Vizianagaram District Latest News

విజయనగరం రూరల్‌: గ్రామ పంచాయతీ రెండో సాధారణ ఎన్నికల్లో భాగంగా, తొలి విడత ఎన్నికలకు రాష్ట్ర ఎన్నికల సంఘం నోటిఫికేషన్‌ విడుదల చేసినట్లు జిల్లా ఎన్నికల అధికారి, కలెక్టర్‌ ఎస్‌.రాంసుందర్‌ రెడ్డి శుక్రవారం ఒక ప్రకటనలో తెలిపారు. ఈ విడతలో విజయనగరం జిల్లాలోని రెండు రెవెన్యూ డివిజన్ల పరిధిలో ఎనిమిది మండలాల్లో ఎన్నికలు జరగనున్నాయి. బొబ్బిలి డివిజన్‌లో బాడంగి, బొబ్బిలి, రామభద్రపురం, తెర్లాం మండలాలు ఉన్నాయి. విజయనగరం డివిజన్‌లో కొత్తవలస, లక్కవరపుకోట, శృంగవరపుకోట, వేపాడ మండలాలు తొలి విడతలో చేరాయి. ఆయా పంచాయతీల్లో నమోదైన ఓటర్లు వార్డు సభ్యులను, సర్పంచులను ఎన్నుకుంటారు. 8 మండలాల్లో తొలివిడత పంచాయతీ పోరు 26న పోలింగ్‌, అదేరోజు ఓట్ల లెక్కింపు 15 నుంచి నామినేషన్ల స్వీకరణ జిల్లా ఎన్నికల అధికారి, కలెక్టర్‌ ఎస్‌.రాంసుందర్‌ రెడ్డి

ప్రభుత్వం జీఓ 659 తెచ్చిందని, 60 రోజుల్లో సమస్యలు తీరుతాయని మంత్రులు ప్రెస్‌మీట్‌లలో చెబుతున్నారని, కానీ ఇక్కడ మండల, ఆర్డీఓ ఆఫీసులకు వెళ్తే కనీసం ఫైల్‌ కూడా కదలడం లేదని బాధిత రైతులు గగ్గోలు పెడు తు న్నారు. వెబ్‌ల్యాండ్‌లో భూమి వివరాల నమోదు కు నెలల తరబడి తిప్పుతున్నారని, బ్యాంకు రుణా లు అందక, అత్యవసరాలకు భూమిని అమ్ముకోలేక వడ్డీ వ్యాపారుల వద్ద అప్పు తీసుకోవాల్సి వస్తోంద ని వాపోతున్నారు. 22ఏ నుంచి తమ భూములకు ఎప్పుడు విముక్తి కలుగుతుందో అర్ధం కావడం లేదని రైతులు వాపోతున్నారు. ప్రభుత్వం స్పందించి సమస్యను పరిష్కరించాలని కోరుతున్నారు. విజయనగరం గంటస్తంభం: భూ సమస్యల శాశ్వత పరిష్కారానికి గత ప్రభుత్వం తలపెట్టిన భూ సమగ్ర సర్వేను కూటమి నేతలు విమర్శించారు. ఎన్నికల్లో లబ్ధిపొందేందుకు రైతులు భయపడేలా తప్పుడు ప్రచారాలు చేశారు. భూ సర్వేను భూతంలా చేసి చూపించారు. తీరా అధికారంలోకి వచ్చాక గతప్రభుత్వం చేపట్టిన సర్వేనే కొనసాగించారు. 22ఏ, అసైన్డ్‌, చుక్కల, ఇనాం భూ సమస్యలను పరిష్కరిస్తామంటూ గొప్పలు చెప్పారు. 30, 60 రోజుల్లో భూ సమస్యల దస్త్రాలకు పరిష్కారం చూపుతామని ప్రకటనలిచ్చారు. దీనికోసం జీఓ 659ని జారీచేశారు. వాస్త వం చూస్తే... గడువుముగిసినా విజయనగరం జిల్లాలో భూ సమస్యలకు పరిష్కారం లభించడంలేదు. అసైన్డ్‌, చుక్కల, ఇనాం, పట్టా భూముల ప్రీహోల్డ్‌ దరఖాస్తులకు గడువులోగా పరిష్కారం లభించడం లేదు. అమలుకాని ఉత్తర్వులు : ప్రభుత్వం జారీచేసిన జీఓ 659 ప్రకారం, రెవెన్యూ యంత్రాంగం అత్యంత వేగంగా స్పందించి రైతులకు ఊరట కలిగించాలి. కానీ, జిల్లాలో ఆ ఉత్తర్వుల అమలు నత్తనడకన సాగుతోంది. 27 మండలాల్లో పేరుకుపోయిన అర్జీలు జిల్లాలోని 27 మండలాల పరిధిలో భూ సమస్యల తీవ్రత ఆందోళనకరంగా మారింది. వివిధ కేటగిరీల కింద వేలాది ఎకరాల భూములు 22ఏ నిషేధిత జాబితా, రికార్డుల వివాదాల్లో చిక్కుకుని ఉండటంతో అన్నదాతలు తీవ్ర ఇబ్బందులు పడుతున్నారు. ప్రీహోల్డ్‌, రికార్డుల సవరణ కోసం జిల్లా వ్యాప్తంగా వేలాది దరఖాస్తులు ఆన్‌లైన్‌లో నమోదైనప్పటికీ, అందులో అత్యధిక అర్జీలు ఇంకా తహసీల్దార్‌, ఆర్డీఓ లాగిన్లలోనే అపరిష్కృతంగా ఉండిపోయాయి. ముఖ్యంగా విజయనగరం, బొబ్బిలి, చీపురుపల్లి, గజపతినగరం, శృంగవరపుకోట, నెల్లిమర్ల, రాజాం, సాలూరు వంటి గ్రామీణ ప్రాంతాల్లో రైతులు తమ భూ హక్కుల కోసం కార్యాలయాల చుట్టూ కాళ్లరిగేలా తిరుగుతున్నారు. నిషేధిత జాబితా ఉచ్చులో పట్టా, అసైన్డ్‌ భూములు.. తరలరాలుగా రైతుల అనుభవంలో ఉన్న సొంత పట్టా భూములు కూడా రికార్డుల పొరపాట్ల వల్ల 22ఏ నిషేధిత జాబితాలో చేరిపోయాయి. వీటి తొలగింపునకు ప్రత్యేక ఉత్తర్వులు అవసరం లేదని జీఓ 659 చెబుతున్నా, జిల్లాలో ఇంకా వేలాది ఎకరాలకు విముక్తి లభించలేదు. మరోవైపు, దశాబ్దాల కిందట పేదలకు ప్రభుత్వం పంపిణీ చేసిన అసైన్డ్‌ భూములకు యాజమాన్య హక్కులు కల్పించేందుకు తెచ్చిన ప్రీహోల్డ్‌ ప్రక్రియ జిల్లాలో నత్తనడకన సాగుతోంది. క్షేత్రస్థాయిలో వీఆర్వో, తహసీల్దార్‌ స్థాయి సిబ్బంది వెబ్‌ల్యాండ్‌ వివరాలు అప్‌డేట్‌ చేయకపోవడంతో రిజిస్ట్రేషన్లు నిలిచిపోయి రైతులు తీవ్ర ఆర్ధిక ఇబ్బందులు పడుతున్నారు. తప్పని ఇబ్బందులు... బ్రిటిష్‌ కాలంనాటి రీ–సెటిల్‌మెంట్‌ రిజిస్టర్‌(ఆర్‌ఎస్‌ఆర్‌) పట్టాదారు పేరు లేకుండా చుక్కలు ఉండడంతో, జిల్లాలోని అనేక మండలాల్లో రైతులు సొంత భూములను అమ్ముకోలేక, బ్యాంకు రుణాలు పొందలేక తీవ్ర ఇబ్బందులు ఎదుర్కొంటున్నారు. విజయనగరం సంస్థానం పరిధిలో గతంలో ఉన్నా ఇనాం భూములు, దేవదాయ, ఇతర షరతులతో కూడిన పట్టా భూముల వివాదాలు దశాబ్దాలుగా తేలడం లేదు. పరిష్కారానికి తక్షణ కార్యాచరణ ఏదీ? సీసీఎల్‌ఏ ఆదేశాల మేరకు వెబ్‌ల్యాండ్‌లో తక్షణమే మార్పులు చేసి రైతులకు న్యాయం జరగాలంటే జిల్లా యంత్రాంగం పకడ్బందీ చర్యలు తీసుకోవాలని నిపుణులు సూచిస్తున్నారు. గ్రామ సచివాలయాల స్థాయిలో వీఆర్వోలు, సర్వేయర్లు పాత అడంగల్‌, 1బీ రికార్డులను పరిశీలించి, క్షేత్రస్థాయి విచారణ నివేదికలను నిర్ణీత గడువులోగా ఆన్‌లైన్‌లో అప్‌లోడ్‌ చేయాలి. తహసీల్దార్‌ స్థాయిలో ఆన్‌లైన్‌ దరఖాస్తు వచ్చిన రోజే లాగిన్‌లోకి తీసుకుని, 60 రోజుల గడువులోపు వెబ్‌ల్యాండ్‌ డేటాను అప్‌డేట్‌ చేసి ప్రీహోల్డ్‌ ప్రక్రియను పూర్తి చేయాలి. కలెక్టర్‌, ఆర్డీవోలు ప్రతి వారం మండలాల వారీగా ప్రత్యేక సమీక్ష నిర్వహిస్తేనే అన్నదాతల భూ సమస్యలను శాశ్వత మోక్షం లభిస్తుంది. మంత్రుల మాటలు నీటిమూటలేనా... జీఓ 659 కాగితాలకే పరిమితం 22ఏ, అసైన్డ్‌, చుక్కల, ఇనాం భూముల దస్త్రాలకు కలగని మోక్షం విజయనగరం రెవెన్యూ కార్యాలయాల్లో గుట్టలుగా పెండింగ్‌ ఫైళ్లు ఆందోళనలో బాధిత రైతులు

పూసపాటిరేగ: ఆంధ్ర విశ్వవిద్యాలయంలో ఈ నెల 14వ తేదీన నిర్వహించనున్న కార్యక్రమంలో పాల్గొనేందుకు శుక్రవారం విచ్చేసిన భారత మాజీ రాష్ట్రపతి రామ్‌నాథ్‌ కోవింద్‌కు భోగాపురంలోని అల్లూరి సీతారామరాజు అంతర్జాతీయ విమానాశ్రయంలో కలెక్టర్‌ ఎస్‌.రాంసుందర్‌ రెడ్డి ఘనస్వాగతం పలికారు. మొక్కను అందజేశారు. ఆయిల్‌పామ్‌ విస్తరణకు ప్రత్యేక కార్యాచరణ ● కేంద్ర ప్రభుత్వ కార్యదర్శి కె.శ్రీనివాస్‌ విజయనగరం ఫోర్ట్‌: జిల్లాలో ఆయిల్‌ పామ్‌ సాగు విస్తరణకు ఉన్న అవకాశాలను పూర్తి స్థాయిలో వినియోగించుకొని, రైతులకు మెరుగైన ఆదాయం కల్పించే దిశగా సమగ్ర కార్యాచరణ రూపొందించాలని కేంద్ర ప్రభుత్వ ఈశాన్య ప్రాంత అభివృద్ధి మంత్రిత్వశాఖ కార్యదర్శి కె.శ్రీనివాస్‌ అధికారులకు సూచించారు. కలెక్టరేట్‌ సమావేశ మందిరంలో శుక్రవారం నిర్వహించిన ఆయిల్‌ పామ్‌ స్టాక్‌ హోల్డర్స్‌ సమావేశంలో ఆయన మాట్లాడారు. పంట సాగుకు అనుకూలమైన ప్రాంతాలను గుర్తించాలన్నారు. జోనల్‌ విధానాన్ని తొలిగించి ఓపెన్‌ మార్కెట్‌ విధానం అమలు చేస్తే మిల్లులు మధ్య పోటీ పెరిగి , రైతులకు మరింత ప్రయోజనం చేకూరే అవకాశం ఉందన్నారు. ఆయిల్‌పామ్‌ సాగును కేవలం ఏక పంట విధానంలో కాకుండా పర్యావరణ పరిరక్షణకు ప్రాధాన్యతనిస్తూ మిశ్రమ పంటల సాగు విధా నంలో చేపట్టాలన్నారు. మలేషియా వంటి దేశాల్లో అనుసరిస్తున్న ఆధునిక సాగు పద్ధతులను పరిశీలించి, వాటిని స్థానిక పరిస్థితులకు అనుగుణంగా అమలు చేయాలన్నారు. ఈ సమావేశంలో శ్రీనివాస్‌, గోపాలకృష్ణ తదితరులు పాల్గొన్నారు. ఏకగ్రీవ పంచాయతీలకు నగదు ప్రోత్సాహకాలు విజయనగరం రూరల్‌: ఏకగ్రీవంగా పంచాయతీ సర్పంచ్‌లు ఎన్నికైన గ్రామాలకు ప్రభుత్వం నగదు ప్రోత్సాహకాలను ప్రకటించింది. గతంలో జనాభా ప్రాతిపదికన రూ.5 లక్షల నుంచి రూ.20 లక్షల వరకు ప్రోత్సాహక నగదు అందించేవారు. తాజాగా సవరించిన ఉత్తర్వుల ప్రకారం 5 వేలలోపు జనాభా కలిగిన గ్రామ పంచాయతీలు ఏకగ్రీవమైతే రూ. 15 లక్షలు, 5,001 నుంచి 10 వేల జనాభా ఉన్న పంచాయతీలకు రూ.25 లక్షలు, 10 వేలకు పైగా జనాభా కలిగిన పంచాయతీలకు రూ.50 లక్షల ప్రోత్సాహక నగదు అందించనున్నారు. గతంలో 2 వేలలోపు జనాభా ఉన్న పంచాయతీలకు రూ.5లక్షలు, 2,001 నుంచి 5 వేల జనాభా ఉన్న పంచాయతీలకు రూ.10 లక్షలు, 5,001 నుంచి 10 వేల జనాభా ఉన్న పంచాయతీలకు రూ.15 లక్షలు, 10 వేలకు పైగా జనాభా ఉన్న పంచాయతీలకు రూ.20 లక్షలు అందించేవారు. ఈ నిధులను సంబంధిత గ్రామ పంచాయతీల్లో ఆమోదించిన అభివృద్ధి కార్యక్రమాలు, ప్రజాసంక్షేమ పనులకు వినియోగించాల్సి ఉంటుంది. నిర్ణీత ఆర్థిక, అకౌంటింగ్‌, ఆడిట్‌ నిబంధనలను పాటించాలి. గూగుల్‌ క్యాంపస్‌ అంబాసిడర్లుగా సీతం విద్యార్థినులు విజయనగరం అర్బన్‌: పట్టణంలోని సీతం కళాశాలకు చెందిన బీటెక్‌ సీఎస్‌ఈ చివరి సంవత్సరం చదువుతున్న హేమశ్రీ, మౌనిక, భువన, ఉష ప్రతిష్టాత్మక గూగుల్‌ క్యాంపస్‌ అంబాసిడర్లుగా ఎంపికయ్యారు. వీరిలో సాంకేతిక పరిజ్ఞానంపై ఆసక్తి, నాయకత్వ లక్షణాలు, కమ్యూనికేషన్‌ నైపుణ్యాలు, నూతన ఆవిష్కరణల పట్ల అభిరుచిని గుర్తించి వీరికి ఈ అవకాశం కల్పించారు. వీరు గూగుల్‌ ఆధ్వర్యంలో నిర్వహించే వివిధ సాంకేతిక కార్యక్రమాల్లో భాగస్వామాలు కానున్నారు. అరుదైన అవకాశం అందిపుచ్చుకున్న విద్యార్థినులను కళాశాల ప్రిన్సిపాల్‌ డాక్టర్‌ డి.వి.రామమూర్తి, కళాశాల డైరెక్టర్‌ కళాశాల డైరెక్టర్‌ డాక్టర్‌ మజ్జి శశిభూషణరావు, సీఎస్‌ఈ విభాగాధిపతి డాక్టర్‌ వేణుమాధవ్‌, ప్లేస్‌మెంట్‌ విభాగం ప్రతినిధు లు డాక్టర్‌ సాయిరాం పట్నాయక్‌, అవినాష్‌, సందీప్‌ శుక్రవారం అభినందించారు.

ఈ చిత్రంలో చిప్స్‌తేలిపోయి అధ్వానంగా ఉన్న రోడ్డును చూశారా... ఇది వేపాడ మండలం కృష్ణారాయుడుపేట నుంచి ఆనందపురం కొత్తవలస వెళ్లే మార్గం. రెండు కిలోమీటర్ల మేర రోడ్డు పూర్తిగా రాళ్లుతేలడంతో ప్రయాణానికి ఈ ప్రాంతీయులు ఇబ్బందులు పడుతున్నారు. ప్రమాదాలబారిన పడుతున్నారు. వాహనాలు మరమ్మతులకు గురికావడంతో వ్యయప్రయాసలు ఎదుర్కొంటున్నారు. పల్లె పండగ పేరుతో రోడ్లను అద్దంలా మెరిపిస్తామన్న పాలకులు.. ఇలా అధ్వానంగా వలిలేశారంటూ గ్రామీణ ప్రజలు ఆవేదన వ్యక్తంచేస్తున్నారు. – వేపాడ

● పార్టీకి, పదవులకు రాజీనామా శృంగవరపుకోట: తెలుగుదేశం పార్టీలో తగిన గౌరవం దక్కకపోవడంతో పార్టీకి రాజీనామా చేస్తున్నట్టు ఎమ్మెల్సీ రఘురాజు భార్య సుధారాజు, ఆమె అనుచరులు స్పష్టంచేశారు. బొడ్డవర గ్రామంలోని తన స్వగృహంలో శుక్రవారం ఏర్పాటుచేసిన మీడియా సమావేశంలో సుధారాజు మాట్లాడారు. 14 మంది మాజీ ఎంపీటీసీలు, మాజీ సర్పంచులు, మాజీ ఎంపీపీలతో కలిసి టీడీపీకి రాజీనామా చేసినట్టు ప్రకటించారు. సార్వత్రిక ఎన్నికల్లో ఎమ్మెల్యే గెలుపునకు కృషిచేస్తే తగిన ప్రాధాన్యం ఇస్తామని చెప్పిన ప్రస్తుత ఎస్‌.కోట ఎమ్మెల్యే లలిత కుమారి, విద్యాశాఖమంత్రి నారా లోకేశ్‌ మోసం చేశారన్నా రు. ఎలాంటి పదువులు, గౌరవం ఇవ్వలేదన్నారు. ఎమ్మెల్యేతో పాటు డీసీఎంఎస్‌ చైర్మన్‌ గొంప కృష్ణ తమ వర్గాన్ని పూర్తిగా నిర్లక్ష్యపు ధోరణితో చూడటం, మాట్లాడటం మనస్థాపానికి గురిచేసిందన్నారు. ఎంపీటీసీ స్థానాల కేటాయింపులో అన్యాయం చేశారన్నారు. మాజీ జెడ్పీచైర్మన్‌ చిన్నశ్రీను సర్దుబాటుచేసిన ఐదు స్థానాలు కూడా కేటాయించలేదని, నచ్చితే పార్టీ కోసం పనిచేయాలని లేదంటే మానేయాలని ఇక్కడి నేతలు తేల్చిచెప్పారన్నారు. ఈ తరుణంలో విలువ లేని పార్టీలో ఆత్మగౌరవాన్ని చంపుకుని పని చేయలేమని, అధినాయకత్వం పట్టించుకోకపోవడం వల్లే టీడీపీ సభ్యత్వానికి రాజీనామా చేసినట్టు వెల్లడించారు. ఏపీ టూరిజం బోర్డు డైరెక్టర్‌ పదవికి కూడా రాజీనామా చేసినట్టు తెలిపారు. భవిష్యత్తులో ఏ పార్టీలో చేరేది త్వరలో చెబుతామన్నారు. కార్యక్రమంలో మాజీ ఎంపీపీ ఒంటి అప్పారావు, మాజీ సర్పంచ్‌ జి.సంతోషికుమారి, మురళీరాజుతో పాటు మాజీ ఎంపీటీసీలు, సర్పంచ్‌లు పాల్గొన్నారు.

సుగర్‌ వ్యాధితో..రాజాం సిటీ: మారుతున్న జీవనశైలికి అనుగుణంగా మన ఆరోగ్యంతోపాటు కంటి ఆరోగ్యాన్ని కాపాడుకోవాలంటే చక్కెర వ్యాధిని అదుపులో ఉంచుకోవాలి. ప్రస్తుత రోజుల్లో వయసుతో సంబంధంలేకుండా చిన్నా పెద్ద అందరూ సుగర్‌ వ్యాధి బారిన పడుతున్నారు. చక్కెర వ్యాధి వల్ల దృష్టి కోల్పోతున్న వారి సంఖ్య నానాటికీ పెరుగుతోందని గణాంకాలు చెబుతున్నాయి. నొప్పి తెలియకుండా చూపుపై ప్రభావం పడుతూ మెల్లమెల్లగా దెబ్బతీస్తుంది. ప్రజలకు అవగాహనలేకపోవడంతో కంటి సమస్యలపై అశ్రద్ధ వహిస్తున్నారు. ఈ నెల 14న ప్రపంచ చక్కెర నివారణ దినోత్సవం సందర్భంగా పాటించాల్సిన జాగ్రత్తలపై ఆప్థాలమిక్‌ అధికారి ఎస్‌.వసంతరావు ఇలా వివరించారు. చక్కెర వ్యాధి నియంత్రణలో లేకపోవడం వల్ల కంటి వెనుకభాగంలోని రక్తనాళాలు బలహీనపడి రక్తాన్ని లీక్‌ చేస్తాయి. కొత్త రక్తనాళాలు ఏర్పడతాయి. దీనినే డయోబెటిస్‌ రెటినోపతి అంటారు. మొదట చూపు బాగానే ఉన్నా క్రమక్రమంగా మసకబారుతుంది. తర్వాత చదవడం, ముఖాలను గుర్తుపట్టడం కూడా కష్టమవుతుంది. చివరకు దృష్టిని పూర్తిగా కోల్పోయే ప్రమాదం ఉంటుంది. చక్కెర నియంత్రణలో లేకపోవడంవల్ల కేటరాక్ట్‌, గ్లకోమా (నీటి కాసులు), మాక్యులర్‌ డీజనరేషన్‌ వంటి ఇతర కంటి వ్యాధుల బారిన పడే ఆస్కారముంది. ఈ వ్యాధి నియంత్రణలో లేకపోయినా, నిర్లక్ష్యం చేసినా శాశ్వత అంధత్వం వస్తుంది.కంటి ఆరోగ్యంపై ప్రత్యేక శ్రద్ధ చూపాలి మధుమేహం ఉన్నవారు కంటి పరీక్షలను నిర్లక్ష్యం చేయకూడదు. చూపులో ఎలాంటి మార్పులు కనిపించకపోయినా కంటి వైద్యనిపుణుల సలహా మేరకు కంటి వెనుక భాగమైన రెటీనాను పరీక్షించుకోవాలి. చక్కెర వ్యాధిగ్రస్తుల కంటి ముందు నల్లని చుక్కలు కనిపించినా, కంటిచూపు హఠాత్తుగా తగ్గినట్టు ఉన్నా, దృష్టిలో హెచ్చుతగ్గులు అనిపించినా వెంటనే రెటీనా వైద్యనిపుణులను సంప్రదించాలి. డయాబెటిక్‌ రెటినోపతిని ప్రారంభదశలో గుర్తిస్తే సరైన చికిత్స ద్వారా చూపును కాపాడుకునే అవకాశం ఉంది. అందువల్ల మధుమేహం ఉన్న ప్రతి ఒక్కరూ క్రమం తప్పకుండా ఏడాదికి రెండు సార్లు సమగ్ర కంటి పరీక్షలు చేయించుకోవాలి. – ఎస్‌.వసంతరావు, ఆప్థాలమిక్‌ అధికారి, రాజాం చక్కెరను అదుపులో ఉంచుకుంటే కళ్ల ఆరోగ్యం ప్రజలకు కంటి ఆరోగ్యంపై అవగాహన అవసరం నేడు ప్రపంచ చక్కెర నివారణ దినోత్సవం

● నిబంధనలు ఉల్లంఘించిన 5 దుకాణాలపై కేసులు ● పర్యవేక్షించిన జిల్లా జాయింట్‌ కలెక్టర్‌ ఆర్‌.వైశాలిపార్వతీపురం రూరల్‌: జిల్లాలోని బియ్యం, కిరాణా దుకాణాలు, సూపర్‌ మార్కెట్లలో శుక్రవారం అధికారులు విస్తృత తనిఖీలు చేపట్టారు. ప్యాకేజీలపై నిబంధనల ఉల్లంఘన, తూకాల్లో తేడాలను అరికట్టేందుకు జిల్లా జాయింట్‌ కలెక్టర్‌ ఆర్‌.వైశాలి పర్యవేక్షణలో ఈ కార్యక్రమం జరిగింది. పౌరసరఫరాల అధికారి బండి అశోక్‌, డీఎం బాలాజీ రామ్‌, లీగల్‌ మెట్రాలజీ ఇన్‌స్పెక్టర్‌ కె.మధు సంతోష్‌ కుమార్‌లతో పాటు విజిలెన్స్‌ అధికారులు పార్వతీపురం, సాలూరు, కురుపాం, మక్కువ మండలాల్లోని దుకాణాలను పరిశీలించారు. బియ్యం బస్తాలపై ముద్రించిన నికర బరువు, గరిష్ట చిల్లర ధర (ఎంఆర్‌పీ), ఇతర ప్యాకేజీ వివరాలను, తూకాలను అధికారులు క్షుణ్ణంగా తనిఖీ చేశారు. మొత్తం 16 వ్యాపార సంస్థల్లో తనిఖీలు నిర్వహించగా.. నిబంధనలు ఉల్లంఘించిన ఐదు దుకాణాలపై అధికారులు కేసులు నమోదు చేశారు. ఇందులో రెండు కేసులు బియ్యం బస్తాల్లో తక్కువ తూకం (షార్ట్‌ ఫిల్లింగ్‌)కు సంబంధించినవి కాగా, చక్కెర, కందిపప్పు ప్యాకెట్లపై తప్పనిసరిగా ఉండాల్సిన వివరాలు లేకపోవడంపై మిగిలిన కేసులు నమోదయ్యాయి. వినియోగదారులను మోసగించి, నిబంధనలు ఉల్లంఘించే వ్యాపారులపై చట్టపరంగా కఠిన చర్యలు తీసుకుంటామని అధికారులు స్పష్టం చేశారు. కొనుగోలుదారుల హక్కుల పరిరక్షణ కోసం ఈ తనిఖీలు నిరంతరం కొనసాగుతాయని పేర్కొన్నారు.

పాడేరు రూరల్‌: మూడు రోజుల పాటు ఉత్కంఠభరితంగా సాగిన ఎస్‌జీఎఫ్‌ అండర్‌–14 బాలబాలికల రాష్ట్ర స్థాయి వాలీబాల్‌ పోటీలు శుక్రవారం విజయవంతంగా ముగిశాయి. చివరి రోజు పోటీలకు ముఖ్య అతిథిగా కలెక్టర్‌ టి. నిశాంతి హాజరై విజేతలకు షీల్డులు, బహుమతులు అందజేశారు. ఈ పోటీల్లో బాలుర విభాగంలో విశాఖ జిల్లా జట్టు ప్రథమ స్థానం, విజయనగరం ద్వితీయ స్థానం, నెల్లూరు తృతీయ స్థానం, చిత్తూరు నాలుగో స్థానం సాధించాయి. బాలికల విభాగంలో విజయనగరం జట్టు ప్రథమ స్థానం, విశాఖ ద్వితీయ స్థానం, తూర్పుగోదావరి తృతీయ స్థానం, అనంతపురం నాలుగో స్థానం దక్కించుకున్నాయి. జాతీయ స్థాయికి 24 మంది ఎంపిక రాష్ట్రస్థాయి పోటీల్లో పాల్గొన్న వివిధ జిల్లాల క్రీడాకారుల్లో ప్రతిభ కనబరిచిన 12 మంది బాలురు, 12 మంది బాలికలను జాతీయస్థాయి వాలీబాల్‌ పోటీలకు ఎంపిక చేసినట్లు కలెక్టర్‌ ప్రకటించారు.

● ఒడిశాకు ఆటోల్లో అక్రమంగా రవాణా ● రెండు ఆటోలు సీజ్‌, 6ఎ కేసు నమోదుపార్వతీపురం రూరల్‌: ఆంధ్ర–ఒడిశా సరిహద్దు గ్రామమైన బట్టివలస వద్ద విజిలెన్స్‌ అధికారులు శుక్రవారం దాడులు నిర్వహించి అక్రమంగా తరలిస్తున్న పీడీఎస్‌ బియ్యాన్ని పట్టుకున్నారు. రెండు ఆటోల్లో ఒడిశాకు రవాణా అవుతున్న సుమారు 1,000 కిలోల (టన్ను) చౌక బియ్యాన్ని దాడుల్లో స్వాధీనం చేసుకున్నారు. కవిటిభద్ర గ్రామానికి చెందిన ఓ వ్యాపారి ఆటోలో 700 కిలోల రేషన్‌ బియ్యాన్ని ఒడిశాకు తరలిస్తుండగా విజిలెన్స్‌ అధికారులు పట్టుకున్నారు. అదే సమయంలో మరికి గ్రామానికి చెందిన మరో వ్యక్తి సైతం తన ఆటోలో బియ్యాన్ని సరిహద్దు దాటిస్తుండగా వలపన్ని పట్టుకున్నారు. ఈ రెండు ఘటనల్లో టన్ను బియ్యంతో పాటు రవాణాకు ఉపయోగించిన రెండు ఆటోలను సీజ్‌ చేసి, బాధ్యులపై 6 ఎ కేసులు నమోదు చేశారు. తదుపరి చర్యల్లో భాగంగా పట్టుబడిన బియ్యాన్ని స్థానిక సీఎస్‌డీటీ కల్యాణ్‌ చక్రవర్తి పర్యవేక్షణలో డీలర్‌ వద్ద సురక్షితంగా భద్రపరిచారు. సీజ్‌ చేసిన ఆటోలను రూరల్‌ పోలీసు స్టేషన్‌న్‌కు తరలించారు. గ్రామాల్లోని కార్డుదారుల నుంచి ప్రతినెలా ఈ బియ్యాన్ని కొనుగోలు చేసి, వాటిని ప్రత్యేక గోదాంలో నిల్వ ఉంచి ఒడిశాలోని అలమండకు రవాణా చేస్తున్నట్లు గ్రామస్తులు విజిలెనన్స్‌ అధికారుల దృష్టికి తీసుకొచ్చారు.

వేపాడ: మండలంలోని చినగుడిపాల జంక్షన్‌ వద్ద శుక్రవారం 12డి సిటీ బస్సు డ్రైవర్‌ అప్రమత్తం కావడంతో త్రుటిలో పెనుప్రమాదం తప్పింది. బస్సులో ప్రయాణిస్తున్న 33 మంది ప్రయాణికులు సురక్షితంగా బయటపడ్డారు. శివ యూపీ స్కూల్‌ పక్కనే ఉన్న వెల్డింగ్‌ వర్క్‌షాప్‌ నుంచి ఓ వ్యక్తి ద్విచక్రవాహానంపై ఆకస్మాత్తుగా రోడ్డుపైకి రావడంతో బస్సుడ్రైవర్‌ అప్రమత్తమై ప్రమాదాన్ని నివారించే సమయంలో బస్సు రోడ్డు పక్కకు బస్సు ఒరిగిపోయింది. ఈ ప్రమాదంలో ద్విచక్రవాహనచోదకుడికి గాయాలయ్యాయి. అయితే బస్సులో ప్రయాణిస్తున్న 33 మంది ప్రయాణికులు సురక్షితంగా బయటపడడంతో ఊపిరి పీల్చుకున్నారు.

విజయనగరం కల్చరల్‌(క్రైమ్‌): జిల్లా కేంద్రంలోని జిల్లా సమాచార, పౌర సంబంధాల శాఖాధికారి కార్యాలయంలో జాతీయ గ్రంథాలయ వారోత్సవాల వాల్‌పోస్టర్‌ను జిల్లా గ్రంథాలయ సంస్థ కార్యదర్శి లక్ష్మి శుక్రవారం ఆవిష్కరించారు. గురజాడ స్మారక జిల్లా గ్రంథాలయంలో శనివారం గ్రంథాలయ వారోత్సవాలు ప్రారంభమవుతాయని, జిల్లా గ్రంథాలయ సంస్థ అధ్యక్షుడు డి.రామకృష్ణ అధ్యక్షతన జరిగే ఈ కార్యక్రమానికి ముఖ్య అతిథిగా ఎమ్మెల్యే అదితి గజపతిరాజు విచ్చేస్తారని, విశిష్ట అతిథులుగా కలెక్టర్‌ ఎస్‌.రాంసుందర్‌ రెడ్డి, జేసీ సేతుమాధవన్‌, ఏపీ గ్రంథాలయ పరిషత్‌ సభ్యుడు రౌతు రామ్మూర్తినాయుడు, జిల్లా పౌరసంబంధాల అధికారి పి.గోవిందరాజులు, డీఈవో యు.మాణిక్యంనాయుడు పాల్గొంటారన్నారు. కార్యక్రమంలో భాగంగా 14 ఏళ్లలోపు బాలబాలికలకు వ్యాసరచన, వక్తృత్వం, చిత్రలేఖనం, లలిత సంగీతం, బుర్రకథ వంటి పోటీలతో పాటు క్విజ్‌ పోటీలు కూడా నిర్వహించడం జరుగుతుందన్నారు. ఈ పోటీల్లో విజేతలకు 20వ తేదీన బహుమతులు ప్రదానం చేయడం జరుగుతుందన్నారు. కార్యక్రమంలో డీపీఆర్వో ప్రభుదాస్‌ తదితరులు పాల్గొన్నారు.

పార్వతీపురం రూరల్‌: అంధులకు ఈ ప్రపంచాన్ని చూపించడమే లక్ష్యంగా వైద్య ఆరోగ్యశాఖ పనిచేస్తోందని డీఎంహెచ్‌వో డాక్టర్‌ విజయలక్ష్మి అన్నారు. ఈ మేరకు దృష్టి లోపంతో బాధపడుతున్న వృద్ధులకు జిల్లా అంధత్వ నివారణ సంస్థ ఆధ్వర్యంలో గురువారం ఉచితంగా నేత్ర శస్త్రచికిత్సలు నిర్వహించారు. ఇందులో భాగంగా జిల్లాలోని పార్వతీపురం, పాలకొండ ప్రభుత్వ ఆస్పత్రుల్లో ప్రత్యేక నేత్ర వైద్య శిబిరాలు ఏర్పాటు చేశారు. ఈ శిబిరాల్లో కంటి పరీక్షలు నిర్వహించి, కేటరాక్ట్‌ (అంతరకుసుమం), టేరిజియం (కొయ్యకండ) సమస్యలున్న వారిని గుర్తించి ఆపరేషన్లు పూర్తి చేశారు. కంటి వైద్య నిపుణురాలు డాక్టర్‌ శ్యామల పర్యవేక్షణలో..పార్వతీపురంలో డాక్టర్లు వెంకటేష్‌, శ్రావణి, పాలకొండలో డాక్టర్‌ భరణిశ్రీ ఈ శస్త్రచికిత్సలు నిర్వహించారు. రోగులకు కళ్లజోళ్లు, మందులు అందజేసి డిశ్చార్జ్‌ చేసినట్లు అంధత్వ నివారణ సంస్థ ప్రోగ్రామ్‌ మేనేజర్‌ డాక్టర్‌ జగన్మోహన్‌, వైద్యాధికారి డాక్టర్‌ నగేష్‌ రెడ్డి తెలిపారు. రోగులకు వసతి, భోజన సదుపాయాలు ఉచితంగా కల్పించారు. ఇళ్లకు వెళ్తున్న వారికి తీసుకోవాల్సిన జాగ్రత్తలు, ఆహార నియమాలను ఆఫ్తాల్మిక్‌ అధికారులు కృష్ణారావు, లక్ష్మణరావు వివరించారు. ఉచితంగా ఆపరేషన్లు చేసి కంటిచూపు అందించడం పట్ల రోగులు హర్షం వ్యక్తం చేశారు. కార్యక్రమంలో నర్సింగ్‌ విద్యార్థులు, ఆశ కార్యకర్తలు పాల్గొన్నారు.

వేపాడ: మండలంలోని రామస్వామిపేట గ్రామానికి చెందిన పత్రి రామయ్యమ్మ పదినెలల క్రితం ఇల్లు విడిచి వెల్లిపోవడంతో ఆమె ఆచూకీని వల్లంపూడి పోలీసులు కనిపెట్టారు. ఈ కేసుకు సంబంధించి పోలీసులు తెలిపిన వివరాలు ఇలా ఉన్నాయి. వేపాడ మండలంలోని రామస్వామిపేట గ్రామానికి చెందిన పత్రి రామయ్యమ్మ 2025 డిసెంబర్‌ 24న ఇల్లు విడిచి వెళ్లిపోయినట్లు ఆమె కుమారుడు పత్రి రామునాయుడు 2025 డిసెబర్‌ 31న ఇచ్చిన ఫిర్యాదు మేరకు పోలీసులు కేసు నమోదు చేశారు. నాటినుంచి దర్యాప్తు చేస్తున్న పోలీసులు చివరకు ఆమె రాయిపూర్‌లో ఉన్నట్లు గుర్తించి గురువారం వల్లంపూడి పోలీసు స్టేషన్‌కు తీసుకొచ్చి కుమారుడు రామునాయుడికి అప్పగించారు.

● పార్టీలో చేరిన వారలో ఐటీడీపీ ఇన్చార్జ్‌ షన్ముఖరావు ● ఆహ్వానించిన వైఎస్సార్‌సీపీ రాజాం ఇన్‌చార్జ్‌ డాక్టర్‌ తలే రాజేష్‌రాజాం: మున్సిపల్‌ ఎన్నికల వేళ రాజాం వైఎస్‌ఆర్‌ కాంగ్రెస్‌ పార్టీలో జోష్‌ కనిపిస్తోంది. ఎన్నికల నోటిఫికేషన్‌ వచ్చిన రోజునే పట్టణంలోని డోలపేటకు చెందిన వంద టీడీపీ కుటుంబాల వారు వైఎస్‌ఆర్‌ కాంగ్రెస్‌ పార్టీలో చేరారు. రాజాంలోని వైఎస్‌ఆర్‌ కాంగ్రెస్‌ పార్టీ కార్యాలయంలో గురువారం ఈ చేరికల నిర్వహించారు. డోలపేటకు చెందిన రాజాం టీడీపీ ఐటీడీపీ ఇన్‌చార్జ్‌ గులివిందల షన్ముఖరావుతో పాటు మరో వందకుటుంబాలు వైఎస్‌ఆర్‌సీపీ తీర్థం పుచ్చుకున్నాయి. పార్టీ రాజాం నియోజకవర్గ ఇన్‌చార్జ్‌ డాక్టర్‌ తలే రాజేష్‌ వారికి పార్టీ కండువాలు వేసి పార్టీలోకి సాదరంగా ఆహ్వానించారు. మున్సిపల్‌ ఎన్నికల వేళ టీడీపీ కుటుంబాలు వైఎస్‌ఆర్‌సీపీలో చేరడం ఆనందంగా ఉందని ఆయన అన్నారు. పార్టీలో చేరినవారంతా సమన్వయంతో ఉండాలని, రాజాం మున్సిపల్‌ ఎన్నికల్లో పార్టీని గెలిపించాలని కోరారు. ఇప్పుడు కష్టపడే ప్రతి కార్యకర్తకు భవిష్యత్తులో మంచి భరోసా ఉంటుందని వెల్లడించారు. పార్టీలో చేరిన షన్ముఖరావుతో పాటు మరికొంతమంది మాట్లాడుతూ టీడీపీలో వ్యక్తిగత ప్రయోజనాలు అధికమయ్యాయని, సామాన్యులకు న్యాయం జరగడంలేదని, దందాలు, దోపిడీలు అధికమవడం, ఇచ్చిన మాట నిలబెట్టుకోకపోవడంతో తామంతా పార్టీని మారుతున్నామన్నారు. డోలపేట ప్రజలకు న్యాయం చేయడంలో టీడీపీ విఫలమైందని, వైఎస్‌ఆర్‌ కాంగ్రెస్‌ పార్టీని పట్టణంలో గెలిపించి, టీడీపీ నేతలకు బుద్ధి చెబుతామన్నారు. కార్యక్రమంలో పార్టీ రాజాం టౌన్‌ కన్వీనర్‌ పాలవలస శ్రీనివాసరావు, చీపురుపల్లి నియోజకవర్గ పార్టీ యువజనవిభాగం అధ్యక్షుడు బెల్లాన వంశీకృష్ణ, వైఎస్‌ఆర్‌ కాంగ్రెస్‌ పార్టీ కార్యకర్తలు, నాయకులు పాల్గొన్నారు.

పార్వతీపురం రూరల్‌: మండలంలోని లక్ష్మీనారాయణపురం మలుపు వద్ద ప్రయాణికులతో వెళ్తున్న ఓ లగేజీ ఆటో అదుపుతప్పి బోల్తా పడింది. హెచ్‌పీ గ్యాస్‌ సిలిండర్ల రవాణాకు వినియోగించే ఈ ఆటోలో ప్రయాణికులను తీసుకువెళ్తుండగా మలుపు వద్ద ఈ ప్రమాదం జరిగింది. ప్రమాద సమయంలో వాహనంలో ఐదుగురు నుంచి ఆరుగురు ప్రయాణికులు ఉన్నట్లు తెలిసింది. ఆటో ఒక్కసారిగా పల్టీ కొట్టడంతో అందులో ప్రయాణిస్తున్న వారిలో ముగ్గురికి తీవ్ర గాయాలయ్యాయి. క్షతగాత్రులను హుటాహుటిన మెరుగైన వైద్య చికిత్స నిమిత్తం జిల్లా కేంద్ర ఆస్పత్రికి తరలించారు. ప్రమాదానికి గురైన ఆటోలో నలుగురు పెద్దవారితో పాటు, ఇద్దరు పాఠశాల విద్యార్థులు కూడా ఉన్నారు. ఈ ఘటనలో ఆ విద్యార్థులకు ఎలాంటి ముప్పు వాటిల్లలేదు, కేవలం స్వల్ప గాయాలతో వారు సురక్షితంగా బయటపడ్డారు. ఆటో నడుపుతున్న డ్రైవర్‌కు సైతం ఈ ప్రమాదంలో స్వల్ప గాయాలయ్యాయి.

● ఎన్నికల నిర్వహణలో లోటుపాట్లకు తావివ్వొద్దు ● అధికారులకు కలెక్టర్‌ ఎస్‌. రాంసుందర్‌ రెడ్డి ఆదేశాలువిజయనగరం రూరల్‌: జిల్లాలో ఈ నెల 19, 20 తేదీల్లో నిర్వహించనున్న మండల ప్రజా పరిషత్‌ (ఎంపీపీ), జిల్లా ప్రజా పరిషత్‌ (జెడ్పీ), కో–ఆప్టెడ్‌ సభ్యులు, అధ్యక్ష, ఉపాధ్యక్షుల పరోక్ష ఎన్నికలను ప్రశాంతంగా, పారదర్శకంగా, సమర్థవంతంగా నిర్వహించేందుకు పకడ్బందీ ఏర్పాట్లు చేపట్టాలని కలెక్టర్‌ ఎస్‌. రాంసుందర్‌ రెడ్డి అధికారులను ఆదేశించారు. ఎన్నికల నిర్వహణకు సంబంధించి గురువారం నిర్వహించిన శిక్షణ కార్యక్రమంలో ఎన్నికల సన్నద్ధత, ఏర్పాట్లపై సమగ్రంగా సమీక్షించి, ప్రిసైడింగ్‌ అధికారులు, ఎంపీడీవోలు, జెడ్పీ అధికారులకు కలెక్టర్‌ పలు సూచనలు చేశారు. ఈ సందర్భంగా మాట్లాడుతూ, ఈ నెల 19న మండల ప్రజా పరిషత్‌ అధ్యక్ష, ఉపాధ్యక్షుల ఎన్నికలు, న20న జిల్లా ప్రజా పరిషత్‌ చైర్‌పర్సన్‌, వైస్‌ చైర్‌పర్సన్‌ ఎన్నికలు నిర్వహించనున్నట్లు తెలిపారు. అదే రోజుల్లో కో– ఆప్టెడ్‌ సభ్యుల ఎన్నికలు కూడా నిర్వహిస్తామని పేర్కొన్నారు. ఈ ఎన్నికల్లో సభ్యులు చేతులెత్తే విధానం ద్వారా తమ ఓటు హక్కును వినియోగించుకుంటారని ఆయన తెలిపారు.ఎన్నికల సమావేశాలకు హాజరు కావాల్సిందిగా గెలుపొందిన ఎంపీటీసీ, జెడ్పీటీసీ సభ్యులందరికీ ఈ నెల 14 లోగా లేదా అంతకంటే ముందుగానే నోటీసులు అందజేయాలని అధికారులకు సూచించారు. కో ఆప్టెడ్‌ సభ్యుల ఎన్నికకు అర్హతలు ఎన్నికల ప్రక్రియలో ముందుగా కో–ఆప్టెడ్‌ సభ్యులను ఎన్నుకోనున్నట్లు కలెక్టర్‌ తెలిపారు. మతపరమైన మైనారిటీలైన ముస్లిం, క్రైస్తవ, బౌద్ధ, సిక్కు మతాలకు చెందినవారు, అలాగే తెలుగు భాష మినహా ఇతర భాషలను మాతృ భాషగా కలిగిన వారు భాషాపరమైన మైనారిటీలుగా అర్హులవుతారని వివరించారు. కోఆప్టెడ్‌ సభ్యులుగా పోటీ చేయాలనుకునే వారు, తమ మైనారిటీ అర్హతను ధ్రువీకరించే పత్రాన్ని ఎంపీ, ఎమ్మెల్యే లేదా గెజిటెడ్‌ అధికారి నుంచి పొంది సమర్పించాల్సి ఉంటుందని తెలిపారు. ఎన్నికల షెడ్యూల్‌ నవంబర్‌ 19న నిర్వహించే ఎంపీపీ అధ్యక్ష, ఉపాధ్యక్షులు, కోఆప్టెడ్‌ సభ్యుల ఎన్నికలకు సంబంధించి ఉదయం 10 గంటలలోపు నామినేషన్లు లేదా ఫారం అ, ఆ లు స్వీకరిస్తారు. మధ్యాహ్నం 12 గంటలలోపు నామినేషన్ల పరిశీలన పూర్తి చేస్తారు. మధ్యాహ్నం ఒంటి గంటలోపు నామినేషన్ల ఉపసంహరణ ప్రక్రియ ముగుస్తుంది. అనంతరం మధ్యాహ్నం ఒంటి గంటకు కోఆప్టెడ్‌ సభ్యుల ఎన్నిక, మధ్యాహ్నం 3 గంటలకు ఎంపీపీ అధ్యక్ష, ఉపాధ్యక్షుల ఎన్నిక నిర్వహిస్తారు.అదేవిధంగా నవంబర్‌ 20న నిర్వహించే జెడ్పీ కోఆప్టెడ్‌ సభ్యులు, చైర్‌పర్సన్‌, వైస్‌ చైర్‌పర్సన్‌ ఎన్నికలకు కూడా ఇదే విధమైన సమయపాలన పాటించాలని కలెక్టర్‌ సూచించారు. కోరం, భద్రతా ఏర్పాట్లపై ప్రత్యేక దృష్టి ఎన్నికల సమావేశాలకు అవసరమైన కోరం గెలుపొందిన సభ్యులలో సగం మంది హాజరుతో ఏర్పడుతుందని కలెక్టర్‌ తెలిపారు. నిర్ణీత సమయానికి కోరం లేని పక్షంలో ఒక గంట వరకు వేచి చూడాలని, అప్పటికీ కోరం సమకూరకపోతే ఎన్నికను మరుసటి రోజుకు వాయిదా వేయాలని సూచించారు. మరుసటి రోజు కూడా ఎన్నిక నిర్వహించడం సాధ్యం కాని పరిస్థితుల్లో తదుపరి ఎన్నికల తేదీని రాష్ట్ర ఎన్నికల సంఘం నిర్ణయిస్తుందని తెలిపారు.ఎన్నికల సమావేశాలకు సంబంధిత సభ్యులు, నిబంధనల ప్రకారం అర్హులైన ఎక్స్‌ అఫీషియో సభ్యులు మినహా ఇతర వ్యక్తులను అనుమతించరాదని స్పష్టం చేశారు. సంబంధిత మండలానికి చెందిన ఎంపీ, ఎమ్మెల్యే, మండలం లో ఓటు హక్కు ఉన్న ఎమ్మెల్సీలు ఎక్స్‌ అఫీషియో సభ్యులుగా హాజరుకావచ్చని తెలిపారు.ఎన్నికల నిర్వహణలో ప్రతి అంశాన్ని నిబంధనల ప్రకారం చేపట్టాలని, విధుల పట్ల అప్రమత్తంగా ఉంటూ ఎలాంటి పొరపాట్లకు, లోటుపాట్లకు తావులేకుండా సమన్వయంతో పనిచేయాలని అధికారులను కలెక్టర్‌ ఆదేశించారు. సమావేశంలో రిటర్నింగ్‌ అధికారులు, జెడ్పీ సీఈవో కిరణ్‌కుమార్‌, జెడ్పీ డిప్యూటీ సీఈవో లవరాజు, ఎంపీడీవోలు, ఇతర సంబంధిత అధికారులు పాల్గొన్నారు.సమావేశంలో మాట్లాడుతున్న కలెక్టర్‌ ఎస్‌.రాంసుందర్‌ రెడ్డి

వీరఘట్టం: మండలంలోని నడుకూరు రెవెన్యూ పరిధిలో గల మండల పరిషత్‌ కార్యాలయం వెనుక ఉన్న లెంక దుర్గాప్రసాదరావు చెరుకు తోటలో గురువారం అగ్ని ప్రమాదం సంభవించింది. ఈ పొలం గుండా వెళ్తున్న 11 కేవీ విద్యుత్‌ వైర్లు గాలికి ఊగి రాపిడి జరగడం వల్లే ఈ అగ్ని ప్రమాదం జరిగి ఉంటుందని రైతు భావిస్తున్నాడు. దట్టమైన పొగ రావడంతో అగ్ని ప్రమాదం జరిగినట్లు సమీపంలో ఉన్న రైతులు గుర్తించారు.అప్పటికే పొలం మొత్తం మంటలు వ్యాపించి చెరుకు పంట కాలిపోయింది. ఈ ప్రమాద విషయాన్ని పాలకొండ అగ్నిమాపక కేంద్రానికి తెలియజేయడంతో వారు వచ్చి మంటలు అదుపు చేశారు. అయితే అప్పటికే సుమారు 3.5 ఎకరాల చెరుకు పంట పూర్తిగా కాలిపోయింది. ఈ విషయం తెలియడంతో ఆర్‌ఐ రవితేజ, వీఆర్‌ఓ ఎల్‌.ఫణిమాధవ్‌లు సంఘటనా స్థలానికి వెళ్లి పరిస్థితి పరిశీలించారు. ప్రస్తుతం చెరుకు ధరను బట్టి సుమారు రూ.3 లక్షల వరకు నష్టం ఉంటుందని అంచనా వేశారు. ఈ విషయాన్ని ఉన్నతాధికారులకు తెలియజేశామన్నారు.

గుర్ల: మండలంలోని కెల్ల హైస్కూల్‌ విద్యార్థులు సామంతుల కుసుమాంజలి, కర్రోతు దివ్యశ్రీ బాలికల విభాగంలో, గుత్తి లక్ష్మణరావు బాలుర విభాగంలో రాష్ట్ర స్థాయి ఖోఖో పోటీలకు ఎంపికై నట్లు పీడీ సత్యనారాయణ గురువారం తెలిపారు. వారు ఈనెల 14 నుంచి 16 వరకు గుడివాడలో జరగబోయే రాష్ట్రస్థాయి ఖోఖో పోటీలలో పాల్గొంటారని తెలిపారు. ఖోఖో పోటీలకు ఎంపికై న విద్యార్థులను హెచ్‌ఎం లీలాకుమారి, ఉపాధ్యాయులు అభినందించారు. మహిళకు తీవ్ర గాయాలుబొబ్బిలి: పట్ణణంలోని ముస్లిం వీధికి చెందిన షేక్‌ రజియాబేగం అనే మహిళ గురువారం స్థానిక ఆర్టీసీ కాంప్లెక్స్‌లో బస్సు దిగుతుండగా డ్రైవర్‌ లాగించేయడంతో తీవ్రంగా గాయపడింది. దీనిపై స్థానికులు చెప్పిన వివరాల ప్రకారం ఒక బస్సు ఎక్కాల్సింది పోయి మరో బస్సు ఎక్కి ఆమె దిగుతోంది. ఈ విషయంలో డ్రైవర్‌కు బస్సు ఆపమని చెప్పి ఆమె దిగిపోతుండగా డ్రైవర్‌ ఒక్కసారిగా లాగించేయడంతో మోకాళ్ల కింద భాగాలు దెబ్బ తిన్నాయి. వెంటనే స్థానికులు ఆస్పత్రికి తరలించగా చికిత్స పొందుతోంది. విజయనగరం ఫోర్ట్‌: నిమోనియా వ్యాధి వల్ల సంభవించే మరణాలు తగ్గించాలని కలెక్టర్‌ రాంసుందర్‌ రెడ్డి అన్నారు. ఈ మేరకు నిమోనియాపై రుపొందించిన వాల్‌ పోస్టర్లను కలెక్టరేట్‌లో గురువారం ఆయన ఆవిష్కరించారు. ఈ సందర్బంగా మాట్లాడుతూ ఈనెల 12 వతేదీ నుంచి 28వతేదీ వరకు నిమోనియా వ్యాధిపై అవగాహన ప్రచార కార్యక్రమాన్ని నిర్వహించనున్నట్లు తెలిపారు. నిమోనియా వ్యాధి లక్షణాలు, వ్యాధిని గుర్తించడం, చికిత్స గురించి ప్రజలకు వివరించాలని సూచించారు. నిమోనియా వ్యాధికి సకాలంలో చికిత్స అందించాలని స్పష్టం చేశారు. కార్యక్రమంలో డీఎంహెచ్‌ఓ డాక్టర్‌ ఎస్‌. జీవనరాణి, జెడ్పీ సీఈఓ కిరణ్‌కుమార్‌, డిప్యూటీ సీఈఓ లోవరాజు, డ్వామా పీడీ శారదాదేవి, డిప్యూటీ డీఎంహెచ్‌ఓ డాక్టర్‌ ఎన్‌.సూర్యనారాయణ, డీఎల్‌ఓ డాక్టర్‌ రాణి తదితరులు పాల్గొన్నారు. బొలెరో ఢీకొని యువకుడి మృతివిజయనగరం టౌన్‌: విజయనగరం మండలంలోని కోరుకొండ కొత్తూరుకి చెందిన జి.రాకేష్‌ (21) గురువారం జరిగిన రోడ్డు ప్రమాదంలో మృతి చెందాడు. రాకేష్‌ తన బైక్‌ను వీటీ అగ్రహారం పాత కోర్టు సమీపంలో ఉన్న వాటర్‌ వాష్‌ చేయించుకున్నాడు. తిరిగి తన బైక్‌ను గురువారం రాత్రి తీసుకువెళ్లేందుకు సిద్ధమయ్యాడు. హెల్మెట్‌ను పెట్టుకోకుండా బైక్‌కు తగిలించుకుని, డివైడర్‌ దాటి అవతలి రోడ్డువైపు దాటే ప్రయత్నంలో అటునుంచి వేగంగా వస్తున్న బొలెరో వాహనం ఢీకొట్టింది. ఈ ప్రమాదంలో రాకేష్‌ తల డివైడర్‌కు బలంగా తగిలి తీవ్రరక్తస్రావమైంది. వెంటనే స్థానికులు కేంద్రాస్పత్రికి తరలించగా చికిత్స పొందుతూ కొద్ది క్షణాల్లోనే మృతిచెందాడు. హెల్మెట్‌ ధరించి ఉంటే ప్రాణం దక్కేదని స్థానికులు చెబుతున్నారు. ఇంటి పెద్దకొడుకు మృతితో ఆ కుటుంబంలో విషాధఛాయలు అలుముకున్నాయి. మృతుడి తండ్రి రాంబాబు ఫిర్యాదుతో రూరల్‌ ఎస్సై వెలమల ప్రసాదరావు కేసు నమోదుచేసి దర్యాప్తు చేస్తున్నారు. ఎదురెదురుగా బైక్‌ల ఢీ: ఇద్దరికి గాయాలుపార్వతీపురం రూరల్‌: గరుగుబిల్లి మండల పరిధిలోని కొత్తపల్లి రైస్‌మిల్లు సమీపంలో రెండు ద్విచక్ర వాహనాలు ఎదురెదురుగా ఢీకొనడంతో జరిగిన ప్రమాదంలో ఇద్దరు వ్యక్తులు గాయపడ్డారు. బలిజిపేట మండలం పెద్ద అరసాడ నుంచి పార్వతీపురం వైపు వెళ్తున్న మహేశ్వరరావు, అలాగే పార్వతీపురం నుంచి వస్తున్న వసాది ప్రసాద్‌ల బైక్‌లు కొత్తపల్లి కూడలి వద్ద ఢీకొన్నాయి. మహేశ్వరరావు గరుగుబిల్లిలోని శివ సాయిబాబా గుడి వద్ద ప్రైవేట్‌ ఎలక్ట్రీషియనన్‌గా పనిచేస్తుండగా, వసాది ప్రసాద్‌ ఓ ప్రైవేట్‌ ఫైనాన్స్‌ సంస్థలో మేనేజర్‌గా విధులు నిర్వర్తిస్తున్నాడు. వృత్తిపరమైన పనుల మీద వెళ్లి వారు తిరిగి వస్తుండగా ఈ ప్రమాదం జరిగింది. ఈ ప్రమాదంలో రెండు బైక్‌లు ధ్వంసమయ్యాయి. ద్విచక్ర వాహనదారులిద్దరికీ గాయాలు కాగా, చికిత్స నిమిత్తం జిల్లా కేంద్రాస్పత్రికి తరలించగా ప్రస్తుతం ఇద్దరూ చికిత్స పొందుతున్నారు.

● ఆస్తి కోసం సొంత తమ్ముడి అకృత్యాలు ● అన్న దివ్యాంగుడిని గెంటేసే కుట్ర ● న్యాయం కోసం కలెక్టరేట్‌ మెట్లెక్కిన బాధితుడుపార్వతీపురం రూరల్‌: దివ్యాంగుడినైన నన్ను, నా భార్యాపిల్లలను రోడ్డున పడేసేందుకు నా సొంత తమ్ముడే దౌర్జన్యానికి దిగుతున్నాడు. ఇంట్లో తాగేందుకు నీళ్లు కూడా ఇవ్వకుండా నానా అవస్థలకు గురిచేస్తున్నాడు. అని పార్వతీపురం మండలం సుడిగాం గ్రామానికి చెందిన గొరజాన నరేంద్రనాయుడు ఆవేదన వ్యక్తం చేశాడు. ఆస్తి కోసం కన్నవారే తనను భయభ్రాంతులకు గురిచేస్తున్నారని, తనకు న్యాయం చేయాలని కోరుతూ కలెక్టరేట్‌ను ఆశ్రయించారు.బాధితుడు నరేంద్రనాయుడు తెలిపిన వివరాల ప్రకారం..ఆయనకు తాతగారు 1999 మార్చి 10న రిజిస్టర్డ్‌ సెటిల్‌మెంట్‌ ద్వారా ఒక పెంకుటిల్లు ఇచ్చారు. సుమారు 26 ఏళ్లుగా ఆ ఇంటి పన్నులు, విద్యుత్‌ బిల్లులు చెల్లిస్తూ ఆయన తన భార్య, ఇద్దరు ఆడపిల్లలతో కలిసి అక్కడే నివసిస్తున్నారు. తల్లిదండ్రులకు సొంత ఇల్లు ఉన్నప్పటికీ, సోదరుడు జగదీశ్వరరావు తన కుటుంబంతో వచ్చి నరేంద్రనాయుడి ఇంట్లోకి అక్రమంగా ప్రవేశించాడు. ఆ ఇల్లు తనదేనని పెద్దల ముందు బుకాయిస్తూ, తన పేరున విద్యుత్‌ మీటరు తెప్పించి, దివ్యాంగుడినైన తనను కొట్టేందుకు ప్రయత్నిస్తూ తీవ్ర ఇబ్బందులకు గురిచేస్తున్నాడని బాధితుడు వాపోయాడు. మరోవైపు, నరేంద్రనాయుడి దివ్యాంగత్వాన్ని దృష్టిలో ఉంచుకుని జీవనాధారంగా తండ్రి మధుసూదనరావు, తమ్ముడు జగదీశ్వరరావు కలిసి 2018 ఏప్రిల్‌ 4న గ్రామ పెద్దల సమక్షంలో స్థిరాస్తి అయిన పల్లం భూమిని రెండు ఎకరాలు రాసిచ్చారు. అప్పటి నుంచి ఆ భూమిపై వచ్చే ఫలసాయంతోనే ఆయన కుటుంబం జీవనం సాగిస్తోంది. అయితే, ప్రస్తుతం గ్రామంలో జరుగుతున్న రీ–సర్వేను ఆసరాగా చేసుకుని, ఆ భూమిని కూడా తన తమ్ముడు, తండ్రి వారి పేర్లపై రాయించుకునేందుకు సిద్ధపడుతున్నారని బాధితుడు ఆవేదన వ్యక్తం చేశాడు. ఇంటి, భూమి పత్రాలు తన పేరుపైనే ఉన్నప్పటికీ తనపై దౌర్జన్యం చేస్తుండడంతో స్థానిక పోలీసులను ఆశ్రయించినా వారు ఏమాత్రం స్పందించలేదని ఆయన వాపోయాడు. విధిలేని పరిస్థితుల్లో తనకు న్యాయం చేయాలని కోరుతూ పార్వతీపురం సబ్‌ కలెక్టర్‌, కలెక్టర్లకు ఆయన వినతిపత్రాలు సమర్పించాడు. సదరు పల్లం భూమిని రీ–సర్వేలో తన పేరున నమోదు చేసి పట్టాదారు పాస్‌పుస్తకం మంజూరు చేయాలని, తన వారి దౌర్జన్యం నుంచి రక్షణ కల్పించి తన ఆస్తి తనకు దక్కేలా చూడాలని నరేంద్రనాయుడు అధికారులను వేడుకుంటున్నాడు.

