Unofficial Test

క్రైస్ట్‌చర్చి వేదికగా ఇండియా-ఏతో జరుగుతున్న రెండో అనధికారిక టెస్టు మ్యాచ్‌లో న్యూజిలాండ్‌-ఏ జట్టు తొలి ఇన్నింగ్స్‌లో 78 ప‌రుగుల‌ స్వల్ప ఆధిక్యం సాధించింది. భారత బౌలర్లు ముకేశ్ కుమార్ ఐదు వికెట్లు, సిరాజ్ నాలుగు వికెట్లతో చెలరేగిన వేళ న్యూజిలాండ్ తమ తొలి ఇన్నింగ్స్‌లో 424 పరుగులకు ఆలౌటైంది. కివీస్ బ్యాటర్లలో మాథ్యూ బోలె (152 బంతుల్లో 110) సెంచరీ సాధించగా, డీన్ ఫాక్స్ క్రాఫ్ట్ (93) తృటిలో సెంచరీ చేజార్చుకున్నాడు. మిగిలిన బ్యాటర్లలో క్రిస్టియన్ క్లార్క్ (41), ఫ్రేసర్ షీట్ (40), జైడెన్ లెన్నోక్స్ (32 నాటౌట్‌), జ‌ర్రోడ్ మెక్‌కే (33) రాణించారు. న్యూజిలాండ్ 9 వికెట్లు భారత పేసర్ల ఖాతాలోకి వెళ్లగా, సుంద‌ర్ ఒక వికెట్ తీశాడు. 369 ప‌రుగుల వ‌ద్ద తొమ్మిదో వికెట్ కోల్పోయిన న్యూజిలాండ్ ఆఖ‌రి వికెట్‌కు 55 ప‌రుగులు జోడించింది. ఆ ఒక్క వికెట్ తీయ‌డానికి భార‌త బౌల‌ర్లు తీవ్రంగా శ్ర‌మించారు. చివ‌రికి సుంద‌ర్ జ‌ర్రోడ్‌కను వికెట్ల ముందు దొర‌క‌బుచ్చుకొని న్యూజిలాండ్ ఇన్నింగ్స్‌కు తెర‌దించాడు. అంతకముందు భారత్ తమ తొలి ఇన్నింగ్స్‌లో 346 పరుగులకు ఆలౌటైన సంగతి తెలిసిందే. కెప్టెన్ ధ్రువ్ జురెల్ సెంచరీ చేయగా, దేవదత్ పడిక్కల్ అర్థసెంచరీతో రాణించాడు. ఇరుజట్ల మధ్య జరిగిన తొలి అనధికారిక టెస్టు డ్రాగా ముగిసింది.ఇదీ చదవండి: ప్ర‌పంచ రికార్డుకు అడుగుదూరంలో అర్ష‌దీప్‌‘వీళ్లిద్దరూ ఉన్నంతకాలం అతడికి అవకాశమివ్వరు!’

క్రైస్ట్‌చ‌ర్చి వేదికగా న్యూజిలాండ్‌-ఏ జ‌రుగుతున్న రెండో అన‌ధికారిక టెస్టులో ఇండియా-ఏ కెప్టెన్ ధ్రువ్ జురెల్ (171 బంతుల్లో 105) సెంచ‌రీతో మెరవ‌గా, బౌల‌ర్ ఆకాశ్‌దీప్ (116 బంతుల్లో 68) అర్థ‌సెంచ‌రీతో రాణించాడు. ఫ‌లితంగా భారత్ త‌మ‌ తొలి ఇన్నింగ్స్‌లో 346 ప‌రుగుల‌కు ఆలౌటైంది. 291-7 క్రితం రోజు స్కోరుతో రెండో రోజు ఆట‌ను ప్రారంభించిన భార‌త జ‌ట్టు మ‌రో 55 ప‌రుగులు జోడించి ఇన్నింగ్స్ ముగించింది. జురెల్‌, ఆకాశ్ దీప్ క‌లిసి ఎనిమిదో వికెట్‌కు 75 ప‌రుగులు జోడించారు. అయితే సెంచ‌రీ చేసిన వెంట‌నే జురెల్ ఔట‌వ్వ‌గా, ఆకాశ్ దీప్ మాత్రం నిల‌క‌డ‌గా బ్యాటింగ్ కొన‌సాగించాడు. ఈ క్ర‌మంలో అర్థ‌సెంచ‌రీ పూర్తి చేసుకున్న ఆకాశ్ దీప్ 68 ప‌రుగుల వ్య‌క్తిగ‌త స్కోరు వ‌ద్ద చివ‌రి వికెట్‌గా వెనుదిరిగాడు. అంత‌క‌ముందు దేవ‌ద‌త్ ప‌డిక్క‌ల్ (80) భారీ హాఫ్ సెంచ‌రీ సాధించగా, సాయి సుద‌ర్శ‌న్ (41) రాణించాడు. న్యూజిలాండ్ బౌల‌ర్ల‌లో ఫ్రేస‌ర్ షీట్ 4 వికెట్ల‌తో చెల‌రేగ‌గా, బ్రెట్ రాండెల్, జ‌ర్రోడ్ మెక్‌కే చెరో 2 వికెట్లు ప‌డ‌గొట్టారు. అనంత‌రం త‌మ తొలి ఇన్నింగ్స్ ఆరంభించిన న్యూజిలాండ్ 18 ఓవ‌ర్ల‌లో 3 వికెట్ల న‌ష్టానికి 63 ప‌రుగులు చేసింది. మాథ్యూ బోలే (26), డీన్ ఫాక్స్‌క్రాఫ్ట్ (20) క్రీజులో ఉన్నారు. ముకేశ్ కుమార్ రెండు వికెట్ల‌తో చెల‌రేగ‌గా, సిరాజ్ ఒక వికెట్ తీశాడు.ఇదీ చదవండి: NZ Vs IND: విజయంతో ముగించేదెవరో!

న్యూజిలాండ్‌-ఏతో జ‌రుగుతున్న రెండో అన‌ధికారిక టెస్టులో ధ్రువ్ జురెల్ కెప్టెన్ ఇన్నింగ్స్‌తో మెరిశాడు. తొలి రోజు ఆట ముగిసే స‌మ‌యానికి భార‌త‌-ఏ జ‌ట్టు 7 వికెట్ల న‌ష్టానికి 291 ప‌రుగులు చేసింది. ధ్రువ్ జురేల్ (155 బంతుల్లో 99 బ్యాటింగ్‌; 11 ఫోర్లు, 3 సిక్స‌ర్లు) సెంచ‌రీకి ప‌రుగు దూరంలో నిలవ‌గా, ఆకాశ్‌దీప్ (58 బంతుల్లో 25 బ్యాటింగ్) అత‌డికి స‌హ‌క‌రిస్తున్నాడు. అంత‌క‌ముందు దేవ‌ద‌త్ ప‌డిక్క‌ల్ (80) త‌న ఫామ్‌ను కంటిన్యూ చేస్తూ అర్థ‌శ‌త‌కంతో మెరిశాడు. సాయి సుద‌ర్శ‌న్ (41) రాణించాడు. న్యూజిలాండ్‌-ఏ బౌల‌ర్ల‌లో ఫ్రేస‌ర్ షీట్ 4 వికెట్ల‌తో చెల‌రేగ‌గా, బ్రెట్ రాండెల్‌, జ‌ర్రోడ్ మెక్‌కే, జైడ‌న్ లెన్నోక్స్ త‌లా ఒక వికెట్ ప‌డ‌గొట్టారు.జైస్వాల్‌ డకౌట్‌ఇక టాస్ ఓడి బ్యాటింగ్‌కు దిగిన భార‌త్‌కు ఆదిలోనే షాక్ త‌గిలింది. తొలి టెస్టులో దారుణంగా విఫలమైన ఓపెనర్ యశస్వి జైస్వాల్ రెండో టెస్టులోనూ అదే ఆటతీరు ప్ర‌ద‌ర్శించాడు. ఫ్రేసర్ షీట్ బౌలింగ్‌లో ఎల్బీ అయిన జైస్వాల్ డకౌట్‌గా వెనుదిరిగాడు. దీంతో సున్నా పరుగుల వద్దే భారత్ తొలి వికెట్ కోల్పోయింది. రాణించిన పడిక్కల్‌..