Kamareddy District Latest News

● రేపటి నుంచి 70వ తెలంగాణ రాష్ట్రస్థాయి హాకీ పోటీలు ● టీఎస్‌ఎన్‌ఆర్‌ బాలుర పాఠశాలలో నిర్వహణబీబీపేట: రాష్ట్రస్థాయి హాకీ పోటీలకు బీబీపేట టీఎస్‌ఎన్‌ఆర్‌ బాలుర ఉన్నత పాఠశాల సిద్ధమవుతోంది. 70వ తెలంగాణ రాష్ట్రస్థాయి పాఠశాలల క్రీడల హాకీ టోర్నమెంట్‌ (అండర్‌–14 బాలికల విభాగం)ను జిల్లా స్కూల్‌ గేమ్స్‌ ఫెడరేషన్‌ ఆధ్వర్యంలో నిర్వహించనున్నారు. 13 నుంచి 15వ తేదీ వరకు మూడు రోజులపాటు కొనసాగనున్న ఈ పోటీలకు రాష్ట్రంలోని ఉమ్మడి పది జిల్లాల క్రీడాకారులు తరలిరానున్నారు. ఈ నేపథ్యంలో ఎస్‌జీఎఫ్‌ ఏర్పాట్లు పూర్తి చేసింది. 200 మంది క్రీడాకారులు.. రాష్ట్రస్థాయి హాకీ పోటీల్లో రాష్ట్రంలోని ఒక్కో ఉమ్మడి జిల్లా నుంచి 18 మంది క్రీడాకారులు పాల్గొననున్నారు. టోర్నీ సందర్భంగా 15 మంది పీఈటీలు, 18 మంది నిర్వాహకులు, అదనంగా ప్రతి జిల్లా నుంచి ముగ్గురిని నియమించారు. ఇప్పటికే నిజామాబాద్‌ జిల్లా క్రీడాకారులు బీబీపేటకు చేరుకొని ప్రాక్టీసు మొదలుపెట్టారు. స్టేట్‌ అబ్జర్వర్‌గా నిరంజన్‌గౌడ్‌ను నియమించారు. హాకీ టోర్నీ నేపథ్యంలో భోజనం, వసతి, లైటింగ్‌, గ్రౌండ్‌ తదితర సౌకర్యాలను పాఠశాల నిర్మాణదాత తిమ్మయ్యగారి సుభాష్‌రెడ్డి కల్పిస్తున్నట్లు హెచ్‌ఎం మూల రవీంద్రారెడ్డి తెలిపారు.టోర్నీ నిర్వహణకు ఏర్పాట్లు పూర్తిచేశాం. విద్యార్థినుల్లో క్రీడా స్ఫూర్తిని, ఆరోగ్యకరమైన పోటీ తత్వాన్ని పెంపొందించడం, గ్రామీణ ప్రాంత ప్రతిభను వెలికితీయడమే ఈ పోటీల ముఖ్య ఉద్దేశం. తల్లిదండ్రులు, క్రీడాభిమానులు పెద్ద సంఖ్యలో హాజరై ఈ క్రీడా సంబురాన్ని విజయవంతం చేయాలి. – శ్రీధర్‌, జిల్లా కార్యదర్శి, స్కూల్‌ గేమ్స్‌ ఫెడరేషన్‌, కామారెడ్డి

కామారెడ్డి టౌన్‌ : రాష్ట్రంలో భూముల రీసర్వే ప్రక్రియను రైతులకు మేలు జరిగేలా అత్యంత పకడ్బందీగా, పారదర్శకంగా నిర్వహించాలని రాష్ట్ర రెవెన్యూ, గృహనిర్మాణ, సమాచార పౌర సంబంధాల శాఖ మంత్రి పొంగులేటి శ్రీనివాస్‌ రెడ్డి అధికారులను ఆదేశించారు. బుధవారం హైదరాబాద్‌ నుంచి రెవెన్యూ శాఖ కార్యదర్శి లోకేశ్‌ కుమార్‌తో కలిసి కలెక్టర్లతో మంత్రి వీడియో కాన్ఫరెన్స్‌ నిర్వహించారు. కామారెడ్డి కలెక్టరేట్‌ సమావేశపు హాల్‌ నుంచి అదనపు కలెక్టర్లు వి.విక్టర్‌, ఎన్‌.వై. గిరి, జిల్లా అధికారులు వీసీలో హాజరయ్యారు. ఈ సందర్భంగా మంత్రి మాట్లాడుతూ ప్రతి జిల్లాలో తొలి విడతలో ఎంపిక చేసిన 70 గ్రామాలతోపాటు నక్షా లేని గ్రామాల్లో రీసర్వేను నవంబర్‌ నెలాఖరులోగా పూర్తి చేయాలన్నారు. రాబోయే ఏడాదిన్నరలో మూడు విడతల్లో రాష్ట్రవ్యాప్తంగా రీసర్వే పూర్తి చేయడమే లక్ష్యమని తెలిపారు. రీసర్వే సమయంలో సంబంధిత రైతులకు ముందుగానే నోటీసులు ఇచ్చి, వారి సమక్షంలోనే సర్వే చేయాలని మంత్రి ఆదేశించారు. సర్వే పూర్తయిన గ్రామాల్లో దండోరా వేయించి వివరాలు వెల్లడించాలని, వచ్చిన అభ్యంతరాలను ఎప్పటికప్పుడు పరిష్కరించాలని సూచించారు. రీసర్వేలో అవకతవకలకు పాల్పడిన అధికారులపై సస్పెన్షన్‌తోపాటు క్రిమినల్‌ కేసులు నమోదు చేస్తామని హెచ్చరించారు. వీసీలో ఆర్డీవోలు రవీందర్‌, ప్రభాకర్‌, తహసీల్దార్లు, రెవెన్యూ అధికారులు పాల్గొన్నారు. ఈ నెలాఖరులోగా తొలి విడత పూర్తి కావాలి రైతుల సమక్షంలోనే సర్వే.. అభ్యంతరాల స్వీకరణ తప్పు చేస్తే సస్పెన్షన్‌, క్రిమినల్‌ కేసులు వీసీలో మంత్రి పొంగులేటి శ్రీనివాస్‌రెడ్డి

● ఇద్దరు దుర్మరణం మోపాల్‌: మండలంలోని కంజర్‌ శివారులో బుధవారం సాయంత్రం రోడ్డు ప్రమాదం జరిగింది. ప్రమాదంలో ఇద్దరు అక్కడికక్కడే మృతి చెందారు. గ్రామస్తులు, పోలీసులు తెలిపిన వివరాల ప్రకారం.. నగరంలోని కోటగల్లికి చెందిన అల్లెపు మనోజ్‌ (48), కోలం రాజు (36) బైక్‌పై కంజర్‌కు వ్యక్తిగత పని నిమిత్తం వచ్చారు. పని ముగించుకొని తిరిగి వెళ్తుండగా గ్రామ శివారులో గడ్డి తీసుకొని ఎదురుగా వస్తున్న ట్రాక్టర్‌ను వేగంగా వచ్చి ఢీకొట్టారు. ప్రమాదంలో ఇద్దరూ అక్కడికక్కడే మృతి చెందారు. ఘటనా స్థలాన్ని ఎస్సై సుస్మిత పరిశీలించి పంచనామా నిర్వహించారు. మనోజ్‌ మెడికల్‌ రిప్రజెంటివ్‌గా, రాజు డ్రైవర్‌ గా పని చేస్తున్నారు. మనోజ్‌కు భార్య, ముగ్గురు కుమార్తెలు, రాజుకు భార్య, నెల రోజుల బాబు ఉన్నాడు. కేసు నమోదు చేసి దర్యాప్తు చేస్తున్నట్లు ఎస్సై సుస్మిత తెలిపారు.

కామారెడ్డి టౌన్‌: మండలంలోని టేకిర్యాల్‌ గ్రామ సమీపంలోని జాతీయ రహదారిపై అక్రమంగా తరలిస్తున్న రేషన్‌ బియ్యాన్ని ఎన్‌ఫోర్స్‌మెంట్‌ అధికారులు, దేవునిపల్లి పోలీసులు పట్టుకున్నారు. ఎన్‌ఫోర్స్‌మెంట్‌ డిప్యూటీ తహసీల్దార్‌ కిష్టయ్య తెలిపిన వివరాల ప్రకారం.. రేషన్‌ బియ్యాన్ని ఓ వాహనంలో అక్రమంగా తరలిస్తున్నట్లు సమాచారం అందడంతో దాడి చేసి పట్టుకున్నట్లు తెలిపారు. వాహనంలో ఉన్న 30 క్వింటాళ్ల రేషన్‌ బియ్యాన్ని స్వాధీనం చేసుకొని అక్రమ రవాణాకు పాల్పడిన మహారాష్ట్రలోని నాందేడ్‌కు అషద్‌ ఖాన్‌పై కేసు నమోదు చేసినట్లు తెలిపారు. టేకిర్యాల్‌ శివారులో.. కామారెడ్డి టౌన్‌: మండలంలోని టేకిర్యాల్‌ శివారులో అక్రమంగా తరలిస్తున్న రేషన్‌ బియ్యాన్ని ఎన్‌ఫోర్స్‌మెంట్‌ డిప్యూటీ ఎర్రం కిష్టయ్య బుధవారం పట్టుకున్నారు. ఆటోలో రేషన్‌ బియ్యం తరలిస్తున్నారన్న సమాచారంతో అధికారులు తనిఖీలు దాడి చేసి పట్టుకున్నారు. వాహనంలో ఉన్న సుమారు 6 క్వింటాళ్ల రేషన్‌ బియ్యాన్ని స్వాధీనం చేసుకొని అక్రమ రవాణాకు పాల్పడుతున్న సదాశివనగర్‌కు చెందిన నర్మల నర్సయ్యపై కేసు నమోదు చేసినట్లు తెలిపారు. నవీపేటలో ..నవీపేట: మండల కేంద్రంలో బుధవారం అక్రమంగా తరలిస్తున్న 38 క్వింటాళ్ల రేషన్‌ బియ్యాన్ని పట్టుకున్నట్లు ఎన్‌ఫోర్స్‌మెంట్‌ డీటీ పవన్‌ కుమార్‌ తెలిపారు. నవీపేట నుంచి ధర్మాబాద్‌ వైపు బొలేరో వాహనంలో బియ్యాన్ని అక్రమంగా తరలిస్తున్నారని సమాచారం రావడంతో బాసర క్రాసింగ్‌ దగ్గర వాహనాన్ని పట్టుకున్నామన్నారు. 38 క్వింటాళ్ల బియ్యంతో పాటు వాహనాన్ని స్వాధీనం చేసుకున్నారు.

● ధ్వంసమైన ఎస్‌బీఐ ఏటీఎం ● అలారం మోగడంతో సీసీ కెమెరాతో ఉడాయించిన దుండగుడు ● జిల్లా కేంద్రంలో ఘటనకామారెడ్డి టౌన్‌: జిల్లా కేంద్రంలోని ఎస్‌బీఐ ఏటీఎంలో చోరీ యత్నం కలకలం రేపింది. నగదు దోచుకెళ్లేందుకు వచ్చి యంత్రాన్ని ధ్వంసం చేసిన దుండగుడు.. అలారం మోగడంతో ఏమీ దొరక్క చివరకు సీసీ కెమెరాను ఎత్తుకెళ్లాడు. జేపీఎన్‌ రోడ్డులో ఉన్న ఎస్‌బీఐ ఏటీఎంలో బుధవారం తెల్లవారుజామున సుమారు 1:06 గంటల ప్రాంతంలో ఈ ఘటన చోటుచేసుకుంది. పోలీసుల వివరాల ప్రకారం.. గుర్తుతెలియని ఓ దుండగుడు ఇనుప రాడ్డుతో ఏటీఎంలోకి చొరబడి నగదు ఉండే యంత్రం తలుపును బలవంతంగా పగులగొట్టి, లోపలి భాగాలను ధ్వంసం చేశాడు. అదే సమయంలో ఏటీఎంకు అనుసంధానమై ఉన్న ఈ–సర్వైలెన్స్‌ వ్యవస్థ ద్వారా అనుమానాస్పద కదలికలను గుర్తించిన సంబంధిత భద్రతా సిబ్బంది వెంటనే అలారం మోగించారు. పెద్ద శబ్దంతో సైరన్‌ మోగడంతో భయపడిన నిందితుడు..సాక్ష్యాలు దొరక్కుండా ఉండేందుకు సుమారు రూ. 4 వేల విలువైన సీసీటీవీ కెమెరాను తీసుకొని అక్కడి నుంచి పరారయ్యాడు. సంస్థ ఫీల్డ్‌ ఆపరేషన్స్‌ ఎగ్జిక్యూటివ్‌ ప్రగడ శ్రీనివాస్‌ ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు. సమీప ప్రాంతాల్లోని సీసీటీవీ ఫుటేజీలను పరిశీలిస్తూ నిందితుడి ఆచూకీ కోసం గాలింపు ముమ్మరం చేస్తున్నట్లు సీఐ నరహరి తెలిపారు. గత 20 రోజుల క్రితమే గాంధారి మండల కేంద్రంలోని ఎస్‌బీఐ ఏటీఎంలో భారీ చోరీ ఘటన మరువకముందే జిల్లా కేంద్రంలో ఏటీఎం చోరీకి యత్నించడం కలకలం రేపుతుంది. దుండగులు ఏస్‌బీఐ ఏటీఎంలనే లక్ష్యంగా చేసుకొని చోరీలకు పాల్పడటం గమనార్హం.

● జాయింట్‌ ట్రాన్స్‌పోర్ట్‌ కమిషనర్‌ చంద్రశేఖర్‌గౌడ్‌ నిజామాబాద్‌ అర్బన్‌: పెండింగ్‌ దరఖాస్తులను సత్వరమే పరిష్కరించాలని ఆదాయ వసూళ్ల ప్రత్యే క ఎన్ఫోర్స్‌మెంట్‌ డ్రైవ్‌పై జాయింట్‌ ట్రాన్స్‌పోర్ట్‌ కమిషనర్‌ చంద్రశేఖర్‌గౌడ్‌ అన్నారు. జిల్లా రవా ణాశాఖ కార్యాలయంలో బుధవారం నిజామాబా ద్‌, కామారెడ్డి జిల్లాల సమీక్షాసమావేశం నిర్వహించారు. ఈ సందర్భంగా చంద్రశేఖర్‌గౌడ్‌ కౌంటర్‌ లు, క్లర్క్‌లవారీగా నిర్వహిస్తున్న లావాదేవీలను పరిశీలించారు. డ్రైవింగ్‌ లైసెన్స్‌, వాహనాల ఫిట్‌నె స్‌, రిజిస్ట్రేషన్‌ రెన్యువల్‌ విభాగాల పనితీరును సమీక్షించారు. వాహన్‌ సారథి పోర్టల్‌లో పెండింగ్‌లో ఉన్న దరఖాస్తులను సమీక్షించి వాటిని నిర్దేశిత గడువులోగా పరిష్కరించాలన్నారు. ప్రభుత్వ ఆదాయ లక్ష్య సాధనకు కృషి చేయాలని సూచించారు. అనధికార వ్యక్తులు కార్యాలయంలో ఉండకుండా చూడాలన్నారు. అనంతరం కార్యాలయ ప్రాంగణంలో అధికారులు, సిబ్బందితో కలిసి మొక్కలు నాటారు. జిల్లా ఉప రవాణా కమిషనర్‌ దుర్గాప్రమీల, జిల్లా రవాణా శాఖ అధికారి రమేశ్‌రాథోడ్‌, టి సంతోష్‌ కుమార్‌, కామారెడ్డి ఆర్టీవో ప్రహ్లాద్‌ అశ్వంత్‌ కుమార్‌, రాహుల్‌, ప్రదీప్‌, రోహిత్‌ తదితరులు పాల్గొన్నారు.

కామారెడ్డి టౌన్‌ : జాతీయస్థాయి పోటీల్లోనూ అత్యుత్తమ ప్రదర్శన కనబరిచి జిల్లాకు, పోలీస్‌ శాఖకు మంచి పేరు తీసుకురావాలని ఎస్పీ రాజేశ్‌ చంద్ర అన్నారు. సదాశివనగర్‌ పోలీస్‌ స్టేషన్‌లో హోంగార్డుగా విధులు నిర్వహిస్తున్న పెరమ్‌ స్వామి కుమార్తె పెరమ్‌ అక్షిత 70వ రాష్ట్రస్థాయి ఎస్‌జీఎఫ్‌ఐ షూటింగ్‌ చాంపియన్‌షిప్‌లో కాంస్య పతకం సాధించి, 10 మీటర్ల ఎయిర్‌ పిస్టల్‌ విభాగంలో ప్రతిభ కనబరిచి జాతీయస్థాయి పోటీలకు అర్హత సాధించింది. ఈ సందర్భంగా బుధవారం జిల్లా పోలీస్‌ కార్యాలయంలో అక్షితతో పాటు ఆమె తండ్రి స్వామిని ఎస్పీ ప్రత్యేకంగా అభినందించి శుభాకాంక్షలు తెలిపారు.కార్యక్రమంలో అదనపు ఎస్పీ కె. నరసింహారెడ్డి, స్పెషల్‌ బ్రాంచ్‌ ఇన్‌స్పెక్టర్‌ సంపత్‌ కుమార్‌, పోలీస్‌ సిబ్బంది పాల్గొన్నారు. రాష్ట్రస్థాయి హాకీ పోటీలకు ఎంపిక కామారెడ్డి రూరల్‌: కామారెడ్డి మండలం గర్గుల్‌ జెడ్పీహెచ్‌ఎస్‌ ఉన్నత పాఠశాలలో ఎస్‌జీఎఫ్‌ క్రీడా పోటీలను ఈ నెల 9న ఉమ్మడి నిజామాబాద్‌ జిల్లా అండర్‌–14 విభాగంలో బాలికల హాకీ ఎంపిక పోటీలు నిర్వహించారు. ఇందులో జెడ్పీహెచ్‌ఎస్‌ గర్గుల్‌ పాఠశాలకు చెందిన శరణ్య, వర్షిత, సోనాక్షి ముగ్గురు క్రీడాకారులు ఎంపికయ్యారు. వీరిని పాఠశాలలో ప్రధానోపాధ్యాయుడు, ఎంఈవో వై. ఎల్లయ్య, గ్రామ సర్పంచ్‌ దివ్య రవితేజ గౌడ్‌, ఉప సర్పంచ్‌ ప్రవీణ్‌, వార్డు సభ్యులు, గ్రామ పెద్దలు సీనియర్‌ హాకీ క్రీడాకారులు పాఠశాల ఫిజికల్‌ డైరెక్టర్‌ నోముల మధుసూదన్‌ రెడ్డి, ఉపాధ్యాయులు క్రీడాకారులను అభినందించారు.

కామారెడ్డి టౌన్‌ : సీపీఎస్‌ రద్దు చేసి పాత పెన్షన్‌ విధానాన్ని పునరుద్ధరించాలని డిమాండ్‌ చేస్తూ రాష్ట్ర కమిటీ పిలుపు మేరకు ఈనెల 17న ఉద్యోగులు, ఉపాధ్యాయులు సామూహిక సెలవులు పెట్టి పోరాట బాట పట్టాలని టీఎస్‌సీపీఎస్‌ఈయూ జిల్లా అధ్యక్షుడు కుంట ఎల్లారెడ్డి, ప్రధాన కార్యదర్శి మోహన్‌ భావే పిలుపునిచ్చారు. బుధవారం కలెక్టరేట్‌లోని పలు ప్రభుత్వ కార్యాలయాల్లో ఉద్యోగులను కలిసి 17న చేపట్టనున్న కలెక్టరేట్‌ ధర్నా చౌక్‌ ధర్మదీక్షను విజయవంతం చేయాలని కోరారు. ఈ సందర్భంగా వారు మాట్లాడుతూ.. 2023 నవంబర్‌ 17న విడుదల చేసిన ఎన్నికల మేనిఫెస్టోలో కాంగ్రెస్‌ పార్టీ అధికారంలోకి రాగానే సీపీఎస్‌ రద్దు చేస్తామని స్పష్టమైన హామీ ఇచ్చిందని గుర్తుచేశారు. ప్రభుత్వం కొలువుదీరి మూడేళ్లు గడుస్తున్నా ఆ హామీని నెరవేర్చకపోవడం దారుణమన్నారు. కార్యక్రమంలో యూనియన్‌ రాష్ట్ర కార్యదర్శి చల్ల సునీల్‌, నాయకులు సృజన్‌, మక్బూల్‌, రమేష్‌, ఉద్యోగులు తదితరులు పాల్గొన్నారు. కామారెడ్డి టౌన్‌ : డిమాండ్లను పరిశీలించాలని కోరుతూ ఎన్‌హెచ్‌ఎం కాంట్రాక్ట్‌, ఔట్‌సోర్సింగ్‌ ఉద్యోగులు చేపట్టిన సమ్మె కొనసాగుతోంది. బుధవారం 30వ రోజు జిల్లా కేంద్రంలోని ధర్నా చౌక్‌ సమ్మె శిబిరంలో ఉద్యోగులు అడుగుల చిత్రాలు వేసి వినూత్న రీతిలో నిరసన తెలిపారు. ఈ సందర్భంగా ఉద్యోగ సంఘాల నాయకులు మాట్లాడారు. సమ్మెలో వైద్యులు, ఉద్యోగులు, నాయకులు వేణుమాధవ్‌, రా హుల్‌, మారుతి, హరీష్‌, వెంకటరమ ణ, పద్మజ, అశ్విని, రాజు, కళ్యాణ్‌, అంకుశ్‌, గీత, రవితేజ, అఖిల్‌, హిమబిందు, అరుణ, జయశ్రీ, నిర్మల, రాశి, శిరీష తదితరులున్నారు. కామారెడ్డి టౌన్‌ : వానకాలం సీజన్‌కు సంబంధించి జిల్లాలో 418 కొనుగోలు కేంద్రాలను ఏర్పాటు చేశామని అదనపు కలెక్టర్‌ విక్టర్‌, పౌర సరఫరాల శాఖ అధికారులు బుధవారం ఒక ప్రకటనలో తెలిపారు. గ్రేడ్‌–ఎ రకం క్వింటాల్‌కు రూ. 2,461, సాధారణ రకానికి రూ. 2,441 మద్దతు ధరతోపాటు అర్హులైన రైతులకు సన్నరకాల బోనస్‌ నేరుగా ఖాతాల్లో జమ చేస్తామని పేర్కొన్నారు. రైతులను ఇబ్బందులకు గురిచేసే వ్యాపారులు, మిల్లర్లపై ఎసెన్షియల్‌ కమోడిటీస్‌ యాక్ట్‌ కింద చర్యలు తప్పవని హెచ్చరించారు. మరోవైపు బహిరంగ మార్కెట్‌లో బియ్యం గరిష్ట విక్రయ ధరలను ప్రభుత్వం ఖరారు చేసిందన్నారు. కిలో సన్నబియ్యం గరిష్ట ధర రూ. 66, ఆర్‌ఎన్‌ఆర్‌/తెలంగాణ సోన రూ.74, హెచ్‌ఎంటీ/జేఎస్సార్‌ ధర రూ. 79 గా నిర్ణయించినట్లు పేర్కొన్నారు. ఎక్కువ ధరకు విక్రయిస్తే లైసెన్సులు రద్దు చేయడంతోపాటు కేసులు నమోదు చేస్తామని హెచ్చరించారు. ఇప్పటికే తక్కువ తూకం వేస్తున్న నలుగురు వ్యాపారులపై కేసులు నమోదు చేసినట్లు వెల్లడించారు. కొనుగోలు కేంద్రాలు, బియ్యం అధిక ధరలపై టోల్‌ ఫ్రీ నంబర్‌ 08468–220051కు సమాచారం అందించాలని సూచించారు.

● విద్యుత్‌ ట్రిప్‌ అయితే క్షణాల్లో సమాచారం ● సబ్‌స్టేషన్‌లలో ఆర్‌టీఎఫ్‌ఎంఎస్‌ ఏర్పాటునిజాంసాగర్‌(జుక్కల్‌): విద్యుత్‌ సరఫరాలో అంతరాయాలకు కారణాలను గుర్తించేందుకు సాంకేతిక పరిజ్ఞానం అందుబాటులోకి వచ్చింది. విద్యుత్‌ సబ్‌స్టేషన్‌లలో రియల్‌ టైం ఫీడర్‌ మానిటరింగ్‌ సిస్టం (ఆర్‌టీఎఫ్‌ఎంఎస్‌) ఏర్పాటు చేస్తున్నారు. ఈ విధానంతో సబ్‌స్టేషన్‌తోపాటు ఆయా ఫీడర్లలో బ్రేక్‌డౌన్‌, ట్రిప్‌, ఎల్‌సీ వివరాలు నమోదు కానున్నాయి. 69 సబ్‌స్టేషన్‌లలో ఏర్పాటు జిల్లాలో 1.19 లక్షల వ్యవసాయ, 2.8 లక్షల గృహ విద్యుత్‌ కనెక్షన్లతోపాటు పరిశ్రమల కనెక్షన్లు ఉన్నాయి. మొత్తం 139 విద్యుత్‌ సబ్‌స్టేషన్లు ఉండగా మహమ్మద్‌ నగర్‌, చిట్యాల, బోర్లం గ్రామాల్లో కొత్తగా మూడు సబ్‌స్టేషన్లను నిర్మిస్తున్నారు. ఈ మూడు సబ్‌ స్టేషన్లతోపాటు 66 పాత సబ్‌స్టేషన్‌లలో ఆర్‌టీఎఫ్‌ఎంఎస్‌ ఏర్పాటు చేశారు. అయితే సబ్‌స్టేషన్‌లలో ఉన్న ఫీడర్ల వారీగా సింగిల్‌ఫేజ్‌, త్రీఫేజ్‌ కరెంట్‌ సరఫరాల్లో అంతరాయం కారణంగా రైతులు, గృహ విద్యుత్‌ వినియోగదారులు తీవ్ర ఇబ్బందులు ఎదుర్కొంటున్నారు. వ్యవసాయ రంగానికి సంబంధించి గుట్టలు, వాగులు, వంకల మీదుగా కరెంట్‌ సరఫరా చేస్తున్నారు. వానకాలంతోపాటు ఆకాల వర్షాలు, బలమైన ఈదురుగాలులకు చెట్లు విరిగిపడటం, స్తంభాలు నేలకొరగటం కారణంగా కరెంట్‌ సరఫరాకు అంతరాయం ఏర్పడుతుంది. అంతేకాకుండా కరెంట్‌ సమస్య గుర్తింపునకు ట్రాన్స్‌కో సిబ్బంది నానా తంటాలు పడుతున్నారు. అయితే కొత్తగా ఏర్పాటు చేస్తున్న ఆర్‌టీఎఫ్‌ఎంఎస్‌ సిస్టం ద్వారా కరెంట్‌ సమస్యను సబ్‌స్టేషన్‌లోనే గుర్తించవచ్చు. సబ్‌స్టేషన్లల్లో సాంకేతిక పరిజ్ఞానం అమలులోకి తేవడంతో ట్రాన్స్‌కో ఉద్యోగులు, సిబ్బంది హర్షం వ్యక్తం చేస్తున్నారు. కరెంట్‌ సమస్యను సకాలంలో గుర్తించడంతోపాటు త్వరగా పరిష్కరించే వీలు కలుగనున్నది.మహమ్మద్‌ నగర్‌ సబ్‌స్టేషన్‌కరెంట్‌ సరఫరాల్లో అంతరాయాన్ని క్షణాల్లో గుర్తించడానికి సబ్‌స్టేషన్లల్లో ఆర్‌టీఎఫ్‌ఎంఎస్‌ సిస్టం ఏర్పాటు చేస్తు న్నాం. 69 సబ్‌స్టేషన్లలో సాంకేతిక పరిజ్ఞానాన్ని అందుబాటులోకి తెచ్చాం. సబ్‌స్టేషన్‌లో కరెంట్‌ అంతరాయానికి ప్లాన్డ్‌, అన్‌ప్లాన్డ్‌ సమస్యను గుర్తిస్తుంది. – సాలియానాయక్‌, ట్రాన్స్‌కో ఎస్‌ఈ

నాగిరెడ్డిపేట: గుర్తు తెలియని వాహనం ఢీకొన్న ఘటనలో ఒకరు మృతి చెందిన ఘటన నాగిరెడ్డిపేట మండలం తాడూర్‌గేట్‌ సమీపంలో చోటు చేసుకుంది. పోలీసులు, స్థానికులు తెలిపిన వివరాల ప్రకారం.. మండలంలోని ధర్మారెడ్డి గ్రామానికి చెందిన దాసరి వెంకట్‌(44)కు ఇటీవల ఇందిరమ్మ ఇల్లు మంజూరైంది. మంగళవారం రాత్రి ఇంటి నిర్మాణ పనులు ముగించుకొని బైక్‌పై మెదక్‌కు వెళ్తుండగా తాడూర్‌ గేట్‌ సమీపంలో గుర్తు తెలియని వాహనం ఢీకొన్నది. ప్రమాదంలో తీవ్రంగా గాయపడ్డ అతను స్థానిక ఆస్పత్రిలో చికిత్స పొందుతూ మృతి చెందాడు. మృతుడి భార్య ఫిర్యాదు మేరకు కేసు నమోదు చేసినట్లు పోలీసులు తెలిపారు. రామారెడ్డి: కన్నాపూర్‌ తండా శివారులోని కన్నయ్య చెరువులో ఓ వ్యక్తి పడి మృతి చెందాడు. పోలీసులు తెలిపిన వివరాల ప్రకారం.. కామారెడ్డి పట్టణంలోని రాజీవ్‌నగర్‌ కాలనీకి చెందిన షేక్‌ లాల (45)అనే వ్యక్తి ఈ నెల 9న కన్నాపూర్‌ తండా సమీపంలో ఉన్న తన వ్యవసాయ పొలానికి వెళ్లాడు. రాత్రి అయినా ఇంటికి తిరిగి రాకపోవడంతో కుటుంబీకులు పరిసర ప్రాంతాల్లో వెతికారు. పొలం సమీపంలో ఉన్న కన్నయ్య చెరువు గట్టుపై షేక్‌ లాల బట్టలు, బైక్‌ కపినించాయి. దీంతో చెరువులో గాలించగా మృతదేహం లభ్యమైంది. మృతుడి భార్య ఫిర్యాదు మేరకు కేసు నమోదు చేసినట్లు ఎస్సై మురళి తెలిపారు. కామారెడ్డి టౌన్‌: జిల్లా కేంద్రంలోని జాతీయ రహదారిపై బుధవారం రాత్రి ఓ కారులో షార్ట్‌సర్క్యూట్‌తో మంటలు చెలరేగి పూర్తిగా దగ్ధమైంది. స్థానికులు తెలిపిన వివరాల ప్రకారం.. దోమకొండ మండలం లింగుపల్లి గ్రామానికి చెందిన ఓ వ్యక్తి తన కారుకు జిల్లా కేంద్రంలో మరమ్మతులు చేయించుకుని స్వగ్రామానికి బయలుదేరాడు. జాతీయ రహదారిపై వెళ్తుండగా ఒక్కసారిగా ఇంజిన్‌ నుంచి పొగలు వచ్చి మంటలు చెలరేగాయి. గమనించిన కారు యజమాని వెంటనే వాహనాన్ని పక్కకు ఆపి బయటకు దూకడంతో ప్రాణాపాయం తప్పింది. అనంతరం ఆయన అగ్నిమాపక శాఖకు సమాచారం అందించగా సిబ్బంది ఘటనా స్థలానికి చేరుకుని మంటలను అదుపు చేశారు. అప్పటికే కారు పూర్తిగా కాలి దగ్ధమైంది. ప్రమాదంలో ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు.

● జాతీయ ఆరోగ్య కార్యక్రమాల లక్ష్యాలను అధిగమించాలి ● వైద్యాధికారుల సమీక్షలో డీఎంహెచ్‌వో జె. వెంకట్‌ కామారెడ్డి టౌన్‌ : జిల్లాలో, గ్రామీణ ప్రాంతాల్లో ప్రజలకు మెరుగైన వైద్య సేవలు అందించడమే లక్ష్యంగా జాతీయ ఆరోగ్య కార్యక్రమాలను క్షేత్రస్థాయిలో పకడ్బందీగా అమలు చేయాలని జిల్లా వైద్య, ఆరోగ్య శాఖాధికారి (డీఎంహెచ్‌వో) జె. వెంకట్‌ ఆదేశించారు. బుధవారం కలెక్టరేట్‌లోని జిల్లా కార్యాలయంలో పీహెచ్‌సీల వైద్యాధికారులు, పర్యవేక్షక సిబ్బందితో ఆయన సమీక్ష సమావేశం నిర్వహించారు. ఈ సందర్భంగా డీఎంహెచ్‌వో మాట్లాడుతూ.. గర్భిణుల ముందస్తు నమోదు నుంచి ప్రసవానంతర సంరక్షణ వరకు వైద్య సిబ్బంది బాధ్యతగా వ్యవహరించాలన్నారు. ముఖ్యంగా హైరిస్క్‌ గర్భిణులను ప్రాథమిక దశలోనే గుర్తించి, ప్రత్యేక లిస్టు ద్వారా నిరంతరం పర్యవేక్షించాలని ఆదేశించారు. అత్యవసర పరిస్థితుల్లో సురక్షిత ప్రసవం కోసం ముందస్తుగానే జనన సన్నద్ధత ప్రణాళిక రూపొందించుకోవాలని సూచించారు. మాత,శిశువుల మరణాలను అరికట్టేందుకు ప్రతి ఒక్కరూ అంకితభావంతో పనిచేయాలని ఆదేశించారు. ఏదైనా మాతృ మరణం సంభవిస్తే తక్షణమే ఎండీఎస్‌ఆర్‌ మార్గదర్శకాల ప్రకారం కారణాలను విశ్లేషించి, భవిష్యత్తులో అలాంటి ఘటనలు పునరావృతం కాకుండా దిద్దుబాటు చర్యలు తీసుకోవాలన్నారు. అలాగే సార్వత్రిక టీకాల కార్యక్రమంలో భాగంగా పిల్లలందరికీ సమయానికి వ్యాక్సినేషన్‌ పూర్తి చేయాలని, డ్రాపౌట్లను గుర్తించి మాప్‌–అప్‌ డ్రైవ్‌ చేపట్టాలని ఆదేశించారు. టీబీ, కుష్టు వ్యాధిగ్రస్తులను గుర్తించి చికిత్స అందించడంతో పాటు డెంగ్యూ, మలేరియా వంటి సీజనల్‌ వ్యాధులపై నిరంతరం అప్రమత్తంగా ఉండాలన్నారు. 30 ఏళ్లు దాటిన ప్రతి ఒక్కరికీ బీపీ, షుగర్‌, క్యాన్సర్‌ వంటి అసంక్రమిత వ్యాధుల స్క్రీనింగ్‌ నిర్వహించి పోర్టల్‌లో నమోదు చేయాలన్నారు. విధుల్లో నిర్లక్ష్యం వహిస్తే చర్యలు తప్పవని హెచ్చరించారు. ఈ సమీక్షా సమావేశంలో పీహెచ్‌సీల వైద్యాధికారులు, పర్యవేక్షకులు, వైద్య సిబ్బంది పాల్గొన్నారు.

బాన్సువాడ: బీర్కూర్‌ మండలం కల్లు దుకాణ యజమానిపై కేసు నమోదు చేసినట్లు ఈగల్‌ ఫోర్స్‌ అధికారి పూర్ణేశ్వర్‌ తెలిపారు. నిజామాబాద్‌ ఈగల్‌, బీర్కూర్‌ పోలీసుల ఆధ్వర్యంలో కల్లు దుకాణంలో దాడి చేయగా కల్తీ కల్లు విక్రయిస్తున్నట్లు తేలడంతో దుకాణ యజమాని పండరిగౌడ్‌పై కేసు నమోదు చేసి, కల్లు సీసాలను సీజ్‌ చేసినట్లు పేర్కొన్నారు. ఈ కేసులో మరో ఇద్దరితో సంబంధం ఉన్నట్లు తేలిందని, త్వరలో వారిని కూడా పట్టుకుంటామని అన్నారు. పెద్దకొడప్‌గల్‌: మండలంలోని కాటేపల్లి తండాలో పేకాట స్థావరంపై పోలీసులు దాడి చేశారు. పేకాడుతున్న ఏడుగురిని పట్టుకొని వారి నుంచి రూ.25 వేల నగదు, ఐదు ఫోన్లను స్వాధీనం చేసుకున్నట్లు ఎస్సై అరుణ్‌ కుమార్‌ తెలిపారు. అన్నాసాగర్‌లో.. ఎల్లారెడ్డిరూరల్‌: ఎల్లారెడ్డి మండలం అన్నాసాగర్‌ పేకాట స్థావరంపై పోలీసులు దాడి చేశారు. పేకాడుతున్న 8 మందిని పట్టుకొని వారి నుంచి రూ. 24 వేల నగదు, 6 ఫోన్లు, నాలుగు బైకులను స్వాధీనం చేసుకున్నట్లు ఎస్సై రాజు తెలిపారు. భిక్కనూరు: సీసీ కెమెరాలతో నేరాలను నియంత్రించవచ్చని ఎస్సై అనిల్‌ అన్నారు. బుధవారం భిక్కనూరు మండలం భాగిర్తిపల్లి గ్రామంలో ఏర్పాటు చేసిన పది సీసీ కెమెరాలను ప్రారంభించారు. సీసీ కెమెరాల ఏర్పాటు సహకరించిన ప్రజలకు అభినందనలు తెలిపారు.

● అదనపు కలెక్టర్లు విక్టర్‌, ఎన్‌వై గిరి మాచారెడ్డి: భూ రీ సర్వే కార్యక్రమాన్ని వేగవంతంగా, పారదర్శకంగా పూర్తి చేయాలని జిల్లా అదనపు కలెక్టర్లు విక్టర్‌, ఎన్‌ వై గిరి అధికారులను ఆదేశించారు. పాల్వంచ మండలం పోతారంలో బుధవారం గ్రామ సరిహద్దుల గుర్తింపుతో రీ సర్వే ప్రక్రియను వారు ప్రారంభించారు. ఈ సందర్భంగా అదనపు కలెక్టర్లు మాట్లాడుతూ ఎలాంటి పొరపాట్లకు తావులేకుండా రీసర్వే నిర్వహించాలని సూచించారు. రైతులు తమ భూములకు సంబంధించిన పట్టాదారు పాసు పుస్తకాలు, ఇతర అవసరమైన భూ పత్రాలతో సర్వేకు హాజరై అధికారులకు సహకరించాలని సూచించారు. రైతులందరూ సహకరిస్తే రీసర్వే ప్రక్రియ త్వరితగతిన పూర్తి చేయవచ్చని తెలిపారు. కార్యక్రమంలో పాల్వంచ తహసీల్దార్‌ జనార్దన్‌, జీపీవో సంజీవులు, పోతారం, భవానీపేట గ్రామాల సర్పంచులు, ఉప సర్పంచులు, రైతులు ఉన్నారు.

కామారెడ్డి టౌన్‌/కామారెడ్డి అర్బన్‌ : ప్రతి ఒక్కరూ దేశంలోని చట్టాలపై అవగాహన కలిగి ఉండాలని జిల్లా న్యాయ సేవాధికార సంస్థ (డీఎల్‌ఎస్‌ఏ) కార్యదర్శి, జిల్లా న్యాయమూర్తి టి. నాగరాణి తెలిపారు. న్యాయ సేవా దినోత్సవాన్ని పురస్కరించుకుని బుధవారం జిల్లా కేంద్రంలోని తెలంగాణ మైనారిటీ రెసిడెన్షియల్‌ బాలికల పాఠశాల, జూనియర్‌ కళాశాలలో విద్యార్థినులకు న్యాయ అవగాహన సదస్సు నిర్వహించారు. ఈ కార్యక్రమానికి ముఖ్య అతిథిగా హాజరైన ఆమె మాట్లాడుతూ.. బాలల హక్కుల పరిరక్షణ, మహిళా, బాల్య వివాహాల నిషేధం, పోక్సో–2012 చట్టాలపై అవగాహన కల్పించారు. అసిస్టెంట్‌ లేబర్‌ ఆఫీసర్‌ రాజు, కళాశాల ప్రిన్సిపాల్‌ ప్రణీత, డీఎల్‌ఎస్‌ఏ జూనియర్‌ అసిస్టెంట్‌ సమి ఉల్లా ఖాన్‌, ఉన్నారు.

సదాశివనగర్‌(ఎల్లారెడ్డి): రైతులు వరి ధాన్యం కొనుగోలు కేంద్రాలను వినియోగించుకోవాలని జిల్లా సహకార అధికారి రామ్మోహన్‌ సూచించారు. బుధవారం మండల కేంద్రంతో పాటు తిర్మన్‌పల్లిలోని కొనుగోలు కేంద్రాలను పరిశీలించారు. ఈ సందర్భంగా ఆయన మాట్లాడుతూ కేంద్రాల వద్ద రైతుల కోసం అన్ని వసతులు కల్పించామన్నారు. ఏడు రకాల వరి ధాన్యానికి క్వింటాలుకు రూ. 500 చొప్పున బోనస్‌ అందించనున్నట్లు తెలిపారు. కార్యక్రమంలో విండో చైర్మన్‌ గాదారి శ్రీనివాస్‌రెడ్డి, విండో సీఈవో విఘ్నేశ్‌ గౌడ్‌, క్లస్టర్‌ అధికారి నగేశ్‌, విండో డైరెక్టర్లు పాల్గొన్నారు. ● ఆవిష్కరించిన కేటీఆర్‌, గంప కామారెడ్డి రూరల్‌: కామారెడ్డి మండలం క్యాసంపల్లి గ్రామానికి చెందిన ప్రముఖ జానపద గాయకుడు సంగి రఘు తెలంగాణ తొలి సీఎం, బీఆర్‌ఎస్‌ అధినేత కేసీఆర్‌పై రూపొందించిన జానపద గీతాన్ని బుధవారం నర్సన్నపల్లి బైపాస్‌ వద్ద ఆ పార్టీ వర్కింగ్‌ ప్రెసిడెంట్‌ కేటీఆర్‌, మాజీ ఎమ్మెల్యే గంప గోవర్ధన్‌, జిల్లా అధ్యక్షుడు ఎం.కె. ముజీబుద్దీన్‌ ఆవిష్కరించారు. ఈ సందర్భంగా రఘును ప్రత్యేకంగా అభినందించారు. కార్యక్రమంలో క్యాసంపల్లి సర్పంచ్‌ అడప శ్యామ్‌, బీఆర్‌ఎస్‌ మండల ప్రధాన కార్యదర్శి గూడెం బాలరాజ్‌, పట్టణ యువజన విభాగం అధ్యక్షుడు చెలిమెల భానుప్రసాద్‌ తదితరులు పాల్గొన్నారు. కామారెడ్డి టౌన్‌: భారతదేశ తొలి విద్యాశాఖ మంత్రి, స్వాతంత్య్ర సమరయోధుడు మౌలానా అబుల్‌ కలాం ఆజాద్‌ దేశానికి చేసిన సేవలు చిరస్మరణీయమని రెవెన్యూ అదనపు కలెక్టర్‌ వి. విక్టర్‌ పేర్కొన్నారు. కలెక్టరేట్‌లో జిల్లా మైనారిటీ సంక్షేమ శాఖ ఆధ్వర్యంలో ఆజాద్‌ 138వ జయంతి సందర్భంగా బుధవారం జాతీయ మైనారిటీ దినోత్సవ వేడుకలను నిర్వహించారు. కార్యక్రమానికి ముఖ్య అతిథిగా హాజరైన అదనపు కలెక్టర్‌ విక్టర్‌.. ఆజాద్‌ చిత్రపటానికి పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ.. స్వతంత్ర భారత తొలి విద్యాశాఖ మంత్రిగా విద్యా వ్యవస్థ విస్తరణకు, సమాన విద్యావకాశాల కల్పనకు ఆయన బలమైన పునాదులు వేశారని కొనియాడారు. కార్యక్రమంలో స్థానిక సంస్థల అదనపు కలెక్టర్‌ ఎన్‌.వై. గిరి, జిల్లా మైనారిటీ సంక్షేమ శాఖ అధికారి డాక్టర్‌ శశి కుమార్‌, టీజీవో కార్యదర్శి సాయిరెడ్డి, ఉర్దూ అధికారి అర్షద్‌ అలీ, జూనియర్‌ అసిస్టెంట్లు సాయిలు, సత్యం, డీఈవోలు ఇర్ఫాన్‌, ఇక్రమ్‌ తదితరులు పాల్గొన్నారు. కామారెడ్డి టౌన్‌ : కార్తీక మాసాన్ని పురస్కరించుకుని భక్తుల కోసం ప్రముఖ పుణ్యక్షేత్రాల దర్శనానికి కామారెడ్డి ఆర్టీసీ డిపో నుంచి ప్రత్యేక సూపర్‌ లగ్జరీ బస్సును నడుపుతున్నట్లు డిపో మేనేజర్‌ దినేష్‌ కుమార్‌ బుధవారం ఒక ప్రకటనలో తెలిపారు. ఈ ప్రత్యేక బస్సు ద్వారా భక్తులు కాణిపాకం, శ్రీపురం స్వర్ణ దేవాలయం, జోగులాంబ, కంచి కామాక్షి, అరుణాచలం క్షేత్రాలను దర్శించుకోవచ్చని పేర్కొన్నారు. ఈ బస్సు 22న డిపో నుంచి బయలుదేరి, వివిధ క్షేత్రాల దర్శనం అనంతరం 26న తిరిగి కామారెడ్డికి చేరుకుంటుందని వివరించారు. టికెట్‌ ధర పెద్దలకు రూ. 5 వేలు, పిల్లలకు రూ. 4 వేలుగా నిర్ణయించామన్నారు. కనీసం 30 మంది ప్రయాణికులు గ్రూప్‌గా ఉంటే, వారు కోరిన ప్రాంతానికే బస్సును పంపించే ప్రత్యేక సదుపాయం కూడా కల్పిస్తున్నామన్నారు. భక్తులు ఈ అవకాశాన్ని సద్వినియోగం చేసుకోవాలని కోరారు. సీట్ల రిజర్వేషన్‌, ఇతర వివరాలకోసం 99592 26018, 73828 51280 ఫోన్‌ నంబర్లలో సంప్రదించాలని సూచించారు.

● ఇంకుడు గుంతలు, వ్యవసాయ కుంటల నిర్మాణాలపై దృష్టి సారించాలి ● అదనపు కలెక్టర్‌ ఎన్‌.వై. గిరికామారెడ్డి టౌన్‌: వీబీ జీ రామ్‌జీ పథకంలో భాగంగా చేపడుతున్న అన్ని పనులను నిర్దేశిత లక్ష్యాల మేరకు నిర్ణీత గడువులోగా పూర్తి చేయాలని స్థానిక సంస్థల అదనపు కలెక్టర్‌ ఎన్‌.వై. గిరి అధికారులను ఆదేశించారు. బుధవారం రాష్ట్ర గ్రామీణాభివృద్ధి శాఖ కమిషనర్‌ దివ్య దేవరాజన్‌ అన్ని జిల్లాల అదనపు కలెక్టర్లతో ఉపాధి పనుల పురోగతిపై వీడియో కాన్ఫరెన్స్‌ నిర్వహించారు. కలెక్టరేట్‌ సమావేశ మందిరం నుంచి హాజరైన అదనపు కలెక్టర్‌, అనంతరం జిల్లా అధికారులతో ప్రత్యేక సమీక్ష నిర్వహించారు. ఈ సందర్భంగా ఆయన మాట్లాడుతూ గ్రామాల్లో ఇంటింటికీ ఇంకుడు గుంతల నిర్మాణం, బోరుబావుల రీఛార్జ్‌ నిర్మాణాలు, వ్యవసాయ కుంటల తవ్వకం పనులను వేగవంతం చేయాలని సూచించారు. ఇంకుడు గుంతల నిర్మాణానికి తగినన్ని నిధులు ఉన్నాయని, పనులు పూర్తయిన 15 రోజుల్లోపే బిల్లులు మంజూరవుతాయని తెలిపారు. పనుల్లో అలసత్వం వహిస్తే ఉపేక్షించేది లేదని హెచ్చరించారు. సమావేశంలో డీఆర్డీవో దామోదర్‌రెడ్డి, జెడ్పీ సీఈవో చందర్‌, డీపీవో మురళి, ఎంపీడీవోలు, పంచాయతీ శాఖ అధికారులు పాల్గొన్నారు.

ఎల్లారెడ్డి : ఎల్లారెడ్డికి చెందిన తోట సాయిప్రసాద్‌ కేంద్ర ప్రభుత్వం ఇటీవల ప్రకటించిన ఉత్కృష్ట సేవా పథకానికి ఎంపికై నట్లు స్థానికులు మంగళవారం తెలిపారు. తెలంగాణ పోలీస్‌ శాఖకు చెందిన ఇంటిలిజెన్‌న్స్‌ హెడ్‌ కానిస్టేబుల్‌ తోట సాయి ప్రసాద్‌ 2000 పోలీస్‌ బ్యాచ్‌కు చెందిన వారన్నారు. గత 25 సంవత్సరాలుగా పోలీస్‌ శాఖలో మచ్చలేని సేవలందిస్తున్నారని, పోలీసు శాఖలో ఆయన చూపిన అంకితభావం, అత్యుత్తమ సేవలకు గుర్తింపుగా కేంద్ర ప్రభుత్వం గౌరవ పథకాన్ని ప్రకటించిందన్నారు. ఈసందర్భంగా సాయిప్రసాద్‌కు కుటుంబ సభ్యులతో పాటు, స్థానికులు అభినందనలు తెలిపారు.

భిక్కనూరు: అనారోగ్యంతో బాధపడే వారు తమ జీవన శైలిలో మార్పులు చేసుకుని యో,గా ప్రాణయామం చేసుకుంటే సంపూర్ణ ఆరోగ్యవంతులుగా ఉండవచ్చని సౌత్‌క్యాంపస్‌ ఎన్‌ఎస్‌ఎస్‌ ప్రోగ్రాం అధికారి నారాయణగుప్తా అన్నారు. సౌత్‌క్యాంపస్‌లో మంగళవారం క్యాన్సర్‌ అవగాహన సదస్సు నిర్వహించారు. ఈసందర్భంగా ఆయన మాట్లాడుతూ.. క్యాన్సర్‌ ప్రాథమిక లక్షణాలను ముందుగానే గుర్తించడం, సకాలంలో వైద్యపరీక్షలు చేయించుకోవడం ముఖ్యమన్నారు. ఇన్‌చార్జి ప్రిన్సిపాల్‌ హరిత లక్కరాజు, అధ్యాపకులు మెహన్‌బాబు, విద్యార్థులు పాల్గొన్నారు.

బాన్సువాడ రూరల్‌: ఉపాధిహామీ (వీబీజీ–రామ్‌జీ) పథకంలో భాగంగా ప్రతి ఇంటికి ఒక ఇంకుడు గుంత నిర్మించాలని బాన్సువాడ మండల ప్రత్యేకాధికారి మల్లికార్జున్‌ అన్నారు. మండలంలోని కొయ్యగుట్టతండా పంచాయతీ పరిధిలో మంగళవారం ఆయన సర్పంచ్‌ గూగ్లోత్‌ శ్రీనివాస్‌, కార్యదర్శి రాహేలాబేగంతో కలిసి ఇంకుడుగుంత పనులు ప్రారంభించారు. ఇబ్రాహీంపేట్‌ తండా, బోర్లంక్యాంపు తండాల్లోనూ ఆయా గ్రామాల సర్పంచ్‌లు స్వరూప వసంత్‌, నర్సవ్వల ఆధ్వర్యంలో ఇంకుడుగంత పనులు ప్రారంభించారు. పనులను ఎంపీడీవో ఆనంద్‌, ఎంపీవో మహబూబ్‌ పరిశీలించారు. కార్యదర్శులు సాయికుమార్‌, క్షేత్రసహాయకుడు ఆంజనేయులు తదితరులు పాల్గొన్నారు. పెద్దకొడప్‌గల్‌(జుక్కల్‌): భూగర్భ జలాలు అడుగంటిపోకుండా ఇంకుడు గుంతల నిర్మాణం ఎంతో అవసరమని ఎంపీవో లక్ష్మికాంత్‌రెడ్డి అన్నారు.మండలంలోని అంజని గ్రామంలో మంగళవారం నూతనంగా నిర్మించిన ఇంకుడు గుంతను ఎంపీవో క్షేత్రస్థాయిలో పరిశీలించారు. వర్షపు నీటిని, వృథా నీటిని ఒడిసిపట్టడం ద్వారా భవిష్యత్‌లో తాగు, సాగు నీటి ఎద్దడిని అరికట్టవచ్చని ఆయన తెలిపారు. ఎంపీవో సుదర్శన్‌, సర్పంచ్‌ సాయగౌడ్‌ తదితరులు పాల్గొన్నారు.

బాన్సువాడ రూరల్‌: మండలంలోని బోర్లంక్యాంపులో ఇందిరమ్మ ఇంటి నిర్మాణానికి మంగళవారం ఎంపీడీవో ఆనంద్‌ భూమిపూజ చేశారు. ప్రభుత్వం అందిస్తున్న ఆర్థికసాయంతో పేదలు తమ సొంతింటి కలను సాకారం చేసుకోవాలన్నారు. సర్పంచ్‌ నర్సవ్వ, ఉప సర్పంచ్‌ దుర్గాప్రసాద్‌, ఎంపీవో మ హిబూబ్‌, పంచాయతీ కార్యదర్శి రాహేలాబేగం, నాయకులు శ్రీనివాస్‌రెడ్డి, సంజీవ్‌రెడ్డి, హరికృష్ణ, సంజీవులు, వెంకటేశం, అంజనేయులు ఉన్నారు. ఇందిరమ్మ ఇళ్ల మంజూరు పత్రాల అందజేత దోమకొండ: మండల కేంద్రంలోని వివిధ కాలనీల్లో 44 మంది ఇందిరమ్మ ఇళ్ల లబ్ధిదారులకు మంగళవారం మంజూరు పత్రాలను ఎంపీడీవో మధురిమ అందజేశారు. రెండవ విడతలో భాగంగా పలువురికి ఇళ్లు మంజూరు కాగా వారికి ధ్రువపత్రాలు, మరికొందరికి నిర్మాణానికి ముగ్గులు పోశారు. సర్పంచ్‌ ఐరేని నర్సయ్య, మాజీ జెడ్పీటీసీ తీగల తిరుమలగౌడ్‌, హౌసింగ్‌ ఏఈ లహరి, కార్యదర్శి యాదగిరి, సీతారాం, మధు, స్వామి పాల్గొన్నారు.