విజయనగరం రూరల్‌: జిల్లాలో రెండో సాధారణ గ్రామ పంచాయతీ ఎన్నికల సమరానికి సర్వం సిద్ధమైంది. ఇప్పటికే మున్సిపల్‌, పరిషత్‌ ఎన్నికల ప్రక్రియ ముగియడంతో ఇప్పుడు పల్లెల్లో ప్రజాప్రతినిధుల ఎంపికకు కసరత్తు ప్రారంభమైంది. గ్రామ సర్పంచ్‌లు, వార్డు సభ్యుల ఎన్నికల నిర్వహణకు రాష్ట్ర ఎన్నికల సంఘం కార్యాచరణ రూపొందిస్తోంది. ఇందులో భాగంగా విజయనగరం జిల్లాకు సంబంధించి మూడు విడతలుగా ఎన్నికలు జరగనున్నాయి. ఈ నెల 13న తొలివిడత, 16న రెండో విడత, 19న మూడో విడత ఎన్నికల నోటిఫికేషన్లు విడదల చేయనున్నారు. దీంతో జిల్లాలో గ్రామీణ రాజకీయ వాతావరణం వేడెక్కనుంది. విజయనగరం జిల్లాలోని 27 మండలాల పరిధిలో ఉన్న 773 గ్రామ పంచాయతీలు, 7,292 వార్డులు, 7,368 పోలింగ్‌ కేంద్రాల పరిధిలో 12,78,757 మంది ఓటర్లు తమ ఓటు హక్కును వినియోగించుకోనున్నారు. న్యాయస్థానంలో కేసులు పెండింగ్‌లో ఉన్న గరివిడి, డెంకాడ మండలాల్లోని నాలుగు గ్రామ పంచాయతీలను మినహాయించి మిగిలిన 773 పంచాయతీలకు ఎన్నికలు జరగనున్నాయి. సిబ్బంది, బ్యాలెట్‌ బాక్సులు, వాహనాలు సిద్ధం నామినేషన్ల కేంద్రాలు: మూడు విడతల్లో కలిపి 222 నామినేషన్ల స్వీకరణ కేంద్రాలను అన్ని మౌలిక సదుపాయాలు, సిబ్బందితో సిద్ధం చేశారు. ఎన్నికల నిర్వహణకు అవసరమైన 8,866 బ్యాలెట్‌ బాక్సులతో పాటు 20 శాతం అదనపు నిల్వను అందుబాటులో ఉంచారు. పోలింగ్‌ సిబ్బంది, ఎన్నికల సామగ్రి తరలింపునకు 121 వాహనాలను, ప్రవర్తనా నియమావళి అమలును పర్యవేక్షించేందుకు 53 ఫ్లయింగ్‌ స్క్వాడ్‌ వాహనాలను సిద్ధం చేశారు. రిటర్నింగ్‌, సహాయ రిటర్నింగ్‌, ప్రిసైడింగ్‌ అధికారుల నియామకంతో పాటు సిబ్బంది ర్యాండమైజేషన్‌ ప్రక్రియను ఎన్నికల సంఘం నిబంధనల ప్రకారం పారదర్శకంగా నిర్వహిస్తున్నారు. ఎన్నికల ప్రవర్తనా నియమావళి (కోడ్‌) అమలు, వ్యయ పరిశీలన, రోజువారీ నివేదికల సమర్పణపై అధికారులు నిరంతరం అప్రమత్తంగా ఉండాలని, ఎలాంటి లోటుపాట్లకు తావివ్వొద్దని కలెక్టర్‌ ఇప్పటికే స్పష్టమైన ఆదేశాలు జారీ చేశారు. జిల్లాలో ఎన్నికలు జరగనున్న పంచాయతీలు పంచాయతీలు: 773 వార్డులు: 7,292 పోలింగ్‌ స్టేషన్లు: 7,368 ఓటర్ల వివరాలు ఎస్టీ: 30,550 ఎస్సీ: 1,33,031 బీసీ: 10,37,030 ఇతరులు: 83,372 పురుషులు:6,32,537 మహిళలు:6,46,183 ఇతరులు: 37 మొత్తం: 12,78,757 సర్పంచుల రిజర్వేషన్లు ఇలా... ఎస్సీ: 83 ఎస్టీ: 18 బీసీ: 279 జనరల్‌: 395 మహిళలు: 379 పురుషులు: 396 మొదటి విడత (నవంబర్‌ 26): 9 మండలాల్లోని 235 గ్రామ పంచాయతీలకు పోలింగ్‌ నిర్వహిస్తారు. నేడు (13న) నోటిఫికేషన్‌ విడుదల కానుండగా, 15న ఆర్వో నోటీసు జారీ, 17 వరకు నామినేషన్ల స్వీకరణ, 18న పరిశీలన, 21న ఉపసంహరణ ప్రక్రియ ఉంటాయి. 26న పోలింగ్‌ నిర్వహించి అదే రోజు సాయంత్రం ఫలితాలు వెల్లడిస్తారు. రెండో విడత (నవంబర్‌ 29): 9 మండలాల్లోని 255 గ్రామ పంచాయతీలకు ఎన్నికలు జరుగుతాయి. ఈ నెల 16న నోటిఫికేషన్‌ విడుదలై, 20 వరకు నామినేషన్ల స్వీకరణ, 24న ఉపసంహరణ ప్రక్రియ పూర్తవుతాయి. 29న పోలింగ్‌, కౌంటింగ్‌ నిర్వహిస్తారు. మూడో విడత (డిసెంబర్‌ 2): 9 మండలాల్లోని 283 గ్రామ పంచాయతీలకు పోలింగ్‌ జరగనుంది. ఈ నెల 19న నోటిఫికేషన్‌, 23 వరకు నామినేషన్ల స్వీకరణ, 27న ఉపసంహరణ ఉంటాయి. డిసెంబర్‌ 2న పోలింగ్‌ నిర్వహించి ఫలితాలను ప్రకటిస్తారు. తొలి విడతకు నేడు నోటిఫికేషన్‌ మూడు విడతల్లో గ్రామ పంచాయతీ ఎన్నికల నిర్వహణ నవంబర్‌ 26, 29, డిసెంబర్‌ 2 తేదీల్లో పోలింగ్‌.. అదే రోజు ఫలితాలు గజిబిజిగా షెడ్యూల్‌: పంచాయతీ ఎన్నికలకు సంబంధించి జిల్లాలో మూడు విడతల్లో ఎన్నికలు నిర్వహించడానికి అధికారులు సమాయత్తమవ్వగా దానికి సంబంధించి కొన్ని మండలాల ఎన్నికల షెడ్యూల్‌ను అధికారులు మార్పు చేశారు. అయితే షెడ్యూల్‌ మార్చినా మండలాలల్లోని పంచాయతీల సమాచారాన్ని మీడియాకు అధికారికంగా గురువారం రాత్రి వరకు విడుదల చేయకపోవడం విశేషం. సున్నిత, సమస్యాత్మక కేంద్రాలపై ప్రత్యేక నిఘా ఎన్నికల ప్రక్రియలో ఎలాంటి అవాంఛనీయ సంఘటనలకు తావులేకుండా జిల్లా యంత్రాంగం ముందస్తు భద్రతా చర్యలు చేపట్టింది. జిల్లాలో గుర్తించిన 181 సున్నిత, 111 అతి సున్నిత, 36 సమస్యాత్మక గ్రామ పంచాయతీల పరిధిలోని పోలింగ్‌ కేంద్రాల వద్ద ప్రత్యేక పోలీస్‌ బందోబస్తు, సీసీ కెమెరాలతో నిఘా ఏర్పాట్లు చేశారు.

పూసపాటిరేగ: విశాఖపట్నంలో నిర్వహిస్తున్న సీఐఐ సమ్మిట్‌కు విచ్చేసిన గవర్నర్‌ అబ్దుల్‌ నజీర్‌, ముఖ్యమంత్రి ప్రత్యేక ప్రధాన కార్యదర్శి కె. విజయానంద్‌, ముఖ్యమంత్రి కార్యదర్శి ప్రద్యుమ్నలకు కలెక్టర్‌ స్వాగతం పలికారు. ఈ మేరకు భోగాపురంలోని అల్లూరిసీతారామరాజు అంతర్జాతీయ విమానాశ్రయంలో కలెక్టర్‌ ఎస్‌. రాంసుందరరెడ్డి, ఐజీపీ గోపీనాథ్‌ జెట్టీ, ఎస్పీ ఎఆర్‌ దామోదర్‌లు గురువారం వారిని మర్యాద పూర్వకంగా కలిసి స్వాగతించారు. సంక్షేమ వసతిగృహాల్లో ఆకస్మిక తనిఖీలు ● మౌలిక సదుపాయాలు, భోజన నాణ్యతపై సీనియర్‌ సివిల్‌ జడ్జి ఆరా విజయనగరం లీగల్‌: విజయనగరం పట్టణంలోని పలు సంక్షేమ వసతి గృహాలను జిల్లా న్యాయ సేవాధికార సంస్థ (డీఎల్‌ఎస్‌ఏ) కార్యదర్శి, సీనియర్‌ సివిల్‌ జడ్జి డాక్టర్‌ ఎ.కృష్ణప్రసాద్‌ గురువారం ఆకస్మికంగా తనిఖీ చేశారు. పట్టణంలోని ప్రీ–మెట్రిక్‌ సోషల్‌ వెల్ఫేర్‌ బాలుర వసతి గృహం, పోస్టుమెట్రిక్‌ ప్రభుత్వ సోషల్‌ వెల్ఫేర్‌ బాలుర వసతిగృహం–2, పోస్టు మెట్రిక్‌ ప్రభుత్వ బీసీ బాలుర వసతి గృహం–2లను ఆయన సందర్శించారు. అక్కడి పరిస్థితులను సమీక్షించారు. వసతి గృహాల్లో విద్యార్థులకు కల్పిస్తున్న మౌలిక సదుపాయాలు, తాగునీరు, పారిశుద్ధ్యం, మరుగుదొడ్లు, విద్యుత్‌ సౌకర్యం, వంటగది, భోజన వసతి, పరిసరాల పరిశుభ్రతను పరిశీలించారు. అనంతరం విద్యార్థులతో నేరుగా మాట్లాడి భోజనం నాణ్యత, తాగునీరు తదితర సౌకర్యాలపై ఆరా తీశారు. ఏవైనా ఇబ్బందులు ఉంటే నిర్భయంగా తమ దృష్టికి తీసుకురావాలని విద్యార్థులకు సూచించారు. విద్యార్థులకు మెరుగైన వసతి, ఆరోగ్యకరమైన వాతావరణం, నాణ్యమైన పౌష్టికాహారం అందించడం సంబంధిత అధికారుల బాధ్యత అని జడ్జి పేర్కొన్నారు. విద్యార్థులు ప్రస్తావించిన సమస్యలను తక్షణమే పరిష్కరించాలని అధికారులను ఆదేశించారు. విద్యార్థుల సంక్షేమం, హక్కుల పరిరక్షణకు జిల్లా న్యాయ సేవాధికార సంస్థ ఎల్లప్పుడూ అండగా ఉంటుందని ఆయన స్పష్టం చేశారు. మన్యం సవారీ ఎకో బైక్‌ర్యాలీ సీతంపేట: మన్యం సవారీ ఎకోబైక్‌ ర్యాలీని కలెక్టర్‌ ఎన్‌.ప్రభాకరరెడ్డి, పాలకొండ సబ్‌కలెక్టర్‌, ఐటీడీఏ ఇన్‌చార్జ్‌ పీఓ పవార్‌ స్వప్నిల్‌ జగన్నాథ్‌ ఆధ్వర్యంలో గురువారం సీతంపేటలో నిర్వహించారు. వివి ధ శాఖల అధికారులు, సిబ్బంది యువత ఉత్సాహంగా ఈ ర్యాలీలో పాల్గొన్నారు. ఈ సందర్బంగా స్థానిక అడ్వెంచర్‌ పార్కు నుంచి బెనరాయి జలపాతం వరకు బైక్‌పై సుమారు 12 కిలోమీటర్ల టూర్‌ నిర్వహించారు. బెనరాయి ప్రాంతం ట్రెక్కింగ్‌కు ఎంతో అనుకూలంగా ఉందని, రాత్రి సమయంలో క్యాంపింగ్‌ టెంట్‌లలో కూడా స్టే చేయవచ్చని కలెక్టర్‌ అన్నారు. పర్యాటక రంగాన్ని మరింత అభివృద్ధి చేసి స్థానిక గిరిజనులకు ఉపాధి అవకాశాలు మెరుగుపరుస్తామన్నారు. అంతకుముందు స్థానిక గ్రామస్తులతో మాట్లాడి వారితో సహపంక్తి భోజనం చేసి ఫొటోలు దిగారు. త్వరలో ఈ ప్రాంతాన్ని మరింత పర్యాటకంగా ప్రాచుర్యంలోకి తీసుకువస్తామని కలెక్టర్‌ హామీ ఇచ్చారు.

విజయనగరం ఫోర్ట్‌: ఐసీడీఎస్‌లో సమస్యలు కొలువుదీరాయి. చాలా అంగన్‌వాడీ కేంద్రాలకు సొంత భవనాలు లేవు. అద్దెభవనాలు, ఇరుకు గదుల్లో పిల్లలకు ఆటపాటలతో కూడిన విద్యాబోధన అందించేందుకు టీచర్లు అవస్థలు పడుతున్నారు. విద్యుత్‌ సదుపాయం, మరుగుదొడ్లు లేని భవనాల్లో కేంద్రాల నిర్వహణపై చిన్నారుల తల్లిదండ్రులు అసంృప్తి వ్యక్తంచేస్తున్నారు. ఏళ్ల తరబడి అద్దె భవనాల్లో నిర్వహిస్తున్నప్పటికీ పట్టించుకునే నాథుడే కరువయ్యాడనే ఆరోపణలు వినిపిస్తున్నాయి. 11 ఐసీడీఎస్‌ ప్రాజెక్ట్టులు.. జిల్లాలో 11 ఐసీడీఎస్‌ ప్రాజెక్టు లున్నాయి. బాడంగి, భోగాపురం, బొబ్బిలి, చీపురుపల్లి, గజపతినగరం, గంట్యాడ, గరివిడి, రాజాం, ఎస్‌.కోట, వియ్యంపేట, విజయనగరం ఐసీడీఎస్‌ ప్రాజెక్ట్‌లున్నాయి. వీటి పరిధిలో 2,501 అంగన్‌వాడీ కేంద్రాలున్నాయి. ఇందులో 73 మినీ అంగన్‌వాడీ కేంద్రాలు కాగా 2,428 మెయిన్‌ అంగన్‌వాడీ కేంద్రాలు. 72,447 మంది లబ్ధిదారులు.. జిల్లాలో ఉన్న అంగన్‌వాడీ కేంద్రాల పరిధిలో 72,447 మంది లబ్ధిదారులున్నారు. ఇందులో గర్భిణులు 6,601 మంది, బాలింతలు 7,483 మంది ఉన్నారు. ఆరు నెలల్లోపు చిన్నారులు 6,927 మంది , ఏడు నెలల నుంచి 3 సంవత్సరాల లోపు పిల్లలు 34,623 మంది ఉన్నారు. 3 నుంచి ఆరు సంవత్సరాల లోపు పిల్లలు 16,817 మంది ఉన్నారు. సరుకులు చేరడంలో అలసత్వం.. చిన్నారులకు ప్రతిరోజూ భోజనంతో పాటు పాలు, గుడ్డు అందించాలి. అదేవిధంగా గర్భిణులు, బాలింతలకు కూడా నెలకు సరిపడా (టేక్‌ హోమ్‌ రేషన్‌ కింద) పాలు, గుడ్లు, బియ్యం, నూనె, కందిపప్పు, వేరుశనగ చెక్కీలు, రాగి పిండి, అటుకులు, బెల్లం అందిస్తారు. టీడీపీ సర్కారు అధికారంలోకి వచ్చిన తర్వాత సరుకులు సకాలంలో కేంద్రాలకు చేరడం లేదు. ఒక నెల కందిపప్పు ఆలస్యం అయితే మరొక నెల పాలు, ఇంకొక నెల గుడ్లు కేంద్రాలకు ఆలస్యంగా వస్తున్నాయని సిబ్బంది చెబుతున్నారు. ప్రతి నెలా ఒకటో తేదీకల్లా సరుకులు రావాల్సి ఉండగా నెలాఖరవుతున్నా సరుకులు రావడం లేదన్న ఆరోపణలు వినిపిస్తున్నాయి. దీంతో కేంద్రాల నిర్వహణకు నిర్వాహకులు ఇబ్బందులు పడుతున్నారు. ఐసీడీఎస్‌లో సమస్యలే.. సమస్యలు.. పట్టించుకోని టీడీపీ సర్కార్‌ అద్దె భవనాల్లో కేంద్రాలు అంగన్‌వాడీ సిబ్బందికి ఇచ్చిన హామీలు గాలికి.. సక్రమంగా పంపిణీ కాని సరుకులు ఏళ్ల తరబడి అద్దె భవనాల్లోనే.. జిల్లాలోని పలు అంగన్‌వాడీ కేంద్రాలను సంవత్సరాల తరబడి అద్దె భవనాల్లో నిర్వహిస్తున్నారు. 801 కేంద్రాలు నేటికీ అద్దె కొంపల్లోనే నడుస్తున్నాయి. గ్రామీణ ప్రాంతాల్లో అయితే రూ. 2 వేలు.. పట్టణ ప్రాంతాల్లో ఆరు వేల రూపాయల చొప్పున అద్దె చెల్లిస్తున్నారు. ఈ లెక్కన ఏడాదికి సుమారు రూ. 2.88 కోట్ల వరకు ప్రజాధనం ఖర్చవుతోంది. అలాగే 490 కేంద్రాలు సామాజిక భవనాల్లో నడుస్తున్నాయి. సిబ్బందికి ఝులక్‌.. అధికారంలోకి వస్తే అంగన్‌వాడీ సిబ్బంది సమస్యలు పరిష్కరిస్తామని, వారికి జీతాలు పెంచుతామని చంద్రబాబు సర్కార్‌ హామీ ఇచ్చింది. అధికారంలోకి వచ్చి రెండున్నరేళ్లు అవుతున్నా అంగన్‌వాడీల సమస్యలు పరిష్కంచలేదు. ఒక్క పైసా జీతం పెంచిందీ లేదు. దీంతో ప్రభుత్వం తీరుపై సిబ్బంది మండిపడుతున్నారు. ప్రభుత్వం తీరుతో ఐసీడీఎస్‌ వ్యవస్థ నీరుగారిపోతోందన్న ఆరోపణలు వినిపిస్తున్నాయి.

● కలెక్టర్లు, ఎస్పీలకు రాష్ట్ర ఎన్నికల కమిషనర్‌ అనిల్‌చంద్ర పూనేఠా ఆదేశాలు విజయనగరం గంటస్తంభం: పంచాయతీ ఎన్నికలను పకడ్బందీగా నిర్వహించాలని రాష్ట్ర ఎన్నికల కమిషనర్‌ అనిల్‌ చంద్ర పూనేఠా జిల్లా కలెక్టర్లు, ఎస్పీలను వీడియో కాన్ఫరెన్స్‌లో గురువారం ఆదేశించారు. ఎన్నికల నిర్వహణలో ఏమాత్రం నిర్లక్ష్యం వహించకుండా ముందస్తు ప్రణాళికతో వ్యవహరించాలని స్పష్టం చేశారు. పోలింగ్‌ కేంద్రాల వద్ద సీసీ కెమెరాల ఏర్పాటు, బ్యాలెట్లు, సిబ్బంది తరలింపు, కౌంటింగ్‌, తదితర అంశాలపై దిశానిర్దేశం చేశారు. మున్సిపాలిటీలు, మున్సిపల్‌ కార్పొరేషన్లలో పరోక్ష ఎన్నికలను ఈనెల 23న నిర్వహించాలని ఆదేశించారు. ఎంపీపీ ఎన్నికలను ఈ నెల 19న, జెడ్పీటీసీ చైర్మన్‌ ఎన్నికను ఈ నెల 21న నిర్వహించాలని సూచించారు. వీడియో కాన్ఫరెన్స్‌లో కలెక్టర్‌ ఎస్‌.రాంసుందర్‌రెడ్డి, డీఆర్వో సీహెచ్‌ సత్తిబాబు, జెడ్పీ సీఈఓ కిరణ్‌కుమార్‌, జిల్లా పంచాయతీ అధికారి మల్లిఖార్జునరావు, స్పెషల్‌ డిప్యూటీ కలెక్టర్‌ వెంకటరాజు, కలెక్టరేట్‌ పరిపాలనాధికారి దేవీప్రసాద్‌, ఎన్నికల విభాగం సూపరింటెండెంట్‌ ప్రసాద్‌, తదితరులు పాల్గొన్నారు.

–8లోవైఎస్సార్‌సీపీలో చేరిన వంద టీడీపీ కుటుంబాలు రాజాంలోని డోలపేటకు చెందిన టీడీపీకి చెందిన వంద కుటుంబాల వారు వైఎస్సార్‌ కాంగ్రెస్‌ పార్టీలో చేరారు. మెరకముడిదాం: మండలంలోని కొండలావేరులో వెలసిన కంచమ్మతల్లుల జాతర శుక్రవారం అంగరంగ వైభవంగా జరగనుంది. ఏటా నాగులచవితి నాడు నిర్వహించే జాతరకు నిర్వాహకులు ఏర్పాట్లు పూర్తిచేశారు. జాతర గత 388 ఏళ్లుగా సంప్రదాయబద్ధంగా నిర్వహిస్తున్నట్టు గ్రామపెద్దలు చెబుతున్నారు. ఆలయాల వద్దకు చేరుకునేందుకు పక్కా రోడ్డు సదుపాయం ఉంది. జాతరకు లక్ష మంది భక్తులు వస్తారని అంచనా వేస్తున్నారు. ట్రాఫిక్‌ ఇబ్బందులు తలెత్తకుండా జాతరను సజావుగా నిర్వహించేందుకు పోలీసులు బందోబస్తు విధులకు సిద్ధమవుతున్నారు.

● మాస్టర్‌ ప్లాన్‌లో టీడీపీ ● రాజాం టికెట్‌ కోసం కండువా మార్చే ప్రయత్నాలు ● విజయవాడలో తిష్టవేసిన టీడీపీ బడాబాబులు ● కులప్రాతిపదికన జీఎంఆర్‌తో రికమండేషన్‌లో మరో వర్గం రాజాం: మున్సిపల్‌ ఎన్నికల నోటిఫికేషన్‌ విడుదల కావడంతో రాజాం పట్టణంలో రాజకీయ వాతావరణం ఒక్కసారిగా వేడెక్కింది. అనూహ్యంగా ఇక్కడి సీటును జనసేనకు కూటమి కేటాయించింది. ఈ సీట్లు పంపకాల్లో ఇక్కడ సీటు జనసేనకు రావడంతో కూటమిలోని టీడీపీ నేతలకు మింగుడుపడడంలేదు. ఎలాగైనా ఇక్కడ సీటు సంపాదించి పోటీలోకి దిగాలని టీడీపీ యోచిస్తోంది. స్ధానిక ఎమ్మెల్యే కోండ్రు మురళీమోహన్‌కు అనుచరులుగా ఉన్న కొంతమంది బడాబాబులు ఈ సీటుకోసం విజయవాడ వేదికగా పావులుకదుపుతున్నారు. జనసేన ఇన్‌చార్జికి పంగనామాలు తప్పవా..? రాజాం జనసేన పార్టీ ఇన్‌చార్జిగా పొగిరి సురేష్‌కుమార్‌ కొనసాగుతున్నారు. ప్రభుత్వ ఉపాధ్యాయు నిగా పనిచేసే ఈయన స్వచ్ఛంద ఉద్యోగవిరమణ చేసి పార్టీకోసం సేవలందిస్తున్నారు. ఏడాది కిందట ఈయన భార్య కృష్ణవేణికు రాజాం వ్యవసాయ మార్కెట్‌ కమిటీ చైర్మన్‌గా పేరు ప్రకటించారు. ఇంతలోనే రాజాంలోని టీడీపీ వర్గీయులు ఇక్కడ జనసేన పార్టీలేదు... ఏఎమ్‌సీ ఎలా ఇస్తారంటూ రాద్ధాంతం చేశారు. టీడీపీ కార్యాలయంలో ప్రెస్‌ మీట్‌లు పెట్టి ఎమ్మెల్యేపై ఒత్తిడి తెచ్చారు. దీంతో అప్పట్లో ఈ ఏఎమ్‌సీని వెనుకకు తీసుకుని, టీడీపీ నేత గురవాన నారాయణరావు భార్య పార్వతికి అప్పగించారు. అప్పట్లో వచ్చినట్టే వచ్చి ఏఎంసీ పోవడంపై సురేష్‌కుమార్‌ అప్రతిష్టతకు గురయ్యారు. ఇప్పుడు ఊహించకుండానే జనసేనకు మున్సిపల్‌ చైర్మన్‌ పదవి కేటాయించడంతో గత నెలరోజులుగా ఆయన అన్నివర్గాల ప్రజలను, ఓటర్లను, కులసంఘాల పెద్దలను కలిసి తన కార్యక్రమాలు ముమ్మరంచేశారు. ఇంతలో టీడీపీ నేతలు స్థానిక ఎమ్మెల్యే కోండ్రు మురళీమోహన్‌ను తీసు కుని విజయవాడలో తిష్టవేశారు. గత వారం రోజులుగా అక్కడ జనసేన పార్టీ పెద్దలతో పైరవీలు చేస్తున్నారు. పదవి కోసం పార్టీ కండువాలు మార్చేసి, జనసేనలోకి వెళ్లి రాజాంలో పోటీచేసేందుకు ఉవ్విళ్లూరుతున్నారు. ఈ పార్టీ ఫిరాయింపులు ఖాతాలో రాజాం పట్టణానికి చెందిన ఓ ప్రభుత్వ ఉపాధ్యాయుడితో పాటు ప్రభుత్వ వైద్యుడు, టీడీపీకి చెందిన ఓ కాంట్రాక్టర్‌ ఉన్నట్లు తెలుస్తోంది. వీరిలో వైద్యుడు నేరుగా జనసేనకు చెందిన పెద్ద నేతలతో ముమ్మర ప్రయత్నాలు చేస్తుండగా, కాంట్రాక్టర్‌ టీడీపీకి చెందిన పెద్దపెద్ద నేతలు, మంత్రులు, ఎమ్మెల్యేలు, ఎమ్మెల్సీలు ద్వారా ప్రయత్నాలు చేస్తున్నట్లు తెలుస్తోంది. ఇందులో ఒకరికి మాత్రం స్థానిక టీడీపీ ఎమ్మెల్యే కోండ్రు అభయమివ్వగా, మిగిలినవారంతా తమకు తెలిసిన వేరే నేతలతో మంతనాలు చేస్తున్నట్లు భోగట్టా. వీరి వ్యూహాలు ఫలించి జనసేన తరఫున టికెట్‌ వీరిలో ఎవరికో ఒకరికి వస్తే పార్టీని నమ్ముకున్న సురేష్‌బాబుకు శఠగోపం పెట్టినట్టేనని పలువురు అభిప్రాయపడుతున్నారు. గత వారంరోజులు టీడీపీ బడాబాబులు చేస్తున్న ప్రయత్నాలు జనసేన పార్టీ నేతలకు కునుకులేకుండా చేస్తున్నాయి. తెరమీదకు మరో కొత్త వ్యక్తి.. ఇదిలా ఉండగా జనసేన పార్టీ తరఫున మరో కొత్త వ్యక్తి పేరు తెరమీదకు వచ్చింది. జీఎంఆర్‌ సంస్థల్లో పనిచేస్తున్న ఓ వ్యక్తి రాజాం పట్టణంలో చేనేత కుటుంబానికి చెందిన వ్యక్తికి చైర్మన్‌ బొట్టు పెట్టాలని కూటమిని డిమాండ్‌ చేస్తున్నట్లు తెలిసింది. జీఎంఆర్‌ సంస్థలు ద్వారా ఆయన ప్రయత్నాలు చేస్తున్నారని, రాజాంకు చెందిన బనిశెట్టి కుటుంబానికి చెందిన వ్యక్తికి ఈ పదవిలో పోటీచేసేందుకు జనసేన తరఫున అవకాశం కల్పించాలని గట్టిగానే పట్టుబట్టినట్లు తెలిసింది. ఏదేమైనా జనసేన పార్టీని నమ్ముకున్న సురేష్‌కుమార్‌కు ఈ సంకేతాలు తలనొప్పిగా మారాయి. కూటమి తరఫున చైర్మన్‌ బరిలో నిలిచేదెవరనేది శుక్రవారం వెలువడే అవకాశం కనిపిస్తోంది.

చీపురుపల్లిరూరల్‌(గరివిడి): స్కూల్‌ గేమ్స్‌ ఫెడరేషన్‌ ఆధ్వర్యంలో కొత్తవలస మండలం దెందేరులో సోమవారం నిర్వహించిన జిల్లాస్థాయి కరాటే పోటీల్లో గరివిడి పట్టణంలోని కొండపాలెం ఉన్నత పాఠశాలకు చెందిన ఏడో తరగతి విద్యార్థి బండి హర్షవర్ధన్‌ అద్భుత ప్రతిభ కనబరిచాడు. అండర్‌–14 విభాగంలో ప్రత్యర్థులను దీటుగా ఎదుర్కొని తన ప్రతిభను చాటుకున్న హర్షవర్ధన్‌ రాష్ట్రస్థాయి పోటీలకు ఎంపికయ్యాడు. ఈ నెల 21 తరువాత రాష్ట్రస్థాయి పోటీలు నిర్వహించనున్నారని నిర్వాహకులు తెలిపారు. చిన్న వయస్సులోనే కరాటేలో ప్రతిభ కనబరిచి రాష్ట్రస్థాయికి ఎంపికై న హర్షవర్ధన్‌తో పాటు కోచ్‌ సిద్ధూను పాఠశాల ప్రధానోపాధ్యాయుడు డి.రాము, స్కూల్‌ కమిటీ చైర్మన్‌ పి.సత్యన్నారాయణ, పీడీ టి.విజయలక్ష్మి, సహాపాధ్యాయ సిబ్బంది అభినందించారు.

విజయనగరం అర్బన్‌: జిల్లా పరిషత్‌ చైర్‌పర్సన్‌ పదవి కొప్పుల వెలమ సామాజిక వర్గంలో రాజకీయ ఆశలను పెంచుతోంది. జిల్లాలో తమ సామాజిక వర్గానికి గణనీయమైన జనాభా, రాజకీయ బలం ఉన్నప్పటికీ కూటమి ప్రభుత్వంలో కీలక పదవుల్లో తగిన ప్రాతినిధ్యం దక్కలేదన్న అసంతృప్తితో ఉంది. ఈ నెల 20న జరగనున్న జెడ్పీ చైర్‌పర్సన్‌ ఎన్నికలో బీసీ మహిళా రిజర్వేషన్‌ కింద తమ సామాజిక వర్గానికి అవకాశం కల్పించాలని డిమాండ్‌ చేస్తోంది. 7 స్థానాల్లో ప్రాతినిధ్యం జిల్లాలోని 27 జెడ్పీటీసీ స్థానాలకు బొండపల్లి, గంట్యాడ, బొబ్బిలి, ఎస్‌.కోట, ఎల్‌.కోట, వేపాడ, విజయనగరం స్థానాల్లో కొప్పుల వెలమ అఽభ్యర్థులు విజయం సాధించారు. బాడంగి, జామి, కొత్తవలస, మెంటాడ స్థానాలు రిజర్వేషన్ల వల్ల అవకాశాన్ని కోల్పోయారు. ఈ లెక్కన 27 స్థానాల్లో పది స్థానాలపై తమ సామాజికవర్గానికి రాజకీయంగా ప్రాతినిధ్యం ఉందని, జెడ్పీపీఠానికి తమ వర్గం వారికి కేటాయించాలని ఆ సంఘ నాయకులు పట్టుబడుతున్నారు. పదవి కేటాయించాల్సిందే.. విజయనగరం ఫోర్ట్‌: జెడ్పీ చైర్మన్‌ పదవిని కొప్పల వెలమ సామాజిక వర్గానికి కేటాయించాలని కొప్పల వెలమ సంక్షేమ సంఘ జిల్లా కన్వీనర్‌ బూసర్ల వెంకటరమణరావు డిమాండ్‌ చేశారు. ఈ మేరకు బుధవారం స్థానిక కొప్పల వెలమ సంక్షేమ సంఘ కార్యాలయంలో ఆయన మాట్లాడుతూ.. జిల్లా రాజకీయాల్లో, అభివృద్ధిలో తమ సామాజికవర్గం కీలకపాత్ర పోషిస్తోందన్నారు. గత వైఎస్సార్‌ సీపీ ప్రభుత్వంలో ఇద్దరు ఎమ్మెల్యేలు (ఎస్‌.కోట, బొబ్బిలి), డీసీసీబీ చైర్మన్‌ పదవులు కొప్పల వెలమలకే కేటాయించారన్నారు. కూటమి ప్రభుత్వ హయాంలో ఎస్‌.కోట ఎమ్మెల్యే ఒక్కరే కొప్పల వెలమకు చెందిన వారు ఉన్నారని, డీసీసీబీ చైర్మన్‌ పదవి వేరే సామాజిక వర్గానికి కేటాయించారని తెలిపారు. జిల్లాలో భారీ సంఖ్యలో ఉన్న బీసీ వర్గానికి ఏ ఒక్క కీలక పదవీ లభించకపోవడం అన్యాయమన్నారు. సమావేశంలో సంఘ నాయకులు మేళాపు శ్రీహరినాయుడు, జి. రామారావు, ఎం.ఎస్‌ నాయుడు. పెద్దింటి సుగుణాకరరావు, వైకుంఠం వెంకటనాయుడు, తదితరులు పాల్గొన్నారు.కూటమి తీరుపై ఆగ్రహం కొప్పుల వెలమలకు రాజకీయ ప్రాధాన్యం ఇవ్వడంలో కూటమి ప్రభుత్వ నిర్లక్ష్యంపై ఆ సంఘ నాయకులు ఆగ్రహం వ్యక్తంచేస్తు న్నారు. ఎమ్మెల్యే స్థానాల నుంచి ఎంపీ స్థానం, మంత్రి పదవి వరకు ఏ ఒక్క స్థానాన్ని ఇవ్వలేదని పేర్కొన్నారు. జిల్లా జనాభాలో సుమారు 40 శాతం వాటా కలిగిన బీసీ–డీ కొప్పుల వెలమలకు రాజకీయంగా తగిన గుర్తింపు ఇవ్వాలని కోరుతున్నారు. 27 జెడ్పీటీసీ స్థానాల్లో 11 తమవేనంటూ ఆ వర్గనేతల వాదన ఏడుగురు విజయం.. రిజర్వేషన్లతో మరో నాలుగు స్థానాలు కోల్పోయామని వెల్లడి కీలక పదవుల్లో ప్రాతినిధ్యం ఇవ్వని కూటమిపై అసంతృప్తి

పూసపాటిరేగ: విశాఖపట్నంలో డిసెంబర్‌ 12, 13 తేదీల్లో జరగనున్న సీఐఐ పార్టనర్‌షిప్‌ సమ్మిట్‌ భద్రతా ఏర్పాట్లను పర్యవేక్షించేందుకు వచ్చిన డీజీపీ హరీష్‌కుమార్‌ గుప్తాకు ఎస్పీ ఏఆర్‌ దామోదర్‌ స్వాగతం పలికారు. ఈ మేరకు భోగాపురంలోని అల్లూరిసీతారామరాజు ఇంటర్నేషనల్‌ విమానాశ్రయంలో బుధవారం ఆయనను మర్యాదపూర్వకంగా కలిశారు. ఈ సందర్భంగా డీజీపీ హరీష్‌కుమార్‌ గుప్తాకు పుష్పగుచ్ఛం అందజేసి ఘనంగా స్వాగతం పలికారు. ఛత్‌పూజకు ప్రత్యేక రైళ్లువిజయనగరం టౌన్‌: ఛత్‌ పూజ పండగ సందర్భంగా సౌత్‌ కోస్ట్‌ రైల్వే ప్రత్యేక రైళ్లను కేటాయించినట్లు అధికారులు బుధవారం ఒక ప్రకటన విడుదల చేశారు. రైలు నంబర్‌ 06115 ఎంజీఆర్‌ చైన్నె సెంట్రల్‌–బరౌని ప్రత్యేక ఎక్స్‌ప్రెస్‌ ఈ నెల 12న గురువారం రాత్రి 23.50 గంటలకు ఎంజీఆర్‌ సెంట్రల్‌ నుంచి బయలుదేరుతుంది. ఇది మరుసటిరోజు మధ్యాహ్నం 13.50గంటలకు దువ్వాడ, సాయంత్రం 5 గంటలకు విజయనగరం చేరుకుంటుంది. రాత్రి 8గంటలకు పలాస, శనివారం రాత్రి 8 గంటలకు బరౌని చేరుకుంటుందన్నారు. తిరుగు ప్రయాణంలో రైలు నంబర్‌ 06116 బరౌని–చైన్నె ప్రత్యేక ఎక్స్‌ప్రెస్‌ ఈ నెల 16న సోమవారం రాత్రి 9 గంటలకు బరౌని నుంచి బయలుదేరుతుంది. మంగళవారం రాత్రి 21.15 గంటలకు పలాస, రాత్రి 11.30 గంటలకు విజయనగరం చేరుతుంది. దువ్వాడ 2.32 గంటలకు బుధవారం సాయంత్రం 18.30 గంటలకు చైన్నె బీచ్‌ చేరుకుంటుందని వివరించారు. పతివాడబర్రిపేటలో ఇల్లు దగ్ధంపూసపాటిరేగ: మండలంలోని పతివాడ బర్రిపేటలో ఓ ఇల్లు పాక్షికంగా దగ్ధమైంది. గ్రామంలోని ఓ ఇంట్లో దేవుడి గదిలో దీపాన్ని ఎలుక తీసుకెళ్లడంతో అగ్ని ప్రమాదం సంభవించినట్లు బాధిత కుటుంబసబ్యులు తెలియజేశారు. అగ్నిప్రమాదం సంభవించిన వెంటనే గ్రామస్తులు హుటాహుటిన అక్కడికి చేరుకుని మంటలను అదుపు చేశారు. సంఘటనా స్థలాన్ని పోలీసు, రెవెన్యూ అధికారులు పరిశీలించారు. రైలు ఢీకొని వైద్యుడి మృతిచీపురుపల్లి: పట్టణంలోని రైల్వేస్టేషన్‌ సమీపంలో పట్టాలు దాటుతుండగా ప్రమాదవశాత్తు రైలు ఢీకొని నెలిమర్ల మండలంలోని మొయిద నారాయణపట్నం గ్రామానికి చెందిన అనస్థీషియా వైద్యు డు గాసాడ బాలకృష్ణ(49) మృతి చెందారు. దీనిపై జీఆర్‌పీ హెచ్‌సీ మధుసూదనరావు మాట్లాడుతూ విజయనగరంలోని ఘోషా ఆస్పత్రిలో అనస్థీషియా వైద్యుడిగా పని చేస్తున్న బాలకృష్ణ తన భార్య గౌతమి పిల్లలతో కలిసి మంగళవారం రాత్రి చీపురుపల్లిలో ఉన్న తన మేనకోడలు ఇంటికి వచ్చారు. తిరిగి బుధవారం ఉదయం విజయనగరంలో విధులు నిర్వహించేందుకు చీపురుపల్లి రైల్వేస్టేషన్‌కు వెళ్లిన ఆయన పట్టాలు దాటుతుండగా ప్రమాదవశాత్తు రైలు ఢీకొని మృతి చెందినట్లు తెలిపారు. మృతదేహానికి పోస్టుమార్టం నిర్వహించి కుటుంబ సభ్యులకు అప్పగించామన్నారు. గడ్డిమందు తాగి యువకుడి ఆత్మహత్యాయత్నంపార్వతీపురం రూరల్‌: వ్యవసాయ పనుల్లో సాయం చేయాలని తండ్రి మందలించడంతో మనస్తాపానికి గురైన ఓ యువకుడు గడ్డిమందు తాగి ఆత్మహత్యా యత్నం చేశాడు. వివరాలిలా ఉన్నాయి. పార్వతీపురం మండలంలోని పిండిలోవ గ్రామానికి చెందిన మెల్లిక మున్నా అనే యువకుడిని వ్యవసాయ పనులకు వెళ్లాలని తండ్రి కోరాడు. పని చేయడం ఇష్టం లేక తండ్రితో విసుక్కున్న సదరు యువకుడు, ఇంట్లో ఎవరూ లేని సమయంలో సమీపంలోని తన పెద్దమ్మ ఇంటి వద్దకు వెళ్లి యూరియా, పురుగు మందు, గడ్డిమందు కలిపి తాగేశాడు. ఈ విషయం గమనించిన కుటుంబసభ్యులు హుటాహుటిన మధ్యాహ్నం 12 గంటల సమయంలో చికిత్స నిమిత్తం జిల్లా కేంద్రాస్పత్రికి తరలించారు. కాగా, యువకుడు తీసుకున్న పురుగుల మందుల ప్రభావాన్ని పరిశీలించిన కేంద్ర ఆస్పత్రి వైద్యులు చికిత్స అందించి పర్యవేక్షణలో ఉంచారు.

ఈ ఏడాది వరి పంటలు నష్టపోయాం. మొత్తం కుటుంబం అంతా కష్టపడితే కార్తీకంలో కూరగాయల సాగు ద్వారా నాలుగు పైసలు చూడగలం అనుకున్నాం. తీరా వరుస తుఫాన్‌లతో కూరగాయల పంటలన్నీ నష్టపోయాం. తీగ, పందిరి జాతి పంటలన్నీ పాడయ్యాయి. అధిక వర్షాలకు ఆకుకూరలూ నాశనమయ్యాయి. –కండాపు ప్రసాదరావు, రైతు, రుద్రిపేట, పాలకొండ మండలం కొనలేకపోతున్నాం.. కూరగాయల ధరలు రోజురోజుకూ పెరిగిపోతున్నాయి. దీంతో కొనలేకపోతున్నాం. వర్షాలకు కూరగాయల పంటలు పాడవ్వడంతో దిగుబడి తగ్గిపోయిందని చెబుతున్నారు. అలాగే కార్తీకమాసం ప్రారంభం కావడంతో ఒక్కసారిగా కూరగాయలు ధరలు పెరిగిపోయాయి. దీంతో కిలో కొనాల్సి ఉండగా.. అరకిలోతో సరిపెట్టుకుంటున్నాం. – సుంకరి ప్రసాద్‌, వినియోగదారుడు, పాలకొండ

నెల్లిమర్ల రూరల్‌: సుప్రసిద్ధ పుణ్యక్షేత్రం రామతీర్థంలోని శ్రీ సీతారామస్వామి దేవస్థానానికి భక్తుల కానుకల రూపంలో రూ.21,89,335 ఆదాయం సమకూరింది. ఈ మేరకు బుధవారం దేవస్థానంలోని ధర్మ హుండీలను తెరిచి ఆదాయాన్ని లెక్కించారు. జూలై 2 నుంచి ఈ నెల 10 వరకు 132 రోజుల వ్యవధిలో భక్తులు సమర్పించిన కానుకల ద్వారా ఈ ఆదాయం లభించినట్లు దేవస్థానం ఈఓ శ్రీనివాసరావు తెలిపారు. దేవదాయశాఖ విజయనగరం డివిజన్‌ ఇన్‌స్పెక్టర్‌ శ్యాంప్రసాద్‌, కొట్టాం గ్రూప్‌ దేవాలయాల ఈఓ శ్రీనివాసరావు పర్యవేక్షణలో హుండీల ఆదాయం లెక్కింపు నిర్వహించారు. కార్యక్రమంలో ఈఓలు రామారావు, లక్ష్మణరావు, శ్రీవారి సేవా భక్తులు పాల్గొన్నారు.

● స్మార్ట్‌ఫోన్లు లేక.. జిల్లాలో 70 శాతానికి పైగా రైతుల వద్ద కీప్యాడ్‌ ఫోన్లు మాత్రమే ఉన్నాయి. స్మార్ట్‌ఫోన్‌ ఉన్న కొద్దిమందికీ యాప్‌ వినియోగం, స్లాట్‌ ఎంపిక తెలియదు. గ్రామీణ ప్రాంతాల్లో నెట్‌వర్క్‌ రాకపోవడం, సర్వర్లు మొరాయించడంతో రైతులు రోజుల తరబడి కళ్లాల వద్దే పడిగాపులు కాస్తున్నారు. ఆర్బీకే సిబ్బంది చేతులేత్తేయడంతో ప్రైవేటు కేంద్రాల వద్ద డబ్బులు చెల్లించి దోపిడీకి గురవుతున్నారు. ఆన్‌లైన్‌లో నమోదుకాని భూముల వివరాలు ఈక్రాప్‌లో వెనుకంజ ధాన్యం విక్రయించాలంటే స్లాట్‌ బుక్‌చేయాలి రైతన్నకు కొత్త కష్టాలు 4 లక్షల టన్నుల లక్ష్యం కాగితాలకే పరిమితం! 4వేల వాహనాలు కావాలి.. సిద్ధమైంది 1,200 మాత్రమే..

బాడంగి/బొబ్బిలి రూరల్‌: మండలంలోని ముగడ గ్రామానికి చెందిన తీళ్లరాఘవేంద్రరావు(51) గుండెపోటుతో అకస్మాత్తుగా బొబ్బిలిలోని తన అద్దెఇంటివద్ద బుధవారం తెల్లవారు జామున మృతిచెందారు. ఆయన బంధువులు ఆస్పత్రికి తరలించగా వైద్యులు పరీక్షించి మృతిచెందినట్లు నిర్ధారించారు. ఆయన బొబ్బిలిమండలంలోని పారాది పంచాయతీ కార్యదర్శిగా పనిచేస్తున్నారు.ఆయన బౌతికకాయాన్ని ముగడతీసుకొచ్చి సందర్శన నిమిత్తం మధ్యాహ్నం వరకు ఉంచగా బుడా చైర్మన్‌ తెంటు లక్షుంనాయుడు, వైఎస్సార్‌సీపీ జిల్లాప్రధాన కార్యదర్శి శంబంగివేణు గోపాలనాయుడు, మాజీ జెడ్పీటీసీ పెద్దింటిరామారావు, బొబ్బిలి ఎంపీడీఓ రవికుమార్‌ తనసిబ్బందితో కలిసివచ్చి భౌతికకాయాన్ని సందర్శించి పూలమాలవేసి నివాళులర్పించారు. దహనసంస్కార ఖర్చులను అందజేసి, ప్రభుత్వంనుంచి రావాల్సిన ప్రయోజనాలకోసం ప్రతిపాదనచేస్తామని చెప్పారు. మృతునికి భార్య నాగమణి, డిగ్రీచదివిన కుమార్తె తన్మయి, విజయనగరంలోని ఎంవీజీఆర్‌ కళాశాలలో ఇంజినీరింగ్‌ చేస్తున్న ఉదయ్‌కిరణ్‌ ఉన్నారు. ఆయన అంతిమసంస్కారాలను ముగడలోనే బంధువులు నిర్వహించారు.

● నేర సమీక్షా సమావేశంలో ఎస్పీ మాధవ్‌రెడ్డి ● ప్రతిభ కనబరిచిన పోలీసులకు ప్రశంసాపత్రాలు అందజేతపార్వతీపురం రూరల్‌: జిల్లాలో పంచాయతీ ఎన్నికల నిర్వహణకు తగిన భద్రత, ముందస్తు బందోబస్తు ప్రణాళికలు రూపొందించుకోవాలని ఎస్పీ ఎస్‌వీ మాధవ్‌రెడ్డి పోలీసు అధికారులకు సూచించారు. ఈ మేరకు బుధవారం స్థానిక జిల్లా పోలీసు కార్యాలయంలో ఆయన ఆధ్వర్యంలో మాసాంతపు నేర సమీక్షా సమావేశం జరిగింది. రెండు విడతల్లో జరిగే పంచాయతీ ఎన్నికల నామినేషన్లు, ఒకేరోజు నిర్వహించే కౌంటింగ్‌ ప్రక్రియలకు పటిష్ట ఏర్పాట్లు చేయాలని సూచించారు. సమస్యాత్మక, సున్నిత ప్రాంతాలపై నిఘా ఉంచి, అల్లర్లకు పాల్పడే వారిపై ముందస్తు బైండోవర్‌ చర్యలు చేపట్టాలని ఆదేశించారు. పెండింగ్‌ కేసుల అభియోగ పత్రాలను త్వరితగతిన కోర్టుల్లో దాఖలు చేయాలని, పోక్సో, డిజిటల్‌ అరెస్ట్‌ ఫిర్యాదులపై తక్షణమే స్పందించి ఎఫ్‌ఐఆర్‌ నమోదు చేయాలని సూచించారు. ఐరాడ్‌ తదితర అప్లికేషన్లలో ప్రమాదాల వివరాలను సకాలంలో నమోదు చేయాలన్నారు. అనంతరం గంజాయి అక్రమ రవాణా అరికట్టడం, పెండింగ్‌ కేసుల ఛేదనలో ప్రతిభ కనబరిచిన 20 మంది సీఐలు, ఎస్సైలు, పోలీసు సిబ్బందికి ఎస్పీ ప్రశంసాపత్రాలు అందజేశారు. సమావేశంలో డీఎస్పీలు శేషయ్య, రాంబాబు, థామస్‌ రెడ్డి, సీఐలు తదితరులు పాల్గొన్నారు.

సీతానగరం: ప్రభుత్వం ప్రవేశపెట్టిన పోషణ్‌ బి‘పోషణ్‌ బడాయి బి’ కార్యక్రమంపై సిబ్బంది అవగాహన కల్పించుకుని అంగన్వాడీ కేంద్రాల్లో అమలు చేయాలని ఐసీడీఎస్‌ బలిజిపేట సీడీపీఓ కె. రాజ్యలక్ష్మి అన్నారు. ఈ మేరకు స్థానిక ప్రభుత్వ జూనియర్‌ కాలేజీలో బుధవారం అంగన్వాడీ కార్యకర్తలకు శిక్షణ కార్యక్రమాన్ని ప్రారంభించారు. ఈ సందర్భంగా ఆమె మాట్లాడుతూ బాల్యారంభ దశలోనే పిల్లలను సంరక్షించడం, మానసిక అభివృద్ధిని మెరుగు పర్చడం, ఆటల ఆధారిత విద్యనైపుణ్యతను పెంపొందించడం అంగన్వాడీ కార్యకర్తల బాధ్యత అని గుర్తుంచుకోవాలన్నారు. పుట్టిన నుంచి 3 సంవత్సరాల వయస్సు మధ్య గల పిల్లల సంరక్షణ, అభివృద్ధి కార్యక్రమాల 141 యాక్టివిటీ గురించి ఆదర్శశీల 3 నుంచి 6 సంవత్సరాల పిల్లల్లో సమగ్రఅభివృద్ధి మెరుగు పర్చడంపై అవగాహన కల్పించారు. గృహసందర్శన, టీఎల్‌ఎన్‌ విధానం అమలుపై అవగాహన కల్పించుకోవాలని సూచించారు. కార్యక్రమంలో సూపర్‌వైజర్లు బి.పద్మ, వై.రేవతి, బీపీసీ కామేశ్వరరావు, ప్రిన్సిపాల్‌ ఎల్‌.దాలినాయుడు పాల్గొన్నారు.

పార్వతీపురం: విద్యతోనే అత్యున్నత స్థాయికి చేరుకోగలమని గుర్తించిన మహోన్నత వ్యక్తి మౌలానా అబుల్‌ కలామ్‌ అజాద్‌ అని జిల్లా రెవెన్యూ అధికారి కె.హేమలత అన్నారు. ఈ మేరకు మౌలానా అబుల్‌ కలామ్‌ ఆజాద్‌ జయంతిని పురస్కరించుకుని జాతీయ విద్యా దినోత్సవం, వైనార్టీల సంక్షేమ దినోత్సవం సందర్భంగా బుధవారం కలెక్టరేట్‌లో ఆయన చిత్రపటానికి పూలమాలలు వేసి ఘనంగా నివాళులు అర్పించారు. ఈ సందర్భంగా ఆమె మాట్లాడుతూ సమాజంలో చదువుకున్న వ్యక్తికి ఎంతో గుర్తింపు ఉంటుందన్నారు. అందుకు భారత తొలి విద్యాశాఖామంత్రిగా పనిచేసిన అబుల్‌ కలామ్‌ ఆజాద్‌ నిదర్శనమని చెప్పారు. ఆయన విద్యకు ఎంతో ప్రాధాన్యం ఇచ్చారని, విద్యకోసం అనేక సంస్కరణలకు శ్రీకారం చుట్టారన్నారు. ఆజాద్‌ చేసిన సేవలను గుర్తించి భారత రత్న బిరుదును పొందారన్నారు. ఆయన భావాలను ఆదర్శంగా తీసుకుని అందరు నడుచుకోవాలని పేర్కొన్నారు. కార్యక్రమంలో మైనార్టీ సంక్షేమ శాఖ సిబ్బంది బదరీనాథ్‌, ఇంతియాజ్‌, ఏఓ పి.సునీత తదితరులు పాల్గొన్నారు.

మక్కువ: మండల కేంద్రం మక్కువలో వాడవాడలా ఎంపీటీసీ, జెడ్పీటీసీ ఎన్నికల గెలుపు సంబరాలను అభిమానులు జరుపుకుంటున్నారు. ఈ మేరకు బుధవారం స్థానిక కూరాకుల వీధి, మేదరవీధి, నక్కలవీధి, పొందూరువీధి, దిగువ కూరాకులవీధి, కిలారివీధుల్లో వైఎస్సార్‌సీపీ అభిమానులు గెలుపు సంబరాలు నిర్వహించారు. విజయోత్సవ సంబరాలకు అభిమానుల ఆహ్వానం మేరకు వైఎస్సార్‌సీపీ మండల అధ్యక్షుడు మావుడి రంగునాయుడు హాజరు కాగా దుశ్శాలువాతో సత్కరించి, కేక్‌ కట్‌ చేశారు. ఈ సందర్భంగా రంగునాయుడు మాట్లాడుతూ ఎన్నికల్లో విజయానికి సహకరించిన ప్రతి ఒక్కరికీ ధన్యవాదాలు తెలియజేశారు. మీరు చూపిస్తున్న ప్రేమ, అభిమానం ఎన్నడు మర్చిపోలేనివన్నారు. మీరు మాపై పెట్టుకున్న నమ్మకాన్ని అన్ని విధాలా గుర్తుంచుకుని మీకష్ట సుఖాల్లో తోడుగా ఉంటానని హామీ ఇచ్చారు. రానున్న పంచాయతీ ఎన్నికల్లో ఇదే ఉత్సాహం చూపించి, మనం ఎన్నుకోనున్న అభ్యర్థులను గెలిపించుకుందామని పిలుపునిచ్చారు.

కొనసాగించాల్సిన పరిస్థితి నెలకొంది. ఆన్‌లైన్‌ ఫిర్యాదులపై అవగాహన అవసరం పీజీఆర్‌ఎస్‌ కార్యక్రమం తాత్కాలికంగా నిలిచిన నేపథ్యంలో ప్రజలకు అందుబాటులో ఉన్న ఇతర ఫిర్యాదుల స్వీకరణ మార్గాలపై అధికారుల స్పష్టత ఇవ్వాల్సిన అవసరం ఉంది. ఆన్‌లైన్‌ ద్వారా ఫిర్యాదులు నమోదు చేసే విధానం, సంబంధిత శాఖల కార్యాలయాల్లో అందుబాటులో ఉన్న సేవలు, అత్యవసర సమస్యల పరిష్కారానికి సంప్రదించాల్సిన అధికారుల వివరాలను ప్రజలకు తెలియజేయాలి. ఎన్నికల కోడ్‌ అమలులో ఉన్నప్పటికీ అనుమతించిన సాధారణ పరిపాలనా సేవలకు ఆటంకం కలగకుండా చర్యలు చేపట్టాల్సి ఉంది. ప్రత్యామ్నాయ వ్యవస్థపై ప్రజల ఆశలు ప్రజా సమస్యల పరిష్కారం నిరంతర ప్రక్రియగా కొనసాగాల్సిన అవసరం ఉంది. ఎన్నికల నిర్వహణ ఎంత ముఖ్యమో, సామన్యుల సమస్యలకు పరిష్కారం చూపడం కూడా అంతే అవసరం. పీజీఆర్‌ఎస్‌కు తాత్కాలిక విరామం ఏర్పడినప్పటికీ అత్యవసర ఫిర్యాదుల స్వీకరణ, పరిష్కారానికి ప్రత్యామ్నాయ మార్గాలను అధికారులు ప్రజలకు తెలియాజేయాలని భాదితులు కోరుతున్నారు. ఎన్నికల కోడ్‌ ముగిసిన అనంతరం మళ్లీ గ్రీవెన్స్‌ సెల్‌ కార్యక్రమం ఎప్పటి నుంచి ప్రారంభమవుతుందనే అంశంపైనా ప్రజల్లో ఆసక్తి నెలకొంది.విజయనగరం గంటస్తంభం: ప్రజా సమస్యల పరిష్కారానికి వేదికగా ప్రతి సోమవారం కలెక్టరేట్‌లో నిర్వహించే ప్రజా ఫిర్యాదుల స్వీకరణ కార్యక్రమా(పీజీఆర్‌ఎస్‌)నికి ఎన్నికల కోడ్‌తో తాత్కాలిక విరామం ఏర్పడింది. ప్రతి సోమవారం కలెక్టరేట్‌లో నిర్వహించే గ్రీవెన్స్‌ కార్యక్రమానికి పెద్ద సంఖ్యలో ప్రజలు తరలివచ్చి తమ సమస్యలను అధికారుల దృష్టికి తీసుకెళ్లేవారు. అయితే ఎన్నికల కోడ్‌ అమల్లోకి రావడంతో ఈ కార్యక్రమం నిలిచిపోవడంతో ఫిర్యాదులు ఎవరికి చెప్పుకోవాలో తెలియక బాధితులు ఎదురుచూస్తున్నారు. సాధారణంగా వారానికి సుమారు 280 అర్జీలు, నెలకు దాదాపు 1,300 ఫిర్యాదులు అందుతుండడం జిల్లాలో ప్రజా సమస్యల తీవ్రతను తెలియజేస్తోంది. సమస్యల పరిష్కారానికి ఇదే ప్రధాన వేదిక కలెక్టరేట్‌లో నిర్వహించే పీజీఆర్‌ఎస్‌ కార్యక్రమం సామాన్య ప్రజలకు ఎంతో ఉపయోగకరంగా ఉండేది. గ్రామీణ ప్రాంతాల నుంచి పట్టణ ప్రాంతాల వరకు వివిధ సమస్యలతో బాధపడుతున్న ప్రజలు నేరుగా కలెక్టర్‌, జాయింట్‌ కలెక్టర్‌తో పాటు సంబంధిత శాఖల అధికారులను కలిసి వినతిపత్రాలు అందించేవారు. భూ వివాదాలు, రెవెన్యూ రికార్డుల్లో తప్పులు, భూ సర్వే, పట్టాదారు పాస్‌ పుస్తకాలు, ఫింఛన్లు, రేషన్‌ కార్డులు, ఇళ్ల స్థలాలు, ఇతర ప్రభుత్వ సేవలకు సంబంఽధించిన సమస్యలను అధికారుల దృష్టికి తీసుకెళ్లేవారు. అర్జీలను సంబంధిత శాఖలకు పంపించి పరిష్కారానికి చర్యలు చేపట్టేవారు. రెవెన్యూ సమస్యలే అధికం.. జిల్లాలో భూములకు సంబంధించిన సమస్యలతో కలెక్టరేట్‌ను ఆశ్రయించే వారి సంఖ్య గణనీయంగా ఉంటుంది. భూ రికార్డుల్లో పేర్ల మార్పులు, సర్వే నంబర్లలో తప్పులు, భూ హక్కుల వివాదాలు, రీ సర్వేలో ఎదురవుతున్న ఇబ్బందులు, పట్టాదారు పాస్‌ పుస్తకాల సమస్యలపై అనేకమంది ఫిర్యాదు చేస్తున్నారు. అలాగే అర్హత ఉన్నప్పటికీ పింఛన్లు అందకపోవడం, కొత్త పింఛన్ల మంజూరు, రేషన్‌ కార్డుల సమస్యలు తదితర అంశాలపై కూడా వినతులు అందుతున్నాయి. గ్రీవెన్స్‌సెల్‌ నిలిచిపోవడంతో తమ సమస్యల పరిష్కారం మరింత ఆలస్యమవుందేమోనని బాధితులు ఆందోళన చెందుతున్నారు. ఎన్నికల విధుల్లో అధికార యంత్రాంగం స్థానిక సంస్థల ఎన్నికల నేపథ్యంలో జిల్లా యంత్రాంగం మొత్తం ఎన్నికల నిర్వహణ ఏర్పాట్లలో నిమగ్నమైంది. ఎన్నికల విధులు, సిబ్బంది కేటాయింపు, పోలింగ్‌ కేంద్రాల ఏర్పాట్లు, ఎన్నికల నియమావళి అమలు తదితర అంశాలపై అధికారులు దృష్టి సారిస్తున్నారు. ఈ క్రమంలో సాధారణంగా నిర్వహించే పీజీఆర్‌ఎస్‌ కార్యక్రమానికి తాత్కాలిక విరామం ఏర్పడింది. ఎన్నికల కోడ్‌ నిబంధనలకు అనుగుణంగా పరిపాలనా కార్యకలాపాలు వారానికి 280 అర్జీలు.. నెలకు 1,300మంది గోడు ఎన్నికల కోడ్‌తో నిలిచిపోయిన కలెక్టరేట్‌ గ్రీవెన్స్‌సెల్‌ రెవెన్యూ, పింఛన్లు, భూ సమస్యలతో బాధితుల ఎదురుచూపులు ఫిర్యాదులు చెప్పుకునే వేదిక లేక ప్రజల్లో ఆందోళన

● కనుల పండువగా అమ్మవారి దర్శనం కొత్తవలస: మండలంలోని వీరభద్రపురం గ్రామంలో కొలువైన సర్వమంగళ సమేత వీరభ్రస్వామి ఆలయంలో కొలువైన సర్వమంగళదేవి అమ్మవారికి కార్తీక మాసం సందర్భంగా బుధవారం లక్ష గాజులతో ప్రత్యే కంగా అలంకరించారు. ఆలయ పురోహితులు కావలి రవికుమార్‌శర్మ అమ్మవారికి ప్రత్యేక పూజలు చేసి భక్తులకు తీర్థప్రసాదాలు అందజేశారు. ఎంపీహెచ్‌డబ్ల్యూ కోర్సులో ప్రవేశాలకు కౌన్సెలింగ్‌ విజయనగరం ఫోర్ట్‌: ఎంపీహెచ్‌డబ్ల్యూ (ఎఫ్‌) (మల్టిపర్పస్‌హెల్త్‌ వర్కర్‌ఫిమేల్‌) కోర్సులో ప్రవేశాలకు బుధవారం జిల్లా వైద్య ఆరోగ్యశాఖ కార్యాలయంలో కౌన్సెలింగ్‌ నిర్వహించారు. దీనికి డీఎంహెచ్‌ఓ డాక్టర్‌ జీనరాణి, సర్వజన ఆస్పత్రి ఇన్‌చార్జి ఏడీ ఎర్రాజీరావు, డీఎంహెచ్‌ఓ కార్యాలయం సూపరింటెండెంట్‌ మీసాల నాగరాజు హాజరయ్యారు. కన్వీనర్‌ కోటా 48 సీట్లకు 24 మంది శ్రీ సత్యసాయి ఎంపీహెచ్‌డబ్లూ (ఎఫ్‌) ట్రైనింగ్‌ ఇనిస్టిట్యూట్‌(విజయనగరం), ఎస్‌.కోటకు చెందిన వెంకట పద్మావతి ట్రైనింగ్‌ ఇనిస్టిట్యూట్‌లలో ప్రవేశాలు పొందారు.

