Shai Hope

భార‌త్‌తో వ‌న్డే, టీ20 సిరీస్‌లో త‌న బ్యాటింగ్‌తో అద‌ర‌గొట్టిన‌ వెస్టిండీస్ కెప్టెన్ షై హోప్‌కు ఐపీఎల్ 2027 వేలంలో జాక్‌పాట్ త‌గిలే అవ‌కాశ‌మున్న‌ట్లు తెలుస్తోంది. త‌న శైలికి విరుద్ధంగా భార‌త్‌తో సిరీస్‌లో బ్యాటింగ్‌లో దుమ్మురేపిన హోప్ మొత్తంగా నాలుగు సెంచ‌రీలు సాధించాడు. రెండు సిరీస్‌లు క‌లిపి 539 ప‌రుగులు సాధించిన షై హోప్ మూడు 'ప్లేయ‌ర్ ఆఫ్ ది మ్యాచ్' అవార్డుల‌తో పాటు 'ప్లేయ‌ర్ ఆఫ్ ది సిరీస్' అవార్డును కూడా కైవ‌సం చేసుకున్నాడు. ఈ నేప‌థ్యంలోనే డిసెంబ‌ర్‌లో ఐపీఎల్ వేలం జ‌రిగే అవకాశ‌ముండ‌డంతో అత‌డి కోసం ముఖ్యంగా మూడు ఫ్రాంచైజీలు పోటీ ప‌డుతున్న‌ట్లు తెలుస్తోంది. ఢిల్లీ క్యాపిట‌ల్స్‌, రాజ‌స్తాన్ రాయ‌ల్స్‌, గుజ‌రాత్ టైటాన్స్ హోప్‌ను ద‌క్కించుకునేందుకు సిద్ధ‌మైన‌ట్లు స‌మాచారం. ఓపెన‌ర్‌గా రాణించ‌డంతో పాటు వ‌న్‌డౌన్‌లోనూ అద‌ర‌గొట్ట‌డం షై హోప్ ప్ర‌త్యేక‌త కావ‌డంతో ఈ మూడు జ‌ట్లు త‌మ ఓపెనింగ్ స్లాట్‌కు లేదంటే వ‌న్‌డౌన్‌లో ఆడించే అవ‌కాశాలున్నాయి. మ‌రి హోప్ కోసం ఈ మూడు జ‌ట్లు పోటీ ప‌డి ఎంత ధ‌ర‌కు అత‌డిని ద‌క్కించుకుంటాయ‌నేది ఆస‌క్తిక‌రంగా మారింది. ఈ మూడు జ‌ట్ల‌తో పాటు సీఎస్‌కే కూడా హోప్ ప‌ట్ల ఆస‌క్తిక‌రంగా ఉన్న‌ట్లు తెలుస్తోంది. అయితే హోప్‌కు ఐపీఎల్ కొత్తేమి కాదు. గ‌తంలో ఢిల్లీ క్యాపిట‌ల్స్‌కు ప్రాతినిధ్యం వ‌హించిన హోప్ 9 మ్యాచ్‌లాడి 183 ప‌రుగులు మాత్ర‌మే చేశాడు. ఇందులో ఒక్క హాఫ్ సెంచ‌రీ కూడా న‌మోదు చేయ‌లేక‌పోయాడు. కానీ ఈసారి ప‌రిస్థితి పూర్తి భిన్నంగా క‌నిపిస్తోంది. ఆరంభం నుంచే దంచికొట్ట‌డం నైజంగా మార్చుకున్న హోప్ భార‌త్ పాలిట కొర‌క‌రాని కొయ్య‌లా మారాడు. ఈ నేప‌థ్యంలో ఢిల్లీ క్యాపిట‌ల్స్ హోప్‌ను ద‌క్కించుకునేందుకు గ‌ట్టి ప్ర‌య‌త్నాలు చేస్తోంది. కెప్టెన్ కేఎల్ రాహుల్‌తో క‌లిసి ఓపెనింగ్‌లో దింప‌డ‌మే ఢిల్లీ టార్గెట్‌గా పెట్టుకుంది. మ‌రోవైపు రాజ‌స్తాన్ రాయ‌ల్స్ కూడా త‌మ బ్యాక‌ప్ ఓపెన‌ర్‌గా హోప్‌ను ఎంపిక చేసుకునే అవ‌కాశ‌ముంది. వైభ‌వ్‌-జైస్వాల్ ఓపెన‌ర్లుగా ఆడితే, హోప్ మూడో స్థానంలో బ్యాటింగ్‌కు వస్తాడు. ఇక గుజ‌రాత్ టైటాన్స్ కూడా హోప్ కోసం పోటీ లో ఉంది. వ‌న్‌డౌన్ బ్యాట‌ర్ లేదా బ్యాక‌ప్ ఓపెన‌ర్‌గా హోప్ సేవ‌ల‌ను వినియోగించుకోవాల‌ని భావిస్తోంది.ఇదీ చదవండి: కోహ్లి రికార్డును ట‌చ్ చేయ‌లేక‌పోయిన బాబ‌ర్ ఆజం'శ్రేయ‌స్‌ను చంపి.. అభిషేక్‌ను పెళ్లి చేసుకొని; గిల్‌తో జ‌త‌క‌డ‌తా'

భారత్‌, వెస్టిండీస్ మధ్య జరిగిన ఐదు మ్యాచ్‌ల టీ20 సిరీస్‌లో ఒక మ్యాచ్ వర్షంతో రద్దవ్వడం వల్ల ఇరుజట్లు 2-2తో సమంగా నిలిచాయి. దీంతో సంయుక్తంగా ట్రోఫీని అందుకున్నాయి. అయితే భారత గడ్డపై సిరీస్ గెలవడంలో కరీబియన్లు మరోసారి విఫలమయ్యారని విమర్శలు వస్తున్న వేళ వెస్టిండీస్ జట్టు కెప్టెన్ షై హోప్ ఆసక్తికర వ్యాఖ్యలు చేశాడు. విజయాలను ఎప్పుడు ట్రోఫీలతో లెక్కగట్టకూడదని, టీ20 సిరీస్‌లో సొంతగడ్డపై బలమైన జట్టుగా పేరున్న టీమిండియాను ఢీకొట్టడమే గాక 2-2తో సిరీస్‌ను సమం చేసి వారిని ఓడించినంత పని చేశామని తెలిపాడు. ఇది తమకు సిరీస్ గెలుపుతో సమానమని హోప్ వ్యాఖ్యానించాడు. శనివారం బెంగళూరు వేదికగా జరిగిన ఐదో టీ20 వర్షార్పణం కావడంతో మ్యాచ్ రద్దయింది. ట్రోఫీ ప్రదానోత్సవం అనంతరం హోప్ మాట్లాడుతూ.. ‘‘భారత గడ్డపై గత 24 ఏళ్లకు పైగా మేము ఒక్క ద్వైపాక్షిక సిరీస్ కూడా గెలవలేదు. అలాంటిది ఈ పర్యటనలో సిరీస్ నిర్ణయాత్మక (చివరి) మ్యాచ్ ఆడేంత వరకు రావడం, గెలిచేందుకు బలమైన అవకాశాన్ని సృష్టించుకోవడం ఒక యూనిట్‌గా మా ఎదుగుదలను చూపిస్తోంది. విజయాన్ని ఎప్పుడూ కేవలం ట్రోఫీలు లేదా సిరీస్ గెలుపుతోనే కొలవలేము. Photo Credit: Twitterఈ సిరీస్ పొడుగునా మా ఆటగాళ్లు ప్రదర్శించిన పోరాట పటిమ, జట్టుగా సాధించిన ప్రగతి నిజంగా అభినందనీయం. ముఖ్యంగా బౌలింగ్ విభాగంలో కీమో పాల్, రోస్టన్ చేజ్.. డెత్ ఓవర్లలో షమర్ స్ప్రింగర్ అందించిన సహకారం సిరీస్‌ను సమం చేయడంలో ఎంతగానో తోడ్పడింది. మైదానంలోకి అడుగుపెట్టేటప్పుడు నాపై నాకు నమ్మకం ఉంటుంది. నా ఆట శైలి, ప్రక్రియలో ఎలాంటి మార్పులు చేయను, వీలైనంత ప్రశాంతంగా ఉంటూ జట్టుకు విజయాన్ని అందించడానికే ప్రయత్నిస్తాను. టీ20ల్లో భారత్‌ను వారి సొంతగడ్డపైనే ఓడించినంత పని చేశాం.. ఇది మాకు సిరీస్ గెలుపుతో సమానం’’ అని చెప్పుకొచ్చాడు.Photo Credit: Twitterఇక విండీస్ కెప్టెన్ షై హోప్ భారత పర్యటనలో అద్భుత ప్రదర్శన కనబరిచాడు. వన్డే, టీ20 సిరీస్‌లు కలిపి నాలుగు సెంచరీలు బాదిన హోప్.. ‘ప్లేయర్ ఆఫ్ ది సిరీస్‌’ అవార్డుతో పాటు మూడు ‘ప్లేయర్ ఆఫ్ ది మ్యాచ్‌’ అవార్డులు కూడా దక్కించుకోవడం విశేషం. ఐదు టీ20 మ్యాచ్‌లాడిన హోప్ నాలుగు ఇన్నింగ్స్‌లు కలిపి 190కి పైగా స్ట్రై‍క్‌రేట్‌తో 261 పరుగులు సాధించాడు. ఇందులో రెండు సెంచరీలు, ఒక హాఫ్ సెంచరీ ఉన్నాయి. అంతకముందు వన్డే సిరీస్‌లోనూ హోప్ అదరగొట్టాడు. మూడు మ్యాచ్‌లాడిన హోప్ 112 స్ట్రైక్‌రేట్‌తో 278 పరుగులు చేశాడు. ఇందులో రెండు సెంచరీలున్నాయి. వన్డే సిరీస్‌ను 2-1 తేడాతో భారత్‌ సొంతం చేసుకున్న సంగతి తెలిసిందే.ఇదీ చదవండి: ‘ఇదేం షెడ్యూల్‌.. సుఖంగా నిద్రపోయి ఎన్ని రోజులైందో!’ప్ర‌పంచ రికార్డు బ‌ద్ద‌లుకొట్టిన‌ భార‌త్‌, విండీస్ టీ20 సిరీస్‌

భార‌త్‌, వెస్టిండీస్ మ‌ధ్య జ‌రిగిన ఐదు మ్యాచ్‌ల టీ20 సిరీస్‌లో ప‌రుగుల వ‌ర‌ద పారింది. బ్యాటింగ్‌కు అనుకూలించిన పిచ్‌ల‌పై ఇరుజ‌ట్ల‌ బ్యాట‌ర్లు చెల‌రేగ‌గా.. బౌల‌ర్లు మాత్రం వికెట్ల కోసం శ్ర‌మించాల్సి వ‌చ్చింది. ఐదు టీ20లు క‌లిపి దాదాపు 1700 ప‌రుగుల‌కు పైగా (రెండు ఇన్నింగ్స్‌లు కలిపి) న‌మోద‌వ్వ‌డం విశేషం. ఇందులో వెస్టిండీస్ ఒక‌సారి ఆలౌట్ కాగా, భార‌త్ రెండుసార్లు ఆలౌట్ అయింది. ఈ నేప‌థ్యంలో రెండు జ‌ట్లు క‌లిపి ఐదు టీ20ల్లో కొట్టిన సిక్స‌ర్ల సంఖ్య 105గా ఉంది. ఒక ద్వైపాక్షిక సిరీస్‌లో వందకు పైగా సిక్సర్లు రావడం ఇది నాలుగోసారి. గతంలో 2023-34లో ఇంగ్లండ్‌, వెస్టిండీస్ మధ్య జరిగిన టీ20 సిరీస్‌లో 120 సిక్సర్లు నమోదయ్యాయి. 2025లో ఆస్ట్రేలియా, వెస్టిండీస్ మధ్య జరిగిన టీ20 సిరీస్‌లో ఇరుజట్ల బ్యాటర్లు కలిపి 117 సిక్సర్లు బాదారు. 2026లో భారత్, న్యూజిలాండ్ మధ్య జరిగిన టీ20 సిరీస్‌లో 116 సిక్సర్లు నమోదయ్యాయి. 2019లో టీమిండియా, విండీస్ మధ్య జరిగిన టీ20 సిరీస్‌లో 96 సిక్సర్లు రాగా.. 2021-22లో ఇంగ్లండ్‌, వెస్టిండీస్ మధ్య టీ20 సిరీస్‌లో 96 సిక్సర్లు నమోదయ్యాయి.ర‌న్‌రేట్ ప‌రంగా ప్ర‌పంచ రికార్డు..ఇక భార‌త్‌, వెస్టిండీస్ మ‌ధ్య జ‌రిగిన ద్వైపాక్షిక టీ20 సిరీస్ ర‌న్‌రేట్ ప‌రంగా ప్ర‌పంచ రికార్డు న‌మోదు చేసింది. ఐదు మ్యాచ్‌ల టీ20 సిరీస్‌లో భాగంగా 10.98 ర‌న్‌రేట్‌తో పరుగులు రావ‌డం విశేషం. గ‌తంలో ఈ రికార్డు భార‌త్‌, న్యూజిలాండ్ టీ20 సిరీస్ (10.57 ర‌న్‌రేట్‌) అత్యుత్తమంగా ఉండగా, తాజా రికార్డుతో ఇది రెండో స్థానానికి ప‌డిపోయింది. ఇక 2025లో ఆస్ట్రేలియా, వెస్టిండీస్ మ‌ధ్య టీ20 సిరీస్‌లో 9.63 ర‌న్‌రేట్‌తో ప‌రుగులు వ‌చ్చాయి. 2026లో భార‌త్‌, ఇంగ్లండ్ మ‌ధ్య జ‌రిగిన టీ20 సిరీస్‌లో 9.36 ర‌న్‌రేట్‌తో ప‌రుగులు సాధించ‌గా, 2023-24లో ఇంగ్లండ్‌, వెస్టిండీస్ టీ20 సిరీస్‌లో 9.21 ర‌న్‌రేట్‌తో ప‌రుగులు న‌మోద‌య్యాయి.An entertaining series comes to an end 🤝 🎥 BCCI Hon. Treasurer Mr A. Raghuram Bhat presents the @mflone_ T20I Series trophy to #TeamIndia Captain Shreyas Iyer and West Indies Captain Shai Hope 🏆 #INDvWI https://t.co/iKA8vx68ba— BCCI (@BCCI) October 17, 2026ఇదీ చదవండి: పాపం వెస్టిండీస్.. రిక్త హస్తాలతోనే స్వదేశానికి!బంగ్లాదేశ్‌ను చిత్తు చేసిన జింబాబ్వే

భారత గడ్డపై సిరీస్‌ను సొంతం చేసుకోవాలనుకున్న వెస్టిండీస్ కల నెరవేరలేదు. విండీస్ కోచ్ డారెన్ సామీ ‘ఈసారి భారత్‌ను వారి సొంతగడ్డపై ఓడించి 24 ఏళ్ల కలను నిజం చేస్తాం’ అని సిరీస్ ప్రారంభానికి ముందు చేసిన చాలెంజ్ నిర్వీర్యంగా మారిపోయింది. అయితే గతంతో పోలిస్తే వెస్టిండీస్ జట్టు భారత్‌కు గట్టి పోటీనిచ్చింది. కెప్టెన్ షై హోప్ సెంచరీలతో హోరెత్తించడమే గాక, వన్డే, టీ20 సిరీస్‌లు కలిపి 539 పరుగులు సాధించిన హోప్ ‘ప్లేయర్ ఆఫ్ ది సిరీస్‌’ అవార్డుతో పాటు మూడు ‘ప్లేయర్ ఆఫ్ ది మ్యాచ్’ అవార్డులు పట్టుకెళ్లాడు. మరో స్టార్ షెర్ఫేన్ రూథర్‌ఫోర్డ్‌ ఐపీఎల్ పుణ్యమా అని భారత్ మైదానాలు కొట్టిన పిండిగా మారిపోయాయి. దీంతో అతడు కూడా బ్యాట్‌ను ఝలిపించాడు. 5 మ్యాచ్‌ల్లో నాలుగు ఇన్నింగ్స్‌ల్లో బ్యాటింగ్ ఆడిన రూథర్‌ఫోర్డ్ 221 పరుగులు సాధించాడు. ఇక కీమో పాల్‌, రోస్టన్ చేజ్, షమర్ స్ప్రింగర్‌ లాంటి క్రికెటర్లు భారత్‌పై రాణించి ఐపీఎల్ నిర్వాహకుల దృష్టిలో పడ్డారు. వెస్టిండీస్ భారత గడ్డపై చివరిసారిగా 2002లో ద్వైపాక్షిక సిరీస్‌ను గెలుచుకుంది. నాడు ఏడు మ్యాచ్‌ల వన్డే సిరీస్‌ను 4-3తో వెస్టిండీస్ కైవసం చేసుకుంది. ఆ తర్వాత మళ్లీ వెస్టిండీస్ భారత గడ్డపై సిరీస్ గెలవడంలో విఫలమవుతూనే వచ్చింది. తాజాగా వన్డే సిరీస్‌ను 2-1 తేడాతో కోల్పోయిన విండీస్‌.. టీ20 సిరీస్‌లో మాత్రం ఊహకందని విధంగా రాణించి సిరీస్‌ను 2-2తో సమం చేసింది. అయితే చివరి టీ20లో గెలిచి సిరీస్‌ను ఎగరేసుకుపోవాలని భావించిన వెస్టిండీస్ కలకు వరుణుడు అడ్డుపడ్డాడు. దీంతో పాపం విండీస్ ఈసారి కూడా రిక్త హస్తాలతోనే స్వదేశానికి వెళ్లిపోయింది.ఇదీ చదవండి: వైభవ్‌ ఒక అద్భుతం.. కానీ ఓపిక పట్టాల్సిందే: శ్రేయస్‌ అయ్యర్‌భువనేశ్వర్‌ కుమార్‌ అరుదైన రికార్డు.. భారత క్రికెట్‌ చరిత్రలో!

భారత్‌-విండీస్‌ మధ్య ఐదో టీ20 వర్షం కారణంగా రద్దు అయింది. బెంగ‌ళూరు వేదిక‌గా భార‌త్‌-వెస్టిండీస్ మ‌ద్య జ‌ర‌గాల్సిన ఐదో టీ20 వర్షార్పణమైంది. దీంతో ఐదు మ్యాచ్‌ల టీ20 సిరీస్ 2-2తో సమంగా ముగిసింది. ట్రోఫీని ఇరు జట్లు సంయుక్తంగా పంచుకున్నాయి. కాగా తొలుత వర్షం కారణంగా మ్యాచ్‌ను తొలుత తొమ్మిది ఓవర్లకు కుదించారు. టాస్ ఓడి బ్యాటింగ్‌కు దిగిన భారత్ నిర్ణీత 7.4 ఓవర్లలో 5 వికెట్ల నష్టానికి 118 పరుగుల భారీ స్కోరు సాధించింది. ఈ దశలో మళ్లీ వర్షం కురవడంతో ఆటను నిలిపివేశారు. వర్షం ఆగితే కనీసం ఐదు ఓవర్ల ఆటనైనా జరుగుతుందని అభిమానులు భావించారు. కానీ వర్షం తగ్గముఖం పట్టే సూచనలు కనిపించకపోవడంతో అంపైర్లు మ్యాచ్‌ను రద్దు చేస్తున్నట్లు ప్రకటించారు.5 ఓవర్ల తర్వాత భారత్‌ స్కోర్‌ 73-3తిలక్‌ వర్మ2 , శ్రేయస్‌ అయ్యర్‌ 10మూడో వికెట్‌ కోల్పోయిన భారత్‌4.1 ఓవర్‌- 66 పరుగుల వద్ద భారత్‌ మూడో వికెట్‌ కోల్పోయింది. స్ప్రింగర్‌ బౌలింగ్‌లో సంజూ శాంసన్‌ (16) క్లీన్‌ బౌల్డ్‌ అయ్యాడు. 4 ఓవర్ల తర్వాత భారత్‌ స్కోర్‌ 66-2సంజూ శాంసన్‌ 16, శ్రేయస్‌ అయ్యర్‌ 63 ఓవర్ల తర్వాత భారత్‌ స్కోర్‌ 56-2సంజూ శాంసన్‌ 11, శ్రేయస్‌ అయ్యర్‌ 1రెండో వికెట్‌ కోల్పోయిన భారత్‌2.3వ ఓవర్‌- 45 పరుగుల వద్ద ఇషాన్‌ కిషన్‌ (30) ఔటయ్యాడు. భారత్‌ స్కోర్‌ 45-2గా ఉంది. దంచికొట్టిన ఇషాన్‌షెపర్డ్‌ వేసిన రెండో ఓవర్‌లో ఇషాన్‌ కిషన్‌ చెలరేగిపోయాడు. ఈ ఓవర్‌లో ఏకంగా 24 పరుగులు పిండుకున్నాడు. 2 ఓవర్ల తర్వాత జట్టు స్కోర్‌ 38-1గా ఉంది. తొలి వికెట్‌ కోల్పోయిన భారత్‌.. అభిషేక్‌ ఔట్‌0.5వ ఓవర్‌- 13 పరుగుల వద్ద భారత్‌ తొలి వికెట్‌ కోల్పోయింది. కీమో పాల్‌ బౌలింగ్‌లో షమార్‌ జోసఫ్‌కు క్యాచ్‌ ఇచ్చి అభిషేక్‌ శర్మ (6) ఔటయ్యాడు. టాస్‌ గెలిచి బౌలింగ్‌ ఎంచుకున్న విండీస్‌విండీస్‌ కెప్టెన్‌ షాయ్‌ హోప్‌ టాస్‌ గెలిచి బౌలింగ్‌ ఎంచుకున్నాడు.తుది జట్లు..వెస్టిండీస్: షాయ్ హోప్ (w/c), జ్యువెల్ ఆండ్రూ, షిమ్రాన్ హెట్మెయర్, రోవ్‌మన్ పావెల్, షెర్ఫాన్ రూథర్‌ఫోర్డ్, రొమారియో షెపర్డ్, రోస్టన్ చేజ్, కీమో పాల్, షమర్ స్ప్రింగర్, గుడాకేష్ మోటీ, షమర్ జోసెఫ్భారత్: అభిషేక్ శర్మ, సంజు శాంసన్(w), ఇషాన్ కిషన్, శ్రేయాస్ అయ్యర్(c), తిలక్ వర్మ, శివమ్ దూబే, నమన్ ధీర్, అక్షర్ పటేల్, భువనేశ్వర్ కుమార్, ప్రిన్స్ యాదవ్, అర్ష్‌దీప్ సింగ్9:15 గంటలకు ప్రారంభం​.. 9 ఓవర్ల మ్యాచ్‌వరుణుడు శాంతించాడు. మ్యాచ్‌ 9:15 గంటలకు ప్రారంభం​ కానుంది. ఈ మ్యాచ్‌ చెరో 9 ఓవర్ల మ్యాచ్‌ కానుంది. పవర్‌ ప్లే నిబంధనలు 2.4 ఓవర్లుగా ఉండనున్నాయి. ఇంకా తగ్గని వర్షం.. ఓవర్ల కోత మొదలు8:20 గంటలు- వరుణుడు ఇంకా శాంతించలేదు. 7:45 నుంచే ఓవర్ల కోత మొదలైంది. 7:30 గంటలు- వర్షం ఇంకా తగ్గలేదు. గంట తర్వాత కూడా టాస్‌కు అనుకూలమైన సూచనలు లేవు. టాస్‌ ఆలస్యం6:36 PM: భారత్‌-వెస్టిండీస్‌ జట్ల మధ్య బెంగళూరు వేదికగా ఇవాళ జరగాల్సిన నిర్ణయాత్మక ఐదో టీ20 వర్షం కారణంగా ఆలస్యమయ్యింది. 6:30 గంటలకు టాస్‌ పడాల్సి ఉండగా.. వర్షం కారణంగా ఇప్పటివరకు పడలేదు. టాస్‌ సమయానికి వర్షం మరింత అధికమైంది. కాగా, ఐదు మ్యాచ్‌ల సిరీస్‌లో ఇరు జట్లు చెరో రెండు గెలవడంతో ప్రస్తుతం సిరీస్‌ సమంగా ఉంది. నేటి మ్యాచ్‌లో గెలిచే జట్టే సిరీస్‌ కైవసం చేసుకుంటుంది. ఇదీ చదవండి: భారత క్రికెట్‌ అభిమానులకు శుభవార్త.. చరిత్రలో తొలిసారి..!

భారత్‌-వెస్టిండీస్‌ జట్ల మధ్య బెంగళూరు వేదికగా ఇవాళ జరగాల్సిన సిరీస్‌ నిర్ణయాత్మక ఐదో టీ20కి వర్షం ముప్పు పొంచి ఉంది.వాతావరణ సూచన ప్రకారం మ్యాచ్‌ సమయంలో వర్షం పడే అవకాశాలు ఎక్కువగా ఉన్నాయి. సాయంత్రం 6:30 గంటలకు టాస్‌ జరగాల్సి ఉండగా, ఆ సమయంలో వర్షం పడే అవకాశం 34 నుంచి 49 శాతం మధ్య ఉంటుందని అంచనా.మ్యాచ్‌ తొలి మూడు గంటల్లో వర్షం ముప్పు 34 నుంచి 40 శాతానికి పెరిగే అవకాశం ఉంది. రాత్రి 10 గంటల సమయంలో వర్షం పడే అవకాశం 78 శాతంగా ఉంటుంది.చిన్నస్వామి స్టేడియంలో ప్రపంచ స్థాయి డ్రైనేజీ వ్యవస్థ ఉన్నప్పటికీ, భారీ వర్షం కురిస్తే మ్యాచ్‌ నిర్వహణకు ఆటంకం కలగవచ్చు.కాగా, ఐదు మ్యాచ్‌ల సిరీస్‌లో ఇరు జట్లు చెరో రెండు విజయాలతో 2-2తో సమంగా ఉన్నాయి. నేటి మ్యాచ్‌లో గెలిచిన జట్టు సిరీస్‌ను కైవసం చేసుకోనుంది.సజావుగా సాగితే పరుగుల వరదే..!చిన్నస్వామి స్టేడియంలో చిన్న బౌండరీలు, బ్యాటింగ్‌కు అనుకూలమైన పిచ్‌ కారణంగా భారీ స్కోర్లు నమోదయ్యే అవకాశం ఉంది. అయితే 2024 అక్టోబర్‌ తర్వాత ఈ మైదానంలో అంతర్జాతీయ మ్యాచ్‌ జరగకపోవడంతో పిచ్‌ పరిస్థితులు కీలకం కానున్నాయి.భువీకి ఛాన్స్‌భారత్‌ తుది జట్టులో భువనేశ్వర్‌ కుమార్‌కు చోటు దక్కే అవకాశాలున్నాయి. నాలుగో టీ20లో భుజానికి గాయం కావడంతో అర్ష్‌దీప్‌ సింగ్‌ అందుబాటుపై సందేహాలు నెలకొన్నాయి. అతడికి ప్రత్యామ్నాయంగా భువనేశ్వర్‌ను జట్టులోకి తీసుకున్నారు. అర్ష్‌దీప్‌ ఫిట్‌నెస్‌ సాధించకపోతే భువీ ఛాన్స్‌ దక్కడం ఖాయం.ఇదీ చదవండి: న్యూజిలాండ్‌ పర్యటన.. భారత జట్ల ఎంపికలో ఆసక్తికర విషయం

ఉప్ప‌ల్ వేదిక‌గా టీమిండియాతో జ‌రిగిన నాలుగో టీ20లో 24 ప‌రుగుల తేడాతో విజ‌యాన్ని అందుకున్న వెస్టిండీస్ ఐదు మ్యాచ్‌ల టీ20 సిరీస్‌ను 2-2తో స‌మం చేసింది. కెప్టెన్ షై హోప్ అజేయ సెంచ‌రీతో భార‌త్‌కు మ‌రోసారి కొర‌క‌రాని కొయ్య‌లా త‌యార‌య్యాడు. కెప్టెన్ అంటే జ‌ట్టును న‌డిపించ‌డ‌మే కాకుండా బ్యాట్‌తోనూ రాణిస్తూ భార‌త్ పాలిట విల‌న్‌గా త‌యార‌య్యాడు. టీ20 సిరీస్‌లో హోప్‌కు ఇది రెండో సెంచ‌రీ కాగా, అంత‌క‌ముందు వ‌న్డే సిరీస్‌లోనూ రెండు సెంచ‌రీలు సాధించగా.. ఓవ‌రాల్‌గా భార‌త్ ప‌ర్య‌ట‌న‌లో హోప్ నాలుగు సెంచ‌రీలు సాధించడం విశేషం. తాజాగా నాలుగో టీ20లో సెంచ‌రీతో మెరిసిన హోప్ 'ప్లేయ‌ర్ ఆఫ్ ది మ్యాచ్8 అవార్డు గెలుచుకున్నాడు. ఓవ‌రాల్‌గా హోప్‌కు ఇది మూడో 'ప్లేయ‌ర్ ఆఫ్ ది మ్యాచ్' అవార్డు కావ‌డం విశేషం. ఈ నేప‌థ్యంలో మ్యాచ్ విజ‌యం అనంత‌రం అవార్డు అందుకున్న హోప్ మాట్లాడుతూ.. అవార్డుల‌తో త‌న లగేజీ మొత్తం నిండిపోతుంద‌ని, అంత బరువును విండీస్‌కు తీసుకెళ్ల‌డం క‌ష్ట‌మ‌వుతుందేమోన‌ని, ఈ అవార్డులకు ఎక్స్‌ట్రా లగేజీ తీసుకెళ్లాల్సి వస్తుందేమోనంటూ స‌ర‌దాగా వ్యాఖ్యానించాడు. ఇక త‌న ప్ర‌ద‌ర్శ‌న ప‌ట్ల సంతృప్తి వ్య‌క్తం చేసిన హోప్ జ‌ట్టు బౌల‌ర్ల‌పై ప్ర‌శంస‌ల వ‌ర్షం కురిపించాడు.ఇది బౌలర్ల విజయం..‘‘టీమిండియా వంటి పటిష్టమైన జట్టుపై పిచ్‌ స్వభావాన్ని బట్టి చూస్తే మేము చేసిన 247 పరుగుల భారీ స్కోరు కూడా సరిపోదేమోనని మొదట భావించాను. కానీ మా బౌలర్లు అద్భుతంగా రాణించారు. ముఖ్యంగా పిచ్ కాస్త భిన్నంగా ఉంది. మేం ఊహించిన దానికంటే కాస్త నెమ్మదిగా ఉంది. బంతి ఆగుతూ వచ్చింది. కొత్త బంతితో బౌలింగ్ చేస్తే కొన్ని బౌన్స్ అయితే.. మరికొన్ని లో-హైట్‌లో వచ్చాయి. ఆ తర్వాత స్పిన్నర్లు, పేసర్ బౌలింగ్ చేసినప్పుడు షాట్స్ కొట్టడం చాలా కష్టమైంది. దీంతో 247 ప‌రుగుల టార్గెట్ ఆ త‌ర్వాత‌ స‌రైన‌దే అనిపించింది. భారత్‌లో ఒకే బౌలర్‌తో వరుసగా 3 ఓవర్లు వేయించడం కొంచెం కష్టం. ఇంకో ఓవర్ ఇస్తే బాగుండేదేమో అని అనిపించినా.. కొన్నిసార్లు మైదానంలో కుదరదు. గుడకేష్ మోటీ రెండు ఓవర్లలో 2 వికెట్లు తీసినా.. పరిస్థితుల కారణంగా మరో ఓవర్ ఇవ్వలేకపోయాను. సెకండ్ ఇన్నింగ్స్‌లో మంచు ప్రభావం ఎక్కువగా ఉంటుంది. మ‌రోవైపు కీమో పాల్ కూడా ఐదు వికెట్లతో భార‌త్‌పై ఒత్తిడిని పెంచాడు. అది ఛేజింగ్ టీమ్‌కు అడ్వాంటేజ్‌గా మారుతుంది. ఏదేమైనా ఇది చాలా మంచి మ్యాచ్. భారత్ కూడా అన్ని విభాగాల్లోనూ చాలా బాగా ఆడింది. వారికి క్రెడిట్ ఇవ్వాల్సిందే. కానీ మేం గట్టి పోటీ ఇచ్చి సిరీస్‌ అవకాశాలను సజీవంగా ఉంచుకున్నాం. ఇక బెంగళూరులో జరిగే ఆఖరి మ్యాచ్‌లోనూ గెలిచి సిరీస్‌ను సొంతం చేసుకునేందుకు ప్రయత్నిస్తాం’’ అని హోప్‌ చెప్పుకొచ్చాడు.Shai Hope is going back home with a lot of extra luggage 😂 https://t.co/qG92O9vBiR— Cricinfo (@cricinfo) October 15, 2026ఇదీ చ‌ద‌వండి:IND vs WI: ఇలాంటి జట్టుతో ప్రపంచకప్‌ గెలవడం అసాధ్యం!ఐదు వికెట్ల ప్రదర్శన.. చరిత్ర సృష్టించిన విండీస్‌ బౌలర్‌

వెస్టిండీస్‌ కెప్టెన్‌ షాయ్‌ హోప్‌ ప్రస్తుత భారత పర్యటనలో ఆకాశమే హద్దుగా చెలరేగుతున్నాడు. ఈ పర్యటనలో తొలుత జరిగిన వన్డే సిరీస్‌లో రెండు సెంచరీలు (2, 3 వన్డేల్లో) బాదిన అతడు.. ప్రస్తుతం జరుగుతున్న ఐదు మ్యాచ్‌ల టీ20 సిరీస్‌లో మరో రెండు శతకాలు సాధించాడు. తొలుత రెండో టీ20లో శతక్కొట్టిన హోప్‌, ఇవాళ జరుగుతున్న నాలుగో టీ20లో మరింత రెచ్చిపోయి, కెరీర్‌లో మూడో టీ20 శతకాన్ని బాదాడు.ఈ క్రమంలో హోప్‌ విండీస్‌ తరఫున టీ20ల్లో​ అత్యధిక సెంచరీలు (3) చేసిన ప్లేయర్‌గా క్రిస్‌ గేల్‌ (2), ఎవిన్‌ లూయిస్‌ (2) రికార్డు బద్దలు కొట్టాడు. తాజా శతకం హోప్‌కు మూడు ఫార్మాట్లలో 29వది. వన్డేల్లో 21, టెస్ట్‌ల్లో 5 శతకాలు సాధించిన అతడు.. టీ20ల్లో మూడు శతకాలు బాదాడు.ప్రస్తుత టీ20 సిరీస్‌లోని తొలి టీ20లోనూ హోప్‌ రాణించాడు. ఆ మ్యాచ్‌లో అతడు అర్ద సెంచరీ చేశాడు. మొత్తంగా ఈ సిరీస్‌లో హోప్‌ భీకర ఫామ్‌ను ప్రదర్శిస్తున్నాడు.మ్యాచ్‌ విషయానికొస్తే.. హోప్‌ శతకొట్టుడుతో నాలుగో టీ20లో తొలుత బ్యాటింగ్‌ చేసిన విండీస్‌ భారీ స్కోర్‌ చేసింది. నిర్ణీత 20 ఓవర్లలో ఆ జట్టు 3 వికెట్ల నష్టానికి 247 పరుగులు చేసింది. హోప్‌ ఇన్నింగ్స్‌ చివరి రెండు బంతులను సిక్సర్లుగా మలిచి సెంచరీ (50 బంతుల్లో 102 నాటౌట్‌; 4 ఫోర్లు, 9 సిక్సర్లు) పూర్తి చేసుకున్నాడు. హోప్‌కు జతగా రూథర్‌ఫోర్డ్‌ (49 నాటౌట్‌) కూడా ఆఖర్లో మెరుపు ఇన్నింగ్స్‌ ఆడాడు.విండీస్‌ ఇన్నింగ్స్‌లో జువెల్‌ ఆండ్రూ (21), హెట్‌మైర్‌ (33), రోవ్‌మన్‌ పావెల్‌ (24) కూడా మెరుపు ఇన్నింగ్స్‌లు ఆడి ఔటయ్యారు. భారత బౌలర్లలో అర్షదీప్‌ సింగ్‌, ప్రిన్స్‌ యాదవ్‌, అక్షర్‌ పటేల్‌కు తలో వికెట్‌ దక్కింది. కాగా, ఐదు మ్యాచ్‌ల ఈ సిరీస్‌లో భారత్‌ 2-1 ఆధిక్యంలో కొనసాగుతున్న విషయం తెలిసిందే.ధీటుగా జవాబిస్తున్న భారత్‌248 పరుగుల భారీ లక్ష్య ఛేదనలో భారత్‌ ధీటుగా జవాబిస్తుంది. తొలి 6 ఓవర్లలో 2 వికెట్లు కోల్పోయి 80 పరుగులు చేసింది. ఓపెనర్‌ సంజూ శాంసన్‌ మెరుపు అర్ద శతకం (56) బాది ఔటయ్యాడు. ఇషాన​్‌ కిషన్‌ కూడా సిక్సర్‌ బాది మంచి టచ్‌లో ఉన్నట్టు కనిపి​ంచినా, ఆతర్వాత బంతికే ఔటయ్యాడు. అభిషేక్‌ (8), శ్రేయస్‌ అయ్యర్‌ (6) క్రీజ్‌లో ఉన్నారు.ఇదీ చదవండి: IND vs WI: శతక్కొట్టిన కెప్టెన్‌.. విండీస్‌ భారీ స్కోరు

టీమిండియాతో నాలుగో టీ20లో వెస్టిండీస్‌ భారీ స్కోరు సాధించింది. హైదరాబాద్‌ వేదికగా నిర్ణీత 20 ఓవర్లలో కేవలం మూడు వికెట్లు నష్టపోయి ఏకంగా 247 పరుగులు చేసింది. కెప్టెన్‌ షాయీ హోప్‌ 50 బంతుల్లో సెంచరీ చేశాడు.హెట్‌మైర్‌ మెరుపులుఉప్పల్‌ స్టేడియంలో టాస్‌ గెలిచిన భారత్‌ తొలుత బౌలింగ్‌ ఎంచుకోగా.. విండీస్‌ బ్యాటింగ్‌కు దిగింది. ఓపెనర్లలో జువెల్‌ ఆండ్రూ (16 బంతుల్లో 21) వేగంగా ఆడే క్రమంలో అక్షర్‌ పటేల్‌కు వికెట్ల ముందు దొరికిపోయాడు. ఈ క్రమంలో మరో ఓపెనర్‌, కెప్టెన్‌ షాయీ హోప్‌నకు తోడైన షిమ్రన్‌ హెట్‌మైర్‌ మెరుపులు (12 బంతుల్లో 33) మెరిపించాడు.BREAKTHROUGH WHEN INDIA NEEDED IT MOST! 💪 #PrinceYadav with a game-changing caught & bowled to break the flow and send #ShimronHetmyer back! #INDvWI 4th T20I | LIVE NOW 👉 https://t.co/u6TUkXnpvZ https://t.co/piPnGp3LU2— Star Sports (@StarSportsIndia) October 14, 2026రూథర్‌ఫర్డ్‌ ధనాధన్‌హోప్‌తో కలిసి రెండో వికెట్‌కు 24 బంతుల్లో 58 పరుగులు జోడించాడు. ఇక రోవ్‌మన్‌ పావెల్‌ (17 బంతుల్లో 24) ఫర్వాలేదనిపించగా.. హోప్‌తో కలిసి షెర్ఫానే రూథర్‌ఫర్డ్‌ స్కోరు బోర్డును పరుగులు పెట్టించాడు. ఇద్దరూ కలిసి నాలుగో వికెట్‌కు 43 బంతుల్లో 91 పరుగుల భాగస్వామ్యం నెలకొల్పారు.శతక్కొట్టిన హోప్‌ఈ క్రమంలో రూథర్‌ఫర్డ్‌ 26 బంతుల్లో 4 ఫోర్లు, 3 సిక్సర్లు బాది 49 పరుగులతో అజేయంగా నిలిచాడు. ఇక హోప్‌ ఇన్నింగ్స్‌ ఆఖరి బంతికి సిక్సర్‌ బాది శతకం పూర్తి చేసుకున్నాడు. మొత్తంగా 50 బంతులు ఎదుర్కొన్న ఈ వికెట్‌ కీపర్‌ బ్యాటర్‌.. 4 ఫోర్లు, 9 సిక్సర్లు బాది 102 పరుగులతో నాటౌట్‌గా నిలిచాడు. కాగా హోప్‌నకు ఈ సిరీస్‌లో ఇది రెండో సెంచరీ కావడం విశేషం. అంతేకాదు ఈ సెంచరీతో అతడు అంతర్జాతీయ పొట్టి క్రికెట్లో రెండు వేల పరుగుల మైలురాయిని చేరుకున్నాడు. ఇక భారత బౌలర్లలో అక్షర్‌ పటేల్‌, అర్ష్‌దీప్‌ సింగ్‌, ప్రిన్స్‌ యాదవ్‌ తలా ఒక వికెట్‌ తీశారు. కాగా ఐదు మ్యాచ్‌ల టీ20 సిరీస్‌లో భారత్‌ 2-1తో ఆధిక్యంలో ఉన్న సంగతి తెలిసిందే.చదవండి: పాకిస్తాన్‌ కెప్టెన్‌ ప్రపంచ రికార్డు

హైదరాబాద్‌ టీ20లో 24 పరుగుల తేడాతో భారత్‌ ఓటమి పాలైంది. 248 పరుగుల భారీ లక్ష్యంతో బరిలోకి టీమిండియా 19.3 ఓవర్లలో 223 పరుగులు మాత్రమే చేయగల్గింది. సంజూ శాంసన్‌(56), తిలక్‌ వర్మ(43), నితీశ్‌ కుమార్‌ రెడ్డి(41) రాణించినప్పటికి జట్టును గెలిపించలేకపోయారు.ఓటమికి చేరువలో టీమిండియాటీమిండియా 18 ఓవర్లలో వరుసగా రెండు వికెట్లు కోల్పోయింది. రెండో బంతికి నితీశ్‌ కుమార్‌ రెడ్డి(41) అవుట్‌ కాగా.. నాలుగోబ బంతికి ప్రిన్స్‌ యాదవ్‌ క్లీన్‌ బౌల్డయ్యాడు. భారత విజయా విజయానికి పది బంతుల్లో 34 పరుగులు కావాలి.టీమిండియా ఆరో వికెట్‌ డౌన్‌టీమిండియా ఆరో వికెట్‌ కోల్పోయింది. 25 బంతుల్లో 43 పరుగులు చేసిన తిలక్‌ వర్మ.. షెఫర్డ్‌ బౌలింగ్‌లో ఔటయ్యాడు.దూకుడుగా ఆడుతున్న తిలక్‌, నితీశ్‌టీమిండియా బ్యాటర్లు నితీశ్‌ కుమార్‌ రెడ్డి(32), తిలక్‌ వర్మ(34) దూకుడుగా ఆడుతున్నారు. భారత్‌ విజయానికి 24 బంతుల్లో 59 పరుగులు కావాలి.ఒకే ఓవర్‌లో రెండు వికెట్లు.. పోరాడుతున్న తిలక్‌12 ఓవర్‌లో భారత్‌ వరుసగా రెండు వికెట్లు కోల్పోయింది. మూడో బంతికి అభిషేక్‌ శర్మ(29), నాలుగో బంతికి నమన్‌ ధీర్‌(0) పెవిలియన్‌కు చేరారు. 14 ఓవర్లకు టీమిండియా స్కోర్‌: 156-5. క్రీజులో తిలక్‌ వర్మ(33), నితీశ్‌ కుమార్‌ రెడ్డి(6) ఉన్నారు.10 ఓవర్ల తర్వాత భారత్‌ స్కోర్‌ 115-3అభిషేక్‌ 24, తిలక్‌ 8కష్టాల్లో టీమిండియా.. మూడో వికెట్‌ డౌన్‌8.2వ ఓవర్‌- టీమిండియా కష్టాల్లో పడింది. 248 పరుగుల భారీ లక్ష్య ఛేదనలో 97 పరుగుల వద్ద మూడో వికెట్‌ కోల్పోయింది. స్ప్రింగర్‌ బౌలింగ్‌లో ఆండ్రూకు క్యాచ్‌ ఇచ్చి శ్రేయస్‌ అయ్యర్‌ (16) ఔటయ్యాడు.ఒకే ఓవర్‌లో 2 వికెట్లు కోల్పోయిన భారత్‌కీమో పాల్‌ వేసిన ఇన్నింగ్స్‌ ఐదో ఓవర్‌లో భారత్‌ రెండు వికెట్లు కోల్పోయింది. తొలి బంతికి శాంసన్‌ ఔట్‌ కాగా.. నాలుగో బంతికి ఇషాన్‌ కిషన్‌ (6) పెవిలియన్‌కు చేరాడు. 4.5 ఓవర్ల తర్వాత భారత్‌ స్కోర్‌ 68-2గా ఉంది. అభిషేక్‌ (2), శ్రేయస్‌ (1) క్రీజ్‌లో ఉన్నారు. శాంసన్‌ (56) ఔట్‌4.1వ ఓవర్‌- ధాటిగా ఆడుతున్న శాంసన్‌ (56) కీమో పాల్‌ బౌలింగ్‌లో హెట్‌మైర్‌కు క్యాచ్‌ ఇచ్చి ఔటయ్యాడు.దంచికొడుతున్న శాంసన్‌గత మ్యాచ్‌లో విఫలమైన సంజూ శాంసన్‌ ఈ మ్యాచ్‌లో చెలరేగి ఆడుతున్నాడు. కేవలం​ 18 బంతుల్లోనే 4 ఫోర్లు, 4 సిక్సర్ల సాయంతో 47 పరుగులు చేసి ఇన్నింగ్స్‌ను కొనసాగిస్తున్నాడు. శాంసన్‌ ధాటికి భారత్‌ 3 ఓవర్లలోనే 50 పరుగులు చేసింది. శాంసన్‌ మరో ఎండ్‌లో ఉన్న అభిషేక్‌కు (1) స్ట్రయిక్‌ ఇవ్వలేదు.హోప్‌ సెంచరీ.. విండీస్‌ భారీ స్కోర్‌టాస్‌ ఓడి తొలుత బ్యాటింగ్‌ చేసిన వెస్టిండీస్‌ భారీ స్కోర్‌ చేసింది. నిర్ణీత 20 ఓవర్లలో ఆ జట్టు 3 వికెట్ల నష్టానికి 247 పరుగులు చేసింది. ఓపెనర్‌ షాయ్‌ హోప్‌ ఇన్నింగ్స్‌ చివరి రెండు బంతులను సిక్సర్లుగా మలిచి, ఈ సిరీస్‌లో రెండో సెంచరీ (50 బంతుల్లో 102 నాటౌట్‌; 4 ఫోర్లు, 9 సిక్సర్లు) పూర్తి చేసుకున్నాడు. హోప్‌కు జతగా రూథర్‌ఫోర్డ్‌ (49 నాటౌట్‌) కూడా మెరుపు ఇన్నింగ్స్‌ ఆడాడు. పద్దెనిమిది ఓవర్లలో విండీస్‌ స్కోరు: 218-3హోప్‌ 83, రూథర్‌ఫర్డ్‌ 39 పరుగులతో ఉన్నారు.అతి భారీ స్కోర్‌ దిశగా విండీస్‌విండీస్‌ జట్టు అతి భారీ స్కోర్‌ దిశగా సాగుతోంది. 17 ఓవర్ల తర్వాత ఆ జట్టు స్కోర్‌ 207-3గా ఉంది. హోప్‌ 83, రూథర్‌ఫోర్డ్‌ 31 పరుగులతో క్రీజ్‌లో ఉన్నారు. పదహారు ఓవర్లలో విండీస్‌ స్కోరు: 185-3హోప్‌ 78, రూథర్‌ఫర్డ్‌ 14 పరుగులతో ఉన్నారు.మూడో వికెట్‌ కోల్పోయిన విండీస్‌12.5వ ఓవర్‌- 156 పరుగుల వద్ద విండీస్‌ మూడో వికెట్‌ కోల్పోయింది. అర్షదీప్‌ బౌలింగ్‌లో సంజూ శాంసన్‌కు క్యాచ్‌ ఇచ్చి రోవ్‌మన్‌ పావెల్‌ (24) ఔటయ్యాడు. 10 ఓవర్ల తర్వాత విండీస్‌ స్కోర్‌ 118-2హోప్‌ 47, పావెల్‌ 3 పరుగులతో క్రీజ్‌లో ఉన్నారు. రెండో వికెట్‌ కోల్పోయిన విండీస్‌8.2వ ఓవర్‌: ప్రిన్స్‌ యాదవ్‌ బౌలింగ్‌లో రెండో వికెట్‌గా వెనుదిరిగిన హెట్‌మైర్‌ (12 బంతుల్లో 33). పావెల్‌ క్రీజులోకి వచ్చాడు. విండీస్‌ స్కోరు: 114-2 (9). హోప్‌ 44 పరుగులతో ఉన్నాడు.సెంచరీ కొట్టేసిన వెస్టిండీస్‌ఎనిమిది ఓవర్లలో విండీస్‌ స్కోరు: 109-1షాయీ హోప్‌ 42, హెట్‌మైర్‌ 33 పరుగులతో ఉన్నారు.6 ఓవర్ల తర్వాత విండీస్‌ స్కోర్‌ 79-1ఆండ్రూ వికెట్‌ పడ్డాక కూడా విండీస్‌ బ్యాటర్లు ఏమాత్రం తగ్గడం లేదు. హోప్‌ (28), హెట్‌మైర్‌ (17) ధాటిగా ఆడుతున్నారు. 6 ఓవర్ల తర్వాత విండీస్‌ స్కోర్‌ 79-1గా ఉంది. తొలి వికెట్‌ కోల్పోయిన విండీస్‌4.2వ ఓవర్‌- 52 పరుగుల వద్ద విండీస్‌ తొలి వికెట్‌ కోల్పోయింది. అక్షర్‌ పటేల్‌ బౌలింగ్‌లో జువెల్‌ ఆండ్రూ (21) ఎల్బీడబ్ల్యూ అయ్యాడు.3 ఓవర్ల తర్వాత విండీస్‌ స్కోర్‌ 40-0టాస్‌ ఓడి తొలుత బ్యాటింగ్‌కు దిగిన వెస్టిండీస్‌ 3 ఓవర్ల తర్వాత వికెట్‌ నష్టపోకుండా 40 పరుగులు చేసింది. జువెల్‌ ఆండ్రూ (20) ధాటిగా ఆడుతున్నాడు. హోప్‌ (9) ఆచితూచి ఆడుతున్నాడు. టాస్‌ గెలిచి బౌలింగ్‌ ఎంచుకున్న భారత్‌భారత్‌-వెస్టిండీస్‌ జట్ల మధ్య ఇవాళ హైదరాబాద్‌లోని ఉప్పల్‌ స్టేడియంలో టీ20 మ్యాచ్‌ జరుగుతుంది. ఐదు మ్యాచ్‌ల సిరీస్‌లో భాగంగా జరుగుతున్న నాలుగో టీ20 ఇది. ఈ మ్యాచ్‌లో టాస్‌ గెలిచిన భారత్‌ ఫీల్డింగ్‌ ఎంచుకుంది. ఈ సిరీస్‌లో భారత్‌ 2-1 ఆధిక్యంలో కొనసాగుతోంది. మొదటి, మూడు మ్యాచ్‌లు భారత్‌ గెలవగా, విండీస్‌ రెండో టీ20లో గెలిచింది. భారత తుది జట్టులో ఎలాంటి మార్పులూ లేవు. విండీస్‌ తుదిజట్టులో కమిల్‌ పూరన్‌ స్థానంలో జువెల్‌, సాంప్సన్‌ స్థానంలో షెఫర్డ్‌ వచ్చారు. తుది జట్లు..భారత్‌: సంజు శాంసన్ (WK), అభిషేక్ శర్మ, ఇషాన్ కిషన్, శ్రేయాస్ అయ్యర్ (c), తిలక్ వర్మ, నమన్ ధీర్, నితీష్ రెడ్డి, అక్షర్ పటేల్, అర్షదీప్‌ సింగ్, ప్రిన్స్ యాదవ్, మయాంక్ యాదవ్వెస్టిండీస్‌: షాయ్ హోప్ (c & wk), జువెల్‌ ఆండ్రూ, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్‌, కీమో పాల్, షమర్ స్ప్రింగర్, రోస్టన్ చేజ్, షమర్ జోసెఫ్, గుడాకేష్ మోటీఇదీ చదవండి: ఎస్‌ఆర్‌హెచ్‌లోకి స్టార్‌ ప్లేయర్‌ రీఎంట్రీ

టీమిండియాతో మూడో టీ20లో వెస్టిండీస్‌ పద్నాలుగు పరుగుల తేడాతో ఓడిపోయింది. భారత్‌ సమిష్టి కృషితో గెలుపొందగా.. విండీస్‌ మాత్రం తొలుత బౌలింగ్‌లో.. తర్వాత బ్యాటింగ్‌లో విఫలమై పరాజయాన్ని మూటగట్టుకుంది.కెప్టెన్సీ తప్పిదాల వల్లే ఈ నేపథ్యంలో వెస్టిండీస్‌ కెప్టెన్‌ షాయీ హోప్‌ తీరును టీమిండియా మాజీ క్రికెటర్‌, కామెంటేటర్‌ ఆకాశ్‌ చోప్రా విమర్శించాడు. హోప్‌ కెప్టెన్సీ తప్పిదాల వల్లే భారత్‌ గెలుపు మరింత సులువుగా మారిందని పేర్కొన్నాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ..అతడిని అడ్డుకున్నాడు‘‘టీమిండియా రెండో ఓవర్లో షమార్‌ జోసెఫ్‌ను హోప్‌ బరిలోకి దించాడు. షమార్‌ ఆ ఓవర్లో ఏడు పరుగులు మాత్రమే ఇచ్చి సంజూ శాంసన్‌ (3) రూపంలో కీలక వికెట్‌ పడగొట్టాడు. గంటలకు 150కి పైగా కిలోమీటర్ల వేగంతో అతడు బౌలింగ్‌ చేస్తున్నాడు.కానీ సమయంలో అకస్మాత్తుగా హోప్‌ షమార్‌ను ఆపేశాడు. మరుసటి ఓవర్‌లోనూ షమార్‌కు బంతి ఇవ్వాల్సింది. కానీ హోప్‌.. రోస్టన్‌ ఛేజ్‌ను తీసుకురాగా.. అతడు ఏకంగా 18 పరుగులు (1,1,4,6,0,6) సమర్పించుకున్నాడు. అతడి బౌలింగ్‌లో అభిషేక్‌ శర్మ చితక్కొట్టాడు.ఆ పాపం కెప్టెన్‌దేమ్యాచ్‌లో ఇదే కీలక మలుపు. ఇది పూర్తిగా హోప్‌ తప్పిదమే. ఒక రకంగా అతడు చేసిన పాపం ఇది’’ అని ఆకాశ్‌ చోప్రా ఘాటు విమర్శలు చేశాడు. కాగా ఇండోర్‌లోని హోల్కర్‌ స్టేడియంలో ఆదివారం జరిగిన మ్యాచ్‌లో భారత్‌ చేతిలో విండీస్‌ పద్నాలుగు పరుగుల తేడాతో ఓటమిపాలైంది.బౌలర్ల ప్రదర్శన ఇలాటాస్‌ గెలిచిన వెస్టిండీస్‌ తొలుత బౌలింగ్‌ చేయగా.. భారత్‌ నిర్ణీత 20 ఓవర్లలో 223 పరుగులు చేసి ఆలౌట్‌ అయింది. కరేబియన్‌ బౌలర్లలో రోస్టన్‌ ఛేజ్‌ 38 పరుగులు ఇచ్చి రెండు, షమార్‌ జోసెఫ్‌ 54 పరుగులు ఇచ్చుకుని రెండు.. షమార్‌ స్ప్రింగర్‌ 50 రన్స్‌ ఇచ్చి రెండు వికెట్లు తీశారు. కీమో పాల్‌, గుడకేశ్‌ మోటి కాస్త పొదుపుగా బౌలింగ్‌ చేసి తలా ఒక వికెట్‌ పడగొట్టారు. 209 పరుగులకే పరిమితంఇక లక్ష్య ఛేదనలో విండీస్‌ నిర్ణీత 20 ఓవర్లలో ఏడు వికెట్ల నష్టానికి 209 పరుగుల వద్దే నిలిచిపోయి.. ఓటమిపాలైంది. ఈ గెలుపుతో టీమిండియా 2-1తో ఆధిక్యంలోకి వెళ్లింది. ఇక ఇరుజట్ల మధ్య బుధవారం నాటి నాలుగో టీ20కి హైదరాబాద్‌ వేదిక.చదవండి: అందుకే ఓడిపోయాము.. క్రెడిట్‌ మొత్తం వాళ్లకే దక్కాలి: విండీస్‌ కెప్టెన్‌Back in the lead in the #INDvWI T20I series 💪 #TeamIndia clinch the 𝗪 in Indore to go 2️⃣-1️⃣ up ✅ Scorecard ▶️ https://t.co/0ve4uDWSIn @mflone_ https://t.co/35WSM1eUtk— BCCI (@BCCI) October 11, 2026

వెస్టిండీస్‌తో మూడో టీ20లో టీమిండియా విజయం సాధించింది. పర్యాటక జట్టును 14 పరుగుల తేడాతో ఓడించి.. ఐదు మ్యాచ్‌ల సిరీస్‌లో 2-1తో ముందంజ వేసింది. మరోవైపు.. గత మ్యాచ్‌లో గెలుపు రుచి చూసిన విండీస్‌కు మాత్రం ఇండోర్‌లో చేదు అనుభవమే మిగిలింది.ఈ నేపథ్యంలో టీమిండియా చేతిలో ఓటమిపై వెస్టిండీస్‌ కెప్టెన్‌ షాయీ హోప్‌ స్పందించాడు. చిన్న చిన్న పొరపాట్ల వల్ల భారీ మూల్యమే చెల్లించాల్సి వచ్చిందన్నాడు. భారత్‌ విధించిన 224 పరుగుల లక్ష్యాన్ని ఛేదించే క్రమంలో పవర్‌ ప్లేలో మరింత దూకుడుగా ఆడాల్సిందని అభిప్రాయపడ్డాడు.ఓటమికి ఎన్నో కారణాలు‘‘ఈ ఓటమికి ఎన్నో కారణాలు ఉన్నాయి. స్వల్ప తేడాతో మరో మ్యాచ్‌లో మేము ఓడిపోయాము. పిచ్‌ను మేము ఇంకాస్త మెరుగ్గా ఉపయోగించుకుని ఉండాల్సింది. ఏదేమైనా ఆరంభంలో ధారాళంగా పరుగులు ఇచ్చుకున్నా ఆఖర్లో మా బౌలర్లు పుంజుకున్న తీరు ప్రశంసనీయం.రోస్టన్‌ ఛేజ్‌ బాగా ఆడాడు. మా బౌలర్లు ప్రత్యర్థిని కాస్త కట్టడి చేసి ఛేదించదగ్గ స్కోరుకు పరిమితం చేశారు. అయితే, పవర్‌ ప్లేలో త్వరత్వరగా వికెట్లు కోల్పోతే మిడిలార్డర్‌ మీద భారం పడుతుంది. ఏదేమైనా ఇది సమిష్టి బ్యాటింగ్‌ వైఫల్యం.ఇలా స్వల్ప తేడాతో మళ్లీ గెలవొచ్చు కూడా!పద్నాలుగు పరుగుల స్వల్ప తేడాతో ఓడిపోయాము. మేము ఇలా స్వల్ప తేడాతో మళ్లీ గెలవొచ్చు కూడా!.. సెకండ్‌ ఇన్నింగ్స్‌ సమయానికి వికెట్‌ కాస్త పొడిగా మారింది. తద్వారా భారత బౌలర్లు వైవిధ్యంగా బంతులు వేసేందుకు అవకాశం దొరికింది. అర్ష్‌దీప్‌ సింగ్‌ తన రెండు లేదంటే మూడో ఓవర్లో నన్ను అవుట్‌ చేశాడు.Stumps Rattled x 2⃣ ✌️ Arshdeep Singh 🤝 Naman Dhir strike TIMBER 🎯 Updates ▶️ https://t.co/0ve4uDWSIn #TeamIndia | #INDvWI | @mflone_ https://t.co/qtM2RxaCyp— BCCI (@BCCI) October 11, 2026క్రెడిట్‌ మొత్తం వారికే దక్కాలిఏదేమైనా టీమిండియా బౌలర్లు అద్భుతంగా బౌలింగ్‌ చేశారు. ఈ విజయంలో క్రెడిట్‌ మొత్తం వారికే ఇవ్వాలి. మంచి యార్కర్లు వేశారు. కొన్ని యార్కర్లు అయితే దిమ్మతిరిగిపోయేలా ఉన్నాయి. వాళ్ల ప్రణాళికల్ని చక్కగా అమలు చేశారు’’ అని షాయీ హోప్‌ పేర్కొన్నాడు.223 పరుగులు చేసి ఆలౌట్‌కాగా ఇండోర్‌లోని హోల్కర్‌ స్టేడియంలో ఆదివారం నాటి మూడో టీ20లో టాస్‌ గెలిచిన విండీస్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన భారత్‌ నిర్ణీత 20 ఓవర్లలో 223 పరుగులు చేసి ఆలౌట్‌ అయింది. అభిషేక్‌ శర్మ మెరుపు అర్ధ శతకం (30 బంతుల్లో 69) బాదగా.. ఇషాన్‌ కిషన్‌ (18 బంతుల్లో 37), తిలక్‌ వర్మ (16 బంతుల్లో 28) రాణించారు.అదరగొట్టిన అర్ష్‌దీప్‌ సింగ్‌ లక్ష్య ఛేదనకు దిగిన కరేబియన్‌ జట్టు 20 ఓవర్లలో ఏడు వికెట్లు నష్టపోయి 209 పరుగులకే పరిమితమైంది. ఓపెనర్లలో షాయీ హోప్‌ (5) విఫలం కాగా.. కామిల్‌ పూరన్‌ (27 బంతుల్లో 42) ఫర్వాలేదనిపించాడు. షిమ్రన్‌ హెట్‌మైర్‌ (26 బంతుల్లో 43) రాణించగా.. ఆఖర్లో షమార్‌ స్ప్రింగర్‌ (11 బంతుల్లో 35 నాటౌట్‌) మెరుపు ఇన్నింగ్స్‌ ఆడాడు.భారత బౌలర్లలో ‘ప్లేయర్‌ ఆఫ్‌ ది మ్యాచ్‌’ అర్ష్‌దీప్‌ సింగ్‌ మూడు వికెట్లు తీయగా.. నమన్‌ ధిర్‌ రెండు, అక్షర్‌ పటేల్‌, నితీశ్‌ కుమార్‌ రెడ్డి తలా ఒక వికెట్‌ పడగొట్టారు.చదవండి: ఆ అమ్మాయికి మాటిస్తున్నా: శ్రేయస్‌ అయ్యర్‌

విండీస్‌పై టీమిండియా విక్టరీఇండోర్‌ వేదికగా వెస్టిండీస్‌తో జరిగిన మూడో టీ20లో టీమిండియా 14 పరుగుల తేడాతో విజయం సాధించింది. ఫలితంగా ఐదు మ్యాచ్‌ల సిరీస్‌లో 2-1 ఆధిక్యంలోకి వెళ్లింది.నాలుగో వికెట్‌ కోల్పోయిన విండీస్‌10.6వ ఓవర్‌- 105 పరుగుల వద్ద విండీస్‌ నాలుగో వికెట్‌ కోల్పోయింది. నమన్‌ ధిర్‌ బౌలింగ్‌లో అర్షదీప్‌కు క్యాచ్‌ ఇచ్చి కమిల్‌ పూరన్‌ (42) ఔటయ్యాడు. మూడో వికెట్‌ కోల్పోయిన విండీస్‌9.4వ ఓవర్‌- 82 పరుగుల వద్ద విండీస్‌ మూడో వికెట్‌ కోల్పోయింది. అక్షర్‌ పటేల్‌ బౌలింగ్‌లో ఇషాన్‌ కిషన్‌కు క్యాచ్‌ ఇచ్చి రోవ్‌మన్‌ పావెల్‌ (5) ఔటయ్యాడు. రెండో వికెట్‌ కోల్పోయిన విండీస్‌6.6వ ఓవర్‌- 67 పరుగుల వద్ద విండీస్‌ రెండో వికెట్‌ కోల్పోయింది. నమన్‌ ధిర్‌ బౌలింగ్‌లో హెట్‌మైర్‌ (43) క్లీన్‌ బౌల్డ్‌ అయ్యాడు. హోప్‌ క్లీన్‌ బౌల్డ్భారీ లక్ష్య ఛేదనలో విండీస్‌కు ఆదిలోనే ఎదురుదెబ్బ తగిలింది. ఇన్‌ ఫామ్‌ బ్యాటర్‌ షాయ్‌ హోప్‌ 5 పరుగులు చేసి అర్షదీప్‌ బౌలింగ్‌లో క్లీన్‌ బౌల్డ్‌ అయ్యాడు. టీమిండియా భారీ స్కోర్‌ఇండోర్‌ వేదికగా వెస్టిండీస్‌తో జరుగుతున్న మూడో టీ20లో టీమిండియా భారీ స్కోర్‌ చేసింది. టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. ఆరో వికెట్‌ కోల్పోయిన భారత్‌14.2వ ఓవర్‌- 169 పరుగుల స్కోర్‌ వద్ద కీమో పాల్‌ బౌలింగ​్‌లో షాయ్‌ హోప్‌కు క్యాచ్‌ ఇచ్చి నితీశ్‌ కుమార్‌ రెడ్డి (21) ఔటయ్యాడు. ఐదో వికెట్‌ కోల్పోయిన భారత్‌10.5వ ఓవర్‌- 135 పరుగుల వద్ద భారత్‌ ఐదో వికెట్‌ కోల్పోయింది. మోటీ బౌలింగ్‌లో స్ప్రింగర్‌కు క్యాచ్‌ ఇచ్చి నమన్‌ ధిర్‌ (10) ఔటయ్యాడు. నాలుగో వికెట్‌ కోల్పోయిన భారత్‌9.5వ ఓవర్‌- 124 పరుగుల వద్ద భారత్‌ నాలుగో వికెట్‌ కోల్పోయింది. ధాటిగా ఆడుతున్న అభిషేక్‌ శర్మ (69) షమార్‌ స్ప్రింగర్‌ బౌలింగ్‌లో క్యాచ్‌ అండ్‌ బౌల్డ​్‌ అయ్యాడు. ఒకే ఓవర్‌లో 2 వికెట్లు కోల్పోయిన భారత్‌ఇన్నింగ్స​్‌ 9వ ఓవర్‌లో భారత్‌ రెండు వికెట్లు కోల్పోయింది. రోస్టన్‌ ఛేజ్‌ వేసిన ఈ ఓవర్‌లో తొలుత ఇషాన్‌ కిషన్‌, ఆతర్వాత శ్రేయస్‌ అయ్యర్‌ (1) ఔటయ్యారు. 9 ఓవర్ల తర్వాత భారత్‌ స్కోర్‌ 117-3గా ఉంది. రెండో వికెట్‌ కోల్పోయిన భారత్‌8.2వ ఓవర్‌- 115 పరుగుల వద్ద భారత్‌ రెండో వికెట్‌ కోల్పోయింది. రోస్టన్‌ ఛేజ్‌ బౌలింగ్‌లో భారీ సిక్సర్‌ బాదిన అనంతరం ఇషాన్‌ కిషన్‌ (37) స్టంపౌటయ్యాడు. అభిషేక్‌ 67 పరుగుల వద్ద ధాటిగా బ్యాటింగ్‌ కొనసాగిస్తున్నాడు. 18 బంతుల్లో హాఫ్‌ సెంచరీ పూర్తి చేసిన అభిషేక్‌అభిషేక్‌ 18 బంతుల్లో హాఫ్‌ సెంచరీ పూర్తి చేశాడు. ఇందులో 4 ఫోర్లు, 4 సిక్సర్లు ఉన్నాయి. 6 ఓవర్ల తర్వాత భారత్‌ స్కోర్‌ 87-1గా ఉంది. అభిషేక్‌ 54, ఇషాన్‌ కిషన్‌ 24 పరుగులతో క్రీజ్‌లో ఉన్నారు.ఆదిలోనే భారత్‌కు షాక్‌టాస్‌ ఓడి తొలుత బ్యాటింగ్‌కు దిగిన భారత్‌కు ఆదిలోనే షాక్‌ తగిలింది. 7 పరుగుల వద్దనే సంజూ శాంసన్‌ (3) ఔటయ్యాడు. షమార్‌ జోసఫ్‌ బౌలింగ్‌లో కమిల్‌ పూరన్‌కు క్యాచ్‌ ఇచ్చి పెవిలియన్‌కు చేరాడు. టాస్‌ గెలిచి బౌలింగ్‌ ఎంచుకున్న వెస్టిండీస్‌ఐదు మ్యాచ్‌ల టీ20 సిరీస్‌లో భాగంగా భారత్‌-వెస్టిండీస్‌ జట్ల మధ్య ఇవాళ ఇండోర్‌లోని హోల్కర్‌ స్టేడియం వేదికగా మూడో మ్యాచ్‌ జరుగనుంది. ఈ మ్యాచ్‌లో వెస్టిండీస్‌ టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం భారత్, వెస్టిండీస్‌ తలో రెండు మార్పులు చేశాయి. భారత్‌ తరఫున శివమ్‌ దూబే, కుల్దీప్‌ యాదవ్‌ స్థానాల్లో నితీశ్‌ కుమార్‌ రెడ్డి, ప్రిన్స్‌ యాదవ్‌ తుది జట్టులోకి రాగా.. విండీస్‌ తరఫున రొమారియో షెపర్డ్‌, అకీల్‌ హొసేన్‌ స్థానాల్లో క్వెంటిన్‌ శాంసన్‌, కీమో పాల్‌ జట్టులోకి వచ్చారు. తుది జట్లు..భారత్‌: అభిషేక్ శర్మ, సంజు శాంసన్ (wk), ఇషాన్ కిషన్, శ్రేయస్ అయ్యర్ (c), తిలక్ వర్మ, నితీష్ రెడ్డి, నమన్ ధీర్, అక్షర్ పటేల్, అర్ష్‌దీప్ సింగ్, ప్రిన్స్‌ యాదవ్‌, మయాంక్ యాదవ్వెస్టిండీస్‌: షాయ్ హోప్ (c & wk), కమిల్ పూరన్, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, క్వెంటన్‌ శాంసన్‌, గుడాకేష్ మోటీ, షమర్ స్ప్రింగర్, కీమో పాల్‌, షమర్ జోసెఫ్ఇదీ చదవండి: సెంచరీతో కదంతొక్కిన రింకూ సింగ్‌

