ప్రొ కబడ్డీ లీగ్ (PKL)-12వ సీజన్‌లో దబాంగ్ ఢిల్లీ కేసీ విజేతగా అవతరించింది. ఢిల్లీలోని త్యాగరాజ్ ఇండోర్ స్టేడియంలో శుక్రవారం ఉత్కంఠగా సాగిన ఫైనల్ మ్యాచ్‌లో 31-28 తేడాతో టేబుల్ టాపర్ పుణెరి పల్టన్‌ (Dabang Delhi Beat Puneri Paltan)ను ఓడించింది. ఫలితంగా ఆషు మాలిక్ కెప్టెన్సీలోని ఢిల్లీ రెండోసారి పీకేఎల్‌ టైటిల్ అందుకుంది.అరుదైన ఘనతగతంలో ఎనిమిదో సీజన్‌లో ఢిల్లీ ట్రోఫీ నెగ్గిన విషయం తెలిసిందే. ప్రస్తుత హెడ్ కోచ్ జోగిందర్ నర్వాల్ (Joginder Narwal) అప్పుడు ఆ జట్టుకు కెప్టెన్‌గా ఉండటం విశేషం. తద్వారా పీకేఎల్‌లో కెప్టెన్‌గా, హెడ్‌కోచ్‌గా టైటిల్‌ గెలిచిన రెండో వ్యక్తిగా జోగిందర్‌ నిలిచాడు.ఇక పుణెరి పల్టన్‌తో ఆద్యంతం ఉత్కంఠగా సాగిన ఫైనల్ మ్యాచ్‌లో ఢిల్లీ రైడర్‌‌ నీరజ్ నర్వాల్ ఎనిమిది పాయింట్లతో సత్తా చాటగా.. అజింక్య పవార్ ఆరు పాయింట్లతో రాణించాడు. మరోవైపు, పుణెరి పల్టన్ తరఫున ఆదిత్య షిండే సూపర్ టెన్ సాధించినా.. అభినేష్ నాడరాజన్ నాలుగు ట్యాకిల్ పాయింట్లతో మెప్పించినా ఫలితం లేకుండా పోయింది.CLINICAL. CONSISTENT. CHAMPIONS. 🏆What an incredible season for #DabangDelhiKC! 👏👏👏 pic.twitter.com/C3fc1SwU48— Star Sports (@StarSportsIndia) October 31, 2025 మరి ప్రొ కబడ్డీ లీగ్‌ 12వ సీజన్‌ విజేత, రన్నరప్‌నకు దక్కే ప్రైజ్‌మనీ, ఈ సీజన్‌లో వివిధ విభాగాల్లో అవార్డులు గెలుచుకున్న ప్లేయర్లు ఎవరో తెలుసుకుందామా?ప్రైజ్‌మనీ ఎంతంటే?🏆విజేత దబాంగ్‌ ఢిల్లీ కేసీకి దక్కే ప్రైజ్‌మనీ- రూ. 3 కోట్లు👏రన్నరప్‌ పుణెరి పల్టన్‌కు దక్కే ప్రైజ్‌మనీ- రూ. 1.8 కోట్లువివిధ అవార్డులు గెలిచిన ఆటగాళ్లు🌟మోస్ట్‌ వాల్యుబుల్‌ ప్లేయర్‌- ఫజల్‌ అట్రాచలీ (దబాంగ్‌ ఢిల్లీ)🌟బెస్ట్ రైడర్ : అయాన్ లోహచబ్ (పట్నా పైరేట్స్)- 316 రైడింగ్‌ పాయింట్లు🌟బెస్ట్ డిఫెండర్ : నవదీప్ (పట్నా పైరేట్స్)- 73 టాకిల్‌ పాయింట్లు🌟మషాల్ స్పోర్ట్స్ న్యూ యంగ్ ప్లేయర్: దీపక్ శంకర్ (బెంగళూరు బుల్స్)PKL పన్నెండు సీజన్ల విజేతల జాబితా🏆సీజన్‌ 1: జైపూర్‌ పింక్‌ పాంథర్స్‌🏆సీజన్‌ 2: యు ముంబా🏆సీజన్‌ 3: పట్నా పైరేట్స్‌🏆సీజన్‌ 4: పట్నా పైరేట్స్‌🏆సీజన్‌ 5: పట్నా పైరేట్స్‌🏆సీజన్‌ 6: బెంగళూరు బుల్స్‌🏆సీజన్‌ 7: బెంగాల్‌ వారియర్స్‌🏆సీజన్‌ 8: దబాంగ్‌ ఢిల్లీ కేసీ🏆సీజన్‌ 9: జైపూర్‌ పింక్‌ పాంథర్స్‌🏆సీజన్‌ 10: పుణెరి పల్టన్‌🏆సీజన్‌ 11: హర్యానా స్టీలర్స్‌🏆సీజన్‌ 12: దబాంగ్‌ ఢిల్లీ కేసీపీకేఎల్‌-12 ఫైనల్‌ సాగిందిలా..ఈ సీజన్‌లో గత మ్యాచ్‌లలో రాణించినట్లుగానే తుదిపోరులోనూ అస్లాం ఇనాందార్, ఆషు మాలిక్ తమ జట్లకు తొలి పాయింట్లు అందించారు. ఆ తర్వాత నీరజ్ నర్వాల్ బాధ్యత తీసుకుని.. ఒక డబుల్‌-పాయింట్ రైడ్.. ఒక ట్యాకిల్‌తో ఢిల్లీకి ఆరంభంలోనే నాలుగు పాయింట్ల ఆధిక్యాన్ని సంపాదించిపెట్టాడు. అయితే, పుణెరి పల్టన్ ఆ ఒత్తిడికి లొంగలేదు. గౌరవ్ ఖత్రీ రెండు సూపర్ టాకిల్స్ సాధించి.. స్కోర్ల మధ్య తేడాను ఒక పాయింట్‌కు తగ్గించాడు. ఇరు జట్లు డూ -ఆర్ -డై వ్యూహాన్ని అనుసరించడంతో ఆట కాస్త నెమ్మదించింది. ఈ దశలో అజింక్య పవార్, తొలి పది నిమిషాలు ముగిసే సమయానికి దబాంగ్ ఢిల్లీకి రెండు పాయింట్ల ఆధిక్యాన్ని నిలబెట్టాడు. ఆపై, అనేష్ పల్టన్‌కు మూడో సూపర్ టాకిల్ నమోదు చేయడంతో, ఆట మళ్లీ ఒక పాయింట్ తేడాకు వచ్చింది. కానీ, 15వ నిమిషంలో అజింక్ పవార్‌‌ అద్భుత ఆటతో ప్రత్యర్థిని ఆలౌట్ చేసిన ఢిల్లీ ఆరు పాయింట్ల ఆధిక్యంతో మళ్లీ ముందంజ వేసింది. సొంత గడ్డపై ఆడుతున్న ఢిల్లీ నీరజ్ నర్వాల్ సూపర్ రైడ్‌తో తమ ఆధిపత్యాన్ని మరింత పెంచుకుని, ఆధిక్యాన్ని ఎనిమిది పాయింట్లకు పెంచుకుంది. పుణెరి కూడా పంకజ్ మోహితే ట్యాకిల్, ఆదిత్య షిండే డబుల్ -పాయింట్ రైడ్‌తో దీటుగా స్పందించి అంతరాన్ని కాస్త తగ్గించింది. అయితే, అజింక్య పవార్ వెంటనే మరో మల్టీ -పాయింట్ రైడ్‌తో జోరు చూపడంతో దబాంగ్ ఢిల్లీ 20-14 స్కోరుతో తొలి అర్ధభాగాన్ని ముగించింది. రెండో అర్ధభాగంలో ఇరు జట్లూ నెమ్మదిగా ఆడాయి. దబాంగ్ ఢిల్లీ తమ ఆధిక్యాన్ని కాపాడుకోవడానికి ప్రయత్నించింది. పుణెరి పల్టన్ కూడా దూకుడు ప్రదర్శించకుండా, తమ డిఫెన్స్, డూ -ఆర్ -డై వ్యూహంపై ఆధారపడి తిరిగి ఆటలోకి రావడానికి ప్రయత్నించింది. ఈ క్రమంలో గుర్దీప్ రెండు ట్యాకిల్స్ సాధించి లోటును నాలుగు పాయింట్లకు తగ్గించాడు. కానీ, దబాంగ్ ఢిల్లీ ఓ సూపర్ టాకిల్‌తో తన ఆధిక్యాన్ని 24-18కి పెంచుకుంది. స్టార్ రైడర్ ఆషు మాలిక్ ఓ పాయింట్ రాబట్టగా..అనురాగ్ చేసిన సూపర్ ట్యాకిల్‌తో దబాంగ్ ఢిల్లీ భారీ విజయం దిశగా దూసుకెళ్లింది.అయితే, చివరి నిమిషాల్లో పుణెరి పల్టన్ అంత తేలిగ్గా తలొగ్గలేదు. అమాన్ చేసిన ట్యాకిల్, ఆదిత్య షిండే వరుస రైడ్ పాయింట్లతో కీలక దశలో ఢిల్లీని ఆలౌట్‌ చేసింది. దీంతో మరో మూడు నిమిషాల్లో ఆట ముగుస్తుందనగా 25–28తో నిలిచి మ్యాచ్‌లో మరింతను పెంచింది. ఆపై ఆదిత్య షిండే అంతరాన్ని ఒక్క పాయింట్‌కు తగ్గించాడు, కానీ, ఢిల్లీ ఆటగాడు నీరజ్ నర్వాల్ మెరుపు రైడ్‌తో తమ ఆధిక్యాన్ని మూడు పాయింట్లకు పెంచాడు.ఆదిత్య షిండే మరో రెండు -పాయింట్ల రైడ్‌తో తన సూపర్ టెన్ పూర్తి చేసుకున్నాడు. చివరి నిమిషంలోకి అడుగుపెట్టేసరికి ఇరు జట్ల మధ్య కేవలం ఒక పాయింట్ మాత్రమే తేడా ఉంది. ఈ కీలక సమయంలో, ఫజెల్ అత్రాచలి తన అనుభవాన్ని ఉపయోగించి ఆదిత్య షిండేను ట్యాకిల్ చేసి, ఈ మ్యాచ్‌లో తన తొలి పాయింట్‌ను సాధించాడు. ఈ ట్యాకిల్‌తోనే దబాంగ్ ఢిల్లీ సొంత మైదానంలో రెండోసారి ట్రోఫీని కైవసం చేసుకుంది.చదవండి: రోహిత్‌ శర్మ ఆల్‌టైమ్‌ ప్రపంచ రికార్డు బద్దలు కొట్టిన బాబర్‌Dabang Delhi K.C. are the crowned champions of PKL 12! 🏆⭐👏🏻[Pro Kabaddi League, PKL 12, Dabang Delhi K.C., Agent Ashu] pic.twitter.com/ICIUPuuMMP— Star Sports (@StarSportsIndia) October 31, 2025

న్యూఢిల్లీ: ప్రొ కబడ్డీ లీగ్‌లో దబంగ్‌ ఢిల్లీ మరోసారి విజేతగా నిలిచింది. 12వ సీజన్‌లో ఆఖరి నిమిషం వరకు హోరాహోరీగా జరిగిన ఫైనల్లో 2 పాయింట్ల తేడాతో దబంగ్‌ ఢిల్లీ రెండోసారి టైటిల్‌ సాధించింది. శుక్రవారం ఇక్కడి త్యాగరాజ ఇండోర్‌ స్టేడియంలో జరిగిన తుది పోరులో ఢిల్లీ జట్టు 31–28తో పుణేరి పల్టన్‌పై నెగ్గింది. 2021–22లో ఎనిమిదో సీజన్‌లో తొలి సారి దబంగ్‌ ఢిల్లీ చాంపియన్‌గా నిలిచింది. ప్రస్తుత హెడ్‌ కోచ్‌ జోగిందర్‌ నర్వాల్‌ అప్పుడు కెప్టెన్‌. అతని సారథ్యంలో కూడా పాయింట్‌ తేడాతోనే (37–36) పట్నా పైరేట్స్‌ను ఓడించి టైటిల్‌ సాధించింది. తాజా ఫైనల్లో దబంగ్‌ రెయిడర్లు నీరజ్‌ నర్వాల్‌ (9), అజింక్యా పవార్‌ (6) అదరగొట్టారు. 12 సార్లు కూతకెళ్లిన నీరజ్‌ 2 బోనస్‌ సహా 8 పాయింట్లు తెచ్చాడు. ప్రత్యర్థి రెయిడర్‌ను విజయవంతంగా టాకిల్‌ చేసి మరో పాయింట్‌ సాధించాడు. అజింక్యా కూడా 12 సార్లు కూతకెళ్లి 6 సార్లు పాయింట్లతో వచ్చాడు. డిఫెండర్లలో ఎవరూ చెప్పుకోదగ్గ టాకిలింగ్‌తో చేయలేకపోయినా రెయిడింగ్‌తోనే ఢిల్లీ టైటిల్‌ను మళ్లీ సాకారం చేసుకుంది. డిఫెండర్లలో సౌరభ్, సుర్జీత్‌ సింగ్‌ చెరో 2 పాయింట్లే చేయగలిగారు. ప్రత్యర్థి పుణేరి జట్టులో రెయిడర్‌ ఆదిత్య షిండే (10) జట్టును గెలిపించేందుకు చక్కని పోరాటం చేశాడు. 15 సార్లు కూతకెళ్లిన ఆదిత్య 10 సార్లు పాయింట్లు తెచ్చిపెట్టాడు. మరో రెయిడర్‌ పంకజ్‌ మోహిత్‌ 4 పాయింట్లతో ఫర్వాలేదనిపించాడు. డిఫెండర్లలో అభినేశ్‌ నటరాజన్‌ (4), గౌరవ్‌ ఖత్రి (3) మెరుగ్గా ఆడారు. 2023–24 చాంపియన్‌ పుణేరి రెండోసారి విజేతగా నిలవాలని భావించగా, ఫైనల్‌ ఓటమితో రెండోసారి రన్నరప్‌తో సరిపెట్టుకుంది. 2022 ఫైనల్లో పుణేరి పల్టన్‌పై గెలుపొందడం ద్వారానే జైపూర్‌ పింక్‌పాంథర్స్‌ పీకేఎల్‌లో రెండో సారి చాంపియన్‌షిప్‌ సాధించింది. జైపూర్‌లానే ఇప్పుడు ఢిల్లీ కూడా పల్టన్‌ను పల్టీ కొట్టించి రెండో టైటిల్‌తో పండగ చేసుకుంది.

లీగ్‌ దశలో టాప్‌–2లో నిలిచిన రెండు జట్ల మధ్య ప్రొ కబడ్డీ లీగ్‌ (పీకేఎల్‌) 12వ సీజన్‌ టైటిల్‌ పోరు జరగనుంది. మాజీ చాంపియన్స్‌ దబంగ్‌ ఢిల్లీ, పుణేరి పల్టన్‌ జట్లు రెండోసారి పీకేఎల్‌ విన్నర్స్‌ ట్రోఫీని అందుకోవాలనే లక్ష్యంతో నేడు జరిగే ఫైనల్లో తలపడనున్నాయి. న్యూఢిల్లీలోని త్యాగరాజ్‌ ఇండోర్‌ స్టేడియం ఈ మెగా ఫైనల్‌కు వేదిక కానుంది. ఈ సీజన్‌లో పుణేరి పల్టన్, దబంగ్‌ ఢిల్లీ జట్లు మూడుసార్లు తలపడ్డాయి. మూడు సార్లూ మ్యాచ్‌లు నిర్ణీత సమయంలో సమంగా ముగిసి ఫలితం ‘టైబ్రేక్‌’లో తేలింది. ‘టైబ్రేక్‌’లో దబంగ్‌ ఢిల్లీ రెండుసార్లు గెలుపొందగా... ఒకసారి పుణేరి పల్టన్‌ విజయాన్ని అందుకుంది. ఈ సీజన్‌లో ఢిల్లీ తరఫున ఫజల్, సౌరభ్, నీరజ్, ఆశు మలిక్‌... పుణేరి పల్టన్‌ తరఫున ఆదిత్య షిండే, అస్లామ్, పంకజ్‌ నిలకడగా రాణించారు. రాత్రి 8 గంటలకు మొదలయ్యే టైటిల్‌ పోరును స్టార్‌ స్పోర్ట్స్, జియో హాట్‌స్టార్‌లలో ప్రత్యక్ష ప్రసారం చేస్తారు.

ప్రొ కబడ్డీ లీగ్‌ 12వ సీజన్‌లో తెలుగు టైటాన్స్‌ జట్టు పోరాటం ముగిసింది. న్యూఢిల్లీలో బుధవారం జరిగిన క్వాలిఫయర్‌–2 మ్యాచ్‌లో తెలుగు టైటాన్స్‌ జట్టు 45–50 పాయింట్ల తేడాతో మాజీ చాంపియన్‌ పుణేరి పల్టన్‌ చేతిలో ఓడిపోయింది. తెలుగు టైటాన్స్‌పై విజయంతో పుణేరి పల్టన్‌ జట్టు ప్రొ కబడ్డీ లీగ్‌లో మూడోసారి ఫైనల్లోకి దూసుకెళ్లింది. తొమ్మిదో సీజన్‌లో రన్నరప్‌గా నిలిచిన పుణేరి పల్టన్‌ జట్టు పదో సీజన్‌లో తొలిసారి చాంపియన్‌గా అవతరించింది. రేపు జరిగే ఫైనల్లో మాజీ విజేత దబంగ్‌ ఢిల్లీ జట్టుతో పుణేరి పల్టన్‌ తలపడుతుంది. టైటాన్స్‌తో జరిగిన పోరులో పుణేరి పల్టన్‌ జట్టు పలుమార్లు వెనుకంజలో ఉన్నా సంయమనం కోల్పోకుండా ఆడి చివరకు విజయాన్ని అందుకుంది. పుణేరి తరఫున రెయిడర్లు ఆదిత్య షిండే 22 పాయింట్లు, పంకజ్‌ మొహితే 10 పాయింట్లు స్కోరు చేశారు. టైటాన్స్‌ తరఫున కెప్టెన్‌ విజయ్‌ మలిక్, భరత్‌ మెరిపించినా ఇతర ఆటగాళ్లు తడబడటంతో ఓటమి తప్పలేదు. విజయ్‌ మలిక్‌ 11 పాయింట్లు, భరత్‌ 23 పాయింట్లు స్కోరు చేశారు.

ప్రోకబడ్డీ లీగ్‌-2025లో తెలుగు టైటాన్స్ అద్భుత ప్రయాణం కొనసాగుతోంది. మంగళవారం ఢిల్లీ వేదికగా జరిగిన ఎలిమినేటర్ 3లో పాట్నా పైరేట్స్‌ను 46-39 తేడాతో చిత్తు చేసిన టైటాన్స్‌.. క్వాలిఫయర్‌-2 పోరుకు అర్హత సాధించింది. బుధవారం జరగనున్న క్వాలిఫయర్‌-2లో పుణేరి పల్టన్‌తో టైటాన్స్ అమీతుమీ తెల్చుకోనుంది.కాగా తొమ్మిదేళ్ల సుదీర్ఘ విరామం తర్వాత టైటాన్స్ ప్లేఆఫ్స్‌కు అర్హత సాధించడంలో ఆ జట్టు హెడ్ కోచ్ కృష్ణన్ కుమార్ హుడా కీలక పాత్ర. ఈ ఏడాది సీజన్‌లో కృష్ణన్ కుమార్ పర్యవేక్షణలో టైటాన్స్ సంచలన ప్రదర్శన కనబరిచింది. లీగ్ దశలో వరుసగా ఐదు మ్యాచ్‌లలో విజయం సాధించిన తెలుగు టైటాన్స్‌.. ఇప్పుడు నాకౌట్స్‌లోనూ అదే జోరును కనబరుస్తోంది. మినీ-క్వాలిఫైయర్‌లో బెంగళూరును చిత్తు చేసిన టైటాన్స్‌.. ఎలిమినేటర్-3లో మూడుసార్లు ఛాంపియన్ అయిన పట్నా పైరేట్స్‌పై ఘన విజయం సాధించింది.కన్నీరు పెట్టుకున్న కృష్ణన్ కుమార్..కాగా ఎలిమినేటర్‌-3లో పాట్నాపై విజయం అనంతరం టైటాన్స్ హెడ్ కోచ్ కృష్ణన్ కుమార్ భావోద్వేగానికి లోనయ్యాడు. అధికారిక బ్రాడ్ క్రాస్ట‌ర్ స్టార్ స్పోర్ట్స్‌తో కృష్ణన్ మాట్లాడుతూ క‌న్నీటి ప‌ర్యంత‌మ‌య్యాడు."ఈ ఏడాది సీజ‌న్‌లో మా జ‌ట్టు అద్భుత‌మైన ప్ర‌ద‌ర్శ‌న క‌న‌బ‌రుస్తోంది. తొమ్మిది సీజన్ల తర్వాత ప్లేఆఫ్స్‌కు అర్హత సాధించాము. ఇప్పుడు సెమీఫైన‌ల్‌(క్వాలిఫ‌య‌ర్‌-2) ఆడేందుకు సిద్ద‌మ‌య్యాము. ఇది మాకు డూ-ఆర్-డై మ్యాచ్. ఈ మ్యాచ్‌లో ఎలాగైనా గెలిచి ఫైన‌ల్ పోరుకు అర్హ‌త సాధించేందుకు ప్ర‌య‌త్నిస్తాము. తెలుగు టైటాన్స్ ఇక్క‌డ వ‌రకు వ‌స్తుంద‌ని ఎవ‌రూ ఊహించి ఉండ‌రు. గ‌తంలో మమ్మ‌ల్ని ప్ర‌తీ జ‌ట్టు తేలిక‌గా తీసుకునేది. రెండు పాయింట్లు సులువ‌గా సాధించ‌వ‌చ్చు అని అనుకునేవాళ్లు. కానీ ఇప్పుడు ప్రతి జట్టు మమ్మల్ని చూసి భయపడుతోంది" అని హుడా పేర్కొన్నారు.ఇందుకు సంబంధించిన వీడియో సోష‌ల్ మీడియాలో వైర‌ల‌వుతోంది. ఇది చూసిన టైటాన్స్ అభిమానులు బాధ ప‌డొద్దు సార్‌.. ఈసారి క‌ప్ మ‌న‌దే అంటూ కామెంట్స్ పెడుతున్నారు. కాగా పీఎకేఎల్ చ‌రిత్ర‌లో టైటాన్స్ క్వాలిఫైయర్ మ్యాచ్ ఆడనుండ‌డం ఇదే తొలిసారి.చదవండి: సూర్యకుమార్‌ యాదవ్‌ ప్రపంచ రికార్డు

న్యూఢిల్లీ: వరుస విజయాలతో విజృంభిస్తున్న తెలుగు టైటాన్స్‌ జట్టు ప్రొ కబడ్డీ లీగ్‌ 12వ సీజన్‌లో ఫైనల్‌కు విజయం దూరంలో నిలిచింది. మంగళవారం హోరాహోరీగా సాగిన ఎలిమినేటర్‌–3లో తెలుగు టైటాన్స్‌ 46–39 పాయింట్ల తేడాతో మూడుసార్లు చాంపియన్‌ పట్నా పైరేట్స్‌పై నెగ్గింది. టైటాన్స్‌ తరఫున భరత్‌ హూడా 23 పాయింట్లతో మెరిశాడు. పట్నా పైరేట్స్‌ తరఫున అయాన్‌ 22 పాయింట్లతో పోరాడినా జట్టును గెలిపించలేకపోయాడు. ఈ సీజన్‌లో అయాన్‌ 20కి పైగా పాయింట్లు సాధించడం ఇది ఆరోసారి. తద్వారా ఒకే సీజన్‌లో అత్యధిక సార్లు 20కి పైగా పాయింట్లు సాధించిన రెయిడర్‌గా అయాన్‌ చరిత్ర సృష్టించాడు. పీకేఎల్‌ 12వ సీజన్‌లో అయాన్‌ 316 పాయింట్లు సాధించడం విశేషం. గత సీజన్‌లో 184 పాయింట్లు నమోదు చేసుకున్న అతడు... ఈసారి పట్నా పైరేట్స్‌ ఎలిమినేటర్‌–3 వరకు రావడంలో కీలక పాత్ర పోషించాడు. ఇరు జట్లు మ్యాచ్‌ను దూకుడుగా ఆరంభించగా... టైటాన్స్‌ 29 రెయిడ్‌ పాయింట్లు, పట్నా 27 రెయిడ్‌ పాయింట్లు సాధించాయి. ఇరు జట్లు రెండేసి సార్లు ఆలౌట్‌ కాగా... రెండేసి ఎక్స్‌ట్రా పాయింట్లు సాధించాయి. ట్యాక్లింగ్‌లో మెరుగ్గా నిలిచిన టైటాన్స్‌ ముందంజ వేసింది. నేడు జరిగే క్వాలిఫయర్‌–2లో పుణేరి పల్టన్‌తో తెలుగు టైటాన్స్‌ తలపడనుంది. ఈ మ్యాచ్‌లో గెలిచిన జట్టు శుక్రవారం ఫైనల్లో దబంగ్‌ ఢిల్లీతో టైటిల్‌ కోసం పోటీపడుతుంది.

న్యూఢిల్లీ: ప్రొ కబడ్డీ లీగ్‌ (పీకేఎల్‌) 12వ సీజన్‌లో రెండో టైటిల్‌ సాధించేందుకు దబంగ్‌ ఢిల్లీ సిద్ధమైంది. 2021 చాంపియన్‌ ఢిల్లీ మూడేళ్ల తర్వాత మళ్లీ ఫైనల్‌కు అర్హత సాధించింది. సోమవారం రసవత్తరంగా జరిగిన తొలి క్వాలిఫయర్‌లో దబంగ్‌ ఢిల్లీ టైబ్రేకర్‌లో 6–4 పాయింట్ల తేడాతో పుణేరి పల్టన్‌పై గెలిచింది. ఇరుజట్ల ఆటగాళ్లు హోరాహోరీగా తలపడటంతో నిరీ్ణత సమయం ముగిసేసరికి మ్యాచ్‌ 34–34 స్కోరు వద్ద ‘టై’ అయ్యింది. దబంగ్‌ జట్టులో నీరజ్‌ నర్వాల్‌ (7) చక్కని పోరాటపటిమ కనబరిచాడు. 14 సార్లు కూతకెళ్లిన అతను ఏడుసార్లు పాయింట్లను తెచ్చిపెట్టాడు. 3 సార్లు మాత్రం అవుటయ్యాడు. కెపె్టన్‌ ఆశు మలిక్‌ రెయిడింగ్‌లో 4 పాయింట్లు చేశాడు. డిఫెండర్లలో సౌరభ్, సందీప్‌ చెరో 3 పాయింట్లు చేయగా, సుర్జీత్‌ సింగ్, ఫజల్‌ అత్రాచలి, అజింక్య పొవార్‌ తలా 2 పాయింట్లు చేశారు. పుణేరి పల్టన్‌ తరఫున ఆదిత్య షిండే (10) రాణించాడు. 18 సార్లు కూతకెల్లిన అతను 8 సార్లు బోనస్‌ సహా విజయవంతగా పాయింట్లు తెచ్చాడు. పంకజ్‌ మోహితే (5) కూడా జట్టును గెలిపించేందుకు తీవ్రంగా చెమటోడ్చారు. డిఫెండర్లలో గౌరవ్‌ ఖత్రి (4), గుర్‌దీప్, అభినేశ్‌ చెరో 3 పాయింట్లు చేశారు. పీకేఎల్‌లో దబంగ్‌కిది మూడో ఫైనల్‌! 2019 సీజన్‌లోనూ తుదిపోరుకు అర్హత సంపాదించినప్పటికీ... బెంగాల్‌ వారియర్స్‌ చేతిలో టైటిల్‌ను కోల్పోయి రన్నరప్‌తో సరిపెట్టుకుంది. పట్టికలో టాప్‌–2లో నిలిచిన జట్ల మధ్య జరిగిన తొలి క్వాలిఫయర్‌లో ఓడినంత మాత్రాన పుణేరి టైటిల్‌ ఆశలకు తెరపడలేదు. బుధవారం జరిగే రెండో క్వాలిఫయర్‌లో పుణేరి పల్టన్‌ ఫైనల్‌ బెర్తు కోసం మళ్లీ తలపడుతుంది. రెండో ఎలిమినేటర్‌లో పట్నా పైరేట్స్‌ 46–37తో బెంగళూరు బుల్స్‌పై గెలిచింది. నేడు జరిగే మూడో ఎలిమినేటర్‌లో తెలుగు టైటాన్స్‌తో పట్నా పైరేట్స్‌ తలపడుతుంది. ఈ మ్యాచ్‌ విజేతతోనే పుణేరి తలపడుతుంది.

న్యూఢిల్లీ: సమష్టి ప్రదర్శనతో సత్తా చాటుతున్న తెలుగు టైటాన్స్‌ ప్రొ కబడ్డీ లీగ్‌ (పీకేఎల్‌) 12వ సీజన్‌లో ట్రోఫీ చేజిక్కించుకునే దిశగా మరో అడుగు వేసింది. ఈ సీజన్‌ ఆసాంతం నిలకడగా రాణిస్తున్న టైటాన్స్‌... ఆదివారం జరిగిన మినీ క్వాలిఫయర్‌లో 37–32 పాయింట్ల తేడాతో బెంగళూరు బుల్స్‌పై విజయం సాధించింది. దీంతో తెలుగు టైటాన్స్‌ ఎలిమినేటర్‌–3కి చేరింది. మంగళవారం జరగనున్న ఆ మ్యాచ్‌లో ఎలిమినేటర్‌–2 విజేతతో టైటాన్స్‌ తలపడుతుంది. కీలక పోరులో కెప్టెన్ విజయ్‌ మలిక్‌ 10 పాయింట్లతో, భరత్‌ 12 పాయింట్లతో మెరిశారు. బెంగళూరు బుల్స్‌ తరఫున అలీ రెజా 11 పాయింట్లతో పోరాడినా ఫలితం లేకపోయింది. ఆదివారమే జరిగిన ఎలిమినేటర్‌–1 లో పట్నా పైరేట్స్‌ 48–32తో జైపూర్‌ పింక్‌ పాంథర్స్‌పై గెలుపొందింది. పట్నా రైడర్‌ అయాన్‌ 20 పాయింట్లతో విజృంభించాడు. అయాన్‌కు ఇది ఐదో సూపర్‌–20 స్కోరు కావడం విశేషం. పీకేఎల్‌ చరిత్రలో ప్రదీప్‌ నర్వాల్, దేవాంక్‌ దలాల్‌ మాత్రమే ఐదు కంటే ఎక్కువ మ్యాచ్‌ల్లో 20 పాయింట్ల చొప్పున సాధించారు. ఈ విజయంతో పట్నా ఎలిమినేటర్‌–2కు అర్హత సాధించింది. నేడు లీగ్‌లో తొలి రెండు స్థానాల్లో నిలిచిన పుణేరి పల్టన్, దబంగ్‌ ఢిల్లీ క్వాలిఫయర్‌–1లో తలపడనున్నాయి. పట్నా పైరేట్స్, బెంగళూరు బుల్స్‌ జట్లు ఎలిమినేటర్‌–2లో ఆడతాయి.

న్యూఢిల్లీ: ప్రొ కబడ్డీ లీగ్‌లో ఫైనల్‌ రేసులో పడేందుకు మాజీ చాంపియన్లు జైపూర్‌ పింక్‌పాంథర్స్, పట్నా పైరేట్స్‌ ఒక ముందడుగు వేశాయి. 5–8 స్థానాల్లో నిలిచిన జట్ల మధ్య శనివారం ప్లే ఇన్‌ మ్యాచ్‌లు జరిగాయి. ఇందులో రెండు సార్లు చాంపియన్‌గా నిలిచిన జైపూర్‌ 30–27తో డిఫెండింగ్‌ చాంపియన్‌ హరియాణా స్టీలర్స్‌పై విజయం సాధించింది. ఈ మ్యాచ్‌లో గెలిచేందుకు పింక్‌పాంథర్స్‌ కడదాకా చెమటోడ్చింది. రెయిడర్లలో నితిన్‌ కుమార్‌ (7) ఒక్కడే ఆకట్టుకున్నాడు. 23 సార్లు కూతకెళ్లిన అతను ఏడుసార్లు పాయింట్లు తెచ్చిపెట్టగా, మూడుసార్లు అవుటయ్యాడు. డిఫెండర్లు ఆర్యన్‌ కుమార్‌ (5), దీపాన్షు ఖత్రి (4), మోహిత్‌ (3) సమన్వయంతో రాణించారు. హరియాణా తరఫున రెయిడర్లు శివమ్‌ పతారే (6), వినయ్‌ (4) చెప్పుకోదగ్గ పాయింట్లు సాధించారు. డిఫెండర్లలో నీరజ్‌ 5, కెప్టెన్‌ జైదీప్‌ 2 పాయింట్లు చేశారు. అనంతరం జరిగిన మరో ప్లే ఇన్‌ మ్యాచ్‌లో ‘హ్యాట్రిక్‌’ పీకేఎల్‌ చాంప్‌ పట్నా పైరేట్స్‌ 40–31తో యూ ముంబాను ఓడించింది. పైరేట్స్‌ జట్టులో అయాన్‌ (14), నవ్‌దీప్‌ (7), మిలన్‌ దహియా (5) కీలకపాత్ర పోషించారు. ముంబా తరఫున అజిత్‌ చౌహాన్‌ (12), సందీప్‌ (7), పర్వేశ్‌ భైన్‌స్వాల్‌ (3) రాణించారు. బెంగళూరుతో టైటాన్స్‌ ఢీ నేడు పాయింట్ల పట్టికలో మూడు, నాలుగో స్థానాల్లో నిలిచిన బెంగళూరు బుల్స్, తెలుగు టైటాన్స్‌ జట్ల మధ్య నేడు మినీ క్వాలిఫయర్‌ సంగ్రామం జరుగుతుంది. అయితే ఈ మినీ పోరాటంలో ఓడిన జట్టు ఉన్నపళంగా లీగ్‌ నుంచి ఇంటికెళ్లదు. రెండో ఎలిమినేటర్‌ మ్యాచ్‌ రూపంలో ఫైనల్‌ రేసులో సజీవంగా నిలిచే ఉంటుంది. నేడు జైపూర్‌ పింక్‌ పాంథర్స్, పట్నా పైరేట్స్‌ల మధ్య జరిగే తొలి ఎలిమినేటర్‌ విజేతతో సోమవారం జరిగే రెండో ఎలిమినేటర్‌లో తలపడుతుంది. ఇక మినీ క్వాలిఫయర్‌లో గెలిచిన జట్టేమో మంగళవారం జరిగే మూడో ఎలిమినేటర్‌కు అర్హత సాధిస్తుంది.

న్యూఢిల్లీ: దాదాపు రెండు నెలలుగా క్రీడాభిమానులను అలరిస్తున్న ప్రొ కబడ్డీ లీగ్‌ (పీకేఎల్‌) 12వ సీజన్‌ చివరి దశకు చేరుకుంది. హోరాహోరీ సమరాలు... ఉత్కంఠ రేపిన మ్యాచ్‌లతో సాగిన లీగ్‌ దశ ముగియగా... శనివారం నుంచి ప్లే ఆఫ్స్‌ ప్రారంభం కానున్నాయి. ఈ సీజన్‌లో మొత్తం 12 జట్లు పోటీపడగా... అందులో పాయింట్ల పట్టికలో తొలి ఎనిమిది స్థానాల్లో నిలిచిన జట్లు ప్లే ఆఫ్స్‌కు చేరాయి. గతం కంటే భిన్నంగా జరుగుతున్న ఈ సీజన్‌లో నేటి నుంచి మరింత రసవత్తర మ్యాచ్‌లు జరగనున్నాయి. లీగ్‌ దశలో జరిగిన 108 మ్యాచ్‌లను దేశంలోని నాలుగు నగరాల్లో నిర్వహించగా... ఇప్పుడు ఆఖరి అంకం ఢిల్లీలో సాగనుంది. ప్లే ఆఫ్స్‌ ప్రారంభానికి ముందు ట్రోఫీ కోసం పోటీపడుతున్న 8 జట్ల కెప్టెన్‌లతో శుక్రవారం ప్రత్యేక కార్యక్రమం నిర్వహించారు. ‘ఈ సీజన్‌ చాలా హోరాహోరీగా సాగింది. లీగ్‌ దశలో జరిగిన మొత్తం 108 మ్యాచ్‌ల్లో 48 మ్యాచ్‌లు కేవలం 5 పాయింట్ల తేడాతో ఫలితం తేలాయి. 27 మ్యాచ్‌ల్లో చివరి 90 సెకన్లలో ఫలితాలు తారుమారయ్యాయి. సీజన్‌ మొత్తం దాదాపు అన్ని రోజులూ రెయిడర్లు ‘సూపర్‌–10’లు సాధించారు. ఇక చివరి దశకు సమయం ఆసన్నమైంది. ఈ వారం మరింత ఉత్కంఠగా ఉండబోనుంది’ అని పీకేఎల్‌ చైర్మన్‌ అనుపమ్‌ గోస్వామి అన్నారు. ఈ సీజన్‌తోనే పీకేఎల్‌లో ‘టై బ్రేకర్‌’ విధానాన్ని ప్రవేశ పెట్టగా... మరింత పోటీతత్వం కనిపించింది. ప్లే ఆఫ్స్‌ బెర్త్‌ దక్కించుకునేందుకు అన్నీ జట్లు హోరాహోరీగా పోరాడగా... లీగ్‌ దశలో అది్వతీయ ప్రదర్శన కనబర్చిన పుణేరి పల్టన్, దబంగ్‌ ఢిల్లీ చెరో 26 పాయింట్లతో పట్టిక తొలి రెండు స్థానాలు దక్కించుకున్నాయి. లీగ్‌ ప్రారంభమైన నెలన్నర వరకు పాయింట్ల పట్టికలో అట్టడుగున ఉన్న పట్నా పైరేట్స్‌... ఆ తర్వాత విజృంభించింది. వరుసగా ఐదు మ్యాచ్‌ల్లో నెగ్గి ఏడో స్థానంతో ప్లే ఆఫ్స్‌లో అడుగు పెట్టింది. ‘ఒత్తిడిలో జట్టును ఎలా నడిపించాలో నేర్చుకున్నాను. ఆ పాఠాలు ఇప్పుడు కెప్టెన్‌గా పరిస్థితులను అర్థం చేసుకునేందుకు ఉపయోగ పడుతున్నాయి. ఈ దశకు చేరుకోవడానికి జట్టుగా మేము ఎంతో కష్టపడ్డాం. అదే క్రమశిక్షణను ప్లే ఆఫ్స్‌లో కూడా కనబరుస్తాం’ అని పుణేరి పల్టన్‌ కెపె్టన్‌ అస్లమ్‌ ఇమాన్‌దార్‌ అన్నాడు. ‘ప్లే ఆఫ్స్‌లో ప్రతి పాయింట్‌ కీలకమే. ఒక్క రెయిడ్‌తో మ్యాచ్‌ మొత్తం మారిపోవచ్చు. ఎలాంటి పరిస్థితుల్లో అయినా ప్రశాంతంగా ఉండటమే నా బలం. దూకుడు మన దృష్టిని మరల్చుతుంది. ఒత్తిడి పెరుగుతున్నప్పుడు నన్ను నేను నియంత్రించుకుంటా. సీజన్‌ మొత్తం గొప్పగా పోరాడాం. ప్లే ఆఫ్స్‌లో కూడా అత్యుత్తమ ప్రదర్శన కనబర్చాలని అనుకుంటున్నాం’ అని దబంగ్‌ ఢిల్లీ సారథి అశు మలిక్‌ వెల్లడించాడు. గతంతో పోలిస్తే కాస్త సంక్లిష్టంగా ఉన్న ప్లే ఆఫ్స్‌ విధానంలో... పాయింట్ల పట్టికలో తొలి రెండు స్థానాల్లో నిలిచిన జట్లకు ఫైనల్‌కు చేరేందుకు సులువైన అవకాశం ఉండగా... మిగిలిన జట్లు తుదిపోరుకు అర్హత సాధించాలంటే తీవ్రంగా శ్రమించాల్సి ఉంటుంది. పీకేఎల్‌ 12వ సీజన్‌ప్లే ఆఫ్స్‌ను ఓసారి పరిశీలిస్తే.. » శనివారం జరగనున్న తొలి ‘ప్లే ఇన్‌’ పోరులో డిఫెండింగ్‌ చాంపియన్‌ హరియాణా స్టీలర్స్‌తో జైపూర్‌ పింక్‌ పాంథర్స్‌ తలపడనుంది. రెండో ‘ప్లే ఇన్‌’ మ్యాచ్‌లో యు ముంబాతో పట్నా పైరేట్స్‌ ఆడుతుంది. » ‘ప్లే ఇన్స్‌’లో గెలిచిన జట్లు... ఆదివారం జరగనున్న ఎలిమినేటర్‌–1లో అమీతుమీ తేల్చుకోనున్నాయి. అదే రోజు మినీ క్వాలిఫయర్‌లో భాగంగా... పాయింట్ల పట్టికలో మూడో, నాలుగో స్థానంలో నిలిచిన బెంగళూరు బుల్స్, తెలుగు టైటాన్స్‌ మధ్య మ్యాచ్‌ జరగనుంది. » బెంగళూరు బుల్స్, తెలుగు టైటాన్స్‌ మధ్య జరిగిన మ్యాచ్‌లో ఓడిన జట్టు... ఎలిమినేటర్‌–1 విజేతతో సోమవారం ఎలిమినేటర్‌–2 మ్యాచ్‌ ఆడనుంది. » ఎలిమినేటర్‌–2లో గెలిచిన జట్టు... బెంగళూరు బుల్స్, తెలుగు టైటాన్స్‌ మధ్య జరిగిన మినీ క్వాలిఫయర్‌ మ్యాచ్‌ విజేతతో మంగళవారం ఎలిమినేటర్‌–3 ఆడనుంది. » పాయింట్ల పట్టికలో తొలి రెండు స్థానాల్లో నిలిచిన పుణేరి పల్టన్, దబంగ్‌ ఢిల్లీ మధ్య సోమవారం క్వాలిఫయర్‌–1 జరగనుంది. » క్వాలిఫయర్‌–1లో విజయం సాధించిన జట్టు నేరుగా ఫైనల్‌ చేరనుండగా... ఓడిన జట్టుకు క్వాలిఫయర్‌–2 రూపంలో మరో అవకాశం ఉంది. » మంగళవారం జరిగే ఎలిమినేటర్‌–3లో గెలిచిన జట్టు... క్వాలిఫయర్‌–1లో ఓడిన టీమ్‌తో బుధవారం క్వాలిఫయర్‌–2 మ్యాచ్‌లో అమీతుమీ తేల్చుకోనుంది. » శుక్రవారం జరిగే ఫైనల్లో క్వాలిఫయర్‌–1, క్వాలిఫయర్‌–2 విజేతల మధ్య ట్రోఫీ కోసం ఫైనల్‌ ఫైట్‌ జరగనుంది.

న్యూఢిల్లీ: ప్రొ కబడ్డీ లీగ్‌ 12వ సీజన్‌లో మూడుసార్లు చాంపియన్‌ పట్నా పైరేట్స్‌ ప్లే ఆఫ్స్‌ బెర్త్‌ దక్కించుకుంది. గురువారం జరిగిన చివరి లీగ్‌ మ్యాచ్‌లో పట్నా 33–18 పాయింట్ల తేడాతో జైపూర్‌ పింక్‌ పాంథర్స్‌పై విజయం సాధించింది. దీంతో లీగ్‌ దశలో 18 మ్యాచ్‌లాడిన పట్నా పైరేట్స్‌ 8 విజయాలు, 10 పరాజయాలతో 16 పాయింట్లు ఖాతాలో వేసుకొని ప్లే ఆఫ్స్‌కు అర్హత సాధించింది. లీగ్‌ ఆరంభ దశలో పెద్దగా ఆకట్టుకోలేకపోయిన పైరేట్స్‌... వరుసగా ఐదో మ్యాచ్‌లో గెలిచి ముందంజ వేసింది. కీలకపోరులో పట్నా కెపె్టన్‌ అయాన్‌ 11 పాయింట్లతో సత్తా చాటాడు. మ్యాచ్‌ తొలి అర్ధభాగంలో హోరాహోరీ పోరాటం సాగడంతో ఇరు జట్లు నువ్వా నేనా అన్నట్లు తలపడ్డాయి. ద్వితీయార్ధంలో విజృంభించిన పట్నా సమష్టిగా సత్తాచాటి ముందంజ వేసింది. గురువారంతో ఈ సీజన్‌ లీగ్‌ మ్యాచ్‌లు ముగిశాయి. చివరి రోజే జరిగిన ఇతర మ్యాచ్‌ల్లో యూపీ యోధాస్‌ 35–32తో యు ముంబాపై, బెంగళూరు బుల్స్‌ 54–26తో గుజరాత్‌ జెయింట్స్‌పై గెలుపొందాయి. యూపీ యోధాస్‌ తరఫున సురేందర్‌ గిల్, శివమ్‌ చెరో 7 పాయింట్లు సాధించగా... యు ముంబా తరఫున అజిత్‌ చవాన్‌ 11 పాయింట్లతో పోరాడాడు. గుజరాత్‌ జెయింట్స్‌తో పోరులో బెంగళూరు బుల్స్‌ రెయిడర్లు ఆకాశ్‌ 11, అలీ రెజా 10 పాయింట్లతో సత్తా చాటారు. గుజరాత్‌ జెయింట్స్‌ తరఫున శ్రీధర్‌ 8 పాయింట్లతో పోరాడాడు. ఈ సీజన్‌లో మొత్తం 12 జట్లు పోటీపడగా... వాటిలో 8 జట్లు (పుణేరి పల్టన్, దబంగ్‌ ఢిల్లీ, బెంగళూరు బుల్స్, తెలుగు టైటాన్స్, హర్యానా స్టీలర్స్, యు ముంబా, పట్నా పెరైట్స్, జైపూర్‌ పింక్‌ పాంథర్స్‌) ప్లే ఆఫ్స్‌కు చేరాయి. లీగ్‌లో నేడు విశ్రాంతి దినం కాగా... శనివారం నుంచి ప్లే ఆఫ్స్‌ ప్రారంభమవుతాయి.

న్యూఢిల్లీ: ప్రొ కబడ్డీ లీగ్‌ 12వ సీజన్‌లో ఘనవిజయంతో హరియాణా స్టీలర్స్‌... ఓటమి పాలైనప్పటికీ మెరుగైన పాయింట్లతో జైపూర్‌ పింక్‌పాంథర్స్‌ జట్లు ప్లేఆఫ్స్‌కు అర్హత సాధించాయి. మంగళవారం జరిగిన మ్యాచ్‌లో హరియాణా స్టీలర్స్‌ 50–32తో గుజరాత్‌ జెయింట్స్‌పై నెగ్గింది. స్టీలర్స్‌ రెయిడర్లు శివమ్‌ (17), వినయ్‌ (14) రాణించారు. అంతకుముందు జరిగిన మ్యాచ్‌లో యు ముంబా 37–36తో జైపూర్‌ పింక్‌పాంథర్స్‌పై గెలుపొందింది. ఫలితం పింక్‌పాంథర్స్‌ను నిరాశపరిచినప్పటికీ హరియాణా జట్టులాగే 8 విజయాలు, 16 పాయింట్లతో సమంగా నిలువడంతో జైపూర్‌కూ ప్లేఆఫ్స్‌ బెర్త్‌ దక్కింది. మొదటి మ్యాచ్‌లో బెంగాల్‌ వారియర్స్‌ 44–43తో తమిళ్‌ తలైవాస్‌పై గెలిచింది. ఇప్పటికే ఏడు జట్లు ప్లే ఆఫ్స్‌కు చేరగా చివరి బెర్త్‌ కోసం పట్నా పైరేట్స్‌ రేసులో ఉంది.

న్యూఢిల్లీ: ప్రొ కబడ్డీ లీగ్‌ (పీకేఎల్‌) ఆఖరి దశ పోటీల్లో తెలుగు టైటాన్స్‌ నిలకడగా రాణిస్తోంది. ఆదివారం జరిగిన తొలి మ్యాచ్‌లో టైటాన్స్‌ జట్టు 30–25 గుజరాత్‌ జెయింట్స్‌పై విజయం సాధించింది. టైటాన్స్‌ జట్టులో కెప్టెన్‌ విజయ్‌ మాలిక్‌ (8), భరత్‌ (7) పోటీపడి రాణించారు. ఇద్దరు ఆల్‌రౌండర్లు క్రమం తప్పకుండా పాయింట్లు తెచ్చిపెట్టారు. డిఫెండర్లు అజిత్‌ పవార్‌ (4), అంకిత్‌ (4)లు మెరుగ్గా ఆడారు. గుజరాత్‌ తరఫున రెయిడింగ్‌లో హిమాన్షు సింగ్‌ (6), కెప్టెన్‌ రాకేశ్‌ (5) రాణించగా, డిఫెండర్‌ లక్కీ శర్మ 4 పాయింట్లు సాధించాడు. మిగతా వారిలో ఆల్‌రౌండర్‌ మొహమ్మద్‌ రెజా (3), విశ్వనాథ్, నితిన్‌ పన్వార్‌ చెరో 2 పాయింట్లు చేశారు. 12వ సీజన్‌లో ఆరంభం నుంచే పట్టుదలగా ఆడుతున్న తెలుగు టైటాన్స్‌ 17 మ్యాచ్‌లాడి పదో విజయాన్ని నమోదు చేసింది.నేడు మ్యాచ్‌లకు విశ్రాంతి రోజు. రేపు జరిగే పోటీల్లో బెంగాల్‌ వారియర్స్‌తో తమిళ్‌ తలైవాస్‌ పోటీపడుతుంది. యూ ముంబాను జైపూర్‌ పింక్‌పాంథర్స్‌ ఢీకొంటుంది. హరియాణా స్టీలర్స్‌తో గుజరాత్‌ జెయంట్స్‌ తలపడుతుంది.ప్లేఆఫ్స్‌ చేరిన యూ ముంబాలీగ్‌లో మరో జట్టు యూ ముంబా కూడా ప్లే ఆఫ్స్‌ చేరింది. హరియాణా స్టీలర్స్‌తో హోరాహోరీగా సాగిన మ్యాచ్‌లో యూ ముంబా టై బ్రేకర్‌లో గెలిచి ముందంజ వేసింది. నిర్ణీత సమయం ముగిసే సరికి ఇరు జట్లు 37–37 స్కోరుతో సమంగా నిలిచాయి. దీంతో టైబ్రేక్‌ అనివార్యం కాగా యూ ముంబా రెయిడర్లు జట్టును గెలిపించారు. సందీప్‌ (9) అదరగొట్టాడు. 21 సార్లు కూతకెళ్లిన అతను 9 సార్లు విజయవంతంగా పాయింట్లు తెచ్చాడు. సహచరుల్లో అజిత్‌ చౌహాన్‌ (6), అమిర్‌ మొహమ్మద్‌ (6), సునీల్‌ కుమార్‌ (4), విజయ్‌ కుమార్‌ (3) రాణించారు. హరియాణా జట్టులో జైదీప్‌ (9) కడదాకా శ్రమించాడు. మిగతావారిలో సాహిల్‌ నర్వాల్‌ (6), శివమ్‌ పతారే (4), వినయ్‌ (3), రాహుల్‌ (3) మెరుగ్గా ఆడారు. ఆఖరి మూడో మ్యాచ్‌లో పట్నా పైరేట్స్‌ 38–27తో పుణేరి పల్టన్‌పై గెలుపొందింది.

న్యూఢిల్లీ: ప్రొ కబడ్డీ లీగ్‌ (పీకేఎల్‌) 12వ సీజన్‌లో తెలుగు టైటాన్స్‌ జట్టు ప్లే ఆఫ్స్‌కు దూసుకెళ్లింది. శనివారం జరిగిన మ్యాచ్‌లో తెలుగు టైటాన్స్‌ 40–31 పాయింట్ల తేడాతో పట్టిక అగ్రస్థానంలో ఉన్న పుణేరి పల్టన్‌పై గెలిచి ముందంజ వేసింది. టైటాన్స్‌ తరఫున భరత్‌ 11, విజయ్‌ మాలిక్‌ 10 పాయింట్లు సాధించారు.ఈ సీజన్‌లో టైటాన్స్‌ 16 మ్యాచ్‌లాడి 9 విజయాలు, 7 పరాజయాలతో 18 పాయింట్లతో నిలిచింది. మరో మ్యాచ్‌లో బెంగళూరు బుల్స్‌ 33–23 పాయింట్ల తేడాతో దబంగ్‌ ఢిల్లీపై గెలుపొందింది. ఈ విజయంతో బెంగళూరు బుల్స్‌ కూడా ప్లే ఆఫ్స్‌కు అర్హత సాధించింది. ఇంకో మ్యాచ్‌లో జైపూర్‌ పింక్‌ పాంథర్స్‌ 38–30 పాయింట్ల తేడాతో బెంగాల్‌ వారియర్స్‌పై గెలుపొందింది.

ఢిల్లీ: ప్రొ కబడ్డీ లీగ్‌ (పీకేఎల్‌) 12వ సీజన్‌లో దబంగ్‌ ఢిల్లీ జట్టు ఖాతాలో మరో విజయం చేరింది. ఇప్పటికే ప్లే ఆఫ్స్‌కు చేరుకున్న ఢిల్లీ జట్టు శుక్రవారం జరిగిన పోరులో 37–31 పాయింట్ల తేడాతో తమిళ్‌ తలైవాస్‌పై గెలుపొందింది. ఢిల్లీ తరఫున అక్షిత్‌ ధుల్‌ 12 పాయింట్లతో సత్తా చాటగా... నవీన్‌ 6, ఫజల్‌ 5 పాయింట్లు సాధించారు. తలైవాస్‌ తరఫున అర్జున్‌ దేశ్వాల్‌ 11 పాయింట్లతో ఒంటరి పోరాటం చేసినా ఫలితం లేకపోయింది. తాజా సీజన్‌లో ఢిల్లీ 16 మ్యాచ్‌లు ఆడి 13 విజయాలు, 3 పరాజయాలతో 26 పాయింట్లు ఖాతాలో వేసుకొని రెండో స్థానంలో ఉంది. మరో మ్యాచ్‌లో జైపూర్‌ పింక్‌ పాంథర్స్‌ 42–29 పాయింట్ల తేడాతో యూపీ యోధాస్‌ను చిత్తుచేసింది. జైపూర్‌ తరఫున అలీ సమది 13 పాయింట్లు, నితిన్‌ 11 పాయింట్లతో రాణించగా... యోధాస్‌ తరఫున సురేందర్‌ 12 పాయింట్లతో పోరాడాడు. గ్రూప్‌ అడుగున ఉన్న జట్ల మధ్య జరిగిన మ్యాచ్‌లో పట్నా పైరేట్స్‌ 51–49తో బెంగాల్‌ వారియర్స్‌పై నెగ్గింది. నేడు జరిగే మ్యాచ్‌ల్లో బెంగళూరు బుల్స్‌తో దబంగ్‌ ఢిల్లీ, తెలుగు టైటాన్స్‌తో పుణేరి పల్టన్, బెంగాల్‌ వారియర్స్‌తో జైపూర్‌ పింక్‌ పాంథర్స్‌ ఆడతాయి.

న్యూఢిల్లీ: ప్లేఆఫ్స్‌ రేసులో ఉన్న తెలుగు టైటాన్స్‌కు వరుస పరాజయాలు కుంగదీస్తున్నాయి. టైబ్రేక్‌కు దారితీసిన గత మ్యాచ్‌లో బెంగాల్‌ వారియర్స్‌ చేతిలో ఓడిన తెలుగు టైటాన్స్‌ గురువారం జరిగిన పోరులో యు ముంబా చేతిలో 26–33తో పరాజయం పాలైంది. టైటాన్స్‌ జట్టులో ఆల్‌రౌండర్, కెప్టెన్ విజయ్‌ మలిక్‌ (10) ఒంటరి పోరాటం చేశాడు. రెయిడింగ్‌లో 17 సార్లు కూతకెళ్లి 9 పాయింట్లు తెచ్చాడు. ప్రత్యర్థి రెయిడర్‌ను టాకిల్‌ చేసి మరో పాయింట్‌ సాధించాడు. సహచరుల్లో భరత్‌ (5) మాత్రమే మెరుగ్గా ఆడాడు. డిఫెండర్లు అంకిత్‌ 3, అవి దుహన్, శుభమ్‌ షిండే చెరో 2 పాయింట్లు చేశారు. యు ముంబా తరఫున రెయిడర్‌ అజిత్‌ చౌహాన్‌ (8) రాణించాడు. ఇతనికి సహచరులు సందీప్‌ (4), రింకూ (4), అమిర్‌ మొహమ్మద్‌ (3), పర్వేశ్‌ (3)లను చక్కని సహకారం లభించింది. ప్రస్తుతం 8 విజయాలతో మూడో స్థానంలో ఉన్న తెలుగు టైటాన్స్‌కు ఈ సీజన్‌లో ఇక మూడే మ్యాచ్‌లు మిగిలున్నాయి. టైటాన్స్‌ రేపు పుణేరి పల్టన్‌తో పోటీపడుతుంది. అనంతరం 19న గుజరాత్, 22న ఆఖరి పోరులో హరియాణా స్టీలర్స్‌తో తలపడుతుంది. పాట్నా , హరియాణా గెలుపు అంతకుముందు హోరాహోరీగా జరిగిన తొలి మ్యాచ్‌లో మూడుసార్లు చాంపియన్‌ అయిన పట్నా పైరేట్స్‌ టైబ్రేక్‌లో బెంగళూరు బుల్స్‌పై గెలుపొందింది. నిర్ణీత సమయం ముగిసేసరికి ఇరుజట్లు 32–32 స్కోరుతో సమంగా నిలిచాయి. టైబ్రేక్‌లో పట్నా 6–5తో పైచేయి సాధించింది. పట్నా కెపె్టన్‌ అయాన్‌ రెయిడింగ్‌లో చెలరేగాడు. 20 సార్లు కూతకెళ్లిన అతను 14 సార్లు పాయింట్లతో వచ్చాడు. మిగతా వారిలో రెయిడర్‌ అంకిత్‌ కుమార్‌ (5), డిఫెండర్‌ నవ్‌దీప్‌ (4) రాణించారు. బెంగళూరు బుల్స్‌ తరఫున అలీ రెజా మీర్జాయిన్‌ (17) ఒక్కడే శ్రమించాడు. అనంతరం జరిగిన మూడో మ్యాచ్‌లో హరియాణా స్టీలర్స్‌ 53–26తో యూపీ యోధాస్‌పై ఘన విజయం సాధించింది. స్టీలర్స్‌ జట్టులో శివమ్‌ (15), జైదీప్‌ (6), సాహిల్‌ నర్వాల్‌ (4) రాణించారు. యూపీ తరఫు గగన్‌ గౌడ (7), భవానీ రాజ్‌పుత్, హితేశ్‌ చెరో 3 పాయింట్లు చేశారు. నేటి మ్యాచ్‌ల్లో బెంగాల్‌ వారియర్స్‌తో పట్నా పైరేట్స్, తమిళ్‌ తలైవాస్‌తో దబంగ్‌ ఢిల్లీ, జైపూర్‌ పింక్‌పాంథర్స్‌తో యూపీ యోధాస్‌ తలపడతాయి.

ఢిల్లీ: హోరాహోరీ పోరులో తెలుగు టైటాన్స్‌ ‘టైబ్రేక్‌’లో పరాజయం పాలైంది. ప్రొ కబడ్డీ లీగ్‌ (పీకేఎల్‌) 12వ సీజన్‌లో భాగంగా బుధవారం జరిగిన పోరులో టైటాన్స్‌ 5–7 పాయింట్ల తేడాతో బెంగాల్‌ వారియర్స్‌ చేతిలో ఓడింది. మొదట నిర్ణీత సమయంలో ఇరు జట్లు 45–45 పాయింట్లతో సమంగా నిలిచాయి. టైటాన్స్‌ తరఫున భరత్‌ 16 పాయింట్లతో సత్తా చాటగా... కెప్టెన్‌ విజయ్‌ మలిక్‌ 6 పాయింట్లు సాధించాడు. బెంగాల్‌ వారియర్స్‌ సారథి దేవాంక్‌ 18 పాయింట్లతో అదరగొట్టాడు. మన్‌జీత్‌ 7 పాయింట్లతో అతడికి అండగా నిలిచాడు. దీంతో ఫలితం తేల్చేందుకు ‘టైబ్రేక్‌’ నిర్వహించగా... బెంగాల్‌ వారియర్స్‌ మెరిపించింది. తాజా సీజన్‌లో 14 మ్యాచ్‌లాడిన తెలుగు టైటాన్స్‌ 8 విజయాలు, 6 పరాజయాలతో 16 పాయింట్లు ఖాతాలో వేసుకొని మూడో స్థానంలో ఉంది. బెంగాల్‌ వారియర్స్‌ 14 మ్యాచ్‌ల్లో 5 గెలిచి 9 ఓడి 10 పాయింట్లతో పట్టిక 11వ స్థానంలో నిలిచింది. మరో మ్యాచ్‌లో పుణేరి పల్టన్‌ 57–33 పాయింట్ల తేడాతో జైపూర్‌ పింక్‌ పాంథర్స్‌పై గెలుపొందింది. పల్టన్‌ తరఫున పంకజ్‌ 9, గౌరవ్‌ ఖత్రి 7 పాయంట్లు సాధించగా... వైభవ్, అస్లమ్‌ చెరో ఆరు పాయింట్లు సాధించారు. జైపూర్‌ తరఫున అలీ సమదీ 14 పాయింట్లతో పోరాడినా ఫలితం లేకపోయింది. ఇప్పటికే ప్లే ఆఫ్స్‌కు అర్హత సాధించిన పల్టన్‌ 16 మ్యాచ్‌ల్లో 13 విజయాలు, 3 పరాజయాలతో 26 పాయింట్లు ఖాతాలో వేసుకొని అగ్రస్థానాన్ని పటిష్టం చేసుకుంది. ఇంకో మ్యాచ్‌లో గుజరాత్‌ జెయింట్స్‌ 42–35 పాయింట్ల తేడాతో తమిళ్‌ తలైవాస్‌పై గెలిచింది. గుజరాత్‌ జెయింట్స్‌ తరఫున హిమాన్షు 13 పాయింట్లు సాధించగా... అంకిత్‌ దహియా, మొహమ్మద్‌ రెజా చెరో 6 పాయింట్లు సాధించారు. తలైవాస్‌ తరఫున అర్జున్‌ దేశ్వాల్‌ 12 పాయింట్లతో పోరాడాడు. లీగ్‌లో భాగంగా గురువారం మూడు మ్యాచ్‌లు జరగనున్నాయి. బెంగళూరు బుల్స్‌తో పట్నా పైరేట్స్, తెలుగు టైటాన్స్‌తో యు ముంబా, యూపీ యోధాస్‌తో హరియాణా స్టీలర్స్‌ తలపడనున్నాయి.

న్యూఢిల్లీ: ప్రొ కబడ్డీ లీగ్‌ (పీకేఎల్‌–12)లో టాప్‌–8 స్థానాలతో ప్లే ఆఫ్స్‌ లక్ష్యంగా గుజరాత్‌ జెయింట్స్‌ శ్రమించింది. మంగళవారం జరిగిన లీగ్‌ మ్యాచ్‌లో గుజరాత్‌ 40–32 స్కోరుతో మూడు సార్లు చాంపియన్‌ అయిన పట్నా పైరేట్స్‌పై విజయం సాధించింది. ఆరో నిమిషంలో సబ్‌స్టిట్యూట్‌ అయిన రెయిడర్‌ హిమాన్షు సింగ్‌ (11) వచి్చరాగానే పాయింట్ల పనిపట్టాడు. 21 సార్లు కూతకెళ్లిన అతను 11 సార్లు పాయింట్లతో వచ్చాడు. అతనితో పాటు ఆల్‌రౌండర్లు మొహమ్మద్‌ రెజా (8), నితిని పన్వార్‌ (5), రెయిడింగ్‌ రాకేశ్‌ (4) రాణించడంతో గుజరాత్‌ క్రమం తప్పకుండా స్కోరు చేసింది. పట్నా జట్టులో రెయిడర్‌ మన్‌దీప్‌ కుమార్‌ (12) ఒంటరి పోరాటం చేశాడు. 16 సార్లు రెయిడ్‌కు వెళ్లిన మన్‌దీప్‌ 12 సార్లు విజయవంతంగా పాయింట్లు తెచ్చిపెట్టాడు. రెయిడర్‌ అయాన్‌ (5), డిఫెండర్లు నవ్‌దీప్, అంకిత్‌ చెరో 4 పాయింట్లు చేసి రాణించారు. రెండో మ్యాచ్‌లో యూపీ యోధాస్‌ 32–31తో తమిళ్‌ తలైవాస్‌పై గెలుపొందింది. యోధాస్‌ తరఫున రెయిడర్లు గుమన్‌ సింగ్‌ (8), గగన్‌ గౌడ (6), డిఫెండర్‌ హితేశ్‌ (7) అదరగొట్టారు. తలైవాస్‌ జట్టులో కెప్టెన్ అర్జున్‌ దేశ్వాల్‌ (7), డిఫెండర్లు సాగర్‌ రాఠి (5), రోనక్‌ (4) రాణించారు. నేటి నుంచి ఈ నెల 23 తేదీ వరకు రోజూ మూడు మ్యాచ్‌లు జరుగనున్నాయి. ఈరోజు జరిగే మ్యాచ్‌ల్లో తెలుగు టైటాన్స్‌తో బెంగాల్‌ వారియర్స్, జైపూర్‌ పింక్‌పాంథర్స్‌తో పుణేరి పల్టన్, గుజరాత్‌ జెయంట్స్‌తో తమిళ్‌ తలైవాస్‌ తలపడనున్నాయి.