● మృతుడు బిహార్‌వాసి ● కాలూర్‌ శివారులో ఘటన నిజామాబాద్‌ రూరల్‌: రూరల్‌ పోలీస్‌ స్టేషన్‌ పరిధిలోని కాలూర్‌ శివారులో ఓ యువకుడు దారుణ హత్యకు గురయ్యాడు. ఎస్‌హెచ్‌వో శ్రీధర్‌ రెడ్డి తెలిపిన వివరాల ప్రకారం.. బిహార్‌ రాష్ట్రం హర్యానా జిల్లా సల్గోడికచా గ్రామానికి చెందిన క్రిష్‌ కుమార్‌(19) స్థానిక క్లాసిక్‌ పేపర్‌ మిల్లులో లేబర్‌గా పనిచేస్తున్నాడు. మిల్లుకు సమీపంలోనే నివసిస్తున్నాడు. సోమవారం రాత్రి గుర్తు తెలియని వ్యక్తులు క్రిష్‌కుమార్‌ను తీసుకెళ్లి బీరు సీసాతో కడుపు, మెడ, ఛాతి భాగాల్లో పొడిచి హత్య చేసినట్లు ఎస్‌హెచ్‌వో తెలిపారు. మృతుడి తండ్రి సికిందర్‌ సదా ఫిర్యాదు మేరకు కేసు దర్యాప్తు చేస్తున్నట్లు పేర్కొన్నారు. ఆవు మృతి కలకలం లింగంపేట (ఎల్లారెడ్డి ): మండల కేంద్రంలోని ఎల్లమ్మ ఆలయం సమీపంలో ఆవు మృతి కలకలం రేపింది. ఎస్సై దీపక్‌ కుమార్‌ తెలిపిన వివరాల ప్రకారం.. నల్లమడుగు తండాకు చెందిన ధనవత్‌ రమేశ్‌ ఆవును మొక్కు కారణంగా ఊరిలో వదిలేశారు. ఆవు సోమవారం పంట పొలాల్లో వడ్లు తిని ఊపిరి ఆడక మృతి మరణించింది. ఈ విషయం తెలుసుకున్న యజమాని లింగంపేటకు చేరుకొని తన ఆవును గుర్తు తెలియని వ్యక్తులు కొట్టి చంపారని పోలీసులకు ఫిర్యాదు చేశాడు. దీంతో ఎస్సై, వెటర్నరీ వైద్యురాలు జోన హన్నాస్‌ ఘటన స్థలానికి చేరుకొని పంచనామా నిర్వహించారు. ఆవు కడుపులో వడ్లు ఉండటంతో ఎవరు ఆవుపై దాడి చేయలేదని నిర్ధారించారు. మొక్కజొన్న కుప్ప దగ్ధం పెద్దకొడప్‌గల్‌(జుక్కల్‌): మండలంలోని విఠల్‌వాడి తండా శివారులో మొక్కజొన్న కుప్ప దగ్ధమైంది. బాధిత రైతు జాదవ్‌ రాందేవ్‌ తెలిపిన వివరాలు ఇలా ఉన్నాయి. తండా శివారులో 7 ఎకరాల్లో సాగు చేసిన మొక్కజొన్నను కోసి ఒకే దగ్గర కుప్పగా పోశారు. గుర్తు తెలియని వ్యక్తులు నిప్పంటించడంతో సుమారు 250 క్వింటాళ్ల మొక్కజొన్న దగ్ధమైనట్లు ఆవేదన వ్యక్తం చేశారు. అధికారులు విచారణ చేపట్టి బాధ్యులపై చర్యలు తీసుకోవాలని కోరారు.

కామారెడ్డి రూరల్‌/కామారెడ్డి అర్బన్‌/మాచారెడ్డి: జిల్లాలో కార్తీక మాసం పూజలు ప్రారంభయ్యాయి. ఇందులోభాగంగా మంగళవారం పలు ఆలయాల్లో ఆకాశ దీపోత్సవాన్ని భక్తిశ్రద్ధలతో నిర్వహించారు. జిల్లాకేంద్రంలోని త్రిశక్తి ఆలయం, లలితాత్రిపురసుందరి, శ్రీశారదా మాత, సంకష్టహర గణపతి ఆలయం, దేవునిపల్లి శ్రీరమా సత్యనారాయణ, ఇల్చిపూర్‌ శ్రీసరస్వతి, భూకన్‌పల్లి అభయాంజనేయస్వామి, శనేశ్వర, విశ్వనాథేశ్వర, రాజరాజేశ్వర ఆలయాల్లో భక్తులు ఆకాశ దీపాలను వెలిగించారు. అలాగే మాచారెడ్డి మండలం చుక్కాపూర్‌ లక్ష్మీనరసింహస్వామి ఆలయంలో ధ్వజస్తంభం వద్ద ఆకాశదీపోత్సవాన్ని ఘనంగా నిర్వహించారు.ఆధ్యాత్మికం

● ఇళ్లల్లో సోలార్‌ విద్యుత్‌కు పెరుగుతున్న ఆదరణ ● కేంద్ర ప్రభుత్వం సబ్సిడీ ఇవ్వడంతో ఆసక్తిచూపుతున్న జనం ఎల్లారెడ్డిరూరల్‌/బాన్సువాడ రూరల్‌: మారుతున్న ప్రజల జీవనశైలి, పెరుగుతున్న విద్యుత్‌ ఉపకరణాల వినియోగంతో సామాన్య, మధ్యతరగతి కుటుంబాలకు విద్యుత్‌ బిల్లులు భారమవుతున్నాయి. ఈ పరిస్థితుల్లో విద్యుత్‌ ఖర్చులను తగ్గించుకునేందుకు సౌర విద్యుత్‌ ఓ ప్రత్యామ్నాయ మార్గంగా నిలుస్తోంది. ఇంటి పైకప్పుపైనే సోలార్‌ ప్లాంట్‌ ఏర్పాటు చేసుకుని విద్యుత్‌ను ఉత్పత్తి చేసుకోవడంతోపాటు, కేంద్రప్రభుత్వం అందిస్తున్న రాయితీలను పొందే అవకాశాన్ని ‘పీఎం సూర్య ఘర్‌ ముఫ్త్‌ బిజ్లీ’ యోజన కల్పిస్తోంది. అర్హులైన గృహ వినియోగదారులు ఈ పథకాన్ని సద్వినియోగం చేసుకుంటే విద్యుత్‌ బిల్లుల భారాన్ని గణనీయంగా తగ్గించుకోవచ్చు. ప్రభుత్వం సబ్సిడీ సైతం ఇవ్వడంతో జిల్లాలో చాలా మంది ఏర్పాటు చేసుకునేందుకు ముందుకు వస్తున్నారు. జిల్లాలో 856 మంది.. పీఎం సూర్య ఘర్‌ ముఫ్త్‌ బిజ్లీ యోజన కింద జిల్లాలో ఇంత వరకు 856 మంది సోలార్‌ పవర్‌ ప్లాంటును ఏర్పాటు చేసుకున్నారు. మరో పది మంది సోలార్‌ పవర్‌ను ఏర్పాటు చేసుకునేందుకు దరఖాస్తులు చేసుకున్నారు. అందులో బాన్సువాడ డివిజన్‌లో 182 మంది లబ్ధిదారులు సోలార్‌ యూనిట్లు బిగించుకుని, విజయవంతంగా వినియోగిస్తున్నారు. కిలో వాట్‌ సోలార్‌ ప్లాంటుకు కేంద్ర ప్రభుత్వం రూ.30 వేల సబ్సిడీ ఇస్తుండగా, 2కేవీకి రూ.60 వేలలు, 3కేవీ మించిన వాటికి రూ.78 వేలు సబ్సిడీని అందిస్తోంది. కరెంట్‌ బిల్లుల మోతతోపాటు, పవర్‌ ప్రాబ్లం కారణంగా చాలా మంది ఈ పథకం పట్ల ఆకర్షితులవుతున్నారు. ఇంటి భవనాలపై అనువుగా వీటిని అమర్చి సోలార్‌ పవర్‌ను ఉత్పత్తి చేసుకుని మిగిలిని విద్యుత్‌ను ప్రభుత్వ రంగ సంస్థకు విక్రయిస్తున్నారు. దీంతో లబ్ధిదారులు కరెంటు బిల్లు పోను మిగితా యూనిట్ల డబ్బులు వారి ఖాతాలలో జమ అవుతున్నాయి. ఆన్‌లైన్‌లోనే దరఖాస్తు.. అర్హులైన గృహ వినియోగదారులు కేంద్ర ప్రభుత్వ అధికారిక వెబ్‌సైట్‌ ద్వారా దరఖాస్తు చేసుకోవాలి. వెబ్‌సైట్‌లో రిజిస్ట్రేషన్‌, ఆమోదిత విక్రేత ఎంపిక, సోలార్‌ ప్లాంట్‌ ఏర్పాటు, తనిఖీ, నెట్‌ మీటరింగ్‌ తదితర ప్రక్రియలను పథకం మార్గదర్శకాల ప్రకారం పూర్తి చేస్తారు. సోలార్‌ ప్లాంట్‌ ఏర్పాటు చేసుకునే ముందు ఇంటి విద్యుత్‌ వినియోగం, అవసరమైన ప్లాంట్‌ సామర్థ్యం, పైకప్పుపై అందుబాటులో ఉన్న స్థలం, మొత్తం వ్యయం, సబ్సిడీ అర్హతలను పరిశీలించుకోవాల్సిన అవసరం ఉంది.

పిట్లం(జుక్కల్‌): ఎల్‌ నినో పరిస్థితులను దృష్టిలో ఉంచుకుని రైతులు తక్కువ నీటితో సాగయ్యే ప్రత్యామ్నాయ పంటలు సాగు చేయాలని ఏఈవో కావేరి సూచించారు. మండలంలోని బండపల్లి గ్రామంలో మంగళవారం రైతులకు ఆమె అవగాహన సదస్సు నిర్వహించారు. ఈసందర్బంగా కావేరి మాట్లాడుతూ.. ఒక ఎకరా వరి సాగుకు వినియోగించే నీటితో రెండు నుంచి మూడు ఎకరాల ఆరుతడి పంటలు పండించవచ్చన్నారు. రసాయన ఎరువుల వినియోగం తగ్గించి ప్రకృతి వ్యవసాయం చేపట్టాలని, నీటిని పొదుపుగా వాడుకోవాలని అవగాహన కల్పించారు. సర్పంచ్‌ శ్రీకాంత్‌, పంచాయతీ కార్యదర్శి, రైతులు పాల్గొన్నారు. నాగిరెడ్డిపేట(ఎల్లారెడ్డి): ఎల్‌నినో పరిస్థితుల కారణంగా యాసంగి సీజన్‌లో రైతులు ఆరుతడి పంటలుగాని, కూరగాయ సాగు కాని చేపట్టాలని ఏఈవోలు ప్రశాంత్‌, రజిత సూచించారు. మండలంలోని గోలిలింగాల వడ్లమార్కెట్‌లో మంగళవారం రైతులకు వారు అవగాహన కల్పించారు. వానాకాలంలో సాగుచేసిన వరిపంట అవశేషాలను కాల్చివేయకుండా నేలలోనే కుళ్లిపోయేలా చేసుకోవాలని తెలిపారు.

మద్నూర్‌(జుక్కల్‌): మద్నూర్‌ మండలం మ హారాష్ట్ర సరిహద్దులో ఉండడంతో అక్కడి సాంప్రదాయం ప్రకారం ప్రజలు ఐదు రోజులపా టు లక్ష్మి పూజలు కొనసాగిస్తారు. ఇందులో భా గంగా మంగళవారం భావూబీజ్‌ పండుగను ఘనంగా నిర్వహించారు. ఈసందర్బంగా సో దరీమణులు తమ సోదరులకు తిలకం పెట్టి, హారతి ఇచ్చి, తీపి వంటకాలు తినిపించారు. అనంతరం సోదరులు తమ సోదరీమణులకు బహుమతులు అందించారు. నాగిరెడ్డిపేట/ఎల్లారెడ్డి: గ్రామాల్లో పంచాయతీరాజ్‌శాఖ పెండింగ్‌ పనులను వేగవంతంగా పూర్తిచేయాలని ఎల్లారెడ్డి ఎమ్మెల్యే మదన్‌మోహాన్‌రావు అధికారులను ఆదేశించారు. హైదరాబాద్‌లోని తన కార్యాలయంలో మంగళవా రం పంచాయతీరాజ్‌శాఖ అధికారులతో ఆయ న సమావేశం నిర్వహించారు. ఈసందర్భంగా ఎల్లారెడ్డి నియోజకవర్గ పరిధిలోని 8 మండలాల్లో చేపట్టాల్సిన అభివృద్ధి పనుల పురోగతిపై ఆరా తీశారు. పనులు దక్కించుకొని ఇప్పటివరకు ప్రారంభించని కాంట్రాక్టర్లపై కఠినచ ర్యలు తీసుకోవాలని, నిబంధనల ప్రకారం వా రి ఒప్పందాలను రద్దుచేసి, పనులు చేపట్టేందు కు ఆసక్తి ఉన్నవారికి అప్పగించేలా చర్యలు చే పట్టాలన్నారు. ప్రజలకు మౌలిక సదుపాయాల ను త్వరితగతిన అందించడమే లక్ష్యంగా అధికారులు పూర్తిబాధ్యతతో పనిచేయాలని, ప్రతి పనిపై నిరంతర పర్యవేక్షణ జరపాలని ఆదేశించారు. పంచాయతీరాజ్‌ ఈఈ దుర్గాప్రసాద్‌, డీఈఈ నర్సింహా, ఏఈలు పిచ్చయ్య, సందీప్‌, శరత్‌, కల్పన, సురేష్‌ తదితరులు పాల్గొన్నారు. అభివృద్ధి పనులకు సహకరించాలి.. ఎల్లారెడ్డి పట్టణ అభివృద్ధి పనులకు సహకరించాలని ఎమ్మెల్యే మదన్‌మోహన్‌రావు పబ్లిక్‌ హెల్త్‌ మున్సిపల్‌ ఈఎన్‌సీ సాయప్ప రెడ్డిని కో రారు. హైదరాబాద్‌లో మంగళవారం సాయప్పరెడ్డితో ఎమ్మెల్యే సమావేశమయ్యారు. పట్ట ణ సుందరీకరణ, పారిశుద్ధ్యం, డ్రెయినేజీ వ్యవస్థ, తదితర అంశాలపై చర్చించారు. రామారెడ్డి (ఎల్లారెడ్డి): పెండింగ్‌ కేసులను త్వ రితగతిన పరిష్కరించాలని, పోలీస్‌ స్టేషన్‌ను ఆశ్రయించిన బాధితుల సమస్యలను పరిష్క రించి న్యాయం అందించాలని డీఎస్పీ మధుసూదన్‌ అన్నారు. రామారెడ్డి పోలీస్‌ స్టేషన్‌ను మంగళవారం ఆయన సందర్శించారు. ఈసందర్భంగా ఆయన మాట్లాడుతూ.. కేసుల దర్యాప్తులో నాణ్యత, పూర్తి పారదర్శకత పాటించాల ని అధికారులను ఆదేశించారు. ఫిర్యాదుదారు ల పట్ల మర్యాదగా వ్యవహరించాలని, శాంతిభద్రతల పరిరక్షణ విషయంలో ఎల్లప్పుడూ అ ప్రమత్తంగా ఉండాలని సిబ్బందికి స్పష్టం చేశా రు. కామారెడ్డి రూరల్‌ సీఐ శ్రీధర్‌గౌడ్‌, రామా రెడ్డి ఎస్సై మురళి, సిబ్బంది పాల్గొన్నారు.

కామారెడ్డి టౌన్‌: తమ న్యాయమైన డిమాండ్లను పరిష్కరించాలని కోరుతూ పట్టణంలోని కలెక్టరేట్‌ ధర్నా చౌక్‌లో జాతీయ ఆరోగ్య మిషన్‌(ఎన్‌హెచ్‌ఎం) కాంట్రాక్ట్‌, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె మంగళవారం 29వ రోజుకు చేరింది. ఈసందర్భంగా తమ సమస్యల పరిష్కారానికి ప్రభుత్వం చర్యలు తీసుకునేలా చూడాలని కోరుతూ పలువురు ఉద్యోగులు రామారెడ్డి మండలం ఇసనపల్లి కాలభైరవ స్వామి ఆలయానికి కాలినడకన పాదయాత్రగా వెళ్లారు. దీక్షా శిబిరాన్ని బీర్కూర్‌ మాజీ జెడ్పీటీసీ కిషోర్‌ యాదవ్‌, సర్పంచ్‌ నారా గౌడ్‌ సందర్శించి సంఘీభావం తెలిపారు. వైద్యులు, నాయకులు, ఉద్యోగులు రాజశేఖర్‌, హరీ ష్‌, అశ్విని, రాహుల్‌ కుమార్‌, లింగం, వరలక్ష్మి, నవీన్‌, రేణుక, అనురాధ, లక్ష్మి, స్వరూప, చంద్రకళ, దీవెన, సుజాత తదితరులు పాల్గొన్నారు.

● ఒకరి మృతి.. నలుగురికి గాయాలు రుద్రూర్‌: నడుస్తున్న ఆటోపై భారీ వృక్షం ఆకస్మికంగా విరిగిపడటంతో ఒకరు మృతి చెందగా, నలుగురు తీవ్రంగా గాయపడ్డారు. ఈ ఘటన బోధన్‌–రుద్రూర్‌ ప్రధాన రహదారిపై మంగళవారం చోటుచేసుకుంది. స్థానికుల కథనం ప్రకారం.. వర్ని మండలం జలాల్‌పూర్‌ గ్రామానికి చెందిన ఒకే కుటుంబానికి చెందిన నలుగురు ఆటోలో బోధన్‌ వైపు వెళ్తున్నారు. రుద్రూర్‌ శివారు ప్రాంతానికి చేరుకోగానే రోడ్డు పక్కనే ఉన్న భారీ వృక్షం ఒక్కసారిగా ఆటోపై కుప్పకూలింది. గమనించిన స్థానికులు వెంటనే ఆటోలో చిక్కుకున్న బాధితులను బయటికి తీశారు. క్షతగాత్రులు రహమత్‌, షేక్‌ హాజీ, గౌసియా బేగం, అలిమా, నియాన్‌ను 108 అంబులెన్స్‌లో బోధన్‌ ప్రభుత్వ ఆస్పత్రికి తరలించారు. డ్రైవర్‌కు తీవ్రగాయాలు కావడంతో మెరుగైన వైద్యం కోసం జిల్లా కేంద్ర ఆస్పత్రికి తరలించారు. అయితే బోధన్‌లో చికిత్స అనంతరం షేక్‌ హాజీ(58)ని స్వగ్రామానికి తీసుకెళ్తుండగా మార్గమధ్యంలో మృతి చెందినట్లు పోలీసులు తెలిపారు. కాగా, భారీ వృక్షం కూలడంతో రహదారికి ఇరువైపులా వాహనాలు నిలిచిపోయి ట్రాఫిక్‌కు అంతరాయం ఏర్పడింది. సమాచారం అందుకున్న ఎస్సై రామ్‌ తన సిబ్బందితో ఘటనా స్థలానికి చేరుకొని సహాయక చర్యలు చేపట్టారు. స్థానిక రైతులు, యువకులు పోలీసులకు సహకరించారు.

కామారెడ్డి టౌన్‌: ప్రైవేటు పాఠశాలల్లో ఫీజుల దోపిడీకి అడ్డుకట్ట వేసేందుకు ప్రభుత్వం ప్రత్యేక పోర్టల్‌ను అందుబాటులోకి తెచ్చినా యాజమాన్యాల తీరు మారడం లేదు. పోర్టల్‌లో తరగతుల వారీగా ట్యూషన్‌ ఫీజు, ఇతర రుసుముల వివరాలను తప్పనిసరిగా అప్‌లోడ్‌ చేయాలన్న నిబంధనను సైతం బేఖాతరు చేస్తున్నాయి. ఈ విషయమై గతనెల 2వ తేదీన ‘ఫీజుల వివరాలేవీ?’ శీర్షికన ‘సాక్షి’లో ప్రచురితమైన కథనానికి స్పందించిన విద్యాశాఖ అధికారులు నోటీసులు జారీ చేశారు. యాజమాన్యాలు వాటిని లైట్‌ తీసుకున్నాయి. నమోదు చేసినవి నామమాత్రం.. జిల్లాలో ప్రభుత్వ గుర్తింపు పొందిన ప్రైవేట్‌ పాఠశాలలు 183 ఉన్నాయి. గతంలో 3 పాఠశాలలు మాత్రమే పోర్టల్‌లో వివరాలు నమోదు చేశాయి. ఈ విషయమై ‘సాక్షి’ ప్రచురితమైన కథనంలో డీఈవో నోటీసులు జారీ చేయగా.. మరో ఐదు స్కూళ్లు మాత్రమే స్పందించి వివరాలను పొందుపరిచాయి. ఇంకా 175 పాఠశాలలు వివరాలు నమోదు చేయాల్సి ఉంది. అడ్డగోలుగా ఫీజుల వసూళ్లు.. ప్రైవేట్‌ పాఠశాలలు విద్యార్థులనుంచి అడ్డగోలుగా ఫీజులు వసూలు చేస్తున్నాయి. కొన్ని స్కూళ్లలో ఎల్‌కేజీ నుంచి పదో తరగతి వరకు ఒక్కో విద్యార్థి వద్ద నుంచి రూ. 40 వేల నుంచి రూ. లక్షకుపైగా ఫీజులు దండుకుంటున్నాయి. ఫీజుల వివరాలను పోర్టల్‌లో నమోదు చేస్తే డొనేషన్లు, పుస్తకాలు, యూనిఫాంల వ్యాపారం బట్టబయలవుతుందన్న భయంతోనే యాజమాన్యాలు వెనకడుగు వేస్తున్నాయన్న విమర్శలున్నాయి.గడువు ముగిసినా, నోటీసులు ఇచ్చినా లెక్కచేయని ప్రైవేటు పాఠశాలల తీరుపై జిల్లా విద్యాశాఖ తీవ్ర ఆగ్రహం వ్యక్తం చేసింది. వివరాలు సమర్పించని మిగతా పాఠశాలలన్నింటికీ తాజాగా మరోసారి షోకాజ్‌ నోటీసులు జారీ చేసింది. గడువులోగా వివరాలు నమోదు చేయకపోతే పాఠశాలల గుర్తింపు రద్దు చేయడంతో పాటు కఠిన చర్యలు తీసుకుంటామని హెచ్చరించింది. ఫీజుల వివరాల నమోదుకు ప్రైవేట్‌ స్కూళ్లు ససేమిరా జిల్లాలోని 183 పాఠశాలలు.. పోర్టల్‌లో నమోదు చేసినవి 8 మాత్రమే తాజాగా షోకాజ్‌ నోటీసులు జారీప్రభుత్వ ఆదేశాల ప్రకారం ప్రతి ప్రైవేట్‌ పాఠశాల తప్పనిసరిగా విద్యాశాఖ పోర్టల్‌లో ఫీజుల వివరాలను నమోదు చేయాలి. ఇప్పటికే పలుమార్లు ఆదేశాలు జారీ చేశాం. కొన్ని యాజమాన్యాలు నిర్లక్ష్యంగా వ్యవహరిస్తుండడంతో తాజాగా షోకాజ్‌ నోటీసులిచ్చాం. నిర్దేశిత గడువులోగా వివరాలు అప్‌లోడ్‌ చేయని పాఠశాలలపై శాఖాపరంగా కఠిన చర్యలు తీసుకుంటాం. – మల్లికార్జున్‌, డీఈవో, కామారెడ్డి

● అరగంట పాటు స్తంభించిన ట్రాఫిక్‌కామారెడ్డి టౌన్‌: జిల్లాకేంద్రంలోని రైల్వే ఓవర్‌ బ్రిడ్జిపై ఆర్టీసీ బస్సు మొరాయించడంతో వాహనదారులు తీవ్ర ఇబ్బందులు పడ్డారు. జిల్లా కేంద్రంలోని పాత, కొత్త పట్టణాలను కలిపే ప్రధాన రైల్వే బ్రిడ్జిపై మంగళవారం మధ్యాహ్నం ఆర్టీసీ బస్సు హఠాత్తుగా ఆగిపోయింది. పట్టణానికి ఇరువైపులా రాకపోకలు సాగించేందుకు ఇదే ఏకై క కీలక మార్గం కావడంతో క్షణాల్లోనే ట్రాఫిక్‌ సమస్య ఏర్పడింది. ఇరువైపులా వందలాది వాహనాలు నిలిచిపోయాయి. సుమారు అరగంట పాటు రాకపోకలు స్తంభించిపోవడంతో వాహనదారులు తీవ్ర అసహనానికి గురయ్యారు. చివరకు వాహనదారులు, స్థానికులు కలిసి బస్సును వెనుక నుంచి తోసుకుంటూ బ్రిడ్జి కిందికి దించడంతో ట్రాఫిక్‌ సమస్య తొలగిపోయింది.

కామారెడ్డి టౌన్‌: సమస్యలను పరిష్కరించాలని డిమాండ్‌ చేస్తూ ఆశాకార్యకర్తలు మంగళవారం జిల్లా కేంద్రంలోని ఎమ్మెల్యే క్యాంపు కార్యాలయం వద్ద ధర్నా చేశారు. అనంతరం ఎమ్మెల్యే వెంకటరమణారెడ్డిని కలిసి డిసెంబర్‌ 15 నుంచి రాష్ట్రవ్యాప్తంగా చేపట్టే నిరవధిక సమ్మెకు సంబంధించిన నోటీస్‌ అందించారు. ఈ సందర్భంగా యూనియన్‌ జిల్లా గౌరవ అధ్యక్షుడు చంద్రశేఖర్‌ మాట్లాడుతూ ఆశాకార్యకర్తలకు రూ. 18 వేల కనీస వేతనం అందించాలని, ఉద్యోగ భద్రత కల్పించాలని డిమాండ్‌ చేశారు. కేంద్ర, రాష్ట్ర ప్రభుత్వాలు స్పందించి డిమాండ్లను నెరవేర్చాలని కోరారు. కార్యక్రమంలో ఆశా వర్కర్స్‌ యూనియన్‌ జిల్లా అధ్యక్షురాలు ఇందిర, కార్యదర్శి రాజశ్రీ, కోశాధికారి మమత, ఉపాధ్యక్షులు ప్రమీల, లలిత, నాయకులు గంగమణి, లత, రమ, భాగ్య, సుజాత, వనిత, మంజుల, వరలక్ష్మి, లావణ్య, గీత, లక్ష్మి, జ్యోతి తదితరులు పాల్గొన్నారు. మద్నూర్‌: ఎల్‌నినోను దృష్టిలో పెట్టుకొని ఆయిల్‌ ఫామ్‌ సాగులో జాగ్రత్తలు తీసుకోవాలని, నీటి యాజమాన్యానికి ప్రాధాన్యత ఇవ్వాలని జిల్లా ఉద్యాన అధికారి జ్యోతి రైతులకు సూచించారు. చిన్న ఎక్లార శివారులోని ఆయిల్‌ ఫామ్‌ తోటను ఆమె మంగళవారం పరిశీలించారు. అనంతరం గ్రామంలో ప్రత్యేక రైతు శిక్షణ కార్యక్రమం నిర్వహించి రైతులకు పంటల సాగులో పలు సూచనలు ఇచ్చారు. అందుబాటులో ఉన్న నీటిని పొదుపుగా, సమర్థవంతంగా వినియోగించుకోవాలని సూచించారు. కార్యక్రమంలో సర్పంచ్‌ మాధవ్‌రావు, హెచ్యూఎల్‌ జనరల్‌ మేనేజర్‌ జగదీశ్‌ చంద్రబాబు, వ్యవసాయ అధికారి రాజు, ఉద్యాన అధికారులు, రైతులు పాల్గొన్నారు. కామారెడ్డి టౌన్‌: వరంగల్‌లో నిర్వహించిన రాష్ట్రస్థాయి పోలీస్‌ క్రీడా పోటీలలో జిల్లా పోలీసు సిబ్బంది ప్రతిభ చాటారు. బ్యాడ్మింటన్‌ సింగిల్స్‌లో భిక్కనూరు పీఎస్‌కు చెందిన బి.లక్ష్మి స్వర్ణం, మిక్స్‌డ్‌ డబుల్స్‌లో డీఏఆర్‌కు చెందిన ఎల్‌.బాబాగౌడ్‌, బి.లక్ష్మి జోడీ కాంస్యం సాధించారు. ఖోఖోలో బీర్కూర్‌ పీఎస్‌కు చెందిన డి.బుజ్జి కాంస్య పతకం, హ్యాండ్‌బాల్‌లో డీఏఆర్‌కు చెందిన ఎం.రేఖ, జి.శోభ, పిట్లం పీఎస్‌కు చెందిన కె.ప్రియాంక, బీర్కూర్‌ పీఎస్‌కు చెందిన బి.సవితారాణి, పెద్దకొడప్‌గల్‌ పీఎస్‌కు చెందిన వాసవి కాంస్య పతకాలు గెలుచుకున్నారు. వీరిని మంగళవారం జిల్లా పోలీసు కార్యాలయంలో ఎస్పీ రాజేశ్‌ చంద్ర అభినందించారు. కార్యక్రమంలో అదనపు ఎస్పీ నరసింహారెడ్డి, డీఎస్పీలు గటుమాల్‌, ఉదయభాస్కర్‌, స్పెషల్‌ బ్రాంచ్‌ ఇన్‌స్పెక్టర్‌ సంపత్‌, ఆర్‌ఐలు సంతోష్‌ కుమార్‌, నవీన్‌ తదితరులు పాల్గొన్నారు.కామారెడ్డి టౌన్‌: యునైటెడ్‌ అరబ్‌ ఎమిరేట్స్‌ (యూఏఈ)లోని నిర్మాణ రంగంలో ఉద్యోగావకాశాల కోసం అర్హులైనవారి నుంచి దరఖాస్తులు ఆహ్వానిస్తున్నట్లు జిల్లా ఉపాధి కల్పన అధికారి కిరణ్‌కుమార్‌, తెలంగాణ ఓవర్సీస్‌ మ్యాన్‌పవర్‌ కంపెనీ లిమిటెడ్‌ (టామ్‌కామ్‌) ప్రతినిధులు మంగళవారం ఒక ప్రకటనలో తెలిపారు. 22 నుంచి 42 ఏళ్ల మధ్య వయస్సు వారు అర్హులని పేర్కొన్నారు. ఎంపికై న వారికి ఉచిత విమాన టికెట్‌, వసతి, భోజనం, రవాణా సౌకర్యాలు ఉంటాయని తెలిపారు. ఆసక్తి ఉన్నవారు 080 35524946 నంబర్‌కు మిస్డ్‌ కాల్‌ ఇవ్వాలని, www.tomcom. telangana.gov.in వెబ్‌సైట్‌ ద్వారా పేర్లు నమోదు చేసుకోవచ్చని, పూర్తి వివరాలకు 040–23342040 నంబర్‌లో సంప్రదించాలని సూచించారు.

కామారెడ్డి టౌన్‌: ముసాయిదా ఓటర్ల జాబితాలో పేర్లు లేని అర్హులైన వ్యక్తులు తుది ఓటర్ల జాబితాలో తమ పేర్లను నమోదు చేసుకునేందుకు ఎన్నికల సంఘం మరో అవకాశం కల్పించిందని అదనపు రెవెన్యూ కలెక్టర్‌ విక్టర్‌ తెలిపారు. మంగళవారం కలెక్టరేట్‌ కార్యాలయంలోని సమావేశ మందిరంలో గుర్తింపు పొందిన రాజకీయ పార్టీల ప్రతినిధులతో నిర్వహించిన సమావేశంలో ఆయన మాట్లాడారు. గతంలో ఎన్యుమరేషన్‌ ఫారాలు జారీ చేసినప్పటికీ అందుబాటులో లేకపోవడం లేదా నివాసం మారడం వంటి కారణాల వల్ల కొందరి పేర్లు ముసాయిదా జాబితాలో నమోదు కాలేదన్నారు. అలాంటి వారు వెంటనే సంబంధిత బూత్‌ స్థాయి అధికారులు (బీఎల్‌వోలు), ఏఈఆర్‌వోలు, ఈఆర్‌వోలను సంప్రదించి నిర్దేశిత విధానంలో ఎన్యుమరేషన్‌ ఫారాలు అందజేయాలని సూచించారు. ఈనెల 21వ తేదీలోపు దరఖాస్తులు సమర్పించి పేర్ల నమోదును ధ్రువీకరించుకోవాలని సూచించారు. కార్యక్రమంలో స్థానిక సంస్థల అదనపు కలెక్టర్‌ ఎన్‌వై గిరి, ఎన్నికల సూపరింటెండెంట్‌ రాజేశ్వర్‌ తదితరులు పాల్గొన్నారు.

హైవేపై.. బిచ్కుంద 9 కిలోమీటర్లు అని సూచిస్తున్న బోర్డు161 వ నంబరు జాతీయ రహదారిపై ప్రయాణించేవారిని సూచిక బోర్డులు అయోమయానికి గురి చేస్తున్నాయి. జుక్కల్‌ చౌరస్తా వద్ద ప్రధాన రహదారిపై ఉన్న బోర్డు మీద బిచ్కుంద 9 కిలోమీటర్లు అని ఉంది. అదే చౌరస్తా వద్ద జుక్కల్‌ రోడ్డులో ఉన్న ఒక బోర్డు మీద బిచ్కుంద 3 కిలోమీటర్లు అని ఉంది. జుక్కల్‌ నుంచి బిచ్కుంద వైపు ప్రయాణించే కొత్తవారు ఈ బోర్డులను చూసి కన్ఫ్యూజ్‌ అవుతున్నారు. ఒక బోర్డును చూసి బిచ్కుంద మూడు కిలో మీటర్ల దూరంలోనే ఉంది కదా అనుకునేలోపు హైవే ఎక్కగానే కనిపించే మరో బోర్డుతో ఉసూరుమంటున్నారు. బోర్డులను సరిచేసి అసలైన దూరాన్ని రాయాలని ప్రయాణికులు కోరుతున్నారు. – సాక్షి ప్రతినిధి, కామారెడ్డి

భిక్కనూరు: మండలంలోని కాచాపూర్‌ గ్రామ ప్రత్యేక సొసైటీ ఏర్పాటు చేయడంపై స్థానిక కాంగ్రెస్‌ ప్రజా ప్రతినిధులు, నాయకులు, గ్రామస్తులు సోమవారం సంబరాలు నిర్వహించారు. స్థానిక సొసైటీ వద్ద సీఎం రేవంత్‌ రెడ్డి, రాష్ట్ర ప్రభుత్వ సలహాదారు షబ్బీర్‌ అలీ, జహీరాబాద్‌ ఎంపీ సురేశ్‌ షట్కర్‌ చిత్రపటాలకు క్షీరాభిషేకం చేశారు. గ్రామ ప్రజాప్రతినిధులు, కాంగ్రెస్‌ నాయకులు, కార్యకర్తలు, రైతులు పాల్గొన్నారు. నిజాంసాగర్‌: మండలంలోని అచ్చంపేట గ్రామానికి చెందిన తపట్ల సైమన్‌ బహుజన సాహిత్య అకాడమి హైదరాబాద్‌ వారు నిర్వహించిన అవార్డుకు ఎంపికయ్యారు. అచ్చంపేట ప్రాథమిక పాఠశాలలో విద్యను అభ్యసించిన సైమన్‌ పాఠశాల తరగతి గదులకు రంగులు దిద్ది, కుంచెతో మంత్రముగ్ధులను చేశారు. పాఠశాల రూపురేఖలు మార్చేసిన పూ ర్వ విద్యార్థి సైమన్‌ గురించి ఇటీవల ‘సాక్షి దినపత్రిక’లో వార్త ప్రచురించడంపై బహుజన సా హిత్య అకాడమి వారు డాక్టర్‌ అంబేడ్కర్‌ నేష నల్‌ అవార్డు 2026కు ఎంపిక చేశారు. ఈ మేర కు అవార్డు సెలక్షన్‌ కమిటీ నేషనల్‌ చైర్మన్‌ బీఎ స్‌ఏ జాతీయ అధ్యక్షుడు నల్లా రాధాకృష్ణ చేతు ల మీదుగా అవార్డు అహ్వాన ప్రతాన్ని సోమవా రం అందుకున్నారు. అవార్డుకు ఎంపిక కావ డం సంతోషంగా ఉందని సైమన్‌ అన్నారు. నిజాంసాగర్‌: జుక్కల్‌ మండలం బస్వాపూర్‌, సావర్‌గావ్‌, మథుర తండాలోని పలువురు బాధిత కుటుంబాలను ఎమ్మెల్యే తోట లక్ష్మీకాంతారావు సోమవారం పరామర్శించారు. బాధిత కుటుంబాలకు ఆర్థికసాయం అందించారు. ఆయన వెంట కాంగ్రెస్‌ పార్టీ మండల అధ్యక్షుడు రమేశ్‌ దేశాయ్‌, సతీశ్‌ పటేల్‌, సురేశ్‌గొండ తదితరులు ఉన్నారు. ఎల్లారెడ్డి: ఎల్లారెడ్డి మున్సిపల్‌ పరిధిలోని లింగారెడ్డిపేట గ్రామానికి చెందిన పుర్ర స్వప్న అనారోగ్యంతో బాధపడుతు హైదరాబాద్‌లోని యశోద ఆస్పత్రిలో చికిత్స పొందుతోంది. బాధితురాలిని ఎల్లారెడ్డి మాజీ ఎమ్మెల్యే జాజాల సురేందర్‌ సోమవారం పరామర్వించారు. స్వప్నకు మెరుగైన వైద్యం అందించాలని వైద్యులకు సూచించారు. అనంతరం కుటుంబ సభ్యులకు వైద్య ఖర్చుల నిమిత్తం ఆర్థికసాయం అందించినట్లు బీఆర్‌ఎస్‌ నాయకులు తెలిపారు.

సాక్షి నెట్‌వర్క్‌: రాష్ట్ర ప్రభుత్వం తలపెట్టిన ‘మా ఇందిరమ్మ ఇంట్లో దీపావళి’ వేడుకలను లబ్ధిదారులు, కాంగ్రెస్‌ నాయకులు ఘనంగా నిర్వహించారు. పలువురు లబ్ధిదారులు తమ ఇళ్ల గోడలకు కార్యక్రమానికి సంబంధించిన స్టిక్కర్లు అంటించుకుని ఇళ్లలో దీపాలు వెలిగించారు. కుటుంబ సభ్యులంతా గ్రూపు ఫొటోలు దిగి తమ ఆనందాన్ని వ్యక్తం చేశారు. పలుచోట్ల పార్టీ నాయకులు లబ్ధిదారుల ఇళ్లలో వేడుకల్లో పాల్గొని శుభాకాంక్షలు తెలిపారు. ప్రభుత్వం అమలు చేస్తున్న ఇందిరమ్మ ఇళ్ల పథకంతో పేదల జీవితాల్లో వెలుగులు వెదజల్లుతాయని ప్రభుత్వ వ్యవసాయ సలహాదారు పోచారం శ్రీనివాస్‌రెడ్డి అన్నారు. సోమవారం ఆగ్రో ఇండసీ్ట్రస్‌ మాజీ చైర్మన్‌ కాసుల బాల్‌రాజ్‌తో కలిసి బాన్సువాడ నియోజకవర్గంలో ఇందిరమ్మ ఇళ్ల లబ్ధిదారులతో కలిసి దీపావళి సంబరాలు జరుపుకొన్నారు. నియోజకవర్గంలోని బాన్సువాడ మున్సిపాలిటీ పరిధిలోని 2వ వార్డులో, బీర్కూర్‌ మండలం వీరాపూర్‌, నస్రుల్లాబాద్‌ మండలం మిర్జాపూర్‌ తదితర గ్రామాల్లో ఇందిరమ్మ ఇళ్ల లబ్ధిదారులతో కలిసి దీపావళి సంబరాలు చేపట్టారు. ఆయన వెంట మున్సిపల్‌ మాజీ చైర్మన్‌ జంగం గంగాధర్‌, నాయకులు ఎజాస్‌, నార్ల రవీందర్‌, శ్యామల, రాజశేఖర్‌, దామరంచ శంకర్‌, శశికాంత్‌, అప్పారావు, కాంత్‌రెడ్డి, అసద్‌, విఠల్‌ తదితరులు ఉన్నారు. ఎల్లారెడ్డిలో సీఎం రేవంత్‌రెడ్డి, ఎమ్మెల్యే మదన్‌మోహన్‌రావు చిత్ర పటాలకు కాంగ్రెస్‌ నాయకులు, లబ్ధిదారులు క్షీరాభిషేకం చేశారు.

ఎల్లారెడ్డి రూరల్‌: ప్రభుత్వ పాఠశాలలను పరిశుభ్రంగా ఉంచుతూ విద్యార్థుల ఆరోగ్య పరిరక్షణలో కీలక పాత్ర పోషిస్తున్న స్కావెంజర్లకు వేతన కష్టాలు తప్పడం లేదు. నెలనెలా జీతాలు అందాల్సిన వారికి ఐదు నెలలుగా అందకపోవడంతో కుటుంబ పోషణ భారంగా మారింది. దసరా, దీపావళి వంటి పండుగలు గడిచినా వేతనాలు చేతికి అందకపోవడంతో పండుగలను సైతం నిరాడంబరంగా జరుపుకోవాల్సి వచ్చిందని వారు ఆవేదన వ్యక్తం చేస్తున్నారు. కామారెడ్డి జిల్లాలో మొత్తం 1,017 ప్రభుత్వ పాఠశాలలు ఉండగా, వాటి పరిధిలో సుమారు 1,200 మంది స్కావెంజర్లు విధులు నిర్వహిస్తున్నారు. పాఠశాలల ఆవరణ, తరగతి గదులు, వాష్‌రూంలు, మరుగుదొడ్లను నిత్యం శుభ్రం చేస్తూ విద్యార్థులకు పరిశుభ్రమైన వాతావరణం కల్పిస్తున్నారు. విద్యార్థుల సంఖ్య ఆధారంగా ప్రభుత్వం ఒక్కో పాఠశాలకు నెలకు రూ.3 వేల నుంచి రూ.20 వేల వరకు నిధులు కేటాయిస్తోంది. అమ్మ ఆదర్శ క మిటీలు, ప్రధానోపాధ్యాయులు విద్యార్థుల సంఖ్య ను బట్టి స్కావెంజర్లను నియమించుకుంటున్నారు. జూన్‌ నుంచి ఎదురుచూపులే! ఈ ఏడాది జూన్‌లో పాఠశాలలు ప్రారంభమైన నా టి నుంచి ఇప్పటి వరకు స్కావెంజర్లకు వేతనాలు అందలేదు. నెలల తరబడి జీతాలు రాకపోవడంతో అప్పులు చేసి కుటుంబాలను నెట్టుకొస్తున్నామని వారు చెబుతున్నారు. పండుగల సమయంలోనైనా వేతనాలు వస్తాయని ఆశించినా నిరాశే మిగిలిందని వాపోతున్నారు.నిత్యం పాఠశాలలను శుభ్రంచేస్తూ తమ బాధ్యతలు నిర్వర్తిస్తున్నప్పటికీ,తమ వేతనాల విషయంలో నిర్లక్ష్యం ఎందుకని ప్రశ్నిస్తున్నారు. అప్పులు చేసి కుటుంబ పోషణ ఐదు నెలలుగా వేతనాలు అందకపోవడంతో నిత్యావసరాలు కొనుగోలు చేయడం, పిల్లల చదువులు, ఇంటి ఖర్చులు భరించడం కష్టంగా మారిందని స్కావెంజర్లు పేర్కొంటున్నారు. ఉన్నతాధికారులు స్పందించి పెండింగ్‌ వేతనాలను వెంటనే విడుదల చేయాలని కోరుతున్నారు. స్కావెంజర్ల వేతనాలకు సంబంధించిన నిధుల కోసం ప్రభుత్వానికి ప్రతిపాదనలు పంపించాం. నిధులు విడుదలైన వెంటనే వారి బ్యాంకు ఖాతాల్లో జమ చేస్తాం. – మల్లికార్జున్‌, డీఈవో నేను ఎల్లారెడ్డి జెడ్పీ బాలికల ఉన్నత పాఠశాలలో స్కావెంజర్‌గా పని చేస్తున్నాను. ఐదు నెలల నుంచి జీతం రాక పోవడంతో కుటుంబ పోషణ ఇబ్బందిగా ఉంది. – భాగ్య, స్కావెంజర్‌, జెడ్పీ ఉన్నత పాఠశాల, ఎల్లారెడ్డి జిల్లాలో 1,200 మంది స్కావెంజర్ల ఎదురుచూపులు దసరా, దీపావళి గడిచినా ఖాతాల్లో జమకాని నగదు కుటుంబ పోషణ భారంగా మారిందంటూ ఆవేదన

ఎల్లారెడ్డిరూరల్‌:మండలంలోని మల్లయ్యపల్లి గ్రా మ శివారులో వరి కొయ్యలకు నిప్పు పెట్టడంతో ద ట్టమైన పొగలు వ్యాపించాయి. పంట కోతల అనంతరం పొలాల్లో మిగిలిన వరి కొయ్యలను తొలగించేందుకు కొందరు రైతులు వాటికి నిప్పంటించడంతో పరిసర ప్రాంతమంతా పొగమయంగా మారింది.దీంతో అటుగా వెళ్లే వాహనదారులు, స్థానిక ప్ర జలు ఇబ్బందులు ఎదుర్కొన్నారు. ఇకనైనా ఉన్నతాధికారులు స్పందించి పంట అవశేషాలను కాల్చకుండా రైతులకు అవగాహన కార్యక్రమాలు నిర్వహించి తగు చర్యలు చేపట్టాలని వాహనదారులు, స్థానికులు కోరుతున్నారు.

● 28వ రోజుకు చేరిన ఎన్‌హెచ్‌ఎం ఉద్యోగుల సమ్మె కామారెడ్డి టౌన్‌:తమ న్యాయమైన సమస్యలను ప రిష్కరించాలని కోరుతూ జిల్లా కేంద్రంలోని కలెక్టరే ట్‌ ధర్నా చౌక్‌లో జాతీయ ఆరోగ్య మిషన్‌(ఎన్‌హెచ్‌ఎం) ఉద్యోగులు చేపట్టిన నిరవధిక సమ్మె సోమవా రం నాటికి 28వ రోజుకు చేరింది. ఈ సందర్భంగా ఉద్యోగులు వినూత్న రీతిలో ప్రభుత్వానికి సాష్టాంగ నమస్కారాలు చేస్తూ తమ నిరసనను వ్యక్తం చేశారు. ఉద్యోగులు సంఘం జేఏసీ నాయకులు మాట్లాడుతూ.. ఎన్‌హెచ్‌ఎం ఉద్యోగుల సర్వీసును తక్షణమే రెగ్యులరైజ్‌ చేయాలని, కనీస వేతన స్కేల్‌ వర్తించేలా క్యాడర్‌ ఫిక్సేషన్‌ చేపట్టాలని, సమాన పనికి సమాన వేతనం అమలు చేయాలని డిమాండ్‌ చేశారు. అనంతరం, ప్రభుత్వానికి సద్బుద్ధి ప్రసాదించి తమ హక్కులను పరిష్కరించేలా చూడాలని ఉద్యోగులంతా తమ కోరికలను తెల్ల కాగితాలపై రాసి తిరుమల వేంకటేశ్వర స్వామికి పంపించారు. కార్యక్రమంలో జిల్లా ఎన్‌హెచ్‌ఎం జేఏసీ అధ్యక్షుడు సుమన్‌, వైద్యులు, నాయకులు పద్మజ, హరీశ్‌, వేణుమాధవ్‌, రాహుల్‌, సందీప్‌, అఖిల్‌, శివ, పండరి, బాలు, స్వర్ణలత, శోభ, భారతి, శారద, లక్ష్మి, సువర్ణ, ప్రతిభ తదితరులు పాల్గొన్నారు.

కామారెడ్డి రూరల్‌: జిల్లాకేంద్రంలోని జిల్లా పరిషత్‌ బాలుర ఉన్నత పాఠశాలలో ఈనెల 13 నుంచి నిర్వహించనున్న రాష్ట్రస్థాయి హాకీ పోటీలకు ఉమ్మడి నిజామాబాద్‌ జిల్లా జట్లను ఎంపిక చేశారు. కామారెడ్డి మండలం గర్గుల్‌ జిల్లా పరిషత్‌ ఉన్నత పాఠశాలలో సోమవారం ఎస్‌జీఎఫ్‌ ఉమ్మడి నిజామాబాద్‌ జిల్లాలోని 14ఏళ్ల లోపు బాలబాలికల హాకీ క్రీడ పోటీలను నిర్వహించారు. ఈ ఎంపిక పోటీల్లో ప్రతిభ కనబరిచిన బాలికలు 22 మంది, బాలురు 21 మంది కలిపి మొత్తం 43 మంది క్రీడాకారులను రాష్ట్రస్థాయి పోటీలకు ఎంపిక చేశారు. బాలికల విభాగంలో.. శరణ్య, రిషిక, సోనాక్షి, సాక్షిత, ఈశ్వరి, లోహిత, హిమబిందు, మేఘన, వర్షిత, సంధ్య, జయశ్రీ, శ్రావణి, భావన, రక్షిత, కావ్య, గంగోత్రి, రూప, సంధ్య, నందిని, దీపిక, ప్రవస్తి, వాహిని ఎంపికయ్యారు. బాలుర విభాగంలో.. కృష్ణ, రోషన్‌ గౌడ్‌, రోహిత్‌, తేజ, వరుణ్‌, సందేశ్‌, హర్షవర్ధన్‌, మనోజ్‌, మహర్షి, రణధీర్‌, మారుతి, దివాకర్‌, చంద్రకిరణ్‌, రిత్విక్‌, ఈశ్వర్‌, మౌనిష్‌, విజయ్‌, నేశ్వంత్‌, సుశాంత్‌, రామ్‌ చరణ్‌, విజయ్‌ ఎంపికయ్యారు. ఎస్‌జీఎఫ్‌ జిల్లా కార్యదర్శి శ్రీధర్‌, జిల్లా యువజన, క్రీడల అధికారి రంగ వెంకటేశ్వర్‌, పీడీ మధుసూదన్‌ రెడ్డి, స్వామి, నగేశ్‌, రాజు, ఆంజనేయులు, స్రవంతి, మానస తదితరులు ఎంపిక పోటీలను పర్యవేక్షించారు.

ఫిలింనగర్‌: కామారెడ్డి జిల్లాకు చెందిన ఓ వ్యక్తి ఫిలింనగర్‌ పోలీస్‌స్టేషన్‌ పరిధిలో అదృశ్యమయ్యాడు. పోలీసులు తెలిపి న వివరాలు ఇలా.. కామారెడ్డి జిల్లా తాడ్వాయి మండలం దేమె గ్రామానికి చెందిన మెట్టు బాలసాయిలు (42) వ్యవసాయం చేస్తూ జీవనం సాగించేవాడు. ఈ ఏడాది వర్షాలు సరిగా కురవకపోవడంతో ఉపాధి కోసం గత నెల 29న నగరానికి వచ్చి శివ కార్తీకేయ హోమ్‌కేర్‌ సర్వీసెస్‌లో కేర్‌ టేకర్‌గా చేరాడు. న్యాయవిహార్‌లోని ఓ న్యాయమూర్తి నివాసంలో విధులు నిర్వహిస్తున్నాడు. ఈక్రమంలో ఈనెల 2న రోగిని వెంట తీసుకుని అపోలో ఆస్పత్రికి వెళ్లాడు. వైద్యులు రోగిని కేర్‌టేకర్‌తోపాటు నాలుగు రోజులు ఆస్పత్రిలోనే ఉండాలని సూచించారు. అదేరోజు సాయంత్రం 5 గంటలకు బాల సైలూ కనిపించడం లేదని కుటుంబసభ్యులకు సమాచారం అందింది. పలుచోట్ల వెతికినా కనిపించకపోవడంతో కుటుంబసభ్యులు పోలీసులకు ఫిర్యాదు చేశారు. ఈమేరకు పోలీసులు కేసు నమోదు చేసుకుని దర్యాప్తు చేస్తున్నారు. నిజామాబాద్‌ అర్బన్‌: దీపావళి పండుగ సందర్భంగా జిల్లావ్యాప్తంగా పోలీసులు వివిధ ప్రాంతాల్లోని పేకాట స్థావరాలపై దాడులు నిర్వహించారు. మొత్తంగా 125 కేసులు నమోదు కాగా, 649మందిని అరెస్టు చేసినట్లు సీపీ సాయిచైతన్య ఒక ప్రకటనలో తెలిపారు. వారి వద్ద నుంచి రూ.13 లక్షల 7వేల 390 నగదు స్వాధీనం చేసుకున్నట్లు వివరించారు. డివిజన్ల వారిగా ఇలా.. నిజామాబాద్‌ డివిజన్‌లో 29 కేసులు నమోదు చేయగా 175 మంది పేకాట ఆడుతూ పట్టుబడ్డారు. రూ.5 లక్షల 25వేల 370 స్వాధీనం చేసుకున్నారు. ఆర్మూర్‌ డివిజన్‌లో 26 కేసులు నమోదుకాగా 131 మంది పట్టుబడారు. రూ.2 లక్షల 20వేల 760 స్వాధీనం చేసుకున్నారు. బోధన్‌ డివిజన్‌లో 70 కేసులు నమోదుకాగా 343 మంది పట్టుబడ్డారు. రూ.5 లక్షల 61, 260 స్వాధీనం చేసుకున్నట్లు సీపీ తెలిపారు. ప్రత్యేక నిఘా ఏర్పాటుచేసి ప్రత్యేక టీమ్‌లు పేకాట ఆడుతున్నవారిని పట్టుకున్నట్లు తెలిపారు. ఎల్లారెడ్డిలో..

● రూ.10 లక్షలు డిమాండ్‌ చేసిన కేసులో నలుగురు నిందితుల అరెస్టు ● వివరాలు వెల్లడించిన ఎస్పీ రాజేశ్‌ చంద్రకామారెడ్డి టౌన్‌: వరి కోత హార్వెస్టర్‌ మిషన్లను లీజుకు ఇస్తామని నమ్మించి ఓ వ్యక్తిని కిడ్నాప్‌ చేసి, దాడికి పాల్పడి రూ.10 లక్షలు డిమాండ్‌ చేసిన నలుగురు ముఠా సభ్యులు ఎట్టకేటలకు పోలీసులకు చిక్కారు. దోమకొండ పోలీసులు వారిని అరెస్టు చేశారు. జిల్లాకేంద్రంలోని జిల్లా పోలీసు కార్యాలయంలో సోమవారం ఏర్పాటు చేసిన విలేకరుల సమావేశంలో ఎస్పీ రాజేశ్‌చంద్ర కేసు వివరాలను వెల్లడించారు. బీబీపేట మండలం కోనాపూర్‌ గ్రామానికి చెందిన చిందం మహేశ్‌ హార్వెస్టర్‌ మిషన్లను లీజుకు తీసుకొని నడుపుతూ జీవనం సాగిస్తున్నాడు. తాడ్వాయి మండలం చిట్యాలకు చెందిన నిట్టూ నర్సింగరావు, ఇందల్వాయికి చెందిన ఎరుగు నగేష్‌, కోనాపూర్‌కు చెందిన చిందం శ్రీకాంత్‌ పలు కేసుల్లో జైలుకు వెళ్లగా, వారికి అక్కడ పరిచయం ఏర్పడింది. ముగ్గురు బయటకు వచ్చిన తర్వాత వారికి కోనాపూర్‌కు చెందిన తెడ్డూ సురేష్‌ పరిచయం అయ్యాడు. వీరింతా సులభంగా డబ్బు సంపాదించాలనే దురాశతో కోనాపూర్‌కే చెందిన మహేష్‌ను కిడ్నాప్‌ చేయాలని లక్ష్యంగా ఎంచుకున్నారు. నర్సింగరావు నెలరోజులుగా మహేష్‌తో ఫోన్‌లో మాట్లాడుతూ హార్వెస్టర్‌ మిషన్లు అద్దెకు ఇస్తానని నమ్మించాడు. అక్టోబర్‌ 22న రాత్రి మిషన్లు చూపిస్తామని చెప్పి మహేష్‌ను కోనాపూర్‌ శివారుకు పిలిపించారు. అక్కడ మహేష్‌ను కారులో ఎక్కించుకుని కిడ్నాప్‌ చేసి, రూ.10 లక్షలు ఇవ్వాలని, లేదంటే చంపేస్తామని బెదిరించారు. అతని వద్ద ఉన్న ఫోన్‌, పర్సులోని రూ.2,500 నగదును లాక్కున్నారు. అదే గ్రామానికి చెందిన మరో నిందితుడు చిందం శ్రీకాంత్‌ గ్రామంలోనే ఉంటూ బాధితుడి కుటుంబ సభ్యుల కదలికలు, పోలీసుల సమాచారాన్ని మిగతా వారికి చేరవేస్తూ సహకరించాడు. నిందితులు నిద్రలోకి.. తప్పించుకున్న బాధితుడు బాధితుడిని కారులో తిప్పుతూ బెదిరించిన నిందితులు, ఇందల్వాయిలోని ఓ దాబా వద్ద కారు ఆపి మద్యం సేవించి నిద్రలోకి జారుకున్నారు. ఇదే అదనుగా భావించిన మహేష్‌ వారి చెర నుంచి తప్పించుకుని ఇందల్వాయి బస్టాండ్‌కు చేరుకున్నాడు. అక్కడి నుంచి కుటుంబ సభ్యులకు సమాచారం అందించి దోమకొండ పోలీసులకు ఫిర్యాదు చేశాడు. తమ నేరాన్ని కప్పిపుచ్చుకునేందుకు నిందితులు సర్పంచ్‌, ఉపసర్పంచ్‌లకు ఫోన్‌ చేసి, తాము బీహార్‌కు చెందినవారమని, తమ మహిళలతో అసభ్యంగా ప్రవర్తించినందుకే తీసుకెళ్లామని తప్పుడు సమాచారంతో తప్పుదోవ పట్టించే ప్రయత్నం చేశారు. మళ్లీ కిడ్నాప్‌నకు వచ్చి చిక్కారు.. బాధితుడు మొదటిసారి తీవ్ర భయాందోళనకు గురై పిల్లలున్నారని, ప్రాణాలు తీయవద్దని వేడుకోవడంతో అతడిని మరోసారి బెదిరించి డబ్బులు వసూలు చేయవచ్చని నిందితులు భావించారు. ఈక్రమంలో ఈనెల 9న అదే కారులో కోనాపూర్‌ గ్రామ శివారులోని ఎల్లమ్మ గుడి వద్ద మరోసారి కిడ్నాప్‌నకు పథకం వేస్తుండగా, పక్కా సమాచారంతో పోలీసులు దాడి చేసి నలుగురిని అదుపులోకి తీసుకున్నారు. నిందితుల నుంచి నేరానికి ఉపయోగించిన కారు, బైక్‌, బాధితుడి ఫోన్‌తోపాటు మొత్తం 5 ఫోన్లు, ఉన్ని టోపీని స్వాధీనం చేసుకున్నట్లు ఎస్పీ తెలిపారు. కేసు ఛేదనలో ప్రతిభ కనబరిచిన కామారెడ్డి డీఎస్పీ మధుసూదన్‌, భిక్కనూరు సీఐ నరేష్‌, దోమకొండ ఎస్సై ప్రభాకర్‌, కానిస్టేబుళ్లు సాయిబాబా, బాలకృష్ణ, భైరవప్రసాద్‌, హోంగార్డు శ్రీకాంత్‌లను ఎస్పీ అభినందించారు.

