. గత ఏడాది లాగే అభిషేక్‌ శర్మ, ట్రావిస్‌ హెడ్‌ మెరుపులకు తోడు ఈసారి కొత్తగా జట్టులో చేరిన ఇషాన్‌ కిషన్‌ కూడా దూకుడుగా ఆడడంతో జట్టు ఆకాశమే హద్దుగా చెలరేగింది. ఛేదనకు ముందే ఓటమిని అంగీకరించినట్లు కనిపించిన రాజస్తాన్‌ కొంత పోరాడినా లక్ష్యం మరీ పెద్దది కావడంతో చివరకు ఆ జట్టుకు ఓటమి తప్పలేదు. మొత్తానికి 528 పరుగుల మ్యాచ్‌తో హైదరాబాద్‌ అభిమానులు ఆదివారం పండుగ చేసుకున్నారు. సాక్షి, హైదరాబాద్‌: ఐపీఎల్‌–18 సీజన్‌లో సన్‌రైజర్స్‌ హైదరాబాద్‌ తమదైన రీతిలో మెరుపు బ్యాటింగ్‌తో చెలరేగింది. ఘన విజయంతో టోర్నీని మొదలు పెట్టింది. ఆదివారం ఉప్పల్‌ స్టేడియంలో జరిగిన మ్యాచ్‌లో గత ఏడాది రన్నరప్‌ సన్‌రైజర్స్‌ 44 పరుగుల తేడాతో మాజీ చాంపియన్‌ రాజస్తాన్‌ రాయల్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 6 వికెట్ల నష్టానికి 286 పరుగులు చేసింది.‘ప్లేయర్‌ ఆఫ్‌ ద మ్యాచ్‌’ ఇషాన్‌ కిషన్‌ (47 బంతుల్లో 106 నాటౌట్‌; 11 ఫోర్లు, 6 సిక్స్‌లు) సెంచరీతో కదం తొక్కాడు. ట్రావిస్‌ హెడ్‌ (31 బంతుల్లో 67; 9 ఫోర్లు, 3 సిక్స్‌లు) అర్ధసెంచరీ సాధించాడు. హెన్రిచ్‌ క్లాసెన్‌ (14 బంతుల్లో 34; 5 ఫోర్లు, 1 సిక్స్‌), నితీశ్‌ కుమార్‌ రెడ్డి (15 బంతుల్లో 30; 4 ఫోర్లు, 1 సిక్స్‌) కూడా దూకుడుగా ఆడారు. సన్‌రైజర్స్‌ టాప్‌–5 బ్యాటర్లంతా 200కు పైగా స్ట్రయిక్‌రేట్‌తో పరుగులు సాధించడం విశేషం. 3ఇషాన్‌ కిషన్‌పరుగులు 106 బంతులు 47 ఫోర్లు 11 సిక్స్‌లు 6 స్ట్రయిక్‌రేట్‌ 225.53 అనంతరం 287 పరుగుల విజయలక్ష్యంతో బరిలోకి దిగిన రాజస్తాన్‌ రాయల్స్‌ 20 ఓవర్లలో 6 వికెట్లకు 242 పరుగులు చేసి ఓడిపోయింది. ధ్రువ్‌ జురేల్‌ (35 బంతుల్లో 70; 5 ఫోర్లు, 6 సిక్స్‌లు), సంజూ సామ్సన్‌ (37 బంతుల్లో 66; 7 ఫోర్లు, 4 సిక్స్‌లు) మెరుపు అర్ధ సెంచరీలతో ఆకట్టుకున్నారు. సన్‌రైజర్స్‌ బౌలర్లలో సిమర్‌జీత్‌ సింగ్, హర్షల్‌ పటేల్‌ రెండు వికెట్ల చొప్పున తీశారు. సన్‌రైజర్స్‌ జట్టు తమ తదుపరి మ్యాచ్‌ను ఈనెల 27న ఉప్పల్‌ స్టేడియంలోనే లక్నో సూపర్‌ జెయింట్స్‌ జట్టుతో ఆడుతుంది. మెరుపు బ్యాటింగ్‌... అభిషేక్‌ శర్మ (11 బంతుల్లో 24; 5 ఫోర్లు), హెడ్‌ ఎప్పటిలాగే రైజర్స్‌కు శుభారంభం అందించారు. ఫారుఖీ ఓవర్లో అభిషేక్‌ మూడు ఫోర్లు కొట్టగా, అదే ఓవర్లో హెడ్‌ సిక్స్‌ కొట్టాడు. తొలి వికెట్‌కు 19 బంతుల్లో 45 పరుగుల భాగస్వామ్యం తర్వాత అభిషేక్‌ వెనుదిరిగాడు. అభిషేక్‌ స్థానంలో వచ్చిన ఇషాన్‌ కిషన్‌ కూడా అదే జోరును కొనసాగించాడు. ఆర్చర్‌ వేసిన ఐదో ఓవర్లో హెడ్‌ చెలరేగిపోయాడు. ఈ ఓవర్లో అతను 4 ఫోర్లు, సిక్స్‌ బాదడంతో మొత్తం 23 పరుగులు వచ్చాయి. పవర్‌ప్లే ముగిసేసరికి సన్‌రైజర్స్‌ స్కోరు 94 పరుగులకు చేరగా, 21 బంతుల్లోనే హెడ్‌ హాఫ్‌ సెంచరీ పూర్తయింది. ఎట్టకేలకు హెడ్‌ను తుషార్‌ అవుట్‌ చేసినా... కిషన్‌ తనదైన శైలిలో ధాటిగా ఆడాడు. హెడ్, కిషన్‌ రెండో వికెట్‌కు 39 బంతుల్లోనే 85 పరుగులు జోడించారు. ఆర్చర్‌ ఓవర్లో రెండు వరుస సిక్స్‌లతో కిషన్‌ 25 బంతుల్లో హాఫ్‌ సెంచరీని అందుకున్నాడు. అదే ఓవర్లో అతను మరో సిక్సర్‌ బాదాడు. మరోవైపు నితీశ్‌ రెడ్డి, క్లాసెన్‌ ఎక్కడా తగ్గలేదు. వీరిద్దరు దూకుడుతో స్కోరు వేగంగా దూసుకుపోయింది. సందీప్‌ ఓవర్లో వరుసగా 6, 4 కొట్టిన క్లాసెన్, ఆర్చర్‌ ఓవర్లో మూడు ఫోర్లు కొట్టాడు. సందీప్‌ ఓవర్లో వరుసగా రెండు సిక్స్‌లు బాది 98కి చేరిన కిషన్‌ తర్వాతి బంతికి రెండు పరుగులు చేసి సెంచరీ (45 బంతుల్లో)తో విజయనాదం చేశాడు. శతక భాగస్వామ్యం... దాదాపు అసాధ్యమైన లక్ష్య ఛేదనకు బరిలోకి దిగిన రాజస్తాన్‌ 50 పరుగులకే 3 కీలక వికెట్లు కోల్పోయింది. యశస్వి జైస్వాల్‌ (1), రియాన్‌ పరాగ్‌ (4), నితీశ్‌ రాణా (11) వెనుదిరగడంతో జట్టు ఛేదనావకాశాలు తగ్గిపోయాయి. అయితే సామ్సన్, జురేల్‌ కొద్దిగా ప్రయత్నం చేశారు. సిమర్‌జీత్‌ ఓవర్లో సామ్సన్‌ 2 ఫోర్లు, సిక్స్‌ కొట్టగా, కమిన్స్‌ ఓవర్లో జురేల్‌ 3 ఫోర్లు, సిక్స్‌ కొట్టడం హైలైట్‌గా నిలిచాయి. రాయల్స్‌ బ్యాటర్లు కూడా అక్కడక్కడా మెరుపులు మెరిపించినా హైదరాబాద్‌ ఇన్నింగ్స్‌ ముందు అవన్నీ దిగదుడుపుగా కనిపించాయి. నాలుగో వికెట్‌కు 60 బంతుల్లో 111 పరుగులు జత చేసిన అనంతరం ఒకే స్కోరు వద్ద సామ్సన్, జురేల్‌ అవుట్‌ కావడంతో రాజస్తాన్‌ ఆశలు అడుగంటాయి. చివర్లో హెట్‌మైర్‌ (23 బంతుల్లో 42; 1 ఫోర్, 4 సిక్స్‌లు), శుభమ్‌ దూబే (11 బంతుల్లో 34 నాటౌట్‌; 1 ఫోర్, 4 సిక్స్‌లు) పోరాడినా లాభం లేకపోయింది. స్కోరు వివరాలుసన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (సి) యశస్వి జైస్వాల్‌ (బి) తీక్షణ 24; హెడ్‌ (సి) హెట్‌మైర్‌ (బి) తుషార్‌ దేశ్‌పాండే 67; ఇషాన్‌ కిషన్‌ (నాటౌట్‌) 106; నితీశ్‌ కుమార్‌ రెడ్డి (సి) యశస్వి జైస్వాల్‌ (బి) తీక్షణ 30; క్లాసెన్‌ (సి) పరాగ్‌ (బి) సందీప్‌ 34; అనికేత్‌ (సి) ఆర్చర్‌ (బి) తుషార్‌ దేశ్‌పాండే 7; అభినవ్‌ మనోహర్‌ (సి) పరాగ్‌ (బి) తుషార్‌ దేశ్‌పాండే 0; కమిన్స్‌ (నాటౌట్‌) 0; ఎక్స్‌ట్రాలు 18; మొత్తం (20 ఓవర్లలో 6 వికెట్లకు) 286. వికెట్ల పతనం: 1–45, 2–130, 3–202, 4–258, 5–279, 6–279. బౌలింగ్‌: ఫారుఖీ 3–0–49–0, తీక్షణ 4–0–52–2, ఆర్చర్‌ 4–0–76–0, సందీప్‌ శర్మ 4–0–51–1, నితీశ్‌ రాణా 1–0–9–0, తుషార్‌ దేశ్‌పాండే 4–0–44–3. రాజస్తాన్‌ రాయల్స్‌ ఇన్నింగ్స్‌: యశస్వి జైస్వాల్‌ (సి) మనోహర్‌ (బి) సిమర్‌జీత్‌ 1; సంజూ సామ్సన్‌ (సి) క్లాసెన్‌ (బి) హర్షల్‌ పటేల్‌ 66; పరాగ్‌ (సి) కమిన్స్‌ (బి) సిమర్‌జీత్‌ 4; నితీశ్‌ రాణా (సి) కమిన్స్‌ (బి) షమీ 11; ధ్రువ్‌ జురేల్‌ (సి) ఇషాన్‌ కిషన్‌ (బి) ఆడమ్‌ జంపా 70; హెట్‌మైర్‌ (సి) మనోహర్‌ (బి) హర్షల్‌ పటేల్‌ 42; శుభమ్‌ దూబే (నాటౌట్‌) 34; ఆర్చర్‌ (నాటౌట్‌) 1; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 242. వికెట్ల పతనం: 1–20, 2–24, 3–50, 4–161, 5–161, 6–241. బౌలింగ్‌: మొహమ్మద్‌ షమీ 3–0–33–1, సిమర్‌జీత్‌ సింగ్‌ 3–0–46–2, కమిన్స్‌ 4–0–60–0, అభిషేక్‌ 2–0–17–0, ఆడమ్‌ జంపా 4–0–48–1, హర్షల్‌ పటేల్‌ 4–0–34–2.286 ఐపీఎల్‌లో ఇది రెండో అత్యధిక స్కోరు. గత ఏడాది రాయల్‌ చాలెంజర్స్‌ బెంగళూరుపై సన్‌రైజర్స్‌ చేసిన 287 పరుగుల స్కోరు అగ్రస్థానంలో ఉంది. ఐపీఎల్‌ చరిత్రలో టాప్‌–5 అత్యధిక టీమ్‌ స్కోర్లలో నాలుగు సన్‌రైజర్స్‌ పేరిటే ఉండటం విశేషం.76 జోఫ్రా ఆర్చర్‌ ఇచ్చిన పరుగులు. ఐపీఎల్‌లోని ఒక మ్యాచ్‌లో ఒక బౌలర్‌ ఇచ్చిన అత్యధిక పరుగులు ఇవే. గత ఏడాది ఢిల్లీ క్యాపిటల్స్‌తో మ్యాచ్‌లో గుజరాత్‌ టైటాన్స్‌ బౌలర్‌ మోహిత్‌ శర్మ అత్యధికంగా 73 పరుగులు ఇచ్చాడు. మోహిత్‌ పేరిట ఉన్న రికార్డును ఆర్చర్‌ తన పేరిట లిఖించుకున్నాడు. 34 టి20 ఫార్మాట్‌లో ఒక మ్యాచ్‌ ఇన్నింగ్స్‌లో అత్యధిక ఫోర్లు (34) కొట్టిన జట్టుగా సన్‌రైజర్స్‌ రికార్డు నెలకొల్పింది. గతంలో ఈ రికార్డు మిడిల్‌సెక్స్‌ కౌంటీ (33 ఫోర్లు; సర్రే జట్టుపై 2023లో) జట్టు పేరిట ఉంది. ఐపీఎల్‌ టోర్నీ మ్యాచ్‌లో ఒక ఇన్నింగ్స్‌లో అత్యధిక బౌండరీలు కొట్టిన రికార్డు ఢిల్లీ డేర్‌డెవిల్స్‌ (31 ఫోర్లు; 2017లో గుజరాత్‌ లయన్స్‌పై) జట్టు పేరిట ఉంది. దానిని కూడా సన్‌రైజర్స్‌ బ్రేక్‌ చేసింది. 3 ఐపీఎల్‌లో ఫాస్టెస్ట్‌ సెంచరీ చేసిన మూడో భారత ప్లేయర్‌గా ఇషాన్‌ కిషన్‌ (45 బంతుల్లో) గుర్తింపు పొందాడు. తొలి స్థానంలో యూసుఫ్‌ పఠాన్‌ (37 బంతుల్లో ముంబై ఇండియన్స్‌పై 2010లో) ఉన్నాడు. తాజా ఇన్నింగ్స్‌తో మయాంక్‌ అగర్వాల్‌ (45 బంతుల్లో; రాజస్తాన్‌ రాయల్స్‌పై 2020లో) సరసన ఇషాన్‌ కిషన్‌ చేరాడు.

ఐపీఎల్‌-2025ను సన్‌రైజర్స్ హైదరాబాద్ అద్బుత‌మైన విజ‌యంతో ప్రారంభించింది. ఉప్పల్ వేదికగా రాజస్తాన్ రాయల్స్‌తో జ‌రిగిన మ్యాచ్‌లో 44 ప‌రుగుల తేడాతో ఎస్ఆర్‌హెచ్ గెలుపొందింది. 287 ప‌రుగుల ల‌క్ష్యంతో బరిలోకి దిగిన రాజ‌స్తాన్ 6 వికెట్లు కోల్పోయి 242 ప‌రుగులు మాత్ర‌మే చేయ‌గ‌ల్గింది. ఎస్ఆర్‌హెచ్ బౌల‌ర్ల‌లో సిమర్జీత్ సింగ్, హ‌ర్ష‌ల్ ప‌టేల్ త‌లా రెండు వికెట్లు ప‌డగొట్టగా.. షమీ, జంపా చెరో వికెట్ సాధించారు. రాజ‌స్తాన్ బ్యాట‌ర్ల‌లో ధ్రువ్ జురెల్(70) టాప్ స్కోర‌ర్‌గా నిలిచాడు.ఈ మ్యాచ్‌లో సన్‌రైజర్స్ హైదరాబాద్ బ్యాటర్లు ఆకాశమే హద్దుగా చెలరేగారు. టాస్ ఓడి బ్యాటింగ్‌కు దిగిన ఎస్‌ఆర్‌హెచ్ 6 వికెట్ల నష్టానికి 286 పరుగుల భారీ స్కోర్ చేసింది. ఇన్నింగ్స్ ఆరంభం నుంచే రాజస్తాన్ బౌలర్లను సన్‌రైజర్స్ బ్యాటర్లు ఊచకోత కోశారు. క్రీజులోకి వచ్చిన ప్రతీ బ్యాటర్ బంతిని స్టాండ్స్‌కు తరలించాడు. ఎస్‌ఆర్‌హెచ్ బ్యాటర్లలో ఇషాన్ కిషన్ అద్బుతమైన సెంచరీతో చెలరేగాడు. కేవలం 47 బంతుల్లో 11 ఫోర్లు, 6 సిక్స్‌లతో 106 పరుగులు చేసి ఆజేయంగా నిలిచాడు. ఇషాన్‌కు ఇదే తొలి ఐపీఎల్ సెంచరీ కావడం గమనార్హం. కాగా ఐపీఎల్‌-2025 మెగా వేలంలో కిషన్‌ను రూ.11.25 కోట్లకు ఎస్‌ఆర్‌హెచ్ కొనుగోలు చేసింది. కిష‌న్‌తో పాటు ట్రావిస్‌ హెడ్‌(67), క్లాసెన్‌(34), నితీశ్‌ కుమార్‌(30) పరుగులతో రాణించారు. రాజస్తాన్‌ బౌలర్లలో తుషార్‌ దేశ్‌పాండే మూడు వికెట్లు పడగొట్టగా.. థీక్షణ రెండు, సందీప్‌ శర్మ ఒక్క వికెట్‌ సాధించారు. ఇక ఈ మ్యాచ్‌లో భారీ స్కోర్ చేసిన స‌న్‌రైజ‌ర్స్ ఓ అరుదైన రికార్డును త‌మ పేరిట లిఖించుకుంది.ఎస్ఆర్‌హెచ్ వ‌ర‌ల్డ్ రికార్డు..టీ20 క్రికెట్‌లో అత్య‌ధిక సార్లు 250 ప్ల‌స్ స్కోర్లు సాధించిన తొలి జ‌ట్టుగా ఎస్ఆర్‌హెచ్ వర‌ల్డ్ రికార్డు సృష్టించింది. సన్‌రైజర్స్ ఇప్పటివరకు 4 సార్లు 250 పైగా పరుగులు చేసింది. ఇంతకుముందు రికార్డు ఇంగ్లండ్ క్రికెట్ క్లబ్ సర్రే పేరిట ఉండేది. సర్రే 3 సార్లు 250 ప్ల‌స్ స్కోర్లు నమోదు చేసింది. తాజా మ్యాచ్‌తో సర్రే అల్‌టైమ్ రికార్డును కమ్మిన్స్ సేన బ్రేక్ చేసింది. అదేవిధంగా ఐపీఎల్ చరిత్రలో ఇది రెండో అత్యధిక స్కోర్ కావడం గమనార్హం.చ‌ద‌వండి: IPL 2025: ముంబై ఇండియ‌న్స్ వదిలేసింది.. క‌ట్ చేస్తే! తొలి మ్యాచ్‌లోనే భారీ సెంచ‌రీ

ఐపీఎల్‌-2025లో తొలి సెంచరీ నమోదైంది. ఉప్పల్‌ స్టేడియం వేదికగా రాజస్తాన్ రాయల్స్‌తో మ్యాచ్‌లో సన్‌రైజర్స్ హైదరాబాద్ ఆటగాడు ఇషాన్ కిషన్(Ishan Kishan) అద్బుతమైన సెంచరీతో మెరిశాడు. ఎస్‌ఆర్‌హెచ్ తరపున ఆడిన తొలి మ్యాచ్‌లోనే ఇషాన్ విధ్వంసం సృష్టించాడు. ఫస్ట్ డౌన్‌లో బ్యాటింగ్‌కు వచ్చిన కిషన్ ఆకాశమే హద్దుగా చెలరేగాడు. తన ఇన్నింగ్స్ ఆరంభం నుంచే ప్రత్యర్ధి బౌలర్లను ఈ జార్ఖండ్ డైన్‌మేట్ ఊచకోత కోశాడు. ట్రావిస్ హెడ్‌, నితీశ్‌, క్లాసెన్‌తో కలిసి స్కోర్ బోర్డును పరుగులు పెట్టించాడు. ఈ క్రమంలో కేవలం ఇషాన్ కేవలం 45 బంతుల్లోనే తన తొలి ఐపీఎల్ సెంచరీ మార్క్‌ను అందుకున్నాడు.ఓవరాల్‌గా 47 బంతులు ఎదుర్కొన్న కిషన్‌.. 11 ఫోర్లు, 6 సిక్స్‌లతో 106 పరుగులు చేసి ఆజేయంగా నిలిచాడు. అతడి ఇన్నింగ్స్‌కు సంబంధించిన వీడియో ప్రస్తుతం సోషల్ మీడియాలో వైరలవుతోంది. కాగా గత కొన్ని సీజన్లగా ముంబై ఇండియన్స్‌కు ప్రాతినిథ్యం వహించిన కిషన్‌ను ఎస్‌ఆర్‌హెచ్ రూ.11.25 కోట్ల‌కు కొనుగోలు చేసింది. ఇక మ్యాచ్ విషయానికి వ‌స్తే.. టాస్ ఓడి తొలుత బ్యాటింగ్‌కు దిగిన ఎస్‌ఆర్‌హెచ్ నిర్ణీత 20 ఓవర్లలో 6 వికెట్ల నష్టానికి 286 పరుగుల భారీ స్కోర్ చేసింది. కిష‌న్‌తో పాటు ట్రావిస్‌ హెడ్‌(67), క్లాసెన్‌(34), నితీశ్‌ కుమార్‌(30) పరుగులతో రాణించారు. రాజస్తాన్‌ బౌలర్లలో తుషార్‌ దేశ్‌పాండే మూడు వికెట్లు పడగొట్టగా.. థీక్షణ రెండు, సందీప్‌ శర్మ ఒక్క వికెట్‌ సాధించారు. ఐపీఎల్‌ చరిత్రలో ఇది రెండో అత్యధిక స్కోర్‌ కావడం గమనార్హం.𝙏𝙝𝙖𝙩 𝙢𝙖𝙞𝙙𝙚𝙣 #TATAIPL 𝙘𝙚𝙣𝙩𝙪𝙧𝙮 𝙛𝙚𝙚𝙡𝙞𝙣𝙜 🧡A special first for Ishan Kishan as he brought up his 💯 off just 45 balls 🔥Updates ▶️ https://t.co/ltVZAvInEG#SRHvRR | @SunRisers | @ishankishan51 pic.twitter.com/8n92H58XbK— IndianPremierLeague (@IPL) March 23, 2025చదవండి: IPL 2025: ట్రావిస్ హెడ్ ఊచ‌కోత‌.. ఎగిరి గంతేసిన కావ్య పాప! వీడియో వైర‌ల్‌

ఐపీఎల్‌ 2025 సీజన్‌ ప్రారంభానికి ముందే సన్‌రైజర్స్‌ హైదరాబాద్‌ న్యూ జాయినీ ఇషాన్‌ కిషన్‌ విధ్వంసం మొదలైంది. ఎస్‌ఆర్‌హెచ్‌ ఇంట్రా స్క్వాడ్‌ మ్యాచ్‌ల్లో పాకెట్‌ డైనమైట్‌ చెలరేగిపోతున్నాడు. ఇప్పటివరకు ఆడిన నాలుగు మ్యాచ్‌ల్లో మూడు మెరుపు అర్ద సెంచరీలు సాధించాడు. తాజాగా జరిగిన ఓ ఇంట్రా స్క్వాడ్‌ మ్యాచ్‌లో ఇషాన్‌ ఆకాశమే హద్దుగా చెలరేగి 22 బంతుల్లో 51 పరుగులు చేశాడు. అంతకుముందు ఓ మ్యాచ్‌లో 19 బంతుల్లో 49.. మరో మ్యాచ్‌లో 30 బంతుల్లో 70.. ఇంకో మ్యాచ్‌లో 23 బంతుల్లో 64 పరుగులు చేశాడు. సీజన్‌ ప్రారంభానికి ముందు ఇషాన్‌ అరివీర భయంకర ఫామ్‌ చూసి సన్‌రైజర్స్‌ శ్రేణులు ఖుషీగా ఉన్నాయి. ఈ సీజన్‌లో ఇషాన్‌ మరో విధ్వంకర ఓపెనర్‌ అభిషేక్‌ శర్మతో కలిసి సన్‌రైజర్స్‌ ఇన్నింగ్స్‌కు ప్రారంభించే అవకాశం ఉంది. ఇషాన్‌, అభిషేక్‌ తమ సహజ శైలిలో చెలరేగితే ఈ సీజన్‌లో సన్‌రైజర్స్‌ ఆపడం​ ఎవరి తరమూ​ కాదు. ఇషాన్‌ను ఈ సీజన్‌ మెగా వేలంలో సన్‌రైజర్స్‌ రూ. 11.25 కోట్లకు దక్కించుకుంది. గత సీజన్‌ వరకు ముంబై ఇండియన్స్‌కు ఆడిన ఇషాన్‌.. ఆ జట్టు విజయాల్లో అత్యంత ప్రాముఖ్యమైన పాత్ర పోషించాడు.ఈ సీజన్‌లో సన్‌రైజర్స్‌ బ్యాటింగ్‌ లైనప్‌ ఇషాన్‌, అభిషేక్‌, హెడ్‌, క్లాసెన్‌, అభినవ్‌ మనోహర్‌, నితీశ్‌ కుమార్‌ రెడ్డితో కూడి అత్యంత ప్రమాదకరంగా కనిపిస్తుంది. గత సీజన్‌లో ఐపీఎల్‌ చరిత్రలోనే అత్యంత భారీ స్కోర్లు నమోదు చేసిన సన్‌రైజర్స్‌ ఈసారి ఆ స్కోర్లను కూడా అధిగమించే అవకాశం ఉంది. ఇంట్రా స్క్వాడ్‌ మ్యాచ్‌ల్లోనే 260, 270 పరుగులను సునాయాసంగా చేస్తున్న ఆరెంజ్‌ ఆర్మీ.. అస్సలు మ్యాచ్‌ల్లో 300 స్కోర్‌ను దాటినా ఆశ్చర్యపోనక్కర్లేదు. గత సీజన్‌లో సన్‌రైజర్స్‌ ఆర్సీబీపై 287 (ఐపీఎల్‌ హిస్టరీలో ఇదే అత్యధిక స్కోర్‌), ముంబై ఇండియన్స్‌పై 277, ఢిల్లీ క్యాపిటల్స్‌పై 266 పరుగులు చేసింది. గత సీజన్‌తో పోలిస్తే ఈ సీజన్‌లో మరింత ప్రమాదకరంగా కనిపిస్తున్న ఆరెంజ్‌ ఆర్మీ పరుగుల సునామీ సృష్టించడం ఖాయమనిపిస్తుంది. గత సీజన్‌లో తృటిలో టైటిల్‌ చేజార్చుకున్న హైదరాబాద్‌ ఫ్రాంచైజీ ఈసారి ఎలాగైనా కప్పు కొట్టాలని పట్టుదలగా ఉంది. ఈ సీజన్‌లో బ్యాటింగ్‌తో పాటు సన్‌రైజర్స్‌ బౌలింగ్‌ కూడా సమతూకంగా ఉంది. కెప్టెన్‌ కమిన్స్‌తో పాటు ఈ సీజన్‌లో కొత్తగా షమీ, ఉనద్కత్‌, హర్షల్‌ పటేల్‌, ఆడమ్‌ జంపా జట్టులో చేరారు.ఈ సీజన్‌లో సన్‌రైజర్స్‌ ప్రయాణం మార్చి 23న రాజస్థాన్‌ రాయల్స్‌తో జరిగే మ్యాచ్‌తో మొదలవుతుంది. ఈ మ్యాచ్‌ ఎస్‌ఆర్‌హెచ్‌ హోం గ్రౌండ్‌ ఉప్పల్‌ స్టేడియంలో జరుగనుంది. ఈ ఏడాది ఐపీఎల్‌ మార్చి 22న ప్రారంభం కానుండగా.. తొలి మ్యాచ్‌లో డిఫెండింగ్‌ ఛాంపియన్‌ కేకేఆర్‌.. ఆర్సీబీతో తలపడనుంది.2025 ఐపీఎల్‌ కోసం సన్‌రైజర్స్‌ హైదరాబాద్‌ జట్టు ఇదే..పాట్‌ కమిన్స్‌ (కెప్టెన్‌), అథర్వ్‌ తైడే, అభినవ్‌ మనోహర్‌, అనికేత్‌ వర్మ, సచిన్‌ బేబి, ట్రవిస్‌ హెడ్‌, నితీశ్‌ కుమార్‌ రెడ్డి, కమిందు మెండిస్‌, వియాన్‌ ముల్దర్‌, అభిషేక్‌ శర్మ, హెన్రిచ్‌ క్లాసెన్‌, ఇషాన్‌ కిషన్‌, జీషన్‌ అన్సారీ, మహ్మద్‌ షమీ, హర్షల్‌ పటేల్‌, రాహుల్‌ చాహర్‌, సిమర్‌జీత్‌ సింగ్‌, ఎషాన్‌ మలింగ, ఆడమ్‌ జంపా, జయదేవ్‌ ఉనద్కత్‌

ఐపీఎల్‌-2025 సీజ‌న్ కోసం స‌న్‌రైజ‌ర్స్ హైద‌రాబాద్ (SRH) సన్నాహాలు జోరుగా సాగుతున్నాయి. హైదరాబాద్‌లోని హైదరాబాద్‌లోని రాజీవ్ గాంధీ ఇంటర్నేషనల్ స్టేడియంలో ఎస్ఆర్‌హెచ్ ఆట‌గాళ్లు నెట్స్‌లో తీవ్రంగా శ్ర‌మిస్తున్నారు. ఈ ఏడాది సీజన్‌లో ఎస్‌ఆర్‌హెచ్ తమ తొలి మ్యాచ్‌లో మార్చి 23న హైదరాబాద్ వేదికగా రాజస్తాన్ రాయల్స్‌తో తలపడనుంది. ఈ మ్యాచ్‌లో గెలిచి ఐపీఎల్ 18వ ఎడిషన్‌ను విజయంతో ప్రారంభించాలని సన్‌రైజర్స్ భావిస్తోంది. అయితే ఇంకా కెప్టెన్ ప్యాట్ కమ్మిన్స్ ఇంకా జ‌ట్టుతో చేర‌లేదు. కాలి మ‌డ‌మ గాయంతో బాధ‌ప‌డుతున్న క‌మ్మిన్స్‌.. ఇప్పుడు పూర్తి ఫిట్‌నెస్ సాధించాడు. క‌మ్మిన్స్ ఒక‌ట్రెండు రోజుల్లో జ‌ట్టుతో చేరే అవ‌కాశ‌ముంది.ఇషాన్ కిష‌న్ విధ్వంసం..ఇక ప్రాక్టీస్‌లో భాగంగా స‌న్‌రైజ‌ర్స్ హైదరాబాద్ శనివారం ఇంట్రా-స్క్వాడ్ సిమ్యులేషన్ మ్యాచ్ ఆడింది. సన్‌రైజర్స్ ఆటగాళ్లు ఎస్‌ఆర్‌హెచ్‌-ఎ, ఎస్‌ఆర్‌హెచ్‌-బి జట్లగా విడిపోయారు. ఈ ఇంట్రా-స్క్వాడ్ మ్యాచ్‌లో ఎస్‌ఆర్‌హెచ్‌-ఎకు ప్రాతినిథ్యం వహించిన వికెట్ కీపర్ బ్యాటర్ ఇషాన్ కిషన్ విధ్వంసం సృష్టించాడు. బి జట్టు బౌలర్లను ఊచకోత కోశాడు. అభిషేక్ శర్మతో కలిసి ఇన్నింగ్స్‌ను ప్రారంభించిన కిషన్‌.. ఆరంభం నుంచే దూకుడుగా ఆడాడు.ఈ క్రమంలో ఇషాన్ 16 బంతుల్లో అర్ధ సెంచరీ సాధించాడు. మొత్తంగా 30 బంతుల్లో 73 పరుగులతో అజేయంగా నిలిచాడు. 10 ఓవర్ల త‌ర్వాత‌ వేరే ఆట‌గాళ్ల‌కు అవ‌కాశ‌మిచ్చేందుకు ఔటవ్వకుండానే బయటకు వెళ్లిపోయాడు. అతనితో పాటు అభినవ్ మనోహర్, అభిషేక్ శర్మ దూకుడుగా ఆడారు. దీంతో మొద‌ట బ్యాటింగ్ చేసిన ఎస్‌ఆర్‌హెచ్‌-ఎ టీమ్‌.. నిర్ణీత 20 ఓవర్లలో 261 పరుగులు చేసింది. కిష‌న్ బ్యాటింగ్‌కు సంబంధించిన వీడియోను స‌న్‌రైజ‌ర్స్ సోష‌ల్ మీడియాలో షేర్ చేసింది. కాగా ఐపీఎల్‌-2025 మెగా వేలంలో కిష‌న్‌ను రూ.11.25 కోట్ల భారీ ధ‌ర‌కు ఎస్ఆర్‌హెచ్ కొనుగోలు చేసింది. ఇషాన్ కిష‌న్ గ‌త కొన్ని సీజ‌న్ల‌లో ముంబై ఇండియ‌న్స్‌కు ప్రాతినిథ్యం వ‌హించాడు. ఈ మెగా వేలానికి ముందు అత‌డిని ముంబై రిటైన్ చేసుకోలేదు.చదవండి: IPL 2025: ఢిల్లీ క్యాపిట‌ల్స్‌లోకి విధ్వంసక‌ర వీరుడు! Ishan Kishan scored a half-century in just 16 balls during SRH's intra-squad match😎📸💥@ishankishan51 #IshanKishan #SRH #IPL2025 #PlayWithFire pic.twitter.com/Vc1UiJAEZM— Ishan's🤫🧘🧡 (@IshanWK32) March 15, 2025ఐపీఎల్‌-2025కు ఎస్‌ఆర్‌హెచ్ జట్టుఇషాన్ కిషన్ (వికెట్ కీపర్‌), హర్షల్ పటేల్, రాహుల్ చాహర్, మహ్మద్ షమీ, ఆడమ్ జంపా , అథర్వ తైదే, అభినవ్ మనోహర్, సిమర్‌జీత్ సింగ్, జీషన్ అన్సారీ, జయదేవ్ ఉనద్కత్, వియాన్ ముల్డర్, కమిందు మెండిస్, సచిన్ హేషన్ బేబీ, అనికేత్, హెన్రిచ్‌ క్లాసెన్ (వికెట్ కీపర్‌), పాట్ కమిన్స్ (కెప్టెన్‌), అభిషేక్ శర్మ, ట్రావిస్ హెడ్ , నితీష్ కుమార్ రెడ్డి

ఇండియన్‌ ప్రీమియర్‌ లీగ్‌(IPL) ద్వారా వెలుగులోకి వచ్చి టీమిండియా తరఫున అరంగేట్రం చేసిన ఆటగాళ్లు ఎంతో మంది ఉన్నారు. జస్‌ప్రీత్‌ బుమ్రా, హార్దిక్‌ పాండ్యా మొదలు.. తాజాగా అభిషేక్‌ శర్మ, తిలక్‌ వర్మ, హర్షిత్‌ రాణా, నితీశ్‌ కుమార్‌ రెడ్డి లాంటి వాళ్లు ఇందుకు నిదర్శనం. అయితే, ఒకప్పుడు టీమిండియా స్టార్‌గా వెలిగి.. ఇప్పుడు జట్టులో చోటే కరువైన ప్లేయర్‌ ఇషాన్‌ కిషన్‌(Ishan Kishan).సెలక్టర్లు అతడిని పట్టించుకోవడం లేదుజాతీయ జట్టు ఓపెనర్‌గా చిన్న వయసులోనే ఓ వెలుగు వెలిగిన 26 ఏళ్ల ఇషాన్‌.. క్రమశిక్షణా రాహిత్యం వల్ల బోర్డు ఆగ్రహానికి గురయ్యాడు. ఫలితంగా టీమిండియాలో చోటు కోల్పోయాడు. ప్రస్తుతం ఓపెనింగ్‌ స్థానంతో పాటు వికెట్‌ కీపర్‌గానూ సెలక్టర్లు అతడిని పరిగణనలోకి తీసుకునే పరిస్థితి లేదు.కేఎల్‌ రాహుల్‌, రిషభ్‌ పంత్‌, సంజూ శాంసన్‌ కీపర్ల కోటాలో పాతుకుపోగా.. కెప్టెన్‌ రోహిత్‌ శర్మ(Rohit Sharma)కు ఓపెనింగ్‌ జోడీగా శుబ్‌మన్‌ గిల్‌, యశస్వి జైస్వాల్‌ ఆయా ఫార్మాట్లలో కొనసాగుతున్నారు. అయితే, ఇషాన్‌ కిషన్‌కు ఐపీఎల్‌-2025 రూపంలో సువర్ణావకాశం వచ్చిందంటున్నాడు భారత మాజీ ఓపెనర్‌ ఆకాశ్‌ చోప్రా. రూ. 11.25 కోట్లకు కొనుగోలుక్యాష్‌ రిచ్‌ లీగ్‌ పద్దెమినిదవ ఎడిషన్‌లో సత్తా చాటితే మరోసారి సెలక్టర్ల దృష్టిని ఆకర్షించవచ్చని పేర్కొన్నాడు. కాగా గతేడాది వరకు ముంబై ఇండియన్స్‌ తరఫున ఆడిన ఇషాన్‌ను మెగా వేలానికి ముందు ఫ్రాంఛైజీ వదిలేసింది. ఈ క్రమంలో సన్‌రైజర్స్‌ హైదరాబాద్‌ జట్టు అతడిని ఏకంగా రూ. 11.25 కోట్లకు కొనుగోలు చేసింది.అయితే, రైజర్స్‌ జట్టులో ఇప్పటికే విధ్వంసకర ఓపెనింగ్‌ జోడీగా ట్రవిస్‌ హెడ్‌- అభిషేక్‌ శర్మ తమ స్థానాలు సుస్థిరం చేసుకున్నారు. గతేడాది జట్టు ఫైనల్‌ వరకు చేరడంలో ఈ ఇద్దరిది కీలక పాత్ర. కాబట్టి ఇషాన్‌ కిషన్‌కు ఓపెనర్‌గా ఛాన్స్‌ రాదు. టాపార్డర్‌లోనే ఉండాలంటే.. అతడు మూడో స్థానంలో ఆడాల్సిన పరిస్థితి.ఎవరూ కనీసం మాట్లాడటం లేదుఈ నేపథ్యంలో కామెంటేటర్‌ ఆకాశ్‌ చోప్రా మాట్లాడుతూ.. ‘‘ఇషాన్‌ కిషన్‌కు మరోసారి గొప్ప అవకాశం వచ్చింది. కారణమేదైనా టీమిండియా సెలక్టర్లు అతడిని అస్సలు పట్టించుకోవడం లేదు. రంజీల్లో ఆడి తనను తాను నిరూపించుకున్నాడు. పరుగులు చేశాడు.అయినా సరే అతడి ప్రాధాన్యాన్ని సెలక్టర్లు గుర్తించడం లేదు. అతడి గురించి ఎవరూ కనీసం మాట్లాడటం లేదు. జాతీయ జట్టులో స్థానం కోసం చేయాల్సిందంతా చేస్తున్నాడు. కానీ.. అసలు అతడి పేరు కూడా తెరమీదకు రావడం లేదు. వన్డేల్లో డబుల్‌ సెంచరీ చేయడం అందరికీ సాధ్యం కాదు.కానీ ఇషాన్‌ ఆ పని చేసి చూపించాడు. భారీ సిక్సర్లు బాదగల సమర్థత, మ్యాచ్‌ను ఒంటిచేత్తో మలుపు తిప్పగల సత్తా అతడికి ఉన్నాయి. ఇక సన్‌రైజర్స్‌ అతడిని మూడో స్థానంలో ఆడించేందుకు తీసుకుందని తెలిసి నేను ఆశ్చర్యపోయాను.సద్వినియోగం చేసుకుంటేఓపెనర్ల కోటా ఖాళీ లేదు కాబట్టి వాళ్లకూ వేరే ఆప్షన్‌ లేదు. ముఖ్యంగా టీ20 క్రికెట్‌లో వేరే స్థానంలో ఆడి పరుగులు రాబట్టడం అంత తేలికేమీ కాదు. అయితే, ఇషాన్‌ ఈ అవకాశాన్ని సద్వినియోగం చేసుకుంటే అతడికి తిరుగు ఉండదు.ప్రస్తుతం టీమిండియలో బ్యాటర్ల స్థానాలు ఫిక్స్‌డ్‌గా ఏమీ లేవు. ఏస్థానంలోనైనా బ్యాటింగ్‌ చేయగల ఆటగాళ్లకు ప్రాధాన్యం ఇవ్వాలని హెడ్‌కోచ్‌ గౌతం గంభీర్‌ భావిస్తున్నాడు. కాబట్టి ఇషాన్‌ ఐపీఎల్‌-2025లో సత్తా చాటితే కచ్చితంగా టీమిండియాలోకి రాగలడు’’ అని ఆకాశ్‌ చోప్రా అభిప్రాయపడ్డాడు.కాగా మార్చి 22 నుంచి ఐపీఎల్‌ ఆరంభం కానుండగా.. సన్‌రైజర్స్‌ మార్చి 23న తమ తొలి మ్యాచ్‌ ఆడనుంది. రాజస్తాన్‌ రాయల్స్‌తో హైదరాబాద్‌ వేదికగా తలపడనుంది.చదవండి: టీమిండియా ఆడకుంటే రూ. 45 కోట్ల నష్టం!

క్రికెట్‌ అభిమానులకు వినోదం పంచేందుకు చాంపియన్స్‌ ట్రోఫీ-2025(ICC Champions Trophy) రూపంలో మెగా ఈవెంట్‌ సిద్ధమైంది. పాకిస్తాన్‌(Pakistan) వేదికగా ఫిబ్రవరి 19న ఈ ఐసీసీ టోర్నమెంట్‌ మొదలుకానుండగా.. టీమిండియా మాత్రం తమ మ్యాచ్‌లను దుబాయ్‌లో ఆడనుంది. ఇక ఈ టోర్నీలో ఆతిథ్య పాకిస్తాన్‌తో పాటు భారత్‌, ఆస్ట్రేలియా, సౌతాఫ్రికా, న్యూజిలాండ్‌, బంగ్లాదేశ్‌, అఫ్గనిస్తాన్‌, ఇంగ్లండ్‌ పాల్గొనున్నాయి.గ్రూప్‌-‘ఎ’ నుంచి భారత్‌, పాకిస్తాన్‌, బంగ్లాదేశ్‌, న్యూజిలాండ్‌... అదే విధంగా గ్రూప్‌-‘బి’ నుంచి ఆస్ట్రేలియా, అఫ్గనిస్తాన్‌, సౌతాఫ్రికా, ఇంగ్లండ్‌ టైటిల్‌ కోసం పోటీ పడనున్నాయి. ఈ నేపథ్యంలో ఇప్పటికే ఎనిమిది దేశాల బోర్డులు తమ జట్లను ప్రకటించాయి. బీసీసీఐ కూడా పదిహేను మంది సభ్యులతో కూడిన వివరాలు వెల్లడించింది.అయితే, టీమిండియాలో ప్రతిభ గల ఆటగాళ్లకు కొదవలేదు. కానీ కొన్ని సందర్భాల్లో తుదిజట్టు కూర్పు, పిచ్‌ స్వభావం, టోర్నీకి ముందు ప్రదర్శన.. తదితర అంశాల ఆధారంగా చాంపియన్స్‌ ట్రోఫీ జట్టుకు ఎంపికకాని స్టార్లు చాలా మందే ఉన్నారు. మరి వారితో కూడిన భారత జట్టు, ప్లేయింగ్‌ ఎలెవన్‌ ఎలా ఉంటుందో చూద్దామా?..ఓపెనర్లుగా ఆ ఇద్దరురుతురాజ్‌ గైక్వాడ్‌, యశస్వి జైస్వాల్‌(Yashasvi Jaiswal)లను ఓపెనర్లుగా ఎంపిక చేసుకుంటే బాగుంటుంది. రుతు లిస్ట్‌- ‘ఎ’ క్రికెట్‌లో 56.15 సగటు కలిగి ఉండి.. ఫార్మాట్‌ చరిత్రలోనే అత్యధిక యావరేజ్‌ కలిగిన ఐదో ఆటగాడిగా కొనసాగుతున్నాడు.మరోవైపు జైస్వాల్‌ బ్యాటింగ్‌ సగటు కూడా ఇందులో 52.62గా ఉంది. 33 మ్యాచ్‌లు ఆడిన అతడి ఖాతాలో ఐదు శతకాలు, ఒక డబుల్‌ సెంచరీ కూడా ఉన్నాయి ఇక వీరిద్దరికి అభిషేక్‌ శర్మను బ్యాకప్‌ ప్లేయర్‌గా జట్టులోకి తీసుకోవచ్చు.వికెట్‌ కీపర్‌గా ఇషాన్‌మరో ఓపెనింగ్‌ బ్యాటర్‌ ఇషాన్‌ కిషన్‌ను వికెట్‌ కీపర్‌ కోటాలో ఎంపిక చేయవచ్చు. వన్డేల్లో అతడి ఖాతాలో ఏకంగా ద్విశతకం ఉంది. అంతేకాదు.. వన్డే ప్రపంచకప్‌-2023లోనూ ఆడిన అనుభవం కూడా పనికి వస్తుంది.శతకాల ధీరుడు లేకుంటే ఎలా?ఇటీవలి కాలంలో సూపర్‌ ఫామ్‌లో ఉన్న బ్యాటర్‌ ఎవరైనా ఉన్నారా అంటే.. కరుణ్‌ నాయరే. దేశీ వన్డే టోర్నమెంట్‌ విజయ్‌ హజారే ట్రోఫీలో అతడు పరుగుల వరద పారించాడు. తాజా సీజన్‌లో ఏకంగా ఐదు శతకాలు బాది 750కి పైగా పరుగులు చేశాడు. కానీ అతడిని టీమిండియా సెలక్టర్లు పట్టించుకోలేదు.ఏదేమైనా మిడిలార్డర్‌లో తిలక్‌ వర్మతో కలిసి కరుణ్‌ నాయర్‌ ఉంటే మంచి ఫలితాలు రాబట్టవచ్చు. ఇక ఆల్‌రౌండర్లుగా శివం దూబే, రియాన్‌ పరాగ్‌లను ఎంపిక చేసుకోవచ్చు. వీరిద్దరు గతేడాది శ్రీలంకతో వన్డే సిరీస్‌ ఆడారు.బౌలర్ల దళంచాంపియన్స్‌ ట్రోఫీలో భారత్‌ మ్యాచ్‌లకు దుబాయ్‌ వేదికగా కాబట్టి పరాగ్‌తో పాటు ఇద్దరు స్పెషలిస్టు స్పిన్నర్లను తుదిజట్టులోకి తీసుకుంటే బెటర్‌. యుజువేంద్ర చహల్‌తో పాటు ఆర్‌. సాయికిషోర్‌ ఇక్కడ మన ఛాయిస్‌. ఈ ముగ్గురు మూడు రకాల స్పిన్నర్లు.పరాగ్‌ రైట్‌, కిషోర్‌ లెఫ్టార్మ్‌ స్పిన్నర్లు అయితే.. చహల్‌ మణికట్టు స్పిన్నర్‌.. వీరికి బ్యాకప్‌గా రవి బిష్ణోయి ఉంటే సానుకూలంగా ఉంటుంది.ఇక పేసర్ల విషయానికొస్తే.. ముగ్గురు జట్టులో ఉంటే ఉపయోగకరంగా ఉంటుంది. మహ్మద్‌ సిరాజ్‌తో పాటు ప్రసిద్‌ కృష్ణ.. వీరికి బ్యాకప్‌గా ఆవేశ్‌ ఖాన్‌. ఇదిలా ఉంటే.. ఇషాన్‌ కిషన్‌కు బ్యాకప్‌గా ధ్రువ్‌ జురెల్‌ను రెండో వికెట్‌ కీపర్‌గా ఎంపిక చేసుకోవచ్చు. ఇక యశస్వి జైస్వాల్‌తో పాటు శివం దూబే చాంపియన్స్‌ ట్రోఫీ నాన్‌- ట్రావెలింగ్‌ రిజర్వు ప్లేయర్ల లిస్టులో ఉన్న విషయం తెలిసిందే.చాంపియన్స్‌ ట్రోఫీ-2025కి ఎంపిక కాని, అత్యుత్తమ భారత తుదిజట్టురుతురాజ్ గైక్వాడ్ (కెప్టెన్‌), యశస్వి జైస్వాల్*, ఇషాన్ కిషన్ (వికెట్‌ కీపర్‌), తిలక్ వర్మ, కరుణ్ నాయర్, శివమ్ దూబే*, రియాన్ పరాగ్, ఆర్‌. సాయి కిషోర్, యుజువేంద్ర చహల్‌, మహమ్మద్ సిరాజ్*, ప్రసిద్ కృష్ణ.బెంచ్: అభిషేక్ శర్మ, ఆవేష్ ఖాన్, రవి బిష్ణోయ్, ధృవ్ జురెల్.చదవండి: CT 2025: సురేశ్‌ రైనా ఎంచుకున్న భారత తుదిజట్టు... వరల్డ్‌కప్‌ వీరులకు నో ఛాన్స్‌!

టీమిండియా యువ క్రికెటర్‌ ఇషాన్‌ కిషన్‌(Ishan Kishan)ను ఉద్దేశించి భారత మాజీ ఓపెనర్‌ ఆకాశ్‌ చోప్రా(Aakash Chopra) ఆసక్తికర వ్యాఖ్యలు చేశాడు. రెండు ప్రపంచకప్‌ టోర్నీలు ఆడిన అతడిని అందరూ త్వరగానే మర్చిపోయామన్నాడు. ఇప్పట్లో ఇషాన్‌ టీమిండియా తరఫున పునరాగమనం చేసే అవకాశాలు లేవని అభిప్రాయపడ్డాడు.కాగా 2023లో దక్షిణాఫ్రికా పర్యటన నుంచి అకస్మాత్తుగా స్వదేశానికి తిరిగి వచ్చిన ఇషాన్‌ కిషన్‌.. మేనేజ్‌మెంట్‌ ఆగ్రహానికి గురయ్యాడు. తిరిగి జాతీయ జట్టులోకి రావాలంటే దేశవాళీ క్రికెట్‌ ఆడాలన్న భారత క్రికెట్‌ నియంత్రణ మండలి(బీసీసీఐ) ఆదేశాలను పెడచెవిన పెట్టాడు. నాటి హెడ్‌కోచ్‌ రాహుల్‌ ద్రవిడ్‌ సూచనలను కూడా లెక్కచేయక మొండిగా వ్యవహరించాడు.సెంట్రల్‌ కాంట్రాక్టు పాయె!ఈ క్రమంలో బీసీసీఐ ఇషాన్‌ కిషన్‌పై కఠిన చర్యలు తీసుకుంది. సెంట్రల్‌ కాంట్రాక్టు నుంచి అతడిని తప్పించింది. దీంతో దిగొచ్చిన ఇషాన్‌ తన సొంతజట్టు జార్ఖండ్‌ తరఫున దేశీ క్రికెట్‌ బరిలో దిగాడు. కానీ అప్పటికే ఆలస్యమైపోయింది.వికెట్‌ కీపర్ల కోటాలో టీ20 ఫార్మాట్లో సంజూ శాంసన్(Sanju Samson) ముందుకు దూసుకురాగా.. టెస్టుల్లో రిషభ్‌ పంత్‌తో కలిసి ధ్రువ్‌ జురెల్‌ పాతుకుపోయాడు. ఇక వన్డేల్లో సీనియర్‌ కేఎల్‌ రాహుల్‌ ఉండనే ఉన్నాడు. ఈ క్రమంలో రీఎంట్రీ కోసం ప్రయత్నించిన ఈ వికెట్‌ కీపర్‌ బ్యాటర్‌కు వరుసగా ఎదురుదెబ్బలే తగిలాయి.ప్రపంచకప్‌లో ఆడినా..వన్డే ప్రపంచకప్‌-2023 జట్టులో కేఎల్‌ రాహుల్‌తో పాటు ఇషాన్‌ను ఎంపిక చేసినా.. అతడు పెద్దగా ఆకట్టుకోలేకపోయాడు. ఈ క్రమంలో టీ20 ప్రపంచకప్‌-2024 టీమ్‌లో మాత్రం రిషభ్‌ పంత్‌, సంజూ శాంసన్‌లకు బీసీసీఐ మొదటి ప్రాధాన్యం ఇచ్చింది. ఇక తాజాగా స్వదేశంలో ఇంగ్లండ్‌తో టీ20 సిరీస్‌కు సంజూ- జురెల్‌లను ఎంపిక చేసిన బోర్డు.. వన్డేలకు రాహుల్‌- పంత్‌లను ఎంచుకుంది.అదే విధంగా.. ఐసీసీ చాంపియన్స్‌ ట్రోఫీ-2025 జట్టులోనూ కేఎల్‌ రాహుల్‌, రిషభ్‌ పంత్‌లకే వికెట్‌ కీపర్‌ కోటాలో చోటిచ్చింది. ఈ నేపథ్యంలో ఇషాన్‌ కిషన్‌కు మద్దతుగా ఉండే కొంతమంది నెటిజన్లు.. పరిమిత ఓవర్ల క్రికెట్‌లో అతడిని ఎందుకు ఆడించడం లేదంటూ సోషల్‌ మీడియా వేదికగా ప్రశ్నించారు. ఈ విషయమై ఆకాశ్‌ చోప్రాను స్పందించాల్సిందిగా కోరారు. డబుల్‌ సెంచరీ కూడా చేశాడు.. కానీఇందుకు బదులిస్తూ.. ‘‘ఇషాన్‌ కిషన్‌.. అతడిని మనం ఇంతత్వరగా మర్చిపోవడం ఆసక్తికరమే!.. మళ్లీ అతడిని గుర్తు కూడా చేసుకోవడం లేదు. అతడు టీమిండియా తరఫున రెండు ప్రపంచకప్‌ టోర్నీలు ఆడాడు. దుబాయ్‌లో టీ20 ప్రపంచకప్‌.. సొంతగడ్డపై వన్డే వరల్డ్‌కప్‌ ఆడాడు. వన్డేల్లో అతడి పేరిట డబుల్‌ సెంచరీ కూడా ఉంది.కాకపోతే అతడు చేసిన తప్పు ఇప్పటికీ వెంటాడుతోంది. ఫస్ల్‌ క్లాస్‌ క్రికెట్‌ ఆడటం ఇష్టం లేదనే సందేశం ఇచ్చాడు. అయితే, సెలక్టర్లకు ఇది నచ్చలేదు. అందుకే బీసీసీఐ అతడి ప్రాధాన్యం తగ్గించింది. ఇప్పట్లో సెలక్టర్లు మళ్లీ అతడిని కనికరించకపోవచ్చు’’ అని ఆకాశ్‌ చోప్రా అభిప్రాయపడ్డాడు.ఐపీఎల్‌లో గనుక సత్తా చాటితే ఏదేమైనా ప్రస్తుతం ధ్రువ్‌ జురెల్‌తో పోటీలో ఇషాన్‌ కిషన్‌ వెనుకబడి పోయాడన్న ఆకాశ్‌ చోప్రా.. జట్టులో చోటు కోసం మరికొంత కాలం ఓపికగా ఎదురుచూడక తప్పదని పేర్కొన్నాడు. సెలక్టర్లు అతడి గత ప్రదర్శనలు పరిగణనలోకి తీసుకోవడం లేదని.. ఈసారి ఐపీఎల్‌లో గనుక సత్తా చాటితే పరిస్థితి మారవచ్చని అభిప్రాయపడ్డాడు. కాగా ఐపీఎల్‌-2025 మెగా వేలంలో సన్‌రైజర్స్‌ హైదరాబాద్‌ ఏకంగా రూ. 11.25 కోట్లకు ఇషాన్‌ కిషన్‌ను కొనుగోలు చేసింది.చదవండి: CT 2025: బుమ్రా, కోహ్లి కాదు!.. టీమిండియా ‘ఎక్స్‌’ ఫ్యాక్టర్‌ అతడే: డివిలియర్స్‌

టీమిండియా స్టార్ వికెట్ కీపర్ బ్యాటర్ ఇషాన్ కిషన్ దేశీవాళీ క్రికెట్‌లో తన సూపర్ ఫామ్‌ను కొనసాగిస్తున్నాడు. స‌య్య‌ద్ ముస్తాక్ అలీ ట్రోఫీలో అద‌ర‌గొట్టిన కిష‌న్‌.. ఇప్పుడు విజయ్ హజారే ట్రోఫీ 2024-25లో కూడా అదే జోరును కొన‌సాగిస్తున్నాడు. ఈ టోర్నీలో జార్ఖండ్‌కు సారథ్యం వహిస్తున్న కిషన్‌.. సోమవారం మణిపూర్‌తో జరిగిన మ్యాచ్‌లో విధ్వంసకర సెంచరీతో మెరిశాడు.255 పరుగుల లక్ష్య చేధనలో కిషన్ ఆకాశమే హద్దుగా చెలరేగాడు. ప్రత్యర్ది బౌలర్లను ఈ జార్ఖండ్ డైనమెట్ ఊచకోత కోశాడు. కేవలం 78 బంతుల్లో 16 ఫోర్లు, 6 సిక్సర్లతో 134 పరుగులు చేసి ఆజేయంగా నిలిచాడు. అతడి విధ్వంసకర ఇన్నింగ్స్ ఫలితంగా జార్ఖండ్ లక్ష్యాన్ని కేవలం 2 వికెట్ల మాత్రమే కోల్పోయి 28.3 ఓవర్లలో చేధించింది. కిషన్‌తో పాటు మరో ఓపెనర్‌ ఉత్కర్ష్ సింగ్(68) హాఫ్ సెంచరీతో రాణించాడు. ఇక ఈ మ్యాచ్‌లో తొలుత బ్యాటింగ్ చేసిన మ‌ణిపూర్ 7 వికెట్ల న‌ష్టానికి 253 ప‌రుగులు చేసింది. మ‌ణిపూర్ బ్యాట‌ర్ల‌లో ప్రియోజిత్ సింగ్(43), జాన్సెన్ సింగ్‌(69) ప‌రుగుల‌తో రాణించారు. జార్ఖండ్ బౌల‌ర్ల‌లో అనుకుల్ రాయ్‌, ఉత్కర్ష్ సింగ్ త‌లా రెండు వికెట్లు ప‌డ‌గొట్ట‌గా.. వికాస్ సింగ్‌,సుప్రీయో చ‌క్ర‌వ‌ర్తి త‌లా వికెట్ సాధించారు.కాగా ఇషాన్ కిష‌న్ గ‌త కొంత‌కాలంగా జాతీయ జట్టుకు దూరంగా ఉంటున్న సంగ‌తి తెలిసిందే. త‌మ ఆదేశాల‌ను ధిక్క‌రించినందుకు బీసీసీఐ అత‌డిపై వేటు వేసింది. ఇప్పుడు దేశీవాళీ క్రికెట్‌లో రాణిస్తూ రీఎంట్రీ దిశ‌గా ఇషాన్ అడుగులు వేస్తున్నాడు.

సయ్యద్ ముస్తాక్ అలీ ట్రోఫీ-2024లో టీమిండియా వికెట్ కీపర్ బ్యాటర్‌, జార్ఖండ్ స్టార్ ప్లేయర్ ఇషాన్ కిషన్ విధ్వంసం సృష్టించాడు. ఈ టోర్నీలో భాగంగా శుక్రవారం వాంఖడే వేదికగా అరుణాచాల్ ప్రదేశ్‌తో జరిగిన మ్యాచ్‌లో జార్ఖండ్ త‌ర‌పున‌ కిషన్ తుపాన్ ఇన్నింగ్స్ ఆడాడు. అరుణాచాల్ బౌలర్లను ఉతికారేశాడు. 23 బంతుల్లో 5 ఫోర్లు, 9 సిక్స్‌లతో 77 పరుగులతో అజేయంగా నిలిచాడు. ఫలితంగా 94 పరుగుల స్వల్ప లక్ష్యాన్ని కేవ‌లం 4.3 ఓవర్లలోనే జార్ఖండ్ వికెట్ న‌ష్ట‌పోకుండా ఊదిప‌డేసింది. అత‌డితో పాటు మ‌రో ఓపెన‌ర్ ఉత్కర్ష్ సింగ్(13) ఆజేయంగా నిలిచాడు. ఈ మ్యాచ్‌లో తొలుత బౌలింగ్ చేసిన అరుణాచల్ ప్రదేశ్ నిర్ణీత 20 ఓవర్లలో 93 పరుగులకు ఆలౌటైంది. జార్ఖండ్ బౌల‌ర్ల‌లో స్పిన్న‌ర్ అనుకుల్ రాయ్ నాలుగు వికెట్ల‌తో స‌త్తాచాట‌గా.. రవి కుమార్ యాదవ్ మూడు వికెట్లు పడగొట్టాడు.ఎస్ఆర్‌హెచ్‌లోకి ఎంట్రీ..కాగా ఇటీవ‌లే జెడ్డా వేదిక‌గా జ‌రిగిన ఐపీఎల్‌-2025 మెగా వేలంలో కిష‌న్ భారీ ధ‌ర ద‌క్కింది. ఈ వికెట్ కీపర్ బ్యాటర్‌ను సన్‌రైజర్స్ హైదరాబాద్ రూ. 11.25 కోట్లకు కొనుగోలు చేసింది. గ‌త సీజ‌న్ వ‌ర‌కు అత‌డు ముంబై ఇండియ‌న్స్‌కు ప్రాతినిథ్యం వ‌హించాడు.కానీ ఈసారి అత‌డిని ముంబై రిటైన్ చేసుకోలేదు. కాగా దేశీవాళీ క్రికెట్ ఆడాలన్న బీసీసీఐ ఆదేశాలను ధిక్కరించడంతో కిషాన్ సెంట్రాల్ కాంట్రాక్ట్‌ను కోల్పోయాడు. దాదాపు ఏడాది నుంచి జాతీయ జట్టుకు కూడా దూరంగా ఉన్నాడు.

టీమిండియాకు దూరమైన ఇషాన్‌ కిషన్‌కు ఇండియన్‌ ప్రీమియర్‌ లీగ్‌లోనూ ఈ ఏడాది కలిసి రాలేదు. ముంబై ఇండియన్స్‌ తరపున ఐపీఎల్‌-2024లో ఈ వికెట్‌ కీపర్‌ బ్యాటర్‌.. పద్నాలుగు మ్యాచ్‌లలో కలిపి 320 పరుగులు చేయగలిగాడు. అయితే, మెగా వేలానికి ముందు ముంబై ఫ్రాంఛైజీ మాత్రం అతడిని వదిలేసింది.జస్‌ప్రీత్‌ బుమ్రా, సూర్యకుమార్‌ యాదవ్‌, హార్దిక్‌ పాండ్యా, రోహిత్‌ శర్మలతో పాటు యువ క్రికెటర్‌ తిలక్‌ వర్మను రీటైన్‌ చేసుకున్న ముంబై.. ఇషాన్‌ పేరును మాత్రం పరిగణనలోకి తీసుకోలేదు. నిజానికి 2018లో ముంబై తరఫునే క్యాచ్‌ రిచ్‌ లీగ్‌లో ఎంట్రీ ఇచ్చాడు ఈ లెఫ్టాండర్‌ బ్యాటర్‌. ఆరంభం నుంచే మెరుగ్గా రాణించిన ఇషాన్‌ కిషన్‌ కోసం ఐపీఎల్‌-2022లో ముంబై భారీ మొత్తం వెచ్చించింది.నాడు రూ. 15.25 కోట్ల ధరకు ముంబై సొంతంనాటి మెగా వేలంలో అతడిని ఏకంగా రూ. 15.25 కోట్ల ధరకు సొంతం చేసుకుంది. కానీ.. అప్పటి నుంచి నేటి దాకా ఇషాన్‌ కిషన్‌ అందుకు తగ్గ పైసా వసూల్‌ ప్రదర్శన మాత్రం ఇవ్వలేకపోయాడు. అంతేకాదు.. దేశవాళీ క్రికెట్‌ ఆడాలన్న బీసీసీఐ ఆదేశాలను ధిక్కరించి సెంట్రల్‌ కాంట్రాక్టు కోల్పోయి.. జాతీయ జట్టుకూ దూరమయ్యాడు.అయితే, ఇటీవలే రంజీల్లో సెంచరీలు చేయడంతో రీ ఎంట్రీ ఇచ్చిన ఇషాన్‌ కిషన్‌.. భారత్‌-‘ఎ’ జట్టుకు సెలక్ట్‌ అయ్యాడు. కానీ.. ఆస్ట్రేలియా గడ్డపై కంగారూ జట్టుతో జరిగిన అనధికారిక టెస్టు సిరీస్‌లో పూర్తిగా విఫలమయ్యాడు. ఇలాంటి పరిస్థితుల నడుమ ఇషాన్‌ కిషన్‌ ఐపీఎల్‌-2025 మెగా వేలంలోకి రాబోతున్నాడు.వికెట్‌ కీపర్‌ కోటాలో కళ్లు చెదిరే మొత్తంఈ నేపథ్యంలో టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ నిర్వహించిన ‘మాక్‌ వేలం’లో మాత్రం ఇషాన్‌ కిషన్‌ భారీ ధర పలకడం విశేషం. మెగా వేలంలో ఇషాన్‌ రూ. 2 కోట్ల కనీస ధరతో పేరును నమోదు చేసుకున్నాడు. అయితే, అశ్విన్‌ మాత్రం తన వేలంలో.. వికెట్‌ కీపర్‌ కోటాలో ఇషాన్‌ కోసం బిడ్‌ వేసే ఫ్రాంఛైజీలు రూ. 5 కోట్ల నుంచి మొదలుపెట్టాలని సూచించాడు.ఈ క్రమంలో చెన్నై సూపర్‌ కింగ్స్‌ రూ. 5 కోట్లకు బిడ్‌ వేయగా.. క్రమక్రమంగా ఇషాన్‌ ధర రూ. 10 కోట్లకు పెంచింది. దీంతో పంజాబ్‌ కింగ్స్‌ రేసు నుంచి తప్పుకోగా.. లక్నో సూపర్‌ జెయింట్స్‌ మాత్రం వికెట్‌ కీపర్‌ కోసం ఏకంగా రూ. 14.5 కోట్లు వెచ్చించి దక్కించుకుంది.ఏకంగా రూ. 21 కోట్ల మొత్తానికి అతడు ఉన్నా కూడాఅయితే, అశ్విన్‌ నిర్వహించిన ఈ మాక్‌వేలంలో ఇషాన్‌ కిషన్‌కు కళ్లు చెదిరే మొత్తం దక్కడంపై భిన్నాభిప్రాయాలు వ్యక్తమవుతున్నాయి. ఫామ్‌లో లేని ఇషాన్‌ కోసం.. మెగా వేలంలో ఏ ఫ్రాంఛైజీ అంతగా ఆసక్తి చూపదని.. మహా అయితే, అతడికి రూ. ఐదు కోట్లు దక్కవచ్చని క్రికెట్‌ ప్రేమికులు అంటున్నారు.అంతేకాదు.. లక్నో ఇప్పటికే వికెట్‌ కీపర్‌ బ్యాటర్‌ నికోలస్‌ పూరన్‌ను ఏకంగా రూ. 21 కోట్ల మొత్తానికి అట్టిపెట్టుకుంది. అలాంటిది.. ఇషాన్‌ను ఆ ఫ్రాంఛైజీ కొనుక్కోవడం ఏమిటంటూ అశూ మాక్‌ వేలంలో లక్నో తరఫున పాల్గొన్న అభిమానులను ట్రోల్‌ చేస్తున్నారు. ​కాగా సౌదీ అరేబియాలోని జెద్దా వేదికగా నవంబరు 24, 25 తేదీల్లో మెగా వేలం జరుగనుంది.చదవండి: BGT 2024: టీమిండియాకు గుడ్‌న్యూస్‌

ఇండియన్‌ ప్రీమియర్‌ లీగ్‌(ఐపీఎల్‌)-2025 మెగా వేలానికి ముహూర్తం ఖరారైంది. సౌదీ అరేబియాలోని జిద్దా నగరంలో నవంబరు 24, 25 తేదీల్లో వేలంపాట నిర్వహించనున్నారు. ఈ నేపథ్యంలో అందరి కళ్లు టీమిండియా స్టార్లపైనే ఉన్నాయి.రేసులో భారత స్టార్లురిషభ్‌ పంత్‌, శ్రేయస్‌ అయ్యర్‌, కేఎల్‌ రాహుల్‌, మహ్మద్‌ సిరాజ్, వాషింగ్టన్‌ సుందర్‌‌ సహా రవిచంద్రన్‌ అశ్విన్‌, యజువేంద్ర చహల్‌ తదితర సీనియర్‌ ప్లేయర్లు కూడా రేసులో ఉన్నారు. ఈ నేపథ్యంలో భారత మాజీ ఓపెనర్‌ ఆకాశ్‌ చోప్రా ఆసక్తికర వ్యాఖ్యలు చేశాడు. ఈసారి ముంబై ఇండియన్స్‌ భారత స్పిన్నర్లను దక్కించుకునేందుకు ఇతర ఫ్రాంఛైజీలతో కచ్చితంగా పోటీపడుతుందని అభిప్రాయపడ్డాడు.పాలసీ పరిపూర్ణంగా ఉపయోగించుకునికాగా ఈసారి రిటెన్షన్‌ విధానాన్ని పరిపూర్ణంగా ఉపయోగించుకున్న జట్టు ముంబై ఇండియన్స్‌ అని చెప్పవచ్చు. నిబంధనలకు అనుగుణంగా ఐదుగురు క్యాప్డ్‌ ప్లేయర్లను అట్టిపెట్టుకుంది. జస్‌ప్రీత్‌ బుమ్రా, సూర్యకుమార్‌ యాదవ్‌, హార్దిక్‌ పాండ్యా, రోహిత్‌ శర్మ, తిలక్‌ వర్మలను కొనసాగించాలని నిర్ణయించుకుంది.ఇక వీళ్లందరికి ఖర్చు పెట్టింది పోనూ.. ముంబై పర్సులో ఇంకా రూ. 45 కోట్లు మిగిలి ఉన్నాయి. ఈ నేపథ్యంలో ఆకాశ్‌ చోప్రా మాట్లాడుతూ.. ‘‘ముంబై బ్యాటింగ్‌ ఆర్డర్‌ మరోసారి పటిష్టంగానే కనిపిస్తోంది. అయితే, వాళ్ల రిటెన్షన్‌ లిస్టులో బుమ్రా రూపంలో ఒకే ఒక స్పెషలిస్టు బౌలర్‌ ఉన్నాడు.కాబట్టి వారికి ఇప్పుడు బౌలింగ్‌ విభాగాన్ని బలోపేతం చేసుకోవాల్సిన ఆవశ్యకత ఉంది. నిజానికి ముంబై 225- 250 పరుగులు స్కోరు చేయగల సామర్థ్యం కలిగిన జట్టు. అయితే, అదే స్థాయిలో పరుగులు కూడా సమర్పించుకున్న సందర్భాలు ఉన్నాయి.బ్యాటింగ్‌ పైనే ఎక్కువగా ఏదేమైనా వాళ్లు బ్యాటింగ్‌ పైనే ఎక్కువగా ఆధారపడతారన్నది వాస్తవం. కానీ ప్రతిసారీ ఇదే టెక్నిక్‌ పనికిరాదు. వాళ్ల జట్టులో ఉంటే ఇండియన్‌ బ్యాటింగ్‌ లైనప్‌.. విదేశీ బౌలింగ్‌ లైనప్‌ ఉంటుంది. ఇప్పుడు వారికి ఇద్దరు స్పిన్నర్ల అవసరం కూడా ఉంది. అందుకే కచ్చితంగా వాళ్లు యుజీ చహల్‌ వెనుకపడటం ఖాయం.ఇషాన్‌ కాదుఒకవేళ అతడిని దక్కించుకోలేకపోతే.. ముంబై ఇండియన్స్‌ వాషింగ్టన్‌ సుందర్‌నైనా సొంతం చేసుకుంటుంది’’ అని చెప్పుకొచ్చాడు. ఈ సందర్భంగా ఇషాన్‌ కిషన్‌ పేరును కూడా ప్రస్తావించిన ఆకాశ్‌ చోప్రా.. అతడిని ముంబై కొనుగోలు చేసే అవకాశం లేదని అభిప్రాయపడ్డాడు. వికెట్‌ కీపర్‌ కోటాలో ఇషాన్‌ను పరిగణించినా.. క్వింటన్‌ డికాక్‌ లేదంటే జితేశ్‌ శర్మ వైపు మొగ్గు చూపుతుందని అంచనా వేశాడు. చదవండి: Aus vs Pak: ఆసీస్‌కు కొత్త కెప్టెన్‌

ఆస్ట్రేలియా-‘ఎ’తో అనధికారిక తొలి టెస్టులో భారత-‘ఎ’ జట్టు ఆటగాళ్లు పూర్తిగా నిరాశపరిచారు. రంజీల్లో పరుగుల వరద పారించిన ఓపెనింగ్‌ బ్యాటర్‌ అభిమన్యు ఈశ్వరన్‌ 7 పరుగులకే పెవిలియన్‌ చేరగా.. కెప్టెన్‌ రుతురాజ్‌ గైక్వాడ్‌ డకౌట్‌గా వెనుదిరిగాడు.వన్‌డౌన్‌లో వచ్చిన సాయి సుదర్శన్‌(35 బంతుల్లో 21), నాలుగో నంబర్‌ బ్యాటర్‌ దేవ్‌దత్‌ పడిక్కల్‌(77 బంతుల్లో 36) ఫర్వాలేదనిపించగా.. ఆ తర్వాతి స్థానాల్లో వచ్చిన వాళ్లలో పేసర్‌ నవదీప్‌ సైనీ(23) మాత్రమే రెండంకెల స్కోరు చేయగలిగాడు.బాబా అపరాజిత్‌(9)తో పాటు వికెట్‌ కీపర్‌ ఇషాన్‌ కిషన్‌(4) విఫలం కాగా.. నితీశ్‌ కుమార్‌ రెడ్డి డకౌట్‌ అయ్యాడు. మానవ్‌ సుతార్‌ (1), ప్రసిద్‌ కృష్ణ(0) కూడా చేతులెత్తేశారు. ఆఖర్లో వచ్చిన ముకేశ్‌ కుమార్‌ 4 పరుగులతో అజేయంగా నిలిచాడు. ఇలా ఆసీస్‌ బౌలర్ల ధాటికి బ్యాటర్లంతా పెవిలియన్‌కు క్యూ కట్టడంతో 47.4 ఓవర్లలో 107 పరుగులకే భారత్‌ ఆలౌట్‌ అయింది. ఆస్ట్రేలియా బౌలర్లలో పేసర్‌ బ్రెండన్‌ డాగెట్‌ ఆరు వికెట్లతో చెలరేగగా.. మరో పేసర్‌ ఫెర్గూస్‌ ఒ నీల్‌, స్పిన్నర్‌ టాడ్‌ మర్ఫీ ఒక వికెట్‌ పడగొట్టాడు. మూకుమ్మడిగా విఫలంకాగా ఆస్ట్రేలియాతో జరిగే టెస్టు సిరీస్‌లో భారత తుది జట్టులో స్థానం దక్కించుకోవడమే లక్ష్యంగా భారత యువ ఆటగాళ్లు అనధికారిక టెస్టులపై దృష్టి పెట్టారు. ఈ రెండు మ్యాచ్‌ల సిరీస్‌లో సత్తా చాటి టీమ్‌ మేనేజ్‌మెంట్‌ను ఇంప్రెస్‌ చేయాలని పట్టుదలగా ఉన్నారు. ఈ క్రమంలో ఆసీస్‌-ఎతో గురువారం నుంచి భారత్‌-ఎ తొలి అనధికారిక టెస్టు మొదలైంది. అయితే, తొలి ఇన్నింగ్స్‌లోనే అందరూ మూకుమ్మడిగా విఫలం కావడం గమనార్హం. ముఖ్యంగా సీనియర్‌ టీమ్‌​కు ఎంపికైన అభిమన్యు ఈశ్వరన్‌, నితీశ్‌ కుమార్‌ రెడ్డి బ్యాటింగ్‌లో నిరాశపరచగా.. ప్రసిద్‌ కృష్ణ వికెట్లు తీస్తేనే సెలక్టర్ల దృష్టిని ఆకర్షించగలడు.దేశవాళీల్లో సత్తా చాటి... 11 ఏళ్ల ఫస్ట్‌ క్లాస్‌ కెరీర్‌లో ఈశ్వరన్‌ భారీగా పరుగులు సాధించినా దురదృష్టవశాత్తూ ఇప్పటి వరకు జాతీయ జట్టుకు ఆడే అవకాశం రాలేదు. 99 మ్యాచ్‌లలో అతను 7638 పరుగులు సాధించగా, ఇందులో 27 సెంచరీలు ఉన్నాయి. ఇక ఆసీస్‌-ఎతో జరుగుతున్న తాజా మ్యాచ్‌ అతడికి 100వ ఫస్ట్‌ క్లాస్‌ మ్యాచ్‌ .ఇంతటి అపార అనుభవం ఉన్న ఈశ్వరన్‌ పేరు పెర్త్‌లో జరిగే తొలి టెస్టు కోసం ఇప్పటికే పరిశీలనలో ఉంది. వ్యక్తిగత కారణాలతో కెప్టెన్‌ రోహిత్‌ శర్మ తొలి టెస్టుకు దూరం అయ్యే అవకాశం ఉండటంతో రెగ్యులర్‌ ఓపెనర్‌గా ఈశ్వరన్‌కే తొలి ప్రాధాన్యత ఉంది. గాయాల నుంచి కోలుకునిఇక గాయం నుంచి కోలుకొని పునరాగమనం చేసిన తర్వాత దులీప్‌ ట్రోఫీ, ఇరానీ, రంజీలలో పేసర్‌ ప్రసిధ్‌ కృష్ణ ఆడాడు. వీటిలో ప్రదర్శన గొప్పగా లేకపోయినా... అతని బౌలింగ్‌ శైలికి ఆసీస్‌ పిచ్‌లు సరిగ్గా సరిపోతాయి. ఇదే కారణంతో అతను సీనియర్‌ టీమ్‌లోకి ఎంపికయ్యాడు. ఐదు టెస్టుల సిరీస్‌కు ముందు తన ఫామ్‌ను అందుకోవడంతో పాటు ఫిట్‌నెస్‌ నిరూపించుకునేందుకు కూడా ప్రసిద్‌కు ఇది సరైన వేదిక కానుంది. ఐపీఎల్‌లో మెరుపు బ్యాటింగ్‌తోఆంధ్ర క్రికెటర్‌ నితీశ్‌ కుమార్‌ రెడ్డి పరిస్థితి వీరితో పోలిస్తే భిన్నం. ఐపీఎల్‌లో మెరుపు బ్యాటింగ్‌తో పాటు ఇటీవల బంగ్లాదేశ్‌పై టి20లో చెలరేగిన నితీశ్‌ ఫస్ట్‌ క్లాస్‌ రికార్డు అద్భుతంగా ఏమీ లేదు. ఇటీవల దులీప్‌ ట్రోఫీలో కూడా ఐదు ఇన్నింగ్స్‌లలో రెండు సార్లు డకౌట్‌ అయిన అతను... 48 ఓవర్లు బౌలింగ్‌ చేసి రెండే వికెట్లు తీశాడు.అయినా సరే శార్దుల్‌ ఠాకూర్‌లాంటి ఆల్‌రౌండర్‌ను కాదని నితీశ్‌ను సెలక్టర్ల టెస్టు టీమ్‌కు ఎంపిక చేశారు. గత ఏడాది రంజీ సీజన్‌లో 25 వికెట్లు తీసిన నితీశ్‌ ప్రదర్శన కూడా ఒక కారణం కాగా... వికెట్‌కు ఇరు వైపులా బంతిని చక్కగా స్వింగ్‌ చేసే అతని నైపుణ్యం ఆసీస్‌ పిచ్‌లపై పనికొస్తుందని వారు భావించారు. ఈ నేపథ్యంలో తానేంటో నిరూపించుకోవాల్సిన బాధ్యత నితీశ్‌పైనే ఉంది. టెస్టు క్రికెటర్లు కూడా... భారత్‌ తరఫున ఇంకా టెస్టులు ఆడని రుతురాజ్‌ గైక్వాడ్‌ నాయకత్వంలో భారత ‘ఎ’ జట్టు బరిలోకి దిగింది. ఇప్పటికే భారత్‌కు ఆడిన ఇషాన్‌ కిషన్, నవదీప్‌ సైనీ, దేవదత్‌ పడిక్కల్, ముకేశ్‌ కుమార్‌లాంటి ప్లేయర్లు మరోసారి ఎరుపు బంతితో తమ ఆటను నిరూపించుకోవాల్సి ఉంది.ఆసీస్‌ క్రికెటర్లకూ పరీక్షఇక రంజీ, దులీప్‌ ట్రోఫీలో రాణించి ఈ టీమ్‌కు ఎంపికైన బాబా ఇంద్రజిత్, రికీ భుయ్, ఖలీల్, తనుశ్‌ కొటియాన్, సాయిసుదర్శన్‌ రాణించడం వారి భవిష్యత్తుకు కీలకం. మరోవైపు ఆస్ట్రేలియా ‘ఎ’ జట్టులో కూడా పలువురు టెస్టు క్రికెటర్లు ఉన్నారు. మైకేల్‌ నెసర్, మార్కస్‌ హారిస్, స్కాట్‌ బోలండ్, కామెరాన్‌ బాన్‌క్రాఫ్ట్, టాడ్‌ మర్ఫీ ఆసీస్‌ ప్రధాన జట్టులోకి పునరాగమనం చేసే ప్రయత్నంలో తమ అదృష్టాన్ని మరోసారి పరీక్షించుకుంటున్నారు.ఇక పరిమిత ఓవర్ల పోటీల్లో సత్తా చాటిన జోష్‌ ఫిలిప్‌ కూడా ఇక్కడ రాణించి టెస్టు అరంగేట్రాన్ని ఆశిస్తున్నాడు. అందరికంటే ఎక్కువగా న్యూసౌత్‌వేల్స్‌కు చెందిన 19 ఏళ్ల ఓపెనర్‌ స్యామ్‌ కొన్‌స్టాస్‌పై ఆస్ట్రేలియా సెలక్టర్లు ఎక్కువగా దృష్టి పెట్టారు.‘జూనియర్‌ రికీ పాంటింగ్‌’గా అందరూ పిలుస్తున్న ఈ బ్యాటర్‌ 6 ఫస్ట్‌క్లాస్‌ మ్యాచ్‌లలో 2 సెంచరీలు సహా 45.70 సగటుతో పరుగులు సాధించాడు. ఇక్కడ బాగా ఆడితే భారత్‌తో టెస్టుకు అతడు కొత్త ఓపెనర్‌గా బరిలోకి దిగే అవకాశం కూడా ఉంది. ఈ నేపథ్యంలో ‘ఎ’ జట్ల పోరు కూడా ఆసక్తికరంగా సాగడం ఖాయం. చదవండి: IPL 2025: రిషభ్‌ పంత్‌ను వదులుకున్న ఢిల్లీ క్యాపిటల్స్‌Waking up early just to see Ruturaj score a golden duck. Bro not doing justice to his fans now pic.twitter.com/KDfzJmXXZ2— Div🦁 (@div_yumm) October 31, 2024

టీమిండియా క్రికెటర్‌ ఇషాన్‌ కిషన్‌ తండ్రి ప్రణవ్‌ కుమార్‌ పాండే రాజకీయాల్లోకి ఎంట్రీ ఇచ్చారు. బీహార్‌కు చెందిన ప్రణవ్‌ స్థానిక అధికార పార్టీ అయిన జనతాదల్‌ యునైటెడ్‌లో (జేడీయూ) చేరారు. జేడీయూ చీఫ్‌గా నితీశ్‌కుమార్‌ వ్యవహరిస్తున్న విషయం తెలిసిందే. చున్నూగానూ పిలువబడే ప్రణవ్‌ను జేడీయూ జాతీయ వర్కింగ్‌ ప్రెసిడెంట్‌ మరియు రాజ్యసభ సభ్యుడు సంజయ్‌ ఝా పార్టీలోకి ఆహ్వానించారు. పట్నాలో జరిగిన ఓ ప్రత్యేక కార్యక్రమంలో ప్రణవ్‌ జేడీయూ తీర్థం పుచ్చుకున్నారు. ప్రణవ్‌ పాండేకు ఇషాన్‌ కిషన్‌ తండ్రిగానే కాకుండా స్థానికంగా ప్రముఖ బిల్డర్‌గా మంచి పేరుంది. బిల్డర్‌గా ఉంటూనే ప్రణవ్‌ మెడికల్‌ స్టోర్‌ వ్యాపారంలోనూ ఉన్నారు. జేడీయూలో చేరిక సందర్భంగా ప్రణవ్‌ ఇలా అన్నారు. పార్టీ కోసం నమ్మకమైన సైనికుడిగా పని చేస్తానని తెలిపాడు. ఇదే సందర్భంగా జేడీయూ ఎంపీ సంజయ్‌ ఝా మాట్లాడుతూ.. సీఎం నితీశ్‌కుమార్‌ చేస్తున్న అభివృద్దిని చూసి ప్రణవ్‌ పార్టీలో చేరారన్నారు. ప్రణవ్‌ చేరిక మగద్‌ ప్రాంతంలో పార్టీని బలోపేతం చేస్తుందని​ తెలిపారు.కాగా, ఇషాన్‌ కిషన్‌ ఆస్ట్రేలియా పర్యటనకు వెళ్లిన భారత-ఏ జట్టులో సభ్యుడిగా ఉన్న విషయం తెలిసిందే. ఇషాన్‌ ఇటీవలికాలంలో సూపర్‌ ఫామ్‌లో ఉన్నాడు. దేశవాలీ టోర్నీల్లో ఇషాన్‌ పరుగుల వరద పారించాడు. తిరిగి జాతీయ జట్టులో చోటే లక్ష్యంగా ఇషాన్‌ ముందుకు కదులుతున్నాడు.