రాంచీ వేదిక‌గా జ‌రిగిన రెండో టీ20లో 250 ప‌రుగుల ల‌క్ష్యాన్ని ఛేదించిన వెస్టిండీస్ జ‌ట్టు టీమిండియాకు ఊహించ‌ని షాక్ ఇచ్చింది. మ్యాచ్‌లో కీల‌క ఇన్నింగ్స్ ఆడిన షెర్ఫేన్ రూథ‌ర్‌ఫోర్డ్ ఇచ్చిన‌ క్యాచ్‌ జార‌విడ‌వ‌డం టీమిండియా కొంప‌ముంచింద‌ని చెప్పొచ్చు. మ్యాచ్‌కు ట‌ర్నింగ్ పాయింట్ కూడా అదే. ఇక కెప్టెన్ షెయ్ హోప్‌తో క‌లిసి రూథ‌ర్‌ఫోర్డ్ చేసిన విధ్వంసం మాములుగా లేదు. ఈ ఇద్ద‌రు నాలుగో వికెట్‌కు 120 ప‌రుగులు జోడించి మ్యాచ్ గ‌మనాన్ని నిర్దేశించారు. రూథ‌ర్‌ఫోర్డ్ ఔటైన‌ప్ప‌టికీ హోప్ చివ‌రి దాకా నిల‌బ‌డి భారీ సిక్స‌ర్‌తో సెంచ‌రీ చేయ‌డ‌మే గాక జ‌ట్టును గెలిపించాడు. మొత్తం మీద రెండు జ‌ట్లు క‌లిపి 38.3 ఓవ‌ర్ల‌లోనే 502 ప‌రుగులు సాధించాయి. దీంతో రాంచీలోని జేఎస్‌సీఏ క్రికెట్ స్టేడియం పిచ్‌పై విమ‌ర్శ‌లు వెల్లువెత్తాయి. బ్యాలెన్సింగ్‌గా రూపొందించాల్సిన పిచ్‌ను కాస్తా బ్యాటింగ్‌కు అనుకూలంగా మార్చేశారంటూ భిన్నాభిప్రాయాలు వ్య‌క్త‌మ‌వుతున్నాయి.ఈ నేప‌థ్యంలో టీమిండియా హెడ్ కోచ్ గౌత‌మ్ గంభీర్ భారీ ల‌క్ష్యం నిర్దేశించిన‌ప్ప‌టికీ ఓడిపోవ‌డంపై స్పందించాడు. మ్యాచ్ ఓట‌మి అనంత‌రం నిర్వ‌హించిన ప్రెస్ కాన్ఫ‌రెన్స్‌లో మాట్లాడాడు. తాను ఎవ‌రినీ నిందించ‌లేన‌ని, త‌మ బౌల‌ర్లు క‌ష్ట‌ప‌డ్డార‌ని, కానీ పిచ్ బ్యాటింగ్‌కు అనుకూలంగా ఉన్న‌ప్పుడు ఎవ‌రు మాత్రం ఏం చేయ‌గ‌ల‌ర‌ని పేర్కొన్నాడు. పిచ్ రూప‌క‌ల్ప‌న అనేది బ్యాట్‌కు, బంతికి స‌మానంగా ఉండేలా చూడాల్సిన అవ‌స‌ర‌ముంద‌న్నాడు. రిస్క్‌లో బౌలర్ల కెరీర్‌..గంభీర్ ఇంకా మాట్లాడుతూ.. ‘‘బ్యాట్‌కు, బంతికి మ‌ధ్య మంచి పోటీ ఉండాల‌నే మ‌నంద‌రం కోరుకుంటున్నాం. కానీ ప్ర‌స్తుత ప‌రిస్థితుల్లో బౌల‌ర్ల కెరీర్‌లు ప్ర‌మాదంలో ప‌డుతున్నాయి. వారు డ్రెస్సింగ్ రూమ్‌లోకి వ‌చ్చేందుకు ఎంత‌గానో శ్ర‌మిస్తారు. బ్యాట్‌కు, బంతికి స‌మాన‌మైన పోటీ ఉన్న‌ప్పుడే మెరుగైన ఆట సాధ్య‌మ‌వుతుంది. ఇక మ్యాచ్‌ పరిస్థితులను పరిశీలిస్తే.. రోస్టన్‌ చేజ్‌ స్పెల్‌ ఆటను మలుపు తిప్పింది. మ్యాచ్‌ ఫలితంపై ప్రభావం చూపింది. ఈ పిచ్‌పై అతడు బౌలింగ్‌ చేసిన విధానం అద్భుతం. తన లైన్‌ను మార్చుకుంటూ బ్యాటర్లను అయోమయానికి గురిచేశాడు. ముఖ్యంగా వెస్టిండీస్‌ లాంటి ప్రమాదకర జట్లపై భారీ స్కోర్లను కాపాడుకోవాలంటే మనమూ కొత్త మార్గాలను అన్వేషించాలి. ఈ ఓటమికి ఎవరినీ బాధ్యులుగా చూపలేను. ఎవరినీ నిందించలేను. 250 పరుగుల లక్ష్యాన్ని కాపాడుకోలేకపోయామన్నదే అసలు విషయం. వెస్టిండీస్‌ బ్యాటర్లు అద్భుతంగా ఆడారు. వారు విజయానికి అర్హులు. మేం ఇంకా చాలా విషయాల్లో మెరుగుపడాల్సి ఉంది'' అని గంభీర్ స్పష్టం చేశాడు.కావాలని క్యాచ్‌లు విడవరు..మ్యాచ్‌లో క్యాచ్‌లు జారవిడవడంపై గంభీర్‌కు ప్రశ్న ఎదురైంది. ‘టాస్‌ మన చేతుల్లో ఉండదు. క్యాచ్‌లు జారవిడవడం గతంలోనూ జరిగింది.. భవిష్యత్తులోనూ జరగొచ్చు. ఎవరూ ఉద్దేశపూర్వకంగా క్యాచ్‌లు వదలరు. అందుకే ఇలాంటి విషయాల్లో ఎవరినీ నిందించలేం. ఎంత స్కోర్ చేస్తే గెలవగలమనే విషయాన్ని చెప్పలేం. రెండు వికెట్లు త్వరగా తీసిన తర్వాత 250 పరుగులు మంచి స్కోరని అనుకున్నాం. కానీ బ్యాటింగ్‌లో వెస్టిండీస్‌ సాధించిన దానికి కచ్చితంగా క్రెడిట్‌ ఇవ్వాలి’ అని గంభీర్ వివరించాడు.ఇదీ చదవండి: అదే మా కొంపముంచింది.. వారు మాత్రం అత్యద్భుతం: శ్రేయస్‌ అయ్యర్‌

వెస్టిండీస్ కెప్టెన్ షాయ్ హోప్ మ‌రోసారి మ్యాచ్ విన్నింగ్ ప్ర‌ద‌ర్శ‌న చేశాడు. శుక్ర‌వారం రాంచీ వేదిక‌గా టీమిండియాతో జ‌రిగిన రెండో టీ20లో హోప్ అద్భుత సెంచ‌రీతో క‌దం తొక్కాడు. ఈ క‌రేబియ‌న్ వీరుడు 250 ప‌రుగుల ల‌క్ష్య చేధ‌న‌లో ఆకాశ‌మే హ‌ద్దుగా చెల‌రేగాడు. ఇన్నింగ్స్ ఆరంభం నుంచి చివ‌రి వ‌ర‌కు అజేయంగా నిలిచి మ్యాచ్‌ను ముగించాడు.ఓవ‌రాల్‌గా 45 బంతులు ఎదుర్కొన్న హోప్‌.. 6 ఫోర్లు, 9 సిక్స్‌లతో 102 పరుగులు చేసి నాటౌట్‌గా నిలిచాడు. అతడు మెరుపు ఇన్నింగ్స్ ఫలితంగా ఈ కొండంత లక్ష్యాన్ని విండీస్ 18.3 ఓవర్లలో కేవలం నాలుగు వికెట్లు మాత్రమే కోల్పోయి చేధించింది. విండీస్‌కు తమ టీ20 చరిత్రలో ఇదే అత్యధిక లక్ష్య చేధన కావడం గమనార్హం. ఇక ఈ మ్యాచ్‌లో విధ్వంసం సృష్టించిన హోప్ పలు అరుదైన రికార్డులను తన పేరిట లిఖించుకున్నాడు.జాయింట్ ఫాస్టెస్ట్ సెంచరీ👉అంతర్జాతీయ టీ20ల్లో విండీస్ తరపున రెండో అత్యంత వేగవంతమైన సెంచరీ సాధించిన ఆటగాడిగా హోప్‌ నిలిచాడు. అంతకుముందు ఈ రికార్డు కరేబియన్ లెజెండ్ క్రిస్ గేల్ (47 బంతుల్లో సెంచరీ) పేరిట ఉండేది.తాజా మ్యాచ్‌లో కేవలం 45 బంతుల్లోనే శతకం పూర్తి చేసిన హోప్.. గేల్ ఆల్‌టైమ్ రికార్డును బ్రేక్ చేశాడు. ఈ జాబితాలో జాన్సన్ ఛార్లెస్ (39 బంతులు) మాత్రమే హోప్ కంటే ముందున్నాడు.👉టీ20ల్లో భారత్‌పై అత్యంత వేగంగా సెంచరీ సాధించిన రికార్డును హోప్ సమం చేశాడు. టీ20 ప్రపంచకప్ 2026లో ఇంగ్లండ్‌ ప్లేయర్ జాకబ్ బెథెల్ కూడా భారత్‌పై 45 బంతుల్లోనే శతకం సాధించిన విషయం తెలిసిందే.చదవండి: అదే మా కొంపముంచింది.. వారు మాత్రం అత్యద్భుతం: శ్రేయస్‌ అయ్యర్‌

రాంచీ వేదికగా టీమిండియాతో జరిగిన రెండో టీ20లో 6 వికెట్ల తేడాతో వెస్టిండీస్ సంచలన విజయం సాధించింది. ఆతిథ్య భారత్ నిర్దేశించిన 250 పరుగుల భారీ లక్ష్యాన్ని విండీస్ కేవలం 4 వికెట్లు మాత్రమే కోల్పోయి 18.3 ఓవర్లలోనే ఊదిపడేసింది. కెప్టెన్ షాయ్ హోప్(45 బంతుల్లో 6 ఫోర్లు, 9 సిక్సర్లతో అద్భుత సెంచరీతో అజేయంగా నిలిచి మ్యాచ్‌ను ముగించాడు.అతడితో పాటు రూథర్‌ఫోర్డ్‌(37 బంతుల్లో 84), రొమారియో షెపర్డ్(34) కీల‌క ఇన్నింగ్స్‌లు ఆడారు. అయితే కొండంత లక్ష్యంతో బరిలోకి దిగిన విండీస్ 58 ప‌రుగుల‌కే 3 వికెట్లు కోల్పోయి పీక‌ల్లోతు క‌ష్టాల్లో ప‌డింది. ఈ స‌మ‌యంలో హోప్‌, రూథ‌ర్‌ఫోర్డ్ భార‌త బౌల‌ర్ల‌పై ఎదురు దాడికి దిగారు. రాంచీ మైదానంలో సిక్స‌ర్ల వ‌ర్షం కురిపించారు. టీమిండియా చెత్త ఫీల్డింగ్ కూడా వారికి క‌లిసిసొచ్చింది. రూథ‌ర్‌ఫోర్డ్ అవుటైన‌ప్ప‌టీ హోప్ మాత్రం ఏ మాత్రం వెన‌క్కి త‌గ్గ‌లేదు. ఆరో స్ధానంలో బ్యాటింగ్‌కు వ‌చ్చిన షెప‌ర్డ్‌తో క‌లిసి జ‌ట్టును విజ‌య తీరాల‌కు చేర్చాడు. భార‌త బౌల‌ర్లు దారుణంగా విఫ‌ల‌మ‌య్యారు. ఈ అద్భుత విజ‌యంతో వెస్టిండీస్ ప‌లు అరుదైన రికార్డుల‌ను తమ‌ పేరిట లిఖించుకుంది.విండీస్ సాధించిన రికార్డులు ఇవే..👉టీ20ల్లో టీమిండియాపై అత్య‌ధిక ల‌క్ష్యాన్ని చేధించిన జ‌ట్టుగా వెస్టిండీస్ చ‌రిత్ర సృష్టించింది. అంతకుముందు ఈ రికార్డు ఆస్ట్రేలియా పేరిట ఉండేది. 2023 నవంబర్‌లో భారత్‌పై ఆస్ట్రేలియా 223 పరుగులు ఛేజ్ చేసింది. ఇప్పుడు ఆ రికార్డును విండీస్ బ్రేక్ చేసింది.👉అదేవిధంగా టీ20 ఫార్మాట్‌లో విండీస్‌కు ఇదే అత్యధిక పరుగుల చేధన. గతంలో 2015లో జోహన్నెస్‌బర్గ్‌లో సౌతాఫ్రికాపై ఛేదించిన త‌మ‌ 232 పరుగుల రికార్డును కరేబియన్ జట్టు దాటేసింది.👉టీ20ల్లో ఇది రెండో అతి పెద్ద చేధ‌న కావ‌డం విశేషం. ఈ జాబితాలో సౌతాఫ్రికా అగ్ర‌స్ధానంలో ఉంది. 2023లో వెస్టిండీస్‌పై దక్షిణాఫ్రికా జట్టు 259 పరుగుల లక్ష్యాన్ని ఛేదించింది.చదవండి: వెస్టిండీస్‌ 'షై'నింగ్‌

పరుగుల వరద పారిన పోరులో టీమిండియా పరాజయం పాలైంది. సంజూ సామ్సన్, శ్రేయస్‌ అయ్యర్, తిలక్‌ వర్మ మెరుపులతో భారత జట్టు ప్రత్యర్థి ముందు 250 పరుగు లక్ష్యాన్ని నిర్దేశించగా... షై హోప్‌ అజేయ శతకానికి రూథర్‌ఫోర్డ్‌ ఊచకోత తోడవడంతో విండీస్‌ మరో 9 బంతులు మిగిలుండగానే టార్గెట్‌ చేజ్‌ చేసింది. ఇరు జట్లు కలిపి 501 పరుగులు నమోదు చేసిన ఈ మ్యాచ్‌ అభిమానులకు మస్తు మజా పంచింది. రాంచీ: టీమిండియాతో తొలి టి20లో తేలిపోయిన వెస్టిండీస్‌... రెండో మ్యాచ్‌లో రికార్డు లక్ష్యాన్ని ఛేదించింది. ఐదు మ్యాచ్‌ల సిరీస్‌లో భాగంగా శుక్రవారం జరిగిన రెండో టి20లో శ్రేయస్‌ అయ్యర్‌ సారథ్యంలోని భారత జట్టు 6 వికెట్ల తేడాతో ఓడింది. శ్రేయస్‌ కెప్టెన్సీలో వరుసగా పది విజయాల తర్వాత భారత జట్టుకు ఇదే తొలి పరాజయం. ఫలితంగా విండీస్‌ 1–1తో సిరీస్‌ సమం చేసింది. టాస్‌ ఓడి మొదట బ్యాటింగ్‌కు దిగిన టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగులు చేసింది. సంజూ సామ్సన్‌ (41 బంతుల్లో 82; 9 ఫోర్లు, 4 సిక్స్‌లు) అర్ధశతకం సాధించగా... తిలక్‌ వర్మ (18 బంతుల్లో 44 నాటౌట్‌; 3 ఫోర్లు, 3 సిక్స్‌లు), కెప్టెన్‌ శ్రేయస్‌ అయ్యర్‌ (18 బంతుల్లో 40; 3 ఫోర్లు, 3 సిక్స్‌లు), ఇషాన్‌ కిషన్‌ (22 బంతుల్లో 43; 6 ఫోర్లు, 2 సిక్స్‌లు) రాణించారు. విండీస్‌ బౌలర్లలో చేజ్‌ 24 పరుగులే ఇచ్చి 3 వికెట్లు పడగొట్టాడు. అనంతరం లక్ష్యఛేదనలో వెస్టిండీస్‌ 18.3 ఓవర్లలో 4 వికెట్లు కోల్పోయి 252 పరుగులు చేసింది. అంతర్జాతీయ టి20ల్లో ఇది రెండో అతిపెద్ద ఛేదన. కెప్టెన్‌ షై హోప్‌ (45 బంతుల్లో 102 నాటౌట్‌; 6 ఫోర్లు, 9 సిక్స్‌లు) అజేయ శతకంతో చివరి వరకు నిలిచి జట్టును గెలిపించగా... షెర్ఫాన్‌ రూథర్‌ఫోర్డ్‌ (37 బంతుల్లో 84; 7 ఫోర్లు, 7 సిక్స్‌లు), రొమారియో షెఫర్డ్‌ (13 బంతుల్లో 34 నాటౌట్‌; 3 ఫోర్లు, 3 సిక్స్‌లు) అతడికి సహకరించారు. భారత బౌలర్లలో మయాంక్‌ యాదవ్‌ 3 వికెట్లు తీశాడు. ఇరు జట్ల మధ్య ఆదివారం ఇండోర్‌లో మూడో టి20 జరగనుంది. బాదుడే బాదుడు... కొండంత లక్ష్యఛేదనకు దిగిన కరీబియన్‌ జట్టుకు తొలి ఓవర్‌లోనే షాక్‌ మీద షాక్‌ తగిలింది. ఓపెనర్‌ కమిల్‌ పూరన్‌ (4), హెట్‌మైర్‌ (0)ను మయాంక్‌ వరుస బంతుల్లో అవుట్‌ చేశాడు. కాసేపటికి రావ్‌మన్‌ పావెల్‌ (24)ను సైతం అతడే వెనక్కి పంపాడు. దీంతో విండీస్‌ ఒక దశలో 58/3తో కష్టాల్లో పడింది. అయితే భారత్‌తో చివరి వన్డేలో భారీ సెంచరీ బాదిన కెప్టెన్‌ హోప్‌ ఏ మాత్రం ఇబ్బంది పడకుండా భారీ షాట్‌లతో విరుచుకుపడ్డాడు. బౌలర్‌తో సంబంధం లేకుండా మైదానం నలువైపులా మెరుపు షాట్‌లతో చెలరేగాడు. అతడికి రూథర్‌పోర్డ్‌ నుంచి సంపూర్ణ సహకారం అందింది. ఈ జంట నాలుగో వికెట్‌కు 54 బంతుల్లోనే 120 పరుగులు జోడించడంతో మ్యాచ్‌ భారత్‌ చేజారింది. ఆఖర్లో రొమారియో షెఫర్డ్‌ కూడా పిడుగుల్లాంటి షాట్‌లతో విజృంభించగా... హోప్‌ భారీ సిక్సర్‌తో తన సెంచరీతో పాటు గెలుపు లాంఛనాన్ని ముగించాడు. కరీబియన్‌ ఇన్నింగ్స్‌లో మొత్తం 20 సిక్స్‌లు, 21 ఫోర్లు నమోదయ్యాయి. కేవలం బౌండరీల ద్వారానే ఆ జట్టు 204 పరుగులు పిండుకోవడం గమనార్హం. 250 సరిపోలేదు... తొలుత బ్యాటింగ్‌కు దిగిన భారత్‌... ఇన్నింగ్స్‌ ముగిసేసరికి భారీ స్కోరు సాధించామనే ఆత్మవిశ్వాసంలో కనిపించింది. అయితే పూర్తిగా బ్యాటింగ్‌కు సహకరించిన పిచ్‌పై ఇంకా తక్కువ పరుగులే చేశామని ఆ తర్వాత తెలిసొచ్చింది. కొన్ని చక్కటి షాట్‌లు ఆడిన అభిషేక్‌ (20; 2 ఫోర్లు, 1 సిక్స్‌) ఎక్కువసేపు నిలవలేకపోయినా... ఇషాన్‌ కిషన్‌తో కలిసి సామ్సన్‌ ఇన్నింగ్స్‌ను నడిపించాడు. వీలు చిక్కినప్పుడల్లా బౌండరీలు సాధించిన ఈ జంట రెండో వికెట్‌కు 97 పరుగులు జోడించింది. ఈ క్రమంలో సామ్సన్‌ 21 బంతుల్లో అర్ధశతకం పూర్తి చేసుకున్నాడు.ఇషాన్‌ అవుటైన తర్వాత గత మ్యాచ్‌ సెంచరీ హీరో, కెప్టెన్‌ శ్రేయస్‌కు బదులు శివమ్‌ దూబేను బ్యాటింగ్‌కు పంపడం టీమిండియా కొంపముంచింది. షాట్‌లు ఆడేందుకు ఇబ్బంది పడ్డ అతడు 10 బంతులాడి 7 పరుగులే చేసి వెనుదిరిగాడు. దీంతో సామ్సన్‌ కూడా నెమ్మదించగా... మధ్య ఓవర్లలో పరుగుల వేగం బాగా తగ్గింది. చివర్లో శ్రేయస్, తిలక్‌ ధనాధన్‌ షాట్‌లతో రెచ్చిపోవడంతో వెస్టిండీస్‌పై భారత్‌ తమ అత్యధిక స్కోరు నమోదు చేయగలిగింది. వీరిద్దరు 32 బంతుల్లో 83 పరుగులు జోడించారు. 2 అంతర్జాతీయ టి20ల్లో ఇది (250) రెండో అతిపెద్ద ఛేదన. 2023లో వెస్టిండీస్‌పై దక్షిణాఫ్రికా జట్టు 259 పరుగుల లక్ష్యాన్ని ఛేదించింది.స్కోరు వివరాలు భారత్‌ ఇన్నింగ్స్‌: అభిషేక్‌ (సి) మోతీ (బి) చేజ్‌ 20; సామ్సన్‌ (సి) పూరన్‌ (బి) స్ప్రింగర్‌ 82; ఇషాన్‌ (బి) చేజ్‌ 43; శివమ్‌ దూబే (బి) చేజ్‌ 7; శ్రేయస్‌ (సి) హెట్‌మైర్‌ (బి) స్ప్రింగర్‌ 40; తిలక్‌ (నాటౌట్‌) 44; నమన్‌ (నాటౌట్‌) 4; ఎక్స్‌ట్రాలు 9; మొత్తం (20 ఓవర్లలో 5 వికెట్లకు) 249. వికెట్ల పతనం: 1–42, 2–139, 3–158, 4–162, 5–245. బౌలింగ్‌: అకీల్‌ 3–0–46–0; షెఫర్డ్‌ 3.4–0–47–0; చేజ్‌ 4–0–24–3; మోతీ 2–0–21–0; షమార్‌ జోసెఫ్‌ 3–0–39–0; స్ప్రింగర్‌ 4–0–64–2; పావెల్‌ 0.2–0–7–0. వెస్టిండీస్‌ ఇన్నింగ్స్‌: హోప్‌ (నాటౌట్‌) 102; కమిల్‌ (సి) (సబ్‌) బిష్ణోయ్‌ (బి) మయాంక్‌ 4; హెట్‌మైర్‌ (బి) మయాంక్‌ 0; పావెల్‌ (బి) మయాంక్‌ 24; రూథర్‌ఫోర్డ్‌ (సి) సామ్సన్‌ (బి) కుల్దీప్‌ 84; షెఫర్డ్‌ (నాటౌట్‌) 34; ఎక్స్‌ట్రాలు 4; మొత్తం (18.3 ఓవర్లలో 4 వికెట్లకు) 252. వికెట్ల పతనం: 1–5, 2–5, 3–58, 4–178. బౌలింగ్‌: మయాంక్‌ యాదవ్‌ 3–0–36–3; అర్ష్ దీప్ 4–0–45–0; అక్షర్‌ 3.3–0–63–0; దూబే 2–0–30–0; కుల్దీప్‌ 4–0–53–1; నమన్‌ ధీర్‌ 2–0–25–0.

రాంచీ వేదిక‌గా టీమిండియాతో జ‌రిగిన రెండో టీ20 మ్యాచ్‌లో వెస్టిండీస్ ఆరు వికెట్ల తేడాతో సంచ‌ల‌న విజ‌యాన్ని సాధించింది. భార‌త్ విధించిన 250 ప‌రుగుల భారీ ల‌క్ష్యాన్ని విండీస్ 18.3 ఓవ‌ర్లలోనే ఛేదించ‌డం విశేషం. కెప్టెన్ షెయ్ హోప్ (45 బంతుల్లో 102 నాటౌట్‌, 6 ఫోర్లు, 9 సిక్స‌ర్లు) ఆకాశ‌మే హ‌ద్దుగా చెల‌రేగాడు. హోప్‌కు తోడు రూథ‌ర్‌ఫోర్డ్ (37 బంతుల్లో 84, 7 ఫోర్లు, 7 సిక్స‌ర్లు) విధ్వంసం సృష్టించ‌గా, ఆఖ‌ర్లో రొమారియో షెప‌ర్డ్ (13 బంతుల్లో 34 నాటౌట్‌, 3 ఫోర్లు, 3 సిక్స‌ర్లు) మెరుపులు తోడ‌య్యాయి. భార‌త బౌల‌ర్ల‌లో మ‌యాంక్ యాద‌వ్ 3 వికెట్లు తీయ‌గా, కుల్దీప్ యాద‌వ్ ఒక వికెట్ ప‌డ‌గొట్టాడు. అంతకముందు టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40; 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌; 3 ఫోర్లు, 3 సిక్సర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు. దీంతో ఐదు మ్యాచ్‌ల టీ20 సిరీస్‌లో ఇరుజట్లు 1-1తో సమంగా నిలిచాయి. ఇరుజట్ల మధ్య మూడో టీ20 ఆదివారం జరగనుంది.👉తద్వారా వెస్టిండీస్ తమ టీ20 చరిత్రలోనే అత్యధిక పరుగుల టార్గెట్‌ను విజయవంతంగా ఛేదించి ప్రపంచ రికార్డు నెలకొల్పింది. గ‌తంలో 2015లో ద‌క్షిణాఫ్రికా విధించిన 236 ప‌రుగుల ల‌క్ష్యాన్ని 19.2 ఓవ‌ర్ల‌లో ఆరు వికెట్లు కోల్పోయి ఛేదించ‌డ‌మే ఇప్ప‌టివ‌ర‌కు ఆ జ‌ట్టుకు అత్యుత్త‌మంగా ఉండేది. తాజాగా టీమిండియాపై 250 ప‌రుగుల టార్గెట్‌ను ఛేదించి ప్ర‌పంచ రికార్డు నెల‌కొల్పింది. 2024లో ఇంగ్లండ్ విధించిన 221 ప‌రుగుల టార్గెట్‌ను 5 వికెట్లు కోల్పోయి 19 ఓవ‌ర్ల‌లోనే ఛేదించింది. 👉ఇక 2016లో ముంబై వేదిక‌గా టీమిండియా విధించిన‌ 196 ప‌రుగుల ల‌క్ష్యాన్ని వెస్టిండీస్ 19.4 ఓవ‌ర్ల‌లో మూడు వికెట్లు కోల్పోయి అందుకుంది. 2017లో కింగ్‌స్ట‌న్ వేదిక‌గా భార‌త్ విధించిన 194 ప‌రుగుల ల‌క్ష్యాన్ని 18.3 ఓవ‌ర్లలో ఒక వికెట్ మాత్ర‌మే కోల్పోయి ఛేధించ‌డం విశేషం. 👉 ఇక అంతర్జాతీయ టీ20 క్రికెట్‌లో చేజింగ్‌లో వెస్టిండీస్‌ ఛేదించిన 250 పరుగుల లక్ష్యం రెండో అత్యుత్తమం. 2023లో ఇదే వెస్టిండీస్‌పై సౌతాఫ్రికా 259 పరుగుల లక్ష్యాన్ని 4 వికెట్లు కోల్పోయి ఛేదించడం ఇప్పటికీ ప్రపంచ రికార్డుగానే ఉంది.Brilliant knocks from Shai Hope and Sherfane Rutherford guide West Indies home in the 2nd T20I in Ranchi. We move to Indore for the 3rd T20I. Scorecard ▶️ https://t.co/mZlyaWZsoe #TeamIndia | #INDvWI | @mflone_ https://t.co/Inp7I7R259— BCCI (@BCCI) October 9, 2026ఇదీ చదవండి: చ‌రిత్ర సృష్టించిన తిల‌క్ వ‌ర్మ‌..

రాంచీ వేదిక‌గా టీమిండియాతో జ‌రిగిన రెండో టీ20 మ్యాచ్‌లో వెస్టిండీస్ ఆరు వికెట్ల తేడాతో సంచ‌ల‌న విజ‌యాన్ని సాధించింది. భార‌త్ విధించిన 250 ప‌రుగుల భారీ ల‌క్ష్యాన్ని విండీస్ 18.3 ఓవ‌ర్లలోనే ఛేదించ‌డం విశేషం. కెప్టెన్ షెయ్ హోప్ (45 బంతుల్లో 102 నాటౌట్‌, 6 ఫోర్లు, 9 సిక్స‌ర్లు) ఆకాశ‌మే హ‌ద్దుగా చెల‌రేగాడు. హోప్‌కు తోడు రూథ‌ర్‌ఫోర్డ్ (37 బంతుల్లో 84, 7 ఫోర్లు, 7 సిక్స‌ర్లు) విధ్వంసం సృష్టించ‌గా, ఆఖ‌ర్లో రొమారియో షెప‌ర్డ్ (13 బంతుల్లో 34 నాటౌట్‌, 3 ఫోర్లు, 3 సిక్స‌ర్లు) మెరుపులు తోడ‌య్యాయి. భార‌త బౌల‌ర్ల‌లో మ‌యాంక్ యాద‌వ్ 3 వికెట్లు తీయ‌గా, కుల్దీప్ యాద‌వ్ ఒక వికెట్ ప‌డ‌గొట్టాడు.దంచికొడుతున్న విండీస్‌..250 పరుగుల భారీ టార్గెట్‌తో బరిలోకి దిగిన వెస్టిండీస్ 9 ఓవర్లు ముగిసేసరికి 3 వికెట్ల నష్టానికి 113 పరుగులు చేసింది. కెప్టెన్ హోప్‌ 24 బంతుల్లో ఫిఫ్టీ మార్క్‌ అందుకోగా, రూథర్‌ఫోర్డ్ (31) క్రీజులో​ ఉన్నాడు. అంతకముందు విండీస్ కోల్పోయిన మూడు వికెట్లు మయాంక్ యాదవ్ ఖాతాలోకి వెళ్లాయి.విండీస్‌ టార్గెట్‌ 250 రన్స్‌రాంచీ వేదికగా వెస్టిండీస్‌తో జరుగుతున్న రెండో టీ20 మ్యాచ్‌లో టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40, 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌, 3 ఫోర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు.మూడో వికెట్ కోల్పోయిన టీమిండియాఏడు ప‌రుగులు చేసిన శివ‌మ్ దూబే చేజ్ బౌలింగ్‌లో క్లీన్‌బౌల్డ్‌గా వెనుదిర‌గ‌డంతో టీమిండియా 158 ప‌రుగుల వ‌ద్ద మూడో వికెట్ కోల్పోయింది. రోస్ట‌న్ చేజ్‌కు ఇది మూడో వికెట్ కావ‌డం గ‌మ‌నార్హం. శాంస‌న్ (82), శ్రేయ‌స్ (2) క్రీజులో ఉన్నారు.10 ఓవర్లలో భారత్‌ స్కోరెంతంటే?10 ఓవర్లు ముగిసేసరికి భారత్‌ వికెట్‌ నష్టానికి 127 పరుగులు చేసింది. సంజూ శాంసన్‌ (73), ఇషాన్‌ కిషన్‌ (33) క్రీజులో ఉన్నారు.ఫిఫ్టీ బాదిన సంజూ..టీమిండియా ఓపెనర్ సంజూ శాంసన్ 21 బంతుల్లో అర్థసెంచరీ మార్క్ చేరుకున్నాడు. అతడి ఇన్నింగ్స్‌లో 6 ఫోర్లు, 3 సిక్సర్లు ఉన్నాయి. ప్రస్తుతం భారత్ వికెట్ నష్టానికి 80 పరుగులు చేసింది.అభిషేక్ శ‌ర్మ (20) ఔట్‌..విండీస్‌తో జ‌రుగుతున్న రెండో టీ20లో బ్యాటింగ్‌కు దిగిన టీమిండియా తొలి వికెట్ కోల్పోయింది. 20 ప‌రుగులు చేసిన అభిషేక్ శ‌ర్మ.. రోస్ట‌న్ చేజ్ బౌలింగ్‌లో గుద‌కేశ్ మోతీకి క్యాచ్ ఇచ్చి వెనుదిరిగాడు. టీమిండియా 4 ఓవ‌ర్ల‌లో వికెట్ న‌ష్టానికి 42 ప‌రుగులు చేసింది.రాంచీ వేదిక‌గా టీమిండియా, వెస్టిండీస్ మధ్య రెండో టీ20 మ్యాచ్ ప్రారంభ‌మ‌య్యింది. టాస్ గెలిచిన వెస్టిండీస్‌ బౌలింగ్ ఎంచుకుంది. రెండో ఇన్నింగ్స్‌ సమయంలో మంచు కురిసే అవకాశం ఉండడంతో బౌలింగ్‌ ఎంచుకున్నట్లు హోప్‌ తెలిపాడు. తొలి టీ20 ఆడిన జట్టుతోనే టీమిండియా బరిలోకి దిగింది. మరోవైపు వెస్టిండీస్‌ మాత్రం తుదిజట్టులో ఒక మార్పు చేసింది.భారత్ తుదిజ‌ట్టు: అభిషేక్ శర్మ, సంజు శాంసన్(వికెట్ కీప‌ర్‌), ఇషాన్ కిషన్, శ్రేయాస్ అయ్యర్(కెప్టెన్‌), తిలక్ వర్మ, శివమ్ దూబే, నమన్ ధీర్, అక్షర్ పటేల్, అర్ష్‌దీప్ సింగ్, కుల్దీప్ యాదవ్, మయాంక్ యాదవ్వెస్టిండీస్ తుదిజ‌ట్టు: షెయ్ హోప్ (కెప్టెన్‌, వికెట్ కీప‌ర్‌), కమిల్ పూరన్, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, రొమారియో షెపర్డ్, గుడాకేష్ మోటీ, షమర్ స్ప్రింగర్, అకేల్ హోసేన్, షమర్ జోసెఫ్.🚨 Toss 🚨 West Indies have won the toss and elected to field first in Ranchi. Updates ▶️ https://t.co/mZlyaWZsoe #TeamIndia | #INDvWI | @mflone_ https://t.co/0KxGk6XkDf— BCCI (@BCCI) October 9, 2026ఇదీ చదవండి: పాక్‌తో మ్యాచ్‌; బ‌రిలో భారత దిగ్గజ క్రికెటర్ల కుమారులు!

సొంతగడ్డపై వెస్టిండీస్‌తో టీ20 సిరీస్‌ను టీమిండియా ఘనంగా ఆరంభించింది. లక్నో వేదికగా మంగళవారం నాటి తొలి టీ20 మ్యాచ్‌లో విండీస్‌ జట్టును ఎనిమిది వికెట్ల తేడాతో చిత్తు చేసింది. కరేబియన్లు విధించిన 172 పరుగుల లక్ష్యాన్ని కేవలం 14.4 ఓవర్లలోనే ఊదేసింది.కెప్టెన్‌ శ్రేయస్‌ అయ్యర్‌ మెరుపు శతకం (43 బంతుల్లో 102 నాటౌట్‌)తో చెలరేగి టీమిండియా విజయంలో కీలక పాత్ర పోషించాడు. ఇదిలా ఉంటే.. భారత్‌తో మ్యాచ్‌లో వెస్టిండీస్‌ యువ పేసర్‌ మాథ్యూ ఫోర్డ్‌ చెత్త బౌలింగ్‌తో విమర్శలు మూటగట్టుకున్నాడు.Sealed in 𝙨𝙤𝙢𝙚 𝙨𝙩𝙮𝙡𝙚! 💥 🎥 A breathtaking batting display from #TeamIndia to clinch the 1️⃣st T20I by eight wickets 👊 Scorecard ▶️ https://t.co/2czVyKWreK #INDvWI | @mflone_ https://t.co/JgxYkZLDwS— BCCI (@BCCI) October 6, 2026అతడి బౌలింగ్‌లో ఆడేసుకున్నారువిండీస్‌ బౌలింగ్‌ అటాక్‌ ఆరంభించిన ఫోర్డ్‌.. తొలి ఓవర్లోనే పదిహేను పరుగులు ఇచ్చుకున్నాడు. అతడి బౌలింగ్‌లో ఓపెనర్‌ అభిషేక్‌ శర్మ ఓ సిక్స్‌, రెండు ఫోర్లు బాదాడు. ఇక పద్నాలుగో ఓవర్లో కెప్టెన్‌ షాయీ హోప్‌ మరోసారి ఫోర్డ్‌ చేతికి బంతినిచ్చాడు.ఈసారి కూడా అతడు దారుణంగా విఫలమయ్యాడు. ఫోర్డ్‌ బౌలింగ్‌లో శ్రేయస్‌ అయ్యర్‌ మూడు సిక్సర్లు, ఓ బౌండరీ బాది ఏకంగా 24 పరుగులు పిండుకున్నాడు. దీంతో ఫోర్డ్‌కు ఈ మ్యాచ్‌లో పీడకలే మిగిలింది. కేవలం రెండు ఓవర్లు మాత్రమే వేసిన ఈ రైటార్మ్‌ పేసర్‌ ఏకంగా 39 పరుగులు ఇచ్చుకుని వికెట్‌ మాత్రం తీయలేకపోయాడు.66 ఏళ్ల వయసులో నేనూ చితక్కొడతా!ఈ నేపథ్యంలో భారత మాజీ కెప్టెన్‌ క్రిష్ణమాచారి శ్రీకాంత్‌ 24 ఏళ్ల మాథ్యూ ఫోర్డ్‌ బౌలింగ్‌ తీరుపై ఆగ్రహం వ్యక్తం చేశాడు. ‘‘అసలు ఫోర్డ్‌ని ఆల్‌రౌండర్‌ అని ఎలా పిలుస్తున్నారు? ప్రస్తుతం నేను.. 66 ఏళ్ల వయసులోనూ అతడి బౌలింగ్‌ను చితక్కొట్టగలను.అతడి బౌలింగ్‌ అంత చెత్తగా ఉంది. షమార్‌ జోసెఫ్‌ బౌలింగ్‌లో కూడా పస తగ్గిపోయింది. అతడు అత్యంత సాధారణంగా బౌలింగ్‌ చేస్తున్నాడు. నిజానికి జాన్‌ కాంప్‌బెల్‌, ఆమిర్‌ జాంగూ, జేడన్‌ సీల్స్‌ విండీస్‌ తరఫున టీ20 ఫార్మాట్లోనూ ఆడాలి.వారికి బదులు ఎవరో కొందరు అనామకులు ఆడటం ఎంతమాత్రం సరికాదు. వెస్టిండీస్‌ జట్టు అతి సాధారణంగా ఉంది. వాళ్లు జట్టును ఎలా ఎంపిక చేస్తున్నారో తెలియదు. నిజానికి ఈ మ్యాచ్‌లో విండీస్‌ 190- 195 వరకు స్కోరు చేయగలిగేది. సెన్స్‌లెస్‌ బ్యాటింగ్‌కానీ వాళ్ల బ్యాటింగ్‌ ఆర్డర్‌ కుప్పకూలింది. కేవలం స్లాగ్‌ షాట్లు ఆడేందుకే బ్యాటర్లు ప్రయత్నించారు. నిజంగా అదొక తెలివిలేని బ్యాటింగ్‌. సెన్స్‌లెస్‌’’ అంటూ చిక్కా విండీస్‌ బ్యాటింగ్‌ విభాగంపై ఘాటు వ్యాఖ్యలు చేశాడు.కాగా టీమిండియాతో తొలి టీ20లో కెప్టెన్‌ షాయీ హోప్‌ (37 బంతుల్లో 52), షెర్ఫానే రూథర్‌ఫర్డ్‌ (34 బంతుల్లో 56) అర్ధ శతకాలు చేశారు. మిగిలిన వారంతా ఇలా వచ్చి అలా పెవిలియన్‌ చేరారు. భారత బౌలర్లలో ఆల్‌రౌండర్‌ నమన్‌ ధిర్‌ మూడు వికెట్లతో సత్తా చాటగా.. అక్షర్‌ పటేల్‌, కుల్దీప్‌ యాదవ్‌ చెరో రెండు.. అర్ష్‌దీప్‌ సింగ్‌, మయాంక్‌ యాదవ్‌ తలా ఒక వికెట్‌ పడగొట్టారు.చదవండి: నా కల నెరవేరింది.. అతడొక అద్భుతం

టీమిండియాతో ఐదు మ్యాచ్‌ల టీ20 సిరీస్‌ను వెస్టిండీస్‌తో ఓట‌మితో ఆరంభించింది. లక్నో వేదికగా మంగళవారం జరిగిన తొలి టీ20లో వెస్టిండీస్ జట్టు భారత్ చేతిలో 8 వికెట్ల తేడాతో ఘోర పరాజయాన్ని మూటగట్టుకుంది. పర్యాటక జట్టు నిర్దేశించిన 172 పరుగుల లక్ష్యాన్ని భారత్ కేవలం రెండు వికెట్లు మాత్రమే కోల్పోయి 14.4 ఓవర్లలోనే ఊదిపడేసిందిటీమిండియా కెప్టెన్ శ్రేయస్ అయ్యర్ కేవలం 43 బంతుల్లోనే 102 పరుగులతో నాటౌట్‌గా నిలిచి, అద్భుత శతకంతో జట్టును విజయతీరాలకు చేర్చాడు. ఈ ఓటమిపై మ్యాచ్ అనంతరం కరేబియన్ జట్టు కెప్టెన్ షాయ్ హోప్ స్పందిస్తూ.. తమ బ్యాటింగ్ వైఫల్యమే ఓటమికి ప్రధాన కారణమని అంగీకరించాడు.మా ఓటమికి కారణమిదే"నిజాయితీగా చెప్పాలంటే ఈ మ్యాచ్‌లో మేము చాలా పొరపాట్లు చేశాం. ముఖ్యంగా బ్యాటింగ్‌లో తీవ్రంగా నిరాశపరిచాం. పవర్‌ప్లేలో ఆశించిన ఆరంభం లభించలేదు. దూకుడుగా ఆడే క్రమంలో వరుసగా వికెట్లు కోల్పోయాం. భారత్ లాంటి బలమైన జట్టుతో ఆడుతున్నప్పుడు బోర్డుపై భారీ స్కోరు ఉండటం చాలా అవసరం. వికెట్లను కాపాడుకుంటూ మరో 20 నుంచి 30 పరుగులు అదనంగా చేసి ఉంటే పరిస్థితి వేరుగా ఉండేది. ఆఖరి ఓవర్లలో కూడా అనుకున్నంతగా పరుగులు రాబట్టలేకపోయాం.రెండో ఇన్నింగ్స్‌లో మంచు ప్రభావం ఎక్కువగా ఉండటంతో భారత్‌కు లక్ష్య ఛేదన మరింత సులువైంది. అయితే ఈ విషయంలో బౌలర్లను తప్పుపట్టలేను. ఎంచుకున్న టీమ్ కాంబినేషన్ ప్రకారమే బరిలోకి దిగినప్పటికీ, జట్టులో మరొక అదనపు స్పిన్నర్ ఉండి ఉంటే బాగుండేదని మ్యాచ్ తర్వాత అనిపించింది.మా వ్యూహం ప్రకారం పవర్‌ప్లేలోనే రోస్టన్ చేజ్, అకీల్ హొసేన్‌లతో చెరో రెండు ఓవర్లు బౌలింగ్ చేయించాను. ఆ తర్వాత భారత్ మరికొన్ని వికెట్లు కోల్పోయి, వారి మిడిల్ ఆర్డర్‌లో లెఫ్ట్ హ్యాండర్లు వచ్చినప్పుడు చేజ్‌ను రంగంలోకి దించాలనుకున్నాం.కానీ మేమనుకున్న ప్లాన్ ఏదీ వర్కవుట్ అవ్వలేదు. మ్యాచ్ ముగిసాక ఎన్నైనా మాట్లాడుకోవచ్చు.. కానీ ఈ రోజు భారత్ మాకంటే అత్యుత్తమ ప్రదర్శన చేసి విజయం సాధించింది" అని పోస్ట్ మ్యాచ్ ప్రెజెంటేషన్‌లో షాయ్ హోప్ పేర్కొన్నాడు.చదవండి: IND vs NZ: సెలక్టర్ల సంచలన నిర్ణయం.. భారత కెప్టెన్‌గా ఎవ‌రూ ఊహించ‌ని ప్లేయ‌ర్‌

లక్నో: వన్డే సిరీస్‌లో వెస్టిండీస్‌పై ఆధిపత్యం ప్రదర్శించిన భారత్‌ టి20 సిరీస్‌లోనూ శుభారంభం చేసింది. కెప్టెన్‌ శ్రేయస్‌ ముందుండి నడిపించగా, అలవోక విజయాన్ని అందుకుంది. మంగళవారం జరిగిన తొలి టి20 మ్యాచ్‌లో భారత్‌ 8 వికెట్ల తేడాతో వెస్టిండీస్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన వెస్టిండీస్‌ 19.1 ఓవర్లలో 171 పరుగులకు ఆలౌటైంది. షెర్ఫాన్‌ రూథర్‌ఫర్డ్‌ (34 బంతుల్లో 56; 6 ఫోర్లు 3 సిక్స్‌లు), కెప్టెన్‌ షై హోప్‌ (37 బంతుల్లో 52; 6 ఫోర్లు, 2 సిక్స్‌లు) అర్ధ సెంచరీలు సాధించారు. ఈ మ్యాచ్‌తో అంతర్జాతీయ టి20ల్లో అరంగేట్రం చేసిన నమన్‌ ధీర్‌ (3/31) మూడు వికెట్లతో రాణించగా...అక్షర్‌ పటేల్, కుల్దీప్‌ యాదవ్‌ చెరో 2 వికెట్లు తీశారు. అనంతరం భారత్‌ 14.4 ఓవర్లలో 2 వికెట్లకు 172 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ శ్రేయస్‌ అయ్యర్‌ (43 బంతుల్లో 102 నాటౌట్‌; 10 ఫోర్లు, 6 సిక్స్‌లు) సెంచరీతో కదం తొక్కగా, ఇషాన్‌ కిషన్‌ (27 బంతుల్లో 37 నాటౌట్‌; 5 ఫోర్లు) రాణించాడు. వీరిద్దరు మూడో వికెట్‌కు 68 బంతుల్లోనే అభేద్యంగా 137 పరుగులు జోడించారు. భారత్‌ 1–0తో సిరీస్‌లో ఆధిక్యంలో నిలవగా, రెండో టి20 శుక్రవారం రాంచీలో జరుగుతుంది. ఆదుకున్న భాగస్వామ్యం... వన్డే సిరీస్‌ ఫామ్‌ను కొనసాగిస్తూ హోప్‌ దూకుడుగా ఇన్నింగ్స్‌ మొదలు పెట్టాడు. మయాంక్‌ ఓవర్లో అతను 4 ఫోర్లు కొట్టాడు. అయితే పవర్‌ప్లే ముగిసేలోపే 6 పరుగుల వ్యవధిలో 3 వికెట్లు కోల్పోయి విండీస్‌ కష్టాల్లో పడింది. పవర్‌ప్లేలో విండీస్‌ 44 పరుగులు చేయగా, ఆ తర్వాత హోప్, రూథర్‌ఫర్డ్‌ కలిసి జట్టును ఆదుకున్నారు. కుల్దీప్‌ ఓవర్లో చెరో సిక్స్‌ కొట్టిన వీరిద్దరు...అక్షర్‌ ఓవర్లో 2 ఫోర్లు, సిక్స్‌తో 18 పరుగులు రాబట్టారు. నమన్‌ ఓవర్లో భారీ సిక్స్‌తో 36 బంతుల్లో అర్ధసెంచరీ పూర్తి చేసుకున్న హోప్‌ తర్వాతి బంతికే వెనుదిరిగాడు.హోప్, రూథర్‌ఫర్డ్‌ నాలుగో వికెట్‌కు 35 బంతుల్లో 63 పరుగులు జోడించారు. ఆ తర్వాత విండీస్‌ మళ్లీ తడబడింది. మరో 21 పరుగుల వ్యవధిలో జట్టు తర్వాతి 4 వికెట్లు చేజార్చుకుంది. మరో వైపు తాను ఎదుర్కొన్న నాలుగు బంతుల్లో 3 ఫోర్లు కొట్టిన రూథర్‌ఫర్డ్‌ 31 బంతుల్లోనే హాఫ్‌ సెంచరీని చేరుకున్నాడు. చివర్లో అకీల్‌ హొసీన్‌ (15) కొన్ని కీలక పరుగులు జోడించారు. చెలరేగిన కెప్టెన్‌...తొలి ఓవర్లో 2 ఫోర్లు, సిక్స్‌ కొట్టిన అభిషేక్‌ శర్మ (21) దూకుడుగా ఛేదనను మొదలు పెట్టాడు. అయితే అభిషేక్‌తో పాటు సంజు సామ్సన్‌ (11) ఆరు పరుగుల తేడాతో అవుటయ్యారు. ఈ దశలో శ్రేయస్‌ ధాటిని ప్రదర్శించగా, ఇషాన్‌ అతనికి అండగా నిలిచాడు. వీరిద్దరి భాగస్వామ్యం జట్టును గెలుపు దిశగా నడిపించింది. జోసెఫ్‌ ఓవర్లో శ్రేయస్‌ వరుసగా 3 ఫోర్లు కొట్టడంతో పవర్‌ప్లే ముగిసే సరికి స్కోరు 62/2కు చేరింది. ఆ తర్వాత షెఫర్డ్‌ ఓవర్లోనూ వరుసగా మూడు ఫోర్లు బాదిన శ్రేయస్‌ 28 బంతుల్లోనే హాఫ్‌ సెంచరీని అందుకున్నాడు.అనంతరం మరింత జోరును ప్రదర్శించిన కెప్టెన్‌...ఫోర్డ్‌ ఓవర్లో 3 సిక్స్‌లు, ఫోర్‌ బాదడంతో మొత్తం 24 పరుగులు లభించాయి. ఛేజ్‌ వేసిన ఇన్నింగ్స్‌ 15వ ఓవర్‌ మూడో బంతిని లాంగాన్‌ మీదుగా భారీ సిక్సర్‌గా మలిచి కెరీర్‌లో తొలి శతకాన్ని (42 బంతుల్లో) నమోదు చేసిన శ్రేయస్‌...తర్వాతి బంతికి సింగిల్‌ తీసి మరో 32 బంతులు మిగిలి ఉండగానే మ్యాచ్‌ను ముగించాడు. ఈ ఫార్మాట్‌లో టీమిండియాకు ప్రాతినిధ్యం వహించిన 125వ ఆటగాడిగా నమన్‌ ధీర్‌ నిలిచాడు. 1 అంతర్జాతీయ టి20ల్లో శ్రేయస్‌కు ఇదే తొలి సెంచరీ. గతంలో 10 అర్ధ సెంచరీలు ఉండగా అత్యధిక స్కోరు 80 పరుగులు.స్కోరు వివరాలువెస్టిండీస్‌ ఇన్నింగ్స్‌: హోప్‌ (సి) అక్షర్‌ (బి) నమన్‌ 52; కామిల్‌ (బి) అర్ష్ దీప్‌ 12; హెట్‌మైర్‌ (రనౌట్‌) 5; పావెల్‌ (బి) అక్షర్‌ 0; రూథర్‌ఫర్డ్‌ (సి) నమన్‌ (బి) మయాంక్‌ 56; ఛేజ్‌ (ఎల్బీ) (బి) కుల్దీప్‌ 5; షెఫర్డ్‌ (సి) తిలక్‌ (బి) నమన్‌ 7; ఫోర్డ్‌ (సి) ఇషాన్‌ కిషన్‌ (బి) కుల్దీప్‌ 2; స్ప్రింగర్‌ (సి) అక్షర్‌ (బి) నమన్‌ 9; అకీల్‌ (సి) ఇషాన్‌ కిషన్‌ (బి) అక్షర్‌ 15; జోసెఫ్‌ (నాటౌట్‌) 0; ఎక్స్‌ట్రాలు 8; మొత్తం (19.1 ఓవర్లలో ఆలౌట్‌) 171. వికెట్ల పతనం: 1–38, 2–44, 3–44, 4–107, 5–114, 6–121, 7–124, 8–135, 9–171, 10–171. బౌలింగ్‌: అర్ష్ దీప్‌ 4–0–34–1, మయాంక్‌ యాదవ్‌ 4–0–40–1, అక్షర్‌ 3.1–1–26–2, కుల్దీప్‌ 4–0–33–2, నమన్‌ ధీర్‌ 4–0–31–3. భారత్‌ ఇన్నింగ్స్‌: సామ్సన్‌ (సి) అండ్‌ (బి) అకీల్‌ 11; అభిషేక్‌ (సి) హెట్‌మైర్‌ (బి) ఛేజ్‌ 21; ఇషాన్‌ కిషన్‌ (నాటౌట్‌) 37; శ్రేయస్‌ (నాటౌట్‌) 102; ఎక్స్‌ట్రాలు 1; మొత్తం (14.4 ఓవర్లలో 2 వికెట్లకు) 172. వికెట్ల పతనం: 1–29, 2–35. బౌలింగ్‌: ఫోర్డ్‌ 2–0–39–0, అకీల్‌ 4–0–37–1, ఛేజ్‌ 3.4–0–37–1, జోసెఫ్‌ 2–0–23–0, షెఫర్డ్‌ 2–0–24–0, స్ప్రింగర్‌ 1–0–12–0.ఇదీ చదవండి: న్యూజిలాండ్‌ టీ20 సిరీస్‌కు భారత జట్టు ప్రకటన

భారత స్పిన్‌ బౌలింగ్‌ ఆల్‌రౌండర్‌ నమన్‌ ధిర్‌ అరంగేట్రంలోనే చెలరేగిపోయాడు. విండీస్‌తో ఇవాళ జరుగుతున్న తొలి టీ20తో అంతర్జాతీయ పొట్టి ఫార్మాట్‌లోకి అడుగుపెట్టిన ధిర్‌.. ఈ మ్యాచ్‌లో ఏకంగా 3 వికెట్లు (3-31) పడగొట్టాడు. తద్వారా ప్రజ్ఞాన్‌ ఓజా (4-21), అక్షర్‌ పటేల్‌ (3-17) తర్వాత అరంగేట్రంలో అత్యుత్తమ గణాంకాలు నమోదు చేసిన బౌలర్‌గా నిలిచాడు. మ్యాచ్‌ విషయానికొస్తే.. టాస్‌ గెలిచి తొలుత బౌలింగ్‌ ఎంచుకున్న భారత్‌ విండీస్‌ను కట్టడి చేసినట్లే చేసి, చివరికి ఓ మోస్తరు స్కోర్‌ చేయనచ్చింది (19.1 ఓవర్లలో 174 పరుగులకు ఆలౌట్‌). హోప్‌ (52), రూథర్‌ఫోర్డ్‌ (56) మెరుపు అర్ద సెంచరీలతో రాణించారు.భారత బౌలర్లు వరుస విరామాల్లో వికెట్లు తీసినప్పటికీ.. హొప్‌, రూథర్‌ఫోర్డ్‌ వీలు చిక్కినప్పుడంతా భారీ షాట్లు ఆడి స్కోర్‌ను ముందుకు తీసుకెళ్లారు. ముఖ్యంగా రూథర్‌ఫోర్డ్‌ ఇన్నింగ్స్‌ చివర్లో భారత బౌలర్లపై ఎదురుదాడి చేశాడు. ఓ దశలో 150 పరుగుల మార్కు కూడా తాకలేదనుకున్న విండీస్‌ స్కోర్‌, రూథర్‌ఫోర్డ్‌ పుణ్యమా అని 171 పరుగులకు చేరింది. విండీస్‌ ఇన్నింగ్స్‌లో హోప్‌, రూథర్‌ఫోర్డ్‌ మినహా ఎవరూ చెప్పుకోదగ్గ స్కోర్లు చేయలేదు. ఆఖర్లో రూథర్‌ఫోర్డ్‌తో పాటు అకీల్‌ హొసేన్‌ (15) ఒకటి అరా షాట్లు ఆడాడు.భారత బౌలర్లలో నమన్‌ ధిర్‌తో పాటు కుల్దీప్‌ యాదవ్‌ (2-33), అక్షర్‌ పటేల్‌ (2-26), అర్షదీప్‌ సింగ్‌ (1-34) అద్భుతంగా బౌలింగ్‌ చేశారు. మయాంక్‌ యాదవ్‌ (1-40) ప్రమాదకరంగా కనిపించిన రూథర్‌ఫోర్డ్‌ను ఔట్‌ చేసినప్పటికీ పరుగులు ధారాళంగా సమర్పించుకున్నాడు. ఇదీ చదవండి: జడేజా కంటే అక్షర్‌ బెటర్‌.. అశ్విన్‌ ఆసక్తికర వ్యాఖ్యలు

లక్నో వేదికగా వెస్టిండీస్‌తో తొలి టీ20 మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ సందర్భంగా భారత టీ20 జట్టు కెప్టెన్‌ శ్రేయస్‌ అయ్యర్‌ మాట్లాడుతూ.. ‘‘ఏకనా పిచ్‌ మిశ్రమంగా ఉంటుంది. ఇక్కడ తేమ ప్రభావం కూడా పడుతుంది. కాబట్టి మేము ముందుగా బౌలింగ్‌ చేయాలని నిర్ణయించుకున్నాము.కఠిన సవాలుశనివారమే ఆసియా క్రీడల ఫైనల్‌ గెలిచి స్వర్ణంతో స్వదేశానికి తిరిగి వచ్చిన తర్వాత.. మూడు రోజుల్లోనే (మంగళవారం) ఈ మ్యాచ్‌ ఆడటం కాస్త ఇబ్బందిగానే ఉంది. నిజానికి జపాన్‌ నుంచి వచ్చిన తర్వాత నేను ఒక్క రోజు మా ఇంట్లో ఉన్నాను. ఆ తర్వాత లక్నోకు వచ్చేశాను.వాళ్లు అద్భుతంగా ఆడుతున్నారుఏదేమైనా ఈరోజు మ్యాచ్‌ మాకు కఠిన సవాలు విసరబోతోంది. విండీస్‌ ఆఖరి వన్డేలో అద్భుతంగా ఆడింది. టీ20 క్రికెట్‌లో కరేబియన్ల ఆధిపత్యం గురించి ప్రత్యేకంగా చెప్పాల్సిన పనిలేదు. గత రెండేళ్లుగా వాళ్లు అద్భుతంగా ఆడుతున్నారు.విండీస్‌ జట్టును అంచనా వేయడం చాలా కష్టం.. షాయీ హోప్‌ సహా ఎంతో మంది అద్బుతమైన బ్యాటర్లు ఆ జట్టులో ఉన్నారు. ఆల్‌రౌండర్లకు కూడా కొదవలేదు’’ అని పేర్కొన్నాడు. వెస్టిండీస్‌ను తాము ఎంతమాత్రం తేలికగా తీసుకోవడం లేదని శ్రేయస్‌ అయ్యర్‌ స్పష్టం చేశాడు.అతడి పేరు మర్చిపోయిన శ్రేయస్‌ అయ్యర్‌అదే సమయంలో విండీస్‌తో తొలి టీ20 తుదిజట్టుకు సంబంధించిన వివరాలు వెల్లడిస్తూ శ్రేయస్‌ అయ్యర్‌ ఓ ఆటగాడి పేరు మర్చిపోయాడు. ‘‘మా తుదిజట్టులో రవి బిష్ణోయి, నితీశ్‌ రెడ్డి, వైభవ్‌ సూర్యవంశీ లేరు. ఇంకో ఆటగాడు కూడా ఈరోజు ఆడటం లేదు. నేను అతడి పేరును మర్చిపోయాను.హా.. గుర్తొచ్చింది. ప్రిన్స్‌ యాదవ్‌ కూడా తుదిజట్టులో లేడు’’ అని శ్రేయస్‌ అయ్యర్‌ తెలిపాడు. కాగా జపాన్‌ వేదికగా ఆసియా క్రీడల టోర్నీ ఫైనల్లో పాకిస్తాన్‌పై గెలిచిన టీమిండియా వరుసగా రెండో ఎడిషన్‌లో స్వర్ణ పతకాన్ని ముద్దాడింది.వైభవ్‌తో పాటు అతడికి దక్కని చోటుఇక పాక్‌తో టైటిల్‌ పోరులో యువ ఓపెనర్‌ వైభవ్‌ సూర్యవంశీతో పాటు రవి బిష్ణోయి, వాషింగ్టన్‌ సుందర్‌, జస్‌ప్రీత్‌ బుమ్రా ఆడారు. అయితే, వాషీ, బుమ్రాకు విండీస్‌ సిరీస్‌ నుంచి విశ్రాంతినివ్వగా.. విప్రాజ్‌ నిగమ్‌, యశ్‌ ఠాకూర్‌లకు చోటు దక్కలేదు. ప్రిన్స్‌ యాదవ్‌, మయాంక్‌ యాదవ్‌, నితీశ్‌ కుమార్‌ రెడ్డి, నమన్‌ ధిర్‌, కుల్దీప్‌ యాదవ్‌ జట్టులోకి వచ్చారు.ఇటీవలే వెస్టిండీస్‌తో సిరీస్‌ సందర్భంగా వన్డేల్లో అరంగేట్రం చేసిన నమన్‌ ధిర్‌.. తాజాగా మంగళవారం నాటి మ్యాచ్‌తో అంతర్జాతీయ టీ20లలోనూ అరంగేట్రం చేశాడు. ఇదిలా ఉంటే.. విండీస్‌తో తొలి రెండు మ్యాచ్‌లలో గెలిచి వన్డే సిరీస్‌ను భారత్‌ 2-1తో కైవసం చేసుకున్న సంగతి తెలిసిందే.తొలి టీ20కి భారత తుదిజట్టుఅభిషేక్‌ శర్మ, సంజూ శాంసన్‌ (వికెట్‌ కీపర్‌), ఇషాన్‌ కిషన్‌, శ్రేయస్‌ అయ్యర్‌ (కెప్టెన్‌), తిలక్‌ వర్మ, శివం దూబే, నమన్‌ ధిర్‌, అక్షర్‌ పటేల్‌, అర్ష్‌దీప్‌ సింగ్‌, కుల్దీప్‌ యాదవ్‌, మయాంక్‌ యాదవ్‌బెంచ్‌: వైభవ్‌ సూర్యవంశీ, ప్రిన్స్‌ యాదవ్‌, రవి బిష్ణోయి, నితీశ్‌ కుమార్‌ రెడ్డి.విండీస్‌ తుదిజట్టుషాయీ హోప్‌ (కెప్టెన్‌, వికెట్‌ కీపర్‌), కమిల్‌ పూరన్‌, షిమ్రన్‌ హెట్‌మెయిర్‌, రోవ్‌మన్‌ పావెల్‌, షెర్ఫానే రూథర్‌ఫర్డ్‌, రొమారియో షెఫర్డ్‌, మాథ్యూ ఫోర్డ్‌, రోస్టన్‌ ఛేజ్‌, అకీల్‌ హొసేన్‌, షమార్‌ జోసెఫ్‌, షమార్‌ స్ప్రింగర్‌.బెంచ్‌: ఆమిర్‌ జాంగూ, గుడకేశ్‌ మోటి, కీమో పాల్‌, క్విన్‌టిన్‌ సామ్‌ప్సన్‌.చదవండి: నాశనం చేస్తున్నారు: గంభీర్‌, గిల్‌పై మాజీ క్రికెటర్‌ ఫైర్‌

తొలి టీ20లో టీమిండియా ఘన విజయంలక్నో వేదికగా వెస్టిండీస్‌తో జరిగిన తొలి టీ20లో భారత్‌ 8 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన భారత్‌ విండీస్‌ను 171 పరుగులకే (19.1 ఓవర్లు) ఆలౌట్‌ చేసింది. అనంతరం శ్రేయస్‌ అయ్యర్‌ మెరుపు శతకంతో విరుచుకుపడటంతో భారత్‌ 14.4 ఓవర్లలో 2 వికెట్లు మాత్రమే కోల్పోయి సునాయాసంగా లక్ష్యాన్ని ఛేదించింది.రెండో వికెట్ కోల్పోయిన భారత్35 పరుగుల వద్ద భారత్‌ రెండో వికెట్ కోల్పోయింది. సంజూ శాంసన్‌ 11 పరుగుల వద్ద .. బౌలర్‌ అకేల్ హోసేన్‌కు రిటర్న్‌ క్యాచ్ ఇచ్చి వెనుదిరిగారు. దీంతో భారత్‌ కష్టాల్లో పడింది.తొలి వికెట్‌ కోల్పోయిన భారత్‌2.3వ ఓవర్‌- 29 పరుగుల వద్ద భారత్‌ తొలి వికెట్‌ కోల్పోయింది. ధాటిగా ఆడుతున్న అభిషేక్‌ శర్మ (21) రోస్టన్‌ ఛేజ్‌ బౌలింగ్‌లో హెట్‌మైర్‌కు క్యాచ్‌ ఇచ్చి ఔటయ్యాడు.171 పరుగులకు విండీస్‌ ఆలౌట్‌టాస్‌ ఓడి తొలుత బ్యాటింగ్‌ చేసిన వెస్టిండీస్‌ 171 పరుగులకు ఆలౌటైంది. హోప్‌ (52), రూథర్‌ఫోర్డ్‌ (56) అర్ద సెంచరీలతో రాణించారు. భారత బౌలర్లలో నమన్‌ ధిర్‌ 3, కుల్దీప్‌, అక్షర్‌ తలో 2, అర్షదీప్‌, మయాంక్‌ యాదవ్‌ చెరో వికెట్‌ తీశారు. ఎనిమిదో వికెట్‌ కోల్పోయిన విండీస్‌15.5వ ఓవర్‌- 135 పరుగుల వద్ద విండీస్‌ ఎనిమిదో వికెట్‌ కోల్పోయింది. నమన్‌ ధిర్‌ బౌలింగ్‌లో అక్షర్‌ పటేల్‌కు క్యాచ్‌ ఇచ్చి స్ప్రింగర్‌ (9) ఔటయ్యాడు. ఏడో వికెట్‌ కోల్పోయిన విండీస్‌14.1వ ఓవర్‌- 124 పరుగుల వద్ద విండీస్‌ ఏడో వికెట్‌ కోల్పోయింది. కుల్దీప్‌ బౌలింగ్‌లో ఇషాన్‌ కిషన్‌కు క్యాచ్‌ ఇచ్చి ఫోర్డ్‌ (2) ఔటయ్యాడు. ఆరో వికెట్‌ కోల్పోయిన విండీస్‌13.2వ ఓవర్‌- 121 పరుగుల వద్ద విండీస్‌ ఆరో వికెట్‌ కోల్పోయింది. నమన్‌ ధిర్‌ బౌలింగ్‌లో తిలక్‌ వర్మకు క్యాచ్‌ ఇచ్చి షెపర్డ్‌ (7) ఔటయ్యాడు. ఐదో వికెట్‌ కోల్పోయిన విండీస్‌12.3వ ఓవర్‌- 114 పరుగుల వద్ద విండీస్‌ ఐదో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో రోస్టన్‌ ఛేజ్‌ (5) ఎల్బీడబ్ల్యూ అయ్యాడు. నాలుగో వికెట్‌ కోల్పోయిన విండీస్‌.. హోప్‌ ఔట్‌11.4వ ఓవర్‌- 107 పరుగుల వద్ద విండీస్‌ నాలుగో వికెట్‌ కోల్పోయింది. నమన్‌ ధిర్‌ బౌలింగ్‌లో సిక్సర్‌తో హాఫ్‌ సెంచరీ పూర్తి చేసిన హోప్‌ (52) ఆతర్వాతి బంతికే అక్షర్‌ పటేల్‌కు క్యాచ్‌ ఇచ్చి ఔటయ్యాడు. విండీస్‌ స్కోర్‌ 11 ఓవర్లలో 100-3హోప్‌ (46), రూథర్‌ఫోర్డ్‌ (31)ఒకే ఓవర్‌లో 2 వికెట్లు కోల్పోయిన విండీస్‌5.5వ ఓవర్‌- ఒకే ఓవర్‌లో విండీస్‌ రెండు వికెట్లు కోల్పోయింది. రెండో బంతికి డేంజరస్‌ బ్యాటర్‌ హెట్‌మైర్‌ రనౌట్‌ కాగా.. ఐదో బంతికి మరో డేంజరస్‌ ఆటగాడు రోవ్‌మన్‌ పావెల్‌ (0)ను అక్షర్‌ పటేల్‌ క్లీన్‌ బౌల్డ్‌ చేశాడు. రెండో వికెట్‌ కోల్పోయిన విండీస్‌.. డేంజరస్‌ బ్యాటర్‌ ఔట్‌5.2వ ఓవర్‌- 44 పరుగుల వద్ద విండీస్‌ రెండో వికెట్‌ కోల్పోయింది. డేంజరస్‌ బ్యాటర్‌ షిమ్రోన్‌ హెట్‌మైర్‌ (5) రనౌటయ్యాడు. తొలి వికెట్‌ కోల్పోయిన విండీస్‌4.3వ ఓవర్‌- 38 పరుగుల వద్ద విండీస్‌ తొలి వికెట్‌ కోల్పోయింది. అర్షదీప్‌ సింగ్‌ బౌలింగ్‌లో కమిల్‌ పూరన్‌ (12) క్లీన్‌ బౌల్డ్‌ అయ్యాడు. ధాటిగా ఆడుతున్న హోప్‌టాస్‌ ఓడి తొలుత బ్యాటింగ్‌కు దిగిన విండీస్‌కు శుభారంభం లభించింది. ఓపెనర్‌ షాయ్‌ హోప్‌ (13 బంతుల్లో 22) ధాటిగా ఆడుతున్నాడు. మరో ఓపెనర్‌ కమిల్‌ పూరన్‌ (5) ఆచితూచి బ్యాటింగ్‌ చేస్తున్నాడు. భారత్‌-వెస్టిండీస్‌ జట్ల మధ్య ఐదు మ్యాచ్‌ల టీ20 సిరీస్‌ ఈ రోజు నుంచి ప్రారంభమవుతుంది. లక్నోలోని భారత రత్న అటల్‌ బిహారి వాజ్‌పేయి ఎకానా క్రికెట్‌ స్టేడియంలో తొలి మ్యాచ్‌ మరికాసేపట్లో మొదలవుతుంది. ఈ మ్యాచ్‌లో టాస్‌ గెలిచిన భారత్‌ బౌలింగ్‌ ఎంచుకుంది.కొద్ది రోజుల కిందటే విండీస్‌ వన్డే అరంగేట్రం చేసిన విధ్వంసకర బ్యాటర్‌ నమన్‌ ధిర్‌ ఈ మ్యాచ్‌తో టీ20 అరంగేట్రం కూడా చేశాడు. పేసర్‌ అర్షదీప్‌ సింగ్‌ నమన్‌కు టీమిండియా తొలి క్యాప్‌ అందజేశాడు. తుది జట్లుభారత్‌: అభిషేక్ శర్మ, సంజు శాంసన్ (wk), ఇషాన్ కిషన్, శ్రేయస్ అయ్యర్ (c), తిలక్ వర్మ, శివమ్ దూబే, నమన్‌ ధిర్‌, అక్షర్ పటేల్, కుల్దీప్ యాదవ్, అర్ష్‌దీప్ సింగ్, మయాంక్ యాదవ్వెస్టిండీస్‌: కమిల్ పూరన్, షాయ్ హోప్ (c & wk), షిమ్రాన్ హెట్మెయర్, రోస్టన్ చేజ్, రోవ్‌మాన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్, మాథ్యూ ఫోర్డ్, అకేల్ హోసేన్, షమర్ జోసెఫ్, షమార్‌ స్ప్రింగర్‌ఇదీ చదవండి: సెంచరీతో కదంతొక్కిన ఆసీస్‌ ప్లేయర్‌.. టీమిండియా టార్గెట్‌ ఎంతంటే..?