వేపాడ మండలం పాటూరు, బొద్దాం గ్రామాలకు కుళాయిల నుంచి 15 రోజులుగా బురద నీరే సరఫరా అవుతోంది. తాటిపూడి ప్రాజెక్టు నుంచి నుంచి వచ్చే పైపులైన్ల నుంచి బురద నీరు సరఫరా అవుతుండడంతో తాగునీటికి కటకటలాడుతున్నారు. అధికారులకు చెప్పినా పట్టించుకోవడంలేదంటూ స్థానిక మహిళలు తెలిపారు. గతంలో ఈ పరిస్థితి ఉండేది కాదన్నారు. ఇదే విషయాన్ని తాటిపూడి ప్రాజెక్టు ఏఈ శైలజ వద్ద ‘సాక్షి’ ప్రస్తావించగా వివిధ సాంకేతిక సమస్యలతో బురద నీరు సరఫరా అవుతోందని, గురువారం నుంచి స్వచ్ఛమైన తాగునీటి సరఫరాకు చర్యలు తీసుకుంటామని తెలిపారు. – వేపాడ

● 55 ఏళ్లు దాటిన ఉద్యోగులకు మినహాయింపు ఇవ్వాలి ● పెండింగ్‌ రెమ్యూనరేషన్‌ చెల్లించాలి ● కలెక్టర్‌కు ఫ్యాప్టో వినతి విజయనగరం అర్బన్‌: రానున్న పంచాయతీ ఎన్నికల నిర్వహణలో ఉపాధ్యాయులు, ఉద్యోగులకు ఎలాంటి ఇబ్బందులు కలగకుండా చర్యలు తీసుకోవాలని ఉపాధ్యాయ సంఘాల ఐక్యవేదిక (ఫ్యాప్టో) నాయకులు డిమాండ్‌ చేశారు. ఎన్నికల విధుల కేటాయింపు, పారితోషికం, మినహాయింపు, తదితర అంశాల్లో ఉద్యోగులకు న్యాయం చేయాలంటూ కలెక్టర్‌ ఎస్‌.రాంసుందర్‌రెడ్డిని బుధవారం కలిసి వినతిపత్రం అందజేశారు. పంచాయతీ ఎన్నికల్లో ఆర్వో విధులు గ్రేడ్‌–2 ప్రధానోపాధ్యాయులను ఒక దశ ఎన్నికలకే పరిమితం చేయాలని కోరారు. 55 ఏళ్లు దాటిన ఉద్యోగులకు ఎన్నికల విధుల నుంచి మినహాయింపు ఇవ్వాలని, అనారోగ్య సమస్య లు, ఇతర అనివార్య కారణాలున్న సిబ్బందికి కూడా వెసులుబాటు కల్పించాలని విజ్ఞప్తి చేశారు. ఎన్నికల నిర్వహణకు అవసరమైన బ్యాలెట్‌ పత్రాలు, స్వస్తిక్‌ ముద్రలు తదితర సామగ్రిని నాణ్యతతో అందించాలన్నారు. ఎన్నికల విధుల్లో పాల్గొనే ఉద్యోగులందరికీ మండలాలతో సంబంధం లేకుండా ఒకే విధమైన పారితోషికం చెల్లించాలని, గత ఎన్నికల్లో విధులు నిర్వహించిన ఉపాధ్యాయులకు పెండింగ్‌లో ఉన్న కౌంటింగ్‌ రెమ్యునరేషన్‌ను తక్షణమే విడుదల చేయాలని కోరారు. విధులు నిర్వహించిన మరుసటి రోజు ఉద్యోగులకు తప్పనిసరిగా ఓడీ సౌకర్యం కల్పించాలని విన్నవించారు. కలెక్టర్‌ను కలిసిన వారిలో ఫ్యాప్టో నాయకులు డి.శ్యామ్‌, కె.శ్రీనివాసరావు, టి.సన్యాసిరాజు, జి.గౌరీదేవి, ఎస్‌.రాంబాబు, తదితరులు ఉన్నారు. పుణ్యక్షేత్రాల వద్ద కట్టుదిట్టమైన భద్రత ● ఎస్పీ ఎ.ఆర్‌.దామోదర్‌ విజయనగరం టౌన్‌: కార్తీకమాసం సందర్భంగా జిల్లాలోని పుణ్యక్షేత్రాల వద్ద కట్టుదిట్టమైన భద్రత ఏర్పాటుచేయాలని, ప్రమాదాలు జరగకుండా చూడాలని పోలీస్‌ సిబ్బందిని ఎస్పీ ఏఆర్‌ దామోదర్‌ ఆదేశించారు. దొంగతనాలు, చైన్‌ స్నాచింగ్‌లు, మొబైల్‌ ఫోన్‌లు చోరీ జరిగే అవకాశం ఉన్నందున భక్తులు వ్యక్తిగత భద్రతపై జాగ్రత్త వహించాలని కోరారు. నదీతీరాల్లో ప్రమాద హెచ్చరిక బోర్డులు ఏర్పాటుచేయాలన్నారు. ఆపద సమయంలో డయల్‌ 112, 100కి ఫోన్‌ చేయాలని కోరారు.

● దీపావళికి వచ్చి విగత జీవిగా మారిన యువకుడు గజపతినగరం: మండల కేంద్రంలోని పురిటి పెంట ఎల్‌సీ గేట్‌ సమీపంలో రైల్వే ట్రాక్‌ దాటుతూ ఓ యువకుడు మృతిచెందాడు. మంగళవారం జరిగిన ఈ పంఘటన వివరాలిలా ఉన్నాయి. చైన్నెలోని సత్యభామ ఇంజినీరింగ్‌ కాలేజ్‌ చదువుతూ హైదరాబాద్‌లో సాఫ్ట్‌వేర్‌ శిక్షణ తీసుకుంటున్న పురిటిపెంట గ్రామానికి చెందిన శీరంరెడ్డి పవన్‌కల్యాణ్‌(23) దీపావళి పండగకు సొంత గ్రామానికి 6వ తేదీన వచ్చాడు. మంగళవారం ఉదయం బహిర్భూమికని పురిటి పెంట ఎల్సీ గేట్‌ సమీపంలోకి వెళ్లేందుకు చెవిలో ఇయర్‌ బడ్స్‌ పెట్టుకుని రైల్వే ట్రాక్‌ దాటుతుండగా కోర్బా ఎక్స్‌ప్రెస్‌ ఢీకొట్టిందని రైల్వై హెడ్‌ కానిస్టేబుల్‌ ఈశ్వరరావు తెలిపారు. తక్షణమే క్షతగాత్రుడిని 108వాహనంలో గజపతినగరం ప్రభుత్వ ఆస్పత్రికి తరలించగా అప్పటికే మృతి చెందినట్లు వైద్యులు నిర్ధారించారు. కుమారుడి మృతి విషయం తెలుసుకున్న తల్లి రామకృష్ణమ్మ, తండ్రి సత్యం తల్లడిల్లో పోయి కంటికీమింటికీ ఏకధారగా రోదిస్తున్నారు. రైలు నుంచి జారిపడి గుర్తు తెలియని వ్యక్తి.. కొత్తవలస: మండలంలోని కంటకాపల్లి–కొత్తవలస రైల్వేస్టేషన్‌ల మధ్య రైలు నుంచి జారిపడి గుర్తు తెలియని యువకుడు మృతి చెందాడు. మంగళవారం జరిగిన ఈ ఘటనపై రైల్వే హెడ్‌ కానిస్టేబుల్‌ మురళి తెలిపిన వివరాలు ఇలా ఉన్నాయి. కంటకాపల్లి రైల్వేస్టేషన్‌కు సమీపంలో పట్టాల పక్కన మృతదేహం పడి ఉన్నట్లు వచ్చిన సమాచారం మేరకు ఘటనాస్థలాన్ని రైల్వే పోలీసులు పరిశీలించారు. ట్రైన్‌ నుంచి జారి పడి ఉన్నట్లు అనవాళ్లు కనిపించినట్లు రైల్వే హెచ్‌సీ తెలిపారు. మృతుడి వయసు సుమారు 35 నుంచి 40 సంవత్సరాల మధ్య ఉంటుందని, 5 అడుగుల 2 అంగుళాల ఎత్తు ఉన్నట్లు చెప్పారు. నీలం రంగు జీన్‌ ఫ్యాంట్‌, తెల్లని పూల డిజైన్‌గల ముదురు నీలం రంగు ఫుల్‌హ్యాండ్స్‌ షర్టు ధరించి ఉన్నట్లు తెలిపారు. ఈ మేరకు శవ పంచనామా నిర్వహించి మృతదేహాన్ని విజయనగరం రైల్వే అస్పత్రికి తరలించామన్నారు. మృతుడి వివరాలకు ఫోన్‌ 8639193751 నంబర్‌ను సంప్రదించాలని కోరారు. గడ్డి మందు తాగిన వ్యక్తి.. రామభద్రపురం: మండంలోని కొట్టక్కి గ్రామంలో గడ్డి మందు తాగిన ఓ వ్యక్తి చికిత్స పొందుతూ మృతి చెందాడు. ఈ ఘటనపై పోలీసులు తెలిపిన వివరాల ప్రకారం గ్రామానికి చెందిన గొల్లి సింహాచలం(42) మద్యం తాగేందుకు అలవాటు పడ్డాడు. అయితే మద్యం తాగిన తర్వాత మతిస్థిమితం కోల్పోతుంటాడు. ఈ క్రమంలో ఈ నెల 8న పురుగు మందు డబ్బాలో గడ్డి మందు వేసుకుని తాగేశాడు. గమనించిన కుటుంబ సభ్యులు వెంటనే ప్రథమ చికిత్స నిమిత్తం సాలూరు సీహెచ్‌సీకి తరలించారు. అక్కడ చికిత్స పొందుతూ ఈ నెల 9వ తేదీ అర్ధరాత్రి మృతి చెందాడు. కుటుంబ సభ్యుల ఫిర్యాదు మేరకు హెచ్‌సీ కె నరసింహమూర్తి కేసునమోదు చేసి దర్యాప్తుచేస్తున్నారు. 26 దేశాల్లో వాసవి క్లబ్‌ సేవలు విజయనగరం కల్చరల్‌(క్రైమ్‌): సమాజ సేవకు అంకితమైన ఏకై క సంస్థ వాసవి క్లబ్‌ అని వాసవి క్లబ్‌ ఇంటర్నేషనల్‌ అధ్యక్షుడు శిద్ధా సూర్యప్రకాశరావు అన్నారు. ఈ మేరకు స్థానిక ఒక ప్రైవేట్‌ కల్యాణ మంటపంలో మంగళవారం జిల్లా స్థాయి సమావేశం జరిగింది.ఈ సమావేశానికి ముఖ్య అతిథిగా హాజరైన సూర్యప్రకాశరావు మాట్లాడుతూ .ప్రపంచవ్యాప్తంగా 26 దేశాలలో లక్షలాదిమంది సభ్యులతో వాసవి క్లబ్‌ విస్తరించిందని సేవలు అందిస్తోందన్నారు. రెండు తెలుగు రాష్ట్రాల్లోనే 1750 క్లబ్బులతో సేవా కార్యక్రమాలు అందిస్తున్నామని పేర్కొన్నారు. పర్యావరణ పరిరక్షణలో భాగంగా విస్తృతంగా మొక్కలు నాటడం, ప్రజలకు శుద్ధజల పంపిణీ చేపట్టడం.ఆర్థికంగా వెనుకబడిన కుటుంబాల్లో ఎవరైనా మరణిస్తే తక్షణ సహాయంగా రూ.25వేలు, ఆడపిల్లల వివాహ నిమిత్తం రూ.25వేలు సహాయం అందజేయడం. విద్యార్థులకు ఆసరాగా ప్రతిభ కనబరిచిన మెరిట్‌ విద్యార్థులకు ఉపకార వేతనాలు అందజేస్తున్నామన్నారు. నూతనంగా దేవాలయాలు నిర్మించే వారికి ఒక లక్ష రూపాయలు అందిస్తున్నామని, పలు పుణ్యక్షేత్రాల వద్ద భక్తుల కోసం వాసవి భవనాల ద్వారా ఉచిత వసతి సదుపాయాలు కల్పిస్తున్నామని చెప్పారు. కార్యక్రమంలో వాసవి క్లబ్‌ జిల్లా గవర్నర్‌ తమ్మన కల్యాణరాజు, పూర్వ ఇంటర్నేషనల్‌ అధ్యక్షుడు ఏవీఎస్‌ ఎన్‌. గుప్త, ఇంటర్నేషనల్‌ సెక్రటరీ దర్శి శ్రీనివాస గుప్తా, క్లబ్‌ సభ్యులు పెద్ద సంఖ్యలో పాల్గొన్నారు. ఈ సందర్భంగా విశిష్ట సేవలు అందిస్తున్న క్లబ్బులకు జ్ఞాపికలు అందజేశారు.

విజయనగరం టౌన్‌: జిల్లాలోని వివిధ న్యాయస్ధానాల్లో డిసెంబరు 12న నిర్వహించే జాతీయ లోక్‌ అదాలత్‌లో ఎక్కువ కేసులు పరిష్కారమయ్యే విధంగా సంబంధిత పోలీసు అధికారులు, సిబ్బంది అన్ని ముందస్తు చర్యలు చేపట్టాలని ఎస్పీ ఏఆర్‌.దామోదర్‌ అధికారులను మంగళవారం ఆదేశించారు. పోలీసుస్టేషన్‌ పరిధిలో నమోదైన కేసుల్లో ఇరువర్గాలు రాజీ అయ్యేందుకు అవకాశమున్న కుటుంబ వివాదాలు, ఆస్తితగాదాలు, చిన్న క్రిమినల్‌ కేసులు, ట్రాఫిక్‌ కేసులు, ఎకై ్సజ్‌, రోడ్డు ప్రమాద కేసులు, ఇతర కాంపౌండ్‌ కేసులను ముందుగా గుర్తించాలని సూచించారు. ఆయా కేసుల్లో ఇరువర్గాలతో సంప్రదించి, సమావేశాలు నిర్వహించి, వారు రాజీ అయ్యే విధంగా మానవతా దృక్పథంతో వ్యవహరించాలని చెప్పారు. ఇందుకు గాను పోలీసుస్టేషన్‌ స్ధాయిలో ప్రత్యేకబృందాలను ఏర్పాటుచేయాలని, ప్రతిరోజూ లోక్‌ అదాలత్‌లో పరిష్కారమయ్యే కేసులను సంబంధిత అధికారులు పర్యవేక్షించాలని, లోక్‌ అదాలత్‌ విజయవంతమయ్యేందుకు అధికారులు, సిబ్బంది ప్రణాళికాబద్ధంగా వ్యవహరించాలని స్పష్టం చేశారు. కేసుల్లో ఇరువర్గాలపై ఒత్తిడి లేకుండా, సహకారాత్మక వాతావరణంలో రాజీ అయ్యేలా వారిని ప్రోత్సహించాలని తెలిపారు. పోలీసు అధికారులు, సిబ్బంది సమన్వయంతో పనిచేస్తే కేసులు త్వరగా, సానుకూలంగా రాజీ అయ్యే అవకాశాలు పెరుగుతాయన్నారు. ఎక్కువ కేసులు లోక్‌ అదాలత్‌లలో పరిష్కారమయ్యే విధంగా చర్యలు చేపట్టడం వల్ల న్యాయవ్యవస్ధపై భారం తగ్గి, బాధితులకు సత్వర న్యాయం లభిస్తుందన్నారు. లోక్‌ అదాలత్‌లో పరిష్కారమయ్యే కేసులను ప్రతిరోజూ ఆయా సబ్‌ డివిజన్‌లకు చెందిన డీఎస్పీలు, సీఐలు పర్యవేక్షించాలని ఆదేశించారు.

● రాజాంలో వైఎస్సార్‌సీపీ కార్యకర్తలతో సమీక్షించిన పార్టీ జిల్లా అధ్యక్షుడు బెల్లాన చంద్రశేఖర్‌ రాజాం: రాజాంలో మున్సిపల్‌ ఎన్నికలకు పార్టీ శ్రేణులంతా సిద్ధం కావాలని వైఎస్సార్‌ కాంగ్రెస్‌ పార్టీ జిల్లా అధ్యక్షుడు బెల్లాన చంద్రశేఖర్‌ పార్టీ కార్యకర్తలకు పిలుపునిచ్చారు. రాజాంలోని పార్టీ కార్యాలయంలో మున్సిపాల్టీలోని పలువార్డులకు చెందిన కార్యకర్తలతో మంగళవారం సమీక్షించారు. నేడోరేపో రాజాం మున్సిపల్‌ ఎన్నికలకు నోటిఫికేషన్‌ రానుందన్నారు. కార్యకర్తలంతా సమన్వయంతో పనిచేస్తే విజయం ఖాయమని ధీమా వ్యక్తంచేశారు. ప్రతివార్డులో గెలుపుగుర్రాలను బరిలోకి దించాలని సూచించారు. అటు చైర్మన్‌తో పాటు ఇటు అన్ని కౌన్సిలర్‌ స్థానాలు దక్కించుకోవాలన్నారు. పార్టీ రాజాం నియోజకవర్గ ఇన్‌చార్జి డాక్టర్‌ తలే రాజేష్‌, పార్టీ పట్టణ కన్వీనర్‌ పాలవలస శ్రీనివాసరావు, రూరల్‌ కన్వీనర్‌ లావేటి రాజగోపాలనాయుడు మాట్లాడారు. రాజాం మున్సిపాల్టీకి చెందిన పలువురు కార్యకర్తలు, అభిమానులు పాల్గొన్నారు. శాస్త్రోక్తంగా ఉయ్యాల కంబాల ఉత్సవం విజయనగరం కల్చరల్‌(క్రైమ్‌): ఉత్తరాంధ్రుల ఆరాధ్యదైవం పైడితల్లి అమ్మవారి ఉయ్యాల కంబాల ఉత్సవం మంగళవారం రాత్రి శాస్త్రోక్తంగా నిర్వహించారు. మంగళవాయిద్యాలు, వేద మంత్రోచ్ఛరణాల నడుమ చదురుగుడి గర్భాలయంలోని అమ్మవారికి ప్రత్యేక పూజలు జరిపారు. అనంతరం ఉత్సవ విగ్రహానికి ఆలయ ప్రాంగణంలో అభిషేకాలు, అర్చనలు జరిపారు. అనంతరం సిరిమాను పూజారి బంటుపల్లి వెంకటరావు, ఆలయ తలయారీ పైడిరాజు తదితరులు సంప్రదాయం ప్రకారం ఉత్సవ విగ్రహాన్ని ఆలయ ఉత్తర భాగాన సిద్ధం చేసిన ఉయ్యాలలో ఉంచి ఉయ్యాలకంబాల ఉత్సవాన్ని వైభవంగా నిర్వహించారు. ఉయ్యాలకంబాల ఉత్సవంతో పైడితల్లి జాతర ముగిసినట్టేనని అర్చకులు తెలిపారు. బుధవారం ఉదయం 11 గంటలకు వనంగుడిలో అమ్మవారి చండీహోమంతో అమ్మవారి జాతర పరిసమాప్తం అవుతుందని ఆలయ పూజారి వెంకటరావు తెలిపారు.

● చివరి మంగళవారంతో పెరిగిన భక్తుల రద్దీ ● కనీస సౌకర్యాలు కల్పించని దేవస్థానంవిజయనగరం కల్చరల్‌ (క్రైమ్‌): ఉత్తరాంధ్ర ఆరాధ్య దైవం, విజయనగరం ఆడపడుచు శ్రీ పైడితల్లి అమ్మవారి దర్శనానికి భక్తులు మంగళశారం పొటెత్తారు. పైడితల్లి అమ్మవారి జాతరలో చివరి మంగళవారం, ఆ పై రాత్రి ఉయ్యాల కంబాల ఉత్సవం కావడంతో తల్లి దర్శనం చేసుకోవడానికి భక్తులు తండోపతండాలుగా వెల్లువెత్తారు. గత మంగళవారం సిరిమాను ఉత్సవం రోజు తుపాను, ఆపై ఎన్నికలు జరగడంతో భక్తులు పెద్దగా తల్లి దర్శనం చేసుకోలేదు. పైడితల్లి జాతరలో చివరి మంగళవారం కావడంతో నగరం నుంచే కాక జిల్లా వ్యాప్తంగా భారీ సంఖ్యలో మహిళా భక్తులు వచ్చి తల్లి దర్శనం చేసుకున్నారు. ఉచిత బస్సు పథకం పుణ్యమా పైడితల్లి అమ్మవారి దర్శనం చేసుకునేందుకు మహిళా భక్తులు పొటెత్తారు. మూడులాంతర్లు వద్ద ఉన్న చదురుగుడిలో పైడితల్లి అమ్మవారిని దర్శనం చేసుకునేందుకు ఉదయం 5గంటల నుంచి అధిక సంఖ్యలో మహిళలు వచ్చి తల్లి దర్శనం చేసుకున్నారు. అయితే భక్తుల సౌకర్యార్థం కనీస సౌకర్యాలు కల్పించలేదని భక్తులు వాపోయారు.పైగా జాతర రెండు రోజులు ఉచిత దర్శనం ఏర్పాటు చేసినప్పటికీ ఉయ్యాల కంబాల రోజున దర్శనం టికెట్‌ భక్తునికి ఒక్కొక్కరికి రూ. 50 ధర పెట్టడంతో దూరాభారం నుంచి ఉచితంగా బస్‌లో తల్లి దర్శనానికి వచ్చిన..ఆలయం వద్ద రూ.50 టిక్కెట్‌ కొనుగోలు చేసుకుని గర్భాలయంలోకి వెళ్లడంతో భక్తులు ఈసురో మంటున్నారు. పైగా అంతరాలయం దర్శనం లేకపోగా తల్లిని యాభై అడుగుల దూరం నుంచి దర్శించుకునేందుకు అవకాశం ఇవ్వడంతో భక్తులు దేవస్థానం అధికారులపై అసహనం వ్యక్తం చేస్తున్నారు. ఆలయంలో మంచినీరు సదుపాయం .భక్తుల సౌకర్యాకర్యార్థం చదురుగుడిలో పడమర వైపున మంచి నీరు సదుపాయం కల్పించామని ఆలయ అధికారులు పేర్కొన్నారు.భక్తుల రద్దీని దృష్టిలో పెట్టుకునే చల్లని తాగు నీటి సదుపాయం ఏర్పాటు చేశామన్నారు. పైడితల్లి దర్శనం చేసుకున్న అనంతరం ఆలయం లోపలే ఆ మంచి నీరు సదుపాయం భక్తుల కోసం పెట్టామన్నారు. దర్శనం అనంతరం దక్షిణం వైపు వెనక భాగం నుంచి బయటకు వస్తే కనీస సౌకర్యాలు కూడా కల్పించామని ఆలయం అధికారులు పేర్కొన్నారు.కనీస సౌకర్యాలు కరువు తల్లి దర్శనం జరగడం పూర్వ జన్మ సుకృతం, పైడితల్లి దర్శనానికి దూరా భారం నుంచి వస్తున్నాం. గత మంగళవారం తుఫాన్‌, ఎన్నికలు రావడంతో తల్లి దర్శనం చేసుకోలేదు.ఈ వారం ఉయ్యాల, కంబాల ఉత్సవం ఆపై జాతర చివరి మంగళవారం అని వస్తే టికెట్‌ ధర రూ.50 పెట్టి దర్శనం చేసుకున్నాం. కనీసం మంచి నీటి సదుపాయం కల్పించక పోవడం బాధాకరం. – ఆది నారాయణ, పాన్‌ షాప్‌ యజమాని

చికెన్‌పార్వతీపురం రూరల్‌: ఉపాధ్యాయులు శాసీ్త్రయ ఆలోచనా విధానాన్ని స్వయంగా నేర్చుకుని విద్యార్థులకు నేర్పించాలని కలెక్టర్‌ డాక్టర్‌ ఎన్‌. ప్రభాకర్‌ రెడ్డి పిలుపు నిచ్చారు. ఈ మేరకు జిల్లాకేంద్రం పార్వతీపురంలోని ప్రభుత్వ జూనియర్‌ కళాశాల సమావేశ మందిరంలో మంగళవారం సైనన్స్‌ ఉపాధ్యాయులతో నిర్వహించిన సమావేశంలో ఆయన మాట్లాడారు. విద్యాబోధనను కేవలం పుస్తక పరిజ్ఞానానికే పరిమితం చేయకుండా నిజ జీవిత ఉదాహరణలు, ప్రయోగాలు, ఆచరణాత్మక పద్ధతులకు ప్రాధాన్యం ఇవ్వాలని కలెక్టర్‌ సూచించారు. విద్యార్థులు కేవలం పరీక్షల కోసమే కాకుండా, నేర్చుకున్న అంశాలను సొంత మాటల్లో వివరించేలా ప్రోత్సహించాలన్నారు. విద్యావిధానాన్ని ’టీచింగ్‌’ నుంచి ’లెర్నింగ్‌’ వైపు మళ్లించాలని స్పష్టం చేశారు. ఉపాధ్యాయులు నిత్య విద్యార్థుల్లా తమ బోధనా పద్ధతులను మెరుగుపరుచుకుంటూ పరిశోధనల వైపు పయనించాలని, పీహెచ్‌డీ నమోదుకు ముందుకు రావాలని కోరారు. ప్రతి పాఠశాల విద్యార్థుల స్థాయికి తగినట్లు స్వయంగా సమర్థవంతమైన ’యాక్షన్‌ ప్లాన్‌’ రూపొందించి అమలు చేయాలన్నారు. ల్యాబ్‌ ప్రయోగాలను గదికే పరిమితం చేయకుండా పాఠశాల ఆవరణలో ప్రదర్శించాలని తెలిపారు. తరగతి గదులు, క్యాంపస్‌ శుభ్రతలో విద్యార్థులతో పాటు ఉపాధ్యాయులూ భాగస్వాములు కావాలని పేర్కొన్నారు. కార్యక్రమంలో సబ్‌ కలెక్టర్‌ సచిన్‌ ఆర్చిత్‌ రహర్‌, జిల్లా విద్యాశాఖాధికారి, ఉపాధ్యాయులు పాల్గొన్నారు. ప్రయోగాలకే పెద్దపీట విద్యార్థుల్లో శాసీ్త్రయ దృక్పథం పెంపొందించాలి సైన్స్‌ ఉపాధ్యాయులతో కలెక్టర్‌ డాక్టర్‌ ప్రభాకర్‌రెడ్డి

విజయనగరం అర్బన్‌: మహారాజా అటానమస్‌ కళాశాల ఎన్‌ఎస్‌ఎస్‌ వలంటీర్‌ గంటా హరీష్‌ వెస్ట్‌ జోన్‌ ఎన్‌ఎస్‌ఎస్‌ ప్రీ–రిపబ్లిక్‌ డే పరేడ్‌ క్యాంప్‌–2026కు ఎంపికయ్యారు. నవంబర్‌ 10 నుంచి 19వ తేదీ వరకు హైదరాబాద్‌లోని అనురాగ్‌ విశ్వవిద్యాలయంలో ఈ శిక్షణ శిబిరం జరగనుంది. ఈ శిబిరంలో ప్రతిభ కనబరిచిన వలంటీర్లకు 2027 జనవరి 1 నుంచ 31వ తేదీ వరకు న్యూఢిల్లీలో జరిగే జాతీయ ఎన్‌ఎస్‌ఎస్‌ రిపబ్లిక్‌ డే పరేడ్‌ శిబిరంలో పాల్గొనే అవకాశం లభిస్తుంది. హరీష్‌ ఎంపిక పట్ల కళాశాల ప్రిన్సిపాల్‌ ప్రొఫెసర్‌ ఎం.సాంబశివరావు హర్హం వ్యక్తం చేసి అభినందించారు.

విజయనగరం గంటస్తంభం: ఖరీఫ్‌ 2026–27 సీజన్‌ ధాన్యం కొనుగోలులో దళారుల ప్రమేయం లేకుండా చూడాలని, రైతుకు మద్దతు ధర అందేలా చర్యలు తీసుకోవాలని పౌరసరఫరాల సంస్థ డీఎం బి.శాంతి, వ్యవసాయ శాఖ జేడీ రామారావు సంబంధిత సిబ్బందికి సూచించారు. కలెక్టరేట్‌ ఆడిటోరియంలో ధాన్యం సేకరణపై మంగళవారం నిర్వహించిన జిల్లా స్థాయి శిక్షణ తరగతుల్లో వారు మాట్లాడారు. జిల్లాలో ఈ సీజన్‌లో సుమారు 6 లక్షల మెట్రిక్‌ టన్నుల ధాన్యం దిగుబడి వస్తుందని అంచనా వేయగా, 4 లక్షల మెట్రిక్‌ టన్నులు కొనుగోలు చేయాలని లక్ష్యంగా నిర్దేశించినట్లు తెలిపారు. సాధారణ రకం ధాన్యం క్వింటాకు రూ.2,441, గ్రేడ్‌–ఏ రకానికి రూ.2,461 మద్దతు ధరగా ప్రభుత్వం నిర్ణయించిందన్నారు. నవంబర్‌లో 15 వేల మెట్రిక్‌ టన్నులు, డిసెంబర్‌లో 1.77 లక్షలు, జనవరిలో 1.68 లక్షలు, ఫిబ్రవరిలో 32 వేల మెట్రిక్‌ టన్నుల ధాన్యం సేకరిస్తామని చెప్పారు. దీనికోసం 80 లక్షల పాత గన్నీ బ్యాగులు, 53 లక్షల కొత్త గోనెసంచులు సమకూరుస్తున్నామని, కొనుగోలు కేంద్రాల్లో తూకం యంత్రాలు, తేమ కొలిచే మీటర్లు సిద్ధంగా ఉంచుకోవాలని ఆదేశించారు. నవంబర్‌ 11 నుంచి మండల కేంద్రాల్లోని ఎంపీడీఓ కార్యాలయాల్లో క్షేత్రస్థాయి సిబ్బందికి శిక్షణ ఉంటుందన్నారు. రైతు ఐడీ తప్పనిసరి.. ప్రభుత్వానికి ధాన్యం విక్రయించే ప్రతి రైతుకు ఆధార్‌తో లింక్‌ అయిన 20 అంకెల ఫార్మర్‌ ఐడీ తప్పనిసరి అని జేడీ రామారావు స్పష్టం చేశారు. పెండింగ్‌ రిజిస్ట్రేషన్లను త్వరితగతిన పూర్తి చేయాలని, ధాన్యం రవాణాకు మండలాల వారీగా వాహనాల రిజిస్ట్రేషన్‌ ప్రక్రియను ఈ నెల 20వ తేదీలోగా నూరుశాతం పూర్తి చేయాలన్నారు. క్రాప్‌ కటింగ్‌ ఎక్స్‌పెరిమెంట్స్‌కు సంబంధించి ఫారం–1 ఫ్లాట్‌ సెలెక్షన్‌ను రాబోయే రెండు రోజుల్లో పూర్తి చేయాలని ఆదేశించారు. రాజాం డివిజన్‌లో ఇప్పటికే కోతలు ప్రారంభమైనందున 15 రోజుల్లో సేకరణకు పరిస్థితులు అనుకూలిస్తాయని, విజయనగరం, కొత్తవలస ప్రాంతాల్లో డిసెంబర్‌ మొదటి వారం నుంచి ముమ్మరం కానుందని పేర్కొన్నారు. ధాన్యంలో తేమ శాతం, తాలు, చెత్త వంటి ఎఫ్‌ఏక్యూ నాణ్యతా ప్రమాణాలపై రైతులకు ముందుగానే అవగాహన కల్పించాలని, తద్వారా మిల్లుల వద్ద తిరస్కరణ సమస్యలు తెలత్తకుండా చూడాలని సూచించారు. బకాయిలు చెల్లించాల్సిందే.... ఖరీఫ్‌, రబీ సీజన్లకు సంబంధించి ఏపీఈఎస్‌, ఐఎఫ్‌ఎంఎస్‌లలో పెండింగ్‌లో ఉన్న ఎరువుల లావాదేవీల బకాయిలను, మార్కెట్‌ కమిటీ డ్యూస్‌లను నవంబర్‌ 15వ తేదీలోగా నూరు శాతం క్లియర్‌ చేయాలని జేడీ ఆదేశించారు. గడువు దాటితే చర్యలు తప్పవని హెచ్చరించారు. కేంద్ర ప్రభుత్వం చేపట్టిన ఖేత్‌ బచావో అభియాన్‌ను విజయవంతం చేయాలని, ప్రతి రైతు సేవా కేంద్రం(ఆర్‌ఎస్‌కే) వద్ద అధికారిక క్యూఆర్‌ కోడ్‌ పోస్టర్లను తప్పనిసరిగా ప్రదర్శించాలని స్పష్టం చేశారు. శిక్షణ కార్యక్రమంలో స్పెషల్‌ డిప్యూటీ కలెక్టర్‌ అరుణకుమారి, జిల్లా పౌరసరఫరాల అధికారి జి.మురళీనాథ్‌, ఉద్యాన అధికారి చిట్టిబాబు, మార్క్‌ఫెడ్‌ మేనేజర్‌ వెంకటేశ్వరరావు, మండల వ్యవసాయ అధికారులు, ఆర్‌ఎస్‌కే ఇన్‌చార్జులు, సిబ్బంది పాల్గొన్నారు. ఖరీఫ్‌లో 4 లక్షల మెట్రిక్‌ టన్నుల ధాన్యం కొనుగోలే లక్ష్యం రైతు ఐడీ తప్పనిసరి.. వాహనాల రిజస్ట్రేషన్లు వేగవంతం చేయాలి కలెక్టరేట్‌లో ధాన్యం సేకరణపై ముగిసిన జిల్లా స్థాయి శిక్షణ

ఉపాధ్యాయులకు అదనపు భారం పదో తరగతి ఎస్‌ఏ–1 పరీక్షల పర్యవేక్షణ పేరుతో ఇతర పాఠశాలకు చెందిన స్కూల్‌ అసిస్టెంట్‌ ఉపాధ్యాయులను పరిశీలకులుగా నియమించడాన్ని ఉపాధ్యాయ సంఘాల ఐక్యవేదిక జిల్లా కమిటీ తరఫున ఖండించింది. గెజిటెడ్‌ హోదాలో ఉన్న ప్రధానోపాధ్యాయుడు నిర్వహిస్తున్న పాఠశాల స్థాయి పరీక్షల పర్యవేక్షణకు మరో పాఠశాలకు చెందిన స్కూల్‌ అసిస్టెంట్‌ను పంపడం ప్రధానోపాధ్యాయుల గౌరవానికి భంగం కలిగించడమే. మరోవైపు ఇతర ప్రాంతాల పాఠశాలలకు ఉపాధ్యాయులను పంపడం వల్ల వారు తమ సొంత పాఠశాలల్లో పదో తరగతి విద్యార్థుల అభ్యసన సామర్థాల్య పెంపుపై పరిశీలించే అవకాశం కోల్పోతారు. ఓ వైపు మిషన్‌ మార్చి–2027 పేరుతో విద్యార్థుల ప్రగతిని నిరంతరం పర్యవేక్షించాలని ఆదేశిస్తూ మరోవైపు అదే విద్యార్థులకు బోధించే ఉపాధ్యాయులను దూరం చేయడం పరస్పర విరుద్ధం. ఈ విధానాన్ని తక్షణమే ఉపసంహరించుకోవాలి. – పి.శ్రీనివాసరావు, చైర్మన్‌, ఫ్యాప్టో జిల్లా కమిటీ విజయనగరం అర్బన్‌: గత రెండున్నరేళ్లుగా విద్యారంగం గాడితప్పిందా? అంటే.. అవుననే సమాధానం వినిపిస్తోంది. ప్రభుత్వం అనుసరిస్తున్న విద్యార్థి, ఉపాధ్యాయ వ్యతిరేక విధానాలు ఆయా వర్గాలను ఆందోళనకు గురిచేస్తున్నాయి. ప్రభుత్వ బడుల్లో చదివే విద్యార్థులకు ఉజ్వల భవిష్యత్తు ఇచ్చే నిర్ణయాలు కాకుండా.. వారిని అణగదొక్కే, ఆందోళనకు గురిచేసే విధానాల అమలును విద్యావేత్తలు, మేధావులు తప్పుబడుతున్నారు. ఉపాధ్యాయ సంఘాలు బహిరంగంగా విమర్శిస్తున్నాయి. పదోతరగతి విద్యార్థులను పబ్లిక్‌ పరీక్షలకు సిద్ధం చేయాల్సిన కీలక సమయంలో ఉపాధ్యాయులకు అదనపు విధులు అప్పగించడం, ఎస్‌ఏ–1న పరీక్ష పరిశీలకులుగా ఇతర పాఠశాలల్లో విధులకు పంపిస్తూ విద్యార్థులకు బోధనను దూరం చేయడాన్ని ఉపాధ్యాయులు తప్పుబడుతున్నారు. విద్యార్థుల అభ్యసన ప్రక్రియపై ప్రభావం పడుతుందని, భవిష్యత్తు అంధకారంగా మారుతుందని ఆందోళన వ్యక్తం చేస్తున్నారు.జిల్లా విద్యాశాఖ ఈ నెల 8న జారీ చేసిన ఆదేశాల ప్రకారం.. మిషన్‌ మార్చి–2027లో భాగంగా పదో తరగతి విద్యార్థులకు నిర్వహిస్తున్న సమ్మేటివ్‌ అసెస్‌మెంట్‌–1 (ఎస్‌ఏ–1) పరీక్షల పర్యవేక్షణకు స్కూల్‌లెవెల్‌ అబ్జర్వర్లను నియమించారు. ఈ నెల 9 నుంచి 20వ తేదీ వరకు పరీక్షలు నిర్వహించనుండగా, ఒక పాఠశాల ఉపాధ్యాయులు వేర్వేరు మండలాల్లో కేటాయించిన పాఠశాలలకు వెళ్లి పరీక్షల తీరును పరిశీలించాలి. భాషా సబ్జెక్టులు బోధించే స్కూల్‌ అసిస్టెంట్లకు ఈ నెల 9 నుంచి 11 వరకు, నాన్‌ లాంగ్వేజ్‌ సబ్జెక్టుల ఉపాధ్యాయులకు ఈ నెల 12 నుంచి 18వ తేదీ వరకు విధులు కేటాయించారు. ఉదయం 8.30 గంటలకు కేటాయించిన పాఠశాలకు చేరుకుని హెచ్‌ఎంకు రిపోర్టు చేయాలని ఉత్తర్వుల్లో పేర్కొన్నారు. ఉదయం 9.15 నుంచి మధ్యాహ్నం 12.30 గంటల వరకు జరిగే పరీక్షలను పర్యవేక్షించాలి. చూసిరాతలు జరగకుండా చూడాలి. జవాబు పత్రాలను అదే రోజు మండల విద్యాశాఖాధికారికి అందజేయాలి. అయితే, దీనివల్ల సొంత పాఠశాలల్లో పదోతరగతి విద్యార్థులను పరీక్షలకు సిద్ధం చేయడంలో అవాంతరం కలుగుతోందని, విద్యార్థులపై పర్యవేక్షణ లోపిస్తుందని ఉపాధ్యాయులు చెబుతున్నారు. మరోవైపు ఇతర పాఠశాలల ఉపాధ్యాయులను పరీక్షల పరిశీలకులుగా నియమించడంపై ఆ పాఠశాలల్లో ఉన్న హెచ్‌ఎంలు అవమానకరంగా భావిస్తున్నారు. ఇదీ పరిస్థితి... ఉపాధ్యాయులపై పరీక్షల భారం! పర్యవేక్షణ పేరుతో దూర ప్రాంతాలకు డ్యూటీలు బోధనకు దూరమవుతున్న టీచర్లు ఒకవైపు పదో తరగతి విద్యార్థుల భవిష్యత్తు... మరోవైపు ఇతర పాఠశాలల్లో పరిశీలకుల విధులు ఎస్‌ఏ–1 పరీక్షల పర్యవేక్షణ ఉత్తర్వులపై గురువుల గుర్రు

● 40 రోజుల్లో 800 మంది వివరాల సేకరణ ● ప్రతి ఒక్కరి సమాచారం కచ్చితంగా నమోదు చేయాలివిజయనగరం గంటస్తంభం: కేంద్ర ప్రభుత్వం ప్రతిష్టాత్మకంగా చేపట్టనున్న 16వ జనగణన–2027 ప్రక్రియ రెండో దశను జిల్లాలో విజయవంతంగా నిర్వహించేందుకు అధికారులు పూర్తి స్థాయిలో సిద్ధం కావాలని కలెక్టర్‌, ప్రన్సిపల్‌ సెన్సెస్‌ అధికారి ఎస్‌.రాంసుందర్‌ రెడ్డి సూచించారు. జనవరి 25 నుంచి ప్రారంభం కానున్న రెండో దశ జనగణనలో ఎలాంటి తప్పిదాలకు తావులేకుండా కచ్చితమైన వివరాలను సేకరించాలని ఆదేశించారు.ఈ మేరకు చింతలవలసలోని ఎంవీజీఆర్‌ ఇంజినీరింగ్‌ కళాశాలలో జిల్లా, చార్జ్‌ స్థాయి అధికారులకు నిర్వహిస్తున్న మూడు రోజుల జనగణన శిక్షణ కార్యక్రమంలో మంగళవారం రెండో రోజు కలెక్టర్‌ పాల్గొని పరిశీలించారు. అధికారుల అవగాహన స్థాయిని పరీక్షించడంతో పాటు వారి సందేహాలను నివృత్తి చేశారు. ఈ సందర్భంగా ఆయన మాట్లాడుతూ, ఒక్కో ఎన్యూమరేటర్‌కు కేటాయించిన 40 రోజుల గడువులో సుమారు 800 మంది వివరాలను సేకరించాల్సి ఉంటుందని, ఈ లెక్కన రోజుకు దాదాపు ఏడు ఇళ్లకు వెళ్లి సమాచారం నమోదు చేయాల్సింటుందని తెలిపారు. ప్రారంభంలో కొంత సమయం పట్టినా, అనుభవం పెరిగే కొద్దీ పనిలో వేగం పెరుగుతుందన్నారు. జనగణనలో అడగాల్సిన 40 ప్రశ్నలపై ఎన్యూమరేటర్లు ముందుగానే పూర్తిస్థాయిలో అవగాహన పెంచుకోవాలని, ప్రతి కుటుంబంలోని ప్రతి ఒక్కరినీ ప్రశ్నించి కచ్చితమైన వివరాలను నమోదు చేయాలని స్పష్టం చేశారు. పొరపాట్లు దొర్లకూడదు సమాచార సేకరణలో ఎలాంటి పొరపాట్లు, సమన్వయ లోపాలు దొర్లకుండా జాగ్రత్తలు తీసుకోవాలని సూచించారు. మూడు రోజుల శిక్షణను అధికారులు సద్వినియోగం చేసుకుని క్షేత్రస్థాయిలో విధుల నిర్వహణపై పూర్తి స్పష్టత పొందాలని సూచించారు. జనగణనలో సేకరించే కుల వివరాలను ఎట్టి పరిస్థితుల్లోనూ కుల ద్రువీకరణ పత్రాల జారీకి ప్రామాణికంగా పరిగణించబోమని కలెక్టర్‌ స్పష్టం చేశారు. జనగణన ప్రక్రియను పారదర్శకంగా, పకడ్బందీగా నిర్వహించేందుకు ప్రతి అధికారి బాధ్యతాయుతంగా వ్యవహరించాలని సూచించారు. కార్యక్రమంలో జిల్లా రెవెన్యూ అధికారి సీహెచ్‌.సత్తిబాబు, జనగణన జాయింట్‌ డైరెక్టర్‌, సీపీఓ బాలాజీ, డీపీఓ డీవీ మల్లికార్జునరావు, మున్సిపల్‌ కమిషనర్లు, ఎంపీడీవోలు, తహసీల్దార్లు, ఏఎస్‌ఓలు, డీటీలు తదితర అధికారులు పాల్గొన్నారు.

రాజాం: పత్తి రైతుకు కష్ట కాలం వచ్చింది. పంట చేతికందినా స్థానికంగా విక్రయించుకోలేని దుస్థితి. రెండేళ్ల కిందటి వరకు వ్యవసాయ మార్కెట్‌ యార్డుల వద్ద నవంబర్‌ నుంచి మే నెల వరకు పత్తికొనుగోలు చేయడంతో పాటు ఇక్కడి గోదాంలలో దాచుకునే అవకాశం ఉండేది. ఈ ఏడాది ఆ పరిస్థితి కనిపించడం లేదు. ఇతర జిల్లాలో పత్తి పంటకు డిమాండ్‌ ఉన్నప్పటికీ ఇక్కడ మాత్రం పత్తిపంటను కొనుగోలుచేసేవారే కరువయ్యారు. ● తగ్గిన సాగు ప్రభుత్వ చర్యలతో గతేడాది నుంచి పత్తిపంట సాగును రైతులు తగ్గిస్తున్నారు. 2024 ఖరీఫ్‌లో జిల్లాలో 6 వేల ఎకరాల్లో పత్తిపంట సాగు చేయగా గతేడాది 5,100 ఎకరాలకు పరిమితమైంది. ఈ ఏడాది 4,600 ఎకరాల్లోనే సాగైంది. ఇటీవల కురిసిన తుఫాన్‌ వర్షాలతో పత్తిపంట నాశనమైంది. చేతికందిన అరకొర పంటను కూడా కొనుగోలు చేసేవారు లేక రైతులు ఆవేదన చెందుతున్నారు. ● రైతుకు దక్కని మద్దతు ధర కాటన్‌ కార్పొరేషన్‌ ఆఫ్‌ ఇండియా (సీసీఐ) 2026–27 సీజన్‌కు పత్తి పంట క్వింటాకు రూ.8,267లు మద్దతు ధర ప్రకటించింది. అయితే, ఆ ధరకు జిల్లాలో కొనుగోళ్లు జరగడంలేదు. పత్తిని వేరుచేయడం నుంచి భద్రపరచడం వరకు శ్రమతో కూడిన సున్నితమైన పని. తేమ లేకుండా చూసుకోవాలి. పత్తి సాగుకు పెట్టుబడి కూడా అధికమే. ఎకరాకు కేవలం 4 నుంచి 5 క్వింటాళ్ల దిగుబడి మాత్రమే వస్తోందని రైతులు చెబుతున్నారు. గత్యంతరం లేక వ్యయప్రయాసలకోర్చి గుంటూరు జిల్లాకు తరలించి పత్తి పంటను విక్రయిస్తున్నారు. అయితే, అక్కడ క్వింటా రూ.9వేల పైబడి ధర పలుకుతున్నట్టు చెబుతున్నారు. నాణ్యతే ప్రామాణికం పత్తి పంటలో ప్రధానంగా నాణ్యతను ప్రామాణికంగా తీసుకుంటున్నాం. ప్రస్తుతం పండిస్తున్న పత్తిపంట మొదటి పూత నాణ్యతగా ఉంటుంది. పత్తికాయలు పెద్దవిగా రావడంతో పాటు పత్తి కూడా తెల్లగా ఎటువంటి పుప్పులేకుండా దిగుబడి వస్తుంది. తొలి పర్యాయం పత్తి ఎక్కువ దిగుబడి రావడంతో పాటు నాణ్యత కూడా ఉంటుంది. మార్కెట్‌ యార్డులో పత్తికొనుగోలు కేంద్రం సిద్ధంచేశాం. ఇక్కడకు వచ్చిన రైతులను రామభద్రపురం జిన్నింగ్‌ మిల్లు వద్దకు విక్రయాలు నిమిత్తం పంపిస్తున్నాం. – కె.శ్రీనివాసరావు, రాజాం ఏఎంసీ కార్యదర్శి దిగుబడి తగ్గింది.. ఈ ఏడాది పత్తి దిగుబడి తగ్గింది. స్థానికంగా కొనుగోలు కేంద్రం లేదు. ఇతర ప్రాంతాల్లో ఎక్కువ గిరాకీ ఉంది. ఇక్కడ పండిన పంటను ఇతర ప్రాంతాలకు తరలించి విక్రయిస్తున్నాం. – బెవర వెంకటరమణ, రైతు, కంచరాం, రాజాం మండలం దళారీలకు విక్రయిస్తున్నాం.. పత్తి పంట ఒకే దఫా కోతకు రాదు. నాలుగు నుంచి ఆరు పూతలు వస్తాయి. తొలి, మలి పూత దశల్లో వచ్చిన పత్తికాయలు నాణ్యంగా ఉంటాయి. వీటికే మంచి ధర ఉంటుంది. రాజాంలో పత్తికొనుగోలు కేంద్రంలో సేకరణ లేక ఇతర ప్రాంతాలకు తరలిస్తున్నాం. మద్దతుధర అందడం లేదు. – ఎ.వెంకటలక్ష్మి, పొనుగుటివలస, రాజాం మండలం కానరాని మద్దతుధర ప్రారంభంకాని కొనుగోలు కేంద్రం గుంటూరుకు తీసుకెళ్లి విక్రయించాల్సిన దుస్థితి ఈ ఏడాది జిల్లాలో 4,600 ఎకరాల్లో పత్తి సాగు

కొత్తవలస: జిల్లా కేంద్రంలో ఇటీవల స్కూల్‌ గేమ్స్‌ ఫెడరేషన్‌ ఆధ్వర్యంలో నిర్వహించిన జిల్లాస్థాయి పాఠశాల క్రీడాపోటీల్లో మండలంలోని అప్పన్నపాలెం గ్రామం సమీపంలో గల ఓపీ జిందాల్‌ స్కూల్‌ నుంచి 15 మంది విద్యార్ధులు రాష్ట్రస్థాయి పోటీలకు ఎంపికై నట్లు పాఠశాల ప్రిన్సిపాల్‌ విశ్వనాథం మంగళవారం తెలిపారు. అండర్‌–14 విభాగంలో హ్యాండ్‌ బాల్‌ పోటీలకు డి.చాతుర్య, పి.జాహ్నవి, కరాటే పోటీలకు ఈ.దేవకీలత, సీహెచ్‌.తవ్విక, ఎస్‌.కార్తీక్‌, క్రికెట్‌ పోటీలకు కె.మోక్షజ్ఞ, బాస్కెట్‌బాల్‌ పోటీలకు డి.చాతుర్య, ఎల్‌.కుసుమలు, బాస్కెట్‌బాల్‌ పోటీలకు జి.పూర్ణసాయితేజలు ఎంపికై నట్లు తెలిపారు. అలాగే అండర్‌–17 విభాగంలో ఫుట్‌బాల్‌ పోటీలకు జి.ప్రణవ్‌సిద్దార్థ, జి.పార్థు, బాస్కెట్‌బాల్‌ పోటీలకు ఎ.యోగికార్తీక్‌ ఎంపికై నట్లు తెలిపారు.రాష్ట్రస్థాయి పోటీలకు ఎంపికై న విద్యార్థులను పాఠశాల బోధనా సిబ్బంది తదితరులు అభినందించారు. వలస కార్మికుడి మృతివిశాఖపట్నం: విజయనగరం జిల్లాకు చెందిన ఉజ్జిరోతు చిన్న (45) అనే వలస కార్మికుడు మంగళవారం మృతి చెందాడు. దీనిపై నగరంలోని పీఎం పాలెం సీఐ జి.బాలకృష్ణ తెలిపిన వివరాల ప్రకారం..ఉజ్జిరోతు చిన్న నగరానికి వలస వచ్చి పెదరుషికొండలో కుటుంబంతో కలిసి నివసిస్తున్నాడు. తాపీ మేస్త్రిగా పనిచేస్తున్న చిన్నకు మద్యం తాగే అలవాటు ఉంది. గతంలో పలుమార్లు మద్యం మత్తులో కిందపడి గాయపడిన ఘటనలు ఉన్నాయి. ఈ నెల 9వ తేదీ సాయంత్రం ఇంటి నుంచి బయటకు వెళ్లిన చిన్న తిరిగి రాలేదు. మంగళవారం ఉదయం రుషికొండ ఐటీ సెజ్‌ రోడ్డులోని ఎలిఫెంట్‌ రెస్టారెంట్‌ సమీపంలో మృతి చెంది ఉన్నాడని కుమారుడు ఈశ్వరరావుకు సమాచారం అందింది. దీంతో కుమారుడు పోలీసులకు ఫిర్యాదు చేశాడు. అధికంగా మద్యం తాగడం, అనారోగ్యం కారణంగా తండ్రి మృతి చెంది ఉంటాడని ఫిర్యాదులో పేర్కొన్నాడు. పోలీసులు మృతదేహాన్ని పోస్టుమార్టం నిమిత్తం కేజీహెచ్‌కు తరలించి కేసు నమోదు చేసి దర్యాప్తు చేపట్టారు.

● ఎమ్మెల్సీ విక్రాంత్‌ నేతత్వంలో కలెక్టర్‌కు బాధితుల ఫిర్యాదుపార్వతీపురం రూరల్‌: వీరఘట్టం మండలం కత్తుల కవిటి పోలింగ్‌ కేంద్రంలో అధికార పక్ష ఎమ్మెల్యే చేసిన దౌర్జన్యంపై కఠినమైన చట్టపరమైన చర్యలు తీసుకోవాలని కోరుతూ ఎమ్మెల్సీ పాలవలస విక్రాంత్‌ నేతృత్వంలో బాధితులు కలెక్టర్‌ను ఆశ్రయించారు. ఈ మేరకు మంగళవారం ఎమ్మెల్సీ ఆధ్వర్యంలో బాధిత పోలింగ్‌ ఏజెంట్లు, స్థానిక నాయకులు, గ్రామస్తులు పార్వతీపురం మన్యం జిల్లా కలెక్టర్‌ డాక్టర్‌ ఎన్‌.ప్రభాకర్‌ రెడ్డిని కలిసి వినతిపత్రం సమర్పించారు. పోలింగ్‌ రోజున జరిగిన అవాంఛనీయ ఘటనను బాధితులు ఎమ్మెల్సీతో కలిసి కలెక్టర్‌కు కూలంకుషంగా వివరించారు. కత్తుల కవిటి జెడ్పీహెచ్‌ఎస్‌లోని 39వ నంబర్‌ పోలింగ్‌ బూత్‌లోకి పాలకొండ ఎమ్మెల్యే నిమ్మక జయకృష్ణ దౌర్జన్యంగా ప్రవేశించారని వారు కలెక్టర్‌ దృష్టికి తీసుకెళ్లారు. సాక్ష్యాధారాలు లేకుండా ఉద్దేశపూర్వకంగా సీసీ కెమెరాలు నిలిపివేసి, పోలింగ్‌ ఏజెంట్లు పక్కి కిరణ్‌ కుమార్‌, గొల్ల రమేష్‌, గేదెల సుదర్శన్‌ రావులపై విచక్షణారహితంగా దాడి చేసి ప్రాణహాని బెదిరింపులకు గురిచేశారని వివరించారు. ఎమ్మెల్యే అనుచరుల తీరుతో క్యూలో ఉన్న ఓటర్లు సైతం భయాందోళనలకు గురైన పరిస్థితిని ఏకరువు పెట్టారు. క్రిమినల్‌ కేసులు నమోదు చేయాలి.. ఈ ఘటనపై స్వతంత్ర విచారణ జరిపి, అక్రమ ప్రవేశం, దాడికి పాల్పడిన ఎమ్మెల్యేపై భారత న్యాయ సంహిత, ప్రజాప్రాతినిధ్య చట్టం కింద క్రిమినల్‌ కేసులు నమోదు చేయాలని ఎమ్మెల్సీ విక్రాంత్‌, బాధితులు కలెక్టర్‌ను కోరారు. తక్షణమే ఆ బూత్‌లోని రికార్డులు, సీసీ కెమెరాల డేటా స్వాధీనం చేసుకోవాలని విజ్ఞప్తి చేశారు. అలాగే, పాలకొండ మండలం బెజ్జి గ్రామ పంచాయతీకి సంబంధించి మొత్తం 8 వార్డులకు ఒకేసారి ఎలక్షన్లు జరిగేలా చూడాలని కోరుతూ మాజీ సర్పంచ్‌ సివ్వాల శ్రీనివాసరావు రాసిన అర్జీని కలెక్టర్‌కు అందజేశారు. బాధితులకు న్యాయం జరిగేలా చూడాలని ఎమ్మెల్సీ విక్రాంత్‌ అధికారులను కోరారు. అనంతరం కలెక్టరేట్‌ వద్ద ఆయన మీడియాతో మాట్లాడి పరిస్థితిని వివరించారు.

● జిల్లా యువజన అధికారి ప్రేమ్‌ భరత్‌ కుమార్‌విజయనగరం: యువతలో మార్పు తీసుకువచ్చే దిశగా వికసిత్‌ భారత్‌ యూత్‌ పార్లమెంట్‌ పేరిట ఈనెల 18న విజయనగరం జిల్లాస్థాయి ప్రసంగ పోటీలను స్థానిక మహారాజా కళాశాలలో నిర్వహించనున్నట్లు జిల్లా యువజన అధికారి ప్రేమ్‌ భరత్‌ కుమార్‌ తెలిపారు. ఆసక్తి గల విద్యార్థులు, యువత జిల్లాస్థాయి పోటీల్లో పాల్గొనేందుకు తమ పేర్లను నమోదు చేసుకోవాలని పిలుపునిచ్చారు. ఈ మేరకు మంగళవారం జిల్లా కేంద్రంలో పోటీలకు సంబంధించిన కరపత్రాలను ఆవిష్కరించారు. కేంద్ర యువజన వ్యవహారాలు, క్రీడల మంత్రిత్వ శాఖ ఆధ్వర్యంలో మేరా యువభారత్‌ నిర్వహిస్తున్న వికసిత్‌ భారత్‌ యంగ్‌ లీడర్స్‌ డైలాగ్‌– 2027లో భాగంగా దేశవ్యాప్తంగా అన్ని జిల్లాల్లో వికసిత్‌ భారత్‌ యూత్‌ పార్లమెంట్‌ కార్యక్రమాన్ని చేపడుతున్నట్లు పేర్కొన్నారు. ఈ కార్యక్రమంలో భాగంగా ‘మాదకద్రవ్యాల రహిత యువత–వికసిత్‌ భారత్‌’ అనే అంశంపై 18 నుంచి 25 సంవత్సరాల వయస్సు గల యువత పాల్గొనవచ్చని తెలిపారు. జిల్లాస్థాయిలో ప్రతిభ కనబరిచిన ముగ్గురు విజేతలను రాష్ట్రస్థాయి పోటీలకు ఎంపిక చేస్తామని, రాష్ట్రస్థాయిలో విజయం సాధించిన ముగ్గురికి జాతీయస్థాయి పోటీల్లో పాల్గొనే అవకాశం కల్పిస్తామని తెలిపారు. జాతీయస్థాయి పోటీలు 2027 జనవరి 9, 10 తేదీల్లో ఢిల్లీలోని సంవిధాన్‌ హాల్‌లో నిర్వహించనున్నట్లు వెల్లడించారు. కార్యక్రమంలో మహారాజా కళాశాల ప్రిన్సిపాల్‌ సాంబశివరావు, కళాశాల యాజమాన్య ప్రతినిధులు తదితరులు పాల్గొన్నారు.

● ఎస్పీ ఏఆర్‌ దామోదర్‌ ● హోంగార్డుల పిల్లలకు మెరిట్‌ స్కాలర్‌ షిప్‌ అందజేతవిజయనగరం టౌన్‌: ఉన్నత విద్యతో మంచి భవిష్యత్తు సాధ్యమవుతుందని ఎస్పీ ఏఆర్‌.దామోదర్‌ పేర్కొన్నారు. ఈ మేరకు 2025–26 విద్యాసంవత్సరానికి గాను పదోతరగతి, ఇంటర్‌, డిగ్రీ పరీక్షల్లో ఉత్తమ ప్రతిభ కనబర్చి, మంచి మార్కులతో ఉత్తమ ఫలితాలు సాధించిన హోంగార్డ్స్‌ పిల్లలను జిల్లా పోలీసు కార్యాలయానికి పిలిపించి, వారిని ప్రత్యేకంగా అభినందించి, రూ. 2 వేలు చొప్పున మెరిట్‌ స్కాలర్‌ షిప్‌లను ఎస్పీ దామోదర్‌ మంగళవారం అందజేశారు. ఈ సందర్భంగా ఆయన మాట్లాడుతూ విద్యార్థులు శ్రద్ధ, క్రమశిక్షణతో తమ చదువులను కొనసాగించి, మంచి ఫలితాలను సాధించాలని సూచించారు. చదువును ఎప్పుడూ నిర్లక్ష్యం చేయవద్దని, ఉపాధ్యాయుల సహకారంతో ఎప్పటికప్పుడు తమ సందేహాలను నివృత్తి చేసుకుని, ఉన్నత లక్ష్యాలను సాధించేందుకు కృషిచేయాలని పిలుపునిచ్చారు. శాంతి భద్రతల పరిరక్షణలో భాగంగా హోంగార్డ్స్‌ తక్కువ జీతంతో ఎంతో సమర్థవంతంగా విధులు నిర్వహిస్తూ, ప్రజలకు సేవలందిస్తున్నారన్నారు. తల్లిదండ్రులు కష్టపడే తత్వాన్ని, సేవలను వారి పిల్లలుగా విలువనివ్వాలని, వారికి చెడ్డ పేరు తెచ్చే విధంగా ఎన్నడూ ప్రవర్తించవద్దని హితవు పలికారు. చెడు వ్యసనాలకు దూరంగా ఉండాలని, ఆకతాయిలు చెప్పే మాటలు వినవద్దని, వా రి ప్రలోభాలకు లొంగవద్దని, జీవితాలను నాశనం చేసుకోవద్దని, ఉన్నత లక్ష్యంతో చదువును అభ్యసించి, ఉజ్వల భవిష్యత్తుకు బంగారు బాటలు వేసుకోవాలని ఎస్పీ దామోదర్‌ విద్యార్థులకు దిశానిర్దేశం చేశారు. కార్యక్రమంలో ఏఆర్‌ అదనపు ఎస్పీ పి.కిరణ్‌కుమార్‌, రిజర్వ్‌ ఇన్‌స్పెక్టర్‌ ఆర్‌.రమేష్‌కుమార్‌, టి.శ్రీనివాసరావు, పోలీసు కార్యాలయం బి–సెక్షన్‌ పర్యవేక్షకురాలు లలితకుమారి, హోంగార్డులు, వారి కుటుంబసభ్యులు, విద్యార్థులు పాల్గొన్నారు.

● అనుమతులు లేకుండా జేసీబీతో భవనంలో సగభాగం కూల్చివేత ● ఆక్రమణ దారులను అడ్డుకున్న రెవెన్యూ, పోలీసు అధికారులుపూసపాటిరేగ: స్థానిక ప్రభుత్వ ఎస్సీ బాలుర వసతి గృహాన్ని ఎటువంటి అనుమతులు లేకుండా జేసీబీతో కూల్చేందుకు గుర్తు తెలియని వ్యక్తులు ప్రయత్నించడంతో రెవెన్యూ అధికారులు మంగళవారం అడ్డుకున్నారు. మండలకేంద్రం పూసపాటిరేగలో ప్రభుత్వ ఎస్సీ బాలుర వసతి గృహాన్ని కొంత మంది వ్యక్తులు జేసీబీ సాయంతో కూల్చివేస్తున్న విషయం తెలుసుకున్న పూసపాటిరేగ వీఆర్‌ఓ డి.రామకృష్ణ అక్కడికి చేరుకుని కూల్చివేత పనులు నిలిపివేశారు. ప్రభుత్వానికి చెందిన భవనాన్ని ఎటువంటి అధికారిక అనుమతులు లేకుండా కూల్చివేస్తుండగా ఆక్రమణదారులను అడ్డుకున్నారు. ప్రభుత్వం ఆస్తులను ధ్వంసం చేయడం చట్ట విరుద్దమని స్పష్టం చేశారు. అనంతరం పూసపాటిరేగ గ్రామ రెవెన్యూ అధికారి రామకృష్ణ పోలీసులకు ఫిర్యాదు చేశారు. ప్రభుత్వ భవనాన్ని కూల్చివేసిన వారిపై చట్టపరంగా చర్యలు తీసుకోవాలని కోరారు. కూల్చివేయడానికి ప్రయత్నించింది ఎవరు? దర్జాగా పట్టపగలు ప్రభుత్వ భవనాన్ని జేసీబీతో కూల్చివేసింది ఎవరనే చర్చ జరుగుతోంది. ఎవరు ఈ దుశ్చర్యకు పాల్పడ్డారో విచారణ చేసి చర్యలు తీసుకోవాలని పలువురు కోరుతున్నారు.

విజయనగరం అర్బన్‌: అమరావతి లోక్‌భవన్‌లో రాష్ట్ర గవర్నర్‌ అబ్దుల్‌ నజీర్‌ చేతుల మీదుగా రాజ్య పురస్కార్‌ సర్టిఫికెట్లు, ప్రశంసాపత్రాలు అందుకున్న జిల్లా స్కౌట్స్‌ లక్కిడాం జెడ్పీహెచ్‌ఎస్‌ విద్యార్థి బండారు చరణ్‌, కొత్తవలస జెడ్పీహెచ్‌ఎస్‌ విద్యార్థిని ఎల్‌.ధనలక్ష్మి, గైడ్స్‌ రిటైర్డ్‌ గ్రేడ్‌–2 హెచ్‌ఎం చోడవరపు నారాయణమూర్తితో పాటు ఉపాధ్యాయులను డీఈఓ యూ.మాణిక్యం నాయుడు సోమవారం అభినందించారు. అదేవిధంగా రాజ్య పురస్కార్‌ పూర్తి చేసిన లక్కిడాం జెడ్పీహెచ్‌ఎస్‌ విద్యార్థి కర్రి దుర్గాప్రసాద్‌, మెట్టపల్లి జెడ్పీహెచ్‌ఎస్‌ విద్యార్థిని నాగప్రవల్లికకు ప్రశంసాపత్రాలను అందించారు.

● 3000 మీటర్ల పరుగు పందెంలో ప్రతిభగజపతినగరం: ఇంజినీరింగ్‌ థర్డ్‌ ఇయర్‌ చదువుతున్న స్థానికుడైన జె.వెంకట దేవ హర్ష ఇటీవల మహరాష్ట్రలోని నాసిక్‌లో జరిగిన 3000మీటర్ల పరుగు పందెంలో అత్యుత్తమ ప్రతిభ కనబరిచి అంతర్జాతీయ స్థాయి పోటీలకు అర్హత సాధించాడు. ఈ మేరకు విజయనగరం మోడ్రన్‌ పెంట్లాథాన్‌ అసోసియేషన్‌ అధ్యక్షుడు వి.శేఖర్‌ తెలిపారు. గజపతినగరం మండల కేంద్రంలో సోమవారం సాయంత్రం ఆయన విలేకరులతో మాట్లాడుతూ గడిచిన మూడు సంవత్సరాల నుంచి దేవహర్ష అనేక రాష్ట్రస్థాయి మెడల్స్‌ సాధిస్తూ హర్ష మంచి ప్రతిభ కనబరుస్తున్నట్లు చెప్పారు. ఈ సందర్భంగా హర్షను పెంట్లాథాన్‌ సెక్రటరి ఎన్‌.సూర్య, ట్రెజరర్‌ జె.సతీష్‌లు అభినందించారు.

