Attack

సాక్షి,కృష్ణా: మోపిదేవి మండలం వెంకటాపురంలో కూటమి మూకలు అరాచకం సృష్టించారు. వైఎస్సార్‌సీపీ ఎంపీటీసీ అభ్యర్థి నాంచారయ్య ఇంటిపై దాడికి తెగబడ్డారు. ఫర్నిచర్ ధ్వంసం చేసి కుటుంబ సభ్యులను భయభ్రాంతులకు గురి చేశారు. దీంతో దాడి ఘటన వివరాలు తెలుసుకొని వైఎస్సార్‌సీపీ నేత మాజీ ఎమ్మెల్యే సింహాద్రి రమేష్‌ బాబు బాధిత కుటుంబాన్ని పరామర్శించారు. కూటమి నేతలకు ఓటమి భయం పట్టుకుందని అందుకే వైఎస్సార్‌సీపీ అభ్యర్థులపై దాడులకు పాల్పడుతున్నారని ఆగ్రహం వ్యక్తం చేశారు.

వాషింగ్టన్‌ డీసీ: అమెరికా అధ్యక్షుడు ఇటీవల ఇరాన్‌పై మరోసారి రెచ్చిపోయి హెచ్చరికలు జారీ చేసిన సంగతి తెలిసిందే. ఈ నేపథ్యంలో అమెరికా ఇరాన్‌పై భారీ దాడులకు సిద్ధమవుతున్నట్లు తెలుస్తోంది. పశ్చిమాసియాలో దాడులు చేసేందుకు అమెరికా బలగాలు సిద్ధంగా ఉన్నాయని సీఎన్‌ఎన్‌ (CNN) సంచలన కథనం ప్రచురించింది. ఈ వివరాల్ని ఇద్దరు అమెరికా అధికారులు తెలిపినట్లు పేర్కొంది.సీఎన్‌ఎన్‌ కథనం ప్రకారం.. ఇరాన్‌పై దాడులు నిర్వహించడానికి అవసరమైన స్థాయిలో అమెరికా సైనిక బలగాలు ఇప్పటికే ఈ ప్రాంతంలో మోహరించి ఉన్నాయని . అయితే, ఇరాన్‌పై మరోసారి దాడులు ప్రారంభించాలా వద్దా అనే విషయంపై ట్రంప్ ఇంకా తుది నిర్ణయం తీసుకోలేదని అధికారులు పేర్కొన్నట్లు కథనం ప్రచురించింది. ట్రంప్‌ ఆదేశాలిచ్చిన మరుక్షణం పెద్దఎత్తున దాడులకు తెగబడనున్నట్లు పేర్కొంది.అయితే ఇరాన్‌పై ఈ సారి పరిమిత స్థాయిలో దాడులు నిర్వహించడంతోనే అమెరికా ఆగిపోకపోవచ్చని తాజా సమాచారం . ఇరాన్‌కు చెందిన రాడార్లు, క్షిపణి ప్రయోగ కేంద్రాలు, ఇతర సైనిక ఆస్తులపై దాడులతో పాటు మరింత విస్తృతమైన లక్ష్యాలపై విరుచుకపడేందుకు అమెరికా సైనికాధికారులు పరిశీలిస్తున్నట్లు తెలుస్తోంది. అమెరికా సెంట్రల్ కమాండ్, పెంటగాన్ అధికారులు కలిసి దాడులకు సంబంధించిన లక్ష్యాల జాబితాను విస్తరిస్తున్నారని నివేదిక పేర్కొంది. ఇందులో ఇరాన్ ఇంధన మౌలిక సదుపాయాలు, సైనిక స్థావరాలు, అణు కేంద్రాలు కూడా ఉన్నట్లు సమాచారం. మధ్యంతర ఎన్నికల తర్వాతే దాడులకు ఆమోదం?ఇరాన్‌పై కొత్తగా దాడులు నిర్వహించాలనే నిర్ణయం ఈ ఏడాది చివరిలోపు వెలువడవచ్చని అమెరికా సైనిక ప్రణాళికలపై అవగాహన ఉన్న ప్రస్తుత, మాజీ అధికారులు అభిప్రాయ పడుతున్నట్లు సీఎన్‌ఎన్‌ వెల్లడించింది. అయితే, అమెరికా మధ్యంతర ఎన్నికలు ముగిసిన తర్వాత దాడులకు ఆమోదం లభించే అవకాశాన్ని వారు ఎక్కువగా ప్రస్తావించినట్లు తెలిపింది.ట్రంప్ గతంలోనూ కొన్ని సైనిక చర్యలకు అనుకూలంగా కనిపించినప్పటికీ, చివరి నిమిషంలో వెనక్కి తగ్గిన సందర్భాలు ఉన్నాయని అధికారులు గుర్తుచేసినట్లు నివేదిక పేర్కొంది. అందువల్ల సైనిక బలగాలు సిద్ధంగా ఉన్నప్పటికీ, దాడులు తప్పకుండా జరుగుతాయని చెప్పలేని పరిస్థితి ఉందని విశ్లేషణల ద్వారా అర్థమవుతోంది.ఈ అంశంపై పెంటగాన్‌కు చెందిన ఒక సీనియర్ అధికారి స్పందిస్తూ, రక్షణ శాఖ పని సైనిక ప్రణాళికలను రూపొందించడం, అధ్యక్షుడు ఆదేశించిన సైనిక చర్యలను అమలు చేయడం అని పేర్కొన్నారు. అధ్యక్షుడి నిర్ణయానికి అనుగుణంగా వివిధ సైనిక ప్రత్యామ్నాయాలను సిద్ధం చేయడం తమ బాధ్యత అని ఆయన వివరించినట్లు సీఎన్‌ఎన్‌ తెలిపింది.ఇదీ చదవండి: ఆకలి కేకల ముంగిట

దుబాయ్‌: ఫ్లై దుబాయ్‌ విమానంలో కాక్‌పిట్‌పై జరిగిన దాడి సమయంలో ధైర్యసాహసాలు ప్రదర్శించిన భారత పైలట్‌ కెప్టెన్‌ స్మిత్‌ మచ్చార్‌ను యునైటెడ్‌ అరబ్‌ ఎమిరేట్స్‌ (యూఏఈ) ప్రభుత్వం ఘనంగా సత్కరించింది. సెప్టెంబర్‌ 30న జరిగిన ఈ ఘటనలో ప్రయాణికుల భద్రతకు, విమానాన్ని సురక్షితంగా ఉంచేందుకు చేసిన కృషిని గుర్తిస్తూ, పైలట్‌తో పాటు సిబ్బందికి గౌరవ పురస్కారాన్ని ప్రకటించింది. యూఏఈ అధ్యక్షుడు షేక్‌ మహమ్మద్‌ బిన్‌ జాయెద్‌ అల్‌ నహ్యాన్‌ తరఫున ఫస్ట్‌ క్లాస్‌ ఆర్డర్‌ ఆఫ్‌ జాయెద్‌ II పురస్కారాన్ని అందజేశారు.దుబాయ్‌ యువరాజు, యూఏఈ ఉప ప్రధాని, రక్షణ మంత్రి షేక్‌ హమ్దాన్‌ బిన్‌ మహమ్మద్‌ బిన్‌ రషీద్‌ అల్‌ మక్తూమ్‌ ఈ పురస్కారాలను అందజేశారు. అంతకుముందు అక్టోబర్‌ 3న ఇజ్రాయెల్‌లో చికిత్స పొందుతున్న సమయంలో స్మిత్‌ మచ్చార్‌ను ఆయన పరామర్శించారు. మరోవైపు ఇజ్రాయెల్‌ ప్రధాని బెంజమిన్‌ నెతన్యాహు భారత ప్రధాని నరేంద్ర మోదీతో ఫోన్‌లో మాట్లాడారు. ఇజ్రాయెల్‌ స్వాతంత్ర్య దినోత్సవ వేడుకల్లో భారత పైలట్‌ స్మిత్‌ మచ్చార్‌తో కలిసి టార్చ్‌ వెలిగించేందుకు రావాలని మోదీని ఆహ్వానించారు. ఈ విషయాన్ని నెతన్యాహు సోషల్‌ మీడియా వేదిక ‘ఎక్స్‌’లో వెల్లడించారు.ఇదీ చదవండి: పీఎన్‌బీలో కుంభకోణం.. నగదు మాయంపై ఖాతాదారులు గగ్గోలు!

కడప అర్బన్‌: కడపలో కార్పొరేషన్‌ ఎన్నికల ప్రచారంలో భాగంగా ఆదివారం సాయంత్రం 41వ డివిజన్‌లోని నకాష్‌ సమీపంలో వైఎస్సార్‌సీపీ రాష్ట్ర అధికార ప్రతినిధి శ్యామల ఆధ్వర్యంలో ప్రచారం నిర్వహిస్తుండగా.. టీడీపీకి చెందిన సయ్యద్‌బాషా అనే వ్యక్తి వైఎస్సార్‌సీపీకి చెందిన ఖాలిద్‌ హుసేన్‌ అనే వ్యక్తిపై కత్తితో దాడి చేశాడు. కత్తి పొట్టలో దిగబడటంతో ఖాలిద్‌ హుసేన్‌కు తీవ్రగాయా­లయ్యాయి. దాడిని అడ్డుకునే ప్రయత్నంలో 41వ డివిజన్‌ వైఎస్సార్‌సీపీ మాజీ కార్పొరేటర్‌ షంషీర్‌ చేతికి తీవ్రగాయాల­య్యాయి. గాయపడిన ఇద్దరినీ క్రిస్టియన్‌ లేన్‌లో ఉన్న హోలిస్టిక్‌ హాస్పిటల్‌లో చేర్పించారు. స్థానికులు దాడికి పాల్పడిన సయ్యద్‌బాషాను పట్టుకుని పోలీసులకు అప్పగించారు.ప్రజాస్వామ్యాన్ని కాలరాస్తున్నారు మాజీ కార్పోరేటర్‌ షంషీర్, అతని అనుచరుడు ఖాలీద్‌హుసేన్‌లపై కత్తితో దాడి చేసిన సయ్యద్‌బాషాపై కఠిన చర్యలు తీసుకోవాలని వైఎస్సార్‌సీపీ కడప జిల్లా అధ్యక్షుడు పి.రవీంద్రనాథ్‌రెడ్డి డిమాండ్‌ చేశారు. రాజకీయ ప్రత్యర్థులపై దాడులతో ఎన్నికల్లో భయానక వాతావరణం సృష్టిస్తున్నారని ఆగ్రహం వ్యక్తం చేశారు. ఈ ఘటనపై సీఐ శ్రీహరి ఆధ్వర్యంలో కేసు నమోదు చేసి దర్యాప్తు చేస్తున్నారు.

టెహ్రాన్‌: పశ్చిమాసియా యుద్ధం ప్రారంభమై ఎనిమిది నెలల కావస్తోన్నా ఇంకా యుద్ధం ముగింపు విషయంలో ఇంకా ప్రతిష్టంభన కొనసాగుతుంది. ఈ నేపథ్యంలో ఇరాన్‌ సీనియర్‌ ఎంపీ మహమ్మద్‌-సాలెహ్‌ జోకర్ సంచలన వ్యాఖ్యలు చేశారు. ఒకవేళ అమెరికా మరోసారి ఇరాన్‌పై దాడి చేస్తే అణ్వాయుధాలు ప్రయోగించేలా అనుమతివ్వాలని కోరారు.ఇరాన్ పార్లమెంటు అంతర్గత వ్యవహారాల కమిటీ ఛైర్మన్ మహమ్మద్-సాలెహ్ జోకర్ కీలక వ్యాఖ్యలు చేశారు. “దేశ రక్షణ కోసం, శత్రువులను దాడి చేయకుండా నిరోధించేందుకు, అమెరికా ఇరాన్‌పై దాడి చేసిన సందర్భంలో అణ్వాయుధాల వినియోగానికి అనుమతి ఇవ్వాలని ఇస్లామిక్ రిపబ్లిక్ అధికారులను కోరుతున్నాను” అని జోకర్ అన్నారు. అదే విధంగా అమెరికా ఇరాన్‌పై దాడి చేస్తే, అణ్వాయుధాల వ్యాప్తి నిరోధక ఒప్పందం (ఎన్‌పీటీ) కింద కొనసాగుతున్న సహకారాన్ని కూడా ఇరాన్ నిలిపివేయాలని ఆయన అధికారులకు సూచించారు.అంతేకాకుండా, ఇరాన్‌పై దాడులు చేసేందుకు అమెరికా సైన్యానికి తమ భూభాగాన్ని లేదా గగనతలాన్ని ఉపయోగించుకునేందుకు అనుమతి ఇచ్చే ఏ దేశమైనా తీవ్ర పరిణామాలను ఎదుర్కోవాల్సి వస్తుందని జోకర్ హెచ్చరించారు. అలాంటి దేశాలకు ఇరాన్ నుంచి “కఠినమైన ప్రతిస్పందన” ఉంటుందని, అవి “భారీ మూల్యం చెల్లించుకోవాల్సి వస్తుందని” ఆయన స్పష్టం చేశారు.అమెరికాతో ఇరాన్ మధ్య సైనిక ఘర్షణ కొనసాగుతున్న నేపథ్యంలో, ఇరాన్ సీనియర్ అధికారులు వరుసగా చేస్తున్న హెచ్చరికల్లో జోకర్ వ్యాఖ్యలు తాజాగా చేరాయి. ఇరాన్‌పై తన లక్ష్యాలను పూర్తిచేసేందుకు మరోసారి దాడులు చేసే అవకాశాన్ని అమెరికా అధ్యక్షుడు డొనాల్డ్ ట్రంప్ పరిశీలిస్తున్నట్లు వార్తలు వెలువడుతున్న తరుణంలో ఈ పరిణామం చోటుచేసుకుంది.అబ్బాస్ అరాగ్చీ హెచ్చరికఇదిలా ఉండగా, ఇరాన్‌పై తన లక్ష్యాలను పూర్తిచేయడానికి అమెరికా మరిన్ని సైనిక చర్యలు చేపట్టవచ్చని ట్రంప్ చేసిన వ్యాఖ్యలకు ఇరాన్ విదేశాంగ మంత్రి అబ్బాస్ అరాగ్చీ ఆదివారం స్పందించారు. గతంలో కూడా అమెరికా ఇరాన్‌పై దాడులు చేసి తన లక్ష్యాలను పూర్తిచేయాలని ప్రయత్నించిందని, అయితే ఆ తర్వాత ఇరాన్ మరింత బలంగా ఎదిగిందని ఆయన వ్యాఖ్యానించారు.“గతసారి మీరు ‘పని పూర్తిచేయాలని’ అనుకున్నప్పుడు, ఇరాన్ మరింత శక్తిమంతంగా బయటపడింది. మరోసారి మీ అదృష్టాన్ని పరీక్షించుకోవాలనుకుంటున్నారా? రండి, స్వాగతం. అయితే జాగ్రత్తగా ఉండండి. మాకూ ఇంకా కొన్ని అసంపూర్తి పనులు ఉన్నాయి” అని అరాగ్చీ సామాజిక మాధ్యమంలో రాశారు.ఇదీ చదవండి: దుండగుల కాల్పులు ఏడుగురు మృతి

గ్యాంగ్‌స్టర్‌ లారెన్స్‌ బిష్ణోయ్‌ గుజరాత్‌లోని అహ్మదాబాద్‌ సబర్మతి సెంట్రల్‌ జైలులో అత్యంత కట్టుదిట్టమైన భద్రత మధ్య ఉన్నాడు. అయినప్పటికీ, ప్రముఖులను లక్ష్యంగా చేసుకుంటూ అతడి ముఠా కార్యకలాపాలు కొనసాగుతున్నాయనే ఆరోపణలు కలకలం రేపుతున్నాయి. నటుడు టైగర్‌ ష్రాఫ్‌ కారుపై కాల్పుల ఘటనతో మరోసారి ఈ ముఠా అంతర్జాతీయ నెట్‌వర్క్‌ చర్చనీయాంశమైంది. ఈ దాడికి బాధ్యత వహిస్తున్నట్లు బిష్ణోయ్‌ ముఠాతో సంబంధాలున్న ఇద్దరు వ్యక్తులు సోషల్‌ మీడియాలో పోస్టులు పెట్టారు. వారిలో అమెరికాలో ఉంటున్న అనిల్‌ పండిట్‌ ఒకరు. జైల్లో ఉన్న వ్యక్తి పేరు మీద విదేశాల నుంచి నెట్‌వర్క్‌ ఎలా పనిచేస్తోంది? ఈ ముఠా కార్యకలాపాల వెనుక ఎవరున్నారు? అనే అంశాలపై దర్యాప్తు సంస్థలు దృష్టి సారించాయి.విదేశాల నుంచి ఆదేశాలు.. స్థానికంగా దాడులుఅమెరికా ఫెడరల్‌ బ్యూరో ఆఫ్‌ ఇన్వెస్టిగేషన్‌ (ఎఫ్‌బీఐ) ఈ నెట్‌వర్క్‌ను ‘లారెన్స్‌ బిష్ణోయ్‌ ఆర్గనైజ్డ్‌ క్రైమ్‌ గ్రూప్‌’ (ఓసీజీ)గా పేర్కొంది. అంతర్జాతీయ సరిహద్దులను దాటి కార్యకలాపాలు నిర్వహించడం, విదేశాల నుంచి స్థానికంగా దాడులకు పాల్పడే వ్యక్తులను నియమించుకోవడం, వ్యాపారవేత్తలను బెదిరించి డబ్బులు వసూలు చేయడం వంటి కార్యకలాపాలకు ఈ ముఠా పాల్పడుతోందని అమెరికా అధికారులు ఆరోపిస్తున్నారు. సెలబ్రిటీలు, గాయకులు, రాజకీయ నేతలను లక్ష్యంగా చేసుకున్న ఘటనల్లోనూ ఈ ముఠా పేరు వినిపిస్తోంది. నటులు సల్మాన్‌ ఖాన్‌, రణ్‌వీర్‌ సింగ్‌, అమీర్‌ ఖాన్‌, దర్శకుడు రోహిత్‌ శెట్టిలకు గతంలో వీరి నుంచి బెదిరింపులు వచ్చాయి. ప్రముఖ పంజాబీ గాయకుడు సిద్ధూ మూసేవాలా 2022 మేలో హత్యకు గురయ్యారు. మహారాష్ట్ర నాయకుడు బాబా సిద్ధిఖీ 2024 అక్టోబరులో హత్యకు గురయ్యారు. ఈ ఘటనలతో బిష్ణోయ్‌ ముఠాకు సంబంధాలున్నాయని ఆరోపణలున్నాయి.అనిల్‌ పండిట్‌.. అమెరికా నుంచి కార్యకలాపాలు?హర్యానాలోని పానిపట్‌ జిల్లా రైర్‌ కలాన్‌ గ్రామానికి చెందిన 32 ఏళ్ల అనిల్‌ పండిట్‌ 2023లో భారత్‌ విడిచి వెళ్లాడు. థాయ్‌లాండ్‌, కెనడా మీదుగా అమెరికా చేరినట్లు సమాచారం. ఈ ఏడాది జూలైలో అమెరికాలో దాఖలైన అభియోగపత్రం ప్రకారం.. గ్యాంగ్‌స్టర్‌ రణ్‌దీప్‌ మాలిక్‌, కెనడాలో నివసిస్తున్న రవీందర్‌ సింగ్‌ ఢండాతో అతడికి సంబంధాలున్నాయి. వీరు బిష్ణోయ్‌ ముఠాతో కలిసి పనిచేస్తున్నట్లు ఆరోపణలున్నాయి. భారత దర్యాప్తు సంస్థలు తెలిపిన వివరాల ప్రకారం అనిల్‌ పండిట్‌ కాలిఫోర్నియా నుంచి కార్యకలాపాలు నిర్వహిస్తున్నట్లు అనుమానిస్తున్నారు. గోల్డీ బ్రార్‌తోనూ అతడికి సంబంధాలున్నాయనే అనుమానాలున్నాయి. టైగర్‌ ష్రాఫ్‌ ఘటనకు ముందు పశ్చిమ ఢిల్లీలో గాయకుడు గురు రంధావాకు సంబంధమున్న జిమ్‌ యజమానిపై కాల్పులు, పుణెలోని ఆభరణాల దుకాణంపై కాల్పులు, భివాడీ, సోనిపట్‌లలో జరిగిన దాడుల కేసుల్లోనూ అతడి పేరు తెరపైకి వచ్చింది.ఎన్‌క్రిప్టెడ్‌ యాప్‌లతో సమాచార మార్పిడిఈ నెట్‌వర్క్‌ కార్యకలాపాల్లో ‘సిగ్నల్‌’ వంటి ఎన్‌క్రిప్టెడ్‌ మెసేజింగ్‌ యాప్‌లను ఉపయోగించినట్లు దర్యాప్తులో వెల్లడైంది. దాడులకు పాల్పడే వ్యక్తులతో సంబంధాలు కొనసాగించడం, విదేశాల్లో తయారైన ఆయుధాలను సమకూర్చడం వంటి కార్యకలాపాల్లో ఈ యాప్‌లను వినియోగించినట్లు అనుమానిస్తున్నారు. తాజా ఘటనలో మరో అనుమానితుడిగా హర్మన్‌వీర్‌ సింగ్‌ అలియాస్‌ హర్మన్‌ సంధూ పేరు వినిపిస్తోంది. జూన్‌లో ఎఫ్‌బీఐ వాంటెడ్‌ జాబితాలో అతడి పేరు చేర్చినట్లు సమాచారం. రవీందర్‌ దండా నెట్‌వర్క్‌తో సంబంధాలున్న సంధూను జూలైలో కాలిఫోర్నియాలో ఎఫ్‌బీఐ అదుపులోకి తీసుకున్నారు. జూన్‌ 23న లాస్‌ ఏంజెలెస్‌లోని అమెరికా జిల్లా కోర్టు అతడిపై ఫెడరల్‌ అరెస్ట్‌ వారెంట్‌ జారీ చేసింది. నిషేధిత పదార్థాలను కలిగి ఉండటం, వాటిని పంపిణీ చేయడానికి, ఎగుమతి చేయడానికి కుట్ర పన్నడం వంటి ఆరోపణలు అతడిపై ఉన్నాయి. టైగర్‌ ష్రాఫ్‌ ఘటనలో అతడి పాత్రపై దర్యాప్తు కొనసాగుతోంది.‘ఆపరేషన్‌ హార్డ్‌బాల్‌’తో అంతర్జాతీయ ఉచ్చుజూలైలో అమెరికా అధికారులు ‘ఆపరేషన్‌ హార్డ్‌బాల్‌’ను ప్రకటించారు. అమెరికా, కెనడా, ఐరోపా దేశాల మధ్య సమన్వయంతో చేపట్టిన ఈ చట్ట అమలు చర్యల్లో భాగంగా భారతీయ గ్యాంగ్‌స్టర్లపై మూడు ఫెడరల్‌ అభియోగపత్రాలు దాఖలయ్యాయి. మొత్తం 37 మందికి వ్యతిరేకంగా చర్యలు చేపట్టగా, వారిలో 24 మందిని అరెస్టు చేసినట్లు అధికారులు వెల్లడించారు. వీరికి లారెన్స్‌ బిష్ణోయ్‌, జగూ భగన్‌పురియా, రవీందర్‌ సింగ్‌ దండా నెట్‌వర్క్‌లతో సంబంధాలున్నాయని ఆరోపణలు ఉన్నాయి. అమెరికా ప్రాసిక్యూటర్లు తెలిపిన వివరాల ప్రకారం సబర్మతి జైలు నుంచే బిష్ణోయ్‌ తన నేర నెట్‌వర్క్‌ను నడిపిస్తున్నట్లు ఆరోపణలున్నాయి. ఇందుకోసం నిషేధిత మొబైల్‌ ఫోన్లు, ఇంటర్నెట్‌ ఆధారిత వాయిస్‌ కమ్యూనికేషన్‌ పరికరాలను ఉపయోగిస్తున్నట్లు తేలింది. హత్యలు చేయడం, కాల్పులు, బెదిరింపుల ద్వారా డబ్బు వసూలు చేయడం, కిడ్నాప్‌లు, మాదకద్రవ్యాల అక్రమ రవాణా, మానవ అక్రమ రవాణా వంటి నేరాలతో ఈ నెట్‌వర్క్‌కు సంబంధాలున్నాయని అమెరికా అధికారులు చెబుతున్నారు.భయాన్ని సృష్టించి.. డబ్బులు వసూలు చేయడమే.. బిష్ణోయ్‌తో పాటు గోల్డీ బ్రార్‌, రోహిత్‌ గోద్రా వంటి వ్యక్తులు ఈ నెట్‌వర్క్‌లో కీలక పాత్ర పోషిస్తున్నట్లు ఎఫ్‌బీఐ పేర్కొంది. వివిధ దేశాల్లో ఉన్న ముఠా సభ్యులకు ఆదేశాలు ఇవ్వడం, కార్యకలాపాలను సమన్వయం చేయడం వంటి బాధ్యతలను వీరు నిర్వహిస్తున్నట్లు ఆరోపణలున్నాయి. ఆన్‌లైన్‌లో దాడులకు బాధ్యత వహిస్తున్నట్లు ప్రకటించడం ద్వారా ప్రజల్లో భయాన్ని పెంచి, ఆ భయాన్ని ఆసరాగా చేసుకుని వ్యాపారవేత్తల నుంచి డబ్బులు వసూలు చేయడమే ఈ ముఠా వ్యూహమని అమెరికా అధికారులు పేర్కొన్నారు. భారత్‌తో పాటు విదేశాల్లో నివసిస్తున్న భారతీయ సమాజాలనూ లక్ష్యంగా చేసుకుంటున్నట్లు ఆరోపించారు. 2023 జూన్‌లో కెనడాలోని బ్రిటిష్‌ కొలంబియా ప్రావిన్స్‌ సరే నగరంలో సిక్కు వేర్పాటువాద నేత హర్దీప్‌ సింగ్‌ నిజ్జర్‌ హత్యకు గురైన ఘటననూ అమెరికా ప్రాసిక్యూటర్లు ప్రస్తావించారు. అంతర్జాతీయ కొకైన్‌ అక్రమ రవాణా, ప్రత్యర్థి నేర ముఠాలకు చెందిన మాదకద్రవ్యాల సరుకులను దొంగిలించడం వంటి కార్యకలాపాలతోనూ ఈ నెట్‌వర్క్‌కు సంబంధాలున్నాయని ఎఫ్‌బీఐ ఆరోపించింది.డీ-కంపెనీ తరహా నెట్‌వర్క్‌.. భారత దర్యాప్తు సంస్థల అంచనాల ప్రకారం బిష్ణోయ్‌ ముఠా ఒకే ప్రాంతానికి పరిమితమైన నేరస్థుల ముఠా కాదు. జైల్లో ఉన్న గ్యాంగ్‌స్టర్లు, విదేశాల నుంచి కార్యకలాపాలు నిర్వహించే హ్యాండ్లర్లు, స్థానికంగా దాడులకు పాల్పడే వ్యక్తులు, ఆర్థిక సహకారం అందించే వారు ఇందులో భాగంగా ఉన్నట్లు ఆరోపణలున్నాయి. 2023 మార్చిలో దాఖలు చేసిన ఛార్జ్‌షీట్‌లో నేషనల్‌ ఇన్వెస్టిగేషన్‌ ఏజెన్సీ (ఎన్‌ఐఏ) ఉత్తర భారత గ్యాంగ్‌స్టర్లకు ఖలిస్థాన్‌ అనుకూల వర్గాలతో ఉన్న సంబంధాలను ప్రస్తావించింది. 2015 బర్గారీ ఉద్యమం, 2016 నాభా జైలు నుంచి ఖైదీలు తప్పించుకున్న ఘటనలను ఈ నెట్‌వర్క్‌ విస్తరణలో కీలక పరిణామాలుగా పేర్కొంది. ఆయుధాలు, నిధులు, అనుభవమున్న షూటర్ల అవసరాలు వేర్వేరు వర్గాలను పరస్పరం దగ్గర చేశాయని ఏజెన్సీ తెలిపింది. పంజాబ్‌, హర్యానా, చండీగఢ్‌, రాజస్థాన్‌, ఢిల్లీ, ఉత్తర్‌ప్రదేశ్‌, మధ్యప్రదేశ్‌, గుజరాత్‌, మహారాష్ట్ర, బిహార్‌, జార్ఖండ్‌ రాష్ట్రాలకు ఈ నెట్‌వర్క్‌ విస్తరించినట్లు పేర్కొంది. నేరాల ద్వారా సంపాదించిన డబ్బును కెనడా, అమెరికా, థాయ్‌లాండ్‌, ఆస్ట్రేలియా వంటి దేశాలకు తరలించినట్లు ఆరోపణలున్నాయి. 1990లలో దావూద్‌ ఇబ్రహీం డీ-కంపెనీ నిర్వహించిన అండర్‌వరల్డ్‌ వ్యవస్థతో ఈ నెట్‌వర్క్‌ తీరును ఎన్‌ఐఏ పోల్చింది. విదేశాల్లోని హ్యాండ్లర్లు, స్థానికంగా నియమితులైన వ్యక్తుల మధ్య సంబంధాలను గుర్తించడం, ఆయుధాలు, డబ్బు లావాదేవీలను ఛేదించడం, వేర్వేరు దాడుల వెనుక ఒకే నెట్‌వర్క్‌ ఉందో లేదో నిర్ధారించడం దర్యాప్తు సంస్థలకు ప్రధాన సవాలుగా మారింది.ఇదీ చదవండి: ట్రంప్‌కు ‘శాంతి’నిచ్చి.. ప్రతిపక్షంలో మచాడో కలకలం!

వాషింగ్టన్: సౌదీ అరేబియాపై హౌతీల దాడుల నేపథ్యంలో అమెరికా మిడిల్‌ ఈస్ట్‌లోని తమ దేశపౌరులకు కీలక హెచ్చరికలు జారీ చేసింది. సౌదీ, యూఏఈ, ఖతార్, ఇజ్రాయెల్, ఇరాన్‌, సహా 12 దేశాల్లోని అమెరికన్లు అప్రమత్తంగా ఉండాలని తెలిపింది. యుద్ధ ఉద్రిక్తతల నేపథ్యంలో ఏక్షణాన్నైనా విమానాలు రద్దయ్యే అవకాశం ఉందని పేర్కొంది.ఆయా దేశాల గగనతలాలను అకస్మాత్తుగా మూసివేయడం, విమాన సర్వీసులు పెద్ద ఎత్తున రద్దు కావడం లేదా ప్రయాణ మార్గాలను మళ్లించడం వంటి తీవ్ర అంతరాయాలు చోటు చేసుకునే అవకాశం ఉందని పేర్కొంది. ఈ నేపథ్యంలో భద్రతా ముప్పు కారణంగా ఇరాన్, ఇరాక్, లెబనాన్, యెమెన్ వంటి తీవ్ర ఉద్రిక్తత ప్రాంతాలకు అస్సలు ప్రయాణించవద్దని సూచించింది. అంతే కాకుండా ప్రస్తుతం అక్కడ నివసిస్తున్న తమ పౌరులను అందుబాటులో ఉన్న వాణిజ్య రవాణా మార్గాల ద్వారా తక్షణమే ఆయా దేశాలను విడిచి వెళ్లాలని, ప్రయాణాలకు ముందే విమాన సంస్థల ద్వారా ఫ్లైట్ స్టేటస్‌ను ఖచ్చితంగా సరిచూసుకోవాలని ఆదేశించింది. అయితే హౌతీ తిరుగుబాటుదారులు దాడుల నేపథ్యంలో భారత్‌ సైతం అక్కడి భారతీయులకు కీలక సూచన చేసింది. "సౌదీ అత్యవసర హెచ్చరికల వ్యవస్థ (నేషనల్ ఎర్లీ వార్నింగ్ ప్లాట్‌ఫామ్) నుంచి సమాచారం రాగానే ప్రజలు భయాందోళన చెందకుండా వెంటనే సురక్షిత ప్రాంతాలకు వెళ్లాలని ప్రమాదం ముగిసే వరకు ఇళ్లలోనే ఉండాలని, కిటికీలు, బాల్కనీలు, టెర్రస్‌లకు దూరంగా లోపలి గదుల్లో తలదాచుకోవాలి ఒకవేళ బయట ఉంటే సమీపంలోని భవనంలోకి వెళ్లాలి" అని రియాద్‌లోని భారత రాయబార కార్యాలయం సూచించింది.ఇదీ చదవండి: భారత పౌరులకు హెచ్చరిక

సాక్షి, కుప్పం: మున్సిపల్‌ ఎన్నికల నామినేషన్ల ప్రక్రియ ముగిసినా టీడీపీ గూండాల అరాచకం ఆగడం లేదు. చంద్రబాబు స్వంత ఇలాకాలో ఇష్టారీతిన వైఎస్సార్‌సీపీ నేతలపై దాడులకు తెగబడుతున్నారు. ఏకంగా MLC ఇంటినే చుట్టుముట్టారంటే రాష్ట్రంలో శాంతిభద్రతలు ఎంతగా క్షీణించాయో అర్థం చేసుకోవచ్చు. ఈ రోజు (సోమవారం) కుప్పంలో వైఎస్సార్‌సీపీ ఎమ్మెల్సీ భరత్‌ ఇంటిని టీడీపీ గుండాలు చుట్టుముట్టారు. వైఎస్సార్‌సీపీ అభ్యర్థి విజయ్‌ని కిడ్నాప్‌ చేసి అరాచకం సృష్టించారు. దీంతో విజయ్‌ భార్య పావని తీవ్ర భయభ్రాంతులకు గురవుతూ ఆందోళన వ్యక్తం చేశారు. తన భర్తను టీడీపీ గూండాలు ఎత్తుకెళ్లారని పచ్చమూకలతో తన ప్రాణాలకు ముప్పు ఉందని కన్నీటి పర్యంతమయ్యారు. అయితే తాజాగా సీఈసీ సైతం నామినేషన్ల సమయంలో జరుగుతున్న దాడులపై పెద్దగా స్పందించలేదు.నామినేషన్ల సమయంలో జరిగిన దాడిపై మీడియా ప్రతినిధులు ఎన్నికల కమిషనర్‌ అనిల్‌ చంద్ర పునేఠాను ప్రశ్నించగా ఆయన సమాధానం ఎత్తవేశారు. కలెక్టర్ల నుంచి నివేదిక వచ్చాకే చర్యలు తీసుకుంటామన్నారు. ఇదీ చదవండి: పచ్చమూకల దాష్టీకం

ముంబై: ముంబైలోని జుహు పరిధిలోగల పుష్పా పార్క్ సమీపంలో బాలీవుడ్ నటుడు టైగర్ ష్రాఫ్ కారుపై బైక్‌పై వచ్చిన ముగ్గురు గుర్తుతెలియని వ్యక్తులు కాల్పులు జరిపారు. ఈ దాడిలో టైగర్ ష్రాఫ్ సురక్షితంగా బయటపడగా, ఆయన డ్రైవర్ ఫిర్దౌస్ ఎడమ చేతికి బుల్లెట్ గాయమై, నానావతి ఆసుపత్రిలో చేరారు. అక్కడే ఉన్న మరో అభిమానికి కూడా గాయాలయ్యాయి. ఘటనా స్థలం జుహు పోలీస్ స్టేషన్‌కు కేవలం 350 మీటర్ల దూరంలోనే ఉండటంతో నగర భద్రతపై ప్రశ్నలు తలెత్తుతున్నాయి. Instead of cracking down on students and activists, the police should focus on actual criminals. This is what happens when the Govt and police have their priorities completely misplaced.— Abhijeet Dipke (@abhijeet_dipke) October 18, 2026ఈ దాడిపై కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దిప్కే స్పందిస్తూ ప్రభుత్వం, పోలీసుల తీరుపై తీవ్ర స్థాయిలో మండిపడ్డారు. విద్యార్థులు, ఉద్యమకారులపై చర్యలు తీసుకోవడం మానేసి, అసలైన నేరగాళ్లపై పోలీసులు దృష్టి పెట్టాలని ఆయన ‘ఎక్స్‌’ (ట్విట్టర్) వేదికగా డిమాండ్ చేశారు. పాలకులు, పోలీసులు తమ విధుల ప్రాధాన్యతలు గాడి తప్పినప్పుడు ఇలాంటి పరిణామాలు ఎదురవుతాయని ఆయన దుయ్యబట్టారు.మరోవైపు, లారెన్స్ బిష్ణోయ్ గ్యాంగ్‌తో సంబంధం ఉందని భావిస్తున్న అనిల్ పండిట్, హర్మన్ సంధు పేర్లతో సోషల్ మీడియాలో ఈ దాడికి బాధ్యత వహిస్తూ పోస్ట్‌లు వచ్చాయి. సల్మాన్ ఖాన్‌తో కలిసి పనిచేస్తున్నందుకే టైగర్‌ను లక్ష్యంగా చేసుకున్నట్లు ఆ పోస్టులలో పేర్కొనగా, ముంబై పోలీసులు ఆ పోస్టుల నిజానిజాలపై దర్యాప్తు ప్రారంభించి, నిందితుల కోసం ప్రత్యేక బృందాలతో గాలింపు చర్యలు ముమ్మరం చేశారు. ఇదీ చదవండి: దసరా రేపా? ఎల్లుండా?.. పండితులు చెబుతున్నదిదే!