వెస్టిండీస్‌పై వ‌న్డే సిరీస్ విజ‌యంతో జోష్ మీదున్న టీమిండియాకు భారీ షాక్ త‌గిలింది. న్యూ చండీగ‌ఢ్ వేదిక‌గా జ‌రిగిన మూడో వ‌న్డేలో స్లో ఓవ‌ర్ రేట్ న‌మోదు చేసినందుకు ఇరుజ‌ట్ల‌కు ఐసీసీ జ‌రిమానా విధించింది. అయితే వెస్టిండీస్ కంటే భార‌త్‌కే ఎక్కువ‌గా జ‌రిమానా విధించ‌డం ఆశ్చర్యపరిచింది.స్లో ఓవ‌ర్ రేట్ న‌మోదు చేసినందుకు వెస్టిండీస్‌కు వారి మ్యాచ్ ఫీజులో 10 శాతం జ‌రిమానా విధించగా.. అదే స‌మ‌యంలో భార‌త్‌కు మాత్రం వారి మ్యాచ్ ఫీజులో నుంచి 20 శాతం జ‌రిమానా విధించ‌డం గ‌మ‌నార్హం. నిర్ణీత స‌మ‌యం ముగిసేలోగా భార‌త్ నాలుగు ఓవ‌ర్లు వెనుకంజ‌లో ఉండ‌గా, వెస్టిండీస్ రెండు ఓవ‌ర్లు వెనుకంజ‌లో ఉందని, అందుకే విండీస్ కంటే భారత్‌కు ఎక్కువ జరిమానా విధించినట్లు ఐసీసీ మ్యాచ్ రిఫ‌రీ ప్ర‌కాశ్ భ‌ట్ స్ప‌ష్టం చేశారు. దీంతో ఆర్టిక‌ల్ 2.22 ప్ర‌కారం ఐసీసీ కోడ్ ఆఫ్ కండ‌క్ట్ కింద మ్యాచ్‌లో స్లో ఓవ‌ర్‌రేట్ న‌మోదు చేసినందుకు గానూ భారత్‌ మ్యాచ్‌ ఫీజులో 20 శాతం, విండీస్‌ జట్టు మ్యాచ్‌ ఫీజులో 10 శాతం జరిమానాతో పాటు, కేటాయించిన సమయంలోపూ బౌలింగ్ చేయడంలో విఫలమైన ప్రతి ఓవర్‌కు ఆటగాళ్లకు వారి మ్యాచ్ ఫీజులో అద‌నంగా ఐదు శాతం జరిమానా విధిస్తున్నట్లు రిఫ‌రీ వెల్ల‌డించారు. అయితే ఇద్ద‌రు కెప్టెన్లు త‌మ త‌ప్పును అంగీక‌రించడంతో ఇరుజట్లకు జ‌రిమానాతో స‌రిపెట్టిన‌ట్లు రిఫ‌రీ ప్రకాశ్‌ భట్‌ తెలిపారు. మ్యాచ్ విషయానికొస్తే మూడో వన్డేలో వెస్టిండీస్ 5 వికెట్ల తేడాతో భారత్‌పై విజయం సాధించింది. తొలుత బ్యాటింగ్ చేసిన టీమిండియా నిర్ణీత 50 ఓవర్లలో 7 వికెట్ల నష్టానికి 351 పరుగులు చేసింది. కేఎల్ రాహుల్ (129 నాటౌట్‌) అజేయ సెంచరీ చేయగా.. రోహిత్ శర్మ (92), రుతురాజ్ (57) అర్థశతకాలతో రాణించారు. అనంతరం వెస్టిండీస్ 48.2 ఓవర్లలో 5 వికెట్లు కోల్పోయి 352 పరుగులు చేసి విజయాన్ని అందుకుంది. కెప్టెన్ షెయ్ హోప్ (162 నాటౌట్‌) అజేయ శతకంతో జట్టును గెలిపించగా, అమీర్ జాంగో (67), కీమో పాల్ (44) రాణించారు. ఇక ఇరుజట్ల మధ్య ఐదు మ్యాచ్‌ల టీ20 సిరీస్ రేపటి నుంచి ప్రారంభం కానుంది. తొలి టీ20కి లక్నో వేదిక కానుంది. ఇదీ చదవండి: క్రికెట్ చరిత్రలో కనీవినీ ఎరుగని సిక్సర్‌..

నిన్న ముల్లాన్‌పూర్‌లో జరిగిన చివరి వన్డేలో భారత్‌ను ఓడించిన తర్వాత వెస్టిండీస్‌ కెప్టెన్‌ షాయ్‌ హోప్‌ పలు ఆసక్తికర విషయాలు వెల్లడించాడు. ఈ మ్యాచ్‌లో ఒంటిచేత్తో తన జట్టును విజయతీరాలు దాటించిన అతడు.. తన ఇన్నింగ్స్‌ను ఎలా నిర్మించాడో వివరించాడు. భారత్‌లో మంచు ప్రభావం మొదలైన తర్వాత ఛేజింగ్ కొంత సులభంగా మారుతుందని చెప్పాడు.“భారత్‌లో ఆడుతున్నప్పుడు, ముఖ్యంగా మంచు పడటం మొదలైన తర్వాత ఛేజింగ్ చాలా సులభంగా ఉంటుంది. సిరీస్‌ను బలమైన విజయంతో ముగించాలనుకున్నాం. ఈ రోజు చివరికి మేం గెలవడం చాలా సంతోషంగా ఉంది” అని అన్నాడు.గజ్జల్లో నొప్పితన ఇన్నింగ్స్ సమయంలో అసౌకర్యానికి గురైన విషయాన్ని కూడా హోప్ వెల్లడించాడు. “30 ఓవర్లు పూర్తయ్యే సమయానికి గజ్జల ప్రాంతంలో కొంత అసౌకర్యంగా అనిపించింది. అయినా చివరి వరకు పోరాడాలని నిర్ణయించుకున్నాను” అని తెలిపాడు.ధోని చెప్పిన మాటలు గుర్తొచ్చాయిభారీ లక్ష్యాన్ని ఛేదించే సమయంలో తనకు భారత మాజీ కెప్టెన్ ఎంఎస్ ధోని ఇచ్చిన సలహా ఎంతో ఉపయోగపడిందని చెప్పాడు.“రెండు వికెట్లు కోల్పోయాక ఛేజ్ ఎప్పుడూ సవాలుగానే ఉంటుంది. ఆ సమయంలో ధోని నాతో చెప్పిన మాటలను ఆచరణలో పెట్టాను. నువ్వు అనుకుంటున్న దానికంటే నీకు ఎక్కువ సమయం ఉంటుందని ధోని తనతో చెప్పినట్లు వెల్లడించాడు.అందుకే చివరి ఫలితంపై ఎక్కువగా దృష్టి పెట్టకుండా ప్రక్రియపైనే ఫోకస్ చేశాను. మ్యాచ్‌ను చిన్న చిన్న భాగాలుగా విడగొట్టి ఆడాను. చివరి దశలో బౌండరీలు ఎలా సాధించాలనే దానిపై దృష్టి పెట్టాను” అని వివరించాడు.ఆ విషయాన్ని కూడా లెక్కలోకి తీసుకున్నాఛేజింగ్ సమయంలో భారత జట్టు నాలుగు ఓవర్లు వెనుకబడటాన్ని కూడా తాను పరిగణనలోకి తీసుకున్నానని హోప్ తెలిపాడు.“భారత్ ఓవర్లలో వెనుకబడిందని నాకు తెలుసు. అందువల్ల చివరి దశలో వారు ఇద్దరు ఫీల్డర్లను సర్కిల్‌లోకి తీసుకురావాల్సి వస్తుందని అర్థమైంది. ఐదుగురు ఫీల్డర్లు 30-యార్డ్ సర్కిల్‌లో ఉండాల్సి వస్తే స్కోరును కాపాడటం ఎప్పుడూ కష్టమే. బ్యాటింగ్ చేస్తున్నప్పుడు ఇవన్నీ లెక్కలోకి తీసుకున్నాను. చివరికి అవన్నీ మాకు అనుకూలంగా మారాయి” అని చెప్పాడు.కాగా, భారత్‌తో నిన్న జరిగిన చివరి వన్డేలో వెస్టిండీస్‌ 5 వికెట్ల తేడాతో గెలుపొందింది. ఈ మ్యాచ్‌లో ఓడినా భారత్‌ 2-1తో సిరీస్‌ను కైవసం చేసుకుంది. భారత్‌ నిర్దేశించిన 352 పరుగుల భారీ లక్ష్యాన్ని విండీస్‌ మరో 10 బంతులు మిగిలుండగానే ఛేదించింది. షాయ్ హోప్‌ అజేయ శతకంతో (162 నాటౌట్‌) విండీస్‌ను విజయతీరాలకు చేర్చాడు. ఇదీ చదవండి: విండీస్‌ చేతిలో ఓటమి అనంతరం గిల్‌ స్పందన ఇదే..!

న్యూ చండీగఢ్‌: బ్యాటింగ్‌లో భారీ స్కోరు చేసినా... ప్రత్యర్థిని నిలువరించడంలో బౌలర్లు విఫలమవడంతో... వెస్టిండీస్‌తో చివరి వన్డేలో భారత్‌ పరాజయం పాలైంది. మూడు మ్యాచ్‌ల సిరీస్‌లో భాగంగా శనివారం జరిగిన పోరులో వెస్టిండీస్‌ 5 వికెట్ల తేడాతో టీమిండియాపై విజయం సాధించింది. గత రెండు మ్యాచ్‌ల్లో గెలిచిన శుబ్‌మన్‌ గిల్‌ సారథ్యంలోని టీమిండియా 2–1తో సిరీస్‌ కైవసం చేసుకుంది. శనివారం పరుగుల వరద పారిన పోరులో టాస్‌ గెలిచి మొదట బ్యాటింగ్‌ ఎంచుకున్న భారత్‌ నిర్ణీత 50 ఓవర్లలో 7 వికెట్ల నష్టానికి 351 పరుగులు చేసింది. కేఎల్‌ రాహుల్‌ (87 బంతుల్లో 129 నాటౌట్‌; 10 ఫోర్లు, 6 సిక్స్‌లు) అజేయ సెంచరీతో చెలరేగి వన్డేల్లో తన అత్యుత్తమ వ్యక్తిగత స్కోరు నమోదు చేసుకోగా... ‘హిట్‌ మ్యాన్‌’ రోహిత్‌ శర్మ (85 బంతుల్లో 92; 10 ఫోర్లు, 3 సిక్స్‌లు) త్రుటిలో సెంచరీ చేజార్చుకున్నాడు. రుతురాజ్‌ గైక్వాడ్‌ (57; 1 ఫోర్, 4 సిక్స్‌లు) అర్ధశతకం సాధించాడు. గత మ్యాచ్‌లో రికార్డు డబుల్‌ సెంచరీ సాధించిన భారత సారథి శుబ్‌మన్‌ గిల్‌ ఒక పరుగుకే అవుట్‌ కాగా... స్టార్‌ బ్యాటర్‌ విరాట్‌ కోహ్లి (0) ‘గోల్డెన్‌ డకౌట్‌’గా వెనుదిరిగాడు. వీరిద్దరూ వరుస బంతుల్లో అవుట్‌ కావడంతో 4 పరుగులకే 2 వికెట్లు కోల్పోయిన జట్టును రోహిత్‌ ఆదుకున్నాడు. మూడో వికెట్‌కు గైక్వాడ్‌తో కలిసి 137 పరుగులు జోడించాడు. ఇక ఈ సిరీస్‌లో తొలిసారి బ్యాటింగ్‌ చేసే అవకాశం దక్కించుకున్న కేఎల్‌ రాహుల్‌ తన క్లాసిక్‌ గేమ్‌తో కట్టిపడేశాడు. విండీస్‌ బౌలర్లలో జైడెన్‌ సీల్స్‌ 3 వికెట్లు పడగొట్టాడు. అనంతరం లక్ష్యఛేదనలో వెస్టిండీస్‌ 48.2 ఓవర్లలో 5 వికెట్లు కోల్పోయి 352 పరుగులు చేసింది. విండీస్‌కు వన్డేల్లో ఇదే అతిపెద్ద లక్ష్యఛేదన. కెప్టెన్‌ షై హోప్‌ (143 బంతుల్లో 162 నాటౌట్‌; 17 ఫోర్లు, 3 సిక్స్‌లు) అసాధారణంగా ఆడి చివరి వరకు అజేయంగా నిలిచి జట్టును గెలిపించాడు. ‘ప్లేయర్‌ ఆఫ్‌ ద మ్యాచ్‌’ అవార్డు సొంతం చేసుకున్నాడు. అమిర్‌ జంగూ (67; 5 ఫోర్లు, 1 సిక్స్‌), కీమో పాల్‌ (44) హోప్‌కు సహకరించారు. భారత బౌలర్లు పెద్దగా ప్రభావం చూపలేకపోయారు. సిరాజ్, బ్రార్, కుల్దీప్, నమన్‌ ధీర్‌ తలా ఒక వికెట్‌ పడగొట్టారు. ఈ మ్యాచ్‌ ద్వారా అంతర్జాతీయ వన్డే అరంగేట్రం చేసిన అన్షుల్‌ కంబోజ్‌ 9 ఓవర్లలో 82 పరుగులచ్చి వికెట్‌ పడగొట్టలేకపోయాడు. గిల్‌కు ‘ప్లేయర్‌ ఆఫ్‌ ద సిరీస్‌’ అవార్డు దక్కింది. ఇరు జట్ల మధ్య మంగళవారం నుంచి టి20 సిరీస్‌ ప్రారంభంకానుంది. ఇదీ చదవండి: ముగిసిన ఆసియా గేమ్స్‌.. భార‌త్‌కు నాలుగో స్థానం

చండీగ‌ఢ్ వేదిక‌గా భార‌త్‌తో జ‌రుగుతున్న చివ‌రి వ‌న్డేలో వెస్టిండీస్ టార్గెట్‌ను ఛేదించే ప‌నిలో ఉంది. 352 ప‌రుగుల ల‌క్ష్యంతో బ‌రిలోకి దిగిన వెస్టిండీస్ ప్ర‌స్తుతం 38 ఓవ‌ర్లు ముగిసేస‌రికి 3 వికెట్ల న‌ష్టానికి 255 ప‌రుగులు చేసింది. ఆ జ‌ట్టు కెప్టెన్ షెయ్ హోప్ అజేయ‌ సెంచ‌రీతో చెల‌రేగ‌గా, కీమో పాల్ (31) అత‌డికి స‌హ‌క‌రిస్తున్నాడు. ఈ నేప‌థ్యంలో షెయ్ హోప్ ఒక్క సెంచ‌రీతో అనేక రికార్డుల‌ను త‌న పేరిట లిఖించుకున్నాడు. 104 బంతుల్లో సెంచ‌రీ మార్క్ చేరుకున్న షెయ్ హోప్ ఇన్నింగ్స్‌లో 10 ఫోర్లు, ఒక సిక్స‌ర్ ఉన్నాయి. కాగా వ‌న్డేల్లో హోప్‌కు ఇది 21వ సెంచ‌రీ. ఇక భార‌త గ‌డ్డ‌పై టీమిండియాపై అత్య‌ధిక సెంచ‌రీలు బాదిన బ్యాట‌ర్ల‌లో హోప్ చోటు సంపాదించాడు.👉తాజాగా చేసిన సెంచ‌రీ హోప్‌కు నాలుగోది కాగా 14 ఇన్నింగ్స్‌ల్లో ఈ సెంచ‌రీలు చేశాడు. కివీస్ బ్యాట‌ర్‌ డారిల్ మిచెల్ కూడా నాలుగు సెంచ‌రీలు చేసిన‌ప్ప‌టికీ 8 ఇన్నింగ్స్‌ల్లోనే దీనిని అందుకున్నాడు. ఒక ద‌క్షిణాఫ్రికా దిగ్గ‌జం ఏబీ డివిలియ‌ర్స్ 11 ఇన్నింగ్స్‌ల్లో ఐదు సెంచ‌రీలు బాదాడు.👉ఓవ‌రాల్‌గా టీమిండియాపై షెయ్ హోప్ ఐదు సెంచ‌రీలు చేశాడు. ఈ క్రమంలో భారత్‌పై వన్డేల్లో అత్యధిక సెంచరీలు బాదిన క్రికెటర్‌గా హోప్‌ తొలి స్థానంలో నిలిచాడు. హోప్‌ కంటే ముందు క్రిస్‌ గేల్‌ (4 సెంచరీలు) ఈ ఫీట్‌ సాధించాడు.👉వ‌న్డేల్లో 21సెంచ‌రీల మార్క్‌ను అందుకునే క్ర‌మంలో హోప్‌కు 152 ఇన్నింగ్స్‌లు అవ‌స‌ర‌మ‌య్యాయి. ఈ క్ర‌మంలో అత్యంత త‌క్కువ ఇన్నింగ్స్‌ల్లో ఈ ఫీట్ సాధించిన బ్యాట‌ర్‌గా డికాక్‌, వార్న‌ర్‌ల‌తో క‌లిసి సంయుక్తంగా మూడో స్థానంలో ఉన్నాడు. ఇక 21 సెంచ‌రీలు చేసేందుకు హ‌షీమ్ ఆమ్లా 116 ఇన్నింగ్స్‌లు తీసుకొని తొలి స్థానంలో ఉండ‌గా, కోహ్లి (138 ఇన్నింగ్స్‌లు) రెండో స్థానంలో కొన‌సాగుతున్నాడు. డివిలియ‌ర్స్ (183 ఇన్నింగ్స్‌లు), రోహిత్ శ‌ర్మ (186 ఇన్నింగ్స్‌లు) నాలుగు, ఐదు స్థానాల్లో ఉన్నారు.👉వ‌న్డేల్లో కెప్టెన్ క‌మ్ వికెట్ కీప‌ర్‌గా ఎక్కువ సెంచ‌రీలు సాధించిన బ్యాట‌ర్‌గా షెయ్ హోప్ (8 సెంచ‌రీలు) తొలి స్థానంలో నిలిచాడు. ఇక ఎంఎస్ ధోని (6 సెంచ‌రీలు), ఏబీ డివిలియ‌ర్స్ (4 సెంచ‌రీలు) త‌ర్వాతి రెండు స్థానాల్లో కొన‌సాగుతున్నారు.ఇదీ చదవండి: ద్రవిడ్‌ రికార్డు బద్దలు కొట్టిన కేఎల్‌ రాహుల్‌

గౌహ‌తి వేదిక‌గా భార‌త్‌, వెస్టిండీస్ మ‌ధ్య జ‌రిగిన రెండో వ‌న్డేలో ఇరుజ‌ట్ల బ్యాట‌ర్లు రికార్డులను ఊచ‌కోత కోశారు. కేవ‌లం రికార్డుల కోస‌మే ఆడుతున్నారా అనేంత‌లా బ్యాట‌ర్లు విధ్వంసం సృష్టించారు. తొలుత భార‌త బౌల‌ర్లను విండీస్ చిత‌క్కొట్టింది. ఆకాశ‌మే హ‌ద్దుగా చెల‌రేగి ఫోర్లు, సిక్స‌ర్ల వ‌ర్షం కురిపించారు. ఈ క్ర‌మంలో ఆ జ‌ట్టు నుంచి ముగ్గురు బ్యాట‌ర్లు.. క్యాంప్‌బెల్‌, షెయ్ హోప్‌, అమీర్ జంగాలు శ‌త‌కాల‌తో చెల‌రేగారు. అస‌లే సొంత‌గ‌డ్డ‌పై ఆడుతున్న టీమిండియా.. భారీ ల‌క్ష్య ఛేద‌న క‌ళ్ల ముందు క‌నిపిస్తున్నప్ప‌టికీ, విండీస్ బౌల‌ర్ల‌ను ఊచ‌కోత కోశారు. ఈ క్ర‌మంలో ఓపెన‌ర్లు శుబ్‌మ‌న్ గిల్, రోహిత్ శ‌ర్మ‌లు విధ్వంస‌కర సెంచ‌రీల‌తో చెల‌రేగారు. అయితే గిల్ ఒక అడుగు ముందుకేసి త‌న సెంచ‌రీని కాస్త డ‌బుల్ సెంచ‌రీగా మ‌లిచాడు. ఈ నేప‌థ్యంలోనే వ‌న్డే క్రికెట్ చ‌రిత్ర‌లోనే ఒక అద్భుతం చోటుచేసుకుంది. ఒకే వ‌న్డే మ్యాచ్‌లో ఐదుగురు బ్యాట‌ర్లు సెంచ‌రీలు చేయ‌డం ఇదే తొలిసారి. టెస్టుల్లో ఇలాంటి ఫీట్లు స‌ర్వ సాధార‌ణం. అయితే అంతర్జాతీయంగా వన్డేల్లో మాత్రం ఇలా ఒకే మ్యాచ్‌లో ఐదుగురు బ్యాటర్లు సెంచరీలు చేయడం మాత్రం ఇదే తొలిసారి. ఓవరాల్‌గా లిస్ట్-ఎ క్రికెట్‌లో మాత్రం రెండోసారి. తొలిసారి 2025లో రాజ్‌కోట్ వేదికగా బరోడా, హైదరాబాద్ మధ్య జరిగిన మ్యాచ్‌లో ఐదుగురు బ్యాటర్లు శతకాలతో మెరిశారు.ఇదీ చదవండి: గిల్ డబుల్ సెంచరీ, రోహిత్ సెంచరీ.. టీమిండియా రికార్డు ఛేదన

గౌహ‌తి వేదిక‌గా టీమిండియాతో జ‌రుగుతున్న రెండో వ‌న్డేలో వెస్టిండీస్ భారీ స్కోరు సాధించింది. ముగ్గురు బ్యాట‌ర్లు సెంచ‌రీల‌తో విరుచుకుప‌డ‌డంతో వెస్టిండీస్ నిర్ణీత 50 ఓవ‌ర్ల‌లో 7 వికెట్ల న‌ష్టానికి 405 ప‌రుగులు చేసింది. అమిర్ జాంగో (77 బంతుల్లో 114; 13 ఫోర్లు, 3 సిక్స‌ర్లు), జాన్ క్యాంప్‌బెల్ (68 బంతుల్లో 101; 9 ఫోర్లు, 5 సిక్స‌ర్లు), కెప్టెన్ షెయ్ హోప్ (94 బంతుల్లో 104; 8 ఫోర్లు, 3 సిక్స‌ర్లు) వీరోచిత శ‌త‌కాలు సాధించి భారీ స్కోరుకు బాట‌లు వేశారు.చివ‌ర్లో రోస్ట‌న్ చేజ్ (25 బంతుల్లో 29 నాటౌట్‌) ధాటిగా ఆడ‌డంతో వెస్టిండీస్ 400 ప‌రుగుల మార్క్‌ను దాటింది. భార‌త బౌల‌ర్ల‌లో అంద‌రూ దారాళంగా ప‌రుగులు స‌మ‌ర్పించుకున్నారు. కుల్దీప్ యాద‌వ్‌, గుర్నూర్ బ్రార్‌, ర‌వీంద్ర జ‌డేజాలు త‌లా రెండు వికెట్లు ప‌డ‌గొట్టారు.ఇది రెండోసారి..ఇక వ‌న్డేల్లో భార‌త్‌తో మ్యాచ్‌లో ప్ర‌త్య‌ర్థి జ‌ట్టు త‌ర‌ఫున ముగ్గురు శ‌త‌కాలు సాధించ‌డం ఇది రెండోసారి మాత్ర‌మే. గ‌తంలో 2015లో ముంబై వేదికగా భార‌త్‌తో జ‌రిగిన ఐదో వ‌న్డేలో సౌతాఫ్రికా బ్యాట‌ర్లు క్వింట‌న్ డికాక్ (109), డుప్లెసిస్ (133), డివిలియ‌ర్స్ (119) శత‌కాల‌తో చెల‌రేగారు. తాజా వ‌న్డేలో విండీస్ త‌ర‌ఫున క్యాంప్‌బెల్‌, హోప్‌, అమీర్ జాంగోలు సెంచ‌రీలు సాధించిన సంగ‌తి తెలిసిందే. ఇక వ‌న్డే క్రికెట్ చ‌రిత్ర‌లో సౌతాఫ్రికా ఈ ఫీట్‌ను మూడుసార్లు న‌మోదు చేయ‌డం విశేషం.405- ఇక వెస్టిండీస్‌కు వన్డేల్లో ఇదే అత్యధిక స్కోరు. గతంలో 389 పరుగులే ఆ జట్టుకు అత్యుత్తమం. 2019లో ఇంగ్లండ్‌తో మ్యాచ్‌లో విండీస్ 389 ప‌రుగులు చేసింది. 2025లో ఐర్లాండ్‌తో వ‌న్డేలో 385 ప‌రుగులు చేసింది.ఇదీ చదవండి: వెస్టిండీస్‌ కెప్టెన్‌ ప్రపంచ రికార్డు

గువాహటి వేదిక‌గా టీమిండియాతో జ‌రుగుతున్న రెండో వ‌న్డేలో వెస్టిండీస్ కెప్టెన్ షాయ్ హోప్ విధ్వంస‌క‌ర సెంచ‌రీతో చెల‌రేగాడు. ఫ‌స్ట్ డౌన్‌లో బ్యాటింగ్‌కు వ‌చ్చిన హోప్ తొలుత కాస్త ఆచితూచి ఆడాడు. సింగిల్స్ తీస్తూ త‌న స‌హ‌చ‌ర ఆట‌గాడు జాన్ క్యాంప్‌బెల్‌కు స్టైక్ ఇచ్చాడు. అయితే క్యాంప్‌బెల్ ఔట‌య్యాక హోప్ త‌న విశ్వ‌రూపాన్ని ప్ర‌ద‌ర్శించాడు. టీ20ల్లో శైలిలో భార‌త బౌల‌ర్ల‌ను ఉతికారేశాడు. ఈ క్ర‌మంలో హోప్ 90 బంతుల్లో త‌న సెంచ‌రీ మార్క్‌ను అందుకున్నాడు. ఈ క‌రేబియ‌న్ వీరుడికి ఇది వ‌న్డేల్లో 20వ సెంచ‌రీ కావ‌డం గ‌మ‌నార్హం.లారా రికార్డు బ్రేక్‌త‌ద్వారా హోప్ ఓ అరుదైన రికార్డును త‌న పేరిట లిఖించుకున్నాడు. వ‌న్డే ఫార్మాట్‌లో అత్య‌ధిక సెంచ‌రీలు చేసిన రెండో వెస్టిండీస్ ప్లేయ‌ర్‌గా హోప్ నిలిచాడు. ఇప్ప‌టివ‌ర‌కు ఈ రికార్డు విండీస్ దిగ్గ‌జం బ్రియాన్ లారా పేరిట ఉండేది. లారా త‌న వ‌న్డే కెరీర్‌లో 19 సెంచ‌రీలు సాధించాడు. తాజా సెంచ‌రీతో లారా ఆల్‌టైమ్ రికార్డును హోప్ బ్రేక్ చేశాడు. ఈ జాబితాలో యూనివ‌ర్స‌ల్ బాస్ క్రిస్ గేల్‌(25) అగ్రస్థానంలో ఉన్నాడు.ధోని వరల్డ్‌ రికార్డ్‌ బ్రేక్‌అదేవిధంగా వన్డేల్లో వికెట్ కీపర్-కెప్టెన్‌గా అత్యధిక సెంచరీలు చేసిన ఎంఎస్‌ ధోని రికార్డ్‌ను హోప్‌ బ్రేక్‌ చేశాడు. ధోని వికెట్ కీపర్-కెప్టెన్‌గా తన కెరీర్‌లో 6 సెంచరీలు చేయగా.. హోప్‌ 7 శతకాలు నమోదు చేశాడు.వన్డేల్లో వెస్టిండీస్ తరపున అత్యధిక శతకాలు చేసిన ప్లేయ‌ర్లు వీరే25 – క్రిస్ గేల్20 – షాయ్ హోప్19 – బ్రయాన్ లారా17 – డెస్మండ్ హేన్స్చదవండి: IND vs WI: టీమిండియాకు భారీ షాక్‌.. మ్యాచ్ మ‌ధ్య‌లోనే వెళ్లిపోయిన స్టార్‌

గువాహటి వేదికగా వెస్టిండీస్‌తో జ‌రుగుతున్న రెండో వ‌న్డేలో టీమిండియా స్టార్ విరాట్ కోహ్లి ఫీల్డింగ్‌లో తీవ్ర నిరాశ‌ప‌రిచాడు. మైదానంలో ఎల్లప్పుడూ చురుగ్గా ఉండే కోహ్లి ఓ సునాయ‌స క్యాచ్‌ను జార‌విడిచాడు. విండీస్ ఇన్నింగ్స్ 12 ఓవ‌ర్ వేసిన స్పిన్న‌ర్ నమ‌న్ ధీర్‌.. రెండో బంతిని షాయ్ హోప్‌కు ఆఫ్ స్టంప్ వెలుపల లెగ్‌బ్రేక్ డెలివ‌రీగా సంధించాడు.ఆ బంతిని హోప్ ఫ్రంట్ ఫుట్‌పై వచ్చి షార్ట్ మిడ్ వికెట్ దిశగా గట్టిగా బాదాడు. అయితే బంతి నేరుగా షార్ట్ మిడ్ వికెట్‌లో ఉన్న కోహ్లి చేతికి వెళ్లింది. కానీ ఆ బంతిని ఒడిసిప‌ట్టుకోవ‌డంలో కోహ్లి విఫ‌ల‌మ‌య్యాడు. అయితే బంతి చాలా వేగంగా వచ్చినప్పటికీ విరాట్ కోహ్లి లాంటి ఫీల్డర్‌కు ఇదేమి అతి క‌ష్ట‌మైన క్యాచేమి కాదు.ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. ఒక‌వేళ కోహ్లి క్యాచ్‌ను అందుకుని ఉండింటే న‌మ‌న్ ధీర్ ఖాతాలో తొలి అంత‌ర్జాతీయ వికెట్ చేరిండేది. కాగా ఇదే మ్యాచ్‌లో కోహ్లి కంటే ముందు కుల్దీప్ యాద‌వ్ కూడా హోప్ ఇచ్చిన క్యాచ్‌ను జారవిడిచాడు. రెండు లైఫ్‌లు రావ‌డంతో హోప్ చెల‌రేగి ఆడుతున్నాడు. 77 ప‌రుగులు చేసి సెంచ‌రీకి చేరువ‌య్యాడు.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌pic.twitter.com/6wtcE3gTrH— Drizzyat12Kennyat8 (@45kennyat7PM) September 30, 2026

బర్సపరా స్టేడియంలో వెస్టిండీస్‌తో రెండో వన్డేలో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ సందర్భంగా కెప్టెన్‌ శుబ్‌మన్‌ గిల్‌ మాట్లాడుతూ.. ‘‘పిచ్‌ కాస్త ఎక్కువగా పచ్చికతో కూడి ఉంది. ఇక్కడ మంచు ఎక్కువగా ఉండేట్లు కనిపిస్తోంది. కాబట్టి మా బౌలర్లకు కఠిన సవాలు తప్పదు. మా జట్టులో ప్రతి ఒక్కరు బాగా ఆడుతున్నారు. ఆకిబ్‌ నబీ అరంగేట్రంమా తుదిజట్టులో ఒక మార్పు చేశాము. ఆకిబ్‌ నబీ అరంగేట్రం చేస్తున్నాడు’’ అని తెలిపాడు. పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డి స్థానంలో నబీ తుదిజట్టులోకి వచ్చినట్లు గిల్‌ వెల్లడించాడు. కాగా సీనియర్‌ బ్యాటర్‌ కేఎల్‌ రాహుల్‌ చేతుల మీదుగా నబీ టీమిండియా క్యాప్‌ అందుకున్నాడు.🚨 Toss 🚨#TeamIndia have won the toss and elected to bowl first in the 2️⃣nd ODI.Updates ▶️ https://t.co/6XCYRtZLAi#INDvWI | @mflone_ pic.twitter.com/F7QLtGTYxJ— BCCI (@BCCI) September 30, 2026మరోవైపు.. వెస్టిండీస్‌ ప్లేయింగ్‌ ఎలెవన్‌లో నాలుగు మార్పులు చోటు చేసుకున్నాయి. జస్టిన్‌ గ్రీవ్స్‌, జువెల్‌ ఆండ్రూ, మాథ్యూ ఫోర్డె, గుడకేశ్‌ మోటి స్థానాల్లో షెర్ఫానే రూథర్‌ఫర్డ్‌, కీమో పాల్‌, షమార్‌ జోసెఫ్‌, విటెల్‌ లావెస్‌ వచ్చారు.1-0తో ఆధిక్యంలోకాగా మూడు వన్డేలు, ఐదు టీ20 మ్యాచ్‌ల సిరీస్‌లు ఆడేందుకు కరేబియన్‌ జట్టు భారత పర్యటనకు వచ్చిన సంగతి తెలిసిందే. ఇందులో భాగంగా తిరువనంతపురంలో జరిగిన తొలి వన్డేలో భారత్‌ విండీస్‌ను ఎనిమిది వికెట్ల తేడాతో ఓడించి 1-0తో ఆధిక్యంలో ఉంది. తాజాగా గువాహటి వేదికగా బుధవారం నాటి రెండో వన్డేలోనూ గెలిచి సిరీస్‌ను సొంతం చేసుకోవాలనే పట్టుదలతో ఉంది.ఎవరీ ఆకిబ్‌ నబీ?జమ్మూ కశ్మీర్‌కు చెందిన ఆకిబ్‌ నబీ ఫాస్ట్‌ బౌలర్‌. గత రెండు రంజీ ట్రోఫీ ఎడిషన్లలో కలిపి 29 ఏళ్ల ఈ రైటార్మ్‌ పేసర్‌ వందకు పైగా వికెట్లు పడగొట్టాడు.ఇక గత సీజన్లో ఏకంగా 60 వికెట్లు కూల్చి టీమిండియా సెలక్టర్ల దృష్టిని ఆకర్షించాడు. ఇందులో ఏకంగా ఎనిమిది సార్లు నబీ ఐదు వికెట్ల ప్రదర్శన నమోదు చేయడం గమనార్హం.అయితే, రంజీల్లో సత్తా చాటినప్పటికీ ఆకిబ్‌ నబీకి ఇంత వరకు టెస్టుల్లో అరంగేట్రం చేసే అవకాశం రాలేదు. ఇటీవల శ్రీలంకతో టెస్టు సిరీస్‌కు ఎంపికైనప్పటికీ బెంచ్‌కే పరిమితమయ్యాడు. అయితే, అనూహ్య రీతిలో వన్డేల్లో తాజాగా అడుగుపెట్టాడు.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌చదవండి: భారత్‌తో రెండో టెస్టు.. ఆసీస్‌ ఆలౌట్‌

ప్రస్తుతం భారత పర్యటనలో ఉన్న వెస్టిండీస్ కెప్టెన్ షై హోప్ ఒక కీలక నిర్ణయం తీసుకున్నాడు. ఆస్ట్రేలియా వేదికగా జరిగే బిగ్ బాష్ లీగ్ 2026-27 సీజన్ కోసం 'హోబర్ట్ హరికేన్స్' ఫ్రాంచైజీతో అతడు ఒప్పందం కుదుర్చుకున్నాడు. రాబోయే సీజన్‌లో హరికేన్స్ జట్టుకు ఎంపికైన తొలి విదేశీ పురుషుల ఆటగాడిగా హోప్ నిలిచాడు. సీజన్ మొత్తానికి అతడు అందుబాటులో ఉండనున్నాడు.ఆస్ట్రేలియా దిగ్గజ వికెట్ కీపర్, తమ జట్టు సీనియర్ ప్లేయర్ మాథ్యూ వేడ్ రిటైర్మెంట్ ప్రకటించడంతో టాప్ ఆర్డర్‌ను బలోపేతం చేసుకునేందుకు హోబర్ట్ హరికేన్స్ ఈ నిర్ణయం తీసుకుంది. వైట్ బాల్ క్రికెట్‌లో హోప్‌కు ఉన్న అపార అనుభవం జట్టుకు కలిసొస్తుందని ఫ్రాంచైజీ భావిస్తోంది.హోప్ గతంలో హోబర్ట్ హరికేన్స్ తరఫునే హోప్ బిగ్ బాష్ లీగ్‌లో అరంగేట్రం చేశాడు. అయితే ఆ సీజన్‌లో 5 ఇన్నింగ్స్‌ల్లో 115.73 స్ట్రైక్ రేట్‌తో కేవలం 103 పరుగులు మాత్రమే చేసి నిరాశపరచడంతో ఫ్రాంచైజీ అతడిని వదులుకుంది. మళ్లీ ఇప్పుడు అదే జట్టుతో అతడు జతకట్టాడు. అరంగేట్ర సీజన్‌లో విఫలమైనప్పటికీ, ఈసారి మాత్రం బిగ్ బాష్ లీగ్‌లో సత్తా చాటాలని హోప్ పట్టుదలతో ఉన్నాడు.హోప్‌ అరుదైన రికార్డుభారత్‌తో జరిగిన తొలి వన్డేలో షై హోప్ 12 పరుగులు మాత్రమే చేసినప్పటికీ ఒక అరుదైన రికార్డును తన పేరిట లిఖించుకున్నాడు. వన్డేల్లో భారత్‌పై 1,000 పరుగులు పూర్తి చేసిన 9వ విండీస్ బ్యాటర్‌గా అతడు నిలిచాడు. విండీస్ దిగ్గజం వివియన్ రిచర్డ్స్ (997 పరుగులు) కూడా సాధ్యం కాని ఈ ఫీట్‌ను హోప్ సాధించాడు. అంతకుముందు విండీస్ దిగ్గజాలు బ్రియాన్‌ లారా, క్రిస్ గేల్, శివనారాయణ్ చంద్రపాల్ తదితరులు మాత్రమే భారత్‌పై వన్డేల్లో ఈ మైలురాయిని అందుకున్నారు.చదవండి: ఆసీస్‌తో తొలి టెస్టు.. భార‌త ఓపెన‌ర్ డ‌బుల్ సెంచ‌రీ, రెండోరోజు ముగిసిన ఆట

దాదాపు నాలుగేళ్ల తర్వాత భారత గడ్డ మీద వన్డే మ్యాచ్‌ ఆడిన వెస్టిండీస్‌ క్రికెట్‌ జట్టుకు చేదు అనుభవం ఎదురైంది. గత వైఫల్యాలను కొనసాగిస్తూ టీమిండియాతో ఆదివారం నాటి తొలి వన్డేలో కరేబియన్‌ జట్టు ఎనిమిది వికెట్ల తేడాతో చిత్తుగా ఓడింది. ఓపెనర్లు శుభారంభం అందించినప్పటికీ మిడిలార్డర్‌ దానిని కొనసాగించలేకపోయింది.టీమిండియా ఘన విజయంఫలితంగా నిర్ణీత యాభై ఓవర్లలో ఏడు వికెట్ల నష్టానికి విండీస్‌ జట్టు 295 పరుగులు చేసింది. ఈ లక్ష్యాన్ని ఆతిథ్య భారత్‌ 41.4 ఓవర్లలో కేవలం రెండు వికెట్లు నష్టపోయి ఛేదించింది. వెస్టిండీస్‌ బౌలింగ్‌ విభాగం కూడా తేలిపోవడంతో టీమిండియా ఈ మేరకు సునాయాస విజయం సాధించగలిగింది.అలా చేస్తే ఫలితం వేరుగా ఉండేదిఈ నేపథ్యంలో విండీస్‌ కెప్టెన్‌ షాయీ హోప్‌ తమ ఓటమి​కి గల కారణాలు విశ్లేషించాడు. ‘‘కచ్చితంగా మేము కాస్త భిన్నంగా ఆడి ఉండాల్సింది. మరిన్ని పరుగులు రాబట్టగలిగితే ఫలితం వేరేలా ఉండేది. భారత్‌లోని పిచ్‌లు బాగుంటాయి. ఇక్కడ మనం ఎన్ని ఎక్కువ పరుగులు చేస్తే విజయావకాశాలు అంత మెరుగ్గా ఉంటాయి.అదే తీవ్ర ప్రభావం చూపిందినిజాయితీగా చెప్పాలంటే మేము 60- 80 పరుగులు వెనుకబడి ఉన్నాము. ఇక 290 పరుగుల మేర లక్ష్యాన్ని కాపాడుకోవాలంటే గొప్పగా బౌలింగ్‌ చేయాల్సి ఉంటుంది. మా బౌలర్లు కాస్త మెరుగ్గానే ఆరంభించారు. అయితే, మధ్య ఓవర్లలో ఓవర్‌కు ఏడు కంటే ఎక్కువ పరుగులు ఇవ్వడం కచ్చితంగా తీవ్ర ప్రభావం చూపింది.ఫీల్డింగ్‌లో కూడా రెండు మూడు ఘోర తప్పిదాలు చేశాము. ఏదేమైనా మా ఓపెనింగ్‌ బ్యాటర్ల జోడీ మాత్రం అద్భుతంగా రాణించింది. వాళ్లు మాకు గొప్ప ఆరంభం అందించారు. భారీ స్కోరుకు పునాది వేసి.. మమ్మల్ని పోటీలో నిలిపారు. కానీ మిడిలార్డర్‌లో మాకు ఇబ్బందులు ఎదురయ్యాయి. అయితే, జాంగో పరిస్థితులు చక్కదిద్దే ప్రయత్నం చేశాడు.ముందుగా చెప్పినట్లు మరిన్ని పరుగులు చేసి ఉంటే ఫలితం వేరుగా ఉండేది. ఓటమి నుంచి పాఠాలు నేర్చుకుంటాము’’ అని షాయీ హోప్‌ పేర్కొన్నాడు. సమిష్టి వైఫల్యమే తమ కొంప ముంచిందని పరోక్షంగా చెప్పుకొచ్చాడు. కాగా తిరువనంతపురంలో టాస్‌ ఓడిన వెస్టిండీస్‌ తొలుత బ్యాటింగ్‌కు దిగింది.#KuldeepYadav makes an instant impact! 🔥The partnership is broken and India have their first wicket!#INDvWI 1st ODI 👉 LIVE NOW 👉 https://t.co/zk2ABY21JG pic.twitter.com/w1tveUomaG— Star Sports (@StarSportsIndia) September 27, 2026గ్రీవ్స్‌ శతకంఓపెనర్లలో జాన్‌ కాంప్‌బెల్‌ అర్ధ శతకం (60 బంతుల్లో 62) సాధించగా.. జస్టిన్‌ గ్రీవ్స్‌ (108 బంతుల్లో 101) శతక్కొట్టాడు. అయితే, వన్‌డౌన్‌ బ్యాటర్‌ కేసీ కార్టీ (31 బంతుల్లో 13) దారుణంగా విఫలం కాగా.. కెప్టెన్‌ షాయీ హోప్‌ (11 బంతుల్లో 12) పూర్తిగా నిరాశపరిచాడు. ఐదో నంబర్‌ బ్యాటర్‌ అమీర్‌ జాంగో 43 బంతుల్లో 58 పరుగులతో అజేయంగా నిలిచాడు.బౌలర్లు విఫలంఇక విండీస్‌ బౌలర్లలో అల్జారీ జోసెఫ్‌ తొమ్మిది ఓవర్ల బౌలింగ్‌లో ఏకంగా 81 పరుగులు సమర్పించుకుని కేవలం ఒకే ఒక్క వికెట్‌ తీశాడు. మిగిలిన వారిలో జేడన్‌ సీల్స్‌ పొదుపుగా బౌలింగ్‌ చేశాడు. ఏడు ఓవర్లలో 32 పరుగులే ఇచ్చాడు. అయితే, బ్యాటింగ్‌ ఆల్‌రౌండర్‌ కేసీ కార్టీ కేవలం నాలుగు బంతుల్లోనే 17 పరుగులు ఇచ్చుకున్నాడు. కాగా విండీస్‌ చివరగా 2021-22లో భారత్‌లో వన్డే సిరీస్‌ ఆడి.. టీమిండియా చేతిలో 3-0తో క్లీన్‌స్వీప్‌ అయింది.చదవండి: గిల్‌- ​కోహ్లి శతక మోత!..మ్యాచ్‌ సాగిందిలాఇదీ చదవండి: అతడొక అద్భుతం..మ్యాచ్‌ నేనే ముగించాల్సింది: గిల్‌

తిరువనంతపురం వేదికగా వెస్టిండీస్‌తో జరిగిన తొలి వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. 296 పరుగుల లక్ష్యాన్ని భారత్ 41.4 ఓవర్లలోనే కేవలం రెండు వికెట్లు మాత్రమే కోల్పోయి ఛేదించింది. విరాట్ కోహ్లి (139 నాటౌట్‌), కెప్టెన్ శుబ్‌మన్ గిల్ (110) సెంచరీలతో చెలరేగడంతో భారత్ సునాయాస విజయం సాధించింది. రోహిత్‌ శర్మ 32 పరుగులు చేశాడు.అంతకముందు టాస్ ఓడి తొలుత బ్యాటింగ్ చేసిన విండీస్ నిర్ణీత ఓవ‌ర్ల‌లో 7 వికెట్ల న‌ష్టానికి 295 ప‌రుగుల భారీ స్కోర్ సాధించింది. విండీస్ ఓపెన‌ర్ జ‌స్టిన్ గ్రీవ్స్‌(101) సెంచ‌రీతో క‌దం తొక్క‌గా.. జాన్ క్యాంప్‌బెల్‌(62), అమీర్ జాంగో(58) అర్ధ శ‌త‌కాల‌తో రాణించారు. భార‌త బౌల‌ర్ల‌లో కుల్దీప్ యాద‌వ్ నాలుగు వికెట్లు ప‌డ‌గొట్ట‌గా, ప్ర‌సిద్ద్ కృష్ణ రెండు వికెట్లు తీశాడు.కోహ్లి సెంచరీతిరువ‌నంత‌పురం వేదిక‌గా వెస్టిండీస్‌తో జ‌రుగుతున్న తొలి వ‌న్డేలో ర‌న్ మెషిన్‌ విరాట్ కోహ్లి సెంచ‌రీతో దుమ్మురేపాడు. 74 బంతుల్లో శ‌త‌కం మార్క్ అందుకున్న కోహ్లి ఇన్నింగ్స్‌లో 6 ఫోర్లు, ఆరు సిక్స‌ర్లు ఉన్నాయి. భారత్‌ విజయానికి 44 పరుగుల దూరంలో ఉంది.గిల్‌ (110) ఔట్‌సెంచరీ చేసిన గిల్‌ (110) ఔటవ్వడంతో టీమిండియా 225 పరుగుల వద్ద రెండో వికెట్‌ కోల్పోయింది. భారత్‌ విజయానికి 67 పరుగులు అవసరం.గిల్‌ సెంచరీ..విండీస్‌తో వన్డేలో కెప్టెన్‌ గిల్‌ సెంచరీ సాధించాడు. 96 బంతుల్లో సెంచరీ మార్క్‌ సాధించిన గిల్‌ ఇన్నింగ్స్‌లో 12 ఫోర్లు, ఒక సిక్సర్‌ ఉన్నాయి. ప్రస్తుతం భారత్‌ 33 ఓవర్లలో వికెట్‌ నష్టానికి 217 పరుగులు చేసింది. భారత్‌ విజయానికి 79 పరుగులు అవసరం. కోహ్లి (74) పరుగులతో క్రీజులో ఉన్నాడు.విండీస్‌తో తొలి వన్డేలో టీమిండియా విజయం దిశగా సాగుతోంది. 29 ఓవర్లు ముగిసేసరికి భారత్‌ వికెట్‌ నష్టానికి 193 పరుగులు చేసింది. గిల్‌ (95), కోహ్లి (61) పరుగులతో ఆడుతున్నారు. గిల్ అర్థ‌శ‌త‌కం.. భారత్ స్కోరెంతంటే?భార‌త కెప్టెన్ శుబ్‌మ‌న్ గిల్ అర్థ‌సెంచ‌రీ సాధించ‌డంతో టీమిండియా ల‌క్ష్యం దిశగా సాగుతోంది. 17 ఓవ‌ర్లు ముగిసేస‌రికి వికెట్ న‌ష్టానికి 107 ప‌రుగులు చేసింది. గిల్ (55), కోహ్లి (19) ప‌రుగుల‌తో ఆడుతున్నారు. అంత‌క‌ముందు రోహిత్ (32) అల్జారీ జోసెఫ్ బౌలింగ్‌లో క్యాచ్ ఔట్‌గా వెనుదిరిగాడు.టీమిండియా తొలి వికెట్‌ డౌన్‌..టీమిండియా తొలి వికెట్‌ కోల్పోయింది. 32 పరుగులు చేసిన రోహిత్‌ శర్మ.. అల్జారీ జోషఫ్‌ బౌలింగ్‌లో ఔటయ్యాడు. క్రీజులోకి విరాట్‌ కోహ్లి వచ్చాడు. 13 ఓవర్లకు భారత్‌ స్కోర్‌: 80-1నిలకడగా ఆడుతున్న టీమిండియా ఓపెనర్లు5 ఓవర్లు ముగిసే సరికి భారత్‌ వికెట్‌ నష్టపోకుండా 29 పరుగులు చేసింది. క్రీజులో శుబ్‌మన్‌ గిల్‌(12), రోహిత్‌ శర్మ ఉన్నారు.గ్రీవ్స్‌ సెంచరీ.. వెస్టిండీస్‌ భారీ స్కోర్‌తిరువ‌నంత‌పురం వేదిక‌గా టీమిండియాతో జ‌రుగుతున్న తొలి వ‌న్డేలో వెస్టిండీస్ బ్యాట‌ర్లు స‌త్తాచాటారు. టాస్ ఓడి తొలుత బ్యాటింగ్ చేసిన విండీస్ నిర్ణీత ఓవ‌ర్ల‌లో 7 వికెట్ల న‌ష్టానికి 295 ప‌రుగుల భారీ స్కోర్ సాధించింది. విండీస్ ఓపెన‌ర్ జ‌స్టిన్ గ్రీవ్స్‌(101) సెంచ‌రీతో క‌దం తొక్క‌గా.. జాన్ క్యాంప్‌బెల్‌(62), అమీర్ జాంగో(58) అర్ధ శ‌త‌కాల‌తో రాణించారు. భార‌త బౌల‌ర్ల‌లో కుల్దీప్ యాద‌వ్ నాలుగు వికెట్లు ప‌డ‌గొట్ట‌గా, ప్ర‌సిద్ద్ కృష్ణ రెండు వికెట్లు తీశాడు.అమీర్ జంగూ హాఫ్‌ సెంచరీఅమీర్ జంగూ ఆఖరిలో అద్భుత ఇన్నింగ్స్‌ ఆడుతున్నాడు. జంగూ 38 బంతుల్లో తన హాఫ్‌ సెంచరీ మార్క్‌ను అందుకున్నాడు.విండీస్‌ ఆరో వికెట్‌ డౌన్‌.. ఛేజ్‌ అవుట్విండీస్‌ ఆరో వికెట్‌ కోల్పోయింది. 24 పరుగులు చేసిన రోస్టన్‌ ఛేజ్‌.. ప్రసిద్ద్‌ కృష్ణ బౌలింగ్‌లో ఔటయ్యాడు. 45 ఓవర్లకు విండీస్‌ స్కోర్‌: 250/6కుల్దీప్‌ మ్యాజిక్‌.. ఒకే ఓవర్‌లో రెండు వికెట్లువెస్టిండీస్‌ ఒకే ఓవర్‌లో వరుసగా రెండు వికెట్లు కోల్పోయింది. 36 ఓవర్‌ వేసిన కుల్దీప్‌ యాదవ్‌.. మూడో బంతికి గ్రీవ్స్‌(101), నాలుగో బంతికి ఆండ్రూ(0)లను పెవిలియన్‌కు పంపాడు. 35.4 ఓవర్లకు వెస్టిండీస్‌ స్కోర్‌: 198/5జస్టిన్‌ గ్రీవ్స్‌ సెంచరీజస్టిన్‌ గ్రీవ్స్‌ 104 బంతుల్లో తన తొలి వన్డే సెంచరీ మార్క్‌ను అందుకున్నాడు.విండీస్‌ మూడో వికెట్‌ డౌన్‌విండీస్‌ మూడో వికెట్‌ కోల్పోయింది. 12 పరుగులు చేసిన కెప్టెన్‌ షాయ్‌ హోప్‌.. కుల్దీప్‌ యాదవ్‌ బౌలింగ్‌లో ఔటయ్యాడు. 34 ఓవర్లకు విండీస్‌ స్కోర్‌: 195/3విండీస్‌ రెండో డౌన్‌వెస్టిండీస్‌ రెండో వికెట్‌ కోల్పోయింది. 13 పరుగులు చేసిన కార్టీ.. ప్రసిద్ద్‌ కృష్ణ బౌలింగ్‌లో ఔటయ్యాడు. 30.1 ఓవర్లకు విండీస్‌ స్కోర్‌: 176/228 ఓవర్లకు విండీస్‌ స్కోరెంతంటే?28 ఓవర్లు ముగిసే సరికి విండీస్‌ వికెట్‌ నష్టానికి 168 పరుగులు చేసింది. క్రీజులో గ్రీవ్స్‌(87), కార్టీ(10) ఉన్నారు.విండీస్‌ తొలి వికెట్‌ డౌన్‌ఎట్టకేలకు విండీస్‌ ఓపెనింగ్‌ భాగస్వామ్యాన్ని భారత బౌలర్లు బ్రేక్‌ చేశారు. 135 పరుగుల వద్ద విండీస్‌ తొలి వికెట్‌ కోల్పోయింది. 62 పరుగులు చేసిన క్యాంప్‌బెల్‌.. కుల్దీప్‌ యాదవ్‌ బౌలింగ్‌లో ఔటయ్యాడు.గ్రీవ్స్‌ హాఫ్‌ సెంచరీజస్టిన్‌ గ్రీవ్స్‌(58) హాఫ్‌ సెంచరీని పూర్తి చేసుకున్నాడు. అతడితో పాటు జాన్‌ క్యాంప్‌బెల్‌(43) క్రీజులో ఉన్నాడు. 15 ఓవర్లకు విండీస్‌ స్కోర్‌: 107/0దంచికొడుతున్న విండీస్ ఓపెనర్లువిండీస్‌ ఓపెనర్లు జాన్‌ క్యాంప్‌బెల్‌(36), జస్టిన్‌ గ్రీవ్స్‌(42) దూకుడుగా ఆడుతున్నారు. పవర్‌ ప్లే(10) ముగిసే సరికి వెస్టిండీస్‌ వికెట్‌ నష్టపోకుండా 85 పరుగులు చేసింది.విండీస్‌ ఓపెనర్‌ జస్టిన్‌ గ్రీవ్‌(15 బంతుల్లో 6 ఫోర్లతో 26) దూకుడుగా ఆడుతున్నాడు. 4 ఓవర్లు ముగిసే విండీస్‌ వికెట్‌ నష్టపోకుండా 35 పరుగులు చేసింది.తిరువ‌నంత‌పురం వేదిక‌గా తొలి వ‌న్డేలో భార‌త్‌-వెస్టిండీస్ జ‌ట్లు త‌ల‌ప‌డతున్నాయి. ఈ మ్యాచ్‌లో టాస్ గెలిచిన టీమిండియా కెప్టెన్‌ శుబ్‌మన్‌ గిల్‌ తొలుత బౌలింగ్ ఎంచుకున్నాడు. భారత్‌ తరపున ముంబై ఇండియన్స్‌ ఆటగాడు నమన్‌ ధీర్‌ అంతర్జాతీయ అరంగేట్రం చేశాడు. అదేవిధంగా ఇంగ్లండ్ టూర్‌కు దూరంగా ఉన్న ఆల్‌రౌండర్లు రవీంద్ర జడేజా, నితీశ్‌కుమార్‌ రెడ్డి తిరిగి తుది జట్టులోకి వచ్చారు. ఓవరాల్‌గా ముగ్గురు పేసర్లు, ఇద్దరు స్పిన్నర్లతో భారత్‌ బరిలోకి దిగింది. మరోవైపు విండీస్‌ సీనియర్‌ ఓపెనర్‌ జాన్‌ క్యాంప్‌బెల్‌ పునరాగమనం చేశాడు. జస్టిన్ గ్రీవ్స్‌తో కలిసి అతడు ఇన్నింగ్స్‌ను ప్రారంభించనున్నాడు.తుది జట్లువెస్టిండీస్ : జాన్ కాంప్‌బెల్, జస్టిన్ గ్రీవ్స్, కీసీ కార్తీ, షాయ్ హోప్(కెప్టెన్‌), అమీర్ జాంగూ, జ్యువెల్ ఆండ్రూ, రోస్టన్ చేజ్, మాథ్యూ ఫోర్డే, గుడాకేష్ మోటీ, అల్జారీ జోసెఫ్, జేడెన్ సీల్స్భారత్: రోహిత్ శర్మ, శుభ్‌మన్ గిల్ (కెప్టెన్‌), విరాట్ కోహ్లీ, రుతురాజ్ గైక్వాడ్, కెఎల్ రాహుల్ (వికెట్ కీపర్‌), నమన్ ధీర్, రవీంద్ర జడేజా, నితీష్ కుమార్ రెడ్డి, గుర్నూర్ బ్రార్, కుల్దీప్ యాదవ్, ప్రసిద్ధ్ కృష్ణ

తిరువ‌నంత‌పురం వేదిక‌గా రేపు భార‌త్‌, వెస్టిండీస్ మ‌ధ్య తొలి వ‌న్డే జ‌ర‌గ‌నుంది. ఇప్ప‌టికే ఇరుజ‌ట్లు త‌మ ప్రాక్టీస్‌ను ముమ్మ‌రం చేశాయి. టీమిండియా రెండుగా చీలిపోయి 50 ఓవ‌ర్ల ఇంట్రాస్వ్కాడ్ మ్యాచ్ కూడా ఆడేశాయి. ఈ మ్యాచ్‌లో కోహ్లి, రోహిత్‌, నితీశ్‌కుమార్ రెడ్డి, జ‌డేజా త‌మ బ్యాటింగ్‌తో ఆక‌ట్టుకున్నారు. అటు వెస్టిండీస్ కూడా టీమిండియాను వారి సొంత‌గ‌డ్డ‌పైనే ఓడించి నంబ‌ర్‌వ‌న్ ర్యాంకు నుంచి ప‌డ‌గొట్టేందుకు సిద్ధ‌మైన‌ట్లు పేర్కొంది. అంతేకాదు 24 ఏళ్ల త‌ర్వాత భార‌త్‌పై వ‌న్డే సిరీస్ గెలిచే అవ‌కాశం త‌మ‌కు ల‌భించింద‌ని, దీనిని స‌ద్వినియోగం చేసుకుంటామ‌ని విండీస్ హెడ్‌కోచ్ డారెన్ సామీ ప్ర‌గ‌ల్భాలు ప‌లికాడు. టీమిండియాను ఓడించి చూపిస్తామ‌ని స‌వాల్ చేయ‌డం గ‌మ‌నార్హం.గ‌త రికార్డులు ఇలా..ఈ విష‌యం ప‌క్క‌న‌బెడితే, అస‌లు టీమిండియా గ‌డ్డ‌పై వెస్టిండీస్ వ‌న్డే రికార్డు ఎలా ఉంది? విజ‌యాలెన్నీ? ఓట‌ములెన్నీ అనేది ఒక‌సారి ప‌రిశీలిద్దాం. 1983 నుంచి 2022 వ‌ర‌కు చూసుకుంటే భార‌త్‌లో వెస్టిండీస్ 61 మ్యాచ్‌లు ఆడింది. ఇందులో 28 విజ‌యాలు, 32 ఓట‌ములు చ‌విచూసింది. ఒక మ్యాచ్ టైగా ముగిసింది.అత్య‌ధిక స్కోరెంతంటే?ఇక భార‌త గ‌డ్డ‌పై వ‌న్డేల్లో వెస్టిండీస్ చేసిన అత్య‌ధిక స్కోరు 333 ప‌రుగులు. 1983 డిసెంబ‌ర్ 7న జంషెడ్‌పూర్ వేదికగా జ‌రిగిన వ‌న్డేలో ఈ స్కోరు సాధించింది. ఆ మ్యాచ్‌లో భార‌త్ 229 ప‌రుగులకే ప‌రిమితం కావ‌డంతో విండీస్ జ‌ట్టు 104 ప‌రుగుల తేడాతో విజయం సాధించింది. చివ‌ర‌గా 2014లో కొచ్చి వేదిక‌గా జ‌రిగిన వ‌న్డేలో భార‌త్‌పై విండీస్ 321 ప‌రుగులు చేసింది.అత్య‌ల్ప స్కోరెంతంటే?ఇక భార‌త గ‌డ్డ‌పై విండీస్ అత్య‌ల్ప స్కోరు 80గా ఉంది. 2006 చాంపియ‌న్స్ ట్రోఫీలో శ్రీలంక‌తో మ్యాచ్‌లో వెస్టిండీస్ 80 ప‌రుగుల‌కు ఆలౌటైంది. ఇక భార‌త్‌పై విండీస్ అత్య‌ల్ప స్కోరు 104గా ఉంది. 2018లో ఇదే తిరువ‌నంత‌పురం వేదిక‌గా జ‌రిగిన వ‌న్డేలో విండీస్ 104 ప‌రుగుల‌కు ఆలౌటైంది. ఆ మ్యాచ్‌లో భార‌త్ 211 బంతులు మిగిలి ఉండ‌గానే టార్గెట్‌ను ఛేదించి విజ‌యాన్ని అందుకుంది. తిరువనంతపురం వేదిక అంటేనే విండీస్‌కు హడల్‌ అని చెప్పొచ్చు.చివ‌రిసారి క్లీన్‌స్వీప్‌..2021-22లో వెస్టిండీస్ జ‌ట్టు భార‌త్‌లో ప‌ర్య‌టించింది. మూడు వ‌న్డే మ్యాచ్‌ల సిరీస్‌ను భార‌త్ 3-0తో విండీస్‌ను క్లీన్‌స్వీప్ చేసింది. కోవిడ్ కార‌ణంగా మూడు మ్యాచ్‌లకు అహ్మ‌దాబాద్‌లోని న‌రేంద్ర‌మోదీ స్టేడియం వేదిక‌గా నిలిచింది. మ్యాచ్‌ల‌న్నీ క్లోజ్ డోర్స్‌లోనే (ప్రేక్ష‌కులు లేకుండా) జ‌రిగాయి. తొలి వ‌న్డేను ఆరు వికెట్ల తేడాతో నెగ్గిన టీమిండియా, రెండో వ‌న్డేను 44 ప‌రుగుల తేడాతో గెలిచింది. ఇక చివ‌రి వ‌న్డేలో 96 ప‌రుగుల తేడాతో విజ‌యం సాధించింది. నాలుగేళ్ల త‌ర్వాత మ‌ళ్లీ వ‌న్డే సిరీస్ ఆడేందుకు భార‌త గ‌డ్డ‌పై అడుగుపెట్టిన వెస్టిండీస్ ఈసారి ఎలాంటి ప్ర‌ద‌ర్శ‌న చేస్తుంద‌నేది చూడాలి. ఇక వెస్టిండీస్ భార‌త గ‌డ్డ‌పై చివ‌రిసారి 2002లో వ‌న్డే సిరీస్‌ను గెలుచుకుంది. అప్ప‌టినుంచి ఇప్ప‌టిదాకా వెస్టిండీస్ రిక్త హ‌స్తాల‌తోనే వెనుదిరిగింది.ఇదీ చ‌ద‌వండి: ఇరాన్‌ను చిత్తు చేసిన భారత్‌.. ఆసియా గేమ్స్‌లో నాలుగో స్వ‌ర్ణం

త్వరలో భారత్‌తో జరగనున్న వన్డే, టీ20 సిరీస్‌ల కోసం వెస్టిండీస్‌ క్రికెట్‌ జట్లను నిన్న ప్రకటించారు. రెండు జట్లకు కెప్టెన్‌గా షాయ్‌ హోప్‌ను ఎంపిక చేశారు.విధ్వంసకర బ్యాటర్‌ షిమ్రోన్‌ హెట్‌మైర్‌ వన్డేలకు దూరం​ కాగా.. టీ20 జట్టుకు అందుబాటులో ఉన్నాడు. కరీబియన్ ప్రీమియర్ లీగ్ 2026 తర్వాత రిఫ్రెష్‌ అయ్యేందుకు అతడికి విశ్రాంతి ఇచ్చారు. దీంతో నేరుగా టీ20 సిరీస్‌లో జట్టుతో చేరతాడు.మరోవైపు, ఆగస్టులో శస్త్రచికిత్స చేయించుకున్న అకీమ్ అగస్టే ఇంకా పునరావాస చికిత్స పొందుతున్నాడు. దీంతో అతడికి వన్డే జట్టులో చోటు దక్కలేదు. అతడి స్థానంలో టాప్, మిడిలార్డర్‌లో బ్యాటింగ్ చేయగల జువెల్ ఆండ్రూను ఎంపిక చేశారు. ఇవి మినహా జట్టులో చెప్పుకోదగ్గ మార్పులేమీ లేవు.వెస్టిండీస్‌ జట్టు సెప్టెంబర్‌ 27 నుంచి భారత్‌లో పర్యటించనుంది. ఈ పర్యటనలో తొలుత మూడు వన్డేలు, ఆతర్వాత ఐదు మ్యాచ్‌ల టీ20 సిరీస్‌ జరుగనుంది. తొలి వన్డే తిరువనంతపురం వేదికగా సెప్టెంబర్‌ 27న జరుగనుండగా.. రెండో వన్డే సెప్టెంబర్ 30న గువాహటిలో, మూడో వన్డే అక్టోబర్ 3న న్యూ చండీగఢ్‌లో జరగనున్నాయి.భారత్‌తో వన్డే సిరీస్‌కు వెస్టిండీస్ జట్టుషాయ్‌ హోప్ (కెప్టెన్), జువెల్ ఆండ్రూ, జాన్ క్యాంప్‌బెల్, కీసీ కార్టీ, రోస్టన్ చేజ్, మాథ్యూ ఫోర్డ్, జస్టిన్ గ్రీవ్స్, అమీర్ జాంగూ, అల్జారీ జోసెఫ్, షమర్ జోసెఫ్, విటెల్ లాస్, గుడాకేశ్ మోటీ, కీమో పాల్, షెర్ఫేన్ రూథర్‌ఫోర్డ్, జేడెన్ సీల్స్.అక్టోబర్‌ 6 నుంచి టీ20 సిరీస్‌వన్డే సిరీస్‌ అనంతరం​ అక్టోబర్‌ 6 నుంచి టీ20 సిరీస్‌ మొదలవుతుంది. ఈ సిరీస్‌ కోసం ఎంపిక చేసిన జట్టుకు కూడా షాయ్‌ హోప్‌ కెప్టెన్‌గా వ్యవహరించనున్నాడు. ఈ జట్టులో యువ ఓపెనర్ కమిల్ పూరన్‌కు చోటు దక్కింది. CPL 2026లో పూరన్‌ అద్భుతంగా (8 ఇన్నింగ్స్‌ల్లో 159.64 స్ట్రైక్‌రేట్‌తో 273 పరుగులు) రాణించాడు. ఈ ప్రదర్శనతో అతడికి జాతీయ జట్టులో తొలిసారి అవకాశం లభించింది.2026 టీ20 ప్రపంచకప్‌లో ఆడిన క్వెంటిన్ సాంప్సన్‌కు కూడా జట్టులో చోటు కల్పించారు. మరోవైపు, స్టార్‌ ఆల్‌రౌండర్ జేసన్ హోల్డర్‌కు విశ్రాంతి ఇచ్చారు.భారత్‌తో టీ20 సిరీస్‌కు వెస్టిండీస్ జట్టుషాయ్‌ హోప్ (కెప్టెన్), జువెల్ ఆండ్రూ, రోస్టన్ చేజ్, మాథ్యూ ఫోర్డ్, షిమ్రోన్ హెట్‌మయర్, అకీల్ హొసేన్, షమర్ జోసెఫ్, గుడాకేశ్ మోటీ, కీమో పాల్, కమిల్ పూరన్, రోవ్‌మన్ పావెల్, షెర్ఫేన్ రూథర్‌ఫోర్డ్, క్వెంటిన్ సాంప్సన్, రొమారియో షెఫర్డ్, షమర్ స్ప్రింగర్.కాగా, 2022 తర్వాత వెస్టిండీస్ జట్టు తొలిసారి ద్వైపాక్షిక పరిమిత ఓవర్ల సిరీస్ల కోసం భారత్‌లో పర్యటించనుంది. ఈ జట్టు టీమిండియాతో ఆడిన గత ఐదు వన్డేల్లోనూ ఓటమి చవిచూసింది. చివరిసారిగా 2019లో భారత్‌పై వన్డే విజయం సాధించింది. ప్రస్తుతం వన్డే ర్యాంకింగ్స్‌లో పదో స్థానంలో ఉన్న విండీస్.. 2027 వన్డే ప్రపంచకప్ అర్హత టోర్నీకి సన్నద్ధమయ్యేందుకు ఈ సిరీస్‌ను ఉపయోగించుకోనుంది.టీ20 సిరీస్‌ విషయానికొస్తే.. 2023లో భారత్‌తో జరిగిన ఐదు మ్యాచ్‌ల టీ20 సిరీస్‌ను వెస్టిండీస్‌ 3-2తో గెలుచుకుంది. మూడు సంవత్సరాల తర్వాత విండీస్‌పై ప్రతీకారం తీర్చుకునేందుకు భారత్‌కు ఈ సిరీస్‌ ద్వారా అవకాశం లభించనుంది. ఇదీ చదవండి: మరో ముగ్గురికి టీమిండియా నుంచి పిలుపు

స్వదేశంలో పాకిస్తాన్‌తో జరుగుతున్న తొలి టెస్ట్‌లో వెస్టిండీస్‌ గౌరవప్రదమైన స్కోర్‌ చేసింది. టాస్‌ గెలిచి తొలుత బ్యాటింగ్‌ చేసి తొలి ఇన్నింగ్స్‌లో 311 పరుగులకే ఆలౌటైంది. స్టార్‌ ప్లేయర్‌ షాయ్‌ హోప్‌ (92) తృటిలో సెంచరీ మిస్‌ అయ్యాడు. మరో బ్యాటర్‌ కవెమ్‌ హాడ్జ్‌ (84) కూడా సెంచరీకి చేరువలో ఔటయ్యాడు. వీరిద్దరు రాణించడంతో విండీస్‌ ఈ స్కోరైనా చేయగలిగింది.మిగతా ప్లేయర్లలో తేజ​్‌నరైన్‌ చంద్రపాల్‌ 21, బ్రాండన్‌ కింగ్‌ 12, ఆమిర్‌ జాంగూ 21, జస్టిన్‌ గ్రీవ్స్‌ 15, కెప్టెన్‌ రోస్టన్‌ ఛేజ్‌ 10, కీమర్‌ రోచ్‌ 3, షమార్‌ జోసఫ్‌ 23, జేడన్‌ సీల్స్‌ డకౌట్‌, జోమెల్‌ వార్రికన్‌ 1 (నాటౌట్‌) చేశారు. పాక్‌ బౌలర్లలో మొహమ్మద్‌ అలీ 4 వికెట్లతో సత్తా చాటగా.. మొహమ్మద్‌ అబ్బాస్‌ 3, ఖుర్రమ్‌ షెహజాద్‌ 2, ఆమిర్‌ జమాల్‌ ఓ వికెట్ పడగొట్టాడు.అనంతరం తొలి ఇన్నింగ్స్‌ ప్రారంభించిన పాక్‌ రెండో రోజు ఆట ముగిసే సమయానికి 3 వికెట్ల నష్టానికి 199 పరుగులు చేసింది. వన్‌డౌన్‌ బ్యాటర్‌, తాజా మాజీ కెప్టెన్‌ షాన్‌ మసూద్‌ అజేయ అర్ద సెంచరీతో (88) సత్తా చాటగా.. ఓపెనర్‌ ఇమామ్‌ ఉల్‌ హక్‌ (63) అర్ద సెంచరీతో రాణించాడు. కెప్టెన్‌ బాబర్‌ ఆజం 23 పరుగులకు ఔట్‌ కాగా.. మరో ఓపెనర్‌ అజాన్‌ అవైస్‌ డకౌటయ్యాడు. షాన్‌ మసూద్‌తో పాటు సల్మాన్‌ అఘా (0) క్రీజ్‌లో ఉన్నారు. విండీస్‌ తొలి ఇన్నింగ్స్‌ స్కోర్‌కు పాక్‌ ఇంకా 112 పరుగులు వెనుకపడి ఉంది. విండీస్‌ బౌలర్లలో రోచ్‌, సీల్స్‌, షమార్‌ తలో వికెట్‌ తీశారు. కాగా, రెండు మ్యాచ్‌ల టెస్ట్‌ సిరీస్‌ కోసం పాకిస్తాన్‌ జట్టు వెస్టిండీస్‌లో పర్యటిస్తుంది.