ఆస్ట్రేలియా గడ్డపై జరిగే రెండు ఫస్ట్‌ క్లాస్‌ మ్యాచ్‌లలో పాల్గొనే భారత ‘ఎ’ జట్టును సెలక్టర్లు ప్రకటించారు. 15 మంది సభ్యుల ఈ రుతురాజ్‌ గైక్వాడ్ కెప్టెన్‌గా ఎంపికయ్యాడు. ఇద్దరు ఆంధ్ర ఆటగాళ్లు నితీశ్‌ కుమార్‌ రెడ్డి, రికీ భుయ్‌లకు ఇందులో చోటు లభించింది.భారత సీనియర్‌ టీమ్‌లో స్థానం కోల్పోయిన ఇషాన్‌ కిషన్‌కు ఈ జట్టులో అవకాశం దక్కడం విశేషం. ఈ టూర్‌లో భాగంగా ఆ్రస్టేలియా ‘ఎ’తో మెకే, మెల్‌బోర్న్‌లలో భారత్‌ ‘ఎ’ నాలుగు రోజుల మ్యాచ్‌లు రెండు ఆడుతుంది. ఆ తర్వాత టెస్టు సిరీస్‌ కోసం సిద్ధమవుతున్న భారత సీనియర్‌ టీమ్‌తో పెర్త్‌లో మూడు రోజుల మ్యాచ్‌లో కూడా తలపడుతుంది. ‘ఎ’ జట్టు ప్రదర్శన ద్వారా కూడా బోర్డర్‌–గావస్కర్‌ ట్రోఫీ కోసం కూడా ఒకరిద్దరు ఆటగాళ్లను ఎంపిక చేసే అవకాశం ఉంది. భారత ‘ఎ’ జట్టు వివరాలు: రుతురాజ్‌ గైక్వాడ్‌ (కెప్టెన్‌), అభిమన్యు ఈశ్వరన్‌ (వైస్ కెప్టెన్‌), సాయిసుదర్శన్, నితీశ్‌ కుమార్‌ రెడ్డి, దేవ్‌దత్‌ పడిక్కల్, రికీ భుయ్, బాబా ఇంద్రజిత్, ఇషాన్‌ కిషన్, అభిషేక్‌ పొరేల్, ముకేశ్‌ కుమార్, ఖలీల్‌ అహ్మద్, యశ్‌ దయాళ్, నవదీప్‌ సైనీ, మానవ్‌ సుథార్, తనుశ్‌ కొటియాన్‌.చదవండి: అభిషేక్‌ శర్మ ఊచకోత.. యూఏఈపై టీమిండియా ఘన విజయం

ప్ర‌తిష్టాత్మ‌క బోర్డ‌ర్ గ‌వాస్క‌ర్ ట్రోఫీకి ముందు భార‌త్‌-ఎ జ‌ట్టు ఆస్ట్రేలియా ప‌ర్య‌ట‌న‌కు వెళ్ల‌నుంది. ఈ టూర్‌లో భాగంగా ఆసీస్‌-ఎ జ‌ట్టుతో భార‌త్ రెండు అనాధికారిక టెస్టు మ్యాచ్‌లు ఆడ‌నుంది. ఈ రెండు మ్యాచ్‌ల సిరీస్ ఆక్టోబ‌ర్ 31 నుంచి ప్రారంభం కానుంది.ఈ క్ర‌మంలో భార‌త జ‌ట్టును బీసీసీఐ సెల‌క్ష‌న్ క‌మిటీ ఒక‌ట్రెండు రోజుల్లో ప్ర‌క‌టించే అవ‌కాశ‌ముంది. ఇప్ప‌టికే ఆస్ట్రేలియాకు పంపే జ‌ట్టును సెల‌క్ట‌ర్లు ఖారారు చేసిన‌ట్లు తెలుస్తోంది. ఈ ప‌ర్య‌ట‌న భార‌త్‌-ఎ జ‌ట్టుకు స్టార్ ఓపెన‌ర్ రుతురాజ్ గైక్వాడ్ సార‌థ్యం వ‌హించ‌నున్న‌ట్లు స‌మాచారం. రుతురాజ్ ఇప్ప‌టికే దేశీయ‌, అంత‌ర్జాతీయ క్రికెట్‌లో త‌ను ఏంటో నిరూపించుకున్నాడు. ఫస్ట్ క్లాస్ క్రికెట్‌లో మ‌హారాష్ట్ర‌కు గైక్వాడ్ కెప్టెన్‌గా వ్య‌వ‌హ‌రిస్తున్నాడు. ఈ క్ర‌మంలోనే అత‌డికి భార‌త-ఎ జ‌ట్టు ప‌గ్గాలు అప్ప‌గించ‌నున్న‌ట్లు వినికిడి.కిష‌న్‌కు చోటు?అదేవిధంగా ఆసీస్ టూర్‌కు స్టార్ వికెట్ కీప‌ర్ బ్యాట‌ర్ ఇషాన్ కిష‌న్‌ను ఎంపిక చేయాల‌ని సెల‌క్ట‌ర్లు భావిస్తున్న‌ట్లు వార్త‌లు వినిపిస్తున్నాయి. భార‌త సీనియ‌ర్ జ‌ట్టులో చోటు కోల్పోయిన కిష‌న్‌.. ప్ర‌స్తుతం రంజీల్లో జార్ఖండ్‌కు ప్రాతినిథ్యం వ‌హిస్తున్నాడు. ఈ టోర్నీలో కిష‌న్ ప‌ర్వాలేద‌న్పిస్తున్నాడు. అంత‌కముందు దులీప్ ట్రోఫీలో కూడా ఇషాన్ స‌త్తాచాటాడు. ఈ క్ర‌మంలో అత‌డిని ఆస్ట్రేలియాకు పంప‌నున్న‌ట్లు స‌మాచారం. ఇక ఆస్ట్రేలియాకు వెళ్లే జ‌ట్టులో ఆంధ్రా ఆల్‌రౌండ‌ర్ నితీష్ కుమార్ రెడ్డి, స్టార్ వికెట్ కీప‌ర్ బ్యాట‌ర్ రికీ భుయ్ కూడా చోటు సంపాదించుకున్న‌ట్లు ప‌లు రిపోర్ట్‌లు పేర్కొంటున్నాయి.ఆసీస్ టూర్‌కు భార‌త్- ఎ జ‌ట్టు(అంచ‌నా)రుతురాజ్ గైక్వాడ్ (కెప్టెన్), అభిమన్యు ఈశ్వరన్‌, దేవదత్ పడిక్కల్,సాయి సుదర్శన్, బి ఇంద్రజిత్, అభిషేక్ పోరెల్‌, ఇషాన్ కిష‌న్‌, ముఖేష్ కుమార్‌, రికీ భుయ్‌, నితీష్ కుమార్ రెడ్డి, మాన‌వ్ సుతార్, న‌వ్‌దీప్ సైనీ, ఖాలీల్ అహ్మ‌ద్‌, త‌నుష్ కోటియ‌న్‌, య‌శ్ ద‌యాళ్చదవండి: ‘కాస్తైనా సిగ్గుండాలి నీకు!: మండిపడ్డ టీమిండియా ఫ్యాన్స్‌

ఐపీఎల్‌-2025 మెగా వేలానికి సంబంధించి ఆట‌గాళ్ల రిటెన్ష‌న్ రూల్స్‌ను బీసీసీఐ ప్ర‌క‌టించిన సంగ‌తి తెలిసిందే. ఈసారి మొత్తం ఆరుగురి ఆటగాళ్లను రిటైన్ చేసుకునేందుకు ఐపీఎల్ గ‌వ‌ర్నింగ్ కౌన్సిల్‌ అవకాశం ఇచ్చింది. ఇందులో ఒక రైట్‌ టు మ్యాచ్‌ (ఆర్‌టీఎం) ఆప్షన్ ఉంది. అదేవిధంగా ప్ర‌తీ ఫ్రాంచైజీ ప‌ర్స్ వాల్యూను రూ.120 కోట్లకు పెంచారు. గతంలో ఈ పర్స్‌ విలువ రూ.90 కోట్లు ఉండేది. ఇక అట్టిపెట్టుకున్న అయిదుగురి కోసం ఓ ఫ్రాంఛైజీ రూ.75 కోట్లు ఖర్చు పెట్టాల్సి ఉంటుంది. అట్టిపెట్టుకున్న మొదటి ఆటగాడికి రూ.18 కోట్లు, రెండో ఆటగాడికి రూ.14 కోట్లు, మూడో ఆటగాడికి రూ.11 కోట్లు ఫ్రాంఛైజీ చెల్లించాల్సి ఉంటుంది. మిగిలిన రెండు రిటెన్షన్‌లకు తిరిగి వరుసగా రూ.18 కోట్లు, రూ.14 కోట్లు వెచ్చించాలి. ఇక రిటెన్ష‌న్‌కు సంబంధించి విధి విధానాలు ఖారారు కావ‌డంతో ఆయా ఫ్రాంచైజీలు త‌మ అంటిపెట్టుకునే ఆట‌గాళ్ల జాబితాను సిద్దం చేసే ప‌నిలో ప‌డ్డాయి.రోహిత్, కిష‌న్‌కు నో ఛాన్స్‌!ఈ క్ర‌మంలో ముంబై ఇండియ‌న్స్ ఫ్రాంచైజీ త‌మ ప్లేయ‌ర్ల రిటెన్ష‌న్ లిస్ట్‌ను ఫైన‌లైజ్ చేసిన‌ట్లు చేసిన‌ట్లు తెలుస్తోంది. ఆ జ‌ట్టు స్టార్ ప్లేయ‌ర్‌, కెప్టెన్‌గా 5 ట్రోఫీలు అందించిన రోహిత్ శ‌ర్మ‌ను వ‌దులుకోవ‌డానికి ముంబై ఇండియన్స్‌ సిద్ద‌మైన‌ట్లు తెలుస్తోంది.ఈ ఏడాది సీజ‌న్‌కు ముందు హిట్‌మ్యాన్‌ను త‌మ జ‌ట్టు కెప్టెన్సీ నుంచి త‌ప్పించి హార్దిక్ పాండ్యాకు ముంబై యాజ‌మాన్యం బాధ్య‌త‌లు అప్ప‌గించింది. అప్ప‌టినుంచే ముంబైతో రోహిత్ తెగిపోయినట్లు స‌మాచారం. ఈ క్ర‌మంలోనే రోహిత్ కూడా ఆ ఫ్రాంచైజీని నుంచి బ‌య‌ట‌కు వ‌చ్చేందుకు సిద్దంగా ఉన్నాడంట‌. అత‌డితో పాటు స్టార్ వికెట్ కీప‌ర్ ఇషాన్ కిష‌న్‌ను కూడా విడిచిపెట్టాల‌ని ముంబై నిర్ణ‌యించుకున్న‌ట్లు వార్త‌లు వినిపిస్తున్నాయి. గ‌త రెండు సీజ‌న్ల నుంచి కిష‌న్ చెప్పుకోద‌గ్గ ప్ర‌ద‌ర్శన చేయ‌లేక‌పోయాడు. ఈ క్ర‌మంలోనే అత‌డిని వేలంలోకి విడిచిపెట్ట‌న్న‌ట్లు వినికిడి.రిటెన్ష‌న్ ఆట‌గాళ్లు వీరే? కెప్టెన్ హార్దిక్ పాండ్యా(రూ.18 కోట్లు), స్టార్ పేస‌ర్ జ‌స్ప్రీత్‌ బుమ్రా(రూ.14 కోట్లు), యువ ఆట‌గాడు తిల‌క్ వ‌ర్మ‌(రూ.11 కోట్లు)ల‌ను ముంబై ఇండియన్స్ రిటైన్ చేసుకోవాల‌ని భావిస్తున్న‌ట్లు ప‌లు రిపోర్ట్‌లు పేర్కొంటున్నాయి. వీరితో పాటు ఆన్‌క్యాప్డ్ ప్లేయ‌ర్ల‌గా న‌మాన్ ధీర్‌(రూ. 4 కోట్లు), ఆకాశ్ మ‌ధ్వాల్‌(రూ. 4కోట్లు) అంటిపెట్టుకోవాల‌ని ముంబై యోచిస్తున్న‌ట్లు ఐపీఎల్ వ‌ర్గాలు వెల్ల‌డించాయి. కాగా ఈ ఏడాది డిసెంబ‌ర్‌లో మెగా వేలం జ‌రిగే అవ‌కాశ‌ముంది.చదవండి: అశ్విన్ వారసుడు దొరికిన‌ట్లేనా?

ఇరానీ కప్‌-2024 మ్యాచ్‌లో టీమిండియా యువ క్రికెటర్‌ ధ్రువ్‌ జురెల్‌ అద్భుత ప్రదర్శనతో ఆకట్టుకున్నాడు. ముంబైతో జరుగుతున్న ఈ ఐదు రోజుల మ్యాచ్‌లో సూపర్‌ హాఫ్‌ సెంచరీ సాధించాడు. ఆరో స్థానంలో బ్యాటింగ్‌కు వచ్చి మొత్తంగా 121 బంతులు ఎదుర్కొని 93 పరుగులతో దుమ్ములేపాడు.'శతకం చేజారినాసెంచరీకి ఏడు పరుగుల దూరంలో నిలిచిపోయినా.. ఓపెనర్‌ అభిమన్యు ఈశ్వరన్‌(191)తో కలిసి రెస్ట్‌ ఆఫ్‌ ఇండియాకు గౌరవప్రదమైన స్కోరు అందించాడు. ఇక ఇదే మ్యాచ్‌లో తన వికెట్‌ కీపింగ్‌ నైపుణ్యాలతోనూ ధ్రువ్‌ జురెల్‌ అదరగొడుతున్నాడు. ముంబై తొలి ఇన్నింగ్స్‌లో అతడు మూడు క్యాచ్‌లతో మెరిశాడు.ముకేశ్‌ కుమార్‌ బౌలింగ్‌లో ఆయుశ్‌ మాత్రే(19), హార్దిక్‌ తామోర్‌(0), యశ్‌ దయాల్‌ బౌలింగ్‌లో కెప్టెన్‌ అజింక్య రహానే(97) ఇచ్చిన క్యాచ్‌లు పట్టి.. వారిని పెవిలియన్‌కు పంపడంలో తోడ్పడ్డాడు. తద్వారా టీమిండియా సెలక్టర్ల దృష్టి తనపై నుంచి మరలకుండా చేసుకోగలిగాడు ఈ వికెట్‌ కీపర్‌ బ్యాటర్‌.ఇషాన్‌ కిషన్‌ విఫలంమరోవైపు.. ఇరానీ కప్‌-2024 మ్యాచ్‌లో ధ్రువ్‌ జురెల్‌తో పాటు రెస్ట్‌ ఆఫ్‌ ఇండియా జట్టుకే ఆడుతున్న మరో టీమిండియా స్టార్‌ ఇషాన్‌ కిషన్‌ మాత్రం నిరాశపరిచాడు. ఐదో స్థానంలోబ్యాటింగ్‌కు దిగిన ఈ లెఫ్టాండర్‌ 60 బంతులు ఎదుర్కొని 38 పరుగులకే పరిమితమయ్యాడు. కాగా ఇషాన్‌ కిషన్‌ గత కొన్నాళ్లుగా టీమిండియాకు దూరమైన విషయం తెలిసిందే.టీమిండియా సెలక్టర్ల దృష్టి మరలకుండాముఖ్యంగా టెస్టుల్లో స్థానం పొందాలన్న ఇషాన్‌ కల ఇప్పట్లో నెరవేరేలా కనిపించడం లేదు. ఇప్పటికే క్రమశిక్షణా రాహిత్యానికి పాల్పడి సెంట్రల్‌ కాంట్రాక్టు కోల్పోయిన ఈ జార్ఖండ్‌ బ్యాటర్‌కు ధ్రువ్‌ జురెల్‌ చెక్‌ పెట్టడం ఖాయంగా కనిపిస్తోంది.రోడ్డు ప్రమాదం కారణంగా జట్టుకు దూరమైన రిషభ్‌ పంత్‌ స్థానంలో టెస్టుల్లో అరంగేట్రం చేసిన ధ్రువ్‌.. తన తొలి మ్యాచ్‌లోనే మెరుగ్గా రాణించాడు. ఈ ఏడాది ఇంగ్లండ్‌తో జరిగిన మూడో టెస్టులో 46 పరుగులతో ఆకట్టుకున్నాడు. తాజాగా దులిప్‌ ట్రోఫీ-2024లోనూ వికెట్‌ కీపర్‌గా రాణించిన ధ్రువ్‌ జురెల్‌.. బంగ్లాదేశ్‌తో సిరీస్‌లో పంత్‌ బ్యాకప్‌గా ఉన్నాడు.ఇషాన్‌ రంజీల్లో రాణిస్తేనేతాజాగా రెస్ట్‌ ఆఫ్‌ ఇండియా తరఫున అద్బుత ఇన్నింగ్స్‌తో అలరించాడు. స్వదేశంలో టీమిండియా తదుపరి న్యూజిలాండ్‌తో ఆడే సిరీస్‌కు ముందు సెలక్టర్ల ముందు సత్తా నిరూపించుకున్నాడు. దీంతో సెలక్టర్లు.. టెస్టుల్లో ఇషాన్‌ కిషన్‌ను వికెట్‌ కీపర్‌ రేసు నుంచి తప్పించడం ఖాయమనే అభిప్రాయాలు వ్యక్తమవుతున్నాయి. అయితే, ఈ ఏడాది రంజీల్లో గనుక ఇషాన్‌ రాణిస్తే తన రాత మారే అవకాశం ఉంటుంది. భారీ ఆధిక్యం దిశగా ముంబైకాగా రంజీ చాంపియన్‌- రెస్ట్‌ ఆఫ్‌ ఇండియా జట్ల మధ్య ఇరానీ కప్‌ టైటిల్‌ కోసం పోటీ జరుగుతుందన్న విషయం తెలిసిందే. ఈసారి రంజీ ట్రోఫీ గెలిచిన ముంబై.. ఇరానీ కప్‌ కూడా గెలవడమే లక్ష్యంగా ముందుకు సాగుతోంది. లక్నోలో అక్టోబరు 1న మొదలైన ఈ ఐదు రోజుల మ్యాచ్‌లో తొలి ఇన్నింగ్స్‌లో 537 పరుగుల భారీ స్కోరు సాధించింది. ఇందుకు రెస్ట్‌ ఆఫ్‌ ఇండియా 416 పరుగులతో బదులిచ్చింది. ఈ క్రమంలో శుక్రవారం నాటి నాలుగో రోజు ఆట ముగిసే సరికి ముంబై రెండో ఇన్నింగ్స్‌లో 40 ఓవర్లలో ఆరు వికెట్ల నష్టానికి 153 పరుగులు చేసింది.చదవండి: IPL 2025: ‘ఆర్సీబీ రోహిత్‌ శర్మను కొని.. కెప్టెన్‌ చేయాలి’

యువ క్రికెటర్‌ ఇషాన్‌ కిషన్‌ టీమిండియాలో పునరాగమనం చేసే అవకాశం ఉన్నట్లు తెలుస్తోంది. బంగ్లాదేశ్‌తో టీ20 సిరీస్‌ సందర్భంగా అతడు రీఎంట్రీ ఇవ్వనున్నట్లు సమాచారం. అయితే, రెస్టాఫ్‌ ఇండియా టీమ్‌ మేనేజ్‌మెంట్‌ నిర్ణయంపైనే ఈ విషయం ఆధారపడి ఉంది. గతేడాది దక్షిణాఫ్రికా పర్యటన మధ్యలోనే స్వదేశానికి తిరిగి వచ్చిన ఇషాన్‌ కిషన్‌.. ఇప్పటి వరకు జాతీయ జట్టుకు ఎంపిక కాలేదు.రెడ్‌బాల్‌ క్రికెట్‌లో రీఎంట్రీరంజీల్లో ఆడాలన్న బీసీసీఐ ఆదేశాలను బేఖాతరకు చేయడం వల్ల.. క్రమశిక్షణా రాహిత్యానికి పాల్పడ్డాడంటూ బోర్డు ఇషాన్‌కు గట్టి షాకిచ్చింది. సెంట్రల్‌ కాంట్రాక్టు నుంచి అతడిని తప్పించింది. ఈ క్రమంలో దిద్దుబాటు చర్యలకు దిగిన ఇషాన్‌ ఇటీవలే బుచ్చిబాబు టోర్నీ ద్వారా రెడ్‌బాల్‌ క్రికెట్‌లో రీఎంట్రీ ఇచ్చాడు. సెంచరీతో ఆకట్టుకుని.. దులిప్‌ ట్రోఫీ-2024లో చోటు దక్కించుకున్నాడు.రెస్టాఫ్‌ ఇండియా టీమ్‌కు ఎంపికబీసీసీఐ ఆధ్వర్యంలోని ఈ దేశీ రెడ్‌బాల్‌ టోర్నీలోనూ ఇషాన్‌ కిషన్‌ ఆకట్టుకునే ప్రదర్శన చేశాడు. ఇండియా-‘సి’ జట్టు తరఫున శతకంతో అలరించాడు. ఈ క్రమంలో ఇరానీ కప్‌-2024 మ్యాచ్‌లో రెస్టాఫ్‌ ఇండియా టీమ్‌కు ఎంపికయ్యాడు.రిషభ్‌ పంత్‌కు విశ్రాంతిరంజీ చాంపియన్‌ ముంబైతో అక్టోబరు 1- 5 వరకు జరుగనున్న మ్యాచ్‌లో రెస్టాఫ్‌ ఇండియా తలపడనుంది. ఆ వెంటనే అంటే.. అక్టోబరు 6- 12 వరకు టీమిండియా స్వదేశంలో బంగ్లాదేశ్‌తో మూడు మ్యాచ్‌ల టీ20 సిరీస్‌ ఆడనుంది. ఇదిలా ఉంటే.. ఈ సిరీస్‌ నేపథ్యంలో టీమిండియా సెలక్టర్లు స్టార్‌ వికెట్‌ కీపర్ రిషభ్‌ పంత్‌కు విశ్రాంతినివ్వనున్నట్లు‌ తెలుస్తోంది.బంగ్లా సిరీస్‌ తర్వాత.. న్యూజిలాండ్‌తో టెస్టుల నేపథ్యంలో ఈ యోచన చేస్తున్నట్లు సమాచారం. కాబట్టి పంత్‌ స్థానంలో ఇషాన్‌ను బంగ్లాదేశ్‌తో టీ20సిరీస్‌కు ఎంపిక చేసే అవకాశాలు ఉన్నాయి. ప్రధాన వికెట్‌ కీపర్‌గా సంజూ శాంసన్‌కు ఛాన్స్‌ ఇవ్వనున్న సెలక్టర్లు.. అతడికి బ్యాకప్‌గా ఇషాన్‌కు జట్టులోస్థానం కల్పించనున్నట్లు తెలుస్తోంది. రెస్టాఫ్‌ ఇండియా నుంచి రిలీజ్‌ చేస్తేనేఅయితే, అదే సమయంలో.. ఇరానీ కప్‌ మ్యాచ్‌ ఉన్నందున రెస్టాఫ్‌ ఇండియా నుంచి ఇషాన్‌ను రిలీజ్‌ చేస్తేనే ఇది సాధ్యమవుతుంది. ఏదేమైనా.. ఒకప్పుడు జట్టులో కీలక సభ్యుడిగా ఉన్న ఈ లెఫ్టాండర్‌.. స్వీయ తప్పిదాల వల్ల ఇప్పుడు జట్టులో అదనపు ప్లేయర్‌గానైనా చోటు దక్కించుకోవడం గగనమైపోయింది.చదవండి: రంజీ ‘జట్టు’లో విరాట్‌ కోహ్లి, మరో టీమిండియా స్టార్‌ కూడా.. డీడీసీఏ ప్రకటన

దులీప్‌ ట్రోఫీ 2024లో ఇండియా-బి కెప్టెన్‌ అభిమన్యు ఈశ్వరన్‌ వరుసగా రెండో సెంచరీ చేశాడు. అనంతపురం వేదికగా ఇండియా-డితో జరుగుతున్న మ్యాచ్‌లో ఈశ్వరన్‌ 116 పరుగులు చేసి ఔటయ్యాడు. రెండో రోజు ఆట ముగిసే సమయానికి ఇండియా-బి తొలి ఇన్నింగ్స్‌లో 6 వికెట్ల నష్టానికి 210 పరుగులు చేసింది. వాషింగ్టన్‌ సుందర్‌ (39), రాహుల్‌ చాహర్‌ (0) క్రీజ్‌లో ఉన్నారు. ఇండియా-డి బౌలర్లలో అర్షదీప్‌ సింగ్‌ 3, ఆధిత్య థాకరే 2, సౌరభ్‌ కుమార్‌ ఓ వికెట్‌ పడగొట్టారు. ఇండియా-బి ఇండియా-డి తొలి ఇన్నింగ్స్‌ స్కోర్‌కు ఇంకా 139 పరుగులు వెనుకపడి ఉంది.సూర్యకుమార్‌ యాదవ్‌ విఫలంఇండియా-బి ఇన్నింగ్స్‌లో ఈశ్వరన్‌ మినహా ఎవ్వరూ రాణించలేదు. గాయం తర్వాత రీ ఎంట్రీ ఇచ్చిన స్టార్‌ బ్యాటర్‌ సూర్యకుమార్‌ యాదవ్‌ ఐదు పరుగులు మాత్రమే చేసి అర్షదీప్‌ సింగ్‌ బౌలింగ్‌లో ఔటయ్యాడు. ఎన్‌ జగదీషన్‌ (13), సుయాశ్‌ ప్రభుదేశాయ్‌ (16), ముషీర్‌ ఖాన్‌ (5), నితీశ్‌ రెడ్డి (0) కూడా విఫలమయ్యారు.సంజూ మెరుపు సెంచరీసంజూ శాంసన్‌ మెరుపు సెంచరీతో (106) చెలరేగడంతో ఇండియా-డి తొలి ఇన్నింగ్స్‌లో 349 పరుగులకు ఆలౌటైంది. దేవ్‌దత్‌ పడిక్కల్‌ (50), శ్రీకర్‌ భరత్‌ (52), రికీ భుయ్‌ (56) అర్ద సెంచరీలతో రాణించారు. ఇండియా-బి బౌలర్లలో నవ్‌దీప్‌ సైనీ ఐదు వికెట్లు తీయగా.. రాహుల్‌ చాహర్‌ 3, ముకేశ్‌ కుమార్‌ ఓ వికెట్‌ పడగొట్టారు.నిరాశపరిచిన రుతురాజ్‌, ఇషాన్‌ కిషన్‌అనంతపురంలోనే జరుగుతున్న మరో మ్యాచ్‌లో (ఇండియా-ఏతో) ఇండియా-సి ఆటగాళ్లు రుతురాజ్‌ గైక్వాడ్‌ (17), సాయి సుదర్శన్‌ (17), రజత్‌ పాటిదార్‌ (0), ఇషాన్‌ కిషన్‌ (5) నిరాశపరిచారు. రెండో రోజు ఆట ముగిసే సమయానికి ఇండియా-సి తొలి ఇన్నింగ్స్‌లో 7 వికెట్ల నష్టానికి 216 పరుగులు చేసింది.రాణించిన అభిషేక్‌ పోరెల్‌ఇండియా-సి ఇన్నింగ్స్‌లో అభిషేక్‌ పోరెల్‌ (82) ఒక్కడే చెప్పుకోదగ్గ స్కోర్‌ చేశాడు. పుల్కిత్‌ నారంగ్‌ (35 నాటౌట్‌), విజయ్‌ కుమార్‌ వైశాఖ్‌ (14 నాటౌట్‌) క్రీజ్‌లో ఉన్నారు. ఇండియా-ఏ చేసిన తొలి ఇన్నింగ్స్‌ స్కోర్‌కు ఇండియా-సి ఇంకా 81 పరుగులు వెనుకపడి ఉంది. ఇండియా-ఏ బౌలర్లలో ఆకిబ్‌ ఖాన్‌ 3, షమ్స్‌ ములానీ 2, ఆవేశ్‌ ఖాన్‌, తనుశ్‌ కోటియన్‌ తలో వికెట్‌ పడగొట్టారు.శాశ్వత్‌ రావత్‌ సెంచరీ.. హాఫ్‌ సెంచరీ చేసిన ఆవేశ్‌ ఖాన్‌శాశ్వత్‌ రావత్‌ సెంచరీతో (124) కదంతొక్కడంతో ఇండియా-ఏ తొలి ఇన్నింగ్స్‌లో 297 పరుగులు చేసింది. ఆవేశ్‌ ఖాన్‌ (51 నాటౌట్‌) అర్ద సెంచరీతో రాణించాడు. టెయిలెండర్లు షమ్స్‌ ములానీ (44), ప్రసిద్ద్‌ కృష్ణ (34) పర్వాలేదనిపించారు. ఇండియా-సి బౌలర్లలో విజయ్‌కుమార్‌ 4, అన్షుల్‌ కంబోజ్‌ 3, గౌరవ్‌ యాదవ్‌ 2 వికెట్లు పడగొట్టారు. చదవండి: IND VS BAN 1st Test: మరో అరుదైన మైలురాయిని అధిగమించిన విరాట్‌

సాక్షి, అనంతపురం: యువ ఆటగాడు ఇషాన్‌ కిషన్‌ (126 బంతుల్లో 111; 14 ఫోర్లు, 3 సిక్సర్లు) సెంచరీతో చెలరేగాడు. ఫలితంగా అనంతపురంలో భారత్‌ ‘బి’ జట్టుతో గురువారం మొదలైన దులీప్‌ ట్రోఫీ రెండో రౌండ్‌ మ్యాచ్‌లో భారత్‌ ‘సి’ జట్టు భారీ స్కోరు దిశగా సాగుతోంది. టాస్‌ ఓడి బ్యాటింగ్‌కు దిగిన భారత్‌ ‘సి’ జట్టు తొలి రోజు ఆట ముగిసే సమయానికి 79 ఓవర్లలో 5 వికెట్ల నష్టానికి 357 పరుగులు చేసింది. ఫస్ట్‌క్లాస్‌ క్రికెట్‌ పునరాగమనంలో ఆడిన తొలి మ్యాచ్‌లోనే ఇషాన్‌ కిషన్‌ శతక్కొట్టగా... మిగతా బ్యాటర్లు కూడా విలువైన పరుగులు చేయడంతో భారత్‌ ‘సి’ జట్టు మెరుగైన స్కోరు చేయగలిగింది. కెప్టెన్‌ రుతురాజ్‌ గైక్వాడ్‌ (50 బంతుల్లో 46 బ్యాటింగ్‌; 7 ఫోర్లు, 2 సిక్సర్లు), సాయి సుదర్శన్‌ (75 బంతుల్లో 43; 8 ఫోర్లు), రజత్‌ పాటిదార్‌ (67 బంతుల్లో 40; 8 ఫోర్లు), బాబా ఇంద్రజిత్‌ (136 బంతుల్లో 78; 9 ఫోర్లు) రాణించారు. మ్యాచ్‌ ఆరంభంలో రెండు బంతులు ఎదుర్కోగానే మడమ నొప్పితో మైదానాన్ని వీడిన కెప్టెన్ రుతురాజ్‌ గైక్వాడ్‌... కోలుకొని తిరిగి క్రీజులో అడుగు పెట్టి అజేయంగా నిలిచాడు. అతడితో పాటు మానవ్‌ సుతార్‌ (8 బ్యాటింగ్‌) క్రీజులో ఉన్నాడు. గాయం కారణంగా దులీప్‌ ట్రోఫీ తొలి రౌండ్‌ మ్యాచ్‌కు అందుబాటులో లేకుండా పోయిన ఇషాన్‌ కిషన్‌... రెండో రౌండ్‌ మ్యాచ్‌లో చక్కటి ఆటతీరు కనబర్చాడు. ఇంద్రజిత్‌తో కలిసి మూడో వికెట్‌కు 189 పరుగులు జోడించి జట్టును పటిష్ట స్థితికి చేర్చాడు. ఇటీవల బుచ్చిబాబు టోర్నమెంట్‌లో జార్ఖండ్‌ తరఫున సెంచరీతో చెలరేగిన ఇషాన్‌ కిషన్‌... ఇక్కడే అదే జోరు కొనసాగించాడు. భారత్‌ ‘బి’ బౌలర్లలో ముఖేశ్‌ కుమార్‌ 3 వికెట్లు పడగొట్టగా... నవ్‌దీప్‌ సైనీ, రాహుల్‌ చహర్‌ చెరో వికెట్‌ తీశారు. స్కోరు వివరాలు భారత్‌ ‘సి’ తొలి ఇన్నింగ్స్‌: రుతురాజ్‌ గైక్వాడ్‌ (బ్యాటింగ్‌) 46; సాయి సుదర్శన్‌ (సి) నవ్‌దీప్‌ సైనీ (బి) ముకేశ్‌ కుమార్‌ 43; రజత్‌ పాటిదార్‌ (బి) నవ్‌దీప్‌ సైనీ 40; ఇషాన్‌ కిషన్‌ (బి) ముకేశ్‌ కుమార్‌ 111; బాబా ఇంద్రజిత్‌ (బి) రాహుల్‌ చాహర్‌ 78; అభిషేక్‌ పొరేల్‌ (ఎల్బీడబ్ల్యూ) ముకేశ్‌ కుమార్‌ 12; మానవ్‌ సుతార్‌ (బ్యాటింగ్‌) 8; ఎక్స్‌ట్రాలు 19; మొత్తం (79 ఓవర్లలో 5 వికెట్లకు) 357. వికెట్ల పతనం: 1–96, 2–97, 3–286, 4–311, 5–345. బౌలింగ్‌: ముకేశ్‌ కుమార్‌ 21–3–76–3; నవ్‌దీప్‌ సైనీ 17–2–78–1; వాషింగ్టన్‌ సుందర్‌ 10–0–55–0; నితీశ్‌ కుమార్‌ రెడ్డి 14–2–58–0; సాయికిశోర్‌ 12–0–46–0; రాహుల్‌ చహర్‌ 5–0–35–1.

ఇవాళ (సెప్టెంబర్‌ 12) మొదలైన దులీప్‌ ట్రోఫీ రెండో రౌండ్‌ మ్యాచ్‌లో ఇండియా-సి ఆటగాడు ఇషాన్‌ కిషన్‌ మెరుపు సెంచరీతో కదంతొక్కాడు.అనంతపురం వేదికగా ఇండియా-బితో జరుగుతున్న మ్యాచ్‌లో ఇషాన్‌ ఈ ఫీట్‌ను సాధించాడు. ఇషాన్‌ 121 బంతుల్లో 14 ఫోర్లు, 2 సిక్సర్ల సాయంతో సెంచరీ పూర్తి చేసుకున్నాడు. Ishan Kishan century moment in the Duleep Trophy! 🌟- A class return by Kishan. 👏pic.twitter.com/xRMbxt36jU— Mufaddal Vohra (@mufaddal_vohra) September 12, 2024గాయం కారణంగా ఇషాన్‌ తొలి రౌండ్‌ మ్యాచ్‌ ఆడలేదు. తొలి రౌండ్‌ మ్యాచ్‌కు ముందు బుచ్చిబాబు టోర్నీలోనూ ఇషాన్‌ సెంచరీతో మెరిశాడు. ఇషాన్‌ సూపర్‌ ఫామ్‌లో ఉండటం భారత సెలెక్టర్లకు తలనొప్పిగా మారింది. ఇప్పటికే భారత జట్టులో వికెట్‌కీపర్‌ బ్యాటర్లుగా రిషబ్‌ పంత్‌, కేఎల్‌ రాహుల్‌, ధృవ్‌ జురెల్‌ ఉన్నారు. బంగ్లాదేశ్‌తో సిరీస్‌కు భారత జట్టు ఎంపిక ఇదివరకే పూర్తైన నేపథ్యంలో ఇషాన్‌ టీమిండియా నుంచి పిలుపు కోసం మరికొంత కాలం పాటు వేచి ఉండాల్సిందే.మ్యాచ్‌ విషయానికొస్తే... ఇండియా-బితో జరుగుతున్న మ్యాచ్‌లో తొలుత బ్యాటింగ్‌ చేస్తున్న ఇండియా-సి.. 63 ఓవర్లు ముగిసే సమయానికి 2 వికెట్ల నష్టానికి 270 పరుగులు చేసింది. ఇషాన్‌ కిషన్‌ (103), బాబా ఇంద్రజిత్‌ (62) క్రీజ్‌లో ఉన్నారు. ఇండియా-సి ఇన్నింగ్స్‌లో సాయి సుదర్శన్‌ 43, రజత్‌ పాటిదార్‌ 40 పరుగులు చేసి ఔట్‌ కాగా.. కెప్టెన్‌ రుతురాజ్‌ గైక్వాడ్‌ 4 పరుగుల వద్ద రిటైర్డ్‌ హర్ట్‌గా వెనుదిరిగాడు. ఇండియా-బి బౌలర్లలో ముకేశ్‌ కుమార్‌, నవ్‌దీప్‌ సైనీలకు తలో వికెట్‌ దక్కింది.ఇదిలా ఉంటే, ఇవాళే మొదలైన మరో మ్యాచ్‌లో ఇండియా-ఏ, ఇండియా-డి జట్లు తలపడుతున్నాయి. అనంతపురం వేదికగానే జరుగుతున్న ఆ మ్యాచ్‌లో తొలుత బ్యాటింగ్‌ చేస్తున్న ఇండియా-ఏ 70 ఓవర్లు పూర్తయ్యేసరికి 7 వికెట్ల నష్టానికి 241 పరుగులు చేసింది. ప్రథమ్‌ సింగ్‌ (7), మయాంక్‌ అగర్వాల్‌ (7), తిలక్‌ వర్మ (10), రియాన్‌ పరాగ్‌ (37), షాశ్వత్‌ రావత్‌ (15), కుమార్‌ కుషాగ్రా (28), తనుశ్‌ కోటియన్‌ (53) ఔట్‌ కాగా.. షమ్స్‌ ములానీ (64), ప్రసిద్ధ్‌ కృష్ణ (2) క్రీజ్‌లో ఉన్నారు. ఇండియా-డి బౌలర్లలో విధ్వత్‌ కావేరప్ప, అర్ష్‌దీప్‌ సింగ్‌ చెరో 2, హర్షిత రాణా, సరాన్ష్‌ జైన్‌, సౌరభ్‌ కుమార్‌ తలో వికెట్‌ పడగొట్టారు. చదవండి: హాఫ్‌ సెంచరీతో చెలరేగిన ఇషాన్‌ కిషన్‌..

దులీప్ ట్రోఫీ-2024ను భార‌త వికెట్ కీప‌ర్ బ్యాట‌ర్ ఇషాన్ కిష‌న్ ఘ‌నంగా ఆరంభించాడు. ఈ టోర్నీలో ఇండియా-సికి ప్రాతినిథ్యం వహిస్తున్న కిషన్‌.. అనంతపూర్‌ వేదకగా ఇండియా-బితో మ్యాచ్‌లో అదరగొడుతున్నాడు. ఈ మ్యాచ్‌లో అద్భుత‌మైన హాఫ్ సెంచ‌రీతో చెల‌రేగాడు. కిష‌న్ 40 బంతుల్లో 7 ఫోర్లు, ఒక సిక్స్ సాయంతో త‌న హాఫ్ సెంచ‌రీ మార్క్‌ను అందుకున్నాడు. రజిత్‌ పాటిదార్‌ ఔటయ్యాక క్రీజులోకి వచ్చిన కిషన్‌.. ప్రత్యర్ధి బౌలర్లపై విరుచుకుపడ్డాడు. కిషన్‌ ప్రస్తుతం 52 పరుగులతో బ్యాటింగ్‌ చేస్తున్నాడు. కాగా బీసీసీఐ ఆదేశాలను దిక్కరించి వేటుకు గురైన కిషన్‌ మళ్లీ భారత జట్టులోకి రీఎంట్రీ ఇచ్చే దిశగా అడుగులు వేస్తున్నాడు. ఈ ఏడాది జరగనున్న దేశీవాళీ టోర్నీ మొత్తానికి అందుబాటులో ఉండాలని నిర్ణయించుకున్నాడు. ఇప్పటికే తమిళనాడు వేదికగా జరిగిన బుచ్చిబాబు టోర్నీలో సత్తాచాటిన కిషన్‌.. ఇప్పుడు మరో దేశీవాళీ టోర్నీలో దులీప్‌ ట్రోఫీలో కూడా తన మార్క్‌ను చూపిస్తున్నాడు. ఇక మ్యాచ్‌ విషయానికి వస్తే.. 41 ఓవర్లకు ఇండియా-సి జట్టు 2 వికెట్ల నష్టానికి 172 పరుగులు చేసింది.చదవండి: Vinesh Phogat: వినేశ్‌ ఫొగట్‌ ఆస్తి వివరాలు వెల్లడి.. ఎన్ని కోట్లంటే?

దులీప్‌ ట్రోఫీ మ్యాచ్‌లు ఇవాల్టి (సెప్టెంబర్‌) నుంచి ప్రారంభమయ్యాయి. ఇండియా-ఏ, ఇండియా-బి మధ్య తొలి మ్యాచ్‌ బెంగళూరు వేదికగా జరుగుతుండగా.. ఇండియా-సి, ఇండియా-డి మధ్య రెండో మ్యాచ్‌ అనంతపురంలో జరుగుతుంది.తొలి మ్యాచ్‌ విషయానికొస్తే.. తొలుత బ్యాటింగ్‌ చేస్తున్న ఇండియా-బి మూడో సెషన్‌ సమయానికి తొలి ఇన్నింగ్స్‌లో 7 వికెట్ల నష్టానికి 148 పరుగులు చేసి గౌరవప్రదమైన స్కోర్‌ కోసం ప్రాకులాడుతుంది. ముషీర్‌ ఖాన్‌ (77), నవ్‌దీప్‌ సైనీ (7) ఇండియా-బిని ఆదుకునే ప్రయత్నం చేస్తున్నారు. ఇండియా-బి ఇన్నింగ్స్‌లో యశస్వి జైస్వాల్‌ 30, అభిమన్యు ఈశ్వరన్‌ 13, సర్ఫరాజ్‌ ఖాన్‌ 9, రిషబ్‌ పంత్‌ 7, నితీశ్‌ రెడ్డి 0, వాషింగ్టన్‌ సుందర్‌ 0, సాయికిషోర్‌ 1 పరుగు చేసి ఔటయ్యారు. ఇండియా-ఏ బౌలర్లలో ఖలీల్‌ అహ్మద్‌, ఆకాశ్‌దీప్‌, ఆవేశ్‌ ఖాన్‌ తలో రెండు వికెట్లు తీశారు.రెండో మ్యాచ్‌ విషయానికొస్తే.. ఇండియా-డి తొలి ఇన్నింగ్స్‌లో 164 పరుగులకే ఆలౌటైంది. అక్షర్‌ పటేల్‌ 86 పరుగులు చేసి ఇండియా-డిని ఆదుకున్నాడు. 76 పరుగులకే 8 వికెట్లు కోల్పోయిన దశలో అక్షర్‌.. అర్ష్‌దీప్‌ సింగ్‌తో (13) కలిసి తొమ్మిదో వికెట్‌కు 84 పరుగులు జోడించాడు.అక్షర్‌ మినహా ఇండియా-డిలో ఎవ్వరూ రాణించలేదు. అథర్వ తైడే 4, యశ్‌ దూబే 10, శ్రేయస్‌ అయ్యర్‌ 9, దేవ్‌దత్‌ పడిక్కల్ 0, రికీ భుయ్‌ 4, శ్రీకర్‌ భరత్‌ 13,సరాన్ష్‌ జైన్‌ 13, హర్షిత్‌ రాణా 0, అర్ష్‌దీప్‌ సింగ్‌ 13 పరుగులు చేశారు. ఇండియా-సి బౌలర్లలో విజయ్‌కుమార్‌ వైశాఖ్‌ 3, అన్షుల్‌ కంబోజ్‌, హిమాన్షు చౌహన్‌ చెరో 2, మానవ్‌ సుతార్‌, హృతిక్‌ షొకీన్‌ తలో వికెట్‌ పడగొట్టారు.అనంతరం తొలి ఇన్నింగ్స్‌ ప్రారంభించిన ఇండియా-సి 17 ఓవర్లలో 3 వికెట్ల నష్టానికి 43 పరుగులు చేసింది. రుతురాజ్‌ గైక్వాడ్‌ (5), సాయి సుదర్శన్‌ (7), ఆర్యన్‌ జుయెల్‌ (12) ఔట్‌ కాగా.. రజత్‌ పాటిదార్‌ (13), బాబా ఇంద్రజిత్‌ (2) క్రీజ్‌లో ఉన్నారు.పాపం సంజూ.. ఇక్కడ కూడా అవకాశం దక్కలే..!రెండో మ్యాచ్‌కు ముందు ఇండియా-డి ఆటగాడు ఇషాన్‌ కిషన్‌ గాయపడటంతో సంజూ శాంసన్‌ జట్టులోకి వచ్చాడు. సంజూ తుది జట్టులో ఉండటం ఖాయమని అంతా అనుకున్నారు. అయితే మేనేజ్‌మెంట్‌ అనూహ్యంగా సంజూను పక్కన పెట్టి శ్రీకర్‌ భరత్‌కు తుది జట్టులోకి తీసుకుంది. ఇండియా-సితో మ్యాచ్‌లో సంజూ బెంచ్‌కే పరిమితమయ్యాడు. ఈ మ్యాచ్‌లో అవకాశం వస్తే తనను తాను నిరూపించుకుని టెస్ట్‌ జట్టులో చోటు కొట్టేయాలని సంజూ భావించాడు. చివరికి అతని ఆశలు అడియాశలుగా మిగిలిపోయాయి.

టీమిండియా స్టార్‌ క్రికెటర్‌ ఇషాన్‌ కిషన్‌ దులిప్‌ ట్రోఫీ-2024 ఆరంభ మ్యాచ్‌లకు దూరం కానున్నట్లు తెలుస్తోంది. గాయం కారణంగా అతడు ఇండియా-డి జట్టుకు అందుబాటులో ఉండకపోవచ్చని సమాచారం. అతడి స్థానంలో మరో భారత వికెట్‌ కీపర్‌ బ్యాటర్‌ టీమ్‌లోకి వచ్చే అవకాశం ఉన్నట్లు వార్తలు వినిపిస్తున్నాయి.సెంచరీతో కదం తొక్కికాగా గతేడాది దక్షిణాఫ్రికా పర్యటన నుంచి అర్ధంతరంగా స్వదేశానికి వచ్చిన ఇషాన్‌ కిషన్‌.. ఆ తర్వాత టీమిండియాలో మళ్లీ చోటు దక్కించుకోలేకపోయాడు. రంజీ ట్రోఫీలో ఆడాలన్న బీసీసీఐ ఆదేశాలను ధిక్కరించి సెంట్రల్‌ కాంట్రాక్టు కూడా కోల్పోయాడు. ఈ క్రమంలో దిద్దుబాటు చర్యలకు దిగిన ఈ వికెట్‌ కీపర్‌ బ్యాటర్‌ ఇటీవల బుచ్చిబాబు ఇన్విటేషనల్‌ టోర్నీ బరిలో దిగాడు.తమిళనాడు క్రికెట్‌ అసోసియేషన్‌ ఆధ్వర్యంలోని ఈ రెడ్‌బాల్‌ టోర్నమెంట్‌లో జార్ఖండ్‌ కెప్టెన్‌గా వ్యవహరించిన ఇషాన్‌ సెంచరీతో అలరించాడు. అయితే, తన జట్టును మాత్రం సెమీస్‌ రేసులో నిలపలేకపోయాడు. ఇదిలా ఉంటే.. ఈ టోర్నీ సందర్భంగానే ఇషాన్‌కు గాయమైనట్లు క్రిక్‌బజ్‌ వెల్లడించింది. ఫలితంగా.. సెప్టెంబరు 5న ఆరంభమయ్యే దులిప్‌ ట్రోఫీకి అతడు అందుబాటులో ఉండకపోవచ్చని పేర్కొంది.సంజూ శాంసన్‌కు చోటు?ఇషాన్‌ కిషన్‌ స్థానంలో కేరళ క్రికెటర్‌ సంజూ శాంసన్‌ ఇండియా-డి జట్టులో చోటు దక్కించుకునే అవకాశం ఉన్నట్లు తెలిపింది. కాగా సెప్టెంబరు 19 నుంచి టీమిండియా స్వదేశంలో బంగ్లాదేశ్‌తో టెస్టు సిరీస్‌ ఆడనుంది. ఈ మ్యాచ్‌లకు సన్నాహకంగా ఉపయోగపడుతుందనే ఉద్దేశంతో శుబ్‌మన్‌ గిల్‌, సూర్యకుమార్‌ యాదవ్‌, రిషభ్‌ పంత్‌, శ్రేయస్‌ అయ్యర్‌, కేఎల్‌ రాహుల్‌ తదితర టీమిండియా స్టార్లు దులిప్‌ ట్రోఫీ బరిలో దిగనున్నారు.ఇషాన్‌కు తప్పని కష్టాలుఈ టోర్నీలో సత్తా చాటి బంగ్లాతో సిరీస్‌కు ఎంపికకావాలని కొందరు.. జట్టులో స్థానం సుస్థిరం చేసుకోవాలని మరికొందరు పట్టుదలగా ఉన్నారు. అయితే, తీవ్రమైన పోటీనెలకొన్న తరుణంలో ఇషాన్‌ కిషన్‌ ఇప్పట్లో రీఎంట్రీ ఇవ్వకపోయినా.. కనీసం సెలక్టర్ల దృష్టిని ఆకర్షించే అవకాశం ఉండేది. కానీ గాయం తీవ్రతరమైతే అతడు ఈ ఎడిషన్‌ మొత్తానికి దూరమైతే.. మళ్లీ రంజీ దాకా వేచిచూడాల్సిందే!! ఏదేమైనా ఇషాన్‌కు ఇప్పట్లో కెరీర్‌ కష్టాల నుంచి విముక్తి లభించేలా కనిపించడం లేదు!!దులిప్‌ ట్రోఫీ: బీసీసీఐ ప్రకటించిన ఇండియా-డి జట్టుశ్రేయస్ అయ్యర్‌(కెప్టెన్), అథర్వ తైడే, యశ్ దూబే, దేవదత్ పడిక్కల్, ఇషాన్ కిషన్(వికెట్ కీపర్), రికీ భుయ్, శరణ్ జైన్, అక్షర్ పటేల్, అర్ష్‌దీప్‌ సింగ్, ఆదిత్య థాకరే, హర్షిత్ రాణా, తుషార్ దేశ్‌పాండే, ఆకాశ్ సేన్‌గుప్తా, కేఎస్ భరత్(వికెట్ కీపర్), సౌరభ్ కుమార్.చదవండి: Duleep Trophy 2024: అనంత‌పూర్‌ చేరుకున్న క్రికెట‌ర్లు

భార‌త‌ వికెట్ కీప‌ర్ బ్యాట‌ర్, జార్ఖండ్ కెప్టెన్ ఇషాన్ కిష‌న్ స‌రికొత్త అవతార‌మెత్తాడు. బుచ్చిబాబు టోర్న‌మెంట్‌లో భాగంగా హైద‌రాబాద్‌తో జ‌రుగుతున్న మ్యాచ్‌లో కిష‌న్ స్పిన్ బౌలింగ్ చేసి అంద‌ర‌ని ఆశ్చ‌ర్య‌ప‌రిచాడు.చెన్నై వేదిక‌గా జ‌రుగుతున్న ఈ మ్యాచ్‌ తొలి ఇన్నింగ్స్‌లో బ్యాట్‌తో విఫ‌ల‌మైన కిష‌న్‌.. బంతితో మాత్రం ఆక‌ట్టుకున్నాడు. హైద‌రాబాద్ బ్యాట‌ర్ టి ర‌వితేజ‌కు కిష‌న్ ఆఫ్ స్పిన్ బౌలింగ్ చేశాడు. రెండు ఓవర్లు వేసిన కిష‌న్ కేవ‌లం 5 ప‌రుగులు మాత్ర‌మే ఇచ్చాడు.ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వ‌తున్నాయి. కాగా ఇటీవల తన సహచర వికెట్‌ కీపర్‌ రిషబ్‌ పంత్‌ కూడా స్పిన్‌ బౌలింగ్‌ చేసి అందరిని షాక్‌ గురిచేశాడు. ఢిల్లీ ప్రీమియర్‌​ లీగ్‌లో పంత్‌ స్పిన్నర్‌గా మారాడు. ఇప్పుడు కిషన్‌ కూడా తన బౌలింగ్‌ స్కిల్స్‌ను ప్రదర్శించాడు.ఇక మధ్యప్రదేశ్‌తో జరిగిన మ్యాచ్‌లో రెండు ఇన్నింగ్స్‌లో వరుసగా 114, 41 (నాటౌట్‌) పరుగులతో ఇషాన్‌ అలరించాడు. అయితే రెండో మ్యాచ్‌లో మాత్రం కిష‌న్ త‌న మార్క్‌ను చూపించ‌లేక‌పోయాడు. కాగా దేశ‌వాళీ క్రికెట్‌లో ఆడాల‌న్న త‌మ‌ ఆదేశాల‌ను దిక్క‌రించ‌డంతో కిష‌న్‌పై బీసీసీఐ వేటు వేసిన సంగ‌తి తెలిసిందే. కిష‌న్ చివ‌ర‌గా భార‌త్ త‌ర‌పున‌ గ‌తేడాది వన్డే ప్ర‌పంచ‌క‌ప్‌లో ఆడాడు. The Bowler Ishan Kishan in the town you all 😎🔥@ishankishan51 #IshanKishan #BuchiBabuTournament pic.twitter.com/AvgkAfDibE— Ishan's💙🧘‍♀️ (@IshanWK32) August 22, 2024

భారత క్రికెట్‌ జట్టులో పునరాగమనమే లక్ష్యంగా యువ వికెట్‌ కీపర్‌ బ్యాటర్‌ ఇషాన్‌ కిషన్‌ ముందుకు సాగుతున్నాడు. స్వీయ తప్పిదాల వల్ల జట్టులో చోటు కోల్పోయిన అతడు.. వాటిని సరిదిద్దుకునే ప్రయత్నం చేస్తున్నాడు. ఇందులో భాగంగానే బుచ్చిబాబు టోర్నమెంట్‌ ద్వారా దేశవాళీ క్రికెట్‌లో రీఎంట్రీ ఇచ్చిన ఈ జార్ఖండ్‌ చోటా డైనమైట్‌.. సెంచరీతో చెలరేగాడు.తదుపరి దులిప్‌ ట్రోఫీలోమధ్యప్రదేశ్‌తో జరిగిన మ్యాచ్‌లో రెండు ఇన్నింగ్స్‌లో వరుసగా 114, 41 (నాటౌట్‌) పరుగులతో ఇషాన్‌ అలరించాడు. ఈ టోర్నీలో జార్ఖండ్‌ కెప్టెన్‌గా వ్యవహరిస్తున్న ఇషాన్‌ కిషన్‌ తదుపరి దులిప్‌ ట్రోఫీలోనూ ఆడనున్నాడు. శ్రేయస్‌ అయ్యర్‌ సారథ్యంలోని టీమ్‌-డిలో వికెట్‌ కీపర్‌గా సేవలు అందించనున్నాడు.ఈ రెడ్‌బాల్‌ టోర్నీలోనూ నిరూపించుకుంటే ఇషాన్‌ కిషన్‌ బంగ్లాదేశ్‌తో టెస్టు సిరీస్‌ సందర్భంగా రీఎంట్రీ ఇవ్వడం ఖాయమనే అభిప్రాయాలు వ్యక్తమవుతున్నాయి. అయితే, పాకిస్తాన్‌ మాజీ క్రికెటర్‌ బసిత్‌ అలీ మాత్రం ఆ అవకాశం లేదంటున్నాడు. ఇప్పట్లో ఇషాన్‌కు టీమిండియా సెలక్టర్ల పిలుపురాదని.. జాతీయ జట్టులో చోటుపై ఆశలు పెట్టుకోవడం మాని.. ఐపీఎల్‌పై దృష్టి సారించాలని అతడికి హితవు పలికాడు.అప్పటిదాకా నో ఛాన్స్‌.. ఐపీఎల్‌పై ఫోకస్‌ పెడితే మంచిదిచాంపియన్స్‌ ట్రోఫీ-2025 వరకు ఇషాన్‌ కిషన్‌ పేరును బీసీసీఐ సెలక్టర్లు పరిశీలించకపోవచ్చునని అభిప్రాయపడ్డాడు. ‘‘ఆస్ట్రేలియా సిరీస్‌ దాకా ఇషాన్‌ కిషన్‌ వేచి చూడాల్సిందే. అయితే, అంతకంటే ఎక్కువగా అతడు ఐపీఎల్‌పైన ఫోకస్‌ పెడితే మంచిది. నాకు తెలిసి చాంపియన్స్‌ ట్రోఫీ వరకు కూడా ఇషాన్‌ రీఎంట్రీ కుదరకపోవచ్చు’’ అని పాక్‌ మాజీ బ్యాటర్‌ బసిత్‌ అలీ యూట్యూబ్‌ చానెల్‌ వేదికగా తన అభిప్రాయాలు పంచుకున్నాడు.పంత్‌ రాకతో ఇషాన్‌కు చిక్కులుకాగా గతేడాది జట్టుతో పాటు దక్షిణాఫ్రికా పర్యటనకు వెళ్లిన ఇషాన్‌ కిషన్‌ అర్ధంతరంగా స్వదేశానికి తిరిగి వచ్చేశాడు. మానసిక ఆందోళన కారణం చూపి సెలవు తీసుకున్న ఇషాన్‌.. తిరిగి జట్టులోకి రావాలంటే దేశవాళీ క్రికెట్‌ ఆడాలన్న బీసీసీఐ ఆదేశాలను బేఖాతరు చేశాడు. ఫలితంగా సెంట్రల్‌ కాంట్రాక్టు కోల్పోయాడు. ఈ నేపథ్యంలో సెలక్టర్ల దృష్టిని ఆకర్షించే క్రమంలో డొమెస్టిక్‌ క్రికెట్‌పై దృష్టి సారించాడు. అయితే, బంగ్లాదేశ్‌తో సెప్టెంబరు 19 నుంచి టెస్టు సిరీస్‌ ఆరంభం నేపథ్యంలో స్టార్‌ వికెట్‌ కీపర్‌ రిషభ్‌ పంత్‌ (పునరాగమనం), ధ్రువ్‌ జురెల్‌ రూపంలో కీపర్‌ కోటాలో ఇషాన్‌కు గట్టి పోటీ ఎదురుకానుంది. మరోవైపు కేఎస్‌ భరత్‌ కూడా రేసులో ఉండే అవకాశం ఉంది.చదవండి: బుమ్రా ఓకే.. రోహిత్‌, కోహ్లికి రెస్ట్‌ అవసరమా?: టీమిండియా దిగ్గజం

టీమిండియా యువ వికెట్‌కీపర్‌ బ్యాటర్‌ ఇషాన్‌ కిషన్‌ బంగ్లాదేశ్‌ పర్యటనకు ముందు భారత సెలెక్టర్లకు సరికొత్త తలనొప్పులు తెచ్చిపెట్టాడు. బుచ్చి బాబు టోర్నీలో వరుసగా సెంచరీ (114), మ్యాచ్‌ విన్నింగ్‌ ఇన్నింగ్స్‌ (41 నాటౌట్‌) ఆడిన ఇషాన్‌.. బ్యాట్‌తో సెలెక్టర్లకు సవాలు విసిరాడు. బంగ్లాదేశ్‌ పర్యటన నేపథ్యంలో భారత బ్యాటింగ్‌ లైనప్‌ ఇప్పటికే ఖాళీ లేకుండా ఉంది. ఇప్పుడు ఇషాన్‌ కొత్తగా రేసులోకి వచ్చి సీనియర్ల స్థానాలను ప్రశ్నార్థకంగా మార్చాడు. భారత సెలెక్టర్లు బంగ్లాదేశ్‌ పర్యటనకు ఇషాన్‌ను ఎంపిక చేస్తారో లేదో వేచి చూడాలి.Ishan Kishan - the hero of Jharkhand !!!- Jharkhand needed 12 with 2 wickets in hands, captain smashed 6,0,6 to seal the game. pic.twitter.com/3uTqFF1KI2— Mufaddal Vohra (@mufaddal_vohra) August 18, 2024బుచ్చి బాబు టోర్నీలో భాగంగా జార్ఖండ్‌, మధ్య ప్రదేశ్‌ మధ్య జరిగిన మ్యాచ్‌ విషయానికొస్తే.. ఈ మ్యాచ్‌ను జార్ఖండ్‌ కెప్టెన్‌ అయిన ఇషాన్‌ కిషన్‌ స్టయిల్‌గా ముగించాడు. తన జట్టు గెలుపుకు 12 పరుగులు అవసరం కాగా.. ఇషాన్‌ రెండు సిక్సర్లతో మ్యాచ్‌ను ఫినిష్‌ చేశాడు. ఇషాన్‌ విన్నింగ్‌ షాట్‌కు సంబంధించిన వీడియో ప్రస్తుతం సోషల్‌మీడియాలో వైరలవుతుంది.

తమ కఠిన వైఖరి కారణంగానే టీమిండియా స్టార్లలో మార్పు వచ్చిందని భారత క్రికెట్‌ నియంత్రణ మండలి(బీసీసీఐ) కార్యదర్శి జై షా అన్నాడు. యువ క్రికెటర్లు శ్రేయస్‌ అయ్యర్‌, ఇషాన్‌ కిషన్‌ దేశవాళీ టోర్నీల్లో ఆడటమే ఇందుకు నిదర్శనమని పేర్కొన్నాడు. కేవలం వీరిద్దరిని దృష్టిలో పెట్టుకుని నిబంధనలు ప్రవేశపెట్టలేదని.. అందరి కంటే ముందుగా రవీంద్ర జడేజా విషయంలో తాను ఈ వైఖరి అవలంబించినట్లు తెలిపాడు.బోర్డు ఆదేశాలను లెక్కచేయలేదుసెంట్రల్‌ కాంట్రాక్టు ఉన్న భారత క్రికెటర్లు ఫిట్‌గా ఉండి, జాతీయ జట్టుకు దూరంగా ఉన్న సమయంలో కచ్చితంగా దేశవాళీ క్రికెట్‌ ఆడాలని బీసీసీఐ నిబంధనలు ప్రవేశపెట్టిన విషయం తెలిసిందే. అయితే, వికెట్‌ కీపర్‌ బ్యాటర్‌ ఇషాన్‌ కిషన్‌, మిడిలార్డర్‌ బ్యాటర్‌ శ్రేయస్‌ అయ్యర్‌ బోర్డు ఆదేశాలను లెక్కచేయలేదు. ఈ నేపథ్యంలో వీరిద్దరిని సెంట్రల్‌ కాంట్రాక్టు నుంచి తప్పిస్తూ బీసీసీఐ నిర్ణయం తీసుకుంది.క్రమశిక్షణా రాహిత్యానికి పాల్పడ్డారన్న కారణంగా ఈ మేరకు కఠిన చర్యలు చేపట్టింది. ఈ క్రమంలో పొరపాటు సరిచేసుకున్న శ్రేయస్‌ ఇప్పటికే రంజీల్లో ఆడి శ్రీలంకతో వన్డే సిరీస్‌ జట్టులో చోటు దక్కించుకోగా.. ఇషాన్‌ సైతం దులిప్‌ ట్రోఫీ-2024 బరిలో దిగేందుకు సిద్ధమయ్యాడు. ఈ విషయం గురించి జై షా స్పందిస్తూ... ‘‘రోహిత్‌ శర్మ, విరాట్‌ కోహ్లి మినహా మిగతా వాళ్లంతా దులిప్‌ ట్రోఫీ ఆడబోతున్నారు.నా కఠిన నిర్ణయాల వల్లే ఇలానేను కఠినమైన నిర్ణయాలు తీసుకున్నందు వల్లే ఇది సాధ్యమైంది. శ్రేయస్‌ అయ్యర్‌, ఇషాన్‌ కిషన్‌ కూడా ఈ టోర్నీలో భాగమయ్యారు. మేము స్ట్రిక్ట్‌గా ఉండాలనే నిర్ణయించుకున్నాం. నిజానికి రవీంద్ర జడేజా గాయం కారణంగా జట్టుకు దూరమైనపుడు.. నేను తనకి కాల్‌ చేశాను.కోలుకున్న తర్వాత ముందుగా దేశవాళీ క్రికెట్‌ ఆడాలని సూచించాను. జడేజా అందుకు తగ్గట్లుగా ముందుగా రంజీ మ్యాచ్‌ ఆడి ఆ తర్వాత టీమిండియాలోకి వచ్చాడు. ఆటగాళ్లు గాయపడటం సహజం. అయితే, గాయం కారణంగా జట్టుకు దూరమైన ఆటగాళ్లు తిరిగి ఫిట్‌నెస్‌ సాధించడంతో పాటు డొమెస్టిక్‌ క్రికెట్‌ ఆడితేనే జాతీయ జట్టుకు ఎంపిక చేస్తామని చెప్పాం’’ అని జై షా టైమ్స్‌ ఆఫ్‌ ఇండియాతో పేర్కొన్నాడు. సెప్టెంబరు 5 నుంచిఅయితే, కెప్టెన్‌ రోహిత్‌ శర్మ, స్టార్‌ బ్యాటర్‌ విరాట్‌ కోహ్లి మాత్రం ఇందుకు మినహాయింపు అని జై షా స్పష్టం చేశాడు. కాగా సెప్టెంబరు 5 నుంచి దేశవాళీ రెడ్‌బాల్‌ టోర్నీ దులిప్‌ ట్రోఫీ ఆరంభం కానుంది. స్వదేశంలో బంగ్లాదేశ్‌తో రెండు మ్యాచ్‌ల టెస్టు సిరీస్‌కు ముందుకు టీమిండియా స్టార్లు ఈ టోర్నమెంట్‌ బరిలో దిగనున్నారు. చదవండి: Ind vs Ban: టీమిండియాలో చోటు దక్కదని తెలుసు.. అయినా!