సాక్షి,అమరావతి: ఏపీలో మున్సిప‌ల్‌, కార్పొరేష‌న్‌, న‌గ‌ర పంచాయ‌తీ ఎన్నిక‌ల‌కు నామినేషన్ల పర్వం ముగిసినా వైఎస్సార్‌సీపీ శ్రేణులపై టీడీపీ మూకల అరాచకాలు కొనసాగుతున్నాయి. గత మూడు రోజులుగా అభ్యర్థులను నామినేషన్లు వేయకుండా అడగడుగునా అడ్డుకోవడంలో విఫలమైన పచ్చమూకలు, తమ కుట్రలు బెడిసికొట్టడంతో కక్షగట్టి మరీ హింసాకాండకు తెగబడుతున్నాయి. ప్రజాస్వామ్యాన్ని అపహాస్యం చేస్తూ రాష్ట్ర వ్యాప్తంగా అధికార పార్టీ శ్రేణులు సాగిస్తున్న ఈ దాడులు శాంతిభద్రతల వైఫల్యానికి అద్దం పడుతున్నాయి. మ‌రోవైపు నామినేష‌న్ల ప‌రిశీల‌న సంద‌ర్భంగా ప‌చ్చ‌పార్టీ నేత‌లు కుట్ర‌ల‌కు తెగబ‌డుతున్నారు. అనంతపురంతాడిపత్రిలో ప్రజాస్వామ్యం ఖూనీతాడిపత్రి టీడీపీ నేత జేసీ ప్రభాకర్ రెడ్డి ఒత్తిళ్లకు తలొగ్గిన ఎన్నికల అధికారులు తాడిపత్రిలో వైఎస్సార్ సీపీ కి చెందిన 18 నామినేషన్లు తిరస్కరణప్రపోజర్లను బెదిరించిన జేసీ వర్గీయులు.. వైఎస్సార్ సీపీ నామినేషన్లలో మేము సంతకాలు చేయలేదన్న ప్రపోజర్లు..వైఎస్సార్ సీపీ అభ్యర్థుల నామినేషన్లు తిరస్కరణకు గురయ్యేలా బెదిరింపులు ఐదు వార్డుల్లో నామినేషన్ వేయకుండా అడ్డుకున్న టీడీపీ నేతలు అక్రమ పద్ధతుల్లో మొత్తం 23 వార్డులను ఏకగ్రీవం చేసుకున్న టీడీపీతాడిపత్రిలో ప్రజాస్వామ్యం ఖూనీపై సర్వత్రా చర్చపులివెందులలో టీడీపీ గూండాయిజంలింగాల మండలం ఇప్పట్లలో పచ్చమూక హల్‌చల్‌వైఎస్సార్‌సీపీ తరఫున ఎంపీటీసీగా పోటీ చేస్తాడనే సమాచారంతో నారాయణరెడ్డి ఇంటిపై విచక్షణారహితంగా టీడీపీ గూండాల దాడిబాధితుడిని పరామర్శించిన ఎంపీ అవినాష్‌రెడ్డిలింగాల పీఎస్‌లో ఫిర్యాదు బరితెగించిన పచ్చమూకలు.. వంతపాడిన పోలీసులు! రాష్ట్ర వ్యాప్తంగా నామినేషన్ల పరిశీలనలో కూటమి దౌర్జన్యాలునామినేషన్‌ పత్రాలు చించివేత.. అభ్యర్థులపై దాడులు.. కిడ్నాప్‌ల కలకలంకుప్పంలో చైర్మన్‌ అభ్యర్థి కిడ్నాప్‌.. తాడిపత్రిలోనూ అభ్యర్థి అదృశ్యంప్రొద్దుటూరు, ఆత్మకూరులో నామినేషన్‌ పత్రాలు చించివేతరాజంపేటలో ఆమోదించిన నామినేషన్‌ తిరస్కరణ.. మదనపల్లిలో అధికారిపై దాడి చిత్తూరు జిల్లా:గెలిచే దమ్ము లేక అడ్డదారులు తొక్కుతున్నారు: ఆర్‌కే రోజాఅధికారులకు ఫోన్‌ చేస్తే కనీసం స్పందించడం లేదుబ్యాలెట్‌ బాక్సులు పెడితే వాళ్ల బాక్సులు బద్ధలవుతాయిపోలీసులను అడ్డంపెట్టుకుని కుట్రలకు తెరలేపారుఅధికారం శాశ్వతం కాదని గుర్గుపెట్టుకోవాలిచిత్తూరు జిల్లా: చిత్తూరు జిల్లా నగరి మున్సిపాలిటీ ఎన్నికల్లో టీడీపీ కుట్రలునగరి మున్సిపాలిటీకి వెళ్లేందుకు సిద్ధమైన రోజా రోడ్డుపై భారీ ఇనుప కంచె వేసి అడ్డుకున్న పోలీసులువైఎస్సార్‌సీపీ అభ్యర్థుల పేర్లు ప్రకటించకపోవడంపై రోజా ఆగ్రహంపోలీసుల అండతోనే టీడీపీ గూండాలు రెచ్చిపోయారు:వైఎస్సార్సీపీ ప్రధాన కార్యదర్శిసతీష్‌రెడ్డివైఎస్సార్‌సీపీ అభ్యర్థుల నామినేషన్లను పోలీసులే అడ్డుకున్నారువైఎస్సార్‌సీపీ కార్యకర్తలపై పోలీసులే కాల్పులు జరిపి రాళ్లు రువ్వారునామినేషన్లను అడ్డుకోవడానికి సిగ్గులేదా?పోలీసులే దాడులు చేసి.. తిరిగి వైఎస్సార్‌సీపీ నేతలపై కేసులు పెట్టారుపంజాబ్‌, బిహార్‌ నుంచి రౌడీమూకలను తీసుకొచ్చారుపారదర్శకంగా ఎన్నికలు నిర్వహించే దమ్ములేదా?మిథున్‌రెడ్డి, శ్రీకాంత్‌రెడ్డిపై హత్యాయత్నం చేశారుచంద్రబాబు దౌర్జన్యాలను ప్రజలు గమనిస్తున్నారు వైఎస్ఆర్ జిల్లా: ప్రొద్దుటూరు మున్సిపాలిటీలో ఎన్నికలు జరుగుతాయని నమ్మకం నాకు లేదు: మాజీ ఎమ్మెల్యే రాచమల్లు శివప్రసాద్ రెడ్డి.జింక పిల్లని తీసుకెళ్లి సింహం గుహలోకి వదిలినట్టు..పోలీసులే ప్రజాస్వామ్యం అనే జింక పిల్లని తీసుకెళ్లి తెలుగుదేశం అనే తోడేళ్ల ముందు వదిలేస్తున్నారుపొద్దుటూరు మున్సిపల్ చైర్మన్, కౌన్సిలర్ల అభ్యర్థుల నామినేషన్లు స్క్రూటిని పేరుతో తిరస్కరిస్తారుపోలీసులు పచ్చచొక్కా మాటున పనిచేస్తున్నారుఅంబేద్కర్ రాజ్యాంగం ఏపీలో నడవడం లేదు.వైఎస్సార్‌ జిల్లా:రాజంపేట మున్సిపల్‌ ఎన్నికల్లో గోల్‌మాల్‌వైఎస్సార్‌సీపీ అభ్యర్థి నడిగడ్డ రేష్మ నామినేషన్‌ తిరస్కరణరెండు గంటల క్రితం నామినేషన్‌ ఓకే చేసిన అధికారులుటీడీపీ నేతల ఒత్తిడితో నామినేషన్‌ను తిరస్కరించిన ఆర్వోవీడియో చిత్రీకరించిన లాయర్‌ ఫోన్‌ను లాక్కొన్న టీడీపీ నేతలుఫోన్‌లు ఆధారాలను డిలీట్‌ చేసిన టీడీపీ గూండాలు చిత్తూరులో తీవ్ర ఉద్రిక్తతవైఎస్సార్‌సీపీ కార్యాలయంపై టీడీపీ గూండాల రాళ్ల దాడిపట్టించుకోని పోలీసులుపోలీసుల సమక్షంలో రాళ్ల దాడి చేసిన పచ్చమూకరాళ్లదాడులు చేస్తున్నా పట్టించుకోని పోలీసులుకొంగారెడ్డిపల్లిలో వైఎస్సార్‌సీపీ కార్యాలయంకు చేరుకుంటున్న కార్యకర్తలు నంద్యాల:డోన్‌ మున్సిపాలిటీలో టీడీపీ దౌర్జన్యంస్క్రూటినీ అడ్డుకునేందుకు కోట్ల సుజాతమ్మ ప్రయత్నంకోట్ల సుజాతమ్మను ఏకగీవ్రం చేసే దిశగా పన్నాగాలు అనంతపురంలో బయటపడ్డ టీడీపీ గ్రూపు రాజకీయాలు42వ డివిజన్‌ టీడీపీ అభ్యర్థి సందీప్‌ చౌదరి నామినేషన్‌ను లాక్కెళ్లిన సొంతపార్టీపోలీసులు అడ్డుకోవడంతో పత్రాలు వదిలి పరారైన అసమ్మతి వర్గంఅనంతపురం: 10వ డివిజన్‌ టీడీపీ అభ్యర్థి రెడ్డి ఈశ్వరి నామినేషన్‌పై సీపీఐ నేతల అభ్యంతరంరూ. 17 వేలు ఇంటి పన్ను బకాయి ఉన్న టీడీపీ అభ్యర్థి రెడ్డి ఈశ్వరి కుటుంబంవిజయవాడ: చంద్రబాబుకు ప్రజాస్వామ్యంపై నమ్మకం లేదు: ఎమ్మెల్సీ లేళ్ల అప్పిరెడ్డిపోలీసులను అడ్డంపెట్టుకుని కూటమి నేతలు అరాచకం చేస్తున్నారుఎస్‌ఈసీ ప్రజాస్వామ్య బద్దంగా వ్యవహరించాలికూటమి నేతలు అరాచకం చేసిన 22 చోట్ల ఎన్నికలు వాయిదా వేయాలివిజయవాడస్టేట్ ఎన్నికల కమిషన్ కార్యాలయంలో టీడీపీ అరాచకాలపై ఫిర్యాదు చేసిన వైఎస్సార్‌సీపీ నేతలుఎమ్మెల్సీ అప్పి రెడ్డి, వైఎస్ఆర్ సీపీ లీగల్ సెల్ నేత మనోహర్ రెడ్డి, ఎంప్లాయిస్ ఎంప్లాయిస్ యూనియన్ నేత చంద్రశేఖర్ రెడ్డికర్నూలు: కర్నూలు 15వ వార్డు వైఎస్సార్‌సీపీ అభ్యర్థి షీపా పై టీడీపీ మహిళలు దౌర్జన్యంస్క్రూట్ ని కోసం వెళ్తున్న వైఎస్సార్‌సీపీ అభ్యర్థి షిఫాపై దాడి చేసిన టీడీపీ మహిళా కార్యకర్తలు15వ రౌడీ షీటర్ మహబూబ్ ఖాన్ ఆధ్వర్యంలో దాడినిన్నటి రోజు నామినేషన్ చేయకుండా నిర్బంధించిన టీడీపీ గూండాలునేడు స్క్రూట్ కి‌ వెళ్తున్న సమయంలో టిడిపి మహిళలు దాడినంద్యాల జిల్లా:డోన్ మున్సిపల్ ఎన్నికల స్క్రూట్నీలో జనసేన అభ్యర్థి నామినేషన్ తిరస్కరించాలని సీపీఐ డిమాండ్.జనసేన అభ్యర్థి 17వ వార్డు గారిడి రాజేష్ నామినేషన్‌లో సాక్షి సంతకాలు లే పోవడంతో అడ్డుకున్న సీపీఐ నేతలు.నామినేషన్ తిరస్కరించకపోతే ఆందోళన చేపడతామని సీపీఐ హెచ్చరికనంద్యాల జిల్లా: టీడీపీ గుండాలు చేస్తున్న అరాచకంపై జిల్లా కలెక్టర్‌కు ఫిర్యాదు చేసిన వైఎస్సార్‌సీపీ నేతలుజిల్లా కలెక్టర్‌ను కలిసిన నంద్యాల మాజీ ఎమ్మెల్యే శిల్పా రవిచంద్ర కిషోర్ రెడ్డి , ఎమ్మెల్సీ ఇస్సాక్ భాషా , శ్రీశైలం నియోజకవర్గం సమన్వయకర్త భువనేశ్వర్ రెడ్డి , ఆత్మకూరు మున్సిపల్ చైర్మన్ అభ్యర్థి డాక్టర్ ప్రియాంక భాయ్ప్రజాస్వామ్య బద్ధంగా జరగాల్సిన ఎన్నికలను టీడీపీ నేతలు అరాచకం చేస్తున్నారుఆత్మకూరు మున్సిపల్ చైర్మన్ వైఎస్సార్‌సీపీ అభ్యర్థి డాక్టర్ ప్రియాంక భాయ్ నామినేషన్ పత్రాలను చించడంపై తీవ్ర అభ్యంతరం వ్యక్తం చేసిన వైఎస్ఆర్సిపి నేతలుతక్షణమే పోలీసులు, ఎన్నికల అధికారులు చర్యలు తీసుకొని వైఎస్సార్‌సీపీ అభ్యర్థుల నామినేషన్లను ఆమోదించాలని డిమాండ్ చేసిన పార్టీ నేతలునంద్యాలలో స్క్రటిని సమయంలో వైఎస్సార్‌సీపీ న్యాయవాదులు అడిగిన ప్రశ్నలకు సమాధానం ఇవ్వకుండా న్యాయవాదులపై దాడి చేయడం ఏంటని ప్రశ్నించిన నేతలు చిత్తూరు కార్పొరేషన్ ఎన్నికల్లో టీడీపీ నేతలు దౌర్జన్యంవైఎస్సార్ కాంగ్రెస్ పార్టీ 14వ డివిజన్ నుంచి పోటీలో ఉన్న అంజలి దేవిపై టీడీపీ నేత శేషాద్రి నాయుడు దాడిటీడీపీ నేత దౌర్జన్యాలపై ఆగ్రహం వ్యక్తం చేసిన వైఎస్సార్ కాంగ్రెస్ పార్టీ చిత్తూరు ఇంచార్జి విజయనందరెడ్డికార్పొరేషన్ ఎన్నికల్లో ఓటమి భయంతోనే వైఎస్సార్ కాంగ్రెస్ పార్టీ అభ్యర్థులపై దాడికి పాల్పడుతున్నారని ఫైర్‌చిత్తూరు ప్రజలు వైఎస్సార్ కాంగ్రెస్ పార్టీ పక్షాన ఉన్నారు.. ప్రజలు అన్ని గమనిస్తున్నారన్న‌ విజయానందరెడ్డిటీడీపీ అభ్యర్థి నామినేష‌న్‌పై అభ్యంతరంఅనంతపురం మునిసిపల్ కార్పొరేషన్ నామినేషన్ల స్క్రూటినీ సందర్భంగా ఉద్రిక్తత10వ డివిజన్ టీడీపీ అభ్యర్థి రెడ్డిఈశ్వరీ నామినేషన్‌పై సీపీఐ నేతల అభ్యంతరంటీడీపీ అభ్యర్థి కుటుంబ సభ్యులు 17 వేల హౌస్ టాక్స్ బకాయి ఉన్నా నామినేషన్ ఆమోదించిన అధికారులుఅధికారుల తీరుపై వైఎస్సార్‌సీపీ - సీపీఐ నేతల ఆగ్రహంనామినేషన్ల స్క్రూటినీ సందర్భంగా బయటపడ్డ టీడీపీ గ్రూపు రాజకీయాలు42వ డివిజన్ టీడీపీ అభ్యర్థి సందీప్ చౌదరి నామినేషన్ లాక్కెళ్లిన మరో టీడీపీ నేతపోలీసులు అడ్డుకోవడంతో నామినేషన్ పత్రాలను వదిలి పారిపోయిన అసమ్మతి నేతలుటీడీపీ ఇరువర్గాల మధ్య వాగ్వాదంతిరుపతి మేయ‌ర్ అభ్య‌ర్థిపై కుట్ర‌లుతిరుపతి కార్పొరేషన్ ఎన్నికల్లో వైఎస్సార్ కాంగ్రెస్ పార్టీ మేయర్ అభ్యర్థి నామినేషన్ పై కుట్రలు చేస్తున్న టీడీపీవైఎస్సార్ కాంగ్రెస్ పార్టీ మేయర్ అభ్యర్థి నామినేషన్ అభ్యంతరాలు సృష్టిస్తున్న టీడీపీవైఎస్సార్ కాంగ్రెస్ పార్టీ అభ్యర్థి వాసు యాదవ్ నామినేషన్ స్కూట్నిలో తప్పించే కుట్రలుఆర్వోను అడ్డుపెట్టుకుని కుట్ర‌లు చేస్తున్న ప‌చ్చ‌పార్టీ నేత‌లు మైదుకూరు మున్సిపల్ ఎన్నిక వాయిదామైదుకూరు మున్సిపల్ ఎన్నిక వాయిదా నామినేషన్ పత్రాలు చింపివేయడంతో పరిశీలన సాధ్యం కాదని జిల్లా కలెక్టర్ స్పష్టం కలెక్టర్ అందించిన నివేదిక, సమాచారం ఆధారంగా మైదుకూరు ఎన్నిక వాయిదా ప్రకటించిన ఎన్నికల ప్రధాన అధికారి అనిల్‌చంద్ర పునేఠ నామినేషన్ల ప్రక్రియ సందర్భంగా చోటుచేసుకున్న పరిణామాలు, పత్రాల ధ్వంసం ఉద్రిక్తతకు దారితీసిన నేపథ్యంలో ఎన్నికల వాయిదా వేస్తున్నట్లు వెల్లడి నంద్యాల ఆత్మకూర్ మున్సిపల్ కార్యాలయం వద్ద ఉద్రిక్తత నామినేషన్ల పరిశీలన జరుగుతుండగా వైఎస్సార్‌సీపీ చైర్మన్ అభ్యర్థి డాక్టర్ ప్రియాంక నామినేషన్ పత్రాలను చించివేతపత్రాలు చించేసిన టీడీపీనేత యుగంధర్ రెడ్డి మున్సిపల్ కార్యాలయం వద్ద శ్రీశైలం మాజీ ఎమ్మెల్యే శిల్పా చక్రపాణి రెడ్డి ఆందోళన పోలీసులకు, శిల్పా చక్రపాణి రెడ్డి వర్గీయులకు మధ్య తోపులాట తీవ్ర ఉద్రిక్తత మాజీ ఎమ్మెల్యే శిల్పా చక్రపాణి రెడ్డిపై దాడికి యత్నించిన పచ్చమూకలు.నామినేషన్ల పరిశీలనలో దాడికి దిగుతున్న పచ్చమూకలు. ఓటమి భయంతో చైర్మన్ అభ్యర్థి నామినేషన్ పత్రాలను చించివేసిన టీడీపీ నాయకులు జిల్లా కలెక్టర్ కు ఫిర్యాదు చేసిన మాజీ ఎమ్మెల్యే శిల్పా చక్రపాణి రెడ్డిమార్కాపురంకనిగిరి మున్సిపల్ ఆఫీస్ వద్ద కూటమి నాయకుల అరాచకంనామినేషన్ కేంద్రంలోకి బలవంతంగా చొరబడిన సుమారు 200 మంది టీడీపీ మూకలు!స్క్రూటిని ప్రక్రియకు ముందే అధికారులతో కుమ్మక్కు వైఎస్సార్‌సీపీ అభ్యర్థుల నామినేషన్ పత్రాలను చించివేసిన కూటమి శ్రేణులు!వైఎస్సార్‌సీపీ చైర్మన్, వార్డు అభ్యర్థులను వెరిఫికేషన్ కోసం లోపలికి వెళ్లనీకుండా అడ్డుకున్న కనిగిరి పోలీస్ యంత్రాంగంపోలీసుల ఏకపక్ష వైఖరి మున్సిపల్ కార్యాలయంలోకి చొరబడి నామినేషన్లను చించేసిన చేసిన టీడీపీ నేతలు వైఎస్సార్‌ కడప మైదుకూరు మున్సిపాలిటీ ఎన్నికలు వాయిదానామినేషన్ పత్రాలు చించేయడంతో ఎన్నికలు వాయిదాటీడీపీ నాయకులు పత్రాలు చించేయడంతో వాయిదాకలెక్టర్ ఇచ్చిన సమాచారంతో ఎన్నికలు వాయిదాఎన్నికలు వాయిదా వేసిన ఎస్‌ఈసీప్రొద్దుటూరులో తీవ్ర ఉద్రిక్తత నామినేషన్ పరిశీలన నిమిత్తం మున్సిపల్ కార్యాలయంలోకి వెళ్లిన చైర్మన్ అభ్యర్థి పోరెడ్డి నరసింహారెడ్డి పత్రాలను లాక్కున్న టిడిపి నాయకులు, అల్లరి మూకలునామినేషన్ పరిశీలనకు వెళ్తున్న వైఎస్సార్‌సీపీ అభ్యర్థులను అడ్డుకున్న పోలీసులుపోలీసులకు వైఎస్సార్‌సీపీ కార్యకర్తల మధ్య వాగ్వాదం వైఎస్సార్‌సీపీ కార్యకర్తలపై పోలీసులు లాఠీఛార్జ్‌ రాజశేఖర్ అనే కార్యకర్తకు కంటికి గాయాలుమున్సిపల్ కార్యాలయం ముందు బైఠాయించిన మాజీ ఎమ్మెల్యే రాచమల్లు శివప్రసాద్ రెడ్డి, పో రెడ్డి నరసింహారెడ్డి, పెద్ద ఎత్తున మొహరించిన వైఎస్సార్‌సీపీ కార్యకర్తలుకుప్పంకుప్పంలో టీడీపీ నేతల బీభత్సంఎమ్మెల్సీ భరత్‌ ఇంటిపై దాడికి దిగిన టీడీపీ గూండాలుఎమ్మెల్సీ భరత్‌ ఇంటిని చుట్టుముట్టిన టీడీపీ గూండాలువైఎస్సార్‌సీపీ అభ్యర్థి విజయ్‌ కుమార్ కిడ్నాప్‌ చేసిన టీడీపీ గూండాలుటీడీపీ గూండాల నిర్వాకంతో ఎమ్మెల్సీ భార్య పావని ఆవేదనతన భర్తను టీడీపీ గూండాలు ఎత్తుకెళ్లారని పావని ఆవేదనతన భర్త విజయ్‌కుమార్‌కు ప్రాణహాని ఉందన్న పావనివైఎస్సార్‌ ప్రొద్దుటూరులో వైఎస్సార్‌సీపీ నేతలపై పోలీసుల లాఠీఛార్జ్‌నామినేషన్‌ పరిశీలనకు వచ్చిన నేతలను కొట్టిన పోలీసులుపోలీసుల దాడిలో వైఎస్సార్‌సీపీ కార్యకర్త కంటికి గాయంంస్క్రూటినీలో నామినేషన్‌ పత్రాలు చించేసిన టీడీపీ గూండాలుమున్సిపల్‌ ఆఫీస్‌ ఎదుట బైఠాయించి వైఎస్సార్‌సీపీ నేతల నిరసన వైఎస్సార్‌ కడప బద్వేలులో పోలీసుల ఓవరాక్షన్స్క్రూటినీకి వెళ్తున్న వైఎస్సార్‌సీపీ అభ్యర్థుల అడ్డగింతపోలీసుల తీరుపై ఎమ్మెల్యే సుధ, డీసీ గోవిందరెడ్డి ఆగ్రహంకుప్పంచంద్రబాబు ఇలాకాలో రెచ్చిపోయిన టీడీపీ గూండాలువైఎస్సార్‌సీపీ ఛైర్మన్‌ అభ్యర్థి విజయ్‌ కుమార్‌ కిడ్నాప్‌ కుప్పం 11,20 వార్డు సభ్యులపై దాడి టీడీపీ నేతల దాడిలో వైఎస్సార్‌సీపీ అభ్యర్థులకు తీవ్రగాయాలు తలపలిగి రక్తం కారుతున్న కనికరించని టీడీపీ గూండాలువైఎస్సార్‌సీపీ అభ్యర్థుల నామినేషన్లు చించివేతస్క్రూటినీ సమయంలో నామినేషన్లు చించేసిన టీడీపీ నేతలుమున్సిపల్ నామినేషన్లు ముగిసినా ఆగని దౌర్జన్యాలునంద్యాల22వ వార్డు అభ్యర్థి చెన్నయ్య, కిడ్నాప్‌ చెన్నయ్యతో పాటు ప్రపోజల్‌ అభ్యర్థి అశోక్‌ను కిడ్నాప్‌ చేసిన పచ్చమూకలు25 వ వార్డు మాధవయ్య, 21వ వార్డు ఎద్దుల చంద్ర కిడ్నాప్‌ స్కార్పియో వాహనంలో ఎత్తుకెళ్లిన టీడీపీ గూండాలుడీఎస్పీకి ఫిర్యాదు చేసిన మాజీ ఎమ్మెల్యే గంగుల బిజేంద్రారెడ్డిపోలీసులు పట్టించుకోవడంతో రోడ్డుపై బైఠాయించి నిరసనకడపప్రొద్దుటూరు వైఎస్సార్‌సీపీ ఛైర్మన్‌ అభ్యర్థి ఇంటిపై టీడీపీ గూండాల దాడులుఅర్థరాత్రి నరసింహారెడ్డి ఇంటి వద్ద టీడీపీ గుండాలు బీభత్సం సృష్టించారు. పోరెడ్డి నరసింహరెడ్డి ఇంటిపై రాళ్లతో దాడి చేశారు.తాడిపత్రితాడిపత్రిలోనూ టీడీపీ మూకలు దాష్టీకంమున్సిపల్‌ ఎన్నికల్లో నామినేషన్‌ వేసిన అభ్యర్థులపై దాడులు వైఎస్సార్‌సీపీ 1వ వార్డు అభ్యర్థి షపీ ఇంటిపై జేసీ వర్గీయులు దాడిఇంటిపై దాడి చేసి ఫర్నిచర్‌ ధ్వంసం నామినేషన్‌ విత్‌డ్రా చేసుకోవాలని వార్నింగ్‌పులివెందుల కాల్పులుఅడిషనల్‌ ఎస్పీ ఆదేశాలతోనే వైఎస్సార్‌సీపీ నేతలపైకి కాల్పులుపులివెందుల ఎస్‌డీపీవో పిస్టల్‌తో 8 రౌండ్లు సీఐ పురుషోత్తం రాజు పిస్టల్‌తో 10 రౌండ్లుతోండూరు ఎస్‌ఐ పిస్టల్‌తో 8 రౌండ్లు, ఏకే-47తో పీసీ భాస్కర్ 7 రౌండ్లు, పీసీ రవికుమార్ నాయక్ ఏకీ-47తో 4 రౌండ్లు కాల్పులువజ్ర వాహనంతో 20 స్టన్ షెల్స్, 40 స్మోక్ షెల్స్ ప్రయోగం,గ్యాస్ గన్‌తో 3 స్టన్ షెల్స్ ఫైర్అడిషనల్‌ ఎస్పీ గన్‌మన్ సీఆర్ రామలింగాచారి వైఎస్సార్‌సీపీ నేతలపైకి కాల్పులుఏడు హ్యాండ్ గ్రెనేడ్లతో వైఎస్సార్‌సీపీ నేతలపై దాడి

అమెరికాలో భారీ నరమేధం కుట్రను అక్కడి పోలీసులు భగ్నం చేశారు. ఇల్లినాయిస్‌ స్టేట్‌ చికాగో నగరం పరిధిలోని ఓ హిందూ ఆలయాన్ని లక్ష్యంగా చేసుకుని సామూహిక కాల్పులకు తెగపడాలని, హిందువులను భారీగా చంపాలని ఓ టీనేజర్‌ ప్లాన్‌ గీశాడు. అయితే గన్‌ జామ్‌ కావడం, చివరి నిమిషంలో సమాచారం అందుకున్న పోలీసులు అతన్ని నిలువరించి.. అరెస్ట్‌ చేశారు. అతను పక్కా భారత వ్యతిరేకి అని గుర్తించారు.ఇల్లినాయిస్‌ రాష్ట్రంలోని పలాటైన్‌కు చెందిన 19 ఏళ్ల అలెగ్జాండ్రోస్‌ పాపోరాకిస్‌.. భారతీయులపై విద్వేషాన్ని వ్యక్తం చేస్తూ తరచూ సోషల్‌ మీడియా పోస్టులు చేస్తుండేవాడు. ఉపన్యాసాలు ఇస్తుండేవాడు. ఈ క్రమంలో కాల్పుల ప్రణాళికతో కూడిన మేనిఫెస్టోను సిద్ధం చేసుకున్నాడు. అతడు సామూహిక కాల్పులకు ప్రణాళిక రూపొందిస్తున్నట్లు గుర్తించిన ఓ వ్యక్తి పోలీసులకు సమాచారం ఇచ్చాడు. దీంతో అక్టోబర్‌ 11వ తేదీన పలాటైన్‌, మౌంట్‌ ప్రాస్పెక్ట్‌ పోలీసులు సంయుక్తంగా రంగంలోకి దిగారు. ఆకస్మిక తనిఖీఉల జరిపిన పోలీసులు అతన్ని అదుపులోకి తీసుకుని ప్రశ్నిస్తున్నారు. భారతీయులపై భయంకరమైన విద్వేషం..పాపోరాకిస్‌ టాకో బెల్‌ ఫాస్ట్‌ఫుడ్‌ రెస్టారెంట్‌లో క్యాషియర్‌గా పనిచేస్తున్నాడు. దర్యాప్తులో భాగంగా పాపోరాకిస్‌ ఎలక్ట్రానిక్‌ సమాచారాన్ని పరిశీలించిన పోలీసులు.. ‘వై ఐ ఫాట్‌: ఏకేఏ (అరోరా షూటర్స్‌ మేనిఫెస్టో)’ పేరుతో ఉన్న పత్రాన్ని గుర్తించారు. అందులో శ్వేతజాతి(వైట్‌పీపుల్‌) ఆధిపత్యవాద, తీవ్రవాద భావజాలంతోపాటు దక్షిణాసియా ప్రజలు.. అందునా ముఖ్యంగా భారతీయులపై హింసకు సంబంధించిన ప్రస్తావనలు ఉన్నాయని అధికారులు వెల్లడించారు.తోటి ఉద్యోగుల వాంగ్మూలాల ప్రకారం.. పాపోరాకిస్‌ ఇతర జాతుల ప్రజలపై అవమానకర వ్యాఖ్యలు చేసేవాడు. భారతీయులపై ప్రత్యేకంగా ద్వేషం వ్యక్తం చేసినట్లు వెల్లడించారు. అక్టోబర్‌ 11న దాడికి పాల్పడే అవకాశం ఉందని పోలీసులు భావిస్తున్నారు. ఎందుకంటే.. ఆ రోజు ప్రత్యేకమైనదని సహోద్యోగులతో చెప్పినట్లు దర్యాప్తులో వెల్లడైంది. అతడి ఇంట్లో రైఫిల్‌, తూటాలు, బాడీ ఆర్మర్‌తోపాటు ఇతర వ్యూహాత్మక పరికరాలను స్వాధీనం చేసుకున్నారు. దాడికి సంబంధించిన వివరాలను అతను మరో వ్యక్తికి కూడా పంపినట్లు తెలుస్తోంది. అయితే, ఏ ఆలయంపై దాడి చేయాలనుకున్న విషయాన్ని అధికారులు ఇంకా ధృవీకరించలేదు. కానీ, అరోరా వెంకటేశ్వరస్వామి ఆలయంపై దాడికి అతను స్కెచ్‌ గీసినట్లు స్థానిక కథనాలు చెబుతున్నాయి.రెండు అభియోగాలు..పాపోరాకిస్‌పై ఉగ్రవాద బెదిరింపులకు సంబంధించిన ఒక అభియోగంతోపాటు, రైఫిల్‌ను అక్రమంగా కలిగి ఉన్నాడనే మరో అభియోగాన్ని నమోదు చేశారు. ఈ కేసులో దర్యాప్తు కొనసాగుతోందని, అవసరమైతే అదనపు అభియోగాలు నమోదు చేసే అవకాశం ఉందని పోలీసులు తెలిపారు. ఎఫ్‌బీఐ కూడా విచారణలో సహకరిస్తోంది. కుక్‌ కౌంటీ కోర్టులో బుధవారం హాజరైన పాపోరాకిస్‌ను జడ్జి కస్టడీలో ఉంచాలని ఆదేశించారు. తదుపరి విచారణను అక్టోబర్‌ 30కి వాయిదా వేశారు.ఆలయాలకు పోలీసుల హెచ్చరికలు..ఈ ఘటనతో అక్కడి పోలీసులు హిందూ ప్రార్థనా మందిరాలను అప్రమత్తం చేశారు. ఇల్లినాయిస్‌ స్టేట్‌లో మొత్తంగా 58 ఆలయాలు ఉన్నట్లు ఆన్‌లైన్‌ డాటా ఆధారంగా తెలుస్తోంది. దీంతో భక్తులు, ఆలయాల భద్రతకు అవసరమైన చర్యలు చేపట్టారు. ఈ ఘటనపై స్పందించిన హిందూ అమెరికన్‌ ఫౌండేషన్‌.. పోలీసులు వేగంగా స్పందించడాన్ని అభినందించింది. అనుమానాస్పద సమాచారం లేదా ముప్పు కనిపిస్తే అధికారులకు తెలియజేయాలని హిందూ కమ్యూనిటీని కోరింది.ఇదీ చదవండి: సీజేపీకి అమెరికా నిధులు.. మోదీకి మద్దతుగా ఉద్యమం!

లండన్‌: బ్రిటన్‌లోని యార్క్‌షైర్ వైల్డ్‌లైఫ్ పార్క్‌లో జరిగిన ఘోర ప్రమాదానికి సంబంధించిన వీడియోను డొనాల్డ్ ట్రంప్ సోషల్ మీడియాలో షేర్‌ చేశారు. పార్క్‌లోని పులుల ఎన్‌క్లోజర్‌లోకి ప్రవేశించిన 23 ఏళ్ల విలియం చాప్‌మన్ అనే యువకుడిపై పులి దాడి చేసి ప్రాణాలు తీసింది. ఈ భయానక 41 సెకన్ల దృశ్యాలను ట్రంప్ తన ట్రూత్ సోషల్ ఖాతాలో షేర్ చేస్తూ ‘ప్రకృతితో ఎప్పుడూ పెట్టుకోవద్దు!’అని వ్యాఖ్యానించారు.ఒక వ్యక్తి ప్రాణాలు కోల్పోయిన సున్నితమైన సంఘటనను, అందులోని తీవ్రమైన హింసను ఏమాత్రం పట్టించుకోకుండా ట్రంప్‌ ఈ వీడియోను పోస్ట్ చేయడంపై నెటిజన్లు తీవ్ర ఆగ్రహం వ్యక్తం చేస్తున్నారు. ట్రంప్ మద్దతుదారులు సైతం ఈ పోస్ట్‌ను తప్పుబడుతున్నారు. ఈ వీడియో వైరల్ కావడంతో పాటు ఏఐ సాయంతో రూపొందించిన ఇలాంటి మరికొన్ని దృశ్యాలు ప్రచారంలోకి రావడంపై విమర్శలు మరింత వెల్లువెత్తాయి. https://t.co/5Rz7TQow2b— Rapid Response 47 (@RapidResponse47) October 13, 2026ఈ పరిణామాలపై మృతుడు విలియం కుటుంబ సభ్యులు తీవ్ర ఆవేదన వ్యక్తం చేశారు. విలియం కొన్నేళ్లుగా తీవ్రమైన మానసిక ఆరోగ్య సమస్యలతో బాధపడుతున్నాడని, వైద్యుల పర్యవేక్షణలో ఔషధాలు తీసుకుంటున్నాడని వారు వెల్లడించారు. పుత్రశోకంలో ఉన్న తమ కుటుంబాన్ని ఇలాంటి భయానక వీడియోల సర్క్యులేషన్ మరింత వేధిస్తోందని వారు వాపోయిన వారు. కాగా ఈ ఘటనకు కారణమైన ‘అల్టాయ్’ అనే పులిని చంపబోమని పార్క్ యాజమాన్యం స్పష్టం చేసింది. ఇది అంతరించిపోతున్న అరుదైన అముర్ జాతికి చెందినదని, ప్రపంచవ్యాప్తంగా అడవుల్లో వీటి సంఖ్య దాదాపు 500 మాత్రమే ఉందని నిర్వాహకులు తెలిపారు. యువకుడు రక్షిత ప్రాంతంలోకి ఎలా ప్రవేశించాడనే అంశంపై స్థానిక డాన్‌కాస్టర్ కౌన్సిల్ అధికారులు సమగ్ర దర్యాప్తు ప్రారంభించారు.ఇదీ చదవండి: ట్రంప్‌కు దిమ్మతిరిగే షాకిచ్చిన కొత్త ప్రెస్ సెక్రటరీ

ఇటీవల ఫాక్స్ న్యూస్‌లో ప్రసారమైన ఒక ఇంటర్వ్యూలో అమెరికా అధ్యక్షుడు డొనాల్డ్‌ ట్రంప్‌ 9/11 రోజున తాను రెండో విమానం వరల్డ్ ట్రేడ్ సెంటర్‌లోని సౌత్ టవర్‌ను ఢీకొట్టడం చూశానని హోస్ట్ ట్రే గౌడీతో అన్నారు. ఈసారి ఆయన చేసిన కొత్త వాదన ఏమిటంటే.. దాడి సమయంలో కూలిపోతుందేమోననే భావన కలిగించిన ఒక భవనం నుండి ఫైర్‌ఫైటర్స్ తనను ఎత్తుకుని బయటకు తీసుకెళ్లారని చెప్పారు. 2026, సెప్టెంబర్ 8న వైట్ హౌస్‌లో జరిగిన ఒక కార్యక్రమంలో ఈ విషయం ప్రస్తావనకు వచ్చింది. 9/11 దాడుల 25వ వార్షికోత్సవానికి కొద్ది రోజుల ముందు ఎమర్జెన్సీ రెస్పాండర్స్ గౌరవార్థం ఈ కార్యక్రమాన్ని నిర్వహించారు.ఫైర్‌ఫైటర్స్ రక్షించిన తీరు..దాడులు జరిగిన కొద్దిసేపటికే తమ ఉద్యోగుల బృందాన్ని సురక్షిత ప్రాంతానికి తీసుకెళ్లినట్లు ట్రంప్ చెప్పారు. సమీపంలోని ‘వన్ లిబర్టీ ప్లాజా’ భవనం.. దీనిని ఆయన ‘యునైటెడ్ స్టేట్స్ స్టీల్ బిల్డింగ్’ అని పేర్కొన్నారు. దాని నుండి విరిగిపడుతున్న శబ్దాలు రావడం ప్రారంభమైనప్పుడు, ఇద్దరు ఫైర్‌ఫైటర్స్ తనను పట్టుకుని సురక్షితంగా బయటకు తీసుకెళ్లారని ఆయన తెలిపారు.సీఎన్‌ఎన్‌ కథనం ప్రకారం, ట్రంప్ ఈ సంఘటనను వివరిస్తూ ఇలా అన్నారు..‘ నేను న్యూయార్క్‌లో ఒక పెద్ద భవనాన్ని నిర్మిస్తున్నాను, ఘటన జరిగిన వెంటనే నా బృందాన్ని అక్కడికి తీసుకెళ్లాను. యునైటెడ్ స్టేట్స్ స్టీల్ బిల్డింగ్ కదిలిపోతోంది. నిజంగానే శబ్దాలు వస్తున్నాయి. అది కూలిపోతుందని మేము అనుకున్నాం. అది నేటికీ అలాంటి శబ్దాలు చేస్తూనే ఉంది. కానీ అది ఎప్పుడూ కూలిపోలేదు, అది నాకు గుర్తుంది. ఆ ఇద్దరు ఫైర్‌మెన్‌లను నేను ఎప్పటికీ మర్చిపోలేను.’ అనిఅన్నారు.‘ఆ భవనం కూలిపోతుందని..’‘అది మాపై పడిపోతుందని మేము భావించాం, అప్పుడు ఇద్దరు ఫైర్‌మెన్ నన్ను పట్టుకున్నారు. ‘ఇక్కడి నుండి వెళ్లిపోవాలి’ అని వారు చెప్పారు. నిజంగానే వారు నన్ను పైకి ఎత్తుకున్నారు. నన్ను ఎత్తుకుని నాతో పాటు పరుగెత్తడం మొదలుపెట్టారు. నేను ‘మిత్రులారా, నేను స్వయంగా పరుగెత్తగలను’ అని చెప్పాను. కానీ వారు నన్ను మోసుకుంటూ వెళ్లారు. వారు ఆ భవనం కూలిపోతుందని వారు భావించారు. అయినప్పటికీ అది కూలలేదు.’ అని అన్నారు. ట్రంప్ చేసిన ఈ కొత్త వాదనపై ప్రశ్నలు తలెత్తుతున్నాయి. ఎందుకంటే ఆ రోజున ట్రంప్ ‘వన్ లిబర్టీ ప్లాజా’ లోపల ఉన్నారని లేదా ఫైర్‌ఫైటర్స్ ఆయనను అక్కడి నుండి బయటకు తీసుకొచ్చారని ధృవీకరించే బహిరంగ ఆధారాలు గానీ, రికార్డులు గానీ ఏవీ లేవు.‘సహాయక చర్యల్లో పాలుపంచుకున్నా’9/11 గురించి ఆయన చెప్పిన ఉదాహరణ ఇదొక్కటే కాదు..దాడుల అనంతర పరిస్థితులను తాను చూశానని, సహాయక చర్యల్లో పాలుపంచుకున్నానని గతంలో కూడా ఆయన పలుమార్లు పేర్కొన్నారు. అయితే ఆయన ప్రకటనలలో ఎప్పటికప్పుడు చాలా మార్పులు కనిపించాయి. 2026 ఆగస్టులో ‘నేను రెండో విమానం ఢీకొట్టడం చూశాను’ అని ట్రంప్‌ అన్నారు. ఫాక్స్ న్యూస్‌లో ప్రసారమైన ఒక ఇంటర్వ్యూలో, ట్రంప్ హోస్ట్ ట్రే గౌడీకి రెండో విమానం వరల్డ్ ట్రేడ్ సెంటర్‌లోని సౌత్ టవర్‌ను ఢీకొట్టడం చూశానని చెప్పారు. అదే ఇంటర్వ్యూలో, తాను న్యూయార్క్‌లో ఒక పెద్ద భవనాన్ని నిర్మిస్తున్నానని, దాడుల మరుసటి రోజే తన నిర్మాణ కార్మికులతో కలిసి అక్కడికి వెళ్లినట్లు కూడా ట్రంప్ చెప్పారు.‘చాలా మంది దూకడం చూశాను’2016లో బఫెలోలో జరిగిన ఎన్నికల ర్యాలీలోనూ ఆయన ఇలాంటి వాదనే చేశారు. ‘ ఆరోజు జనం భయాందోళనల మధ్య ఉన్నారు. శిథిలాలను తొలగించడంలో సహాయం చేసిన ప్రతి వ్యక్తి.. నేను అక్కడ ఉన్నాను, నేను చూశాను, నేను కూడా కొద్దిగా సహాయం చేశాను. మనందరిపై ఏమి పడబోతోందో ఎవరికీ తెలియదు’ అని చెప్పారన్నారు. 2015లో ట్రంప్ వరల్డ్ ట్రేడ్ సెంటర్ నుండి ప్రజలు కిందకు దూకడం తాను చూశానని విచిత్రమైన వాదన చేశారు. ఆయన అపార్ట్‌మెంట్ దాడులు జరిగిన ప్రదేశానికి నాలుగు మైళ్ల దూరంలో ఉన్నప్పటికీ, ‘చాలా మంది దూకారు, నేను దానిని చూశాను. నా అపార్ట్‌మెంట్ నుండి ఒక దృశ్యం కనిపించేది... నేను కనీసం 10 మంది దూకడం చూశాను’ అని చెప్పారు.‘ఎలాంటి ప్రామాణిక ఆధారాలు లేవు’అదే ఏడాది, జెర్సీ సిటీలో వేలాది మంది ప్రజలు (ప్రత్యేకించి అరబ్ వర్గం వారు) భవనం కూలిపోతున్నప్పుడు వేడుకలు చేసుకోవడం తాను చూశానని కూడా ఆయన పేర్కొన్నారు. ఈ వాదనకు సైతం ఎలాంటి ప్రామాణిక ఆధారాలు ఎన్నడూ లభించలేదు. కాగా 9/11 సహాయక చర్యల సమయంలో న్యూయార్క్ ఫైర్ డిపార్ట్‌మెంట్‌లో బెటాలియన్ చీఫ్‌గా పనిచేసిన రిచర్డ్ ఎల్లెస్ 2019లో ‘పాలిటిఫ్యాక్ట్’తో మాట్లాడుతూ, ట్రంప్ ‘గ్రౌండ్ జీరో’లో ఉన్నారన్న విషయం గానీ లేదా అక్కడికి కార్మికులను తీసుకువచ్చారన్న విషయం గానీ తనకు తెలియదని చెప్పారు. ‘ఖచ్చితంగా దీనికి సంబంధించిన రికార్డు ఉండాలి, ఎందుకంటే అక్కడ పనిచేసిన ప్రతి ఒక్కరూ పోలీసులు, ఫైర్ డిపార్ట్‌మెంట్ పర్యవేక్షణలోనే పనిచేశారు’ అని ఎల్లెస్ స్పష్టం చేశారు.‘అదే నిజమైతే ప్రధాన వార్తగా వచ్చేది’దాడులు జరిగిన కొద్ది రోజుల తర్వాత, సెప్టెంబర్ 13, 2001న ట్రంప్ గ్రౌండ్ జీరో సమీపంలో కనిపించిన మాట వాస్తవమే. ఆ రోజు ఆయన జర్మన్ టీవీ ఛానల్ ఎన్‌24తో మాట్లాడుతూ, తమ 100 మందికి పైగా కార్మికులు అక్కడ ఉన్నారని, మరో 125 మంది వస్తున్నారని చెప్పారు. ఆ సమయంలో సైట్ వైపు వెళ్తున్న పోలీసు అధికారులకు ట్రంప్ హై-ఫైవ్ ఇచ్చినట్లు ‘అసోసియేటెడ్ ప్రెస్’ కూడా వార్త రాసింది. అయితే ట్రంప్ జీవిత చరిత్ర రచయిత టిమోతీ ఓ బ్రియన్ స్పందిస్తూ, ఆ సమయంలో ట్రంప్ ఆర్గనైజేషన్‌లో కేవలం డజను మంది మాత్రమే పనిచేస్తున్నారని, అందువల్ల వందలాది మంది కార్మికులు ట్రంప్ వద్ద అందుబాటులో ఉండటం సాధ్యం కాదన్నారు. ట్రంప్ ఆర్గనైజేషన్ మాజీ నిర్మాణ కార్యనిర్వాహకురాలు బార్బరా రెస్ కూడా ఈ వాదనలను తప్పుబడుతూ, ‘ఒకవేళ ఆయన అక్కడ ఉండి, ఫైర్‌ఫైటర్స్ ఆయనను ఎత్తుకెళ్లినట్లయితే, మరుసటి రోజు ‘ది టైమ్స్’ పత్రికలో అది ప్రధాన వార్త అయ్యేది’ అని పేర్కొన్నారు. 2001 సెప్టెంబర్‌ 11న రెండు విమానాలు న్యూయార్క్‌ నగరంలోని వరల్డ్‌ ట్రేడ్‌ సెంటర్‌లోని ట్విన్‌ టవర్స్‌ను ఢీ కొన్నాయి. ఈ ఘటనను 9/11గా చెబుతుంటారు.ఇదీ చదవండి: మిషిగన్ స్పీకర్‌ రేసులో ప్రవాస భారతీయుడు.. రణ్‌జీవ్ పురి ఎవరు?

హైదరాబాద్: వివాహం చేసుకో అని సలహా ఇచ్చిన మహిళపై ఓ వ్యక్తి కత్తితోదాడిచేసి హత్యచేశాడు. అల్లాపూర్‌ సీఐ నవీన్‌కుమార్‌ తెలిపిన మేరకు.. బీదర్‌కు చెందిన అంజలి అక్క, బావలతో కలిసి బబ్బుగూడలో నివాసముంటోంది. ఈమె భర్త సాగర్‌ ఓ కేసులో రెండేళ్లపాటు జైలులో ఉన్నాడు. ఆ సమయంలో సాగర్‌ స్నేహితుడు ఆటో డ్రైవర్‌ అశ్విన్ (25), అంజలి మధ్య వివాహేతర సంబంధం ఏర్పడింది. ఈ క్రమంలో ఇద్దరం కలిసి జీవిద్దామని అశ్విన్ పట్టుబట్టాడు. అయితే అంజలి అందుకు ఒప్పుకోలేదు. మరొకరిని పెళ్లిచేసుకోవాలని సలహాచెప్పింది. దీంతో ఆగ్రహించిన అశ్విన్ ఈనెల 10న కత్తితో దాడి చేశాడు. రక్షించేందుకు సోదరి అశ్విని యత్నించగా ఆమెపై కూడా దాడిచేశాడు. స్థానికులు ఆసుపత్రికి తరలించగా అంజలి చికిత్స పొందుతూ సోమవారం మృతి చెందింది.

కైరో: సౌదీ అరేబియా రాజధాని రియాద్‌లోని అంతర్జాతీయ విమానాశ్రయంపై మూడోసారి ఆదివారం కూడా హౌతీ రెబెల్స్‌ దాడికి తెగబడ్డారు. విమానాశ్రయంలోని ప్యాసింజర్‌ టెర్మినల్‌ను క్షిపణి ఢీకొట్టిందని అధికారులు తెలిపారు. అయితే, విమానాశ్రయాన్ని అంతకుముందే మూసివేయడంతో ప్రాణనష్టం తప్పింది. శనివారం హౌతీ రెబెల్స్‌ జరిపిన క్షిపణి దాడిలో 13 మంది చనిపోగా, మరో 10 మంది భారతీయులు సహా 300 మందికిపైగా గాయపడ్డారు. క్షతగాత్రుల్లో కొందరికి విషమంగా ఉందని సమాచారం. ఆ దేశంలోని విమానాశ్రయాలే లక్ష్యంగా మరిన్ని దాడులు తప్పవంటూ హౌతీలు చేసిన హెచ్చరికలతో సౌదీ ప్రభుత్వం విమానాశ్రయాన్ని మూసేసింది. ఆదివారం రాత్రి 9గంటల వరకు కింగ్‌ ఖలీద్‌ ఇంటర్నేషనల్‌ ఎయిర్‌పోర్టులో కార్యకలాపాలను నిలిపివేస్తున్నట్లు ప్రభుత్వం తెలిపింది. రాజధాని నగరంలోని స్కూళ్లకు కనీసం వారంపాటు ఆన్‌లైన్‌ క్లాసులు నిర్వహించాలని ఆదేశించామని ఆదివారం తెలిపింది. శనివారం విమానాశ్రయంలోని దేశీయ సర్వీసులను నిలిపి ఉంచే నంబర్‌ 3, 4 టెర్మినళ్లపై జరిగిన ఈ దాడిలో మరణించిన వారిలో నలుగురు సౌదీ పౌరులతో భారత్, అమెరికా, ఈజిప్టు, జోర్డాన్, సిరియా, సూడాన్, బంగ్లాదేశ్, పాలస్తీనాకు చెందిన వారున్నారని అధికారులు తెలిపారు. క్షతగాత్రులకు వేర్వేరు ఆస్పత్రుల్లో చికిత్స జరుగుతోందని చెప్పారు. ఈ విమానాశ్రయంపై నాలుగు రోజుల క్రితం జరిగిన దాడిలో ముగ్గురు చనిపోవడం తెలిసిందే. సౌదీ వద్ద ప్రస్తుతం గగనతల రక్షణ వ్యవస్థలు కొరత ఏర్పడింది. ఇప్పటికే, ఇరాన్‌తో యుద్ధం కారణంగా అమెరికా వద్ద తగినంత సంఖ్యలో లేకపోవడంతో, ఆ దేశం వీటిని సమకూర్చాలంటూ ఫ్రాన్స్, బ్రిటన్‌ , ఈజిప్టులను కోరింది. ఇలా ఉండగా, రాజధాని సనాపై సౌదీ ఆదివారం జరిపిన వైమానిక దాడుల్లో ఆరుగురు మృతి చెందినట్లు హౌతీలు ఆరోపించారు. రియాద్‌ విమానాశ్రయంపై హౌతీ రెబెల్స్‌ వరుసగా దాడులకు పాల్పడటాన్ని భారత్‌ ఖండించింది.హైదరాబాద్‌ ఐటీ నిపుణుడు మృతి సాక్షి, సిటీబ్యూరో: రియాద్‌ విమానాశ్రయంపై శనివారం జరిగిన దాడిలో హైదరాబాద్‌లోని మెహిదీపట్నానికి చెందిన ఐటీ నిపుణుడు మహమ్మద్‌ యూసుఫ్‌ (46) ప్రాణాలు కోల్పోయారు. ఉమ్రా యాత్ర నిమిత్తం మదీనా వెళ్లేందుకు కుటుంబంతో ఈ విమానాశ్రయానికి చేరుకున్నారు. మధ్యాహ్నం జరిగిన ఈ దాడిలో యూసఫ్‌ తీవ్ర గాయాలతో ప్రాణాలు కోల్పోగా, భార్య, కుమారులు, కుమార్తె గాయపడ్డారు. క్షతగాత్రులు రియాద్‌ ఆసుపత్రి ఐసీయూలో చికిత్స పొందుతున్నారు. వీరిలో ఒక కుమారుడి పరిస్థితి విషమంగా ఉన్నట్లు సమాచారం. ఘటనపై విదేశాంగ మంత్రి ఎస్‌. జైశంకర్‌ దిగ్భ్రాంతి వ్యక్తం చేశారు. బాధిత కుటుంబానికి అన్ని విధాలా సహాయ సహకారాలు అందిస్తామని పేర్కొన్నారు.