న్యూఢిల్లీ: ప్రొ కబడ్డీ లీగ్‌ 12వ సీజన్‌లో హరియాణా స్టీలర్స్‌ తమ వరుస పరాజయాల పరంపరకు బ్రేకులేసింది. సోమవారం ఇక్కడ జరిగిన లీగ్‌ మ్యాచ్‌లో హరియాణా 39–32తో మూడుసార్లు చాంపియన్‌ పట్నా పైరేట్స్‌పై గెలుపొందింది. ఐదు పరాజయాల తర్వాత స్టీలర్స్‌ పట్టుదలగా ఆడి ఈ మ్యాచ్‌ నెగ్గింది. హరియాణా తరఫున రెయిడర్‌ శివమ్‌ (12 పాయింట్లు) కీలకపాత్ర పోషించాడు. 13 సార్లు కూతకెళ్లిన అతను 11 పాయింట్లు తెచ్చాడు. ప్రత్యర్థి రెయిడర్‌ను టాకిల్‌ చేసి మరో పాయింట్‌ గెలిచాడు. రెయిడర్‌ వినయ్‌ (4), ఆల్‌రౌండర్‌ సాహిల్‌ నర్వాల్‌ (3) మెరుగ్గా ఆడగా... డిఫెండర్లలో కెపె్టన్‌ జైదీప్‌ (6), రాహుల్‌ (4), హర్దీప్‌ (3) రాణించారు. పట్నా జట్టులో రెయిడర్‌ అయాన్‌ (17) ఒంటరి పోరాటం చేశాడు. 24 సార్లు కూతకెళ్లిన అయాన్‌ 15 పాయింట్లు తెచ్చిపెట్టాడు. టాకిల్‌లోనూ 2 పాయింట్లు సాధించాడు. మిగతా వారిలో డిఫెండర్‌ నవ్‌దీప్‌ (4) మినహా ఇంకెవరూ చెప్పుకోదగిన ప్రదర్శనే ఇవ్వలేకపోయారు. అనంతరం జరిగిన రెండో మ్యాచ్‌లో యూపీ యోధాస్‌ 40–24తో యూ ముంబాపై విజయం సాధించింది. యోధాస్‌ జట్టులో రెయిడర్‌ గుమన్‌ సింగ్‌ (12) అదరగొట్టాడు. సహచరుల్లో భవాని రాజ్‌పుత్‌ (5), మహేందర్‌ సింగ్‌ (4), హితేశ్‌ (4) ఆషు సింగ్‌ (3) రాణించారు. యూ ముంబా జట్టులో రెయిడర్లు సందీప్‌ (7), అజిత్‌ చౌహాన (5) ఆకట్టుకున్నారు. నేడు ఇదే వేదికపై జరిగే పోటీల్లో పట్నా పైరేట్స్‌తో గుజరాత్‌ జెయంట్స్, యూపీ యోధాస్‌తో తమిళ్‌ తలైవాస్‌ తలపడతాయి.

న్యూఢిల్లీ: ప్రొ కబడ్డీ లీగ్‌ (పీకేఎల్‌–12)లో ఇప్పటికే ప్లేఆఫ్స్‌కు చేరిన దబంగ్‌ ఢిల్లీ, పుణేరి పల్టన్‌ మధ్య జరిగిన హోరాహోరీ పోరులో పుణేరి పైచేయి సాధించింది. స్కోర్లు సమమైన ఈ మ్యాచ్‌లో పల్టన్‌ జట్టు ‘టైబ్రేక్‌’ రెయిడ్‌లతో గెలుపొందింది. మ్యాచ్‌ ఆరంభం నుంచే పోటాపోటీగా సాగింది. దీంతో నిరీ్ణత సమయం ముగిసేసరికి 38–38తో స్కోరు సమమైంది. పుణేరి రెయిడర్లలో పంకజ్‌ (7), ఆదిత్య షిండే (6), మోహిత్‌ (5) క్రమం తప్పకుండా పాయింట్లు తెచ్చిపెట్టారు. ఆల్‌రౌండర్, కెపె్టన్‌ అస్లామ్‌ ఇనామ్‌దార్‌ (6)తో పాటు, డిఫెండర్‌ గౌరవ్‌ ఖత్రి (4) కూడా రాణించాడు. దబంగ్‌ తరఫున రెయిడర్‌ అజింక్య పవార్‌ 10 పాయింట్లు సాధించాడు. మిగతా వారిలో డిఫెండర్‌ సౌరభ్‌ (6), ఆల్‌రౌండర్‌ నవీన్‌ (5), నీరజ్‌ నర్వాల్‌ (4) అదరగొట్టారు. మ్యాచ్‌ విజేతను నిర్ణయించేందుకు నిర్వహించిన టైబ్రేక్‌లో పుణేరి రెయిడర్లు అందరూ పాయింట్లు తెచ్చిపెట్టడంతో ఢిల్లీకి ఓటమి తప్పలేదు. ఈ విజయంతో పట్టికలో టాప్‌–2 స్థానాలు తారుమారు అయ్యాయి. అగ్రస్థానంలో ఉన్న దబంగ్‌ రెండో స్థానానికి, రెండో స్థానంలో ఉన్న పుణేరి పల్టన్‌ అగ్రస్థానానికి ఎగబాకింది. అనంతరం జరిగిన రెండో మ్యాచ్‌లో బెంగళూరు బుల్స్‌ 43–32తో బెంగాల్‌ వారియర్స్‌పై గెలిచింది. ఆల్‌రౌండర్‌ అలీ రెజా (18) చెలరేగాడు. రెయిడింగ్‌లో 16 పాయింట్లు, టాకిల్‌తో 2 పాయింట్లు తెచ్చిపెట్టాడు. మిగతా సహచరుల్లో రెయిడర్‌ ఆశిష్‌ మలిక్‌ (7), డిఫెండర్‌ దీపక్‌ శంకర్‌ (6)సైతం పోటీపడి పాయింట్లు తెచ్చారు. బెంగాల్‌ జట్టు రెయిడర్లలో కెపె్టన్‌ దేవాంక్‌ (13), హిమాన్షు నర్వాల్‌ (7) రాణించారు. నేడు జరిగే పోటీల్లో పట్నా పైరేట్స్‌తో హరియాణా స్టీలర్స్, యూ ముంబాతో యూపీ యోధాస్‌ తలపడతాయి.

న్యూఢిల్లీ: ప్రొ కబడ్డీ లీగ్‌ (పీకేఎల్‌–12)లో ప్లేఆఫ్స్‌ రేసులో పడేందుకు బెంగళూరు బుల్స్‌ జోరు పెంచుతోంది. ఈ సీజన్‌లో ఏడో విజయాన్ని సాధించి పాయింట్ల పట్టికలో టాప్‌–5లో నిలిచింది. శనివారం ఇక్కడ జరిగిన మ్యాచ్‌లో బెంగళూరు ఆల్‌రౌండ్‌ ప్రదర్శనతో జైపూర్‌ పింక్‌పాంథర్స్‌పై ఘనవిజయం సాధించింది. బుల్స్‌ 47–26తో రెండుసార్లు చాంపియన్‌ అయిన జైపూర్‌ను చిత్తు చేసింది. బెంగళూరు ఆల్‌రౌండర్‌ అలీరెజా మిర్జాయిన్‌ ప్రత్యర్థి జట్టును బెంబేలెత్తించాడు. 22 సార్లు కూతకెళ్లిన అతను 12 పాయింట్లను తెచ్చిపెట్టాడు. కెప్టెన్, డిఫెండర్‌ యోగేశ్‌ (8) జైపూర్‌ రెయిడర్లను వణికించాడు. రెయిడర్లను 8 సార్లు విజయవంతంగా టాకిల్‌ చేశాడు. అతనితో పాటు డిఫెన్స్‌లో దీపక్‌ శంకర్‌ (5), సంజయ్‌ (3) రాణించారు. రెయిడర్లలో ఆశిష్‌ మాలిక్‌ (5), ఆకాశ్‌ షిండే (4)లు అదరగొట్టారు. పింక్‌పాంథర్స్‌ జట్టులో రెయిడర్లు అలీ సమది (9), వినయ్‌ (6) ఆకట్టుకున్నారు. కానీ సహచరుల నుంచి మద్దతు లేకపోవడంతో టాకిల్‌లో పదేపదే వెనుకబడింది. ఈ సీజన్‌లో జైపూర్‌ జట్టుకు ఇది ఏడో పరాజయం!ప్లేఆఫ్స్‌ చేరిన పుణేరి పల్టన్‌మాజీ చాంపియన్‌ (2023) పుణేరి పల్టన్‌ 12వ సీజన్‌లో ప్లేఆఫ్స్‌కు చేరింది. శనివారం జరిగిన రెండో మ్యాచ్‌లో పుణేరి జట్టు 36–23తో తమిళ్‌ తలైవాస్‌పై గెలుపొందింది. రెయిడర్‌ పంకజ్‌ మోహితే (9), కెప్టెన్‌ అస్లామ్‌ ఇనామ్‌దార్‌ (7), ఆల్‌రౌండర్‌ గుర్‌దీప్‌ (5), డిఫెండర్‌ విశాల్‌ భరద్వాజ్‌ (4) క్రమం తప్పకుండా పాయింట్లు చేసి పుణేరి పల్టన్‌ విజయంలో కీలకపాత్ర పోషించారు. తలైవాస్‌ తరఫున కెప్టెన్‌ అర్జున్‌ దేశ్వాల్‌ (6), అరుళ్‌ (4), నితీశ్‌ కుమార్‌ (3) రాణించారు. లీగ్‌లో 14 పోటీలాడిన పుణేరి 11 మ్యాచ్‌ల్లో గెలిచి కేవలం 3 మ్యాచ్‌ల్లోనే ఓడింది. ఇప్పటికే ప్లేఆఫ్స్‌ చేరిన దబంగ్‌ ఢిల్లీ, పుణేరి పల్టన్‌ జట్లు నేడు జరిగే తొలి మ్యాచ్‌లో తలపడనున్నాయి. మరో పోరులో బెంగాల్‌ వారియర్స్‌తో బెంగళూరు బుల్స్‌ పోటీపడుతుంది.

న్యూఢిల్లీ: హోరాహోరీ పోరాటాలతో అభిమానులను విశేషంగా ఆకట్టుకుంటున్న ప్రొ కబడ్డీ లీగ్‌ (పీకేఎల్‌) 12వ సీజన్‌ ఫైనల్‌ ఈ నెల 31న జరగనుంది. శనివారం నుంచి ఢిల్లీ అంచె పోటీలు ప్రారంభం కానుండగా... లీగ్‌ దశ ముగిసిన అనంతరం ప్లే ఆఫ్స్‌ కూడా ఢిల్లీలోనే నిర్వహించనున్నారు. ఈ మేరకు శుక్రవారం పీకేఎల్‌ నిర్వాహకులు ప్లే ఆఫ్స్‌ షెడ్యూల్‌ విడుదల చేశారు. ఈ నెల 23తో లీగ్‌ దశకు తెరపడనుండగా... పాయింట్ల పట్టికలో తొలి 8 స్థానాల్లో నిలిచిన జట్లు ప్లే ఆఫ్స్‌కు చేరుతాయి. జట్ల మధ్య మరింత పోటీ పెంచేందుకు... తాజా సీజన్‌ నుంచి పీకేఎల్‌లో పలు మార్పులు చేశారు. ఈ నెల 25 నుంచి జరగనున్న ‘ప్లే ఇన్స్‌’లో పట్టికలో 5వ స్థానం నుంచి 8వ స్థానం వరకు నిలిచిన జట్లు తలపడతాయి. అందులో గెలిచిన జట్టు ప్లేఆఫ్స్‌లో అడుగు పెడుతుంది. అక్టోబర్‌ 26 నుంచి 29 వరకు ప్లే ఆఫ్స్‌ జరుగుతాయి. తొలి రోజు ఎలిమినేటర్‌–1, మినీ క్వాలిఫయర్‌... మరుసటి రోజు ఎలిమినేటర్‌–2, క్వాలిఫయర్‌–1 నిర్వహిస్తారు. అక్టోబర్‌ 28న ఎలిమినేటర్‌–3, 29న క్వాలిఫయర్‌–2 నిర్వహిస్తారు. ఇందులో మెరుగైన ప్రదర్శన చేసిన జట్లు ఈ నెల 31 శుక్రవారం జరగనున్న ఫైనల్‌కు అర్హత సాధిస్తాయి. తాజా సీజన్‌లో మొత్తం 12 జట్లు పాల్గొంటుండగా... అభిమానుల్లో ఆసక్తి పెంపొందించేందుకే ఎక్కువ జట్లు ప్లే ఆఫ్స్‌ చేరే విధంగా టోర్నీని మార్చారు. దీంతో హోరాహోరీ పోరాటాలు పెరగడంతో పాటు... ప్రతి జట్టుకు ఫైనల్‌కు చేరేందుకు అవకాశం ఉంటుంది. ఢిల్లీలో ఫైనల్‌ నిర్వహించనుండటం ఇది నాలుగోసారి. ఇక ఈ సీజన్‌లో విజృంభిస్తున్న దబంగ్‌ ఢిల్లీ జట్టు... ఇప్పటికే టాప్‌–8 చోటు ఖాయం చేసుకుంది.

చెన్నై: ప్రొ కబడ్డీ లీగ్‌ (పీకేఎల్‌) 12వ సీజన్‌లో అదరగొడుతున్న దబంగ్‌ ఢిల్లీ ‘ప్లే ఆఫ్స్‌’ బెర్త్‌ను ఖరారు చేసుకుంది. తద్వారా తాజా సీజన్‌లో ఈ ఘనత సాధించిన తొలి జట్టుగా నిలిచింది. సీజన్‌ ఆరంభం నుంచి తిరుగులేని ప్రదర్శన కనబరుస్తున్న దబంగ్‌ ఢిల్లీ శుక్రవారం జరిగిన పోరులో గుజరాత్‌ జెయింట్స్‌ను చిత్తు చేసింది. రెయిడర్లు రాణించడంతో దబంగ్‌ ఢిల్లీ 39–33 పాయింట్ల తేడాతో గుజరాత్‌పై గెలుపొందింది. దబంగ్‌ ఢిల్లీ తరఫున అక్షిత్‌ ధుల్‌ 12 పాయింట్లతో సత్తా చాటాడు. గుజరాత్‌ జెయింట్స్‌ తరఫున హిమాన్షు 11 పాయింట్లు సాధించాడు. అశు మలిక్‌ గైర్హాజరీలో అక్షిత్‌ సూపర్‌ రెయిడ్‌లతో చెలరేగడంతో ఢిల్లీ విజయం ఖాయమైంది. ఓవరాల్‌గా ఈ మ్యాచ్‌లో ఢిల్లీ 23 రెయిడ్‌ పాయింట్లు సాధిస్తే... జెయింట్స్‌ 16కే పరిమితమైంది. ట్యాక్లింగ్‌లో గుజరాత్‌ 15 పాయింట్లు ఖాతాలో వేసుకోగా... ఢిల్లీ 10 పాయింట్లు సాధించింది. తాజా సీజన్‌లో 14 మ్యాచ్‌లాడిన ఢిల్లీ 12 విజయాలు, 2 పరాజయాలతో 24 పాయింట్లు ఖాతాలో వేసుకొని పట్టిక ‘టాప్‌’లో నిలిచింది. శనివారం నుంచి పీకేఎల్‌ పోటీలు ఢిల్లీ వేదికగా జరగనుండగా... సొంతగడ్డపై అడుగుపెట్టకముందే ఢిల్లీ జట్టు ‘ప్లే ఆఫ్స్‌’ బెర్తు ఖరారు చేసుకుంది. గుజరాత్‌ జెయింట్స్‌ 13 మ్యాచ్‌ల్లో 4 విజయాలు, 9 పరాజయాలతో 8 పాయింట్లు సాధించి పట్టిక పదో స్థానంలో కొనసాగుతోంది. మరోమ్యాచ్‌లో యు ముంబా 48–29 పాయింట్ల తేడాతో బెంగాల్‌ వారియర్స్‌పై నెగ్గింది. యు ముంబా తరఫున సందీప్‌ కుమార్‌ 13, అజిత్‌ చవాన్‌ 12 పాయింట్లు సాధించి జట్టు విజయంలో కీలక పాత్ర పోషించారు. బెంగాల్‌ వారియర్స్‌ తరఫున దేవాంక్‌ 14 పాయింట్లతో ఒంటరి పోరాటం చేసినా ఫలితం లేకపోయింది. ఈ విజయంతో యు ముంబా పాయింట్ల పట్టికలో నాలుగో స్థానానికి ఎగబాకగా... బెంగాల్‌ వారియర్స్‌ 9వ స్థానంలో ఉంది. లీగ్‌లో భాగంగా శనివారం బెంగళూరు బుల్స్‌తో జైపూర్‌ పింక్‌ పాంథర్స్, తమిళ్‌ తలైవాస్‌తో పుణేరి పల్టన్‌ తలపడనున్నాయి.

చెన్నై: ప్రొ కబడ్డీ లీగ్‌ (పీకేఎల్‌) 12వ సీజన్‌లో అప్రతిహత విజయాలతో దూసుకెళ్తున్న దబంగ్‌ ఢిల్లీకి రెండో పరాజయం ఎదురైంది. లీగ్‌లో భాగంగా గురువారం జరిగిన పోరులో దబంగ్‌ ఢిల్లీ 36–37 పాయింట్ల తేడాతో బెంగాల్‌ వారియర్స్‌ చేతిలో ఓడింది. దబంగ్‌ ఢిల్లీ తరఫున నీరజ్‌ నర్వాల్‌ 6, అజింక్యా పవార్‌ 5 పాయింట్లు సాధించారు. బెంగాల్‌ వారియర్స్‌ కెప్టెన్‌ దేవాంక్‌ దలాల్‌ 12 పాయింట్లతో విజృంభించాడు. ప్రత్యర్థితో సంబంధం లేకుండా దూసుకెళ్తున్న దబంగ్‌ ఢిల్లీ జోరుకు బెంగాల్‌ వారియర్స్‌ బ్రేక్‌ వేసింది. ఓవరాల్‌గా ఈ మ్యాచ్‌లో ఢిల్లీ 23 రెయిడ్‌ పాయింట్లు సాధించగా... బెంగాల్‌ వారియర్స్‌ 20 రెయిడ్‌ పాయింట్లు ఖాతాలో వేసుకుంది. ట్యాక్లింగ్‌లో మెరుగైన ప్రదర్శన చేసిన వారియర్స్‌ 13 పాయింట్లు సాధిస్తే... ఢిల్లీ 9 పాయింట్లకే పరిమితమైంది. తాజా సీజన్‌లో 13 మ్యాచ్‌లాడిన ఢిల్లీ 11 విజయాలు, 2 పరాజయాలతో 22 పాయింట్లు ఖాతాలో వేసుకొని పట్టిక ‘టాప్‌’లో కొనసాగుతోంది. బెంగాల్‌ వారియర్స్‌ 11 మ్యాచ్‌ల్లో 4 విజయాలు, 7 పరాజయాలతో 8 పాయింట్లు సాధించి పదో స్థానంలో కొనసాగుతోంది. ఉత్కంఠభరితంగా సాగిన మరో మ్యాచ్‌లో గుజరాత్‌ జెయింట్స్‌ 41–39 పాయింట్ల తేడాతో యూపీ యోధాస్‌పై నెగ్గింది.

చెన్నై: ప్రొ కబడ్డీ లీగ్‌ (పీకేఎల్‌–12) సాగే కొద్దీ తెలుగు టైటాన్స్‌ జోరు పెరుగుతోంది. ఈ లీగ్‌లో టైటాన్స్‌ జట్టు వరుసగా ఐదో విజయాన్ని సాధించింది. బుధవారం జరిగిన పోరులో తెలుగు టైటాన్స్‌ 46–29తో డిఫెండింగ్‌ చాంపియన్‌ హరియాణా స్టీలర్స్‌పై గెలుపొందింది. టైటాన్స్‌ జట్టులో ఆల్‌రౌండర్‌ భరత్‌ హుడా (20 పాయింట్లు) అదరగొట్టాడు. పీకేఎల్‌లో వందో మ్యాచ్‌ ఆడుతున్న భరత్‌ 18 సార్లు కూతకెళ్లి 16 పాయింట్లు తెచ్చిపెట్టాడు. ప్రత్యర్థి ఆటగాళ్లు రెయిడింగ్‌కు వస్తే నలుగుర్ని టాకిల్‌ చేశాడు. మరో ఆల్‌రౌండర్, కెపె్టన్‌ విజయ్‌ మలిక్‌ (8) కూడా టైటాన్స్‌ విజయంలో కీలకపాత్ర పోషించాడు. అంకిత్‌ 3, చేతన్‌ సాహు, అవి దుహన్, అజిత్‌ పవార్, శుభమ్‌ షిండే తలా 2 పాయింట్లు చేశారు. హరియాణా ఆటగాళ్లు ప్రత్యర్థి జట్టుకు దీటుగా పాయింట్లు సాధించడంలో విఫలమయ్యారు. రెయిడర్‌ మయాంక్‌ సైని 5, కెపె్టన్‌ జైదీప్, వినయ్‌ చెరో 4 పాయింట్లు చేశారు. అనంతరం జరిగిన రెండో మ్యాచ్‌లో పుణేరి పల్టన్‌ 37–27తో యూ ముంబాపై జయభేరి మోగించింది. పుణేరి రెయిడర్‌ ఆదిత్య షిండే (14) రాణించాడు. మిగతా వారిలో కెపె్టన్‌ అస్లామ్‌ (5), పంకజ్‌ మోహితే (4) మెరుగ్గా ఆడారు. యూ ముంబా తరఫున రెయిడర్లు అజిత్‌ చౌహాన్‌ (10), సందీప్‌ (7) చక్కగా పోరాడారు. గురువారం జరిగే పోటీల్లో బెంగాల్‌ వారియర్స్‌తో దబంగ్‌ ఢిల్లీ, గుజరాత్‌ జెయంట్స్‌తో యూపీ యోధాస్‌ తలపడతాయి.

చెన్నై: ప్రొ కబడ్డీ లీగ్‌ (పీకేఎల్‌) 12వ సీజన్‌లో దబంగ్‌ ఢిల్లీ విజయాల పరంపర కొనసాగుతోంది. ప్రత్యర్థితో సంబంధం లేకుండా చెలరేగిపోతున్న అశు మలిక్‌ సారథ్యంలోని దబంగ్‌ ఢిల్లీ లీగ్‌లో 11వ విజయం అందుకుంది. మంగళవారం జరిగిన పోరులో దబంగ్‌ ఢిల్లీ ‘టైబ్రేక్‌’లో 9–3తో హరియాణా స్టీలర్స్‌ను ఓడించింది. నిర్ణీత సమయంలో రెండు జట్ల స్కోర్లు 33–33తో సమం కాగా... విజేతను నిర్ణయించేందుకు ‘5 రెయిడ్స్‌’ నిర్వహించారు. ఇందులో ఢిల్లీ 9 పాయింట్లతో సత్తాచాటగా... స్టీలర్స్‌ 3 పాయింట్లకే పరిమితమైంది. స్టీలర్స్‌కు ఇది వరుసగా నాలుగో పరాజయం. నిర్ణీత సమయంలో జరిగిన మ్యాచ్‌లో ఢిల్లీ తరఫున అజింక్య పవార్‌ 8 పాయింట్లు సాధించగా... నీరజ్, సౌరభ్‌ చెరో 6 పాయింట్లతో రాణించారు. స్టీలర్స్‌ తరఫున శివమ్‌ పతారే 10 పాయింట్లతో పోరాడినా ఫలితం లేకపోయింది. తాజా సీజన్‌లో 12 మ్యాచ్‌లాడిన ఢిల్లీ 11 విజయాలు, 1 పరాజయంతో 22 పాయింట్లు ఖాతాలో వేసుకొని పట్టిక ‘టాప్‌’ ప్లేస్‌లో కొనసాగుతోంది. స్టీలర్స్‌ 12 మ్యాచ్‌ల్లో 6 విజయాలు, 6 పరాజయాలతో 12 పాయింట్లు సాధించి పట్టిక ఆరో స్థానంలో ఉంది. మరో మ్యాచ్‌లో తమిళ్‌ తలైవాస్‌ 56–37 పాయింట్ల తేడాతో పట్నా పైరెట్స్‌పై విజయం సాధించింది. తలైవాస్‌ తరఫున అర్జున్‌ దేశ్వాల్‌ 26 పాయింట్లతో విజృంభించగా... పట్నా పైరెట్స్‌ తరఫున అయాన్‌ 16, అంకిత్‌ 14 పాయింట్లు సాధించారు. వీరిద్దరు మినహా తక్కినవాళ్లు ఆకట్టుకోలేకపోవడంతో పైరెట్స్‌ ఓటమి తప్పలేదు. లీగ్‌లో భాగంగా బుధవారం హరియాణా స్టీలర్స్‌తో తెలుగు టైటాన్స్, యు ముంబాతో పుణేరి పల్టన్‌ తలపడనున్నాయి.

చెన్నై: మాజీ చాంపియన్‌ దబంగ్‌ ఢిల్లీ ప్రొ కబడ్డీ లీగ్‌ 12వ సీజన్‌ (PKL 12)లో పదో విజయంతో ‘టాప్‌’ లేపింది. సోమవారం ఇక్కడ జరిగిన మ్యాచ్‌లో దబంగ్‌ ఢిల్లీ జట్టు 29–26తో మాజీ విజేత జైపూర్‌ పింక్‌పాంథర్స్‌పై గెలుపొందింది. కెప్టెన్, రెయిడర్‌ అశు మలిక్‌ 8 పాయింట్లతో అదరగొట్టాడు. 17 సార్లు కూతకెళ్లిన ఢిల్లీ కెపె్టన్‌ 8 సార్లు విజయవంతంగా పాయింట్లు తెచ్చాడు. డిఫెండర్‌ సందీప్‌ (7) కూడా రాణించడంతో దబంగ్‌ జట్టు ప్రత్యరి్థపై పైచేయి సాధించింది. ఆఖరి వరకు పోరాడినా..మరోవైపు జైపూర్‌ పింక్‌ పాంథర్స్‌ సమష్టిగా గెలిచేందుకు పోరాడింది. డిఫెండర్లు రెజా మీర్‌బగేరి (5), దీపాన్షు ఖత్రి (5), ఆర్యన్‌ కుమార్‌ (4) ప్రత్యర్థి రెయిడర్లను బెంబేలెత్తించారు. రెయిడర్లలో మీతు, అలీ సమది చెరో 2 పాయింట్లు చేశారు. 11 మ్యాచ్‌లాడిన దబంగ్‌ ఢిల్లీ 10 విజయాలతో పట్టికలో అగ్రస్థానంలో కొనసాగుతోంది. యూపీపై పట్నా గెలుపుఅనంతరం జరిగిన రెండో మ్యాచ్‌లో మూడుసార్లు చాంపియన్‌ పట్నా పైరేట్స్‌ 36–28తో యూపీ యోధాస్‌పై విజయం సాధించింది. పైరేట్స్‌ తరఫున రెయిడర్‌ అయాన్‌ (15) చెలరేగాడు. 21 సార్లు కూతకెళ్లిన అతను క్రమం తప్పకుండా పాయింట్లు తెచ్చిపెట్టాడు. మిగతా వారిలో డిఫెండర్లు నవ్‌దీప్‌ (5), దీపక్‌ (4) రాణించారు. యూపీ యోధాస్‌ జట్టులో రెయిడర్‌ గగన్‌ (10) ఒంటరి పోరాటం చేశాడు. మిగతా వారిలో శివమ్‌ (3), మహేందర్‌ సింగ్‌ (2), హితేశ్‌ (2), సుమిత్‌ (2) ఫర్వాలేదనిపించారు. ఇక మంగళవారం జరిగే మ్యాచ్‌ల్లో పట్నా పైరేట్స్‌తో తమిళ్‌ తలైవాస్, హరియాణా స్టీలర్స్‌తో దబంగ్‌ ఢిల్లీ తలపడనున్నాయి. చదవండి: Pro Kabaddi League: తెలుగు టైటాన్స్‌ గెలుపు జోరు..

చెన్నై: ప్రొ కబడ్డీ లీగ్‌ (పీకేఎల్‌) 12వ సీజన్‌లో పుణేరి పల్టన్‌ వరుసగా మూడో విజయం ఖాతాలో వేసుకుంది. శనివారం జరిగిన పోరులో పుణేరి పల్టన్‌ 41–36 పాయింట్ల తేడాతో జైపూర్‌ పింక్‌ పాంథర్స్‌పై విజయం సాధించింది. పల్టన్‌ తరఫున ఆదిత్య షిండే 13 పాయింట్లు సాధించగా... కెప్టెన్‌ పంకజ్‌ మోహితె 8 పాయింట్లు సాధించాడు.మరోవైపు... జైపూర్‌ తరఫున అలీ సమది 22 పాయింట్లతో విజృంభించాడు. మరో మ్యాచ్‌లో గుజరాత్‌ జెయింట్స్‌ 47–40 పాయింట్ల తేడాతో బెంగాల్‌ వారియర్స్‌పై గెలుపొందింది. ఆదివారం యూపీ యోధాస్‌తో తెలుగు టైటాన్స్, బెంగళూరు బుల్స్‌తో తమిళ్‌ తలైవాస్‌ తలపడతాయి. ఇదీ చదవండి: ఫైనల్లో తస్నీమ్, శ్రియాన్షి అల్‌ అయిన్‌ (యూఏఈ): భారత స్టార్‌ షట్లర్‌ కిడాంబి శ్రీకాంత్‌... అల్‌ అయిన్‌ మాస్టర్స్‌ సూపర్‌–100 బ్యాడ్మింటన్‌ టోర్నమెంట్‌ సెమీఫైనల్లో పరాజయం పాలవగా... మహిళల విభాగంలో తస్నీమ్‌ మీర్, శ్రియాన్షి వలిశెట్టి ఫైనల్‌కు దూసుకెళ్లారు. శనివారం జరిగిన పురుషుల సింగిల్స్‌ సెమీఫైనల్లో మూడో సీడ్‌ శ్రీకాంత్‌ 4–21, 21–11, 19–21తో రెండో సీడ్‌ ఆదిల్‌ షోలెహ్‌ (మలేసియా) చేతిలో పోరాడి ఓడాడు.ఇక మహిళల సింగిల్స్‌లో బీడబ్ల్యూఎఫ్‌ వరల్డ్‌ జూనియర్‌ నంబర్‌వన్, 20 ఏళ్ల తస్నీమ్‌ మీర్‌ సత్తాచాటింది. సెమీస్‌లో ఆరో సీడ్‌ తస్నీమ్‌ 9–21, 21–17, 21–10తో ఐదో సీడ్‌ నెస్లిహన్‌ అరిన్‌ (తుర్కియే)పై విజయం సాధించింది. మరో సెమీస్‌లో ఏడో సీడ్‌ శ్రియాన్షి 21–11, 21–12తో చియారా మార్వెల్లా హండోయో (ఇండోనేసియా)పై గెలిచి తుదిపోరుకు అర్హత సాధించింది. ఆదివారం జరగనున్న మహిళల సింగిల్స్‌ ఫైనల్లో తస్నీమ్, శ్రియాన్షి టైటిల్‌ కోసం పోటీపడనున్నారు. ఈ ఇద్దరికీ ఇదే తొలి బీడబ్ల్యూఎఫ్‌ సూపర్‌–100 ఫైనల్‌.

చెన్నై: ప్రొ కబడ్డీ లీగ్‌ (పీకేఎల్‌) 12వ సీజన్‌లో దబంగ్‌ ఢిల్లీ జోరు కొనసాగుతోంది. వరుసగా మూడో మ్యాచ్‌లో విజయం సాధించిన దబంగ్‌ ఢిల్లీ జట్టు... తిరిగి పాయింట్ల పట్టికలో అగ్ర స్థానానానికి దూసుకెళ్లింది. శుక్రవారం జరిగిన పోరులో దబంగ్‌ ఢిల్లీ 43–26 పాయింట్ల తేడాతో యూపీ యోధాస్‌ను మట్టికరిపించింది. ఢిల్లీ కెప్టెన్‌ అషు మాలిక్‌ 14 పాయింట్లతో విజృంభించగా... మిగిలినవాళ్లంతా అతడికి అండగా నిలిచారు. యూపీ యోధాస్‌ తరఫున గగన్‌ గౌడ 12 పాయింట్లతో పోరాడినా తక్కిన వాళ్ల నుంచి అతడికి సరైన సహకారం దక్కలేదు. ఓవరాల్‌గా ఈ మ్యాచ్‌లో దబంగ్‌ ఢిల్లీ 22 రెయిడ్‌ పాయింట్లు సాధించగా... యోధాస్‌ 20 రెయిడ్‌ పాయింట్లు సాధించింది. అయితే ట్యాక్లింగ్‌లో సత్తాచాటిన ఢిల్లీ జట్టు 11 పాయింట్లు ఖాతాలో వేసుకోగా... యూపీ యోధాస్‌ 5 ట్యాక్లింగ్‌ పాయింట్లకే పరిమితమైంది. ఈ మ్యాచ్‌లో యూపీ యోధాస్‌ను ఢిల్లీ జట్టు మూడుసార్లు ఆలౌట్‌ చేసింది. తాజా సీజన్‌లో 10 మ్యాచ్‌లాడిన ఢిల్లీ 9 విజయాలు, ఒక పరాజయంతో 18 పాయింట్లు ఖాతాలో వేసుకొని పట్టిక ‘టాప్‌’కు చేరింది. యూపీ యోధాస్‌ 10 మ్యాచ్‌ల్లో 4 విజయాలు, 6 పరాజయాలతో 8 పాయింట్లు సాధించి పట్టిక తొమ్మిదో స్థానంలో ఉంది. శుక్రవారమే జరిగిన మరో మ్యాచ్‌లో తమిళ్‌ తలైవాస్‌ 45–33 పాయింట్ల తేడాతో హర్యానా స్టీలర్స్‌పై గెలుపొందింది. తలైవాస్‌ సారథి అర్జున్‌ దేశ్వాల్‌ 22 పాయింట్లతో వీరవిహారం చేశాడు. శనివారం పుణేరి పల్టన్‌తో జైపూర్‌ పింక్‌ పాంథర్స్, గుజరాత్‌ జెయింట్స్‌తో బెంగాల్‌ వారియర్స్‌ తలపడనున్నాయి.

చెన్నై: ప్రొ కబడ్డీ లీగ్‌ 12వ సీజన్‌లో తెలుగు టైటాన్స్‌ తమ నిలకడైన ప్రదర్శనను కొనసాగిస్తోంది. మూడుసార్లు చాంపియన్‌ పట్నా పైరేట్స్‌తో మంగళవారం జరిగిన మ్యాచ్‌లో తెలుగు టైటాన్స్‌ 37–28 పాయింట్ల తేడాతో ఘనవిజయం సాధించింది. ఈ సీజన్‌లో తెలుగు టైటాన్స్‌కిది ఆరో విజయం కావడం విశేషం. టైటాన్స్‌ కెప్టెన్ విజయ్‌ మలిక్‌ 13 పాయింట్లతో జట్టు విజయంలో కీలకపాత్ర పోషించాడు.మొత్తం 23 సార్లు రెయిడింగ్‌కు వెళ్లిన విజయ్‌ 13 పాయింట్లు సాధించాడు. ఇందులో తొమ్మిది టచ్‌ పాయింట్లుకాగా... మూడు బోనస్‌ పాయింట్లు, ఒకటి టాకిల్‌ పాయింట్‌ ఉండటం విశేషం. మరో ఆల్‌రౌండర్‌ భరత్‌ 8 పాయింట్లు స్కోరు చేయగా... డిఫెండర్‌ అంకిత్‌ 4 పాయింట్లు సంపాదించాడు. చేతన్, శుభమ్‌ షిండే మూడు పాయింట్ల చొప్పున స్కోరు చేశారు. పట్నా పైరేట్స్‌ జట్టులో రెయిడర్‌ అయాన్‌ 13 పాయింట్లతో మెరిపించినా... ఇతర ప్లేయర్లు తడబడటంతో ఆ జట్టుకు ఓటమి తప్పలేదు. మరో మ్యాచ్‌లో పుణేరి పల్టన్‌ 49–44 పాయింట్లతో బెంగాల్‌ వారియర్స్‌ను ఓడించింది. పుణేరి తరఫున ఆదిత్య షిండే 18 పాయింట్లు, పంకజ్‌ మొహితే 13 పాయింట్లు సాధించారు. బెంగాల్‌ వారియర్స్‌ రెయిడర్‌ దేవాంక్‌ ఏకంగా 25 పాయింట్లు సాధించినా చివరకు ఆ జట్టును గట్టెక్కించలేకపోయాడు. నేడు జరిగే మ్యాచ్‌ల్లో హరియాణా స్టీలర్స్‌తో జైపూర్‌ పింక్‌ పాంథర్స్‌; యు ముంబాతో తమిళ్‌ తలైవాస్‌ తలపడతాయి.

చెన్నై: ప్రొ కబడ్డీ లీగ్‌ 12వ సీజన్‌లో వరుసగా ఐదు ఓటముల తర్వాత గుజరాత్‌ జెయింట్స్‌ ఎట్టకేలకు విజయాన్ని అందుకుంది. మంగళవారం జరిగిన మ్యాచ్‌లో గుజరాత్‌ 33–27 పాయింట్ల తేడాతో యూపీ యోధాస్‌ను ఓడించింది. మొహమ్మద్‌ రెజా, అంకిత్‌ దహియా చెరో 8 పాయింట్లతో గుజరాత్‌ విజయంలో కీలక పాత్ర పోషించగా... రాకేశ్‌ 6, హరీశ్‌ 4 పాయింట్లు సాధించారు. యూపీ తరఫున భవానీ రాజ్‌పుత్‌ 8 పాయింట్లు నమోదు చేయగా...గగన్‌ గౌడ 6, కెప్టెన్ సుమీత్‌ 4 పాయింట్లు సాధించారు. ఈ విజయం తర్వాత కూడా జెయింట్స్‌ పాయింట్ల పట్టికలో అట్టడుగున కొనసాగుతోంది. మరో మ్యాచ్‌లో హరియాణా స్టీలర్స్‌ను ఒక పాయింట్‌ తేడాతో ఓడించి దబంగ్‌ ఢిల్లీ తమ అగ్రస్థానాన్ని పటిష్టపర్చుకుంది. హోరాహోరీగా సాగిన ఈ పోరులో ఢిల్లీ 38–37 పాయింట్లతో హరియాణా స్టీలర్స్‌పై గెలుపొందింది. దబంగ్‌ ఢిల్లీ ఆటగాళ్ళలో రెయిడర్‌ అశు మలిక్‌ చెలరేగిపోయాడు. అతనొక్కడే 15 పాయింట్లతో సత్తా చాటగా, నీరజ్‌ నర్వాల్‌ 6 పాయింట్లతో ఆకట్టుకున్నాడు. మరోవైపు హరియాణా తరఫున అశుకంటే మెరుగైన ప్రదర్శనే కనబర్చినా... దురదృష్టవశాత్తూ వినయ్‌ జట్టును గెలిపించలేకపోయాడు. వినయ్‌ 18 పాయింట్లతో అదరగొట్టగా, కెప్టెన్ జైదీప్‌ 7, ఆశిష్‌ నర్వాల్‌ 5 పాయింట్లు సాధించారు. నేడు జరిగే మ్యాచ్‌లలో పట్నా పైరేట్స్‌తో తెలుగు టైటాన్స్‌... బెంగాల్‌ వారియర్స్‌తో పుణేరీ పల్టన్‌ తలపడతాయి.

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో బెంగాల్‌ వారియర్స్‌ మూడో విజయం ఖాతాలో వేసుకుంది. శనివారం జరిగిన తొలి పోరులో బెంగాల్‌ వారియర్స్‌ 48–42 పాయింట్ల తేడాతో పట్నా పైరెట్స్‌పై విజయం సాధించింది. బెంగాల్‌ వారియర్స్‌ కెప్టెన్‌ దేవాంక్‌ 22 పాయింట్లతో విజృంభించడంతో జట్టు సునాయాసంగా గెలుపొందింది. హిమాన్షు నర్వాల్, అశీష్‌ మాలిక్‌ చెరో 5 పాయింట్లతో సారథికి అండగా నిలిచారు. పట్నా పైరెట్స్‌ తరఫున అయాన్‌ 15 పాయింట్లు, మణిందర్‌ సింగ్‌ 12 పాయింట్లతో పోరాడినా జట్టును గెలిపించలేకపోయారు. ఓవరాల్‌గా ఈ మ్యాచ్‌లో ఇరు జట్లు రెయిడింగ్‌లో 29 పాయింట్లు సాధించగా... ట్యాక్లింగ్‌లో ముందంజ వేసిన బెంగాల్‌ను విజయం వరించింది. తాజా సీజన్‌లో 8 మ్యాచ్‌లాడిన బెంగాల్‌ వారియర్స్‌ 3 విజయాలు, 5 పరాజయాలతో 6 పాయింట్లు ఖాతాలో వేసుకొని పట్టిక 10వ స్థానంలో కొనసాగుతోంది. ఇక పట్నా 8 మ్యాచ్‌ల్లో 2 విజయాలు, 6 పరాజయాలతో 4 పాయింట్లు సాధించి 11వ స్థానంలో ఉంది. మరో మ్యాచ్‌లో తమిళ్‌ తలైవాస్‌ 37–28 పాయింట్ల తేడాతో జైపూర్‌ పింక్‌ పాంథర్స్‌పై గెలుపొందింది. తలైవాస్‌ కెప్టెన్‌ అర్జున్‌ దేశ్వాల్‌ 13 పాయింట్లు సాధించగా... పింక్‌ పాంథర్స్‌ తరఫున నితిన్‌ కుమార్‌ 8 పాయింట్లు సాధించాడు. లీగ్‌లో జైపూర్‌ అంచె పోటీలు ముగియగా... ఇక చైన్నై వేదికగా మ్యాచ్లు జరగనున్నాయి. లీగ్‌లో ఆదివారం విశ్రాంతి దినం కాగా... సోమవారం జరగనున్న మ్యాచ్‌ల్లో యూపీ యోధాస్‌తో గుజరాత్‌ జెయింట్స్, దబంగ్‌ ఢిల్లీతో హర్యానా స్టీలర్స్‌ తలపడనున్నాయి.

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో దబంగ్‌ ఢిల్లీ తిరిగి గెలుపుబాట పట్టింది. తొలి ఆరు మ్యాచ్‌ల్లో విజయాలు సాధించిన దబంగ్‌ ఢిల్లీ గత మ్యాచ్‌లో ఓడినా... వెంటనే కోలుకొని తిరిగి విజయం సాధించింది. లీగ్‌లో భాగంగా గురువారం జరిగిన పోరులో దబంగ్‌ ఢిల్లీ 47–26 పాయింట్ల తేడాతో యు ముంబాను మట్టికరిపించింది. దబంగ్‌ ఢిల్లీ తరఫున అశు మలిక్‌ 23 పాయింట్లతో విజృంభించాడు. నీరజ్‌ నర్వాల్‌ 7 పాయింట్లతో అతడికి అండగా నిలిచాడు. తాజా సీజన్‌లో 8 మ్యాచ్‌లాడిన దబంగ్‌ ఢిల్లీ 7 విజయాలు, ఒక పరాజయంతో 14 పాయింట్లు ఖాతాలో వేసుకొని తిరిగి పాయింట్ల పట్టికలో ‘టాప్‌’కు దూసుకెళ్లింది. మరో మ్యాచ్‌లో యూపీ యోధాస్‌ ‘టై బ్రేకర్‌’లో బెంగళూరు బుల్స్‌పై నెగ్గింది. నిర్ణీత సమయంలో ఇరు జట్ల పాయింట్లు 36–36తో సమం కాగా... విజేతను తేల్చేందుకు నిర్వహించిన టై బ్రేకర్‌లో యూపీ యోధాస్‌ 6–5తో బుల్స్‌ను చిత్తుచేసి ముందంజ వేసింది. యూపీ యోధాస్‌ తరఫున భవాని రాజ్‌పుత్‌ 10 పాయింట్లు సాధించాడు. శుక్రవారం లీగ్‌లో విశ్రాంతి దినం... శనివారం జరగనున్న మ్యాచ్‌ల్లో పట్నా పైరేట్స్‌తో బెంగాల్‌ వారియర్స్, జైపూర్‌ పింక్‌ పాంథర్స్‌తో తమిళ్‌ తలైవాస్‌ తలపడతాయి.

జైపూర్‌: ఈ సీజన్‌ ప్రొ కబడ్డీ లీగ్‌ (పీకేఎల్‌–12)లో నిలకడగా రాణిస్తున్న తెలుగు టైటాన్స్‌ ఐదో విజయాన్ని సాధించింది. మంగళవారం జరిగిన మ్యాచ్‌లో పాయింట్‌ తేడాతో గుజరాత్‌ జెయింట్స్‌పై గట్టెక్కింది. తెలుగు టైటాన్స్‌ 30–29తో గుజరాత్‌ను ఓడించింది. టైటాన్స్‌ జట్టులో ఆల్‌రౌండర్‌ భరత్‌ రాణించాడు. 17 సార్లు కూతకెళ్లిన అతను 9 పాయింట్లు సాధించాడు. కెప్టెన్‌ విజయ్‌ మలిక్‌ (7) కూడా రాణించడంతో తెలుగు జట్టు క్రమం తప్పకుండా స్కోరు చేసింది. డిఫెండర్లలో శుభమ్‌ షిండే (4), అంకిత్‌ (3) ఆకట్టుకున్నారు. గుజరాత్‌ జట్టులో మొహమ్మద్‌ రెజా (6) అదరగొట్టాడు. ఇతనికి ఆర్యవర్ధన్‌ (4), విశ్వంత్‌ (3), అంకిత్‌ దహియా (3), లక్కీ శర్మ (2), రోహిత్‌ నందల్‌ (2) సమష్టిగా సహకరించారు. అనంతరం జరిగిన హోరాహోరీ పోరులో జైపూర్‌ పింక్‌పాంథర్స్‌ టైబ్రేక్‌లో యు ముంబాపై గెలుపొందింది. నిర్ణీత సమయం ముగిసేసరికి ఇరుజట్లు 38–38 స్కోరుతో సమంగా నిలిచాయి. దీంతో టైబ్రేక్‌ నిర్వహించగా జైపూర్‌ 6–4తో యు ముంబాపై పైచేయి సాధించింది. పింక్‌ పాంథర్స్‌ తరఫున రెయిడర్‌ నితిన్‌ కుమార్‌ (14) అదరగొట్టాడు. 20 సార్లు కూతకెళ్లిన 14 పాయింట్లు తెచ్చిపెట్టాడు. మిగతావారిలో డిఫెండర్లు రెజా మిర్‌బగేరి (4), ఆశిష్‌ కుమార్‌ (3) మెరుగ్గా ఆడారు. యు ముంబా జట్టులోనూ రెయిడర్‌ సందీప్‌ (14) ప్రత్యర్థి జట్టుకు దీటుగా రాణించాడు. కూతకెళ్లిన ప్రతీసారి జైపూర్‌ ఆటగాళ్లను వణికించాడు. డిఫెండర్లలో లోకేశ్‌ (4), అనిల్‌ (3), పర్వేశ్‌ (2), రింకూ (2) ఉమ్మడిగా పాయింట్లు సాధించారు. నేడు విశ్రాంతి రోజు కాగా... గురువారం జరిగే పోటీల్లో బెంగళూరు బుల్స్‌తో యూపీ యోధాస్, దబంగ్‌ ఢిల్లీతో యు ముంబా తలపడతాయి.

జైపూర్‌: వరుస పరాజయాల పరంపరకు యూపీ యోధాస్‌ జట్టు బ్రేక్‌ వేసి గెలుపుబాట పట్టింది. ప్రొ కబడ్డీ లీగ్‌ 12వ సీజన్‌లో భాగంగా సోమవారం జరిగిన మ్యాచ్‌లో యూపీ యోధాస్‌ 39–22తో తమిళ్‌ తలైవాస్‌పై ఘనవిజయం సాధించింది. ఆరంభం నుంచి యూపీ ఆటగాళ్లు సమష్టిగా పాయింట్లు రాబట్టారు. గగన్‌ గౌడ (7), భవానీ రాజ్‌పుత్‌ (6), శివమ్‌ చౌధరీ (5) రెయిడింగ్‌లో అదరగొట్టారు. డిఫెండర్లలో కెపె్టన్‌ సుమిత్‌ (5), మహేందర్‌ సింగ్‌ (4), అశు సింగ్‌ (4), హితేశ్‌ (2)లు ప్రత్యర్థి రెయిడర్లను టాకిల్‌తో కట్టడి చేశారు. తమిళ్‌ తలైవాస్‌ తరఫున డిఫెండర్‌ నితేశ్‌ కుమార్‌ (7) ఆకట్టుకున్నాడు. మిగతావారిలో నరేందర్‌ (4) మినహా ఇంకెవరూ చెప్పుకోదగ్గ పాయింట్లే సాధించలేకపోయారు. నాలుగు పరాభవాల తర్వాత యూపీ ఈ మ్యాచ్‌ గెలిచింది. ఈ సీజన్‌లో ఇప్పటివరకు 7 మ్యాచ్‌లాడిన యోధాస్‌ మూడు మ్యాచ్‌ల్లోనే నెగ్గింది. మరోవైపు 8 మ్యాచ్‌ల్లో పోటీపడిన తలైవాస్‌ ఐదు మ్యాచ్‌ల్లో ఓడింది. అంతకుముందు జరిగిన తొలి మ్యాచ్‌లో బెంగళూరు బుల్స్‌ 28–24తో గుజరాత్‌ జెయింట్స్‌పై గెలుపొందింది. బుల్స్‌ తరఫున రెయిడర్‌ ఆకాశ్‌ షిండే (7), కెపె్టన్, డిఫెండర్‌ యోగేశ్‌ (6) రాణించారు. ఆశిష్‌ మలిక్, దీపక్‌ శంకర్‌ చెరో 4 పాయింట్లు చేశారు. గుజరాత్‌ జట్టులో ఆల్‌రౌండర్‌ విశ్వనాథ్‌ (5), డిఫెండర్‌ లక్కీ శర్మ (5) మెరుగ్గా ఆడారు. మిగతావారిలో ప్రతీక్‌ దహియా (4), శుభమ్‌ కుమార్‌ (4), రాకేశ్‌ (4) ఆకట్టుకున్నారు. నేడు జరిగే మ్యాచ్‌ల్లో గుజరాత్‌ జెయింట్స్‌తో తెలుగు టైటాన్స్‌; జైపూర్‌ పింక్‌ పాంథర్స్‌తో యు ముంబా తలపడతాయి. .

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో హర్యానా స్టీలర్స్‌ ఆరో విజయం తమ ఖాతాలో వేసుకుంది. శనివారం జరిగిన పోరులో హర్యానా స్టీలర్స్‌ 38–36 పాయింట్ల తేడాతో తమిళ్‌ తలైవాస్‌పై విజయం సాధించింది. స్టీలర్స్‌కు ఇది వరుసగా నాలుగో గెలుపు కావడం విశేషం. హర్యానా స్టీలర్స్‌ తరఫున శివమ్‌ 9 పాయింట్లు, వినయ్‌ 7 పాయింట్లతో సత్తాచాటగా... తమిళ్‌ తలైవాస్‌ తరఫున అర్జున్‌ దేశ్వాల్‌ 13 పాయింట్లతో పోరాడాడు. ఓవరాల్‌గా ఈ మ్యాచ్‌లో హర్యానా 20 రెయిడ్‌ పాయింట్లు సాధించగా... తలైవాస్‌ 22 పాయింట్లు సాధించింది. ట్యాక్లింగ్‌లో ఇరు జట్లు తొమ్మిదేసి పాయింట్లు సాధించాయి. అయితే ఎక్స్‌ట్రా పాయింట్లలో ముందున్న హర్యానా గెలుపొందింది. తాజా సీజన్‌లో 8 మ్యాచ్‌లాడిన స్టీలర్స్‌ 6 విజయాలు, 2 పరాజయాలతో 12 పాయింట్లు ఖాతాలో వేసుకొని పట్టిక మూడో స్థానానికి చేరింది. మరో మ్యాచ్‌లో పట్నా పైరెట్స్‌ 33–30 పాయింట్ల తేడాతో దబంగ్‌ ఢిల్లీపై విజయం సాధించింది. సీజన్‌ ఆరంభం నుంచి ఓటమి ఎరగకుండా దూసుకెళ్తున్న దబంగ్‌ ఢిల్లీకి ఆరు విజయాల తర్వాత ఇదే తొలి పరాజయం. పట్నా తరఫున సబ్‌స్టిట్యూట్‌ ప్లేయర్‌ అంకిత్‌ రాణా 12 పాయింట్లతో విజృంభించాడు. అంకిత్‌ జగ్లాన్‌ 6, అయాన్‌ 5 పాయింట్లతో అతడికి అండగా నిలిచారు. దబంగ్‌ ఢిల్లీ తరఫున నీరజ్‌ నర్వాల్‌ 8, అషు మాలిక్‌ 6 పాయింట్లు సాధించారు. తాజా సీన్‌లో పట్నా పైరెట్స్‌ 7 మ్యాచ్‌లాడి 2 విజయాలు, 5 పరాజయాలతో 4 పాయింట్లు ఖాతాలో వేసుకొని పట్టిక తొమ్మిదో స్థానంలో నిలిచింది. మరోవైపు ఢిల్లీ 7 మ్యాచ్‌లాడి 6 విజయాలు, ఒక పరాజయంతో 12 పాయింట్లతో పట్టిక రెండో స్థానంలో కొనసాగుతోంది. లీగ్‌లో ఆదివారం విశ్రాంతి దినం కాగా... సోమవారం గుజరాత్‌ జెయింట్స్‌తో బెంగళూరు బుల్స్, తమిళ్‌ తలైవాస్‌తో యూపీ యోధాస్‌ తలపడతాయి.

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో తెలుగు టైటాన్స్‌ తిరిగి గెలుపుబాట పట్టింది. గత మూడు మ్యాచ్‌ల్లో ఓడిన టైటాన్స్‌ శుక్రవారం జరిగిన పోరులో 43–29 పాయింట్ల తేడాతో తమిళ్‌ తలైవాస్‌పై విజయం సాధించింది. టైటాన్స్‌ కెపె్టన్‌ విజయ్‌ మలిక్‌ 10 పాయింట్లతో విజృంభించాడు. భరత్‌ 8 పాయింట్లతో అతడికి సహకరించాడు. తమిళ్‌ తలైవాస్‌ తరఫున కెప్టెన్‌ అర్జున్‌ దేశ్వాల్‌ 7 పాయింట్లతో పోరాడినా జట్టును గెలిపించలేకపోయాడు. తాజా సీజన్‌లో 9 మ్యాచ్‌లు ఆడిన తెలుగు టైటాన్స్‌ 4 విజయాలు, 5 పరాజయాలతో 8 పాయింట్లు ఖాతాలో వేసుకొని పట్టికలో నాలుగో స్థానానికి చేరింది. మరో మ్యాచ్‌లో హర్యానా స్టీలర్స్‌ 34–30 పాయింట్ల తేడాతో పుణేరి పల్టన్‌ చేతిలో ఓడింది. టేబుల్‌ టాపర్‌ పుణేరి పల్టన్‌కు వరుసగా మూడు విజయాల తర్వాత ఇదే తొలి ఓటమి. హర్యానా స్టీలర్స్‌ తరఫున వినయ్‌ 13 పాయింట్లు సాధించగా... పుణేరి పల్టన్‌ తరఫున పంకజ్‌ 14 పాయింట్లతో పోరాడాడు. నేడు జరిగే మ్యాచ్‌ల్లో పట్నా పైరెట్స్‌తో దబంగ్‌ ఢిల్లీ, హరియాణా స్టీలర్స్‌తో తమిళ్‌ తలైవాస్‌ తలపడతాయి.

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో పుణేరి పల్టన్‌ ‘హ్యాట్రిక్‌’ విజయం నమోదు చేసుకొని పట్టికలో అగ్రస్థానానికి దూసుకెళ్లింది. గత రెండు మ్యాచ్‌ల్లో నెగ్గిన పుణేరి పల్టన్‌ గురువారం జరిగిన పోరులో యు ముంబాపై ఏకపక్ష విజయం సాధించింది. సమష్టి ప్రదర్శనతో సత్తా చాటిన పుణేరి పల్టన్‌ 40–22 పాయింట్ల తేడాతో యు ముంబాను చిత్తుచేసింది. పుణేరి పల్టన్‌ జట్టు తరఫున స్టువర్ట్‌ సింగ్‌ 8 పాయింట్లు, గుర్‌దీప్‌ 5 పాయింట్లు సాధించగా... అభినేష్, గౌరవ్‌ ఖత్రి చెరో 4 పాయింట్లు సాధించారు. యు ముంబా జట్టు తరఫున అమీర్‌ మొహమ్మద్‌ 6 పాయింట్లతో పోరాడినా ఫలితం లేకపోయింది. ఓవరాల్‌గా ఈ మ్యాచ్‌లో యు ముంబా జట్టు 12 రెయిడ్‌ పాయింట్లు సాధించగా... ఫుణేరి పల్టన్‌ జట్టు 14 రెయిడ్‌ పాయింట్లు ఖాతాలో వేసుకుంది. అయితే ట్యాక్లింగ్‌లో యు ముంబా 6 పాయింట్లకు పరిమితం కాగా... పల్టన్‌ 20 పాయింట్లు ఖాతాలో వేసుకుంది. తాజా సీజన్‌లో 8 మ్యాచ్‌లాడిన పుణేరి పల్టన్‌ 6 విజయాలు, 2 పరాజయాలతో 12 పాయింట్లు ఖాతాలో వేసుకొని పట్టిక ‘టాప్‌’ ప్లేస్‌కు చేరింది. మరో మ్యాచ్‌లో జైపూర్‌ పింక్‌ పాంథర్స్‌ 45–41తో బెంగాల్‌ వారియర్స్‌పై గెలుపొందింది. జైపూర్‌ రైడర్లు నితిన్‌ 13, అలీ 12 పాయింట్లతో విజృంభించగా... వారియర్స్‌ తరఫున దేవాంక్‌ 16, మన్‌ప్రీత్‌ 10 పాయింట్లు సాధించారు. దేవాంక్‌కు ఇది వరుసగా ఏడో ‘సూపర్‌–10’ కావడం విశేషం. ఈ లీగ్‌ చరిత్రలో అత్యంత వేగంగా (38 మ్యాచ్‌ల్లో) 400 రెయిడ్‌ పాయింట్లు సాధించిన ప్లేయర్‌గా దేవాంక్‌ నిలిచాడు. నేడు పుణేరి పల్టన్‌తో హరియాణా స్టీలర్స్, తమిళ్‌ తలైవాస్‌తో తెలుగు టైటాన్స్‌ ఆడతాయి.

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో తెలుగు టైటాన్స్‌కు ‘హ్యాట్రిక్‌’ పరాజయం ఎదురైంది. బుధవారం జరిగిన తొలి పోరులో టైటాన్స్‌ 29–33 పాయింట్ల తేడాతో దబంగ్‌ ఢిల్లీ చేతిలో ఓడింది. టైటాన్స్‌కు ఇది వరుసగా మూడో పరాజయం కాగా... ఆడిన ఆరో మ్యాచ్‌లోనూ గెలిచిన దబంగ్‌ ఢిల్లీ 12 పాయింట్లతో పట్టిక అగ్రస్థానంలో కొనసాగుతోంది. లీగ్‌లో భాగంగా వైజాగ్‌లో ‘హ్యాట్రిక్‌’ విజయాలు నమోదు చేసుకున్న తెలుగు టైటాన్స్‌ జట్టు... పోటీలు జైపూర్‌కు తరలిన తర్వాత ఒక్క మ్యాచ్‌లోనూ విజయం సాధించలేదు. తాజా పోరులో టైటాన్స్‌ తరఫున కెప్టెన్ విజయ్‌ మలిక్‌ 5 పాయింట్లు సాధించగా... మన్‌జీత్, అజిత్‌ పవార్‌ చెరో 4 పాయింట్లు సాధించారు. మరోవైపు దబంగ్‌ ఢిల్లీ తరఫున నీరజ్‌ నర్వాల్‌ 9 పాయింట్లు సాధించగా... సౌరభ్, ఫజల్‌ ఐదేసి పాయింట్లతో విజయంలో కీలకపాత్ర పోషించారు. ఓవరాల్‌గా ఈ మ్యాచ్‌లో టైటాన్స్‌ 13 రెయిడ్‌ పాయింట్లు సాధించగా... ఢిల్లీ 15 ఖాతాలో వేసుకుంది. ట్యాక్లింగ్‌లో టైటాన్స్‌కు 12 పాయింట్లు దక్కగా... ఢిల్లీ 15 పాయింట్లతో ముందంజ వేసింది. తాజా సీజన్‌లో 8 మ్యాచ్‌లాడిన టైటాన్స్‌ 3 విజయాలు, 5 పరాజయాలతో ఆరు పాయింట్లు ఖాతాలో వేసుకొని పట్టికలో 8వ స్థానంలో ఉంది. మరో మ్యాచ్‌లో హర్యానా స్టీలర్స్‌ 43–32 పాయింట్ల తేడాతో పట్నా పైరెట్స్‌పై గెలుపొందింది. హర్యానా తరఫున శివమ్‌ 15 పాయింట్లతో విజయంలో కీలక పాత్ర పోషించాడు. పట్నా పైరెట్స్‌ తరఫున అయాన్‌ 7 పాయింట్లతో పోరాడాడు. లీగ్‌లో భాగంగా గురువారం జైపూర్‌ పింక్‌ పాంథర్స్‌తో బెంగాల్‌ వారియర్స్, యు ముంబాతో పుణేరి పల్టన్‌ ఆడతాయి.

జైపూర్‌: వైఫల్యాలతో సతమతమవుతున్న మాజీ చాంపియన్‌ బెంగాల్‌ వారియర్స్‌... ప్రొ కబడ్డీ లీగ్‌ 12వ సీజన్‌లో ఎట్టకేలకు గెలుపుబాట పట్టింది. మంగళవారం జరిగిన పోరులో 41–37తో యూపీ యోధాస్‌పై గెలుపొందింది. 2019 సీజన్‌ చాంపియన్‌ వారియర్స్‌ నాలుగు వరుస పరాజయాల తర్వాత మళ్లీ విజయం సాధించింది. ఆరు మ్యాచ్‌లాడిన బెంగాల్‌కు ఇది రెండో విజయం మాత్రమే! ఈ మ్యాచ్‌లో వారియర్స్‌ కెపె్టన్‌ దేవాంక్‌ (17 పాయింట్లు) తనదైన శైలిలో రాణించాడు. మిగతా వారిలో ఆశిష్‌ (6), మన్‌ప్రీత్‌ (5), పార్థిక్‌ (3) మెరుగ్గా ఆడారు. యూపీ తరఫున రెయిడర్లు గగన్‌ గౌడ (7), గుమన్‌ సింగ్‌ (5), డిఫెండర్లు అçశు సింగ్, హితేశ్‌ చెరో 4 పాయింట్లు స్కోరు చేశారు. రెండో మ్యాచ్‌లో తమిళ్‌ తలైవాస్‌ 35–29తో బెంగళూరు బుల్స్‌పై నెగ్గింది. తమిళ్‌ తరఫున అర్జున్‌ (13), నరేందర్‌ (5), రోనక్‌ (4) బాగా ఆడారు. నేడు జరిగే పోటీల్లో తెలుగు టైటాన్స్‌తో దబంగ్‌ ఢిల్లీ, హరియాణా స్టీలర్స్‌తో పట్నా పైరేట్స్‌ తలపడతాయి.

ప్రొ కబడ్డి లీగ్‌ ఫ్రాంఛైజీ తమిళ్‌ తలైవాస్‌ (Tamil Thalaivas) సంచలన నిర్ణయం తీసుకుంది. తమ కెప్టెన్‌, భారత కబడ్డీ జట్టు సారథి పవన్‌ సెహ్రావత్‌ (Pawan Sehrawat)ను టీమ్‌ నుంచి తొలగించింది. ఇందుకు సంబంధించి శనివారం అధికారిక ప్రకటన కూడా విడుదల చేసింది.అందుకే ఈ నిర్ణయం‘‘క్రమశిక్షణా రాహిత్యం కారణంగా పవన్‌ సెహ్రావత్‌ను ఇంటికి పంపించివేశాము. ఈ సీజన్‌లో అతడు ఇక మా జట్టులో భాగంగా ఉండడు. జట్టుకు సంబంధించిన ప్రవర్తనా నియమావళిని ఉల్లంఘించిన కారణంగా ఈ నిర్ణయం తీసుకున్నాము’’ అని తమిళ్‌ తలైవాస్‌ స్పష్టం చేసింది.ఒక వ్యక్తి కారణంగానే ఇలా..ఈ ఆరోపణలపై పవన్‌ సెహ్రావత్‌ తాజాగా స్పందించాడు. ‘‘ఫ్రాంఛైజీ పెట్టిన పోస్టు చూసి నాకు చాలా మంది ఫోన్లు, మెసేజ్‌లు చేశారు. వారందరికీ ధన్యవాదాలు. తొమ్మిదో సీజన్‌లో కూడా నేను ఈ జట్టులోనే ఉన్నాను. గాయపడిన సమయంలో వారు నాకు అండగా నిలిచారు.మా తమ్ముడు అర్జున్‌తో కలిసి జట్టును ముందుకు తీసుకువెళ్లేందుకు నేను ఎన్నో ప్రణాళికలు రచించాను. అయితే ఒక వ్యక్తి కారణంగా మేము ఆ పని పూర్తిచేయలేకపోయాము’’ అని పవన్‌ సెహ్రావత్‌ తెలిపాడు.దోషినని తేలితే.. ఇక జన్మలో కబడ్డీ ఆడనుఅదే విధంగా.. ‘‘ఈ ఫ్రాంఛైజీ నా మీద క్రమశిక్షణా రాహిత్యానికి పాల్పడ్డాననే ఆరోపణలు చేస్తోంది. నేను భారత జట్టులో ఉన్నాను. క్రమశిక్షణ అంటే ఏమిటో నాకు తెలుసు. నిజంగా వారు ఆరోపించినట్లు నేను దోషినని తేలితే.. ఇక జన్మలో కబడ్డీ ఆడను’’ అంటూ పవన్‌ సెహ్రావత్‌ సవాలు విసిరాడు. ఇందుకు సంబంధించిన వీడియో సోషల్‌ మీడియాలో వైరల్‌ అవుతోంది.రూ. 59.5 లక్షల భారీ ధరకాగా గతేడాది వరకు పవన్‌ సెహ్రావత్‌ తెలుగు టైటాన్స్‌కు ఆడాడు. అయితే, ఈసారి వేలంలో రూ. 59.5 లక్షల భారీ ధరకు తమిళ్‌ తలైవాస్‌ పవన్‌ను కొనుగోలు చేసి.. కెప్టెన్‌గా నియమించింది. ఇక ఈ సీజన్‌లో తలైవాస్‌ ఆడిన తొలి మూడు మ్యాచ్‌లలో పవన్‌ భాగమయ్యాడు.అయితే, జైపూర్‌ లెగ్‌లో భాగంగా బెంగాల్‌ వారియర్స్‌తో ఆడాల్సిన మ్యాచ్‌కు పవన్‌ హాజరు కాలేదు. జట్టుతో కలిసి అతడు జైపూర్‌కు ప్రయాణం చేయలేదు. ఇక ఈ మ్యాచ్‌లో అర్జున్‌ దేశ్‌వాల్‌ తమిళ్‌ తలైవాస్‌ సారథిగా వ్యవహరించి జట్టుకు విజయం అందించాడు.రెండు గెలిచి..ఇదిలా ఉంటే.. ప్రొ కబడ్డి లీగ్‌ పన్నెండో సీజన్‌లో తమిళ్‌ తలైవాస్‌ మిశ్రమ ఫలితాలు చవిచూస్తోంది. ఇప్పటికి ఆడిన నాలుగు మ్యాచ్‌లలో రెండు గెలిచింది. నాలుగు పాయింట్లతో ప్రస్తుతం పట్టికలో ఏడో స్థానంలో ఉంది. అయితే, కెప్టెన్‌ పవన్‌ సెహ్రావత్‌ వంటి ఆల్‌రౌండర్‌ను వదులుకుని పెద్ద సాహసమే చేసింది. ఇక ఈ సీజన్‌లో పవన్‌ 22 రెయిడింగ్‌ పాయింట్లు సాధించగలిగాడు.చదవండి: పాక్‌తో మ్యాచ్‌ బహిష్కరించాలంటూ విజ్ఞప్తులు!.. ఆటగాళ్లకు గంభీర్‌ మెసేజ్‌ ఇదే.. Pawan Sehrawat gives clarification on undisciplinary allegation by Tamil Thalaivas 😲🎥 - Pawan Sehrawat/Insta#PKL | #PKL12 | #ProKabaddiLeague | #Kabaddi | #PKLSeason12 | #ProKabaddi | #PawanSehrawat | #TamilThalaivas pic.twitter.com/xrbrSeJEoJ— Khel Kabaddi (@KhelNowKabaddi) September 14, 2025

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో వరుస విజయాలతో జోరు మీదున్న తెలుగు టైటాన్స్‌కు పరాజయం ఎదురైంది. వైజాగ్‌ వేదికగా ఆడిన గత మూడు మ్యాచ్‌ల్లోనూ నెగ్గిన తెలుగు టైటాన్స్‌ శనివారం 33–39 పాయింట్ల తేడాతో పుణేరి పల్టన్‌ చేతిలో ఓడింది. ఈ సీజన్‌లో టైటాన్స్‌కు ఇది మూడో పరాజయం. తెలుగు టైటాన్స్‌ తరఫున భరత్‌ 12 పాయింట్లతో విజృంభించగా... కెపె్టన్‌ విజయ్‌ మాలిక్‌ 7 పాయింట్లు సాధించాడు. పల్టన్‌ తరఫున అస్లమ్‌ ఇనామ్‌దార్, గౌరవ్‌ చెరో 7 పాయింట్లు సాధించారు. విశాల్‌ భరద్వజ్‌ (6 పాయింట్లు), ఆదిత్య (5 పాయింట్లు), పంకజ్‌ (5 పాయింట్లు) కూడా మెరవడంతో పల్టన్‌ ముందంజ వేసింది. ఈ మ్యాచ్‌లో టైటాన్స్‌ 21 రెయిడ్‌ పాయింట్లు సాధించగా... పల్టన్‌ 15కే పరిమితమైంది. ట్యాక్లింగ్‌లో పల్టన్‌ 17 పాయింట్లు సాధిస్తే తెలుగు టైటాన్స్‌ పది పాయింట్లకే పరిమితమైన పరాజయం పాలైంది. లీగ్‌లో భాగంగా ఆరు మ్యాచ్‌లు ఆడిన టైటాన్స్‌ మూడింట గెలిచి మరో మూడు మ్యాచ్‌ల్లో ఓడి 6 పాయింట్లతో పట్టిక నాలుగో స్థానంలో కొనసాగుతోంది. మరో మ్యాచ్‌లో జైపూర్‌ పింక్‌ పాంథర్స్‌ 41–29 పాయింట్ల తేడాతో యూపీ యోధాస్‌పై గెలుపొందింది. పింక్‌ పాంథర్స్‌ తరఫున నితిన్‌ కుమార్‌ 11 పాయింట్లు, అలీ సమది 10 పాయింట్లతో సత్తాచాటారు. యూపీ యోధాస్‌ తరఫున గగన్‌ గౌడ 15 పాయింట్లతో ఒంటరి పోరాటం చేసినా లాభం లేకపోయింది. ఓవరాల్‌గా ఈ మ్యాచ్‌లో యూపీ యోధాస్‌ 22 రెయిడ్‌ పాయింట్లు సాధించగా... జైపూర్‌ పింక్‌ పాంథర్స్‌ 21 సాధించింది. అయితే ట్యాక్లింగ్‌లో మెరుగైన ప్రదర్శన కనబర్చిన పింక్‌ పాంథర్స్‌ 12 పాయింట్లు సాధిస్తే... యూపీ యోధాస్‌ 4 పాయింట్లకే పరిమితమైంది.