టీమిండియా యువ క్రికెటర్‌ ఇషాన్‌ కిషన్‌ రెడ్‌బాల్‌ క్రికెట్‌ పునరాగమనం అదిరిపోయింది. ఆకాశమే హద్దుగా 86 బంతుల్లోనే శతక్కొట్టాడు ఈ జార్ఖండ్‌ డైనమైట్‌. భారత జట్టులో చోటే లక్ష్యంగా కఠినంగా శ్రమిస్తున్నానని సెలక్టర్లకు తన సెంచరీతో సందేశం పంపించాడు. దక్షిణాఫ్రికా పర్యటనలో తనను ఉద్దేశపూర్వకంగా బెంచ్‌కే పరిమితం చేశారని ఇషాన్‌ కిషన్‌ మధ్యలోనే నిష్క్రమించినట్లు వార్తలు వచ్చిన విషయం తెలిసిందే.రంజీల్లో ఆడనందుకు వేటు మానసిక ఇబ్బందులు అని చెప్పి ఆ టూర్‌ మధ్యలోనే స్వదేశానికి తిరిగి వచ్చిన ఈ వికెట్‌ కీపర్‌ బ్యాటర్‌.. తదుపరి కుటుంబంతో ట్రిప్‌నకు వెళ్లాడు. ఈ నేపథ్యంలో ఇషాన్‌పై కన్నెర్ర చేసిన భారత క్రికెట్‌ నియంత్రణ మండలి.. దేశవాళీ క్రికెట్‌ ఆడిన తర్వాతే టీమిండియాలో మళ్లీ చోటు దక్కుతుందని అతడికి స్పష్టం చేసింది. అయినప్పటికీ.. స్వరాష్ట్రానికి చెందిన జార్ఖండ్‌ తరఫున రంజీల్లో ఆడటానికి అతడు నిరాకరించాడు.ఫలితంగా సెంట్రల్‌ కాంట్రాక్టు నుంచి తప్పిస్తూ బీసీసీఐ కఠిన నిర్ణయం తీసుకుంది. ఆ తర్వాత ఐపీఎల్‌-2024లో ఇషాన్‌ కిషన్‌ ఆకట్టుకోలేకపోయాడు. ఈ నేపథ్యంలో కెరీర్‌పై దృష్టి సారించిన ఈ జార్ఖండ్‌ బ్యాటర్‌... బుచ్చిబాబు టోర్నమెంట్‌ ద్వారా తిరిగి రెడ్‌బాల్‌ క్రికెట్‌లో అడుగుపెట్టాడు. జార్ఖండ్‌కు కెప్టెన్‌గా బరిలోకి దిగిన ఈ డైనమైట్‌.. మధ్యప్రదేశ్‌తో తమ తొలి మ్యాచ్‌లో శతకంతో కదం తొక్కాడు.సిక్సర్‌తో సెంచరీ పూర్తిసిక్సర్‌తో సెంచరీ మార్కు అందుకున్న ఈ లెఫ్టాండర్‌ బ్యాటర్‌.. జట్టును పటిష్ట స్థితిలో నిలిపాడు. అంతకుముందు.. మధ్యప్రదేశ్‌ ఇన్నింగ్స్‌ సమయంలో మూడు అద్భుత క్యాచ్‌లతో మెరిసి వికెట్‌ కీపర్‌గానూ తనను తాను నిరూపించుకున్నాడు 26 ఏళ్ల ఇషాన్‌ కిషన్‌. కాగా జార్ఖండ్‌తో మ్యాచ్‌లో మధ్యప్రదేశ్‌ 225 పరుగులకు ఆలౌట్‌ అయింది. రెండో రోజు ఆటలో భాగంగా ఇషాన్‌ సెంచరీ కారణంగా జార్ఖండ్‌ 69.1 ఓవర్లోనే 233 పరుగుల మార్కు అందుకుంది. ఇక టీమిండియా తరఫున ఈ జార్ఖండ్‌ కెప్టెన్‌ చివరగా 2023 నవంబరులో ఆస్ట్రేలియాతో టీ20 సిరీస్‌లో భాగమయ్యాడు.చదవండి: తప్పంతా ఆమెదేనా?.. ఇంకా మగాడు మగాడే అంటారా?: సిరాజ్‌ పోస్ట్‌ వైరల్‌ISHAN KISHAN YOU’RE SO ICONIC!!!Ishan Kishan 100 in 86 balls!!#IshanKishan pic.twitter.com/I37dgcnciS— shrey (@slidinjun) August 16, 2024

టీమిండియా యువ వికెట్‌ కీపర్‌ బ్యాటర్‌ ఇషాన్‌ కిషన్‌ దేశవాళీ క్రికెట్‌ బాటపట్టాడు. జాతీయ జట్టులో పునరాగమనం చేయాలని పట్టుదలగా ఉన్న ఈ డాషింగ్‌ క్రికెటర్‌ తాజాగా బుచ్చిబాబు టోర్నమెంట్‌ బరిలో దిగాడు. ఈ రెడ్‌బాల్‌ టోర్నీలో సొంత రాష్ట్రం జార్ఖండ్‌ జట్టు కెప్టెన్‌గా బాధ్యతలు చేపట్టిన ఇషాన్‌ కిషన్‌.. తొలిరోజు శుభారంభం అందుకున్నాడు.బుచ్చిబాబు టోర్నీలో భాగంగా గ్రూప్‌-ఏలో ఉన్న మధ్యప్రదేశ్‌తో జార్ఖండ్‌ తొలి మ్యాచ్‌ ఆడుతోంది. గురువారం మొదలైన ఈ మ్యాచ్‌లో తొలి రోజు ఆట ముగిసే సరికి జార్ఖండ్‌ మధ్యప్రదేశ్‌ జట్టును 224-8కు కట్టడి చేసింది. ప్రత్యర్థిని నామమాత్రపు స్కోరుకు కట్టడి చేయడంలో కెప్టెన్‌ ఇషాన్‌ కిషన్‌ కీలక పాత్ర పోషించాడు.సూపర్‌ క్యాచ్‌ అందుకున్న ఇషాన్‌ అద్భుతమైన వికెట్‌ కీపింగ్‌ నైపుణ్యాలతో ఆకట్టుకుని మూడు వికెట్లు పడగొట్టడంలో భాగం పంచుకున్నాడు. ముఖ్యంగా క్రీజులో నిలదొక్కుకుని.. జార్ఖండ్‌ బౌలర్లకు చుక్కలు చూపించిన మధ్యప్రదేశ్‌ లెఫ్టాండర్‌ బ్యాటర్‌ శుభం కువాష్‌ ఇచ్చిన క్యాచ్‌ తనదైన స్టైల్లో ఒడిసిపట్టి వారెవ్వా అనిపించాడు. 74వ ఓవర్లో ఆఫ్‌ స్పిన్నర్‌ ఆదిత్య సింగ్‌ వేసిన బంతిని తప్పుగా అంచనా వేసిన శుభం(84).. షాట్‌ ఆడేందుకు ప్రయత్నించి విఫలమయ్యాడు.బ్యాట్‌ ఎడ్జ్‌ని తాకిన బాల్‌ తన వైపునకు రాగానే ఇషాన్‌ కిషన్‌ ఏమాత్రం పొరపాటు చేయకుండా క్యాచ్‌ అందుకున్నాడు. మిస్‌ అవుతుందనుకున్న బంతిని ఒడిసిపట్టి శుభంను డిస్మిస్‌ చేశాడు. ఇందుకు సంబంధించిన వీడియో నెట్టింట వైరల్‌గా మారింది. కాగా మధ్యప్రదేశ్‌తో మ్యాచ్‌లో శుభంతో పాటు చంచల్‌ రాథోడ్‌, రామ్‌వీర్‌ గుర్జార్‌ వికెట్లు పడగొట్టడంలోనూ ఇషాన్‌ కిషన్‌ కీపర్‌గా తన బాధ్యతను సమర్థవంతంగా నిర్వర్తించాడు. కాగా గతేడాది దక్షిణాఫ్రికా పర్యటన మధ్యలోనే టీమిండియాను వీడిన ఇషాన్‌ కిషన్‌.. రంజీలు ఆడాలన్న బీసీసీఐ ఆదేశాలను బేఖాతరు చేశాడు. ఈ క్రమంలో సెంట్రల్‌ కాంట్రా క్టు కోల్పోయాడు. దీంతో దిద్దుబాటు చర్యలకు దిగిన ఇషాన్‌.. తొలుత బుచ్చిబాబు టోర్నీతో దేశవాళీ క్రికెట్‌ మొదలు పెట్టాడు. బుచ్చిబాబు టోర్నమెంట్‌- ఏగ్రూపులో ఏ జట్లు?తమిళనాడు క్రికెట్‌ అసోసియేషన్‌ ఆధ్వర్యంలో బుచ్చిబాబు టోర్నమెంట్‌ నిర్వహిస్తున్నారు. నాలుగు రోజుల మ్యాచ్‌ల ఈ రెడ్‌బాల్‌ టోర్నీలో మొత్తం 12 జట్లు పాల్గొంటున్నాయి. వీటిని నాలుగు గ్రూపులుగా విభజించారు. గ్రూప్‌-ఏలో డిఫెండింగ్‌ చాంపియన్‌ మధ్యప్రదేశ్‌తో పాటు జార్ఖండ్‌, హైదరాబాద్‌.. గ్రూప్‌-బిలో రైల్వేస్‌, గుజరాత్‌, తమిళనాడు ప్రెసిడెంట్స్‌ ఎలెవన్‌, గ్రూప్‌-సిలో ముంబై, హర్యానా, తమిళనాడు ప్రెసింగ్‌ ఎలెవన్‌ 2, గ్రూప్‌-డిలో జమ్మూ కశ్మీర్‌, బరోడా, ఛత్తీస్‌గఢ్‌ జట్లు ఉన్నాయి. ప్రతి గ్రూప్‌లో టాప్‌-2లో నిలిచిన జట్లు సెమీ ఫైనల్‌కు అర్హత సాధిస్తాయి. ఆగష్టు 15- సెప్టెంబరు 5 వరకు ఈ టోర్నీ జరుగనుంది. Ishan Kishan in good rhythm. 💥- Great piece of wicketkeeping!pic.twitter.com/sjnsGZTaQF— Mufaddal Vohra (@mufaddal_vohra) August 15, 2024

టీమిండియా యువ వికెట్ కీప‌ర్ ఇషాన్ కిష‌న్ ఫస్ట్‌క్లాస్ క్రికెట్‌లో రీ ఎంట్రీ ఇచ్చేందుకు సిద్ద‌మయ్యాడు. బుచ్చి బాబు టోర్నమెంట్‌లో జార్ఖండ్ జ‌ట్టుకు కిష‌న్‌ సార‌థ్యం వ‌హించ‌నున్నాడు. ఈ విష‌యాన్ని జార్ఖండ్ స్టేట్ క్రికెట్ అసోసియేషన్ ధ్రువీక‌రించిన‌ట్లు ఈఎస్పీఎన్ క్రిక్ ఇన్ ఫో త‌మ క‌థ‌నంలో పేర్కొంది. ఈ బుచ్చిబాబు టోర్నీ చెన్నై వేదిక‌గా ఆగస్టు 15 నుంచి ప్రారంభం కానుంది. ఈ టోర్నీ కోసం జార్ఖండ్ జ‌ట్టు ఇప్ప‌టికే చెన్నైకు చేరుకుంది. కాగా తొలుత కిష‌న్ ఈ టోర్నీకి దూరంగా ఉండాల‌ని భావించాండంట. ఈ క్రమంలోనే మొదట ప్రకటించిన జార్ఖండ్ జట్టులో కిషన్‌కు జెఎస్‌సీఎ సెలక్టర్లు చోటివ్వలేదు.అయితే తర్వాత ఇషాన్ తన నిర్ణయాన్ని మార్చకుని, ఈ బుచ్చిబాబు టోర్నీకి అందుబాటులో ఉంటానని జెఎస్‌సీఎకు తెలియజేశాడు. ఈ నేపథ్యంలోనే తమ జట్టు పగ్గాలను అతడికి జార్ఖండ్‌ స్టేట్ క్రికెట్ అసోసియేషన్ అప్పగించింది. కిషన్‌ బుధవారం(ఆగస్టు 14) చెన్నైలో ఉన్న తన జట్టుతో కలవనున్నట్లు తెలుస్తోంది. ఇక ఈ టోర్నీలో కిషన్‌ అద్భుతంగా రాణిస్తే భారత క్రికెట్‌లో తిరిగి పునరాగమనం చేసే అవకాశముంటుంది. కాగా దేశ‌వాళీ క్రికెట్‌లో ఆడాల‌న్న త‌మ‌ ఆదేశాల‌ను దిక్క‌రించ‌డంతో కిష‌న్‌పై బీసీసీఐ వేటు వేసిన సంగ‌తి తెలిసిందే. జాతీయ జ‌ట్టులో చోటుతో పాటు బీసీసీఐ సెంట్రల్ కాంట్రాక్ట్‌ను ఈ జార్ఖండ్ డైన‌మెట్ కోల్పోయాడు.అసలేంటి ఈ బుచ్చి బాబు టోర్నీ..?దక్షిణాది భారత క్రికెట్ పితామహుడు ఎం. బుచ్చి బాబు నాయుడు(మోతవరపు వెంకట మహిపతి నాయుడు) పేరు మీద ఈ టోర్నీని నిర్వహిస్తున్నారు. దాదాపు ఆరేళ్ల తర్వాత ఈ టోర్నీ జరగనుంది. చివరగా 2017లో జరిగింది. ఈ ఏడాది టోర్నీలో మొత్తం 12 జట్లు పాల్గోనున్నాయి. వాటిని రెండు గ్రూపులుగా విభిజించారు. తమిళనాడులోని తిరునెల్వేలి, కోయంబత్తూరు, సేలం, నాథమ్ వేదికగా మ్యాచ్‌లు జరగనున్నాయిజట్లు ఇవేగ్రూప్ ఎ: మధ్యప్రదేశ్(డిఫెండింగ్ ఛాంపియన్ ), జార్ఖండ్, హైదరాబాద్గ్రూప్ బి: రైల్వేస్, గుజరాత్, TNCA ప్రెసిడెంట్స్ XIగ్రూప్ సి: ముంబై, హర్యానా, TNCA XIగ్రూప్ డి: జమ్మూ & కాశ్మీర్, బరోడా, ఛత్తీస్‌గఢ్‌

బీసీసీఐ అ‍గ్రహానికి గురైన టీమిండియా యువ వికెట్ కీపర్ బ్యాటర్ ఇషాన్ కిషన్ వెనక్కి తగ్గినట్లు తెలుస్తోంది. క్రిక్‌బజ్ రిపోర్ట్ ప్రకారం.. ఇషాన్ కిషన్ రాబోయే దేశీవాళీ క్రికెట్ సీజన్‌లో జార్ఖండ్ తరపున ఆడ‌నున్న‌ట్లు స‌మాచారం. రంజీ ట్రోఫీ 2024-25 సీజ‌న్‌లో జార్ఖండ్ కెప్టెన్‌గా కిష‌న్ వ్య‌వ‌హ‌రించే అవకాశ‌ముంద‌ని క్రిక్‌బ‌జ్ తెలిపింది. వ‌చ్చే రంజీ ట్రోఫీ సీజ‌న్‌కు సంబంధించి 25 మంది స‌భ్యుల‌తో కూడిన జార్ఖండ్ జ‌ట్టులో కిష‌న్ పేరును ఆ రాష్ట్ర‌ క్రికెట్ అసోసియేషన్ చేర్చిన‌ట్లు వార్త‌లు వినిపిస్తున్నాయి. కాగా గ‌తేడాది డిసెంబ‌ర్‌లో ద‌క్షిణాఫ్రికా ప‌ర్య‌ట‌న‌కు వెళ్లిన ఇషాన్ కిష‌న్‌.. వ్య‌క్తిత కార‌ణాల‌తో సిరీస్ మ‌ధ్య‌లోనే స్వ‌దేశానికి వ‌చ్చేశాడు. అయితే జనవరిలో భారత జట్టు ఇంగ్లండ్‌తో ఆడిన ఐదు మ్యాచ్‌ల టెస్టు సిరీస్‌కు ముందు సెలక్టర్లు ఇషాన్‌ పేరును పరిగణనలోకి తీసుకోవాలంటే దేశవాళీలు ఆడాలని కోరారు.కానీ సెల‌క్ట‌ర్ల ఆదేశాల‌ను కిష‌న్ ప‌రిగ‌ణ‌లోకి తీసుకోలేదు. దీంతో అత‌డి స్ధానంలో ఆసీస్ సిరీస్‌కు ధ్రువ్ జురెల్‌ను సెల‌క్ట‌ర్లు ఎంపిక చేశారు. ఆ త‌ర్వాత కూడా కిష‌న్ దేశీవాళీ క్రికెట్ ఆడ‌లేదు. దేశీ వాళీ క్రికెట్ కాకుండా ఐపీఎల్‌-2024 కోసం ప్రాక్టీస్ చేసుకోవ‌డం వంటి ఆంశాలు బీసీసీఐ అగ్రహాం తెప్పించాయి. దీంతో అతడిని సెంట్రల్‌ కాంట్రాక్ట్‌ నుంచి బీసీసీఐ తప్పించింది. అప్పటి నుంచి జాతీయ జట్టు ఎంపికలో కిషన్‌ను సెలక్టర్లు పరిగణలోకి తీసుకోలేదు. కిష‌న్ చివ‌ర‌గా భార‌త్ త‌ర‌పున 2023 వ‌న్డే ప్ర‌పంచ‌క‌ప్‌లో ఆడాడు. ఇప్పుడు మ‌ళ్లీ భార‌త త‌ర‌పున రీ ఎంట్రీ ఇవ్వాలంటే దేశీవాళీ క్రికెట్‌లో ఆడ‌ట‌మే కిష‌న్ ముందున్న ఏకైక ఆప్షన్‌. ఈ క్రమంలోనే కిషన్‌ రంజీల్లో ఆడాలని నిర్ణయించుకున్నట్లు తెలుస్తోంది. అయితే దులీప్‌ ట్రోఫీకి మాత్రం కిషన్‌ దూరంగా ఉండాలని నిర్ణయించుకున్నాడంట.

టీమిండియా స్టార్ ప్లేయ‌ర్‌, కేకేఆర్ కెప్టెన్ శ్రేయ‌స్ అయ్య‌ర్ దాదాపు 8 నెల‌ల త‌ర్వాత జాతీయ జ‌ట్టులోకి రీఎంట్రీ ఇచ్చాడు. శ్రీలంక‌తో వ‌న్డే సిరీస్‌కు అజిత్ అగార్కర్ నేతృత్వంలోని బీసీసీఐ సెలక్షన్ కమిటీ అయ్యర్‌ను ఎంపిక చేసింది. కాగా దేశీవాళీ క్రికెట్‌లో ఆడాలన్న తమ ఆదేశాలను ధిక్కరించినందు అయ్యర్‌పై బీసీసీఐ ‍క్రమశిక్షణ చర్యలు తీసుకున్న సంగతి తెలిసిందే.అదేవిధంగా అతడిని సెంట్రల్ కాంట్రాక్ట్ నుంచి సైతం బీసీసీఐ తప్పించింది. అయితే తన తప్పు తెలుసుకున్న అయ్యర్ గత రంజీ ట్రోఫీ ఫైనల్లో ముంబై జట్టుకు ఆడాడు. అంతేకాకుండా జాతీయ జట్టు తరపున రీ ఎంట్రీ ఇచ్చేందుకు తీవ్రంగా శ్రమించాడు. అయితే ఇప్పుడు భారత కొత్త హెడ్ కోచ్‌గా గౌతం గంభీర్ బాధ్యతలు చేపట్టడంతో అయ్యర్‌కు మళ్లీ జాతీయ జట్టులోకి వచ్చేందుకు తలుపులు తెరుచుకున్నాయి. గంభీర్‌కు అయ్యర్‌కు మంచి అనుబంధం ఉంది. ఐపీఎల్‌-2024 విజేతగా నిలిచిన కేకేఆర్ జట్టుకు అయ్యర్ కెప్టెన్ కాగా.. గంభీర్ మెంటార్‌గా పనిచేశాడు. గంభీర్ సూచనలతోనే అయ్యర్‌ను మళ్లీ సెలక్టర్లు పిలుపినిచ్చినట్లు తెలుస్తోంది. అయ్యర్ కాంట్రాక్ట్‌పై కూడా బీసీసీఐ పునారాలోచనచేయనున్నట్లు సమాచారం. ఇక అయ్యర్‌తో పాటు బీసీసీఐ అగ్రహానికి గురైన మరో క్రికెటర్ ఇషాన్ కిషన్ పరిస్థితి ఏంటి అని క్రీడా వర్గాల్లో తెగ చర్చనడుస్తోంది.కిషన్ రీ ఎంట్రీ ఎప్పుడు?కాగా గ‌తేడాది డిసెంబ‌ర్‌లో ద‌క్షిణాఫ్రికా ప‌ర్య‌ట‌న‌కు వెళ్లిన ఇషాన్ కిష‌న్‌.. వ్య‌క్తిత కార‌ణాల‌తో సిరీస్ మ‌ధ్య‌లోనే స్వ‌దేశానికి వ‌చ్చేశాడు. అయితే జనవరిలో భారత జట్టు ఇంగ్లండ్‌తో ఆడిన ఐదు మ్యాచ్‌ల టెస్టు సిరీస్‌కు ముందు సెలక్టర్లు ఇషాన్‌ పేరును పరిగణనలోకి తీసుకోవాలంటే దేశవాళీలు ఆడాలని కోరారు. కానీ సెల‌క్ట‌ర్ల ఆదేశాల‌ను కిష‌న్ ప‌రిగ‌ణ‌లోకి తీసుకోలేదు. దీంతో అత‌డి స్ధానంలో ఆసీస్ సిరీస్‌కు ధ్రువ్ జురెల్‌ను సెల‌క్ట‌ర్లు ఎంపిక చేశారు. ఆ త‌ర్వాత కూడా కిష‌న్ దేశీవాళీ క్రికెట్ ఆడ‌లేదు. దేశీ వాళీ క్రికెట్ కాకుండా ఐపీఎల్‌-2024 కోసం ప్రాక్టీస్ చేసుకోవ‌డం వంటి ఆంశాలు బీసీసీఐ అగ్రహాం తెప్పించాయి.దీంతో అతడిని సెంట్రల్‌ కాంట్రాక్ట్‌ నుంచి బీసీసీఐ తప్పించింది. అప్పటి నుంచి జాతీయ జట్టు ఎంపికలో కిషన్‌ను సెలక్టర్లు పరిగణలోకి తీసుకోలేదు. అయితే ఇషాన్‌ కిషన్‌ తిరిగి జట్టులోకి ఎంట్రీ ఇవ్వాలంటే కచ్చితంగా దేశవాళీ క్రికెట్ సీజన్‌ మొత్తం ఆడాల్సిందే అని క్రికెట్‌ నిపుణులు అభిప్రాయపడుతున్నారు. కాగా వన్డేల్లో అయ్యర్‌కు డబుల్‌ సెంచరీ ఉన్న సంగతి తెలిసిందే.భారత టీ20 జట్టు: సూర్యకుమార్ యాదవ్ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), యశస్వి జైస్వాల్, రిషబ్‌ పంత్, రింకూ సింగ్‌, సంజూ శాంసన్, హార్దిక్ పాండ్యా, శివమ్‌ దూబే, అక్షర్ పటేల్‌, వాషింగ్టన్‌ సుందర్, రవి బిష్ణోయ్, అర్ష్‌దీప్ సింగ్‌, ఖలీల్ అహ్మద్‌, మహ్మద్‌ సిరాజ్భారత వన్డే జట్టు: రోహిత్ శర్మ (కెప్టెన్‌), శుభ్‌మన్‌ గిల్ (వైస్‌ కెప్టెన్‌), విరాట్‌ కోహ్లి, కేఎల్‌ రాహుల్, శ్రేయస్‌ అయ్యర్, రిషబ్‌ పంత్, శివమ్‌ దూబే, కుల్దీప్ యాదవ్‌, మహ్మద్‌ సిరాజ్, వాషింగ్టన్‌ సుందర్, అర్ష్‌దీప్ సింగ్‌, రియాన్ పరాగ్‌, అక్షర్‌ పటేల్‌, ఖలీల్ అహ్మద్‌, హర్షిత్ రాణా.

సంజూ శాంసన్‌.. ఈ టీమిండియా వికెట్‌ కీపర్‌ బ్యాటర్‌కు అంతర్జాతీయ క్రికెట్‌లో తగినన్ని అవకాశాలు రావడం లేదనేది అతడి అభిమానుల వాదన. ప్రతిభ ఉన్నా ఈ కేరళ ఆటగాడి పట్ల సెలక్టర్లు వివక్ష చూపుతున్నారని సోషల్‌ మీడియాలో పెద్ద ఎత్తున బీసీసీఐని ట్రోల్‌ చేసిన సందర్భాలు ఉన్నాయి.అందుకు తగ్గట్లుగానే వన్డే ప్రపంచకప్‌-2023 సమయంలో మెరుగైన గణాంకాలున్న సంజూను కాదని.. టీ20 స్టార్‌ సూర్యకుమార్‌ యాదవ్‌కు జట్టులో చోటు ఇచ్చారు. అందుకు తగ్గ మూల్యం కూడా చెల్లించారు. ఈ టోర్నీలో సూర్య పూర్తిగా తేలిపోవడంతో జట్టు యాజమాన్యం విమర్శలపాలైంది. ఈ క్రమంలో ఐపీఎల్‌-2024 రాజస్తాన్‌ రాయల్స్‌ కెప్టెన్‌గా, వికెట్‌ కీపర్‌ బ్యాటర్‌గా సత్తా చాటిన సంజూ ఎట్టకేలకు.. టీ20 ప్రపంచకప్‌-2024 జట్టులో చోటు దక్కించుకోగలిగాడు.అయితే, రిషభ్‌ పంత్‌ రూపంలో గట్టి పోటీ ఎదురుకావడంతో అతడు బెంచ్‌కే పరిమితం కావాల్సి వచ్చింది. అనంతరం జింబాబ్వే పర్యటనలో టీ20 సిరీస్‌లో అదరగొట్టిన సంజూకు.. తదుపరి శ్రీలంక టూర్‌కు వెళ్లబోయే జట్టులో చోటు దక్కుతుందో లేదోనన్నది ఆసక్తికరంగా మారింది. వయసు మీద పడింది.. జట్టులో చోటు కష్టమేఈ నేపథ్యంలో టీమిండియా వెటరన్‌ స్పిన్నర్‌ అమిత్‌ మిశ్రా సంజూ శాంసన్‌ను ఉద్దేశించి చేసిన వ్యాఖ్యలు వైరల్‌గా మారాయి. శుభంకర్‌ మిశ్రా యూట్యూబ్‌ పాడ్‌కాస్ట్‌లో అమిత్‌ మిశ్రా టీ20 ప్రపంచకప్‌-2026 జట్టులో సంజూకు చోటు దక్కకపోవచ్చని అభిప్రాయపడ్డాడు. ‘‘అతడు మరో వరల్డ్‌కప్‌ ఆడతాడని నేను అనుకోవడం లేదు. ఇప్పటికే అతడికి వయసు మీద పడింది. టీ20 జట్టులో యువ ఆటగాళ్లకే పెద్ద పీట వేస్తామనే సంప్రదాయాన్ని విరాట్‌ కోహ్లి ప్రవేశపెట్టాడు.వాళ్లే బాగా ఆడతారని అతడి నమ్మకం. అయితే, తనకు 35 ఏళ్లు వచ్చినా కోహ్లి ఆడాడనుకోండి. అది వేరే విషయం. ఒకవేళ శాంసన్‌ గనుక టీ20 జట్టులో తన స్థానం సుస్థిరం చేసుకోవాలంటే అత్యద్భుతంగా ఆడాలి.వారి నుంచి తీవ్రమైన పోటీఅలా అయితే, రెండేళ్ల తర్వాత జరిగే ప్రపంచకప్‌ జట్టులో అతడికి చోటు దక్కుతుంది. లేదంటే కష్టమే. నిజానికి ఇషాన్‌ కిషన్‌ అత్యంత ప్రతిభ ఉన్న వికెట్‌ కీపర్‌ బ్యాటర్‌.కానీ అతడిని టీ20ల నుంచి పక్కనపెట్టేశారు. ఇక రిషభ్‌ పంత్‌ గురించి ప్రత్యేకంగా చెప్పేది ఏముంది? అతడొక అత్యుత్తమ ప్లేయర్‌. ధ్రువ్‌ జురెల్‌, జితేశ్‌ శర్మ.. ఇలా వికెట్‌ కీపర్ల లిస్టు పెద్దగానే ఉంది. కాబట్టి సంజూ శ్రమించక తప్పదు’’ అని అమిత్‌ మిశ్రా పేర్కొన్నాడు.కాగా 29 ఏళ్ల సంజూ శాంసన్‌ టీమిండియా తరఫున ఇప్పటి వరకు 16 వన్డేలు ఆడి 510 పరుగులు చేశాడు. ఇందులో ఓ శతకం, మూడు హాఫ్‌ సెంచరీలు ఉన్నాయి. ఇక 28 అంతర్జాతీయ టీ20లలో సంజూ 444 రన్స్‌ సాధించాడు. చదవండి: హార్దిక్‌ పాండ్యాకు షాక్‌!.. టీమిండియా టీ20 కెప్టెన్‌గా అతడే!

చేతులారా తన కెరీర్‌ను తానే నాశనం చేసుకుంటున్నాడనే విమర్శలు ఎదుర్కొంటున్నాడు టీమిండియా యువ క్రికెటర్‌ ఇషాన్‌ కిషన్‌. భారత జట్టు ఓపెనర్‌గా తనదైన శైలిలో రాణిస్తూ ప్రతిభ నిరూపించుకున్న ఈ జార్ఖండ్‌ వికెట్‌ కీపర్‌.. కొంత కాలంగా గడ్డు పరిస్థితులు ఎదుర్కొంటున్నాడు.గతేడాది నవంబరులో సౌతాఫ్రికా పర్యటన మధ్యలోనే వ్యక్తిగత కారణాలు చెప్పి స్వదేశానికి తిరిగి వచ్చిన ఇషాన్‌ కిషన్ పట్ల బీసీసీఐ కఠిన చర్యలు తీసుకుంది. మానసిక ఒత్తిడితో బాధపడుతున్నానని జట్టు నుంచి నిష్క్రమించిన ఈ యంగ్‌ ఓపెనర్‌.. కుటుంబంతో కలిసి సరదాగా గడిపిన దృశ్యాలు వైరల్‌ అయ్యాయి.ఈ నేపథ్యంలో.. తుదిజట్టులో ఆడే అవకాశం రానందు వల్లే ఇషాన్‌ ఇంటిబాట పట్టాడని.. ఈ క్రమంలో బోర్డుతో విభేదాలు తారస్థాయికి చేరాయనే వార్తలు వినిపించాయి. అందుకు తగ్గట్లుగానే.. హెడ్‌ కోచ్‌ రాహుల్‌ ద్రవిడ్‌ సైతం.. ఇషాన్‌ దేశవాళీ క్రికెట్‌(రంజీ)లో ఆడితేనే మళ్లీ జాతీయ జట్టులో అడుగుపెట్టగలడని స్పష్టం చేశాడు.అయితే, ఇషాన్‌ కిషన్‌ మాత్రం ఈ ఆదేశాలను బేఖాతరు చేశాడు. జార్ఖండ్‌ తరఫున అతడు రంజీ బరిలో దిగుతాడని స్థానిక బోర్డు ఆశించినా.. అతడి నుంచి స్పందన కరువైంది. ఈ నేపథ్యంలో క్రమశిక్షణ చర్యలు తీసుకున్న బీసీసీఐ.. ఇషాన్‌ కిషన్‌ను సెంట్రల్‌ కాంట్రాక్టు నుంచి తప్పించింది.ఈ విషయంపై తాజాగా ఇషాన్‌ కిషన్‌ స్పందించాడు. తాను రంజీలు ఆడకపోవడానికి గల కారణం వెల్లడించాడు. ‘‘ఒక ఆటగాడు చాలా కాలం తర్వాత పునరాగమనం​ చేయాలంటే దేశవాళీ క్రికెట్‌ ఆడాలనే నిబంధన ఉంది.అయితే, నన్ను కూడా ఇలా ఆడమనడంలో అర్థం లేదనిపించించింది. ఎందుకంటే నేను కాస్త విరామం తీసుకున్నా. అది సాధారణ సెలవు మాత్రమే.అలాంటపుడు నేనెందుకు రంజీలు ఆడాలి. ఆడే ఓపిక లేదనే కదా అంతర్జాతీయ క్రికెట్‌ నుంచి బ్రేక్‌ తీసుకున్నా. అయినా.. జాతీయ జట్టుకు ఆడకుండా విరామం తీసుకుంటే.. రంజీలు ఆడమంటూ ఆదేశించడం ఏమిటో అర్థం కాలేదు.నేను బాగుంటే గనుక ఇంటర్నేషనల్‌ క్రికెట్‌ కంటిన్యూ చేసేవాడిని కదా. అప్పుడు నేను డిప్రెషన్‌లో ఉన్నాను. ఈ రోజు కూడా అంతా బాగుందని చెప్పే పరిస్థితిలో లేను.క్లిష్ట పరిస్థితులు ఎదుర్కొన్నా. అయినా నా విషయంలోనే ఇలా ఎందుకు జరుగుతోందనే ప్రశ్న పదే పదే నా మదిని తొలుస్తోంది.నేను బాగా ఆడుతున్నా.. కేవలం బ్రేక్‌ తీసుకున్నాననే కారణంగా ఇలా ఎందుకు చేశారో అర్థం కావడం లేదు’’ అని ఇషాన్‌ కిషన్‌ ఆవేదన వ్యక్తం చేశాడు. ఇండియన్‌ ఎక్స్‌ప్రెస్‌తో మాట్లాడుతూ ఈ మేరకు తన మనసులోని భావాలు పంచుకున్నాడు.కాగా రంజీలు ఆడకుండా ఎగ్గొట్టిన ఇషాన్‌ కిషన్‌.. ఐపీఎల్‌-2024లో ముంబై ఇండియన్స్‌ తరఫున బరిలోకి దిగడం గమనార్హం. ఈ సీజన్‌లో అతడు 14 ఇన్నింగ్స్‌లో కలిపి కేవలం 320 పరుగులు చేయగలిగాడు. ఈ క్రమంలో టీ20 ప్రపంచకప్‌-2024 జట్టు ఎంపిక సమయంలో బీసీసీఐ అతడిని పరిగణనలోకి కూడా తీసుకోలేదు.ఇక వికెట్‌ కీపర్ల కోటాలో రిషభ్‌ పంత్‌, సంజూ శాంసన్‌ చోటు దక్కించుకున్నారు. ఇక ఈ మెగా టోర్నీ ఆద్యంతం అదరగొట్టిన టీమిండియా చాంపియన్‌గా నిలిచిన విషయం తెలిసిందే.

టీమిండియా స్టార్లు ఇషాన్‌ కిషన్‌, శ్రేయస్‌ అయ్యర్ సెంట్రల్‌ కాంట్రాక్టులు కోల్పోవడానికి తాను కారణం కాదన్నాడు భారత క్రికెట్‌ నియంత్రణ మండలి కార్యదర్శి జై షా. సెలక్షన్‌ కమిటీ తీసుకున్న నిర్ణయాన్ని అమలు చేయడం మాత్రమే తన విధి అని తెలిపాడు.కాగా దక్షిణాఫ్రికా పర్యటన నుంచి మధ్యలోనే స్వదేశానికి తిరిగి వచ్చిన వికెట్‌ కీపర్‌ బ్యాటర్‌ ఇషాన్‌ కిషన్‌.. రంజీల్లో ఆడమని బోర్డు ఆదేశించినా లెక్కచేయలేదు. ఆ తర్వాత వెంటనే ఐపీఎల్‌-2024 కోసం ముంబై ఇండియన్స్‌ క్యాంపులో చేరాడు.మరోవైపు.. శ్రేయస్‌ అయ్యర్‌ సైతం రంజీల్లో ముంబై తరఫున బరిలోకి దిగకుండా ఫిట్‌నెస్‌ కారణాలు సాకుగా చూపాడు. అయితే, ఎన్సీఏ అలాంటిదేమీ లేదని కొట్టిపారేసింది. ఈ క్రమంలో తాజా సెంట్రల్‌ కాంట్రాక్ట్‌ జాబితాలో ఈ ఇద్దరి పేర్లు గల్లంతయ్యాయి.ఆ తర్వాత అయ్యర్‌ ముంబై తరఫున రంజీ బరిలో దిగినా అప్పటికే జరగాల్సిన నష్టం జరిగిపోయింది. ఈ నేపథ్యంలో వీరిద్దరికి టీ20 వరల్డ్‌కప్‌-2024 జట్టులోనూ చోటు దక్కలేదు.అతడి నిర్ణయం ప్రకారమేఈ నేపథ్యంలో ఇషాన్‌ కిషన్‌, శ్రేయస్‌ అయ్యర్‌ సెంట్రల్‌ కాంట్రాక్టులు కోల్పోయిన అంశంపై జై షా తాజాగా స్పందించాడు. ‘‘బీసీసీఐ రాజ్యాంగాన్ని గమనించండి.సెలక్షన్‌ మీటి​ంగ్‌లో చర్చించిన విషయాల గురించి మీడియాకు తెలియజేసే కన్వీనర్‌ను మాత్రమే నేను.ఆ ఇద్దరిని దేశవాళీ క్రికెట్‌ ఆడాలని నిర్ణయించిందీ.. అదే విధంగా వారు చెప్పినట్లు వినలేదని సెంట్రల్‌ కాంట్రాక్ట్‌ జాబితా నుంచి తప్పించిందీ చీఫ్‌ సెలక్టర్‌ అజిత్‌ అగార్కర్.అతడు తీసుకున్న నిర్ణయాలను అమలు చేయడమే నా పని. వాళ్లిద్దరు వెళ్లినా సంజూ శాంసన్‌ లాంటి వాళ్ల రూపంలో కొత్త ఆటగాళ్లకు చోటు దక్కింది కదా!’’ అని జై షా జాతీయ మీడియాతో వ్యాఖ్యానించాడు.అయ్యర్‌ అదుర్స్‌... ఇషాన్‌ ఫెయిల్‌కాగా ఇషాన్‌ కిషన్‌, శ్రేయస్‌ అయ్యర్‌ ప్రస్తుతం ఐపీఎల్‌-2024తో బిజీగా ఉన్నారు. ముంబై ఇండియన్స్‌ తరఫున ఓపెనర్‌గా వస్తున్న ఇషాన్‌ ఇప్పటి వరకు 12 ఇన్నింగ్స్‌లో కలిపి 266 పరుగులు మాత్రమే చేశాడు.మరోవైపు కేకేఆర్‌ కెప్టెన్‌ శ్రేయస్‌ అయ్యర్‌ మాత్రం 11 ఇన్నింగ్స్‌లో 280 పరుగులు చేయడంతో పాటు.. ఈ సీజన్‌లో జట్టును ప్లే ఆఫ్స్‌ చేరిన మొదటి జట్టుగా నిలిపే పనిలో ఉన్నాడు. చదవండి: ద్రవిడ్‌ గుడ్‌ బై!.. టీమిండియా కొత్త కోచ్‌గా ఫారినర్‌?.. జై షా కామెంట్స్‌ వైరల్‌

ఐపీఎల్‌-2024లో కోల్‌కతా నైట్‌ రైడర్స్‌తో మ్యాచ్‌లో ముంబై ఇండియన్స్‌‌ బ్యాటర్ల వైఫల్యం కొట్టొచ్చినట్లు కనిపించింది. హార్డ్‌ హిట్టర్‌ సూర్యకుమార్‌ యాదవ్‌ తప్ప మిగిలిన వాళ్లలో ఎవరూ పెద్దగా ఆకట్టుకోలేకపోయారు.ముఖ్యంగా టాపార్డర్‌ దారుణంగా విఫలమైంది. ఓపెనర్లు‌ ఇషాన్‌ కిషన్‌(13)- రోహిత్‌ శర్మ(11) పూర్తిగా నిరాశపరచగా.. వన్‌డౌన్‌ బ్యాటర్‌ నమన్‌ ధిర్‌(11) కూడా చేతులెత్తేశాడు.ఇలాంటి క్లిష్ట పరిస్థితుల్లో నాలుగో నంబర్‌ బ్యాటర్‌ సూర్యకుమార్‌ యాదవ్‌(35 బంతుల్లో 56) ఇన్నింగ్స్‌ చక్కదిద్దే ప్రయత్నం చేయగా.. ఆ తర్వాతి స్థానాల్లో వచ్చిన బ్యాటర్లు తిలక్‌ వర్మ(4), నేహాల్‌ వధేరా(6), హార్దిక్‌ పాండ్యా(1) పెవిలియన్‌కు క్యూ కట్టారు.సూర్య ఒంటరి పోరాటం వృథాసూర్య ఈ క్రమంలో ఒంటరి పోరాటం చేస్తున్న సూర్యకు తోడైన టిమ్‌ డేవిడ్‌(20 బంతుల్లో 24) నిలదొక్కుకునే ప్రయత్నం చేసినా ఫలితం లేకుండా పోయింది. ఇక టెయిలెండర్లు గెరాల్డ్‌ కోయెట్జీ(8), పీయూశ్‌ చావ్లా(0), జస్‌ప్రీత్‌ బుమ్రా(1 నాటౌట్‌) కూడా చేతులెత్తేయడంతో 145 పరుగులకే ముంబై కథ ముగిసిపోయింది.ఫలితంగా కేకేఆర్‌ విధించిన 170 పరుగుల లక్ష్య ఛేదనలో విఫలమైన ముంబై వాంఖడేలో పన్నెండేళ్ల తర్వాత తొలిసారి కోల్‌కతా చేతిలో 24 పరుగుల తేడాతో ఓటమి పాలైంది.ఈ పరాజయం ముంబై ఫ్యాన్స్‌ హృదయాలను ముక్కలు చేస్తే.. పందొమ్మిదో ఓవర్లో మూడు వికెట్లు తీసి పాండ్యా సేన పతనాన్ని శాసించిన మిచెల్‌ స్టార్క్‌ను చూసి కేకేఆర్‌ అభిమానులు మురిసిపోయారు.అద్భుత రీతిలో బౌల్డ్‌ చేసిముంబైతో మ్యాచ్‌లో 3.5 ఓవర్లు బౌల్‌ చేసిన స్టార్క్‌ 33 పరుగులు మాత్రమే ఇచ్చి నాలుగు వికెట్లు తీశాడు. ఓపెనర్‌ ఇషాన్‌ కిషన్‌ను అద్భుత రీతిలో బౌల్డ్‌ చేయడం హైలైట్‌గా నిలిచింది. గంటకు 142.3 కిలో మీటర్ల వేగంతో స్టార్క్‌ విసిరిన బంతి లెగ్‌ స్టంప్‌ను ఎగురగొట్టింది.అయినప్పటికీ స్టార్క్‌ పెద్దగా సెలబ్రేట్‌ చేసుకోలేదు. అయితే.. ఇషాన్‌ అవుట్‌ కాగానే ముంబై ఇండియన్స్‌ కోచ్‌ మార్క్‌ బౌచర్‌తో పాటు చీర్‌ గర్ల్స్‌.. ముఖ్యంగా రోహిత్‌ శర్మ భార్య రితికా సజ్దే ఇచ్చిన ఎక్స్‌ప్రెషన్స్‌ వైరల్‌గా మారాయి. ఇక ఇషాన్‌తో పాటు టిమ్ డేవిడ్‌, కోయెట్జీ, పీయూశ్‌ చావ్లా వికెట్లను తన ఖాతాలో వేసుకున్నాడు స్టార్క్‌.‌ చదవండి: అందుకే ఓడిపోయాం.. అయినా సరే: హార్దిక్‌ పాండ్యాStumps dismantled, in vintage Starc style 🔥🫡 #TATAIPL #MIvKKR #IPLonJioCinema #IPLinBhojpuri pic.twitter.com/RcERxhgJps— JioCinema (@JioCinema) May 3, 2024

టీ20 ప్రపంచకప్‌-2024 భారత జట్టులో రిషభ్‌ పంత్‌కు చోటు ఇవ్వాలని ఆస్ట్రేలియా దిగ్గజం, ఢిల్లీ క్యాపిటల్స్‌ హెడ్‌ కోచ్‌ రిక్కీ పాంటింగ్‌ అన్నాడు. మెగా టోర్నీ ఆడే అర్హత పంత్‌కు ఉందని.. తన దృష్టిలో అతడే టీమిండియాకు మొదటి వికెట్‌ కీపర్‌ ఆప్షన్‌ అని పేర్కొన్నాడు. ఐపీఎల్‌-2024లో సత్తా చాటి కచ్చితంగా వరల్డ్‌కప్‌ ఆడే జట్టులో పంత్‌ చోటు దక్కించుకుంటాడని రిక్కీ పాంటింగ్‌ ధీమా వ్యక్తం చేశాడు. కాగా 2022, డిసెంబరులో కారు ప్రమాదానికి గురై.. అదృష్టవశాత్తూ ప్రాణాలతో బయటపడ్డ పంత్‌ కోలుకోవడానికి దాదాపు ఏడాదిన్నర కాలం పట్టింది. బెంగళూరులోని జాతీయ క్రికెట్‌ అకాడమీలో సుదీర్ఘకాలం పాటు పునరావాసం పొందిన పంత్‌.. క్రమక్రమంగా కోలుకుని మ్యాచ్‌ ఫిట్‌నెస్‌ సాధించాడు. ఈ క్రమంలో ఐపీఎల్‌ పదిహేడో ఎడిషన్‌లో ఢిల్లీ క్యాపిటల్స్‌ కెప్టెన్‌గా తిరిగి పగ్గాలు చేపట్టిన పంత్‌.. వికెట్‌ కీపర్‌ బ్యాటర్‌గానూ సేవలు అందిస్తున్నాడు. ఇప్పటి వరకు ఆరు ఇన్నింగ్స్‌ ఆడి 194 పరుగులు చేసిన పంత్‌ ఖాతాలో రెండు హాఫ్‌ సెంచరీలు ఉన్నాయి. అయితే.. కెప్టెన్‌గా మాత్రం పంత్‌ విఫలమవుతూనే ఉన్నాడు. అతడి సారథ్యంలో ఢిల్లీ ఇప్పటిదాకా ఆరు మ్యాచ్‌లు ఆడి కేవలం రెండే గెలిచింది. ఇదిలా ఉంటే.. మే 27న ఐపీఎల్‌-2024 ముగియనుండగా.. జూన్‌ 1 నుంచి వెస్టిండీస్‌- అమెరికా వేదికగా పొట్టి ప్రపంచకప్‌ సమరం మొదలుకానుంది. ఈ నేపథ్యంలో భారత జట్టు వికెట్‌ కీపర్‌ ఎంపిక గురించి రిక్కీ పాంటింగ్‌ ఆసక్తికర వ్యాఖ్యలు చేశాడు. సంజూ బాగా ఆడుతున్నాడు.. అయినా పంత్‌కే చోటివ్వాలి! ‘‘వరల్డ్‌కప్‌ జట్టులో రిషభ్‌ పంత్‌కు చోటు ఇవ్వాలా? అంటే కచ్చితంగా ఇవ్వాలనే చెబుతా. ఐపీఎల్‌ ముగిసేలోపు అతడు అందుకు అర్హత సాధిస్తాడు. గత ఆరు సీజన్లలో పంత్‌ మెరుగ్గా ఆడాడు. టీమిండియా తరఫున కూడా మంచి ప్రదర్శన ఇచ్చాడు. భారత జట్టులో ప్రతిభావంతులైన ఆటగాళ్లకు కొదవలేదని తెలుసు. ముఖ్యంగా వికెట్‌ కీపర్‌ బ్యాటర్లలో ఇషాన్‌ కిషన్‌, సంజూ శాంసన్‌, కేఎల్‌ రాహుల్‌ బాగా ఆడుతున్నారు. చాలా ఆప్షన్లు కనిపిస్తున్నాయి. అయితే.. నేను గనుక జట్టును ఎంపిక చేయాల్సి వస్తే రిషభ్‌ పంత్‌కే మొదటి ప్రాధాన్యం ఇస్తాను. నన్నెపుడు ఈ ప్రశ్న అడిగినా ఇదే సమాధానం ఇస్తాను’’ అని రిక్కీ పాంటింగ్‌ చెప్పుకొచ్చాడు.  కాగా వరల్డ్‌కప్‌-2024 టీమిండియా వికెట్‌ కీపర్ల రేసులో ప్రస్తుతం సంజూ శాంసన్‌ ముందుకు దూసుకుపోతున్నాడు. రాజస్తాన్‌ రాయల్స్‌ కెప్టెన్‌గా వ్యవహరిస్తున్న అతడు ఇప్పటి వరకు ఆరు ఇన్నింగ్స్‌లో కలిపి 264 పరుగులు సాధించాడు.   చదవండి: #Pat Cummins: శెభాష్‌.. ఇది సరైన నిర్ణయం! కమిన్స్‌ అన్నతో అట్లుంటది మరి.. var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఐపీఎల్‌ 2024లో భాగంగా ఆర్సీబీతో నిన్న (ఏప్రిల్‌ 11) జరిగిన మ్యాచ్‌లో ముంబై ఇండియన్స్‌ ఓపెనర్‌ ఇషాన్‌ కిషన్‌ అరుదైన మైలురాయిని తాకాడు. ఈ మ్యాచ్‌లో 5 సిక్సర్లు బాదిన ఇషాన్‌ ఐపీఎల్‌లో సిక్సర్ల సెంచరీని పూర్తి చేశాడు. తద్వారా ముంబై ఇండియన్స్‌ తరఫున ఈ ఘనత సాధించిన నాలుగో క్రికెటర్‌గా రికార్డుల్లోకెక్కాడు. ఇషాన్‌కు ముందు రోహిత్‌ శర్మ, కీరన్‌ పోలార్డ్‌, హార్దిక్‌ పాండ్యా ముంబై ఇండియన్స్‌ తరఫున 100 సిక్సర్ల మార్కును తాకారు. ఇషాన్‌ ఖాతాలో ప్రస్తుతం 102 సిక్సర్లు (80 మ్యాచ్‌లు) ఉన్నాయి. కాగా, ఆర్సీబీతో మ్యాచ్‌లో ఇషాన్‌తో పాటు రోహిత్‌ శర్మ (24 బంతుల్లో 38; 3 ఫోర్లు, 3 సిక్సర్లు), సూర్యకుమార్‌ యాదవ్‌ (19 బంతుల్లో 52; 5 ఫోర్లు, 4 సిక్సర్లు), హార్దిక్‌ పాండ్యా (6 బంతుల్లో 21 నాటౌట్‌; 3 సిక్సర్లు) మెరుపు ఇన్నింగ్స్‌లు ఆడటంతో ముంబై ఇండియన్స్‌ 7 వికెట్ల తేడాతో ఘన విజయం సాధించింది.  తొలుత బ్యాటింగ్‌ చేసిన ఆర్సీబీ.. డుప్లెసిస్‌ (40 బంతుల్లో 61; 4 ఫోర్లు, 3 సిక్సర్లు), రజత్‌ పాటిదార్‌ (26 బంతుల్లో 50; 3 ఫోర్లు, 4 సిక్సర్లు), దినేశ్‌ కార్తీక్‌ (53 నాటౌట్‌) రాణించడంతో నిర్ణీత ఓవర్లలో 8 వికెట్ల నష్టానికి 196 పరుగులు చేసింది. బుమ్రా ఐదు వికెట్ల ప్రదర్శనతో (4-0-21-5) చెలరేగాడు. అనంతరం 197 పరుగుల భారీ లక్ష్యాన్ని ఛేదించేందుకు బరిలోకి దిగిన ముంబై ఇండియన్స్‌.. 15.3 ఓవర్లలోనే 3 వికెట్లు కోల్పోయి విజయతీరాలకు చేరింది.  

ముంబై: ముంబై ఇండియన్స్‌ ముందున్న కొండంత లక్ష్యాన్ని ఇద్దరే ఇద్దరి విధ్వంసం మంచు ముక్కలా కరిగించేసింది. ఓపెనర్‌ ఇషాన్‌ కిషన్‌ (34 బంతుల్లో 69; 7 ఫోర్లు, 5 సిక్స్‌లు), సూర్యకుమార్‌ యాదవ్‌ (19 బంతుల్లో 52; 5 ఫోర్లు, 4 సిక్స్‌లు) సిక్సర్ల సునామీతో ముంబై 197 పరుగుల లక్ష్యాన్ని కేవలం 15.3 ఓవర్లలోనే ఛేదించింది. దాంతో హార్దిక్‌ పాండ్యా నాయకత్వంలోని ముంబై ఇండియన్స్‌ 7 వికెట్ల తేడాతో రాయల్‌ చాలెంజర్స్‌ బెంగళూరు (ఆర్‌సీబీ)పై ఘనవిజయం సాధించింది. అంతకుముందు తొలుత ఆర్‌సీబీ 20 ఓవర్లలో 8 వికెట్ల నష్టానికి 196 పరుగులు చేసింది. డుప్లెసిస్‌ (40 బంతుల్లో 61; 4 ఫోర్లు, 3 సిక్స్‌లు) రాణించగా, రజత్‌ పటిదార్‌ (26 బంతుల్లో 50; 3 ఫోర్లు, 4 సిక్స్‌లు), దినేశ్‌ కార్తీక్‌ (23 బంతుల్లో 53 నాటౌట్‌; 5 ఫోర్లు, 4 సిక్స్‌లు) మెరిపించారు. ముంబై బౌలర్‌ ‘ప్లేయర్‌ ఆఫ్‌ ద మ్యాచ్‌’ బుమ్రా 21 పరుగులిచ్చి 5 వికెట్లు తీశాడు.   కోహ్లి విఫలం  సూపర్‌ ఫామ్‌లో ఉన్న కోహ్లి (3) విఫలమవగా, విల్‌ జాక్స్‌ (8) నిరాశపరిచాడు. ఈ దశలో బెంగళూరును కెప్టెన్‌ డుప్లెసిస్‌ అండతో పటిదార్‌ ధాటిగా నడిపించాడు. 12వ ఓవర్లో కోయెట్జి బౌలింగ్‌లో రెండు వరుస సిక్స్‌లు బాదిన పటిదార్‌ 25 బంతుల్లో అర్ధసెంచరీ పూర్తి చేసుకొని తర్వాతి బంతికే వెనుదిరిగాడు. మ్యాక్స్‌వెల్‌ (0) ఈ సీజన్‌లో మూడోసారి డకౌటయ్యాడు. అడపాదడపా షాట్లతో డుప్లెసిస్‌ 33 బంతుల్లో అర్ధశతకం సాధించాడు. అయితే బుమ్రా వరుస ఓవర్లలో రెండేసి వికెట్లను పడగొట్టాడు. డుప్లెసిస్, హిట్టర్‌ లామ్రోర్‌ (0)లతో పాటు, సౌరవ్‌ (9), వైశాక్‌ (0)లను  బుమ్రా అవుట్‌ చేసినా... దినేశ్‌ కార్తీక్‌ ధనాధన్‌ ఆటతో బెంగళూరు మంచి స్కోరు చేసింది.   ఇషాన్, సూర్యల తుఫాన్‌తో...  భారీ లక్ష్య ఛేదనలో ముంబై బ్యాటర్లు మెరుపు షాట్‌లతో హోరెత్తించారు. ఇషాన్‌ కిషన్‌ ఆకాశమే హద్దుగా చెలరేగాడు. దీంతో ముంబై పవర్‌ప్లేలోనే 72/0 స్కోరు చేసింది. ఇషాన్‌ 23 బంతుల్లో అర్ధసెంచరీని సాధించగా, రోహిత్‌ నింపాదిగా ఆడాడు. కేవలం 8.3 ఓవర్లలోనే జట్టు స్కోరు 100 చేరింది. అదే ఓవర్లో ఇషాన్‌ దూకుడు ముగిసింది. అనంతరం సూర్యకుమార్‌ విధ్వంసం సృష్టించి 17 బంతుల్లోనే ఫిఫ్టీ పూర్తి చేసుకున్నాడు. రోహిత్, సూర్యలు అవుటయ్యాక హార్దిక్‌ పాండ్యా (6 బంతుల్లో 21 నాటౌట్‌; 3 సిక్స్‌లు), తిలక్‌ వర్మ (10 బంతుల్లో 16 నాటౌట్‌; 3 ఫోర్లు) ధాటిగా ఆడి ముంబైను విజయతీరాలకు చేర్చారు.   స్కోరు వివరాలు  రాయల్‌ చాలెంజర్స్‌ బెంగళూరు ఇన్నింగ్స్‌: కోహ్లి (సి) ఇషాన్‌ (బి) బుమ్రా 3; డుప్లెసిస్‌ (సి) డేవిడ్‌ (బి) బుమ్రా 61; జాక్స్‌ (సి) డేవిడ్‌ (బి) మధ్వాల్‌ 8; పటిదార్‌ (సి) ఇషాన్‌ (బి) కోయెట్జీ 50; మ్యాక్స్‌వెల్‌ (ఎల్బీడబ్ల్యూ) గోపాల్‌ 0; దినేశ్‌ కార్తీక్‌ (నాటౌట్‌) 53; లామ్రోర్‌ (ఎల్బీడబ్ల్యూ) (బి) బుమ్రా 0; సౌరవ్‌ (సి) ఆకాశ్‌ (బి) బుమ్రా 9; వైశాక్‌ (సి) నబి (బి) బుమ్రా 0; ఆకాశ్‌దీప్‌ (నాటౌట్‌) 2; ఎక్స్‌ట్రాలు 10; మొత్తం (20 ఓవర్లలో 8 వికెట్లకు) 196. వికెట్ల పతనం: 1–14, 2–23, 3–105, 4–108, 5–153, 6–153, 7–170, 8–170. బౌలింగ్‌: నబీ 1–0–7–0, కోయెట్జీ 4–0–42–1, బుమ్రా 4–0–21–5, ఆకాశ్‌ 4–0–57–1, శ్రేయస్‌ గోపాల్‌ 4–0–32–1, షెఫర్డ్‌ 2–0–22–0, హార్దిక్‌ 1–0–13–0.  ముంబై ఇండియన్స్‌ ఇన్నింగ్స్‌: ఇషాన్‌ (సి) కోహ్లి (బి) ఆకాశ్‌దీప్‌ 69; రోహిత్‌ (సి) టాప్లీ (బి) జాక్స్‌ 38; సూర్యకుమార్‌ (సి) మహిపాల్‌ (బి) వైశాక్‌ 52; హార్దిక్‌ (నాటౌట్‌) 21; తిలక్‌ వర్మ (నాటౌట్‌) 16; ఎక్స్‌ట్రాలు 3; మొత్తం (15.3 ఓవర్లలో 3 వికెట్లకు) 199. వికెట్ల పతనం: 1–101, 2–139, 3–176. బౌలింగ్‌: టాప్లీ 3–0–34–0, సిరాజ్‌ 3–0–37–0, ఆకాశ్‌దీప్‌ 3.3–0–55–1, మ్యాక్స్‌వెల్‌ 1–0–17–0, వైశాక్‌ 3–0–32–1, 2–0–24–1.   ఐపీఎల్‌లో నేడు లక్నో X  ఢిల్లీ  వేదిక: లక్నో  రాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఐపీఎల్‌ 2024లో భాగంగా రాజస్థాన్‌ రాయల్స్‌తో నిన్న జరిగిన మ్యాచ్‌ సందర్భంగా ఓ ఆసక్తికర సన్నివేశం చోటు చేసుకుంది. ముంబై నిర్దేశించిన లక్ష్యాన్ని రాజస్థాన్‌ ఛేజ్‌ చేస్తుండగా.. ఓ వ్యక్తి సెక్యూరిటీ కళ్లు గప్పి మైదానంలో చొరబడి స్లిప్‌లో ఫీల్డింగ్‌ చేస్తున్న రోహిత్‌ శర్మవైపు దూసుకొచ్చాడు. ఊహించని ఈ పరిణామంతో ఒక్కసారిగా ఉలిక్కిపడ్డ రోహిత్‌.. ఆతర్వాత ఆ వ్యక్తిని కౌగిలిం​చుకుని గ్రౌండ్‌లో నుంచి బయటికి వెళ్లాలని సూచించాడు. రోహిత్‌ను కౌగించుకున్న అనంతరం ఆ వ్యక్తి పక్కనే ఉన్న ఇషాన్‌ కిషన్‌తో సైతం కరచాలనం​ చేసి కౌగిలించుకున్నాడు. అనంతరం సెక్యూరిటీ సిబ్బంది ఆ వ్యక్తికి పట్టుకుని బయటకు లాక్కెళ్లారు. దీనికి సంబంధించిన వీడియో నెట్టింట వైరలవుతుంది.  A fan invaded the pitch and met Rohit Sharma and Ishan Kishan.pic.twitter.com/NusKCxHVJP — CricTracker (@Cricketracker) April 1, 2024 ఇదిలా ఉంటే, నిన్నటి మ్యాచ్‌లో ముంబై రాజస్థాన్‌ చేతిలో 6 వికెట్ల తేడాతో ఓటమిపాలైంది. ప్రస్తుత సీజన్‌లో ముంబైకు ఇది వరుసగా మూడో ఓటమి. ఈ మ్యాచ్‌లో తొలుత బ్యాటింగ్‌ చేసిన ముంబై చెత్త ప్రదర్శన చేసి నిర్ణీత ఓవర్లలో కేవలం 125 పరుగులు మాత్రమే చేయగలిగింది. ముంబై ఇన్నింగ్స్‌లో రోహిత్‌ సహా ముగ్గురు (నమన్‌ ధీర్‌, డెవాల్డ్‌ బ్రెవిస్‌) గోల్డెన్‌ డకౌట్లయ్యారు. తిలక్‌ వర్మ (32), హార్దిక్‌ (34) ఓ మోస్తరు స్కోర్లు చేయడంతో ముంబై ఈ మాత్రం స్కోరైనా చేయగలిగింది. బౌల్ట్‌ (4-0-22-3), చహల్‌ (4-0-11-3), బర్గర్‌ (4-0-32-2), ఆవేశ్‌ ఖాన్‌ (4-0-30-1) అద్భుతంగా బౌలింగ్‌ చేసి ముంబైని వణికించారు.  అనంతరం స్వల్ప లక్ష్యాన్ని ఛేదించేందుకు బరిలోకి దిగిన రాజస్థాన్‌.. 15.3 ఓవర్లలో ఆడుతూపాడుతూ విజయతీరాలకు చేరింది. రియాన్‌ పరాగ్‌ (54 నాటౌట్‌) మరో మెరుపు ఇన్నింగ్స్‌ ఆడి రాజస్థాన్‌ విజయంలో కీలకపాత్ర పోషించాడు. యశస్వి (10), బట్లర్‌ (13) మరోసారి నిరాశపరిచారు. సంజూ శాంసన్‌ 12, అశ్విన్‌ 16 పరుగులు చేసి ఔటయ్యారు. ముంబై బౌలర్లలో ఆకాశ్‌ మధ్వాల్‌ 3 వికెట్లు పడగొట్టగా.. మఫాక తన మొట్టమొదటి ఐపీఎల్‌ వికెట్‌ దక్కించుకున్నాడు.    

దేశవాళీ క్రికెట్‌ విషయంలో భారత క్రికెట్‌ నియంత్రణ మండలి తీసుకున్న నిర్ణయంపై దిగ్గజ బ్యాటర్‌ సచిన్‌ టెండుల్కర్‌ హర్షం వ్యక్తం చేశాడు. అగ్రశ్రేణి ఆటగాళ్లు ఫస్ల్‌క్లాస్‌ క్రికెట్‌ బరిలో దిగడం ద్వారా డొమెస్టిక్‌ టోర్నీలకు మరింత ఆదరణ పెరుగుతుందన్నాడు. తనకు అవకాశం వచ్చినప్పుడల్లా ముంబై తరఫున ఆడేందుకు ఎంతో ఆతురతగా ఎదురుచూసే వాడినని సచిన్‌ టెండుల్కర్‌ గుర్తు చేసుకున్నాడు. కాగా జాతీయ జట్టు తరఫున విధుల్లో లేనపుడు సెంట్రల్‌ కాంట్రాక్ట్‌ క్రికెటర్లు కచ్చితంగా రెడ్‌ బాల్‌ క్రికెట్‌(ఫస్ట్‌క్లాస్‌) ఆడాల్సిందేనని బీసీసీఐ ఇటీవల నిబంధన విధించిన విషయం తెలిసిందే. ఫిట్‌నెస్‌ కారణాల దృష్ట్యా ఇబ్బందిపడే వారు మినహా ప్రతి ఒక్కరు.. ముఖ్యంగా యువ ఆటగాళ్లు రంజీ బరిలో దిగాల్సిందేనని బోర్డు ఆటగాళ్లకు ఆదేశాలిచ్చింది. హెడ్‌కోచ్‌, కెప్టెన్‌, సెలక్టర్లు చెప్పినపుడు ఏ ఆటగాడైనా సరే దేశవాళీ క్రికెట్‌ ఆడాల్సి ఉంటుందని పేర్కొంది.  ఈ నేపథ్యంలో 2023-24 ఏడాదికిగానూ ప్రకటించిన వార్షిక కాంట్రాక్టులలో ముంబై బ్యాటర్‌ శ్రేయస్‌ అయ్యర్‌, జార్ఖండ్‌ వికెట్‌ కీపర్‌ ఇషాన్‌ కిషన్‌లకు మొండిచేయి చూపింది. రంజీ బరిలో దిగాలన్న కోచ్‌ ఆదేశాలను పెడచెవిన పెట్టారనే కారణంతో వారిద్దరిపై వేటు పడినట్లు తెలిసింది. ఈ క్రమంలో సచిన్‌ టెండుల్కర్‌ ఎక్స్‌ వేదికగా రంజీ ట్రోఫీ ప్రాధాన్యం గురించి వివరిస్తూ.. ‘‘తాజా రంజీ ట్రోఫీ సెమీ ఫైనల్స్‌ ఆసక్తిని రేకెత్తిస్తున్నాయి. ముంబై జట్టు పడిలేచిన కెరటంలా ఫైనల్‌కు దూసుకువచ్చింది. మరో సెమీస్‌ మ్యాచ్‌లో చివరి రోజు వరకు ఆట కొనసాగుతున్న వైనం ముచ్చటగా ఉంది. ఈ మ్యాచ్‌లో మధ్యప్రదేశ్‌ విజయానికి 90కి పైగా పరుగులు, విదర్భకు నాలుగు వికెట్లు కావాలి. నిజానికి నా కెరీర్‌ ఆసాంతం ఎప్పుడు ముంబైకి ఆడే అవకాశం వచ్చినా కచ్చితంగా బరిలో దిగే వాడిని. అక్కడి డ్రెస్సింగ్‌ రూంలో దాదాపు 7-8 మంది టీమిండియా ఆటగాళ్లు ఉండేవారు. వారితో కలిసి అక్కడ రూం షేర్‌ చేసుకోవడం మరింత సరదాగా ఉండేది. టీమిండియా తరఫున టాప్‌ ప్లేయర్లుగా ఉన్నవాళ్లు దేశవాళీ క్రికెట్‌లో వారి వారి జట్లకు ఆడితే ఆదరణ పెరుగుతుంది. యువ ఆటగాళ్లకు స్ఫూర్తిదాయకంగా ఉంటుంది. కొత్త ప్రతిభ వెలుగులోకి వస్తుంది. అంతేకాదు ఫామ్‌లేమితో ఇబ్బంది పడేవాళ్లు తిరిగి బేసిక్స్‌ నుంచి మొదలుపెట్టి పొరపాట్లను సరిచేసుకునే అవకాశం దొరుకుతుంది. స్టార్‌ క్రికెటర్లు డొమెస్టిక్‌ టోర్నీల్లో ఆడితే క్రమక్రమంగా అభిమానులు కూడా దేశవాళీ జట్లకు మద్దతుగా నిలుస్తారు. నిజంగా దేశవాళీ క్రికెట్‌కు కూడా బీసీసీఐ సమాన ప్రాధాన్యం ఇవ్వడం చాలా సంతోషంగా ఉంది’’ అని సుదీర్ఘ నోట్‌ షేర్‌ చేశాడు. కాగా సచిన్‌ టెండుల్కర్‌ మంగళవారం ఈ మేరకు పోస్ట్‌ చేయగా.. బుధవారం నాటి ఆటలో భాగంగా రంజీ సెమీస్‌లో మధ్యప్రదేశ్‌పై విదర్భ 62 పరుగుల తేడాతో విజయం సాధించింది.   The Ranji Trophy semi-finals have been riveting! @MumbaiCricAssoc’s march into the finals was aided by a brilliant batting recovery, while the other semi-final hangs in the balance going into the last day - Madhya Pradesh need 90+ runs to win, Vidarbha need 4 wickets.… — Sachin Tendulkar (@sachin_rt) March 5, 2024

భారత ఆటగాళ్లకు సంబంధించిన 2023-24 సెంట్రల్ కాంట్రాక్ట్‌లను బీసీసీఐ తాజాగా ప్రకటించిన సంగతి తెలిసిందే. ఈ జాబితాలో టీమిండియా స్టార్‌ ఆటగాళ్లు ఇషాన్‌ కిషన్‌, శ్రేయస్‌ అయ్యర్‌కు చోటు దక్కకపోవడం అందరని ఆశ్చర్యపరిచింది. ప్రస్తుతం ఇదే విషయం భారత క్రికెట్‌ వర్గాల్లో హాట్‌ టాపిక్‌గా మారింది. రంజీల్లో ఆడేందుకు విముఖత చూపడంతో వీరిద్దరిపై బీసీసీఐ వేటు వేసింది. బీసీసీఐ తీసుకున్న ఈ నిర్ణయంపై భిన్నభిప్రాయాలు వ్యక్తమవుతున్నాయి. కాంట్రాక్ట్‌ నుంచి తప్పించేముందు బీసీసీఐ పెద్దలు వారిద్దరితో మాట్లాడి వుంటే బాగుండేదని పలువరు అభిప్రాయపడుతున్నారు. ఈ క్రమంలో ఓ ఆసక్తికర విషయం వెలుగులోకి వచ్చింది. ఇంగ్లండ్‌తో ఆఖరి మూడు టెస్టులకు  జట్టును ప్రకటించేముందు ఇషాన్‌ కిషన్‌ను బీసీసీఐ సెలక్టర్లు సంప్రదించినట్లు వార్తలు వినిపిస్తున్నాయి. వైజాగ్‌ టెస్టు తర్వాత జట్టుతో కలవాలని సెలక్టర్లు ఇషాన్‌ను ఆదేశించినట్లు సమాచారం. కానీ కిషన్‌ మాత్రం తన ఇంకా సిద్దంగా లేనని, మరి కొంత సమయం తనకు కావాలని సెలక్టర్లకు చెప్పినట్లు ప్రముఖ క్రీడా వెబ్‌సైట్‌ పేర్కొంది. అతడు నో చెప్పడంతోనే ధ్రువ్‌ జురెల్‌ను మిగిలిన మూడు టెస్టులకు బీసీసీఐ సెలక్షన్‌ కమిటీ కొనసాగించినట్లు వినికిడి. అయితే బీసీసీఐ నో చెప్పిన కిషన్‌.. ఐపీఎల్‌ ప్రాక్టీస్‌ కోసం మాత్రం బరోడాకు వెళ్లినట్లు కొన్ని ఫోటోలు సోషల్‌ మీడియాలో వైరలయ్యాయి. ఈ క్రమంలోనే బీసీసీఐ అతడిపై వేటు వేసినట్లు తెలుస్తోంది. ​కాగా వ‌న్డే వ‌ర‌ల్డ్ క‌ప్ త‌ర్వాత ద‌క్షిణాఫ్రికా ప‌ర్య‌ట‌న‌కు వెళ్లిన కిషన్‌.. మానసికంగా అలిసిపోయానని సిరీస్‌ మధ్యలోనే స్వదేశానికి వచ్చేసిన విషయం విధితమే, చదవండి: IPL 2024: సన్ రైజర్స్‌ సంచలన నిర్ణయం.. మార్‌క్రమ్‌కు బిగ్‌ షాక్‌! కొత్త కెప్టెన్‌ అతడే?

స్టార్‌ క్రికెటర్లు శ్రేయస్‌ అయ్యర్‌, ఇషాన్‌ కిషన్‌లను వార్షిక కాంట్రాక్టు జాబితా నుంచి తొలగించడంపై భిన్నాభిప్రాయాలు వ్యక్తమవుతున్నాయి. ఈ విషయంలో బీసీసీఐని కొంతమంది సమర్థిస్తుంటే.. మరికొంత మంది మాజీ క్రికెటర్లు ​మాత్రం తప్పుబడుతున్నారు. కాగా సెంట్రల్‌ కాంట్రాక్టు కలిగి ఉన్న క్రికెటర్లందరూ బోర్డు ఆదేశాలకు అనుగుణంగా తప్పక దేశవాళీ క్రికెట్‌లో ఆడాలని బీసీసీఐ పేర్కొన్న సంగతి తెలిసిందే. కోచ్‌, కెప్టెన్‌, సెలక్టర్ల సూచనల మేరకు ఎవరైతే దేశవాళీ క్రికెట్‌ ఆడాల్సి ఉంటుందో నిర్ణయిస్తామని తెలిపింది. ముఖ్యంగా ఫిట్‌గా ఉన్న యువ ఆటగాళ్లు బోర్డు సూచించినపుడు తప్పక డొమెస్టిక్‌ క్రికెట్‌ ఆడాలని ఆటగాళ్లను ఆదేశించింది. అయితే, అయ్యర్‌, ఇషాన్‌ ఈ నిబంధనలు ఉల్లంఘించారనే వార్తల నడుమ.. వారిద్దరి సెంట్రల్‌ కాంట్రాక్టు రద్దు చేయడం ఇందుకు బలాన్నిచ్చింది.  ఈ నేపథ్యంలో మాజీ ఆల్‌రౌండర్‌ ఇర్ఫాన్‌ పఠాన్‌.. శ్రేయస్‌ అయ్యర్‌, ఇషాన్‌ కిషన్‌లకు అండగా నిలబడ్డాడు. వారికి మద్దతుగా నిలుస్తూ.. ఆల్‌రౌండర్‌ హార్దిక్‌ పాండ్యా వంటి వాళ్లకు మాత్రం ఈ నిబంధనల నుంచి ఎలా మినహాయింపు ఇస్తారని ప్రశ్నించాడు. ఈ క్రమంలో మాజీ ఓపెనర్‌ ఆకాశ్‌ చోప్రా స్పందిస్తూ.. ‘‘హార్దిక్‌ పాండ్యా విషయాన్ని సంక్లిష్టం చేయాల్సిన అవసరం లేదు. అతడు ఎన్నో ఏళ్లుగా రెడ్‌ బాల్‌ క్రికెట్‌కు దూరంగా ఉన్నాడు. కాబట్టి ఈ నిబంధన విషయంలో అతడి గురించిన ప్రస్తావనే అనవసరం. అతడు టెస్టు సిరీస్‌లకు అందుబాటులోనే ఉండటం లేదు. అలాంటపుడు అతడిని ఫస్ట్‌క్లాస్‌ క్రికెట్‌ ఆడమని చెప్పడంలో అర్థమే లేదు.  నాలుగు రోజుల మ్యాచ్‌కు ఓ ఆటగాడి శరీరం సహకరించనపుడు. గాయాల బారిన పడే ప్రమాదం ఉందనీ తెలిసినపుడు అలాంటి వ్యక్తిని ఎవరూ కూడా ఫస్ట్‌క్లాస్‌ క్రికెట్‌ ఆడమని ఆదేశించరు.  ఒకవేళ తను టెస్టు ఆడేందుకు పూర్తి ఫిట్‌గా ఉంటే.. తను టీమిండియాకు ఆడటం మానేసి.. ప్రమోషన్‌ షూట్లలో పాల్గొంటే అప్పుడు తనది తప్పని చెప్పవచ్చు. కానీ ప్రస్తుతం అతడు ఇలాంటి తప్పులేమీ చేయలేదు. కాబట్టి బీసీసీఐకి అతడిని శిక్షించాల్సిన అవసరం లేదు’’ అని పేర్కొన్నాడు. చదవండి: Shreyas Iyer: సెమీస్‌ తుదిజట్టులో అయ్యర్‌.. రహానే కీలక వ్యాఖ్యలు

వార్షిక క్రాంటాక్టుల విషయంలో భారత క్రికెట్‌ నియంత్రణ అనుసరించిన తీరుపై మాజీ క్రికెటర్‌ ఇర్ఫాన్‌ పఠాన్‌ విస్మయం వ్యక్తం చేశాడు. ఏ నిబంధనైనా టీమిండియా ఆటగాళ్లందరికీ ఒకేలా ఉంటే బాగుంటుందని అభిప్రాయపడ్డాడు. భారత జట్టు అనుకున్న లక్ష్యాలు సాధించేందుకు ఇలాంటి పోకడలు నష్టం చేకూరుస్తాయని పఠాన్‌ ఘాటు విమర్శలు చేశాడు. కాగా 2023-24 ఏడాదికి గానూ ప్రకటించిన వార్షిక కాంట్రాక్టుల విషయంలో టీమిండియా మిడిలార్డర్‌ స్టార్‌ శ్రేయస్‌ అయ్యర్‌, వికెట్‌ కీపర్‌ ఇషాన్‌ కిషన్‌ పేర్లు గల్లంతైన విషయం తెలిసిందే. రంజీ టోర్నీలో ఆడాలన్న బోర్డు ఆదేశాలు బేఖాతరు చేశారన్న కారణంగానే వీళ్లిద్దరికి మొండిచేయి చూపారనే అభిప్రాయాలు వ్యక్తమవుతున్నాయి. ఈ నేపథ్యంలో మాజీ ఆల్‌రౌండర్‌ ఇర్ఫాన్‌ పఠాన్‌ బీసీసీఐ తీరుపై అసహనం వ్యక్తం చేశాడు. ‘‘శ్రేయస్‌, ఇషాన్‌ ఇద్దరూ ప్రతిభావంతులైన క్రికెటర్లే. తిరిగి పుంజుకుని రెట్టించిన ఉత్సాహంతో వాళ్లిద్దరు కమ్‌బ్యాక్‌ ఇస్తారనే అనుకుంటున్నా. హార్దిక్‌ పాండ్యా లాంటి ఆటగాళ్లు టెస్టు క్రికెట్‌ ఆడకూడదు అనుకున్నపుడు.. కనీసం దేశవాళీ పరిమిత ఓవర్ల క్రికెట్‌లోనైనా వాళ్లను ఆడించాలి కదా?  జాతీయ జట్టుకు దూరమైనపుడు వాళ్లు కూడా దేశవాళీ బరిలో దిగాలి కదా? ఒకవేళ ఈ నిబంధన అందరికీ వర్తింపజేయకుంటే.. భారత క్రికెట్‌ అనుకున్న లక్ష్యాలను ఎన్నటికీ సాధించలేదు’’ అని ఎక్స్‌ వేదికగా ఇర్ఫాన్‌ పఠాన్‌ మండిపడ్డాడు.  కాగా గతేడాది వన్డే వరల్డ్‌కప్‌-2023 సందర్భంగా గాయపడ్డ పేస్‌ ఆల్‌రౌండర్‌ హార్దిక్‌ పాండ్యా.. మళ్లీ టీమిండియా తరఫున ఇంతవరకు రీఎంట్రీ ఇవ్వలేదు. అయితే, ఐపీఎల్‌-2024 బరిలో ముంబై ఇండియన్స్‌ కెప్టెన్‌గా బరిలోకి దిగేందుకు జిమ్‌లో చెమటోడుస్తున్నాడు.  మరోవైపు.. శ్రేయస్‌ అయ్యర్‌ రంజీ సెమీస్‌లో ముంబై తరఫున ఆడేందుకు సిద్ధంగా ఉన్నట్లు తెలుస్తోంది. తమిళనాడుతో ముంబై ఆడబోయే ఈ మ్యాచ్‌కు ఎంపిక చేసిన జట్టులో అతడికి చోటు దక్కింది. ఈ నేపథ్యంలో ఇర్ఫాన్‌ పఠాన్‌ ఈ మేరకు వ్యాఖ్యలు చేయడం గమనార్హం. చదవండి: BCCI Annual Players Contract List: పూర్తి వివరాలు.. విశేషాలు They are talented cricketers, both Shreyas and Ishan. Hoping they bounce back and come back stronger. If players like Hardik don’t want to play red ball cricket, should he and others like him participate in white-ball domestic cricket when they aren’t on national duty? If this… — Irfan Pathan (@IrfanPathan) February 29, 2024

శ్రేయస్‌ అయ్యర్‌.. గత కొంత కాలంగా టీమిండియా మిడిలార్డర్‌లో నిలకడకు పెట్టింది పేరు. మూడు ఫార్మాట్లలో మిడిలార్డర్‌లో విరాట్‌ కోహ్లి తర్వాత అంతటి సత్తా ఉన్న ఆటగాడిగా అయ్యర్‌ పేరొందాడు. వన్డే ప్రపంచకప్‌లో ఫైనల్‌కు చేరడంలో అయ్యర్‌ ది కీలక పాత్ర. వరల్డ్‌కప్‌ హిస్టరీలోనే సింగిల్‌ ఎడిషన్‌లో 500పైగా పరుగులు చేసిన ఏకైక భారత ఆటగాడు అ‍య్యరే. 2022 నుంచి మూడు ఫార్మాట్లలో కలిపి అత్యధిక పరుగులు చేసిన నాలుగో ఆటగాడిగా ఈ ముంబైకర్ కొనసాగుతున్నాడు. అటువంటి అయ్యర్‌ ఇప్పుడు ఏకంగా ఎందుకు బీసీసీఐ సెంట్రల్‌ కాంట్రాక్ట్‌ను కోల్పోవాల్సి వచ్చింది? భారత క్రికెట్‌ బోర్డు సరైన నిర్ణయం తీసుకుందా? అన్న ప్రశ్నలు సగటు అభిమానిలో రేకెత్తుతున్నాయి.  అదేనా అయ్యర్‌ చేసిన తప్పు? స్వదేశంలో ఇంగ్లండ్‌తో జరుగుతున్న టెస్టు సిరీస్‌లో తొలి రెండు మ్యాచ్‌ల్లో శ్రేయస్‌ అయ్యర్‌ భాగమయ్యాడు. అయితే తొలి రెండు టెస్టుల్లోనూ ఈ ముంబైకర్‌ పెద్దగా అకట్టుకోలేకపోయాడు. అనంతరం ఆఖరి మూడు టెస్టులకు ప్రకటించిన భారత జట్టులో అనూహ్యంగా శ్రేయస్‌కు చోటు దక్కలేదు. అయితే అతడి వెన్ను గాయం తిరగబెట్టిందని అందుకే సెలక్టర్లు విశ్రాంతి ఇచ్చారని తొలుత వార్తలు వినిపించాయి. అయ్యర్‌ కూడా వైజాగ్‌ టెస్టు అనంతరం నేరుగా బెంగళూరులోని ఏన్సీఏకు వెళ్లిపోయాడు. కానీ ఫామ్‌ లేమి కారణంగానే అయ్యర్‌ను పక్కన పెట్టారని తర్వాత బీసీసీఐ వర్గాలు వెల్లడించాయి. అయితే సరిగ్గా ఇదే సమయంలో సెంట్రల్‌ కాంట్రాక్ట్‌ ఉన్న ఆటగాళ్లందరూ టీండియాలోకి రీ ఎంట్రీ ఇవ్వాలంటే కచ్చితంగా రంజీలు ఆడాల్సిందేనని బీసీసీఐ ఆదేశాలు జారీ చేసింది. ఈ క్రమంలో రంజీ ట్రోఫీ 2023-24  క్వార్టర్స్‌లో ఆడాలని ముంబై క్రికెట్‌ ఆసోషియేషన్‌ అతడిని కోరింది. కానీ కానీ అయ్యర్‌ మాత్రం తన వెన్ను నొప్పితో బాధపడుతున్నాని, అందుబాటులో ఉండనని తేల్చిచేప్పేశాడు. అయితే తన ప్రకటనకు ఒక్క రోజే ముందే అయ్యర్‌ ఫిట్‌నెస్‌గా ఉన్నట్లు  ఏన్సీఏ సర్టిఫికెట్‌ ఇవ్వడం గమనార్హం. దీంతో అయ్యర్‌ కావాలనే రంజీలు ఆడకుండా తప్పించుకున్నాడని ప్రచారం జరిగింది. ఈ క్రమంలో బీసీసీఐ అతడిని సెంట్రల్‌ కాంట్రాక్ట్‌ నుంచి తప్పించేందుకు సిద్దమైందని పలు రిపోర్ట్‌లు వెల్లడించాయి. ఈ వార్తలు ప్రచారంలో ఉన్న సమయంలోనే అయ్యర్‌పై బీసీసీఐ వేటు వేయడం గమనార్హం. బీసీసీఐ సరైన నిర్ణయం తీసుకుందా? అయితే బీసీసీఐ తీసుకున్న నిర్ణయం పట్ల భిన్నాభిప్రాయాలు వ్యక్తమవుతున్నాయి. గ్రేడ్‌-బిలో ఉన్న ఆటగాడిని ఒక్కసారిగా తప్పించాల్సిన అవసరం ఏముందన్న ప్రశ్నలు వినిపిస్తున్నాయి. దేశవాళీ క్రికెట్ ఆడనంత మాత్రానా గతేడాదిగా భారత జట్టుతో ఉంటూ.. ఎన్నో అద్భుత విజయాలు అందించిన ఆటగాడి పట్ల బీసీసీఐ తీసుకున్న నిర్ణయం సరైనది కాదని చాలా మంది అభిప్రాయపడుతున్నారు.  ఒకవేళ అతడికి పన్మిషెంట్‌ ఇవ్వాలనకుంటే గ్రేడ్‌-సి డిమోషన్‌ చేయవలసిందని మరి కొంతమంది అభిప్రాయపడుతున్నారు. భారత జట్టు తరపున అయ్యర్‌ ఆడిన ఇన్నింగ్స్‌ల వీడియోలను షేర్‌ చేస్తూ ఫ్యాన్స్‌ సపోర్ట్‌గా నిలుస్తున్నారు. మరి కొంత మంది అయ్యర్‌ 100 శాతం ఫిట్‌నెస్‌గా లేడని అందుకే బీసీసీఐ ఈ నిర్ణయం తీసుకుందని పోస్ట్‌లు చేస్తున్నారు. కాగా అయ్యర్‌తో పాటు మరో యువ ఆటగాడు ఇషాన్‌ కిషన్‌ కూడా బీసీసీఐ కాంట్రాక్ట్‌ను కోల్పోయాడు. చదవండి: Babar Azam AFG Captain Photo Viral: అఫ్గానిస్తాన్‌ కెప్టెన్‌గా బాబర్‌ ఆజం..!?