కీవ్: ఉక్రెయిన్ అధ్యక్షుడు జెలెన్‌స్కీ కీలక ప్రకటన చేశారు. రష్యాలోని చమురు శుద్ధి కేంద్రాలపై దాడులు ఆపేందుకు సిద్ధంగా ఉన్నామని తెలిపారు. అయితే దానికి బదులుగా రష్యా తమ దేశంలోని ఇంధన మౌలిక సదుపాయాలపై దాడులు నిలిపి వేయాలని కోరారు. అమెరికా అధ్యక్షుడు ట్రంప్‌తో విభేదాలు పెరుగుతున్న నేపథ్యంలో జెలెన్‌స్కీ ఈ ప్రకటన చేయడం ప్రాధాన్యత సంతరించుకుంది.ఇటీవలే రష్యాతో ట్రంప్ డీజిల్‌ ప్రకటించినప్పటి నుంచి అమెరికా, ఉక్రెయిన్ నాయకుల మధ్య విభేదాలు తీవ్రమయ్యాయి. ఆ ఒప్పందం ప్రకారం, రష్యా నుంచి పెద్ద మొత్తంలో డీజిల్‌ను ప్రపంచ ఇంధన మార్కెట్లలోకి విడుదల చేయడానికి బదులుగా, రష్యాపై విధించిన ఆంక్షల విషయంలో సడలింపులు కల్పించనున్నారు. ఈ నిర్ణయంపై జెలెన్‌స్కీ అభ్యంతరం వ్యక్తం చేశారు. ఈ ఒప్పందం బలహీనమైన నిర్ణయమని ఆయన అభివర్ణించారు. దీనివల్ల ఉక్రెయిన్‌పై దాడులను కొనసాగించేందుకు రష్యాకు ప్రోత్సాహం లభిస్తుందని ఆయన ఆందోళన వ్యక్తం చేశారు.ఈ పరిణామాల మధ్య జెలెన్‌స్కీ ఆదివారం సామాజిక మాధ్యమం ఎక్స్‌ (X) వేదికగా తన వైఖరిని వెల్లడించారు. “రష్యా మా ఇంధన మౌలిక సదుపాయాలపై దాడులు నిలిపివేస్తే, మేము కూడా రష్యా చమురు శుద్ధి కేంద్రాలపై దాడులు ఆపేందుకు సిద్ధంగా ఉన్నాం. ఉద్రిక్తతలను తగ్గించేందుకు తీసుకునే ఏ చర్య అయినా పరస్పరం ఉండాలి. అంతేకాకుండా, వాటికి నిజమైన హామీలు కూడా ఉండాలి” అని ఆయన పేర్కొన్నారు.అయితే, శనివారం ట్రంప్ స్పందిస్తూ, ఇంధన ధరలు పెరగడానికి ఉక్రెయిన్ రష్యా చమురు శుద్ధి కేంద్రాలపై జరుపుతున్న దాడులే కారణమని ఆరోపించారు. యుద్ధాన్ని ఆపేందుకు ఉక్రెయిన్‌కు కొత్త అధ్యక్షుడు రావాల్సి ఉందన్నారు. ఈ వ్యాఖ్యల నేపథ్యంలో జెలెన్‌స్కీ తాజాగా తన పంథా మార్చుకున్నారు.ఇదిలా ఉండగా, అమెరికాలో పెట్రోల్, డీజిల్ ధరలు ఫిబ్రవరి చివరి నుంచి గణనీయంగా పెరిగాయి. ఆ సమయంలో అమెరికా, ఇజ్రాయెల్ సంయుక్తంగా ఇరాన్‌పై దాడులు చేయడంతో పరిస్థితులు మారాయి. దీనికి ప్రతిస్పందనగా ఇరాన్ హోర్ముజ్ జలసంధిని మూసివేసింది. గల్ఫ్ ప్రాంతం నుంచి చమురు ఎగుమతులకు ఈ జలసంధి అత్యంత కీలకమైన సముద్ర మార్గం. ఈ మార్గంలో అంతరాయం ఏర్పడటంతో ప్రపంచ చమురు సరఫరాపై ప్రభావం పడింది. ఫలితంగా ఇంధన ధరలు పెరిగాయి.జెలెన్‌స్కీ, ట్రంప్ మధ్య నెలకొన్న ఈ వివాదం మరో కీలక సమయంలో చోటుచేసుకుంది. అమెరికాలో జీవన వ్యయాల పెరుగుదలపై ఓటర్లలో అసంతృప్తి నెలకొన్న నేపథ్యంలో, హోరాహోరీగా సాగనున్న అమెరికా ఎన్నికలకు మరికొన్ని వారాలే మిగిలి ఉన్నాయి. పెట్రోల్, డీజిల్ ధరలు కూడా అక్కడ ప్రధాన చర్చనీయాంశాలుగా మారాయి. ఈ పరిస్థితుల్లో రష్యాపై ఆంక్షలు, ప్రపంచ ఇంధన సరఫరా, ఉక్రెయిన్‌పై జరుగుతున్న దాడుల విషయంలో అమెరికా తీసుకునే నిర్ణయాలు అంతర్జాతీయంగా ప్రాధాన్యం సంతరించుకున్నాయి.మొత్తంగా చూస్తే, రష్యా చమురు శుద్ధి కేంద్రాలపై దాడులు నిలిపివేయడానికి ఉక్రెయిన్ సిద్ధంగా ఉన్నప్పటికీ, అందుకు రష్యా కూడా తమ ఇంధన మౌలిక సదుపాయాలపై దాడులు ఆపాలని జెలెన్‌స్కీ స్పష్టం చేశారు. ఉద్రిక్తతల తగ్గింపు ఏకపక్షంగా కాకుండా, ఇరు దేశాల నుంచి పరస్పర చర్యలతో పాటు విశ్వసనీయమైన హామీల ఆధారంగా జరగాలని ఆయన కోరుతున్నారు.ఇదీ చదవండి: జెలెన్‌స్కీకి ట్రంప్ షాక్‌

ఢిల్లీలో ఈసీ వ్యతిరేక ర్యాలీ సందర్భంగా కాంగ్రెస్‌ అగ్రనేత రాహుల్‌ గాంధీని పోలీసులు అదుపులోకి తీసుకుంటున్న సమయంలో హైడ్రామా చోటుచేసుకుంది. నిరసనకారులను అదుపు చేసే విధుల్లో ఉన్న ఓ కానిస్టేబుల్‌పై కొందరు ఆందోళనకారులు దాడి చేశారని ఆరోపణలు వెల్లువెత్తాయి. తనను చుట్టుముట్టి కొట్టారని, యూనిఫాం చింపేశారని, గోళ్లతో గీశారని, చేతిని కొరికారని కానిస్టేబుల్‌ అంకిత్‌ కసానా ఆరోపించారు. ఘటన అనంతరం ఆయనను వైద్య పరీక్షల కోసం ఢిల్లీలోని రామ్‌ మనోహర్‌ లోహియా ఆసుపత్రికి తరలించారు.పార్లమెంట్‌ పోలీస్‌లో పనిచేస్తున్న కసానా.. బుధవారం జంతర్‌ మంతర్‌ సమీపంలో విధులు నిర్వహిస్తున్నారు. ఎన్నికల సంఘానికి వ్యతిరేకంగా ఇండియా కూటమి ఎంపీలు చేపట్టిన ఆకస్మిక నిరసన సందర్భంగా అక్కడ ఉద్రిక్త పరిస్థితులు నెలకొన్నాయి. రాహుల్‌ గాంధీని పోలీసులు అదుపులోకి తీసుకునే సమయంలో తనను సుమారు 30–35 మంది చుట్టుముట్టారని కసానా తెలిపారు.వారిలో పురుషులు, మహిళలు, వృద్ధులు కూడా ఉన్నారని.. తనపై దుర్భాషలాడుతూ యూనిఫాం చింపేశారని ఆరోపించారు. వెనుక నుంచి లాగి గోళ్లతో గీశారని, ఓ వ్యక్తి తన చేతిని కొరికి చర్మాన్ని చీల్చాడని పేర్కొన్నారు.Opposition flashing the constitution for every thing & then treating the people who uphold the constitution like this ? Const. Ankit Kumar claims & shows how he was bit , his uniform torn , nails scratched on him - all because he was doing his duty ! https://t.co/ere1de01Cz— ExtraSpiceAni (@ShrivastavAni) October 7, 2026‘దయచేసి వదిలేయండి’ అంటూ వేడుకున్నా..ఘటనతో తాను భయపడిపోయానని కసానా తెలిపారు. తనను వదిలేయాలని పదేపదే వేడుకున్నానని చెప్పారు. పరిస్థితి మరింత తీవ్రంగా మారకముందే తన తోటి సిబ్బంది వచ్చి తనను అక్కడి నుంచి బయటకు తీసుకెళ్లారని వివరించారు. లేదంటే పరిస్థితి మరింత ప్రమాదకరంగా ఉండేదని ఆయన ఆవేదన వ్యక్తం చేశారు. ఈ ఘటన తనతో పాటు తన కుటుంబ భద్రతపై కూడా ఆందోళన కలిగించిందన్నారు.సీజేపీ టైంలోనూ ఇబ్బందులే..నిరసనల్లో విధులు నిర్వహించే పోలీసులే కొన్నిసార్లు ఆందోళనకారుల ఆగ్రహానికి గురవుతున్నారని కసానా అన్నారు. గతంలో కాక్రోచ్‌ జనతా పార్టీ (సీజేపీ) నిరసన సమయంలోనూ పోలీసులతో దురుసుగా ప్రవర్తించిన ఘటనను తాను ఎదుర్కొన్నట్లు తెలిపారు. శాంతిభద్రతలను కాపాడటం పోలీసుల బాధ్యత అయినప్పటికీ.. విధుల్లో ఉన్న సిబ్బంది కూడా ఇలాంటి ఘటనలకు గురవుతున్నారని పేర్కొన్నారు.Photo Credits: Aaj Takవైద్య పరీక్షల తర్వాత ఎఫ్‌ఐఆర్‌?దాడి ఆరోపణల నేపథ్యంలో కసానాకు రామ్‌ మనోహర్‌ లోహియా ఆసుపత్రిలో వైద్య పరీక్షలు నిర్వహించారు. వైద్య పరీక్షల అనంతరం ఘటనపై ఎఫ్‌ఐఆర్‌ నమోదు చేసే అవకాశం ఉన్నట్లు తెలుస్తోంది. ఘటనపై ఢిల్లీ పోలీసులు అధికారికంగా పూర్తి వివరాలు వెల్లడించాల్సి ఉంది. మరోవైపు దాడికి పాల్పడ్డారని ఆరోపణలు ఎదుర్కొంటున్న నిరసనకారుల స్పందన కూడా ఇంకా వెలువడలేదు.రాహుల్‌ గాంధీని పోలీసులు అదుపులోకి తీసుకుంటున్న సమయంలోనే ఈ ఘటన జరిగినట్లు కానిస్టేబుల్‌ ఆరోపించడంతో.. జంతర్‌ మంతర్‌ వద్ద నిరసనల సందర్భంగా నెలకొన్న ఉద్రిక్తత మరోసారి చర్చనీయాంశమైంది.ఇదీ చదవండి: ఓట్ల గల్లంతుపై మెరుపు ధర్నా

సాక్షి, మంచిర్యాల: కొత్తపల్లి రాజారాం గ్రామంలో తీవ్ర ఉద్రిక్తత నెలకొంది. గిరిజనులు, ఫారెస్ట్ అధికారుల మధ్య ఘర్షణ తలెత్తింది. ఈ ఘటనలో గిరిజనుడు చింతల లస్మయ్యకు తీవ్రగాయాలయ్యాయి దీంతో లస్మయ్య స్పృహతప్పి పడిపోయాడు. వెంటనే స్పందించిన కుటుంబ సభ్యులు అతనిని చెన్నూరు ప్రభుత్వ ఆసుపత్రికి తరలించారు. ఈ దాడిపై గిరిజన సంఘాలు తీవ్ర స్థాయిలో మండిపడ్డాయి. ఈ నేపథ్యంలో చెన్నూరు ఎఫ్డిఓ కార్యాలయం వద్దకు గిరిజన సంఘాల నేతలు పెద్దఎత్తున చేరుకున్నారు. తరతరాలుగా సాగు చేసుకుంటున్న భూముల్లో అటవీ అధికారులు దౌర్జన్యాలకు పాల్పడుతున్నారని గిరిజన సంఘాల నేతలు ఆగ్రహం వ్యక్తం చేశారు. చెన్నూరు ఎఫ్డిఓ కార్యాలయం వద్ద ధర్నాకు దిగారు. పరిస్థితి ఉద్రిక్తంగా మారడంతో రైతులను పోలీసులు అడ్డుకున్నారు.

ఢిల్లీ: హర్ముజ్ జలసంధిలో మరోసారి తీవ్ర ఉద్రిక్తత చోటు చేసుకుంది. పనామా జెండాతో ప్రయాణిస్తున్న వాణిజ్య నౌక MT On Peaceపై మంగళవారం దాడి జరిగింది. ఈ దాడిలో మొత్తం 12 మంది సిబ్బంది గాయపడగా, వారిలో 11 మంది భారతీయులు ఉన్నారు. ఈ ఘటనపై భారత్‌ తీవ్ర ఆగ్రహం వ్యక్తం చేసింది. దాడిని ఖండిస్తున్నట్లు విదేశాంగ శాఖ ప్రకటన విడుదల చేసింది.భారత విదేశాంగ శాఖ తన ప్రకటనలో “హర్ముజ్ జలసంధి మీదుగా ప్రయాణిస్తున్న పనామా జెండాతో ఉన్న వాణిజ్య నౌక MT On Peaceపై మంగళవారం జరిగిన దాడిని మేము ఖండిస్తున్నాం. నౌకలో ఉన్న మొత్తం 19 మంది సిబ్బందిలో 17 మంది భారతీయులు ఉన్నారు. మొత్తం 12 మంది సిబ్బంది గాయపడినట్లు తెలిసింది. వారిలో 11 మంది భారతీయులు ఉన్నారు” అని తెలిపింది.ఈ ప్రాంతంలో వాణిజ్య నౌకలపై వరుసగా జరుగుతున్న దాడులు తీవ్ర ఆందోళన కలిగిస్తున్నాయని భారత ప్రభుత్వం విచారణ వ్యక్తం చేసింది. ఈ దాడులను తక్షణమే నిలిపివేయాలని హెచ్చరికలు జారీ చేసింది. వాణిజ్య నౌకలు, నావికులు, పౌర మౌలిక సదుపాయాలను లక్ష్యంగా చేసుకోవడం వెంటనే ఆగిపోవాలి. అంతర్జాతీయ జలమార్గాల ద్వారా నౌకాయానం, వాణిజ్య కార్యకలాపాలను వీలైనంత త్వరగా పునరుద్ధరించాలి” అని పేర్కొంది.గాయపడిన నౌక సిబ్బందిని ఒమన్ అధికారుల సహాయంతో నౌక నుంచి సురక్షితంగా తరలించినట్లు విదేశాంగ మంత్రిత్వ శాఖ తెలిపింది. గాయపడిన వారిని ఒమన్‌లోని ఖసబ్ ప్రాంతానికి తరలించి వైద్య చికిత్స అందిస్తున్నట్లు పేర్కొంది. గాయపడిన వారికి వైద్య సహాయం అందించడంలో సహకరించిన ఒమన్ అధికారులకు భారత ప్రభుత్వం కృతజ్ఞతలు తెలిపింది.అయితే, MT On Peaceపై జరిగిన ఈ దాడికి ఎవరు బాధ్యులన్నది భారత విదేశాంగ మంత్రిత్వ శాఖ ఇప్పటివరకు అధికారికంగా వెల్లడించలేదు. ఇదీ చదవండి: రాష్ట్ర నేతనే బురిడీ కొట్టించిన కిలాడీ

ఆ విమానంలో 170 మందికిపైగా ప్రయాణికులు.. వారిలో ఎక్కువమంది ఇజ్రాయెల్‌ పౌరులు. దుబాయ్‌ నుంచి టెల్‌అవీవ్‌కు వెళ్తున్న విమానం ఒక్కసారిగా వేల అడుగుల మేర కిందికి పడిపోయింది. కాక్‌పిట్‌లో పైలట్‌పై కో-పైలట్‌ దాడి చేశాడు. విమానం అదుపు తప్పుతున్నట్లు కనిపించింది. ఆ సమయంలో ప్రయాణికులు, సిబ్బంది ధైర్యంగా స్పందించకపోయి ఉంటే పెను విషాదమే జరిగేది. ఇప్పుడు ఈ ఘటనపై దర్యాప్తులో వరుసగా కొత్త విషయాలు బయటకొస్తున్నాయి. ప్లైదుబాయ్‌ ఘటనను ఉగ్ర దాడిగా అటు యూఏఈ, ఇటు ఇజ్రాయెల్‌లు ప్రకటించాయి. పైగా అల్‌ఖైదా స్పందనతో హమామ్‌ అల్‌-హమ్మామీ ఆ సంస్థలోనే ట్రైనింగ్‌ తీసుకుని ఉంటాడని దాదాపుగా అంచనాకు వచ్చారు. ఈ తరుణంలో ఓ బిగ్‌ ట్విస్ట్‌ బయటపడింది. “గాజా ప్రతీకారం కోసం చేశాను.. అమరుడిగా చనిపోవాలనుకున్నా” అంటూ కో-పైలట్‌ హమామ్‌ అల్‌-హమ్మామీ విచారణలో చెప్పినట్లు తాజాగా ఇజ్రాయెల్‌ మీడియా కథనాలు వెల్లడించాయి. అదే సమయంలో విమానం ఇజ్రాయెల్‌ వైపు కొనసాగి ఉంటే.. ప్రయాణికులతో నిండిన ఆ విమానాన్ని కూల్చివేయడానికి కూడా ఇజ్రాయెల్‌ సిద్ధమైందన్న విషయం వెలుగులోకి వచ్చింది.గాజా ప్రతీకారం కోసమా?ఫ్లైదుబాయ్‌ ఘటనలో ఇరాన్‌ కోణంపై అమెరికా, ఇజ్రాయెల్‌లు అనుమానాలు వ్యక్తం చేశాయి. అయితే దర్యాప్తులో మాత్రం కొత్త విషయాలు వెలుగు చూస్తున్నాయి. విచారణలో హమామీ “గాజాకు ప్రతీకారంగా చేశాను. అమరుడిగా చనిపోవాలనుకున్నాను” అని చెప్పినట్లు సమాచారం. దీనిని దర్యాప్తు అధికారులు గనుక ధృవీకరిస్తే.. కీలక సమాధానమే దొరికినట్లవుతుంది. అయితే హమామీ ఒంటరిగానే ఈ దాడికి పాల్పడ్డాడా? ఎవరైనా అతడిని ప్రేరేపించారా? ఎవరైనా సంస్థ అతడిని ఉపయోగించుకుందా? ప్రయాణాలు, పరిచయాలు, విదేశాల్లో ఎవరెవరిని కలిశాడు? ఇలా అన్ని కోణాల్లోనూ దర్యాప్తు చేస్తున్నారు. అయితే ప్రస్తుతానికి ఇజ్రాయెల్‌ దర్యాప్తు వర్గాలు దీనిని లొన్‌-వోల్ఫ్‌ దాడి అయ్యే అవకాశం ఉందని భావిస్తున్నాయట. ముందే స్కెచ్‌ వేశాడా?హమామీ విచారణలో మరో సంచలన విషయం కూడా బయటకొచ్చింది. హమామీ ఫ్లైదుబాయ్‌లో చేరకముందే ఈ దాడికి ప్రణాళిక వేసుకున్నట్లు ఇజ్రాయెల్‌ అధికారి ఒకరు ఓ మీడియా సంస్థకు వెల్లడించారు. విమానాన్ని చివరకు టెల్‌అవీవ్‌లోని బెన్‌ గురియన్‌ విమానాశ్రయంలో కూల్చేయాలన్నది అతడి ఉద్దేశమని ఆ అధికారి చెప్పినట్లు నివేదిక పేర్కొంది. అంతేకాదు.. టెల్‌అవీవ్‌కు వెళ్లే విమానాల్లో పని చేసే అవకాశం కోసం అతడు ఫ్లైదుబాయ్‌లో చేరాడా? అనే కోణంలోనూ దర్యాప్తు జరుగుతోంది. దీంతో.. ఇది అకస్మాత్తుగా జరిగిన దాడి కాదా? ముందే లక్ష్యాన్ని ఎంచుకుని పథకం ప్రకారం చేశాడా? అనే అనుమానాలు మరింత బలపడుతున్నాయి.విమానం కూల్చేందుకు ఇజ్రాయెల్‌ రెడీ!ఇక ఈ ఘటనలో మరో ఉత్కంఠభరితమైన విషయం తాజాగా బయటపడింది. విమానం కాక్‌పిట్‌లో దాడి జరిగిన తర్వాత అది సుమారు 14 వేల అడుగుల మేర ఒక్కసారిగా కిందికి పడిపోయింది. ఇజ్రాయెల్‌ వైమానిక దళం కాక్‌పిట్‌ను సంప్రదించేందుకు ప్రయత్నించినా స్పందన రాలేదు. దీంతో అక్కడి అధికారులు 9/11 తరహా అత్యవసర పరిస్థితిని ఎదుర్కొనేందుకు ముందే రూపొందించుకున్న ప్రోటోకాల్‌ను అమల్లోకి తెచ్చారు. కమాండ్‌ సెంటర్‌ ఏర్పాటు చేసి.. యుద్ధ విమానాలను రంగంలోకి దించారు. ఇజ్రాయెల్‌ గగనతలాన్ని కూడా మూసివేశారు.విమానం ఇజ్రాయెల్‌కు సుమారు 400 మైళ్ల దూరంలో ఉన్నప్పుడు మాత్రం పరిస్థితి మారింది. ఎఫ్‌జెడ్‌1073 విమానం ఇజ్రాయెల్‌ వైపు కాకుండా సౌదీ అరేబియా వైపు మళ్లినట్లు అధికారులు గుర్తించారు. దీంతో ఇజ్రాయెల్‌ యుద్ధ విమానాలను వెనక్కి పిలిచింది. సౌదీ కూడా తన యుద్ధ విమానాలను రంగంలోకి దించింది.170 మందికిపైగా ఉన్నా.. అదే చివరి నిర్ణయం!అయితే విమానం ఇజ్రాయెల్‌ వైపే కొనసాగి ఉంటే పరిస్థితి మరింత భయంకరంగా ఉండేది. విమానం హైజాక్‌ అయిందని నిర్ధారణై, కాక్‌పిట్‌ నుంచి ఎలాంటి స్పందన లేకపోతే యుద్ధ విమానాలు దాని దగ్గరకు వెళ్లి కాక్‌పిట్‌, ప్రయాణికుల పరిస్థితిని పరిశీలించేవి. ఆ తర్వాత కూడా ముప్పు కొనసాగితే రక్షణ మంత్రి, ప్రధానమంత్రితో అత్యవసర చర్చ జరిగేది.అక్కడే అత్యంత కీలక నిర్ణయం తీసుకోవాల్సి వచ్చేది. ఇజ్రాయెల్‌ ప్రోటోకాల్‌ ప్రకారం.. నియంత్రణలో లేని విమానం కీలక ప్రాంతాల వైపు దూసుకొస్తోందని నిర్ధారణ అయితే దాన్ని కూల్చివేసే అవకాశం ఉంది. ఆ తుది నిర్ణయం ప్రధానమంత్రిదే. ప్రయాణికులతో నిండిన విమానం కూల్చడం కంటే.. అది టెల్‌అవీవ్‌లోని విమానాశ్రయం లేదంటే ఇతర కీలక ప్రాంతాన్ని ఢీకొట్టి వందల మందిని చంపే ప్రమాదాన్ని అడ్డుకోవడమే ఈ విధానం ఉద్దేశమని ఇజ్రాయెల్‌ వర్గాలను ఉటంకిస్తూ ఓ జాతీయ మీడియా కథనం ఇచ్చింది.చివరి నిమిషంలో పెను ప్రమాదం తప్పిందిఇదంతా జరుగుతున్న సమయంలో కాక్‌పిట్‌లో మాత్రం మరో పోరాటం సాగుతోంది. హమామీ దాడిలో గాయపడిన భారత పైలట్‌ స్మిట్‌ మచ్చార్‌ అతడిని అడ్డుకోవడానికి పోరాడాడు. చివరకు కాక్‌పిట్‌ తలుపు తెరవగలిగాడు. దీంతో ప్రయాణికులు, ఫ్లైదుబాయ్‌ సిబ్బంది లోపలికి వెళ్లి హమామీని అదుపులోకి తీసుకున్నారు. విమానంలో ఉన్న ఇద్దరు ఆఫ్‌-డ్యూటీ పైలట్లు నియంత్రణ చేపట్టారు. అనంతరం విమానం సౌదీ అరేబియాలోని టబుక్‌లో అత్యవసరంగా ల్యాండ్‌ అయింది. ఫ్లైదుబాయ్‌ ఘటన వెనుక దాగి ఉన్న కొత్త కోణాలను ఒక్కొక్కటిగా బయటపెడుతున్నాయి. దాడి వెనుక అతడొక్కడే ఉన్నాడా? ఎవరైనా అతడిని నడిపించారా? అన్నది తేలాల్సి ఉంది.ఇదీ చదవండి: హమామీ క్లియరెన్స్‌పై ఒమన్‌ సంచలన వ్యాఖ్యలు

కీవ్‌: ఉక్రెయిన్ రాజధాని కీవ్‌పై రష్యా దాడులు కొనసాగుతున్న వేళ జర్మనీ ఛాన్సలర్ ఫ్రెడరిక్ మెర్జ్ ఆదివారం ఆకస్మికంగా ఆ దేశాన్ని సందర్శించారు. అధ్యక్షుడు జెలెన్‌స్కీతో సమావేశమైన ఆయనకు నగరంలోవినిపించిన వైమానిక దాడుల హెచ్చరిక సైరన్లు యుద్ధ ప్రభావాన్ని ప్రత్యక్షంగా చూపించారు. ఇదే సమయంలో ఉక్రెయిన్‌కు సుమారు 1.5 బిలియన్ డాలర్ల సాయం అందించే ఒప్పందంపై ఇరు దేశాలు సంతకం చేశాయి.1.3 బిలియన్ యూరోలకు పైగా విలువైన ఈ ఒప్పందంలో సుమారు 1 బిలియన్ యూరోలు ఆయుధాల కోసం కేటాయించారు. ఇందులో యుద్ధ డ్రోన్లు కూడా ఉన్నాయి. మరో 350 మిలియన్ యూరోలు ఉక్రెయిన్ ఇంధన రంగానికి అందించనున్నారు. శీతాకాలం సమీపిస్తున్న నేపథ్యంలో రష్యా విద్యుత్, తాపన వ్యవస్థలను లక్ష్యంగా చేసుకుంటున్నందున ఈ సాయం కీలకమని జర్మనీ పేర్కొంది.జెలెన్‌స్కీతో కలిసి మెర్జ్ కీవ్‌లోని నేషనల్ అకాడమీ ఆఫ్ సైన్సెస్‌కు వెళ్లారు. రష్యా దాడి డ్రోన్ ఢీకొన్న ఈ భవనాన్ని ఆయన పరిశీలించారు. ఆ దాడిలో ఇద్దరు మరణించినట్లు ఉక్రెయిన్ అధికారులు తెలిపారు. అదే సమయంలో కీవ్‌లో పలుమార్లు వైమానిక దాడుల సైరన్లు మోగాయి. డ్నిప్రో నదిపై తూర్పు, పశ్చిమ ప్రాంతాలను కలిపే నార్తర్న్ బ్రిడ్జి రహదారి కూడా ఒక పేలుడుతో దెబ్బతిన్నట్లు సమాచారం.కీవ్‌లో దాడులు దాదాపు నిరంతరంగా కొనసాగుతున్నాయని నగర మేయర్ విటాలీ క్లిచ్కో తెలిపారు. నివాస ప్రాంతాలు, పెట్రోల్ బంకులు, పాఠశాలలు, రైల్వే, సమాచార వ్యవస్థలపై దాడులు జరిగాయని పేర్కొన్నారు. వరుస సైరన్ల కారణంగా సాధారణ ప్రజల రోజువారీ జీవితం తీవ్రంగా ప్రభావితమవుతోందని తెలిపారు. గత నాలుగేళ్లకు పైగా కొనసాగుతున్న యుద్ధంలో ముందు వరుస ప్రాంతాలతో పోలిస్తే కీవ్ ఇప్పటివరకు తక్కువ విధ్వంసాన్ని ఎదుర్కొంది.రష్యా ఉపయోగిస్తున్న వేగవంతమైన జెట్‌-శక్తి డ్రోన్లు, బాలిస్టిక్ క్షిపణులను అడ్డుకునేందుకు అధునాతన రక్షణ వ్యవస్థలు కావాలని ఉక్రెయిన్ చాలాకాలంగా కోరుతోంది. తాజా ఒప్పందంలో యాంటీ-జెట్ డ్రోన్ల సంయుక్త తయారీ కూడా ఉందని మెర్జ్ తెలిపారు. స్టాండాఫ్ ఆయుధాలు, యుద్ధ డ్రోన్లు, ఉపగ్రహ సాంకేతికతను కూడా ఉక్రెయిన్‌కు అందించనున్నట్లు చెప్పారు. రష్యా దాడులు ప్రారంభమయ్యే ప్రదేశాలను లక్ష్యంగా చేసుకునే సామర్థ్యాన్ని పెంచడమే దీనిలో భాగమని వివరించారు.ఇదిలా ఉండగా, ఉక్రెయిన్ అధ్యక్షుడు జెలెన్‌స్కీ ప్రకారం అమెరికా ఈ నెలాఖరులోగా రష్యా, ఉక్రెయిన్‌లతో సాంకేతిక స్థాయి చర్చలు నిర్వహించాలని ప్రతిపాదించింది. ఈ చర్చల్లో యూఏఈ మధ్యవర్తిత్వం కూడా ఉండే అవకాశం ఉందని ఆయన తెలిపారు. మరోవైపు, శీతాకాలంలో విద్యుత్, తాపన సరఫరాకు ఇబ్బందులు రాకుండా జనరేటర్లు, ట్రాన్స్‌ఫార్మర్ స్టేషన్లు, విద్యుత్ గ్రిడ్ మరమ్మతులకు జర్మనీ ప్రత్యేక కార్యక్రమాన్ని అమలు చేయనుంది. ఇదీ చదవండి: ఐఐటీ క్యాంపస్‌లో శునకం మృతి.. కేసు నమోదు

సాక్షి, రాజమహేంద్రవరం : రాజకీయ పలుకుబడి, అధికారం అండతో టీడీపీ నాయకులు దౌర్జన్యాలకు పాల్పడుతున్నారు. పోలీసుల ఎదుటే విధ్వంసానికి పాల్పడుతున్నారు. కాపు నాయకుడు, మాజీ హోంమంత్రి, మాజీ ఎంపీ చేగొండి హరిరామ జోగయ్య కుమారుడు చేగొండి రామదాసుపై తూర్పు గోదావరి జిల్లా రాజమహేంద్రవరం మాజీ డిప్యూటీ మేయర్, టీడీపీ నాయకుడు వాసిరెడ్డి రాంబాబు కుమారుడు వాసిరెడ్డి బాబీ చేసిన దాడే ఇందుకు తాజా నిదర్శనం. బాబీ తన అనుచరులతో కలిసి రామదాసు ఉంటున్న అపార్ట్‌మెంట్‌కి వెళ్లి, పోలీసుల ఎదుటే దాడికి పాల్పడటంపై కాపు సంఘాలు తీవ్ర ఆగ్రహం వ్యక్తం చేస్తున్నాయి. అధికారం అండతో టీడీపీ నాయకులు, గూండాలు కాపులపై దాడి చేస్తే సహించేదిలేదని కాపు సంఘాల నేతలు హెచ్చరిస్తున్నారు. రామదాసుపై దాడి చేసిన వారిపై తక్షణమే కఠిన చర్యలు తీసుకోవాలని డిమాండ్‌ చేస్తున్నారు. సంబంధంలేని వ్యవహారంలో దాడికి పాల్పడిన బాబీ చేగొండి హరిరామజోగయ్య కుమారుడు చేగొండి వెంకట రామదాసు కుటుంబం మోడల్‌ కాలనీలోని పల్లవి ఎన్‌క్లేవ్‌లో నివసిస్తోంది. బుధవారం రామదాసు భార్య మొక్కలకు నీళ్లు పోస్తుండగా అక్కడి వాచ్‌మేన్‌ దురుసుగా, అనుచితంగా ప్రవర్తించడంతో రామదాసు అతన్ని చీవాట్లు పెట్టాడు. దీంతో వాచ్‌మేన్‌ వారితో వాగ్వాదానికి దిగాడు. అదే అపార్ట్‌మెంట్‌లో నివసిస్తున్న వాసిరెడ్డి బాబీ సోదరి అతనికి ఫోన్‌ చేసి ఈ విషయం చెప్పింది. సంబంధంలేని వ్యవహారమే అయినప్పటికీ బాబీ వెంటనే 15 మంది అనుచరులను వెంటేసుకుని పల్లవి ఎన్‌క్లేవ్‌లోకి చొరబడ్డాడు. వస్తూనే రామదాసుపై దాడికి పాల్పడ్డాడు. వెంటనే రామదాసు ప్రకాశం నగర్‌ పోలీసులకు ఫిర్యాదు చేశారు. కానిస్టేబుళ్లు అపార్ట్‌మెంట్‌ వద్దకు వచ్చి అడ్డగిస్తున్నప్పటికీ బాబీ, అతని అనుచరులు దాడి ఆపలేదు. రామదాసుతో పాటు అతని భార్య, వారి కుమారుడు సిద్ధార్థ, గుమాస్తా రాజుపై విచక్షణారహితంగా దాడికి పాల్పడ్డారు. ఆ ప్రాంతాన్ని రణరంగంలా మార్చేశారు. గాయాలపాలైన బాధితులు ప్రకాశం నగర్‌ పోలీస్‌ స్టేషన్‌కు చేరుకోగా, అక్కడికీ బాబీ, అతని అనుచరులు వచ్చి కేసు పెట్టొద్దంటూ రాద్ధాంతం చేశారు. దాడికి పాల్పడిన వాసిరెడ్డి బాబీని రూమ్‌లో కూర్చోబెట్టిన పోలీసులు.. బాధితులైన వెంకట రామదాసును, మిగిలిన వారిని రోడ్డుపైనే నిలబెట్టడం గమనార్హం. రెండ్రోజులుగా ఎవరో అనుసరిస్తున్నారు.. ఇక.. హఠాత్తుగా వచ్చి తమపై దాడిచేశారని, రెండు రోజులుగా తాను ఎక్కడికి వెళ్లినా గుర్తు తెలియని వ్యక్తులు అనుసరిస్తున్నారని చేగొండి రామదాసు మీడియా వద్ద ఆవేదన వ్యక్తంచేశారు. ప్రాణరక్షణ కల్పించాలని ప్రభుత్వానికి విజ్ఞప్తి చేశారు. మరోపక్క.. రాజీ చేసుకోవాలని పోలీసులు రామదాసుపై ఒత్తిడి తెస్తున్నారని తెలుసుకున్న కాపు సంఘాల నాయకులు ఆయనకు మద్దతుగా శనివారం సాయంత్రం ప్రకాశంనగర్‌ పోలీస్‌స్టేషన్‌కు వెళ్లారు. పోలీసుల తీరును నిరసిస్తూ ఆందోళనకు దిగారు. చివరకు.. పోలీసులు బాబీ, అతని అనుచరులు ఐదుగురిని అరెస్టుచేశారు. అయితే, టీడీపీ నేతల ఒత్తిడితో అపార్ట్‌మెంట్‌ వాచ్‌మేన్‌ పోలీసుస్టేషన్‌కు వచ్చి రామదాసు, ఆయన కుమారుడిపై ఫిర్యాదు చేయడంతో పోలీసులు వారిపైనా ఎస్సీ, ఎస్టీ కేసు నమోదుచేసి అరెస్టు చేశారు.ప్రభుత్వం తీరుపై కాపు సంఘాల ఆగ్రహం చేగొండి రామదాసుపై టీడీపీ గూండాలు దాడి చేయడంపై కాపు సంఘాల నాయకులు ఆగ్రహం వ్యక్తం చేస్తున్నారు. కాపుల విషయంలో చంద్రబాబు ప్రభుత్వం మొదటి నుంచీ చులకన భావనతోనే ఉందని ధ్వజమెత్తారు. కాపు సామాజికవర్గానికి చెందిన రామదాసుపై టీడీపీ గూండాలు దాడి చేసి మూడు రోజులైనా సీఎం చంద్రబాబు, డిప్యూటీ సీఎం పవన్‌ కళ్యాణ్‌ స్పందించకపోవడం దారుణమని మండిపడుతున్నారు. రౌడీలు, గంజాయి బ్యాచ్‌ రాష్ట్రంలో పేట్రేగిపోతున్నారని, మాజీ హోంమంత్రి కుమారుడికే రాష్ట్రంలో రక్షణ లేదని, ఇక సామాన్యుల పరిస్థితి ఏమిటని ప్రశ్నిస్తున్నారు. అధికారం అండతో టీడీపీ నాయకులు చట్టాన్ని చేతుల్లోకి తీసుకుంటున్నారని మండిపడ్డారు. కాపులపై దాడులకు పాల్పడితే సహించేది లేదని హెచ్చరించారు. ఘటనపై సమగ్ర దర్యాప్తు చేసి బాధ్యులపై చట్టపరమైన చర్యలు తీసుకోవాలని డిమాండ్‌ చేస్తున్నారు. ఈ మేరకు గురువారం రాత్రి ప్రకాశం నగర్‌ పోలీస్‌ స్టేషన్‌ వద్ద కాపు సంఘాల నాయకులు ఆందోళన చేశారు.

ఒహాయో: అమెరికాలోని ఒహాయో రాష్ట్రంలో ఒక హిందూ దేవాలయంపై గుర్తుతెలియని వ్యక్తులు దాడికి పాల్పడ్డారు. రిచ్‌మండ్ హైట్స్ ప్రాంతంలోని శ్రీ స్వామినారాయణ్ వడ్తాల్ ధామ్ హిందూ ఆలయంపై దుండగులు ఇటుకలు విసరడంతో ఆలయం కిటికీలు, తలుపులు, అద్దాలు పగిలి తీవ్ర నష్టం వాటిల్లింది. ఈ దాడిని హిందూ అమెరికన్ ఫౌండేషన్ తీవ్రంగా ఖండించింది. ⚠️Hindu temple attacked in Ohio today| At 1:30 PM today, the Shree Swaminarayan Vadtal Dham Hindu Mandir in Richmond Heights, Ohio was attacked by perpetrator(s) who threw bricks at the temple causing significant damage. Surveillance video is available and being reviewed by authorities. The @FBI @CivilRights are being alerted. HAF is in touch with temple leaders and offering all assistance. This possible hate crime comes at a time of unprecedented hate & vitriol directed at the Hindu American community, and we ask that law enforcement make apprehending the perpetrator(s) a top priority. We also call on our nation’s elected leaders & government agencies to publicly & unequivocally condemn hateful rhetoric against Indian and Hindu American communities.— Hindu American Foundation (@HinduAmerican) October 3, 2026రంగంలోకి ఎఫ్‌బీఐ విభాగంఈ ఘటనకు సంబంధించిన సర్వైలెన్స్ (సీసీటీవీ) వీడియో ఆధారంగా దర్యాప్తు అధికారులు విచారణ చేపట్టారు. ఈ దాడికి సంబంధించిన సమగ్ర వివరాలను ఫెడరల్ బ్యూరో ఆఫ్ ఇన్వెస్టిగేషన్ (ఎఫ్‌బీఐ)కి చెందిన సివిల్ రైట్స్ యూనిట్‌‌కు కూడా అందించినట్లు అధికారులు తెలిపారు. ఆలయ నిర్వాహకులతో నిరంతరం సంప్రదింపులు జరుపుతున్నామని, వారికి అన్ని రకాల న్యాయ, సహాయ సహకారాలు అందిస్తున్నామని సంస్థ స్పష్టం చేసింది.నిందితుల అరెస్ట్‌కు డిమాండ్ఈ దాడిని విద్వేషపూరిత నేరం (హేట్ క్రైమ్)గా పరిగణించి, నిందితులను తక్షణమే పట్టుకోవాలని హిందూ అమెరికన్ ఫౌండేషన్ దర్యాప్తు సంస్థలను డిమాండ్ చేసింది. అమెరికాలో ఇటీవల హిందూ అమెరికన్ సమాజంపై ద్వేషపూరిత వ్యాఖ్యలు, విద్వేషం పెరుగుతున్నదని పేర్కొంది. ప్రజాప్రతినిధులు, ప్రభుత్వ ఏజెన్సీలు భారతీయ, హిందూ సమాజాలపై జరుగుతున్న ద్వేషపూరిత దాడులను బహిరంగంగా ఖండించాలని కోరింది. మహాత్మా గాంధీ జయంతి రోజే, ఒహాయోలో అధికారికంగా ప్రకటించిన ‘హిందూ హెరిటేజ్ మంత్’ ప్రారంభమైన రోజే ఈ దాడి జరగడం గమనార్హం.ఇదీ చదవండి: 24 గంటల్లో రెండు ఎన్‌కౌంటర్లు.. నిందితులకు గాయాలు

మర్రిపాడు/దేవరకోట (ఘంటసాల): తోడబుట్టిన వారే కాలయముళ్లుగా మారి ప్రాణాలు తీసిన రెండు వేర్వేరు ఘటనలు నె­ల్లూ­రు, కృష్ణా జిల్లాల్లో కలకలం రేపాయి. శ్రీపొట్టిశ్రీరాములు నె­ల్లూరు జిల్లా మర్రిపాడు మండలంలోని నాగరాజుపాడుకి చెంది­న కుంభగిరి రాజగోపాల్‌ (46)కు అతడి తమ్ముడు గోపీకి మధ్య పాత గొడవలున్నాయి. గతంలో తమ్ముడిపై అన్న గొడ్డలితో దాడి చేశాడు. దీంతో గోపీ అంగవైకల్యానికి గురయ్యాడు. అప్పట్నుంచి ఇద్దరి మధ్య వివాదం ఉంది. గురువారం రాత్రి మద్యం మత్తులో అన్నతో గోపీ గొడవపడ్డాడు. కోపంతో బండతో రాజ­గోపాల్‌పై దాడి చేయగా అక్కడికక్కడే మృతిచెందాడు. అనంత­రం పోలీసులకు గోపీ లొంగిపోయాడు. రాజగోపాల్‌ భార్య గతంలో మృతిచెందగా.. కుమారుడు, కుమార్తె అనాథలయ్యారు.క్షణికావేశంలో తమ్ముడిని హత్యచేసిన అన్నఅలాగే, కృష్ణాజిల్లా ఘంటసాల మండలం దేవరకోటలో గురువారం రాత్రి సీహెచ్‌. రాజ్‌కుమార్‌ (40) మద్యం తాగి రోడ్డుపై పడి ఉన్నాడు. అతడి అన్న విజయ్‌కుమార్‌ తమ్ముడిని ఇంటికి తీసుకెళ్లేందుకు ప్రయత్నించాడు. దీంతో ఇరువురు మధ్య గొడవ జరగ్గా ఆగ్రహించిన విజయ్‌కుమార్‌ క్షణికావేశంలో తమ్ముడు రాజ్‌కుమార్‌ తలపై అక్కడే ఉన్న రాయితో బలంగా కొట్టాడు. దీంతో అతడు అక్కడికక్కడే మృతి చెందాడు. వెంటనే విజయ్‌కుమార్‌ విజయవాడ పారిపోయాడు. శుక్రవారం ఉదయం గ్రామస్తులు రాజ్‌కుమార్‌ను చూసి కుటుంబ సభ్యులకు సమాచారమిచ్చారు. పోలీసులు ఘటనా స్థలానికి వచ్చి వివరాలు సేకరించి మృతదేహాన్ని పోస్టుమార్టానికి తరలించారు. విజయ్‌కుమార్‌ పోలీసుల అదుపులో ఉన్నట్లు తెలిసింది. రాజ్‌కుమార్‌కు ఇద్దరు పిల్లలు ఉన్నారు. ఆరేళ్ల క్రితమే ఇతడు భార్యతో విడిపోయాడు.

దుబాయ్ నుండి టెల్ అవీవ్ వెళ్తున్న ఫ్లైదుబాయ్' (flydubai) విమాన ఘటన తరువాత భారతీయ పైలట్ కెప్టెన్ స్మిత్‌ మచ్చర్‌ ధైర్యసాహసాలు గురించి ప్రపంచవ్యాప్తంగా చర్చ జరుగుతోంది. 9/11 తరహా దాడిని అడ్డుకున్న వీరుడని, 180 మంది ప్రాణాలను రక్షించిన రియల్‌ హీరో అంటూ ప్రశంసలు వెల్లువెత్తుతున్నాయి. ప్రాణాలకు తెగించి పోరాడిన కెప్టెన్ స్మిట్‌ భార్య సోనల్ మచ్చార్ తొలి స్పందన వైరల్‌ గా మారింది.తన భర్త, భారతీయ మచ్చార్‌పై జరిగిన దాడి గురించి తెలిసిన భయంకరమైన క్షణాన్ని సోనాల్ మచ్చర్ గుర్తు చేసుకున్నారు. ఈ సంఘటన తమ కుటుంబంపై కలిగించిన మానసిక క్షోభ గురించి, అలాగే ఆ భయంకరమైన సంఘటన సమయంలో తన భర్త చూపిన ధైర్యంపై గర్వంగా ఫీలవుతున్న వైనాన్ని కూడా సోనాల్ వెల్లడించారు. అలాగే ప్రధానమంత్రి మోదీ స్పందనపై కూడా ఆమె సంతోషాన్ని వ్యక్తం చేశారు.CNN-News18తో మాట్లాడుతూ ఫ్లైదుబాయ్ కాక్‌పిట్ దాడి గురించి తెలుసుకున్నప్పుడు తీవ్ర ఆందోళన చెందానంటూ సోనాల్ భావోద్వేగానికి లోనయ్యారు. ఇది విన్న తర్వాత తన కాళ్ల కింద భూమి కంపించి పోయిందంటూ అనుభవించిన దిగ్భ్రాంతిని, భయాన్నివివరించారు. దాడి జరిగింది అనగానే అతని పరిస్థితి ఎలా ఉందో అర్థంకాక చాలా కుంగిపోయానంటూ ఆ ఆందోళనకరమైన క్షణాలను గుర్తు చేసుకున్నారు. అసలు ఎలా స్పందించాలో అర్థం చేసుకునే మానసిక స్థితి కూడా తనకు లేదన్నారు. ఆ క్లిష్ట సమయంలో తన కుటుంబ సభ్యులు, స్నేహితులు తోడుగా ఉండటం , భారతీయ అధికారుల నుండి అందిన సమాచారం తనకు ఎంతో ఊరటనిచ్చాయని ఆమె తెలిపారు. ఈ క్లిష్ట సమయంలో తన చుట్టూ స్నేహితులు, కుటుంబ సభ్యులు ఉండటంతో అంతా సవ్యంగానే ఉందనే భరోసా కలిగింది. ఆయన పరిస్థితి నిలకడగా ఉందనే వార్తలు రావడం మొదలవ్వడం ఊరటనిచ్చిందన్నారు.ఇదీ చదవండి: 12 ఏళ్ల కొడుకు గొంతు నులిమి? కష్టాల్లో ప్రముఖ నటిఅబుదాబిలోని ఆసుపత్రిలో గురువారం తన భర్తను కలుసుకునే దాకా తన ఆందోళన తగ్గలేదని చెప్పారు. యూఏఈ (UAE) వైద్యులు , సైనిక వైద్యుల పర్యవేక్షణలో ఆయనకు చాలా మంచి చికిత్స అందుతోంది. కోలుకుంటారనే విశ్వాసాన్ని వ్యక్తం చేశారు. ఆయన త్వరగా ఇంటికి తిరిగి రావాలని అందుకు తాను చేయాల్సిన కృషినంతా చేస్తానన్నారు. ఇజ్రాయెల్ ప్రధాని బెంజమిన్ నెతన్యాహు కెప్టెన్ మచ్చర్‌తో మాట్లాడాలని కోరుకుంటున్నారన్న వార్తల గురించి అడిగినప్పుడు, తన భర్త పూర్తిగా కోలుకున్న తర్వాత వారిద్దరి మధ్యే నేరుగా సంభాషణ జరగాలని సోనాల్ సూచించారు. ఈ ఘటనలో తీవ్రంగా గాయపడిన స్మిట్‌ ప్రస్తుతం కోలుకుంటున్నారు. మరోవైపు అరెస్టుఅయిన కో-పైలట్‌ను యునైటెడ్ అరబ్ ఎమిరేట్స్‌కు తరలించారు. ఇదీ చదవండి: అన్ని ఉరిశిక్షలకు బ్రేక్‌ : ప్రాణాలతో బైటపడిన క్రిస్టా ఇపుడెలా ఉంది?