జైపూర్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో బెంగళూరు బుల్స్‌ జట్టు ‘హ్యాట్రిక్‌’ నమోదు చేసుకుంది. శుక్రవారం జరిగిన తొలి పోరులో బెంగళూరు బుల్స్‌ 28–23 పాయింట్ల తేడాతో మాజీ చాంపియన్‌ జైపూర్‌ పింక్‌ పాంథర్స్‌పై గెలుపొందింది. బెంగళూరు తరఫున అలీ రెజా 8 రెయిడ్‌ పాయింట్లతో సత్తా చాటగా... దీపక్‌ (5 పాయింట్లు), సత్యప్ప (4 పాయింట్లు) రాణించారు. జైపూర్‌ జట్టు తరఫున నితిన్‌ కుమార్‌ 8 పాయింట్లతో పోరాడినా ఫలితం లేకపోయింది. మరో మ్యాచ్‌లో తమిళ్‌ తలైవాస్‌ 46–36 పాయింట్ల తేడాతో బెంగాల్‌ వారియర్స్‌పై విజయం సాధించింది. తలైవాస్‌ తరఫున అర్జున్‌ దేశ్వాల్‌ 17 పాయింట్లతో విజృంభించాడు. బెంగాల్‌ వారియర్స్‌ తరఫున దేవాంక్‌ 13 పాయింట్లతో పోరాడాడు. లీగ్‌లో భాగంగా నేడు యూపీ యోధాస్‌తో జైపూర్‌ పింక్‌ పాంథర్స్‌... పుణేరి పల్టన్‌తో తెలుగు టైటాన్స్‌ ఆడతాయి.

విశాఖ స్పోర్ట్స్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో దబంగ్‌ ఢిల్లీ జోరు కొనసాగుతోంది. సీజన్‌ ఆరంభం నుంచి పరాజయం ఎరగకుండా దూసుకెళ్తున్న దబంగ్‌ ఢిల్లీ వరుసగా ఐదో మ్యాచ్‌లోనూ నెగ్గింది. గురువారం జరిగిన పోరులో దబంగ్‌ ఢిల్లీ 38–28 పాయింట్ల తేడాతో గుజరాత్‌ జెయింట్స్‌ను చిత్తు చేసింది. దీంతో ఆడిన అన్నీ మ్యాచ్‌ల్లో నెగ్గిన ఢిల్లీ 10 పాయింట్లతో పట్టిక అగ్రస్థానంలో కొనసాగుతోంది. కెప్టెన్ అశు మలిక్‌ 14 పాయింట్లతో ఢిల్లీ విజయంలో కీలక పాత్ర పోషించాడు. అజింక్యా పవార్, ఫజల్‌ చెరో 5 పాయింట్లతో సారథికి అండగా నిలిచారు. రెయిడింగ్‌లో ఇరు జట్లు సమంగానే నిలిచినా... ట్యాక్లింగ్‌లో ఢిల్లీ 13 పాయింట్లు సొంతం చేసుకోగా... గుజరాత్‌ 5 పాయింట్లకే పరిమితమైంది. జెయింట్స్‌ తరఫున ప్రతీక్‌ 9 పాయింట్లతో పోరాడాడు. మరో మ్యాచ్‌లో యు ముంబా 40–39 పాయింట్ల తేడాతో పట్నా పైరెట్స్‌పై గెలిచింది. యు ముంబా తరఫున అమీర్‌ మొహమ్మద్‌ 12 పాయింట్లు, అనిల్‌ 9 పాయింట్లు సాధించారు. పట్నా తరఫున అయాన్‌ 21 పాయింట్లతో ఒంటరి పోరాటం చేసినా జట్టును గెలిపించలేకపోయాడు. గురువారంతో విశాఖపట్నం అంచె పోటీలు ముగియగా... నేటి నుంచి జైపూర్‌ వేదికగా టోర్నీ కొనసాగుతుంది. ఈ రోజు మ్యాచ్‌ల్లో జైపూర్‌ పింక్‌ పాంథర్స్‌తో బెంగళూరు బుల్స్‌... తమిళ్‌ తలైవాస్‌తో బెంగాల్‌ వారియర్స్‌ తలపడతాయి.

విశాఖ స్పోర్ట్స్‌: ప్రొ కబడ్డీ లీగ్‌ (పీకేఎల్‌) సీజన్‌–12లో తెలుగు టైటాన్స్‌ వరుసగా మూడో విజయంతో సత్తా చాటింది. హోం గ్రౌండ్‌లో ఐదు మ్యాచ్‌లు ఆడిన తెలుగు టైటాన్స్‌ తొలి రెండు మ్యాచ్‌లలో ఓడినా...ఇప్పుడు ‘హ్యాట్రిక్‌’ విజయంతో వైజాగ్‌ అంచెను ముగించింది. బుధవారం జరిగిన పోరులో టైటాన్స్‌ 45–37 స్కోరుతో యు ముంబాను చిత్తు చేసింది. టైటాన్స్‌ తరఫున భరత్‌ హుడా 13 పాయింట్లతో చెలరేగగా... చేతన్‌ సాహు 6, కెపె్టన్‌ విజయ్‌ మలిక్‌ 5 పాయింట్లతో అతనికి సహకరించారు. చివరి 10 నిమిషాల్లో కాస్త పోరాడిన ముంబా ప్రత్యర్థిని ‘ఆలౌట్‌’ చేయగలిగినా పాయింట్ల అంతరం మాత్రమే తగ్గించ గలిగింది. ముంబా ఆటగాళ్లలో సందీప్, ఆమిర్‌ మొహమ్మద్‌ చెరో 7 పాయింట్లు సాధించారు.మరో మ్యాచ్‌లో పుణేరీ పల్టన్‌ 43–32 తేడాతో యూపీ యోధాస్‌పై గెలిచిది. నేడు జరిగే మ్యాచ్‌లలో యు ముంబాతో పట్నా పైరేట్స్, దబంగ్‌ ఢిల్లీతో గుజరాత్‌ జెయింట్స్‌ తలపడతాయి. తొలి 28 మ్యాచ్‌లకు ఆతిథ్యం ఇచ్చిన విశాఖపట్నంలో నేటితో పీకేఎల్‌ పోటీలు ముగియనున్నాయి. రేపటి నుంచి జైపూర్‌లోని సవాయ్‌ మాన్‌సింగ్‌ ఇండోర్‌ స్టేడియం వేదికగా టోర్నీ కొనసాగుతుంది.

విశాఖ స్పోర్ట్స్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో దబంగ్‌ ఢిల్లీ జోరు కొనసాగుతోంది. తిరుగులేని ప్రదర్శనతో దూసుకెళ్తున్న దబంగ్‌ ఢిల్లీ లీగ్‌లో వరుసగా నాలుగో విజయం ఖాతాలో వేసుకుంది. మంగళవారం జరిగిన తొలి పోరులో దబంగ్‌ ఢిల్లీ 45–34 పాయింట్ల తేడాతో బెంగాల్‌ వారియర్స్‌పై సునాయాస విజయం సాధించింది. కెపె్టన్‌ అశు మలిక్‌ 16 పాయింట్లతో విజృంభించగా... అజింక్య పవార్‌ (8 పాయింట్లు), నీరజ్‌ నర్వాల్‌ (6 పాయింట్లు) సారథికి సహకరించారు.బెంగాల్‌ వారియర్స్‌ కెపె్టన్‌ దేవాంక్‌ 12 పాయింట్లు సాధించగా... విశ్వాస్‌ 9 పాయింట్లతో పోరాడాడు. అయితే మ్యాచ్‌ ఆరంభంలోనే దబంగ్‌ ఢిల్లీ ఆధిక్యం సాధించింది. నీరజ్, అజింక్య సూపర్‌ రెయిడ్‌లతో ఢిల్లీ జట్టు వరుస పాయింట్లు సాధించగా... ఆ తర్వాత అశు చెలరేగిపోయాడు. ఆడిన నాలుగు మ్యాచ్‌ల్లోనూ గెలిచిన దబంగ్‌ ఢిల్లీ 8 పాయింట్లతో పట్టిక అగ్రస్థానంలో కొనసాగుతోంది. బెంగాల్‌ వారియర్స్‌ 4 మ్యాచ్‌లాడి ఒక విజయం, 3 పరాజయాలతో 2 పాయింట్లు ఖాతాలో వేసుకొని పట్టిక అట్టడుగున ఉంది. మరో మ్యాచ్‌లో జైపూర్‌ పింక్‌ పాంథర్స్‌ జట్టు ‘గోల్డెన్‌ రైడ్‌’లో గుజరాత్‌ జెయింట్స్‌పై విజయం సాధించింది. ఇరు జట్ల మధ్య జరిగిన పోరు నిర్ణీత సమయంలో 30–30 పాయింట్లతో సమం కాగా... విజేతను నిర్ణయించేందుకు ‘గోల్డెన్‌ రైడ్‌’ నిర్వహించాల్సి వచ్చింది. మ్యాచ్‌లో జైపూర్‌ పింక్‌ పాంథర్స్‌ తరఫున నితిన్‌ కుమార్‌ 15 పాయింట్లతో సత్తా చాటగా... గుజరాత్‌ జెయింట్స్‌ తరఫున రాకేశ్‌ 11 పాయింట్లు సాధించాడు. నేడు జరిగే మ్యాచ్‌ల్లో యు ముంబాతో తెలుగు టైటాన్స్‌... యూపీ యోధాస్‌తో పుణేరి పల్టన్‌ తలపడనున్నాయి.

విశాఖ స్పోర్ట్స్‌: ప్రొ కబడ్డీ లీగ్‌ 12వ సీజన్‌లో మాజీ చాంపియన్‌ బెంగళూరు బుల్స్‌ ఖాతాలో రెండో విజయం చేరింది. హరియాణా స్టీలర్స్‌తో సోమవారం ఆసక్తికరంగా సాగిన మ్యాచ్‌లో బెంగళూరు బుల్స్‌ 40–33 పాయింట్ల తేడాతో గెలుపొందింది. బెంగళూరు తరఫున అలీ రెజా 12 పాయింట్లు సాధించగా, యోగేశ్‌ 6 పాయింట్లు సాధించాడు. హరియాణా ఆటగాళ్లలో శివమ్‌ పటారే 7, మయాంక్‌ సైనీ 6 పాయింట్లతో రాణించారు. మరోవైపు మూడుసార్లు చాంపియన్‌ పట్నా పైరేట్స్‌ ఎట్టకేలకు గెలుపు బోణీ చేసింది. మూడు పరాజయాల తర్వాత ఆ జట్టు తొలి విజయాన్ని అందుకుంది. పుణేరి పల్టన్‌ జట్టుతో జరిగిన మ్యాచ్‌లో పట్నా పైరేట్స్‌ 48–37 పాయింట్ల తేడాతో నెగ్గింది. పైరేట్స్‌ రెయిడర్‌ అయాన్‌ లోచబ్‌ ఒంటి చేత్తో జట్టును గెలిపించాడు. అయాన్‌ ఒక్కడే 21 పాయింట్లు సాధించడం విశేషం. తొలి అర్ధ భాగంలోనే అయాన్‌ ‘సూపర్‌ 10’ సహా ప్రత్యర్థిని రెండు సార్లు ఆలౌట్‌ చేసిన పట్నా 27–10 తేడాతో ముందంజలో నిలిచింది. రెండో అర్ధభాగంలో సమష్టితత్వంతో కోలుకున్న పుణేరి పదునైన ఆటతో చెలరేగినా భారీ వ్యత్యాసాన్ని తగ్గించలేకపోయింది. పైరేట్స్‌ను రెండుసార్లు ఆలౌట్‌ చేసి రెండో అర్ధభాగంలో 27–21తో పైచేయి సాధించినా తుది ఫలితంలో మాత్రం 11 పాయింట్ల తేడాతో నిరాశ తప్పలేదు. పుణేరి తరఫున సచిన్‌ 6, అభిషేక్‌ గున్‌గే 5 పాయింట్లు నమోదు చేశారు. నేడు జరిగే మ్యాచ్‌లలో దబంగ్‌ ఢిల్లీతో బెంగాల్‌ వారియర్స్‌...గుజరాత్‌ జెయింట్స్‌తో జైపూర్‌ పింక్‌ పాంథర్స్‌ తలపడతాయి.

విశాఖ స్పోర్ట్స్‌: ప్రొ కబడ్డీ లీగ్‌ 12వ సీజన్‌ లో తెలుగు టైటాన్స్‌ రెండో విజయాన్ని సాధించింది. ఆదివారం జరిగిన మ్యాచ్‌ లో టైటాన్స్‌ 44–34 తో బెంగాల్‌ వారియర్స్‌పై నెగ్గింది. టైటాన్స్‌ జట్టులో భరత్‌ 12, విజయ్‌ 11 పాయింట్లు సాధించారు. రెయిడర్‌ చేతన్‌ సాహు, డిఫెండర్‌ అంకిత్‌ చెరో 5 పాయింట్లు చేశారు. బెంగాల్‌ తరఫున కెప్టెన్‌ దేవాంక్‌ ఒంటరి పోరాటం చేసి 13 పాయింట్లు సాధించాడు. డిఫెండర్లలో నితీశ్‌ (6), ఆశిష్‌ (5) మెరుగ్గా ఆడారు. అనంతరం పోటాపోటీగా జరిగిన రెండో మ్యాచ్‌లో రెండుసార్లు విజేతగా నిలిచిన జైపూర్‌ పింక్‌ పాంథర్స్‌ 35–36తో దబంగ్‌ ఢిల్లీ చేతిలో ఓడిపోయింది. దబంగ్‌ కెప్టెన్‌ అశు మలిక్‌ 21 పాయింట్లు సాధించాడు. జైపూర్‌ తరఫున రెయిడర్లు నితిన్‌ (14), సాహిత్‌ (10) రాణించారు. నేడు జరిగే మ్యాచ్‌ల్లో హరియాణాతో బెంగళూరు బుల్స్, పుణేరి పల్టన్‌తో పట్నా పైరేట్స్‌ తలపడతాయి.

విశాఖ స్పోర్ట్స్‌: ప్రొ కబడ్డీ లీగ్‌ (పీకేఎల్‌–12)లో మాజీ చాంపియన్‌ బెంగళూరు బుల్స్‌ ఎట్టకేలకు బోణీ కొట్టింది. శనివారం జరిగిన పోరులో బెంగళూరు 38–30తో పట్నా పైరేట్స్‌పై విజయం సాధించింది. పీకేఎల్‌లో అత్యధికంగా మూడుసార్లు విజేతగా నిలిచిన పట్నా పరాజయాల పరంపరలో ‘హ్యాట్రిక్‌’ నమోదు చేసింది. పైరేట్స్‌ ఆడిన మూడు ఓడగా... నాలుగో మ్యాచ్‌లో బుల్స్‌ తొలి విజయాన్ని సాధించింది. బెంగళూరు జట్టులో ఆల్‌రౌండర్‌ అలీరెజా మిర్జాయిన్‌ (10), రెయిడర్‌ ఆశిష్‌ మాలిక్‌ (8) అదరగొట్టారు. డిఫెండర్లు దీపక్‌ శంకర్‌ (4), యోగేశ్‌ (3), సత్యప్ప, సంజయ్‌ చెరో 2 పాయింట్లు చేశారు. పట్నా పైరేట్స్‌ జట్టులో రెయిడర్‌ అయాన్‌ (10) ఒంటరి పోరాటం చేశాడు. 15 సార్లు కూతకెళ్లిన అయాన్‌ పది పాయింట్లు తెచ్చిపెట్టాడు. మిగతావారిలో సుధాకర్‌ (6), అంకిత్‌ కుమార్‌ (4) మెరుగ్గా ఆడారు. అనంతరం జరిగిన రెండో మ్యాచ్‌లో గుజరాత్‌ జెయంట్స్‌ 37–28తో తమిళ్‌ తలైవాస్‌పై గెలుపొందింది. గుజరాత్‌ జట్టులో ఆల్‌రౌండర్లు నితిన్‌ పన్వార్‌ (8), మొహమ్మద్‌ రెజా (6) రాణించారు. రెయిడర్లు రాకేశ్‌ 6, హిమాన్షు సింగ్‌ 4 పాయింట్లు సాధించారు. తలైవాస్‌ జట్టులో కెపె్టన్‌ పవన్‌ సెహ్రావత్‌ (6), నితీశ్‌ కుమార్‌ (5), అర్జున్‌ దేశ్వాల్‌ (5) ఆకట్టుకున్నారు. నేడు ఆదివారం జరిగే మ్యాచ్‌లో బెంగాల్‌ వారియర్స్‌తో తెలుగు టైటాన్స్, దబంగ్‌ ఢిల్లీతో జైపూర్‌ పింక్‌ పాంథర్స్‌ తలపడనున్నాయి.

విశాఖ, స్పోర్ట్స్‌: యు ముంబా రెయిడర్‌ అజిత్‌ చౌహన్‌ సంచలన ప్రదర్శనతో తమ జట్టుకు అద్భుత విజయాన్ని అందించాడు. ప్రొ కబడ్డీ లీగ్‌లో భాగంగా శుక్రవారం జరిగిన మ్యాచ్‌లో ముంబా ఏకంగా 20 పాయింట్ల తేడాతో బెంగళూరు బుల్స్‌ను చిత్తు చేసింది. శుక్రవారం ఏకపక్షంగా సాగిన పోరులో ముంబా 48–28తో బెంగళూరు బుల్స్‌పై ఘన విజయం సాధించింది. అజిత్‌ చౌహాన్‌ ఒక్కడే 13 పాయింట్లతో అదరగొట్టాడు. 13వ నిమిషంలో అజిత్‌ సంచలన ప్రదర్శన కనబర్చాడు. ఒకే రెయిడ్‌లో అతను ఏకంగా ఆరుగురు ఆటగాళ్లను అవుట్‌ చేయడం విశేషం. పీకేఎల్‌ చరిత్రలో ఒకే రెయిడ్‌లో ఆరు లేదా అంతకంటే ఎక్కువ పాయింట్లు సాధించిన మూడో ప్లేయర్‌గా అజిత్‌ నిలిచాడు. గతంలో పట్నా పైరేట్స్‌ తరఫున ప్రదీప్‌ నర్వాల్‌ (ఒకే రెయిడ్‌లో 8 పాయింట్లు; 2017లో హరియాణా స్టీలర్స్‌పై)... తమిళ్‌ తలైవాస్‌ తరఫున అజింక్య పవార్‌ (ఒకే రెయిడ్‌లో 6 పాయింట్లు; 2022లో తెలుగు టైటాన్స్‌పై) ఈ ఘనత సాధించారు. మరో మ్యాచ్‌లో హరియాణా స్టీలర్స్‌ 37–32తో యూపీ యోధాస్‌ను ఓడించింది. హరియాణా ఆటగాళ్ళలో నవీన్‌ కుమార్, రాహుల్‌ చెరో 6 పాయింట్లు నమోదు చేయగా, యూపీ తరఫున గగన్‌ గౌడ 13 పాయింట్లు స్కోర్‌ చేసినా జట్టును గెలిపించలేకపోయాడు. నేడు జరిగే మ్యాచ్‌ల్లో పట్నా పైరేట్స్‌తో బెంగళూరు బుల్స్, తమిళ్‌ తలైవాస్‌తో గుజరాత్‌ జెయింట్స్‌ తలపడతాయి.

విశాఖ స్పోర్ట్స్‌: ప్రొ కబడ్డీ లీగ్‌ (పీకేఎల్‌) 12వ సీజన్‌లో మొదటి రెండు మ్యాచ్‌లలో ఓడిన తెలుగు టైటాన్స్‌ జట్టు మూడో మ్యాచ్‌తో గెలుపు బోణీ చేసింది. గురువారం జరిగిన పోరులో టైటాన్స్‌ 37–32తో మాజీ చాంపియన్‌ జైపూర్‌ పింక్‌ పాంథర్స్‌ను ఓడించింది. టైటాన్స్‌ కెప్టెన్ విజయ్‌ మలిక్, ఆల్‌రౌండర్‌ భరత్‌ హుడా చెరో 8 పాయింట్లతో జట్టు విజయంలో కీలక పాత్ర పోషించారు. రెయిడర్‌ చేతన్‌ సాహు, డిఫెండర్‌ అజిత్‌ పవార్‌ కూడా చెరో 5 పాయింట్లు సాధించి సహకరించారు. జైపూర్‌ తరఫున నితిన్‌ కుమార్‌ (13 పాయింట్లు) ఒంటరి పోరాటం వృథా అయింది. మ్యాచ్‌ 13వ నిమిషంలో ప్రత్యర్థిని ఆలౌట్‌ చేసి ఆధిక్యం సాధించిన టైటాన్స్, పదునైన డిఫెన్స్‌తో తొలి అర్ధ భాగాన్ని 16–9తో ముగించింది. మరో పది నిమిషాల తర్వాత ఇది 23–16కు మారింది.అయితే ఆ తర్వాత రెయిడర్‌ నితిన్‌ ఒక్కసారిగా చెలరేగి టైటాన్స్‌ను ఆలౌట్‌ చేయడంతో పాటు సూపర్‌ రెయిడ్‌ సాధించాడు. దాంతో చివరి మూడు నిమిషాల్లో అంతరం కేవలం మూడు పాయింట్లకు తగ్గి ఉత్కంఠ పెరిగింది. అయితే విజయ్‌ మలిక్‌ ఒత్తిడిని అధిగమించి రెండు పాయింట్లు రాబట్టడంతో టైటాన్స్‌ ఊపిరి పీల్చుకుంది. తొలిసారి గోల్డెన్‌ రెయిడ్‌లో గెలుపు పుణేరి పల్టన్, దబంగ్‌ ఢిల్లీ మధ్య హోరాహోరీగా సాగిన మరో మ్యాచ్‌లో చివరకు ‘గోల్డెన్‌ రెయిడ్‌’ ద్వారా ఫలితం వచ్చింది. ఇందులో ఢిల్లీ విజేతగా నిలిచింది. నిర్ణీత సమయంలో ఇరు జట్లు 28–28 పాయింట్లతో సమంగా నిలిచాయి. ఆ తర్వాత ‘టైబ్రేక్‌’లో కూడా స్కోరు 5–5తో సమంగానే ముగిసింది. అనంతరం ‘గోల్డెన్‌ రెయిడ్‌’ కోసం టాస్‌ నెగ్గిన ఢిల్లీ తరఫున అశు మలిక్‌ రెయిడింగ్‌కు వెళ్లి అద్భుతంగా 2 పాయింట్లు సాధించడంతో జట్టుకు గెలుపు దక్కింది.

విశాఖ స్పోర్ట్స్‌: ప్రొ కబడ్డీ లీగ్‌ 12వ సీజన్‌లో మాజీ చాంపియన్‌ పుణేరి పల్టన్‌ వరుసగా మూడో విజయంతో ‘హ్యాట్రిక్‌’ నమోదు చేసింది. బుధవారం జరిగిన మ్యాచ్‌లో పుణేరి పల్టన్‌ 45–36 తో బెంగాల్‌ వారియర్స్‌ జట్టుపై నెగ్గింది. కెప్టెన్, ఆల్‌రౌండర్‌ అస్లామ్‌ ఇనామ్‌దార్, రెయిడర్‌ ఆదిత్య షిండే పుణేరి విజయంలో కీలక పాత్ర పోషించారు. వీరిద్దరు చెరో 11 పాయింట్లు స్కోరు చేయగా... పంకజ్‌ మోహితే, విశాల్‌ చెరో 5 పాయింట్లు సాధించారు. తొలి అర్ధభాగం ముగిసేసరికి పుణేరి 26–22తో స్వల్పంగా ముందంజలో నిలిచింది. రెండో అర్ధ భాగంలోనూ పల్టన్‌ తమ జోరును కొనసాగించింది. రెండో ‘ఆలౌట్‌’తో ఆ జట్టు మ్యాచ్‌పై పట్టు బిగించింది. బెంగాల్‌ తరఫున కెపె్టన్‌ దేవాంక్‌ ఒక్కడే 17 పాయింట్లు స్కోరు చేసినా లాభం లేకపోయింది. హరియాణా స్టీలర్స్, యు ముంబా మధ్య జరిగిన రెండో మ్యాచ్‌ ముందు ‘టై’గా ముగిసింది. నిర్ణీత సమయంలో ఇరు జట్లు 36–36 పాయింట్లతో సమంగా నిలిచాయి. హరియాణా ఆటగాళ్లలో నవీన్‌ కుమార్‌ 9, వినయ్‌ 8 పాయింట్లు సాధించగా...ముంబా జట్టు తరఫున అజిత్‌ చౌహాన్‌ ఒక్కడే 12 పాయింట్లు సాధించడం విశేషం. అయితే చివరకు ‘టైబ్రైక్‌’లో హరియాణాను విజయం వరించింది. ఇందులో హరియాణా 7–6తో ముంబాపై పైచేయి సాధించింది. నేడు జరిగే మ్యాచ్‌ ల్లో జైపూర్‌ పింక్‌ పాంథర్స్‌తో తెలుగు టైటాన్స్‌... పుణేరి పల్టన్‌తో దబంగ్‌ ఢిల్లీ తలపడతాయి.

విశాఖ స్పోర్ట్స్‌: మాజీ చాంపియన్‌ దబంగ్‌ ఢిల్లీ ప్రొ కబడ్డీ లీగ్‌ 12వ సీజన్‌లో శుభారంభం చేసింది. బుధవారం జరిగిన పోరులో ఢిల్లీ 41–34తో బెంగళూరు బుల్స్‌పై విజయం సాధించింది. కెప్టెన్ అశు మలిక్‌ (15 పాయింట్లు) ముందుండి జట్టును గెలిపించాడు. రెయిడింగ్‌లో అదరగొట్టాడు. 23 సార్లు కూతకెళ్లిన కెప్టెన్ 12 సార్లు విజయవంతంగా పాయింట్లు తెచ్చాడు. మరో రెయిడర్‌ నీరజ్‌ నర్వాల్‌ (7) ఆకట్టుకున్నాడు. వీరిద్దరి శ్రమకు ఊతమిచ్చేలా... డిఫెండర్లు సౌరభ్‌ నందల్‌ (3), ఫజల్‌ అత్రాచలి (3), సుర్జీత్‌ సింగ్‌ (3) సమష్టిగా రాణించారు. ప్రత్యర్థి రెయిడర్లను అద్భుతంగా టాకిల్‌ చేశారు. బెంగళూరు జట్టులో ఆల్‌రౌండర్‌ అలీరెజా మిర్జాయిన్‌ (10), రెయిడర్‌ ఆశిష్‌ మలిక్‌ (8) మెరుగ్గా ఆడారు. అయితే సహచరుల నుంచి సరైన సహకారం లేక బెంగళూరు వరుసగా రెండో మ్యాచ్‌లోనూ ఓడింది. విశాఖ అంచెలో బెంగళూరు బుల్స్‌ ఇంకా బోణీ కొట్టలేకపోయింది. అనంతరం జరిగిన రెండో మ్యాచ్‌లో రెండుసార్లు చాంపియన్‌ జైపూర్‌ పింక్‌పాంథర్స్‌ 39–36తో పట్నా పైరేట్స్‌పై గెలుపొందింది. జైపూర్‌ రెయిడర్లు నితిన్‌ కుమార్‌ (13), అలీ చౌబ్తరష్‌ (8) క్రమం తప్పకుండా పాయింట్లు తెచ్చారు. పట్నా జట్టులో రెయిడర్లు మణీందర్‌ సింగ్‌ (15), సుధాకర్‌ (9), అయాన్‌ (6) అద్భుతంగా రాణించినప్పటికీ డిఫెండర్ల వైఫల్యంతో పరాజయం తప్పలేదు. పైరేట్స్‌ ఆడిన రెండు మ్యాచ్‌ల్లోనూ ఓడింది. నేడు జరిగే మ్యాచ్‌ల్లో పుణేరి పల్టన్‌తో బెంగాల్‌ వారియర్స్‌; హరియాణా స్టీలర్స్‌తో యు ముంబా తలపడతాయి. 12 జట్లు పోటీపడుతున్న ఈ లీగ్‌లో ప్రస్తుతం మూడు జట్లు పుణేరి పల్టన్, యూపీ యోధాస్, యు ముంబా జట్లు నాలుగు పాయింట్లతో ‘టాప్‌’లో ఉన్నాయి.

విశాఖ స్పోర్ట్స్‌: ప్రొ కబడ్డీ లీగ్‌ 12వ సీజన్‌లో యూపీ యోధాస్‌ జోరు పెంచుతోంది. ఈ సీజన్‌లో వరుసగా రెండో విజయాన్ని నమోదు చేసింది. సోమవారం జరిగిన మ్యాచ్‌లో యూపీ 34–31తో మూడుసార్లు చాంపియన్‌ అయిన పట్నా పైరేట్స్‌ను కంగుతినిపించింది. ఆట ఆరంభంలో పైరేట్స్‌ పైచేయి కనబరిచింది. మొదటి పది నిమిషాలైతే చకచకా పాయింట్లు రాబట్టిన పట్నా 7–6తో ఆధిక్యంలో నిలిచింది. ఆ తర్వాత యూపీ యోధాస్‌ ఆటగాళ్లు సమష్టిగా రాణించడంతో పట్నా వెనుకబడింది. రెయిడర్లలో గగన్‌ గౌడ 7 పాయింట్లు తెచ్చిపెట్టాడు. మిగతా వారిలో భవాని రాజ్‌పుత్, శివమ్‌ చెరో 5 పాయింట్లు చేశారు. డిఫెండర్లలో కెప్టెన్‌ సుమిత్, అశు సింగ్‌ తలా 5 పాయింట్లు సాధించారు. పట్నా పైరేట్స్‌ జట్టులో రెయిడర్లు అయాన్‌ (9) మణిందర్‌ సింగ్‌ (7) రాణించారు. అనంతరం జరిగిన రెండో మ్యాచ్‌లో మాజీ చాంపియన్‌ పుణేరి పల్టన్‌ 41–19తో గుజరాత్‌ జెయంట్స్‌పై అలవోక విజయం సాధించింది. రెయిడింగ్‌ లో ఆదిత్య షిండే (6), పంకజ్‌ (5), డిఫెండర్లలో అభినేశ్‌ (6), గౌరవ్‌ ఖత్రి (4) అద్భుతంగా ఆడారు. ఆల్‌రౌండర్లు అస్లామ్‌ (5), గుర్దీప్‌ (4)లు కూడా మెరుగ్గా రాణించడంతో పుణేరి జట్టు క్రమం తప్పకుండా పాయింట్లు సాధించింది. గుజరాత్‌ తరఫున రెయిడర్‌ రాకేశ్‌ (6) మాత్రమే చెప్పుకోదగ్గ ప్రదర్శన కనబరిచాడు. నేడు జరిగే మ్యాచ్‌ల్లో దబంగ్‌ ఢిల్లీతో బెంగళూరు బుల్స్, జైపూర్‌ పింక్‌ పాంథర్స్‌తో పట్నా పైరేట్స్‌ తలపడతాయి.

విశాఖ స్పోర్ట్స్‌: ప్రొ కబడ్డీ లీగ్‌ 12వ సీజన్‌లో భాగంగా ఆదివారం జరిగిన మ్యాచ్‌లో యు ముంబా ఆఖర్లో పుంజుకొని తమిళ్‌ తలైవాస్‌కు షాక్‌ ఇచ్చింది. మాజీ చాంపియన్‌ యు ముంబా 36–33 పాయింట్ల తేడాతో తలైవాస్‌ను ఓడించి ఈ లీగ్‌లో వరుసగా రెండో విజయం నమోదు చేసింది. యు ముంబా రెయిడర్‌ అజిత్‌ చౌహాన్‌ 9, ఆల్‌రౌండర్‌ అనిల్‌ 8 పాయింట్లు సాధించారు. డిఫెండర్లలో లోకేశ్, రింకూ చెరో 4 పాయింట్లు స్కోరు చేశారు. తమిళ్‌ రెయిడర్‌ అర్జున్‌ దేశ్వాల్‌ 18 సార్లు కూతకెళ్లి 12 పాయింట్లు తెచ్చిపెట్టాడు. మిగతా వారిలో కెపె్టన్‌ పవన్‌ సెహ్రావత్‌ 7, డిఫెండర్లు నితీశ్‌ కుమార్, హిమాన్షు చెరో 4 పాయింట్లు చేశారు. అనంతరం జరిగిన రెండో మ్యాచ్‌లో డిఫెండింగ్‌ చాంపియన్‌ హరియాణా స్టీలర్స్‌కు బెంగాల్‌ వారియర్స్‌ చేతిలో చుక్కెదురైంది. కెపె్టన్‌ దేవాంక్‌ (21) రెయిడింగ్‌లో చెలరేగడంతో 2019 చాంపియన్‌ బెంగాల్‌ 54–44తో హరియాణా స్టీలర్స్‌పై విజయం సాధించింది. వారియర్స్‌ జట్టులో దేవాంక్‌తో పాటు మరో రెయిడర్‌ మన్‌ప్రీత్‌ (13) అదరగొట్టాడు. స్టీలర్స్‌ జట్టులో రెయిడర్లు శివమ్‌ పటారే (17), వినయ్‌ (13) రాణించారు. నేడు జరిగే మ్యాచ్‌ల్లో పట్నా పైరేట్స్‌తో యూపీ యోధాస్, పుణేరి పల్టన్‌తో గుజరాత్‌ జెయింట్స్‌ తలపడతాయి.

విశాఖ స్పోర్ట్స్‌: విశాఖ పోర్టులో శుక్రవారం రాత్రి ప్రొ కబడ్డీ లీగ్‌ 12వ సీజన్‌ ఆరంభమైంది. అభిమానుల కోలాహలం, సందడి వాతావరణం మధ్య జరిగిన తొలి మ్యాచ్‌లో తమిళ్‌ తలైవాస్‌ 38–35 తేడాతో తెలుగు టైటాన్స్‌పై ఉత్కంఠ విజయం సాధించింది. చివరివరకు ఉత్కంఠగా సాగిన ఈ పోరులో ఇరు జట్లు నువ్వానేనా అన్నట్టుగా తలపడ్డాయి. ప్రోకబడ్డీ లీగ్‌ 12వ సీజన్‌ను తమిళ్‌ తలైవాస్‌ జట్టు విజయంతో ప్రారంభించింది. మ్యాచ్‌ ఆఖరి క్షణంలో తలైవాస్‌ కెప్టెన్ పవన్‌ సెహ్రావత్‌ తన మాజీ జట్టుపై చేసిన సూపర్‌ రైడ్తో విజయం సాధించారు. ఒక దశలో టైటాన్స్‌ 27–20 ఆధిక్యంతో విజయం సాధించేలా కనిపించినా, చివరిలో తడబడింది. తలైవాస్‌ తరఫున స్టార్‌ రైడర్‌ అర్జున్‌ దేశ్వాల్‌ 12 పాయింట్లతో సూపర్‌ టెన్‌ సాధించాడు. తెలుగు టైటాన్స్‌ జట్టులో ఆల్‌రౌండర్‌ భరత్‌ 11 పాయింట్లతో రాణించినా ఫలితం దక్కలేదు. కెప్టెన్‌ విజయ్‌ మాలిక్‌ 6 పాయింట్లు, డిఫెండర్‌ శుభం షిండే 4 పాయింట్లు సాధించారు. ఈ మ్యాచ్‌ ప్రారంభానికి ముందు జరిగిన జాతీయగీతాలాపన కార్యక్రమంలో కేంద్ర మంత్రి కె.రామ్మోహన్‌ నాయుడు, ఐపీఎల్‌ ఆటగాడు వైభవ్‌ సూర్యవంశీ, బ్యాడ్మింటన్‌ కోచ్‌ పుల్లెల గోపీచంద్, హాకీ ఆటగాడు ధన్‌రాజ్‌ పిళ్లై తదితరులు పాల్గొన్నారు. శనివారం తెలుగు టైటాన్స్‌ జట్టు యూపీ యోధాస్‌తో తలపడనుంది. శనివారం జరిగే మ్యాచ్‌ల్లో యూపీ యోధాస్‌తో తెలుగు టైటాన్స్‌ తలపడనుండగా మరో పోటీలో యు ముంబా జట్టుతో గుజరాత్‌ టైటాన్స్‌ తలపడనుంది. మరో మ్యాచ్‌లో బెంగళూర్‌ బుల్స్‌ జట్టుపై పునేరి పాల్టన్‌ జట్టు విజయం సాధించింది.

విశాఖ స్పోర్ట్స్‌: ప్రొ కబడ్డీ లీగ్‌ (పీకేఎల్‌) కొత్త సీజన్‌ను కూడా తెలుగు టైటాన్స్‌ పరాజయంతో ప్రారంభించింది. గత సీజన్‌లో ఏడో స్థానంలో నిలిచిన టీమ్‌ ఈసారి విశాఖపట్నం వేదికగా కూడా శుభారంభం చేయలేకపోయింది. శుక్రవారం ప్రారంభమైన పీకేఎల్‌ 12వ సీజన్‌ తొలి మ్యాచ్‌లో తమిళ్‌ తలైవాస్‌ 38–35 పాయింట్ల తేడాతో తెలుగు టైటాన్స్‌ను ఓడించింది. టైటాన్స్‌ తరఫున ఆల్‌రౌండర్‌ భరత్‌ 11 పాయింట్లు సాధించగా, కెప్టెన్ విజయ్‌ మలిక్‌ 6 పాయింట్లు నమోదు చేశాడు. తలైవాస్‌ జట్టులో రైడర్‌ అర్జున్‌ దేశ్‌వాల్‌ 12 పాయింట్లతో టాప్‌ స్కోరర్‌గా నిలవగా, కెపె్టన్‌ పవన్‌ సెహ్రావత్‌ చెలరేగి 9 పాయింట్లతో జట్టును విజయం దిశగా నడిపించాడు. తొలి అర్ధభాగం ముగిసేసరికి తలైవాస్‌ జట్టు 14–13తో ఆధిక్యంలో నిలవగా, రెండో అర్ధ భాగంలోనూ రెండు పాయింట్లు ముందంజలో నిలిచిన జట్టు చివరి వరకు దానిని నిలబెట్టుకుంది. మొదటి రోజే జరిగిన రెండో మ్యాచ్‌లో ‘టైబ్రేక్‌’ ద్వారా ఫలితం వచ్చింది. బెంగళూరు బుల్స్, పుణేరి పల్టన్‌ మధ్య జరిగిన ఈ పోరు నిర్ణీత సమయంలో 32–32తో సమంగా ముగిసింది. బుల్స్‌ తరఫున ఆకాశ్‌ షిండే 12, ఆశిష్‌ మలిక్‌ 8 పాయింట్లు సాధించగా... పల్టన్‌ ఆటగాళ్లలో ఆదిత్య షిండే 9, పంకజ్‌ మోహితే 6 పాయింట్లు నమోదు చేశారు. అయితే ఆ తర్వాత పుణేరీ ‘టైబ్రేక్‌’లో విజయం సాధించింది. ఐదు రైడ్‌ల ఈ టైబ్రేక్‌ను పల్టన్‌ 6–4తో గెలుచుకుంది. నేడు జరిగే మ్యాచ్‌ల్లో యూపీ యోధాస్‌తో తెలుగు టైటాన్స్‌ (రాత్రి 8 గంటల నుంచి), గుజరాత్‌ జెయింట్స్‌తో యు ముంబా (రాత్రి 9 గంటల నుంచి) తలపడతాయి.

ప్రో కబడ్డీ లీగ్ (PKL) సీజన్ 12 నేషనల్ స్పోర్ట్స్ డే సందర్భంగా ఇవాళ (ఆగస్టు 29) ఘనంగా ప్రారంభమైంది. వైజాగ్‌లోని రాజీవ్ గాంధీ ఇండోర్ స్టేడియంలో ఏర్పాటు చేసిన ప్రారంభోత్సవ వేడుకకు భారత క్రికెట్‌ యువ చిచ్చరపిడుగు వైభవ్‌ సూర్యవంశీ ప్రత్యేక అతిథిగా హాజరయ్యాడు.Vaibhav Sooryavanshi is all set for tonight’s PKL opening clash on National Sports Day! 💪🏽🔥 pic.twitter.com/ypXp0JcWRB— Johns. (@CricCrazyJohns) August 29, 2025ఇవాళ సాయంత్రమే వైభవ్‌ విశాఖ నగరానికి చేరుకున్నాడు. నిర్వహకులు అతడికి ఘన స్వాగతం పలికారు. వేడక ప్రారంభానికి ముందు వైభవ్‌ కాసేపు కబడ్డీ క్రీడాకారులతో కలిసి క్రికెట్‌ ఆడాడు. ఆ తర్వాత కొద్ది సేపు కబడ్డీ కూడా ఆడాడు. అనంతరం వైభవ్‌ చేతుల మీదుగా ఈవెంట్‌ లాంచ్‌ అయ్యింది. View this post on Instagram A post shared by Pro Kabaddi (@prokabaddi)ఈ సందర్భంగా వైభవ్‌ మాట్లాడుతూ.. క్రీడలు మనకు క్రమశిక్షణ, టీమ్‌వర్క్ నేర్పిస్తాయి. నేషనల్ స్పోర్ట్స్ డే నాకు స్పూర్తిదాయకం అని వ్యాఖ్యానించాడు. ఈ వేడుకలో కబడ్డీ దిగ్గజం పర్దీప్ నర్వాల్‌కు (డుబ్కీ కింగ్) ప్రత్యేక సన్మానం జరిగింది. డుబ్కీ కింగ్ PKL చరిత్రలో అత్యధిక రైడ్ పాయింట్లు (1801) సాధించిన ఆటగాడు.సిక్సర్ల వీరుడు వైభవ్ సూర్యవంశీ, కబడ్డీ కింగ్‌ పర్దీప్ నర్వాల్‌ను ఒకే వేదికపై కనిపించడంతో క్రికెట్‌, కబడ్డీ అభిమానులు చాలా ఎంజాయ్‌ చేశారు. అతి చిన్న వయసులోనే వైభవ్‌ కబడ్డీని ప్రమోట్‌ చేయడం​ చాలామందికి నచ్చింది. వైభవ్‌ను చూసేందుకు విశాఖ వాసులు ఎగబడ్డారు. 8 గంటలకు ప్రారంభమైన తొలి మ్యాచ్‌లో తెలుగు టైటాన్స్‌, తమిళ్‌ తలైవాస్‌ పోటీపడుతున్నాయి. అనంతరం 9 గంటలకు ప్రారంభమయ్యే మ్యాచ్‌లో బెంగళూరు బుల్స్‌, పుణేరీ పల్టన్‌ తలపడతాయి.ఈ సీజన్‌లో టైబ్రేకర్ విధానం, ప్లే-ఇన్ దశ, నాలుగు నగరాల్లో మ్యాచ్‌లు వంటి కొత్త మార్పులు చోటు చేసుకున్నాయి.వైభవ్‌ 14 ఏళ్ల వయసులోనే ఐపీఎల్‌లో సంచలనాలు సృష్టించి, క్రికెట్‌తో పాటు యావత్‌ క్రీడా ప్రపంచాన్నంతా సంభ్రమాశ్చర్యాలకు గురి చేసిన విషయం తెలిసిందే. 2025 ఐపీఎల్ సీజన్‌లో రాజస్థాన్ రాయల్స్ తరఫున అరంగేట్రం చేసిన వైభవ్‌.. గుజరాత్ టైటాన్స్‌తో జరిగిన మ్యాచ్‌లో 38 బంతుల్లోనే 101 పరుగులు చేసి సంచలనం సృష్టించాడు. ఆ సీజన్‌ మొత్తం మెరుపులు మెరిపించిన వైభవ్‌ 7 ఇన్నింగ్స్‌ల్లో 206.56 స్ట్రైక్ రేట్‌తో 252 పరుగులు చేశాడు.

విశాఖ స్పోర్ట్స్‌: భారత్‌లో ఇండియన్‌ ప్రీమియర్‌ లీగ్‌ (ఐపీఎల్‌) తర్వాత ఆ స్థాయిలో కాకపోయినా... చెప్పుకోదగిన స్థాయిలో అభిమానుల్ని సంపాదించుకున్న లీగ్‌ ప్రొ కబడ్డీ లీగ్‌ (పీకేఎల్‌). గత 11 ఏళ్లుగా కబడ్డీ ప్రేక్షకుల్ని విశేషంగా అలరిస్తున్న పీకేఎల్‌ 12వ సీజన్‌కు రంగం సిద్ధమైంది. నేడు ‘జాతీయ క్రీడా దినోత్సవం’ రోజున ఉక్కు నగరం విశాఖపట్నంలో కబడ్డీ కూత మొదలు కానుంది. ప్రతీ రోజు రెండు మ్యాచ్‌లు జరుగుతాయి. తొలి పోరు తెలుగు టైటాన్స్, తమిళ్‌ తలైవాస్‌ మధ్య జరుగుతుంది. తర్వాత రెండో మ్యాచ్‌లో బెంగళూరు బుల్స్‌తో పుణేరి పల్టన్‌ తలపడుతుంది. గత సీజన్లలా కాకుండా కొత్త షోకులతో ఈ సీజన్‌ పోటీలు జరుగుతాయి. మ్యాచ్‌ ‘టై’తో కాకుండా ఫలితంలో ముగించేందుకు టై–బ్రేకర్‌ను తీసుకొచ్చారు. లీగ్‌ దశ తర్వాత పాయింట్ల పట్టికలో తొలి 4 జట్లు కాకుండా మొత్తం 8 జట్లు టైటిల్‌ రేసులో ఉండేలా ప్లే ఆఫ్స్‌ను మార్చారు. ఫుట్‌బాల్‌లో పెనాల్టీ షూటౌట్‌ తరహా ఐదు రెయిడ్‌ల షూటౌట్‌ను ఇకపై చూడొచ్చు. జయజయధ్వానాలతో... సీజన్‌ ప్రారంభానికి ముందు గురువారం లీగ్‌లో పాల్గొనే 12 ఫ్రాంచైజీల కెపె్టన్లు భారత సాయుధ బలగాలకు జేజేలు పలికారు. ఇందులో భాగంగా విశాఖ తీరంలో ఉన్న ‘ఐఎన్‌ఎస్‌ కుర్సురా’ జలాంతర్గామిని 12 జట్ల కెపె్టన్లు సందర్శించారు. ఈ సబ్‌ మెరైన్‌ 1971లో జరిగిన భారత్‌–పాకిస్తాన్‌ యుద్ధంలో భారత్‌ విజయంలో కీలక పాత్ర పోషించింది. హైదరాబాద్‌లో ‘కూత’ లేదు ఈ సీజన్‌ లీగ్‌ దశను నాలుగు వేదికల్లో నిర్వహిస్తున్నారు. హైదరాబాద్‌లో ఒక్క మ్యాచ్‌ను ఏర్పాటు చేయలేదు. తెలుగు టైటాన్స్‌ ఆడే మ్యాచ్‌లన్నీ వైజాగ్‌కు తరలించారు. ఈ అంచె పోటీలు సెప్టెంబర్‌ 11న ముగిశాక... జైపూర్‌లో 12 నుంచి 28 వరకు జరుగుతాయి. ఆ మరుసటి రోజే చెన్నై అంచె పోటీలు మొదలై అక్టోబర్‌ 10న ముగుస్తాయి. ఆఖరి లీగ్‌ దశ పోటీలు ఢిల్లీలో 11 నుంచి 23 వరకు జరుగుతాయి. బరిలో 12 ఫ్రాంచైజీలివే... తెలుగు టైటాన్స్, బెంగాల్‌ వారియర్స్, బెంగళూరు బుల్స్, దబాంగ్‌ ఢిల్లీ, గుజరాత్‌ జెయింట్స్, హరియాణా స్టీలర్స్, జైపూర్‌ పింక్‌పాంథర్స్, పట్నా పైరేట్స్, పుణేరి పల్టన్, తమిళ్‌ తలైవాస్, యుముంబా, యూపీ యోధాస్‌. లీగ్‌ దశలో 108 మ్యాచ్‌లు మారిన ఫార్మాట్‌లో 12వ సీజన్‌ను నిర్వహిస్తారు. లీగ్‌ దశలో 108 మ్యాచ్‌లు జరుగుతాయి. 12 ఫ్రాంచైజీలు 18 మ్యాచ్‌ల చొప్పున ఆడతాయి. గెలిచిన జట్టుకు 2 పాయింట్లు. ఓడితే పాయింట్‌ ఉండదు. బోనస్‌ పాయింట్‌ను ఎత్తేశారు. కొత్త టై–బ్రేక్‌ పద్ధతిలో స్కోరు సమమైతే గోల్డెన్‌ రెయిడ్‌కు వెళ్లాల్సి ఉంటుంది.

ప్రో కబడ్డీ లీగ్ (PKL) సీజన్ 12 ఆగస్టు 29న వైజాగ్‌లోని రాజీవ్ గాంధీ ఇండోర్ స్టేడియంలో ఘనంగా ప్రారంభం కానుంది. ఈ టోర్నీ ఆరంభ వేడుకలో భారత క్రికెట్‌ యువ సంచలనం వైభవ్‌ సూర్యవంశీ ప్రత్యేక ఆకర్షణగా నిలువనున్నాడు. వైభవ్‌ చేతల మీదుగా ఈ కబడ్డీ పండుగ లాంచ్‌ కానుంది.ఈ వేడుకలో కబడ్డీ దిగ్గజం పర్దీప్ నర్వాల్‌కు (డుబ్కీ కింగ్) ప్రత్యేక సన్మానం జరగనుంది. PKL చరిత్రలో అత్యధిక రైడ్ పాయింట్లు (1801) సాధించిన నర్వాల్.. తన ఆటతీరుతో కబడ్డీకి కొత్త ఒరవడి తీసుకొచ్చాడు. అతని సేవలకు గుర్తుగా ప్రారంభ వేడుకలో ఘనంగా సత్కరించనున్నారు.ఈ వేడుకలు ఆగస్టు 29వ తేదీ సాయంత్రం 7:30 గంటలకు ప్రారంభమవుతాయి. రైడర్ల జంప్‌లా, ఈ వేడుకపై అభిమానుల అంచనాలు కూడా అంబారాన్ని అంటుతున్నాయి. వైభవ్ సూర్యవంశీ, పర్దీప్ నర్వాల్‌ను ఒకే వేదికపై చూసేందుకు క్రికెట్‌, కబడ్డీ అభిమానులు తహతహలాడుతున్నారు. కబడ్డీ అభిమానుల దృష్టంతా వైభవ్‌పైనే ఉంది. వైభవ్‌ 14 ఏళ్ల వయసులోనే ఐపీఎల్‌లో సంచలనాలు సృష్టించి, క్రికెట్‌తో పాటు యావత్‌ క్రీడా ప్రపంచాన్నంతా సంభ్రమాశ్చర్యాలకు గురి చేశాడు. 2025 ఐపీఎల్ సీజన్‌లో రాజస్థాన్ రాయల్స్ తరఫున అరంగేట్రం చేసిన వైభవ్‌.. గుజరాత్ టైటాన్స్‌తో జరిగిన మ్యాచ్‌లో 38 బంతుల్లోనే 101 పరుగులు చేసి సంచలనం సృష్టించాడు. ఆ సీజన్‌ మొత్తం మెరుపులు మెరిపించిన వైభవ్‌ 7 ఇన్నింగ్స్‌ల్లో 206.56 స్ట్రైక్ రేట్‌తో 252 పరుగులు చేశాడు.తొలి రోజు మ్యాచ్‌లుతెలుగు టైటాన్స్ vs తమిళ తలైవాస్బెంగళూరు బుల్స్ vs పునేరి పల్టన్

ముంబై: ప్రొ కబడ్డీ లీగ్‌ (పీకేఎల్‌) ఫార్మాట్‌ మారినట్లు నిర్వాహకులు తెలిపారు. ఈ నెల 29 నుంచి జరిగే 12వ సీజన్‌ పీకేఎల్‌ను మారిన ఫార్మాట్‌ ప్రకారం నిర్వహిస్తారు. మ్యాచ్‌ల్లో రసవత్తర పోటీ పెరిగేందుకు అభిమానులకు ఉత్కంఠభరితమైన అనుభూతిని పంచేందుకు ఈ మార్పులు దోహదం చేస్తాయని నిర్వాహకులు చెబుతున్నారు. కొత్తగా టైబ్రేకర్, గోల్డెన్‌ రెయిడ్‌ నిబంధనలను తీసుకొచ్చారు. గతంలో గోల్డెన్‌ రెయిడ్‌ కేవలం ప్లేఆఫ్స్‌లోనే ఉండేది. ఇప్పుడు లీగ్‌ ఆసాంతం కొనసాగిస్తారు. మ్యాచ్‌ ‘టై’ అయితే కొత్త టైబ్రేకర్‌తో ఫలితం కచ్చితంగా ఫలితం రానుంది.స్కోరు సమమైన పక్షంలో ఒక్కో జట్టుకు ఫుట్‌బాల్‌ తరహాలో 5 రెయిడ్‌ షూటౌట్‌ అవకాశాలిస్తారు. ఇరు జట్లు ఏడుగురు చొప్పున ఆటగాళ్లను నామినేట్‌ చేస్తాయి. ఇందులో ఐదుగురు రెయిడ్‌ చేస్తారు. ‘షూటౌట్‌’ స్కోరు సమమైతే అప్పుడు గోలెడ్‌న్‌ రెయిడ్‌ తెరపైకి వస్తుంది. ఇలాంటి మార్పులతో మ్యాచ్‌లో మరింత నాటకీయత పెరుగుతుందని, ఆటలోనూ పోటీ కూడా అభిమానుల్ని ఆకర్శిస్తుందని పీకేఎల్‌ నిర్వాహకులు భావిస్తున్నారు. ఈ సీజన్‌లో లీగ్‌ దశలో 108 మ్యాచ్‌లుంటాయి. ఒక్కో ఫ్రాంచైజీ జట్టు 18 మ్యాచ్‌లు ఆడుతుంది. పాత పద్ధతిలో ప్లే ఆఫ్స్‌ ఉంటాయి... కానీ ఇకపై పాయింట్ల పట్టికలో మొదటి 8 స్థానాల్లో నిలిచిన జట్లు ప్లేఆఫ్స్‌ చేరతాయి. తద్వారా టైటిల్‌ రేసులో 8 జట్లు పోటీలోనే ఉంటాయి. 5 నుంచి 8వ స్థానంలో నిలిచిన ఫ్రాంచైజీలు ‘ప్లే–ఇన్‌’ మ్యాచ్‌లు ఆడతాయి. గెలిచిన జట్లు ముందంజ వేస్తాయి. అలాగే 3, 4 స్థానాల జట్లు ‘మినీ క్వాలిఫయర్‌’ ఆడతాయి. ఇక్కడ గెలిచిన జట్టు ముందుకెళుతుంది. కానీ ఓడిన జట్టు నిష్క్రమించదు. ఓడిన జట్టుకు ప్లే ఆఫ్స్‌ చేరేందుకు మరో అవకాశముంటుంది. ఈ ప్రక్రియలో మొత్తం మూడు ఎలిమినేటర్‌ మ్యాచ్‌లు జరుగుతాయి. ఇక మొదటి రెండు స్థానాల్లో ఉన్న జట్లు క్వాలిఫయర్‌–1 ఆడతాయి. విజేత జట్టు నేరుగా ఫైనల్‌కు చేరుతుంది. ఓడిన జట్టు క్వాలిఫయర్‌–2 ఆడుతుంది. ఎలిమినేటర్‌ ఫలితాల విజేత క్వాలిఫయర్‌–2కు అర్హత సాధిస్తుంది. అంటే 3 నుంచి 8వ స్థానం వరకు నిలిచే ఏ జట్టయిన ఇకపై ఫైనల్‌కు చేరే అవకాశంఉందన్న మాట!

న్యూఢిల్లీ: ఈనెల 29న ప్రారంభం కానున్న ప్రొ కబడ్డీ లీగ్‌ (పీకేఎల్‌) 12వ సీజన్‌లో పోటీపడే పలు జట్లు తమ కెప్టెన్‌లను ప్రకటించాయి. తమిళ్‌ తలైవాస్‌ కొత్త కెప్టెన్‌గా పవన్‌ సెహ్రావత్, వైస్‌ కెప్టెన్‌గా అర్జున్‌ దేశ్వాల్‌ వ్యవహరిస్తారు. గత సీజన్‌లో తమిళ్‌ తలైవాస్‌ తొమ్మిదో స్థానంలో నిలిచింది. 22 మ్యాచ్‌ల్లో ఆ జట్టు కేవలం ఎనిమిది మ్యాచ్‌ల్లో గెలిచి ‘ప్లే ఆఫ్స్‌’ దశకు అర్హత సాధించడంలో విఫలమైంది. తొమ్మిదో సీజన్‌ వేలంలో తమిళ్‌ తలైవాస్‌ రూ. 2 కోట్ల 26 లక్షలు చెల్లించి పవన్‌ను కొనుగోలు చేసింది. అయితే ఆ సీజన్‌లో పవన్‌ ఆడిన తొలి మ్యాచ్‌లోనే గాయపడి సీజన్‌ మొత్తానికి దూరమయ్యాడు. సీజన్‌ ముగిశాక పవన్‌ను తలైవస్‌ విడుదల చేయగా... తెలుగు టైటాన్స్‌ రూ. 2 కోట్ల 60 లక్షలు వెచ్చించి పవన్‌ను సొంతం చేసుకుంది. రెండు సీజన్లపాటు టైటాన్స్‌కు పవన్‌ ప్రాతినిధ్యం వహించినా ఆశించిన ఫలితాలు రాలేదు. రిజర్వ్‌ బ్యాంక్‌ ఆఫ్‌ ఇండియా ఉద్యోగి అయిన పవన్‌ 2019 దక్షిణాసియా క్రీడల్లో, 2023 ఆసియా చాంపియన్‌షిప్‌లో స్వర్ణ పతకాలు నెగ్గిన భారత జట్టులో సభ్యుడిగా ఉన్నాడు. మరోవైపు మాజీ చాంపియన్‌ పట్నా పైరేట్స్‌ జట్టు కెప్టెన్‌గా అంకిత్‌ జగ్లాన్, వైస్‌ కెప్టెన్‌గా దీపక్‌ సింగ్‌... యూపీ యోధాస్‌ జట్టు కెప్టెన్‌గా సుమిత్‌ సాంగ్వాన్, వైస్‌ కెప్టెన్‌గా అశు సింగ్‌ నియమితులయ్యారు.

సాక్షి, విశాఖపట్నం: కబడ్డీ అభిమానులు ఎంతో ఆసక్తిగా ఎదురుచూస్తున్న ప్రో కబడ్డీ లీగ్ (పీకేఎల్) 12వ సీజన్‌ ఆరంభానికి సమయం సమీపిస్తోంది. ఆగష్టు 29న ప్రారంభం కానున్న ఈ మెగా కబడ్డీ టోర్నమెంట్‌ను నాలుగు ప్రధాన నగరాల్లో నిర్వహించనున్నారు. ఈసారి వైజాగ్, జైపూర్, చెన్నై, ఢిల్లీ నగరాలు 12 జట్లు తలపడే ఈ మెగా లీగ్‌కు ఆతిథ్యం ఇచ్చేందుకు సిద్ధమయ్యాయి.వైజాగ్‌లో గ్రాండ్ ఓపెనింగ్..ప్రొ కబడ్డీ 12వ సీజన్ ప్రారంభ వేడుకలు వైజాగ్‌లోని రాజీవ్ గాంధీ ఇండోర్ స్టేడియంలో అట్టహాసంగా జరగనున్నాయి. ఆగస్టు 29 శుక్రవారం జరిగే తొలి మ్యాచ్‌లో ఆతిథ్య జట్టు తెలుగు టైటాన్స్, తమిళ్ తలైవాస్‌తో తలపడనుంది. అదే రోజు జరిగే రెండో మ్యాచ్‌లో బెంగళూరు బుల్స్, పుణేరి పల్టాన్‌ను ఢీకొట్టనుంది.ఇక ఆగస్టు 30న, తెలుగు టైటాన్స్ మరోసారి బరిలోకి దిగి యూపీ యోధాస్‌తో పోటీపడనుంది. ఆ తర్వాత జరిగే మ్యాచ్‌లో యు ముంబా, గుజరాత్ జెయింట్స్‌తో తలపడనుంది. ఇక సూపర్ సండే 30న తలైవాస్, యు ముంబా మధ్య హోరాహోరీ పోరు జరగనుంది.మరోవైపు.. డిఫెండింగ్ చాంపియన్ హర్యానా స్టీలర్స్ తమ టైటిల్ వేటను బెంగాల్ వారియర్స్ మ్యాచ్‌తో ప్రారంభించనుంది. దాదాపు ఏడేళ్ల విరామం తర్వాత పీకేఎల్ మళ్లీ వైజాగ్‌కు రావడం విశేషం. గతంలో 2018లో ఆరో సీజన్‌కు అంతకుముందు 1,3 వ సీజన్ పోటీలకు అతిథ్యం ఇచ్చిన ఈ నగరంలో ఇప్పుడు మళ్ళీ కబడ్డీ సందడి నెలకొననుంది.చాలా ఆనందంగా ఉందిఈ సందర్భంగా ప్రో కబడ్డీ లీగ్ కమిషనర్ అనుపమ్ గోస్వామి మాట్లాడుతూ, "ప్రో కబడ్డీ లీగ్ ఎదుగుదలలో 12వ సీజన్ ఒక కొత్త అధ్యాయం. ఈ మల్టీ-సిటీ ఫార్మాట్ ద్వారా దేశవ్యాప్తంగా ఉన్న అభిమానుల వద్దకు అత్యుత్తమ కబడ్డీ యాక్షన్‌ను తీసుకువెళ్తున్నాం. ముఖ్యంగా ఈ ఆటకు మంచి ఫ్యాన్ బేస్ ఉన్న విశాఖపట్నంకు తిరిగి రావడం మాకు చాలా ఆనందంగా ఉంది" అని అన్నారు. కాగా 12వ సీజన్ ప్లే ఆఫ్స్ షెడ్యూల్‌ను త్వరలో ప్రకటించనున్నారు.అమెచ్యూర్ కబడ్డీ ఫెడరేషన్ ఆఫ్ ఇండియా (ఏకేఎఫ్ఐ) ఆధ్వర్యంలో మషల్ స్పోర్ట్స్, జియోస్టార్ కలిసి ఈ లీగ్‌ను దేశంలో అత్యంత విజయవంతమైన స్పోర్ట్స్ లీగ్స్ లో ఒకటిగా నిలబెట్టాయి. ప్రో కబడ్డీ లీగ్ మ్యాచ్‌లు స్టార్ స్పోర్ట్స్ నెట్‌వర్క్‌లో ప్రత్యక్ష ప్రసారం కానున్నాయి. జియో హాట్‌స్టార్‌ లో లైవ్ స్ట్రీమ్ అవుతాయి.మిగతా నగరాల్లో షెడ్యూల్జైపూర్వైజాగ్‌లో తొలి అంచె ముగిసిన తర్వాత సెప్టెంబర్ 12 నుంచి జైపూర్‌లోని సవాయ్ మాన్‌సింగ్ ఇండోర్ స్టేడియంలో మ్యాచ్‌లు ప్రారంభమవుతాయి. ఇక్కడ జరిగే తొలి పోరులో జైపూర్ పింక్ పాంథర్స్, బెంగళూరు బుల్స్‌తో తలపడనుంది. 10వ సీజన్‌లో చారిత్రాత్మక 1000వ మ్యాచ్‌కు జైపూర్ ఆతిథ్యం ఇచ్చింది.చెన్నైసెప్టెంబర్ 29 నుంచి చెన్నైలోని ఎస్‌డీఏటీ మల్టీపర్పస్ ఇండోర్ స్టేడియంలో మూడో లెగ్ ప్రారంభమవుతుంది. ఇక్కడ దబాంగ్ ఢిల్లీ కేసీ.. హర్యానా స్టీలర్స్‌తో తలపడనుంది. ఈ మ్యాచ్‌లో స్టార్ రైడర్ నవీన్ కుమార్ తన మాజీ జట్టుపై పోటీపడనుండటం ఆసక్తి రేపుతోంది.ఢిల్లీఅక్టోబర్ 13 నుంచి ఢిల్లీలోని త్యాగరాజ్ స్పోర్ట్స్ కాంప్లెక్స్‌లో లీగ్ చివరి దశ మ్యాచ్‌లు జరుగుతాయి. ప్లేఆఫ్స్‌కు ముందు అభిమానులకు మరింత వినోదాన్ని పంచేందుకు, ఈ దశలో ట్రిపుల్ హెడర్ (రోజుకు మూడు మ్యాచ్‌లు) మ్యాచ్‌లు కూడా నిర్వహించనున్నారు.