పెద్దకొడప్‌గల్‌: మండల పరిధిలోని హైవే పరిసరాల్లో ఉన్న అటవీ ప్రాంతా ల్లో అసాంఘిక కార్యకలాపాలను అరికట్టేందుకు పెద్దకొడప్‌గల్‌ పోలీసులు డ్రోన్‌ కెమెరాల సహాయంతో ప్రత్యేక నిఘా నిర్వహించారు. అటవీ ప్రాంతాల్లో పేకాట ఆడటం, మద్యం సేవించడం, ఇతర అసాంఘిక కార్యకలాపాలకు పాల్పడే వ్యక్తులను గుర్తించి, వారిపై చట్టపరమైన చర్యలు తీసుకోవడమే ఈ డ్రోన్‌ సర్వైలెన్స్‌ ఉద్దేశమని ఎస్సై అరుణ్‌ కుమార్‌ తెలిపారు. నమ్మదగిన సమాచరం మేరకు కాటేపల్లిలో పేకాట ఆడుతున్న వారిపై పోలీసులు దాడి నిర్వహించి, నలుగురిని పట్టుకుని వారి నుంచి రూ. 2,420, నాలుగు మొబైల్‌ ఫోన్లను స్వాధీనం చేసుకుని కేసు నమోదు చేసినట్లు ఎస్సై తెలిపారు. కార్యక్రమంలో పోలీస్‌ సిబ్బంది తదితరులు పాల్గొన్నారు.

కామారెడ్డి టౌన్‌: చేయూత పింఛన్ల మంజూరుకు సంబంధించి వివిధ అధికారుల లాగిన్‌లలో పెండింగ్‌లో ఉన్న దరఖాస్తులన్నింటినీ గడువులోగా పరిష్కరించాలని రెవెన్యూ అదనపు కలెక్టర్‌ విక్టర్‌ ఆదేశించారు. సోమవారం కలెక్టరేట్‌లోని సమావేశ మందిరంలో అధికారులతో నిర్వహించిన సమావేశంలో ఆయన మాట్లాడారు. పరిశీలనలో ప్రభుత్వం నిర్దేశించిన నిబంధనలను ఖచ్చితంగా పాటించాలన్నారు. అనర్హులకు పింఛన్లు ఇవ్వొద్దని, అదే సమయంలో అర్హత కలిగిన ఏ ఒక్క లబ్ధిదారుడూ అవకాశం కోల్పోకూడదని పేర్కొన్నారు. ఈ ప్రక్రియలో నిర్లక్ష్యం వహిస్తే చర్యలు తప్పవని హెచ్చరించారు. కార్యక్రమంలో స్థానిక సంస్థల అదనపు కలెక్టర్‌ ఎన్‌వై గిరి, డీఆర్‌డీవో దామోదర్‌రెడ్డి, జెడ్పీ సీఈవో చందర్‌ తదితరులు పాల్గొన్నారు.

నిజాంసాగర్‌: జిల్లాలో వానాకాలం సీజన్‌కు సంబంధించిన పంట నూర్పిడీ 75 శాతం పూర్తికావస్తున్నా.. ప్రభుత్వ కొనుగోలు కేంద్రాల్లో వరిధాన్యం తూకాల జాడ కరువైంది. దీంతో కొనుగోలు కేంద్రాల వద్ద వడ్ల రాశులు పేరుకుపోతున్నాయి. మరోవైపు వ్యాపారులు సిండికేటుగా మారి ధర తగ్గించడంతో రైతులు ఆందోళన చెందుతున్నారు. కొనుగోలు కేంద్రాలను ప్రారంభించినా.. జిల్లాలో సుమారు 6 లక్షల టన్నుల వరిధాన్యం సేకరణ లక్ష్యంగా 418 కొనుగోలు కేంద్రాలను ఏర్పాటు చేశారు. సొసైటీలు, ఐకేపీ ఆధ్వర్యంలో 15 రోజుల క్రితమే కొనుగోలు కేంద్రాలను లాంఛనంగా ప్రారంభించారు. అయితే ఇప్పటివరకు ఒకటిరెండు సెంటర్లు మినహా మిగతా చోట్ల తూకాలు మొదలు పెట్టలేదు. మరోవైపు రైతులు కోసింది కోసినట్లుగా పంటను కొనుగోలు కేంద్రాలకు తరలిస్తున్నారు. దీంతో కేంద్రాల వద్ద ఎటు చూసినా ధాన్యం రాశులే కనిపిస్తున్నాయి.పంట చేతికివచ్చే తరుణంలో వ్యాపారు లు ప్రభుత్వ మద్దతు ధర, బోనస్‌కు మించి చె ల్లించి కొనుగోలు చేసిన వ్యాపారులు.. ఆ త ర్వాత సిండికేటుగా మారి ధర తగ్గించేశారు. ప్ర భుత్వం కొనుగోళ్లను ప్రారంభించకపోవడంతో వ్యాపారులు చెప్పిందే ధరగా నడుస్తోంది. సీజ న్‌ ప్రారంభంలో పచ్చి సన్న వడ్లకు క్వింటాలు కు రూ. 3,500 వరకు చెల్లించిన వ్యాపారులు.. ప్రస్తుతం ఆరబెట్టినా రూ. 3 వేలు కూడా చెల్లించడం లేదు. దీంతో రైతులు నష్టపోతున్నారు.కొనుగోలు కేంద్రానికి వడ్లు తీసుకువచ్చి 15 రోజులవుతోంది. ఇప్పటికీ కాంటాలు మొదలు కాలేదు. వడ్ల సీరియల్‌ రాసేటోళ్లు కూడా లేరు. కేంద్రాల్లో కాంటాలు ప్రారంభించాలి. – వెంకట్‌రాంరెడ్డి, రైతు, కోమలంచ కొనుగోలు కేంద్రాల్లో పేరుకుపోతున్న ధాన్యం సిండికేటుగా మారి ధర తగ్గించిన వ్యాపారులు ఆందోళనలో అన్నదాతలు

కామారెడ్డి టౌన్‌: ప్రజా సమస్యల పరిష్కారానికి అధికారులు ప్రత్యేక శ్రద్ధ చూపి, దరఖాస్తులను త్వరితగతిన పరిష్కరించాలని రెవెన్యూ అదనపు కలెక్టర్‌ విక్టర్‌ ఆదేశించారు. సోమవారం కలెక్టరేట్‌లోని సమావేశ మందిరంలో ప్రజావాణి నిర్వహించారు. మొత్తం 45 ఫిర్యాదులు నమోదయ్యాయి. ఈ సందర్భంగా అదనపు కలెక్టర్‌ మాట్లాడుతూ ప్రజలు ఎన్నో ఆశలతో ప్రజావాణికి వస్తారని, వారి ఫిర్యాదులను క్షుణ్ణంగా పరిశీలించి పరిష్కరించేందుకు అధికారులు బాధ్యతాయుతంగా పనిచేయాలని సూచించారు. ప్రజావాణిలో అందిన ప్రతి దరఖాస్తుపై సంబంధిత శాఖల అధికారులు ప్రత్యేక దృష్టి సారించాలని, పరిష్కారానికి తీసుకున్న చర్యల వివరాలను ఎప్పటికప్పుడు సమీక్షించాలని సూచించారు. కార్యక్రమంలో స్థానిక సంస్థల అదనపు కలెక్టర్‌ ఎన్‌వై గిరి, జిల్లా పరిషత్‌ సీఈవో చందర్‌, ఆయా శాఖల జిల్లా అధికారులు పాల్గొన్నారు.

● ప్రభుత్వ సలహాదారు షబ్బీర్‌అలీభిక్కనూరు/దోమకొండ/కామారెడ్డి రూరల్‌: ఇందిరమ్మ ఇళ్ల పథకంతో పేదల సొంతింటి కల నెరవేరుతోందని, వారి జీవితాల్లో వెలుగులు నిండుతున్నాయని ప్రభుత్వ సలహాదారు షబ్బీర్‌అలీ పేర్కొన్నారు. ఆదివారం భిక్కనూరు, దోమకొండ మండల కేంద్రాలతోపాటు కామారెడ్డి మండలం తిమ్మక్‌పల్లి(జీ), గర్గుల్‌ గ్రామాల్లో ప్రభుత్వం ఆధ్వర్యంలో ‘మా ఇందిరమ్మ ఇంట్లో దీపావళి’ వేడుకలు నిర్వహించారు. షబ్బీర్‌ అలీ, ప్రజాప్రతినిధులు, అధికారులు ఇందిరమ్మ ఇళ్ల లబ్ధిదారుల ఇళ్ల వద్ద దీపాలు వెలిగించి, టపాకాయలు కాల్చారు. ఇందిరమ్మ లబ్ధిదారులకు దుస్తులు అందజేశారు. ఈ సందర్భంగా షబ్బీర్‌ అలీ మాట్లాడుతూ కార్యక్రమాలలో సర్పంచ్‌లు బల్యాల రేఖ, ఐరేని నర్సయ్య, చింతల దివ్య, మోతె యాదగిరి గౌడ్‌, జిల్లా గ్రంథాలయ సంస్థ చైర్మన్‌ చంద్రకాంత్‌రెడ్డి, ఏఎంసీ చైర్మన్‌ లక్ష్మీరాజాగౌడ్‌, సొసైటీల చైర్మన్లు భూమయ్య, అనంతరెడ్డి, సుతారి రమేష్‌, శ్రీనివాస్‌రెడ్డి, పీసీసీ రాష్ట్ర ప్రధాన కార్యదర్శి ఇంద్రకరణ్‌రెడ్డి, డీసీసీ మాజీ అధ్యక్షుడు కై లాస్‌ శ్రీనివాస్‌రావు, నాయకులు నరేందర్‌రెడ్డి, మోహన్‌రెడ్డి, లింబాద్రి, సందీప్‌, శ్రీనివాస్‌, తిర్మల్‌గౌడ్‌, సీతారం మధు, శ్రీనివాస్‌, దుర్గారెడ్డి, బాల్‌రాజు, మహమ్మద్‌ ఇలియాస్‌, రవితేజ గౌడ్‌ తదితరులు పాల్గొన్నారు.

కామారెడ్డి టౌన్‌: దీపావళి పండుగ సందర్భంగా జిల్లావ్యాప్తంగా పేకాట స్థావరాలపై పోలీసులు దాడులు చేశారు. నాలుగు ప్రత్యేక బృందాలతో పాటు పోలీస్‌స్టేషన్ల సిబ్బంది విస్తృతంగా దాడులు నిర్వహించినట్లు ఎస్పీ రాజేష్‌ చంద్ర తెలిపారు. ఈ దాడుల్లో మొత్తం 108 కేసులు నమోదు చేసి 598 మందిని అరెస్టు చేశామన్నారు. నిందితుల నుంచి రూ. 17.40 లక్షల నగదుతో పాటు మొబైల్‌ ఫోన్లు, వాహనాలను స్వాధీనం చేసుకున్నామన్నారు. అరెస్టయిన వారిలో ప్రభుత్వ ఉద్యోగులు, రాజకీయ నాయకులు కూడా ఉన్నారని తెలిపారు. పట్టుబడిన ఉద్యోగుల వివరాలను సంబంధిత శాఖల ఉన్నతాధికారులకు నివేదిస్తామన్నారు. జిల్లాలో ఈ ఏడాది ఇప్పటివరకు 286 పేకాట కేసులు నమోదు చేసి 1,583 మందిని అరెస్టు చేయడంతో పాటు రూ.37 లక్షల నగదును సీజ్‌ చేశామని తెలిపారు. కామారెడ్డి టౌన్‌ : అంతర్జాతీయ దివ్యాంగుల దినోత్సవాన్ని పురస్కరించుకుని ప్రదానం చేసే రాష్ట్ర స్థాయి అవార్డుల కోసం అర్హులైన వారి నుంచి దరఖాస్తులు ఆహ్వానిస్తున్నట్లు జిల్లా సంక్షేమ అధికారి సోమవారం ఒక ప్రకటనలో తెలిపారు. దివ్యాంగుల అభ్యున్నతి, సాధికారతకు విశేష కృషి చేసిన వ్యక్తులు, స్వచ్ఛంద సంస్థలను వచ్చేనెల 3న హైదరాబాద్‌లో జరిగే రాష్ట్ర స్థాయి వేడుకల్లో సత్కరిస్తామని పేర్కొన్నారు. అవార్డులకు సంబంధించిన దరఖాస్తు నమూనా, పూర్తి మార్గదర్శకాలను https://depwdsctgp.telangana.gov.in వెబ్‌సైట్‌ నుంచి డౌన్‌లోడ్‌ చేసుకోవాలని సూచించారు. అర్హులైన దివ్యాంగులు, సేవకులు, స్వచ్ఛంద సంస్థల ప్రతినిధులు తమ దరఖాస్తులను తగిన ధ్రువీకరణ పత్రాలతో ఈనెల 16వ తేదీలోపు కలెక్టరేట్‌లోని జిల్లా సంక్షేమ శాఖ కార్యాలయంలో రూం 31లో అందజేయాలని సూచించారు. కామారెడ్డి టౌన్‌: ఇంటర్మీడియట్‌ మొదటి సంవత్సరంలో ప్రవేశాలు పొందేందుకు ఈనెల 14 వరకు చివరి అవకాశం కల్పించినట్లు జిల్లా ఇంటర్‌ నోడల్‌ అధికారి షేక్‌ సలాం సోమవారం ఒక ప్రకటనలో తెలిపారు. వివిధ కారణాలతో ఇప్పటివరకు కళాశాలల్లో చేరని విద్యార్థుల భవిష్యత్తును దృష్టిలో ఉంచుకుని ఇంటర్‌ బోర్డు ఈ నిర్ణయం తీసుకుందని పేర్కొన్నారు. 14వ తేదీ వరకు అన్ని అనుబంధ జూనియర్‌ కళాశాలల్లో అడ్మిషన్ల ఎన్‌రోల్‌మెంట్‌ ప్రక్రియ అందుబాటులో ఉంటుందని తెలిపారు. ప్రభుత్వ జూనియర్‌ కళాశాలలు, ప్రభుత్వ రంగ విద్యాసంస్థల్లో ప్రవేశాలకు ఎటువంటి ఆలస్య రుసుము ఉండదని, ప్రైవేట్‌ అన్‌ఎయిడెడ్‌ జూనియర్‌ కళాశాలల్లో చేరే విద్యార్థులు రూ. వెయ్యి అపరాధ రుసుముతో ప్రవేశం పొందవచ్చని పేర్కొన్నారు. కామారెడ్డి అర్బన్‌: స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) సెపక్‌ తక్రా 70వ రాష్ట్రస్థాయి అండర్‌–14 బాలబాలికల క్రీడల పోటీల ఎంపికల టెక్నికల్‌ అధికారిగా కామారెడ్డి ప్రెసిడెన్సియల్‌ హైస్కూల్‌ పీఈటీ నరేశ్‌ ఎంపికయ్యారు. సెపక్‌ తక్రా క్రీడలు ఈనెల 12, 13, 14 తేదీల్లో జనగామ జిల్లాకేంద్రంలోని ధర్మకంచ మినీ స్టేడియంలో జరగనున్నాయి. ఈ సందర్భంగా ఆయన మాట్లాడు తూ జాతీయ స్థాయి సెపక్‌తక్రా పోటీలకు క్రీడాకారులను ఎంపిక చేయడంలో సాంకేతిక అధికారుల పాత్ర కీలకమన్నారు. తనకు అవకాశం ఇచ్చినందుకు సమాఖ్యకు కృతజ్ఞతలు తెలిపారు. భిక్కనూరు: హెచ్‌ఐవీ రహిత సమాజాన్ని నిర్మించడానికి ప్రతి ఒక్కరు కృషి చేయాలని వైఆర్‌జీ కేర్‌ ఉమ్మడి జిల్లా రిసోర్స్‌ పర్సన్‌ సుధాకర్‌ కోరారు. సోమవారం భిక్కనూరు పీహెచ్‌సీలో నిర్వహించిన ఆశా వర్కర్లు, వైద్య సిబ్బంది సమావేశంలో ఆయన మాట్లాడారు. గ్రామీణ ప్రాంతాలలో హెచ్‌ఐవీ, సుఖ వ్యాధులు, టీబీపై అవగాహన కల్పిస్తూ, వ్యాధిగ్రస్తులకు సేవలు అందిస్తున్నామని తెలిపారు. హై రిస్క్‌ సముదాయాన్ని గుర్తించి, అవగాహన కల్పిస్తూ నివారణ జాగ్రత్తలను వివరిస్తున్నామన్నారు. ఆయా వ్యాధుల పరీక్షలు, ఆరోగ్య సేవల కోసం ప్రభుత్వ ఆస్పత్రులను సద్వినియోగం చేసుకోవాలని సూచించారు.

సికింద్రాబాద్‌ –నాందేడ్‌ – ముథ్కేడ్‌ రైల్వే మా ర్గంలో సింగిల్‌ ట్రాక్‌ మాత్రమే ఉంది. దీంతో ఎదు రుగా వేరే రైలు వస్తే సమీపంలోని స్టేషన్‌లో మరో రైలును నిలిపివేయాల్సి వస్తోంది. ఆ రైలు స్టేషన్‌ దాటేదాకా ప్రయాణికులు వేచి ఉండాల్సిన పరిస్థితి. దీంతో వారు తీవ్ర అసౌకర్యానికి గురవుతున్నారు. క్రాసింగ్‌ల మూలంగా మాటిమాటికీ రైళ్ల నిలిపివేతతో రైలు ప్రయాణం అంటేనే విసుగు వస్తుంటుంది. ఉమ్మడి జిల్లాలో.. సింగిల్‌ రైల్వే లైన్‌ వల్ల ఏర్పడుతున్న సమస్యకు చెక్‌ పెట్టేందుకు రైల్వే శాఖ డబ్లింగ్‌ పనులు చేపట్టింది. మేడ్చల్‌ నుంచి నాందేడ్‌ వరకు దాదాపు 221 కిలోమీటర్ల పరిధిలో ఇప్పటికే కొన్ని ప్రాంతాల్లో డబ్లింగ్‌ పనులు పూర్తయ్యాయి. నిజామాబాద్‌ నుంచి కామారెడ్డి మీదుగా మనోహరాబాద్‌, మేడ్చల్‌ వరకు పనులు కొనసాగుతున్నాయి. దక్షిణ మధ్య రైల్వే పర్యవేక్షణలో జరుగుతున్న ఈ డబ్లింగ్‌ పనులు నిజామాబాద్‌, కామారెడ్డి జిల్లాల పరిధిలోని పలు సెక్షన్లలో ముమ్మరమయ్యాయి. డబుల్‌ లైన్‌ కోసం మట్టి పనులతో పాటు, వంతెనల నిర్మాణ పనులు నడుస్తున్నాయి. మేడ్చల్‌ –కామారెడ్డి –నిజామాబాద్‌ సెక్షన్‌లో మేడ్చల్‌ –మరోహరాబాద్‌ వరకు ఒక బిట్‌గా, మాసాయిపేట –అక్కన్నపేట, కామారెడ్డి –ఇందల్వాయి –డిచ్‌పల్లి వేర్వేరు బిట్ల రూపంలో పనులు చేపట్టారు. ఇప్పటికే చాలావరకు ఎర్త్‌వర్క్‌ పూర్తయ్యింది. కొన్నిచోట్ల పనులు కొనసాగుతున్నాయి. ఇంకొన్ని చోట్ల కంకర కూడా పరుస్తున్నారు. మరోవైపు వంతెనల పనులూ నడుస్తున్నాయి. 2027 చివరి నాటికి ఈ మార్గంలో డబ్లింగ్‌ పనులు పూర్తవుతాయని భావిస్తున్నారు.అమృత్‌ స్కీం కింద కామారెడ్డి, నిజామాబాద్‌ రైల్వే స్టేషన్‌ల ఆధునికీకరణకు కేంద్ర రైల్వే మంత్రిత్వ శాఖ భారీ ఎత్తున నిధులు మంజూరు చేసింది. కామారెడ్డి స్టేషన్‌ అభివృద్ధికి రూ.39.84 కోట్లు, నిజామాబాద్‌ స్టేషన్‌కు రూ.58 కోట్లు మంజూరరయ్యాయి. మొదట్లో పనులు మందకొడిగా సాగినా ఇటీవల వేగం పుంజుకున్నాయి. రెండు రైల్వే స్టేషన్‌ల రూపురేఖలు మారుస్తున్నారు. ఆధునిక డిజైన్లతో మెరుగులు అద్దుతున్నారు. ప్రయాణికుల సౌకర్యం కోసం చేపట్టిన లిఫ్ట్‌లు, ఎస్కలేటర్లు, ఫుట్‌ ఓవర్‌ బ్రిడ్జీల పనులు పూర్తి కావచ్చాయి. స్టేషన్‌లోకి వెళ్లే గేట్లను విస్తరించడానికి కోకాలను తొలగించనున్నారు. స్టేషన్‌కు ఆధునిక హంగులు తీసుకువచ్చేలా పనులు కొనసాగుతున్నాయి.ఇప్పటికే సికింద్రాబాద్‌ నుంచి కామారెడ్డి, నిజామాబాద్‌ మీదుగా నాందేడ్‌ వరకు విద్యుదీకర ణ పనులు పూర్తయి విద్యుత్‌ ఇంజన్లతో రైళ్లు పరుగులు తీస్తున్నాయి. డబ్లింగ్‌ పనులు పూర్తయితే క్రా సింగ్‌ కష్టాలు తీరనున్నాయి. దీంతో ఈ మార్గంలో రైళ్ల రాకపోకలకు ఆటంకాలు పూర్తిగా తొలగిపోయి ప్రయాణ సమయం తగ్గనుంది. కామారెడ్డి నుంచి హైదరాబాద్‌కు గంటన్నరలో చేరుకోవచ్చు. నిజామాబాద్‌కు సైతం ప్రయాణ సమయం తగ్గుతుంది. అలాగే డబ్లింగ్‌ అయిన తర్వాత మరిన్ని రైలు సర్వీసులు అందుబాటులోకి వచ్చే అవకాశాలుంటాయి. సికింద్రాబాద్‌ నుంచి నాందేడ్‌కు వందే భారత్‌ రైలు నడపేందుకు ఇప్పటికే రైల్వే శాఖ ప్రణాళికలు రూపొందించింది. డబ్లింగ్‌ పూర్తయితే ఈ మార్గంలో వందే భారత్‌ రైలు సేవలు కూడా అందుబాటులోకి వస్తాయని భావిస్తున్నారు. కామారెడ్డి, నిజామాబాద్‌ జిల్లాల్లో కొనసాగుతున్న పనులు వచ్చే ఏడాది అందుబాటులోకి వచ్చే అవకాశం తీరనున్న క్రాసింగ్‌ కష్టాలు.. పెరగనున్న రైలు సర్వీసులు

నిజాంసాగర్‌(జుక్కల్‌): మద్యం తాగేందుకు డబ్బులు ఇవ్వాలని గొడవపడిన కుమారుడిని హతమార్చిన తండ్రి శివరాంను శనివారం బిచ్కుంద పోలీసులు రిమాండ్‌కు తరలించారు. సీఐ రవికుమార్‌ మాట్లాడుతూ బిచ్కుందకు చెందిన చాకలి సురేష్‌ జులాయిగా తిరుగుతూ మద్యానికి బానిసయ్యాడు. మద్యం తాగేందుకు డబ్బుల కోసం నిత్యం తల్లిదండ్రులతో గొడపడుతున్నాడు. ఈ నెల 4న సురేష్‌ డబ్బులు ఇవ్వాలని తల్లి, తండ్రితో గొడవపడి తల్లిపై చేయిచేసుకునే ప్రయత్నం చేశాడు. తల్లిపైకి వెళ్లిన కుమారుడు సురేష్‌ను తండ్రి శివరాం నెట్టేసి టవల్‌తో గొంతునులిమి హతమార్చినట్లు సీఐ వెల్లడించారు. శివరాంపై హత్యనేరం కేసు నమోదు చేసి, టవల్‌ను స్వాధీనం చేసుకొని రిమాండ్‌కు తరలించారు. హత్య కేసును ఛేదించిన ఎస్సై రాజు, సీఐ రవీకుమార్‌ ఎస్పీ రాజేశ్‌చంద్ర అభినందించారు.

ఎస్సీ, ఎస్టీ ఉపాధ్యాయ సంఘం మండల కమిటీలు ఎన్నిక బాన్సువాడ: ఉద్యోగులు చేసిన తప్పు ప్రజలకు శాపంగా మారింది. పట్టణంలోని కొన్ని కాలనీల్లో మున్సిపల్‌, రిజిస్ట్రార్‌ కార్యాలయం సిబ్బంది ఒకే ఇంటికి రెండు నంబర్లు ఇవ్వడంతో యజమానులు తంటాలు పడుతున్నారు. ఇల్లు క్రయ, విక్రయాల సమయంలో రిజిస్ట్రేషన్‌ కార్యాలయం నుంచి ఒక ఇంటి నంబర్‌ అలాట్‌ చేశారు. ఇది తెలియని చాలా మంది మున్సిపల్‌ కార్యాలయం నుంచి మరో ఇంటి నంబర్‌ తీసుకున్నారు. ఇలా ఒకే ఇంటికి రెండు నంబర్లు ఆన్‌లైన్‌లో నమోదయ్యాయి. ఈ విషయం యజమానులకు తెలియదు. తాజాగా ఆస్తి పన్ను బకాయి నోటీసులు రావడంతో అసలు విషయం వెలుగులోకి వచ్చింది. 150 ఇళ్లకు రెండు నంబర్లు.. పట్టణంలోని టీచర్స్‌ కాలనీ, ఎన్‌జీవోఎస్‌ కాలనీ, సాయినగర్‌ కాలనీ, సాయికృపా కాలనీ, అర్ఫత్‌ కాలనీ, బీడీ వర్కర్స్‌ కాలనీ, చైతన్య కాలనీ తదితర ప్రాంతాల్లో రెండు నంబర్లు ఉన్న భవనాలు పదుల సంఖ్యలో ఉన్నట్లు తెలిసింది. ఒక్క బాన్సువాడ బల్దియా పరిధిలో సుమారు 130 –150 వరకు ఒకే ఇంటికి రెండు నంబర్లు ఉన్నట్లు తెలిసింది.బాన్సువాడ మున్సిపల్‌ పరిధిలో ఒక ఇంటికి రెండు నంబర్లు ఉన్న ఇళ్ల జాబితాను తయారు చేస్తున్నాం. ఏ కాలనీల్లో ఉన్న వరుస నంబర్లను వారికి ఇచ్చి రెండవ నంబర్‌ను డిలెట్‌ చేస్తాం. పట్టణంలో ఉన్న ప్రతీ ఇంటిని క్షుణంగా పరిశీలించి జాబితాను రూపొందిస్తున్నాం. –గంగాధర్‌, మున్సిపల్‌ కమిషనర్‌, బాన్సువాడ బాన్సువాడ బల్దియా పరిధిలో గృహాలు – 8,200 పట్టణ జనాభా– 40 వేలు వార్డులు–19 బాన్సువాడ బల్దియాలో పలు ఇళ్లకు రెండు నంబర్లు రెండింటికీ ఆస్తి పన్ను జారీ పన్ను చెల్లింపుపై యజమానుల తర్జన భర్జన

దోమకొండ: తాగునీటిని పొదుపుగా వాడుకోవాలని ఎంపీవో రవికుమార్‌ అన్నారు. శనివారం మండల కేంద్రంలో జలఅర్పణ్‌ దివస్‌ కార్యక్రమం నిర్వహించగా ఆయన పాల్గొని మాట్లాడారు. మిషన్‌ భగీరథ పథకం వల్ల ప్రతి ఇంటికి తాగునీరు అందుతోందని అన్నారు. ఎల్‌నినో ప్రభావం వల్ల తాగు సాగునీటి ఇబ్బందులు ఎదురయ్యే అవకాశం ఉందని ప్రజలు నీటిని జాగ్రత్తగా పొదుపుగా వాడుకోవాలని అవగాహన కల్పించారు. జీపీ కార్యాలయంలో నిర్వహించిన కార్యక్రమంలో తాగునీటి పొదుపుపై ప్రతిజ్ఞ నిర్వహించారు. కార్యక్రమంలో సర్పంచ్‌ ఐరేని నర్సయ్య, ఉపసర్పంచ్‌ బొమ్మెర శ్రీనివాస్‌, ఆర్‌డబ్ల్యూఎస్‌ ఏఈ రజిత, సింగిల్‌ విండో చైర్మన్‌ అనంతరెడ్డి, చేనేత సహకార సంఘం అధ్యక్షుడు బత్తిని సిద్ధరాములు, జీపీ కార్యదర్శి యాదగిరి, వార్డు సభ్యులు, వివిధ పార్టీల నాయకులు పాల్గొన్నారు.

బాన్సువాడ : నాటు బాంబు పేలుళ్ల ఘటనలో గాయపడిన కాదమాన్ల రమేశ్‌(30) అనే వ్యక్తి చికిత్స పొందుతూ శనివారం మృతి చెందాడు. ఐదు రోజుల క్రితం బాన్సువాడ మండలంలోని ఎర్రమన్నుకుచ్చ కాలనీలో నాటు బాంబులు పేలడంతో ఏడుగురు గాయపడిన విషయం తెలిసిందే. చికిత్స పొందుతూ రమేశ్‌ మృతి చెందినట్లు సీఐ శ్రీధర్‌ తెలిపారు. బడాపహాడ్‌లో ఒకరు.. వర్ని: మండలంలోని బడా పహాడ్‌ వద్ద గుర్తు తెలియని వ్యక్తి(40) శనివారం మధ్యాహ్నం మృతి చెందినట్లు ఎస్సై వంశీకృష్ణారెడ్డి తెలిపారు. మృతుడు ఐదు అడుగుల ఎత్తు, ఆకుపచ్చ రంగు టీ షర్టు ధరించి ఉన్నాడని పేర్కొన్నారు. శరీరంలో నీటిశాతం తగ్గడం కారణంగానే వ్యక్తి మృతి చెందినట్లు అనుమానం వ్యక్తం చేశారు. సంబంధీకులు ఎవరైనా ఉంటే వర్ని పోలీస్‌ స్టేషన్‌లో సంప్రదించాలని సూచించారు. కామారెడ్డి టౌన్‌: రోడ్డు ప్రమాదంలో ఓ యువకుడు దుర్మరణం చెందిన ఘటన దేవునిపల్లి పోలీస్‌స్టేషన్‌ పరిధిలో చోటు చేసుకుంది. పోలీసులు, స్థానికులు తెలిపిన వివరాల ప్రకారం.. మండలంలోని చిన్నమల్లారెడ్డి గ్రామానికి చెందిన గుర్జా నవదీప్‌ (20) శనివారం లింగాయిపల్లి టర్నింగ్‌ సమీపంలో బైక్‌ పైనుంచి ప్రమాదవశాత్తు కిందపడి తీవ్రంగా గాయపడ్డాడు. గమనించిన స్థానికులు వెంటనే చికిత్స నిమిత్తం ప్రభుత్వ జనరల్‌ ఆస్పత్రికి తరలించారు. అయితే మార్గమధ్యంలోనే నవదీప్‌ మృతి చెందాడు. మృతదేహాన్ని పోస్టుమార్టం నిమిత్తం మార్చురీకి తరలించారు. బంధువుల ఫిర్యాదు మేరకు కేసు నమోదు చేసినట్లు ఎస్సై రంజిత్‌ తెలిపారు.

నాగిరెడ్డిపేట/ లింగంపేట: ఎల్లారెడ్డి నియోజకవర్గంలో గతయేడు సంభవించిన భారీవరదలతో తెలగిపోయిన చెరువులకు ఆనకట్టలు నిర్మించేందుకు అవసరమైన నిధులు మంజూరు చేయాలని రాష్ట్రనీటిపారుదలశాఖ మంత్రి ఉత్తమ్‌కుమార్‌రెడ్డిని టీజేఎస్‌ నాయకులు కోరారు. హైదరాబాద్‌లో శనివారం ఎమ్మెల్సీ కోదండరాం ఆధ్వర్యంలో తెలంగాణ జనసమితి(టీజేఎస్‌) ప్రధాన కార్యదర్శి డా.నిజ్జన రమేశ్‌ మంత్రిని కలిసి నియోజకవర్గంలోని సమస్యలను వివరించారు. ఎల్లారెడ్డి నియోజకవర్గంలో వర్షాలు లేక భూగర్భజలాలు తగ్గిపోయి రైతులకు సాగునీటి సమస్య తలెత్తిందని మంత్రితో ఆయన పేర్కొన్నారు. నియోజకవర్గంలోని కన్నాపూర్‌, పొల్కంపేట, లింగంపల్లి చెరువుల గురించి ఆయన మంత్రితో చర్చించారు. మంత్రిని కలిసినవారిలో ఆశప్ప, సలీంపాష, అరుణ్‌కుమార్‌ తదితరులు ఉన్నారు.

● డీఈవో మల్లికార్జున్‌కామారెడ్డి టౌన్‌ : విద్యార్థులు కమ్యూనికేషన్‌ స్కిల్స్‌ పెంపొందించుకుని, ఆత్మవిశ్వాసాన్ని మెరుగు పరుచుకోవాలని జిల్లా విద్యాశాఖాధికారి మల్లికార్జున్‌ సూచించారు. దేవునిపల్లిలోని జిల్లా పరిషత్‌ ఉన్నత పాఠశాలలో జిల్లా స్థాయి రోల్‌ ప్లే పోటీల ముగింపు కార్యక్రమాన్ని శనివారం నిర్వహించారు. కార్యక్రమంలో ఆయన మాట్లాడుతూ పోటీ పరీక్షలలో రాణించాలంటే చదువుతో పాటు కళలు, సాహిత్యం, సాంస్కృతిక కార్యక్రమాలలో తరచూ పాల్గొంటూ సృజనాత్మక నైపుణ్యాలు పెంపొందించుకోవాలన్నారు. ఈ పోటీలలో కామారెడ్డి జిల్లా పరిషత్‌ బాలికల ఉన్నత పాఠశాల విద్యార్థులు ప్రథమ, దేవునిపల్లి విద్యార్థులు ద్వితీయ, జనగామ ఉన్నత పాఠశాల విద్యార్థులు తృతీయ బహుమతులు గెలుచుకున్నారు. కార్యక్రమంలో జిల్లా అకడమిక్‌ మానిటరింగ్‌ అధికారి వేణుగోపాల్‌, ఇన్‌చార్జి ప్రధానోపాధ్యాయులు శ్రీనివాస్‌ ఎఫ్‌ఎల్‌ఎం సెల్‌ సభ్యులు రంజిత్‌రెడ్డి, శ్రీధర్‌గౌడ్‌, లాల్‌ సింగ్‌ స్వామి, న్యాయ నిర్ణేతలు శ్రీనివాస్‌ యాదవ్‌, అనిల్‌ కుమార్‌ తదితరులు పాల్గొన్నారు.

పెద్దకొడప్‌గల్‌: మండల కేంద్రంలోని జెడ్పీ ఉన్నత పాఠశాలలో శనివారం 70వ ఎస్జీఎఫ్‌ జిల్లా స్థాయి అండర్‌–14, 17 కబడ్డీ పోటీలు అట్టహాసంగా ప్రారంభమయ్యాయి. అధికారులు, ప్రజాప్రతినిధులు, నాయకులు క్రీడలను ప్రారంభించారు. క్రీడాకారుల కోసం హెల్త్‌ క్యాంప్‌ ఏర్పాటు చేశారు. విజేతలకు బహుమతులు అందజేశారు. కార్యక్రమంలో మాజీ ఎమ్మెల్యే గంగారాం, తహసీల్దార్‌ రాజశేఖర్‌, ఎంపీడీవో అభినవ్‌ చందర్‌, ఎంఈవో ప్రవీణ్‌ కుమార్‌, ఎస్సీ సెల్‌ మాజీ చెర్మన్‌ సౌదగార్‌ అరవింద్‌, ఉపాధ్యాయులు, విద్యార్థులు తదితరులు పాల్గొన్నారు. సదాశివనగర్‌: హ్యాండ్‌బాల్‌ అసోసియేషన్‌ జిల్లా నూతన కార్యవర్గాన్ని శనివారం మండలంలోని భూంపల్లి జీపీ గార్డెన్‌లో ఏకగీవ్రంగా ఎన్నుకున్నారు. అధ్యక్షుడిగా విజయ్‌బాబు, ప్రధాన కార్యదర్శిగా ఏనుగు సతీశ్‌రెడ్డి, కోశాధికారిగా బ్యాగరి లింగం ఎన్నికయ్యారు. జిల్లా యువజన క్రీడల అధికారి వెంకటేశ్వరగౌడ్‌, వ్యాయామ ఉపాధ్యాయులు పాల్గొన్నారు. కామారెడ్డి టౌన్‌: తమ న్యాయమైన సమస్యలను పరిష్కరించాలని డిమాండ్‌ చేస్తూ జిల్లా కేంద్రంలోని ఽకలెక్టరేట్‌ ధర్నా చౌక్‌లో జాతీయ ఆరోగ్య మిషన్‌ ఉద్యోగులు చేపట్టిన నిరవధిక సమ్మె శనివారంతో 26వ రోజుకు చేరింది. ఉద్యోగుల సంఘం జిల్లా జేఏసీ అధ్యక్షుడు తాళ్లపల్లి సుమన్‌, మారుతి, హరీశ్‌, అశ్విని, రాహుల్‌, గౌతమి, మంజుల, ఇంది ర, శ్రావణి, వరలక్ష్మి, స్వాతి, రమ్య, భారతి, నిశాంతిని, రఘు, శోభారాణి, గణేశ్‌, శేఖర్‌ పాల్గొన్నారు.

లింగంపేట: మండలంలోని ఆయా గ్రామాల్లో ఉన్న పాఠశాలల్లో శనివారం దీపావళి సంబరాలు నిర్వహించారు. పాఠశాలల్లో చిన్నారులు, ఉపాధ్యాయులు పటాకులు కాల్యారు. ఉపాధ్యాయులు, విద్యార్థులు పాల్గొన్నారు. ఎల్లారెడ్డిరూరల్‌: పటాకుల దుకాణాల నిర్వాహకులు అగ్నిప్రమాద నివారణ చర్యలు తీసుకోవాలని ఫైర్‌ ఆఫీసర్‌ వినోద్‌ అన్నారు. శనివారం పటాకుల దుకాణాలను పరిశీలించారు. దుకాణాల నిర్వాహకులు నిబంధనలు అతిక్రమించరాదని అన్నారు. ప్రమాదాలు సంభవించినప్పుడు తీసుకోవాల్సిన చర్యల గురించి వివరించారు. కామారెడ్డి అర్బన్‌: ధన, శని, యమ త్రయోదశి, మాస శివరాత్రి, ధన్వంతరి జయంతి సందర్భంగా శనివారం తెల్లవారు జామున స్థానిక శ్రీశనేశ్వరుడు, యమ ఆలయం వద్ద వేదపండితులు ఆంజనేయశర్మ విశేష తైలాభిషేకం నిర్వహించారు. శనేశ్వర హోమం, సాయంత్రం వైద్యనాథేశ్వర సామూహిక రుద్రాభిషేకం చేశారు. వివిధ ప్రాంతాల నుంచి వచ్చిన భక్తులు పెద్ద ఎత్తున పాల్గొని శని, యమ తైలాభిషేక పూజలు, ప్రదిక్షణలు చేపట్టారు. నస్రుల్లాబాద్‌: మండలంలోని మిర్జాపూర్‌ గ్రామంలో శుక్రవారం అర్ధరాత్రి, శనివారం హాజీపూర్‌లో పేకాడుతున్న 10 మందిని అదుపులోకి తీసుకున్నట్లు ఏఎస్సై గంగారాం తెలిపారు. వారి నుంచి రూ.9,460 నగదు, 8 సెల్‌ఫోన్లు, రెండు బైక్‌లను స్వాధీనం చేసుకున్నట్లు పేర్కొన్నారు.

గాంధారి(ఎల్లారెడ్డి): అనుమానాస్పద స్థితిలో యువతి మృతి చెందిన ఘటన గాంధారి మండల కేంద్రంలో శనివారం చోటు చేసుకుంది. సదాశివనగర్‌ సీఐ వీరయ్య తెలిపిన వివరాల ప్రకారం.. హైదరాబాద్‌లోని ఎర్రగడ్డ ప్రాంతానికి చెందిన ఆర్తి కౌర్‌(20) ఈ నెల 4న గాంధారిలో ఉండే అమ్మమ్మ ఇంటికి తల్లిదండ్రులతో కలిసి వచ్చింది. శుక్రవారం అర్ధరాత్రి అందరూ నిద్రించిన తర్వాత ఇంటి బయటకువెళ్లింది. గమనించిన కుటుంబసభ్యులు చుట్టు పక్కల వెతికారు. ఆచూకీ లభించలేదు. శనివారం ఉదయం సెల్‌టవర్‌ వద్ద ఆర్తి కౌర్‌గా మృతదేహమై కనిపించింది. పోలీసులు ఘటనా స్థలానికి చేరుకొని మొదట హత్యగా భావించారు. సీసీఫుటేజీలను పరిశీలించి డాగ్‌స్క్వాడ్‌ రప్పించి విచారణ చేశారు. పోలీసు జాగిలం ఘటనా స్థలం నుంచి వారి ఇంటి వరకు వెళ్లి తిరిగి వచ్చింది. యువతి మొహంపై బలమైన గాయం, ఓ చేయి, కాలు విరిగి ఉండటంతో సెల్‌టవర్‌ పై నుంచి దూకి ఆత్మహత్యకు పాల్పడినట్లుగా భావిస్తున్నామని సీఐ తెలిపారు. యువతికి ఇటీవల సూర్యపేట్‌ జిల్లా మిర్యాలగూడకు చెందిన యువకునితో పెళ్లి నిశ్చయమైంది. ఈ నెల 28న పెళ్లి జరగాల్సి ఉందని పేర్కొన్నారు. ఘటనా స్థలాన్ని ఎల్లారెడ్డి డీఎస్పీ శ్రీనివాస్‌ రావు పరిశీలించారు. మృతురాలి తండ్రి బహదూర్‌ సింగ్‌ ఫిర్యాదు మేరకు కేసు నమోదు చేసి మృతదేహాన్ని పోస్టుమార్టం నిమిత్తం కామారెడ్డి ప్రభుత్వ ఆస్పత్రికి తరలించారు. స్థానిక ఎస్సై మహేందర్‌, సిబ్బంది ఉన్నారు.

రాజంపేట/ కామారెడ్డి రూరల్‌: రాజంపేట మండల కేంద్రంలో పలువురు లబ్ధిదారుల ఇళ్ల నిర్మాణాలకు కాంగ్రెస్‌ పార్టీ నాయకులు శనివారం భూమి పూజ చేశారు. కార్యక్రమంలో కాంగ్రెస్‌ పార్టీ పట్టణ అధ్యక్షుడు సాయిబాబా పటేల్‌, నేతలు దొబ్బల దుర్గం, అంద్యాల సురేశ్‌, మేకల నర్సింలు, పందల స్వామి, పుట్ట గణేశ్‌, తొడంగుల సిద్ధరాంలు, ఆకుల రాజిరెడ్డి, అల్తాప్‌ తదితరులు పాల్గొన్నారు. కామారెడ్డి మండలంలోని క్యాసంపల్లిలో లబ్ధిదారుల ఇళ్ల నిర్మాణాలకు కాంగ్రెస్‌ నాయకులు ముగ్గు మార్కింగ్‌ కార్యక్రమాన్ని నిర్వహించారు. సర్పంచ్‌ అడపా శ్యామ్‌, ఉప సర్పంచ్‌, జీపీ కార్యదర్శి చంద్రకళ, ఇందిరమ్మ కమిటీ సభ్యులు, గ్రామస్తులు తదితరులు పాల్గొన్నారు.

లింగంపేట/ నిజాంసాగర్‌/ బాన్సువాడ రూరల్‌: ఎల్‌నినో ప్రభావం వల్ల వర్షాభావ పరిస్థితులు నెలకొన్న దృశ్యా రైతులు ఆరుతడి పంటలు సాగుచేసుకోవాలని లింగంపేట మండల వ్యవసాయాధికారి అనిల్‌కుమార్‌ అన్నారు. శనివారం ఆయన లింగంపేట మండలం శెట్పల్లిసంగారెడ్డి గ్రామంలో ఏర్పాటు చేసిన ఖేత్‌ బచావో అభియాన్‌ కార్యక్రమంలో భాగంగా యాసంగి పంటలపై రైతులకు అవగాహన కల్పించారు. రైతులు భూసార పరిరక్షణకు తప్పనిసరిగా మట్టి పరీక్షలు చేయించుకోవాలని సూచించారు. ఽవరికి బదులు ప్రత్యామ్నాయ పంటలు వేసుకోవాలన్నారు. కార్యక్రమంలో ఎంపీడీవో ప్రవీణ్‌కుమార్‌, ఎంపీవో మలహరి, ఏఈ ఇరిగేషన్‌ సతీశ్‌, సర్పంచ్‌ కత్తుల లక్ష్మి, అంజయ్య, ఉపసర్పంచ్‌ నీల రాజు, వ్యవసాయ విస్తీర్ణాధికారి సంతోష్‌కుమార్‌, జీపీ కార్యదర్శి రాజు, రాజయ్య, మహిపాల్‌, బాలరాజు, కిష్టయ్య, రైతులు పాల్గొన్నారు. మహమ్మద్‌నగర్‌ మండలం తుంకిపల్లి గ్రామంలో యాసంగి పంటల సాగుపై క్లస్టర్‌ ఏఈవో మధుసూదన్‌ రైతులకు అవగాహన కల్పించారు. రైతులు ఆరుతడి పంటలు వేసుకోవాలన్నారు. సర్పంచ్‌ కుమ్మరి రాములు, జీపీ కార్యదర్శి మౌనిక, రైతులు అంజయ్య, బాలకృష్ణ, సాయిలు తదితరులు ఉన్నారు. బాన్సువాడ మండలంలోని హన్మాజీపేట్‌లో ఉపసర్పంచ్‌ బబ్యానాయక్‌ అధ్యక్షతన వ్యవసాయశాఖ ఆధ్వర్యంలో ఖేత్‌ బచావో అభియాన్‌ కార్యక్రమం నిర్వహించారు. కోనాపూర్‌ క్లస్టర్‌ ఏఈవో జ్ఞానేశ్వర్‌ రైతులకు పలు అంశాలపై అవగాహన కల్పించారు. నాయకులు వెంకాగౌడ్‌, రంగరిగారి సంజీవులు, ప్రవీణ్‌ గౌడ్‌, లింగం, వడ్ల బాగయ్య, తుకారాం, కృష్ణ, కొంకి పోచయ్య, బాలరాజు, పాశం బాలరాజు తదితరులు పాల్గొన్నారు.

సరదాగా మొదలయ్యే పేకాట చివరకు వ్యసనంలా మారుతోంది. మూడుముక్కలాట పేద, మధ్యతరగతి కుటుంబాలను రోడ్డున పడేస్తోంది. కష్టపడి సంపాదించిన డబ్బు కుటుంబ అవసరాలకు కాకుండా, రాత్రికి రాత్రే కోటీశ్వరుమైపోవచ్చనే భ్రమలో పేకాటకు తగలేస్తున్నారు. పేకాట స్థావరాలపై పోలీసు యంత్రాంగం దాడులు చేసి కేసులు నమోదు చేస్తున్నా సరే అడ్డాలు మారుతున్నాయి తప్ప ఆట ఆగడం లేదు. ● పోలీసు దాడులు పెరిగినా ఆగని జూదం ● దీపావళి వేళ మరింత పెరిగిన ఆట ● పేకాటతో రోడ్డున పడుతున్న కుటుంబాలు సాక్షి ప్రతినిధి, కామారెడ్డి : జిల్లా కేంద్రంతో పాటు వివిధ ప్రాంతాల్లో పేకాట జోరుగా సాగుతోంది. పోలీసులు పేకాటపై నిఘా పెంచారు. ఎక్కడ ఆడుతున్నా దాడులు చేస్తున్నారు. పోలీసులు దాడులు జరిగిన మరుసటి రోజు నుంచే మళ్లీ యథావిధిగా పేకాడుతున్నట్లు తెలుస్తోంది. పేకాడేవారు పట్టణాలు, ఊరుకు చివరన చెట్ల పొదలు, పొలాల వద్ద, అడవుల్లో స్థావరాలు ఏర్పాటు చేసుకుంటున్నారు. ఫామ్‌హౌజ్‌లు, హోటళ్లు, లాడ్జీలతో పాటు ఇళ్లల్లోనూ పేకాడుతున్నారు. కొందరు ఇళ్లలో పేకాట నిర్వహిస్తూ షోకు ఇంత అని వసూలు చేస్తున్నారు. ఆడేవారికి కావల్సిన తిండి, మద్యం ఏర్పాట్లు చేస్తున్నారు. పోలీసులు నిఘా పెరగడంతో తరచూ అడ్డాలు మారుస్తున్నారు. జిల్లా కేంద్రంలోని పలు కాలనీలలో ఇళ్లే అడ్డాలుగా మారాయని తెలుస్తోంది. హోటళ్లు, లాడ్జీలలో కూడా ఆట నడుస్తోంది. కాగా పేకాడే బడాబాబులు మాత్రం అనేక జాగ్రత్తలు తీసుకుంటున్నారు. ఎవరికీ అనుమానం రాకుండా ఇళ్లలో ఏదో దావత్‌ ఉందనే భావన కలిగేలా ఏర్పాట్లు చేసుకుని ఆడుతున్నారు. రోజూ ఒకరి ఇంట్లోనే ఆడితే అనుమానం వస్తుందని, అడ్డాలు మారుస్తున్నారు. దీంతో వారు పోలీసులకు చిక్కడం లేదు. పేకాటకు అలవాటుపడిన వారిలో చాలామంది ఆర్థికంగా చితికిపోతున్నారు. కొందరు అప్పులు చేసి మరీ ఆడుతున్నారు. వాటిని తీర్చడానికి బంగారం కుదవపెట్టడం, ఆస్తులు అమ్ముకోవడం చేస్తున్నారు. ఉన్న ఆస్తులు కరిగిపోతుండడంతో రోడ్డున పడుతున్నారు. కొందరు పొద్దస్తమానం పేకాటలో నిమగ్నమై కుటుంబాలను పట్టించుకోవడం లేదు. పిల్లల స్కూలు, కాలేజీ ఫీజులు చెల్లించడానికి వారి కుటుంబ సభ్యులు ఇబ్బందిపడుతున్నారు. జూదం, పేకాట నిర్మూలనకు జిల్లాలో నాలుగు ప్రత్యేక బృందాలను ఏర్పాటు చేశాం. 24 గంటల పాటు నిఘా కొనసాగుతోంది. ఎక్కడ పేకాడుతున్నట్టు సమాచారం అందినా వెంటనే దాడులు చేస్తున్నాం. జూదం ఆడినా, నిర్వహించినా కఠిన చర్యలు తప్పవు. ప్రజలు పేకాటతో జీవితాలను నాశనం చేసుకోవద్దు. కుటుంబ సభ్యులతో పండుగను ఆనందంగా జరుపుకోవాలి. –రాజేశ్‌చంద్ర, ఎస్పీ, కామారెడ్డిపండుగ పూట.. దీపావళి పండుగ వస్తుందనగానే పేకాడేవారు జోరు పెంచుతారు. సరదా పేరుతో పెద్ద మొత్తంలో డబ్బులు ఆటలో పెడుతుంటారు. పండుగ సంప్రదాయం అంటూ కొందరు తీన్‌పత్తాలో పెద్ద మొత్తంలో డబ్బులు తగలేస్తున్నారు. పండుగకు నాలుగైదు రోజుల ముందు మొదలై, పండుగ తరువాత నాలుగైదు రోజుల పాటు కొనసాగనుంది. పోలీసులు దాడులు నిర్వహిస్తున్నా ఆట ఆగడం లేదు. గతేడాది జిల్లాలో 325 పేకాట కేసులు నమోదయ్యాయి. 2,089 మందిని అరెస్ట్‌ చేశారు. వారి వద్దనుంచి సుమారు రూ. 38 లక్షలు స్వాధీనం చేసుకున్నారు. ఈసారి సైతం భారీగానే కేసులు నమోదవుతున్నాయి.