ఫ్లైదుబాయ్‌ విమానంలో చోటుచేసుకున్న ఈ ఘటన ప్రపంచ వ్యాప్తంగా సంచలనం సృష్టించింది. ఈ మొత్తం వ్యవహారంలో కీలకంగా నిలిచిన భారత పైలట్‌ కెప్టెన్‌ స్మిట్‌ మచ్చార్‌ ప్రాణాలకు తెగించి పోరాడటంతో పెను ప్రమాదం తప్పింది. దీంతో అతనిపై ప్రపంచవ్యాప్తంగా ప్రశంసలు కురుస్తున్నాయి. అయితే ఇంతటి ప్రమాదకర చర్యకు పాల్పడిన కో-పైలట్‌ ఎవరు? అతడి ఉద్దేశం ఏమిటి? అనే మిస్టరీ ఇంకా వీడలేదు.ఇజ్రాయెల్‌ అధికారుల ప్రకారం.. దాడికి పాల్పడిన కో-పైలట్‌ ఒమన్‌ జాతీయుడు. అతడి పూర్తి పేరును మాత్రం ఇప్పటివరకు అధికారికంగా వెల్లడించలేదు. ఫ్లైదుబాయ్‌లోనే పనిచేస్తున్న అతడు.. సంస్థలో చేరి ఏడాది కూడా కాలేదని తెలుస్తోంది. అయితే ఏ ఉద్దేశంతో దాడి చేశాడన్నది కూడా తెలియరాలేదు. ఘటన తర్వాత సౌదీ అరేబియా అధికారులు అతడిని అదుపులోకి తీసుకున్నారు. వాళ్ల సహకారంతో అతన్ని ప్రశ్నిస్తున్నట్లు ఇజ్రాయెల్‌ ప్రధాని బెంజమిన్‌ నెతన్యాహు తెలిపారు. ఫ్లైదుబాయ్‌ ప్రకారం.. ఘటనకు దారితీసిన అసలు కారణాలు ఇంకా తెలియరాలేదు. అందువల్ల కో-పైలట్‌ ఉద్దేశం గురించి ముందస్తు ఊహాగానాలు చేయొద్దని సంస్థ హెచ్చరించింది. నెతన్యాహు ఏమన్నారంటే..ఈ ఘటనపై ఇజ్రాయెల్‌ ప్రధాని బెంజమిన్‌ నెతన్యాహు తీవ్రంగా స్పందించారు. కో-పైలట్‌ మొదట కెప్టెన్‌ స్మిట్‌ మచ్చార్‌పై కత్తితో దాడి చేసి.. అనంతరం విమానాన్ని కూల్చేందుకు ప్రయత్నించినట్లు చెప్పారు. విమానంలో ఉన్న ప్రయాణికులు, సిబ్బంది జోక్యం చేసుకోవడంతో ఆ ప్రయత్నం విఫలమైందని వివరించారు. విమానంలో మొత్తం 174 మంది ఉన్నారని, వారిలో ఎక్కువ మంది ఇజ్రాయెల్‌ పౌరులేనని తెలిపారు.స్మిట్‌ మచ్చార్‌ తీవ్రంగా గాయపడినా చివరి శక్తిని ఉపయోగించి కాక్‌పిట్‌ తలుపు తెరిచారని నెతన్యాహు కార్యాలయ ప్రతినిధి డోరన్‌ స్పీల్‌మన్‌ తెలిపారు. దీంతో ప్రయాణికులు లోపలికి వెళ్లి దాడి చేసిన కో-పైలట్‌ను అదుపులోకి తీసుకోగలిగారని చెప్పారు. నెతన్యాహు స్వయంగా స్మిట్‌ మచ్చార్‌ను “నిజమైన హీరో”గా అభివర్ణించి, ఆయన త్వరగా కోలుకోవాలని ఆకాంక్షించారు. 174 మంది ప్రాణాలను కాపాడటంలో ఆయన కీలక పాత్ర పోషించారని ప్రశంసించారు.My salute to the Indian pilot Captain Smit Machchhar for his extraordinary bravery.Despite being stabbed and seriously injured, he fought back, resisted, opened the cockpit door, and enabled passengers and crew to overpower the attacker — preventing a catastrophic mid-air…— Benjamin Netanyahu - בנימין נתניהו (@netanyahu) September 30, 2026ట్రంప్‌ ఏమన్నారంటే..అమెరికా అధ్యక్షుడు డొనాల్డ్‌ ట్రంప్‌ కూడా ఈ ఘటనపై నెతన్యాహుతో మాట్లాడినట్లు తెలిపారు. అనంతరం ఓవల్‌ ఆఫీస్‌లో మీడియాతో మాట్లాడుతూ.. నెతన్యాహు నుంచి తనకు అందిన వివరాలను చెప్పారు. విమానంలో ఉన్న ఓ ఇజ్రాయెలీ ప్లంబర్‌ కాక్‌పిట్‌లోకి వెళ్లి పరిస్థితిని అదుపులోకి తీసుకోవడంలో సహకరించాడు. కో-పైలట్‌ విమాన నియంత్రణ వ్యవస్థను దెబ్బతీయడానికి ప్రయత్నించాడు. అతడు “టెర్రరిస్ట్‌ అయి ఉండొచ్చు.. లేదంటే మరేదైనా కారణం ఉండొచ్చు” అనే అర్థంలో వ్యాఖ్యానించారు. ఇటు ప్రయాణికుల్ని కాపాడిన భారతీయ పైలట్‌ కెప్టెన్‌ స్మిట్‌ మచ్చార్‌ను మాత్రం ట్రంప్‌ అభినందించారు.ఇజ్రాయెల్‌ బలగాలు ఏం చెప్పాయి?ఇజ్రాయెల్‌ అధికారులు ఈ ఘటనను తీవ్రమైన భద్రతా ఘటనగా అభివర్ణించారు. కో-పైలట్‌ స్మిట్‌ మచ్చార్‌పై దాడి చేసిన తర్వాత విమానం దాదాపు 14 వేల అడుగుల మేర అత్యంత వేగంగా కిందకు దిగిపోయిందని చెప్పారు. ఈ సమయంలో ప్రయాణికులు, సిబ్బంది కాక్‌పిట్‌లోకి వెళ్లి కో-పైలట్‌ను అదుపులోకి తీసుకున్నారని తెలిపారు. అనంతరం విమానంలో ఉన్న మరో జంట ఫ్లైదుబాయ్‌ పైలట్లు బాధ్యతలు చేపట్టి విమానాన్ని సౌదీ అరేబియాలోని టబుక్‌లో సురక్షితంగా ల్యాండ్‌ చేశారు. ఇజ్రాయెల్‌ ప్రధాని కార్యాలయ ప్రతినిధి తెలిపిన వివరాల ప్రకారం.. రక్తస్రావంతో నేలపై పడిపోయిన స్మిట్‌ మచ్చార్‌ తన మిగిలిన శక్తినంతా ఉపయోగించి కాక్‌పిట్‌ తలుపు తెరిచారు. లోపలికి వెళ్లిన ప్రయాణికులు కో-పైలట్‌ కంట్రోల్‌ ప్యానెల్‌పై దాడి చేస్తున్నట్లు చూశారని అధికారులు వివరించారు.హైజాకింగ్‌? లేదంటే..ఇక్కడే అసలు మిస్టరీ కొనసాగుతోంది. నెతన్యాహు ప్రకారం ఇది సాధారణ హైజాకింగ్‌ ఘటనలా కనిపించడం లేదని ఇజ్రాయెల్‌ ప్రధాని బెంజమిన్‌ నెతన్యాహు ఒక ఇంటర్వ్యూలో చెప్పారు. కో-పైలట్‌ విమానం నడపడానికి ప్రయత్నించకుండా కంట్రోల్‌ ప్యానెల్‌ను దెబ్బ తీసే ప్రయత్నం చేశాడట. ఓ ప్రయాణికుడు ఇచ్చిన వాంగ్మూలాన్నే నెతన్యాహు ప్రస్తావించారు. అందువల్ల ఇది ఆత్మహత్యా ప్రయత్నం కావొచ్చనే అభిప్రాయమూ వ్యక్తం చేశారాయన. తనిఖీలు ముమ్మరంఈ ఘటన తర్వాత ఇజ్రాయెల్‌ భద్రతా అధికారులు విదేశీ విమానాల పైలట్లపై తనిఖీలను మరింత కఠినతరం చేయాలని నిర్ణయించారు. ఇజ్రాయెల్‌కు వచ్చే విమానాల పైలట్ల గుర్తింపును ముందుగానే తెలుసుకుని, భద్రతా ప్రక్రియలను మరింత పటిష్టం చేయనున్నట్లు ప్రధాని కార్యాలయ ప్రతినిధి తెలిపారు. మరోవైపు ఈ ఘటన నేపథ్యంతో.. ఇజ్రాయెల్‌కు అన్ని సర్వీసులను ఫ్లైదుబాయ్‌ రద్దు చేసింది.అలా.. కో-పైలట్‌ ఎవరు? ఎందుకు స్మిట్‌ మచ్చార్‌పై దాడి చేశాడు? విమానాన్ని నిజంగానే కూల్చాలనుకున్నాడా? ఉగ్రవాద కోణముందా? పశ్చిమాసియా ఉద్రిక్తతల నేపథ్యంలో ఇరాన్‌తో ఏమైనా సంబంధముందా? అన్న ప్రశ్నలకు ఇంకా పూర్తిస్థాయి సమాధానాలు రావాల్సి ఉంది. 🚨✈️ TERROR EN EL AIRE El vuelo Flydubai FZ1073 (Dubái–Tel Aviv) con 180 pasajeros, entre ellos unos 30 niños. El copiloto @puñ@l0 al capitán en cabina, pasajeros israelíes y tripulación consiguieron entrar, reducir al copiloto y estabilizar el avión#Internacional pic.twitter.com/fKUM3oHdmh— Crónica NLD (@CronicasLDN) September 30, 2026ఇదీ చదవండి: నువ్వు రియల్‌ హీరో బ్రో.. భారత పైలట్‌పై ప్రశంసల జల్లు

మయన్మార్ సరిహద్దులోని అరుణాచల్ ప్రదేశ్‌లోని చంగ్లాంగ్ జిల్లాలో తిరుగుబాటులు దాడికి తెగబడ్డారు. ఈ దాడిలో అస్సామ్ రైఫిల్స్ జవాన్ ప్రాణాలు కోల్పోగా, మరో నలుగురు గాయపడ్డారు.సరిహద్దు కంచె (border-fencing) పనులు జరుగుతున్న ప్రాంతంలో 21వ అస్సామ్ రైఫిల్స్ జవాన్లు పెట్రోలింగ్ నిర్వహిస్తుండగా ఉదయం 6:30 గంటలకు ఈ దాడి జరిగింది. వీర మరణం పొందిన సైనికుడిని ఏళ్ల హవిల్దార్ జంఖోకై కుకీ (42)గా గుర్తించారు. గాయపడిన సైనికులకు సైనిక ఆసుపత్రిలో చికిత్స అందిస్తున్నారు.ప్రాథమిక సమాచారం ప్రకారం,ఈశాన్య భారతదేశం, యన్మార్ సరిహద్దు ప్రాంతాలలో క్రియాశీలంగా ఉన్న ఒక నిషేధిత నాగా వేర్పాటువాద సంస్థ ఎన్‌ఎస్‌సిఎన్ కే-వైఏ (NSCN K-YA) వర్గానికి చెందిన తిరుగుబాటుదారులు ఈ దాడి చేసినట్లు తెలుస్తోంది.తిరుగుబాటుదారులను మట్టుబెట్టడానికి భద్రతా దళాలు ఆ ప్రాంతంలో ఆపరేషన్ ప్రారంభించాయని అధికారులు తెలిపారు. ఆ ప్రాంతంలో పనిచేస్తున్న తిరుగుబాటు గ్రూపుల కదలికల కారణంగా చాంగ్లాంగ్ జిల్లాలోని భారత్-మయన్మార్ సరిహద్దు ప్రాంతంలో ఆందోళన నెలకొంది. ఇదీ చదవండి: సియా మాజీ లవర్‌ వెలుగులోకి : ఫ్రెండ్‌ చెప్పిన షాకింగ్‌ విషయాలుTRIBUTE TO OUR BRAVEHEARTLt Gen Vikas Lakhera, AVSM, SM, Director General Assam Rifles & All Ranks of Assam Rifles pay solemn tribute to Hav Jangkhokai Kuki who made the supreme sacrifice in the line of duty at Changlang, Arunachal Pradesh on 29 Sep 2026 and offer deep… pic.twitter.com/tcNVm7p7H4— The Assam Rifles (@official_dgar) September 29, 2026

పూణే: మహారాష్ట్రలోని పుణేలో మాజీ వైద్యాధికారి డాక్టర్ విద్యాధర్ గైక్వాడ్‌పై దాడి, బెదిరింపుల కేసులో ‘బిగ్‌బాస్ మరాఠీ’ నటి, రీల్ స్టార్ దివ్యా షిండేపై ఫిర్యాదు నమోదైంది. రూ.5 లక్షలు ఇవ్వాలని డిమాండ్ చేస్తూ తనను బెదిరించారని, అనంతరం 10 మంది తన ఇంట్లోకి చొరబడి దాడి చేశారని వైద్యుడు ఆరోపించారు. పుణే కంటోన్మెంట్ బోర్డు మాజీ చీఫ్ మెడికల్ ఆఫీసర్ డాక్టర్ విద్యాధర్ గైక్వాడ్ ఫిర్యాదు ప్రకారం.. ఆగస్టు నుంచి కొందరు వ్యక్తులు ఆయనకు ఫోన్ చేసి రూ.5 లక్షలు ఇవ్వాలని డిమాండ్ చేశారు. ఓ కార్యక్రమాన్ని ప్రమోట్ చేయడానికి ఆ మొత్తాన్ని చెల్లించాలని కోరినట్లు ఫిర్యాదులో పేర్కొన్నారు.సెప్టెంబర్ 17న దివ్యా షిండే కొందరితో కలిసి తన ఇంటికి వచ్చిందని గైక్వాడ్ ఆరోపించారు. ఆ తర్వాత సెప్టెంబర్ 23న తనను ఓ హోటల్‌కు పిలిపించి మరోసారి డబ్బులు డిమాండ్ చేశారని తెలిపారు. డబ్బులు ఇవ్వకపోతే ఇంటికి గూండాలను పంపి కొడతామని బెదిరించినట్లు ఫిర్యాదులో పేర్కొన్నారు. సెప్టెంబర్ 24 రాత్రి దివ్యా షిండేతో పాటు 10 మంది బలవంతంగా తన ఇంట్లోకి ప్రవేశించారని వైద్యుడు ఆరోపించారు. అనంతరం తనపై దాడి చేశారని తెలిపారు. ముఖం, పొట్ట, వీపుపై పిడిగుద్దులు కొడుతూ, కాళ్లతో తన్నారని ఫిర్యాదులో పేర్కొన్నారు.దాడి సమయంలో పదునైన ఆయుధాలు, కర్రలు, బెల్టులు, ఇనుప వస్తువులను కూడా ఉపయోగించారని గైక్వాడ్ ఆరోపించారు. తాను పక్షవాతంతో బాధపడుతున్నానని చెప్పి, వదిలేయాలని వేడుకున్నప్పటికీ దాడి ఆపలేదని పేర్కొన్నారు. ఈ ఘటనలో ఆయన తలకు తీవ్ర గాయం కాగా కుట్లు వేయాల్సి వచ్చిందని సమాచారం. వైద్యుడిపై దాడి చేసిన అనంతరం ఇంట్లోని వస్తువులను ధ్వంసం చేశారని, రూ.5 లక్షలు వసూలు చేయడంలో విఫలమైన తర్వాత ఆయన కారును తీసుకెళ్లారని ఫిర్యాదులో పేర్కొన్నారు. దివ్యా షిండే, అన్నా ధమ్ధేరేతో పాటు మరో ఏడుగురిపై కాలేపాడల్ పోలీసులు వివిధ సెక్షన్ల కింద కేసు నమోదు చేశారు. దివ్యా షిండే ఈ ఏడాది ‘బిగ్‌బాస్ మరాఠీ 6’లో పాల్గొన్నారు. రెల్స్ ద్వారా ఆమెకు గుర్తింపు వచ్చింది.ఇదీ చదవండి: అగాధం అంచున ప్రపంచం: జైశంకర్ హెచ్చరిక!

పశ్చిమ బెంగాల్‌లోని హుగ్లీ జిల్లా ఉత్తరపారాలో తృణమూల్ కాంగ్రెస్ (TMC) ఎమ్మెల్యే, పార్టీ అధికార ప్రతినిధి కునాల్ ఘోష్ కారుపై శనివారం దాడి జరిగింది. శ్రీరామ్‌పూర్‌లో మాజీ ముఖ్యమంత్రి మమతా బెనర్జీ నిర్వహించ తలపెట్టిన బహిరంగ సభకు వెళుతుండగా ఈ ఘటన చోటుచేసుకుంది. ఈ దాడికి సంబంధించిన వీడియో నెట్టింట వైరల్‌గా మారింది. ఇది బీజేపీ గూండాల పని అని కునాల్‌ ఆరోపించారు.సెరంపూర్‌లో మమతా ర్యాలీకి హాజరయ్యేందుకు వెళ్తుండగా, హుగ్లీ జిల్లాలోని ఉత్తరపారా వద్ద ఆయన కారుపై దాడి జరిగింది. కొందరు వ్యక్తులు ఘోష్ వాహనాన్ని చుట్టుముట్టి నినాదాలు చేశారు. కొందరు కారును కొట్టారు, గుడ్లు విసిరారు, వెనుక విండ్‌షీల్డ్‌ను పగలగొట్టారు. ఘోష్ కోల్‌కతాకు తిరిగి వెళ్లాల్సి వచ్చింది. కర్రలు, రాడ్లు, నల్లటి పోస్టర్లతో వచ్చిన ఒక గుంపు తన కారును అడ్డగించి, రాళ్లు, గుడ్లతో దాడి చేసిందని కునాల్ ఘోష్ ఆరోపించారు. ఈ దాడిలో కారు ముందు, వెనుక అద్దాలు ధ్వంసమయ్యాయని ఆరోపించారు. సంఘటనా స్థలంలో ఒక్క పోలీసు కూడా లేకపోవడాన్ని ఆయన తప్పుబట్టారు. రాష్ట్ర పోలీసు ప్రధాన కార్యాలయానికి (భవానీ భవన్) నేరుగా వెళ్లి ఈ ఘటనపై ఫిర్యాదు చేస్తానని ఆయన పేర్కొన్నారు. West Bengal: TMC MLA Kunal Ghosh says that eggs were hurled at his car and a group of people attacked the car while he was going to Serampore, Hooghly, for a rally of former CM Mamata Banerjee. (Video Source: Kunal Ghosh) pic.twitter.com/H4i9ICHOIe— Shakeel Yasar Ullah (@yasarullah) September 26, 2026 మరోవైపు ఈ దాడి వెనుక బీజేపీ కార్యకర్తలు ఉన్నారని కునాల్ ఘోష్ ఆరోపణలు బీజేపీ ఖండించింది. స్థానిక తృణమూల్ ఎంపీ కల్యాణ్ బెనర్జీ వర్గీయులపనే ఈ దాడి జరిగి ఉండొచ్చని బీజేపీ ప్రతినిధి దేబ్జిత్ సర్కార్ తిప్పికొట్టారు.

కొరియోగ్రాఫర్ జానీమాస్టర్‌ భార్య సుమలత పోలీసులను ఆశ్రయించారు. తనపై కొందరు డ్యాన్సర్లు దాడికి పాల్పడ్డారంటూ ఆరోపిస్తూ బంజారాహిల్ పోలీసులకు ఫిర్యాదు చేశారు. రఘు మాస్టర్ తరఫున లేడీ డాన్సర్స్ తనను కొట్టారని ఫిర్యాదులో పేర్కొంది. అయితే మినిట్స్ బుక్ విషయంలో గొడవ మొదలైనట్లు తెలుస్తోంది. సుమలత దౌర్జన్యంగా మినిట్స్ బుక్ లాక్కోవడంతో అడ్డుకున్నామని రఘు మాస్టర్ వర్గం లేడీ డాన్సర్స్ చెబుతున్నారు. ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది.కాగా.. ఇవాళ ఫిల్మ్ ఫెడరేషన్‌ సంచలన నిర్ణయం తీసుకుంది. సుమలత కార్యవర్గాన్ని పూర్తిగా రద్దు చేసింది. ఆమెకు మెజారిటీ డ్యాన్సర్స్ మద్దతు లేకపోవడంతో సుమలత వర్గాన్ని తొలగించారు. దీంతో తెలుగు సినీ డ్యాన్సర్స్ అసోసియేషన్ అధ్యక్షురాలిగా సుమలత తన పదవిని కోల్పోయింది. ఈ నిర్ణయంతో మళ్లీ ఎన్నికలు జరగనున్నాయి.సుమలత, రఘు మాస్టర్ సభ్యులతో ఫిల్మ్ ఫెడరేషన్ సమావేశమైంది. ఈ మీటింగ్‌కు మొత్తం 225 మంది డాన్సర్స్ హాజరయ్యారు. ఈ భేటీలో సుమలతకు కేవలం 11 మంది మాత్రమే మద్దతుగా నిలిచారు. రఘు మాస్టర్‌కు 214 మంది మద్దతు ప్రకటించడంతో సుమలత కార్యవర్గాన్ని రద్దు చేస్తూ నిర్ణయం తీసుకున్నారు. వచ్చేనెల అక్టోబర్‌ 11న డాన్సర్స్ అసోసియేషన్ ఎన్నికలు నిర్వహిస్తామని సమావేశంలో వెల్లడించారు.

కనగానపల్లి(చెన్నేకొత్తపల్లి): ఉమ్మడి అనంతపురం జిల్లాలో టీడీపీ నేత జేసీ ప్రభాకర్‌రెడ్డి అనుచరులు బరితెగిస్తున్నారు. సోమవారం తాడిపత్రి నియోజకవర్గం పెదపప్పూరు మండలం వరదాయపల్లికి చెందిన వైఎస్సార్‌సీపీ కార్యకర్త బెస్త వెంకటేశులుపై వేటకొడవళ్లతో దాడి చేసి హత్యాయత్నానికి పాల్పడ్డారు. ఈ సంఘటన శ్రీ సత్య­సాయి జిల్లా చెన్నేకొత్తపల్లి వద్ద చోటుచేసుకుంది. బాధితుడి కుటుంబ సభ్యులు తెలిపిన వివరాల మేరకు.. వరదాయపల్లి మాజీ సర్పంచ్‌ వెంకటరాముడు కుమారుడు బెస్త వెంకటేశులు చెన్నేకొత్తపల్లిలో కౌలుకు తీసుకుని అరటి తోట సాగు చేస్తున్నాడు. జేసీ వర్గీయులతో ఉన్న రాజకీయ తగాదాల కారణంగా కొంత కాలంగా ఇక్కడే నివాసం ఉంటున్నాడు. వెంకటేశులు చెన్నేకొత్తపల్లి సమీపంలోని టీ స్టాల్‌ వద్ద ఒంటరిగా ఉండగా, ముసుగులు ధరించి వచ్చిన ఐదుగురు వ్యక్తులు వేటకొడవళ్లతో దాడి చేశారు. కాలు, తలపై నరికారు. తీవ్రంగా గాయపడిన వెంకటేశులును 108 వాహనంలో అనంతపురం ప్రభుత్వ ఆస్పత్రికి తరలించారు. తర్వాత మెరుగైన చికిత్స కోసం బెంగళూరు తీసుకెళ్లారు.

సాక్షి, అమరావతి: రెడ్‌బుక్‌ రాజ్యాంగం అమలు చేయడానికి అధికారంలోకి వచ్చాక చంద్రబాబు తనయుడు లోకేశ్‌ రౌడీ­లు, గూండాలతో ఓ ప్రైవేటు సైన్యాన్ని తయా­రు చేసుకున్నారు. తమ ప్రభుత్వం చేసే తప్పులను ఎత్తి చూపుతూ, వాస్తవాలను వెలుగులోకి తెచ్చే పత్రికలపైన, తమ అవినీతిని అక్రమాలను ప్రశ్నిస్తున్న ప్రతిపక్ష పార్టీలపైనా వారిని ప్ర­యోగిస్తున్నారు. మెగా డీఎస్సీలో జరిగిన కుంభ­కోణంపై సీబీఐ విచారణ చేపట్టాలని డిమాండ్‌ చేస్తూ సోమ­వారం వైఎస్సార్‌సీపీ శ్రేణులు, నిరుద్యోగులు శాప్‌ కార్యాలయం వద్ద చేపట్టిన నిరసన ర్యాలీ, ధర్నా కార్యక్రమాలను అడ్డుకున్న ఆ బ్యాచ్, గతంలో సాక్షి పత్రిక కార్యాలయంపై దాడులకు తెగబడ్డ దుండగులు ఒక్కరేనని తేలింది. నాడు విజయవాడ ఆటోనగర్‌లోని సాక్షి ప్రధాన కార్యాలయంపై దాడిచేసిన టీడీపీ రౌడీలు నేమ్‌ బోర్డును సైతం పెకిలించారు. వారే ఇప్పుడు డీఎస్సీపై జరుగుతున్న ఆందోళనలను అడ్డుకోవడానికి రంగంలోకి దిగారు. సా­క్షిపై జరిగిన దాడులకు సంబంధించిన ఫొటోల్లోను, డీఎస్సీ నిరసనలపై జరిగిన దాడులకు సంబంధించిన ఫొటోల్లోను వారు స్పష్టంగా కనిపిస్తున్నారు. దారినపోయే వాళ్లమంటూ బుకాయింపు ఉద్దేశపూర్వకంగానే వైఎస్సార్‌సీపీ శ్రేణులతో గొడవ పెట్టుకుని, ఘర్షణకు పాల్పడ్డారు. ‘అసలు మీరు ఎవరు? మీకు, ఈ ఆందోళన కార్యక్రమానికి ఏమిటి సంబంధం? ఎక్కడి నుంచి వచ్చారు?’ అని శాప్‌ కార్యాలయం గేటు వద్ద సాక్షి ప్రతినిధి వారిని ప్రశ్నించారు. అయితే తాము రోడ్డు మీద వెళుతూ శాప్‌ కార్యాలయం వద్ద జరుగుతున్న ఆందోళనను చూసి వచ్చామని, తమ అభిమాన నాయకుడు లోకేశ్‌ను కొందరు దూషిస్తుంటే చూసి తట్టుకోలేక అడ్డుకున్నామని వారు బుకాయించారు.కానీ అంతకుముందే ఈ గూండాలు డీఎస్సీ అభ్యర్థులను స్టేడియం గేటు నుంచి సురక్షితంగా లోపలికి పంపిస్తూ కనిపించారు. పోలీసులు వీరికి రాచమర్యాదలు చేశారు. సాక్షాత్తు షాడో పోలీసుల్లా ప్రతిచోటా లా అండ్‌ ఆర్డర్‌ను వారే తమ చేతుల్లోకి తీసుకున్నారు. వారు అనుకున్నది పూర్తయిన తరువాత.. అప్పటికే వైఎస్సార్‌సీపీ శ్రేణులు భారీగా చేరుకోవడం చూసి, పోలీసులే దగ్గరుండి ఈ ప్రైవేటు గూండాలందరినీ జాగ్రత్తగా అక్కడి నుంచి పంపించేశారు.

టెహ్రాన్‌: ఇరాన్‌ సంచలన ప్రకటన చేసింది. దక్షిణ ఇరాన్‌లోని బందర్ అబ్బాస్ ఓడరేవుపై అమెరికా పెద్ద ఎత్తున దాడి చేసిందని తెలిపింది. ఈ దాడిలో భారీగా ఆస్తి ప్రాణ నష్టం జరిగినట్లు ప్రకటించింది. అమెరికా క్షిపణుల అటాక్‌లో 12 మంది మరణించగా, ఏడుగురు గాయపడ్డారని పేర్కొంది. అదే విధంగా 760 వరకూ వాణిజ్య నౌకలు దెబ్బతిన్నాయని తెలిపింది. దీంతో పరిస్థితులు ఉద్రిక్తంగా మారాయి.ఇరాన్‌ అధికారి తన ప్రకటనలో "అమెరికా దాడుల్లో 12 మంది మరణించగా, ఏడుగురు గాయపడ్డారు. 420 చేపల వేట నౌకలు (వీటిలో సుమారు 70 సాంప్రదాయ ధోలు, 350 చిన్న పడవలు ఉన్నాయి) 340 వాణిజ్య నౌకలు దెబ్బతిన్నాయి". అని న్యాయవ్యవస్థ ప్రతినిధి అలీ కజెమీ ప్రకటన విడుదల చేశారు. అయితే దీనిని అమెరికా ఇంకా అధికారికంగా ధృవీకరించలేదు.అయితే ఈ దాడులు ఎప్పుడు జరిగాయి, బాధ్యులను గానీ కజెమీ స్పష్టం చేయలేదు. అంతర్జాతీయ మానవతా చట్టం ప్రకారం విచక్షణ, అనుపాతం, ముందుజాగ్రత్త వంటి సూత్రాలను దాడి చేసినవారు ఉల్లంఘించారని ఆయన పేర్కొన్నారు. దీనిపై అధికారులు ఫిర్యాదులను నమోదు చేసుకుంటున్నారని, దాదాపు 300 నౌకల నష్ట వివరాల అంచనా పూర్తయ్యిందని పేర్కొన్నారు.పశ్చిమాసియాలో మళ్లీ ఉద్రిక్తతలుకాగా అమెరికా-ఇరాన్ మధ్య ఉద్రిక్తతలు మరోసారి తీవ్ర స్థాయికి చేరుకున్నాయి. ఈ నేపథ్యంలోనే అమెరికా తమ దేశ పౌరులకు కీలక ఆదేశాలు జారీ చేసింది." ఏ కారణంతోనూ ఇరాన్‌కు వెళ్లొద్దు. అక్కడున్న అమెరికా పౌరులు ఇప్పుడే ఇరాన్‌ నుంచి బయిటకు వచ్చేయండీ" అని ప్రకటన విడుదల చేసింది. ఇరాన్‌లో భద్రతా పరిస్థితులు సంక్షిష్టంగా మారుతున్నాయని హెచ్చరించింది.అదే విధంగా అక్కడి నిరసనలకు, భారీ జన సమూహాలకు దూరంగా ఉండాలని అమెరికాతో బహిరంగంగా అనుబంధం ఉన్న ప్రాంతాలలో తక్కువ ప్రొఫైల్‌ పాటించాలని పేర్కొంది. వైమానిక దాడులు జరిగితే కిటీకీలు, అద్దాలు తలుపులకు దూరంగా ఉండాలని సూచించింది. ఈ నేపథ్యంలో అమెరికా మరోసారి ఇరాన్‌పై పెద్దఎత్తున దాడులకు తెగబడుతుందా అనే ఆందోళనలు సర్వత్రా నెలకొన్నాయి.

ఇస్లామాబాద్‌:పాకిస్థాన్‌ మరోసారి రక్తసిక్తమయ్యింది. అక్కడి సైనిక కాన్వాయిపై ఉగ్రవాదులు దాడి చేశారు. ఈ దాడిలో నలుగురు సైనికులు మృతిచెందారు. మరో ముగ్గురు గాయపడ్డారు. అయితే ఈ ప్రమాదంపై పూర్తి సమాచారం తెలియాల్సి ఉంది.

సాక్షి ప్రతినిధి, భద్రాద్రి కొత్తగూడెం: పది మంది మావోయిస్టులకు మరణ శిక్ష విధిస్తూ నేషనల్‌ ఇన్వెస్టిగేషన్‌ ఏజెన్సీ (ఎన్‌ఐఏ) ప్రత్యేక కోర్టు సంచలన తీర్పు ఇచ్చింది. దేశవ్యాప్తంగా సంచలం సృష్టించిన జిరాంఘాటీ దాడి కేసులో ఈ తీర్పు వెలువరించింది. 2013 మే 25న కాంగ్రెస్‌ నేతలు భారీ కాన్వాయ్‌తో ఛత్తీస్‌గఢ్‌లోని సుక్మా జిల్లా దర్భ లోయలో ఎన్నికల ప్రచారానికి వెళ్లారు. జిరామ్‌ ఘాటీలో ఈ కాన్వాయ్‌పై మావోయిస్టులు మెరుపుదాడి చేశారు. ఈ ఘటనలో మొత్తం 27 మంది చనిపోగా, 35 మంది తీవ్రంగా గాయపడ్డారు. మృతుల్లో కాంగ్రెస్‌ అగ్రనేతలైన పీసీసీ చీఫ్‌ నందకుమార్‌ పటేల్, మాజీ కేంద్రమంత్రి విద్యాచరణ్‌ శుక్లా, సల్వాజుడుం సృష్టికర్త మహేంద్రకర్మతో పాటు పోలీసులు, భద్రతా సిబ్బంది ఉన్నారు. ఏళ్ల విచారణ జిరామ్‌ ఘాటీ ఘటనపై ఐపీసీ, సాయుధ చట్టం, పేలుడు పదార్థాల చట్టం, ఉపా చట్టాల్లోని 24 సెక్షన్ల కింద కేసులు నమోదయ్యాయి. విచారణను ఎన్‌ఐఏ చేపట్టింది. వెనువెంటనే సమీప ప్రాంతాల్లో గాలింపు చేపట్టగా, మావోయిస్టు పార్టీకి సంబంధించిన కిందిస్థాయి దళ సభ్యులు, కార్యకర్తలను పదుల సంఖ్యలో అరెస్ట్‌ చేశారు. ఆ తర్వాత తొమ్మిది మందిని నిందితులుగా పేర్కొంటూ తొలి చార్జ్‌ïÙట్‌ను 2014 సెప్టెంబర్‌ 25న దాఖలు చేసింది. దీనికి అదనంగా మరో 30 మందిని చేరుస్తూ మలి చార్జ్‌షిట్‌ను 2015 సెపె్టంబర్‌ 28న దాఖలు చేసింది. అప్పటి నుంచి విచారణ కొనసాగుతోంది. మొత్తంగా 101 మంది సాక్షులను విచారించి, 11 మందిని ఈనెల 5న కోర్టు దోషులుగా ప్రకటించింది. వీరికి విధించిన శిక్ష వివరాలను జగ్‌దల్‌పూర్‌లో ఎన్‌ఐఏ ప్రత్యేక కోర్టు బుధవారం వెల్లడించింది. మరణశిక్షపై 30 రోజుల్లోగా హైకోర్టులో అప్పీలు చేసుకోవచ్చని తెలిపింది. మరణశిక్ష పడ్డ మావోయిస్టులు జిరామ్‌ ఘాటీ కేసులో మొడియం ప్రమీల, చైతూ లేకం అలియాస్‌ మున్నా, సుమితా, ముక్కా మడ్వి, కోసా కవాసీ, ఆయటామక్రం, మడకం దేవా, జోగా మడ్‌కమీ, బంజామి సన్నా, మహదేవ్‌ ఉన్నారు. కోర్టు దోషులుగా తేలి్చన మరో మావోయిస్టు జ్యుడీషియల్‌ కస్టడీలో ఉన్నప్పుడు మరణించాడు. విభిన్న స్పందనలు ఎన్‌ఐఏ కోర్టు ఇచ్చిన తీర్పును ఛత్తీస్‌గఢ్‌ సీఎం విష్ణుదేవ్‌సాయ్, హోంమంత్రి విజయ్‌శర్మ న్యాయం గెలిచినట్టుగా అభివరి్ణంచారు. జిరామ్‌ఘాటీ లాంటి అనేక దారుణమైన హింసాత్మక ఘటనలకు గతంలో మావోయి స్టులు పాల్పడ్డారని, ఆ చేదు జ్ఞాపకాలు ఇప్ప టికీ వెంటాడుతున్నాయన్నారు. ఈ తీర్పు న్యాయవ్యవస్థపై నమ్మకం పెంచిందన్నారు. ఇదే సమయాన కాంగ్రెస్‌ పార్టీ భిన్నంగా స్పందించింది. మావో అగ్రనేతల సూచనలు లేకు ండా జిరామ్‌ఘాటీ లాంటి ఘటనలు చోటు చేసుకోవని, పైస్థాయి మావోయిస్టులను వదిలేసి కేవలం కింది స్థాయి వారిని అరెస్ట్‌ చేసి, వారికే మరణ శిక్ష విధించారని పేర్కొంది. తద్వారా ఘటనలో చనిపోయిన వారి ఆత్మలు శాంతించవంది. తమ యాత్రకు సరైన భద్రత కలి్పంచలేని అప్పటి ప్రభుత్వ నిర్లక్ష్యాన్ని పక్కదారి పట్టించారని ఆరోపించింది. దీనికితోడు ఎఫ్‌ఐఆర్‌లో పేర్కొన్న కీలక నేతల పేర్లను తర్వాత ఎందుకు తొలగించారని కాంగ్రెస్‌ మాజీ సీఎం భూపేష్‌ బగేల్‌ ప్రశ్నించా రు. ఇంకా విచారణ కొనసాగుతుందన్నారు.టార్గెట్‌ మహేంద్ర కర్మ.. ప్లాన్‌ చేసింది బస్వరాజు దేశంలో ఉన్న ప్రధాన సాయుధ కమ్యూనిస్టు గ్రూపులు 2004 సెపె్టంబరు 21న సీపీఐ (మావోయిస్టు)గా ఆవిర్భవించాయి. వీరికి వ్యతిరేకంగా మాజీ ఎమ్మెల్యే స్థానిక ఆదివాసీ నేత మహేంద్రకర్మ (మహేంద్ర కల్మా) నేతృత్వంలో స్థానిక ఆదివాసీలతో సల్వాజుడుం (శాంతి దళం) 2005లో ఏర్పాటు చేశారు. సరైన శిక్షణ లేకుండానే వీరి చేతికి ఆయుధాలు ఇచ్చి మావోయిస్టు ప్రాబల్యం ఉన్న ప్రాంతాల్లోకి స్పెషల్‌ పోలీస్‌ ఆఫీసర్లుగా పంపారు. దీంతో 2005 నుంచి 2011 వరకు మావోయిస్టులు వారి సానుభూతిపరులు, సల్వాజుడుం, మద్దతుగా ఉన్న ప్రభుత్వ విభాగాల మధ్య తీవ్ర ఘర్షణ ఏర్పడింది. ఇరు వర్గాలు దాడులు చేసుకున్నాయి. గ్రామాలను తగలబెట్టారు. మహిళలు, బాలలపై విపరీతమైన హింస చోటు చేసుకుంది. చివరకు సుప్రీంకోర్టు తీర్పుతో సల్వాజుడుం 2011లో రద్దయింది. ఈ సల్వాజుడుం సృష్టికర్తగా పేరున్న మహేంద్ర కర్మ మావోయిస్టుల ప్రధాన టార్గెట్‌ అయ్యారు. దీంతో అప్పటి మావోయిస్టు పార్టీ సెంట్రల్‌ మిలిటరీ కమిషన్‌ చీఫ్‌గా ఉన్న నంబాల కేశవరావు అలియాస్‌ బస్వరాజ్‌ నేతృత్వంలో దాడికి వ్యూహ రచన జరిగింది. 200 మందికి పైగా మావోయిస్టులు ఈ దాడిలో పాల్గొన్నారు. జిరామ్‌ ఘాటీలో ఇరుకైన మూలమలుపు దగ్గరకు రాగానే ముందుగా ల్యాండ్‌మైన్‌ పేల్చారు. కాన్వాయ్‌ ఆగిపోగానే ఒక్కసారిగా నలువైపుల నుంచి తూటాల వర్షం కురిపించారు. మహేంద్ర కర్మను వాహనం నుంచి బయటకు లాగి గొడ్డళ్లతో నరికారు. అప్పుడు కేంద్రంలో కాంగ్రెస్‌ అధికారంలో ఉన్న సమయాన ఛత్తీస్‌గఢ్‌ పీసీసీ చీఫ్‌తోపాటు మాజీ కేంద్ర మంత్రి చనిపోవడంతో కేసు సంచలనంగా మారింది. ఎఫ్‌ఐఆర్‌లో ఇటీవల కాలంలో లొంగిపోయిన, ఎన్‌కౌంటర్లలో చనిపోయిన కొందరు అగ్రనేతల పేర్లు ఉన్నాయి. తర్వాత కాలంలో ఆ పేర్లు లేకుండా పోయాయి. బస్తర్‌లో మారిన పరిస్థితులకు ఈ కేసు ఓ ఉదాహరణగా నిలిచింది.

రియాద్‌: సౌదీ అరేబియా దక్షిణ ప్రాంతంలో హౌతీ తిరుగుబాటుదారులు వరుసగా క్షిపణులు, డ్రోన్లతో జరిపిన మెరుపు దాడుల్లో 13 మంది పౌరులు గాయపడ్డారు. దీంతో యెమెన్‌కు చెందిన హౌతీలపై గట్టిగా స్పందిస్తామని సౌదీ అరేబియా మంగళవారం హెచ్చరించింది. ప్రాంతీయంగా నెలకొన్న ఘర్షణల నేపథ్యంలో ఈ పరిణామం ఉద్రిక్తతలను మరింతగా పెంచింది.ఇరాన్‌కు అనుకూలంగా ఉన్న హౌతీలు బాలిస్టిక్ క్షిపణులు, డ్రోన్లను ఉపయోగించి సౌదీ అరేబియా దక్షిణ ప్రాంతంలోని పలు ప్రాంతాలను లక్ష్యంగా చేసుకున్నట్లు సమాచారం. ఈ దాడుల్లో 13 మంది పౌరులు గాయపడినట్లు అధికారులు తెలిపారు. దీనిపై సౌదీ ప్రభుత్వం తీవ్రంగా స్పందించింది. యెమెన్‌లో అంతర్యుద్ధం జూలైలో తీవ్రరూపం దాల్చినప్పటి నుంచి సౌదీ మద్దతున్న ప్రభుత్వ దళాలు, హౌతీల మధ్య పోరాటం కొనసాగుతోంది. రియాద్‌పై సముద్ర దిగ్బంధాన్ని ప్రకటించిన హౌతీలు.. ఎర్ర సముద్రంలో ప్రయాణించే నౌకలను లక్ష్యంగా చేసుకోవడం ప్రారంభించారు.గత వారం హౌతీలు యెమెన్‌లోని ఎర్ర సముద్ర తీర ప్రాంతంతో పాటు బాబ్ అల్-మందబ్ జలసంధిపై పట్టు సాధించారు. కొనసాగుతున్న అమెరికా-ఇరాన్ యుద్ధం కారణంగా హోర్ముజ్ జలసంధి మార్గంలో రాకపోకలు తీవ్రంగా ప్రభావితమవుతున్న సమయంలో ఈ పరిణామం చోటుచేసుకుంది. ఇది యెమెన్ ప్రభుత్వ దళాలకు ఎదురుదెబ్బగా మారింది. ప్రపంచంలోనే ప్రముఖ ముడిచమురు ఎగుమతిదారైన సౌదీ అరేబియాలోని చమురు మౌలిక సదుపాయాలను హౌతీలు లక్ష్యంగా చేసుకున్నారు. ఇదీ చదవండి: హిందీలో ఎంబీబీఎస్‌.. నాలుగేళ్ల తర్వాత దిమ్మతిరిగే రిజల్ట్‌!