టీమిండియా బ్యాటింగ్‌ సంచలనాలు సర్ఫరాజ్‌ ఖాన్‌, దృవ్‌ జురెల్‌లకు జాక్‌పాట్‌ కొట్టే ఛాన్స్‌ వచ్చింది. ఇంగ్లండ్‌తో జరుగబోయే తదుపరి టెస్ట్‌లో ఈ ఇద్దరు తుది జట్టులో ఉంటే, వీరికి బీసీసీఐ సెంట్రల్‌ కాంట్రాక్ట్‌లు దక్కనున్నాయి. బీసీసీఐ కాంట్రాక్ట్‌ దక్కాలంటే ఆటగాళ్లు టీమిండియా తరఫున కనీసం 3 టెస్టులు లేదా ఎనిమిది వన్డేలు లేదా పది టీ20లు ఆడాల్సి ఉంటుంది. అయితే వీరిద్దరు ఇప్పటివరకు రెండు టెస్ట్‌ మ్యాచ్‌లే ఆడారు. ఈ రెండు మ్యాచ్‌ల్లో వీరిద్దరి ప్రదర్శనను పరిగణలోకి తీసుకున్న బీసీసీఐ.. మూడు మ్యాచ్‌ల అనంతరం వీరికి సెంట్రల్‌ కాంట్రాక్ట్‌ ఇవ్వాలని నిర్ణయించింది. ఈ ఇద్దరు ఆటగాళ్ల తాజా  ఫామ్‌ను బట్టి చూస్తే వీరు ఐదో టెస్ట్‌కు తుది జట్టులో ఉండటం దాదాపుగా ఖాయమేనని చెప్పాలి. దీంతో వీరికి గ్రేడ్‌ సి కింద బీసీసీఐ సెంట్రల్‌ కాంట్రాక్ట్‌ దక్కడం దాదాపుగా ఖరారైందనే చెప్పాలి. కాగా, 2023-24 సంవత్సరానికి గాను సెంట్రల్‌ కాంట్రాక్ట్‌ పొందిన ఆటగాళ్ల జాబితాను బీసీసీఐ ఇవాళ (ఫిబ్రవరి 28) ప్రకటించింది. ఈ జాబితాలో మొత్తం 30 మంది ఆటగాళ్లు చోటు దక్కించుకున్నారు.  ఏ ప్లస్‌ కేటగిరిలో రోహిత్‌ శర్మ, విరాట్‌ కోహ్లి, జస్ప్రీత్‌ బుమ్రా, రవీంద్ర జడేజా.. ఏ కేటగిరిలో అశ్విన్‌, షమీ, సిరాజ్‌, కేఎల్‌ రాహుల్‌, శుభ్‌మన్‌ గిల్‌, హార్దిక్‌ పాండ్యా.. బి కేటగిరిలో సూర్యకుమార్‌ యాదవ్‌, రిషబ్‌ పంత్‌, కుల్దీప్‌ యాదవ్‌, అక్షర్‌ పటేల్‌, యశస్వి జైస్వాల్‌.. సి కేటగిరిలో రింకూ సింగ్‌, తిలక్ వర్మ, రుతురాజ్ గైక్వాడ్‌, శార్దూల్ ఠాకూర్‌, శివమ్‌ దూబే, రవి బిష్ణోయ్, జితేష్ శర్మ, వాషింగ్టన్‌ సుందర్, ముఖేష్ కుమార్‌, సంజూ శాంసన్, అర్ష్‌దీప్ సింగ్‌, కేఎస్‌ భరత్‌, ప్రసిద్ద్‌ కృష్ణ, అవేశ్‌ ఖాన్‌, రజత్‌ పాటిదార్ చోటు దక్కించుకున్నారు.  రంజీల్లో ఆడాల్సిందేనన్న బీసీసీఐ ఆదేశాలను బేఖాతరు చేసిన శ్రేయస్‌ అయ్యర్‌, ఇషాన్‌ కిషన్‌ కాంట్రాక్ట్‌లను కోల్పోగా.. రింకూ సింగ్‌ (సి), తిలక్‌ వర్మ (సి), ప్రసిద్ద్‌ కృష్ణ (సి), అవేశ్‌ ఖాన్‌ (సి), రజత్‌ పాటిదార్ (సి), జితేశ్‌ శర్మ (సి), ముకేశ్‌ కుమార్‌ (సి), రవి బిష్ణోయ్‌కు (సి) కొత్తగా కాంట్రాక్ట్‌ లభించింది. శ్రేయస్‌ (బి), ఇషాన్‌లతో (సి) పాటు యుజ్వేంద్ర చహల్‌ (సి), చతేశ్వర్‌ పుజారా (బి), దీపక్‌ హుడా (సి), ఉమేశ్‌ యాదవ్‌ (సి), శిఖర్‌ ధవన్‌ (సి) బీసీసీఐ కాంట్రాక్ట్‌లు కోల్పోయారు.  కేఎల్‌ రాహుల్‌, శుభ్‌మన్‌ గిల్‌, సిరాజ్‌లకు బి నుంచి ఏ కేటగిరికి ప్రమోషన్‌ లభించగా.. అక్షర్‌ పటేల్‌, రిషబ్‌ పంత్‌లకు ఏ నుంచి బి కేటగిరికి డిమోషన్‌ వచ్చింది.  గతేడాది బీసీసీఐ సెంట్రల్‌ కాంట్రాక్ట్‌లో లేని యశస్వి జైస్వాల్‌.. ప్రస్తుత ఇంగ్లండ్‌ టెస్ట్‌ సిరీస్‌లో అత్యుత్తమంగా (వరుస డబుల్‌ సెంచరీలు) రాణించడంతో అతనికి నేరుగా బి గ్రేడ్‌ కాంట్రాక్ట్‌ దక్కింది. ఏ ప్లస్‌ కేటగిరిలో ఉన్న ఆటగాళ్లకు వార్షిక వేతనం కింద యేటా రూ. 7 కోట్లు దక్కనున్నాయి. ‘ఏ’ కేటగిరీలోని క్రికెటర్లకు  రూ. 5 కోట్లు..‘బి’ కేటగిరిలో ఉన్న వారికి రూ. 3 కోట్లు.. ‘సి’ కేటగిరిలో ఉన్న క్రికెటర్లకు కోటి రూపాయల వార్షిక వేతనం లభించనుంది.

భారత క్రికెట్‌ అభిమానులు ఊహించిందే నిజమైంది. రంజీల్లో ఆడమని ఎంత చెప్పినా వినకుండా విర్రవీగిన ఇషాన్‌ కిషన్‌, శ్రేయస్‌ అయ్యర్‌లు బీసీసీఐ సెంట్రల్‌ కాంట్రాక్ట్‌ను కోల్పోయారు. తాజాగా ప్రకటించిన బోర్డు సెంట్రల్‌ కాంట్రాక్ట్‌ ఆటగాళ్ల జాబితాలో వీరిద్దరి పేర్లు గల్లంతయ్యాయి.  ప్రస్తుతం బీసీసీఐ సెంట్రల్‌ కాంట్రాక్ట్‌ లభించిన ఆటగాళ్లలో రోహిత్‌, కోహ్లి, బుమ్రా, జడేజా ఏ ప్లస్‌ స్థానాలను నిలుపుకోగా.. బి కేటగిరి నుంచి  శ్రేయస్‌, సి కేటగిరి నుంచి ఇషాన్‌ తొలగించబడ్డారు. గతకొంతకాలంగా జట్టులో లేనప్పటికీ హార్దిక్‌ పాండ్యా ఏ గ్రేడ్‌ కాంట్రాక్ట్‌ను నిలుపుకోగా.. కేఎల్‌ రాహుల్‌, శుభ్‌మన్‌ గిల్‌, సిరాజ్‌లకు ప్రమోషన్‌ (బి నుంచి ఏ కేటగిరి) దక్కింది.  యశస్వికి జాక్‌పాట్‌.. గతేడాది బీసీసీఐ సెంట్రల్‌ కాంట్రాక్ట్‌లో లేని యశస్వి జైస్వాల్‌.. ప్రస్తుత ఇంగ్లండ్‌ టెస్ట్‌ సిరీస్‌లో అత్యుత్తమంగా (వరుస డబుల్‌ సెంచరీలు) రాణించడంతో అతనికి నేరుగా బి గ్రేడ్‌ కాంట్రాక్ట్‌ దక్కింది. కాంట్రాక్ట్‌ కోల్పోయిన వారు వీరే.. బీసీసీఐ తాజాగా ప్రకటించిన సెంట్రల్‌ కాంట్రాక్ట్‌ ఆటగాళ్ల జాబితాలో చాలా మంది పేర్లు కనపడలేదు. యుజ్వేంద్ర చహల్‌ (సి), చతేశ్వర్‌ పుజారా (బి), దీపక్‌ హుడా (సి), ఉమేశ్‌ యాదవ్‌ (సి), శిఖర్‌ ధవన్‌ (సి) బీసీసీఐ కాంట్రాక్ట్‌లు కోల్పోయారు.  అక్షర్‌, పంత్‌లకు డిమోషన్‌ (ఏ నుంచి బి) కొత్తగా కాంట్రాక్ట్‌ దక్కించుకున్న తిలక్‌ వర్మ, రింకూ సింగ్‌ కేటగిరి వారీగా ఆటగాళ్లకు దక్కనున్న మొత్తం.. ఏ ప్లస్‌ కేటగిరిలో ఉన్న ఆటగాళ్లకు వార్షిక వేతనం కింద యేటా రూ. 7 కోట్లు దక్కనున్నాయి. ‘ఏ’ కేటగిరీలోని క్రికెటర్లకు  రూ. 5 కోట్లు..‘బి’ కేటగిరిలో ఉన్న వారికి రూ. 3 కోట్లు.. ‘సి’ కేటగిరిలో ఉన్న క్రికెటర్లకు కోటి రూపాయల వార్షిక వేతనం లభించనుంది. 2023-24 బీసీసీఐ సెంట్రల్‌ కాంట్రాక్ట్‌ దక్కించుకున్న ఆటగాళ్ల వివరాలు.. ఏ ప్లస్‌ కేటగిరి: రోహిత్‌ శర్మ, విరాట్‌ కోహ్లి, జస్ప్రీత్‌ బుమ్రా, రవీంద్ర జడేజా  ఏ కేటగిరి: అశ్విన్‌, షమీ, సిరాజ్‌, కేఎల్‌ రాహుల్‌, శుభ్‌మన్‌ గిల్‌, హార్దిక్‌ పాండ్యా బి కేటగిరి: సూర్యకుమార్‌ యాదవ్‌, రిషబ్‌ పంత్‌, కుల్దీప్‌ యాదవ్‌, అక్షర్‌ పటేల్‌, యశస్వి జైస్వాల్‌ సి కేటగిరి: రింకూ సింగ్‌, తిలక్ వర్మ, రుతురాజ్ గైక్వాడ్‌, శార్దూల్ ఠాకూర్‌, శివమ్‌ దూబే, రవి బిష్ణోయ్, జితేష్ శర్మ, వాషింగ్టన్‌ సుందర్, ముఖేష్ కుమార్‌, సంజూ శాంసన్, అర్ష్‌దీప్ సింగ్‌, కేఎస్‌ భరత్‌, ప్రసిద్ద్‌ కృష్ణ, అవేష్ ఖాన్‌, రజత్‌ పాటిదార్ చదవండి: రంజీల్లో ఆడాల్సిందే.... ఆటగాళ్లకు బీసీసీఐ స్ట్రిక్ట్‌ వార్నింగ్‌

టీమిండియా కెప్టెన్‌ రోహిత్‌ శర్మ వ్యాఖ్యలను తాను సమర్థిస్తున్నానని భారత క్రికెట్‌ దిగ్గజం సునిల్‌ గావస్కర్‌ అన్నాడు. రోహిత్‌ చెప్పినట్టు సెంట్రల్‌ కాంట్రాక్ట్‌ ప్లేయర్లు భారత క్రికెట్‌ పట్ల కాస్తైనా విశ్వసనీయత ప్రదర్శించాలన్నాడు. కాగా టెస్టు జట్టులోకి తిరిగి రావాలంటే భారత ఆటగాళ్లు కచ్చితంగా రంజీల్లో ఆడాలని బీసీసీఐ ఇప్పటికే స్పష్టం చేసిన విషయం తెలిసిందే. ఇషాన్‌ కిషన్‌, శ్రేయస్‌ అయ్యర్‌ వంటి ఆటగాళ్లు రంజీ క్రికెట్‌ ఆడటం పట్ల విముఖంగా ఉన్నారన్న వార్తల నేపథ్యంలో ఈ మేరకు బోర్డు ఆదేశాలు జారీ చేయడం ప్రాధాన్యం సంతరించుకుంది. ఈ నేపథ్యంలో ఇంగ్లండ్‌తో నాలుగో టెస్టు విజయానంతరం కెప్టెన్‌ రోహిత్‌ శర్మకు ప్రశ్న ఎదురైంది. బదలుగా.. ‘‘టెస్టు క్రికెట్‌ ఆడాలన్న తపన, కసి ఉన్నవారికి మాత్రమే జట్టులో చోటు ఇస్తాం’’ అని రోహిత్‌ శర్మ ఫస్ట్‌క్లాస్‌ క్రికెట్‌ ఆడాల్సిన ఆవశ్యకతను నొక్కి వక్కాణించాడు. ఈ విషయంపై స్పందించిన సునిల్‌ గావస్కర్‌.. ‘‘రోహిత్‌ చెప్పిన మాటలు సరైనవే. టెస్టు క్రికెట్‌పై ఇష్టం ఉన్న వాళ్లకు మాత్రమే అవకాశాలు ఇవ్వాలి. ఎన్నో ఏళ్లుగా నేను ఇదే విషయం చెబుతున్నా. దేశవాళీ క్రికెట్‌లో రాణించడం వల్లే చాలా మంది ఉన్నత స్థాయికి చేరుకున్నారు. కనీసం వాళ్లైనా డొమెస్టిక్‌ క్రికెట్‌ పట్ల విశ్వాసం ప్రదర్శించాలి కదా’’ అంటూ రంజీల్లో ఆడేందుకు ఇష్టపడని టీమిండియా క్రికెటర్లకు చురకలు అంటించాడు.  ఒకవేళ సెంట్రల్‌ కాంట్రాక్ట్‌ ప్లేయర్లు ఎవరైనా టెస్టులు ఆడొద్దని నిర్ణయించుకుంటే.. వారిని నిర్మొహమాటంగా పక్కనపెట్టేయాలంటూ పరక్షంగా బోర్డుకు విజ్ఞప్తి చేశాడు. ఇదిలా ఉంటే.. ఇంగ్లండ్‌తో స్వదేశంలో జరుగుతున్న టెస్టు సిరీస్‌ను ఓ మ్యాచ్‌ మిగిలి ఉండగానే టీమిండియా కైవసం చేసుకుంది.  సీనియర్ల గైర్హాజరీలో దేశవాళీ క్రికెట్‌లో అదరగొట్టిన రజత్‌ పాటిదార్‌, సర్ఫరాజ్‌ ఖాన్‌, ధ్రువ్‌ జురెల్‌, ఆకాశ్‌ దీప్‌ ఈ సిరీస్‌ సందర్భంగా అంతర్జాతీయ క్రికెట్‌లో అడుగుపెట్టారు. రజత్‌ మినహా మిగతా ముగ్గురు సత్తా చాటి తమ ఆగమనాన్ని ఘనంగా చాటుకున్నారు. చదవండి: #Dhruv Jurel: ఈ కుర్రాడిని నమ్మినందుకు ధన్యవాదాలు..

దాదాపు మూడు నెలల విరామానంతరం కాంపిటేటివ్‌ క్రికెట్‌లోకి అడుగుపెట్టిన టీమిండియా పాకెట్‌ డైనమైట్‌ ఇషాన్‌ కిషన్‌.. రీఎంట్రీలో తుస్సుమనిపించాడు. ముంబై వేదికగా జరుగుతున్న డీవై పాటిల్‌ టీ20 టోర్నీలో ఊహించినంతగా ఆకట్టుకోలేకపోయాడు. ఈ టోర్నీలో ఆర్బీఐ జట్టుకు ప్రాతినిథ్యం వహిస్తున్న ఇషాన్‌.. రూట్‌ మొబైల్‌ లిమిటెడ్‌ జట్టుతో ఇవాళ (ఫిబ్రవరి 27) జరిగిన మ్యాచ్‌లో తేలిపోయాడు. ఈ మ్యాచ్‌లో ఇషాన్‌కు మెరుపు అరంభమే లభించినప్పటికీ.. ఆతర్వాత నిలదొక్కుకోలేకపోయాడు. 12 బంతుల్లో 2 ఫోర్లు, సిక్సర్‌ సాయంతో 19 పరుగులు చేసిన అతను.. మ్యాక్స్‌వెల్‌ స్వామినాథన్‌ బౌలింగ్‌లో ఔటయ్యాడు. బ్యాటింగ్‌లో ఆశించిన స్థాయి ప్రదర్శన చేయలేకపోయిన ఇషాన్‌.. వికెట్‌కీపింగ్‌లో పర్వాలేదనిపించాడు. ఈ మ్యాచ్‌లో అతను ఇద్దరిని ఔట్‌ చేయడంలో భాగమయ్యాడు. సుమిత్‌ క్యాచ్‌ పట్టిన ఇషాన్‌..  సయన్‌ మొండల్‌ను స్టంపౌట్‌ చేశాడు.  తొలుత బ్యాటింగ్‌ చేసిన రూట్‌ మొబైల్‌ లిమిటెడ్‌.. నిర్ణీత ఓవర్లు బ్యాటింగ్‌ చేసి 193 పరుగల లక్ష్యాన్ని నిర్దేశించగా.. ఛేదనలో చేతులెత్తేసిన ఇషాన్‌ జట్టు ఆర్బీఐ 16.3 ఓవర్లలో 103 పరుగులకే ఆలౌటై, ఓటమిపాలైంది. ఇదిలా ఉంటే, ఇషాన్‌... టీమిండియా తరఫున తన చివరి టీ20ని 2023 నవంబర్‌లో ఆస్ట్రేలియాపై ఆడాడు. అనంతరం సౌతాఫ్రికా పర్యటనకు ఎంపికైనప్పటికీ వ్యక్తిగత కారణాలను సాకుగా చూపి సిరీస్‌ మధ్యలోనే ఇంటికి తిరిగొచ్చేశాడు. ఆతర్వాత రంజీల్లో ఆడి ఫామ్‌ను నిరూపించుకోవాలని బీసీసీఐతో పాటు చాలా మంది మాజీలు సూచించినా పెడచెవిన పెట్టిన ఇషాన్‌.. తాజాగా బీసీసీఐ కన్నెర్ర చేయడంతో దిగొచ్చి స్థానిక డీవై పాటిల్‌ టీ20 టోర్నీలో ఆడుతున్నాడు. ఇషాన్‌ తీరుతో గుర్రుగా ఉన్న బీసీసీఐ అతని కాంట్రాక్ట్‌ రద్దు చేయాలని యోచిస్తున్నట్లు సమాచారం.   

వెన్ను నొప్పిని సాకుగా చూపుతూ రంజీల్లో ఆడకుండా (ఐపీఎల్‌ కోసం) తప్పించుకు తిరుగుతున్న టీమిండియా మిడిలార్డర్‌ బ్యాటర్‌ శ్రేయస్‌ అయ్యర్‌.. బీసీసీఐ కాంట్రాక్ట్‌ రద్దు ప్రచారం నేపథ్యంలో అలర్ట్‌ అయ్యాడు. బీసీసీఐ అల్టిమేటం జారీ చేసిన విధంగా రంజీల్లో ఆడేందుకు సిద్దమయ్యాడు. మార్చి 2 నుంచి ప్రారంభమయ్యే సెమీఫైనల్లో ముంబై తరఫున బరిలోకి దిగేందుకు సంసిద్దత వ్యక్తం చేశాడు. తన విషయంలో బీసీసీఐ పెద్దలు సీరియస్‌గా ఉన్నారని గ్రహించిన అయ్యర్‌ ఈ మేరకు నిర్ణయించుకున్నట్లు సమాచారం. కాగా, రంజీల్లో ఆడకుండా తప్పించుకునేందుకు అయ్యర్‌.. ముంబై క్రికెట్‌ ఆసోసియేషన్‌కు తప్పుడు సమాచారం అందించిన విషయం తెలిసిందే. బరోడాతో క్వార్టర్‌ ఫైనల్‌ మ్యాచ్‌కు ముందు అయ్యర్‌ వెన్నునొప్పితో బాధపడుతున్నట్లు ఎంసీఏకి నివేదించాడు. అయితే ఇదంతా వట్టిదేనని ఎన్‌సీఏ (జాతీయ క్రికెట్‌ అకాడమీ) కొట్టిపారేయడంతో అయ్యర్‌ డ్రామా బయటపడింది. తప్పుడు నివేదిక నేపథ్యంలో బీసీసీఐ సీరియస్‌ కావడంతో అ‍య్యర్‌ దిగొచ్చినట్లు తెలుస్తుంది. రంజీ సెమీఫైనల్లో ఆడేందుకు అంగీకరించాడని సమాచారం​.  ఇదిలా ఉంటే, రంజీల్లో ఆడే విషయంలో శ్రేయస్‌ అయ్యర్‌తో పాటు ఇషాన్‌ కిషన్‌ కూడా బీసీసీఐ ఆదేశాలను బేఖాతరు చేశాడు. అయ్యర్‌ విషయంలో ఆచితూచి వ్యవహరించిన బీసీసీఐ.. ఇషాన్‌పై చర్యలు తీసుకునేందుకు సిద్దమైందని సమాచారం. బీసీసీఐ పెద్దలు సహా టీమిండియా కోచ్‌ రాహుల్‌ ద్రవిడ్‌ కూడా ఇషాన్‌పై గుర్రుగా ఉన్నాడని తెలుస్తుంది. జాతీయ జట్టుకు దూరమైన ఆటగాళ్లు తిరిగి అంతర్జాతీయ క్రికెట్‌లోకి అడుగుపెట్టాలంటే కచ్చితంగా రంజీల్లో ఆడాల్సిందేనని బీసీసీఐ గత కొద్ది రోజులుగా ఆటగాళ్లను హెచ్చరిస్తున్న విషయం తెలిసిందే.

టీమిండియా మిడిలార్డర్‌ బ్యాటర్‌ శ్రేయస్‌ అయ్యర్‌ చిక్కుల్లో పడ్డాడు.  ఇంగ్లండ్‌తో ఆఖ‌రి మూడు టెస్టుల‌కు అయ్యర్‌ దూరమైన సంగతి తెలిసిందే. వెన్నునొప్పి కారణంగా అతడికి విశ్రాంతి ఇచ్చారని తొలుత వార్తలు  వినిపించాయి. కానీ ఆ తర్వాత అతడి ఫామ్‌ లేమి కారణంగానే జట్టు నుంచి తప్పించారని బీసీసీఐ వర్గాలు వెల్లడించాయి. అయితే వైజాగ్‌ టెస్టు అనంతరం తన గాయం తిరగబెట్టిందని, వెన్నునొప్పి సాకుతో అయ్యర్‌ ఏన్సీఏలో చేరాడు. కాగా ఇటీవలే బీసీసీఐ కాంట్రాక్ట్ పొందిన క్రికెట‌ర్లు అంద‌రూ దేశ‌వాళీ క్రికెట్ ఆడాల్సిందేన‌ని బీసీసీఐ సెక్రటరీ జై షా ఆదేశాలు జారీ చేసిన విషయం విధితమే. ఈ క్రమంలో రంజీ ట్రోఫీ క్వార్టర్స్‌లో ఆడాలని ముంబై క్రికెట్‌ ఆసోషియేషన్‌ అతడిని కోరింది. కానీ కానీ అయ్యర్‌ మాత్రం తన వెన్ను నొప్పితో బాధపడుతున్నాని, అందుబాటులో ఉండనని తేల్చిచేప్పేశాడు. అయితే తన ప్రకటనకు ఒక్క రోజే ముందే అయ్యర్‌ ఫిట్‌నెస్‌గా ఉన్నట్లు  ఏన్సీఏ సర్టిఫికెట్‌ ఇవ్వడం గమనార్హం. దీంతో అయ్యర్‌ కావాలనే రంజీలు ఆడకుండా తప్పించుకున్నాడని ప్రచారం జరుగుతోంది.  బీసీసీఐ సీరియస్‌.. ఈ క్రమంలో బోర్డు అదేశాలను బేఖాతరు చేసిన ఆటగాళ్లపై బీసీసీఐ సీరియస్‌గా ఉన్నట్లు తెలుస్తోంది. మరో యువ వికెట్‌ కీపర్‌ ఇషాన్‌ కిషన్‌ సైతం దేశీవాళీ క్రికెట్‌ ఆడకుండా తప్పించుకు తిరుగుతున్నాడు. రంజీలు ఆడితానే జాతీయ జట్టులోకి ఎంట్రీ ఉంటుందని భారత హెడ్‌కోచ్‌ హెచ్చిరించినా కిషన్‌ మాత్రం పెడచెవిన పెట్టాడు.  ఈ క్రమంలో అయ్యర్‌, కిషన్‌పై చర్యలకు బోర్డు సిద్దమైనట్లు వార్తలు వినిపిస్తున్నాయి. 2024-25 ఏడాదిగాను బీసీసీఐ ఆటగాళ్ల సెంట్రల్‌ కాంట్రాక్ట్‌ జాబితాను త్వరలోనే ప్రకటించనుంది. ఈ క్రమంలో వీరిద్దరూ కాంట్రాక్ట్‌ను రద్దు చేయాలని బీసీసీఐ నిర్ణయించుకున్నట్లు సమచారం. ప్రస్తుతం గ్రేడ్ 'బి'లో ఉన్న అయ్యర్‌, గ్రేడ్‌ 'సి'  లో ఉన్న కిషన్‌ కాంట్రాక్ట్‌లను పునరుద్దరించే ఆలోచనలో బీసీసీఐ లేనట్లు వినికిడి. "అజిత్ అగార్కర్ నేతృత్వంలోని సెలెక్షన్‌ కమిటీ 2023-24 సీజన్‌కు కూడా సెంట్రల్ కాంట్రాక్ట్ ఆటగాళ్ల జాబితాను దాదాపు ఖరారు చేసింది. ఈ జాబితాను బీసీసీఐ త్వరలోనే ప్రకటించనుంది. ఇషాన్‌ కిషన్‌, శ్రేయస్‌ అయ్యర్‌లను కాంట్రాక్ట్‌ను తప్పించే ఛాన్స్‌ ఉంది. ఎందుకంటే బీసీసీఐ ఆదేశాలను ధిక్కరించి దేశవాళీ క్రికెట్ ఆడడం లేదని" బీసీసీఐ అధికారి ఒకరు పేర్కొన్నారు. కాగా 2022-23లో బీసీసీఐ ప్రకటించిన సెంట్రల్‌ కాంట్రాక్ట్‌ జాబితాలో తొలిసారి కిషన్‌ దక్కించుకోగా.. అయ్యర్‌ బి గ్రేడ్‌కు ప్రమోషన్‌ పొందాడు.

టీమిండియా స్టార్‌ బ్యాటర్‌ విరాట్‌ కోహ్లికి భారత క్రికెట్‌ నియంత్రణ మండలి కార్యదర్శి జై షా అండగా నిలిచాడు. వ్యక్తిగత కారణాల దృష్ట్యా సెలవు తీసుకోవడం అతడి హక్కు అంటూ కోహ్లి నిర్ణయాన్ని సమర్థించాడు.  కాగా స్వదేశంలో ఇంగ్లండ్‌తో ఐదు మ్యాచ్‌ల టెస్టు సిరీస్‌కు కోహ్లి దూరమైన విషయం తెలిసిందే. ఈ నేపథ్యంలో ప్రధాన బ్యాటర్‌ లేకుండానే బరిలోకి దిగిన టీమిండియా తొలి మ్యాచ్‌లో ఓడినా.. రెండో టెస్టులో గెలిచింది. తిరిగి పుంజుకుని సిరీస్‌ను ప్రస్తుతం 1-1తో సమం చేసి.. రాజ్‌కోట్‌లో మూడో టెస్టులో విజయమే లక్ష్యంగా ముందుకు సాగుతోంది. ఇదిలా ఉంటే.. విరాట్‌ కోహ్లి ఈ కీలక సిరీస్‌కు దూరం కావడానికి గల కారణం ఇంత వరకు వెల్లడి కాలేదు. సోషల్‌ మీడియాలో వస్తున్న కథనాల ప్రకారం.. కోహ్లి భార్య అనుష్క శర్మ గర్భవతి అని, ప్రెగ్నెన్సీ సమయంలో తలెత్తిన ఇబ్బందుల కారణంగానే విదేశాల్లో చికిత్స తీసుకునేందుకు వెళ్లారని ప్రచారం జరుగుతోంది. అయితే, బీసీసీఐ మాత్రం ఇంగ్లండ్‌తో ఆఖరి మూడు టెస్టులకు కోహ్లి అందుబాటులో లేడని ప్రకటించిన సమయంలో.. అతడి నిర్ణయాన్ని తాము గౌరవిస్తామని పేర్కొంది. తాజాగా ఈ విషయం గురించి బీసీసీఐ కార్యదర్శి జై షా స్పందించాడు. రాజ్‌కోట్‌ టెస్టు ఆరంభానికి ముందు మీడియాతో మాట్లాడిన క్రమంలో ఎదురైన ప్రశ్నలకు బదులిస్తూ.. ‘‘ఒక వ్యక్తి.. తన పదిహేనేళ్ల కెరీర్‌లో వ్యక్తిగత కారణాలు చూపి సెలవు అడగటం అతడి హక్కు. విరాట్‌ కారణం లేకుండా సెలవు అడిగే వ్యక్తి కాదు. మా ఆటగాడిపై మాకు నమ్మకం ఉంది. మేము కచ్చితంగా అతడికి అండగా ఉంటాం’’ అని జై షా స్పష్టం చేశాడు. అదే విధంగా.. టీ20 ప్రపంచకప్‌-2024లో విరాట్‌ కోహ్లి ఆడతాడా లేదా అన్న అంశం గురించి ప్రస్తావన రాగా.. ఈ విషయం గురించి తర్వాత మాట్లాడదాం అంటూ సమాధానం దాటవేశాడు. అయితే, ఈ ప్రపంచకప్‌ టోర్నీలో రోహిత్‌ శర్మనే కెప్టెన్‌గా వ్యవహరిస్తాడని జై షా స్పష్టం చేశాడు. కాగా ఇషాన్‌ కిషన్‌ మానసికంగా అలసిపోయానంటూ సెలవు తీసుకుని.. విదేశాల్లో పర్యటించడం.. కోచ్‌ రంజీల్లో ఆడమని చెప్పినా ఆడకపోవడం వంటి అంశాలపై బీసీసీఐ పెద్దలు గుర్రుగా ఉన్నారన్న వార్తలు వస్తున్న విషయం తెలిసిందే. ఈ నేపథ్యంలో.. జై షా.. కోహ్లి సెలవుల గురించి ఇలా కామెంట్‌ చేయడం గమనార్హం. అంతేకాదు.. ఇషాన్‌ పేరెత్తకుండానే చీఫ్‌ సెలక్టర్‌, కోచ్‌, కెప్టెన్‌ చెప్పిన మాట వినకపోతే వేటు తప్పదని హెచ్చరికలు జారీ చేశాడు జై షా! చదవండి: BCCI: సెంట్రల్‌ కాంట్రాక్ట్‌ ప్లేయర్లకు జై షా వార్నింగ్‌.. ఇకపై

Jay Shah’s Stern Message to Central Contract Players: టీమిండియా సెంట్రల్‌ కాంట్రాక్ట్‌ కలిగి ఉన్న క్రికెటర్లను ఉద్దేశించి బీసీసీఐ కార్యదర్శి జై షా కీలక వ్యాఖ్యలు చేశాడు. ప్రధాన ఆటగాళ్లు కచ్చితంగా రంజీల్లో ఆడాల్సిందేనని స్పష్టం చేశాడు. లేనిపక్షంలో పరిణామాలు తీవ్రంగా ఉంటాయని హెచ్చరించాడు. కాగా భారత యువ వికెట్‌ కీపర్‌ బ్యాటర్‌ ఇషాన్‌ కిషన్‌- బీసీసీఐకి మధ్య విభేదాలంటూ వార్తలు వస్తున్న విషయం తెలిసిందే. తనకు విశ్రాంతి కావాలంటూ సౌతాఫ్రికా పర్యటన మధ్యలోనే స్వదేశానికి తిరిగి వచ్చిన ఈ జార్ఖండ్‌ బ్యాటర్‌ను దేశవాళీ క్రికెట్లో ఆడాల్సిందిగా హెడ్‌కోచ్‌ రాహుల్‌ ద్రవిడ్‌ ఆదేశించాడు. అయితే, మేనేజ్‌మెంట్‌ ఆదేశాలను బేఖాతరు చేసిన ఇషాన్‌ కిషన్‌ ఐపీఎల్‌ ఫ్రాంఛైజీ ముంబై ఇండియన్స్‌ ప్రాక్టీస్‌ సెషన్‌తో బిజీ అయ్యాడు. ఫలితంగా బోర్డు పెద్దల ఆగ్రహానికి గురైన అతడు.. సెంట్రల్‌ కాంట్రాక్ట్‌ కోల్పోనున్నాడనే ఊహాగానాలు వినిపించాయి. అంతేగాకుండా.. ఇకపై సెంట్రల్‌ కాంట్రాక్ట్‌ ప్లేయర్లు కనీసం 3-4 రంజీ మ్యాచ్‌లు ఆడితేనే బీసీసీఐ.. ఐపీఎల్‌లో ఆడే అవకాశం ఇస్తుందనే ప్రచారం జరిగింది. ఈ నేపథ్యంలో బీసీసీఐ కార్యదర్శి జై షా ఈ అంశాలపై స్పందించాడు. ‘‘తాము దేశవాళీ క్రికెట్‌కు అందుబాటులో ఉండటం లేదని కొంతమంది ఫోన్‌ కాల్‌ ద్వారా సమాచారం ఇచ్చారు. అయితే, అందుకు బదులుగా నేను వారికి లేఖ రూపంలో జవాబు ఇవ్వదలచుకున్నాను. కచ్చితంగా రెడ్‌ బాల్‌ క్రికెట్‌ ఆడాల్సిందే ఒకవేళ సెలక్షన్‌ కమిటీ చైర్మన్‌, కోచ్‌, కెప్టెన్‌ చెబితే మాత్రం కచ్చితంగా రెడ్‌ బాల్‌ క్రికెట్‌ ఆడాల్సిందే అని చెప్తాను. ఎవరైనా ఆటగాడు ఫిట్‌గా ఉన్నాడా లేదా? అతడు పరిమిత ఓవర్లు, టెస్టు క్రికెట్‌ రెండూ ఆడగలడా లేదా అన్న విషయాల గురించి ఎన్‌సీఏ నుంచి సలహాలు తీసుకుంటాం. అందరికీ వర్తిస్తుంది అందుకు అనుగుణంగానే మా నిర్ణయాలు ఉంటాయి. అయితే, ఫిట్‌గా ఉన్న ఆటగాళ్లు.. ముఖ్యంగా యువ క్రికెటర్లకు ఎలాంటి మినహాయింపులు ఉండవు. కచ్చితంగా దేశవాళీ రెడ్‌ బాల్‌ క్రికెట్‌ ఆడాల్సిందే. సెంట్రల్‌ కాంట్రాక్ట్‌ కలిగి ఉన్న అందరు భారత క్రికెటర్లకూ ఇది వర్తిస్తుంది’’ అని జై షా కుండబద్దలు కొట్టాడు. కాగా టీమిండియా- ఇంగ్లండ్‌ మధ్య మూడో టెస్టు ఆరంభానికి ముందు సౌరాష్ట్ర క్రికెట్‌ స్టేడియం పేరు మార్చారు. సౌరాష్ట్ర క్రికెట్‌ పాలనా విభాగంలో సేవలు అందించిన నిరంజన్‌ షా స్టేడియంగా నామకరణం చేశారు. బుధవారం జరిగిన ఈ కార్యక్రమానికి హాజరైన జై షా ఈ మేరకు వ్యాఖ్యలు చేశాడు. చదవండి: #Sarfaraz Khan: ఎన్నాళ్లకెన్నాళ్లకు.. తండ్రి, భార్య కన్నీటి పర్యంతం

టీమిండియా యువ బ్యాటర్‌ ఇషాన్‌ కిషన్‌ తీరుపై బీసీసీఐ గుర్రుగా ఉందన్న వార్తల నేపథ్యంలో.. ఆసక్తికర అంశాలు తెరమీదకు వచ్చాయి. ఇషాన్‌ మాదిరి బోర్డు ఆదేశాలు ధిక్కరించే ఆటగాళ్లకు కొత్త నిబంధనలు విధించేందుకు యాజమాన్యం సిద్ధమవుతున్నట్లు సమాచారం. కాగా మానసికంగా అలసిపోయానంటూ సౌతాఫ్రికా పర్యటన మధ్యలోనే స్వదేశానికి తిరిగి వచ్చిన ఇషాన్‌ కిషన్‌.. విశ్రాంతి తీసుకున్న తర్వాత దేశవాళీ క్రికెట్‌లో ఆడాలని బీసీసీఐ ఆదేశించినట్లు వార్తలు వినిపించాయి. ఈ క్రమంలో రంజీల్లో ఆడాల్సిందిగా తన సొంతజట్టు జార్ఖండ్‌ నుంచి ఇషాన్‌కు ఆహ్వానం కూడా అందింది. అదే విధంగా.. టీమిండియా హెడ్‌కోచ్‌ రాహుల్‌ ద్రవిడ్‌ సైతం.. ఇషాన్‌ దేశవాళీ క్రికెట్‌లో ఆడిన తర్వాతే పునరాగమనం చేయగలడని గట్టిగానే హెచ్చరించాడు. అయినా.. ఈ వికెట్‌ కీపర్‌ బ్యాటర్‌ ఇవేమీ పట్టించుకోలేదు. రంజీల్లో ఆడకుండా.. ఐపీఎల్‌ ఫ్రాంఛైజీ ముంబై ఇండియన్స్‌ నెట్‌ సెషన్‌లో పాల్గొనేందుకు వెళ్లాడు. ముంబై కొత్త కెప్టెన్‌ హార్దిక్‌ పాండ్యాతో కలిసి ఇషాన్‌ బరోడాలో ప్రాక్టీస్‌ చేస్తున్నట్లు తెలిసింది. ఈ నేపథ్యంలో తమ ఆదేశాలను బేఖాతరు చేసిన ఈ యువ ఆటగాడి తీరుపై బీసీసీఐ ఆగ్రహం వ్యక్తం చేసినట్లు సమాచారం. సెంట్రల్‌ కాంట్రాక్ట్‌ నుంచి అతడి పేరును తప్పించేందుకు కూడా సిద్ధమైనట్లు ఊహాగానాలు వినిపించాయి. అయితే, ఓ బీసీసీఐ అధికారి పీటీఐతో మాట్లాడుతూ.. ప్రస్తుతానికి తాము సెంట్రల్‌ క్రాంటాక్టుల విషయం చర్చించలేదని స్పష్టం చేశారు. అయితే, ఇకపై యువ ఆటగాళ్లు కచ్చితంగా రంజీల్లో ఆడేలా బోర్డు చర్యలకు ఉపక్రమించే అవకాశం ఉందని చూచాయగా చెప్పారు. ఈ మేరకు.. ‘‘కొంతమంది ఆటగాళ్లు రెడ్‌ బాల్‌(టెస్టు) క్రికెట్‌ ఆడేందుకు సిద్ధంగా లేరని బీసీసీఐ పెద్దలకు తెలిసింది. అలాంటి వాళ్లు టీమిండియాలో చోటు దక్కించుకోలేనపుడు కనీసం ముస్తాక్‌ అలీ వంటి దేశవాళీ టీ20 ట్రోఫీలోనైనా ఆడాలి. అందుకూ సిద్ధపడని వాళ్లు.. కేవలం ఫ్రాంఛైజీ క్రికెట్‌కే ప్రాధాన్యం ఇచ్చే వాళ్లకు ముకుతాడు వేయాలని బోర్డు యోచిస్తోంది. తప్పనిసరిగా 3- 4 రంజీ ట్రోఫీ మ్యాచ్‌లు ఆడిన వాళ్లకు మాత్రమే ఐపీఎల్‌ ఆడేందుకు అనుమతినివ్వాలని భావిస్తోంది. రంజీల్లో ఆడేందుకు నిరాకరిస్తే.. ఐపీఎల్‌ వేలానికి ముందు రిలీజ్‌ అయిన వాళ్లకు మళ్లీ వేలంలో పాల్గొనే అవకాశం ఇవ్వకూడదనే నిబంధన తెచ్చే యోచనలో ఉంది. కొంతమంది రంజీ ట్రోఫీ ఆడటాన్ని తక్కువ చేసి చూడటం బోర్డు దృష్టికి వచ్చింది. అయితే, హార్దిక్‌ పాండ్యా వంటి ప్రధాన ఆటగాళ్లకు ఫిట్‌నెస్‌ కారణాల దృష్ట్యా ఇలాంటి నిబంధనల నుంచి మినహాయింపు ఇవ్వాలని భావిస్తున్నారు’’ అని సదరు అధికారి పేర్కొనడం విశేషం. చదవండి: Virat Kohli-Anushka Sharma: ఓ బ్యాడ్‌ న్యూస్‌.. ఓ ‘గుడ్‌’ న్యూస్‌!

సెంట్రల్‌ కాంట్రాక్ట్‌ కలిగిన ఆటగాళ్లు జాతీయ జట్టులోకి తిరిగి రావాలంటే దేశవాలీ టోర్నీల్లో తప్పక ఆడాలని బీసీసీఐ వార్నింగ్‌ ఇచ్చిన నేపథ్యంలో టీమిండియా పాకెట్‌ డైనమైట్‌ ఇషాన్‌ కిషన్‌ దిగొచ్చినట్లు కనిపిస్తుంది. వ్యక్తిగత సమస్యల కారణంగా దక్షిణాఫ్రికా పర్యటన మధ్యలోనే స్వదేశానికి వచ్చేసిన ఇషాన్‌ ఆతర్వాత ఏ దేశవాలీ టోర్నీలోనూ ఆడకుండా మిన్నకుండిపోయాడు. టెస్ట్‌ల్లో టీమిండియాను రెగ్యులర్‌ వికెట్‌కీపర్‌ సమస్య వేధిస్తున్న నేపథ్యంలో చాలామంది ఇషాన్‌ను జట్టులోకి తీసుకోవాలని సూచించారు. అయితే రెండు నెలలకు పైగా ఎలాంటి క్రికెట్‌ ఆడని వ్యక్తిని నేరుగా తుది జట్టులో ఎలా తీసుకుంటామని బీసీసీఐ వాదిస్తుంది. ఈ విషయాన్ని టీమిండియా కోచ్‌ సైతం ఇషాన్‌ను ఉద్దేశిస్తూ చెప్పకనే చెప్పాడు. అయితే ద్రవిడ్‌ మాటలను సైతం పెడచెవిన పెట్టిన ఇషాన్‌.. దేశవాలీ టోర్నీలను కాదని ఐపీఎల్‌ సన్నాహకాల్లో నిమగ్నమైపోయాడు. ఇషాన్‌ ప్రవర్తన చూసి చిర్రెతిపోయిన బీసీసీఐ పెద్దలు తాజాగా ఓ  అల్టిమేటం జారీ చేశారు. బీసీసీఐతో సెంట్రల్‌ కాంట్రాక్ట్‌ కలిగిన ఆటగాళ్లు జాతీయ జట్టులోకి తిరిగి రావాలంటే దేశవాలీ టోర్నీల్లో పాల్గొనాలని రూల్‌ పాస్‌ చేశారు. జాతీయ జట్టు సభ్యులకు, ఎన్‌సీఏలో ఉన్న ఆటగాళ్లకు ఇందుకు మినహాయింపు ఉంటుందని బీసీసీఐ ప్రకటన విడుదల చేసింది. ఈ ప్రకటన పరోక్షంగా తనను ఉద్దేశించే అని గ్రహించిన ఇషాన్‌ ఎట్టకేలకు దిగొచ్చాడు. ఐపీఎల్‌ ప్రాక్టీస్‌ను పక్కన పెట్టి త్వరలో ప్రారంభంకానున్న డీవై పాటిల్‌ టోర్నీలో పాల్గొనాలని నిర్ణయించుకున్నాడు. ఈ విషయాన్ని ఇషాన్‌ స్వయంగా చెప్పనప్పటికీ, అతని సన్నిహితులు లోకల్‌మీడియాతో చెప్పినట్లు సమాచారం. ఐపీఎల్‌కు ముందు దేశవాలీ టోర్నీల్లో పాల్గొనకుంటే సెంట్రల్‌ కాంట్రాక్ట్‌ రద్దవుతుందని సోషల్‌మీడియాలో వార్తలు చక్కర్లు కొట్టడంతో ఇషాన్‌ కాస్త తగ్గినట్లు కనిపిస్తుంది. కాగా, వ్యక్తిగత కారణాలను సాకుగా చూపిన ఇషాన్‌.. కోచ్‌ ద్రవిడ్‌ చెప్పినా పట్టించుకోకుండా ఐపీఎల్‌ సన్నాహకాల్లో పాల్గొనడంపై బీసీసీఐ చాలా సీరియస్‌గా ఉన్నట్లు తెలుస్తుంది. ఇషాన్‌ విషయంలో త్వరలోనే బ్యాడ్‌న్యూస్‌ వస్తుందన్న ప్రచారం జరుగుతుంది. ప్రస్తుతం ఇషాన్ బీసీసీఐ సెంట్రల్ కాంట్రాక్టులో 'గ్రేడ్-సీ'లో ఉన్నాడు. ఏడాదికి అతనికి కోటి రూపాయల వేతనం లభిస్తుంది. 

ఇషాన్‌ కిషన్‌.. గత కొన్ని రోజులగా భారత క్రికెట్‌ వర్గాల్లో ఎక్కువగా వినిపిస్తున్న పేరు. గతేడాది నవంబర్‌ నుంచి ఇషాన్‌ కిషన్‌ భారత జట్టుకు దూరంగా ఉంటున్నాడు. దక్షిణాఫ్రికా పర్యటనకు వెళ్లిన ఇషాన్‌ మధ్యలోనే ఉన్నపళంగా స్వదేశానికి వచ్చాడు. అప్పటి నుంచి బీసీసీఐతో కానీ, భారత జట్టు మేనెజ్‌మెంట్‌తో కానీ టచ్‌లో లేడు. అయితే దక్షిణాఫ్రికా టూర్‌ తర్వాత స్వదేశంలో ఇంగ్లండ్‌తో టెస్టు సిరీస్‌కు కిషన్‌ అందుబాటులో ఉంటాడని భావించారు. కానీ తొలి రెండు టెస్టు ప్రకటించిన జట్టులో కిషన్‌ పేరు కన్పించలేదు. రెండో టెస్టు అనంతరం భారత హెడ్‌ కోచ్‌ రాహుల్‌ మాట్లాడుతూ.. ఇంగ్లండ్ టెస్ట్ సిరీస్‌కు ఎంపిక కావాలంటే కిషన్‌ కచ్చితంగా రంజీ ట్రోఫీలో ఆడాల్సిందే అని స్పష్టం చేశాడు. కానీ కిషన్‌ రాహుల్‌ వ్యాఖ్యలను పరిగణలోకి తీసుకోలేదు. రంజీ ట్రోఫీ ఆడకుండా బరోడా వెళ్లి పాండ్యా బ్రదర్స్ తో ఐపీఎల్ కోసం ప్రాక్టీస్ చేస్తున్నాడు. జార్ఖండ్ తరఫున రంజీ ట్రోఫీ బరిలో దిగే అవకాశం ఉన్నా..కిషన్ విముఖత చూపించాడు. తాజాగా ఇదే విషయంపై బీసీసీఐ కూడా పరోక్షంగా స్పందించినట్లు సమాచారం. సీనియర్‌ ఆటగాళ్లు రంజీల్లో ఆడకుండా ఐపీఎల్ కోసం ప్రాక్టీస్ చేస్తుండటంపై బోర్డు అగ్రహం వ్యక్తం చేసినట్లు పలురిపోర్ట్‌లు పేర్కొంటున్నాయి. కిషన్‌పై వేటు.. అయితే మరోక నివేదిక ప్రకారం.. కిషన్‌ వ్యవహరంపై బీసీసీఐ సీరియస్‌గా ఉన్నట్లు తెలుస్తోంది. అతడిపై చర్యలకు బోర్డు సిద్దమైనట్లు వార్తలు వినిపిస్తున్నాయి. 2024-25 ఏడాదిగాను బీసీసీఐ ఆటగాళ్ల సెంట్రల్‌ కాంట్రాక్ట్‌ జాబితాను త్వరలోనే ప్రకటించనుంది. ఈ క్రమంలో ఇషాన్‌ కాంట్రాక్ట్‌ను రద్దు చేయాలని బీసీసీఐ నిర్ణయించుకున్నట్లు సమచారం. ప్రస్తుతం గ్రేడ్ 'సి'లో ఉన్న ఇషాన్‌ కాంట్రాక్ట్‌ను పునరుద్దరించే ఆలోచనలో బీసీసీఐ లేనట్లు వినికిడి. కాగా 2022-23లో బీసీసీఐ ప్రకటించిన సెంట్రల్‌ కాంట్రాక్ట్‌ జాబితాలో తొలిసారి కిషన్‌ దక్కించుకున్నాడు. బీసీసీఐ నుంచి రూ. కోటి రూపాయలు వార్షిక వేతనాన్ని అందుకుంటున్నాడు.

దేశవాళీ క్రికెట్‌ను కాదని ఐపీఎల్‌ సన్నాహకాల్లో నిమగ్నమై ఉన్న ఆటగాళ్లకు బీసీసీఐ స్ట్రిక్ట్‌ వార్నింగ్‌ ఇచ్చింది. రంజీల్లో ఆడకుంటే తీవ్ర పరిణామాలు తప్పవని హెచ్చరించింది. జాతీయ జట్టు సభ్యులు, గాయాల బారిన ఆటగాళ్లు మినహా అందరూ రంజీల్లో పాల్గొనాలని పిలుపునిచ్చింది.  ఇషాన్‌ కిషన్‌ ఎపిసోడ్‌ నేపథ్యంలో బీసీసీఐ సీరియస్‌గా ఉందని తెలుస్తుంది. బీసీసీఐ పిలుపును ఖాతరు చేయని వాళ్లకు త్వరలో నోటీసులు అందుతాయని సమాచారం. నోటీసులు అందుకున్న ఆటగాళ్లపై తీవ్ర చర్యలు ఉంటాయని తెలుస్తుంది.  కాగా, గత కొద్దికాలంగా జాతీయ జట్టులో లేని ఇషాన్‌ కిషన్‌.. దేశవాలీ టీమ్‌కు అందుబాటులో ఉండకుండా ఐపీఎల్‌ 2024 సన్నాహకాల్లో బిజీగా ఉన్నాడు. బరోడాలో ఏర్పాటు చేసిన ట్రైనింగ్‌ క్యాంప్‌లో ఇషాన్‌.. హార్దిక్‌ పాండ్యా, కృనాల్‌ పాండ్యాలతో కలిసి ప్రాక్టీస్‌ చేస్తున్నాడు. జాతీయ జట్టులోకి రావాలంటే దేశవాలీ క్రికెట్‌ ఆడాలని కోచ్‌ రాహుల్‌ ద్రవిడ్‌ చేసిన సూచనలను సైతం ఇషాన్‌ లెక్క చేయకుండా ఐపీఎల్‌ కోసం ప్రిపేర్‌ అవుతున్నాడు. ఇషాన్‌ చర్యల పట్ల బోర్డు చాలా సీరియస్‌గా ఉన్నట్లు తెలుస్తుంది. గత కొంతకాలంగా బీసీసీఐ-ఇషాన్‌ కిషన్‌ మధ్య పరోక్ష యుద్దం నడుస్తున్నట్లు ప్రచారం జరుగుతుం‍ది. జితేశ్‌ శర్మను జాతీయ జట్టులోకి ఎంపిక చేసినప్పటి నుంచి ఇషాన్‌-బీసీసీఐ మధ్య వార్‌ జరుగుతుందని సమాచారం.     

టీమిండియా యువ వికెట్‌ కీపర్‌ ఇషాన్‌ కిషన్‌ పునరాగమనంపై భారత మాజీ ఓపెనర్‌ ఆకాశ్‌ చోప్రా కీలక వ్యాఖ్యలు చేశాడు. టెస్టుల్లో వికెట్‌ కీపర్‌గా ప్రస్తుతం కేఎస్‌ భరత్‌కే మేనేజ్‌మెంట్‌ పెద్దపీట వేసే అవకాశం ఉందని పేర్కొన్నాడు.  ఒకవేళ ఏదేని కారణాల చేత భరత్‌ జట్టుకు దూరమైతే.. అతడి స్థానంలో ధ్రువ్‌ జురెల్‌ లేదంటే జగదీశన్‌ వంటి వాళ్లకు ఛాన్స్‌ ఇస్తారని అభిప్రాయపడ్డాడు. అంతేగానీ.. ఇషాన్‌ కిషన్‌కు మాత్రం రీఎంట్రీ అంత సులువుకాదని ఆకాశ్‌ చోప్రా చెప్పుకొచ్చాడు. బ్రేక్‌ తీసుకున్న ఇషాన్‌ కాగా మానసికంగా అలసిపోయానంటూ సౌతాఫ్రికా పర్యటన నుంచి ఇషాన్‌ కిషన్‌ మధ్యలోనే నిష్క్రమించిన విషయం తెలిసిందే. స్వదేశానికి తిరిగి వచ్చిన తర్వాత కుటుంబంతో సమయం గడుపుతూనే.. వర్కౌట్లతో బిజీ అయ్యాడు.  ఈ నేపథ్యంలో మేనేజ్‌మెంట్‌తో ఇషాన్‌ కిషన్‌కు విభేదాలు తలెత్తాయన్న వార్తల నడుమ.. హెడ్‌కోచ్‌ రాహుల్‌ ద్రవిడ్ కీలక వ్యాఖ్యలు చేశాడు. దేశవాళీ క్రికెట్‌ ఆడిన తర్వాతే ఇషాన్‌ తిరిగి జట్టులోకి వస్తాడని పేర్కొన్నాడు. అయితే, రంజీ ట్రోఫీ-2024 రూపంలో అవకాశం ఉన్నా.. ఇషాన్‌ మాత్రం దానిని పక్కనపెట్టాడు. భరత్‌కు అవకాశం జార్ఖండ్‌ క్రికెట్‌ అసోసియేషన్‌ స్వాగతం పలికినా జట్టుతో చేరలేదు. ఇదిలా ఉంటే.. ఇషాన్‌ తిరిగి వచ్చిన తర్వాత సౌతాఫ్రికాతో టెస్టుల్లో అతడి స్థానాన్ని భర్తీ చేసిన ఆంధ్ర క్రికెటర్‌ కోన శ్రీకర్‌ భరత్‌.. స్వదేశంలో ఇంగ్లండ్‌తో టెస్టుల్లోనూ ఆడుతున్నాడు. అయితే, వికెట్‌ కీపింగ్‌ పరంగా అతడికి మంచి మార్కులే పడుతున్నా.. బ్యాటర్‌గా ఆకట్టుకోలేకపోతున్నాడనే విమర్శలు వస్తున్నాయి. ఈ నేపథ్యంలో ఆకాశ్‌ చోప్రా మాట్లాడుతూ ఆసక్తికర వ్యాఖ్యలు చేశాడు. ‘‘ఇషాన్‌ కిషన్‌ మేనేజ్‌మెంట్‌ను అడిగి మరీ విరామం తీసుకున్నాడు. అప్పటి నుంచి ఇప్పటిదాకా కాంపిటేటివ్‌ క్రికెట్‌ ఆడలేదు. తన బ్రేక్‌ను పొడిగిస్తూనే ఉన్నాడు. ఫస్ట్‌క్లాస్‌ క్రికెట్‌లోనూ కనిపించడం లేదు. మానసికంగా అలసిపోయానంటూ అతడు సెలవు తీసుకున్నాడు. తను బాగుండాలని కోరుకుంటున్నా. అయితే, ఇప్పట్లో అతడు నేరుగా టీమిండియాలో రీఎంట్రీ ఇచ్చే అవకాశం లేదు. కేఎస్‌ భరత్‌ వికెట్‌ కీపర్‌గా జట్టులో ఉన్నాడు. అతడి గైర్హాజరీలో ధ్రువ్‌ జురెల్‌ లేదంటే.. జగదీశన్‌ కూడా జట్టులోకి వస్తారేమో కూడా తెలియదు. కానీ.. ఇషాన్‌ కిషన్‌కు మాత్రం పిలుపునివ్వరు. అతడు దేశవాళీ క్రికెట్‌ ఆడిన తర్వాతే మళ్లీ జాతీయ జట్టుకు సెలక్ట్‌ చేస్తారు’’ అని ఆకాశ్‌ చోప్రా తన అభిప్రాయాలు పంచుకున్నాడు. ఆ విషయంలో కోహ్లితో పోల్చవద్దు ఈ సందర్భంగా.. ‘‘విరాట్‌ కోహ్లి కూడా కాంపిటేటివ్‌ క్రికెట్‌ ఆడటం లేదు కదా అంటూ ప్రశ్నలు వేయద్దు. ఎందుకంటే.. కోహ్లి, ఇషాన్‌ల మధ్య చాలా వ్యత్యాసం ఉంది. కాబట్టి.. దయచేసి ఇద్దరినీ పోల్చే ప్రయత్నం చేయొద్దు’’ అంటూ ట్రోల్‌ చేసే వాళ్లకు చురకలు అంటించాడు  ఆకాశ్‌ చోప్రా. చదవండి: Virat Kohli: అంతా అబద్ధం.. కోహ్లి విషయంలో మాట మార్చిన డివిలియర్స్‌

టీమిండియా పాకెట్‌ డైనమైట్‌ ఇషాన్‌ కిషన్‌ గతకొద్ది రోజులుగా ఎక్కడా కనిపించడం లేదు. వ్యక్తిగత కారణాల చేత గతేడాది దక్షిణాఫ్రికా పర్యటన నుంచి అర్ధంతరంగా స్వదేశానికి వచ్చేసిన ఇషాన్‌.. అప్పటి నుంచి క్రికెట్‌కు దూరంగా ఉంటున్నాడు. గ్యాప్‌ కావడంతో జాతీయ సెలెక్టర్లు సైతం ఇషాన్‌ను  ఏ ఫార్మాట్‌కు పరిగణలోకి తీసుకోవడం లేదు. దీంతో అలకబూనాడో ఏమో తెలీదు కానీ.. అతను కనీసం దేశవాలీ టోర్నీల్లో కూడా ఆడకుండా బీష్మించుకు కూర్చున్నాడు.  తాజాగా విశాఖ టెస్ట్‌ అనంతరం విలేకరులు ఇషాన్‌ గురించి టీమిండియా హెడ్‌ కోచ్‌ రాహుల్‌ ద్రవిడ్‌ వద్ద ఆరా తీశారు. అసలు ఇషాన్‌కు ఏమైంది.. అతను ఇంతకాలంగా జట్టుకు ఎందుకు దూరంగా ఉంటున్నాడంటూ ప్రశ్నించారు. ఈ ప్రశ్నలకు ద్రవిడ్‌ స్పందిస్తూ.. ఇషాన్‌ను జాతీయ సెలెక్టర్లు పరిగణలోకి తీసుకోవాలంటే, అతను తొలుత క్రికెట్‌ ఆడటం మొదలుపెట్టాలి. ఏ తరహా గేమ్‌లోనైనా సరే తనను తాను నిరూపించుకోవాలి. ఇషాన్‌ అభ్యర్ధన మేరకే బ్రేక్‌ లభించింది. తిరిగి జట్టులోకి రావాలంటే తప్పనిసరిగా ప్రూవ్‌ చేసుకోవాల్సి ఉంటుంది. ఇషాన్‌తో టచ్‌లోనే ఉన్నామని ద్రవిడ్‌ వివరణ ఇచ్చాడు. బీసీసీఐలోని ఓ వర్గం ఇషాన్‌ రీఎంట్రీని అడ్డుకుంటుందన్న ప్రచారం జరుగుతున్న వేల ద్రవిడ్‌ ఇచ్చిన వివరణ ఆసక్తికరంగా మారింది. ఇషాన్‌ కూడా కోహ్లిలా బీసీసీఐ పెద్దలతో ఏదైనా గొడవ పడ్డాడా అని జనాలు ఆరా తీయడం మొదలుపెట్టారు. అప్పటివరకు మూడు ఫార్మాట్లలో సభ్యుడిగా ఉన్న ఇషాన్‌ ఒక్కసారిగా కనుమరుగైపోవడం ఏంటని చర్చించుకుంటున్నారు. ద్రవిడ్‌ ఇచ్చిన వివరణ చూస్తుంటే, ఇషాన్‌ రీఎంట్రీని అడ్డుకునే ప్రణాళికగా ఉందంటూ జనాలు గుసగుసలాడుకుంటున్నారు. ప్రస్తుత టెస్ట్‌ వికెట్‌కీపర్‌ కేఎస్‌ భరత్‌ వరుసగా విఫలమవుతున్నా.. అతనితోనే నెట్టుకొస్తున్నారు కానీ, ఇషాన్‌ను అస్సలు పరిగణలోకి తీసుకోవడం లేదంటూ అనుమానులు వ్యక్తం చేస్తున్నారు.   ఇదిలా ఉంటే, ఇంగ్లండ్‌తో జరిగిన రెండో టెస్ట్‌లో బుమ్రా (9/91), యశస్వి జైస్వాల్‌ (209), శుభ్‌మన్‌ గిల్‌ (104) అద్భుత ప్రదర్శనలతో చెలరేగడంతో టీమిండియా 106 పరుగుల తేడాతో ఘన విజయం సాధించింది. ఈ గెలుపుతో భారత్‌ ఐదు మ్యాచ్‌ల సిరీస్‌లో 1-1తో సమానంగా నిలిచింది.   

సాక్షి, హైదరాబాద్‌- Ranji Trophy 2023-24- Hyderabad vs Arunachal Pradesh: దేశవాళీ క్రికెట్‌లో అనామక అరుణాచల్‌ ప్రదేశ్‌ బౌలర్లపై హైదరాబాద్‌ ఓపెనర్లు తన్మయ్‌ అగర్వాల్‌ (160 బంతుల్లో 323 బ్యాటింగ్, 33 ఫోర్లు, 21 సిక్స్‌లు), కెప్టెన్‌ రాహుల్‌ సింగ్‌ గహ్లోత్‌ (105 బంతుల్లో 185; 26 ఫోర్లు, 3 సిక్స్‌లు) ఆకాశమే హద్దుగా చెలరేగారు. రంజీ ట్రోఫీ ప్లేట్‌ డివిజన్‌లో భాగంగా సొంతగడ్డపై జరుతున్న నాలుగు రోజుల లీగ్‌ మ్యాచ్‌లో హైదరాబాద్‌ తొలిరోజు ‘సూపర్‌ఫాస్ట్‌’ ప్రదర్శన కనబరిచింది. ఆట ముగిసే సమయానికి హైదరాబాద్‌ తొలి ఇన్నింగ్స్‌లో 48 ఓవర్లలో ఒక వికెట్‌ కోల్పోయి 529 పరుగులు సాధించింది. ప్రస్తుతం హైదరాబాద్‌ 357 పరుగుల ఆధిక్యంలో ఉంది. ముందుగా అరుణాచల్‌ ఇన్నింగ్స్‌ను కూల్చడం మొదలు, హైదరాబాద్‌ బ్యాటింగ్‌ అంతా మెరుపు వేగంతో సాగిపోయింది.  హైదరాబాద్‌ బౌలర్ల విజృంభణతో తూంకుంటలోని నెక్స్‌జెన్‌ క్రికెట్‌ అకాడమీ గ్రౌండ్‌లో ముందుగా బ్యాటింగ్‌కు దిగిన అరుణాచల్‌ జట్టు తొలి ఇన్నింగ్స్‌లో 39.4 ఓవర్లలో 172 పరుగులకే కుప్పకూలింది. ఓపెనర్‌  తెచీ డోరియా (127 బంతుల్లో 97 నాటౌట్‌; 12 ఫోర్లు, 4 సిక్సర్లు) ఒంటరి పోరాటం చేశాడు. హైదరాబాద్‌ బౌలర్లు సీవీ మిలింద్‌ (3/36), కార్తికేయ (3/28), తనయ్‌ త్యాగరాజన్‌ (2/53) అరుణాచల్‌ జట్టును కట్టడి చేశారు.   తొలి వికెట్‌కు 449 పరుగుల భాగస్వామ్యం  అనంతరం తొలి ఇన్నింగ్స్‌ ఆరంభించిన హైదరాబాద్‌ ఓపెనర్లు తన్మయ్, రాహుల్‌ అరుణాచల్‌ బౌలర్లపై విధ్వంసరచన చేశారు. ఇద్దరూ చెలరేగిన తీరుతో ప్రతీ ఓవర్‌ హైలైట్స్‌ను తలపించింది. తొలుత ఫాస్టెస్ట్‌ డబుల్‌ సెంచరీ తన్మయ్‌తో రాహుల్‌ తొలి వికెట్‌కు 40.2 ఓవర్లలో 449 పరుగుల భాగస్వామ్యం జోడించాక అవుటయ్యాడు. రాహుల్‌ అవుటయ్యాక కూడా తన్మయ్‌ తన జోరు కొనసాగించాడు. ఈ క్రమంలో రంజీ ట్రోఫీలో ఫాస్టెస్ట్‌ డబుల్‌ సెంచరీ చేసిన భారత క్రికెటర్‌గా తన్మయ్‌ నిలిచాడు. తన్మయ్‌ 119 బంతుల్లో డబుల్‌ సెంచరీ చేయగా... 1985లో బరోడా జట్టుపై రవిశాస్త్రి (ముంబై) 123 బంతుల్లో డబుల్‌ సెంచరీ సాధించాడు. డబుల్‌ సెంచరీ పూర్తయ్యాక కూడా తన్మయ్‌ విధ్వంసం కొనసాగింది. ఫాస్టెస్ట్‌ ‘ట్రిపుల్‌ .. ఇషాన్‌ సిక్సర్ల రికార్డు బద్దలు ఈ క్రమంలో తన్మయ్‌ ఫస్ట్‌క్లాస్‌ ఫాస్టెస్ట్‌ ట్రిపుసెంచరీ’ సాధించిన బ్యాటర్‌గా రికార్డు నెలకొల్పాడు. తన్మయ్‌ 147 బంతుల్లో ‘ట్రిపుల్‌ సెంచరీ’ సాధించి ... 2017లో దక్షిణాఫ్రికా దేశవాళీ క్రికెట్‌లో 191 బంతుల్లో ‘ట్రిపుల్‌ సెంచరీ’ చేసిన మార్కో మరైస్‌ రికార్డును బద్దలు కొట్టాడు. అంతేకాకుండా రంజీ ట్రోఫీ చరిత్రలో  ఒకే ఇన్నింగ్స్‌లో అత్యధిక సిక్స్‌లు కొట్టిన బ్యాటర్‌గా నిలిచాడు. శుక్రవారం నాటి మొదటిరోజు ఆట ముగిసేసరికి తన్మయ్‌ 21 సిక్స్‌లు కొట్టగా... జార్ఖండ్‌ ప్లేయర్‌ ఇషాన్‌ కిషన్‌ (2016లో ఢిల్లీపై 14 సిక్స్‌లు), హిమాచల్‌ప్రదేశ్‌ ఆటగాడు శక్తి సింగ్‌ (1990లో హరియాణాపై 14 సిక్స్‌లు) పేరిట ఉన్న రికార్డు తెరమరుగైంది.  Day 2- 366 పరుగులు చేసి అవుట్‌ తన్మయ్‌ అగర్వాల్‌ వీరవిహారానికి అరుణాచల్‌ ప్రదేశ్‌ బౌలర్‌ నబం టెంపోల్‌ బ్రేక్‌ వేశాడు. శనివారం నాటి రెండో రోజు ఆటలో 366 పరుగుల వ్యక్తిగత స్కోరు(34 ఫోర్లు, 26 సిక్సర్లు) వద్ద తన్మయ్‌ క్యాచ్‌ అవుట్‌గా పెవిలియన్‌ చేరాడు. దీంతో రెండో వికెట్‌ కోల్పోయిన హైదరాబాద్‌.. అభిరథ్‌ రెడ్డి(37), నితేశ్‌ రెడ్డి(12) రూపంలో మరో రెండు వికెట్లు కోల్పోయింది. మొత్తంగా 59 ఓవర్లు ముగిసే సరికి 614-4 స్కోరు చేసిన హైదరాబాద్‌ ప్రస్తుతం 442 పరుగుల ఆధిక్యంలో కొనసాగుతోంది. చదవండి: Ranji Trophy: హనుమ విహారి, రికీ భుయ్‌ సెంచరీలు

Ind vs Eng 5 Match Test Series 2024: ఇంగ్లండ్‌తో జరిగే టెస్టు సిరీస్‌ నేపథ్యంలో తొలి రెండు మ్యాచ్‌లలో పాల్గొనే భారత జట్టును బీసీసీఐ శుక్రవారం రాత్రి ప్రకటించింది. సొంతగడ్డపై దాదాపు నెలన్నర పాటు జరుగనున్న ఈ సిరీస్‌ సందర్భంగా ఓ కొత్త ఆటగాడికి సెలక్టర్లు పిలుపునిచ్చారు. ఉత్తరప్రదేశ్‌కు చెందిన యువ వికెట్‌ కీపర్‌ ధ్రువ్‌ జురేల్‌కు తొలిసారి జాతీయ జట్టులో చోటు కల్పించారు. కేఎల్‌ రాహుల్‌, కోన శ్రీకర్‌ భరత్‌లతో పాటు మూడో వికెట్‌ కీపర్‌ ఆప్షన్‌గా అతడికి అవకాశం ఇచ్చారు. నిజానికి స్టార్‌ బ్యాటర్‌ ఇషాన్‌ కిషన్‌ సెలక్షన్‌కు అందుబాటులో ఉంటే పరిస్థితి వేరేలా ఉండేది. మధ్యలోనే తిరిగి వచ్చాడు గత కొన్నాళ్లుగా ఈ జార్ఖండ్‌ వికెట్‌ కీపర్‌ బ్యాటర్‌ జట్టుతో ప్రయాణిస్తున్నా తుదిజట్టులో ఆడే అవకాశం రావడం లేదు. దీంతో సౌతాఫ్రికా పర్యటనలో టెస్టు సిరీస్‌ ఆరంభానికి ముందే స్వదేశానికి తిరిగి వచ్చేశాడు. మానసికంగా అలసిపోయానంటూ బీసీసీఐ దగ్గర సెలవు తీసుకుని ఆటకు విరామం ప్రకటించాడు. అయితే, ఇషాన్‌ కిషన్‌ వ్యవహారశైలి నచ్చని బీసీసీఐ పెద్దలు క్రమశిక్షణ చర్యల కింద అతడిని కొన్నాళ్లపాటు దూరం పెట్టాలని నిర్ణయించుకున్నట్లు వార్తలు వచ్చాయి. అందుకే ఈ లెఫ్టాండ్‌ బ్యాటర్‌ను అఫ్గనిస్తాన్‌తో టీ20 సిరీస్‌కు కూడా ఎంపిక చేయలేదనే విమర్శలు వచ్చాయి. అలాంటిదేమీ లేదన్న ద్రవిడ్‌ ఈ నేపథ్యంలో టీమిండియా హెడ్‌కోచ్‌ రాహుల్‌ ద్రవిడ్‌ స్వయంగా స్పందించాడు.  ఇషాన్‌పై అలాంటి చర్యలేమీ తీసుకోలేదని.. అతడు సెలక్షన్‌కు అందుబాటులో లేడు కాబట్టే ఎంపిక చేయలేదని తెలిపాడు. అయితే, మళ్లీ టీమిండియాలో ఎంట్రీ ఇవ్వాలంటే దేశవాళీ క్రికెట్‌లో నిరూపించుకోవాల్సి ఉంటుందని స్పష్టం చేశాడు. రంజీలో నేరుగా తుదిజట్టులో ఆడిస్తామన్న జార్ఖండ్‌ మేనేజ్‌మెంట్‌ ఈ క్రమంలో జార్ఖండ్‌ క్రికెట్‌ అసోసియేషన్‌ కార్యదర్శి దేబాశిష్‌ చక్రవర్తి ఇషాన్‌ కిషన్‌కు తాము స్వాగతం పలుకుతున్నట్లు ప్రకటించాడు. అయితే, ఇంత వరకు ఇషాన్‌ తమను సంప్రదించలేదని.. ఒకవేళ అతడు రంజీ ట్రోఫీ-2024 సీజన్‌లో జార్ఖండ్‌ జట్టుకు ఆడాలనుకుంటే.. నేరుగా తుదిజట్టులో ఆడిస్తామని స్పష్టం చేశాడు.   అయినప్పటికీ ఇంత వరకు ఇషాన్‌ కిషన్‌ జార్ఖండ్‌ జట్టుతో చేరలేదని తెలుస్తోంది. ఒకవేళ రంజీలకు దూరంగా ఉండాలని ఇషాన్‌ నిర్ణయించుకుంటే ఇక ఇంగ్లండ్‌తో టెస్టు సిరీస్‌లో అతడికి చోటు దక్కకపోవచ్చు. తొలి టెస్టు హైదరాబాద్‌లో ఇప్పటికే తొలి రెండు టెస్టులకు దూరమైన ఇషాన్‌.. మిగతా మూడు మ్యాచ్‌లు కూడా మర్చిపోవాల్సి ఉంటుంది. మేనేజ్‌మెంట్‌ చెప్పిన మాటలు పెడచెవిన పెడితే రీఎంట్రీ అసాధ్యమవుతుంది. చూడాలి మరి ఈ యంగ్‌ వికెట్‌ కీపర్‌ బ్యాటర్‌ ఏం చేస్తాడో!!   ఇదిలా ఉంటే.. ఇషాన్‌ స్థానంలో జట్టులోకి వచ్చిన 22 ఏళ్ల ధ్రువ్‌ భారత అండర్‌–19 జట్టుకు ఆడాడు. ఐపీఎల్‌లో రాజస్తాన్‌ రాయల్స్‌కు ప్రాతినిధ్యం వహించాడు.  ఇక భారత్, ఇంగ్లండ్‌ జట్ల మధ్య తొలి టెస్టు ఈనెల 25 నుంచి 29 వరకు హైదరాబాద్‌లో... రెండో టెస్టు ఫిబ్రవరి 2 నుంచి 6 వరకు విశాఖపట్నంలో జరుగుతాయి.   ఇంగ్లండ్‌తో తొలి రెండు టెస్టులకు భారత జట్టు: రోహిత్‌ శర్మ (కెప్టెన్‌), బుమ్రా (వైస్‌ కెప్టెన్‌), శుబ్‌మన్‌ గిల్, యశస్వి జైస్వాల్‌, విరాట్‌ కోహ్లి, శ్రేయస్‌ అయ్యర్, కేఎల్‌ రాహుల్‌ (వికెట్‌ కీపర్‌), కేఎస్‌ భరత్‌ (వికెట్‌ కీపర్‌), ధ్రువ్‌ జురెల్‌ (వికెట్‌ కీపర్‌), రవిచంద్రన్‌ అశ్విన్‌, రవీంద్ర జడేజా, అక్షర్‌ పటేల్, కుల్దీప్ యాదవ్‌, మహ్మద్‌ సిరాజ్, ముకేశ్‌ కుమార్, అవేశ్‌ ఖాన్‌.  చదవండి: Ind vs Eng ఎవరీ ధ్రువ్‌ జురెల్‌? తండ్రి కార్గిల్‌ యుద్ధంలో.. తల్లి త్యాగం!