మద్నూర్‌(జుక్కల్‌) : మహారాష్ట్ర సరిహద్దుల్లో ఉన్న మద్నూర్‌ మండలంలో దీపావళి పండుగను ఘనంగా జరుపుకుంటారు. పండుగపైనా అక్కడి సంస్కృతి ప్రభావం కనిపిస్తుంది. సాధారణంగా ఇతర ప్రాంతాలలో ఒకటి రెండు రోజులు దీపావళి జరుపుకుంటే.. మద్నూర్‌లో మాత్రం ఐదు రోజులపాటు చేసుకుంటారు. దీపావళికి రెండు రోజుల ముందునుంచే ఇక్కడ సందడి కనిపిస్తుంది. వసుబారస్‌తో పండుగ సందడి మొదలవుతుంది. వసుబారస్‌ అంటే గోవు ద్వాదశి అని అర్థం. దీపావళికి ముందు వచ్చే ఆశ్వయుజ మాసం ద్వాదశి రోజున దీన్ని జరుపుతారు. ఈ రోజున ఆవు, దూడను కలిపి పూజిస్తారు. ఆవుకు పసుపు కుంకుమ పెట్టి పూలమాల వేస్తారు. దూడతో సహా ఆవుకు హారతి ఇస్తారు. ఆవు నెయ్యితో దీపం వెలిగిస్తారు. ఆ రోజు ఆవు పాలు తాగరు. ఆవును పనికి పంపరు. ఆవు దయ వల్ల ఇంట్లో సుఖం, సంపద లభిస్తాయని ప్రజలు నమ్ముతారు. ఈ రోజును ధన్వంతరి జయంతిగానూ జరుపుకుంటారు. ఆయుర్వేదానికి అధిపతి అయిన ధన్వంతరి అమృత కలశంతో పుట్టిన రోజు ఇదే. ఈ రోజు కొత్త బంగారం, వెండి, స్టీల్‌ సామగ్రి, కొత్త వస్తువులు కొనడం శుభప్రదంగా భావిస్తారు. లక్ష్మీదేవిని పూజించి, ఇంట్లో దీపాలు వెలిగిస్తారు. వ్యాపారులు ఈ రోజు నుంచే కొత్త ఖాతా పుస్తకాలు రాయడం మొదలు పెడతారు. దీపావళి పండుగను అంతటా జరుపుకుంటారు. ఈ రోజు ఇంటినంతా శుభ్రం చేసి ముగ్గులు వేసి దీపాలతో అలంకరిస్తారు. సాయంత్రం లక్ష్మీదేవి, గణపతిని పూజించి స్వీట్లు పంచుకుంటారు. చీకటిని పోగొట్టి, వెలుగును తెచ్చే పండుగ ఇదని భావిస్తారు. మద్నూర్‌లో కొందరు దీపావళి రోజున, మరికొందరు మరుసటి రోజు పాడ్యమి నాడు లక్ష్మీ పూజ చేస్తారు. అమావాస్య మరుసటి రోజున వచ్చే పాడ్యమిని బలి పాడ్యమిగా చెబుతారు. ఈ రోజున కూడా ప్రజలు లక్ష్మీదేవి పూజలు నిర్వహిస్తారు. భార్యాభర్తలు ఒకరికొకరు బహుమతులు ఇచ్చుకుంటారు. ఈ రోజును కొత్త సంవత్సరం ప్రారంభంగా భావిస్తారు. దీపావళి సంబురాల్లో చివరి రోజు అత్యంత అప్యాయత నిండిన పండుగ. దీన్ని అన్నా–చెల్లెళ్ల పండుగ అంటారు. ఈ రోజు చెల్లెలు అన్నకు తిలకం పెట్టి, హారతి ఇచ్చి, తీపి వంటకాలు తినిపిస్తుంది. అన్న చెల్లెలికి బహుమతి ఇచ్చి జీవితాంతం రక్షిస్తానని మాట ఇస్తాడు. మద్నూర్‌లో ఈ రోజున అన్నదమ్ములు చెల్లెళ్ల ఇంటికి వెళ్లి భోజనం చేయడం ఆనవాయితీగా వస్తోంది.మద్నూర్‌లో లక్ష్మీపూజ (ఫైల్‌) దీపావళి సందర్భంగా టపాసులు కాలుస్తున్న కుటుంబ సభ్యులు (ఫైల్‌)దీపావళి వచ్చిందంటే సందడి నెలకొంటుంది. స్నేహితులందరం కలిసి వారం రోజుల పాటు టపాసులు కాలుస్తూ ఎంజాయ్‌ చేస్తాం. ఇంట్లో తిపి వంటకాలు చేసుకుంటాం. అతిథులను పండుగకు ఇంటికి ఆహ్వానిస్తాం. మహారాష్ట్ర సంస్కృతి ప్రభావంతో ఇక్కడ దీపావళి మరింత ప్రత్యేకంగా నిలుస్తోంది. –శివానిగౌడ్‌, బీటెక్‌ స్టూడెంట్‌, మద్నూర్‌దీపావళి పండుగను మేం ఐదు రోజుల పాటు జరుపుకుంటాం. ఒక్కో రోజు ఒక్కో పండుగ ఉంటుంది. దీపావళి రోజున ఇళ్లంతా పేయింట్లు వేస్తాం. కొత్త డ్రెస్సులు కొనుక్కుంటాం. లక్ష్మీ దేవికి ప్రత్యేకంగా నైవైద్యం సమర్పిస్తాం. తెల్లవారే వరకు లక్ష్మీదేవి వద్ద దీపం వెలుగుతు ఉండేలా చూస్తాం. –రత్నప్రభ, గృహిణి, మద్నూర్‌రోజూ పూజలు.. విందు భోజనాలు..మద్నూర్‌ ప్రాంతంలో దీపావళి సందర్భంగా ఐదు రోజుల పాటు ప్రతి ఇంట్లో రోజూ పూజలు జరుగుతాయి. తీపి వంటకాలు చేసి అతిథులకు ఆహ్వానం పలుకుతారు. ఇంటికి వచ్చిన ప్రతి ఒక్కరికి టిఫిన్లు, స్వీట్లతో మర్యాద చేస్తారు. పండుగలో భాగంగా ఒక రోజు మద్నూర్‌లో మార్వాడీలు అందరూ కలిసి సాయంత్రం వేళ పట్టణంలోని అన్ని దుకాణాలకు వెళతారు. దుకాణదారులు వారికి స్వీట్లు, పాన్‌, టీ అందిస్తారు. మరొక రోజు వ్యాపారులు అందరూ కలిసి ఆత్మీయులు, మిత్రుల వద్దకు వెళ్లి పండుగ శుభాకాంక్షలు తెలుపుతారు. మతాలు, వర్గాలకు అతీతంగా మద్నూర్‌లో దీపావళిని స్నేహం, అప్యాయతలతో జరుపుకుంటారు. మద్నూర్‌లో మహారాష్ట్ర సంస్కృతి రెండు రోజుల ముందే మొదలైన సందడి నేడు దివ్వెల పండుగ రేపు బలిపాడ్యమి, ఎల్లుండి భావూ బీజ్‌..

కామారెడ్డి టౌన్‌ : ఏఎస్‌డీడీ (ఆబ్సెంట్‌, షిఫ్టెడ్‌, డెడ్‌, డూప్లికేట్‌) జాబితాలో నమోదైన ఓటర్లు తుది జాబితాలో తమ పేర్లను నమోదు చేసుకునేందుకు కేంద్ర ఎన్నికల సంఘం మరో అవకా శం కల్పించిందని అదనపు కలెక్టర్‌ విక్టర్‌ తెలి పారు. శనివారం ఆయన మాట్లాడుతూ అర్హులైన ప్రతి ఒక్కరూ తమ ఓటు హక్కును పరిరక్షించుకోవాలన్నారు. గతంలో ఎన్యుమరేషన్‌ ఫారాలు జారీ చేసినప్పటికీ పలు కారణాలతో ముసాయిదా జాబితాలో చోటు దక్కని వారి కోసం ఈ ప్రక్రియను చేపట్టినట్లు తెలిపారు. క్షేత్రస్థాయి పరిశీలన సమయంలో అందుబాటులో లేనివారు, నివాసం మారినవారు, మరణించినట్లు తప్పుగా నమోదైనవారు, ఒకటి కంటే ఎక్కువ చోట్ల పేర్లు నమోదైనవారి పేర్లు ముసాయిదా ఓటర్ల జాబితాలో లేవని, సంబంధిత పౌరులు వెంటనే తమ వివరాలను ముసాయిదా జాబితాలో సరిచూసుకోవాలని సూచించారు. ఓటు హక్కు పొందాలనుకునే వారు వెంటనే సంబంధిత బూత్‌ స్థాయి అధికారులు (బీఎల్‌వో), ఏఈఆర్‌వో లేదా ఈఆర్‌ వోలను సంప్రదించి అవసరమైన ఎన్యుమరేన్‌ డాక్యుమెంట్లు సమర్పించాలని పేర్కొన్నారు. అర్హులైనవారు ఈనెల 21 వ తేదీలోగా సంబంధిత పత్రాలను సమర్పించాలని సూచించారు. ఏఎస్‌డీడీ జాబితాలోని ఓటర్లకు ఎన్నికల సంఘం వెసులుబాటు నవంబర్‌ 21లోగా పత్రాలు సమర్పించాలి అదనపు కలెక్టర్‌ విక్టర్‌

తాడ్వాయి: పార్టీ బలోపేతానికి ప్రతిఒక్కరూ కృషి చేయాలని బీజేపీ మండల అధ్యక్షుడు సంతోష్‌రెడ్డి అన్నారు. మండల కేందలోని పార్టీ కార్యాలయంలో శుక్రవారం బీజేపీ మండల అధ్యక్షుడు సంతోష్‌ రెడ్డి ఆధ్వర్యంలో మండల స్థాయి సమావేశాన్ని నిర్వహించారు. మండల ఇన్‌చార్జి మర్రి బాలకిషన్‌ హాజరై అనుబంధు కమిటీలను ఎన్నుకున్నారు. యువమోర్చా అధ్యక్షుడిగా తిరుపతిరెడ్డి, కిసాన్‌ మోర్చా అధ్యక్షుడిగా స్వామి రెడ్డి, ఓబీసీ మోర్చా అధ్యక్షుడిగా రమేశ్‌, మహిళా మోర్చా అధ్యక్షులుగా వాణి, దళిత మోర్చా అధ్యక్షుడిగా శివయ్య, గిరిజన మోర్చా అధ్యక్షుడిగా సురేశ్‌, మైనార్టీ మోర్చా అధ్యక్షుడిగా అబ్దుల్‌ రెహమాన్‌ ఎన్నికయ్యారు. కార్యక్రమంలో జిల్లా ప్రధాన కార్యదర్శి రవీందర్‌ రావు, నాయకులు లింగారావు, గంగారెడ్డి, హోటల్‌ శ్రీను, వెంకట్రావు, నర్సింలు, దత్తాద్రి, రాజిరెడ్డి, బాలాజీ, ధర్మపురి, స్వామిరెడ్డి, కార్యకర్తలు పాలొన్నారు.

కామారెడ్డి టౌన్‌: నేర నియంత్రణలో సాంకేతిక పరిజ్ఞానాన్ని సద్వినియోగం చేసుకుంటూ బాధితులకు సత్వర న్యాయం అందించడమే పోలీసుల కర్తవ్యమని ఎస్పీ రాజేష్‌ చంద్ర అన్నారు. పట్టణంలోని జిల్లా పోలీస్‌ కార్యాలయంలో శుక్రవారం నెలవారీ నేర సమీక్షా సమావేశం నిర్వహించారు. ఈసందర్భంగా ఆయన సీసీటీఎన్‌ఎస్‌ అప్లికేషన్‌ను పరిశీలించి, కేసుల పురోగతిని ఎప్పటికప్పుడు ఆన్‌లైన్‌లో నమోదు చేయాలని ఆదేశించారు. దీర్ఘకాలిక పెండింగ్‌, మిస్సింగ్‌ కేసులపై ప్రత్యేక దృష్టిసారించాలని, జైలు నుంచి విడుదలైన నేరస్తుల కదలికలపై ‘జైల్‌ రిలీజ్‌ మానిటరింగ్‌ సిస్టమ్‌’ ద్వారా నిరంతర నిఘా ఉంచాలని సూచించారు. జిల్లాలో జూదం, పేకాట నిర్మూలనకు 4 ప్రత్యేక బృందాలతో పర్యవేక్షిస్తున్నామన్నారు. అదనపు ఎస్పీ నరసింహారెడ్డి, డీఎస్పీలు మధుసూదన్‌, శ్రీనివాసరావు, విట్టల్‌ రెడ్డి, గట్టుమల్లు, ఉదయ్‌ భాస్కర్‌, ఎస్‌బీ ఇన్‌స్పెక్టర్‌ సంపత్‌ కుమార్‌ తదితరులు పాల్గొన్నారు.

భిక్కనూరు: మహిళా సాధికారతకు ప్రభుత్వం పెద్దపీట వేస్తుందని కాంగ్రెస్‌ పార్టీ రాష్ట్ర ప్రధాన కార్యదర్శి, గ్రామ సొసైటీ అధ్యక్షుడు బద్దం ఇంద్రకరణ్‌ రెడ్డి అన్నారు. శుక్రవారం మండలంలోని రామేశ్వర్‌పల్లిలో మహిళా సమాఖ్య భవన నిర్మాణ స్లాబ్‌ పనులను ప్రారంభించారు. రాష్ట్ర ప్రభుత్వం ప్రతిష్టాత్మకంగా చేపట్టిన మహిళా సాధికారత కార్యక్రమంలో భాగంగా మహిళల ఆత్మగౌరవం, ఆర్థిక స్వావలంబన పొందాలన్నారు. కార్యక్రమంలో సర్పంచ్‌ చేపూరి రాణి రాజు, ఉపసర్పంచ్‌ గొల్లపల్లి వినోద్‌ కుమార్‌ గౌడ్‌, మహిళా సంఘం అధ్యక్షురాలు మామిడి పద్మ, జీపీ కార్యదర్శి శ్యామ్‌, కాంట్రాక్టర్‌ మురళి తదితరులు పాల్గొన్నారు.

లింగంపేట/ నస్రుల్లాబాద్‌: రైతులు భూసార పరిరక్షలను తప్పనిసరిగా చేయించుకోవాలని మండల వ్యవసాయాధికారి అనిల్‌కుమార్‌ సూచించారు. శుక్రవారం ఆయన మండలంలోని బాయంపల్లి గ్రామంలో ఏర్పాటు చేసిన ఖేత్‌ బచావో అభియాన్‌ కార్యక్రమంలో భాగంగా యాసంగి పంటలపై అవగాహన కల్పించారు. తక్కువ నీటితో పండె పంటలకు ప్రాధాన్యత ఇవ్వాలన్నారు. ఎరువులు, విత్తనాల కొనుగోలు చేసినప్పుడు దుకాణ డీలర్ల వద్ద తప్పనిసరిగా బిల్లులు తీసుకోవాలన్నారు. సర్పంచ్‌ సురేందర్‌, ఉపసర్పంచ్‌ అస్కుల సాయిలు, వ్యవసాయ విస్తీర్ణాధికారి షేక్‌ ఆమేర్‌, జీపీ కార్యదర్శి శ్రవంతి, రైతులు పాల్గొన్నారు. నస్రుల్లాబాద్‌ మండలం ఫకీరానాయక్‌ తండాలో రైతులకు ఖేత్‌ బచావో అభియాన్‌ కార్యక్రమం గురించి అవగాహన కల్పించారు. రైతులు ఆరుతడి పంటలు వేసుకోవాలన్నారు. అనంతరం ఆయిల్‌ పాం సాగుకు ఆసక్తి ఉన్న రైతుల పంట పొలాలను పరిశీలించారు. కార్యక్రమంలో రాములు, చందర్‌, రైతులు ఉన్నారు.

కామారెడ్డి టౌన్‌: జిల్లా కేంద్రంలోని కలెక్టరేట్‌ ఎదుట ధర్నా చౌక్‌లో ఎన్‌హెచ్‌ఎం ఉద్యోగులు చేపట్టిన నిరవధిక సమ్మె శుక్రవారం నాటికి 25వ రోజుకు చేరింది. ఉద్యోగులు వినూత్న రీతిలో నిరసన తెలిపారు. కట్టెలతో అంపశయ్యను పేర్చి, దానిపై తమ న్యాయమైన డిమాండ్ల ప్రతులను పడుకోబెట్టి కన్నీటి నిరసన చేపట్టారు. ప్రభుత్వం తక్షణమే స్పందించి తమను ఆదుకోవాలంటూ డిమాండ్‌ చేశారు. ఉద్యోగుల జేఏసీ నాయకులు, వైద్య సిబ్బంది వెంకటరమణ, అశ్విని, వైద్యులు రాహుల్‌, వేణుమాధవ్‌, మారుతి, హరీశ్‌, శేఖర్‌, బాలు, రాజు, కవిత, నిర్మల, స్వాతి, శ్రావణి, సుకన్య, సుప్రియ, శ్రీకాంత్‌, రోషిణి తదితరులు పాల్గొన్నారు.

బాన్సువాడ: ఓటరు జాబితా ప్రత్యేక సమగ్ర సవరణ కార్యకమం పై బాన్సువాడ పట్టణంలోని ప్రభుత్వ జూనియర్‌ కళాశాల, రేణుక ఒకేషనల్‌ కళాశాలలో శుక్రవారం బీజేవైఎం నాయకులు అవగాహన కార్యక్రమం నిర్వహించారు. సర్‌ ప్రక్రియ, కొత్త ఓటరు నమోదు తదితర అంశాలను విద్యార్థులకు వివరించారు. పౌరుడు ఓటరుగా తమ ఓటు హక్కును వినియోగించుకోవాలన్నారు. బీజేవైఎం జిల్లా ఉపాధ్యక్షుడు మహేందర్‌, నాయకులు కోనాల గంగారెడ్డి, శ్రీనివాస్‌ రెడ్డి, శ్రీనివాస్‌, చీకట్ల రాజు, సచిన్‌ తదితరులు పాల్గొన్నారు. నస్రుల్లాబాద్‌: మండల కేంద్రంలోని జెడ్పీ ఉన్నత పాఠశాల విద్యార్థులకు శుక్రవారం ఎలక్టోరల్‌ లిటరసీ క్లబ్‌ అధ్వర్యంలో వ్యాస రచన, క్విజ్‌ పోటీలు నిర్వహించారు. కార్యక్రమానికి హాజరైన ఆర్డీవో రవీందర్‌ రెడ్డి మాట్లాడుతూ.. విద్యార్థులు ఓటు హక్కుపై అవగాహన కలిగి ఉండాలన్నారు. అనంతరం నిర్వహించిన పోటీల్లో విజేతలకు బహుమతులు అందజేశారు. కార్యక్రమంలో తహసీల్దార్‌ సువర్ణ, ఎంఈవో చందర్‌ గునిగెరి హన్మాండ్లు, వెంకట స్వామి, దౌలయ్య, ఉపాధ్యాయులు, విద్యార్థులు పాల్గొన్నారు. నస్రుల్లాబాద్‌: మండల కేంద్రంలో గ్రామస్తులు శుక్రవారం బారడి పోచమ్మకు, పోలేరమ్మకు బోనాలను సమర్పించారు. బోనాలను ఊరేగించి పంటలు బాగా పండాలని రైతులు మొక్కులు చెల్లించుకున్నారు. ఆలయాల్లో ప్రత్యేక పూజలు చేశారు. గ్రామ కమిటీ సభ్యులు పెద్ద కాపు లింగం, మాజీ సర్పంచ్‌ అరిగె సాయిలు, బాన్సువాడ విఠల్‌, మేసీ్త్ర గంగారాం, తర్నం పోచయ్య, మహేందర్‌, హన్మాండ్లు, గ్రామస్తులు పాల్గొన్నారు. ఎల్లారెడ్డిరూరల్‌: ఎస్‌ఐఆర్‌పై కాంగ్రెస్‌ పార్టీ అసత్య ప్రచారం చేస్తున్నదని ఎల్లారెడ్డి బీజేపీ ఎస్‌ఐఆర్‌ ఇన్‌చార్జి గంగారెడ్డి అన్నారు. శుక్రవారం ఎల్లారెడ్డిలో నిర్వహించిన బీజేపీ నాయకుల సమావేశంలో మాట్లాడుతు కాంగ్రెస్‌ పార్టీ ఎస్‌ఐఆర్‌పై చేస్తున్నవి అసత్యమైన పుకార్లని అన్నారు. రెండు చోట్ల ఓట్లు ఉన్నవాటివి మాత్రమే తొలగించడం జరిగిందని దీనిలో ఎలాంటి దురుద్దేశం లేదన్నారు. కార్యక్రమంలో నాయకులు బాలకిషన్‌, దేవేందర్‌, రాజేశ్‌, కాశీనాథ్‌ తదితరులు పాల్గొన్నారు. గాంధారి: మండల పరిధిలోని చిన్న గుజ్జుల్‌ తండా శివారులో ఉన్న వ్యవసాయ క్షేత్రంలో ఓ రైతు అమర్చిన తుంపర సేద్యం పైపులను గుర్తు తెలియని వ్యక్తులు ధ్వంసం చేశారు. వ్యవసాయ క్షేత్రంలో ఇటీవల మొత్తం 25 పైపులు అమర్చగా అందులో 24 పైపులను దుండగులు రంపంతో కోసి ధ్వంసం చేసినట్లు బాధిత రైతు నేనావత్‌ మోహన్‌ తెలిపారు. తాడ్వాయి: విద్యార్థులు క్రమశిక్షణతో చదివి ఉన్నత స్థాయికి ఎదగాలని ప్రముఖ మోటివేటర్‌ సంజీవులు అన్నారు. మండలంలోని ఎండ్రియాల్‌ ప్రభుత్వ పాఠశాలలో శుక్రవారం పేరెంట్స్‌, టీచర్లకు సమావేశాన్ని ఏర్పాటు చేసి మోటీవేషన్‌ తరగులు నిర్వహించారు. విద్యార్థుల ఉజ్వల భవిష్యత్తుకు తల్లిదండ్రులు, ఉపా ద్యాయుల సమన్వయం ఎంతో కృషిచేయాలన్నారు. సర్పంచ్‌ నర్సిములు, సింగిల్‌ విండో చైర్మన్లు సుధాకర్‌, వెంకట్‌రెడ్డి, ఉప సర్పంచ్‌ నర్సారెడ్డి, ఉపాధ్యాయులు పాల్గొన్నారు.

గాంధారి: ఎల్‌నినో ప్రభావంతో వచ్చే వేసవిలో గ్రామాల్లో తాగు సమస్యలు రాకుండా జీపీ కార్యదర్శులు చర్యలు తీసుకోవాలని ఎంపీడీవో రాజేశ్వర్‌ అన్నారు. స్థానిక ఐకేపీ భవనంలో శుక్రవారం మండల స్థాయి అధికారులు, ప్రజాప్రతినిధులు, సర్పంచులతో సమావేశం ఏర్పాటు చేసి సమీక్షించారు. వీబీజీరాంజీ పథకంలో భాగంగా గ్రామాల్లో నీటితొట్టెలు, నిర్మించుకోడానికి నిధులు మంజూరు చేస్తామన్నారు. పశుగ్రాసం పెంచుకోవాలని సూచించారు. తహసీల్దార్‌ రేణుక చౌహాన్‌, అధికారులు, జీపీ కార్యాదర్శులు పాల్గొన్నారు.

నస్రుల్లాబాద్‌: మండలంలోని అంకోల్‌ తండాలో శుక్రవారం ఉద్యానవన, వ్యవసాయ శాఖ ఖాధ్వర్యంలో ఆయిల్‌ పాం మొక్కల పెంపకం గురించి అవగాహన కార్యక్రమం నిర్వహించారు. ఉద్యానవన మండల అధికారి రామకృష్ణ మాట్లాడుతూ.. రైతులు సంప్రదాయ పంటలతో పాటు ఆయిల్‌ పాం మొక్కలను నాటాలన్నారు. మండల వ్యవసాయ అధికారి భవాని, హిందుస్థాన్‌ యూనిలివర్‌ మేనేజర్‌ చంద్రబాబు, అంకోల్‌ క్యాంపు ఉప సర్పంచ్‌ రాము, సిబ్బంది వనోజ్‌ రెడ్డి, సంపత్‌ కుమార్‌, ప్రశాంత్‌, కృష్ణమూర్తి, ఉమాకాంత్‌, రైతులు పాల్గొన్నారు.

భిక్కనూరు/ నిజాంసాగర్‌/ కామారెడ్డి రూరల్‌: కాంగ్రెస్‌ ప్రభుత్వ హయాంలోనే పేదల సొంతింటి కల సాకారం అవుతోందని భిక్కనూరు మండలం జంగంపల్లి సర్పంచ్‌ వాణివాసుయాదవ్‌ అన్నారు. శుక్రవారం గ్రామంలో లబ్ధిదారులను నిర్మించుకున్న ఇందిరమ్మ ఇళ్లకు గృహ ప్రవేశం చేశారు. ల బ్ధిదారులకు కొత్త బట్టలు అందజేశారు. ఉప సర్పంచ్‌ ప్రకావ్‌ గౌడ్‌, జీపీ కార్యదర్శి దయాకర్‌రెడ్డి, గ్రామ కాంగ్రెస్‌ కమిటీ అధ్యక్షుడు సత్యం, నాయకులు కార్తిక్‌, రవి, లింగం, రామస్వామి, నరసింహులు, బాలయ్య, భాను తదితరులు పాల్గొన్నారు. నిజాంసాగర్‌ మండలంలోని ఒడ్డేపల్లి జీపీలోని చెరువు ముందరి తండాలో లబ్ధిదారు నిర్మించుకున్న ఇందిరమ్మ ఇంటికి కాంగ్రెస్‌ పార్టీ మండల అధ్యక్షుడు ప్రజా పండరి గృహ ప్రవేశం చేశారు. సర్పంచ్‌ బొజ్జ అంజయ్య, నాయకులు, లబ్ధిదారులు ఉన్నారు. కామారెడ్డి మండలంలోని చిన్నమల్లారెడ్డి గ్రామంలో ఇందిరమ్మ ఇళ్ల నిర్మాణాలకు సర్పంచ్‌ భీమయాల లక్ష్మీరాజు భూమి పూజ చేశారు. అదేవిధంగా గ్రామంలోని 8వ వార్డులో వీబీజీరామ్‌జీ నిధుల కింద మంజూరైన రూ.2 లక్షలతో డ్రైనేజీ నిర్మాణ పనులను ప్రారంభించారు. ఉప సర్పంచ్‌ కమ్మరి స్వప్న లక్ష్మీనారాయణ, వ్యవసాయ మార్కెట్‌ కమిటీ చైర్మన్‌ ధర్మగొని లక్ష్మీ రాజగౌడ్‌, వడ్ల చంద్రకాంత్‌, గట్టగోని రామగౌడ్‌, కృష్ణాజీగారి ఆనంద్‌ రావు, కమ్మరి సిద్ధ రాములు, బత్తుల కిషన్‌, అన్మల గంగయ్య, వార్డు సభ్యులు కమ్మరి స్వామి, చంద్రశేఖర్‌, భార్గవి తదితరులు పాల్గొన్నారు. చెర్వుముందరి తండాలో గృహ ప్రవేశ ర చేస్తున్న నాయకులుచిన్నమల్లారెడ్డిలో భూమి పూజ చేస్తున్న నాయకులు

భిక్కనూరు: కరువు కాటకాల నివారణకు గ్రామగ్రామాన విశ్వశాంతి యజ్ఞం నిర్వహించాలంటూ శ్రీరామ జపలిఖిత ప్రచారకులు కృష్ణానందస్వామి అన్నారు. శుక్రవారం భిక్కనూరు మండల కేంద్రంలో ఆయన ప్రచారం నిర్వహించారు. అన్ని గ్రామాల్లో యజ్ఞాన్ని నిర్వహించేందుకు సర్పంచులు, అధికారులు సహకరించాలని ఆయన మండల పరిషత్‌ కార్యాలయానికి వెళ్లి మండల సభలో కోరారు. నస్రుల్లాబాద్‌: మండలంలోని దుర్కి గ్రామంలో లోటస్‌ ఆస్పత్రి బాన్సువాడ అధ్వర్యంలో ఉచిత వైద్య శిబిరం నిర్వహించారు. కార్యక్రమంలో మాజీ ఎంపీటీసీ నారాగౌడ్‌, కుమ్మరి నారాయణ, గ్రామస్తులు పాల్గొన్నారు. కామారెడ్డి అర్బన్‌: ధన త్రయోదశి, మాస శివరాత్రి, ధన్వంతరి జయంతి సందర్భంగా శనివారం ఉదయం స్థానిక శ్రీవైద్యనాథ శ్రీశనేశ్వర ఆలయంలో విశేషపూజలు నిర్వహించనున్నట్లు ఆలయ కమిటీ ప్రతినిధులు లింగాగౌడ్‌, రవీందర్‌రెడ్డి, అనిల్‌కుమార్‌ తెలిపారు. శని దోష నివారణకు తెల్లవారుజాము నుంచి తైలాభిషేకం నిర్వహించవచ్చని వారు పేర్కొన్నారు. కామారెడ్డి అర్బన్‌: జిల్లా ప్రభుత్వ ఆస్పత్రి ఆవరణలో ధన్వంతరి భగవాన్‌ జయంతిని శుక్రవారం నిర్వహించారు. ఆరోగ్య ప్రదాత ధన్వంతరి భగవాన్‌ జయంతిని పీఏంపీ, ఆర్‌ఏంపీ వెల్ఫేర్‌ అసోసియేషన్‌ ఆధ్వర్యంలో భగవాన్‌ విగ్రహం వద్ద వేదపండితులు గంగవరం ఆంజనేయశర్మ విశేషపూజలు చేశారు. జిల్లా ఆస్పత్రి వైద్యులతో పాటు అసోసియేషన్‌ అధికార ప్రతినిధి సీహెచ్‌ రాజయ్య, వర్కింగ్‌ అధ్యక్షుడు కృష్ణ, కార్యదర్శి ఎల్‌ దేవయ్య, ఉపాధ్యక్షులు తుమ్మ శంకర్‌, కామారెడ్డి పట్టణ అధ్యక్ష, కార్యదర్శులు ఎంబ ప్రకాశ్‌, శ్రీనివాస్‌, వైద్యులు పాల్గొన్నారు. ఎల్లారెడ్డి: ఎల్లారెడ్డిలో పీఎంపీ వైద్యులు శుక్రవారం ధన్వంతరి జయంతిని ఘనంగా నిర్వహించారు. ధన్వంతరి చిత్ర పటానికి పూలమాల వేసి నివాళులర్పించారు. కార్యక్రమంలో పీఎంపీ వైద్యులు సాయిలు, రెడ్డి, కిషన్‌ తదితరులు పాల్గొన్నారు.

కామారెడ్డి టౌన్‌ : కామారెడ్డి మున్సిపాలిటీలో అవినీతి, అక్రమాల ఆరోపణలు ఎదుర్కొంటున్నవారిపై ఉచ్చు బిగుస్తోంది. ఆరోపణలు ఎదుర్కొంటున్నవారికి జిల్లా స్థానిక సంస్థల అదనపు కలెక్టర్‌ ఎన్‌వై గిరి షోకాజ్‌ నోటీసులు జారీ చేశారు. బల్దియాలో అవకతవకలు, అవినీతి, అక్రమాలపై ఇటీవల ‘సాక్షి’ దినపత్రికలో కథనాలు ప్రచురితమైన విషయం తెలిసిందే. టేక్రియాల్‌ చెరువులో ఇనుప స్క్రాప్‌ విక్రయం, పలు భవన నిర్మాణల యజమానుల నుంచి అక్రమ వసూళ్లు, సర్టిఫికెట్‌ల జారీలో చేతివాటం, సానిటేషన్‌ విభాగంలో కార్మికుల వేతనాలు, వాహనాల ఇంధన బిల్లులలో చేతివాటం, అస్తి పన్ను ముదింపులో అవకతవకలను ‘సాక్షి’ కథనాలు ఎత్తిచూపాయి. దీనిపై ఉన్నతాధికారులు స్పందించి విచారణకు ఆదేశించారు. ఈ నేపథ్యంలో అదనపు కలెక్టర్‌ రెండు రోజులపాటు బల్దియాలో విచారణ జరిపారు. ఆరోపణలు ఎదుర్కొంటున్న పలు విభాగాల ఉన్నతాధికారులకు షోకాజ్‌ నోటీసులు జారీ చేశారు. మున్సిపల్‌ కమిషనర్‌, ఇద్దరు టీపీవోలు, ఆర్‌వో, డీఈ, ఏఈతో పాటు శానిటేషన్‌ ఇన్‌చార్జీలకు నోటీసులు అందాయి. అవినీతి, అక్రమాలపై ఇటీవల పత్రికల్లో వచ్చిన కథనాలపై సమగ్ర వివరణ ఇవ్వాలని అదనపు కలెక్టర్‌ ఆదేశించారు. దీంతోపాటు మూడు నెలలుగా బల్దియాలోని అన్ని విభాగాల్లో చేపట్టిన పనులు, జరిగిన లావాదేవీలపై పూర్తి స్థాయి నివేదిక సమర్పించాలని ఆదేశించారు.బల్దియా అధికారులకు షోకాజ్‌ నోటీసుల అంశం మున్సిపల్‌ వర్గాల్లో తీవ్ర కలకలం రేపింది. నోటీసులు అందుకున్న కమిషనర్‌తో పాటు ఇతర అధికారులు తమ సంజాయిషీలను శుక్రవారం సమర్పించినట్లు తెలిసింది. ఈ వివరణలతో కూడిన సమగ్ర నివేదికను విచారణాధికారి అయిన అదనపు కలెక్టర్‌.. కలెక్టర్‌కు సమర్పించనున్నారు. కాగా రాజకీయంగా కొందరు ప్రజాప్రతినిధులు, కౌన్సిలర్లపై వస్తున్న ఆరోపణలకు తాము బలవుతున్నామని పలువురు అధికారులు ఆవేదన వ్యక్తం చేస్తున్నారు. కామారెడ్డి బల్దియా అధికారులకు షోకాజ్‌ నోటీసులు కమిషనర్‌తో పాటు అన్ని విభాగాల అధికారులకు.. అవినీతి, అక్రమాల ఆరోపణలపై వివరణ ఇవ్వాలని ఆదేశం

ఫార్మా, కెమికల్‌ ఫ్యాక్టరీలలో కార్మికుల ప్రాణాలకు రక్షణ కరువయ్యింది. భద్రత విషయంలో యాజమాన్యాలు అవసరమైన చర్యలు తీసుకోకపోవడంతో తరచూ ప్రమాదాలు చోటు చేసుకుంటున్నాయి. భిక్కనూరు మండలంలో ఇటీవల ఓ కంపెనీలో జరిగిన ప్రమాదంలో కార్మికుడొకరు ప్రాణాలు కోల్పోయారు. తాజాగా ఈనెల 5న జరిగిన ప్రమాదంలో ఐదుగురికి తీవ్ర గాయాలయ్యాయి. అధికార యంత్రాంగం సైతం ఆయా కంపెనీలపై ఎలాంటి చర్యలు తీసుకోకపోవడం విమర్శలకు తావిస్తోంది. సాక్షి ప్రతినిధి, కామారెడ్డి : భిక్కనూరు మండలంలో ఐదు ఫార్మా, కెమికల్‌ కంపెనీలున్నాయి. ఐరన్‌, ఇ తర కంపెనీలు పదికిపైగా పనిచేస్తున్నాయి. ఏ ఒక్క దాంట్లోనూ కార్మికులు ప్రమాదాల బారిన పడకుండా భద్రతా చర్యలు తీసుకుంటున్న దాఖలాలు లే వు. ఏదైనా ప్రమాదం జరిగినపుడు తక్షణమే వైద్యం అందించే సౌకర్యాలు కూడా లేవని తెలుస్తోంది. ఫ్యాక్టరీలలో ప్రమాదాలు జరిగి కార్మికులు రోడ్డున పడుతున్నా స్థానిక రాజకీయ పార్టీల నాయకులు, ప్రజాప్రతినిధులు సైతం నోరుమెదపడం లేదు. ఫార్మా, కెమికల్‌ కంపెనీల్లో బాయిలర్లు పేలడం, ఇతర కారణాలతో ప్రమాదాలు సంభవించడం వంటి ఘటనలు అప్పుడప్పుడు చోటు చేసుకుంటున్నాయి. ఆయా ఘటనల్లో కార్మికులు గాయాలపాలవుతున్నారు. అయితే కంపెనీల్లో ఏం జరిగినా బయటకు పొక్కనీయడం లేదు. ఫ్యాక్టరీలకు సమీపంలో ఉన్న ప్రభుత్వ, ప్రైవేటు ఆస్పత్రులకు తరలిస్తే విషయం బయటికి తెలుస్తుందన్న ఉద్దేశంతో యాజమాన్యాలు క్షతగాత్రులను హైదరాబాద్‌కు తరలిస్తున్నాయి. చాలా సందర్భాల్లో పోలీసు కేసులు కూడా నమోదు కావడం లేదు. కొన్ని బయటికి తెలిసినా ఎక్కడెక్కడి నుంచో వచ్చి పనిచేస్తున్న కార్మికుల పక్షాన కొట్లాడేవారు లేకుండాపోయారు. కనీసం మాట్లాడే వారు కరువయ్యారు. జిల్లాలోని పరిశ్రమల్లో ప్రమాదాలను నివారించడానికి సరైన భద్రతా ప్రమాణాలు పాటించడం లేదన్న ఆరోపణలున్నాయి. కార్మికులకు రక్షణ కవచాలు సరిగా ఉండడం లేదని తెలుస్తోంది. ప్రమాదకరమైన పనుల చేసేచోట కార్మికులకోసం గట్టి రక్షణ చర్యలు తీసుకోవాల్సి ఉంటుంది. అయితే ఆయా ఫ్యాక్టరీల్లో అవేవీ పట్టించుకోవడం లేదు. దీంతో ప్రమాదాలు జరిగిన ప్రతీసారి కార్మికులు తీవ్ర గాయాలపాలవుతున్నారు. ప్రమాదాల్లో గాయాలపాలైన వారిని హైదరాబాద్‌కు తరలించి చికిత్సలు చేయిస్తున్నారు. కంపెనీలు అప్పటికప్పుడు వైద్యం చేయించి చేతులు దులుపుకుంటుండగా.. ప్రమాదాల్లో గాయాలపాలైన కార్మికులు కోలుకోవడానికి సంవత్సరాలు పడుతోంది. దీంతో వారి ఆలనాపాలనా చూసుకునేవారు లేక వారి కుటుంబాలు రోడ్డున పడుతున్నాయి. అటువైపు చూడని యంత్రాంగం...ఫార్మా, కెమికల్‌ ఫ్యాక్టరీలలో ఏం జరుగుతోంది అన్న విషయాన్ని అధికారులెవరూ పట్టించుకోవడం లేదు. దీంతో కార్మికుల భద్రతకు తీసుకోవాల్సిన చర్యల గురించి యాజమాన్యాలను ప్రశ్నించేవారు లేకుండాపోయారు. ప్రమాదకరమైన రసాయనాలు వాడే ఫ్యాక్టరీలను వివిధ శాఖల అధికారులు ఎప్పటికప్పుడు తనిఖీలు చేయాల్సి ఉన్నా.. అటువైపు తొంగిచూడడం లేదన్న విమర్శలున్నాయి. యాజమాన్యాలు అధికారులను మెనేజ్‌ చేయడం వల్లే వారు పట్టించుకోవడం లేదని కార్మికులు ఆరోపిస్తున్నారు. కార్మికుల ప్రాణాలకు భద్రత కరువైన సమయంలోనైనా యంత్రాంగం స్పందించాలని కోరుతున్నారు. ఫార్మా, కెమికల్‌ కంపెనీల్లో కార్మికులకు భద్రత కరువు ప్రమాదాలతో చితికిపోతున్న బతుకులు బాధితులను పట్టించుకోని యాజమాన్యాలు

నాగిరెడ్డిపేట: పోచారం ప్రాజెక్టులో పూడికతీత కోసం రూ.504 కోట్లు మంజూరు చేయించినట్లు ఎల్లారెడ్డి ఎమ్మెల్యే మదన్‌మోహన్‌రావు తెలిపారు. నాగిరెడ్డిపేట మండలంలోని పోచారం, గోపాల్‌పేట, చీనూర్‌, రాఘవపల్లి, బొల్లారం గ్రామాల్లో శుక్రవారం ఇందిరమ్మ ఇళ్ల గృహప్రవేశ కార్యక్రమాలను నిర్వహించారు. దీంతోపాటు గ్రామాల్లో మహిళాసంఘాల భవన నిర్మాణాల కోసం భూమిపూజ చేశారు. మాల్తుమ్మెద శివారులో రూ.15 కోట్లతో నిర్మించనున్న 20 వేల మెట్రిక్‌ టన్నుల నిల్వ సామర్థ్యం కలిగిన గోదాం నిర్మాణానికి శంకుస్థాపన చేశారు. ఈ సందర్భంగా ఆయన మాట్లాడుతూ పోచారం, మాల్తుమ్మెద గ్రామాల శివారులోగల 268, 834, 835, 838 సర్వే నంబర్లలో అసైన్డ్‌ భూములను గుర్తించేందుకు రీసర్వే చేస్తున్నారని, 15 రోజుల్లో సర్వే పూర్తవుతుందని పేర్కొన్నారు. మాల్తుమ్మెదగేట్‌ వద్ద బీడీ కార్మికులకు ఇళ్లస్థలాలు కేటాయించే అంశాన్ని పరిశీలించాలని అధికారులకు సూచిస్తామన్నారు. కార్యక్రమంలో తహసీల్దార్‌ వెంకట్‌రెడ్డి, ఎంపీడీవో గంగాధర్‌, ఎంపీవో ప్రభాకరచారి, ఏపీఎం దత్తు, మాల్తుమ్మెద సొసైటీ చైర్మన్‌ సురేందర్‌గౌడ్‌, సర్పంచ్‌లు మురళీమోహన్‌గౌడ్‌, సంజీవరావు, సాయిలు, వంశీకృష్ణగౌడ్‌, మల్లేశం, ప్రభుగౌడ్‌, నాయకులు శ్రీధర్‌గౌడ్‌, శ్రీనివాస్‌రెడ్డి, ప్రభాకర్‌, గులాం, కిరణ్‌కుమార్‌, శ్రీరాంగౌడ్‌, లక్ష్మణ్‌, ఇమామ్‌ తదితరులు పాల్గొన్నారు.

సాక్షి ప్రతినిధి, కామారెడ్డి : కలెక్టర్‌ ఆశిష్‌ సంగ్వాన్‌ ఐదు రోజుల సెలవుపై వెళ్లారు. ఆయన శుక్రవారంనుంచి 11 వ తేదీ వరకు సెలవులో ఉండనున్నారు. తిరిగి 12న విధుల్లో చేరతారు. దీపావళి పండుగ కోసం సొంతూరికి వెళ్లినట్లు సమాచారం. ఇన్‌చార్జి కలెక్టర్‌గా నిజామాబాద్‌ కలెక్టర్‌ ఇలా త్రిపాఠి వ్యవహరించనున్నారు. సాధు పరిషత్‌ రాష్ట్ర అధ్యక్షులుగా సోమాయప్ప స్వామి నిజాంసాగర్‌: తెలంగాణ సాధు పరిషత్‌ రాష్ట్ర అధ్యక్షులుగా బిచ్కుందకు చెందిన సోమాయప్ప స్వామి ఎన్నికయ్యారు. శుక్రవారం హైదరాబాద్‌ కాచిగూడలోని శాం బాబా మందిరంలో తెలంగాణ రాష్ట్రంలోని వివిధ మఠాలు, పీఠాలు, సంప్రదాయాలకు చెందిన సాధు సంతులు, స్వామీజీల సమావేశం నిర్వహించారు. ఈ సమావేశంలో స్వామీజీల అభిప్రాయాలు, సూచనల మేరకు నూతన రాష్ట్ర కార్యవర్గాన్ని ఎన్నుకున్నారు. సోమాయప్ప స్వామీజీ రాష్ట్ర అధ్యక్షులుగా ఎన్నికయ్యారని విశ్వహిందూ పరిషత్‌ కేంద్రీయ మార్గదర్శక మండలి సభ్యులు సంగ్రామ్‌ మహరాజ్‌ ప్రకటించారు. నూతన కార్యవర్గం మూడేళ్లపాటు కొనసాగుతుందని పేర్కొన్నారు. అధికారులను అడ్డుకున్న రైతులు భిక్కనూరు : గుర్జకుంట శివారులోని సర్వే నంబర్‌ 85లో ఏటీసీ(ఆడ్వాన్స్‌డ్‌ ట్రైనింగ్‌ సెంటర్‌) ఏర్పాటు కోసం హద్దులు నిర్ణయించేందుకు అధికారులు శుక్రవారం గ్రామానికి వచ్చారు. అయితే ఆ భూమిలో తమకు 40 ఏళ్ల క్రితమే పట్టాలు ఇచ్చారంటూ గ్రామానికి చెందిన పుట్ట రమేశ్‌, పుట్ట నర్సింలు వారిని అడ్డుకున్నారు. పుట్ట రమేశ్‌ పురుగుల మందు తాగి ఆత్మహత్య చేసుకుంటాననగా.. పోలీసులు వారించారు. రీసర్వే నిర్వహించి తమకు న్యాయం చేయాలని రైతులు కోరారు. కాగా సర్వే నంబర్‌ 85లో 15 ఎకరాల 34 గుంటల భూమి ఉందని, ప్రభుత్వం ఎనిమిది ఎకరాలే రైతులకు ఇచ్చిందని తహసీల్దార్‌ సునీత పేర్కొన్నారు. త్వరలో రీసర్వే చేసి మిగులు భూమిని మాత్రమే సేకరిస్తామన్నారు. దీంతో రైతులు శాంతించారు. అధికారుల వెంట ఎస్సై అనిల్‌, సర్వే బృందం సభ్యులు ఉన్నారు. జాతీయ మహాసభలను విజయవంతం చేయాలి కామారెడ్డి టౌన్‌ : వచ్చేనెలలో హైదరాబాద్‌లో నిర్వహించే జాతీయ మహాసభలను విజయవంతం చేయాలని ఏబీవీపీ అఖిల భారత సహ సంఘటన కార్యదర్శి బాలకృష్ణ పిలుపునిచ్చారు. శుక్రవారం జిల్లా కేంద్రంలోని శ్రీసరస్వతి శిశుమందిర్‌లో ఏబీవీపీ ఇందూర్‌ విభాగ్‌ ఆధ్వర్యంలో 72వ జాతీయ మహాసభల సన్నాహక సమావేశం నిర్వహించారు. ఈ సందర్భంగా ఆయన మాట్లాడుతూ కళాశాల ప్రాంగణాలను దేశ వ్యతిరేక శక్తుల నుంచి కాపాడిన ఘనత ఏబీవీపీ కార్యకర్తలదేనన్నారు. సమస్యలను కేవలం గోడలపై రాయడమే కాకుండా, రోడ్డెక్కి పోరాడి పరిష్కారాలు సాధించే ఏకై క విద్యార్థి సంఘం ఏబీవీపీ అన్నారు. హైదరాబాద్‌ లో డిసెంబర్‌ 24 నుంచి 27 వరకు నిర్వహించే జాతీయ మహాసభలను విజయవంతం చేయాలని కోరారు. కార్యక్రమంలో ఏబీవీపీ ఇందూర్‌ విభాగ్‌ ప్రముఖ్‌ రెంజర్ల నరేష్‌, పూర్వ విభాగ్‌ ప్రముఖ్‌ రంజిత్‌ మోహన్‌, విభాగ్‌ కన్వీనర్‌ శశిధర్‌, జిల్లా ప్రముఖ్‌లు గిరి, ఈశ్వర్‌ తదితరులు పాల్గొన్నారు. ఎవరెస్ట్‌ బేస్‌ క్యాంప్‌ను అధిరోహించిన మారుతి నవీపేట: నాళేశ్వర్‌కు చెందిన పర్వతారోహకుడు ఆర్మూర్‌ మారుతి శుక్రవారం ఎవరెస్టు బేస్‌ క్యాంప్‌ను అధిరోహించాడు. అక్టోబర్‌ 26న పర్వతారోహణకు వెళ్లిన మారుతి శుక్రవారం గమ్యాన్ని చేరుకున్నాడు. భూ ఉపరితలానికి 5,364 మీటర్ల ఎత్తులో ఉన్న ఎవరెస్ట్‌ బేస్‌ క్యాంపుపై త్రివర్ణ పతాకంతో అభివాదం చేశాడు. మారుతి 2023 ఆగస్టు 15న కిలిమంజారో (5895 మీ.), 2024 ఆగస్టు 17న యూరప్‌లోని ఎలబరస్‌ (5652 మీ) పర్వతాలను అధిరోహించాడు.

సాక్షి, నిజామాబాద్‌: జిల్లాలో విషాద ఘటన చోటుచేసుకుంది. చెరువులో ప్రమాదవశాత్తు పడిన కుమార్తెను కాపాడబోయి తండ్రి ప్రాణాలు కోల్పోయాడు. ఈ క్రమంలో తండ్రి, కుమార్తె ఇద్దరూ నీటిలో మునిగి మృత్యువాతపడ్డారు. ఈ ఘటన కామారెడ్డి మండలం కోటాల్‌పల్లి గ్రామంలోని గోరిగారి చెరువులో చోటుచేసుకుంది.స్థానికుల వివరాల ప్రకారం.. గ్రామానికి చెందిన సంకరి పెద్ద నర్సింలు (60), ఆయన కుమార్తె సోమిశెట్టి రజిత (40) చెరువు వద్దకు వెళ్లారు. ఈ క్రమంలో రజిత ప్రమాదవశాత్తు చెరువులో జారిపడింది. గమనించిన తండ్రి ఆమెను కాపాడేందుకు వెంటనే నీటిలోకి దిగాడు.అయితే, కుమార్తెను రక్షించే ప్రయత్నంలో నర్సింలు కూడా నీటిలో మునిగిపోయాడు. దీంతో ఇద్దరూ ప్రాణాలు కోల్పోయారు. సమాచారం అందుకున్న అగ్నిమాపక సిబ్బంది చెరువు వద్దకు చేరుకుని గాలింపు చర్యలు చేపట్టి, తండ్రి, కుమార్తె మృతదేహాలను వెలికితీశారు.అనంతరం పోలీసులు మృతదేహాలను కామారెడ్డి ఏరియా ఆసుపత్రికి తరలించారు. ఈ ఘటనతో కోటాల్‌పల్లి గ్రామంలో విషాదఛాయలు అలుముకున్నాయి. ఘటనపై దేవునిపల్లి పోలీసులు కేసు నమోదు చేసి దర్యాప్తు చేస్తున్నారు.ఇదీ చదవండి: జార్ఖండ్‌లో ఘోర ప్రమాదం.. మృతుల్లో చిన్నారులు, మహిళలు..

● ఎల్లారెడ్డి ఎమ్మెల్యే మదన్‌మోహన్‌రావులింగంపేట: ఎల్లారెడ్డి నియోజకవర్గాన్ని అన్ని రంగాల్లో అభివృద్ధి చేయడమే లక్ష్యంగా పనిచేస్తున్నామని ఎమ్మెల్యే మదన్‌మోహన్‌రావు అన్నారు. గురువారం ఆయన లింగంపేట మండలంలోని గాంధీనగర్‌, ముస్తాపూర్‌, జగదాంబ తండా, ఒంటర్‌పల్లి, లింగంపల్లి, లింగంపేట గ్రామాల్లో పలు అబివృద్ధి పనులకు శంకుస్థాపనలు, ప్రారంభోత్సవాలు చేశారు. ఆయా గ్రామాల్లో ఏర్పాటు చేసిన సమావేశాల్లో మాట్లాడారు. గ్రామాల్లో బీటీ, సీసీ రోడ్లు, డ్రెయినేజీ, అర్హులైన నిరుపేదలకు ఇందిరమ్మ ఇళ్లు, జీపీ భవనాలు, 16 పాఠశాలలకు అదనపు గదుల నిర్మాణానికి, 8 సబ్‌ స్టేషన్ల ఏర్పాటుకు నిధులు మంజూరు చేయించినట్లు పేర్కొన్నారు. జగదాంబ తండాలో రూ. 20లక్షలతో నిర్మించిన జీపీ భవనం, రూ. 10లక్షలతో నిర్మించిన మహిళా సమాఖ్య భవనం, ఒంటర్‌పల్లిలో రూ. 20లక్షలతో నిర్మించిన గ్రామ పంచాయతీ, లింగంపల్లిలో 33/11 కేవీ విద్యుత్‌ సబ్‌స్టేషన్‌ నిర్మాణానికి భూమిపూజ చేశారు. నిరుపేదలకు సొంతింటి కలను సాకారం చేస్తున్నట్లు పేర్కొన్నారు. కార్యక్రమాల్లో సర్పంచ్‌ రవీందర్‌, ఉపసర్పంచ్‌ ప్రసాద్‌గౌడ్‌, పార్టీ మండల అధ్యక్షుడు సాయిరాంయాదవ్‌, సొసైటీ చైర్మన్‌ నారాగౌడ్‌, ఎంఈవో అంజల్‌రెడ్డి, హెచ్‌ఎం వహీద్‌సిద్ధిఖీ, సర్పంచులు, ఉపసర్పంచులు, సొసైటీ చైర్మన్లు, ప్రజాప్రతినిధులు, నాయకులు, అధికారులు పాల్గొన్నారు. బాధిత కుటుంబాలకు అండాగా ఉంటా మండలంలోని ఆయా గ్రామాల్లో ఇటీవల మృతి చెందిన బాధిత కుటుంబాలకు అండగా ఉంటానని ఎమ్మెల్యే మదన్‌మోహన్‌రావు భరోసా ఇచ్చారు. పోతాయిపల్లి గ్రామానికి చెందిన మాజీ సర్పంచ్‌, సొసైటీ డైరెక్టర్‌ ఆకుల లక్ష్మీనారాయణ చిత్రపటాలకు ఎమ్మెల్యే పూలమాల వేసి నివాళులర్పించారు. అలాగే గ్రామానికి చెందిన భీమయ్య, సాయిలు, వార్డు సభ్యుడు ఎర్రం సంజీవులు, సాయిలు కుటుంబ సభ్యులను పరామర్శించారు. వారికి ఆర్థికసాయం అందించారు.

కామారెడ్డి రూరల్‌: మహిళా సంఘాల్లో అర్హులైన సభ్యులకు రుణాలు అందేలా చూడాలని ఐకేపీ డీపీఎం రాజయ్య సూచించారు. కామారెడ్డి మండల సమాఖ్య కార్యాలయంలో ఐదు మండలాలకు చెందిన వీవోఏలు, కమ్యూనిటీ కోఆర్డినేటర్లకు (సీసీ)లకు గురువారం వ్యక్తిగత జీవనోపాధుల రుణ దరఖాస్తులను ఆన్‌లైన్‌లో నమోదు చేసే విధానంపై శిక్షణ కార్యక్రమం నిర్వహించారు. మహిళా సంఘాల సభ్యులకు వ్యక్తిగత జీవనోపాధుల కల్పనలో భాగంగా అందించే రుణాలను పారదర్శకంగా, సులభతరంగా అందించేందుకు ఆన్‌లైన్‌ విధానంపై సంబంధిత సిబ్బందికి ప్రత్యేక అవగాహన కల్పించారు. కార్యక్రమంలో బీబీపేట, మాచారెడ్డి, రాజంపేట, తాడ్వాయి, దోమకొండ, కామారెడ్డి మండలాల ఏపీఎంలు రాజారెడ్డి, శ్రీనివాస్‌, సీఆర్‌పీలు మౌనిక, నిఖిత, గంగారెడ్డి, రాజారెడ్డి, సాయిలు, ప్రసాద్‌, వెంకట్‌ గౌడ్‌, దేవరాజ్‌ గౌడ్‌, కృష్ణాంజలి, రాజయ్య, అంజాగౌడ్‌, దుర్గాదాస్‌ తదితరులు పాల్గొన్నారు.