వాషింగ్టన్‌ డీసీ: సెప్టెంబర్‌ 11 ఈరోజు గుర్తుకొస్తే చాలు అమెరికన్లు ఒక్కసారిగా ఉలిక్కిపడుతారు. రెండు విమానాలను హైజాక్‌ చేసి ట్విన్‌ టవర్స్‌ను ఢీకొట్టడంతో వేల సంఖ్యలో ప్రజలు మృతి చెందారు. అందుకే ఆ దేశ చరిత్రలోనే అత్యంత భయానక ఉగ్రదాడిగా సెప్టెంబర్‌ 11ను అభివర్ణిస్తారు. అయితే ఆ దాడికి సరిగ్గా రెండురోజుల ముందు ఆల్‌ఖైదా సభ్యులు చేసిన పనిపై అమెరికన్‌ మీడియా సంచలన కథనం ప్రచురించింది.అఫ్గానిస్థాన్‌లో తాలిబన్లకు బలమైన ప్రత్యర్థిగా ఉన్న అహ్మద్ షా మసూద్‌ను ఆల్‌ఖైదా సభ్యులు 2001 సెప్టెంబర్ 9న హత్య చేశారు. అమెరికాలో సెప్టెంబర్ 11 ఉగ్రదాడులు జరగడానికి సరిగ్గా రెండు రోజుల ముందు ఈ హత్య చోటుచేసుకుంది. తాలిబన్లకు ఆశ్రయం కల్పిస్తున్న సమయంలో, వారికి అనుకూలంగా ఒసామా బిన్ లాడెన్ ఈ హత్యను చేయించినట్లు కథనాలు ప్రచురితమయ్యాయి.న్యూస్‌ వీక్‌ కథనం ప్రకారం.. "అఫ్గానిస్థాన్‌లోని నార్తర్న్ అలయన్స్‌కు నాయకత్వం వహించిన మసూద్.. పంజ్‌షీర్ లోయలోని తన శిబిరంలో ఇద్దరు వ్యక్తులతో మాట్లాడుతుండగా హత్యకు గురయ్యారు. వారిద్దరూ బెల్జియం టెలివిజన్‌కు చెందిన జర్నలిస్టులుగా పరిచయం చేసుకున్నారు. భద్రతా తనిఖీలను దాటి వారు మసూద్‌ను కలిశారు. అయితే, వారు తీసుకొచ్చిన వీడియో కెమెరాలో పేలుడు పదార్థాలను దాచి అనంతరం మసూద్‌ను కలిసిన సమయంలో ఆత్మాహుతి దాడి చేసి అతనిని అంతమెుందించారు. అయితే మసూద్ మరణాన్ని నార్తర్న్ అలయన్స్ అధికారికంగా సెప్టెంబర్ 15 వరకు బహిరంగంగా ధ్రువీకరించలేదు" అని కథనాలు ప్రచురితమయ్యాయి.ఈ హత్య ఎందుకు చేశారు?తాలిబన్లకు వ్యతిరేక పోరాటంలో మసూద్ కీలక వ్యక్తిగా ఉన్నారు. ఉత్తర అఫ్గానిస్థాన్‌లో ఆయన ఒక తిరుగుబాటు నెట్‌వర్క్‌ను నిర్మించారు. తాలిబన్లు దేశంపై నియంత్రణ సాధించే క్రమంలో ఆయన వారికి ప్రధాన సవాలుగా నిలిచారు. అంతేకాకుండా, ఆయన నాయకత్వం, ప్రజాదరణ తాలిబన్లను వ్యతిరేకించే వర్గాలకు ఆయనను అత్యంత ముఖ్యమైన నాయకుడిగా మార్చాయని. న్యూస్‌ వీక్‌ రాసుకొచ్చింది.అయితే ఈ నేపథ్యంలోనే బిన్ లాడెన్‌కు మసూద్ నుంచి ముప్పు ఉందని లాడెన్‌ భావించినట్లు కథనాలు పేర్కొన్నాయి. తాలిబన్లు, అల్‌ఖైదాకు వ్యతిరేకంగా జరిగే పోరాటంలో మసూద్ కీలక పాత్ర పోషించే అవకాశం ఉండటంతో.. ఆయనను లేకుండా చేయడం బిన్ లాడెన్, అతని మిత్రులకు ప్రయోజనకరంగా ఉంటుందని భావించారు. ఈ నేపథ్యంలోనే సెప్టెంబర్‌ 9 దాడుల తర్వాత అమెరికా తనపై జరపబోయే దాడులను ముందుగానే ఊహించిన నేపథ్యంలోనే మసూద్‌ను అంతమెుందించారని కథనాలు పేర్కొన్నాయి.బిన్ లాడెన్ హత్యసెప్టెంబర్ 11 దాడుల అనంతరం, అమెరికా తన కొత్త ఉగ్రవాద వ్యతిరేక చర్యల్లో పాకిస్థాన్ సహకారం కోసం ఒత్తిడి పెంచింది. ఈ నేపథ్యంలో మహ్మూద్ అహ్మద్ అమెరికా అధికారులను కలిశారు. అమెరికా దళాలు కూడా కొద్దికాలానికే పాకిస్థాన్ భూభాగంలో రహస్యంగా మోహరించాయి. 2011, మే 2న అమెరికా సైనిక దళాలు పాకిస్తాన్‌లోని అబోటాబాద్‌ నగరంలో ఉన్న అతని రహస్య స్థావరంపై ఆపరేషన్ నెప్ట్యూన్ స్పియర్ పేరుతో మెరుపు దాడి చేసి అతనిని హతమార్చాయి. ఈ హత్య వివరాలను అప్పటి అమెరికా అధ్యక్షుడు బరాక్‌ ఒబామా స్వయంగా ప్రకటించారు.

జెరూసలెం పోస్ట్ ఒక సంచలన నివేదిక ప్రచురించింది. ఇజ్రాయెల్‌పై భారీ దాడికి ప్లాన్‌ చేస్తున్నట్లు పేర్కొంది. టెల్‌అవీవ్‌పై గతంలో హమాస్‌ జరిపిన అక్టోబర్ 7 తరహా దాడికంటే మరింత విస్తృతమైన, బహుముఖ దాడికి ఇరాన్ సిద్ధమయ్యే అవకాశం ఉందని తెలిపింది. ఇజ్రాయెల్ నిఘా వర్గాల అంచనాలను ఉటంకిస్తూ ఈ కథనాన్ని ప్రచురించింది. ఇజ్రాయెల్‌పై దాడికి ఇరాన్‌తో అనుబంధంగా ఉన్న ప్రాంతీయ సాయుధ సంస్థలను సమన్వయంతో ఒకేసారి రంగంలోకి దించాలని ప్రణాళిక రచిస్తోన్నట్లు పేర్కొంది. లెబనాన్‌లోని హిజ్బుల్లా, యెమెన్‌లోని హూతీలు, గాజాలోని హమాస్‌తో పాటు ఇరాక్, సిరియాల్లోని ఇరాన్ అనుకూల మిలీషియాలను ఒకేసారి ఇజ్రాయెల్‌పై దాడికి ఉపయోగించే అవకాశాన్ని ఇరాన్ పరిశీలిస్తున్నట్లు తెలిపింది. ఈ దాడి గతంలో హమాస్‌ చేసిన దాడికంటే చాలా పెద్దదిగా ఉండేలా ప్రణాళిక వేస్తున్నట్లు కథనాలు ప్రచురితమయ్యాయి.2023 అక్టోబర్ 7న హమాస్ ఇజ్రాయెల్‌పై ఆకస్మిక దాడి చేసిన సమయంలో ఇరాన్‌తో పాటు ఆ దేశానికి చెందిన ఇతర అనుకూల బలగాలు దాడులు చేయలేదు. అయితే ఈ సారి అలా కాకుండా ఇరాన్ తాజా వ్యూహం లక్ష్యంగా ఉన్నట్లు ఇజ్రాయెల్ నిఘా వర్గాలు అంచనా వేస్తున్నాయి. స్థానికంగా ఒక సంస్థ దాడి చేసి, దాని ప్రభావంతో ఇతర సంస్థలు యుద్ధంలోకి వస్తాయనే విధానానికి బదులుగా, అన్ని అనుబంధ బలగాలు ఒకేసారి దాడి ప్రారంభించేలా ముందస్తు సమన్వయం చేయాలని ఇరాన్ ప్రయత్నిస్తున్నట్లు నివేదిక తెలిపింది.ఇందులో భాగంగా ఇరాన్ ఇస్లామిక్ రివల్యూషనరీ గార్డ్ కార్ప్స్‌కు చెందిన ఖుద్స్ ఫోర్స్ ఉన్నతాధికారులు హిజ్బుల్లా, హౌతీలు, ఇరాక్‌లోని ఇరాన్ అనుకూల మిలీషియా కమాండర్లతో సమావేశాలు నిర్వహించినట్లు సమాచారం. కాన్ఫరెన్స్ కాల్స్‌తో పాటు ప్రత్యక్ష సమావేశాల ద్వారా భవిష్యత్ దాడుల సమన్వయం, కార్యకలాపాల విస్తరణపై చర్చలు జరిగినట్లు నివేదిక పేర్కొంది. హమాస్, హిజ్బుల్లా మధ్య ఇరాన్ సహకారంతో సమన్వయం పెరిగినట్లు ఇజ్రాయెల్ రక్షణ దళాలు గుర్తించినట్లు తెలుస్తోంది. ఉ‍త్తరంవైపు హిజ్బుల్లా, దక్షిణం వైపు హమాస్ తదితర బలగాల నుంచి ఒకేసారి ఒత్తిడి తీసుకురావడమే ఈ సమన్వయానికి ప్రధాన ఉద్దేశంగా భావిస్తున్నారు.అదేవిధంగా ఇరాన్ గతంలో అమెరికా, ఇజ్రాయెల్‌తో జరిగిన ఘర్షణల్లో దెబ్బతిన్న తన సైనిక సామర్థ్యాలను తిరిగి బలోపేతం చేసుకునేందుకు ప్రయత్నిస్తున్నట్లు నివేదిక పేర్కొంది. అంతేకాకుండా, ఇరాన్ అనుకూల బలగాల మధ్య సైనిక, వ్యక్తిగత సంబంధాలు మరింత బలపడటం కోసం , ఆ గ్రూపుల మధ్య సంయుక్తగా శిక్షణలు నిర్వహించడం వంటి పరిణామాలు కూడా చోటుచేసుకున్నట్లు తెలుస్తోంది. మొత్తంగా చూస్తే, ఇరాన్ తన ప్రాంతీయ మిత్ర బలగాలను విడివిడిగా కాకుండా ఒకే వ్యూహం కింద సమన్వయం చేసి, ఇజ్రాయెల్‌పై బహుముఖ ఒత్తిడి తీసుకురావడానికి ప్రయత్నిస్తున్నట్లు ఈ నివేదిక సూచిస్తోంది.అయితే ఇజ్రాయెల్‌ సైతం ఎక్కడా తగ్గే విధంగా కనిపించడం లేదు. ఇజ్రాయెల్ ప్రధాని బెంజిమిన్‌ నెతన్యాహూ సైతం ఈ అంశమై గతంలో ట్రంప్‌తోనూ విభేదించిన సంగతి తెలిసిందే. ఒకవేళ ఇరాన్‌ ఈ కథనంలో ప్రచురించినట్లు భారీ దాడికి ప్రణాళిక రచిస్తే పరిస్థితి ఇప్పటి కంటే ఎంతో ఉద్రిక్తంగా మారడం మాత్రం ఖచ్చితంగా జరుగుతుంది.

వాషింగ్టన్‌: అమెరికా కీలక ప్రకటన చేసింది. ఇరాన్‌కు చెందిన మూడు క్రూడ్ ఆయిల్ ట్యాంకర్లను ధ్వంసం చేసినట్లు ప్రకటించింది.ఇరాన్ ఇస్లామిక్ రివల్యూషనరీ గార్డ్స్‌ అమెరికా నేవీ యుద్ధ నౌకలపై బాలిస్టిక్ క్షిపణులతో దాడికి దిగడంతో ప్రతీకార దాడులు చేసినట్లు పేర్కొంది. ఈ మేరకు తన అధికారిక ఎక్స్‌ ఖాతాలో ఈ వివరాలు తెలిపింది.అమెరికా సెంట్రల్‌ కమాండ్‌ ఎక్స్‌లో పోస్ట్‌ చేస్తూ. అమెరికా ఇరాన్‌ రెచ్చగొట్టే విధంగా చేసిన దాడులను తమ విమాన వాహక నౌక, గైడెడ్-మిస్సైల్ డ్రాయర్ విజయవంతంగా తిప్పికొట్టిందని పేర్కొంది. ఖర్గ్ ద్వీపం తీరంలో, జాస్క్ సమీపంలో ఉన్న M/T డౌనీ, M/T స్టార్క్1 అనే రెండు IRGC క్రూడ్ ఆయిల్ ట్యాంకర్లను అమెరికా బలగాలు ధ్వంసం చేశాయని తెలిపింది. అలాగే ఒమన్ సముద్రంలో లోడ్ చేయకుండా ఉన్న మరో ట్యాంకర్‌పై సైతం దాడి చేసి నేలమట్టం చేశాయని పేర్కొంది. ఈ విషయమై సెంట్రల్ కమాండ్ కమాండర్ అడ్మిరల్ బ్రాడ్ కూపర్ మాట్లాడుతూ "IRGCకి మా సందేశం స్పష్టంగా ఉండాలి. మీరు మా రెండు నౌకలపై కాల్పులు జరిపితే, మేము దానికి ప్రతిగా మీ వైపు నుంచి మూడింటిపై దాడి చేస్తాం. మరింత ఎక్కువ ఆర్థిక మూల్యాన్ని విధిస్తాము" అని కూపర్ పేర్కొన్నారు. అమెరికా బలగాలను రక్షించడానికి తాము ఏ క్షణంలోనైనా వెనుకాడబోమని ఆయన స్పష్టం చేశారు.ఇదిలా ఉండగా, పర్షియన్ గల్ఫ్‌లోని ఖార్క్ ద్వీపం సమీపంలో ఉన్న ఇరాన్ ట్యాంకర్‌పై అమెరికా దాడి చేసిందని ఇరాన్‌ ధృవీకరించింది. ఈ ఘటనలో ప్రాణనష్టం ఏమీ జరగలేదని, ట్యాంకర్ సిబ్బందిని సురక్షితంగా ఖాళీ చేయిస్తున్నట్లు స్థానిక వర్గాలు పేర్కొన్నట్లు ఆ దేశ మీడియా కథనాలు ప్రచురించింది, ఇటీవల అమెరికా అధ్యక్షుడు ట్రంప్ సైతం ఖర్గ్‌కు ద్వీపానికి చెందిన ఒక AI-సృష్టించిన వీడియోను జతచేస్తూ ఖార్గ్‌ ద్వీపం "చిన్నాభిన్నం" అవుతోందని పేర్కొన్నారు.

పాక్‌ ఆర్మీకి మరో చావు దెబ్బ తగిలినట్లు తెలుస్తోంది. బలూచిస్తాన్‌ ప్రాంతంలో పాకిస్థాన్‌ ఆర్మీకి చెందిన సైనిక కాన్వాయ్‌పై భారీ దాడి చేసినట్లు బీఎల్‌ఏ ప్రకటించింది. ఈ దాడిలో 25 మంది పాకిస్థాన్‌ సైనికులు మరణించారని, రెండు సైనిక వాహనాలకు నిప్పంటించినట్లు BLA పేర్కొంది. అయితే దీనిపై పాకిస్థాన్‌ ఎటువంటి అధికారిక ప్రకటన చేయలేదు.బలూచిస్థాన్‌ ఆర్మీ తన ప్రకటనలో.. బీఎల్‌ఏ ఆర్మీ జియారత్‌ క్రాస్‌ వద్ద పాకిస్థాన్‌ ఆర్మీ కాన్వాయ్‌ను లక్ష్యంగా చేసుకున్నారని తెలిపింది. కాన్వాయ్‌లోని రెండు వాహనాలపై ధ్వంసం చేశామని అందులో ఒక ఆర్మీ ట్రక్‌ సైతం ఉన్నట్లు పేర్కొంది. ఈ దాడిలో మొదట 18 మంది సైనికులు మరణించినట్లు ప్రకటిన విడుదల చేయగా అనంతరం ఆ మరణాల సంఖ్యను 25కు పెంచుతూ సవరించింది.దాడికి సంబంధించిన దృశ్యాలుగా పేర్కొంటూ BLA తన అధికారిక మీడియా ఛానల్‌ “హక్కల్‌”లో ఈ దాడికి సంబంధించిన వీడియో చేసినట్లు తెలిపింది. ఈ వీడియోలో జియారత్‌ క్రాస్‌ వద్ద జరిగిన దాడికి సంబంధించిన దృశ్యాలు ఉన్నాయని ఆ సంస్థ పేర్కొంది. అయితే ఇది పూర్తి వీడియో కాదని, దాడికి సంబంధించిన పూర్తి వీడియోను తరువాత విడుదల చేస్తామని తెలిపింది.ఇదిలా ఉండగా, మరో వేరు ఘటనలో సురాబ్‌లోని హజికా ప్రాంతంలో పాకిస్థాన్‌ ఆర్మీ వాహనంపై దాడి చేసినట్లు BLA ప్రకటించింది. తమ “స్పెషల్‌ టాక్టికల్‌ ఆపరేషన్స్‌ స్క్వాడ్‌” (STOS) పేలుడు పదార్థాలతో నింపిన వాహనాన్ని రిమోట్‌ ద్వారా పేల్చిందని పేర్కొంది.ఈ దాడిలో ఒక ఆర్మీ వాహనం పూర్తిగా ధ్వంసమైందని, ఏడుగురు పాకిస్థాన్‌ సైనికులు మరణించారని తెలిపింది. అయితే ఈ ప్రకటనలు పూర్తిగా బీఎల్ఏ ఆర్మీ ప్రకటించినవే పాకిస్థాన్‌ దీనికి సంబంధించిన ఏటువంటి ప్రకటన చేయలేదు.

కోల్‌కతా: పశ్చిమబెంగాల్‌లో టీఎంసీ అధికారం కోల్పోయిన తర్వాత పరిస్థితులు ఏ విధంగా మారాయో ప్రత్యేకించి చెప్పాల్సిన అవసరం లేదు. టీఎంసీ నేతలపై దాడులు, ఆ పార్టీకి చెందిన నాయకుల తిరుగుబాటు, నాయకులపై కేసులు ఇలా ఆ పార్టీకి మెుత్తంగా వ్యతిరేక పవనాలు వీస్తున్నాయి. తాజాగా కోల్‌కతాలోని స్థానికంగా గల టీఎంసీ కార్యాలయంపై గుర్తు తెలియని వ్యక్తులు దాడి చేశారు. ఈదృశ్యాలు అక్కడి సీసీటీవీలలో నమోదయ్యాయి.సీసీటీవీలలో నమోదైన దృశ్యాలలో.. మాస్కులు, హెల్మెట్లు ధరించిన ధరించిన కొంతమంది వ్యక్తులు టీవీ స్క్రీన్‌లు, ప్రింటర్, ఇతర వస్తువులను తీసుకుని బయటకు నడుచుకుంటూ వెళ్తున్న దృశ్యాలు నమోదయ్యాయి. అందులోని ఫర్నిచర్ ,ఎలక్ట్రానిక్ పరికరాలు ధ్యంసమైనట్లు కనిపిస్తోంది. అయితే దాడి ఏవరు చేశారనే సంగతి మాత్రం ఇంతవరకూ తెలియలేదు. కోల్‌కతాలోని కామాక్ స్ట్రీట్‌లోని తృణమూల్ కాంగ్రెస్ కార్యాలయంలో ఈ ఘటన జరిగినట్లు ఆ పార్టీ నాయకులు తెలిపారు.కాగా ఈ ఘటనపై టీఎంసీ జాతీయ ప్రధాన కార్యదర్శి అభిషేక్ బెనర్జీ తీవ్ర ఆగ్రహం వ్యక్తం చేశారు. ఆయన మాట్లాడూతూ.." బీజేపీ కార్యకర్తలు ఆయుధాలతో తెల్లవారుజామున 4.30 గంటల ప్రాంతంలో పార్టీ కార్యాలయంలోకి చొరబడి, లోపల ఉన్న వారిపై దాడి చేసి, వారి ఫోన్లను లాక్కున్నారు. ఫర్నిచర్‌ను ధ్వంసం చేసి, ప్రాంగణాన్ని దోచుకున్నారు. దీనిని "చట్టబద్ధమైన పాలనపై జరిగిన అవమానకరమైన దాడి" అన్ని అన్నారు.అయితే పార్టీ ఆఫీసుపై దాడి జరిగిన సమయంలో కార్యకర్తలు, న్యాయవాదులు పోలీసులకు ఫోన్‌ చేసినట్పటికీ తక్షణమే స్పందించలేదని ఆగ్రహం వ్యక్తం చేశారు. ఈ దాడిలో పాల్గొన్న ప్రతి ఒక్కరినీ తక్షణమే అరెస్టు చేయాలని టీఎంసీ డిమాండ్ చేస్తుందని పేర్కొన్నారు. అయితే ఈ అంశమై రాష్ట్రంలో శాంతిభద్రతలు క్షీణించాయని వాటిపై తక్షణమే చర్యలు తీసుకోవాలని రాష్ట్రపతితో పాటు బెంగాల్ గవర్నర్‌కు టీఎంసీ లేఖ రాసింది. Attack on TMC Office in #KolkataMP Abhishek Banerjee alleged that an attack took place on the TMC office in Kolkata in the early hours of the morning. He stated that the staff were assaulted and furniture and equipment were destroyed.TMC leaders accused BJP workers of being… pic.twitter.com/WWMMx5G4qn— Siraj Noorani (@sirajnoorani) September 3, 2026

సాక్షి, సిరిసిల్ల : ఎల్లారెడ్డి పేట మండలం పదిరలో దారుణం జరిగింది. ఈ రోజు ( బుధవారం)కుటుంబ కలహాలతో భార్యపై భర్త కత్తితో దాడి చేశాడు. ఈ సమయంలో అడ్డుకోవడానికి వచ్చిన అత్తపైన దాడి చేశాడు. దీంతో భార్య అక్కడికక్కడే మృతిచెందింది. తీవ్రగాయాలైన అత్తను ఆసుపత్రికి తరలించారు. దీంతో వివరాలు తెలుసుకున్న పోలీసులు వెంటనే అక్కడికి చేరుకొని కేసు నమోదు చేసి నిందితుడిని అదుపులోకి తీసుకున్నారు.

న్యూయార్క్‌: అమెరికాలోని ప్రముఖ పర్యాటక ప్రాంతమైన న్యూయార్క్ నగరంలోని టైమ్స్‌ స్క్వేర్‌లో సోమవారం సాయంత్రం దారుణం చోటుచేసుకుంది. ఓ మహిళ విచక్షణారహితంగా కత్తితో దాడి చేయడంతో 32 ఏళ్ల మహిళ ప్రాణాలు కోల్పోగా, 68 ఏళ్ల వృద్ధుడు తీవ్రంగా గాయపడ్డాడు. అనంతరం నిందితురాలిని పోలీసులు ఘటనా స్థలంలోనే కాల్చిచంపారు.పోలీస్ కమిషనర్ జెస్సికా టిష్ వెల్లడించిన వివరాల ప్రకారం.. క్వీన్స్‌కు చెందిన 49 ఏళ్ల మహిళ తన షాపింగ్ బ్యాగ్‌లోంచి రెండు పెద్ద కత్తులను బయటకు తీసి ఈ ఘాతుకానికి పాల్పడింది. సబ్‌వే స్టేషన్ నుంచి బయటకు వచ్చి, రోడ్డు దాటేందుకు భార్యతో కలిసి వేచి చూస్తున్న 68 ఏళ్ల వ్యక్తి పొట్ట భాగంలో ఆమె మొదట కత్తితో పొడిచింది. ఆ వెంటనే మరో 32 ఏళ్ల మహిళపై దాడి చేసింది. బాధితులిద్దరినీ వెంటనే ఆస్పత్రికి తరలించగా, చికిత్స పొందుతూ 32 ఏళ్ల మహిళ మరణించింది. గాయపడిన వృద్ధుడి పరిస్థితి ప్రస్తుతం నిలకడగా ఉంది.సమాచారం అందుకున్న పోలీసులు నిందితురాలిని చుట్టుముట్టారు. చేతిలోని కత్తులను కింద పడేయాలని పోలీసులు హెచ్చరించినప్పటికీ ఆమె నిరాకరించింది. ‘నేను దేన్నీ వదలను, మీ ఇద్దరినీ చంపడానికైనా సిద్ధమే’ అంటూ వారి వైపు దూసుకురావడంతో పోలీసులు తొలుత టేజర్ ప్రయోగించి, అనంతరం కాల్పులు జరిపారు. బుల్లెట్ తగలడంతో నిందితురాలు అక్కడికక్కడే కుప్పకూలింది. నిందితురాలికి మానసిక సమస్యలు ఉన్నట్లు పోలీసు రికార్డులు చెబుతున్నాయి. అయితే ఈ ఘటన వెనుక ఎలాంటి ఉగ్రవాద కోణం లేదని కమిషనర్ స్పష్టం చేశారు. ఈ ఘటనపై న్యూయార్క్ మేయర్ జొహ్రాన్ మమ్దానీ స్పందిస్తూ, బాధిత కుటుంబాలకు సానుభూతి తెలిపారు. భద్రతా కారణాల దృష్ట్యా పోలీసులు 7వ అవెన్యూలోని కొంత భాగాన్ని తాత్కాలికంగా మూసివేసి దర్యాప్తు కొనసాగిస్తున్నారు.ఇది కూడా చదవండి: భూమిలో రంధ్రాలు పడని 2,000 అండర్‌వేర్లు.. భూసార రహస్యాలు వెల్లడి!

సాక్షి, నల్గొండ: జిల్లా కేంద్రంలో తీవ్ర ఉద్రిక్తత నెలకొంది. మంత్రి కోమటి రెడ్డి వెంకటరెడ్డి ఆఫీసుపై బీజేపీ కార్యకర్తలు కోడిగుడ్లు, టమాటాలతో విరుచుకపడ్డారు. అనంతరం మంత్రి ఆఫీసును తగలబెట్టే యత్నం చేశారు. తమ పార్టీ ఆఫీసుపైకి వస్తే ప్రతిఘటన తప్పదని బీజేపీ శ్రేణులు తీవ్ర హెచ్చరికలు జారీ చేశారు. దీనికి ప్రతిగా కాంగ్రెస్‌ నాయకులు సైతం దాడికి తెగబడ్డారు. నల్లగొండ బీజేపీ ఆఫీసుపై దాడికి తెగబడ్డారు. జిల్లా అధ్యక్షుడి ఇంటిపై దాడి చేశారు. దీంతో జిల్లా కేంద్రంలో తీవ్ర ఉద్రిక్తత నెలకొంది.అసలు ఏమైందిఈ రోజు ఉదయం హైదరాబాద్‌లోని బీజేపీ కార్యాలయం ముట్టడికి యూత్‌ కాంగ్రెస్‌ కార్యకర్తలు ప్రయత్నించడంతో ఉద్రిక్తత నెలకొంది. వారిని పోలీసులు అడ్డుకోవడంతో కార్యాలయం వద్ద కొద్దిసేపు హైటెన్షన్‌ వాతావరణం ఏర్పడింది. ఈ సందర్భంగా కాంగ్రెస్‌ కార్యకర్తలు ‘కాంగ్రెస్‌ జిందాబాద్‌’ అంటూ నినాదాలు చేశారు ఈ క్రమంలో అమిత్‌ షా దిష్టిబొమ్మను కాంగ్రెస్‌ కార్యకర్తలు దగ్ధం చేశారు. అనంతరం బీజేపీ కార్యాలయం ముట్టడికి వెళ్లిన యూత్‌ కాంగ్రెస్‌ నేతలు.. బీజేపీ ఆఫీస్‌ గేట్లకు నల్లరంగు పూయడంతో పరిస్థితి మరింత ఉద్రిక్తంగా మారింది.అనంతరం దీనికి ప్రతికారంగా గాంధీ భవన్‌ ముట్టడికి బీజేవైఎం నేతలు ప్రయత్నించారు. గాంధీ భవన్‌ వైపు వచ్చిన పలువురు బీజేవైఎం నేతలను పోలీసులు అదుపులోకి తీసుకుని అరెస్ట్‌ చేశారు. ఇరువర్గాల ఆందోళనల నేపథ్యంలో గాంధీ భవన్‌పై దాడి జరిగే అవకాశం ఉందన్న సమాచారంతో పోలీసులు అప్రమత్తమయ్యారు. ఎలాంటి అవాంఛనీయ ఘటనలు చోటుచేసుకోకుండా గాంధీ భవన్‌ చుట్టుపక్కల భారీగా పోలీసులను మోహరించారు. దీంతో ఆ ప్రాంతంలో హైటెన్షన్‌ వాతావరణం నెలకొంది. ఈ నేపథ్యంలో కోమటిరెడ్డి ఆఫీసుపై మరోసారి బీజేపీ శ్రేణులు దాడి చేశారు.

సాక్షి, తూర్పుగోదావరి జిల్లా: రాజమహేంద్రవరంలో మద్యం మత్తులో యువకులపై మహిళల దాడి చేశారు. దీంతో ఇద్దరు యువకులు తీవ్రంగా గాయపడ్డారు. మద్యం మత్తులో ఉన్న ముగ్గురు మహిళలు ఇద్దరు యువకులపై బీరు సీసాలతో దాడి చేయడంతో ఒకసారిగా కలకలం రేగింది.సోమాలమ్మగుడి ప్రాంతానికి చెందిన ఓ వ్యక్తి అర్థరాత్రి చనిపోతే యువకులు విజయ్, దుర్గాప్రసాద్ చూసేందుకు వెళ్లారు. అర్ధరాత్రి 12.30 గంటల సమయంలో యువకులు ఆలయం వద్దకు చేరుకున్న సమయంలో మద్యం మత్తులో ఉన్న తుమ్మలోవకు చెందిన ముగ్గురు మహిళలు వారిపై దాడికి పాల్పడ్డారు. ఈ ఘటనపై పోలీసులు కేసు నమోదు దర్యాప్తు చేపట్టారు.ఇదీ చదవండి: ఖైదీతో మహిళా ఎస్‌ఐ అర్దనగ్నంగా వీడియో కాల్‌..!

సాక్షి, వనపర్తి: వనపర్తి జిల్లాలో దారుణం జరిగింది. మద్యం మత్తులో ఓ కుమారుడు కన్న తల్లిపై కిరాతకంగా దాడి చేసి చంపాడు. స్థానిక గాంధీనగర్‌లో రజియా అనే మహిళ తన కుమారుడితో కలిసి నివాసం ఉంటుంది. అయితే పుల్లుగా తాగిన తన కుమారుడు మద్యం మత్తులో తల్లి తలపై బలమైన ఆయుధంతో దాడి చేశాడు. దీంతో తీవ్రగాయాలైన రజియా అక్కడికక్కడే ప్రాణాలు వదిలింది. ఈ వివరాలు తెలుసుకున్న పోలీసులు వెంటనే అక్కడికి చేరుకొని నిందితుడిని అదుపులోకి తీసుకున్నారు. ఈ ఘటనపై విచారణ చేపడుతున్నారు.

సాక్షి, గుంటూరు: గుంటూరులో మరోసారి టీడీపీ గూండాలు బరితెగించారు. కానిస్టేబుల్‌పై టీడీపీ నేత అశోక్‌, అనుచరులు దాడి చేశారు. బస్టాండ్‌లో పిల్లర్లు ధ్వంసం చేసేందుకు యత్నించిన టీడీపీ మూకలను కానిస్టేబుల్‌ ఠాగూర్‌ అడ్డుకున్నారు. కానిస్టేబుల్‌ను వెంటాడి మరీ టీడీపీ గూండాలు దాడి చేశారు. తిరిగి కానిస్టేబుల్‌పైనే అశోక్‌ తప్పుడు ఫిర్యాదు చేశారు. అశోక్‌పై కేసు కట్టకుండా పోలీసులపై టీడీపీ నేతలు ఒత్తిడి తెస్తున్నారు.

కాక్రోచ్‌ జనతా పార్టీ బృందానికి చేదు అనుభవం ఎదురైంది. రాజస్థాన్‌ జైపూర్‌లో ఓ ప్రభుత్వ పాఠశాల పరిశీలనకు వెళ్లిన ఆ సంస్థ సభ్యుల్ని కొందరు అడ్డుకున్నారు. వెనక్కి వెళ్లిపోవాలంటూ హెచ్చరించారు. ఈ క్రమంలో మాటామాటా పెరిగి పిడిగుద్దులతో తరిమి కొట్టారు. వాహనంలో వెళ్తున్న సమయంలో రాళ్లు రువ్వి ధ్వంసం చేశారు. ఈ వ్యవహారంలో పరస్పర ఆరోపణలతో రాజకీయం వేడెక్కింది.సీజేపీ దేశవ్యాప్తంగా స్కూల్‌ ఠీక్‌ కరో పేరిట ఓ ఉద్యమం నడుపుతోంది. ఇందులో భాగంగా.. జైపూర్‌ రాంపురా–కన్వర్‌పురా గ్రామంలోని ప్రభుత్వ ప్రాథమిక పాఠశాల పరిస్థితులను పరిశీలించేందుకు ఆ సంస్థ బృందం వెళ్లింది. గత కొంతకాలంగా ఆ స్కూల్‌లో పశువుల పాక నడుస్తోందన్నది సీజేపీ ప్రధాన ఆరోపణ. పాఠశాలలో మౌలిక వసతులు, విద్యార్థుల పరిస్థితి, బోధనా సౌకర్యాలను పరిశీలించాలన్న ఉద్దేశంతో ఈ పర్యటన చేపట్టినట్లు పార్టీ తెలిపింది. ఈ కార్యక్రమంలో సీజేపీ కో-కన్వీనర్‌ అశుతోష్‌ రాంకా కూడా పాల్గొనాల్సి ఉంది.Very satisfying face off 🤣🤣🤣Rajasthan showing the way. Dipke got taste in Jaipur and now Ranka and team again in Rajasthan 🔥🤲🏻 pic.twitter.com/37rDnrgPov— Lala (@FabulasGuy) August 21, 2026VIDEO | Jaipur, Rajasthan: Cockroach Janata Party (CJP) co-convenor Ashutosh Ranka and others chased away by locals as they tried to visit Bagru village. Shivangi Sharma, CJP worker, says, "They attacked our workers, saying we are terrorists, Naxals. What is this outsider...… https://t.co/MqgiMSCt8R pic.twitter.com/U3VjdVgrl4— Press Trust of India (@PTI_News) August 21, 2026🇮🇳 #Breaking: #Villagers reportedly chased #CJP protestors down and beat them, while their vehicles were also attacked and car windows were smashed during the confrontation in #Jaipur .The incident reportedly took place during a CJP team’s visit to a government #school .… pic.twitter.com/XyAY8uHGzV— pradhyumn sharma (@pradhyu78651514) August 21, 2026అయితే.. ఆ సమయంలో కొందరు వాళ్లను అడ్డుకుని దాడికి పాల్పడి అక్కడి నుంచి వెళ్లగొట్టారు. ఈ పరిణామాలపై రాజకీయ దుమారం రేగింది. ఈ ఘటనపై అశుతోష్‌ రాంకా స్పందిస్తూ.. తమను అడ్డుకున్న వారు గ్రామస్తులు కాదని, బీజేపీ పంపించిన వ్యక్తులని ఆరోపించారు. సోషల్‌ మీడియా వేదికగా స్పందించిన ఆయన.. "బీజేపీ పంపించిన గూండాలు" అంటూ విమర్శలు చేశారు.#WATCH | Jaipur, Rajasthan: CJP National Spokesperson Ashutosh Ranka says, "The entire country saw BJP's hooliganism live today. Stone pelting was already happening there but the Police remained mute spectators. Police said that they won't do anything. This has been done at the… pic.twitter.com/pYPCh3UCOP— ANI (@ANI) August 21, 2026ప్రభుత్వ పాఠశాలల్లో నెలకొన్న సమస్యలను వెలుగులోకి తీసుకురావడానికే తాము తనిఖీలు చేపడుతున్నామని సీజేపీ నేతలు తెలిపారు. అయితే సమస్యలను బయటకు రానివ్వకుండా రాజకీయ ఒత్తిళ్లతో తమ కార్యక్రమాలను అడ్డుకుంటున్నారని ఆరోపించారు. ఇటు సీజేపీ వ్యవస్థాపకుడు అభిజిత్‌ దీప్కే కూడా తమ కార్యకర్తలను లక్ష్యంగా చేసుకున్నారని ఆరోపించారు. పాఠశాలల పరిస్థితిపై ప్రశ్నిస్తే ఎందుకు అడ్డుకుంటున్నారంటూ బీజేపీపై మండిపడ్డారు.అబ్బే జరిగింది అది కాదు: స్థానికులుఅయితే స్థానికుల్లో కొందరు మాత్రం సీజేపీ ఆరోపణలను ఖండించారు. పాఠశాలను కూల్చివేసే ప్రయత్నం జరుగుతుందనే అనుమానంతోనే తాము వ్యతిరేకించామని తెలిపారు. ‘‘వాళ్లు 250 మంది వచ్చారు. వాళ్లు చెబుతున్న దాంట్లో నిజం కూడా లేదు. ఆ పాఠశాలలో 20 నుంచి 25 మంది విద్యార్థులు చదువుతున్నారు. మరమ్మతుల కోసం రూ. 12 లక్షల నిధులు కూడా మంజూరయ్యాయి. బీజేపీనో, కాంగ్రెస్సో, మరేయితర రాజకీయ పక్షమో ఇక్కడికి రావడం మాకు ఇష్టం లేదు. మా ఊరి అంశాన్ని రాజకీయం చేయొద్దని మేం అనుకుంటున్నాం. వాళ్లు నిరసన పేరిట స్కూల్‌కు నష్టం కలిగిస్తే ఎలా? విద్యార్థుల భవిష్యత్తును దృష్టిలో పెట్టుకునే పాఠశాల రక్షణ కోసం నిలబడ్డాం’’ అని స్థానికులు పేర్కొన్నారు. అంతేకాదు.. తాము దాడి చేశామన్న దాంట్లో నిజం లేదని కూడా అంటుఉన్నారు.#WATCH | Jaipur, Rajasthan: A villager, Anu Sharma, says, "We opposed them because they are attempting to teardown this school...About 20-25 students come here to study. Where will they go?..We won't let them teardown the school. Funds (for repair) have already been… pic.twitter.com/kk86lCPUS4— ANI (@ANI) August 21, 2026స్కూల్‌ తనిఖీలపై సర్కారీ ఆంక్షలుఈ వివాదానికి కొద్ది రోజుల ముందే రాజస్థాన్‌ బీజేపీ ప్రభుత్వం.. ఓ సంచలన ఉత్తర్వులు జారీ చేసింది. ప్రభుత్వ పాఠశాలలకు బయటి వ్యక్తుల ప్రవేశంపై కొత్త నిబంధనలు అమల్లోకి తీసుకొచ్చింది. పాఠశాలలను సందర్శించాలంటే ప్రధానోపాధ్యాయుడి ముందస్తు అనుమతి తప్పనిసరి చేసింది. ఫొటోలు, వీడియోలు తీసేందుకు కూడా రాతపూర్వక అనుమతి అవసరమని ఆదేశించింది. విద్యార్థుల భద్రత, గోప్యత, గౌరవాన్ని కాపాడేందుకే ఈ నిర్ణయం తీసుకున్నామని ప్రభుత్వం తెలిపింది. అనధికారికంగా ఎవరూ పాఠశాల ప్రాంగణాల్లోకి ప్రవేశించకుండా చర్యలు తీసుకున్నట్లు పేర్కొంది.ప్రతిపక్షాల విమర్శలుప్రభుత్వ నిర్ణయంపై ప్రతిపక్ష కాంగ్రెస్‌ కూడా విమర్శలు గుప్పించింది. రాజస్థాన్‌ అసెంబ్లీ ప్రతిపక్ష నేత టీకారామ్‌ జూల్లీ.. ప్రభుత్వ పాఠశాలల పనితీరును పరిశీలించకుండా అడ్డుకునేందుకే ఈ నిబంధనలు తీసుకొచ్చారని ఆరోపించారు. ఆదేశాలను వెనక్కి తీసుకోకపోతే ఉద్యమం చేపడతామని హెచ్చరించారు.ఇదీ చదవండి: మంత్రుల కుక్కలకు మెరుగైన వసతులున్నాయి!

సాక్షి, లక్నో: ఉత్తరప్రదేశ్‌లోని గోరఖ్‌పూర్‌కు చెందిన ఒక మహిళ చేసిన ఫిర్యాదుపై నెట్టింట తీవ్ర చర్చ నడుస్తోంది. వివాహమైన నెల రోజులకే హనీమూన్‌ సమయంలోనెలసరి వచ్చిందన్న ఆగ్రహంతో తన భర్త తనపై దాడిచేయడంతోపాటు గొంతు నులిమి హత్య చేయడానికి ప్రయత్నించాడంటూ ఆరోపించిన కేసు కలకలం రేపుతోంది.యూపీలోని రామ్‌ఘర్‌తాల్ ప్రాంతానికి చెందిన సదరు మహిళ తన ఫిర్యాదులో, ఢిల్లీకి చెందిన తన భర్త నిఖిల్ మిశ్రాపై కేసు నమోదు చేసింది.ఈ ఫిర్యాదు ప్రకారం 2023 మే 30న ఢిల్లీకి చెందిన నిఖిల్ మిశ్రాతో ఈమెకు వివాహమైంది. ఆ తర్వాత జూలై 4న హనీమూన్ కోసం అండమాన్ వెళ్లారు. అక్కడికి వెళ్లాక తీవ్రమైన కడుపునొప్పి, పీరియడ్స్ వచ్చాయి. అధిక రక్తస్రావం జరిగింది. దీంతో రుతుక్రమం గురించి తనకు ముందుగానే ఎందుకు చెప్పలేదని ప్రశ్నిస్తూ భర్త తనపై దాడి చేశాడని ఆమె ఆరోపించింది. అలాగే గొంతు నులమడానికి ప్రయత్నించాడని కూడా చెప్పింది. ఆమెకు రుతుక్రమం (పీరియడ్స్) రావడంతో ఆగ్రహానికి గురైన భర్త ఈ దారుణానికి ఒడిగట్టినట్లు పేర్కొంది. చివరికి హోటల్ సిబ్బంది ఆమె కేకలు విని రక్షించినట్లు బాధితురాలు తెలిపింది.కట్నం కోసం వేధింపులు పెళ్లిలో కట్నంకోసం వేధించారని కూడా ఫిర్యాదు చేసింది. రూ. 20 లక్షల నగదు, ఒక కారు, రూ. 40 లక్షల విలువైన వస్తువులు కట్నంగా ఇచ్చినప్పటికీ, బ్రాండెడ్ వస్తువులు తీసుకురాలేదని అత్త, ఆడపడుచు మానసికంగా వేధించారని తెలిపింది. అంతేకాదు పెళ్లయిన 45 రోజులకే (జూలై 14, 2023) ఆమెను అత్తవారింటి నుంచి వెళ్లగొట్టారు. సమస్యను పరిష్కరించడానికి వచ్చిన ఆమె తండ్రిని కూడా అవమానించినట్లు తెలిపారు. ఈ నేపథ్యంలో బాధితురాలు, ఆమె కుటుంబ సభ్యులు స్థానిక పోలీసు స్టేషన్లలో ఫిర్యాదు చేయడానికి పలుమార్లు ప్రయత్నించినప్పటికీ పోలీసులు పట్టించుకోలేదని ఆరోపించింది. ఇప్పటికీ కట్నంగా ఇచ్చిన వస్తువులను తిరిగి ఇవ్వలేదని, తన భర్త ఇంకా తనకు బెదిరింపు సందేశాలు పంపుతూనే ఉన్నాడని కూడా ఆమె ఆరోపించింది.ఇదీ చదవండి: 24 గంటల్లో 1.6 లక్షల ఫాలోవర్స్‌ : సీజేపీ తరహాలో డీజేపీ సంచలనంమొత్తానికి గోరఖ్‌పూర్ సీనియర్ సూపరింటెండెంట్ ఆఫ్ పోలీస్ డాక్టర్ కౌస్తుభ్ జోక్యంతో ఎట్టకేలకు ఆగస్టు 15న భర్త, అత్త మరియు ఆడపడుచుపై FIR నమోదు చేశారు. మిశ్రా, అతని తల్లి సంజు మిశ్రా సోదరి నేహా పాండేలపై సదరు మహిళ చేసిన ఫిర్యాదు మేరకు ఆగస్టు 15న ఎఫ్‌ఐఆర్ (FIR) నమోదు చేసినట్లు రామ్‌ఘర్‌తాల్ ఎస్‌హెచ్‌ఓ శ్యామ నంద్ రాయ్ తెలిపారు. విచారణలో సేకరించిన సాక్ష్యాధారాల ఆధారంగా తదుపరి చర్యలు తీసుకుంటామని పోలీసులు పేర్కొన్నారు.ఇదీ చదవండి: ఎగ్జామ్‌ స్కాంలపై మోదీ సర్కార్‌కు బాబా రామ్‌దేవ్ హెచ్చరిక

రష్యా–ఉక్రెయిన్‌ యుద్ధం మరో కీలక మలుపు తీసుకుంది. తాజా డ్రోన్ల దాడితో ఇరు దేశాల మధ్య మళ్లీ యుద్ధం భీకరంగా మారింది. ఈ క్రమంలో.. క్రివీ రిహ్‌ స్టీల్‌ ప్రాంతంలో భారత సంతతికి చెందిన ప్రముఖ పారిశ్రామికవేత్త లక్ష్మీ మిట్టల్‌కు చెందిన ఆర్సెలర్‌ మిట్టల్‌ ప్లాంట్‌పై రష్యా క్షిపణితో దాడి చేసింది. ఈ దాడిలో ఇద్దరు మృతి చెందగా.. 14 మంది కార్మికులు గాయపడ్డారు. ఇది ఉక్రెయిన్‌ అధ్యక్షుడు వ్లాదిమిర్‌ జెలెన్‌స్కీ స్వస్థలం కూడా!. రష్యా క్షిపణి దాడి కారణంగా.. మిట్టల్‌ ప్లాంట్‌లోని కీలక ఉత్పత్తి విభాగాలు దెబ్బతిన్నాయి. ముఖ్యంగా విద్యుత్‌ వ్యవస్థలు, బ్లాస్ట్‌ ఫర్నేస్‌ కార్యకలాపాలకు సంబంధించిన సదుపాయాలు ప్రభావితమయ్యాయి. దీంతో ఉత్పత్తి ప్రక్రియలను పాక్షికంగా నిలిపివేయాల్సి వచ్చింది. నష్టం తీవ్రతను అంచనా వేసేందుకు అధికారులు, నిపుణులు పరిశీలనలు ప్రారంభించారు. మృతుల వివరాలు తెలియాల్సి ఉంది. గాయపడిన వాళ్లలో పలువురి పరిస్థితి విషమంగా ఉన్నట్లు సమాచారం. ఇటు దాడి వల్ల జరిగిన ఆర్థిక నష్టంపై అధికారిక అంచనా ఇంకా వెలువడలేదు. అయితే భారీ పరిశ్రమ అయిన ఈ ప్లాంట్‌లో ఉత్పత్తి నిలిచిపోవడం వల్ల మరమ్మతుల ఖర్చుతో పాటు ఉక్కు ఉత్పత్తి, ఎగుమతులపై ప్రభావం పడే అవకాశం ఉంది. నష్టం స్థాయిని పరిశీలించిన తర్వాతే పూర్తి వివరాలు వెల్లడయ్యే అవకాశం ఉంది. 90 ఏళ్ల చరిత్ర.. వెన్నెముకలక్ష్మీ మిట్టల్‌కు చెందిన ఆర్సెలర్‌ మిట్టల్‌ క్రివీ రిహ్‌ స్టీల్‌ ప్లాంట్‌ సాధారణ పరిశ్రమ కాదు. దాదాపు 90 ఏళ్ల చరిత్ర కలిగిన ఈ భారీ ఉక్కు కర్మాగారం నిర్మాణం 1931లో అప్పటి సోవియట్‌ యూనియన్‌ హయాంలో ప్రారంభమైంది. 1934 ఆగస్టులో ఇక్కడ తొలి ఉక్కు ఉత్పత్తి జరిగింది. అప్పట్లో క్రివొరిజ్‌స్టల్‌ (Kryvorizhstal) పేరుతో కొనసాగిన ఈ ప్లాంట్‌.. ఉక్రెయిన్‌ పారిశ్రామిక రంగంలో కీలకమైన సంస్థగా ఎదిగింది.2005లో లక్ష్మీ మిట్టల్‌ నేతృత్వంలోని మిట్టల్‌ స్టీల్‌ సంస్థ ప్రైవేటీకరణ వేలంలో ఈ ప్లాంట్‌ను సుమారు 4.8 బిలియన్‌ డాలర్లకు కొనుగోలు చేసింది. ఆ తర్వాత ఆర్సెలర్‌తో విలీనం కావడంతో ఇది ఆర్సెలర్‌ మిట్టల్‌ క్రివీ రిహ్‌గా మారింది. స్వాధీనం అనంతరం ఆధునీకరణ, ఉత్పత్తి సామర్థ్యం పెంపు, పర్యావరణ ప్రమాణాల మెరుగుదల కోసం భారీగా పెట్టుబడులు పెట్టింది. ఇనుప ఖనిజం నుంచి ఉక్కు తయారీ వరకు మొత్తం ప్రక్రియ ఒకేచోట జరిగే ఈ ప్లాంట్‌.. ఉక్రెయిన్‌ ఉక్కు పరిశ్రమకు వెన్నెముకలాంటి సంస్థల్లో ఒకటిగా నిలిచింది.ఇలాంటి వ్యూహాత్మక పరిశ్రమపై రష్యా క్షిపణి దాడి జరగడం.. కేవలం ఓ కంపెనీకి జరిగిన నష్టంగానే కాకుండా, యుద్ధ సమయంలో ఉక్రెయిన్‌ పారిశ్రామిక మౌలిక సదుపాయాలపై పడుతున్న ఒత్తిడికి మరో ఉదాహరణగా మారింది.డ్రోన్‌ దాడులకు ప్రతీకారమే..ఉక్రెయిన్‌ రష్యాలోని పలు ప్రాంతాలపై భారీ డ్రోన్‌ దాడులు చేసిన తర్వాతే ఈ క్షిపణి దాడి జరిగినట్లు స్పష్టమవుతోంది. ఉక్రెయిన్‌ దాడుల్లో రష్యాలో మరణాలు సంభవించగా.. దీనికి ప్రతీకార చర్యల్లో భాగంగానే మాస్కో ఈ దాడులు చేపట్టింది. అయితే.. తాము ఉక్రెయిన్‌లో సైనిక, పారిశ్రామిక లక్ష్యాలనే టార్గెట్‌ చేస్తున్నామని రష్యా ఖుల్లాగా ప్రకటించుకుంటోంది. క్రివీ రిహ్‌లోని మెటలర్జికల్‌ ప్లాంట్‌ కూడా తమ లక్ష్యాల్లో భాగమని పేర్కొంది. అయితే జెలెన్‌స్కీ స్వస్థలాన్ని టార్గెట్‌ చేసి మరీ దాడులు చేస్తున్నట్లు స్పష్టంగా కనిపిస్తోంది. యుద్ధంలో కొత్త దశరష్యా–ఉక్రెయిన్‌ యుద్ధం కొనసాగుతున్న కొద్దీ ఇరు దేశాలు సరిహద్దులు దాటి దూర ప్రాంతాలపై దాడులను పెంచుతున్నాయి. సైనిక స్థావరాలతో పాటు విద్యుత్‌ కేంద్రాలు, ఇంధన వనరులు, పారిశ్రామిక సంస్థలు కూడా లక్ష్యాలుగా మారుతున్నాయి. జెలెన్‌స్కీ స్వస్థలమైన క్రివీ రిహ్‌పై గతంలోనూ రష్యా దాడులు చేసింది. తాజాగా మిట్టల్‌ స్టీల్‌ ప్లాంట్‌పై జరిగిన దాడి.. ఉక్రెయిన్‌ ఆర్థిక, పారిశ్రామిక వ్యవస్థపై యుద్ధ ప్రభావాన్ని మరోసారి స్పష్టం చేసింది.