Dhruv Jurel Story Mother sold gold chain for cricket kit: తన 23వ పుట్టినరోజు(జనవరి 21)కు సరిగ్గా పది రోజుల ముందు ధ్రువ్‌ జురెల్‌ జీవితంలో అద్భుతం చోటుచేసుకుంది. టీమిండియాకు ఆడాలన్న తన కల నెరవేరేందుకు పునాది పడింది. అవును.. పటిష్ట ఇంగ్లండ్‌తో సొంతగడ్డపై తలపడే భారత జట్టులో తొలిసారిగా అతడికి చోటు దక్కింది. సౌతాఫ్రికా పర్యటన మధ్యలోనే టెస్టు జట్టును వీడిన ఇషాన్‌ కిషన్‌పై వేటు వేసిన బీసీసీఐ సెలక్షన్‌ కమిటీ.. ఈ ఉత్తరప్రదేశ్‌ కుర్రాడికి జట్టులో స్థానం ఇచ్చింది. కేఎల్‌ రాహుల్‌, కేఎస్‌ భరత్‌తో పాటు తొలి రెండు టెస్టులకు ఎంపిక చేసిన జట్టులో వికెట్‌ కీపర్‌గా చోటిచ్చింది. రాహుల్‌ గాయం, కేఎస్‌ భరత్‌ నిలకడలేమి ప్రదర్శన నేపథ్యంలో మూడో టెస్టు ద్వారా ధ్రువ్‌ అంతర్జాతీయ క్రికెట్‌లో అరంగేట్రం చేశాడు. తండ్రి కార్గిల్‌ యుద్ధంలో.. ఉత్తరప్రదేశ్‌కు చెందిన ధ్రువ్‌ జురేల్‌ తండ్రి నీమ్‌ సింగ్‌ జురేల్‌ కార్గిల్‌ యుద్ధంలో పోరాడారు. తనలాగే కొడుకు కూడా ఆర్మీలో చేరాలి.. అలా కుదరకపోతే.. ఏదో ఒక ప్రభుత్వ ఉద్యోగం సంపాదించి తీరాలని ఆయన బలంగా కోరుకున్నారు. అంతేతప్ప స్పోర్ట్స్‌ను కెరీర్‌గా ఎంచుకోవాలని ఏనాడూ ఆశించలేదు. అందుకు తగ్గ ప్రయత్నాలు చేయమని కుమారుడికి చెప్పనూలేదు. కానీ.. ధ్రువ్‌ మనసంతా క్రికెట్‌ మీదే ఉంది. ఇంట్లో నుంచి పారిపోతా అయితే, ఆ మాటను పెదవి దాటించి తండ్రితో చెప్పాలంటే భయం. అయినా.. ఓరోజు ఎలాగోలా ధైర్యం చేసి.. ‘నాకు క్రికెట్‌ బ్యాట్‌ కొనివ్వు నాన్నా’’ అని నోరు తెరిచి అడిగాడు. అప్పటికే ఆర్థిక పరిస్థితి అంతంత మాత్రమే.. పైగా ఆర్మీ కాకుండా ఆటగాడిని అవుతానంటూ కొడుకు చెప్పడం నీమ్‌ సింగ్‌కు ఎంతమాత్రం నచ్చలేదు. అందుకే వెంటనే నో చెప్పేశారు. ధ్రువ్‌కు మాత్రం క్రికెటర్‌ కావాలనే కోరిక బలంగా నాటుకుపోయింది. ఇంట్లో పరిస్థితులు చూశాక.. నాన్న మాటలు విన్న తర్వాత ఇంట్లో నుంచి పారిపోవాలని నిర్ణయించుకున్నాడు. క్రికెట్‌ ఆడనివ్వకపోతే దూరంగా వెళ్లిపోతా అని తల్లితో చెప్పాడు. బంగారు గొలుసు అమ్మి క్రికెట్‌ కిట్‌ కొని ‘‘అయ్యో.. వీడు అన్నంత పని చేస్తాడేమో’’నన్న భయం ఆ తల్లిని వెంటాడింది. కొడుకును కాపాడుకోవడం.. అతడి కలలను నిజం చేయడం కోసం శ్రమించడం కంటే ఇంకే విషయంలో తనకు సంతోషం దొరుకుతుందని భావించిన ఆమె.. తన బంగారు గొలుసు అమ్మేసి ధ్రువ్‌ కోసం ఆ డబ్బుతో క్రికెట్‌ కిట్‌ కొనిచ్చింది. అమ్మ తన కోసం త్యాగాలు చేయడం చూసిన ఆ చిన్నారి కొడుకు.. ఆట పట్ల మరింత అంకితభావం, నిబద్ధతతో వ్యవహరించడం మొదలుపెట్టాడు. జూనియర్‌ క్రికెట్‌లో ఆగ్రా, ఉత్తరప్రదేశ్‌ జట్లకు ఆడిన ధ్రువ్‌ జురెల్‌.. మరిన్ని అవకాశాలు అందిపుచ్చుకునేందుకు నోయిడా వెళ్లాడు. కొడుకుతో పాటే తానూ మెరుగైన శిక్షణ కోసం నోయిడాకు పయనమయ్యాడు. కానీ ఆగ్రా నుంచి నోయిడా వరకు తరచూ ప్రయాణం చేయడం మానసికంగానూ, శారీరకంగానూ ఇబ్బందికరంగా మారింది. మళ్లీ తానున్నానంటూ ధ్రువ్‌ తల్లి రంగంలోకి దిగింది. కొడుకు కెరీర్‌లో ముందుకు వెళ్లేందుకు వీలుగా అతడితో నోయిడాలో నివసించేందుకు ఏర్పాట్లు చేసుకుంది. అలా అలా అంచెలంచెలుగా ఎదిగిన ధ్రువ్‌ జురెల్‌ ఇండియ అండర్‌-19 జట్టుకు ఎంపికయ్యాడు. తన అద్భుత ప్రదర్శనలతో 2020 అండర్‌-19 వరల్డ్‌కప్‌ వైస్‌ కెప్టెన్‌గానూ నియమితుడయ్యాడు. ఆ టోర్నీలో భారత యువ జట్టు రన్నరప్‌గా నిలిచింది. తండ్రి మనసు కరిగింది ధ్రువ్‌ పట్టుదల, అంకితభావం చూసి అతడి తండ్రి మనసు కూడా కరిగింది. కొడుకు అనుకున్న లక్ష్యం చేరుకునేందుకు తన వంతు బాధ్యతలు నిర్వర్తించడంతో పాటు త్యాగాలు చేసేందుకు కూడా సిద్ధపడ్డారు. అండర్‌ 19కు ఆడుతున్న సమయంలో ఐపీఎల్‌ ఫ్రాంఛైజీలు నిర్వహించే క్యాంపులకు స్వయంగా కొడుకును తీసువెళ్లేవారు. రాజస్తాన్‌ రాయల్స్‌ తరఫున ఎంట్రీ అప్పటికే తన తోటి ఆటగాళ్లు యశస్వి జైస్వాల్‌, రవి బిష్ణోయి, ప్రియం గార్గ్‌ లాంటి వాళ్లు క్యాష్‌ రిచ్‌ లీగ్‌లో ఎంట్రీ ఇవ్వడం.. తనకు మాత్రం ఇంకా అవకాశం రాకపోవడంతో డీలా పడ్డ ధ్రువ్‌కు నైతిక మద్దతునిచ్చారు. ఎట్టకేలకు 2022లో రాజస్తాన్‌ రాయల్స్ ధ్రువ్‌ జురెల్‌ను కనీస ధర రూ. 20 లక్షలకు కొనుగోలు చేసింది. అయితే, రియాన్‌ పరాగ్‌కు వరుస అవకాశాలు ఇచ్చే క్రమంలో ధ్రువ్‌ జురెల్‌ బెంచ్‌కే పరిమితం కావాల్సి వచ్చింది. అయితే, రియాన్‌ పూర్తిగా విఫలం కావడం.. ఆ ఏడాది ఫైనల్లో ఓడిపోవడం వంటి పరిణామాల నేపథ్యంలో.. వచ్చే సీజన్‌లో ధ్రువ్‌ను ఆడించాలని ఆర్‌ఆర్‌ మేనేజ్‌మెంట్‌ నిర్ణయించుకుంది.  అరంగేట్రంలోనే పరుగుల విధ్వంసం బ్యాటింగ్‌ ఆర్డర్‌లో ఆరు లేదంటే ఏడో స్థానంలో ఆడిస్తామనే హామీ ఇచ్చింది. ఐపీఎల్‌-2023లో వచ్చిన ఇంపాక్ట్‌ ప్లేయర్‌ రూల్‌ ద్వారా  రాజస్తాన్‌ రాయల్స్‌ తరఫున ఎంట్రీ ఇచ్చాడు ధ్రువ్‌ జురెల్‌. అరంగేట్రంలోనే సునామీ ఇన్నింగ్స్‌తో విరుచుకుపడ్డాడు. పంజాబ్‌ కింగ్స్‌తో మ్యాచ్‌లో 15 బంతుల్లో మూడు ఫోర్లు, రెండు సిక్సర్ల సాయంతో 32 పరుగులు సాధించి అజేయంగా నిలిచాడు. ఆ మ్యాచ్‌లో రాజస్తాన్‌ ఓడినప్పటికీ తన ప్రదర్శనతో ధ్రువ్‌ జురెల్‌ అందరి దృష్టిని ఆకర్షించాడు. ఆ తర్వాత వరుస మ్యాచ్‌లు ఆడే అవకాశం దక్కించుకున్నాడు. ఇప్పటి వరకు మొత్తంగా 13 ఐపీఎల్‌ మ్యాచ్‌లు ఆడిన ధ్రువ్‌ 11 ఇన్నింగ్స్‌లలో 152 పరుగులు సాధించాడు. భారత్‌-ఏ జట్టు తరఫున కూడా ప్రాతినిథ్య వహించిన ఈ వికెట్‌ కీపర్‌ బ్యాటర్‌ ఇలా తొలిసారి ప్రధాన జట్టుకు ఎంపికయ్యాడు. నీ గోల్డ్‌చైన్‌కు రీపే చేశాడు ఇక రాజస్తాన్‌కు ఆడే సమయంలో జైపూర్‌లో జరిగిన ఐపీఎల్‌ మ్యాచ్‌ వీక్షించేందుకు వచ్చిన ధ్రువ్‌ జురెల్‌ తండ్రి భార్యను ఉద్దేశించి.. ‘‘నీ బంగారు గొలుసు అమ్మినందుకు నీ కొడుకు మూల్యం చెల్లించేశాడోయ్‌’’ అని పుత్రోత్సాహంతో పొంగిపోయారట!! మరి ఇప్పుడు టీమిండియాకు సెలక్ట్‌ అయిన తర్వాత ఇంకెంతగా మురిసిపోతున్నారో!! - సాక్షి స్పోర్ట్స్‌, వెబ్‌ ప్రత్యేకం (ఇన్‌పుట్స్‌: హిందుస్తాన్‌ టైమ్స్‌)   చదవండి: షమీ తమ్ముడి దెబ్బ.. 60 పరుగులకే యూపీ ఆలౌట్‌! భువీ కూడా తగ్గేదేలే.. 5 వికెట్లు కూల్చి

Rahul Dravid- Ishan Kishan: టీమిండియా యువ క్రికెటర్‌ ఇషాన్‌ కిషన్‌ భవితవ్యంపై గత కొన్ని రోజులుగా క్రికెట్‌ వర్గాల్లో పెద్ద ఎత్తున చర్చ నడుస్తోంది. సౌతాఫ్రికా పర్యటన మధ్యలోనే స్వదేశానికి తిరిగి వచ్చిన ఇషాన్‌ ఇంకా సెలవులోనే ఉన్నాడు.  ఈ నేపథ్యంలో.. అఫ్గనిస్తాన్‌తో టీ20 సిరీస్‌కు అతడు అందుబాటులోకి వస్తాడని భావించినా.. అలా జరుగలేదని టీమిండియా హెడ్‌కోచ్‌ రాహుల్‌ ద్రవిడ్‌ స్వయంగా వెల్లడించాడు. అంతేకాదు.. ఇషాన్‌ మళ్లీ భారత జట్టుతో చేరాలంటే దేశవాళీ క్రికెట్‌ ఆడాల్సి ఉంటుందంటూ గట్టిగానే వార్నింగ్‌ ఇచ్చాడు. ఈ క్రమంలో.. మానసికంగా అలసిపోయానని తనకు తాను తప్పుకొన్న ఇషాన్‌ కిషన్‌.. పార్టీలు చేసుకుంటూ ఎంజాయ్‌ చేస్తుండటం బీసీసీఐ పెద్దలకు ఆగ్రహం తెప్పించిందనే వార్తలు వినిపించాయి. వెళ్లడం వరకే మీ ఇష్టం.. తిరిగి రావాలంటే ఈ నేపథ్యంలోనే .. ‘‘జట్టును వీడి వెళ్లాలా వద్దా అనేది మాత్రమే ఆటగాళ్ల ఇష్టం.. వాళ్లను తిరిగి తీసుకోవాలా వద్దా అనేది మాత్రం మా ఇష్టమే’’ అన్న అర్థం ద్రవిడ్‌ మాటల్లో ధ్వనించిందని విశ్లేషకులు అభిప్రాయపడుతున్నారు. వీలైనప్పుడల్లా అవకాశాలు ఇస్తున్నా.. తనను కావాలనే పక్కనపెడుతున్నారని ఇషాన్‌ ఇగోకు పోయి తన కెరీర్‌ను తానే నాశనం చేసుకుంటున్నాడనే మాటలూ వినిపిస్తున్నాయి. రంజీల్లో ఆడతాడో లేదో చెప్పలేదు.. వస్తే మాత్రం మరోవైపు.. ద్రవిడ్‌ చెప్పిన తర్వాత ఇషాన్‌ కిషన్‌ రంజీ ట్రోఫీ-2024 సీజన్‌లో కచ్చితంగా ఆడతాడని అంతా భావించారు. ఇంగ్లండ్‌తో స్వదేశంలో టెస్టు సిరీస్‌కు ముందు ఇషాన్‌.. దేశవాళీ క్రికెట్‌లో తాను ప్రాతినిథ్యం వహిస్తున్న జార్ఖండ్‌ తరఫున బరిలోకి దిగుతాడని ఊహించారు. కానీ.. ఇందుకు సంబంధించి తమకు ఇషాన్‌ నుంచి ఎలాంటి సమాచారం లేదని జార్ఖండ్‌ క్రికెట్‌ అసోసియేషన్‌ కార్యదర్శి దేబాశిష్‌ చక్రవర్తి వార్తా సంస్థ పీటీఐకి తెలిపాడు. ఒకవేళ ఇషాన్‌ రంజీల్లో ఆడాలనుకుంటే నేరుగా తుదిజట్టులో చేర్చుకుంటామని స్పష్టం చేశాడు. అయినప్పటికీ ఈ పరిణామాలపై ఇషాన్‌ కిషన్‌ ఇంత వరకు నేరుగా స్పందించకపోవడం గమనార్హం. అయితే, తాజాగా తన సోషల్‌ మీడియా అకౌంట్లో ఓ వీడియోతో ప్రత్యక్షమయ్యాడు ఈ వికెట్‌ కీపర్‌ బ్యాటర్‌. యోగా చేస్తూ, మైదానంలో పరుగులు తీస్తూ ఇందులో... యోగా చేస్తూ, మైదానంలో పరుగులు తీస్తూ కనిపించాడు. దీనిని బట్టి త్వరలోనే రీఎంట్రీ ఇచ్చేందుకు తాను సిద్ధంగా ఉన్నట్లు ఇషాన్‌ చెప్పకనే చెప్పినట్లయింది. అయితే, ఇప్పటికే శుబ్‌మన్‌ గిల్‌, యశస్వి జైస్వాల్‌లతో పాటు రుతురాజ్‌ గైక్వాడ్‌ నుంచి ఓపెనింగ్‌ స్థానానికి ఇషాన్‌ గట్టి పోటీని ఎదుర్కొంటున్నాడు. మరోవైపు... కేఎల్‌ రాహుల్‌- శ్రీకర్‌ భరత్‌(టెస్టు), సంజూ శాంసన్‌- జితేశ్‌ శర్మ(వన్డే, టీ20లలో) రూపంలో వికెట్‌ కీపర్‌ స్థానానికి తీవ్రమైన పోటీ ఎదురవుతోంది. ఈ నేపథ్యంలో ఇషాన్‌ కిషన్‌ విషయంలో మేనేజ్‌మెంట్‌ ఎలాంటి నిర్ణయం తీసుకుంటుందనేది ఆసక్తికరంగా మారింది. చదవండి: NZ vs Pak: చరిత్ర సృష్టించిన కివీస్‌ పేసర్‌: ప్రపంచంలోనే ఏకైక బౌలర్‌గా రికార్డు 🏃‍♂️ pic.twitter.com/XjUfL18Ydc — Ishan Kishan (@ishankishan51) January 12, 2024

Ishan Kishan Return?: టీమిండియా యువ క్రికెటర్‌ ఇషాన్‌ కిషన్‌పై బీసీసీఐ గుర్రుగా ఉందన్న వార్తల నేపథ్యంలో హెడ్‌కోచ్‌ రాహుల్‌ ద్రవిడ్‌ కీలక వ్యాఖ్యలు చేశాడు. దేశవాళీ క్రికెట్‌లో నిరూపించుకున్న తర్వాతే ఈ వికెట్‌ కీపర్‌ బ్యాటర్‌ మళ్లీ సెలక్షన్‌కు అందుబాటులోకి వస్తాడని తెలిపాడు. అంతవరకు ఇషాన్‌ కిషన్‌కు టీమిండియాలో స్థానం దక్కదని ద్రవిడ్‌ సంకేతాలు ఇచ్చాడు. కాగా సౌతాఫ్రికా పర్యటనలో భాగంగా టెస్టులకు ఎంపికైన ఇషాన్‌ సిరీస్‌ ఆరంభానికి ముందే స్వదేశానికి తిరిగి వచ్చాడు. మానసికంగా అలసిపోయానని.. కుటుంబంతో గడిపేందుకు తనకు సెలవు మంజూరు చేయాలని అతడు విజ్ఞప్తి చేయగా.. మేనేజ్‌మెంట్‌ అంగీకరించినట్లు వార్తలు వచ్చాయి. నమ్మకాన్ని వమ్ము చేశాడంటూ వదంతులు అయితే, బీసీసీఐ పెద్దల నమ్మకాన్ని వమ్ము చేసేలా ఇషాన్‌ వ్యవహరించాడన్న కారణంతోనే అతడిని అఫ్గనిస్తాన్‌తో సిరీస్‌కు పక్కనపెట్టినట్లు వదంతులు వ్యాపించాయి. ఈ నేపథ్యంలో.. తొలి టీ20 ఆరంభానికి ముందు మీడియాతో మాట్లాడిన రాహుల్‌ ద్రవిడ్‌కు ఇషాన్‌ గురించి ప్రశ్న ఎదురైంది.  అప్పుడే మళ్లీ టీమిండియాలోకి ఇషాన్‌ ఎంట్రీ.. తేల్చేసిన ద్రవిడ్‌ ఇందుకు బదులిస్తూ.. ‘‘అలాంటిదేమీ లేదు. సెలక్షన్‌కు అతడు అందుబాటులో లేడు. నిజానికి సౌతాఫ్రికా టూర్‌లో ఉన్నపుడే తనకు బ్రేక్‌ కావాలని ఇషాన్‌ అడిగాడు. మేము కూడా అందుకు అంగీకరించాం. అన్ని విధాలా మద్దతుగా నిలబడ్డాం. సమస్యకు తగిన పరిష్కారం వెదకాలని సూచించాం. ఆ తర్వాత అతడు ఇంత వరకు సెలక్షన్‌కు అందుబాటులోకి రాలేదు. ఒకవేళ తను మళ్లీ మైదానంలో దిగాలనుకుంటే.. దేశవాళీ క్రికెట్‌ ఆడి.. అప్పుడు సెలక్షన్‌కు అవైలబుల్‌గా ఉంటాడు’’ అని ద్రవిడ్‌ స్పష్టం చేశాడు. సంజూ, జితేశ్‌లకు లక్కీ ఛాన్స్‌ కాగా స్వదేశంలో అఫ్గనిస్తాన్‌తో టీ20 సిరీస్‌కు ఇషాన్‌ కిషన్‌ స్థానంలో సంజూ శాంసన్‌, జితేశ్‌ శర్మ వికెట్‌ కీపర్లుగా చోటు దక్కించుకున్నారు. ఇక టీ20 ప్రపంచకప్‌-2024కు ముందు టీమిండియా ఆడే ఆఖరి సిరీస్‌ ఇదే కావడం గమనార్హం.  మళ్లీ ఐపీఎల్‌-2024లో ప్రదర్శనను బట్టే ఇషాన్‌ వరల్డ్‌కప్‌ నాటికి తిరిగి వస్తాడా లేదా అన్నది తేలనుంది. అయితే, అంతకంటే ముందు ఇంగ్లండ్‌తో టెస్టు సిరీస్‌ ఆడే జట్టులో చోటు దక్కించుకోవాలంటే జార్ఖండ్‌ తరఫున ఇషాన్‌ రంజీల్లో ఆడటం తప్ప మరోమార్గం లేదు. అక్కడ తనను తాను నిరూపించుకున్నా.. కేఎల్‌ రాహుల్‌ రూపంలో వికెట్‌ కీపర్‌ స్థానానికి గట్టి పోటీ ఎదుర్కోవాల్సి ఉంటుంది. చదవండి: Ind vs Afg: అఫ్గన్‌ బ్యాటింగ్‌ సంచలనం.. 22 ఏళ్ల కెప్టెన్‌! రోహిత్‌ సేనతో ఢీ అంటే ఢీ! ఎవరితడు?

యువ క్రికెటర్‌ ఇషాన్‌ కిషన్‌ పట్ల భారత క్రికెట్‌ నియంత్రణ మండలి వ్యవహరిస్తున్న తీరుపై అతడి అభిమానులు ఆగ్రహం వ్యక్తం చేస్తున్నారు. విరాట్‌ కోహ్లి వంటి సీనియర్లకు, కిషన్‌ లాంటి యువ ఆటగాళ్లకు వేర్వేరు నిబంధనలు ఉంటాయా అని ప్రశ్నిస్తున్నారు. ఇందుకు కారణం ఏమిటంటే?!.. జట్టుతోనే ఉన్నా నో ఛాన్స్‌ గతేడాది కాలంగా జట్టులో పాటే ప్రయాణిస్తున్నా ఇషాన్‌ కిషన్‌కు తుదిజట్టులో చోటు కరువైంది. మూడు ఫార్మాట్లలో ఓపెనింగ్‌ బ్యాటర్‌ స్థానంలో శుబ్‌మన్‌ గిల్‌, యశస్వి జైస్వాల్‌ నుంచి.. వికెట్‌ కీపర్‌గా కేఎల్‌ రాహుల్‌ నుంచి ఈ జార్ఖండ్‌ ప్లేయర్‌ తీవ్రమైన పోటీ ఎదుర్కొంటున్నాడు. ఈ నేపథ్యంలో అడపాదడపా మాత్రమే అవకాశాలు వస్తున్నాయి. సౌతాఫ్రికా పర్యటన మధ్యలోనే స్వదేశానికి ఇషాన్‌ ఈ క్రమంలో సౌతాఫ్రికా పర్యటన నుంచి ఇషాన్‌ అకస్మాత్తుగా తిరిగి రావడం ప్రాధాన్యం సంతరించింది. మానసికంగా అలసిపోయానని.. అందుకే కొంతకాలం బ్రేక్‌ తీసుకోవాలని అతడు నిర్ణయం తీసుకున్నట్లు వార్తలు వచ్చాయి. నిజానికి.. జట్టుతో పాటు ప్రయాణిస్తున్నా తగినంత ప్రాధాన్యం దక్కడం లేదనే ఆవేదనతో ఇషాన్‌ ఆటకు విరామం ఇవ్వాలని భావించినట్లు సమాచారం. అప్పటి నుంచే బీసీసీఐతో విభేదాలు? స్వదేశంలో ఆస్ట్రేలియాతో టీ20 సిరీస్‌ నుంచే తనకు సెలవులు కావాలని ఇషాన్‌ అడిగినా.. మేనేజ్‌మెంట్‌ సానుకూలంగా స్పందించలేదని జాతీయ మీడియా సంస్థలు పేర్కొన్నాయి. ఎట్టకేలకు అతడి అభ్యర్థనను పరిగణనలోకి తీసుకుని రిలీవ్‌ చేస్తే.. విశ్రాంతి తీసుకోకుండా దుబాయ్‌లో ట్రిప్‌ ఎంజాయ్‌ చేయడం ఏమిటని కొందరు బీసీసీఐ పెద్దలు ఆగ్రహం వ్యక్తం చేసినట్లు వదంతులు వచ్చాయి. అందుకే సెలక్ట్‌ చేయలేదా? ఈ నేపథ్యంలో ఇషాన్‌ కిషన్‌ ఫ్యాన్స్‌- నెటిజన్లకు మధ్య సోషల్‌ మీడియాలో వార్‌ నడుస్తోంది. వరల్డ్‌కప్‌-2024కు ముందు కీలకమైన అఫ్గనిస్తాన్‌తో సిరీస్‌కు ఇషాన్‌ కావాలనే అందుబాటులో ఉండకపోవడం అతడి పొగరుబోతుతనానికి సూచిక అని కొంతమంది తీవ్ర విమర్శలు చేస్తున్నారు. ఇలాంటి ఆటిట్యూడ్‌ ఉన్న ఆటగాడిని ప్రపంచకప్‌ టోర్నీలో ఆడించాలనే ఆలోచన ఉంటే మానుకోవాలని సూచిస్తున్నారు. ఇచ్చిన సెలవు ఎలా వాడుకుంటే వాళ్లకెందుకు?! అయితే, ఇషాన్‌ కిషన్‌ అభిమానులు ఇందుకు ఘాటుగానే బదులిస్తున్నారు. ‘‘విరాట్‌ కోహ్లి తాను మానసికంగా అలసిపోయానని సుదీర్ఘకాలం విశ్రాంతి తీసుకుంటూ.. విదేశాలకు వెళితే తప్పు లేదు.. కానీ ఇషాన్‌ లాంటి వాళ్లు సెలవు అడిగి ట్రిప్‌నకు వెళ్తే నేరమా? కావాలనే అఫ్గనిస్తాన్‌ సిరీస్‌ నుంచి తప్పించి.. పైగా అతడిపైనే నిందలు మోపడం సరికాదు. ఇచ్చిన సెలవును ఎలా వాడుకుంటే వాళ్లకెందుకు?’’ అని కౌంటర్‌ వేస్తున్నారు. దీంతో ఇషాన్‌ కిషన్‌ పేరు ఎక్స్‌ వేదికగా ట్రెండింగ్‌లోకి వచ్చింది. అందుకే దుబాయ్‌కి వెళ్లిన ఇషాన్‌ కాగా తన సోదరుడి పుట్టినరోజు వేడుకల్లో పాల్గొనేందుకు ఇషాన్‌ దుబాయ్‌కు వెళ్లడం గమనార్హం. ఇదిలా ఉంటే.. అఫ్గనిస్తాన్‌తో జనవరి 11 నుంచి టీ20 సిరీస్‌ ఆడేందుకు టీమిండియా సిద్ధమవుతోంది. కెప్టెన్‌ రోహిత్‌ శర్మ, విరాట్‌ కోహ్లి ఈ సిరీస్‌తో రీఎంట్రీ ఇస్తున్నారు. చదవండి: Ind Vs Afg: అఫ్గన్‌తో టీమిండియా సిరీస్‌: షెడ్యూల్‌, జట్లు, లైవ్‌ స్ట్రీమింగ్‌.. పూర్తి వివరాలు

Ishan Kishan- Mental Fatigue: టీమిండియా యువ వికెట్‌ కీపర్‌ బ్యాటర్‌ ఇషాన్‌ కిషన్‌ కీలక నిర్ణయం తీసుకున్నట్లు తెలుస్తోంది. మానసికంగా అలసిపోయానంటూ 25 ఏళ్ల ఈ లెఫ్టాండ్‌ బ్యాటర్‌ కొన్నాళ్ల పాటు క్రికెట్‌కు దూరంగా ఉండాలనుకుంటున్నట్లు సమాచారం. కాగా 2021లో టీ20ల ద్వారా టీమిండియా తరఫున అరంగేట్రం చేసిన ఈ జార్ఖండ్‌ బ్యాటర్‌.. అదే ఏడాది వన్డేల్లోనూ అడుగుపెట్టాడు. పరిమిత ఓవర్ల క్రికెట్‌లో ఓపెనర్‌గా పలు అవకాశాలు దక్కించుకున్న ఇషాన్‌ ఖాతాలో ఇప్పటి వరకు ఓ సెంచరీ, ఓ డబుల్‌ సెంచరీ ఉంది. ఆరంభంలో వరుసగా అవకాశాలు అందిపుచ్చుకున్నప్పటికీ సహచర ఆటగాడు, తన స్నేహితుడు శుబ్‌మన్‌ గిల్‌ నుంచి ఎదురైన పోటీలో ఇషాన్‌ వెనుకబడిపోయాడు. కెప్టెన్‌ రోహిత్‌ శర్మకు జోడీగా ఓపెనర్‌గా గిల్‌ తన స్థానం సుస్థిరం చేసుకోగా.. వికెట్‌ కీపర్‌ బ్యాటర్‌ ఇషాన్‌ కిషన్‌కు మాత్రం అవకాశాలు సన్నగిల్లాయి. గిల్‌ సూపర్‌స్టార్‌గా ఎదుగుతున్నాడు.. ఇషాన్‌ మాత్రం కేఎల్‌ రాహుల్‌ రూపంలో మరో వికెట్‌ కీపర్‌ అందుబాటులో ఉండటంతో అతడికి ప్రాధాన్యం తగ్గింది. ఈ క్రమంలో సీనియర్ల గైర్హాజరీలో మిడిలార్డర్‌లోనూ తన అదృష్టాన్ని పరీక్షించుకున్న ఇషాన్‌ పెద్దగా ఆకట్టుకోలేకపోయాడు. మరోవైపు.. గిల్‌ మూడు ఫార్మాట్లలో సూపర్‌స్టార్‌గా ఎదుగుతుండగా.. ఇషాన్‌కు ఇంత వరకు టెస్టుల్లో తనను తాను నిరూపించుకునే అవకాశం రాలేదు. యశస్వి జైశ్వాల్‌ నుంచి గట్టిపోటీ కూడా ఎదురవుతోంది. ఈ నేపథ్యంలో గతేడాది కాలంగా జట్టుతో పాటే ప్రయాణిస్తున్నా.. తుదిజట్టులో పెద్దగా ఛాన్సులు కూడా రావడం లేదు. ఈ నేపథ్యంలో సౌతాఫ్రికాతో టెస్టు సిరీస్‌కు ఎంపికైనప్పటికీ ఇషాన్‌ కిషన్‌ వ్యక్తిగత కారణాల దృష్ట్యా స్వదేశానికి తిరిగి వచ్చేశాడు. మానసిక ఒత్తిడి తట్టుకోలేకపోతున్నా రెండు మ్యాచ్‌ల సిరీస్‌ నుంచి విరామం తీసుకున్నాడు. దీంతో అతడి స్థానంలో ఆంధ్ర క్రికెటర్‌, వికెట్‌ కీపర్‌ కోన శ్రీకర్‌ భరత్‌ టీమిండియాతో కలవనున్నాడు. ఈ నేపథ్యంలో ఇషాన్‌ కిషన్‌కు సంబంధించిన కీలక వార్త తెరమీదకు వచ్చింది. మానసిక ఒత్తిడి తట్టుకోలేకనే అతడు స్వదేశానికి తిరిగి వచ్చినట్లు తెలుస్తోంది. ‘‘మానసికంగా అలసిపోయానని.. తనకు క్రికెట్‌ నుంచి కొన్నాళ్ల పాటు విరామం కావాలంటూ ఇషాన్‌ కిషన్‌ యాజమాన్యంతో చెప్పాడు. మేనేజ్‌మెంట్‌ కూడా ఇందుకు అంగీకరించింది’’ అని బీసీసీఐ సన్నిహిత వర్గాలు తెలిపినట్లు జాతీయ మీడియా వెల్లడించింది. గతేడాది కాలంగా విరామం లేకుండా జట్టుతో ప్రయాణించిన ఇషాన్‌ ప్రస్తుతం విశ్రాంతి కోరుకుంటున్నట్లు తెలిపింది.  వన్డేల్లో దుమ్ములేపినా..  ఇక ఈ ఏడాది ఇషాన్‌ కిషన్‌ రెండు టెస్టులు, 17 వన్డేలు, 11 టీ20లు ఆడాడు. వెస్టిండీస్‌ పర్యటన సందర్భంగా టెస్టుల్లో అరంగేట్రం చేసిన ఇషాన్‌ 52 పరగులు చేయగా.. 17 వన్డేల్లో కలిపి 456 పరుగులు సాధించాడు. టీ20లలో ఈ ఏడాది 207 రన్స్‌ తీశాడు. కాగా గతంలోనూ గ్లెన్‌ మాక్స్‌వెల్‌ వంటి చాలా మంది క్రికెటర్లు మానసిక ఒత్తిడిని అధిగమించేందుకు ఆటకు విరామిచ్చిన విషయం తెలిసిందే. ఇషాన్‌ కూడా అలాగే కొన్నాళ్లపాటు విశ్రాంతి తీసుకుని రెట్టించిన ఉత్సాహంతో తిరిగి రావాలనే ఆలోచనలో ఉన్నట్లు తెలుస్తోంది. చదవండి: Sanju Samson: వాళ్ల గురించి ఫిర్యాదు చేయను.. అనేక ఒత్తిళ్ల నడుమ: సంజూ

దక్షిణాఫ్రికాలో పర్యటిస్తున్న టీమిండియా యంగ్‌ వికెట్‌కీపింగ్‌ బ్యాటర్‌, పాకెట్‌ డైనమైట్‌ ఇషాన్‌ కిషన్‌ ఉన్న పలంగా స్వదేశానికి బయల్దేరాడు. వ్యక్తిగత కారణాల చేత ఇషాన్‌ ఇండియాకు బయల్దేరాడని బీసీసీఐ ఓ ప్రకటన విడుదల చేసింది.  భారత టెస్ట్‌ జట్టులో ఇషాన్‌ స్థానాన్ని కేఎస్‌ భరత్‌ భర్తీ చేస్తాడని బీసీసీఐ ప్రకటించింది. ప్రస్తుతం సౌతాఫ్రికాలోనే ఉన్న భరత్‌.. భారత టెస్ట్‌ జట్టుతో త్వరలోనే కలుస్తాడని పేర్కొంది.  కాగా, సౌతాఫ్రికా పర్యటనలో​ టీ20, టెస్ట్‌ సిరీస్‌ల కోసం భారత సెలెక్టర్లు ఇషాన్‌ను ఎంపిక చేసిన విషయం తెలిసిందే. టీ20ల్లో​ ఒక్క మ్యాచ్‌ కూడా ఆడే అవకాశం దక్కని ఇషాన్‌.. టెస్ట్‌ సిరీస్‌పై ఆశలు పెట్టుకున్నాడు. అయితే ఉన్నట్లుండి అతను ఇంటి వెళ్లిపోవడంతో అనూహ్యంగా కేఎస్‌ భరత్‌కు సెలెక్టర్ల నుంచి పిలుపు అందింది. భరత్‌.. కేఎల్‌ రాహుల్‌ తర్వాత రెండో వికెట్‌కీపర్‌ ఛాయిస్‌గా టీమిండియాలో చేరతాడు.  సౌతాఫ్రికాతో రెండు టెస్టుల కోసం భారత జట్టు: రోహిత్ శర్మ (కెప్టెన్‌), శుభ్‌మన్ గిల్, యశస్వి జైస్వాల్, విరాట్ కోహ్లీ, శ్రేయస్ అయ్యర్, రుతురాజ్ గైక్వాడ్, కేఎల్ రాహుల్ (వికెట్‌కీపర్‌), రవిచంద్రన్ అశ్విన్, రవీంద్ర జడేజా, శార్దూల్ ఠాకూర్, మహ్మద్ సిరాజ్, ముఖేష్ కుమార్, జస్ప్రీత్ బుమ్రా (వైస్‌ కెప్టెన్‌), ప్రసిద్ధ్ కృష్ణ, కేఎస్‌ భరత్ (వికెట్‌కీపర్‌) భారత్‌-సౌతాఫ్రికా మధ్య తొలి టెస్ట్‌ సెంచూరియన్‌ వేదికగా డిసెంబర్‌ 26-30 మధ్యలో జరుగనుండగా.. రెండో టెస్ట్‌ కేప్‌టౌన్‌ వేదికగా వచ్చే ఏడాది జనవరి 3-7 మధ్యలో​ జరుగుతుంది.

టీ20 వరల్డ్‌కప్‌-2024లో టీమిండియా స్టార్‌ బ్యాటర్‌ విరాట్‌ కోహ్లి భాగమయ్యే సూచనలు కన్పించడం లేదు. గతేడాది టీ20 ప్రపంచకప్‌ తర్వాత  ఇప్పటివరకు ఒక టీ20 మ్యాచ్‌ కూడా ఆడని కోహ్లి.. ఇకపై పొట్టి క్రికెట్‌లో భారత జెర్సీని ధరించేది అనుమానమే. వచ్చే ఏడాది జరగనున్న టీ20 ప్రపంచకప్‌కు విరాట్‌ను పరిగణలోకి తీసుకోకూడదని సెలక్టర్లు భావిస్తున్నట్లు తెలుస్తోంది. తాజాగా ముంబైలో జరిగిన సమావేశంలో కెప్టెన్ రోహిత్ శర్మ, రాహుల్ ద్రవిడ్, సెలక్షన్ కమిటీ చీఫ్ అజిత్ అగార్కర్‌ టీ20 వరల్డ్‌కప్‌ సిద్దం చేసినట్లు సమాచారం.  కాగా టీ20 వరల్డ్‌కప్‌లో భారత జట్టు కెప్టెన్‌గా కొనసాగించాల్సిందిగా రోహిత్‌ శర్మను బీసీసీఐ కోరినట్లు తెలుస్తోంది. అందుకు హిట్‌మ్యాన్‌ కూడా అంగీకరించినట్లు సమాచారం. అతడితో పాటు బుమ్రా కూడా టీ20 ప్రపంచకప్‌లో భాగమయ్యేందుకు ఆసక్తి చూపినట్లు వార్తలు వినిపిస్తున్నాయి. ఇక ఈ సమావేశంలో విరాట్‌ టీ20 భవితవ్యంపై కూడా చర్చించినట్లు తెలుస్తోంది. టీ20ల్లో అతడి స్ధానంలో ఇషాన్‌ కిషన్‌కు ఛాన్స్‌ నిర్ణయించినట్లు పలు రిపోర్టులు పేర్కొంటున్నాయి.  "మూడో స్ధానంలో బ్యాటింగ్‌కు వచ్చి పత్యర్ధి బౌలర్లను ఎటాక్‌ చేసే ఆటగాడు కోసం సెలక్టర్లు వెతుకుతున్నారు. విరాట్‌ కోహ్లి స్ధానాన్ని వికెట్‌ కీపర్‌ బ్యాటర్‌ ఇషాన్‌ కిషన్‌తో భర్తీ చేసే ఛాన్స్‌ ఉంది. అయితే ఐపీఎల్‌-2024 సీజన్‌లో కోహ్లి ప్రదర్శనను కూడా పరిగణలోకి సెలక్టర్లు తీసుకుంటారు అని బీసీసీఐ అధికారి ఒకరు దైనిక్ జాగరణ్‌తో పేర్కొన్నారు. చదవండి: IND vs SA: భారత్‌ వర్సెస్‌ దక్షిణాఫ్రికా.. షెడ్యూల్‌, జట్లు.. ఎక్కడ చూడొచ్చంటే?

ఐదు మ్యాచ్‌ల టీ20 సిరీస్‌లో భాగంగా విశాఖ వేదికగా ఆస్ట్రేలియాతో నిన్న (నవంబర్‌ 23) జరిగిన తొలి టీ20లో టీమిండియా 2 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. జోష్‌ ఇంగ్లిస్‌ (50 బంతుల్లో 110; 11 ఫోర్లు, 8 సిక్సర్లు) శతక్కొట్టడంతో నిర్ణీత ఓవర్లలో 3 వికెట్ల నష్టానికి 208 పరుగుల భారీ స్కోర్‌ చేసింది. ఓపెనర్‌గా వచ్చిన స్టీవ్‌ స్మిత్‌ (52) అర్ధసెంచరీతో రాణించాడు.  ఇంగ్లిస్‌ విధ్వంసం ధాటికి ముకేశ్‌ కుమార్‌ (4-0-29-0), అక్షర్‌ పటేల్‌ (4-0-32-0) మినహా భారత బౌలర్లంతా కుదేలయ్యారు. ప్రసిద్ద్‌, రవి బిష్ణోయ్‌కు తలో వికెట్‌ దక్కింది.  అనంతరం 209 పరుగుల భారీ లక్ష్యాన్ని ఛేదించేందుకు బరిలోకి దిగిన భారత్‌.. మరో బంతి మిగిలుండగానే విజయతీరాలకు చేరింది. సూర్యకుమార్‌ యాదవ్‌ (42 బంతుల్లో 80; 9 ఫోర్లు, 4 సిక్సర్లు) కెప్టెన్సీ ఇన్నింగ్స్‌ ఆడి టీమిండియా గెలుపుకు బాటలు వేశాడు. ఇషాన్‌ కిషన్‌ (39 బంతుల్లో 58; 2 ఫోర్లు, 5 సిక్సర్లు) అర్ధసెంచరీతో రాణించాడు. స్కై ఔటయ్యాక ఆఖర్లో టీమిండియా 3 బంతుల్లో 3 వికెట్లు కోల్పోయి ఓటమిపాలయ్యేలా కనినపించింది. అయితే రింకూ సింగ్‌ చివరి బంతికి సిక్సర్‌ బాది టీమిండియాను గెలిపించాడు. భారత్‌ గెలుపుకు చివరి బంతికి సింగిల్‌ అవసరం కాగా సీన్‌ అబాట్‌ నో బాల్‌ వేసి భారత గెలుపును లాంఛనం చేశాడు. దీంతో రింకూ సిక్సర్‌తో సంబంధం లేకుండానే టీమిండియా విజయం సాధించింది. రింకూ సిక్సర్‌ గణాంకాల్లో కూడా కలవలేదు. మ్యాచ్‌ విన్నింగ్‌ ఇన్నింగ్స్‌ ఆడిన సూర్యకుమార్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. మ్యాచ్‌ అనంతరం స్కై మాట్లాడుతూ.. ఈ రోజు మా ఆటతీరు అద్భుతంగా ఉంది. ఓ దశలో ఒత్తిడికి గురయ్యాము. కానీ మా ఆటగాళ్లు దాన్ని అధిగమించి సత్తా చాటారు. టీమిండియా కెప్టెన్‌గా ఇది నాకు గర్వించదగ్గ క్షణం. మ్యాచ్‌ సమయంలో మంచు కురుస్తుందని భావించాము. కానీ అలా జరగలేదు. మైదానం చిన్నది కావడంతో ఛేదనలో బ్యాటింగ్ సులభం అవుతుందని తెలుసు. వారు 230-235 సాధించవచ్చని భావించాం. కానీ ఆఖర్లో మా బౌలర్లు వారిని అద్భుతంగా కట్టడి చేశారు. బ్యాటింగ్‌ను ఎంజాయ్‌ చేయమని ఇషాన్‌కు చెప్పాను. అందుకే అతను ఫ్రీగా షాట్లు ఆడగలిగాడు. కెప్టెన్సీ లగేజీని డ్రెస్సింగ్ రూమ్‌లో వదిలేసి బరిలోకి దిగాను. అందుకే బ్యాటింగ్‌ను ఆస్వాదించగలిగాను. ఆఖరి బంతికి రింకూ సిక్సర్‌ కొట్టడంపై స్పందిస్తూ.. అతడి కొరకే ఇలాంటి పరిస్థితులు వస్తాయన్నట్లుగా అనిపించింది. అతను ప్రశాంతంగా ఉండటమే కాకుండా నన్ను కూడా శాంతింపజేశాడు. ఇక్కడి (విశాఖ) వాతావరణం అద్భుతంగా ఉంది. ప్రేక్షకులకు ధన్యవాదాలు అని అన్నాడు. 

వన్డే ప్రపంచకప్‌-2023లో భాగంగా టీమిండియా ఆక్టోబర్‌ 22న ధర్మశాల వేదికగా న్యూజిలాండ్‌తో తలపడనుంది. ఈ మ్యాచ్‌కు భారత జట్టుకు వరుస షాక్‌లు తగులుతున్నాయి. ఇప్పటికే గాయం కారణంగా హార్దిక్‌ పాండ్యా కివీస్‌తో మ్యాచ్‌కు దూరంగా.. ఇప్పుడు సూర్యకుమార్‌ యాదవ్‌, ఇషాన్‌ కిషన్‌ కూడా గాయపడ్డారు. ధర్మశాలలోని హెచ్‌పీసీఎ స్టేడియంలో ప్రాక్టీసీ చేస్తుండగా ఇషాన్‌ కిషన్‌కు తేనెటీగ కుట్టింది. నొప్పితో విల్లవిల్లాడిన కిషన్‌కు బీసీసీఐ వైద్య బృందం చికిత్స అందించింది. మరోవైపు నెట్‌ ప్రాక్టీస్‌లో స్టార్‌ బ్యాటర్‌ సూర్యకుమార్‌ యాదవ్‌ మణికట్టుకు గాయమైంది. ప్రాక్టీస్‌ చేస్తుండగా బంతి సూర్య  కుడి చేతికి మణికట్టుకు బలంగా తాకినట్లు సమాచారం. వెంటనే మెడికల్‌ స్టాప్‌ ఐస్‌ ప్యాక్‌ను పెట్టారు. ఇందుకు సంబంధించిన ఫోటోలు సోషల్‌ మీడియాలో వైరల్‌గా మారాయి. కివీస్‌తో మ్యాచ్‌కు హార్దిక్‌ స్ధానంలో సూర్యకుమార్‌ యాదవ్‌ రానున్నట్లు వార్తలు వినిపించాయి. అంతలోనే సూర్యకు గాయం కావడం భారత జట్టుకు గట్టి ఎదురుదెబ్బ అని చెప్పాలి. అదేవిధంగా స్టార్‌ ఆల్‌రౌండర్‌ రవీంద్ర జడేజా కూడా మోకాలి నొప్పితో బాధపడుతున్నట్లు తెలుస్తోంది. అయితే జడ్డూ గాయంపై ఎటువంటి ఆందోళన చెందాల్సిన అవసరం లేదని బీసీసీఐ అధికారి ఒకరు తెలిపారు. దీంతో టీమిండియా అభిమానులు ఊపిరిపీల్చుకున్నారు. ఇక హార్దిక్‌ స్ధానాన్ని ఎవరితో భర్తీ చేస్తారో మరో 24 గంటలు వేచి చూడాల్సిందే. So Ishan Kishan got bit by a honeybee during the nets today. Went off immediately after being attended by a couple of support staff. #INDvNZ #CWC23 @RevSportz — Subhayan Chakraborty (@CricSubhayan) October 21, 2023

Rohit Sharma shares crucial update on Shubman Gill: వన్డే వరల్డ్‌కప్‌-2023లో మెగా ఫైట్‌కు ముందు టీమిండియా కెప్టెన్‌ రోహిత్‌ శర్మ అభిమానులకు శుభవార్త చెప్పాడు. స్టార్‌ ఓపెనర్‌ శుబ్‌మన్‌ గిల్‌ తిరిగి జట్టుతో చేరనున్నట్లు తెలిపాడు. అయితే, అదే సమయంలో ఓ మెలిక కూడా పెట్టి ఫ్యాన్స్‌ను సందిగ్దంలోకి నెట్టేశాడు. కాగా అక్టోబరు 14న దాయాదులు భారత్‌- పాకిస్తాన్‌ ప్రపంచకప్‌ ఈవెంట్లో తలపడేందుకు సిద్ధమైన విషయం తెలిసిందే. అహ్మదాబాద్‌లోని నరేంద్ర మోదీ స్టేడియంలో ఇరు జట్లు పోటీకి దిగనున్నాయి. క్రికెట్‌ ప్రపంచంలో భారీ క్రేజ్‌ ఉన్న మ్యాచ్‌గా చరిత్రకెక్కిన చిరకాల ప్రత్యర్థుల పోరుకు లక్ష సీట్ల సామర్థ్యం గల మోదీ స్టేడియం కిక్కిరిసిపోవడం లాంఛనమే! డెంగ్యూ బారిన పడి.. రెండు మ్యాచ్‌లకు దూరమై ఇదిలా ఉంటే.. వన్డే ప్రపంచకప్‌ టోర్నీకి ముందు సూపర్‌ ఫామ్‌లో ఉన్న టీమిండియా యువ ఓపెనర్‌ శుబ్‌మన్‌ గిల్‌.. డెంగ్యూ బారిన పడిన విషయం తెలిసిందే. ఆస్ట్రేలియా, అఫ్గనిస్తాన్‌తో మ్యాచ్‌లకు అతడు దూరం కాగా ఇషాన్‌ కిషన్‌ ఆ స్థానాన్ని భర్తీ చేశాడు. గిల్‌ మ్యాచ్‌ ఆడేందుకు ఫిట్‌గా ఉన్నాడు అయితే, గిల్‌ ఇప్పుడు పూర్తిగా కోలుకున్నట్లు కెప్టెన్‌ రోహిత్‌ శర్మ ధ్రువీకరించాడు. శుబ్‌మన్‌ గిల్‌ మ్యాచ్ ఆడేందుకు ఫిట్‌గా ఉన్నాడని మీడియాకు తెలిపాడు. కానీ.. అతడిని పాక్‌తో మ్యాచ్‌లో ఆడించాలా లేదా అన్నది శనివారమే నిర్ణయిస్తామని పేర్కొన్నాడు. ఈ మేరకు.. ‘‘శుబ్‌మన్‌ గిల్‌ 99 శాతం మ్యాచ్‌కు అందుబాటులోనే ఉంటాడు. అయితే, ఈ విషయం గురించి రేపటి పరిస్థితులను బట్టి నిర్ణయం తీసుకుంటాం’’ అని రోహిత్‌ శర్మ వ్యాఖ్యానించాడు. ఇషాన్‌ను తప్పించక తప్పదా? ఇక నరేంద్ర మోదీ స్టేడియంలో అభిమానుల మద్దతు తమకు దండిగా ఉంటుందని ప్రత్యేకంగా చెప్పనక్కర్లేదని హిట్‌మ్యాన్‌ హర్షం వ్యక్తం చేశాడు. కాగా గిల్‌ ప్రస్తుతం అహ్మదాబాద్‌లోనే ఉన్నాడు. జట్టుతో కలిసి బ్యాటింగ్‌ ప్రాక్టీస్‌ కూడా చేసినట్లు సమాచారం. ఇక గిల్‌ రాకతో ఇషాన్‌పై వేటు పడటం ఖాయమే అనిపిస్తోంది.  అహ్మదాబాద్‌లో అద్భుతమైన రికార్డు ఉన్న గిల్‌ను ఆడిస్తారా లేదంటే ఆసియా వన్డే కప్‌-2023లో పాకిస్తాన్‌పై 82 పరుగుల అద్భుత ఇన్నింగ్స్‌ ఆడిన కిషాన్‌ వైపు మొగ్గు చూపుతారా శనివారం తేలనుంది. చదవండి: ‘శార్దూల్‌ ఎందుకు? సిరాజ్‌ను ఎందుకు ఆడిస్తున్నారు?.. అసలేంటి ఇదంతా?’

Shubman Gill Getting Ruled Out of IND vs AFG WC Clash: ‘‘జట్టుకు పెద్దగా నష్టం ఉండకపోవచ్చు. అతడికే ఇది గడ్డుకాలం. ఎందుకంటే మేనేజ్‌మెంట్‌కు కావాల్సినన్ని ఆప్షన్లు ఉన్నాయి. మొదటి మ్యాచ్‌లో ఏం జరిగిందో చూశాం కదా! నిజానికి టీమిండియా పటిష్టంగానే ఉంది. శుబ్‌మన్‌ గిల్‌ లేకున్నా ప్రత్యర్థి జట్లను ఓడించగల సత్తా భారత జట్టుకు ఉంది. కాబట్టి ఇలా జట్టుకు దూరం కావడం గిల్‌ను తీవ్ర నిరాశకు గురిచేసి ఉంటుంది’’ అని టీమిండియా మాజీ క్రికెటర్‌ సంజయ్‌ మంజ్రేకర్‌ అన్నాడు. డెంగ్యూ బారిన పడిన గిల్‌.. కాగా సూపర్‌ ఫామ్‌లో ఉన్న ఓపెనింగ్‌ బ్యాటర్‌ శుబ్‌మన్‌ గిల్‌.. వన్డే వరల్డ్‌కప్‌-2023లో ఆస్ట్రేలియాతో మ్యాచ్‌కు దూరమైన విషయం తెలిసిందే. డెంగ్యూ బారిన పడిన గిల్‌.. ఇప్పటికీ పూర్తిగా కోలుకోలేదని సమాచారం. ఈ నేపథ్యంలో ఢిల్లీలో అఫ్గనిస్తాన్‌తో తదుపరి మ్యాచ్‌కు కూడా అతడు అందుబాటులో ఉండటం లేదని బీసీసీఐ ప్రకటించింది. ఈ విషయంపై స్పందించిన కామెంటేటర్‌ సంజయ్‌ మంజ్రేకర్‌.. గిల్‌ దూరం కావడం టీమిండియాకు ఎదురుదెబ్బేనని పేర్కొన్నాడు. అయితే, అతడు లేకున్నా మేనేజ్‌మెంట్‌ ఎవరో ఒకరితో ఆ స్థానాన్ని భర్తీ చేస్తుందన్న మంజ్రేకర్‌.. మెగా టోర్నీ ఆరంభ మ్యాచ్‌ ఆడలేకపోవడం గిల్‌కు లోటుగా మిగిలిపోతుందన్నాడు. బ్యాడ్‌టైమ్‌.. ఫ్యాన్స్‌కు కూడా నచ్చదు.. కానీ ‘‘శుబ్‌మన్‌ గిల్‌ ఉంటే జట్టు మరింత పటిష్టమవుతుంది. ప్రస్తుతం అతడు అద్భుత ఫామ్‌లో ఉన్నాడు. కానీ.. పాపం.. పరిస్థితులు తనకు అనుకూలంగా లేవు. ఇంతకంటే బ్యాడ్‌టైమ్‌ ఇంకోటి ఉండదు’’ అంటూ స్టార్‌ స్పోర్ట్స్‌ షోలో సంజయ్‌ మంజ్రేకర్‌ ఈ మేరకు వ్యాఖ్యలు చేశాడు. గిల్‌ లేని మ్యాచ్‌ చూడటం అభిమానులకు కూడా ఏమాత్రం నచ్చదని ఈ సందర్భంగా వ్యాఖ్యానించాడు.  గోల్డెన్‌ డక్‌గా ఇషాన్‌ కాగా సొంతగడ్డపై ఐసీసీ ఈవెంట్‌ ఆరంభ మ్యాచ్‌లో ఆస్ట్రేలియాపై టీమిండియా 6 వికెట్ల తేడాతో గెలుపొందిన విషయం తెలిసిందే. చెన్నైలోని చెపాక్‌ మైదానంలో జరిగిన ఈ మ్యాచ్‌లో శుబ్‌మన్‌ గిల్‌ స్థానంలో ఇషాన్‌ కిషన్‌ రోహిత్‌ శర్మకు జోడీగా ఓపెనర్‌గా వచ్చాడు. కానీ గోల్డెన్‌ డక్‌గా వెనుదిరిగి ఘోర పరాభవం మూటగట్టుకున్నాడు. ఇదిలా ఉంటే.. గిల్‌కు బ్యాకప్‌ ఓపెనర్‌గా రుతురాజ్‌ గైక్వాడ్‌ లేదంటే యశస్వి జైశ్వాల్‌లలో ఒకరికి మేనేజ్‌మెంట్‌ అవకాశం ఇవ్వనున్నట్లు తెలుస్తోంది. చదవండి: Ind vs Pak: టీమిండియాతో మ్యాచ్‌కు కూడా లేనట్లే! కెరీర్‌కు ఎండ్‌ కార్డ్‌ అంటూ..

WC 2023- Ind vs Afg- BCCI Update On Shubman Gill Availability: టీమిండియా స్టార్‌ ఓపెనర్‌ శుబ్‌మన్‌ గిల్‌ ఆరోగ్యంపై భారత క్రికెట్‌ నియంత్రణ మండలి కీలక అప్‌డేట్‌ అందించింది. అతడు చెన్నైలోనే వైద్యుల పర్యవేక్షణలో ఉంటాడని పేర్కొంది. భారత జట్టుతో కలిసి ఢిల్లీకి వెళ్లడం లేదని స్పష్టం చేసింది. కాగా డెంగ్యూ జ్వరం బారిన పడ్డ యువ బ్యాటర్‌ శుబ్‌మన్‌ గిల్‌ వన్డే వరల్డ్‌కప్‌-2023లో టీమిండియా ఆరంభ మ్యాచ్‌కు దూరమైన విషయం తెలిసిందే. ఈ నేపథ్యంలో అతడి స్థానంలో మరో యువ ఆటగాడు ఇషాన్‌ కిషన్‌ కెప్టెన్‌ రోహిత్‌ శర్మకు జోడీగా ఆస్ట్రేలియాతో పోరులో ఓపెనర్‌గా బరిలోకి దిగాడు. ఇంకా చెన్నైలోనే ఉన్నాడు ఇక చెన్నైలో చెపాక్‌ మైదానంలో ఆసీస్‌ను 6 వికెట్ల తేడాతో ఓడించిన రోహిత్‌ సేన తదుపరి ఢిల్లీలో అఫ్గనిస్తాన్‌తో తలపడనుంది. అరుణ్‌జైట్లీ మైదానంలో అక్టోబరు 11న ఈ మ్యాచ్‌ జరుగనుంది. ఈ నేపథ్యంలో గిల్‌ జట్టుతో పాటు దేశ రాజధానికి పయనం కానున్నాడనే వార్తలు వచ్చాయి. అయితే, ఇంకా పూర్తిగా కోలుకోని కారణంగా శుబ్‌మన్‌ గిల్‌ జట్టుతో పాటు వెళ్లడం లేదని బీసీసీఐ సోమవారం క్లారిటీ ఇచ్చింది. అఫ్గన్‌తో మ్యాచ్‌కు కూడా గిల్‌ దూరం ఈ మేరకు.. ‘‘టీమిండియా బ్యాటర్‌ శుబ్‌మన్‌ గిల్‌ జట్టుతో పాటు ఢిల్లీకి వెళ్లడం లేదు. ఐసీసీ మెన్స్‌ క్రికెట్‌ వరల్డ్‌కప్‌-2023లో ఆస్ట్రేలియాతో మ్యాచ్‌కు దూరమైన అతడు.. ఢిల్లీలో అఫ్గనిస్తాన్‌తో మ్యాచ్‌కు కూడా అందుబాటులో ఉండటం లేదు. అక్టోబరు 11 నాటి మ్యాచ్‌ ఆడే పరిస్థితి లేదు. వైద్య బృందం పర్యవేక్షణలో గిల్‌ ప్రస్తుతం చెన్నైలోనే ఉన్నాడు’’ అని బీసీసీఐ కార్యదర్శి జై షా ప్రకటన విడుదల చేశారు.  చదవండి: వన్డే ప్రపంచకప్‌ చరిత్రలో ఇదే మొదటిసారి.. భారత తొలి బౌలర్‌గా బుమ్రా రికార్డు

ICC Cricket World Cup 2023: వన్డే ప్రపంచకప్‌-2023 టోర్నీ ఆరంభంలోనే టీమిండియాకు గట్టి సవాల్‌ ఎదురైంది. చెన్నైలో ఆదివారం నాటి మ్యాచ్‌లో ఆస్ట్రేలియాతో తలపడిన రోహిత్‌ సేన.. లక్ష్య ఛేదనలో తడబడినా.. చివరాఖరికి గెలవగలిగింది. విరాట్‌ కోహ్లి, కేఎల్‌ రాహుల్‌ అద్భుత ఇన్నింగ్స్‌ కారణంగా విజయంతో మ్యాచ్‌ను ముగించగలిగింది. శుబ్‌మన్‌ గిల్‌ స్థానంలో రోహిత్‌ శర్మకు జోడీగా వచ్చిన ఇషాన్‌ కిషన్‌ గోల్డెన్‌ డక్‌గా వెనుదిరగగా.. హిట్‌మ్యాన్‌ సైతం పరుగుల ఖాతా తెరవకుండానే నిష్క్రమించాడు. ఆ తర్వాత శ్రేయస్‌ అయ్యర్‌ కూడా వచ్చీగా రాగానే డకౌట్‌ అయి పెవిలియన్‌కు తిరిగి వెళ్లాడు. కోహ్లి ఇచ్చిన ఆ క్యాచ్‌ పట్టి ఉంటే.. వామ్మో ఇలాంటి క్లిష్ట పరిస్థితుల్లో కోహ్లి 85, రాహుల్‌ 97* పటిష్ట భాగస్వామ్యంతో జట్టును విజయతీరాలకు చేర్చారు. నిజానికి.. మిచెల్‌ మార్ష్‌ గనుక హాజిల్‌వుడ్‌ బౌలింగ్‌లో కోహ్లి ఇచ్చిన క్యాచ్‌ పట్టి ఉంటే పరిస్థితి వేరేగా ఉండేది. అప్పటికి కోహ్లి స్కోరు 12 మాత్రమే. అలాంటి స్థితిలో మార్ష్‌ మిస్‌ చేసిన క్యాచ్‌.. టీమిండియా మ్యాచ్‌ గెలవడానికి పునాదిగా నిలిచింది. ఇలా మొదటి మ్యాచ్‌లోనే తడబడ్డ రోహిత్‌ సేన.. అక్టోబరు 11న అఫ్గనిస్తాన్‌తో   మ్యాచ్‌కు సన్నద్ధమవుతోంది. ఢిల్లీలోని అరుణ్‌జైట్లీ మైదానం ఇందుకు వేదిక. అయితే, అఫ్గన్‌తో మ్యాచ్‌కు ముందు టీమిండియాకు షాక్‌ తగిలింది. స్టార్‌ ఓపెనర్‌ శుబ్‌మన్‌ గిల్‌ రెండో మ్యాచ్‌కు కూడా దూరం కానున్నట్లు వార్తలు వినిపిస్తున్నాయి. డెంగ్యూ బారిన పడిన గిల్‌ ఇంకా పూర్తిగా కోలుకోనట్లు సమాచారం. ఇంకా కోలుకోని గిల్‌! ఈ విషయం గురించి బీసీసీఐ వర్గాలు ఏఎన్‌ఐతో మాట్లాడుతూ.. ‘‘శుబ్‌మన్‌ గిల్‌ ఇప్పుడిప్పుడే కోలుకుంటున్నాడు. జట్టుతో పాటు అతడు ఢిల్లీకి ప్రయాణమవుతాడు. అయితే, ఛండీగడ్‌లోని తమ ఇంటికి వెళ్లాలని గిల్‌ అనుకోవడం లేదు. పాక్‌తో మ్యాచ్‌ నాటికి? టీమ్‌తో పాటే బస చేయాలనుకుంటున్నాడు. పాకిస్తాన్‌తో మ్యాచ్‌ నాటికి అతడు అందుబాటులోకి వస్తాడని ఆశిస్తున్నాం. అఫ్గనిస్తాన్‌తో బుధవారం మ్యాచ్‌ ఆడతాడా లేదా అన్నది తదుపరి మెడికల్‌ రిపోర్టు మీద ఆధారపడి ఉంటుంది’’ అని పేర్కొన్నాయి. View this post on Instagram A post shared by ICC (@icc) కాగా రెగ్యులర్‌ ఓపెనర్‌గా, సూపర్‌ ఫామ్‌లో ఉన్న గిల్‌ జట్టుతో లేకపోవడం పెద్ద ఎదురుదెబ్బ అని విశ్లేషకులు అంటున్నారు. ఇషాన్‌ టీమ్‌లో ఉన్నప్పటికీ.. కొన్నాళ్లుగా మిడిలార్డర్‌లో ఆడుతున్న అతడు ఆసీస్‌తో మ్యాచ్‌లో ఓపెనర్‌గా వచ్చి విఫలమైన తీరు మేనేజ్‌మెంట్‌ను కలవరపరుస్తోంది.  చదవండి: CWC 2023 IND VS AUS: విరాట్‌ టెస్ట్‌ క్రికెట్‌లా ఆడమన్నాడు: కేఎల్‌ రాహుల్‌ View this post on Instagram A post shared by ICC (@icc)

ICC Cricket World Cup 2023- India vs Australia: వన్డే వరల్డ్‌కప్‌-2023లో ఆస్ట్రేలియాతో ఆరంభ మ్యాచ్‌లో ఆదిలోనే టీమిండియాకు భారీ షాకులు తగిలాయి. ఓపెనర్లు ఇషాన్‌ కిషన్‌, రోహిత్‌ శర్మ డకౌట్‌ అయ్యారు. ఆసీస్‌ స్టార్‌ పేసర్‌ మిచెల్‌ స్టార్క్‌ బౌలింగ్‌ ఎటాక్‌ ఆరంభించగా.. నాలుగో బంతికే ఇషాన్‌ గోల్డెన్‌ డకౌట్‌ అయ్యాడు. తన మొదటి వన్డే ప్రపంచకప్‌ టోర్నీ ఆరంభంలోనే చెత్త రికార్డు నమోదు చేశాడు. ఇషాన్‌.. నీకు గోల్డెన్‌ ఛాన్స్‌ వచ్చినందుకు అనారోగ్యం కారణంగా శుబ్‌మన్‌ గిల్‌ జట్టుకు దూరం కావడంతో.. ఓపెనర్‌గా వచ్చిన అవకాశాన్ని సద్వినియోగం చేసుకోలేకపోయాడు. దీంతో ఈ వికెట్‌ కీపర్‌ బ్యాటర్‌పై సోషల్‌ మీడియాలో సెటైర్లు పేలుతున్నాయి. గోల్డెన్‌ డక్‌ బాయ్‌ అంటూ మీమర్స్‌ ఇషాన్‌ను ట్రోల్‌ చేస్తున్నారు.  ఏంటిది కెప్టెన్‌! ఆనందం కాసేపేనా? ఇషాన్‌ కిషన్‌ సంగతి ఇలా ఉంటే.. రోహిత్‌ శర్మ సైతం డకౌట్‌(సిక్స్‌ బాల్‌)గా వెనుదిరగడం టీమిండియా అభిమానులను తీవ్రంగా నిరాశపరిచింది. 199 పరుగులకే ఆసీస్‌ను ఆలౌట్‌ చేశామన్న ఆనందం కాసేపు కూడా నిలవనీయకుండా చేశావు కదా కెప్టెన్‌ అంటూ హిట్‌మ్యాన్‌ ఆట తీరుపై ఆగ్రహం వ్యక్తం చేస్తున్నారు. అయ్యర్‌.. నువ్వేం చేశావు? అనుభవజ్ఞుడైన నువ్వు కూడా ఇలా ఆడితే ఎలా అంటూ విమర్శలు సంధిస్తున్నారు. కాగా రెండో ఓవర్‌ మూడో బంతికి హాజిల్‌వుడ్‌ బౌలింగ్‌లో రోహిత్‌ లెగ్‌ బిఫోర్‌ వికెట్‌గా వెనుదిరిగాడు. ఓపెనర్ల కథ ఇలా ఉంటే.. నాలుగో స్థానంలో వచ్చిన శ్రేయస్‌ అయ్యర్‌ నిర్లక్ష్యంగా వికెట్‌ పారేసుకోవడంతో అభిమానులకు చిర్రెత్తుకొచ్చింది. 199 పరుగులకు ఆలౌట్‌ కాస్త జాగ్రత్తగా ఆడాల్సిందంటూ అయ్యర్‌పై ఆగ్రహం వ్యక్తం చేస్తున్నారు. ఇషాన్‌, రోహిత్‌, అయ్యర్‌(హాజిల్‌వుడ్‌ బౌలింగ్‌లో వార్నర్‌కు క్యాచ్‌ ఇచ్చి) డకౌట్లుగా వెనుదిరగడంతో 2 ఓవర్లు ముగిసే సరికి టీమిండియా 2 పరుగులు చేసి 3 వికెట్లు కోల్పోయింది. కాగా చెన్నై వేదికగా టాస్‌ గెలిచి తొలుత బ్యాటింగ్‌ చేసిన ఆస్ట్రేలియాను.. టీమిండియా 199 పరుగులకే కట్టడి చేసింది. రవీంద్ర జడేజా మూడు, బుమ్రా రెండు, కుల్దీప్‌ రెండు, సిరాజ్‌, హార్దిక్‌ పాండ్యా, అశ్విన్‌ ఒక్కో వికెట్‌ తీశారు.  చదవండి: WC 2023: సచిన్‌ రికార్డు బద్దలు కొట్టిన వార్నర్‌.. ప్రపంచకప్‌ చరిత్రలో తొలి బ్యాటర్‌గా View this post on Instagram A post shared by ICC (@icc)

ICC Cricket World Cup 2023- Ind Vs Aus: వన్డే ప్రపంచకప్‌-2023లో టీమిండియా ఆరంభ మ్యాచ్‌కు శుబ్‌మన్‌ గిల్‌ అందుబాటులో ఉండే అవకాశం లేదని భారత మాజీ క్రికెటర్‌ ఆకాశ్‌ చోప్రా అభిప్రాయపడ్డాడు. హెడ్‌కోచ్‌ రాహుల్‌ ద్రవిడ్‌ మాటలను బట్టి ఈ ఓపెనింగ్‌ బ్యాటర్‌ ఇప్పటికే జట్టుకు దూరమయ్యాడని అర్ధం చేసుకోవచ్చన్నాడు.  కాగా సొంతగడ్డపై పుష్కరకాలం తర్వాత భారత జట్టు ఐసీసీ ఈవెంట్‌కు సిద్ధమైన విషయం తెలిసిందే. చెన్నై వేదికగా అక్టోబరు 8న ఆస్ట్రేలియాతో మ్యాచ్‌తో వరల్డ్‌కప్‌ జర్నీ మొదలుపెట్టనుంది. ఈ నేపథ్యంలో స్టార్‌ ఓపెనర్‌ శుబ్‌మన్‌ గిల్‌ డెంగ్యూ బారిన పడటం ఆందోళనకరంగా మారింది. రాహుల్‌ ద్రవిడ్‌ ఏమన్నాడంటే! ఆసీస్‌తో మ్యాచ్‌ నాటికి అతడు కోలుకుంటాడో లేదోనన్న సందేహాల నడుమ రాహుల్‌ ద్రవిడ్‌ శుక్రవారం అప్‌డేట్‌ ఇచ్చిన విషయం తెలిసిందే. వైద్యబృందం పర్యవేక్షణలో ఉన్న గిల్‌ ఇప్పుడే జట్టుకు దూరమయ్యాడని చెప్పలేమని పేర్కొన్నాడు. ఈ విషయంపై స్పందించిన కామెంటేటర్‌ ఆకాశ్‌ చోప్రా.. ‘‘శుబ్‌మన్‌ గిల్‌ ఆరోగ్యం ప్రస్తుతం బాగాలేదు. ప్రెస్‌కాన్ఫరెన్స్‌లో రాహుల్‌ ద్రవిడ్‌ మాత్రం.. గిల్‌ పరిస్థితి మరీ అంత అధ్వానంగా లేదని.. అతడు జట్టుతో చేరే అవకాశాలు ఉన్నాయని చెప్పాడు. రోహిత్‌కు జోడీగా ఇషాన్‌ ఫిక్స్‌ నిజానికి రాహుల్‌ ద్రవిడ్‌ ఎప్పుడైతే ఇలా చెప్తాడో.. అలాంటి సందర్భాల్లో సదరు ఆటగాళ్లు దూరమవడం దాదాపు ఖాయమైపోయినట్లే లెక్క! నాకు తెలిసి రోహిత్‌ శర్మతో కలిసి ఇషాన్‌ కిషన్‌ టీమిండియా ఇన్నింగ్స్‌ ఆరంభిస్తాడు’’ అని అభిప్రాయపడ్డాడు. చేదువార్తే కదా! ఏదేమైనా రోహిత్‌తో కలిసి అద్భుతమైన ఓపెనింగ్‌ భాగస్వామ్యాలు నెలకొల్పగల గిల్‌ దూరం కావడం భారత జట్టుకు బ్యాడ్‌ న్యూసే అవుతుందని ఈ మాజీ ఓపెనర్‌ విచారం వ్యక్తం చేశాడు. వరల్డ్‌కప్‌ వంటి మెగా ఈవెంట్లో అటాకింగ్‌ మోడ్‌లో ఉన్న గిల్‌ ఇన్నింగ్స్‌ ఆరంభిస్తే ఆది నుంచే ప్రత్యర్థిని ఒత్తిడిలోకి నెట్టే అవకాశం ఉండేదని ఆకాశ్‌ పేర్కొన్నాడు. కాగా ప్రపంచకప్‌నకు ముందు ఆసీస్‌తో వన్డే సిరీస్‌లో శుబ్‌ మన్‌ గిల్‌ వరుసగా 74, 104 పరుగులు సాధించిన విషయం తెలిసిందే. చదవండి: అతడు అద్భుతం.. కాస్త ఏమరపాటుగా ఉన్నా అంతే! నాకు అనుభవం: ఏబీడీ

ICC Cricket World Cup 2023- Ind Vs Aus- Update On Shubman Gill: టీమిండియా వన్డే వరల్డ్‌కప్‌-2023 ప్రయాణ ఆరంభానికి కౌంట్‌డౌన్‌ మొదలైంది. చెన్నైలోని చెపాక్‌ వేదికగా భారత జట్టు తమ ఆరంభ మ్యాచ్‌ ఆడనుంది. ఆస్ట్రేలియాతో అక్టోబరు 8న తలపడేందుకు రోహిత్‌ సేన సన్నద్ధమైంది. ఈ నేపథ్యంలో టీమిండియా స్టార్‌ ఓపెనర్‌ శుబ్‌మన్‌ గిల్‌ గురించి హెడ్‌కోచ్‌ రాహుల్‌ ద్రవిడ్‌ కీలక అప్‌డేట్‌ ఇచ్చాడు. ప్రస్తుతం గిల్‌ ఆరోగ్యం మెరుగ్గా ఉందని.. ఆదివారం నాటి మ్యాచ్‌కు అతడు అందుబాటులోకి వచ్చే అవకాశం ఉందంటూ అభిమానులకు శుభవార్త అందించాడు. గిల్‌ బాగానే ఉన్నాడు కాగా సూపర్‌ ఫామ్‌లో ఉన్న ఓపెనింగ్‌ బ్యాటర్‌ గిల్‌ డెంగ్యూ జ్వరంతో బాధపడుతున్నాడు. ఈ క్రమంలో టీమిండియా ప్రాక్టీస్‌ సెషన్‌కు కూడా రాలేకపోయాడు. దీంతో ఆసీస్‌తో మ్యాచ్‌కు అతడు దూరం కానున్నాడనే వార్తలు వినిపించాయి. ఈ నేపథ్యంలో రాహుల్‌ ద్రవిడ్‌ మాట్లాడుతూ.. ‘‘ఈరోజు గిల్‌ కాస్త బెటర్‌గా ఫీల్‌ అవుతున్నాడు. వైద్య బృందం నిరంతరం అతడిని పర్యవేక్షిస్తోంది. అప్పుడే క్లారిటీ వస్తుంది ఇంకా 36 గంటల సమయం ఉంది. ఆ తర్వాతే మేము ఏదైనా నిర్ణయం తీసుకోగలం. ఈరోజైతే తను బాగానే ఉన్నాడు. ఇప్పటివరకైతే మెడికల్‌ టీమ్‌ అతడు ఆదివారం నాటికి అందుబాటులోకి వస్తాడనే నమ్మకంతోనే ఉంది. రేపటిలాగే ఈ విషయంపై పూర్తి స్పష్టత వస్తుంది’’ అని శుక్రవారం పేర్కొన్నాడు. అలా అయితే ఇషాన్‌కు ఛాన్స్‌ కాగా ఒకవేళ ఫీవర్‌ తగ్గక శుబ్‌మన్‌ గిల్‌ ఆసీస్‌తో మ్యాచ్‌కు దూరమైతే అతడి స్థానంలో వికెట్‌ కీపర్‌ బ్యాటర్‌ ఇషాన్‌ కిషన్‌కు ఓపెనర్‌గా బంపరాఫర్‌ దక్కే అవకాశం ఉంది. ఇక సొంతగడ్డపై ఐసీసీ ఈవెంట్లో సత్తా చాటాలని పట్టుదలగా ఉన్న రోహిత్‌ సేన.. ఆసీస్‌తో మ్యాచ్‌లో శుభారంభం అందుకోవాలని భావిస్తోంది. మెగా టోర్నీకి ముందు కంగారూలను 2-1తో చిత్తు చేసిన జోష్‌లో ఉన్న భారత్‌.. ఆరంభ మ్యాచ్‌లో ఎలాంటి అస్త్రశస్త్రాలతో బరిలోకి దిగనుందో చూడాలి! చదవండి: WC: అప్పుడు తండ్రి టీమిండియాపై.. కొడుకు ఇప్పుడు పాకిస్తాన్‌పై! వన్డే ప్రపంచకప్‌ చరిత్రలో.. చరిత్ర సృష్టించిన రిజ్వాన్‌, సౌద్‌ షకీల్‌.. ప్రపంచకప్‌ హిస్టరీలో..!