నస్రుల్లాబాద్‌: ఉద్యోగాల కోసం ఎదురుచూస్తున్న నిరుద్యోగ యువతకు స్వయం ఉపాధి మార్గాలను చూపిస్తూ నస్రుల్లాబాద్‌లోని గ్రామీణ స్వయం ఉపాధి శిక్షణ కేంద్రం (ఆర్‌సేటి) అండగా నిలుస్తోంది. కేవలం శిక్షణకే పరిమితం కాకుండా, యువతలో నైపుణ్యాలను పెంపొందించి సొంతంగా ఉపాధి పొందేలా తీర్చిదిద్దుతోంది. కేంద్ర ప్రభుత్వ నిధులతో, కెనరా బ్యాంకు సహకారంతో నిర్వహిస్తున్న ఈ శిక్షణ తరగతులు నిరుద్యోగ యువతకు ఆశాకిరణంగా మారుతున్నాయి. జిల్లా వ్యాప్తంగా ఈ కేంద్రం ద్వారా పలువురు యువతీయువకులు ఉపాధి అవకాశాలను అందిపుచ్చుకుంటున్నారు. కేంద్ర ప్రభుత్వ ఆర్‌సేటి నిధులతో కెనరా బ్యాంకు సహకారంతో ఈ ఏడాది మార్చి 27న ఉచిత శిక్షణ తరగతులు ప్రారంభమయ్యాయి. ఒక్కో బ్యాచ్‌లో 35 మంది చొప్పున శిక్షణ పొందుతున్నారు. ఇప్పటి వరకు ఎనిమిది బ్యాచ్‌లు పూర్తి కాగా, దాదాపు 300 మంది యువతీ యువకులు వివిధ రంగాల్లో శిక్షణ పొందారు. పుట్టగొడుగుల పెంపకం, మగ్గం వర్క్‌, మహిళలకు సంబంధించిన వివిధ చేతివృత్తులు, సీసీటీవీ కెమెరాల ఏర్పాటు వంటి అంశాల్లో శిక్షణ అందిస్తున్నారు. ఈ నెలలో మరో బ్యాచ్‌కు సంబంధించి హ్యాండ్‌మేడ్‌ జ్యువెలరీ తయారీ శిక్షణ కార్యక్రమం ప్రారంభం కానుంది. శిక్షణతో పాటు రుణ సదుపాయం కేవలం నైపుణ్యాలను నేర్పించడమే కాకుండా, శిక్షన పూర్తి చేసుకున్న వారికి స్వయం ఉపాధి యూనిట్లు ఏర్పాటు చేసుకునేందుకు అవసరమైన రుణ సదుపాయం కల్పించేలా కేంద్రం కృషి చేస్తోంది. నేర్చుకున్న విద్యను ఆచరణలో పెట్టి ఆర్థికంగా నిలదొక్కుకునేలా సంబంధిత అధికారులు ప్రోత్సహిస్తున్నారు. తక్కువ పెట్టుబడితో సొంతంగా ఉపాధి పొందే అవకాశాలు ఉండటంతో యువత ఆసక్తి చూపుతున్నారు. ఈ శిక్షణ కేంద్రం మరింత మందికి ఉపాధి మార్గం చూపుతూ ఆదర్శంగా నిలుస్తోంది. ఉచిత శిక్షణ ద్వారా స్వయం ఉపాధి పొందవచ్చు. శిక్షణకు వచ్చే వారికి ఉచిత వసతి, భోజనం సదుపాయం కలదు. ఇందులో 18 రకాలు శిక్షణ కార్యక్రమాలు ఉన్నాయి. ఈ సోమవారం నుంచి మరో బ్యాచ్‌ స్టార్ట్‌ అవుతుంది. ఆసక్తి గలవారు దరఖాస్తు చేసుకోవాలి. – అమర్‌ సింగ్‌, డైరెక్టర్‌ స్వయం ఉపాధి కల్పనే లక్ష్యంగా ఉచిత శిక్షణ తరగతులు కేంద్ర ప్రభుత్వ ఆర్‌సేటి నిధులతో నస్రుల్లాబాద్‌లో శిక్షణ ఇప్పటి వరకు 8 బ్యాచ్‌లు పూర్తి.. 30 మందికి శిక్షణ

బాన్సువాడ: పట్టణంలోని అయ్యప్ప ఆలయం నుంచి కేరళలోని శబరిమలకు అయ్యప్ప స్వా ములు మహాపాదయాత్రగా తరలివెళ్లారు. అంతకుముందు స్వాముల పాదయాత్రను గురువారం బాన్సువాడ ఎమ్మెల్యే పోచారం శ్రీనివాస్‌రెడ్డి జెండా ఊపి ప్రారంభించారు. అలాగే ఆలయంలో స్వామివారి పల్లకీసేవలో ఎమ్మెల్యేతోపాటు ఆగ్రో మాజీ చైర్మన్‌ కాసుల బాల్‌రాజ్‌ పాల్గొన్నారు. ఎమ్మెల్యే మాట్లాడుతూ.. గత 15 ఏళ్లుగా బాన్సువాడ నుంచి అయ్యప్ప స్వాములు మహాపాదయాత్రగా శబరిమలై కొండకు వెళ్లడం గొప్ప సంకల్పమన్నారు. ఆర్డీవో రవీందర్‌రెడ్డి, గురుస్వాములు గురువినయ్‌, మల్లికార్జున్‌, విఠల్‌రెడ్డి ఉన్నారు. నాగిరెడ్డిపేట: మండలంలోని పలు గ్రామాల్లో చేపట్టనున్న అభివృద్ధి పనులకు ఎమ్మెల్యే మదన్‌మోహన్‌రావు శుక్రవారం రానున్నట్లు మండల కాంగ్రెస్‌ నాయకులు గురువారం తెలిపారు. మండలంలోని పోచారం, గోపాల్‌పేట, చీనూర్‌, రాఘవపల్లి, మాటూర్‌, బొల్లారం గ్రామాల్లో ఆయన పర్యటిస్తారని, ఆయా గ్రామాల్లో ఇందిరమ్మ ఇళ్ల గృహ ప్రవేశాలతోపాటు మహిళా సంఘ భవనాల నిర్మాణాలకు భూమిపూజ చేస్తారని అన్నారు. మాల్తుమ్మెద శివారులో గోదాం నిర్మాణానికి భూమిపూజ చేస్తారని వారు పేర్కొన్నారు. కామారెడ్డి రూరల్‌: ఇస్రోజీవాడీ గ్రామంలో కేంద్ర ప్రభుత్వ పీఎంఏజేవై పథకంలో భాగంగా రెండో రోజు గురువారం సర్వే కొనసాగింది. గ్రామంలో రెండు రోజులపాటు సర్వే నిర్వహించారు. గ్రామంలోని కుటుంబాల సామాజిక, ఆర్థిక పరిస్థితులు, మౌలిక సదుపాయాలు, అవసరమైన అభివృద్ధి పనుల వివరాలను సేకరించారు. సర్వేతో గ్రామానికి మరిన్ని అభివృద్ధి కార్యక్రమాలు, ప్రభుత్వ సదుపాయాలు కల్పించేందుకు అవకాశం ఉంటుందని సర్పంచ్‌ చిందం మల్లేశ్‌, ఉపసర్పంచ్‌ సిద్ధం స్వామి తెలిపారు. ప్రతి కుటుంబం సర్వే బృందానికి సహకరించాలని కోరారు. జీపీల కార్యదర్శులు నవనీత, మాధవిలత, ఆశా వర్కర్లు సిద్ధం సావిత్రి, గ్రామస్తులు దుబ్బాక రాజయ్య, మదాని రాజయ్య పాల్గొన్నారు. కామారెడ్డి టౌన్‌: మున్సిపల్‌లో అవినీతి, అక్రమాలు జరుగుతున్నాయని ఆరోపిస్తూ జిల్లా కేంద్రానికి చెందిన నర్సోళ్ల మహేశ్‌ గురువారం కలెక్టరేట్‌లో ఏవోకు వినతిపత్రం అందజేశారు. కొద్ది రోజులుగా కొందరు అక్రమ వసూళ్లకు పాల్పడుతున్నారని, బల్దియాకు సంబంధించి సామగ్రి అమ్ముకున్నారని వీటిచపై విచారణ చేపట్టాలని డిమాండ్‌ చేశారు. మాచారెడ్డి: జిల్లాకేంద్రంలో ఎస్‌జీఎఫ్‌ ఆధ్వర్యంలో కామారెడ్డి, నిజామాబాద్‌ ఉమ్మడి జిల్లాస్థాయిలో నిర్వహించిన అథ్లెటిక్స్‌, వాలీబాల్‌ పోటీలు నిర్వహించగా, పాల్వంచ మర్రి వద్ద నున్న ఆర్‌ఆర్‌ ప్రయివేట్‌ ఉన్నత పాఠశాల విద్యార్థినులు అద్భుత ప్రతిభ కనబర్చి రాష్ట్రస్థాయి పోటీలకు ఎంపికయ్యారు. ఇందిరాగాంధీ స్టేడియంలో నిర్వహించిన అండర్‌–14 బాలికల అథ్లెటిక్స్‌ లాంగ్‌ జంప్‌ విభాగంలో నిహారిక రజత పతకం సాధించి రాష్ట్రస్థాయి పోటీలకు ఎంపికై ంది. అదేవిధంగా అండర్‌–17 బాలికల విభాగంలో మధుప్రసన్న రాష్ట్రస్థాయి వాలీబాల్‌ టోర్నమెంట్‌కు కామారెడ్డి, నిజామాబాద్‌ ఉమ్మడి జిల్లాల నుంచి ఎంపికై ంది. ఒకే పాఠశాలకు చెందిన ఇద్దరు విద్యార్థినులు వేర్వేరు క్రీడా విభాగాల్లో రాష్ట్రస్థాయి పోటీలకు ఎంపిక కావడంపై పాఠశాల ప్రధానోపాధ్యాయులు నరేందర్‌రెడ్డి, ఉపాధ్యాయులు వారిని అభినందించారు.

నిజాంసాగర్‌: జుక్కల్‌ మండలం ఎస్సీ, ఎస్టీ ఉపాధ్యాయ సంఘం కార్యవర్గాన్ని గురువారం జిల్లా అధ్యక్షుడు ప్రవీణ్‌నాయక్‌ ఆధ్వర్యంలో ఏకగ్రీవంగా ఎన్నుకున్నారు. మండల అధ్యక్షుడిగా ఎం రవీందర్‌, ప్రధాన కార్యదర్శిగా అంజయ్య, కోశాధికారిగా రాజశేఖర్‌, జిల్లా అసోసియేట్‌ అధ్యక్షుడిగా చందర్‌, జిల్లా ఉపాధ్యక్షుడిగా రాజేశ్‌, మండల మహిళా కార్యదర్శిగా స్వరూపరాణి ఎన్నికయ్యారు. అనంతరం నియామకపత్రాన్ని అందజేశారు. కార్యక్రమంలో నాయకులు, సభ్యులు పాల్గొన్నారు. రామారెడ్డిలో.. రామారెడ్డి: రామారెడ్డి మండల ఎస్సీ, ఎస్టీ ఉపాధ్యాయ సంఘం నూతన కార్యవర్గాన్ని ఏకగ్రీవంగా ఎన్నుకున్నారు. గౌరవాధ్యక్షులు ఆనంద్‌, సీనియర్‌ ఉపాధ్యాయులు సత్యం, స్వామి, సాయిమౌర్యల పర్యవేక్షణలో ఈ ఎన్నికల ప్రక్రియను నిర్వహించారు. మండల అధ్యక్షుడుడిగా కే లింగం, ప్రధాన కార్యదర్శి కే బాలనర్సు, కోశాధికారిగా బీ ఆదినారాయణ, మహిళా విభాగం అధ్యక్షులుగా యు రజిత ఎన్నికయ్యారు. సదాశివనగర్‌: మండలంలోని మర్కల్‌ గ్రామ స్టేజీ వద్ద గల మహిళ డిగ్రీ కళాశాల విద్యార్థులు జిల్లా స్థాయిలో నిర్వహించిన యూత్‌ ఫెస్టివల్‌ కార్యక్రమంలో అత్యుత్తమ ప్రతిభ చూపినట్లు ప్రిన్సిపాల్‌ శోభారాణి గురువారం తెలిపారు. నాటక ప్రదర్శనలో ప్రథమ బహుమతి, జానపద నృత్య ప్రదర్శనలో ప్రథమ బహుమతి, జానపద గాన పోటీలలో ద్వితీయ బహుమతి సాధించినట్లు ప్రిన్సిపాల్‌ పేర్కొన్నారు. ఉత్తమ ప్రతిభ చూపిన విద్యార్థులను అధ్యాపకులు అభినందించారు. కార్యక్రమంలో వైస్‌ ప్రిన్సిపాల్‌ కృష్ణవేణి, కల్చరల్‌ కమిటీ కో ఆర్టినేటర్‌ వనజ, సభ్యులు నవనీత, ప్రియాంక తదితరులు పాల్గొన్నారు. తాడ్వాయి: డిప్యూటీ తహసీల్దార్‌గా జంగ శృతి గురువారం బాధ్యతలు చేపట్టారు. ఇటీవల నిర్వహించిన గ్రూపు–2లో ర్యాంకు సాధించింని శృతి డిప్యూటీ తహసీల్దార్‌గా సెలెక్షన్‌ అయ్యారు. దీంతో నూతనంగా తాడ్వాయికి డిప్యూటీ తహసీల్దార్‌గా వచ్చారు. తహసీల్దార్‌ శ్వేత శృతికి పుష్పగుచ్ఛం అందించి ఆహ్వానించారు.

నిజాంసాగర్‌/ మాచారెడ్డి/ పిట్లం: ఎల్‌నినో ప్రభావం నేపథ్యంలో యాసంగి సీజన్‌లో ఆరుతడి పంటలు సాగు చేయాలని మహమ్మద్‌నగర్‌ తహసీల్దార్‌ లత రైతులకు సూచించారు. గురువారం మహమ్మద్‌నగర్‌ మండల కేంద్రంలోనీ జీపీలో సర్పంచ్‌ దఫేదార్‌ బాలమణి అధ్యక్షతన గ్రామ సభ నిర్వహించారు. తహసీల్దార్‌ మాట్లాడుతూ.. సింగితం రిజర్వాయర్‌ కింద పెసర, మినుము, జొన్న, మొక్కజొన్న పంటలు వేసుకోవాలని సూచించారు. ఉప సర్పంచ్‌ మిడుత సాయిలు, ఏఈవో మధుసూదన్‌, జీపీ కార్యదర్శి అంజయ్య, వార్డు సభ్యులు, రైతులు పాల్గొన్నారు. పాల్వంచ మండల కేంద్రంలోని రైతు వేదికలో రైతులకు అవగాహన సదస్సు నిర్వహించారు. ఎల్‌నినో ప్రభావం నేపథ్యంలో రబీలో ఆరుతడి పంటలు మాత్రమే సాగు చేయాలని ఉమ్మడి మాచారెడ్డి మండల వ్యవసాయాధికారి పవన్‌ కుమార్‌ సూచించారు. తహసీల్దార్‌ జనార్దన్‌, ఎంపీడీవో శ్రీనివాస్‌, వీఏఎస్‌ హేమశ్రీ, హెచ్‌ఈవో బాపురెడ్డి, ఏపీవో సాయిబాబు, అధికారులు, రైతులు ఉన్నారు. పిట్లం మండలంలోని జీపీ కార్యాలయంలో సర్పంచ్‌ సుజాత అధ్యక్షతన పాలకవర్గ సమావేశం నిర్వహించారు. ఎల్‌నినో ప్రభావం నేపథ్యంలో నీటి పొదుపు చర్యలు, పశువుల తొట్టెల నిర్మాణానికి అనుమతుల మంజూరుపై చర్చించారు. గ్రామస్తులు నీటిని వృథా చేయకుండా పొదుపుగా వాడుకోవాలని కోరారు. ఉపసర్పంచ్‌, వార్డు సభ్యులు, జీపీ కార్యదర్శి తదితరులు పాల్గొన్నారు.

కామారెడ్డి టౌన్‌: స్థానిక ప్రభుత్వ మెడికల్‌ కళాశాలలో చోటుచేసుకున్న ర్యాగింగ్‌ ఘటనను నిరసిస్తూ విద్యార్థి సంఘాల నాయకులు ఆందోళన చేపట్టారు. గురువారం కళాశాల ఎదుట కొద్దిసేపు బైఠాయించి నిరసన తెలిపారు. అనంతరం ప్రిన్సిపాల్‌ డాక్టర్‌ వాల్యా చాంబర్‌లోకి వెళ్లి బైఠాయించి, ప్లకార్డుల ప్రదర్శనతో నినాదాలు చేశారు. కళాశాలలో ఇలాంటి ర్యాగింగ్‌ ఘటన జరగడం సిగ్గుచేటని నాయకులు ఆగ్రహం వ్యక్తం చేశారు. యాంటీ ర్యాగింగ్‌ కమిటీ నిర్లక్ష్యం వల్లే సీనియర్లు జూనియర్లపై ర్యాగింగ్‌కు పాల్పడ్డారని ఆరోపించారు. ఈ క్రమంలో ప్రిన్సిపాల్‌తో నాయకులు తీవ్ర వాగ్వాదానికి దిగారు. నాయకుల తీరుపై ప్రిన్సిపాల్‌ తీవ్ర అసహనం వ్యక్తం చేస్తూ, కళాశాలలో ఇకపై ఇలాంటి ఘటనలు పునరావృతం కాకుండా కఠిన చర్యలు తీసుకుంటామని అన్నారు. సమాచారం అందుకున్న దేవునిపల్లి పోలీసులు అక్కడికి చేరుకుని నాయకులను శాంతింపజేశారు. కార్యక్రమంలో ఏఐఎస్‌ఏ రాష్ట్ర కో–కన్వీనర్‌ జీవీఎం విఠల్‌, డీవైఎఫ్‌ఐ జిల్లా కార్యదర్శి ముదాం అరుణ్‌కుమార్‌, పీడీఎస్‌యూ జిల్లా కార్యదర్శి సురేశ్‌, ఎస్‌ఎఫ్‌ఐ జిల్లా నాయకుడు సాయినాథ్‌, ఏఐఎస్‌ఏ జిల్లా ఇన్‌చార్జి పేరుమడ్ల బుల్లెట్‌, బీవీఎం రాష్ట్ర అధ్యక్షుడు రవితేజ, విద్యార్థి సేన జిల్లా అధ్యక్షుడు వినయ్‌కుమార్‌, జీవీఎం జిల్లా అధ్యక్షుడు వినోద్‌, రోహిత్‌, రవి తదితరులు పాల్గొన్నారు.

వేల్పూర్‌: మండలంలోని పచ్చలనడ్కుడ పెద్దవాగులో ప్రమాదవశాత్తు ఓ వ్యక్తి మునిగి మృతిచెందాడు. గ్రామస్తులు తెలిపిన వివరాలు ఇలా.. ధర్పల్లి మండలం హొన్నాజిపేట్‌ గ్రామానికి చెందిన పుట్ట మల్లేష్‌(27), తన అన్నతో కలిసి అర్మూర్‌ మండలం మామిడిపల్లిలో నివాసముంటున్నారు. చుట్టుపక్కల గ్రామాలలో తిరుగుతూ చెరువుల్లో నిమజ్జనం చేసిన వినాయక విగ్రహాలకు వాడిన ఇనుమును సేకరించుకుంటూ జీవనోపాధి పొందుతున్నారు. ఈక్రమంలో గురువారం పచ్చలనడ్కుడ పెద్దవాగులో నిమజ్జనం చేసిన వినాయక విగ్రహాల ఇనుప కడ్డీలు తీసేందుకు సోదరుడు, మరో ఇద్దరు మహిళలు ఆటో తీసుకొని వచ్చారు. విగ్రహాలు నిమజ్జనం చేసిన పెద్దవాగులోకి మల్లేష్‌ వెళ్లి, బయటకు రాలేదు. వెంటనే స్థానికులు వేల్పూర్‌ పోలీసులకు సమాచారం అందించారు. వారు ఘటనా స్థలానికి చేరుకొని మల్లేష్‌ మృతదేహాన్ని బయటకు తీయించారు. కేసు నమోదు చేసుకొని మృతదేహాన్ని పోస్టుమార్టం కోసం ఆర్మూర్‌ ప్రభుత్వ ఆస్పత్రికి తరలించారు. కుమారుడిని హతమార్చిన తండ్రి! నిజాంసాగర్‌ (జుక్కల్‌): మద్యం తాగడానికి డబ్బులు ఇవ్వాలని గొడవకు దిగిన తనయుడిని తండ్రి హతమార్చిన ఘటన బిచ్కుందలో చోటుచేసుకుంది. వివరాలు ఇలా.. బిచ్కుంద మండల కేంద్రానికి చెందిన చాకలి సురేష్‌ మద్యానికి బానిసై, జులాయిగా తిరుగుతున్నాడు. ఈక్రమంలో బుధవారం రాత్రి మద్యం తాగడానికి డబ్బులు ఇవ్వాలని తండ్రి శివరాం, తల్లి గంగమణితో అతడు గొడవపడ్డాడు. డబ్బులు లేవని తల్లిదండ్రులు నిరాకరించడంతో సురేష్‌ ఆగ్రహంతో తల్లి గొంతు పట్టి లాగాడు. దీంతో తండ్రి శివరాం కుమారుడి గొంతుకు టవల్‌ చుట్టి, గొంతు నులిమి హత్య చేశాడు. మరుసటి రోజు మృతుడి సోదరుడు ఈ ఘటనపై పోలీసులకు ఫిర్యాదు చేశారు. తన తమ్ముడి మృతికి కారణమైన తండ్రిపై, వాస్తవాన్ని దాచిన తల్లిపై చట్టపరమైన చర్యలు తీసుకోవాలని కోరాడు. ఈమేరకు బిచ్కుంద పోలీస్‌ స్టేషన్‌లో కేసు నమోదు చేసినట్లు పోలీసులు తెలిపారు.

● అధికారుల సమీక్షలో కలెక్టర్‌ ఆశిష్‌ సంగ్వాన్‌కామారెడ్డి టౌన్‌: జిల్లాలో వివిధ శాఖల ఆధ్వర్యంలో కొనసాగుతున్న అభివృద్ధి పనులు, సంక్షేమ పథకాల అమలును నిర్దేశిత గడువులోగా పూర్తి చేయాలని కలెక్టర్‌ ఆశిష్‌ సంగ్వాన్‌ అధికారులను ఆదేశించారు. గురువారం కలెక్టరేట్‌లో విద్యాశాఖ, పంచాయతీరాజ్‌, ఆర్‌డబ్ల్యూఎస్‌, గృహ నిర్మాణం, భూసేకరణ, డీఆర్డీవో తదితర శాఖల పనితీరుపై ఆయన సమగ్ర సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ..పెండింగ్‌ పనులపై అధికారులు ప్రత్యేక దృష్టి సారించి వేగవంతం చేయాలన్నారు. వికసిత్‌ భారత్‌, ఉపాధి హామీ, చేయూత పింఛన్లు, ఇందిరమ్మ ఇళ్లు, తాగునీటి సరఫరా, మౌలిక వసతుల కల్పనలో ఎలాంటి అలసత్వం ప్రదర్శించవద్దని పేర్కొన్నారు. అర్హులైన ప్రతి ఒక్కరికీ సంక్షేమ పథకాలు అందేలా చూడాలని, శాఖల మధ్య సమన్వయంతో లక్ష్యాలను చేరుకోవాలని సూచించారు. సమావేశంలో స్థానిక సంస్థల అదనపు కలెక్టర్‌ ఎన్‌.వై.గిరి, డీఈవో మల్లికార్జున్‌, డీఆర్డీవో దామోదర్‌రెడ్డి, గృహ నిర్మాణ శాఖ పీడీ విజయ్‌పాల్‌రెడ్డి, అధికారులు పాల్గొన్నారు.

● డీఏవో మోహన్‌రెడ్డినాగిరెడ్డిపేట(ఎల్లారెడ్డి): జిల్లాలో యాసంగి సీజన్‌లో 3 లక్షల 36 వేల ఎకరాల్లో వివిధ రకాల పంటలు సాగవుతాయని జిల్లా వ్యవసాయాధికారి(డీఏవో) మోహన్‌ రెడ్డి పేర్కొన్నారు. నాగిరెడ్డిపేట శివారులో శశాంక్‌రెడ్డి అనే రైతు సేంద్రీయ పద్ధతిలో సాగుచేస్తున్న పంటలను గురువారం ఆయన పరిశీలించారు. ఈ సందర్భంగా నేషనల్‌ మిషన్‌ ఆన్‌ నేచురల్‌ ఫార్మింగ్‌లో భాగంగా రూ.లక్ష విలువ చేసే సామగ్రిని వంద శాతం సబ్సిడీపై రైతుకు అందజేశారు. అనంతరం మండల కేంద్రంలోని వ్యవసాయ కార్యాలయంలో పలు రికార్డులను పరిశీలించారు. ఈ సందర్భంగా విలేకరులతో మాట్లాడుతూ గతేడాది యాసంగిలో జిల్లాలో 2.55 లక్షల ఎకరాల్లో వరి సాగుచేశారని, కానీ ఈ సంవత్సరం ఎల్‌ నినో పరిస్థితుల దృష్ట్యా వరి సాగును లక్షా 20 వేల 940 ఎకరాలకు కుదించామన్నారు. సాగునీటి సౌకర్యం ఉన్న రైతులు మాత్రమే వరి వేసుకోవాలని, మిగతా రైతులు తప్పనిసరిగా ఆరుతడి పంటలనే వేసుకోవాలని ఆయన చెప్పారు. జిల్లాలో లక్షా 20 వేల 940 ఎకరాల్లో వరి, 35,334 ఎకరాల్లో మొక్కజొన్న, లక్షా 02 వేల ఎకరాల్లో జొన్న, 62 వేల ఎకరాల్లో శనగ, 4,930 ఎకరాల్లో పొద్దుతిరుగుడు, 1,925 ఎకరాల్లో కుసుమ పంటలు సాగవుతాయని అంచనా వేసినట్లు ఆయన వివరించారు. కాగా వంద శాతం సబ్సిడీపై పొద్దు తిరుగుడు, 90 శాతం సబ్సిడీపై మినుములు, 50 శాతం సబ్సిడీపై శనగ విత్తనాలను రైతులకు అందజేస్తున్నామన్నారు. ఆగస్టు 14 నుండి ఇప్పటి వరకు వివిధ కారణాల రీత్యా జిల్లాలో 222 మంది రైతులు మరణించారని, వారందరి వివరాలను రికార్డు చేస్తున్నట్లు పేర్కొన్నారు. డీఏవో వెంట నాగిరెడ్డిపేట ఏవో సాయికిరణ్‌ ఉన్నారు.

ఖరీఫ్‌ సీజన్‌లో సాగుచేసిన వరి పంట కోతలు ముమ్మరంగా సాగుతున్నాయి. అయితే కాలువలు, చెరువుల కింద వరి సాగు చేసిన రైతులకు ధాన్యం తరలింపు క్లిష్టంగా మారింది. బురద పొలాల నుంచి ట్రాక్టర్లలో ధాన్యం తరలించాలంటే చార్జీలు అధికమవుతున్నాయి. ఈ నేపథ్యంలో కర్ణాటకలోని ఔరాద్‌ నుంచి వలస వచ్చిన గాడిదలే రైతులకు ఆసరాగా నిలిచాయి. పొలం నుంచి రైతు ఇంటికి లేదా కొనుగోలు కేంద్రాల వరకు ధాన్యం రవాణా చేస్తున్నాయి. గురువారం మహమ్మద్‌ నగర్‌ మండలం తుంకిపల్లి గ్రామంలో కొందరు రైతులు తమ ధాన్యాన్ని గాడిదలపై రవాణా చేస్తుండగా ‘సాక్షి’ క్లిక్‌మనిపించింది. – నిజాంసాగర్‌ (జుక్కల్‌)

● 20 ప్రభుత్వ జూనియర్‌ కళాశాలల్లో వెండింగ్‌ మిషన్లు ● బాలికల ఆరోగ్య భద్రతే లక్ష్యంగా ఏర్పాటు ఎల్లారెడ్డిరూరల్‌: బాలికల ఆరోగ్యాన్ని దృష్టిలో ఉంచుకొని ప్రభుత్వం జూనియర్‌ కళాశాలల్లో సానిటరీ నాప్కిన్‌ వెండింగ్‌ మిషన్లను ఏర్పాటు చేసింది. కళాశాలలో మౌలిక వసతుల కల్పనలో భాగంగా నాప్కిన్‌ వెండింగ్‌ మిషన్లు, ఇన్సినరేటర్‌ యంత్రాలను బిగించింది. కళాశాలల్లో 3,500 విద్యార్థినులు.. జిల్లాలో 20 ప్రభుత్వ జూనియర్‌ కళాశాలలు ఉన్నాయి. ఇంటర్‌ ఫస్టియర్‌, సెకండియర్‌లో మొత్తం 3,500 మంది విద్యార్థినులు చదువుతున్నారు. వీరి కోసం ప్రభుత్వం కళాశాలల్లో సానిటరీ నాప్కిన్‌ వెండింగ్‌, ఇన్సినరేటర్‌ మిషన్లను ఏర్పాటు చేసింది. విద్యార్థినులు రుతుక్రమం సమయంలో ఎలాంటి ఇబ్బందులు పడకుండా నాప్కిన్‌, ఇన్సినరేటర్‌ మిషన్లు దోహదపడతాయి. మిషన్లలో బటన్‌ నొక్కగానే ప్యాడ్‌ను పొందవచ్చు. వాడిన ప్యాడ్‌లను ఇన్సినరేటర్‌ మిషన్‌లో వేస్తే అది బూడిదగా మారిపోతుంది. ఇటు విద్యార్థినుల సమస్యలు తీరడంతోపాటు పర్యావరణ కాలుష్యం ఏర్పడదు.20 ప్రభుత్వ జూనియర్‌ కళాశాలల్లో సానిటరీ నాప్కిన్‌ వెండింగ్‌, ఇన్సినరేటర్‌ మిషన్లు బిగించాం. విద్యార్థినుల ఆరోగ్య సమస్యలను దృష్టిలో ఉంచుకొని ప్రభుత్వం ఏర్పాటు చేసింది. విద్యార్థినులు వీటిని జాగ్రత్తగా వినియోగించుకొని ఆరోగ్యాన్ని కాపాడుకోవాలి. – సలాం, ఇంటర్మీయెట్‌ జిల్లా నోడల్‌ ఆఫీసర్‌

● క్వింటాల్‌కు రూ.500 బోనస్‌ చెల్లిస్తాం ● జిల్లా సహకార అధికారి రామ్మోహన్‌రామారెడ్డి (ఎల్లారెడ్డి): రైతులు పండించిన ప్రతి ధాన్యపు గింజను ప్రభుత్వం పూర్తిస్థాయిలో కొనుగోలు చేస్తుందని జిల్లా సహకార అధికారి రామ్మోహన్‌ స్పష్టం చేశారు. గురువారం ఆయన రామారెడ్డి మండలం పోసానిపేట్‌, రామారెడ్డి, ఉప్పల్‌వాయి తదితర గ్రామాల్లో ఏర్పాటు చేసిన ధాన్యం కొనుగోలు కేంద్రాలను సందర్శించారు. రైతులు విక్రయించేందుకు తీసుకొచ్చిన ధాన్యం తేమ శాతాన్ని స్వయంగా పరిశీలించడంతోపాటు కొనుగోళ్ల ప్రక్రియ నిర్వహణను నిశితంగా పర్యవేక్షించారు. రాష్ట్ర ప్రభుత్వం ఆమోదించిన ఏడు రకాల వరి ధాన్యానికి క్వింటాల్‌కు మద్దతు ధర, రూ.500 చొప్పున బోనస్‌ అందించనున్నట్లు తెలిపారు. ధాన్యం సేకరణకు ప్రభుత్వం అన్ని రకాల మౌలిక వసతులు, ఏర్పాట్లను పూర్తి చేసిందన్నారు. అడ్లూర్‌ ఎల్లారెడ్డి సొసైటీ పరిధిలోనే 10 ధాన్యం కొనుగోలు కేంద్రాలను ఏర్పాటు చేసినట్లు వెల్లడించారు. ఆయన వెంట క్లస్టర్‌ అధికారి నాగేశ్‌, అడ్లూర్‌ ఎల్లారెడ్డి సహకార సంఘం కార్యదర్శి లింగమూర్తి, రైతులు ఉన్నారు.

బాన్సువాడ: బాన్సువాడ మండలం రాజారాందుబ్బాలో అక్రమంగా దాచి ఉంచిన 75 సిలిండర్లను ఎన్‌ఫోర్స్‌మెంట్‌ అధికారులు స్వాధీనం చేసుకున్నారు. గురువారం ‘సాక్షి’ దినపత్రికలో ‘యథేచ్ఛగా రీ ఫిల్లింగ్‌ దందా’ అనే శీర్షికతో ప్రచురితమైన కథనానికి ఎన్‌ఫోర్స్‌మెంట్‌ అధికారులు స్పందించారు. రాజారాం దుబ్బా కాలనీలో ఓ ఇంట్లో అక్రమంగా నిల్వ ఉన్న 68 కమర్షియల్‌, 7 డొమెస్టిక్‌ సిలిండర్లను స్వాధీనం చేసుకున్నారు. డొమెస్టిక్‌ సిలిండర్ల నుంచి అక్రమంగా కమర్షియల్‌ సిలిండర్లలోకి గ్యాస్‌ను రీ ఫిల్లింగ్‌ చేస్తున్నట్లు అధికారుల తనిఖీలో వెల్లడయ్యింది. ఎవరైనా రీ ఫిల్లింగ్‌ చేస్తే కఠిన చర్యలు తీసుకుంటామని ఏఎస్‌వో రవీందర్‌ రాథోడ్‌ హెచ్చరించారు. సమాచారం అందించిన వ్యక్తుల పేర్లు రహస్యంగా ఉంచుతామని పేర్కొన్నారు. దాడుల్లో ఎన్‌ఫోర్స్‌మెంట్‌ డీటీలు అశోక్‌, బాలయ్య, జీపీవోలు హర్ష, ఆనంద్‌, పోలీసు సిబ్బంది ఉన్నారు.

సాక్షి ప్రతినిధి, కామారెడ్డి: రాష్ట్ర మంత్రి దామోదర రాజనర్సింహ, జుక్కల్‌ ఎమ్మెల్యే తోట లక్ష్మీకాంతా రావ్‌ల మధ్య ఇటీవల ఢిల్లీలో జరిగిన గొడవకు సంబంధించి గురువారం గాంధీభవన్‌కు రావాలని పీసీసీ నుంచి పిలుపు వచ్చింది. తొలుత మంత్రితో, తర్వాత ఎమ్మెల్యేతో మాట్లాడాలని నిర్ణయించగా, మంత్రి హాజరుకాలేదని సమాచారం. జుక్కల్‌ ఎమ్మెల్యే సైతం గాంధీభవన్‌కు వెళ్లలేదని తెలుస్తోంది. దీంతో విచారణ వాయిదాపడినట్లు భావిస్తున్నారు. వివాదం పీసీసీ స్థాయిలో పరిష్కారమవుతుందా లేదా ఏఐసీసీ దగ్గరకు వెళుతుందా అన్నది తేలాల్సి ఉంది. ● ఐదుగురికి తీవ్రగాయాలు భిక్కనూరు: భిక్కనూరు మండల సమీపంలో ఉన్న ఓ ఫార్మ కంపెనీలో రియాక్టర్‌ పేలడంతో గురువారం రాత్రి ఐదుగురికి తీవ్రగాయాలయ్యాయి. క్షతగాత్రుల్లో ముగ్గురు ఇత ర రాష్ట్రాలకు చెందిన వారు కాగా, మరో ఇ ద్దరు స్థానికులు అని తెలిసింది. గాయపడిన ఐదుగురిని ఫ్యాక్టరీ అధికారులు వెంటనే అంబులెన్స్‌లో చికిత్స నిమిత్తం హైదరా బాద్‌కు తరలించారు. ఈ విషయమై భిక్కనూరు పోలీసులను వివరణ కోరగా తమకు ఎలాంటి ఫిర్యాదు అందలేదని తెలిపారు.పిట్లం(జుక్కల్‌): గ్రామాల్లో నీటి సమస్య లేకుండా అధికారులు చర్యలు తీసుకోవాలని జిల్లా పంచాయతీ అధికారి మురళి పేర్కొన్నారు. పిట్లం మండల పరిషత్‌ కార్యాలయంలో గురువారం నిర్వహించిన మండలస్థాయి సమావేశంలో ఆయన మాట్లాడారు. గ్రామాల్లో చేపట్టాల్సిన అభివృద్ధి పనులపై ప్రత్యేక శ్రద్ధ చూపాలని సూచించారు. వర్షపునీరు భూమిలో ఇంకిపోయేలా ఇళ్లు, ఖాళీ ప్రదేశాల్లో ఇంకుడు గుంతలు ఏర్పాటు చేయాలని తెలిపారు. ప్రతి సమస్యకు పరిష్కారం ఉంటుందని, గ్రామ సర్పంచులు, అధికారులు కలిసి ప్రజా సమస్యలు పరిష్కరించాలని సూచించారు. అనంతరం అభివృద్ధి పనులు, గ్రామాల్లో నెలకొన్న సమస్యలు, ప్రభుత్వ సేవలపై చర్చించారు. కార్యక్రమంలో ఎంపీడీవో సాయన్న, తహసీల్దార్‌ మహేందర్‌ తదితరులు పాల్గొన్నారు. కామారెడ్డి టౌన్‌: తెలంగాణ గ్రామ పాలన ఆఫీసర్స్‌(జీపీవోస్‌) యూనియన్‌ నూతన కార్యవర్గాన్ని గురువారం జిల్లా కేంద్రంలో ఏకగ్రీవంగా ఎన్నుకున్నారు. గౌరవ అధ్యక్షుడిగా ప్రేమ్‌, గౌరవ సలహాదారులుగా జి. స్వామి, బి.నరేశ్‌, అధ్యక్షుడిగా రాజు, ప్రధాన కార్యదర్శిగా జి. శ్రీకాంత్‌, వర్కింగ్‌ ప్రెసిడెంట్‌గా బి. నరేశ్‌, కోశాధికారిగా కె. సత్యం, జాయింట్‌ సెక్రెటరీగా డి. రాజు, ఉపాధ్యక్షులుగా సిద్ధలింగం, సాయిప్రసాద్‌, డి. పద్మయ్య, సాయి దాసరి, ఆర్గనైజింగ్‌ సెక్రెటరీలుగా రవి, శ్రవణ్‌, విజయ్‌, సలహాదారులుగా ఆర్‌.బాబు, ప్రభాకర్‌, ఎన్‌. సాయికుమార్‌, ఆర్‌.శేఖర్‌, సోషల్‌ మీడియా కన్వీనర్లుగా ఎ.మధు, ఎస్‌.అఖిల్‌ ఎన్నికయ్యారు. ఉద్యోగుల హక్కుల పరిరక్షణ, సమస్యల పరిష్కారానికి ఐక్యంగా పోరాడతామని నూతన కార్యవర్గ ప్రతినిధులు తెలిపారు.

కామారెడ్డి టౌన్‌: జిల్లాలో మాతృ మరణాల పూర్తిస్థాయి నివారణే లక్ష్యంగా హైరిస్క్‌ గర్భిణులను ప్రాథమిక దశలోనే గుర్తించి మెరుగైన వైద్య సేవలు అందించాలని రాష్ట్ర వైద్యారోగ్య శాఖ జాయింట్‌ డైరెక్టర్‌ (ఎంసీహెచ్‌) డాక్టర్‌ సుధీర తెలిపారు. గురువారం కలెక్టరేట్‌లోని సమావేశపు హాల్‌లో వైద్యాధికారులు, సిబ్బందికి నిర్వహించిన ప్రత్యేక శిక్షణ కార్యక్రమానికి ఆమె ముఖ్య అతిథిగా హాజరై మాట్లాడారు. క్షేత్రస్థాయిలో వైద్యాధికారులు, సూపర్‌వైజర్లు, ఏఎన్‌ఎంలు, ఆశా కార్యకర్తలు పరస్పర సమన్వయంతో పనిచేయాలన్నారు. మహిళ గర్భం దాల్చిన 12 వారాల్లోపు వంద శాతం నమోదు ప్రక్రియ పూర్తి చేయాలని ఆదేశించారు. ప్రతి గర్భిణీకి ఐరన్‌, ఫోలిక్‌ యాసిడ్‌ మాత్రలు పంపిణీ చేయడంతోపాటు కాన్పు సమయానికి కనీసం తొమ్మిది రకాల వైద్య పరీక్షలు తప్పనిసరిగా నిర్వహించాలన్నారు. తీవ్ర రక్తహీనత, అధిక రక్తపోటు (బీపీ), గుండె సంబంధిత సమస్యలు, సికిల్‌ సెల్‌ అనీమియా, గతంలో కాన్పు సమస్యలు ఉన్నవారిని ముందస్తుగానే ‘హైరిస్క్‌’ జాబితాలో చేర్చి నిరంతరం పర్యవేక్షించాలని సూచించారు. ప్రసవ తేదీకి ముందే ప్రణాళిక సిద్ధం చేసుకొని, అత్యవసర వైద్య సదుపాయాలు సమకూర్చుకోవాలని తెలిపారు. డీఎంహెచ్‌వో వెంకటి మాట్లాడుతూ జిల్లాను మాతృ మరణాలు లేని జిల్లాగా తీర్చిదిద్దేందుకు ప్రతి ఒక్కరూ బాధ్యతాయుతంగా పనిచేయాలన్నారు. హైరిస్క్‌ కేసులపై ప్రత్యేక నిఘా ఉంచి, సురక్షిత ప్రసవాలు జరిగేలా చూడాలన్నారు. శిశు వైద్య నిపుణురాలు శిరీష, సీ్త్ర వైద్య నిపుణురాలు సురేఖ, స్వచ్ఛంద సంస్థ ప్రతినిధులు డాక్టర్‌ సంతోషి, డాక్టర్‌ శర్వాణి పాల్గొని వివిధ వైద్య అంశాలపై అవగాహన కల్పించారు. కార్యక్రమంలో పీహెచ్‌సీల వైద్యాధికారులు, పర్యవేక్షణ సిబ్బంది, వైద్య సిబ్బంది తదితరులు పాల్గొన్నారు. మాతృ మరణాల నివారణకు పకడ్బందీ చర్యలు చేపట్టాలి 12 వారాల్లోపు వంద శాతం నమోదు పూర్తి కావాలి వైద్యారోగ్య శాఖ జేడీ డాక్టర్‌ సుధీర

● తండ్రి జ్ఞాపకంగా కూతురు కట్టించిన బడి ప్రారంభం ● అభినందించిన అధికారులు, ప్రజాప్రతినిధులుసాక్షి ప్రతినిధి, కామారెడ్డి: తండ్రి జ్ఞాపకార్థం సమాజానికి మేలు చేయాలన్న సంకల్పం గొప్పదని పలువురు పేర్కొన్నారు. కామారెడ్డి పట్టణంలోని కాకతీయనగర్‌ ప్రాథమిక పాఠశాలలో దివంగత అమరేశం రాజేశ్వరశర్మ జ్ఞాపకార్థం ఆయన కూతురు శ్రీవారి భారతి ఎస్‌సీఎస్‌ చారిటబుల్‌ ట్రస్ట్‌ పేరుతో రూ.22 లక్షలతో నిర్మించిన పాఠశాల భవనాన్ని గురువారం మున్సిపల్‌ చైర్‌పర్సన్‌ ఇప్ప ఉమారాణి, వైస్‌ చైర్మన్‌ కాసర్ల గోదావరి, డీఈవో మల్లికార్జున్‌, కౌన్సిలర్‌ వినోద తదితరులతో కలిసి ప్రారంభించారు. ఈ సందర్భంగా జరిగిన కార్యక్రమంలో తండ్రి పేరుతో భవనం నిర్మించడం గొప్ప విషయమని అభినందించారు. అనంతరం భవన నిర్మాణ దాత శ్రీవారి భారతి మాట్లాడుతూ.. నాన్నగారి జ్ఞాపకార్థం పాఠశాల భవనం నిర్మించడం ఎంతో సంతోషంగా ఉందన్నారు. పేద పిల్లలకు విద్యనందించేందుకు అనేక కార్యక్రమాలు నిర్వహిస్తున్నట్టు పేర్కొన్నారు. కార్యక్రమంలో గంగాకిషన్‌, జంగం శ్రీశైలం, చంద్రశేఖర్‌గౌడ్‌, రాజేశ్వర్‌ తదితరులు పాల్గొన్నారు.

● సర్కారు బడికి చేయూతనందించిన కూతురు ● రూ. 22 లక్షలతో భవన నిర్మాణం ● నేడు ప్రారంభించేందుకు ఏర్పాట్లుసాక్షి ప్రతినిధి, కామారెడ్డి: కన్న తండ్రిపై ప్రేమను సమాజానికి మేలు చేసే ఆశయంగా మలచుకున్నారు ఆ కూతురు. నాన్న జ్ఞాపకాలను చిరస్థాయి గా నిలిపేందుకు పేద విద్యార్థుల చదువులకు కొండంత బాసటగా నిలుస్తున్నారు. వివరాలిలా ఉ న్నాయి. జిల్లా కేంద్రానికి చెందిన అక్షర దిగ్గజం దివంగత అమరేశం రాజేశ్వర శర్మ ఉమ్మడి రాష్ట్రంలో తెలు గు భాషాభివృద్ధికి, తెలుగు సాహిత్య రంగానికి ఎనలే ని కృషి చేశారు. ఆయన కూతురు శ్రీవారి భారతి కుటుంబం హైదరాబాద్‌లో నివసిస్తోంది. ఆమె భర్త డాక్టర్‌ శ్రీవారి చంద్రశేఖర్‌ ప్రముఖ శాస్త్రవేత్త. ఆయన జాతీయ సంస్థల్లో కీలక విభాగాల్లో పనిచేశారు. భారతి ఇంటి వద్దే ఉంటూ ఎస్‌సీఎస్‌ చారిటబుల్‌ ట్రస్ట్‌ పేరుతో సేవా కార్యక్రమాలు నిర్వహిస్తుంటారు. కొన్నాళ్ల క్రితం దేవునిపల్లి జిల్లా పరిషత్‌ ఉన్నత పాఠశాలలో ప్యూరిఫైడ్‌ నీటిని అందించే ప్లాంటును ఏర్పాటు చేయించారు. అనేక ప్రాంతాల్లో సేవా కార్యక్రమాలు నిర్వహిస్తున్నారు. జిల్లా కేంద్రంలోని కాకతీయనగర్‌ ప్రభుత్వ ప్రాథమిక పాఠశాలలో అక్కడి బస్తీలకు చెందిన పేద పిల్లలు ఎక్కువ మంది చదువుతుంటారు. గదుల కొరత ఉన్న విషయం తెలుసుకున్న శ్రీవారి భారతి పాఠశాలను సందర్శించి, గదుల సమస్య తీరుస్తానని భరోసా ఇచ్చారు. మూడు తరగతులకు ఉపయోగపడేలా రూ. 22 లక్షలతో భవనం నిర్మించారు. భవనంలో ఫ్యాన్లు, లైట్లు కూడా బిగించారు.

● ఇంటి బాట పట్టిన మెడికోలు.. ● సస్పెన్షన్‌కు గురైన విద్యార్థుల తల్లిదండ్రుల్లో ఆందోళనకామారెడ్డి టౌన్‌: కామారెడ్డి మెడికల్‌ కళాశాలలో ర్యాగింగ్‌ కలకలం రేపుతోంది. జూనియర్లపై సీనియర్లు సాగించిన ర్యాగింగ్‌పై ‘సాక్షి’ దినపత్రికలో బుధవారం ప్రచురితమైన కథనం జిల్లాతో పాటు రాష్ట్రవ్యాప్తంగా చర్చనీయాంశమైంది. ఈ ఘటనలో సస్పెన్షన్‌కు గురైనవారు ఇప్పటికే ఇంటి బాట పట్టినట్లు తెలిసింది. కాగా కళాశాలలో యాంటీ ర్యాగింగ్‌ కమిటీ ఉన్నప్పటికీ ఎలాంటి ప్రయోజనం లేకుండా పోయిందన్న విమర్శలు వ్యక్తమవుతున్నాయి. అసలేం జరిగిందంటే.. గత నెల 25వ తేదీన మొదటి సంవత్సరం చదువుతున్న ఏడుగురు విద్యార్థులు.. 14 మంది సీనియర్లు తమను నిత్యం వేధింపులకు గురిచేస్తున్నారంటూ ఎన్‌ఎంసీకి ఆన్‌లైన్‌ పోర్టల్‌ ద్వారా ఫిర్యాదు చేశారు. దీనిని పరిశీలించిన ఉన్నతాధికారులు గతనెల 28న కళాశాల ప్రిన్సిపల్‌కు, స్థానిక పోలీస్‌ స్టేషన్‌కు సమాచారం అందించి, విచారణ చేయాలని ఆదేశించారు. దీంతో 29వ తేదీన కళాశాల యాంటీ ర్యాగింగ్‌ కమిటీ, స్థానిక పోలీసులు సంయుక్తంగా విచారణ చేపట్టారు. విచారణ సమయంలో ర్యాగింగ్‌కు సంబంధించిన వీడియో ఆధారాలు కూడా లభించినట్లు తెలిసింది. విచారణ నిమిత్తం ప్రిన్సిపల్‌ గదికి నలుగురు విద్యార్థులు సరైన వస్త్రధారణ లేకుండా రావడమే కాకుండా, కనీస బాధ్యత లేకుండా పొంతనలేని సమాధానాలు చెబుతూ అధికారులకు సహకరించలేదని సమాచారం. ఈ వివరాలతో కూడిన విచారణ నివేదికను యాంటీ ర్యాగింగ్‌ కమిటీ ఎన్‌ఎంసీకి నివేదించింది. దీంతో బాధ్యులైన 14 మందిని వెంటనే సస్పెండ్‌ చేయాలని ఆదేశాలు జారీ అయ్యాయి. వీరిలో కొందరు కళాశాల హాస్టల్‌లో, మరికొందరు బయట ప్రైవేట్‌ గదుల్లో ఉంటూ చదువుకుంటున్నారు. సస్పెన్షన్‌ వేటు పడడంతో రెండు రోజుల క్రితమే వారంతా స్వగ్రామాలకు వెళ్లిపోయినట్లు తెలిసింది. నెల తర్వాత మరోసారి విచారణ.. ర్యాగింగ్‌ విషయంలో సస్పెన్షన్‌కు గురైన విద్యార్థులపై నెల రోజుల తర్వాత మరోసారి విచారణ జరపనున్నారు. అప్పటికి వారిలో మార్పువస్తే సస్పెన్షన్‌ను ఎత్తివేసే అవకాశాలుంటాయి. అయితే తమ పిల్లలపై సస్పెన్షన్‌ వేటుతో వారి తల్లిదండ్రులు ఆందోళన చెందుతున్నారు. మెడిసిన్‌ చదువుతున్న విద్యార్థులపై ఇలాంటి మచ్చ పడడం తీవ్ర నష్టాన్ని కలిగిస్తుందనే అభిప్రాయాలు వ్యక్తమవుతున్నాయి.బాధితులు నేరుగా ఎన్‌ఎంసీకి ఫిర్యాదు చేయకుండా ఇక్కడి యాంటీ ర్యాగింగ్‌ కమిటీ దృష్టికి తెచ్చి ఉంటే చర్యలు వేరేలా ఉండేవన్న అభిప్రాయం వ్యక్తమవుతోంది. విషయం ఎన్‌ఎంసీ దాకా వెళ్లడంతోనే తప్పనిసరి పరిస్థితుల్లో కఠిన చర్యలు తీసుకున్నారని భావిస్తున్నారు. గతంలో ఇలాంటి ఘటనలు జరిగినా హెచ్చరించి వదిలేశారని, అయితే తాజా పరిణామాలతో ఇకపై ఎవరైనా ర్యాగింగ్‌ జోలికి వెళ్లాలంటేనే భయపడే పరిస్థితి నెలకొందని పలువురు ప్రొఫెసర్లు పేర్కొంటున్నారు.

కామారెడ్డి టౌన్‌: జిల్లా కేంద్రంలో ఇందిరా గాంధీ విగ్రహాన్ని ధ్వంసం చేసిన నిందితుడిని పోలీసులు గుర్తించి శిక్షించాలని కాంగ్రెస్‌ నాయకులు డిమాండ్‌ చేశారు. డీసీసీ మాజీ అధ్యక్షుడు కై లాస్‌ శ్రీనివాసరావు, పట్టణ అధ్యక్షుడు ఐరేని సందీప్‌ కుమార్‌ మాట్లాడుతూ.. ఇందిరాగాంధీ విగ్రహాన్ని ధ్వంసం చేయడం అత్యంత హేయమైన చర్య అని మండిపడ్డారు. అనంతరం పట్టణ పీఎస్‌లో ఫిర్యాదు చేశారు. కార్యక్రమంలో పట్టణ మాజీ అధ్యక్షుడు పండ్ల రాజు, బ్లాక్‌ కాంగ్రెస్‌ అధ్యక్షుడు గోనె శ్రీనివాస్‌, కౌన్సిలర్లు, నాయకులు షేరు, జావిద్‌, ఇప్ప శ్రీనివాస్‌, లడ్డు, సిద్ధిక్‌, అజ్మత్‌, ఖదీర్‌, విజయ్‌, చాట్ల రాజేశ్వర్‌, కాళ్ల గణేశ్‌, సిరాజ్‌, లక్కపత్ని గంగాధర్‌, రామ్మోహన్‌, సంతోష్‌, సుధాకర్‌ రెడ్డి, రెహాన్‌ తదితరులు పాల్గొన్నారు.

పెద్దకొడప్‌గల్‌: మండల కేంద్రంలోని వడ్లం జెడ్పీ ఉన్నత పాఠశాలకు చెందిన బామన్‌ బావుసింగ్‌ అండర్‌–14 విభాగం క్రీడా పోటీల్లో విశేష ప్రతిభ కనబరిచి రాష్ట్రస్థాయి పోటీలకు ఎంపికయ్యాడు. ఇటీవల నిర్వహించిన హైజంప్‌ పోటీల్లో మొదటి స్థానం(స్వర్ణ పతకం), లాంగ్‌ జంప్‌ పోటీలలో రెండవ స్థానం సాధించి సత్తా చాటాడు. హనుమకొండ జిల్లాలో ఈ నెల 10, 11, 12వ తేదీలలో నిర్వహించే రాష్ట్రస్థాయి పోటీలకు ఎంపికై నట్లు పీడీ ధర్మేందర్‌ తెలిపారు. బావుసింగ్‌ను హెచ్‌ఎం, ఉపాధ్యాయులు అభినందించారు. కబడ్డీ క్రీడాకారుడికి అభినందన కామారెడ్డి అర్బన్‌: కామారెడ్డి పీఏం శ్రీ జెడ్పీ బాలుర ఉన్నత పాఠశాల క్రీడాకారుడు మహ్మద్‌ ఇలియాస్‌ ఈనెల 5, 6వ తేదీల్లో హైదరాబాద్‌లోని పోలీస్‌ అకాడమీలో నిర్వహించే రాష్ట్రస్థాయి పీఏం కబడ్డీ పోటీలకు ఎంపికై నందుకు బుధవారం అభినందించారు. కార్యక్రమంలో హెచ్‌ఎం మాధవి, వ్యాయామ ఉపాధ్యాయుడు హీరాలాల్‌, ఉపాధ్యాయుడు నవీన్‌ తదితరులు పాల్గొన్నారు.