దుబాయ్‌: హార్మూజ్‌ జలసంధి గుండా ప్రయాణిస్తున్న తమ చమురు నౌకలపై ఇరాన్‌ దాడికి పాల్పడిందని యునైటెడ్‌ అరబ్‌ ఎమిరేట్స్‌(యూఏఈ) శుక్రవారం ఆరోపించింది. యూఏఈ ప్రభుత్వ సంస్థ అడ్నాక్‌కు చెందిన ఈ రెండు నౌకలపై గురువారం సాయంత్రం హార్మూజ్‌లో ఉండగా దాడి జరిగిందని పేర్కొంది. ఈ దాడిలో ఎవరూ గాయపడలేదని, ఎటువంటి తీవ్రమైన నష్టం వాటిల్లలేదని పేర్కొంది. ఈ నౌకలపై డ్రోన్‌ దాడి జరిగినట్లు యూకే మారిటైమ్‌ విభాగం ధ్రువీకరించింది. దాడులకు ఇరానే కారణమని యూఏఈ ఆరోపించింది. ఇటువంటి చర్యలు ఐక్యరాజ్యసమితి స్వేచ్ఛా నౌకాయాన సూత్రాలను బహిరంగంగా ఉల్లంఘించడమేనని పేర్కొంది. వాణిజ్య నౌకలను లక్ష్యంగా చేసుకొని బెదిరింపులకు పాల్పడటం సముద్రపు దొంగతనాలుగానే భావించాల్సి ఉంటుందని వ్యాఖ్యానించింది. దీనిపై ఇరాన్‌ స్పందించలేదు.

సాక్షి,బెంగళూరు: కర్ణాటకలోని మాండ్య జిల్లాలో వివాదాస్పద ఘటన చోటు చేసుకుంది. తుమకూరు రూరల్ బీజేపీ ఎమ్మెల్యే బి. సురేష్ గౌడ కుమార్తె ఐశ్వర్య, శ్రీరంగపట్టణంలోని ప్రసిద్ధ ఆరతి ఉక్కడ ఆలయంలో విధులు నిర్వహిస్తున్న పోలీసు అధికారిణిపై దాడి చేసినట్లు ఆరోపణలు వచ్చాయి. భీమన అమావాస్య సందర్భంగా చోటుచేసుకుంది.ఆగస్టు 12న భీమన అమావాస్య పర్వదినాన్ని పురస్కరించుకుని శ్రీరంగపట్టణంలోని ఆరతి ఉక్కడ ఆలయానికి భక్తులు భారీ సంఖ్యలో తరలివచ్చారు. ఆలయంలో తీవ్రమైన రద్దీ నెలకొన్న తరుణంలో గర్భాలయంలోకి ప్రవేశించడానికి అందరూ నిబంధనల ప్రకారం కొంత సమయం వేచి ఉండాలని అధికారులు సూచించారు.ఈ క్రమంలో ఆలయానికి వచ్చిన ఎమ్మెల్యే కుమార్తె ఐశ్వర్యను నిబంధనల ప్రకారం వేచి ఉండాలని అక్కడ విధి నిర్వహణలో ఉన్న మహిళా పీఎస్ఐ సవిత కోరారు. ఒక్కసారిగా అందరినీ లోపలికి అనుమతిస్తే భక్తుల నుంచి తీవ్ర నిరసనలు వ్యక్తమయ్యే అవకాశం ఉందని ఆమె వివరించడానికి ప్రయత్నించారు.అయితే, దీనిపై ఐశ్వర్య తీవ్ర ఆగ్రహం వ్యక్తం చేశారు. తాను ఎమ్మెల్యే కుమార్తెనని చెబుతూ పోలీస్ అధికారిణితో దురుసుగా ప్రవర్తించడమే కాకుండా, అనుచిత పదజాలం ఉపయోగించినట్లు పీఎస్ఐ తన ఫిర్యాదులో పేర్కొన్నారు. విధులు నిర్వర్తిస్తున్న తనను అడ్డుకుంటున్నారనే కోపంతో ఐశ్వర్య పీఎస్ఐ సవితను చెంపదెబ్బ కొట్టారని, అంతేకాకుండా ఆమె కెరీర్‌ను నాశనం చేస్తానని బెదిరించారని సమాచారం.పోలీసుల కేసు నమోదు ఈ ఘటనపై బాధితురాలైన పీఎస్ఐ సవిత మాండ్య మహిళా పోలీస్ స్టేషన్‌లో అధికారికంగా ఫిర్యాదు చేశారు. ఈ ఫిర్యాదు ఆధారంగా యాతనహళ్ళి పోలీస్ స్టేషన్‌లో ఐశ్వర్యపై భారతీయ న్యాయ సంహితలోని పలు సెక్షన్ల కింద ఎఫ్ఐఆర్ నమోదు చేశారు. మరోవైపు, ఈ ఘటనపై ప్రతిస్పందించిన ఐశ్వర్య కూడా పోలీస్ అధికారిణి తనతో అసభ్యంగా,దురుసుగా ప్రవర్తించారంటూ పోలీసులకు తిరుగు ఫిర్యాదు చేశారు. ప్రస్తుతం ఈ ఘటనకు సంబంధించి ఇరువర్గాల ఫిర్యాదులను స్వీకరించిన పోలీసులు అన్ని కోణాల్లోనూ దర్యాప్తును ముమ్మరం చేశారు. అధికార పార్టీకి చెందిన ఎమ్మెల్యే కుటుంబ సభ్యురాలు పోలీసులపై దాడి చేశారనే ఆరోపణలు రావడంతో ఈ ఉదంతం కర్ణాటక రాజకీయాల్లో పెద్ద ఎత్తున చర్చనీయాంశమైంది.

పశ్చిమాసియా ఉద్రిక్తతలు మరోసారి తారాస్థాయికి చేరాయి. ఇరాన్‌పై ఆంక్షలు, నౌకా దిగ్బంధం కొనసాగుతున్న వేళ.. అమెరికా దళాలు రంగంలోకి దిగాయి. హర్ముజ్‌ జలసంధిలో ప్రయాణిస్తున్న ఓ కార్గో నౌకపై నిబంధనలు ఉల్లంఘించిందని చెబుతూ చర్యలు చేపట్టింది. దీంతో ఏం జరగనుందా? అనే ఉత్కంఠ నెలకొంది. ఇదే సమయంలో.. హర్ముజ్‌పై పూర్తి నియంత్రణ మాదే అంటూ అమెరికా అధ్యక్షుడు డొనాల్డ్‌ ట్రంప్‌ చేసిన ప్రకటన తీవ్ర చర్చనీయాంశంగా మారింది. హర్ముజ్‌లో అమెరికా ఇప్పటిదాకా బ్లాకేడ్‌కే పరిమితం కాగా.. తాజా దాడులకూ దిగింది. ఇరాన్‌ పోర్టు వైపు వెళ్లేందుకు ప్రయత్నించిన పనామా జెండా కలిగిన ఓ కార్గో నౌకను అమెరికా దళాలు అడ్డుకున్నాయి. హెచ్చరికలను పట్టించుకోకపోవడంతో ఆ నౌక స్టీరింగ్‌ వ్యవస్థను లక్ష్యంగా చేసుకుని రెండు హెల్‌ఫైర్‌ క్షిపణులు ప్రయోగించి దాన్ని నిర్వీర్యం చేశాయి. ఈ విషయాన్ని అమెరికా సెంట్రల్‌ కమాండ్‌ (CENTCOM) అధికారంగా ప్రకటించింది. హర్ముజ్‌ దిగ్బంధాన్ని దాటేందుకు ప్రయత్నించిన వాణిజ్య నౌకల్లో ఇప్పటివరకు 55 నౌకలను దారి మళ్లించామని, మూడు నౌకలను నిలిపివేశామని, రెండు నౌకలను తనిఖీ చేశామని అమెరికా వెల్లడించింది. తద్వారా హర్ముజ్‌పై తాము పూర్తిగా పట్టు సాధించే ప్రయత్నాల్లో ఉన్నట్లు సంకేతాలిచ్చింది. అయితే.. హర్ముజ్‌ మా నియంత్రణలోనే.. ట్రంప్‌ఇరాన్‌ పరిస్థితి “బాగానే సాగుతోంది” అంటూ ట్రంప్‌ వ్యాఖ్యానించారు. హర్ముజ్‌ జలసంధిపై అమెరికాకు పూర్తి నియంత్రణ ఉందని, తమ నౌకాదళం అత్యంత శక్తివంతమైనదని పేర్కొన్నారు. ఇరాన్‌ను నమ్మలేమని, గతంలో ఆ దేశం పలుమార్లు అబద్ధాలు చెప్పిందని మండిపడ్డారు. అంతేకాదు ఇరాన్‌తో చర్చల్లో గత దశాబ్దాల ఘర్షణల్లో జరిగిన నష్టాలకు పరిహారం కోరుతామని ట్రంప్‌ ప్రకటించడం మరింత ఉద్రిక్తతకు కారణమైంది. అయితే ట్రంప్‌ తాజా ప్రకటనను ఇరాన్‌ ఎలా స్వీకరిస్తుందనేది చూడాలి.మా ఈ డిమాండ్లు.. నిబంధనలు నేరవేరాల్సిందే!: ఇరాన్‌హర్ముజ్‌ జలసంధిని తిరిగి తెరవాలంటే అమెరికా తమ డిమాండ్లను అంగీకరించాలని ఇరాన్‌ స్పష్టం చేసింది. అవి..అమెరికా యుద్ధ చర్యలు, బెదిరింపులకు పూర్తిగా ముగింపుఇరాన్‌ పోర్టులపై నౌకా దిగ్బంధం ఎత్తివేతఅమెరికా సైనిక బలగాల ఉపసంహరణయుద్ధ నష్టాలకు పరిహారంఆంక్షల తొలగింపుస్తంభింపజేసిన ఇరాన్‌ నిధుల విడుదలప్రాంతీయ కాల్పుల విరమణ.. ఈ షరతులు నెరవేరే వరకు హర్ముజ్‌ మూసివేత కొనసాగుతుందని ఇరాన్‌ జాతీయ భద్రతా మండలి అధికారి మొహ్సెన్‌ రెజాయి తెలిపారు.ఒమన్‌ మధ్యవర్తిత్వం.. చర్చలు తుది దశలో?అమెరికా-ఇరాన్‌ మధ్య ప్రత్యక్ష చర్చలు లేవని ఇరాన్‌ చెబుతున్నప్పటికీ.. ఒమన్‌ మధ్యవర్తిత్వంతో హర్ముజ్‌ భవిష్యత్‌ నిర్వహణపై చర్చలు జరుగుతున్నాయి. నౌకల రాకపోకల కోసం కొత్త మార్గాలపై ఒప్పందం చివరి దశకు చేరుకుందని ఇరాన్‌ విదేశాంగ మంత్రి అబ్బాస్‌ అరాఘ్చి తెలిపారు. ఖతార్‌ కూడా ఇరాన్‌, ఒమన్‌ మధ్య చర్చలు గణనీయమైన పురోగతిలో ఉన్నాయని పేర్కొంది.90 డాలర్లకు చేరువలో.. “ప్రపంచ ఇంధన సరఫరాకు కీలకమైన ఈ మార్గం ద్వారా గతంలో చమురు, ఎల్‌ఎన్‌జీ రవాణాలో దాదాపు ఐదో వంతు సాగేది. అయితే సంక్షోభంతో ముడిచమురు ధరలు పెరుగుతున్నాయి. బ్రెంట్‌ క్రూడ్‌ ధర బ్యారెల్‌కు దాదాపు 90 డాలర్లకు చేరువైంది. హర్ముజ్‌ మార్గం ద్వారా గతంలో ప్రపంచంలోని చమురు, ఎల్‌ఎన్‌జీ సరఫరాలో ఐదో వంతు రవాణా అయ్యేది.బాబ్‌ అల్‌ మందెబ్‌లో హౌతీ దాడి.. నలుగురు మృతిమరోవైపు ఎర్ర సముద్రంలోని బాబ్‌ అల్‌ మందెబ్‌ జలసంధిలో హౌతీలు వాణిజ్య నౌకపై దాడి చేసినట్లు సమాచారం. ఈ ఘటనలో ముగ్గురు పాకిస్థానీలు, ఒక ఇండోనేషియా పౌరుడు మృతి చెందారు. మరో 10 మంది గాయపడ్డారు. సౌదీ సైనిక సామగ్రిని తరలిస్తున్న నౌకను లక్ష్యంగా చేసుకున్నామని హౌతీలు ప్రకటించారు. అయితే ఆ నౌక సౌదీ యాజమాన్యంలో లేదని, ఈజిప్టు కంపెనీలకు చెందినదని సమాచారం.అటు.. వెస్ట్‌ బ్యాంక్‌లో ఉద్రిక్తతలుఇజ్రాయెల్‌ ఆక్రమిత వెస్ట్‌ బ్యాంక్‌లోనూ పరిస్థితులు ఉద్రిక్తంగా ఉన్నాయి. ఈ ఏడాది ఇప్పటివరకు 76 మంది పాలస్తీనియన్లు, వారిలో 18 మంది చిన్నారులు మరణించారని ఐక్యరాజ్యసమితి ఆందోళన వ్యక్తం చేసింది.ప్రపంచం చూపు హర్ముజ్‌పైనే!హర్ముజ్‌ జలసంధిపై అమెరికా, ఇరాన్‌ వైఖరులు పరస్పర విరుద్ధంగా కొనసాగుతున్న వేళ.. తదుపరి పరిణామాలు ఎలా ఉంటాయన్నది ఉత్కంఠగా మారింది. ఒకవైపు అమెరికా పూర్తి నియంత్రణ తమదేనని చెబుతుండగా.. మరోవైపు తమ షరతులు నెరవేరే వరకు హర్ముజ్‌ తెరవబోమని ఇరాన్‌ స్పష్టం చేస్తోంది.చర్చలు పురోగమిస్తాయా? లేదంటే ఉద్రిక్తతలు మరింత పెరుగుతాయా? అన్నదే ఇప్పుడు ప్రపంచ దేశాల ముందున్న అతిపెద్ద ప్రశ్న. హర్ముజ్‌ సంక్షోభం పరిష్కారం కాకపోతే.. దాని ప్రభావం చమురు ధరల నుంచి అంతర్జాతీయ వాణిజ్యం వరకు పడే అవకాశం ఉంది.

తిరుపతి రూరల్‌: వైఎస్సార్‌సీపీ విద్యార్థి విభాగం వర్కింగ్‌ ప్రెసిడెంట్‌ చెవిరెడ్డి హర్షిత్‌రెడ్డిపై తిరుపతి జిల్లా చంద్రగిరి పోలీసులు విరుచుకుపడ్డారు. పోలీస్‌స్టేషన్‌ ముందు మంగళవారం శాంతియుతంగా నిరసన తెలుపుతున్న ఆయన్ని స్టేషన్‌లోకి లాక్కెళ్లారు. స్పెషల్‌ పార్టీ పోలీసులను రంగంలోకి దించి చేతులు, కాళ్లు పట్టి లాగుతూ, గోళ్లతో రక్కుతూ, కాళ్లతో తొక్కుకుంటూ బలవంతంగా తీసుకెళ్లారు. చెవిరెడ్డి హర్షిత్‌రెడ్డి చొక్కా చిరిగిపోవడమే కాకుండా కాళ్లు, చేతులకు గాయాలయ్యాయి. ఈ సందర్భంగా మరికొందరు వైఎస్సార్‌సీపీ నాయకులకు కూడా గాయాలయ్యాయి. ప్రైవేట్‌ సెక్యూరిటీపై ఎఫ్‌ఐఆర్‌ డీఎస్సీలో అక్రమాలపై చంద్రగిరిలో ఈ నెల10వ తేదీన వైఎస్సార్‌సీపీ నియోజకవర్గ సమన్వయకర్త చెవిరెడ్డి మోహిత్‌రెడ్డి ర్యాలీ నిర్వహించారు. ఆ ర్యాలీకి వేలాదిమంది జనం తరలిరావడంతో ఇబ్బందులు తలెత్తకుండా ముందస్తు చర్యలో భాగంగా ప్రైవేటు సెక్యూరిటీని ఏర్పాటు చేసుకున్నారు. ఆ సెక్యూరిటీలో ఒకరిద్దరు ఖాకీ చొక్కాలు వేసుకున్నారంటూ ఎఫ్‌ఐఆర్‌ నమోదు చేసిన పోలీసులు అర్ధరాత్రి వారిని అరెస్టుచేసి పోలీస్‌ స్టేషన్‌లో నిర్బంధించారు. ఈ విషయం తెలుసుకున్న హర్షిత్‌రెడ్డి చంద్రగిరి పోలీస్‌స్టేషన్‌కు వెళ్లి ప్రైవేటు సెక్యూరిటీపై కేసులు నమోదు చేయడం ఏమిటని ప్రశ్నించారు. ఖాకీ దుస్తులు ధరించడం తప్పే అయితే ఉదయం నుంచి అక్కడే నిలబడి చూస్తున్న సీఐ సురేష్ కుమార్‌ వారికి ఎందుకు చెప్పలేదని నిలదీశారు. ర్యాలీ విజయవంతంగా ముగిసిన తరువాత అర్ధరాత్రి వేళ ఫోన్‌ వస్తే వెళ్లి ప్రైవేటు సెక్యూరిటీ వారిని తీసుకొచ్చి కేసు పెడతారా అని అడిగారు. పోలీసుల అదుపులో ఉన్న వారిని బయటకు పంపాలని ఆయన, పార్టీ నేతలు శాంతియుతంగా పోలీస్‌స్టేషన్‌ ముందు నిరసనకు దిగారు. ఒక్కసారిగా విరుచుకుపడిన పోలీసులు నిరసన తెలుపుతున్నవారి చొక్కాలు చించి, రక్తం వచ్చేలా గోళ్లతో రక్కుతూ లాగేశారు. హర్షిత్‌రెడ్డి చొక్కా చించడమే కాకుండా కుడిచేతికి, కుడికాలికి గాయాలయ్యేలా ఈడ్చుకెళ్లారు.

ఛత్రా: జార్ఖండ్‌లోని ఛత్రా జిల్లాలో ఉద్రిక్తత చోటుచేసుకుంది. ఒక మైనర్ బాలికపై అత్యాచారం, నిర్బంధం ఆరోపణల నేపథ్యంలో ఒక యువకునిపై ఆగ్రహించిన గ్రామస్తుల అతనికిపై దాడికి దిగారు. ఈ ఘటనలో ఆ యువకుడు ప్రాణాలు కోల్పోయాడు. మృతుడి తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. పోలీసులు తెలిపిన వివరాల ప్రకారం, సోమవారం రాత్రి గ్రామానికి చెందిన ఒక బాలిక కనిపించకుండా పోయింది. మంగళవారం ఉదయం ఆమె ఆచూకీ లభించగా, సదరు యువకుడు తనను ఇంట్లో నిర్బంధించి లైంగిక దాడికి పాల్పడ్డాడని ఆమె ఆరోపించింది.దీంతో సుమారు 100 నుంచి 150 మంది గ్రామస్తులు యువకుడి ఇంటిని చుట్టుముట్టారు. ఆ యువకుడి తల్లిదండ్రులను కట్టేసి దాడికి పాల్పడ్డారు. వారిని రక్షించేందుకు ప్రయత్నించిన యువకుడిపై కర్రలు, రాళ్లతో విచక్షణా రహితంగా దాడి చేశారు. ఈ ఘటనలో తీవ్రంగా గాయపడిన యువకుడిని పోలీస్ స్టేషన్‌కు తరలించగా, అప్పటికే మృతి చెందినట్లు కుటుంబ సభ్యులు తెలిపారు.ఈ ఘటనపై మృతుడి తండ్రి ఫిర్యాదు ఆధారంగా 56 మందిపై పోలీసులు ఎఫ్‌ఐఆర్ నమోదు చేశారు. ఈ ఘటనలో ఇప్పటివరకు 10 మందిని అదుపులోకి తీసుకున్నట్లు బ్లాక్ డెవలప్‌మెంట్ ఆఫీసర్ (బీడీఓ) డియోలాల్ ఒరాన్ తెలిపారు. బాలికను వైద్య పరీక్షలకు తరలించామని, నివేదిక వచ్చిన తర్వాతే పూర్తి వివరాలు వెల్లడవుతాయని అధికారులు పేర్కొన్నారు. ప్రస్తుతం ఆ ప్రాంతంలో ఎలాంటి అవాంఛనీయ సంఘటనలు జరగకుండా భారీ పోలీసు బలగాలను మోహరించారు.ఇది కూడా చదవండి: జంతర్ మంతర్‌లో పెట్రోల్ బాంబులతో దాడికి ప్లాన్

కేంద్రపారా: ఒడిశాలోని కేంద్రపారా జిల్లాలో తీవ్ర విషాదం చోటుచేసుకుంది. పట్టముండై బ్లాక్ పరిధిలోని దామోదర్ పట్నా గ్రామంలో మొసలి దాడిలో ఒక మహిళ ప్రాణాలు కోల్పోయినట్లు తెలుస్తోంది. ఈ ఘటన ఆ ప్రాంతంలో తీవ్ర భయాందోళనలను రేకెత్తించింది. నదీతీర ప్రాంతాలలో పెరుగుతున్న మొసళ్ల ముప్పుపై స్థానికుల్లో ఆందోళన పెరిగింది. గతంలోనూ ఇలాంటి ఘటనల్లో పలువురు ప్రాణాలు కోల్పోయినట్లు ఆధారాలున్నాయి.మీడియాకు అందిన వివరాల ప్రకారం.. అళపువ పంచాయతీ పరిధిలోని దామోదర్ పట్నా గ్రామానికి చెందిన సుచిత్రా దాస్ సోమవారం ఉదయం కాలకృత్యాలు తీర్చుకునేందుకు నదీతీరానికి వెళ్లారు. ఎంతకీ ఆమె ఇంటికి తిరిగి రాకపోవడంతో కుటుంబ సభ్యులు, గ్రామస్తులు ఆందోళనతో పరిసర ప్రాంతాల్లో గాలించారు. నది ఒడ్డున ఆమెకు సంబంధించిన వస్తువులు లభించడంతో.. ఆమెను ఏదైనా మొసలి నీళ్లలోకి లాగికెళ్లి ఉంటుందనే తీవ్ర అనుమానం వ్యక్తమైంది.సమాచారం అందుకున్న వెంటనే అగ్నిమాపక సిబ్బంది సంఘటనా స్థలానికి చేరుకుని, నదిలో గాలింపు చర్యలు చేపట్టారు. సుచిత్రా దాస్‌ ఆచూకీ కోసం బోట్లు, ప్రత్యేక పరికరాల సహాయంతో సహాయక చర్యలు ముమ్మరంగా కొనసాగుతున్నాయి. ఈ ఘటన గ్రామస్తులను తీవ్ర దిగ్భ్రాంతికి గురిచేసింది. వంటమనిషిగా పనిచేస్తూ జీవనం సాగిస్తున్న సుచిత్రా దాస్‌.. తన కుటుంబ పోషణకు ఏకైక ఆధారం కావడంతో, ఆమె కుటుంబ సభ్యుల రోదనలు మిన్నంటాయి. నదీతీర ప్రాంత ప్రజలు అప్రమత్తంగా ఉండాలని అధికారులు సూచిస్తున్నారు.ఇది కూడా చదవండి: కర్ణాటక మంత్రివర్గంలో కీలక మార్పులు.. కొత్త మంత్రులు వీరే!

పాకిస్థాన్‌లోని ఖైబర్‌ పఖ్తున్‌ఖ్వా ప్రావిన్స్‌ మరోసారి ఉగ్రదాడితో వణికిపోయింది. శాంతి కోసం నిర్వహించిన ఓ నిరసన ర్యాలీనే లక్ష్యంగా చేసుకుని ఆత్మాహుతి బాంబర్‌ దాడికి పాల్పడ్డాడు. స్వాత్‌ జిల్లాలోని కబాల్‌ పట్టణంలో పోలీస్‌ స్టేషన్‌ సమీపంలో జరిగిన ఈ పేలుడులో కనీసం 14 మంది ప్రాణాలు కోల్పోగా.. మరో 20 మందికి పైగా గాయపడ్డారు. అయితే దాడి దృశ్యాలు.. గాయపడిన వారిని ఆస్పత్రులకు తరలిస్తున్న దృశ్యాలు సోషల్‌ మీడియాలో వైరల్‌గా మారాయి.ఈ దాడి జరిగిన సమయంలో అక్కడ ప్రజలు ఉగ్రవాదానికి వ్యతిరేకంగా నినాదాలు చేస్తూ శాంతి ర్యాలీ నిర్వహిస్తున్నారు. "మిలిటెన్సీని అంతం చేయాలి.. ప్రజలకు భద్రత కల్పించాలి" అంటూ నిరసనకారులు డిమాండ్‌ చేస్తున్నారు. అదే సమయంలో ఓ ఆత్మాహుతి బాంబర్‌ పోలీస్‌ స్టేషన్‌ వైపు వెళ్లేందుకు ప్రయత్నించి, భద్రతా సిబ్బంది అడ్డుకోవడంతో గేటు వద్దే పేలుడు సంభవించినట్లు అధికారులు తెలిపారు.పోలీసులే టార్గెట్‌.. శాంతి ర్యాలీపై పంజాస్వాత్‌ డిప్యూటీ ఇన్‌స్పెక్టర్‌ జనరల్‌ ప్రకారం ఈ దాడిలో పలువురు పోలీసు సిబ్బంది కూడా మృతి చెందారు. దాడి జరిగిన ప్రాంతం కిక్కిరిసి ఉండటంతో ప్రాణనష్టం ఎక్కువగా జరిగింది. పేలుడు శబ్దం వినిపించగానే ప్రజలు భయంతో పరుగులు తీశారు. క్షతగాత్రులను సమీప ఆస్పత్రులకు తరలించేందుకు స్థానికులు సహకరించారు.ఈ దాడికి ఇప్పటివరకు ఏ ఉగ్రవాద సంస్థ బాధ్యత ప్రకటించలేదు. అయితే ఖైబర్‌ పఖ్తున్‌ఖ్వాలో చురుకుగా ఉన్న తెహ్రీక్‌-ఏ-తాలిబాన్‌ పాకిస్థాన్‌ (TTP)పై అనుమానాలు వ్యక్తమవుతున్నాయి.అసలు ఇక్కడే ఎందుకు దాడులు?పాకిస్థాన్‌లో ఉగ్రవాద సమస్యకు అత్యంత ప్రభావిత ప్రాంతాల్లో ఖైబర్‌ పఖ్తున్‌ఖ్వా ఒకటి. ఆఫ్ఘనిస్థాన్‌ సరిహద్దుకు సమీపంలో ఉండటం, కొండ ప్రాంతాలు, క్లిష్టమైన భౌగోళిక పరిస్థితులు కారణంగా ఈ ప్రాంతం చాలా కాలంగా ఉగ్రవాద గ్రూపులకు స్థావరంగా మారింది. గతంలో ఈ ప్రాంతం పాకిస్థాన్‌ తాలిబాన్‌ వంటి మిలిటెంట్‌ గ్రూపుల ప్రభావంలో ఉండేది. పాకిస్థాన్‌ సైన్యం చేపట్టిన ఆపరేషన్లతో కొంతకాలం దాడులు తగ్గినా.. ఇటీవలి సంవత్సరాల్లో మళ్లీ ఉగ్ర కార్యకలాపాలు పెరుగుతున్నాయి.TTP మళ్లీ పుంజుకుంటోందా?తెహ్రీక్‌-ఏ-తాలిబాన్‌ పాకిస్థాన్‌ (TTP) లక్ష్యం పాకిస్థాన్‌లో తమకు అనుకూలమైన కఠిన ఇస్లామిక్‌ పాలన ఏర్పాటు చేయడం. ఈ సంస్థ భద్రతా బలగాలు, ప్రభుత్వ సంస్థలు, తమకు వ్యతిరేకంగా మాట్లాడే పౌరులను లక్ష్యంగా చేసుకుంటుంది. ఆఫ్ఘనిస్థాన్‌లో తాలిబాన్‌ తిరిగి అధికారంలోకి వచ్చిన తర్వాత పాక్‌లోని కొన్ని మిలిటెంట్‌ గ్రూపులకు ధైర్యం పెరిగిందని భద్రతా నిపుణులు చెబుతున్నారు. అయితే ఆఫ్ఘన్‌ తాలిబాన్‌ ప్రభుత్వం తమ భూభాగం నుంచి పాకిస్థాన్‌పై దాడులు జరగడం లేదని చెబుతోంది.శాంతి కోరుతున్న ప్రజలే ఎందుకు బలవుతున్నారు?ఖైబర్‌ పఖ్తున్‌ఖ్వాలోని సాధారణ ప్రజలు ఏళ్లుగా ఉగ్రవాదం, సైనిక చర్యల మధ్య నలిగిపోతున్నారు. ఒకప్పుడు పర్యాటక ప్రాంతంగా పేరున్న స్వాత్‌ లోయ కూడా ఉగ్రవాద ప్రభావాన్ని ఎదుర్కొంది. ఇప్పుడు అక్కడి ప్రజలు మళ్లీ అలాంటి పరిస్థితులు రావద్దని కోరుతున్నారు. అయితే శాంతి కోసం గొంతెత్తుతున్న వారినే లక్ష్యంగా చేసుకోవడం ఉగ్రవాదుల వ్యూహంలో భాగమని నిపుణులు అంటున్నారు. ప్రజల్లో భయాన్ని పెంచడం, ప్రభుత్వంపై నమ్మకాన్ని దెబ్బతీయడం, భద్రతా వ్యవస్థను సవాలు చేయడమే ఇలాంటి దాడుల ప్రధాన ఉద్దేశమని విశ్లేషిస్తున్నారు.ఇదీ చదవండి: ఎవడ్రా సామి నువ్వు.. పాక్‌ను ఇంతలా వణికిస్తున్నావ్‌?పాక్‌కు పెరుగుతున్న భద్రతా సవాల్‌ఒకవైపు సరిహద్దు ఉద్రిక్తతలు, మరోవైపు అంతర్గత ఉగ్రవాదం పాకిస్థాన్‌కు పెద్ద సవాల్‌గా మారాయి. కేవలం సైనిక చర్యలతోనే ఉగ్రవాదాన్ని పూర్తిగా అణచివేయడం సాధ్యం కాదని.. స్థానిక ప్రజల విశ్వాసం, అభివృద్ధి, సరిహద్దు నియంత్రణ వంటి అంశాలపై కూడా దృష్టి పెట్టాల్సిన అవసరం ఉందని నిపుణులు సూచిస్తున్నారు.శాంతి కోసం జరిగిన ర్యాలీపై జరిగిన ఈ దాడి.. ఖైబర్‌ పఖ్తున్‌ఖ్వాలో ఉగ్రవాద సమస్య ఇంకా ఎంత తీవ్రంగా ఉందో మరోసారి బయటపెట్టింది. ప్రజలు భయంతో జీవించే పరిస్థితికి ముగింపు పలకడం పాకిస్థాన్‌ ముందున్న అతిపెద్ద సవాల్‌గా మారింది.BREAKING: A suicide blast struck Kabal Police Station in Swat district, Khyber Pakhtunkhwa, Pakistan, during a nearby peace rally. Reports indicate at least 16 people, including 10 police officers, were killed, with many others injured.#BreakingNews #Pakistan #Swat…— WorldNewsRank (@WNewsRankX) August 3, 2026

సాక్షి, ఢిల్లీ: ఎంపీ పప్పూ యాదవ్‌పై దాడి జరిగింది. ఈరోజు ఆదివారం ఢిల్లీలోని ఆయన నివాసం వద్ద మీడియా సమావేశం నిర్వహిస్తూఉండగా ఓ వ్యక్తి అతనిపై చెప్పు విసిరారు. అనంతరం ఎంపీపై దాడికి యత్నించగా మద్ధతుదారులు అతనిని పట్టుకొని చితకబాదారు.అనంతరం అతనిని పోలీసులు అదుపులోకి తీసుకున్నారు.ఇటీవల అయోధ్య రామమందిర హుండీ చోరి విషయంలో ఇటీవల ప్రతిపక్షాలు పార్లమెంటు ఎదుట నిరసన చేపట్టాయి. ఈ సందర్భంగా పప్పుయాదవ్ సన్యాసి వేశం వేసి హూండీ పట్టుకొని నాటకం వేశారు. కాగా ఈ నాటకం హిందూ ధర్మాన్ని కించపరిచే విధంగా ఉందంటూ వారణాసిలోని కొందరు సన్యాసులు, లాయర్లు పోలీస్‌ స్టేషన్లలో ఫిర్యాదు చేశారు.ఆ నేపథ్యంలోనే లక్నోలోని ఓ హిందూ నాయకుడు పప్పూయాదవ్‌ తల తెచ్చిన వారికి రూ. 51 లక్షల రివార్డును ఇస్తానని ప్రకటించారు.ఇంతలోనే ఈ రోజు ఆయనపై దాడి జరిగింది. దాడి అనంతరం పప్పు యాదవ్ మాట్లాడుతూ "కొంతమంది బాబాలు ప్రతిరోజూ, "నన్ను చంపండి, కాల్చండి, నేను మీకు రూ. 51 లక్షలు ఇస్తాను. అంటున్నారు. అసలు నాతప్పేమిటి ఈ దాడి మీ కళ్ల ముందే జరిగింది. అసలు నేరం బ్రిజ్‌భూషణ్ తివారీ, చంపత్ రాయ్‌లది" అని అన్నారు.అయితే దాడి తర్వాత అక్కడ ఉద్రిక్తకర పరిస్తితులు ఏర్పడ్డాయి. ఎంపీ మద్దతుదారులు అతనిపై తీవ్రస్థాయిలో దాడికి యత్నించారు. దీంతో పోలీసులు అతి కష్టంమీద దాడి చేసిన వ్యక్తిని అక్కడి నుండి తరలించారు. కాగా నిందితుడు తనపై దాడికి కత్తి తీసుకవచ్చాడని పప్పూ యాదవ్ తెలిపారు.#Breaking - Delhi: Pappu Yadav attacked and brutally beaten A man with a knife tried to kill Pappu YadavPeople beat the man severely pic.twitter.com/uy5MQfRInS— NEWS WALA (@NEWSWALApy) August 2, 2026

తిరుపతి రూరల్‌: తిరుపతిలో అంబేడ్కరిస్టులు, దళితులపై టీడీపీ గూండాలు రెచ్చిపోయారు. వారి చేతుల్లో రాజ్యాంగ నిర్మాత అంబేడ్కర్‌ చిత్రపటంతో కూడిన బ్యానర్‌ చూడగానే చెలరేగిపోయారు. ‘‘మీరు ఏమైనా అంబేద్కర్‌కు పుట్టినోళ్లా..? బొమ్మ పట్టుకుని వస్తే వదిలేస్తామా..? అంటూ తిట్లదండకం అందుకున్నారు. బ్యానర్‌ను చించివేసి ఇక్కడి నుంచి వెళ్లకుంటే మీ అందరి అంతు చూస్తాం’’ అంటూ హూంకరిస్తూ బెదిరింపులకు పాల్పడ్డారు. వెంటాడి దొరికిన వారిని దొరికినట్టు పిడిగుద్దులు కురిపిస్తూ చితకబాదారు. కొందరిని గొంతు నులిమి చంపేందుకు యత్నించారు. మహిళలపైనా దాడికి పాల్పడ్డారు. దాడిలో గాయపడిన దళితులను స్థానికులు చికిత్స నిమిత్తం తిరుపతి రుయా ఆస్పత్రికి తరలించారు. అసలు ఏం జరిగిందంటే.. తిరుపతి రూరల్‌ మండలం అవిలాల గ్రామ పంచా­యతీ పరిధిలోని సర్వే నంబరు 145లో ఉన్న మఠం భూము­లను కొందరు టీడీపీ నాయకులు యథేచ్ఛగా కబ్జా చేస్తున్నారు. పంచాయతీవాసుల దాహార్తిని తీర్చేం­దుకు గతంలో ఏర్పాటుచేసుకున్న బోరునూ ఆక్రమించారు. నీటి సరఫరా నిలిపివేయడంతో అవిలాల మాజీ సర్పంచ్‌ వెంకటరమణతోపాటు దళితవాడ వాసు­లు, అంబేడ్కరిస్టులు పలుమార్లు అధికారులకు ఫిర్యాదులు చేశారు. అయినా ఆక్రమణదారులు పనులు ఆపకపోవడంతో శనివారం అంబేడ్కర్‌ ఫొటోతో కూడిన బ్యానర్‌ను ముద్రించుకుని బోరు వద్దకు దళితవాడ వాసులు చేరుకుని భూ ఆక్రమణదారుల నుంచి పంచాయతీ బోరును కాపాడాలని నినదించారు. అదే సమయానికి భూ ఆక్రమణకు పాల్పడిన వారంతా అక్కడకు చేరు­కుని దళితులపై రెచ్చిపోయారు. బూతుపంచాంగం లం­కించుకున్నారు. నోటికి వచ్చినట్టు బూతులు తిడుతూ ఒక్కసారిగా దాడికి పాల్పడ్డారు. అంబేడ్కర్‌ చిత్రపటంతో కూడిన బ్యానర్‌ను చింపేసి పరుష పదజాలంతో దళిత జాతిని అవమానించేలా తిడుతూ దొరికిన వారిని దొరికినట్టు కొట్టారు. ప్రాణభయంతో కేకలు పెడుతూ మహిళలు పరుగులు తీయగా వెంటాడి కొట్టారు. ఇదంతా పోలీసుల కళ్ల ముందే జరిగినా వారు కిమ్మనలేదు. చోద్యం చూస్తుండిపోయారు. గాయపడిన వారికి రుయాలో చికిత్స టీడీపీ గూండాల దాడిలో గాయపడిన అవిలాల పంచాయతీ మాజీ సర్పంచ్‌ వెంకటరమణ, కౌసల్య, విజయనిర్మల, ప్రసాద్, యాదగిరిలను చికిత్స నిమిత్తం తిరుపతి రుయాకు తరలించారు. ఆస్పత్రిలో చికిత్స పొందుతున్న వారిని వైఎస్సార్‌సీపీ తిరుపతి, చిత్తూరు జిల్లాల అధ్యక్షులు భూమన కరుణాకర్‌రెడ్డి పరామర్శించారు. దళితులపై దాడి హేయమైన చర్యలని మండిపడ్డారు. టీడీపీ గూండాలపై చట్టప్రకారం చర్యలు తీసుకోవాలని దళిత సంఘాల నేతలు డిమాండ్‌చేశారు. దాడికి పాల్పడిన వారిలో టీడీపీ ఎమ్మెల్యే పులివర్తి నాని అనుచరులుగా చెప్పుకునే నవీన్‌ నాయుడు, సునీల్, శంకర్‌ యాదవ్, బాలసుబ్రమణ్యం నాయుడు, పృధ్వీ ఉన్నారని, వారిపై ఎస్సీ, ఎస్టీ అట్రాసిటీ కేసులు నమోదు చేయాలని బాధితులు డిమాండ్‌ చేశారు.

సాక్షి, కర్నూలు: కర్నూలు జిల్లా చిప్పగిరి మండలం సంగాల గ్రామంలో ఉద్రిక్తత చోటు చేసుకుంది. అధికారం మదంతో పచ్చమూకలు మరోసారి రెచ్చిపోయారు. వైఎస్సార్‌సీపీ నేత గిరి ఇంటిపైకి దాడికి తెగబడ్డారు. టీడీపీ నేత నాగరాజు ఈ దాడికి పాల్పడ్డారు. ఏ కారణం లేకుండానే వైఎస్సార్‌సీపీ నేత ఇంటిని ధ్వంసం చేశారు. దీంతో వైఎస్సార్‌సీపీ నేతను పరామర్శించడానికి ఎమ్మెల్యే విరుపాక్షి అక్కడి చేరుకున్నారు. ఎమ్మెల్యే వీరుపాక్షిపై కూడా టీడీపీ గూండాలు రాళ్లు రువ్వారు. ఈ ఘటనలో ఎమ్మెల్యే సోదరుడు శ్రీరాముడుకి గాయాలయ్యాయి. ఈ ఘటనపై టీడీపీ నాయకులపై ఫిర్యాదు చేస్తే పోలీసులు చోద్య చూస్తున్నారు. గొడవకు ఎమ్మెల్యే కారణమంటూ సీఐ రవిశంకర్ రెడ్డి ఏకపక్షంగా వ్యవహరించారు. ఇంకా గొడవ సర్దుమనుగక కాక ముందే టీడీపీ ఇన్చార్జ్ వైకుంఠం జ్యోతి సంగాల గ్రామానికి బయలుదేరారు.