ముంబై: ప్రొ కబడ్డీ లీగ్‌ (పీకేఎల్‌) 12వ సీజన్‌ ఈ ఏడాది ఆగస్టు 29 నుంచి ప్రారంభం కానుంది. ఇటీవల పీకేఎల్‌ వేలం ముగియగా... అన్ని ఫ్రాంచైజీలు జట్లను సిద్ధం చేసుకున్నాయి. త్వరలోనే వేదికలతో పాటు సీజన్‌ షెడ్యూల్‌ను విడుదల చేయనున్నట్లు నిర్వాహకులు తెలిపారు. ‘12 ఫ్రాంచైజీలు వేలంలో తమ తమ జట్లను బలోపేతం చేసుకున్నాయి. 12వ సీజన్‌ కోసం అన్నీ జట్లు సమాయత్తమవుతున్నాయి. గతం కంటే మరింత రసవత్తరంగా మ్యాచ్‌లు జరగడం ఖాయం’ అని నిర్వాహకులు వెల్లడించారు. మే 31, జూన్‌ 1న ముంబై వేదికగా పీకేఎల్‌ వేలం పాట జరగగా... రికార్డు స్థాయిలో 10 మంది ఆటగాళ్లు కోటి రూపాయాల కంటే ఎక్కువ ధర దక్కించుకున్నారు. వచ్చే నెల ఆఖరులో ప్రారంభం కానున్న పీకేఎల్‌లో హర్యానా స్టీలర్స్‌ డిఫెండింగ్‌ చాంపియన్‌గా బరిలోకి దిగనుంది. ఇక గత సీజన్‌లో 22 మ్యాచ్‌లాడిన తెలుగు టైటాన్స్‌... 12 విజయాలు, 10 పరాజయాలతో పట్టికలో ఏడో స్థానానికి పరిమితమైంది.

న్యూఢిల్లీ: మనదేశంలో విశేషాదరణ చూరగొన్న ప్రొ కబడ్డీ లీగ్‌ (పీకేఎల్‌) త్వరలో విశ్వవ్యాప్తంగా కూత పెట్టేందుకు ముస్తాబైంది. ప్రపంచ సూపర్‌ కబడ్డీ లీగ్‌ (డబ్ల్యూఎస్‌కేఎల్‌)కు వచ్చే ఏడాది నుంచి శ్రీకారం చుట్టనున్నట్లు నిర్వాహకులు ప్రకటించారు. ప్రారంభ ప్రపంచ లీగ్‌ దుబాయ్‌లో వచ్చే ఫిబ్రవరి, మార్చి నెలలో నిర్వహించేందుకు ప్రణాళికలు రూపొందిస్తున్నారు. అంతర్జాతీయ కబడ్డీ సమాఖ్య (ఐకేఎఫ్‌) భాగస్వామ్యంతో ఫ్రాంచైజీ లీగ్‌ నిర్వహిస్తామని డబ్ల్యూఎస్‌కేఎల్‌ వర్గాలు తెలిపాయి.మొత్తం ఎనిమిది ఫ్రాంచైజీల్లో పటిష్టమైన భారత బలగం ప్రధాన భూమిక పోషించనుంది. ‘ఒక్క భారత్‌లోనే కాదు... ప్రపంచస్థాయిలోనే కబడ్డీ క్రీడా ఎంతో ఎదిగింది. అంతర్జాతీయ క్రీడల్లో మన గ్రామీణ ఆట ప్రముఖ స్థానం సంపాదించుకుంది. పీకేఎల్‌ ద్వారా దేశంలో సంపాదించుకున్న అభిమాన దళాన్ని ఇక మీదట ప్రపంచ వ్యాప్తంగా సంపాదించుకునేందుకు వరల్డ్‌ సూపర్‌ కబడ్డీ లీగ్‌ దోహదం చేస్తుంది.తద్వారా భవిష్యత్తులో అంతర్జాతీయ ఒలింపిక్‌ కమిటీ (ఐఓసీ) గుర్తింపు కూడా పొందాలన్నదే మా ప్రధాన లక్ష్యం’ అని ఎస్‌జే కబడ్డీ ప్రైవేట్‌ లిమిటెడ్‌ వ్యవస్థాపకుడు శాంభవ్‌ జైన్‌ తెలిపారు. ఈ సంస్థ ఆధ్వర్యంలోనే డబ్ల్యూఎస్‌కేఎల్‌ టోర్నీ జరగనుంది. అంతర్జాతీయ కబడ్డీలో రాణిస్తున్న దక్షిణ కొరియా, ఇరాన్, థాయ్‌లాండ్, పాకిస్తాన్, మలేసియా, జపాన్, కెనడా, అమెరికా దేశాల కబడ్డీ సమాఖ్యలు ఈ లీగ్‌పై ఆసక్తి కనబరుస్తున్నాయని ఆయన చెప్పారు. ఒక్కో ఫ్రాంచైజీ ఆటగాళ్ల కొనుగోలు కోసం రూ. 48 కోట్ల పర్సు కలిగి ఉంటుంది. ముందుగా ఎనిమిది ఫ్రాంచైజీల ఎంపిక అనంతరం పూర్తిస్థాయి వివరాలు వెల్లడవుతాయని ఆయన పేర్కొన్నారు.

ముంబై: ప్రొ కబడ్డీ లీగ్‌ సీజన్‌–12 కోసం జరిగిన వేలంలో ఆటగాళ్ల పంట పండింది. లీగ్‌ వేలం చరిత్రలో ఒకే సీజన్‌లో తొలిసారి 10 మందికి పైగా ఆటగాళ్లు రూ. 1 కోటికి మించి విలువ పలకడం విశేషం. గత సీజన్‌లో ‘అత్యంత విలువైన ఆటగాడి’ అవార్డు పొందిన ఇరాన్‌ ప్లేయర్‌ మొహమ్మద్‌ రెజా షాద్‌లుయికి రికార్డు స్థాయిలో రూ. 2.23 కోట్లు దక్కడం విశేషం. ఈ భారీ మొత్తానికి గుజరాత్‌ జెయింట్స్‌ రెజాను సొంతం చేసుకుంది. వరుసగా మూడు సీజన్లోనూ రూ. 2 కోట్లకు మించిన ధర పలికిన ఆటగాడిగా రెజా నిలవడం అతని స్థాయిని చూపిస్తోంది. భారత ఆటగాళ్లలో దేవాంక్‌ దలాల్‌ టాపర్‌గా నిలిచాడు. అతడిని వేలంలో బెంగాల్‌ వారియర్స్‌ రూ. 2.20 కోట్లకు గెలుచుకుంది. గత సీజన్‌లో దేవాంక్‌ బెస్ట్‌ రైడర్‌గా నిలిచి పట్నా పైరేట్స్‌ ఫైనల్‌ చేరడంలో కీలక పాత్ర పోషించాడు. తెలుగు టైటాన్స్‌ జట్టు వేలంలో భరత్‌ (రూ.81.50 లక్షలు), విజయ్‌ మలిక్‌ (రూ.51.50 లక్షలు), శుభమ్‌ షిండే (రూ. 80 లక్షలు)లను ఎంచుకుంది.

ఐపీఎల్‌ తర్వాత ప్రేక్షకాదరణలో రెండో స్థానంలో నిలిచిన ప్రొ కబడ్డీ లీగ్‌ (PKL) 12వ సీజన్‌కు ముందు ఆటగాళ్ల వేలం ప్రక్రియకు నిర్వాహకులు సర్వం సిద్ధం చేస్తున్నారు. దబంగ్‌ ఢిల్లీ స్టార్‌ రెయిడర్‌ నవీన్‌ కుమార్‌ (Naveen Kumar) తొలిసారి పీకేఎల్‌ వేలానికి వచ్చాడు. అతడిపై కన్నేసిన ఫ్రాంఛైజీలుకాగా దబంగ్‌ ఢిల్లీ (Dabang Delhi) 8వ సీజన్‌లో విజేతగా నిలిచింది. ఈ ఫ్రాంచైజీ తరఫున ఆరు సీజన్లు ఆడిన నవీన్‌ 1102 రెయిడింగ్‌ పాయింట్లు సాధించాడు. అలాంటి ఆటగాడిని ఢిల్లీ వదిలేసుకోవడంతో మిగతా ఫ్రాంచైజీలు అతనిపై కన్నేశాయి.ఇలా విడుదల, అట్టిపెట్టుకున్న ఆటగాళ్లకు సంబంధించిన పూర్తి వివరాలను 12 ఫ్రాంచైజీలు ప్రకటించాయి. అన్ని ఫ్రాంచైజీలు కలిపి 83 మందిని రిటెయిన్‌ (అట్టిపెట్టుకోవడం) చేసుకున్నాయి. నాలుగు కేటగిరీలుమొత్తం నాలుగు కేటగిరీలుగా ఆటగాళ్లను అట్టిపెట్టుకునే వీలుంది. ఎ, బి, సి, డిగా విభజించిన రిటెయినర్లలో ఎ ఆటగాడికి రూ. 30 లక్షలు, బి ప్లేయర్‌కు రూ. 20 లక్షలు, సి, డి ఆటగాళ్లకు వరుసగా రూ. 13 లక్షలు, రూ. 9 లక్షలు చెల్లించాల్సివుంటుంది.ఒక్కో ఫ్రాంచైజీ గరిష్ట పరిమితి రూ. 5 కోట్లకు లోబడే రిటెయిన్‌ మొత్తాన్ని తీసివేయగా మిగిలిన మొత్తంతో ఆటగాళ్లను వేలంలో కొనుగోలు చేయాల్సి ఉంటుంది. ముంబైలో ఈ నెల 31, జూన్‌ 1 తేదీల్లో రెండు రోజుల పాటు కబడ్డీ ఆటగాళ్ల వేలం పాట జరుగనుంది.ఫ్రాంఛైజీలు అట్టిపెట్టుకున్న ప్లేయర్లుబెంగాల్‌ వారియర్స్‌: విశ్వాస్, యశ్‌ మలిక్, మన్‌జీత్, దీప్‌ కుమార్, సుశీల్‌ కాంబ్రేకర్‌. బెంగళూరు బుల్స్‌: చంద్ర నాయక్, లక్కీ కుమార్, మన్‌జీత్, పంకజ్‌. దబంగ్‌ ఢిల్లీ: సందీప్, మోహిత్‌. గుజరాత్‌ జెయింట్స్‌: హిమాన్షు సింగ్, హిమాన్షు, ప్రతీక్‌ దహియా, రాకేశ్‌. హరియాణా స్టీలర్స్‌: రాహుల్‌ సెప్తాల్, వినయ్, శివమ్‌ అనీల్, జైదీప్, జయసూర్య, విశాల్‌ తటే, సాహిల్‌ మనికందన్, వికాస్‌ రామదాస్‌ జాదవ్‌. జైపూర్‌ పింక్‌పాంథర్స్‌: రెజా మిర్బాఘెరి, అభిషేక్, రోనక్‌ సింగ్, నితిన్‌ కుమార్, సోంబిర్, రితిక్‌ శర్మ. పట్నా పైరేట్స్‌: హమిద్‌ మిర్జాయి నదిర్, త్యాగరాజన్‌ యువరాజ్, సుధాకర్, అయాన్, నవ్‌దీప్, దీపక్, సాహిల్‌ పాటిల్‌. పుణేరి పల్టన్‌: అభినేశ్, గౌరవ్‌ ఖత్రి, పంకజ్‌ మోహితే, అస్లామ్‌ ముస్తఫా, మోహిత్‌ గోయత్, దాదాసొ శివాజీ పూజారి, ఆదిత్య తుషార్‌ షిండే. తమిళ్‌ తలైవాస్‌: మొయిన్‌ షఫాగి, హిమాన్షు, సాగర్, నితేశ్‌ కుమార్, నరేందర్, రోనక్, విశాల్‌ చహల్, ఆశిష్, అనూజ్‌ గవాడే, ధీరజ్‌ రవీంద్ర బైల్మరే. తెలుగు టైటాన్స్‌: శంకర్‌ భీమ్‌రాజ్, అజిత్‌ పాండురంగ పవార్, అంకిత్, ప్రఫుల్‌ జవారే, సాగర్‌ చేతన్‌ సాహు, నితిన్, రోహిత్‌. యు ముంబా: సునీల్‌ కుమార్, రోహిత్, అమిర్‌ మొహమ్మద్, సతీశ్‌ కన్నన్, ముకిలన్‌ షణ్ముగమ్, అజిత్‌ చౌహాన్, దీపక్‌ కుండు, లోకేశ్‌ గోస్లియా, సన్నీ.యూపీ యోధాస్‌: సుమిత్, భవానీ రాజ్‌పుత్, సాహుల్‌ కుమార్, సురేందర్‌ గిల్, అషు సింగ్, హితేశ్‌ గగన గౌడ, శివమ్‌ చౌదరి, జయేశ్‌ వికాస్‌ మహాజన్, గంగారామ్, సచిన్, కేశవ్‌ కుమార్‌.చదవండి: Football Tournament: ఉత్కంఠ పోరులో భార‌త్ విజ‌యం..

ముంబై: ప్రొ కబడ్డీ లీగ్‌ (Pro Kabaddi League) 12వ సీజన్‌కు ముందు ఆటగాళ్ల వేలం ప్రక్రియను ఈ నెల 31, జూన్‌ 1 తేదీల్లో నిర్వహించేందుకు నిర్వాహకులు ఏర్పాట్లు చేస్తున్నారు. ముంబైలో నిర్వహించే ఈ వేలానికి సంబంధించిన సమాచారాన్ని ఇదివరకే 12 ఫ్రాంచైజీ యాజమాన్యాలకు తెలియజేశామని నిర్వాహకులు వెల్లడించారు. కాగా 2014 నుంచి ఇప్పటివరకు జరిగిన 11 సీజన్లలో 8 వేర్వేరు జట్లు టైటిళ్లు గెలుపొందడం విశేషం. ఈ నేపథ్యంలో కబడ్డీ లీగ్‌లో పలానా జట్టు ఫేవరెట్‌ అనే మాటే లేకుండా ప్రతీ జట్టు టైటిల్‌ కోసం పోరాడుతూనే ఉంది. దీంతో యేటికేడు కబడ్డీ కూతకు ఆదరణ అంతకంతకు పెరుగుతూనే ఉండటం విశేషం. బెంగాల్‌ వారియర్స్‌ కోచ్‌గా నవీన్‌ ఈ ఏడాది జరిగే 12వ సీజన్‌ పీకేఎల్‌ కోసం బెంగాల్‌ వారియర్స్‌ తమ జట్టు హెడ్‌ కోచ్‌గా నవీన్‌ కుమార్‌ను నియమించింది. ప్రస్తుతం కోచ్‌గానే కాదు... అంతకుముందు ఆటగాడిగాను అతనికి మంచి రికార్డు ఉంది. దక్షిణాసియా క్రీడలు (2006), ఆసియా క్రీడలు (2006), కబడ్డీ ప్రపంచకప్‌ (2007), ఆసియా ఇండోర్‌ క్రీడల్లో (2007) భారత్‌ స్వర్ణాలు గెలిచిన బృందంలో అతను సభ్యుడిగా ఉన్నాడు. కోచ్‌గానూ నిరూపించుకున్నాడు.గతంలో అతను భారత జాతీయ, దేశవాళీ జట్లకు కోచింగ్‌ సేవలందించాడు. భారత నేవి, స్పోర్ట్స్‌ అథారిటీ (సాయ్‌) జట్లకు కోచ్‌గా వ్యవహించాడు. ఆటలో కడదాకా కనబరిచే పోరాటస్ఫూర్తి, ఏ దశలోనూ కుంగిపోని సానుకూల దృక్పథం అతన్ని మేటి కోచ్‌గా నిలబెడుతోంది. 12 ఫ్రాంచైజీలు తలపపడిన గత సీజన్‌లో బెంగాల్‌ పదో స్థానంతో నిరాశపరిచింది.ఈ నేపథ్యంలో వేలానికి ముందే అతన్ని నియమించుకోవడం ద్వారా సరైన ఆటగాళ్ల కొనుగోలు, జట్టు కూర్పు, పటిష్టమైన దళాన్ని తయారు చేసుకోవడానికి కావాల్సినంత సమయం లభిస్తుందని ఫ్రాంచైజీ యాజమాన్యం భావించింది. బెంగాల్‌కు కోచింగ్‌ పట్ల నవీన్‌ కుమార్‌ హర్షం వ్యక్తం చేశాడు. ఈ అవకాశాన్ని ఉపయోగించుకొని వారియర్స్‌ను దీటైన జట్టుగా, బరిలో ఎదురులేని ప్రత్యర్థిగా తయారు చేసేందుకు తన వంతు కృషి చేస్తానన్నాడు. చదవండి: రోహిత్‌ తల్లిదండ్రులు కన్నీటి పర్యంతం.. మామగారి వెనుక దాక్కున్న రితిక!

ప్రొ కబడ్డీ లీగ్‌ (పీకేఎల్‌)లో రెండోసారి చాంపియన్‌గా అవతరించేందుకు యు ముంబా జట్టు ప్రణాళికలు సిద్ధం చేస్తోంది. తొలి మూడు సీజన్‌లలో ఫైనల్‌కు చేరుకోవడంతోపాటు ఒకసారి విజేతగా (2015లో), రెండుసార్లు రన్నరప్‌గా (2014, 2016) నిలిచిన యు ముంబా జట్టు ఆ తర్వాత వెనుకబడిపోయింది. గత మూడు సీజన్‌లలో అయితే యు ముంబా జట్టు పూర్తిగా నిరాశపరిచింది. రెండుసార్లు పదో స్థానంలో, ఒకసారి తొమ్మిదో స్థానంతో సరిపెట్టుకుంది.ఈ నేపథ్యంలో యు ముంబా మళ్లీ టైటిల్‌ ట్రాక్‌లో పడాలనే ఉద్దేశంలో ఫ్రాంచైజీ శిక్షణ బృందంలో మార్పులు చేసింది. భారత జట్టు మాజీ కెప్టెన్‌, మూడు ఆసియా క్రీడల స్వర్ణ పతక విజేత జట్టు సభ్యుడు రాకేశ్‌ కుమార్‌ను కొత్త హెడ్‌ కోచ్‌గా నియమించింది. మూడో పీకేఎల్‌ సీజన్‌లో యు ముంబా జట్టుతో చేరిన రాకేశ్‌... అంతకుముందు పట్నా పైరేట్స్‌ తరఫున ఆడాడు. ఆ తర్వాత 2017లో తెలుగు టైటాన్స్‌ జట్టుకు ప్రాతినిధ్యం వహించాడు.‘కింగ్‌ ఆఫ్‌ కబడ్డీ’గా పేరొందిన రాకేశ్‌ను తమ జట్టుకు హెడ్‌ కోచ్‌గా నియమించినందుకు ఆనందంగా ఉందని యు ముంబా సీఈఓ సుహైల్‌ చందోక్‌ తెలిపారు. ‘ఈసారి హెడ్‌ కోచ్‌గా యు ముంబా జట్టుతో చేరినందుకు సంతోషంగా ఉంది. వచ్చే సీజన్‌లో యు ముంబాకు మంచి ఫలితాలు అందించేందుకు నా శక్తివంచన లేకుండా కృషి చేస్తా’ అని 41 ఏళ్ల రాకేశ్‌ వ్యాఖ్యానించాడు. గతంలో హరియాణా స్టీలర్స్‌ జట్టుకు, ఇండియన్‌ రైల్వేస్‌ జట్టుకు కోచ్‌గా వ్యవహరించిన రాకేశ్‌ 2006, 2010, 2014 ఆసియా క్రీడల్లో స్వర్ణ పతకాలు నెగ్గిన భారత జట్టులో సభ్యుడిగా ఉన్నాడు. మరిన్ని క్రీడా వార్తలువరల్డ్‌ కప్‌ షాట్‌గన్‌ టోర్నీకి కైనన్‌ న్యూఢిల్లీ: హైదరాబాద్‌ సీనియర్‌ ట్రాప్‌ షూటర్‌ కైనన్‌ చెనాయ్‌ ఈ సీజన్‌ను వరల్డ్‌ కప్‌ టోర్నీతో మొదలు పెట్టనున్నాడు. అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) ఆధ్వర్యంలో జరిగే సీజన్‌ మూడో వరల్డ్‌కప్‌లో పాల్గొనే 12 మంది సభ్యులతో కూడిన భారత షాట్‌గన్‌ జట్టును సోమవారం నేషనల్‌ రైఫిల్‌ అసోసియేషన్‌ ఆఫ్‌ ఇండియా (ఎన్‌ఆర్‌ఏఐ) ప్రకటించింది. సైప్రస్‌ రాజధాని నికోసియాలో మే 3 నుంచి 12వ తేదీ వరకు ఈ సీజన్‌లోని మూడో షాట్‌గన్‌ వరల్డ్‌కప్‌ టోర్నీ జరుగుతుంది.జాతీయ సెలెక్షన్‌ పాలసీ ప్రకారం భారత ర్యాంకింగ్స్‌లో 4 నుంచి 6 స్థానాల మధ్య ఉన్న షూటర్లను మూడో వరల్డ్‌కప్‌ టోర్నీకి ఎంపిక చేశారు. 34 ఏళ్ల కైనన్‌ 2016 రియో ఒలింపిక్స్‌లో ట్రాప్‌ ఈవెంట్‌లో భారత జట్టు తరఫున బరిలోకి దిగాడు. గత 15 ఏళ్లుగా భారత జట్టుకు ప్రాతినిధ్యం వహిస్తున్న కైనన్‌ తన కెరీర్‌లో వరల్డ్‌ కప్‌ టోర్నీలలో ఒక స్వర్ణం, ఒక రజతం, ఒక కాంస్యంతో కలిపి 3 పతకాలు... ఆసియా చాంపియన్‌షిప్‌లో మూడు రజతాలు, ఒక కాంస్యంతో కలిపి 4 పతకాలు సాధించాడు. అర్జెంటీనా, పెరూలలో రైఫిల్, పిస్టల్, షాట్‌గన్‌ ఈవెంట్స్‌తో కూడిన రెండు వరల్డ్‌కప్‌లు జరుగుతాయి. అనంతరం సైప్రస్‌లో కేవలం షాట్‌గన్‌ ఈవెంట్‌లో మాత్రమే వరల్డ్‌కప్‌ జరుగుతుంది.భారత షూటింగ్‌ జట్టు: పురుషుల ట్రాప్‌ వ్యక్తిగత విభాగం: కైనన్‌ చెనాయ్, శార్దుల్‌ విహాన్, భౌనీశ్‌ మెండిరట్టాపురుషుల స్కీట్‌ విభాగం: మేరాజ్‌ అహ్మద్‌ ఖాన్, అభయ్‌ సింగ్‌ సెఖోన్, రితురాజ్‌ సింగ్‌ బుండేలామహిళల ట్రాప్‌ వ్యక్తిగత విభాగం: సబీరా హారిస్, కీర్తి గుప్తా, రాజేశ్వరి కుమారి. మహిళల స్కీట్‌ విభాగం: యశస్వి రాథోడ్, మహేశ్వరి చౌహాన్, పరినాజ్‌ ధలివాల్‌ట్రాప్‌ మిక్స్‌డ్‌ టీమ్‌: కైనన్‌ చెనాయ్, సబీరా హారిస్, శార్దుల్‌ విహాన్, కీర్తి గుప్తా. భారత మహిళల జట్టుకు తొలి ఓటమి షార్జా: పింక్‌ లేడీస్‌ కప్‌ అంతర్జాతీయ మహిళల ఫుట్‌బాల్‌ టోర్నమెంట్‌లో భారత జట్టుకు తొలి పరాజయం ఎదురైంది. రష్యా జట్టుతో జరిగిన రెండో లీగ్‌ మ్యాచ్‌లో భారత జట్టు 0–2 గోల్స్‌ తేడాతో ఓడిపోయింది. రష్యా తరఫున గ్లాఫిరా జుకోవా (25వ నిమిషంలో), వాలెంటీనా స్మిర్నోవా (90+2వ నిమిషంలో) ఒక్కో గోల్‌ సాధించారు. ప్రపంచ ర్యాంకింగ్స్‌లో 27వ స్థానంలో ఉన్న రష్యా జట్టు ఆద్యంతం ఆధిపత్యం చలాయించింది.తొలి మూడు నిమిషాల్లోనే రష్యా గోల్‌ చేసినంత పని చేసింది. కానీ రష్యా ప్లేయర్లు కొట్టిన షాట్‌లు గురి తప్పాయి. భారత్‌ తరఫున మనీషా 31వ నిమిషంలో కొట్టిన షాట్‌ను రష్యా గోల్‌కీపర్‌ కీరా పెతుకోవా నిలువరించింది. రెండో అర్ధభాగంలో భారత జట్టు పక్కా ప్రణాళికతో ఆడి రష్యా జోరుకు అడ్డకట్ట వేసింది. అయితే ఇంజ్యూరీ సమయంలో మరో గోల్‌ను సమర్పించుకుంది.భారత జట్టుకు ఆడుతున్న తెలంగాణ అమ్మాయి గుగులోత్‌ సౌమ్య ఈ మ్యాచ్‌లో 68 నిమిషాలు మైదానంలో ఉంది. ఆ తర్వాత సౌమ్య స్థానంలో మౌసుమి ముర్ము సబ్‌స్టిట్యూట్‌గా వచ్చింది. ప్రపంచ ర్యాంకింగ్స్‌లో 69వ స్థానంలో ఉన్న భారత జట్టు ఈ టోర్నీలోని తొలి మ్యాచ్‌లో 2–0తో జోర్డాన్‌ జట్టుపై గెలిచింది. భారత జట్టు తమ చివరి లీగ్‌ మ్యాచ్‌ను బుధవారం దక్షిణ కొరియా జట్టుతో ఆడుతుంది.

ప్రొ కబడ్డీ లీగ్‌ (పీకేఎల్‌)–11వ సీజన్‌ ఛాంపియన్స్‌గా హరియాణా స్టీలర్స్‌ నిలిచింది. ఆదివారం ముంబై వేదికగా జరిగిన ఫైనల్‌లో పాట్నా పైరేట్స్‌ను 32-23 తేడాతో చిత్తు చేసిన హరియాణా.. తొలిసారి పీకేఎల్‌ ట్రోఫీని ముద్దాడింది.హరియాణా విజేతగా నిలవడంలో శివం పటారే కీలక పాత్ర పోషించాడు. శివం పటారే ఆల్‌రౌండ్‌ షోతో అదరగొట్టాడు. 21 ఏళ్ల పటారే నాలుగు టాకిల్స్‌ పాయింట్స్‌, ఐదు టచ్‌ పాయింట్లతో సత్తాచాటాడు. అతడితో పాటు మొహమ్మద్రెజా షాడ్లోయ్ 5 టాకిల్స్‌తో ప్రత్యర్ధి జట్టును ఉక్కిరి బిక్కిరి చేశాడు. మరోవైపు రన్నరప్‌గా నిలిచిన పాట్నా పైరేట్స్‌లో రైడర్‌ దేవాంక్‌(5 టచ్‌ పాయింట్లు), గురుదీప్‌​ సింగ్‌(6 టాకిల్‌ పాయంట్లు) మినహా మిగితా అందరూ తీవ్ర నిరాశపరిచారు. ఇక​ టోర్నీ అసాంతం హరియాణా అద్బుతమైన ప్రదర్శన కనబరిచింది. ఈ మెగా ఈవెంట్‌లో 22 మ్యాచ్‌లు ఆడిన హరియాణా 16 విజయాలు సాధించగా.. ఆరింట ఓటమి చవిచూసింది. ప్రొ కబడ్డీ లీగ్‌-2024 సీజన్‌ ఆరంభం నుంచి ఆఖరి వరకు టేబుల్‌ టాపర్‌గానే హరియాణా(84 పాయింట్లు) కొనసాగింది. Presenting to you the 🌟 #𝐏𝐊𝐋𝟏𝟏 𝐂𝐇𝐀𝐌𝐏𝐈𝐎𝐍𝐒 🌟@HaryanaSteelers win their maiden #ProKabaddi title 🏆💙#ProKabaddiOnStar #LetsKabaddi #PKLFinal #HaryanaSteelers #PatnaPirates pic.twitter.com/m5xDX2QJlW— ProKabaddi (@ProKabaddi) December 29, 2024

పుణే: రెండు నెలలకు పైగా క్రీడాభిమానులను ఉర్రూతలూగించిన ప్రొ కబడ్డీ లీగ్‌ (పీకేఎల్‌)–11వ సీజన్‌ తుది అంకానికి చేరుకుంది. ఆదివారం పుణేలోని ఛత్రపతి స్పోర్ట్స్‌ కాంప్లెక్స్‌ వేదికగా... హరియాణా స్టీలర్స్‌తో మాజీ చాంపియన్‌ పట్నా పైరేట్స్‌ టైటిల్‌ కోసం తలపడనుంది. వరుసగా రెండోసారి ఫైనల్‌ చేరిన హరియాణా స్టీలర్స్‌... ఇప్పటికే మూడుసార్లు టైటిల్‌ ముద్దాడిన పట్నా మధ్య రసవత్తర పోరు ఖాయమే. తొలిసారి చాంపియన్‌గా నిలవాలనుకుంటున్న హరియాణా స్టీలర్స్‌కు జైదీప్‌ సారథ్యం వహిస్తుండగా... మన్‌ప్రీత్‌ సింగ్‌ కోచ్‌గా వ్యవహరిస్తున్నాడు. లీగ్‌ దశలో తిరుగులేని ఆధిపత్యం కనబరుస్తూ నేరుగా సెమీఫైనల్‌కు చేరిన స్టీలర్స్‌... తుదిపోరులోనూ అదే జోరు కనబర్చాలని కృతనిశ్చయంతో ఉంది. స్టీలర్స్‌ తరఫున శివమ్‌ పాతరె, వినయ్, జైదీప్‌ పై భారీ అంచనాలు ఉన్నాయి. ముఖ్యంగా యూపీ యోధాస్‌తో హోరాహోరీగా సాగిన సెమీఫైనల్లో కీలక పాయింట్లు సాధించి జట్టును విజయ తీరాలకు చేర్చిన శివమ్, వినయ్‌ ఈ మ్యాచ్‌లోనూ రాణించాలని స్టీలర్స్‌ మేనేజ్‌మెంట్‌ ఆశిస్తోంది. డిఫెన్స్‌లో రాహుల్, సంజయ్‌ కీలకం కానున్నారు. మరోవైపు గతంలో వరుసగా మూడు సార్లు పీకేఎల్‌ ట్రోఫీ చేజిక్కించుకున్న పట్నా... ఇప్పుడు నాలుగో టైటిల్‌ ఖాతాలో వేసుకోవాలని తహతహలాడుతోంది. యువ ఆటగాళ్లు దేవాంక్‌ దలాల్, అయాన్‌ లోచాబ్‌ రాణించడంతో వరుస విజయాలతో ఫైనల్‌కు చేరిన పైరేట్స్‌.. అదే జోష్‌లో టైటిల్‌ పట్టాలని చూస్తోంది.

పుణే: ప్రొ కబడ్డీ లీగ్‌లో హరియాణా స్టీలర్స్‌ వరుసగా రెండోసారి ఫైనల్‌కు దూసుకెళ్లింది. శుక్రవారం జరిగిన తొలి సెమీఫైనల్లో హరియాణా స్టీలర్స్‌ 28–25 పాయింట్ల తేడాతో యూపీ యోధాస్‌ను ఓడించింది. తాజా సీజన్‌లో తిరుగులేని ఆధిపత్యంతో గ్రూప్‌ దశలో అగ్రస్థానంలో నిలిచిన హరియాణా స్టీలర్స్‌ సెమీస్‌లోనూ అదే జోరు కొనసాగించింది. ఆద్యంతం హోరాహోరీగా సాగిన పోరులో తొలి అర్ధభాగం ముగిసే సమయానికి హరియాణా 12–11తో ముందంజలో నిలిచింది. ద్వితీయార్ధంలో ప్రత్యర్థిని ఆలౌట్‌ చేసి ఒత్తిడిలోకి నెట్టి చివరి వరకు దాన్ని కొనసాగించి స్టీలర్స్‌ తుదిపోరుకు చేరింది. హరియాణా తరఫున శివమ్‌ పతారె 7, వినయ్‌ 6 రెయిడ్‌ పాయింట్లు సాధించారు. రాహుల్‌ సత్పాల్‌ (5 పాయింట్లు) ట్యాక్లింగ్‌లో అదరగొట్టాడు. ఓవరాల్‌గా ఈ మ్యాచ్‌లో స్టీలర్స్‌ 15 రెయిడ్‌ పాయింట్లు సాధించగా... యూపీ యోధాస్‌ 18 రెయిడ్‌ పాయింట్లు ఖాతాలో వేసుకుంది. అయితే డిఫెన్స్‌లో మెరుగైన ప్రదర్శన చేసిన స్టీలర్స్‌ ప్రత్యర్థిని ఒకసారి ఆలౌట్‌ చేయడంతో పాటు మరో రెండు ఎక్స్‌ట్రా పాయింట్లు సాధించి ముందంజ వేసింది. యూపీ యోధాస్‌ తరఫున స్టార్‌ రెయిడర్‌ గగన్‌ గౌడ 10 పాయింట్లతో పోరాడగా... భవానీ రాజ్‌పుత్, హితేశ్‌ చెరో 5 పాయింట్లు సాధించారు. రెండో సెమీఫైనల్లో మూడుసార్లు చాంపియన్‌ పట్నా పైరెట్స్‌ 32–28 పాయింట్ల తేడాతో మరో మాజీ చాంపియన్‌ దబంగ్‌ ఢిల్లీపై గెలుపొందింది.ఆధిక్యం చేతులు మారుతూ సాగిన పోరులో ఆఖర్లో ఒత్తిడిని అధిగమించిన పైరేట్స్‌ విజయతీరానికి చేరింది. పట్నా తరఫున దేవాంక్, అయాన్‌ చెరో 8 పాయింట్లు సాధించగా... శుభమ్‌ షిండే (5 పాయింట్లు), అంకిత్‌ (4 పాయింట్లు) రాణించారు. ఢిల్లీ జట్టు తరఫున అశు మలిక్‌ (9 పాయింట్లు), మోహిత్‌ దేశ్వాల్‌ (7 పాయింట్లు) పోరాడారు. ఆదివారం జరగనున్న తుదిపోరులో హరియాణా స్టీలర్స్‌తో పట్నా పైరేట్స్‌ తలపడనుంది.

పుణే: గత ఏడాది ప్రొ కబడ్డీ లీగ్‌లో 11వ స్థానంతో సరిపెట్టుకున్న యూపీ యోధాస్‌ ఈసారి మాత్రం సెమీఫైనల్లోకి దూసుకెళ్లింది. గురువారం జరిగిన తొలి ఎలిమినేటర్‌ మ్యాచ్‌లో యూపీ యోధాస్‌ 46–18 పాయింట్ల తేడా మాజీ చాంపియన్‌ జైపూర్‌ పింక్‌ పాంథర్స్‌ జట్టును చిత్తుగా ఓడించింది. రెయిడర్‌ భవానీ రాజ్‌పుత్‌ 12 పాయింట్లతో మెరిసి యూపీ యోధాస్‌ను సెమీఫైనల్‌కు చేర్చాడు. హితేశ్‌ 6 పాయింట్లు రాబట్టగా... గగన్‌ గౌడ, సుమిత్‌ 5 పాయింట్ల చొప్పున సాధించారు. భవానీ రాజ్‌పుత్‌ 14 సార్లు రెయిడింగ్‌కు వెళ్లాడు. 9 సార్లు పాయింట్లతో తిరిగి వచ్చాడు. రెండుసార్లు దొరికిపోగా, మూడుసార్లు పాయింట్‌ సాధించకుండానే వెనక్కి వచ్చాడు. మరోవైపు పింక్‌ పాంథర్స్‌ జట్టు సమష్టిగా విఫలమైంది. ఆ జట్టు రెయిడర్లుగానీ, డిఫెండర్లుగానీ ఆకట్టుకోలేకపోయారు. డిఫెండర్‌ రెజా మీర్‌బాఘేరి ఐదు పాయింట్లతో సరిపెట్టుకున్నాడు. భారీ ఆశలు పెట్టుకున్న కెప్టెన్ అర్జున్‌ దేశ్వాల్‌ కేవలం రెండు రెయిడింగ్‌ పాయింట్లు సాధించి నిరాశపరిచాడు. రెండో ఎలిమినేటర్‌ మ్యాచ్‌లో మూడుసార్లు చాంపియన్‌ పట్నా పైరేట్స్‌ 31–23 పాయింట్ల తేడాతో మాజీ విజేత యు ముంబా జట్టును ఓడించి ఎనిమిదోసారి సెమీఫైనల్లోకి అడుగు పెట్టింది. పట్నా పైరేట్స్‌ స్టార్‌ రెయిడర్లు దేవాంక్‌ 8 పాయింట్లు, అయాన్‌ 10 పాయింట్లు స్కోరు చేసి తమ జట్టు విజయంలో కీలకపాత్ర పోషించారు. ఆల్‌రౌండర్‌ గుర్‌దీప్‌ ఐదు పాయింట్లతో రాణించాడు. యు ముంబా తరఫున అమీర్‌ మొహమ్మద్‌ 7 పాయింట్లు... అజిత్‌ చౌహాన్‌ 5 పాయింట్లు సాధించారు.నేడు జరిగే సెమీఫైనల్స్‌లో హరియాణా స్టీలర్స్‌తో యూపీ యోధాస్‌ (రాత్రి 8 గంటల నుంచి), దబంగ్‌ ఢిల్లీతో పట్నా పైరేట్స్‌ (రాత్రి 9 గంటల నుంచి) తలపడతాయి. మ్యాచ్‌లను స్టార్‌ స్పోర్ట్స్‌–2 చానెల్‌లో, హాట్‌స్టార్‌ యాప్‌లో ప్రత్యక్ష ప్రసారం చేస్తారు.

పుణే: గత రెండు నెలలుగా క్రీడాభిమానులను ఉర్రూతలూగించిన ప్రొ కబడ్డీ లీగ్‌ (పీకేఎల్‌) 11వ సీజన్‌ చివరి అంకానికి చేరింది. లీగ్‌ దశ పోటీలు ముగియగా... ఇక నాకౌట్‌ సమరాలకు వేళయింది. పాయింట్ల పట్టిక తొలి రెండు స్థానాల్లో నిలిచిన హరియాణా స్టీలర్స్, దబంగ్‌ ఢిల్లీ జట్లు నేరుగా సెమీఫైనల్స్‌కు అర్హత సాధించగా... ఆ తర్వాత 3 నుంచి 6వ స్థానం వరకు నిలిచిన జట్ల మధ్య గురువారం ఎలిమినేటర్‌ మ్యాచ్‌లు జరగనున్నాయి.ఇందులో విజయం సాధించిన జట్లు సెమీఫైనల్‌కు చేరనున్నాయి. రాత్రి 8 గంటలకు ప్రారంభం కానున్న తొలి ఎలిమినేటర్‌లో యూపీ యోధాస్‌తో జైపూర్‌ పింక్‌ పాంథర్స్‌ తలపడనుండగా... రాత్రి 9 గంటల నుంచి జరగనున్న రెండో ఎలిమినేటర్‌లో పట్నా పైరేట్స్‌తో యు ముంబా పోటీపడుతుంది. పీకేఎల్‌లో యూపీ యోధాస్‌ ఇప్పటి వరకు టైటిల్‌ గెలవలేకపోగా... జైపూర్‌ పింక్‌ పాంథర్స్‌ రెండుసార్లు విజేతగా నిలిచింది. పట్నా పైరేట్స్‌ మూడుసార్లు చాంపియన్‌గా నిలవగా... యు ముంబా కూడా ఒకసారి విన్నర్స్‌ ట్రోఫీని ముద్దాడింది. తాజా సీజన్‌లో యూపీ యోధాస్‌ 13 విజయాలు సాధించి 79 పాయింట్లతో పట్టికలో మూడో స్థానంలో నిలవగా... పింక్‌ పాంథర్స్‌ 12 విజయాలతో 70 పాయింట్లు సాధించి ప్లే ఆఫ్స్‌కు అర్హత సాధించింది. కెపె్టన్‌ సురేందర్‌ గిల్‌తో పాటు శివమ్‌ చౌధరీ యోధాస్‌కు కీలకం కానుండగా... పింక్‌ పాంథర్స్‌ జట్టు సారథి అర్జున్‌ దేశ్వాల్‌పై ఎక్కువగా ఆధారపడుతోంది. మరి ఈ కీలక పోరులో ఎవరిది పైచేయి అవుతుందో చూడాలి. లీగ్‌ చివరి మ్యాచ్‌ విజయంతో యు ముంబా ముందడుగు వేయగా... పట్నా పైరేట్స్‌ సమష్టి ప్రదర్శనతో సత్తా చాటి నాకౌట్‌లో అడుగు పెట్టింది. యు ముంబా జట్టు తరఫున కెప్టెన్ సునీల్‌ కుమార్, అజిత్‌ చౌహాన్, మన్‌జీత్‌ రాణిస్తుండగా... పైరేట్స్‌ తరఫున దేవాంక్, దీపక్‌ నిలకడైన ప్రదర్శనతో ఆకట్టుకున్నారు. ఎలిమినేటర్‌లో విజయం సాధించిన జట్లు శుక్రవారం జరగనున్న సెమీఫైనల్స్‌లో తలపడనున్నాయి.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌ ఆరంభంలో వరుస విజయాలతో సత్తా చాటిన తెలుగు టైటాన్స్‌... ఆ తర్వాత పడుతూ లేస్తూ చివరకు గ్రూప్‌ దశతోనే పోరాటాన్ని ముగించింది. మంగళవారం ముగిసిన లీగ్‌ దశ చివరి మ్యాచ్‌లో మాజీ చాంపియన్‌ యు ముంబా 36–27 పాయింట్ల తేడాతో బెంగాల్‌ వారియర్స్‌పై గెలిచి ప్లే ఆఫ్స్‌కు చేరింది. యు ముంబా జట్టు ఆఖరి పోరులో 48 పాయింట్ల తేడాతో ఓడిపోయి ఉంటే టైటాన్స్‌ ఆరో స్థానంతో ప్లే ఆఫ్స్‌కు అర్హత సాధించేది. కానీ యు ముంబా విజయం సాధించడంతో తెలుగు టైటాన్స్‌ ఏడో స్థానంతో లీగ్‌ దశకే పరిమితమైంది. కీలక పోరులో ముంబా ఆల్‌రౌండ్‌ ప్రదర్శనతో అదరగొట్టింది. అమీర్‌ మొహమ్మద్‌ 7 పాయింట్లు, అజిత్‌ చవాన్‌ 6 పాయింట్లు, సునీల్‌ కుమార్‌ 5 పాయింట్లు సాధించారు. బెంగాల్‌ వారియర్స్‌ తరఫున ప్రణయ్‌ 12 పాయింట్లతో పోరాడినా ఫలితం లేకపోయింది. తాజా సీజన్‌లో 22 మ్యాచ్‌లాడి 12 విజయాలు, 8 పరాజయాలు, 2 ‘టై’లతో 71 పాయింట్లు ఖాతాలో వేసుకున్న యు ముంబా జట్టు పట్టికలో ఐదో స్థానానికి చేరి ప్లే ఆఫ్స్‌ బెర్త్‌ ఖరారు చేసుకుంది. మరో మ్యాచ్‌లో యూపీ యోధాస్‌ 44–30 పాయింట్ల తేడాతో బెంగళూరు బుల్స్‌పై గెలుపొందింది. యూపీ యోధాస్‌ తరఫున శివమ్‌ చౌధరీ 13 పాయింట్లు, సురేందర్‌ గిల్‌ 9 పాయింట్లతో రాణించారు. బెంగళూరు బుల్స్‌ తరఫున సుశీల్‌ 12 పాయింట్లతో ఒంటరి పోరాటం చేశాడు. నేడు విశ్రాంతి రోజు. గురువారం జరగనున్న తొలి ఎలిమినేటర్‌లో యూపీ యోధాస్‌తో జైపూర్‌ పింక్‌ పాంథర్స్, రెండో ఎలిమినేటర్‌లో పట్నా పైరేట్స్‌తో యు ముంబా తలపడనున్నాయి.

ప్రొ కబడ్డీ లీగ్‌ (పీకేఎల్‌) పదకొండో సీజన్‌లో మాజీ చాంపియన్‌ దబంగ్‌ ఢిల్లీ జట్టు ఎదురులేని విజయాలతో సెమీఫైనల్స్‌కు దూసుకు వెళ్లింది. సోమవారం జరిగిన లీగ్‌ మ్యాచ్‌లో ఢిల్లీ 41–35తో గుజరాత్‌ జెయింట్స్‌పై గెలుపొంది.. సెమీస్‌కు అర్హత సాధించింది. కాగా వరుసగా గత 15 మ్యాచ్‌లుగా దబంగ్‌ ఢిల్లీ ఒక్కటీ ఓడిపోలేదు. వీటిలో పదమూడింట గెలుపొందగా, రెండు మ్యాచ్‌లు ‘టై’ అయ్యాయి. తద్వారా టాప్‌–2లో నిలిచి ఢిల్లీ నేరుగా సెమీస్‌ బెర్తు ఖరారు చేసుకుంది. ఇక గుజరాత్‌తో జరిగిన పోరులో ఢిల్లీ కెప్టెన్, రెయిడర్‌ అశు మలిక్‌ 17 సార్లు కూతకెళ్లి 14 పాయింట్లు తెచ్చిపెట్టాడు అతడి సహచరుల్లో ఆల్‌రౌండర్‌ ఆశిష్‌ 7, రెయిడర్‌ నవీన్‌ 6, డిఫెండర్‌ ఆశిష్‌ 4 పాయింట్లు సాధించారు.ఆరు జట్లు నాకౌట్‌కుమరోవైపు.. గుజరాత్‌ తరఫున ఆల్‌రౌండర్‌ జితేందర్‌ యాదవ్‌ (7) ఆకట్టుకోగా, కెప్టెన్‌ గుమన్‌ సింగ్‌ (5), హిమాన్షు (5) రాణించారు. ఇదివరకే టాప్‌లో నిలిచిన హరియాణా స్టీలర్స్‌తో పాటు ఇప్పుడు రెండో స్థానంలో నిలిచిన ఢిల్లీ నేరుగా సెమీస్‌కు అర్హత సంపాదించాయి. తర్వాత 3, 4, 5, 6వ స్థానాల్లో నిలిచిన జట్లు ప్లే ఆఫ్స్‌లో ఆడి ఇందులోంచి రెండు జట్లు నాకౌట్‌కు చేరుకుంటాయి.తమిళ్‌ తలైవాస్‌పై గెలుపుఇదిలా ఉంటే.. సోమవారం జరిగిన రెండో మ్యాచ్‌లో పుణేరి పల్టన్‌ 42–32తో తమిళ్‌ తలైవాస్‌పై గెలిచింది. పుణేరి రెయిడర్లు ఆర్యవర్ధన్‌ నవలే (10), అజిత్‌ (7) అదరగొట్టారు. డిఫెండర్లలో గౌరవ్‌ ఖత్రి (5), అమన్‌ (4) రాణించారు. తలైవాస్‌ తరఫున ఆల్‌రౌండర్‌ హిమాన్షు (8), రెయిడర్‌ సచిన్‌ (7) పోరాడారు. కెప్టెన్, డిఫెండర్‌ నితేశ్‌ కుమార్‌ 5, అమిర్‌ హుస్సేన్‌ 4 పాయింట్లు చేశారు. నేడు జరిగే పోటీల్లో బెంగళూరు బుల్స్‌తో యూపీ యోధాస్, బెంగాల్‌ వారియర్స్‌తో యు ముంబా తలపడతాయి.

పుణే: ప్రొ కబడ్డీ లీగ్‌ పదకొండో సీజన్‌ లీగ్‌ దశలో హరియాణా స్టీలర్స్‌ జట్టు అగ్రస్థానాన్ని ఖరారు చేసుకుంది. ఆదివారం జరిగిన మ్యాచ్‌లో హరియాణా స్టీలర్స్‌ 47–30 పాయింట్లతో మాజీ చాంపియన్‌ యు ముంబా జట్టును ఓడించింది. హరియాణా తరఫున శివమ్‌ పటారె అత్యధికంగా 14 పాయింట్లు స్కోరు చేశాడు. మొహమ్మద్‌ రెజా, వినయ్‌ 6 పాయింట్ల చొప్పున సాధించగా... రాహుల్‌ 5 పాయింట్లు సంపాదించాడు. యు ముంబా తరఫు సతీశ్‌ కన్నన్‌ 9 పాయింట్లతో ఆకట్టుకున్నాడు. 22 మ్యాచ్‌లు పూర్తి చేసుకున్న హరియాణా జట్టు 16 మ్యాచ్‌ల్లో గెలిచింది. ఆరు మ్యాచ్‌ల్లో ఓడిపోయింది. ఓవరాల్‌గా 84 పాయింట్లతో టాప్‌ ర్యాంక్‌ను ఖరారు చేసుకుంది. మరో మ్యాచ్‌లో తమిళ్‌ తలైవాస్‌ 42–32 పాయింట్ల తేడాతో బెంగళూరు బుల్స్‌ను ఓడించింది. తలైవాస్‌ తరఫున హిమాన్షు 13 పాయింట్లు సాధించాడు. బెంగళూరు బుల్స్‌ రెయిడర్‌ సుశీల్‌ 15 పాయింట్లతో మెరిసినా తన జట్టును గెలిపించుకోవడంలో విఫలమయ్యాడు. నేడు జరిగే రెండు మ్యాచ్‌ల్లో గుజరాత్‌ జెయింట్స్‌తో దబంగ్‌ ఢిల్లీ (రాత్రి 8 గంటల నుంచి); పుణేరి పల్టన్‌తో తమిళ్‌ తలైవాస్‌ (రాత్రి 9 గంటల నుంచి) తలపడతాయి. ఇప్పటికే హరియాణా స్టీలర్స్, పట్నా పైరేట్స్, దబంగ్‌ ఢిల్లీ, యూపీ యోధాస్, జైపూర్‌ పింక్‌ పాంథర్స్‌ ‘ప్లే ఆఫ్స్‌’ బెర్త్‌లను ఖరారు చేసుకున్నాయి. చివరిదైన ఆరో బెర్త్‌ కోసం యు ముంబా, తెలుగు టైటాన్స్‌ జట్లు రేసులో ఉన్నాయి. బెంగాల్‌ వారియర్స్‌తో మంగళవారం జరిగే మ్యాచ్‌లో యు ముంబా గెలిస్తే ‘ప్లే ఆఫ్స్‌’ బెర్త్‌ను దక్కించుకుంటుంది.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో భాగంగా శనివారం పట్నా పైరెట్స్, గుజరాత్‌ జెయింట్స్‌ మధ్య జరిగిన మ్యాచ్‌ 40–40 పాయింట్లతో ‘టై’గా ముగిసింది. పట్నా పైరెట్స్‌ తరఫున దేవాంక్‌ 10 పాయింట్లతో సత్తా చాటగా... సుధాకర్‌ 7 పాయింట్లు సాధించాడు. గుజరాత్‌ జెయింట్స్‌ తరఫున రాకేశ్‌ 9 పాయింట్లు సాధించగా... గుమన్‌ సింగ్, జితేందర్‌ యాదవ్‌ చెరో 8 పాయింట్లతో మెరిశారు. ఓవరాల్‌గా ఈ మ్యాచ్‌లో పట్నా 22 రెయిడ్‌ పాయింట్లు సాధించగా... గుజరాత్‌ 18 రెయిడ్‌ పాయింట్లకు పరిమితమైంది. ట్యాక్లింగ్‌లో వెనుకబడిన పట్నా 11 పాయింట్లతో సరిపెట్టుకోగా... గుజరాత్‌ 20 ట్యాకింగ్స్‌తో సత్తాచాటింది. ఇరు జట్ల మధ్య ఆధిక్యం చేతులు మారుతూ సాగిన పోరు చివరకు సమంగా ముగిసింది. పట్నా జట్టు ఇప్పటికే ప్లే ఆఫ్స్‌కు చేరడంతో పాటు పట్టికలో రెండో స్థానంలో కొనసాగుతుండగా... గుజరాత్‌ 21 మ్యాచ్‌లాడి 5 విజయాలు, 13 పరాజయాలు, 3 ‘టై’లతో 38 పాయింట్లు ఖాతాలో వేసుకొని పట్టికలో 11వ స్థానంలో నిలిచింది. మరో మ్యాచ్‌లో దబంగ్‌ ఢిల్లీ 33–31 పాయింట్ల తేడాతో జైపూర్‌ పింక్‌ పాంథర్స్‌పై గెలుపొందింది. ఢిల్లీ తరఫున అశు మాలిక్‌ 12 పాయింట్లతో రాణించగా... జైపూర్‌ పింక్‌ పాంథర్స్‌ తరఫున అర్జున్‌ దేశ్వాల్‌ 10 పాయింట్లతో పోరాడాడు. ఢిల్లీ, జైపూర్‌ జట్లు ఇప్పటికే ప్లే ఆఫ్స్‌కు అర్హత సాధించాయి. లీగ్‌లో భాగంగా ఆదివారం జరగనున్న మ్యాచ్‌ల్లో తమిళ్‌ తలైవాస్‌తో బెంగళూరు బుల్స్‌ (రాత్రి 8 గంటలకు), హరియాణా స్టీలర్స్‌తో యూ ముంబా (రాత్రి 9 గంటలకు) తలపడతాయి.

పుణే: ప్రొ కబడ్డీ లీగ్‌ (పీకేఎల్‌–11)లో తెలుగు టైటాన్స్‌ 12వ విజయాన్ని సాధించింది. శుక్రవారం జరిగిన పోరులో టైటాన్స్‌ 48–36తో పుణేరి పల్టన్‌పై విజయం సాధించింది. తెలుగు టైటాన్స్‌ జట్టును కెప్టెన్, రెయిడర్‌ పవన్‌ సెహ్రావత్‌ ముందుండి నడిపించాడు. 16 సార్లు రెయిడింగ్‌కు వెళ్లిన కెపె్టన్‌ 11 సార్లు విజయవంతంగా పాయింట్లు తెచ్చాడు. 4 బోనస్‌ పాయింట్లు కలుపుకొని మొత్తం 15 పాయింట్లు సాధించాడు. స్టార్‌ రెయిడర్‌ ఆశిష్‌ నర్వాల్‌ (11) కూడా క్రమం తప్పకుండా పాయింట్లు తెచ్చాడు. డిఫెండర్లలో అంకిత్‌ (6), అజిత్‌ పవార్‌ (3) రాణించారు. పుణేరి జట్టులో రెయిడర్‌ అజిత్‌ (10 పాయింట్లు) అదరగొట్టాడు. సబ్‌స్టిట్యూట్‌గా ఆలస్యంగా మైదానంలోకి దిగిన అజిత్‌ 13 సార్లు కూతకెళ్లి 10 పాయింట్లు చేశాడు. మిగతా సహచరుల్లో రెయిడర్‌ ఆర్యవర్ధన్‌ నవలె (8), డిఫెండర్లు అమన్‌ (5), దాదాసో పూజారి (3) రాణించారు.అంతకుముందు జరిగిన తొలి మ్యాచ్‌లో జైపూర్‌ పింక్‌పాంథర్స్‌ 31–28తో బెంగాల్‌ వారియర్స్‌పై గెలుపొందడంతో ప్లే ఆఫ్స్‌కు ఐదో జట్టుగా అర్హత సాధించింది. జైపూర్‌ జట్టులో కెప్టెన్, రెయిడర్లు అర్జున్‌ దేశ్వాల్‌ (9), అభిజిత్‌ మాలిక్‌ (7) నిలకడగా స్కోరు చేశారు. మిగతావారిలో డిఫెండర్లు రెజా మీర్‌బఘేరి (5), అంకుశ్‌ రాఠి (3) మెరుగ్గా ఆడారు. బెంగాల్‌ వారియర్స్‌ తరఫున రెయిడర్లు ప్రణయ్‌ (8), అర్జున్‌ రాఠి (7) ఆకట్టుకున్నారు. డిఫెండర్లలో వైభవ్‌ గార్జే 4 పాయింట్లు చేశాడు. నేడు జరిగే మ్యాచ్‌ల్లో పట్నా పైరేట్స్‌... గుజరాత్‌ జెయంట్స్‌తో పోటీ పడనుండగా, దబంగ్‌ ఢిల్లీ... జైపూర్‌ పింక్‌పాంథర్స్‌తో తలపడుతుంది.

పుణే: ప్రొ కబడ్డీ లీగ్‌ (పీకేఎల్‌)లో యూపీ యోధాస్‌ జోరుకు గుజరాత్‌ జెయింట్స్‌ చేతులెత్తేసింది. దీంతో యూపీ యోధాస్‌ 59–23 స్కోరుతో ఏకపక్ష విజయం సాధించింది. రెయిడర్లు గగన్‌ గౌడ (19 పాయింట్లు), భవాని రాజ్‌పుత్‌ (11 పాయింట్లు) అదరగొట్టగా, డిఫెండర్లు సుమిత్‌ (5), అశు సింగ్‌ (4), మహేందర్‌ సింగ్‌ (4) రాణించారు. 18 సార్లు కూతకెళ్లిన గగన్‌ గౌడ 13 సార్లు విజయవంతంగా పాయింట్లు తెచ్చిపెట్టాడు. మ్యాచ్‌లో నాలుగుసార్లు ప్రత్యర్థి జట్టును ఆలౌట్‌ చేయడం విశేషం. తొలి అర్ధభాగం మొదలైన ఎనిమిది నిమిషాలకే యోధాస్‌ ఆటగాళ్లు గుజరాత్‌ను ఆలౌట్‌ చేశారు. 12–7తో అక్కడ మొదలైన ఆధిపత్యం ఆఖరిదాకా కొనసాగింది. ఈ అర్ధభాగం ముగిసేలోపే మళ్లీ 18వ నిమిషంలో జెయంట్స్‌ ఆలౌటైంది. గుజరాత్‌ ఆటగాళ్లలో రెయిడర్‌ గుమన్‌ సింగ్‌ (7), ఆల్‌రౌండర్‌ జితేందర్‌ యాదవ్‌ (6), రెయిడర్‌ రాకేశ్‌ (5) రాణించారు. ఇదివరకే ప్లేఆఫ్స్‌కు అర్హత సంపాదించిన యూపీ పాయింట్ల పట్టికలో మూడో స్థానంలో ఉంది. అనంతరం జరిగిన మరో మ్యాచ్‌లో యు ముంబా 43–37తో పట్నా పైరేట్స్‌పై గెలిచింది. ముంబా రెయిడర్‌ అజిత్‌ చౌహాన్‌ (15) పదేపదే పాయింట్లు తెచ్చిపెట్టగా, డిఫెండర్లు సునీల్‌ కుమార్‌ (5), పర్వేశ్‌ (4), మన్‌జీత్‌ (4), ఆల్‌రౌండర్‌ రోహిత్‌ రాఘవ్‌ (4) సమష్టిగా రాణించారు. పైరేట్స్‌ తరఫున రెయిడర్‌ దేవాంక్‌ (12), అయాన్‌ (7), డిఫెండర్లు దీపక్‌ (4), శుభమ్‌ (4) మెరుగ్గా ఆడారు. నేడు జరిగే మ్యాచ్‌ల్లో జైపూర్‌ పింక్‌పాంథర్స్‌తో బెంగాల్‌ వారియర్స్‌... తెలుగు టైటాన్స్‌తో పుణేరి పల్టన్‌ తలపడనున్నాయి.

పుణే: ప్రొ కబడ్డీ లీగ్‌ 11వ సీజన్‌లో పట్నా పైరేట్స్, యూపీ యోధాస్‌ జట్లు ప్లేఆఫ్స్‌కు దూసుకెళ్లాయి. లీగ్‌లో భాగంగా బుధవారం జరిగిన మ్యాచ్‌లో పట్నా పైరేట్స్‌ 41–37 పాయింట్ల తేడాతో తెలుగు టైటాన్స్‌పై విజయం సాధించింది. తద్వారా 20 మ్యాచ్‌ల్లో 13 విజయాలు, 6 పరాజయాలు, ఒక ‘టై’తో 73 పాయింట్లు ఖాతాలో వేసుకున్న పైరేట్స్‌... పట్టికలో రెండో స్థానానికి చేరింది. మరోవైపు 21 మ్యాచ్‌ల్లో 11 విజయాలు, 10 పరాజయాలతో 61 పాయింట్లతో ఉన్న తెలుగు టైటాన్స్‌ పట్టికలో ఏడో స్థానంలో కొనసాగుతోంది. కీలక పోరులో పట్నా పైరేట్స్‌ తరఫున దేవాంక్‌ 14 పాయింట్లతో విజృంభించగా... దీపక్, అంకిత్‌ చెరో ఆరు పాయింట్లతో అతడికి అండగా నిలిచారు. టైటాన్స్‌ తరఫున పవన్‌ సెహ్రావత్, విజయ్‌ మలిక్‌ చెరో 9 పాయింట్లతో పోరాడినా ఫలితం లేకపోయింది. మరోవైపు ఇతర జట్ల ఫలితాల ఆధారంగా యూపీ యోధాస్‌ కూడా ప్లేఆఫ్స్‌లో అడుగు పెట్టింది. యోధాస్‌ బుధవారం బరిలోకి దిగకపోయినా... లీగ్‌లో 20 మ్యాచ్‌లాడి 11 విజయాలు, 6 పరాజయాలు, 3 ‘టై’లతో 69 పాయింట్లు ఖాతాలో వేసుకొని పట్టికలో నాలుగో స్థానానికి చేరి ప్లే ఆఫ్స్‌ బెర్త్‌ను ఖరారు చేసుకుంది. బుధవారమే జరిగిన మరో మ్యాచ్‌లో తమిళ్‌ తలైవాస్‌ జట్టు 31 పాయింట్ల తేడాతో ఘనవిజయం సాధించింది. తలైవాస్‌ 60–29 పాయింట్ల తేడాతో బెంగాల్‌ వారియర్స్‌ను మట్టికరిపించింది. తలైవాస్‌ తరఫున మోయిన్, హిమాన్షు చెరో 13 పాయింట్లతో చెలరేగారు. ఈ ఇద్దరూ సూపర్‌ రెయిడ్‌లతో విజృంభించడంతో తలైవాస్‌ ఏకపక్ష విజయం సాధించింది. నేడు జరిగే మ్యాచ్‌ల్లో గుజరాత్‌ జెయింట్స్‌తో యూపీ యోధాస్‌; యు ముంబాతో పట్నా పైరేట్స్‌ తలపడతాయి.

పుణే: ప్రొ కబడ్డీ లీగ్‌లో భాగంగా మంగళవారం జరిగిన మ్యాచ్‌లో మాజీ చాంపియన్‌ జైపూర్‌ పింక్‌ పాంథర్స్‌ 35–26 పాయింట్ల తేడాతో బెంగళూరు బుల్స్‌పై గెలుపొందింది. పింక్‌ పాంథర్స్‌ తరఫున స్టార్‌ రెయిడర్‌ అర్జున్‌ దేశ్వాల్‌ 17 పాయింట్లతో విజృంభించాడు. మ్యాచ్‌ ఆరంభం నుంచి తన సూపర్‌ రెయిడింగ్‌తో ఆకట్టుకున్న అర్జున్‌ ప్రత్యర్థి డిఫెన్స్‌కు ఏమాత్రం అవకాశం ఇవ్వకుండా చెలరేగాడు. బెంగళూరు బుల్స్‌ స్టార్‌ రెయిడర్‌ ప్రదీప్‌ నర్వాల్‌ 5 పాయింట్లకే పరిమితమయ్యాడు. ఓవరాల్‌గా ఈ మ్యాచ్‌లో పింక్‌ పాంథర్స్‌ 20 రెయిడ్‌ పాయింట్లు సాధించగా... బుల్స్‌ 12 రెయిడ్‌ పాయింట్లకే పరిమితమైంది. తాజా సీజన్‌లో 20 మ్యాచ్‌లాడిన పింక్‌ పాంథర్స్‌ 11 విజయాలు, 7 పరాజయాలు, 2 ‘టై’లతో 64 పాయింట్లు ఖాతాలో వేసుకొని పట్టికలో ఐదో స్థానానికి చేరింది. మరోవైపు 20 మ్యాచ్‌లాడిన బుల్స్‌ 2 విజయాలు, 17 పరాజయాలు, ఒక ‘టై’తో పట్టిక అట్టడుగున కొనసాగుతోంది. మరోవైపు యూపీ యోధాస్‌ జట్టు ప్లే ఆఫ్స్‌కు చేరువైంది. తాజా సీజన్‌లో ఇప్పటికే హరియాణా స్టీలర్స్, దబంగ్‌ ఢిల్లీ జట్లు ప్లే ఆఫ్స్‌కు చేరుకోగా... యూపీ యోధాస్‌ పాయింట్ల పట్టికలో మూడో స్థానానికి ఎగబాకింది. మంగళవారం జరిగిన మ్యాచ్‌లో యూపీ యోధాస్‌ 31–24 పాయింట్ల తేడాతో హరియాణా స్టీలర్స్‌పై విజయం సాధించింది. యూపీ యోధాస్‌ తరఫున భవానీ రాజ్‌పుత్‌ 11 పాయింట్లు సాధించగా... స్టీలర్స్‌ తరఫున వినయ్, విశాల్‌ చెరో 6 పాయింట్లు సాధించారు. లీగ్‌లో ఇప్పటి వరకు 20 మ్యాచ్‌లాడిన యోధాస్‌ 11 విజయాలు 6 పరాజయాలు, 3 ‘టై’లతో 69 పాయింట్లు ఖాతాలో వేసుకొని ప్లే ఆఫ్స్‌కు అడుగు దూరంలో నిలిచింది. ఇప్పటికే బెర్త్‌ ఖరారు చేసుకున్న స్టీలర్స్‌ వరుసగా రెండో మ్యాచ్‌లో పరాజయం పాలైంది. లీగ్‌లో భాగంగా నేడు తమిళ్‌ తలైవాస్‌తో బెంగాల్‌ వారియర్స్‌ (రాత్రి 8 గంటలకు), పట్నా పైరెట్స్‌తో తెలుగు టైటాన్స్‌ (రాత్రి 9 గంటలకు) తలపడనున్నాయి.