విజయనగరం లీగల్‌: డిసెంబర్‌ 12న జరగబోయే జాతీయ లోక్‌ అదాలత్‌ను కక్షిదారులందరూ సద్వినియోగం చేసుకోవాలని జిల్లా ప్రధాన న్యాయమూర్తి బబిత అన్నారు. ఈ మేరకు సోమవారం జిల్లా కోర్టులో ఏర్పాటు చేసిన సమావేశంలో ఆమె పాల్గొని మాట్లాడారు. జిల్లాలో పెండింగ్‌లో ఉన్న రాజీ పడదగిన క్రిమినల్‌ కేసులను పరిష్కరించుకోవాలని సూచించారు. జాతీయ లోక్‌ అదాలత్‌ గురించి కక్ష దారులకు అవగాహన కల్పిస్తూ అధిక సంఖ్యలో పెండింగ్‌ లో ఉన్న రాజీ పడదగిన క్రిమినల్‌ కేసులు పరిష్కరించుకోవాలని సూచించారు. సమావేశంలో డీఎల్‌ఎస్‌ఏ సెక్రటరీ, జిల్లా న్యాయ అధికార సంస్థ కృష్ణప్రసాద్‌, ప్యానల్‌ న్యాయవాదులు, పారాలీగల్‌ వలంటీర్లు,అంగన్వాడీ వర్కర్సు, ఇతర సిబ్బంది పాల్గొన్నారు. రాష్ట్రస్థాయి హాకీ పోటీలకు కొండలక్ష్మీపురం విద్యార్థులుచీపురుపల్లిరూరల్‌(గరివిడి): గరివిడి మండలంలోని కొండలక్ష్మీపురం జిల్లా పరిషత్‌ ఉన్నత పాఠశాల విద్యార్థులు రాష్ట్రస్థాయి హాకీ పోటీలకు ఎంపికయ్యారు.ఇటీవల స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన జిల్లాస్థాయి పోటీల్లో అండర్‌–17 విభాగంలో చింతపల్లి లోకేష్‌, మీసాల మోనిషాలు అండర్‌–17 విభాగంలో పెద్దింటి మిధున్‌, వట్టికాల సాత్విక్‌, గేదెల కోమలి, కొలుసు పుణ్యవతిలు ప్రతిభ చాటారు. వారంతా అనకాపల్లిలో జరగనున్న రాష్ట్రస్థాయి పోటీల్లో ప్రాతినిధ్యం వహించి తమ సత్తా చాటనున్నారు. రాష్ట్రస్థాయి హాకీ పోటీలకు ఎంపికై న విద్యార్థులను ప్రధానోపాధ్యాయుడు ఒమ్మి సురేష్‌బాబు, పీడీ శ్రీకాంత్‌, ఎస్‌ఎంసీ చైర్మన్‌ కాగాన గౌతమి, ఉపాధ్యాయ సిబ్బంది అభినందించారు. హెచ్‌ఐవి నిర్మూలనలో ప్రతి ఒక్కరూ భాగస్వామ్యం కావాలి ● జిల్లా ఎయిడ్స్‌ నియంత్రణ అధికారి డాక్టర్‌ రాణి విజయనగరం ఫోర్ట్‌: హెచ్‌ఐవీ నిర్మూలనలో ప్రతి ఒక్కరూ భాగస్వామ్యం కావాలని జిల్లా ఎయిడ్స్‌ నియంత్రణ అధికారి డాక్టర్‌ కె. రాణి అన్నారు. ఈ మేరకు స్థానిక జిల్లా ఎయిడ్స్‌ నియంత్రణ కార్యాలయంలో సోమవారం నిర్వహించిన సమావేశంలో ఆమె మాట్లాడుతూ హెచ్‌ఐవీ రోగులు అందరూ మందులు వాడేలా చేయాలన్నారు. వారి జీవితకాలం పెంచేవిధంగా వారికి చికిత్స అందించాలని స్పష్టం చేశారు. హెచ్‌ఐవి పరీక్షలు, చికిత్స, ఫాలోఅప్‌ చేయడంలో విజయనగరం జిల్లా రాష్ట్రంలోనే మూడో స్థానంలో నిలిచిందన్నారు.ఇందుకుగాను సురక్షిత్‌ అవార్డు జిల్లా ఎయిడ్స్‌ నియంత్రణశాఖ వచ్చిందని చెప్పారు. సిబ్బంది కృషి వల్లే మూడో స్థానం సాధించగలిగామని తెలిపారు. మొదటి స్థానం సాధించేందుకు కృషి చేయాలని కోరారు. సమావేశంలో బద్రి, ఉమమహేశ్వరావు తదితరులు పాల్గొన్నారు. 10 నుంచి అగ్రిగోల్డ్‌ డిపాజిట్‌దారులకు వెరిఫికేషన్‌ విజయనగరం టౌన్‌: నెల్లిమర్ల మండలంలోని అగ్రిగోల్డ్‌ డిపాజిట్‌దారుల నుంచి బాండ్ల వెరిఫికేషన్‌ ప్రక్రియ ఈ నెల 10న చేపడుతున్నట్లు సీఐడీ డీఎస్పీ వి.చంద్రశేఖర్‌ సోమవారం ఒక ప్రకటనలో తెలిపారు. వెరిఫికేషన్‌ ప్రక్రియ కంటోన్మెంట్‌ పోలీసు క్వార్టర్స్‌లోని దండుమారమ్మ ఆలయం సమీపంలో ఉన్న సీఆర్‌పీఎఫ్‌ బ్యారెక్స్‌ వద్ద చేపడుతున్నామని, కేటాయించిన ఆయా గ్రామాలకు చెందిన డిపాజిట్‌ దారులు రావాలని కోరారు. బాండ్‌ కలర్‌ జిరాక్స్‌, ఆధార్‌, పాన్‌ కార్డ్‌, బ్యాంక్‌ పాస్‌ బుక్‌ ఫ్రంట్‌ పేజీ, ఒక కలర్‌ ఫొటోతో సహా ఒరిజినల్‌ బాండ్‌ను తమ వెంట తీసుకురావాలన్నారు. బాండ్‌ పరిశీలన తర్వాత ఒరిజినల్‌ బాండ్‌ తిరిగి అందజేస్తామని ప్రజలు సహకరించాలని కోరారు. ● 10వ తేదీన ఏటీ అగ్రహారం, అలుగోలు, బొప్పడాం, బూరాడపేట. ● 11న చంద్రంపేట, దన్నానపేట, గరికపేట, గొర్లిపేట ● 12న గుషిణి, జోగిరాజుపేట, కొండగుంపాం, కొండవెలగాడ, కొత్తపేట, మధుపాడ ● 13న మల్యాడ, మొయిద, పారసాం, పెదబూరాడపేట, పూతికపేట ● 16న రామతీర్థం, సారిపల్లి, సతివాడ, సీతారామునిపేట ● 17న తంగుడుబిల్లి, టెక్కలి, తమ్మాపురం, వల్లూరు, ఒమ్మి గ్రామాలు

● పెదమానాపురంలో వైఎస్సార్‌సీసీ అభ్యర్థి విజయందత్తిరాజేరు: రాష్ట్ర మంత్రి కొండపల్లి శ్రీనివాస్‌ దత్తత తీసుకున్న గజపతినగరం నియోజకవర్గంలోని దత్తిరాజేరు మండలం పెదమనాపురం గ్రామంలో వైఎస్సార్‌సీపీ అభ్యర్థి ఎంపీటీసీ రౌతు రాజేశ్వరిని గ్రామస్తులు భారీ విజయంతో గెలిపించి మంత్రికి ఉత్త చేయి చూపించారు. శనివారం ప్రకటించిన ఫలితాలలో ఆమె టీడీపీ అభ్యర్థిపై 436 ఓట్ల మెజార్టీతో విజయం సాధించడంతో మంత్రి దత్తత తీసుకున్న గ్రామాన్ని ఎంతలా అభివృద్ధి చేశారో ఇప్పటికై నా అర్థంచేసుకోవచ్చు. మంత్రి దత్తత గ్రామంలో వైఎస్సార్‌సీపీ అభ్యర్థిని ఓడించడానికి శత విధాలా ప్రయత్నించినా ఆమె గ్రామానికి చేసిన అభివృద్ధి ముందు మంత్రి పాచికలు పారలేదు. గతంతో ఆమె 2021లో ఇంగిలాపల్లి ఎంపీటీసీగా గెలిచి ఎంపీపీగా, అనంతరం 2006–11 వరకు గ్రామ సర్పంచ్‌గా, 2021లో ఏకగ్రీవంగా జెడ్పీటీసీగా గెలిచి సేవలందించడంతో ఆమెను గ్రామస్తులు మరింత మెజారిటీతో ఈ సారి గెలిపించారు. ఆమె భర్త స్వర్గీయ జయప్రసాద్‌ నాయుడు ఆశయ సాధన కోసం ప్రజలు ఇచ్చిన అవకాశాన్ని వినియోగించుకుని గ్రామాన్ని మరింత అభివృద్ధి చేస్తానని సోమవారం సాక్షితో ఎంపీటీసీ రౌతు రాజేశ్వరి అన్నారు.

● రాత్రి వాకింగ్‌కు వెళ్లిన సమయంలో ఇద్దరి మధ్య ఘర్షణనెల్లిమర్ల: పట్టణంలోని గాంధీనగర్‌ కాలనీలో ఆదివారం రాత్రి 9 గంటల సమయంలో ఇద్దరు వ్యక్తుల మధ్య జరిగిన చిన్న వాగ్వాదం ఒకరి ప్రాణాన్ని బలిగొంది. దీనిపై పోలీసులు, మృతుని కుటుంబ సభ్యులు అందించిన వివరాల ప్రకారం..రాత్రి సుమారు 9 గంటల సమయంలో గాంధీనగర్‌ కాలనీకి చెందిన తెలుగు ఉపాధ్యాయుడు కుమరాపు సామన్న దొర (48), ఆటో డ్రైవర్‌ ఉరిటి రామచంద్ర మధ్య ఘర్షణ జరిగింది. వారికి రాత్రి భోజనం తర్వాత వాకింగ్‌ చేసే అలవాటు ఉంది. ఆ సమయంలోనే వారిద్దరి మధ్య మాటా మాటా పెరిగి, ఇద్దరి మధ్య ఘర్షణ తీవ్రమైంది. ఈ నేపథ్యంలో ఒకరిపై ఒకరు పిడిగుద్దులతో దాడి చేసుకున్నారు. గొడవ సద్దుమణిగిన తర్వాత సామన్న దొర తన ఇంటికి చేరుకున్నారు. రామచంద్ర స్థానిక మిమ్స్‌ ఆస్పత్రిలో చేరారు. అయితే ఇంటి గేటు వద్దకు చేరుకోగానే సామన్న దొర ఒక్కసారిగా కుప్పకూలిపోయి ప్రాణాలు కోల్పోయారు. సామన్న దొర(48) విజయనగరం పట్టణంలోని మహారాజా సంస్కృత ఉన్నత పాఠశాలలో తెలుగు ఉపాధ్యాయుడిగా విధులు నిర్వహిస్తున్నారు. మృతునికి భార్య, ఒక పాప, బాబు ఉన్నారు. మృతుడి భార్య పోలీసులకు ఫిర్యాదు చేస్తూ వారి మధ్య గతంలో కూడా కొన్ని పాత గొడవలు ఉన్నట్లు పేర్కొంది. ఆటో డ్రైవర్‌ ఉరిటి రామచంద్ర, ఆయన ఇద్దరు కుమారులు, స్థానిక జనసేన పార్టీ నాయకుడు జనాప్రసాద్‌ తన భర్తపై దాడిచేసి కొట్టినట్లు ఫిర్యాదులో మృతుని భార్య రమణమ్మ పేర్కొంది. ఈ ఘటనపై సమాచారం అందుకున్న వెంటనే డీఎస్పీ పి.లక్ష్మణమూర్తి, సీఐ శ్రీనివాసరావు, ఎస్సై గోపాలరావు సంఘటనా స్థలానికి చేరుకుని పరిశీలించారు. అలాగే క్లూస్‌ టీమ్‌ కూడా సంఘటనా స్థలాన్ని పరిశీలించింది. పోస్టుమార్టం నివేదిక వచ్చిన తర్వాత మృతికి అసలు కారణాలు స్పష్టమవుతాయని పోలీసులు తెలిపారు. స్కూటీని లారీ ఢీకొని వ్యక్తి.. కొమరాడ: స్కూటీపై వెళ్తున్న వ్యక్తి వెనుక నుంచి లారీ ఢీకొనడంతో జరిగిన ప్రమాదంలో మృతిచెందాడు. ఈ ఘటనపై కొమరాడ ఎస్సై కె.జగదీష్‌ నాయుడు తెలిపిన వివరాలిలా ఉన్నాయి. బొబ్బిలి పట్టణంలోని ఇందిరమ్మ కాలనీ బండి శ్రీనివాస్‌ (47) ఆదివారం పార్వతీపురం నుంచి కూనేరు వైపు స్కూటీపై వెళ్తుండగా ఛత్తీస్‌గఢ్‌ రాష్ట్రానికి చెందిన లారీ వెనుక నుంచి ఢీకొడంతో ప్రమాదం జరిగింది. టీపొడి అమ్ముకునే పనిలో భాగంగా శ్రీనివాస్‌ ఆదివారం ఉదయం కూనేరు వెళ్తుండగా కోటిపాం రైల్వే గేట్‌ సమీపంలో లారీ ఢీ కొనడంతో స్కూటీ లారీ కింద పడి పూర్తిగా నుజ్జునుజ్జయిపోయింది. ఈ మేరకు సంఘటన స్థలానికి వెళ్లి కేసు నమోదు చేసి పోస్టుమార్టం నిమిత్తం మృతదేహాన్ని పార్వతీపురం జిల్లా ఆస్పత్రికి తరలించి మృతుడి కుటుంబసభ్యులకు సమాచారం ఇచ్చినట్లు ఎస్సై తెలిపారు. ఆటో ప్రమాదంలో యువకుడు.. రాజాం సిటీ: స్నేహితులతో కలిసి టపాసులు కొనుగోలు చేసేందుకు వెళ్లిన ఓ యువకుడు రోడ్డు ప్రమాదంలో మృతిచెందాడు. ఈ విషాదకర ఘటన రాజాం పట్టణ పరిధి చీపురుపల్లి రోడ్డులో ఆదివారం జరిగింది. ఈ ఘటనకు సంబంధించి ఎస్సై మహ్మద్‌ సల్మాన్‌బేగ్‌ తెలిపిన వివరాలు ఇలా ఉన్నాయి. పట్టణ పరిధి మాదిగవీధికి చెందిన పెంట ఆనంద్‌ (23) దీపావళి సందర్భంగా టపాసులు కొనుగోలు చేసేందుకు స్నేహితులతో కలిసి ఆటోలో చీపురుపల్లి రోడ్డులో ఏర్పాటు చేసిన టపాసుల దుకాణం వద్దకు వెళ్లాడు. టపాసులు కొనుగోలు చేసుకుని తిరుగు ప్రయాణమ య్యాడు. పెట్రోల్‌ బంకు సమీపంలో వాటర్‌ సర్వీసింగ్‌ సెంటర్‌ ఎదురుగా వచ్చేసరికి రోడ్డుపై ఉన్న ఆవును తప్పించబోయిన ఆటో డ్రైవర్‌ కుడివైపు తిప్పి సడన్‌బ్రేక్‌ వేయడంతో డ్రైవర్‌ పక్కన కూర్చున్న ఆనంద్‌ రోడ్డు డివైడర్‌పై పడిపోవడంతో చెవి వద్ద గాయమై తీవ్రరక్తస్రావం జరిగింది. వెంటనే అదే ఆటోలో స్నేహితులు రాజాం ప్రాంతీయ ఆస్పత్రికి, అక్కడి నుంచి మెరుగైన చికిత్స నిమిత్తం కేర్‌ ఆస్పత్రికి తరలించారు. అప్పటికే మృతిచెందినట్లు అక్కడి వైద్యులు తెలిపారు.

పాలకొండ రూరల్‌: మండలంలోని తంపటాపల్లి జిల్లాపరిషత్‌ ఉన్నత పాఠశాలకు చెందిన విద్యార్ధులు ఇప్పిలి శివ,, బి.మహేంద్ర అండర్‌–17 రాష్ట్ర స్థాయి వాలీబాల్‌ పోటీలకు ఎంపికయ్యారు. ఈనెల 7వ తేదీన శ్రీకాకుళం జిల్లా కేంద్రంలోని కోడిరామ్మూర్తి క్రీడా ప్రాంగణంలో నిర్వహించిన జిల్లా స్థాయి పోటీల్లో అత్యుత్తమ ప్రతిభ కనబరిచిన వీరు ఈనెల 13 నుంచి 15 మధ్య అంబేడ్కర్‌ కోససీమ జిల్లాలో జరగనున్న పోటీల్లో తలపడనున్నారు. ఈ మేరకు పాఠశాల హెచ్‌ఎం టి.పద్మావతి సోమవారం ఒక ప్రకటన విడుదల చేశారు. క్రీడాకారులకు శిక్షణ అందిస్తున్న వ్యాయామోపాధ్యాయులు మజ్జి రామకృష్ణ, సహ ఉపాధ్యాయులు, గ్రామస్తులు వారిని అభినందించారు.

రాజాం సిటీ: స్థానిక పాలకొండ రోడ్డులోని పి.కుమార్‌కు చెందిన ఆటో మొబైల్‌ షాఫులో ఆదివారం రాత్రి అగ్నిప్రమాదం సంభవించింది. అంతా దీపావళి సందడిలో ఉండగా దుకాణం వద్ద దట్టమైన పొగలు రావడాన్ని స్థానికులు గమనించి ఫైర్‌ స్టేషన్‌కు సమాచారం అందించారు. సుమారు రెండు గంటలకాలం పాటు మంటలు దుకాణంలో చెలరేగడంతోపాటు పొగ కమ్ముకోవడంతో ఏం జరుగుతుందోనని స్థానికులు భయాందోళన చెందారు. విషయం తెలుసుకున్న ఫైర్‌ ఎస్సై పి.అశోక్‌ సిబ్బందితో సంఘటనా స్థలానికి చేరుకుని మందలు అదుపుచేశారు. షాపులోని లూబ్రికేటింగ్‌ ఆయిల్స్‌, ట్రాక్టర్‌ విడిభాగాలు, గ్రీజు, బెల్టులు తదితర వస్తుసామగ్రి పూర్తిగా అగ్నికి ఆహుతయ్యాయి. ఈ ప్రమాదంలో సుమారు రూ. 25లక్షలు వరకు ఆస్తినష్టం జరిగినట్లు అంచనావేశామని ఫైర్‌ ఎస్సై తెలిపారు. ఈ ప్రమాదం బాణసంచా కారణంగా జరిగి ఉండవచ్చునని అభిప్రాయ పడ్డారు.

● డీఈఓకు ఆంధ్రప్రదేశ్‌ ఉపాధ్యాయ సంఘం వినతివిజయనగరం అర్బన్‌: 2026–27 విద్యాసంవత్సరానికి సంబంధించిన పదో తరగతి ఎస్‌ఏ–1 పరీక్షల నిర్వహణ, మూల్యాంకనం, పాఠశాల స్థాయి పరిశీలకుల (ఎస్‌ఎల్‌ఓ) నియామకంపై విద్యాశాఖ జారీ చేసిన అదనపు మార్గదర్శకాలను తక్షణమే రద్దు చేయాలని కోరుతూ డీఈఓ యూ.మాణిక్యంనాయుడుకు ఆంధ్రప్రదేశ్‌ ఉపాధ్యాయ సంఘం (ఆపస్‌) ప్రతినిధులు వినతి పత్రం అందజేశారు. ప్రస్తుతం పదోతరగతి విద్యార్థులు మెరుగైన ఫలితాలు సాధించాలనే లక్ష్యంతో ప్రభుత్వం అమలు చేస్తున్న ‘మిషన్‌ మార్చ్‌’లో భాగంగా ఉపాధ్యాయులు ప్రత్యేక శ్రద్ధ తీసుకుంటున్నారని తెలిపారు. ప్రతిరోజూ అదనపు తరగతులు నిర్వహించడంతోపాటు సబ్జెక్టుల వారీగా స్లిప్‌ టెస్టులు నిర్వహిస్తూ విద్యార్థులను పరీక్షలకు సన్నద్ధం చేస్తున్నారని పేర్కొన్నారు. ఇలాంటి తరుణంలో ఎస్‌ఏ–1 పరీక్షల నిర్వహణ, మూల్యాంకనంపై అదనపు తనిఖీల పేరుతో ఇతర మండలాల నుంచి స్కూల్‌ లెవెల్‌ అబ్జర్వర్లను నియమించడం ఉపాధ్యాయులకు ఇబ్బందులు కలిగిస్తోందని అభ్యంతరం వ్యక్తం చేశారు. ప్రతి పాఠశాలలో ప్రధానోపాధ్యాయుల పర్యవేక్షణలోనే పరీక్షల నిర్వహణ, మూల్యాంకనం, సమీక్షకు సంబంధించిన వ్యవస్థ ఇప్పటికే అమల్లో ఉందని గుర్తుచేశారు. దీనికి అదనంగా ఇతర మండలాల ఉపాధ్యాయులను పరిశీలకులుగా నియమించడం వల్ల నిర్వహణలో సంక్లిష్టత పెరుగుతుందని తెలిపారు. ఒకే స్థాయి అర్హత కలిగిన ఉపాధ్యాయులతో మూల్యాంకనం చేసిన జవాబు పత్రాలను తిరిగి తనిఖీ చేయించడం వల్ల ఆశించిన ప్రయోజనం కంటే అనవసరమైన అంతరాలు ఏర్పడే అవకాశం ఉందన్నారు. పాఠశాలల నిర్వహణ, విద్యాబోధన, పరీక్షల నిర్వహణ, మూల్యాంకనం, సమీక్ష వంటి అంశాలపై ప్రధానోపాధ్యాయుల పర్యవేక్షణలోనే జరగాలని కోరారు. ఉపాధ్యాయుల వృత్తిపరమైన గౌరవానికి భంగం కలిగించేలా ఉన్న అదనపు పరిశీలకుల నియామక మార్గదర్శకాలను వెంటనే ఉపయోగించుకోవాలని డిమాండ్‌ చేశారు. కార్యక్రమంలో జిల్లా అధ్యక్షుడు కొవ్వాడ శ్రీనివాసరావు, జిల్లా ప్రధాన కార్యదర్శి బల్లా శ్రీనివాసరావు, రాష్ట్ర కార్యదర్శి ఇజ్జిరోతు రామునాయుడు, జిల్లా కోశాధికారి ఏజీ తాతారావు, జిల్లా ఉపాధ్యక్షుడు కేళ్ల భాస్కరరావు తదితరులు పాల్గొన్నారు.

● ముగిసిన ఉమ్మడి జిల్లా స్కూల్‌ గేమ్స్‌పార్వతీపురం రూరల్‌: విజయనగరం జిల్లా కొత్తవలస మండలం దెందేరు జెడ్పీహెచ్‌ పాఠశాలలో ఉమ్మడి జిల్లా స్కూల్‌ గేమ్స్‌ కరాటే పోటీలు ముగిశాయి. ఈ పోటీల్లో పార్వతీపురం మన్యం జిల్లా విద్యార్థులు పాల్గొని ప్రతిభ కనబరిచారు. అండర్‌–14, అండర్‌–17, అండర్‌–19 విభాగాల్లో జరిగిన పోటీల్లో విజయాలు సాధించి, ప్రశంసాపత్రాలు అందుకున్నారు. దీంతో త్వరలో జరగనున్న రాష్ట్ర స్థాయి స్కూల్‌ గేమ్స్‌ కరాటే పోటీలకు వీరు అర్హత సాధించారు. ఉమ్మడి జిల్లా కరాటే సంఘం అధ్యక్షుల ఆధ్వర్యంలో ఈ పోటీలను నిర్వహించారు. ఈ కార్యక్రమంలో పార్వతీపురం జిల్లా కరాటే అసోసియేషన్‌న్‌ టెక్నికల్‌ డైరెక్టర్‌ జి.గోపాల్‌, అధ్యక్షుడు ఎస్‌.ప్రభాకర్‌, కార్యదర్శి ఎస్‌.నాగేశ్వరరావు, ఉపాధ్యక్షుడు షేక్‌ ఫరీద్‌, కోశాధికారి ఎస్‌.విద్యాసాగర్‌, సంయుక్త కార్యదర్శి బి.పెంటయ్య తదితరులు పాల్గొన్నారు.

● గ్రామీణ ప్రాంతాల్లో కొనసాగనున్న ఎన్నికల ప్రవర్తనా నియమావళిపార్వతీపురం: పట్టణ స్థానిక సంస్థల పరిధిలో అమల్లో ఉన్న ఎన్నికల ప్రవర్తనా నియమావళిని నవంబర్‌ 7వ తేదీ రాత్రి 10 గంటల నుంచి ఎత్తివేసినట్లు పార్వతీపురం మన్యం జిల్లా కలెక్టర్‌, జిల్లా ఎన్నికల అధికారి డా. ఎన్‌. ప్రభాకరరెడ్డి తెలిపారు. రాష్ట్ర ఎన్నికల కమిషన్‌ జారీ చేసిన ఉత్తర్వుల మేరకు ఈ నిర్ణయం అమల్లోకి వచ్చిందని పేర్కొన్నారు. జిల్లా వ్యాప్తంగా పురపాలక, నగర పంచాయతీల పరిధిలో ప్రత్యక్ష ఎన్నికల ప్రక్రియ, ఓట్ల లెక్కింపు, ఫలితాల ప్రకటన పూర్తయిన నేపథ్యంలో పట్టణ ప్రాంతాల్లో ఎన్నికల కోడ్‌ను ఉప సంహరించినట్లు వివరించారు. అయితే ఎంపీటీసీ, జెడ్పీటీసీ ఎన్నికల ఓట్ల లెక్కింపు పూర్తైనప్పటికీ గ్రామ పంచాయతీ ఎన్నికల ప్రక్రియ ఇంకా ముగియనందున గ్రామీణ ప్రాంతాల్లో ఎన్నికల ప్రవర్తన నియమావళి యథావిధిగా కొనసాగుతుందని కలెక్టర్‌ స్పష్టం చేశారు. రైతు బజారుల్లో కిలో ఉల్లి రూ.35కే బయట మార్కెట్‌లో ఉల్లిపాయల ధరలు కిలో రూ.50 నుంచి రూ.60లు వరకు పలుకుతుండగా, పార్వతీపురం రైతు బజారులో కిలో రూ.35కే సబ్సిడీపై విక్రయిస్తున్నట్లు కలెక్టర్‌ డా. ఎన్‌. ప్రభాకరరెడ్డి తెలిపారు. ధరల పెరుగుదలతో ఇబ్బందులు పడుతున్న సామాన్య ప్రజలకు ఉపశమనం కలిగించేందుకు ఈ విక్రయాలు చేపడుతున్నట్లు పేర్కొన్నారు. మార్కెట్‌ ధరలతో పోలిస్తే తక్కువ ధరకే ఉల్లిపాయలు అందుబాటులో ఉన్నందున ప్రజలు రైతు బజారును సందర్శించి ఈ అవకాశాన్ని సద్వినియోగం చేసుకోవాలని కోరారు. జనగణన గడువులోగా పూర్తి చేయాలి సెన్సెస్‌ –2027 రెండవ దశ జనాభా గణన ప్రక్రియను ఎలాంటి పొరపాట్లకు తావులేకుండా పక్కాగా నిర్వహించాలని కలెక్టర్‌ డా. ఎన్‌.ప్రభాకరరెడ్డి అధికారులను ఆదేశించారు. ఈ మేరకు సోమవారం కలెక్టరేట్‌లో నిర్వహించిన జనగణన–2027 శిక్షణ కార్యక్రమంలో ఆయన మాట్లాడుతూ సెల్ఫ్‌ ఎన్యూమరేషన్‌పై ప్రత్యేక దృష్టి సారించి ప్రజల్లో అవగాహన కల్పించాలని సూచించారు. సమష్టి కృషితో సెల్ఫ్‌ ఎన్యూమరేషన్‌ను 50శాతానికి పైగా పూర్తి చేయాలని సూచించారు. నవంబర్‌ 10 నుంచి 19 వరకు ఫీల్డ్‌ ట్రైనర్లకు శిక్షణ, 20 నాటికి ఎన్యూమరేషన్‌ బ్లాక్‌ల సిద్ధం, 21 నాటికి సూపర్‌వైజరీ సర్కిళ్ల ఏర్పాటు, 23 నాటికి ఎన్యుమరేటర్లు, సూపర్‌వైజర్ల నియామకాలు పూర్తి చేయాలని ఆదేశించారు. గతంలో ఎదురైన లోపాలు పునరావృతం కాకుండా ముందస్తు ప్రణాళికతో జనగణన నిర్వహించాలని పేర్కొన్నారు. జనగణన విధుల్లో నిర్లక్ష్యం లేకుండా నిర్ణీత గడువులోగా పనులు పూర్తి చేయాలని ఆదేశించారు. కార్యక్రమంలో సబ్‌కలెక్టర్‌ సచిన్‌ ఆర్చిత్‌ రహార్‌, డీఆర్‌ఓ కె.హేమలత ఇతర జిల్లా అధికారులు పాల్గొన్నారు.

వంగర: మడ్డువలస గొర్లె శ్రీరాములునాయు డు ప్రాజెక్టు వద్ద రెండు గేట్లు ఎత్తి 7వేల క్యూసెక్కుల నీటిని దిగువకు విడిచిపెడుతున్నామని ఏఈ నితిన్‌ సోమవారం తెలిపారు. సువర్ణముఖి, వేగావతి నదుల నుంచి 5,600 కూసెక్కుల నీరు ప్రాజెక్టులో చేరుతోంది. దీంతో రెండు గేట్లుఎత్తి 7వేల క్యూసెక్కుల నీటిని దిగువకు విడిచిపెడుతున్నారు. సాగునీటి అవసరాల కోసం కుడి ప్రధాన కాలువకు 300 క్యూసెక్కు ల నీటిని సరఫరా చేస్తున్నామని ఏఈ తెలిపా రు. ప్రస్తుతం ప్రాజెక్టు వద్ద 64.55 మీటర్ల నీటిమట్టం నమోదైందన్నారు. విజయనగరం లీగల్‌: సమాజంలో ప్రతిఒక్కరికీ న్యాయసేవలు అందుబాటులో ఉండేలా చేయడమే న్యాయ సేవాధికార సంస్థ ప్రధాన లక్ష్యమని జిల్లా ప్రధాన న్యాయమూర్తి, డీఎల్‌ఎస్‌ఏ చైర్‌పర్సన్‌ ఎం.బబిత స్పష్టం చేశారు. జాతీయ న్యాయసేవల దినోత్సవాన్ని జిల్లా న్యాయసేవాధికార సంస్థ (డీఎల్‌ఎస్‌ఎ) ఆధ్వ ర్యంలో జిల్లా కోర్టు ప్రాంగణంలోని కాన్ఫరెన్స్‌ హాల్‌లో సోమవారం నిర్వహించారు. ఈ సందర్భంగా ఆమె మాట్లాడుతూ ఆర్థికంగా వెనుకబడినవారు, మహిళలు, పిల్లలు, వృద్ధులు, దివ్యాంగులు, ఎస్సీ, ఎస్టీ వర్గాల వారికి ఉచిత న్యాయ సహాయం అందిస్తూ న్యాయం పొందే అవకాశాన్ని కల్పిస్తున్నామని తెలిపారు. ఉచిత న్యాయ సహాయంతో పాటు లోక్‌ అదాలత్‌లు, బాధితులకు పరిహారం, మధ్యవర్తిత్వం ద్వారా వివాదాల పరిష్కారం వంటి సేవలు అందిస్తున్నామని వివరించారు. గ్రామాలు, పాఠశాలలు, కళాశాలలు, జైళ్లు, పునరావాస కేంద్రాల్లో న్యాయ అవగాహన సదస్సులు నిర్వహిస్తున్నట్లు పేర్కొన్నారు. న్యాయం పొందడానికి ఆర్థిక పరిస్థితులు అడ్డంకి కాకూడదని, అర్హులంతా డీఎల్‌ఎస్‌ఏ సేవలను సద్వినియోగం చేసుకోవాలని కోరారు. కార్యక్రమంలో ప్లేపస్‌ చైర్మన్‌ జి.దుర్గయ్య, డీఎల్‌ఎస్‌ఏ కార్యదర్శి డాక్టర్‌ ఎ.కృష్ణప్రసాద్‌, బార్‌ ప్రెసిడెంట్‌ ఎన్‌.రమేష్‌ కుమార్‌, స్టేట్‌బార్‌ కౌన్సిల్‌ మెంబర్‌ బి.రవి, విజయనగరం డీఎస్పీ ఎస్‌.లక్ష్మణ మూర్తి, న్యాయమూర్తులు, న్యాయవాదులు, పారా లీగల్‌ వలంటీర్లు, అంగన్‌వాడీ వర్కర్లు పాల్గొన్నారు.

విజయనగరం ఫోర్ట్‌: రైతన్నకు కాలం కలిసిరావడంలేదు. ఓ వైపు ప్రభుత్వం నుంచి సహకారం శూన్యం కాగా... మరోవైపు ప్రకృతి కూడా అనుకూలించడంలేదు. ఖరీఫ్‌ తొలిసీజన్‌లో వర్షాభావంతో పంటలు సాగుకాలేదు. ఇప్పుడు తుఫాన్‌ వర్షాలతో రబీ సాగు ఆలస్యమైంది. వాస్తవంగా సెప్టెంబర్‌ నెల నుంచే రబీ పంటలు సాగుకావాలి. ఈ ఏడాది చాలా తక్కువగా సాగైంది. ఖరీఫ్‌ సీజన్‌ సాగు ఆలస్యం కావడంతో దానిప్రభావం రబీసీజన్‌పైనా పడింది. ఖరీఫ్‌ సీజన్‌లో వర్షాలు ఆలస్యంగా కురవడం వల్ల సెప్టెంబర్‌ నెలఖారు వరకు పంటలు సాగవ్వలేదు. ముఖ్యంగా వరి పంటసాగు చాలా ఆలస్యం అయింది. ఒక దశలో పంటలు సాగువుతాయో లేదోననే సందేహం నెలకొంది. ఈ ఏడాది నవంబర్‌ వచ్చినా రబీ సీజన్‌ ఆరంభం కాలేదు. ఖరీఫ్‌ సీజన్‌ మాదిరి రబీసీజన్‌లో పంటలు పూర్తిస్థాయిలో సాగయ్యే పరిస్థితి కనిపించడం లేదని రైతులు చెబుతున్నారు. జిల్లాలో రబీసీజన్‌లో అన్ని పంటల సాధారణ సాగు విస్తీర్ణం 62,633 హెక్టార్లు. ఇంతవరకు 1133 హెక్టార్లలో పంటలు సాగయ్యాయి. పంటల సాగు ఆలస్యంగా ప్రారంభం కావడం వల్ల మందకొడిగా సాగుతోంది. 62,633 హెక్టార్లు

విజయనగరంమంగళవారం శ్రీ 10 శ్రీ నవంబర్‌ శ్రీ 2026చంద్రబాబు పాలనపై.. మన్యం అరటి మహారుచిగా ఉంటుందనే పేరుంది. ఈక్రమంలో మైదాన ప్రాంత రైతులతో సమానంగా అరటి పంటను గిరిజన రైతులు కొండపోడు వ్యవసాయంలో పండిస్తున్నారు. విజయనగరం రూరల్‌: అధికారంలోకి వచ్చిన రెండున్నరేళ్లకే చంద్రబాబు పాలనపై తిరుగుబాటు మొదలైంది. ప్రభుత్వ ప్రజా, ఉద్యోగ వ్యతిరేక విధానాలపై సామాన్యులు, ఉద్యోగులు ఓటుతో తమ నిరసన తెలిపారు. దీనిని అధిగమించేందుకు... కూటమి అభ్యర్థులను గెలిపించుకునేందుకు చంద్రబాబు అండ్‌ కో అడ్డదారులు తొక్కారు. ఎన్నికల నియమనిబంధనలను పక్కనపెట్టి అధికార బలంతో ప్రత్యర్థులను భయపెట్టారు. ఏకగ్రీవాలకు ప్రయత్నించారు. చాలా చోట్ల రిగ్గింగ్‌కు పాల్పడ్డారు. కౌంటింగ్‌ కేంద్రాల్లో రీకౌంటింగ్‌ పేరుతో ఫలితాలను తారుమారు చేశారు. అధికారులపై ఒత్తిడి పెంచి విజయాన్ని తమ ఖాతాలో వేసుకున్నారు. ఇన్ని చేసినా పరిషత్‌ పోరులో వైఎస్సార్‌సీపీ శ్రేణులు పోరాటపటిమను చూపించాయి. ప్రజాబలంతో ముందుకు సాగాయి. ఎంపీటీసీ, జెడ్పీటీసీ స్థానాలను సొంతం చేసుకున్నాయి. మూడు పార్టీలు ఏకమైనా... స్థానిక సంస్థల ఎన్నికల్లో మూడు పార్టీలు ఏకమైనా ప్రజల్లో వైఎస్సార్‌సీపీపై ఉన్న అంచలంచల విశ్వాసం ఏమాత్రం తగ్గలేదని నిరూపితమయ్యింది. ఒకపక్క అధికార యంత్రాంగమంతా అధికార పార్టీకి అన్ని విధాల అండదండల అందించినా, ప్రలోభాలకు గురిచేసినా ఫ్యాన్‌ గుర్తుకే ఓటేసి వైఎస్సార్‌ సీపీపై అభిమానాన్ని చాటుకున్నారు. జిల్లాలో గత సాధారణ ఎన్నికల కంటే ఓట్ల శాతం పెరగడం గమనార్వం. జిల్లాలో 27 మండలాల్లో 27 జెడ్పీటీసీ స్థానాలకు, 449 ఎంపీటీసీ స్థానాలకు జరిగిన ఎన్నికల్లో టీడీపీకి 4,19,528 ఓట్లు రాగా, వైఎస్సార్‌సీపీకి 4,13,480 ఓట్లు పోలయ్యాయి. అయితే టీడీపీ 21 సీట్లు సాధించగా, వైఎస్సార్‌సీపీ ఐదు స్థానాలు గెలుచుకుంది. అనేక చోట్ల అధికార పార్టీ నేతలు, నాయకులు బెదిరింపులకు దిగినా పార్టీ అధినేత వైఎస్‌ జగన్‌ మోహన్‌ రెడ్డి ఇచ్చిన పిలుపుమేరకు ధైర్యంతో ముందుకు సాగారు. ప్రజాక్షేత్రంలో తమ బలాన్ని నిరూపించుకోవడమే కాకుండా, ప్రజలకు పార్టీపై ఉన్న అభిమానం చెక్కు చెదరలేదని ఈ ఎన్నికలు రుజువు చేశాయని స్పష్టమైంది. కూటమి పార్టీలో ఒకటైన జనసేనకు కేవలం 72 వేలు ఓట్లు మాత్రమే పోలవడం గమనార్హం.

● సంగాంలో బలరాముడు ప్రతిష్టించిన శివలింగం ● అలహాబాద్‌ తరహాలో ఇక్కడ త్రివేణి సంగమం ప్రత్యేకత వంగర: వంగర మండలం సంగాంలో పవిత్ర సంగమేశ్వరస్వామి దర్శనం సర్వపాప హరణం. కార్తీక మాస వేళల్లో సంగమేశ్వరుడిని దర్శించుకుంటే మోక్షం కలుగుతుందని భక్తుల ప్రగాఢ విశ్వాసం. అందుకే.. ఉత్తరాంధ్ర భక్తులు భారీ సంఖ్యలో తరలివస్తారు. ద్వాపరయుగంలో బలరాముడు ఏకకాలంలో ప్రతిష్టించిన ఐదు శివలింగాల్లో ఇదొకటి. త్రివేణి సంగమం స్నానం పుణ్యదాయకం ఈ ఆలయ సమీపంలో నాగావళి, సువర్ణముఖి, వేగావతి నదులు కలుస్తాయి. ఈ ప్రాంతం త్రివేణి సంగమంగా గుర్తింపు పొందింది. ఇక్కడ పుణ్యస్నానాలు ఆచరించి సంగమేశ్వరుడిని దర్శించుకుంటే సకల పాపాలు తొలగిపోతాయని భక్తులు నమ్మకం.ఉత్తరప్రదేశ్‌ రాష్ట్రంలోని అలహాబాద్‌ తరహాలో ఈ ప్రదేశంలో మూడు నదులు కలిసే కూడలి ఉంది. పితృదేవతలను స్మరించే స్థలం మూడు నదులు కలిసే త్రివేణి ఒడ్డున పితృదేవతలకు కూడా ప్రత్యేక పూజలు అర్పిస్తారు. ఆలయ ప్రాంగణంలో ఉన్న 400 సంవత్సరాల నాటి భారీ మర్రివృక్షం ఉంది. ఈ చెట్టు నీడన వంటావార్పు చేసి త్రివేణి సంగమంలో పితృదేవతలకు పిండప్రదానాలు చేస్తారు. అలాచేస్తే మరణించిన వారి ఆత్మకు శాంతి చేకూరుతుందని భక్తులు నమ్ముతారు. సంగాం ఇలా చేరుకోవాలి..... సంగాం గ్రామం రాజాం పట్టణానికి 23 కిలోమీటర్ల దూరం. వంగర, రుషింగి, కొప్పర గ్రామాలకు వెళ్లే బస్సులు ఎక్కితే మెట్ట మగ్గూరు వద్ద దిగి అక్కడ నుంచి ఆటోలో సంగాం చేరుకోవచ్చు. ఉదయం 7.15, 8.00, 9.00, 11.00 గంటలకు, మధ్యాహ్నం 3.00, 4.30, 6 గంటలకు రాజాం కాంప్లెక్స్‌ నుంచి బస్సులు ఉన్నాయి. రాజాం నుంచి సంగాం వరకు ఆటోలు కూడా విరివిగా ఉంటాయి. పాలకొండ, వీరఘట్టం మీదుగా సంగాంకు చేరుకోవచ్చు.

● గిరిజన నిరుద్యోగులకు మళ్లీ మొండిచేయి ● హామీ ఇచ్చి రెండున్నరేళ్లవుతున్నా అమలుకు నోచుకోని గిరిజన ఉద్యోగ రిజర్వేషన్‌ సాక్షి, పార్వతీపురం మన్యం: గిరిజన నిరుద్యోగ యువతకు మళ్లీ నిరాశే ఎదురైంది. షెడ్యూల్డ్‌ ప్రాంతాల్లో గిరిజనులకే ఉపాధ్యా య ఉద్యోగాలు దక్కేలా జీఓ నంబర్‌ 3ను పునరుద్ధరిస్తామని, లేదంటే దానికి ప్రత్యామ్నాయంగా మరో ఉత్తర్వు తీసుకొస్తామని ఎన్నికల ముందు హా మీ ఇచ్చిన చంద్రబాబు ప్రభుత్వం ఆ దిశగా ఇప్పటికీ అడుగు వేయలేదు. హామీ అమలుపై స్పష్టత ఇవ్వకుండానే డీఎస్సీ నోటిఫికేషన్‌ విడుదల చేయడంతో గిరిజన నిరుద్యోగుల్లో అసంతృప్తి వ్యక్తమవుతోంది. ఉపాధ్యాయ కొలువు కోసం... పార్వతీపురం మన్యం జిల్లాలోని షెడ్యూల్డ్‌ ప్రాంతా ల్లో గిరిజన యువతకు ప్రభుత్వ ఉపాధ్యాయ ఉద్యోగాలు అందడం కీలకమైన అంశం. స్థానికంగా చదువుకుని, ఉపాధ్యాయ శిక్షణ పూర్తి చేసుకున్న అనేకమంది గిరిజన నిరుద్యోగులు ఉద్యోగాల కోసం ఎదురుచూస్తున్నారు. గతంలో జీఓ నంబర్‌ 3 ద్వారా షెడ్యూల్డ్‌ ప్రాంతాల్లో ఉపాధ్యాయ నియామకాల్లో గిరిజనులకు ప్రత్యేక ప్రాధాన్యం లభించేది. న్యాయపరమైన పరిణామాలతో ఆ ఉత్తర్వు అమలులో లేకపోవడంతో గిరిజన యువతకు ఉద్యోగ అవకాశాల విషయంలో అనిశ్చితి నెలకొంది. ఈ నేపథ్యంలో ఎన్నికల సమయంలో కూటమి నేతలు ఇచ్చిన హామీ గిరిజన నిరుద్యోగుల్లో ఆశలు రేకెత్తించింది. అధికారంలోకి వచ్చిన తర్వాత జీఓ నంబర్‌ 3 పునరుద్ధరణకు చర్యలు తీసుకుంటారని, గిరిజనుల ఉద్యోగ హక్కులకు భరోసా కల్పిస్తారని ఆశించారు. ప్రభుత్వం ఏర్పడి ఇంతకాలమైనా ఆ హామీ కార్యరూపం దాల్చలేదు. గతంలో ఒక డీఎస్సీ నోటిఫికేషన్‌్‌ విడుదల చేసిన సమయంలోనూ జీఓ 3 లేకపోవడంపై గిరిజన యువత ఆందోళన వ్యక్తం చేసింది. తాజాగా మరోసారి జీఓ 3 పునరుద్ధరణ లేదా ప్రత్యామ్నాయ ఉత్తర్వులపై స్పష్టత లేకుండానే రెండో డీఎస్సీ నోటిఫికేషన్‌ వెలువడడం వారిని మరింత నిరాశకు గురిచేస్తోంది. ప్రభుత్వ కొలువు పొందాలని.. గురువుగా రాణించాలని జిల్లా నుంచి వందలాది మంది ఇతర ప్రాంతాల్లో ఉండి.. పరీక్షలకు సిద్ధం అవుతున్నారు. ప్రభుత్వం ఎన్నికల ముందు ఇచ్చిన హామీని అమలు చేయకపోగా, వరుసగా రెండుసార్లు డీఎస్సీ నోటిఫికేషన్లు విడుదల చేయడం గిరిజన నిరుద్యోగుల ఆశలపై నీళ్లు చల్లినట్లయిందనే విమర్శలు వినిపిస్తున్నాయి. గిరిజన ప్రాంతాల్లో విద్యాభివృద్ధికి స్థానిక గిరిజన ఉపాధ్యాయుల పాత్ర ఎంతో కీలకం. స్థానిక భాష, సంస్కృతి, సామాజిక పరిస్థితులపై అవగాహన ఉన్న గిరిజన యువతకు ఉపాధ్యాయ ఉద్యోగాల్లో అవకాశాలు కల్పించాల్సిన అవసరం ఉంది. ఈ నేపథ్యంలో ప్రభుత్వం ఇచ్చిన హామీని ఎప్పుడు అమలు చేస్తుంది? జీఓ 3 పునరుద్ధరణకు లేదా ప్రత్యామ్నాయ ఏర్పాటుకు ఎలాంటి చర్యలు తీసుకుంటుంది? అన్న ప్రశ్నలు పార్వతీ పురం మన్యం జిల్లా గిరిజన నిరుద్యోగ యువతను వేధిస్తున్నాయి. రాష్టంలోని కూటమి, చంద్రబాబు ప్రభుత్వం గిరిజన నిరుద్యోగ యువతను మళ్లీ మోసం చేసింది. ఎన్నికలకు ముందు జీఓ నంబర్‌ పునరుద్ధరణ లేదా ఆ తరహా మరో జీఓ తెచ్చి గిరిజన ఉద్యోగాలు గిరిజనులకు ఇస్తానని చంద్రబాబు ఇచ్చిన హామీ అమలు కాలేదు. హామీ అమలు కాకుండానే ఒక డీఎస్సీ నోటిఫికేషన్‌ ఇచ్చి షెడ్యూల్డ్‌ ఏరియాలో ఉపాధ్యాయ శిక్షణ పొందిన నిరుద్యోగ గిరిజన యువతను మోసం చేశారు. మళ్లీ ఇప్పుడు కూడా జీఓ నంబర్‌ 3 లేకుండా రెండో డీఎస్సీ నోటిఫికేషన్‌ ఇచ్చి గిరిజన నిరుద్యోగ యువతను రెండో సారి మోసం చేశారు. – పి.రంజిత్‌ కుమార్‌, ఉత్తరాంధ్ర ప్రధాన కార్యదర్శి, గిరిజన సంక్షేమ సంఘం

ఆ తల్లిదండ్రుల ఆశలు గల్లంతయ్యాయి. తాము పడిన కష్టం కుమారులు కష్టపడకూడదని ఉన్నత చదువులు చదివించుకుంటున్న వారిని పెద్ద కుమారుడు మనోజ్‌ బీచ్‌లో గల్లంతయ్యాడన్న వార్త విషాదంలో ముంచేసింది. రాజాం మండలం రామినాయుడువలసకు చెందిన జె.లక్ష్మణరావు, రాధ దంపతులు రాజాం పట్టణంలో స్థిరపడ్డారు. లక్ష్మణరావు రాజాంలో మెకానిక్‌గా విధులు నిర్వహిస్తూ కుమారులను చదివించుకుంటున్నారు. పెద్ద చదువులు చదివి ఉన్నత స్థాయిలో స్థిరపడతాడనుకున్న కుమారుడు మనోజ్‌ మృతిచెందడంతో బోరున విలపిస్తున్నారు. 70 రోజుల్లో ఎనిమిది మంది మృతి ఈ ప్రదేశంలో గత 70 రోజుల్లో 8 మంది మృతి చెందినట్లు మైరెన్‌ అధికారులు చెబుతున్నా రు. నాగావళి నది, సముద్రతీరం కలిసే ప్రాంతం (మఘ) అత్యంత ప్రమాదకరంగా మారింది. బీచ్‌ అందాలను చూసేందుకు వస్తూ సెల్ఫీ మోజులో మృత్యువాత పడడం ఆందోళకరంగా ఉంది.

సెల్ఫీ మోజు.. శ్రీకాకుళం రూరల్‌/రాజాంసిటీ/భామిని: సెల్ఫీ మోజు ఇద్దరు విద్యార్థుల ప్రాణాల మీదకు తెచ్చి ంది. విహారానికి వెళ్లిన విద్యార్థులకు విషాదం ఎదురైంది. శ్రీకాకుళం పరిధిలోని పెదగనగళ్లవానిపేట గ్రామం వద్ద సముద్ర తీరంలో ఎచ్చెర్లలో ని శ్రీ వెంకటేశ్వర కాలేజీలో ఇంజినీరింగ్‌ థర్డ్‌ ఇయర్‌ బీటెక్‌ చదువుతున్న విద్యార్థులు జి.మణికంఠ (22), జె.మనోజ్‌ (21) గల్లంతయ్యారు. వీరిలో మణికంఠది పార్వతీపురం మన్యం జిల్లా భామిని మండలం ఘనసర కాగా.. మనోజ్‌ది విజయనగరం జిల్లా రాజాం. సోమవారం సాయంత్రం 4 గంటలకు కాలేజీ విడిచిపెట్టాక మూడు బైక్‌లపై ఏడుగురు విద్యార్థులు ఈ బీచ్‌కు వచ్చారు. బీచ్‌లో సెల్ఫీలు దిగు తూ సందడిగా గడిపారు. మణికంఠ, మనోజ్‌, నిఖిల్‌ ముగ్గురూ కలిసి గ్రోయిన్‌ నిర్మాణం గుండా నడుచుకుంటూ చివరి వరకు వెళ్లారు. అప్పటికే స్థానిక మత్స్యకారులు సముద్రంలోకి దిగవద్దని, చాలా ప్రమాదంగా ఉందని హెచ్చరించినప్పటికీ ఎవ్వరూ వినిపించుకోలేదు. ఇంతలో మణికంఠ గ్రోయిన్‌ చివరిలో గల రాళ్ల మీదకు దిగి సెల్ఫీకి ప్రయత్నించాడు. అక్కడ నాగావళి నది సముద్రం కలిసే ప్రాంతంలో ప్రమాదవశాత్తు జారిపోయాడు. అతడిని పట్టుకోబోయి మనోజ్‌ కూడా నీటిలో పడిపోయాడు. అప్పటికే కెరటాలు ఉద్ధృతంగా ఎగసి పడుతున్నాయి. స్నేహితులు చూస్తుండగానే వీరు సముద్రంలో మునిగిపోయారు. నిఖిల్‌ అనే స్నేహితుడు రక్షించే ప్రయత్నం చేసినా లాభం లేకపోయింది. వారు ఎంత సేపు వేచి చూసినా వారి మృతదేహా లు బయటకు రాలేదు. దీంతో మిగిలిన మిత్రు లు కుటుంబ సభ్యులకు సమాచారం అందించా రు. సంఘటన స్థలానికి శ్రీకాకుళం డీఎస్పీ ధనుంజయనాయుడు, మైరెన్‌ సీఐ బోర ప్రసాద్‌, టౌన్‌ సీఐ రామకృష్ణ, ఎస్‌ఐ సురేష్‌లు చేరుకొని గాలింపు చర్యలు చేపట్టారు. కుటుంబ సభ్యులు ఫిర్యాదు మేరకు రూరల్‌ పోలీసులు కేసు నమోదు చేశారు. అందివస్తాడనుకుంటే అందని లోకాలకు.. మృతుడు మణికంఠ తల్లిదండ్రులు సరస్వతి, జగన్నాథం వ్యవసాయం చేస్తూ పిల్లలను చదివి స్తున్నారు. కుమార్తె భామినిలో చదువుతుండగా, కొడుకు ఇంజినీరింగ్‌ విద్యను అభ్యసిస్తుండడంతో సంతోషపడ్డారు. అందివస్తాడనుకున్న కొడుకు సముద్రంలో గల్లంతుకావడంతో కన్నీరుపెడుతున్నారు.

విజయనగరం గంటస్తంభం: అర్హత కలిగిన ఏ ఒక్క ఓటరు కూడా జాబితాలో పేరు కోల్పోకూడదనే ఉద్దేశంతో ఎన్నికల సంఘం మరో అవకాశం కల్పించిందని జిల్లా ఎన్నికల అధికారి, కలెక్టర్‌ ఎస్‌.రాంసుందర్‌ రెడ్డి తెలిపారు. ప్రత్యేక సమగ్ర ఓటరు జాబితా సవరణ(ఎస్‌ఐఆర్‌)–2026లో భాగంగా గైర్హాజరు, వలస, మరణం, డూప్లికేట్‌ కేటగిరీల్లో ఏఎస్‌డీడీ జాబితాలో గుర్తించిన ఓటర్లు తమ అర్హతను నిరూపించే పత్రాలను సమర్పించి ఓటరు జాబితాలో పేరు నమోదు చేసుకోవాలని సూచించారు. నవంబర్‌ 30న తుది ఓటరు జాబితా ప్రచురిస్తామని వెల్లడించారు. విజయనగరం రూరల్‌: జిల్లాలో గ్రామ పంచాయతీ ఎన్నికల నగారా మోగిన నేపథ్యంలో ఎన్నికల సంఘం కసరత్తును వేగవంతం చేసింది. ఎన్నికల్లో పోటీ చేసే అభ్యర్థుల కోసం ఎన్నికల గుర్తుల జాబితాను సిద్ధం చేసింది. ఈ ఎన్నికల్లో సర్పంచ్‌ అభ్యర్థుల కోసం 25 గుర్తులు, వార్డు సభ్యుల కోసం 20 గుర్తులను అధికారికంగా ఖరారు చేసింది. ఈ నెల 26, 29, డిసెంబర్‌ 2వ తేదీల్లో మొత్తం మూడు విడతల్లో పంచాయతీ పోలింగ్‌ జరగనుంది. ఓటర్లు తమ అభీష్టాన్ని తెలిపేందుకు ఈ గుర్తుల జాబితాకు అదనంగా బ్యాలెట్‌ పత్రంలో నోటా ఆప్షన్‌ను కూడా చేర్చనున్నారు. ఒకవేళ ఏదైనా స్థానంలో పోటీచేసే అభ్యర్థుల సంఖ్య కేటాయించిన గుర్తుల కంటే పెరిగితే, ఎన్నికల సంఘం రిజర్వు జాబితా నుంచి మరిన్ని గుర్తులను కేటాయించనుంది. కేటాయించిన ఎన్నికల గుర్తుల వివరాలు... ●సర్పంచ్‌ అభ్యర్థుల గుర్తులు: మంచం, కత్తెర, ఉంగరం, బుట్ట, వంకా య, కప్పూ సాసరు, క్యారెట్‌, తాళం చెవి, గొలుసు, కుర్చీ, బ్యాట్‌, టెలిఫోన్‌, బల్ల, మొక్కజొన్న, పలక, ద్రాక్షపళ్లు, తిరగలి, కుండ, అరటిపండు, కొవ్వొత్తులు, నల్లబోర్డు, అనాసపండు, షటిల్‌, చేతికర్ర, చెంచా. ●వార్డు సభ్యుల గుర్తులు(20): ప్రెష ర్‌ కుక్కర్‌, గౌను, స్టూల్‌, ఇసీ్త్రపెట్టె, పోస్ట్‌ డబ్బా, గ్యాస్‌ స్టౌ, బీరువా, ఐస్క్రీమ్‌, కెటిల్‌, కటింగ్‌ ప్లేయర్‌, విద్యుత్‌ స్తంభం, గరాటా, డిష్‌ యాంటెన్నా, రంపం, కెమెరా, క్యారమ్‌ బోర్డు, వయోలిన్‌, బెండకాయ, బెల్టు, కోటు. నామినేషన్లు, గుర్తుల కేటాయింపు పూర్తయితే గ్రామాల్లో ఎన్నికల ప్రచార వేడి మరింత ఊపందుకోనుంది.

● దెబ్బతిన్న తెల్ల బంగారం ● వరుస తుఫాన్లతో భారీ నష్టం ● జిల్లాలో 14,283 ఎకరాల్లో సాగుభామిని: వరుస తుఫాన్లతో జిల్లా రైతాంగం తీవ్రంగా దెబ్బతింది. పంటలన్నీ తీవ్రంగా దెబ్బతిన్నాయి. అందులో ప్రధానంగా పత్తి పంట మరింత దెబ్బతింది. తుఫాన్లు పత్తి పంటపై తీవ్ర ప్రభావమే చూపింది. మొత్తంగా పత్తి మొదటి కాపు వర్షార్పణం అయ్యిందని రైతులు ఆవేదన వ్యక్తం చేస్తున్నారు. జిల్లా వ్యాప్తంగా 14,283 ఎకరాల్లో పత్తి సాగు చేస్తున్నారు. ఇందులో హైబ్రీడ్‌ పత్తి సాగు విస్తీర్ణం ఇటీవల బాగా పెరిగింది. ఈ హైబ్రీడ్‌ సీడ్‌ ప్రభావం పత్తి మొదటి కాపుపై తీవ్రంగా ఉంటుంది. పంట చేనులో వర్షం నీరు నిలబడి పూత, పిందెలు రాలిపోయే పరిస్థితి నెలకొంది. పత్తి మొక్కలపై గల పత్తి బోగలు తడిసి ముద్దగా మారాయని, ముడిపత్తి కాంతివంతమైన తెలుపు రంగు కోల్పోయే దుస్థితి నెలకొంది. దీనికి తోడు వరుస తుఫాన్లతో చీడపీడలు విజృంభించాయి. బూడిద తెగులు వ్యాప్తి చెంది పత్తి మొక్కలపై ప్రభావం చూపింది. దీంతో పెరుగుదల నిలిచిపోయిందని రైతులు వాపోతున్నారు. ఇది చాలదన్నట్టు ప్రభుత్వం పంటల బీమా చెల్లించకపోవడం రైతులను మరింత కృంగదీసింది. ఈ క్రాప్‌ నమోదులోనూ తేడాలు నెలకొన్నాయి. మొత్తంగా పత్తి రైతులు చిత్తయ్యారు. తగ్గిన దిగుబడి జిల్లాలో పత్తి రైతులు మొదటి కాపులోనే సగానికి పైగా నష్టపోవాల్సి వచ్చింది. ఇప్పటికే జిల్లా వ్యాప్తంగా సుమారు లక్ష క్వింటాళ్లు మొదటి విడతగా దిగుబడి రావాల్సి ఉంది. కానీ 40 వేల క్వింటాళ్లు కూడా దిగుబడి రాలేదు. గతంలో దీపావళి నాటికి ఇంటి గడపలు నిండుగా ముడి పత్తి ఉండేది. ఈ ఏడాది ఆ పరిస్థితి లేకుండా పోయింది. దీంతో పతిరైతుల గడపలు వెలవెలబోతున్నాయి.తగ్గిన పత్తి దిగుబడి అధిక నాణ్యత, బరువు రావాల్సిన మొదటి తీత పత్తి దెబ్బతిని తీవ్రంగా నష్టం కలిగింది. అదనపు కూలీలతో కాయ పత్తి తీయించాల్సి ఉంది. ఎకరానికి మూడు నుంచి నాలుగు క్వింటాళ్ల వరకు నష్టపోతున్నాం. దీంతో ఎకరానికి రనూ.20 వేలు వరకు నష్టం. ఆదాయం గణనీయంగా తగ్గనుంది. – వలరౌతు తిరుపతిరావు, పత్తి రైతు, సొలికిరి పత్తి రైతుకు సూచనలు తుఫాన్‌ అనంతరం పత్తి రైతుకు సూచనలు అందిస్తున్నాం. శాస్త్రవేత్తలు రైతులతో ఇష్టాగోష్టి జరిపి చైతన్య పరుస్తున్నారు. పంట దిగుబడి తగ్గకుండా చర్యలు వివరిస్తున్నాం. పంటలో నీరు తీసి సస్యరక్షణ చర్యలు చేపట్టాలి. ముడి పత్తి నాణ్యత తగ్గకుండా ఆరవేత పనులు చేపట్టాలి. – భవానీ శంకర్‌, జిల్లా వ్యవసాయాధికారిపంట మార్పిడి చేసుకోవాలి పత్తి పంట నిరంతరం సాగు చేస్తుండడంతో భూసారం తగ్గుతుంది. పంట దిగుబడి పడిపోతుంది. ఖర్చులు పెరిగి ఆదాయం తగ్గుతుంది. పంట దిగుబడి తగ్గి ఖర్చులు పెరుగుతున్నాయి. నష్టాల బారిన పడుతున్న తరుణంలో పంట మార్పిడి చేసుకోవాలి. నష్టాల నుంచి బయటపడాలి. – షేక్‌ ఆఫ్రీన్‌, ఎంఏఓ, భామిని

● ఏడుగురికి తీవ్ర గాయాలు ● పాత కక్షలు కారణంగా ఘటనవంగర: మండల పరిధి శ్రీహరిపురం గ్రామంలో ఇరువర్గాల మధ్య కొట్లాట జరిగింది. గతంలో పాత కక్షలు కారణంగా కొట్లాట జరిగిందని హెచ్‌సీ దూసి రాములు తెలిపారు. ఈ ఘటన శుక్రవారం రాత్రి జరిగింది. ఇరు వర్గాలకు చెందిన ఏడుగురికి తీవ్ర గాయాలయ్యాయి. ఈ ఘటనలో వైఎస్సార్‌సీపీ వర్గీయులు గుడివాడ ఆదెమ్మదొర, గుడివాడ సతీష్‌దొర, వాడాడ శ్రీను తీవ్రంగా గాయపడగా.. టీడీపీ వర్గానికి చెందిన బొత్స పట్టాభినాయుడు, బొత్స వెంకునాయుడు, బొత్స రాము, బొత్స రమణ గాయపడ్డారు. గాయపడిన క్షతగాత్రులను రాజాం సీహెచ్‌సీకి తరలించి వైద్యసేవలందిస్తున్నారు. శ్రీహరిపురంలో పోలీస్‌ పికెట్‌ ఏర్పాటు చేశారు. ఇరు వర్గాలు ఇచ్చిన ఫిర్యాదులపై కేసులు నమోదు చేశారు. గుడివాడ ఆదెమ్మ ఇచ్చిన ఫిర్యాదుపై ఐదుగురు వ్యక్తులపై అట్రాసిటీ కేసు నమోదు చేసినట్టు హెచ్‌సీ రాములు వెల్లడించారు.