టరౌబాలోని బ్రియాన్ లారా క్రికెట్ అకాడమీ వేదికగా పాకిస్తాన్‌తో జరుగుతున్న తొలి టెస్టులో వెస్టిండీస్ ఓ మోస్తరు ప్రదర్శన చేసింది. తొలి రోజు ఆట ముగిసే సమయానికి 3 వికెట్ల నష్టానికి 194 పరుగులు చేసింది. తేజ్‌నరైన్‌ చంద్రపాల్‌ (21), బ్రాండన్‌ కింగ్‌ (12), ఆమిర్‌ జాంగూ (21) ఔట్‌ కాగా.. కవెమ్‌ హాడ్జ్‌ (83) అజేయ అర్ద శతకంతో బ్యాటింగ్‌ కొనసాగిస్తున్నాడు. అతడికి జతగా షాయ్‌ హోప్‌ (39) క్రీజ్‌లో ఉన్నాడు. పాక్‌ బౌలర్లలో మొహమ్మద్‌ అబ్బాస్‌ 2, ఆమిర్‌ జమాల్‌ ఓ వికెట్‌ తీశారు.వర్షం కారణంగా ఆటకు అంతరాయం కలగడంతో తొలి రోజు కేవలం 67 ఓవర్లు మాత్రమే సాధ్యమయ్యాయి. హాడ్జ్ అజేయ అర్ధశతకంతో జట్టును బలమైన స్థితిలో నిలిపాడు.ఈ మ్యాచ్‌లో వెస్టిండీస్‌ టాస్‌ గెలిచి బ్యాటింగ్‌ ఎంచుకుంది. పాక్‌ పేసర్లు మొహమ్మద్ అబ్బాస్, ఖుర్రం షెహ్జాద్ కట్టుదిట్టంగా బౌలింగ్ చేశారు. 13 పరుగుల వద్ద బ్రాండన్ కింగ్ వికెట్‌ను అబ్బాస్ పడగొట్టాడు.అనంతరం వర్షం కారణంగా దాదాపు రెండు గంటల ఆట నిలిచిపోయింది. ఆట పునఃప్రారంభమైన తర్వాత హాడ్జ్ ఓపికగా ఇన్నింగ్స్‌ను నిర్మించాడు. ఈ దశలో తేజ్‌నరైన్ చందర్‌పాల్‌ను ఆమిర్‌ జమాల్‌ ఔట్‌ చేశాడు. కొద్ది సేపటికి ఆమిర్‌ జాంగూను అబ్బాస్‌ పెవిలియన్‌కు పంపాడు.అనంతరం షాయ్ హోప్‌తో కలిసి హాడ్జ్ నాలుగో వికెట్‌కు అజేయంగా 88 పరుగుల భాగస్వామ్యం నెలకొల్పాడు. రెండో రోజు కూడా వర్షం ప్రభావం ఉండే అవకాశం ఉండటంతో వెస్టిండీస్ ఏ విధమైన బ్యాటింగ్ వ్యూహాన్ని అనుసరిస్తుందన్నది ఆసక్తికరంగా మారింది.కాగా, రెండు మ్యాచ్‌ల టెస్ట్‌ సిరీస్‌ కోసం పాక్‌ జట్టు వెస్టిండీస్‌లో పర్యటిస్తుంది. రెండో టెస్ట్‌ పోర్ట్‌ ఆఫ్‌ స్పెయిన్‌ వేదికగా ఆగస్ట్‌ 2 నుంచి ప్రారంభం కానుంది. ఈ సిరీస్‌కు ముందు పాక్‌ వెస్టిండీస్‌ సెలెక్ట్‌ ఎలెవెన్‌తో ఓ నాలుగు రోజుల వార్మప్‌ మ్యాచ్‌ ఆడింది. ఈ మ్యాచ్‌ పాక్‌కు మంచి బ్యాటింగ్‌ ప్రాక్టీస్‌ ఇచ్చింది. ఈ మ్యాచ్‌ తొలి ఇన్నింగ్స్‌లో పాక్‌ బ్యాటర్లు అజాన్‌ అవైస్‌, బాబర్‌ ఆజం సెంచరీలు చేశారు.

న్యూజిలాండ్‌తో ఐదు మ్యాచ్‌ల సిరీస్‌లో వెస్టిండీస్ శుభారంభం చేసింది. గయానా వేదికగా జరిగిన మొదటి వన్డేలో కివీస్‌ను 7 వికెట్ల తేడాతో విండీస్ చిత్తు చేసింది. ఈ మ్యాచ్‌లో టాస్ ఓడి మొదట బ్యాటింగ్ చేసిన న్యూజిలాండ్ 49.5 ఓవర్లలో 267 పరుగులకు ఆలౌట్ అయింది. బ్లాక్‌క్యాప్స్‌ బ్యాటర్లలో డారిల్‌ మిచెల్‌(65), విల్ యంగ్‌(49) రాణించగా.. బ్రెస్‌వెల్‌(29), చాప్‌మన్‌(27), టామ్‌ లాథమ్‌(25) తలో చేయి వేశారు. కరేబియన్‌ బౌలర్లలో అల్జారీ జోషఫ్‌ నాలుగు వికెట్లు పడగొట్టగా.. 19 ఏళ్ల అరంగేట్ర స్పిన్నర్‌ విటెల్ లాస్ 3 వికెట్లతో సత్తాచాటాడు. అనంతరం 268 పరుగుల లక్ష్యాన్ని వెస్టిండీస్‌ కేవలం 3 వికెట్లు మాత్రమే కోల్పోయి 48.5 ఓవర్లలో చేధించింది. వన్‌ డౌన్‌ బ్యాటర్‌ కీసీ కాట్టీ(112 బంతుల్లో 10 ఫోర్లు, 2 సిక్సర్లతో 95 పరుగులు) అద్భుతమైన ఇన్నింగ్స్‌ ఆడాడు. ఈ యువ బ్యాటర్‌ కేవలం 5 పరుగుల తేడాతో సెంచరీ మిస్ చేసుకున్నాడు. అతడితో పాటు కెప్టెన్‌ షాయ్‌ హోప్‌(92 బంతుల్లో 4 ఫోర్లు, 4 సిక్స్‌లతో 87 నాటౌట్‌) అజేయంగా నిలిచి మ్యాచ్‌ ఫినిష్‌ చేశాడు. కివీస్‌ బౌలర్లలో డఫీ, లినక్స్‌, బ్రెస్‌వెల్‌ తలా వికెట్‌ సాధించారు. . ఈ విజయంతో 5 మ్యాచ్‌ల సిరీస్‌లో వెస్టిండీస్ 1-0 ఆధిక్యంలో నిలిచింది. ఇరు జట్ల మధ్య రెండో వన్డే గయానా వేదికగానే సోమవారం జరగనుంది.

వెస్టిండీస్‌తో జరుగుతున్న రెండో టెస్టులో శ్రీలంక మ్యాచ్‌పై పట్టు సాధించింది. నాలుగో రోజు ఆట ముగిసే సమయానికి ఆ జట్టు రెండో ఇన్నింగ్స్‌లో 2 వికెట్ల నష్టానికి 92 పరుగులు చేసి, ఓవరాల్‌గా 142 పరుగుల ఆధిక్యంలో కొనసాగుతోంది. ఇంకా ఒక రోజు ఆట మాత్రమే మిగిలి ఉండటంతో విజయానికి అవసరమైన లక్ష్యాన్ని నిర్దేశించేందుకు శ్రీలంక ప్రయత్నిస్తోంది.మూడో రోజు ప్రారంభమైన జస్టిన్ గ్రీవ్స్, షాయ్ హోప్ భాగస్వామ్యం నాలుగో రోజు కూడా కొనసాగింది. ఓపికగా బ్యాటింగ్ చేసిన ఈ ఇద్దరూ శతకాలు నమోదు చేశారు. హోప్ (112) తన కెరీర్‌లో ఐదో టెస్టు సెంచరీని, స్వదేశంలో తొలి టెస్టు శతకాన్ని నమోదు చేయగా.. గ్రీవ్స్ (180) తన మూడో టెస్టు సెంచరీని పూర్తి చేశాడు. గ్రీవ్స్‌ కెరీర్‌లో రెండో డబుల్‌ సెంచరీ చేసే అవకాశాన్ని చేజార్చుకున్నాడు.గ్రీవ్స్‌-హోప్‌ 76.1 ఓవర్ల పాటు బ్యాటింగ్‌ చేసి 242 పరుగుల భారీ భాగస్వామ్యానికి నెలకొల్పారు. వీరిద్దరూ ఔటైన తర్వాత విండీస్‌ ఇన్నింగ్స్‌ ఎంతో సేపు కొనసాగలేదు. ఓ దశలో 5 వికెట్లకు 438 పరుగులతో బలంగా కనిపించిన వెస్టిండీస్ చివరి ఐదు వికెట్లను కేవలం 61 పరుగులకే కోల్పోయి 499 పరుగులకు ఆలౌటైంది.దీంతో తొలి ఇన్నింగ్స్‌ను 549/9 వద్ద డిక్లేర్ చేసిన శ్రీలంకకు 50 పరుగుల ఆధిక్యం లభించింది. అసిత ఫెర్నాండో ఐదు వికెట్లతో రాణించాడు.రెండో ఇన్నింగ్స్ ప్రారంభంలోనే శ్రీలంకకు షమార్ జోసెఫ్, అల్జారీ జోసెఫ్ షాకిచ్చారు. లహిరు ఉదారా నాలుగు బంతులు ఎదుర్కొని ఖాతా తెరవకుండానే ఎల్‌బీగా వెనుదిరగగా, నిషాన్ మదుష్కను అల్జారీ ఔట్ చేశాడు. దీంతో శ్రీలంక 32 పరుగులకే రెండు వికెట్లు కోల్పోయింది.ఆ క్లిష్ట సమయంలో దినేశ్ చండిమల్, కమిందు మెండిస్ ఇన్నింగ్స్‌ను చక్కదిద్దారు. ఇద్దరూ మూడో వికెట్‌కు అజేయంగా 60 పరుగులు జోడించి జట్టును గట్టెక్కించారు. చండిమల్ 66 బంతుల్లో 40 పరుగులతో, కమిందు మెండిస్ 35 బంతుల్లో 30 పరుగులతో నాటౌట్‌గా నిలిచారు.సంక్షిప్త స్కోర్లు:శ్రీలంక: 549/9 డిక్లేర్ & 92/2 (దినేశ్ చండిమల్ 40*, కమిందు మెండిస్ 30*)వెస్టిండీస్: 499 (జస్టిన్ గ్రీవ్స్ 180, షాయ్ హోప్ 112; అసిత ఫెర్నాండో 5/130)శ్రీలంకకు మొత్తం 142 పరుగుల ఆధిక్యంకాగా, రెండు మ్యాచ్‌ల ఈ టెస్ట్‌ సిరీస్‌లో తొలి మ్యాచ్‌ నెగ్గిన వెస్టిండీస్‌ 1-0 ఆధిక్యంలో కొనసాగుతోంది.

శ్రీలంక-వెస్టిండీస్‌ జట్ల మధ్య జరుగుతున్న రెండో టెస్ట్‌ నువ్వా-నేనా అన్నట్లు సాగుతుంది. ఈ మ్యాచ్‌ తొలి ఇన్నింగ్స్‌లో శ్రీలంక 9 వికెట్ల నష్టానికి 549 పరుగులు (డిక్లేర్‌) చేయగా.. వెస్డిండీస్‌ లంక స్కోర్‌కు ధీటుగా బదులిస్తూ మూడో రోజు ఆట ముగిసే సమయానికి 4 వికెట్ల నష్టానికి 318 పరుగులు చేసింది.ధీటుగా బదులిస్తున్నప్పటికీ.. వెస్టిండీస్‌ ఇంకా 231 పరుగులు వెనుకపడే ఉంది. మూడో రోజు ఆటలో విండీస్‌ బ్యాటర్లు షాయ్‌ హోప్‌ (86), జస్టిన్‌ గ్రీవ్స్‌ (85) లంక బౌలర్ల సహనాన్ని పరీక్షించారు. అంతకుముందు ఓపెనర్‌ జాన్‌ క్యాంప్‌బెల్‌ (72) కూడా ఇంచుమించు ఇదే పని చేశాడు. మిగతా ప్లేయర్లలో బ్రాండన్‌ కింగ్‌ (17), ఆమీర్‌ జాంగూ (9) నిరాశపర్చగా.. కవెమ్‌ హాడ్జ్‌ (31) ఓ మోస్తరు స్కోర్‌ చేశాడు. లంక బౌలర్లలో అసిత ఫెర్నాండో, ప్రభాత్‌ జయసూర్య తలో 2 వికెట్లు తీశాడు.అంతకుముందు శ్రీలంక తరఫున ఓపెనర్‌ లహీరు ఉదార (188) భారీ శతకంతో కదంతొక్కాడు. లోయర్‌ ఆర్డర్‌ బ్యాటర్‌ సోనల్‌ దినుష (92) సెంచరీ చేజార్చుకున్నాడు. కమిందు మెండిస్‌ (84) కూడా సెంచరీకి చేరువయ్యే క్రమంలో ఔట్‌ కాగా.. కుసాల్‌ మెండిస్‌ (69) అర్ద సెంచరీతో రాణించాడు. మిగతా బ్యాటర్లలో ధనంజయ డిసిల్వ 33, నిషన్‌ మధుష్క 6, దినేశ్‌ చండీమల్‌ 1, మిలన్‌ రత్నాయకే 15, విజేసుందెర 14, ప్రభాత్‌ జయసూర్య 17 (నాటౌట్‌) పరుగులు చేశాడు. విండీస్‌ బౌలర్లలో జేడన్‌ సీల్స్‌, షమార​్‌ జోసఫ్‌ తలో 2 వికెట్లు తీయగా.. అల్జరీ జోసఫ్‌, ఆండర్సన్‌ ఫిలిప​్‌, జస్టిన్‌ గ్రీవ్స్‌, రోస్టన్‌ ఛేస్‌, కవెమ్‌ హాడ్జ్‌ తలో వికెట్‌ తీశారు. కాగా, రెండు మ్యాచ్‌ల ఈ సిరీస్‌లో ఆతిథ్య వెస్టిండీస్‌ తొలి మ్యాచ్‌లో గెలిచి 1-0 ఆధిక్యంలో కొనసాగుతోంది.

జూన్‌ 11 నుంచి స్వదేశంలో శ్రీలంకతో జరుగబోయే 3 ​మ్యాచ్‌ల టీ20 సిరీస్‌ కోసం 15 మంది సభ్యుల వెస్టిండీస్‌ జట్టును ఇవాళ (జూన్‌ 9) ప్రకటించారు. ఈ జట్టుకు కెప్టెన్‌గా షాయ్‌ హోప్‌ ఎంపికయ్యాడు. ఈ జట్టులో ముగ్గురు టీ20 ప్రపంచకప్‌ 2026 సభ్యులకు చోటు దక్కలేదు. ఇందులో ఇద్దరిపై (జాన్సన్‌ ఛార్లెన్‌, క్వింటన్‌ సాంప్సన్‌) వేటు పడగా.. అల్జరీ జోసఫ్‌కు వర్క్‌లోడ్ కారణంగా విశ్రాంతినిచ్చారు. యువ ఆటగాళ్లు ఆకీమ్ ఆగస్టే, జువెల్ ఆండ్రూ, షమర్ స్ప్రింగర్‌లకు ఈ జట్టులో అవకాశం ఇచ్చారు. విధ్వంసకర వీరులు హెట్‌మైర్‌, రూథర్‌ఫోర్డ్‌, షెపర్డ్‌, పావెల్‌, హోల్డర్‌ తమ స్థానాలను నిలుపుకున్నారు. శ్రీలంకతో ఈ సిరీస్‌ జూన్‌ 12, 14, 15 తేదీల్లో జమైకాలోని సబీనా పార్క్‌ వేదికగా జరుగనుంది.శ్రీలంకతో 3 మ్యాచ్‌ల టీ20 సిరీస్‌ కోసం విండీస్‌ జట్టుషాయ్ హోప్ (సి), జువెల్ ఆండ్రూ, అకీమ్ అగస్టే, రోస్టన్ చేజ్, మాథ్యూ ఫోర్డ్, షిమ్రాన్ హెట్‌మైర్, జేసన్ హోల్డర్, అకీల్ హోసేన్, షమార్ జోసఫ్, బ్రాండన్ కింగ్, గుడకేష్ మోటీ, రోవ్‌మన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్, షమార్ స్ప్రింగర్‌కాగా, శ్రీలంక క్రికెట్‌ జట్టు మూడు వన్డేలు, మూడు టీ20లు, రెండు మ్యాచ్‌ల టెస్ట్‌ సిరీస్‌ కోసం వెస్టిండీస్‌లో పర్యటిస్తుంది. ఈ పర్యటనలో తొలుత జరిగిన వన్డే సిరీస్‌ను శ్రీలంక 1-0 తేడాతో కైవసం చేసుకుం​ది. ఇవాళ జరగాల్సిన మూడో వన్డే వర్షం కారణంగా పూర్తిగా తుడిచిపెట్టుకుపోయింది. అంతకుముందు రెండో వన్డే కూడా వర్షార్పణం అయ్యింది. ఈ సిరీస్‌లో జరిగిన ఏకైక వన్డేలో గెలవడంతో శ్రీలంక సిరీస్‌ను కైవసం చేసుకుంది.స్వదేశంలో సిరీస్‌ కోల్పోవడంతో విండీస్‌ జట్టు 2027 వన్డే వరల్డ్‌కప్‌కు నేరుగా అర్హత సాధించే అవకాశాలు సంక్లిష్టం చేసుకుంది. 2023-27 సైకిల్‌లో విండీస్‌ ప్రస్తుతం​ పదో స్థానంలో ఉంది. టాప్‌-8లో ఉన్న జట్లు మాత్రమే ప్రపంచకప్‌కు నేరుగా అర్హత సాధిస్తాయి. ఆతిథ్య దేశాలు ఆటోమేటిక్‌గా టోర్నీలోకి అడుగుపెడతాయి. కాగా, 2027 వన్డే ప్రపంచకప్‌ సౌతాఫ్రికా, జింబాబ్వే, నమీబియా వేదికలుగా అక్టోబరు-నవంబరు మధ్య జరుగనున్న సంగతి తెలిసిందే.

టీ20 ప్రపంచకప్‌-2026 టోర్నమెంట్లో ఆరంభం నుంచి అద్భుత ఆట తీరు కనబరిచిన వెస్టిండీస్‌కు చేదు అనుభవం ఎదురైంది. సూపర్‌-8 దశలో జింబాబ్వేపై ఘన విజయం సాధించి సెమీస్‌ రేసులోకి దూసుకవచ్చిన విండీస్‌.. కీలక మ్యాచ్‌లలో మాత్రం చేతులెత్తేసింది.విండీస్‌ అవుట్‌తొలుత సౌతాఫ్రికా చేతిలో చిత్తుగా ఓడిన కరేబియన్‌ జట్టు.. తాజాగా ఆదివారం నాటి మ్యాచ్‌లో టీమిండియా చేతిలో ఓటమిపాలైంది. ఫలితంగా భారత్‌ సెమీస్‌కు దూసుకువెళ్లగా.. వెస్టిండీస్‌ టోర్నీ నుంచి నిష్క్రమించింది.ఈ నేపథ్యంలో టీమిండియా మాజీ కెప్టెన్‌ క్రిష్ణమాచారి శ్రీకాంత్‌.. వెస్టిండీస్‌ సారథి షాయీ హోప్‌పై తీవ్ర స్థాయిలో మండిపడ్డాడు. అతడొక స్వార్థ పరుడు.. తుదిజట్టులో అతడికి చోటు దండగ అంటూ ఘాటుగా విమర్శించాడు. తన వైఫల్యాన్ని కప్పిపుచ్చుకునేందుకు ఇతరులపై నిందలు వేయడం సరికాదని చురకలు అంటించాడు.స్వార్థపరుడు..‘‘ప్రతి మ్యాచ్‌లో కేవలం స్వార్థం కోసం మాత్రమే అతడు ఆడతాడు. టీమిండియా చేతిలో ఓటమి తర్వాత.. తప్పునంతా పావెల్‌, హోల్డర్‌లపై నెట్టేసేందుకు ప్రయత్నించాడు. ఆఖర్లో సరిగ్గా ఆడలేదంటూ వారిని నిందించాడు.నిజానికి నీ చెత్త బ్యాటింగ్‌తో నువ్వే వెస్టిండీస్‌ ఇన్నింగ్స్‌కు ముగింపు పలికావు. కానీ నిన్ను నువ్వు ఎప్పుడూ నిందించుకోవు. నిన్ను కెప్టెన్‌గా నియమించడమే వెస్టిండీస్‌ క్రికెట్‌ చేసిన అతి పెద్ద తప్పు.తుదిజట్టులో ఉండటమే దండగఅసలు తుదిజట్టులో షాయీ హోప్‌ ఉండటమే దండగ. అతడు కేవలం ఆదేశాలు ఇవ్వడానికి మాత్రమే ముందుంటాడు. బ్యాట్‌తో రాణించలేడు. అతడికి బదులు వేరొకరిని జట్టులోకి తీసుకుంటే బాగుండేదేమో! నీ బదులు రొమారియో షెఫర్డ్‌ను ఓపెనర్‌గా పంపి ఉంటే బాగుండేది హోప్‌’’ అంటూ క్రిష్ణమాచారి శ్రీకాంత్‌ షాయీ హోప్‌ ఆట తీరుపై ఆగ్రహం వ్యక్తం చేశాడు.కాగా కోల్‌కతాలో భారత్‌తో మ్యాచ్‌లో టాస్‌ ఓడిన విండీస్‌ తొలుత బ్యాటింగ్‌కు దిగింది. కెప్టెన్‌, ఓపెనింగ్‌ బ్యాటర్‌, వికెట్‌ కీపర్‌ షాయీ హోప్‌ 33 బంతులు ఎదుర్కొని 32 పరుగులే చేయగలిగాడు. వరుణ్‌ చక్రవర్తి బౌలింగ్‌లో బౌల్డ్‌ అయి పెవిలియన్‌ చేరాడు. ఇక మరో ఓపెనర్‌ రోస్టన్‌ ఛేజ్‌ 25 బంతుల్లో 40 పరుగులతో రాణించాడు.సంజూ శాంసన్‌ ధనాధన్‌ఆఖర్లో రోవ్‌మన్‌ పావెల్‌ (19 బంతుల్లో 34), జేసన్‌ హోల్డర్‌ (22 బంతుల్లో 37) మెరుపు ఇన్నింగ్స్‌తో అజేయంగా నిలిచారు. ఫలితంగా 20 ఓవర్లలో విండీస్‌ 195 పరుగులు స్కోరు చేయగలిగింది.అయితే, సంజూ శాంసన్‌ (50 బంతుల్లో 97 నాటౌట్‌) విజృంభణ కారణంగా టీమిండియా 192. ఓవర్లలో కేవలం ఐదు వికెట్లు నష్టపోయి లక్ష్యాన్ని ఛేదించింది. ఫలితంగా ఐదు వికెట్ల తేడాతో విండీస్‌ను ఓడించి సెమీస్‌ బెర్తు ఖాయం చేసుకుంది.చదవండి: IND vs WI అతడొక వరల్డ్‌క్లాస్‌ ప్లేయర్‌.. అందుకే మద్దతు: గంభీర్‌Varun strikes, and Eden Gardens erupts! 🌪️The bowling change does the trick for #TeamIndia as skipper Shai Hope walks back! ☝️ICC Men’s #T20WorldCup, SUPER 8, #INDvWI | LIVE NOW ➡️ https://t.co/Y26WH6p8dS pic.twitter.com/rPIjxyNNaS— Star Sports (@StarSportsIndia) March 1, 2026

జోహన్నెస్‌బర్గ్ వేదికగా సౌతాఫ్రికాతో జరిగిన మూడో టీ20లో వెస్టిండీస్ 6 పరుగుల తేడాతో (డక్‌వర్త్ లూయిస్ పద్దతి) విజయం సాధించింది. దీంతో క్లీన్ స్వీప్ ప్రమాదం నుంచి పర్యాటక విండీస్ తప్పించుకుంది. వర్షం, మెరుపులు కారణంగా ఈ మ్యాచ్‌ను 10 ఓవర్లకు కుదించారు.తొలుత బ్యాటింగ్ చేసిన వెస్టిండీస్ నిర్ణీత 10 ఓవర్లలో 3 వికెట్ల నష్టానికి 114 పరుగులు చేసింది. విండీస్ ఇన్నింగ్స్‌లో కెప్టెప్ షాయ్ హోప్‌(25 బంతుల్లో 48), షిమ్రాన్ హెట్‌మైర్ (22 బంతుల్లో 48 పరుగులు) మెరుపు ఇన్నింగ్స్‌లు ఆడారు. సఫారీ బౌలర్లలో ఎంగిడీ, మఫాక, కేశవ్ మహారాజ్ తలా వికెట్ సాధించారు.అనంతరం డీఎల్‌ఎస్ పద్దతి ప్రకారం.. దక్షిణాఫ్రికా లక్ష్యాన్ని 10 ఓవర్లలో 125 పరుగులుగా నిర్ణయించారు. లక్ష్య చేధనలో కెప్టెన్ ఐడైన్ మార్‌క్రమ్ త్వరగా ఔటైనప్పటికి క్వింటన్ డికాక్ (28) శుభారంభం ఇచ్చాడు. కానీ వరుస క్రమంలో వికెట్లు కోల్పోవడంతో ప్రోటీస్ ఓటమి చవిచూడాల్సి వచ్చింది.విండీస్ బౌలర్లు కట్టుదిట్టంగా బౌలింగ్ చేయడంతో సఫారీలు 6 వికెట్లు కోల్పోయి 118 పరుగులకే పరిమితమయ్యారు. కరేబియన్ బౌలర్లలో గుడికేష్ మోటీ మూడు వికెట్లతో సత్తాచాటాడు. అయితే తొలి రెండు టీ20ల్లో విజయం సాధించిన సౌతాఫ్రికా.. సిరీస్‌ను 2-1 తేడాతో సొంతం చేసుకుంది.

భారత్‌, శ్రీలంక వేదికగా త్వరలో ప్రారంభం కానున్న టీ20 ప్రపంచకప్‌-2026 కోసం 15 మంది సభ్యుల వెస్టిండీస్‌ జట్టును ఇవాళ (జనవరి 26) ప్రకటించారు. ఈ జట్టుకు కెప్టెన్‌గా షాయ్‌ హోప్‌ కొనసాగనుండగా.. సంచలన ఫాస్ట్‌ బౌలర్‌ షమార్‌ జోసఫ్‌, 25 ఏళ్ల గయానీస్‌ బ్యాటర్‌ క్వెంటిన్‌ సాంప్సన్ జట్టులో చోటు దక్కించుకున్నారు.మాజీ కెప్టెన్లు జేసన్‌ హోల్డర్‌, రోవ్‌మన్‌ పావెల్‌కు కూడా ఈ జట్టులో చోటు దక్కడం విశేషం​. పేసర్లుగా ఫోర్డ్‌, సీల్స్‌ తమ స్థానాలను నిలబెట్టుకోగా.. స్పిన్‌ విభాగంలో ఆకీల్‌ హొసేన్, రోస్టన్‌ చేజ్, గుడకేశ్‌ మోటీ, ఆల్‌రౌండర్‌ విభాగంలో విధ్వంసకర బ్యాటర్‌ రొమారియో షెపర్డ్‌ అవకాశాలు దక్కించుకున్నారు. గాయాల కారణంగా ఎవిన్‌ లూయిస్‌, అల్జరీ జోసఫ్‌ ఈ జట్టులో చోటు దక్కించుకోలేకపోయారు. మొత్తంగా గత ఎడిషన్‌లో ఆడిన 11 మంది ఆటగాళ్లు ఈసారి కూడా జట్టులో చోటు దక్కించుకున్నారు.కాగా, ప్రపంచకప్‌లో వెస్టిండీస్‌ గ్రూప్‌-సిలో ఉంది. ఈ గ్రూప్‌లో మిగతా జట్లుగా ఇంగ్లండ్‌, స్కాట్లాండ్‌, నేపాల్‌, ఇటలీ ఉన్నాయి. విండీస్‌ ఫిబ్రవరి 7న స్కాట్లాండ్‌పై తమ తొలి మ్యాచ్‌ ఆడనుంది.ఈ మ్యాచ్‌ కోల్‌కతాలోని ఈడెన్‌ గార్డెన్స్‌లో జరగనుంది. ఇదే వేదికపై వారు చివరిసారి వరల్డ్‌కప్‌ గెలిచారు. టీ20 ప్రపంచకప్‌ 2026 కోసం విండీస్‌ జట్టు..షాయ్ హోప్ (సి), షిమ్రాన్ హెట్మెయర్, జాన్సన్ చార్లెస్, బ్రాండన్ కింగ్, రోస్టన్ చేజ్, జాసన్ హోల్డర్, రోవ్‌మన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్, క్వెంటిన్ సాంప్సన్, అకేల్ హోసిన్, గుడకేష్ మోటీ, షామర్ జోసెఫ్, జేడెన్ సీల్స్, మాథ్యూ ఫోర్డ్

సౌతాఫ్రికా టీ20 లీగ్‌ 2025-26లో భాగంగా నిన్న (జనవరి 7) ప్రిటోరియా క్యాపిటల్స్‌, డర్బన్‌ సూపర్‌ జెయింట్స్‌ మధ్య ఆసక్తికర మ్యాచ్‌ జరిగింది. ఈ భారీ స్కోరింగ్‌ మ్యాచ్‌లో సూపర్‌ జెయింట్స్‌పై క్యాపిటల్స్‌ 15 పరుగుల తేడాతో గెలుపొందింది. షాయ్‌ హోప్‌ (69 బంతుల్లో 118 నాటౌట్‌; 9 ఫోర్లు, 9 సిక్సర్లు) విధ్వంసకర శతకంతో విరుచుకుపడటంతో తొలుత బ్యాటింగ్‌ చేసిన క్యాపిటల్స్‌ నిర్ణీత 20 ఓవర్లలో 4 వికెట్ల నష్టానికి 201 పరుగులు చేయగా.. ఛేదనలో జోస్‌ బట్లర్‌ (52 బంతుల్లో 97 నాటౌట్‌; 9 ఫోర్లు, 5 సిక్సర్లు) వీరోచిత పోరాటం చేసినా సూపర్‌ జెయింట్స్‌ను గెలిపించలేకపోయాడు.బట్లర్‌కు మరో ఎండ్‌ నుంచి సహకారం లభించకపోవడంతో సూపర్‌ జెయింట్స్‌ 19.4 ఓవర్లలో 186 పరుగులకు ఆలౌటైంది. సూపర్‌ జెయింట్స్‌ ఇన్నింగ్స్‌లో చివరి ఆరుగురు ఆటగాళ్లలో ఏకంగా ఐదుగురు డకౌటయ్యారు. లుంగి ఎంగిడి హ్యాట్రిక్‌ వికెట్లతో చెలరేగి సూపర్‌ జెయింట్స్‌ను దెబ్బకొట్టాడు. సౌతాఫ్రికా టీ20 లీగ్‌ చరిత్రలో ఇదే తొలి హ్యాట్రిక్‌.ఇన్నింగ్స్‌ 18వ ఓవర్‌ రెండు, మూడు, నాలుగు బంతులకు ఎంగిడి డేవిడ్‌ వీస్‌, సునీల్‌ నరైన్‌, కొయెట్జీ వికెట్లు తీసి హ్యాట్రిక్‌ నమోదు చేశాడు. ఈ పరిణామంతో అప్పటిదాకా గెలుపు దిశగా సాగిన సూపర్‌ జెయింట్స్‌ ఒక్కసారిగా మొమెంటమ్‌ కోల్పోయింది. ఆతర్వాతి ఓవర్‌లో (19వ ఓవర్‌) బట్లర్‌ 2 సిక్సర్లు, ఓ బౌండరీ బాది 22 పరుగులు పిండుకున్నా, చివరి ఓవర్‌లో చేతులెత్తేశాడు.తొలి రెండు బంతులను వృధా చేయగా.. ఆతర్వాత రెండు బంతులకు మపాకా, నూర్‌ అహ్మద్‌ రనౌటయ్యారు. దీంతో సూపర్‌ జెయింట్స్‌కు ఓటమి తప్పలేదు. చివరి దాకా వీరోచితంగా పోరాడిన బట్లర్‌ చివరి ఓవర్‌లో ఏమీ చేయలేకపోయాడు. వెరసి సూపర్‌ జెయిం​ట్స్‌ లక్ష్యానికి 16 పరుగుల దూరంలో నిలిచిపోయింది.

వెస్టిండీస్‌ క్రికెటర్‌ జస్టిన్‌ గ్రీవ్స్‌ సరికొత్త చరిత్ర సృష్టించాడు. టెస్టు క్రికెట్లో ఇంత వరకు ఏ ఆటగాడికి సాధ్యం కాని అరుదైన ఘనత సాధించాడు. నాలుగో ఇన్నింగ్స్‌లో ఆరు లేదంటే అంతకంటే లోయర్‌ ఆర్డర్‌లో వచ్చి ద్విశతకం బాదిన క్రికెటర్‌గా ప్రపంచ రికార్డు నెలకొల్పాడు.పరిమిత ఓవర్ల సిరీస్‌లలో పరాభవంకాగా ఐదు టీ20, మూడు టెస్టులు, మూడు వన్డేలు ఆడేందుకు విండీస్‌ క్రికెట్‌ జట్టు న్యూజిలాండ్‌ పర్యటన (West Indies tour of New Zealand, 2025)కు వెళ్లింది. ఇందులో భాగంగా తొలుత టీ20 సిరీస్‌ జరుగగా ఆతిథ్య కివీస్‌ 3-1తో గెలిచింది. వన్డే సిరీస్‌ను 3-0తో క్లీన్‌స్వీప్‌ చేసింది. ఈ మేరకు పరిమిత ఓవర్ల సిరీస్‌లలో న్యూజిలాండ్‌ చేతిలో ఘోర పరాభవాల తర్వాత.. వెస్టిండీస్‌ టెస్టు సిరీస్‌ మొదలుపెట్టింది.తొలి టెస్టులో అసాధారణ పోరాటంక్రైస్ట్‌చర్చ్‌ వేదికగా శనివారం ముగిసిన తొలి టెస్టును అసాధారణ పోరాటంతో వెస్టిండీస్‌ కనీసం డ్రా చేసుకోగలిగింది. ఈ మ్యాచ్‌లో టాస్‌ గెలిచిన విండీస్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన కివీస్‌ తొలి ఇన్నింగ్స్‌లో 231 పరుగులకు ఆలౌట్‌ అయింది.ఇందుకు బదులిచ్చే క్రమంలో వెస్టిండీస్‌ తడబడింది. తేజ్‌నరైన్‌ చందర్‌పాల్‌ (52), షాయీ హోప్‌ (Shai Hope- 56) మాత్రమే రాణించగా.. మిగతా వాళ్లంతా ఇలా వచ్చి అలా వెళ్లిపోయారు. దీంతో 167 పరుగులకే పర్యాటక జట్టు కుప్పకూలింది. ఫలితంగా కివీస్‌కు తొలి ఇన్నింగ్స్‌లో 64 పరుగుల ఆధిక్యం లభించింది.హోప్‌ సెంచరీ, జస్టిన్‌ డబుల్‌ సెంచరీఈ క్రమంలో రెండో ఇన్నింగ్స్‌ మొదలుపెట్టిన న్యూజిలాండ్‌.. ఎనిమిది వికెట్ల నష్టానికి 466 పరుగుల వద్ద డిక్లేర్‌ చేసింది. తద్వారా విండీస్‌కు 531 (64+ 466)పరుగుల భారీ లక్ష్యాన్ని విధించింది. ఈ నేపథ్యంలో షాయీ హోప్‌ (234 బంతుల్లో 140)తో కలిసి జస్టిన్‌ గ్రీవ్స్‌ అసాధారణ ప్రదర్శన కనబరిచాడు.ఆరో స్థానంలో బ్యాటింగ్‌కు వచ్చిన గ్రీవ్స్‌.. 388 బంతులు ఎదుర్కొని 19 ఫోర్ల సాయంతో 202 పరుగులతో అజేయంగా నిలిచాడు. అయితే, ఆఖరి రోజు విండీస్‌కు చేతిలో 4 వికెట్లు ఉండి.. విజయానికి 74 పరుగుల దూరంలో ఉన్న వేళ.. సమయాభావం దృష్ట్యా ‘డ్రా’కు అంగీకరించాల్సి వచ్చింది.ఆరో స్థానంలో వచ్చిఇదిలా ఉంటే.. ఈ మ్యాచ్‌ సందర్భంగా 31 ఏళ్ల జస్టిన్‌ గ్రీవ్స్‌ (Justin Greaves)... టెస్టు క్రికెట్‌లో నాలుగో ఇన్నింగ్స్‌లో ఆరో స్థానంలో వచ్చి డబుల్‌ సెంచరీ సాధించిన తొలి క్రికెటర్‌గా చరిత్రకెక్కాడు. ఇక ఇతరులలో భారత దిగ్గజం సునిల్‌ గావస్కర్‌ నాలుగో ఇన్నింగ్స్‌లో ఓపెనర్‌గా వచ్చి 221 పరుగులు చేయడం విశేషం.చదవండి: భారత్‌తో మూడో వన్డే.. సౌతాఫ్రికాకు భారీ షాకులు

1970, 80 దశకాల్లో ప్రపంచ క్రికెట్‌ను శాశించిన వెస్టిండీస్‌ జట్టు ప్రస్తుతం ఉనికి కోసం పోరాడుతుంది. స్టార్‌ ఆటగాళ్ల రిటైర్మెంట్‌, బోర్డు ఆర్థిక సమస్యలు, ఆటగాళ్ల మధ్య విభేదాలు, మౌలిక సదుపాయాల లోపం కారణంగా ఆ జట్టు కనీసం చిన్న జట్లకు కూడా పోటీ ఇవ్వలేని స్థితిలో ఉంది. రెండు సార్లు వన్డే ప్రపంచకప్‌ (1975, 1979), రెండు సార్లు టీ20 ప్రపంచకప్‌ (2012, 2016) ఛాంపియన్‌ అయిన ఆ జట్టు ప్రస్తుతం ప్రపంచకప్‌కు అర్హత సాధించాలంటేనే ఇబ్బంది పడుతుందంటే పరిస్థితి ఎంత దయనీయంగా ఉందో అర్దం చేసుకోవచ్చు.ఇలాంటి పరిస్థితుల్లో ఆ జట్టును ఓ 'హోప్‌' నిలబెడుతుంది. ఆ హోప్‌ పేరే 'షాయ్‌ హోప్‌' (Shai Hope). ఈ బార్బడోస్‌ వికెట్‌కీపర్‌ బ్యాటర్‌ ప్రస్తుతం విండీస్‌ క్రికెట్‌కు ఆశాకిరణంలా మారాడు. విండీస్‌ జట్టు అడపాదడపా విజయాలు సాధిస్తుందంటే ఈ హోప్‌ పుణ్యమే. ఈ హోపే లేకుంటే విండీస్‌ క్రికెట్‌కు నామరూపాలు కూడా లేవు.ఈ ఒక్కడే నిలకడగా రాణిస్తూ ప్రపంచ క్రికెట్‌ పటంలో విండీస్‌ పేరు తుడిచిపెట్టుకుపోకుండా కాపాడుతున్నాడు. ఫార్మాట్‌లో ఏదైనా ఇతనికి అండగా నిలబడే ఒక్క ప్లేయర్‌ కూడా ప్రస్తుత విండీస్‌ జట్టులో లేడు. ఎవరైనా ఉన్నా వారు వన్‌ మ్యాచ్‌ వండర్‌లానే మిగిలిపోతున్నారు.హోప్‌ ఒక్కడే బ్యాటర్‌గా, వికెట్‌కీపర్‌గా, కెప్టెన్‌గా (పరిమిత ఓవర్ల ఫార్మాట్లలో) త్రిపాత్రాభినయం చేస్తూ విండీస్‌ క్రికెట్‌ను బ్రతికిస్తున్నాడు. గడిచిన ఐదేళ్లలో ఈ హోప్‌ మరింత రాటుదేలాడు. దాదాపుగా ప్రతి మ్యాచ్‌లో సత్తా చాటుతూ ప్రపంచ అగ్రశ్రేణి బ్యాటర్లకు పోటీగా మారాడు. ఫార్మాట్‌ ఏదైనా హోప్‌ తన తడాఖా చూపుతున్నాడు.తొలుత టెస్ట్‌ల్లో కాస్త వీక్‌గా కనిపిం​చినా, క్రమంగా ఈ ఫార్మాట్‌పై కూడా తన ముద్ర వేశాడు. ఈ ఏడాది ఇప్పటికే ఇంగ్లండ్‌ గడ్డపై 2, భారత్‌లో ఒకటి, తాజాగా న్యూజిలాండ్‌ గడ్డపై సెంచరీ చేశాడు. వాస్తవానికి హోప్‌ అత్యుత్తమంగా ఆడే ఫార్మాట్‌ వన్డే క్రికెట్‌. ఈ ఫార్మాట్‌లో హోప్‌ను మించినోడు లేడు. అతని గణాంకాలే ఇందుకు నిదర్శనం. 148 మ్యాచ్‌ల్లో అతను 50కి పైగా సగటుతో 19 సెంచరీల సాయంతో 6000 పైచిలుకు పరుగులు చేశాడు. ఈ గణాంకాలు టీమిండియా స్టార్‌ విరాట్‌ కోహ్లి గణాంకాలతో పోటీపడతాయి. ముఖ్యంగా ఈ ఏడాది హోప్‌ ఫార్మాట్లకతీంగా అత్యుత్తమ ఫామ్‌లో ఉన్నాడు. ఆస్ట్రేలియా గడ్డపై టీ20 శతకంతో మొదలుకొని భారత్‌లో టెస్ట్‌ శతకం, పాకిస్తాన్‌లో వన్డే శతకం, న్యూజిలాండ్‌లో మరో వన్డే శతకం, తాజాగా న్యూజిలాండ్‌లో టెస్ట్‌ శతకం సాధించి ఐసీసీ క్రికెటర్‌ ఆఫ్‌ ద ఇయర్‌ అవార్డు రేసులో ముందువరుసలో ఉన్నాడు. ఈ ఏడాది అంతర్జాతీయ క్రికెట్‌లో టీమిండియా ఆటగాడు శుభ్‌మన్‌ గిల్‌ (1732) ఒక్కడే హోప్‌ (1677) కంటే ఎక్కువ పరుగులు చేశాడు.తాజాగా హోప్‌ న్యూజిలాండ్‌పై చేసిన టెస్ట్‌ సెంచరీ విమర్శకుల ప్రశంసలను సైతం అందుకుంటుంది. కంటి ఇన్ఫెక్షన్‌తో బాధపడుతూనే హోప్‌ ఈ సెంచరీ చేశాడు. 531 పరుగుల భారీ లక్ష్యాన్ని ఛేదిస్తూ అద్భుతమైన ఇన్నింగ్స్‌ను (116) కొనసాగిస్తున్నాడు. 72 పరుగులకే 4 వికెట్లు కోల్పోయి జట్టు కష్టాల్లో ఉన్నప్పుడు వీరోచిత పోరాటాన్ని ప్రదర్శిస్తున్నాడు.జస్టిన్‌ గ్రీవ్స్‌తో (55) కలిసి ఐదో వికెట్‌కు అజేయమైన 140 పరుగులు జోడించాడు. ఈ మ్యాచ్‌లో విండీస్‌ గెలవాంటే చివరి రోజు 319 పరుగులు చేయాలి. హోప్‌ కసి చూస్తే విండీస్‌కు సంచలన విజయం అందించేలా కనిపిస్తున్నాడు. ఇదే జరిగితే విండీస్‌ క్రికెట్‌ పునర్జన్మకు బీజం​ పడినట్లే.

న్యూజిలాండ్‌తో జరుగుతున్న తొలి టెస్ట్‌లో విండీస్‌ స్టార్‌ బ్యాటర్‌ షాయ్‌ హోప్‌ (Shai Hope) అద్భుత శతకంతో మెరిశాడు. కంటి ఇన్ఫెక్షన్‌తో బాధపడుతూనే ఈ సెంచరీ నమోదు చేశాడు. 531 పరుగుల భారీ లక్ష్యాన్ని ఛేదిస్తూ అద్భుతమైన ఇన్నింగ్స్‌ను (103) కొనసాగిస్తున్నాడు. 72 పరుగులకే 4 వికెట్లు కోల్పోయి జట్టు కష్టాల్లో ఉన్నప్పుడు వీరోచిత పోరాటాన్ని ప్రదర్శిస్తున్నాడు.జస్టిన్‌ గ్రీవ్స్‌తో (42) కలిసి ఐదో వికెట్‌కు అజేయమైన 110 పరుగులు జోడించాడు. ఈ మ్యాచ్‌లో విండీస్‌ గెలవాలంటే ఇంకా 349 పరుగులు చేయాలి. ప్రస్తుతం ఆ జట్టు స్కోర్‌ 182/4గా ఉంది. నాలుగో రోజు మూడో సెషన్‌ ఆట కొనసాగుతుంది. ఏదైనా అద్బుతం జరిగితే తప్ప ఈ మ్యాచ్‌లో విండీస్‌ గెలవలేదు.అంతకుముందు టామ్‌ లాథమ్‌ (145), రచిన్‌ రవీంద్ర (176) భారీ శతకాలతో చెలరేగడంతో న్యూజిలాండ్‌ రెండో ఇన్నింగ్స్‌లో భారీ స్కోర్‌ (466/8) చేసింది. కీమర్‌ రోచ్‌ 5 వికెట్ల ప్రదర్శన నమోదు చేశాడు. దీనికి ముందు.. జేకబ్‌ డఫీ ఐదేయడంతో విండీస్‌ తొలి ఇన్నింగ్స్‌లో 167 పరుగులకే కుప్పకూలింది. తొలి ఇన్నింగ్స్‌లోనూ హోప్‌ (56) రాణించాడు. తేజ్‌నరైన్‌ చంద్రపాల్‌ (52) అర్ద సెంచరీతో పర్వాలేదనిపించాడు.అంతకుముందు న్యూజిలాండ్‌ కూడా తొలి ఇన్నింగ్స్‌లో తడబడింది. విండీస్‌ బౌలర్లు కలిసికట్టుగా రాణించడంతో 231 పరుగులకే ఆలౌటైంది. కేన్‌ విలియమ్సన్‌ (52) ఒక్కడే కివీస్‌ ఇన్నింగ్స్‌లో సెంచరీ చేశాడు. మూడు మ్యాచ్‌ల సిరీస్‌లో భాగంగా క్రైస్ట్‌చర్చ్‌ వేదికగా జరుగుతున్న తొలి టెస్ట్‌ మ్యాచ్‌ ఇది.

వెస్టిండీస్‌ సంచలన బ్యాటర్‌ షాయ్‌ హోప్‌ (Shai Hope) వన్డే క్రికెట్‌లో రికార్డుల మీద రికార్డును నమోదు చేస్తున్నాడు. న్యూజిలాండ్‌తో ఇవాళ (నవంబర్‌ 19) జరిగిన వన్డేలో సుడిగాలి శతకం బాదిన అతడు.. వేర్వేరు విభాగాల్లో పలు రికార్డులు సాధించాడు. ఈ మ్యాచ్‌లో మహోగ్రరూపం దాల్చిన హోప్‌ కేవలం 69 బంతుల్లో 13 ఫోర్లు, 4 సిక్సర్ల సాయంతో 109 పరుగులు చేసి అజేయంగా నిలిచాడు. ఈ ఇన్నింగ్స్‌తో హోప్‌ ఖాతాలో ఈ కింది రికార్డులు చేరాయి.ఈ ఏడాది విండీస్‌ తరఫున మూడు ఫార్మాట్లలో అత్యధిక పరుగులు చేసిన ఆటగాడిగా అవతరించాడు.ఈ సెంచరీ హోప్‌కు వన్డేల్లో 19వది. తద్వారా క్రిస్‌ గేల్‌ (25) తర్వాత అత్యధిక వన్డే సెంచరీలు చేసిన ఆటగాడిగా రికార్డు. ఈ క్రమంలో దిగ్గజ బ్యాటర్‌ బ్రియాన్‌ లారా (19) రికార్డు సమం.19 శతకాలను హోప్‌ కేవలం 142 ఇన్నింగ్స్‌ల్లోనే సాధించాడు. తద్వారా బాబర్‌ ఆజమ్‌ (102), హాషిమ్‌ ఆమ్లా (104), విరాట్‌ కోహ్లి (124), డేవిడ్‌ వార్నర్‌ (139) తర్వాత అత్యంత వేగంగా ఈ శతకాల మైలురాయిని తాకిన ఆటగాడిగా రికార్డు.ఈ 19 శతకాలను హోప్‌ 12 వేర్వేరు దేశాలపై సాధించాడు. భారత్‌, బంగ్లాదేశ్‌పై అత్యధికంగా తలో 3 సెంచరీలు చేశాడు. న్యూజిలాండ్‌పై హోప్‌కు ఇదే తొలి వన్డే సెంచరీ.ఈ సెంచరీతో హోప్‌ ఈ దశాబ్దంలో (2015-2025) అత్యధిక సెంచరీలు చేసిన తన రికార్డును మరింత మెరుగుపర్చుకున్నాడు. తద్వారా బాబర్‌ ఆజమ్‌ (9), డికాక్‌ (8), కోహ్లి (8), గుర్బాజ్‌ (8), గిల్‌ను (8) మరింత వెనక్కు నెట్టాడు. ఈ ఇన్నింగ్స్‌తో హోప్‌ వన్డేల్లో 6000 పరుగుల మైలురాయిని తాకాడు. ఈ మార్కును తాకేందుకు అతనికి 142 ఇన్నింగ్స్‌లు అవసరమయ్యాయి. తద్వారా గ్రేట్‌ వివ్‌ రిచర్డ్స్‌ (141) తర్వాత అత్యంత వేగంగా 6000 పరుగుల మార్కును తాకిన విండీస్‌ ఆటగాడిగా రికార్డు.హోప్‌ ఒక్క ఇన్నింగ్స్‌తో ఇన్ని రికార్డులు సాధించినా ఈ మ్యాచ్‌లో విం​డీస్‌ పరాజయంపాలవడం విచారకరం. ఈ పరాజయంతో విండీస్‌ మూడు మ్యాచ్‌ల సిరీస్‌ను మరో మ్యాచ్‌ మిగిలుండగానే కోల్పోయింది. నేపియర్‌ వేదికగా జరిగిన ఈ మ్యాచ్‌లో న్యూజిలాండ్‌ 5 వికెట్ల తేడాతో గెలుపొందింది. చదవండి: వన్డే ప్రపంచకప్‌ షెడ్యూల్‌ విడుదల

న్యూజిలాండ్‌ పర్యటనలో వెస్టిండీస్‌ వన్డే సిరీస్‌ను కూడా కోల్పోయింది. తొలుత ఐదు మ్యాచ్‌ల టీ20 సిరీస్‌ను 1-3 తేడాతో చేజార్చుకున్న కరీబియన్‌ జట్టు.. తాజాగా మూడు మ్యాచ్‌ల వన్డే సిరీస్‌ను మరో మ్యాచ్‌ మిగిలుండగానే 0-2 తేడాతో కోల్పోయింది.నేపియర్‌ వేదికగా ఇవాళ (నవంబర్‌ 19) జరిగిన రెండో వన్డేలో 5 వికెట్ల తేడాతో పరాజయంపాలైంది. వర్షం కారణంగా 34 ఓవర్లకు కుదించిన ఈ మ్యాచ్‌లో విండీస్‌ కెప్టెన్‌ వీరంగం చేశాడు. కివీస్‌ బౌలర్లను ఊచకోత కోస్తూ, విధ్వంసకర శతకం బాదాడు. కేవలం 69 బంతుల్లో 13 ఫోర్లు, 4 సిక్సర్ల సాయంతో 109 పరుగులు చేసి అజేయంగా నిలిచాడు. ఫలితంగా తొలుత బ్యాటింగ్‌ చేసిన విండీస్‌ 9 వికెట్ల నష్టానికి 247 పరుగులు చేసింది.విండీస్‌ ఇన్నింగ్స్‌లో హోప్‌ 109 పరుగుల తర్వాత రెండో అత్యధిక స్కోర్‌ కేవలం 22 పరుగులు మాత్రమే. అకీమ్‌ అగస్ట్‌, జస్టిన్‌ గ్రీవ్స్‌, రొమారియో షెపర్డ్‌ తలో 22 పరుగులు చేశారు. మిగతా బ్యాటర్లలో మాథ్యూ ఫోర్డ్‌ (21), రూథర్‌ఫోర్డ్‌ (13) మాత్రమే రెండంకెల స్కోర్లు చేశారు. న్యూజిలాండ్‌ బౌలర్లలో నాథన్‌ స్మిత్‌ 4, జేమీసన్‌ 3, టిక్నర్‌, సాంట్నర్‌ తలో వికెట్‌ తీశారు.అనంతరం భారీ లక్ష్య ఛేదనకు దిగిన న్యూజిలాండ్‌కు ఓపెనర్లు డెవాన్‌ కాన్వే (90), రచిన్‌ రవీంద్ర (56) అదిరిపోయే ఆరంభాన్ని ఇచ్చారు. ఆఖర్లో టామ్‌ లాథమ్‌ (39 నాటౌట్‌), మిచెల్‌ సాంట్నర్‌ (34 నాటౌట్‌) మెరుపు ఇన్నింగ్స్‌లతో చెలరేగడంతో న్యూజిలాండ్‌ మరో 3 బంతులు మిగిలుండగానే మ్యాచ్‌తో పాటు సిరీస్‌ను కూడా కైవసం చేసుకుంది. నామమాత్రపు చివరి వన్డే హ్యామిల్టన్‌ వేదికగా నవంబర్‌ 22న జరుగనుంది. అనంతరం డిసెంబర్‌ 2 నుంచి ఇరు జట్ల మధ్య మూడు మ్యాచ్‌ల టెస్ట్‌ సిరీస్‌ మొదలవుతుంది.19వ సెంచరీఈ ఇన్నింగ్స్‌తో హోప్‌ ఈ ఏడాది విండీస్‌ తరఫున మూడు ఫార్మాట్లలో అత్యధిక పరుగులు చేసిన ఆటగాడిగా అవతరించాడు. ఈ సెంచరీ హోప్‌కు వన్డేల్లో 19వది. క్రిస్‌ గేల్‌ (25) తర్వాత వన్డేల్లో విండీస్‌ తరఫున అత్యధిక సెంచరీలు చేసింది హోపే. 19 శతకాలను హోప్‌ కేవలం 142 ఇన్నింగ్స్‌ల్లో సాధించడం మరో విశేషం. ఈ సెంచరీలకు హోప్‌ 12 దేశాలపై చేశాడు.

న్యూజిలాండ్‌ పర్యటనను వెస్టిండీస్‌ క్రికెట్‌ జట్టు ఘనంగా ఆరంభించింది. ఆఖరి వరకు ఉత్కంఠగా సాగిన తొలి టీ20లో ఆతిథ్య కివీస్‌పై విండీస్‌ ఏడు పరుగుల స్వల్ప తేడాతో విజయం (West Indies Beat New Zealand) సాధించింది. తద్వారా ఐదు టీ20ల సిరీస్‌లో 1-0తో ముందంజ వేసింది.కాగా ఐదు టీ20 మ్యాచ్‌లు, మూడు టెస్టులు, మూడు వన్డేలు ఆడేందుకు వెస్టిండీస్‌.. న్యూజిలాండ్‌ పర్యటనకు వెళ్లింది. ఈ క్రమంలో బుధవారం ఆక్లాండ్‌లో ఇరుజట్ల మధ్య తొలి టీ20 జరిగింది. ఈడెన్‌ పార్క్‌లో టాస్‌ గెలిచిన న్యూజిలాండ్‌ తొలుత బౌలింగ్‌ ఎంచుకుని.. విండీస్‌ను బ్యాటింగ్‌కు ఆహ్వానించింది.ఆరు వికెట్ల నష్టానికి 164 పరుగులుదీంతో బ్యాటింగ్‌కు దిగిన విండీస్‌ నిర్ణీత 20 ఓవర్లలో ఆరు వికెట్ల నష్టానికి 164 పరుగులు చేసింది. ఓపెనర్లు బ్రాండన్‌ కింగ్‌ (3), అలిక్‌ అథనాజ్‌ (16) విఫలమైనా.. వన్‌డౌన్‌ బ్యాటర్‌ షాయీ హోప్‌ కెప్టెన్‌ ఇన్నింగ్స్‌తో మెరిశాడు.మొత్తంగా 39 బంతులు ఎదుర్కొన్న హోప్‌ నాలుగు ఫోర్లు, మూడు సిక్సర్ల సాయంతో 53 పరుగులు సాధించాడు. మిగతా వారిలో రోస్టన్‌ చేజ్‌ (28), రోవ్‌మన్‌ పావెల్‌ (23 బంతుల్లో 33) మాత్రమే చెప్పుకోదగ్గ స్కోరు చేశారు. కివీస్‌ బౌలర్లలో జేకబ్‌ డఫీ, జకారీ ఫౌల్క్స్‌ రెండేసి వికెట్లు తీయగా.. కైలీ జెమీషన్‌, జేమ్స్‌ నీషమ్‌ చెరో వికెట్‌ పడగొట్టారు.ఇక విండీస్‌ విధించిన 165 పరుగుల లక్ష్యాన్ని ఛేదించే క్రమంలో న్యూజిలాండ్‌ ఆది నుంచే తడబడింది. ఓపెనర్లు టిమ్‌ రాబిన్సన్‌ (27), డెవాన్‌ కాన్వే (13) ప్రభావం చూపలేకపోయారు. వన్‌డౌన్‌ బ్యాటర్‌ రచిన్‌ రవీంద్ర (21) నిరాశపరచగా.. మార్క్‌ చాప్‌మన్‌ (7), డారిల్‌ మిచెల్‌ (13), మైకేల్‌ బ్రాస్‌వెల్‌ (1), జేమ్స్‌ నీషమ్‌ (11) పూర్తిగా విఫలమయ్యారు.సాంట్నర్‌ విధ్వంసకర ఇన్నింగ్స్‌ వృథాఇలాంటి దశలో కెప్టెన్‌ మిచెల్‌ సాంట్నర్‌ ఆకాశమే హద్దుగా చెలరేగుతూ గెలుపు ఆశలు చిగురించేలా చేశాడు. కేవలం 28 బంతుల్లోనే ఎనిమిది ఫోర్లు, రెండు సిక్స్‌లు బాది.. 55 పరుగులు సాధించిన సాంట్నర్‌ ఆఖరి వరకు అజేయంగా నిలిచాడు. అయితే, మిగిలిన వారి నుంచి సహకారం అందకపోవడంతో నిర్ణీత 20 ఓవర్లలో తొమ్మిది వికెట్లు నష్టపోయిన కివీస్‌.. 157 పరుగుల వద్దే నిలిచిపోయింది. ఫలితంగా విండీస్‌ చేతిలో ఏడు పరుగుల తేడాతో ఓటమిపాలైంది. విండీస్‌ బౌలర్లలో జేడన్‌ సీల్స్‌, ‘ప్లేయర్‌ ఆఫ్‌ ది మ్యాచ్‌’ రోస్టన్‌ ఛేజ్‌ చెరో మూడు వికెట్లు కూల్చారు. మిగిలిన వారిలో మాథ్యూ ఫోర్డ్‌, రొమారియో షెఫర్డ్‌, అకీల్‌ హొసేన్‌ ఒక్కో వికెట్‌ తమ ఖాతాలో వేసుకున్నారు. ఇక ఇరుజట్ల మధ్య గురువారం (నవంబరు 6) ఇదే వేదికపై రెండో టీ20 నిర్వహణకై ముహూర్తం ఖరారైంది.చదవండి: అందుకే అర్ష్‌దీప్‌ను తప్పించాం.. అతడికి అన్నీ తెలుసు: టీమిండియా కోచ్‌

ఐదు టీ20లు, మూడు టెస్ట్‌ మ్యాచ్‌లు, మూడు వన్డేల సిరీస్‌ల కోసం వెస్టిండీస్‌ జట్టు న్యూజిలాండ్‌లో పర్యటిస్తుంది. ఈ పర్యటనలో భాగంగా ఇవాళ (నవంబర్‌ 5) తొలి టీ20 జరుగుతుంది. అక్లాండ్‌ వేదికగా జరుగుతున్న ఈ మ్యాచ్‌లో న్యూజిలాండ్‌ టాస్‌ గెలిచి బౌలింగ్‌ ఎంచుకోగా.. విండీస్‌ బ్యాటింగ్‌కు దిగింది.రాణించిన హోప్‌విండీస్‌కు ఆదిలోనే ఎదురుదెబ్బలు తగిలాయి. తొలి ఓవర్‌లో బ్రాండన్‌ కింగ్‌ (3), ఐదో ఓవర్‌లో అలిక్‌ అథనాజ్‌ (16), ఎనిమిదో ఓవర్‌లో అకీమ్‌ అగస్టీ (2) ఔటయ్యారు. ఈ దశలో కెప్టెన్‌ షాయ్‌ హోప్‌ (39 బంతుల్లో 53; 4 ఫోర్లు, 3 సిక్సర్లు), రోస్టన్‌ ఛేజ్‌ (28), రోవ్‌మన్‌ పావెల్‌ (33) సాయంతో ఇన్నింగ్స్‌ను నిర్మించాడు. ఫలితంగా విండీస్‌ నిర్ణీత 20 ఓవర్లలో 6 వికెట్ల నష్టానికి 164 పరుగులు చేయగలిగింది. ఇన్నింగ్స్‌ చివరి రెండు బంతులకు రొమారియో షెపర్డ్‌ బౌండరీలు బాదాడు.సత్తా చాటిన బౌలర్లుఈ మ్యాచ్‌లో న్యూజిలాండ్‌ బౌలర్లు సత్తా చాటారు. సాంట్నర్‌ మినహా అందరూ పొదుపుగా బౌలింగ్‌ చేయడమే కాకుండా వికెట్లు తీశారు. జేకబ్‌ డఫీ, జకరీ ఫౌల్క్స్‌ తలో 2 వికెట్లు తీయగా.. జేమీసన్‌, నీషమ్‌ చెరో వికెట్‌ దక్కించుకున్నారు.తుది జట్లు..వెస్టిండీస్‌: షాయ్‌ హోప్‌ (కెప్టెన్‌), అలిక్‌ అథనాజ​్‌, బ్రాండన్‌ కింగ్‌, రోస్టన్‌ ఛేజ్‌, రొమారియో షెపర్డ్‌, అకీమ్‌ అగస్టీ, రోవ్‌మన్‌ పావెల్‌, జేసన్‌ హోల్డర్‌, మాథ్యూ ఫోర్డ్‌, అకీల్‌ హొసేన్‌, జేడన్‌ సీల్స్‌న్యూజిలాండ్‌: టిమ్‌ రాబిన్సన్‌, డెవాన్‌ కాన్వే, రచిన్‌ రవీంద్ర, మార్క్‌ చాప్‌మన్‌, డారిల్‌ మిచెల్‌, మైఖేల్‌ బ్రేస్‌వెల్‌, జేమ్స్‌ నీషమ్‌, మిచెల్‌ సాంట్నర్‌, జకరీ ఫౌల్క్స్‌, కైల్‌ జేమీసన్‌, జేకబ్‌ డఫీచదవండి: బంగ్లాదేశ్‌ కెప్టెన్‌గా దేశవాలీ స్టార్‌

పరిమిత ఓవర్ల సిరీస్‌ల కోసం బంగ్లాదేశ్‌లో పర్యటిస్తున్న వెస్టిండీస్‌ జట్టుకు ఊరట లభించే విజయం దొరికింది. తొలుత జరిగిన 3 మ్యాచ్‌ల వన్డే సిరీస్‌ను 1-2 తేడాతో కోల్పోయిన ఆ జట్టు.. మూడు మ్యాచ్‌ల టీ20 సిరీస్‌ను మరో మ్యాచ్‌ మిగిలుండగానే కైవసం చేసుకుంది. చట్టోగ్రామ్‌ వేదికగా నిన్న (అక్టోబర్‌ 29) జరిగిన రెండో టీ20లో విండీస్‌ 14 పరుగుల తేడాతో గెలుపొందింది.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన విండీస్‌ నిర్ణీత 20 ఓవర్లలో 9 వికెట్ల నష్టానికి 149 పరుగులు మాత్రమే చేయగలిగింది. అలిక్‌ అథనాజ్‌ (52), షాయ్‌ హోప్‌ (55) అర్ద సెంచరీలతో రాణించడంతో విండీసః ఈ మాత్రం స్కోరైనా చేయగలిగింది. బంగ్లాదేశ్‌ బౌలర్లలో ముస్తాఫిజుర్‌ 3, నసుమ్‌ అహ్మద్‌, రిషద్‌ హొస్సేన్‌ తలో 2 వికెట్లతో సత్తా చాటారు.అనంతరం స్వల్ప స్కోర్‌ను విండీస్‌ బౌలర్లు విజయవంతంగా కాపాడుకున్నారు. అకీల్‌ హోసేన్‌, రొమారియో షెపర్డ్‌ తలో 3, హోల్డర్‌ 2 వికెట్లు తీసి బంగ్లాదేశ్‌ను దెబ్బకొట్టారు. వీరి ధాటికి బంగ్లాదేశ్‌ 20 ఓవర్లలో 8 వికెట్లు కోల్పోయి 135 పరుగులు మాత్రమే చేయగలిగింది. తంజిద్‌ హసన్‌ తమీమ్‌ (61) ఒంటరిపోరాటం వృధా అయ్యింది. నామమాత్రపు మూడో టీ20 ఇదే వేదికగా అక్టోబర్‌ 31న జరుగనుంది. చదవండి: చరిత్ర సృష్టించిన సౌతాఫ్రికా కెప్టెన్‌

బంగ్లాదేశ్‌తో మూడు మ్యాచ్‌ల టీ20 సిరీస్‌లో (Bangladesh vs West Indies) వెస్టిండీస్‌ బోణీ కొట్టింది. చట్టోగ్రామ్‌ వేదికగా నిన్న (ఆక్టోబర్‌ 27) జరిగిన తొలి మ్యాచ్‌లో 16 పరుగుల తేడాతో గెలుపొందింది. టాస్‌ గెలిచి తొలుత బ్యాటింగ్‌ చేసి నిర్ణీత 20 ఓవర్లలో 3 వికెట్ల నష్టానికి 165 పరుగులు చేసింది.షాయ్‌ హోప్‌ (46 నాటౌట్‌), రోవ్‌మన్‌ పావెల్‌ (44 నాటౌట్‌), అలిక్‌ అథనాజ్‌ (34), బ్రాండన్‌ కింగ్‌ (33) రాణించారు. షెర్ఫాన్‌ రూథర్‌ఫోర్డ్‌ డకౌటయ్యాడు. బంగ్లా బౌలర్లలో తస్కిన్‌ అహ్మద్‌ 2, రిషద్‌ హొస్సేన్‌ ఓ వికెట్‌ పడగొట్టాడు.అనంతరం 166 లక్ష్య ఛేదనలో బంగ్లాదేశ్‌ ఓ మోస్తరు పోరాటం చేసి చేతులెత్తేసింది. 19.4 ఓవర్లలో 149 పరుగులకు ఆలౌటై, లక్ష్యానికి 17 పరుగుల దూరంలో నిలిచిపోయింది. జేడన్‌ సీల్స్‌, జేసన్‌ హోల్డర్‌ తలో 3 వికెట్లు తీయగా.. అకీల్‌ హొసేన్‌ 2, ఖారీ పియెర్‌, రొమారియో షెపర్డ్‌ తలో వికెట్‌ పడగొట్టారు.బంగ్లా ఇన్నింగ్స్‌లో తంజిమ్‌ హసన్‌ (33), తౌహిద్‌ హృదోయ్‌ (28), నసుమ్‌ అహ్మద్‌ (20) ఓ మోస్తరు ఇన్నింగ్స్‌లు ఆడారు. స్టార్‌ బ్యాటర్‌, కెప్టెన్‌ అయిన లిట్టన్‌ దాస్‌ 5 పరుగులకే ఔటై నిరాశపరిచాడు. ఈ సిరీస్‌లోని రెండో టీ20 ఇదే వేదికగా అక్టోబర్‌ 29న జరుగనుంది.కాగా, ఇరు జట్ల మధ్య తాజాగా ముగిసిన మూడు మ్యాచ్‌ల వన్డే సిరీస్‌ను బంగ్లాదేశ్‌ 2-1 తేడాతో కైవసం చేసుకుంది. మొదటి, మూడు మ్యాచ్‌ల్లో బంగ్లాదేశ్‌ గెలవగా.. రెండో వన్డేలో వెస్టిండీస్‌ సూపర్‌ ఓవర్‌లో విజయం సాధించింది. ఈ పరిమిత ఓవర్లల సిరీస్‌ల కోసం వెస్టిండీస్‌ జట్టు బంగ్లాదేశ్‌లో పర్యటిస్తుంది. చదవండి: ఐసీయూ నుంచి బయటకు!