అద్భుత ప్రదర్శన కొనసాగిస్తున్న దబంగ్‌ ఢిల్లీ ప్రొ కబడ్డీ లీగ్‌ ప్లే ఆఫ్స్‌ దశకు చేరింది. ఈ సీజన్‌లో టాప్‌-6కు అర్హత సాధించిన రెండో జట్టుగా జట్టు నిలిచింది. పుణె వేదికగా బెంగాల్‌ వారియర్స్‌తో సోమవారం జరిగిన మ్యాచ్‌లో 47–25 పాయింట్ల తేడాతో ఢిల్లీ ఘనవిజయం సాధించింది. ఈ గెలుపుతో ప్లే ఆఫ్స్‌ బెర్త్‌ను అధికారికంగా ఖరారు చేసుకుంది.ఇక ప్రొ కబడ్డి లీగ్‌ తాజా ఎడిషన్‌లో ఇప్పటికే హరియాణా స్టీలర్స్‌ జట్టు ప్లే ఆఫ్స్‌నకు అర్హత పొందింది. ఇదిలా ఉంటే.. ఈ సీజన్‌లో 20 మ్యాచ్‌లు పూర్తి చేసుకున్న ఢిల్లీ జట్టు 11 మ్యాచ్‌ల్లో గెలిచింది. 5 మ్యాచ్‌ల్లో ఓడిపోయి, 4 మ్యాచ్‌లను ‘టై’ చేసుకొని 71 పాయింట్లతో రెండో స్థానానికి ఎగబాకింది. మొత్తం 12 జట్ల మధ్య జరుగుతున్న ఈ టోర్నీలో లీగ్‌ దశ ముగిశాక టాప్‌–6లో నిలిచిన జట్లు ప్లే ఆఫ్స్‌ చేరుకుంటాయి.మరో నాలుగు ప్లే ఆఫ్స్‌ బెర్త్‌లుహరియాణా, ఢిల్లీ ఇప్పటికే తమ అర్హత సాధించగా.. మరో నాలుగు ప్లే ఆఫ్స్‌ బెర్త్‌లు ఖరారు కావాల్సి ఉంది. ఇక మ్యాచ్‌ విషయానికొస్తే.. బెంగాల్‌తో జరిగిన పోరులో ఢిల్లీ తరఫున అశు మలిక్‌ ఏకంగా 17 పాయింట్లతో అద్భుత ప్రదర్శన కనబరిచాడు. అతడు 18 సార్లు రెయిడింగ్‌కు వెళ్లి.. తొమ్మిదిసార్లు పాయింట్లతో తిరిగి వచ్చాడు. ఆరుసార్లు పాయింట్‌ నెగ్గకుండానే తిరిగి వచ్చాడు. మరో మూడుసార్లు విఫలమయ్యాడు.ఈ క్రమంలో.. నాలుగు బోనస్‌ పాయింట్లతోపాటు 12 టచ్‌ పాయింట్లు సాధించిన అశు ఒక ట్యాకిల్‌ పాయింట్‌ కూడా నెగ్గాడు. ఢిల్లీకే చెందిన యోగేశ్‌ 9 పాయింట్లు, ఆశిష్‌ 5 పాయింట్లు స్కోరు చేశారు. బెంగాల్‌ తరఫున విశ్వాస్‌ అత్యధికంగా ఎనిమిది పాయింట్లు సాధించాడు. నితేశ్‌ కుమార్‌ ఐదు పాయింట్లు, కెప్టెన్‌ ఫజల్‌ అత్రాచలి నాలుగు పాయింట్లు స్కోరు చేశారు.రేసులో పుణేరి పల్టన్‌ఇక మరో మ్యాచ్‌లో పట్నా పైరేట్స్‌ 37–32 పాయింట్ల తేడాతో డిఫెండింగ్‌ చాంపియన్‌ పుణేరి పల్టన్‌ జట్టును ఓడించింది. ఈ గెలుపుతో పట్నా పైరేట్స్‌ 68 పాయింట్లతో మూడో స్థానానికి చేరుకొని ప్లే ఆఫ్స్‌నకు చేరువైంది. తెలుగు టైటాన్స్‌ ఏస్థానంలో ఉందంటే?ఇక మంగళవారం జరిగే మ్యాచ్‌ల్లో యూపీ యోధాస్‌తో హరియాణా స్టీలర్స్‌ (రాత్రి 8 గంటలకు), బెంగళూరు బుల్స్‌తో జైపూర్‌ పింక్‌ పాంథర్స్‌ (రాత్రి 9 గంటలకు) తలపడతాయి. ఇక ఇరవై మ్యాచ్‌లలో పదకొండు గెలిచిన తెలుగు టైటాన్స్‌ 60 పాయింట్లతో పట్టికలో ప్రస్తుతం ఆరో స్థానంలో ఉంది.చదవండి: తమిళ్‌ తలైవాస్‌ అవుట్‌

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో తమిళ్‌ తలైవాస్‌ జట్టు ప్లే ఆఫ్స్‌ రేసు నుంచి బయటకు వచ్చింది. ఈ సీజన్‌లో వరుస పరాజయాలతో సతమతమవుతున్న తలైవాస్‌... ఆదివారం జరిగిన మ్యాచ్‌లో 27–34 పాయింట్ల తేడాతో జైపూర్‌ పింక్‌ పాంథర్స్‌ చేతిలో ఓడింది. తమిళ్‌ తలైవాస్‌ తరఫున హిమాన్షు, నితీశ్‌ కుమార్‌ చెరో 7 పాయింట్లతో రాణించగా... పింక్‌ పాంథర్స్‌ తరఫున అర్జున్‌ దేశ్వాల్, నీరజ్‌ నర్వాల్‌ చెరో 6 పాయింట్లు సాధించారు. ఓవరాల్‌గా ఈ మ్యాచ్‌లో పింక్‌ పాంథర్స్‌ 13 రెయిడ్‌ పాయింట్లు సాధించగా... తలైవాస్‌ 7 రెయిడ్‌ పాయింట్లకే పరిమితమై పరాజయం మూటగట్టుకుంది. తాజా సీజన్‌లో 19 మ్యాచ్‌లాడిన తలైవాస్‌ 6 విజయాలు, 12 పరాజయాలు, ఒక ‘టై’తో 40 పాయింట్లు ఖాతాలో వేసుకొని పట్టికలో తొమ్మిదో స్థానానికి పరిమితమైంది. పీకేఎల్‌ ముగింపు దశకు చేరుకుంటుండగా... మిగిలిన అన్నీ మ్యాచ్‌ల్లో గెలిచినా... తలైవాస్‌ ప్లే ఆఫ్స్‌కు చేరే అవకాశం లేదు. జైపూర్‌ పింక్‌ పాంథర్స్‌ 19 మ్యాచ్‌ల్లో 10 విజయాలు, 7 పరాజయాలు, 2 ‘టై’లతో 59 పాయింట్లు ఖాతాలో వేసుకొని పట్టిక ఆరో స్థానంలో కొనసాగుతోంది. మరో మ్యాచ్‌లో యూపీ యోధాస్‌ 30–27 పాయింట్ల తేడాతో యూ ముంబాపై విజయం సాధించింది. ఈ సీజన్‌లో 19 మ్యాచ్‌లాడిన యూపీ యోధాస్‌ 10 విజయాలు, 6 పరాజయాలు, 3 ‘టై’లతో 64 పాయింట్లు ఖాతాలో వేసుకొని పట్టికలో మూడో స్థానానికి ఎగబాకింది. నేడు జరగనున్న మ్యాచ్‌ల్లో దబంగ్‌ ఢిల్లీతో బెంగాల్‌ వారియర్స్‌ (రాత్రి 8 గంటలకు), పట్నా పైరేట్స్‌తో పుణేరి పల్టన్‌ (రాత్రి 9 గంటలకు) తలపడతాయి.

పుణే: రెండు వరుస పరాజయాల తర్వాత తెలుగు టైటాన్స్‌ గెలుపుబాట పట్టింది. ప్రొ కబడ్డీ లీగ్‌ (పీకేఎల్‌–11)లో శనివారం జరిగిన లీగ్‌ మ్యాచ్‌లో టైటాన్స్‌ 36–32తో గుజరాత్‌ జెయంట్స్‌పై విజయం సాధించింది. స్టార్‌ రెయిడర్, కెప్టెన్‌ పవన్‌ సెహ్రావత్‌ (12 పాయింట్లు) కూతకెళ్లిన ప్రతీ సారి ప్రత్యర్థుల్ని హడలెత్తించాడు. 18 సార్లు రెయిడింగ్‌కు వెళ్లి 12 పాయింట్లు తెచ్చిపెట్టాడు. సహచర రెయిడర్‌ ఆశిష్‌ నర్వాల్‌ (6) కూడా రాణించాడు. ఆల్‌రౌండర్‌ విజయ్‌ మాలిక్‌ (18) అదరగొట్టాడు. ప్రథమార్ధం ముగిసే ఆఖరి నిమిషంలో గుజరాత్‌ ఒకసారి తెలుగు టైటాన్స్‌ను ఆలౌట్‌ చేస్తే... ద్వితీయార్ధంలో పవన్, ఆశిష్, విజయ్‌లు చెలరేగడంతో ప్రత్యర్థి జట్టును స్వల్ప వ్యవధిలో రెండు సార్లు ఆలౌట్‌ చేసి మ్యాచ్‌ గెలిచింది. గుజరాత్‌ జట్టులో కెప్టెన్‌ గుమన్‌ సింగ్‌ (9), రాకేశ్‌ (10) రెయిడింగ్‌లో ఆకట్టుకున్నారు. అనంతరం జరిగిన మ్యాచ్‌లో హ్యాట్రిక్‌ విజయాలతో ఇప్పటికే ప్లే ఆఫ్స్‌కు అర్హత సంపాదించిన హరియాణ స్టీలర్స్‌కు దబంగ్‌ ఢిల్లీ షాకిచ్చిoది. ఢిల్లీ జట్టు 44–37తో స్టీలర్స్‌పై గెలుపొందింది. రెయిడర్, ఢిల్లీ కెపె్టన్‌ అషు మాలిక్‌ (15) అద్భుతంగా రాణించాడు. అదేపనిగా పాయింట్లు తెచ్చిపెట్టాడు. సహచరుల్లో రెయిడర్‌ నవీన్‌ (7), డిఫెండర్లు యోగేశ్‌ (4), ఆశిష్‌ (5) రాణించారు. హరియాణా జట్టులో ఆల్‌రౌండర్‌ మొహమ్మద్‌ రెజా (9), రెయిడర్‌ శివమ్‌ పతారే (6) ఆదుకున్నారు.సంజయ్, నవీన్, వినయ్‌ తలా 3 పాయింట్లు చేశారు. జైదీప్, రాహుల్‌ చెరో 2 పాయింట్లు చేశారు. నేడు (ఆదవారం) జరిగే పోటీల్లో తమిళ్‌ తలైవాస్‌తో జైపూర్‌ పింక్‌పాంథర్స్‌... యు ముంబాతో యూపీ యోధాస్‌ తలపడుతుంది.

పుణే: ప్రొ కబడ్డీ లీగ్‌లో డిఫెండింగ్‌ చాంపియన్‌ పుణేరి పల్టన్‌ 38 పాయింట్ల తేడాతో భారీ విజయం నమోదు చేసుకుంది. సొంతగడ్డపై శుక్రవారం జరిగిన ఈ పోరులో పల్టన్‌ 56–18 పాయింట్ల తేడాతో బెంగళూరు బుల్స్‌పై గెలుపొందింది. మ్యాచ్‌ ఆరంభం నుంచే సంపూర్ణ ఆధిపత్యం కనబర్చిన పల్టన్‌ ఓవరాల్‌గా 26 రెయిడ్‌ పాయింట్లు సాధించగా... బెంగళూరు బుల్స్‌ 11 రెయిడ్‌ పాయింట్లకే పరిమితమైంది. డిఫెన్స్‌లోనూ ఆకట్టుకున్న పల్టన్‌ 15 పాయింట్లతో మెరిస్తే... బుల్స్‌ 7 ట్యాకిల్‌ పాయింట్లే సాధించింది. ప్రత్యర్థిని నాలుగు సార్లు ఆలౌట్‌ చేసిన పల్టన్‌ 8 పాయింట్లు ఖాతాలో వేసుకుంటే... బుల్స్‌ ఒక్కసారి కూడా ప్రత్యర్థిని ఆలౌట్‌ చేయలేకపోయింది. పల్టన్‌ తరఫున రెయిడర్లు ఆకాశ్‌ షిండే, మోహిత్‌ గోయత్, ఆర్యవర్ధన్‌ తలా 8 పాయింట్లు సాధించారు. బెంగళూరు బుల్స్‌ తరఫున స్టార్‌ రెయిడర్‌ ప్రదీప్‌ నర్వాల్‌ 7 పాయింట్లతో పోరాడినా ఫలితం లేకపోయింది. తాజా సీజన్‌లో 19 మ్యాచ్‌లు ఆడిన పుణేరి పల్టన్‌ 8 విజయాలు, 8 పరాజయాలు, 3 ‘టై’లతో 54 పాయింట్లు ఖాతాలో వేసుకొని పట్టికలో ఏడో స్థానంలో నిలిచింది. మరోవైపు ఈ సీజన్‌లో పేలవ ప్రదర్శన కనబరుస్తున్న బెంగళూరు బుల్స్‌ 19 మ్యాచ్‌ల్లో రెండే విజయాలతో పట్టిక అట్టడుగున కొనసాగుతోంది. శుక్రవారమే జరిగిన మరో మ్యాచ్‌లో పట్నా పైరేట్స్‌ 42–38 పాయింట్ల తేడాతో తమిళ్‌ తలైవాస్‌పై గెలుపొందింది. పట్నా తరఫున అయాన్‌ 13, దేవాంక్‌ 12 పాయింట్లతో రాణించగా... తలైవాస్‌ తరఫున మోయిన్‌ 11 పాయింట్లతో పోరాడాడు. లీగ్‌లో 18 మ్యాచ్‌లాడిన పైరెట్స్‌ 11 విజయాలు, 6 పరాజయాలు, ఒక ‘టై’తో 63 పాయింట్లు ఖాతాలో వేసుకొని పట్టికలో రెండో స్థానంలో ఉంది. నేడు జరిగే మ్యాచ్‌ల్లో తెలుగు టైటాన్స్‌తో గుజరాత్‌ జెయింట్స్‌ (రాత్రి 8 గంటలకు), దబంగ్‌ ఢిల్లీతో హరియాణా స్టీలర్స్‌ (రాత్రి 9 గంటలకు) తలపడతాయి.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో తెలుగు టైటాన్స్‌ జట్టు ఖాతాలో మరో పరాజయం చేరింది. గురువారం జరిగిన పోరులో తెలుగు టైటాన్స్‌ 27–33 పాయింట్ల తేడాతో దబంగ్‌ ఢిల్లీ చేతిలో ఓడింది. టైటాన్స్‌ తరఫున విజయ్‌ మలిక్‌ 10 పాయింట్లు, ఆశిష్‌ నర్వాల్‌ 8 పాయింట్లు సాధించారు. దబంగ్‌ ఢిల్లీ తరఫున స్టార్‌ రెయిడర్‌ నవీన్‌ కుమార్‌ 11 పాయింట్లతో రాణించగా... ఆశు మలిక్‌ 9 పాయింట్లతో అతడికి సహకరించాడు.ఓవరాల్‌గా ఈ మ్యాచ్‌లో ఢిల్లీ 21 రెయిడ్‌ పాయింట్లు సాధించగా... టైటాన్స్‌ 20 రెయిడ్‌ పాయింట్లు సాధించింది. అయితే టైటాన్స్‌ రెండుసార్లు ఆలౌటై... ప్రత్యర్థి కి 4 పాయింట్లు సమర్పించుకోగా... ఢిల్లీ జట్టు ఒకేసారి ఆలౌటైంది. తాజా సీజన్‌లో 19 మ్యాచ్‌లు ఆడిన టైటాన్స్‌ 10 విజయాలు, 9 పరాజయాలతో 55 పాయింట్లు ఖాతాలో వేసుకొని ఆరో స్థానంలో నిలవగా... దబంగ్‌ ఢిల్లీ 18 మ్యాచ్‌ల్లో 9 విజయాలు, 5 పరాజయాలు, 4 ‘టై’లతో 61 పాయింట్లు సాధించి రెండో స్థానానికి ఎగబాకింది. యూపీ యోధాస్, బెంగాల్‌ వారియర్స్‌ మధ్య జరిగిన మరో మ్యాచ్‌ 31–31 పాయింట్లతో ‘టై’గా ముగిసింది. యూపీ యోధాస్‌ తరఫున గగన్‌ గౌడ 11 పాయింట్లతో రాణించగా... బెంగాల్‌ వారియర్స్‌ తరఫున ప్రణయ్‌ 10 పాయింట్లతో సత్తాచాటాడు. పాయింట్ల పట్టికలో యూపీ యోధాస్‌ (59 పాయింట్లు) నాలుగో స్థానానికి చేరగా... బెంగాల్‌ వారియర్స్‌ (40 పాయింట్లు) 9వ స్థానంలో ఉంది. శుక్రవారం జరగనున్న మ్యాచ్‌ల్లో తమిళ్‌ తలైవాస్‌తో పట్నా పైరెట్స్‌ (రాత్రి 8 గంటలకు), పుణేరి పల్టన్‌తో బెంగళూరు బుల్స్‌ (రాత్రి 9 గంటలకు) తలపడతాయి.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో ప్లే ఆఫ్స్‌కు చేరిన తొలి జట్టుగా హరియాణా స్టీలర్స్‌ నిలిచింది. బుధవారం జరిగిన పోరులో స్టీలర్స్‌ 37–26 పాయింట్ల తేడాతో బెంగళూరు బుల్స్‌ను చిత్తు చేసి ప్లే ఆఫ్స్‌ బెర్త్‌ను అధికారికంగా ఖరారు చేసుకుంది. తాజా సీజన్‌లో ఇప్పటి వరకు 19 మ్యాచ్‌లు ఆడిన హరియాణా 15 విజయాలు, 4 పరాజయాలతో 77 పాయింట్లు ఖాతాలో వేసుకొని పట్టికలో అగ్రస్థానాన్ని మరింత పటిష్టం చేసుకోవడంతో పాటు ‘ప్లే ఆఫ్స్‌’లో చోటు ఖాయం చేసుకుంది. బుధవారం ఏకపక్షంగా సాగిన పోరులో స్టీలర్స్‌ సంపూర్ణ ఆధిపత్యం కనబర్చింది. హరియాణా తరఫున వినయ్‌ 9 పాయింట్లు, శివమ్‌ 8 పాయింట్లతో సత్తా చాటగా... మొహమ్మద్‌ రెజా 6 పాయింట్లు సాధించాడు. బెంగళూరు బుల్స్‌ తరఫున జతిన్‌ (5 పాయింట్లు) కాస్త పోరాడాడు. ఓవరాల్‌గా ఈ మ్యాచ్‌లో స్టీలర్స్‌ 21 రెయిడ్‌ పాయింట్లు సాధించగా... బెంగళూరు 14 రెయిడ్‌ పాయింట్లకే పరిమితమైంది. మరోవైపు ఈ సీజన్‌లో 18 మ్యాచ్‌లు ఆడి కేవలం 2 విజయాలు, 15 పరాజయాలు, ఒక ‘టై’తో 19 పాయింట్లతో ఉన్న బెంగళూరు బుల్స్‌... పట్టిక అట్టడుగున (12వ స్థానంలో) కొనసాగుతోంది. బుధవారమే జరిగిన మరో మ్యాచ్‌లో యు ముంబా 47–31 పాయింట్ల తేడాతో తమిళ్‌ తలైవాస్‌పై గెలుపొందింది. లీగ్‌లో భాగంగా గురువారం దబంగ్‌ ఢిల్లీతో తెలుగు టైటాన్స్‌ (రాత్రి 8 గంటలకు), యూపీ యోధాస్‌తో బెంగాల్‌ వారియర్స్‌ (రాత్రి 9 గంటలకు) తలపడతాయి.

పుణే: స్టార్‌ రెయిడర్‌ అర్జున్‌ దేశ్వాల్‌ 13 పాయింట్లతో సత్తా చాటాడు. దాంతో ప్రొ కబడ్డీ లీగ్‌ (పీకేఎల్‌) 11వ సీజన్‌లో జైపూర్‌ పింక్‌పాంథర్స్‌ తొమ్మిదో విజయం నమోదు చేసుకుంది. మంగళవారం జరిగిన ఈ పోరులో పింక్‌పాంథర్స్‌ 42–29 పాయింట్ల తేడాతో గుజరాత్‌ జెయింట్స్‌పై విజయం సాధించింది. మ్యాచ్‌ ఆరంభం నుంచి సూపర్‌ రెయిడ్‌లతో అర్జున్‌ అదరగొట్టగా... నీరజ్‌ నర్వాల్‌ (8 పాయింట్లు) అతడికి సహకరించాడు. గుజరాత్‌ జెయింట్స్‌ జట్టు తరఫున గుమాన్‌ సింగ్, రాకేశ్‌ చెరో 9 పాయింట్లు సాధించారు. తాజా సీజన్‌లో 18 మ్యాచ్‌లు ఆడిన జైపూర్‌ పింక్‌ పాంథర్స్‌ 9 విజయాలు, 7 పరాజయాలు, 2 ‘టై’లతో 54 పాయింట్లు ఖాతాలో వేసుకొని పట్టికలో ఆరో స్థానంలో కొనసాగుతోంది. మరోవైపు గుజరాత్‌ కేవలం ఐదు విజయాలతో పట్టికలో 11వ స్థానంలో ఉంది. మరో మ్యాచ్‌లో బెంగాల్‌ వారియర్స్‌ 44–29 పాయింట్ల తేడాతో బెంగళూరు బుల్స్‌పై గెలుపొందింది. వారియర్స్‌ తరఫున విశ్వాస్‌ 14 పాయింట్లు, ప్రణయ్‌ 9 పాయింట్లతో రాణించగా... బెంగళూరు తరఫున స్టార్‌ రెయిడర్, ‘డుబ్కీ కింగ్‌’ ప్రదీప్‌ నర్వాల్‌ 14 పాయింట్లతో ఒంటరి పోరాటం చేసినా ఫలితం లేకపోయింది. నేడు జరిగే మ్యాచ్‌ల్లో హరియాణా స్టీలర్స్‌తో బెంగళూరు బుల్స్‌ (రాత్రి 8 గంటలకు), యు ముంబాతో తమిళ్‌ తలైవాస్‌ (రాత్రి 9 గంటలకు) తలపడతాయి.

పుణే: స్టార్‌ రెయిడర్‌ దేవాంక్‌ దలాల్‌ 14 పాయింట్లతో సత్తా చాటడంతో ప్రొ కబడ్డీ లీగ్‌ (పీకేఎల్‌) 11వ సీజన్‌లో పట్నా పైరేట్స్‌ పదో విజయం ఖాతాలో వేసుకుంది. ఆదివారం జరిగిన పోరులో మాజీ చాంపియన్‌ పట్నా పైరేట్స్‌ 38–28 పాయింట్ల తేడాతో మాజీ విజేత జైపూర్‌ పింక్‌ పాంథర్స్‌పై గెలుపొందింది. మ్యాచ్‌ ఆరంభం నుంచే దేవాంక్‌ తన రెయిడింగ్‌తో వరుస పాయింట్లు కొల్లగొట్టగా... అతడికి అయాన్‌ (6 పాయింట్లు), దీపక్‌ (5 పాయింట్లు), అంకిత్‌ (5 పాయింట్లు) సహకరించారు. పింక్‌ పాంథర్స్‌ తరఫున అర్జున్‌ దేశ్వాల్‌ 7 పాయింట్లతో పోరాడాడు. తాజా సీజన్‌లో 17 మ్యాచ్‌లాడిన పట్నా పైరేట్స్‌ 10 విజయాలు, 6 పరాజయాలు, ఒక ‘టై’తో 58 పాయింట్లు సాధించింది. పాయింట్ల పట్టికలో రెండో స్థానానికి ఎగబాకింది. 17 మ్యాచ్‌ల్లో 8 విజయాలు, 7 పరాజయాలు, 2 ‘టై’లతో 49 పాయింట్లు సాధించిన పింక్‌ పాంథర్స్‌ ఏడో స్థానంలో ఉంది. హోరాహోరీగా సాగిన మరో మ్యాచ్‌లో గుజరాత్‌ జెయింట్స్‌ 34–33 పాయింట్ల తేడాతో యు ముంబాపై విజయం సాధించింది.గుజరాత్‌ జెయింట్స్‌ తరఫున గుమాన్‌ సింగ్, రాకేశ్‌ సుంగ్రోయా చెరో 10 పాయింట్లతో సత్తాచాటారు. యు ముంబా జట్టు తరఫున అజిత్‌ చవాన్‌ 14 పాయింట్లతో ఒంటరి పోరాటం చేసినా జట్టును గెలిపించలేకపోయాడు. నేడు జరిగే మ్యాచ్‌ల్లో హరియాణా స్టీలర్స్‌తో తెలుగు టైటాన్స్‌ (రాత్రి 8 గంటలకు), పుణేరి పల్టన్‌తో దబంగ్‌ ఢిల్లీ (రాత్రి 9 గంటలకు) తలపడనున్నాయి.

పుణే: ఈ సీజన్‌ ప్రొ కబడ్డీ లీగ్‌ (పీకేఎల్‌)లో తెలుగు టైటాన్స్‌ పదో విజయంతో నాలుగో స్థానానికి ఎగబాకింది. శనివారం జరిగిన పోరులో టైటాన్స్‌ 34–32తో బెంగాల్‌ వారియర్స్‌పై గెలిచింది. తెలుగు కెపె్టన్‌ విజయ్‌ మాలిక్‌ 19 సార్లు కూతకెళ్లి 11 పాయింట్లు తెచ్చిపెట్టాడు. మిగతా వారిలో ఆశిష్‌ నర్వాల్‌ (9) రాణించాడు. బెంగాల్‌ వారియర్స్‌ తరఫున మణిందర్‌ సింగ్‌ (14), మన్‌జీత్‌ (7) అదరగొట్టారు. దీంతో ఇరుజట్ల మధ్య ఆఖరిదాకా హోరాహోరీ సమరం జరిగింది. అంతకుముందు జరిగిన మ్యాచ్‌లో యూపీ యోధాస్‌ 36–33తో పుణేరి పల్టన్‌పై విజయం సాధించింది. యూపీ రెయిడర్‌ గగన్‌ గౌడ (15) చెలరేగాడు.17 సార్లు కూతకెళ్లిన గగన్‌ క్రమం తప్పకుండా పాయింట్లు తెచ్చిపెట్టాడు. మిగతా వారిలో భవాని రాజ్‌పుత్‌ (6) రాణించగా, కెప్టెన్‌ సుమిత్‌ 3, అశు సింగ్, మహేందర్, హితేశ్‌ తలా 2 పాయింట్లు చేశారు. పల్టన్‌ జట్టులో పంకజ్‌ మోహితే (11), మోహిత్‌ గోయత్‌ (7) రాణించారు. నేడు జరిగే మ్యాచ్‌ల్లో పట్నా పైరేట్స్‌తో జైపూర్‌ పింక్‌ పాంథర్స్‌... యూ ముంబాతో గుజరాత్‌ జెయంట్స్‌ తలపడతాయి.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో తమిళ్‌ తలైవాస్‌ జట్టు ఆరో విజయం నమోదు చేసుకుంది. శుక్రవారం జరిగిన ఈ పోరులో సంపూర్ణ ఆధిపత్యం కనబర్చిన తలైవాస్‌ 40–27 పాయింట్ల తేడాతో గుజరాత్‌ జెయింట్స్‌పై విజయం సాధించింది. తలైవాస్‌ తరఫున మోయిన్‌ షఫాఘి 13 పాయింట్లతో సత్తా చాటగా... సౌరభ్, హిమాన్షు చెరో 7 పాయింట్లు సాధించారు. గుజరాత్‌ జెయింట్స్‌ తరఫున హిమాన్షు 11 పాయింట్లతో పోరాడినా ఫలితం లేకపోయింది. తాజా సీజన్‌లో 16 మ్యాచ్‌లాడిన తమిళ్‌ తలైవాస్‌ 6 విజయాలు, 9 పరాజయాలు, ఒక ‘టై’తో 38 పాయింట్లు సంపాదించింది. ప్రస్తుతం తలైవాస్‌ తొమ్మిదో స్థానంలో ఉంది. మరోవైపు గుజరాత్‌ 16 మ్యాచ్‌ల్లో పదో పరాజయం మూటగట్టుకుంది. శుక్రవారమే జరిగిన రెండో మ్యాచ్‌లో హరియాణా స్టీలర్స్‌ 42–36 తేడాతో పట్నా పైరేట్స్‌ను చిత్తు చేసింది. హరియాణా జట్టు తరఫున శివమ్‌ 11 పాయింట్లు, మొహమ్మద్‌ రెజా 9 పాయింట్లు సాధించగా.. సంజయ్‌ ధుల్, వినయ్‌ చెరో 5 పాయింట్లు ఖాతాలో వేసుకున్నారు. పట్నా తరఫున దేవాంక్‌ 13 పాయింట్లతో పోరాడాడు. ఓవరాల్‌గా ఇరు జట్లు రెయిడింగ్‌లో చెరో 19 పాయింట్లు సాధించగా... డిఫెన్స్‌లో సత్తా చాటిన స్టీలర్స్‌ విజాయన్ని ఖరారు చేసుకుంది. ఈ సీజన్‌లో 17 మ్యాచ్‌లాడిన స్టీలర్స్‌ 13 విజయాలు, 4 పరాజయాలతో 67 పాయింట్లు సాధించింది. తమ అగ్రస్థానాన్ని పటిష్టం చేసుకుంది. పట్నా పైరేట్స్‌ 53 పాయింట్లతో మూడో స్థానంలో ఉంది. నేడు జరిగే మ్యాచ్‌ల్లో యూపీ యోధాస్‌తో పుణేరి పల్టన్‌ (రాత్రి 8 గంటలకు), తెలుగు టైటాన్స్‌తో బెంగాల్‌ వారియర్స్‌ (రాత్రి 9 గంటలకు) తలపడతాయి.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో గురువారం జరిగిన రెండు మ్యాచ్‌లు ‘టై’గా ముగిశాయి. దబంగ్‌ ఢిల్లీ, యూపీ యోధాస్‌ మధ్య జరిగిన తొలి మ్యాచ్‌ 32–32 పాయింట్లతో... జైపూర్‌ పింక్‌ పాంథర్స్, యు ముంబా మధ్య జరిగిన రెండో మ్యాచ్‌ 22–22 పాయింట్లతో ‘టై’ అయ్యాయి. ఢిల్లీ తరఫున అశు మలిక్‌ 11 పాయింట్లు, నవీన్‌ 8 పాయింట్లతో రాణించారు. యోధాస్‌ తరఫున గగన్‌ గౌడ 13 పాయింట్లు, భవానీ రాజ్‌పుత్‌ 10 పాయింట్లు సాధించారు. మాŠయ్చ్‌ ఆరంభం నుంచి ఇరు జట్లు హోరాహోరీగా పోరాడాయి. రక్షణాత్మక ధోరణిలో ముందుకు సాగిన ఇరు జట్లు ఒక్కోసారి ఆలౌటయ్యాయి. ఆధిక్యం చేతులు మారుతూ సాగిన మరో మ్యాచ్‌లో పింక్‌ పాంథర్స్, యు ముంబా జట్లు తుదికంటా పోరాడాయి. జైపూర్‌ తరఫున రెజా అత్యధికంగా 6 పాయింట్లు సాధించగా... యు ముంబా తరఫున సోమ్‌బీర్‌ 7 పాయింట్లతో సత్తా చాటాడు. ఈ మ్యాచ్‌లో ఇరుజట్లు డిఫెన్స్‌లో దుమ్మురేపాయి. తాజా సీజన్‌లో ఇప్పటి వరకు 16 మ్యాచ్‌లాడిన యు ముంబా 54 పాయింట్లతో రెండో స్థానానికి చేరింది. పింక్‌ పాంథర్స్‌ 49 పాయింట్లతోఆరో స్థానంలో ఉంది. నేడు జరిగే మ్యాచ్‌ల్లో తమిళ్‌ తలైవాస్‌తో గుజరాత్‌ జెయింట్స్‌ (రాత్రి 8 గంటలకు), హరియాణా స్టీలర్స్‌తో పట్నా పైరేట్స్‌ (రాత్రి 9 గంటలకు) తలపడతాయి.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో తెలుగు టైటాన్స్‌ జట్టుకు ఏడో పరాజయం ఎదురైంది. బుధవారం హోరాహోరీగా సాగిన పోరులో టైటాన్స్‌ 33–36తో యూపీ యోధాస్‌ చేతిలో ఓటమి పాలైంది. స్టార్‌ రెయిడర్‌ విజయ్‌ 11 పాయింట్లతో సత్తా చాటినా... కీలక సమయాల్లో ఆధిక్యం కనబర్చిన యోధాస్‌ విజేతగా నిలిచింది.ఓవరాల్‌గా ఈ మ్యాచ్‌లో టైటాన్స్‌ 19 రెయిడ్‌ పాయింట్లు సాధించగా... యూపీ యోధాస్‌ 24 పాయింట్లతో ముందంజ వేసింది. యూపీ యోధాస్‌ ప్రధాన రెయిడర్‌ గగన్‌ నారంగ్‌ 15 పాయింట్లతో విజృంభించాడు. తాజా సీజన్‌లో 16 మ్యాచ్‌లాడిన టైటాన్స్‌ తొమ్మిందిట గెలిచింది. ఏడింటిలో ఓడింది. 49 పాయింట్లతో నాలుగో స్థానంలో ఉంది. మరో మ్యాచ్‌లో బెంగాల్‌ వారియర్స్‌ 39–32తో హరియాణా స్టీలర్స్‌ను ఓడించింది. నేడు జరిగే మ్యాచ్‌ల్లో దబంగ్‌ ఢిల్లీతో యూపీ యోధాస్‌ (రాత్రి 8 గంటలకు), జైపూర్‌ పింక్‌ పాంథర్స్‌తో యు ముంబా (రాత్రి 9 గంటలకు) తలపడతాయి.

పుణే: ప్రొ కబడ్డీ లీగ్‌ (పీకేఎల్‌) 11వ సీజన్‌లో యు ముంబా జట్టు తమ ఖాతాలో తొమ్మిదో విజయం జమ చేసుకుంది. సమష్టి ప్రదర్శనతో సత్తా చాటిన యు ముంబా మంగళవారం జరిగిన పోరులో 43–29 పాయింట్ల తేడాతో డిఫెండింగ్‌ చాంపియన్‌ పుణేరి పల్టన్‌ను బోల్తా కొట్టించింది. యు ముంబా తరఫున అజిత్‌ చవాన్‌ 12 పాయింట్లతో సత్తా చాటగా... సునీల్‌ కుమార్, మన్‌జీత్, సోమ్‌బీర్‌ తలా 5 పాయింట్లు సాధించారు. పుణేరి పల్టన్‌ తరఫున పంకజ్‌ మోహిత్‌ 9 పాయింట్లతో పోరాడినా ఫలితం లేకపోయింది. ఓవరాల్‌గా ఈ మ్యాచ్‌లో యు ముంబా 20 రెయిడ్‌ పాయింట్లు సాధించగా... పల్టన్‌ 14 పాయింట్లకే పరిమితమై పరాజయం వైపు నిలిచింది. తాజా సీజన్‌లో 15 మ్యాచ్‌లాడి 9 విజయాలు, 5 పరాజయాలు, ఒక ‘టై’తో 51 పాయింట్లు ఖాతాలో వేసుకున్న యు ముంబా మూడో స్థానానికి ఎగబాకింది. మరోవైపు 16 మ్యాచ్‌ల్లో 7 విజయాలు, 6 పరాజయాలు, 3 ‘టై’లతో 47 పాయింట్లు సాధించిన పుణేరి పల్టన్‌ ఆరో స్థానంలో ఉంది. బెంగళూరు బుల్స్, గుజరాత్‌ జెయింట్స్‌ మధ్య జరిగిన పోరు 34–34 పాయింట్లతో ‘టై’గా ముగిసింది. బెంగళూరు బుల్స్‌ తరఫున నితిన్‌ 7 పాయింట్లు సాధించగా... ప్రదీప్‌ నర్వాల్, సుశీల్‌ చెరో 6 పాయింట్లు సాధించారు. గుజరాత్‌ జెయింట్స్‌ తరఫున రాకేశ్‌ 7 పాయింట్లు ఖాతాలో వేసుకున్నాడు. బుధవారం జరగనున్న మ్యాచ్‌ల్లో యూపీ యోధాస్‌తో తెలుగు టైటాన్స్‌ (రాత్రి 8 గంటలకు), హరియాణా స్టీలర్స్‌తో బెంగాల్‌ వారియర్స్‌ (రాత్రి 9 గంటలకు) తలపడతాయి.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో తమిళ్‌ తలైవాస్‌పై దబంగ్‌ ఢిల్లీ ఘన విజయం సాధించింది. స్టార్‌ రెయిడర్‌ నవీన్‌ కుమార్‌ 11 పాయింట్లతో సత్తా చాటడంతో.. ఆదివారం జరిగిన పోరులో దబంగ్‌ 32–21 పాయింట్లతో తలైవాస్‌ను చిత్తు చేసింది. ఢిల్లీ జట్టు తరఫున నవీన్‌ కుమార్, ఆశు మలిక్‌ (5 పాయింట్లు) రాణించారు.ఇక తలైవాస్‌ తరఫున మోయిన్‌ (8 పాయింట్లు) పోరాడినా లాభం లేకపోయింది. ఓవరాల్‌గా ఈ మ్యాచ్‌లో ఢిల్లీ 18 రెయిడ్‌ పాయింట్లు, 12 ట్యాకిల్‌ పాయింట్లు సాధించగా... తలైవాస్‌ ఆ స్థాయి ప్రదర్శన కనబర్చలేకపోయింది.తాజా సీజన్‌లో 15 మ్యాచ్‌లాడిన ఢిల్లీ 7 విజయాలు, 5 పరాజయాలు, 3 ‘టై’లు నమోదు చేసుకుంది. 48 పాయింట్లతో ఢిల్లీ మూడో స్థానానికి ఎగబాకింది. మరోవైపు 15 మ్యాచ్‌ల్లో 9వ పరాజయం మూటగట్టుకున్న తలైవాస్‌ 33 పాయింట్లతో తొమ్మిదో స్థానంలో ఉంది.బెంగాల్‌ వారియర్స్‌పై పట్నా గెలుపుమరోవైపు... హోరాహోరీగా సాగిన మరో మ్యాచ్‌లో పట్నా పైరేట్స్‌ 38–35 పాయింట్ల తేడాతో బెంగాల్‌ వారియర్స్‌పై గెలిచింది. పైరేట్స్‌ తరఫున దేవాంక్‌ 13 పాయింట్లు, అయాన్‌ 8 పాయింట్లతో ఆకట్టుకోగా... వారియర్స్‌ తరఫున మణిందర్‌ సింగ్‌ 11 పాయింట్లతో పోరాడాడు. ఇరు జట్లు అటు రెయిడింగ్, ఇటు ట్యాక్లింగ్‌లో సమంగా నిలిచినా... ఎక్స్‌ట్రాల రూపంలో 4 పాయింట్లు సాధించిన పైరేట్స్‌ మ్యాచ్‌లో విజేతగా నిలిచింది. సోమవారం విశ్రాంతి దినం. మంగళవారం నుంచి పుణే వేదికగా పోటీలు జరగనున్నాయి. ఇందులో భాగంగా తొలుత బెంగళూరు బుల్స్‌తో గుజరాత్‌ జెయింట్స్, యు ముంబాతో పుణేరి పల్టన్‌ తలపడతాయి. చదవండి: బిగ్‌బాష్‌ లీగ్‌ విజేత మెల్‌బోర్న్‌ రెనెగేడ్స్‌

నోయిడా: స్టార్‌ రెయిడర్‌ విజయ్‌ 17 పాయింట్లతో పోరాడినా... ప్రొ కబడ్డీ లీగ్‌ (పీకేఎల్‌) 11వ సీజన్‌లో తెలుగు టైటాన్స్‌కు పరాజయం తప్పలేదు. లీగ్‌లో భాగంగా శనివారం జరిగిన పోరులో తెలుగు టైటాన్స్‌ 28–41 పాయింట్ల తేడాతో జైపూర్‌ పింక్‌ పాంథర్స్‌ చేతిలో ఓడింది. విజయ్‌ ఒంటరి పోరాటం చేయగా... అతడికి సహచరుల నుంచి తోడ్పాటు లభించలేదు. పింక్‌ పాంథర్స్‌ తరఫున నీరజ్‌ నర్వాల్‌ (12 పాయింట్లు), అర్జున్‌ దేశ్వాల్‌ (11 పాయింట్లు) సత్తా చాటారు. ఓవరాల్‌గా ఈ మ్యాచ్‌లో తెలుగు టైటాన్స్‌ 19 రెయిడ్‌ పాయింట్లు సాధించగా... జైపూర్‌ పింక్‌ పాంథర్స్‌ 22 రెయిడ్‌ పాయింట్లు సాధించింది. ట్యాక్లింగ్‌లో పింక్‌ పాంథర్స్‌ 12 పాయింట్లు సాధించగా... టైటాన్స్‌ 7 ట్యాక్లింగ్‌ పాయింట్లకే పరిమితమైంది. టైటాన్స్‌ మూడు సార్లు ఆలౌట్‌ కావడంతో ప్రత్యర్థి జట్టుకు అదనంగా 6 పాయింట్లు దక్కాయి.తాజా సీజన్‌లో 15 మ్యాచ్‌లాడి 9 విజయాలు, 6 పరాజయాలతో 48 పాయింట్లు ఖాతాలో వేసుకున్న టైటాన్స్‌ పట్టికలో రెండో స్థానంలో కొనసాగుతుండగా... జైపూర్‌ పింక్‌ పాంథర్స్‌ (46 పాయింట్లు) పట్టికలో ఐదో స్థానంలో ఉంది. మరో మ్యాచ్‌లో పట్నా పైరెట్స్‌ 54–29 పాయింట్ల తేడాతో బెంగళూరు బుల్స్‌పై గెలుపొందింది. పట్నా పైరెట్స్‌ తరఫున దేవాంక్‌ 17 పాయింట్లు, అయాన్‌ 13 పాయింట్లతో విజృంభించగా... బుల్స్‌ తరఫున జై భగవాన్‌ 9 పాయింట్లు, ప్రదీప్‌ నర్వాల్‌ 8 పాయింట్లు సాధించారు. 25 పాయింట్ల తేడాతో నెగ్గిన పట్నా జట్టు పట్టికలో మూడో స్థానానికి ఎగబాకింది.

నోయిడా: ప్రొ కబడ్డీ లీగ్‌లో హరియాణా స్టీలర్స్‌ జోరు కొనసాగుతోంది. ఆల్‌రౌండ్‌ ప్రదర్శనతో అదరగొడుతున్న హరియాణా స్టీలర్స్‌... లీగ్‌లో వరుసగా నాలుగో విజయం ఖాతాలో వేసుకుంది. శుక్రవారం జరిగిన పోరులో హరియాణా స్టీలర్స్‌ 42–30తో తమిళ్‌ తలైవాస్‌పై గెలుపొందింది. మ్యాచ్‌ ఆరంభం నుంచి పూర్తి ఆధిపత్యం కనబర్చిన స్టీలర్స్‌ ఓవరాల్‌గా 23 రెయిడ్‌ పాయింట్లు, 13 ట్యాకిల్‌ పాయింట్లు సాధించింది. ప్రత్యరి్థని రెండుసార్లు ఆలౌట్‌ చేయడం ద్వారా మరో నాలుగు పాయింట్లు ఖాతాలో వేసుకుంది. స్టీలర్స్‌ తరఫున వినయ్‌ (9 పాయింట్లు), నవీన్‌ (6 పాయింట్లు), రాహుల్‌ (6 పాయింట్లు) రాణించారు. తలైవాస్‌ తరఫున మోయిన్‌ 11 పాయింట్లతో ఒంటరి పోరాటం చేశాడు. లీగ్‌లో ఇప్పటి వరకు 15 మ్యాచ్‌లాడిన స్టీలర్స్‌ 12 విజయాలు, 3 పరాజయాలతో 61 పాయింట్లతో అగ్రస్థానాన్ని మరింత పటిష్టం చేసుకుంది. 14 మ్యాచ్‌లాడిన తలైవాస్‌ 5 విజయాలు, 8 పరాజయాలు, ఒక ‘టై’తో 33 పాయింట్లతో 9వ స్థానంలో ఉంది. మరో మ్యాచ్‌లో పుణేరి పల్టన్‌ 34–33తో గుజరాత్‌ జెయింట్స్‌పై గెలిచింది. పల్టన్‌ తరఫున ఆకాశ్‌ షిండే 12 పాయింట్లతో అదరగొట్టగా... గుజరాత్‌ జెయింట్స్‌ తరఫున గుమన్‌ సింగ్‌ 16 పాయింట్లతో పోరాడినా లాభం లేకపోయింది. తాజా సీజన్‌లో 15 మ్యాచ్‌లాడి 7 విజయాలు, 5 పరాజయాలు, 3 ‘టై’లతో 47 పాయింట్లతో పల్టన్‌ మూడో స్థానానికి ఎగబాకింది. నేడు జరిగే మ్యాచ్‌ల్లో పట్నా పైరెట్స్‌తో బెంగళూరు బుల్స్‌ (రాత్రి 8 గంటలకు), జైపూర్‌ పింక్‌ పాంథర్స్‌తో తెలుగు టైటాన్స్‌ (రాత్రి 9 గంటలకు) తలపడతాయి.

నోయిడా: స్టార్‌ రెయిడర్‌లు ఆశిష్‌ కుమార్, విజయ్‌ చెరో 10 పాయింట్లతో విజృంభించడంతో ప్రొ కబడ్డీ లీగ్‌లో తెలుగు టైటాన్స్‌ జట్టు మళ్లీ గెలుపు బాట పట్టింది. గత మ్యాచ్‌లో గుజరాత్‌ జెయింట్స్‌ చేతిలో ఓడిన టైటాన్స్‌... గురువారం జరిగిన పోరులో 41–35 పాయింట్ల తేడాతో మాజీ చాంపియన్‌ యు ముంబాపై ఘనవిజయం సాధించింది. అటు రెయిడింగ్, ఇటు డిఫెన్స్‌లో ఆకట్టుకున్న తెలుగు టైటాన్స్‌ జట్టు ప్రత్యర్థిని మూడుసార్లు ఆలౌట్‌ చేసి సత్తా చాటగా... యు ముంబా జట్టు టైటాన్స్‌ను ఒకేసారి ఆలౌట్‌ చేయగలిగింది. తాజా లీగ్‌లో ఇప్పటి వరకు 14 మ్యాచ్‌లాడిన తెలుగు టైటాన్స్‌ 9 విజయాలు, 5 పరాజయాలతో 48 పాయింట్లు సాధించి రెండో స్థానానికి ఎగబాకింది. మరోవైపు 14 మ్యాచ్‌ల్లో 8 విజయాలు, 5 పరాజయాలు, ఒక ‘టై’తో 46 పాయింట్లతో ఉన్న యు ముంబా మూడో స్థానంలో నిలిచింది. మరో మ్యాచ్‌లో యూపీ యోధాస్‌ 33–29తో జైపూర్‌ పింక్‌ పాంథర్స్‌పై గెలుపొందింది. నేడు జరిగే మ్యాచ్‌ల్లో తమిళ్‌ తలైవాస్‌తో హరియాణా స్టీలర్స్‌ (రాత్రి 8 గంటలకు), గుజరాత్‌ జెయింట్స్‌తో పుణేరి పల్టన్‌ (రాత్రి 9 గంటలకు) తలపడతాయి.

ప్రొ కబడ్డీ లీగ్‌ 11వ సీజన్‌ ఫైనల్‌ వేదిక ఖరారైంది. పుణే వేదికగా ఈ మెగా టోర్నీ టైటిల్‌ పోరు జరుగనుంది. ఈసారి లీగ్‌ను మూడు నగరాల్లో నిర్వహిస్తుండగా... హైదరాబాద్‌ వేదికగా మ్యాచ్‌లు పూర్తయ్యాయి. ప్రస్తుతం నోయిడా వేదికగా పోటీలు జరుగుతున్నాయి.ఇక.. డిసెంబర్‌ 3 నుంచి మూడో అంచె మ్యాచ్‌లు పుణేలో జరుగుతాయి. ఆ తర్వాత ప్లే ఆఫ్స్, సెమీఫైనల్స్‌తో పాటు తుదిపోరును పుణేలోనే నిర్వహించనున్నారు. బలేవాడి స్పోర్ట్స్‌ కాంప్లెక్స్‌లో ఉన్న బ్యాడ్మింటన్‌ హాల్‌లో ఈ పోటీలు నిర్వహిస్తారు.డిసెంబర్‌ 29నఇక గ్రూప్‌ దశ ముగిసేసరికి పాయింట్ల పట్టికలో తొలి రెండు స్థానాల్లో నిలిచిన జట్లు నేరుగా సెమీఫైనల్‌కు అర్హత సాధిస్తాయి. మరోవైపు.. మూడు నుంచి ఆరు స్థానాల్లో నిలిచిన జట్లు ప్లే ఆఫ్స్‌లో తలపడతాయి. కాగ.. డిసెంబర్‌ 26న రెండు ఎలిమినేటర్‌ మ్యాచ్‌లు... డిసెంబర్‌ 27న రెండు సెమీఫైనల్స్‌ జరుగుతాయి. డిసెంబర్‌ 29న ఫైనల్‌తో టోర్నీ ముగుస్తుంది.ఎనభై మ్యాచ్‌లు ముగిసేసరికి ప్రొ కబడ్డి లీగ్‌ 2024 పాయింట్ల పట్టిక ప్రస్తుతం ఇలా..1. హర్యానా స్టీలర్స్‌: ఆడినవి 14.. గెలిచినవి 11.. ఓడినవి మూడు.. పాయింట్లు 562. యు ముంబా: ఆడినవి 13... గెలిచినవి 8.. ఓడినవి 4.. టై.. ఒకటి.. పాయింట్లు 453. దబాంగ్‌ ఢిల్లీ: 14... గెలిచినవి 6... ఓడినవి ఐదు.. టై.. మూడు.. పాయింట్లు 434. తెలుగు టైటాన్స్‌: ఆడినవి 13... గెలిచినవి 8.. ఓడినవి 5.. పాయింట్లు 435. పట్నా పైరేట్స్‌: ఆడినవి 13... గెలిచినవి 7.. ఓడినవి 5.. టై ఒకటి.. పాయింట్లు 436. పుణెరి పల్టన్‌: ఆడినవి 14... గెలిచినవి 6.. ఓడినవి 5.. టై ఒకటి.. పాయింట్లు 427. జైపూర్‌ పింక్‌ పాంథర్స్‌: ఆడినవి 13.. గెలిచినవి 7.. ఓడినవి ఐదు.. టై ఒకటి.. పాయింట్లు 408. యూపీ యోధాస్‌: ఆడినవి 13... గెలిచినవి 6.. ఓడినవి 6.. టై ఒకటి.. పాయింట్లు 389. తమిళ్‌ తలైవాస్‌: ఆడినవి 13.. గెలిచినవి 5.. ఓడినవి 7.. టై ఒకటి.. పాయింట్లు 3310. బెంగాల్‌ వారియర్స్‌: ఆడినవి 13... గెలిచినవి 3.. ఓడినవి 8.. టై 2.. పాయింట్లు 2511. గుజరాత్‌ జెయింట్స్‌: ఆడినవి 13.. గెలిచివని 4.. ఓడినవి 8.. టై ఒకటి.. పాయింట్లు 2512. బెంగళూరు బుల్స్‌: ఆడినవి 14.. గెలిచినవి 2.. ఓడినవి 12.. పాయింట్లు 16.చదవండి: రాణించిన రహానే.. దుమ్మురేపిన శ్రేయస్‌ అయ్యర్‌

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో హరియాణా స్టీలర్స్‌ జోరు కొనసాగుతోంది. వరుస విజయాలతో దూసుకెళ్తున్న స్టీలర్స్‌ బుధవారం జరిగిన పోరులో 38–28 పాయింట్ల తేడాతో డిఫెండింగ్‌ చాంపియన్‌ పుణేరి పల్టన్‌పై విజయం సాధించింది. లీగ్‌లో హరియాణాకిది వరుసగా మూడో విజయం కావడం విశేషం. మ్యాచ్‌ ఆరంభంలోనే ఐదు పాయింట్లు సాధించిన హరియాణా అదే జోరులో ప్రత్యర్థిని ఆలౌట్‌ చేసి స్పష్టమైన ఆధిక్యం సాధించింది. తొలి అర్ధభాగం ముగిసేసరికి 22–14తో నిలిచిన స్టీలర్స్‌... ప్రత్యరి్థకి ఏమాత్రం అవకాశం ఇవ్వకుండా ద్వితీయార్ధంలోనూ చెలరేగి మ్యాచ్‌ను సొంతం చేసుకుంది. స్టీలర్స్‌ జట్టు అటు రెయిడింగ్‌తో పాటు ఇటు డిఫెన్స్‌లో ఆకట్టుకుంటే... కేవలం రెయిడింగ్‌నే నమ్ముకున్న పల్టన్‌కు పరాజయం తప్పలేదు. స్టీలర్స్‌ తరఫున శివమ్‌ 13 పాయింట్లు సాధించగా... పుణేరి పల్టన్‌ తరఫున పంకజ్‌ 11 పాయింట్లతో పోరాడాడు. లీగ్‌లో 14 హోయ్చ్‌లు ఆడిన హరియాణా స్టీలర్స్‌ 11 విజయాలు, 3 పరాజయాలతో 56 పాయింట్లతో అగ్రస్థానంలో కొనసాగుతుండగా... పుణేరి పల్టన్‌ 14 మ్యాచ్‌లాడి 6 విజయాలు, 5 పరాజయాలు, 3 ‘టై’లతో 42 పాయింట్లతో ఆరో స్థానంలో ఉంది. మరో మ్యాచ్‌లో గుజరాత్‌ జెయింట్స్‌ 39–37 పాయింట్ల తేడాతో బెంగాల్‌ వారియర్స్‌పై గెలుపొందింది. గుజరాత్‌ తరఫున గుమన్‌ సింగ్‌ 12 పాయింట్లతో సత్తా చాటగా... వారియర్స్‌ తరఫున మణిందర్‌ 11 పాయింట్లతో రాణించాడు. నేడు జరిగే మ్యాచ్‌ల్లో యూపీ యోధాస్‌తో జైపూర్‌ పింక్‌ పాంథర్స్‌ (రాత్రి 8 గంటలకు), యు ముంబాతో తెలుగు టైటాన్స్‌ (రాత్రి 9 గంటలకు) తలపడతాయి.

నోయిడా: ప్రొ కబడ్డీ లీగ్‌ (పీకేఎల్‌)లో తమిళ్‌ తలైవాస్‌ వరుస పరాజయాలకు బ్రేక్‌ వేస్తూ ఈ సీజన్‌లో ఐదో విజయాన్ని నమోదు చేసింది. మంగళవారం జరిగిన పోరులో తలైవాస్‌ 40–26 స్కోరుతో యూపీ యోధాస్‌పై ఘనవిజయం సాధించింది. డిఫెండర్‌ మొయిన్‌ షఫాగి (8 పాయింట్లు) అదరగొట్టగా, రెయిడర్లు నరేందర్‌ ఖండోలా (6), మసన ముత్తు (6) రాణించారు. డిఫెండర్లు రోనక్, ఆశిష్, నితీశ్, అమిర్‌ హుస్సేన్‌ తలా 2 పాయింట్లు చేశారు.యూపీ తరఫున గగన్‌ గౌడ 8, అశు సింగ్‌ 5, భవానీ రాజ్‌పుత్‌ 3 పాయింట్లు సాధించారు. నిజానికి తొలి అర్ధభాగంలో చకచకా పాయింట్లు సాధించిన యోధాస్‌ రెండో అర్ధభాగంలో తేలిపోయింది. 17–12తో పైచేయి సాధించిన యూపీ ద్వితీయార్ధంలో మరో 9 పాయింట్లే చేసి ఏకంగా 28 పాయింట్లను సమర్పించుకుంది. తొలి అర్ధభాగంలో తలైవాస్‌ ఒకసారి ఆలౌట్‌ కాగా, రెండో అర్ధభాగంలో తలైవాస్‌ ఆటగాళ్ల దూకుడుకు యూపీ యోధాస్‌ ఏకంగా మూడు సార్లు ఆలౌట్‌ కావడం విశేషం. మరో మ్యాచ్‌లో దబంగ్‌ ఢిల్లీ, పట్నా పైరేట్స్‌ జట్ల మధ్య జరిగిన మ్యాచ్‌ 39–39తో ‘టై’ అయ్యింది. పట్నా రెయిడర్‌ దేవాంక్‌ (15) క్రమం తప్పకుండా పాయింట్లు తెచి్చపెట్టగా, డిఫెండర్‌ దీపక్‌ (7) ఆకట్టుకున్నాడు. దబంగ్‌ జట్టులో రెయిడర్‌ అశు మలిక్‌ (11), ఆల్‌రౌండర్‌ ఆశిష్‌ (7), రెయిడర్‌ నవీన్‌ కుమార్‌ (6) రాణించారు. నేడు జరిగే పోటీల్లో హరియాణా స్టీలర్స్‌తో పుణేరి పల్టన్‌... బెంగాల్‌ వారియర్స్‌తో గుజరాత్‌ జెయింట్స్‌ తలపడనున్నాయి.

నోయిడా: డిఫెండింగ్‌ చాంపియన్‌ పుణేరి పల్టన్‌ ఆల్‌రౌండ్‌ ప్రదర్శనకు బెంగాల్‌ వారియర్స్‌ చేతులెత్తేసింది. ప్రొ కబడ్డీ లీగ్‌ (పీకేఎల్‌)లో ఆదివారం జరిగిన తొలి మ్యాచ్‌లో పుణేరి పల్టన్‌ అర్ధసెంచరీని మించిన పాయింట్లను అవలీలగా చేసింది. కూతకెళ్లిన రెయిడర్లు, డిఫెండర్లు క్రమం తప్పకుండా పాయింట్లను సాధించారు. దీంతో పల్టన్‌ 51–34 స్కోరుతో 17 పాయింట్ల తేడాతో వారియర్స్‌పై జయభేరి మోగించింది. ఆట మొదలైన 7 నిమిషాలకే బెంగాల్‌ ఆలౌటైంది. మళ్లీ తొలి అర్ధభాగం ముగిసే దశలో ఆలౌట్‌ కావడంతో 24–11తో పుణేరి పూర్తి ఆధిపత్యంతో బ్రేక్‌కు వెళ్లింది. అనంతరం రెండో అర్ధభాగంలోనూ వారియర్స్‌ ఆటతీరు ఏమాత్రం మారలేదు. ఐదు నిమిషాలకే మ్యాచ్‌లో మూడోసారి ఆలౌటైంది. 11 నిమిషాల వ్యవధిలో నాలుగోసారి ఆలౌటైంది. పుణేరి జట్టు మ్యాచ్‌లో ఒకే ఒక్కసారి అది కూడా మ్యాచ్‌ ముగిసే ఆఖరి నిమిషంలో ఆలౌట్‌ కాగా... అప్పటికే పాయింట్ల ఫిఫ్టీ కొట్టింది. పల్టన్‌ రెయిడర్లు ఆకాశ్‌ షిండే (9 పాయింట్లు), మోహిత్‌ గోయత్‌ (9), పంకజ్‌ మోహితె (6), డిఫెండర్లు మోహిత్‌ (5), గౌరవ్‌ ఖత్రి (3) రాణించారు. బెంగాల్‌ తరఫున రెయిడర్‌ నితిన్‌ కుమార్‌ (13) అదరగొట్టాడు. మిగతా వారిలో కెప్టెన్, డిఫెండర్‌ ఫజల్‌ అత్రాచలి (3), ప్రణయ్‌ రాణే (5) మెరుగ్గా ఆడారు. తర్వాత జరిగిన రెండో మ్యాచ్‌లో యూపీ యోధాస్‌ 44–42తో పట్నా పైరేట్స్‌పై గెలిచింది. యూపీ ఆటగాళ్లలో గగన్‌ గౌడ (11), భవాని రాజ్‌పుత్‌ (10), హితేశ్‌ (8)లు రాణించారు. పట్నా జట్టులో రెయిడర్‌ దేవాంక్‌ (18) ఆకట్టుకున్నాడు. అయాన్‌ (10) రాణించాడు. నేడు జరిగే మ్యాచ్‌ల్లో పుణేరి పల్టన్‌తో జైపూర్‌ పింక్‌పాంథర్స్‌ తలపడనుండగా, యు ముంబాతో బెంగళూరు బుల్స్‌ పోటీపడుతుంది.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో జోరు మీదున్న తెలుగు టైటాన్స్‌ జట్టుకు వరుసగా మూడు విజయాల తర్వాత పరాజయం ఎదురైంది. శనివారం జరిగిన పోరులో తెలుగు టైటాన్స్‌ 28–31 పాయింట్ల తేడాతో గుజరాత్‌ జెయింట్స్‌ చేతిలో ఓటమి పాలైంది. టైటాన్స్‌ తరఫున విజయ్‌ 15 పాయింట్లతో సత్తాచాటగా.. ఆశీష్‌ నర్వాల్‌ 7 పాయింట్లు సాధించాడు. గుజరాత్‌ టైటాన్స్‌ తరఫున ప్రతీక్‌ దహియా 11 పాయింట్లతో రాణించాడు. ఓవరాల్‌గా ఈ మ్యాచ్‌లో గుజరాత్‌ జెయింట్స్‌ 16 రెయిడ్‌ పాయింట్లు సాధించగా... తెలుగు టైటాన్స్‌ 21 పాయింట్లు సాధించింది. అయితే ట్యాక్లింగ్‌లో జెయింట్స్‌ 12 పాయింట్లతో సత్తాచాటగా... టైటాన్స్‌ 6 పాయింట్లకే పరిమితమై పరాజయం పాలైంది. తాజా సీజన్‌లో 13 మ్యాచ్‌లాడిన తెలుగు టైటాన్స్‌ 8 విజయాలు, 5 పరాజయాలతో 43 పాయింట్లు ఖాతాలో వేసుకొని పట్టికలో రెండో స్థానంలో కొనసాగుతోంది. గుజరాత్‌ జెయింట్స్‌కు ఇది మూడో విజయం కాగా... 20 పాయింట్లతో ఆ జట్టు పట్టికలో 11వ స్థానంలో ఉంది. మరో మ్యాచ్‌లో హరియాణా స్టీలర్స్‌ 43–30 పాయింట్ల తేడాతో జైపూర్‌ పింక్‌ పాంథర్స్‌పై గెలుపొందింది. స్టీలర్స్‌ తరఫున వినయ్, శివమ్‌ చెరో 11 పాయింట్లతో కదంతొక్కగా... జైపూర్‌ తరఫున అర్జున్‌ దేశ్వాల్‌ 16 పాయింట్లతో ఒంటరి పోరాటం చేశాడు. హరియాణా స్టీలర్స్‌ 13 మ్యాచ్‌ల్లో 10 విజయాలు 3 పరాజయాలతో 51 పాయింట్లతో పట్టిక ‘టాప్‌’లో నిలిచింది. లీగ్‌లో భాగంగా ఆదివారం పుణేరి పల్టన్‌తో బెంగాల్‌ వారియర్స్‌ (రాత్రి 8 గంటలకు), పట్నా పైరెట్స్‌తో యూపీ యోధాస్‌ (రాత్రి 9 గంటలకు) తలపడతాయి.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో దబంగ్‌ ఢిల్లీ ఆరో విజయం నమోదు చేసుకుంది. శుక్రవారం జరిగిన పోరులో దబంగ్‌ ఢిల్లీ 35–21 పాయింట్ల తేడాతో మాజీ చాంపియన్‌ జైపూర్‌ పింక్‌ పాంథర్స్‌పై విజయం సాధించింది. దబంగ్‌ ఢిల్లీ తరఫున స్టార్‌ రెయిడర్‌ అశు మలిక్‌ 9 పాయింట్లతో సత్తా చాటగా.. యోగేశ్‌ దహియా 5 పాయింట్లు సాధించాడు. జైపూర్‌ పింక్‌ పాంథర్స్‌ తరఫున అర్జున్‌ దేశ్వాల్‌ 7 పాయింట్లతో పోరాడినా అతడికి సహచరుల నుంచి సరైన తోడ్పాటు లభించలేదు. లీగ్‌లో ఇప్పటి వరకు 13 మ్యాచ్‌లు ఆడిన దబంగ్‌ ఢిల్లీ 6 విజయాలు, 5 పరాజయాలు, 2 ‘టై’లతో 40 పాయింట్లు ఖాతాలో వేసుకొని మూడో స్థానానికి చేరింది. జైపూర్‌ పింక్‌ పాంథర్స్‌ పట్టికలో ఏడో స్థానంలో ఉంది. మరో మ్యాచ్‌లో యూపీ యోధాస్‌ 40–24 పాయింట్ల తేడాతో తమిళ్‌ తలైవాస్‌పై గెలుపొందింది. యూపీ యోధాస్‌ రెయిడర్‌ భవానీ రాజ్‌పుత్‌ 10 పాయింట్లతో విజృంభించగా... డిఫెన్స్‌లో హితేశ్‌ 6 పాయింట్లతో ఆకట్టుకున్నాడు. తమిళ్‌ తలైవాస్‌ తరఫున విశాల్‌ చాహల్, నితీశ్‌ కుమార్‌ చెరో ఆరు పాయింట్లు సాధించినా ఫలితం లేకపోయింది. తాజా సీజన్‌లో 5 విజయం నమోదు చేసుకున్న యూపీ యోధాస్‌ 33 పాయింట్లతో పట్టికలో ఎనిమిదో స్థానానికి చేరగా... గత ఐదు మ్యాచ్‌ల్లో నాలుగో పరాజయం మూటగట్టుకున్న తమిళ్‌ తలైవాస్‌ 28 పాయింట్లతో తొమ్మిదో స్థానంలో ఉంది. లీగ్‌లో భాగంగా శనివారం గుజరాత్‌ జెయింట్స్‌తో తెలుగు టైటాన్స్‌ (రాత్రి 8 గంటకు), జైపూర్‌ పింక్‌ పాంథర్స్‌తో హరియాణా స్టీలర్స్‌ (రాత్రి 9 గంటలకు) తలపడతాయి.