ICC ODI World Cup 2023: వన్డేలకు పనికిరాడు.. అసలు ప్రపంచకప్‌-2023 జట్టుకు అతడిని ఏ ప్రాతిపదికన ఎంపిక చేశారు? టీ20 ఫార్మాట్‌లో నెంబర్‌ 1 అయినంత మాత్రాన జట్టులో చోటిస్తారా? అంటూ అన్ని వైపుల నుంచి విమర్శలు..  అయినప్పటికీ వరుస అవకాశాలు దక్కించుకుంటున్నాడు టీమిండియా బ్యాటర్‌ సూర్యకుమార్‌ యాదవ్‌. హెడ్‌కోచ్‌ రాహుల్‌ ద్రవిడ్‌ సైతం.. తాము కచ్చితంగా సూర్యకు మద్దతునిస్తాం.. అండగా నిలుస్తాం.. వరల్డ్‌కప్‌ జట్టుకు అతడిని ఎంపిక చేయడం వెనుక మా ప్లాన్లు మాకున్నాయి అని స్వయంగా చెప్పిన విషయం తెలిసిందే. తీవ్ర ఒత్తిడిలో ఆసీస్‌తో సిరీస్‌ బరిలో దీంతో విమర్శలు రెట్టింపయ్యాయి. ఈ ముంబై బ్యాటర్‌ కోసం వన్డేల్లో మెరుగైన రికార్డు ఉన్న సంజూ శాంసన్‌ వంటి ప్రతిభ గల క్రికెటర్లను పక్కనపెడుతున్నారనే అభిప్రాయాలు వ్యక్తమయ్యాయి. ఇలాంటి తరుణంలో తీవ్ర ఒత్తిడి నేపథ్యంలో.. ఆస్ట్రేలియాతో వన్డే సిరీస్‌ బరిలో దిగాడు సూర్య. వరుస హాఫ్‌ సెంచరీలు తొలి మ్యాచ్‌లో 49 బంతుల్లో 50 పరుగులు సాధించిన అతడు.. రెండో వన్డేలో మాత్రం విశ్వరూపం ప్రదర్శించాడు. 24 బంతుల్లోనే ఫిఫ్టీ సాధించాడు. పటిష్ట ఆసీస్‌తో మ్యాచ్‌లో వరుసగా నాలుగు సిక్సర్లతో చెలరేగి తన ఆట స్థాయి ఏమిటో చూపించాడు. ఇండోర్‌లో ఆరో స్థానంలో బ్యాటింగ్‌కు వచ్చి మొత్తంగా 37 బంతులు ఎదుర్కొన్న అతడు 6 ఫోర్లు, 6 సిక్స్‌ల సాయంతో 72 పరుగులతో అజేయంగా నిలిచాడు.  తనదైన రోజు ఫార్మాట్లకు అతీతంగా అద్భుతంగా రాణించగలనని నిరూపించుకున్నాడు. తుదిజట్టులో మొదటి పేరు తనదే ఉండాలి ఈ నేపథ్యంలో టీమిండియా మాజీ స్పిన్నర్‌ హర్భజన్‌ సింగ్‌ సూర్యకుమార్‌ యాదవ్‌ను ఉద్దేశించి కీలక వ్యాఖ్యలు చేశాడు. భారత్‌ వేదికగా జరుగనున్న వన్డే వరల్డ్‌కప్‌-2023లో టీమిండియా ప్రతీ మ్యాచ్‌లోనూ అతడిని ఆడించాలని మేనేజ్‌మెంట్‌కు విజ్ఞప్తి చేశాడు. ‘‘సూర్యకుమార్‌ యాదవ్‌ ప్రతీ మ్యాచ్‌ ఆడాల్సిందే. అయితే, అతడిని ఎవరి స్థానంలో ఆడిస్తారో నాకు తెలియదు. తుదిజట్టులో మొదటి పేరు మాత్రం తనదే అయి ఉండాలి. ఆ తర్వాతే మిగతా ఆటగాళ్ల సెలక్షన్‌ గురించి ఆలోచించాలి. ఐదో నంబర్‌లో సూర్యనే ఆడాలి మ్యాచ్‌ స్వరూపానే మార్చగల ఇన్నింగ్స్‌ ఆడగల సత్తా అతడి సొంతం. తను మెరుగ్గా ఆడిన రోజు మ్యాచ్‌ ఏకపక్షంగా మారిపోతుంది. అలాంటి సమయంలో తనకంటే మెరుగైన స్ట్రైక్‌రేటు నమోదు చేయగల బ్యాటర్‌ మరొకరు ఉండరు. హార్దిక్‌ పాండ్యా, రవీంద్ర జడేజాలను మనం ఫినిషర్లుగా చూస్తాం. నా దృష్టిలో మాత్రం సూర్యకుమార్‌ యాదవ్‌ ఐదో నంబర్‌లో బ్యాటింగ్‌ చేస్తే బాగుంటుంది. సూర్య కంటే బెటర్‌ ప్లేయర్‌ ఏ జట్టులోనూ లేడు’’ అని భజ్జీ.. సూర్యపై ప్రశంసల వర్షం కురిపించాడు. కాగా కేఎల్‌ రాహుల్‌, ఇషాన్‌ కిషన్‌, శ్రేయస్‌ అయ్యర్‌ మిడిలార్డర్‌లో కీలకంగా మారిన వేళ సూర్యను ఉద్దేశించి హర్భజన్‌ సింగ్‌ ఈ మేరకు వ్యాఖ్యలు చేయడం గమనార్హం. చదవండి: వరల్డ్‌కప్‌కు జట్టును ప్రకటించిన శ్రీలంక.. స్టార్‌ ఆటగాడు రీ ఎంట్రీ 6⃣6⃣6⃣6⃣ The crowd here in Indore has been treated with Signature SKY brilliance! 💥💥#TeamIndia | #INDvAUS | @IDFCFIRSTBank | @surya_14kumar pic.twitter.com/EpjsXzYrZN — BCCI (@BCCI) September 24, 2023

Asian Games 2023: చైనాలో జరుగనున్న ఆసియా క్రీడలు-2023కి ఈసారి భారత క్రికెట్‌ నియంత్రణ మండలి మహిళా, పురుష జట్లను పంపుతున్న విషయం విదితమే. హర్మన్‌ప్రీత్‌ కౌర్ సారథ్యంలో వుమెన్స్‌ టీమ్‌.. రుతురాజ్‌ గైక్వాడ్‌ నాయకత్వంలో ద్వితీయ శ్రేణి జట్టు హోంగ్జూకు వెళ్లనున్నాయి. అయితే, అంతకంటే ముందు స్వదేశంలో సెప్టెంబరు 22న ఆరంభం కానున్న ఆస్ట్రేలియాతో వన్డే సిరీస్‌లో రుతురాజ్‌ ఆడేందుకు రంగం సిద్ధమైంది. ఆసీస్‌తో తొలి మ్యాచ్‌లో అతడు తుదిజట్టులో చోటు దక్కించుకునే అవకాశం ఉంది. రెంటికీ చెడ్డ రేవడి ఇదిలా ఉంటే.. ఆసియా క్రీడల్లో పాల్గొనే భారత జట్టులో తిలక్‌ వర్మ, రింకూ సింగ్‌ సహా పలువురు యువ స్టార్లు చోటు దక్కించుకున్నారు. మరోవైపు.. కేరళ బ్యాటర్‌ సంజూ శాంసన్‌ పరిస్థితి రెంటికీ చెడ్డ రేవడిలా తయారైంది. సంజూ శాంసన్‌ ఆసియా కప్‌లో అలా.. వరల్డ్‌కప్‌జట్టులో ఇలా కేఎల్‌ రాహుల్‌ ఆగమనంతో ఆసియా కప్‌-2023లో వికెట్‌ కీపర్‌గా ఇషాన్‌ కిషన్‌తో పోటీలో ఓడిన సంజూ.. రిజర్వ్‌ ప్లేయర్‌గా ఎంపికయ్యాడు. ఇక బ్యాటర్‌గా సూర్యకుమార్‌ యాదవ్‌ కంటే మెరుగైన స్థితిలోనే ఉన్నా ఈ వన్డే ఈవెంట్‌లో అతడిని దురదృష్టం వెక్కిరించింది. కెప్టెన్‌ కావాల్సినోడు.. మరీ ఇంత అన్యాయమా? ప్రపంచకప్‌-2023 జట్టులోనూ సూర్య వైపే మొగ్గు చూపిన సెలక్టర్లు సంజూను పక్కనపెట్టేశారు. ఆస్ట్రేలియాతో సిరీస్‌లోనూ అవకాశం ఇవ్వలేదు. ఈ నేపథ్యంలో ఆకాశ్‌ చోప్రా బీసీసీఐ సెలక్షన్‌ కమిటీ తీరును తప్పుబట్టాడు. ‘‘ఆసియా క్రీడల జట్టులో సంజూ శాంసన్‌ పేరు లేకపోవడం నన్ను ఆశ్చర్యపరిచింది. ఆసియా కప్‌లో రిజర్వ్‌గా ఉన్నాడు.. ఆస్ట్రేలియాతో వన్డే సిరీస్‌లో చోటు దక్కలేదు. ఇషాన్‌ కిషన్‌ ఓపెనింగ్‌ చేసే అవకాశం లేదు. రుతురాజ్‌ గైక్వాడ్‌తో కలిసి శుబ్‌మన్‌ గిల్‌ ఇన్నింగ్స్‌ ఆరంభిస్తాడు. ఇషాన్‌కు వరుస అవకాశాలు ఇషాన్‌ మిడిలార్డర్‌లో నిలదొక్కుకునేందుకు ఇప్పటికే మేనేజ్‌మెంట్‌ కావాల్సినన్ని అవకాశాలు ఇచ్చింది. సంజూ శాంసన్‌ ఆసియా క్రీడల జట్టులో ఉంటేనైనా బాగుండేది. వరల్డ్‌కప్‌ టీమ్‌లో ఎలాగూ చోటివ్వలేదు.. కనీసం ఆసియా క్రీడల్లో ఆడేందుకు కూడా పనికిరాడా? ఇది సరైన పద్ధతి కాదు.. ప్రపంచకప్‌ జట్టులో ఆఖరి నిమిషం వరకు పోటీ పడ్డ వ్యక్తి కచ్చితంగా ఈ టీమ్‌లోనైనా ఉండాల్సింది కదా. కేవలం సభ్యుడిగా కాదు.. నిజానికి కెప్టెన్‌ అవ్వాల్సింది’’ అని ఆకాశ్‌ చోప్రా అభిప్రాయపడ్డాడు. చదవండి: అంబానీ ఇంట పూజకు భార్య అతియాతో రాహుల్‌.. వీడియో వైరల్‌

Asia Cup 2023 Winner Team India: ఆసియా వన్డే కప్‌-2023 ఫైనల్‌.. టీమిండియా వర్సెస్‌ శ్రీలంక.. ఆదివారం.. అంతర్జాతీయ టైటిల్‌ కోసం కళ్లు కాయలు కాచేలా ఎదురుచూస్తున్న అభిమానుల ఐదేళ్ల నిరీక్షణకు తెరదించాలని భారత జట్టు.. సమిష్టితత్వాన్ని నమ్ముకుని రోహిత్‌ సేనను ఢీకొట్టేందుకు దసున్‌ షనక బృందం సిద్ధమయ్యాయి..  కొలంబోలో టాస్‌ గెలిచిన శ్రీలంక తొలుత బ్యాటింగ్‌ ఎంచుకుంది. మ్యాచ్‌ సాగే కొద్దీ బంతి టర్న్‌ అయ్యే సూచనలు ఉన్నందున ఈ నిర్ణయం తీసుకున్నట్లు లంక కెప్టెన్‌ దసున్‌ టాస్‌ సందర్భంగా తెలిపాడు. రోహిత్‌ శర్మ కూడా తాము కూడా బ్యాటింగ్‌ వైపే మొగ్గు చూపేవాళ్లమని పేర్కొన్నాడు. పైగా ఈ ఎడిషన్‌లో ఇప్పటి వరకు ఇక్కడ జరిగిన మ్యాచ్‌లలో టాస్‌ గెలిచి తొలుత బ్యాటింగ్‌ చేసిన జట్టే ఐదుసార్లు గెలుపొందింది. దీంతో.. అభిమానుల్లో ఆందోళన.. రోహిత్‌ టాస్‌ గెలిస్తే బాగుండు.. ప్చ్‌..  ఇంతలో వర్షం కారణంగా మ్యాచ్‌ ఆలస్యం.. కాసేపటికి కవర్లు తీయగానే కాస్త ఉత్సాహం.. ఏం జరుగబోతుందో చూద్దాం అనుకుంటుండగా.. టీమిండియా పేసర్‌ జస్‌ప్రీత్‌ బుమ్రా అటాకింగ్‌ మొదలుపెట్టాడు.. మూడో బంతికే ఓపెనర్‌ కుశాల్‌ పెరీరా అవుట్‌. వికెట్‌ కీపర్‌ కేఎల్‌ రాహుల్‌కు క్యాచ్‌ ఇచ్చి పరుగుల ఖాతా తెరవకుండానే పెవిలియన్‌ చేరాడు. బుమ్రా ఇలా శుభారంభం అందించగా.. హైదరాబాదీ స్టార్‌ మహ్మద్‌ సిరాజ్‌ ఆకాశమే హద్దుగా చెలరేగాడు. నాలుగో ఓవర్‌ మొదటి బంతికి పాతుమ్‌ నిసాంకను.. మూడో బంతికి సదీర సమరవిక్రమను ఎల్బీడబ్ల్యూగా.. ఆ మరుసటి బాల్‌కే చరిత్‌ అసలంకను అవుట్‌ చేశాడు. అంతటితో సిరాజ్‌ వికెట్ల దాహం తీరలేదు.. ఆఖరి బంతికి ధనుంజయ డిసిల్వను కూడా పెవిలియన్‌కు పంపాడు. ఒకే ఓవర్లో ఏకంగా.. నాలుగు వికెట్లు.. వన్డే ఫార్మాట్లో అరుదుగా కనిపించే దృశ్యం.. Record-breaking Siraj! 🤯@mdsirajofficial rewrites history, now recording the best figures in the Asia Cup! 6️⃣ for the pacer! Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/2S70USxWUI — Star Sports (@StarSportsIndia) September 17, 2023 ఇక్కడితో మన స్పీడ్‌స్టర్‌ సిరాజ్‌ జోరు ఆగిపోలేదు.. ఆ తర్వాత ఆరో ఓవర్‌ నాలుగో బంతికి లంక కెప్టెన్‌ దసున్‌ షనకను అద్భుత రీతిలో బౌల్డ్‌ చేశాడు. తద్వారా 16 బంతుల్లోనే ఐదు వికెట్లు కూల్చిన బౌలర్‌గా ఘనత సాధించాడు. ఆ తర్వాత మళ్లీ పన్నెండో ఓవర్లో రోహిత్‌ శర్మ మరోసారి సిరాజ్‌కు బంతినివ్వగా.. రెండో బాల్‌కే శ్రీలంక స్టార్‌ బ్యాటర్‌ కుశాల్‌ మెండిస్‌ను బౌల్డ్‌ చేశాడు. ఫాస్ట్‌ ఇన్‌స్వింగర్‌తో అతడిని బోల్తా కొట్టించాడు.  ఆ తర్వాత భారత పేస్‌ ఆల్‌రౌండర్‌ హార్దిక్‌ పాండ్యా రంగంలోకి దిగాడు. 13 ఓవర్‌ మూడో బంతికి లంక యువ ఆల్‌రౌండర్‌ దునిత్‌ వెల్లలగేను అవుట్‌ చేశాడు. అనంతరం.. పదహారో ఓవర్లో పాండ్యా బౌలింగ్‌లో ప్రమోద్‌ ఇచ్చిన క్యాచ్‌ విరాట్‌ కోహ్లి ఒడిసిపట్టడంతో లంక తొమ్మిదో వికెట్‌ కోల్పోయింది. ఆ తర్వాతి బంతికే పతిరణ కూడా అవుట్‌! ఇంకేముంది 50 పరుగులకే శ్రీలంక ఆలౌట్‌.. There was absolutely no respite for Sri Lanka as @hardikpandya7 joined the action to complete a 3-wicket haul with back-to-back wickets 🔥 P.S. This is the lowest score in Asia Cup history 🤯 Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/15vGk0qTmZ — Star Sports (@StarSportsIndia) September 17, 2023 అసలు ఇది వన్డే మ్యాచా లేదంటే.. టీ20నా.. ఓసారి గిల్లి చూసుకోవాల్సిందే అనేంతలా  టీమిండియా ఫాస్ట్‌బౌలర్ల విజృంభణతో పాపం దసున్‌ షనక బృందం ఏ దశలోనూ కోలుకోలేకపోయింది. 15.2 ఓవర్లలోనే చాపచుట్టేసింది. సొంతగడ్డపై అవమానకర రీతిలో భారీ పరాభవం మూటగట్టుకుంది. టీమిండియా చేతిలో 10 వికెట్ల తేడాతో ఓడిపోయింది. సిరాజ్‌ సహా బుమ్రా, పాండ్యా అద్భుతంగా రాణించి ప్రత్యర్థిని కట్టడి చేయగా.. ఇషాన్‌ కిషన్‌ను ఓపెనర్‌గా ప్రమోట్‌ చేశాడు భారత సారథి రోహిత్‌ శర్మ. తన స్థానంలో శుబ్‌మన్‌ గిల్‌కు జోడీగా ఈ వికెట్‌ కీపర్‌ను పంపాడు. కెప్టెన్‌ పెట్టుకున్న నమ్మకాన్ని ఈ ఇద్దరు కుర్రబ్యాటర్లు ఏమాత్రం వమ్ము చేయలేదు. ఇషాన్‌ 18 బంతుల్లో 23, గిల్‌ 19 బంతుల్లో 27 పరుగులతో అదరగొట్టి.. 6.1 ఓవర్లలోనే లక్ష్యాన్ని ఛేదించేలా చేశారు. ఇంకేముంది ఎనిమిదోసారి భారత్‌ ఆసియా కప్‌ ట్రోఫీని ముద్దాడింది. Sublime 4️⃣ Timed to perfection by @ShubmanGill, bisecting the field & sending the ball to the fence.#TeamIndia's chase to the 🏆 is underway! Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/vepXPaLvmZ — Star Sports (@StarSportsIndia) September 17, 2023 Kishan on a roll! Back-to-back 4️⃣s for @ishankishan51 opening the batting, getting #TeamIndia racing towards victory! Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/NchlAeTbpU — Star Sports (@StarSportsIndia) September 17, 2023 చదవండి: నా శరీరం 40 ఏళ్లు అంటోంది.. ఐడీ 31 చూపిస్తోంది.. కానీ: డికాక్‌ భావోద్వేగం W . W W 4 W! 🥵 Is there any stopping @mdsirajofficial?! 🤯 The #TeamIndia bowlers are breathing 🔥 4️⃣ wickets in the over! A comeback on the cards for #SriLanka? Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/Lr7jWYzUnR — Star Sports (@StarSportsIndia) September 17, 2023

WC 2023- Shreyas Iyer Fitness Big Concern For Team India: సుదీర్ఘ విరామం తర్వాత ఆసియా కప్‌-2023 సందర్భంగా రీఎంట్రీ ఇచ్చిన టీమిండియా మిడిలార్డర్‌ బ్యాటర్‌ శ్రేయస్‌ అయ్యర్‌ను గాయం వేధిస్తోంది. వెన్నునొప్పికి సర్జరీ చేయించుకుని తిరిగొచ్చిన అయ్యర్‌ పాకిస్తాన్‌తో మ్యాచ్‌ సందర్భంగా తుదిజట్టులో చోటు దక్కించుకున్నాడు. రీఎంట్రీలో విఫలం ఈ లీగ్‌ మ్యాచ్‌లో అతడు కేవలం పద్నాలుగు పరుగులు మాత్రమే చేసి పెవిలియన్‌ చేరాడు. ఆ తర్వాత నేపాల్‌తో మ్యాచ్‌ ఆడినప్పటికీ ఓపెనర్లు రోహిత్‌ శర్మ, శుబ్‌మన్‌ గిల్‌లే లక్ష్యాన్ని ఛేదించడంతో అయ్యర్‌కు బ్యాటింగ్‌ చేసే అవసరమే రాలేదు. అయితే, సూపర్‌-4లో పాక్‌తో మ్యాచ్‌ సందర్భంగా అనూహ్యంగా ఆఖరి నిమిషంలో అతడు జట్టుకు దూరమయ్యాడు. వెన్నునొప్పి తిరగబెట్టడంతో శ్రేయస్‌ అయ్యర్‌ను పక్కన పెట్టినట్లు కెప్టెన్‌ రోహిత్‌ శర్మ టాస్‌ సందర్భంగా తెలిపాడు. పునరాగమనంలో రాహుల్‌ సెంచరీ మ్యాచ్‌కు ఐదు నిమిషాల ముందు వికెట్‌ కీపర్‌ బ్యాటర్‌ కేఎల్‌ రాహుల్‌కు ఆడాల్సి ఉంటుందని చెప్పగా.. అతడు అందుకు సంసిద్ధమైనట్లు పేర్కొన్నాడు. అయితే, అయ్యర్‌ అభిమానులు మాత్రం కావాలనే అయ్యర్‌ను తప్పించి రాహుల్‌ను జట్టులోకి తీసుకువచ్చారనే అభిప్రాయం వ్యక్తం చేశారు. ఇక పాక్‌తో మ్యాచ్‌లో అదరగొట్టిన కేఎల్‌ రాహుల్‌ అజేయ సెంచరీ(111)తో రీఎంట్రీని ఘనంగా చాటాడు. మరోవైపు.. అయ్యర్‌ రెగ్యులర్‌గా బ్యాటింగ్‌కు వచ్చే నాలుగో స్థానంలో రాహుల్‌ రాగా.. ఇషాన్‌ కిషన్‌కు ఐదో నంబర్‌ బ్యాటర్‌గా స్థానం దక్కింది. అయ్యర్‌ ఫిట్‌గా ఉన్నా నో ఛాన్స్‌ వెస్టిండీస్‌ సహా ఆసియా కప్‌ ఆరంభ మ్యాచ్‌లలో అదరగొట్టిన ఈ ఓపెనర్‌ మిడిలార్డర్‌లో స్థానాన్ని సుస్థిరం చేసుకునే దిశగా దూసుకుపోతున్నాడు. వికెట్‌ కీపర్‌ బ్యాటర్‌ కావడం అతడికి మరో ప్లస్‌ పాయింట్‌. ఇదిలా ఉంటే.. సూపర్‌-4లో ఆఖరిదైన బంగ్లాదేశ్‌తో మ్యాచ్‌కు ముందు శ్రేయస్‌ అయ్యర్‌ ఫిట్‌గా ఉన్నాడని.. అతడు బ్యాటింగ్‌ కూడా ప్రాక్టీస్‌ చేస్తున్నట్లు ఫొటోలు బయటకు వచ్చాయి. కానీ.. బంగ్లాదేశ్‌తో నామమాత్రపు మ్యాచ్‌లోనూ అయ్యర్‌కు చోటు దక్కలేదు. టీ20 నయా స్టార్‌ తిలక్‌ వర్మ వన్డే ఈ మ్యాచ్‌ సందర్భంగా వన్డే అరంగేట్రం చేయగా.. సూర్యకుమార్‌ యాదవ్‌ ఆరోస్థానంలో బ్యాటింగ్‌ చేశాడు. యధావిధిగా రాహుల్‌ నంబర్‌ 4, ఇషాన్‌ నంబర్‌ 5లో బరిలోకి దిగారు. అయ్యర్‌ విషయంలో రిస్క్‌ తీసుకోరు.. కాబట్టి ఈ పరిణామాల నేపథ్యంలో శ్రీలంకతో ఫైనల్లోనూ శ్రేయస్‌ అయ్యర్‌ను ఆడించే పరిస్థితి కనబడటం లేదు. ఈ విషయంపై టీమిండియా మాజీ క్రికెటర్‌ సంజయ్‌ బంగర్‌ స్పందిస్తూ.. అయ్యర్‌ విషయంలో రిస్క్‌ తీసుకునే బదులు మేనేజ్‌మెంట్‌ ఇషాన్‌ కిషన్‌ వైపే మొగ్గు చూపుతుందని అభిప్రాయపడ్డాడు. అంతేకాదు.. శ్రేయస్‌ కోసం.. మంచి ఫామ్‌లో ఉన్నా ఇషాన్‌పై వేటు వేయకపోవచ్చని పేర్కొన్నాడు. రాహుల్‌ నాలుగో స్థానంలో ఆడనుండగా... ఐదో నంబర్‌ బ్యాటర్‌గా ఇషాన్‌కు శ్రీలంకతో ఫైనల్‌ జట్టులో చోటు ఖాయమేనని చెప్పుకొచ్చాడు.  అయ్యో అయ్యర్‌.. అసలేమైంది? ఈ నేపథ్యంలో ఇంతకీ శ్రేయస్‌ అయ్యర్‌కు ఏమైంది? నిజంగానే ఫిట్‌నెస్‌ సమస్యలు ఉన్నాయా? లేదంటే ఇషాన్‌ కోసం అతడిని పక్కనపెడుతున్నారా? ఆసియా కప్‌ టోర్నీకి ముందు ఫిట్‌గా లేడని చెప్పిన కేఎల్‌ కమ్‌బ్యాక్‌ ఇవ్వగా.. అయ్యర్‌కు మాత్రం ఈ దుస్థితి ఏమిటో? ఇలా అయితే.. వన్డే వరల్డ్‌కప్‌లో కూడా అతడు ఆడే పరిస్థితులు లేవని నిట్టూరుస్తున్నారు. అయితే, ప్రపంచకప్‌ కంటే ముందు ఆస్ట్రేలియాతో వన్డే సిరీస్‌ సందర్భంగా ఈ రైట్‌హ్యాండ్‌ బ్యాటర్‌ తిరిగి సత్తా చాటుతాడని విశ్లేషకులు అభిప్రాయపడుతున్నారు. ఇప్పటికైతే ఆసియా కప్‌-2023 ఫైనల్లో చోటు గురించి అయ్యర్‌ మర్చిపోవాల్సిందేననే అభిప్రాయాలు వ్యక్తమవుతున్నాయి. ఆసీస్‌తో సిరీస్‌తో సన్నాహకాలు కాగా అక్టోబరు 5 నుంచి భారత్‌ వేదికగా ప్రపంచకప్‌ టోర్నీ ఆరంభం కానుండగా.. అక్టోబరు 8న టీమిండియా తమ తొలి మ్యాచ్లో ఆసీస్‌ను ఢీకొట్టనుంది. అంతకంటే ముందు సొంతగడ్డపై సెప్టెంబరు 22- 27 వరకు ఆస్ట్రేలియాతో మూడు మ్యాచ్‌ల వన్డే సిరీస్‌ ఆడనుంది.  చదవండి: ఆర్సీబీ పేసర్‌కు లక్కీ ఛాన్స్‌! టీమిండియాలో చోటు.. బీసీసీఐ ప్రకటన  𝙏𝙝𝙚 𝙁𝙞𝙣𝙖𝙡 𝙁𝙧𝙤𝙣𝙩𝙞𝙚𝙧 👌 Relive #TeamIndia's journey to the #AsiaCup2023 Final ahead of today's summit clash against Sri Lanka in Colombo 🏟️#INDvSL pic.twitter.com/FSEOvqLv2M — BCCI (@BCCI) September 17, 2023 One final time before the final! 👌#TeamIndia are geared up for #INDvBAN 🙌#AsiaCup2023 pic.twitter.com/5ydNqDaoW2 — BCCI (@BCCI) September 15, 2023

Asia Cup 2023- India vs Pakistan: ఆసియా కప్‌-2023 టోర్నీకి ప్రకటించిన జట్టులో కేరళ బ్యాటర్‌ సంజూ శాంసన్‌కు ట్రావెలింగ్‌ రిజర్వ్‌గా స్థానం దక్కింది. సీనియర్‌ వికెట్‌ కీపర్‌ కేఎల్‌ రాహుల్‌ ఫిట్‌నెస్‌ సమస్యల దృష్ట్యా ప్రధాన జట్టులో ఇషాన్‌ కిషన్‌కు చోటిచ్చిన మేనేజ్‌మెంట్‌.. సంజూను బ్యాకప్‌గా ఎంపిక చేసింది. అవకాశాన్ని సద్వినియోగం చేసుకున్న ఇషాన్‌ ఈ నేపథ్యంలో తనకు వచ్చిన అవకాశాన్ని జార్ఖండ్‌ బ్యాటర్‌ ఇషాన్‌ పూర్తిగా సద్వినియోగం చేసుకున్నాడు. ఈవెంట్‌తో తమ ఆరంభ మ్యాచ్‌లో పాకిస్తాన్‌తో తలపడ్డ టీమిండియా గౌరవప్రదమైన స్కోరు చేయడంలో ఈ వికెట్‌ కీపర్‌ కీలక పాత్ర పోషించాడు. వైస్‌ కెప్టెన్‌ హార్దిక్‌ పాండ్యా(87)తో కలిసి అద్భుత ఇన్నింగ్స్‌(82)తో ఆకట్టుకున్నాడు. ఈ మ్యాచ్‌ వర్షం కారణంగా రద్దైపోగా.. నేపాల్‌తో మ్యాచ్‌లో ఓపెనర్లు రోహిత్‌ శర్మ(74 నాటౌట్‌), శుబ్‌మన్‌ గిల్‌(67 నాటౌట్‌) లక్ష్యాన్ని పూర్తి చేయడంతో ఇషాన్‌కు బ్యాటింగ్‌ చేసే అవకాశం రాలేదు. కేఎల్‌ రాహుల్‌ వచ్చేశాడు.. తుదిజట్టులో కూడా ఇదిలా ఉంటే.. సూపర్‌-4లో భాగంగా పాకిస్తాన్‌తో ఆదివారం టీమిండియా తలపడనున్న నేపథ్యంలో పూర్తి ఫిట్‌నెస్‌ సాధించిన కేఎల్‌ రాహుల్‌ అందుబాటులోకి వచ్చాడు. నెట్‌ సెషన్‌లో తీవ్రంగా శ్రమిస్తున్న ఈ కర్ణాటక బ్యాటర్‌.. తుదిజట్టులోకి రావడం ఖాయంగా మారింది.  ఇక సంజూ అవసరం లేదు ఈ నేపథ్యంలో ఇషాన్‌ను అడ్జస్ట్‌ చేయడానికి ఎవరిపై వేటు వేస్తారోనన్న చర్చ నడుస్తుండగా.. సంజూ శాంసన్‌ను బీసీసీఐ ఇంటికి పంపించడం ఆసక్తి కలిగిస్తోంది. కేఎల్‌ రాహుల్‌ వచ్చాడు కాబట్టి.. ఇక సంజూ అవసరం లేదని బీసీసీఐ అతడిని తిరిగి స్వదేశానికి పంపించినట్లు తెలుస్తోంది.  మరో వికెట్‌ కీపర్‌ ఇషాన్‌ అందుబాటులో ఉన్న నేపథ్యంలో సంజూను వెనక్కి పంపినట్లు సమాచారం. నెట్స్‌లో కఠోరంగా శ్రమిస్తున్న కేఎల్‌ రాహుల్‌ గాయం కారణంగా జట్టుకు చాలా కాలంగా దూరమైన కేఎల్‌ రాహుల్‌.. సర్జరీ తర్వాత జాతీయ క్రికెట్‌ అకాడమీలో పునరావాసం పొందాడు. అయితే, ఆసియా కప్‌ జట్టుకు ఎంపికైనప్పటికీ.. ఫిట్‌నెస్‌ సమస్యల కారణంగా గ్రూప్‌ స్టేజ్‌ మ్యాచ్‌లకు అందుబాటులో లేకుండా పోయాడు. ఈ క్రమంలో ఫిట్‌నెస్‌ నిరూపించుకుని రీఎంట్రీకి సిద్ధమైన రాహుల్‌.. గురువారం నుంచి నెట్స్‌లో తీవ్రంగా శ్రమిస్తున్నాడు. గంటల తరబడి బ్యాటింగ్‌ ప్రాక్టీస్‌ చేయడంతో పాటు.. వికెట్‌ కీపింగ్‌ కూడా చేస్తున్నట్లు సమాచారం. కాగా కొలంబోలో ఆదివారం టీమిండియా- పాకిస్తాన్‌ మధ్య మ్యాచ్‌ జరుగనుంది. చదవండి: Ind vs Pak: పాక్‌ను ఓడించాలంటే అతడిపై వేటు పడాల్సిందే! లేదంటే..

ఐసీసీ వన్డే ర్యాకింగ్స్‌లో భారత బ్యాటర్లు శబ్‌మన్‌ గిల్‌, ఇషాన్‌ కిషన్‌ అదరగొట్టారు. తాజాగా ప్రకటించిన ర్యాంకింగ్స్‌లో గిల్‌ మూడో స్ధానానికి చేరుకున్నాడు. ఇంతకుముందు నాలుగో ర్యాంక్‌లో ఉన్న గిల్‌.. ఆసియాకప్‌-2023లో భాగంగా నేపాల్‌పై అద్భుతంగా రాణించడంతో తన స్ధానాన్ని మెరుగుపరుచుకున్నాడు. ఈ మ్యాచ్‌లో గిల్‌ 62 బంతుల్లో 67 పరుగులు చేసి ఆజేయంగా నిలిచాడు. మరోవైపు పాకిస్తాన్‌తో కీలక ఇన్నింగ్స్‌ ఆడిన ఇషాన్‌ కిషన్‌ 12 స్ధానాలు ఎగబాకి 24వ స్ధానానికి చేరుకున్నాడు. కిషన్‌ పాకిస్తాన్‌పై 82 పరుగులతో చిరస్మరణీయ ఇన్నింగ్స్‌ ఆడాడు. ఇక​ టాప్‌లో పాకిస్తాన్‌ కెప్టెన్‌ బాబర్‌ ఆజం(882 పాయింట్లు) ఉండగా.. రెండో స్ధానంలో దక్షిణాఫ్రికా స్టార్‌ రాస్సీ వాన్ డెర్ డస్సెన్ కొనసాగుతున్నాడు. టాప్‌ 10 వన్డే బ్యాటర్ల ర్యాంకింగ్ జాబితా 1.బాబర్ ఆజం (పాకిస్తాన్) 2.రస్సీ వాండర్ డస్సెన్ (దక్షిణాఫ్రికా) 3.శుబ్‌మన్‌ గిల్(భారత్‌) 4.ఇమామ్-ఉల్-హక్ (పాకిస్తాన్) 5.హ్యారీ టెక్టర్ (ఐర్లాండ్) 6.డేవిడ్ వార్నర్ (ఆస్ట్రేలియా) 7.ఫఖర్ జమాన్ (పాకిస్తాన్) 8.క్వింటన్ డి కాక్ (దక్షిణాఫ్రికా) 9.స్టీవ్ స్మిత్ (ఆస్ట్రేలియా) 10.విరాట్ కోహ్లీ (భారత్‌) చదవండి: రోహిత్‌, కోహ్లిలను తీసేయరు కదా! కాబట్టి.. తుది జట్టులో అతడే బెటర్‌: గంభీర్‌

Gautam Gambhir on Kishan vs Rahul debate: ‘‘జట్టులో స్థానం కోసం తాను ఎంతగా శ్రమించాలో ఇషాన్‌ కిషన్‌ అంతకంటే ఎక్కువే శ్రమిస్తున్నాడు. అంతర్జాతీయ క్రికెట్‌లో ఎక్కువగా అనుభవం లేదు కాబట్టి.. ఇషాన్‌ను కాదని కేఎల్‌ రాహుల్‌ ఆడిస్తామనడం సరికాదు. ఒకవేళ విరాట్‌ కోహ్లి లేదంటే.. రోహిత్‌ శర్మ ఇషాన్‌ కిషన్‌ స్థానంలో ఉండి ఉంటే.. కేఎల్‌ రాహుల్‌తో వాళ్ల స్థానం భర్తీ చేసేవాళ్లా? రోహిత్‌, కోహ్లిలను తీసేయరు కదా! మరి.. లేదు కదా! మనం చాంపియన్‌షిప్‌ గెలవడమే ప్రధాన లక్ష్యం. అయితే, ఇందులో మనకు ఆటగాళ్ల పేర్లు ముఖ్యమా? వారి ఫామ్‌ ముఖ్యమా? ఒకవేళ రోహిత్‌, కోహ్లి వరుసగా నాలుగు అర్ధ శతకాలు బాది ఉంటే.. అప్పుడు కూడా వాళ్ల స్థానంలో కేఎల్‌ రాహుల్‌ను తీసుకువస్తారా? వరల్డ్‌కప్‌ టోర్నీకి సన్నద్ధమవుతున్న క్రమంలో ఆటగాళ్ల పేర్లతో మనకు పనిలేదు. వాళ్ల ఫామ్‌ ఎలా ఉందన్నదే ప్రధానాంశం. జట్టుకు ప్రపంచకప్‌ అందించగల సత్తా ఉన్న ఆటగాడి వైపే మనం మొగ్గుచూపాలి’’ అని టీమిండియా మాజీ క్రికెటర్‌ గౌతం గంభీర్‌ కీలక వ్యాఖ్యలు చేశాడు. రాహుల్‌ రీఎంట్రీతో ఇషాన్‌ స్థానానికి ఎసరు? కాగా గాయం నుంచి కోలుకుని.. సుదీర్ఘ విరామం తర్వాత కర్ణాటక వికెట్‌ కీపర్‌ బ్యాటర్‌ కేఎల్‌ రాహుల్‌ ఆసియా కప్‌-2023కి ఎంపికైన విషయం తెలిసిందే. అయితే, పూర్తి ఫిట్‌నెస్‌ సాధించని కారణంగా పాకిస్తాన్‌, నేపాల్‌లతో మ్యాచ్‌లకు అతడు దూరమయ్యాడు.  ఈ క్రమంలో జార్ఖండ్‌ వికెట్‌ కీపర్‌ బ్యాటర్‌ ఇషాన్‌ కిషన్‌కు తుదిజట్టులో చోటు దక్కింది. వెస్టిండీస్‌తో వన్డే సిరీస్‌లో వరుస హాఫ్‌ సెంచరీలు బాదిన ఈ యువ ఆటగాడు.. చిరకాల ప్రత్యర్థి పోరులోనూ బ్యాట్‌ ఝులిపించాడు. పేరు కాదు.. ఫామ్‌ ముఖ్యం రోహిత్‌ శర్మ, విరాట్‌ కోహ్లి వంటి స్టార్‌ బ్యాటర్లు చేతులెత్తేసిన వేళ హార్దిక్‌ పాండ్యా(87)తో కలిసి జట్టును ఆదుకున్నాడు. 82 పరుగులతో సంచలన ఇన్నింగ్స్‌ ఆడి తన విలువేమిటో చాటుకున్నాడు. అయితే వర్షం కారణంగా పాక్‌తో మ్యాచ్‌ రద్దు కాగా.. నేపాల్‌ మ్యాచ్‌కు కూడా వరణుడు అంతరాయం కలిగించడంతో ఇషాన్‌కు బ్యాటింగ్‌ చేసే అవకాశం రాలేదు. ఇదిలా ఉంటే.. ఆదివారం మరోసారి భారత్‌- పాకిస్తాన్‌ సూపర్‌-4లో తలపడనున్న తరుణంలో ఫిట్‌నెస్‌తో ఉన్న రాహుల్‌ రీఎంట్రీ ఇస్తాడనే వార్తలు వినిపిస్తున్నాయి. అదే గనుక జరిగితే ఐదో స్థానంలో ఆడుతున్న ఇషాన్‌పై వేటు తప్పదు.  మరోవైపు.. వరల్డ్‌కప్‌-2023 జట్టులో రాహుల్‌తో పాటు ఇషాన్‌కు చోటు దక్కిన నేపథ్యంలో గౌతం గంభీర్‌ మాట్లాడుతూ.. ఫామ్‌లో ఉన్న ఇషాన్‌కే ఛాన్స్‌ ఇవ్వాలంటూ ఈ మేరకు వ్యాఖ్యలు చేశాడు. తుదిజట్టులో కేఎల్‌ రాహుల్‌ కంటే ఇషాన్‌ కిషన్‌కే పెద్దపీట వేయాలని సూచించాడు.  చదవండి: ప్రపంచకప్‌నకు ఆస్ట్రేలియా జట్టు ప్రకటన.. ఆ ముగ్గురు అవుట్‌! కెప్టెన్‌ సహా.. అవును.. టీమిండియాలో నాకు చోటు లేదు.. ఇక: భువీ కీలక నిర్ణయం Rahul- Ishan: ఇద్దరూ తుదిజట్టులో ఉంటే తప్పేంటి?: బీసీసీఐ చీఫ్‌ సెలక్టర్‌

India Playing XI- KL Rahul vs Ishan Kishan: ప్రపంచకప్‌-2023 టోర్నీకి ప్రకటించిన భారత జట్టులో వికెట్‌ కీపర్‌ బ్యాటర్లు కేఎల్‌ రాహుల్‌, ఇషాన్‌ కిషన్‌.. ఇద్దరికీ చోటు దక్కింది. గాయం నుంచి కోలుకున్న తర్వాత ఆసియా కప్‌ వన్డే ఈవెంట్‌తో జట్టులోకి పునరాగమనం చేశాడు కేఎల్‌. జాతీయ క్రికెట్‌ అకాడమీలో నెలలపాలు పునరావాసం పొంది రీఎంట్రీకి సిద్ధమయ్యాడు. కేఎల్‌ రాహులా? లేదంటే ఇషాన్‌? అయితే, గాయం వెంటాడటంతో తొలి రెండు మ్యాచ్‌లకు దూరమైన ఈ కర్ణాటక బ్యాటర్‌ సూపర్‌-4 మ్యాచ్‌తో మైదానంలో దిగే అవకాశం ఉంది. ఈ క్రమంలో ఇప్పటికే.. సదరు మ్యాచ్‌లో తుదిజట్టులో కేఎల్‌ రాహుల్‌కు చోటిస్తే ఇషాన్‌ పరిస్థితి ఏమిటన్న చర్చలు జరుగుతున్నాయి. కేఎల్‌ రాహుల్‌ రాహుల్‌ కోసం... పాకిస్తాన్‌తో మ్యాచ్‌లో అర్ధ శతకంతో మెరిసిన ఇషాన్‌ను పక్కనపెడితే అంతకంటే మూర్ఖత్వం ఉండదనే విమర్శలూ వినిపిస్తున్నాయి. వన్డే వరల్డ్‌కప్‌ జట్టు ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్‌కు ఈ విషయం గురించి ప్రశ్న ఎదురైంది.  ఇలాంటి తలనొప్పి మంచిదే కదా! ఇందుకు స్పందనగా.. ‘‘ఇలాంటి తలనొప్పి మంచిదే? కాదంటారా? ఇషాన్‌ గత మ్యాచ్‌లో అద్బుతమైన ఇన్నింగ్స్‌ ఆడాడు. సాధారణంగా అతడు ఓపెనర్‌గా వస్తాడు. అలాంటిది మిడిలార్డర్‌లో గొప్పగా రాణించాడు. కాబట్టి కేఎల్‌ జట్టులో ఉంటే ఇద్దరిలో ఎవరిని ఆడించాలన్న తలనొప్పి తప్పదు.  ఇషాన్‌ కిషన్‌ ఇద్దరూ ఉన్నా.. వన్డే క్రికెట్‌లో కేఎల్‌ రికార్డు అద్భుతమని ప్రత్యేకంగా చెప్పనక్కర్లేదు. అతడు వచ్చాడంటే ఇలాంటి సందిగ్దం ఉండటం సహజం. అయినా.. ఇద్దరు ఉన్నారే అని బాధపడే బదులు మన ముందు రెండు మంచి ఆప్షన్లు ఉన్నాయని సంతోషించవచ్చు కదా!’’ అని అజిత్‌ అగార్కర్‌ బదులిచ్చాడు. ఇక కెప్టెన్‌ రోహిత్‌ శర్మ సైతం.. ఆటగాళ్ల ఫిట్‌నెస్‌ను బట్టే తుదిజట్టు కూర్పు ఉంటుందని.. అందులో ఇద్దరు ఒకే రకమైన ప్లేయర్లు ఉండటం అసాధ్యమేమీ కాదని పేర్కొన్నాడు. చదవండి: వన్డే వరల్డ్‌కప్‌కు సౌతాఫ్రికా జట్టు ప్రకటన.. జట్టు నిండా చిచ్చరపిడుగులు అతడు ఉండగా అక్షర్‌ ఎందుకు? మ్యాచ్‌ విన్నర్‌కు చోటు లేకపోవడమేమిటి?: మాజీ క్రికెటర్‌

"Stay on Instagram but be here as well": టీమిండియా క్రికెటర్ల ఆట తీరుపై మాజీ బ్యాటర్‌ మహ్మద్‌ కైఫ్‌ మండిపడ్డాడు. కండలు పెంచి ఫొటోలు షేర్‌ చేస్తే సరిపోదని.. మైదానంలో మన ప్రదర్శన ఎలా ఉందన్నదే ముఖ్యమంటూ ఘాటు విమర్శలు చేశాడు. ఆసియా కప్‌-2023లో భాగంగా తమ రెండో మ్యాచ్‌లో భారత జట్టు సోమవారం నేపాల్‌తో తలపడిన విషయం తెలిసిందే. మూడు గోల్డెన్‌ క్యాచ్‌లు డ్రాప్‌ శ్రీలంకలోని పల్లెకెలెలో జరిగిన ఈ మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఆదిలోనే మహ్మద్‌ షమీ, మహ్మద్‌ సిరాజ్‌ వంటి స్టార్‌ పేసర్లను దింపినా ఫలితం లేకుండా పోయింది. టీమిండియా ఫీల్డర్ల తప్పిదాలతో లైఫ్‌ పొందిన నేపాల్‌ ఓపెనర్లు కుశాల్‌ భుర్తేల్‌(38), ఆసిఫ్‌ షేక్‌(58) మెరుగైన స్కోర్లు సాధించారు. PC: Star Sports ఆరంభంలో వీళ్లిద్దరు ఇచ్చిన మూడు గోల్డెన్‌ మ్యాచ్‌లను శ్రేయస్‌ అయ్యర్‌, విరాట్‌ కోహ్లి, వికెట్‌ కీపర్‌ ఇషాన్‌ కిషన్‌ మిస్‌ చేయడం వల్ల ఈ మేరకు భారత బౌలర్లకు భంగపాటు తప్పలేదు. ఈ నేపథ్యంలో మహ్మద్‌ కైఫ్‌.. క్యాచ్‌ డ్రాప్‌లపై తీవ్ర అసంతృప్తి వ్యక్తం చేశాడు.  పెద్ద పెద్ద కండలు ఉంటే సరిపోదు స్టార్‌ స్పోర్ట్స్‌ షోలో మాట్లాడుతూ..‘‘మీరు ఎంత ఫిట్‌గా ఉన్నారన్న విషయంతో సంబంధం లేదు. మీకు పెద్ద పెద్ద కండలు ఉండొచ్చు. జిమ్‌లో వర్కౌట్లతో మీరు నిరంతరం శ్రమిస్తూ ఉండవచ్చు.  అంతేనా... అందుకు సంబంధించిన ఫొటోలను ఇన్‌స్టాగ్రామ్‌లో పోస్ట్‌ చేయనూ వచ్చు. అయితే, మైదానంలో మీరు చురుగ్గా కదలలేకపోతే.. ఏం లాభం? ఇన్‌స్టాగ్రామ్‌లో ఉన్నట్లు ఇక్కడా ఫిట్‌గా ఉన్నామని నిరూపించుకోవాలి కదా!’’ అని అయ్యర్‌, కోహ్లి, ఇషాన్‌లను ఉద్దేశించి వ్యంగ్యాస్త్రాలు సంధించాడు. శ్రేయస్‌ అయ్యర్‌ కోహ్లికి ఇదేం మొదటిసారి కాదు అదే విధంగా స్టార్‌ బ్యాటర్‌, ఫిట్‌నెస్‌కు మారుపేరైన విరాట్‌ కోహ్లి గురించి ప్రస్తావిస్తూ.. ‘‘నేపాల్‌తో మ్యాచ్‌లో కోహ్లి నన్ను పూర్తిగా నిరాశపరిచాడు. అయినా విరాట్‌ కోహ్లి క్యాచ్‌లు డ్రాప్‌ చేయడం ఇదే మొదటిసారి కాదు.  ఐపీఎల్‌లోనూ ఇలాగే చేశాడు. ఆస్ట్రేలియా, బంగ్లాదేశ్‌లతో మ్యాచ్‌లలోనూ ఇలాంటి తప్పులే చేశాడు. ఈ విషయంలో నేనేమీ అబద్ధం చెప్పడం లేదు. వాస్తవం మాట్లాడుతున్నా’’ అంటూ మహ్మద్‌ కైఫ్‌ తీవ్రస్థాయిలో విమర్శలు చేశాడు.  సూపర్‌-4లో టీమిండియా ఎంట్రీ కోహ్లి ఫిట్‌గా ఉంటాడన్న విషయం అందరికీ తెలుసని, అయితే మైదానంలో కూడా ఆ విషయాన్ని నిరూపించుకోవాల్సి ఉంటుందంటూ చురకలు అంటించాడు. కాగా టీమిండియాతో మ్యాచ్‌లో మెరుగైన ఆట తీరు కనబరిచిన నేపాల్‌.. 48.2 ఓవర్లలో 230 పరుగులకు ఆలౌట్‌ అయింది.  ఈ క్రమంలో... వర్షం అంతరాయం కలిగిన నేపథ్యంలో డీఎల్‌ఎస్‌ పద్ధతిలో విధించిన లక్ష్యాన్ని టీమిండియా 20.1 ఓవర్లలో ఒక్క వికెట్‌ కూడా నష్టపోకుండా ఛేదించింది. తద్వారా పది వికెట్ల తేడాతో గెలుపొంది సూపర్‌-4లో ఎంట్రీ ఇచ్చింది.   చదవండి: WC 2023: శ్రేయస్‌ అయ్యర్‌కు నో ఛాన్స్‌! అనూహ్యంగా వాళ్లిద్దరికి చోటు.. ఆరోజు నేను- ధోని కాదు.. భజ్జీ గెలిపించాడు! వెటకారమెందుకు గంభీర్‌? బుద్ధుందా?

Asia Cup, 2023 India vs Nepal: నేపాల్‌తో మ్యాచ్‌లో టీమిండియా ఫీల్డర్ల పొరపాట్లపై అభిమానులు మండిపడుతున్నారు. పసికూనతో మ్యాచ్‌ అనే నిర్లక్ష్యం వద్దని.. ప్రత్యర్థిని తేలికగా తీసుకుంటే భారీ మూల్యం చెల్లించకతప్పని దుస్థితి బారిన పడే అవకాశం ఉందని హెచ్చరిస్తున్నారు. ఆసియా కప్‌-2023లో భాగంగా గ్రూప్‌-ఏలో ఉన్న నేపాల్‌ తమ తొలి మ్యాచ్‌లో పాకిస్తాన్‌తో తలపడింది. ముల్తాన్‌లో ఆగష్టు 30న జరిగిన మ్యాచ్‌లో పాక్‌ నిర్ణీత 50 ఓవర్లలో 6 వికెట్ల నష్టానికి 342 పరుగులు స్కోరు చేసింది. భారీ లక్ష్యంతో బరిలోకి దిగిన నేపాల్‌కు ఆతిథ్య జట్టు బౌలర్లు చుక్కలు చూపించారు. పాక్‌ బౌలర్ల ముందు చిత్తు ఓపెనర్లు కుశాల్‌ భుర్తేల్‌ 8 పరుగుల వద్ద పెవిలియన్‌ చేరగా.. ఆసిఫ్‌ షేక్‌ 5 పరుగులకే వెనుదిరిగాడు. ఇక తర్వాతి స్థానాల్లో బ్యాటింగ్‌ వచ్చిన నేపాల్‌ క్రికెటర్లు చేసిన స్కోర్లు వరుసగా.. 0, 26, 28, 13, 3, 6, 0, 7, 0. కానీ టీమిండియా మ్యాచ్‌కు వచ్చే సరికి పరిస్థితి మారిపోయింది. టీమిండియా బౌలింగ్‌లో మాత్రం పాక్‌తో మ్యాచ్‌లో సింగిల్‌ డిజిట్‌ స్కోర్లకు పరిమితమైన కుశాల్‌, ఆసిఫ్‌.. భారత పేసర్లు మహ్మద్‌ షమీ, మహ్మద్‌ సిరాజ్‌లను సమర్థవంతంగా ఎదుర్కొంటున్నారు. ఇందుకు తోడు టీమిండియా ఫీల్డర్ల వైఫల్యం వారికి కలిసి వస్తోంది. ఫోర్లు, సిక్సర్లతో చెలరేగిన కుశాల్‌ శ్రేయస్‌ అయ్యర్‌, విరాట్‌ కోహ్లి సహా వికెట్‌ కీపర్‌ ఇషాన్‌ కిషన్‌ మూడు గోల్డెన్‌ క్యాచ్‌లు డ్రాప్‌ చేశారు. ఆసిఫ్‌, కుశాల్‌ ఇచ్చిన ఈజీ క్యాచ్‌లను వదిలేశారు. నేపాల్‌ ఇన్నింగ్స్‌ మొదటి, రెండో, ఐదో ఓవర్లో ఈ తప్పిదాలు చేశారు.  ఈ క్రమంలో లైఫ్‌ పొందిన కుశాల్‌ 3 ఫోర్లు, రెండు సిక్సర్లతో చెలరేగాడు. అయితే, పదో ఓవర్‌లో శార్దూల్‌ ఠాకూర్‌  బౌలింగ్‌లో కుశాల్‌ ఇచ్చిన క్యాచ్‌ను పట్టడంలో ఇషాన్‌ కిషన్‌ సఫలమయ్యాడు. ఎట్టకేలకు.. శార్దూల్‌కు తొలి వికెట్‌ దీంతో ఎట్టకేలకు టీమిండియాకు తొలి వికెట్‌ దక్కింది. పదో ఓవర్‌ ముగిసే సరికి ఒక వికెట్‌ నష్టానికి నేపాల్‌ 65 పరుగుల మెరుగైన స్కోరు చేసింది. మరోవైపు.. 10 ఓవర్లు ముగిసే సరికి  ఆసిఫ్‌ 4 ఫోర్ల సాయంతో 23 పరుగులు చేసి.. భీమ్‌ షర్కీతో కలిసి క్రీజులో ఉన్నాడు. కాగా నేపాల్‌తో మ్యాచ్‌లో టాస్‌ గెలిచిన టీమిండియా సారథి రోహిత్‌ శర్మ తొలుత బౌలింగ్‌ ఎంచుకున్న విషయం విదితమే! చదవండి:  టాస్‌ గెలిచిన టీమిండియా.. తుది జట్లు ఇవే.. షమీకి చోటు 3 Dropped Catches 😱 #IndvsNep pic.twitter.com/LQOnqv3yEN — Susanta Sahoo (@ugosus) September 4, 2023 Indian Fielders today 😭#IndvsNeppic.twitter.com/nQEWm5Ybp1 — 🏆 𝕏 3 (@thegoat_msd_) September 4, 2023

ఆసియాకప్‌-2023లో భాగంగా పాకిస్తాన్‌పై  టీమిండియా యువ ఆటగాడు ఇషాన్‌ కిషన్‌ అద్భుతమైన ఇన్నింగ్స్‌ ఆడిన సంగతి తెలిసిందే. కోహ్లి, రోహిత్‌ శర్మ వంటి స్టార్‌ ఆటగాళ్లు విఫలమైన చోట పాకిస్తాన్‌ బౌలర్లకు ఈ జార్ఖండ్‌ డైనమేట్‌ చుక్కలు చూపించాడు. 5 స్ధానంలో బ్యాటింగ్‌కు వచ్చి 82 పరుగులు చేసి భారత జట్టుకు గౌరవప్రదమైన స్కోర్‌ను అందించాడు. హార్దిక్‌ పాండ్యాతో కలిసి ఐదో వికెట్‌కు 138 పరుగుల భాగస్వామ్యాన్ని కిషన్‌ నెలకొల్పాడు. కిషన్‌ అద్భుతమైన ఇన్నింగ్స్‌ పట్ల సర్వాత్ర ప్రశంసల వర్షం కురుస్తోంది. కోహ్లి రికార్డును బ్రేక్‌ చేసిన కిషన్‌.. ఇక 82 పరుగులతో అదరగొట్టిన ఇషాన్‌ కిషన్‌ ఓ అరుదైన రికార్డును తన పేరిట లిఖించుకున్నాడు. అంతర్జాతీయ వన్డేల్లో 17 ఇన్నింగ్స్‌ల తర్వాత అత్యధిక పరుగులు చేసిన రెండో భారత ఆటగాడిగా కిషన్‌ నిలిచాడు. ఇప్పటివరకు తన 17 ఇన్నింగ్స్‌లలో కిషన్‌ 776 పరుగులు చేశాడు. ఈ క్రమంలో టీమిండియా స్టార్‌ బ్యాటర్‌ విరాట్‌ కోహ్లిను అధిగమించాడు. కోహ్లి 17 ఇన్నింగ్స్‌లు తర్వాత 757 పరుగులు చేశాడు. తాజా మ్యాచ్‌తో కోహ్లి రికార్డును కిషన్‌ బ్రేక్‌ చేశాడు. ఈ అరుదైన ఘనత సాధించిన జాబితాలో శుబ్‌మన్‌ గిల్‌(778) అగ్ర స్ధానంలో ఉన్నాడు. చదవండి: Asia Cup 2023: పాకిస్తాన్‌ బౌలర్‌ ఓవరాక్షన్‌.. బుద్దిచెప్పిన హార్దిక్‌ పాండ్యా! వీడియో వైరల్‌

టీమిండియా-పాకిస్థాన్ మ్యాచ్‌ అంటే ఆ రేంజే వేరు. రెండు దేశాల్లోని అభిమానులతో పాటు ప్రపంచవ్యాప్తంగా ఈ మ్యాచ్‌పైనే అందరిదృష్టి ఉంటుంది. అంతటి ప్రాముఖ్యత ఉన్న మ్యాచ్‌ కోసం క్రికెట్ ఫ్యాన్స్ ఎప్పుడెప్పుడా అని ఎదురు చూస్తుంటారు. తాజాగా శ్రీలంకలో జరుగుతున్న ఆసియాకప్‌ మ్యాచ్‌లో ఇండియా-పాకిస్థాన్ తలపడ్డాయి. అయితే మొదట బ్యాటింగ్ చేసిన టీమిండియా టాపార్డర్‌ పేకమేడలా కూలిపోయింది. కానీ ఆ తర్వాతే పాక్‌ బౌలర్లకు చుక్కలు చూపించాడు మన యువకెరటం ఇషాన్ కిషన్. స్టార్స్ ఔటైన చోటే దూకుడు ప్రదర్శించాడు. 82 పరుగులతో అద్భుతంగా రాణించి అందరినీ దృష్టిని ఆకర్షించాడు. అయితే ఈ మ్యాచ్‌లో ఇషాన్‌ కిషన్‌ బ్యాటింగ్‌ పట్ల అభిమానం చాటుకుంది ఓ మోడల్. ఇషాన్‌ గర్ల్ ఫ్రెండ్‌గా భావిస్తున్న అదితి హుండియా అతని ఆటతీరుపై ప్రశంసల వర్షం కురిపించింది. ఈ మేరకు తన ఇన్‌స్టా స్టోరీస్‌లో కిషన్ ఫోటో షేర్ చేస్తూ డ్రీమ్ ఇన్నింగ్స్ అంటూ క్యాప్షన్ కూడా ఇచ్చింది. ఇది చూసిన నెటిజన్స్ క్రేజీ కామెంట్స్ చేస్తున్నారు.  అసలు అదితి ఎవరు? కాగా.. అదితి హుండియా వృత్తిరీత్యా మోడల్ కాగా.. ఆమె ఇషాన్‌తో డేటింగ్‌లో ఉన్నట్లు తెలుస్తోంది. గతంలో భారత్-బంగ్లాదేశ్ మ్యాచ్‌లు జరిగినప్పుడు ఇషాన్‌కు మద్దతుగా నిలిచింది. అంతేకాకుండా ఇషాన్, అదితి చాలా సార్లు కలిసి బయట కనిపించారు. వీరిద్దరూ రిలేషన్‌షిప్‌లో ఉన్నారనే వార్తలు కూడా చాలా కాలంగా వినిపిస్తున్నాయి. అయితే వారి రిలేషన్‌పై అదితి, ఇషాన్ అధికారికంగా ఇప్పటివరకు ప్రకటించలేదు.

Asia Cup 2023 Ind Vs Pak- Ishan Kishan and Hardik Pandya Record: పాకిస్తాన్‌తో మ్యాచ్‌ సందర్భంగా టీమిండియా క్రికెటర్లు ఇషాన్‌ కిషన్‌- హార్దిక్‌ పాండ్యా ద్వయం సరికొత్త చరిత్ర సృష్టించారు. ఆసియా కప్‌ చరిత్రలో ఇప్పటిదాకా రాహుల్‌ ద్రవిడ్‌- యువరాజ్‌ సింగ్‌  పేరిట ఉన్న రికార్డును బద్దలు కొట్టారు. కాగా శ్రీలంక వేదికగా ఆసియా కప్‌-2023లో భాగంగా టీమిండియా- పాకిస్తాన్‌ మధ్య శనివారం మ్యాచ్‌ జరుగుతోంది. పాక్‌ పేసర్ల జోరు.. టీమిండియా టాపార్డర్‌ బేజారు ఈ వన్డే టోర్నీ తాజా ఎడిషన్‌లో తొలి మ్యాచ్‌ ఆడుతున్న భారత్‌.. టాస్‌ గెలిచి తొలుత బ్యాటింగ్‌ ఎంచుకుంది. పాకిస్తాన్‌ పేసర్లు షాహిన్‌ ఆఫ్రిది, హ్యారిస్‌ రవూఫ్‌, నసీం షా ధాటికి టీమిండియా టాపార్డర్‌ కకావికలమైంది. ఈ నేపథ్యంలో ఇషాన్‌, పాండ్యా అర్ధ శతకాలతో రాణించి జట్టుకు మెరుగైన స్కోరు అందించారు. ఆదుకున్న ఇషాన్‌- హార్దిక్‌.. వీరిద్దరి విజృంభణతో భారత జట్టు 48.5 ఓవర్లలో 266 పరుగులు చేయగలిగింది. ఇదిలా ఉంటే.. టీమిండియా పరువు కాపాడిన ఇషాన్‌ కిషన్‌(82)- హార్దిక్‌ పాండ్యా(87) ఐదో వికెట్‌కు 138 పరుగుల భాగస్వామ్యం నమోదు చేశారు. ఆసియా కప్‌ ఈవెంట్లో ఐదో వికెట్‌కు టీమిండియాకు ఇదే అత్యధిక స్కోరు. ద్రవిడ్‌- యువీ రికార్డు బద్దలు ఈ క్రమంలోనే ఇషాన్‌- పాండ్యా 19 ఏళ్ల రికార్డును బ్రేక్‌ చేశారు. కాగా 2004లో ద్రవిడ్‌(82)- యువీ(47) శ్రీలంకతో మ్యాచ్‌లో ఐదో వికెట్‌కు 133 పరుగులు జోడించారు. పాక్‌తో మ్యాచ్‌లో వికెట్‌ కీపర్‌ బ్యాటర్‌ ఇషాన్‌ కిషన్‌, పేస్‌ ఆల్‌రౌండర్‌ హార్దిక్‌ పాండ్యా ఈ రికార్డును అధిగమించారు. ఆ రికార్డు కూడా బ్రేక్‌ అంతేకాదు.. వన్డే క్రికెట్‌ చరిత్రలో పాకిస్తాన్‌తో మ్యాచ్‌లో ఐదో వికెట్‌కు అత్యధిక పరుగులు జోడించిన జోడీగా రాహుల్‌ ద్రవిడ్‌- మహ్మద్‌ కైఫ్‌ల రికార్డు(135)ను బద్దలు కొట్టారు. ఇదిలా ఉంటే.. పాక్‌తో సెప్టెంబరు 2 నాటి మ్యాచ్‌లో టీమిండియా 48.5 ఓవర్లలో 266 పరుగులు చేసి ఆలౌట్‌ అయింది. పాక్‌ బౌలర్లలో ఆఫ్రిదికి నాలుగు, రవూఫ్‌, నసీం షాలకు చెరో మూడు వికెట్లు దక్కాయి. ఆసియా కప్‌ చరిత్రలో ఐదో వికెట్‌కు అత్యధిక భాగస్వామ్యం నమోదు చేసిన టాప్‌-4 జోడీలు ►ఇషాన్‌ కిషన్‌- హార్దిక్‌ పాండ్యా- 2023లో పాకిస్తాన్‌తో మ్యాచ్‌లో 138 పరుగులు ►రాహుల్‌ ద్రవిడ్‌- యువరాజ్‌ సింగ్‌- 2004లో శ్రీలంకతో మ్యాచ్‌లో 133 పరుగులు ►ధోని- రోహిత్‌ శర్మ- 2008లో పాకిస్తాన్‌తో మ్యాచ్‌లో 112 పరుగులు ►ధోని- రోహిత్‌ శర్మ- 2010లో శ్రీలంకతో మ్యాచ్‌లో 79 పరుగులు. చదవండి: IND VS PAK: షమీని కాదని శార్దూల్‌ను తీసుకుంది ఇందుకేనా..?

Asia Cup 2023- India Vs Pakistan: పాకిస్తాన్‌తో మ్యాచ్‌లో టీమిండియా యువ బ్యాటర్‌ ఇషాన్‌ అద్భుత ఇన్నింగ్స్‌తో ఆకట్టుకున్నాడు. టాపార్డర్‌ పూర్తిగా విఫలమైన వేళ నేనున్నానంటూ జట్టును ఆదుకున్నాడు. ఐదో స్థానంలో బ్యాటింగ్‌కు వచ్చిన ఈ లెఫ్టాండర్‌.. ఆల్‌రౌండర్‌ హార్దిక్‌ పాండ్యాతో కలిసి ఇన్నింగ్స్‌ చక్కదిద్దాడు. ఆసియా కప్‌-2023లో భాగంగా శ్రీలంక వేదికగా టీమిండియా తమ తొలి మ్యాచ్‌లో పాకిస్తాన్‌తో తలపడుతోంది. పల్లెకెలెలో శనివారం నాటి ఈ మ్యాచ్‌లో టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. ఈ క్రమంలో ఓపెనర్లు రోహిత్‌ శర్మ(11), శుబ్‌మన్‌ గిల్‌(10).. వన్‌డౌన్‌ బ్యాటర్‌ విరాట్‌ కోహ్లి(4) పూర్తిగా విఫలమయ్యారు. అయ్యర్‌కు చేదు అనుభవం నాలుగో నంబర్‌ ఆటగాడు శ్రేయస్‌ అయ్యర్‌ కేవలం 14 పరుగులకే పరిమితమై పునరాగమనంలో చేదు అనుభవాన్ని మూటగట్టుకున్నాడు. ఈ నేపథ్యంలో వికెట్‌ కీపర్‌ బ్యాటర్‌ ఇషాన్‌ కిషన్‌తో కలిసి వైస్‌ కెప్టెన్‌ పాండ్యా జట్టును ఆదుకునే బాధ్యత తీసుకున్నాడు. ఆదుకున్న ఇషాన్‌, పాండ్యా జార్ఖండ్‌ బ్యాటర్‌ ఇషాన్‌ 81 బంతుల్లో 82 పరుగులు చేశాడు. సెంచరీ చేస్తాడని ఆశగా ఎదురుచూస్తున్న వేళ హ్యారిస్‌ రవూఫ్‌ బౌలింగ్‌లో బాబర్‌ ఆజం చేతికి క్యాచ్‌ ఇచ్చి అవుటయ్యాడు. దీంతో ఐదో వికెట్‌గా ఇషాన్‌ వెనుదిరిగాడు. అజారుద్దీన్‌తో పాటు ఆ లిస్టులో ఇషాన్‌ అయితే, పాక్‌తో మ్యాచ్‌ సందర్భంగా అర్ధ శతకంతో మెరిసిన ఇషాన్‌ కిషన్‌... అరుదైన ఘనత సాధించాడు. వన్డేల్లో వరుసగా అతడికిది నాలుగో హాఫ్‌ సెంచరీ(ఓవరాల్‌గా ఏడో ఫిఫ్టీ). దీంతో టీమిండియా మాజీ సారథి మహేంద్ర సింగ్‌ ధోని, స్టార్‌ బ్యాటర్‌ విరాట్‌ కోహ్లి సరసన చేరాడు ఇషాన్‌ కిషన్‌. వన్డేల్లో వరుసగా నాలుగు అర్ధ శతకాలు బాదిన టీమిండియా బ్యాటర్ల జాబితాలో చేరాడు. సచిన్‌ టెండుల్కర్‌, సౌరవ్‌ గంగూలీ, శ్రేయస్‌ అయ్యర్‌, సురేశ్‌ రైనా, మహ్మద్‌ అజారుద్దీన్‌ తదితరులు కూడా ఈ ఘనత సాధించారు. చదవండి: Ind Vs Pak: నంబర్‌1 జట్టుతో ఢీ.. రాత్రంతా నిద్రపట్టనేలేదు

Asia Cup 2023 India Vs Pakistan: ‘‘కేఎల్‌ రాహుల్‌ లేడు కాబట్టి ఇషాన్‌ కిషన్‌ జట్టులోకి వస్తే లెఫ్ట్‌- రైట్‌ కాంబినేషన్‌ కుదురుతుంది. అయితే, పాకిస్తాన్‌ పేసర్లు షాహిన్‌ ఆఫ్రిది, నసీం షాలను ఎదుర్కొనే క్రమంలో టీమిండియా అతడితో ఓపెనింగ్‌ చేయించే అవకాశం ఉండకపోవచ్చు. జట్టులో ఉన్న ఆటగాళ్ల ఫామ్‌ దృష్ట్యా తుది జట్టును ఎంపిక చేయడం పెద్ద కష్టమేమీకాదు. రోహిత్‌ శర్మ, శుబ్‌మన్‌ గిల్‌లను యథావిధిగా ఓపెనర్లుగా పంపాలి. మూడో స్థానంలో ఇషాన్‌ కిషన్‌ను ఆడించాలి.  కోహ్లి నాలుగో స్థానంలో రావాలి అప్పుడు విరాట్‌ కోహ్లి నాలుగో స్థానంలో.. శ్రేయస్‌ అయ్యర్‌ నంబర్‌ 5, హార్దిక్‌ పాండ్యా నంబర్‌ 6గా వస్తారు. ఆ తర్వాతి స్థానంలో రవీంద్ర జడేజా ఉంటాడు. బౌలింగ్‌ విభాగంలో కుల్దీప్‌ యాదవ్‌తో పాటు ముగ్గురు సీమర్లు ఉండాలి. మహ్మద్‌ సిరాజ్‌, మహ్మద్‌ షమీ, జస్‌ప్రీత్‌ బుమ్రా.. చాలా మంది మన బ్యాటింగ్‌లో డెప్త్‌ ఉంటే సరిపోతుంది అంటారు. నిజానికి బౌలింగ్‌లో డెప్త్‌ ఉంటే.. బ్యాటింగ్‌ డెప్త్‌తో పనిలేదు. కుల్దీప్‌, షమీ, సిరాజ్‌, బుమ్రాలతో పాటు జడేజా, హార్దిక్‌ పాండ్యా జట్టులో ఉన్న కారణంగా మన బౌలింగ్‌ విభాగం మరింత పటిష్టంగా కనిపిస్తోంది. కాబట్టి అంతగా ఆందోళన చెందాల్సిన అవసరం లేదు’’ అని టీమిండియా మాజీ క్రికెటర్‌ సంజయ్‌ మంజ్రేకర్‌ అన్నాడు. ఆసియా కప్‌-2023 ఆరంభ మ్యాచ్‌లో పాకిస్తాన్‌తో పోరుకు భారత తుది జట్టును ఎంపిక చేసుకున్నాడు. వన్‌డౌన్లో ఇషాన్‌ కిషన్‌ ఎందుకంటే ఈ సందర్భంగా టాపార్డర్‌ కూర్పు గురించి కీలక సూచనలు చేశాడు. ఇషాన్‌ను వన్‌డౌన్‌లో పంపి.. మిడిలార్డర్‌లో కీలకమైన నాలుగో స్థానంలో కోహ్లిని ఆడించాలని సూచించాడు. ఇక పాక్‌తో మ్యాచ్‌లో స్పిన్‌ విభాగంలో చైనామన్‌ బౌలర్‌ కుల్దీప్‌ యాదవ్‌ చాలని.. ముగ్గురు పేసర్లు జట్టులో ఉండే ప్రయోజనకరంగా ఉంటుందని సంజయ్‌ మంజ్రేకర్‌ అభిప్రాయపడ్డాడు. వాళ్లకు నో ఛాన్స్‌ తన జట్టులో సూర్యకుమార్‌ యాదవ్‌, తిలక్‌ వర్మలకు మంజ్రేకర్‌ చోటు ఇవ్వలేదు. కాగా చిరకాల ప్రత్యర్థులు భారత్‌- పాకిస్తాన్‌ మధ్య సెప్టెంబరు 2(శనివారం) ఆసియా వన్డే కప్‌ సందర్భంగా మ్యాచ్‌ జరుగనుంది. శ్రీలంకలోని క్యాండీలో గల పల్లెకెలె అంతర్జాతీయ స్టేడియంలో దాయాదులు అమీతుమీ తేల్చుకోనున్నారు.  పాకిస్తాన్‌తో మ్యాచ్‌కు సంజయ్‌ మంజ్రేకర్‌ ఎంచుకున్న భారత జట్టు(Indian XI): రోహిత్ శర్మ, శుబ్‌మన్‌ గిల్, ఇషాన్ కిషన్, విరాట్ కోహ్లి, శ్రేయస్ అయ్యర్, హార్దిక్ పాండ్యా, రవీంద్ర జడేజా, కుల్దీప్ యాదవ్, మహ్మద్ సిరాజ్, మహ్మద్ షమీ, జస్ప్రీత్ బుమ్రా. చదవండి: బుమ్రా కాదు! బాబర్‌కు చుక్కలు చూపించగల భారత బౌలర్‌ అతడే!