బంగ్లాదేశ్‌, వెస్టిండీస్‌ జట్ల మధ్య (Bangladesh Vs West Indies) ఇవాళ (అక్టోబర్‌ 21) ఉత్కంఠ సమరం జరిగింది. మూడు మ్యాచ్‌ల సిరీస్‌లో భాగంగా జరిగిన రెండో వన్డేలో ఆతిథ్య బంగ్లాదేశ్‌పై వెస్టిండీస్‌ సూపర్‌ ఓవర్‌లో విజయం సాధించింది.స్పిన్నర్లకు స్వర్గధామమైన ఢాకాలోని షేర్‌ ఏ బంగ్లా నేషనల్‌ స్టేడియంలో బంగ్లాదేశ్‌ టాస్‌ గెలిచి బ్యాటింగ్‌ చేసింది. ఊహించిన విధంగానే పిచ్‌ సహకరించడంతో విండీస్‌ స్పిన్నర్లు చెలరేగిపోయారు.బంగ్లాదేశ్‌ను 213 పరుగులకే (7 వికెట్ల నష్టానికి) పరిమితం చేశారు. మోటీ 3, అకీల్‌ హోసేన్‌, అలిక్‌ అథనాజ్‌ తలో 2 వికెట్లు తీశారు. బంగ్లా ఇన్నింగ్స్‌లో 45 పరుగులు చేసిన సౌమ్య సర్కార్‌ టాప్‌ స్కోరర్‌గా నిలిచాడు. ఆఖర్లో రిషద్‌ హొసేన్‌ (39 నాటౌట్‌) సుడిగాలి ఇన్నింగ్స్‌ ఆడి తన జట్టుకు గౌరవప్రదమైన స్కోర్‌ అందించాడు.అనంతరం స్వల్ప లక్ష్య ఛేదనలో విండీస్‌ కూడా తడబడింది. ఓ దశలో పూర్తిగా చేతులెత్తేసింది. అయితే షాయ్‌ హోప్‌ (53 నాటౌట్‌) టెయిలెండర్ల సహకారంతో మ్యాచ్‌ను చివరి బంతివరకు తీసుకొచ్చాడు. చివరి బంతికి 3 పరుగులు అవసరం కాగా.. ఖారీ పియెర్రీ రెండు పరుగులు చేశాడు. దీంతో మ్యాచ్‌ టై అయ్యి సూపర్‌ ఓవర్‌కు దారి తీసింది.సూపర్‌ ఓవర్‌లో తొలుత బ్యాటింగ్‌ చేసిన వెస్టిండీస్‌ వికెట్‌ నష్టానికి 10 పరుగులు చేసింది. ఛేదనలో విండీస్‌ 9 పరుగులు మాత్రమే చేసి ఓటమిపాలైంది. ఈ మ్యాచ్‌లో విండీస్‌ ఓ కనీవినీ ఎరుగని రికార్డు సెట్‌ చేసింది. వన్డే క్రికెట్‌ చరిత్రలో 50 ఓవర్లను స్పిన్నర్లతో బౌలింగ్‌ చేయించిన తొలి జట్టుగా చరిత్ర సృష్టించింది.ఈ గెలుపుతో విండీస్‌ మూడు మ్యాచ్‌ల సిరీస్‌లో 1-1తో సమంగా నిలిచింది. తొలి వన్డేలో బంగ్లాదేశ్‌ 74 పరుగుల తేడాతో విజయం సాధించింది. నిర్ణయాత్మక చివరి వన్డే ఢాకా వేదికగానే అక్టోబర్‌ 23న జరుగనుంది.చదవండి: పాకిస్తాన్‌ మరో ఫార్మాట్‌ కెప్టెన్‌గా ఇంకో అఫ్రిది

న్యూఢిల్లీలోని అరుణ్‌ జైట్లీ స్టేడియం వేదికగా భారత్‌తో జరుగుతున్న రెండో టెస్ట్‌లో వెస్టిండీస్‌ ఆటగాళ్లు జాన్‌ క్యాంప్‌బెల్‌ (john Campbell), షాయ్‌ హోప్‌ (Shai Hope) ఓ అరుదైన ఘనత సాధించారు. మ్యాచ్‌ రెండో ఇన్నింగ్స్‌లో సెంచరీలు చేసిన ఈ ఇద్దరూ.. 51 ఏళ్ల తర్వాత ఓ రికార్డును తిరగరాశారు.1974లో ఇద్దరు విండీస్‌ ఆటగాళ్లు భారత గడ్డపై ఓ టెస్ట్‌ రెండో ఇన్నింగ్స్‌లో సెంచరీలు చేశారు. 51 ఏళ్ల తర్వాత క్యాంప్‌బెల్‌, హోప్‌ ఆ ఫీట్‌ను పునరావృతం చేశారు. నాడు బెంగళూరు వేదికగా జరిగిన మ్యాచ్‌లో (రెండో ఇన్నింగ్స్‌) గార్డన్‌ గ్రీనిడ్జ్‌ (107), క్లైవ్‌ లాయిడ్‌ (163) సెంచరీలు చేశారు.ఓవరాల్‌గా చూసిన భారత గడ్డపై (భారత్‌పై) ఓ టెస్ట్‌ మ్యాచ్‌ రెండో ఇన్నింగ్స్‌లో ఇద్దరు విండీస్‌ బ్యాటర్లు సెంచరీలు చేయడం ఇది మూడోసారే. 1974కు ముందు 1948-49లో కోల్‌కతా వేదికగా జరిగిన మ్యాచ్‌లో ఎవర్టన్‌ వీక్స్‌ (101), క్లైడ్‌ వాల్కాట్‌ (108) సెంచరీలు చేశారు.మ్యాచ్‌ విషయానికొస్తే.. తొలి ఇన్నింగ్స్‌లో స్వల్ప స్కోర్‌కే ఆలౌటై, ఫాలో ఆన్‌ ఆడుతున్న విండీస్‌ రెండో ఇన్నింగ్స్‌లో అనూహ్యమైన పోరాటాన్ని ప్రదర్శిస్తుంది. వాస్తవానికి తొలి టెస్ట్‌ తరహాలోనే ఈ మ్యాచ్‌లోనూ విండీస్‌ ఇన్నింగ్స్‌ తేడాతో పరాజయంపాలవుతుందని అంతా అనుకున్నారు.అయితే క్యాంప్‌బెల్‌ (115), హోప్‌ (103) సూపర్‌ సెంచరీలతో అసమానమైన పోరాటపటిమ కనబర్చి తమ జట్టుకు ఇన్నింగ్స్‌ పరాజయాన్ని తప్పించారు. వీరిద్దరు మూడో వికెట్‌కు 187 పరుగులు జోడించి, టీమిండియా బ్యాటర్లను రెండో ఇన్నింగ్స్‌లో బరిలోకి దిగేలా చేశారు.నాలుగో రోజు టీ సమయానికి విండీస్‌ రెండో ఇన్నింగ్స్‌లో 9 వికెట్ల నష్టానికి 361 పరుగులు చేసి 91 ఆధిక్యంలో ఉంది. జస్టిన్‌ గ్రీవ్స్‌ (35), జేడన్‌ సీల్స్‌ (18) టీమిండియా బౌలర్ల సహనాన్ని ప్రదర్శిస్తున్నారు. ఈ ఇన్నింగ్స్‌లో భారత బౌలర్లు కుల్దీప్‌ 3, సిరాజ్‌ 2, జడేజా, సుందర్‌ తలో వికెట్‌ తీశారు.అంతకుముందు ఇన్నింగ్స్‌లో విండీస్‌, కుల్దీప్‌ యాదవ్‌ (5/82), రవీంద్ర జడేజా (3/46) ధాటికి 248 పరుగులకే కుప్పకూలింది. ఆ ఇన్నింగ్స్‌లో అలిక్‌ అథనాజ్‌ (41) టాప్‌ స్కోరర్‌గా నిలిచాడు.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. యశస్వి జైస్వాల్‌ (175), కెప్టెన్‌ శుభ్‌మన్‌ గిల్‌ (129 నాటౌట్‌) సెంచరీలతో చెలరేగడంతో భారీ స్కోర్‌ (518/5 డిక్లేర్‌) చేసింది. సాయి సుదర్శన్‌ (87) సెంచరీని మిస్‌ చేసుకోగా.. కేఎల్‌ రాహుల్‌ 38, నితీశ్‌ రెడ్డి 43, జురెల్‌ 44 పరుగులు చేశారు. కాగా, రెండు మ్యాచ్‌ల ఈ సిరీస్‌లోని తొలి టెస్ట్‌లో భారత్‌ ఇన్నింగ్స్‌ 140 పరుగుల తేడాతో విండీస్‌ను చిత్తుగా ఓడించిన విషయం తెలిసిందే.చదవండి: Vaibhav Suryavanshi: వైస్‌ కెప్టెన్‌గా వైభవ్‌ సూర్యవంశీ..

ఢిల్లీలోని అరుణ్ జైట్లీ స్టేడియం వేదిక‌గా టీమిండియా(Teamindia)తో జ‌రుగుతున్న రెండో టెస్టులో వెస్టిండీస్‌తో పోరాడుతోంది. ఫాలో ఆన్‌లో విండీస్ బ్యాట‌ర్లు భార‌త బౌల‌ర్ల‌ను ధీటుగా ఎదుర్కొంటున్నారు. నాలుగో రోజు లంచ్ బ్రేక్ స‌మ‌యానికి క‌రేబియ‌న్ జ‌ట్టు మూడు వికెట్లు కోల్పోయి 252 ప‌రుగులు చేసింది.ప్ర‌స్తుతం ఫాలో ఆన్‌లో వెస్టిండీస్ ఇంకా 28 ప‌రుగులు వెన‌క‌బ‌డి ఉంటుంది. క్రీజులో షాయ్ హోప్‌(92), కెప్టెన్ రోస్ట‌న్ ఛేజ్‌(23) ఉన్నారు. ఫ‌స్ట్ సెష‌న్‌లో విండీస్ 79 ప‌రుగులు చేసి ఓ వికెట్ కోల్పోయింది. ఓపెన‌ర్ జాన్ క్యాంప్‌బెల్ అద్బుత‌మైన సెంచ‌రీ సాధించాడు. 199 బంతుల్లో 12 ఫోర్లు, 3 సిక్స్‌ల‌తో 115 ప‌రుగులు చేసిన క్యాంప్‌బెల్‌.. ర‌వీంద్ర జ‌డేజా బౌలింగ్‌లో వికెట్ల ముందు దొరికిపోయాడు.అంత‌కుముందు ప‌ర్యాట‌క జ‌ట్టు త‌మ తొలి ఇన్నింగ్స్‌లో 81.5 ఓవర్లలో 248 పరుగులకే ఆలౌటైంది. దీంతో ఫాల్ ఆన్ గండాన్ని విండీస్ త‌ప్పంచుకోలేక‌పోయింది. భార‌త బౌల‌ర్ల‌లో కుల్దీప్ యాద‌వ్ 82 పరుగులిచ్చి 5 వికెట్లు, రవీంద్ర జడేజా 46 పరుగులిచ్చి 3 తీశారు. వీరిద్ద‌రితో బుమ్రా, సిరాజ్ త‌లా వికెట్ సాధించారు. భారత్‌ తమ తొలి ఇన్నింగ్స్‌ను 518/5 వద్ద డిక్లేర్‌ చేసింది.చదవండి: Vaibhav Suryavanshi: వైస్‌ కెప్టెన్‌గా వైభవ్‌ సూర్యవంశీ..

ఢిల్లీలోని అరుణ్‌ జైట్లీ స్టేడియం వేదికగా భారత్‌తో జరుగుతున్న రెండో టెస్ట్‌లో (India vs West Indies) పర్యాటక వెస్టిండీస్‌ ఫాలో ఆన్‌ ఆడుతుంది. తొలి ఇన్నింగ్స్‌లో కుల్దీప్‌ యాదవ్‌ (5/82), రవీంద్ర జడేజా (3/46) ధాటికి 248 పరుగులకే కుప్పకూలిన ఆ జట్టు.. ఒటమి ఖరారు చేసుకొనే, రెండో ఇన్నింగ్స్‌ను ప్రారంభించింది. ఊహించిన విధంగానే 35 పరుగులకే 2 వికెట్లు కోల్పోయి ఇన్నింగ్స్‌ పరాజయం దిశగా సాగుతున్న వేళ.. జాన్‌ క్యాంప్‌బెల్ (john Campbell)‌, షాయ్‌ హోప్‌ (Shai Hope) అనూహ్యమైన పోరాటాన్ని ప్రదర్శిస్తున్నారు. మూడో రోజు ఆట ముగిసే సమయానికి క్యాంప్‌బెల్‌ 87, హోప్‌ 66 పరుగులతో అజేయంగా ఉన్నారు. వీరిద్దరు మూడో వికెట్‌కు అజేయమైన 138 పరుగులు జోడించారు. విండీస్‌ స్కోర్‌ 2 వికెట్ల నష్టానికి 173 పరుగులుగా ఉంది. భారత తొలి ఇన్నింగ్స్‌ స్కోర్‌కు ఇంకా 97 పరుగులు వెనుకపడి ఉంది. తేజ్‌నరైన్‌ చంద్రపాల్‌ను (10) సిరాజ్‌.. అలిక్‌ అథనాజ్‌ను (7) వాషింగ్టన్‌ సుందర్‌ ఔట్‌ చేశారు.దీనికి ముందు విండీస్‌ తొలి ఇన్నింగ్స్‌లో స్వల్ప స్కోర్‌కే పతనమైంది. 41 పరుగులు చేసిన అథనాజ్‌ టాప్‌ స్కోరర్‌ కాగా.. చంద్రపాల్‌ (34), జాన్‌ క్యాంప్‌బెల్‌ (10), షాయ్‌ హోప్‌ (36), టెవిన్‌ ఇమ్లాచ్‌ (21), జస్టిన్‌ గ్రీవ్స్‌ (17), ఖారీ పియెర్‌ (23), ఆండర్సన్‌ ఫిలిప్‌ (24 నాటౌట్‌), జేడన్‌‌ సీల్స్‌ (13) రెండంకెల స్కోర్లు చేశారు. భారత బౌలర్లలో కుల్దీప్‌, జడేజాతో పాటు సిరాజ్‌, బుమ్రా కూడా తలో వికెట్‌ తీశారు.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన భారత్‌.. యశస్వి జైస్వాల్‌ (175), కెప్టెన్‌ శుభ్‌మన్‌ గిల్‌ (129 నాటౌట్‌) సెంచరీలతో చెలరేగడంతో భారీ స్కోర్‌ (518/5 డిక్లేర్‌) చేసింది. సాయి సుదర్శన్‌ (87) సెంచరీని మిస్‌ చేసుకోగా.. కేఎల్‌ రాహుల్‌ 38, నితీశ్‌ రెడ్డి 43, జురెల్‌ 44 పరుగులు చేశారు. విండీస్‌ బౌలర్లలో వార్రికన్‌కు 3, ఛేజ్‌కు ఓ వికెట్‌ దక్కింది. కాగా, రెండు మ్యాచ్‌ల ఈ సిరీస్‌లోని తొలి టెస్ట్‌లో భారత్‌ ఇన్నింగ్స్‌ తేడాతో విండీస్‌ను చిత్తుగా ఓడించిన విషయం తెలిసిందే.చదవండి: చరిత్ర సృష్టించిన టీమిండియా బ్యాటర్‌.. ప్రపంచంలోనే తొలి ప్లేయర్‌

నేపాల్‌తో టీ20 సిరీస్‌కు వెస్టిండీస్‌ (WI vs NEP) క్రికెట్‌ తమ జట్టును ప్రకటించింది. రెగ్యులర్‌ కెప్టెన్‌ షాయీ హోప్‌నకు విశ్రాంతినిచ్చిన విండీస్‌ బోర్డు.. అతడి స్థానంలో బౌలింగ్‌ ఆల్‌రౌండర్‌ అకీల్‌ హొసేన్‌ (Akeal Hosein)కు బాధ్యతలు అప్పగించింది.కాగా షార్జా వేదికగా వెస్టిండీస్‌ జట్టు నేపాల్‌తో మూడు టీ20 మ్యాచ్‌లు ఆడనుంది. సెప్టెంబరు 27, 28, 30 తేదీల్లో మ్యాచ్‌ల నిర్వహణకు సంబంధించిన షెడ్యూల్‌ ఖరారైంది. ఈ నేపథ్యంలో విండీస్‌ బోర్డు గురువారం తమ జట్టును ప్రకటించింది.ఐదుగురు అన్‌క్యాప్డ్‌ ప్లేయర్లకు చోటుకెప్టెన్‌ షాయి హోప్‌ (Shai Hope)తో పాటు పేసర్‌ అల్జారీ జోసెఫ్‌, బ్యాటర్‌ జాన్సన్‌ చార్లెస్‌ వంటి కీలక ప్లేయర్లకు కూడా సెలక్టర్లు రెస్ట్‌ ఇచ్చారు. అయితే, ఈ సిరీస్‌లో అకీల్‌ హొసేన్‌ సారథ్యంలో జేసన్‌ హోల్డర్‌, ఫాబియాన్‌ అలెన్‌, కైల్‌ మేయర్స్‌ వంటి వారు ప్రధాన భూమిక పోషించేందుకు సిద్ధమయ్యారు.ఇక ఏకంగా ఐదుగురు వెస్టిండీస్‌ ఆటగాళ్లు నేపాల్‌తో సిరీస్‌ సందర్భంగా అంతర్జాతీయ క్రికెట్‌లో అడుగుపెట్టేందుకు సన్నద్ధంగా ఉన్నారు. బ్యాటర్‌ అకీమ్‌ ఆగస్టీ, ఆల్‌రౌండర్‌ నవీన్‌ బిడైసీ, స్పిన్నర్‌ జీషన్‌ మొతారా, పేసర్‌ రామోన్‌ సైమండ్స్‌, కీపర్‌ అమీర్‌ జాంగూ (టీ20 అరంగేట్రం)లకు తొలిసారి ఈ జట్టులో చోటు దక్కింది.నేపాల్‌తో టీ20 సిరీస్‌కు వెస్టిండీస్‌ జట్టుఅకీల్‌ హొసేన్‌ (కెప్టెన్‌), ఫాబియాన్‌ అలెన్‌, జువెల్‌ ఆండ్రూ, అకీమ్‌ ఆగస్టీ, నవీన్‌ బిడైసీ, జెడియా బ్లేడ్‌, కేసీ కార్టీ, కరీమా గోరె, జేసన్‌ హోల్డర్‌, అమీర్‌ జాంగూ, కైల్‌ మేయర్స్‌, ఒబెడ్‌ మెకాయ్‌, జీషన్‌ మొతారా, రామోన్‌ సైమండ్స్‌, షమార్‌ స్ప్రింగర్‌.ఇదిలా ఉంటే.. ఈ సిరీస్‌ తర్వాత.. సీనియర్లతో కూడిన వెస్టిండీస్‌ క్రికెట్‌ జట్టు భారత పర్యటన‌కు వెళ్లనుంది. ప్రపంచ టెస్టు చాంపియన్‌షిప్‌ 2025-27లో భాగంగా టీమిండియాతో రెండు మ్యాచ్‌లు ఆడుతుంది. ఇందుకు సంబంధించి ఇప్పటికే విండీస్‌ తమ జట్టు వివరాలను వెల్లడించింది.టీమిండియాతో టెస్టులకు విండీస్‌ జట్టు వివరాలురోస్టన్‌ ఛేజ్‌ (కెప్టెన్‌), తేజ్‌ నారాయణ్‌ చందర్‌పాల్, బ్రెండన్‌ కింగ్, కెవ్‌లాన్‌ అండర్సన్, షై హోప్, జాన్‌ క్యాంప్‌బెల్, అతనాజ్, ఇమ్‌లాక్, గ్రీవ్స్, అండర్సన్‌ ఫిలిప్, అల్జారి జోసెఫ్, షామర్‌ జోసెఫ్, జేడెన్‌ సీల్స్, ఖారీ పైర్, జోమెల్‌ వారికాన్‌. చదవండి: ఒక్కోసారి ఒంటె మీద కూర్చున్నా.. కుక్కకాటు తప్పదు!

ప్రస్తుత వన్డే క్రికెట్‌లో విండీస్‌ కెప్టెన్‌ షాయ్‌ హోప్‌ మోస్ట్‌ అండర్‌ రేటెడ్‌ బ్యాటర్‌గా మిగిలిపోయాడు. ఇతగాడు కేవలం 137 ఇన్నింగ్స్‌ల్లో 49.82 సగటుతో 18 సెంచరీలు, 29 అర్ద సెంచరీల సాయంతో 5879 పరుగులు చేశాడు. ప్రస్తుత తరంలో ఇంత గొప్ప గణాంకాలు చాలా తక్కువ మందికి ఉన్నాయి.హాషిమ్‌ ఆమ్లా, విరాట్‌ కోహ్లి, బాబర్‌ ఆజమ్‌, ఏబీ డివిలియర్స్‌ మాత్రమే హోప్‌ కంటే మెరుగ్గా ఉన్నారు. తాజాగా హోప్‌ పాక్‌పై విధ్వంసకర శతకం (94 బంతుల్లో 120 నాటౌట్‌; 10 ఫోర్లు, 5 సిక్సర్లు) బాది మరోసారి క్రికెట్‌ ప్రపంచాన్ని ఆకర్శించాడు. స్వదేశంలో పాక్‌తో జరిగిన మూడో వన్డేలో ఇది జరిగింది.హోప్‌ మెరుపు సెంచరీ.. పాక్‌ను చిత్తు చేసిన విండీస్‌ఈ మ్యాచ్‌లో హోప్‌ మెరుపు సెంచరీ కారణంగా తొలుత బ్యాటింగ్‌ చేసిన విండీస్‌ భారీ స్కోర్‌ చేసింది. అనంతరం లక్ష్య ఛేదనలో పాక్‌ను జేడన్‌ సీల్స్‌ బెంబేలెత్తించాడు. 7.2 ఓవర్లలో కేవలం 18 పరుగులిచ్చి ఏకంగా 6 వికెట్లు పడగొట్టాడు. తద్వారా పాక్‌ 29.2 ఓవర్లలో 92 పరుగులకే కుప్పకూలి, 202 పరుగుల భారీ తేడాతో ఘెర పరాజయంపాలైంది.34 ఏళ్ల తర్వాతఈ గెలుపుతో విండీస్‌ 3 మ్యాచ్‌ల సిరీస్‌ను 2-1 తేడాతో కైవసం చేసుకుంది. పాక్‌పై విండీస్‌కు 34 ఏళ్ల తర్వాత దక్కిన సిరీస్‌ విజయం ఇది. ఈ సిరీస్‌లోని తొలి వన్డేలో పాక్‌, రెండో వన్డేలో విండీస్‌ గెలిచాయి.83 బంతుల్లో శతకంసిరీస్‌ డిసైడర్‌లో హోప్‌ చెలరేగి ఆడాడు. తొలుత నిదానంగా ఆడినా, ఆతర్వాత గేర్‌ మార్చి పాక్‌ బౌలర్లకు చుక్కలు చూపించాడు. 83 బంతుల్లో సెంచరీ పూర్తి చేసుకున్న హోప్‌ ఆతర్వాత అస్సలు ఆగలేదు. హోప​్‌ ధాటికి పాక్‌ బౌలర్లు చివరి 7 ఓవర్లలో ఏకంగా 100 పరుగులు సమర్పించుకున్నారు.సిరీస్‌ ఆధ్యాంతం అదిరిపోయే ప్రదర్శనలుఈ సిరీస్‌ ఆధ్యాంతం హోప్‌ అదిరిపోయే ప్రదర్శనలు చేశాడు. తొలి వన్డేలో 55, రెండో వన్డేలో 32, తాజాగా జరిగిన వన్డేలో అజేయమైన 120 పరుగులు చేసి విండీస్‌ సిరీస్‌ గెలవడంలో కీలకపాత్ర పోషించాడు. ఈ సిరీస్‌లో హోప్‌ కెప్టెన్‌గానూ కీలకంగా వ్యవహరించాడు. బౌలర్లను మార్చడం, ఫీల్డింగ్‌ను సెట్‌ చేయడం, రివ్యూలు తీసుకోవడం లాంటి విషయాల్లో పరిణితి ప్రదర్శించాడు.28 పరుగుల తేడాతో ఓడించిన హోప్‌హోప్‌కు వన్డేల్లో ఇది 18వ సెంచరీ. ఈ సెంచరీ అతడికి చిరస్మరణీయంగా మిగిలిపోతుంది. సిరీస్‌ డిసైడర్‌లో చేసినది కావడం, అందులోనూ జట్టు విజయానికి దోహదపడటం ఈ సెంచరీకి ఉన్న ప్రత్యేకత. గమనించదగ్గ విషయం ఏమిటంటే.. ఈ మ్యాచ్‌లో హోప్‌ ఒక్కడే (తన 120 పరుగుల స్కోర్‌తో) పాక్‌ను 28 పరుగుల తేడాతో ఓడించాడు.టాప్‌-3లోకి ఈ సెంచరీతో హోప్‌ మరో ఘనత కూడా సాధించాడు. విండీస్‌ వన్డే క్రికెట్‌ చరిత్రలో అత్యధిక సెంచరీలు చేసిన ఆటగాళ్ల జాబితాలో డెస్మండ్‌ హేన్స్‌ను (17 సెంచరీలు) వెనక్కు నెట్టి టాప్‌-3లోకి (మూడో స్థానం) చేరాడు. ఈ జాబితాలో క్రిస్‌ గేల్‌ (301 మ్యాచ్‌ల్లో 25 సెంచరీలు), బ్రియాన్‌ లారా (299 మ్యాచ్‌ల్లో 19 సెంచరీలు) టాప్‌-2గా ఉన్నారు.

స్వదేశంలో పాకిస్తాన్‌తో జరిగిన మూడు మ్యాచ్‌ల వన్డే సిరీస్‌ను వెస్టిండీస్‌ 2-1 తేడాతో కైవసం చేసుకుంది. 1991 (34 ఏళ్లు) తర్వాత విండీస్‌కు పాక్‌పై ఇదే తొలి సిరీస్‌ విజయం. నిన్న జరిగిన సిరీస్‌ డిసైడర్‌లో విండీస్‌ ఆటగాళ్లు చెలరేగిపోయారు. తొలుత కెప్టెన్‌ షాయ్‌ హెప్‌ విధ్వంసకర శతకంతో.. ఆతర్వాత లక్ష్యాన్ని కాపాడుకునే క్రమంలో జేడన్‌ సీల్స్‌ సంచలన బౌలింగ్‌తో సత్తా చాటారు. ఈ సిరీస్‌లోని తొలి వన్డేలో పాక్‌, రెండో వన్డేలో విండీస్‌ గెలిచాయి.RAW EMOTIONS BY WEST INDIES PLAYERS...!!! 🥺❤️- The wait of 34 years is over, West Indies has defeated Pakistan in a ODI series. pic.twitter.com/LTukEY5hTi— Johns. (@CricCrazyJohns) August 13, 2025భారతకాలమానం ప్రకారం నిన్న (ఆగస్ట్‌ 12) రాత్రి మొదలైన మూడో వన్డేలో విండీస్‌ పాక్‌ను 202 పరుగుల భారీ తేడాతో ఓడించింది. ఈ మ్యాచ్‌లో తొలుత బ్యాటింగ్‌ చేసిన విండీస్‌ నిర్ణీత 20 ఓవర్లలో 6 వికెట్ల నష్టానికి 294 పరుగులు చేసింది. షాయ్‌ హోప్‌ విధ్వంసకర శతకంతో (94 బంతుల్లో 120 నాటౌట్‌; 10 ఫోర్లు, 5 సిక్సర్లు) విండీస్‌ భారీ స్కోర్‌ చేసేందుకు దోహదపడ్డాడు.అతడికి రోస్టన్‌ ఛేజ్‌ (29 బంతుల్లో 36; 3 ఫోర్లు, 2 సిక్సర్లు), జస్టిన్‌ గ్రీవ్స్‌ (24 బంతుల్లో 43 నాటౌట్‌; 4 ఫోర్లు, 2 సిక్సర్లు) మెరుపులు తోడయ్యాయి. 32 ఓవర్ల వరకు విండీస్‌ ఇన్నింగ్స్‌ చాలా నిదానంగా సాగింది. ఆ దశలో వారి స్కోర్‌ 118/4గా ఉండింది. అయితే ఆతర్వాత హోప్‌ గేర్‌ మార్చడం.. ఛేజ్‌, గ్రీవ్స్‌ మెరుపులు మెరిపించడంతో విండీస్‌ స్కోర్‌ బోర్డు పరుగులు పెట్టింది. చివరి 18 ఓవర్లలో ఆ జట్టు ఏకంగా 176 పరుగులు పిండుకుంది.చివరి ఓవర్లలో విండీస్‌ బ్యాటర్ల వీరంగం ధాటికి పాక్‌ బౌలర్లు బెంబేలెత్తిపోయారు. నసీం షా, హసన్‌ అలీ, మొహమ్మద్‌ నవాజ్‌ భారీగా పరుగులు సమర్పించుకున్నారు. నసీం షా, అబ్రార్‌ అహ్మద్‌ తలో 2 వికెట్లు.. సైమ్‌ అయూబ్‌, మొహమ్మద్‌ నవాజ్‌ చెరో వికెట్‌ దక్కించుకున్నారు.అనంతరం భారీ లక్ష్య ఛేదనకు దిగిన పాకిస్తాన్‌ను జేడన్‌ సీల్స్‌ బెంబేలెత్తించాడు. సీల్స్‌ 7.2 ఓవర్లలో కేవలం 18 పరుగులిచ్చి ఏకంగా 6 వికెట్లు పడగొట్టాడు. తద్వారా పాక్‌ 29.2 ఓవర్లలో 92 పరుగులకే కుప్పకూలింది. పాక్‌ ఇన్నింగ్స్‌లో ఏకంగా ఐదుగురు డకౌటయ్యారు. 30 పరుగులు చేసిన సల్మాన్‌ అఘా టాప్‌ స్కోరర్‌ కాగా.. హసన్‌ నవాజ్‌ (13), మొహమ్మద్‌ నవాజ్‌ (23 నాటౌట్‌) రెండంకెల స్కోర్లు చేశారు. పాక్‌ స్టార్‌ బ్యాటర్‌ బాబర్‌ ఆజమ్‌ (9) ఈ మ్యాచ్‌లోనూ విఫలమయ్యాడు.

వెస్టిండీస్‌ జట్టు తీరమారలేదు. ఇటీవల ఆస్ట్రేలియా, పాకిస్తాన్‌లకు వరుస టీ20 సిరీస్‌లు కోల్పోయిన కరేబియన్లు.. తాజాగా పాక్‌తో వన్డే సిరీస్‌ను కూడా ఓటమితోనే ఆరంభించారు. ట్రినిడాడ్‌ వేదికగా జరిగిన తొలి వన్డేలో విండీస్‌ పాక్‌ చేతిలో ఐదు వికెట్ల తేడాతో ఓటమిపాలైంది.మూడు హాఫ్‌ సెంచరీలుబ్రియన్‌ లారా స్టేడియంలో శుక్రవారం రాత్రి జరిగిన మ్యాచ్‌లో టాస్‌ గెలిచిన పర్యాటక పాకిస్తాన్‌ తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన వెస్టిండీస్‌ ఆదిలోనే ఓపెనర్‌ బ్రాండన్‌ కింగ్‌ (4) వికెట్‌ కోల్పోయింది. అయితే, మరో ఓపెనర్‌ ఎవిన్‌ లూయీస్‌ అర్ధ శతకం (Evin Lewis- 60)తో రాణించగా.. వన్‌డౌన్‌ బ్యాటర్‌ కేసీ కార్టీ (30) కూడా ఫర్వాలేదనిపించాడు.ఇక కెప్టెన్‌ షాయీ హోప్‌ (55), రోస్టన్‌ ఛేజ్‌ (53) కూడా హాఫ్‌ సెంచరీలు సాధించగా.. ఆల్‌రౌండర్‌ గుడకేశ్‌ మోటి (18 బంతుల్లో 31) మెరుపు ఇన్నింగ్స్‌ ఆడాడు. మిగతా వారిలో షెర్ఫానే రూథర్‌ఫర్డ్‌ (10), రొమారియో షెఫర్డ్‌ (4) పూర్తిగా విఫలమయ్యారు.షాహిన్‌ ఆఫ్రిదికి నాలుగు వికెట్లుఈ నేపథ్యంలో 49 ఓవర్లలో 280 పరుగులు చేసి వెస్టిండీస్‌ ఆలౌట్‌ అయింది. పాకిస్తాన్‌ బౌలర్లలో షాహిన్‌ ఆఫ్రిది నాలుగు వికెట్లతో చెలరేగగా.. నసీం షా మూడు, సయీమ్‌ ఆయుబ్‌, సూఫియాన్‌ ముకీమ్‌, సల్మాన్‌ ఆఘా ఒక్కో వికెట్‌ దక్కించుకున్నారు.ఇక నామమాత్రపు లక్ష్యంతో బరిలోకి దిగిన పాకిస్తాన్‌కు ఆరంభంలోనే ఎదురుదెబ్బలు తగిలాయి. టాపార్డర్‌లో ఓపెనర్లు సయీబ్‌ ఆయుబ్‌ (5), అబ్దుల్లా షఫీక్‌ (29) విఫలం కాగా.. బాబర్‌ ఆజం అర్ధ శతకానికి (47) మూడు పరుగుల దూరంలో నిలిచిపోయాడు.రిజ్వాన్‌ హాఫ్‌ సెంచరీ.. నవాజ్‌ మెరుపు ఇన్నింగ్స్‌మరోవైపు.. సల్మాన్‌ ఆఘా (23) కూడా స్వల్ప స్కోరుకే పరిమితం కాగా.. మహ్మద్‌ రిజ్వాన్‌ మాత్రం కెప్టెన్‌ ఇన్నింగ్స్‌ (53)తో అలరించాడు. ఆఖర్లో హసన్‌ నవాజ్‌ (54 బంతుల్లో 63), హుసేన్‌ తలాత్‌ (37 బంతుల్లో 41) వేగంగా ఆడి పాకిస్తాన్‌ను విజయతీరాలకు చేర్చారు. వీరిద్దరి అద్భుత ఇన్నింగ్స్‌ కారణంగా 48.5 ఓవర్లలోనే 284 పరుగులు సాధించిన పాకిస్తాన్‌.. ఐదు వికెట్ల తేడాతో గెలుపొందింది.తద్వారా మూడు మ్యాచ్‌ల వన్డేల సిరీస్‌లో 1-0తో ముందంజ వేసింది. హసన్‌ నవాజ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. ఇక విండీస్‌ బౌలర్లలో షమార్‌ జోసెఫ్‌ రెండు వికెట్లు తీయగా.. జేడన్‌ సీల్స్‌, గుడకేశ్‌ మోటి, రోస్టన్‌ ఛేజ్‌ ఒక్కో వికెట్‌ పడగొట్టారు. విండీస్‌- పాకిస్తాన్‌ మధ్య ఆదివారం జరిగే రెండో వన్డేకు బ్రియన్‌ లారా స్టేడియమే వేదిక. చదవండి: AUS vs ENG: అతడికి ఇక నిద్రలేని రాత్రులే!.. వార్నర్‌ ఓ జోకర్‌!

సెయింట్స్ కిట్స్ వేదిక‌గా వెస్టిండీస్‌తో జ‌రిగిన ఐదో టీ20లో ఆస్ట్రేలియా ఘ‌న విజ‌యం సాధించింది. తద్వారా ఐదు మ్యాచ్‌ల సిరీస్‌ను 5-0 తేడాతో కంగారులు వైట్‌వాష్ చేశారు. ఈ మ్యాచ్‌లో బ్యాటింగ్‌, బౌలింగ్‌లో ఆస్ట్రేలియా అద‌ర‌గొట్టింది.తొలుత బ్యాటింగ్ చేసిన విండీస్ 19.4 ఓవ‌ర్ల‌లో 170 ప‌రుగుల‌కు ఆలౌటైంది. విండీస్ బ్యాట‌ర్ల‌లో షిమ్రాన్ హెట్‌మైర్‌(31 బంతుల్లో 3 ఫోర్లు, 3 సిక్స్‌లతో 52) టాప్‌ స్కోరర్‌గా నిలిచాడు. ఆసీస్‌ బౌలర్లలో ద్వార్షుయిస్ మూడు వికెట్లు పడగొట్టగా.. నాథన్‌ ఎల్లీస్ రెండు వికెట్లు సాధించారు.ఆ త‌ర్వాత 171 ల‌క్ష్యాన్ని ఆస్ట్రేలియా 7 వికెట్లు కోల్పోయి 17 ఓవర్లలోనే చేధించింది. ఆసీస్ ఆల్‌రౌండ‌ర్లు కామెరాన్ గ్రీన్, మిచెల్ ఓవ‌న్ మ‌రోసారి బ్యాట్‌, బంతితో మ్యాజిక్ చేశారు. ఈ విజ‌యంతో ఆసీస్ జ‌ట్టు ప‌లు అరుదైన రికార్డుల‌ను త‌మ పేరిట లిఖించుకుంది.ఆసీస్ వ‌ర‌ల్డ్ రికార్డు..ఐదు మ్యాచ్‌ల టీ20 సిరీస్‌లో టెస్టు హోదా క‌లిగిన జ‌ట్టును 5-0 తేడాతో వైట్‌వాష్ చేసిన టీమ్‌గా ఆస్ట్రేలిచా వ‌ర‌ల్డ్ రికార్డు నెల‌కొల్పింది. ఇప్ప‌టివ‌ర‌కు ఏ జ‌ట్టు కూడా ఈ ఫీట్ సాధించ‌లేదు. అంత‌కుముందు మూడు మ్యాచ్‌ల టెస్టు సిరీస్‌ను కూడా ఆస్ట్రేలియా వైట్‌వాష్ చేసింది.అదేవిధంగా ఒక విదేశీ టూర్‌లో వ‌రుస‌గా అత్య‌ధిక మ్యాచ్‌లు గెలిచిన రెండో జ‌ట్టుగా ఆస్ట్రేలియా నిలిచింది. విండీస్ ప‌ర్య‌ట‌న‌లో ఆసీస్ మూడు టెస్టుల‌, ఐదు టీ20లు క‌లిపి మొత్తం 8 మ్యాచ్‌ల‌లో ఆతిథ్య జ‌ట్టును ఓడించింది. ఈ జాబితాలో భార‌త జట్టు అగ్ర‌స్ధానంలో ఉంది. 2017లో శ్రీలంక ప‌ర్య‌ట‌నలో టీమిండియా వ‌రుస‌గా 9 విజ‌యాలు సాధించింది.చదవండి: గిల్‌పై విమర్శలు.. గంభీర్‌ కౌంటర్‌!.. పంత్‌ను ఎంత పొగిడినా తక్కువే!

వెస్టిండీస్‌తో తొలి టీ20 (WI vs AUS)లో ఆస్ట్రేలియా జయభేరి మోగించింది. జమైకా వేదికగా సోమవారం నాటి మ్యాచ్‌లో ఆతిథ్య జట్టును మూడు వికెట్ల తేడాతో ఓడించింది. తద్వారా ఐదు మ్యాచ్‌ల సిరీస్‌లో 1-0తో ముందంజ వేసింది. కాగా మూడు టెస్టులు, ఐదు టీ20 మ్యాచ్‌లు ఆడే నిమిత్తం ఆస్ట్రేలియా జట్టు వెస్టిండీస్‌ పర్యటనకు వెళ్లింది.హోప్‌, చేజ్‌ హాఫ్‌ సెంచరీలుటెస్టు సిరీస్‌ను 3-0తో క్లీన్‌స్వీప్‌ చేసిన కంగారూలు.. టీ20 సిరీస్‌లోనూ శుభారంభం చేశారు. సబీనా పార్కులో జరిగిన మ్యాచ్‌లో టాస్‌ గెలిచిన ఆసీస్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన విండీస్‌ ఆదిలోనే ఓపెనర్‌ బ్రాండన్‌ కింగ్‌ (18) వికెట్‌ కోల్పోయింది.అయితే, మరో ఓపెనర్‌, కెప్టెన్‌ షాయీ హోప్‌ (39 బంతుల్లో 55), వన్‌డౌన్‌ బ్యాటర్‌ రోస్టన్‌ చేజ్‌ (60) అర్ధ శతకాలతో రాణించారు. షిమ్రన్‌ హెట్‌మెయిర్‌ (19 బంతుల్లో 38) తనదైన శైలిలో ధనాధన్‌ దంచికొట్టగా.. మిగతా వారంతా విఫలమయ్యారు. ఫలితంగా నిర్ణీత 20 ఓవర్లలో వెస్టిండీస్‌ ఎనిమిది వికట్ల నష్టానికి 189 పరుగులు చేసింది.5️⃣0️⃣ for Roston in some style!🏏💥#WIvAUS | #fullahenergy pic.twitter.com/J9JygS3XcC— Windies Cricket (@windiescricket) July 21, 2025ఆసీస్‌ బౌలర్లలో డ్వార్షుయిస్‌ నాలుగు వికెట్లతో చెలరేగగా.. సీన్‌ అబాట్‌, కూపర్‌ కన్నోలి, నాథన్‌ ఎల్లిస్‌, అరంగేట్ర ప్లేయర్‌ మిచెల్‌ ఓవెన్‌ ఒక్కో వికెట్‌ పడగొట్టారు. ఇక లక్ష్య ఛేదనకు దిగిన మార్ష్‌ బృందం 18.5 ఓవర్లలోనే పనిపూర్తి చేసింది.గ్రీన్‌, మిచ్‌ మెరుపు హాఫ్‌ సెంచరీలుకెప్టెన్‌ మిచెల్‌ మార్ష్‌ (24) ఫర్వాలేదనిపించగా.. మరో ఓపెనర్‌ జేక్‌ ఫ్రేజర్‌ మెగర్క్‌ (2), వన్‌డౌన్‌ బ్యాటర్‌ జోష్‌ ఇంగ్లిస్‌ (18) నిరాశపరిచారు. గ్లెన్‌ మాక్స్‌వెల్‌ (11) సైతం విఫలం కాగా.. కామెరాన్‌ గ్రీన్‌, మిచెల్‌ ఓవెన్‌ మెరుపు అర్ధ శతకాలతో చెలరేగారు. గ్రీన్‌ 26 బంతుల్లో రెండు ఫోర్లు, ఐదు సిక్సర్ల సాయంతో 51 పరుగులు చేయగా.. మిచెల్‌ ఓవెన్‌ 27 బంతుల్లో ఆరు సిక్సర్లు బాది 50 పరుగులు సాధించాడు.మిగతా వారిలో కూపర్‌ కన్నోలి 13 పరుగులు చేయగా.. డ్వార్షుయిస్‌ (5), సీన్‌ అబాట్‌ (5) అజేయంగా నిలిచి జట్టును విజయతీరాలకు చేర్చారు. 18.5 ఓవర్లలో ఏడు వికెట్లు నష్టపోయి 190 పరుగులు చేసిన ఆస్ట్రేలియా.. విండీస్‌పై మూడు వికెట్ల తేడాతో గెలుపొందింది.పంజాబ్‌ కింగ్స్‌ప్లేయర్‌గాకాగా ఐపీఎల్‌-2025లో పంజాబ్‌ కింగ్స్‌కు ఆడిన మిచెల్‌ ఓవెన్‌.. విండీస్‌తో తొలి టీ20 ద్వారా ఆస్ట్రేలియా తరఫున అంతర్జాతీయ క్రికెట్‌లో అడుగుపెట్టాడు. అరంగేట్రంలోనే ఈ 23 ఏళ్ల బ్యాటింగ్‌ ఆల్‌రౌండర్‌ హాఫ్‌ సెంచరీతో ఆకట్టుకోవడం విశేషం. అంతేకాదు.. ఆసీస్‌ తరఫున అంతర్జాతీయ టీ20లలో ఈ ఘనత సాధించిన మూడో క్రికెటర్‌గా మిచ్‌ నిలిచాడు. చదవండి: నితీశ్‌ రెడ్డి అవుట్‌!

వెస్టిండీస్‌- ఆస్ట్రేలియా (West Indies vs Australia, 1st Test) మధ్య బార్బడోస్‌ వేదికగా తొలి టెస్టు రసవత్తరంగా సాగుతోంది. అద్భుత బౌలింగ్‌తో కంగారూల పని పట్టిన విండీస్‌.. తొలి ఇన్నింగ్స్‌లో 180 పరుగులకే ఆలౌట్‌ చేసింది. కరేబియన్‌ పేసర్లలో జేడన్‌ సీల్స్‌ ఏకంగా ఐదు వికెట్లతో చెలరేగగా.. షమార్‌ జోసెఫ్‌ నాలుగు వికెట్లు కూల్చాడు. ఇక జస్టిన్‌ గ్రీవ్స్‌ ఒక వికెట్‌ తన ఖాతాలో వేసుకున్నాడు.అనంతరం బ్యాటింగ్‌కు దిగిన వెస్టిండీస్‌.. 190 పరుగుల వద్ద తమ మొదటి ఇన్నింగ్స్‌ ముగించి పది పరుగుల స్వల్ప ఆధిక్యాన్ని సంపాదించింది. విండీస్‌ ఇన్నింగ్స్‌లో కెప్టెన్‌ రోస్టన్‌ ఛేజ్‌ (44), వికెట్‌ కీపర్‌ బ్యాటర్‌ షాయీ హోప్‌ (48) మాత్రమే మెరుగ్గా రాణించారు.అయితే, వీరిద్దరు అవుటైన తీరు వివాదానికి దారి తీసింది. క్రీజులో పాతుకుపోయిన రోస్టన్‌, హోప్‌లు థర్డ్‌ అంపైర్‌ తప్పిదం కారణంగా మూల్యం చెల్లించాల్సి వచ్చిందనే విమర్శలు వస్తున్నాయి. అసలేం జరిగిందంటే..రోస్టన్‌ 44 పరుగుల వద్ద ఉండగా.. ప్యాట్‌ కమిన్స్‌ బౌలింగ్‌లో ఎల్బీడబ్ల్యూ (లెగ్‌ బిఫోర్‌ వికెట్‌) అయినట్లు ఫీల్డ్‌ అంపైర్‌ సిగ్నల్‌ ఇచ్చాడు. అయితే, రోస్టన్‌ వెంటనే రివ్యూకు వెళ్లాడు. ఇందులో బ్యాట్‌ ముందుగా బ్యాట్‌ను తాకినట్లు తేలింది. అల్ట్రాఎడ్జ్‌ స్పైక్‌ కూడా వచ్చింది. కానీ థర్డ్‌ అంపైర్‌, సౌతాఫ్రికాకు చెందిన ఆడ్రియాన్‌ హోల్డర్‌స్టాక్‌ మాత్రం రోస్టన్‌ను అవుట్‌గా తేల్చాడు.Bat first or pad first? 🤔Roston Chase given OUT… but UltraEdge had a spike.Should that have been given out?#WIvsAUS pic.twitter.com/DaitLZhXPm— FanCode (@FanCode) June 26, 2025 అనంతరం.. షాయీ హోప్‌ విషయంలోనూ థర్డ్‌ అంపైర్‌ తీసుకున్న నిర్ణయం వివాదాస్పదంగా మారింది. హోప్‌ ఇచ్చిన క్యాచ్‌ను వికెట్‌ కీపర్‌ అలెక్స్‌ క్యారీ అందుకున్నట్లు కనిపించగా.. ఫీల్డ్‌ అంపైర్‌ అవుట్‌ ఇచ్చాడు. అయితే, దీనిపై విండీస్‌ రివ్యూకు వెళ్లింది. రీప్లేలో చూడగా.. బంతి క్యారీ చేతుల్లోంచి జారీ నేలను తాకినట్లు కనిపించింది. అయితే, అతడు అంతలోనే దానిని మళ్లీ చేతిలోకి తీసుకున్నట్లు కనిపించింది. అయినప్పటికీ అది ఫెయిర్‌ క్యాచ్‌ అని తేలుస్తూ థర్డ్‌ అంపైర్‌ హోప్‌ను అవుట్‌గా ప్రకటించాడు. దీంతో విండీస్‌ శిబిరంలో ఆగ్రహావేశాలు వ్యక్తమయ్యాయి. కోచ్‌ డారెన్‌ సామీ సైతం తీవ్ర అసంతృప్తి వ్యక్తం చేశాడు. రోస్టన్‌ ఛేజ్‌, షాయీ హోప్‌ అవుటైన వీడియోలు సోషల్‌ మీడియాలో వైరల్‌ అవుతున్నాయి. ఇందుకు నెటిజన్లు ఘాటుగా స్పందిస్తున్నారు. ‘‘చెత్త అంపైరింగ్‌!.. ఇంతకంటే దారుణం మరొకటి ఉండదు’’అంటూ థర్డ్‌ అంపైర్‌పై విమర్శల వర్షం కురిపిస్తున్నారు. Caught or did the ball touch the ground? 🫣Windies are furious with that decision. What's your call? ☝️ or ❌#WIvAUS pic.twitter.com/6evBQGk7vq— FanCode (@FanCode) June 26, 2025ఇక విండీస్‌ ఆలౌట్‌ అయిన తర్వాత ఆస్ట్రేలియా రెండో ఇన్నింగ్స్‌ మొదలుపెట్టింది. గురువారం నాటి రెండో రోజు ఆట ముగిసే సరికి 33 ఓవర్ల ఆట పూర్తి చేసుకుని నాలుగు వికెట్ల నష్టానికి 92 పరుగులు చేసింది. తద్వారా 82 పరుగుల ఆధిక్యంలో కొనసాగుతోంది. ట్రవిస్‌ హెడ్‌ 13, బ్యూ వెబ్‌స్టర్‌ 19 పరుగులతో క్రీజులో ఉన్నారు.

ఐర్లాండ్‌తో జరిగిన మూడు మ్యాచ్‌ల టీ20 సిరీస్‌ను పర్యాటక వెస్టిండీస్‌ 1-0 తేడాతో కైవసం​ చేసుకుంది. నిన్న (జూన్‌ 15) జరిగిన మూడో టీ20లో విండీస్‌ 62 పరుగుల తేడాతో ఐర్లాండ్‌ను చిత్తు చేసింది. ఈ సిరీస్‌లో మొదటి రెండు మ్యాచ్‌లు వర్షం కారణంగా టాస్‌ కూడా పడకుండానే రద్దు కాగా.. చివరి మ్యాచ్‌లో విండీస్‌ బ్యాటర్లు చెలరేగిపోయారు.ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన విండీస్‌.. ఓపెనర్లు ఎవిన్‌ లెవిస్‌ (44 బంతుల్లో 91; 7 ఫోర్లు, 8 సిక్సర్లు), షాయ్‌ హోప్‌ (27 బంతుల్లో 51; 4 ఫోర్లు, 4 సిక్సర్లు) ఆకాశమే హద్దుగా చెలరేగడంతో నిర్ణీత 20 ఓవర్లలో 5 వికెట్ల నష్టానికి 256 పరుగులు చేసింది.లెవిస్‌, హోప్‌ తొలి వికెట్‌కు 122 పరుగులు జోడించి ఔటయ్యాక, హెట్‌మైర్‌ (7 బంతుల్లో 15; 3 ఫోర్లు), కీసి కార్టీ (22 బంతుల్లో 49 నాటౌట్‌; 4 ఫోర్లు, 4 సిక్సర్లు) తమదైన శైలిలో విరుచుకుపడ్డారు. ఆఖర్లో జేసన్‌ హోల్డర్‌ (13 బంతుల్లో 18; 2 ఫోర్లు, సిక్స్‌), రొమారియో షెపర్డ్‌ (6 బంతుల్లో 19 నాటౌట్‌; 3 సిక్సర్లు) కూడా బ్యాట్‌ ఝులిపించడంతో విండీస్‌ అతి భారీ స్కోర్‌ చేసింది.ఐర్లాండ్‌ బౌలర్లలో మాథ్యూ హంఫ్రేస్‌ (4-0-16-2) ఒక్కడే విండీస్‌ బ్యాటర్ల ఊచకోతను తప్పించుకున్నాడు. మిగతా బౌలర్లంతా 12కు పైగా సగటుతో పరుగులు సమర్పించుకున్నారు. లియామ్‌ మెక్‌కార్టీకి (4-0-81-0) విండీస్‌ బ్యాటర్లు చెడుగుడు ఆడుకున్నారు. ఫలితంగా అతను ఓ టీ20 ఇన్నింగ్స్‌లో రెండో అత్యధిక పరుగులు సమర్పించుకున్న బౌలర్‌గా చెత్త రికార్డును మూటగట్టుకున్నాడు. ఓ టీ20 ఇన్నింగ్స్‌లో అత్యధిక పరుగులు సమర్పించుకున్న చెత్త రికార్డు గాంబియా బౌలర్‌ మూసా జోబార్తే (4-0-93-0) పేరిట ఉంది.అనంతరం భారీ లక్ష్య ఛేదనకు దిగిన ఐర్లాండ్‌.. ఎక్కడా విజయం దిశగా సాగుతున్నట్లు కనిపించలేదు. ఆ జట్టు నిర్ణీత ఓవర్లలో 7 వికెట్ల నష్టానికి 194 పరుగులు చేసింది. ఓపెనర్‌ రాస్‌ అడైర్‌ (48) ఆ జట్టు ఇన్నింగ్స్‌లో టాప్‌ స్కోరర్‌గా నిలిచాడు. హ్యారీ టెక్టార్‌ (38), మార్క్‌ అడైర్‌ (31 నాటౌట్‌) ఓ మోస్తరు స్కోర్లు చేశారు. వీరి తర్వాత అత్యధిక పరుగులు ఎక్స్‌ట్రాల రూపంలో (23) వచ్చాయి. విండీస్‌ బౌలర్లలో అకీల్‌ హొసేన్‌ 3, జేసన్‌ హోల్డర్‌ 2, రొమారియో షెపర్డ్‌, రోస్టన్‌ ఛేజ్‌ తలో వికెట్‌ తీశారు.

మూడు మ్యాచ్‌ల సిరీస్‌లో భాగంగా ఇంగ్లండ్‌తో ఇవాళ (జూన్‌ 1) జరుగుతున్న రెండో వన్డేలో విండీస్‌ వన్‌డౌన్‌ ఆటగాడు కీసీ కార్టీ సూపర్‌ సెంచరీతో మెరిశాడు. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన వెస్టిండీస్‌.. కార్టీ 105 బంతుల్లో 13 ఫోర్ల సాయంతో 103 పరుగులు చేయడంతో 47.4 ఓవర్లలో 308 పరుగులకు ఆలౌటైంది. కార్టీతో పాటు ఓపెనర్‌ బ్రాండన్‌ కింగ్‌ (67 బంతుల్లో 59; 10 ఫోర్లు), నాలుగో నంబర్‌ ఆటగాడు షాయ్‌ హోప్‌ (66 బంతుల్లో 78; 4 ఫోర్లు, 4 సిక్సర్లు) అర్ద సెంచరీలతో రాణించారు. విండీస్‌ ఇన్నింగ్స్‌లో జువెల్‌ ఆండ్రూ 0, షిమ్రోన్‌ హెట్‌మైర్‌ 4, జస్టిన్‌ గ్రీవ్స్‌ 22, మాథ్యూ ఫోర్డ్‌ 1, రోస్టన్‌ ఛేజ్‌ 0, గుడకేశ్‌ మోటీ 18, అల్జరీ జోసఫ్‌ 10 పరుగులకు ఔటయ్యారు. కార్టీ, హోప్‌ క్రీజ్‌లో ఉండగా విండీస్‌ ఇంకా భారీ స్కోర్‌ చేసేలా కనిపించింది. అయితే ఇంగ్లండ్‌ బౌలర్లు ఆదిల్‌ రషీద్‌ (10-0-63-4), సాకిబ్‌ మహమూద్‌ (9.4-0-37-3) చెలరేగడంతో విండీస్‌ 308 పరుగులకే పరిమితమైంది. ఇంగ్లండ్‌ బౌలర్లలో బ్రైడన్‌ కార్స్‌, జేకబ్‌ బేతెల్‌, విల్‌ జాక్స్‌ కూడా తలో వికెట్‌ తీశారు.కాగా, విండీస్‌ జట్టు మూడు వన్డేలు, మూడు టీ20ల సిరీస్‌ల కోసం ఇంగ్లండ్‌లో పర్యటిస్తుంది. తొలి వన్డేలో ఇంగ్లండ్‌ 238 పరుగుల భారీ తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 8 వికెట్ల నష్టానికి 400 పరుగుల రికార్డు స్కోర్‌ చేసింది. ఇంగ్లండ్‌ ఇన్నింగ్స్‌లో బెన్‌ డకెట్‌ (60), జో రూట్‌ (57), హ్యారీ బ్రూక్‌ (58), జేకబ్‌ బేతెల్‌ (82) అర్ద సెంచరీలతో చెలరేగగా.. జేమీ స్మిత్‌ (37), జోస్‌ బట్లర్‌ (37), విల్‌ జాక్స్‌ (39) ఓ మోస్తరు స్కోర్లతో రాణించారు. విండీస్‌ బౌలర్లలో జేడెన్‌ సీల్స్‌ 4, అల్జరీ జోసఫ్‌, జస్టిన్‌ గ్రీవ్స్‌ తలో 2 వికెట్లు పడగొట్టారు.అనంతరం భారీ లక్ష్య ఛేదనకు దిగిన వెస్టిండీస్‌.. ఇంగ్లండ్‌ బౌలర్లు మూకుమ్మడిగా చెలరేగడంతో 26.2 ఓవర్లలో 162 పరుగులకే ఆలౌటైంది. సాకిబ్‌ మహమూద్‌, జేమీ ఓవర్టన్‌ తలో 3, ఆదిల్‌ రషీద్‌ 2, బ్రైడన్‌ కార్స్‌, జేకబ్‌ బేతెల్‌ తలో వికెట్‌ పడగొట్టారు. విండీస్‌ ఇన్నింగ్స్‌లో 11వ నంబర్‌ ఆటగాడు జేడెన్‌ సీల్స్‌ (29 నాటౌట్‌) టాప్‌ స్కోరర్‌గా కాగా.. షాయ్‌ హోప్‌ (25), కీసీ కార్టీ (22) 20కి పైగా పరుగులు చేశారు.గత తొమ్మిది ఇన్నింగ్స్‌ల్లో నాలుగో సెంచరీఇంగ్లండ్‌తో రెండో వన్డేలో సెంచరీతో మెరిసిన కీసీ కార్టీకి గత తొమ్మిది వన్డే ఇన్నింగ్స్‌ల్లో ఇది నాలుగో సెంచరీ కావడం విశేషం. 28 ఏళ్ల కార్తీ గత 10 ఇన్నింగ్స్‌ల్లో 4 సెంచరీలు, 2 అర్ద సెంచరీల సాయంతో 95కు పైగా సగటుతో 864 పరుగులు సాధించాడు. ఓవరాల్‌ కెరీర్‌లో 36 వన్డేలు ఆడిన కార్టీ 5 హాఫ్‌ సెంచరీలు, 4 సెంచరీల సాయంతో 50కి పైగా సగటుతో 1403 పరుగులు చేశాడు.2nd ODI Vs ENG 103 (105)1st ODI Vs ENG 22 (26) 3rd ODI Vs IRE 170 (142) 2nd ODI Vs IRE 102 (109) 1st ODI Vs IRE 6 (15) 3rd ODI Vs BAN 95 (88) 2nd ODI Vs BAN 45 (47) 1st ODI Vs BAN 21 (37) 3rd ODI Vs ENG 128 (114) 2nd ODI Vs ENG 71 (77)

వెస్టిండీస్‌ క్రికెట్‌ జట్టు ఈ నెలాఖరులో యూరప్‌ పర్యటనకు వెళ్లనుంది. ఈ పర్యటనలో ఐర్లాండ్‌, ఇంగ్లండ్‌తో వన్డే, టీ20 సిరీస్‌లు ఆడనుంది. ఈ పర్యటనల్లో వన్డే సిరీస్‌ల కోసం 15 మంది సభ్యుల జట్టును విండీస్‌ క్రికెట్‌ బోర్డు ఇవాళ ప్రకటించింది. విండీస్‌ జట్టుకు నాయకుడిగా షాయ్‌ హోప్‌ వ్యవహరించనున్నాడు. అతనికి మద్దతుగా అనుభవజ్ఞులైన టాపార్డర్‌ బ్యాటర్లు బ్రాండన్‌ కింగ్‌, ఎవిన్‌ లెవిస్‌, కీసీ కార్టీ ఉన్నారు. యువ సంచలనం జువెల్‌ ఆండ్రూ జట్టులో చోటు దక్కించుకున్నాడు. ఆండ్రూ గతేడాది అండర్‌-19 వరల్డ్‌కప్‌లో విశేషంగా రాణించాడు. ఆ టోర్నీలో 4 మ్యాచ్‌ల్లో సెంచరీ, హాఫ్‌ సెంచరీ సాయంతో 207 పరుగులు చేశాడు. ఈ ఏడాది బంగ్లాదేశ్‌ను 3-0తో క్లీన్‌ స్వీప్‌ చేసిన జట్టులోని సభ్యులందరూ ఈ జట్టులో చోటు దక్కించుకున్నారు. ఐపీఎల్‌ కారణంగా విధ్వంసకర బ్యాటర్‌ షిమ్రోన్‌ హెట్‌మైర్‌ ఒక్కడు మిస్‌ అయ్యాడు. రొమారియో షెపర్డ్‌ లాంటి ఆటగాళ్లు కూడా ఐపీఎల్‌లో ఆడుతున్నా ఈ జట్టులో ఎంపిక చేశారు.ఐపీఎల్‌ చివరి దశలో ఉండగా విండీస్‌ యూరప్‌ పర్యటన మొదలవుతుంది. ఐపీఎల్‌ 2025 మే 25న పూర్తి కానుండగా.. ఐర్లాండ్‌లో వెస్టిండీస్‌ పర్యటన మే 21న ప్రారంభమవుతుంది. ఈ పర్యటనలో మూడు వన్డేలు, మూడు టీ20లు జరుగనున్నాయి. మే 21, 23, 25 తేదీల్లో డబ్లిన్‌ వేదికగా మూడు వన్డేలు జరుగుతాయి. ఈ పర్యటనలో టీ20 సిరీస్‌ కోసం​ విండీస్‌ క్రికెట్‌ బోర్డు జట్టును ప్రకటించలేదు.ఈ పర్యటన ముగిసిన అనంతరం​ విండీస్‌ జట్టు ఇంగ్లండ్‌కు బయల్దేరుతుంది. ఈ పర్యటనలో కూడా మూడు వన్డేలు, మూడు టీ20లు జరుగనున్నాయి. మే 29, జూన్‌ 1, జూన్‌ 3వ తేదీల్లో మూడు వన్డేలు జరుగుతాయి. తొలి వన్డే బర్మింగ్హమ్‌, రెండో వన్డే కార్ఢిఫ్‌, మూడో వన్డే లండన్‌లో జరుగనున్నాయి. ఈ పర్యటనలో టీ20 సిరీస్‌ కోసం విండీస్‌ జట్టును ప్రకటించాల్సి ఉంది.ఐర్లాండ్‌, ఇంగ్లండ్‌తో వన్డే సిరీస్‌ల కోసం వెస్టిండీస్ జట్టు: షాయ్ హోప్ (కెప్టెన్), జువెల్ ఆండ్రూ, కీసీ కార్టీ, రోస్టన్ చేజ్, మాథ్యూ ఫోర్డ్, జస్టిన్ గ్రీవ్స్, అమీర్ జాంగూ, అల్జరి జోసెఫ్, షమార్ జోసఫ్, బ్రాండన్ కింగ్, ఎవిన్ లెవిస్, గుడకేష్ మోటీ, షెర్ఫేన్ రూథర్‌ఫోర్డ్, జేడన్ సీల్స్, రొమారియో షెపర్డ్కాగా, ఐర్లాండ్‌, ఇంగ్లండ్‌ పర్యటనల్లో ఆడబోయే వన్డేలు 2027 ఐసీసీ మెన్స్‌ క్రికెట్‌ ప్రపంచకప్‌ నేపథ్యంలో వెస్టిండీస్‌కు చాలా కీలకంగా పరిగణించబడతాయి. ఈ వరల్డ్‌కప్‌కు విండీస్‌ నేరుగా అర్హత సాధించాలంటే ఈ మ్యాచ్‌లు తప్పనిసరిగా గెలవాలి.ఇదిలా ఉంటే, ఐర్లాండ్‌, ఇంగ్లండ్‌తో వన్డే సిరీస్‌ల కోసం జట్టును ప్రకటించిన విండీస్‌ క్రికెట్‌ బోర్డు.. కోచింగ్‌ డిపార్ట్‌మెంట్‌లో ఓ కీలక మార్పు చేసింది. జేమ్స్‌ ఫ్రాంక్లిన్‌ స్థానంలో 2012 టీ20 వరల్డ్‌కప్‌ విన్నర్‌ రవి రాంపాల్‌ను బౌలింగ్‌ కోచ్‌గా నియమించింది.

వెస్టిండీస్ క్రికెట్‌లో భారీ మార్పులు చోటు చేసుకున్నాయి. వెస్టిండీస్ టెస్టు జ‌ట్టు కెప్టెన్సీకి క్రెయిగ్ బ్రాత్‌వైట్ రాజీనామా చేశాడు. ఈ విష‌యాన్ని విండీస్ క్రికెట్ బోర్డు సోమవారం ధ్రువీక‌రించింది. మార్చి 2021లో జాసన్ హోల్డర్ స్థానంలో వెస్టిండీస్ టెస్ట్ కెప్టెన్‌గా బాధ్య‌త‌లు చేప‌ట్టిన బ్రాత్‌వైట్‌.. నాలుగేళ్ల పాటు నాయ‌కుడిగా త‌న సేవ‌ల‌ను అందించాడు."ఆస్ట్రేలియాతో స్వదేశంలో జరిగే టెస్టు సిరీస్‌కు ముందు కొత్త కెప్టెన్‌కు అవ‌కాశ‌మిచ్చేందుకు బ్రాత్‌వైత్ త‌న రాజీనామాను సమర్పించాడు. వెస్టిండీస్ క్రికెట్‌కు ఎన్నో అద్బుత‌మైన టెస్టు విజ‌యాల‌ను అందించింనందుకు అత‌డికి కృతజ్ఞతలు తెలపాల‌నుకుంటున్నాము. కెప్టెన్‌గా అతని సేవలు ఎప్ప‌టికీ మ‌రవ‌లేనివి. వెస్టిండీస్ క్రికెట్ పట్ల అతని అంకితభావాన్ని మాటల్లో వర్ణించ‌లేము" అని విండీస్ క్రికెట్ బోర్డు ఓ ప్ర‌క‌ట‌న‌లో పేర్కొంది.బ్రాత్‌వైట్ విండీస్‌కు ఎన్నో చిర‌స్మ‌ర‌ణీయ విజ‌యాల‌ను అందించాడు. అత‌డి సార‌థ్యంలోనే ఆస్ట్రేలియాలో 27 ఏళ్ల త‌ర్వాత విండీస్ తొలి టెస్టు విజ‌యాన్ని అందుకుంది. అదేవిధంగా బ్రాత్‌వైట్ కెప్టెన్సీలోనే 34 ఏళ్ల త‌ర్వాత పాకిస్తాన్ గ‌డ్డ‌పై టెస్టు సిరీస్‌ను విండీస్ స‌మం చేసింది. మ‌రోవైపు టీ20 జ‌ట్టు కెప్టెన్సీ నుంచి రోవ్‌మన్ పావెల్‌ను వెస్టిండీస్ క్రికెట్ త‌ప్పించింది. అత‌డి స్ధానంలో వ‌న్డే కెప్టెన్‌గా ఉన్న షాయ్ హోప్‌కు టీ20 పగ్గాల‌ను కూడా విండీస్ క్రికెట్ అప్ప‌గించింది.

ఇంటర్నేషనల్‌ లీగ్‌ టీ20 టోర్నీలో ముంబై ఇండియన్స్‌ ఎమిరేట్స్‌ బోణీ కొట్టింది. దుబాయ్‌ క్యాపిటల్స్‌తో నిన్న (జనవరి 13) జరిగిన మ్యాచ్‌లో 26 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఎంఐ ఎమిరేట్స్‌ నిర్ణీత 20 ఓవర్లలో 7 వికెట్ల నష్టానికి 187 పరుగులు చేసింది. టామ్‌ బాంటన్‌ (52 బంతుల్లో 74; 9 ఫోర్లు, 2 సిక్సర్లు), నికోలస్‌ పూరన్‌ (29 బంతుల్లో 59; 2 ఫోర్లు, 6 సిక్సర్లు) అర్ద సెంచరీలతో రాణించారు. కెప్టెన్‌ నికోలస్‌ పూరన్‌ అర డజను సిక్సర్లతో సునామీ సృష్టించాడు. ముంబై ఇన్నింగ్స్‌లో పోలార్డ్‌ (19 బంతుల్లో 22; 2 ఫోర్లు, సిక్స్‌), ముహమ్మద్‌ వసీం (18) రెండంకెల​ స్కోర్లు చేశారు. క్యాపిటల్స్‌ బౌలర్లలో గుల్బదిన్‌ నైబ్‌ మూడు వికెట్లు పడగొట్టగా.. ఓలీ స్టోన్‌ 2, చమీరా ఓ వికెట్‌ దక్కించుకున్నారు.హోప్‌ సెంచరీ వృధాఛేదనలో క్యాపిటల్స్‌ ఓపెనర్‌ షాయ్‌ హోప్‌ (59 బంతుల్లో 101; 11 ఫోర్లు, 3 సిక్సర్లు) సెంచరీ చేశాడు. హోప్‌కు మరో ఎండ్‌ నుంచి ఎలాంటి సహకారం అందలేదు. బెన్‌ డంక్‌ (10), బ్రాండన్‌ మెక్‌ముల్లెన్‌ (16), గుల్బదిన్‌ నైబ్‌ (12) మాత్రమే రెండంకెల స్కోర్లు చేశారు. సికందర్‌ రజా (6), దుసన్‌ షనక (0) విఫలమయ్యారు. క్యాపిటల్స్‌ నిర్ణీత ఓవర్లు పూర్తయ్యే సరికి 6 వికెట్లు కోల్పోయి 161 పరుగులు మాత్రమే చేయగలిగింది. ఫజల్‌ హక్‌ ఫారూఖీ, అల్జరీ జోసఫ్‌ తలో రెండు వికెట్లు పడగొట్టగా.. వకార్‌ సలామ్‌కిల్‌, అల్లా ఘజన్‌ఫర్‌ చెరో వికెట్‌ దక్కించుకున్నారు. క్యాపిటల్స్‌ చేసిన స్కోర్‌లో హోప్‌ ఒక్కడే మూడొంతులు చేయడం విశేషం. 161 పరుగుల్లో హోప్‌ 101 పరుగులు చేయగా.. మిగతా బ్యాటర్లు, ఎక్స్‌ట్రాల రూపంలో 60 పరుగులు వచ్చాయి.