నోయిడా: ప్రొ కబడ్డీ లీగ్‌ (పీకేఎల్‌)లో తెలుగు టైటాన్స్‌ ‘హ్యాట్రిక్‌’ విజయాలతో పట్టికలో రెండో స్థానానికి ఎగబాకింది. గురువారం జరిగిన పోరులో టైటాన్స్‌ 31–29తో బెంగాల్‌ వారియర్స్‌ పై నెగ్గింది. కెప్టెన్ విజయ్‌ మలిక్‌ (14 పాయింట్లు) అద్భుతంగా రాణించాడు. మ్యాచ్‌ కీలక దశలో రెయిడింగ్‌కు వెళ్లిన విజయ్‌ మూడు పాయింట్లు తెచ్చిపెట్టడం టైటాన్స్‌ విజయానికి కారణమైంది. డిఫెన్స్‌లోనూ తెలుగు జట్టు ప్రత్యర్థిపై పైచేయి సాధించేలా చేసింది. ఆల్‌రౌండర్‌ శంకర్‌ గడాయ్, డిఫెండర్‌ అంకిత్, రెయిడర్‌ మన్‌జీత్‌ తలా 3 పాయింట్లు సాధించారు. వారియర్స్‌ తరఫున రెయిడర్‌ ప్రణయ్‌ రాణే (9) అదరగొట్టాడు. తొలి అర్ధభాగాన్ని 19–9తో టైటాన్స్‌ ముగించగా... ద్వితీయార్ధంలో ప్రణయ్‌ క్రమంగా తెచ్చిపెట్టిన పాయింట్లతో రేసులోకి వచ్చింది. మిగతా వారిలో హేమరాజ్, విశ్వాస్‌ చెరో 4 పాయింట్లు చేశారు. అయితే తెలుగు కెప్టెన్‌ విజయ్‌ మలిక్‌ చేసిన పోరాటంతో విజయం దక్కింది. అనంతరం జరిగిన రెండో మ్యాచ్‌లో హరియాణా స్టీలర్స్‌ 32–26తో బెంగళూరు బుల్స్‌పై గెలుపొందింది. స్టీలర్స్‌ జట్టులో రెయిడర్‌ వినయ్‌ (12) ఆకట్టుకున్నాడు. మిగతా వారిలో ఆల్‌రౌండర్‌ మొహమ్మద్‌ రెజా 4, రెయిడర్‌ శివమ్‌ 5, డిఫెండర్‌ సంజయ్‌ 4 పాయింట్లు చేశారు. బుల్స్‌ జట్టులో ఒక్క అక్షిత్‌ (7) మాత్రమే నిలకడగా స్కోరు చేశాడు. స్టార్‌ రెయిడర్, కెప్టెన్‌ ప్రదీప్‌ నర్వాల్‌ (1) ఆకట్టుకోలేకపోయాడు. నితిన్‌ రావల్‌ (4), జై భగవాన్‌ (3) మెరుగ్గా ఆడారు. ఇప్పటివరకు 12 మ్యాచ్‌లాడిన హరియాణా 9 విజయాలతో టాప్‌లో నిలువగా, 12 మ్యాచ్‌ల్లో ఎనిమిది గెలిచిన టైటాన్స్‌ రెండో స్థానంలో ఉంది. నేడు జరిగే మ్యాచ్‌ల్లో తమిళ్‌ తలైవాస్‌తో యూపీ యోధాస్‌ (రాత్రి 8 గంటలకు), జైపూర్‌ పింక్‌ పాంథర్స్‌తో దబంగ్‌ ఢిల్లీ (రాత్రి 9 గంటలకు) తలపడతాయి.

నోయిడా: సమష్టి ప్రదర్శనతో సత్తా చాటిన తెలుగు టైటాన్స్‌ ప్రొ కబడ్డీ లీగ్‌ (పీకేఎల్‌) 11వ సీజన్‌లో ఏడో విజయం నమోదు చేసుకుంది. గత మ్యాచ్‌లో ‘టేబుల్‌ టాపర్‌’ హరియాణా స్టీలర్స్‌ను మట్టికరిపించిన టైటాన్స్‌... తాజాగా పట్టికలో రెండో స్థానంలో ఉన్న యు ముంబాను బోల్తా కొట్టించింది. బుధవారం జరిగిన హోరాహోరీ పోరులో తెలుగు టైటాన్స్‌ 31–29 పాయింట్ల తేడాతో మాజీ చాంపియన్‌ యు ముంబాపై గెలుపొందింది. చివరి వరకు ఉత్కంఠ భరితంగా సాగిన పోరులో టైటాన్స్‌ జట్టు రెయిడింగ్‌లో విఫలమైనా... డిఫెన్స్‌లో రాణించింది. టైటాన్స్‌ తరఫున ఆశిష్‌ నర్వాల్‌ 8 పాయింట్లు సాధించగా... సాగర్‌ నర్వాల్, అజిత్‌ పవార్, మన్‌జీత్‌ తలా 4 పాయింట్లు సాధించారు. యు ముంబా తరఫున రోహిత్‌ 8 పాయింట్లు, మన్‌జీత్‌ 7 పాయింట్లతో పోరాడారు. ఓవరాల్‌గా మ్యాచ్‌లో టైటాన్స్‌ 12 రెయిడ్‌ పాయింట్లు సాధించగా... యు ముంబా 18 పాయింట్లు సాధించింది. లీగ్‌లో 11 మ్యాచ్‌లాడిన తెలుగు టైటాన్స్‌ 7 విజయాలు, 4 పరాజయాలతో 37 పాయింట్లు ఖాతాలో వేసుకొని పట్టికలో ఐదో స్థానానికి ఎగబాకింది. మరోవైపు యు ముంబా 12 మ్యాచ్‌లాడి 7 విజయాలు, 4 పరాజయాలు, ఒక ‘టై’తో 40 పాయింట్లు సాధించి పట్టికలో రెండో స్థానంలో ఉంది. దబంగ్‌ ఢిల్లీ, గుజరాత్‌ జెయింట్స్‌ మధ్య జరిగిన మరో మ్యాచ్‌ 39–39తో ‘టై’గా ముగిసింది. నేడు బెంగాల్‌ వారియర్స్‌తో తెలుగు టైటాన్స్‌ (రాత్రి 8 గంటలకు), బెంగళూరు బుల్స్‌తో హరియాణా స్టీలర్స్‌ (రాత్రి 9 గంటలకు) తలపడతాయి.

నోయిడా: తెలుగు టైటాన్స్‌ ఈ సీజన్‌లో చెప్పుకోదగిన విజయాన్ని సాధించింది. ప్రొ కబడ్డీ లీగ్‌ (పీకేఎల్‌)లో అగ్రస్థానంలో దూసుకెళ్తున్న హరియాణా స్టీలర్స్‌కు ఊహించని షాక్‌ ఇచ్చింది. ఈ మ్యాచ్‌కు ముందు పది మ్యాచ్‌లాడిన హరియాణా స్టీలర్స్‌ కేవలం 2 మ్యాచ్‌ల్లోనే ఓడి, ఎనిమిదింట విజయం సాధించిది. అలాంటి మేటి ప్రదర్శన కనబరుస్తున్న హరియాణాపై తెలుగు టైటాన్స్‌ సాధికార విజయం సాధించింది. సోమవారం జరిగిన ఈ పోరులో కీలకమైన ఆటగాడు, కెప్టెన్ పవన్‌ సెహ్రావత్‌ గాయంతో బరిలోకి దిగలేదు. అయినా సరే టైటాన్స్‌ 49–27తో స్టీలర్స్‌కు ఊహించని పరాజయాన్ని రుచి చూపించింది. ఆట ఆరంభమైన పది నిమిషాల్లోనే తెలుగు టైటాన్స్‌ రెయిడర్లు, డిఫెండర్లు సత్తా చాటుకోవడంతో హరియాణా ఆలౌటైంది. సరిగ్గా ప్రథమార్ధం ముగిసే సమయానికి (20 నిమిషాలు) మళ్లీ ఆలౌట్‌ చేసిన టైటాన్స్‌ ఆధిక్యాన్ని 23–11కు పెంచకుంది. ద్వితీయార్ధంలో స్టీలర్స్‌ పాయింట్లు చేసినప్పటికీ క్రమం తప్పకుండా తెలుగు టైటాన్స్‌ చేస్తున్న స్కోరును ఏ దశలోనూ చేరుకోలేకపోయింది. రెయిడర్లు ఆశిష్‌ నర్వాల్‌ (11 పాయింట్లు), కెపె్టన్‌ విజయ్‌ మలిక్‌ (8) అదరగొట్టారు. డిఫెండర్‌ సాగర్, ఆల్‌రౌండర్‌ శంకర్‌ చెరో 5 పాయింట్లు చేశారు. హరియాణా తరఫున కెప్టెన్‌ రాహుల్‌ (6), ఆల్‌రౌండర్‌ మొహమ్మద్‌ రెజా (5), రెయిడర్‌ జయసూర్య (5) రాణించారు. ప్రస్తుతం 10 మ్యాచ్‌లాడిన తెలుగు జట్టు ఆరో విజయంతో పట్టికలో ఏడో స్థానంలో ఉంది. అనంతరం హోరాహోరిగా జరిగిన రెండో మ్యాచ్‌లో యు ముంబా 38–37 ఒకే ఒక్క పాయింట్‌ తేడాతో బెంగళూరు బుల్స్‌పై గెలుపొందింది. ముంబా తరఫున రెయిడర్‌ అజిత్‌ చౌహాన్‌ (10) ఆకట్టుకున్నాడు. అమిర్‌ మొహమ్మద్, కెప్టెన్‌ సునీల్‌ కుమార్‌ చెరో 4 పాయింట్లు చేశారు. బెంగళూరు జట్టులో ప్రదీప్‌ నర్వాల్‌ (10), సుశీల్‌ (6), నితిన్‌ రావల్‌ (6) రాణించారు. నేడు జరిగే పోటీల్లో పుణేరి పల్టన్‌తో యూపీ యోధాస్‌ (రాత్రి 8 గంటల నుంచి)... బెంగళూరు బుల్స్‌తో పట్నా పైరేట్స్‌ (రాత్రి 9 గంటల నుంచి) తలపడతాయి.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో హరియాణా స్టీలర్స్‌ జట్టు జోరు కొనసాగుతోంది. ఎదురైన ప్రత్యర్థినల్లా చిత్తు చేసుకుంటూ ముందుకు సాగుతున్న హరియాణా స్టీలర్స్‌ లీగ్‌లో వరుసగా ఐదో మ్యాచ్‌లో విజయం సాధించింది. శనివారం జరిగిన పోరులో సంపూర్ణ ఆధిపత్యం కనబర్చిన హరియాణా స్టీలర్స్‌ 36–29 పాయింట్ల తేడాతో తమిళ్‌ తలైవాస్‌పై విజయం సాధించింది.స్టీలర్స్‌ తరఫున స్టార్‌ రైడర్‌ వినయ్‌ 10 పాయింట్లతో సత్తా చాటగా... డిఫెన్స్‌లో మొహమ్మద్‌ రెజా (8 పాయింట్లు) ఆకట్టుకున్నాడు. తమిళ్‌ తలైవాస్‌ తరఫున మొయిన్‌ 7 పాయింట్లతో పోరాడాడు. ఓవరాల్‌గా ఈ మ్యాచ్‌లో హరియాణా జట్టు 21 రెయిడ్‌ పాయింట్లు సాధించి ఆధిపత్యం చెలాయించగా... 12 రెయిడ్‌ పాయింట్లకే పరిమితమై తమిళ్‌ తలైవాస్‌ పరాజయం పాలైంది. ఆడిన పది మ్యాచ్‌ల్లో 8 విజయాలు, 2 పరాజయాలు సాధించిన హరియాణా స్టీలర్స్‌ 41 పాయింట్లు ఖాతాలో వేసుకొని పట్టికలో అగ్రస్థానాన్ని మరింత బలోపేతం చేసుకుంది. మరోవైపు 11 మ్యాచ్‌లాడి 4 విజయాలు, 6 పరాజయాలు ఒక ‘టై’తో 28 పాయింట్లు సాధించిన తమిళ్‌ తలైవాస్‌ జట్టు పట్టికలో ఏడో స్థానంలో కొనసాగుతోంది. పుణేరి పల్టన్‌పై జైపూర్‌ పింక్‌ పాంథర్స్‌ గెలుపు మరో మ్యాచ్‌లో మాజీ చాంపియన్‌ జైపూర్‌ పింక్‌ పాంథర్స్‌ 30–28 పరుగుల తేడాతో పుణేరి పల్టన్‌పై గెలుపొందింది. జైపూర్‌ జట్టు తరఫున అర్జున్‌ దేశ్వాల్‌ 8 పాయింట్లు, అంకుశ్‌ 6 పాయింట్లతో రాణించారు. పుణేరి పల్టన్‌ తరఫున ఆకాశ్‌ షిండే 7 పాయింట్లతో పోరాడినా ఫలితం లేకపోయింది. మ్యాచ్‌ ఆరంభం నుంచి ఇరు జట్లు నువ్వా నేనా అన్నట్లు తలపడటంతో ఆధిక్యం చేతులు మారుతూ సాగిన పోరులో జైపూర్‌ జట్టు కీలక సమయంలో ఆధిక్యం చేజిక్కించుకుంది. ఓవరాల్‌గా మ్యాచ్‌లో ఇరు జట్లు చెరో 12 రెయిడ్‌ పాయింట్లు సాధించగా... ట్యాకెలింగ్‌లో జైపూర్‌ 14 పాయింట్లు, పుణేరి పల్టన్‌ 10 పాయింట్లు సాధించాయి. తాజా సీజన్‌లో 9 మ్యాచ్‌లాడిన జైపూర్‌ పింక్‌ పాంథర్స్‌ 5 విజయాలు, 3 పరాజయాలు, ఒక ‘టై’తో 30 పాయింట్లు ఖాతాలో వేసుకొని పట్టికలో ఆరో స్థానంలో నిలిచింది. మరోవైపు 9 మ్యాచ్‌లాడిన పుణేరి పల్టన్‌ 5 విజయాలు, 2 ఓటములు, 2 ‘టై’లతో 33 పాయింట్లు సాధించి పట్టికలో మూడో స్థానంలో ఉంది. లీగ్‌లో భాగంగా సోమవారం జరగనున్న మ్యాచ్‌ల్లో తెలుగు టైటాన్స్‌తో హరియాణా స్టీలర్స్‌ (రాత్రి 8 గంటలకు), బెంగళూరు బుల్స్‌తో యూ ముంబా (రాత్రి 9 గంటలకు) తలపడతాయి.

నోయిడా: స్టార్‌ రెయిడర్‌ అశు మలిక్‌ 14 పాయింట్లతో సత్తా చాటడంతో... ప్రొ కబడ్డీ లీగ్‌ (పీకేఎల్‌) 11వ సీజన్‌లో దబంగ్‌ ఢిల్లీ ఐదో విజయం నమోదు చేసుకుంది. శనివారం జరిగిన పోరులో దబంగ్‌ ఢిల్లీ జట్టు 35–25 పాయింట్ల తేడాతో బెంగళూరు బుల్స్‌పై విజయం సాధించింది. 12 రెయిడ్‌ పాయింట్లు, 2 బోనస్‌ పాయింట్లతో అశు మలిక్‌ విజృంభించగా... అతడికి డిఫెన్స్‌లో యోగేశ్‌ దహియా (5 పాయింట్లు) సహకరించాడు. బెంగళూరు బుల్స్‌ తరఫున నితిన్‌ రావల్‌ 7 పాయింట్లు సాధించగా... స్టార్‌ రెయిడర్‌ ప్రదీప్‌ నర్వాల్‌ 5 పాయింట్లకే పరిమితమయ్యాడు. ఫలితంగా మ్యాచ్‌ ఏ దశలోనూ బెంగళూరు జట్టు ఢిల్లీకి పోటీనివ్వలేకపోయింది. తాజా సీజన్‌లో 11 మ్యాచ్‌లాడిన దబంగ్‌ ఢిల్లీ 5 విజయాలు, 5 పరాజయాలు, ఒక ‘టై’తో 32 పాయింట్లు ఖాతాలో వేసుకొని ఐదో స్థానానికి ఎగబాకింది. పది మ్యాచ్‌ల్లో 8వ పరాజయంతో బెంగళూరు జట్టు పట్టికలో 11వ స్థానానికి పరిమితమైంది. మరో మ్యాచ్‌లో తమిళ్‌ తలైవాస్‌ 46–31 పాయింట్ల తేడాతో బెంగాల్‌ వారియర్స్‌పై గెలుపొందింది. తలైవాస్‌ తరఫున విశాల్‌ 12 పాయింట్లతో రాణించగా... బెంగాల్‌ తరఫున విశ్వాస్‌ 9 పాయింట్లు సాధించాడు. లీగ్‌లో 10 మ్యాచ్‌లు ఆడిన తమిళ్‌ తలైవాస్‌ 4 విజయాలు, 5 పరాజయాలు, ఒక ‘టై’తో 27 పాయింట్లు సాధించి ఏడో స్థానంలో ఉంది. నేడు జరగనున్న మ్యాచ్‌ల్లో హరియాణా స్టీలర్స్‌తో తమిళ్‌ తలైవాస్‌ (రాత్రి 8 గంటలకు), జైపూర్‌ పింక్‌ పాంథర్స్‌తో పుణేరి పల్టన్‌ (రాత్రి 9 గంటలకు) తలపడనున్నాయి.

నోయిడా: స్టార్‌ రెయిడర్‌ దేవాంక్‌ 15 పాయింట్లతో విజృంభించడంతో ప్రొ కబడ్డీ లీగ్‌ (పీకేఎల్‌) 11వ సీజన్‌లో పట్నా పైరేట్స్‌ ఆరో విజయం ఖాతాలో వేసుకుంది. లీగ్‌లో భాగంగా శుక్రవారం జరిగిన పోరులో పట్నా పైరేట్స్‌ 52–31 పాయింట్ల తేడాతో బెంగాల్‌ వారియర్స్‌పై విజయం సాధించింది. పట్నా తరఫున దేవాంక్‌ 10 రెయిడ్‌ పాయింట్లు, 5 బోనస్‌ పాయింట్లు సాధించగా... అయాన్‌ 11 పాయింట్లతో సత్తా చాటాడు. సందీప్‌ కుమార్‌ (8 పాయింట్లు), దీపక్‌ రాఠి (5 పాయింట్లు) కూడా రాణించడంతో పట్నా జట్టు ఘనవిజయం సాధించింది. మరోవైపు బెంగాల్‌ వారియర్స్‌ తరఫున నితిన్‌ కుమార్‌ (11 పాయింట్లు) ఒంటరి పోరాటం చేశాడు. తాజా సీజన్‌లో 10 మ్యాచ్‌లు ఆడిన పట్నా 6 విజయాలు, 4 పరాజయాలతో 33 పాయింట్లు ఖాతాలో వేసుకొని నాలుగో స్థానానికి చేరింది. మరో మ్యాచ్‌లో జైపూర్‌ పింక్‌ పాంథర్స్‌ 32–24 పాయింట్ల తేడాతో గుజరాత్‌ జెయింట్స్‌పై గెలుపొందింది. పింక్‌ పాంథర్స్‌ తరఫున అర్జున్‌ దేశ్వాల్‌ 9 పాయింట్లు, నీరజ్‌ నర్వాల్‌ 6 పాయింట్లతో రాణించారు. గుజరాత్‌ జెయింట్స్‌ తరఫున గుమాన్‌ సింగ్‌ 11 పాయింట్లతో పోరాడిన జట్టును గెలిపించలేకపోయాడు. 9 మ్యాచ్‌లాడిన జైపూర్‌ 5 విజయాలు, 3 పరాజయాలు, ఒక ‘టై’తో 30 పాయింట్లు ఖాతాలో వేసుకొని పట్టికలో ఐదో స్థానానికి చేరింది. లీగ్‌లో భాగంగా నేడు జరగనున్న మ్యాచ్‌ల్లో బెంగాల్‌ వారియర్స్‌తో తమిళ్‌ తలైవాస్‌ (రాత్రి 8 గంటలకు), దబంగ్‌ ఢిల్లీతో బెంగళూరు బుల్స్‌ (రాత్రి 9 గంటలకు) తలపడనున్నాయి.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో వరుసగా నాలుగు విజయాల తర్వాత తెలుగు టైటాన్స్‌ జట్టుకు పరాజయం ఎదురైంది. గురువారం జరిగిన పోరులో తెలుగు టైటాన్స్‌ 34–40 పాయింట్ల తేడాతో యూపీ యోధాస్‌ జట్టు చేతిలో ఓటమి పాలైంది. టైటాన్స్‌ తరఫున విజయ్‌ మలిక్‌ 15 పాయింట్లతో ఒంటరి పోరాటం చేయగా... కెప్టెన్ పవన్‌ సెహ్రావత్‌ 4 పాయింట్లు మాత్రమే సాధించాడు. యూపీ యోధాస్‌ తరఫున భవాని రాజ్‌పుత్‌ 12, భరత్‌ 11 పాయింట్లు సాధించారు. తాజా సీజన్‌లో 9 మ్యాచ్‌లు ఆడిన తెలుగు టైటాన్స్‌ 5 విజయాలు, 4 పరాజయాలలతో 25 పాయింట్లు ఖాతాలో వేసుకొని పట్టికలో ఆరో స్థానంలో కొనసాగుతోంది. మరోవైపు యూపీ యోధాస్‌ లీగ్‌లో నాలుగో మ్యాచ్‌ నెగ్గి 25 పాయింట్లతో 8వ స్థానంలో ఉంది. మరో మ్యాచ్‌లో యు ముంబా 35–32 పాయింట్ల తేడాతో తమిళ్‌ తలైవాస్‌పై గెలుపొందింది. యు ముంబా తరఫున మన్‌జీత్‌ 10 పాయింట్లు, అజిత్‌ చవాన్‌ 8 పాయింట్లు సాధించగా... తలైవాస్‌ తరఫున మోయిన్‌ 10 పాయింట్లతో పోరాడాడు. 10 మ్యాచ్‌లాడి 6వ విజయం నమోదు చేసుకున్న యు ముంబా జట్టు 34 పాయింట్లతో పట్టికలో రెండో స్థానానికి చేరగా... వరుసగా నాలుగో మ్యాచ్‌లో ఓటమి పాలైన తమిళ్‌ తలైవాస్‌ 22 పాయింట్లతో పట్టికలో 10వ స్థానంలో ఉంది. లీగ్‌లో భాగంగా నేడు జరగనున్న మ్యాచ్‌ల్లో పట్నా పైరేట్స్‌తో బెంగాల్‌ వారియర్స్‌ (రాత్రి 8 గంటలకు), జైపూర్‌ పింక్‌ పాంథర్స్‌తో గుజరాత్‌ జెయింట్స్‌ (రాత్రి 9 గంటలకు) తలపడతాయి.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో హరియాణా స్టీలర్స్‌ జోరు కొనసాగుతోంది. బుధవారం జరిగిన పోరులో హరియాణా స్టీలర్స్‌ 37–32 పాయింట్ల తేడాతో పట్నా పైరేట్స్‌ను చిత్తు చేసింది. లీగ్‌లో హరియాణా జట్టుకు ఇది వరుసగా నాలుగో విజయం కాగా... 36 పాయింట్లు ఖాతాలో వేసుకున్న స్టీలర్స్‌ పట్టికలో అగ్రస్థానానికి చేరింది. హరియాణా తరఫున వినయ్, మొహమ్మద్‌ రెజా చెరో 6 పాయింట్లతో సత్తా చాటారు. పట్నా తరఫున దేవాంక్, అయాన్‌ చెరో 7 పాయింట్లు సాధించినా ఫలితం లేకపోయింది. మరో మ్యాచ్‌లో గుజరాత్‌ జెయింట్స్‌ 47–28 పాయింట్ల తేడాతో బెంగాల్‌ వారియర్స్‌పై గెలుపొందింది. తాజా సీజన్‌లో గుజరాత్‌కు ఇది రెండో విజయం కాగా... బెంగాల్‌కు మూడో పరాజయం. లీగ్‌లో భాగంగా నేడు జరగనున్న మ్యాచ్‌ల్లో యూపీ యోధాస్‌తో తెలుగు టైటాన్స్‌ (రాత్రి 8 గంటలకు), తమిళ్‌ తలైవాస్‌తో యు ముంబా (రాత్రి 9 గంటలకు) తలపడతాయి.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో హోరాహోరీ సమరాలు కొనసాగుతున్నాయి. మంగళవారం దబంగ్‌ ఢిల్లీ–పుణేరి పల్టన్‌ మధ్య జరిగిన పోరు 38–38 పాయింట్లతో ‘టై’గా ముగిసింది. దబంగ్‌ ఢిల్లీ తరఫున అషు మాలిక్‌ 17 పాయింట్లతో సత్తాచాటగా... మోహిత్‌ దేశ్వాల్‌ (6 పాయింట్లు) అతడికి సహకరించాడు. ఇతర ఆటగాళ్లు పెద్దగా ఆకట్టుకోలేకపోయినా... తన సూపర్‌ రెయిడ్‌లతో అషు పాయింట్లు సాధించడంతో ఢిల్లీ జట్టు పోటీలో నిలిచింది. మరోవైపు పల్టన్‌ తరఫున ఆకాశ్‌ షిండే (8 పాయింట్లు), మోహిత్‌ గోయత్‌ (6 పాయింట్లు), అమన్‌ (6 పాయింట్లు) రాణించారు. ఓవరాల్‌గా దబంగ్‌ ఢిల్లీ మ్యాచ్‌లో 24 రెయిడ్‌ పాయింట్లు సాధిస్తే... పుణేరి పల్టన్‌ 18 పాయింట్లకే పరిమితమైంది. ట్యాకిలింగ్‌లో ఢిల్లీ 9 పాయింట్లు సాధిస్తే... పల్టన్‌ 13 పాయింట్లతో సత్తాచాటింది. ఇరు జట్లు రెండేసి సార్లు ఆలౌట్‌ కాగా... దంబగ్‌ ఢిల్లీ జట్టుకు ఒక సూపర్‌ రెయిడ్‌ పాయింట్‌ దక్కింది. ఈ ఫలితంతో తాజా సీజన్‌లో 9 మ్యాచ్‌లు ఆడిన పుణేరి పల్టన్‌ 5 విజయలు, 2 పరాజయాలు, 2 ‘టై’లతో 33 పాయింట్లు ఖాతాలో వేసుకొని పట్టిక ‘టాప్‌’ప్లేస్‌లో కొనసాగుతోంది. 10 మ్యాచ్‌లాడిన దబంగ్‌ ఢిల్లీ 4 విజయాలు, 5 పరాజయాలు, ఒక ‘టై’తో 27 పాయింట్లు సాధించి పట్టిక ఐదో స్థానంలో ఉంది. అర్జున్‌ అదరహో..పీకేఎల్‌లో భాగంగా మంగళవారమే జరిగిన మరో మ్యాచ్‌లో మాజీ చాంపియన్‌ జైపూర్‌ పింక్‌ పాంథర్స్‌ ఘనవిజయం సాధించింది. షహీద్‌ విజయ్‌ సింగ్‌ స్పోర్ట్స్‌ కాంప్లెక్స్‌లో జరిగిన పోరులో జైపూర్‌ పింక్‌ పాంథర్స్‌ జట్టు 39–32 పాయింట్ల తేడాతో బెంగళూరు బుల్స్‌పై గెలుపొందింది. పింక్‌ పాంథర్స్‌ తరఫున అర్జున్‌ దేశ్‌వాల్‌ 19 పాయింట్లతో దుమ్మురేపాడు. రెండుసార్లు పీకేఎల్‌ టైటిల్‌ సాధించిన జైపూర్‌ జట్టను అర్జున్‌ ఒంటి చేత్తో విజయం సాధించి పెట్టాడు. రెయిండింగ్‌లో అర్జున్‌ దూకుడు కనబరిస్తే... డిఫెన్స్‌లో లక్కీ శర్మ 6 పాయింట్లతో ఆకట్టుకున్నాడు. ప్రదీప్‌ నర్వాల్‌ గైర్హాజరీలో బరిలోకి దిగిన బెంగళూరు బుల్స్‌ ఏమాత్రం ఆకట్టుకోలేకపోయింది. ప్రధాన ఆటగాడు దూరం కావడంతో... ఆ జట్టు పింక్‌ పాంథర్స్‌కు పోటీనివ్వలేకపోయింది. అజింక్యా పవార్‌ (9 పాయింట్లు) పోరాడినా ఫలితం లేకపోయింది. ఓవరాల్‌గా ఈ మ్యాచ్‌లో బెంగళూరు బుల్స్‌ 21 రెయిడ్‌ పాయింట్లు సాధిస్తే... పింక్‌ పాంథర్స్‌ 19 పాయింట్లు సాధించింది. ట్యాకిలింగ్‌లో బుల్స్‌ 8 పాయింట్లకు పరిమితం కాగా... జైపూర్‌ 14 పాయింట్లతో సత్తాచాటింది. జైపూర్‌ పింక్‌ పాంథర్స్‌కు 8 మ్యాచ్‌ల్లో ఇది నాలుగో విజయం కాగా... 3 పరాజయాలు, ఒక ‘టై’తో 25 పాయింట్లు సాధించి పట్టికలో ఏడో స్థానంలో కొనసాగుతోంది. ఆడిన తమ్మిది మ్యాచ్‌ల్లో ఏడో పరాజయం మూటగట్టుకున్న బెంగళూరు బుల్స్‌ పట్టికలో కింది నుంచి రెండో స్థానంలో ఉంది.

నోయిడా: ప్రొ కబడ్డీ లీగ్‌లో మాజీ చాంపియన్‌ పట్నా పైరేట్స్‌ జోరు కొనసాగుతోంది. గుజరాత్‌ జెయింట్స్‌తో సోమవారం జరిగిన మ్యాచ్‌లో పట్నా పైరేట్స్‌ 40–27 పాయింట్లతో ఏకపక్ష విజయం సాధించింది. పైరేట్స్‌ తరఫున రెయిడర్‌ అయాన్‌ 10 పాయింట్లతో టాపర్‌గా నిలవగా... దేవాంక్‌ (6 పాయింట్లు), సందీప్‌ (5 పాయింట్లు) సహకరించారు. గుజరాత్‌ ఆటగాళ్లలో అంతా సమష్టి ప్రదర్శన చేసినా అది ఓటమి నుంచి తప్పించుకునేందుకు సరిపోలేదు. గుమన్‌ సింగ్, పార్తీక్‌ దహియా చెరో 5 పాయింట్లు స్కోరు చేశారు. తొలి అర్ధభాగంలో 21–16తో ముందంజలో నిలిచిన పట్నా చివరి వరకు దానిని నిలబెట్టుకుంది. టోర్నీ తొలి మ్యాచ్‌లో నెగ్గిన గుజరాత్‌ టీమ్‌కు ఇది వరుసగా ఏడో పరాజయం కావడం విశేషం. పట్టికలో ప్రస్తుతం పట్నా పైరేట్స్‌ నాలుగో స్థానంలో (27 పాయింట్లు), గుజరాత్‌ జెయింట్స్‌ చివరి స్థానంలో (7 పాయింట్లు) కొనసాగుతున్నాయి. నేడు జరిగే పోటీల్లో జైపూర్‌ పింక్‌ పాంథర్స్‌తో బెంగళూరు బుల్స్‌... పుణేరీ పల్టన్‌తో దంబగ్‌ ఢిల్లీ తలపడతాయి. హరియాణా స్టీలర్స్‌ హ్యాట్రిక్‌ మరోవైపు హరియాణా స్టీలర్స్‌ జట్టు తమ అగ్రస్థానాన్ని మరింత పటిష్ట పర్చుకుంది. లీగ్‌లో వరుసగా మూడో విజయంతో స్టీలర్స్‌ నంబర్‌వన్‌గా కొనసాగుతోంది. సోమవారం జరిగిన మ్యాచ్‌లో హరియాణా 48–39 పాయింట్ల తేడాతో మాజీ చాంపియన్‌ యు ముంబాను ఓడించింది. విశాల్, శివమ్, మొహమ్మద్‌ రెజా జట్టు విజయంలో కీలక పాత్ర పోషించారు. రెయిడర్లు విశాల్, శివమ్‌ చెరో 11 పాయింట్లతో సత్తా చాటగా... ఆల్‌రౌండర్‌ రెజా 10 పాయింట్లు సాధించాడు. ముంబా తరఫున అజిత్‌ చౌహాన్‌ ఒంటరి పోరాటం చేసినా లాభం లేకపోయింది. రెయిడర్‌ అజిత్‌ ఒక్కడే ఏకంగా 18 పాయింట్లు సాధించగా... మిగతా వారంతా విఫలమయ్యారు. తొలి అర్ధ భాగం ముగిసేసరికి ముంబా 23–23 పాయింట్లతో ఆధిక్యంలో ఉన్నా... రెండో అర్ధభాగంలో అనూహ్యంగా వెనుకబడిపోయింది. ముంబా 16 పాయింట్లు మాత్రమే సాధించగా... హరియాణా ఖాతాలో 25 పాయింట్లు చేరాయి. 8 మ్యాచ్‌లలో 6 విజయాలు సాధించిన హరియాణా మొత్తం 31 పాయింట్లతో అగ్రస్థానంలో ఉండగా... 29 పాయింట్లతో ముంబా మూడో స్థానంలో కొనసాగుతోంది.

నోయిడా: ప్రొ కబడ్డీ లీగ్‌ (పీకేఎల్‌) 11వ సీజన్‌లో మాజీ చాంపియన్‌ యు ముంబా ‘హ్యాట్రిక్‌’ విజయం ఖాతాలో వేసుకుంది. నోయిడా వేదికగా జరుగుతున్న రెండో అంచె పోటీల్లో ఆదివారం యు ముంబా జట్టు ఉత్కంఠ పోరులో 35–33తో యూపీ యోధాస్‌పై గెలిచింది.యు ముంబా తరఫున అజిత్‌ చవాన్, రోహిత్‌ రాఘవ్‌ చెరో 8 పాయింట్లతో రాణించగా... యూపీ యోధాస్‌ తరఫున భరత్‌ హుడా 11 పాయింట్లతో ఒంటరి పోరాటం చేశాడు. ఆరంభంలో ఆకట్టుకున్న యూపీ జట్టు ప్రత్యర్థిపై పైచేయి కనబర్చినా దాన్ని చివరి వరకు కొనసాగించలేక పోయింది.ఇక తాజా సీజన్‌లో యు ముంబా 8 మ్యాచ్‌లాడి 5 విజయాలు, 2 పరాజయాలు, ఒక ‘టై’తో 29 పాయింట్లతో పట్టికలో రెండో స్థానానికి చేరింది. మరోవైపు.. ఎనిమిది మ్యాచ్‌ల్లో ఐదో పరాజయం మూటగట్టుకున్న యూపీ యోధాస్‌ 20 పాయింట్లతో పదో స్థానంలో ఉంది. గుజరాత్‌ జెయింట్స్‌ ఓటమిమరో మ్యాచ్‌లో హరియాణా స్టీలర్స్‌ 39–23 పాయింట్ల తేడాతో గుజరాత్‌ జెయింట్స్‌పై విజయం సాధించింది. హరియాణా స్టీలర్స్‌ తరఫున రాహుల్‌ 8 పాయింట్లు... వినయ్, రెజా చెరో 7 పాయింట్లతో సత్తాచాటారు. గుజరాత్‌ జెయింట్స్‌ తరఫున రాకేశ్‌ (7 పాయింట్లు) మినహా మిగతా వారు ఆకట్టుకోలేకపోయారు. హరియాణా 26 పాయింట్లతో ప్రస్తుతం మూడో స్థానానికి ఎగబాకింది. మరోవైపు... గుజరాత్‌ జెయింట్స్‌ 7 పాయింట్లతో చివరిదైన 12వ స్థానంలో ఉంది. నేడు జరిగే మ్యాచ్‌ల్లో గుజరాత్‌ జెయింట్స్‌తో పట్నా పైరేట్స్‌ (రాత్రి 8 గంటలకు), యు ముంబాతో హరియాణా స్టీలర్స్‌ (రాత్రి 9 గంటలకు) తలపడతాయి. ఇక ఇప్పటి వరకు పుణెరి పల్టన్‌ అస్థానంలో కొనసాగుతోంది.

సాక్షి, హైదరాబాద్‌: ప్రొ కబడ్డీ లీగ్‌(PKL) పదకొండో సీజన్‌లో భాగంగా.. సొంతగడ్డపై తమ చివరి మ్యాచ్‌లో తెలుగు టైటాన్స్ జట్టు అదరగొట్టింది. టేబుల్‌ టాపర్‌, డిఫెండింగ్‌ చాంపియన్‌ పుణెరి పల్టాన్‌కు ఊహించని షాకిచ్చింది. ఆఖరి వరకు ఉత్కంఠగా సాగిన పోరులో ఒక్క పాయింట్‌ తేడాతో విజయం సాధించింది. ఆట ఆఖరి నిమిషాల్లో విజయ్ మాలిక్ ప్రతిభతో పుణెరికి‌ చెక్ పెట్టి వరుసగా నాలుగో గెలుపు నమోదు చేసింది.కాగా గచ్చిబౌలి ఇండోర్‌‌ స్టేడియం వేదికగా శనివారం రాత్రి జరిగిన లీగ్ మ్యాచ్‌లో తెలుగు టైటాన్స్ 34–33 తేడాతో పుణెరిని ఓడించింది. టైటాన్స్ జట్టులో విజయ్ 13 పాయింట్లతో టాప్‌ స్కోరర్‌‌గా నిలవగా.. కెప్టెన్ పవన్ సెహ్రావత్ 12 పాయింట్లతో మరో సూపర్ టెన్ సాధించాడు.ఇక పుణెరి జట్టులో పంకజ్ మోహితే 9 పాయింట్లతో సత్తా చాటగా.. అతడికి తోడుగా అజిత్ కుమార్ ఆరు,మోహిత్ గోయత్ ఐదు పాయింట్లతో రాణించారు. అయినప్పటికీ ఆఖరికి ఓటమి నుంచి పుణెరి తప్పించుకోలేకపోయింది.ఆధిపత్యం చేతులు మారగాకాగా ఆట ఆరంభంలోనే తెలుగు టైటాన్స్ అదరగొట్టింది. కెప్టెన్‌ పవన్ సెహ్రావత్‌ వరుస రెయిడ్ పాయింట్లకు తోడు డిఫెండర్లు కూడా రాణించారు. ఇక తన మూడు రెయిడ్స్‌ లో పవన్ నాలుగు పాయింట్లు రాబట్టగా.. టైటాన్స్ 5–0 ఆధిక్యంతో ఆటలో ఆధిపత్యం కనబరిచింది. ఈ క్రమంలో పుణెరి జట్టులో ఇద్దరు ఆటగాళ్లే మిగిలిపోవడంతో ఆ జట్టు ఆలౌట్‌ ప్రమాదం ముంగిట నిలిచింది.ఇలాంటి దశలో పంకజ్ బోనస్ పాయింట్‌తో పుణెరి ఖాతా తెరిచాడు. పవన్‌ మరో టచ్ పాయింట్ట రాబట్టగా.. పుణెరి కోర్టులో పంకజ్ ఒక్కడే మిగిలాడు. తీవ్ర ఒత్తిడిలో కూతకు వెళ్లిన పంకజ్‌ బోనస్‌, సూపర్‌‌ రెయిడ్‌తో మూడు పాయింట్లతో జట్టును ఆదుకున్నాడు. ఆ వెంటనే పవన్‌ను సూపర్ ట్యాకిల్ చేసిన పుణెరి 6–6తో స్కోరు సమం చేసింది.తొలి అర్ధభాగం 20–20తో సమంగా అస్లాం, పంకజ్ చెరో పాయింట్ రాబట్టగా.. కోర్టులో మిగిలిన విజయ్‌ను ట్యాకిల్ చేసిన పుణెరి డిఫెండర్లు తెలుగు టైటాన్స్‌ను ఆలౌట్ చేశారు. దాంతో పుణెరి 13–9తో ఆధిక్యంలోకి వెళ్లింది. జట్టు మొత్తం కోర్టుపైకి వచ్చిన తర్వాత టైటాన్స్‌ తిరిగి పుంజుకుంది. పవన్ తన జోరు కొనసాగిస్తూ సూపర్‌‌ టెన్ పూర్తి చేసుకున్నాడు.మరో రెయిడర్ విజయ్‌ మాలిక్ కూడా ఆకట్టుకోగా.. డిఫెన్స్ విభాగం కూడా మెరుగవ్వడంతో పుణెరిని ఆలౌట్ చేసి ప్రతీకారం తీర్చుకున్న తెలుగు జట్టు 20–18తో తిరిగి ఆధిక్యం సాధించింది. కానీ, విరామం ముంగిట పవన్ ప్రత్యర్థి డిఫెండర్లకు దొరికిపోవడంతో తొలి అర్ధభాగం 20–20తో సమంగా ముగిసింది.ఆఖరికి టైటాన్స్ పైచేయిరెండో అర్ధభాగంలో ఇరు జట్లు నువ్వా నేనా అన్నట్టు పోరాడాయి. ఇరు జట్లూ చెరో పాయింట్ నెగ్గుతూ ముందుకెళ్లడంతో ఆట సమంగా సాగింది. విరామం తర్వాత పది నిమిషాల్లో చెరో నాలుగు పాయింట్లు మాత్రమే రాబట్టాయి. అటు టైటాన్స్, ఇటు పల్టాన్‌ ఏ మాత్రం తప్పిదానికి తావివ్వకుండా ఆడే ప్రయత్నం చేశాయి.ఇరు జట్ల డిఫెన్స్ బలంగా ఉండటంతో ఎక్కువగా ఎమ్టీ రెయిడ్స్‌ వచ్చాయి. టైటాన్స్ ఒక్కో పాయింట్ ఆధిక్యంతో ముందుకెళ్లే ప్రయత్నం చేసినా పుణెరి వెంటనే స్కోరు సమం చేయడంతో ఆట ఉత్కంఠగా సాగింది. అయితే రెండో భాగంలో పవన్ సెహ్రావత్ వేగం తగ్గింది. విజయ్‌ సూపర్ టెన్ పూర్తి చేసుకున్నా.. టైటాన్స్ కోర్టులో తక్కువ మంది ఉండటంతో ఆతిథ్య జట్టుపై ఒత్తిడి పెరిగింది. ఓ దశలో 31–29తో ఆధిక్యంలో ఉన్న టైటాన్స్‌ మరో రెండు నిమిషాల్లో ఆట ముగుస్తుందనగా ఆలౌట్‌ అయింది. దాంతో పుణెరి 33–32తో ఒక పాయింట్ ఆధిక్యంలోకి వచ్చింది. చివరి నిమిషంలో విజయ్‌ ఒక రెయిడ్ పాయింట్‌తో పాటు అజిత్‌ కుమార్‌‌ను ట్యాకిల్ చేయడంతో టైటాన్స్ ఒక్క పాయింట్ తేడాతో ఉత్కంఠ విజయం అందుకుంది.

హైదరాబాద్‌, నవంబర్‌ 8: ప్రొ కబడ్డీ లీగ్‌(పీకేఎల్‌)లో దబాంగ్‌ ఢిల్లీ కేసీ అదరగొట్టింది. శుక్రవారం గచ్చిబౌలి స్టేడియం వేదికగా జరిగిన మ్యాచ్‌లో ఢిల్లీ 39-26తో తమిళ్‌ తలైవాస్‌పై ఘన విజయం సాధించింది. లీగ్‌లో తమ కంటే మెరుగైన స్థితిలో ఉన్న తలైవాస్‌పై ఢిల్లీ అద్భుత ప్రదర్శన కనబరిచింది. ఢిల్లీ తరఫున అషు మాలిక్‌(12) మరోమారు సూపర్‌-10 ప్రదర్శనతో విజృంభిస్తే..ఢిపెండర్లు యోగేశ్‌(7), అశిష్‌ మాలిక్‌(7), మను(5) రాణించారు. మరోవైపు అనూహ్య ఓటమి ఎదుర్కొన్న తలైవాస్‌ తరఫున నరేందర్‌(6), సచిన్‌(4), సాహిల్‌(4), మోయిన్‌(4) ఆకట్టుకున్నారు. ఈ విజయంతో దబాంగ్‌ ఢిల్లీ 24 పాయింట్లతో మూడో స్థానంలోకి వచ్చింది. తలైవాస్‌ మూడో ఓటమితో 5వ స్థానానికి పరిమితమైంది. ఢిల్లీ దూకుడు:ప్రొ కబడ్డీ లీగ్‌లో రైవలరీ వీక్‌ రసవత్తరంగా సాగుతున్నది. లీగ్‌లో ముందంజ వేయాలంటే ప్రతీ మ్యాచ్‌ కీలకమైన నేపథ్యంలో ప్రతీ జట్టు తుదికంటా పోరాడుతున్నాయి. ఓవైపు ఢిల్లీ వరుస ఓటములతో సతమతమవుతుంటే మరోవైపు తమిళ్‌ తలైవాస్‌ ప్రయాణం పడుతూ లేస్తూ సాగుతున్నది. శుక్రవారం తమిళ్‌ తలైవాస్‌తో మ్యాచ్‌లో ఢిల్లీ తమదైన దూకుడు కనబరిచింది. స్టార్‌ రైడర్‌ నవీన్‌ గైర్హాజరీలో అషు మాలిక్‌ ఆకట్టుకున్నాడు. మ్యాచ్‌ 17వ నిమిషంలో అషు మాలిక్‌ పాయింట్ల ఖాతా తెరిచాడు. మరోవైపు 14వ నిమిషంలో డూ ఆర్‌ డై రైడ్‌కు వెళ్లిన నరేందర్‌ను యోగేశ్‌ ఔట్‌ చేయడంతో ఢిల్లీకి పాయింట్‌ వచ్చింది. ఆ తర్వాత రైడ్లలో కూడా నరేందర్‌ పెద్దగా ఆకట్టుకోలేకపోయాడు. ఇదే అదనుగా ఢిల్లీ తమ వ్యూహాలకు పదునుపెట్టింది. ఓవైపు రైడింగ్‌కు తోడు డిఫెన్స్‌తో తలైవాస్‌కు చెక్‌ పెడుతూ ప్రథమార్ధం ముగిసే సరికి ఢిల్లీ 16-10తో స్పష్టమైన ఆధిక్యం కనబరిచింది. అషు మాలిక్‌ విజృంభణ: ప్రథమార్ధంలో పెద్దగా జోరు కనబర్చని ఢిల్లీ రైడర్‌ అషు మాలిక్‌..కీలకమైన ద్వితీయార్ధంలో పంజా విసిరాడు. రైడ్‌కు వెళ్లడం ఆలస్యం పాయింట్‌ పక్కా అన్న రీతిలో చెలరేగుతూ ఢిల్లీని ఆధిక్యంలో నిలుపడంలో కీలకమయ్యాడు. 20వ నిమిషంలో డూ ఆర్‌ డై రైడ్‌కు వెళ్లిన మను..అమిఈర్‌, అనూజ్‌ను ఔట్‌ చేసి ఢిల్లీకి రెండు పాయింట్లు అందించాడు. ఈ క్రమంలో 18వ నిమిషంలో అషు మాలిక్‌..సచిన్‌ను ఔట్‌ చేయడంతో తలైవాస్‌ తొలిసారి ఆలౌటైంది. ఓవైపు రైడింగ్‌లో అషు మాలిక్‌ అదరగొడితే డిఫెన్స్‌లో యోగేశ్‌, అశిష్‌ మాలిక్‌..తలైవాస్‌ పనిపట్టారు. ఎక్కడా పట్టు వదలకుండా పాయింట్ల వేటలో తలైవాస్‌పై ఢిల్లీ పూర్తి ఆధిపత్యం ప్రదర్శించింది. తలైవాస్‌ తరఫున నరేందర్‌, సచిన్‌, సాహిల్‌ రాణించినా జట్టును గెలిపించలేకపోయారు.

హైదరాబాద్‌: ప్రొ కబడ్డీ లీగ్‌(పీకేఎల్‌) 11వ సీజన్‌ లో పట్నా పైరేట్స్ జట్టు నాలుగో విజయం ఖాతాలో వేసుకుంది. హోరాహోరీగా సాగిన లీగ్ పోరులో ఆఖరి నిమిషాల్లో అద్భుతంగా ఆడి జైపూర్ పింక్ పాంథర్స్‌పై ఉత్కంఠ విజయం సాధించింది. గచ్చిబౌలి ఇండోర్‌‌ స్టేడియం వేదికగా శుక్రవారం రాత్రి జరిగిన లీగ్ మ్యాచ్‌లో పట్నా 43–41 తేడాతో పింక్ పాంథర్స్‌ ను ఓడించింది. పట్నా తరఫున అయాన్ 14 పాయింట్లతో సత్తా చాటగా... మరో రెయిడర్ దేవాంక్ కూడా 11 పాయింట్లతో సూపర్ టెన్ సాధించాడు. జైపూర్‌‌ జట్టులో కెప్టెన్‌, స్టార్ రెయిడర్‌‌ అర్జున్ దేశాల్‌ 20 పాయింట్లతో విజృంభించినా జట్టును గెలిపించలేకపోయాడు. హోరాహోరీ పోరుపోటాపోటీగా సాగిన తొలి అర్ధభాగంలో తొలుత జైపూర్‌‌ పైచేయి సాధించినా.. చివరకు పట్నా ఆధిక్యంలోకి వచ్చింది. రెయిడ్ మిషన్ అర్జున్ దేశ్వాల్ ఆరంభం నుంచి వరుస పాయింట్లతో హోరెత్తించాడు. బోనస్‌తో తమ జట్టు ఖాతా తెరిచిన అతను వరుస టచ్ పాయింట్లతో చెలరేగాడు. అటువైపు పట్నా ఆటగాళ్లు దేవాంక్‌, అయాన్‌ కూడా విజయవంతమైన రెయిడ్స్‌తో ఆకట్టుకున్నారు. దాంతో తొలి ఐదు నిమిషాలు ఆట హోరీహోరీగా సాగింది.కానీ, డిఫెండర్లు ఆశించిన మేర రాణించలేకపోవడంతో పట్నా వెనుకబడింది. దీన్ని జైపూర్ సద్వినియోగం చేసుకుంది. కోర్టులో మిగిలిన అయాన్‌ను ఔట్ చేసి ‌ పదో నిమిషంలోనే పట్నాను ఆలౌట్‌ చేసి 14–10తో ముందంజ వేసింది. ఆపై అర్జున్ సూపర్ రైడ్‌తో పాటు సూపర్‌‌10 పూర్తి చేసుకున్నాడు. దాంతో జైపూర్ ఆధిక్యం 19–13కి పెరిగింది. ఈ దశలో పట్నా అనూహ్యంగా పుంజుకుంది. దేవాంక్‌, అయాన్ రెయిండింగ్‌లో జోరు కొనసాగించడగా... డిఫెన్స్‌లోనూ మెరుగైంది. అర్జున్‌ను ట్యాకిల్ చేసి కోర్టు బయటకి పంపించింది.దాంతో 19–19తో స్కోరు సమం చేసింది. ఆవెంటనే కోర్టులో మిగిలిన అభిజీత్‌ను ట్యాకిల్ చేసి జైపూర్‌‌ను ఆలౌట్‌ చేసిన పట్నా 22–20తో ఆధిక్యంలోకి వచ్చింది. అర్జున్‌ను మరోసారి ట్యాకిల్ చేసిన ఆ జట్టు 25–21తో తొలి అర్ధభాగాన్ని ముగించింది.ఆఖర్లో పట్నా మ్యాజిక్‌ రెండో అర్ధభాగం మొదలైన వెంటనే జైపూర్ మళ్లీ జోరు పెంచింది. ముఖ్యంగా అర్జున్‌ దేశ్వాల్ చెలరేగిపోయాడు. ఒకే రెయిడ్‌లో ఏకంగా ఐదుగురు పట్నా ఆటగాళ్లను ఔట్ చేశాడు. తన మరో రైడ్‌లో కోర్టులో మిగిలిన అక్రమ్‌ షేక్‌ను కూడా టచ్‌ చేసి వచ్చాడు. దాంతో 24వ నిమిషంలో పట్నాను రెండోసారి ఆలౌట్‌ చేసిన పింక్ పాంథర్స్‌ 27–25తో తిరిగి ఆధిక్యంలోకి వచ్చింది.అయినా పట్నా వెనక్కు తగ్గలేదు. అయాన్‌ రెయిడింగ్‌లో హవా చూపెట్టగా.. డిఫెండర్లు కూడా పట్టుదలగా ఆడారు. అర్జున్‌ను మరోసారి ట్యాకిల్ చేశాడు. నీరజ్‌ను సూపర్ ట్యాకిల్ చేసి మరో రెండు నిమిషాల్లో ఆట ముగుస్తుందనగా 40–40తో స్కోరు సమం చేసింది. ఈ దశలో రెయిడ్ కు వెళ్లిన అర్జున్ ప్రత్యర్థికి దొరికిపోయాడు. కానీ, పట్నా డిఫెండర్ లైన్ దాటడంతో ఇరు జట్లకూ చెరో పాయింట్ లభించింది. ఆపై, డూ ఆర్ డై రెయిడ్‌లో దేవాంక్ బోనస్ సాధించడంతో పట్నా 42–41తో ఒక పాయింట్ అధిక్యంలోకి వచ్చింది. మ్యాచ్‌ చివరి రెయిడ్‌ కు వచ్చిన సోంబీర్‌‌ ను ట్యాకిల్ చేసిన పట్నా మూడు రెండు తేడాతో ఉత్కంఠ విజయం అందుకుంది.

హైదరాబాద్‌: ప్రొ కబడ్డీ లీగ్‌(పీకేఎల్‌) 11వ సీజన్‌ దబాంగ్ ఢిల్లీ కేసీ మళ్లీ విజయాల బాట పట్టింది. వరుసగా నాలుగు పరాజయాల తర్వాత బెంగాల్ వారియర్స్‌ను ఓడించి మూడో విజయం ఖాతాలో వేసుకుంది. గచ్చిబౌలి స్టేడియం వేదికగా బుధవారం రాత్రి జరిగిన లీగ్ మ్యాచ్‌లో ఢిల్లీ 33–30 తేడాతో బెంగాల్‌పై ఉత్కంఠ విజయం సాధించింది. ఢిల్లీ కెప్టెన్‌, స్టార్ రెయిడర్‌‌ పది పాయింట్లతో మరో సూపర్ టెన్ సాధించాడు. అతనికి తోడు వినయ్‌ 8 పాయింట్లు, ఆశీష్​ ఆరు పాయింట్లతో రాణించారు. బెంగాల్ వారియర్స్‌ జట్టులో రెయిడర్ నితిన్ కుమార్ 15 పాయింట్లతో అద్భుతంగా పోరాడినా ఫలితం లేకపోయింది. కెప్టెన్, డిఫెండర్ ఫజెల్ అత్రాచలి 5 పాయింట్లతో హైఫైవ్ ఖాతాలో వేసుకున్నాడు.హోరాహోరీలో ఢిల్లీ పైయిఆరంభంలో ఆట హోరాహోరీగా సాగినా దబాంగ్ ఢిల్లీ క్రమంగా జోరు పెంచి తొలి అర్ధభాగంలో పైచేయి సాధించింది. మణిందర్‌‌ బోనస్‌తో బెంగాల్ వారియర్స్‌ జట్టు ఖాతా తెరిచాడు. ఆవెంటనే ఢిల్లీ స్టార్ రెయిడర్‌‌ బోనస్‌ సాధించినా ఫజెల్ అత్రాచలి అతడిని ట్యాకిల్ చేశాడు. తర్వాతి రెయిడ్‌లో విజయ్ కూడా ప్రత్యర్థి డిఫెండర్లకు చిక్కగా.. డూ ఆర్ డై రెయిడ్‌లో నితిన్‌ కుమార్‌‌ అషు మాలిక్ పట్టు నుంచి తప్పించుకొని వచ్చాడు.దాంతో బెంగాల్ 4–1తో ఆరంభ ఆధిక్యం దక్కించుకుంది. కానీ, ఆశీష్‌ వరుస రెయిడ్లలో విజయవంతం కావడంతో ఢిల్లీ 6–6తో స్కోరు సమం చేసింది. అషు మాలిక్ రెయిండింగ్‌లో జోరు పెంచగా.. డిఫెన్స్‌లోనూ మెరుగైన ప్రదర్శన చేసింది. మణిందర్‌తో పాటు విశ్వాస్‌ను ట్యాకిల్ చేసి బెంగాల్ ను ఆలౌట్ చేసి 14–8తో ఆధిక్యాంలోకి వెళ్లింది. బెంగాల్ జట్టులో నితిన్ వరుస రెయిడ్ పాయింట్లు రాబట్టినా.. ఆధిక్యాన్ని కాపాడుకున్న ఢిల్లీ19-13తో తొలి అర్ధభాగాన్ని ముగించింది.ఢిల్లీదే జోరురెండో అర్ధభాగంలోనూ వారియర్స్‌ ఆటగాడు నితిన్‌ జోరు చూపెడూ సూపర్‌‌ 10 పూర్తి చేసుకున్నాడు. దాంతో బెంగాల్ నెమ్మదిగా ప్రత్యర్థి ఆధిక్యాన్ని తగ్గించి పోటీలోకి వచ్చే ప్రయత్నం చేసింది. డిఫెన్స్‌లోనూ కాస్త మెరుగైంది. అటు రెయిడింగ్‌లో నితిన్‌కు తోడు సుశీల్‌ కూడా వెంటవెంటనే రెండు రెయిడ్ పాయింట్లు రాబట్టాడు. డూ ఆర్ డై రెయిడ్‌కు వచ్చిన అంకిత్‌ మానెను అద్భుతంగా ట్యాకిల్‌ చేసిన ఫజెల్‌ అత్రాచలి హై ఫైవ్ పూర్తి చేసుకున్నాడు. దాంతో మరో రెండు నిమిషాల్లో ఆట ముగుస్తుందనగా బెంగాల్27–31తో ఢిల్లీ ఆధిక్యాన్ని నాలుగు పాయింట్లకు పరిమితం చేసింది.ఈ దశలో అషు మాలిక్ ఎమ్టీ రైయిడ్‌తో సమయం వృథా చేసే ప్రయత్నం చేశాడు. చివర్లో నితిన్‌ మెరుపు వేగంతో రెండు పాయింట్లు తీసుకురావడంతో స్కోరు 29–31తో ఉత్కంఠా మారింది. అయితే, డూ ఆర్‌‌ డై రెయిడ్‌కు వెళ్లిన అషు మాలిక్‌.. మయూర్ కదమ్‌ను డైవింగ్ హ్యాండ్‌ టచ్‌తో ఢిల్లీకి మరో పాయింట్‌ అందించాడు. ఆ వెంటనే నితిన్‌ మరో టచ్‌ పాయింట్‌ తెచ్చినా.. ఆఖరి రెయిడ్‌కు వచ్చిన అషు మాలిక్‌.. ఫజెల్‌ అత్రాచలి పట్టు నుంచి తప్పించుకొని వచ్చాడు. దాంతో ఢిల్లీ మూడు పాయింట్ల ఆధిక్యంతో మ్యాచ్‌ను ముగించింది.

హైదరాబాద్‌, నవంబర్‌ 6: ప్రొ కబడ్డీ లీగ్‌(పీకేఎల్‌)లో మరోపోరు అభిమానులను కట్టిపడేసింది. గచ్చిబౌలి స్టేడియం వేదికగా బుధవారం హోరాహోరీగా సాగిన పోరులో తెలుగు టైటాన్స్‌ 35-34 తేడాతో తమిళ్‌ తలైవాస్‌పై ఉత్కంఠ విజయం సాధించింది. పీకేఎల్‌-8వ సీజన్‌ తర్వాత తలైవాస్‌పై టైటాన్స్‌కు ఇదే తొలి విజయం కావడం విశేషం. టైటాన్స్‌ తరఫున స్టార్‌ రైడర్‌ పవన్‌ సెహ్రావత్‌ 12 పాయింట్లతో అదరగొట్టగా, అశిష్‌ నార్వల్‌(9), విజయ్‌ మాలిక్‌(4) ఆకట్టుకున్నారు. మరోవైపు తలైవాస్‌ జట్టులో సచిన్‌ 17 పాయింట్లతో టాప్‌స్కోరర్‌గా నిలిచినా జట్టును గెలిపించలేకపోయాడు. సచిన్‌కు తోడు నితీశ్‌కుమార్‌(4), నరేందర్‌(3) ఫర్వాలేదనిపించారు. పీకేఎల్‌లో 1000 పాయింట్ల క్లబ్‌లో సచిన్‌ తాజాగా చేరాడు. వరుసగా హ్యాట్రిక్‌ విజయంతో టైటాన్స్‌ 21 పాయింట్లతో 4వ స్థానంలోకి దూసుకురాగా, తలైవాస్‌ 21 పాయింట్లతో మూడులో ఉంది.ఇరు జట్లు హోరాహోరీగా..లీగ్‌ సాగుతున్న కొద్దీ జట్ల మధ్య పోరు నువ్వానేన్నా అన్నట్లు హోరాహోరీగా సాగుతున్నది. గత సీజన్‌లో అభిమానులను తీవ్రంగా నిరాశపరిచిన తెలుగు టైటాన్స్‌ ఈసారి అంచనాలకు అనుగుణంగా ముందుకెళుతున్నది. స్థానిక అభిమానుల మద్దతుతో ప్రత్యర్థి జట్లపై ఆధిపత్యం ప్రదర్శిస్తున్నది. లీగ్‌లో ప్లేఆఫ్స్‌కు సాధించాలంటే ప్రతీ మ్యాచ్‌ కీలకమైన నేపథ్యంలో అన్ని జట్లు తుదికంటా పోరాడుతున్నాయి. ప్రతీ పాయింట్‌ను కీలకంగా భావిస్తూ దూకుడు ప్రదర్శిస్తున్నారు. ఇప్పుడు ఇదే కోవలో తెలుగు టైటాన్స్‌, తమిళ్‌ తలైవాస్‌ మధ్య పోరులో తొలి అర్ధభాగం ఉత్కంఠగా సాగింది. తొలి 20 నిమిషాల ఆట ముగిసే సరికి టైటాన్స్‌ 20-17 తేడాతో తలైవాస్‌పై ఆధిక్యం ప్రదర్శించింది. స్టార్‌ రైడర్‌ పవన్‌ సెహ్రావత్‌ తనదైన జోరు కనబరుస్తూ టైటాన్స్‌ కీలక పాయింట్లు అందించాడు. తొలి రెండు రైడ్లలో అంతగా ఆకట్టుకోలేకపోయిన పవన్‌ ఆ తర్వాత జూలు విదిల్చాడు. మ్యాచ్‌ 18వ నిమిషంలో విజయ్‌ మాలిక్‌ రైడ్‌తో టైటాన్స్‌ పాయింట్ల వేట ప్రారంభించింది. మరో ఎండ్‌లో పవన్‌ కూడా జతకలువడంతో టైటాన్స్‌ టాప్‌గేర్‌లోకి దూసుకొచ్చింది. మ్యాచ్‌ 12వ నిమిషంలో హిమాంశు, రోనక్‌ ఇద్దరిని పవన్‌ ఔట్‌ చేయడం ద్వారా తలైవాస్‌ తొలిసార ఆలౌటై టైటాన్స్‌కు నాలుగు పాయింట్లు సమర్పించుకుంది. సబ్‌స్టిట్యూట్‌గా వచ్చిన సచిన్‌ 11వ నిమిషంలో కిషన్‌, అశిష్‌ను ఔట్‌ చేసి తలైవాస్‌ను పోటీలోకి తీసుకొచ్చాడు. ఇక్కణ్నుంచి పోటీ మరింత రంజుగా మారింది. 6వ నిమిషంలో డూ ఆర్‌ డై రైడ్‌కు వచ్చిన టైటాన్స్‌ రైడర్‌ అశిష్‌ నార్వల్‌..అభిషేక్‌ను ఔట్‌ చేసి పాయింట్‌ కొల్లగొట్టాడు. తొలి అర్ధభాగం మరో 4 నిమిషాల్లో ముగుస్తుందనగా రైడ్‌కు వెళ్లిన పవన్‌ను..నితీశ్‌కుమార్‌ సూపర్‌ ట్యాకిల్‌తో కట్టడి చేశాడు.పవన్‌, సచిన్‌ దూకుడుఓవైపు టైటాన్స్‌ తరఫున పవన్‌, మరోవైపు తలైవాస్‌కు సచిన్‌ పాయింట్ల వేటలో తమదైన దూకుడు ప్రదర్శించారు. రైడ్‌కు వెళ్లడం ఆలస్యం పాయింట్‌ పక్కా అన్న రీతిలో దూసుకెళ్లారు. ప్రథమార్ధంలో తలైవాస్‌పై ఒకింత పైచేయి సాధించిన టైటాన్స్‌..కీలకమైన ద్వితీయార్ధంలో తడపబడింది. ఇదే అదనుగా తలైవాస్‌ తమ దాడులకు పదునుపెట్టింది. ఈ క్రమంలో మ్యాచ్‌ 14వ నిమిషంలో టైటాన్స్‌ ఆలౌటైంది. రెండు జట్ల రైడర్లు, డిఫెండర్లు తుదికంటా పోరాడటంతో మ్యాచ్‌ రసపట్టుగా సాగింది. దాదాపు ఆఖరి రైడ్‌కు వెళ్లిన సచిన్‌ ఔట్‌ కావడంతో తలైవాస్‌ గెలుపు ఆశలపై టైటాన్స్‌ నీళ్లు చల్లింది. మొత్తంగా పవన్‌, సచిన్‌ రైడింగ్‌ జోరు అభిమానులను కట్టిపడేసింది.