విజయనగరం ఫోర్ట్‌: జిల్లాలో కుష్ఠు కేసులు పెరుగుతున్నాయి. జిల్లా వ్యాప్తంగా నిర్వహించిన సర్వేలో కొత్త కేసులు బయట పడుతున్నాయి. చాలా మంది వ్యాధి లక్షణాలు ఉన్నప్పటకీ బయటకు చెప్పడం లేదనే తెలుస్తుంది. వ్యాధి తీవ్రం అయ్యే వరకు గుర్తించకపోవడం వల్ల కుష్ఠు కేసులు పెరుగుతున్నాయి. కుష్ఠు వ్యాధి పట్ల వివక్ష ఉండడం వల్ల కొంతమంది బయటకు చెప్పడం లేదనే తెలుస్తుంది. అదేవిధంగా స్పర్శ, నొప్పి లేని మచ్చలు కావడంతో సాధారణ మచ్చలుగా చాలా మంది భావిస్తున్నారు. సెప్టెంబర్‌ నెల నుంచి అక్టోబర్‌ వరకు సర్వే జిల్లాలో సెప్టెంబర్‌ నెల నుంచి అక్టోబర్‌ 29వ తేది వరకు కుష్ఠు వ్యాధిపై సర్వే నిర్వహించారు. జిల్లాలో ఉన్న 19 లక్షల మందిని ఇంటింటికి వెళ్లి సర్వే నిర్వహించారు. సర్వేలో 4852 మందిని కుష్ఠు వ్యాధి అనుమానితులను గుర్తించారు. ఇందులో ఇప్పటి వరకు నిర్వహించిన వైద్య పరీక్షల్లో 64 కేసులు కొత్తగా నమోదయ్యాయి. ఇంకా 652 మందికి వైద్య పరీక్షలు చేయాల్సి ఉంది. ప్రస్తుతం 193 కుష్ఠు కేసులు ఉన్నాయి. కుష్ఠు పట్ల అప్రమత్తంగా ఉండాలి కుష్ఠు వ్యాధి పట్ల అప్రమత్తంగా ఉండాలి. స్పర్శ, నొప్పి లేని మచ్చలు కుష్ఠు వ్యాధి లక్షణాలుగా గుర్తించి వ్యాధి నిర్ధారణ పరీక్ష చేయించుకోవాలి. కుష్ఠు వ్యాధిని సకాలంలో గుర్తించగలిగితే అంగవైకల్యం బారిన పడకుండా కాపాడవచ్చు. వ్యాధి పట్ల నిర్లక్ష్యం చేస్తే ఇబ్బంది పడాల్సి వస్తుంది. కుష్ఠు వ్యాధిలో రెండు రకాలు కుష్ఠు వ్యాధిలో రెండు రకాలు ఉన్నాయి. పాసిబాసిలరీ( పిబి), మల్టి బాసిలరీ( ఎం.బి) ఉన్నాయి. ఐదు మచ్చలు కంటే తక్కువగా ఉంటే పీబీ కుష్ఠు వ్యాధి అంటారు. దీనికి 6 నెలలు పాటు మల్టీ డ్రగ్‌ థెరిపి(ఎండీటీ) మందులు వాడాల్సి ఉంటుంది. ఐదు కంటే ఎక్కువ మచ్చలు ఉంటే ఎంబీ కుష్ఠు వ్యాధి అంటారు. దీనికి 12 నెలలు పాటు మందులు వాడాల్సి ఉంటుంది. మందులు పూర్తి స్థాయిలో వాడితే వ్యాధి నయం అవుతుంది. సర్వే చేశాం.. జిల్లా వ్యాప్తంగా సర్వే నిర్వహించాం. ఇందులో 4852 మంది అనుమానితులను గుర్తించాం. వీరికి కుష్ఠు వ్యాధి నిర్ధారణ పరీక్షలు చేయగా 64 మందికి కుష్ఠు వ్యాధి నిర్ధారణ అయింది. కుష్ఠు వ్యాధిపై ప్రజల్లో అవగాహన పెరిగింది. – డాక్టర్‌ కె.రాణి, జిల్లా కుష్టు నివారణ అధికారి కొత్తగా 64 కేసులు గుర్తింపు ప్రస్తుతం ఉన్న కేసులు 193 జిల్లా వ్యాప్తంగా సర్వే నిర్వహించిన వైద్య సిబ్బంది

విజయనగరం: జిల్లా స్కూల్‌ గేమ్స్‌ ఫెడరేషన్‌ ఆధ్వర్యంలో రాష్ట్ర స్థాయిలో పాల్గొనబోయే జిల్లా హాకీ జట్ల ఎంపిక పోటీలకు అనూహ్య స్పందన లభించింది. విజయనగరం జిల్లా కేంద్రంలోని విజ్జి స్టేడియంలో అండర్‌ – 14, 17, 19 విభాగాల్లో బాల, బాలికలకు నిర్వహించిన ఎంపికల్లో సుమారు 250 మంది క్రీడాకారులు పాల్గొన్నారు. వీరికి ఎంపిక పోటీలు నిర్వహించగా... ఉత్తమ ప్రతిభ కనబరి చిన క్రీడాకారులను జిల్లా జట్టుకు ఎంపిక చేశారు. జిల్లా స్థాయి పోటీల్లో ఎంపికై న అండర్‌–19 క్రీడాకారులకు రాష్ట్ర స్థాయి పోటీలు ఈ నెల 14 నుంచి కర్నూలులో జరగనున్నాయి. అండర్‌ – 14 పోటీలు బాపట్లలో, అండర్‌–17 పోటీలు అనకాపల్లి జిల్లా లో నిర్వహించనున్నారు. ఎంపిక పోటీలను జిల్లా స్కూల్‌ గేమ్స్‌ ఫెడరేషన్‌ కార్యదర్శులు వాణిశ్రీ,, శ్రీనివాస్‌, వ్యాయామ ఉపాధ్యాయులు రమేష్‌, సునీత, సూర్యారావు, విజయలక్ష్మి, రాజేష్‌, శ్రీకాంత్‌ సెలక్షన్‌ కమిటీ సభ్యులుగా వ్యవహరించారు.

చికెన్‌గరుగుబిల్లి: మండలంలోని ఉల్లిభద్రలో డా. వైఎస్సార్‌ ఉద్యానవన కళాశాలలో నిర్వహిస్తున్న కురు పాం నియోజకవర్గ జెడ్పీటీసీ, ఎంపీటీసీ ఎన్నికల ఓట్ల లెక్కింపు ప్రక్రియను కలెక్టర్‌ డా. ఎన్‌.ప్రభాకరరెడ్డి, జాయింట్‌ కలెక్టర్‌ ఆర్‌.వైశాలి శనివారం పరిశీలించారు. కౌంటింగ్‌ కేంద్రంలో జరుగుతున్న ఓట్ల లెక్కింపు విధానాన్ని, సిబ్బంది నిర్వహిస్తున్న విధులను వారు క్షేత్ర స్థాయిలో పరిశీలించారు. ఎన్నికల నిబంధనలకు అనుగుణంగా ఓట్ల లెక్కింపు చేపడుతున్న తీరును అధికారులను అడిగి తెలుసుకున్నారు. కౌంటింగ్‌ ప్రక్రియలో పారదర్శకత, కచ్చితత్వం పాటించాలని ఎలాంటి పొరపాట్లకు తావివ్వకుండా జాగ్రత్తలు తీసుకోవాలని సూచించారు. ఓట్ల లెక్కింపు పూర్తయ్యే వరకు సిబ్బంది అప్రమత్తంగా ఉండాలని, ఎన్నికల ప్రక్రియను ప్రశాంతంగా, సజావుగా పూర్తి చేయాలని అధికారులకు సూచించారు. కౌంటింగ్‌ కేంద్రంలో అవసరమైన ఏర్పాట్లు, భద్రత చర్యలను కూడా పరిశీలించారు. ఓట్ల లెక్కింపును ఎస్పీ ఎస్‌వీ మాధవరెడ్డి పరిశీలించి సిబ్బందికి పలు సూచనలు చేశారు.

విజయనగరం టౌన్‌: బాణసంచా షాపుల వద్ద జిల్లా అగ్నిమాపక శాఖ అధికారి పివిఎస్‌.రాజేష్‌ ఆధ్వర్యంలో ఏడీఎఫ్‌ఓ వి.సోమేశ్వరరావుతో పాటూ సిబ్బంది అవగాహన కార్యక్రమాన్ని శనివారం నిర్వహించారు. దుకాణాల వద్ద ఫైర్‌ ఇంజన్‌లతో పాటూ సిబ్బందిని నియమించారు. షాపుల వద్ద కొనుగోలు చేసేందుకు వచ్చే ప్రజలకు టపాసులు కాల్చినప్పుడు తీసుకోవాల్సిన జాగ్రత్తలను వివరించి, కరపత్రాలను అందజేశారు. అదేవిధంగా షాపుల వద్ద ప్రమాదాలు సంభవించేటప్పుడు ఉండాల్సిన ఇసుక, నీటితో పాటూ వివిధ రకాల అగ్నినిరోధక యంత్రాలను అందుబాటులో ఉంచారు. అదేవిధంగా బాణాసంచా కాల్చేటప్పుడు తీసుకోవాల్సిన జాగ్రత్తలపై తయారుచేసిన లఘుచిత్రాన్ని కలెక్టర్‌ సమక్షంలో శనివారం ఆవిష్కరించినట్లు ఫైర్‌ అధికారి రాజేష్‌ స్పష్టం చేశారు. కార్యక్రమంలో ఫైర్‌ సిబ్బంది పాల్గొన్నారు.

విజయనగరం అర్బన్‌: పెట్రోల్‌ బంక్‌ సమీపంలోనే గ్యాస్‌ గొడౌన్‌... ఆ పక్కనే బాణసంచా దుకాణాల సముదాయాలు. నిప్పుతో చెలగాటమాడే బాణసంచా విక్రయాలకు ఇలాంటి ప్రాంతాన్ని ఎలా ఎంపిక చేశారు? ప్రజల ప్రాణాలకు ముప్పు వాటిల్లే అవకాశం ఉన్న ఈ పరిసరాలను అనుమతులు మంజూరు చేసే సమయంలో అధికారులు పరిశీలించలేదా? ప్రమాద తీవ్రతను అంచనా వేయకుండా దుకాణాల ఏర్పాటుకు ఎలా అనుమతులిచ్చారన్న ప్రశ్నలు తలెత్తుతున్నాయి. విజయనగరం రింగ్‌రోడ్డు, సాయిబాబా కోవిల జంక్షన్‌ సమీపంలోని ప్రైవేట్‌ ఖాళీ స్థలంలో దీపావళి బాణసంచా విక్రయాల కోసం సామూహిక దుకాణాలు ఏర్పాటు చేస్తున్నారు. అయితే ఈ దుకాణాల సముదాయానికి ఆనుకుని పెట్రోల్‌ బంక్‌, పరిసరాల్లో గ్యాస్‌ గొడౌన్లు ఉండటం తీవ్ర అందోళన కలిగిస్తోంది. బాణసంచా నిల్వలు, విక్రయాల సమయంలో చిన్నపాటి నిప్పురవ్వలు, అగ్నిప్రమాదాలు సంభవించినా సమీపంలోని ఇంధన నిల్వ కేంద్రాలకు ముప్పు వాటిల్లే ప్రమాదం ఉందన్న ఆందోళనలు వ్యక్తమవుతున్నాయి. మూడు శాఖల అధికారుల దృష్టికి రాలేదా? బాణసంచా విక్రయ కేంద్రాల ఏర్పాటుకు సంబంధించి అగ్నిమాపక, మున్సిపల్‌, రెవెన్యూ శాఖల అధికారులు వివిధ స్థాయిలో పరిశీలనలు చేపట్టాల్సి ఉంటుంది. ముఖ్యంగా బాణసంచా దుకాణాల చుట్టుపక్కల ఉన్న భవనాలు, పెట్రోల్‌ బంకులు, గ్యాస్‌ నిల్వ కేంద్రాలు, జనసంచారం వంటి అంశాలు కీలకం. అయినప్పటికీ ఇలాంటి నున్నితమైన ప్రాంతంలో దుకాణాల ఏర్పాట్లు సాగుతుండటంపై అధికారుల పర్యవేక్షణ తీరుపై ప్రశ్నలు వ్యక్తమవుతున్నాయి. ప్రమాదం జరిగితే... బాణసంచా విక్రయాల ద్వారా వ్యాపారులకు ఆదాయం సమకూరవచ్చు. కానీ వాటి నిర్వహణలో ప్రజల భద్రతకు అత్యంత ప్రాధాన్యం ఇవ్వాల్సి ఉంటుంది. పెట్రోల్‌ బంక్‌, గ్యాస్‌ గొడౌన్ల సమీపంలో బాణసంచా విక్రయాలు నిర్వహించడం వల్ల తలెత్తే ప్రమాదాలను అధికారులు ముందుగానే అంచనా వేయాల్సిన అవసరం ఉంది. క్షేత్ర స్థాయిలో పరిస్థితులను పరిశీలించి, వర్తించే భద్రతా నిబంధనలు, అవసరమైన దూర ప్రమాణాలను ధ్రువీకరించకుండా విక్రయాలు కొనసాగించకూడదన్న అభిప్రాయాలు వ్యక్తమవుతున్నాయి. ఇప్పటికై నా అగ్నిమాపక, మున్సిపల్‌, రెవెన్యూ శాఖల ఉన్నతాధికారులు సంయుక్తంగా క్షేత్రస్థాయి పరిశీలన చేపట్టి, పెట్రోల్‌ బంక్‌, గ్యాస్‌ గొడౌన్ల సమీపంలో బాణసంచా దుకాణాల నిర్వహణకు అనుమతులు నిబఽంధనలకు అనుగుణంగా ఉన్నా యా లేదా స్పష్టం చేయాలి. ప్రజల భద్రతకు ము ప్పు ఉందని తేలితే తక్షణమే తగిన చర్యలు తీసుకోవాలని స్థానికులు అభిప్రాయపడుతున్నారు. ఒకవైపు క్రాకర్స్‌.. మరోవైపు పెట్రోల్‌ బంక్‌ వాటి సమీపంలోనే బాణసంచా దుకాణాలు మూడు శాఖల అధికారుల దృష్టికి రాలేదా? ప్రమాదం జరిగితే ఎవరిది బాధ్యత! అధికారుల సర్వత్రా విమర్శలు

విజయనగరం కల్చరల్‌(క్రైమ్‌): విజయనగరం ఫ్రెండ్స్‌ ఫైన్‌ ఆర్ట్స్‌ అసోసియేషన్‌ 742వ కార్యక్రమంలో భాగంగా పద్మశ్రీ డాక్టర్‌ ద్వారం వెంకటస్వామి నాయుడు జయంతి కొత్తపేట ఆర్యసోమయాజుల కాశీపతీరావు స్మారక భవనంలో శనివారం ఘనంగా జరిగింది. ముందుగా సంస్థ సలహాదారులు డాక్టర్‌ అయ్యగారి రాఘవరావు, ప్రఖ్యాత వయొలిన్‌ విద్వాంసులు మహదాసు నీలాద్రిరావు, సంస్థ అధ్యక్షుడు ధవళ సర్వేశ్వర రావు, కార్యదర్శి డాక్టర్‌ మండపాక రవి, కాళ్ళ నిర్మల భాగవతారిణి, శైలజ, వంశీకృష్ణ తదితరులు నాయుడు చిత్రపటం వద్ద అంజలి ఘటించారు. అనంతరం వర్ధమాన కళాకారిణి భాగవతుల అన్నపూర్ణ శివాత్మిక వయొలిన్‌ కచేరి అందరినీ అలరించింది. మృదంగంపై గణేష్‌ వనపర్తి సహకారం అందించారు. కచేరీని ముందుగా సారంగా వర్ణంతో ప్రారంభించి, దీక్షితార్‌ కృతి మహాగణపతి, ప్రధాన అంశంగా కళ్యాణి రాగంలో హేమాద్రి సుతే వయొలిన్‌పై పలికించారు. గణేష్‌ మృదంగంపై చక్కని అనుసరణ, తన్యావర్తనం వాయించి అందరి మన్ననలు పొందారు. సంస్థ సభ్యులు మోడెకుర్తి శ్రీనివాసరావు, విద్వాంసులు ఏడుకొండలు, కామేశ్వరరావు, కళాకారులను సత్కరించారు.

విజయనగరం గంటస్తంభం: జిల్లాలో కౌంటింగ్‌ ప్రక్రియను జిల్లా ఎన్నికల అధికారి, కలెక్టర్‌ ఎస్‌.రాంసుందర్‌ రెడ్డి నిరంతరం పర్యవేక్షించారు. జాయింట్‌ కలెక్టర్‌ సేతుమాధవన్‌తో కలిసి కంట్రోల్‌ రూమ్‌లో ఉండి ఎప్పటికప్పుడు ఫలితాలను సమీక్షించారు. అనంతరం జేఎన్టీయూ కౌంటింగ్‌ కేంద్రాన్ని సందర్శించి ఆర్‌ఓ పి.బాలాజీతో ఏర్పాట్లు, లెక్కింపు సరళిపై చర్చించారు. జాతీయ స్థాయిలో ప్రతిభ కనబర్చిన డాక్టర్‌ రేణుక బొబ్బిలి: మండలంలోని పారాది గ్రామానికి చెందిన డాక్టర్‌ కలిశెట్టి రేణుక ఇనిసెట్‌ ప్రవేశ పరీక్షలో జాతీయ స్థాయిలో 482 ర్యాంకు సాధించి ప్రతిభ చాటారు. అఖిల భారతీయ వైద్య విద్యా సంస్థలలో (ఎయిమ్స్‌)లో పీజీ ప్రవేశానికి ఈ పరీక్ష నిర్వహిస్తారు. డాక్టర్‌ రేణుక ఇటీవల విడుదలైన పీజీనీట్‌ పరీక్షలో కూడా 777 ర్యాంకు సాధించారు. ఎయిమ్స్‌ రాయపూర్‌లో ఎంబీబీఎస్‌ పూర్తి చేసిన రేణుక పదో తరగతి వరకూ జవహర్‌ నవోదయలో చదివినట్టు ఆమె తండ్రి కె.సింహాచలం మాస్టారు తెలిపారు. కాగా రేణుక తల్లి చిన్నమ్మలు కూడా ఉపాధ్యాయురాలిగానే పని చేస్తున్నారు. భవిష్యత్తులో రేడియాలజిస్టుగా మంచి సేవలందించాలని ఉందని డాక్టర్‌ రేణుక తెలిపారు. ఈమెకు స్థానికులు అభినందనలు తెలిపారు. పర్యావరణ పరిరక్షణకు కృషి చేయాలి విజయనగరం రూరల్‌: విద్యార్థులు పర్యావరణ పరిరక్షణకు కృషి చేయాలని, దీనిపై తల్లిదండ్రులకు అవగాహన కల్పించాలని కాలుష్య నియంత్రణ మండలి జిల్లా ఈఈ బీబీ సరిత పిలుపునిచ్చారు. జిల్లా కేంద్రంలోని గురజాడ పబ్లిక్‌ స్కూల్‌లో బ్రిక్స్‌ వారోత్సవాల్లో భాగంగా విద్యార్థులకు ప్లాస్టిక్‌ బ్యాగులు నిరోధం, ప్లాస్టిక్‌ వాడకంతో పర్యావరణానికి కలిగే నష్టాలపై శనివారం అవగాహన కల్పించారు. పర్యావరణ పరిరక్షణకు ప్రతి ఒక్కరూ తమ వంతు కృషి చేయాలన్నారు. లేకుంటే భవిష్యత్‌ జీవనం చాలా ఇబ్బందికరంగా మారడం ఖాయమని హెచ్చరించారు. దీన్ని గుర్తించి ప్రజలు అవగాహనతో పర్యావరణ పరిరక్షణకు పాటు పడాలన్నారు. అనంతరం విద్యార్థులకు గుడ్డ సంచులు పంపిణీ చేశారు. కార్యక్రమంలో పీసీబీ సిబ్బంది, పాఠశాల సిబ్బంది తదితరులు పాల్గొన్నారు.

● 1599 ఓట్ల మెజార్టీతో బొత్స పూజిత జయకేతనం ● కోడలిని జెడ్పీ చైర్మన్‌ చేయాలన్న కళావెంకటరావు ఆశలపై నీళ్లు చీపురుపల్లిరూరల్‌ (గరివిడి): జిల్లా రాజకీయా ల్లో ఆసక్తికర పరిణామానికి గరివిడి జెడ్పీటీసీ ఎన్నికలు వేదికగా నిలిచాయి. ఇద్దరు రాజకీయ ప్రముఖుల కుటుంబాలకు చెందిన కోడళ్ల మధ్య జరిగిన పోరులో వైఎస్సార్‌సీపీ సీనియర్‌ నాయ కుడు, శాసనమండలి విపక్షనేత బొత్స సత్యనారాయణ కోడలు బొత్స పూజిత విజయం సాధించారు. మాజీ మంత్రి, ఎమ్మెల్యే కిమిడి కళా వెంకటరావు కోడలు కిమిడి సంధ్యపై 1599 ఓట్ల మెజార్టీతో గెలుపొందారు. రాజకీయ కుటుంబాల మద్య పోటీ... గరివిడి జెడ్పీటీసీ స్థానానికి జరిగిన ఎన్నికలు జిల్లా వ్యాప్తంగా ప్రత్యేక ఆసక్తిని రేకెత్తించాయి. ఓ వైపు బొత్స సత్యనారాయణ కుటుంబం నుంచి పూజిత, మరోవైపు కళా వెంకటరావు కుటుంబం నుంచి సంధ్య బరిలో నిలవడంతో ఎన్నికల పోరు ప్రతిష్టాత్మకంగా మారింది. రెండు కుటుంబాల ప్రతిష్టకు సంబంధించిన పోరుగా రాజకీయ పరిశీలకులు చూశారు. పూజిత విజయం సాధించడం, కళా కుటుంబానికి చెందిన సంధ్య ఓటమి పాలవ్వడం గరివిడి రాజకీయాల్లో చర్చకు దారితీసింది. తన కోడలు సంధ్యను గరివిడి నుంచి జెడ్పీటీసీగా గెలిపించి, జిల్లా పరిషత్‌ చైర్మన్‌ పదవి కట్టబెట్టాలన్న కళా వెంకటరావు ఆశలపై ఓటమి నీళ్లుచల్లిందని రాజకీయ విశ్లేషకులు చెబుతున్నారు. బొత్స పూజిత

ఆదివారం శ్రీ 8 శ్రీ నవంబర్‌ శ్రీ 2026గుర్ల జెడ్పీటీసీగా సంగంరెడ్డి వెంకటలక్ష్మి గుర్ల: మండలంలోని జెడ్పీటీసీ ఎన్నికలు హోరాహోరీగా సాగా యి. ప్రతి బూత్‌ లో నువ్వా.. నేనా? అన్నట్లుగా ఓట్లు రావడంతో కౌంటింగ్‌ కేంద్రంలో ఉత్కంఠ నెలకొంది. తుది పోరులో జెడ్పీటీసీ అభ్యర్థి సంగం రెడ్డి వెంకటలక్ష్మి 251 ఓట్ల మెజార్టీతో విజయం సాధించింది. గజపతినగరంలో సూర్యకళదే విజయం గజపతినగరం /గజపతినగరం రూరల్‌: గజపతినగరం వైఎస్సార్‌సీపీ జెడ్పీటీసీ అభ్యర్థి మండల సూర్యకళ సమీప బీజేపీ అభ్యర్థి రెడ్డి పావనిపై 1848 ఓట్ల మెజారీటీతో విజయం సాధించారు. వైఎస్సార్‌ సీపీ సీనియర్‌ నేత, పురిటి పెంట మాజీ వైస్‌ సర్పంచ్‌ మండల సురేష్‌ సతీమణి సూర్యకళ మొదటి ఐదు రౌండ్లలో1848 ఓట్ల మెజారిటీతో విజయం సాధించడంతో గజపతినగరం, పురిటిపెంటతో పాటు మండల వాసులు సంబరాలు చేసుకున్నారు.

విజయనగరం గంటస్తంభం: దీపావళి పండగ జిల్లా ప్రజల జీవితాల్లో ఆనందం, ఆరోగ్యం, ఐశ్వర్యం, సుఖసంతోషాలు నింపాలని కలెక్టర్‌ ఎస్‌.రాంసుందర్‌ రెడ్డి ఆకాంక్షించారు. చీకటిపై వెలుగు విజయానికి ప్రతీకగా జరుపుకునే దీపావళిని ప్రజలంతా పర్యావరణహితంగా జరుపుకోవాలని కోరారు. బాణసంచా కాల్చే సమయంలో తగిన జాగ్రత్తలు పాటిస్తూ ప్రమాదాలకు తావులేకుండా పండుగను సురక్షితంగా జరుపుకోవాలని సూచించారు. గవర్నర్‌ చేతులమీదుగా రాజ్యపురస్కార్‌ అవార్డుల ప్రదానం ● అమరావతిలో జిల్లా విద్యార్థులకు మంచి గుర్తింపు విజయనగరం అర్బన్‌: భారత్‌ స్కౌట్స్‌ అండ్‌ గైడ్స్‌ వ్యవస్థాపక దినోత్సవం సందర్భంగా జిల్లాకు చెందిన ఇద్దరు విద్యార్థులు రాజ్యపురస్కార్‌ సర్టిఫికెట్లను రాష్ట్ర గవర్నర్‌ ఎస్‌.అబ్దుల్‌నజీర్‌ చేతుల మీదుగా అందుకున్నారు. అమరావతిలోని లోక్‌భవన్‌లో జరిగిన కార్యక్రమంలో జిల్లా పరిషత్‌ ఉన్నత పాఠశాల లక్కీడాంకు చెందిన స్కౌట్‌ విద్యార్థి బండారు చరణ్‌, కొత్తవలస జెడ్పీ ఉన్నత పాఠశాలకు చెందిన గైడ్‌ విద్యార్థిని ఎల్‌.ధనక్ష్మి జిల్లా ప్రతినిధులుగా పాల్గొన్నారు. సంస్థ సేవా కార్యక్రమాల్లో నిరంతరం పాల్గొంటున్న రిటైర్డ్‌ గ్రేడ్‌–2 హెచ్‌ఎం సీహెచ్‌ నారాయణమూర్తికి గవర్నర్‌ ప్రశంసాపత్రం, షీల్డ్‌ అందజేశారు. విద్యార్థులు నాలుగేళ్లుగా పర్యావరణ పరిరక్షణ, మొక్కల పెంపకం, ఆరోగ్య అవగాహన, స్వయం ఉపాధి ప్రాజెక్టులు, పాఠశాల పరిశుభ్రత, సామాజిక సేవా కార్యక్రమాల్లో చురుగ్గా పాల్గొన్నందుకు గుర్తింపుగా లభించిందని స్కౌట్స్‌ అండ్‌ గైడ్స్‌ కమిషనర్లు ఈపు విజయకుమార్‌, సౌభాగ్యలక్ష్మి, కార్యదర్శులు వాక చిన్నంనాయుడు, ఎస్‌.కనకలక్ష్మి, ఆర్గనైజింగ్‌ కమిషనర్లు కె.గాయత్రి, డి.ప్రవీణ్‌కుమార్‌ తెలిపారు. పురస్కార్‌ విజేతలను డీఈఓ యు.మాణిక్యంనాయుడు అభినందించారు. గవర్నర్‌ ఎస్‌.అబ్దుల్‌ నజీర్‌ చేతుల మీదుగా ప్రశంసాపత్రాలను అందుకుంటున్న విద్యార్థులు బండారు చరణ్‌, ఎల్‌.ధనలక్ష్మి, జిల్లా ప్రజలకు దీపావళి పండగ శుభాకాంక్షలు తెలియజేసిన కలెక్టర్‌ ఎస్‌.రాంసుందర్‌ రెడ్డి

విజయనగరం గంటస్తంభం: కేవలం రెండున్నరేళ్లలోనే చంద్రబాబు పాలనపై జనం తిరుగుబాటు ప్రకటించారు. పరిషత్‌ ఎన్నికల్లో ఓటుతో తమ నిరసన తెలిపారు. అధికార పార్టీ ఎన్ని ప్రలోభాలకు తెర తీసినా.. దౌర్జన్యాలకు తెగించినా.. పరిషత్‌ ఎన్నికల్లో వైఎస్సార్‌సీపీ తరఫున నిలబడ్డారు. ఎన్నికల సమయంలో అధికార పార్టీ నాయకులు యథేచ్ఛగా రిగ్గింగుకు తెర తీసిన విషయం విదితమే. ఎన్నికలను ఏకపక్షంగా మార్చేస్తామంటూ బహిరంగంగానే ఆ పార్టీ నాయకులు ప్రకటనలు గుప్పించారు. ఎన్ని అక్రమాలకు తెర తీసినా.. కుట్రలకు పాల్పడినా ప్రజల మద్దతుతో వైఎస్సార్‌సీపీ అభ్యర్థులు పలు చోట్ల జెడ్పీటీసీ, ఎంపీటీసీ స్థానాలను కై వసం చేసుకున్నారు. ప్రధానంగా చీపురుపల్లిలో శాసనమండలి విపక్షనేత బొత్స సత్యనారాయణ తన పట్టునిలుపుకున్నారు. గుర్ల, గరివిడితో పాటు గజపతినగరం, నెల్లిమర్ల జెడ్పీటీసీ స్థానాలను వైఎస్సార్‌సీపీ అభ్యర్థులు గెలుచుకున్నారు. అలాగే, పార్వతీపురం మన్యం జిల్లాలో సీతంపేట, గుమ్మలక్ష్మీపురం, సాలూరు, మక్కువ, పార్వతీపురం జెడ్పీటీసీ స్థానాల్లోనూ వైఎస్సార్‌సీపీ అభ్యర్థులు గెలుపొందారు. సీతంపేట, మక్కువ, గుర్ల ఎంపీపీ స్థానాలు కూడా వైఎస్సార్‌సీపీ ఖాతాలో పడ్డాయి. ఈ నెల 5న జరిగిన ప్రాదేశిక ఎన్నికల్లో ఓట్ల లెక్కింపును శనివారం చేపట్టారు. తొలుత పోస్టల్‌ బ్యాలెట్‌, అనంతరం ఎంపీటీసీ, జెడ్పీటీసీ ఓట్ల లెక్కింపు చేపట్టారు. అర్ధరాత్రి వరకూ కౌంటింగ్‌ కొనసాగింది. దీంతో అభ్యర్థుల్లో తీవ్ర ఉత్కంఠ నెలకొంది. రెండున్నరేళ్లకే చంద్రబాబు పాలనపై ఓటుతో జనం తిరుగుబాటు ఉమ్మడి విజయనగరం జిల్లాలో వైఎస్సార్‌సీపీ 9 జెడ్పీటీసీ స్థానాలు కై వసం కళా కోడలిపై బొత్స కోడలు విజయం రామభద్రపురంలో కుమార్తైపె తల్లి విజయం గట్టిపోటీ ఇచ్చిన వైఎస్సార్‌సీపీ ఫలితాల్లోనూ పార్టీల మధ్య ఉత్కంఠభరిత పోటీ

విజయనగరం కల్చరల్‌(క్రైమ్‌): ఉత్తరాంధ్రుల ఆరాధ్యదైవం పైడితల్లి అమ్మవారి కలశజ్యోతి ఊరేగింపు శనివారం అంగరంగ వైభవంగా సాగింది. ముందుగా వనంగుడిలో అమ్మవారి ఉత్సవ విగ్రహానికి పంచామృతాలతో అభిషేకాలు జరిపారు. అమ్మవారిని సుందరంగా అలంకరించి ప్రత్యేక పూజలు చేశారు. అనంతరం ఆలయం చుట్టూ మూడుసార్లు ప్రదక్షణ జరిపారు. అప్పటికే సిద్ధం చేసిన అలంకార రథంపై అమ్మవారిని ఉంచి దీక్షధారులు కలశ జ్యోతి ఊరేగింపును ప్రారంభించారు. మంగళ వాయిద్యాలు, భక్తుల భజనలు, జై పైడిమాంబ.. జైజై పైడిమాంబ జయజయ ధ్వానాల నడుమ రైల్వే స్టేషన్‌, సీఎంఆర్‌, స్టేట్‌ బ్యాంక్‌, కన్యకాపరమేశ్వరి టెంపుల్‌, గంటస్తంభం, మూడులాంతర్ల వద్ద ఉన్న చదురుగుడి వరకు పైడితల్లి అమ్మవారి కలశ ఊరేగింపు కొనసాగింది. చదురగుడిలో దీక్షధారులు మాలధారణ విరమించారు. కార్యక్రమంలో ఆలయ ఈఓ శిరీష, అర్చకులు అచ్యుతానంద శర్మ, సాయికిరణ్‌ శశర్మ, వందలాదిమంది భక్తులు పాల్గొన్నారు. వచ్చే మంగళవారం చదురగుడిలో పైడితల్లి అమ్మవారి ఉయ్యాల కంబాల ఉత్సవం జరుగుతుందని ఈఓ శిరీష తెలిపారు. వైభవంగా పైడితల్లి అఖండ కలశజ్యోతి తిరువీధి 41 రోజుల పైడిమాంబమాలధారుల దీక్ష విరమణ వనంగుడి నుంచి చదురుగుడి వరకు అమ్మవారి ఊరేగింపు

సాక్షి, పార్వతీపురం మన్యం: పార్వతీపురం మన్యం జిల్లాలోని గిరిజన సంక్షేమ ఆశ్రమ పాఠశాలలు, గురుకులాలు, వసతి గృహాల్లో విద్యార్థుల ఆరోగ్యం ప్రశ్నార్థకంగా మారుతోంది. తరచూ సీజనల్‌ వ్యాధులు విజృంభిస్తూ విద్యార్థులను అనారోగ్యం బారిన పడేస్తున్నాయి. తాజాగా కురుపాం మండలం శివన్నపేట సమీపంలోని గిరిజన సంక్షేమ గురుకుల బాలికల పాఠశాల లో ఒకేసారి సుమారు 80 మంది విద్యార్థినులు అస్వస్థతకు గురికావడం ఆందోళన కలిగిస్తోంది. జ్వరం, జలుబు, దగ్గు, విరేచనాలు వంటి లక్షణాల తో విద్యార్థినులు బాధ పడుతున్నట్లు తెలుస్తోంది. దీంతో విద్యార్థినుల ఆరోగ్యంపై తల్లిదండ్రుల్లో ఆందోళన నెలకొంది. గత ఘటనల నుంచి గుణపాఠం ఏదీ? ఇదే కురుపాం గురుకుల పాఠశాలలో గతంలో పచ్చకామెర్ల వ్యాధి తీవ్ర విషాదాన్ని మిగిల్చింది. ఈ వ్యాధి కారణంగా ఇద్దరు విద్యార్థులు మృత్యువాత పడగా.. మరో 200 మంది వరకు విద్యార్థులు అనారోగ్యానికి గురయ్యారు. అప్పట్లో ఈ ఘటన తీవ్ర కలకలం రేపింది. కొద్ది రోజుల పాటు ప్రజాప్రతినిధులు, అధికారులు హడావిడి చేసినప్పటికీ.. తర్వాత పరిస్థితి షరా మామూలే అయ్యింది. పాఠశాలల్లో పారిశుధ్యం, తాగునీటి నాణ్యత, వైద్య పర్యవేక్షణ వంటి అంశాలపై శాశ్వత చర్యలు తీసుకున్న దాఖలాలు కనిపించడం లేదన్న విమర్శలు వ్యక్తమవుతున్నాయి. చదువుకుంటే ఉన్నత స్థానాని కి చేరుకుంటారని ఆశించిన తల్లిదండ్రులు.. ఎక్క డో దూరాన ఉంచి తమ బిడ్డలకు విద్యా బుద్ధులు నేర్పిస్తున్నారు. ఇక్కడికి వచ్చాక.. సరైన సౌకర్యా లు, వైద్య సదుపాయాలు లేక విద్యార్థులు అనారో గ్యం బారిన పడి.. కొద్ది రోజులకే ప్రాణాలు విడుస్తు న్నారు. గిరిజన సంక్షేమ శాఖ మంత్రి సొంత జిల్లా.. ప్రభుత్వ విప్‌ తోయక జగదీశ్వరి నియోజకవర్గంలోనే పిల్లలు పిట్టల్లా రాలిపోతున్నా పట్టించుకోని పరిస్థితి ఉంది. విద్యార్థుల ప్రాణాలంటే లెక్కలేదా? జిల్లాలోని సంక్షేమ పాఠశాలలు, వసతిగృహాల్లో విద్యార్థులు తరచూ అనారోగ్యం బారిన పడుతున్నా సమస్యకు శాశ్వత పరిష్కారం చూపడంలో ప్రభుత్వం విఫలమవుతోందన్న విమర్శలు వెల్లువెత్తుతున్నాయి. విద్యార్థుల ఆరోగ్య పరిరక్షణకు ముందస్తు చర్యలు, నిరంతర వైద్య పరీక్షలు, స్వచ్ఛమైన తాగునీరు, పరిశుభ్ర మైన వాతావరణం కల్పించాల్సిన బాధ్యత ప్రభుత్వంపై ఉంది. వరుస ఘటనలు చోటు చేసుకుంటున్నా యంత్రాంగంలో ఆశించిన స్పందన కనిపించడం లేదన్న ఆరోపణలు వినిపిస్తున్నాయి. మంత్రి సొంత జిల్లాలోనే దుస్థితి! గిరిజన సంక్షేమ శాఖ మంత్రి ప్రాతినిధ్యం వహిస్తు న్న జిల్లాలోనే గిరిజన విద్యార్థుల ఆరోగ్య పరిస్థితి ఇంత ఆందోళనకరంగా ఉండటం విచారకరం. గిరిజన సంక్షేమానికి పెద్దపీట వేస్తున్నామని చెబుతున్న ప్రభుత్వం, ఆచరణలో మాత్రం విద్యార్థుల కనీస ఆరోగ్య భద్రతను కూడా కాపాడలేకపోతోందన్న విమర్శలు వ్యక్తమవుతున్నాయి.

బొబ్బిలి: పట్టణంలోని ప్రభాకర్‌ స్కూల్‌లో ఓట్ల లెక్కింపు జరుగుతున్న సమయంలో తెర్లాం మండలం నందిగాం ఎంపీటీసీ సెగ్మెంటు లెక్కింపుపై కూటమి నాయకులు హైడ్రామా నడిపించారు. అక్కడి వైఎస్సార్‌ సీపీ అభ్యర్థి గంట లలిత 23 ఓట్లతో గెలిచారు. కానీ కూటమి నాయకులు జీర్ణించుకోలేక రీకౌంటింగ్‌కు ప్రతిపాదించారు. ఓట్లలో లెక్క సరిపోయినా పదేపదే ఆర్వో ఎం.హరికృష్ణంనాయుడుపై ఒత్తిడి తెచ్చారు. విషయం తెలుసుకున్న మాజీ ఎమ్మెల్యే శంబంగి వెంకట చిన అప్పలనాయుడు, జెడ్పీటీసీ అభ్యర్థి వేణుగోపాలనాయుడు ఎన్నికల అధికారి, ఆర్డీఓ జేవీవీఎస్‌ రామమోహనరావుకు ఫిర్యాదు చేశారు. వాస్తవానికి పదిలోపు ఓట్ల తేడా అయితేనే రీకౌంటింగ్‌కు అడుగుతారని, ఇక్కడ 23 ఓట్ల తేడా ఉన్నా రీకౌంటింగ్‌కు పదేపదే ఒత్తిడి చేస్తున్నారని ఫిర్యాదులో పేర్కొన్నారు. దీంతో ఆయన వెంటనే తెర్లాం మండల కౌంటింగ్‌ విభాగానికి వెళ్లి ఆర్వోకు నిబంధనల ప్రకారం ఓట్ల లెక్కింపు అయిపోతే వెంటనే ఫలితాన్ని ప్రకటించాలని ఆదేశించారు. దీంతో ఆయన ఫలితం ప్రకటించి ధ్రువీకరణ పత్రం అందజేశారు. ఆర్డీఓకు ఫిర్యాదు చేసిన శంబంగి వేణుగోపాల నాయుడు చివరకు గెలిచిన అభ్యర్థికి ధ్రువీకరణ పత్రం అందజేత

● 24 ఓట్లతో ఓడిపోయిన కుమార్తె బొబ్బిలి/రామభద్రపురం: పరిషత్‌ ఎన్నికల్లో రామభద్రపురం మండలంలో ఆసక్తికర పోరు చోటుచేసుకుంది. రామభద్రపురం మండలం కోటశిర్లాం ఎంపీటీసీ స్థానంలో తల్లి వెంకటలక్ష్మి వైఎస్సార్‌సీపీ తరఫున, కుమార్తె విజయలక్ష్మి అత్తవారింటి తరఫున టీడీపీ అభ్యర్థిగా బరిలోకి దిగారు. చివరకు ఎన్నికల ఫలితాల్లో కుమార్తె విజయలక్ష్మిపై 24 ఓట్ల తేడాతో తల్లి వెంకటలక్ష్మి గెలుపొందింది. తల్లీకూతుళ్ల మధ్య పోరు కోటశిర్లాం గ్రామంతో పాటు మండలంలోని ప్రజలను ఉత్కంఠ రేపింది. వెంకటలక్ష్మి, జయలక్ష్మి

● డ్రాగన్‌ సాగుతో రైతులకు ఊరట ● రైతులకు ప్రోత్సాహం కరువు ● ఆదాయం పెంపు దిశగా సాగుభామిని: జిల్లా రైతులు సంప్రదాయ పంటల నుంచి అధిక ఆదాయం వచ్చే ఆధునిక పంటల వైపు దృష్టి పెట్టారు. తగిన ప్రోత్సాహం లభిస్తే ఆధునిక పంటల సాగు పెంచడానికి ఆసక్తి చూపుతున్నారు. కానీ కూటమి ప్రభుత్వం నుంచి ప్రోత్సాహం కరువైందని వాపోతున్నారు. జిల్లాలోని ఔత్సాహిక రైతులు ఆదాయం ఇచ్చే పండ్ల తోటల పెంపకంపై దృష్టి సారించి అందులో భాగంగా డ్రాగన్‌సాగుపై దృష్టి పెట్టారు. ఆరోగ్యాన్ని ఇచ్చే డ్రాగన్‌ ప్రూట్‌కు మార్కెట్‌లో మంచి గిరాకీ ఉండడంతో సాగుపై ఆసక్తి పెంచుతున్నారు. మార్కెటింగ్‌ ప్యూహాన్ని పసిగట్టి, ఆర్థికంగా వెసులు బాటు ఉన్న రైతులు డ్రాగన్‌ ఫ్రూట్‌ సాగు వైపు రావాలని వ్యవసాయ శాస్త్రవేత్తలు పిలుపు నిస్తున్నారు. పార్వతీపురం మన్యం జిల్లాలోని భామిని, పార్వతీపురం, కురుపాం, సీతంపేట, గుమ్మలక్ష్మీపురం, సాలూరు, మక్కువ ప్రాంతాల్లో డ్రాగన్‌ సాగుతోంది. ఆరంభంలో అధిక పెట్టుబడి కావడంతో పెద్ద రైతులు కొంత భూమిలో వాణిజ్య పంటగా సాగు చేస్తున్నారు. ముందుగా తక్కువ విస్తీర్ణంలో డ్రాగన్‌ తోటలు వేస్తున్నారు. మార్కెట్‌లో వినియోగం పెరుగుదలకు తగ్గట్టు విస్తీర్ణం పెంచడానికి రైతులు ఆసక్తి చూపుతున్నారు. ఉద్యాన వన శాఖ ద్వారా ఎకరాకి రూ.1 లక్ష వరకు మాత్రమే రాయితీ ఇస్తున్నారు. డ్రాగన్‌ పండ్ల తోటల పెంపకంలో మేలైన యాజమాన్య పద్ధతులు పాటిస్తే అధిక దిగుబడులు, లాభాలను ఆర్జించవచ్చని ఉద్యాపనవన అధికారులు చెబుతున్నారు. ఎన్నో ప్రయోజనాలు.. డ్రాగన్‌ ఫ్రూట్‌ చెట్టును వాడుక భాషలో సిరి జమ్మెడ చెట్టు అంటారు. ఇది ఎడారి జాతికి చెందిన పండ్ల మొక్క. ఈ పండులో అనేక ఔషధ గుణాలు ఉన్నాయి. ఈ డ్రాగన్‌ ఫ్రూట్‌ సుగర్‌ వ్యాధి గ్రస్తులు యథేచ్ఛగా తినవచ్చు. ఇందులో చక్కర శాతం అతి తక్కువగా ఉండడంతో మధుమేహ బాధితులు తినవచ్చని వైద్యులు చెబుతున్నారు. అంతే కాకుండా ఈ ఫ్రూట్‌లోశరీరానికి అవసరమైన యాంటీ ఆక్సిడెంట్లు, విటమిన్లు, మినరల్స్‌ ఉంటాయి.ఈ పండును తినడం ద్వారా బరువు నియంత్రణ,అస్తమా,చెడు కొలెస్ట్రాల్‌ తగ్గడం.డయాబిటిస్‌ నియంత్రణ లాంటి ఎన్నో ఉపయోగాలు ఉన్నాయి. 20 ఏళ్ల పాటు దిగుబడి ఈ పంట ఒకసారి నాటితే 20 సంవత్సరాల వరకు దిగుబడి ఇస్తుంది.స్తంభానికి నలు దిక్కులా 2అడుగుల పొడవు, 1అడుగు లోతు గుంతలు తవ్వాలి.గుంతకు 25 కిలోల పశువుల ఎరువు,కిలో వేపపిండి వేసి మొక్కలు నాటాలి.నేలను బట్టి సాగు చేసిన రకాలను బట్టి తడులను ఇవ్వాలి.నీరు ఎక్కువైతే మొక్కలు చనిపోయే ప్రమాదం ఉంది.ఏడాదిలో రెండు సార్లు జూన్‌–జనవరి నెలల్లో పశువుల ఎరువు వేసి సూక్ష్మ పోషకాల మిశ్రమాన్ని పిచికారీ చేయాలి.సాధారణంగా డ్రాగన్‌ మొక్కలు తొలికాపు కాయడానికి రెండు నుంచి మూడు సంవత్సరాల సమయం పడుతుంది.డ్రాగన్‌ సాగుకు ఎకరాకి రూ.3లక్షల నుంచి రూ.4లక్షలు ఖర్చు అవుతుంది. ఎకరాకి దిగుబడి 6 నుంచి 8 టన్నుల వరకు వస్తుంది.ప్రస్తుత మార్కెట్‌లో డ్రాగన్‌ ప్రూట్‌ కేజీ ధర రూ.150 నుంచి రూ.200 పలుకుతోంది. అన్ని రకాల నేలలు అనుకూలం.. డ్రాగన్‌ ఫ్రూట్‌ను పండించేందుకు అన్ని రకాలైన నేలలు అనుకూలం.ముఖ్యంగా మంచి సేంద్రియ కర్బనంతో కూడిన ఇసుక నేలలు మరింత శ్రేష్టం.ఈ పంటకు నీటి అవసరం చాలా తక్కువ.పూత,కాయ సమయాల్లో 3–4 తడులు అందించడం ద్వారా అధిక దిగుబడులు సాధించవచ్చు. ఇందులో మూడు రకాలు ఉన్నాయి. అవి వైట్‌ ఫ్లాష్‌ డ్రాగన్‌, రెడ్‌ ఫ్లాష్‌ డ్రాగన్‌, ఎల్లో ఫ్లాస్‌ డ్రాగన్‌ రకాలు. దిగుబడి బాగుంది..డ్రాగన్‌ పంట సాగును తక్కువ స్థలంలో చేపట్టాం.అర ఎకరంలో పంట వేశాం. ఏడాది పొడవునా నాలుగు కాపులు వస్తోంది. ఒక్కోకాపు సమయంలో రూ.40వేల నుంచి రూ.50 వేల ఆదాయం వస్తోంది. దిగుబడి పెరిగితే మరింత విస్తరిస్తాం.ప్రభుత్వం నుంచి ప్రోత్సాహం పెంచితే ఇంకా మంచిది. సాసుబిల్లి రాజేంద్ర నాయుడు,డ్రాగన్‌ రైతు,పసుకుడి,భామిని మండలంలక్ష వరకు రాయితీ..డ్రాగన్‌ పంట సాగు ఆరంభంలో పెట్టుబడి ఎక్కువ,ఉద్యాన వన శాఖ నుంచి గిరిజన రైతులను పండ్ల తోటల పెంపకానికి ప్రోత్సహిస్తున్నాం. ఎకరానికి రూ.1 లక్ష వరకు రాయితీ అందుతుంది.సాంకేతిక సహాయం అందిస్తాం. ఇది 20 ఏళ్ల వరకు ఆదాయం వచ్చే వాణిజ్య పంట. ఆరంభంలో కాస్త ఎక్కువ పెట్టుబడి, తరువాత ఆదాయం నిరంతరం పెరుగుతూ ఉంటుంది. ఎస్‌.వి.గణేష్‌,పీహెచ్‌ఓ,సీతంపేట

● అధికారులకు కలెక్టర్‌ ఆదేశాలు విజయనగరం రూరల్‌: జిల్లాలో జెడ్పీటీసీ, ఎంపీటీసీ ఎన్నికల ఓట్ల లెక్కింపు ప్రక్రియను ఎటువంటి పొరపాట్లకు తావులేకుండా, పూర్తి పారదర్శకతతో నిర్వహించాలని కలెక్టర్‌ ఎస్‌.రాంసుందర్‌ రెడ్డి అధికారులను ఆదేశించారు. ఓట్ల లెక్కింపు ఏర్పాట్లు, కౌంటింగ్‌ విధివిధానాలు, సిబ్బంది బాధ్యతలపై శుక్రవారం వెబెక్స్‌లో అధికారులతో సమీక్షించారు. పలు సూచనలు జారీ చేశారు. కౌంటింగ్‌ కేంద్రాల్లోకి అనుమతిలేని వ్యక్తులను ఎట్టి పరిస్థితుల్లోనూ అనుమతించరాదన్నారు. ఓట్ల లెక్కింపు ప్రక్రియకు సంబంధించి ముందస్తు ఏర్పాట్లు, సిబ్బంది విధులపై స్పష్టమైన అవగాహన కలిగి ఉండాలన్నారు. రీకౌంటింగ్‌ కోరే అభ్యర్థుల అభ్యర్థనలను నిబంధనల ప్రకారం 15 నిమిషాల వ్యవధిలోనే స్వీకరించాలన్నారు. పోస్టల్‌ బ్యాలెట్‌ ఓట్ల లెక్కింపునకు ప్రత్యేక ఏర్పాట్లు చేయాలన్నారు. ● చెల్లుబాటయ్యే, చెల్లని ఓట్లపై సందేహాలు తలెత్తినప్పుడు రిటర్నింగ్‌ అధికారి నిబంధనల ప్రకారం తుది నిర్ణయం తీసుకోవాలి. కౌంటింగ్‌ ప్రక్రియకు సంబంధించిన సమాచారాన్ని ఎప్పటికప్పుడు సేకరించి, అధికారికంగా ధ్రువీకరించిన నివేదికలను అందించాలని కలెక్టర్‌ సూచించారు. వెబెక్స్‌ సమావేశంలో జేసీ ఎస్‌.సేతుమాధవన్‌, డీఆర్వో సీహెచ్‌.సత్తిబాబు, జెడ్పీ సీఈఓ కిరణ్‌ కుమార్‌, డిప్యూటీ సీఈఓ లవరాజు, ఆర్డీఓలు, డీఎల్‌డీఓలు, రిటర్నింగ్‌ అధికారులు, ఎంపీడీఓలు, తహసీల్దార్లు పాల్గొన్నారు. పటిష్ట భద్రత విజయనగరం టౌన్‌: ఎన్నికల లెక్కింపు కేంద్రాల వద్ద పటిష్ట భద్రతా ఏర్పాట్లు చేసినట్టు ఎస్పీ ఎ.ఆర్‌.దామోదర్‌ తెలిపారు. భద్రతా ఏర్పాట్లపై పోలీసులకు దిశానిర్దేశం చేశారు. అభ్యర్థులు, వారి అధీకృత కౌంటింగ్‌ ఏజెంట్లను, గుర్తింపు కార్డులు, తగిన ధ్రువీకరణ పత్రాలు ఉన్నవారినే కౌంటింగ్‌ కేంద్రం లోపలికి అనుమతించాలన్నారు. మొబైల్‌ ఫోన్లు, ఐప్యాడ్స్‌, ల్యాప్‌టాప్‌లు, ఆడియో, వీడియో రికార్డింగ్‌ చేయగల ఇతర ఎలక్ట్రానిక్‌ పరికరాలను కౌంటింగ్‌ హాల్‌లోకి అనుమతించరాదన్నారు. ప్రజలు, రాజకీయపార్టీల నాయ కులు, అభ్యర్థులు పోలీసుశాఖకు సహకరించి శాంతిభద్రతల పరిరక్షణలో భాగస్వాములు కావాలని కోరారు.

కౌంటింగ్‌ కేంద్రాల వద్ద ఎలాంటి అవాంఛనీయ సంఘటనలు జరగకుండా, శాంతిభద్రతల పరిరక్షణకు జిల్లా పోలీస్‌ యంత్రాంగం భారీ బందోబస్తును రంగంలోకి దించింది. ఏడుగురు డీఎస్పీలు, 37 మంది సీఐలు, 64 మంది ఎస్‌ఐలు, 104 మంది కానిస్టేబుళ్లు, 452 మంది ఇతర పోలీసు సిబ్బందిని నియమించారు. కౌంటింగ్‌ కేంద్రాల పరిధిలోని సంబంధిత పోలీసు స్టేషన్ల ద్వారా మూడంచెల భద్రతా చర్యలు చేపడుతున్నారు. అధికారులు, సిబ్బంది సమన్వయంతో శనివారం ఉదయం నుంచే బ్యాలెట్‌ ఓట్ల లెక్కింపు ప్రక్రియను సజావుగా పూర్తి చేసేందుకు అన్ని ఏర్పాట్లు సిద్ధమయ్యాయి.

చికెన్‌సీతానగరం: వ్యవసాయ పనుల్లో భాగంగా మండలంలోని నిడగల్లులో వరి చేను కోతకు వెళ్లిన ఓ వ్యక్తి అస్వస్థతకు గురై మృతి చెందాడు. ఈ ఘటనపై స్థానికులు తెలిపిన వివరాలిలా ఉన్నాయి. మండలంలోని బగ్గందొరవలస గ్రామానికి చెందిన కొంతమంది రైతులు వరిచేను కోతపనుల నిమిత్తం నిడగల్లుకు శుక్రవారం వెళ్లారు. జట్టులోఉన్న కె లక్ష్మునాయుడు (50) నిడగల్లు పొలంలో వరిచేనుకోస్తుండగా అస్వస్థతకు గురై అపస్మారక స్థితికి చేరుకోగా చికిత్సనిమిత్తం సీతానగరం పీహెచ్‌సీకి తరలించారు. డాక్టర్‌ పి.ఉషారాణి అత్యవసర వైద్య సేవలందించి మెరుగైన వైద్యం నిమిత్తం పార్వతీపురం ప్రైవేటు ఆస్పత్రికి రిఫర్‌ చేశారు. దీంతో ఆస్పత్రిలో చేరిన సమయానికి అక్కడి డాక్టర్‌ ఆలస్యంగా రావడంతో లక్ష్మునాయుడు మృతిచెందినట్లు గ్రామస్తులు తెలియజేశారు. చెరువులో పడి వ్యక్తి...విజయనగరం టౌన్‌: కాలకృత్యాలకు వెళ్లిన వ్యక్తి ప్రమాదవశాత్తు కాలుజారి చెరువులో పడి మృతిచెందాడు. ఈ సంఘటన మండల పరిధిలోని సుంకరిపేట గ్రామంలో శుక్రవారం జరిగింది. దీనికి సంబంధించి రూరల్‌ పోలీసులు అందించిన వివరాలిలా ఉన్నాయి. మండల పరిధిలోని సుంకరిపేటకు చెందిన ప్రైవేటు ఎలక్ట్రీషియన్‌గా విధులు నిర్వహిస్తున్న బడ్డు సంతోష్‌ కుమార్‌ (35) స్థానిక పిల్లేరు చెరువు వద్దకు కాలకృత్యాలు తీర్చుకునేందుకు వెళ్లాడు. అయితే ప్రమాదవశాత్తు చెరువులో పడిపోవడంతో మృతిచెందాడు. మృతుడికి భార్య, ఇద్దరు పిల్లలున్నారు. మృతుడి భార్య భారతి ఫిర్యాదు మేరకు ఏఎస్సై రామారావు కేసు నమోదుచేసి దర్యాప్తు చేస్తున్నారు.

విజయనగరం: రాష్ట్రస్థాయిలో జరగనున్న బాస్కెట్‌బాల్‌ పోటీల్లో పాల్గొనే జిల్లా అండర్‌–19 బాల, బాలికల జట్లు శుక్రవారం పయనమయ్యాయి. ఈనెల 7,8 తేదీల్లో రెండు రోజుల పాటు అనంతపురం జిల్లాలో జరగనున్న పోటీల్లో బాలురజట్టు తరఫున 12 మంది, బాలికల జట్టు తరఫున 12 మంది క్రీడాకారులు జిల్లా నుంచి ప్రాతినిధ్యం వహించనున్నారు. ఈ మేరకు జిల్లా జట్టులోని క్రీడాకారులకు జిల్లా స్కూల్‌ గేమ్స్‌ ఫెడరేషన్‌ కార్యదర్శులు వాణిశ్రీ, శ్రీనివాస్‌లు అభినందనలు తెలిపారు. రాష్ట్ర స్థాయి పోటీల్లో ఉత్తమప్రతిభ కనబరిచి జాతీయస్థాయి పోటీలకు అర్హత సాధించి జిల్లా కీర్తిప్రతిష్టలు చాటిచెప్పాలని పోత్సహించారు. కార్యక్రమంలో పలువురు వ్యాయామ ఉపాధ్యాయులు, క్రీడాకారులు పాల్గొన్నారు. 14న సివిల్‌ సర్వీస్‌ ఉద్యోగుల ఎంపిక పోటీలు● జిల్లా క్రీడాప్రాధికార సంస్థ అధికారి వెంకటేశ్వరావు విజయనగరం: రాష్ట్రస్థాయిలో జరగనున్న సివిల్‌ సర్వీస్‌ ఉద్యోగుల క్రీడా పోటీల్లో పాల్గొనే జిల్లా జట్ల ఎంపిక పోటీలు ఈనెల 14, 15తేదీల్లో నిర్వహించనున్నట్లు జిల్లా క్రీడాప్రాధికార సంస్థ అధికారి ఎస్‌.వెంకటేశ్వరరావు శుక్రవారం తెలిపారు. స్పార్ట్స్‌ అథారిటీ ఆఫ్‌ ఆంధ్రప్రదేశ్‌ ఆదేశాల మేరకు ఈనెల 14న అథ్లెటిక్స్‌, బ్యాడ్మింటన్‌, బాస్కెట్‌బాల్‌, ఫుట్‌బాల్‌ క్రీడాంశాల్లో.. 15వ తేదీన కేరమ్స్‌, చెస్‌, క్రికెట్‌, బెస్ట్‌ఫిజిక్‌, పవర్‌ లిఫ్టింగ్‌, టేబుల్‌ టెప్పిస్‌, యోగా, టెన్నిస్‌, రెజ్లింగ్‌, వెయిట్‌ లిఫ్టింగ్‌ క్రీడాంశాల్లో ఎంపికలు జరగనున్నట్లు పేర్కొన్నారు. రెండు రోజుల్లో ఉదయం 8 గంటలకు విజయనరగం జిల్లా క్రేంద్రంలోని రాజీవ్‌క్రీడామైదానంలో ఎంపిక పోటీలు ప్రారంభమవుతాయని తెలిపారు. జిల్లాస్థాయి ఎంపికల్లో అర్హత సాధించిన క్రీడాకారులను రాష్ట్ర స్థాయి పోటీలకు ఎంపిక చేయనున్నామని, మరిన్ని వివరాలకు ఫోన్‌ 9491767327, 8074116276 నంబలను సంప్రదించాలని సూచించారు. ఏపీఎస్‌ఆర్టీసీలో ఔట్‌సోర్సింగ్‌ ఉద్యోగావకాశాలువిజయనగరం క్రైమ్‌: స్థానిక ఆర్టీసీ డిపోలో ఔట్‌సోర్సింగ్‌ ప్రాతిపదికన పనిచేయడానికి మెకానిక్‌ ఉద్యోగానికి అర్హత, ఆసక్తి కలిగిన అభ్యర్థుల నుంచి దరఖాస్తులు కోరుతున్నట్లు విజయనగరం డిపో మేనేజర్‌ శ్రీనివాసరావు శుక్రవారం తెలిపారు. అభ్యర్థులు తప్పనిసరిగా డీజిల్‌ మెకానిక్‌ ట్రేడ్‌లో ఐటీఐ పాసై ఉండాలని తెలియజేశారు. అర్హత కలిగిన అభ్యర్థులు తమ సర్టిఫికెట్లు తీసుకుని డిపో మేనేజర్‌ కార్యాలయానికి రావాలని తెలియజేశారు. వెయిట్‌లిఫ్టింగ్‌లో జోగిరాజుపేట విద్యార్థినికి స్వర్ణంనెల్లిమర్ల రూరల్‌: ఇటీవల విశాఖలోని బుల్ల య్య కళాశాలలో జరిగిన అంతర్‌ కళాశాలల వెయిట్‌లిఫ్టింగ్‌ చాంపియన్‌షిప్‌ పోటీల్లో జిల్లాకు చెందిన విద్యార్థిని ప్రతిభ కనబరిచింది. నెల్లిమర్ల మండలంలోని జోగిరాజుపేట గ్రామానికి చెందిన అట్టాడ ఆదిలక్ష్మి 77 కేజీల విభాగంలో చాంపియన్‌ షిప్‌లో తలపడి బంగారు పతకాన్ని కై వసం చేసుకుంది. ఈ సందర్భంగా ఆ విద్యార్థినిని కోచ్‌ చల్లా రాము, గ్రామస్తులు అభినందించారు.

వంగర: భారత అంధుల క్రికెట్‌ జట్టు కెప్టెన్‌గా వంగర మండలం కొప్పరవలస గ్రామానికి చెందిన యువకుడు టొంపాకి దుర్గారావు ఎంపికయ్యాడు. గతంలో భారతదేశం అంధుల క్రికెట్‌ సంఘం(సెబి) 17 మందితో కూడిన భారత జట్టును ప్రకటించింది. ఆ జట్టులో దుర్గారావును కెప్టెన్‌గా ప్రకటించింది. బంగ్లాదేశ్‌ రాజధాని ఢాకాలో నవంబర్‌ 15వ తేదీ నుంచి రెండవ పురుషుల బ్లైండ్‌ క్రికెట్‌ ఆసియా కప్‌ పోరు జరగనుంది. ప్రస్తుతం దుర్గారావు సారథ్యంలో సభ్యులు ఢిల్లీలో కొన్ని రోజులుగా శిక్షణ పొందుతున్నారు. మారుమూల ప్రాంతం వంగర మండలం కొప్పరవలస గ్రామంలో నిరుపేద కుటుంబంలో పుట్టిన దుర్గారావు భారత అంధుల క్రికెట్‌ జట్టుకు సారథ్యం వహించడం పట్ల గ్రామంలోని యువకులు, క్రీడాకారులు, పెద్దలు, మండల ప్రజలు అభినందిస్తున్నారు.

విజయనగరం టౌన్‌: విజయనగరం రైల్వేస్టేషన్‌లో జీఆర్‌పీ, ఆర్‌పీఎఫ్‌ అధికారులు శుక్రవారం నిర్వహించిన ఆకస్మిక తనిఖీల్లో రూ.2 లక్షల 40వేల విలువైన 4.8 కిలోల గంజాయిని స్వాధీనం చేసుకున్నారు. ఈ మేరకు జీఆర్‌పీ ఎస్సై డి.శ్రీనివాసరావు తెలిపిన వివరాలిలా ఉన్నాయి. కర్ణాటక రాష్ట్రంలోని బళ్లారికి చెందిన బొమ్మరాజా అనే వ్యక్తి ఒడిశా రాష్ట్రంలోని టికిరి పరిసర ప్రాంతాల నుంచి కర్ణాటక రాష్ట్రం బళ్లారి జిల్లా కమలాపూర్‌ ప్రాంతానికి అక్రమంగా 4.8 కిలోల గంజాయిని తరలిస్తుండగా పోలీస్‌ తనిఖీల్లో పట్టుబడ్డాడని, ఈ సందర్భంగా నిందితుడిని అరెస్టు చేసి, రిమాండ్‌ నిమిత్తం రైల్వేకోర్టుకు తరలించామని, గంజాయి స్వాధీనం చేసుకున్నామని ఎస్సై తెలిపారు.