కామారెడ్డి టౌన్‌: తమ న్యాయమైన సమస్యలను పరిష్కరించాలని డిమాండ్‌ చేస్తూ జాతీయ ఆరోగ్య మిషన్‌ కాంట్రాక్ట్‌, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె బుధవారం నాటికి 23వ రోజుకు చేరింది. జిల్లా కేంద్రంలోని కలెక్టరేట్‌ ధర్నా చౌక్‌లో చేపడుతున్న శిబిరంలో గొడ్డుకారం అన్నం తింటూ ప్రభుత్వానికి తమ నిరసనను వినూత్నంగా తెలిపారు. శిబిరాన్ని సీపీఐ(ఎంఎల్‌), టీయూ సీఐ నాయకులు రామకృష్ణ, రమేశ్‌, ప్రకాశ్‌ సందర్శించి మద్దతు ప్రకటించారు. జిల్లా జనచైతన్య కళాకారుల సంఘం అధ్యక్షుడు కాసల మోహన్‌ యాదవ్‌, నాయకులు రాము పటేల్‌, బిట్ల సురేందర్‌, మైనుద్దీన్‌, లింగాల యాదా గౌడ్‌, లక్ష్మణ్‌ ఆట పాటలతో ఉద్యోగుల్లో ఉత్సాహం నింపారు. కామారెడ్డి రూరల్‌: మండలంలోని ఇస్రోజీవాడీ గ్రామం కేంద్ర ప్రభుత్వ పీఎంఏజేవై (ప్రధానమంత్రి అనుసూచిత కులాల అభ్యుదయ్‌ యోజన) పథకం సర్వేకు ఎంపికై ంది. దీంతో సర్పంచ్‌ చిందం మల్లేశ్‌, గ్రామస్తులు హర్షం వ్యక్తం చేశారు. గ్రామంలో సర్వే కార్యక్రమం ప్రారంభమైందని, సర్వే ద్వారా కుటుంబాల పరిస్థితులు, మౌలిక సదుపా యాలు, అభివృద్ధి అవసరాలను గుర్తించడం జరుగుతుందని సర్పంచ్‌ తెలిపారు. గ్రామస్తులు సర్వే బృందానికి సహకరించి సరైన వివరాలు అందించాలని కోరారు. ఉపాధ్యాయుల ఉమ్మడి సర్వీస్‌ రూల్స్‌ తేవాలి కామారెడ్డి టౌన్‌: ప్రభుత్వ, పంచాయతీరాజ్‌ టీచర్లకు ఉమ్మడి సర్వీస్‌ నిబంధనలు రూపొందించి, ఎంఈవో, డైట్‌ లెక్చరర్‌ పోస్టులకు పదోన్నతులు కల్పించాలని ఎస్టీయూ టీఎస్‌ రాష్ట్ర ప్రధాన కార్యదర్శి జుట్టు గజేందర్‌ డిమాండ్‌ చేశారు. బుధవారం జిల్లా కేంద్రంలో డీఈవోకు వినతిప్రతం అందజేశారు. ఇచ్చిన మాట ప్రకారం ప్రభుత్వం తక్షణమే సీపీఎస్‌ రద్దు కోసం అధ్యయన కమిటీని ఏర్పాటు చేయాలన్నారు. సంఘం జిల్లా అధ్యక్ష, కార్యదర్శులు సయ్యద్‌ కలీమొద్దీన్‌, ప్రవీణ్‌కుమార్‌, రాష్ట్ర బాధ్యుడు పోల్‌రెడ్డి తదితరులు పాల్గొన్నారు. నస్రుల్లాబాద్‌: మండలంలోని బొమ్మన్‌దేవ్‌పల్లిలో బుధవారం సర్పంచ్‌ సాయిలు పశువులకు నట్టల నివారణ మందులను పంపిణీ చేశారు. పెంపకందారులు పశువులకు టీకాలు వేయించాలన్నారు. పశు సంవర్ధక సిబ్బంది, రైతులు ఉన్నారు. బాన్సువాడ: బాన్సువాడలోని హరిజనవాడలో మంగళవారం రాత్రి తాళం వేసిన ఇంట్లో చోరీ జరిగింది. హరిజనవాడకు చెందిన ప్రసన్న అనే వ్యక్తి ఇంటికి తాళం వేసి నిజామాబాద్‌కు వెళ్లారు. రాత్రి తాళం పగులగొట్టి ఇంట్లోకి వెళ్లిన దుండగులు బీరువాలో ఉన్న 5 మాసాల బంగారం, 17 తులాల వెండి ఎత్తుకెళ్లారు. బాధిడి ఫిర్యాదు మేరకు కేసు దర్యాప్తు చేస్తున్నామని సీఐ శ్రీధర్‌ తెలిపారు.బాన్సువాడ: బాన్సువాడ పట్టణంలోని పలు బి య్యం దుకాణాలను ఎన్‌ఫోర్స్‌మెంట్‌ అధికారులు బుధవారం తనిఖీ చేశారు. ఈ సందర్భంగా ఎన్‌ఫోర్స్‌మెంట్‌ ఆర్‌ఐ అశోక్‌ మాట్లాడుతూ బియ్యం కొరత సృష్టిస్తూ అధిక ధరలకు విక్రయిస్తే చర్యలు తీ సుకుంటామని హెచ్చరించారు. ప్రభుత్వం నిర్ణయించిన ధరలకే బియ్యం విక్రయించా లని సూచించారు. పేకాట స్థావరంపై దాడి కామారెడ్డి టౌన్‌: జిల్లా కేంద్రంలోని కాకతీయనగర్‌లో పేకాటస్థావరంపై దేవునిపల్లి పోలీసులు దాడి చేశారు. దాడిలో ఆరుగురిని అరెస్టు చేయగా వారి నుంచి రూ. లక్ష40వేల నగదు, స్కూటీ, పేకముక్కలను స్వాధీనం చేసుకొని కేసు నమోదు చేసినట్లు ఎస్సై రంజిత్‌ తెలిపారు. లింగంపేటలో.. లింగంపేట(ఎల్లారెడ్డి): మండలంలోని జల్దిపల్లి గ్రామ శివారులో పేకాట స్థావరంపై బుధవారం దాడి చేసినట్లు ఎస్సై దీపక్‌కుమార్‌ తెలిపారు. జల్దిపల్లి శివారులో పేకాడుతున్నట్లు వచ్చిన పక్కా సమాచారం మేరకు దాడి చేసి 11 మందిని అదుపులోకి తీసుకున్నట్లు ఆయన పేర్కొన్నారు. వారి వద్ద నుంచి రూ. 44,840 నగదు, 8 మొబైల్‌ ఫోన్లు, 7 బైకులు స్వాధీనం చేసుకున్నట్లు తెలిపారు. పేకాడిన వారిపై కేసు నమోదు చేశామన్నారు.

లింగంపేట: జిల్లాలోని అన్ని గ్రామాలను ప్లాస్టిక్‌ రహితంగా తీర్చిదిద్దడంతో పాటు నీటి పరిరక్షణ చర్యలను విస్తృతంగా చేపట్టి పర్యావరణ పరిరక్షణలో ఆదర్శంగా నిలపాలన్నదే లక్ష్యమని కలెక్టర్‌ ఆశిష్‌ సంగ్వాన్‌ పేర్కొన్నారు. బుధవారం ఆయన లింగంపల్లి(ఖుర్దు)లో పర్యటించారు. ఉన్నత పాఠశాల ఆవరణలో నిర్వహించిన సమావేశంలో మాట్లాడారు. గ్రామంలో ప్లాస్టిక్‌ వ్యర్థ్యాల సేకరణ, పర్యావరణ హిత ఇటుకల తయారీ, విద్యార్థులు, స్వయం సహాయక సంఘాల మహిళల భాగస్వామ్యంతో నిర్వహిస్తున్న అవగాహన కార్యక్రమాలు అభినందనీయమన్నారు. వర్షాభావ పరిస్థితుల నేపథ్యంలో రైతులు రబీ సీజన్‌లో జొన్న, మక్క, సోయాబీన్‌, పప్పుధాన్యాలు, నూనెగింజలు, కూరగాయల పంటలు సాగుచేసుకోవాలని సూచించారు. ఆయిల్‌పామ్‌కు ఇచ్చే రాయితీని రైతులు సద్వినియోగం చేసుకోవాలన్నారు. జొన్నల సాగుకు అవసరమైన విత్తనాల పరిమితిని 8 క్వింటాళ్లకు పెంచాలని కోరుతూ ప్రభుత్వానికి నివేదిక సమర్పించాలని వ్యవసాయ శాఖ జాయింట్‌ డైరెక్టర్‌కు సూచించారు. ప్లాస్టిక్‌ వినియోగంతో ఎదురవుతున్న అనర్థాలను వివరిస్తూ విద్యార్థులు చేసిన నాటికలు, నృత్యరూపక ప్రదర్శనలు అందరిని ఆకట్టుకున్నాయి. అనంతరం గ్రామస్తులకు జూట్‌ బ్యాగులు, వాటర్‌ బాటిళ్లు, టిఫిన్‌ బాక్సులు, విద్యార్థులకు నోటుబుక్కులు పంపిణీ చేశారు. చెరువు కట్టపై సౌర విద్యుత్‌కు చర్యలు.. గ్రామ శివారులోని చెరువుకట్టపై మొక్కలు నాటే కార్యక్రమాన్ని కలెక్టర్‌ పరిశీలించారు. చెరువుకట్ట ఆవరణలో సౌర విద్యుత్‌ ఏర్పాటు చేసేందుకు అవకాశాలను పరిశీలించి, ప్రతిపాదనలు పంపించాలని అధికారులను ఆదేశించారు. కార్యక్రమంలో సర్పంచ్‌ ప్రత్యూష, అదనపు కలెక్టర్‌ ఎన్‌వై గిరి, డిప్యూటీ సీఈవో సురేందర్‌, డీఏవో మోహన్‌రెడ్డి, జిల్లా ఉద్యాన అధికారి జ్యోతి, తహసీల్దార్‌ సురేష్‌, ఎంపీడీవో ప్రవీణ్‌ కుమార్‌, ఎంఈవో అంజల్‌రెడ్డి, ఎంపీవో మలహరి, ఏపీఎం వినోద్‌, ఏపీవో నరేందర్‌, నాయకులు సాయిరాంయాదవ్‌, సంతోష్‌, కాశీరాం, పోచయ్య, అంజయ్య తదితరులు పాల్గొన్నారు. అన్ని గ్రామాలను ప్లాస్టిక్‌ రహితంగా మార్చాలి నీటి సంరక్షణ చర్యలను విస్తృతంగా చేపట్టాలి కలెక్టర్‌ ఆశిష్‌ సంగ్వాన్‌

కామారెడ్డి అర్బన్‌: స్కూల్‌ గేమ్స్‌ ఫెడరేషన్‌ ఆధ్వర్యంలో స్థానిక ఇందిరాగాంధీ స్టేడియంలో బుధవారం ఉమ్మడి జిల్లా అండర్‌–14 బాలురు,బాలికల అథ్లెటిక్స్‌ పోటీలు నిర్వహించగా వందలాది క్రీడాకారులు ఉత్సహంగా పాల్గొన్నారు. రన్నింగ్‌, త్రోస్‌, లాంగ్‌జంప్‌, షాట్‌ఫుట్‌, డిస్కస్‌త్రో పోటీలు, ఎంపికలు నిర్వహించారు. విజేతలకు పతకాలు, ప్రశంసాపత్రాలు అందజేశారు. ఎంపికై న క్రీడాకారులు హనుమకొండలో ఈనెల 10, 11వ తేదీల్లో నిర్వహించే ఎస్‌జీఎఫ్‌ రాష్ట్రస్థాయి పోటీల్లో పాల్గొంటారని జిల్లా కార్యదర్శి శ్రీధర్‌ తెలిపారు. అసోసియేషన్‌ ప్రతినిధులు, పీఈటీలు రసూల్‌, హీరాలాల్‌, అనిల్‌కుమార్‌, శ్రీనివాస్‌ విజయ, అరుణ, రేణుక, స్వప్న తదితరులు పాల్గొన్నారు.

● కలెక్టర్‌ ఆశిష్‌ సంగ్వాన్‌కామారెడ్డి టౌన్‌: జిల్లాలో మాతృ మరణాలను పూర్తిగా నివారించేందుకు వైద్య ఆరోగ్య శాఖతో పాటు ఇతర సంబంధిత శాఖల అధికారులు సమన్వయంతో కృషి చేయాలని కలెక్టర్‌ ఆశిష్‌ సంగ్వాన్‌ ఆదేశించారు. ప్రతి గర్భిణికి నాణ్యమైన వైద్య సేవలు అందించి, సురక్షిత ప్రసవాలు జరిగేలా ప్రత్యేక శ్రద్ధ తీసుకోవాలని సూచించారు. బుధవారం కలెక్టరేట్‌ సమావేశపు హాల్‌లో నిర్వహించిన జిల్లా స్థాయి మాతృ మరణాల సమీక్ష సమావేశంలో ఆయన మాట్లాడారు. జిల్లాలో ఇటీవల నమోదైన మాతృ మరణాల వివరాలు, వాటికి దారితీసిన వైద్యపరమైన, వ్యవస్థాపరమైన కారణాలను పరిశీలించారు. ప్రతి ఘటనలో చోటుచేసుకున్న లోపాలను గుర్తిస్తూ, భవిష్యత్తులో ఇలాంటి ఘటనలు పునరావృతం కాకుండా పటిష్ట కార్యాచరణ చేపట్టాలని అధికారులను ఆదేశించారు. గర్భం దాల్చిన ప్రారంభ దశలోనే ప్రతి మహిళ వివరాలను సమీప ప్రాథమిక ఆరోగ్య కేంద్రంలో తప్పనిసరిగా నమోదు చేయాలన్నారు. ప్రభుత్వ ఆస్పత్రుల్లో అత్యవసర ప్రసూతి సేవలు, శస్త్రచికిత్స వసతులు, రక్త నిల్వలు నిరంతరం అందుబాటులో ఉంచాలన్నారు. డీఎంహెచ్‌వో జే వెంకటి, ప్రోగ్రామ్‌ ఆఫీసర్‌ వీఎం ఫాగ్సీ, వైద్యాధికారులు నరేందర్‌రెడ్డి, విజయకృష్ణ, రామిరెడ్డి, ఆర్‌ఎంవో డీ రవీందర్‌ గౌడ్‌, శిశు వైద్య సహాయ ఆచార్యులు పీ శిరీష తదితరులు పాల్గొన్నారు.

● డొమెస్టిక్‌ నుంచి కమర్షియల్‌కు.. ● కొరత సృష్టిస్తూ అధిక ధరలకు గ్యాస్‌ సిలిండర్ల విక్రయాలు ● పట్టించుకోని అధికార యంత్రాంగం బాన్సువాడ : జిల్లాలోని సబ్సిడీ గ్యాస్‌ రీ ఫిల్లింగ్‌ దందా జోరుగా సాగుతోంది. జనావాసాల మధ్య అక్రమదందా నడుస్తుండటంతో ఎప్పుడు ఏ ప్రమాదం జరుగుతుందోనని స్థానికులు భయాందోళన చెందుతున్నారు. డొమెస్టిక్‌ నుంచి కమర్షియల్‌, మినీ సిలిండర్లలో రీ ఫిల్లింగ్‌ చేస్తున్నారు. పౌర సరఫరాల అధికారులు, పోలీసులు పట్టించుకోకపోవడంతో దందా జోరుగా సాగుతున్నట్లు విమర్శలు వెల్లువెత్తుతున్నాయి. ప్రధానంగా ఒక్క బాన్సువాడ పట్టణంలోనే ఐదు చోట్ల రీ ఫిల్లింగ్‌ జరుగుతున్న సమాచారం. పలువురు గ్యాస్‌ డెలివరీ బాయ్స్‌ సబ్సిడీ గ్యాస్‌ పక్కదారి పట్టిస్తున్నారనే ఆరోపణలు వినిపిస్తున్నాయి. కమర్షియల్‌ ధర రెండింతలు జిల్లాలో డొమెస్టిక్‌ 14.5 కిలోల గ్యాస్‌ సిలిండర్‌ ధర రూ.1012, కమర్షియల్‌ 19 కిలోల గ్యాస్‌ సిలిండర్‌ ధర రూ.3096 ఉంది. కమర్షియల్‌ గ్యాస్‌ సిలిండర్‌ ధర దాదాపు రెండింతలు ఎక్కువగా ఉండటంతో రీ ఫిల్లింగ్‌ దందాకు తెరలేపుతున్నారు. డొమెస్టిక్‌ గ్యాస్‌ సిలిండర్‌ల నుంచి కమర్షియల్‌ గ్యాస్‌ సిలిండర్‌లో రీ ఫిల్లింగ్‌ చేస్తున్నారు. మినీ సిలిండర్లను సైతం డొమెస్టిక్‌ సిలిండర్ల నుంచే ఫిల్లింగ్‌ చేసి విక్రయిస్తున్నారు. డొమెస్టిక్‌ నుంచి చిన్న గ్యాస్‌ సిలిండర్లలో కేజీ రూ.200 చొప్పున, కమర్షియల్‌ గ్యాస్‌ సిలిండర్లలో నింపి రూ.2500 నుంచి రూ.3100 వరకు విక్రయిస్తున్నారు. ఆఫర్లు ఇస్తూ.. గ్యాస్‌ను తక్కువగా వినియోగించుకునే వారిని గ్యాస్‌ డెలివరీ బాయ్స్‌, ఏజెన్సీ నిర్వాహకులు గుర్తించి వారితో గ్యాస్‌ బుక్‌ చేయిస్తున్నారు. ప్రభుత్వాల నుంచి వచ్చే సబ్సిడీ మీరే తీసుకోవాలని వినియోగదారులకు గాలం వేస్తున్నారు. అలా వచ్చిన గ్యాస్‌ సిలిండర్‌ను రీ ఫిల్లింగ్‌, వాణిజ్య అవసరాలకు వినియోగించుకునే వారికి డిమాండ్‌ మేరకు రూ.2500 నుంచి రూ. 3 వేల వరకు విక్రయిస్తున్నారు. జనావాస ప్రాంతాల్లో నిర్వహిస్తున్న ఈ అక్రమ దందాపై ఇప్పటికై నా సంబంధిత శాఖ అధికారులు, పోలీసులు దృష్టి సారించాలని స్థానికులు కోరుతున్నారు.

లక్ష్మణచాంద: సరస్వతి కాలువ వెంట మోటార్లకు సంబంధించిన విద్యుత్తు వైర్లను దొంగిలిస్తున్న ఇద్దరు వ్యక్తులను రైతులు చాకచక్యంగా పట్టుకొని పోలీసులకు అప్పగించారు. వివరాలు ఇలా ఉన్నాయి. సోన్‌ మండలం కడ్తాల్‌ గ్రామానికి చెందిన రైతులు కొత్తగొల్ల భోజన్న, బర్మ లక్ష్మణ్‌ సరస్వతి కాలువలోని మిగులు నీటిని వినియోగించుకుంటూ విద్యుత్తు మోటార్ల ద్వారా పంటలు సాగు చేస్తున్నారు. మంగళవారం ఉదయం సోన్‌ మండలం కడ్తాల్‌ సమీపంలో సరస్వతి కాలువపై రైతులకు చెందిన మోటార్ల వైర్లను దొంగిలించి పరారవుతున్న ఇద్దరు దుండగులను రైతు గుర్రం లింగన్న, మరో ఇద్దరు రైతులు పట్టుకున్నారు. అనంతరం పోలీసులకు అప్పగించారు. నిందితులను సోన్‌ మండలంలోని న్యూ బొప్పారం గ్రామానికి చెందిన కుంచపు లక్ష్మణ్‌, నిజామాబాద్‌ జిల్లా వేల్పూర్‌ గ్రామానికి చెందిన గుపాల్వాడ్‌ శ్రీనివాస్‌గా గుర్తించారు. వీరు గతంలో చోరీ కేసులో జైలుకు వెళ్లి ఇటీవలే బయటికి వచ్చారు. రైతుల ఫిర్యాదు మేరకు కేసు నమోదు చేసి నిందితులను రిమాండ్‌కు తరలించినట్లు ఎస్సై గోపి తెలిపారు.

కామారెడ్డి టౌన్‌: జీసీఆర్‌ ట్రస్ట్‌ ఆధ్వర్యంలో ‘అన్నపూర్ణ సేవారథం’ ద్వారా ఉచిత భోజన కార్యక్రమాన్ని ప్రారంభించినట్లు టీపీసీసీ ప్రధాన కార్యదర్శి గడ్డం చంద్రశేఖర్‌రెడ్డి తెలిపారు. బుధవారం జిల్లా కేంద్రంలోని పార్టీ కార్యాలయంలో ఏర్పాటు చేసిన విలేకరుల సమావేశంలో మాట్లాడారు. కుటుంబసభ్యులు మరణించిన సమయంలో అంత్యక్రియలకు హాజరయ్యే బంధుమిత్రులకు భోజన ఏర్పాట్లు చేయడం ఆ కుటుంబాలకు మరింత భారంగా, ఇబ్బందికరంగా మారకూడదనే ఉద్దేశంతో ఈ సేవలను అందుబాటులోకి తెచ్చినట్లు పేర్కొన్నారు. బాధిత కుటుంబాలు ట్రస్ట్‌కు సమాచారం అందిస్తే, నేరుగా వారి ఇంటి వద్దకే అన్నపూర్ణ సేవారథం ద్వారా ఉచితంగా భోజనాన్ని చేరవేస్తామని వివరించారు. ఈ సేవలు అవసరమైన వారు 9536000333 నంబర్‌ను సంప్రదించాలన్నారు. అనంతరం కార్యక్రమ కరపత్రాలను ఆవిష్కరించారు. కార్యక్రమంలో మున్సిపల్‌ మాజీ చైర్‌పర్సన్‌ గడ్డం ఇందుప్రియ, జిల్లా సేవాదళ్‌ అధ్యక్షుడు, కౌన్సిలర్‌ గడ్డమీది మహేశ్‌, నాయకులు తాటి ప్రసాద్‌, పంపరి లక్ష్మణ్‌, మెహర్‌ బాబాగౌడ్‌, జమీల్‌, చింతల రవీందర్‌ గౌడ్‌, చాట్ల వంశీ, రంగా రమేశ్‌ గౌడ్‌, మాధవి, శ్రీధర్‌ రావు, బండారి శ్రీకాంత్‌ తదితరులు పాల్గొన్నారు.

సదాశివనగర్‌/ కామారెడ్డి రూరల్‌: రైతులు తక్కువ నీటితో పండే పంటలను సాగు చేయాలని సదాశివనగర్‌ ఎంపీడీవో సంతోష్‌ కుమార్‌ సూచించారు. మంగళవారం మండల కేంద్రంలోని రైతు వేదికలో ఎల్‌నినో పై మండల వ్యవసాయ శాఖ ఆధ్వర్యంలో అవగాహన సమావేశం నిర్వహించారు. తక్కువ నీటితో పండే శనగ, సజ్జ, జొన్న, కుసుమ, పెసర, మినుము పంటలను సాగు చేసుకోవాలని సూచించారు. మండల వ్యవసాయ అధికారి ప్రజాపతి, అధికారులు, సిబ్బంది పాల్గొన్నారు. కామారెడ్డి మండలం క్యాసంపల్లి రైతు వేదికలో గ్రామస్తులతో అధికారులు ప్రత్యేక అవగాహన సమావేశం నిర్వహించారు. తహసీల్దార్‌ హిమబిందు, ఎంపీడీవో హెప్సిబారాణి, వీబీజీరామ్‌జీ ఏపీవో అన్నపూర్ణ పాల్గొని ఎల్‌నినో ప్రభావం, దాని వల్ల భవిష్యత్తులో ఎదురయ్యే వాతావరణ పరిస్థితులు, గ్రామంలో చేపట్టాల్సిన ముందస్తు జాగ్రత్తలపై గ్రామస్తులకు వివరించారు. కార్యక్రమంలో సర్పంచ్‌ అడపా శ్యామ్‌, జీపీ కార్యదర్శి చంద్రకళ, వీబీజీరామ్‌జీ టెక్నికల్‌ అసిస్టెంట్‌, జీపీ పాలకవర్గ సభ్యులు, గ్రామ పెద్దలు, రైతులు, గ్రామస్తులు పాల్గొన్నారు.

మెతుకు వేటలోసాక్షి ప్రతినిధి, కామారెడ్డి: నాలుగు డబ్బులు సంపాదించాలన్న ఆశతో కన్నోళ్లను, కట్టుకున్నోళ్లను వదిలేసి దేశంగాని దేశం పోయినోళ్ల బతుకులు ఆగమవుతున్నాయి. ఏజెంట్ల చేతిలో మోసపోయిన వాళ్లు కొందరైతే.. అక్కడ జరిగే రోడ్డు ప్రమాదాలు, గుండెపోటు మరణాలు, దేశాల మధ్య జరుగుతున్న దాడులు... ఇలా వివిధ కారణాలతో ప్రాణాలు కోల్పోతున్నవారు మరికొందరు.. ఇటీవల పశ్చిమాసియాలో నెలకొన్న ఉద్రిక్తతలు, వివిధ దేశాలపై జరుగుతున్న దాడులతో.. ఆయా దేశాలకు వలస వెళ్లిన వారి కుటుంబాలకు కంటిమీద కునుకు కరువయ్యింది. ఇటీవల రియాద్‌ నగరంలోని కింగ్‌ ఖాలీద్‌ అంతర్జాతీయ విమానాశ్రయంపై జరిగిన క్షిపణి దాడిలో గాయపడిన కామారెడ్డి పట్టణంలోని సైలానీబాబా కాలనీకి చెందిన షేక్‌ సయీద్‌ ఈనెల 3న మృతిచెందాడు. సయీద్‌ మరణ వార్త తెలిసి కుటుంబ సభ్యులు కన్నీరుమున్నీరవుతున్నారు. వేలాది మంది.. కామారెడ్డి, నిజామాబాద్‌ జిల్లాలకు చెందిన వేలాది మంది బతుకుదెరువు కోసం గల్ఫ్‌ దేశాలకు వలస వెళ్లారు. ఆయా దేశాల్లో నిర్మాణరంగం, క్లీనింగ్‌, ఇతర పనుల్లో మన వాళ్లు పెద్ద సంఖ్యలో పనిచేస్తున్నారు. రెండు మూడేళ్లకోసారి ఇంటికి వచ్చిపోతుంటారు. అయితే అక్కడ జరిగే రోడ్డు ప్రమాదాలు, గుండెపోటు మరణాలు ఏటా పదుల సంఖ్యల ఉంటున్నాయి. కామారెడ్డి పట్టణానికి చెందిన అర్కల రాము అనే యువకుడు గతనెల 10 న కువైట్‌లో ప్రమాదవశాత్తు ప్రాణాలు కోల్పోయాడు. ఇలా ప్రమాదాలతో వలస కుటుంబాలు మనోవేదనకు గురవుతుండగా.. యుద్ధాలు మరింత ఆందోళనకు గురిచేస్తున్నాయి. నాలుగు డబ్బులు సంపాదించాలని వెళ్లిన వారు అక్కడ ఉద్రిక్త పరిస్థితులతో ఏం జరుగుతుందో తెలియక ఇబ్బంది పడుతున్నారు. ఏడెనిమిది నెలలుగా నెలకొన్న ఉద్రిక్త పరిస్థితులు తగ్గినట్టే తగ్గినా తిరిగి పెరుగుతుండడంతో వారి కుటుంబ సభ్యులు దిక్కుతోచని స్థితిలో ఉన్నారు.గల్ఫ్‌ దేశాల్లో జరుగుతున్న యుద్ధాలు వలస కుటుంబాలను ఆందోళనకు గురిచేస్తున్నాయి. ఈ ఏడాది ఫిబ్రవరి నెలాఖరులో అమెరికా, ఇజ్రాయిల్‌ దేశాలు ఇరాన్‌పై జరిపిన దాడులతో పశ్చిమాసియాలో ఉద్రిక్తతలు నెలకొన్నాయి. ప్రతిగా ఇరాన్‌ గల్ఫ్‌లోని ఇతర దేశాల్లో ఉన్న అమెరికా స్థావరాలను లక్ష్యంగా చేసుకుని దాడులకు దిగింది. ఆయా దేశాల మధ్య జరిగిన, జరుగుతున్న దాడులతో ఇరాన్‌, కువైట్‌, బహ్రెయిన్‌, ఇజ్రాయిల్‌, జోర్డాన్‌, ఖతార్‌, ఒమన్‌, సిరియా, సౌదీ అరేబియా తదితర దేశాల్లో ఉన్న మనోళ్లు ప్రాణాలను అరచేతిలో పెట్టుకుని బతుకుతున్నారు. వారి కుటుంబాలు ఎంతో మానసిక ఒత్తిడికి గురవుతున్నాయి.మంచి జీతం అంటూ ఏజెంట్ల మాటలు నమ్మి రష్యా దేశానికి వెళ్లిన ఎంతో మంది జీవితాలు నరకప్రాయంగా మారాయి. బాన్సువాడ మండలం తాడ్కోల్‌కు చెందిన అఫ్జల్‌ ఖాన్‌తో పాటు నిజామాబాద్‌, జగిత్యాల తదితర జిల్లాలకు చెందిన పలువురు రష్యా ఆర్మీలో చిక్కుకున్న విషయం తెలిసిందే. తాజాగా కామారెడ్డి పట్టణంలోని గుమస్తా కాలనీకి చెందిన సుప్పన్‌ స్వామి అనే యువకుడితో పాటు రాజన్న సిరిసిల్ల జిల్లా ఎల్లారెడ్డిపేట మండలం నారాయణపూర్‌కు చెందిన దొమ్మాటి కిషన్‌, వరంగల్‌ కాశీబుగ్గకు చెందిన పోతరాజు విజయ్‌కృష్ణ, జగిత్యాల జిల్లా బండలింగాపూర్‌కు చెందిన మద్దుల బాలగంగాధర్‌, కరీంనగర్‌ జిల్లా కోరుట్లకు చెందిన ముక్కెర రాజ్‌కుమార్‌ తదితరులు రష్యా ఆర్మీ చెరలో చిక్కారు. వారిని విడిపించాలని కుటుంబ సభ్యులు ఇటీవలే ప్రవాసీ ప్రజావాణిలో మొరపెట్టుకున్నారు. సౌదీ ఎయిర్‌పోర్టుపై జరిగిన దాడిలో గాయపడిన యువకుడి మృతి రష్యా సైన్యం చెరలో జిల్లాకు చెందిన మరో యువకుడు బందీ వలస కుటుంబాల్లో పెరిగిన ఆందోళన

● రైతులకు ఎమ్మెల్యే పోచారం శ్రీనివాస్‌రెడ్డి సూచనబాన్సువాడ: ఎల్‌నినో ప్రభావంతో నీటి లభ్యత లేనందున రైతులు ఆరుతడి పంటలను సాగు చేసేందుకు ప్రాధాన్యం ఇవ్వాలని ప్రభుత్వ వ్యవసాయ సలహాదారు పోచారం శ్రీనివాస్‌రెడ్డి అన్నారు. బుధవారం బీర్కూర్‌ మండలం రైతునగర్‌లో కలెక్టర్‌ అశిష్‌ సాంగ్వాన్‌తో కలిసి పలు అభివృద్ది పనులను ప్రారంభించారు. నూతనంగా నిర్మించిన మహిళ స్వయం సహాయక సంఘ భవనాన్ని ఆహార ధాన్యాల నిల్వ ఉంచేందుకు రైతులు సద్వినియోగం చేసుకోవాలన్నారు. రైతులు సాగునీరు వృథా చేయకుండా పొదుపుగా వాడుకోవాలని అన్నారు. నిజాంసాగర్‌ ప్రాజెక్టులో ప్రస్తుతం ఉన్న నీటిని తాగునీటి అవసరాల కోసం వినియోగించాలని ప్రభుత్వం నిర్ణయించినట్లు ఆయన తెలిపారు. తాగునీటి అవసరాల కోసమే ప్రాజెక్టు నీటిని విడుదల చేస్తారని, సాగునీటి కోసం విడుదల చేయరని వివరించారు. రైతులు పరిస్థితులను అర్థం చేసుకోవాలని, బోర్లలో నీటి లభ్యతను పరిశీలించుకుకోవాలని అన్నారు. ఆగ్రో ఇండసీ్ట్రస్‌ మాజీ చైర్మన్‌ కాసుల బాల్‌రాజ్‌, సర్పంచ్‌ నాగరాజకుమారి, ఆర్డీవో రవీందర్‌రెడ్డి, ఎంపీడీవో శ్రీనిధి, నాగేశ్వర్‌రావు తదితరులు ఉన్నారు.

కామారెడ్డి టౌన్‌: టీజీ టెట్‌ రాసే ఇన్‌సర్వీస్‌ టీ చర్స్‌కు కంప్యూటర్‌ ఆధారిత పరీక్ష (సీబీటీ) వి ధానంపై అవగాహన కోసం మాక్‌ టెస్ట్‌లు ని ర్వహించనున్నట్లు డీఈవో మల్లికార్జున్‌ తెలిపా రు. ఇందుకోసం పాల్వంచ జెడ్పీహెచ్‌ఎస్‌, స దాశివనగర్‌, బాన్సువాడ, ఎల్లారెడ్డి, నిజాంసా గర్‌ మోడల్‌ స్కూళ్లలో కేంద్రాలు ఏర్పాటు చే శామని పేర్కొన్నారు. ఉపాధ్యాయులు ఈ కేంద్రాల్లోని కంప్యూటర్లతో పాటు https:// schooledu.telangana.gov.in వెబ్‌సైట్‌లోనూ మాక్‌ టెస్ట్‌ రాసుకోవచ్చని సూచించారు. గురువారం నుంచి 10వ తేదీ వరకు ఈ మాక్‌ టెస్ట్‌ లు అందుబాటులో ఉంటాయన్నారు. సీబీటీ పై సందేహాలను నివృత్తి చేసుకునేందుకు ఇదొ క మంచి అవకాశమన్నారు. ఈ పరీక్షకు ఎలాంటి ఓడీ సౌకర్యం ఉండదని, వ్యక్తిగత సౌల భ్యం మేరకే హాజరుకావాలని పేర్కొన్నారు.భిక్కనూరు: పెద్దమల్లారెడ్డిలో సొసైటీ ఆధ్వర్యంలో ఏర్పాటు చేసిన వారి ధాన్యం కొనుగోలు కేంద్రాన్ని జిల్లా సహకార అధికారి రామ్మోహన్‌ బుధవారం సందర్శించారు. నిర్వాహకులకు సూచనలు ఇచ్చారు. సీరియల్‌ ప్రకారం తేమశాతం పరిశీలించి తూకాలు వేయాలన్నారు. ధాన్యంలో పొల్లు లేకుండా చూసుకోవాలన్నారు. ఆయన వెంట మానిటరింగ్‌ అధికారి నర్సింలు, సొసైటీ చైర్మన్‌ రాజాగౌడ్‌, కార్యదర్శి మోహన్‌గౌడ్‌, సంఘం డైరెక్టర్లు కిష్టయ్య, బాబు తదితరులున్నారు. దోమకొండ: ఆయిల్‌పాం సాగు చేసి రైతులు అధిక దిగుబడులు పొందాలని జిల్లా ఉద్యానశాఖ అధికారి జ్యోతి సూచించారు. బుధవా రం అంబారిపేటలో రైతు ప్రవీణ్‌ కుమార్‌ వ్య వసాయ క్షేత్రంలో రైతులకు ఆయిల్‌పాం సా గుపై అవగాహన సదస్సు నిర్వహించారు. ఆ యిల్‌పాంతోపాటు అంతర పంటలు కూడా వేసుకోవచ్చన్నారు. ఆయిల్‌పాం సాగుకు ముందుకు వచ్చే రైతులకు డ్రిప్‌ సిస్టమ్‌ కోసం ఎకరాకు రూ. 5వేల ఆర్థిక సహాయాన్ని హిందుస్థాన్‌ యూనీలివర్‌ కంపెనీ అందిస్తోందని, ఈ అవకాశం డిసెంబర్‌ వరకే ఉంటుందని పే ర్కొన్నారు. కార్యక్రమంలో సర్పంచ్‌ కవిత అ నిల్‌, హార్టికల్చర్‌ ఆఫీసర్‌ సుమన్‌, హెచ్‌ఈవో బాపురెడ్డి, ఏఈవో మనూష, రైతులు శివకుమార్‌, అరుణ్‌ కుమార్‌, నర్సింలు, శేఖర్‌రావు, సత్తయ్య, రాజిరెడ్డి, యాదగిరిరావు, నర్సింలు, హెచ్యూఎల్‌ ప్రతినిధులు పాల్గొన్నారు. మాచారెడ్డి: ఆరేపల్లి 33/11 కేవీ విద్యుత్‌ సబ్‌స్టేషన్‌లో అదనంగా ఏర్పాటు చేసిన 5 ఎంవీఏ పవర్‌ ట్రాన్స్‌ఫార్మర్‌తో ఓవర్‌ లోడ్‌ సమస్య తీరుతుందని విద్యుత్‌ శాఖ ఎస్‌ఈ సాలియా పేర్కొన్నారు. బుధవారం పవర్‌ ట్రాన్స్‌ఫార్మర్‌ను అమర్చారు. అనంతరం ఆయన మాట్లాడుతూ అదనపు పవర్‌ ట్రాన్స్‌ఫార్మర్‌ ఏర్పాటుతో సబ్‌స్టేషన్‌ పరిధిలోని ఆరేపల్లి, భవానీపేట్‌ తండాలలో ఓవర్‌లోడ్‌ సమస్యలు గణనీయంగా తగ్గుతాయన్నారు. కార్యక్రమంలో సర్పంచ్‌ జ్యోతి, డీఈలు నందకుమార్‌, కల్యాణ్‌ చక్రవర్తి, కామారెడ్డి రూరల్‌ ఏఈ నరే ష్‌, పాల్వంచ ఏఈ జ్యోతి, టీఆర్‌ఈ హన్మంతరెడ్డి, రైతులు పాల్గొన్నారు. కామారెడ్డి అర్బన్‌: యాదగిరిగుట్టలో అక్టోబర్‌ 26, 27, 28 తేదీల్లో నిర్వహించిన ట్రాన్స్‌కో, ఎస్పీడీసీఎల్‌, ఎన్పీడీసీఎల్‌ ఇంటర్‌ సర్కిల్‌ కల్చరల్‌ ప్రోగ్రాంలో ప్రతిభ చూపినవారిని మంగళవారం కామారెడ్డి ఎస్‌ఈ సాలియా నాయక్‌ అభినందించారు. జిల్లాకు చెందిన శివాని(ఉత్తమ వేషధారణ), బద్రి అనిల్‌కుమార్‌( ఏకపాత్రాభినయం), టీ.స్వామి(పాటలు) హేమలత, శివాని (చదరంగం) పోటీలలో బహుమతులు గెలుచుకున్నారు. వారిని ఎస్‌ఈతోపాటు డీఈలు సారథి, నందకుమార్‌, ఏవో రాజశేఖర్‌, ఉమ్మడి జిల్లా క్రీడల అధికారులు గోపి, ఉత్తమ్‌ అభినందించారు.

కామారెడ్డి టౌన్‌: కరువు ప్రభావిత మండలాల రైతులకు బ్యాంకుల ద్వారా రుణ ఉపశమన చర్యలను సమర్థవంతంగా అమలు చేయాలని కలెక్టర్‌ ఆశిష్‌ సంగ్వాన్‌ బ్యాంకు అధికారులను ఆదేశించారు. ప్రభుత్వం విడుదల చేసిన జీవో నం.03 ప్రకారం కల్పించాల్సిన బ్యాంకింగ్‌ వెసులుబాట్లపై బుధవారం కలెక్టరేట్‌లో జిల్లా సంప్రదింపుల కమిటీ (డీసీసీ) సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ జిల్లాలోని జుక్కల్‌, పెద్దకొడప్‌గల్‌, సదాశివనగర్‌, మహమ్మద్‌నగర్‌ మండలాలను ప్రభుత్వం కరువు ప్రాంతాలుగా ప్రకటించిన నేపథ్యంలో అన్నదాతలకు ఆర్థిక భరోసా కల్పించాలన్నారు. నిబంధనల ప్రకారం అర్హులైన రైతులకు పంట రుణాలు, దీర్ఘకాలిక వ్యవసాయ రుణాల పునర్వ్యవస్థీకరణ, మారటోరియం సదుపాయాలను వేగంగా వర్తింపజేయాలని ఆదేశించారు. పాడి, కోళ్లు, గొర్రెలు, మేకల పెంపకం వంటి అనుబంధ రంగాలకు బ్యాంకులు ఉదారంగా రుణాలు అందించాలన్నారు. సమావేశంలో ఎల్‌డీఎం, నాబార్డ్‌ డీడీఎం, ఆర్‌బీఐ ప్రతినిధి, వివిధ బ్యాంకుల సమన్వయకర్తలు, జిల్లా వ్యవసాయ, పశుసంవర్ధక శాఖల అధికారులు, డీఆర్‌డీఏ ప్రతినిధులు పాల్గొన్నారు.

కామారెడ్డి టౌన్‌: క్రీడలు శారీరక దృఢత్వంతో పాటు మానసికోల్లాసాన్ని ఇస్తాయని ఎస్పీ రాజేశ్‌ చంద్ర అన్నారు. జోనల్‌ స్థాయి క్రికెట్‌ పోటీలు, ఎంపిక ప్రక్రియలో పాల్గొననున్న జిల్లా పోలీస్‌ క్రికెట్‌ జట్టు క్రీడాకారులకు మంగళవారం ఆయన క్రికెట్‌ జెర్సీలను ఆవిష్కరించి వారికి అందజేశారు. జోనల్‌ స్థాయి పోటీల్లో ఉత్తమ ప్రతిభ కనబరిచి జిల్లా పోలీసు విభాగానికి మంచి పేరు తీసుకురావాలని ఆకాంక్షించారు. అలాగే యువత మత్తు పదార్థాలు, ధూమపానం వంటి దురలవాట్లకు దూరంగా ఉండాలన్నారు. ఏఎస్పీ నర్సింహారెడ్డి, సీఐలు, ఎస్సైలు, సిబ్బంది ఉన్నారు.

● విచారణ జరపాలని అదనపు కలెక్టర్‌కు ఆదేశం ● ‘సాక్షి’ కథనాలతో స్పందనకామారెడ్డి టౌన్‌ : కామారెడ్డి మున్సిపాలిటీలో అవకతవకలు, కొందరు కౌన్సిలర్ల అక్రమ వసూళ్లు, టేక్రియాల్‌ చెరువులోంచి స్క్రాప్‌ మాయమైన ఘటనలపై కలెక్టర్‌ ఆశిష్‌ సంగ్వాన్‌ సీరియస్‌ అయ్యారు. సమగ్ర విచారణ జరిపి నివేదిక సమర్పించాలని స్థానిక సంస్థల అదనపు కలెక్టర్‌ ఎన్‌వై గిరిని ఆదేశించారు. బల్దియాలో పాత సామగ్రి దొంగతనాలు, పట్టణంలో అక్రమ వసూళ్లుపై ‘సాక్షి’ దినపత్రికలో గతనెల 29న ‘బల్దియాలో ఇంటి దొంగలు’ ఈనెల 2న ‘పురంలో వసూళ్ల పర్వం’ శీర్షికన కథనాలు ప్రచురితమైన విషయం తెలిసిందే. ఈ కథనాలపై స్పందించిన జిల్లా పాలనాధికారి విచారణకు ఆదేశించారు. విచారణ చేపట్టిన అదనపు కలెక్టర్‌ స్థానిక సంస్థల అదనపు కలెక్టర్‌ ఎన్‌వై గిరి మంగళవారం విచారణ చేపట్టారు. మున్సిపల్‌ కార్యాలయంలో అన్ని విభాగాల అధికారులతో సుదీర్ఘంగా సమీక్ష సమావేశం నిర్వహించారు. ఇంజినీరింగ్‌ విభాగం చేపట్టిన టెండర్ల ప్రక్రియ, టేక్రియాల్‌ చెరువులో నిమజ్జనం చేసిన విగ్రహాల తాలూకు ఇనుమ సామగ్రి, పారిశుద్ధ్య సిబ్బంది నియామకాలు, వారి హాజరు, వేతనాల చెల్లింపుల్లో జరిగిన గోల్‌మాల్‌పై ఆరా తీస్తున్నారు. సీసీ కెమెరాల ఏర్పాటు పనుల్లో ప్రజాప్రతినిధుల కుటుంబ సభ్యుల జోక్యంపై వచ్చిన ఆరోపణలపై విచారణ జరపనున్నారు. అలాగే టౌన్‌ ప్లానింగ్‌ విభాగం జారీ చేసిన నోటీసులు–తీసుకున్న చర్యలు, కౌన్సిల్‌ నెలవారీ సమావేశాల నిర్వహణ, గణేశ్‌ విగ్రహాల నిమజ్జనం కోసం కొనుగోలు చేసిన ఇనుప సామగ్రి వినియోగం, అనంతరం వాటి విక్రయాలపై విచారణ చేపట్టనున్నారు. మున్సిపల్‌ వాహనాల నెలవారీ ఇంధన వినియోగం, వ్యాపార ట్రెడ్‌ లైసెన్స్‌లు, ఇంటి పన్ను మదింపు తదితర అంశాలపైనా లోతుగా పరిశీలించి నివేదికను కలెక్టర్‌కు సమర్పించనున్నారు.మున్సిపాలిటీ పరిధిలో ప్రజలకు అందించే సేవల విషయంలో ఎలాంటి అవకతవకలు, అక్రమ వసూళ్లకు పాల్పడినా ఉపేక్షించేది లేదని కలెక్టర్‌ ఆశిష్‌ సంగ్వాన్‌ హెచ్చరించారు. విచారణలో ఆరోపణలు నిజమని తేలితే బాధ్యులైన ప్రజాప్రతినిధులు, అధికారులు, సిబ్బందిపై కఠిన చర్యలు తీసుకుంటామన్నారు. మున్సిపల్‌ సేవల కోసం ఎవరైనా డబ్బులు డిమాండ్‌ చేసినా, బెదిరింపులకు పాల్పడినా ప్రజలు ఆధారాలతో నేరుగా అదనపు కలెక్టర్‌ కార్యాలయంలో గానీ, కలెక్టరేట్‌లో నిర్వహించే ప్రజావాణిలో గానీ ఫిర్యాదు చేయాలని సూచించారు. ఫిర్యాదుదారుల వివరాలు గోప్యంగా ఉంచుతామని, మున్సిపల్‌ పాలనలో పారదర్శకత, జవాబుదారీతనానికి పెద్దపీట వేస్తామని పేర్కొన్నారు.

పిట్లం/ కామారెడ్డి రూరల్‌: ఎల్‌నినో నేపథ్యంలో గ్రామాల్లో నెలకొనే సమస్యలపై అప్రమత్తంగా ఉండి తగు జాగ్రత్తలు తీసుకోవాలని తహసీల్దార్‌ మహేందర్‌ కుమార్‌ పేర్కొన్నారు. మంగళవారం పిట్లం మండల కేంద్రంలోని ఎంపీడీవో కార్యాలయంలో పంచాయతీ కార్యదర్శులు, మండల స్థాయి అధికారులతో అత్యవసర సమావేశాన్ని ఏర్పాటు చేసి పలు సూచనలు చేశారు. ఎల్‌నినో ప్రభావరిత్యా రాబోయే రోజులలో నీటి కొరత ఏర్పడనుందని, నీరు వృథా కాకుండా తగు జాగ్రత్తలు చేపట్టాలని జీపీ కార్యదర్శులను ఆదేశించారు. నీటి పైప్‌లైన్‌లు ఎక్కడైనా లీకేజీలు ఉంటే వెంటనే మరమ్మతులు చేయించాలని సూచించారు. విద్యుత్‌ కొరత ఏర్పడే ప్రమాదం ఉన్నందున ప్రజలు విద్యుత్తును అవసరం ఉన్నంతవరకే వాడుకోవాలన్నారు. జీపీల్లో నీటి వృథా జరిగితే కార్యదర్శులపై చర్యలు ఉంటాయని హెచ్చరించారు. ఎంపీడీవో సాయన్న, అధికారులు, జీపీ కార్యదర్శులు పాల్గొన్నారు. కామారెడ్డి మండలంలోని లింగాయపల్లి గ్రామంలో గ్రామసభ నిర్వహించారు. ఎల్‌నినో ప్రభావంతో రానున్న రోజుల్లో వచ్చే సమస్యలను ఎలా ఎదుర్కోవాలో గ్రామస్తులకు వివరించారు. గ్రామాల్లో తాగునీటి సమస్య తలెత్తకుండా ప్రభుత్వం ముందస్తు చర్యలు చేపడుతోందని అన్నారు. ప్రతి ఇంటి వద్ద ఇంకుడు గుంతలు, సోక్‌పిట్లు నిర్మించుకోవాలని సూచించారు. సర్పంచ్‌ రాజయ్య, ఉపసర్పంచ్‌ శిరీష, జీపీ కార్యదర్శి నవనీత, పాలకవర్గ సభ్యులు పాల్గొన్నారు.

మార్కెట్‌లో ఆర్థిక సంక్షోభం కుదిపేస్తోంది. ఎవరిని కదిలించినా డబ్బులు సర్దుబాటు కావడం లేదనే మాట వస్తోంది. అప్పులు కూడా పుట్టడం లేదని చెబుతున్నారు. వడ్డీ వ్యాపారులు, ఫైనాన్స్‌ దందా చేసేవారు కొంత కాలంగా అప్పులు ఇవ్వడం తగ్గించుకుంటూ వస్తుండడంతో ఈ పరిస్థితి తలెత్తింది. ఇటీవలి కాలంలో ఏ వ్యాపారిని అడిగినా డబ్బులు దొరకవు అనే సమాధానం వస్తోందని పలువురు పేర్కొంటున్నారు. దీంతో పేదలే కాదు మధ్యతరగతి వర్గాలు కూడా అవసరానికి డబ్బులు దొరక్క అవస్థలు పడుతున్నారు. అధిక వడ్డీలు వసూలు చేస్తున్నారంటూ పోలీసులు వడ్డీ వ్యాపారులపై దాడులు నిర్వహించిన తరువాత చాలామంది తమ దందాను పక్కనపెట్టేశారు. కొందరు రియల్‌ ఎస్టేట్‌ వ్యాపారంలో పెట్టుబడులు పెట్టగా, మరికొందరు ఇతర రంగాలవైపు మళ్లారు. బంగారం ధరలకు రెక్కలు వస్తున్న సమయంలో కొందరు వడ్డీ వ్యాపారులు, ఫైనాన్స్‌ నిర్వాహకులు బంగారం కొనుగోళ్లపై ఆసక్తి చూపారు. ఊహించినట్టే బంగారం, వెండి ధరలు భారీగా పెరగడంతో మంచి లాభాలు వచ్చాయి. ఇటీవల ధరలు తగ్గినప్పటికీ పెద్దగా నష్టపోయే పరిస్థితి లేదంటున్నారు. ప్రస్తుతం బంగారం ధరలు తగ్గినా కొన్నాళ్లకు మళ్లీ పెరుగుతాయని, పెట్టుబడికి వచ్చిన ఇబ్బంది ఏమీ ఉండదని వారు పేర్కొంటున్నారు. వడ్డీ ఆశతో అప్పులు ఇచ్చి ఇబ్బందుల్లో పడేకన్నా బంగారం కొనుగోలు చేసి, లాకర్లలో భద్రపరచుకోవడమే ఉత్తమమనే భావనతో చాలా మంది ఉన్నారు. అప్పట్లో వెండి కూడా కిలోల కొద్దీ కొనుగోలు చేశారు.ప్రభుత్వ రంగ బ్యాంకుల్లో వ్యవసాయ రుణాలు మాత్రమే కొంత సులువుగా లభిస్తాయి. హౌజింగ్‌ లోన్స్‌ తీసుకుందామంటే ఇన్‌కం ట్యాక్స్‌ లెక్కలు చూపాల్సి ఉంటుంది. ఉద్యోగులు, పెద్ద వ్యాపారులు మాత్రమే ఐటీ రిటర్న్స్‌ దాఖలు చేస్తుంటారు. సామాన్యులకు అది సాధ్యమయ్యేది కాదు. బ్యాంకుల నుంచి రుణాలు పొందలేని వారు ప్రైవేట్‌ ఫైనాన్స్‌లు, వడ్డీ వ్యాపారులను ఆశ్రయించేవారు. గతంలో అవసరం ఉందని ఎవరిని అడిగినా అప్పులు ఇచ్చేవారు. ఈ మధ్య దోస్తులు, బంధువులు అప్పు అడిగితే మాట దాటేస్తున్నారు. పిల్లల చదువులు, ఆరోగ్య సమస్యలు తలెత్తినపుడు, వివాహాది శుభకార్యాల సమయంలో అప్పులు పుట్టడం లేదని చాలామంది ఆవేదన వ్యక్తం చేస్తున్నారు. అవసరాలు ఏర్పడితే ఇంట్లో బంగారం ఉంటే బ్యాంకుల్లో తనఖా పెట్టి గోల్డ్‌ లోన్‌ తీసుకుంటున్నామని చెబుతున్నారు.పెద్ద మొత్తంలో డబ్బులు అవసరం ఉండి, ఎక్కడా అప్పు పుట్టని పరిస్థితుల్లో కొందరు తమ ఇళ్లను తాకట్టు పెడుతున్నారు. మార్కెట్‌లో పుట్టగొడుగుల్లా పుట్టుకొచ్చిన ప్రైవేటు హౌజింగ్‌ లోన్‌ సంస్థలు విరివిగా రుణాలు ఇస్తున్నాయి. పాత ఇళ్లపైనా రుణాలు ఇస్తుండడంతో చాలా మంది అప్పుల కోసం తప్పనిసరై తనఖా పెట్టి రుణం తీసుకుంటున్నారు. అయితే ప్రైవేటు హౌజింగ్‌ లోన్స్‌పై అడ్డగోలు వడ్డీలు తరువాత భారంగా మారుతున్నాయి. ఇప్పటికే చాలా మంది హౌజింగ్‌ లోన్లు తీసుకుని ఆగమవుతున్నారు. ఇటీవల కామారెడ్డికి చెందిన ఓ వ్యక్తి తన కూతురు వివాహానికి డబ్బులు అవసరం అయి తెలిసిన వడ్డీ వ్యాపారులను ఆశ్రయించాడు. అయితే ఎవరిని అడిగినా డబ్బులు లేవన్న సమాధానమే వచ్చింది. దీంతో తప్పనిసరి పరిస్థితిలో బంగారు ఆభరణాలను తాకట్టు పెట్టి లోన్‌ తీసుకుని శుభకార్యం జరిపించాడు. ఇలా సమయానికి అప్పులు దొరక్క చాలామంది ఇబ్బందిపడుతున్నారు.వడ్డీ వ్యాపారుల దృష్టికోణం మారిపోయింది. అప్పులిచ్చి ఆపై వసూళ్ల కోసం ఇబ్బందిపడేకన్నా.. బంగారంపై పెట్టుబడి పెట్టడం ఉత్తమమని భావిస్తున్నారు. ప్రస్తుతం ధర తగ్గుతున్నా.. ఎప్పటికై నా పెరగాల్సిందేనన్న ఆశావహ దృక్పథంతో బంగారం కొంటూ పోతున్నారు. దీంతో మార్కెట్‌లో అప్పుదొరక్క సామాన్యులు అవస్థలు పడుతున్నారు. – సాక్షి ప్రతినిధి, కామారెడ్డి మారిన వడ్డీ వ్యాపారుల దృష్టి అప్పులు ఇచ్చేందుకు వెనుకంజ బంగారంపై పెట్టుబడులకు మొగ్గు అవసరానికి అప్పులు దొరక్క అవస్థలు పడుతున్న సామాన్యులు

కామారెడ్డి టౌన్‌: హైదరాబాద్‌నుంచి నిర్మల్‌కు వెళ్తున్న కేంద్ర హోం శాఖ సహాయ మంత్రి బండి సంజయ్‌ కుమార్‌కు కామారెడ్డి శివారలో జిల్లా బీజేపీ నాయకులు మంగళవారం ఘన స్వాగతం పలికారు. ఆయన నిర్మల్‌లో చేపట్టనున్న పాదయాత్రలో పాల్గొనేందుకు ఆర్మూర్‌ ఎమ్మెల్యే పైడి రాకేశ్‌రెడ్డి, ఆదిలాబాద్‌ ఎమ్మెల్యే పాయల్‌ శంకర్‌లతో కలిసి వెళ్తున్నారు. కామారెడ్డి శివారులోని బైపాస్‌ వద్ద బీజేపీ నాయకులు వారికి స్వాగతం పలికారు. బీజేపీ జిల్లా అధ్యక్షుడు నీలం చిన్న రాజులు ఆధ్వర్యంలో పార్టీ కౌన్సిలర్లు, జిల్లా పదాధికారులు, నాయకులు ఆయనను సన్మానించారు. అనంతరం కేంద్ర మంత్రి పార్టీ శ్రేణులతో కొద్దిసేపు ముచ్చటించారు.

కామారెడ్డి టౌన్‌ : గుజరాత్‌లోని ఏక్తా నగర్‌లో నిర్వహించిన సర్దార్‌ వల్లభ్‌భాయ్‌ పటేల్‌ జయంతి, రా ష్ట్రీయ ఏక్తా దివస్‌ పరేడ్‌లో జిల్లా ప్రతినిధులు పాల్గొనడం జిల్లాకే గర్వకారణమని కలెక్టర్‌ ఆశిష్‌ సంగ్వాన్‌, ఎస్పీ ఎం రాజేశ్‌ చంద్ర అన్నారు. వేడుకల్లో పాల్గొని తిరిగి వచ్చిన 19 మంది సభ్యుల బృందం మంగళవారం కలెక్టరేట్‌లో కలెక్టర్‌ ఆశిష్‌ సంగ్వాన్‌ను, అలాగే జిల్లా పోలీస్‌ కార్యాలయంలో ఎస్పీ రాజేశ్‌ చంద్ర ను మర్యాదపూర్వకంగా కలిసి సన్మానించారు. రిజర్వ్‌ ఇన్‌స్పెక్టర్‌ ఎన్‌ కృష్ణాగౌడ్‌ నోడల్‌ అధికారిగా వ్యవహరించిన ఈ బృందంలో నరేందర్‌ రెడ్డి, రాజిరెడ్డి, సంతోష్‌, నితిన్‌ గౌడ్‌, రోహిత్‌, ప్రభాస్‌, సాధన, రజిత, సూరజ్‌, లక్ష్మి, దీప, రాధ, సుబ్బారావు, లింగారెడ్డి, రాంగోపాల్‌ రెడ్డి, రాజ్‌కుమార్‌ తదితరులు పాల్గొన్నారు.