ఆసియాకప్‌-2023 తొలి రెండు మ్యాచ్‌లకు కేఎల్‌ రాహుల్‌ దూరం కావడంతో టీమిండియాకు కొత్త తలనొప్పులు మొదలయ్యాయి. తుది జట్టు కూర్పు టీమ్‌ మేనేజ్‌మెంట్‌కు ప్రధాన సమస్యగా మారింది. రాహుల్‌ స్థానంలో ఇషాన్‌ కిషన్‌ ఎంట్రీ ఖాయం కావడంతో అతన్ని ఏ స్థానంలో ఆడించాలని జట్టు పెద్దలు తలలుపట్టుకున్నారు.  టీమిండియా తమ తదుపరి మ్యాచ్‌లో (సెప్టెంబర్‌ 2) పాకిస్తాన్‌ను ఢీకొట్టాల్సి ఉండటంతో జట్టుపై ఒత్తిడి మరింత ఎక్కువైంది. ఈ నేపథ్యంలో కొందరు మాజీలు, అభిమానులు ఓ ఆసక్తికర ప్రతిపాదనను జట్టు పెద్దల ముందుంచారు. ఈ ప్రతిపాదన తుది జట్టు కూర్పు సమస్యను తీరుస్తుందని వారంటున్నారు. ఒక్క దెబ్బకు రెండు పిట్టలు అన్నట్లు ఓపెనింగ్‌ సమస్యతో పాటు మిడిలార్డర్‌ సమస్యకు కూడా పరిష్కారం దొరుకుతుందని సోషల్‌మీడియా వేదికగా కామెంట్స్‌ చేస్తున్నారు.  ఇంతకీ ఆ ప్రతిపాదన ఏంటంటే..? శుభ్‌మన్‌ గిల్‌ను తప్పించి, తిలక్‌ వర్మను తుది జట్టులోకి తీసుకుంటే ఓపెనింగ్‌ సమస్యకు పరిష్కారం దొరకడంతో పాటు బ్యాటింగ్‌ ఆర్డర్‌లో ఎలాంటి మార్పులు చేయాల్సి అవసరముండదని చెబుతున్నారు. రోహిత్‌కు జతగా ఇషాన్‌ కిషన్‌ ఇన్నింగ్స్‌ను ఓపెన్‌ చేస్తే, వన్‌డౌన్‌లో విరాట్‌, నాలుగో స్థానంలో శ్రేయస్‌ అయ్యర్‌, ఐదో ప్లేస్‌లో తిలక్‌ వర్మ బరిలోకి దిగుతారని అంటున్నారు. ఇలా చేయడం​ వల్ల టాపార్డర్‌ లెఫ్ట్‌ అండ్‌ రైట్‌ కాంబినేషన్‌తో సమతూకంగా ఉంటుందని, దీని వల్ల సత్ఫలితాలు సాధించే అవకాశం కూడా ఉంటుందని అభిప్రాయపడుతున్నారు.  ఒకవేళ గిల్‌ను తుది జట్టులో కొనసాగించాలని భావిస్తే.. బ్యాటింగ్‌ ఆర్డర్‌ మొత్తంలో మార్పులు చేయాల్సి ఉంటుందని, పాక్‌తో మ్యాచ్‌లో ఇలాంటి సాహసాలు చేయకపోతేనే మంచిదని సూచిస్తున్నారు. జట్టు కూర్పు సమస్యగా మారినప్పుడు ఎవరో ఒకరిని తప్పిస్తే సరిపోతుందనుకుంటే అలా చేయడమే మంచిదని, కాదని బ్యాటింగ్‌ ఆర్డర్‌ మొత్తాన్ని మార్చే ప్రయోగం చేస్తే మిస్‌ ఫైరయ్యే ప్రమాదముందని హెచ్చరిస్తున్నారు.  గిల్‌ను కాదని తిలక్‌ను ఎందుకంటే..? ఇటీవలే అంతర్జాతీయ క్రికెట్‌లోని అరంగేట్రం చేసిన తిలక్‌ వర్మ.. విండీస్‌తో జరిగిన టీ20 సిరీస్‌లో అద్భుతంగా రాణించాడు. అదే సిరీస్‌లో గిల్‌ ఆశించిన స్థాయిలో రాణించలేక విమర్శలు ఎదుర్కొన్నాడు. అభిమానులు గిల్‌ స్థానం‍లో తిలక్‌ పేరును ప్రతిపాదించేందుకు ఇది ప్రధాన కారణమైతే , తిలక్‌ లెఫ్ట్‌ హ్యండర్‌ కావడం అందులోనూ మిడిలార్డర్‌ బ్యాటర్‌ కావడం అతనికి అదనంగా కలిసొచ్చింది.   పాక్‌తో మ్యాచ్‌కు టీమిండియా (అంచనా): రోహిత్‌ శర్మ (కెప్టెన్‌), ఇషాన్‌ కిషన్‌ (వికెట్‌కీపర్‌), విరాట్‌ కోహ్లి, శ్రేయస్‌ అయ్యర్‌, తిలక్‌ వర్మ, హార్దిక్‌ పాండ్యా (వైస్‌ కెప్టెన్‌), రవీంద్ర జడేజా, మహ్మద్‌ షమీ, కుల్దీప్‌ యాదవ్‌, బుమ్రా, మహ్మద్‌ సిరాజ్‌

ఆసియాకప్‌-2023 ప్రారంభానికి ముందు టీమిండియాకు భారీ షాక్‌ తగిలింది. గాయం నుంచి పూర్తిగా కోలుకోని కేఎల్‌ రాహుల్‌ ఆసియాకప్‌లో టీమిండియా ఆడే తొలి రెండు మ్యాచ్‌లకు (పాకిస్తాన్‌, నేపాల్‌) దూరమయ్యాడు. ఈ విషయంపై అధికారిక ప్రకటన కూడా వెలువడింది. ఈ నేపథ్యంలో పాక్‌, నేపాల్‌తో జరిగే మ్యాచ్‌ల్లో రాహుల్‌ స్థానాన్ని ఎవరు భర్తీ చేస్తారనే అంశంపై సర్వత్రా చర్చ జరుగుతుంది. ముఖ్యంగా పాక్‌తో మ్యాచ్‌లో రాహుల్‌ రీప్లేస్‌మెంట్‌గా తుది జట్టులో ఎవరుంటారని భారత అభిమానులు చర్చించుకుంటున్నారు.  రాహుల్‌ ఔటయ్యాక వికెట్‌కీపర్‌ కమ్‌ బ్యాటర్‌ కోటాలో భారత్‌కు రెండు ఆప్షన్స్‌  ఉన్నాయి. ఇషాన్‌ కిషన్‌, ట్రావెలింగ్‌ రిజర్వ్‌ సంజూ శాంసన్‌లలో ఎవరో ఒకరిని తుది జట్టులోకి తీసుకోవాల్సి ఉంటుంది. మరి వీరిలో అవకాశాలు ఎక్కువగా ఎవరికి ఉంటాయన్న విషయాన్ని పరిశీలిస్తే.. రేసులో ఇషాన్‌ కిషన్‌ ముందుంటాడు. ఇషాన్‌కు అతని ఫామ్‌ (వన్డేల్లో) ప్రధానంగా కలిసొచ్చే అంశం కాగా.. రెండవది అతను లెఫ్ట్‌ హ్యాండర్‌ కావడం​. భారత టాపార్డర్‌ అంతా రైట్‌ హ్యాండ్‌ బ్యాటర్లే కావడంతో మిడిలార్డర్‌లో లేదా ఓపెనింగ్‌ స్థానంలో ఇషాన్‌ లాంటి అటాకింగ్‌ లెఫ్ట్‌ హ్యాండర్‌ ఉండటం జట్టుకు అదనంగా కలిసొచ్చే అంశంగా మారుతుంది.  ఒకవేళ మేనేజ్‌మెంట్‌ లెఫ్ట్‌ అండ్‌ రైట్‌ కాంబినేషన్‌తో ఇన్నింగ్స్‌ ప్రారంభించాలని భావిస్తే.. తుది జట్టులో ఇషాన్‌ స్థానానికి ఎలాంటి ఢోకా ఉండదు. పై పేర్కొన్న అంశాలు ఇషాన్‌కు కలిసొచ్చేవి కాగా, ఇటీవలికాలంలో పేలవ ప్రదర్శనలు సంజూ శాంసన్‌కు ప్రతికూల అంశాలుగా చెప్పవచ్చు. ప్రస్తుతమున్న సమీకరణ దృష్ట్యా ఎలా చూసినా, రాహుల్‌కు రీప్లేస్‌మెంట్‌గా ఇషాన్‌ కిషన్‌ తుది జట్టులో ఉంటాడు.   ఇషాన్‌ ఓపెనర్‌గా వస్తే, ప్రస్తుతం తుది జట్టులో స్థానం కన్ఫర్మ్‌ అనుకున్న వారి స్థానాలు అటుఇటుగా మారతాయి. రోహిత్‌కు జతగా ఇషాన్‌ ఓపెనర్‌గా వస్తే, శుభ్‌మన్‌ గిల్‌ వన్‌డౌన్‌లో, విరాట్‌ కోహ్లి నాలుగో స్థానంలో, శ్రేయస్‌ అయ్యర్‌ ఐదులో, ఆరో స్థానంలో హార్దిక్‌, రవీంద్ర జడేజా, మహ్మద్‌ షమీ, కుల్దీప్‌ యాదవ్‌, బుమ్రా, సిరాజ్‌ ఆతర్వాతి స్థానాల్లో బరిలోకి దిగాల్సి ఉంటుంది. ఇదిలా ఉంటే, ఆసియాకప్‌-2023లో భాగంగా శ్రీలంకలోని పల్లెకెలె వేదికగా సెప్టెంబర్‌ 2న భారత్‌-పాక్‌లు తలపడనున్నాయి. అనంతరం ఇదే వేదికపై సెప్టెంబర్‌ 4న నేపాల్‌.. టీమిండియాను ఢీకొంటుంది. పాక్‌తో మ్యాచ్‌కు టీమిండియా (అంచనా): రోహిత్‌ శర్మ (కెప్టెన్‌), ఇషాన్‌ కిషన్‌ (వికెట్‌కీపర్‌), శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, హార్దిక్‌ పాండ్యా (వైస్‌ కెప్టెన్‌), రవీంద్ర జడేజా, మహ్మద్‌ షమీ, కుల్దీప్‌ యాదవ్‌, బుమ్రా, మహ్మద్‌ సిరాజ్‌

ఆసియా కప్‌-2023 ఆరంభానికి సమయం ఆసన్నమైంది. పాకిస్తాన్‌ వేదికగా ఆగష్టు 30న ఈ వన్డే టోర్నీ మొదలుకానుంది. గ్రూప్‌-ఏలో భాగమైన ఆతిథ్య పాక్‌- నేపాల్‌ జట్ల మధ్య పోరుతో ఈవెంట్‌కు తెరలేవనుంది. ఈ క్రమంలో శ్రీలంకలోని పల్లెకెలెలో సెప్టెంబరు 2న పాకిస్తాన్‌తో టీమిండియా తమ తొలి మ్యాచ్‌ ఆడనుంది. ​ఈ నేపథ్యంలో ఇప్పటికే బీసీసీఐ 17 మంది సభ్యులతో కూడిన జట్టును ప్రకటించిన విషయం తెలిసిందే. వాళ్లిద్దరి పునరాగమనం.. కానీ యువ ఓపెనర్లు శుబ్‌మన్‌ గిల్‌, ఇషాన్‌ కిషన్‌ ఇద్దరికీ ఈ జట్టులో చోటు దక్కింది. ఇక మిడిలార్డర్‌లో కీలకమైన శ్రేయస్‌ అయ్యర్‌, కేఎల్‌ రాహుల్‌ గాయాల నుంచి కోలుకుని రీఎంట్రీ ఇచ్చేందుకు సిద్ధమయ్యారు. రాహుల్‌ ఇప్పటికీ పూర్తిస్థాయి ఫిట్‌నెస్‌ సాధించకపోవడంతో వికెట్‌ కీపర్‌గా ఇషాన్‌కు ఛాన్స్‌ దక్కింది. మరో వికెట్‌ కీపర్‌ బ్యాటర్‌ సంజూ శాంసన్‌ ట్రావెలింగ్‌ రిజర్వ్‌గా ఎంపికయ్యాడు. అయ్యర్‌కు పార్ట్‌నర్‌గా ఇదిలా ఉంటే.. ఆసియా కప్‌ నేపథ్యంలో కర్ణాటకలోని ఆలూరులో బీసీసీఐ ఆటగాళ్లకు ట్రెయినింగ్‌ క్యాంపు నిర్వహిస్తోంది. ఇందులో భాగంగా టీమిండియా కెప్టెన్‌ రోహిత్‌ శర్మ.. శ్రేయస్‌ అ‍య్యర్‌తో కలిసి బ్యాటింగ్‌ చేయడం ఆసక్తిని కలిగించింది. మిడిలార్డర్‌లో కీలకమైన నాలుగో స్థానం విషయంలో టీమిండియా గత కొన్నేళ్లుగా సమస్య ఎదుర్కొంటోందని రోహిత్‌ ఇది వరకే అంగీకరించిన విషయం తెలిసిందే. కొన్నాళ్లుగా అయ్యర్‌ నంబర్‌ 4లో రాణిస్తున్నా గాయం కారణంగా సుదీర్ఘ కాలం పాటు జట్టుకు దూరం కావడం తీవ్ర ప్రభావం చూపింది. గిల్‌ అయితే ఫిక్స్‌ ప్రస్తుతం ఆసియా కప్‌.. ఆ తర్వాత వన్డే వరల్డ్‌కప్‌-2023 వంటి మెగా ఈవెంట్ల నేపథ్యంలో.. శ్రేయస్‌ అయ్యర్‌కు గనుక గాయం తిరగబెడితే పరిస్థితి ఏంటన్న ఆందోళన నెలకొంది. ఈ నేపథ్యంలో టీమిండియా మాజీ కెప్టెన్‌ సౌరవ్‌ గంగూలీ సహా మాజీ హెడ్‌కోచ్‌ రవిశాస్త్రి, సౌతాఫ్రికా దిగ్గజం ఏబీ డివిల్లియర్స్‌..నంబర్‌ 4 లో స్టార్‌ బ్యాటర్‌ విరాట్‌ కోహ్లి కరెక్ట్‌ అని అభిప్రాయపడుతున్నారు. పాకిస్తాన్‌తో మ్యాచ్‌ నాటికి రాహుల్‌ గనుక అందుబాటులో లేకుంటే.. ఇషన్‌ కిషాన్‌ను జట్టులో చోటు ఖాయమని ప్రత్యేకంగా చెప్పనక్కర్లేదు. అయితే, అతడిని ఏ స్థానంలో ఆడించాలన్నదే ప్రశ్న. ఓపెనర్‌గా వన్డేల్లో ఇషాన్‌కు మంచి రికార్డు ఉంది. అయితే, 50 ఓవర్ల ఫార్మాట్‌లో ఇప్పటికే రోహిత్‌ శర్మకు జోడీగా శుబ్‌మన్‌ గిల్‌ స్థానం సుస్థిరం చేసుకున్నాడు. ఇలా అయితే ఎలా ఉంటుంది? ఈ నేపథ్యంలో పాకిస్తాన్‌తో మ్యాచ్‌లో ఓపెనర్లుగా ఎవరిని పంపాలి? కీలకమైన నాలుగో స్థానాన్ని ఎవరితో భర్తీ చేయాలన్న అంశంపై రాహుల్‌ ద్రవిడ్‌, రోహిత్‌ మల్లగుల్లాలు పడుతున్నట్లు సమాచారం. ఈ క్రమంలో గిల్‌, ఇషాన్‌లతో ఓపెనింగ్‌ చేయించి.. వన్‌డౌన్‌లో కోహ్లి యథాతథంగా వచ్చి.. నాలుగో స్థానంలో రోహిత్‌ను ఆడిస్తే ఎలా ఉంటుందనే ఆలోచనలో మేనేజ్‌మెంట్‌ ఉన్నట్లు తాజా సమాచారం. రాహుల్‌ అందుబాటులో ఉండకపోవచ్చని చీఫ్‌ సెలక్టర్‌ అజిత్‌ అగార్కర్‌ ఇప్పటికే స్పష్టం చేసిన క్రమంలో అయ్యర్‌ను ఐదోస్థానానికి డిమోట్‌ చేయనున్నట్లు వార్తలు వినిపిస్తున్నాయి. పిచ్చి ప్రయోగాలతో కొంప మునగడం ఖాయం ఈ నేపథ్యంలో ఓపెనర్లుగా శుబ్‌మన్‌ గిల్‌, ఇషాన్‌ కిషన్‌.. ఆ తర్వాతి స్థానాల్లో విరాట్‌ కోహ్లి, రోహిత్‌ శర్మ, శ్రేయస్‌ అయ్యర్‌, హార్దిక్‌ పాండ్యా, రవీంద్ర జడేజా, కుల్దీప్‌ యాదవ్‌, జస్‌ప్రీత్‌ బుమ్రా, మహ్మద్‌ షమీ, మహ్మద్‌ సిరాజ్‌ వస్తారనే అభిప్రాయాలు వ్యక్తమవుతున్నాయి .ఇదే గనుక నిజమైతే పిచ్చి ప్రయోగాలతో కొంప మునగడం ఖాయమని అభిమానులు ఉసూరుమంటున్నారు. ట్రెయినింగ్‌ సెషన్‌లో రోహిత్‌, అయ్యర్‌ ఇలా.. పాక్ స్టార్‌ పేసర్‌ షాహిన్‌ ఆఫ్రిదిని ఎదుర్కొనే సన్నాహకాల్లో భాగంగా లెఫ్టార్మ్‌ సీమర్‌ యశ్‌ దయాల్‌ బౌలింగ్‌లో రోహిత్‌, గిల్‌, అయ్యర్‌ ప్రాక్టీస్‌ చేసినట్లు సమాచారం. టీమిండియా ప్రధాన పేసర్‌ బుమ్రా, యశ్‌ దయాల్‌ల బౌలింగ్‌ తర్వాత రోహిత్‌, అయ్యర్‌తో కలిసి స్పిన్నర్లు సాయి కిషోర్‌, రాహుల్‌ చహర్‌, రవీంద్ర జడేజాలను ఎదుర్కొన్నట్లు తెలుస్తోంది. ఇక ట్రెయినింగ్‌ సెషన్‌లో ఈ ముగ్గురూ స్వీప్‌షాట్లు ఎక్కువగా ప్రాక్టీస్‌ చేసినట్లు సమాచారం. ఆసియా కప్‌ క్యాంప్‌ డే 4లో భాగంగా ఇషాన్‌ కిషన్‌ వికెట్‌ కీపర్‌గా వ్యవహరించినట్లు తెలుస్తోంది. 

Asia Cup 2023: ఆసియా కప్‌-2023లో టీమిండియా వికెట్‌ కీపర్‌ ఎంపిక గురించి మాజీ క్రికెటర్‌ సంజయ్‌ బంగర్‌ కీలక వ్యాఖ్యలు చేశాడు. గాయంతో సతమతమవుతున్న ఆటగాడికి బదులు ఫామ్‌లో ఉన్న ప్లేయర్‌ను తుదిజట్టులోకి తీసుకోవాలని పేర్కొన్నాడు. మెగా టోర్నీలో కేఎల్‌ రాహుల్‌ను పక్కనపెడితేనే అనుకున్న ఫలితాలు రాబట్టగలమని అభిప్రాయపడ్డాడు. వాళ్లిద్దరి రీఎంట్రీ.. అయితే పాకిస్తాన్‌, శ్రీలంక సంయుక్తగా ఆతిథ్యం ఇస్తున్న ఆసియా కప్‌ ఈవెంట్‌ ఆగష్టు 30న ఆరంభం కానుంది. ఈ నేపథ్యంలో బీసీసీఐ ప్రకటించిన జట్టులో గాయం నుంచి కోలుకున్న కేఎల్‌ రాహుల్‌, శ్రేయస్‌ అయ్యర్‌లకు చోటు దక్కింది. ఈ వన్డే టోర్నీతో ఇద్దరూ పునరాగమనం చేయనున్నారు. అయితే, రాహుల్‌ను గాయం వెంటాడుతున్న కారణంగా అతడు తొలి రెండు మ్యాచ్‌లకు అందుబాటులో ఉండే అవకాశం లేదని బీసీసీఐ చీఫ్‌ సెలక్టర్‌ అజిత్‌ అగార్కర్‌ ఇప్పటికే స్పష్టం చేశాడు. సగం సగం ఫిట్‌నెస్‌ ఉన్నవాళ్లెందుకు? ఈ క్రమంలో వికెట్‌ కీపర్‌గా లెఫ్టాండర్‌ ఇషాన్‌ కిషన్‌కు ప్రధాన జట్టులో చోటివ్వడంతో పాటు బ్యాకప్‌గా మరో వికెట్‌ కీపర్‌ బ్యాటర్‌ సంజూ శాంసన్‌ను ట్రావెలింగ్‌ రిజర్వ్‌గా ఎంపిక చేశారు. ఈ నేపథ్యంలో సంజయ్‌ బంగర్‌ తుదిజట్టు కూర్పు గురించి మాట్లాడుతూ కీలక వ్యాఖ్యలు చేశాడు. ‘‘రెగ్యులర్‌ వికెట్‌ కీపర్‌గా ఇషాన్‌ కిషన్‌ రాణిస్తున్నాడు. తనలో ఎలాంటి ప్రయత్నలోపం లేదు. సగం సగం ఫిట్‌నెస్‌తో.. అసలు ఆడతాడా లేడా అన్న సందేహంలో ముంచేసే ఆటగాడి కంటే.. పూర్తి ఫిట్‌గా ఉన్నవాళ్లకే మొదటి వికెట్‌ కీపర్‌గా ప్రాధాన్యం ఇవ్వాలి. ఇషాన్‌ కిషన్‌ బెస్ట్‌ ఆప్షన్‌ నాకు తెలిసి కేఎల్‌ రాహుల్‌ కీపర్‌ బ్యాటర్‌గా మాత్రమే జట్టులోకి వస్తాడు. స్పెషలిస్టు బ్యాటర్‌ మాత్రం కాదు. టాప్‌-5లో వికెట్‌ కీపర్‌ కూడా ఉండాలనుకుంటే.. ఆరు బౌలింగ్‌ ఆప్షన్లు కూడా దొరుకుతాయి.  జట్టు సమతూకంగా ఉంటుంది’ అని స్టార్‌ స్పోర్ట్స్‌ షోలో సంజయ్‌ బంగర్‌ తన అభిప్రాయాలు పంచుకున్నాడు. రాహుల్‌ బదులు ఫిట్‌గా ఉన్న ఇషాన్‌ కిషన్‌నే వికెట్‌ కీపర్‌ బ్యాటర్‌గా తుదిజట్టులోకి తీసుకోవాలని టీమిండియా మేనేజ్‌మెంట్‌కు విజ్ఞప్తి చేశాడు.  విండీస్‌లో యువ బ్యాటర్‌ మెరుపులు కాగా ఇటీవల వెస్టిండీస్‌తో వన్డే సిరీస్‌లో ఇషాన్‌ కిషన్‌ అదరగొట్టిన విషయం తెలిసిందే. మూడు మ్యాచ్‌లలోవరుసగా 52, 55, 77 పరుగులతో రాణించాడు. కరేబియన్‌ దీవిలో వరుస హాఫ్‌ సెంచరీలతో ఆకట్టుకుని రికార్డులు సృష్టించాడు. ఈ నేపథ్యంలో సంజయ్‌ బంగర్‌ ఈ మేరకు జట్టు కూర్పు విషయంలో తనకైతే ఇషాన్‌ ఫస్ట్‌ ఛాయిస్‌ అని పేర్కొన్నాడు.  చదవండి: WC: కోహ్లి, బాబర్‌ కాదు.. ఈసారి అతడే టాప్‌ స్కోరర్‌: సౌతాఫ్రికా లెజెండ్‌ Asia Cup: షెడ్యూల్‌, జట్లు, ఆరంభ సమయం, లైవ్‌ స్ట్రీమింగ్‌.. వివరాలివే నిద్రలేని రాత్రులు కూడా సంతోషాన్నిస్తాయి.. గుడ్‌న్యూస్‌ చెప్పిన యువీ!

End of road for Shikhar Dhawan! Ajit Agarkar confirms: వన్డేల్లో అద్భుత రికార్డులు.. ద్వితీయ శ్రేణి జట్టు కెప్టెన్‌గా టీమిండియాను ముందుకు నడిపించి చరిత్ర సృష్టించిన సందర్భాలు.. మేటి ఓపెనర్లలో ఒకడిగా గుర్తింపు.. కానీ.. ఇవేమీ వెటరన్‌ ఓపెనర్‌ శిఖర్‌ ధావన్‌ కెరీర్‌ పొడిగించుకునేందుకు దోహదం చేయలేదు.. కొత్త నీరు వచ్చె.. పాత నీరు పోయె! కొత్త నీరు రాగానే.. పాత నీరు పోవాలన్న చందంగా.. శుబ్‌మన్‌ గిల్‌, ఇషాన్‌ కిషన్‌ వంటి యువ బ్యాటర్ల నుంచి ఎదురైన పోటీ ముందు 37 ఏళ్ల గబ్బర్‌ నిలవలేకపోయాడు. మెరుగైన ప్రదర్శనలతో వీరిద్దరు ఓపెనర్లుగా స్థానం సుస్థిరం చేసుకుంటున్న క్రమంలో ధావన్‌కు అవకాశాలు కరువయ్యాయి. వాళ్లు ముగ్గురే మా ప్రాధాన్యం అయితే.. ఇటీవల వీరిద్దరు విఫలమవుతున్న తరుణంలో ఆసియా కప్‌-2023 రూపంలో గబ్బర్‌కు మరో ఛాన్స్‌ దక్కుతుందని అతడి అభిమానులు ఆశపడ్డారు. కానీ.. బీసీసీఐ సెలక్టర్లు వాళ్ల ఆశలపై నీళ్లు చల్లారు. ఈ మెగా టోర్నీలో రోహిత్‌ శర్మకు జోడీగా శుబ్‌మన్‌ గిల్‌ను ఎంపిక చేశారు. ఇషాన్‌ కిషన్‌కు కూడా జట్టులో చోటిచ్చారు. ఈ క్రమంలో గబ్బర్‌కు నిరాశే మిగిలింది. జట్టు ప్రకటన సమయంలో టీమిండియా చీఫ్‌ సెలక్టర్‌ అజిత్‌ అగార్కర్‌ మాట్లాడుతూ.. ‘‘శిఖర్‌ ధావన్‌ జట్టుకు ఉపయోగపడే ఇన్నింగ్స్‌ ఎన్నో ఆడాడు. కానీ ప్రస్తుతం.. రోహిత్‌ శర్మ, శుబ్‌మన్‌ గిల్‌, ఇషాన్‌ కిషన్‌లకు మాత్రమే ఓపెనర్లుగా మా ప్రాధాన్యం ఉంటుంది’’ అని కుండబద్దలు కొట్టాడు. ధావన్‌ కెరీర్‌కు ఎండ్‌కార్డ్‌? ఇక ఆసియా కప్‌ జట్టే వన్డే వరల్డ్‌కప్‌ ప్రొవిజినల్‌ టీమ్‌ అన్న అంచనాల నడుమ ధావన్‌ కెరీర్‌ ముగిసినట్లే అన్న అభిప్రాయాలు వ్యక్తమవుతున్నాయి. దీంతో ఫ్యాన్స్‌ సోషల్‌ మీడియా వేదికగా బీసీసీఐ తీరుపై అసహనం వ్యక్తం చేస్తున్నారు. అదే సమయంలో.. ‘‘అత్యుత్తమ ఓపెనర్లలో ఒకడు. ఎప్పుడూ ఎవరినీ నిందించలేదు. సెలక్టర్ల విషయంలో ఏనాడూ తప్పుగా మాట్లాడలేదు. జట్టుకు అవసరమైన సమయంలో 100 శాతం కష్టపడ్డాడు. గబ్బర్‌ను తలచుకుంటే బాధేస్తోంది’’ అంటూ ఆవేదన వ్యక్తం చేస్తున్నారు. కాగా టీమిండియా తరఫున శిఖర్‌ ధావన్‌.. 167 వన్డేలు ఆడి 6793 పరుగులు చేశాడు. ఇందులో17 సెంచరీలు, 39 అర్ధశతకాలు ఉన్నాయి. అత్యధిక స్కోరు 143.   చదవండి: అందుకే చహల్‌పై వేటు.. ఇకపై: బీసీసీఐ చీఫ్‌ సెలక్టర్‌ అగార్కర్‌ కీలక వ్యాఖ్యలు  Asia Cup: వరల్డ్‌కప్‌లో వాళ్లకు చోటు! ఆ ముగ్గురికి రోహిత్‌ శర్మ గుడ్‌న్యూస్‌..  Asia Cup: అయ్యర్‌, రాహుల్‌ వచ్చేశారు.. తిలక్‌ వర్మ ఇన్‌.. పాపం సంజూ!  #WATCH | At the moment, Rohit Sharma, Shubman Gill and Ishan Kishan are our preferred openers...Shikhar Dhawan has been a terrific player for India, says BCCI chief selector Ajit Agarkar. pic.twitter.com/TqF6gV4869 — ANI (@ANI) August 21, 2023

దాదాపు పుష్కరకాలం తర్వాత సొంతగడ్డపై జరగనున్న వన్డే ప్రపంచకప్‌పై టీమిండియా కన్నేసింది. ఈ మెగాటోర్నీలో ఎలాగైనా గెలిచి తమ 12 ఏళ్ల నిరీక్షణకు తెరదించాలని భారత్‌ భావిస్తోంది. ఆక్టోబర్‌ 5న అహ్మదాబాద్‌ వేదికగా ఇంగ్లండ్‌-న్యూజిలాండ్‌ మ్యాచ్‌తో ఈ మెగా ఈవెంట్‌ ప్రారంభం కానుంది. అయితే ప్రపంచకప్‌కు ముందు భారత జట్టును కొన్ని ప్రధాన సమస్యలు వెంటాడుతున్నాయి. అందులో ఒకటి వికెట్‌ కీపింగ్‌. రెగ్యూలర్‌ వికెట్‌ కీపర్‌ రిషబ్‌ పంత్‌ గాయపడి జట్టుకు దూరమైన తర్వాత ప్రతీ సిరీస్‌లో వికెట్‌ కీపర్‌ను మెనెజ్‌మెంట్‌ మారుస్తూ వస్తోంది. కొనాళ్ల పాటు వైట్‌బాల్‌ సిరీస్‌లలో పంత్‌ స్ధానాన్ని కేఎల్‌ రాహుల్‌ భర్తీ చేశాడు. కానీ రాహుల్‌ కూడా గాయం కారణంగా జట్టుకు దూరం కావడంతో.. శ్రీకర్‌ భరత్‌, ఇషాన్‌ కిషన్‌, సంజూ శాంసన్‌ వంటి వికెట​్‌ కీపర్‌ బ్యాటర్లకు అవకాశం లభించింది. కిషన్‌ కాస్త పర్వాలేదనపించిన భరత్‌, సంజూ శాంసన్‌ మాత్రం తీవ్రనిరాశపరిచారు. ఈ క్రమంలో ఆసియాకప్‌, వన్డే ప్రపంచకప్‌ వంటి మెగా టోర్నీల్లో భారత వికెట్‌ కీపర్‌గా ఎవరూ వ్యవహరిస్తరన్నది అందరి మెదడలను తొలుస్తున్న ప్రశ్న. అయితే రాహుల్‌ ఫిట్‌నెస్‌ సాధించి తిరిగి జట్టులోకి వస్తే.. అతడే వికెట్‌ కీపింగ్‌ చేసే అవకాశం ఉంది. ఒక వేళ రాహుల్‌ ఫిట్‌నెస్‌ టెస్టులో విఫలమైతే, సంజూ శాంసన్‌, కిషన్‌లలో ఎవరో ఒకరిని సెలక్టర్లు ఎంపిక చేయక తప్పదు.  ఇక ఇదే విషయంపై టీమిండియా మాజీ కెప్టెన్‌ సౌరవ్‌ గంగూలీ తన అభిప్రాయలను వెల్లడించాడు. అతడిని తీసుకోండి.. "భారత అత్యుత్తమ వికెట్‌ కీపర్లలో రిషబ్‌ పంత్‌ ఒకడు. కానీ అతడు దురదృష్టవశాత్తూ గాయపడి జట్టుకు దూరంగా ఉన్నాడు. ఇక కెఎల్‌ రాహుల్‌, ఇషాన్‌ కిషన్‌లలో కూడా అత్యుత్తమ వికెట్‌ కీపింగ్‌ స్కిల్స్‌ ఉన్నాయి. ఈ ఇద్దరూ కూడా ద్రవిడ్‌, రోహిత్‌ దృష్టిలో ఉంటారు. రాహుల్‌ ఫిట్‌గా లేకపోతే కిషన్‌ను కచ్చితంగా జట్టులోకి తీసుకుంటారు. నా వరకు అయితే కిషన్‌కు అవకాశం ఇస్తే మంచిది. అతడికి వికెట్‌ కీపింగ్‌తో పాటు ఓపెనర్‌గా రాణించే సత్తా కూడా ఉందని" ఓ కార్యక్రమంలో దాదా చెప్పుకొచ్చాడు. కాగా గంగూలీ మరో వికెట్‌ కీపర్‌ సంజూ శాంసన్‌ పేరును కూడా ప్రస్తావించకపోవడం గమానార్హం. చదవండి: Asia Cup: హార్దిక్‌ పాండ్యాకు బిగ్‌షాక్‌.. టీమిండియా కొత్త వైస్‌ కెప్టెన్‌ అతడే!

మెగా టోర్నీలైన ఆసియా కప్‌, వన్డే ప్రపంచకప్‌లకు ముందు టీమిండియాను చాలా సమస్యలు పట్టిపీడిస్తున్నాయి. వీటిలో తుది జట్టు కూర్పు ప్రధానమైన సమస్యగా ఉంది. మరి ముఖ్యంగా ఓపెనర్ల సమస్య టీమిండియా మేనేజ్‌మెంట్‌ను ఎక్కువగా వేధిస్తుంది. రోహిత్‌కు జతగా ఎవరిని బరిలోకి దించాలని యాజమాన్యం పెద్దలు తలలుపట్టుక్కూర్చున్నారు. ఈ విషయమై స్టార్‌స్పోర్ట్స్‌ ఛానల్‌ ఎక్స్‌పర్ట్స్‌ ప్యానెల్‌లో డిస్కషన్‌ జరగ్గా ఇద్దరు భారత మాజీల మధ్య వాడివేడి చర్చ సాగింది. టీమిండియా మాజీ హెడ్‌ కోచ్‌ రవిశాస్త్రి.. రోహిత్‌కు జతగా ఇషాన్‌ కిషన్‌కు పంపాలని ప్రతిపాదించగా.. భారత మాజీ చీఫ్‌ సెలెక్టర్‌ సందీప్‌ పాటిల్‌ శుభ్‌మన్‌ గిల్‌కు వత్తాసు పలికాడు.  తాజాగా విండీస్‌తో ముగిసిన సిరీస్‌లో హ్యాట్రిక్‌ హాఫ్‌ సెంచరీలు చేసి అద్భుత  ఫామ్‌లో ఉన్న ఇషాన్‌ కిషన్‌ను ఆసియా కప్‌ తుది జట్టులో ఓపెనర్‌గా ఆడించాలని రవిశాస్త్రి వాధిస్తే.. మూడు ఫార్మాట్లలో ఫామ్‌ను, అలాగే కంసిస్టెన్సీని పరిగణలోకి తీసుకుని శుభ్‌మన్‌ గిల్‌కు ఆ స్థానంలో అవకాశం ఇవ్వాలని సందీప్‌ పాటిల్‌ సూచించాడు. శాస్త్రి లెక్క ప్రకారం లెఫ్ట్‌ అండ్‌ రైట్‌ కాంబినేషన్‌ బాగా వర్కవుట్‌ అవుతుందని అంటే.. రోహిత్‌ లెఫ్ట్‌ హ్యాండర్‌తో అంత కంఫర్టబుల్‌గా ఉండడని సందీప్‌ అన్నాడు. ఇందుకు ప్రతిగా స్పందించిన శాస్త్రి.. గిల్‌ను పూర్తిగా జట్టును తప్పించమని చెప్పట్లేదని, అతన్ని 3 లేదా 4 స్థానాల్లో ఆడిస్తే మంచిదని తెలిపాడు. శాస్త్రి ఈ ప్రతిపాదనను తెరపైకి తెస్తూనే ప్రస్తుత పరిస్థితుల్లో టీమిండియాలో ఎవరి స్థానాలు పర్మనెంట్‌ కాదని పరోక్షంగా కోహ్లి, రోహిత్‌ల బ్యాటింగ్‌ స్థానాలపై కామెంట్‌ చేశాడు. జట్టులోని ప్రతి ఆటగాడు ఏ స్థానంలోనైనా బ్యాటింగ్‌ చేసేందుకు సిద్ధంగా ఉండాలని డిస్కషన్‌ను ముగించాడు.   రాహుల్‌, శ్రేయస్‌లతోనే తలనొప్పి.. కాగా, గాయాల నుంచి కోలుకుని ప్రస్తుతం ఫిట్‌నెస్‌ సాధించేందుకు బెంగళూరులోని ఎన్‌సీఏలో శ్రమిస్తున్న భారత స్టార్‌ బ్యాటర్లు కేఎల్‌ రాహుల్‌, శ్రేయస్‌ అయ్యర్‌లపైనే ప్రస్తుతం అందరి దృష్టి ఉంది. వీరిద్దరు ఆసియా కప్‌ టీమ్‌ సెలెక్షన్‌ సమయానికి పూర్తి ఫిట్‌నెస్‌ సాధిస్తారా లేదా అని సర్వత్రా చర్చించుకుంటున్నారు. వీరి లేని లోటు ప్రస్తుతం భారత బ్యాటింగ్‌ ఆర్డర్‌పై స్పష్టంగా కనిపిస్తుంది. ఒకవేళ వీరిరువురు ఆసియాకప్‌ టీమ్‌ సెలెక్షన్‌ సమయానికి కూడా పూర్తి ఫిట్‌నెస్‌ సాధించలేకపోతే జట్టు కూర్పులో కీలక మార్పులు చేయాల్సి వస్తుంది. వీరికి ప్రత్యామ్నాయంగా సెలెక్టర్లు తిలక్‌ వర్మ, ఇషాన్‌ కిషన్‌లను పరిశీలించవచ్చు. ఒకవేళ ఇషాన్‌ను ఫైనల్‌ చేస్తే, అతన్ని ఓపెనర్‌గా పంపాలా లేక మిడిలార్డర్‌లో ఆడించాలా అన్నది మరో సమస్యగా మారుతుంది. ఈ ప్రస్తావన నేపథ్యంలోనే రవిశాస్త్రి, సందీప్‌ పాటిల్‌ మధ్య వాడివేడి చర్చ జరిగింది.    

టీమిండియాను ఓపెనర్ల సమస్య చాలా కాలంగా వేధిస్తూనే ఉంది. సచిన్‌-గంగూలీ, సచిన్‌-సెహ్వాగ్‌, గంభీర్‌-సెహ్వాగ్‌ల శకం ముగిసాక కొంతకాలం పాటు  రోహిత్‌ శర్మ-శిఖర్‌ ధవన్‌ల జోడీ విజయవంతంగా సాగింది. అయితే కాలక్రమంలో ధవన్‌ ఫామ్‌ కోల్పోవడం, కేఎల్‌ రాహుల్‌ లాంటి యువ ఆటగాళ్లు సత్తా చాటడంతో ధవన్‌ క్రమేనా కనుమరుగైపోయాడు. రాహుల్‌ అన్ని ఫార్మాట్లలో రాణించడంతో ధవన్‌ స్థానాన్ని ఆక్రమించాడు.  అయితే ఇటీవలి కాలంలో బీసీసీఐ ఫార్మాట్‌కు ఓ జట్టును ప్రకటిస్తుండటం.. సిరీస్‌, సిరీస్‌కు కీలక ఆటగాళ్లను రెస్ట్‌ పేరుతో పక్కకు పెడుతుండటం.. రెగ్యులర్‌ ఓపెనర్‌ కేఎల్‌ రాహుల్‌ తరుచూ గాయాల బారిన పడుతుండటంతో ఓపెనర్ల సమస్య మళ్లీ మొదటికొచ్చింది. ఈ క్రమంలో రాహుల్‌కు ప్రత్యామ్నాయంగా ఐపీఎల్‌ హీరో శుభ్‌మన్‌ గిల్‌ తెరపైకి వచ్చాడు. రోహిత్‌కు జతగా గిల్‌ అద్భుతమైన ఇన్నింగ్స్‌లు ఆడి రాహుల్‌ను మరిపించాడు. అయితే గిల్‌ ఫామ్‌ కూడా ఇటీవలికాలంలో ఆశించిన స్థాయిలో లేకపోవడంతో సమస్య పునరావృతం అయ్యింది.    త్వరలో ఆసియా కప్‌, వన్డే వరల్డ్‌కప్‌ లాంటి మెగా ఈవెంట్లు ఉండటంతో బీసీసీఐకి ఓపెనర్ల సమస్య పెద్ద తలనొప్పిగా మారింది. సీనియర్‌ ఓపెనర్‌ కేఎల్‌ రాహుల్‌ గాయం నుంచి పూర్తిగా కోలుకోవడం, ఐపీఎల్‌-2023కి ముందు ఆతర్వాత జరిగిన సిరీస్‌ల్లో ఇషాన్‌ కిషన్‌, రుతురాజ్‌ గైక్వాడ్‌, యశస్వి జైస్వాల్‌ లాంటి యువ ఓపెనర్లు సత్తా చాటడంతో సమస్య మరింత తీవ్రతరమైంది. దీనికి తోడు ప్రస్తుతం జరుగుతున్న రాయల్‌ లండన్‌ వన్డే కప్‌లో మరో యంగ్‌ ఓపెనర్‌ పృథ్వీ షా ఆకాశమే హద్దుగా చెలరేగుతుండటం (డబుల్‌ సెంచరీ, సెంచరీ) బీసీసీఐని మరింత ఇరకాటంలో పడేసింది. మరోవైపు వెటరన్‌ శిఖర్‌ ధవన్‌కు ఆఖరి అవకాశం ఇవ్వాలన్న డిమాండ్లు కూడా తీవ్రతరమవుతుండటంతో బీసీసీఐకి ఏం చేయాలో పాలుపోక స్తబ్ధతలో ఉండిపోయింది. ప్రస్తుతం లైమ్‌లైట్‌లో ఉన్న అందరు ఓపెనర్లను పరిగణలోకి తీసుకుంటే 90 శాతం అర్హులే ఉండటంతో సెలక్టర్లు దిక్కుతోచని స్థితిలో ఉన్నారు. ఓపెనింగ్‌ స్థానాల కోసం రోహిత్‌తో పాటు మొత్తం 8 మంది (పృథ్వీ షా, రుతురాజ్‌ గైక్వాడ్‌, యశస్వి జైస్వాల్‌, శుభ్‌మన్‌ గిల్‌, శిఖర్‌ ధవన్‌, ఇషాన్‌ కిషన్‌, కేఎల్‌ రాహుల్‌) లైన్‌లో ఉన్నారు. వీరితోనే సతమతమవుతుంటే యువ ఆటగాళ్లు సాయి సుదర్శన్‌, దేవ్‌దత్‌ పడిక్కల్‌లు మేము సైతం అంటున్నారు. మరి ఈ పరిస్థితుల్లో భారత సెలెక్టర్లు ఆసియా కప్‌, వన్డే వరల్డ్‌కప్‌లకు రోహిత్‌కు జతగా ఎవరిని ఎంపిక చేస్తారో వేచి చూడాలి. 

India tour of West Indies, 2023: ‘‘మన వాళ్లు అంతర్జాతీయ టీ20లను సీరియస్‌గా తీసుకున్నట్లు కనిపించడం లేదు. ఇషాన్‌ కిషన్‌, శుబ్‌మన్‌ గిల్‌ ఐర్లాండ్‌కు వెళ్లడం లేదన్నది వాస్తవం. ఆటగాళ్లకు విశ్రాంతి అవసరమే. కానీ టీ20 ప్రపంచకప్‌ టోర్నీకి ముందు మనం 14 మ్యాచ్‌లు ఆడాల్సి ఉంది.  ఐపీఎల్‌లో ఆడితే.. వరల్డ్‌కప్‌ గెలిచినట్లా? ఐపీఎల్‌ గురించి మనకు అనవసరం. లీగ్‌ క్రికెట్‌లో మన ఆటగాళ్లు అద్భుత ప్రదర్శన కనబరిచినంత మాత్రాన వరల్డ్‌కప్‌ గెలిచినట్లు కాదు కదా! మనం ఇంతవరకు కేవలం ఒక్కసారి మాత్రమే పొట్టి ఫార్మాట్‌లో జగజ్జేతగా నిలిచాం. అది కూడా ఐపీఎల్‌ లేనప్పుడు మాత్రమే!’’ అని టీమిండియా మాజీ ఓపెనర్‌ ఆకాశ్‌ చోప్రా కీలక వ్యాఖ్యలు చేశాడు.  ఐపీఎల్‌ ప్రదర్శనల ఆధారంగా మేజర్‌ ఈవెంట్లకు ఆటగాళ్లను ఎంపిక చేసే పరిస్థితి లేదన్నాడు. యువ ఆటగాళ్లను కూడా విశ్రాంతి పేరిట పక్కన పెట్టడం సరికాదని పేర్కొన్నాడు. ఐర్లాండ్‌తో టీ20 సిరీస్‌కు ఓపెనర్లు శుబ్‌మన్‌ గిల్‌, యశస్వి జైశ్వాల్‌లను ఎంపిక చేయాల్సిందని అభిప్రాయపడ్డాడు. సమయం ఉంది కదా! రెస్ట్‌ ఎందుకు? కాగా వెస్టిండీస్‌ టూర్‌లో 3-2తో టీ20 సిరీస్‌ను కోల్పోయిన టీమిండియా తదుపరి ఐర్లాండ్‌ పర్యటనకు వెళ్లనుంది. ఆగష్టు 18- 23 వరకు మూడు టీ20లు ఆడనుంది. దాదాపు ఏడాది తర్వాత రీఎంట్రీ ఇస్తున్న ప్రధాన పేసర్‌ జస్‌ప్రీత్‌ బుమ్రా సారథ్యంలోని యువ జట్టు అక్కడికి వెళ్లనుంది. ఈ నేపథ్యంలో కామెంటేటర్‌ ఆకాశ్‌ చోప్రా మాట్లాడుతూ.. ‘‘వీలైనన్ని ఎక్కువ అంతర్జాతీయ మ్యాచ్‌లు ఆడటం మనకు ముఖ్యం. ఐర్లాండ్‌ వంటి జట్టుతో మూడు టీ20లు ఆడుతున్నారంటే.. ఇషాన్‌ కిషన్‌ వంటి ఆటగాళ్లను పక్కన పెట్టడం ఎందుకు? విండీస్‌తో మూడో టీ20 నుంచే అతడికి రెస్ట్‌ ఇచ్చారు. నాకైతే అర్థం కావడం లేదు ఐర్లాండ్‌కు కూడా పంపడం లేదు. ఒకవేళ శ్రేయస్‌ అయ్యర్‌, కేఎల్‌ రాహుల్‌ ఆసియా వన్డే కప్‌ ఆరంభం నాటికి తిరిగి వస్తే ఇషాన్‌ పరిస్థితి ఏంటి? ఐర్లాండ్‌ సిరీస్‌ ఆగష్టులోనే ముగుస్తుంది. ఆసియా కప్‌ టోర్నీలో భాగంగా సెప్టెంబరులో టీమిండియా తొలి మ్యాచ్‌ ఆడనుంది.  ఒకవేళ అతడిని బ్యాకప్‌ వికెట్‌ కీపర్‌గా భావించినా.. ఆసియా కప్‌ నాటికి కావాల్సినంత విశ్రాంతి దొరుకుతుంది. ఫిట్‌గా ఉన్న యువ ఆటగాళ్లను కూడా విశ్రాంతి పేరిట పక్కన పెట్టడం ఎందుకో అర్థం కావడం లేదు’’ అని విస్మయం వ్యక్తం చేశాడు. వెస్టిండీస్‌తో టీమిండియా నాలుగో టీ20 ముగిసిన తర్వాత ఈ మేరకు ఆకాశ్‌ చోప్రా వ్యాఖ్యలు చేశాడు. కాగా ఐదో టీ20లో 8 వికెట్ల తేడాతో హార్దిక్‌ సేనపై ఘన విజయం సాధించిన కరేబియన్‌ జట్టు ట్రోఫీని సొంతం చేసుకుంది. అంతకు ముందు టీమిండియా 1-0తో టెస్టు, 2-1తో వన్డే సిరీస్‌ను గెలిచిన విషయం తెలిసిందే. ఐర్లాండ్‌తో టీ20 సిరీస్‌కు భారత జట్టు: బుమ్రా (కెప్టెన్‌), రుతురాజ్‌ (వైస్‌ కెప్టెన్‌), యశస్వి జైస్వాల్, తిలక్‌ వర్మ, రింకూ సింగ్, సంజూ శాంసన్‌, జితేశ్‌ శర్మ, శివమ్‌ దూబే, వాషింగ్టన్‌ సుందర్, షహబాజ్‌ అహ్మద్, రవి బిష్ణోయ్, ప్రసిధ్‌ కృష్ణ, అర్ష్‌దీప్‌ సింగ్, ముకేశ్‌ కుమార్, ఆవేశ్‌ ఖాన్‌.   చదవండి: Ind Vs WI: టీమిండియాను అవమానించిన విండీస్‌ హిట్టర్‌! నోర్ముయ్‌..  ఇంత చెత్త కెప్టెన్‌ను ఇప్పటివరకు చూడలేదు.. ఇతడా టీమిండియా ఫ్యూచర్‌?

Sanju Samson's career- ODI World Cup: కేఎల్‌ రాహుల్‌ పునరాగమనం చేస్తే సంజూ శాంసన్‌కు మెగా ఈవెంట్లలో దారులు మూసుకుపోతాయని టీమిండియా మాజీ క్రికెటర్‌ ఆకాశ్‌ చోప్రా అభిప్రాయపడ్డాడు. నెట్స్‌లో ప్రాక్టీసు మొదలుపెట్టిన రాహుల్‌.. ఒకవేళ ఆసియా కప్‌ ఆరంభం నాటికి తిరిగిరాకపోతే మాత్రం ఈ కేరళ బ్యాటర్‌కు అవకాశాలు ఉంటాయని పేర్కొన్నాడు. అయితే, వన్డే వరల్డ్‌కప్‌-2023లో మాత్రం సంజూను ఆడించే పరిస్థితి లేదని స్పష్టం చేశాడు. పంత్‌ దూరం కావడంతో వాళ్లకు ఛాన్స్‌ కాగా టీమిండియా స్టార్‌ వికెట్‌ కీపర్‌ బ్యాటర్‌ రిషభ్‌ పంత్‌ ఘోర యాక్సిడెంట్‌ కారణంగా జట్టుకు దూరమైన నేపథ్యంలో అతడి స్థానంలో టెస్టుల్లో కేఎల్‌ రాహుల్‌, కేఎస్‌ భరత్‌ వికెట్‌ కీపింగ్‌ చేస్తున్నారు. ఇక రాహుల్‌ కూడా గాయపడిన తరుణంలో ఇషాన్‌ కిషన్‌తో పాటు సంజూ శాంసన్‌కు కూడా వికెట్‌ కీపర్‌ కోటాలో జట్టులోకి వస్తున్నారు. అయితే, కేఎల్‌ రాహుల్‌ సర్జరీ అనంతరం కోలుకుని ఇప్పుడిప్పుడే ప్రాక్టీస్‌ మొదలుపెట్టాడు. ఆసియా వన్డే కప్‌ నాటికి అతడు అందుబాటులోకి వస్తాడనే వార్తలు వినిపిస్తున్నా.. వరల్డ్‌కప్‌ వరకు పూర్తిస్థాయి ఫిట్‌నెస్‌ సాధించే అవకాశం ఉన్నట్లు తెలుస్తోంది. ఒకవేళ రాహుల్‌ వస్తే సంజూకు మెగా ఈవెంట్లలో అవకాశం రాకపోవచ్చు. సంజూ శాంసన్‌ రాహుల్‌ తిరిగి వస్తే అంతే ఈ నేపథ్యంలో అంబటి రాయుడు మాదిరే సంజూ శాంసన్‌ కెరీర్‌ కూడా అర్ధాంతరంగా ముగిసిపోనుందా? అంటూ ఓ సోషల్‌ మీడియా యూజర్‌ నుంచి ఆకాశ్‌ చోప్రాకు ప్రశ్న ఎదురైంది. అందుకు బదులిస్తూ.. ‘‘కేఎల్‌ రాహుల్‌ అందుబాటులోకి వస్తే మాత్రం వరల్డ్‌కప్‌ జట్టులో సంజూ శాంసన్‌కు చోటు ఉండే ప్రసక్తే లేదు. ఆసియా కప్‌ టోర్నీలో ఆడే అవకాశాలు కూడా తక్కువే. ఒకవేళ రాహుల్‌ పూర్తిగా కోలుకోకుంటే అప్పుడు సంజూకు ఛాన్స్‌ ఉంటుంది’’ అని ఆకాశ్‌ చోప్రా పేర్కొన్నాడు. కేఎల్‌ రాహుల్‌ రాకపైనే అతడి భవితవ్యం ఆధారపడి ఉందని చెప్పుకొచ్చాడు. కేఎల్‌ రాహుల్‌ అయితే, సంజూకు ఇప్పుడు కేవలం 28 ఏళ్లేనన్న ఈ మాజీ ఓపెనర్‌.. పెద్దగా టెన్షన్‌ పడాల్సిన అవసరం లేదని అభిప్రాయపడ్డాడు. టీ20 ప్రపంచకప్‌-2024, ఆ తర్వాత కూడా అతడికి మంచి భవిష్యత్తు ఉంటుందని జోస్యం చెప్పాడు.  త్రీడీ ప్లేయర్‌ అంటూ ఛాన్స్‌..  నాడు రాయుడికి అన్యాయం  కాగా 2019 వన్డే వరల్డ్‌కప్‌ సమయంలో టీమిండియా స్టార్‌ అంబటి రాయుడికి జట్టులో చోటిస్తారని అంతా భావించారు.. కానీ అనూహ్యంగా 3డీ ప్లేయర్‌(బ్యాటింగ్‌, బౌలింగ్‌, ఫీల్డింగ్‌)గా ఉపయోగపడతాడంటూ అతడి స్థానంలో విజయ్‌ శంకర్‌ను ఎంపిక చేశారు. ఈ నేపథ్యంలో మాజీ చీఫ్‌ సెలక్టర్‌ ఎంఎస్‌కే ప్రసాద్‌ తీవ్ర విమర్శల పాలయ్యారు. విజయ్‌ శంకర్‌ ఇక ప్రతిభా ఉన్న ప్రపంచకప్‌ జట్టులో ఆడే ఛాన్స్‌ రాకపోవడంతో అంబటి రాయుడు కెరీర్‌ అర్థంతరంగా ముగిసిపోయిందని అనిల్‌ కుంబ్లే వంటి దిగ్గజాలు సైతం ఆవేదన వ్యక్తం చేశారు. ఇక అంతర్జాతీయ క్రికెట్‌కు స్వస్తి పలికిన అంబటి రాయుడు.. ఇటీవలే ఫ్రాంఛైజీ క్రికెట్‌ నుంచి కూడా వైదొలిగాడు. చదవండి: తిలక్‌ వద్దు!? వరల్డ్‌కప్‌ టోర్నీలో నంబర్‌ 4లో సూర్య సరైనోడు! అతడిని ఆడిస్తే..

మూడు ఫార్మాట్లలో రెగ్యులర్‌ వికెట్‌ కీపర్‌ లేక టీమిండియా గత కొంతకాలంగా చాలా ఇబ్బందులు పడుతున్న విషయం తెలిసిందే. కారు ప్రమాదం కారణంగా రిషబ్‌ పంత్‌, ఐపీఎల్‌-2023లో గాయం కారణంగా కేఎల్‌ రాహుల్‌ జట్టుకు దూరంగా ఉన్నారు. ఈ నేపథ్యంలో భారత సెలెక్టర్లు గత్యంతరం లేక ఫార్మాట్‌కు ఒకరి చొప్పున మూడు ఫార్మాట్లకు ముగ్గురు వికెట్‌కీపర్లతో నెట్టుకొస్తున్నారు. అయితే ఈ ముగ్గురిలో ఒక్కరు కూడా కనీస ప్రదర్శనలు చేయలేక, బ్యాటింగ్‌తో పాటు వికెట్‌కీపింగ్‌లోనూ దారుణంగా విఫలమవుతున్నారు. టెస్ట్‌ల్లో కేఎస్‌ భరత్‌, టీ20ల్లో ఇషాన్‌ కిషన్‌లకు ఎన్ని అవకాశాలు ఇచ్చినా తమను తాము నిరూపించుకోలే జట్టుకు భారంగా మారారు. వన్డేల్లో సంజూ శాంసన్‌ కాస్త పర్వాలేదనిపిస్తున్నా, అతని స్థాయి ప్రదర్శన చేయలేకపోతున్నాడు.  ఈ ముగ్గురితో విండీస్‌ పర్యటన వరకు ఎలాగోలా నెట్టుకొచ్చిన టీమిండియాకు, తాజాగా ఓ శుభవార్త వినిపించింది. ఐపీఎల్‌ సందర్భంగా గాయపడిన కేఎల్‌ రాహుల్‌ 100 శాతం ఫిట్‌నెస్‌ సాధించాడని తెలుస్తుంది. అతను బ్యాటింగ్‌తో పాటు వికెట్‌కీపింగ్‌ చేసేందుకు కూడా పూర్తి స్థాయి ఫిట్‌నెస్‌ సాధించాడని ఎన్‌సీఏ వర్గాల సమాచారం. రాహుల్‌ త్వరలో ఓ ప్రాక్టీస్‌ మ్యాచ్‌ ఆడి, ఎన్‌సీఏ నుంచి క్లియెరెన్స్‌ సర్టిఫికెట్‌ పొందుతాడని, తద్వారా అతను ఆసియా కప్‌, వన్డే వరల్డ్‌కప్‌ సెలెక్షన్‌కు అందుబాటులో ఉంటాడని ప్రముఖ క్రికెట్‌ వెబ్‌సైట్‌ వెల్లడించింది. ఈ విషయంపై రెండు, మూడు రోజుల్లో అధికారిక ప్రకటన వెలువడనుందని తెలుస్తుంది. రాహుల్‌ త్వరలో బెంగళూరులో ఒకటి లేదా రెండు ప్రాక్టీస్‌ మ్యాచ్‌లు ఆడతాడని, ఇందులో అతను బ్యాటింగ్‌తో పాటు వికెట్‌కీపింగ్‌ కూడా చేస్తాడని సమాచారం. ప్రాక్టీస్‌ మ్యాచ్‌ల్లో రాహుల్‌ ఎలాంటి ఇబ్బంది లేకుండా ఆడితే అతను త్వరలో  టీమిండియాలోకి రీఎంట్రీ ఇవ్వడాన్ని ఎవ్వరూ అడ్డుకోలేరు. రాహుల్‌ రాకతో టీమిండియా వికెట్‌కీపింగ్‌ కష్టాలు తీరతాయి. ఇప్పట్లో భారత్‌ టెస్ట్‌లు ఆడేది లేదు కాబట్టి, పంత్‌ వచ్చే వరకు రాహులే టీమిండియా ఆల్‌ ఫార్మాట్‌ వికెట్‌కీపర్‌గా కొనసాగే అవకాశం ఉంది. రాహుల్‌ రాక ఇప్పటివరకు కాలం​ వెల్లబుచ్చిన ఇషాన్‌ కిషన్‌, సంజూ శాంసన్‌ల మెడపై కత్తి వేలాడదీస్తుంది. ప్రస్తుతం విండీస్‌ పర్యటనలో భారత​ జట్టుతో పాటు ఉన్న చీఫ్‌ సెలెక్టర్‌ అజిత్‌ అగార్కర్‌ కూడా రాహుల్‌ను త్వరగా జట్టులో చేర్చుకునేందుకు సముఖంగా ఉన్నట్లు తెలుస్తుంది. 

You’ll see me in the World Cup: ఆసియా వన్డే కప్‌-2023.. నెల తిరిగేలోపు వన్డే ప్రపంచకప్‌.. మెగా ఈవెంట్ల రూపంలో క్రికెట్‌ అభిమానులకు కావాల్సినంత వినోదం లభించనుంది. శ్రీలంక, పాకిస్తాన్‌లలో ఆసియా కప్‌ జరుగనుండగా.. భారత్‌ వేదికగా ఐసీసీ టోర్నీ నిర్వహణకు షెడ్యూల్‌ ఖరారైంది. అక్టోబరు 5- నవంబరు 19 వరకు ప్రపంచకప్‌ ఈవెంట్‌ జరుగనుంది. కత్తిమీద సాము ఈ నేపథ్యంలో అర్హత సాధించిన జట్లన్నీ జట్ల కూర్పుపై దృష్టి సారించాయి. ఇక.. దాదాపు పన్నెండేళ్ల తర్వాత సొంతగడ్డపై వరల్డ్‌కప్‌ ఆడనున్న టీమిండియాపై అంచనాలు భారీగా ఉంటాయని ప్రత్యేకంగా చెప్పనక్కర్లేదు. సీనియర్లతో పాటు యువ ఆటగాళ్లు కూడా సత్తా చాటడం ఓవైపు.. సానుకూల అంశంగా కనిపిస్తున్నా.. మరోవైపు ఇదే సెలక్టర్లకు కత్తిమీద సాములా తయారైంది. రాహుల్‌ వస్తున్నాడు.. అయ్యర్‌ మాత్రం ఇదిలా ఉంటే.. గాయాల బెడదతో చాన్నాళ్లుగా జట్టుకు దూరమైన ఆటగాళ్ల జాబితాలో ఉన్న వికెట్‌ కీపర్‌ కేఎల్‌ రాహుల్‌ ఆసియా కప్‌ నాటికి తిరిగి వచ్చే అవకాశాలు కనిపిస్తున్నాయి. ఇక మిడిలార్డర్‌ బ్యాటర్‌ శ్రేయస్‌ అయ్యర్‌ వరల్డ్‌కప్‌ సమయానికైనా అందుబాటులోకి వస్తాడని ఆశిస్తున్నట్లు కెప్టెన్‌ రోహిత్‌ శర్మ ఇటీవలే స్పష్టం చేశాడు. వాళ్లిద్దరు లేకపోవడంతో ప్రధాన పేసర్‌ జస్‌ప్రీత్‌ బుమ్రా ఐర్లాండ్‌తో టీ20 సిరీస్‌లో కెప్టెన్‌గా రీఎంట్రీ ఇస్తుండగా.. కీలక వికెట్‌ కీపర్‌ బ్యాటర్‌ రిషభ్‌ పంత్‌ జాతీయ క్రికెట్‌ అకాడమీలో పునరావాసం పొందుతున్నాడు. ఇక ప్రస్తుతం రాహుల్‌, రిషభ్‌ జట్టుకు దూరంగా ఉంటున్న కారణంగా కేఎస్‌ భరత్‌(టెస్టులు), ఇషాన్‌ కిషన్‌లు వికెట్‌ కీపింగ్‌ చేస్తున్నారు. నన్ను తప్పకుండా చూస్తారు! వీరితో పాటు సంజూ శాంసన్ కూడా అందుబాటులో ఉండనే ఉన్నాడు. ఈ నేపథ్యంలో వరల్డ్‌కప్‌లో టీమిండియా వికెట్‌ కీపర్‌గా ఎవరు ఉంటారన్న అంశంపై సోషల్‌ మీడియాలో ఆసక్తికర చర్చ నడుస్తోంది. కేఎల్‌ రాహుల్‌(పూర్తిగా కోలుకుని తిరిగి వస్తే), ఇషాన్‌ కిషన్‌, సంజూ శాంసన్‌లలో ఎవరిని తీసుకుంటే బెస్ట్‌ అని ఓ ట్విటర్‌ యూజర్‌.. నెటిజన్ల ఛాయిస్‌ అడిగాడు. వద్దు బాబోయ్‌.. వస్తానన్నది కామెంటేటర్‌గా? ఇందుకు బదులుగా.. ఓ అభిమాని వెటరన్‌ వికెట్‌ కీపర్‌ బ్యాటర్‌ దినేశ్‌ కార్తిక్‌ పేరును చెప్పాడు. ఇక డీకే సైతం స్పందిస్తూ.. ‘‘ఈసారి వరల్డ్‌కప్‌లో నన్ను తప్పకుండా చూడబోతున్నారు. ఇంతకంటే ఏం చెప్పగలను’’ అంటూ తనదైన శైలిలో రిప్లై ఇచ్చాడు. అయితే, నెటిజన్లు మాత్రం.. ‘‘2019 వన్డే వరల్డ్‌కప్‌, 2022 టీ20 ప్రపంచకప్‌ టోర్నీల్లో ఆడే అవకాశం ఇస్తే ఏం చేశావో గుర్తుంది. అమ్మో.. నువ్వు మళ్లీ రావొద్దు.. రాలేవులే!’’ అంటూ ట్రోల్‌ చేస్తున్నారు. కాగా ఐపీఎల్‌-2022లో ఆర్సీబీ తరఫున అద్భుత ప్రదర్శన కనబరిచి ఫినిషర్‌గా ఆకట్టుకున్న దినేశ్‌ కార్తిక్‌ను ప్రపంచకప్‌-2022 జట్టుకు ఎంపిక చేశారు సెలక్టర్లు. కానీ ఈ వెటరన్‌ వికెట్‌ కీపర్‌ అంచనాలు అందుకోలేక చతికిలపడ్డాడు. ఐపీఎల్‌-2023లోనూ విఫలమై.. ప్రస్తుతం కామెంటేటర్‌గా కొనసాగుతున్నాడు. ఈ నేపథ్యంలో డీకే వరల్డ్‌కప్‌లో కనిపిస్తానన్నది కామెంటేటర్‌గా అంటూ అతడి అభిమానులు పేర్కొంటున్నారు. చదవండి: సత్తా చాటిన శుభ్‌మన్‌.. దుమ్మురేపిన తిలక్‌ వర్మ You'll see me in the World Cup for sure is what I can say 😉 https://t.co/nzzXzGbiki — DK (@DineshKarthik) August 8, 2023

ఐసీసీ తాజాగా (ఆగస్ట్‌ 9) విడుదల చేసిన వన్డే, టీ20 ర్యాంకింగ్స్‌లో భారత ఆటగాళ్లు సత్తా చాటారు. విండీస్‌తో ముగిసిన వన్డే సిరీస్‌లో అదరగొట్టిన యువ ఓపెనర్లు శుభ్‌మన్‌ గిల్‌, ఇషాన్‌ కిషన్‌ కెరీర్‌ బెస్ట్‌ రేటింగ్‌ పాయింట్లు సాధించగా.. టీ20 సిరీస్‌లో ఇరగదీస్తున్న తిలక్‌ వర్మ ర్యాంకింగ్స్‌లో భారీ జంప్‌ కొట్టాడు. విండీస్‌తో వన్డే సిరీస్‌లో 3 మ్యాచ్‌ల్లో ఓ హాఫ్‌సెంచరీ సాయంతో 126 పరుగులు చేసిన శుభ్‌మన్‌ 2 స్థానాలు మెరుగుపర్చుకుని ఐదో స్థానానికి ఎగబాకగా.. 3 మ్యాచ్‌ల్లో హ్యాట్రిక్‌ హాఫ్‌ సెంచరీల సాయంతో 184 పరుగులు చేసిన ఇషాన్‌ కిషన్‌ 9 స్థానాలు మెరుగుపర్చుకుని 36వ ప్లేస్‌కు చేరుకున్నాడు. టీ20ల విషయానికొస్తే.. విండీస్‌తో ఇప్పటివరకు జరిగిన 3 మ్యాచ్‌ల్లో ఇరగదీసిన తిలక్‌ (39, 51, 49 నాటౌట్‌).. అరంగేట్రంలోనే 21 స్థానాలు మెరుగుపర్చుకుని 46వ స్థానానికి చేరాడు. టీ20 బౌలింగ్‌ విషయానికొస్తే.. విండీస్‌తో సిరీస్‌లో అద్భుతంగా రాణిస్తున్న భారత లెఫ్ట్‌ ఆర్మ్‌ స్పిన్నర్‌ కుల్దీప్‌ యాదవ్‌ ఏకంగా 36 స్థానాలు మెరుగుపర్చుకుని 51వ ప్లేస్‌కు చేరుకున్నాడు. కుల్దీప్‌ వన్డే ర్యాంకింగ్స్‌లోనూ సత్తా చాటాడు. ఈ ఫార్మాట్‌లో కుల్దీప్‌ 4 స్థానాలు మెరుగుపర్చుకుని 10వ స్థానానికి ఎగబాకాడు. టీ20 బౌలర్ల విభాగంలో భారత బౌలర్లు అక్షర్‌ 7 స్థానాలు, హార్ధిక్‌ పాండ్యా ఓ స్థానం మెరుగపర్చుకుని 33, 37 స్థానాల్లో నిలిచారు. విండీస్‌తో వన్డే సిరీస్‌లోనూ  రాణించిన హార్ధిక్‌.. బ్యాటింగ్‌లో 10 స్థానాలు, ఆల్‌రౌండర్ల విభాగంలో 5 స్థానాలు మెరుగుపర్చుకుని 71, 11 స్థానాల్లో నిలిచాడు. విండీస్‌తో వన్డే సిరీస్‌లో అత్యధిక వికెట్లు (8) పడగొట్టిన శార్దూల్‌ ఠాకూర్‌ 4 స్థానాలు మెరుగుపర్చుకుని 30వ ప్లేస్‌కు చేరుకున్నాడు.    పై పేర్కొన్న మార్పులు మినహా వన్డే, టీ20 ర్యాంకింగ్స్‌లో పెద్ద మార్పులు జరగలేదు. వన్డే బ్యాటింగ్‌ ర్యాంకింగ్స్‌లో బాబర్‌ ఆజమ్‌, రస్సీ వాన్‌ డర్‌ డస్సెన్‌, ఫకర్‌ జమాన్‌ టాప్‌-3లో ఉండగా.. టీ20ల్లో సూర్యకుమార్‌ యాదవ్‌, మహ్మద్‌ రిజ్వాన్‌, బాబర్‌ ఆజమ్‌ టాప్‌-3లో ఉన్నారు. బౌలింగ్‌ విషయానికొస్తే.. వన్డేల్లో హాజిల్‌వుడ్‌, స్టార్క్‌, రషీద్‌ ఖాన్‌ టాప్‌-3లో ఉండగా.. టీ20ల్లో రషీద్‌ ఖాన్‌, హాజిల్‌వుడ్‌, హసరంగ టాప్‌లో ఉన్నారు. వన్డేల్లో భారత ఆటగాళ్లలో శుభ్‌మన్‌ గిల్‌తో పాటు విరాట్‌ కోహ్లి (9) టాప్‌-10లో ఉండగా.. టీ20ల్లో సూర్యకుమార్‌ ఒక్కడే టాప్‌-10లో ఉన్నాడు. బౌలింగ్‌ విభాగంలో వన్డేల్లో మహ్మద్‌ సిరాజ్‌ (4), కుల్దీప్‌ (10) టాప్‌-10లో ఉండగా.. టీ20ల్లో భారత్‌ నుంచి ఒక్కరు కూడా టాప్‌-10లో లేరు. టీ20ల్లో మెరుగైన ర్యాంకింగ్‌ కలిగిన భారత బౌలర్‌గా అర్షదీప్‌ (17) ఉన్నాడు. 

అతి సాధారణ జట్టైన విండీస్‌ చేతిలో టీమిండియా వరుసగా రెండు మ్యాచ్‌ల్లో (టీ20లు) ఓటమిపాలైన నేపథ్యంలో కొందరు ఆటగాళ్లపై, ముఖ్యంగా వరల్డ్‌ క్లాస్‌ ప్లేయర్లుగా చెప్పుకునే నలుగురు బ్యాటర్లపై (ఇషాన్‌ కిషన్‌, శుభ్‌మన్‌ గిల్‌, సూర్యకుమార్‌, సంజూ శాంసన్‌) భారత అభిమానులు చాలా ఆగ్రహంగా ఉన్నారు. కనీసం వరల్డ్‌కప్‌కు కూడా క్వాలిఫై కాలేని జట్టు చేతిలో ఓడిపోవడాన్ని జీర్ణించుకోలేకపోతున్న ఫ్యాన్స్‌.. రెండు మ్యాచ్‌ల్లో ఓటమికి కారణమైన ఆ నలుగురితో పాటు చెత్త వ్యూహాలు రచించిన కెప్టెన్‌ హార్ధిక్‌ పాండ్యాపై తీవ్రస్థాయిలో మండిపడుతున్నారు. సోషల్‌మీడియా వేదికగా వీరిని ఏకీ పారేస్తున్నారు. ఇచ్చిన అవకాశాలు చాలు.. వెంటనే వాళ్లను జట్టు నుంచి తీసిపారేయండని ధ్వజమెత్తుతున్నారు. ఆ నలుగురు, హార్ధిక్‌ పాండ్యా కలిసి పటిష్టమైన భారత జట్టును సిరీస్‌ కోల్పోయే ప్రమాద స్థితికి తీసుకువచ్చారని తూర్పారబెడుతున్నారు. రోహిత్‌, కోహ్లి, పంత్‌, రాహుల్‌, శ్రేయస్‌ వస్తే కాని, టీమిండియా బ్యాటింగ్‌ మళ్లీ గాడిలో పడదని, ఇలాగే ప్రయోగాల పేరు చెప్పి ఉన​ సమయాన్ని వృధా చేసుకుంటే, త్వరలో జరుగనున్న ఆసియా కప్‌లో ఆ తర్వాత జరుగనున్న వన్డే వరల్డ్‌కప్‌లో భంగపాటు తప్పదని హెచ్చరిస్తున్నారు. శాంసన్‌, సూర్యకుమార్‌లకు మరో అవకాశం ఇచ్చినా పర్వాలేదు కాని, టీ20ల్లో వరుసగా విఫలమవుతున్న ఇషాన్‌ కిషన్‌, శుభ్‌మన్‌ గిల్‌లను మాత్రం వెంటనే తప్పించమని పెద్ద ఎత్తున డిమాండ్‌ చేస్తున్నారు. ప్రస్తుతం విండీస్‌లో ఉన్న భారత శిబిరంలో వీరికి ప్రత్యామ్నాయం లేకపోతే, కనీసం బౌలర్లకైనా అవకాశాలు ఇవ్వండని సూచిస్తున్నారు. టీమిండియా సిరీస్‌ కోల్పోయినా పర్వాలేదు కాని, మూడో వన్డే నుంచి వాళ్లను పక్కకు కూర్చోపెట్టండని అంటున్నారు. అంతర్జాతీయ టీ20ల్లో ఇషాన్‌, గిల్‌ల ట్రాక్‌ రికార్డు చూపించి మరీ వారిని ట్రోల్‌ చేస్తున్నారు. సొంత అభిమానులే ఇషాన్‌, గిల్‌లపై ఇంతలా రియాక్ట్‌ అవ్వడానికి కారణాలు లేకపోలేదు. ఐపీఎల్‌లో ఆడినట్లు దేశం తరఫున ఆడకపోవడం, ఏదో జాలీ ట్రిప్‌కు వెళ్లినట్లు ఫోటోలకు పోజులిస్తూ బీచ్‌ల్లో షికార్లు కొట్టడం, నిర్లక్ష్యంగా షాట్లు ఆడి వికెట్లు సమర్పించుకోవడం, అన్నిటి కంటే ఎక్కువగా భారత్‌ సిరీస్‌ కోల్పోతుందేమోనన్న బాధ అభిమానులను ఈ స్థాయిలో రియాక్ట్‌ అయ్యేలా చేసింది. కాగా, విండీస్‌తో 5 మ్యాచ్‌ల సిరీస్‌లో టీమిండియా ప్రస్తుతం 0-2తో వెనుకపడి ఉన్న విషయం తెలిసిందే.