వంగర: సువర్ణముఖి, వేగావతి నదుల నుంచి 5వేల క్యూసెక్కుల నీరు మడ్డువలస గొర్లె శ్రీరాములునాయుడు ప్రాజెక్టులో చేరుతోంది. దీంతో రెండు గేట్లు ఎత్తి వచ్చిన నీటిని తిరిగి నదిలోకి విడిచిపెడుతున్నట్టు ప్రాజెక్టు ఏఈ నితిన్‌ తెలిపారు. ప్రస్తుతం ప్రాజెక్టు వద్ద 64.43 మీటర్ల నీటిమట్టం నమోదైంది. పంట కోత ప్రయోగాలకు సన్నద్ధం ● హెక్టార్‌ విస్తీర్ణంలోని వరి 5,200 కిలీలో దిగుబడి వచ్చే అవకాశం ● గతేడాది హెక్టార్‌కు 6,100 కిలోల దిగుబడి విజయనగరం ఫోర్ట్‌: ఈ ఏడాది ఖరీఫ్‌ తొలిదశలో ఎల్‌నినో ప్రభావంతో వర్షాలు కురవక వరి సాగు ఆలస్యమైంది. కొన్నిచోట్ల పంటపొలాలు బంజరు భూములుగా మిగిలాయి. జిల్లాలో వరి పంట సాధారణ సాగు విస్తీర్ణం 1.02 లక్షల హెక్టార్లుకాగా, 95 వేల హెక్టార్లలోనే సాగైంది. ఖరీఫ్‌ సీజన్‌కు సంబంధించి పంట ప్రయోగాలు చేసేందుకు వ్వయసాయ అధికారులు సిద్ధమవుతున్నారు. ఈ ఏడాది జిల్లా వ్యాప్తంగా 2024 చోట్ల పంట కోత ప్రయోగాలు చేయాలని లక్ష్యంగా నిర్ణయించారు. పంట కోత ప్రయోగం ద్వారా ధాన్యం దిగుబడి ఎంత వస్తుందనేది వ్యవసాయ అధికారులు అంచనా వేయనున్నారు. అయితే, హెక్టారుకు ఈ ఏడాది ధాన్యం 5,200 కేజీల దిగుబడి వస్తుందని అంచనా వేస్తున్నారు. గతేడాది 6,100 కేజీల ధాన్యం దిగుబడి వచ్చింది. గతేడాది కంటే ఈ ఏడాది 900 కేజీల వరకు దిగుబడి తగ్గొచ్చని చెబుతున్నారు. గురుకుల బాలికలకు సుస్తీ గుమ్మలక్ష్మీపురం: కురుపాం మండలంలోని శివన్నపేట వద్ద గల గిరిజన సంక్షేమ గురుకుల బాలికల పాఠశాలలో 80 మంది విద్యార్థులు అస్వస్థతకు గురయ్యారు. వారంతా జ్వరం, జలుబు, దగ్గు, తలనొప్పి, విరేచనాలు వంటి లక్షణాలతో అస్వస్థతకు గురయ్యారు. గురువారం జరిగిన ఈ సంఘటన బయటకు పొక్కనీయకుండా అక్కడి సిబ్బంది సుమారు 50 మంది విద్యార్థినులను కురుపాంలోని సామాజిక ఆరోగ్య కేంద్రంలో కాకుండా మరో 10 కిలోమీటర్ల దూరంలో ఉన్న మాదలింగి ప్రాథమిక ఆరోగ్య కేంద్రానికి తీసుకెళ్లి వైద్యసేవలను అందించారు. శుక్రవారం ఈ సమాచారం బయటకు పొక్కడంతో.. పాఠశాల సిబ్బంది కేవలం నాలుగైదు మంది విద్యార్థులే అస్వస్థతకు గురయ్యారని చూపే ప్రయత్నం చేసినప్పటికీ.. రెండు గదుల్లో అస్వస్థతకు గురైన విద్యార్థులను ఉంచి వైద్య సేవలు అందిస్తుండడం మాజీ డిఫ్యూటీ సీఎం పాముల పుష్పశ్రీవాణి పాఠశాల పర్యటనతో బయటపడింది. దీంతో పలువుర్ని కురుపాం సీహెచ్‌సీకి వైద్యం నిమిత్తం తరలించారు. అదుపులో ఉన్న జ్వరాలు కురుపాం గురుకుల పాఠశాలలో జ్వరాల పరిస్థితి అదుపులో ఉందని రాష్ట్ర వైద్య ఆరోగ్య శాఖ మంత్రి సత్యకుమార్‌ ఒక ప్రకటన ద్వారా తెలియజేశారు. ఈ మేరకు విద్యార్థుల అస్వస్థతౖపై డెరెక్టర్‌ పబ్లిక్‌ హెల్త్‌, జిల్లా అధికారులతో ఆరా తీసిన ఆరోగ్య మంత్రి కురుపాం గురుకుల పాఠశాలలో 71 మంది విద్యార్థినులు అస్వస్థతకు గురయ్యారని, వారిలో 30 మంది పూర్తిగా కోలుకున్నారన్నారని, 38 మంది విద్యార్థినులకు ప్రత్యేక వైద్య సంరక్షణ అందిస్తున్నట్లు పేర్కొన్నారు. అలాగే పాఠశాలకు చెందిన 516 మంది విద్యార్థినులకు ర్యాపిడ్‌ పరీక్షలు నిర్వహించగా 515 మందికి నెగెటివ్‌ వచ్చిందని, ఒకరికి మలేరియా పాజిటివ్‌ వచ్చిందన్నారు.

● శనివారం ఉదయం 8 గంటల నుంచి ప్రారంభం ● ఏడు నియోజకవర్గాల్లోని 36 కేంద్రాల్లో ఓట్ల లెక్కింపు విజయనగరం రూరల్‌: జిల్లాలో ఎంపీటీసీ, జెడ్పీటీసీ ఎన్నికల ఓట్ల లెక్కింపు ప్రక్రియను అత్యంత సజావుగా, పారదర్శకంగా నిర్వహించేందుకు జిల్లా ఎన్నికల యంత్రాంగం, పోలీస్‌శాఖ సమగ్ర ప్రణాళికతో పటిష్ట ఏర్పాట్లు పూర్తి చేశాయి. జిల్లా కలెక్టర్‌, ఎన్నికల అధికారి ఎస్‌.రాంసుందర్‌ రెడ్డి ప్రత్యక్ష పర్యవేక్షణలో కౌంటింగ్‌ నిర్వహణకు యంత్రాంగం సిద్ధమైంది. నేడు జరగనున్న ఈ ఓట్ల లెక్కింపు కోసం జిల్లాలోని ఏడు నియోజకవర్గాల పరిధిలో ఉన్న 27 మండలాలకు సంబంధించి వేర్వేరు ప్రాంతాల్లో 36 కౌంటింగ్‌ కేంద్రాలను ఏర్పాటు చేశారు. జిల్లా వ్యాప్తంగా 27 జెడ్పీటీసీ స్థానాలతో పాటు 438 ఎంపీటీసీ స్థానాలకు సంబంధించి ఓట్ల లెక్కింపు ప్రక్రియ జరగనుంది. విజయనగరం మండలం ఓట్లను విజయనగరం జేఎన్టీయూ కాలేజ్‌ ఆఫ్‌ ఇంజినీరింగ్‌ అకడమిక్‌ బ్లాక్‌–2 (1వ అంతస్తు) ఎడమవైపు ఎల్‌హెచ్‌–35 గది. రాజాం నియోజకవర్గం (జీఎంఆర్‌ వరలక్ష్మి డీఏవీ పబ్లిక్‌ స్కూల్‌, రాజాం): రాజాం: 41వ గదిలో ఎంపీటీసీ, 40వ గదిలో జెడ్పీటీసీ ఓట్ల లెక్కింపు రేగిడి ఆమదాలవలస: 37, 38 గదుల్లో.. సంతకవిటి: 30వ గదిలో జెడ్పీటీసీ, 31వ గదిలో ఎంపీటీసీ ఓట్ల లెక్కింపు. వంగర: 24, 25 గదులు శృంగవరపుకోట నియోజకవర్గం జామి: విజయనగరం జేఎన్టీయూ అకడమిక్‌ బ్లాక్‌–2 (2వ అంతస్తు) ఈసీఈ విభాగం ఎల్‌హెచ్‌–40వ గది. కొత్తవలస: ఎస్‌.కోట డాక్టర్‌ వరలక్ష్మి పబ్లిక్‌ స్కూల్‌ 9–బి తరగతి గది. ఎల్‌.కోట: డాక్టర్‌ వరలక్ష్మి పబ్లిక్‌ స్కూల్‌ 10వ తరగతి గది. ఎస్‌.కోట: డాక్టర్‌ వరలక్ష్మి పబ్లిక్‌ స్కూల్‌ సెమినార్‌ హాల్‌ వేపాడ: డాక్టర్‌ వరలక్ష్మి పబ్లిక్‌ స్కూల్‌ (1వ అంతస్తు) 4–బి గది

● స్పష్టం చేసిన జంఘావతి సాధన సమితి నాయకులు ● 46వ రోజుకు చేరిన దీక్షలుపార్వతీపురం రూరల్‌: జంఝావతి ప్రాజెక్టును పూర్తి చేయాలని కోరుతూ రైతులు చేపట్టిన సాధన దీక్షలు శుక్రవారానికి 46వ రోజుకు చేరుకున్నాయి. పార్వతీపురం చర్చి సెంటర్‌లోని గిరిజన భవనం వద్ద జంఝావతి సాధన సమితి ఆధ్వర్యంలో సెప్టెంబర్‌ 22న ప్రారంభమైన ఈ శిబిరానికి రైతులు, సామాజిక కార్యకర్తలు, పట్టణ ప్రముఖులు ప్రతిరోజూ విచ్చేసి సంఘీభావం తెలుపుతున్నారు. ఈ సందర్భంగా సాధన సమితి సభ్యులు మాట్లాడుతూ.. 50 ఏళ్లుగా అసంపూర్తిగా ఉన్న జంఝావతి ప్రాజెక్టును పూర్తి చేసి, రైతులకు సాగునీరు, పార్వతీపురం పట్టణానికి తాగునీరు అందించాలని కోరారు. ప్రస్తుతం కేంద్రంతో పాటు ఏపీ, ఒడిశా రాష్ట్రాల్లో ఒకే ప్రభుత్వాలు ఉన్నందున ప్రాజెక్టు పూర్తికి ఇదే అనుకూల సమయమని పేర్కొన్నారు. రాష్ట్ర ప్రభుత్వం వెంటనే స్పందించి ఒడిశాతో ఒప్పందం కుదుర్చుకోవాలని, నిధులు కేటాయించి పనులు ప్రారంభించాలని కోరారు. లేనిపక్షంలో రానున్న రోజుల్లో ఆందోళన కార్యక్రమాలను మరింత ఉధృతం చేస్తామని సమితి నాయకులు, రైతులు స్పష్టం చేశారు.

విజయనగరం అర్బన్‌: మహారాజా అటానమస్‌ కళాశాలలో కంప్యూటర్‌ సైన్స్‌ విభాగం ఆధ్వర్యంలో మహారాజాస్‌ సెంటర్‌ ఫర్‌ ఇన్నోవేషన్‌ అండ్‌ కన్సల్టెన్సీ కేంద్రాన్ని శుక్రవారం ప్రారంభించి, అధికారిక లోగోను ఆవిష్కరించారు. విద్యార్థుల్లో సాంకేతిక నైపుణ్యాలు, సృజనాత్మకత, నూతన ఆవిష్కరణలు, సమస్యల పరిష్కార సామర్థ్యాలను పెంపొందించడం ఈ కేంద్రం లక్ష్యమని నిర్వాహకులు తెలిపారు. హైదరాబాద్‌కు చెందిన టీఆర్‌ఎన్‌ఈటీ టెక్నాలజీస్‌ ప్రైవేట్‌ లిమిటెడ్‌ మేనేజింగ్‌ డైరెక్టర్‌ తరుణ్‌ మహాపాత్రో మాట్లాడుతూ పరిశ్రమల అవసరాలకు అనుగుణంగా విద్యార్థులు నైపుణ్యాలను అభివృద్ధి చేసుకోవాలని సూచించారు. పరిశ్రమలు, విద్యాసంస్థల మధ్య సమన్వయంతో విద్యార్థులకు ప్రాయోగిక పరిజ్ఞానం, వాస్తవిక ప్రాజెక్టులపై పనిచేసే అవకాశాలు లభిస్తాయని పేర్కొన్నారు. కార్యక్రమంలో కళాశాల కరస్పాండెంట్‌ డాక్టర్‌ కేవీఎల్‌రాజు, ప్రిన్సిపాల్‌ డాక్టర్‌ ఎం.సాంబశివరావు, విభాగాధిపతి ఎల్‌.పి.నాయుడు, సమన్వయకర్త కె.సింధుష తదితరులు పాల్గొన్నారు.

విజయనగరం టౌన్‌: స్థానిక బాబామెట్ట ద్వారకానగర్‌ 8వ లైన్‌లో దాసరి అప్పలరాజు ఇంట్లో దొంగలు చోరీకి పాల్పడ్డారు. ఈ మేరకు బాధితుల నుంచి ఫిర్యాదు అందుకున్న రూరల్‌ పోలీసులు శుక్రవారం సంఘటనా స్థలానికి వెళ్లి పరిశీలించారు క్లూస్‌ టీమ్‌, డాగ్‌స్క్వాడ్‌ను రంగంలోకి దింపి పలు కీలక ఆధారాలను సేకరించారు. ఈ మేరకు రూరల్‌ ఎస్‌ఐ వెలమల ప్రసాదరావు మాట్లాడుతూ చోరీకి పాల్పడిన ఇంట్లో ప్రస్తుతం అప్పలరాజు నివాసం ఉండడం లేదని స్పష్టం చేశారు. ఆయన కుటుంబం వేరేచోట నివాసం ఉంటుందని, ప్రతిరోజూ ఇంటికి వచ్చి పూజలు చేసుకుని వెళ్తుంటారని తెలిపారు. అయితే గతంలో ఉన్న ఇంట్లో విలువైన వస్తువులు బంగారం, నగదు పోగొట్టుకున్నట్లు బాధితులు ఫిర్యాదులో పేర్కొన్నారన్నారు. ఈ మేరకు కేసు నమోదుచేసి, ఇన్విస్టిగేషన్‌ చేపట్టామని ఎస్సై తెలిపారు.

సాలూరు: జైలులో ఉండి అసెంబ్లీ ఎన్నికల్లో పోటీచేసి, పోలింగ్‌ సమయంలో నిర్బంధంలో ఉంటూనే గెలిచిన అసెంబ్లీరౌడీ సినిమాను తలపించేలా చేసింది పరిషత్‌ ఎన్నికలకు నామినేషన్లు వేసిన కొఠియా వైఎస్సార్‌సీపీ, టీడీపీ ఎంపీటీసీ అభ్యర్థుల పరిస్థితి. వివరాల్లోకి వెళ్తే..ఆంధ్రా ప్రభుత్వం నిర్వహిస్తున్న పరిషత్‌ ఎన్నికలకు కొఠియా గ్రూప్‌ గ్రామాలకు సంబంధించి గంజాయిభద్ర ఎంపీటీసీ సెగ్మెంట్‌ ఉంది.ఈ సెగ్మెంట్‌కు వైఎస్సార్‌సీపీ తరఫున మజ్జి కనుపూరు,టీడీపీ తరఫున చిరంజీవి నామినేషన్లు దాఖలు చేశారు. అయితే ఈ ఎన్నికలు జరగకుండా ఒడిశా ప్రభుత్వం విశ్వప్రయత్నం చేసింది. అదే సమయంలో ఈ నెల 3న ఇద్దరు అభ్యర్థులను మాట్లాడాలని పిలిచి ఒడిశా పోలీసులు సిమిలిగుడ పోలీస్‌స్టేషన్‌కు తీసుకువెళ్లారు. వారి వెంట మరో ముగ్గురిని తీసుకువెళ్లారు. అది ఒడిశా భూభాగమని అక్కడ ఆంధ్రా ఎన్నికలకు ఎందుకు నామినేషన్లు వేశారని మొత్తం ఆ ఐదుగురిని ప్రశ్నించారు. అయితే ఇవి వివాదాస్పద గ్రామాలని రెండు రాష్ట్రాల నుంచి మాకు ఓటు హక్కులు ఉన్నాయని రేషన్‌ సరుకులు తీసుకుంటున్నామని వారు బదులిచ్చారు. అక్కడి నుంచి కొరాపుట్‌కు వెళ్తున్నామని చెప్పి, కొరాపుట్‌ దాటిన తరువాత వారు ఐదుగురిని ఎక్కడో తెలియని ఓ ప్రదేశంలో వేర్వేరుగా రెండు గదుల్లో ఉంచారు. సమయానికి భోజనం పెట్టారు. బయటకు వెళ్లకుండా ఉంచారు. వారు అక్కడ ఉండగానే ఈ నెల 5న పోలింగ్‌ జరిగింది. మూడు రోజుల నిర్బంధం తరువాత శుక్రవారం వారిని విడిచిపెట్టగా సాయంత్రానికి వారు తమ గ్రామాలైన కొఠియా గ్రామాలకు చేరుకున్నారు. కుటుంబసభ్యుల నిరీక్షణ మూడు రోజులుగా ఇంటి వద్ద అభ్యర్థుల కోసం నిరీక్షిస్తున్న వారి కుటుంబసభ్యులు అభ్యర్థులను చూసి సంతోషం వ్యక్తంచేశారు. ఎన్నికల్లో నిలబడిన అభ్యర్థులకే రక్షణ కల్పించడంలో ఈ ఆంధ్రా కూటమి ప్రభుత్వం విఫలం కాగా, ఒడిశా ప్రభుత్వం దూకుడు, దౌర్జన్యం కొఠియా గ్రామాల్లో పరాకాష్టకు చేరాయని స్థానిక గిరిజనులు వాపోతున్నారు. పోలింగ్‌ సమయంలోనైనా కనీసం కూటమి అభ్యర్థినైనా ఒడిశా ప్రభుత్వ నిర్బంధం నుంచి బయటకు తీసుకురాలేకపోవడం, ఎట్టకేలకు ఒడిశానే అభ్యర్థులను విడిచిపెడితే తప్ప వారు బయటకు రాని పరిస్థితి స్థానిక మంత్రి సంధ్యారాణి, కూటమి ప్రభుత్వం వైఫల్యానికి నిదర్శనమంటూ పలువురు గిరిజనులు, నాయకులు విమర్శిస్తున్నారు. కొఠియా ఎంపీటీసీ అభ్యర్థుల విడుదల పోలింగ్‌ సమయంలో అభ్యర్థులను నిర్బంధించిన ఒడిశా ప్రభుత్వం అభ్యర్థులకే రక్షణ ఇవ్వలేకపోయిన ఆంధ్రాప్రభుత్వంపై గిరిజనుల మండిపాటు

శిథిలావస్థకు చేరిన ఈ భవనాలను చూశారా... ఇవి కొత్తవలస మండలంలోని కంటకాపల్లి ప్రాథమిక పాఠశాల, లక్కవరపుకోట మండలం లచ్చింపేట ప్రాథమిక పాఠశాల ఆవరణలోనివి. ఎప్పుడు కూలిపోతాయో తెలియదు. ఏ ప్రమాదం ముంచుకొస్తుందోనని ఉపాధ్యాయులు, విద్యార్థులు, వారి తల్లిదండ్రులు ఆందోళన వ్యక్తంచేస్తున్నారు. భవనాలు కూల్చివేయాలని ఆయా పాఠశాలల హెచ్‌ఎంలు ఉన్నతాధికారులకు నివేదించినా స్పందన లేకపోవడం సర్వత్రా ఆందోళన వ్యక్తమవుతోంది. ప్రమాదం జరగకముందే ఈ భవనాలను తొలగించాలని విద్యార్థుల తల్లిదండ్రులు డిమాండ్‌ చేస్తున్నారు. – కొత్తవలస/లక్కవరపుకోట

● కౌంటింగ్‌ కేంద్రం వద్ద ఉపాధ్యాయుల ఆందోళన ● అరకొర వసతులపై పీఆర్టీయూ మండిపాటుపార్వతీపురం రూరల్‌: ఎన్నికల కౌంటింగ్‌ విధుల్లో పాల్గొన్న సిబ్బందికి కనీస సదుపాయాలు కల్పించడంలో అధికారుల అలసత్వంపై ఉపాధ్యాయులు భగ్గుమన్నారు. ఈ మేరకు ఉద్యానవన కళాశాలలోని కౌంటింగ్‌ కేంద్రం వద్ద శుక్రవారం వారు బైఠాయించి ఆందోళన చేపట్టారు. అందరికీ సరిపడా భోజనాలు లేకపోవడంతో, అరకొర ఆహారంతోనే ఆకలి దప్పులకోర్చుకుంటూ విధులు నిర్వహించాల్సి వస్తోందని ఆవేదన వ్యక్తం చేశారు. పరిస్థితి గమనించిన కొందరు అధికారులు వారిని సముదాయించే ప్రయత్నం చేశారు. మరోవైపు, స్థానిక సంస్థల ఎన్నికల విధుల్లో పాల్గొన్న ఉపాధ్యాయుల పట్ల రిటర్నింగ్‌ అధికారుల నిర్లక్ష్య వైఖరిని పీఆర్టీయూ తీవ్రంగా ఆక్షేపించింది. సంఘం నేతలు అమరపు సూర్యనారాయణ, కాగాన విజయ్‌, శశికుమార్‌, రామినాయుడు తదితరులు మాట్లాడుతూ.. ఎన్నికల సంఘం నిబంధనలను అధికారులు తుంగలో తొక్కారని విమర్శించారు. కౌంటింగ్‌ కేంద్రాల్లో మహిళా సిబ్బందికి కనీస వసతులు కల్పించకపోవడం శోచనీయమన్నారు. ఎన్నికల మరునాడు రాష్ట్రవ్యాప్తంగా ఒకే తరహాలో ‘ఆన్‌ డ్యూటీ’ (ఓడీ) సౌకర్యం కల్పించకుండా జిల్లాకో తీరుగా వ్యవహరించడంపై వారు అభ్యంతరం వ్యక్తం చేశారు. రాత్రంతా విధులు నిర్వర్తించి నిద్రలేమితో మరుసటి రోజు పాఠశాలలకు ఎలా వెళ్తారని ప్రశ్నించారు. రానున్న పంచాయతీ ఎన్నికల్లోనైనా కలెక్టర్లు జోక్యం చేసుకుని, సిబ్బందికి ఎలాంటి ఇబ్బందులు లేకుండా చూడడంతో పాటు, ఎన్నికల మరుసటి రోజు విధిగా ’ఓడీ’ మంజూరు చేయాలని డిమాండ్‌ చేశారు.

● ఎన్నికల అధికారులను కోరిన జెడ్పీటీసీ అభ్యర్థి దమలపాటి వీరఘట్టం: మండలంలోని గడగమ్మ పోలింగ్‌ కేంద్రంలో గురువారం జరిగిన పరిషత్‌ ఎన్నికల్లో కూటమి నాయకులు రిగ్గింగ్‌ చేశారని వైఎస్సార్‌సీపీ జెడ్పీటీసీ అభ్యర్థి దమలపాటి వెంకటరమణనాయుడు ఆరోపించారు. ఈ మేరకు గురువారం ఆయన విలేకరులతో మాట్లాడుతూ తాను గడగమ్మ పోలింగ్‌ కేంద్రాన్ని సందర్శించినప్పుడు వైఎస్సార్‌సీపీ పోలింగ్‌ ఏజెంట్లను బయటకు గెంటేసి కూటమి ఏజెంట్లు, నాయకులు రిగ్గింగ్‌కు పాల్పడ్డారని ఆవేదన వ్యక్తం చేశారు.రాష్ట్ర ఎన్నికల సంఘానికి తాను ఫిర్యాదు చేయనున్నట్లు తెలిపారు.తక్షణమే గడగమ్మలో జరిగిన పోలింగ్‌ విధానంపై కలెక్టర్‌ సీసీ కెమెరాలు తనిఖీ చేసి నిజానిజాలను చేల్చి ఈ పోలింగ్‌ కేంద్రంలో రీ–పోలింగ్‌ నిర్వహించాలని కోరారు. ఆయనతో పాటు విలేకరుల సమావేశంలో వైఎస్సార్‌సీపీ నాయకుడు కళింగ ప్రేమభూషణరావు సమావేశంలో ఉన్నారు.

పాఠశాల గేటు వేసి నిరసన తెలుపుతున్న గ్రామస్తులు రాయగడ: హాస్టల్‌ నుంచి అదృశ్యమైన ఆరో తరగతి విద్యార్థి కునాల్‌ సబర్‌ ఆచూకీ మూడు నెలలైనా ఇంకా లభించకపోవడంతో ఆగ్రహించిన గ్రామస్తులు డంగసొరడ సంక్షేమ శాఖ ఆధ్వర్యంలో నిర్వహించబడుతున్న ఆశ్రమ పాఠశాలకు తాళం వేసి నిరసన తెలిపారు. విద్యార్థి ఆచూకీ కనుగొనడంలో పోలీసులు, అధికారులు నిర్లక్ష్యం వహిస్తున్నారని ఆరోపిస్తూ యుగాపదర్‌ గ్రామస్తులు పాఠశాల గేటుకు తాళం వేయడంతో అక్కడ ఉద్రిక్త పరిస్థితులు నెలకొన్నాయి. వివరాల్లోకి వెళ్తే.. జిల్లాలోని చంద్రపూర్‌ సమితి పరిధి యుగాదపర్‌ గ్రామానికి చెందిన దివంగత మనోజ్‌ సబర్‌ కుమారుడు కునాల్‌ సబర్‌ (12) డంగసొరడ ఆశ్రమ పాఠశాలలో ఆరో తరగతి చదువుతున్నాడు. ఆ బాలుడు ఈ ఏడాది జూలై 31వ తేదీ నుంచి అదృశ్యమయ్యాడు. అయితే విద్యార్థి అదృశ్యమైన విషయాన్ని పాఠశాల అధికారులు కుటుంబ సభ్యులకు తెలియజేయలేదని గ్రామస్తులు ఆరోపించారు. ఆరు రోజుల తర్వాత బాలుడు హాస్టల్‌ నుంచి కనిపించకుండా పోయిన విషయం తెలుసుకున్న కుటుంబ సభ్యులు పాఠశాల హెచ్‌ఎంను ప్రశ్నించారు. అక్కడి నుంచి సంతృప్తికరమైన సమాధానం లభించకపోవడంతో పోలీసులకు ఫిర్యాదు చేశారు. పోలీసులు దర్యాప్తు కొనసాగిస్తున్నామని చెబుతున్నప్పటికీ ఇంతవరకు కునాల్‌ ఆచూకీ లభించలేదు. మూడు నెలలుగా బాలుడి కోసం ఎదురుచూస్తున్న కుటుంబ సభ్యులు, గ్రామస్తులు తీవ్ర ఆవేదనకు గురయ్యారు. విద్యార్థి ఆచూకీ లభించేవరకు పాఠశాలకు తాళం వేసి కొనసాగిస్తామని హెచ్చరించారు. ఈ నేపథ్యంలో పాఠశాల వద్ద ఉద్రిక్తత నెలకొన్న సమాచారం అందుకున్న ఎస్‌డీపీవో సంతోషిని ఒరం, మునిగుడ పోలీస్‌స్టేషన్‌ ఐఐసీ లలిత్‌ సాగర్‌ సంఘటన స్థలానికి చేరుకుని పరిస్థితిని సమీక్షించారు. గ్రామస్తులతో చర్చలు జరిపి పరిస్థితిని అదుపులోకి తీసుకురావడంతో పాఠశాల తాళాన్ని గ్రామస్తులు తెరిచారు. పాఠశాల హెచ్‌ఎం, ఇతర సిబ్బందిని సమగ్రంగా విచారించకపోవడం వల్లే విద్యార్థి ఆచూకీ లభించడం లేదని గ్రామస్తులు ఆరోపిస్తున్నారు. ఈ ఘటనపై సంక్షేమ శాఖ అధికారి ఆసీమా రావ్‌ను మీడియా ప్రతనిధులు ప్రశ్నించగా, విద్యార్థి ఆదృశ్యంపై పోలీసులకు ఫిర్యాదు అందిందని, ప్రస్తుతం పోలీసులు దర్యాప్తు చేస్తున్నారని తెలిపారు. ఈ వ్యవహారం పూర్తిగా పోలీసులు విచారణపై ఆధారపడి ఉందని ఆమె స్పష్టం చేశారు.

విజయనగరం టౌన్‌: జిల్లాలో జెడ్పీటీసీ, ఎంపీటీసీ ఎన్నికల నిర్వహణలో భాగంగా విశాఖ రేంజ్‌ ఐజీపీ గోపీనాథ్‌ జెట్టి జిల్లాలోని పలు ప్రాంతాల్లో పర్యవేక్షించారు. ఈ మేరకు పూసపాటిరేగ మండలంలోని కుమిలి, డెంకాడ మండలంలోని మోదవలస పోలింగ్‌ కేంద్రాలను తనిఖీ చేశారు. అనంతరం ఆయన మాట్లాడుతూ వంద మీటర్ల పరిధిలో ఓటర్లు మినహా మిగిలిన వ్యక్తులెవరూ ఉండకుండా చూడాలన్నారు. అనధికార వ్యక్తులు పోలింగ్‌ కేంద్రాలకు సమీపంలో ఉండకుండా చూడాలని చెప్పారు. పార్టీ కండువాలు, గుర్తులు ధరించి పోలింగ్‌ కేంద్రాల వద్దకు రాకుండా చూడాలన్నారు. ఓటర్లను క్యూలో పంపాలని, ఓటు వేసిన తర్వాత ఎవరూ పరిసర ప్రాంతాల్లో నిలిచి ఉండకుండా చూడాలని అధికారులను ఆదేశించారు. కార్యక్రమంలో భోగాపురం రూరల్‌ సీఐ ఎన్‌.శ్రీనివాసరావు ఉన్నారు. వదంతులు వ్యాప్తి చేస్తే కఠినచర్యలు ప్రజలను భయబ్రాంతులకు గురిచేసే విధంగా, వారిని పక్కదారి పట్టించే విధంగా వదంతులను ప్రచారం చేస్తే కఠినచర్యలు తప్పవని ఎస్పీ ఏఆర్‌ దామోదర్‌ హెచ్చరించారు. ఈ మేరకు జిల్లాలో జరుగుతున్న జెడ్పీటీసీ, ఎంపీటీసీ ఎన్నికల నిర్వహణలో భాగంగా హైపర్‌ సెన్సిటివ్‌, సెన్సిటివ్‌ పోలింగ్‌ కేంద్రాలను ఎస్పీ ఏఆర్‌.దామోదర్‌ గురువారం సందర్శించి, భద్రతా ఏర్పాట్లను స్వయంగా పర్యవేక్షించారు. పోలింగ్‌ కేంద్రాలైన నెల్లిమర్ల మండలంలోని గొర్లిపేట, కొత్తపేట, గుర్ల మండలంలోని కెల్ల, గుజ్జంగివలస, జమ్ము, గరివిడి మండలంలోని కొండపాలెం, శ్రీరాంనగర్‌, చీపురుపల్లి మండలంలోని చీపురుపల్లి, మెరకముడిదాం మండలంలోని గర్భాం, బుదరాయవలస, ఉత్తరావల్లి, తెర్లాం మండలంలోని తెర్లాం, ఉద్దవోలు, బాడంగి మండలంలోని బాడంగి, రామభద్రపురం మండలంలోని రామభద్రపురం, పెదమానాపురం మండలంలోని మరడాం, గజపతినగరం మండలంలోని గజపతినగరం, బొండపల్లి మండలంలో బోడసింగి పేట, గంట్యాడ, ఎస్‌.కోట, జామిలతో పాటూ పలు పోలింగ్‌ కేంద్రాలను సందర్శించి, భద్రతా ఏర్పాట్లను స్వయంగా పర్యవేక్షించారు. ఈ సందర్భంగా మాట్లాడుతూ పోలింగ్‌ ప్రదేశాల్లో ఇద్దరు అదనపు ఎస్పీలు, ఆరుగురు డీఎస్పీలు, 18 మంది సీఐలు, 70 మంది ఎస్సైలు, ఇతర సిబ్బందితో కలిపి 2 వేల మందితో బందోబస్తు, రూట్‌ మొబైల్స్‌, స్ట్రైకింగ్‌ ఫోర్స్‌, స్పెషల్‌ స్ట్రైకింగ్‌ ఫోర్స్‌, జోనల్‌ స్ట్రైకింగ్‌ ఫోర్స్‌లను ఏర్పాటుచేశామన్నారు. కార్యక్రమంలో విజయనగరం డీఎస్పీ ఎస్‌.లక్ష్మణమూర్తి, స్పెషల్‌ బ్రాంచ్‌ సీఐ ఏవీ లీలారావు, సీఐలు జి.శంకరరావు, డీడీ.నాయుడు, సన్యాసినాయుడు, మల్లికార్జునరావు, వి.నారాయణమూర్తి, స్పెషల్‌ పార్టీ పోలీసులు పాల్గొన్నారు.

భామిని మండలంలోని ఏబీ రోడ్డులో ఏర్పడిన గుంత ప్రమాదానికి సంకేతంగా మారింది. దీనిని పూడ్చడంలో ప్రభుత్వ నిర్లక్ష్యాన్ని నిరసిస్తూ... ప్రమాద సంకేతంగా స్థానికులు ఎరుపు రంగు గోనెసంచులతో ఎర్రజెండా తయారు చేసి ఎగురు వేశారు. – భామిని విజయనగరం అర్బన్‌: అధికారంలో ఉన్న ప్రభుత్వంపై ప్రజల్లో ఎంత వ్యతిరేకత ఉంది? ప్రతిపక్షానికి క్షేత్రస్థాయిలో ఎంత ఆదరణ లభిస్తోంది? ఈ ప్రశ్రలకు విజయగనరం మున్సిపల్‌ కార్పొరేషన్‌ ఎన్నికల ఫలితాలు ఆసక్తికరమైన పోలికను ముందుకు తెస్తున్నాయి. ఐదేళ్ల కిందట వైఎస్సార్‌సీపీ ప్రభుత్వ పాలన మధ్యలో జరిగిన ఎన్నికల్లో అప్పటి ప్రతిపక్ష టీడీపీకి కేవలం ఒక్క డివిజన్‌ మాత్రమే దక్కింది. తాజాగా కూటమి ప్రభుత్వ పాలన మధ్యలో జరిగిన ఎన్నికల్లో ప్రతిపక్ష వైఎస్సార్‌సీపీ 16 స్థానాలను గెలుచుకుంది. ఈ రెండు ఫలితాల మధ్య వ్యత్యాసం ఇప్పుడు రాకీయ వర్గాల్లో చర్చనీయాంశంగా మారింది. ● ఒక స్థానానికే పరిమితం... 2021లో వైఎస్సార్‌సీపీ ప్రభుత్వం అధికారంలో ఉండగా జరిగిన మున్సిపల్‌ కార్పొరేషన్‌ ఎన్నికల్లో మొత్తం 50 డివిజన్లకు ఆ పార్టీ ఏకంగా 48 స్థానాలను గెలుచుకుంది. అప్పటి ప్రతిపక్ష టీడీపీకి ఒక్క స్థానం మాత్రమే దక్కగా, మరో స్థానాన్ని స్వతంత్ర అభ్యర్థి కై వసం చేసుకున్నారు. అంటే ప్రతిపక్షానికి కనీస స్థాయిలో కూడా గట్టి పోటీ ఇచ్చే అవకాశం లేకుండా పోయింది. ఈ ఫలితాలు అప్పటి ప్రభుత్వ పాలనపై పట్టణ ప్రజల్లో పెద్దగా వ్యతిరేకత లేదనే అభిప్రాయానికి బలాన్నిచ్చాయి. అధికార పార్టీకి ప్రజల్లో ఉన్న ఆదరణ, ప్రతిపక్ష బలహీనత అప్పటి ఎన్నికల్లో స్పష్టంగా కనిపించాయి. ప్రజల తిరుగుబాటు... రెండున్నరేళ్ల చంద్రబాబు ప్రభుత్వ పాలనలో కొత్తగా ఒక్కరికి కూడా పింఛన్లు మంజూరు చేయకపోవడం, నిరుద్యోగ భృతి ఎగ్గొట్టడం, ఆడబిడ్డ నిధి అందకపోవడం, నగరాభివృద్ధి పట్టించుకోకపోవడం, సంక్షేమ పథకాలను అమలుచేయకపోవడం, హామీలు నెరవేర్చకపోవడం, ఉద్యోగ వ్యతిరేక విధానాలపై తిరుగుబాటు మొదలైంది. దీనికి కార్పొరేషన్‌ ఎన్నికలే నిలువెత్తు నిదర్శనం. మొత్తం 62 డివజన్లలో వైఎస్సార్‌సీపీ 16 స్థానాల గెలుచుకుంది. టీడీపీ, జనసేన, బీజేీపీ కలిపి 44 స్థానాలు సాధించగా మరో రెండు స్థానాలను స్వతంత్ర అభ్యర్థి దక్కించుకున్నారు. అధికార కూటమికి మెజారిటీ వచ్చినప్పటికీ, ప్రతిపక్ష వైఎస్సార్‌సీపీ 16 స్థానాలు గెలుచుకోవడం గమనార్హం. ఐదేళ్ల కిందట ఇవే ఎన్నికల్లో ప్రతిపక్షానికి ఒక్క స్థానమే వచ్చిన పరిస్థితితో పోలిస్తే ప్రభుత్వంపై ప్రజావ్యతిరేకత ప్రస్పుటమైందన్న వాదన వినిపి స్తోంది. మరోవైపు ఇటీవల జరిగిన కార్పొరేషన్‌ ఎన్నికల్లో కేవలం 2,447 ఓట్ల వెనుక బాటుతో వైఎస్సార్‌సీపీ ఏకంగా 19 సీట్లు కోల్పోవాల్సి వచ్చింది. దీనికి పోలింగ్‌ సమయంలో ఓటర్లకు అధికార పార్టీ అభ్యర్థుల బెదిరింపులు కూడా కారణమన్న వాదన వినిపిస్తోంది. చంద్రబాబు ప్రభుత్వ పాలనపై జనం వ్యతిరేకత విజయనగర కార్పొరేషన్‌ ఎన్నికల్లో తేటతెల్లం విజయనగరం రాజకీయాల్లో ఆసక్తికర చర్చ!

● మున్సిపాలిటీలో వైఎస్సార్‌సీపీ బలపడింది ● గెలిచిన ఓడిన కౌన్సిలర్లు, వైఎస్సార్‌సీపీ నాయకులతో.. మాజీ డిప్యూటీ సీఎం పీడిక రాజన్నదొర సమావేశంసాలూరు రూరల్‌: ఇటీవల జరిగిన మున్సిపల్‌ ఎన్నికల్లో మూడు పార్టీల కూటమితో ఎదురొడ్డి నిలిచి 13 కౌన్సిలర్‌ స్థానాలను సాధించామని మాజీ ఉపముఖ్యమంత్రి రాజన్న దొర అన్నారు. ఈ మేరకు గురువారం సాయంత్రం తన క్యాంప్‌ కార్యాలయంలో గెలిచిన, ఓడిన సభ్యులతో పాటు వైఎస్సార్‌సీపీ నాయకులతో సమావేశం ఏర్పాటు చేశారు. ఈ సందర్భంగా ఆయన వారిని ఉద్దేశించి మాట్లాడుతూ స్థానిక ఎన్నికల్లో కలిసికట్టుగా పనిచేసినప్పటికీ కొన్ని కారణాలవల్ల కాస్త వెనకబడ్డామని అయితే గౌరవప్రదంగా 13 వార్డులను వైఎస్సార్‌సీపీ గెలుచుకోవడం సంతోషకరమన్నారు. గత అసెంబ్లీ ఎన్నికల కంటే పార్టీకి ఓట్ల శాతం పెరిగిందని చెప్పారు. గత అసెంబ్లీ ఎన్నికల్లో మున్సిపాలిటీలో కూటమికి 12,000పై చిలుకు ఓట్ల మెజారిటీ వచ్చిందని ప్రస్తుతం మున్సిపల్‌ ఎన్నికల్లో మెజారిటీ 6000 పైచిలుకు తగ్గిందన్నారు. ఈ విషయంలో పార్టీ బలోపేతంగా ఉందన్నారు. పార్టీ నాయకులు కార్యకర్తలు అధైర్య పడకుండా ముందుకు వెళ్లాల్సిన అవసరం ఉందని పిలుపునిచ్చారు. రానున్న రోజుల్లో ప్రతి వార్డు నుంచి నాయకులను సంప్రదించి స్థానికంగా పార్టీ బలోపేతానికి కృషి చేస్తానని తెలిపారు. అలాగే డాక్టర్‌ శామ్యూల్‌ మాట్లాడుతూ చైర్‌పర్సన్‌ అభ్యర్థి రిబ్కా రాణి గెలుపు కోసం పనిచేసిన వైఎస్సార్‌సీపీ నాయకులు, కార్యకర్తలకు ధన్యవాదాలు తెలిపారు. ఓటమికి కారణాలు తెలుసుకుని రానున్న రోజుల్లో పార్టీ బలోపేతానికి కృషి చేయాల్సిన అవసరం ఉందని పార్టీ నాయకులను కోరారు. కార్యక్రమంలో వైఎస్సార్‌సీపీ పట్టణ అధ్యక్షుడు పుండరీకాక్షనాయుడు గెలిచిన కౌన్సిలర్లతో పాటు ఓడిన అభ్యర్థులు, నాయకులు కార్యకర్తలు పాల్గొన్నారు.

సాలూరు: ఆంధ్ర రాష్ట్ర ప్రభుత్వం నిర్వహిస్తున్న పరిషత్‌ ఎన్నికలకు సంబంధించి వివాదాస్పద ఆంధ్రా, ఒడిశా కొఠియా గ్రూప్‌ గ్రామాల పోలింగ్‌ విషయంలో ఓటరు గెలవగా, ఓటింగ్‌ జరగకుండా విశ్వప్రయత్నాలు చేసిన ఒడిశా ప్రభుత్వం ఓడిందా అంటే అవుననే భావన కలుగుతోంది. కొఠియా గ్రూప్‌ 21 గ్రామాల ఓటర్లు ఆంధ్రా ఎన్నికల్లో పాల్గొనకుండా ఉండేందుకు ఒడిశా ప్రభుత్వం శాయశక్తులా ప్రయత్నించింది. నేరెళ్లవలస పోలింగ్‌ కేంద్రం వద్ద ఎన్నికల నిర్వహణ జరగకుండా ఒడిశా అధికారులు అడ్డుకున్నారు.అంతటితో ఆగకుండా కొఠియా గ్రామాల్లో పోలీసులను మోహరించి గ్రామస్తుల వాహనాలను సీజ్‌చేసి వీలైనంత వరకు పోలింగ్‌లో పాల్గొనకుండా అడ్డుకునే ప్రయత్నాలు చేశారు. బూత్‌ల వారిగా పోలింగ్‌ ఇలా.. కొఠియా గ్రూప్‌ 21 గ్రామాలకు సంబంధించి 5 ఎంపీటీసీ స్థానాలకు గిరిజన ప్రజలు తమ ఓటు హక్కును వినియోగించుకున్నారు. సారిక పీఎస్‌ 10లో 50.40 శాతం, కురుకుట్టి పీఎస్‌ 13లో 73.69, నేరెళ్లవలస పీఎస్‌ 8లో 31.58 శాతం, పగులుచెన్నేరు పీఎస్‌ 7లో 42.43, పట్టుచెన్నేరు పీఎస్‌ 4లో 47.69 శాతం ఓటింగ్‌ నమోదైంది. జగన్‌మోహన్‌రెడ్డి పాలనతో ఆకర్షితులైన కొఠియా ప్రజలు గత వైఎస్సార్‌సీపీ ప్రభుత్వంలో వైఎస్‌జగన్‌మోహన్‌రెడ్డి పాలనలో అందించిన సంక్షేమ,అభివృద్ధి పాలనతో కొఠియా గ్రామాల ప్రజలు ఆంధ్రా వైపు మరింత ఆకర్షితమయ్యారు. ఇప్పటికే ఒడిశాలో ఉన్న ప్రజలు కూడా మా తాతలు ఆంధ్రాలో ఉండేవారని, తమను ఆంధ్రాలో కలపాలని ఆందోళనలు చేసిన పరిస్థితులు ఉన్నాయి. ఈ విధంగా ఆంధ్రావైపు ఆకర్షితులైన కొఠియా గ్రామాల ప్రజలను అడ్డుకోవాలని ఒడిశా ప్రభుత్వం తరచూ ప్రయత్నిస్తోంది. గత వైఎస్సార్‌సీపీ ప్రభుత్వంలో నాటి స్థానిక ఎమ్మెల్యే పీడిక రాజన్నదొర ఎప్పటికప్పుడు ఒడిశా చర్యలకు దీటుగా సమాధానం ఇస్తూ కొఠియా గ్రామాలపై ఆంధ్రా పట్టును కొనసాగించారు. కూటమి ప్రభుత్వం వచ్చిన తరువాత పరిస్థితి మారింది. కొఠియా గ్రామాలపై ఒడిశా పట్టు పెంచుకుంటూ వచ్చింది. కొఠియా ప్రజలు ఓటు వేయకుండా ఉండేందుకు విశ్వప్రయత్నాలుచేసిన ఒడిశా ప్రభుత్వం తగ్గేదేలే అంటూ ఓటింగ్‌లో పాల్గొన్న కొఠియా ప్రజలు కలెక్టర్‌ ప్రత్యేక చొరవతో.. కొఠియా గ్రామాల విషయంలో కలెక్టర్‌ డా.ఎన్‌.ప్రభాకరరెడ్డి ఆధ్వర్యంలో అధికార యంత్రాంగం ప్రత్యేక చర్యలు చేపట్టింది. స్థానిక నాయకుల సహకారంతో కొఠియా గ్రామాల గిరిజనులు అటవీమార్గాల గుండా ఒడిశా అధికారులు, పోలీసులకు తెలియకుండా మైదాన ప్రాంతాలకు చేరుకున్నారు. జరుగుతున్న పరిణామాలను ఎప్పటికప్పుడు నిశితంగా పర్యవేక్షిస్తున్న కలెక్టర్‌ కొఠియా గ్రామాల ప్రజలు ఓటింగ్‌లో పాల్గొనేలా చాకచక్యంగా వ్యవహరించారు. మైదాన ప్రాంతాలకు ముందురోజే చేరిన ఓటర్లకు ఉండడానికి వసతి సౌకర్యం కల్పించేలా చర్యలు చేపట్టారు.

సాక్షి, పార్వతీపురం మన్యం: పెరిగిన బియ్యం ధరలతో ఉక్కిరిబిక్కిరి అవుతున్న పేద, మధ్య తరగతి ప్రజలకు ఉపశమనం కలిగించేందుకు రైతు బజార్లలో ‘ధరణి’ సన్నబియ్యాన్ని తక్కువ ధరకే సరఫరా చేస్తున్నట్లు ప్రభుత్వం గొప్పలు చెబుతోంది. క్షేత్రస్థాయిలో పరిస్థితి భిన్నంగా ఉంది. అనుకున్నంత ప్రచారం లేకపోవడంతో సామాన్య ప్రజలు వాటిని ఉపయోగించకపోగా..వ్యాపారులు మాత్రం బస్తాలకు బస్తాలు తరలించుకుపోయి, అధిక ధరలకు విక్రయించుకుంటున్నారు. పౌరసరఫరాల శాఖ ద్వారా ధరణి బ్రాండ్‌ పేరుతో 26 కిలోల సన్నబియ్యం బస్తాను రూ.1,300కే రైతు బజార్లలో విక్రయిస్తున్నారు. ఆధార్‌ కార్డు నంబరును అనుసంధా నం చేసి, 26 కిలోల బస్తా యూనిట్‌గా విక్రయించా లి. కిలో రూ.50 చొప్పున విడిగానూ విక్రయిస్తున్నా రు. ప్రస్తుతం మార్కెట్‌లో కిలో బియ్యం రూ.70 నుంచి రూ.100కుపైగా పలుకుతోంది. 26 కిలోల బస్తా బ్రాండ్‌ను బట్టి రూ.2,200కుపైగా ఉంది. ఇదే అదునుగా పలువురు వ్యాపారులు ఆధార్‌ కార్డులు సేకరించి, రైతు బజార్ల వద్ద ధరణి సన్నబియ్యం తరలించుకుపోయి, గ్రామాల్లో అధిక ధరలకు విక్రయించుకుంటున్నారు. ఒక్కొక్కరు ఒకేసారి మూ డు, నాలుగు బస్తాలు చొప్పున తీసుకెళ్తున్నారు. పేదలకు సరఫరా కావాల్సిన బియ్యాన్ని వ్యాపారులు తరలించుకుపోతున్నా సంబంధిత అధికారులు చోద్యం చూస్తున్నారన్న విమర్శలువినిపిస్తున్నాయి.

బొబ్బిలిరూరల్‌: మండలంలోని పిరిడి, చింతాడ, అలజంగి, తదితర గ్రామాల్లో అధికార, విపక్ష పార్టీల కార్యకర్తల మధ్య వాగ్వాదాలు చోటు చేసుకున్నాయి. సీఐ కె.నారాయణరావు, ఎస్‌ఐ లోవరాజు, మరికొంతమంది సిబ్బంది కేవలం పక్కి గ్రామంలోని జెడ్పీహెచ్‌ స్కూల్‌లో జరిగిన కేంద్రానికే పరిమితం కాగా పోలీసులను మోహరించి అధికార పార్టీకి అనుకూలంగా ఓటు వేయాలన్న అభిప్రాయాన్ని కల్గించారన్న విమర్శలు గ్రామంలోని ఓటర్ల నుంచి వినిపించాయి. కలవరాయి జెడ్పీహెచ్‌ స్కూల్‌లో పోలింగ్‌ బూత్‌లలోకి ఇద్దరేసి చొప్పున పంపి ఏ గుర్తుకు ఓటు వేయాలో ప్రొసీడింగ్‌ ఆఫీసర్‌ శ్రీనివాసరావు అవగాహన కల్పిస్తున్న దృశ్యాలు కనిపించాయి.

బొబ్బిలి: అధికారపార్టీ నిర్వహించిన ఎన్నికల్లో అక్రమాలు, అవకతవకలు జరుగుతున్నాయా? అంటే అవుననే సమాధానం వినిపిస్తోంది. బొబ్బిలి మండలం అలజంగిలో ఎంపీటీసీ, జెడ్పీటీసీ ఎన్నికల బ్యాలెట్‌ బాక్సులన్నింటినీ ఒకేసారి తరలించకుండా రెండు బాక్సులు ఉంచేయడంపై ఓటర్లు ఆందోళన వ్యక్తంచేశారు. ఐదు బాక్సుల్లో మూడింటిని బస్సులో ఎక్కించి కొంత దూరం వెళ్లిపోవడం, ఓటర్ల ఆందోళన తర్వాత మిగిలిన రెండు బాక్సులను బస్సులో ఎక్కించడం అనుమానాలకు తావిచ్చింది. ఏం జరుగుతోందని గ్రామస్తులు పలువురు ప్రశ్నించారు. బస్సుకు అడ్డంగా నిల్చొని ఆందోళన చేశారు. అన్ని బాక్సులను ఒకేసారి పోలింగ్‌ కేంద్రానికి ఎందుకు తీసుకెళ్లలేదని నిలదీశారు. విషయం తెలుసుకున్న పోలీసులు గ్రామానికి చేరుకుని సర్దిచెప్పారు. ఈ విషయమై రిటర్నింగ్‌ అధికారిని ప్రశ్నించగా తన దృష్టికి రాలేదని, కనుక్కుంటానన్నారు.

● పోలింగ్‌ బూత్‌ల వద్ద విద్యుత్‌ అంతరాయం బొబ్బిలిరూరల్‌: స్థానిక సంస్థల ఎన్నిల నేపథ్యంలో ఓట్లు వినియెగించుకునేందుకు వచ్చిన ఓటర్ల ఓ కారు ప్రమాదంలో కారాడ గ్రామ సమీపంలో విధ్యుత్‌ స్తంభాన్ని ఢీకొని బోల్తా పడింది. దీంతో ఈ ప్రభావం కారాడ, అలజంగి గ్రామాల్లోని పోలింగ్‌ బూత్‌లపై పడింది. విద్యుత్‌ సరఫరా నిలిచిపోవడంతో పోలింగ్‌ కేంద్రాల్లో చీకటి అలుముకుంది. అయినా పూర్తిస్థాయిలో ఓటర్ల తమ ఓటు హక్కు వినియెగించుకున్నారని, జనరేటర్ల సహాయంతో విద్యుత్‌ను పునరుద్ధరించామని ఆర్‌ఓ మురళీనాథ్‌, ట్రాన్స్‌కో ఏఈ సాంబశివరావు తె లియ జేశారు. కాగా ప్రమాదానికి గురైన వ్యక్తులు ఎవరూ తమకు ఫిర్యాదు చేయలేదని సీఐ నారాయణరావు తెలిపారు. విరిగిపడిన కొండ చరియలు మల్కన్‌గిరి: మురసు తుఫాన్‌ ప్రభావం మల్కన్‌గిరి జిల్లా మత్తిలి సమితి నాయిక్‌గూడ పంచాయతీలో కనిపించింది. గత మూడు రోజులుగా కురుస్తున్న భారీ వర్షాల కారణంగా పురిగూడ కొండపై కొండచరియలు విరిగిపడి మట్టిపెళ్లలు, భారీ బండరాళ్లు కొండపై నుంచి కింద దొర్లిపడ్డాయి. గురువారం భారీ శబ్ధంతో రెండు బండరాళ్లు ఒకదానికొకటి ఢీకొనడంతో దుమ్ము వ్యాపించింది. వరుసగా పెద్దపెద్ద రాళ్లు కొండపై నుంచి కిందకిపడ్డాయి. ఈ ఘటనతో పురిగూడ గ్రామస్తులు తీవ్ర భయాందోళనకు గురయ్యారు. ప్రాణాలు కాపాడుకునేందుకు గ్రామస్తులు పరుగులు తీస్తూ సురక్షిత ప్రాంతాలకు వెళ్లిపోయారు. గ్రామం కొండ దిగువన ఉండడంతో ఈ ఘటన అనంతరం ప్రజల్లో తీవ్ర భయాందోళనలు నెలకొన్నాయి. అదృష్టవశాత్తు ఈ కొండచరియలు విరిగిపడిన ఘటనలో ఎలాంటి ప్రాణనష్టం, ఆస్తినష్టం జరగలేదు. రాయగడ: రోడ్డు ప్రమాదంలో ఒక యువకుడు దుర్మరణం పాలైన ఘటన జిల్లాలోని బిసంకటక్‌లో చోటు చేసుకుంది. మృతుడు సమితిలోని బారిగుడ గ్రామానికి చెందిన నరి టక్రి (22)గా గుర్తించారు. సమా చారం తెలుసుకున్న పోలీసులు సంఘటన స్థలానికి చేరుకొని మృతదేహాన్ని స్వాదీనం చేసుకుని పోస్టుమార్టంకు తరలించారు. మంగళవారం సాయంత్రం చోటు చేసుకున్న ఈ ఘటనకు సంబంధించి పోలీసులు తెలియజేసిన వివరాల ప్రకారం ఆవులను తరలిస్తున్న ఒక పికప్‌ వ్యాన్‌ , ద్విచక్ర వాహనం ఎదురెదురుగా ఢీకొన్న ఘటనలో ఈ ప్రమాదం జరిగింది. మృతుడు తీవ్రగాయాలకు గురికావడంతో అక్కడికక్కడే మృతి చెందాడు. బిసంకటక్‌ నుంచి రాయగడ వైపు ఆవులను ఒక వ్యాన్‌లో తరలిస్తుండగా అదే సమయంలో ఎదురుగా వస్తున్న బైకుపై వస్తున్న యువకుడిని వ్యాన్‌ అదుపుతప్పి బలంగా ఢీకొంది. ఈ మేరకు పోలీసులు కేసు నమోదు చేసి దర్యాప్తు చేస్తున్నారు.

విజయనగరం కల్చరల్‌ (క్రైమ్‌): పైడితల్లి అమ్మవారి జాతర సందర్భంగా భక్తులు సమర్పించిన కానుకులను చదురుగుడిలో గురువారం లెక్కించారు. మొత్తం 19 రోజులకు చదురుగుడిలోని హుండీల నుంచి రూ. 52,58,515లు, బంగారం 43.200 గ్రాములు, వెండి 332 గ్రామాలు వచ్చినట్టు ఆలయ ఈఓ శిరీష తెలిపారు. లెక్కింపులో 62 మంది సేవకులు పాల్గొన్నారు. లెక్కింపును రామతీర్దం దేవదాయ అసిస్టెంట్‌ కమిషనర్‌ శ్రీనివాసరావు పర్యవేక్షించారు. స్ట్రాంగ్‌ రూమ్‌లను తనిఖీ చేసిన జేసీ విజయనగరం రూరల్‌: జేఎన్‌టీయూలో ఏర్పాటు చేసిన స్ట్రాంగ్‌రూమ్‌లు, రిసెప్షన్‌సెంటర్లను జాయింట్‌ కలెక్టర్‌ ఎస్‌.సేతుమాథవన్‌ గురువారం రాత్రి ఆకస్మికంగా తనిఖీ చేశారు. పరిషత్‌ ఎన్నికల పోలింగ్‌ ప్రక్రియ ముగిసిన అనంతరం కేంద్రాల నుంచి బ్యాలెట్‌ బాక్సులను స్ట్రాంగ్‌ రూమ్‌లకు తరలిస్తున్న తీరును ఆయన పరిశీలించారు. బ్యాలెట్‌ బాక్సుల భద్రతపై అఽధికారులకు పలు సూచనలు చేశారు. పటిష్ట భద్రతా ఏర్పాట్లుచేయాలని పోలీస్‌ సిబ్బందిని ఆదేశించారు. 24 గంటల పాటు నిరంతరం కట్టుదిట్టమైన కాపలా ఉండాలని, సీసీ కెమెరాల ద్వారా నిఘా ఉంచాలని సూచించారు. కార్యక్రమంలో పలువురు రెవెన్యూ, పోలీస్‌ ఉన్నతాధికారులు, ఎన్నికల సిబ్బంది పాల్గొన్నారు.

విజయనగరం రూరల్‌: జిల్లాలో గురువారం జరిగిన పరిషత్‌ ఎన్నికల్లో అధికార పార్టీ శ్రేణులు రెచ్చిపోయాయి. ఓటరు స్వేచ్ఛగా ఓటేసేందుకు భయపడే వాతావరణాన్ని సృష్టించాయి. దాడులకు తెగబడ్డాయి. వైఎస్సార్సీపీ కార్యకర్తలు, సానుభూతిపరులను లక్ష్యంగా చేసుకున్నాయి. సరిపడా పోలీసు బందోబస్తు లేకపోవడం.. ఉన్నవారు సైతం చేతులెత్తేయడంతో తెలుగుదేశం పార్టీ నాయకులు, ఏజెంట్లు శివాలెత్తారు. ఓటింగ్‌ను తమకు అనుకూలంగా మలచుకున్నారు. ● జిల్లాలోని 27 జెడ్పీటీసీ స్థానాలకు, 449 ఎంపీటీసీ స్థానాలకు సంబంధించి నోటిఫికేషన్‌ జారీ చేయగా నామినేషన్ల ఉపసంహరణ ప్రక్రియ ముగిసే నాటికి 27 జెడ్పీటీసీ స్థానాల్లోనూ వివిధ పార్టీలకు చెందిన అభ్యర్థులతో పాటు స్వతంత్రులతో కలిసి 103 మంది అభ్యర్థులు పోటీలో నిలిచారు. 449 ఎంపీటీసీ స్థానాలకు 11 ఎంపీటీసీ స్థానాలు ఏకగ్రీవం కాగా మిగిలిన 438 ఎంపీటీసీ స్థానాలకు ఎన్నికలు నిర్వహించారు. ● వంగర మండలం కొండచాకరాపల్లిలో ఓటు వివాదంలో టీడీపీ, వైఎస్సార్‌సీపీ వర్గాల మధ్య తోపులాట జరిగింది. పోలీసు బలగాలు హుటాహుటిన అక్కడకు చేరుకొని గుంపులను చెదరగొట్టారు. ● శ్రీహరిపురంలో రెండు వర్గాలు తగాదా పడ్డారు. ఘర్షణకు దారితీసే క్రమంలో ఎస్సై షేక్‌ శంకర్‌ ఆధ్వర్యంలో పోలీసు బలగాలు ఇరు వర్గాల గుంపులను చెదరగొట్టాయి. వంగర, రుషింగిలోనూ వాగ్వాదాలు సాగాయి. ● కోనంగిపాడు సెంగ్మెంట్‌ పరిధి ఇరువాడ పోలీంగ్‌ స్టేషన్‌ ఆవరణలో ప్రదర్శించిన అభ్యర్ధుల పేర్లు, గుర్తుల్లో తమకు చెందిన కుండగుర్తు సరిగ్గాలేదని ఇండిపెండెంట్‌ అభ్యర్ధి అభ్యంతరం తెలియజేయడంతో అరగంటకు పైగా పోలింగ్‌ నిలిపివేశారు. ● దుప్పాడ మండల పరిషత్‌ ఆదర్శ ప్రాధమిక పాఠశాల పోలింగ్‌ కేంద్రం గేటు వద్ద వైఎస్సార్‌సీపీ శ్రేణులపై తెలుగుదేశంపార్టీ కార్యకర్తలు విరుచుకుపడ్డారు. పోలీసులు జోక్యం చేసుకుని చెదరగొట్టారు. పలుచోట్ల రెచ్చిపోయిన పచ్చమూకలు వైఎస్సార్‌సీపీ లక్ష్యంగా దాడులు దుప్పాడలో దౌర్జన్యం బొబ్బిలిలో పోలింగ్‌ బూత్‌లను విడిచిపెట్టిన అధికారులు పరిషత్‌ ఎన్నికల పోలింగ్‌ శాతం 76.18

భువనేశ్వర్‌: ఒడిశా పరిపాలనా రాజధాని భువనేశ్వర్‌, ఆధ్యాత్మిక రాజధాని పూరీ మధ్య రాకపోకలు మరింత వేగవంతం కానున్నాయి. రద్దీతో సతమతమవుతున్న జాతీయ రహదారి – 316ను భారీస్థాయిలో విస్తరణకు ప్రతిపాదించిన ప్రాజెక్టుకు ప్రాథమిక పనులు ప్రారంభమయ్యాయి. దీనిలో భాగంగా హైవే వెంబడి కీలక ప్రాంతాల్లో మట్టి పరీక్షలు చేపట్టారు. ప్రాజెక్టు పూర్తయితే భువనేశ్వర్‌ – పూరీ మధ్య ప్రయాణ సమయం సుమారు 45 నిమిషాలకు తగ్గే అవకాశం ఉంది. దీంతో నిత్య ప్రయాణికులు, భక్తులు, పర్యాటకులకు వేగవంతమైన, నిరాటంక రవాణా సౌకర్యం అందుబాటులోకి రానుంది. 12 కిలోమీటర్ల ఎలివేటెడ్‌ కారిడార్‌ ప్రతిపాదిత ప్రణాళికలో భువనేశ్వర్‌ నగర పరిధిలోని లింగిపూర్‌ స్క్వేర్‌ వరకు సుమారు 12 కిలోమీటర్ల పొడవైన యాక్సెస్‌ కంట్రోల్డ్‌ ఎలివేటెడ్‌ కారిడార్‌ను ఏర్పాటు చేయనున్నారు. ఇందులో ఆరు ఎలివేటెడ్‌ లేన్లు, ఆరు సర్వీస్‌ లేన్లు ఉండేలా ప్రణాళిక రూపొందించారు. అంటే ఈ ప్రాంతంలో మొత్తం 12 లేన్ల రవాణా కారిడార్‌ అందుబాటులోకి రానుంది. లింగిపూర్‌ నుంచి పూరీ వరకు ఆరు లేన్ల ప్రధాన హైవేతో పాటు ఇరువైపులా రెండేసి చొప్పున నాలుగు సర్వీస్‌ లేన్లు ఏర్పాటు చేయాలని ప్రతిపాదించారు. దీంతో ఈ మార్గం మొత్తం 10 – లేన్ల రవాణా కారిడార్‌గా అభివృద్ధి చెందనుంది. రద్దీ ప్రాంతాలకు శాశ్వత పరిష్కారం 66 కిలోమీటర్ల పూరీ – భువనేశ్వర్‌ మార్గంలో ప్రస్తుతం నాలుగు లేన్ల రహదారిపై భారీగా ట్రాఫిక్‌ రద్దీ ఏర్పడుతోంది. ముఖ్యంగా పిప్పిలి టోల్‌గేట్‌, సత్తొసొంఖా మార్కెట్‌, మాలతీపత్‌పూర్‌ ప్రాంతాల్లో తరచూ వాహనాలు నిలిచిపోవడంతో ప్రయాణికులు గంటల తరబడి ఇబ్బందులు పడుతున్నారు. అయితే రోడ్డు విస్తరణతో పాటు ఎలివేటెడ్‌ కారిడార్‌, సర్వీస్‌ రోడ్లు అందుబాటులోకి వస్తే ఈ సమస్యకు శాశ్వత పరిష్కారం లభించే అవకాశముంది. పర్యాటకులు, భక్తులకు భారీ ఊరట ప్రపంచ ప్రఖ్యాత జగన్నాథ క్షేత్రమైన పూరీకి ఏడాది పొడవునా భారీ సంఖ్యలో భక్తులు, పర్యాటకులు వస్తుంటారు. ముఖ్యంగా రథయాత్ర, సున్నాబేష వంటి ప్రధాన ఉత్సవాలు, వారాంతాల్లో భక్తుల రద్దీ మరింత పెరుగుతుంది. ఈ సమయంలో భువనేశ్వర్‌ – పూరీ మార్గంలో ఏర్పడే ట్రాఫిక్‌ జామ్‌ల కారణంగా ప్రయాణ సమయం గణనీయంగా పెరుగుతోంది. కొత్త కారిడార్‌ అందుబాటులోకి వస్తే పూరీకి చేరుకునే సమయం తగ్గడంతో పాటు పర్యాటకుల ప్రయాణ అనుభవం మెరుగుపడనుంది. భువనేశ్వర్‌లో విమానాశ్రయం, రైల్వే తదితర రవాణా సదుపాయాలను వినియోగించుకునే పర్యాటకులకు పూరీ చేరుకోవడం మరింత సులభతరం కానుంది. మార్గమధ్యలో సౌకర్యాలు రహదారి విస్తరణలో కేవలం వాహనాల వేగం, సామర్థ్యానికే కాకుండా యాత్రికులు, పర్యాటకుల సౌకర్యాలకూ ప్రాధాన్యం ఇవ్వనున్నారు. రహదారి వెంట మరుగుదొడ్లు, విశ్రాంతి తదితర ప్రజా సౌకర్యాలను ఏర్పాటు చేయాలని ప్రతిపాదించారు. అవసరాన్ని బట్టి కొన్ని ప్రాంతాల్లో రహదారి విస్తరణను ఎనిమిది లేన్ల వరకు పెంచే అవకాశాన్ని కూడా పరిశీలిస్తున్నారు. పిప్పిలి ప్రసిద్ధ చందువా అప్లిక్‌ కళ, స్థానిక ఉత్పత్తులు, సంప్రదాయ చేతివృత్తులను ప్రోత్సహించేలా మార్గమధ్యంలో ప్రత్యేక సౌకర్యాలు కల్పించనున్నారు. దీంతో రవాణా మౌలిక సదుపాయాల అభివృద్ధితో పాటు స్థానిక కళలు, హస్తకళలు, పర్యాటక రంగానికీ కొత్త అవకాశాలు ఏర్పడనున్నాయి. రహదారి భద్రతకు ప్రాధాన్యం ప్రయాణ సమయాన్ని తగ్గించడం, ట్రాఫిక్‌ రద్దీని నియంత్రించడంతో పాటు రహదారి భద్రతను మెరుగుపరచడం కూడా ప్రాజెక్టు ప్రధాన లక్ష్యాల్లో ఒకటి. ప్రస్తుతం రద్దీ, వాహనాల అధిక ఒత్తిడి కారణంగా తరచూ చోటుచేసుకునే ప్రమాదాలను తగ్గించేందుకు విస్తృత రహదారి, సర్వీస్‌ లేన్లు, నియంత్రిత ప్రవేశ మార్గాలు దోహదపడనున్నాయి. భువనేశ్వర్‌ – పూరీ అనుసంధానాన్ని వేగవంతం చేసే ఈ అధిక సామర్థ్యం, అధిక వేగం కలిగిన కారిడార్‌ కేవలం రవాణా ప్రాజెక్టుగా కాకుండా ప్రాంతీయ ఆర్థిక అభివృద్ధికి కీలక మౌలిక సదుపాయంగా పరిగణిస్తున్నారు. ప్రతిపాదిత భువనేశ్వర్‌ – కటక్‌ – పూరీ – పారాదీప్‌ మెట్రోపాలిటన్‌ ప్రాంత అభివృద్ధికి ఇది మరింత బలం చేకూర్చనుంది. పూరీ నీలి ఆర్థిక వ్యవస్థ, పర్యాటకం, స్థానిక వాణిజ్య కార్యకలాపాలకు కూడా ఊతమిస్తుందని భావిస్తున్నారు. పరిపాలనా రాజధాని భువనేశ్వర్‌ను ఆధ్యాత్మిక రాజధాని పూరీతో మరింత వేగంగా, సురక్షితంగా అనుసంధానించే ఈ ప్రాజెక్టు పూర్తయితే ఒడిశా రవాణా మౌలిక సదుపాయాల్లో కీలక మార్పునకు నాంది పలికే అవకాశం ఉంది.

