PKL 10: ‘టాప్‌’ పుణెరి పల్టన్‌.. ప్లే ఆఫ్స్‌ సమరానికి సై | Sakshi
Sakshi News home page

PKL 10: ‘టాప్‌’ పుణెరి పల్టన్‌.. ప్లే ఆఫ్స్‌ సమరానికి సై

Published Thu, Feb 22 2024 12:05 PM

PKL 10: Puneri Paltan Tops Table Play Offs To Be Held In Hyderabad - Sakshi

Pro Kabaddi League- పంచ్‌కులా: ప్రొ కబడ్డీ లీగ్‌ పదో సీజన్‌లో పుణేరి పల్టన్‌ జట్టు పాయింట్ల పట్టికలో అగ్రస్థానాన్ని దక్కించుకుంది. బుధవారంతో లీగ్‌ దశ మ్యాచ్‌లు ముగిశాయి. పుణేరి పల్టన్‌ 40–38తో యూపీ యోధాస్‌పై గెలిచి ఓవరాల్‌గా 96 పాయింట్లుతో టాప్‌ ర్యాంక్‌లో నిలిచింది.

హైదరాబాద్‌లో మిగిలిన మ్యాచ్‌లు
మరో మ్యాచ్‌లో బెంగళూరు బుల్స్‌ 53–39తో హరియాణా స్టీలర్స్‌ను ఓడించింది. పుణేరి పల్టన్, జైపూర్‌ పింక్‌ పాంథర్స్, దబంగ్‌ ఢిల్లీ, గుజరాత్‌ జెయింట్స్, హరియాణా స్టీలర్స్, పట్నా పైరేట్స్‌ టాప్‌–6లో నిలిచి ప్లే ఆఫ్స్‌ దశకు అర్హత సాధించాయి.

ఈనెల 26 నుంచి మార్చి 1 వరకు హైదరాబాద్‌లోని గచ్చిబౌలి స్టేడియంలో ప్లే ఆఫ్స్, సెమీ ఫైనల్స్, ఫైనల్‌ మ్యాచ్‌లు జరుగుతాయి. మరోవైపు.. తెలుగు టైటాన్స్‌ తాజా సీజన్‌లోనూ గత వైఫల్యాలు కొనసాగిస్తూ పాయింట్ల పట్టికలో అట్టడుగున నిలిచింది.

Advertisement
 
Advertisement
 
Advertisement