హైదరాబాద్‌: ప్రొ కబడ్డీ లీగ్‌ 11వ సీజన్‌లో అత్యంత ఉత్కంఠగా సాగిన మ్యాచ్‌లో యు ముంబా ఉత్కంఠ విజయం అందుకుంది. ఆధిపత్యం చేతులూ మారుతూ సాగిన పోరులో ఆఖరి క్షణాల్లో పట్నాను ఆలౌట్‌ చేసిన ముంబా పైచేయి సాధించింది. అజిత్ చవాన్ 19 పాయింట్లతో విజృంభించడంతో బుధవారం గచ్చిబౌలిలోని జిఎంసి బాలయోగి ఇండోర్‌ స్టేడియంలో జరిగిన పీకెఎల్‌ 11 లీగ్‌ దశ మ్యాచ్‌లో యు ముంబా 42–40 తేడాతో పట్నాను ఓడించింది. ముంబా తరఫున రెయిడర్ అజిత్ చవాన్‌ తో పాటు మంజీత్ (5) ఆకట్టుకున్నాడు. పట్నా జట్టులో దేవాంక్ 15 పాయింట్లు, అయాన్ 8 పాయింట్లతో సత్తా చాటినా ఫలితం లేకపోయింది. ఏడు మ్యాచ్‌ల్లో ముంబాకు ఇది నాలుగో విజయం కాగా.. ఆరు మ్యాచ్‌ల్లో పట్నా మూడోసారి ఓడిపోయింది.హోరాహోరీలో ముంబా పైచేయితొలి అర్ధభాగంలో ఆరంభం నుంచి చివరి వరకు ఇరు జట్లూ నువ్వా నేనా అన్నట్టు పోరాడాయి. పట్నా తరఫున రెయిడర్ దేవాంక్‌, అయాన్‌ అదరగొట్టగా.. అటు యు ముంబా రెయిడర్ అజిత్ చవాన్‌ అద్భుత ప్రదర్శన చేశాడు. సోంబీర్ పట్టు నుంచి తప్పించుకొని దేవాంక్‌ పట్నా పైరేట్స్ జట్టు ఖాతా తెరవగా.. మంజీత్‌ ముంబాకు తొలి పాయింట్ అందించాడు. దేవాంక్ జోరుతో పట్నా 9–6తో ముందంజ వేసింది. కానీ, డిఫెన్స్‌లో మెరుగైన ముంబా వరుసగా రెండు సూపర్ ట్యాకిల్స్‌తో 11–11తో స్కోరు సమం చేసింది.డూ ఆర్ డై రైడ్‌లో సందీప్‌ ఓ పాయింట్ రాబట్టగా.. కోర్టులో మిగిలిన సునీల్‌, మంజీత్‌ను అయాన్‌ ఔట్ చేశాడు. దాంతో ముంబైని ఆలౌట్‌ చేసిన పట్నా 16–12తో మళ్లీ ఆధిక్యంలోకి వచ్చింది. ఈ దశలో అజిత్ తన రెయిడింగ్‌తో ప్రత్యర్థిని బెంబేలెత్తించాడు. వరుసగా రెండు సూపర్‌‌ రెయిడ్స్‌తో ఐదుగురిని కోర్టు బయటకు పంపించాడు. దాంతో పైరేట్స్‌ను ఆలౌట్‌ చేసి ప్రతీకారం తీర్చుకున్న ముంబా 21–17తో ఆధిక్యంలోకి వచ్చింది. అదే జోరుతో 24–-21తో మూడు పాయింట్ల ఆధిక్యంతో తొలి అర్ధభాగం ముగించింది. దేవాంక్ దూకుడు.. చివర్లో ముంబా మ్యాజిక్‌విరామం నుంచి వచ్చిన వెంటనే పట్నా పైరేట్స్‌ జట్టు పుంజుకుంది. అటువైపు అజిత్ రెయిండింగ్ జోరు కొనసాగించినా.. పైరేట్స్ ఆటగాడు దేవాంక్‌ ముంబా డిఫెండర్లను ఏమార్చాడు. సోంబీర్ పట్టు నుంచి తప్పించుకొని వస్తూ ఒకే రెయిడ్‌లో మూడు పాయింట్లు రాబట్టాడు. దాంతో పైరేట్స్ 30–28తో మళ్లీ ఆధిక్యం అందుకుంది. పట్నా డిఫెండర్లు కూడా పుంజుకొని ముంబా రెయిడర్లను నిలువరించారు. ఈ క్రమంలో జఫర్దానేష్‌ను ట్యాకిల్‌ చేసిన పట్నా జట్టు ముంబాను రెండోసారి ఆలౌట్‌ చేసి తన ఆధిక్యాన్ని 33–29కి పెంచుకుంది.దేవాంక్ మరో రెండు టచ్ పాయింట్లు రాబట్టడంతో పైరేట్స్ ఆరు పాయింట్ల ఆధిక్యంలోకి వెళ్లింది. మరో మూడు నిమిషాల్లో ఆట ముగుస్తుందనగా అజిత్‌కు తోడు ఆల్‌రౌండర రోహిత్ వెంటవెంటనే రెండు పాయింట్లు రాబట్టడంతో ముంబా 36–37తో ప్రత్యర్థికి చేరువై మ్యాచ్‌ను మరింత రసవత్తరంగా మార్చింది. ఆపై డూ ఆర్ డై రైడ్‌లో అజిత్ విజయం సాధిచడంతో స్కోరు 37–37తో సమం అయింది. చివరి నిమిషంలో పైరేట్స్ కోర్టులో ఇద్దరు ఆటగాళ్లే మిగలగా.. దీన్ని ముంబా సద్వినియోగం చేసుకుంది. పట్నా ఆటగాడు సందీప్‌ ఓ పాయింట్ తెచ్చి జట్టును కాపాడే ప్రయత్నం చేశాడు. కానీ, చివరి క్షణాల్లో అతడిని ట్యాకిల్ చేసిన ముంబా ప్రత్యర్థిని ఆలౌట్ చేసి రెండు పాయింట్లతో ఉత్కంఠ విజయం అందుకుంది

హైదరాబాద్‌, నవంబర్‌ 5: ప్రొ కబడ్డీ లీగ్‌(పీకేఎల్‌)లో మరో ఆసక్తికర పోరు అభిమానులను అలరించింది. గచ్చిబౌలి స్టేడియం వేదికగా మంగళవారం జరిగిన మ్యాచ్‌లో యూ ముంబా 32-26తో దబాంగ్‌ ఢిల్లీపై అద్భుత విజయం సాధించింది. మంజీత్‌(9 పాయింట్లు), జాఫర్దనేశ్‌(5), సోమ్‌బీర్‌(3)..యూ ముంబా విజయంలో కీలకమయ్యారు. లీగ్‌లో ఇప్పటి వరకు ఆడిన 6 మ్యాచ్‌ల్లో మూడు విజయాలు, రెండు ఓటములు, ఒక టై ఎదుర్కొన్న ముంబా ప్రస్తుతం 19 పాయింట్లతో 5వ స్థానంలో ఉంది. మరోవైపు పోరాడి ఓడిన ఢిల్లీ 14 పాయింట్లతో 10వ స్థానంలో ఉంది. ఢిల్లీకి ఇది వరుసగా నాలుగో ఓటమి కావడం విశేషం. ఢిల్లీ తరఫున అషు మాలిక్‌(11) సూపర్‌-10 సాధించినా లాభం లేకపోయింది. యోగేశ్‌(6), రింకూ నార్వల్‌(2) ఆకట్టుకున్నారు.ఆది నుంచే హోరాహోరీ: యూ ముంబా, దబాంగ్‌ ఢిల్లీ ఆది నుంచే హోరాహోరీగా తలపడ్డాయి. స్టార్‌ రైడర్‌ నవీన్‌కుమార్‌ లేకుండానే ఢిల్లీ బరిలోకి దిగగా, యూ ముంబా సమిష్టి తత్వాన్ని నమ్ముకుంది. ఇరు జట్లు తమ తొలి రైడ్లలో పాయింట్లను సొంతం చేసుకోలేకపోయాయి. లీగ్‌లో వరుస ఓటములతో ఢిల్లీ తల్లడిల్లుతుంటే యూ ముంబా ప్రయాణం పడుతూలేస్తూ అన్నట్లు సాగుతున్నది. సందీప్‌ను ఔట్‌ చేసిన అజిత్‌ చవాన్‌..ముంబాకు తొలి పాయింట్‌ అందించగా, డూ ఆర్‌ డైకు వెళ్లిన ఢిల్లీ రైడర్‌ అషు మాలిక్‌..పర్వేశ్‌ను ఔట్‌ చేసి ఢిల్లీ పాయింట్ల ఖాతా తెరిచాడు. ఆ తర్వాత గేర్‌ మార్చిన యూ ముంబాకు మంజీత్‌ ఒకే రైడ్‌లో రెండు పాయింట్లు అందించి మంచి జోష్‌ నింపాడు.మరోవైపు అషు మాలిక్‌ వరుస రైడ్లలో ఢిల్లీకి పాయింట్లు అందిస్తూ పోవడంతో ఇరు జట్లు స్కోరు సమంగా సాగింది. ఢిల్లీ రైడర్‌ వినయ్‌ ఉత్త చేతులతో తిరిగిరాగా, అషు మాలిక్‌ తనదైన జోరు కొనసాగించాడు. మ్యాచ్‌ 13వ నిమిషంలో మంజీత్‌ స్థానంలో లోకేశ్‌ ముంబా జట్టులోకి వచ్చాడు. 11వ నిమిషంలో ముంబా రైడర్‌ జాఫర్దనేశ్‌..రింకూ నార్వల్‌ను ఔట్‌ చేసి జట్టును ముందంజలో నిలిపాడు. అయితే 8వ నిమిషంలో డూ ఆర్‌ డై రైడ్‌కు వెళ్లిన జాఫర్దనేశ్‌కు యోగేశ్‌ నుంచి చుక్కెదురైంది. ఇలా ఇరు జట్ల రైడర్లు, డిఫెండర్లు నువ్వానేనా అన్నట్లు తలపడటంతో ప్రథమార్ధం ముగిసే సరికి యూ ముంబా 13-13 ఢిల్లీ దబాంగ్‌ సమవుజ్జీలుగా నిలిచాయి.అదే దూకుడు: కీలకమైన ద్వితీయార్ధంలోనూ ఇరు జట్ల ప్లేయర్లు అదే దూకుడు కొనసాగించారు. ఎక్కడా వెనుకకు తగ్గకుండా పాయింట్ల వేటలో దూసుకెళ్లారు. డూ ఆర్‌ డై రైడ్‌కు వెళ్లిన ఢిల్లీ రైడర్‌ మోహిత్‌ను సోమ్‌భీర్‌ గట్టిగా పట్టుకోవడంతో ముంబా ఖాతాలో పాయింట్‌ చేరింది. అదే ఊపులో 17వ నిమిషంలో యోగేశ్‌, సందీప్‌ను ఔట్‌ చేసిన మంజీత్‌..ముంబాకు రెండు పాయింట్లు అందించాడు. నిమిషం తేడాతో జాఫర్దనేశ్‌..అశిష్‌, రింకూ నార్వల్‌ను ఔట్‌ చేయడంతో ఢిల్లీ తొలిసారి ఆలౌటైంది. ఈ క్రమంలో రెండు జట్లు సబ్‌స్టిట్యూషన్స్‌కు మొగ్గుచూపుతూ మార్పులు చేశాయి.ఓవైపు ఢిల్లీకి అషు మాలిక్‌ కీలకమైతే..మరోవైపు యూ ముంబాకు సునీల్‌ పెద్దదిక్కు అయ్యాడు. ఆట సాగుతున్నా కొద్ది యూ ముంబా కీలక పాయింట్లు ఖాతాలో వేసుకుంది. అషు మాలిక్‌ రైడింగ్‌కు వెళ్లిన ప్రతీసారి ఢిల్లీకి పాయింట్‌ అందించడంలో సఫలమయ్యాడు. అయితే అతనికి రైడింగ్‌లో సహకరించే వారు కరువయ్యారు. మ్యాచ్‌ 6వ నిమిషంలో డూ ఆర్‌ డై రైడ్‌కు వచ్చిన రోహిత్‌ రాఘవ్‌ను బిజేంద్ర పట్టేయడంతో ఢిల్లీకి పాయిట్‌ దక్కింది. మ్యాచ్‌ చివరి క్షణాల్లో ఢిల్లీ గెలిచేందుకు ప్రయత్నించినా..పట్టు వదలకుండా పోరాడిన యూ ముంబా విజయం సొంతం చేసుకుంది.

హైదరాబాద్‌, :ప్రొ కబడ్డీ లీగ్‌ 11వ సీజన్‌లో రెండు ఓటములు, ఒక టై తర్వాత మాజీ చాంపియన్‌ జైపూర్ పింక్ పాంథర్స్‌ తిరిగి గెలుపు బాట పట్టింది. ఆరంభం నుంచి ఉత్కంఠగా సాగుతూ ఆధిపత్యం చేతులు మారిన పోరులో చివర్లో అద్భుతంగా ఆడిన జైపూర్‌‌... యూపీ యోధాస్‌కు చెక్ పెట్టి లీగ్‌లో మూడో విజయం ఖాతాలో వేసుకుంది. పాయింట్ల పట్టికలో మూడో స్థానానికి దూసుకొచ్చింది. మంగళవారం గచ్చిబౌలిలోని జిఎంసి బాలయోగి ఇండోర్‌ స్టేడియంలో జరిగిన పీకెఎల్‌ 11 లీగ్‌ దశ మ్యాచ్‌లో పింక్ పాంథర్స్ జట్టు 33–30 స్కోరుతో యూపీ యోధాస్‌పై గెలిచింది. జైపూర్ జట్టులో రెయిడర్ నీరజ్‌ నర్వాల్ తొమ్మిది పాయింట్లతో మెరిశాడు. కెప్టెన్‌, మరో స్టార్ రెయిడర్ అర్జున్ దేశ్వాల్‌ ఐదు పాయింట్లతో రాణించాడు.ఈ క్రమంలో పీకేఎల్‌లో 1000 రెయిడ్ పాయింట్ల మైలురాయి చేరుకున్నాడు. యోధాస్ తరఫున ఆల్‌రౌండర్ భరత్ ఏడు, హితేశ్‌, సుమిత్ చెరో ఐదు పాయింట్లు రాబట్టినా తమ జట్టుకు వరుసగా మూడో ఓటమి తప్పించలేకపోయారు.హోరాహోరీ పోరుజైపూర్‌‌, యూపీ మధ్య ఆట ఆరంభం నుంచి నువ్వానేనా అన్నట్టు నడిచింది. ఇరు జట్లూ బలమైన డిఫెన్స్‌ ను ప్రదర్శించాయి. దాంతో ఆటలో ఆధిపత్యం కోసం శ్రమించాయి. బోనస్ ద్వారా అర్జున్‌ జైపూర్‌‌కు తొలి పాయింట్ అదించగా.. గగన్‌ యూపీ యోధాస్‌ ఖాతా తెరిచాడు. యూపీ డిఫెండర్లు రెండుసార్లు అర్జున్‌ను ట్యాకిల్‌ చేయగా.. రితిక్‌, భవానీ రాజ్‌పుత్‌ తెచ్చిన రైడ్ పాయింట్లతో ఆ జట్టు 6–4తో ఆధిక్యంలోకి వెళ్లింది. కానీ, జైపూర్ వెంటనే పుంజుకొని 6–6తో స్కోరు సమం చేసింది. ఇరు జట్లూ ఎక్కడా తగ్గకపోవడంతో స్కోరు బోర్డు 8–8, 11–11, 15–15తో సమంగా నడిచింది. తొలి అర్ధభాగానికి ముందు యూపీ జట్టులో ఇద్దరు ఆటగాళ్లే మిగిలినా.. అర్జున్‌ను సూపర్‌‌ ట్యాకిల్‌ చేసి 17–15తో స్వల్ప ఆధిక్యంతో విరామానికి వెళ్లింది.జైపూర్ జోరురెండో అర్ధభాగంలో యూపీ బలమైన డిఫెన్స్‌ను ప్రదర్శించింది. విరామం నుంచి వచ్చిన వెంటవెంటనే రెండు సూపర్ ట్యాకిల్స్‌తో నీరజ్‌, అర్జున్‌ను నిలువరించి 21–17తో తన ఆధిక్యాన్ని పెంచుకుంది. కానీ, జైపూర్‌‌ వెనక్కు తగ్గలేదు. ఆ జట్టు డిఫెండర్లు కూడా పుంజుకున్నారు. యోధాస్ కెప్టెన్‌ సురేందర్‌‌ను ట్యాకిల్ చేయడంతో పాటు కోర్టులో మిగిలిన సుమిత్‌ను నిలువరించిన పింక్ పాంథర్స్‌ 32వ నిమిషంలో ప్రత్యర్థిని ఆలౌట్‌ చేసి 22–22తో స్కోరు సమం చేసింది. ఈ దశలో జైపూర్ కెప్టెన్‌ అర్జున్‌తో పాటు ఆ జట్టు మరో స్టార్ రెయిడర్‌‌ నీరజ్‌ను బెంచ్‌ మీదకు పంపించిన యూపీ 25–22తో తిరిగి ఆధిక్యం అందుకుంది. అయితే, చివరి పది నిమిషాల్లో జైపూర్ జోరు పెంచింది. నీరజ్‌ వరుస రెయిడ్ పాయింట్లు రాబట్టగా.. డిఫెండర్లు కూడా ఆకట్టుకోవడంతో 36వ నిమిషంలో ప్రత్యర్థిని మరోసారి ఆలౌట్‌ చేసి 31–28తో మళ్లీ పైచేయి సాధించింది. ఆఖరి నిమిషాల్లో యూపీ యోధాస్ పుంజుకునే ప్రయత్నం చేసినా ఆధిక్యాన్ని కాపాడుకున్న జైపూర్ జట్టు ఉత్కంఠ విజయం సాధించింది.

హైదరాబాద్‌, 3 నవంబర్‌ 2024 : పుణెరి పల్టన్‌ పీకెఎల్‌ సీజన్‌ 11లో నాల్గో విజయం సాధించింది. ఆదివారం గచ్చిబౌలిలోని జిఎంసీ బాలయోగి ఇండోర్‌ స్టేడియంలో జరిగిన ప్రొ కబడ్డీ లీగ్‌ 11వ సీజన్‌ లీగ్‌ దశ మ్యాచ్‌లో మాజీ చాంపియన్‌ యు ముంబాపై 35-28తో ఏడు పాయింట్ల తేడాతో ఘన విజయం సాధించింది. కెప్టెన్‌ అస్లాం ఇనందార్‌ (10 పాయింట్లు) సూపర్‌ టెన్‌ షోతో మెరువగా.. మోహిత్‌ గోయత్‌ (9 పాయింట్లు), గౌరవ్‌ ఖత్రి (7 పాయింట్లు) ఆకట్టుకున్నారు. యు ముంబా తరఫున అజిత్‌ చవాన్‌ (9 పాయింట్లు), మంజిత్‌ (6 పాయింట్లు), ఆమిర్‌మొహమ్మద్‌ (4 పాయింట్లు) రాణించినా ఆ జట్టుకు సీజన్లో రెండో ఓటమి తప్పలేదు. ఆరు మ్యాచుల్లో నాలుగు విజయాలతో పుణెరి పల్టన్‌ పాయింట్ల పట్టికలో అగ్రస్థానంలో నిలిచింది.పుణెరి పల్టాన్‌ మెరుపుల్‌యు ముంబా, పుణెరి పల్టన్‌ మ్యాచ్‌ ఆద్యంతం ఆసక్తిగా సాగింది. పుణెరి పల్టాన్‌ తొలి మూడు నిమిషాల్లో 4-0తో దూకుడు చూపించగా.. యు ముంబా నాల్గో నిమిషంలో పాయింట్ల ఖాతా తెరిచింది. యు ముంబా రెయిడర్లు మంజిత్‌, అజిత్‌ చవాన్‌లు రాణించటంతో ఆ జట్టు పుంజుకుంది. 10 నిమిషాల ఆట అనంతరం 8-7తో ఆధిక్యంలో నిలిచింది. చివరి పది నిమిషాల్లో పుణెరి పల్టన్‌ పుంజుకుంది. యు ముంబాను ఆలౌట్‌ చేసింది. అస్లాం ఇనాందార్‌, మోహిత్‌ గోయత్‌లు రెచ్చిపోవటంతో ప్రథమార్థంలో పుణెరి పల్టాన్‌ ఆరు పాయింట్ల భారీ ఆధిక్యం సాధించింది. విరామ సమయానికి పుణెరి పల్టన్‌ 22-16తో యు ముంబాపై పైచేయి సాధించింది. రెయిడింగ్‌లో యు ముంబా 14 పాయంట్లతో మెరిసింది. పుణెరి పల్టన్‌ రెయిడింగ్‌లో 11 పాయింట్లే సాధించింది. డిఫెండర్లు రాణించటంతో పుణెరి పల్టన్‌ పైచేయి సాధించింది.విరామం తర్వాత ఇరు జట్లు హోరాహోరీగా పోటీపడ్డాయి. తొలి పది నిమిషాల్లో పాయింట్ల కోసం ఇరు జట్లు చెమటోడ్చాయి. చెరో ఆరు పాయింట్లు సాధించచటంతో 30 నిమిషాల అనంతరం 28-22తో పుణెరి పల్టన్‌దే పైచేయిగా నిలిచింది. పుణెరి పల్టన్‌ను ఆలౌట్‌ చేసే అవకాశాన్ని సద్వినియోగం చేసుకోని యు ముంబా వెనుకంజలోనే కొనసాగింది. ఆఖరు వరకు జోరు కొనసాగించిన పుణెరి పల్టన్‌ సీజన్లో నాల్గో విజయం సాధించింది

సాక్షి, హైదరాబాద్‌: ప్రొ కబడ్డీ లీగ్‌ పదకొండో సీజన్‌లో యూ ముంబా రెండో విజయం నమోదు చేసింది. జైపూర్‌ పింక్‌ పాంథర్స్‌పై 39-37తో గెలుపొందింది. గచ్చిబౌలిలోని జిఎంసీ బాలయోగి ఇండోర్‌ స్టేడియంలో గురువారం మాజీ చాంపియన్లు యు ముంబా- జైపూర్‌ పింక్‌ పాంథర్స్‌ తలపడ్డాయి.ఈ ఆద్యంతం హోరాహోరీగా సాగిన ఈ మ్యాచ్‌లో యూ ముంబా రెయిడర్‌ అజిత్‌ చౌహాన్‌ (14 పాయింట్లు) సూపర్‌ టెన్‌ షోతో అదరగొట్టాడు. మరోవైపు.. పింక్‌ పాంథర్స్‌ తరఫున నీరజ్‌ నర్వాల్‌ (12 పాయింట్లు) సూపర్‌ టెన్‌ ప్రదర్శనతో ఆకట్టుకున్నాడు. అయితే, ఆట తొలి పది నిమిషాల వరకు ఏ జట్టుకు స్పష్టమైన ఆధిక్యం లభించలేదు.ఫస్టాఫ్‌ చివర్లో యూ ముంబా ముందంజఇటు జైపూర్‌, అటు యూ ముంబా రెయిడర్లు, డిఫెండర్లు వరుసగా పాయింట్లు సాధించారు. ఆట మొదలైన పది నిమిషాల అనంతరం 9-9తో ఇరు జట్లు సమంగా నిలిచాయి. అయితే, ఫస్టాఫ్‌ చివర్లో యూ ముంబా ముందంజ వేసింది. జైపూర్‌ పింక్‌ పాంథర్స్‌ను ఆలౌట్‌ చేసి విలువైన పాయింట్లు ఖాతాలో వేసుకుంది.ప్రథమార్థం ముగిసే సరికి యూ ముంబా 19-16తో మూడు పాయింట్ల ఆధిక్యంలోకి వెళ్లింది. కాగా.. రెయిడింగ్‌లో ఇరు జట్లు పదేసి పాయింట్లు సాధించగా.. ట్యాకిల్స్‌లో యూ ముంబా ఐదు, జైపూర్‌ ఆరు పాయింట్లు ఖాతాలో వేసుకున్నాయి. కానీ అదనపు పాయింట్లు యూ ముంబాను ఆధిక్యంలో నిలబెట్టాయి.ద్వితీయార్థం మరింత ఉత్కంఠఇక ఇరుజట్ల మధ్య ద్వితీయార్థం ఆట మరింత ఉత్కంఠ రేపింది. యూ ముంబా ముందంజలో కొనసాగినా.. జైపూర్‌ పింక్‌ పాంథర్స్‌ పట్టు వదల్లేదు. ఆఖరు వరకు యూ ముంబాను తిప్పలు పెట్టింది. మరో మూడు నిమిషాల ఆట మిగిలి ఉండగా నీరజ్‌ నర్వాల్‌ సూపర్‌ రెయిడ్‌తో 32-32తో జైపూర్‌ పింక్‌ పాంథర్స్‌.. యూ ముంబా స్కోరును సమం చేసింది.కానీ ఆ తర్వాతి రెయిడ్‌లోనే రోహిత్‌ రాఘవ్‌ సూపర్‌ రెయిడ్‌తో మూడు పాయింట్లు తీసుకొచ్చాడు. దీంతో యూ ముంబా మళ్లీ ఆధిక్యంలోకి దూసుకెళ్లింది. ఆఖరు వరకు ఆధిక్యం నిలుపుకున్న యూ ముంబా మెరుపు విజయం సాధించింది. ఇదిలా ఉంటే.. ఈ సీజన్‌లో ఇప్పటి వరకు ఐదు మ్యాచ్‌లు ఆడిన జైపూర్‌కు ఇది రెండో ఓటమి.చదవండి: హర్యానా స్టీలర్స్‌ హ్యాట్రిక్‌ విజయం

సాక్షి, హైదరాబాద్‌: గుజరాత్‌ జెయింట్స్‌పై తమిళ్‌ తలైవాస్‌ ఘన విజయం సాధించింది. ప్రత్యర్థిని ఏకంగా 44-25తో చిత్తు చేసింది. తద్వారా ఏకంగా 19 పాయింట్ల భారీ తేడాతో గుజరాత్‌పై తమిళ్‌ తలైవాస్‌ గెలుపొందింది. సీజన్‌లో మూడో విజయం సాధించి పాయింట్ల పట్టికలో అగ్ర స్థానానికి ఎగబాకింది. మరోవైపు..ఈ సీజన్‌లోనాలుగు మ్యాచ్‌లు ఆడిన గుజరాత్‌ జెయింట్స్‌కు ఇది మూడో పరాజయం.కాగా గచ్చిబౌలిలోని జిఎంసీ బాలయోగి ఇండోర్‌ స్టేడియంలో బుధవారం జరిగిన ప్రొ కబడ్డీ లీగ్‌ 11వ సీజన్‌ లీగ్‌ దశ మ్యాచ్‌లో తమిళ్ తలైవాస్‌.. గుజరాత్‌తో తలపడింది అదరగొట్టింది. తలైవాస్‌ స్టార్‌ రెయిడర్‌ నరేందర్‌ 20 సార్లు కూతకెళ్లి 15 పాయింట్లు సాధించగా.. సచిన్‌ (5 పాయింట్లు), డిఫెండర్‌ నితేశ్‌ కుమార్‌ (4 పాయింట్లు), ఆమీర్‌ ( 4 పాయింట్లు) రాణించారు. గుజరాత్‌ జెయింట్స్‌ ఆటగాళ్లలో గుమన్‌ సింగ్‌ ఏడు పాయింట్లు సాధించగా, రాకేశ్‌ మూడు పాయింట్లతో మెరిశాడు.ఆకట్టుకున్న తలైవాస్‌..మ్యాచ్‌ప్రథమార్థం తొలి పది నిమిషాల్లో ఆధిపత్యం కోసం ఇరు జట్లు గట్టిగా పోటీపడ్డాయి. అయితే, 11-9తో తమిళ్‌ తలైవాస్‌ పైచేయి సాధించింది. కానీ గుజరాత్‌ జెయింట్స్‌ రెట్టించిన ఉత్సాహంతో పోరాడింది. డిఫెన్స్‌లో తలైవాస్‌తో సమవుజ్జీగా నిలిచినా.. రెయిడింగ్‌లో జెయింట్స్‌ వెనుకంజ వేసింది. తలైవాస్‌ స్టార్‌ రెయిడర్‌ నరేందర్‌, సచిన్‌ మెరువగా.. గుజరాత్‌ జెయింట్స్‌ రెయిడర్లలో గుమన్‌ సింగ్‌ మాత్రమే మెప్పించాడు. దీంతో ప్రథమార్థం ఆట ముగిసేసరికి తమిళ్‌ తలైవాస్‌ 18-14తో నాలుగు పాయింట్ల ఆధిక్యం దక్కించుకుంది.తలైవాస్‌ దూకుడు..విరామం అనంతరం తమిళ్‌ తలైవాస్‌ దూకుడు పెంచింది. తొలి 20 నిమిషాల్లో సాధించిన ఆధిక్యాన్ని.. ద్వితీయార్థంలో తొలి పది నిమిషాల్లోనే సొంతం చేసుకుంది. ప్రథమార్థంలో ఆలౌట్‌ కాకుండా జాగ్రత్త పడిన గుజరాత్‌ జెయింట్స్‌ సెకండ్‌ హాఫ్‌లో చేతులెత్తేసింది.జెయింట్స్‌ కోర్టు ఖాళీ చేసిన తలైవాస్‌ విలువైన ఆలౌట్‌ పాయింట్లను ఖాతాలో వేసుకుంది. ఆఖరు నిమిషంలో గుజరాత్‌ జెయింట్స్‌ను మరోసారి ఆలౌట్‌ చేసిన తమిళ్‌ తలైవాస్‌ ఏకపక్ష ప్రదర్శన చేసింది. చివరి 20 నిమిషాల ఆటలో తమిళ్‌ తలైవాస్‌ 26 పాయింట్లు సాధించగా, గుజరాత్‌ జెయింట్స్‌ కేవలం 11 పాయింట్లే సొంతం చేసుకుంది.

హైదరాబాద్‌, 29 అక్టోబర్‌ 2024 : ప్రొ కబడ్డీ లీగ్‌ 11వ సీజన్లో వరుసగా నాలుగు మ్యాచుల్లో పరాజయాలు చవిచూసిన బెంగళూర్‌ బుల్స్‌ ఎట్టకేలకు గెలుపు బాట పట్టింది. మంగళవారం హైదరాబాద్‌లోని జిఎంసీ బాలయోగి ఇండోర్‌ స్టేడియంలో జరిగిన మ్యాచ్‌లో దబంగ్‌ ఢిల్లీపై 34-32తో పైచేయి సాధించి, 2 పాయింట్ల తేడాతో ఉత్కంఠ విజయం నమోదు చేసింది. దబంగ్‌ ఢిల్లీకి ఇది ఐదు మ్యాచుల్లో రెండో ఓటమి కాగా, బెంగళూర్‌ బుల్స్‌కు ఇది ఐదు మ్యాచుల్లో తొలి విజయం కావటం గమనార్హం. బెంగళూర్‌ బుల్స్‌ తరఫున 11వ నిమిషంలో సబ్‌స్టిట్యూట్‌గా మ్యాట్‌పై అడుగుపెట్టిన జై భగవాన్‌ (11 పాయింట్లు) సూపర్‌ టెన్‌ ప్రదర్శనతో బుల్స్‌కు విజయాన్ని అందించాడు. దబంగ్‌ ఢిల్లీ ఆటగాళ్లలో ఆషు మాలిక్‌ (13 పాయింట్లు) సూపర్‌ టెన్‌తో మెరిసినా ఆ జట్టుకు పరాజయం తప్పలేదు. ప్రథమార్థం దబంగ్‌దే : వరుస పరాజయాలతో నైరాశ్యంలో ఉన్న బెంగళూర్‌ బుల్స్‌పై దబంగ్ ఢిల్లీ ధనాధన్ షో చేసింది. ఆరంభం నుంచీ దూకుడుగా ఆడుతూ పాయింట్లు సాధించింది. ప్రథమార్థం ఆటలోనే 22-14తో ఏకంగా ఎనిమిది పాయింట్ల ఆధిక్యం సొంతం చేసుకుంది. రెయిడర్లు ఆషు మాలిక్‌, వినయ్‌ అంచనాలు అందుకోవటంతో దబంగ్‌ ఢిల్లీకి ఎదురు లేకుండా పోయింది. కూతలో దబంగ్ ఢిల్లీకి బెంగళూర్‌ బుల్స్‌ పోటీ ఇచ్చినా.. డిఫెన్స్‌లో పూర్తిగా తేలిపోయింది. మెరుపు ట్యాకిల్స్‌తో ప్రథమార్థంలో ఓసారి బెంగళూర్‌ బుల్స్‌ను ఆలౌట్‌ చేసింది. బుల్స్‌ సూపర్‌ షో : సెకండ్‌హాఫ్‌లో దబంగ్‌ ఢిల్లీకి బెంగళూర్‌ బుల్స్‌ గట్టి పోటీ ఇచ్చింది. కెప్టెన్‌ పర్దీప్‌ నర్వాల్‌ కూతలో ముందుండి నడిపించగా.. డిఫెండర్లు సైతం ట్యాకిల్స్‌తో మెరిశారు. ఇదే సమయంలో దబంగ్‌ ఢిల్లీ సైతం పాయింట్లు ఖాతాలో వేసుకుంటూ వచ్చింది. దీంతో ద్వితీయార్థంలో సమవుజ్జీగా పాయింట్లు సాధించినా ప్రథమార్థంలో కోల్పోయిన ఆధిక్యం బెంగళూర్‌ బుల్స్‌ను వెంటాడింది. ఆఖరు పది నిమిషాల్లో అదరగొట్టే ప్రదర్శన చేసిన బెంగళూర్‌ బుల్స్‌ స్కోరు సమం చేసి ఏకంగా ఆధక్యంలోకి దూసుకెళ్లింది. కెప్టెన్‌ పర్దీప్‌ నర్వాల్‌ను దబంగ్‌ ఢిల్లీ నిలువరించినా.. జై భగవాన్‌ను ఆ జట్టు డిఫెండర్లు నిలువరించలేకపోయారు. 11 రెయిడ్‌ పాయింట్లతో మెరిసిన భగవాన్‌ బెంగళూర్‌ బుల్స్‌ను గెలుపు బాట పట్టించాడు. ఆటలో మూడోంతుల భాగం ఆధిక్యంలో నిలిచిన దబంగ్‌ ఢిల్లీ.. ఆఖర్లో బోల్తా పడింది.

సాక్షి, హైదరాబాద్‌: ప్రొ కబడ్డీ లీగ్‌ 11వ ఎడిషన్‌లో మరో మ్యాచ్‌ టైగా ముగిసింది. ఆఖరు కూత వరకు ఉత్కంఠ రేపిన బెంగాల్‌ వారియర్స్‌, పుణెరి పల్టాన్‌ పోరు 32-32తో టై అయ్యింది. మంగళవారం జరిగిన మాజీ చాంపియన్ల సమరంలో ప్రథమార్థం ఆటలో పుణెరి పల్టాన్‌ మూడు పాయింట్ల ఆధిక్యం సాధించినా.. ద్వితీయార్థంలో బెంగాల్‌ వారియర్స్‌ లెక్క సరి చేసింది.ఇక ఈ సీజన్‌లో ఇది మూడో టై కావటం విశేషం. కాగా బెంగాల్‌ వారియర్స్‌ ఆటగాళ్లలో రెయిడర్‌ సుశీల్‌ (10 పాయింట్లు) సూపర్‌ టెన్‌ ప్రదర్శనతో మెరువగా.. నితిన్‌ కుమార్ (6 పాయింట్లు), నితేశ్‌ కుమార్‌ (4 పాయింట్లు) ఆకట్టుకున్నాడు. పుణెరి పల్టాన్ తరఫున ఆకాశ్‌ షిండె (8 పాయింట్లు), పంకజ్‌ మోహిత్‌ (8 పాయింట్లు) రాణించారు. ఐదు మ్యాచుల్లో మూడు విజయాలు,ఓ టైతో పాయింట్ల పట్టికలో పుణెరి పల్టాన్‌ అగ్రస్థానం నిలుపుకోగా.. బెంగాల్‌ వారియర్స్‌ ఇప్పటి వరకు నాలుగు మ్యాచ్‌లలో ఒక్కటే గెలిచింది.నువ్వా.. నేనా! అంటూ సాగిన సమరం బెంగాల్‌ వారియర్స్‌తో మ్యాచ్‌ను పుణెరి పల్టాన్‌ ఘనంగా ఆరంభించింది. తొలి పది నిమిషాల్లో పాయింట్ల కోసం ఇరు జట్ల ఆటగాళ్లు చెమటోడ్చారు. ప్రతి కూతకు పాయింట్లు మారుతుండటంతో ఆధిపత్యం కోసం నువ్వా నేనా అన్నట్టు ఉత్కంఠ నడిచింది.తొలి పది నిమిషాల ఆట అనంతరం బెంగాల్‌ వారియర్స్‌ 7-6తో ఓ పాయింట్‌ ముందంజలో నిలిచింది. కానీ తర్వాతి పది నిమిషాల్లో పుణెరి పల్టాన్‌ పుంజుకుంది. ప్రథమార్థం ఆట ముగిసే సమయానికి పుణెరి పల్టాన్‌ మూడు పాయింట్ల ఆధిక్యం సాధించింది. 15-12తో బెంగాల్‌ వారియర్స్‌పై పైచేయి సాధించింది.విరామం అనంతరం బెంగాల్‌ వారియర్స్‌ దూకుడు పెంచింది. రెయిడర్లు సుశీల్‌ సూపర్‌ టెన్‌ షోతో దూకుడు పెంచాడు. దీంతో బెంగాల్‌ వారియర్స్‌ వెనుకంజ నుంచి పుంజుకుని ఆధిక్యం కోసం పోటీపడింది. రెయిడింగ్‌లో నితిన్‌ కుమార్‌, డిఫెన్స్‌లో నితిన్‌ మెరవటంతో బెంగాల్‌ వారియర్స్‌ రేసులోకి వచ్చింది.చావోరేవో తేల్చకోవాల్సిన రెయిడ్లలోఈ క్రమంలో.. 30-31తో ఓ పాయింట్‌ వెనుకంజలో ఉండగా విశ్వాస్‌ రెయిడ్‌ పాయింట్‌తో బెంగాల్‌ వారియర్స్‌ స్కోరు సమం చేసింది. ఆ తర్వాత వరుసగా చావోరేవో తేల్చకోవాల్సిన రెయిడ్లలో ఇరు జట్లు నిరాశపరిచాయి. ఆఖరు రెండు కూతల్లో ఎవరికీ పాయింట్‌ దక్కలేదు. దీంతో 32-32తో బెంగాల్ వారియర్స్‌, పుణెరి పల్టాన్ సమవుజ్జీలుగా నిలిచి పాయింట్లను సమానంగా పంచుకున్నాయి.

హైదరాబాద్‌, 28 అక్టోబర్‌ 2024 : గత సీజన్‌ ఫైనలిస్ట్‌ హర్యానా స్టీలర్స్‌ అదరగొట్టింది. ప్రొ కబడ్డీ లీగ్‌ 11వ సీజన్‌లో రెండో విజయాన్ని నమోదు చేసింది. సోమవారం హైదరాబాద్‌లోని జిఎంసీ బాలయోగి ఇండోర్‌ స్టేడియంలో జరిగిన లీగ్‌ దశ మ్యాచ్‌లో దబంగ్‌ ఢిల్లీపై హర్యానా స్టీలర్స్‌ పంజా విసిరింది. 41-34తో తిరుగులేని ప్రదర్శన చేసిన హర్యానా స్టీలర్స్‌ ఏడు పాయింట్ల తేడాతో ఘన విజయం సాధించింది. హర్యానా స్టీలర్స్‌ ఆటగాళ్లలో ఆల్‌రౌండర్‌ మహ్మద్‌రెజా (10 పాయింట్లు) సూపర్‌టెన్‌ షోతో మెరువగా.. శివమ్‌ (8 పాయింట్లు), జైదీప్‌ (5 పాయింట్లు) రాణించారు.దబంగ్‌ ఢిల్లీ తరఫున ఆషు మాలిక్‌ (13 పాయింట్లు), వినయ్‌ వీరేందర్‌ (8 పాయింట్లు) పోరాడినా ఫలితం దక్కలేదు. నాలుగు మ్యాచుల్లో దబంగ్‌ ఢిల్లీకి ఇది రెండో పరాజయం కాగా.. మూడు మ్యాచుల్లో హర్యానా స్టీలర్స్‌కు ఇది రెండో విజయం. స్టీలర్స్‌ దూకుడు : దబంగ్‌ ఢిల్లీతో మ్యాచ్‌లో హర్యానా స్టీలర్స్‌ ఆరంభం నుంచీ దూకుడు చూపించింది. రెయిడింగ్‌లో, ట్యాకిల్స్‌లో ఆధిపత్యం చూపించింది. ప్రథమార్థంలోనే దబంగ్‌ ఢిల్లీ కోర్టును ఖాళీ చేసిన హర్యానా స్టీలర్స్‌ విలువైన ఆలౌట్‌ పాయింట్లు సొంతం చేసుకుంది. ఆల్‌రౌండర్‌ మహ్మద్‌రెజా, రెయిడర్‌ శివం, డిఫెండర్‌ జైదీప్‌ అంచనాలను అందుకున్నారు. ఇదే సమయంలో దబంగ్‌ ఢిల్లీ పాయింట్ల వేటలో తేలిపోయింది. కూతకెళ్లిన రెయిడర్లు నిరాశపర్చటం, ట్యాకిల్స్‌లో డిఫెండర్ల తడబాటు ప్రతికూలంగా మారాయి. తొలి 20 నిమిషాల ఆట ముగిసేసరికి హర్యానా స్టీలర్స్‌ ఏకంగా 11 పాయింట్ల ఆధిక్యం సాధించింది. 24-13తో ఏకపక్ష ప్రదర్శన చేసిన హర్యానా స్టీలర్స్‌ ప్రత్యర్థిని ఉక్కిరిబిక్కిరి చేసింది. దబంగ్‌ ఢిల్లీ పోరాడినా.. : ద్వితీయార్థంలో దబంగ్‌ ఢిల్లీ ప్రదర్శన కాస్త మెరుగైనా.. హర్యానా స్టీలర్స్‌కు గట్టి పోటీ ఇచ్చే స్థాయిలో ఆ జట్టు పాయింట్లు సాధించలేదు. ప్రథమార్థంలో 11 పాయింట్ల లోటు భారీగా ఉండటంతో.. విరామం తర్వాత హర్యానా కంటే అధికంగా పాయింట్లు సొంతం చేసుకున్నా ప్రయోజనం లేకపోయింది. దబంగ్‌ ఢిల్లీ రెయిడర్‌ ఆషు మాలిక్‌ సూపర్‌ టెన్‌ ప్రదర్శనతో మెరువగా.. సబ్‌స్టిట్యూట్‌గా వచ్చిన వినయ్‌ కూతకెళ్లి ఖతర్నాక్‌ షో చేశాడు. ఆషు మాలిక్‌, వినయ్‌ మెరువటంతో దబంగ్‌ ఢిల్లీ ఆఖరు వరకు పట్టు విడువలేదు. హర్యానా స్టీలర్స్‌ జోరు తగ్గినా.. ఆధిక్యం మాత్రం చేజార్చుకోలేదు. కీలక సమయంలో పాయింట్లు సాధించి ఎప్పటికప్పుడు పైచేయి నిలుపుకుంది. ద్వితీయార్థంలో దబంగ్‌ ఢిల్లీ 21 పాయింట్లు సాధించగా.. హర్యానా స్టీలర్స్‌ 17 పాయింట్లు మాత్రమే సాధించింది.

సాక్షి, హైదరాబాద్‌: సొంతగడ్డపై జరుగుతున్న ప్రొ కబడ్డీ లీగ్‌ (పీకేఎల్‌) 11వ సీజన్‌ను విజయంతో మొదలుపెట్టిన తెలుగు టైటాన్స్‌ తర్వాత వరుసగా ఓడిపోతోంది. గచ్చిబౌలి ఇండోర్‌ స్టేడియంలో శనివారం జరిగిన మ్యాచ్‌లో టైటాన్స్‌ 37–41 స్కోరు తేడాతో దబంగ్‌ ఢిల్లీ చేతిలో కంగుతింది. తెలుగు టైటాన్స్‌కు వరుసగా ఇది మూడో ఓటమి. కెప్టెన్ పవన్‌ సెహ్రావత్‌ జట్టును గెలిపించేందుకు చక్కని పోరాటమే చేశాడు. 17 సార్లు కూతకెళ్లిన పవన్‌ 12 సార్లు విజయవంతంగా పాయింట్లు తెచ్చిపెట్టాడు. 6 బోనస్‌ పాయింట్లు సహా మొత్తం 18 పాయింట్లు సాధించాడు. మరో రెయిడర్‌ ఆశిష్‌ నర్వాల్‌ (9) కూడా రాణించాడు. మిగతా వారిలో ఆల్‌రౌండర్‌ విజయ్‌ మాలిక్‌ 3, డిఫెండర్‌ సాగర్‌ 2 పాయింట్లు తెచ్చారు. అయితే ప్రత్యర్థి దబంగ్‌ ఢిల్లీ జట్టు తరఫున రెయిడర్లు కెపె్టన్‌ నవీన్‌ కుమార్, అశు మాలిక్‌ చెలరేగారు. ఇద్దరు చెరో 15 పాయింట్లతో జట్టు విజయానికి బాట వేశారు.వీళ్లిద్దరు క్రమం తప్పకుండా పాయింట్లు తెచ్చిపెట్టడంతో తెలుగు టైటాన్స్‌ ఆఖరిదాకా పోరాడిన ఫలితం లేకపోయింది. ఇప్పటివరకు నాలుగు మ్యాచ్‌లాడిన టైటాన్స్‌ ఒక్క మ్యాచ్‌లో గెలిచి మూడింట ఓడింది. మూడు మ్యాచ్‌లాడిన ఢిల్లీ రెండో విజయం సాధించింది. ఆదివారం జరిగే పోటీల్లో జైపూర్‌ పింక్‌పాంథర్స్‌తో తమిళ్‌ తలైవాస్‌ పోటీపడుతుంది. యూపీ యోధాస్‌ను గుజరాత్‌ జెయింట్స్‌ ఢీకొంటుంది. బెంగాల్, యూ ముంబా మ్యాచ్‌ టై అంతకుముందు జరిగిన తొలి మ్యాచ్‌లో యూ ముంబా, బెంగాల్‌ వారియర్స్‌ హోరాహోరీగా తలపడ్డాయి. దీంతో ఈ మ్యాచ్‌ 31–31 స్కోరు వద్ద టై అయ్యింది. వారియర్స్‌ జట్టులో రెయిడర్‌ మణిందర్‌ సింగ్‌ (8 పాయింట్లు), డిఫెండర్‌ మయూర్‌ కదం (6) అదరగొట్టారు. ఒకరు కూతకెల్లి పాయింట్లు తెస్తుంటే మరొకరు ప్రత్యర్థి రెయిడర్లను టాకిల్‌ చేసి పాయింట్లు సాధించారు. మిగిలిన వారిలో నితీశ్‌ కుమార్‌ (4), సుశీల్‌ కాంబ్రేకర్‌ (3), నితిన్‌ ధన్కర్‌ (3), కెప్టెన్ ఫజల్‌ అత్రాచలి (3) మెరుగ్గా ఆడారు. యూ ముంబా జట్టులో రెయిడర్‌ మన్‌జీత్‌ (7 పాయింట్లు) ఆకట్టుకున్నాడు.

సాక్షి, హైదరాబాద్: ప్రొ కబడ్డీ లీగ్‌ పదకొండవ సీజన్‌లో తమిళ్ తలైవాస్ జోరు కొనసాగుతోంది. తొలుత తెలుగు టైటాన్స్‌ను ఓడించిన తలైవాస్‌.. తాజాగా మరో విజయం నమోదు చేసింది. రెండు మ్యాచ్‌లు గెలిచి జోరు మీదున్న డిఫెండింగ్ చాంపియన్ పుణెరి పల్టాన్‌కు షాకిచ్చింది. జీఎంసీ బాలయోగి ఇండోర్‌‌ స్టేడియంలో బుధవారం జరిగిన మ్యాచ్‌లో తలైవాస్ 35–30 తేడాతో పుణెరి పల్టాన్‌ను ఓడించింది. తలైవాస్ తరఫున రైడర్లు నరేందర్ కండోలా 9, సచిన్ 8 పాయింట్లతో ఆకట్టుకున్నారు. డిఫెండర్ నితేశ్ కుమార్ (5) హైఫైవ్ సాధించాడు.ఇక పుణెరి జట్టులో రైడర్ మోహిత్ గోయత్ (13) ఒంటరి పోరాటం చేశాడు. ఈ మ్యాచ్‌లో పుణెరి పల్టాన్‌ను తలైవాస్ రెండుసార్లు ఆలౌట్ చేసింది. ఈ మ్యాచ్‌లో తమిళ్ తలైవాస్ ఆరంభం నుంచి జోరు కనబరిచింది. నరేందర్ వరుసగా రెండు టచ్ పాయింట్లు రాబట్టగా, పంకజ్‌, అస్లాంను తలైవాస్ డిఫెండర్లు ట్యాకిల్ చేయడంతో ఆ జట్టు 4–0 ఆధిక్యంతో ఆటను ఆరంభించింది.అయితే, సచిన్‌ను సూపర్‌‌ ట్యాకిల్ చేసిన పుణెరి పల్టాన్ 5–6తో ముందుకొచ్చింది. మోహిత్ వరుసగా రెండు డబుల్ పాయింట్ల రైడ్లతో ఆకట్టుకోగా.. అస్లాం కూడా డబుల్ పాయింట్ రైడ్ చేయడంతో పుణెరి 10–11తో నిలిచింది. కానీ, కోర్టులో మిగిలిన అస్లాంను ట్యాకిల్ చేసిన తలైవాస్ 8వ నిమిషంలో పుణెరి ఆలౌట్ చేసి 14–11తో ముందంజ వేసింది. ఇక్కడి నుంచి పుణెరి డిఫెన్స్‌లో మెరుగైనా తమిళ జట్టు తన ఆధిక్యాన్ని కాపాడుకుంది. డూ ఆర్ డై రైడ్ కి వచ్చిన మోహిత్‌ను ట్యాకిల్ చేసి 19–15తో తొలి అర్ధభాగాన్ని ముగించింది.సెకండాఫ్‌ మొదలైన వెంటనే సచిన్‌ ఓ టచ్ పాయింట్ తీసుకురాగా, ఆకాశ్‌ను నితేశ్‌ ట్యాకిల్‌ చేశాడు. డుబ్కితో ఎస్కేప్ అయ్యే ప్రయత్నం చేసిన అస్లాంను తలైవాస్ డిఫెండర్లంతా నిలువరించారు. దాంతో తలైవాస్ 22–15తో తన ఆధిక్యాన్ని మరింత పెంచుకుంది.ఈ దశలో పుణెరి డిఫెండర్లు సత్తా చాటారు. నరేందర్‌‌ను సూపర్ ట్యాకిల్‌ చేసిన పుణెరి మరోసారి అతడిని నిలువరించింది. సాహిల్‌ ప్రత్యర్థికి దొరికిపోయినా సచిన్‌ను సూపర్‌‌ ట్యాకిల్ చేసిన పల్టాన్‌ డిఫెండర్లు 21–24తో అంతరాన్ని తగ్గించారు. కానీ, తలైవాస్ ఏమాత్రం వెనక్కు తగ్గలేదు. నరేందర్‌‌ మళ్లీ రైడింగ్‌లో జోరు పెంచగా.. డిఫెండర్లు కూడా విజృంభించారు. ఈ క్రమంలో పుణెరిని రెండోసారి ఆలౌట్‌ చేసిన తలైవాస్ 30–22తో తన ఆధిక్యాన్ని భారీగా పెంచుకుంది. చివరి నిమిషాల్లో పుణెరి డిఫెండర్లు సూపర్ ట్యాకిల్స్‌ తో ఆకట్టుకోవడంతో ఓటమి అంతరం తగ్గింది.

హైదరాబాద్, అక్టోబర్ 22: ప్రొ కబడ్డీ లీగ్‌ 11వ సీజన్‌లో యూపీ యోధాస్‌ రెండో విజయం సొంతం చేసుకోగా.. పర్దీన్ నర్వాల్ కెప్టెన్సీలోని బెంగళూరు బుల్స్ వరుసగా మూడో మ్యాచ్‌లో ఓడి హ్యాట్రిక్ పరాజయం చవి చూసింది. మంగళవారం రాత్రి ఇక్కడి జీఎంసీ బాలయోగి ఇండోర్‌‌ స్టేడియంలో జరిగిన మ్యాచ్‌లో యూపీ యోధాస్ 57-–36 తేడాతో బెంగళూరు బుల్స్‌ను చిత్తుగా ఓడించింది. యూపీ యోధాస్ కెప్టెన్‌ సురేందర్ గిల్‌ 17 పాయింట్లతో విజృంభించాడు. ఆల్‌రౌండర్ భరత్ (14), డిఫెండర్ సుమిత్ (9) కూడా ఆకట్టుకున్నారు. బుల్స్‌ తరఫున కెప్టెన్ పర్దీప్ నర్వాల్ (16 ) సూపర్ టెన్ సాధించగా, జతిన్ (9) పోరాడాడు. ఈ మ్యాచ్‌లో బెంగళూరు బుల్స్‌ను యూపీ మూడుసార్లు ఆలౌట్‌ చేసింది. ఈ మ్యాచ్ ఆరంభం నుంచి యూపీ యోధాస్ అద్భుత ప్రదర్శన చేసింది. ఆ జట్టు రైడర్లు ఆరంభం నుంచి కెప్టెన్ సురేందర్ గిల్‌, భరత్‌ వరుస రైడ్ పాయింట్లతో విజృంభించారు. జట్టుకు తొలి పాయింట్ అందించిన భరత్ ప్రత్యర్థి డిఫెండర్ల పట్టుకు చిక్కకుండా అలరించాడు. మరోవైపు సురేందర్ కూడా కోర్టులో పాదరసంలా కదులుతూ ఆకట్టుకున్నాడు. అదే సమయంలో యోధాస్ డిఫెండర్లు సైతం సత్తా చాటారు. బెంగళూరు తరఫున కెప్టెన్ పర్దీప్ నర్వాల్, జతిన్‌ పోరాడినా మిగతా రైడర్ల నుంచి వారికి సహకారం లభించలేదు.11వ నిమిషంలో బుల్స్‌ను ఆలౌట్ చేసిన 15–9తో ముందంజ వేసింది. ఆపై, భరత్ వెంటవెంటనే రెండు సూపర్ రైడ్లతో అలరించాడు. రెండు ప్రయత్నాల్లో ముగ్గురేసి ఆటగాళ్లను ఔట్ చేశాడు. దాంతో నాలుగు నిమిషాల వ్యవధిలోనే బెంగళూరును రెండోసారి ఆలౌట్‌ చేసిన యూపీ యోధాస్ 24–10తో భారీ ఆధిక్యం సొంతం చేసుకుంది. ఇదే జోరుతో భరత్‌, సురేందర్‌‌ సూపర్ టెన్స్‌ పూర్తి చేసుకోగా.. యోధాస్ 33–15తో తొలి అర్ధభాగాన్ని ముగించింది. రెండో భాగంలోనూ భరత్‌, సురేందర్ జోరు కొనసాగింది. అటువైపు బుల్స్ కెప్టెన్ పర్దీప్‌ సూపర్‌‌ రైడ్‌ చేసి సూపర్ టెన్ పూర్తి చేసుకోగా జతిన్‌ కూడా మెప్పించాడు. కానీ, యూపీ ఏమాత్రం పట్టు విడవలేదు. ఇరు జట్లూ కొద్దిసేపు పోటాపోటీగా రైడ్ పాయింట్లు రాబట్టగా యోధాస్ తన ఆధిక్యాన్ని నిలబెట్టుకుంటూ వెళ్లింది. 32వ నిమిషంలో మూడోసారి బెంగళూరును ఆలౌట్ చేసిన యూపీ 49–28తో ఆధిక్యంలోకి వెళ్లింది. చివర్లో పర్దీప్‌తో పాటు ఇతర ఆటగాళ్లు పోరాడినా అది బెంగళూరు ఓటమి అంతరాన్ని మాత్రమే తగ్గించింది. కాగా, బుధవారం జరిగే తొలి మ్యాచ్‌లో తమిళ్‌ తలైవాస్‌తో పుణెరి పల్టాన్ తలపడుతుంది. రెండో మ్యాచ్‌లో గుజరాత్ జెయింట్స్‌తో యు ముంబా పోటీ పడనుంది.

సాక్షి, హైదరాబాద్‌: ప్రొ కబడ్డీ లీగ్‌ 11వ సీజన్‌లో గుజరాత్‌ జెయింట్స్‌ జట్టు శుభారంభం చేసింది. గచ్చిచ్చిబౌలి ఇండోర్‌ స్టేడియంలో ఆదివారం జరిగిన మ్యాచ్‌లో గుజరాత్‌ జెయింట్స్‌ 36–32 పాయింట్ల తేడాతో బెంగళూరు బుల్స్‌ జట్టును ఓడించింది. గుజరాత్‌ జెయింట్స్‌లో ప్రతీక్‌ దహియా 8, హిమాన్షు 7 పాయింట్లు సాధించారు. మరో మ్యాచ్‌లో మాజీ చాంపియన్‌ జైపూర్‌ పింక్‌ పాంథర్స్‌ 39–34తో బెంగాల్‌ వారియర్స్‌ జట్టుపై విజయం సాధించింది. జైపూర్‌ జట్టు తరఫున కెప్టెన్‌ అర్జున్‌ దేశ్వాల్‌ 15 పాయింట్లతో సత్తా చాటాడు. 12 రెయిడింగ్‌ పాయింట్లతో సూపర్‌–10 ఖాతాలో వేసుకున్న అర్జున్‌ జట్టుకు కీలక సమయాల్లో ఆధిక్యం అందించాడు. అభిజిత్‌ మలిక్‌ 7 పాయింట్లు సాధించాడు. బెంగాల్‌ వారియర్స్‌ జట్టు తరఫున అత్యధికంగా నితిన్‌ కుమార్‌ 13 పాయింట్లు సాధించాడు. మణీందర్‌ సింగ్‌ 8 పాయింట్లు సాధించాడు. లీగ్‌లో భాగంగా నేడు జరగనున్న మ్యాచ్‌ల్లో యూపీ యోధాస్‌తో దబంగ్‌ ఢిల్లీ (రాత్రి 8:00 గంటల నుంచి), పుణేరి పల్టన్‌తో పట్నా పైరేట్స్‌ (రాత్రి 9:00 గంటల నుంచి) తలపడతాయి.

హైదరాబాద్‌: కెప్టెన్, స్టార్ రైడర్‌‌ అర్జున్ దేశ్వాల్ 15 పాయింట్లతో అదరగొట్టడంతో ప్రొ కబడ్డీ లీగ్‌ 11వ సీజన్‌ను జైపూర్ పింక్ పాంథర్స్ జట్టు ఉత్కంఠ విజయంతో ఆరంభించింది. ఆదివారం రాత్రి హైదరాబాద్ గచ్చిబౌలిలోని జీఎంసీ బాలయోగి ఇండోర్ స్టేడియంలో జరిగిన మ్యాచ్‌లో జైపూర్‌‌ 39–34తో బెంగాల్ వారియర్స్‌ను ఓడించింది. అర్జున్‌తో పాటు రైడర్‌‌ అభిజీత్ మాలిక్‌ (7 పాయింట్లు) జైపూర్‌‌ విజయంలో కీలకంగా నిలిచాడు. బెంగాల్‌ జట్టులో నితిన్ ధాంకర్‌‌ (13) సూపర్ టెన్ సాధించగా, మణిందర్ సింగ్‌ (8), కెప్టెన్ ఫజెల్ అత్రాచలి (6) పోరాడినా ఫలితం లేకపోయింది. ఈ మ్యాచ్‌లో జైపూర్ తన ప్రత్యర్థిని రెండుసార్లు ఆలౌట్ చేసింది. ఆధిపత్యం చేతులు మారుతూ సాగిన ఈ మ్యాచ్‌లో చివరకు బెంగాల్‌పై జైపూర్‌‌ పైచేయి సాధించింది. అర్జున్‌ దేశ్వాల్‌ను ట్యాకిల్‌ చేసిన నితేష్‌ కుమార్‌‌ జైపూర్‌‌కు తొలి పాయింట్ అందించగా.. వికాష్‌ ఖండోలా తన రైడ్‌లో నితేష్‌ను టచ్‌ చేసి బెంగాల్ ఖాతా తెరిచాడు. మరోసారి రైడ్‌కు వచ్చిన అర్జున్‌ను ఫజెల్‌ అత్రాచలి ట్యాకిల్‌ చేయగా.. మణిందర్ సింగ్ వరుసగా రెండు బోన్‌ పాయింట్లు తేవడంతో బెంగాల్ 5–2తో ఆరంభం ఆధిక్యం అందుకుంది. ఈ దశలో అర్జున్ దేశ్వాల్ ఒక్కసారిగా జోరు పెంచాడు.వరుసగా సక్సెస్‌ఫుల్ రైడ్లతో పాయింట్లు రాబట్టి 9–8తో పింక్ పాంథర్స్‌ను తొలిసారి ఆధిక్యంలోకి తెచ్చాడు. అతని దెబ్బకు బెంగాల్ కోర్టులో నితిన్‌ ధాంకర్‌‌ ఒక్కడే మిగిలిపోయాడు. నితిన్‌ను కూడా ట్యాకిల్ చేసి 11వ నిమిషంలో ప్రత్యర్థిని తొలిసారి ఆలౌట్‌ చేసిన జైపూర్ 12–9తో తన ఆధిక్యాన్ని పెంచుకుంది. ఇక్కడి నుంచి ఇరు జట్లూ పోటాపోటీగా ఆడాయి. సుర్జీత్‌ పట్టు నుంచి తప్పించుకొని వచ్చిన నితిన్‌ సూపర్ రైడ్ చేయడంతో బెంగాల్ 13–15తో ప్రత్యర్థిని అందుకునే ప్రయత్నం చేసింది. కానీ, మరోవైపు అర్జున్ తన జోరు కొనసాగిస్తూ సూపర్ టెన్ పూర్తి చేసుకున్నాడు. జట్టును 21–15తో ఆధిక్యంలోకి తీసుకెళ్లాడు. అయితే, విరామానికి ముందు ఫజల్ అత్రాచలి సూపర్ ట్యాకిల్‌తో అర్జున్‌ను మరోసారి నిలువరించాడు. దాంతో తొలి అర్ధభాగాన్ని జైపూర్‌‌ 21–18తో మూడు పాయింట్ల ఆధిక్యంతో ముగించింది.రెండో భాగంలో బెంగాల్‌ డిఫెన్స్‌లో మెరుగైంది. ఆ జట్టు కెప్టెన్‌ ఫజల్ అత్రాచలి వరుసగా రెండు సూపర్ ట్యాకిల్స్‌తో సత్తా చాటడంతో 23–24తో ప్రత్యర్థి ఆధిక్యాన్ని తగ్గించింది. కానీ, ఫజెల్ పోరాటం బెంగాల్‌ను మరో ఆలౌట్‌ ప్రమాదం నుంచి తప్పించలేపోయింది. 31వ నిమిషంలో బెంగాల్‌ను రెండోసారి ఆలౌట్‌ చేసిన జైపూర్‌‌ 29–25తో నాలుగు పాయింట్ల ఆధిక్యం సంపాదించుకుంది. కోర్టుపైకి పూర్తి జట్టు వచ్చిన తర్వాత బెంగాల్‌ పుంజుకుంది. రైడర్లు మణిందర్, నితిన్ తెలివిగా ఆడుతూ వరుసగా పాయింట్లు తీసుకొచ్చారు. అభిజీత్ మాలిక్‌ను ఔట్‌ చేసి నితిన్‌ సూపర్‌‌10 పూర్తి చేసుకోగా.. బెంగాల్ 30–32తో ముందుకొచ్చింది. మరో రెండు నిమిషాల్లో ఆట ముగుస్తుందనగా నితిన్.. అర్జున్‌, లక్కీ శర్మను ఔట్ చేసి రెండు పాయింట్లు రాబట్టడంతో 34–35తో మ్యాచ్‌లో ఉత్కంఠ రేగింది. కానీ, మరోసారి రైడ్‌కు వచ్చిన నితిన్‌ సూపర్ ట్యాకిల్ చేసిన జైపూర్ విజయం సొంతం చేసుకుంది.

సాక్షి, హైదరాబాద్: ప్రొ కబడ్డీ లీగ్‌ 11వ సీజన్‌ను ఘనంగా ఆరంభించిన ఆతిథ్య తెలుగు టైటాన్స్ రెండో మ్యాచ్‌లో మాత్రం నిరాశ పరిచింది. తమిళ్‌ తలైవాస్‌తో శనివారం నాటి మ్యాచ్‌లో ఓటమిపాలైంది. తలైవాస్‌ తరఫున నరేందర్ ఖండోలా, సచిన్‌ సూపర్ టెన్స్ విజృంభించడంతో టైటాన్స్‌కు పరాజయం తప్పలేదు.హైదరాబాద్‌లోని జీఎంసీ బాలయోగి గచ్చిబౌలి ఇండోర్‌‌ స్టేడియంలో జరిగిన మ్యాచ్‌లో తమిళ్‌ తలైవాస్ జట్టు 44–29 తేడాతో తెలుగు టైటాన్స్‌ ను చిత్తు చేసింది. ఆరంభంలో విజృంభించిన టైటాన్స్‌ ప్లేయర్‌ పవన్ సెహ్రావత్ (10) వరుసగా రెండో సూపర్ టెన్ సాధించినా.. ఆ తర్వాత తడబడ్డాడు. అనంతరం విజయ్ మాలిక్‌ (9) పోరాడినా ఫలితం లేకపోయింది. తమిళ్ తలైవాస్ జట్టులో నరేందర్‌‌, సచిన్ చెరో పది పాయింట్లు తీసుకురాగా.. డిఫెండర్ సాహిల్ గులియా ఐదు పాయింట్లతో హై ఫైవ్ సాధించాడు.టైటాన్స్‌- తలైవాస్‌ పోరుసాగిందిలాతలైవాస్‌తో మ్యాచ్‌లో తెలుగు టైటాన్స్ కెప్టెన్ పవన్‌ సెహ్రావత్ ఆరంభంలో వరుస రైడ్ పాయింట్లతో చెలరేగాడు. మొదటి కూతలోనే సూపర్ రైడ్ చేయడంతో 3–0తో ఆటను ఆరంభించిన తెలుగు టైటాన్స్‌.. పవన్‌ డబుల్ రైడ్ పాయింట్‌తో 5–1తో ఆధిక్యం సాధించింది. కానీ,అభిషేక్‌ చేసిన ట్యాకిల్‌తో పవన్‌ను నిలువరించిన తలైవాస్ ఒక్కసారిగా జోరు పెంచింది. నరేందర్ ఖండోలా ముగ్గురు డిఫెండర్లను ఔట్ చేస్తూ సూపర్ రైడ్ చేయడంతో 7–6తో ఆధిక్యంలోకి వచ్చింది.ఆపై కోర్టులో మిగిలిన క్రిషన్, విజయ్ మాలిన్‌ ను సచిన్ అవుట్‌ చేశాడు. ఫలితంగా ఆరో నిమిషంలోనే తెలుగు టైటాన్స్‌ ను ఆలౌట్‌ చేసిన తలైవాస్ 11–7తో ఆధిక్యంలోకి వెళ్లింది. సాహిల్‌, అభిషేక్ తృత్వంలోని డిఫెండర్లు కూడా సత్తా చాటడంతో సెహ్రావత్‌ ను మరోసారి కోర్టు బయటికి పంపించిన తమిళ జట్టు తన ఆధిక్యాన్ని 14–9కి పెంచుకుంది.ఈ దశలో టైటాన్స్‌ రైడర్ విజయ్ మాలిక్ పోరాటంతో ఆతిథ్య జట్టు వెంటవెంటనే పాయింట్లు రాబట్టి 14–15తో ప్రత్యర్థి ఆధిక్యాన్ని తగ్గించింది. కానీ, తలైవాస్ రైడర్ నరేందర్‌‌తో పాటు సచిన్ కూడా జోరు కనబరిచాడు.సెహ్రావత్‌ ఎక్కువ సేపు కోర్టు బయట ఉంచిన ఆ జట్టు 20–17తో తొలి అర్ధభాగాన్ని ముగించింది. సెకండాఫ్‌లో తెలుగు టైటాన్స్ జట్టు పుంజుకునే ప్రయత్నం చేసినా ఫలితం లేకపోయింది. ఓవైపు విజయ్ మాలిక్‌ రైడ్ పాయింట్లు రాబడుతున్నా.. కెప్టెన్ సెహ్రావత్ నిరాశ పరచడంతో మళ్లీ వెనకబడింది. ఇంకోవైపు సచిన్‌ను నిలువరించడంలో టైటాన్స్ డిఫెండర్లు పూర్తిగా విఫలమయ్యారు.31వ నిమిషంలో మరోసారి ఆలౌట్‌ చేసిన తలైవాస్ 31–21తో ఆధిక్యం సాధించింది. పూర్తి జట్టు కోర్టులోకి వచ్చిన తర్వాత కూడా తెలుగు టైటాన్స్ తడబాటు మారలేదు. నరేందర్ తన సూపర్ టెన్ పూర్తి చేసుకుంటూ అంకిత్‌, అజిత్‌ పవార్ పట్టు నుంచి తప్పించుకొని వచ్చాడు. దాంతో మూడోసారి టైటాన్స్‌ ను ఆలౌట్ చేసిన తలైవాస్ 40–24తో భారీ ఆధిక్యంలోకి వచ్చింది. చివరి ఐదు నిమిమిషాల్లో తెలుగు జట్టు పోరాటం ఓటమి అంతరాన్ని కూడా పెద్దగా తగ్గించలేకపోయింది.