అందుబాటులో ఉంటాయని డీపీటీసీ అధికారిణి వరలక్ష్మి పేర్కొన్నారు. ఈ సౌకర్యం పొందాలనుకునే భక్తులు ఫోన్‌ 7382924103 నంబరును సంప్రదించాలని సూచించారు. శ్రీశైలానికి కార్తీక మాసమంతా బస్సులు శ్రీ భ్రమరాంబ మల్లికా ర్జున స్వామివారిని దర్శించుకోవాలనుకునే భక్తుల కోసం కార్తీక మాసం మొత్తం శ్రీశైలం క్షేత్రానికి ప్రత్యేక బస్సులు నడుపుతున్నామన్నారు. విజయనగరం బస్టాండ్‌ నుంచి మధ్యాహ్నం 2 గంటలకు బయలుదేరే సూపర్‌ లగ్జరీ బస్సు మూడో రోజు ఉదయం 10 గంటలకు తిరిగి విజయనగరం చేరుకుంటుదన్నారు. విజయనగరం నుంచి శ్రీశైలానికి ఒక్కొక్కరికి ఒకవైపు ప్రయాణానికి రూ.1,340 టికెట్‌ ధరగా నిర్ణయించారు. పంచారామాలు, శ్రీశైలం యాత్రలకు సంబంధించిన టికెట్లను aprtc.onine.in వెబ్‌సైట్‌తో పాటు విజయనగరం బస్టాండ్‌లోని రిజర్వేషన్‌ కౌంటర్‌లోనూ బుక్‌ చేసుకోవచ్చు. ఆయా బస్సుల్లో ప్రయాణికుల సంఖ్య సరిపడా ఉంటే, ప్రకటించిన ధరలకే కోరిన ఇతర తేదీల్లోనూ ప్రత్యేక బస్సులు ఏర్పాటు చేస్తామని డీపీటీటీఓ అధికారిణి వరలక్ష్మి స్పష్టం చేశారు. మరిన్ని వివరాలకు సిస్టమ్‌ సూపర్‌వైజర్‌ ఫోన్‌ 9440359596, అసిస్టెంట్‌ మేనేజర్‌ (ట్రాఫిక్‌) ఫోన్‌ 7382924103, డిపో మేనేజర్‌ ఫోన్‌ 9959225620 నంబర్లను సంప్రదించాలని సూచించారు.విజయనగరం క్రైమ్‌: కార్తీక మాసాన్ని పురస్కరించుకుని శైవ క్షేత్రాల సందర్శనకు వెళ్లే భక్తుల సౌకర్యార్థం ఏపీఎస్‌ఆర్టీసీ విజయనగరం డిపో ప్రత్యేక బస్సులను ఏర్పాటు చేసింది. పంచారామాలు, శబరిమల, శ్రీశైలం క్షేత్రాలకు ప్రత్యేక సర్వీసులు నడపనున్నట్లు జిల్లా ప్రజా రవాణా అధికారి వరలక్ష్మి బుధవారం తెలిపారు. భక్తులు ముందస్తుగా టికెట్లు రిజర్వేషన్‌ చేసుకుని ఈ అవకాశాన్ని వినియోగించుకోవాలని సూచించారు. ఒకే యాత్రలో ఐదు పంచారామ క్షేత్రాలైన అమరావతి, భీమవరం, పాలకొల్లు, ద్రాక్షారామం, సామర్లకోటలను దర్శించుకునేలా ప్రత్యేక ప్యాకేజీని అందుబాటులోకి తీసుకొచ్చారు. నవంబర్‌ 15, 22, 29, డిసెంబర్‌ 6 తేదీల్లో (ఆదివారం) సాయంత్రం 4 గంటలకు విజయనగరం బస్టాండ్‌ నుంచి బస్సులు బయలుదేరుతాయి. సోమవారం పంచారామ క్షేత్రాల దర్శనం అనంతరం తిరుగు ప్రయాణమై మంగళవారం ఉదయం 6 గంటలకు విజయనగరం చేరుకుంటాయి. సూపర్‌ లగ్జరీ బస్సులో ఒక్కొక్కరికి రూ.2,000, అల్ట్రా డీలక్స్‌ బస్సులో రూ.1,950 టికెట్‌ ధరగా నిర్ణయించారు. శబరిమలకు కోరిన తేదీల్లో బస్సులు అయ్యప్ప స్వామి మాలధారణ చేసిన భక్తుల కోసం వారు కోరిన తేదీల్లో శబరిమలకు ప్రత్యేక బస్సులు ఏర్పాటు చేయనున్నారు. 38 సీట్ల సెమీ పుష్‌బ్యాక్‌ బస్సులు విజయనగరం డిపో నుంచి సర్వీసులు భక్తుల సౌకర్యార్థం ఏపీఎస్‌ ఆర్టీసీ ఏర్పాట్లు టికెట్ల రిజర్వేషన్‌ ప్రారంభం

విజయనగరం: విజయనగరం మున్సిపల్‌ కార్పొరేషన్‌ ఎన్నికల్లో వైఎస్సార్‌సీపీ అభ్యర్థిగా పోటీ చేసిన శెట్టివీరవెంకట రాజేష్‌ అరుదైన ఘనత సాధించారు. తాజాగా జరిగిన కార్పొరేషన్‌ ఎన్నికల్లో 8వ డివిజన్‌ నుంచి పోటీచేసి విజయం సాధించిన రాజేష్‌ వరుసుగా అదే ప్రాంతం నుంచి ఐదుసార్లు కౌన్సిలర్‌, కార్పొరేటర్‌గా గెలుపొందడం గమనార్హం. రెండుసార్లు కాంగ్రెస్‌ పార్టీ తరఫున, ఒకసారి స్వంతంత్య్ర అభ్యర్థిగా, రెండుసార్లు వైఎస్సార్‌సీపీ తరఫున పోటీచేసి గెలుపొందారు. తనను నమ్మి ఓట్లేసి గెలిపిస్తున్న ప్రజలందరికీ ఆయన ధన్యవాదాలు తెలిపారు. సేవలే తనకు శ్రీరామరక్షగా పేర్కొన్నారు. పటిష్ట బందోబస్తు విజయనగరం టౌన్‌: జెడ్పీటీసీ, ఎంపీటీసీ ఎన్నికలను ప్రశాంతయుతంగా, స్వేచ్ఛగా, పారదర్శకంగా నిర్వహించేందుకు పటిష్టబందోబస్తు ఏర్పాటుచేశామని ఎస్పీ ఎ.ఆర్‌.దామోదర్‌ బుధవారం తెలిపారు. జిల్లాలో 27 ఎంపీటీసీ, 438 ఎంపీటీసీ స్ధానాలకు 895 లొకేషన్స్‌లో 1586 కేంద్రాల్లో పోలింగ్‌ జరగనుంది. బందోబస్తు కోసం ఇద్దరు అదనపు ఎస్పీలు, ఏడుగురు డీఎస్పీలు, 35 మంది సీఐలు, 75 మంది ఎస్‌ఐలతో సహా సుమారు 2వేల మంది పోలీసులను బందోబస్తు నిమిత్తం వినియోగిస్తున్నామన్నారు. అత్యవసర వేళ స్థానిక పోలీస్‌ లేదా టోల్‌ ఫ్రీ 100/112కు కాల్‌ చేయాలని ఎస్పీ కోరారు. ఏర్పాట్లపై పర్యవేక్షణ ● కలెక్టరేట్‌లోని కంట్రోల్‌ రూమ్‌ నుంచి పరిశీలించిన కలెక్టర్‌విజయనగరం రూరల్‌: జిల్లాలో జెడ్పీటీసీ, ఎంపీటీసీ ఎన్నికల నిర్వహణకు సంబంధించి కలెక్టర్‌, జిల్లా ఎన్నికల అధికారి ఎస్‌. రాంసుందర్‌ రెడ్డి, జాయింట్‌ కలెక్టర్‌ ఎస్‌.సేతు మాధవన్‌ కలెక్టరేట్‌లో ఏర్పాటు చేసిన కంట్రోల్‌ రూమ్‌ నుంచి ఎన్నికల ఏర్పాట్లను నిరంతరం పర్యవేక్షిస్తున్నారు. ఎన్నికల సామగ్రి పంపిణీ, కేంద్రాల వద్ద జరుగుతున్న ఏర్పాట్లు, పోలింగ్‌ బృందాలు డిస్ట్రిబ్యూషన్‌ కేంద్రాలకు చేరుకున్న తీరు, సిబ్బందికి ఎన్నికల సామగ్రి పంపిణీ తదితర అంశాలపై ఆరా తీశారు. పోలింగ్‌ ప్రక్రియ సజావుగా, ప్రశాంతంగా జరిగేలా అన్ని ముందస్తు ఏర్పాట్లు పక్కాగా ఉండాలని కలెక్టర్‌ అధికారులను ఆదేశించారు. పోలింగ్‌ బృందాలు తమకు కేటాయించిన పోలింగ్‌ కేంద్రాలకు సకాలంలో చేరుకోవాలని, ఎన్నికల సామగ్రి పంపిణీలో ఎలాంటి ఇబ్బందులు తలెత్తకుండా చూడాలని సూచించారు. సమస్యాత్మక, అత్యంత సమస్యాత్మక పోలింగ్‌ కేంద్రాల వద్ద పటిష్టమైన భద్రతా ఏర్పాట్లు చేయాలని, వెబ్‌ కాస్టింగ్‌ తదితర మార్గాల ద్వారా పోలింగ్‌ సరళిని నిరంతరం పర్యవేక్షించాలని అధికారులకు స్పష్టం చేశారు. ఎన్నికల విధుల్లో అధికారులు, సిబ్బంది సమన్వయంతో పనిచేసి ఎన్నికల ప్రక్రియను విజయవంతం చేయాలని కలెక్టర్‌ సూచించారు.

● అన్ని రంగాల్లో విజయనగరం అభివృద్ధే మా అభిమతం ● వైఎస్సార్‌సీపీ రాష్ట్ర మహిళా విభాగం ప్రధాన కార్యదర్శి కోలగట్ల శ్రావణి విజయనగరం: విజయనగరం మున్సిపల్‌ కార్పొరేషన్‌ ఎన్నికల్లో భాగంగా ప్రజలిచ్చిన తీర్పును గౌరవిస్తున్నామని, అన్ని రంగాల్లో విజయనగరం అభివృద్ధే తమ అభిమతమని వైఎస్సార్‌సీపీ రాష్ట్ర మహిళా విభాగం ప్రధాన కార్యదర్శి, మాజీ డిప్యూటీ మేయర్‌ కోలగట్ల శ్రావణి పేర్కొన్నారు. మాజీ డిప్యూటీ స్పీకర్‌ కోలగట్ల వీరభద్రస్వామి నివాసంలో బుధవారం సాయంత్రం ఏర్పాటు చేసిన సమావేశంలో కార్పొరేషన్‌ ఎన్నికల్లో విజయం సాధించిన 16 మంది వైఎస్సార్‌సీపీ అభ్యర్థులకు ఆమె అభినందనలు తెలిపారు. ఎన్నికల్లో గెలుపు ఓటములు సహజమని, ప్రజా సంక్షేమం, నగర అభివృద్ధి కోసం ప్రశ్నించేందుకు, ప్రజల పక్షాన నిలిచేందుకు కోలగట్ల కుటుంబం, వైఎస్సార్‌సీపీ శ్రేణులు ఎళ్లవేళలా సిద్ధంగా ఉంటాయన్నారు. అధికారంలో ఉన్నా లేకున్నా ప్రజల పక్షాన నిలబడి పరిష్కారానికి కృషి చేస్తామన్నారు. అవసరమైన పోరాటానికి సిద్ధపడతామన్నారు. కార్పొరేషన్‌ ఎన్నికల్లో వైఎస్సార్‌సీపీ అభ్యర్థులకు ఓటు వేసిన ప్రతి ఒక్కరికీ కృతజ్ఞతలు తెలిపారు. రానున్న రోజుల్లో విజయనగరం అభివృద్ధి చెందాలని ఆకాంక్షించారు. సమావేశంలో మాజీ మేయర్‌ వెంపడాపు విజయలక్ష్మి, పార్టీ నగర అధ్యక్షుడు ఆశపు వేణు, మాజీ కార్పొరేషన్‌ ఫ్లోర్‌ లీడర్‌ శెట్టివీర వెంకట రాజేష్‌, పార్టీ రాష్ట్ర కార్యదర్శి సంగంరెడ్డి బంగారునాయుడు, జిల్లా మహిళా విభాగం అధ్యక్షురాలు గదుల సత్యలత, తదితరులు పాల్గొన్నారు.

పార్వతీపురం రూరల్‌: ఎన్నికల వేళ ప్రాజెక్టులను పరుగులు పెట్టిస్తామని, ఆయకట్టుకు నీళ్లందిస్తామని పలికిన ప్రగల్భాలు అధికార పీఠం ఎక్కగానే నీటి మూటలుగానే మిగిలిపోయాయి. అరశతాబ్దపు సుదీర్ఘ నిరీక్షణకు ఈసారైనా తెరపడుతుందని ఆశించిన జంఝావతి ఆయకట్టు రైతుల ఆశలపై కూటమి పాలకుల నిర్లక్ష్యం మరోసారి నీళ్లు చల్లుతోంది. త్రిముఖంగా మిత్రపక్ష ప్రభుత్వాలే ఉన్నా.. పాలకుల్లో చలనం లేకపోవడం, ఇచ్చిన హామీలను గాలికొదిలేయడంపై ఉత్తరాంధ్ర రైతాంగం తీవ్ర ఆగ్రహం వ్యక్తం చేస్తోంది. హామీలు ఇచ్చారు.. పట్టించుకోవడం మరిచారు.. కేంద్రంలో, పొరుగున ఉన్న ఒడిశాలో, అలాగే రాష్ట్రంలోనూ ఒకే కూటమి అధికారంలో ఉంది. ఈ సానుకూల వాతావరణాన్ని ఉపయోగించుకుని, ముఖ్యమంత్రి స్థాయిలో చొరవ తీసుకుంటే దశాబ్దాల అంతర్రాష్ట్ర వివాదం ఇట్టే పరిష్కారమవుతుంది. ఎన్నికల ప్రచారంలో కూటమి నాయకులు ఇదే విషయాన్ని నొక్కి చెప్పారు. కానీ, తీరా అధికారంలోకి వచ్చాక ఏపీ నాయకత్వం జంఝావతి ఊసే ఎత్తడం లేదు. ఉత్తరాంధ్రకు చెందిన కీలక ప్రజాప్రతినిధులు సైతం ఈ అంతర్రాష్ట్ర వివాదాన్ని పరిష్కరించి, ప్రాజెక్టుకు నిధులు రాబట్టడంలో మీనమేషాలు లెక్కిస్తుండడం ప్రభుత్వం ఉదాసీనతకు అద్దం పడుతోంది. ఒడిశాతో తేలని పంచాయితీ జంఝావతి ప్రాజెక్టు పూర్తిస్థాయిలో నిండాలంటే ఒడిశా పరిధిలోని 1,175 ఎకరాల భూమి ముంపునకు గురవుతుంది. భూసేకరణ, పరిహారం వ్యవహారంపై సరైన చొరవ చూపకపోవడంతో వివాదం మొదటికొస్తోంది. పూర్తిస్థాయి డ్యామ్‌ నిర్మాణం లేక తాత్కాలికంగా ఏర్పాటు చేసిన రబ్బరు డ్యామ్‌తో కేవలం 0.6 టీఎంసీల నీరు మాత్రమే నిల్వ అవుతోంది. ప్రాజెక్టు అసలు సామర్థ్యం 4 టీఎంసీలు కాగా, సరిహద్దు వివాదాలతో అపారమైన జలసంపద వృథా అవుతోంది. చుక్కనీరు లేక.. వలస బాటలో పల్లెలు ప్రాజెక్టు పరిధిలోని 23 కిలోమీటర్ల ప్రధాన, డిస్ట్రిబ్యూటరీ కాలువలు పూడికతో నిండిపోయాయి. కాలువలు బాగుచేస్తే.. వలసలు ఆగుతాయి.. ప్రాజెక్టు కాలువలు పూడికలతో నిండిపోయాయి. చుక్క నీరు రాక 25 వేల ఎకరాల ఆయకట్టు బీడువారుతోంది. పచ్చని పొలాలు ఎండిపోతుంటే తట్టుకోలేక మా పిల్లలు పట్టణాలకు వలసపోతున్నారు. యుద్ధప్రాతిపదికన కాలువల ఆధునికీకరణ చేపట్టి, చివరి ఎకరాకూ నీరు అందిస్తే మా సొంతూళ్లలోనే వ్యవసాయం చేసుకుని బతుకుతాం. – పల్లె రాజగోపాల్‌ నాయుడు/ జంఝావతి సాధన సమితి సభ్యుడుపరిష్కారానికి అవకాశం ఉంది కేంద్రం, ఏపీ, ఒడిశాలో అనుకూల ప్రభుత్వాలున్నాయి. ముఖ్యమంత్రులు చొరవ తీసుకుని 1,175 ఎకరాల భూసేకరణ వివాదాన్ని సామరస్యంగా పరిష్కరించాలి. అసంపూర్తిగా ఉన్న జంఝావతి ప్రాజెక్టును పూర్తిస్థాయిలో నిర్మిస్తే రైతులకు కొంత సాగు నీటికి ఆసరాగా ఉంటుంది. – మాలతి కృష్ణ మూర్తి నాయుడు/ చెరువుల పరిరక్షణ సమితి అధ్యక్షుడునిర్లక్ష్యంతో రబ్బరు డ్యామ్‌తో ప్రయోజనం శూన్యం పాలకుల నిర్లక్ష్యంతో రబ్బరు డ్యామ్‌తో కేవలం 0.6 టీఎంసీల నీరు మాత్రమే నిల్వ అవుతోంది. అసలు సామర్థ్యం 4 టీఎంసీలున్నా ముంపు సమస్యల వల్ల పూర్తిగా వినియోగించుకోలేకపోతున్నాం. ఒడిశాతో చర్చలు ముగించి పరిహారం చెల్లిస్తే.. ప్రాజెక్టు కల సాకారమవుతుంది. జంఝావతి స్వచ్ఛమైన జలాలు మాకందించాలి. – నెల్లి లక్ష్మునాయుడు /రైతు పెదగుడబనిధులు కేటాయించి ఆదుకోవాలి.. 44 రోజులుగా మేము దీక్షలు చేస్తోంది పదవుల కోసం కాదు. రైతుల పొలాలకు నీటి కోసమే. ఇతర ప్రాజెక్టులకు నిధులు కేటాయించినట్లుగానే.. జంఝావతి పెండింగ్‌ డీప్‌కట్‌ పనులకు, ఒడిశా పరిహారానికి ప్రత్యేక నిధులు మంజూరు చేయాలి. ఈ ప్రాంత రైతుల కన్నీటి వ్యథను అర్థం చేసుకుని ప్రాజెక్టును త్వరగా పూర్తి చేయాలి. – చుక్కా పారినాయుడు/ రైతు, రిటైర్డ్‌ ప్రధానోపాధ్యాయుడుదశాబ్దాలుగా మరమ్మతులు లేక అధ్వానంగా మారడంతో ఉన్న కొద్దిపాటి నీరు కూడా చివరి ఆయకట్టుకు చేరడం లేదు. ఫలితంగా పార్వతీపురం, కొమరాడ, కురుపాం, సీతానగరం మండలాల్లోని 25 వేల ఎకరాల ఆయకట్టు బీడుగా మారుతోంది. చేతికొచ్చిన పంటలు కళ్లెదుటే ఎండిపోతూ..ఉపాధి కరువవడంతో ఈ ప్రాంత యువత, రైతులు పొట్టచేత పట్టుకుని హైదరాబాద్‌ తదితర ప్రాంతాలకు వలస వెళ్తున్నారు. ప్రభుత్వం మేల్కోవాలి జంఝావతి పెండింగ్‌ డీప్‌ కట్‌ పనులకు, ఒడిశా పరిహారానికి రూ.250–300 కోట్లు ప్రభుత్వం ఎందుకు కేటాయించలేకపోతోందని అన్నదాతలు నిలదీస్తున్నారు. 75 గ్రామాల రైతులు ఏకమై 44 రోజులుగా పార్వతీపురం కలెక్టరేట్‌ వద్ద ‘జంఝావతి సాధన దీక్షలు’ చేస్తున్నా పాలకుల గుండె కరగకపోవడం శోచనీయం. ఇప్పటికై నా ప్రభుత్వం మేల్కొని, ఎన్నికల్లో ఇచ్చిన హామీని నిలబెట్టుకుంటూ ఒడిశాతో చర్చలు ముగించి కాలువల ఆధునికీకరణ, డ్యామ్‌ నిర్మాణాన్ని యుద్ధప్రాతిపదికన పూర్తి చేయాలని రైతులు డిమాండ్‌ చేస్తున్నారు. 44 రోజుల ఆక్రందన 75 గ్రామాల గోడు.. కుటమి పాలకుల చెవికి ఎక్కేదెన్నడు? సాగునీటికి ఉరికొయ్యగా సరిహద్దు పంచాయితీ.. జిల్లాలో మండుతున్న జంఝావతి సాధన నిరసన సెగలు

భామిని: స్థానిక జిల్లా పరిషత్‌ హైస్కూల్‌లో చదువుతున్న విద్యార్థి కేవటి రంజిత్‌ జాతీయ స్థాయి అథ్లెటిక్స్‌ పోటీలకు ఎంపికై నట్లు స్కూల్‌ హెచ్‌ఎం ఆబోతుల మల్లేశ్వరరావు, పీఈటీ అలికాన శంకర్‌రావులు బుధవారం తెలిపారు. ఈనెల 2,3 తేదీలలో కర్నూలులో జరిగిన 70వ ఇంటర్‌ డిస్ట్రిక్ట్‌ ఎస్‌జీఎఫ్‌ఐ 2026–27 అథ్లెటిక్స్‌ అండర్‌–17 స్టేట్‌ మీట్‌ జరిగింది.ఆ పోటీలలో లాంగ్‌ జంప్‌ విభాగంలో భామిని విద్యార్థి కేవటి రంజిత్‌ సిల్వర్‌ మెడల్‌ సాధించాడని చెప్పారు. ఈ మేరకు జాతీయ స్థాయి అథ్లెటిక్స్‌ పోటీలకు ఎంపికై నట్లు వివరించారు. పర్యావరణ పరిరక్షణపై 200 మంది విద్యార్థుల ప్రతిజ్ఞవిజయనగరం అర్బన్‌: పర్యావరణ పరిరక్షణ, ప్రకృతి వనరుల సంరక్షణ, సుస్థిర జీవన విధానాలపై అవగాహన కల్పించే లక్ష్యంతో సీతం కళాశాల జాతీయసేవా పథకం ఆధ్వర్యంలో బుధవారం బ్రిక్స్‌ సస్టైనబుల్‌ లైఫ్‌ స్టైల్‌ వీక్‌–2026 కార్యక్రమం నిర్వహించారు. మిషన్‌ లైఫ్‌ స్ఫూర్తితో 200 మందికి పైగా విద్యార్థులు పర్యావరణహిత జీవనశైలిని అలవరుచుకుంటామని సామూహికంగా ప్రతిజ్ఞ చేశారు. నీరు, విద్యుత్‌, పొదుపు, వ్యర్థాల తగ్గింపు, ఈ–వేస్ట్‌ నియంత్రణ, సింగిల్‌ యూజ్‌ ప్లాస్టిక్‌ కు దూరంగా ఉండడం వంటి అంశాలపై ప్రతిజ్ఞ చేశారు. అనంతరం ధ్రువీకరణ పత్రాలను డౌన్‌లోడ్‌ చేసుకున్నారు. జేఎన్‌టీయూ గురజాడ ఎన్‌ఎస్‌ఎస్‌ జిల్లా నోడల్‌ అఽధికారి డాక్టర్‌ ఎన్‌.సతీష్‌కుమార్‌ నాయకత్వంలో జరిగిన కార్యక్రమంలో కళాశాల ఆంగ్ల విభాగ అధ్యాపకుడు కె.వెంకటేశ్వరరావు పాల్గొని పర్యావరణ పరిరక్షణను ప్రతి ఒక్కరూ తమ జీవనశైలిలో భాగం చేసుకోవాలని సూచించారు. వ్యాన్‌ను ఢీకొట్టి యువకుడి మృతిగజపతినగరం రూరల్‌: విధులకు హాజరయ్యేందుకు విశాఖపట్నం వెళ్తున్న ఓ యువకుడు వెనుక నుంచి వ్యాన్‌ను ఢీకొట్టడంతో మృతి చెందాడు. బుధవారం తెల్లవారుజామున మండలంలోని మరుపల్లి జంక్షన్‌ సమీపంలో ఈ దుర్ఘటన జరిగింది. వివరాలిలా ఉన్నాయి. మెంటాడ మండలం మీసాలపేట గ్రామానికి చెందిన గంట్యాడ రోహిత్‌ కుమార్‌ బుధవారం అర్ధరాత్రి దాటిన తర్వాత సుమారు 2.30 గంటల సమయంలో విధుల నిమిత్తం బైక్‌పై విశాఖపట్నం వెళ్తుండగా మరుపల్లి జంక్షన్‌ సమీపంలోని రైస్‌ మిల్లు వద్ద రోడ్డుపై నిలిపి ఉంచిన టాటా వింట్రా వ్యాన్‌ను ఢీకొన్నాడు. వ్యాన్‌కు రిఫ్లెక్టర్లు ఏర్పాటు చేయకపోవడం, ట్రాఫిక్‌ నిబంధనలు పాటించకుండా రోడ్డుపై నిలిపి ఉంచడం ప్రమాదానికి కారణమైనట్లు తెలుస్తోంది. ఈ ప్రమాదంలో రోహిత్‌ కుమార్‌ తలకు తీవ్ర గాయాలయ్యాయి. వెంటనే 108 అంబులెన్‌న్స్‌లో గజపతినగరం ప్రభుత్వ ఏరియా ఆస్పత్రికి తరలించగా, తెల్లవారుజామున 3.40 గంటల సమయంలో చికిత్స పొందుతూ మృతి చెందినట్లు వైద్యులు నిర్ధారించారు.ఈ మేరకు స్థానిక పోలీసులు కేసు నమోదుచేసి దర్యాప్తు చేస్తున్నారు.

చికెన్‌విజయనగరం టౌన్‌: అమృత్‌ భారత్‌ స్టేషన్‌ స్కీమ్‌ పనుల పురోగతిని దక్షిణ తీర రైల్వే జనరల్‌ మేనేజర్‌ సందీప్‌ మాధుర్‌ బుధవారం స్వీయ పర్యవేక్షణ చేశారు. మౌలికసదుపాయాల అభివృద్ధి, ప్రయాణికుల సౌకర్యాలు, కార్యాచరణ, భద్రత ఏర్పాట్లపై అధికారులతో సమీక్ష చేశారు. విశాఖపట్నం, విజయనగరం, కంటకాపల్లి సెక్షన్‌లలో విస్తృతమైన తనిఖీలు చేశారు. డీఆర్‌ఎం లలిత్‌ బోహ్రాతో కలిసి మెరుగైన ప్రయాణికుల సౌకర్యాలు, లైన్‌ సామర్థ్యం, సురక్షితమైన రైలు కార్యకలాపాలపై ప్రత్యేకంగా దృష్టి సారించారు. అనంతరం బొబ్బిలి రైల్వేస్టేషన్‌, యార్డ్‌ తనిఖీ చేసి, స్టేషన్‌ సౌకర్యాలు పరిశీలించారు. ఉద్యోగుల సంక్షేమంకోసం బొబ్బిలి రైల్వేస్టేషన్‌లో కొత్తగా నిర్మించిన మహిళా సిబ్బంది విశ్రాంతి గదిని మహిళా ఉద్యోగితో ప్రారంభించారు. గొట్లాం బైపాస్‌ రైల్వే లైన్‌ నిర్మాణ పనుల పురోగతిని, అనుబంధ మౌలిక సదుపాయాలను సమీక్షించారు. కంటకాపల్లిలో ప్రతిపాదిత కొత్త రైల్వే సైడింగ్‌ పనులను సమీక్షించి అల్ట్రాటెక్‌ సిమెంట్‌ ప్రతినిధులతో చర్చలు జరిపారు. రైలు ఆధారిత సరుకు రవాణాను బలోపేతం చేయడం, లాజిస్టిక్స్‌ సామర్థ్యాన్ని మెరుగుపర్చేందుకు, వస్తువుల నిరాటంకమైన రవాణాను సులభతరం చేయడంపై దృష్టిసారించి, ప్రాజెక్ట్‌ పురోగతి, మౌలిక సదుపాయాల అవసరాలు, కార్యాచరణ సమన్వయంపై చర్చలు చేశారు. కార్యక్రమంలో ప్రిన్సిపల్‌ చీఫ్‌ ఇంజినీర్‌ బీఎస్‌కే రాజ్‌కుమార్‌, ప్రిన్సిపల్‌ చీఫ్‌ సిగ్నల్‌, టెలికం ఇంజినీర్‌ ఓబీ సురేష్‌కుమార్‌, ప్రిన్సిపల్‌ చీఫ్‌ ఆపరేషన్స్‌ మేనేజర్‌ వినీత్‌ కుమార్‌, చీఫ్‌ అడ్మినిస్ట్రేటివ్‌ అంకుష్‌ గుప్త, విజయనగరం రైల్వేస్టేషన్‌ మేనేజర్‌ ఎస్‌బీవీ రావు తదితరులు పాల్గొన్నారు.

విజయనగరం అర్బన్‌: విజయనగరం మున్సిపల్‌ కార్పొరేషన్‌ ఎన్నికల్లో కేవ లం 2,447 ఓట్లు టీడీపీ, వైఎస్సార్‌సీపీ అభ్యర్థుల మధ్య విజేతలను నిర్ణయించాయి. 19 డివిజన్‌ అభ్యర్థులను విజేతలుగా నిలిపాయి. కార్పొరేషన్‌ ఎన్నికల ఫలితాల్లో టీడీపీ 35 వార్డులు, వైఎస్సార్‌సీపీ 16 వార్డులు గెలుచుకున్నాయి. అభ్యర్థుల ఓట్లను పార్టీల వారీగా పరిశీలిస్తే టీడీపీ అభ్యర్థులకు 58,033 ఓట్లు రాగా, వైఎస్సార్‌సీపీ అభ్యర్థులకు 55,586 ఓట్లు వచ్చాయి. ఇరు పార్టీల మధ్య ఓట్ల వ్యత్యాసం కేవలం 2,447 మాత్రమే. లెక్కించిన అభ్యర్థుల ఓట్ల మొత్తంలో టీడీపీ వాటా సుమారు 42.6 శాతం కాగా, వైఎస్సార్‌సీపీ వాటా 40.8 శాతంగా ఉంది. ఓట్ల శాతంలో వ్యత్యాసం 1.8 శాతం. ఈ అతితక్కువ వ్యత్యాసంతో టీడీపీ 35 వార్డులు గెలుచుకోగా, వైఎస్సార్‌సీపీ 16 వార్డులకు పరిమితమైంది. అంటే, రెండు పార్టీల మధ్య సీట్ల వ్యత్యాసం ఏకంగా 19గా ఉంది. ఓట్లలో స్వల్ప తేడా ఉన్నా సీట్లలో ఇంత భారీ వ్యత్యాసం రావడం నగరంలో చర్చనీయాంశంగా మారింది. స్వల్ప ఓట్ల తేడాతో వైఎస్సార్‌సీపీ అభ్యర్థులు అపజయంపాలు కాగా, టీడీపీ అభ్యర్థులు విజేతలుగా నిలిచారు. వార్డుల్లో నువ్వా... నేనా! కొన్ని వార్డుల్లో గెలుపోటములు స్వల్ప ఓట్ల తేడాతో నిర్ణయమయ్యాయి. 2వ వార్డులో టీడీపీ అభ్యర్థి గంపా స్వప్నకు 642 ఓట్లు రాగా, వైఎస్సార్‌సీపీ అభ్యర్థి అరుగుల అరుణకు 603 ఓట్లు వచ్చాయి. కేవలం 38 ఓట్ల తేడాతో టీడీపీ అభ్యర్థి విజయం సాధించారు. 19వ వార్డులో వైఎస్సార్‌సీపీ అభ్యర్థి షేక్‌ సాహజాది బేగంకు 1,468 ఓట్లు రాగా, టీడీపీ అభ్యర్థి చిప్పాడ అన్నపూర్ణకు 1,428 ఓట్లు వచ్చాయి. ఇక్కడ కేవలం 40 ఓట్ల తేడాతో వైఎస్సార్‌సీపీ గెలిచింది. 21వ వార్డులో టీడీపీ అభ్యర్థి సుంకర వెంకటరావుకు 880 ఓట్లు, వైఎస్సార్‌సీపీ అభ్యర్థి నాయని మహేష్‌కు 848 ఓట్లు వచ్చాయి. ఇక్కడ కూడా కేవలం 32 ఓట్ల ఆధిక్యంతోనే టీడీపీ అభ్యర్థి గట్టెక్కారు. ఇక్కడ 17 ఓట్లు సాధిస్తే ఫలితం తారుమారయ్యేది. ఇలాంటి ఫలితాలు ఓటర్ల మద్దతు ఎంత స్పల్ప తేడాతో అభ్యర్థుల మధ్య మారిందో తెలియజేస్తున్నాయి. కొన్ని చోట్ల వేల తేదాతో కొందరు అభ్యర్థులు విజయం సాధించారు. 12, 18 వార్డుల్లో ఏకపక్షంగా ఓటింగ్‌ జరగడం గమనార్హం. స్వతంత్రుల ప్రభావం కూడా తక్కువేం కాదు! స్వతంత్ర అభ్యర్థులు మొత్తంగా 6,423 ఓట్లు సాథించారు. వీరిలో ఇద్దరు విజయం సాధించా రు. ముఖ్యంగా కొన్ని వార్డుల్లో స్వతంత్ర అభ్య ర్థులు సాధించిన ఓట్లు గెలుపొందిన, ఓడిపోయిన ప్రధాన పార్టీల అభ్యర్థుల మధ్య ఉన్న మెజారీటీల కంటే ఎక్కువగా ఉన్నాయి. దీంతో కొన్ని చోట్ల స్వతంత్రుల పోటీ ప్రధాన పార్టీల ఓట్ల సమీకరణాలను ప్రభావితం చేసి ఉండవచ్చనే అంచనాలు వ్యక్తమవుతున్నాయి. 19 సీట్ల విజయంలో 1.8 శాతం ఓట్ల ప్రభావం స్వల్వ మెజారిటీతో గట్టెక్కిన అభ్యర్థులు

పాలకొండ రూరల్‌: ప్రశాంత వాతావరణంలో నిర్వహించాల్సిన పరిషత్‌ ఎన్నికల్లో అల్లర్లు సృష్టించేలా పచ్చమూకలు బరితెగించాయి. వైఎస్సార్‌ సీపీకి చెందిన వారిని కవ్వించేందుకు, దాడులు చేసేందుకు వెనుకడుగు వేయడం లేదు. పాలకొండ మండలం పణుకువలస ఎంపీటీసీ స్థానం బరిలో నిలిచిన వైఎస్సార్‌ సీపీ అభ్యర్థి టి.కల్పన తరపున ఎన్నికల ఏజెంట్‌గా శివ్వాల సత్యంనాయుడిని పార్టీ శ్రేణులు నిర్ణయించాయి. ఈ క్రమంలో సంబంధిత ధ్రువీకరణ పత్రాలను సదరు ఏజెంట్‌తో పాటు మరికొందరు బుధవారం సాయంత్రం టీసీ పరిధిలో టీడీ పారాపురం పోలింగ్‌ కేంద్రంలో అధికారులకు అందించేందుకు వెళ్లారు. ముందస్తు ప్రణాళికతో కాపుకాసిన టీడీపీ మూకలు వారికి అడ్డుపడ్డాయి. తమ గ్రామంలోకి వైఎస్సార్‌సీపీ ఏజెంట్లు అడుగుపెట్టవద్దంటూ, బూతులు తిడుతూ దాడిచేశారు. వైఎస్సార్‌సీపీ నాయకులకు చెందిన కారును ధ్వంసం చేసేందుకు యత్నించారు. ఈ మూక దాడిని అక్కడి పోలీసులు గమనించి అడ్డుకున్నారు. కేవలం ఓటమి భయంతో ఈ తరహా దాడులు చేయడం అన్యాయమని, పరిస్థితి ఇలానే ఉంటే నేటి పోలింగ్‌ పరిస్థితి ఏమిటని వారు ఎన్నికల అధికారులను ప్రశ్నించారు. అక్కడి నుంచి పాలకొండ వచ్చిన బాధితులు సబ్‌ కలెక్టర్‌ స్వప్నిల్‌ పవార్‌ జగన్నాథ్‌కు ఫోన్‌ ద్వారా ఫిర్యాదు చేశారు. మండల ఎన్నికల రిటర్నింగ్‌ అధికారి టి.వైకుంఠరావు, ఎంపీడీఓ బి.రామకృష్ణతోపాటు పోలీసులకు లిఖిత పూర్వకంగా ఫిర్యాదు చేశారు.

● వీక్షించిన భక్తజనం ● బాణసంచా మిరమిట్లు నడుమ పెద్దచెరువులో విహరించిన అమ్మవారు ● పైడిమాంబకు జేజేలు పలికిన భక్తులు విజయనగరం (కల్చరల్‌) క్రైమ్‌: ఉత్తరాంధ్రుల ఆరాధ్య దైవం, విజయనగరం ప్రజల ఇలవేల్పు పైడితల్లి అమ్మవారి తెప్సోత్సవం మంగళవారం కనుల పండువగా సాగింది. వేద మంత్రోచ్ఛరణాలు, మంగళవాయిద్యాలు నడుమ పైడితల్లి అమ్మవారు హంసవాహనంలో మూడుసార్లు విహరించారు. తొలుత వనంగుడిలో పండితులు వేదపఠనం గావించారు. అనంతరం అమ్మవారి ఉత్సవ మూర్తులకు శాస్త్రోక్తంగా అభిషేకం చేశారు. అమ్మవారిని అలంకరించాక పల్లకిలో ఉంచి వనంగుడి నుంచి రైల్వే స్టేషన్‌ రోడ్డు మీదుగా పడమర ఉన్న పెద్ద చెరువులో సిద్ధంగా ఉన్న హంసవాహనంలో ఉంచి సాయంత్రం 05.40 గంటల సమయంలో తెప్పోత్సవం నిర్వహించారు. సీఎంఆర్‌, రామానాయుడు రోడ్‌, ఎం.ఆర్‌.కాలేజ్‌, టెలిఫోన్‌భవన్‌ రోడ్‌ వైపుగా చెరువులో అమ్మవారు విహరించారు. అమ్మవారి తెప్పోత్సవాన్ని చూసేందుకు భక్తులు పోటెత్తారు. బాణసంచా మిరమిట్లు నడుమ చెరువులో విహరిస్తున్న అమ్మవారికి జేజేలు పలికారు. ఎలాంటి అవాంఛనీయ ఘటనలు జరగకుండా డీఎస్పీ లక్ష్మణమూర్తి, వన్‌టౌన్‌ సీఐ చౌదరి, పోలీసులు బందోబస్తు నిర్వహించారు. వేదపఠనం చేసిన పండితులకు ఆలయ అధికారులు సత్కరించారు. కార్యమ్రంలో ఉపాధ్యాయ ఎమ్మెల్సీ గాదె శ్రీనివాసులనాయుడు పాల్గొన్నారు.

విజయనగరం రూరల్‌: జిల్లాలో పరిషత్‌ ఎన్నికలకు సంబంధించి అభ్యర్థుల ప్రచారపర్వం మంగళవారంతో ముగిసింది. జిల్లాలో 27 జెడ్పీటీసీ స్థానాలకు, 438 ఎంపీటీసీ స్థానాలకు గురువారం ఎన్నికలు జరగనున్నాయి. ఈ నేపథ్యంలో అభ్యర్థులు మంగళవారం రాత్రి నుంచే ఓటర్లను ప్రలోభాలతో ప్రసణ్ణం చేసుకునే పనిలో పడ్డారు. అధికార కూటమి పార్టీ అభ్యర్థులు అనేక గ్రామాల్లో ఓటర్లకు నగదు, బహుమతులు, బియ్యం బస్తాలు ఇంటింటికీ వెళ్లి అందజేస్తున్నారు. తాయిలాల పంపిణీలో అధికార పార్టీ నేతలు మంగళవారం సాయంత్రం ప్రచారం గడువు ముగిసిన క్షణం నుంచే వారి అనుచరగణంతో ఓట ర్లను ప్రసణ్ణం చేసుకుంటున్నారు. కొన్నిచోట్ల సామ, దామ, దండోపాయాలతో ఓటర్లను భయాందోళనకు గురిచేస్తున్నారు. కౌంటింగ్‌ కేంద్రాల వద్ద పటిష్ట భద్రత విజయనగరం టౌన్‌: జిల్లాలోని విజయనగరం మున్సిపల్‌ కార్పొరేషన్‌, బొబ్బిలి మున్సిపాలిటీ, నెల్లిమర్ల నగర పంచాయతీ ఎన్నికల ఓట్ల లెక్కింపు కేంద్రాలైన విజయనగరం రాజీవ్‌ స్టేడియం, నెల్లిమర్ల సీకేఎంజీజే కళాశాల వద్ద పోలీసుశాఖ చేపట్టిన భద్రతా ఏర్పాట్లను ఎస్పీ ఏఆర్‌.దామోదర్‌ మంగళవారం పర్యవేక్షించారు. ఈ సందర్భంగా ఆయన మాట్లాడుతూ మూడు కౌంటింగ్‌ కేంద్రాల వద్ద పటిష్ట బందోబస్తుతో పాటూ పరిసర ప్రాంతాలను డ్రోన్స్‌, సీసీ కెమెరాలతో నిరంతరం పర్యవేక్షించామన్నారు. ఆయన వెంట అదనపు ఎస్పీ పి.కిరణ్‌ కుమార్‌, విజయనగరం డీఎస్పీ ఎస్‌.లక్ష్మణమూర్తి, సీఐలు, ఎస్‌ఐలు, ఇతర పోలీస్‌ అధికారులు, సిబ్బంది ఉన్నారు. ఎన్నికల విధులకు గైర్హాజరు ● 65 మంది ఉద్యోగులకు షోకాజ్‌ నోటీసులు ● మూడు రోజుల్లో వివరణ ఇవ్వాలని కలెక్టర్‌ ఆదేశం సాక్షి, పార్వతీపురం మన్యం: జిల్లాలో స్థానిక సంస్థల 2వ సాధారణ ఎన్నికల విధులకు గైర్హాజరైన వివిధ శాఖల ఉద్యోగులపై అధికార యంత్రాంగం కఠిన చర్యలు ఉపక్రమించింది. ఎన్నికల విధులకు హాజరు కాకుండా నిర్లక్ష్యం వహించిన మొత్తం 65 మంది ఉద్యోగులకు కలెక్టర్‌, జిల్లా ఎన్నికల అధికారి షోకాజ్‌ నోటీసులు జారీ చేశారు. విధులకు ఎందుకు హాజరు కాలేదో తెపుతూ మూడు రోజుల్లోగా లిఖితపూర్వక వివరణ ఇవ్వాలని ఆ నోటీసులో ఆదేశించారు. పార్వతీపురం, సాలూరు మున్సిపాలిటీల పరిధిలో గ్రామ/ వార్డు సచివాలయ శాఖకు చెందిన 30 మంది ఇంజినీరింగ్‌ అసిస్టెంట్లు, సంక్షేమ–విద్యా సహాయకులు ఎన్నికల విధులకు గైర్హాజరయ్యారు. విద్యాశాఖకు చెందిన స్కూల్‌ అసిస్టెంట్లు, ఎస్‌జీటీలు, హెచ్‌ఎంలు, క్రాఫ్ట్‌ ఇన్‌స్ట్రక్టర్లతో కూడిన 27 మంది ఉపాధ్యాయులు/సిబ్బంది విధులకు హాజరుకాలేదు. దీంతో పాటు సాలూరు మున్సిపాలిటీ పరిధిలో పోలింగ్‌ అధికారుల విధులు కేటాయించిన ఐసీడీఎస్‌ శాఖకు చెందిన 8 మంది అంగన్‌వాడీ కార్యకర్తలు సైతం విధులకు గైర్హాజరైనట్లు గుర్తించి నోటీసులు జారీ చేశారు. ఎన్నికల విధుల్లో ఎటువంటి అలసత్వం ప్రదర్శించినా సహించేది లేదని, దీనిని అత్యంత అత్యవసరంగా పరిగణించాలని అధికారులను ఆయన హెచ్చరించారు.

కొమరాడ: మండల రైతులకు గజరాజుల భయం మళ్లీ మొదలైంది. ఇటీవల పార్వతీపురం మండలంలో సంచరించిన గజరాజుల గుంపు సోమవారం అర్ధరాత్రి కొమరాడ మండలంలోకి ప్రవేశించింది. విక్రంపురం, అంకులవలస, సుందరాపురం తదితర గ్రామాల పరిసర ప్రాంతాల్లో ఏనుగుల గుంపు సంచరిస్తుండడంతో రైతులు ఆందోళన చెందుతున్నారు. వేలాది రూపాయలు పెట్టుబడులు పెట్టి సాగు చేసిన పంటలు చేతికొచ్చే సమయంలో గజరాజుల సంచారం రైతులకు కంటిమీద కునుకు లేకుండా చేస్తోంది. రాత్రిపూట ఏనుగులు పొలాల్లోకి ప్రవేశించి పంటలను ధ్వంసం చేస్తాయేమోనని రైతులు భయాందోళన చెందుతున్నారు. ఇప్పటికే ఏనుగుల సంచారం కారణంగా తీవ్ర ఇబ్బందులు ఎదుర్కొంటున్న రైతులకు మళ్లీ గజరాజుల గుంపు రావడం ఆందోళన కలిగిస్తోంది. కుంకీ ఏనుగులతో కానరాని ప్రయోజనం గజరాజుల సమస్యకు పరిష్కారం చూపేందుకు ప్రభుత్వం కుంకీ ఏనుగులను తీసుకొచ్చినప్పటికీ ఆశించిన ప్రయోజనం కలగడం లేదని పలువురు రైతులు ఆవేదన వ్యక్తం చేస్తున్నారు. ఏనుగుల సంచారాన్ని నియంత్రించడంలో అటవీ శాఖ అధికారులు సమర్థవంతమైన చర్యలు చేపట్టాలని కోరుతున్నారు. గజరాజులు సంచరిస్తున్న ప్రాంతాలను గుర్తించి వాటిని సురక్షిత ప్రాంతాలకు తరలించాలని, పంటలు నష్టపోకుండా ముందస్తు చర్యలు తీసుకోవాలని రైతులు డిమాండ్‌ చేస్తున్నారు. చేతికొచ్చిన పంటలను కాపాడేందుకు అటవీ శాఖ అధికారులు తక్షణమే స్పందించి గజరాజుల సమస్యకు శాశ్వత పరిష్కారం చూపాలని ఈ ప్రాంత రైతులు కోరుతున్నారు. రైతుల గుండెల్లో గుబులు కుంకీ ఏనుగులతో ప్రయోజనం ఏదీ? అటవీ శాఖ స్పందించాలని రైతుల డిమాండ్‌

● వాస్తవానికి ఓసీ కులానికి చెందిన రమేష్‌ కుమార్‌జైన్‌కు జన్మించిన ముస్కాన్‌ జైన్‌ను 2021లో బీసీ–డీ సామాజిక వర్గానికి చెందిన మజ్జి శ్రీనివాసరావు దత్తత తీసుకున్నారు. ఆ తరువాత మజ్జి సిరిసహస్రగా పేరు మార్చి బీసీ–డిగా ధ్రువీకరిస్తూ అప్పటి విజయనగరం తహసీల్దార్‌ కులధ్రువీకరణ పత్రాన్ని జారీ చేశారు. కేవలం దత్తత తీసుకున్నంత మాత్రాన ఒక వ్యక్తికి ఆ కుటుంబానికి సంబంధించిన కులధ్రువీకరణ పత్రం పొందే అర్హత వస్తుందా? రిజర్వేషన్‌ ప్రయోజనాలు పొందవచ్చా? అనే అంశంపై వివాదం ఏర్పడింది. ఈ విషయం ప్రస్తుతం ఆంధ్రప్రదేశ్‌ హైకోర్టు దృష్టికి వెళ్లింది. ఇరు పక్షాల వాదనలు విన్న గౌరవ హైకోర్టు, దత్తత ఆధారంగా ఒక వ్యక్తి మరో సామాజికవర్గానికి చెందిన వారిగా గుర్తింపు పొందవచ్చా లేదా అనే విషయాన్ని అధికారులు పూర్తిగా పరిశీలించాలని స్పష్టం చేసింది. దత్తత తీసుకున్న కుటుంబం, పుట్టిన కుటుంబం యొక్క ఆచారాలు, సంప్రదాయాలు, ఇతర పరిస్థితులనుకూడా పరిశీలించాలని పేర్కొంది. ఈ కుల ధ్రువీకరణ పత్రంపై వచ్చిన ఫిర్యాదును, దానిపై కోరిన మధ్యంతర ఉపశమనాన్ని కూడా హైకోర్టు ఉత్తర్వుల కాపీ అందిన తేదీ నుంచి ఒక వారంలోపు పరిశీలించి తగిన నిర్ణయం తీసుకోవాలని విజయనగరం జిల్లా కలెక్టర్‌ను ఆదేశించింది. అలాగే, జెడ్పీటీసీ అభ్యర్థిగా బీసీ వర్గం కేటగిరీలో చెల్లించిన రూ.3 వేలకు అదనంగా ఓసీ కేటగిరీలోనే రూ.3 వేలు రిటర్నింగ్‌ అధికారికి చెల్లించాలని హైకోర్టు ఆదేశించింది. సాక్షిప్రతినిధి విజయనగరం: ముస్కాన్‌ జైన్‌ అనే ఓసీ సామాజిక వర్గానికి చెందిన తన దత్తత కుమార్తెను సిరిసహస్రగా పేరుమార్చి బీసీగా చూపించి రాజకీయ లబ్ధికోసం స్కెచ్‌లు వేసిన జెడ్పీ మాజీ చైర్మన్‌ మజ్జి శ్రీనివాసరావు (చిన్న శ్రీను) ఎత్తులకు హైకోర్టు బ్రేక్‌లు వేసి పెద్ద షాకే ఇచ్చింది. జిల్లాలోని పరిషత్‌ ఎన్నికల్లో భాగంగా తెర్లాం, కొత్తవలస జెడ్పీటీసీ స్థానాలు అన్‌రిజర్వ్‌డ్‌కు కేటాయించిన విషయం విధితమే. అయితే, ఓసీ వర్గానికి చెందిన ముస్కాన్‌ జైన్‌ అలియాస్‌ సిరిసహస్ర బీసీ వర్గాలకు నిర్దేశించిన విధంగానే నామినేషన్‌ పత్రాలతో పాటు రూ.3,000 డిపాజిట్‌ రుసుం చెల్లించారు. వాస్తవానికి ఎన్నికల సంఘం నిబంధనల మేరకు ఓసీ సామాజిక వర్గానికి చెందిన అభ్యర్థులు రూ. 6,000 చెల్లించాల్సి ఉంది. దీంతో పాటు ఆమె కులధ్రువీకరణపై వైఎస్సార్‌ కాంగ్రెస్‌ పార్టీ నాయకులు హెకోర్టును ఆశ్రయించారు. వాదోపవాదనలను పరిశీలించిన తరువాత కలెక్టర్‌కు వారంలోగా నివేదిక ఇవ్వాలంటూ కోర్టు ఆదేశాలు జారీ చేసింది. ఈ సందర్భంగా రిజర్వేషన్‌లు అనేవి సామాజికంగా, విద్యాపరంగా వెనుకబడిన వర్గాల అభివృద్ధి కోసం రాజ్యాంగం కల్పించిన హక్కు. ఆ ప్రయోజనాలు నిజంగా అర్హులైన వారికే అందాలి. అర్హత లేని వారు రిజర్వేషన్‌ ప్రయోజనాలను పొందకుండా అధికారులు నిష్పక్షపాతంగా వ్యవహరించాలి అని వాఖ్యానించింది.

● ఒరిగిపోయిన పోలీస్‌ అవుట్‌ పోస్ట్‌ గజపతినగరం: మండల కేంద్రంలో మంగళవారం సాయంత్రం ఓ లారీ అదుపు తప్పి డివైడర్‌ను ఢీకొట్టింది. విజయనగరం నుంచి సాలూరు వైపు వెళ్తున్న లారీ గజపతినగరం చేరుకునేసరికి ఒక్క సారిగా అదుపు తప్పి డివైడర్‌ను ఢీకొట్టింది. దీంతో పోలీస్‌ అవుట్‌ పోస్ట్‌ పక్కకు ఒరిగిపోయింది. ఆ సమయంలో జనసంచారం లేక పోవడంతో పెనుప్రమాదం తప్పిందని స్థానికులు ఊపిరి పీల్చుకున్నారు. ఎంపీడీఓ కార్యాలయంలో పాముగుమ్మలక్ష్మీపురం: స్థానిక ఎంపీడీఓ కార్యాలయంలోని ఆర్‌డబ్ల్యూఎస్‌ ఏఈ రూమ్‌లో మంగళవారం సుమారు 7 అడుగుల పాము (జెర్రిపోతు) ఆందోళన సృష్టించింది. ఆ రూమ్‌లోకి ఎప్పుడొచ్చి దూరిందో గానీ, కార్యాలయం సిబ్బంది మధ్యాహ్నం ఆ రూం తలుపులు తెరవగానే కిటికీలోంచి వెళ్లిపోయేందుకు ప్రయత్నించింది. కిటికీలకు మెస్‌ బిగించి ఉండడంతో వెళ్లలేక ఆ రూమ్‌ వద్దే మూలన నక్కింది. సిబ్బంది తలుపులన్నీ తెరిచి వెనుకవైపు నుంచి తోలడంతో తలుపు మార్గం గుండా బయటికి వెళ్లిపోయింది. దీంతో అక్కడి సిబ్బంది ఊపిరి పీల్చుకున్నారు. బాలిక అత్మహత్య..హైదరాబాద్‌: జిల్లాలోని జీడిమెట్ల పోలీస్‌ స్టేషన్‌ పరిధిలో ఓ బాలిక ఉరి వేసుకుని ఆత్మహత్యకు పాల్పడింది. ఈ ఘటనపై సీఐ రవికుమార్‌ తెలిపిన వివరాల ప్రకారం.. ఆంద్రప్రదేశ్‌ రాష్ట్రంలోని పార్వతీపురానికి చెందిన రమ, హరికృష్ణ దంపతులకు ఇద్దరు కుమార్తెలు. పెద్ద కుమార్తెకు వివాహం కాగా చిన్న కుమార్తె లావణ్య(15)తో కలిసి సంవత్సరం నుంచి నగరంలోని కుత్బుల్లాపూర్‌ బోళాశంకర్‌ నగర్‌లో ఉంటున్నారు. మూడు రోజుల క్రితం దంపతులు పని నిమిత్తం స్వగ్రామానికి వెళ్తూ లావణ్యను పిన్ని ఉమ ఇంట్లో ఉంచారు. కాగా లావణ్య కుత్బుల్లాపూర్‌ జెడ్పీహెచ్‌ఎస్‌లో 9వ తరగతి చదువుతోంది. సోమవారం ఉదయం పాఠశాలకు వెళ్లిన బాలిక సాయంత్రం పిన్ని ఇంటికి వెళ్లకుండా బోళాశంకర్‌నగర్‌ లోని వారు ఉంటున్న ఇంటికి వెళ్లింది. బాలిక లోపలి నుంచి తలుపు గడియ పెట్టుకుని ఉండడాన్ని గమనించిన ఇంటి యజమానురాలు శోభ తలుపు తట్టగా ఎంతకూ తీయలేదు. దీంతో అనుమానం వచ్చిన ఆమె బాలిక పిన్నికి సమాచారం అందించింది. వెంటనే ఆమె ఇంటికి వచ్చి చుట్టు పక్కల వారి సహాయంతో తలుపులు పగలగొట్టి చూడగా బాలిక చీరతో ఫ్యాన్‌కు ఉరి వేసుకుని వేలాడుతూ మృతిచెంది ఉంది. బాలిక పిన్ని ఉమ ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. రివాల్వర్‌తో కాల్చుకుని జవాన్‌ ఆత్మహత్య మెళియాపుట్టి: భారత సైన్యంలో సుదీర్ఘ కాలంగా సేవలందిస్తూ మరికొద్ది నెలల్లో ఉద్యోగ విరమణ చెంది కుటుంబంతో సంతోషంగా గడపాల్సిన ఆర్మీ జవాన్‌ ఆత్మహత్యకు పాల్పడిన విషాద ఘటన మెళియాపుట్టి మండలంలో చోటుచేసుకుంది. చాపర గ్రామానికి చెందిన ఆర్మీ జవాన్‌ నక్క నారాయణరావు(40) ఆదివారం జమ్మూకాశ్మీర్‌లో సర్వీస్‌ రివాల్వర్‌తో కాల్చుకుని ఆత్మహత్య చేసుకున్నాడు. మృతికి గల కారణాలు తెలియలేదు. నారాయణరావుకు భార్య హైమావతి, ఇద్దరు పిల్లలు ఉన్నారు. మంగళవారం చాపర గ్రామంలో అంత్యక్రియలు నిర్వహించారు. బొలెరోను ఢీకొన్న లారీ మందస: బాలిగాం గ్రామ సమీపంలో జాతీయ రహదారిపై సోమవారం రాత్రి అరటి పండ్ల లోడుతో ఆగి ఉన్న బొలెరో వాహనాన్ని ఓ లారీ ఢీకొట్టింది. ఈ ఘటనలో లారీ డ్రైవర్‌, క్లీనర్‌కు స్వల్ప గాయాలయ్యాయి. బొలెరో వాహనం రాజమండ్రి నుంచి ఒడిశాకు వెళ్తుండగా టైరు పంక్చర్‌ కావడంతో రోడ్డు పక్కన ఆపి ఉంచగా ఈ ప్రమాదం చోటుచేసుకుంది. హైవే పోలీసులు ఘటనా స్థలానికి చేరుకుని క్షతగాత్రులను హరిపురం ప్రభుత్వ ఆస్పత్రికి తరలించారు.