బంగ్లాదేశ్‌తో రెండో వన్డేలో వెస్టిండీస్ ఘన విజయం సాధించింది. పర్యాటక జట్టును ఏడు వికెట్ల తేడాతో ఓడించి.. మరో మ్యాచ్‌ మిగిలి ఉండగానే సిరీస్‌ కైవసం చేసుకుంది. కాగా రెండు టెస్టులు, మూడు వన్డేలు, మూడు టీ20లు ఆడేందుకు బంగ్లాదేశ్‌ క్రికెట్‌ జట్టు విండీస్‌ పర్యటనకు వచ్చింది.ఈ క్రమంలో తొలుత టెస్టు సిరీస్‌ జరుగగా.. మొదటి టెస్టులో వెస్టిండీస్‌ 201 పరుగుల భారీ తేడాతో గెలిచింది. అయితే, రెండో టెస్టులో ఊహించని రీతిలో పుంజుకున్న బంగ్లా 101 పరుగుల తేడాతో విండీస్‌ను కంగుతినిపించింది. దీంతో సిరీస్‌ 1-1తో సమంగా ముగిసింది.అనంతరం.. సెయింట్‌ కిట్స్‌ వేదికగా వన్డే సిరీస్‌ మొదలుకాగా.. తొలి మ్యాచ్‌లో ఆతిథ్య విండీస్‌ ఐదు వికెట్ల తేడాతో గెలుపొందింది. అదే జోరులో మంగళవారం రాత్రి జరిగిన రెండో వన్డేలోనూ జయభేరి మోగించింది. ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన వెస్టిండీస్‌.. బంగ్లాను 227 పరుగులకు ఆలౌట్‌ చేసింది.స్పెషలిస్టు బ్యాటర్లు విఫలమైన వేళబంగ్లాదేశ్‌ ఆటగాళ్లలో ఓపెనర్‌ తాంజిద్‌ హసన్‌(46) ఫర్వాలేదనిపించగా.. వెటరన్‌ బ్యాటర్‌ మహ్మదుల్లా అర్ధ శతకం(62)తో మెరిశాడు. వీరికి తోడు అనూహ్యంగా టెయిలెండర్‌ తంజీమ్‌ హసన్‌ సకీబ్‌ 45 పరుగులతో రాణించాడు. స్పెషలిస్టు బ్యాటర్లు విఫలమైన వేళ.. ఈ బౌలర్‌ బ్యాట్‌ ఝులిపించి నాలుగు ఫోర్లు, రెండు సిక్సర్లు బాది జట్టు గౌరవప్రదమైన స్కోరు చేయడంలో కీలక పాత్ర పోషించాడు.చెలరేగిన జేడన్‌ సీల్స్‌.. దంచికొట్టిన కింగ్‌ఇక విండీస్‌ బౌలర్లలో జేడన్‌ సీల్స్‌ నాలుగు వికెట్లతో చెలరేగగా.. గుడకేశ్‌ మోటీ రెండు, మిండ్లే, రొమారియో షెఫర్డ్‌, జస్టిన్‌ గ్రీవ్స్‌, రోస్టన్‌ చేజ్‌ ఒక్కో వికెట్‌ పడగొట్టారు. కాగా బంగ్లా విధించిన నామమాత్రపు లక్ష్యంతో బరిలోకి దిగిన వెస్టిండీస్‌.. 36.5 ఓవర్లలోనే పనిపూర్తి చేసింది. ఓపెనర్లలో బ్రాండన్‌ కింగ్‌ సూపర్‌ హాఫ్‌ సెంచరీతో దుమ్ములేపాడు. 76 బంతుల్లో ఎనిమిది ఫోర్లు, మూడు సిక్స్‌ల సాయంతో 82 పరుగులు సాధించాడు.మరో ఓపెనర్‌ ఎవిన్‌ లూయీస్‌ 49 రన్స్‌ చేయగా.. వన్‌డౌన్‌ బ్యాటర్‌ కేసీ కార్టీ 45 పరుగులతో ఆకట్టుకున్నాడు. ఇక కెప్టెన్‌ షాయీ హోప్‌(17)తో కలిసి షెర్ఫానే రూథర్‌ఫర్డ్‌(24 ఆఖరి వరకు అజేయంగా నిలిచి సిక్సర్‌తో జట్టును విజయతీరాలకు చేర్చాడు. ఏడు వికెట్ల తేడాతో గెలిచి ఈ క్రమంలో కేవలం మూడు వికెట్లు నష్టయి 230 పరుగులు చేసిన వెస్టిండీస్‌.. ఏడు వికెట్ల తేడాతో గెలిచి సిరీస్‌ను 2-0తో సొంతం చేసుకుంది. విండీస్‌ పేసర్‌ జేడన్‌ సీల్స్‌ ప్లేయర్‌ ఆఫ్‌ ది మ్యాచ్‌ అవార్డు దక్కించుకున్నాడు. ఇక బంగ్లాదేశ్‌- విండీస్‌ మధ్య గురువారం నామమాత్రపు మూడో వన్డే జరుగనుంది.చదవండి: SMT 2024: షమీ మళ్లీ మాయ చేస్తాడా?.. నేటి నుంచే ముస్తాక్‌ అలీ ట్రోఫీ క్వార్టర్స్‌ పోరు

ఇంగ్లండ్‌తో నాలుగో టీ20లో వెస్టిండీస్‌ అద్భుత ప్రదర్శనతో ఆకట్టుకుంది. ఇంగ్లిష్‌ జట్టు విధించిన భారీ లక్ష్యాన్ని విజయవంతంగా ఛేదించింది. ఐదు వికెట్ల తేడాతో ఇంగ్లండ్‌ను ఓడించి క్లీన్‌స్వీప్‌ గండం నుంచి బయటపడింది. కాగా స్వదేశంలో విండీస్‌.. బట్లర్‌ బృందంతో ఐదు మ్యాచ్‌ల టీ20 సిరీస్‌ ఆడుతోంది.ఇప్పటికే సిరీస్‌ ఇంగ్లండ్‌ కైవసంఇందులో భాగంగా తొలి మూడు మ్యాచ్‌లలో గెలిచిన ఇంగ్లండ్‌ ఇప్పటికే సిరీస్‌ను కైవసం చేసుకుంది. ఈ క్రమంలో ఇరుజట్ల మధ్య సెయింట్‌ లూయీస్‌ వేదికగా ఆదివారం తెల్లవారుజామున నాలుగో టీ20 జరిగింది. డారెన్‌ సామీ జాతీయ క్రికెట్‌ స్టేడియంలో టాస్‌ గెలిచిన వెస్టిండీస్‌ తొలుత బౌలింగ్‌ ఎంచుకుంది.బెతెల్‌ మెరుపు ఇన్నింగ్స్‌ఈ క్రమంలో బ్యాటింగ్‌కు దిగిన ఇంగ్లండ్‌కు ఓపెనర్లు ఫిల్‌ సాల్ట్‌, విల్‌ జాక్స్‌ అదిరిపోయే ఆరంభం అందించారు. సాల్ట్‌ 35 బంతుల్లోనే 55 (5 ఫోర్లు, 4 సిక్స్‌లు), జాక్స్‌ 12 బంతుల్లోనే 25 (ఒక ఫోర్‌ 2 సిక్సర్లు) పరుగులు చేశారు. మిగతా వాళ్లలో కెప్టెన్‌ జోస్‌ బట్లర్‌ (23 బంతుల్లో 38) రాణించగా.. జాకోబ్‌ బెతెల్‌ మెరుపు ఇన్నింగ్స్‌తో చెలరేగాడు.ఇంగ్లండ్‌ భారీ స్కోరుమొత్తంగా 32 బంతులు ఎదుర్కొన్న బెతెల్‌ నాలుగు ఫోర్లు, ఐదు సిక్సర్ల సాయంతో 62 పరుగులతో అజేయంగా నిలిచాడు. ఆఖర్లో సామ్‌ కర్రాన్‌ ధనాధన్‌ ఇన్నింగ్స్‌(13 బంతుల్లో 24)తో ఆకట్టుకున్నాడు. ఫలితంగా ఇంగ్లండ్‌ నిర్ణీత 20 ఓవర్లలో ఐదు వికెట్ల నష్టానికి 218 పరుగులు చేసింది. విండీస్‌ బౌలర్లలో గుడకేశ్‌ మోటీ రెండు, అల్జారీ జోసెఫ్‌, రోస్టన్‌ ఛేజ్‌ ఒక్కో వికెట్‌ దక్కించుకున్నారు.విండీస్‌ ఓపెనర్ల ఊచకోత.. విండీస్‌ ఇక కొండంత లక్ష్యంతో బరిలోకి దిగిన వెస్టిండీస్‌ ఆది నుంచే దుమ్ములేపింది. ఓపెనర్లు ఎవిన్‌ లూయిస్‌, షాయీ హోప్‌ సుడిగాలి ఇన్నింగ్స్‌తో పరుగుల విధ్వంసం సృష్టించారు. ఇంగ్లండ్‌ బౌలింగ్‌ను ఊచకోత కోస్తూ లూయీస్‌ సిక్సర్ల వర్షం కురిపించగా.. హోప్‌ బౌండరీలతో పరుగులు రాబట్టాడు.Smashed💥...platform set for the #MenInMaroon#TheRivalry | #WIvENG pic.twitter.com/KHgwBGcYbJ— Windies Cricket (@windiescricket) November 16, 2024 మెరుపు అర్ధ శతకాలులూయీస్‌ మొత్తంగా 31 బంతుల్లో 4 ఫోర్లు, 7 సిక్సర్ల సాయంతో 68 పరుగులు చేయగా... హోప్‌ 24 బంతుల్లోనే 7 ఫోర్లు, 3 సిక్సర్ల సాయంతో 54 రన్స్‌ స్కోరు చేశాడు. వీరిద్దరి మెరుపు అర్ధ శతకాలకు తోడు కెప్టెన్‌ రోవ్‌మన్‌ పావెల్‌(23 బంతుల్లో 38), షెర్ఫానే రూథర్‌ఫర్డ్‌(17 బంతుల్లో 29 నాటౌట్‌)కూడా విలువైన ఇన్నింగ్స్‌ ఆడారు.How good was @shaidhope tonight?🏏🌟#TheRivalry | #WIvENG pic.twitter.com/MkfP5wE7U7— Windies Cricket (@windiescricket) November 16, 2024 19 ఓవర్లలోనేఫలితంగా 19 ఓవర్లలోనే వెస్టిండీస్‌ టార్గెట్‌ను పూర్తి చేసింది. ఐదు వికెట్ల నష్టానికి 221 పరుగులు చేసి ఇంగ్లండ్‌పై ఘన విజయం సాధించింది. ఇంగ్లండ్‌ బౌలర్లలో రెహాన్‌ అహ్మద్‌ మూడు, జాన్‌ టర్నర్‌ ఒక వికెట్‌ దక్కించుకున్నారు. ఇక ఈ మ్యాచ్‌లో ధనాధన్‌ హాఫ్‌ సెంచరీతో అలరించిన షాయీ హోప్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. వన్డే సిరీస్‌ విండీస్‌దేకాగా తొలుత ఇంగ్లండ్‌తో వన్డే సిరీస్‌ను 2-1తో గెలిచిన వెస్టిండీస్‌.. టీ20 సిరీస్‌ను మాత్రం కోల్పోయింది. అయితే, వైట్‌వాష్‌ గండం నుంచి తప్పించుకుని పర్యాటక జట్టు ఆధిక్యాన్ని 3-1కు తగ్గించింది. ఇరుజట్ల మధ్య భారత కాలమానం ప్రకారం సోమవారం వేకువజామున(ఉదయం 1.20 నిమిషాలకు) ఐదో టీ20 జరుగనుంది.చదవండి: నాకు కాదు.. వాళ్లకు థాంక్యూ చెప్పు: తిలక్‌ వర్మతో సూర్య

వెస్టిండీస్ స్టార్ పేస‌ర్ అల్జారీ జోసెఫ్‌నకు ఆ దేశ క్రికెట్ బోర్డు బిగ్ షాకిచ్చింది. అత‌డిపై రెండు మ్యాచ్‌ల నిషేధం వెస్టిండీస్ క్రికెట్ విధించింది. దీంతో స్వ‌దేశంలో ఇంగ్లండ్‌తో జ‌ర‌గ‌నున్న ఐదు టీ20ల సిరీస్‌లో తొలి రెండు మ్యాచ్‌ల‌కు జోష‌ఫ్ దూరం కానున్నాడు. బార్బోడ‌స్ వేదిక‌గా ఇంగ్లండ్‌తో జ‌రిగిన ఆఖ‌రి వ‌న్డేలో జోసెఫ్‌ బోర్డు విధానాలు, క్రమశిక్షణ ఉల్లఘించినందుకు ఈ నిర్ణయం తీసుకున్నట్లు విండీస్‌​ క్రికెట్ బోర్డు ఓ ప్రకటనలో పేర్కొంది.అసలేం జరిగిందంటే?బుధవారం(నవంబ‌ర్ 6) ఇంగ్లండ్‌తో జ‌రిగిన ఆఖ‌రి వ‌న్డేలో జోసెఫ్‌​ తమ కెప్టెన్ షాయ్ హోప్‌తో వాగ్వాదానికి దిగాడు. జోషఫ్ వేసిన నాలుగో ఓవర్‌లో ఇంగ్లండ్ బ్యాటర్ జోర్డాన్ కాక్స్‌కు ఇద్దర్ స్లిప్ ఫీల్డ‌ర్ల‌ను హోప్ సెట్ చేశాడు. కానీ ఈ ఫీల్డింగ్ సెటప్ జోసెఫ్‌నకు నచ్చలేదు.దీంతో హోప్‌తో జోసెఫ్‌ గొడవ పడ్డాడు. అతడితో వాగ్వాదం చేస్తేనే ఓవర్‌ను ​కొనసాగించాడు. ఆ ఓవర్‌లో కాక్స్‌ను ఔట్ చేసిన జోసెఫ్‌నకు కనీసం సెలబ్రేషన్స్ కూడా చేసుకోలేదు. అయితే తన ఓవర్‌ను పూర్తి చేసిన అనంతరం తన ఓవర్‌ పూర్తి కాగానే మైదానం విడిచిపెట్టి డగౌట్‌కు వెళ్లిపోయాడు. ఆ తర్వాత కోచ్‌ సామీతో సంప్రదింపులు జరిపిన తర్వాత జోసెఫ్‌ మళ్లీ మైదానంలో అడుగుపెట్టాడు. ఈ క్రమంలోనే అతడిపై వెస్టిండీస్ క్రికెట్ క్రమశిక్షణ చర్యలు తీసుకుంది.సారీ చెప్పిన జోషఫ్‌ఇక ఈ మ్యాచ్ అనంతరం తన తప్పును తెలుసుకున్న జోసెఫ్‌ కెప్టెన్ హోప్‌తో పాటు జట్టు మేనెజ్‌మెంట్‌కు క్షమాపణలు తెలిపాడు. ‘‘ఏదేమైనప్పటికీ ఆఖ‌రి వ‌న్డేలో నేను కొంచెం మితిమీరి ప్రవర్తించాను. ఇప్ప‌టికే కెప్టెన్ షాయ్ హోప్, నా సహచరులు ,మేనేజ్‌మెంట్‌కు నేను వ్యక్తిగతంగా సారీ చెప్పాను. వెస్టిండీస్ అభిమానులకు నా హృదయపూర్వక క్షమాపణలు తెలియజేస్తున్నాను’’ అని ఓ ప్ర‌క‌ట‌న‌లో జోసెఫ్‌ పేర్కొన్నాడు. ఇక ఇంగ్లండ్‌-విండీస్ మ‌ధ్య ఐదు టీ20ల సిరీస్ నవంబ‌ర్ 9న జ‌ర‌గ‌నున్న తొలి మ్యాచ్‌తో ప్రారంభం కానుంది.

బ్రిడ్జ్‌టౌన్ వేదిక‌గా ఇంగ్లండ్‌తో జ‌రిగిన మూడో వ‌న్డేలో 8 వికెట్ల తేడాతో వెస్టిండీస్ విజ‌య భేరి మ్రోగించింది. దీంతో మూడు వ‌న్డేల సిరీస్‌ను 2-1 తేడాతో విండీస్ సొంతం చేసుకుంది. అయితే ఈ మ్యాచ్‌లో ఓ ఆస‌క్తిక‌ర సంఘ‌ట‌న చోటు చేసుకుంది. విండీస్ స్టార్ పేస‌ర్ అల్జారీ జోష‌ఫ్ కెప్టెన్ షాయ్ హోప్‌తో విభేదాల కార‌ణంగా మ్యాచ్ మ‌ధ్య‌లోనే మైదానం నుంచి డగౌట్‌కు వెళ్లిపోయాడు. దీంతో అంతా ఒక్క‌సారిగా షాక్ అయిపోయారు.అస‌లేం జ‌రిగిందంటే?ఈ మ్యాచ్‌లో టాస్ గెలిచిన విండీస్ కెప్టెన్ హోప్ తొలుత ఇంగ్లండ్‌ను బ్యాటింగ్‌కు ఆహ్హ‌నించాడు. బ్యాటింగ్‌కు దిగిన ఇంగ్లండ్‌కు మంచి ఆరంభం ద‌క్క‌లేదు. 3 ఓవ‌ర్‌లోనే విల్ జాక్స్ రూపంలో ఇంగ్లండ్ తొలి వికెట్ కోల్పోయింది. దీంతో ఫ‌స్ట్‌డౌన్‌లో యువ ఆట‌గాడు జోర్డాన్ కాక్స్ క్రీజులోకి వ‌చ్చాడు. కాక్స్‌కు ఇద్దర్ స్లిప్ ఫీల్డ‌ర్ల‌ను విండీస్ కెప్టెన్ సెట్ చేశాడు. అయితే ఈ ఫీల్డ్ ప్లేస్‌మెంట్ నాలుగో ఓవ‌ర్ వేసేందుకు వ‌చ్చిన జోష‌ఫ్‌కు న‌చ్చ‌లేదు. దీంతో హోప్‌తో జోషఫ్‌ వాగ్వాదానికి దిగాడు. అతడితో గొడవ పడుతూనే ఓవర్‌ను జోషఫ్‌ కొనసాగించాడు.ఆ ఓవర్‌లో నాలుగో బంతికి కాక్స్‌ను జోషఫ్‌ ఔట్‌ చేశాడు. జోషఫ్‌ వికెట్‌ సాధించినప్పటకి కనీసం సెలబ్రేట్‌ కూడా చేసుకోలేదు. సహచర ఆటగాళ్లు తన దగ్గరకి వచ్చినప్పటకి జోషఫ్‌ మాత్రం సీరియస్‌గా హోప్‌తో తన వాగ్వాదాన్ని కొనసాగించాడు.అంతటితో ఆగని జోషఫ్‌ తన ఓవర్‌ పూర్తి కాగానే మైదానం విడిచిపెట్టి డగౌట్‌కు వెళ్లిపోయాడు. ఆ తర్వాత కోచ్‌ సామీతో సంప్రదింపులు జరిపిన తర్వాత జోషఫ్‌ మళ్లీ మైదానంలో అడుగుపెట్టాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది.చదవండి: IND vs AUS: రాహుల్ నీవు మార‌వా? ఎక్క‌డ‌కి వెళ్లినా అంతేనా?Gets angry! 😡Bowls a wicket maiden 👊Leaves 🤯An eventful start to the game for Alzarri Joseph! 😬#WIvENGonFanCode pic.twitter.com/2OXbk0VxWt— FanCode (@FanCode) November 6, 2024

కరీబియన్‌ ప్రీమియర్‌ లీగ్‌ 2024 ఎడిషన్‌ చివరి దశకు చేరుకుంది. లీగ్‌ దశలో మరో మ్యాచ్‌ మాత్రమే మిగిలి ఉంది. ఈ మ్యాచ్‌ తర్వాత ప్లే ఆఫ్స్‌ మొదలవుతాయి. ప్లే ఆఫ్స్‌ నాలుగు బెర్త్‌లు ఇదివరకే ఖరారైపోయినప్పటికీ.. ఏ జట్టు ఏ స్థానంలో ఉంటున్నది రేపటి మ్యాచ్‌తో తేలనుంది.లీగ్‌లో భాగంగా నిన్న (సెప్టెంబర్‌ 28) గయానా అమెజాన్‌ వారియర్స్‌, సెయింట్‌ లూసియా కింగ్స్‌ మధ్య మ్యాచ్‌ జరిగింది. ఈ మ్యాచ్‌లో అమెజాన్‌ వారియర్స్‌ 35 పరుగుల తేడాతో విజయం సాధించింది.రాణించిన హోప్‌, హోట్‌మైర్‌ఈ మ్యాచ్‌లో తొలుత బ్యాటింగ్‌ చేసిన వారియర్స్‌.. షాయ్‌ హోప్‌ (31 బంతుల్లో 56; 2 ఫోర్లు, 5 సిక్సర్లు), షిమ్రోన్‌ హెట్‌మైర్‌ (30 బంతుల్లో 58; 9 ఫోర్లు, సిక్స్‌) అర్ద సెంచరీలతో రాణించడంతో నిర్ణీత 20 ఓవర్లలో 7 వికెట్ల నష్టానికి 207 పరుగులు చేసింది. రహ్మానుల్లా గుర్బాజ్‌ (26), ఆజమ్‌ ఖాన్‌ (26), రొమారియో షెపర్డ్‌ (24) ఓ మోస్తరు స్కోర్లు చేశారు. లూసియా కింగ్స్‌ బౌలర్లలో డేవిడ్‌ వీస్‌ 3 వికెట్లు పడగొట్టగా.. నూర్‌ అహ్మద్‌, అల్జరీ జోసఫ్‌ తలో 2 వికెట్లు దక్కించుకున్నారు.సరిపోని డుప్లెసిస్‌ మెరుపులుఅనంతరం 208 పరుగుల భారీ లక్ష్యాన్ని ఛేదించేందుకు బరిలోకి దిగిన లూసియా కింగ్స్‌ నిర్ణీత ఓవర్లలో 7 వికెట్లు కోల్పోయి 172 పరుగులకే పరిమతమైంది. డుప్లెసిస్‌ (59 బంతుల్లో 92 నాటౌట్‌; 7 ఫోర్లు, 4 సిక్సర్లు) లూసియా కింగ్స్‌ను గెలిపించేందుకు విఫలయత్నం చేశాడు. అతనికి అల్జరీ జోసఫ్‌ (21 బంతుల్లో 25 నాటౌట్‌; ఫోర్‌, 2 సిక్సర్లు) తోడుగా నిలిచాడు. లక్ష్యం పెద్దది కావడంతో లూసియా కింగ్స్‌ గమ్యాన్ని చేరుకోలేకపోయింది. డుప్లెసిస్‌ మెరుపులు సరిపోలేదు. వారియర్స్‌ బౌలర్లలో మోటీ, మొయిన్‌, తాహిర్‌ తలో రెండు వికెట్లు తీసి లూసియా కింగ్స్‌ను దెబ్బకొట్టారు.చదవండి: NZ Vs SL 2nd Test: న్యూజిలాండ్‌ను చిత్తు చేసిన శ్రీలంక..

కరీబియన్‌ ప్రీమియర్‌ లీగ్‌-2024లో భాగంగా బార్బడోస్‌ రాయల్స్‌తో ఇవాళ (సెప్టెంబర్‌ 26) జరిగిన మ్యాచ్‌లో గయానా అమెజాన్‌ వారియర్స్‌ 47 పరుగుల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన వారియర్స్‌.. షాయ్‌ హోప్‌ (37 బంతుల్లో 71; 5 ఫోర్లు, 5 సిక్సర్లు), షిమ్రోన్‌ హెట్‌మైర్‌ (34 బంతుల్లో 57; 4 ఫోర్లు, 3 సిక్సర్లు) మెరుపు అర్ద సెంచరీలతో విరుచుకుపడటంతో నిర్ణీత 20 ఓవర్లలో 8 వికెట్ల నష్టానికి 219 పరుగుల భారీ స్కోర్‌ చేసింది. ఆజమ్‌ ఖాన్‌ 17 బంతుల్లో 26 పరుగులు.. రొమారియో షెపర్డ్‌ 13 బంతుల్లో 23 పరుగులు చేశారు. రాయల్స్‌ బౌలర్లలో తీక్షణ అద్భుతంగా బౌలింగ్‌ చేసి మూడు వికెట్లు పడగొట్టగా.. జేసన్‌ హోల్డర్‌, కేశవ్‌ మహారాజ్‌, ఓబెద్‌ మెక్‌కాయ్‌ తలో వికెట్‌ దక్కించుకున్నారు.అనంతరం 220 పరుగుల భారీ లక్ష్యాన్ని ఛేదించేందుకు బరిలోకి దిగిన రాయల్స్‌.. నిర్ణీత ఓవర్లలో 9 వికెట్ల నష్టానికి 172 పరుగులు మాత్రమే చేసి 47 పరుగుల తేడాతో ఓటమిపాలైంది. డేవిడ్‌ మిల్లర్‌ (34 బంతుల్లో 71 నాటౌట్‌; 8 ఫోర్లు, 5 సిక్సర్లు) రాయల్స్‌ను గెలిపించేందుకు విఫలయత్నం చేశాడు. క్వింటన్‌ డికాక్‌ ఓ మోస్తరు స్కోర్‌ (35) చేశాడు. వీరిద్దరు మినహా రాయల్స్‌ ఇన్నింగ్స్‌లో ఎవరూ చెప్పుకోదగ్గ స్కోర్‌ చేయలేదు. గడకేశ్‌ మోటీ 3, మొయిన్‌ అలీ, ఇమ్రాన్‌ తాహిర్‌ తలో 2, ప్రిటోరియస్‌, రొమారియో షెపర్డ్‌ చెరో వికెట్‌ పడగొట్టారు. కాగా, ప్రస్తుత సీపీఎల్‌ ఎడిషన్‌లో సెయింట్‌ లూసియా కింగ్స్‌, గయానా అమెజాన్‌ వారియర్స్‌, బార్బడోస్‌ రాయల్స్‌, ట్రిన్‌బాగో నైట్‌రైడర్స్‌ ఇదివరకే ప్లే ఆఫ్స్‌కు అర్హత సాధించగా.. ఆంటిగ్వా అండ్‌ బార్బుడా ఫాల్కన్స్‌, సెయింట్‌ కిట్స్‌ అండ్‌ నెవిస్‌ పేట్రియాట్స్‌ టోర్నీ నుంచి ఎలిమినేట్‌ అయ్యాయి. చదవండి: విరాట్ కోహ్లి మ‌రో 35 ప‌రుగులు చేస్తే..

సౌతాఫ్రికాతో జరిగిన మూడు మ్యాచ్‌ల టీ20 సిరీస్‌ను వెస్టిండీస్‌ 3-0 తేడాతో క్లీన్‌ స్వీప్‌ చేసింది. నిన్న (ఆగస్ట్‌ 27) జరిగిన నామమాత్రపు మూడో టీ20లో విండీస్‌ డక్‌వర్త్‌ లూయిస్‌ పద్ధతిన 8 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన సౌతాఫ్రికా 13 ఓవర్లలో 4 వికెట్ల నష్టానికి 108 పరుగులు చేసింది. ఈ దశలో వర్షం మొదలుకావడంతో మ్యాచ్‌ను అక్కడితో ఆపేశారు. అనంతరం వర్షం తగ్గుముఖం పట్టాక డక్‌వర్త్‌ లూయిస్‌ పద్ధతిన విండీస్‌ లక్ష్యాన్ని 13 ఓవర్లలో 116 పరుగులుగా నిర్ధారించారు. 116 పరుగుల లక్ష్యాన్ని విండీస్‌ కేవలం 9.2 ఓవర్లలో రెండు వికెట్లు మాత్రమే కోల్పోయి సునాయాసంగా ఛేదించింది.రాణించిన షెపర్డ్‌తొలుత బ్యాటింగ్‌ చేసిన సౌతాఫ్రికా.. రికెల్టన్‌ (27), మార్క్రమ్‌ (20), ట్రిస్టన్‌ స్టబ్స్‌ (40) ఓ మోస్తరు స్కోర్లు చేయడంతో 4 వికెట్ల నష్టానికి 108 పరుగులు చేసింది. విండీస్‌ బౌలర్లలో రొమారియో షెపర్డ్‌ పొదుపుగా బౌలింగ్‌ చేయడంతో పాటు రెండు వికెట్లు తీసి రాణించాడు. అకీల్‌ హొసేన్‌, మాథ్యూ ఫోర్డ్‌ తలో వికెట్‌ పడగొట్టారు. సౌతాఫ్రికా ఇన్నింగ్స్‌లో రీజా హెండ్రిక్స్‌ దుబారాగా బంతులు వేస్ట్‌ చేశాడు. హెండ్రిక్స్‌ 20 బంతులు ఎదుర్కొని కేవలం 9 పరుగులు మాత్రమే చేశాడు. ఆఖర్లో స్టబ్స్‌ వేగంగా పరుగులు చేయడంతో సౌతాఫ్రికా 100 పరుగుల మార్కును దాటగలిగింది. విండీస్‌ బౌలర్లలో రోస్టన్‌ ఛేజ్‌ తన కోటా రెండు ఓవర్లలో ఓ మెయిడిన్‌ వేశాడు.సిక్సర్ల వర్షం కురిపించిన పూరన్‌109 పరుగుల ఓ మోస్తరు లక్ష్యాన్ని ఛేదించేందుకు బరిలోకి దిగిన వెస్టిండీస్‌.. నికోలస్‌ పూరన్‌ (13 బంతుల్లో 35; 2 ఫోర్లు, 4 సిక్సర్లు), షాయ్‌ హోప్‌ (24 బంతుల్లో 42 నాటౌట్‌; ఫోర్‌, 4 సిక్సర్లు), షిమ్రోన్‌ హెట్‌మైర్‌ (17 బంతుల్లో 31 నాటౌట్‌; 4 ఫోర్లు, సిక్స్‌) చెలరేగడంతో సునాయాసంగా విజయతీరాలకు చేరింది. ఈ సిరీస్‌లోని మూడు మ్యాచ్‌లలో పూరన్‌ సిక్సర్ల వర్షం కురిపించాడు. ఈ సిరీస్‌లో అతను 205.17 స్ట్రయిక్‌రేట్‌తో 12 సిక్సర్లు బాదాడు.

అమెరికాతో మ్యాచ్‌లో వెస్టిండీస్‌ ఓపెనర్‌ షాయీ హోప్‌ అద్భుత ప్రదర్శనతో ఆకట్టుకున్నాడు. ఆకాశమే హద్దుగా చెలరేగుతూ సిక్సర్ల వర్షం కురిపించాడు.కేవలం 39 బంతుల్లోనే నాలుగు ఫోర్లు, ఎనిమిది సిక్స్‌ల సాయంతో 82 పరుగులతో అజేయంగా నిలిచాడు. టీ20 ప్రపంచకప్‌-2024 సూపర్‌-8లో భాగంగా అమెరికాతో మ్యాచ్‌లో ఈ మేరకు పరుగుల విధ్వంసం సృష్టించాడు.ఈ క్రమంలో పొట్టి ఫార్మాట్‌ ప్రపంచకప్‌ టోర్నీలో ఒక ఇన్నింగ్స్‌లో అత్యధిక సిక్సర్లు బాదిన ఐదో బ్యాటర్‌గా చరిత్రకెక్కాడు. టీ20 ఫార్మాట్‌ అంటే పూనకం వచ్చినట్లుగా బ్యాట్‌తో రెచ్చిపోయే విండీస్‌ వీరుల జాబితాలో చేరాడు.ఇక బార్బడోస్‌ వేదికగా జరిగిన ఈ మ్యాచ్‌లో వెస్టిండీస్‌ అమెరికాను తొమ్మిది వికెట్ల తేడాతో చిత్తుగా ఓడించింది. అద్బుత బౌలింగ్‌తో ఆకట్టుకున్న విండీస్‌ స్పిన్నర్‌ రోస్టన్‌ చేజ్‌(3/19) ప్లేయర్‌ ఆఫ్‌ ది మ్యాచ్‌ అవార్డు దక్కించుకున్నాడు.టీ20 ప్రపంచకప్‌లో వెస్టిండీస్‌ బ్యాటర్ల సిక్సర్ల హవాఒక ఇన్నింగ్స్‌లో అత్యధిక సిక్సర్లు బాదింది వీరే👉క్రిస్‌ గేల్(వెస్టిండీస్‌)‌- 11.. ఇంగ్లండ్‌ మీద👉క్రిస్‌ గేల్(వెస్టిండీస్‌)‌- 10.. సౌతాఫ్రికా మీద👉ఆరోన్‌ జోన్స్‌(అమెరికా)- 10.. కెనడా మీద👉రిలీ రొసోవ్‌(సౌతాఫ్రికా)-8.. బంగ్లాదేశ్‌ మీద👉నికోలస్‌ పూరన్‌(వెస్టిండీస్‌)-8.. అఫ్గనిస్తాన్‌ మీద👉షాయీ హోప్‌(వెస్టిండీస్‌)-8.. అమెరికా మీద..టీ20 వరల్డ్‌కప్‌లో ఒక ఎడిషన్‌లో అత్యధిక సిక్సర్లు కొట్టిన బ్యాటర్లు👉నికోలసన్‌ పూరన్‌(వెస్టిండీస్‌)- 17(2024 ఇప్పటి వరకు)👉క్రిస్‌ గేల్‌(వెస్టిండీస్‌)- 16(2012)👉మార్లన్‌ సామ్యూల్స్‌- 15(2012)👉షేన్‌ వాట్సన్‌- 15(2012). చదవండి: టీమిండియా స్టార్‌ పేసర్‌ రీ ఎంట్రీకి సిద్ధం.. ఆ సిరీస్‌ నాటికి! View this post on Instagram A post shared by ICC (@icc)

టీ20 ప్రపంచకప్‌-2024 సూపర్‌-8లో వెస్టిండీస్‌ బోణీ కొట్టింది. అమెరికాను తొమ్మిది వికెట్ల తేడాతో చిత్తుగా ఓడించి జయభేరి మోగించింది. సొంతగడ్డపై జరుగుతున్న సూపర్‌-8 మ్యాచ్‌లలో.. గ్రూప్‌-2లో భాగమైన వెస్టిండీస్‌ తొలి మ్యాచ్‌లో ఇంగ్లండ్‌ చేతిలో ఓడింది.ఈ క్రమంలో శనివారం నాటి తమ రెండో మ్యాచ్‌లో గెలుపే లక్ష్యంగా అడుగులు వేసిన కరేబియన్‌ జట్టు.. అమెరికాకు చుక్కలు చూపించింది. బార్బడోస్‌లోని బ్రిడ్జ్‌టౌన్‌ వేదికగా టాస్‌ గెలిచిన వెస్టిండీస్‌.. అమెరికాను తొలుత బ్యాటింగ్‌కు ఆహ్వానించింది.చెలరేగిన బౌలర్లుఅయితే, విండీస్‌ పేసర్లు, స్పిన్నర్లు విజృంభించడంతో అమెరికా బ్యాటర్లు చేతులెత్తేశారు. ఓపెనర్లలో స్టీవెన్‌ టేలర్‌(2) పూర్తిగా నిరాశపరచగా.. ఆండ్రీస్‌ గౌస్‌ 29 పరుగులతో రాణించాడు. వన్‌డౌన్‌ బ్యాటర్‌ ఎన్‌ఆర్‌ కుమార్‌ 20 రన్స్‌తో ఫర్వాలేదనిపించాడు.మిగతా వాళ్లలో ఒక్కరు కూడా కనీసం 20 పరుగుల మార్కు అందుకోలేకపోయారు. ఈ క్రమంలో 19.5 ఓవర్లలో 128 పరుగులు మాత్రమే చేసి అమెరికా ఆలౌట్‌ అయింది.వెస్టిండీస్‌ బౌలర్లలో పేసర్లు ఆండ్రీ రసెల్‌ మూడు, అల్జారీ జోసెఫ్‌ రెండు వికెట్లు పడగొట్టగా.. స్పిన్నర్లలో ‘ప్లేయర్‌ ఆఫ్‌ ది మ్యాచ్‌’ రోస్టన్‌ చేజ్‌(3/19) పొదుపుగా బౌలింగ్‌ చేసి మూడు వికెట్లు తీయగా.. గుడకేశ్‌ మోటికి ఒక వికెట్‌ దక్కింది.ఆకాశమే హద్దుగా ఇక లక్ష్య ఛేదనలో విండీస్‌ ఓపెనర్‌ షాయీ హోప్‌ ఆకాశమే హద్దుగా చెలరేగాడు. కేవలం 39 బంతుల్లోనే 4 ఫక్షర్లు, 8 సిక్సర్ల సాయంతో 82 పరుగులతో అజేయంగా నిలిచాడు. మరో ఓపెనర్‌ జాన్సన్‌ చార్ల్స్‌ 15, నికోలస్‌ పూరన్‌ 12 బంతుల్లో 27 పరుగులతో నాటౌట్‌గా నిలిచాడు. షాయీ హోప్‌తో కలిసి జట్టును విజయతీరాలకు చేర్చాడు.విండీస్‌ సెమీస్‌ ఆశలు సజీవంషాయీ హోప్‌ విధ్వంసకర ఇన్నింగ్స్‌ కారణంగా కేవలం 10.5 ఓవర్లలోనే లక్ష్యాన్ని ఛేదించిన వెస్టిండీస్‌ నెట్‌ రన్‌రేటు(+1.814)ను భారీగా పెంచుకుంది. గ్రూప్‌-2 టాపర్‌ సౌతాఫ్రికా(4 పాయింట్లు, నెట్‌ రన్‌టేరు +0.625), ఇంగ్లండ్‌(2 పాయింట్లు, నెట్‌ రన్‌రేటు +0.412)ల కంటే మెరుగైన స్థితిలో నిలిచింది. సెమీస్‌ ఆశలు సజీవం చేసుకుంది. మరోవైపు.. అమెరికా ఆడిన రెండింట ఓడి టోర్నీ నుంచి దాదాపుగా నిష్క్రమించింది.చదవండి: T20 WC 2024: దక్షిణాఫ్రికా సూపర్‌... View this post on Instagram A post shared by ICC (@icc)

రాజస్తాన్‌ రాయల్స్‌ కెప్టెన్‌ సంజూ శాంసన్‌కు ఊహించని షాక్‌ తగిలింది. ఢిల్లీ క్యాపిటల్స్‌తో మ్యాచ్‌ సందర్భంగా సంజూ వ్యవహార శైలిపై ఆగ్రహం వ్యక్తం చేసిన భారత క్రికెట్‌ నియంత్రణ మండలి.. అతడికి జరిమానా విధించింది. అసలేం జరిగిందంటే.. అరుణ్‌ జైట్లీ స్టేడియంలో రాజస్తాన్‌ రాయల్స్‌ ఢిల్లీతో మంగళవారం తలపడింది. టాస్‌ గెలిచిన రాయల్స్‌ కెప్టెన్‌ సంజూ శాంసన్‌.. పంత్‌ సేనను బ్యాటింగ్‌కు ఆహ్వానించాడు. దంచికొట్టిన ఢిల్లీ ఓపెనర్లుఓపెనర్లు జేక్‌ ఫ్రేజర్‌-మెగర్క్‌(20 బంతుల్లో 50), అభిషేక్‌ పోరెల్‌(36 బంతుల్లో 65), ఆరో నంబర్‌ బ్యాటర్‌ ట్రిస్టన్‌ స్టబ్స్‌ (20 బంతుల్లో 41) అద్భుత ఇన్నింగ్స్‌ ఆడారు.ఫలితంగా ఢిల్లీ జట్టు..నిర్ణీత 20 ఓవర్లలో ఎనిమిది వికెట్ల నష్టానికి 221 పరుగులు సాధించింది. ఇక భారీ లక్ష్యంతో బరిలోకి దిగిన రాజస్తాన్‌ ఆదిలోనే ఓపెనర్ల వికెట్లు కోల్పోవడంతో వన్‌డౌన్‌ బ్యాటర్‌ సంజూ శాంసన్‌ బాధ్యతాయుత ఇన్నింగ్స్‌ ఆడాడు.అవుటా? నాటౌటా?మొత్తంగా 46 బంతుల్లో 8 ఫోర్లు, 6 సిక్సర్ల సాయంతో 86 పరుగులు చేసి జట్టును గట్టెక్కించే ప్రయత్నం చేశాడు. ఈ క్రమంలో సంజూ అవుటైన తీరు వివాదానికి దారితీసింది.రాజస్తాన్‌ ఇన్నింగ్స్‌లో పదహారో ఓవర్‌లో ఢిల్లీ పేసర్‌ ముకేశ్‌ కమార్‌ బౌలింగ్‌కు వచ్చాడు. అతడి బౌలింగ్‌లో షాట్‌ ఆడేందుకు ప్రయత్నించిన సంజూ.. బంతిని గాల్లోకి లేపగా బౌండరీ లైన్‌ వద్ద షాయీ హోప్‌ క్యాచ్‌ పట్టగా ఫీల్డ్‌ అంపైర్‌ అవుటిచ్చాడు.చిర్రెత్తిపోయిన సంజూ.. అంపైర్‌తో వాగ్వాదంఅయితే, ఆ సమయంలో షాయీ హోప్‌ బౌండరీ లైన్‌ తాకినట్టుగా కనిపించింది. రివ్యూ వెళ్లగా.. థర్డ్‌ అంపైర్‌ కూడా సంజూ అవుటైనట్లు ప్రకటించాడు. అదే సమయంలో ఢిల్లీ డగౌట్‌ నుంచి ఆ జట్టు యజమాని పార్థ్‌ జిందాల్‌ సైతం అవుట్‌ అంటూ అరుస్తూ సెలబ్రేట్‌ చేసుకున్నాడు. ఈ క్రమంలో చిర్రెత్తిపోయిన సంజూ శాంసన్‌ అంపైర్లతో వాదనకు దిగాడు. ఈ నేపథ్యంలో క్రమశిక్షణా చర్యల కింద బీసీసీఐ అతడి మ్యాచ్‌ ఫీజులో 30 శాతం మేర కోత విధించింది. ఇక ఈ మ్యాచ్‌లో ఢిల్లీ క్యాపిటల్స్‌ రాజస్తాన్‌ రాయల్స్‌ మీద 20 పరుగుల తేడాతో గెలిచింది. ప్లే ఆఫ్స్‌ రేసులో తామూ ఉన్నామంటూ దూసుకువచ్చింది.చదవండి: యువీ, ధావన్‌ కాదు!.. నాకిష్టమైన ప్లేయర్లు వాళ్లే: ప్రీతి జింటాGame of margins! 😮A splendid catch that raises the 𝙃𝙊𝙋𝙀 for the Delhi Capitals 🙌Sanju Samson departs after an excellent 86(46) 👏Watch the match LIVE on @StarSportsIndia and @JioCinema 💻📱#TATAIPL | #DCvRR pic.twitter.com/rhLhfBmyEZ— IndianPremierLeague (@IPL) May 7, 2024

వెస్టిండీస్‌తో తొలి వన్డేలో ఆస్ట్రేలియా ఘన విజయం సాధించింది. తద్వారా సొంతగడ్డపై మూడు మ్యాచ్‌ల సిరీస్‌లో 1-0తో ఆధిక్యంలో నిలిచింది. మెల్‌బోర్న్‌ వేదికగా అరంగేట్ర బౌలర్‌ జేవియర్‌ బార్ట్‌లెట్‌ ఆకాశమే హద్దుగా చెలరేగాడు. ఆసీస్‌ గెలుపులో కీలక పాత్ర పోషించి ప్లేయర్‌ ఆఫ్‌ ది మ్యాచ్‌ అవార్డు దక్కించుకున్నాడు. శుక్రవారం జరిగిన ఈ మ్యాచ్‌లో ఆస్ట్రేలియా తరఫున ఇద్దరు యువ పేసర్లు లాన్స్‌ మోరిస్‌, జేవియర్‌ బార్ట్‌లెట్‌ అంతర్జాతీయ క్రికెట్‌లో అడుగుపెట్టారు. ఇక టాస్‌ గెలిచిన ఆస్ట్రేలియా తొలుత బౌలింగ్‌ ఎంచుకుంది.  ఆతిథ్య జట్టు ఆహ్వానం మేరకు బ్యాటింగ్‌కు దిగిన వెస్టిండీస్‌కు జేవియర్‌ ఆది నుంచే చుక్కలు చూపించాడు. తొలుత ఓపెనర్లు జస్టిన్‌ గ్రీవ్స్‌(1), అలిక్‌ అథనాజే(5)ల పనిపట్టిన ఈ రైటార్మ్‌ పేసర్‌.. కెప్టెన్‌ షాయీ హోప్‌(12) రూపంలో మరో కీలక వికెట్‌ దక్కించుకున్నాడు. జేవియర్‌ దెబ్బకు బ్యాటింగ్‌ ఆర్డర్‌ కకావిలమైన వేళ వన్‌డౌన్‌ బ్యాటర్‌ కేసీ కార్టీ 88 పరుగులతో సత్తా చాటాడు. అతడికి తోడుగా రోస్టర్‌ చేస్‌ కూడా అర్ధ శతకం(59)తో మెరిశాడు. మిగతా వాళ్లలో ఒక్కరుకూడా చెప్పుకోగదగ్గ స్కోరు చేయలేదు. జేవియర్‌ అ‍త్యధికంగా నాలుగు వికెట్లు దక్కించుకోగా.. సీన్‌ అబాట్‌, కామెరాన్‌గ్రీన్‌ రెండేసి వికెట్లు కూల్చారు. ఆడం జంపాకు ఒక వికెట్‌ దక్కగా.. అబాట్‌ కేసీ కార్టీని రనౌట్‌లో భాగమయ్యాడు. ఈ క్రమంలో 48.5 ఓవర్లలో 231 పరుగులు చేసి విండీస్‌ ఆలౌట్‌ అయింది. లక్ష్య ఛేదనకు దిగిన ఆస్ట్రేలియాకు కరేబియన్‌ పేసర్‌ మాథ్యూ ఫోర్డ్‌ ఆదిలోనే షాకిచ్చాడు. అతడి బౌలింగ్‌లో ఓపెనర్‌ ట్రవిస్‌ హెడ్‌ 4 పరుగుల వ్యక్తిగత స్కోరు వద్ద వికెట్‌ కీపర్‌ క్యాచ్‌గా వెనుదిరిగాడు.  అయితే, మరో ఓపెనర్‌ జోష్‌ ఇంగ్లిస్‌ మాత్రం తగ్గేదేలే అన్నట్లు బ్యాట్‌ ఝులిపించాడు. 43 బంతుల్లో 10 ఫోర్లు, ఒక సిక్సర్‌ సాయంతో ఈ వికెట్‌ కీపర్‌ బ్యాటర్‌ ఏకంగా 65 పరుగులు రాబట్టాడు. ఇక వన్‌డౌన్‌ బ్యాటర్‌ కామెరాన్‌ గ్రీన్‌ 77, కెప్టెన్‌ స్టీవ్‌ స్మిత్‌ 79 పరుగులతో ఆఖరి వరకు అజేయంగా నిలిచి జట్టును విజయతీరాలకు చేర్చారు. విండీస్‌ విధించిన 232 పరుగుల లక్ష్యాన్ని 38.3 ఓవర్లలో కేవలం రెండు వికెట్లు నష్టపోయి ఛేదించింది ఆస్ట్రేలియా. ఎనిమిది వికెట్ల తేడాతో గెలుపు జెండా ఎగురవేసింది. ఈ మ్యాచ్‌లో జేవియర్‌ బార్ట్‌లెట్‌ తొమ్మిది ఓవర్లు బౌల్‌ చేసి కేవలం 17 పరుగులు మాత్రమే ఇచ్చి నాలుగు వికెట్లు పడగొట్టాడు. ఇరు జట్ల మధ్య ఫిబ్రవరి 4న సిడ్నీలో రెండో వన్డే జరుగనుంది.  

బార్బడోస్‌ వేదికగా ఇంగ్లండ్‌తో జరిగిన నిర్ణయాత్మక మూడో వన్డేలో 4 వికెట్ల తేడాతో వెస్టిండీస్‌ విజయం సాధించింది. తద్వారా మూడు వన్డేల సిరీస్‌ను  2-1తో విండీస్‌ కైవసం చేసుకుంది. కాగా కరేబియన్‌ దీవుల్లో ఇంగ్లీష్‌ జట్టుపై విండీస్‌ వన్డే సిరీస్‌ను సొంతం చేసుకోవడం 24 ఏళ్ల తర్వాత ఇదే తొలిసారి కావడం విశేషం. విండీస్‌ చివరగా తమ స్వదేశంలో 1998లో ఇంగ్లండ్‌పై వన్డే సిరీస్‌ విజయం సాధించింది. తాజా విజయంతో 24 ఏళ్ల నిరీక్షణ​కు వెస్టిండీస్‌ తెరదించింది. ఇ​క మ్యాచ్‌ విషయానికి వస్తే.. వర్షం కారణంగా మూడో వన్డేను 40 ఓవర్లకు కుదించారు. టాస్‌ ఓడి తొలుత బ్యాటింగ్‌ చేసిన ఇంగ్లండ్‌ నిర్ణీత ఓవర్లలో 9 వికెట్ల నష్టానికి 206 పరుగులు చేసింది. ఇంగ్లండ్‌ బ్యాటర్లలో బెన్‌ డకెట్‌(71) పరుగులతో టాప్‌ స్కోరర్‌గా నిలిచాడు. విండీస్‌ బౌలర్లలో మాథ్యూ ఫోర్డే, జోషఫ్‌య తలా  3 వికెట్లు పడగొట్టగా.. షెపెర్డ్‌ రెండు వికెట్లు సాధించాడు. అనంతరం విండీస్‌ టార్గెట్‌ను డక్‌వర్త్‌ లూయిస్‌ పద్దతి ప్రకారం 188గా నిర్ణయించారు. 188 లక్ష్యంతో బరిలోకి దిగిన వెస్టిండీస్‌ 31.4 ఓవర్లలో 6 వికెట్లు కోల్పోయి ఛేదించింది. కరేబియన్‌ బ్యాటర్లలో ఆథనాజ్‌(45), కార్టీ(50) పరుగులతో రాణించారు. ఇంగ్లండ్‌ బౌలర్లలో విల్‌ జాక్స్‌ 3 వికెట్లు.. అటిక్కినిసన్‌ 2, ఆహ్మద్‌ ఒక్క వికెట్‌ పడగొట్టారు. సిరీస్‌ ఆసాంతం అద్భుత ప్రదర్శన కనబరిచిన విండీస్‌ కెప్టెన్‌ షాయ్‌ హోప్‌కు మ్యాన్‌ ఆఫ్‌ది సిరీస్‌ అవార్డు దక్కింది.

ఆంటిగ్వా వేదికగా వెస్టిండీస్‌తో జరిగిన రెండో వన్డేలో ఇంగ్లండ్‌ 6 వికెట్ల తేడాతో ఘన విజయం సాధించింది. ఈ గెలుపుతో ఇంగ్లండ్‌ తొలి వన్డేలో ఎదురైన పరాభవానికి ప్రతీకారం తీర్చుకుని మూడు మ్యాచ్‌ల సిరీస్‌లో 1-1తో సమంగా నిలిచింది.  ఈ మ్యాచ్‌లో తొలుత బ్యాటింగ్‌ చేసిన వెస్టిండీస్‌.. ఇంగ్లండ్‌ బౌలర్లు మూకుమ్మడిగా రాణించడంతో 39.4 ఓవర్లలో 202 పరుగులకు ఆలౌటైంది. సామ్‌ కర్రన్‌, లివింగ్‌స్టోన్‌ చెరో 3 వికెట్లు.. అట్కిన్సన్‌, రెహాన్‌ అహ్మద్‌ తలో 2 వికెట్లు పడగొట్టారు. విండీస్‌ ఇన్నింగ్స్‌లో కెప్టెన్‌ షాయ్‌ హోప్‌ (68), షెర్ఫాన్‌ రూథర్‌ఫోర్డ్‌ (63) అర్ధసెంచరీలతో రాణించారు. తొలి వన్డేలో మెరుపు శతకంతో విండీస్‌ను గెలిపించిన హోప్‌ ఈ మ్యాచ్‌లోనూ బాధ్యతాయుతమైన ఇన్ని​ంగ్స్‌ ఆడాడు.  అనంతరం 203 పరుగుల స్వల్ప లక్ష్యాన్ని ఛేదించేందుకు బరిలోకి దిగిన ఇంగ్లండ్‌.. విల్‌ జాక్స్‌ (73), కెప్టెన్‌ జోస్‌ బట్లర్‌ (58 నాటౌట్‌) అర్ధసెంచరీలతో రాణించడంతో 32.5 ఓవర్లలో 4 వికెట్లు కోల్పోయి విజయతీరాలకు చేరింది. జాక్స్‌, బట్లర్‌లతో పాటు హ్యారీ బ్రూక్‌ (43 నాటౌట్‌) కూడా రాణించాడు. విండీస్‌ బౌలర్లలో గుడకేశ్‌ మోటీకి రెండు, రొమారియో షెపర్డ్‌, షెర్ఫాన్‌ రూథర్‌ఫోర్డ్‌లకు తలో వికెట్‌ దక్కింది. నిర్ణయాత్మకమైన మూడో వన్డే డిసెంబర్‌ 9న జరుగనుంది.

West Indies vs England, 1st ODI: ఇంగ్లండ్‌తో తొలి వన్డేలో వెస్టిండీస్‌ కెప్టెన్‌ షాయీ హోప్ అద్భుత ఇన్నింగ్స్‌ ఆడాడు. అజేయ శతకంతో అదరగొట్టి జట్టును గెలుపుతీరాలకు చేర్చాడు. ఆంటిగ్వా వేదికగా ఆదివారం జరిగిన వన్డేలో మొత్తంగా 83 బంతులు ఎదుర్కొన్న షాయీ హోప్‌.. 4 ఫోర్లు, 7 సిక్సర్ల సాయంతో 109 పరుగులతో నాటౌట్‌గా నిలిచాడు. తద్వారా ఇంగ్లండ్‌తో మూడు మ్యాచ్‌ల వన్డే సిరీస్‌లో విండీస్‌కు 1-0 ఆధిక్యం అందించాడు. ఈ నేపథ్యంలో విజయానంతరం తన అద్బుత ఇన్నింగ్స్‌ గురించి షాయీ హోప్‌ మాట్లాడుతూ.. టీమిండియా మాజీ కెప్టెన్‌ మహేంద్ర సింగ్‌ ధోనికి క్రెడిట్‌ ఇచ్చాడు. ‘‘నా సెంచరీ జట్టు విజయానికి కారణమైనందుకు సంతోషిస్తున్నా. మేము మ్యాచ్‌ గెలవడం ఆనందంగా ఉంది. కొన్నాళ్ల క్రితం నేను ఎంఎస్‌ ధోనితో మాట్లాడాను. అనుకున్న దాని కంటే ఎక్కువ సేపు క్రీజులో ఉండేందుకు ప్రయత్నించమని చెప్పాడు. కీలక సమయంలో వికెట్‌ కాపాడుకోవడం ముఖ్యమన్నాడు.  ఈరోజు అలాగే ఆడాను. షెఫర్డ్‌ కూడా అద్భుత ఇన్నింగ్స్‌తో మెరిశాడు. విజయంతో సిరీస్‌ను ఆరంభించడం సంతోషం. తదుపరి మ్యాచ్‌లోనూ ఇదే ఫలితం పునరావృతం చేయాలని భావిస్తున్నాం’’ అని షాయి హోప్‌ పేర్కొన్నాడు. క్యాచ్‌లు డ్రాప్‌ చేయడం వంటి తప్పులు రిపీట్‌ చేయకుండా జాగ్రత్తపడతామని పేర్కొన్నాడు.   కాగా ఇంగ్లండ్‌తో తొలి వన్డేలో ఆతిథ్య వెస్టిండీస్‌ 4 వికెట్ల తేడాతో గెలిచింది. ఇంగ్లండ్‌ విధించిన 326 పరుగుల లక్ష్యాన్ని 48.5 ఓవర్లలోనే ఛేదించింది. సిక్సర్‌తో విండీస్‌ విజయాన్ని ఖరారు చేసిన కెప్టెన్‌, వికెట్‌ కీపర్‌ బ్యాటర్‌ షాయి హోప్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. చదవండి: T20: గిల్‌కు ఇకపై గట్టి పోటీ.. వరల్డ్‌కప్‌లో ఆడాలంటే! Scenes in Antigua after the win!🇦🇬#WIvENG #WIHomeforChristmas pic.twitter.com/H68vzqu0Yo — Windies Cricket (@windiescricket) December 3, 2023

విండీస్‌ వన్డే జట్టు సారధి షాయ్‌ హోప్‌ పరుగుల యంత్రం విరాట్‌ కోహ్లి, విండీస్‌ బ్యాటింగ్‌ దిగ్గజం వివియన్‌ రిచర్డ్స్‌ పేరిట ఉన్న ఓ రికార్డును సమం చేశాడు. వన్డేల్లో అత్యంత వేగంగా (114 ఇన్నింగ్స్‌లో) 5000 పరుగులు పూర్తి చేసిన ఆటగాళ్ల జాబితాలో విరాట్‌, వివ్‌ రిచర్డ్స్‌లతో కలిసి సంయుక్తంగా మూడో స్థానాన్ని ఆక్రమించాడు. ఇంగ్లండ్‌తో నిన్న (డిసెంబర్‌ 3) జరిగిన తొలి వన్డేల్లో అజేయ మెరుపు శతకంతో (83 బంతుల్లో 109 నాటౌట్‌; 4 ఫోర్లు, 7 సిక్సర్లు) విరుచుకుపడిన హోప్‌ ఈ ఘనతను సాధించాడు. వన్డేల్లో అత్యంత వేగంగా ఈ మార్కును తాకిన రికార్డు పాక్‌ మాజీ కెప్టెన్‌ బాబర్‌ ఆజమ్‌ పేరిట ఉంది. బాబర్‌ కేవలం 97 ఇన్నింగ్స్‌ల్లోనే ఈ ఘనత సాధించాడు. బాబర్‌ తర్వాత ఈ జాబితాలో దక్షిణాఫ్రికా మాజీ ఆటగాడు హషీమ్‌ ఆమ్లా ఉన్నాడు. ఆమ్లా 101 ఇన్నింగ్స్‌ల్లో ఈ ఫీట్‌ను సాధించాడు.  ఇదిలా ఉంటే, స్వదేశంలో ఇంగ్లండ్‌తో జరుగుతున్న 3 వన్డేల సిరీస్‌లో భాగంగా నిన్న జరిగిన తొలి మ్యాచ్‌లో వెస్టిండీస్‌ 4 వికెట్ల తేడాతో గెలుపొందింది. షాయ్‌ హోప్‌ సూపర్‌ సెంచరీతో విండీస్‌ను గెలిపించాడు. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 325 పరుగులకు ఆలౌట్‌ కాగా.. విండీస్‌ మరో ఏడు బంతులు మిగిలుండగానే లక్ష్యాన్ని ఛేదించింది. ఫలితంగా ఆరు వికెట్ల తేడాతో విజయం సాధించి, సిరీస్‌లో 1-0 ఆధిక్యంలోకి దూసుకెళ్లింది. ఇంగ్లండ్‌ ఇన్నింగ్స్‌లో బ్రూక్‌ (72 బంతుల్లో 71; 7 ఫోర్లు, 2 సిక్సర్లు), సాల్ట్‌ (45), క్రాలే (48), సామ్‌ కర్రన్‌ (28), బ్రైడన్‌ కార్స్‌ (31 నాటౌట్‌) పర్వాలేదనిపించగా.. విండీస్‌ ఇన్నింగ్స్‌లో హోప్‌తో పాటు అలిక్‌ అథనాజ్‌ (66), రొమారియో షెపర్డ్‌ (49), బ్రాండన్‌ కింగ్‌ (35), షిమ్రోన్‌ హెట్‌మైర్‌ (32) రాణించారు. ఇరు జట్ల మధ్య​ రెండో వన్డే డిసెంబర్‌ 6న జరుగనుంది. ఇంగ్లండ్‌ జట్టు ఈ పర్యటనలో 3 వన్డేల సిరీస్‌తో పాటు 5 మ్యాచ్‌ల టీ20 సిరీస్‌ కూడా ఆడనుంది. 

వన్డే క్రికెట్‌లో వెస్టిండీస్ తమ రెండో అత్యుత్తమ లక్ష్య ఛేదనను నమోదు చేసింది. 3 మ్యాచ్‌ల వన్డే సిరీస్‌లో భాగంగా ఇంగ్లండ్‌తో నిన్న (డిసెంబర్‌ 3) జరిగిన తొలి మ్యాచ్‌లో విండీస్‌ 326 పరుగుల భారీ లక్ష్యాన్ని విజయవంతంగా ఛేదించింది. వన్డే క్రికెట్‌లో విండీస్‌ అత్యుత్తమ లక్ష్యఛేదన రికార్డు 328 పరుగులుగా ఉంది. 2019లో ఐర్లాండ్‌పై విండీస్‌ ఈ ఫీట్‌ను (47.5 ఓవర్లలో 5 వికెట్లు కోల్పోయి) సాధించింది. 2023 వన్డే వరల్డ్‌కప్‌కు అర్హత సాధించలేక​పోయిన విండీస్‌కు తదనంతరం దక్కిన తొలి విజయం ఇదే కావడం విశేషం. మ్యాచ్‌ విషయానికొస్తే.. తొలి వన్డేలో తొలుత బ్యాటింగ్‌ చేసిన ఇంగ్లండ్‌ నిర్ణీత 50 ఓవర్లలో 325 పరుగులు చేసి ఆలౌట్‌ కాగా.. విండీస్‌ మరో ఏడు బంతులు మిగిలుండగానే లక్ష్యాన్ని ఛేదించింది. ఫలితంగా నాలుగు వికెట్ల తేడాతో విజయం సాధించి, సిరీస్‌లో 1-0 ఆధిక్యంలోకి దూసుకెళ్లింది.  రాణించిన బ్రూక్‌.. మిడిలార్డర్‌ ఆటగాడు హ్యారీ బ్రూక్‌ కీలక ఇన్నింగ్స్‌తో (72 బంతుల్లో 71; 7 ఫోర్లు, 2 సిక్సర్లు) రాణించడంతో ఇంగ్లండ్‌ 300 పరుగుల మార్కును దాటగలిగింది. బ్రూక్‌తో పాటు ఫిలిప్‌ సాల్ట్‌ (45), జాక్‌ క్రాలే (48), సామ్‌ కర్రన్‌ (28), బ్రైడన్‌ కార్స్‌ (31 నాటౌట్‌) ఓ మోస్తరు స్కోర్లు చేశారు. కెప్టెన్‌ జోస్‌ బట్లర్‌ (3) నిరాశపరిచాడు. విండీస్‌ బౌలర్లలో రొమారియో షెపర్డ్‌, గుడకేశ్‌ మోటీ, ఒషేన్‌ థామస్‌ తలో 2 వికెట్లు పడగొట్టగా.. అల్జరీ జోసఫ్‌, యానిక్‌ కారియా చెరో వికెట్‌ దక్కించుకున్నారు.  శతక్కొట్టిన హోప్‌.. 326 పరుగుల భారీ లక్ష్య ఛేదనకు దిగిన విండీస్‌.. షాయ్‌ హోప్‌ శతక్కొట్టడంతో (83 బంతుల్లో 109 నాటౌట్‌; 4 ఫోర్లు, 7 సిక్సర్లు)  48.5 ఓవర్లలో 6 వికెట్లు కోల్పోయి విజయతీరాలకు చేరింది. హోప్‌తో పాటు అలిక్‌ అథనాజ్‌ (66), రొమారియో షెపర్డ్‌ (49) రాణించగా.. బ్రాండన్‌ కింగ్‌ (35), షిమ్రోన్‌ హెట్‌మైర్‌ (32) ఓ మోస్తరు స్కోర్లు చేశారు. ఇంగ్లండ్‌ బౌలర్లలో అట్కిన్సన్‌, రెహాన్‌ అహ్మద్‌ తలో 2 వికెట్లు పడగొట్టగా.. బ్రైడన్‌ కార్స్‌, లివింగ్‌స్టోన్‌ చెరో వికెట్‌ దక్కించుకున్నారు. ఇరు జట్ల మధ్య​ రెండో వన్డే డిసెంబర్‌ 6న జరుగనుంది. ఇంగ్లండ్‌ జట్లు ఈ పర్యటనలో 3 వన్డేల సిరీస్‌తో పాటు 5 మ్యాచ్‌ల టీ20 సిరీస్‌ కూడా ఆడనుంది.

కరేబియన్‌ ప్రీమియర్‌ లీగ్‌-2023లో వెస్టిండీస్‌ వన్డే కెప్టెన్‌, గయానా అమెజాన్ వారియర్స్ స్టార్‌ బ్యాటర్‌ షాయ్ హోప్‌ విధ్వంసం సృష్టించాడు. ఈ లీగ్‌లో భాగంగా సోమవారం ఉదయం  బార్బడోస్ రాయల్స్‌, గయానా అమెజాన్ వారియర్స్ తలపడ్డాయి. ఈ మ్యాచ్‌లో గయానా బ్యాటర్‌ షాయ్ హోప్‌ మెరుపు సెంచరీతో చెలరేగాడు. కేవలం 41 బంతుల్లోనే తన సెంచరీ మార్క్‌ను హోప్‌ అందుకున్నాడు. ప్రత్యర్ధి జట్టు బౌలర్లను హోప్ ఊచకోత కోశాడు. ముఖ్యంగా గయానా ఇన్నింగ్స్‌లో 10 ఓవర్‌ వేసిన  రహ్కీమ్ కార్న్‌వాల్‌ బౌలింగ్‌లో హోప్‌ ఆకాశమే హద్దుగా చేలరేగిపోయాడు. ఆ ఓవర్‌లో 4 సిక్స్‌లు, రెండు ఫోర్లతో ఏకంగా 32 పరుగులు రాబట్టాడు. ఓవరాల్‌గా ఈ మ్యాచ్‌లో హోప్‌ 9ఫోర్లు, 8 సిక్స్‌లతో 106 పరుగులు చేశాడు. హోప్‌ అద్బుత సెంచరీ ఫలితంగా గయానా నిర్ణీత 20 ఓవర్లలో 7 వికెట్ల నష్టానికి 226 పరుగులు చేసింది. అనంతరం లక్ష్య ఛేదనలో బార్బడోస్ రాయల్స్‌ 6 వికెట్లు కోల్పోయి 138 పరుగులకే పరిమితమైంది. దీంతో 88 పరుగుల తేడాతో  గయానా అమెజాన్ వారియర్స్ ఘన విజయం సాధించింది.  బార్బడోస్ రాయల్స్‌ బ్యాటర్లలో వికెట్‌ కీపర్‌ బ్యాటర్‌ క్లార్క్‌(54) పరుగులతో టాప్‌ స్కోరర్‌గా నిలిచాడు.  గయానా బౌలర్లలో కెప్టెన్‌ ఇమ్రాన్‌ తహీర్‌ మూడు వికెట్లు పడగొట్టగా.. మోటీ రెండు వికెట్లు సాధించాడు. చదవండి: నాకు ఒక మెసేజ్‌ వచ్చింది.. అందుకే సిరాజ్‌కు మళ్లీ బౌలింగ్‌ ఇవ్వలేదు: రోహిత్‌ శర్మ RIDICULOUS SCENES!!! Shai Hope hits Rahkeem Cornwall for 32 in the over to reach his first CPL 💯 🙌 - A clear winner for Republic Bank Play of the Day#CPL23 #GAWvBR#CricketPlayedLouder #BiggestPartyInSport #RepublicBank pic.twitter.com/NCYi5OZerX — CPL T20 (@CPL) September 18, 2023

టీమిండియా, వెస్టిండీస్‌ల మధ్య ట్రినిడాడ్‌ వేదికగా నిర్ణయాత్మక మూడో వన్డే ప్రారంభమైంది. టాస్‌ గెలిచిన వెస్టిండీస్‌ బౌలింగ్‌ ఎంచుకుంది. రెండో వన్డేలో ఓటమి పాలైన టీమిండియా ప్రయోగాలను కొనసాగించింది. రెండో వన్డేకు దూరంగా ఉ‍న్న రోహిత్‌, కోహ్లిలకు జట్టు మేనేజ్‌మెంట్‌ ఈ మ్యాచ్‌కు కూడా విశ్రాంతినిచ్చింది. రోహిత్‌ గైర్హాజరీలో హార్దిక్‌ పాండ్యా కెప్టెన్సీలో కీలకమైన మూడో వన్డేలో బరిలోకి దిగనుంది. అయితే టీమిండియా ఈ మ్యాచ్‌కు రెండు మార్పులతో బరిలోకి దిగింది. ఉమ్రాన్‌ మాలిక్‌ స్థానంలో జైదేవ్‌ ఉనాద్కట్‌.. ఆల్‌రౌండర్‌ అక్షర్‌ పటేల్‌ స్థానంలో రుతురాజ్‌ గైక్వాడ్‌ తుది జట్టులోకి వచ్చారు. ఇక విండీస్‌ మాత్రం సేమ్‌ జట్టుతోనే బరిలోకి దిగింది. తొలి రెండు వన్డేల్లో చెరొకటి గెలిచి 1-1తో సమంగా ఉన్న విండీస్‌, టీమిండియాల్లో మూడో వన్డే ఎవరు గెలుస్తారనేది ఆసక్తికరంగా మారింది. రెండో వన్డేలో ఓడినా ప్రయోగాలు ఆపని టీమిండియా మూడో వన్డేలో నెగ్గి సిరీస్‌ కైవసం చేసుకుంటుందా అన్నది చూడాలి. భారత్(ప్లేయింగ్ XI): ఇషాన్ కిషన్(వికెట్‌ కీపర్‌), శుభ్‌మన్ గిల్, రుతురాజ్ గైక్వాడ్, సంజు శాంసన్, సూర్యకుమార్ యాదవ్, హార్దిక్ పాండ్యా(కెప్టెన్‌), రవీంద్ర జడేజా, శార్దూల్ ఠాకూర్, జయదేవ్ ఉనద్కత్, కుల్దీప్ యాదవ్, ముఖేష్ కుమార్ వెస్టిండీస్ (ప్లేయింగ్ XI): బ్రాండన్ కింగ్, కైల్ మేయర్స్, అలిక్ అథానాజ్, షాయ్ హోప్(కెప్టెన్‌/వికెట్‌ కీపర్‌), షిమ్రాన్ హెట్మెయర్, కీసీ కార్టీ, రొమారియో షెపర్డ్, యానిక్ కరియా, అల్జారీ జోసెఫ్, గుడాకేష్ మోటీ, జేడెన్ సీల్స్ చదవండి: హెచ్‌సీఏ నిర్వాకం.. జట్టులో అవకాశమిస్తామంటూ లక్ష వసూలు నిబంధనలు గాలికి.. మగ షూటర్ల గదిలో మహిళా షూటర్లు!