కామారెడ్డి టౌన్‌: యాసంగి సీజన్‌లో నీటి లభ్యతను దృష్టిలో ఉంచుకుని రైతులు వరికి బదులుగా ప్రత్యామ్నాయ పంటల సాగు చేపట్టేలా అధికారులు ప్రోత్సహించాలని కలెక్టర్‌ ఆశిష్‌ సంగ్వాన్‌ ఆదేశించారు. మంగళవారం కలెక్టరేట్‌ సమావేశ మందిరంలో వ్యవసాయ, నీటిపారుదల, ఉద్యాన శాఖల అధికారులతో యాసంగి పంటల ప్రణాళికపై సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ వర్షాభావ పరిస్థితులు, భూగర్భ జలాల తగ్గుదల దృష్ట్యా రైతులు అధిక నీరు అవసరమయ్యే వరి కాకుండా పెసర, మినుము, కందులు, వేరుశనగ, పొద్దుతిరుగుడు, నువ్వులు, చిరుధాన్యాలు, కూరగాయలు పండించేలా చైతన్యపరచాలన్నారు. గ్రామ, మండల స్థాయిలలో విస్తృతంగా సదస్సులు నిర్వహించి పంట మార్పిడి ప్రయోజనాలను వివరించాలని అధికారులను ఆదేశించారు. ఆయిల్‌పాం, కూరగాయల సాగుకు ప్రభుత్వం అందిస్తున్న రాయితీలు అర్హులకు చేరేలా చూడాలన్నారు. పశుగ్రాసం కొరత రాకుండా ముందస్తు చర్యలు తీసుకోవాలని, రైతు బీమా పరిహారం మంజూరులో తహసీల్దార్లు ధ్రువీకరణ పత్రాలను ఆలస్యం చేయకుండా జారీ చేయాలని సూచించారు. సమావేశంలో అదనపు కలెక్టర్‌ విక్టర్‌, డీఏవో మోహన్‌రెడ్డి, జిల్లా ఉద్యాన అధికారి జ్యోతి, గిరిజన సంక్షేమ శాఖ అధికారి సౌజన్య, డీఆర్‌డీవో దామోదర్‌రెడ్డి, ఆర్డీవోలు, తహసీల్దార్లు, ఏడీఏలు, వ్యవసాయ విస్తరణ అధికారులు పాల్గొన్నారు. నీటి లభ్యతను బట్టి సాగు ప్రణాళిక రూపొందించాలి రైతులకు అవగాహన కల్పించాలి అధికారులకు కలెక్టర్‌ ఆశిష్‌ సంగ్వాన్‌ ఆదేశం

కామారెడ్డి టౌన్‌: జిల్లా కేంద్రంలోని కామారెడ్డి ప్రభుత్వ వైద్య కళాశాలలో ర్యాగింగ్‌ కలకలం రేపింది. జూనియర్లతో పలువురు సీనియర్‌ విద్యార్థులు అనుచితంగా ప్రవర్తించిన ఘటనలో అధికారులు చర్యలు తీసుకున్నారు. 14 మంది విద్యార్థులపై సస్పెన్షన్‌ వేటు వేశారు. ఒక్కసారిగా ఇంతమందిపై వేటు పడడంతో విద్యార్థుల తీవ్ర ఆందోళన చెందుతున్నారు. జూనియర్లను ర్యాగింగ్‌ చేసిన ఘటనలో 14 మంది సీనియర్లను గుర్తించారు. ఇందులో తీవ్ర ఆరోపణలు ఎదుర్కొంటున్న నలుగురిని ఆరు నెలల పాటు, మరో 10 మందిని నాలుగు నెలల పాటు సస్పెండ్‌ చేస్తూ మంగళవారం నిర్ణయం తీసుకున్నారు. సస్పెండ్‌ అయిన వారిలో తెలంగాణతో పాటు ఇతర రాష్ట్రాలకు చెందిన విద్యార్థులూ ఉన్నారు. విషయం తెలుసుకున్న విద్యార్థుల తల్లిదండ్రులు తీవ్ర ఆవేదన వ్యక్తం చేస్తున్నారు. తమ పిల్లల భవిష్యత్తును దృష్టిలో ఉంచుకుని చర్యలను ఉపసంహరించుకోవాలని ప్రిన్సిపాల్‌ను వేడుకుంటున్నట్లు తెలిసింది. మంగళవారం ఉన్నతాధికారులు, కళాశాల ప్రిన్సిపాల్‌ వాల్యా, హెచ్‌వోడీలు ఈ ఘటనపై ప్రత్యేకంగా సమావేశమై చర్చించారు. ఈ విషయమై కళాశాల ప్రిన్సిపాల్‌ వాల్యాను ‘సాక్షి’ వివరణ కోరగా.. సీనియర్లు తమను ర్యాగింగ్‌ చేశారంటూ జూనియర్లు ఆన్‌లైన్‌లో ఎన్‌ఎంసీకి ఫిర్యాదు చేశారన్నారు. ఎన్‌ఎంసీ మార్గదర్శకాల ప్రకారమే చర్యలు తీసుకున్నామన్నారు. తదుపరి విచారణ కొనసాగుతోందని పేర్కొన్నారు. కళాశాల ఆవరణలోగానీ, హాస్టల్‌లోగానీ ర్యాగింగ్‌కు పాల్పడితే ఎట్టి పరిస్థితుల్లోనూ ఉపేక్షించేది లేదన్నారు. ర్యాగింగ్‌ ఘటనలో 14 మంది మెడికోలపై వేటు పడడం తీవ్ర చర్చనీయాంశంగా మారింది.సీనియర్లు విద్యార్థులు కొందరు తమను వేధిస్తున్నారంటూ జూనియర్లు వారం రోజుల క్రితం ఢిల్లీలోని నేషనల్‌ మెడికల్‌ కమిషన్‌(ఎన్‌ఎంసీ)యాంటీ ర్యాగింగ్‌ సెల్‌కు ఆన్‌లైన్‌లో ఫిర్యాదు చేశారు. ఎన్‌ఎంసీ ఉన్నతాధికారులు ఈ విషయాన్ని స్థానిక పోలీసులతో పాటు కళాశాల ప్రిన్సిపాల్‌ దృష్టికి తీసుకురావడంతో వెంటనే అంతర్గత విచారణ చేపట్టారు. విచారణలో సీనియర్లు ర్యాగింగ్‌కు పాల్పడినట్లు తేలింది. ఇందుకు సంబంధించిన వీడియో ఆధారాలు కూడా లభ్యమైనట్లు తెలుస్తోంది. మెడికల్‌ కాలేజీలో జూనియర్లను వేధించిన సీనియర్లు ఎన్‌ఎంసీకి ఆన్‌లైన్‌లో ఫిర్యాదు చేసిన బాధితులు 14 మంది విద్యార్థులపై సస్పెన్షన్‌ వేటు

● నేటి నుంచి ‘సంకల్ప్‌–10 డేస్‌ ఫర్‌ ఎఫ్‌ఎల్‌ఎన్‌’కు ప్రభుత్వం శ్రీకారం ● ప్రభుత్వ బడుల్లో విద్యార్థులు, టీచర్ల అటెండెన్స్‌పై దృష్టి ఖలీల్‌వాడి: జిల్లాలోని ప్రభుత్వ పాఠశాలల విద్యార్థులు చదువుల పరంగా వెనుకబడే ఉంటున్నారు. పాఠశాల విద్యాశాఖ ద్వారా అనేక కార్యక్రమాలు చేస్తున్న ఆశించినస్థాయిలో ఫలితాలు రావడం లేదు. కేంద్ర, రాష్ట్ర ప్రభుత్వాల సర్వేల్లో అభ్యసన సామర్థ్యాల పరంగా జిల్లా మధ్యమ స్థానం సాధించిన విషయం తెలిసిందే. ఈక్రమంలో ప్రభుత్వ పాఠశాలల్లో ఉపాధ్యాయులు, చదువురాని విద్యార్థులపై సర్కారు ప్రత్యేక దృష్టిసారిస్తోంది. ఇందుకోసం ‘సంకల్ప్‌–10 డేస్‌ ఫర్‌ ఎఫ్‌ఎల్‌ఎన్‌’ కార్యక్రమాన్ని నిర్వహించనున్నారు. ఈనెల 4 నుంచి 17వరకు ఈ కార్యక్రమాన్ని చేపట్టనుండగా విద్యా శాఖాధికారులు పకడ్బందీగా అమలుచేసేందుకు సన్నద్ధమవుతున్నారు. అధికారుల పర్యవేక్షణలో.. ప్రభుత్వ పాఠశాలల్లో ఆరోగ్య పాఠశాల కార్యక్రమం, విద్యా ప్రశస్త్‌ వంటి కార్యక్రమాలు ఇప్పటికే చేపట్టగా తాజాగా ’సంకల్ప్‌–10 డేస్‌ ఫర్‌ ఎఫ్‌ఎల్‌ఎన్‌’ నిర్వహించేందుకు సన్నద్ధమవుతున్నారు. ఇందులో భాగంగా 1 నుంచి 5వ తరగతి విద్యార్థులకు సామర్థ్య పరీక్షలు నిర్వహించి, వారి స్థాయిని గుర్తిస్తారు. అక్షరాలు, అంకెలను గుర్తించని, గుణింతాలు రాని వారిని, ఇంగ్లిష్‌ పదాలు చదవరాని వారిని నాన్‌ అచీవ్‌ మెంట్‌గా పరిగణిస్తారు. చదవడం, రాయడం వచ్చినవారికి అచీవ్‌మెంట్‌ గుర్తిస్తారు. పది రోజుల పాటు విద్యార్థులకు ప్రత్యేక తరగతులు నిర్వహించి వారిని సంసిద్ధులుగా తీర్చిదిద్దడమే ఈ కార్యక్రమం ముఖ్య ఉద్దేశం. ఎంఈవోలు, స్కూల్‌ కాంప్లెక్స్‌ హెచ్‌ఎంలు, సెక్టోరియల్‌ అధికారులతోపాటు డీఈవో పర్యవేక్షిస్తారు. పది రోజుల తర్వాత తిరిగి వారి సామర్థ్యాలు పరీక్షించనున్నారు. అప్పటికీ అచీవ్‌మెంట్‌ సాధించని విద్యార్థులకు మరోసారి విద్యా సామర్థ్యాలు మెరుగుపర్చేందుకు చర్యలు చేపట్టనున్నారు. గైర్హాజరు కాకుండా చర్యలు.. ప్రభుత్వ స్కూళ్లల్లో టీచర్లు, విద్యార్థుల హాజరుశాతం పెంచడంతోపాటు వారు క్రమం తప్పకుండా బడికి వచ్చేలా ప్రభుత్వం చర్యలు చేపట్టింది. నవంబర్‌ మాసాన్ని ప్రత్యేక హాజరు మాసంగా గుర్తించింది. ఈనెలలో విద్యార్థులు గైర్హాజరు లేకుండా, వంద శాతం బడికి వచ్చేలా చర్యలు చేపట్టాలని డీఈవోను ఆదేశించారు. ప్రభుత్వ యాజమాన్య, రెసిడెన్షియల్‌ పాఠశాలల్లోనూ హాజరును పరిగణలోకి తీసుకోనున్నారు. 8 ప్రత్యేక అంశాలను నిర్దేశించారు. రోజువారి హాజరు నమోదు, విద్యార్థుల అటెండెన్స్‌ మెరుగుపర్చడం, రోజులుగా బడికి రాని విద్యార్థుల ఇంటికి వెళ్లి వచ్చేలా చూడటం, పెండింగ్‌ ఎంట్రీలు, సాంకేతిక సమస్యలను పరిష్కరించడం, సమీక్షించడం, తల్లిదండ్రులు, సమాజ భాగస్వామ్యం చేయడం, జిల్లా స్థాయిలో పనితీరు ఎలా ఉందో నవంబర్‌ 30న క్రోడీకరించుకునేలా చర్యలు చేపట్టాలని అధికారులను ప్రభుత్వం ఆదేశించింది. నెలరోజుల పాటు బడు ల్లో టీచర్లు, విద్యార్థుల హాజరు వందశాతం నమోదైతే, ఆయా స్కూల్‌ హెచ్‌ఎంలకు రాష్ట్రస్థాయిలో సన్మాన కార్యక్రమాన్ని చేపట్టనున్నారు. ప్రస్తుతం జిల్లాలో విద్యార్థుల హాజరు 78 శాతం ఉండగా, ఉపాధ్యాయుల హాజరు 86 శాతం వరకు ఉంది. విద్యార్థుల హాజరు పెరిగితేనే వారిలో విద్యాసామర్థ్యాలు పెరిగే అవకాశం ఉందని పలువురు అభిప్రాయం వ్యక్తం చేస్తున్నారు. విద్యార్థుల సామర్థ్యాలను మెరుగుపర్చేందుకు సంకల్ప్‌–10డేస్‌ ఫర్‌ ఎఫ్‌ఎల్‌ఎన్‌ కార్యక్రమం చేపడుతున్నాం. ప్రతి విద్యార్థికి చదవడం, రాయడం, అక్షరాలు గుర్తించడం రావాలి. విద్యార్థుల సామర్థ్యాలు పెంచేందుకు టీచర్లు కృషి చేయాలి. –శ్రీధర్‌ రెడ్డి, సెక్టోరియల్‌ ఆఫీసర్‌, నిజామాబాద్‌

ఎల్లారెడ్డిరూరల్‌/ రామారెడ్డి/ బాన్సువాడ రూరల్‌/ లింగంపేట/ నాగిరెడ్డిపేట: పశువులకు నట్టల నివారణ మందులను పెంపకందారులు తప్పకుండా వేయించాలని అధికారులు, ప్రజాప్రతినిధులు సూచించారు. జిల్లాలోని పలు మండలాలు, గ్రామాల్లో జీవాలకు నట్టల నివారణ మందులు వేశారు. ఎల్లారెడ్డి మండలంలోని అన్నాసాగర్‌ గ్రామంలో పశువులకు నట్టల నివారణ మందులను సర్పంచ్‌ వేశారు. వెటర్నరీ వైద్యురాలు అర్చన, ఉపసర్పంచ్‌ నాగరాజు, సిబ్బంది శ్రీనివాస్‌ రెడ్డి, సయ్యద్‌ మహబూబ్‌, రైతులు నారాయణ రెడ్డి, సాయాగౌడ్‌ తదితరులు పాల్గొన్నారు. రామారెడ్డి మండల కేంద్రంలో మండల పశువైద్యాధికారి రాంచందర్‌ సర్పంచ్‌ బండి ప్రవీణ్‌, ఉపసర్పంచ్‌ నవీన్‌తో కలిసి జీవాలకు నట్టల నివారణ మందులు వేశారు. బాన్సువాడ మండలం సోమేశ్వర్‌లో పశువైద్య సిబ్బంది నట్టల నివారణ మందులు అందించారు. సర్పంచ్‌ చింత్‌వార్‌ వీరేశం, ఉప సర్పంచ్‌ నూరున్సీ రషీద్‌, వార్డు సభ్యులు సుధాకర్‌, లక్ష్మీనారాయణ, సిబ్బంది మహిబూబ్‌, గోపాలమిత్రలు పాల్గొన్నారు. లింగంపేట మండలంలోని భవానీపేట, ముంబోజిపేట, ముంబోజిపేట తండా, కొండాపూర్‌తండా గ్రామాల్లో మండల పశువైద్యాధికారి హనాజోనస్‌ పశువులకు నట్టల నివారణ మందులు వేశారు. నాగిరెడ్డి మండలంలోని నాగిరెడ్డిపేట, చీనూర్‌, వాడి గ్రామాల్లో పశువైద్య సిబ్బంది దూడలకు మందులు వేశారు. మండల పశువైద్యాధికారి రవికుమార్‌, నాగిరెడ్డిపేట సర్పంచ్‌ మన్నె వెంకట్‌, ఉపసర్పంచ్‌ బాలాజీ శ్రీకాంత్‌, పశువైద్య సిబ్బంది విజయ, గంగారాం, జయరాజ్‌, పశుమిత్ర శ్రీహరి తదితరులు పాల్గొన్నారు.

రామారెడ్డి: మేడ్చల్‌లో ఇటీవల నిర్వహించిన రాష్ట్రస్థాయి పోటీల్లో రామారెడ్డి మండల కేంద్రంలోని ప్రభుత్వ బాలికల ఉన్నత పాఠశాల విద్యార్థిని పోశవ్వ జాతీయ స్థాయి పోటీలకు ఎంపికై ంది. పాఠశాలలో మంగళవారం నిర్వహించిన కార్యక్రమంలో పోశవ్వను సర్పంచ్‌, ఉపాధ్యాయులు అభినందించారు. సర్పంచ్‌ బండి ప్రవీణ్‌, ఉపసర్పంచ్‌ నవీన్‌, హెచ్‌ఎం వేణుమాధవ్‌, ఉపాధ్యాయులు లింగం, ఉపాధ్యాయులు మురళీకృష్ణ, సురేశ్‌ బాబు, శ్రీనివాసన్‌, బాల్‌రాజు, దేవి ప్రసాద్‌, లక్ష్మణ్‌, బషీర్‌, స్వప్న, పద్మావతి, మంజుల, భూలక్ష్మి, క్రీడాకారులు ఉన్నారు.

భిక్కనూరు: తెలంగాణ యూనివర్సీటీ సౌత్‌క్యాంపస్‌ ఎన్‌ఎస్‌ఎస్‌ ప్రోగ్రాం అధికారిగా జియో ఇన్‌ఫర్మెటిక్స్‌ అసిస్టెంట్‌ ప్రొఫెసర్‌ డాక్టర్‌ నారాయణగుప్తా నియమితులయ్యారు. ఈ మేరకు మంగళవారం తెయూ వీసీ యాదగిరిరావు నియామకపత్రాన్ని ఆయనకు అందజేశారు. నారాయణగుప్తా మాట్లాడుతూ.. విద్యార్థులకు సేవా కార్యక్రమం గురించి అవగాహన కల్పించడంతో పాటు సేవా దృక్పథాన్ని పెంపొందించేందుకు కృషిచేస్తానన్నారు. కార్యక్రమంలో రిజిస్ట్రార్‌ యాదగిరి, ప్రిన్సిపాల్‌ సుధాకర్‌గౌడ్‌, ఎన్‌ఎస్‌ఎస్‌ కో–ఆర్డినేటర్‌ అపర్ణ పాల్గొన్నారు. కామారెడ్డి రూరల్‌: క్యాసంపల్లి గ్రామంలో మహిళా సంఘ భవన నిర్మాణ పనుల్లో భాగంగా సర్పంచ్‌ అడపా శ్యామ్‌ స్లాబ్‌ పనులను ప్రారంభించారు. జీపీ పాలకవర్గ సభ్యులు, కార్యదర్శి చంద్రకళ, గ్రామస్తులు పాల్గొన్నారు. కామారెడ్డి టౌన్‌ : మున్సిపల్‌ పారిశుద్ధ్య కార్మికుల సమస్యలను తక్షణమే పరిష్కరించాలని సీఐటీయూ జిల్లా అధ్యక్షుడు చంద్రశేఖర్‌ డిమాండ్‌ చేశారు. మంగళవారం మున్సిపల్‌ కార్యాలయం వద్ద నిర్వహించిన కార్మికుల సమావేశంలో ఆయన మాట్లాడారు. చనిపోయిన, 60 ఏళ్లు దాటిన కార్మికుల కుటుంబాల్లో ఒకరికి ఉద్యోగం ఇవ్వాలని, ఖాళీగా ఉన్న పోస్టులను భర్తీ చేసి పనిభారాన్ని తగ్గించాలని కోరారు. నాయకులు రాజనర్సు, మహబూబ్‌, దీవెన, శివ, మధు, కార్మికులు పాల్గొన్నారు. కామారెడ్డి టౌన్‌: తమ న్యాయమైన డిమాండ్లను పరిష్కరించాలని కోరుతూ జాతీయ ఆరోగ్య మిషన్‌(ఎన్‌హెచ్‌ఎం) కాంట్రాక్ట్‌, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె మంగళవారం నాటికి 22వ రోజుకు చేరింది. జిల్లా కేంద్రంలోని కలెక్టరేట్‌ ధర్నాచౌక్‌లో ఉద్యోగులు శీర్షాసనం వేసి వినూత్న రీతిలో నిరసన తెలిపారు. జేఏసీ నాయకులు వెంకటరమణ, వేణుమాధవ్‌, రాహుల్‌, హరీశ్‌, రాజశేఖర్‌, రవళి, స్వాతి, శోభ, యాదమ్మ, కవిత, నిర్మల, సాయమ్మ, ప్రమీల, రాజు తదితరులు పాల్గొన్నారు. కామారెడ్డి అర్బన్‌: కామారెడ్డి పట్టణ కౌన్సిలర్‌, బీఆర్‌ఎస్‌ నాయకుడు, అథ్లెటిక్‌ జీ లక్ష్మీనారాయణ మంగళవారం ఉదయం 21 కిలోమీటర్ల నాన్‌స్టాఫ్‌ లాంగ్‌ రన్‌ను గంట 52 నిమిషాల్లో పూర్తి చేశారు. కామారెడ్డి భారత్‌రోడ్డులోని తన నివాసం నుంచి ముత్యంపేట, దోమకొండ కోట, గొట్టి ముక్కుల గ్రామ శివారు వరకు 21 కిలోమీటర్లు ఆగకుండా పరుగెత్తారు. ఆరోగ్యం అందించే లక్ష్యంలో తాను పరుగు చేస్తున్నట్లు ఆయన పేర్కొన్నారు. కామారెడ్డి టౌన్‌: జిల్లా అండర్‌–16 బాలుర 36వ సబ్‌ జూనియర్‌ కబడ్డీ జట్టు ఎంపిక పోటీలు మంగళవారం జిల్లా కేంద్రంలో నిర్వహించారు. జిల్లా అసోసియేషన్‌ ప్రధాన కార్యదర్శి సీహెచ్‌ రాజన్న ఆధ్వర్యంలో జరిగిన ఈ ఎంపికల్లో ప్రతిభ కనబరిచిన 25 మంది క్రీడాకారులను శిక్షణ శిబిరానికి ఎంపిక చేసినట్లు ప్రకటించారు. ఎంపికై న క్రీడాకారులకు తాడ్వాయి మండల కేంద్రంలో ఎనిమిది రోజుల పాటు ప్రత్యేక శిక్షణ శిబిరం నిర్వహించనున్నట్లు తెలిపారు. అనంతరం తుది జట్టు ను ఖరారు చేస్తామన్నారు. కబడ్డీ అసోసియేష న్‌ జిల్లా అధ్యక్షుడు బాణాల భాస్కర్‌ రెడ్డి, ట్రెజరర్‌ ఎన్‌ శ్రీనివాస్‌ రెడ్డి, కార్యదర్శి పీ జగదీశ్వర్‌, ఈసీ సభ్యులు నాగరాజు, ప్రభు, శ్రీనివాస్‌, పీఈటీలు రేణుక, విజయలక్ష్మి, మహేశ్‌, గోపి, రామసింగ్‌ పాల్గొన్నారు. తాడ్వాయి: విద్యార్థులు లక్ష్యాన్ని నిర్దేశించుకొని ఆ దిశగా పయనించాలని ప్రముఖ మోటివేషనల్‌ స్పీకర్‌, కవి, గేయ రచయిత శ్యామ్‌ కు మార్‌ అన్నారు. తాడ్వాయి మండల కేంద్రంలో ని బాలికల గురుకుల పాఠశాలలో మంగళవా రం కెరీర్‌ గైడెన్స్‌, జీవిత నైపుణ్యాలు, పలు అంశాలపై అవగాహన కల్పించారు. అధ్యాపకులు, ఉపాధ్యాయులు, విద్యార్థులు పాల్గొన్నారు.

కామారెడ్డి టౌన్‌ : బల్దియాలో జరుగుతున్న అవకతవకలు, అక్రమాలపై సమగ్ర విచారణ జరిపించాలని కామారెడ్డి మున్సిపల్‌ వైస్‌ చైర్‌పర్సన్‌ కాసర్ల గోదావరి, బీఆర్‌ఎస్‌ కౌన్సిలర్లు మంగళవారం అదనపు కలెక్టర్‌ ఎన్‌వై గిరికి ఫిర్యాదు చేశారు. ఈ సందర్భంగా వారు మాట్లాడుతూ గత నెలలో జరిగిన వినాయక, దుర్గామాత నిమజ్జనాల అనంతరం మిగిలిన ఇనుప స్క్రాప్‌, విగ్రహాల స్టాండ్లు, ఇతర సామగ్రిని మున్సిపల్‌ కౌన్సిల్‌కు ఎలాంటి సమాచారం ఇవ్వకుండా అక్రమంగా విక్రయించారని ఆరోపించారు. పట్టణంలోని అశోక్‌నగర్‌ కాలనీ సర్వే నంబర్‌ 218, 219 (ఎల్‌పీ నం.135/1985) పరిధిలోని 1.07 ఎకరాల మున్సిపల్‌ ఓపెన్‌ స్థలాన్ని కొందరు అధికార పార్టీ నాయకుల అండదండలతో కబ్జా చేసి అక్రమ నిర్మాణాలు చేపడుతున్నారని, వాటిని వెంటనే కూల్చివేసి ప్రభుత్వ ఆస్తిని రక్షించాలని కోరారు. కమిషనర్‌ చాంబర్‌లోని సీసీ కెమెరాల వాయిస్‌ రికార్డింగ్‌ ద్వారా కౌన్సిలర్లు మాట్లాడే మాటలను రికార్డు చేస్తూ బెదిరింపులకు పాల్పడుతున్నారని ఆరోపించారు. సీసీ కెమెరాల యాక్సెస్‌ అంతా మున్సిపల్‌ చైర్‌పర్సన్‌ భర్త వద్దే ఉందని, గతంలో ఆయన కౌన్సిలర్లకు పంపిన సందేశాల ఆధారాలను కలెక్టర్‌కు అందజేశామని పేర్కొన్నారు. ఈ పరిణామాలపై తక్షణమే మున్సిపల్‌ కౌన్సిల్‌ అత్యవసర సమావేశం ఏర్పాటు చేయాలని డిమాండ్‌ చేశారు. కార్యక్రమంలో కౌన్సిలర్లు అర్కల ప్రభాకర్‌యాదవ్‌, మిర్జా అఫీజ్‌, లక్ష్మీనారాయణ, గోపు బాలమణి, లక్ష్మణ్‌, లోలం శ్రీనివాస్‌, కోఆప్షన్‌ మెంబర్‌ కుంబాల రవి తదితరులున్నారు.

భిక్కనూరు/ సదాశివనగర్‌/ లింగంపేట/ నాగిరెడ్డిపేట/ నిజాంసాగర్‌: జిల్లాలోని పలు మండలాల్లో, గ్రామాల్లో అధికారులు ఉపాధి హామీ పనులను పరిశీలించారు. సిబ్బంది పలు సూచనలు చేశారు. భిక్కనూరు మండలం తిప్పాపూర్‌లో కొనసాగుతున్న ఉపాధి పనులను ఎంపీడీవో సవిత మంగళవారం పరిశీలించారు. భవిష్యత్తు బాగు కోసం ప్రతి ఒక్కరూ ఇంటికి ఇంకుడు గుంతను నిర్మించుకోవాలని సూచించారు. అనంతరం వ్యవసాయ క్షేత్రాల్లో నిర్మిస్తున్న పంట కుంటలను పరిశీలించారు. సర్పంచ్‌ కుంట లింగారెడ్డి, వార్డు సభ్యుడు నర్సారెడ్డి, సిబ్బంది ఉన్నారు. సదాశివనగర్‌ మండలం మోడేగాం గ్రామంలో కొనసాగుతున్న ఉపాధి హామీ పనులు, ఇందిరమ్మ గృహాల నిర్మాణం, అంగన్‌వాడీ భవన నిర్మాణ పనులను మండల ప్రత్యేక అధికారి అశోక్‌ పరిశీలించారు. ఎంపీడీవో సంతోష్‌ కుమార్‌, సర్పంచ్‌ గంగాధర్‌, ఏపీవో శ్రీనివాస్‌ తదితరులు ఉన్నారు. లింగంపేట మండలం గాంధీనగర్‌ శివారులో చేపడుతున్న ఉపాధి పనులను ఎంపీడీవో పరిశీలించారు. ప్రతీ కూలీకి 125 రోజులు పనులు కల్పించాలని అన్నారు. అటవీ ప్రాంతంలో హద్దులను ఏర్పాటు చేస్తున్న పనులను పరిశీలించారు. ఎంపీవో మలహరి, సర్పంచ్‌ బాబు, ఏపీఎంలు వినోద్‌కుమార్‌, నరేందర్‌ తదితరులు ఉన్నారు. నాగిరెడ్డిపేట మండలంలోని బొల్లారంలో ఉపాధి హామీ పనులను మండల ప్రత్యేకాధికారి రాజ్‌కుమార్‌ పరిశీలించారు. అంగన్‌వాడీ కేంద్రాన్ని తనిఖీ చేశారు. ఎంపీడీవో గంగాధర్‌, ఏపీవో సక్కుబాయి, సర్పంచ్‌ ప్రభుగౌడ్‌, జీపీ కార్యదర్శి సంతోష్‌, ఫీల్డ్‌అసిస్టెంట్‌ పర్వీన్‌ తదితరులు ఉన్నారు. మహమ్మద్‌నగర్‌ మండలం బూర్గుల్‌ శివారులో ఉపాధి పనులను మండల ప్రత్యేక అధికారి ప్రసాద్‌రావు పరిశీలించారు. సర్పంచ్‌ గజ్జల జీవన్‌, ఉప సర్పంచ్‌ గొల్ల రమ్యశ్రీ, ఎంపీడీవో అనిత, జీపీ కార్యదర్శి రవీందర్‌ తదితరులు ఉన్నారు.

దోమకొండ: రైతుల ధాన్యాన్ని కొనుగొలు కేంద్రాల్లో విక్రయించి మద్దతు ధర పొందాలని డీఆర్డీవో దామోదర్‌రెడ్డి సూచించారు. మంగళవారం మండలంలోని సీతారాంపూర్‌, సీతారాంపల్లి, లింగుపల్లి గ్రామాలలో ఐకేపీ ఆధ్వర్యంలో నిర్వహిస్తున్న కొనుగోలు కేంద్రాలను ఆయన పరిశీలించారు. దళారులకు ధాన్యం అమ్మితే మోసపోతారని, మద్దతు ధర అందదని పేర్కొన్నారు. రైతుల నుంచి కొనుగోలు చేసిన వడ్లను వెంటవెంటనే గోదాంలకు తరలించాలని నిర్వాహకులకు సూచించారు. ఆయన వెంట ఐకేపీ డీపీఎంలు సాయిలు, సురేష్‌ కుమార్‌, ఏపీఎం శ్రీనివాస్‌, సీసీలు, సెంటర్‌ సిబ్బంది ఉన్నారు. కామారెడ్డి టౌన్‌: జిల్లా పౌర సరఫరాల శాఖ, తూనికలు కొలతల శాఖ అధికారులు మంగళవారం పట్టణంలోని పలు హోల్‌సేల్‌, రిటైల్‌ బియ్యం దుకాణాల్లో తనిఖీలు చేపట్టారు. బియ్యం ప్యాకెట్లపై తయారీదారు చిరునామా, కస్టమర్‌ కేర్‌ ఫోన్‌ నంబర్‌ ముద్రించకపోవడాన్ని గుర్తించారు. నిబంధనలను ఉల్లంఘించినందుకుగాను సుభాష్‌ రోడ్డులోని జై సంతోషిమాత కిరాణా, జేపీఎన్‌ రోడ్డులోని లక్ష్మి సాయి కిరాణా దుకాణాలపై కేసులు నమోదు చేసినట్లు అధికారులు తెలిపారు. ఈ సందర్భంగా అదనపు రెవెన్యూ కలెక్టర్‌ విక్టర్‌ మాట్లాడుతూ జిల్లా కేంద్రంలోని వ్యాపారులు ప్రభుత్వం నిర్దేశించిన ధరలకే బియ్యాన్ని విక్రయించాలన్నారు. నిబంధనలు అతిక్రమిస్తే చట్టపరంగా కఠిన చర్యలు తీసుకుంటామన్నారు. ప్రజలకు నిత్యావసరాలు న్యాయమైన ధరలకే అందేలా వ్యాపారులు సహకరించాలని, ప్యాకింగ్‌ నిబంధనలను తప్పనిసరిగా పాటించాలని సూచించారు. కామారెడ్డి అర్బన్‌: విద్యుత్‌ సమస్యల పరిష్కారం కోసం వినియోగదారులు విద్యుత్‌ ప్రజావాణిలో ఫిర్యాదు చేయాలని ఎన్పీడీసీఎల్‌ విద్యుత్‌ వినియోగదారుల సమస్యల పరిష్కార వేదిక (సీజీఆర్‌ఎఫ్‌–2) నిజామాబాద్‌ చైర్మన్‌ కిషన్‌ సూచించారు. మంగళవారం కామారెడ్డి ఎస్‌ఈ కార్యాలయం వద్ద విద్యుత్‌ వినియోగదారుల పరిష్కార వేదిక నిర్వహించారు. కార్యక్రమంలో చైర్మన్‌ కిషన్‌, సభ్యులు శేషారావు, పి.శ్రీనివాస్‌ పాల్గొన్నారు. తాడ్వాయి, కామారెడ్డి, రాజంపేట, రామారెడ్డి మండలాలకు చెందిన వినియోగదారుల వివిధ సమస్యలపై 14 ఫిర్యాదులను అందించారు. భారతీయ కిసాన్‌ సంఘ్‌ జిల్లా కార్యదర్శి శంకర్‌రావు, ఆయా మండలాల నాయకులు చిన్న అంజన్న, భైరవరెడ్డి, విఠల్‌రెడ్డి, సాయిలు రైతుల విద్యుత్‌ సమస్యలను వివరించారు. వాటిని పరిష్కరించాలని వేదిక సభ్యులు అధికారులను ఆదేశించారు. రైతులు అక్రమంగా విద్యుత్‌ వినియోగించవద్దని, నామమాత్ర రుసుంతో దరఖాస్తు చేసుకుంటే ఉచితంగానే కనెక్షన్‌ ఇస్తారని పేర్కొన్నారు. ఎస్‌ఈ సాలియానాయక్‌, ఏడీఈ మల్లేష్‌, ఏఈలు వెంకటేష్‌, శ్రీనివాస్‌ తదితరులు పాల్గొన్నారు. కామారెడ్డి టౌన్‌: యువతకు ప్రైవేట్‌ రంగంలో ఉద్యోగావకాశాలు కల్పించేందుకు శుక్రవారం జాబ్‌మేళా నిర్వహించనున్నట్లు జిల్లా ఉపాధి కల్పనాధికారి కిరణ్‌ కుమార్‌ తెలిపారు. రిలయన్స్‌ జియోలో నెట్‌వర్క్‌లో 20 డిప్లొమా ఇంజినీర్‌ ట్రైనీ పోస్టుల భర్తీ కోసం ఈ మేళా నిర్వహిస్తున్నామని పేర్కొన్నారు. డిప్లొమా ఉత్తీర్ణులైన 18 నుంచి 35 ఏళ్లలోపు వారు అర్హులని తెలిపారు. అర్హులైనవారు శుక్రవారం ఉదయం 10.30 గంటల నుంచి మధ్యాహ్నం 2 గంటల వరకు కలెక్టరేట్‌ మొదటి అంతస్తులోని 121వ గది నంబర్‌లోగల ఉపాధి కల్పన కార్యాలయంలో నిర్వహించే ఇంటర్వ్యూలకు హాజరు కావాలని, పూర్తివివరాల కోసం 92818 64678, 63057 43423 ఫోన్‌ నంబర్లలో సంప్రదించాలని సూచించారు.

కామారెడ్డి టౌన్‌: తమ న్యాయమైన సమస్యలను పరిష్కరించాలని డిమాండ్‌ చేస్తూ జిల్లా కేంద్రంలో జాతీయ ఆరోగ్య మిషన్‌(ఎన్‌హెచ్‌ఎం) కాంట్రాక్ట్‌, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె సోమవారానికి 21వ రోజుకు చేరింది. ప్రభుత్వం అనుసరిస్తున్న మొండివైఖరిని నిరసిస్తూ ఉద్యోగులు పట్టణంలోని ధర్నా చౌక్‌లో నల్లబ్యాడ్జీలు ధరించి నిరసన వ్యక్తం చేశారు. అనంతరం జిల్లా కేంద్రంలోని పాత బస్టాండ్‌ నుంచి నిజాంసాగర్‌ చౌరస్తా వరకు భారీ ర్యాలీ నిర్వహించారు. రైల్వే బ్రిడ్జి వద్ద గల అంబేడ్కర్‌ విగ్రహానికి వినతిపత్రం అందజేశారు. అనంతరం నిజాంసాగర్‌ చౌరస్తాలో ఎన్‌హెచ్‌ఎం అక్షరాల ఆకారంలో కూర్చొని మానవహారంతో రాస్తారోకో చేపట్టారు. ప్రభుత్వం తమ సమస్యలను తక్షణమే పరిష్కరించాలని డిమాండ్‌ చేశారు. జిల్లా జేఏసీ ప్రధాన కార్యదర్శులు బట్టు పద్మజ, బొల్లు సందీప్‌, వైద్యులు, నాయకులు వెంకటరమణ, అశ్విని, మారుతి, హరీష్‌, వేణుమాధవ్‌, రాహుల్‌, మీనాక్షి, స్వాతి, మౌనిక, అఖిల్‌, సాగర్‌, జ్యోతి, మంజుల, నిశాంతిని, విమల, గంగమణి తదితరులు పాల్గొన్నారు.

● ఐదేళ్ల బాలుడి హత్య ● సహజీవనానికి అడ్డుగా ఉన్నాడని ఘాతుకం ● హైదరాబాద్‌లో ఘటన ● మృతుడు నిజామాబాద్‌ వాసి రహమత్‌నగర్‌: సహజీవనానికి అడ్డుగా ఉన్నాడని ఐదేళ్ల బాలుడి గొంతునులిమి అత్యంత దారుణంగా ప్రాణం తీశాడు.. ఓ కిరాతకుడు. రాత్రంతా గదిలోనే ఉండి తెల్లవారుజామున తల్లి వచ్చాక నిలదీయడంతో అక్కడి నుంచి పరారయ్యాడు. హైదరాబాద్‌లోని బోరబండ ఎస్‌హెచ్‌వో రవికుమార్‌ తెలిపిన వివరాల ప్రకారం.. నిజామాబాద్‌కు చెందిన పవార్‌ దుర్గ(23) భర్త మధు కొంతకాలం క్రితం అనారోగ్యంతో మృతి చెందాడు. దీంతో ఓ కుమారుడు, కుమార్తెను నిజామాబాద్‌లో ఉంటున్న బావ వద్ద ఉంచి.. హృద్రోగ సమస్యతో బాధపడుతున్న చిన్న కొడుకు విజయ్‌(5)తో కలిసి దుర్గ బోరబండలో ఉండేది. ఫుట్‌పాత్‌పై ఇనుప వస్తువులు తయా రు చేసే దుకాణంలో పనిచేసేది. ఈ క్రమంలో నిజామాబాద్‌కు చెందిన నల్లవరపు విద్యాసాగర్‌(33)కు ఆమెతో పరిచయం ఏర్పడింది. నాలుగు నెలల క్రితం బోరబండ అజాంనగర్‌ బీబ్లాక్‌లో ఇల్లు అద్దె కు తీసుకొని సహజీవనం చేస్తున్నారు. ఆమె ప్రయివేటు ఆస్పత్రిలో ఉద్యోగం చేస్తుండగా.. అతడు పని వదిలేసి మద్యం తాగు తూ ఇంట్లోనే ఉండేవా డు. దుర్గ ఇంట్లో లేని సమయంలో బాలుడిని తరచూ కొట్టేవాడు. ఆ దివారం సాయంత్రం విజయ్‌ని ఇంట్లోనే వది లి తల్లి నైట్‌ డ్యూటీకి వెళ్లింది. మద్యం మత్తు లో ఇంటికి వచ్చిన విద్యాసాగర్‌ నిద్రిస్తున్న విజయ్‌ గొంతు నులిమి తీవ్రంగా కొట్టాడు. దీంతో బాలుడు ప్రాణాలు వదిలాడు. ఇంట్లోనే రాత్రంతా ఉన్నాడు. అనంతరం ఏమీ తెలియనట్లు దుర్గ పనిచేసే ఆస్పత్రికి ఫోన్‌ చేసి విజయ్‌కు ఫిట్స్‌ వచ్చి కిందపడిపోయాడని చెప్పాడు. ఆమె ఇంటికి వచ్చి చూడగా విజయ్‌ చనిపోగా.. మెడపై గాయాలు కనిపించాయి. విద్యాసాగర్‌ను నిలదీయడంతో తలుపు మూసి ఆమె గొంతు నులిమే ప్రయత్నం చేశాడు. ఆమె అరుపులు విన్న చుట్టుపక్కల వారు రావడంతో పారిపోయాడు. జూబ్లీహిల్స్‌ డీసీపీ రమణారెడ్డి, ఎస్‌ఆర్‌ నగర్‌ ఏసీపీ రాఘవేంద్రరావు, బోరబండ ఎస్‌హెచ్‌వో రవికుమార్‌ ఘటనా స్థలానికి చేరుకొని పరిశీలించారు. కేసు నమోదు చేశారు. నిందితుడిని పట్టుకుంటామని ఎస్‌హెచ్‌వో స్పష్టం చేశారు.

● కలెక్టర్‌ ఆశిష్‌ సంగ్వాన్‌ ● ప్రజావాణిలో 71 ఫిర్యాదుల స్వీకరణ కామారెడ్డి టౌన్‌: ప్రజావాణి కార్యక్రమంలో ప్రజల నుంచి అందిన ప్రతి ఫిర్యాదునూ క్షుణ్ణంగా పరిశీలించి, సత్వరమే పరిష్కరించాలని కలెక్టర్‌ ఆశిష్‌ సంగ్వాన్‌ అధికారులను ఆదేశించారు. పట్టణంలోని కలెక్టరేట్‌లో సోమవారం నిర్వహించిన ప్రజావాణి కార్యక్రమంలో ఆయన ప్రజల నుంచి వినతులను స్వీకరించారు. మొత్తం 71 అర్జీలు రాగా, వాటిని సంబంధిత శాఖల అధికారులకు అందజేస్తూ, సమస్యల పరిష్కారంలో నిబంధనలు ఖచ్చితంగా పాటించాలని సూచించారు. అనంతరం అధికారులతో నిర్వహించిన సమీక్షలో కలెక్టర్‌ మాట్లాడుతూ.. అర్జీదారులకు సత్వర న్యాయం జరిగేలా చర్యలు తీసుకోవాలని, దీర్ఘకాలంగా పెండింగ్‌లో ఉన్న దరఖాస్తులను వెంటనే పరిష్కరించాలని సూచించారు. పరిష్కరించిన వివరాలను ఎప్పటికప్పుడు ఆన్‌లైన్‌లో పోర్టల్‌లో నమోదు చేయాలన్నారు. అదనపు కలెక్టర్‌ విక్టర్‌, జిల్లా రెవెన్యూ అధికారి పాండు, జడ్పీ సీఈవో చందర్‌, ఆయా శాఖల జిల్లా అధికారులు పాల్గొన్నారు. మల్కాపూర్‌ (కే) గ్రామాన్ని కరువు ప్రాంతంగా ప్రకటించాలి పెద్దకొడప్‌గల్‌ మండల రెవెన్యూ శివారును ఆనుకుని ఉన్న మల్కాపూర్‌(కే) గ్రామాన్ని కరువు ప్రాంతంగా ప్రకటించి ఆదుకోవాలని గ్రామ రైతులు కోరారు. ఈమేరకు వారు కలెక్టరేట్‌లో నిర్వహించిన ‘ప్రజావాణి’ కార్యక్రమంలో కలెక్టర్‌కు వినతిపత్రం అందజేశారు. పాలనాపరమైన ఇబ్బందులను తొలగించేందుకు మల్కాపూర్‌(కే) గ్రామాన్ని వెంటనే పెద్దకొడప్‌గల్‌ మండలంలో విలీనం చేయాలని, గ్రామాన్ని కరువు ప్రాంతంగా గుర్తించి తక్షణమే రైతులకు న్యాయం చేయాలని కోరారు. డ్రెయినేజీ సమస్యను పరిష్కరించాలి లింగంపేట(ఎల్లారెడ్డి): మండల కేంద్రంలోని మత్తడికింది పల్లెకాలనీలో డ్రెయినేజీ సమస్య పరిష్కరించాలని స్థానికుడు శ్రావణ్‌కుమార్‌ కోరారు. ఈమేరకు జిల్లాకేంద్రంలోని కలెక్టరేట్‌లో నిర్వహించిన ప్రజావాణిలో ఆయన ఫిర్యాదు అందజేశారు. మండల ప్రజావాణిలో ఫిర్యాదు చేస్తే అధికారులు పట్టించుకోకపోవడంతో జిల్లాస్థాయి ప్రజావాణిలో విన్నవించినట్లు తెలిపారు.

కమ్మర్‌పల్లి(భీమ్‌గల్‌): భీమ్‌గల్‌ పట్టణంలోని కృషి హైస్కూల్‌లో సోమవారం ఎస్‌జీఎఫ్‌ భీమ్‌గల్‌ అర్బన్‌స్థాయి అండర్‌–17 బాలురు, బాలికల వాలీబాల్‌ జట్ల ఎంపిక పోటీలు నిర్వహించారు. పోటీల్లో భీమ్‌గల్‌ అర్బన్‌ పరిధిలోని వివిధ పాఠశాలలకు చెందిన విద్యార్థులు ఉత్సాహంగా పాల్గొన్నారు. ప్రతిభ కనబరిచిన 12 మంది బాలురు, 12 మంది బాలికలను తుది జట్లకు ఎంపిక చేసినట్లు భీమ్‌గల్‌ అర్బన్‌ ఇన్‌న్‌చార్జి సెక్రెటరీ సదమస్తుల రమణ తెలిపారు. ఎంపికై న క్రీడాకారులు మంగళవారం నందిపేట్‌లో జరగనున్న జిల్లాస్థాయి వాలీబాల్‌ టోర్నీలో పాల్గొంటారని పే ర్కొన్నారు. కృషి హైస్కూల్‌ కరస్పాండెంట్‌ అజిత్‌ రెడ్డి, వ్యాయామ ఉపాధ్యాయులు నరేశ్‌, లింగం, అభిషేక్‌, రాకేశ్‌, రాహుల్‌ పాల్గొన్నారు.

రాంజంపేట(భిక్కనూరు): సాంకేతిక పరిజ్ఞానంతో ప్రజలకు అత్యుత్తమ సేవలను అందించాలని ఎస్పీ రాజేష్‌చంద్ర అన్నారు. రాజంపేట మండల కేంద్రంలోని పోలీస్‌స్టేషన్‌ను సోమవారం ఆయన తనిఖీ చేశారు. అనంతరం ఆయన మాట్లాడుతూ.. పోలీసులు ప్రజలతో స్నేహితుల మాదిరిగా ఉండి శాంతి భద్రతల పరిరక్షణకు వారి సహకారం తీసుకోవాలన్నారు. ప్రతి గ్రామంలో సీసీ కెమెరాల ఏర్పాటుకు కృషిచేయాలన్నారు. పాత నేరస్తులు, రౌడీషీటర్ల కదలికలను ఎప్పటికప్పుడు పరిశీలించాలన్నారు. భిక్కనూరు సీఐ జగడం నరేష్‌, ఎస్సై భువనేశ్వర్‌ ఉన్నారు. కామారెడ్డి టౌన్‌: జిల్లా కేంద్రంలోని శ్రీ ఆర్యభట్టా జూనియర్‌ కళాశాలను సోమవారం ఇంటర్మీడియట్‌ జిల్లా నోడల్‌ అధికారి షేక్‌ సలాం తనిఖీ చేశారు. క్లాస్‌రూమ్‌లలో విద్యార్థులతో మాట్లాడి వివరాలు అడిగి తెలుసుకున్నారు. సబ్జెక్టులపై ప్రశ్నలు అడిగారు. విద్యార్థుల సమగ్ర విద్యాభివృద్ధికి ప్రత్యేక ప్రణాళికలు అమలు చేసి, నాణ్యమైన విద్యను అందించేలా అధ్యాపకులు కృషి చేయాలని సూచించారు. కళాశాల కరస్పాండెంట్‌ కేశిరెడ్డి గురువెందర్‌ రెడ్డి, ప్రిన్సిపాల్‌ హనుమంతరావు, అధ్యాపకులు పాల్గొన్నారు. నాటుబాంబుల కలకలం! నిజాంసాగర్‌(జుక్కల్‌): మండలంలోని అచ్చంపేట గ్రామ శివారులో అడవి పందులను హతమార్చేందుకు గుర్తు తెలియని వ్యక్తులు నాటు బాంబులు అమరుస్తున్నారు. రెండు రోజులుగా రాత్రి వేళలో నాటు బాంబులు పేల్చుతుండడంతో ప్రజలు భయాందోళనలకు గురవుతున్నారు. శని, ఆదివారాల్లో బాంబులు పేలి నాలుగు అడవి పందులు మృత్యువాతపడ్డాయని తెలుస్తోంది. గుర్తు తెలియని వ్యక్తులు వచ్చి నాటు బాంబులు పెడుతూ అటవి జంతువులను హతమారుస్తున్నారని గ్రామస్తులు తెలిపారు. దీనిపై పోలీసులు దృష్టి సారించాలని కోరుతున్నారు. నిజామాబాద్‌ అర్బన్‌: రెండో టౌన్‌ పరిధిలో ఒకరికి రెండు రోజుల జైలు శిక్ష విధించినట్లు ఎస్సై యాదగిరి తెలిపారు. కుటుంబ వ్యవహారంలో గొడవకు దారితీయడం, పోలీస్‌స్టేషన్‌కు వచ్చి గొడవ సృష్టించడంలో విజయ్‌కుమార్‌ అనే వ్యక్తిపై కేసు నమోదు చేసినట్లు పేర్కొన్నారు. నిందితుడిని కోర్టులో ప్రవేశపెట్టగా జడ్జి రెండు రోజుల జైలు శిక్ష విధించినట్లు తెలిపారు.

బాన్సువాడ: నాటు బాంబులు పేలిన ఘటనలో తీవ్ర గాయాలై హైదరాబాద్‌ నీలోఫర్‌ ఆస్పత్రిలో చికిత్స పొందుతున్న చిన్నారులను సోమవారం బాన్సువాడ ఎమ్మెల్యే పోచారం శ్రీనివాస్‌రెడ్డి పరామర్శించారు. తాడ్కోల్‌ గ్రామ పంచాయితీ పరిధిలోని ఎర్రమన్నుకుచ్చలో ఆదివారం సాయంత్రం నాటు బాంబులు పేలి ఏడుగురికి గాయాలైన విషయం తెలిసింది. ఈ ఘటనలో ఇద్దరు చిన్నారులు దండ్ల శ్రీదేవి, దండ్ల అంజలి పరిస్థితి విషమంగా మారడంతో హైదరాబాద్‌ నిలోఫర్‌ ఆస్పత్రికి తరలించారు. ప్రస్తుతం చికిత్స పొందుతున్న చిన్నారులను ఎమ్మెల్యే పరామర్శించి, ఆరోగ్య పరిస్థితిపై వైద్యులను అడిగి తెలుసుకున్నారు. మెరుగైన వైద్యం అందించడంతోపాటు అవసరమైన అన్ని వైద్య సదుపాయాలు కల్పించాలని సూచించారు. బాధిత కుటుంబసభ్యులకు ధైర్యం చెప్పారు. పోచారం వెంట తాడ్కోల్‌ సర్పంచ్‌ రమేశ్‌, మాజీ జట్పీటీసీ గోపాల్‌రెడ్డి, నిలోఫర్‌ ఆస్పత్రి ఆర్‌ఎంవో, సూపరింటెండెంట్‌ తదితరులు ఉన్నారు.

నవీపేట: ట్రాక్టర్‌ ఢీకొని రోడ్డుపై నడుచుకుంటూ వెళ్తున్న మహిళ మృతి చెందిన ఘటన నవీపేట మండలం గాంధీనగర్‌లో సోమవారం చోటు చేసుకుంది. ఎస్సై శ్రీకాంత్‌ తెలిపిన వివరాల ప్రకారం.. గాంధీనగర్‌కు చెందిన పోతిరెడ్డి మల్లీశ్వరి(40) భర్త పోతిరెడ్డి భాస్కర్‌రెడ్డితో కలిసి పొలం పనుల నిమిత్తం రోడ్డుపై నడుచుకుంటూ వెళ్తుంది. అదే సమయంలో జన్నేపల్లి నుంచి నవీపేట వైపు వేగంగా వస్తున్న ట్రాక్టర్‌ మల్లీశ్వరిని ఢీకొట్టడంతో ఆమె తలకు తీవ్రగాయమై అక్కడికక్కడే మరణించింది. భర్త ఫిర్యాదు మేరకు కేసు దర్యాప్తు చేస్తున్నట్లు ఎస్సై తెలిపారు. మృతురాలికి కుమార్తె, కుమారుడు ఉన్నట్లు పేర్కొన్నారు. నిజామాబాద్‌ రూరల్‌: కుటుంబ విభేదాలు, పాత కక్షలతో బావపై బావమరిది దాడి చేసిన ఘటన రూరల్‌ పోలీస్‌ స్టేషన్‌ పరిధిలోని ఖానాపూర్‌ శివారులో సోమవారం చోటు చేసుకుంది. ఎస్‌హెచ్‌వో శ్రీధర్‌ రెడ్డి తెలిపిన వివరాల ప్రకారం.. ఉత్తరప్రదేశ్‌ రాష్ట్రానికి చెందిన వీరేంద్రనాథ్‌, అనిల్‌ వరుసకు బావబావమరుదులు. ఇద్దరూ ఖానాపూర్‌ శివారులోని ఓ గోదాంలో పనిచేస్తున్నారు. పాత గొడవలను మనసులో ఉంచుకొని సోమవారం అనిల్‌ తన బావ వీరేంద్రనాథ్‌పై దాడికి తెగబడ్డాడు. కూరగాయలు కోసే కత్తితో చెవి, మెడ, భుజాలపై దాడి చేశాడు. తీవ్రంగా గాయపడిన వీరేంద్రనాథ్‌ను స్థానికులు ప్రభుత్వ ఆస్పత్రికి తరలించారు. గోదాం మేనేజర్‌ సుంకాజీ సంతోష్‌కుమార్‌ ఫిర్యాదు మేరకు కేసు దర్యాప్తు చేస్తున్నట్లు ఎస్‌హెచ్‌వో తెలిపారు.

● నాటు బాంబుల తయారీపై పట్టింపేది.. ● పోలీసులకు ఫిర్యాదు చేసినా చర్యలకు వెనుకడుగు బాన్సువాడ: బాన్సువాడ పట్టణానికి కూతవేటు దూరంలో ఉన్న ఎర్రమన్నుకుచ్చ కాలనీలో చట్ట వ్యతిరేక కార్యకలాపాలపై స్థానికులు భయాందోళన చెందుతున్నారు. కొన్నేళ్ల నుంచి కాలనీలో కొందరు వ్యక్తులు నాటు బాంబులు తయారు చేస్తున్నా పోలీసులు పట్టించుకోలేదనే విమర్శలు వెల్లువెత్తుతున్నాయి. ఏడాది క్రితమే కాలనీవాసులు పోలీసులకు ఫిర్యాదు చేసినా చర్యలు తీసుకోకపోవడంతోనే ఆదివారం ప్రమాదానికి దారితీసిందన్న అనుమానాలు వ్యక్తమవుతున్నాయి. వృత్తిగా అడవి పందుల వేట.. ఎర్రమన్నుకుచ్చలో నిర్మించిన డబుల్‌ బెడ్రూం ఇళ్లను తాడ్కోల్‌ పంచాయతీ పరిధిలోని రాజరాం దుబ్బా, తాడ్కోల్‌లో నివాసముంటున్న నిరుపేదలకు కేటాయించారు. రాజారాం దుబ్బా నుంచి వచ్చిన కొందరు వ్యక్తులు అడవి పందుల వేట సాగిస్తున్నారు. వేట కోసం ఉపయోగించే నాటు బాంబులను స్వయంగా వారే తయారు చేసి అడవి పందులను వేటాడి చంపి వాటి కళేబరాలను కాల్చి విక్రయిస్తుంటారు. మరికొన్ని ఇళ్లలో నాటుబాంబులు.. నాటుబాంబుల తయారీపై గతంలో కాలనీకి చెందిన కొందరు యువకులు పోలీసులకు ఫిర్యాదు చేశారు. కానీ పోలీసులు పట్టించుకోలేదనే విమర్శలున్నాయి. ఆదివారం ఘటనా స్థలానికి వెళ్లిన డీఎస్పీ విఠల్‌రెడ్డికి మరోసారి కాలనీవాసులు ఫిర్యాదు చేశారు. అయితే కాలనీలోని మరికొన్ని ఇళ్లలోనూ నాటు బాంబులు ఉన్నాయని, తనిఖీలు చేస్తే బయటపడతాయని పేర్కొనడం గమనార్హం.