వెస్టిండీస్‌తో జరిగిన వన్డే సిరీస్‌లో టీమిండియా యువ ఓపెనర్‌ ఇషాన్‌ కిషన్‌ అద్భుతమైన ప్రదర్శన కనబరిచిన సంగతి తెలిసిందే. ఈ సిరీస్‌లో మూడు వన్డేల్లోనూ వరుసగా హాఫ్‌ సెంచరీలు బాది 184 పరుగులతో టాప్ స్కోరర్‌గా నిలిచాడు. ఆసియాకప్‌-2023, వన్డే ప్రపంచకప్‌ వంటి మెగా టోర్నీలకు ముందు కిషన్‌ మంచి ఫామ్‌లో ఉండడం భారత జట్టుకు కలిసొచ్చే ఆంశం. అయితే రెగ్యూలర్‌ వికెట్‌ కీపర్‌ రిషబ్‌ పంత్‌ అందుబాటులో లేడు కాబట్టి కిషన్‌కు వరుస అవకాశాలు లభిస్తున్నాయి. అదే విధంగా వరల్డ్‌కప్‌కు ముందు ఆటగాళ్లను పరీక్షించాలనే ఉద్దేశ్యంతో కిషన్‌కు ప్రస్తుతం విండీస్‌ సిరీస్‌లో ఓపెనర్‌గా అవకాశం ఇచ్చారు. కిషన్‌ అద్భుత​ంగా ఆడుతున్నప్పటికీ జట్టులో మాత్రం చోటు అనుమానంగానే ఉంది. రోహిత్‌, కెఎల్‌ రాహల్‌ అందుబాటులోకి వస్తే అతడికి జట్టులో చోటు కష్టమే. ఈ నేపథ్యంలో పాకిస్తాన్‌ మాజీ కెప్టెన్‌ సల్మాన్ బట్ కిషన్‌ను ఉద్దేశించి ఆసక్తికర వాఖ్యలు చేశాడు. ఇషాన్‌ కిషన్‌ పట్ల భారత జట్టు వ్యవహరిస్తున్న తీరు గందరగోళంగా ఉంది. అతడిని ప్రయోగాలకు ఎందుకు బలిచేస్తుందో నాకు అర్ధం కావడం లేదు. భారత జట్టు మెనెజ్‌మె​ంట్‌ తీసుకుంటున్న నిర్ణయాలు నన్ను ఆశ్చర్యానికి గురిచేస్తోంది. ఎందుకంటే తను డబుల్‌ సెంచరీ కొట్టిన తర్వాత కూడా తుది జట్టులో చోటు దక్కించుకోలేకపోయాడు. అతడు కేవలం సెకెండ్‌ ఆప్షనే అని భారత జట్టు మెనెజ్‌మెంట్‌ అంగీకరించాలి. అతడు ఒకే ఇన్నింగ్స్‌లో 1000 పరుగులు చేసినా  రెండో ఆప్షన్‌గానే ఉంటాడు. అందులో ఎటువంటి సందేహం లేదు. ఇలా చేయడం వల్ల ఆటగాడి ఆత్మవిశ్వాసం పూర్తిగా దెబ్బ తింటుంది. ఆటగాడి శ్రమకు తగ్గ ఫలితం దక్కాలి. అంతే తప్ప సెకెండ్‌ ఆప్షన్‌గా భావించకూడదు" అని బట్‌ తన యూట్యూబ్‌ ఛానల్‌లో పేర్కొన్నాడు. చదవండి: #Riyan Parag: నేను అవన్నీ పట్టించుకోను.. చూయింగ్‌ గమ్‌ నమిలితే తప్పు! అది నా ఇష్టం

వెస్టిండీస్‌తో జరిగిన వన్డే సిరీస్‌లో టీమిండియా యువ వికెట్ కీపర్ ఇషాన్ కిషన్ ఆకట్టుకున్నాడు. వరుసగా మూడు వన్డేల్లో అర్థసెంచరీలు బాదిన ఇషాన్‌ అరుదైన రికార్డు సాధించాడు. విండీస్‌తో వన్డే సిరీస్‌లో ఇషాన్‌ టాప్‌ స్కోరర్‌గా నిలిచాడు. మూడు వన్డేలు కలిపి 184 పరుగులు చేశాడు. ఈ నేపథ్యంలో టీమిండియా మాజీ క్రికెటర్‌ ఆకాశ్‌ చోప్రా.. ఇషాన్‌ కిషన్‌ కీపింగ్‌ను ఎంఎస్‌ ధోనితో పోల్చాడు. "స్టంపింగ్, రనౌట్ లను రివ్యూ చేయడం చాలా అరుదు. ఇప్పటి వరకైతే అతని పాదం గ్రౌండ్ పైనే ఉంది. ఇషాన్ నువ్వు కూడా రాంచీ నుంచే వచ్చి ఉండొచ్చు కానీ.. నీ పేరు ఎమ్మెస్ ధోనీ కాదు" అని ఆకాశ్ చోప్రా అన్నాడు. ఆ వెంటనే స్పందించిన ఇషాన్.. హా, ఫిర్ ఠీక్ హై (హా సరే అయితే) అని అనడం'' స్టంప్ మైక్ లో వినిపించింది. అది విని పక్కనే ఉన్న మరో ఇద్దరు కామెంటేటర్లు నవ్వారు. ఆకాశ్ కాసేపు ఏం మాట్లాడాలో అర్థం కాక సైలెంట్ గా ఉండిపోయాడు. ఆ తర్వాత "ఇషాన్ ఆన్సర్ కూడా ఇచ్చేశాడు.. హౌ స్వీట్ ఇషాన్. వీ లవ్ యూ" అని ఆకాశ్ అన్నాడు. దానికి కూడా ఇషాన్ స్పందిస్తూ.. హా సరే అయితే అని మళ్లీ అన్నాడు. ప్రస్తుతం దీనికి సంబంధించిన వీడియో వైరల్ అవుతోంది. We love you, Ishan 🤗 @JioCinema #WIvsIND #CricketTwitter pic.twitter.com/UnzHz1pth1 — Aakash Chopra (@cricketaakash) August 1, 2023 చదవండి: Australian Open 2023: క్వార్టర్స్‌లో పీవీ సింధు.. ఫామ్‌లోకి వచ్చినట్లేనా!, శ్రీకాంత్‌, ప్రణయ్‌ కూడా Shahid Afridi-Shaheen Afridi: ఒకే రోజు ఇరగదీసిన మామ అల్లుళ్లు

West Indies vs India, 3rd ODI: వెస్టిండీస్‌పై తొలి రెండు వన్డేల్లో ప్రదర్శన భారత జట్టు ఆటతీరుపై సందేహాలు రేకెత్తించినా... తమ స్థాయి ఏమిటో చివరి పోరులో టీమిండియా చూపించింది. ఇద్దరు స్టార్‌ బ్యాటర్లు ఆడకపోయినా, ప్రత్యర్థిని చిత్తు చేయగల సత్తా తమకుందని నిరూపించింది. ఆఖరి వన్డేలో భారీ విజయంతో సిరీస్‌ను సొంతం చేసుకున్న జట్టు ఇప్పుడు టి20 పోరుకు సిద్ధమైంది. హాఫ్‌ సెంచరీలతో మెరిసి ఇక్కడా సీనియర్లు లేకపోవడంతో తమ ప్రతిభను ప్రదర్శించేందుకు యువ ఆటగాళ్లకు ఇది సరైన అవకాశం.   ఇదిలా ఉంటే.. మూడో వన్డేలో టీమిండియా యువ ఓపెనర్లు ఇషాన్‌ కిషన్‌, శుబ్‌మన్‌ గిల్‌ అర్ధ శతకాలతో మెరిసిన విషయం తెలిసిందే. వికెట్‌ కీపర్‌ బ్యాటర్‌ ఇషాన్‌ 64 బంతుల్లో 8 ఫోర్లు, 3 సిక్సర్ల సాయంతో 77 పరుగులు రాబట్టగా.. గిల్‌ 92 బంతుల్లో 11 బౌండరీలు బాది మొత్తంగా 85 రన్స్‌ చేశాడు. వెటరన్‌ జోడీ రికార్డు బద్దలు మొదటి వికెట్‌కు 19.4 ఓవర్లలో వీరిద్దరు కలిసి 143 పరుగుల భాగస్వామ్యం నెలకొల్పారు. ఈ క్రమంలో టీమిండియా వెటరన్‌ క్రికెటర్లు శిఖర్‌ ధావన్‌- అజింక్య రహానే పేరిట ఉన్న రికార్డు బద్దలు కొట్టారు. కాగా 2017లో ఈ జోడీ వెస్టిండీస్‌తో వన్డే మ్యాచ్‌లో మొదటి వికెట్‌కు 132 పరుగులు జతచేశారు. ఈ క్రమంలో ఆరేళ్ల తర్వాత వీరి రికార్డును లెఫ్ట్‌- రైట్‌ కాంబినేషన్‌ ఓపెనింగ్‌ పెయిర్‌ బ్రేక్‌ చేసి కొత్త చరిత్ర సృష్టించింది. దాదా- వీరూల తర్వాత అదే విధంగా.. కరేబియన్‌ దీవిలో పరిమిత ఓవర్ల క్రికెట్‌లో అత్యధిక భాగస్వామ్యం(ఏ వికెట్‌పై అయినా) నమోదు చేసిన రెండో భారత జోడీగా నిలిచింది. 2007 వరల్డ్‌కప్‌ మ్యాచ్‌ సందర్భంగా బెర్ముడాపై సౌరవ్‌ గంగూలీ- వీరేంద్ర సెహ్వాగ్‌ రెండో వికెట్‌కు 202 పరుగుల భాగస్వామ్యం నెలకొల్పారు. ఈ క్రమంలో వీరి తర్వాతి స్థానాన్ని ఇషాన్‌- గిల్‌ ఆక్రమించారు. బ్యాటింగ్‌ ఆర్డర్‌ కకావికలం కాగా వెస్టిండీస్‌తో మూడు వన్డేల సిరీస్‌ను 2–1 తేడాతో భారత్‌ గెలుచుకున్న విషయం తెలిసిందే. భారత కాలమానం ప్రకారం మంగళవారం అర్ధరాత్రి దాటాక ముగిసిన మూడో వన్డేలో భారత్‌ 200 పరుగుల తేడాతో విండీస్‌ను చిత్తు చేసింది. 352 పరుగుల విజయలక్ష్యంతో బరిలోకి దిగిన విండీస్‌ 35.3 ఓవర్లలో 151 పరుగులకే కుప్పకూలింది.  ప్లేయర్‌ ఆఫ్‌ ది సిరీస్‌గా గుడకేశ్‌ మోటీ (34 బంతుల్లో 39 నాటౌట్‌; 4 ఫోర్లు, 3 సిక్స్‌లు) టాప్‌ స్కోరర్‌ కాగా, అలిక్‌ అతనజ్‌ (50 బంతుల్లో 32; 3 ఫోర్లు), అల్జారి జోసెఫ్‌ (39 బంతుల్లో 26; 1 ఫోర్, 2 సిక్స్‌లు) కొద్దిగా పోరాడగలిగారు. శార్దుల్‌ ఠాకూర్‌ వన్డేల్లో తన అత్యుత్తమ బౌలింగ్‌ ప్రదర్శన (4/37) నమోదు చేయగా, ముకేశ్‌ 3, కుల్దీప్‌ 2 వికెట్లు తీశారు. శుబ్‌మన్‌ గిల్‌ ‘ప్లేయర్‌ ఆఫ్‌ ద మ్యాచ్‌’గా, ఇషాన్‌ కిషన్‌ ‘ప్లేయర్‌ ఆఫ్‌ ద సిరీస్‌’గా నిలిచారు.  శార్దూల్‌ చెలరేగాడు 2007 నుంచి ఇప్పటి వరకు వెస్టిండీస్‌పై భారత్‌కు ఇది వరుసగా 13వ వన్డే సిరీస్‌ విజయం కావడం విశేషం.  పదునైన బౌలింగ్‌తో చెలరేగిన పేసర్‌ ముకేశ్‌ కుమార్‌ తొలి మూడు వికెట్లను తన ఖాతాలో వేసుకున్నాడు. అతని ధాటికి కింగ్‌ (0), మేయర్స్‌ (4), హోప్‌ (5) అవుట్‌ కావడంతో స్కోరు 17/3 వద్ద నిలిచింది.  పదేళ్ల తర్వాత ఉనాద్కట్‌ ఆ తర్వాత విండీస్‌ ఏ దశలోనూ కోలుకోలేకపోయింది. పదేళ్ల తర్వాత తొలి వన్డే ఆడిన ఉనాద్కట్‌... కార్టీ (6)ని అవుట్‌ చేయగా... తన వరుస ఓవర్లలో శార్దుల్‌ రెండు వికెట్లు తీయడంతో స్కోరు 50/6కు చేరింది. అనంతరం తన వరుస ఓవర్లలో కుల్దీప్‌ తర్వాతి 2 వికెట్లు పడగొట్టాడు. ఈ దశలో మోతీ, జోసెఫ్‌ కొద్ది సేపు పట్టుదల కనబర్చి తొమ్మిదో వికెట్‌కు 60 బంతుల్లో 55 పరుగులు జోడించారు. అయితే ఈ జోడీని విడదీసిన శార్దుల్‌ తన తర్వాతి ఓవర్లో ఆఖరి వికెట్‌ కూడా తీసి విండీస్‌ ఆట ముగించాడు.    చదవండి: క్రికెట్‌కు గుడ్‌బై చెప్పిన టీమిండియా మిడిలార్డర్‌ బ్యాటర్‌ అరుదైన రికార్డుకు చేరువలో శాంసన్‌.. కోహ్లి, రోహిత్‌ సరసన చేరేందుకు!  కోహ్లితో పాటు ప్రపంచకప్‌ గెలిచి.. ఇన్‌కమ్‌టాక్స్‌ ఆఫీసర్‌ నుంచి ఇప్పుడిలా!

వెస్టిండీస్‌తో జరిగిన వన్డే సిరీస్‌ను 2-1తో టీమిండియా కైవసం చేసుకున్న సంగతి తెలిసిందే. తాజాగా ఐసీసీ బుధవారం ప్రకటించిన వన్డే ర్యాంకింగ్స్‌లో ఇషాన్‌ కిషన్‌, కుల్దీప్‌ యాదవ్‌లు తన స్థానాలను మెరుగుపరుచుకున్నారు. బ్యాటింగ్‌ విభాగంలో ఇషాన్ కిషన్‌ 43వ ర్యాంక్‌, బౌల‌ర్లలో కుల్దీప్ 14వ ర్యాంకు సొంతం చేసుకున్నారు. విధ్వంస‌క ఓపెన‌ర్ ఇషాన్ రెండో టెస్టు, మూడు వ‌న్డేల్లో వ‌రుస‌గా నాలుగు హాఫ్ సెంచ‌రీలు కొట్టాడు. దాంతో ఈ లెఫ్ట్ హ్యాండ‌ర్ 14 స్థానాలు ఎగ‌బాకి 45వ ర్యాంకు సొంతం చేసుకున్నాడు. కుల్దీప్ కూడా ఏకంగా 8 స్థానాలు మెరుగుప‌ర్చుకొని 14 ర్యాంకులో నిలిచాడు. ఈ సిరీస్‌లో కుల్దీప్‌ మూడు వన్డేలు కలిపి ఏడు వికెట్లు పడగొట్టాడు. అయితే వన్డే సిరీస్‌లో రెండు, మూడు వన్డేలకు దూరంగా ఉన్న కోహ్లి, రోహిత్‌లు ఒక్కో స్థానం కోల్పోయారు. ఇంత‌కుముందు టాప్ 10లో హిట్‌మ్యాన్ 11వ స్థానానికి, 8వ స్థానంలో ఉన్న కోహ్లీ 9వ ర్యాంక్‌కి ప‌డిపోయారు. ఇక బౌలింగ్‌ ర్యాంకింగ్స్‌లో గాయంతో వన్డే సిరీస్‌కు దూరమైన మహ్మద్‌ సిరాజ్‌ ఒక స్థానం ​దిగజారి 677 పాయింట్లతో నాలుగో స్థానంలో నిలిచాడు. ఇక పాకిస్తాన్‌ కెప్టెన్‌ బాబర్‌ ఆజం టాప్‌ ర్యాంక్‌ను కాపాడుకున్నాడు. 886 పాయింట్లతో బాబర్‌ ఆజం తొలి స్థానంలో ఉండగా.. వాండర్‌ డుసెన్‌ 777 పాయింట్లతో రెండు, 755 పాయింట్లతో ఫఖర్‌ జమాన్‌ మూడో స్థానంలో ఉన్నాడు. ఇక టీమిండియా నుంచి శుబ్‌మన్‌ గిల్‌ 724 పాయింట్లతో ఏడో స్థానంలో ఉన్నాడు. ఇక బౌలర్ల విభాగంలో జోష్‌ హాజిల్‌వుడ్‌ 705 పాయింట్లతో టాప్‌లో ఉండగా.. 686 పాయింట్లతో మిచెల్‌ స్టార్క్‌, 682 పాయింట్లతో రషీద్‌ ఖాన్‌లు రెండు, మూడు స్థానాల్లో ఉన్నారు. చదవండి: స్లో ఓవర్‌ రేట్‌ దెబ్బ.. ఇంగ్లండ్‌, ఆసీస్‌లకు షాక్‌; డబ్ల్యూటీసీ పాయింట్స్‌లో భారీ కోత R Ashwin: 'టీమిండియా బజ్‌బాల్‌ ఆడితే జట్టులో ఎవరు మిగలరండి'

West Indies vs India, 3rd ODI: బార్బడోస్‌.. వెస్టిండీస్‌తో మొదటి వన్డే.. టాస్‌ ఓడి బ్యాటింగ్‌కు దిగిన ఆతిథ్య జట్టు 114 పరుగులకే ఆలౌట్‌! భారత స్పిన్నర్లు రవీంద్ర జడేజా, కుల్దీప్‌ యాదవ్‌ల మాయాజాలానికి 23 ఓవర్లకే విండీస్‌ కథ ముగిసింది. రోహిత్‌ శర్మ, విరాట్‌ కోహ్లి లాంటి స్టార్లు ఉన్న జట్టుకు 115 పరుగుల లక్ష్యం అసలు లెక్కే కాదు! ఇషాన్‌ అదరగొట్టాడు అయితే, ఆసియా వన్డే కప్‌, వన్డే ప్రపంచకప్‌-2023కి ముందు టీమిండియా మేనేజ్‌మెంట్‌ ప్రయోగాల పేరిట బ్యాటింగ్‌ ఆర్డర్‌ను పూర్తిగా మార్చేసింది. లెఫ్ట్‌ రైట్‌ కాంబినేషన్‌ పేరిట ఇషాన్‌ కిషన్‌- శుబ్‌మన్‌ గిల్‌లను ఓపెనింగ్‌ జోడీగా దింపింది. వీరిలో ఇషాన్‌ 52 పరుగులతో రాణించగా.. గిల్‌ 7 పరుగులకే నిష్క్రమించాడు. రెండో వన్డేల్లో ఇలా మూడో స్థానంలో వచ్చిన సూర్యకుమార్‌ యాదవ్‌(19)..ఆ తర్వాతి స్థానాల్లో హార్దిక్‌ పాండ్యా(5), రవీంద్ర జడేజా(16- నాటౌట్‌), శార్దూల్‌ ఠాకూర్‌(1) కూడా పూర్తిగా విఫలమయ్యారు. ఈ క్రమంలో ఏడో స్థానంలో బ్యాటింగ్‌కు దిగిన కెప్టెన్‌ రోహిత్‌ శర్మ 12 పరుగులు చేసి జట్టును గెలుపుతీరాలకు చేర్చాడు. అదే వేదికపై.. రెండో వన్డేలో రోహిత్‌, కోహ్లిలకు విశ్రాంతినివ్వగా.. హార్దిక్‌ పాండ్యా కెప్టెన్సీలో ఘోర పరాభవం ఎదురైంది. అనూహ్యంగా 6 వికెట్ల తేడాతో భారత జట్టు ఓడిపోయింది. ఈ క్రమంలో చావోరేవో తేల్చుకోవాల్సిన మ్యాచ్‌లో మళ్లీ రోహిత్‌, కోహ్లిలను రెస్ట్‌ పేరిట దూరంగా ఉంచినప్పటికీ ఘన విజయం సాధించింది. మూడోసారి.. ఆ నలుగురు అదరగొట్టారు ఓపెనర్లు ఇషాన్‌ కిషన్‌(77), శుబ్‌మన్‌ గిల్‌(85) అద్భుత హాఫ్‌ సెంచరీలతో ఆకట్టుకోగా.. కెప్టెన్‌గా హార్దిక్‌ పాండ్యా తొలిసారి అర్ధ శతకం(70- నాటౌట్‌)తో మెరిశాడు. వీరితో పాటు సంజూ శాంసన్‌ 51 పరుగులతో అదరగొట్టాడు. ఈ నేపథ్యంలో 5 వికెట్ల నష్టానికి 351 పరుగులు చేసింది టీమిండియా. 200 పరుగుల తేడాతో భారీ విజయం ఇక కొండంత లక్ష్యాన్ని ఛేదించలేక భారత బౌలర్ల విజృంభణ ముందు వెస్టిండీస్‌ పూర్తిగా తేలిపోయింది. శార్దూల్‌ ఠాకూర్‌ 4, ముకేశ్‌ కుమార్‌ 3, కుల్దీప్‌ యాదవ్‌ 2, జయదేవ్‌ ఉనాద్కట్‌ ఒక వికెట్‌ తీయగా.. ఆతిథ్య కరేబియన్‌ జట్టు 35.3 ఓవర్లలోనే 151 పరుగులకు కుప్పకూలింది. దీంతో 200 పరుగుల తేడాతో విజయం టీమిండియాను వరించింది. 18 ఏళ్ల రికార్డును తిరగరాసి కాగా వన్డే వరల్డ్‌కప్‌-2023కి అర్హత కూడా సాధించని విండీస్‌ చేతిలో గత మ్యాచ్‌లో ఓడిన హార్దిక్‌ సేన.. తదుపరి మ్యాచ్‌లోనే ఈ మేరకు అదరగొట్టడం విశేషం. అదే విధంగా.. బ్రియన్‌ లారా స్టేడియంలో మూడో వన్డే సందర్భంగా గతంలో ఎన్నడూ లేని విధంగా భారత జట్టు సరికొత్త చరిత్ర సృష్టించింది. 18 ఏళ్ల తన రికార్డును తిరగరాస్తూ.. జట్టులో ఒక్క ఆటగాడు కూడా సెంచరీ సాధించకుండానే అత్యధిక స్కోరు నమోదు చేసింది. గతంలో.. 2005- నాగ్‌పూర్‌లో శ్రీలంకపై 350/6, 2004- కరాచిలో పాకిస్తాన్‌పై 349/7, 2004- ఢాకాలో బంగ్లాదేశ్‌పై 348/5 స్కోర్లు సాధించింది.  చదవండి: టీమిండియా క్రికెటర్‌గా ఉండటం కష్టం.. ఎప్పుడు, ఎక్కడైనా: సంజూ శాంసన్‌ మొన్న వాటర్‌బాయ్‌! ఇప్పుడు ఇలా.. ఏంటిది కోహ్లి! వీడియో వైరల్‌ Mukesh Kumar is in a hurry to finish things off! Can he convert it into a fifer?#INDvWIAdFreeonFanCode #WIvIND pic.twitter.com/wWPNTY853m — FanCode (@FanCode) August 1, 2023 From 1-1 to 2-1! 👏 🏆 The smiles say it all! ☺️ ☺️ #TeamIndia | #WIvIND pic.twitter.com/M3oQLNUOg0 — BCCI (@BCCI) August 2, 2023

West Indies vs India, 3rd ODI- తరూబా (ట్రినిడాడ్‌): ఎట్టకేలకు వెస్టిండీస్‌ గడ్డపై టీమిండియా బ్యాటింగ్‌ పవర్‌ ఆఖరి వన్డేలో బయటికొచ్చింది. సిరీస్‌ గెలుచుకొచ్చే ఆటతీరును కనబరిచింది. ఆతిథ్య ప్రత్యర్థి ముందు కఠినమైన లక్ష్యాన్ని నిర్దేశించింది. సీనియర్లు లేకపోయినా... ఇకపై టీమిండియాకు తురుపుముక్కలు కానున్న బ్యాటర్లు బాధ్యత పంచుకున్నారు. మెరుపు అర్ధ శతకాలతో ఓపెనర్లు శుబ్‌మన్‌ గిల్‌ (92 బంతుల్లో 85; 11 ఫోర్లు),   ఇషాన్‌ కిషన్‌ (64 బంతుల్లో 77; 8 ఫోర్లు, 3 సిక్స్‌లు) నాలుగో స్థానంలో బ్యాటింగ్‌కు దిగిన సంజూ సామ్సన్‌ (41 బంతుల్లో 51; 2 ఫోర్లు, 4 సిక్సర్లు), తాత్కాలిక కెప్టెన్‌ హార్దిక్‌ పాండ్యా (52 బంతుల్లో 70 నాటౌట్‌; 4 ఫోర్లు, 5 సిక్స్‌లు) మెరుపులతో అర్ధ సెంచరీలు సాధించి రాణించారు. ఈ సిరీస్‌లో తమని వణికించిన కరీబియన్‌ బౌలింగ్‌పై ఈ మ్యాచ్‌లో ఓ ఆటాడుకున్నారు. దీంతో టాస్‌ ఓడి ముందుగా బ్యాటింగ్‌కు దిగిన భారత్‌ నిర్ణీత 50 ఓవర్లలో 5 వికెట్ల నష్టానికి 351 పరుగుల భారీస్కోరు చేసింది. విండీస్‌లో వెస్టిండీస్‌ జట్టుపై భారత్‌కిదే అత్యధిక స్కోరు కావడం విశేషం. టాస్‌ గెలిచి ఫీల్డింగ్‌ ఎంచుకొన్న విండీస్‌ గత మ్యాచ్‌లాగే భారత్‌ను కట్టడి చేయాలనుకున్న ఆశలకు ఓపెనింగ్‌ జోడీ నుంచే నిరాశ ఎదురైంది. దాదాపు 20 ఓవర్ల (19.4) పాటు గిల్, ఇషాన్‌లే ఆడేశారు. విండీస్‌ బౌలర్లను బాదేశారు. యథేచ్ఛగా పరుగులు సాధించారు. దీంతో తొలి వికెట్‌కు 143 పరుగుల భాగస్వామ్యం నమోదైంది. ఇక్కడే ఇషాన్‌ అవుటయ్యాక  వచి్చన రుతురాజ్‌ గైక్వాడ్‌ (8) తక్కువే చేశాడు. అయితే గిల్‌కు సామ్సన్‌ జతవ్వడంతో మళ్లీ పరుగులు.... విండీస్‌కు కష్టాలు... కొనసాగాయి. భారీ సిక్సర్లతో వేగంగా (39 బంతుల్లో) అర్ధసెంచరీ చేసిన సంజూ, సెంచరీపై కన్నేసిన గిల్‌ స్వల్ప వ్యవధిలో నిష్క్రమించారు. అప్పుడు భారత్‌ స్కోరు 244/3. పాండ్యా సైతం ఈ దశలో కెప్టెన్‌ హార్దిక్‌ పాండ్యా, సూర్యకుమార్‌ (30 బంతుల్లో 35; 2 ఫోర్లు, 2 సిక్స్‌లు) మరో బలమైన భాగస్వామ్యం నమోదు చేయడంతో 45.5 ఓవర్లలోనే భారత్‌ స్కోరు 300 దాటింది. సూర్య అవుటైనా... 45 బంతుల్లో ఫిఫ్టీ పూర్తిచేసుకున్న పాండ్యా చుక్కలు చూపించే సిక్సర్లతో స్కోరు వేగాన్ని అమాంతం పెంచాడు. షెఫర్డ్‌ 2 వికెట్లు తీశాడు. ఇక కీలకమైన ఈ మ్యాచ్‌కూ కెప్టెన్‌ రోహిత్‌ శర్మ, స్టార్‌ బ్యాటర్‌ కోహ్లిలకు విశ్రాంతిని కొనసాగించారు. అయితే తుదిజట్టులో ఉమ్రాన్‌ మాలిక్, అక్షర్‌ పటేల్‌ స్థానాల్లో రుతురాజ్, ఉనాద్కట్‌లను తీసుకున్నారు.   చిత్తుగా ఓడించి.. చరిత్ర సృష్టించి కాగా 352 పరుగుల లక్ష్యంతో బరిలోకి దిగిన వెస్టిండీస్‌.. భారత బౌలర్ల ధాటికి 151 పరుగులకే కుప్పకూలింది. ఈ నేపథ్యంలో 200 పరుగుల తేడాతో ఘన విజయం సాధించిన టీమిండియా సిరీస్‌ను 2-1తో కైవసం చేసుకుంది. తద్వారా వరుసగా విండీస్‌పై 13 వన్డే సిరీస్‌లు(2007- 2023 మధ్య) గెలిచి చరిత్ర సృష్టించింది. Mukesh Kumar is in a hurry to finish things off! Can he convert it into a fifer?#INDvWIAdFreeonFanCode #WIvIND pic.twitter.com/wWPNTY853m — FanCode (@FanCode) August 1, 2023 ప్రపంచంలోనే ఏకైక జట్టుగా.. ద్వైపాక్షిక వన్డే సిరీస్‌లో ఒకే ప్రత్యర్థిపై అత్యధిక విజయాలు సాధించిన ఏకైక జట్టుగా రికార్డులకెక్కింది. జింబాబ్వే(1996- 21 మధ్య)పై 11 సార్లు వరుసగా వన్డే సిరీస్‌లు గెలిచిన పాకిస్తాన్‌.. టీమిండియాను ఫాలో అవుతోంది. ఇక పదేసి విజయాలతో టీమిండియా శ్రీలంక(2007-23)పై.. పాకిస్తాన్‌ వెస్టిండీస్‌ (1999-22) ఈ ఫీట్‌ నమోదు చేయడం విశేషం. ఇక ఈ మ్యాచ్‌లో శుబ్‌మన్‌ గిల్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. చదవండి: ఏపీఎల్‌ సీజన్‌ 2 వేలంలో విశాఖ క్రికెటర్‌కు రికార్డు ధర From 1-1 to 2-1! 👏 🏆 The smiles say it all! ☺️ ☺️ #TeamIndia | #WIvIND pic.twitter.com/M3oQLNUOg0 — BCCI (@BCCI) August 2, 2023

విండీస్‌ పర్యటనలో టీమిండియా వరుసగా రెండో సిరీస్‌ నెగ్గింది. తొలుత 2 మ్యాచ్‌ల టెస్ట్‌ సిరీస్‌ను 1-0 తేడాతో గెలుచుకున్న భారత్‌.. నిన్న జరిగిన నిర్ణయాత్మక మూడో వన్డేలో 200 పరుగుల భారీ తేడాతో గెలుపొంది, 3 మ్యాచ్‌ల సిరీస్‌ను 2-1 తేడాతో కైవసం చేసుకుంది. వన్డే సిరీస్‌లో తొలి మ్యాచ్‌లో గెలిచి, రెండో వన్డేలో ఓటమిపాలైన భారత్‌.. మూడో మ్యాచ్‌లో ఆకాశమే హద్దుగా చెలరేగి విండీస్‌పై తమ రికార్డును మరింత మెరుగుపర్చుకుంది.  ఈ మ్యాచ్‌లో తొలుత బ్యాటింగ్‌ చేసిన భారత్‌.. ఇషాన్‌ కిషన్‌ (64 బంతుల్లో 77; 8 ఫోర్లు, 3 సిక్సర్లు), శుభ్‌మన్‌ గిల్‌ (92 బంతుల్లో 85; 11 ఫోర్లు), సంజూ శాంసన్‌ (41 బంతుల్లో 51;  2 ఫోర్లు, 4 సిక్సర్లు), హార్ధిక్‌ పాండ్యా (52 బంతుల్లో 70 నాటౌట్‌; 4 ఫోర్లు, 5 సిక్సర్లు) అర్ధసెంచరీతో చెలరేగడంతో నిర్ణీత 50 ఓవర్లలో 5 వికెట్ల నష్టానికి 351 పరుగుల భారీ స్కోర్‌ చేసింది. విండీస్‌ బౌలర్లలో రొమారియో షెపర్డ్‌ 2, అల్జరీ జోసఫ్‌, గుడకేశ్‌ మోటీ, కారియా తలో వికెట్‌ పడగొట్టారు. అనంతరం భారీ  లక్ష్యాన్ని ఛేదించేందుకు బరిలోకి దిగిన విండీస్‌ను భారత బౌలర్లు మూకుమ్మడిగా రాణించి 151 పరుగులకే కుప్పకూల్చారు. శార్దూల్‌ ఠాకూర్‌ (4/37), ముకేశ్‌ కుమార్‌ (3/30),  కుల్దీప్‌ యాదవ్‌ (2/25), ఉనద్కత్‌ (1/16)  అద్భుతంగా బౌలింగ్‌ చేసి విండీస్‌ ఆటగాళ్ల పనిపట్టారు.  భారత బౌలర్ల ధాటికి విండీస్‌ 35.3 ఓవర్లలోనే చాపచుట్టేసింది. విండీస్‌ ఇన్నింగ్స్‌లో అలిక్‌ అథనాజ్‌ (32), కారియా  (19), అల్జరీ జోసఫ్‌ (26), గడకేశ్‌ మోటీ (39 నాటౌట్‌) మాత్రమే రెండంకెల స్కోర్లు చేశారు. 

వెస్టిండీస్‌తో జరుగుతున్న వన్డే సిరీస్‌లో టీమిండియా ఓపెనర్‌ ఇషాన్‌ కిషన్‌ హ్యాట్రిక్‌ అర్థసెంచరీతో మెరిశాడు. 43 బంతుల్లో అర్థసెంచరీ మార్క్‌ అందుకున్న ఇషాన్‌ కిషన్‌ ఓవరాల్‌గా 64 బంతుల్లో 77 పరుగులు చేసి ఔటయ్యాడు. అతని ఇన్నింగ్స్‌లో 8 ఫోర్లు, మూడు సిక్సర్లు ఉన్నాయి. ఒక దశలో గిల్‌ను ఒక ఎండ్‌లో నిల్చోబెట్టి వేగంగా ఆడిన ఇషాన్‌ సెంచరీ చేసేలా కనిపించాడు. అయితే కారియా బౌలింగ్‌లో స్టంప్‌ అవుట్‌గా వెనుదిరిగాడు. ఈ క్రమంలో ఇషాన్‌ కిషన్‌ అరుదైన రికార్డు సాధించాడు. ద్వైపాక్షిక మూడు మ్యాచ్‌ల వన్డే సిరీస్‌లో హ్యాట్రిక్‌ అర్థసెంచరీలు బాదిన ఆరో టీమిండియా క్రికెటర్‌గా ఇషాన్‌ కిషన్‌ నిలిచాడు. ఇషాన్‌ కంటే ముందు క్రిష్ణమాచారి శ్రీకాంత్‌ వర్సెస్‌ శ్రీలంక(1982), దిలీప్‌ వెంగ్‌సర్కార్‌ వర్సెస్‌ శ్రీలంక(1985), మహ్మద్‌ అజారుద్దీన్‌ వర్సెస్‌ శ్రీలంక(1993), ఎంఎస్‌ ధోని వర్సెస్‌ ఆస్ట్రేలియా(2019), శ్రేయాస్‌ అయ్యర్‌ వర్సెస్‌ న్యూజిలాండ్‌(2020) ఉన్నారు. ఇక టీమిండియా ప్రస్తుతం 25 ఓవర్లలో రెండు వికెట్ల నష్టానికి 175 పరుగులు చేసింది. గిల్‌ 61, సంజూ శాంసన్‌ 18 పరుగులతో ఆడుతున్నారు.  क्या किशन का यह फ़ॉर्म उन्हें विश्व कप की भारतीय प्लेइंग-XI में शामिल करवा पाएगा?#WIvIND #ishankishan pic.twitter.com/VmrLVqKrR5 — ESPNcricinfo हिंदी (@CricinfoHindi) August 1, 2023 చదవండి: WTC 2023-25: చివరి టెస్టులో విజయం.. ఆసీస్‌తో సమానంగా ఇంగ్లండ్‌

బ్రిడ్జ్‌టౌన్‌:  కరీబియన్‌లో భారత జట్టు ప్రపంచకప్‌ సన్నాహం పేలవంగా సాగుతోంది. ప్రస్తుతం జరుగుతున్న వన్డే సిరీస్‌లో ఆశావహులే కాదు... కచ్చితంగా పరిశీలనలో ఉన్న క్రికెటర్లు కూడా నిరాశపరిచారు.  బార్బోడస్‌ వేదికగా శనివారం జరిగిన రెండో వన్డేలో టీమిండియా 6 వికెట్ల తేడాతో ఓటమి చవిచూసింది.  మొదట బ్యాటింగ్‌కు దిగిన భారత్‌ 40.5 ఓవర్లలో 181 పరుగులకే ఆలౌటైంది. ఇషాన్‌ కిషన్‌ (55 బంతుల్లో 55; 6 ఫోర్లు, 1 సిక్స్‌) అర్ధ సెంచరీ సాధించగా, శుబ్‌మన్‌ గిల్‌ (49 బంతుల్లో 34; 5 ఫోర్లు) రాణించాడు. రొమారియో షెఫర్డ్‌ (3/37), గుడకేశ్‌ మోతీ (3/36), అల్జారి జోసెఫ్‌ (2/35) కలిసికట్టుగా భారత్‌ను కట్టడిచే శారు. కుర్రాళ్లను పరీక్షించడం కోసం స్టార్‌ బ్యాటర్‌ కోహ్లి, కెప్టెన్‌ రోహిత్‌ శర్మలకు రెండో వన్డేలో విశ్రాంతి ఇవ్వడంతో హార్దిక్‌ పాండ్యా ఈ మ్యాచ్‌కు నాయకత్వం వహించాడు. ఆ ఇద్దరి స్థానాల్లో సంజూ సామ్సన్, అక్షర్‌ పటేల్‌లను తుది జట్టులోకి తీసుకున్నారు. అనంతరం 182 పరుగుల లక్ష్యంతో బ్యాటింగ్‌కు దిగిన వెస్టిండీస్‌ 4 వికెట్లు కోల్పోయి ఛేదించింది. ఓపెనర్లు మినహా... టాస్‌ నెగ్గిన విండీస్‌ ఫీల్డింగ్‌ ఎంచుకోగానే... భారత బ్యాటింగ్‌ లైనప్‌ చూసుకొని సగటు క్రికెట్‌ అభిమాని గర్వం! ఇక మనవాళ్లు కుమ్మెస్తారనే గంపెడాశలు! కానీ 50 ఓవర్ల పాటు కూడా కరీబియన్‌ బౌలింగ్‌ను ఎదుర్కోలేకపోవడమే పెద్ద షాక్‌. ఇన్నింగ్స్‌ ఓపెన్‌ చేసిన ఇషాన్‌ కిషన్‌ గానీ, శుబ్‌మన్‌ గిల్‌ గానీ చెప్పుకోదగ్గ మెరుపులే మెరిపించలేదు. అయితే భారత ఇన్నింగ్స్‌లో వీళ్లిద్దరే కుదురుగా ఆడారు. దీంతో జోరు లేకపోయినా స్కోరు బోర్డు మందకొడిగా సాగింది. అడపాదడపా బౌండరీలే తప్ప అలరించే సిక్సర్లు కరువయ్యాయి. గుడ్డిలో మెల్ల అన్న చందంగా ఇషాన్‌ కొట్టిన ఏకైక సిక్సరే ఇన్నింగ్స్‌కు బంగారమైంది! ఆ తర్వాత హార్డ్‌ హిట్టర్లు సూర్యకుమార్, హార్దిక్‌ పాండ్యాల వల్ల కూడా ఒక్క సిక్సర్‌ అయినా నమోదు కాలేదు. 17వ ఓవర్లో ఇషాన్‌ ఇషాన్‌ ఫిఫ్టీ 51 బంతుల్లో పూర్తికాగానే... అదే ఓవర్లో శుబ్‌మన్‌  నిష్క్రమించాడు. దీంతో 90 పరుగుల ఓపెనింగ్‌ భాగస్వామ్యం ముగిసింది. మరుసటి ఓవర్లో ఇషాన్‌ ఆటకు షెఫర్డ్‌ చెక్‌ పెట్టాడు. వీళ్లిద్దరు ఉన్నంతసేపే పరుగులొచ్చాయి. ఆ తర్వాత వికెట్లే రాలాయి. అక్షర్‌ పటేల్‌ (1)ను నాలుగో స్థానంలో ప్రమోషన్‌గా దింపితే తీవ్రంగా నిరాశ పరిచాడు. 97 పరుగులకే 3 కీలక వికెట్లు కోల్పోయిన దశలో ఆదుకుంటాడనుకున్న పాండ్యా (7) కూడా ప్రత్యర్థి బౌలింగ్‌కు తలవంచాడు. సూర్యకుమార్‌ (25 బంతుల్లో 24; 3 ఫోర్లు) మెరిపించలేకపోయినా కాసేపు కుదురుగా ఆడాడు. జడేజా (10), శార్దుల్‌ (16; 2 ఫోర్లు) ఇలా అందరు వచ్చిన దార్లోనే పెవిలియన్‌ చేరడంతో మొదటి 90 పరుగుల వరకు వికెట్‌ కోల్పోని భారత్‌... తర్వాతి 91 పరుగులకే అన్ని వికెట్లు (10) కోల్పోయి సుమారు పది ఓవర్ల ముందే ఆలౌటైంది.  స్కోరు వివరాలు  భారత్‌ ఇన్నింగ్స్‌: ఇషాన్‌ (సి) అతనెజ్‌ (బి) షెఫర్డ్‌ 55; గిల్‌ (సి) జోసెఫ్‌ (బి) మోతీ 34; సామ్సన్‌ (సి) కింగ్‌ (బి) కరియ 9; అక్షర్‌ (సి) హోప్‌ (బి) షెఫర్డ్‌ 1; పాండ్యా (సి) కింగ్‌ (బి) సీల్స్‌ 7; సూర్యకుమార్‌ (సి) అతనెజ్‌ (బి) మోతీ 24; జడేజా (సి) కరియ (బి) షెఫర్డ్‌ 10; శార్దుల్‌ (ఎల్బీడబ్ల్యూ) (బి) జోసెఫ్‌ 16; కుల్దీప్‌ నాటౌట్‌ 8; ఉమ్రాన్‌ (సి) కార్టీ (బి) జోసెఫ్‌ 0; ముకేశ్‌ (సి) హెట్‌మైర్‌ (బి) మోతీ 6; ఎక్స్‌ట్రాలు 11; మొత్తం (40.5 ఓవర్లలో ఆలౌట్‌) 181. వికెట్ల పతనం: 1–90, 2–95, 3–97, 4–113, 5–113, 6–146, 7–148, 8–167, 9–167, 10–181. బౌలింగ్‌: మేయర్స్‌ 5–0–18–0, సీలెస్‌ 6–0–28–1, జోసెఫ్‌ 7–0–35–2, గుడకేశ్‌ మోతీ 9.5–0– 36–3, షెఫర్డ్‌ 8–1–37–3, కరియ 5–0–25–1.  

West Indies vs India, 2nd ODI: వెస్టిండీస్‌తో రెండో వన్డేలో టీమిండియా చేసిన ప్రయోగం బెడిసికొట్టింది. స్పిన్‌ ఆల్‌రౌండర్‌ అక్షర్‌ పటేల్‌ను ముందుగా బ్యాటింగ్‌కు పంపడం జట్టుకు ఏమాత్రం కలిసిరాలేదు. కాగా బార్బడోస్‌లో శనివారం నాటి మ్యాచ్‌లో భారత జట్టు రెండు మార్పులతో బరిలోకి దిగింది. రోహిత్‌, కోహ్లి లేకుండానే కెప్టెన్‌ రోహిత్‌ శర్మతో పాటు స్టార్‌ బ్యాటర్‌ విరాట్‌ ​కోహ్లికి విశ్రాంతినివ్వగా.. పేస్‌ ఆల్‌రౌండర్‌ హార్దిక్‌ పాండ్యా పగ్గాలు చేపట్టాడు. వీరిద్దరి స్థానంలో సంజూ శాంసన్‌, అక్షర్‌ పటేల్‌ను తుది జట్టులోకి తీసుకున్నట్లు తెలిపాడు. ఇక బార్బడోస్‌లో మొదటి వన్డే మాదిరే రెండో మ్యాచ్‌లోనూ ఇషాన్‌, కిషన్‌, శుబ్‌మన్‌ గిల్‌ ఓపెనింగ్‌ చేశారు.  మరోసారి ఇషాన్‌ హాఫ్‌ సెంచరీ గత మ్యాచ్‌లో హాఫ్‌ సెంచరీ చేసిన ఇషాన్‌ మరోసారి అర్ధ శతకం(55)తో సత్తా చాటగా.. వరుస వైఫల్యాల నేపథ్యంలో గిల్‌(49 బంతుల్లో 34) ఈసారి పర్వాలేదనిపించాడు. ఈ క్రమంలో వన్‌డౌన్‌లో సంజూ శాంసన్‌ బ్యాటింగ్‌కు రాగా.. నాలుగో స్థానంలో అక్షర్‌ పటేల్‌ను ఆడించారు. 18వ ఓవర్‌ మూడో బంతికి రొమారియో షెఫర్డ్‌ బౌలింగ్‌లో ఇషాన్‌ కిషన్‌ అవుట్‌ కాగా.. అక్షర్‌ క్రీజులోకి వచ్చాడు.  బెడిసికొట్టిన ప్రయోగం ఇక ఆ ఓవర్లో షెఫర్డ్‌ కట్టుదిట్టమైన బౌలింగ్‌ కారణంగా పరుగుల ఖాతా తెరవలేకపోయిన అతడు.. మరుసటి ఓవర్లో అల్జారీ జోసఫ్‌ బౌలింగ్‌లో సింగిల్‌ తీశాడు. అయితే 20 ఓవర్‌ రెండో బంతికే పెవిలియన్‌ చేరాడు. విండీస్‌ పేసర్‌ షెఫర్డ్‌ సంధించిన షార్ట్‌ బాల్‌ను తప్పుగా అంచనా వేసి మూల్యం చెల్లించుకున్నాడు. వికెట్‌ కీపర్‌ షాయీ హోప్‌నకు సింపుల్‌ క్యాచ్‌ ఇచ్చి వెనుదిరిగాడు.  సంజూ సైతం.. మొత్తంగా 8 బంతులు ఎదుర్కొని కేవలం ఒక్క పరుగు మాత్రమే తీసిన అక్షర్‌.. తనకు వచ్చిన అవకాశాన్ని సద్వినియోగం చేసుకోలేకపోయాడు. దీంతో అభిమానులు ఉసూరుమంటున్నారు. ‘‘మంచి ఛాన్స్‌ను మిస్‌ చేశావు’’ అంటూ ఆవేదన వ్యక్తం చేస్తున్నారు. కాగా 24.1 ఓవర్లలో 5 వికెట్ల నష్టానికి టీమిండియా 113 పరుగులు చేసింది. సంజూ శాంసన్‌(9), హార్దిక్‌ పాండ్యా(7) కూడా పూర్తిగా నిరాశపరిచారు. ఇక ఇప్పటికే తొలి వన్డేలో 5 వికెట్ల తేడాతో గెలుపొందిన భారత జట్టు.. మూడు మ్యాచ్‌ల సిరీస్‌లో 1-0తో ముందున్న సంగతి తెలిసిందే.   చదవండి: కావాలనే రోహిత్‌, కోహ్లి లేకుండా! మ్యాచ్‌ ఓడిపోతేనే! ఆసియా కప్‌ తర్వాత ఇద్దరూ అవుట్‌?  Ishan Kishan gets to his fifty. Can he make it a big one here? . .#INDvWIAdFreeonFanCode #INDvWI pic.twitter.com/FlqtTjBImC — FanCode (@FanCode) July 29, 2023

India tour of West Indies, 2023: ‘‘నిజానికి ఇషాన్‌ కిషన్‌ నంబర్‌ 4లో బ్యాటింగ్‌ చేయాల్సి ఉంది. ఎందుకంటే అతడికి వికెట్‌ కీపర్‌గా జట్టులో చోటు దక్కింది. రెండో ప్రధాన కీపర్‌గా అతడికి ప్రాధాన్యం ఇస్తున్నారు కాబట్టి మిడిలార్డర్‌లో ఆడిస్తే బాగుండేది. తొలి వన్డేలో అతడిని ఓపెనర్‌గా దింపారు. ఫిఫ్టీ చేయడం గొప్పేమీ కాదు హాఫ్‌ సెంచరీ సాధించాడు. బాగానే ఉంది. వన్డేల్లో డబుల్‌ సెంచరీ చేసిన వాడు ఈ మాత్రం స్కోర్‌ చేయడం గొప్పేం కాదు. వాస్తవానికి.. సంజూ శాంసన్‌ లేదంటే ఇషాన్‌ కిషన్‌.. ఈ ఇద్దరు వికెట్‌ కీపర్‌ బ్యాటర్లలో ఎవరికి అవకాశం ఇస్తారన్న అంశంపై పెద్ద ఎత్తున చర్చ జరిగింది. సూర్య ఇలా వచ్చి అలా! కాబట్టి వికెట్‌ కీపర్‌గా ఇషాన్‌ను ఆడించినపుడు ఓపెనర్‌గా పంపడమెందుకో అర్థం కాలేదు. ఓపెనింగ్‌ స్థానంలో అతడు 50 చేసినా అదేమంత గొప్ప విషయం కానేకాదు. ఎందుకంటే ఇప్పటికే ఓపెనర్‌గా ఇషాన్‌ తనను తాను నిరూపించుకున్నాడు’’ అని టీమిండియా మాజీ బ్యాటర్‌ ఆకాశ్‌ చోప్రా అన్నాడు. వెస్టిండీస్‌తో తొలి వన్డేలో సంజూ శాంసన్‌ను కాదని ఇషాన్‌ కిషన్‌ను జట్టులోకి తీసుకోవడం వల్ల కొత్తగా ఒరిగిందేమీ లేదన్నాడు. ఇక సూర్యకుమార్‌ యాదవ్‌ను వన్‌డౌన్‌లో ఆడించడంపై ఈ మాజీ ఓపెనర్‌ స్పందిస్తూ.. ‘‘పర్లేదు.. తన బ్యాటింగ్‌ బాగానే ఉంది. కానీ అతడు అవుటైన విధానం అస్సలు నచ్చలేదు. తొలుత స్వీప్‌ షాట్‌తో ఫోర్‌.. మళ్లీ స్వీప్‌ షాట్‌.. ఆపై మరో స్వీప్‌.. తర్వాత కూడా అదే తీరు.. ఎల్బీడబ్ల్యూగా పెవిలియన్‌కు! ఒకే తరహాలో నాలుగు షాట్లు ఆడి అలా వెళ్లిపోయాడు’’ అంటూ పెదవి విరిచాడు. కాగా వెస్టిండీస్‌తో మూడు వన్డేల సిరీస్‌లో భాగంగా బార్బడోస్‌లో టీమిండియా జయభేరి మోగించిన విషయం తెలిసిందే. గిల్‌ మరోసారి విఫలం ఈ మ్యాచ్‌లో శుబ్‌మన్‌ గిల్‌కు జోడీగా ఓపెనర్‌గా వచ్చిన ఇషాన్‌ కిషన్‌ 52 పరుగులతో రాణించాడు. టీమిండియా టాప్‌ స్కోరర్‌గా నిలిచి 5 వికెట్ల తేడాతో గెలుపొందడంలో కీలక పాత్ర పోషించాడు. ఇషాన్‌ రాకతో కేరళ బ్యాటర్‌ సంజూకు జట్టులో చోటు కరువు కాగా.. రెగ్యులర్‌ ఓపెనర్‌, కెప్టెన్‌ రోహిత్‌ శర్మ ఏడో స్థానంలో బ్యాటింగ్‌ చేయడం విశేషం. ఈ నేపథ్యంలో మాజీ ఓపెనర్‌ ఆకాశ్‌ చోప్రా తన యూట్యూబ్‌ చానెల్‌ వేదికగా టీమిండియా మేనేజ్‌మెంట్‌ ప్రయోగం చేసిన తీరుపై ఈ మేరకు వ్యాఖ్యలు చేశాడు. ఇదిలా ఉంటే.. వెస్టిండీస్‌తో టెస్టుల్లో విఫలమైన గిల్‌ ఈ మ్యాచ్‌లో మరోసారి నిరాశపరిచాడు. 7 పరుగులకే పెవిలియన్‌ చేరాడు. ఇక సూర్య 19, హార్దిక్‌ పాండ్యా 5, రవీంద్ర జడేజా 16(నాటౌట్‌), శార్దూల్‌ ఠాకూర్‌(1), రోహిత్‌ శర్మ 12(నాటౌట్‌) పరుగులు సాధించారు. ఇక విండీస్‌- భారత్‌ మధ్య శనివారం రెండో వన్డే బార్బడోస్‌లో జరుగనుంది. చదవండి: యాషెస్‌ చరిత్రలో తొలిసారి.. ‘అరుదైన’ రికార్డు బద్దలు! ఎంత గొప్పగా అంటే..  అస్సలు ఊహించలేదు.. అతడు ఓపెనర్‌గా వస్తాడని! కచ్చితంగా జట్టులో ఉండాలి 

వెస్టిండీస్‌ గడ్డపై టీమిండియా జైత్ర యాత్రను కొనసాగిస్తోంది. టెస్టు సిరీస్‌ను సొంతం చేసుకున్న భారత జట్టు.. ఇప్పడు వన్డే సిరీస్‌ విజయం దిశగా దూసుకెళ్తోంది. మూడో వన్డేల సిరీస్‌ను గెలుపుతో ఆరంభించిన భారత్‌ మరో ఆసక్తికర పోరుకు సిద్దమైంది. బార్బోడస్‌ వేదికగా విండీస్‌తో రెండో వన్డేలో రోహిత్‌ సేన అమీతుమీ తెల్చుకోనుంది. ఇక ఇది ఇలా ఉండగా.. తొలి వన్డేలో హాఫ్‌ సెంచరీతో చెలరేగిన టీమిండియా యువ వికెట్‌ కీపర్‌ ఇషాన్‌పై భారత మాజీ ఆటగాడు సబా కరీం ప్రశంసల వర్షం కురిపించాడు. కిషన్‌కు ఓపెనర్‌గానే కాకుండా మిడిలార్డర్‌లో రాణించే సత్తా ఉందని అతడు కొనియాడాడు. కాగా విండీస్‌తో జరిగిన తొలి వన్డేలో కెప్టెన్‌ రోహిత్‌ శర్మ.. కిషన్‌ను ఓపెనర్‌గా ప్రమోట్‌ చేశాడు. ఓపెనర్‌గా వచ్చిన కిషన్‌ 52 పరుగులతో కీలక ఇన్నింగ్స్‌ ఆడాడు.  ఈ నేపథ్యంలో కరీం జియో సినిమాతో మాట్లాడుతూ.. "కిషన్‌ భారత ఇన్నింగ్స్‌ను ప్రారంభిస్తాడని అస్సలు నేను ఊహించలేదు. కానీ తనకు వచ్చిన అవకాశాన్ని కిషన్‌ చక్కగా ఉపయోగించుకున్నాడు. అతడి ఇన్నింగ్స్‌ జట్టులో తన విలువను మరింత పెంచింది. ప్రస్తుతం పంత్‌ అందుబాటులో లేడు కాబట్టి రాహుల్‌ను ప్రధాన వికెట్‌ కీపర్‌గా పరిగిణలోకి తీసుకుంటారని నాకు తెలుసు. అయితే రాహుల్‌ కూడా తన ఫిట్‌నెస్‌తో పోరాడతున్నాడు. కాబట్టి కిషన్‌ను బ్యాకప్‌ వికెట్‌ కీపర్‌గా పరిగణలోకి తీసుకోవాలి. అతడికి వికెట్‌ కీపింగ్‌తో పాటు ఓపెనింగ్‌, మిడిలార్డర్‌లో బ్యాటింగ్‌ చేసే సత్తా కూడా ఉంది. అతడికి జట్టులో రెగ్యూలర్‌గా అవకాశాలు ఇవ్వాలి. వరల్డ్‌కప్‌కు బ్యాకప్‌ ఓపెనర్‌గా అతడిని ఎంపిక చేయాలని" చెప్పుకొచ్చాడు. చదవండి: MLC 2023: జూనియర్‌ 'ఏబీడీ' సూపర్‌ ఇన్నింగ్స్‌.. ఫైనల్‌కు చేరిన ముంబై ఇండియన్స్‌ టీ​మ్‌

స్టిండీస్‌తో మూడు వన్డేల సిరీస్‌ను టీమిండియా విజయంతో ఆరంభించింది. బార్బోడస్‌ వేదికగా విండీస్‌తో జరిగిన తొలి వన్డేలో 5 వికెట్ల తేడాతో భారత్‌ గెలుపొందింది. ఈ మ్యాచ్‌లో విండీస్‌ తమ పేలవ ఆటతీరును కొనసాగించింది. టాస్‌ ఓడి తొలుత బ్యాటింగ్‌ చేసిన విండీస్‌ కేవలం 114 పరుగులకే కుప్పకూలింది. భారత స్పిన్నర్ల ధాటికి విండీస్‌ బ్యాటింగ్‌ లైనప్‌ పేకమేడలా కూలిపోయింది. కుల్దీప్‌ యాదవ్‌ నాలుగు వికెట్లు, జడేజా మూడు వికెట్లు సాధించి విండీస్‌ పతనాన్ని శాసించారు. విండీస్‌ ఇన్నింగ్స్‌లో కెప్టెన్‌ షాయ్‌ హోప్‌(43) మినహా మిగితా బ్యాటర్లంతా దారుణంగా విఫలమయ్యారు. అనంతరం 15 స్వల్ప లక్ష్యంతో బరిలోకి దిగిన భారత్‌ 22.5 ఓవర్లలో ఐదు వికెట్లు కోల్పోయి ఛేదించింది. అయితే ఈ మ్యాచ్‌లో టీమిండియా తమ బ్యాటింగ్‌ లైనప్‌లో ప్రయోగాలు చేసింది. ఓపెనర్‌గా రోహిత్‌ శర్మ బ్యాటింగ్‌ రాలేదు. అతడి స్ధానంలో కిషన్‌ భారత ఇన్నింగ్స్‌ను ప్రారంభించాడు. అదే విధంగా విరాట్‌ కోహ్లి కూడా ఫస్ట్‌డౌన్‌లో బ్యాటింగ్‌ రాలేదు. టీమిండియా బ్యాటర్లలో కిషన్‌(52) పరుగులతో టాప్‌ స్కోరర్‌గా నిలిచాడు. ఇక  ఏడో స్ధానంలో బ్యాటింగ్‌కు వచ్చిన హిట్‌మ్యాన్‌ 12 పరుగులు చేసి ఆజేయంగా నిలిచాడు. ఇక ఈ విజయంపై టీమిండియా కెప్టెన్‌ రోహిత్‌ శర్మ మ్యాచ్‌ అనంతరం స్పందించాడు. ఈ మ్యాచ్‌లో తమ బౌలర్లు అద్భుతంగా రాణించారని రోహిత్‌ కొనియాడాడు. " బార్బోడస్‌ పిచ్‌ అలా ప్రవర్తిస్తుందని అస్సలు ఊహించలేదు. ఈ పిచ్‌పై బ్యాటింగ్‌కు చాలా కష్టంగా ఉంది. ఇటువంటి వికెట్‌పై తొలుత బ్యాటింగ్‌ చేసిన జట్టు 250 పరుగులు చేస్తే చాలు డిఫెండ్‌ చేసుకోవచ్చు. ఈ పిచ్ పేసర్లు,స్పిన్నర్‌లకు అనుకూలంగా ఉంది. మా బౌలర్లు అద్భుతంగా బౌలింగ్‌ చేశారు. కేవలం 114 పరుగులకే ప్రత్యర్ధి జట్టును కట్టడి చేశారు. కుల్దీప్‌ అద్భుతంగా బౌలింగ్‌ చేశాడు. అతడితో పాటు ముఖేష్‌ కుమార్‌ కూడా మంచి పేస్‌తో బౌలింగ్‌ చేశాడు. ఇక బ్యాటింగ్‌ విషయానికి వస్తే.. మా ముందు తక్కువ లక్ష్యం ఉంది కాబట్టి బ్యాటింగ్‌ లైనప్‌లో ప్రయోగాలు చేశాం. వైట్‌బాల్‌ స్పెషలిస్టులకు అవకాశాలు ఇవ్వాలనుకున్నాం. అందుకే కిషన్‌ను ఓపెనర్‌గా ప్రమోట్‌ చేశాం. అదే విధంగా  సూర్యను కూడా ఫస్ట్‌డౌన్‌లో పంపాం. ఇక నేను నా డెబ్యూ మ్యాచ్‌లో ఏడో స్ధానంలో బ్యాటింగ్‌ వచ్చాను. అప్పటి రోజులు మళ్లీ గుర్తుకు వచ్చాయి. ఇషాన్‌ కూడా అద్బుతంగా బ్యాటింగ్‌ చేశాడు. అతడు నుంచి మేము అదే ఆశిస్తున్నామని" పోస్ట్‌ మ్యాచ్‌ ప్రేజేంటేషన్‌లో రోహిత్‌ శర్మ పేర్కొన్నాడు. చదవండి: IND vs WI: చరిత్ర సృష్టించిన రవీంద్ర జడేజా.. తొలి భారత ఆటగాడిగా!

వన్డే వరల్డ్‌కప్‌కు అర్హత సాధించలేకపోవడంలో ఆశ్చర్యమేమీ లేదని వెస్టిండీస్‌ నిరూపించింది. ‘అంచనాలకు తగినట్లుగా’ సాధారణ బ్యాటింగ్‌ ప్రదర్శన కూడా కనబర్చలేక టీమ్‌ కుప్పకూలింది. టి20 మ్యాచ్‌కు  మించి ఆడటం తమ వల్ల కాదన్నట్లుగా 23 ఓవర్లకే ఇన్నింగ్స్‌ ముగించింది. మొదటి మూడు వికెట్లు తీసి పేసర్లు శుభారంభం చేస్తే తర్వాతి 7 వికెట్లతో స్పిన్నర్లు కుల్దీప్, జడేజా పండుగ చేసుకున్నారు. అయితే టీమిండియాకు విజయం సులువుగా దక్కలేదు. లక్ష్యాన్ని ఛేదించే క్రమంలో ఐదు వికెట్లు కోల్పోయి చివరకు గెలుపు సొంతం చేసుకుంది. రోహిత్, కోహ్లి తమ స్థానాల్లో ఆడకుండా ఇతర బ్యాటర్లను ముందుగా పంపగా... అది ఆశించిన ఫలితం ఇవ్వలేదు.    బ్రిడ్జ్‌టౌన్‌: వెస్టిండీస్‌పై టెస్టు సిరీస్‌ను అలవోకగా గెలుచుకున్న భారత జట్టు వన్డేల్లోనూ తమ స్థాయిని ప్రదర్శించింది. గురువారం ఏకపక్షంగా సాగిన తొలి వన్డేలో భారత్‌ ఐదు వికెట్ల తేడాతో విండీస్‌పై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన విండీస్‌ 23 ఓవర్లలో 114 పరుగులకే ఆలౌటైంది. కెప్టెన్‌ షై హోప్‌ (45 బంతుల్లో 43; 4 ఫోర్లు, 1 సిక్స్‌) టాప్‌ స్కోరర్‌గా నిలిచాడు. ‘ప్లేయర్‌ ఆఫ్‌ ద మ్యాచ్‌’ కుల్దీప్‌ యాదవ్‌ 6 పరుగులే ఇచ్చి 4 వికెట్లు పడగొట్టగా, రవీంద్ర జడేజాకు 3 వికెట్లు దక్కాయి. అనంతరం భారత్‌ 22.5 ఓవర్లలో 5 వికెట్లకు 118 పరుగులు చేసింది. ఇషాన్‌ కిషన్‌ (46 బంతుల్లో 52; 7 ఫోర్లు, 1 సిక్స్‌) అర్ధ సెంచరీ సాధించాడు. ఇరు జట్ల మధ్య రెండో వన్డే శనివారం ఇదే మైదానంలో జరుగుతుంది.   టపటపా...  వన్డేల్లో తమ జట్టు బలహీనతను మరోసారి ప్రదర్శిస్తూ వెస్టిండీస్‌ కుప్పకూలింది. కెపె్టన్‌ హోప్‌ కొంత పోరాడగలిగినా... మిగతావారంతా ఏమాత్రం ప్రభావం చూపలేకపోయారు. హార్దిక్‌ తన రెండో ఓవర్లోనే కైల్‌ మేయర్స్‌ (2)ను అవుట్‌ చేసి భారత్‌కు సరైన ఆరంభం అందించాడు. హార్దిక్‌ ఓవర్లో వరుస బంతుల్లో సిక్స్, ఫోర్‌... శార్దుల్‌ ఓవర్లో రెండు ఫోర్లు కొట్టి అలిక్‌ అతనజ్‌ (18 బంతుల్లో 22; 3 ఫోర్లు, 1 సిక్స్‌) దూకుడు ప్రదర్శించే ప్రయత్నం చేసినా అది ఎక్కువ సేపు సాగలేదు. జడేజా చక్కటి క్యాచ్‌తో అతను వెనుదిరిగాడు. ముకేశ్‌కు ఇది తొలి వికెట్‌ కావడం విశేషం. మరో మూడో బంతులకే బ్రెండన్‌ కింగ్‌ (17)ను శార్దుల్‌ అవుట్‌ చేయడంతో స్కోరు 45/3కి చేరింది. ఈ దశలో హోప్‌ కొన్ని చక్కటి షాట్లతో కాస్త పట్టుదల కనబర్చాడు. అయితే మరో ఎండ్‌లో 8 పరుగుల వ్యవధిలో హెట్‌మైర్‌ (11), రావ్‌మన్‌ పావెల్‌ (4), షెఫర్డ్‌ (0) వెనుదిరగడంతో విండీస్‌ కోలుకోలేకపోయింది. తర్వాతి నాలుగు వికెట్లూ కుల్దీప్‌ ఖాతాలోకే వెళ్లాయి. తన తొలి, రెండో ఓవర్లో ఒక్కో వికెట్‌ తీసిన అతను మూడో ఓవర్లో మరో రెండు వికెట్లతో ప్రత్యర్థి ఇన్నింగ్స్‌కు ముగింపు పలికాడు. వెస్టిండీస్‌ తరఫున 1972–79 మధ్య 12 టెస్టులు ఆడి 29 వికెట్లు తీసిన లెఫ్టార్మ్‌ స్పిన్నర్‌ రఫీక్‌ జుమాదిన్‌ గురువారం మరణించడంతో సంతాప సూచకంగా విండీస్‌ ఆటగాళ్లు భుజానికి నల్ల  బ్యాండ్‌లు ధరించి బరిలోకి దిగారు.   తడబడినా...  ఛేదనలో భారత్‌ ఇన్నింగ్స్‌ అలవోకగా సాగలేదు. రోహిత్‌ శర్మ కాకుండా కిషన్, గిల్‌ (7) ఓపెనర్లుగా బరిలోకి దిగారు. గిల్‌ విఫలం కాగా, మూడో స్థానంలో సూర్యకుమార్‌ యాదవ్‌ (19) కూడా అవకాశాన్ని ఉపయోగించుకోలేకపోయాడు. ప్రమోట్‌ అయిన హార్దిక్‌ పాండ్యా (5) రనౌట్‌ కాగా, మరో ఎండ్‌లో ఇషాన్‌ మాత్రం నిలకడగా ఆడుతూ 44 బంతుల్లో అర్ధ సెంచరీ పూర్తి చేసుకున్నాడు. అయితే ఆ వెంటనే ఇషాన్‌తో పాటు శార్దుల్‌ (1) వెనుదిరగడంతో రోహిత్‌ (12 నాటౌట్‌) క్రీజ్‌లోకి రాక తప్పలేదు. ఆపై మరో వికెట్‌ పడకుండా జడేజా (16 నాటౌట్‌)తో రోహిత్‌ మ్యాచ్‌ను ముగించడంతో కోహ్లి బ్యాటింగ్‌కు రావాల్సిన అవసరం లేకపోయింది.  ముకేశ్‌@ 251  వెస్టిండీస్‌తో రెండో టెస్టుతో అంతర్జాతీయ క్రికెట్‌లోకి అడుగు పెట్టిన పేస్‌ బౌలర్‌ ముకేశ్‌ కుమార్‌కు ఇదే టూర్‌లో వన్డే అవకాశం కూడా దక్కింది. గురువారం మ్యాచ్‌తో అతను వన్డేల్లో అరంగేట్రం చేశాడు. భారత్‌ తరఫున వన్డేలు ఆడిన 251వ ఆటగాడిగా ముకేశ్‌ నిలిచాడు.    2విండీస్‌కు భారత్‌పై వన్డేల్లో ఇది రెండో అత్యల్ప స్కోరు. 2018లో 104 పరుగులకు ఆలౌటైంది. ఆలౌట్‌ అయిన సందర్భాల్లో ఎదుర్కొన్న బంతులపరంగా కూడా విండీస్‌కు ఇది రెండో చెత్త ప్రదర్శన. 2011లో బంగ్లాదేశ్‌తో మ్యాచ్‌లో 22 ఓవర్లకే ఆ జట్టు కుప్పకూలింది.   స్కోరు వివరాలు  వెస్టిండీస్‌ ఇన్నింగ్స్‌: కింగ్‌ (బి) శార్దుల్‌ 17; మేయర్స్‌ (సి) రోహిత్‌ (బి) హార్దిక్‌ 2; అతనజ్‌ (సి) జడేజా (బి) ముకేశ్‌ 22; హోప్‌ (ఎల్బీ) (బి) కుల్దీప్‌ 43; హెట్‌మైర్‌ (బి) జడేజా 11; పావెల్‌ (సి) గిల్‌ (బి) జడేజా 4; షెఫర్డ్‌ (సి) కోహ్లి (బి) జడేజా 0; డ్రేక్స్‌ (ఎల్బీ) (బి) కుల్దీప్‌ 3; కారియా (ఎల్బీ) (బి) కుల్దీప్‌ 3; మోతీ (నాటౌట్‌) 0; సీల్స్‌ (సి) హార్దిక్‌ (బి) కుల్దీప్‌ 0; ఎక్స్‌ట్రాలు 9; మొత్తం (23 ఓవర్లలో ఆలౌట్‌) 114. వికెట్ల పతనం: 1–7, 2–45, 3–45, 4–88, 5–96, 6–96, 7–99, 8–107, 9–114, 10–114. బౌలింగ్‌: హార్దిక్‌ పాండ్యా 3–0–17–1, ముకేశ్‌ 5–1–22–1, శార్దుల్‌ 3–1–14–1, జడేజా 6–0–37–3, ఉమ్రాన్‌ 3–0–17–0, కుల్దీప్‌  యాదవ్‌ 3–2–6–4.  భారత్‌ ఇన్నింగ్స్‌: ఇషాన్‌ కిషన్‌ (సి) పావెల్‌ (బి) మోతీ 52; గిల్‌ (సి) కింగ్‌ (బి) సీల్స్‌ 7; సూర్యకుమార్‌ (ఎల్బీ) (బి) మోతీ 19; హార్దిక్‌ (రనౌట్‌) 5; జడేజా (నాటౌట్‌) 16; శార్దుల్‌ (సి) అతనజ్‌ (బి) కారియా 1; రోహిత్‌ (నాటౌట్‌) 12; ఎక్స్‌ట్రాలు 6; మొత్తం (22.5 ఓవర్లలో 5 వికెట్లకు) 118. వికెట్ల పతనం: 1–18, 2–54, 3–70, 4–94, 5–97. బౌలింగ్‌: డ్రేక్స్‌ 4–0– 19–0, సీల్స్‌ 4–0–21–1, మేయర్స్‌ 1–0– 6–0, షెఫర్డ్‌ 1–0–2–0, మోతీ 6.5–0– 26–2, కారియా 5–0–35–1, అతనజ్‌ 1–0–7–0.   

బార్బోడస్‌ వేదికగా గురువారం వెస్టిండీస్‌తో జరగనున్న తొలి వన్డేలో తలపడేందుకు టీమిండియా సిద్దమైంది. ఈ మ్యాచ్‌లో ఇవాళ సాయంత్రం 7:00 గంటలకు ప్రారంభం కానుంది. టెస్టు సిరీస్‌లో విండీస్‌ను చిత్తు చేసిన టీమిండియా.. అదే జోరును వన్డేల్లో కొనసాగించాలని భావిస్తోంది. మరోవైపు హెట్‌మైర్‌, థామస్‌ వంటి సీనియర్ల రాకతో కలకలాడుతున్న విండీస్‌.. టెస్టు సిరీస్ ఓటమికు బదులు తీర్చుకోవాలని భావిస్తోంది. ఈ క్రమంలో విండీస్‌తో తొలి వన్డేకు టీమిండియా ప్లేయింగ్‌ ఎలెవన్‌ను భారత మాజీ క్రికెటర్‌ ఆకాష్‌ చోప్రా ఎంచుకున్నాడు. తన ఎంచుకున్న జట్టులో వికెట్‌ కీపర్‌గా సంజూ శాంసన్‌కు అవకాశం ఇచ్చాడు. "నా వరకు అయితే టీమిండియా ఇన్నింగ్స్‌ను శుభ్‌మన్ గిల్, రోహిత్‌ శర్మలు ప్రారంభిస్తారు. అందులో ఎటువంటి సందేహం లేదు. కానీ కొంతమంది కిషన్‌ను ఓపెనర్‌గా పంపాలని భావిస్తున్నారు. కానీ అలా  జరగదు. ఎందుకంటే అతడికి పూర్తిగా జట్టులోనే చోటు దక్కదు. ఇక మూడో స్ధానంలో విరాట్‌ కోహ్లి ఎలాగూ ఉంటాడు. వరుసగా నాలుగు, ఐదు స్ధానాల్లో సూర్యకుమార్‌ యాదవ్‌, సంజూ శాంసన్‌ బ్యాటింగ్‌ రావాలి. అదే విధంగా ఆల్‌రౌండర్లగా హార్దిక్‌ పాండ్యా, రవీంద్ర జడేజా, అక్షర్‌ పటేల్‌ జట్టులో ఉండాలి. అక్షర్‌ పటేల్‌ ప్రస్తుతం అద్భుతమైన ఫామ్‌లో ఉన్నాడు. అతడికి కచ్చితంగా ఛాన్స్‌ ఇవ్వాలి. జడ్డూ, అక్షర్‌కు తోడుగా కుల్దీప్‌ను మరోస్పిన్నర్‌గా జట్టులోకి తీసుకోవాలి. ఈ మ్యాచ్‌కు శార్ధూల్‌ ఠాకూర్‌ అవసరం లేదు. ఎందుకంటే హార్దిక్‌ పాండ్యా రూపంలో ఫాస్ట్‌బౌలింగ్‌ ఆల్‌రౌండర్‌ జట్టులో ఉంటాడు. మరోవైపు సిరాజ్‌ అందుబాటులో లేడు కాబట్టి జయదేవ్‌ ఉనద్కట్‌ను ఆడించాలి. మరోవైపు స్పీడ్‌ గన్‌ ఉమ్రాన్‌ మాలిక్‌కు జట్టులో చోటువ్వాలి. కచ్చితంగా అతడు ఎక్స్‌ ఫ్యాక్టర్‌ అవుతాడని" ఆకాష్‌ చోప్రా తన యూట్యూబ్‌ ఛానల్‌లో పేర్కొన్నాడు. చదవండి: IND vs WI: వెస్టిండీస్‌తో తొలి వన్డే.. టీమిండియా క్రికెటర్‌ రీఎంట్రీ! 9 ఏళ్ల తర్వాత తొలి మ్యాచ్‌