West Indies vs India, 2nd ODI- ICC ODI WC 2023- బ్రిడ్జ్‌టౌన్‌: స్వదేశంలో త్వరలో జరిగే వన్డే ప్రపంచకప్‌నకు ముందు కరీబియన్‌ పర్యటనకు వచ్చిన భారత జట్టు టెస్టు సిరీస్‌ గెలిచేంత వరకు బాగానే ఉంది. కానీ మెగా టోర్నీ సన్నాహాకమైన కీలక వన్డే సిరీస్‌లో టీమిండియా ఆట ఏమాత్రం బాగోలేదు. తొలి వన్డేలో అర్థంలేని ప్రయోగాలను రెండో వన్డేలోనూ చేసింది. మొదటి మ్యాచ్‌లో గెలిచేందుకు కష్టపడింది. కానీ రెండో మ్యాచ్‌లో టీమిండియా ఎంత కష్టపడినా నెగ్గలేకపోయింది. తమ కెరీర్‌లో ఆఖరి వన్డే ప్రపంచకప్‌ అనుకుంటున్న కెప్టెన్‌ రోహిత్‌ శర్మ, స్టార్‌ బ్యాటర్‌ విరాట్‌ కోహ్లిలకు ప్రతీ మ్యాచ్‌ కీలకం కాగా... వీళ్లిద్దరు విశ్రాంతి పేరిట దూరమైన వైనం ఎంతమాత్రం ఆమోదయోగ్యం కానేకాదు. అందుకేనేమో మెగా ఈవెంట్‌కు అర్హత సాధించలేకపోయిన వెస్టిండీస్‌ జట్టు చేతిలో టీమిండియా అపహాస్యం కావాల్సి వచ్చింది. ఇషాన్‌ ఒక్కడే భారత కాలమానం ప్రకారం శనివారం అర్ధరాత్రి దాటాక ముగిసిన ఈ రెండో వన్డేలో భారత్‌ ఆరు వికెట్ల తేడాతో విండీస్‌ చేతిలో పరాజయం చవిచూసిన విషయం తెలిసిందే. హార్దిక్‌ పాండ్యా సారథ్యంలోని భారత్‌ 40.5 ఓవర్లలో 181 పరుగులకు ఆలౌటైంది. ఓపెనర్లు ఇషాన్‌ కిషన్‌ (55 బంతుల్లో 55; 6 ఫోర్లు, 1 సిక్స్‌), శుబ్‌మన్‌ గిల్‌ (49 బంతుల్లో 34; 5 ఫోర్లు) మాత్రమే బాగా ఆడారు. టీమిండియా పసలేని బౌలింగ్‌పై.. తర్వాత పసలేని బౌలింగ్‌పై సులువైన లక్ష్యాన్ని వెస్టిండీస్‌ 36.4 ఓవర్లలో 4 వికెట్లు కోల్పోయి 182 పరుగులు చేసి ఛేదించింది. కెప్టెన్‌ షై హోప్‌ (80 బంతుల్లో 63 నాటౌట్‌; 2 ఫోర్లు, 2 సిక్స్‌లు), కీసీ కార్టీ (65 బంతుల్లో 48 నాటౌట్‌; 4 ఫోర్లు) విండీస్‌ను గెలిపించారు. భారత బౌలర్లలో శార్దుల్‌ ఠాకూర్‌ 3 వికెట్లు పడగొట్టాడు. కుల్దీప్‌నకు వికెట్‌ దక్కింది. సిరీస్‌ విజేతను నిర్ణయించే వన్డే మంగళవారం(ఆగష్టు 1) టరోబాలో జరుగుతుంది.   శార్దుల్‌ రాణించినా...  భారత బౌలర్లలో శార్దుల్‌ ఠాకూర్‌ తన పేస్‌తో నిప్పులు చెరిగాడు. ఇన్నింగ్స్‌ 9వ ఓవర్లో జోరుమీదున్న ఓపెనర్లు మేయర్స్‌ (28 బంతుల్లో 36; 4 ఫోర్లు, 2 సిక్స్‌లు), బ్రాండన్‌ కింగ్‌ (23 బంతుల్లో 15; 3 ఫోర్లు)లను అవుట్‌ చేశాడు. కాసేపటికే వన్‌డౌన్‌లో వచి్చన అతనెజ్‌ (6)కూ శార్దుల్‌ క్రీజులో నిలిచే అవకాశమివ్వలేదు. 72 పరుగులకే టాపార్డర్‌ వికెట్లన్నీ పడ్డాయి. 90 పరుగుల వద్ద తొలి వికెట్‌ను కోల్పోయి.. చిత్రంగా విండీస్‌ మాత్రం వంద పరుగుల్లోపు మరో వికెట్‌ హెట్‌మైర్‌ (9) రూపంలో పడింది. కుల్దీప్‌నకు ఈ వికెట్‌ దక్కింది. 17 ఓవర్లలో విండీస్‌ స్కోరు 91/4. ఈ దశలో భారత్‌కు గెలిచే అవకాశం కనిపించింది. కానీ కెపె్టన్‌ షై హోప్, కార్టీతో కలిసి ప్రత్యర్థి జట్టుకు ఆ చాన్సు ఇవ్వకుండా క్రీజ్‌లో పాతుకుపోయాడు. ఈ క్రమంలో హోప్‌ 70 బంతుల్లో అర్ధసెంచరీ సాధించగా... ఇద్దరు కలిసి అబేధ్యమైన ఐదో వికెట్‌కు 91 పరుగులు చేశారు. ఈ మ్యాచ్‌ విచిత్రమేంటంటే... భారత్‌ 90 పరుగుల వద్ద తొలి వికెట్‌ను కోల్పోయి 181 పరుగులకు ఆలౌటైంది. కానీ అదే విండీస్‌ 91 పరుగుల వద్ద నాలుగో వికెట్‌ కోల్పోయాక మళ్లీ వికెట్‌నే చేజార్చుకోలేదు.  స్కోరు వివరాలు  భారత్‌ ఇన్నింగ్స్‌: 181; వెస్టిండీస్‌ ఇన్నింగ్స్‌: బ్రాండన్‌ కింగ్‌ (ఎల్బీడబ్ల్యూ) (బి) శార్దుల్‌ 15; మేయర్స్‌ (సి) ఉమ్రాన్‌ (బి) శార్దుల్‌ 36; అతనెజ్‌ (సి) ఇషాన్‌ (బి) శార్దుల్‌ 6; షై హోప్‌ (నాటౌట్‌) 63; హెట్‌మైర్‌ (బి) కుల్దీప్‌ 9; కార్టీ (నాటౌట్‌) 48; ఎక్స్‌ట్రాలు 5; మొత్తం (36.4 ఓవర్లలో 4 వికెట్లకు) 182. వికెట్ల పతనం: 1–53, 2–54, 3–72, 4–91.  బౌలింగ్‌: హార్దిక్‌ పాండ్యా 6.4–0–38–0, ముకేశ్‌ 3–0–17–0, ఉమ్రాన్‌ మాలిక్‌ 3–0–27–0, శార్దుల్‌ ఠాకూర్‌ 8–0–42–3, కుల్దీప్‌ యాదవ్‌ 8–0–30–1, జడేజా 6–0–24–0, అక్షర్‌ పటేల్‌ 2–1–4–0.   చదవండి: చరిత్ర సృష్టించిన శుబ్‌మన్‌ గిల్‌.. ప్రపంచంలోనే తొలి ఆటగాడిగా!  కావాలనే రోహిత్‌, కోహ్లి లేకుండా! మ్యాచ్‌ ఓడిపోతేనే! ఆసియా కప్‌ తర్వాత ఇద్దరూ అవుట్‌? 4 Overs. 16 Runs. 3 Wickets! Shardul Thakur's first spell 🔥 from yesterday 😮#INDvWIAdFreeonFanCode #INDvWI pic.twitter.com/iQU260e4TI — FanCode (@FanCode) July 30, 2023

వెస్టిండీస్‌ క్రికెట్ జట్టు చానాళ్ల తర్వాత అద్భుతమైన ప్రదర్శన కనబరిచింది. బార్బోడస్‌ వేదికగా టీమిండియాతో జరిగిన రెండో వన్డేలో 6 వికెట్ల తేడాతో వెస్టిండీస్‌ ఘన విజయం సాధించింది. దీంతో మూడు వన్డేల సిరీస్‌ను 1-1తో సమం చేసింది. ఈ మ్యాచ్‌లో విండీస్‌ ఆల్‌రౌండ్‌ షోతో అదరగొట్టింది. తొలుత బౌలింగ్‌లో భారత్‌ను కట్టడిచేసిన కరేబియన్లు.. అనంతరం బ్యాటింగ్‌లో కూడా సత్తా చాటారు. తొలుత టీమిండియా.. విండీస్‌ బౌలర్ల ధాటికి భారత్‌ 40.5 ఓర్లలోనే 181 పరుగులకు కుప్పకూలింది. ఇషాన్‌ కిషన్‌ (55), శుబ్‌మన్‌ గిల్‌(34) రాణించారు. విండీస్‌ బౌలర్లలో రొమారియో షెఫర్డ్‌, గుడకేశ్‌ మోతీ తలా మూడు వికెట్లు సాధించారు. అనంతరం 182 పరుగుల లక్ష్యంతో బ్యాటింగ్‌కు దిగిన వెస్టిండీస్‌. 36.4 ఓవర్లలో 4 వికెట్లు కోల్పోయి లక్ష్యాన్ని ఛేదించింది. విండీస్‌ బ్యాటర్లలో కెప్టెన్‌ హోప్‌ (63 నాటౌట్‌), కార్టీ(48) పరుగులతో రాణించారు. ఇక ఈ విజయంపై మ్యాచ్‌ అనంతరం వెస్టిండీస్‌ కెప్టెన్‌ షాయ్ హోప్‌ స్పందించాడు. తమ బౌలర్లు అద్భుతంగా రాణించారని అతడు కొనియాడాడు. "మనం ఫిప్టీలు, సెంచరీలు చేసినా జట్టు విజయం సాధించకపోతే సంతృప్తి ఉండదు. కానీ ఈ మ్యాచ్‌లో నా ఫిప్టీతో పాటు విజయం సాధించినందుకు చాలా సంతోషంగా ఉంది. ముఖ్యంగా భారత్‌ వంటి క్వాలిటీ బౌలింగ్ ఎటాక్‌ను ఎదుర్కొవడం అంత ఈజీ కాదు. ఈ మ్యాచ్‌లో మా బాయ్స్‌ అద్భుతంగా రాణించారు. మేము పూర్తి కసితో ఆడాం. మేము ఒక యూనిట్‌గా రాణిస్తే ఫలితం మాకు అనుకూలంగా ఉంటుందని నాకు ముందే తెలుసు. ఈ విన్నింగ్‌ క్రెడిట్‌ బౌలర్లకు ఇవ్వాలనుకుంటున్నాను. ప్రస్తుతం మా ఖాతాలో ఒక్క విజయం ఉంది. మేము సిరీస్‌ సొంతం చేసు​కోవాలంటే ఆఖరి మ్యాచ్‌లో కచ్చితంగా గెలవాలి. చివరి మ్యాచ్‌లో గెలిచేందుకు అన్ని విధాల ప్రయత్నిస్తామని" పోస్ట్‌ మ్యాచ్‌ ప్రేజేంటేషన్‌లో హోప్‌ పేర్కొన్నాడు. చదవండి: #Stuart Broad: ప్రీ మెచ్యూర్ బేబీ.. ఊపిరి తీసుకోవడానికి కూడా కష్టం! అయినా క్రికెట్‌ ప్రపంచంలో రారాజు

West Indies vs India, 2nd ODI: బార్బడోస్‌ వేదికగా టీమిండియా రెండో వన్డేలో వెస్టిండీస్‌ టాస్‌ గెలిచి ఫీల్డింగ్‌ ఎంచుకుంది. పిచ్‌ బౌలర్లకు అనుకూలిస్తుందని అంచనా వేసిన విండీస్‌ సారథి షాయీ హోప్‌... తొలుత భారత జట్టును బ్యాటింగ్‌కు ఆహ్వానిస్తున్నట్లు తెలిపాడు. బౌలింగ్‌లో రాణించి టీమిండియా బ్యాటర్లపై ఒత్తిడి పెంచాలని భావిస్తున్నట్లు పేర్కొన్నాడు. రోమన్‌ పావెల్‌, డ్రేక్స్‌ స్థానంలో అల్జారీ జోసెఫ్‌, కార్టీ తుది జట్టులోకి వచ్చినట్లు వెల్లడించాడు. రోహిత్‌, కోహ్లి లేకుండానే రెండో వన్డేలో స్టార్లు కెప్టెన్‌ రోహిత్‌ శర్మ, విరాట్‌ కోహ్లి లేకుండానే టీమిండియా బరిలోకి దిగుతోంది. ఈ క్రమంలో హార్దిక్‌ పాండ్యా పగ్గాలు చేపట్టాడు. రోహిత్‌, కోహ్లి స్థానాల్లో సంజూ శాంసన్‌, అక్షర్‌ పటేల్‌ జట్టులోకి వచ్చినట్లు పాండ్యా తెలిపాడు. 1-0తో ఆధిక్యంలో.. కాగా రెండు టెస్టులు, మూడు వన్డేలు, ఐదు టీ20లు ఆడే నిమిత్తం టీమిండియా వెస్టిండీస్‌ పర్యటనకు వెళ్లిన విషయం తెలిసిందే.  ప్రపంచ టెస్టు చాంపియన్‌షిప్‌ 2023-25లో తొలి సిరీస్‌లో విండీస్‌తో తలపడ్డ రోహిత్‌ సేన 1-0తో ట్రోఫీ గెలిచింది. మలి టెస్టులోనూ గెలిచి విజయాన్ని పరిపూర్ణం చేసుకోవాలని భావించగా వర్షం అంతరాయం కలిగించడంతో డ్రాగా ముగిసిపోయింది. ఈ క్రమంలో జూలై 27న ఇరు జట్ల మధ్య తొలి వన్డే జరుగగా.. టీమిండియా 5 వికెట్ల తేడాతో గెలుపొందింది. మూడు మ్యాచ్‌ల సిరీస్‌లో ప్రస్తుతం 1-0తో ఆధిక్యంలో ఉంది. ఇక బార్బడోస్‌లో తొలి వన్డేలో జట్టులో స్థానం దక్కించుకోలేకపోయిన సంజూ శాంసన్‌కు రెండో మ్యాచ్‌లో అవకాశం వచ్చింది.   తుది జట్లు టీమిండియా శుబ్‌మన్‌ గిల్, ఇషాన్ కిషన్, సంజూ శాంసన్, హార్దిక్ పాండ్యా(కెప్టెన్), సూర్యకుమార్ యాదవ్, రవీంద్ర జడేజా, అక్షర్ పటేల్, శార్దూల్ ఠాకూర్, కుల్దీప్ యాదవ్, ఉమ్రాన్ మాలిక్, ముఖేష్ కుమార్. వెస్టిండీస్‌ బ్రాండన్ కింగ్, కైల్ మేయర్స్, అలీక్ అథనాజ్, షాయ్ హోప్(వికెట్ కీపర్/కెప్టెన్), షిమ్రాన్ హెట్మైర్, కీసీ కార్టీ, రొమారియో షెఫర్డ్, యాన్నిక్ కరియా, గుడకేష్ మోటీ, అల్జారీ జోసెఫ్, జేడెన్ సీల్స్. చదవండి: బీటెక్‌ చదివిన టీమిండియా స్టార్‌.. ధోని, కోహ్లిలతో పాటు! ఆస్తి 100 కోట్లు!

వెస్టిండీస్‌తో మొదలైన తొలి వన్డేలో టీమిండియా టాస్‌ గెలిచి ఫీల్డింగ్‌ ఎంచుకుంది. విండీస్‌తో ముగిసిన టెస్టు సిరీస్‌‌ను 1-0 తేడాతో కైవసం చేసుకున్న టీమిండియా వన్డే వరల్డ్ కప్ 2023 టోర్నీకి ప్రాక్టీస్‌గా ఈ వన్డే సిరీస్‌ని ఉపయోగించుకోనుంది. కాగా తుది జట్టు ఎలా ఉండబోతుందో ముందే అంచనాకు వచ్చినప్పటికి వికెట్‌ కీపర్‌గా ఇషాన్‌ కిషన్‌, సంజూ శాంసన్‌లలో ఎవరు ఉంటారనే దానిపై ఆసక్తి నెలకొంది. అయితే రోహిత్‌ శర్మ ఇషాన్‌ కిషన్‌వైపే మొగ్గుచూపాడు. ఇటీవలే ముగిసిన రెండో టెస్టులో ఇషాన్‌ కిషన్‌ ఫిఫ్టీతో మెరిసిన సంగతి తెలిసిందే. ఈ ప్రదర్శనను దృష్టిలో పెట్టుకొనే ఇషాన్‌కు అవకాశమిచ్చినట్లు తెలుస్తోంది. ఇక బౌలింగ్‌లో ముగ్గురు పేసర్లు, ఇద్దరు స్పిన్నర్ల కాంబినేషన్‌తో బరిలోకి దిగింది. రెండో టెస్టులో ఆకట్టుకున్న ముకేశ్‌ కుమార్‌ వన్డేల్లో అరంగేట్రం చేయనుండగా.. ఉమ్రాన్‌ మాలిక్‌, శార్దూల్‌ ఠాకూర్‌లు పేస్‌ విభాగాన్ని నడిపించనుండగా.. వీరికి తోడుగా ఆల్‌రౌండర్‌ హార్దిక్‌ ఉన్నాడు. ఇక స్పిన్నర్ల విభాగంలో కుల్దీప్‌ యాదవ్‌ చోటు దక్కించుకోగా జడేజా మరో స్పిన్నర్‌గా ఉన్నాడు.  టెస్టు సిరీస్‌ ఓడినప్పటికి వెస్టిండీస్‌ వన్డే జట్టు మాత్రం కాస్త సీనియర్లతో నిండిఉంది. ఇటీవలే వరల్డ్‌కప్‌ క్వాలిఫయర్స్‌లో రాణించిన కెప్టెన్‌ షెయ్‌ హోప్‌ సహా కైల్‌ మేయర్స్‌, బ్రాండన్‌ కింగ్‌, డొమినిక్‌ డ్రేక్స్‌ , షిమ్రోన్‌ హెట్‌మైర్‌,  రోవ్‌మెన్‌ పావెల్‌లు జట్టులో ఉన్నారు. వెస్టిండీస్ (ప్లేయింగ్ XI): షాయ్ హోప్ (వికెట్‌ కీపర్‌/కెప్టెన్‌), కైల్ మేయర్స్, బ్రాండన్ కింగ్, అలిక్ అథానాజ్, షిమ్రాన్ హెట్మెయర్, రోవ్‌మాన్ పావెల్, రొమారియో షెపర్డ్, యానిక్ కరియా, డొమినిక్ డ్రేక్స్, జేడెన్ సీల్స్, గుడాకేష్ మోటీ భారత్ (ప్లేయింగ్ XI): రోహిత్ శర్మ(కెప్టెన్‌), శుభ్‌మన్ గిల్, విరాట్ కోహ్లి, ఇషాన్ కిషన్(వికెట్‌ కీపర్‌), హార్దిక్ పాండ్యా, సూర్యకుమార్ యాదవ్, రవీంద్ర జడేజా, శార్దూల్ ఠాకూర్, కుల్దీప్ యాదవ్, ఉమ్రాన్ మాలిక్, ముఖేష్ కుమార్ India vs West Indies, 1st ODI: India Opt To Field vs West Indies, Mukesh Kumar To Debut#INDvsWI #ODIs #BCCI #Cricket #debu pic.twitter.com/pTx9hbPji4 — Smart Locus (@SmartLocusIN) July 27, 2023 చదవండి: కోహ్లి గురించి ప్రశ్న.. విసుగెత్తిపోయిన రోహిత్‌! ఘాటు రిప్లైతో నోరు మూయించాడు! Japan Open 2023: క్వార్టర్స్‌కు దూసుకెళ్లిన లక్ష్యసేన్‌, సాత్విక్‌-చిరాగ్‌ జోడి

West Indies vs India, 1st ODI: టీమిండియాతో వన్డే సిరీస్‌తో తిరిగి ఫామ్‌లోకి వస్తామని వెస్టిండీస్‌ కెప్టెన్‌ షాయీ హోప్‌ ఆశాభావం వ్యక్తం చేశాడు. జట్టులో ఉన్న లోపాలు సరిచేసుకుని, సమస్యలు అధిగమించి ముందుకు సాగుతామని పేర్కొన్నాడు. కాగా రెండుసార్లు వన్డే వరల్డ్‌కప్‌ చాంపియన్‌ అయిన విండీస్‌ ఈసారి మెగా టోర్నీకి అర్హత సాధించలేకపోయిన విషయం తెలిసిందే. టాప్‌-8లో నేరుగా అడుగుపెట్టలేకపోయిన షాయీ హోప్ బృందం.. జింబాబ్వే వేదికగా జరిగిన క్వాలిఫయర్స్‌ ఆడింది. ఈ క్రమంలో యూఎస్‌ఏ, యూఏఈ, నేపాల్‌ వంటి పసికూనలపై గెలిచిన విండీస్‌.. జింబాబ్వేతో మ్యాచ్‌లో ఓడి పరాజయాల ఖాతా తెరిచింది. ఘోర పరాభవం అనంతరం.. వర్షం కారణంగా నెదర్లాండ్స్‌తో మ్యాచ్‌ టై కావడం.. ఆపై సూపర్‌ ఓవర్‌లో ఓటమి, ఆ తర్వాత స్కాట్లాండ్‌ చేతిలో చిత్తైన నేపథ్యంలో టాప్‌-2లో నిలవాలన్న వెస్టిండీస్‌ ఆశలకు గండిపడింది. ఆపై ఒమన్‌పై గెలిచినా ఫలితం లేకుండా పోయింది. శ్రీలంక, నెదర్లాండ్స్‌ టాప్‌-10లో అడుగుపెట్టగా.. విండీస్‌ ఇంటిబాట పట్టింది. ఈ క్రమంలో ఘోర పరాభవం తర్వాత పటిష్ట టీమిండియాతో సొంతగడ్డపై వన్డే సిరీస్‌ ఆడనుంది. బార్బడోస్‌ వేదికగా గురువారం (జూలై 27)న మొదటి మ్యాచ్‌ జరుగనుంది. ఈ నేపథ్యంలో మ్యాచ్‌కు ముందు మీడియాతో మాట్లాడిన విండీస్‌ సారథి షాయీ హోప్‌ కీలక వ్యాఖ్యలు చేశాడు. మేమేంటో ప్రపంచానికి చూపిస్తాం ‘‘తిరిగి పుంజుకోవడానికి ఇదో మంచి అవకాశంగా భావిస్తున్నాం. వైవిధ్యమైన వన్డే ఫార్మాట్లో మా నైపుణ్యాలు ప్రదర్శించి.. మేం చేయగలమో ప్రపంచానికి చూపించే మరో అవకాశం దొరికింది. జింబాబ్వేలో జరిగిన వరల్డ్‌కప్‌ క్వాలిఫయర్స్‌లో ఏం జరిగిందో అందరికీ తెలిసిందే. అలా అయితే విజయం మాదే లోపాలు సరిచేసుకుని మళ్లీ కొత్తగా మా ప్రయాణాన్ని మొదలుపెట్టాలనుకుంటున్నాం. ప్రతిసారి అందరికీ గెలిచే అవకాశం రాకపోవచ్చు. అయితే, లక్ష్యాన్ని చేరుకునేందుకు మనం చేసే ప్రయత్నాల్లో మాత్రం లోపం ఉండకూడదు. అనుకున్న ప్రణాళికలను పక్కాగా అమలు చేస్తే కచ్చితంగా విజయం సాధించే అవకాశం ఉంటుంది’’ అని షాయీ హోప్‌ సానుకూల దృక్పథంతో మాట్లాడాడు. అతడు తిరిగి రావడం సంతోషం ఇక షిమ్రన్‌ హెట్‌మెయిర్‌ జట్టులోకి తిరిగి రావడంపై స్పందిస్తూ.. ‘‘బౌలర్లపై విరుచుపడుతూ దూకుడగా బ్యాటింగ్‌ చేయగల సత్తా అతడికి ఉంది. ఏ క్షణంలోనైనా మ్యాచ్‌ను ఒంటిచేత్తో మలుపు తిప్పగలడు. మా జట్టులో ఉన్న నిజమైన ఇంపాక్ట్‌ ప్లేయర్‌ అతడు. హెట్‌మెయిర్‌ జట్టులోకి రావడం సంతోషంగా ఉంది’’అని షాయీ హోప్‌ పేర్కొన్నాడు. కాగా కెప్టెన్‌గా షాయీ హోప్‌నకు స్వదేశంలో తొలి వన్డే ఇది. చదవండి: ఏడాదికి 50 కోట్ల సంపాదన! మరి.. ధోని సొంత అక్క పరిస్థితి ఎలా ఉందంటే!

వెస్టిండీస్‌... ప్రపంచ క్రికెట్‌ను శాసించిన జట్టు. కరీబియన్‌ బౌలింగ్‌ అంటేనే బ్యాటర్లు బెంబేలెత్తేవారు. తొలి రెండు ప్రపంచకప్‌ (1975, 1979) టోర్నీలను ఎదురేలేకుండా గెలుచుకుంది. మూడో ప్రపంచకప్‌లో రన్నరప్‌గా నిలిచింది. అయితే ఇది గతం. ఇంతటి ఘన చరిత్ర కలిగిన జట్టు ఇప్పుడు భారత్‌కు రావడం లేదన్నది వర్తమానం. అంటే వన్డే ప్రపంచకప్‌కు కరీబియన్‌ జట్టు దూరమైంది. క్వాలిఫయింగ్‌ దశలోనే ఇంటికెళ్లనుంది. ఇది విండీస్‌ అభిమానులకే కాదు... క్రికెట్‌ విశ్లేషకులకు పెద్ద షాక్‌!     ICC Cricket World Cup Qualifiers 2023- హరారే: వెస్టిండీస్‌ ప్రపంచకప్‌ ముచ్చట జింబాబ్వేలో జరుగుతున్న క్వాలిఫయర్స్‌లోనే ముగిసిపోయింది. వన్డే మెగా టోరీ్నలో ఆడే అర్హత కోల్పోయింది. ‘సూపర్‌ సిక్స్‌’ దశలో స్కాట్లాండ్‌ చేతిలో పరాభవంతో కరీబియన్‌ జట్టు ని్రష్కమణ అధికారికంగా ఖరారైంది. శనివారం జరిగిన కీలక మ్యాచ్‌లో స్కాట్లాండ్‌ ఏడు వికెట్ల తేడాతో విండీస్‌పై ఘనవిజయం సాధించింది. మొదట బ్యాటింగ్‌కు దిగిన వెస్టిండీస్‌ 43.5 ఓవర్లలో 181 పరుగులకే కుప్పకూలింది. టాపార్డర్‌లో బ్రాండన్‌ కింగ్‌ (22 బంతుల్లో 22; 5 ఫోర్లు) రెండు పదుల స్కోరు చేస్తే మిగతా ఇద్దరు చార్లెస్‌ (0), బ్రూక్స్‌ (0) ఖాతానే తెరువలేదు. కెప్టెన్‌ షై హోప్‌ (13), కైల్‌ మేయర్స్‌ (5) చెత్తగానే ఆడారు. 60 పరుగులకే టాప్‌–5 వికెట్లను కోల్పోయిన విండీస్‌ కష్టాల్లో పడింది. ఈ దశలో నికోలస్‌ పూరన్‌ (43 బంతుల్లో 21; 2 ఫోర్లు) పెద్దగా మెప్పించలేదు. తలరాతను తలకిందులు చేశాడు షెఫర్డ్‌ (43 బంతుల్లో 36; 5 ఫోర్లు)తో కలిసిన  హోల్డర్‌ (79 బంతుల్లో 45; 3 ఫోర్లు, 1 సిక్స్‌) వికెట్ల పతనాన్ని అడ్డుకున్నాడు. ఏడో వికెట్‌కు 77 పరుగులు జోడించి ఆదుకున్నాడు. స్కాట్లాండ్‌ బౌలర్లలో మెక్‌ములెన్‌ 3, క్రిస్‌ సోల్, మార్క్‌వాట్, క్రిస్‌ గ్రీవ్స్‌ తలా 2 వికెట్లు తీశారు. అనంతరం లక్ష్యఛేదనకు దిగిన స్కాట్లాండ్‌ 43.3 ఓవర్లలో మూడే వికెట్లు కోల్పోయి 185 పరుగులు చేసి గెలిచింది. ఓపెన్‌ మాథ్యూ క్రాస్‌ (107 బంతుల్లో 74 నాటౌట్‌; 7 ఫోర్లు), మెక్‌ములెన్‌ (106 బంతుల్లో 69; 8 ఫోర్లు, 1 సిక్స్‌) రెండో వికెట్‌కు 125 పరుగులు జోడించి విండీస్‌ ‘కప్‌’ రాతను కాలరాశారు.   కరీబియన్‌కు ఎందుకీ దుస్థితి? జింబాబ్వేకు వచి్చన వెస్టిండీస్‌ జట్టులోని సభ్యుల్లో ప్రపంచకప్‌కు అర్హత సాధించాలి... భారత్‌కు వెళ్లాలి అన్న కసి, పట్టుదల కనిపించనే లేదు. అవే ఉంటే ఫీల్డింగ్‌ ఇంత ఘోరంగా చేయరు. బౌలింగ్‌ ఎంత పేలవం అంటే... నెదర్లాండ్స్‌తో కీలకమైన సూపర్‌ ఓవర్లో బౌండరీలు దాటే ఆరు బంతులు (4, 6, 4, 6, 6, 4; హోల్డర్‌ బౌలర్‌) వేయరు. నిలకడేలేని బ్యాటింగ్‌తో ఆడరు. ఇలా అన్ని రంగాల్లో చెత్త ప్రదర్శన వల్లే రెండుసార్లు ‘విజేత’ తాజా ‘అనర్హత’ అయ్యింది. ఇప్పుడు మిగతా ‘సూపర్‌ సిక్స్‌’ దశలో ఒమన్, శ్రీలంకలతో ఆడి ఇంటికెళ్లిపోవడమే మిగిలింది. వెస్టిండీస్‌ అంటేనే ఒకప్పుడు అరివీర భయంకర బౌలర్లు, దంచికొట్టే బ్యాటింగ్‌ ఆజానుబాహులు గుర్తొచ్చేవారు. కానీ ప్రస్తుతం నామమాత్రంగా జాతీయ జట్టుకు ఆడే ఆటగాళ్లు... ఫ్రాంచైజీ లీగ్‌ల్లో మాత్రం మెరిపించే వీరులు కనబడుతున్నారు. విండీస్‌ బోర్డు కుమ్ములాటలు, ఆటగాళ్ల మ్యాచ్‌ ఫీజులపై తరచూ పేచీలతో స్టార్‌ ఆటగాళ్లంతా టీమ్‌ స్పిరిట్‌ మరిచి వ్యక్తిగతంగా కలిసొచ్చే టి20 లీగ్‌లపై కష్టపడటం నేర్చారు. దీంతో అసలైన సంప్రదాయ క్రికెట్‌ (టెస్టు), పరిమిత ఓవర్ల ఆట (వన్డే)లను పట్టించుకోవడం మానేశారు. జట్టుగా పట్టుదలతో ఆడటం అనే దాన్నే మర్చిపోయారు. ఇప్పుడు కరీబియన్‌ ఆటగాళ్లంతా ఐసీసీ తయారు చేసిన భవిష్యత్‌ పర్యటనల కార్యక్రమం (ఎఫ్‌టీపీ)ను పూర్తి చేస్తున్నారు. కానీ విండీస్‌ భవిష్యత్తుకు అవసరమైన షెడ్యూల్‌ను ఎప్పుడో పక్కన బెట్టేశారు. అందువల్లే వెస్టిండీస్‌ జట్టుకు ఈ దుస్థితి దాపురించింది.  చదవండి: మా ఓటమికి ప్రధాన కారణం అదే.. ఒకవేళ అలా జరిగి ఉంటే: విండీస్‌ కెప్టెన్‌

ICC Cricket World Cup Qualifiers 2023- Scotland Beat West Indies by 7 wkts: ‘‘ఆది నుంచే మా స్థాయికి తగ్గట్లు ఆడలేకపోయాం. ఈ టోర్నీ సవాలుతో కూడుకున్నదని తెలుసు. నిజానికి ఈ మ్యాచ్‌లో మేము టాస్‌ గెలిస్తే బాగుండేది. ఇలాంటి పిచ్‌ మీద ఏ కెప్టెన్‌ అయినా టాస్‌ గెలిస్తే ముందుగా బౌలింగే ఎంచుకుంటాడు. ఆ విషయంలో మాకేదీ కలిసిరాలేదు. క్యాచ్‌లు వదిలేయడాలు, మిస్‌ఫీల్డింగ్‌ తీవ్ర ప్రభావం చూపుతాయి. ఆటలో ఇవన్నీ సహజమే! కానీ ప్రతిసారీ వందకు వంద శాతం ఎఫర్ట్‌ పెట్టలేము కదా! ఆటలో ఇవన్నీ సహజమే! వాస్తవానికి టోర్నీ ఆరంభానికి ముందే.. స్వదేశంలోనే మేము పూర్తి స్థాయిలో సన్నద్ధం కావాల్సింది. సరైన సన్నాహకాలు లేకుండా నేరుగా వెళ్లి గొప్పగా ఆడాలంటే అన్నివేళలా కుదరకపోవచ్చు. గెలవాలనే పట్టుదల, కసి మిగిలిన మ్యాచ్‌లలో గెలిచైనా మా అభిమానులకు కాస్త వినోదం పంచుతాం. జట్టులో ప్రతిభావంతులైన ఆటగాళ్లకు కొదువ లేదు. కానీ నిలకడగా ఆడలేకపోవడమే మా కొంపముంచింది. స్కాట్లాండ్‌ జట్టు అద్భుతంగా ఆడింది. ముఖ్యంగా వాళ్ల బౌలర్లు మెరుగ్గా రాణించారు. గెలవాలనే పట్టుదల, కసి వారిలో కనిపించాయి. మేము వాళ్లను చూసి చాలా నేర్చుకోవాల్సి ఉంది. తిరిగి వెళ్లిన తర్వాత డారెన్‌ సామీతో కలిసి మా జట్టులోని లోపాలను సరిచేసుకోవడంపై దృష్టి సారిస్తాం’’ అని వెస్టిండీస్‌ కెప్టెన్‌ షాయీ హోప్‌ ఉద్వేగపూరితంగా మాట్లాడాడు. స్కాట్లాండ్‌ చేతిలో ఓడి రెండుసార్లు చాంపియన్‌ అయిన విండీస్‌ జట్టు వన్డే వరల్డ్‌కప్‌-2023లో క్వాలిఫయర్స్‌లోనే ఇంటిబాట పట్టింది. జింబాబ్వేలో జరిగిన సూపర్‌ సిక్సెస్‌ దశలో స్కాట్లాండ్‌తో మ్యాచ్‌లో ఏడు వికెట్ల తేడాతో ఓడి టోర్నీ నుంచి నిష్క్రమించింది.  వరల్డ్‌కప్‌ రేసు నుంచి అవుట్‌ తద్వారా భారత్‌ వేదికగా అక్టోబరు 5 నుంచి మొదలుకానున్న ప్రపంచకప్‌-2023లో అడుగుపెట్టే అర్హత కోల్పోయింది. మాజీ చాంపియన్‌ ఇలా అవమానకరరీతిలో నిష్క్రమించడం అభిమానుల హృదయాలను ముక్కలు చేస్తోంది. మా ఓటమికి ప్రధాన కారణం అదే ఈ నేపథ్యంలో మ్యాచ్‌ అనంతరం విండీస్‌ సారథి షాయీ హోప్‌ మాట్లాడుతూ.. టాస్‌ ఓడిపోవడం తీవ్ర ప్రభావం చూపిందన్నాడు. హరారేలో శనివారం నాటి మ్యాచ్‌లో తాము తొలుత బ్యాటింగ్‌ చేయాల్సి రావడంతో భారీ మూల్యం చెల్లించాల్సి వచ్చిందని ఆవేదన వ్యక్తం చేశాడు. తమ ఓటమికి పరోక్షంగా టాస్‌ ఓడటమే కారణమని అభిప్రాయపడ్డాడు. అదే సమయంలో స్కాట్లాండ్‌ బౌలర్లు అద్భుతంగా ఆడారని ప్రశంసించిన హోప్‌.. తమ జట్టులో గొప్ప ఆటగాళ్లు ఉన్నా ఫలితం లేకుండా పోయిందని వాపోయాడు. టోర్నీ మొత్తం తమకు నిరాశనే మిగిల్చిందని ఉద్వేగానికి లోనయ్యాడు. కాగా సూపర్‌ సిక్సెస్‌లో విండీస్‌కు ఇంకా రెండు మ్యాచ్‌లు మిగిలి ఉన్నాయి. జూలై 5న ఒమన్‌, జూలై 7న శ్రీలంకతో వెస్టిండీస్‌ తలపడాల్సి ఉంది. ఈ రెండు నామమాత్రపు మ్యాచ్‌లలో గెలిచైనా గౌరవప్రదంగా స్వదేశానికి తిరిగి వెళ్లాలని కరేబియన్‌ జట్టు భావిస్తోంది. స్కాట్లాండ్‌ వర్సెస్‌ వెస్టిండీస్‌ మ్యాచ్‌ స్కోర్లు: టాస్‌: స్కాట్లాండ్‌- బౌలింగ్‌ వెస్టిండీస్‌- 181 (43.5) స్కాట్లాండ్‌- 185/3 (43.3) విజేత: ఏడు వికెట్ల తేడాతో స్కాట్లాండ్‌ గెలుపు ప్లేయర్‌ ఆఫ్‌ ది మ్యాచ్‌: బ్రాండన్‌ మెక్‌ములెన్‌ (3 వికెట్లు, 69 పరుగులు). చదవండి: పచ్చగడ్డి.. పులి.. సింహం! అవును.. నువ్వు గాడిదవే! మా కోహ్లి ఎప్పటికీ కింగే! పసికూన చేతిలో చిత్తు! వరల్డ్‌కప్‌ నుంచి అధికారికంగా అవుట్‌

రెండుసార్లు ప్రపంచకప్‌ విజేత.. అరవీర భయంకరమైన బౌలర్లు.. అదే స్థాయిలో ప్రత్యర్థి బౌలర్లను చీల్చి చెండాడిన బ్యాటర్లు.. నాలుగు దశాబ్దాల పాటు క్రికెట్‌ను శాసించిన వైనం. ఇప్పుడు అదంతా గతం. తాజాగా వన్డే వరల్డ్‌కప్‌కు అర్హత సాధించడం కోసం వరల్డ్‌కప్‌ క్వాలిఫయర్‌ పోరులో ఆడాల్సిన దుస్థితి వెస్టిండీస్‌కు ఎదురైంది. అయితే శనివారం జింబాబ్వేతో జరిగిన లీగ్‌ మ్యాచ్‌లో వెస్టిండీస్‌ 35 పరుగుల తేడాతో ఓటమి పాలైంది. ఇదే ఓటమి ఆ జట్టును డేంజర్‌ జోన్‌లో పడేసింది. క్వాలిఫయర్‌ టోర్నీలో భాగంగా లీగ్‌ దశలో సాధించిన విజయాల ఆధారంగా వచ్చే పాయింట్లు సూపర్‌ సిక్స్‌లో లెక్కిస్తారు. సూపర్ సిక్స్ దశకు చేరుకోవడంలో విఫలమైన జట్లపై సాధించిన పాయింట్లు మినహా, ప్రతి జట్టు గ్రూప్ దశలో సాధించిన పాయింట్లు సూపర్ సిక్స్ దశకు బదిలీ చేయబడతాయి. ఈ దశ మ్యాచ్‌లు అయిపోయే సరికి టాప్‌ 2లో ఉన్న జట్లు భారత్‌ వేదికగా జరిగే ఐసీసీ పురుషుల క్రికెట్ ప్రపంచ కప్-2023కు అర్హత సాధిస్తాయి. ఇక మ్యాచ్‌లో విండీస్‌ ఓడినప్పటికి సూపర్‌ సిక్స్‌ దశకు  చేరుకున్నా రెండు పాయింట్లు మాత్రం కోల్పోయింది. ఇది సూపర్‌సిక్స్‌ దశలో ఇబ్బంది పెట్టేలా కనిపిస్తోంది. లీగ్‌లో వెస్టిండీస్‌ తన చివరి మ్యాచ్‌ను నెదర్లాండ్స్‌తో ఆడుతుంది. ఒకవేళ మ్యాచ్‌లో గెలిస్తే గ్రూప్‌-ఏ నుంచి టాప్‌-2గా అడుగుపెడుతుంది. ఇక జింబాబ్వే తన ఆఖరి పోరులో అమెరికాను ఎదుర్కొంటుంది. ఏదైనా సంచలనం నమోదైతే తప్ప జింబాబ్వే గ్రూప్‌ టాపర్‌గా సూపర్‌ సిక్స్‌ దశకు చేరుకుంటుంది. ఎందుకంటే జింబాబ్వే గ్రూప్‌ టాపర్‌గా ఉంటుంది కాబట్టి విండీస్‌ సూపర్‌ సిక్స్‌ దశలో అన్ని మ్యాచ్‌లు గెలవాల్సి ఉంటుంది. ఒక్క మ్యాచ్‌ ఓడినా ఆ జట్టు వన్డే వరల్డ్‌కప్‌కు అర్హత సాధించడంలో విఫలమవుతుంది. చదవండి: 'అమ్మా నన్ను మన్నించు'.. హాకీ దిగ్గజం ధనరాజ్‌ పిళ్లై గొడవపడ్డ భారత్‌, నేపాల్‌ ఆటగాళ్లు.. తప్పు మనోడిదేనా!

వరల్డ్‌కప్‌ క్వాలిఫయర్స్‌ 2023లో వెస్టిండీస్‌ జట్టు వరుసగా రెండో విజయాన్ని నమోదు చేసింది. నేపాల్‌తో ఇవాళ (జూన్‌ 22) జరిగిన మ్యాచ్‌లో విండీస్‌ 101 పరుగుల భారీ తేడాతో విజయం సాధించింది. కెప్టెన్‌ షాయ్‌ హోప్‌ (129 బంతుల్లో 132; 10 ఫోర్లు, 3 సిక్సర్లు), టీ20 స్పెషలిస్ట్‌ నికోలస్‌ పూరన్‌ (94 బంతుల్లో 115; 10 ఫోర్లు, 4 సిక్సర్లు) సెంచరీలతో కదంతొక్కి విండీస్‌ గెలుపులో ప్రధాన పాత్ర పోషించారు. ఈ మ్యాచ్‌లో తొలుత బ్యాటింగ్‌ చేసిన విండీస్‌.. 55 పరుగులకే 3 వికెట్లు కోల్పోయి కష్టాల్లో పడింది. ఈ దశలో జత కలిసిన హోప్‌, పూరన్‌ జోడీ నాలుగో వికెట్‌కు 216 పరుగుల భారీ భాగస్వామ్యాని​ జోడించి తమ జట్టు భారీ స్కోర్‌ చేయడానికి బాటలు వేశారు. ఆఖర్లో రోవ్‌మన్‌ పావెల్‌ (29), జేసన్‌ హోల్డర్‌ (16 నాటౌట్‌) బ్యాట్‌ ఝులిపించారు. ఫలితంగా విండీస్‌ నిర్ణీత ఓవర్లలో 7 వికెట్ల నష్టానికి 339 పరుగుల భారీ స్కోర్‌ చేసింది. నేపాల్‌ బౌలర్లలో లలిత్‌ రాజ్‌బంశీ 3.. కరణ్‌, గుల్షన్‌ ఝా, సందీప్‌ లామిచ్చేన్‌, దీపేంద్ర సింగ్‌ తలో వికెట్‌ పడగొట్టారు.   అనంతరం భారీ లక్ష్యాన్ని ఛేదించేందుకు బరిలోకి దిగిన నేపాల్‌.. విండీస్‌ బౌలర్లు జేసన్‌ హోల్డర్‌ (10-0-34-3), అల్జరీ జోసఫ్‌ (10-0-45-2), కీమో పాల్‌ (10-1-63-2), అకీల్‌ హొస్సేన్‌ (10-1-49-2), కైల్‌ మేయర్స్‌ (6.4-0-37-1) ధాటికి 49.4 ఓవర్లలో 238 పరుగులకే అలౌటై ఓటమిపాలైంది. నేపాల్‌ ఇన్నింగ్స్‌లో ఆరిఫ్‌ షేక్‌ (63) అర్ధసెంచరీ సాధించగా.. గుల్సన్‌ ఝా (42), రోహిత్‌ పౌడెల్‌ (30), ఆసిఫ్‌ షేక్‌ (28), కరణ్‌ (28), దీపేంద్ర సింగ్‌ (23) రెండంకెల స్కోర్లు చేశారు. ఈ మ్యాచ్‌లో గెలుపుతో విండీస్‌ గ్రూప్‌-ఏ పాయింట్ల పట్టికలో అగ్రస్థానానికి ఎగబాకగా.. ఆడిన 3 మ్యాచ్‌ల్లో రెండింటిలో ఓటమిపాలైన నేపాల్‌ నాలుగో స్థానానికి పడిపోయింది.గ్రూప్‌-ఏలో ఇవాళే జరిగిన మరో మ్యాచ్‌లో యూఎస్‌ఏను మట్టికరిపించిన నెదర్లాండ్స్‌ మూడో ప్లేస్‌కు చేరుకోగా.. ఆడిన 2 మ్యాచ్‌ల్లో 2 విజయాలు సాధించిన జాంబాబ్వే.. విండీస్‌ తర్వాత రెండో స్థానంలో నిలిచింది. ఆడిన 3 మ్యాచ్‌ల్లో ఓటమిపాలైన యూఎస్‌ఏ ఐదో స్థానంలో నిలిచి, టోర్నీ నుంచి నిష్క్రమించే స్థితికి చేరింది.    గ్రూప్‌-బి విషయానికొస్తే.. ఈ గ్రూప్‌లో ఒమన్‌ (2 మ్యాచ్‌ల్లో 2 విజయాలు) టాప్‌లో ఉండగా.. శ్రీలంక (2), స్కాట్లాండ్‌ (2), ఐర్లాండ్‌ (0), యూఏఈ (0) వరుసగా 2 నుంచి 5 స్థానాల్లో నిలిచాయి. ఈ టోర్నీలో ఫైనల్‌కు చేరే రెండు జట్లు ఈ ఏడాది చివర్లో భారత్‌లో జరిగే వన్డే వరల్డ్‌కప్‌కు అర్హత సాధిస్తాయి. 

వెస్టిండీస్‌ వన్డే జట్టు కెప్టెన్‌ షాయ్‌ హోప్‌ అత్యంత అరుదైన జాబితాలో చేరాడు. వరల్డ్‌కప్‌ క్వాలిఫయర్స్‌-2023లో భాగంగా నేపాల్‌తో ఇవాళ (జూన్‌ 22) జరుగుతున్న మ్యాచ్‌లో శతక్కొట్టం (129 బంతుల్లో 132; 10 ఫోర్లు, 3 సిక్సర్లు)  ద్వారా విరాట్‌ కోహ్లి, మైఖేల్‌ బెవాన్‌, ఏబీ డివిలియర్స్‌, ఎంఎస్‌ ధోని, జో రూట్‌ లాంటి దిగ్గజ క్రికెటర్ల సరసన చేరాడు. నేపాల్‌తో మ్యాచ్‌లో  సెంచరీ చేయడం ద్వారా హోప్‌ మరోసారి వన్డేల్లో 50కిపైగా యావరేజ్‌ సాధించాడు. కనీసం 100 వన్డేలు ఆడి 50 అంతకంటే ఎక్కువ సగటు కలిగిన క్రికెటర్ల జాబితాలో పైన పేర్కొన్న దిగ్గజాలు మాత్రమే ఉన్నారు. హోప్‌ 110 మ్యాచ్‌ల్లో 105 ఇన్నింగ్స్‌లు ఆడి 50.26 సగటున 4674 పరుగులు చేశాడు. ఈ జాబితాలో విరాట్‌ అందరికంటే ఎక్కువగా 274 వన్డేల్లో 57.3 సగటున 12898 పరుగులు చేశాడు. విరాట్‌ తర్వాత ఆసీస్‌ మాజీ ఆల్‌రౌండర్‌ మైఖేల్‌ బెవాన్‌ (232 వన్డేల్లో 53.6 సగటున 6912 పరుగులు) అత్యధిక సగటు కలిగి ఉన్నాడు. ఆ తర్వాత ఏబీ డివిలియర్స్‌ (228 వన్డేల్లో 53.5 సగటున 9577 పరుగులు), ఎంఎస్‌ ధోని (350 మ్యాచ్‌ల్లో 50.6 సగటున 10773 పరుగులు), జో రూట్‌ (158 వన్డేల్లో 50 సగటున 6207 పరుగులు) ఉన్నారు. తాజాగా హోప్‌ వీరి సరసన చేరాడు.  నేపాల్‌తో మ్యాచ్‌లో సెంచరీ కొట్టడం ద్వారా హోప్‌ వన్డేల్లో తన 15వ శతకాన్ని నమోదు చేశాడు. 2019 వన్డే వరల్డ్‌కప్‌ తర్వాత ఈ ఫార్మాట్‌లో అత్యధిక పరుగులు (47 ఇన్నింగ్స్‌ల్లో 2153 పరుగులు), హోప్‌ అత్యధిక సెంచరీలు (9), అత్యధిక హాఫ్‌ సెంచరీలు (18) చేసిన రెండో బ్యాటర్‌గా హోప్‌ రికార్డుల్లోకెక్కాడు. ఇటీవలికాలంలో హోప్‌ ప్రదర్శన చూసాక ఇతన్ని అందరూ నయా రన్‌ మెషీన్‌ అని అంటున్నారు. ఇదిలా ఉంటే, నేపాల్‌తో మ్యాచ్‌లో హోప్‌తో పాటు నికోలస్‌ పూరన్‌ (94 బంతుల్లో 115; 10 ఫోర్లు, 4 సిక్సర్లు) సెంచరీ చేయడంతో విండీస్‌ నిర్ణీత ఓవర్లలో 7 వికెట్ల నష్టానికి 339 పరుగుల భారీ స్కోర్‌ చేసింది. అనంతరం​ ఛేదనలో నేపాల్‌ తడబడుతుంది. 44 ఓవర్లలో 7 వికెట్ల నష్టానికి 204 పరుగులు చేసి ఓటమి దిశగా సాగుతుంది.   

CWC Qualifiers 2023 WI VS NEP: వరల్డ్‌కప్‌ క్వాలిఫయర్స్‌ 2023లో భాగంగా నేపాల్‌తో ఇవాళ (జూన్‌ 22) జరుగుతున్న మ్యాచ్‌లో విండీస్‌ బ్యాటర్లు శతకాల మోత మోగించారు. కెప్టెన్‌ షాయ్‌ హోప్‌ (129 బంతుల్లో 132; 10 ఫోర్లు, 3 సిక్సర్లు) వన్డేల్లో భీకర ఫామ్‌ను కొనసాగిస్తూ కెరీర్‌లో 15వ శతకాన్ని నమోదు చేయగా.. టీ20 స్పెషలిస్ట్‌ నికోలస్‌ పూరన్‌ (94 బంతుల్లో 115; 10 ఫోర్లు, 4 సిక్సర్లు) నేపాల్‌ బౌలర్లను ఊచకోత కోస్తూ విధ్వంసకర శతకాన్ని బాదాడు.  ఫలితంగా  విండీస్‌ నిర్ణీత ఓవర్లలో 7 వికెట్ల నష్టానికి 339 పరుగులు చేసింది. నేపాల్‌ బౌలర్లలో లలిత్‌ రాజ్‌బంశీ 3.. కరణ్‌, గుల్షన్‌ ఝా, సందీప్‌ లామిచ్చేన్‌, దీపేంద్ర సింగ్‌ తలో వికెట్‌ పడగొట్టారు.  ఈ మ్యాచ్‌కు ముందు యూఎస్‌ఏతో జరిగిన మ్యాచ్‌లో అతి కష్టం మీద 39 పరుగుల తేడాతో విజయం సాధించిన విండీస్‌.. పాయింట్ల పట్టికలో (గ్రూప్‌-ఏ) జింబాబ్వే తర్వాత రెండో స్థానంలో కొనసాగుతుంది. గ్రూప్‌-బిలో ఆడిన 2 మ్యాచ్‌ల్లో గెలుపొందిన ఒమన్‌ టాపర్‌గా, శ్రీలంక, స్కాట్లాండ్‌ 2, 3 స్థానాల్లో నిలిచాయి. 2019 వరల్డ్‌కప్‌ తర్వాత హోప్‌ను మించినోడే లేడు.. విండీస్‌ వన్డే జట్టు కెప్టెన్‌ షాయ్‌ హోప్‌ వన్డేల్లో భీకర ఫామ్‌ను కొనసాగిస్తున్నాడు. 2019 వన్డే వరల్డ్‌కప్‌ తర్వాత అతను పట్టపగ్గాలు లేకుండా పరుగుల వరద పారిస్తున్నాడు. ఈ మధ్యకాలంలో హోప్‌ ఏకంగా 9 సెంచరీలు, 18 హాఫ్‌ సెంచరీలు బాది, అత్యధిక పరుగులు (47 ఇన్నింగ్స్‌ల్లో 2153 పరుగులు) సాధించిన ఆటగాడిగా రికార్డుల్లోకెక్కాడు. హోప్‌కు కాస్త దగ్గరగా వచ్చిన బ్యాటర్‌  ఎవరైనా ఉన్నాడంటే అది బాబర్‌ ఆజమ్‌ అని చెప్పాలి. బాబర్‌ 28 ఇన్నింగ్స్‌ల్లో 1876 పరుగులు చేసి హోప్‌ తర్వాతి స్థానంలో ఉన్నాడు. 

వెస్టిండీస్‌ వన్డే జట్టు కెప్టెన్‌ షాయ్‌ హోప్‌ గత కొంతకాలంగా భీకర ఫామ్‌లో ఉన్నాడు. ఈ మధ్యకాలంలో (2019-2023) అతను వన్డేల్లో అత్యధిక పరుగులు చేసిన బ్యాటర్‌గా అవతరించాడు. వరల్డ్‌ క్లాస్‌ బ్యాటర్లు విరాట్‌ కోహ్లి, బాబర్‌ ఆజమ్‌లను సైతం అధిగమించాడు. 2019 వన్డే వరల్డ్‌కప్‌ నుంచి నిన్నటి వరల్డ్‌కప్‌-2023 క్వాలిఫయర్స్‌ మ్యాచ్‌ల వరకు తీసుకుంటే.. హోప్‌ 46 ఇన్నింగ్స్‌ల్లో ఏకంగా 2021 పరుగులు చేశాడు. కోహ్లి, బాబర్‌ ఆజమ్‌లు సైతం ఈ మధ్యకాలంలో అన్ని పరుగులు చేయలేదు. కోహ్లి 37 ఇన్నింగ్స్‌ల్లో 1612 పరుగులు చేస్తే.. బాబర్‌ ఆజమ్‌ 28 ఇన్నింగ్స్‌ల్లో 1876 పరుగులు చేశాడు. 2019-2023 జూన్‌ మధ్యకాలంలో హోప్‌ తర్వాత బాబర్‌ అత్యధిక పరుగులు చేసిన బ్యాటర్‌గా నిలిచాడు. వీరి తర్వాత పపువా న్యూ గినియా బ్యాటర్‌ అస్సద్‌ వాలా (47 ఇన్నింగ్స్‌ల్లో 1620 పరుగులు) మూడో స్థానంలో, విరాట్‌ కోహ్లి నాలుగో స్థానంలో, నమీబియా క్రికెటర్‌ గెర్హార్డ్‌ ఎరాస్మస్‌ (38 ఇన్నింగ్స్‌ల్లో 1577 పరుగులు) ఐదో స్థానంలో నిలిచారు.  ఇదిలా ఉంటే, వరల్డ్‌కప్‌ క్వాలిఫయర్స్‌ 2023లో భాగంగా నిన్న (జూన్‌ 18) యూఎస్‌ఏతో జరిగిన మ్యాచ్‌లో షాయ్‌ హోప్‌ (54) సహా జాన్సన్‌ ఛార్లెస్‌ (66), రోప్టన్‌ ఛేజ్‌ (55), జేసన్‌ హోల్డర్‌ (56), నికోలస్‌ పూరన్‌ (43) రాణించడంతో విండీస్‌ 39 పరుగుల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన విండీస్‌ వీరంతా రాణించడంతో  49.3 ఓవర్లలో 297 పరుగులకు ఆలౌటైంది. అనంతరం ఛేదనలో యూఎస్‌ఏ 7 వికెట్లు కోల్పోయి 258 పరుగులకే పరిమితమై ఓటమిపాలైంది. గజానంద్‌ సింగ్‌ (101 నాటౌట్‌) వీరోచిత శతకంతో పోరాడి విండీస్‌కు అంత సులువుగా విజయాన్ని దక్కనీయ లేదు. అతనికి ఆరోన్‌ జోన్స్‌ (23), షయాన్‌ జహంగీర్‌ (39), నోస్‌తుష్‌ కెంజిగే (34) సహకరించారు. విండీస్‌ బౌలర్లలో కైల్‌ మేయర్స్‌, అల్జరీ జోసఫ్‌ తలో 2 వికెట్లు, జేసన్‌ హోల్డర్‌, రోస్టన్‌ ఛేజ్‌ చెరో వికెట్‌ దక్కించుకున్నారు. కాగా, వన్డే వరల్డ్‌కప్‌లో బెర్తు కోసం విండీస్‌.. మరో 9 జట్లతో కలిసి వరల్డ్‌కప్‌ క్వాలిఫయర్స్‌లో తలపడుతున్న విషయం తెలిసిందే.

మూడు మ్యాచ్‌ల వన్డే సిరీస్‌ కోసం యూఏఈలో పర్యటిస్తున్న వెస్టిండీస్‌ జట్టు షార్జా వేదికగా నిన్న (జూన్‌ 4) జరిగిన తొలి మ్యాచ్‌లో ఘన విజయం సాధించి, సిరీస్‌కు శుభారంభం చేసింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన యూఏఈ 47.1 ఓవర్లలో 202 పరుగులు చేసి ఆలౌట్‌ కాగా.. విండీస్‌ 35.2 ఓవర్లలోనే లక్ష్యాన్ని ఛేదించి, 7 వికెట్ల తేడాతో గెలుపొందింది. బ్రాండన్‌ కింగ్‌ సూపర్‌ శతకం (112 బంతుల్లో 112; 12 ఫోర్లు, 4 సిక్సర్లు) సాధించి విండీస్‌ను గెలిపించాడు. అతనికి షామార్‌ బ్రూక్స్‌ (58 బంతుల్లో 44; 5 ఫోర్లు) జత కలిశాడు. యూఏఈ ఇన్నింగ్స్‌లో అలీ నసీర్‌ (58), అరవింద్‌ (40) రాణించగా, మిగతా వారంతా విఫలమయ్యారు. విండీస్‌ బౌలర్లలో కీమో పాల్‌ 3, డొమినిక్‌ డ్రేక్స్‌, ఓడియన్‌ స్మిత్‌, కారియా తలో 2 వికెట్లు, రోస్టన్‌ ఛేజ్‌ ఓ వికెట్‌ పడగొట్టారు. ఇరు జట్ల మధ్య రెండో వన్డే జూన్‌ 6న షార్జాలోనే జరుగనుంది. చదవండి: గెలవలేమని తెలిసినా సెంచరీ కోసం అలా.. చివరికి పరువు పాయే..!

భారత్‌ వేదికగా జరగననున్న వన్డే ప్రపంచకప్‌-2023కు వెస్టిండీస్‌ జట్టు నేరుగా అర్హత సాధించకపోయిన సంగతి తెలిసిందే. జూన్‌లో జింబాబ్వే వేదికగా జరగనున్న వరల్డ్‌కప్‌ క్వాలిఫియర్‌ మ్యాచ్‌ల్లో వెస్టిండీస్‌ ఆడనుంది. ఈ క్రమంలో క్వాలిఫియర్‌ రౌండ్‌ మ్యాచ్‌లకు వెస్టిండీస్‌ క్రికెట్‌ బోర్డు తమ జట్టును ప్రకటించింది. ఈ జట్టుకు బ్రాండెన్‌ కింగ్‌ సారధ్యం వహించనుండగా.. వైస్‌ కెప్టెన్‌గా రోవ్‌మన్ పావెల్ వ్యవహరించనున్నాడు. అదే విధంగా దాదాపు ఏడాది తర్వాత ఆ జట్టు ఆల్‌రౌండర్‌ కీమో పాల్‌కు సెలక్టర్లు పిలుపునిచ్చారు. మరోవైపు జింబాబ్వేతో టెస్టు సిరీస్‌లో ఆకట్టుకున్న స్పిన్నర్‌ గుడాకేష్ మోటీకి కూడా ఈ జట్టులో చోటు దక్కింది. కాగా ఈ జట్టులో విధ్వంసకర ఆటగాడు షెమ్రాన్‌ హెట్‌మైర్‌కు చోటు దక్కపోవడం గమానార్హం. ఇక వరల్డ్‌కప్‌ క్వాలిఫియర్‌ జట్టుతో పాటు యూఏఈతో వన్డే సిరీస్‌కు కూడా జట్టును విండీస్‌ క్రికెట్‌ బోర్డు ప్రకటించింది. ఈ సిరీస్‌కు ఐపీఎల్‌-2023లో భాగంగా ఉన్న విండీస్‌ ఆటగాళ్లు దూరం కానున్నారు. ఈ సిరీస్‌ ఆరంభసమయానికి ఐపీఎల్‌ పూర్తి అయినప్పటికీ.. తమ ఆటగాళ్లకు విశ్రాంతి ఇవ్వాలని విండీస్‌ సెలక్టర్లు నిర్ణయించారు.  ఈ సిరీస్‌ జూన్‌ 5 నుంచి ప్రారంభం కానుంది. ప్రపంచ కప్ క్వాలిఫైయర్ కోసం వెస్టిండీస్ జట్టు: షాయ్ హోప్ (కెప్టెన్‌), రోవ్‌మన్ పావెల్ (వైస్‌ కెప్టెన్‌), షమర్ బ్రూక్స్, యానిక్ కరియా, కీసీ కార్టీ, రోస్టన్ చేజ్, జాసన్ హోల్డర్, అకేల్ హోసేన్, అల్జారీ జోసెఫ్, బ్రాండన్ కింగ్, కైల్ మేయర్స్, గుడాకేష్ మోటీ, కీమో పాల్, నికోలస్ పూరన్, రొమారియో షెపర్డ్ యూఏఈ వన్డేలకు వెస్టిండీస్ జట్టు: షాయ్ హోప్ (కెప్టెన్‌), బ్రాండన్ కింగ్ (వైస్‌ కెప్టెన్‌), అలిక్ అథానాజ్, షమర్ బ్రూక్స్, యానిక్ కరియా, కీసీ కార్టీ, రోస్టన్ చేజ్, డొమినిక్ డ్రేక్స్, కావెం హాడ్జ్, అకీమ్ జోర్డాన్, గుడాకేష్ మోటీ, కీమో పాల్, రేమోన్ రీఫెర్, ఓడియన్ స్మిత్, డెవాన్ థామస్  

సౌతాఫ్రికాతో జరుగుతున్న వన్డే సిరీస్‌లో వెస్టిండీస్‌ శుభారంభం చేసింది. శనివారం జరిగిన రెండో వన్డేలో వెస్టిండీస్‌ 48 పరుగుల తేడాతో విజయం సాధించింది. తొలుత బ్యాటింగ్‌ చేసిన వెస్టిండీస్‌ నిర్ణీత 50 ఓవరల్లో 8 వికెట్ల నష్టానికి 335 పరుగులు చేసింది. మిడిలార్డర్‌ బ్యాటర్‌ షెయ్‌ హోప్‌ (115 బంతుల్లో 128 పరుగులు, 5 ఫోర్లు, ఏడు సిక్సర్లు) సెంచరీతో చెలరేగగా.. రోవ్‌మన్‌ పావెల్‌ 46, బ్రాండన్‌ కింగ్‌ 30, కైల్‌ మేయర్స్‌ 36 పరుగులు చేశారు.  ప్రొటీస్‌ బౌలర్లలో గెరాల్డ్‌ కొట్జే మూడు వికెట్లు పడగొట్టగా.. ఫొర్టున్‌, షంసీ చెరో రెండు వికెట్లు తీశారు.  అనంతరం 339 పరుగుల లక్ష్యంతో బరిలోకి దిగిన సౌతాఫ్రికా 41.4 ఓవర్లలో 287 పరుగులకు ఆలౌట్‌ అయింది. కెప్టెన్‌ బవుమా(118 బంతుల్లో 144 పరుగులు) తన కెరీర్‌లో ఎప్పటికి గుర్తుండిపోయే ఇన్నింగ్స్‌ ఆడాడు. అయితే కెప్టెన్‌ ఒక్కడే ఆడితే సరిపోదు.. డికాక్‌(48 పరుగులు) మినహా బవుమాకు సహకరించేవారు కరువయ్యారు. టోని డి జార్జీ 27 పరుగులు చేశాడు. విండీస్‌ బౌలర్లలో అకిల్‌ హొసెన్‌, అల్జారీ జోసెఫ్‌లు చెరో మూడు వికెట్లు తీయగా.. ఓడెన్‌ స్మిత్‌, యానిక్‌ కారియా, కైల్‌ మేయర్స్‌ తలా ఒక వికెట్‌ తీశారు. తొలి వన్డే వర్షార్పణం కావడంతో రెండో వన్డేలో గెలిచిన విండీస్‌ 1-0తో ఆధిక్యంలో ఉంది. ఇక చివరిదైన మూడో వన్డే మార్చి 21న(మంగళవారం) జరగనుంది. కెప్టెన్‌ ఇన్నింగ్స్‌తో ఆకట్టుకున్న షెయ్‌ హోప్‌ను ప్లేయర్‌ ఆఫ్‌ ది అవార్డు వరించింది. చదవండి: 36 బంతుల్లో 99 పరుగులు; ఒక్క పరుగు చేసుంటే చరిత్రలో

దక్షిణాఫ్రికాతో టెస్టు సిరీస్‌కు ఇప్పటికే తమ జట్టును ప్రకటించిన క్రికెట్ వెస్టిండీస్‌.. తాజాగా వన్డే, టీ20 సిరీస్‌లకు కూడా రెండు వేర్వేరు జట్టులను ఎంపిక చేసింది. దక్షిణాఫ్రికా పర్యటనలో భాగంగా రెండు టెస్టులు, మూడు వన్డేలు, మూడు టీ20ల సుదీర్ఘ సిరీస్‌లో ప్రోటీస్‌తో విండీస్‌ తలపడనుంది. ఫిబ్రవరి 28 నుంచి జరగనున్న తొలి టెస్టుతో విండీస్‌ పర్యటన ప్రారంభం కానుంది. అదే విధంగా మార్చి 16న విండీస్‌-ప్రోటీస్‌ మధ్య జరగనున్న తొలి వన్డేతో పరిమిత ఓవర్ల సిరీస్‌ మొదలుకానుంది. ఇక వన్డేల్లో షాయ్ హోప్ తొలిసారిగా విండీస్‌ జట్టుకు  నాయకత్వం వహించనుండగా.. రోవ్‌మన్ పావెల్ అతడికి డిప్యూటీగా వ్యవహరించనున్నాడు. మరోవైపు టీ20ల్లో కరీబియన్‌ జట్టుకు పావెల్ సారథ్యం వహిచంనుండగా.. అతడికి డిప్యూటీగా  కైల్ మేయర్స్ బాధ్యతలు చేపట్టనున్నాడు. ఇది ఇలా ఉండగా.. దాదాపు నాలుగేళ్ల తర్వాత ఫాస్ట్ బౌలర్ షానన్ గాబ్రియేల్ తిరిగి విండీస్‌ వన్డే జట్టుకు ఎంపికయ్యాడు. 34 ఏళ్ల గాబ్రియేల్ గతేడాది ఆఖరిలో జరిగిన సూపర్-50 వన్డే కప్‌లో గాబ్రియేల్ అద్భుతంగా రాణించాడు. ఈ నేపథ్యంలోనే అతడికి సెలక్టర్లు మళ్లీ పిలుపునిచ్చారు. గాబ్రియేల్ చివరగా 2019 వన్డే ప్రపంచకప్‌లో విండీస్‌ తరపున ఆడాడు. వెస్టిండీస్ వన్డే జట్టు షాయ్ హోప్ (కెప్టెన్‌), రోవ్‌మన్ పావెల్ (వైస్‌ కెప్టెన్‌), షమర్ బ్రూక్స్, యానిక్ కారియా, కీసీ కార్టీ, రోస్టన్ చేజ్, షానన్ గాబ్రియేల్, జాసన్ హోల్డర్, అకేల్ హోసేన్, అల్జారీ జోసెఫ్, బ్రాండన్ కింగ్, కైల్ మేయర్స్, నికోలస్ పూరన్, రొమారియో షెపర్డ్, ఓడియన్ స్మిత్ వెస్టిండీస్ టీ20జట్టు రోవ్‌మన్ పావెల్ (కెప్టెన్‌), కైల్ మేయర్స్ (వైస్‌కెప్టెన్‌), షమర్ బ్రూక్స్, యానిక్ కారియా, జాన్సన్ చార్లెస్, షెల్డన్ కాట్రెల్, జాసన్ హోల్డర్, అకేల్ హోసిన్, అల్జారీ జోసెఫ్, బ్రాండన్ కింగ్, ఒబెడ్ మెక్‌కాయ్, నికోలస్ పూరన్, రేమాన్ రీఫర్, రొమారియో షెపర్డ్‌ చదవండి: IND vs AUS: టీమిండియాను ఓడించడానికి సాయం చేస్తా.. ఒక్క రూపాయి కూడా వద్దు!

వెస్టిండీస్‌ క్రికెట్‌ బోర్డు తమ జట్టు పరిమిత ఓవర్ల కొత్త కెప్టెన్‌లను గురువారం ప్రకటించింది. వన్డేలకు సారథిగా సీనియర్‌ ఆటగాడు షాయ్ హోప్ ఎంపికవ్వగా.. టీ20లకు విధ్వంసకర ఆల్‌రౌండర్‌ రోవ్‌మన్ పావెల్‌ నియమితుడయ్యాడు. కాగా గతేడాది టీ20 ప్రపంచకప్‌లో ఘోర పరాభావానికి నైతిక బాధ్యత వహిస్తూ నికోలస్ పూరన్ విండీస్‌ వైట్‌ బాల్‌ కెప్టెన్సీకు గుడ్‌బై చెప్పిన సంగతి తెలిసిందే. అతడి స్థానంలో వీరిద్దరూ బాధ్యతలు చేపట్టనున్నారు. మార్చి 16 నుంచి దక్షిణాఫ్రికాతో జరగున్న వన్డే, టీ20 సిరీస్‌లతో సారథిలగా వీళ్ల ప్రయాణం ప్రారంభం కానుంది. కాగా 2019 నుంచి విండీస్‌ వన్డే జట్టుకు హోప్ వైస్‌ కెప్టెన్‌గా వ్యవహరిస్తున్నాడు. ఇప్పటివరకు 104 వన్డే మ్యాచ్‌లు ఆడిన అతడు 48.08 సగటుతో 4308 పరుగులు చేశాడు. అదే విధంగా రోవ్‌మన్ పావెల్‌ కూడా విండీస్‌ జట్టులో కీలక సభ్యునిగా కొనసాగుతున్నాడు. టీ20ల్లో కెప్టెన్‌గా అతడికి అపారమైన అనుభవం ఉంది. గత ఏడాది కరేబియన్ ప్రీమియర్ లీగ్‌ టైటిల్‌ను సొంతం చేసుకున్న  జమైకా తల్లావాస్‌కు పావెల్‌ సారథిగా వ్యవహరించాడు. అదే విధంగా అతడు కెప్టెన్‌గా జమైకా స్కార్పియన్స్‌కు యునైటెడ్ సూపర్50 కప్ టైటిల్‌ను కూడా అందించాడు. ఇక​ దక్షిణాఫ్రికా పర్యటనలో భాగంగా విండీస్‌ రెండు టెస్టులు,మూడు వన్డేలు, మూడు టీ20 సిరీస్‌లో అతిథ్య జట్టుతో తలపడనుంది. చదవండి: T20 WC: టీ20 ప్రపంచకప్‌లో స్పాట్‌ ఫిక్సింగ్‌ కలకలం.. బంగ్లా క్రికెటర్‌తో 🚨BREAKING NEWS🚨 CWI announces new captains for White-Ball formats. Read More⬇️ https://t.co/Bmw7qILA9p pic.twitter.com/suNk7ndqKE — Windies Cricket (@windiescricket) February 15, 2023

బంగ్లాదేశ్‌ ప్రీమియర్‌ లీగ్‌ చరిత్రలోనే అత్యంత ప్రమాదకర బ్యాటింగ్‌ విధ్వంసం నిన్న (జనవరి 31) ఖుల్నా టైగర్స్‌-కొమిల్లా విక్టోరియన్స్‌ మధ్య జరిగిన మ్యాచ్‌లో చోటు చేసుకుంది. ఈ మ్యాచ్‌లో ఇరు జట్లకు చెందిన నలుగురు బ్యాటర్లు రికార్డ స్థాయిలో 26 సిక్సర్లు బాదారు. ఇందులో కొమిల్లా విక్టోరియన్స్‌ ఆటగాడు జాన్సన్‌ చార్లెస్‌ చేసిన విధ్వంసం అంతా ఇంతా కాదు. ఈ విండీస్‌ వీరుడు 56 బంతుల్లో 5 ఫోర్లు, 11 సిక్సర్ల సాయంతో అజేయమైన 107 పరుగులు చేసి తన జట్టుకు చారిత్రక విజయాన్ని అందించాడు. చార్లెస్‌ సునామీ శతకం.. విధ్వంసం, ఊచకోత అన్న పదాలను దాటిపోయి, ఇంకే పదం వాడాలో తెలియనంత రేంజ్‌లో సాగింది. చార్లెస్‌కు పాక్‌ ఆటగాడు మహ్మద్‌ రిజ్వాన్‌ (39 బంతుల్లో 73; 8 ఫోర్లు, 4 సిక్సర్లు) బీభత్సమైన హాఫ్‌ సెంచరీ తోడవ్వడంతో ప్రత్యర్ధి నిర్ధేశించిన 211 పరుగుల భారీ టార్గెట్‌ను కొమిల్లా విక్టోరియన్స్‌ మరో 10 బంతులు మిగిలుండగానే ఛేదించి రికార్డు విజయం సాధించింది.  ఈ మ్యాచ్‌లో తొలుత బ్యాటింగ్‌ చేసిన ఖుల్నా టైగర్స్‌.. తమీమ్‌ ఇక్బాల్‌ (61 బంతుల్లో 95; 11 ఫోర్లు, 4 సిక్సర్లు), షాయ్‌ హోప్‌ (55 బంతుల్లో 91 నాటౌట్‌; 5 ఫోర్లు, 7 సిక్సర్లు) ఆకాశమే హద్దుగా చెలరేగిపోవడంతో నిర్ణీత ఓవర్లలో 2 వికెట్ల నష్టానికి 210 పరుగుల భారీ స్కోర్‌ చేసింది. విండీస్‌ బ్యాటర్‌ హోప్‌ సిక్సర్ల వర్షం కురిపించాడు. అతనికి తమీమ్‌ కూడా తోడవ్వడంతో చిన్న సైజ్‌ విధ్వంసమే జరిగింది. వీరిద్దరు ప్రత్యర్ధి బౌలర్లను ఊచకోత కోశారు. నసీం షా, మొసద్దెక్‌ హొసేన్‌ తలో వికెట్‌ తీసి పర్వాలేదనిపించారు. మహ్ముదుల్‌ హసన్‌ జాయ్‌ (1) తక్కువ స్కోర్‌కే ఔట్‌ కాగా.. ఆఖర్లో ఆజమ్‌ ఖాన్‌ (4 బంతుల్లో 12 నాటౌట్‌; ఫోర్‌, సిక్స్‌) కూడా మెరుపులు మెరిపించాడు. అనంతరం​ కష్టసాధ్యమైన 211 లక్ష్యాన్ని ఛేదించేందుకు బరిలోకి దిగిన కొమిల్లా విక్టోరియన్స్‌.. ఆది నుంచే ఎదురుదాడికి దిగింది. ఓపెనర్‌ లిటన్‌ దాస్‌ (4) రిటైర్డ్‌ హర్ట్‌గా, కెప్టెన్‌ ఇమ్రుల్‌ ఖయేస్‌ (5) త్వరగా ఔటైనప్పటికీ.. మహ్మద్‌ రిజ్వాన్‌, జాన్సన్‌ చార్లెస్‌ బౌండరీలు, సిక్సర్లతో ప్రత్యర్ధి బౌలర్ల దుమ్ముదులిపారు. వీరిద్దరి ధాటికి కొమిల్లా విక్టోరియన్స్‌ 18.2 ఓవర్లలో 3 వికెట్లు కోల్పోయి లక్ష్యాన్ని ఛేదించింది. సూపర్‌ సెంచరీతో కొమిల్లాను గెలిపించిన చార్లెస్‌ను మ్యాచ్‌ అనంతరం ఆటగాళ్లు భుజాలపై మోస్తూ స్టేడియం మొత్తం ఊరేగించారు. కాగా, ఈ విజయంతో కొమిల్లా విక్టోరియన్స్‌.. సిల్హెట్‌ స్ట్రయికర్స్‌, ఫార్చూన్‌ బారిషల్‌ జట్లతో సహా ప్లే ఆఫ్స్‌కు అర్హత సాధించింది.   