కామారెడ్డి టౌన్‌: ఢిల్లీలోని జహీరాబాద్‌ ఎంపీ సురేశ్‌ షెట్కార్‌ నివాసంలో జిల్లా కాంగ్రెస్‌ ముఖ్య నేతల కు సోమవారం తేనీటి విందు ఏర్పాటు చేశారు. కా ర్యక్రమంలో రాష్ట్ర ప్రభుత్వ సలహాదారు షబ్బీర్‌ అ లీ, డీసీసీ మాజీ అధ్యక్షుడు కై లాస్‌ శ్రీనివాసరావు, పీసీసీ ప్రధాన కార్యదర్శి ఇంద్రకరణ్‌రెడ్డి, జిల్లా గ్రంథాలయ సంస్థ చైర్మన్‌ చంద్రకాంత్‌రెడ్డి, నాయకులు విఠల్‌రెడ్డి, పోచారం భాస్కర్‌రెడ్డి, ఆకుల శ్రీను, సు దర్శన్‌రెడ్డి, నరేందర్‌రెడ్డి, పుట్నాల శ్రీనివాస్‌ యాద వ్‌, ఇప్ప శ్రీనివాస్‌, గట్లభాను, చందు పాల్గొన్నారు.

● రెండోస్థానంలో మహబూబ్‌నగర్‌ ● ముగిసిన రాష్ట్రస్థాయి పోటీలు నిర్మల్‌టౌన్‌: నిర్మల్‌ జిల్లా కేంద్రంలోని ఎన్టీఆర్‌ మినీ స్టేడియంలో రెండ్రోజులుగా సాగుతున్న రాష్ట్రస్థాయి 12వ తెలంగాణ సాఫ్ట్‌బాల్‌ చాంపియన్‌షిప్‌–2026 జూనియర్‌ ఇంటర్‌ బాలికల పోటీలు సోమవారం ముగిశాయి. రాష్ట్రంలోని 21 జిల్లాల నుంచి 21 జట్లు పాల్గొన్నాయి. 450 మంది క్రీడాకారులు హాజరయ్యారు. నిజామాబాద్‌, మహబూబ్‌నగర్‌ జట్లు ఫైనల్‌కు చేరుకోగా పోరు హోరాహోరీగా సాగింది. నిజామాబాద్‌ జట్టు 6–5 పాయింట్ల తేడాతో విజేతగా నిలువగా.. మహబూబ్‌నగర్‌ ద్వితీయ, సిద్దిపేట తృతీయ బహుమతి గెలుచుకున్నాయి. విజేతలకు మున్సిపల్‌ మాజీ చైర్మన్‌ గండ్రత్‌ ఈశ్వర్‌, ఇండియా సాఫ్ట్‌బాల్‌ అసోసియేషన్‌ జాయింట్‌ సెక్రెటరీ శోభన్‌బాబు, జిల్లా అసోసియేషన్‌ అధ్యక్షుడు పోశెట్టి, కార్యదర్శి అన్నపూర్ణ కప్‌ అందజేశారు. కార్యక్రమంలో సాఫ్ట్‌బాల్‌ అసోసియేషన్‌ రాష్ట్ర ప్రధాన కార్యదర్శి నవీన్‌కుమార్‌, ఆదిలాబాద్‌ ప్రధాన కార్యదర్శి గస్కంటి గంగాధర్‌, నిర్మల్‌ జిల్లా ట్రస్మా అధ్యక్షుడు పద్మనాభగౌడ్‌, నిజామాబాద్‌, జగిత్యాల ప్రధాన కార్యదర్శులు గంగా మోహన్‌, వెంకటేశ్‌ పాల్గొన్నారు. తొర్లికొండ విద్యార్థినికి బంగారు పతకంజక్రాన్‌పల్లి: మండలంలోని తొర్లికొండ జిల్లా పరిషత్‌ ఉన్నత పాఠశాల విద్యార్థిని సంజు బాయి రాష్ట్రస్థాయి సాఫ్ట్‌బాల్‌ పోటీల్లో రాణించి బంగారు పతకం అందుకున్నారు. నిర్మల్‌ జిల్లా ఎన్టీఆర్‌ స్టేడియంలో నిర్వహించిన 12వ రాష్ట్రస్థాయి జూనియర్‌ సాఫ్ట్‌బాల్‌ పోటీల్లో గేడం సంజు బాయి అద్భుత ప్రతిభ కనబర్చి జిల్లా జట్టు విజయంలో కీలకపాత్ర పోషించినట్లు పీడీ మర్కంటి గంగామోహన్‌ తెలిపారు. విద్యార్థిని సంజు బాయిని హెచ్‌ఎం, ఎంఈవో శ్రీనివాస్‌ అభినందించారు.

● బియ్యం దారిలోనే కూరగాయలు, పప్పుదినుసులు ● ఆందోళన చెందుతున్న సామాన్యులుఎల్లారెడ్డిరూరల్‌: నిత్యావసర వస్తువుల ధరలు సామాన్యులకు చుక్కలు చూపుతున్నాయి. బియ్యం ధరల దారిలోనే కూరగాయలు పయనిస్తున్నాయి. పప్పుదినుసులూ పెరుగుదల బాటలోనే ఉన్నాయి. రెండు నెలల వ్యవధిలో సన్నబియ్యం ధరలు క్వింటాలుకు రూ. 2 వేలపైనే పెరిగాయి. బీపీటీ క్వింటాలు ధర రూ. 8 వేలు కాగా.. హెచ్‌ఎంటీ రూ. 8,500, జైశ్రీరాం రూ. 9,600 లకు చేరాయి. పామాయిల్‌ లీటర ధర రెండు నెలల క్రితం రూ. 140 ఉండగా.. ఇప్పుడు రూ. 160కు, సన్‌ఫ్లవర్‌ ఆయిల్‌ ధర రూ. 160 నుంచి రూ. 175 కు పెరిగింది. పెసరపప్పు ధర కిలోకు రూ. 100 నుంచి రూ. 120కి, కందిపప్పు రూ. 110 నుంచి రూ. 135కు పెరిగాయి. కిలో టమాట ధర రూ. 40 ఉంది. చిక్కుడుకాయ, కాకరకాయ, క్యాప్సికం, పాలకూర, బెండకాయ, వంకాయ ధరలు కిలోకు రూ. 80 కి, క్యారెట్‌, పచ్చిమిర్చి ధరలు కిలోకు రూ. 100 కు చేరాయి. మార్కెట్‌లో వెల్లుల్లి కిలో రూ. 250, అల్లం రూ. 160, ఉల్లిగడ్డ రూ. 70 అమ్ముతున్నారు. వంట నూనె ప్యాకెట్ల ధర కూడా పెరిగింది. పెరుగుతున్న ధరలతో ప్రజలు ఆందోళన చెందుతున్నారు.

నిజాంసాగర్‌(జుక్కల్‌): సింగూరు ప్రాజెక్టు నీరులేక వెలవెలబోతోంది. ప్రస్తుతం 2.9 టీఎంసీల నీరే నిల్వ ఉంది. దీంతో ఆందోళన వ్యక్తమవుతోంది. 796 గ్రామాలకు తాగు నీరు.. సంగారెడ్డి జిల్లాలోని సింగూరు ప్రాజెక్టు వద్ద ఏర్పాటు చేసిన మిషన్‌ భగీరథ వాటర్‌ గ్రిడ్‌ ద్వారా సంగారెడ్డి, మెదక్‌, కామారెడ్డి, నిజామాబాద్‌ జిల్లాలకు తాగునీరు సరఫరా అవుతోంది. ఉమ్మడి నిజామాబాద్‌ జిల్లాలోని జుక్కల్‌, ఎల్లారెడ్డి, బాన్సువాడ, బోధన్‌ నియోజకవర్గాల పరిధిలో 796 గ్రామాలకు శుద్ధ జలాలు అందుతున్నాయి. ఒక్కొక్కరికి రోజుకు 100 ఎల్‌పీసీల చొప్పున నీటిని సరఫరా చేస్తున్నారు. అయితే ప్రస్తుతం సింగూరులో 2.9 టీఎంసీల నీరే ఉండడంతో భగీరథ నీటి సరఫరాకు గడ్డు కాలం ఎదురుకానుంది. ప్రస్తుతం ఉన్న నీరు డిసెంబర్‌ నెలాఖరు వరకే సరిపోతుందని అధికారులు అంచనా వేస్తున్నారు. ఉన్న నీటిని సైతం రోజువిడిచి రోజు సరఫరా చేస్తున్నారు. రెండు నెలల తర్వాత భగీరథ నీటి సరఫరాలో ఇబ్బందులు తలెత్తకుండా ఉండేందుకు ప్రత్యామ్నాయ చర్యలు చేపట్టింది. ప్రత్యామ్నాయాలకు నిధులు.. సింగూరు ప్రాజెక్టు అడుగంటుతున్న నేపథ్యంలో ప్రభుత్వం ప్రత్యామ్నాయ ఏర్పాట్లపై దృష్టి సారించింది. సింగూర్‌ మిషన్‌ భగీరథ వాటర్‌ గ్రిడ్‌ పరిధిలో ఏర్పాట్ల కోసం రూ. 120 కోట్లు కేటాయించింది. ఈ నిధులతో అవసరమైన చోట బోర్లకు ఫ్లషింగ్‌ చేయించనున్నారు. ట్యాంకర్ల ద్వారా నీటి సరఫరా, వ్యవసాయ బోర్లను అద్దెకు తీసుకోవడం వంటి చర్యలు తీసుకోనున్నారు.మిషన్‌ భగీరథ వాటర్‌ గ్రిడ్‌సింగూరు ప్రాజెక్టుసింగూరు ప్రాజెక్టులో నీటిమట్టం గణనీయంగా తగ్గడంతో రోజు విడిచి రోజు నీటిని సరఫరా చేస్తున్నాం. డిసెంబర్‌ నెలాఖరు వరకు నీరు సరిపోతుంది. ఆ తర్వాత ఇబ్బందులు తలెత్తకుండా ప్రత్యామ్నాయ ఏర్పాట్లకోసం ప్రభుత్వం నిధులు మంజూరు చేసింది. ఈ నిధులతో గ్రామాల్లోని బోర్ల ఫ్లషింగ్‌, వ్యవసాయ బోర్లు అద్దెకు తీసుకోవడం, ట్యాంకర్ల ద్వారా నీటి సరఫరాకు ఏర్పాట్లు చేస్తున్నాం. – స్వప్న, ఈఈ, మిషన్‌ భగీరథ 2.9 టీఎంసీలకు తగ్గిన నీటినిల్వ రోజువిడిచి రోజు భగీరథ నీటి సరఫరా డిసెంబర్‌ వరకే నీళ్లు సరిపోతాయంటున్న అధికారులు ప్రత్యామ్నాయ ఏర్పాట్లపై అధికారుల దృష్టి

మంగళవారం శ్రీ 3 శ్రీ నవంబర్‌ శ్రీ 2026– 8లో uఎల్‌నినో ప్రభావంతో జిల్లాలో వర్షాభావ పరిస్థితులు నెలకొన్నాయి. దీంతో చివరి దశలో నీరందక చాలాచోట్ల పంటలు ఎండిపోయాయి. పెట్టుబడులు సైతం మీదపడ్డాయని ఆవేదన వ్యక్తం చేస్తున్న రైతులు.. ప్రభుత్వం ఆదుకోవాలని కోరుతున్నారు. ఈ నేపథ్యంలో కరువు తీవ్రతను అంచనా వేయడానికి ప్రభుత్వం దెబ్బతిన్న పంటల లెక్కలు తీస్తుండడంతో అన్నదాతల్లో ఆశలు చిగురిస్తున్నాయి. – సాక్షి ప్రతినిధి, కామారెడ్డి

● కలెక్టర్‌ ఆశిష్‌ సంగ్వాన్‌కామారెడ్డి టౌన్‌: గిరిజనుల ఘన చరిత్ర, సంస్కృతి, సంప్రదాయాలు, దేశ స్వాతంత్య్ర పోరాటంలో వారి పాత్రను భావితరాలకు చాటిచెప్పేలా జిల్లావ్యాప్తంగా ‘జనజాతీయ గౌరవ దివస్‌’ను ఘనంగా నిర్వహించాలని కలెక్టర్‌ ఆశిష్‌ సంగ్వాన్‌ అధికారులను ఆదేశించారు. సోమవారం కలెక్టరేట్‌ సమావేశ మందిరంలో వేడుకలకు సంబంధించిన వాల్‌పోస్టర్లను ఆవిష్కరించారు. ఈ సందర్భంగా కలెక్టర్‌ మాట్లాడుతూ స్వాతంత్య్ర సమరయోధుడు భగవాన్‌ బిర్సా ముండా చేసిన పోరాటాలు, త్యాగాలు, గిరిజన సమాజ అభ్యున్నతికి ఆయన చేసిన నిస్వార్థ కృషిని ప్రతి ఒక్కరూ స్మరించుకోవాలన్నారు. 15వ తేదీ వరకు అన్ని విద్యాసంస్థలు, వసతి గృహాలు, గిరిజన ఆవాసాలలో విస్తృతంగా అవగాహన కార్యక్రమాలు చేపట్టాలని సూచించారు. ఈనెల 15న బిర్సా ముండా జయంతిని పురస్కరించుకుని ప్రధాన వేడుకలను ఘనంగా నిర్వహించాలని ఆదేశించారు. కార్యక్రమంలో అదనపు కలెక్టర్‌ విక్టర్‌, డీఆర్‌డీవో దామోదర్‌రెడ్డి, జిల్లా పరిషత్‌ సీఈవో చందర్‌, ఎకై ్సజ్‌ సూపరింటెండెంట్‌ ముకుందరెడ్డి, డీఈవో మల్లికార్జున్‌, డీఎంహెచ్‌వో వెంకట్‌, డీఆర్‌వో పాండు, జిల్లా గిరిజన సంక్షేమ అధికారి సౌజన్య తదితరులు పాల్గొన్నారు.

కరువు కారణంగా దెబ్బతిన్న పంటల వివరాలను సేకరించి రైతు భరోసా యాప్‌లో క్రాప్‌ డ్యామేజీ కాలమ్‌లో నమోదు చేయాలని రాష్ట్ర ప్రభుత్వం వ్యవసాయ శాఖను ఆదేశించింది. క్షేత్ర స్థాయిలో పరిశీలించి పంట నష్టం వివరాలను సేకరించాలని స్పష్టం చేసింది. దీనికి ఈనెల 10వ తేదీని గడువుగా నిర్ణయించినట్లు వ్యవసాయ శాఖ వర్గాల ద్వారా తెలిసింది. ప్రభుత్వం కరువు మండలాలుగా ప్రకటించిన ప్రాంతాల్లోనే కాకుండా అన్ని మండలాల్లోనూ సర్వే జరగనుంది. జిల్లాలో వానాకాలం సీజన్‌లో అన్ని పంటలు కలిపి 5.53 లక్షల ఎకరాలలో సాగయ్యాయి. ఇందులో 3.19 లక్షల ఎకరాల్లో వరి సాగవగా.. 87,736 ఎకరాల్లో సోయా, 45,864 ఎకరాల్లో పత్తి, 48 వేల ఎకరాల్లో కంది, 47 వేల ఎకరాల్లో మక్క పంటలు సాగయ్యాయి. ఈ సీజన్‌లో రైతులు అనేక కష్టాలు ఎదుర్కొన్నారు. ఒకటి రెండుసార్లు మినహా పెద్ద వర్షాలు కురవలేదు. కొన్ని ప్రాంతాల్లో వాగులు పొంగినా వరుసగా పదిహేను ఇరవై రోజుల పాటు వానలు పడకపోవడంతో భూగర్భజలాల పెద్దగా వృద్ధి చెందలేదు. ఎండాకాలాన్ని మరిపించేలా భానుడు ప్రతాపం చూపడంతో భూగర్భజలమట్టం వేగంగా పడిపోయింది. సెప్టెంబర్‌, అక్టోబర్‌ నెలల్లో సరైన వర్షాలు కురవలేదు. వరి పొట్టదశలో ఉన్న సమయంలో తెగుళ్లు ఒకవైపు ఇబ్బంది పెట్టగా.. ఎండలు మరోవైపు దెబ్బతీశాయి. కరెంటు సమస్య కూడా ప్రభావం చూపింది. కీలకమైన సమయంలో అధిక లోడు పేరుతో కోతలు విధించారు. దీంతో పారిన మడులే పారి చాలాచోట్ల పంటకు నీరందలేదు. కొందరు రైతులు ట్యాంకర్లు, జనరేటర్ల ద్వారా పంటలకు నీరందించే ప్రయత్నం చేసినా ఫలితం లేకపోయింది. పత్తి పంట సాగు చేసిన రైతులు మరిన్ని ఇబ్బందులు పడ్డారు. పంట బాగుందనుకున్న సమయంలో పూత, కాత సరిగా రాకపోవడంతో చాలామంది రైతులు నష్టపోయారు. సోయా పంట కూడా చాలా ప్రాంతాల్లో దెబ్బతింది.దెబ్బతిన్న పంటల వివరాలు సేకరించాల న్న ప్రభుత్వ ఆదేశాలతో వ్యవసాయ అధికారులు రంగంలోకి దిగారు. కామారెడ్డి, ఎల్లారెడ్డి, బాన్సువాడ, బిచ్కుంద వ్యవసాయ శాఖ సహాయ సంచాలకుల పరిధిలోని 104 క్లస్టర్లలో దెబ్బతిన్న పంటలను క్షేత్రస్థాయిలో పరిశీలించి, వివరాలను రైతు భరోసా యాప్‌లోని క్రాప్‌ డ్యామేజీ కాలమ్‌లో ఫొటోలతోసహా నమోదు చేయనున్నారు. అయితే నిబంధనల ప్రకారం 33 శాతానికిపైగా దెబ్బతిన్న పంటల వివరాలనే యాప్‌లో నమోదు చేస్తారు. దీనిపై జిల్లా అధికారులు ఇప్పటికే వ్యవసాయ విస్తీర్ణాధికారులకు స్పష్టమైన ఆదేశాలు జారీ చేశారు.జిల్లాలో ఇప్పటికే నాలుగింటిని మధ్యస్థ కరువు మండలాలుగా ప్రకటించారు. అయితే దాదాపు జిల్లాలోని అన్ని మండలాల్లో కరువు పరిస్థితులు నెలకొన్నాయి. వేలాది బోర్లు ఎత్తిపోయాయి. పంటలు చాలాచోట్ల దెబ్బతిని రైతులు పెట్టుబడులు నష్టపోయారు. దీంతో ఖరీఫ్‌లో జరిగిన నష్టానికి సాయం అందించి ఆదుకోవాలని కోరుతున్నారు. ఈ నేపథ్యంలో ప్రభుత్వం కరువు తీవ్రతను అంచనా వేయడానికి దెబ్బతిన్న పంటల లెక్కలు తీస్తుండడంతో వారిలో ఆశలు చిగురిస్తున్నాయి. పంటలు నష్టపోయిన రైతులకు ఆర్థిక సాయం అందించాలని కోరుతున్నారు. దెబ్బతిన్న పంటల వివరాల సేకరణకు సర్కారు ఆదేశం రైతుభరోసా యాప్‌లోని క్రాప్‌ డ్యామేజీ కాలమ్‌లో వివరాలు.. ఈనెల 10 వరకు గడువు

● ఇప్పటివరకు రూ. 9.08 కోట్ల విలువైన 5,678 ఫోన్ల రికవరీ.. ● ఎస్పీ రాజేశ్‌ చంద్రకామారెడ్డి టౌన్‌: సాంకేతిక పరిజ్ఞానాన్ని సమర్థవంతంగా వినియోగించుకుంటూ చోరీకి గురైన, పోగొట్టుకున్న మొబైల్‌ ఫోన్లను రికవరీ చేయడంలో జిల్లా ముందుంది. పోలీస్‌ కమిషనరేట్లను మినహాయిస్తే జిల్లాల విభాగంలో కామారెడ్డి అగ్ర స్థానంలో ఉందని ఎస్పీ రాజేశ్‌ చంద్ర తెలిపారు. సోమవారం ఎస్పీ కార్యాలయంలో ఆయన విలేకరులతో మాట్లాడారు. ప్రస్తుత డిజిటల్‌ కాలంలో మొబైల్‌ ఫోన్లలో కీలకమైన డేటా, బ్యాంకింగ్‌ వివరాలు, వ్యక్తిగత సమాచారం ఉంటుండడంతో ఫోన్లు పోయినప్పుడు బాధితుల భద్రతను దృష్టిలో ఉంచుకుని ప్రత్యేక దృష్టి సారించామన్నారు. ఫోన్ల రికవరీ కోసం ఇన్‌స్పెక్టర్‌ సంపత్‌ పర్యవేక్షణలో, ఆర్‌ఎస్సై బాలరాజు, ఐదుగురు కానిస్టేబుళ్లతో ప్రత్యేక సాంకేతిక బృందాన్ని ఏర్పాటు చేశామన్నారు. ఈ బృందం అత్యాధునిక సాంకేతికతతో ప్రతినెలా సగటున 150కిపైగా ఫోన్లను స్వాధీనం చేసుకుంటోందని పేర్కొన్నారు. ఇటీవల నిర్వహించిన ప్రత్యేక డ్రైవ్‌లో భాగంగా 45 రోజుల్లోనే రూ. 42.24 లక్షల విలువైన 264 మొబైల్‌ ఫోన్లను రికవరీ చేశామన్నారు. ఈ ఏడాది ఇప్పటివరకు రూ. 2.23 కోట్ల విలువైన 1,397 ఫోన్లను స్వాధీనం చేసుకున్నామన్నారు. సీఈఐఆర్‌ పోర్టల్‌ ప్రారంభమైన నాటి నుంచి ఇప్పటివరకు జిల్లాలో మొత్తం 5,678 ఫోన్లను గుర్తించి, సుమారు రూ. 9.08 కోట్ల విలువైన మొబైళ్లను బాధితులకు అప్పగించి రాష్ట్రంలోనే నంబర్‌ వన్‌గా నిలిచామని తెలిపారు.మొబైల్‌ ఫోన్‌ పోయిన వెంటనే ఆందోళన చెందకుండా అప్రమత్తమై పోలీస్‌ స్టేషన్‌లో ఫిర్యాదు చేయాలని ఎస్పీ సూచించారు. వెంటనే సిమ్‌ కార్డును బ్లాక్‌ చేయించి, సీఈఐఆర్‌ పోర్టల్‌లో ఐఎంఈఐ నంబర్‌ను బ్లాక్‌ చేయాలని కోరారు. పోయిన ఫోన్ల ద్వారా సైబర్‌ నేరాలు జరిగే ప్రమాదం ఉన్నందున అనుమానాస్పద లింకులు, కాల్స్‌తో జాగ్రత్తగా ఉండాలన్నారు. రికవరీ అయిన తమ మొబైల్‌ ఫోన్లను తీసుకునేందుకు బాధితులు తగిన ధ్రువపత్రాలతో జిల్లా పోలీస్‌ కార్యాలయంలోగాని, 87126 86114 నంబర్‌లోగానీ సంప్రదించాలని సూచించారు.

భిక్కనూరు: వారంతా ఒక్కచోట చదివి, సుమారు 50 ఏళ్ల తర్వాత మళ్లీ కలుసుకొని ఆత్మీయ సమ్మేళనం నిర్వహించారు భిక్కనూరు జెడ్పీహెచ్‌ పూర్వ విద్యార్థులు. మండల కేంద్రంలోని ప్రభుత్వ బాలుర ఉన్నత పాఠశాలకు చెందిన 1974–75 బ్యాచ్‌ పదో తరగతి 21మంది పూర్వ విద్యార్థులు ఆదివారం స్థానిక పద్మశాలి కల్యాణ మండపంలో సమావేశం నిర్వహించారు. ఈసందర్భంగా చిన్నానాటి మిత్రులందరూ ఏళ్ల తర్వాత మళ్లీ ఒకే వేదికపై కలుసుకోవడంపై ఆనందం వ్యక్తం చేశారు. ఒకరినొకరు పలకరించుకుంటూ అనాటి జ్ఞాపకాలను గుర్తుకుతెచ్చుకున్నారు. నాడు చదువు నేర్పిన ఉపాధ్యాయులను సమ్మేళనానికి ఆహ్వానించి, సన్మానించారు. సాంస్కృతిక కార్యక్రమాలు, ఆటపాటలతో ఉల్లాసంగా గడిపారు. అనంతరం విద్యార్థులు, గురువులు అందరూ కలిసి సహపంక్తి భోజనాలు చేశారు.

కామారెడ్డి టౌన్‌: తమ సమస్యలను పరిష్కరించాలని డిమాండ్‌ చేస్తూ జాతీయ ఆరోగ్య మిషన్‌(ఎన్‌హెచ్‌ఎం) కాంట్రాక్ట్‌, ఔట్‌సోర్సింగ్‌ ఉద్యోగులు చేపట్టిన నిరవధిక సమ్మె ఆదివారం నాటికి 20వ రోజుకు చేరింది. జిల్లా కేంద్రంలోని ధర్నా చౌక్‌లో ఉద్యోగులు దీపాలు వెలిగించి నిరసన తెలిపారు. ‘మా కష్టంతో ప్రజారోగ్య దీపాన్ని వెలిగించాం.. మా బతుకుల దీపానికి భద్రత అడుగుతున్నాం’ అంటూ నినాదాలు చేశారు. సమ్మె శిబిరాన్ని తెలంగాణ రచయితల వేదిక నాయకులు గఫూర్‌ శిక్షక్‌,గంగా ప్రసాద్‌, సంధ్యారాణి, సావిత్రిలు సందర్శించి మద్దతు ప్రకటించారు. కార్యక్రమంలో ఎన్‌హెచ్‌ఎం జేఏసీ జిల్లా అధ్యక్షుడు సుమన్‌, నాయకులు అశ్విని, వేణుమాధవ్‌, రాహుల్‌, మౌనిక, మీనాక్షి, చంద్రకాంతం, జ్యోతి, సుశీల, అఖిల్‌, సుకన్య, శేఖర్‌, లింగం తదితరులు పాల్గొన్నారు. వేల్పూర్‌(ముప్కాల్‌): ముప్కాల్‌ మండల కేంద్రంలోని భూదేవి ఇండోర్‌ స్డేడియంలో నిర్వహించే బాలుర కబడ్డీ (అండర్‌ 16 సబ్‌జూనియర్‌) శిక్షణకు ఆసక్తి గల విద్యార్థులు దరఖాస్తు చేసుకోవాలని జిల్లా కబడ్డీ అసోసియేషన్‌ అధ్యక్ష, కార్యదర్శులు లింగయ్య, గంగాధర్‌రెడ్డి ఒక ప్రకటనలో తెలిపారు. 2010 డిసెంబర్‌ 13 తర్వాత జన్మించిన వారు అర్హులని, ఆసక్తి గల క్రీడాకారులు ఆధార్‌కార్డు, ఎస్సెస్సీ మెమోతో గురువారం ఉదయం 10 గంటలలోపు రిపోర్టు చేయాలన్నారు. 22 మంది క్రీడాకారులతో ప్రాబబుల్స్‌ తీసుకొని, శిక్షణ ఇస్తారని, 14 మందిని జిల్లా జట్టుకు ఎంపిక చేస్తారన్నారు. ఈనెల 12 నుంచి 14 వరకు వికారాబాద్‌లో జరిగే రాష్ట్రస్థాయి కబడ్డీ క్రీడల్లో వీరు పాల్గొంటారని వెల్లడించారు. వేల్పూర్‌: వేల్పూర్‌ మండలం వెంకటాపూర్‌ గ్రామానికి చెందిన నీరటి ప్రకాశ్‌ ఇజ్రాయెల్‌ దేశంలో ఇజ్రాయెల్‌–తెలంగాణ అసోసియేషన్‌ అధ్యక్షుడిగా ఎన్నికయ్యారు. ఇజ్రాయెల్‌లో ఆదివారం జరిగిన ఎన్నికల్లో ప్రకాశ్‌తోపాటు, ఎక్కువ మంది ప్యానల్‌ సభ్యులు విజయం సాధించినట్లు మీడియాకు వెల్లడించారు. ఉపాధ్యక్షుడిగా కరణ్‌గౌడ్‌, కోశాధికారిగా సందీప్‌, ప్రధాన కార్యదర్శిగా శివగౌడ్‌ ఏకగ్రీవంగా ఎన్నికయ్యారు. తమ ప్యానల్‌పై నమ్మకముంచి ఘన విజయాన్ని అందించిన తెలంగాణవాసులకు ప్రకాశ్‌ కృతజ్ఞతలు తెలిపారు. డిచ్‌పల్లి: మేడ్చల్‌ మల్కాజిగిరి జిల్లాలో ఇటీవల జరిగిన ఎస్‌జీఎఫ్‌ రాష్ట్రస్థాయి ఫుట్‌బాల్‌ అండర్‌–14 బాయ్స్‌, గర్‌ల్స్‌ టోర్నమెంట్‌ కం సెలెక్షన్‌ పోటీలు జరిగాయి. వీటిలో నిజామాబాద్‌ జిల్లా బాలికల జట్టు ద్వితీయ స్థానం సాధించింది. ఎస్‌జీఎఫ్‌ సెక్రెటరీ అలివేణి మంగ చేతుల మీదుగా జట్టు క్రీడాకారిణులు మెడల్స్‌ అందుకున్నారు. జట్టులో చక్కని ప్రతిభ చూపిన క్రీడాకారిణులను జాతీయ స్థాయి పోటీలకు ఎంపిక చేయనున్నట్లు మంగ తెలిపారు.

నిజామాబాద్‌ రూరల్‌: దేశ రాజధాని ఢిల్లీలో ఆదివారం కాంగ్రెస్‌ పార్టీ చేపట్టిన ‘ఓట్‌ బచావో–దేశ్‌ బచావో’ ధర్నా విజయవంతం అయిందని పార్టీ జిల్లా అధ్యక్షుడు కాటిపల్లి నగేశ్‌రెడ్డి అన్నారు. ఈసందర్బంగా ఆయన మట్లాడుతూ.. చలో ఢిల్లీ కార్యక్రమంలో బాగంగా సీఈసీ జ్ఞానేశ్‌ కుమార్‌ రాజీనామా చేయాలని డిమాండ్‌ చేశారు. కేంద్ర ప్రభుత్వనికి అనుకులంగా జ్ఞానేష్‌ కుమార్‌ వ్యవహరించడంపై తీవ్రస్థాయిలో మండి పడ్డారు. నగర అధ్యక్షుడు బొబ్బిలి రామకృష్ణ, ఉర్దూ అకాడమీ చైర్మన్‌ తాహెర్‌ బిన్‌ హందాన్‌, రాష్ట్ర కల్లు గీత కార్పొరేషన్‌ చైర్మన్‌ శేఖర్‌గౌడ్‌, కవితా రెడ్డి, ఈవవత్రి అనిల్‌, ఆకుల లలిత, అన్వేష్‌ రెడ్డి, అరికెల నర్సారెడ్డి, రామ్‌ భూపాల్‌, యాదగిరి, వాహీద్‌ తదితరులు పాల్గొన్నారు.

● కామారెడ్డి జిల్లాకు చెందిన ఒకరి మృతి ● మరో ఇద్దరికి గాయాలు దేవరుప్పుల: రోడ్డు ప్ర మాదంలో తల్లి తనువు చా లించగా.. తండ్రి, కూతు రు గాయాలపాలైన ఘట న జనగామ జిల్లా దేవరుప్పుల మండలం సీతారాంపురం పరిధిలో ఆదివారం రాత్రి జరిగింది. స్థానికులు తెలిపిన వివరాలు ఇలా.. కామారెడ్డి జిల్లాకు చెందిన చెవ్వుల పోచయ్య వ్యవ సాయ శాఖలో విధులు ని ర్వహిస్తున్నాడు. తన కూ తురు స్వర్ణప్రియ ఇటీవల సూర్యాపేట జిల్లా హుజూర్‌నగర్‌లో బీఎస్సీ అగ్రికల్చర్‌లో మొదటి సంవత్సరంలో ప్రవేశం పొందింది. కాగా ఈ నెల 3న అగ్రికల్చర్‌ స్లైడింగ్‌ ఆప్షన్‌ ఉంది. సమీప ప్రాంతాల్లోకి మార్చుకునేందుకు సంసిద్ధమైన పోచయ్య ఆదివారం తమ కూతురును స్వగ్రామానికి తీసుకువచ్చేందుకు కారులో భార్య పద్మతో హుజూర్‌నగర్‌కు వెళ్లారు. తిరుగు ప్రయాణంలో వారి వాహనాన్ని దేవరుప్పుల మండలం సీతారాంపురం బస్‌స్టాండ్‌ సమీపంలోని మలుపు వద్ద టాటాఏస్‌ వాహనం ఢీకొట్టింది. ఈఘటనలో కారులో ఎయిర్‌ బ్యాగులు ఓపెన్‌ కావడంతో డ్రైవింగ్‌ చేస్తున్న పోచయ్యకు స్వల్ప గాయాలు కాగా.. భార్య పద్మ, కూతురుకు తీవ్ర గాయాలయ్యాయి. వారిని అంబులెన్స్‌లో జనగామ ఏరియా ఆస్పత్రికి తరలించి చికిత్స చేస్తున్న క్రమంలో పద్మ మృతి చెందింది. సమాచారం అందుకున్న పోలీసులు ఘటన స్థలానికి చేరుకొని వివరాలు సేకరించారు. పద్మ మృతదేహాన్ని జనగామ ఏరియా ఆస్పత్రిలోని పోస్టుమార్టం గదిలో భద్రపర్చారు. ప్రమాదంలో దెబ్బతిన్న వాహనాలు

ఎల్లారెడ్డిరూరల్‌: ఎల్‌నినో ప్రభావం అన్ని రంగాల పై ప్రభావాన్ని చూపుతోంది. ప్రస్తుతం సాగు, తా గు నీటి ఇబ్బందులు అన్నదాతలు, ప్రజలు ఎదు ర్కొంటుండగా, మరోవైపు అధిక ఉష్ణోగ్రత ప్రభా వం ఇబ్బందులకు గురి చేస్తోంది. ఈక్రమంలో ఎల్‌నినో సాకుతో ఎండు గడ్డి ధరలను అమాంతం పెంచేయడంతో రైతులు ఆందోళన చెందుతున్నారు. డిమాండ్‌ పెరగడంతో.. ఎల్‌నినో కారణంగా సరిపడా వర్షాలు కురవకపోవడంతో చాలా జిల్లాల్లో పంటలు పండక రైతులు ఇబ్బందులు పడ్డారు. ప్రభుత్వం సైతం 300కు పైగా మండలాలలో కరువుగా గుర్తించింది. దీంతో పంటలు పండక పోగా నష్టం వాటిళ్లింది. దీంతోపాటు పాడి రంగంపైన దీని ప్రభావం అధికంగా ఉంది. పంటలు పండని కారణంగా పశువులకు కావాల్సిన ఎండు గడ్డి లభించక పాడి రైతులు ఇబ్బందులు పడుతున్నారు. గత ఏడాది ఎండు గడ్డి ట్రాక్టర్‌ ధర రూ.5వేల నుంచి రూ.8వేల వరకు ఉండగా ప్రస్తుతం దీని ధర రూ.10వేల నుంచి రూ.12వేలకు పెరిగింది. దీంతో గడ్డి దొరకక పాడి రైతులు ఇబ్బందులను ఎదుర్కొంటున్నారు. గడ్డి ధరలు పెరగడంతో రైతులు లీటర్‌ పాల ధరను సైతం పెంచేశారు. 60 రూపాయలకు లీటర్‌ ఉన్న పాల ధర 80 రూపాయలకు పెరిగింది. దీంతో పాడి రైతులతో పాటు సాధారణ ప్రజలు పెరిగిన ధరల కారణంగా ఇబ్బందులను ఎదుర్కొంటున్నారు. గడ్డి ధరలు తగ్గించేలా ప్రభుత్వం తగిన చర్యలను చేపట్టాలని పాడి రైతులు కోరుతున్నారు. ఎల్‌నినో ప్రభావంతో అమాంతం పెంచేసిన నిర్వాహకులు రూ.8వేల నుంచి రూ.12 వేలకు పెరిగిన ట్రాక్టర్‌ ఎండు గడ్డి

పెద్దకొడప్‌గల్‌: యువతలో పఠనాసక్తిని పెంపొందించాల్సిన గ్రంథాలయం నిర్లక్ష్యానికి నిలువెత్తు నిదర్శనంగా మారింది. ఐదేళ్ల క్రితం ఎంతో ఆర్భాటంగా ప్రారంభించిన నూతన గ్రంథాలయ భవన నిర్మాణం నేటికీ పూర్తికాకపోవడంతో పాఠకులకు ఇబ్బందులు తప్పడం లేదు. రూ. లక్షలాది నిధులు మంజూరైనా పనులు అర్ధాంతరంగా నిలిచిపోవడం స్థానికుల అసంతృప్తికి కారణమవుతోంది. 1980లో ప్రారంభమైన గ్రామీణ గ్రంథాలయం నేటికీ గ్రామ ధర్మశాలలోనే కొనసాగుతుండటం పరిస్థితి తీవ్రతకు అద్దం పడుతోంది. ముందుకు సాగని పనులు పెద్దకొడప్‌గల్‌లో 1980లో గ్రామీణ గ్రంథాలయాన్ని ఏర్పాటు చేశారు. నాటి నుంచి గ్రామ ధర్మశాలలోనే పుస్తక పఠనం కొనసాగుతోంది. అయితే కాలక్రమేణా ఆ భవనం శిథిలావస్థకు చేరడంతో గ్రంథాలయానికి సొంత భవనం నిర్మించాలనే ప్రతిపాదన తెరపైకి వచ్చింది. ఇందులో భాగంగా 2021లో నాటి ఎమ్మెల్యే హన్మంత్‌ షిండే రూ. ఐదు లక్షల ఎస్‌డీఎఫ్‌ నిధులతో భవన నిర్మాణ పనులకు శ్రీకారం చుట్టారు. అనంతరం మరో రూ. ఐదు లక్షలు మంజూరయ్యాయి. మొత్తం రూ. పది లక్షల నిధులు కేటాయించినా నిర్మాణం మాత్రం పూర్తి కాలేదు. ఏళ్లు గడుస్తున్నా అసంపూర్తి భవనం అలాగే దర్శనమిస్తోంది. గ్రంథాలయంలో పాత పుస్తకాలే అందుబాటులో ఉన్నాయని, పోటీ పరీక్షలకు సిద్ధమయ్యే యువతకు అవసరమైన పుస్తకాలు, దినపత్రికలు, ఇతర సమాచార వనరులు కల్పించాల్సిన అవసరం ఉందని పాఠకులు పేర్కొంటున్నారు. నూతన భవన నిర్మాణం పూర్తిచేయడంతో పాటు గ్రంథాలయానికి కొత్త పుస్తకాలు సమకూర్చాలని కోరుతున్నారు. నిధులు మంజూరైనా పూర్తికాని నిర్మాణ పనులు ధర్మశాలలోనే కొనసాగుతున్న పరిస్థితి శిథిలావస్థకు చేరిన పాత భవనం.. ఇబ్బందిపడుతున్న పాఠకులు

బోధన్‌: సాలూర మండల కేంద్రంలో ట్రాన్స్‌ఫార్మర్ల చోరీగా తరచు జరుగుతుండటంతో అన్నదాతలు ఆందోళన చెందుతున్నారు. ఇటీవల మండల కేంద్రంలోని వేర్వేరు మూడు ప్రాంతాల్లో ట్రాన్స్‌ఫార్మర్లను గుర్తుతెలియని దుండగులు ధ్వంసం చేసి, రాగి తీగలు, ఆయిల్‌ను చోరీ చేశారు. గత నెలలో మంజీర నది తీరంలో ఉన్న ఎత్తిపోతల పథకం ప్రధాన పంప్‌హౌజ్‌ వద్ద బిగించిన మరుసటి రోజే ట్రాన్స్‌ఫార్మర్‌ను ధ్వంసం చేసి ఆయిల్‌ను చోరీ చేశారు. రెండు రోజుల క్రితం ఓ రైస్‌మిల్లు ఆవరణలో ఉన్న ట్రాన్స్‌ఫార్మర్‌ను ధ్వంసం చేసి, రాగితీగలు, ఆయిలు దొంగలించారు. సాలూరకు సమీపంలోని తగ్గేల్లి గ్రామం వద్ద గల ఓ రైస్‌మిల్లుకు చెందిన ట్రాన్స్‌ఫార్మర్‌ను పగులగొట్టి ఆయిల్‌ తీసుకెళ్లారని రైస్‌మిల్లు సిబ్బంది ఇటీవల తెలిపారు. ఇలా వరుసగా ట్రాన్స్‌ఫార్మర్ల చోరీ ఘటనలతో కరెంట్‌ సరఫరాలో అంతరాయంతోపాటు, పంటల సాగుపై తీవ్ర ప్రభావం చూపుతుందని రైతులు ఆందోళన వ్యక్తం చేస్తున్నారు. పోలీసులు పటిష్ట నిఘా పెట్టి నిందితులను గుర్తించి, చర్యలు తీసుకోవాలని, ట్రాన్స్‌ఫార్మర్ల చోరీలను నివారించాలని రైతులు కోరుతున్నారు.

● స్ఫూర్తిదాయకంగా ఏకచక్ర సేవా సమితి కార్యక్రమాలు ● బోధన్‌ చరిత్ర, కీర్తిచాటేలా అడుగులు బోధన్‌: పట్టణంలోని ఏకచక్ర సేవా సమితి దైవ, దేశ భక్తి, సమాజ శ్రేయస్సు కోసం చేపడుతున్న కార్యక్రమాలతో స్ఫూర్తిదాయకంగా నిలుస్తోంది. బోధన్‌కు ఉన్న చారిత్రక పేరు ’ఏకచక్రపురం’ను తనలో అంతర్లీనం చేసుకుని ‘ఏకచక్ర సేవా సమితి’ పేరుతో స్వచ్ఛంద సంస్థగా 2019లో ఆవిర్భవించగా.. విశేష కార్యక్రమాలతో పలువురికి ఆదర్శంగా నిలుస్తోంది. సమితి అధ్యక్షుడు అంకు మహేశ్‌తోపాటు ప్రతినిధులు, సభ్యులు శ్రీనివాస్‌రావు, లక్ష్మణ్‌పటేల్‌, చల్లా శ్రీనివాస్‌, శంకర్‌, శ్రీనివాస్‌, నేపాల్‌ సింగ్‌, సంగెం శ్రీనివాస్‌, లక్ష్మణ్‌ చౌహాన్‌, పులి సాయిలు, రవిగౌడ్‌, రవీందర్‌, ఆనంద్‌ తదితరులు సమితి కార్యక్రమాల్లో క్రియాశీల పాత్ర పోషిస్తున్నారు. సమితి ఆవిర్భానికి ముందు సభ్యులు మరో సంస్థ ఏకచక్ర గోరక్షసమితి ఏర్పాటులో కీలక పాత్ర వహించారు. స్థానిక ఏకచక్రేశ్వరాలయం వద్ద గోరక్షణ సమితి నేతృత్వంలో గోశాలను నిర్వహిస్తోంది. పట్టణంలోని కొంతమంది యువకులు మొదట యూనిటి ఫర్‌ సేవా వాట్సాఫ్‌ గ్రూప్‌ను క్రియేట్‌ చేసి, సేవ కార్యక్రమాలు మొదలు పెట్టగా విశేష స్పందన వచ్చింది. దీంతో సమితి ఏర్పాటుకు దారి తీసింది. ప్రస్తుతం 15 మంది సభ్యులతో సమితి కార్యక్రమాలు నిర్వహిస్తోంది. ప్రతి ఒక్కరిలో జాతీయ సమైక్యత, దేశ భక్తి భావజాలం, ఆధ్యాత్మికంగా జాగృతి, సామాజిక బాధ్యత, సేవా ధృక్పథం పెంపొందించాలనే విశిష్ట లక్ష్యాన్ని సమితి సభ్యులు ఎంచుకున్నారు. సమితి ఆధ్వర్యంలో గత మూడేళ్లుగా హోలీ వేడుకలను రసాయన, కల్తీ రంగులకు బదులు ప్రకృతి సహజ సిద్ధమైన ముల్తానీ మట్టి, పసుపు, మొగిలిపువ్వుతో తయారు చేసిన రంగులతో జరుపుతున్నారు. ప్రతిఏటా పట్టణంలో సాగే పూరి జగన్నాథ ఽరథయాత్ర సమయంలో మహాహారతి కార్యక్రమం నిర్వహిస్తు భక్తులను భాగస్వాములను చేస్తున్నారు. పట్టణంలో రూ.10 లక్షల వ్యయంతో దాతల సహకారం తీసుకుని 101 అడుగుల ఎత్తైన జాతీయ జెండాను ఏర్పాటు చేశారు. గతేడాది గణతంత్ర దినోత్సవం రోజున ఎమ్మెల్యే పొద్దుటూరి సుదర్శన్‌ రెడ్డి చేతుల మీదుగా ఆవిష్కరించారు. కరోన విపత్కర సమయంలో నిరుపేదలు, వలస కూలీలకు ఉచితంగా భోజన సౌకర్యం, మెడిసిన్స్‌ అందించారు. 2022–24 వరకు రూ. 10లకే భోజన కార్యక్రమాన్ని రెండేళ్ల పాటు కొనసాగించారు. ఇతర స్వచ్చంద సేవా సంస్థలు, సామాజిక కార్యకర్తలు,దేశ కోసం సేవలందించిన విశ్రాంత ఆర్మీ ఉద్యోగులను సన్మానించి, గౌరవించే కార్యక్రమాలు కొనసాగిస్తున్నారు. ఇలా విశేష కార్యక్రమాలను నిర్వహిస్తూ సంస్థ ఆదర్శంగా నిలుస్తోంది. ప్రతి ఒక్కరిలో దేశభక్తి, దైవచింతన, సామాజిక బాధ్యత, సేవా ధృక్పథం అలవడాలనేదే సమితి ఆశయం. ఆధ్యాత్మిక విశిష్ట సంస్కృతి, సంప్రదాయాలు భావితరానికి అందించాల్సిన బాధ్యత అందరిపై ఉంది. స్వచ్ఛందంగా సేవలందించాలనే ఆలోచన, ఆసక్తి ఉన్న వారు ఎవరైనా సమితిలో సభ్యులుగా చేరవచ్చు. – అంకు మహేశ్‌, ఏకచక్ర సేవా సమితి, అధ్యక్షుడు బోధన్‌

కామారెడ్డి అర్బన్‌: కామారెడ్డి రక్తదాతల సమూహం వ్యవస్థాపకుడు, ఐవీఎఫ్‌ సేవాదళ్‌ రాష్ట్ర చైర్మన్‌, రెడ్‌క్రాస్‌ సొసైటీ జిల్లా డైరెక్టర్‌ బాలు ఉత్తరప్రదేశ్‌ వృత్తి విద్యా, నైపుణ్యాభివృద్ధి శాఖ మంత్రి కపిల్‌దేవ్‌ చేతుల మీదుగా ఇంటర్నేషనల్‌ వైశ్య ఫెడరేషన్‌(ఐవీఎఫ్‌) జాతీయ స్థాయి శ్రీరాందాస్‌ అగర్వాల్‌ జన్‌సేవా సమ్మాన్‌ పురస్కారం–2026 అందుకున్నారు. బాలు 19 ఏళ్లుగా 84 సార్లు రక్తదానం చేశారు. తలసేమియా వ్యాధితో బాధపడుతున్న చిన్నారుల కోసం రక్తదాన శిబిరాల ద్వారా ఏడు వేల యూనిట్ల రక్తం సేకరించారు. ఐవీఎఫ్‌ న్యూఢిల్లీలో ఆదివారం నిర్వహించిన కార్యక్రమంలో జాతీయ అధ్యక్షుడు అశోక్‌ అగర్వాల్‌, జాతీయ వర్కింగ్‌ అధ్యక్షుడు ఉప్పల శ్రీనివాస్‌గుప్తా, మాజీ ఎంపీ అనిల్‌ అగర్వాల్‌, జాతీయ కోశాధికారి దినేశ్‌చంద్‌, సెంట్రల్‌ కమిటీ సభ్యులు కే.రమేశ్‌, నీల భైరయ్య తదితరులు పాల్గొన్నారు.

సాక్షి ప్రతినిధి, కామారెడ్డి : ఉమ్మడి జిల్లాలో కొన్ని మండలాలు మినహా మిగతా అన్ని ప్రాంతాల్లో తీవ్ర దుర్భిక్ష పరిస్థితులు నెలకొని ఉన్నాయి. కామారెడ్డి జిల్లా మద్నూర్‌ మండలంలో 33 శాతం లోటు వర్షపాతం నమోదు కాగా, నీటి కటకట తీవ్రమైంది. పెద్దకొడప్గల్‌ మండలంలో 29 శాతం లోటు వర్షం కురవగా, పశువులకు గ్రాసంతోపాటు తాగడానికి నీళ్లు కూడా దొరకని పరిస్థితులు ఉన్నాయి. బీబీపేట మండలంలో 15 శాతం లోటు వర్షపాతం నమోదు కాగా ఆయా గ్రామాల్లో భూగర్భ జల మట్టం వేగంగా పడిపోతోంది. దోమకొండ, మాచారెడ్డి, సదాశివనగర్‌, పాల్వంచ, రామారెడ్డి, కామారెడ్డి, రాజంపేట, తాడ్వాయి, లింగంపేట, గాంధారి, జుక్కల్‌, బిచ్కుంద, మహ్మద్‌నగర్‌, పిట్లం తదితర మండలాల్లో సరైన వర్షాలు కురవకపోవడంతో చెరువులు, కుంటలు నిండలేదు. చాలాచోట్ల భూగర్భ జల మట్టం పడిపోయి బోర్లు ఎత్తిపోయాయి. జిల్లాలోని చాలా మండలాల్లో తీవ్ర దుర్భిక్ష పరిస్థితులు నెలకొన్నప్పటికీ జుక్కల్‌, పెద్దకొడప్గల్‌, సదాశివనగర్‌, మహ్మద్‌నగర్‌లను మాత్రమే కరువు మండలాలుగా ప్రకటించారు. దీంతో ఏ లెక్కన కరువు మండలాలను ఎంపిక చేశారో అధికారులకే తెలియాలని ప్రజలు విమర్శిస్తున్నారు. నిజామాబాద్‌ జిల్లాలో మొత్తం 33 మండలాలు ఉండగా తొమ్మిది మండలాల్లో 30 శాతానికి పైగా లోటు వర్షపాతం నమోదైంది. మరో తొమ్మిది మండలాల్లో 20 శాతానికి పైగా లోటు వర్షం కురిసింది. మిగతా మండలాల్లో ఐదు శాతం నుంచి 19 శాతం లోటు వర్షపాతం నమోదైంది. దాదాపు జిల్లా అంతటా తక్కువ వర్షం కురిసింది. జిల్లాలో సరాసరిగా 20.9 శాతం లోటు ఉన్నట్టు గణాంకాలు స్పష్టం చేస్తున్నాయి. నివారణ చర్యలు చేపట్టాలి ఉమ్మడి జిల్లాలోని దాదాపు అన్ని మండలాల్లో భూగర్భ జల మట్టం పడిపోయింది. యాసంగి పంటలు పండే పరిస్థితులు లేవు. చాలాచోట్ల కనీసం పశువులకు తాగడానికి నీళ్లు కూడా దొరకని పరిస్థితుల నేపథ్యంలో ప్రభుత్వం అన్ని మండలాలను కరువు ప్రాంతాలుగా గుర్తించి నివారణ చర్యలు చేపట్టాల్సిన అవసరం ఉంది. ప్రజాప్రతినిధులు చొరవ చూపి కరువు మండలాలుగా ఎంపిక చేయడానికి ప్రయత్నించాలని రైతులు కోరుతున్నారు. దిగువకు ‘గంగ’ జిల్లాలోని కొన్ని మండలాల్లో భూగర్భ జల మ ట్టం వేగంగా పడిపోయి పాతాళానికి చేరింది. భిక్కనూరు మండలం మల్లుపల్లి, బిచ్కుంద మండలం గుండెనెమ్లి, పెద్దదగ్గి, దోమకొండ మండలం దోమకొండ, అంబర్‌పేట, గాంధారి మండలం సర్వాపూర్‌, గాధారి, గుర్జాల్‌, రాంల క్ష్మన్‌పల్లి, లింగంపేట మండలం భవానీపేట, క న్నాపూర్‌, మోతె, పర్మల్ల, మాచారెడ్డి మండ లం రాజఖాన్‌పేట, మద్నూర్‌ మండలం మ ద్నూర్‌, మేనూర్‌, సోమూర్‌, రామారెడ్డి మండ లం రెడ్డిపేట తదితర గ్రామాల పరిధిలో భూగర్భ జల మట్టం వేగంగా పడిపోతోంది.అన్నపూర్ణగా ప్రసిద్ధిగాంచిన ఉమ్మడి నిజామాబాద్‌ జిల్లా కరువు కోరల్లో చిక్కుకుంది. ఈ ఏడాది భారీ వర్షాలు కురవకపోడంతో ప్రాజెక్టులు, చెరువులు, కుంటలు కూడా నిండలేదు. ఖరీఫ్‌ సీజన్‌ చివర్లో భూగర్భ జలాల సమస్యకు తోడు కరెంటు సమస్య పంటలను దెబ్బతీసింది. అయితే ఇటీవల ప్రభుత్వం ప్రకటించిన కరువు మండలాల జాబితాలో నిజామాబాద్‌ జిల్లాలో 18 మండలాలు, కామారెడ్డి జిల్లాలో నాలుగు మండలాలకు మాత్రమే చోటు దక్కింది. పాతాళానికి చేరుతోన్న భూగర్భ జల మట్టం ఇప్పటికే ఎత్తిపోయిన వేలాది బోర్లు సగానికి పైగా ఎండిన చెరువులు కరువు కోరల్లో ఉమ్మడి జిల్లా ఉమ్మడి జిల్లాలో భూగర్భ జలమట్టం పడిపోతున్న కొద్దీ బోరుబావుల్లో ఊటలు తగ్గిపోయి క్రమంగా ఎత్తిపోతున్నాయి. కామారెడ్డి జిల్లాలోని రామారెడ్డి, మాచారెడ్డి, దోమకొండ, బీబీపేట, పాల్వంచ, రాజంపేట, తాడ్వాయి, సదాశివనగర్‌, గాంధారి, లింగంపేట, పిట్లం, పెద్దకొడప్గల్‌, మద్నూర్‌, జుక్కల్‌, బిచ్కుంద, డోంగ్లీ మండలాలతోపాటు బాన్సువాడ మండలంలోని గట్టుకింది గ్రామాల పరిధిలో భూగర్భ జలమట్టం పడిపోతోంది. దీంతో వేలాది బోర్లు ఎత్తిపోతున్నాయి. అధికారిక లెక్కల ప్రకారం ఒక్క కామారెడ్డి జిల్లాలో పది రోజుల క్రితం వరకు 1,100 బోర్లు ఎత్తిపోయాయి. ఎండల తీవ్రత పెరుగుతుండడం, నీటి వాడకం పెరిగిన నేపథ్యంలో మరిన్ని బోర్లు ఎత్తిపోవచ్చని అంచనా. నిజామాబాద్‌ జిల్లాలో కూడా వేలాది బోర్లు ఎత్తిపోతున్నాయి.