సంగారెడ్డి, సాక్షి: సంగారెడ్డి వట్‌పల్లి పోలీసు స్టేషన్‌ పరిధిలో ఈ రోజు (శనివారం) తీవ్ర ఉద్రిక్తత చోటు చేసుకుంది. బంధువులు రాకుండానే మృతదేహాన్ని తరలించారనే కోపంతో మృతుడు బంధువులు ఏకంగా పోలీస్‌ స్టేషన్‌పైనే దాడి చేశారు. స్టేషన్‌లోని ఫర్నిచర్‌ అంతా ధ్వంసం చేశారు. దీంతో అక్కడ ఉద్రిక్త పరిస్థితులు నెలకొన్నాయి.వివరాల్లోకి వెళితే.. నిన్న శుక్రవారం బీరప్ప అనే యువకుడు ఇతరాత్రా కారణాలతో చెట్టుకు ఉరేసుకుని ఆత్మహత్యకు పాల్పడ్డారు.అయితే ఈ వివరాలు తెలుసుకున్న పోలీసులు అక్కడికి చేరుకున్నారు. కుటుంబసభ్యులకు రాకముందే అతని మృతదేహాన్ని కిందకి దించి ఆసుపత్రికి తరలించారు.దీంతో ఆగ్రహం చెందిన బంధువులు పోలీస్‌ స్టేషన్‌పైనే దాడి చేశారు.

కీవ్‌ : ఉక్రెయిన్‌పై రష్యా బాలిస్టిక్ మిసైళ్లతో విరుచుకపడింది. గగనతలం మిసైళ్ల మోతతో దద్దరిల్లింది. ఈ రోజు శనివారం ఉదయం రష్యా.. ఉక్రెయిన్‌ రాజధాని కీవ్‌పై బాలిస్టిక్ క్షిపణులతో జరిపిన దాడిలో కనీసం తొమ్మిదిమంది మృతి చెందినట్లు అధికారులు ప్రకటించారు. మృతుల సంఖ్య మరింతగా పెరిగే అవకాశం ఉందని తెలిపారు. కాగా ఈ వారంలో కీవ్‌పై రష్యా దాడి చేయడం ఇది రెండోసారి.ఇటీవల రష్యా-ఉక్రెయిన్ మధ్య ఉద్రిక్తతలు తీవ్రస్థాయికి చేరుకుంటున్నాయి. రష్యా వరుసగా కీవ్‌పై మిసైళ్లతో విరుచుకపడడంతో పెద్దఎత్తున ప్రజలు ప్రాణాలు కోల్పోతున్నారు. దీనికి ప్రతిగా ఉక్రెయిన్‌ సైతం విరుచుకపడుతుంది.రష్యాలోని చమురు రిఫైనరీలు, ఇంధన డిపోలను లక్ష్యంగా చేసుకుని దాడులను కొనసాగిస్తోంది. నల్లసముద్ర ప్రాంతంలో వాణిజ్య నౌకలు, సరుకు రవాణా నౌకలను లక్ష్యంగా చేసుకుని కూడా దాడులు జరుగుతున్నాయి. దీంతో ఇరు దేశాల మధ్య ఉద్రిక్త పరిస్థితులు నెలకొన్నాయి.ఈ నేపథ్యంలో ఈరోజు మరోసారి కీవ్‌పై రష్యా బాలిస్టిక్ మిసైళ్లతో విరుచుకపడింది. ఈ దాడుల్లో కనీసం తొమ్మిది మంది ప్రాణాలు కోల్పోగా, నలుగురు పిల్లలతో సహా 28 మంది గాయపడ్డారు. ఈ వివరాలను కీవ్ మేయర్ విటాలీ క్లిట్ష్కో స్వయంగా వెల్లడించారు.ఈ దాడులతో కీవ్‌లోని వివిధ ప్రాంతాల్లో భారీగా మంటలు చెలరేగడంతో పాటు కొన్ని ప్రాంతాల్లో విద్యుత్ సరఫరా నిలిచిపోయిందని పేర్కొన్నారు.కాగా కీవ్‌పై ఈ వారంలో ఇలాంటి పెద్ద దాడి జరగడం ఇది రెండోసారి. గత గురువారం జరిగిన దాడిలో క్రివాయ్ రిగ్ సమీపంలోని ఒక గ్రామంలో ఒకే కుటుంబానికి చెందిన ఆరుగురు సహా తొమ్మిది మంది మరణించారు.ఈ ఘటన నుంచి తేరుకోకముందే తాజాగా మరోసారి దాడి చేసింది. రష్యా దాడులు ఉదృతమవుతున్న నేపథ్యంలో తమ దేశానికి మరిన్ని రక్షణ వ్యవస్థలు కావాలని జెలెన్స్కీ పశ్చిమ దేశాలను కోరుతున్నారు. మిత్రులను కోరుతున్నారు. స్వయంగా పాట్రియాట్ క్షిపణులను తయారు చేసుకునేందుకు అమెరికా నుంచి లైసెన్స్ పొందడానికి ఆయన చర్చలు జరుపుతున్నారు.కాగా ఈ విషయమై ట్రంప్‌ మాట్లాడినట్లు మీడియా కథనాలు వెలువడ్డాయి. "ప్రస్తుతం చర్చలు జరుగుతున్నాయి. వాషింగ్టన్ ఇంకా దీనికి అంగీకరించలేదుఎవరికైనా అలాంటి సాంకేతికతను ఇవ్వడం చాలా ప్రమాదకరమైన విషయం. ఎందుకంటే మనం ఎవరికైతే ఆ టెక్నాలజీ ఇస్తామో, వారు భవిష్యత్తులో మనపైనే తిరగబడవచ్చు" అని ట్రంప్ పేర్కొన్నట్లు కథనాలు వెలువడ్డాయి.

వాషింగ్టన్‌: అమెరికా అధ్యక్షుడు డొనాల్డ్ ట్రంప్ మరోసారి ఇరాన్‌పై రెచ్చిపోయారు. ఈ వారాంతంలో ఇరాన్‌పై కనీవినీ ఎరుగని రీతిలో దాడులు చేస్తామని ప్రకటించారు. ఈ నేపథ్యంలో టెహ్రాన్‌ని లొంగిపోయేలా చేసేలా అత్యంత కఠినమైన దాడులు చేయాలని సైన్యాన్ని హెచ్చరించినట్లు సమాచారం.పశ్చిమాసియా యుద్ధంలో ట్విస్టుల మీద ట్విస్టులు నడుస్తున్నాయి. యుద్ధం ముగుస్తుందనుకునేలోపే మళ్లీ తీవ్రస్థాయికి చేరింది.ఇది చాలదన్నట్లు ఇటీవలే అమెరికాకు మద్ధతుగా సౌదీ అరేబియా సైతం రంగప్రవేశం చేసింది. ఈ నేపథ్యంలో ట్రంప్ మరోసారి ఇరాన్‌కు ఝలకిచ్చారు.వాల్ స్ట్రీట్ జర్నల్ నివేదిక ప్రకారం.." టెహ్రాన్‌ను లొంగిపోయేలా ఇరాన్‌పై కఠినమైన దాడులు చేయండి. వారు అబద్ధాలు చెబుతారు. తప్పుగా అన్వయిస్తారు. ఇరాన్‌పై విశ్వాసం కోల్పోతున్నాము మనము వారిని చాలా తీవ్రంగా దెబ్బతీద్దాం. దీంతో ఏదో ఒక సమయంలో, ఇకపై దీనిని భరించలేమని వారు చెబుతారు," అని ‍‍ట్రంప్ అన్నట్లు కథనాలు పేర్కొన్నాయి. ఈ యుద్ధంలో అమెరికా ఎట్టిపరిస్థితుల్లో గెలవాలని కోరుకుంటున్నట్లు తెలిపాయి.అత్యంత కఠినమైన బాంబు దాడిగా?కాగా అక్కడి కథనాల ప్రకారం, ఇరాన్ యొక్క ఇంధన మౌలిక సదుపాయాల లక్ష్యాలు, రిఫైనరీలే టార్గెట్‌గా ఈ దాడులు ఉండనున్నట్లు తెలుస్తోంది. ఇప్పటివరకు జరిగిన బాంబుదాడులలో అత్యంత తీవ్రమైనదిగా నిలిచేలా ప్లాన్ వేస్తున్నట్లు సమాచారం. ఈ భారీ దాడులను అమెరికా, ఇజ్రాయెల్ సంయుక్తంగా జరిపేలా ప్రణాళిక వేస్తున్నట్లు సమాచారం.

సినిమాల్లో చూపించిన చీకటి ప్రపంచం.. నిజ జీవితంలోనూ అంతే భయానకంగా ఉంటుందా? పాకిస్థాన్‌లోని కరాచీ గ్యాంగ్‌వార్‌ ప్లేస్‌ ‘ల్యారీ’ పేరు మరోసారి తెరపైకి వచ్చింది. ‘ధురంధర్‌’లో చూపించిన ఈ ప్రాంతంలో గ్యాంగ్‌ కల్చర్‌, అండర్‌వల్డ్‌ ఆధిపత్య పోరు వాస్తవమనే విషయం మరోసారి ప్రపంచానికి చాటి చెప్పింది. ఒకప్పుడు ల్యారీని తన గుప్పిట్లో ఉంచుకున్న గ్యాంగ్‌స్టర్‌ ఉజైర్‌ బలోచ్‌ సోదరుడు జుబైర్‌ బలోచ్‌పై గుర్తుతెలియని దుండగులు కాల్పులు జరపడం ఇప్పుడు చర్చనీయాంశంగా మారింది.కరాచీలోని ల్యారీ ప్రాంతంలో శుక్రవారం ఈ ఘటన చోటుచేసుకుంది. ఇంటి బయట కూర్చుని ఉన్న జుబైర్‌ బలోచ్‌పై బైక్‌పై వచ్చిన సాయుధులు కాల్పులు జరిపి పరారయ్యారు. ఈ దాడిలో అతడికి ఛాతీ, పొత్తికడుపు భాగాల్లో తీవ్ర గాయాలయ్యాయి. మరో ఇద్దరు సాధారణ పౌరులు కూడా గాయపడ్డారు. పోలీసుల ప్రకారం.. చాకీవారా రోడ్డులోని సింగూ లేన్‌ ప్రాంతంలో జుబైర్‌పై దాడి జరిగింది. అతడిని వెంటనే కరాచీ సివిల్‌ ఆస్పత్రికి తరలించి చికిత్స అందిస్తున్నారు. ప్రస్తుతం అతని పరిస్థితి ఏంటన్నది కూడా తెలియాల్సి ఉంది. ఈ దాడి వెనుక ఉంది ఎవరు? అనేదానిపై ఇప్పటికీ ఓ స్పష్టత రాలేదు. గ్యాంగ్‌ వార్‌, వ్యక్తిగత కక్షలు, పాత నేర సంబంధాలు.. ఇలా అనే కోణాల్లో దర్యాప్తు కొనసాగుతోందని అక్కడి అధికారులు ప్రకటించారు. ల్యారీ అంటేనే గ్యాంగ్‌ల గడ్డకరాచీ నగరంలోని ల్యారీ ప్రాంతానికి ప్రత్యేకమైన చరిత్ర ఉంది. ఒకప్పుడు రాజకీయ ప్రభావం, గ్యాంగ్‌ల ఆధిపత్యం, ఆయుధ సంస్కృతికి ఈ ప్రాంతం కేంద్రంగా ఉండేది. చిన్న వీధుల్లో పెరిగిన గ్యాంగ్‌లు క్రమంగా భారీ నెట్‌వర్క్‌లుగా మారి.. ప్రాంతీయ రాజకీయాలు, స్థానిక వ్యాపారాలపై ప్రభావం చూపిన సందర్భాలు ఉన్నాయి. ఇదే నేపథ్యంతో.. నిజజీవిత ఘటనల స్ఫూర్తితో మాంచి మసాలా స్పై డ్రామాగా ‘ధురంధర్‌’ సినిమాను మలిచాడు దర్శకుడు ఆదిత్య ధార్‌.ఎవరీ ఉజైర్‌ బలోచ్‌?ఇప్పుడు కాల్పులకు గురైన జుబైర్‌ బలోచ్‌.. ఉజైర్‌ బలోచ్‌ సొంత తమ్ముడు. ఉజైర్‌ బెలూచ్‌ కరాచీలోని ల్యారీ ప్రాంతంలో రెహమాన్‌ డకాయిట్‌ వారసుడిగా ఎదిగాడు. రెహమాన్‌ మరణం తర్వాత అతడి కజిన్‌ అయిన ఉజైర్‌ చేతికి ల్యారీ గ్యాంగ్‌ పగ్గాలు వెళ్లాయి. అయితే సినిమాలో సొంత సోదర బంధంగా చూపించారు. ఆ తర్వాత.. కరాచీ అండర్‌వల్డ్‌లో ఉజైర్‌ పేరు మరింత ప్రభావవంతంగా మారింది. అతడిపై హత్యలు, పోలీసులపై దాడులు, ఆయుధ కేసులు సహా అనేక ఆరోపణలు ఉన్నాయి. 2012లో భద్రతా బలగాలతో జరిగిన ఘర్షణలకు సంబంధించిన కేసుల్లోనూ అతడి పేరు వచ్చింది. ఆఖరికి 2020లో పాకిస్థాన్‌ సైనిక న్యాయస్థానం గూఢచర్యం కేసులో అతడిని దోషిగా తేల్చి 12 ఏళ్ల జైలు శిక్ష విధించింది(సినిమాలో రణ్‌వీర్‌ హమ్జా పాత్ర ఉజైర్‌ను పక్కా స్కెచ్‌తో ఇరికించినట్లు చూపించాడు). వాస్తవంగా.. ఇప్పటికీ అతడిపై పలు కేసులు కొనసాగుతున్నాయి.ఒకప్పుడు తుపాకుల మోత, గ్యాంగ్‌ల ఆధిపత్యానికి పేరున్న ల్యారీ.. ఇప్పుడు మరోసారి వార్తల్లోకి రావడంతో కరాచీ భద్రతపై చర్చ మొదలైంది. ఉజైర్‌ బలోచ్‌ కుటుంబంపై జరిగిన ఈ దాడి వెనుక అసలు కథ ఏమిటన్నది పోలీసుల దర్యాప్తులో తేలాల్సి ఉంది.పాక్‌లో వాళ్ల అంతం.. ఎప్పుడూ మిస్టరీనే?పాకిస్థాన్‌లో గ్యాంగ్‌స్టర్లు, అండర్‌వల్డ్‌ డాన్‌లు, ఉగ్ర సంబంధం ఉన్న నేతల జీవితాలు తరచూ అనూహ్య మలుపులు తిరుగుతుంటాయి. ఆధిపత్య పోరులు, రాజకీయ విభేదాలు, ప్రత్యర్థి వర్గాల దాడులు.. ఇలా పలువురు కీలక వ్యక్తులు అనుమానాస్పద పరిస్థితుల్లో మృతి చెందిన ఘటనలు గతంలో చోటుచేసుకున్నాయి. ఆ సమయాల్లో భారత్‌పైనా పాక్‌ ఆరోపణలు గుప్పించిన సందర్భాలు లేకపోలేదు. అయితే కొన్ని ఘటనల్లో దాడి వెనుక అసలు కారణాలు, కుట్రదారులు ఎప్పటికీ మిస్టరీగానే మిగిలిపోయాయి.

కర్ణాటకలోని బెంగళూరులో ఒక దిగ్భ్రాంతికర ఘటన వెలుగులోకి వచ్చింది. పెళ్లి, వివాహం, డబ్బు విషయంలో విభేదాలతో ఓ తండ్రి తన కూతురిని అత్యంత దారుణంగా ప్రవర్తించాడు. కన్న కూతురిని కంటికి రెప్పలా కాపాడాల్సిన తండ్రే కర్కశంగా వ్యవహరించిన ఘటన నెట్టింట వైరల్‌గా మారింది. పోలీసులు అందించిన సమాచారం ప్రకారం బెంగళూరులోని ఒక ప్రైవేట్ కళాశాలలో అసిస్టెంట్ ప్రొఫెసర్‌గా పనిచేస్తోంది లక్ష్మీ దుర్గ. ఆమె తండ్రి నాగేంద్ర క్యాబ్ డ్రైవర్‌గా పనిచేస్తాడు. ఇటీవల నాగేంద్ర తన కుమార్తె పెళ్లి కోసం ఒక సంబంధం ఖాయం చేశాడు. అయితే, కూతురి చదువు, కెరీర్ కోసం తాను భారీగా ఖర్చు చేశాననే నెపంతో వరుడి కుటుంబం నుండి రూ. 40 లక్షలు డిమాండ్ చేశాడు.అంతేకాదు లక్ష్మీ దుర్గ ప్రతి నెలా వచ్చే తన జీతం మొత్తాన్ని తనకే ఇవ్వాలని నాగేంద్ర ఒత్తిడి తెచ్చేవాడు. దీన్ని నాగేంద్ర భార్య, కుమార్తె లక్ష్మీ దుర్గ తీవ్రంగా వ్యతిరేకించారు. దీంతో ఇంట్లో తరచూ గొడవలు జరిగేవి. దీనికితోడు పెళ్లివారిని రూ. 40 లక్షలు ఎదురు కట్నం డిమాండ్‌ చేశాడు. దీన్ని లక్ష్మి తీవ్రంగా వ్యతిరేకించడంతో ఆమె మీద పగబట్టాడు. జూలై25 న కన్నకూతురిపైనే కత్తితో దాడికి తెగబడ్డాడు. ఇదీ చదవండి: చిన్నప్పటి ఆసక్తే .. రూ. 96 లక్షల ప్రైజ్‌ తెచ్చిపెట్టింది!కుమార్తెను కలిసే నెపంతో కాలేజిలోని హెచ్ఓడి (HOD) ఛాంబర్‌లో ఉన్న లక్ష్మీ దుర్గ వద్దకు వెళ్లిన నాగేంద్ర, వెంట తెచ్చుకున్న కత్తితో ఆమె కడుపు, ఛాతీ, మెడలో తీవ్రంగా పొడిచి అక్కడ నుండి పరారయ్యాడు. తీవ్రంగా గాయపడిన లక్ష్మీ దుర్గ ప్రస్తుతం ఆసుపత్రిలో చికిత్స పొందుతోంది. ఈ దాడికి కుటుంబంలో దీర్ఘకాలంగా నడుస్తున్న వివాదాలే కారణమని పోలీసులు ప్రాథమికంగా అంచనా వేశారు. కేసు నమోదు చేసిన పోలీసులు, నిందితుడు నాగేంద్రను అరెస్టు చేసి దర్యాప్తు చేపట్టారు. ఇదీ చదవండి : భార్యతో జస్ట్‌ 90 సెకన్లు : వ్యాపారవేత్త ఆదిత్య ఆసక్తికర వ్యాఖ్యలుఇదీ చదవండి: 144 ఏళ్ల క్రితం దుబాయ్‌ జనాభా 12 వేలు : ఇపుడు ఎంతో తెలుసా?

పారిస్‌లోని పోర్ట్ డి క్లిచీ సమీపంలో ఒక దుండగుడు వీరంగం సృష్టించాడు. రెండు పొడవైన కత్తులతో ముగ్గురు మహిళలపై దాడి చేశాడు. ఈ దాడిలో ఇద్దరు తీవ్రంగా గాయపడగా, ఒకరి పరిస్థితి విషమంగా ఉంది. అయితే డ్యూటీ పోలీస్ అధికారి చాకచక్యంగా అతడిని బంధించి, అరెస్టు చేశారని అంతర్గత వ్యవహారాల మంత్రి లారెంట్ నునెజ్ తెలిపారు. ఈ ఘటన 'పోర్ట్ డి క్లిచీ' ప్రాంతం సమీపంలో జరిగింది. ఫ్రాన్స్ రక్షణ మంత్రి లా‌రెంట్ నునెజ్ తెలిపిన వివ‌రాల ప్ర‌కారం,నిందితుడు రెండు వంటగది కత్తులతో 19, 24, 36 ఏళ్ల వయస్సున్న మహిళలపై దాడికి పాల్పడ్డాడు. బాధితుల్లో ఒకరు గర్భిణి. నిందితుడి దాడిలో తీవ్రంగా గాయపడిన ఇద్దరు మహిళల వివరాలను అధికారులు ఇంకా వెల్లడించలేదు. డ్యూటీలో ఉన్న పోలీసు బాటసారులతో కలిసి అడ్డుకుని నిందితుడిని ఆ టకట్టించడం ప్రశంసలందుకుంటోంది. గుర్తుతెలియని ఆ నిందితుడు, తానీ నేరం చేయడానికి "అల్లాహ్" ఆజ్ఞాపించాడని పేర్కొన్నాడు. పారిస్ వీధిలో ఆ వ్యక్తి కత్తితో దాడికి దిగిన దృశ్యాలకు సంబంధించిన వీడియో ఒకటి స్నాప్‌చాట్‌లో వెలుగులోకి వచ్చింది. ఆ వీడియో నిజమైనదేనని రాయిటర్స్ వార్తా సంస్థ ధృవీకరించింది.Pregnant woman among two people rushed to hospital after mass stabbing in Paris.Suspect shouted: "It's Allah who made me do it"! pic.twitter.com/APe5MSPBzD— Tommy Robinson 🇬🇧 (@TRobinsonNewEra) July 27, 2026 > ఆ వీడియోలో పొడవాటి నల్లని జుట్టు, క్రీమ్ రంగు ట్రాక్‌సూట్ ధరించిన ఒక వ్యక్తి రెండు చేతుల్లో పెద్ద కత్తులు పట్టుకుని, ఒక యువతిపై దాడి చేసి పొడవడానికి ప్రయత్నిస్తున్న దృశ్యాలు కనిపించాయి. అలాగే అదే వ్యక్తి నేలపై పడిపోగా, బాటసారులు అతడిని కదలకుండా పట్టుకున్నారు. నేలపై పడి ఉన్న ఆ వ్యక్తి "నన్ను ఇలా చేయమని అల్లాహ్ ఆజ్ఞాపించాడు" అని అనడం వీడియోలో వినిపిస్తోంది. ఇదీ చదవండి: రైల్వే ప్లాట్‌ఫాంమీద పడుకునే స్థాయినుంచి, రూ.1.69 లక్షల కోట్ల కంపెనీ!ఎలా పట్టుకున్నారంటే..నిందితుడు ఒక మహిళ వెనుక భాగంలో పొడవడం చూసి, 'రండి, అతడిని ఆపుదాం!' అని గట్టిగా అరిచాడు పోలీసు అధికారి. వెంటనే పలువురు ముందుకు వచ్చారు. ఇంతలో మరో వ్యక్తి అతనిపైకి సూట్‌కేస్‌ను విసిరాడు. దాంతో అతని చేతిలో కింత పడిపోయాయి.. ఆ సమయంలో పోలీసు అతడిని స్వాధీనంలోకి తీసుకున్నారు. సమయస్ఫూర్తితో నిందితుడిని బంధించిన ఆఫ్ డ్యూటీ పోలీస్ అధికారిని మంత్రి నునెజ్ ప్రశంసించారు.ఈ దాడికి గల అసలు కారణం ఇంకా తెలియరాలేదని నునెజ్ తెలిపారు. నిందితుడి వివరాలను నిర్ధారించలేదు. ఈ ఘటనపై తీవ్రవాద నిరోధక విచారణ చేపట్టాలా వద్దా అనే కోణంలో ఫ్రాన్స్ జాతీయ ఉగ్రవాద వ్యతిరేక ప్రాసిక్యూటర్ కార్యాలయం పరిశీలిస్తోంది.ఇదీ చదవండి: హెయిర్‌ ట్రాన్స్‌ప్లాంటేషన్‌ నా జీవితాన్నే మార్చేసింది

బెర్లిన్‌: జర్మనీ రాజధాని బెర్లిన్‌లో ఘోర ప్రమాదం చోటుచేసుకుంది. ఎల్‌జీబీటీక్యూ+ (LGBTQ+) వర్గాల ఆధ్వర్యంలో అత్యంత వైభవంగా నిర్వహించిన క్రిస్టోఫర్ స్ట్రీట్ డే (ప్రైడ్) వేడుకల్లో విషాదం అలముకుంది. వేడుకలు ముగిసే సమయాన ఓ తెల్లటి వ్యాన్ జనసమూహంపైకి దూసుకెళ్లడంతో ఒకరు ప్రాణాలు కోల్పోగా, మరో 16 మంది తీవ్రంగా గాయపడ్డారు.శనివారం రాత్రి బ్రాండెన్‌బర్గ్ గేట్ సమీపంలోని టియర్‌గార్టెన్ పార్క్ ప్రాంతంలో ఈ ఘటన జరిగింది. అంతకుముందు లక్షలాది మందితో ప్రైడ్ పరేడ్ ఎంతో శాంతియుతంగా, ఉత్సాహభరిత వాతావరణంలో సాగింది. అయితే రాత్రి 10 గంటల ప్రాంతంలో వేడుకలు ముగిసే సమయంలో విషాదం చోటుచేసుకుంది. వేగంగా దూసుకొచ్చిన వ్యాన్ పార్కులోని గుమిగూడిన జనాల్ని ఢీకొని , చివరకు ఓ చెట్టును బలంగా తాకి ఆగిపోయింది. 🚨BREAKING🚨CSD abgebrochen! Täter auf der Flucht! Auto rast in Menschenmenge. Aktuell Großeinsatz in Berlin Mitte - Tiergarten und Regierungsviertel komplett dicht. Menschen flüchten in Berliner HBF. Egal, wer der Schuldige ist - am Ende war's wieder ein "Rechter". pic.twitter.com/NqtodU3gYg— DavidGegenGoliath (@_david_brg) July 25, 2026సమాచారం అందుకున్న వెంటనే అంబులెన్సులు, అగ్నిమాపక సిబ్బంది ఘటనా స్థలానికి చేరుకుని సహాయక చర్యలు చేపట్టారు. గాయపడిన వారిలో కొందరి పరిస్థితి విషమంగా ఉన్నట్లు పోలీసులు తెలిపారు. నిందితులు సంఘటనా స్థలంలోనే వాహనాన్ని వదిలేసి పరారయ్యారు. వారి కోసం ప్రత్యేక బృందాలు గాలింపు చర్యలు ముమ్మరం చేశాయి. ఈ దుర్ఘటనపై జర్మనీ ఛాన్సలర్ ఫ్రెడరిక్ మెర్జ్, బెర్లిన్ మేయర్ కై వెగ్నర్ తీవ్ర దిగ్భ్రాంతి వ్యక్తం చేశారు. సమాజంలో శాంతిభద్రతలకు భంగం కలిగించే ఈ చర్యను తీవ్రంగా ఖండించారు.

వాషింగ్టన్: పశ్చిమాసియాలో ఉద్రిక్తతలు తీవ్రస్థాయికి చేరుకున్నాయి. తాజాగా ఇరాన్‌పై అమెరికా దాడులు చేసింది. ఆ దేశ మిలటరీ స్థావరాలే లక్ష్యంగా (బుధవారం) అమెరికా వైమానిక దళాలు విరుచుకపడ్డాయి. ఆ మేరకు అమెరికా సెంట్రల్ కమాండ్ ప్రకటన విడుదల చేసింది. ఇరాన్‌పై అమెరికా దాడులు చేయడం ఇది వరుసగా 12వ రాత్రి కావడం ఆందోళన కలిగించే విషయంఅమెరికా సెంట్రల్ కమాండ్ విడుదల చేసిన ప్రకటనలో "ఈ రోజు సాయంత్రం 5:30 గంటలకు అమెరికా దళాలు ఇరాన్ సైనిక లక్ష్యాలపై మరిన్ని దాడులను ప్రారంభించాయి. ఆ ప్రాంతీయ జలాల్లో పయనించే పౌర నావికులకు ,వాణిజ్య నౌకలకు ఇరాన్ నుండి ఎదురవుతున్న ముప్పును పూర్తిగా మట్టుబెట్టే వరకు ఈ ఆపరేషన్ కొనసాగుతుంది." అని ‍ప్రకటన విడుదల చేసింది.మధ్యప్రాచ్య సముద్ర మార్గాల్లో నౌకాయాన భద్రతను కాపాడటమే లక్ష్యంగా ఇరాన్ సైనిక శక్తులను దెబ్బతీసేందుకు ఈ దాడులు తీవ్రతరం చేసినట్లు యూఎస్ సెంట్రల్ కమాండ్ తెలిపింది. కాగా ఇరాన్‌ సైతం అమెరికాకు ఘాటుగా బదులిచ్చింది. ఇరాన్‌ విదేశాంగ శాఖ మంత్రి అబ్బాస్‌ అరాఘ్చీ ఈ మేరకు కొద్ది సేపటి క్రితమే అ‍మెరికాకు వార్నింగ్ ఇచ్చారు. అమెరికా తమపై దాడులు చేస్తే కన్నుకు కన్ను అన్న రీతిలోనే సమాధానం ఉంటుందని తెలిపారు.

హైదరాబాద్‌: నగరంలోని జూబ్లీహిల్స్‌ కార్పిడియం పబ్‌ వద్ద ఉద్రిక్తత చోటు చేసుకుంది. సోమవారం(జూలై 20వ తేదీ) రాత్రి సమయంలో కార్పిడియం పబ్‌లో మహిళలపై ఓ వ్యక్తి దాడికి పాల్పడ్డాడు. తనపై దాడి చేయవద్దని సదరు మహిళ వేడుకున్నా వినకుండా విచక్షణారహితంగా దాడికి తెగబడ్డాడు. ఈ ఘటనలో గాయపడ్డ మహిళ పోలీసులకు ఫిర్యాదు చేసింది. ఈ ఘటనపై దర్యాప్తు చేపట్టిన పోలీసులు.. నిందితుడి కోసం గాలిస్తున్నారు. అక్కడ ఉన్న సీసీ టీవీ ఫుటేజ్‌ను పోలీసులు పరిశీలిస్తున్నారు.

సాక్షి, మంచిర్యాల: చెన్నూరులో తీవ్ర ఉద్రిక్తత నెలకొంది. దేవాదాయ శాఖ అధికారులకు, భూకబ్జాదారులకు మధ్య ఆందోళనకర పరిస్థితులు ఏర్పడ్డాయి. జాతీయ రహదారి సమీపంలోని భూములను కబ్జాదారులు అక్రమంగా ఆధీనంలోకి తీసుకన్నారు. దీంతో ఆ భూమిని స్వాధీనం చేసుకోవడానికి అధికారుల జేసీబీలతో ఆ ప్రాంతంలోకి వెళ్లారు. దీంతో అక్రమదారులు ఒక్కసారిగా దాడులకు తెగబడ్డారు. దేవాదాయ శాఖ అధికారులపై పెట్రోల్‌ పోసి కారంపోడి జల్లి మరణాయుధాలతో వెంటాడారు. దీంతో తీవ్ర భయందోళనలకు గురైన అధికారులు వెంటనే అక్కడి నుంచి భయంతో పరుగులు తీశారు. దీంతో ఆ ప్రాంతంలో ఉద్రిక్త పరిస్థితులు నెలకొన్నాయి.

టెహ్రాన్‌: అమెరికా,ఇరాన్‌ మధ్య మరోసారి ఉద్రిక్త పరిస్థితులు నెలకొన్నాయి. ఇరు దేశాలు పరస్పరం దాడులకు తెగబడుతున్నాయి. ఈ నేపథ్యంలో అగ్రరాజ్యం దాడులపై ఇరాన్‌ తీవ్ర ఆగ్రహం వ్యక్తం చేసింది. చిన్నపిల్లలకు వైద్యచికిత్స చేస్తున్న కేంద్రాలపై అమెరికా దాడులు జరిపిందని అది అత్యంత అనాగరికత చర్యని ఆ దేశ విదేశాంగ ప్రతినిధి ఆగ్రహం వ్యక్తం చేశారు.అమెరికా చేసిన దాడులతో ఆసుపత్రి ప్రాంగణంలో భయానక వాతావరణం నెలకొందన్నారు. ఆసుపత్రిలోని చిన్నపిల్లల క్యాన్సర్ చికిత్స విభాగంపై ఈదాడుల ‍ప్రభావం పడిందని క్యాన్సర్ రోగులకు, ముఖ్యంగా చిన్నపిల్లలకు కీమోథెరపీ చికిత్స అందించే ఈ ఆసుపత్రిని ఖాళీ చేయించాల్సి వచ్చింది.ఈ అంశమై ఇరాన్ విదేశాంగ మంత్రిత్వ శాఖ ప్రతినిధి ఇస్మాయిల్ బకాయి మాట్లాడుతూ ఈ దాడి "ఆరోగ్య సంరక్షణ కేంద్రాలపై ఇజ్రాయెల్ జరిపిన క్రూరమైన దాడులను గుర్తుకు తెస్తోంది. ఆసుపత్రిలో చికిత్స పొందుతున్న చిన్నపిల్లలకు ఈ దాడి తీవ్ర వేదనను, ఆందోళనను కలిగించింది.వెంటనే కీమోథెరపీ చేయించుకుంటున్న211 మంది రోగులను ఆసుపత్రి నుండి సురక్షిత ప్రాంతాలకు తరలించాం. ఇది తమ ప్రాణాల కోసం వీరోచితంగా పోరాడుతున్న చిన్నారులపై జరిగిన ఈ దాడి అత్యంత అమాయకులైన మానవులపై జరిగిన ఒక పిరికిపంద యుద్ధ నేరం " అని ఎక్స్ వేదికగా ఆయన మండిపడ్డారు."మానవ హక్కుల గురించి నిరంతరం నీతులు చెప్పే దేశాలు, ఆసుపత్రులు. ఆరోగ్య కేంద్రాలను లక్ష్యంగా చేసుకోవడాన్ని చూసీచూడనట్లు నటిస్తున్నాయి. అలాంటి వారు తమ నైతిక విశ్వసనీయతను ఎప్పుడో పూర్తిగా కోల్పోయారు," అని మండిపడ్డారు.ఇరాన్ అంతటా పేలుళ్లు - ప్రాణనష్టంఅల్ జజీరా నివేదిక ప్రకారం.. ఇరాన్‌లోని కెస్మ్ ఐలాండ్, బందర్ అబ్బాస్ సిరిక్ , చబహార్ , కొనారక్, రాస్క్ సిటీ,సహా పలు ప్రాంతాలపై అమెరికా దాడులతో తెగబడింది. అదే విధంగా ఇరాన్ ఆర్మీ స్థావరాలపై ఏకకాలంలో అమెరికా విరుచుకపడుతుంది. ఈ దాడిలో కనీసం ఏడుగురు సైనికులు మరణించారని, దేశవ్యాప్తంగా వందలాది మంది గాయపడ్డారని ఇరాన్ అధికారులు తెలిపారు. అమెరికా దాడుల వల్ల ఇప్పటివరకు ఇరాన్‌లో కనీసం 35 మంది మరణించగా, 300 మందికి పైగా గాయపడ్డారని టెహ్రాన్ వెల్లడించింది.

ఆదిలాబాద్‌టౌన్‌: రాష్ట్రంలో సంచలనం సృష్టించిన అటవీశాఖ అధికారులపై దాడి కేసులో కుమురంభీం ఆసిఫాబాద్‌ జిల్లా మాజీ జెడ్పీ వైస్‌చైర్మన్‌ కోనేరు కృష్ణతోపాటు మరో ఏడుగురికి ఆర్నెల్ల జైలు, జరిమానా విధిస్తూ ఆదిలాబాద్‌ స్పెషల్‌ ఎస్సీ, ఎస్టీ కోర్టు జడ్జి డేనిరుత్‌ గురువారం తీర్పునిచ్చారు. పీపీ రమణారెడ్డి, లైజన్‌ అధికారి ఈశ్వర్‌సింగ్‌ తెలిపిన వివరాల ప్రకారం.. 2019 జూన్‌ 30న కుమురంభీం ఆసిఫాబాద్‌ జిల్లా కాగజ్‌నగర్‌ మండలం కొత్త సార్సాల గ్రామ శివారులోని కడంబా అటవీ ప్రాంతంలో మొక్కలు నాటేందుకు అటవీశాఖ అధికారులు వెళ్లారు. మూడు ట్రాక్టర్లతో భూమి చదును చేస్తుండగా కొందరు గ్రామస్తులు అడ్డుకున్నారు. పోలీసులు అక్కడికి చేరుకుని కొందరిని జీపులో పోలీస్‌స్టేషన్‌కు తరలిస్తుండగా కోనేరు కృష్ణ, బారు పోచం, పొట్టె మల్లేష్, బిచ్చర శంకర్, మరికొంతమంది అడ్డగించారు. ట్రాక్టర్లను ధ్వంసం చేస్తుండగా ఎఫ్‌ఆర్‌వో చీలే అనిత ట్రాక్టర్‌పైకి ఎక్కి ఎవరినీ కొట్టొ ద్దని సూచించారు. కోనేరు కృష్ణ వెదురు కర్రలతో ఆమెను కొట్టడంతో చేతులకు గాయాలయ్యాయి. రక్తస్రావం కావడంతో ఆస్పత్రికి తరలించారు. అటవీ శాఖ అధికారులు రమాదేవి, పడాల ఝాన్సీ, లక్ష్మి, బోంపల్లి అనిత, ఆత్రం లక్ష్మిలను కులం పేరుతో దూషించి దాడి చేసినట్లు పేర్కొన్నారు. పోలీసులు 39 మందిపై చార్జిషీట్‌ దాఖలు చేయగా, కేసు విచారణలో ఉండగా ఇద్దరు మృతిచెందారు. నేరం రుజువు కావడంతో 8 మందికి వివిధ కేసుల్లో ఆరు నెలల శిక్ష, ఒక్కొక్కరికి రూ.8,500 చొప్పున జరిమానా విధిస్తూ తీర్పునిచ్చారు. శిక్ష పడిన వారిలో కోనేరు కృష్ణ, బూరం పోశం, పుల్ల శ్రీకాంత్, కొట్ట మల్లేష్, బిబ్బర శంకర్, రాజశేఖర్, బూరం మల్లేష్, బూరం శ్యామల ఉన్నారు.

అహ్వాజ్‌: ఇరాన్‌లోని అహ్వాజ్‌లో ఉన్న షాహిద్ బాఘేయీ ఆస్పత్రి సమీపంలో అమెరికా క్షిపణులు దాడి చేశాయని, ఫలితంగా ఆస్పత్రిలోని రోగులను అత్యవసరంగా తరలించాల్సి వచ్చిందని ఇరాన్ ప్రభుత్వ మీడియా పేర్కొంది. చికిత్స పొందుతున్న క్యాన్సర్ రోగులు, ముఖ్యంగా కీమోథెరపీ తీసుకుంటున్న చిన్నారులను భద్రతా కారణాల దృష్ట్యా సిబ్బంది ఆస్పత్రి నుంచి సురక్షిత ప్రాంతాలకు తరలించారు. 24 గంటల వ్యవధిలో ఇరాన్‌పై అమెరికా రెండు భారీ దాడులను చేసింది.హోర్ముజ్ జలసంధిలో వాణిజ్య నౌకల రాకపోకలకు ఆటంకం కలిగిస్తున్న ఇరాన్ సైనిక ఆస్తులను లక్ష్యంగా చేసుకునే ఈ దాడులు నిర్వహిస్తున్నామని అమెరికా సెంట్రల్ కమాండ్ స్పష్టం చేసింది. అధ్యక్షుడు డొనాల్డ్ ట్రంప్ ఆదేశాల మేరకు ఈ సైనిక చర్యలు కొనసాగుతున్నాయని తెలిపింది. అహ్వాజ్‌తో పాటు బందర్ అబ్బాస్, చబహార్, బుషెహర్ నగరాల్లోనూ పేలుళ్లు సంభవించినట్లు ఇరాన్ మీడియా వెల్లడించింది.అలాగే ఇరాన్ ఓడరేవుల వద్ద నిబంధనలను ఉల్లంఘించి వస్తున్న ‘ఎం/టి బెల్మా’ అనే చమురు ట్యాంకర్‌ను అమెరికా యుద్ధ విమానాలు క్షిపణులతో దెబ్బతీశాయి. ఈ దాడుల వల్ల ఆస్పత్రికి జరిగిన నష్టం లేదా ప్రాణనష్టంపై ఎటువంటి అధికారిక సమాచారం అందలేదు. రెండు దేశాల మధ్య ఉద్రిక్తతలు తీవ్రస్థాయికి చేరుకోవడంతో పశ్చిమాసియాలో ఆందోళనకర పరిస్థితులు నెలకొన్నాయి.

టెహ్రాన్‌:ఇరాన్‌పై అమెరికా మరోసారి దాడులు ప్రారంభించింది. ఇరాన్‌ తీర ‍ప్రాంతాల్లోని సైనిక స్థావరాలపై మిసైళ్లతో విరుచుకపడుతోంది. ఇరాన్‌పై దాడులను యూఎస్‌ కమాండ్ కంట్రోల్‌ అధికారికంగా ధృవీకరించింది. కాగా పశ్చిమాసియాలో పరిస్థితులు మరోసారి ఉద్రిక్తంగా మారాయి. ఇరాన్‌, అమెరికా పరస్పరం దాడులకు తెగబడుతుండడంతో పరిస్థితులు ఆందోళనకరంగా మారాయి.అమెరికా మిలిటరీకిసెంట్రల్ కమాండ్ 90 నిమిషాల పాటు ఇరాన్ తీరప్రాంత రక్షణ వ్యవస్థలు, క్రూయిజ్ క్షిపణి నిల్వ కేంద్రాలపై బాంబుల వర్షం కురిపించింది. ముఖ్యంగా గ్రేటర్ తుంబ్ ఐలాండ్, చాబహార్ వంటి తీర ప్రాంతాల్లోని సైనిక స్థావరాలే టార్గెట్‌గా బాంబు దాడులు చేసింది.అమెరికా దాడులకు ప్రతి స్పందనగా ఇరాన్ సైతం దాడులకు తెగబడుతుంది. ఈ రోజు తెల్లవారుజామున బహ్రెయిన్, కువైట్, జోర్డాన్ దేశాల్లోని అమెరికా సైనిక స్థావరాలను లక్ష్యంగా క్షిపణులు, డ్రోన్లతో ఎదురుదాడులు చేసింది. ఈ దాడులతో బహ్రెయిన్‌లోని అమెరికా నౌకాదళ ప్రధాన కార్యాలయం తీవ్రంగా దెబ్బతిందని ఇరాన్ రివల్యూషనరీ గార్డ్స్ (IRGC) ప్రకటించింది.

సాక్షి, తూర్పుగోదావరి: అనపర్తి మండలం రామవరంలో కూటమినేతల అరాచకం సృష్టించారు. వైఎస్సార్‌సీపీ నేతల ఇళ్లపై కూటమి నేతలు దాడులకు పాల్పడ్డారు. వైఎస్సార్‌సీపీ నేత కృష్ణారెడ్డి ఇంటిపై కూటమి నేతలు దాడి చేశారు. కూటమి నేతల ఆగడాలను అదుపు చేయాలంటూ వైఎస్ఆర్సిపి కోఆర్డినేటర్ డాక్టర్ సూర్యనారాయణ రెడ్డి రామవరంలో రోడ్డుపై బైఠాయించారు.సూర్యనారాయణ రెడ్డిని బలవంతంగా ఈడ్చుకెళ్లిన పోలీసులు.. వైఎస్సార్‌సీపీ కార్యకర్తల కోసం ఏర్పాటు చేసిన టెంట్లను కూడా పీకేశారు. ఎమ్మెల్యే నల్లమిల్లి రామకృష్ణారెడ్డి ప్రోద్బలంతోనే ఈ దారుణానికి టీడీపీ నేతలు ఒడిగట్టారంటూ వైఎస్సార్‌సీపీ నేతలు మండిపడ్డారు. ఘటనపై పోలీసు ఉన్నతాధికారులకు ఫిర్యాదు చేస్తామని వైఎస్సార్‌సీపీ నేతలు తెలిపారు.

వాషింగ్టన్: హార్ముజ్ జలసంధిలో సైప్రస్ పతాకంతో ప్రయాణిస్తున్న ‘ఎమ్/వి జిఎఫ్ఎస్ గెలాక్సీ’ అనే వాణిజ్య నౌకపై ఇరాన్ ఇస్లామిక్ రివల్యూషనరీ గార్డ్ కార్ప్స్ (ఐఆర్జీసీ) దాడికి పాల్పడింది. ఈ ఘటనను తీవ్రంగా పరిగణించిన అమెరికా, ఇరాన్‌పై శనివారం మూడో విడత సైనిక దాడులకు దిగింది. ఐఆర్జీసీ దాడి వల్ల నౌక ఇంజన్ గది తీవ్రంగా దెబ్బతినడమే కాకుండా, అందులో మంటలు చెలరేగడంతో ప్రయాణానికి వీలులేకుండా పోయిందని, ఒక సిబ్బంది గల్లంతయ్యారని యూఎస్ సెంట్రల్ కమాండ్ (సెంట్‌కామ్) తెలిపింది. వాణిజ్య నౌకలపై దాడులను అరికట్టేందుకు అమెరికా అధ్యక్షుడు డోనాల్డ్ ట్రంప్ ఆదేశాల మేరకు ఈ కఠిన చర్యలు చేపట్టినట్లు సెంట్‌కామ్ పేర్కొంది.‘ఇరాన్ తప్పుడు నిర్ణయం తీసుకుంది, ఇప్పుడు దానికి మూల్యం చెల్లిస్తోంది’ అని అమెరికా రక్షణ మంత్రి పీట్ హెగ్‌సెత్ హెచ్చరించారు. మరోవైపు, పశ్చిమ ఆసియా ప్రాంతంలో అమెరికా జోక్యాన్ని నిరసిస్తూ హార్ముజ్ జలసంధిని తాత్కాలికంగా మూసివేస్తున్నట్లు ఇరాన్ సైన్యం ప్రకటించిన కొద్ది గంటల్లోనే అమెరికా ఈ దాడులకు దిగింది. తమపై మరిన్ని దాడులు జరిగితే ఈ ప్రాంతంలోని అమెరికా సైనిక స్థావరాలను లక్ష్యంగా చేసుకుంటామని ఇరాన్ హెచ్చరించింది. ఈ ఉద్రిక్తతల నేపథ్యంలో, పరిస్థితిని అదుపులోకి తెచ్చేందుకు ఖతార్, ఒమన్ దేశాలు ఇరాన్‌తో ముమ్మర దౌత్య చర్చలు జరుపుతున్నాయి.