సాక్షి, హైదరాబాద్‌: ప్రొ కబడ్డీ లీగ్‌ 11వ సీజన్‌ను తెలుగు టైటాన్స్‌ జట్టు విజయంతో మొదలు పెట్టింది. లీగ్‌లో ప్రతీ సీజన్‌లో పేలవ ప్రదర్శన కనబరుస్తూ వచ్చిన టైటాన్స్‌ ఈసారి శుభారంభం చేసింది. గచ్చిబౌలి ఇండోర్‌ స్టేడియంలో శుక్రవారం జరిగిన టోర్నీ తొలి మ్యాచ్‌లో తెలుగు టైటాన్స్‌ 37–29 పాయింట్ల తేడాతో మాజీ చాంపియన్‌ బెంగళూరు బుల్స్‌ను ఓడించింది. టైటాన్స్‌ తరఫున కెప్టెన్ పవన్‌ సెహ్రావత్‌ 13 పాయింట్లతో జట్టును ముందుండి నడిపించగా ... బెంగళూరు కెపె్టన్‌ ప్రదీప్‌ నర్వాల్‌ కేవలం 3 పాయింట్లే నమోదు చేసి విఫలం కావడం జట్టును దెబ్బ తీసింది. తొలి అర్ధభాగం ముగిసేసరికి టైటాన్స్‌ 20–11తో 9 పాయింట్ల తేడాతో ముందంజలో నిలిచింది. అయితే ఆ తర్వాత కోలుకున్న బుల్స్‌ 18–11 పాయింట్లతో రెండో అర్ధభాగంలో ఆధిక్యం ప్రదర్శించింది. బుల్స్‌ తమ ప్రత్యర్థిని ఒకసారి ఆలౌట్‌ చేయగా... టైటాన్స్‌ జట్టు బెంగళూరును రెండుసార్లు ఆలౌట్‌ చేసింది. పవన్‌ ప్రొ కబడ్డీ లీగ్‌లో 1200 రైడింగ్‌ పాయింట్లు పూర్తి చేసుకున్నాడు. రెండో మ్యాచ్‌లో దబంగ్‌ ఢిల్లీ జట్టు 36–28 పాయింట్ల తేడాతో యు ముంబా జట్టును ఓడించింది. ఢిల్లీ తరఫున అశు మలిక్‌ 10 పాయింట్లు సాధించాడు. నేడు జరిగే మ్యాచ్‌ల్లో తమిళ్‌ తలైవాస్‌తో తెలుగు టైటాన్స్‌ (రాత్రి 8 గంటల నుంచి), పుణేరి పల్టన్‌తో హరియాణా స్టీలర్స్‌ (రాత్రి 9 గంటల నుంచి) తలపడతాయి.

సాక్షి, హైదరాబాద్‌: పది సీజన్లుగా కబడ్డీ అభిమానులను అలరిస్తున్న ప్రొ కబడ్డీ లీగ్‌ (పీకేఎల్‌) ఏడాది వ్యవధిలోపే మళ్లీ ముందుకు వచ్చింది. పీకేఎల్‌ 11వ సీజన్‌కు నేటితో తెర లేవనుంది. గత సీజన్‌కంటే భిన్నంగా ఈసారి మూడు వేదికలకే టోర్నీ లీగ్‌ దశను పరిమితం చేస్తున్నారు. సీజన్‌–10 ఫైనల్‌ మ్యాచ్‌కు ఆతిథ్యం ఇచ్చిన గచ్చిబౌలి ఇండోర్‌ స్టేడియంలోనే నేడు టోర్నీ ప్రారంభం అవుతుంది. నవంబర్‌ 9 వరకు ఇక్కడే పోటీలు జరుగుతాయి. ఆ తర్వాత నోయిడా, పుణే తర్వాతి దశ పోటీలకు ఆతిథ్యం ఇస్తాయి. మరోసారి 12 టీమ్‌లతోనే పీకేఆల్‌ జరగనుండగా... లీగ్‌ దశలో మొత్తం 132 మ్యాచ్‌లు నిర్వహిస్తారు. ప్లే ఆఫ్స్‌ (ఎలిమినేటర్‌–1, ఎలిమినేటర్‌–2, రెండు సెమీఫైనల్స్, ఫైనల్‌) ఐదు మ్యాచ్‌లతో కలిపి ఓవరాల్‌గా 137 మ్యాచ్‌లు పీకేఎల్‌లో జరుగుతాయి. టోర్నీ తొలిరోజు జరిగే మొదటి మ్యాచ్‌లో తెలుగు టైటాన్స్‌ మాజీ చాంపియన్‌ బెంగళూరు బుల్స్‌తో తలపడనుండగా... మాజీ చాంపియన్స్‌ దబంగ్‌ ఢిల్లీ, యు ముంబా మధ్య రెండో మ్యాచ్‌ మ్యాచ్‌ (రాత్రి 9 గంటల నుంచి) జరుగుతుంది. తొలి మ్యాచ్‌ రాత్రి 8 గంటలకు మొదలవుతుంది. డిసెంబర్‌ 24న జరిగే ఆఖరి లీగ్‌ మ్యాచ్‌ తర్వాత నాకౌట్‌ మ్యాచ్‌ల వేదికలను ఖరారు చేస్తారు. భారీ వేలంతో మొదలు... సీజన్‌–11 కోసం నిర్వహించిన వేలంలో ఆటగాళ్లకు భారీ విలువ పలికింది. గతంలో ఎన్నడూ లేని రీతిలో రూ. 1 కోటికి పైగా విలువతో అమ్ముడుపోయిన ఆటగాళ్ల జాబితాలో ఏకంగా 8 మంది ఉండటం విశేషం. అత్యధికంగా తమిళ్‌ తలైవాస్‌ సచిన్‌ తన్వర్‌ను రూ.2 కోట్ల 15 లక్షలకు దక్కించుకుంది. టోర్నీ ఆరంభానికి ముందు గురువారం హైదరాబాద్‌లో ట్రోఫీ ఆవిష్కరణ సహా లీగ్‌ ప్రచార కార్యక్రమం జరిగింది. పీకేఎల్‌ కమిషనర్‌ అనుపమ్‌ గోస్వామి తదితరులు ఇందులో పాల్గొన్నారు. దశాబ్దకాలంగా తమ లీగ్‌కు మంచి ఆదరణ దక్కడం పట్ల సంతోషం వ్యక్తం చేసిన ఆయన మున్ముందు టోర్నీని మరింత ఆకర్షణీయంగా మారుస్తామని ప్రకటించారు. పీకేఎల్‌ రాకతో తమ కెరీర్‌తో పాటు వ్యక్తిగత జీవితంలో ఎంతో మార్పు వచ్చి0దని... డబ్బుతో పాటు గుర్తింపూ దక్కిందని అగ్రశ్రేణి ఆటగాళ్లు పవన్‌ సెహ్రావత్, ప్రదీప్‌ నర్వాల్‌ వెల్లడించారు. టైటాన్స్‌ రాత మారేనా... ప్రొ కబడ్డీ లీగ్‌ ప్రారంభమైన నాటినుంచి లీగ్‌లో ఉన్న ఎనిమిది జట్లలో తెలుగు టైటాన్స్‌ కూడా ఒకటి. కానీ మిగతా ఏడు జట్లతో పోలిస్తే టైటాన్స్‌దే ఇప్పటి వరకు పేలవ ప్రదర్శన. టైటాన్స్‌ మినహా మిగిలిన ఏడు జట్లు కనీసం ఒక్కసారైనా విజేతగా నిలవడం విశేషం. రెండో సీజన్‌లో మూడో స్థానంలో నిలవడమే ఇప్పటి వరకు ఆ జట్టు అత్యుత్తమ ప్రదర్శన. గత మూడు సీజన్లుగానైతే మరీ చెత్త ప్రదర్శనతో చివరిదైన 12వ స్థానంలో నిలుస్తూ వచ్చి0ది. ఓవరాల్‌గా 10 సీజన్లలో కలిపి 192 మ్యాచ్‌లు ఆడితే 56 మాత్రమే గెలిచి 116 ఓడిపోయింది. ద్రోణాచార్య అవార్డు గ్రహీత, లీగ్‌లో దబంగ్‌ ఢిల్లీకి టైటిల్‌ అందించిన కోచ్‌ కృషన్‌ కుమార్‌ హుడా ఈసారి టైటాన్స్‌ కోచ్‌గా రావడం జట్టుకు సానుకూలాంశం. అతని నేతృత్వంలో టీమ్‌ రాత మారుతుందా అనేది ఆసక్తికరం. వేలంలో ఎఫ్‌బీఎం ద్వారా రూ.1.72 కోట్లకు కెపె్టన్‌ పవన్‌ సెహ్రావత్‌ను టీమ్‌ కొనసాగించింది. విజయ్‌ మలిక్, అమిత్‌ కుమార్, సంజీవి వంటి ఆల్‌రౌండర్లు జట్టులో ఉన్నారు. అయితే పవన్‌ మినహా చెప్పుకోదగ్గ అగ్రశ్రేణి రైడర్‌ లేకపోవడం జట్టులో ఒక లోపం. ప్రఫుల్, ఓంకార్, మన్‌జీత్‌ ఈ విషయంలో ప్రధాన పాత్ర పోషించాల్సి ఉంది. డిఫెన్స్‌లో కృషన్‌ ధుల్‌ రూపంలో కీలక ఆటగాడు ఉండగా... మిలాద్, అజిత్, సాగర్‌ నుంచి సహకారం అవసరం. పీకేఎల్‌–11లో పాల్గొనే జట్లు: తెలుగు టైటాన్స్, బెంగళూరు బుల్స్, బెంగాల్‌ వారియర్స్, దబంగ్‌ ఢిల్లీ, గుజరాత్‌ జెయింట్స్, హరియాణా స్టీలర్స్, జైపూర్‌ పింక్‌ పాంథర్స్, పట్నా పైరేట్స్, పుణేరి పల్టన్, తమిళ్‌ తలైవాస్, యు ముంబా, యూపీ యోధాస్‌.

ప్రొ కబడ్డీ లీగ్‌ 11వ సీజన్‌కు నగారా మోగింది. హైదరాబాద్‌లోని గచ్చిబౌలి ఇండోర్‌ స్టేడియంలో నేడు ఈ టోర్నీ ప్రారంభమవుతుంది. మొత్తం 12 జట్లు బరిలో ఉన్నాయి. డిసెంబర్‌ 24 వరకు సాగే లీగ్‌ దశలో 132 మ్యాచ్‌లు నిర్వహిస్తారు. హైదరాబాద్‌తో పాటు నోయిడా, పుణే ఇతర వేదికలుగా ఉన్నాయి. నేడు జరిగే రెండు మ్యాచ్‌ల్లో తెలుగు టైటాన్స్‌తో బెంగళూరు బుల్స్‌; ఢిల్లీ దబంగ్‌తో యు ముంబా ఆడతాయి. గురువారం జరిగిన ట్రోఫీ ఆవిష్కరణ కార్యక్రమంలో అన్ని జట్ల కెపె్టన్లు పాల్గొన్నారు. స్టేడియంలో ప్రత్యక్షంగా మ్యాచ్‌లు చూడాలనుకునే కబడ్డీ అభిమానులు bౌౌజుఝyటజిౌఠీ ద్వారా టికెట్లు కొనుగోలు చేసుకోవచ్చు. రూ.500, రూ.1000, రూ. 2500లకు టికెట్లు అందుబాటులో ఉన్నాయి. హైదరాబాద్‌ అంచె మ్యాచ్‌లు నవంబర్‌ 9వ తేదీన ముగుస్తాయి. ఆ తర్వాత నవంబర్‌ 10 నుంచి డిసెంబర్‌ 1 వరకు నోయిడాలో... డిసెంబర్‌ 3 నుంచి 24 వరకు పుణేలో మ్యాచ్‌లు జరుగుతాయి. లీగ్‌ దశ ముగిశాక టాప్‌–6లో నిలిచిన జట్లు ప్లే ఆఫ్స్‌కు అర్హత సాధిస్తాయి.

Pro Kabaddi League Season 11: ప్రొ కబడ్డీ లీగ్‌ (పీకేఎల్‌) 11వ సీజన్‌ మ్యాచ్‌ల షెడ్యూల్‌ను ప్రకటించారు. ఆరంభ దశ మ్యాచ్‌లకు హైదరాబాద్‌ ఆతిథ్యమివ్వనుంది. వచ్చే నెల 18 నుంచి పీకేఎల్‌ ప్రారంభం కానుండగా... గచ్చిబౌలి స్టేడియం వేదికగా జరగనున్న తొలి పోరులో బెంగళూరు బుల్స్‌తో తెలుగు టైటాన్స్‌ జట్టు తలపడనుంది.అదే రోజు జరగనున్న రెండో మ్యాచ్‌లో యు ముంబాతో దబంగ్‌ ఢిల్లీ పోటీపడుతుంది. మూడు వేదికల్లో పీకేఎల్‌ మ్యాచ్‌లు నిర్వహించాలని నిర్ణయించగా... అక్టోబర్‌ 18 నుంచి నవంబర్‌ 9 వరకు హైదరాబాద్‌లో పీకేఎల్‌ తొలి దశ సాగనుంది.ఆ తర్వాత నవంబర్‌ 10 నుంచి డిసెంబర్‌ 1 వరకు నోయిడాలోని ఇండోర్‌ స్టేడియంలో మ్యాచ్‌లు నిర్వహించనున్నారు. అనంతరం డిసెంబర్‌ 3 నుంచి 24 వరకు పుణేలో లీగ్‌ సాగనుంది. ఇక ప్లే ఆఫ్స్‌కు సంబంధించిన షెడ్యూల్‌ను తర్వాత ప్రకటించనున్నారు. గత నెలలో జరిగిన పీకేఎల్‌ వేలంలో మొత్తం 12 జట్లు తమ అస్త్రశ్రస్తాలకు పదును పెంచుకోగా... లీగ్‌ చరిత్రలోనే అత్యధికంగా ఎనిమిది మంది ప్లేయర్లు కోటి రూపాయలకు పైగా ధర పలికారు. హైదరాబాద్ (గచ్చిబౌలి ఇండోర్ స్టేడియం)అక్టోబర్ 18, శుక్రవారం-తెలుగు టైటాన్స్ వర్సెస్ బెంగళూరు బుల్స్ (రాత్రి 8:00 గంటలు)-దబాంగ్ ఢిల్లీ కేసీ వర్సెస్ యు ముంబా (రాత్రి 9:00 గంటలు)అక్టోబర్ 19, శనివారం- తెలుగు టైటాన్స్ వర్సెస్ తమిళ్ తలైవాస్ (రాత్రి 8:00 గంటలు)- పుణెరి పల్టాన్ వర్సెస్ హర్యానా స్టీలర్స్ (రాత్రి 9:00 గంటలు)అక్టోబర్ 20, ఆదివారం- బెంగాల్ వారియర్స్ వర్సెస్ జైపూర్ పింక్ పాంథర్స్ (రాత్రి 8:00 గంటలు)- గుజరాత్ జెయింట్స్ వర్సెస్ బెంగళూరు బుల్స్ (రాత్రి 9:00 గంటలు) అక్టోబర్ 21, సోమవారం- యూపీ యోధాస్ వర్సెస్ దబాంగ్ ఢిల్లీ కేసీ (రాత్రి 8:00 గంటలు)- పుణెరి పల్టాన్ వర్సెస్ పట్నా పైరేట్స్ (రాత్రి 9:00 గంటలు)అక్టోబర్ 22, మంగళవారం- తెలుగు టైటాన్స్ వర్సెస్ జైపూర్ పింక్ పాంథర్స్ (రాత్రి 8:00 గంటలు)- యూపీ యోధాస్ వర్సెస్ బెంగళూరు బుల్స్ (రాత్రి 9:00 గంటలు)అక్టోబర్ 23, బుధవారం- గుజరాత్ జెయింట్స్ వర్సెస్ యు ముంబా (రాత్రి 8:00 గంటలు)- తమిళ్ తలైవాస్ వర్సెస్ పుణెరి పల్టన్ (రాత్రి 9:00 గంటలు)అక్టోబర్ 24, గురువారం- బెంగాల్ వారియర్స్ వర్సెస్ యూపీ యోధాస్ (రాత్రి 8:00 గంటలు)- హర్యానా స్టీలర్స్ వర్సెస్ జైపూర్ పింక్ పాంథర్స్ (రాత్రి 9:00 గంటలు)అక్టోబర్ 25, శుక్రవారం- పట్నా పైరేట్స్ వర్సెస్ తమిళ్ తలైవాస్ (రాత్రి 8:00 గంటలు)- బెంగళూరు బుల్స్ వర్సెస్ పుణెరి పల్టాన్ (రాత్రి 9:00 గంటలు)అక్టోబర్ 26, శనివారం- యు ముంబా వర్సెస్ బెంగాల్ వారియర్స్ (రాత్రి 8:00 గంటలు)- తెలుగు టైటాన్స్ వర్సెస్ దబాంగ్ ఢిల్లీ కేసీ (రాత్రి 9:00 గంటలు)అక్టోబర్ 27, ఆదివారం- జైపూర్ పింక్ పాంథర్స్ వర్సెస్ తమిళ్ తలైవాస్ (రాత్రి 8:00 గంటలు)- యూపీ యోధాస్ వర్సెస్ గుజరాత్ జెయింట్స్ (రాత్రి 9:00 గంటలు)అక్టోబర్ 28, సోమవారం- హర్యానా స్టీలర్స్ వర్సెస్ దబాంగ్ ఢిల్లీ కేసీ (రాత్రి 8:00 గంటలు)- తెలుగు టైటాన్స్ వర్సెస్ పట్నా పైరేట్స్ (రాత్రి 9:00 గంటలు)అక్టోబర్ 29, మంగళవారం- బెంగాల్ వారియర్స్ వర్సెస్ పుణెరి పల్టాన్ (రాత్రి 8:00 గంటలు)- బెంగళూరు బుల్స్ వర్సెస్ దబాంగ్ ఢిల్లీ కేసీ (రాత్రి 9:00 గంటలు)అక్టోబర్ 30, బుధవారం- గుజరాత్ జెయింట్స్ వర్సెస్ తమిళ్ తలైవాస్ (రాత్రి 8:00 గంటలు)- యూపీ యోధాస్ వర్సెస్ హర్యానా స్టీలర్స్ (రాత్రి 9:00 గంటలు)అక్టోబర్ 31, గురువారం- పట్నా పైరేట్స్ వర్సెస్ దబాంగ్ ఢిల్లీ కేసీ (రాత్రి 8:00 గంటలు)- యు ముంబా వర్సెస్ జైపూర్ పింక్ పాంథర్స్ (రాత్రి 9:00 గంటలు)నవంబర్ 2, శనివారం- బెంగళూరు బుల్స్ వర్సెస్ తెలుగు టైటాన్స్ (రాత్రి 8:00 గంటలు)- యూపీ యోధాస్ వర్సెస్ పట్నా పైరేట్స్ (రాత్రి 9:00 గంటలు)నవంబర్ 3, ఆదివారం- పుణెరి పల్టాన్ వర్సెస్ యు ముంబా (రాత్రి 8:00 గంటలు)- బెంగాల్ వారియర్స్ వర్సెస్ హర్యానా స్టీలర్స్ (రాత్రి 9:00 గంటలు)నవంబర్ 4, సోమవారం- బెంగళూరు బుల్స్ వర్సెస్ తమిళ్ తలైవాస్ (రాత్రి 8:00 గంటలు)- పుణెరి పల్టాన్ వర్సెస్ గుజరాత్ జెయింట్స్ (రాత్రి 9:00 గంటలు)నవంబర్ 5, మంగళవారం- యు ముంబా వర్సెస్ దబాంగ్ ఢిల్లీ కేసీ (రాత్రి 8:00 గంటలు)- జైపూర్ పింక్ పాంథర్స్ వర్సెస్ యూపీ యోధాస్ (రాత్రి 9:00 గంటలు)నవంబర్ 6, బుధవారం- తమిళ్ తలైవాస్ వర్సెస్ తెలుగు టైటాన్స్ (రాత్రి 8:00 గంటలు)- పట్నా పైరేట్స్ వర్సెస్ యు ముంబా (రాత్రి 9:00 గంటలు)నవంబర్ 7, గురువారం- హర్యానా స్టీలర్స్ వర్సెస్ గుజరాత్ జెయింట్స్ (రాత్రి 8:00 గంటలు)- బెంగాల్ వారియర్స్ వర్సెస్ దబాంగ్ ఢిల్లీ కేసీ (రాత్రి 9:00 గంటలు)నవంబర్ 8, శుక్రవారం- జైపూర్ పింక్ పాంథర్స్ వర్సెస్ పాట్నా పైరేట్స్ (రాత్రి 8:00 గంటలు)- దబాంగ్ ఢిల్లీ కేసీ వర్సెస్ తమిళ్ తలైవాస్ (రాత్రి 9:00 గంటలు)నవంబర్ 9, శనివారం- తెలుగు టైటాన్స్ వర్సెస్ పుణెరి పల్టన్ (రాత్రి 8:00 గంటలు)బెంగళూరు బుల్స్ వర్సెస్ బెంగాల్ వారియర్స్ (రాత్రి 9:00 గంటలు)నోయిడా (నోయిడా ఇండోర్ స్టేడియం)నవంబర్ 10, ఆదివారం- యూపీ యోధాస్ వర్సెస్ యు ముంబా (రాత్రి 8:00 గంటలు)- గుజరాత్ జెయింట్స్ వర్సెస్ హర్యానా స్టీలర్స్ (రాత్రి 9:00 గంటలు)నవంబర్ 11, సోమవారం- గుజరాత్ జెయింట్స్ వర్సెస్ పట్నా పైరేట్స్ (రాత్రి 8:00 గంటలు)- యు ముంబా వర్సెస్ హర్యానా స్టీలర్స్ (రాత్రి 9:00 గంటలు)నవంబర్ 12, మంగళవారం- బెంగళూరు బుల్స్ వర్సెస్ జైపూర్ పింక్ పాంథర్స్ (రాత్రి 8:00 గంటలు)- దబాంగ్ ఢిల్లీ కేసీ వర్సెస్ పుణెరి పల్టాన్ (రాత్రి 9:00 గంటలు)నవంబర్ 13, బుధవారం- గుజరాత్ జెయింట్స్ వర్సెస్ బెంగాల్ వారియర్స్ (రాత్రి 8:00 గంటలు)- పట్నా పైరేట్స్ వర్సెస్ హర్యానా స్టీలర్స్ (రాత్రి 9:00 గంటలు)నవంబర్ 14, గురువారం- యూపీ యోధాస్ వర్సెస్ తెలుగు టైటాన్స్ (రాత్రి 8:00 గంటలు)- తమిళ్ తలైవాస్ వర్సెస్ యు ముంబా (రాత్రి 9:00 గంటలు)నవంబర్ 15, శుక్రవారం- పట్నా పైరేట్స్ వర్సెస్ బెంగాల్ వారియర్స్ (రాత్రి 8:00 గంటలు)- జైపూర్ పింక్ పాంథర్స్ వర్సెస్ గుజరాత్ జెయింట్స్ (రాత్రి 9:00 గంటలు)నవంబర్ 16, శనివారం- బెంగాల్ వారియర్స్ వర్సెస్ తమిళ్ తలైవాస్ (రాత్రి 8:00 గంటలు)- దబాంగ్ ఢిల్లీ కేసీ వర్సెస్ బెంగళూరు బుల్స్ (రాత్రి 9:00 గంటలు)నవంబర్ 17, ఆదివారం- హర్యానా స్టీలర్స్ వర్సెస్ తమిళ్ తలైవాస్ (రాత్రి 8:00 గంటలు)- జైపూర్ పింక్ పాంథర్స్ వర్సెస్ పుణెరి పల్టాన్ (రాత్రి 9:00 గంటలు)నవంబర్ 18, సోమవారం- బెంగళూరు బుల్స్ వర్సెస్ యు ముంబా (రాత్రి 8:00 గంటలు)- తెలుగు టైటాన్స్ వర్సెస్ హర్యానా స్టీలర్స్ (రాత్రి 9:00 గంటలు)నవంబర్ 19, మంగళవారం- పుణెరి పల్టాన్ వర్సెస్ యూపీ యోధాస్ (రాత్రి 8:00 గంటలు)బెంగళూరు బుల్స్ వర్సెస్ పాట్నా పైరేట్స్ (రాత్రి 9:00 గంటలు)నవంబర్ 20, బుధవారం- దబాంగ్ ఢిల్లీ కేసీ వర్సెస్ గుజరాత్ జెయింట్స్ (రాత్రి 8:00 గంటలు)- తెలుగు టైటాన్స్ వర్సెస్ యు ముంబా (రాత్రి 9:00 గంటలు)నవంబర్ 21, గురువారం- బెంగళూరు బుల్స్ వర్సెస్ హర్యానా స్టీలర్స్ (రాత్రి 8:00 గంటలు)- బెంగాల్ వారియర్స్ వర్సెస్ తెలుగు టైటాన్స్ (రాత్రి 9:00 గంటలు)నవంబర్ 22, శుక్రవారంజైపూర్ పింక్ పాంథర్స్ వర్సెస్ దబాంగ్ ఢిల్లీ కేసీ (రాత్రి 8:00 గంటలు)- తమిళ్ తలైవాస్ వర్సెస్ యూపీ యోధస్ (రాత్రి 9:00 గంటలు)నవంబర్ 23, శనివారం- గుజరాత్ జెయింట్స్ వర్సెస్ తెలుగు టైటాన్స్ (రాత్రి 8:00 గంటలు)- జైపూర్ పింక్ పాంథర్స్ వర్సెస్ హర్యానా స్టీలర్స్ (రాత్రి 9:00 గంటలు)నవంబర్ 24, ఆదివారం- పుణెరి పల్టాన్ వర్సెస్ బెంగాల్ వారియర్స్ (రాత్రి 8:00 గంటలు)- పట్నా పైరేట్స్ వర్సెస్ యూపీ యోధాస్ (రాత్రి 9:00 గంటలు)నవంబర్ 25, సోమవారం- యు ముంబా వర్సెస్ బెంగళూరు బుల్స్ (రాత్రి 8:00 గంటలు)- పుణెరి పల్టాన్ వర్సెస్ జైపూర్ పింక్ పాంథర్స్ (రాత్రి 9:00 గంటలు)నవంబర్ 26, మంగళవారం- దబాంగ్ ఢిల్లీ కేసీ వర్సెస్ పాట్నా పైరేట్స్ (రాత్రి 8:00 గంటలు)- యూపీ యోధాస్ వర్సెస్ తమిళ్ తలైవాస్ (రాత్రి 9:00 గంటలు)నవంబర్ 27, బుధవారం- హర్యానా స్టీలర్స్ వర్సెస్ పుణెరి పల్టాన్ (రాత్రి 8:00 గంటలు)- బెంగాల్ వారియర్స్ వర్సెస్ గుజరాత్ జెయింట్స్ (రాత్రి 9:00 గంటలు)నవంబర్ 28, గురువారం- యూపీ యోధాస్ వర్సెస్ జైపూర్ పింక్ పాంథర్స్ (రాత్రి 8:00 గంటలు)- యు ముంబా వర్సెస్ తెలుగు టైటాన్స్ (రాత్రి 9:00 గంటలు)నవంబర్ 29, శుక్రవారం- తమిళ్ తలైవాస్ వర్సెస్ హర్యానా స్టీలర్స్ (రాత్రి 8:00 గంటలు)- గుజరాత్ జెయింట్స్ వర్సెస్ పుణెరి పల్టాన్ (రాత్రి 9:00 గంటలు)నవంబర్ 30, శనివారం- పట్నా పైరేట్స్ వర్సెస్ బెంగళూరు బుల్స్ (రాత్రి 8:00 గంటలు)జైపూర్ పింక్ పాంథర్స్ వర్సెస్ తెలుగు టైటాన్స్ (రాత్రి 9:00 గంటలు)డిసెంబర్ 1, ఆదివారం- తమిళ్ తలైవాస్ వర్సెస్ దబాంగ్ ఢిల్లీ కేసీ (రాత్రి 8:00 గంటలు)- బెంగాల్ వారియర్స్ వర్సెస్ పట్నా పైరేట్స్ (రాత్రి 9:00 గంటలు)పుణె (బాలేవాడి బ్యాడ్మింటన్ స్టేడియం)డిసెంబర్ 3, మంగళవారం- బెంగళూరు బుల్స్ వర్సెస్ గుజరాత్ జెయింట్స్ (రాత్రి 8:00 గంటలు)- యు ముంబా వర్సెస్ పుణెరి పల్టాన్ (రాత్రి 9:00 గంటలు)డిసెంబర్ 4, బుధవారం- తెలుగు టైటాన్స్ వర్సెస్ యూపీ యోధాస్ (రాత్రి 8:00 గంటలు)- హర్యానా స్టీలర్స్ వర్సెస్ బెంగాల్ వారియర్స్ (రాత్రి 9:00 గంటలు)డిసెంబర్ 5, గురువారం- దబాంగ్ ఢిల్లీ కేసీ వర్సెస్ యూపీ యోధాస్ (రాత్రి 8:00 గంటలు)- జైపూర్ పింక్ పాంథర్స్ వర్సెస్ యు ముంబా (రాత్రి 9:00 గంటలు)డిసెంబర్ 6, శుక్రవారం- హర్యానా స్టీలర్స్ వర్సెస్ పాట్నా పైరేట్స్ (రాత్రి 8:00 గంటలు)- తమిళ్ తలైవాస్ వర్సెస్ గుజరాత్ జెయింట్స్ (రాత్రి 9:00 గంటలు)డిసెంబర్ 7, శనివారం- యూపీ యోధాస్ వర్సెస్ పుణెరి పల్టాన్ (రాత్రి 8:00 గంటలు)- తెలుగు టైటాన్స్ వర్సెస్ బెంగాల్ వారియర్స్ (రాత్రి 9:00 గంటలు)డిసెంబర్ 8, ఆదివారం- పట్నా పైరేట్స్ వర్సెస్ జైపూర్ పింక్ పాంథర్స్ (రాత్రి 8:00 గంటలు)- యు ముంబా వర్సెస్ గుజరాత్ జెయింట్స్ (రాత్రి 9:00 గంటలు)డిసెంబర్ 9, సోమవారం- హర్యానా స్టీలర్స్ వర్సెస్ తెలుగు టైటాన్స్ (రాత్రి 8:00 గంటలు)- పుణెరి పల్టాన్ వర్సెస్ దబాంగ్ ఢిల్లీ కేసీ (రాత్రి 9:00 గంటలు)డిసెంబర్ 10, మంగళవారం- గుజరాత్ జెయింట్స్ వర్సెస్ జైపూర్ పింక్ పాంథర్స్ (రాత్రి 8:00 గంటలు)- బెంగాల్ వారియర్స్ వర్సెస్ బెంగళూరు బుల్స్ (రాత్రి 9:00 గంటలు)డిసెంబర్ 11, బుధవారంహర్యానా స్టీలర్స్ వర్సెస్ బెంగళూరు బుల్స్ (రాత్రి 8:00 గంటలు)- యు ముంబా వర్సెస్ తమిళ్ తలైవాస్ (రాత్రి 9:00 గంటలు)డిసెంబర్ 12, గురువారం- దబాంగ్ ఢిల్లీ కేసీ వర్సెస్ తెలుగు టైటాన్స్ (రాత్రి 8:00 గంటలు)- యూపీ యోధాస్ వర్సెస్ బెంగాల్ వారియర్స్ (రాత్రి 9:00 గంటలు)డిసెంబర్ 13, శుక్రవారం- తమిళ్ తలైవాస్ వర్సెస్ పట్నా పైరేట్స్ (రాత్రి 8:00 గంటలు)- పుణెరి పల్టాన్ వర్సెస్ బెంగళూరు బుల్స్ (రాత్రి 9:00 గంటలు)డిసెంబర్ 14, శనివారం- తెలుగు టైటాన్స్ వర్సెస్ గుజరాత్ జెయింట్స్ (రాత్రి 8:00 గంటలు)- దబాంగ్ ఢిల్లీ కేసీ వర్సెస్ హర్యానా స్టీలర్స్ (రాత్రి 9:00 గంటలు)డిసెంబర్ 15, ఆదివారం- తమిళ్ తలైవాస్ వర్సెస్ జైపూర్ పింక్ పాంథర్స్ (రాత్రి 8:00 గంటలు)- యు ముంబా వర్సెస్ యూపీ యోధాస్ (రాత్రి 9:00 గంటలు)డిసెంబర్ 16, సోమవారం- దబాంగ్ ఢిల్లీ కేసీ వర్సెస్ బెంగాల్ వారియర్స్ (రాత్రి 8:00 గంటలు)- పట్నా పైరేట్స్ వర్సెస్ పుణెరి పల్టాన్ (రాత్రి 9:00 గంటలు)డిసెంబర్ 17, మంగళవారం- హర్యానా స్టీలర్స్ వర్సెస్ యూపీ యోధాస్ (రాత్రి 8:00 గంటలు)జైపూర్ పింక్ పాంథర్స్ వర్సెస్ బెంగళూరు బుల్స్ (రాత్రి 9:00 గంటలు)డిసెంబర్ 18, బుధవారం- తమిళ్ తలైవాస్ వర్సెస్ బెంగాల్ వారియర్స్ (రాత్రి 8:00 గంటలు)- పట్నా పైరేట్స్ వర్సెస్ తెలుగు టైటాన్స్ (రాత్రి 9:00 గంటలు)డిసెంబర్ 19, గురువారం- గుజరాత్ జెయింట్స్ వర్సెస్ యూపీ యోధాస్ (రాత్రి 8:00 గంటలు)- యు ముంబా వర్సెస్ పట్నా పైరేట్స్ (రాత్రి 9:00 గంటలు)డిసెంబర్ 20, శుక్రవారం- జైపూర్ పింక్ పాంథర్స్ వర్సెస్ బెంగాల్ వారియర్స్ (రాత్రి 8:00 గంటలు)- పుణెరి పల్టాన్ వర్సెస్ తెలుగు టైటాన్స్ (రాత్రి 9:00 గంటలు)డిసెంబర్ 21, శనివారం- పట్నా పైరేట్స్ వర్సెస్ గుజరాత్ జెయింట్స్ (రాత్రి 8:00 గంటలు)- దబాంగ్ ఢిల్లీ కేసీ వర్సెస్ జైపూర్ పింక్ పాంథర్స్ (రాత్రి 9:00 గంటలు)డిసెంబర్ 22, ఆదివారం- తమిళ్ తలైవాస్ వర్సెస్ బెంగళూరు బుల్స్ (రాత్రి 8:00 గంటలు)- హర్యానా స్టీలర్స్ వర్సెస్ యు ముంబా (రాత్రి 9:00 గంటలు)డిసెంబర్ 23, సోమవారం- గుజరాత్ జెయింట్స్ వర్సెస్ దబాంగ్ ఢిల్లీ కేసీ (రాత్రి 8:00 గంటలు)- పుణెరి పల్టాన్ వర్సెస్ తమిళ్ తలైవాస్ (రాత్రి 9:00 గంటలు)డిసెంబర్ 24, మంగళవారం- బెంగళూరు బుల్స్ వర్సెస్ యూపీ యోధాస్ (రాత్రి 8:00 గంటలు)- బెంగాల్ వారియర్స్ వర్సెస్ యు ముంబా (రాత్రి 9:00 గంటలు)

ముంబై: ప్రొ కబడ్డీ లీగ్‌ (పీకేఎల్‌) 11వ సీజన్‌ అక్టోబరు 18వ తేదీన మొదలవుతుంది. మూడు నగరాల్లో ఈ టోర్నీని నిర్వహిస్తారు. హైదరాబాద్‌లోని గచ్చిబౌలి ఇండోర్‌ స్టేడియంలో అక్టోబరు 18 నుంచి తొలి అంచె పోటీలు జరుగుతాయి. అనంతరం నవంబరు 10 నుంచి రెండో అంచె మ్యాచ్‌లకు నోయిడా నగరం ఆతిథ్యమిస్తుంది. చివరి అంచె పోటీలు డిసెంబరు 3 నుంచి పుణేలో జరుగుతాయని... పూర్తి షెడ్యూల్‌ను త్వరలో విడుదల చేస్తామని పీకేఎల్‌ లీగ్‌ కమిషనర్‌ అనుపమ్‌ గోస్వామి తెలిపారు. కాగా 2014లో ప్రొ కబడ్డీ లీగ్‌ మొదలైంది. ఇప్పటి వరకు 10 సీజన్లపాటు ఈ టోర్నీ జరిగింది. పుణేరి పల్టన్‌ జట్టు డిఫెండింగ్‌ చాంపియన్‌గా బరిలోకి దిగనుంది. తెలుగు టైటాన్స్‌ దారుణ వైఫల్యంపట్నా పైరేట్స్‌ జట్టు అత్యధికంగా మూడుసార్లు విజేతగా నిలువగా... జైపూర్‌ పింక్‌ పాంథర్స్‌ జట్టు రెండుసార్లు టైటిల్‌ను దక్కించుకుంది. బెంగాల్‌ వారియర్స్, బెంగళూరు బుల్స్, దబంగ్‌ ఢిల్లీ, యు ముంబా, పుణేరి పల్టన్‌ జట్లు ఒక్కోసారి చాంపియన్‌గా నిలిచాయి. తెలుగు టైటాన్స్‌ జట్టు రెండో సీజన్‌లో మూడో స్థానంలో, నాలుగో సీజన్‌లో నాలుగో స్థానంలో నిలిచింది. గత మూడు సీజన్లలో తెలుగు టైటాన్స్‌ జట్టు చివరిదైన 12వ స్థానంతో సరిపెట్టుకోవడం గమనార్హం.

పది సీజన్లు విజయవంతంగా పూర్తి చేసుకున్న ప్రొ కబడ్డీ లీగ్‌ (పీకేఎల్‌) 11వ ఎడిషన్‌కు సన్నద్ధమవుతోంది. ఈ క్రమంలో ఆగష్టు 15, 16 తేదీల్లో ప్లేయర్ల వేలం జరుగనుంది. ఈ నేపథ్యంలో పీకేఎల్‌లో భాగమైన పన్నెండు ఫ్రాంఛైజీలు.. అంతా కలిపి 88 మంది ప్రధాన ఆటగాళ్లను రిటైన్‌ చేసుకున్నాయి.అయితే, అనూహ్య రీతిలో ప్రదీప్‌ నర్వాల్, పవన్‌ షెరావత్, మణిందర్‌ సింగ్, ఫజల్‌ అట్రాచలీ, మొహమ్మద్‌ రెజా తదితర స్టార్‌ ప్లేయర్లు ఈసారి వేలంలో పాల్గొననుండటం విశేషం. ఈ నేపథ్యంలో ఫ్రాంఛైజీలు రిటైన్‌ చేసుకున్న ఆటగాళ్ల పూర్తి జాబితా, వేలంలో ఆటగాళ్లను కొనేందుకు పర్సులో మిగిలి ఉన్న మొత్తం, వేలం ఆరంభ సమయం, లైవ్‌స్ట్రీమింగ్‌ ఎక్కడ తదితర వివరాలు మీకోసం..పన్నెండు జట్లు ఇవేతెలుగు టైటాన్స్‌, బెంగాల్‌ వారియర్స్‌, బెంగళూరు బుల్స్‌, దబాంగ్‌ ఢిల్లీ, గుజరాత్‌ జెయింట్స్‌, హర్యానా స్టీలర్స్‌, జైపూర్‌ పింక్‌ పాంథర్స్‌, పాట్నా పైరేట్స్‌, పుణెరి పల్టన్‌, తమిళ్‌ తలైవాస్‌, యూ ముంబా, యూపీ యోధాస్‌.రిటైన్‌ చేసుకున్న ఆటగాళ్ల జాబితాతెలుగు టైటాన్స్‌అంకిత్, ఓంకార్ నారాయణ్ పాటిల్, ప్రఫుల్ సుదమ్ జవారే, సంజీవి ఎస్, నీల్, శంకర్ భీమ్రాజ్ గడాయ్, అజిత్ పాండురంగ పవార్.బెంగాల్‌ వారియర్స్‌శ్రేయాస్ ఉమర్దండ్, ఆదిత్య ఎస్ షిండే, దీపక్ అర్జున్ షిండే, మహరుద్ర గార్జే, నీల్‌, విశ్వాస్‌ ఎస్‌, నితిన్‌ కుమార్‌.బెంగళూరు బుల్స్‌ఆదిత్య శంకర్‌ పవార్‌, అక్షిత్‌, అరుల్‌అనంతబాబు, ప్రతీక్‌, సౌరభ్‌ నందాల్‌, పొన్‌పార్తీబన్‌ సుబ్రమణియన్‌, సుశీల్‌, రోహిత్‌ కుమార్‌.దబాంగ్‌ ఢిల్లీఆశిష్‌, హిమ్మత్‌ అంతిల్‌, మనూ, యోగేశ్‌, నీల్‌, అన్షు మాలిక్‌, విక్రాంత్‌, నవీన్‌ కుమార్‌.గుజరాత్‌ జెయింట్స్‌నితిన్‌, ప్రతీక్‌ దహియా, రాకేశ్‌,బాలాజీ డి, జితేందర్‌ యాదవ్‌.హర్యానా స్టీలర్స్‌జయసూర్య ఎన్‌ఎస్‌, హర్దీప్‌, శివం అనిల్‌ పటారే, విశాల్‌ ఎస్‌ టాటే, జైదీప్‌, మోహిత్‌, వినయ్‌, రాహుల్‌ సేత్‌పాల్‌, ఘనశ్యామ్‌ రోకా మగర్‌.జైపూర్‌ పింక్‌ పాంథర్స్‌అభిజీత్‌ మాలిక్‌, అంకుశ్‌, అభిషేక్‌ కేఎస్‌, అర్జున్‌ దేశ్వాల్‌, రెజా మీరాఘెరిపట్నా పైరైట్స్‌అబినంద్‌ శుబాంశ్‌, కునాల్‌ మెహతా, సుధాకర్‌ ఎమ్‌, మనీశ్‌, అంకిత్‌, సందీప్‌ కుమార్‌.పుణెరి పల్టన్‌దదాసో శివాజీ పూజారి, నితిన్‌, తుషార్‌ దత్తాత్రేయ అధావడె, వైభవ్‌ బాలాసాహెబ్‌ కాంబ్లీ, ఆదిత్య తుషార్‌ షిండే, ఆకాశ్‌ సంతోశ్‌ షిండే, మోహిత్‌ గయత్‌, అస్లాం ముస్తఫా ఇనాందార్‌, పంకజ్‌ మోహితే, సంకేత్‌ సెహ్రావత్‌, అబినేశ్‌ నదరాజన్‌, గౌరవ్‌ ఖత్రీ.తమిళ్‌ తలైవాస్‌నితేశ్‌ కుమార్‌, నితిన్‌ సింగ్, రొనాక్‌, విశాల్‌ చహల్‌, నరేందర్‌, సాహిల్‌, మోహిత్‌, ఆశిష్‌, సాగర్‌, హిమాన్షు, ఎం. అభిషేక్‌, నీల్‌.యూ ముంబాబిట్టు, గోకులకన్నన్‌ ఎం, ముకిలన్‌ షణ్ముగం, సోంవీర్‌, శివం, అమీర్‌ మొహ్మద్‌ జఫార్దనేశ్‌, రింకూ.యూపీ యోధాస్‌గగన గౌడ హెచ్‌ఆర్‌, హితేశ్‌, శివం చౌదరి, సుమిత్‌, సురేందర్‌ గిల్‌, అశూ సింగ్‌, నీల్‌.ఒక్కో జట్టులో ఎంత మంది?కనీసం 18 నుంచి అత్యధిక 25 మంది ఆటగాళ్లు ఒక్కో జట్టులో ఉండవచ్చు. ఇప్పటికి 88 మందిని ఆయా ఫ్రాంఛైజీలు అట్టిపెట్టుకున్నాయి గనుక 212 స్లాట్లు ఖాళీగా ఉన్నాయి.ఎంత మంది విదేశీ ఆటగాళ్లు?ఒక్కో జట్టులో కనీసం రెండు, అత్యధికంగా నలుగురు విదేశీ ప్లేయర్లు ఉండవచ్చు.టీమ్‌ పర్సు వివరాలుఒక్కో ఫ్రాంఛైజీ రూ. 5 కోట్ల మేర పర్సు వాల్యూ కలిగి ఉంటుంది. అయితే, రిటైన్‌ చేసుకున్న ఆటగాళ్ల కోసం చెల్లించిన మొత్తం పోగా.. మిగిలిన డబ్బుతో వేలంలో పాల్గొంటాయి.సీజన్‌-11 వేలం నేపథ్యంలో ఫ్రాంఛైజీల పర్సులో మిగిలి ఉన్న మొత్తం👉బెంగాల్‌ వారియర్స్'‌- రూ. 3.62 కోట్లు👉బెంగళూరు బుల్స్‌- రూ. 3.02 కోట్లు👉దబాంగ్‌ ఢిల్లీ- రూ. 2.66 కోట్లు👉గుజరాత్‌ జెయింట్స్‌- రూ. 4.08 కోట్లు👉హర్యానా స్టీలర్స్‌- రూ. 2.32 కోట్లు👉జైపూర్‌ పింక్‌ పాంథర్స్‌- రూ. 2.29 కోట్లు👉పట్నా పైరేట్స్‌- రూ. 3.59 కోట్లు👉పుణెరి పల్టన్‌- రూ. 2.12 కోట్లు👉తమిళ్‌ తలైవాస్‌- రూ. 2.57 కోట్లు👉తెలుగు టైటాన్స్‌- రూ. 3.82 కోట్లు👉యు ముంబా- 2.88 కోట్లు👉యూపీ యోధాస్‌- 3.16 కోట్లు.నాలుగు కేటగిరీలు👉‘ఎ’ కేటగిరీలో ఉన్న ప్లేయర్ల కనీస ధర రూ. 30 లక్షలు👉‘బి’ కేటగిరీలో ఉన్న వాళ్ల బేస్‌ ప్రైజ్‌ రూ. 20 లక్షలు. 👉‘సి’ కేటగిరీ ప్లేయర్లకు రూ.13 లక్షలు👉‘డి’ కేటగిరీ ఆటగాళ్లకు రూ. 9 లక్షలు ప్రాథమిక ధర 👉ఈ సారి వేలంలో 500 మందికి పైగా ప్లేయర్లు పాల్గొననున్నారు.ప్రత్యక్ష ప్రసారం ఎక్కడంటే?ఆగష్టు 15 రాత్రి ఏడు గంటల నుంచి స్టార్‌ స్పోర్ట్స్‌ నెట్‌వర్క్‌లో ప్రసారం(టీవీ). డిజిటల్‌ మీడియాలో డిస్నీ+హాట్‌స్టార్‌లో ప్రత్యక్ష ప్రసారం. చదవండి: అర్షద్‌ నదీమ్‌పై కానుకల వర్షం.. ఘన సత్కారం

ముంబై: ప్రొ కబడ్డీ లీగ్‌ (పీకేఎల్‌) 11వ సీజన్‌ ప్రారంభానికి ముందు ఈ నెల 15, 16తేదీల్లో ప్లేయర్ల వేలం జరగనుంది. పవన్‌ షెరావత్, ప్రదీప్‌ నర్వాల్, మణిందర్‌ సింగ్, ఫజల్‌ అట్రాచలీ, మొహమ్మద్‌ రెజా వంటి పలువురు స్టార్‌ ప్లేయర్లు ఈసారి వేలంలో పాల్గొంటున్నారు. 88 మంది ప్రధాన ప్లేయర్లను రీటెయిన్‌ చేసుకున్న 12 ఫ్రాంచైజీలు.. యువ ఆటగాళ్లను దక్కించుకునేందుకు సిద్ధమవుతున్నాయి.నాలుగు కేటగిరీలువేలంలో పాల్గొంటున్న ప్లేయర్లను నాలుగు కేటగిరీలుగా విభజించారు. ‘ఎ’ కేటగిరీలో ఉన్న ప్లేయర్ల కనీస ధర రూ. 30 లక్షలు కాగా.. ‘బి’ కేటగిరీలో ఉన్న వాళ్ల బేస్‌ ప్రైజ్‌ రూ. 20 లక్షలు. ‘సి’ కేటగిరీ ప్లేయర్లకు రూ.13 లక్షలు, ‘డి’ కేటగిరీ ఆటగాళ్లకు రూ. 9 లక్షలు ప్రాథమిక ధరగా నిర్ణయించారు. వేలంలో 500 మందికి పైగా ప్లేయర్లు పాల్గొననుండగా.. ఒక్కో ఫ్రాంచైజీ ఐదు కోట్లు ఖర్చు చేయనుంది.

అద్భుతమైన ఆటతో లీగ్‌ దశలో అగ్ర స్థానం... 22 మ్యాచ్‌లలో 17  విజయాలు... స్కోరు తేడాలో ఎవరికీ అందనంత ఎత్తులో ముందంజ... ఈ సీజన్‌లో ఆద్యంతం ఆధిపత్యం ప్రదర్శించిన పుణేరీ పల్టన్‌ తమ జోరును తగ్గించకుండా అసలు పోరులోనూ సత్తా చాటి తమ స్థాయిని ప్రదర్శించింది... గత సీజన్‌లో త్రుటిలో చేజారిన ట్రోఫీని ఈసారి ఎలాంటి పొరపాటుకు తావివ్వకుండా ఒడిసి పట్టుకుంది... ప్రొ కబడ్డీ లీగ్‌ పదో సీజన్‌లో తొలిసారి చాంపియన్‌గా సగర్వంగా  నిలిచింది. మొదటిసారి ఫైనల్‌ చేరిన హరియాణా స్టీలర్స్‌ ఆరంభంలో ఆకట్టుకున్నా... ఒత్తిడిలో తలవంచి రన్నరప్‌కే పరిమితమైంది.    సాక్షి, హైదరాబాద్‌: కబడ్డీ అభిమానులను 91 రోజుల పాటు అలరించిన ప్రొ కబడ్డీ లీగ్‌ పదో సీజన్‌ అట్టహాసంగా ముగిసింది. అన్ని విధాలా ఆధిపత్యం ప్రదర్శించిన పుణేరీ పల్టన్‌ మొదటిసారి లీగ్‌ చాంపియన్‌గా అవతరించింది. గచ్చిబౌలి ఇండోర్‌ స్టేడియంలో శుక్రవారం ఆసక్తికరంగా జరిగిన ఫైనల్లో పల్టన్‌ 28–25 పాయింట్ల తేడాతో హరియాణా స్టీలర్స్‌పై విజయం సాధించింది. తొలి అర్ధ భాగం ముగిసేసరికి 13–10తో ఆధిక్యంలో నిలిచిన పల్టన్‌ బలమైన డిఫెన్స్‌తో చివరి వరకు దానిని నిలబెట్టుకోవడంలో సఫలమైంది. గత సీజన్‌ ఫైనల్లో ఓడిన పుణేరీ వరుసగా రెండోసారి తుది పోరుకు అర్హత సాధించి టైటిల్‌ను సొంతం చేసుకుంది.   మ్యాచ్‌లో ఇరు జట్లు ఆరంభం నుంచి జాగ్రత్తగా ఆడుతూ డిఫెన్స్‌కే ప్రాధాన్యతనిచ్చాయి. ఫలితంగా తొలి 10 నిమిషాల్లోనే 13 ఎంప్టీ రైడ్‌లు వచ్చాయి. ప్రతీ పాయింట్‌ కోసం ఇరు జట్లు హోరాహోరీగా తలపడగా... ఒకదశలో పుణేరీ 9–7తో స్వల్ప ఆధిక్యంలోనే ఉంది. అయితే ఈ దశలో 19వ నిమిషంలో పంకజ్‌ మోహితే డు ఆర్‌ డై రెయిడ్‌ మ్యాచ్‌ దిశను మార్చింది. ఒకేసారి 4 పాయింట్లు సాధించి అతను పుణేను ముందంజలో నిలిపాడు. ఆ తర్వాత ఈ అంతరాన్ని తగ్గించడంలో స్టీలర్స్‌ విఫలమైంది. 23వ నిమిషంలో స్టీలర్స్‌ను పల్టన్‌ జట్టు ఆలౌట్‌ కూడా చేయడంతో ఆట పూర్తిగా వారివైపు మొగ్గింది. చివరి పది నిమిషాల్లో హరియాణా పుంజుకున్నా అది విజయానికి సరిపోలేదు. రెండో అర్ధ భాగంలో ఇరు జట్లూ 15 పాయింట్లు చొప్పున సమానంగా స్కోరు చేసినా... తొలి అర్ధ భాగంలో వెనుకబడిన 3 పాయింట్లే చివరకు స్టీలర్స్‌ ఓటమికి కారణమయ్యాయి. పల్టన్‌ తరఫున పంకజ్‌ మోహితే 9 పాయింట్లు సాధించగా... మోహిత్‌ 5, కెప్టెన్‌ అస్లమ్‌ 4 పాయింట్లు సాధించారు. స్టీలర్స్‌ ఆటగాళ్లలో అత్యధికంగా శివమ్‌ 6, సిద్ధార్థ్‌ దేశాయ్‌ 4 పాయింట్లు స్కోరు చేశారు. విజేతగా నిలిచిన పుణేరీ జట్టుకు రూ. 3 కోట్లు, రన్నరప్‌ హరియాణా జట్టుకు రూ. 1 కోటీ 80 లక్షలు ప్రైజ్‌మనీగా లభించాయి. భారత బ్యాడ్మింటన్‌ చీఫ్‌ కోచ్‌ పుల్లెల గోపీచంద్‌ విజేత జట్టుకు ట్రోఫీని అందజేశాడు.

సాక్షి, హైదరాబాద్‌: మూడు నెలలుగా క్రీడాభిమానులను ఉర్రూతలూగిస్తోన్న ప్రొ కబడ్డీ లీగ్‌ పదో సీజన్‌ ఆఖరి అంకానికి రంగం సిద్ధమైంది. గచ్చిబౌ లి ఇండోర్‌ స్టేడియంలో నేడు జరిగే ఫైనల్‌ పోరుతో పదో సీజన్‌కు తెర పడనుంది. తొలిసారి తుది సమరానికి చేరుకున్న హరియాణా స్టీలర్స్‌తో గత ఏడాది రన్నరప్‌ పుణేరి పల్టన్‌ అమీతుమీ తేల్చుకోనుంది. రాత్రి 8 గంటలకు మొదలయ్యే ఈ ఫైనల్‌కు సంబంధించి టికెట్లన్నీ అమ్ముడుపోవడం విశేషం. ఇప్పటి వరకు తొమ్మిది సీజన్‌లు జరగ్గా... పుణేరి పల్టన్‌ రెండోసారి... హరియాణా స్టీలర్స్‌ తొలిసారి ఫైనల్‌ చేరుకున్నాయి. ఈ నేపథ్యంలో అంతిమ సమరంలో ఏ జట్టు గెలిచినా తొలిసారి ప్రొ కబడ్డీ లీగ్‌ ట్రోఫీ టైటిల్‌ను ముద్దాడుతుంది.   ఈ లీగ్‌ చరిత్రలో ఇప్పటి వరకు పుణేరి పల్టన్, హరియాణా స్టీలర్స్‌ జట్లు ముఖాముఖిగా 14 సార్లు తలపడ్డాయి. 8 సార్లు పుణేరి జట్టు... 5 సార్లు హరియాణా జట్టు గెలుపొందాయి. ఒక మ్యాచ్‌ ‘టై’గా ముగిసింది. తాజా సీజన్‌లో నిర్ణీత 22 లీగ్‌ మ్యాచ్‌లు పూర్తి చేసుకున్న పుణేరి జట్టు 17 మ్యాచ్‌ల్లో నెగ్గి, రెండింటిలో ఓడి, మూడింటిని ‘టై’ చేసుకొని 96 పాయింట్లతో ‘టాపర్‌’గా నిలిచి నేరుగా సెమీఫైనల్‌ చేరుకుంది. మరోవైపు హరియణా 70 పాయింట్లతో ఐదో స్థానంలో నిలిచింది. ఎలిమినేటర్‌–2లో గుజరాత్‌ జెయింట్స్‌ను ఓడించి, సెమీఫైనల్‌ చేరిన హరియాణా ఈ కీలక పోరులో 31–27తో డిఫెండింగ్‌ చాంపియన్‌ జైపూర్‌ పింక్‌ పాంథర్స్‌ను బోల్తా కొట్టించి ఫైనల్లోకి అడుగు    పెట్టింది.  పుణేరి పల్టన్‌ తరఫున మోహిత్‌ గోయట్‌ ఈ సీజన్‌లో అత్యధికంగా 117 రెయిండింగ్‌ పాయింట్లు సాధించాడు. డిఫెన్స్‌ విభాగంలో మొహమ్మద్‌ రెజా 97 ట్యాకిల్‌ పాయింట్లు సంపాదించాడు. పుణేరి పల్టన్‌ జట్టు కెపె్టన్‌ అస్లమ్‌ ఇనామ్‌దార్‌ ఆల్‌రౌండ్‌ ప్రదర్శనతో 164 పాయింట్లతో అదరగొట్టాడు. మరోవైపు హరియాణా స్టీలర్స్‌ రెయిడర్‌ వినయ్‌ ఏకంగా 160 పాయింట్లు కొల్లగొట్టాడు. డిఫెండర్‌ రాహుల్‌ 71 పాయింట్లు, కెపె్టన్‌ జైదీప్‌ 69 పాయింట్లతో ఆకట్టుకున్నారు.  

సాక్షి, హైదరాబాద్‌: ప్రొ కబడ్డీ లీగ్‌ (పీకేఎల్‌) పదో సీజన్‌లో కొత్త చాంపియన్‌ ఖాయమైంది. నిరుటి రన్నరప్‌ పుణేరి పల్టన్‌తో అమీతుమీకి తొలిసారి ఫైనల్‌కు చేరిన హరియాణా స్టీలర్స్‌ సిద్ధమైంది. ఇరు జట్ల మధ్య శుక్రవారం హైదరాబాద్‌లోనే ఫైన ల్‌ పోరు జరుగనుంది. సెమీఫైనల్స్‌లో ‘హ్యాట్రిక్‌’ టైటిళ్ల విజేత పట్నా పైరేట్స్, రెండు సార్లు చాంపియన్‌గా నిలిచిన జైపూర్‌ పింక్‌పాంథర్స్‌ ప్రత్యర్థుల చేతుల్లో పరాజయం చవిచూశాయి. తొలి సెమీస్‌లో పుణేరి పల్టన్‌ ధాటికి 37–21తో టైటిల్‌ ఫేవరెట్లలో ఒకటైన పట్నా పైరేట్స్‌ నిలువలేకపోయింది.  పుణేరి తరఫున కెపె్టన్, ఆల్‌రౌండర్‌ అస్లామ్‌ ముస్తఫా (7పాయింట్లు), రెయిడర్‌ పంకజ్‌ మోహితే (7) అదరగొట్టారు. మిగతా వారిలో మొహమ్మద్‌ రెజా చియనె 5, మోహిత్‌ గోయత్‌ 4, సంకేత్, అభినేశ్‌ చెరో 3 పాయింట్లు చేసి జట్టు విజయంలో భాగమయ్యారు. పట్నా జట్టులో రెయిడర్‌ సచిన్‌ చేసిన 5 పాయింట్లే అత్యధిక స్కోరు! మిగిలిన వారిలో మన్‌జీత్, సుధాకర్‌ చెరో 4 పాయింట్లు చేశారు. అనంతరం హోరాహోరీగా జరిగిన రెండో సెమీ ఫైనల్లో హరియాణా స్టీలర్స్‌ 31–27తో డిఫెండింగ్‌ చాంపియన్‌ జైపూర్‌ పింక్‌పాంథర్స్‌ను కంగుతినిపించింది. స్టీలర్స్‌ రెయిడర్‌ వినయ్‌ 20 సార్లు కూతకు వెళ్లి 11 పాయింట్లు తెచ్చిపెట్టాడు. శివమ్‌ పతారే (7) కూడా అదరగొట్టాడు. మిగతావారిలో ఆల్‌రౌండర్‌ ఆశిష్‌ 4, డిఫెండర్లు రాహుల్‌ సేథ్‌పాల్‌ 3, మోహిత్‌ 2 పాయింట్లు సాధించారు. జైపూర్‌ తరఫున రెయిడర్‌ అర్జున్‌ దేస్వాల్‌ (14) ఒంటరి పోరాటం చేశాడు. డిఫెండర్‌ రెజా మిర్బగెరి 4, భవానీ రాజ్‌పుత్‌ 3 పాయింట్లు చేశారు.  

సాక్షి, హైదరాబాద్‌: పదో సీజన్‌ ప్రొ కబడ్డీ లీగ్‌ (పీకేఎల్‌) కీలక దశ మ్యాచ్‌లకు హైదరాబాద్‌ వేదికవుతోంది. గచ్చిబౌలి ఇండోర్‌ స్టేడియంలో సోమ, బుధ, శుక్రవారాల్లో ‘ప్లే ఆఫ్స్‌’ మ్యాచ్‌లు జరుగుతాయి. ఈ సందర్భంగా శనివారం ట్రోఫీ ఆవిష్కరణ కార్యక్రమం జరిగింది. లీగ్‌ చైర్మన్‌ అనుపమ్‌ గోస్వామి టోర్నీ విశేషాలను వెల్లడించారు. గత తొమ్మిదో సీజన్లతో పోలిస్తే ఈ సారి టోర్నీ ఇంకా ఎక్కువ సంఖ్యలో అభిమానులకు చేరువైందని... 12 ఫ్రాంచైజీలకు చెందిన నగరాలు అన్నింటిలో మ్యాచ్‌లను విజయవంతంగా నిర్వహించగలిగామని ఆయన అన్నారు. గ్రూప్‌ దశలో టాప్‌–2లో నిలిచిన పుణేరీ పల్టన్, జైపూర్‌ పింక్‌ పాంథర్స్‌ ఇప్పటికే సెమీఫైనల్‌కు చేరుకున్నాయి. సెమీస్‌లో తలపడే ఇతర రెండు జట్లను ఖరారు చేసేందుకు రెండు ఎలిమినేటర్‌ మ్యాచ్‌లు జరుగుతాయి. ఇందులో ఢిల్లీని పటా్న, గుజరాత్‌ను హర్యానా ఢీకొంటాయి. ఈ నెల 26న ఎలిమినేటర్‌ మ్యాచ్‌లు, 28న సెమీఫైనల్స్, మార్చి 1న ఫైనల్‌ నిర్వహిస్తారు. హైదరాబాద్‌ నగర అభిమానులు ఈ మ్యాచ్‌లను ప్రత్యక్షంగా చూసేందుకు రూ. 250 – రూ. 3000 మధ్య ‘బుక్‌మైషో’లో టికెట్లు అందుబాటులో ఉన్నాయి. 

Pro Kabaddi League- పంచ్‌కులా: ప్రొ కబడ్డీ లీగ్‌ పదో సీజన్‌లో పుణేరి పల్టన్‌ జట్టు పాయింట్ల పట్టికలో అగ్రస్థానాన్ని దక్కించుకుంది. బుధవారంతో లీగ్‌ దశ మ్యాచ్‌లు ముగిశాయి. పుణేరి పల్టన్‌ 40–38తో యూపీ యోధాస్‌పై గెలిచి ఓవరాల్‌గా 96 పాయింట్లుతో టాప్‌ ర్యాంక్‌లో నిలిచింది. A comeback of the 𝚑̶𝚒̶𝚐̶𝚑̶𝚎̶𝚜̶𝚝̶ 𝐏𝐚𝐥𝐭𝐚𝐧 order 💪 Aslam & Co. turned things around in style against Yoddhas to confirm their No. 1️⃣ spot 🫡#ProKabaddiLeague #ProKabaddi #PKLSeason10 #PKL10 #PKL #HarSaansMeinKabaddi #PUNvUP #PuneriPaltan #UPYoddhas pic.twitter.com/wOG3cEARlu — ProKabaddi (@ProKabaddi) February 21, 2024 హైదరాబాద్‌లో మిగిలిన మ్యాచ్‌లు మరో మ్యాచ్‌లో బెంగళూరు బుల్స్‌ 53–39తో హరియాణా స్టీలర్స్‌ను ఓడించింది. పుణేరి పల్టన్, జైపూర్‌ పింక్‌ పాంథర్స్, దబంగ్‌ ఢిల్లీ, గుజరాత్‌ జెయింట్స్, హరియాణా స్టీలర్స్, పట్నా పైరేట్స్‌ టాప్‌–6లో నిలిచి ప్లే ఆఫ్స్‌ దశకు అర్హత సాధించాయి. ఈనెల 26 నుంచి మార్చి 1 వరకు హైదరాబాద్‌లోని గచ్చిబౌలి స్టేడియంలో ప్లే ఆఫ్స్, సెమీ ఫైనల్స్, ఫైనల్‌ మ్యాచ్‌లు జరుగుతాయి. మరోవైపు.. తెలుగు టైటాన్స్‌ తాజా సీజన్‌లోనూ గత వైఫల్యాలు కొనసాగిస్తూ పాయింట్ల పట్టికలో అట్టడుగున నిలిచింది. League stage ✅ Playoffs ⏳ Here’s what the points table looks like after the last league-stage game of #PKLSeason10 🤩#ProKabaddi #HarSaansMeinKabaddi #ProKabaddiLeague #PKL #PKL10 #PUNvUP #HSvBLR pic.twitter.com/KVfiBs14cS — ProKabaddi (@ProKabaddi) February 21, 2024

పంచ్‌కులా: ప్రొ కబడ్డీ లీగ్‌ పదో సీజన్‌ను తెలుగు టైటాన్స్‌ జట్టు ‘టై’తో ముగించింది. యు ముంబా, తెలుగు టైటాన్స్‌ జట్ల మధ్య మంగళవారం జరిగిన తమ చివరి లీగ్‌ మ్యాచ్‌ 45–45 వద్ద ‘టై’ అయింది. కెప్టెన్ పవన్‌ సెహ్రావత్‌ 14 పాయింట్లు స్కోరు చేసి టైటాన్స్‌ జట్టును ఓటమి నుంచి కాపాడాడు.  నిర్ణీత 22 మ్యాచ్‌లు పూర్తి చేసుకున్న తెలుగు టైటాన్స్‌ 19 మ్యాచ్‌ల్లో ఓడిపోయి, ఒక మ్యాచ్‌ను ‘టై’ చేసుకొని, రెండు మ్యాచ్‌ల్లో నెగ్గి 21 పాయింట్లతో చివరిదైన 12వ స్థానంతో సరిపెట్టుకుంది. తొమ్మిదో సీజన్‌లోనూ టైటాన్స్‌ చివరి స్థానంలోనే నిలిచింది. నేడు జరిగే చివరి రౌండ్‌ లీగ్‌ మ్యాచ్‌ల్లో పుణేరి పల్టన్‌తో యూపీ యోధాస్‌; హరియాణా స్టీలర్స్‌తో బెంగళూరు బుల్స్‌ ఆడతాయి.