రామభద్రపురం: చంద్రబాబు ప్రభుత్వం అధికారంలోకి వచ్చాక సర్కారు బడుల్లో సదుపాయాల కల్పనకు మంగళం పాడేసింది. పేద, మధ్యతరగతి కుటుంబాలు చదువుకునే ఊరి బడిని పట్టించుకోవడం మానేసింది. గత ప్రభుత్వం తలపెట్టిన ‘మనబడి నాడు–నేడు’ పనులను అసంపూర్తిగా వదిలేసింది. దీంతో విద్యార్థులు అసౌకర్యాల నడుమ చదువులు సాగిస్తున్నారు. చాలా పాఠశాలల్లో నేలపైనే కూర్చొని పాఠాలు వింటున్నారు. భోజన శాలలు లేక ఆరుబయట మైదానంలోను, పాఠశాల వరండాల్లో భోజనాలు చేస్తున్నారు. ఇంటి వద్ద నుంచే భోజనం పల్లాలను ప్రతిరోజూ మోస్తున్నారు. పేద కుటుంబాల పిల్లల చదువుపై చంద్రబాబు సర్కారు కర్కశత్వంపై తల్లిదండ్రులు మండిపడుతున్నారు. ఇదీ పరిస్థితి.. జిల్లాలోని ప్రభుత్వ పాఠశాలల్లో సుమారు సుమారు 1.10 లక్షల మంది విద్యార్థులు చదువుతున్నారు. అధిక మంది విద్యార్థులు ఇంటివద్ద నుంచి తెచ్చుకున్న పల్లెంలోనే భోజనం చేస్తున్నారు. పాఠశాలల్లో భోజన శాలలు లేకపోవడంతో విద్యార్థులకు పల్లాలు మోత తప్పడం లేదు. మరోవైపు రాగిజావను సైతం ప్లేటులోనే పట్టి తాగుతున్నారు. గత వైస్సార్‌సీపీ ప్రభుత్వంలో దాతలు స్పందించి విద్యార్థులకు ప్లేట్లు, గ్లాసులు పంపిణీ చేశారు. ఐదేళ్లలో అవి పాడైపోవడంతో ఇప్పుడు ఇంటి వద్ద నుంచి పుస్తకాలతో పాటు బ్యాగులో పల్లెం పెట్టుకుని తెచ్చుకుంటున్నామని విదార్థులు చెబుతున్నారు. చిత్రంలో నేలపై కూర్చొని పాఠ్యాంశం వింటున్నది రామభక్షదపురం ప్రభుత్వ ఉన్నతపాఠశాల విద్యార్థులు. ఇక్కడ ఆరో తరగతి నుంచి పదో తరగతి వరకు 600 మంది విద్యార్థులు చదువుతున్నారు. వీరికి సుమారు 35 మంది ఉపాధ్యాయులు పాఠ్యాంశాలు బోధిస్తున్నారు. విద్యార్థులు కూర్చొనేందుకు ఏ తరగతి గదిలోనూ బెంచీలు లేవు. రోజంతా నేలపై కూర్చొనే పాఠాలు వింటున్నామంటూ విద్యార్థులు గోడువినిపిస్తున్నా పాలకులకు కనీసం పట్టడంలేదు. రామభద్రపురం ఉన్నత పాఠశాలలో మధ్యాహ్న భోజనం కోసం క్యూ కట్టిన విద్యార్థులుబ్యాగుతో పాటు ఇంటి వద్ద నుంచి తెచ్చుకుంటున్న పల్లాలను చూపిస్తున్న రామభద్రపురంలోని చొక్కాపు వీధి ప్రాథమిక పాఠశాల పిల్లలు ప్రభుత్వ పాఠశాలల్లో సదుపాయాల కల్పనకు మొగ్గుచూపని చంద్రబాబు సర్కారు ఊరిబడిలో సదుపాయాలు కరువు నేలపైనే చదువులు, భోజనాలు ఆవేదనలో చిన్నారులు

చీపురుపల్లి: చంద్రబాబు ప్రభుత్వం రెండున్నరేళ్లలో రూ.4లక్షల కోట్లు అప్పుచేసింది.. ప్రజాసంక్షేమం, అభివృద్ధికి ఖర్చుచేయకుండా ఈ డబ్బులు ఏం చేసినట్టు... ఎవరికి దోచిపెట్టినట్టు.. టీడీపీ నీకెంత నాకెంత పాలన పోవాలన్నా... పేదలు గుర్తుకు రావాలన్నా ఓటు మార్చండి.. స్థానిక సంస్థల ఎన్నికల్లో ఫ్యాన్‌ గుర్తుకు ఓటేసి చంద్రబాబుకు కళ్లు తెరిపించండి అంటూ శాసనమండలి విపక్ష నేత బొత్స సత్యనారాయణ ఓటర్లను కోరారు. ఎన్నికల ప్రచారంలో ఆఖరి రోజైన మంగళవారం చీపురుపల్లి పట్టణంలోని మూడు రోడ్ల కూడలిలో ఏర్పాటు చేసిన బహిరంగ సభలో ఆయన మాట్లాడారు. టీడీపీ ఎన్నో హామీలిచ్చి అధికారంలోకి వచ్చి రెండున్నరేళ్లు గడిచినా హామీలు అమలు చేయలేదన్నారు. అందుకనే ఈ నెల 5న జరగనున్న ఎంపీటీసీ, జెడ్పీటీసీ ఎన్నికల్లో వైఎస్సార్‌సిపి అభ్యర్థులను గెలిపించి చంద్రబాబుకు తగిన బుద్ధిచెప్పాలన్నారు. మూడేళ్లలో టీడీపీ ప్రభుత్వం చేస్తున్న అరాచకాలు, దుర్మార్గాలు, అన్యాయాలను వ్యతిరేకించాలంటే స్థానిక సంస్థల ఎన్నికల్లో వైఎస్సార్‌సీపీ అభ్యర్థులు గెలవాలన్నారు. జిల్లాలో అన్ని చోట్లా ఎంపీటీసీ, జెడ్పీటీసీ అభ్యర్థులను గెలిపించుకున్నప్పుడే ఇక్కడున్న ఎమ్మెల్యేలు చంద్రబాబు దగ్గరకు వెళ/్ల టీడీపీ సినిమా అయిపోయిందని చెబుతారన్నారు. డ్వాక్రా మహిళల కోసం మహానేత వైఎస్సార్‌ పావలా వడ్డీ పథకాన్ని అమలు చేశారని, మరొకడగు ముందుకేసిన జగన్‌మోహన్‌రెడ్డి సున్నా వడ్డీ పథకాన్ని తీసుకొచ్చినట్లు గుర్తు చేశారు. ప్రస్తుత టీడీపీ ప్రభుత్వం మూడేళ్లలో ఒక్క రూపాయి వడ్డీ కూడా మహిళలకు తిరిగి ఇచ్చిందా చెప్పాలని ప్రశ్నించారు. రూ.4 లక్షలు కోట్లు అప్పులు తీసుకొచ్చింది ఎవరి కోసమో చెప్పాలని డిమాండ్‌ చేశారు. కేవలం దోపిడీ కోసమే అప్పులు తెస్తున్నారన్నారు. నిత్యావసర సరుకులు ధరలు ఆకాశానికి పెరిగిన నేపథ్యంలో ప్రభుత్వం కనీసం స్పందించని దుస్థితి నెలకొందన్నారు. వ్యాపారులు ఆలోచన చేయాలి రెండు దశాబ్దాల తమ పరిపాలనలో వ్యాపారులకు ఎప్పుడైనా ఇబ్బందులు కలిగాయా లేదో ఆలోచన చేయాలని బొత్స కోరారు. టీడీపీ హయాంలో ఎన్ని అవస్థలు పడుతున్నారో గుర్తుచేసుకోవాలన్నారు. పరిపాలన అంతా పోలీస్‌ స్టేషన్‌లోనే... సాధారణంగా పరిపాలన తహసీల్దార్‌, ఎంపీడీఓ కార్యాలయాల్లో జరుగుతుందని, కానీ టీడీపీ ప్రభుత్వంలో పోలీస్‌స్టేషన్‌లో పరిపాలన జరుగుతుండడం విడ్డూరంగా ఉందన్నారు. ఏ తప్పు చేయని వారిపై కేసులు నమోదు చేసి హింసించి, భయపెట్టి పరిపాలన సాగిస్తుండడం అన్యాయమన్నారు. పేదలు తమ పనుల కోసం చేతులు తడపాల్సిన దుస్థితి నెలకొందన్నారు. ఇలాంటి దుర్భరమైన సందర్భాలు నుంచి బయిటపడాలంటే స్థానిక సంస్థల ఎన్నికల్లో వైఎస్సార్‌సీపీ అభ్యర్థులను గెలిపించుకోవాలన్నారు. ఎంపీటీసీలలో పాటు చీపురుపల్లి జెడ్పీటీసీగా బెల్లాన వంశీకృష్ణను గెలిపించాలని కోరారు. కార్యక్రమంలో వైఎస్సార్‌సీపీ జిల్లా అధ్యక్షుడు బెల్లాన చంద్రశేఖర్‌, మాజీ ఎంపీపీ ఇప్పిలి వెంకటనర్శమ్మ, వైఎస్సార్‌సీపీ జిల్లా ప్రధాన కార్యదర్శి ఇప్పిలి అనంతం, పార్టీ మండలాధ్యక్షుడు మీసాల వరహాలనాయుడు, జెడ్పీటీసీ అభ్యర్థి బెల్లాన వంశీకృష్ణ, తదితరులు పాల్గొన్నారు. అంతకుముందు ఇప్పిలి వెంకటనర్శమ్మ, అనంతం దంపతుల ఆధ్వర్యంలో వారి నివాసం నుంచి బయిలుదేరిన ర్యాలీ లావేరురోడ్‌, కొత్త గవిడివీధి, శివరాం రోడ్‌, మెయిన్‌రోడ్‌ మీదుగా మూడు రోడ్ల కూడలి వరకు సాగింది. అప్పుల బాబుకు ఓటుతో కళ్లుతెరిపించండి టీడీపీది నీకెంత నాకెంత పాలన పేదలు గుర్తుకు రావాలంటే ఓటు మార్చండి 30 ఏళ్లుగా నిస్వార్థ సేవలు అందించాను నమ్మితే వైఎస్సార్‌సీపీ అభ్యర్థులకు మద్దతు ఇవ్వండి శాసనమండలి విపక్ష నేత బొత్స సత్యనారాయణ

సాలూరు: పరిషత్‌ ఎన్నికల వేళ ఆంధ్రా, ఒడిశా వివాదాస్పద కొఠియా గ్రామాల్లో తీవ్ర ఉద్రిక్త పరిస్థితులు నెలకొంటున్నాయి. వివాదాస్పద కొఠియా గ్రూప్‌ గ్రామాలకు ఎన్నికల భద్రత కోసం వెళ్లిన ఏపీ పోలీసులను ఒడిశా పోలీసులు అడ్డుకున్నారు. దీంతో కొఠియా సరిహద్దు గ్రామాల వద్ద తీవ్ర ఉద్రిక్త వాతావరణం నెలకొంది. ఆంధ్రాలో పరిషత్‌ ఎన్నికలు గురువారం జరగనున్నాయి. ఎప్పటిలాగానే కొఠియా గ్రూప్‌ గ్రామాల్లోను ఈ ఎన్నికలు నిర్వహించడానికి అధికారులు సిద్ధమయ్యారు.ఈ ఎన్నికలను అడ్డుకోవడానికి ఒడిశా ప్రభుత్వం విశ్వప్రయత్నాలు చేస్తోంది. గడిచిన వారం రోజులు ముందుగానే కొఠియా గ్రామాలకు ముఖద్వారమైన నేరెళ్లవలస సంతవద్ద ఒడిశా పోలీసులు అవుట్‌పోస్ట్‌ పెట్టారు. ఈ నేపథ్యంలో సోమవారం ఆంధ్రా ప్రభుత్వానికి సంబంధించిన రేషన్‌ బియ్యం లారీని సైతం అడ్డుకున్నారు. ఎన్నికల నిర్వహణలో భాగంగా భద్రత కోసం వెళ్తున్న కొఠియా సీఐ దశరథ్‌, ప్రత్యేక బృందం ఏఎస్సై సత్యనారాయణ తదితరులను మంగళవారం ఒడిశా పోలీసులు నేరెళ్లవలస వద్ద బారికేడ్లు అడ్డుగా పెట్టి నిలువరించారు. దీంతో ఇరు రాష్ట్రాల పోలీసుల మధ్య వాగ్వాదం జరిగింది. ఇది స్టేటస్‌కో అమలులో ఉన్న ప్రాంతమని, మేమెప్పుడూ ఎన్నికలు నిర్వహిస్తున్నామని, ఇప్పుడు ఎన్నికలు నిర్వహిస్తే మీ అభ్యంతరం ఏమిటని కొఠియా సీఐ దశరథ్‌ ఒడిశా పోలీసులను ప్రశ్నించారు. కాగా ఆంధ్రా పోలీసులను అడ్డుకోవడంతో స్థానిక పరిసర కొఠియా గ్రూప్‌ గ్రామాలైన దొర్లతాడివలస, మూలతాడివలస, నేరెళ్లవలస తదితర గ్రామాల ప్రజలు పెద్ద ఎత్తును సంఘటనా స్దలానికి చేరుకుని ఒడిశా పోలీసులపై ఆగ్రహం వ్యక్తం చేశారు. బారికేడ్లు తొలగించి, ఒడిశా గోబ్యాక్‌ గో బ్యాక్‌ అంటూ పెద్ద ఎత్తున నినాదాలు చేశారు. దీంతో ఒడిశా పోలీసులు వారి ఉన్నతాధికారులకు సమాచారం ఇవ్వడంతో పెద్ద ఎత్తున పోలీసులు, వారి వెంట కొందరు ఒడిశా వాసులు వచ్చారు. వారు ఆంధ్రా పోలీస్‌ గో బ్యాక్‌ అంటూ నినాదాలు చేశారు. ఈ క్రమంలో కొద్దిసేపు తోపులాట జరిగింది. సంయమనం పాటించినప ఆంధ్రా పోలీసులు అధిక సంఖ్యలో ఒడిశా పోలీసులు ఉండడం, స్వల్ప సంఖ్యలో ఆంధ్రా పోలీసులు ఉండడంతో ఆంధ్రా పోలీసులు సంయమనం పాటించారు. ఇది ఒడిశా భూభాగమని ఇక్కడ ఎన్నికలు నిర్వహించరాదంటూ ఒడిశా వాసులు నినాదాలు చేశారు. ఈ విషయాన్ని ఆంధ్రా పోలీసులు వారి ఉన్నతాధికారులకు తెలియచేయడంతో ఆంద్రా నుంచి ప్రత్యేక బలగాలు నేరెళ్లవలసకు చేరుకున్నాయి. ఎడతెరిపిలేకుండా కురుస్తున్న వర్షంలో తడుస్తూనే ఇరు రాష్ట్రాల పోలీసులు, అధికారులు ఉన్నారు. ఒడిశా నుంచి కొరాపుట్‌ సబ్‌కలెక్టర్‌ హబిరషీధ్‌, ఆంధ్రా నుంచి పార్వతీపురం సబ్‌కలెక్టర్‌ సచిన్‌ అర్చిత్‌ రహార్‌, డీఎస్పీ శేషయ్యలు మంగళవారం రాత్రి సంఘటనా స్థలానికి చేరుకుని చర్చలు జరుపుతున్నారు. స్వేచ్ఛగా ఓటు వేసేలా చేయాలి ఒడిశా అధికారులు, ప్రజాప్రతినిధులు దూకుడుగా ఉన్న నేపథ్యంలో ఆంధ్రా ప్రజాప్రతినిధులు కనీసం పట్టించుకోవడం లేదని ఈ గ్రామాల గిరిజనులు ఆందోళన వ్యక్తంచేస్తున్నారు. పూర్తిస్థాయిలో తమకు భద్రత కల్పించి, స్వేచ్ఛాయుత వాతావరణంలో ఓటు హక్కు వినియోగించుకునేలా తగు చర్యలు తీసుకోవాలని ఆంధ్రా ప్రభుత్వాన్ని కొఠియా గ్రూప్‌ గ్రామాల గిరిజనులు కోరుతున్నారు. ఎప్పుడు ఏం జరుగుతుందోనని భయాందోళనకు గురవుతున్నారు. ఏపీ పోలీసులను అడ్డుకున్న ఒడిశా పోలీసులు ఆంధ్రా, ఒడిశా పోలీసుల మధ్య తోపులాట ఒడిశా గో బ్యాక్‌..ఆంధ్రా గో బ్యాక్‌ అంటూ ఇరు పక్షాల నినాదాలు

రణస్థలం: నారువ గ్రామానికి చెందిన నిద్రబంగి రాంబాబు (21) అనే యువకుడు రోడ్డు ప్రమాదంలో మంగళవారం మృతి చెందాడు. పోలీసులు తెలిపిన వివరాల ప్రకారం.. రాంబాబు స్వగ్రామం నుంచి ఆటోలో కోష్టా వస్తుండగా పైడిపేట శివాలయం సమీపంలో ఆటో బోల్తా పడింది. ఈ ఘటనలో రాంబాబుకు బలమైన గాయం కావడంతో రణస్థలం సీహెచ్‌సీకి తరలించారు. అక్కడి నుంచి మెరుగైన చికిత్స నిమిత్తం శ్రీకాకుళం తీసుకెళ్లగా అక్కడ చికిత్స పొందుతూ మృతి చెందాడు. రాంబాబుకు తల్లిదండ్రులు లక్ష్మీ, అసిరయ్య, తమ్ముడు గణేష్‌ ఉన్నారు. జె.ఆర్‌.పురం ఎస్సై వి.సత్యనారాయణ కేసు నమోదు చేసి దర్యాప్తు చేస్తున్నారు.

వజ్రపుకొత్తూరు రూరల్‌: చీపురుపల్లి పంచాయతీ డెప్పూరులో సోమవారం రాత్రి దొంగతనం జరిగింది. బాధిత కుటుంబ సభ్యులు తెలిపిన వివరాల మేరకు.. కాట నారాయణమ్మ వారం రోజుల క్రితం ముంబైలో ఉన్న కుమార్తె వద్దకు వెళ్లింది. ఇంట్లో ఎవరు లేకపోవడాన్ని గుర్తించిన దుండగులు కట్టర్‌ సాయంతో తలుపులను కట్‌ చేసి లోపలికి ప్రవేశించారు. బీరువా తలుపులు పగలుగొట్టి రూ.50 వేలు నగదు, బంగారం గొలుసు పట్టుకుపోయారు. బాధితరాలి తల్లి సీరం లోలాక్షి ఎప్పటిలాగే ఉదయం పూల కోసం కుమార్తె ఇంటి వైపు వచ్చి చూసేసరికి తలుపులు తెరిచి ఉండటాన్ని గమనించింది. ఇంట్లోకి వెళ్లి చూసేసరికి చోరీ జరిగినట్లు గుర్తించింది. అనంతరం పోలీసులకు సమాచారం అందించారు. కేసు నమోదు చేసి దర్యాప్తు చేస్తున్న ఎస్‌ఐ నీహార్‌ తెలిపారు. వివాహిత ఆత్మహత్య పాతపట్నం: తెంబూరు గ్రామంలోని కండ్రవీధికి చెందిన మండల శారద(23) ఈ నెల 2న ఇంట్లో గడ్డిమందు తాగింది. వెంటనే కుటుంబసభ్యులు ఆటోలో టెక్కలి ఆసుపత్రికి తరలించారు. మెరుగైన వైద్యం కోసం శ్రీకాకుళం రిమ్స్‌కు తీసుకెళ్లగా అక్కడ చికిత్స పొందుతూ మంగళవాం సాయంత్రం మృతి చెందినట్లు ఎస్‌ఐ కె.మధుసూదనరావు తెలిపారు. ఈమె భర్త మండల గిరీశ్వరరావు ఉపాధి కోసం విదేశాల్లో పనిచేస్తున్నారు. కుమార్తె మహాన్య, కుమారుడు మహాంత్‌ ఉన్నారు. అత్త పుష్పలత వేధింపులే కారణమంటూ మృతురాలు తల్లి గాయశ్రీ సావిత్రి ఆరోపిస్తున్నా. ఈ మేరకు కేసు నమోదు చేసి దర్యాప్తు చేస్తున్నామని ఎస్‌ఐ తెలిపారు.

విజయనగరం అర్బన్‌: మున్సిపల్‌ ఎన్నికల్లో అధికార పార్టీ అధికారాన్ని అడ్డం పెట్టుకొని ప్రలోభాలకు తెర తీసింది. నయానో భయానో ఓటర్లను తమ దారిలోకి తెచ్చుకునేందుకు విశ్వ ప్రయత్నాలు చేసింది. దీని ఫలితంగానే మెజార్టీ స్థానాలు దక్కించుకోగలిగింది. దీనికి తోడు పోలింగ్‌ ఉదయం నుంచి మందకొడిగా సాగినా.. చివరి నిమిషాల్లో అమాంతం పెరగడంపైనా అనుమానాలు ఉన్నాయి. వీటన్నిటి ఫలితమే.. మంగళవారం ప్రకటించిన ఎన్నికల ఫలితాలు కూటమి పార్టీలకు అనుకూలంగా రావడానికి కారణమని ప్రతిపక్ష నాయకులు ఆరోపిస్తున్నారు. ఎన్ని కుట్రలకు తెర తీసినా... కొన్నిచోట్ల వైఎస్సార్సీపీ అభ్యర్థులు బలమైన పోటీ ఇచ్చారు. విజయనగరం కార్పొరేషన్‌ మేయర్‌గా టీడీపీ అభ్యర్థి అవనాపు భార్గవి వైఎస్సార్‌సీపీ అభ్యర్థి కోలగట్ల శ్రావణిపై 18,407 ఓట్ల మెజార్టీతో విజయం సాధించారు. ఐదు రౌండ్లలో భార్గవికి 75,694 ఓట్లు రాగా, శ్రావణికి 57,287 ఓట్లు లభించాయి. అలాగే, బొబ్బిలి మున్సిపల్‌ చైర్‌పర్సన్‌గా టీడీపీకి చెందిన రాంబార్కి రేణుకాదేవి స్వప్న తన సమీప ప్రత్యర్థి, మాజీ మున్సిపల్‌ చైర్‌పర్సన్‌ తూముల అచ్యుతవల్లిపై 5,184 ఓట్ల మెజార్టీతో గెలుపొందారు. నెల్లిమర్ల నగరపంచాయతీ చైర్మన్‌గా స్వతంత్ర అభ్యర్థి లెంక అప్పలనాయుడు విజేతగా నిలిచారు. విజయనగరం కార్పొరేషన్‌, బొబ్బిలిలో టీడీపీ అభ్యర్థులు విజయం నెల్లిమర్లలో విజేతగా నిలిచిన స్వతంత్ర అభ్యర్థి ఫలించిన అధికారపార్టీ ప్రలోభాలు

పూసపాటిరేగ: పూసపాటిరేగ మండలం, బత్తివలస గ్రామ టీడీపీకి చెందిన 50 కుటుంబాల వారు వైఎస్సార్‌ సీపీలో మంగళవారం చేరారు. యువనేత బొత్స చైతన్య నేతృత్వంలో వారంతా పార్టీలో చేరగా వారందరికీ పార్టీ కండువాలు వేసి, సాదరంగా ఆహ్వానించారు. పార్టీలో చేరిన వారిలో సహదేవ లక్ష్మణ్‌, సహదేవ కనకంరాజు, తార బలరాం, లండ పైడిరాజు కుటుంబాలతో పాటు మరికొన్ని కుటుంబాలు ఉన్నాయి. రాష్ట్రంలో టీడీపీ ప్రభుత్వం సృష్టిస్తున్న దారుణాలు, అరాచకాలు చూసి, అందులో ఇమడలేకనే ప్రజల పక్షాన పోరాడే వైఎస్సార్‌ సీపీలోకి రావడం జరిగిందని వారు తెలిపారు. గతంలో వైఎస్సార్‌ సీపీ అధికారంలో ఉన్నప్పుడు జరిగిన అభివృద్ధి, సంక్షేమానికి ఆకర్షితులై భవిష్యత్‌లోనూ వైఎస్సార్‌ సీపీతోనే రాష్ట్ర సర్వతోముఖాభివృద్ధి, ప్రజాసంక్షేమమని భావించి పార్టీలో చేరడం జరిగిందన్నారు. పార్టీ అధిష్టానం మేరకు నడుచుకుంటామని, పార్టీని క్షేత్రస్థాయిలో బలోపేతం చేసేందుకు తమవంతు కృషి చేస్తామన్నారు. కార్యక్రమంలో వైఎస్సార్‌ సీపీ నాయకులు పడాల శ్రీధర్‌, గుజ్జు సురేష్‌రెడ్డి, మహంతి శ్రీనివాసరావు తదితరులు పాల్గొన్నారు.

● త్రుటిలో తప్పిన పెను ప్రమాదం ● అత్యవసర ద్వారం నుంచి బయటపడ్డ ప్రయాణికులుతుని రూరల్‌: కాకినాడ జిల్లా తుని మండలం తేటగుంట గ్రామ సమీపాన ముందు వెళ్తున్న లారీని ఆర్టీసీ బస్సు ఢీకొన్న ఘటనలో త్రుటిలో పెను ప్రమాదం తప్పింది. స్థానికుల కథనం ప్రకారం.. రావులపాలెం నుంచి పార్వతీపురం వెళ్తున్న ఆర్టీసీ బస్సు మంగళవారం తేటగుంట సమీపాన ముందు వెళ్తున్న లారీని ఢీకొని, అదుపు తప్పి జాతీయ రహదారి పక్కన ఉన్న కాలువలోకి ఒరిగిపోయింది. సాధారణ ద్వారం నుంచి బస్సు దిగే అవకాశం లేకపోవడంతో ప్రయాణికులు అత్యవసర ద్వారం, డ్రైవర్‌ సీటు పక్కన ఉన్న డోర్‌ నుంచి బయట పడ్డారు. ఈ ప్రమాదంలో ఎవరికీ గాయాలు కాలేదు. మురసు తుపాను ప్రభావంతో కురుస్తున్న వర్షంతో రహదారి కనిపించకపోవడం వల్ల ఈ ప్రమాదం జరిగినట్టు తెలుస్తోంది. ప్రయాణికులను కండక్టర్‌, డ్రైవర్లు ఇతర ఆర్టీసీ బస్సుల్లో గమ్యస్థానాలకు పంపించారు. ఈ సంఘటనపై ఫిర్యాదు అందకపోవడంతో కేసు నమోదు చేయలేదని తుని రూరల్‌ పోలీసులు తెలిపారు.

● మళ్లీ వైఎస్సార్‌సీపీలో చేరిన 200 కుటుంబాలురామభద్రపురం: గిరిజన గ్రామాల్లో బోర్లు తీస్తామని, రోడ్డు వేస్తామని, పింఛన్లు, ఇళ్లు మంజూరు వంటి సంక్షేమ పథకాలు ఇస్తామని టీడీపీ నాయకులు బొబ్బిలి కోటకు తీసుకెళ్లి ఎమ్మెల్యే బేబీనాయనతో పార్టీ కండువాలు వేయించి మోసం చేశారని మండలంలోని రావివలస, ఆర్‌. చింతలవలస, ఎనుబరువు గ్రామాలకు చెందిన గిరిజన ప్రజలు ఆవేదన వ్యక్తంచేశారు. బోర్లు ఎప్పుడు వేస్తారని అడిగితే టీడీపీ నాయకులు మాట్లాడడం లేదని ఆవేదన వ్యక్తంచేశారు.టీడీపీ నాయకుల మాటలు నమ్మి కండువాలు వేసుకుని మోసపోయామని, ఇక నుంచి అలా జరగకుండా వైఎస్‌ఆర్‌సీపీకి మద్దతు ఇస్తూ మీ వెంట నడుస్తామని చెప్పారు. దీంతో రావివలస పచాయతీ తాజా మాజీ సర్పంచ్‌ సోముల కుమారి ఆధ్వర్యంలో మంగళవారం రావివలస, ఆర్‌ చింతలవలస, ఎనుబరువు గ్రామాల్లో 200 కుటుంబాలు మళ్లీ వైఎస్సార్‌సీపీలో చేరాయి. వారందరికీ మాజీ సర్పంచ్‌ కుమారి పార్టీ కండువాలు వేసి పార్టీలోకి ఆహ్వానించారు.దుంబిరి లక్ష్మి, పేటూరి సీతమ్మ, రూడిజన్ని లావణ్య, దుంబిరి పెద్దమ్మి తదితరులు పార్టీలో చేరిన వారిలో ఉన్నారు. కార్యక్రమంలో మీసాల రామారావు, మరడ అప్పారావు, రైతు తవుడు తదితరులు పాల్గొన్నారు.

● పార్టీలోకి ఆహ్వానించిన బొబ్బిలి మాజీ ఎమ్మెల్యే శంబంగితెర్లాం: మండలంలోని ఉద్దవోలు గ్రామంలో పలు కుటుంబాల వారు టీడీపీని వీడి బొబ్బిలి మాజీ ఎమ్మెల్యే శంబంగి వెంకట చినఅప్పలనాయుడు సమక్షంలో వైఎస్సార్‌సీపీలో మంగళవారం చేరారు. గ్రామానికి చెందిన వైఎస్సార్‌సీపీ నాయకుల ఆధ్వర్యంలో వారంతా టీడీపీని వీడి వైఎస్సార్‌సీపీలో చేరినట్లు ప్రకటించారు. పార్టీలో చేరిన వారందరికీ వైఎస్సార్‌సీపీ కండువాలు వేసి బొబ్బిలి మాజీ ఎమ్మెల్యే పార్టీలోకి ఆహ్వానించారు. ఈ సందర్భంగా ఆయన మాట్లాడుతూ ఎన్నో ఏళ్లుగా టీడీపీలో ఉంటూ పార్టీ అభివృద్ధికి కష్టపడి పనిచేసిన నాయకులు, కార్యకర్తలు కూటమి ప్రభుత్వంపై ఉన్న వ్యతిరేకతతోనే వైఎస్సార్‌సీపీలో చేరారన్నారు. టీడీపీని వీడి వైఎస్సార్‌ సీపీలో చేరిన ప్రతి ఒక్కరికీ ఎల్లప్పుడూ అండగా ఉంటామని ఆయన తెలిపారు. పార్టీలో చేరిన వారంతా గ్రామంలో వైఎస్సార్‌సీపీని బలోపేతం చేసేందుకు తమవంతు కృషి చేస్తామని, ఈనెల 5న జరగనున్న స్థానిక సంస్థల ఎన్నికల్లో తెర్లాం జెడ్పీటీసీ అభ్యర్ధి బొమ్మి శ్రీనివాసరావును, ఉద్దవోలు ఎంపీటీసీ అభ్యర్ధి పలగర లక్ష్మిని అత్యధిక మెజార్టీతో గెలిపించేందుకు కష్టపడి పనిచేస్తామని వారంతా అన్నారు. కార్యక్రమంలో పార్టీ మండల నాయకులు, ఉద్దవోలు గ్రామ వైఎస్సార్‌సీపీ నాయకులు, కార్యకర్తలు పాల్గొన్నారు.

రాజాం: ‘బడుగుబలహీన వర్గాలకు చెందిన వారికి 50 ఏళ్లకే వృద్ధాప్య పింఛన్‌... వలంటీర్లకు నెలకు రూ.10వేలు జీతం.. నిరుద్యోగులకు ఉద్యోగం వచ్చేవరకు నెలకు రూ.3వేలు చొప్పున నిరుద్యోగ భృతి... ఆడబిడ్డ నిధి కింద నెలకు రూ.1500 చొప్పున మహిళలకు ఆర్థిక లబ్ధి.. రైతన్నకు సాగుసాయం... పేదలందరికీ ఇళ్లు’.. అంటూ ప్రస్తుత సీఎం చంద్రబాబు, కూటమి నేతలు ఎన్నికల సమయంలో హామీలిచ్చారు. పల్లె, పట్టణ ప్రజలను నమ్మించారు. తీరా అధికారంలోకి వచ్చాక వీటిలో ఏ ఒక్క హామీని అమలు చేయలేదు. రెండున్నరేళ్లుగా ఏ ఒక్క పథకమూ మంజూరుచేయలేదు. హామీలు నమ్మి ఓట్లేసిన జనాన్ని మోసం చేశారు. అబద్ధాలతో నిలువునా ముంచేశారు. చంద్రబాబును నమ్మి పోయాం మోసం అంటూ ఇప్పుడు ఓటర్లు ఆవేదన చెందుతున్నారు. స్థానిక ఎన్నికలవేళ గ్రామాల్లో కూటమి నాయకులు, కార్యకర్తలు ఇస్తున్న హామీలు వింటూ.. పార్టీ పెద్దలే హామీలు అమలుచేయకపోతే చిన్నచిన్న కార్యకర్తలు, నాయకుల మాటలు ఎలా నమ్ముతా మని బాహాటంగానే విమర్శిస్తున్నారు. ● అటకెక్కిన ఇంటివద్దకే బియ్యం పథకం జిల్లా వ్యాప్తంగా 5,71,228 రేషన్‌ కార్డుదారులకు 430 ఎండీయూ వాహనాలతో ఇంటివద్దకే గత ప్రభుత్వం బియ్యం అందజేసేది. మరోవైపు వాహన డ్రైవర్లకు ఉపాధి కల్పించింది. చంద్రబాబు ప్రభుత్వం వచ్చాక ఎండీయూ వాహన వ్యవస్థను రద్దుచేయడంతో వందలాది మంది నిరుద్యోగులుగా మారారు. వారి కుటుంబాలకు ఉపాధి కరువైంది. మరోవైపు రేషన్‌ కోసం మళ్లీ పూర్వపు రోజులు పునరావృతమయ్యాయి. పనులు మానుకుని డిపోలకు పరుగుతీయాల్సి వస్తోంది. ● ఊరించి.. ఉసూరుమనిపించి అధికారంలోకి వచ్చిన వెంటనే మహిళలకు ఆడబిడ్డ నిధి కింద నెలకు రూ.1500 ఇస్తామని చంద్రబాబు హామీ ఇచ్చారు. రెండున్నరేళ్లలో ఒక్కరూపాయి కూడా ఇవ్వలేదు. జిల్లా వ్యాప్తంగా 7.50 లక్షల మంది అర్హులైన ఆడబిడ్డలను మోసం చేశారు. ఆశపెట్టి మోసం చేశారు.. పార్టీలకు అతీతంగా గ్రామ, వార్డు వలంటీర్లకు నెలకు రూ.10 వేలు ఇస్తామని సీఎం చంద్రబాబు ఎన్నికల ముందు ప్రకటించారు. నిజమేనని నమ్మాం. తీరా అధికారంలోకి వచ్చిన వెంటనే వ్యవస్థను రద్దుచేసి ఉపాధిలేకుండా చేశారు. నిలువునా ముంచేశారు. – రేగిడి రాజు, మాజీ గ్రామ వలంటీర్‌, వాసుదేవపట్నం, సంతకవిటి మండలం చంద్రబాబును నమ్మరాదు చంద్రబాబును నమ్మరాదు. నిరుద్యోగులను నిలువునా ముంచేశారు. గత ప్రభుత్వం లక్షలాది సచివాలయ ఉద్యోగాలు భర్తీచేసింది. ఈ ప్రభుత్వం ఉద్యోగాలు ఇవ్వకపోగా, ఇస్తామన్న నెలకు రూ.3వేలు నిరుద్యోగ భృతి అందజేయడంలేదు. ఫీజు రీయింబర్స్‌మెంట్‌ చెల్లించకపోవడంతో డిగ్రీ పాసైనా సర్టిఫికెట్లు ఇవ్వడం లేదు. ఇంత మోసకారి ప్రభుత్వాన్ని ఎన్నడూ చూడలేదు. – కడగల భీమేశ్వరరావు, ఎమ్‌బీఏ, ఎల్‌ఎల్‌బీ, రాజాం ఆడబిడ్డలకు కన్నీరు.. గత ప్రభుత్వం అడగకుండానే మహిళలకు సంక్షేమ పథకాలు అందజేసింది. ఆర్థిక కష్టాలను దూరం చేసింది. ప్రస్తుత చంద్రబాబు ప్రభుత్వం కొత్త పింఛన్లు మంజూరు చేయడంలేదు. ఆడబిడ్డ నిధి కింద ఇస్తామన్న రూ.1500 అందజేయడం లేదు. ఆసరా, చేయత పథకాలను అటకెక్కించారు. డ్వాక్రా వడ్డీ మాఫీ మాటే లేదు. ఈ ప్రభుత్వాన్ని ఏమని దూషించాలో తెలియడం లేదు. ఎన్నికల్లో జనం బుద్ధిచెప్పడం ఖాయం. – ఎలిగింటి తేజేశ్వరి, సంకిలి, రేగిడి మండలంఉమ్మడి విజయనగరం జిల్లాలో గత వైఎస్సార్‌సీపీ ప్రభుత్వ హయాంలో గ్రామ, వార్డు వలంటీర్‌ వ్యవస్థతో నిరుద్యోగ యువతకు కొంతమేర ఉపాధి లభించింది. జిల్లా వ్యాప్తంగా 10,200 మంది గ్రామ, వార్డు వలంటీర్లు ప్రభుత్వానికి ప్రజలకు మధ్య వారధిగా పనిచేస్తూ నెలకు రూ.5వేల గౌరవ వేతనంలో జీవనం సాగించేవారు. ఉత్తమ సేవలందిస్తూ సేవా వజ్ర, సేవా రత్న, సేవా మిత్ర అవార్డులకు ఎంపికై నగదు ప్రోత్సాహకాలు అందుకునేవారు. వీరందరికీ చంద్రబాబు నెలకు రూ.10వేలు ఇస్తామని చెప్పి నమ్మించారు. తీరా అధికారంలోకి వచ్చాక వలంటీర్‌ వ్యవస్థను రద్దుచేసి అందరినీ రోడ్డున పడేశారు. పెరుగుతున్న నిరుద్యోగిత.. గత జనగ్‌మోహన్‌రెడ్డి ప్రభుత్వం ఒకేసారి రాష్ట్ర వ్యాప్తంగా సచివాలయ వ్యవస్థను అందుబాటులోకి తెచ్చి 1.60 లక్షల మంది నిరుద్యోగులకు ఉద్యోగ అవకాశాలు కల్పించింది. ఈ ఉద్యోగ విప్లవంతో నిరుద్యోగులు ఉద్యోగులుగా మారడమే కాకుండా ఓ ఇంటివారయ్యారు. ఇప్పుడు ఆ పరిస్థితి మారిపోయింది. గత రెండున్నరేళ్లుగా సరైన ఉద్యోగనోటిఫికేషన్ల కోసం ఎదురుచూస్తున్నా నిరాశే ఎదురవుతోంది. జిల్లాలో నిరుద్యోగ సమస్య పెరుగుతోంది. జిల్లా వ్యాప్తంగా ఎంప్లాయ్‌మెంట్‌ కార్యాలయంలో 90 వేల మంది నిరుద్యోగులు నమోదుకాగా, అనధికారికంగా మరో 3 లక్షలు మంది ఉన్నారు. నిరుద్యోగులకు ఇస్తామన్న నిరుద్యోగ భృతిని కూడా చంద్రబాబు ప్రభుత్వం చెల్లించకపోవడంతో అవస్థలు తప్పడంలేదు. రూ.10వేలు అన్నారు.. పంగనామాలు పెట్టారు... ఇచ్చిన హామీలు అమలుచేయని చంద్రబాబు ప్రభుత్వం వలంటీర్లకు నెలకు రూ.10వేలు ఇస్తామని వ్యవస్థనే రద్దు చేశారు.. ఆడబిడ్డ నిధి అందించేదెప్పుడు? కొత్త పింఛన్లు లేవు.. నిరుద్యోగ భృతి అందదు.. ఉద్యోగ నోటిఫికేషన్లకు తప్పని ఎదురుచూపు

● నవంబర్‌ 5న ఉద్యోగులు, కార్మికులకు పెయిడ్‌ హాలిడేపార్వతీపురం: జిల్లాలో ఎంపీటీసీ, జెడ్పీటీసీ ఎన్నికలు జరిగే ప్రాంతాల్లో నవంబ ర్‌ 5న దుకాణాలు, వాణిజ్య సంస్థలు, ఇతర సంస్థల్లో పనిచేసే ఉద్యోగులు, కార్మికులకు వేతనంతో కూడిన సెలవు ప్రకటించినట్లు కలెక్టర్‌, జిల్లా ఎన్నికల అధికారి డా. ఎన్‌. ప్రభాకరరెడ్డి తెలిపారు. కార్మిక శాఖ ఉత్తర్వులను యజమానులు తప్పనిసరిగా అమలు చేయాలని సూచించారు. ఓటర్లు స్వేచ్ఛగా తమ ఓటు హక్కును వినియోగించుకునేందుకు ఈ వెసులుబాటు కల్పించినట్లు తెలిపారు. ఎన్నికల వేళ మద్యం దుకాణాల మూసివేత జిల్లాలో మున్సిపల్‌, ఎంపీటీసీ, జెడ్పీటీసీ ఎన్నికల నేపథ్యంలో మద్యం విక్రయాలపై ఆంక్షలు విధిస్తున్నట్లు కలెక్టర్‌ డా. ఎన్‌. ప్రభాకరరెడ్డి తెలిపారు. నవంబర్‌ 3న ఓట్ల లెక్కింపు సందర్భంగా పార్వతీపురం, సాలూరు, పాలకొండ పరిధిలో మద్యం దుకా ణాలు, బార్లు, కల్లు దుకాణాలు మూసివేయాలని తెలిపారు. అలాగే ఎంపీటీసీ, జెడ్పీటీసీ పోలింగ్‌ నేపథ్యంలో నవంబర్‌ 3 సాయంత్రం 5గంటల నుంచి 5వ తేదీ సాయంత్రం 5 గంటల వరకు పోలింగ్‌ పరిధిలో మద్యం విక్రయాలు నిషేధమన్నారు. నవంబర్‌ 7న కౌంటింగ్‌ కేంద్రాల చుట్టూ ఐదు కిలోమీటర్ల పరిధిలోను మద్యం దుకాణాలు మూసివేయాలని స్పష్టం చేశారు. నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు. అక్రమంగా మద్యం అమ్మకాల సమాచారం ఫోన్‌ 8987389271 నంబర్‌కు తెలియజేయాలని కోరారు.

నెల్లిమర్ల రూరల్‌: మండలంలోని అలుగోలు ఎంపీటీసీ సెగ్మెంట్‌ పరిధిలో టీడీపీకి చెందిన 20 కుటుంబాలు సోమవారం వైఎస్సార్‌సీపీలో చేరాయి. మాజీ ఎంపీ బొత్స ఝాన్సీలక్ష్మి, వైఎస్సార్‌సీపీ నెల్లిమర్ల నియోజకవర్గ సమన్వయకర్త గదల సన్యాసినాయుడు, మాజీ వైస్‌ ఎంపీపీ సారిక వైకుంఠంనాయుడు సమక్షంలో నక్కెల్ల రామస్వామి, నక్కెల్ల సంతోష్‌, గౌరి, గోపి, మణి, కిల్లాన సూర్యనారాయణ, గూన పండు, అలుగోలు సూర్యనారాయణ, లక్ష్మి తదితరులు వైఎస్సార్‌సీపీలో చేరారు. ఈ సందర్భంగా మాజీ ఎంపీ బొత్స ఝాన్సీ మాట్లాడుతూ..కూటమి ప్రభుత్వంలో సామాన్యుడి బతుకు అగమ్యగోచరంగా మారిందని, నిత్యావసర ధరలు ఆకాంశాన్ని అంటాయన్నారు. వైఎస్‌ జగన్‌ ప్రభుత్వంలో అన్ని వర్గాల ప్రజలకు న్యాయం జరిగిందని, ప్రతి ఇంట్లో సంక్షేమ వెలుగులు నిండాయని గుర్తు చేశారు. నేడు ఆ పరిస్థితి ఎక్కడా లేదని..సంక్షేమాభివృద్ధి పాలన కావాలంటే వైఎస్సార్‌సీపీకి మద్దతు పలకాల్సిన అవసరం ఉందన్నారు. పార్టీలో చేరిన వారు పార్టీని క్షేత్రస్థాయిలో మరింత బలోపేతం చేయాలని, జెడ్పీపీటీసీ, ఎంపీటీసీ ఎన్నికల్లో ఫ్యాన్‌ గుర్తుపై ఓటు వేసి వైఎస్సార్‌సీపీ అభ్యర్థులను గెలిపించాలని పిలుపునిచ్చారు. కార్యక్రమంలో జెడ్పీటీసీ అభ్యర్థి మత్స విజయ, ఎంపీటీసీ అభ్యర్థి ఆల్తి రమణమ్మ, నాయకులు మత్స సత్యనారాయణ, ఆల్తి ఆదినారాయణ తదితరులు పాల్గొన్నారు.

● చంద్రబాబు ప్రభుత్వాన్ని విమర్శించిన శాసన మండలి విపక్షనేత బొత్స సత్యనారాయణ గుర్ల: అబద్ధపు హామీలతో నమ్మించి పేద ప్రజలను చంద్రబాబు ప్రభుత్వం మోసం చేసిందని శాసనమండలి విపక్షనేత బొత్స సత్యనారాయణ విమర్శించారు. గుర్ల మండలం పెద్దబంటుపల్లి, తెట్టంగి, కెల్లలో ఆయన సోమవారం ఎన్నికల ప్రచారం చేశారు. సంక్షేమ పథకాల అమలులో సర్కారు విఫలమైందన్నారు. రైతులకు ఎరువులు దొరకని దుస్థితి నెలకొందన్నారు. పార్టీలు మారిన వారి బెదిరింపులకు తలొగ్గద్దని, వైఎస్సార్‌సీపీలో ఉన్న ప్రతి నాయకుడు, కార్యకర్తకు అండగా ఉంటానని భరోసా ఇచ్చారు. జెడ్పీటీసీ అభ్యర్థి సంగం రెడ్డి వెంకటలక్ష్మి మాట్లాడుతూ గ్రామాలు అభివృద్ధి చేసి మాజీ మంత్రి బొత్స సత్యనారాయణ అడుగుజాడల్లో మనందరం నడుచుకుందామన్నారు. ప్రచారంలో వైఎస్సార్‌సీపీ రాష్ట్ర కార్యదర్శి కె.వి.సూర్యనారాయణ రాజు, పార్టీ మండలాధ్యక్షుడు పొట్నూరు సన్యాసినాయుడు, జెడ్పీటీసీ మాజీ సభ్యుడు శీర అప్పలనాయుడు, వరదా ఈశ్వరరావు, బెల్లాన బంగారునాయుడు, కేసలి అప్పారావు, స్థానిక నాయకులు కంకణాల రమణయ్య, గెడ్డపు సతీష్‌, బూర్లె అప్పలస్వామి, తదితరులు పాల్గొన్నారు. పెద్దబంటుపల్లి ఎన్నికల సభలో మాట్లాడుతున్న శాసనమండలి విపక్షనేతబొత్స సత్యనారాయణ

వంగర: మడ్డువలస గొర్లె శ్రీరాములునాయుడు ప్రాజెక్టుకు వరదపోటు పెరిగింది. రెండు రోజుల కిందట వరద ఉద్ధృతి తగ్గుముఖం పట్టడంతో అధికారులు ప్రాజెక్టు గేట్లు మూసివేశారు. మళ్లీ వర్షాలు కురుస్తుండడంతో సోమవారం 7వేల క్యూసెక్కుల నీరు ప్రాజెక్టులోకి చేరుతోంది. సువర్ణముఖి, వేగావతి నదుల నుంచి ప్రాజెక్టుకు నీటి ప్రవాహం పెరగడంతో రెండు గేట్లు ఎత్తి దిగువకు విడిచిపెడుతున్నారు. ప్రస్తుతం ప్రాజెక్టు వద్ద 64.69 మీటర్ల మేర నీటిమట్టం నమోదైందని ఏఈ నితిన్‌ తెలిపారు. పొగాకు ఉత్పత్తులకు దూరంగా ఉండండి విజయనగరం ఫోర్ట్‌: పొగాకు ఉత్పత్తులకు దూరంగా ఉండాలని డీఎంహెచ్‌ఓ ఎస్‌.జీవనరాణి తెలిపారు. నేషనల్‌ టొబొకో కంట్రోల్‌ ప్రొగ్రాంపై రూపొందించిన వాల్‌పోస్టర్‌ను జిల్లా వైద్య ఆరోగ్యశాఖ కార్యాలయంలో సోమవారం ఆవిష్కరించారు. పొగాకు ఉత్పత్తులను తినడం వల్ల కేన్సర్‌, పేగు సంబంధిత వ్యాధులు వచ్చే ప్రమాదం ఉందన్నారు. జిల్లాలో 60 రోజుల పాటు టొబొకో ప్రీ యూత్‌ క్యాంప్‌ కార్యక్రమం నిర్వహిస్తామన్నారు. కార్యక్రమంలో డీఎల్‌ఓ రాణి, రఘువంశి, తదితరులు పాల్గొన్నారు. కూటమి ధర్మాన్ని పాటించరా? ● బీజేపీకి సీటు కేటాయిస్తే టీడీపీ అభ్యర్థి ఎలా పోటీచేస్తారు? ● విజయనగరం అశోక్‌ బంగ్లావద్ద ఆందోళనకు దిగిన బీజేపీ కార్యకర్తలు విజయనగరం రూరల్‌: పూసపాటిరేగ మండలం రెల్లివలస ఎంపీటీసీ స్థానాన్ని కూటమి సీట్ల సర్దుబాటులో బీజేపీకి కేటాయించారు. అయితే, అక్కడ టీడీపీ తరఫున మరో అభ్యర్థి బరిలో నిలిచారు. ఇదెక్కడి అన్యాయమని, తక్షణమే బీజేపీ అభ్యర్థికి పోటీగా ఉన్న రెబెల్‌ అభ్యర్థిని టీడీపీ నుంచి సస్పెండ్‌ చేయాలంటూ బీజేపీ జిల్లా ప్రధాన కార్యదర్శి పతివాడ రాజేష్‌, పార్టీ కార్యకర్తలు విజయనగరం టీడీపీ జిల్లా కార్యాలయమైన అశోక్‌ బంగ్లా వద్ద సోమవారం ధర్నా చేశారు. కూటమి సీట్ల సర్దుబాటు ధర్మాన్ని తాము పాటిస్తున్నా టీడీపీ అభ్యర్థులు పాటించడంలేదంటూ ఆవేదన వ్యక్తంచేశారు.

● మున్సిపల్‌ ఓట్ల లెక్కింపునకు ఏర్పాట్లు పూర్తి ● పీఠం ఎవరిదో తేలే క్షణం.. సాక్షిప్రతినిధి,విజయనగరం: ఉత్తరాంధ్ర రాజకీయాల్లో అత్యంత ప్రాధాన్యత సంతరించుకున్న విజయనగరం మున్సిపల్‌ కార్పొరేషన్‌తో పాటు బొబ్బిలి మున్సిపాలిటీ, నెల్లిమర్ల నగర పంచాయతీ ఎన్నికల ఓట్ల లెక్కింపునకు వేళయింది. నగరం, పట్టణాల అధికార పీఠాన్ని ఏ పార్టీ కై వసం చేసుకుంటుందో, ఓటర్లు ఎవరికి పట్టం కట్టారో తేల్చే నిర్ణయాత్మక ఘడియలు వచ్చేశాయి. కొన్నివారాలుగా నిద్రలేని రాత్రులు గడుపుతూ సుదీర్ఘ ప్రచార పర్వాన్ని ముగించుకున్న అభ్యర్థుల గుండెల్లో కౌంటింగ్‌ గంట మోగుతున్న కొద్దీ దడపెరుగుతోంది. ఉదయం నుంచే కౌంటింగ్‌ కేంద్రాల వద్ద ఓట్ల లెక్కింపు వేగవంతంగా సాగనుండగా, సాయంత్రం 5 గంటల నాటికి నగరపాలక పీఠం ఎవరిదో పూర్తి స్పష్టత రానుంది. ఉత్కంఠత.. సుదీర్ఘంగా సాగిన ఎన్నికల ప్రక్రియ తుది ఘట్టానికి చేరుకోవడంతో విజయనగరం మున్సిపల్‌ కార్పొరేషన్‌లో సర్వత్రా ఉత్కంఠ వాతావరణం నెలకొంది. నగరంలో మొత్తం 2,23,050 మంది నమోదిత ఓటర్లు ఉండగా, అందులో 1,39,929 మంది తమ ఓటు హక్కును వినియోగించుకుని అభ్యర్థుల భవిష్యత్తును నిర్ణయించారు. ప్రత్యక్ష పద్ధతిలో జరుగుతున్న ఈ ఎన్నికల్లో నగర మేయర్‌ పీఠం కోసం మొత్తం ఏడుగురు అభ్యర్థులు బరిలో నిలవగా, నగరంలోని 62 డివిజన్ల పరిధిలో బరిలోకి దిగిన కార్పొరేటర్‌ అభ్యర్థులు తమ అదృష్టాన్ని పరీక్షించుకుంటున్నారు. వీరి భవితవ్యమంతా ప్రస్తుతం కౌంటింగ్‌ కేంద్రాల్లోని బ్యాలెట్‌ పెట్టెలలోనే నిక్షిప్తమై ఉంది. 1.39 లక్షల మంది ఓటర్లు ఇచ్చిన తీర్పు సాయంత్రానికి వెల్లడికానుండడంతో ప్రతి డివిజన్‌లోని అభ్యర్థుల్లో ఆందోళన, ఆసక్తి పరాకాష్ఠకు చేరాయి. ఎవరి ధీమా వారిదే... విజయనగరం మున్సిపల్‌ కార్పొరేషన్‌ పోరుపై రాజకీయ విశ్లేషకులు కూడా ఒక కచ్చితమైన అంచనాకు రాలేకపోతున్నారు. అధికార పక్షానికి ఎక్కడా తగ్గకుండా ప్రతిపక్ష వైఎస్సార్‌ కాంగ్రెస్‌ పార్టీ అంతే ధీటుగా పోటీ ఇచ్చినట్లు క్షేత్రస్థాయి విశ్లేషణలు చెబుతున్నాయి. విజయావకాశాలు చాలా తక్కువ ఓట్ల వ్యత్యాసంతోనే తేలనున్నాయని, స్వల్ప ఆధిక్యతతోనే గెలుపోటములు ఆధారపడి ఉంటాయని అంచనా వేస్తున్నారు. కౌంటింగ్‌ చివరి రౌండ్‌ వరకు విజేత ఎవరనేది ఊహించడం కష్టమేనని, ఒక్కో ఓటు అత్యంత ప్రాధాన్యతను సంతరించుకుందని రాజకీయ పండితులు వ్యాఖ్యానిస్తున్నారు. పోలింగ్‌ నాటి నుంచే నగరంలో రాజకీయం వేడెక్కింది. ప్రధాన పార్టీల నాయకులు, కార్యకర్తలు వాడవాడలా ఎవరి గెలుపుపై వారు ధీమా వ్యక్తం చేస్తుండగా, సామాన్య పురప్రజలు మాత్రం ఫలితాలను ఆసక్తిగా గమనిస్తున్నారు. కౌంటింగ్‌ కేంద్రం వద్ద ఎలాంటి అవాంఛనీయ సంఘటనలు జరగకుండా అధికారులు భారీ పోలీస్‌ బందోబస్తును ఏర్పాటు చేశారు. సాయంత్రం 5 గంటలలోపే నగరానికి రాబోయే కొత్త మేయర్‌ ఎవరు, 62 డివిజన్లను ఏ పార్టీ కై వసం చేసుకుంటుంది అనేది పూర్తిస్థాయిలో తేలిపోనుంది. లెక్కింపు ఇలా...విజయనగరం అర్బన్‌/విజయనగరం: మున్సిపల్‌ ఎన్నిక ఫలితాలు వెల్లడికి రంగం సిద్ధమైంది. విజయనగరం నగరపాలక సంస్థ, బొబ్బిలి మున్సిపాలిటీ, నెల్లిమర్ల నగర పంచాయితీల్లో ఓట్ల లెక్కింపు, ఫలితాలు త్వరిత గతిన వెల్లడించేందుకు ప్రత్యేక కౌంటింగ్‌ టేబుళ్లు, సిబ్బందిని నియమించారు. ప్రతి టేబుల్‌కు నలుగురు సిబ్బంది చొప్పున విధులు కేటాయించారు. మూడు చోట్ల మూడు రకాలుగా... విజయనగరం నగరపాలక సంస్థ ఓట్లను రాజీవ్‌గాంధీ ఇండోర్‌ స్టేడియంలోను, నెల్లిమర్ల నగర పంచాయతీ ఓట్లను సీకేఎం జూనియర్‌ కళాశాలలోను, బొబ్బిలి మున్సిపాలిటీ ఓట్లను గ్రోత్‌సెంటర్‌లోని ఏపీఐఐసీ భవనంలో చేపట్టనున్నారు. విజయనగరం నగరపాలక సంస్థ పరిధిలో మేయర్‌ అభ్యర్థుల ఓట్ల లెక్కింపునకు 31 టేబుళ్లు, 62 డివిజన్ల కార్పొరేటర్‌ అభ్యర్థుల ఓట్ల లెక్కింపునకు మరో 31 టేబు ళ్లు ఏర్పాటు చేశారు. మొత్తం 62 కౌంటింగ్‌ కంపార్ట్‌మెంట్లలో లెక్కింపు నిర్వహించనున్నాను. రెండు రౌండ్లలోనే ఓట్ల లెక్కింపు దాదాపు పూర్తయ్యే అవకాశం ఉంది. బొబ్బిలి మున్సిపాలిటీలో చైర్‌పర్సన్‌ అభ్యర్థి ఓట్ల లెక్కింపునకు 9 టేబుళ్లు, 36 వార్డుల కౌన్సిలర్‌ అభ్య ర్థుల ఓట్ల లెక్కింపునకు మరో 9 టేబుళ్లు ఏర్పాటు చేశారు. మొత్తం నాలుగు రౌండ్లలో ఫలితాలు వెలువడనున్నాయి. నెల్లిమర్ల నగర పంచాయతీలో చైర్మన్‌ అభ్యర్ధి ఓట్ల లెక్కింపునకు నాలుగు టేబుళ్లు, 23 వార్డుల కౌన్సిలర్‌ అభ్యర్థుల ఓట్ల లెక్కింపునకు మూడు టేబుళ్లు సిద్ధం చేశారు. ఇక్కడ ఆరు రౌండ్లలో ఓట్ల లెక్కింపు పూర్తి చేసి ఫలితాలు ప్రకటించనున్నారు. కట్టుదిద్దమైన భద్రత... నిరంతర నిఘా కౌంటింగ్‌ కేంద్రాల వద్ద ఎలాంటి అవాంఛనీయ సంఘటనలు జరగుండా 144 సెక్షన్‌ అమలు చేస్తున్నారు. కౌంటింగ్‌ హాళ్లలోకి సెల్‌ ఫోన్లు, ఆహార పదార్థాలు, పానీయాలు, వాటర్‌ బాటిళ్లకు అనుమతి లేదు. ప్రతి కౌంటింగ్‌ టేబుల్‌ వద్ద జరిగే ప్రక్రియను వీడియో రికార్డింగ్‌ చేయనున్నారు. ఫలితాలు పూర్తిగా వెల్లడయ్యే వరకు విరామం లేకుండా లెక్కింపు కొనసాగించేందుకు అధికారులు ఏర్పాట్లు చేశారు. కేంద్రాల వద్ద భారీ పోలీస్‌ బందోబస్తు ఏర్పాటు చేశారు.

మక్కువ: మండల కేంద్రం మక్కువకు చెందిన తెలుగుదేశం పార్టీ నాయకులు, ఆ పార్టీని వీడి సోమవారం వైఎస్సార్‌సీపీ మండల అధ్యక్షుడు మావుడి రంగునాయుడు సమక్షంలో వైఎస్సార్‌ కాంగ్రెస్‌ పార్టీలో చేరారు. సుమారు మూడు దశాబ్దాలుగా మక్కువకు చెందిన మావుడి పార్థసారథి, లింగం తారక రామారావు, కొండపల్లి గోపి తెలుగుదేశంలో ఉంటూ, పార్టీ కోసం ఎంతో కష్టపడ్డారు. వైఎస్సార్‌ కాంగ్రెస్‌ పార్టీ మండల అధ్యక్షుడు మావుడి రంగునాయుడుతో కలిసి పార్టీ కోసం పనిచేసేందుకు సిద్ధమై, పార్టీలో చేరగా వారికి రంగునాయుడు పార్టీ కండువాలు వేసి పార్టీలోకి ఆహ్వానించారు. స్థానిక సంస్థల ఎన్నికల్లో మనమంతా కలిసి పనిచేసి మండలంలో 14 ఎంపీటీసీ స్థానాల్లో మన అభ్యర్థులను గెలిపించేందుకు కృషి చేద్దామని రంగునాయుడు ఈ సందర్భంగా పిలుపునిచ్చారు.

గుర్ల: చంద్రబాబు చేస్తున్న పరిపాలనకు విసుగు చెందిన మండలంలోని వల్లాపురం గ్రామానికి చెందిన 25 కుటుంబాల వారు టీడీపీ, జనసేన పార్టీలను వీడి వైఎస్సార్‌సీపీలో సోమవారం చేరారు. పార్టీలో చేరిన బొద్దాన అప్పన్న, కోల ఆదినారాయణ, కోల సత్యం, బొద్దాన గణేష్‌, గొరుబిండి అప్పలనాయుడు, బాగు సూరిబాబు, బొద్దాన రమేష్‌, మీసాల శ్రీను, శేషపు రమణ, రెడ్డి సత్యనారాయణ, వాళ్లె సతీష్‌, రెడ్డి రాంబాబు, బొద్దాన అప్పయ్య, బొద్దాన చిన్న రమణలకు మాజీ ఎంపీ బొత్స ఝాన్సీలక్ష్మి స్థానిక వైఎస్సార్‌సీపీ కార్యాలయం వద్ద సోమవారం పార్టీ కండువాలు వేసి పార్టీలోకి సాదరంగా ఆహ్వానించారు. వైఎస్సార్‌సీపీని అధికారంలోకి తీసుకురావడానికి కృషి చేయాలని సూచించారు. బొత్స అనూష సమక్షంలో మరో 20 కుటుంబాలు అలాగే మండలంలోని గిరిడ, జమ్ముపేట గ్రామాల నుంచి మరో 20 కుటుంబాలు భీమిలి నియోజకవర్గ వైఎస్సార్‌సీపీ సమన్వయ కర్త బొత్స అనూష సమక్షంలో వైఎస్సార్‌సీపీలో ఆదివారం రాత్రి చేరారు. పార్టీలో చేరిన దాసరి పైడినాయుడు, దాసరి ప్రియాంక, రెడ్డి సూరిబాబు, గేదెల చిన్న, బిల్లాన శ్రీను, గునాటి అప్పన్న, బిల్లాన చిన్న, బిల్లాన ఆదినారాయణ, గిడిజాల నరసింహమూర్తి, బిల్లాన సీతారాం, బిల్లాన ఇందిరలకు బొత్స అనూష, జెడ్పీటీసీ అభ్యర్థి సంగం రెడ్డి వెంకటలక్ష్మి పార్టీ కండువాలు వేసి వైఎస్సార్‌సీపీలోకి ఆహ్వనించారు. స్థానిక ఎన్నికల్లో ఫ్యాన్‌ గుర్తుపై ఓటు వేసి అత్యధిక మెజార్టీతో గెలిపించాలని కోరారు. ఈ ఎన్నికల ప్రచారంలో వైఎస్సార్‌సీపీ నాయకులు కేవీ సూర్యానారాయణ రాజు, పొట్నూరు సన్యాసినాయుడు, శీర అప్పలనాయుడు, తిరుమరెడ్డి సూరిబాబు, కురుమునెల్లి వరలక్ష్మి పాల్గొన్నారు.

బలిజిపేట: మండలంలోని పదమాయవలసలో మాజీ సర్పంచ్‌ టి.సత్యంనాయుడుతో సహా 50కుటుంబాలు టీడీపీ నుంచి వైఎస్సార్‌సీపీలో సోమవారం చేరాయి. వారికి మాజీ ఎమ్మెల్యే అలజంగి జోగారావు పార్టీ కండువాలు వేసి పార్టీలోకి సాదరంగా ఆహ్వానించారు. పార్టీలో చేరిన వారిలో టి.సింహాద్రినాయుడు, పార్వతమ్మ, సీతమ్మ, పారమ్మతో పాటు 50కుటుంబాల వారు ఉన్నారు. ఈ సందర్భంగా మాజీ ఎమ్మెల్యే జోగారావు మాట్లాడుతూ టీడీపీ ప్రభుత్వం ఎన్నికల ముందు ఇచ్చిన హామీలను అమలుచేయడంలో విఫలమైందన్నారు. గ్రామాల్లో బడుగు, బలహీన వర్గాల ప్రజలు ఆకలిమంటలతో అల్లాడిపోతున్నారని తెలిపారు. ప్రభుత్వంలో సంక్షేమం, అభివృద్ధి లేవన్నారు. కార్యక్రమంలో మాజీ జెడ్పీటీసీ రవికుమార్‌, పార్టీ జిల్లా మేధావుల ఫోరం అధ్యక్షుడు పీఎస్‌ఆర్‌ నాయుడు, కె.మోహనరావు, పార్టీ నాయకులు, కార్యకర్తలు, అభిమానులు పాల్గొన్నారు.