బంగ్లాదేశ్‌ ప్రీమియర్‌ లీగ్‌ 2023 సీజన్‌లో సంచలన ప్రదర్శనలు నమోదవుతున్నాయి. ఈ లీగ్‌లో భారత్‌ మినహాయించి ప్రపంచ దేశాల క్రికెటర్లు పాల్గొంటూ, సత్తా చాటుతున్నారు. ప్రస్తుత సీజన్‌లో ఇప్పటికే ఎన్నో రికార్డులు బద్ధలయ్యాయి. ఇవాళ (జనవరి 31) కొమిల్లా విక్టోరియన్స్‌తో జరిగిన మ్యాచ్‌లో ఖుల్నా టైగర్స్‌ ఆటగాళ్లు తమీమ్‌ ఇక్బాల్‌ (61 బంతుల్లో 95; 11 ఫోర్లు, 4 సిక్సర్లు), షాయ్‌ హోప్‌ (55 బంతుల్లో 91 నాటౌట్‌; 5 ఫోర్లు, 7 సిక్సర్లు) ఆకాశమే హద్దుగా చెలరేగిపోయారు. ఫలితంగా తొలుత బ్యాటింగ్‌ చేసిన ఖుల్నా టైగర్స్‌ నిర్ణీత ఓవర్లలో 2 వికెట్ల నష్టానికి 210 పరుగుల భారీ స్కోర్‌ చేసిం​ది. ఈ మ్యాచ్‌లో విండీస్‌ వికెట్‌కీపర్‌ కమ్‌ బ్యాటర్‌ హోప్‌ సిక్సర్ల వర్షం కురిపించాడు. అతనికి తమీమ్‌ కూడా తోడవ్వడంతో చిన్న సైజ్‌ విధ్వంసమే జరిగింది. వీరిద్దరు ప్రత్యర్ధి బౌలర్లను ఊచకోత కోశారు. నసీం షా, మొసద్దెక్‌ హొసేన్‌ తలో వికెట్‌ తీసి పర్వాలేదనిపించారు. మహ్ముదుల్‌ హసన్‌ జాయ్‌ (1) తక్కువ స్కోర్‌కే ఔట్‌ కాగా.. ఆఖర్లో ఆజమ్‌ ఖాన్‌ (4 బంతుల్లో 12 నాటౌట్‌; ఫోర్‌, సిక్స్‌) కూడా మెరుపులు మెరిపించాడు. అనంతరం భారీ లక్ష్యా ఛేదనకు దిగిన కొమిల్లా విక్టోరియన్స్‌ సైతం ఏమాత్రం తగ్గకుండా బ్యాటింగ్‌ చేస్తుంది. ఓపెనర్‌ లిటన్‌ దాస్‌ (4) రిటైర్డ్‌ హర్ట్‌గా, కెప్టెన్‌ ఇమ్రుల్‌ ఖయేస్‌ (5) ఔటైనప్పటికీ.. మహ్మద్‌ రిజ్వాన్‌ (32 బంతుల్లో 61 నాటౌట్‌; 6 ఫోర్లు, 4 సిక్సర్లు), జాన్సన్‌ చార్లెస్‌ (29 బంతుల్లో 34 నాటౌట్‌; 2 ఫోర్లు, 2 సిక్సర్లు) దుమ్ముదులుపుతున్నారు. వీరిద్దరి ధాటికి కొమిల్లా విక్టోరియన్స్‌ స్కోర్‌ 11 ఓవర్లకే 107కి చేరింది. ఈ జట్టు గెలవాంటే 54 బంతుల్లో మరో 104 పరుగులు చేయాల్సి ఉంది. చేతిలో 9 వికెట్లు ఉన్నాయి. 

Caribbean Premier League 2022 - Faf Du Plessis 4th T20 Century: కరేబియన్‌ ప్రీమియర్‌ లీగ్‌-2022లో భాగంగా గయానా అమెజాన్‌ వారియర్స్‌తో మ్యాచ్‌లో సెయింట్‌ లూసియా కింగ్స్‌ కెప్టెన్‌ ఫాఫ్‌ డుప్లెసిస్‌ అద్భుత సెంచరీతో మెరిశాడు. 59 బంతుల్లో 10 ఫోర్లు, 6 సిక్స్‌ల సాయంతో 103 పరుగులు చేశాడు. తద్వారా టీ20 ఫార్మాట్‌లో తన నాలుగో శతకాన్ని నమోదు చేశాడు ఈ దక్షిణాఫ్రికా ఆటగాడు.  అయితే, గయానా అమెజాన్‌ వారియర్స్‌ బ్యాటర్లు రాణించడంతో.. భారీ స్కోరు చేసినా సెయింట్‌ లూసియా కింగ్స్‌కు ఓటమి తప్పలేదు. దీంతో ఫాఫ్‌ డుప్లెసిస్‌ సెంచరీ ఇన్నింగ్స్‌ వృథాగా పోయింది.  Century for Faf!! Faf’s superb 103 runs from 59 balls earns him the @Dream11 MVP for match 27!! #CPL22 #GAWvSLK #CricketPlayedLouder #Dream11 #BiggestPartyInSport pic.twitter.com/R5Rkal9UCW — CPL T20 (@CPL) September 23, 2022 టాస్‌ గెలిచి.. భారీ స్కోరు చేసి Guyana Amazon Warriors vs Saint Lucia Kings: గయానాలోని ప్రొవిడెన్స్‌ స్టేడియం వేదికగా జరిగిన మ్యాచ్‌లో సెయింట్‌ లూసియా కింగ్స్‌, గయానా అమెజాన్‌ వారియర్స్‌ జట్లు తలపడ్డాయి. టాస్‌ గెలిచిన కింగ్స్‌ కెప్టెన్‌ డుప్లెసిస్‌ తొలుత బ్యాటింగ్‌ ఎంచుకున్నాడు.  ఓపెనర్‌గా బరిలోకి దిగి సెంచరీ సాధించాడు. అయితే, మిగతా ఆటగాళ్లలో వన్‌డౌన్‌ బ్యాటర్‌ డిక్‌విల్లా(36 పరుగులు) మినహా ఎవరూ రాణించలేకపోయారు. ఈ క్రమంలో నిర్ణీత 20 ఓవర్లలో 5 వికెట్ల నష్టానికి కింగ్స్‌ జట్టు 194 పరుగులు చేసింది. అర్ధ శతకాలతో మెరిసి.. సమిష్టి కృషితో.. భారీ లక్ష్యంతో బరిలోకి దిగిన వారియర్స్‌ జట్టుకు ఓపెనర్లు రహ్మనుల్లా గుర్బాజ్‌(26 బంతుల్లో 52 పరగులు), చంద్రపాల్‌ హేమ్‌రాజ్‌ (29 పరుగులు) శుభారంభం అందించారు. ఇక వన్‌డౌన్‌ బ్యాటర్‌ షాయీ హోప్‌ 30 బంతుల్లో 59 పరుగులతో రాణించాడు. నాలుగో స్థానంలో బ్యాటింగ్‌కు వచ్చినా షకీబ్‌ అల్‌ హసన్‌ మాత్రం డకౌట్‌గా వెనుదిరిగి నిరాశపరిచాడు. అయితే, ఆఖర్లో వారియర్స్‌ కెప్టెన్‌ షిమ్రన్‌ హెట్‌మెయిర్‌ 36 పరుగులు చేసి జట్టును విజయం దిశగా నడిపాడు.  ఆఖరి ఓవర్‌ రెండో బంతికి ఒక పరుగు తీసి రొమారియో షెఫర్డ్‌ లాంఛనం పూర్తి చేశాడు. ఇలా 19.2 ఓవర్లలో నాలుగు వికెట్లు పోయి వారియర్స్‌ లక్ష్యాన్ని ఛేదించింది. ఆరు వికెట్ల తేడాతో విజయం సాధించింది. ఇక విలువైన ఇన్నింగ్స్‌ ఆడిన షాయీ హోప్‌ ప్లేయర్‌ ఆఫ్‌ ది మ్యాచ్‌గా నిలిచాడు. ఇదిలా ఉంటే.. ఐపీఎల్‌-2022లో రాయల్‌ చాలెంజర్స్‌ బెంగళూరుకు కెప్టెన్‌గా వ్యవహరించిన ఫాఫ్‌ డుప్లెసిస్‌.. 16 ఇన్నింగ్స్‌లో 468 పరుగులు సాధించిన విషయం తెలిసిందే. ఈ సీజన్‌లో అతడి అత్యధిక స్కోరు 96.  What an innings!!! Faf brings up his 4th T20 century in emphatic style as this evenings @fun88eng Magic Moment. #CPL22 #GAWvSLK #CricketPlayedLouder #Fun88 #BiggestPartyInSport pic.twitter.com/eBZpOUusyM — CPL T20 (@CPL) September 23, 2022

పోర్ట్‌ ఆఫ్‌ స్పెయిన్‌ వేదికగా భారత్‌తో రెండో వన్డేలో వెస్టిండీస్‌ ఓపెనర్‌ షై హోప్‌  అరుదైన ఘనత సాధించాడు. తన వన్డే కెరీర్‌లో 100వ మ్యాచ్‌ ఆడిన హోప్‌ సెంచరీతో మెరిశాడు. తద్వారా 100వ మ్యాచ్‌లో సెంచరీ సాధించిన 10 ఆటగాడిగా హోప్‌ నిలిచాడు. గతంలో గార్డన్‌ గ్రీనిడ్జ్‌ (వెస్టిండీస్‌), క్రిస్‌ కెయిన్స్‌ (న్యూజిలాండ్‌), మొహమ్మద్‌ యూసుఫ్‌ (పాక్‌), సంగక్కర (శ్రీలంక), క్రిస్‌ గేల్‌ (వెస్టిండీస్‌) ట్రెస్కోథిక్‌ (ఇంగ్లండ్‌), రాంనరేశ్‌ శర్వాణ్‌ (వెస్టిండీస్‌), డేవిడ్‌ వార్నర్‌ (ఆస్ట్రేలియా), శిఖర్‌ ధావన్‌ (భారత్‌) ఈ ఘనత సాధించారు. అదే విధంగా ఈ అరుదైన రికార్డు సాధించిన నాలుగో విండీస్‌ ఆటగాడిగా హోప్‌ రికార్డులకెక్కాడు. ఇక అఖరి వరకు ఉత్కంఠ భరితంగా ఈ మ్యాచ్‌లో భారత్‌ రెండు వికెట్ల తేడాతో విజయం సాధించింది. దీంతో  మూడు మ్యాచ్‌ల సిరీస్‌ను మరో మ్యాచ్‌ మిగిలుండగానే 2-0 తేడాతో భారత్‌ కైవసం చేసుకుంది. ఇండియా వర్సెస్‌ వెస్టిండీస్‌ రెండో వన్డే వేదిక: క్వీన్స్ పార్క్ ఓవల్, పోర్ట్ ఆఫ్ స్పెయిన్ టాస్‌: విండీస్‌- బ్యాటింగ్‌ వెస్టిండీస్‌ స్కోరు: 311/6 (50 ఓవర్లు) సెంచరీతో చెలరేగిన షై హోప్‌(115 పరుగులు) భారత్‌ స్కోరు: 312/8 (49.4 ఓవర్లు) విజేత: భారత్‌.. 2 వికెట్ల తేడాతో గెలుపు ప్లేయర్‌ ఆఫ్‌ ది మ్యాచ్‌: అక్షర్‌ పటేల్‌ ‌(64 పరుగులు, ఒక్క వికెట్‌) అర్ధ సెంచరీలతో రాణించిన శ్రేయస్‌ అయ్యర్‌(63), అక్షర్‌ పటేల్(64‌), సంజూ శాంసన్‌(54) చదవండి: IND vs WI: చరిత్ర సృష్టించిన టీమిండియా.. వన్డేల్లో ప్రపంచ రికార్డు..

వెస్టిండీస్‌ ఓపెనర్‌ షాయ్ హోప్ వన్డేల్లో అరుదైన ఘనత సాధించాడు. విండీస్‌ దిగ్గజం వివ్‌ రిచర్డ్స్‌తో కలిసి వన్డేల్లో అత్యంత వేగంగా 4000 పరుగులు చేసిన 3వ ఆటగాడిగా నిలిచాడు. రిచర్డ్స్‌ 88 ఇన్నింగ్స్‌లలో ఈ మైలు రాయిని అందుకోగా.. హోప్ కూడా 88 ఇన్నింగ్స్‌లలోనే ఈ ఘనత సాధించాడు. పాకిస్తాన్‌తో జరిగిన తొలి వన్డేలో సెంచరీతో చెలరేగిన హోప్‌(127) ఈ రికార్డును తన ఖాతాలో వేసుకున్నాడు. 2016 విండీస్‌ తరపున అరంగేట్రం చేసిన హోప్‌.. ఇప్పటి వరకు 88 ఇన్నింగ్స్‌లలో 4026 పరుగులు సాధించాడు. ఇక దక్షిణాఫ్రికా దిగ్గజం హషీమ్ ఆమ్లా ఈ ఘనతను 81 ఇన్నింగ్స్‌లలో సాధించి తొలి స్థానంలో ఉండగా.. పాక్‌ కెప్టెన్‌ బాబర్‌ ఆజం 82 రెండు ఇన్నింగ్స్‌లలో సాధించి రెండో స్థానంలో ఉన్నాడు. చదవండి: గర్ల్‌ఫ్రెండ్‌ను దారుణ హత్య చేసిన ఫుట్‌బాలర్‌

వెస్టిండీస్‌తో రెండో వన్డేలో టీమిండియా బ్యాట్స్‌మన్‌ కేఎల్‌ రాహుల్‌(49 పరుగులు) అనవసరంగా రనౌట్‌  అయ్యాడు. సూర్యకుమార్‌ యాదవ్‌తో సమన్వయలోపం అనుకుందామనుకున్నా పొరపాటే అవుతుంది. ఎందుకంటే రాహుల్‌ కాల్‌కు సూర్య సరిగ్గానే స్పందించాడు. కానీ రెండో పరుగు కోసం వెళ్లిన రాహుల్‌ రెండు సెకన్లు ఆగిపోయాడు. ఎందుకో ఆగాడో తెలియదు కానీ.. ఆ రెండు సెకన్లు అతని కొంప ముంచింది. కేవలం ఒక్క పరుగు తేడాతో హాఫ్‌ సెంచరీ మిస్‌ చేసుకున్నాడు.  అలా కీలక భాగస్వామ్యానికి తెరపడింది. చదవండి: Virat Kohli: అదే నిర్లక్ష్యం.. ప్రతిష్టాత్మక వన్డేలో కోహ్లి చెత్త ప్రదర్శన వరుస విరామాల్లో వికెట్లు కోల్పోయిన దశలో వీరిద్దరు కలిసి నాలుగో వికెట్‌కు 91 పరుగుల భాగస్వామ్యం నమోదు చేశారు. టీమిండియా ఇన్నింగ్స్‌ గాడిన పడింది అనుకున్న సమయంలో రాహుల్‌ రనౌట్‌ అవ్వడం బాధ కలిగించింది. కీమర్‌ రోచ్‌ బౌలింగ్‌లో ఇన్నింగ్స్‌ 29వ ఓవర్‌ నాలుగో బంతిని కేఎల్‌ రాహుల్‌ స్వేర్‌లెగ్‌ దిశగా ఆడాడు. సింగిల్‌ ఈజీగా వస్తుంది.. కానీ రాహుల్‌ రెండో పరుగు కోసం ప్రయత్నించాడు. సూర్య కూడా వేగంగా స్పందించడంతో రాహుల్‌ పరిగెత్తాడు. కానీ మధ్యలోకి వచ్చిన తర్వాత కొన్ని సెకన్ల పాటు నిలబడిపోయాడు. అంతే అకియెల్‌ హొసేన్‌ వేసిన బంతిని అందుకున్న కీపర్‌ హోప్‌ వికెట్లను గిరాటేశాడు. దీంతో రాహుల్‌ సూర్యను చూస్తూ ఏంటిది అనుకుంటూ నిరాశగా పెవిలియన్‌ చేరాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. చదవండి: 'గుర్తుపెట్టుకోండి నా కూతురు పేరు'.. 2016 టి20 వరల్డ్‌కప్‌ హీరో KL Rahul Run Out 💔#INDvWI #KLRahul #ViratKholi pic.twitter.com/qcwkQohdko — Saqlain Khan (@Saqlainejaz56) February 9, 2022

పాకిస్తాన్‌ పర్యటనలో ఉన్న వెస్టిండీస్‌ జట్టులో మరోసారి కరోనా కలకలం రేపింది. ఆ జట్టులో ముగ్గురు ఆటగాళ్లు, ఇద్దరు కోచింగ్‌ స్టాప్‌ కరోనా బారిన పడినట్టు ఆ దేశ క్రికెట్‌ బోర్డు తెలిపింది. "మరో ఐదుగురికి కరోనా పాజిటివ్‌గా నిర్ధారణైంది" అని వెస్టిండీస్‌ క్రికెట్‌ ట్విటర్‌లో పేర్కొంది. ఆ జట్టు వికెట్‌ కీపర్‌ షాయ్ హోప్,జస్టిన్ గ్రీవ్స్, అకేల్ హోసేన్‌కు కరోనా పాజిటివ్‌గా నిర్ధారణైంది. కాగా అంతకుముందు రోస్టన్ చేజ్, కైల్ మేయర్స్,షెల్డన్ కాట్రెల్ కరోనా బారిన పడిన సంగతి తెలిసిందే. ఇక మూడు మ్యాచ్‌ల టీ20 సిరీస్‌ను అతిథ్య పాకిస్తాన్ ‌2-0 తేడాతో కైవసం చేసుకుంది. కాగా అఖరి టీ20 గురువారం(డిసెంబర్‌16)న జరగనుంది. అయితే కొవిడ్‌ కేసులు నమోదు కావడంతో ఈ మ్యాచ్‌పై నీలినీడలు కమ్ముకున్నాయి. అంతే కాకుం‍డా త్వరలో జరగనున్న వన్డే సిరీస్‌పై ఈ ప్రభావం ఉండనుంది. ఇక  ఆటగాళ్లు బయోబబుల్‌లో ఉన్నప్పటికీ కేసులు నమోదు కావడం అందరనీ ఆశ్చర్యానికి గురిచేస్తోంది. చదవండి: కోహ్లికే కాదు.. ఎవరికీ చెప్పాల్సిన అవసరం లేదు.. కపిల్‌దేవ్‌ సంచలన వాఖ్యలు

నార్త్‌ సౌండ్‌: శ్రీలంకతో జరిగిన మూడో వన్డేలో వెస్టిండీస్‌ ఐదు వికెట్ల తేడాతో నెగ్గి సిరీస్‌ను 3–0తో క్లీన్‌స్వీప్‌ చేసింది. తొలుత శ్రీలంక 50 ఓవర్లలో 6 వికెట్లకు 274 పరుగులు చేసింది. హసరంగ (80 నాటౌట్‌; 7 ఫోర్లు, 3 సిక్స్‌లు), యాషెన్‌ బండార (55 నాటౌట్‌; 3 ఫోర్లు, 1 సిక్స్‌) రాణించారు. అనంతరం విండీస్‌ 48.3 ఓవర్లలో 5 వికెట్లు నష్టపోయి 276 పరుగులు చేసి గెలిచింది. ఐదేళ్ల తర్వాత డారెన్‌ బ్రావో (102; 5 ఫోర్లు, 4 సిక్స్‌లు) వన్డేల్లో మరో సెంచరీ సాధించాడు. షై హోప్‌ (64; 3 ఫోర్లు, 2 సిక్స్‌లు) అర్ధ సెంచరీ చేశాడు. కెప్టెన్‌ కీరన్‌ పొలార్డ్‌ (53 నాటౌట్‌; 4 ఫోర్లు, 1 సిక్స్‌) మెరిశాడు. ‘ప్లేయర్‌ ఆఫ్‌ ద మ్యాచ్‌’ బ్రావో... షై హోప్‌తో మూడో వికెట్‌కు 109 పరుగులు, పొలార్డ్‌తో ఐదో వికెట్‌కు 80 పరుగులు జోడించాడు. ‘ప్లేయర్‌ ఆఫ్‌ ద సిరీస్‌’ షై హోప్‌ వరుసగా ఆరు ఇన్నింగ్స్‌లలో కనీసం  అర్ధ సెంచరీ చేసిన పదో క్రికెటర్‌గా, విండీస్‌ నుంచి గార్డన్‌ గ్రీనిడ్జ్, క్రిస్‌ గేల్‌ తర్వాత ఈ ఘనత సాధించిన మూడో క్రికెటర్‌గా గుర్తింపు పొందాడు.  చదవండి: టీమిండియాకు జరిమానా.. కోవిడ్‌ తర్వాత మూడోసారి

సెయింట్‌ జాన్స్‌ (అంటిగ్వా): న్యూజిలాండ్‌తో వచ్చే నెలలో మొదలయ్యే టి20, టెస్టు సిరీస్‌లకు వెస్టిండీస్‌ జట్లను ప్రకటించింది. టెస్టు జట్టులోకి డారెన్‌ బ్రేవో, హెట్‌మైర్, కీమో పాల్‌ పునరాగమనం చేయగా... బ్యాట్స్‌మన్‌ షై హోప్‌ ఉద్వాసనకు గురయ్యాడు. గత కొంత కాలంగా పేలవ ఫామ్‌తో ఇబ్బంది పడుతోన్న హోప్‌ను సెలక్టర్లు పక్కన పెట్టారు. టెస్టు జట్టుకు సారథిగా జేసన్‌ హోల్డర్‌ వ్యవహరించనున్నాడు. వికెట్‌ కీపర్‌ ఆండ్రూ ఫ్లెచర్‌ 2018 తర్వాత తొలిసారి టి20 జట్టులో స్థానం దక్కించుకోవడం విశేషం. కరోనా నేపథ్యంలో తాము న్యూజిలాండ్‌ పర్యటనలో పాల్గొనలేమని ఆల్‌రౌండర్‌ ఆండ్రూ రసెల్, ఓపెనర్లు లెండిల్‌ సిమ్మన్స్, ఎవిన్‌ లూయిస్‌లు విండీస్‌ బోర్డుకు తెలియజేయడంతో వారిని పరిగణనలోకి తీసుకోలేదు. టి20 జట్టుకు కీరన్‌ పొలార్డ్‌ కెప్టెన్‌గా వ్యవహరిస్తాడు. వెస్టిండీస్‌... న్యూజిలాండ్‌ పర్యటనను టి20 సిరీస్‌తో ఆరంభించనుంది. నవంబర్‌ 27, 29, 30వ తేదీల్లో మూడు టి20లను ఆడనున్న కరీబియన్‌ జట్టు... డిసెంబర్‌ 3–7, 11–15 మధ్య రెండు టెస్టు మ్యాచ్‌ల్లో కివీస్‌తో తలపడనుంది.

ముంబై: భారత్‌లో క్రికెట్‌కు ఉన్న క్రేజ్‌ గురించి ప్రత్యేకంగా చెప్పనక్కర్లేదు. మన దేశంలో క్రికెట్‌ను మతంలా భావిస్తారనేది అందరికీ తెలిసిన విషయమే. క్రికెట్‌ క్రీడలో ఆటగాళ్లు రాణిస్తే  ఆకాశానికెత్తేసే అభిమానులు.. అదే క్రికెటర్ల నుంచి పేలవమైన ఆటను చూడాల్సి వస్తే ఇక భరించలేరు.తమ నోటికి ఏ స్థాయిలో పని చెబుతారో తెలియని విషయం కాదు. భారత్‌లో గల్లీ క్రికెట్‌ బాగా ఫేమస్‌. ఖాళీ దొరికితే చాలు క్రికెట్‌ బ్యాట్‌ పుచ్చుకుని గల్లీల్లో క్రికెట్‌ ఆడేస్తూ ఉంటారు. అది ఇళ్లా.. లేక వీధా అనే విషయాన్ని పెద్దగా పట్టించుకోరు. (ఇప్పట్లో క్రికెట్‌ కష్టమే) కొన్ని నెలల క్రితం రెండేళ్ల బుడతడు ఇంట్లోనే అచ్చమైన క్రికెట్‌ షాట్లతో మైమరించిన సంగతి తెలిసిందే.ఇంటినే క్రికెట్‌ స్టేడియంగా చేసుకుని కవర్‌ డ్రైవ్‌, లాఫ్టెడ్‌, ఆన్‌ డ్రైవ్‌ షాట్లతో సచిన్‌ను గుర్తు చేసేశాడు. ఇప్పుడు ఏడేళ్ల బాలిక క్రికెట్‌ బ్యాట్‌కు పని చెప్పింది. కచ్చితమైన ఫుట్‌వర్క్‌తో షాట్లను బాదేసింది. బంతుల్ని ఆడే క్రమంలో తన టైమింగ్‌ ఇరగదీసింది.  భారత్‌కు చెందిన ఈ బాలిక పేరు పారీ శర్మ.  ఇది సోషల్‌ మీడియాలో వైరల్‌ కావడంతో ఇంగ్లండ్‌ మాజీ కెప్టెన్‌ మైకేల్‌ వాన్‌తో పాటు వెస్టిండీస్‌ స్టార్‌ ఆటగాడు షాయ్‌ హోప్‌ కూడా ముగ్దుడయ్యాడు. ‘ ప్యారీ శర్మ బ్యాటింగ్‌ స్కిల్స్‌ అమోఘం. ఇంతటి చిన్న వయసులో కచ్చితమైన ఫుట్‌వర్క్‌ అసాధారణ విషయం. ఈ వీడియోలో ఏడేళ్ల పారీ శర్మ పాదాలను పాదరసంలా కదుపుతోంది’ అని ట్వీట్‌ చేయగా, ‘ నేను పారీలా ఆడుతూ పెరిగాను’ అని షాయ్‌ హోప్‌ ట్వీట్‌ చేశాడు. (కపిల్‌ దేవ్‌ గుండు.. ఆమే కారణం!)

లండ‌న్ ‌: 'వ‌య‌సులో చిన్న‌దానిలా క‌నిపిస్తున్నా.. ఫుట్‌వ‌ర్క్‌లో మాత్రం నీకు నువ్వే సాటి.. ప‌రిశ‌ర్మ 'అంటూ ఇంగ్లండ్ మాజీ కెప్టెన్ మైకేల్‌ వాన్‌‌, విండీస్ ఆట‌గాడు షాయ్‌ హోప్‌ లు పేర్కొన్నారు. ఇంత‌కీ పరి శర్మ ఎవ‌రు .. వీరిద్ద‌రు ఆమెను ఎందుకు పొగుడుతున్న‌ర‌నేగా మీ డౌటు.. అక్క‌డికే వ‌స్తున్నాం. ఇండియాకు చెందిన ప‌రి శ‌ర్మ వ‌య‌సు ఏడేళ్లే అయినా క్రికెట్ శిక్ష‌ణ‌లో మాత్రం రాటు దేలింద‌నే చెప్పాలి. ప్రాక్టీస్‌లో భాగంగా క‌చ్చిత‌మైన ఫుట్‌వ‌ర్క్‌తో షాట్లు ఆడుతూ అంద‌రి చేత శెభాష్ అనిపించుకుంటుంది. ('మ్యాచ్‌లు లేక‌పోవ‌డంతో బోర్‌గా ఫీల‌వుతున్నా') తాజాగా ప‌రిశ‌ర్మ బ్యాటింగ్ ప్రాక్టీస్ చేస్తున్న వీడియోనూ మైకేల్‌ వాన్‌ ట్విట‌ర్‌లో షేర్ చేశాడు. 'వీడియోను ఒక‌సారి చూడండి.. ఏడేళ్ల‌ ప‌రి శ‌ర్మ ఫుట్‌వ‌ర్క్‌కు ఎవ‌రైనా ఫిదా అవ్వాల్సిందే. ఒక ప‌రిపూర్ణమైన షాట్ల‌ను ఆడ‌డానికి మందు ఫుట్ వ‌ర్క్ ఎంతో అవ‌స‌రం. ఆ విష‌యంలో ప‌రిశ‌ర్మ‌ను ఎవ‌రు అందుకోలేరు' అంటూ పేర్కొన్నాడు. ఇదే వీడియోనూ షాయ్‌ హోప్‌ కూడా షేర్ చేస్తూ..' నీ ఫుట్‌వ‌ర్క్‌కు జోహార్లు.. నేను పెద్ద‌య్యాక ప‌రిశ‌ర్మ లాగే ఉండాల‌నుకున్నా' అంటూ తెలిపాడు. ప్ర‌స్తుతం ఈ వీడియో సోష‌ల్ మీడియాలో తెగ వైర‌ల్‌గా మారింది. ప‌రి శ‌ర్మ ఫుట్‌వ‌ర్క్‌, బ్యాటింగ్ టెక్నిక్  అద్భుతంగా ఉన్నాయి.. ఏదో ఒక‌రోజు క్రికెట్‌లో మంచి పేరు తెచ్చుకుంటుంది అంటూ కామెంట్లు పెడుతున్నారు. 

కటక్‌: వెస్టిండీస్‌ ఓపెనర్‌ షాయ్‌ హోప్‌ ఒక చారిత్రక రికార్డును మిస్‌ చేసుకున్నాడు. ఒక క్యాలెండర్‌ ఇయర్‌లో వెస్టిండీస్‌ తరఫున అత్యధిక వన్డే పరుగులు సాధించే రికార్డును షాయ్‌ హోప్‌ స్వల్ప దూరంలో కోల్పోయాడు. విండీస్‌ దిగ్గజ ఆటగాడు బ్రియాన్‌ లారా 1993లో 1349 పరుగులు సాధించాడు. అది ఇప్పటివరకూ విండీస్‌ తరఫున వన్డేల్లో ఒక క్యాలెండర్‌ ఇయర్‌లో సాధించిన అత్యధిక పరుగుల రికార్డు. దాన్ని హోప్‌ జస్ట్‌లో మిస్‌ అయ్యాడు. భారత్‌తో జరుగుతున్న మూడో వన్డేలో హోప్‌ 42 పరుగుల వ్యక్తిగత స్కోరు వద్ద ఔటయ్యాడు.  ఫలితంగా ఈ క్యాలెండర్‌ ఇయర్‌లో 1345 పరుగులు సాధించి రెండో స్థానంలో కొనసాగుతున్నాడు. ఈ ఏడాది అత్యధిక వన్డే పరుగులు సాధించిన జాబితాలో రోహిత్‌ శర్మ తొలి స్థానంలో ఉన్నాడు. భారత్‌తో రెండో వన్డేలో కోహ్లిని దాటేసిన హోప్‌.. ఓవరాల్‌గా విండీస్‌ తరఫున ఒక క్యాలెండర్‌ ఇయర్‌లో అత్యధిక వన్డే పరుగుల్ని నమోదు చేయడంలో విఫలమయ్యాడు. లారా రికార్డుకు నాలుగు పరుగుల దూరంలో  నిలిచిపోయాడు. విండీస్‌ తరఫున ఒక క్యాలెండర్‌ ఇయర్‌లో అత్యధిక వన్డే పరుగులు సాధించిన జాబితాలో లారా, హోప్‌ల తర్వాత డేస్మాండ్‌ హేన్స్‌(1232పరుగులు-1985లో), వివ్‌ రిచర్డ్స్‌(1231పరుగులు-1985), క్రిస్‌ గేల్‌(1217 పరుగులు- 2006)లు వరుస స్థానాల్లో ఉన్నారు. 

కటక్‌:  వెస్టిండీస్‌ ఓపెనర్‌ షాయ్‌ హోప్‌ సరికొత్త రికార్డు సృష్టించాడు. వన్డే ఫార్మాట్‌లో మూడు వేల పరుగులు సాధించడం ద్వారా నయా రికార్డును లిఖించాడు. టీమిండియాతో జరుగుతున్న సిరీస్‌ నిర్ణయాత్మక మూడో  వన్డేలో హోప్‌ 35 పరుగుల వద్ద ఉండగా మూడు వేల వన్డే పరుగుల మార్కును అందుకున్నాడు. ఫలితంగా వేగవంతంగా ఈ ఫీట్‌ను సాధించిన రెండో ఆటగాడిగా రికార్డు నెలకొల్పాడు. హోప్‌కు ఇది 67వ వన్డే ఇన్నింగ్స్‌.  ఫలితంగా బాబర్‌ అజామ్‌ను హోప్‌ అధిగమించాడు. పాకిస్తాన్‌ బ్యాట్స్‌మన్‌ బాబర్‌ అజామ్‌ 68 ఇన్నింగ్స్‌ల్లో మూడు వేల పరుగుల్ని సాధిస్తే.. హోప్‌ ఒక ఇన్నింగ్స్‌ ముందుగానే ఆ మార్కును చేరాడు. కాగా, వన్డే ఫార్మాట్‌లో వేగవంతంగా మూడు వేల పరుగులు సాధించిన వారిలో దక్షిణాఫ్రికా క్రికెటర్‌ హషీమ్‌ ఆమ్లా(57 ఇన్నింగ్స్‌లు) ముందున్నాడు. ఆ తర్వాత స్థానాన్ని హోప్‌ ఆక్రమించగా, అజామ్‌ మూడో స్థానానికి పడిపోయాడు. ఇక వెస్టిండీస్‌ తరఫున వన్డేల్లో మూడు వేల పరుగులు సాధించిన 12వ ఆటగాడిగా హోప్‌ నిలిచాడు. ఈ మ్యాచ్‌కు ముందు మూడు వేల వన్డే పరుగులకు 35 పరుగుల దూరంలో ఉన్న హోప్‌.. దాన్ని సునాయాసంగానే అందుకున్నాడు. షమీ బౌలింగ్‌లో రెండో  వికెట్‌గా.. భారత్‌తో మూడో వన్డేలో హోప్‌ రెండో వికెట్‌గా ఔటయ్యాడు. మహ్మద్‌ షమీ వేసిన 20 ఓవర్‌ రెండో బంతికి బౌల్డ్‌ అయ్యాడు. 42 వ్యక్తిగత పరుగుల స్కోరు వద్ద ఉండగా షమీ వేసిన బంతిని అంచనా వేయడంలో విఫలమైన హోప్‌ బౌల్డ్‌గా నిష్క్రమించాడు. అంతకుముందు ఎవిన్‌ లూయిస్‌(21) తొలి వికెట్‌గా పెవిలియన్‌ చేరాడు. రవీంద్ర జడేజా వేసిన తన తొలి ఓవర్‌లో లూయిస్‌ ఔటయ్యాడు.15 ఓవర్‌ ఆఖరి బంతికి నవదీప్‌ షైనీకి క్యాచ్‌ ఇచ్చి పెవిలియన్‌ చేరాడు. వెస్టిండీస​ 24 ఓవర్లు ముగిసే సరికి రెండు వికెట్లు కోల్పోయి 89 పరుగులు చేసింది.

కోల్‌కతా:  వెస్టిండీస్‌ స్టార్‌ ఆటగాడు షాయ్‌ హోప్‌ను ఐపీఎల్‌ వేలంలో కొనుగోలు చేయడానికి ఏ ఫ్రాంచైజీ ముందుకు రాలేదు. హోప్‌ కనీస ధర రూ. 50 లక్షలు  ఉండగా అతనిపై బిడ్‌ వేయడానికి ఫ్రాంఛైజీలు ఆసక్తి చూపలేదు. ప్రస్తుతం భారత పర్యటనలో ఉన్న వెస్టిండీస్‌ జట్టులో సభ్యుడైన హోప్‌ విశేషంగా రాణిస్తున్నాడు. దాంతో ఐపీఎల్‌ వేలంలో తాను భారీ ధర పలుకుతాననే నమ్మకంతో హోప్‌ ఉన్నాడు. ఈ క్రమంలోనే ఐపీఎల్‌ వేలంపై తాను పెద్దగా దృష్టి సారించలేదంటూ కూడా వెల్లడించాడు. అది తనకు సెకండరీ అంటూ ప్రకటించాడు. ఇక దక్షిణాఫ్రికా వెటరన్‌ పేసర్‌ డేల్‌ స్టెయిన్‌ను సైతం  కొనుగోలు చేయడానికి ఏ ఫ్రాంచైజీ ఆసక్తి చూపించలేదు.. స్టెయిన్‌ కనీస ధర రూ. 2 కోట్లు ఉండగా అతనిపై బిడ్‌ వేయలేదు. దాంతో స్టెయిన్‌కు నిరాశ తప్పలేదు. ఇక భారత ఆటగాడు మోహిత్‌ శర్మ కనీస ధర రూ. 50 లక్షలు ఉండగా వేలంలో ఫ్రాంచైజీలను ఎట్రాక్ట్‌ చేయలేకపోయాడు. శ్రీలంక వికెట్‌ కీపర్‌ కుశాల్‌ పెరీరా కూడా అమ్ముడు పోలేదు.  వేలం చివర్లో ఒకవేళ ఫ్రాంఛైజీలకు ఆటగాళ్లు అవసరమైన  వారి వద్ద అందుకు తగ్గ నగుదు అందుబాటులో ఉంటేనే వీరు అమ్ముడుపోయే అవకాశం ఉంది.

విశాఖ: టీమిండియా ఫీల్డింగ్‌లో మరోసారి వైఫల్యం కనిపించింది. వెస్టిండీస్‌తో ద్వైపాక్షిక సిరీస్‌లో భాగంగా మూడు టీ20ల సిరీస్‌లు పలు క్యాచ్‌లను వదిలేసిన టీమిండియా.. వన్డే సిరీస్‌లో కూడా అదే రిపీట్‌ చేస్తోంది. తొలి వన్డేలో హెట్‌మెయిర్‌ ఇచ్చిన క్యాచ్‌ను శ్రేయస్‌ అయ్యర్‌ జారవిడవడంతో మనవాళ్లు అందుకు తగిన మూల్యం చెల్లించుకున్నారు. ఆ క్యాచ్‌ వదిలేసిన తర్వాత హెట్‌మెయిర్‌  విధ్వంసర సృష్టించి మ్యాచ్‌ను వన్‌సైడ్‌గా మార్చేశాడు. కాగా, రెండో వన్డేలో కూడా టీమిండియా ఆదిలోనే ఒక క్యాచ్‌ను నేలపాలు చేసింది. దీపక్‌ చాహర్‌ వేసిన తొలి ఓవర్‌లో రెండు బంతుల్ని లూయిస్‌ ఆడాడు. రెండో బంతికి బై రూపంలో పరుగు రావడంతో క్రీజ్‌లో కి షాయ్‌ హోప్‌ వచ్చాడు. హోప్‌ ఆడిన తొలి బంతే ఎడ్జ్‌ తీసుకుని స్లిప్‌లో ఫీల్డింగ్‌ చేస్తున్న రాహుల్‌ చేతుల్లో పడింది. అయితే ఆ సునాయసమైన క్యాచ్‌ను రాహుల్‌ విడిచిపెట్టాడు. దాంతో  హోప్‌ను గోల్డెన్‌ డక్‌గా పంపే చాన్స్‌ను టీమిండియా మిస్‌ చేసుకుంది. తొలి వన్డేలో హోప్‌ సెంచరీ సాధించి విండీస్‌ విజయంలో కీలక పాత్ర పోషించాడు. ఇదిలా ఉంచితే, ఆసియాలో ఆడిన గత  ఆరు వన్డే ఇన్నింగ్స్‌ల్లో హోప్‌ విశేషంగా రాణించాడు. ఆసియాలో వరుసగా హోప్‌ నమోదు చేసిన ఇన్నింగ్స్‌ లు 146 నాటౌట్‌,  108నాటౌట్‌, 77నాటౌట్‌,  43, 109 నాటౌట్, 102నాటౌట్‌లుగా ఉన్నాయి.(ఇక్కడ చదవండి: ఇరగదీసిన టీమిండియా.. విండీస్‌కు భారీ లక్ష్యం) ఈ మ్యాచ్‌లో తొలుత బ్యాటింగ్‌ చేసిన టీమిండియా ఐదు వికెట్ల నష్టానికి 387 పరుగులు చేసింది. రోహిత్‌ శర్మ(159; 138 బంతుల్లో 17 ఫోర్లు, 5 సిక్సర్లు), కేఎల్‌ రాహుల్‌(102; 104 బంతుల్లో 8 ఫోర్లు, 3 సిక్సర్లు)ల సెంచరీలకు జతగా, శ్రేయస్‌ అయ‍్యర్‌(53;32 బంతుల్లో 3 ఫోర్లు, 4 సిక్సర్లు), రిషభ్‌ పంత్‌(39; 16 బంతుల్లో 3 ఫోర్లు, 4 సిక్సర్లు)లు ధాటిగా బ్యాటింగ్‌ చేయడంతో  భారత్‌ భారీ స్కోరు చేసింది.

విశాఖపట్నం: వచ్చే సీజన్‌ ఇండియన్‌ ప్రీమియర్‌ లీగ్‌(ఐపీఎల్‌)లో భాగంగా డిసెంబర్‌ 19(గురువారం)వ తేదీన కోల్‌కతాలో వేలం జరుగనున్న తరుణంలో వందల సంఖ్యలో క్రికెటర్లు తమ అదృష్టాన్ని పరీక్షించుకునే పనిలో పడ్డారు. అయితే తనకు ఐపీఎల్‌ వేలం బెంగ లేదంటున్నాడు వెస్టిండీస్‌ స్టార్‌ క్రికెటర్‌ షాయ్‌ హోప్‌. తమ జట్టులో చాలా మంది క్రికెటర్లకు ఐపీఎల్‌ వేలం అనేది మైండ్‌లో ఉంటుందేమో కానీ, తనకు మాత్రం అది సెకండరీ అని స్పష్టం చేశాడు. ఐపీఎల్‌ వేలం కోసం తానేమీ నిద్రలేని రాత్రులు గడపడం లేదంటూ చమత్కరించాడు. అదే సమయంలో ఒక రికార్డుపై మాత్రం ఫోకస్‌ చేసినట్లు సూచనప్రాయంగా హోప్‌ చెప్పుకొచ్చాడు. ఈ ఏడాది అత్యధిక వన్డే పరుగుల జాబితాలో కోహ్లి(1292), రోహిత్‌ శర్మ(1268)లు తొలి రెండు స్థానాల్లో ఉండగా, హోప్‌(1225) మూడో స్థానంలో కొనసాగుతున్నాడు. దాంతో కోహ్లి, రోహిత్‌ల రికార్డులపై కన్నేసినట్లు ముసిముసిగా నవ్వుతూ పేర్కొన్నాడు.  తనకు ఎదురైన ప్రశ్నకు సంబంధించి హోప్‌ ఇలా పేర్కొన్నాడు. ‘కచ్చితంగా ఐపీఎల్‌ వేలానికి సంబంధించిన టెన్షన్‌ చాలా మందికి ఉంటుంది. కానీ నాకైతే లేదు. నాకు భారత్‌తో సిరీసే ముఖ్యమైనది. ఇక్కడ పరుగులు చేయడమే నా ముందున్న  టార్గెట్‌. ఈ క్రమంలోనే కోహ్లి, రోహిత్‌ల రికార్డులను కూడా బ్రేక్‌ చేయాలని ఉంది. వారి రికార్డును బ్రేక్‌ చేయాలంటే వారిద్దర్నీ తొందరగా పెవిలియన్‌కు పంపమని మా బౌలర్లను అడగాలి(నవ్వుతూ).  ఆ ఇద్దర్నీ సాధ్యమైనంత త్వరగా ఔట్‌ చేస్తే ఇక నేను రేసులోకి వస్తా. ఒకవేళ నేను పరుగులు సాధిస్తే టాప్‌లోకి వస్తా.  నేను 50 ఓవర్ల పాటు క్రీజ్‌లో ఉండాలని అనుకోను. ఒకవేళ  నేను 50 యాభై ఓవర్లు ఆడేస్తే మా ప్లేయర్లకు మరో 50 ఓవర్లు కావాలి కదా. నేను సాధారణంగా భారీ  స్కోరు సాధించడంపైనే దృష్టి పెడతా. ఒక బ్యాట్స్‌మన్‌గా దేశం కోసం ఆడటానికే ఎక్కువ ప్రాధాన్యతిస్తా’ అని హోప్‌ పేర్కొన్నాడు.  భారత్‌తో జరిగిన తొలి వన్డేలో హోప్‌ సెంచరీ సాధించి విండీస్‌ విజయానికి సహకరించాడు.

లీడ్స్‌:  వరల్డ్‌కప్‌ పరంగా చూస్తే క్రిస్‌ గేల్‌ ఇదే చివరిది. దానిలో భాగంగా గురువారం అఫ్గానిస్తాన్‌ జరిగిన మ్యాచ్‌లో గేల్‌ తన చివరి ప్రపంచకప్‌ మ్యాచ్‌ ఆడేశాడు. తన చివరి మెగా టోర్నీలో గేల్‌ విఫలమయ్యాడనే చెప్పాలి. అఫ్గానిస్తాన్‌తో తన ఆఖరి వరల్డ్‌కప్‌ మ్యాచ్‌ ఆడిన గేల్‌ 7 పరుగులే చేసి తొలి వికెట్‌గా పెవిలియన్‌ చేరాడు. తొలుత వరల్డ్‌కప్‌ తర్వాత తన రిటైర్మెంట్‌ ఉంటుందని ప్రకటించిన గేల్‌.. ఆ తర్వాత తన నిర్ణయాన్ని మార్చుకున్నాడు. భారత్‌తో సిరీస్‌ ఆడిన తర్వాతే తన అంతర్జాతీయ క్రికెట్‌కు వీడ్కోలు పలుకుతానంటూ స్పష్టం చేశాడు. ఈ నేపథ్యంలో గేల్‌ వీడ్కోలు అంశానికి సంబంధించి సహచర ఆటగాడు షాయ్‌ హోప్‌ మాట్లాడుతూ.. క్రికెట్‌కు గేల్‌ వీడ్కోలు చెప్పిన రోజును ఒక దుర్దినంగా అభివర్ణించాడు. ‘ గేల్‌ రిటైర్మెంట్‌ ప్రకటించిన క్షణం క్రికెట్‌లో ఒక దుర్దినంగా మిగిలి పోతుంది. యావత్‌ ప్రపంచం నిన్ను కచ్చితంగా మిస్పవుతుంది’ అని పేర్కొన్నాడు.అసలు గేల్‌ నుంచి దేన్ని ప్రధానంగా కోల్పోతారని హోప్‌ను ప్రశ్నించగా.. ‘అతను పెట్టుకునే వింత వింత సన్‌ గ్లాసెస్‌ను మిస్సవుతాం’ అంటూ నవ్వుతూ సమాధానమిచ్చాడు. అదే సమయంలో గేల్‌ ఒక అసాధారణ ఆటగాడని, అతని నుంచి చాలా విషయాలు నేర్చుకున్నామన్నాడు హోప్‌. వచ్చే నెల్లో భారత్‌తో సిరీస్‌ ఆడిన తర్వాత తన రిటైర్మెంట్‌ ఉంటుందని గేల్‌ ఇటీవల ప్రకటించిన సంగతి తెలిసిందే. స్వదేశంలో భారత్‌తో జరుగనున్న వన్డే సిరీస్‌తో పాటు టెస్టు సిరీస్‌లో కూడా ఆడతానని గేల్‌ తెలిపాడు.  

లీడ్స్‌ : ఇంగ్లండ్‌ వేదికగా జరగుతున్న ప్రపంచకప్‌లో వెస్టిండీస్‌ ప్రస్థానం విజయంతోనే ముగిసింది. గురువారం హెడింగ్లీ వేదికగా అఫ్గానిస్తాన్‌తో జరిగిన చివరి లీగ్‌ మ్యాచ్‌లో విండీస్‌ 23 పరుగుల తేడాతో విజయం సాధించింది. కరేబియన్‌ జట్టు నిర్దేశించిన 312 పరుగుల లక్ష్యంతో బరిలోకి దిగిన అఫ్గాన్‌ నిర్ణీత ఓవర్లలో 288 పరుగులకు కుప్పకూలింది. అఫ్గాన్‌ ఆటగాళ్లలో ఇక్రామ్‌ అలీ(86; 93 బంతుల్లో, 8ఫోర్లు), రెహ్మత్‌ షా(62; 78 బంతుల్లో 10ఫోర్లు)అర్దసెంచరీలతో రాణించారు. అస్గర్‌ అఫ్గాన్‌(40), నజీబుల్లా(31) ఫర్వాలేదనిపించారు. విండీస్‌ బౌలర్లలో బ్రాత్‌వైట్‌ నాలుగు వికెట్లతో చెలరేగగా.. కీమర్‌ రోచ్‌ మూడు వికెట్లు పడగొట్టాడు. వెస్టిండీస్‌ భారీ స్కోర్‌ సాధించడంలో సహకరించిన షాయ్‌ హోప్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది.  ఛేదనలో అఫ్గాన్‌కు శుభారంభం లభించలేదు. ఓపెనర్‌, సారథి గుల్బాదిన్‌ నైబ్‌(5) తీవ్రంగా నిరాశ పరిచాడు. అనంతరం మరో ఓపెనర్‌ రెహ్మత్‌ షా ఇక్రామ్‌ అలీతో కలిసి ఇన్నింగ్స్‌ను చక్కదిద్దాడు. వీరిద్దరూ ఆచితూచి ఆడుతూ వీలుచిక్కినప్పుడల్లా బౌండరీలు బాదారు. ఈ క్రమంలోనే వీరిద్దరూ అర్దసెంచరీలు పూర్తి చేసుకున్నారు. రెండో వికెట్‌కు 135 పరుగుల భాగస్వామ్యం నమోదు చేసిన అనంతరం రెహ్మాత్‌ను బ్రాత్‌వైట్‌ ఔట్‌ చేసి విండీస్‌కు బ్రేక్‌ ఇస్తాడు. అనంతర వచ్చిన బ్యాట్స్‌మెన్‌ మెరుపు వేగంతో ఆడకపోవడంతో పాటు.. క్రీజులో నిలదొక్కుకోలేకపోయారు. భారీ స్కోర్‌ కావడం.. చివర్లో విండీస్‌ కట్టుదిట్టంగా బౌలింగ్‌ చేయడంతో అఫ్గాన్‌ ఓటమి చవిచూసింది.  అంతకుముందు బ్యాట్స్‌మెన్‌ షాయ్‌ హోప్‌(77; 92బంతుల్లో 6 ఫోర్లు, 2 సిక్స్‌లు), లూయిస్‌ (58; 78బంతుల్లో 6 ఫోర్లు, 2 సిక్స్‌లు), పూరన్‌(58; 43 బంతుల్లో 6 ఫోర్లు, 1 సిక్స్‌) అర్ధసెంచరీలకు తోడు హెట్‌మైర్‌(39: 31 బంతుల్లో 3 ఫోర్లు, 2 సిక్స్‌లు), హోల్డర్‌(45; 34 బంతుల్లో ఫోర్లు, 4 సిక్స్‌లు) మెరుపులు మెరిపించడంతో ఆఫ్గానిస్తాన్‌తో మ్యాచ్‌లో విండీస్‌ నిర్ణీత ఓవర్లలో 6 వికెట్లకు 311 పరుగుల భారీ స్కోరు చేసింది.  అఫ్గాన్‌ బౌలర్లలో దవ్లత్‌ రెండు వికెట్లు పడగొట్టగా, షిర్జాద్, నబి, రషీద్‌ ఖాన్‌ తలో వికెట్‌ దక్కించుకున్నారు.  ప్చ్‌.. గేల్‌.. టాస్‌ గెలిచి తొలుత బ్యాటింగ్‌ ఎంచుకున్న విండీస్‌కు శుభారంభం దక్కలేదు. కెరీర్‌లో చివరి వరల్డ్‌కప్‌ ఆడుతున్న కరేబియన్‌ వీరుడు క్రిస్‌ గేల్‌ (7) నిరాశపర్చాడు. దవ్లత్‌ బౌలింగ్‌లో వికెట్‌ కీపర్‌ ఇక్రమ్‌కు క్యాచ్‌ ఇచ్చి వెనుదిరిగాడు. తర్వాత నుంచి లూయిస్‌–హోప్‌ జోడీ రెండో వికెట్‌కు 88 పరుగులు జతచేసింది. లూయిస్‌ను ఔట్‌ చేయడం ద్వారా ఈ జోడీని రషీద్‌ ఖాన్‌ విడదీశాడు. ఆ తర్వాత హెట్‌మైర్‌తో కలసి హోప్‌ మరో ఉపయుక్త భాగస్వామ్యం(65) నెలకొల్పాడు. వీరిద్దరూ స్వల్పవ్యవధిలో ఔట్‌ కావడంతో విండీస్‌ స్కోరు కాసేపు మందగించింది. అయితే, ఆఖర్లో పూరన్‌–హోల్డర్‌ భారీ షాట్లతో విరుచుకుపడ్డారు. ఈ జోడీ శతక భాగస్వామ్యాన్ని నెలకొల్పింది. చివర్లో బ్రాత్‌వైట్‌ (14 నాటౌట్‌) బ్యాట్‌ ఝుళిపించడంతో విండీస్‌ స్కోరు 300 దాటింది. 

మాంచెస్టర్‌: వెస్టిండీస్‌ వికెట్‌ కీపర్‌ షాయ్‌ హోప్‌ అరుదైన ఘనతను సాధించాడు. విండీస్‌ తరఫున ఒక వరల్డ్‌కప్‌లో  అత్యధిక క్యాచ్‌లు పట్టిన కీపర్‌గా గుర్తింపు పొందాడు. ప్రస్తుత వరల్డ్‌కప్‌లో షాయ్‌ హోప్‌ పట్టిన క్యాచ్‌లు 15 కాగా, అంతకుముందు జెఫ్‌ డజన్‌ ఈ ఫీట్‌ సాధించాడు. 1983లో జెఫ్‌ డజన్‌ ఆ రికార్డు నమోదు చేయగా, ఇప్పుడు అతని సరసన హోప్‌ నిలిచాడు. గురువారం భారత్‌తో జరుగుతున్న మ్యాచ్‌లో షాయ్‌ హోప్‌ నాలుగు క్యాచ్‌లు అందుకున్నాడు. రోహిత్‌ శర్మ, విజయ్‌ శంకర్‌, కేదార్‌ జాదవ్‌, మహ్మద్‌ షమీల క్యాచ్‌లును హోప్‌ పట్టడంతో అరుదైన జాబితాలో స్థానం సంపాదించాడు.  ఒక వరల్డ్‌కప్‌లో విండీస్‌ తరఫున అత్యధిక కీపర్‌ క్యాచ్‌లు పట్టిన వారిలో షాయ్‌ హోప్‌-జెఫ్‌ డజన్‌ల తర్వాత స్థానాల్లో రిడ్లీ జాకబ్స్‌(14 క్యాచ్‌లు-1999 వరల్డ్‌కప్‌), దినేశ్‌ రామ్‌దిన్‌(13 క్యాచ్‌లు-2007, 2015ల్లో)లు ఉన్నారు. ఈ మ్యాచ్‌లో భారత్‌ ముందుగా బ్యాటింగ్‌ చేసి ఏడు వికెట్ల నష్టానికి 268 పరుగులు చేసింది.  విరాట్‌ కోహ్లి(72; 82 బంతుల్లో 8 ఫోర్లు), కేఎల్‌ రాహుల్‌(48; 64 బంతుల్లో 6 ఫోర్లు), హార్దిక్‌ పాండ్యా(46; 38 బంతుల్లో 5 ఫోర్లు), ఎంఎస్‌ ధోని(56 నాటౌట్; 61 బంతుల్లో 3 ఫోర్లు, 2 సిక్సర్లు)‌)లు రాణించడంతో భారత్‌ గౌరవప్రదమైన స్కోరు సాధించింది.  

మాంచెస్టర్‌ :  ప్రపంచకప్‌లో భాగంగా వెస్టిండీస్‌తో జరుగుతున్న మ్యాచ్‌లో టీమిండియా బ్యాట్స్‌మెన్‌ తడబడుతున్నారు. టాస్‌ గెలిచి బ్యాటింగ్‌ ఎంచుకున్న టీమిండియాకు ఆదిలోనే కష్టాలు మొదలయ్యాయి. సారథి విరాట్‌ కోహ్లి మినహా ఎవరూ అంతగా ఆకట్టుకోలేదు. ప్రస్తుతం ధోని ఇన్నింగ్స్‌ చక్కదిద్దే యత్రం చేస్తున్నాడు. అయితే ఆరంభంలోనే ధోని ఔటయ్యే ప్రమాదం నుంచి బయటపడ్డాడు. విండీస్‌ వికెట్‌ కీపర్‌ షాయ్‌ హోప్‌ చెత్త కీపింగ్‌తో అవుటయ్యే ప్రమాదం నుంచి ధోని తప్పించుకున్నాడు. స్పిన్నర్‌ ఫబియన్‌ అలెన్‌ వేసిన 34 ఓవర్‌ తొలి బంతిని ధోని ముందుకచ్చి ఆడే ప్రయత్నం చేశాడు.  అయితే బ్యాట్‌కు దూరంగా వెళ్లిన బంతి కీపర్‌ చేతుల్లో పడింది. అయితే తొలి ప్రయత్నంలో స్టంపౌట్‌ చేయడంలో హోప్‌ విఫలమయ్యాడు. అయితే ఔట్‌ అని ఫిక్స్‌ అయిన ధోని లేట్‌గా స్పందించాడు. దీంతో హోప్‌కు మరో అవకాశం లభించింది. అప్పటికీ స్టంపౌట్‌ చేయడంలో హోప్‌ విఫలమయ్యాడు. వెంటనే తేరుకున్న ధోని క్రీజులోకి తిరిగొచ్చాడు. దీంతో ఒక్కసారిగా టీమిండియా ఫ్యాన్స్‌తో పాటు ధోని ఊపిరిపీల్చుకున్నాడు. అయితే ఇదే సమయంలో హోప్‌ విసిరిన త్రో మిస్‌ కావడంతో బై రూపంలో టీమిండియాకు ఒక పరుగు కూడా లభించడం విశేషం. ఎంతో ఫన్నీగా ఉన్న ఈ వీడియో నెట్టింట్లో తెగహల్‌చల్‌ చేస్తోంది. ఇక అఫ్గానిస్తాన్‌ మ్యాచ్‌లో ధోని స్టంపౌట్‌ అయిన విషయం తెలిసిందే. 

సిల్హెట్‌ (బంగ్లాదేశ్‌): వెస్టిండీస్‌ ఓపెనర్‌ షై హోప్‌ (23 బంతుల్లో 55; 3 ఫోర్లు, 6 సిక్సర్లు) బంగ్లాదేశ్‌ బౌలర్లపై భారీ షాట్లతో విరుచుకుపడ్డాడు. దీంతో  సోమవారం ఇక్కడ జరిగిన తొలి టి20లో విండీస్‌ 8 వికెట్ల తేడాతో ఘనవిజయం సాధించింది. ముందుగా బ్యాటింగ్‌కు దిగిన బంగ్లాదేశ్‌ 19 ఓవర్లలో 129 పరుగులు చేసి ఆలౌటైంది. పేసర్‌ షెల్డన్‌ కాట్రెల్‌ (4/28) ధాటికి విలవిల్లాడిన ఆతిథ్య జట్టును కెప్టెన్‌ షకీబుల్‌ హసన్‌ (43 బంతుల్లో 61; 8 ఫోర్లు, 2 సిక్స్‌లు) ఆదుకున్నాడు. తర్వాత 130 పరుగుల లక్ష్యాన్ని విండీస్‌ కేవలం 10.5 ఓవర్లలో రెండే వికెట్లు కోల్పోయి ఛేదించింది. హోప్‌ ప్రతాపంతో విండీస్‌ 3.1 ఓవర్లలోనే 50 పరుగులు చేసింది. 98 పరుగుల వద్ద హోప్‌ నిష్క్రమించాక... మిగతా లాంఛనాన్ని నికోలస్‌ పూరన్‌ (23 నాటౌట్‌), కీమో పాల్‌ (14 బంతుల్లో 28 నాటౌట్‌; 1 ఫోర్, 3 సిక్సర్లు) అంతే వేగంతో పూర్తి చేశారు. దీంతో సగం ఓవర్లు (9.1) మిగిలుండగానే మ్యాచ్‌ ముగిసింది. రెండో టి20 గురువారం ఢాకాలో జరుగుతుంది.    

కోల్‌కతా: ఇటీవల భారత్‌తో జరిగిన చివరివన్డేలో 104 పరుగులకే కుప్పకూలి చెత్త రికార్డును నమోదు చేసిన వెస్టిండీస్‌ మరో అపప్రథన మూటగట్టుకుంది. మూడు టీ20ల సిరీస్‌లో భాగంగా ఇక్కడ జరిగిన తొలి మ్యాచ్‌లో విండీస్‌ ఎనిమిది వికెట్ల నష్టానికి 109 పరుగులే చేసింది. ఫలితంగా టీ20ల్లో భారత్‌పై అత‍్యల్ప స్కోరును నమోదు చేసి చెత్త రికార్డును సొంతం చేసుకుంది. 2014లో భారత్‌పై 129 పరుగులు చేసిన విండీస్‌.. తాజాగా దాన్ని  సవరించింది. ఈ మ్యాచ్‌లో వెస్టిండీస్‌ నిర్దేశించిన 110 పరుగుల లక్ష్యాన్ని భారత్‌ ఐదు వికెట్లు కోల్పోయి ఛేదించి సిరీస్‌లో శుభారంభం చేసింది. అంతకముందు భారత్‌తో జరిగిన ఐదో వన్డేల సిరీస్‌లో భాగంగా ఆఖరి వన్డేలో విండీస్‌ ఘోరంగా వైఫల్యం చెందిన సంగతి తెలిసిందే. ఏ ఒక్క ఆటగాడు కనీసం పోరాడటంలో విఫలం కావడంతో విండీస్‌ 104 పరుగులకే ఆలౌటైంది.  తద్వారా వన్డే ఫార్మాట్‌లో భారత్‌పై అత్యల్ప స్కోరును నమోదు చేసిన అపప్రథను విండీస్‌ సొంతం చేసుకుంది. ఇది భారత్‌పై వన్డేల్లో విండీస్‌కు అత్యల్ప స్కోరుగా నమోదైంది. ఆ వన్డే జరిగిన నాలుగు రోజుల వ్యవధిలోనే విండీస్‌ మరోసారి తడ‘బ్యాటు’కు గురై చెత్త రికార్డును మూటగట్టుకోవడం గమనార్హం. ఇక్కడ చదవండి: ఆ వికెట్‌ కోసం కృనాల్‌ పట్టుబట్టాడు: రోహిత్‌ డ్యూడ్‌ ఇది క్రికెట్‌.. రన్నింగ్‌ రేస్‌ కాదు! ఆపసోపాలతో... ఐదు వికెట్లతో...

కోల్‌కతా : వెస్టిండీస్‌తో ఆదివారం జరిగిన తొలి టీ20లో టీమిండియా ఆపసోపాలతో గట్టెక్కిన విషయం తెలిసిందే. అయితే ఈ మ్యాచ్‌లో చోటుచేసుకున్న ఓ ఆసక్తికర సంఘటన ఇప్పుడు సోషల్‌ మీడియాలో హాట్‌ టాపిక్‌ అయింది. టాస్ గెలిచిన భారత సారథి రోహిత్‌ ఫీల్డింగ్‌ ఎంచుకోగా.. విండీస్‌ వరుసగా వికెట్లను కోల్పోయింది. అయితే బుమ్రా వేసిన నాలుగో ఓవర్‌లో హెట్‌మైర్‌తో సమన్వయ లోపం కారణంగా షై హోప్‌ రనౌటయ్యాడు. హోప్‌ ఆడిన షాట్‌ను ఫార్వార్డ్‌లో ఫీల్డింగ్‌ చేస్తున్న కేఎల్‌ రాహుల్‌ అందుకున్నాడు. (చదవండి: ఆపసోపాలతో... ఐదు వికెట్లతో...) కానీ అతను విసిరిన త్రో కీపర్‌ పైనుంచి వెళ్లిపోయినా పక్కనే ఉన్న మనీశ్‌ పాండే దానిని చక్కగా అందుకున్నాడు. దీంతో అయోమయానికి గురైన బ్యాట్స్‌మెన్‌ ఒకేవైపుకు పరుగెత్తారు. అనంతరం పాండే సునాయాసంగా రనౌట్‌ చేయడంతో హోప్‌ పెవిలియన్‌ బాట పట్టాడు. ఈ ఘటనతో మైదానంలో నవ్వులు పూసాయి. ఇక నెటిజన్లైతే దీనికి సంబంధించిన ఫొటోలపై వింత క్యాఫ్షన్స్‌ ఇస్తూ విండీస్‌ ఆటగాళ్లను ఓ ఆట ఆడుకుంటున్నారు. ‘ఈ రేస్‌ హెట్‌మైర్‌ గెలిచాడోచ్‌.!, డ్యూడ్‌ ఇది క్రికెట్‌.. రన్నింగ్‌ రేస్‌ కాదు’అని వ్యంగ్యాస్త్రాలు సంధిస్తున్నారు. దీంతో ఈ వీడియో ప్రస్తుతం నెట్టింట్లో హల్‌చల్‌ చేస్తోంది. (చదవండి: పోలా..! అదిరిపోలా.. ఈ క్యాచ్‌!) వీడియో కోసం క్లిక్‌ ఇక్కడ చేయండి Cricket pitch or a race track? #INDvWI pic.twitter.com/riepUJQEBm — Prasenjit Dey (@CricPrasen) 4 November 2018 HETMEYR WINS THE RACE....#INDvWI #Cricket pic.twitter.com/eC8VW8x7rK — 🅗 🅐 🅡 🅘 🅣 (@imharit) 4 November 2018 Dude it's cricket!! 100 metres sprint can follow. #INDvWI pic.twitter.com/iZmuplxKz5 — Ankur Nigam (@ankurnigam) 4 November 2018 ఇక ఈ మ్యాచ్‌లో భారత్‌ 5 వికెట్ల తేడాతో విజయం సాధించింది. ముందుగా బ్యాటింగ్‌కు దిగిన విండీస్‌ 20 ఓవర్లలో 8 వికెట్ల నష్టానికి 109 పరుగులు చేసింది. అలెన్‌ (20 బంతుల్లో 27; 4 ఫోర్లు) టాప్‌ స్కోరర్‌గా నిలిచాడు. ‘మ్యాన్‌ ఆఫ్‌ ద మ్యాచ్‌’ కుల్దీప్‌ యాదవ్‌ (3/13), కృనాల్‌ పాండ్యా (1/15) ప్రత్యర్థిని పడగొట్టారు. అనంతరం భారత్‌ 17.5 ఓవర్లలో 5 వికెట్లకు 110 పరుగులు చేసి గెలిచింది. దినేశ్‌ కార్తీక్‌ (34 బంతుల్లో 31 నాటౌట్‌; 3 ఫోర్లు, 1 సిక్స్‌) ముందుండి జట్టును విజయం దిశగా నడిపించాడు. మూడు టీ20ల సిరీస్‌లో భారత్‌ 1–0తో ఆధిక్యంలోకి వెళ్లింది. రేపు లక్నోలో రెండో మ్యాచ్‌ జరుగునుంది.

విశాఖపట్నం: వెస్టిండీస్‌తో ఇక్కడ జరిగిన రెండో వన్డేలో టీమిండియా పేసర్‌ ఉమేశ్‌ యాదవ్‌ డబ్బైకి పైగా పరుగులిచ్చాడు. ఈ మ్యాచ్‌లో 10 ఓవర్ల పాటు బౌలింగ్‌ వేసిన ఉమేశ్‌ యాదవ్‌ వికెట్‌ మాత్రమే తీసి 78 పరుగుల్ని సమర్పించుకున్నాడు. ఫలితంగా వన్డే ఇన్నింగ్స్‌ల్లో అత్యధిసార్లు 70కి పైగా పరుగులిచ్చిన ఆటగాళ్ల జాబితాలో ఉమేశ్‌ రెండో స్థానాన్ని ఆక్రమించాడు. ఇక‍్కడ శ్రీలంక పేసర్‌ లసిత్‌ మలింగా తొలి స్థానంలో ఉండగా, ఉమేశ్‌ రెండో స్థానంలో నిలిచాడు. మలింగా 17 సార్లు  డబ్భైకి పైగా పరుగుల్ని ఇవ్వగా, ఉమేశ్‌ 12సార్లు డబ్భై అంతకంటే పరుగుల్ని సమర్పించుకున్నాడు. ఈ జాబితాలో ఇంగ్లండ్‌ స్పిన్నర్‌ ఆదిల్‌ రషిద్‌(11) మూడో  స్థానంలో ఉన్నాడు. షై హోప్‌ సరికొత్త రికార్డు విండీస్‌ ఆటగాడు షై హోప్‌ సరికొత్త రికార్డు నెలకొల్పాడు. లక్ష్య ఛేదనలో భాగంగా టైగా ముగిసిన మ్యాచ్‌ల్లో అజేయంగా అత్యధిక వ్యక్తిపరుగులు సాధించిన జాబితాలో షై హోప్‌ అగ్రస్థానంలో నిలిచాడు. ఈ క్రమంలోనే ఇప్పటివరకూ పాకిస్తాన్‌ మాజీ క్రికెటర్‌ సయ్యిద్‌ అన్వర్‌(103 నాటౌట్‌) ఉన్న రికార్డును హోప్‌ బ్రేక్‌ చేశాడు. 1995లో జింబాబ్వేతో జరిగిన మ్యాచ్‌లో లక్ష్యాన్ని ఛేదించే క‍్రమంలో అన్వర్‌ అజేయంగా శతకం సాధించగా, ఆ మ్యాచ్‌ టైగా ముగిసింది.