సాక్షి టాస్క్‌ఫోర్స్‌: ఓటర్ల అక్రమ నమోదును అడ్డుకున్న వైఎస్సార్‌సీపీ బీఎల్‌ఏపై టీడీపీ వర్గీయులు సచివాలయంలోనే కర్రలతో దాడికి పాల్పడిన ఘటన కర్నూలు జిల్లా పాణ్యం నియోజకవర్గంలోని గడివేముల మండలం మంచాలకట్ట గ్రామంలో జరిగింది.‘సర్‌’లో భాగంగా శుక్రవారం ఓటరు లిస్టును స్థానిక సచివాలయంలో పరిశీలిస్తుండగా అక్రమంగా ఓటర్లను నమోదు చేసుకునేందుకు వచ్చిన టీడీపీ కార్యకర్తలను వైఎస్సార్‌సీపీ బీఎల్‌ఏ వెంకటకృష్ణ అడ్డుకున్నాడు. మా ఓట్లనే అడ్డుకుంటావా, నీ అంతు తేలుస్తామని ఆగ్రహించిన టీడీపీ కార్యకర్తలు సచివాలయం తలుపులు మూసి బీఎల్‌ఏ (బూత్‌ నెంబర్‌ 276) ఆవుల వెంకటక్రిష్ణపై కర్రలతో దాడి చేశారు. తీవ్రగాయాలపాలైన బాధితుడు స్థానిక పోలీసులకు ఫిర్యాదు చేశారు. అయితే గాయపడిన వెంకటకృష్ణపైనే పోలీసులు కేసు నమోదు చేయడం గమనార్హం. ఇరువర్గాలు సచివాలయంలోనే గొడవపడినట్లు కానిస్టేబుల్‌ ఇచ్చిన ఫిర్యాదుతో ఏ1గా వెంకటకృష్ణపై కేసు నమోదు చేయడం వివాదాస్పదమవుతోంది. ఇదే సమయంలో బాధితుడి ఫిర్యాదును కనీసం పరిగణనలోకి తీసుకోకపోవడమేంటని వైఎస్సార్‌సీపీ మండల కన్వీనర్‌ మధుసూదన్‌ ప్రశ్నించారు. కాగా, టీడీపీ కార్యకర్తల దాడిలో గాయపడిన వెంకటక్రిష్ణను వైఎస్సార్‌సీపీ నంద్యాల జిల్లా అధ్యక్షుడు, మాజీ ఎమ్మెల్యే కాటసాని రాంభూపాల్‌రెడ్డి ఫోన్‌లో పరామర్శించి ధైర్యం చెప్పారు. ఈ విషయాన్ని నంద్యాల ఎస్పీ దృష్టికి తీసుకెళ్తామన్నారు.

టెహ్రాన్‌: ఇరాన్ దివంగత సుప్రీం లీడర్ అయతోల్లా అలీ ఖమేనీ అంత్యక్రియల కార్యక్రమం ముగింపు వేళ ఇరాన్ కీలక వీడియో విడుదల చేసింది. ఆయన నివాసంపై అమెరికా జరిపిన దాడికి సంబంధించిన చిత్రాలను తొలిసారిగా అధికారికంగా పంచుకుంది. ఇంతవరకూ కేవలం శాటిలైట్ చిత్రాలు మాత్రమే అందుబాటులో ఉండగా తొలిసారిగా అధికారికంగా వీడియోను విడుదల చేసింది.ఫిబ్రవరి 28 అమెరికా-ఇజ్రాయెల్‌ సంయుక్తంగా దాడి చేసి ఇరాన్ సుప్రీం లీడర్ ఖమేనీని హతమార్చిన సంగతి తెలిసిందే. అయితే ఆ దాడికి సంబంధించిన వీడియోను ఇరాన్ రిలీజ్ చేసింది. 35 సెకన్ల నిడివి గల ఈ వీడియోలో దాడులలో భవనం పూర్తిగా శిథిలమైన చిత్రాలు క్షిపణుల దాడులు భవనం కుప్పకూలిన దృశ్యాలు కనిపిస్తున్నాయి. ఖమేని అంత్యక్రియలు ముగింపువేళ ఈ చిత్రాలు ఇరానీయలను తీవ్రమైన బాధకు గురి చేస్తున్నాయి.కాగా ఈ దాడిలో ఖమేనీ ఆయన కుటుంబసభ్యులతో సహా 14 నెలల మనవరాలు 40 మంది అధికారులు సైతం మరణించారు. అమెరికా, ఇజ్రాయెల్ దేశాలు ఈ భవనంపై ఏకకాలంలో 35 క్షిపణులను ప్రయోగించాయి. అయితే అయతుల్లా ఖమేనీ అంత్యక్రియలు ముగింపు దశకు చేరుకున్నాయి. ఈ రోజు (గురువారం) సాయంత్రం ఆయనను మషద్‌లో ఖననం చేయనున్నారు.కాగా ఖమేనీ అంత్యక్రియలు జరుగుతున్న అమెరికా దాడులకు తెగబడింది. చైనా, రష్యా, ఇరాన్‌లకు భూమర్గం ద్వారా జరిగే వస్తురవాణాకు కీలకంగా భావించే ఆక్ తఖే ఖాన్‌ రైల్వేబ్రిడ్జిపై దాడులు చేసినట్లు అంతర్జాతీయ కథనాలు ప్రచురితమయ్యాయి. ఈ నేపథ్యంలో ఇరాన్‌లో ఆందోళన నెలకొంది.Iran released footage of leader Khamanei's residence after the US attack that martyred him and his family, including 14-month old Zahra pic.twitter.com/dpSEJWKeGP— COMBATE |🇵🇷 (@upholdreality) July 8, 2026

సాక్షి, ఢిల్లీ: పహల్గామ్‌లో జరిగిన ఉగ్రదాడి కేసులో కీలక పరిణామం చోటు చేసుకుంది. ఈ దాడిలో ప్రధాన నిందితుడిగా లష్కర్‌- ఇ- తోయిబా చీఫ్‌ హఫీజ్‌ సయీద్‌ పేరును అధికారికంగా చేర్చింది. ఈ దాడిపై లోతైన విచారణ జరిపిన ఎన్‌ఐఏ ఎట్టకేలకు హఫీజ్‌ సయీద్‌ను నిందితుడిగా చేరుస్తూ అదనపు ఛార్జ్‌ షీట్‌ దాఖలు చేసింది.పహల్గామ్ దాడికి బాధ్యత వహిస్తూ 'TRF' అనే ఉగ్రవాద సంస్థ సోషల్ మీడియాలో పోస్టులు పెట్టింది. ఈ పోస్టులను దర్యాప్తు సంస్థ నిశితంగా పరిశీలించింది. ఈ సంస్థకు సంబంధించి అన్ని కోణాల్లో విచారణ జరిపింది. దీంతో TRF అనేది స్వతంత్ర సంస్థ కాదని కేవలం లష్కరే తోయిబా (LeT) కి చెందిన ముసుగు సంస్థ అని తేలింది. అంతర్జాతీయ ఒత్తిడి, FATF ఆంక్షల నుంచి తప్పించుకోవడానికి హఫీజ్ సయీద్ వ్యూహాత్మకంగా TRF పేరుతో దాడులు చేయిస్తున్నాడని ఎన్‌ఐఏ పక్కా ఆధారాలు సేకరించింది. దానితో పాటు పలు కోణాల్లో లోతైన విచారణ జరిపిన ఎన్‌ఐఏ అతని పేరును ఛార్జ్‌ షీట్‌ నమోదు చేసింది. పహల్గామ్‌ అటాక్‌2025, ఏప్రిల్ 22న మధ్యాహ్నం సమయంలో జమ్మూకశ్మీర్‌లోని పహల్గామ్ బైసరన్ లోయలో జరిగిన ఈ ఉగ్రదాడి జరిగింది. పర్యాటకులపై పాకిస్థాన్‌ ఉగ్రమూకలు తుపాకులతో విరుచుకపడ్డాయి. దీంతో ఈ దాడిలో మొత్తం 26 మంది ప్రాణాలు కోల్పోయారు. ఈ అమానుష దాడిపై భారతావని భగ్గుమంది. ప్రతీకారేచ్ఛతో రగిలిపోయింది.ఆపరేషన్ సిందూర్ దీనికి కౌంటర్‌గా భారత్ ఆపరేషన్‌ సింధూర్‌ నిర్వహించింది. పాక్‌లోని ప్రధాన ఉగ్రవాద సంస్థల స్థావరాలు ్ (LeT),జైషే మహమ్మద్ (JeM),హిజ్బుల్ ముజాహిదీన్ (HuM) పై ఎయిర్‌ స్ట్రైక్‌ చేసి వాటిని ధ్వంసం చేసింది. ఇక ఈ దాడిపై లోతైన విచారణ జరిపిన ఎన్‌ఐఏ లష్కరే-ఏ- తోయిబా చీఫ్‌ను ప్రధాన సూత్రధారిగా చేరూస్తూ ఛార్జ్‌ షీట్‌ దాఖలు చేసింది.

జెరూసలేం: అవసరమైతే ఇరాన్‌పై మళ్లీ దాడి చేయడానికి ఇజ్రాయెల్‌ సిద్ధంగా ఉందని ఆ దేశ ప్రధాని బెంజమిన్‌ నెతన్యాహూ హెచ్చరించారు. ఇరాన్‌ అణ్వాయుధాలపై దృష్టి కేంద్రీకరించకుండా ఆపడానికి ఇజ్రాయెల్‌ స్వతంత్రంగా ప్రయతి్నస్తుందని, దౌత్య ప్రయత్నాలు కొనసాగుతున్నప్పటికీ మరో సైనిక చర్య జరిగే అవకాశం ఉందని నెతన్యాహు వ్యాఖ్యానించారు. ఇజ్రాయెల్‌ భద్రతపై స్పష్టతరాని పక్షంలో, ఇరాన్‌ అణు బాంబు నుంచి తమను తాము కాపాడుకోవడానికి అవసరమైతే మూడోసారీ దాడి చేస్తామన్నారు. భద్రతపై ఇజ్రాయెల్‌ ఆందోళన దశలవారీగా ఉద్రిక్తతలను తగ్గించే ప్రక్రియను అనుసరించడానికి అమెరికా, ఇరాన్‌ సూత్రప్రాయంగా అంగీకరించాయి. సైనిక చర్యను నిలిపివేయడం, హార్ముజ్‌ జలసంధిని తిరిగి తెరవడం, ఆంక్షల ఉపశమనంపై చర్చలు జరపడం, ఇరాన్‌ అణు కార్యకలాపాలను పరిష్కరించేందుకు యంత్రాంగాలను ఏర్పాటు చేయడం వంటి హామీలు ఈ ముసాయిదా ఒప్పంద పత్రంలో ఉన్నాయి. తాము అణ్వాయుధాలను అభివృద్ధి చేయబోమని ఇరాన్‌ కూడా పునరుద్ఘాటించింది. అయితే, తమ దృష్టిలో ఇరాన్‌ సైనిక లేదా అణు సామర్థ్యాలను యథాతథంగా ఉంచే ఏ ఒప్పందానికైనా తాము కట్టుబడి ఉండబోమని ఇజ్రాయెల్‌ పదేపదే సంకేతాలు ఇస్తోంది.సంయమనం పాటించాలని అమెరికా అధ్యక్షుడు డొనాల్డ్‌ ట్రంప్‌ కోరారు. దాడులు ఇజ్రాయెల్‌ను దౌత్యపరంగా ఏకాకిని చేస్తాయని, కొనసాగుతున్న చర్చలను దెబ్బతీస్తాయని ట్రంప్‌ నెతన్యాహును హెచ్చరించారు. ఈ నేపథ్యంలో, నెతన్యాహు మంగళవారం దక్షిణ లెబనాన్‌లోని ఇజ్రాయెల్‌ ఆధీనంలో ఉన్న ప్రాంతాలను సందర్శించారు. భద్రతా ఒప్పందాలు కుదిరినప్పటికీ ఇజ్రాయెల్‌ బలగాలు అక్కడే ఉంటాయని చెప్పారు. హెజ్బొల్లా బెదిరిస్తున్నంత కాలం, ముప్పు తొలగిపోయే వరకు తాము దక్షిణ లెబనాన్‌ను విడిచిపెట్టబోమని స్పష్టం చేశారు.

కోల్‌కతా: టీఎంసీ ఎంపీ మహూవా మెయిత్రాపై కోడిగుడ్ల దాడి జరిగింది. ఈ రోజు ( బుధవారం) కోల్‌కతాలోని తన ఆఫీసువద్ద గుర్తుతెలియని వ్యక్తులు ఆమెపై కోడిగుడ్లతో దాడి చేశారు. అయితే బీజేపీ మద్ధతుదారులే తనపై దాడి చేశారని మహూవా ఆరోపిస్తుంది. ఈ దాడికి సంబంధించిన వీడియోను తన ఎక్స్‌ ఖాతాలో షేర్ చేసింది.ఈరోజు టీఎంసీ ఎంపీ మహువా మొయిత్రా పశ్చిమ బెంగాల్‌లో పార్టీ కార్యకర్తలతో సమావేశంలో ఉండగా ఈ ఘటన చోటు చేసుకుంది. ఓ దుకాణం వద్ద టీఎంసీ కార్య‌క‌ర్త‌ల‌తో మాట్లాడుతున్న ఆమెపై కొంద‌రు కోడిగుడ్లతో చేశారు. త‌న‌పై దాడి జ‌రిగిన విషయాన్ని ఆమె అధికారింకంగా ధ్రువీకరించారు. బీజేపీ కార్యకర్తలు ఈ దాడికి పాల్పడ్డారని . ఇది బెంగాల్‌ పోలీసుల ఫెయిల్యూర్‌ అని పేర్కొన్నారు. మహువా మొయిత్రా ఆరోపణలపై బీజేపీ ఇంకా స్పందించలేదు.కాగా పశ్చిమబెంగాల్‌లో ఎన్నికల తర్వాత తృణముల్‌ నేతలపై దాడులు తీవ్రతరమయ్యాయి. ఇటీవల ఓ పర్యటనలో మమతా బెనర్జీ మేనల్లుడు అభిషేక్ బెనర్జీపై దాడి జరిగింది. ఈ ఘటన మరువక ముందే తాజాగా మరోసారి ఎంపీ మహూవాపై గుడ్లదాడి జరగడం తీవ్ర కలకలం రేపుతుంది.Mahua aunty ke yahan bhi pahunch gaye eggs, Her source of energy 😭😭🤣 pic.twitter.com/ySt2rsMnMs— Lala (@lala_the_don) July 1, 2026

డెలివరీ బాయ్ వివాదంపై రాజు వెడ్స్ రాంబాయి హీరో అఖిల్ రాజ్ స్పందించారు. అతన్ని కావాలని తాను కొట్టలేదన్నారు. అమ్మతో ఇష్టం వచ్చినట్లు మాట్లాడడంతోనే నేను అలా చేయాల్సి వచ్చిందని తెలిపారు. తప్పుడు అడ్రస్‌లో ఇచ్చిన అతను.. మా అమ్మతో అసభ్యంగా మాట్లాడారని అఖిల్ రాజ్‌ తెలిపారు. మా అమ్మను నీచంగా మాట్లాడడంతోనే నాకు కోపం వచ్చిందని అఖిల్ రాజ్ వెల్లడించారు. అంతే కానీ ఆ అబ్బాయిని కొట్టాల్సిన అవసరం నాకు ఏముందని అన్నారు. అతన్ని కొడితే నా కెరీర్‌కు ఏమైనా ఉపయోగపడుతుందా? అని ప్రశ్నించారు. ఇలా అడ్రస్‌ పొరపాటుగా ఇప్పటికీ దాదాపు పదిసార్లు జరిగిందని అఖిల్ రాజ్ తెలిపారు. నేను కూడా ఒకప్పుడు డెలివరీగా బాయ్‌గా పనిచేసి ఈ స్థాయికి వచ్చానని వెల్లడించారు. అడ్రస్ పొరపాటు వల్ల ఒకసారి కండోమ్స్‌, సిగరెట్స్ కూడా మా ఇంటికి వచ్చాయని ఆవేదన వ్యక్తం చేశారు. ఈ గొడవతో మా అమ్మ, నాన్న కూడా పానిక్ అయ్యారని పేర్కొన్నారు. నెేనైతే అతనిపై కావాలని కొప్పడలేదని అమ్మతో అసభ్యంగా మాట్లాడడం వల్లే తనకు కోపం వచ్చిందన్నారు. మాకు సంబంధం లేని ఆర్డర్ తీసుకొచ్చి నానా హంగామా చేసిన డెలివరీ బాయ్‌ను మీరు సమర్థిస్తారా? అని ప్రశ్నించారు. ఈ వివాదంపై అఖిల్ రాజ్ స్పందిస్తూ..' మా ఇంట్లో ఎవరూ ఫుడ్ ఆర్డర్ చేయలేదు. అయినా ఫుడ్ పార్శిల్ వచ్చింది. మా అమ్మ ఆ పార్శిల్ తీసుకుని ఎవరు ఆర్డర్ పెట్టారని అడిగింది. ఎవరూ ఆర్డర్ చేయలేదు అని తెలుసుకుని పక్కనే పెట్టేసింది. కొద్ది నిమిషాల తర్వాత ఫుడ్ డెలివరీ బాయ్ వచ్చి ఫ్రీగా వస్తే తీసుకుంటారా అంటూ మా అమ్మను దుర్భాషలాడాడు. తాగిన మత్తులో ఉన్న ఆ డెలివరీ బాయ్ మా అమ్మను ఇష్టం వచ్చినట్లు మాట్లాడారు. ఒక కొడుకుగా నా బాధ్యతగా డెలివరీ బాయ్‌ను మర్యాదగా మాట్లాడమని మందలించా. ఆ డెలివరీ బాయ్ ఆ వీడియో తీసి ఇదంతా సోషల్ మీడియాలో పెడతానని బెదిరించాడు. అసలు జరిగింది తెలుసుకోకుండా కొందరు నాపై సోషల్ మీడియాలో విమర్శలు చేస్తున్నారు. మీ కుటుంబ సభ్యులకు ఇలా జరిగితే ఊరుకుంటారా. నేను ఒక హీరోగా ఇంకాస్త సంయమనం పాటించాల్సి ఉండాల్సింది. పోలీసుల దృష్టికి తీసుకెళ్లాల్సింది. అయితే మా అమ్మను తిట్టినందుకు కోపం ఆపుకోలేకపోయా. నేను మధ్య తరగతి కుటుంబం నుంచి వచ్చినవాడినే. ఇలా డెలివరీ బాయ్ పనులు చేసిన వాడినే. నా సినిమాలో కూడా సెల్ఫ్ రెస్పెక్ట్ గురించే చెప్పాం. అలాంటి నేను అకారణంగా డెలివరీ బాయ్‌తో ఎందుకు గొడవపెట్టుకుంటా. అతనితో గొడవ పెట్టుకుంటే నాకు వచ్చేదేంటి. నన్ను సోషల్ మీడియా ద్వారా విమర్శిస్తున్న మిత్రుల కోసమే ఈ వివరణ ఇస్తున్నా' ‍అని అన్నారు.

రాజు వెడ్స్ రాంబాయి మూవీతో ఫేమ్ తెచ్చుకున్న హీరో అఖిల్ రాజ్ ‍దురుసుగా ప్రవర్తించారు. ఓ ఫుడ్ డెలివరీ బాయ్‌పై దాడి చేశాడు. దీనికి సంబంధించిన వీడియోలు సామాజిక మాధ్యమాల్లో వైరల్‌గా మారాయి. దీంతో అఖిల్ రాజ్ తీరుపై నెటిజన్స్‌ తీవ్ర స్థాయిలో మండిపడుతున్నారు. హీరో అఖిల్ రాజ్ ఆన్‌లైన్‌లో ఫుడ్ ఆర్డర్ చేయగా.. డెలివరీ బాయ్ పొరపాటున వేరే ఆర్డర్ ఇచ్చాడు. దీనిపై తీవ్ర ఆగ్రహానికి గురైన హీరో అఖిల్ రాజ్ డెలివరీ బాయ్‌పై దాడి చేశాడు. అతని పేరేంట్స్ వద్దంటున్నా వినకుండా అఖిల్ రాజ్‌ భౌతిక దాడికి దిగినట్లు తెలుస్తోంది. దీనికి సంబంధించిన పూర్తి వివరాలు ఇంకా తెలియాల్సి ఉంది.కాగా.. అఖిల్ రాజ్ హీరోగా నటించిన రాజు వెడ్స్ రాంబాయి బాక్సాఫీస్ వద్ద సూపర్ హిట్‌గా నిలిచింది. ఈ మూవీతోనే అఖిల్ రాజ్ టాలీవుడ్‌లో గుర్తింపు తెచ్చుకున్నారు. అయితే కేవలం ఒక్క సినిమాకే ఇంత ఓవరాక్షన్‌ ఏంటని పలువురు నెటిజన్స్‌ అఖిల్‌ రాజ్‌ను విమర్శిస్తున్నారు. పొరపాటు జరిగిందని డెలివరీ బాయ్ చెప్పినా కూడా వినకుండా అతనిపై దాడి చేయడాన్ని నెటిజన్స్ తప్పుబడుతున్నారు. #RajuWedsRambai Hero Akhil Raj Attacks A Delivery Boy#AkhilRaj pic.twitter.com/KJg5S0j38d— Indian Clicks (@IndianClicks) June 29, 2026

సాక్షి, నిజామాబాద్‌: ఆర్మూర్‌లో తీవ్ర ఉద్రిక్తత చోటు చేసుకుంది. ఉర్దూ టీచర్‌పై దాడికి పాల్పడ్డ బీజేపీ నేత బాలును పోలీసులు అరెస్ట్ చేశారు. దీంతో ఆ ప్రాంతంలో హైటెన్షన్ నెలకొంది. వెంటనే అప్రమత్తమైన పోలీసులు 24 గంటల పాటు 144 సెక్షన్ విధించారు. ధర్నాలు, ర్యాలీలు, రాస్తారోకోలపై నిషేదం విధించారు.

న్యూఢిల్లీ: పాక్‌లోని కరాచీలో జరిగిన ఉగ్రదాడి వెనుక భారతీయ ఏజెంట్ల హస్తం ఉందంటూ పాకిస్తాన్ చేసిన ఆరోపణలను భారతదేశం తీవ్రంగా ఖండించింది. ఎలాంటి ఆధారాలు లేకుండా ఇతరులవైపు వేలు చూపించడం మానేసి, తమ సొంత భూభాగంలో పెరుగుతున్న ఉగ్రవాద నెట్‌వర్క్‌లను అణచివేయడంపై దృష్టి పెట్టాలని ఢిల్లీ గట్టిగా హితవు పలికింది. మరోవైపు, ఈ దాడికి నిరసనగా పాకిస్తాన్ సైన్యం తూర్పు అఫ్గానిస్తాన్‌లోని ఉగ్రవాద స్థావరాలపై అర్ధరాత్రి వేళ ఆకస్మిక వైమానిక దాడులకు తెగబడటంతో ఇరు దేశాల సరిహద్దుల్లో ఉద్రిక్తతలు పీక్‌కు చేరాయి.కరాచీలోని పాకిస్తాన్ రేంజర్స్ ప్రాంతీయ ప్రధాన కార్యాలయంపై జరిగిన దాడిలో ‘ఇండియన్ ప్రాక్సీ’ ప్రమేయం ఉందంటూ పాక్ అంతర్గత వ్యవహారాల మంత్రి మొహ్సిన్ నఖ్వీ చేసిన వ్యాఖ్యలను భారత విదేశాంగ శాఖ తీవ్రంగా తప్పుపట్టింది. ఈ ఆరోపణలు పూర్తిగా అసంబద్ధమైనవని విదేశాంగ శాఖ ప్రతినిధి రణధీర్ జైస్వాల్ స్పష్టం చేశారు. కరాచీలోని పారామిలిటరీ బలగాల కేంద్రమే లక్ష్యంగా పేలుడు పదార్థాలతో కూడిన వాహనాన్ని ఒక ఉగ్రవాది వేగంగా ఢీకొట్టడంతో ఈ దుర్ఘటన జరిగింది. అనంతరం భద్రతా దళాలకు, ఉగ్రవాదులకు మధ్య జరిగిన హోరాహోరీ ఎదురుకాల్పుల్లో ముగ్గురు పాకిస్తాన్ సైనికులు ప్రాణాలు కోల్పోగా, నలుగురు గాయపడ్డారు. ఇది కూడా చదవండి: హిజ్బుల్లా భారీ ఆయుధ సొరంగాన్ని పేల్చివేసిన ఇజ్రాయెల్

తాడేపల్లి రూరల్‌: పొలాలకు దారులు మూసేయడం, రిజర్వాయర్ల పేరిట 30 నుంచి 40 అడుగుల లోతున గోతులు తవ్వి పంటలను ముంచేయడం వంటి ప్రభుత్వ అరాచకాలను చూపించడానికి తామే వైఎస్సార్‌సీపీ ప్రతినిధులను పెనుమాక గ్రామానికి ఆహ్వానించామని అమరావతి రైతులు స్పష్టం చేశారు. అవసరమైతే వైఎస్సార్‌సీపీ అధ్యక్షులు, మాజీ ముఖ్యమంత్రి వైఎస్‌ జగన్‌మోహన్‌రెడ్డిని కూడా ఆహ్వానిస్తామని చెప్పారు. తమ సమస్యలు దేశానికే కాదు, ప్రపంచానికి తెలియాలంటే ఇలాంటి వారి సహకారం అవసరమని చెప్పారు.అమరావతిలో ప్రభుత్వ అరాచకానికి గురవుతున్న రైతుల పొలాలను పరిశీలించడానికి బాధిత రైతుల ఆహ్వానం మేరకు వెళ్తున్న వైఎస్సార్‌సీపీ అమరావతి రైతు పరిరక్షణ కమిటీ సభ్యులను శనివారం ఉండవల్లి సెంటర్‌లో టీడీపీ గూండాలు అడ్డుకుని దాడి చేసిన విషయం తెలిసిందే.ఈ నేపథ్యంలో అమరావతి రైతులు ఆదివారం విలేకరుల సమావేశం ఏర్పాటు చేసి, చంద్రబాబు ప్రభుత్వం తమను ఏ విధంగా వేధిస్తోందో వివరించారు. రైతులకు రాజకీయాలతో సంబంధం లేదని, తమకు న్యాయం చేసే ఏ పార్టీ వారినైనా కలుస్తామని స్పష్టం చేశారు. వైఎస్సార్‌సీపీ కమిటీని అధికార పార్టీ అడ్డుకుని దాడులకు తెగబడటం అమానుషం, అప్రజాస్వామికమని మండిపడ్డారు. అమరావతిలో జరుగుతున్న దారుణాలు బాహ్య ప్రపంచానికి తెలియకుండా కప్పిపుచ్చుకోవడానికే ప్రభుత్వం ఈ కుట్రకు పాల్పడిందన్నారు. ప్రభుత్వ ప్రకటనల ప్రకారం ల్యాండ్‌ పూలింగ్‌ చట్టం గడువు 2015 ఫిబ్రవరి 28 నాటికే ముగిసిందని, ఆ తర్వాత భూ సేకరణ మాత్రమే చేయాలని తెలిపారు. కానీ, చట్టవిరుద్ధంగా ఇప్పుడు కూడా ల్యాండ్‌ పూలింగ్‌ కిందే భూములు లాక్కుంటామని రైతులను భయభ్రాంతులకు గురిచేస్తున్నారన్నారు. పరిహారం రూ.5 లక్షలు, రూ.10 లక్షలే వస్తుందని భయపెడుతున్నారని, భూములు ఇవ్వని రైతులపై కక్షసాధింపు చర్యలకు దిగుతున్నారని తెలిపారు.రిజిస్ట్రేషన్లు ఆపేశారని, బ్యాంకు రుణాలు, ప్రభుత్వ పథకాలు ఏవీ అందకుండా చేసి రైతులను ఆర్థికంగా, సామాజికంగా వేధిస్తున్నారని ఆవేదన వ్యక్తం చేశారు. ఒక్క రూపాయి ప్రభుత్వ సాయం లేకపోయినా 60 ఏళ్లుగా మూడు పంటలు పండించే అద్భుతమైన భూమిని ధ్వంసం చేయడం సరికాదని చెప్పారు. ప్రభుత్వం ఎన్ని కుట్రలు చేసినా, బెదిరింపులకు పాల్పడినా, అలైన్‌మెంట్లు మార్చినా తగ్గేదే లేదని, ప్రభుత్వ చట్టవిరుద్ధ విధానాలపై పోరాడతామని గట్టిగా చెప్పారు. వైఎస్సార్‌సీపీ అమరావతి రైతు పరిరక్షణ కమిటీని మళ్లీ ఇక్కడికి రప్పించి మా పోరాటాన్ని ఉధృతం చేస్తామని అమరావతి రైతులు హెచ్చరించారు. రైతులు ఇంకా ఏం మాట్లాడారంటే.. రోడ్ల అలైన్‌మెంట్లు మారుస్తూ కుట్రలు రోడ్ల అలైన్‌మెంట్లు మా పొలాల మీదుగా మార్చేస్తూ కుట్రలు చేస్తున్నారు. ఒక వ్యక్తి పొలం ఇవ్వగానే దాన్లో రోడ్డు వేస్తున్నారు. ఆ రోడ్డును పక్క భూమిలోకి జరిపేస్తున్నారు. ఆ రైతును బెదిరించి పొలం తీసుకోగానే, దాని పక్కన ఎవరైతే భూమి ఇవ్వలేదో వారి పొలంలోకి వెళ్తున్నారు. ఇలా రైతుల భూమి ఇవ్వక తప్పని పరిస్థితులు కల్పిస్తున్నారు. వందల ఏళ్ల నాటి పాత రోడ్లను మూసేశారు. కరెంట్‌ స్తంభాలు పడగొట్టారు. అమరావతిలో ఏదో జరుగుతోందని చెప్తున్నారు. కానీ అక్కడ జరిగేది రెండే రెండు... ఒకటి కంప చెట్లు కొట్టడం, రెండోది నీళ్లు ఎత్తి పోయడం. వేరే ఏమీ లేదు. సీడ్‌ యాక్సెస్‌ రోడ్డుకి అటూ ఇటూ తప్ప లోపల ఎక్కడా ఎటువంటి అభివృద్ధీ లేదు.అంతా మోసపూరితం ప్రభుత్వం తీరు అంతా మోసపూరితమే. పొలాలు ఇవ్వమని అడుగుతున్నారు కానీ ప్లాట్లు ఎక్కడిస్తారో క్షేత్రస్థాయిలో చూపించరు. అంతా కాగితాల మీదే. పైగా ల్యాండ్‌ పూలింగ్‌ నిబంధనల్లో ‘అవసరమైతే ఈ ఇచ్చిన భూమిని కూడా మళ్లీ గవర్నమెంటే తీసుకుంటుంది‘ అని ఉంది. అంటే 70 శాతం ఉచితంగా తీసుకుని, మిగిలిన 30 శాతం కూడా ఇవ్వకుండా లాగేసుకుంటారా? ఈ విషయాన్ని నిబంధనల్లో ఎందుకు స్పష్టంగా పెట్టలేదు? గ్రామసభలు పెడితే అవి భూములు ఇవ్వని రైతుల కోసమా, ఇచ్చిన వారి కోసమా అనే క్లారిటీ అధికారులకే లేదు.సాయంత్రం 6 గంటలకు నోటీసు ఇచ్చి, మరుసటి రోజే మీటింగ్‌ అంటే అభ్యంతరాలు ఎలా చెప్పగలుగుతారు? ఏదైనా సమస్య వస్తే డిప్యూటీ కలెక్టర్‌ను అడిగితే ఆయనకేం తెలియదని, పొలం ఇస్తే తీసుకుంటామని అంటారు. కమిషనర్‌ను అడిగితే ఆయనకేమీ తెలియదని అంటారు. ఏమీ తెలియని కమిషనర్‌ ఇక్కడికి వచ్చి రైతులకు ఏం చెబుతారు? పార్లమెంట్‌ ఆమోదించిన 2013 భూసేకరణ చట్టం ప్రకారం ఇష్టం వచ్చినట్లు భూములు లాక్కోవడానికి వీల్లేదు. ఆ చట్టాలను సైతం చంద్రబాబు ప్రభుత్వం ఉల్లంఘించి, మమ్మల్ని వేధింపులకు గురిచేస్తోంది. స్వచ్ఛందంగా ల్యాండ్‌ పూలింగ్‌కు ఇచ్చిన భూములే తీసుకుంటానని, ఇవ్వని వారి జోలికి పోనని చంద్రబాబు ప్రమాణం చేశారు. మరి ఇప్పుడు అధికారులు ఆయనకు తెలియకుండానే నోటీసులు ఇస్తున్నారా? వీటిపై పాలకులు, కలెక్టర్, సీఆర్డీఏ కమిషనర్‌ సమాధానం చెప్పాల్సిన అవసరం ఉంది. – కొండమడుగుల రాఘవరెడ్డి, పెనుమాకక్షేత్రస్థాయిలో మా సమస్యలు చూపించాలని రమ్మన్నాం ఉండవల్లి, పెనుమాక, ఎర్రపాలెం, నిడమర్రు గ్రామాల రైతులమంతా కలిసి 25 రోజుల కిందట మాజీ ముఖ్యమంత్రి వైఎస్‌ జగన్‌మోహన్‌రెడ్డిని కలిసి మా సమస్యలన్నీ వివరించాం. అండగా నిలవాలని అభ్యర్థించాం. మాకు అండగా ఉండటానికి లీడర్లు, లాయర్లతో ఒక టీమ్‌ ఏర్పాటు చేస్తామని ఆయన చెప్పారు. వైఎస్‌ జగన్‌ 2024లోనే రోడ్లకి క్లియర్‌ చేసి మా పొలం మాకు విడిచిపెట్టారు. ఇప్పుడు చంద్రబాబు ప్రభుత్వం మా పొలాల్లోకి మమ్మల్ని వెళ్లనీయడంలేదు. పొలాల చుట్టూ చెరువు తీస్తోంది. ఈ దారుణాలన్నీ చూపించాలనే మేము వైఎస్సార్‌సీపీ బృందాన్ని రమ్మన్నాం. కానీ వైఎస్సార్‌సీపీ నాయకులను అమరావతి రాకుండా అధికార పార్టీ అడ్డుకున్నదంటే ఇక్కడ జరుగుతున్న తప్పులు బయటపడకుండా, వాటిని కప్పిపుచ్చుకోవడానికే రానివ్వట్లేదని అర్థం. – మేకా వెంకటరెడ్డి, పెనుమాక కోర్టు ఆదేశానుసారం పరిహారం ఇవ్వకపోగా, నోటీసులిచ్చారు ల్యాండ్‌ పూలింగ్‌ యాక్ట్‌ 2015 ఫిబ్రవరి 28తో ముగిసిపోయినా, ఇప్పటికీ పూలింగ్‌లోనే తీసుకుంటాం అంటున్నారు. భూములు ఇవ్వని వాళ్లను వేధిస్తున్నారు. ప్రభుత్వం కోర్టులో కేసు ఉపసంహరించుకొనే సమయంలో 2014 నుంచి 2024 వరకు 10 ఏళ్లుగా రిజి్రస్టేషన్లు ఆపేసి, ఎలాంటి బెనిఫిట్స్‌ లేకుండా నష్ట పరిచినందుకు రైతులకు నష్టపరిహారం ఇవ్వాలని కలెక్టర్‌కి కోర్టు డైరెక్షన్‌ ఇచ్చింది. కానీ ఆ పరిహారం ఇవ్వకపోగా మళ్లీ భూ సేకరణ నోటీసులు ఇచ్చారు. అసలు మొదటి డీపీఆర్‌ ప్రకారం ఉండవల్లి, పెనుమాక అమరావతి పరిధిలోనే లేవు. చివర్లో యాడ్‌ చేసి మా భూములను లాక్కుంటున్నారు. సీఆర్డీఏ అధికారులు అక్విజిషన్‌ గురించి చెప్పకుండా, మళ్లీ పూలింగ్‌ గురించే మాట్లాడుతున్నారు. –నవీన్, పెనుమాక మా గొంతు నొక్కాలని చూస్తే భయపడంమా పొలాల పక్కన రిజర్వాయర్ల పేరుతో 40 అడుగుల లోతున గుంతలు తవ్వేస్తున్నారు, రోడ్లు ధ్వంసం చేస్తున్నారు. మాకు ప్రభుత్వం నుంచి ఎలాంటి స్కీములు అందకపోయినా, ఒక్క రూపాయి ఇవ్వకపోయినా వ్యవసాయం చేస్తున్నాం. కేవలం 10 అడుగుల్లోనే భూగర్భ జలాలు ఉన్న అత్యంత సారవంతమైన భూమి ఇది. 60 ఏళ్లుగా ఇక్కడ మూడు పంటలు పండిస్తూ అద్భుతమైన వ్యవసాయం చేస్తున్నాం. ఇప్పటికే రాజధాని కోసం 50 వేల ఎకరాలు తీసుకున్నారు. అక్కడ రాజధాని కట్టుకోండి. అంతేకానీ, సారవంతమైన భూములను ధ్వంసం చేయొద్దు. మా గొంతు నొక్కాలని చూసినా భయపడం. పోరాడుతూనే ఉంటాం. –శ్రీకాంత్, పెనుమాక

కరాచీలోని పారా మిలటరీ విభాగం పాకిస్తాన్‌ రేంజర్స్‌ ప్రధాన కార్యాలయంపై శనివారం రాత్రి ఉగ్రవాదులు దాడికి పాల్పడ్డారు. ఘటనలో ముగ్గురు జవాన్లు ప్రాణాలు కోల్పోయారు. గులిస్తాన్‌–ఇ– జౌహార్‌ ప్రాంతంలోని ఈ కార్యాలయం గేట్‌ను వాహనంతో ఢీకొట్టిన సాయుధులు లోపలికి వస్తూనే కాల్పులకు దిగారని అధికారులు తెలిపారు. బలగాలు వెంటనే ధీటుగా స్పందించాయన్నారు. ప్రాథమిక సమాచారం మేరకు ముగ్గురు భద్రతా సిబ్బంది చనిపోయినట్లు తెలిసిందన్నారు. రేంజర్స్ ప్రధాన కార్యాలయంపై జరిగిన ఈ దాడికి తామే బాధ్యులమని తెహ్రీక్-ఎ-తాలిబాన్ పాకిస్తాన్(TTP) నుండి విడిపోయిన ఉగ్రవాద ముఠా 'జమాత్-ఉల్-అహ్రార్' ప్రకటించుకుంది. 'ఖులాఫా-ఎ-రషీదీన్ ఇష్తిషాదీ బ్రిగేడ్' అనే ఆత్మాహుతి దళం ఈ దాడులకు పాల్పడినట్లు తెలిపింది. పాకిస్తాన్‌లో ఇటీవల పోలీసులు, భద్రతా బలగాలను లక్ష్యంగా ఉగ్రవాద దాడులు భారీగా పెరిగాయి. పేలుడు సంభవించిన ప్రాంతాన్ని పూర్తిగా భద్రతా దళాలు తమ ఆధీనంలోకి తీసుకున్నారు. ఈ ఉగ్రదాడిపై దర్యాప్తును ప్రారంభించాయి. కంట్రోల్ రూమ్, సీసీటీవీ దృశ్యాల ఆధారంగా ఉగ్రవాదులు లోపలికి ఎలా ప్రవేశించారనే కోణంలో విచారణ చేపట్టారు. కరాచీలో హై అలర్ట్స్ ప్రకటించారు.

సాక్షి, నంద్యాల: డోన్ మండలం కన్నప్పకుంట గ్రామంలో ఆదివారం తీవ్ర ఉద్రిక్తత చోటు చేసుకుంది. వైఎస్సార్సీపీ బీఎల్ఏపై టీడీపీ నేతలు రాళ్లదాడికి పాల్పడ్డారు. ఎస్‌ఐఆర్‌ సర్వేలో TDP ఫీల్డ్‌ అసిస్టెంట్‌ పాల్గొన్నారని వైఎస్సార్సీపీ బీఎల్‌ఏ భరత్‌ ఫిర్యాదు చేశారు. దీంతో ఆగ్రహం చెందిన మధుసూదన్‌ రెడ్డి అనే టీడీపీ కార్యకర్త భరత్‌పై విచక్షణ రహితంగా దాడి చేశాడు. ‍అడ్డుకున్న సోదరుడిపైనా దాడికి తెగబడ్డాడు. దీంతో వారిరువురికి తీవ్ర గాయాలయ్యాయి. ఈ ఘటనపై వైఎస్సార్సీపీ నాయకులు పోలీస్‌ స్టేషన్‌లో ఫిర్యాదు చేశారు.

గచ్చిబౌలి: ఇంట్లోకి చొరబడ్డ ఓ ప్రేమోన్మాది యువతి కుటుంబ సభ్యులపై కత్తితో దాడి చేసి హత్యాయత్నానికి పాల్పడ్డాడు. ఈ సంఘటన రాయదుర్గం పోలీస్‌ స్టేషన్‌ పరిధిలో చోటు చేసుకుంది. ఇన్‌స్పెక్టర్‌ వెంకన్న తెలిపిన మేరకు.. రాయదుర్గంలోని పోచమ్మబస్తీలో నివాసం ఉండే డిగ్రీ విద్యార్థిని (20)ను పక్కింట్లో ఉండే కంచమీది గోవర్ధన్‌ (22) ప్రేమిస్తున్నానంటూ వేధింపులకు గురిచేస్తున్నాడు.శుక్రవారం తెల్లవారుజామున నిందితుడు పక్కనున్న భవనం పైనుంచి యువతి ఉంటున్న రెండో అంతస్తులోకి ప్రవేశించాడు. యువతి అక్క గొంతుపై కత్తి పెట్టి, అరిస్తే చంపేస్తానని బెదిరించాడు. ఆపై తల్లిదండ్రులు సత్యనారాయణ, సుజాత, యువతిపై కత్తితో దాడికి తెగబడ్డాడు. బాధితుల కేకలు విని సత్యనారాయణ సోదరుడు అర్జున్‌ అక్కడికి రాగా అతనిపై కూడా దాడి చేశాడు. బాధితుల కేకలు విని స్థానికులు వెంటనే అక్కడికి చేరుకుని గోవర్ధన్‌ను పట్టుకుని పోలీసులకు అప్పగించారు.ఐదుగురిని గాయపరచిన నిందితుడి నుంచి కత్తిని స్వాధీనం చేసుకుని అరెస్ట్‌ చేసినట్లు పోలీసులు తెలిపారు. హత్యాయత్నం కేసు నమోదు చేసి దర్యాప్తు జరుపుతున్నట్లు ఇన్‌స్పెక్టర్‌ వెల్లడించారు.

సాక్షి, విశాఖపట్నం: ఇటీవల హర్ముజ్‌ జలసంధిలో భారతీయ నావికులు ప్రయాణిస్తున్న నౌకపై అమెరికా దాడులు జరిపింది. ఆ అటాక్‌లో ముగ్గురు భారతీయులు మరణించడం భారత్‌లో తీవ్ర ఆగ్రహజ్వాలలు రేపింది. తాజాగా ఆ దాడిలో మరణించిన చీఫ్‌ మెరైన్‌ ఇంజినీర్‌ పట్నాల సురేశ్‌ సతీమణి తీవ్ర ఆవేదనతో స్పందించారు. ఇప్పటి వరకూ ఈ అంశంలో కేంద్రం ఎందుకు స్పందించడం లేదని ప్రశ్నించారు.ఇటీవల హర్ముజ్‌ ఒమన్‌ తీరంలో పలావు జెండాతో ప్రయాణిస్తున్న 'ఎంటీ సెట్టెబెల్లో' చమురు ట్యాంకర్‌పై అమెరికా సైనిక దళాలు దాడులు జరిపాయి. ఈదాడిలో ముగ్గురు భారతీయ నావికులు మరణించగా అందులో ఒకరు ఆంధ్రప్రదేశ్‌కు చెందిన పట్నాల సురేశ్‌ తెలుగువారున్నారు. ఇరాన్ రేవులపై అమెరికా విధించిన సముద్ర దిగ్బంధనాన్ని (Blockade) ఉల్లంఘించిందనే ఆరోపణలతో యూఎస్ సెంట్రల్ కమాండ్ ఈ అటాక్‌ చేసింది. అయితే ప్రమాదంలో చీఫ్ ఇంజనీర్ పట్నాల సురేష్, డెక్ కాడెట్ ఆదిత్య శర్మ, ఇంజిన్ ఫిట్టర్ శివానంద్ చౌరాసియా అనే ముగ్గురు భారతీయ సిబ్బంది ప్రాణాలు కోల్పోయారు.కాగా ఈ ఘటనపై మెరైన్‌ చీఫ్‌ ఇంజినీర్ పట్నాల సురేశ్‌ భార్య భార్గవి ఆవేదన వ్యక్తం చేశారు. "...ముగ్గురు నావికులు ప్రాణాలు కోల్పోయారు. భారతీయ సిబ్బంది ఎందుకు చనిపోవాల్సి వచ్చింది? ఇప్పటివరకు ఎవరూ కనీసం దీనిపై సరైన స్పందన ఇవ్వలేదు. నేను నేరుగా ప్రధానమంత్రి కార్యాలయాన్ని అడుగుతున్నాను. బాధిత కుటుంబాలకు ఎలాంటి సహాయం అందిస్తారు? అమెరికా ప్రభుత్వాన్ని కూడా నేను ఈ ప్రశ్న అడుగుతున్నాను... మా కుటుంబంలో నా భర్త ఒక్కరే సంపాదించేవారు. ఇక నా పిల్లలను నేను ఎలా పెంచాలి?..." అనే ఆవేదన వ్యక్తం చేశారు.కాగా ఈ ఘటనపై భారత ప్రభుత్వం తీవ్ర ఆగ్రహం వ్యక్తం చేసింది. ఈ మేరకు భారత్‌లోని అమెరికా అత్యున్నత దౌత్యవేత్త (ఛార్జ్‌ డి అఫైర్స్‌) జాసన్‌ మీక్స్‌కు రెండు సార్లు సమన్లు జారీ చేసింది. మరోవైపు ట్రంప్‌ సైతం ఈ ఘటనపై స్పందించారు. ఈ దాడులు చేసింది ఇరాన్‌ అని దాడులను ఎట్టి పరిస్థితుల్లో ఊపేక్షించేది లేదని తెలిపారు.