ఈ దశలో మరో ఓపెనర్ సాయి సుదర్శన్ (41) రాణించగా, వన్‌డౌన్‌లో వచ్చిన దేవదత్ పడిక్కల్ తన ఫామ్‌ను కంటిన్యూ చేస్తూ అర్థసెంచరీ సాధించాడు. ఈ ఇద్దరు రెండో వికెట్‌కు 91 పరుగులు జోడించడంతో భారత ఇన్నింగ్స్ కాస్త కుదుటపడింది. అయితే జర్రోడ్ మెకే బౌలింగ్‌లో క్యాచ్ ఔట్ అయిన సాయి సుదర్శన్ అర్థసెంచరీ మిస్ చేసుకోగా, యశ్ రాథోడ్ 13 పరుగులు చేసి ఔటయ్యాడు. ఆ తర్వాత 140 బంతుల్లో 80 పరుగులు చేసిన పడిక్కల్ ప్రేసర్ షీట్ బౌలింగ్‌లో క్లీన్‌బౌల్డ్ అయ్యాడు. ఆ వెంటనే స్మరణ్ రవిచంద్రన్ గోల్డెన్ డక్‌ కావడంతో 137 పరుగుల వద్ద భారత్ ఐదో వికెట్ కోల్పోయింది. ఈ ద‌శ‌లో కెప్టెన్ జురేల్ ఆచితూచి ఆడుతూ ప‌రుగులు రాబ‌ట్టాడు. ఆల్‌రౌండ‌ర్ సుంద‌ర్‌(8) ఎక్కువ‌సేపు క్రీజులో నిల‌వ‌లేదు. మాన‌వ్ సుతార్ (22) సాయంతో జురేల్ స్ట్రైక్ రొటేట్ చేస్తూ అర్థ‌సెంచ‌రీ పూర్తి చేసుకున్నాడు. మాన‌వ్ సుతార్ ఔటైన త‌ర్వాత క్రీజులోకి వ‌చ్చిన ఆకాశ్ దీప్ స్వేచ్ఛ‌గా బ్యాట్ ఝ‌లిపించ‌డంతో భార‌త్ స్కోరులో వేగం పెరిగింది. బ్యాడ్ లైట్‌తో రెండు ఓవ‌ర్ల ముందే ఆట ముగిసిన‌ట్లు అంపైర్ ప్ర‌క‌టించ‌డంతో జురేల్ 99 ప‌రుగులతో అజేయంగా నిలిచాడు.Captain Dhruv Jurel stays unbeaten on 99 as India A end Day 1 of the 2nd Unofficial Test against New Zealand on 291/7 https://t.co/eImGkAViMJ— Cricbuzz (@cricbuzz) October 31, 2026ఇదీ చదవండి: అభిషేక్‌, వైభవ్‌లకు అన్యాయం చేసినట్లే అవుతుంది: యువీన్యూజిలాండ్‌తో వన్డే సిరీస్‌.. భారత జట్టులో కీలక మార్పు

న్యూజిలాండ్‌-ఏతో జరుగుతున్న రెండో అనధికారిక టెస్టులో భారత-ఏ జట్టు బ్యాటింగ్‌లో తడబడుతోంది. క్రైస్ట్‌చర్చి వేదికగా మొదలైన మ్యాచ్‌లో టాస్ ఓడి బ్యాటింగ్‌కు దిగిన భారత్ 42 ఓవర్లు ముగిసేసరికి 5 వికెట్ల నష్టానికి 142 పరుగులు చేసింది. తొలి టెస్టులో దారుణంగా విఫలమైన ఓపెనర్ యశస్వి జైస్వాల్ రెండో టెస్టులోనూ అదే ఆటతీరును ప్రదర్శిస్తున్నాడు. ఫ్రేసర్ షీట్ బౌలింగ్‌లో ఎల్బీ అయిన జైస్వాల్ డకౌట్‌గా వెనుదిరిగాడు. దీంతో సున్నా పరుగుల వద్దే భారత్ తొలి వికెట్ కోల్పోయింది. ఈ దశలో మరో ఓపెనర్ సాయి సుదర్శన్ (41) రాణించగా, వన్‌డౌన్‌లో వచ్చిన దేవదత్ పడిక్కల్ తన ఫామ్‌ను కంటిన్యూ చేస్తూ అర్థసెంచరీతో మెరిశాడు. ఈ ఇద్దరు రెండో వికెట్‌కు 91 పరుగులు జోడించడంతో భారత ఇన్నింగ్స్ కాస్త కుదుటపడింది. అయితే జర్రోడ్ మెకే బౌలింగ్‌లో క్యాచ్ ఔట్ అయిన సాయి సుదర్శన్ అర్థసెంచరీ మిస్ చేసుకోగా, యశ్ రాథోడ్ 13 పరుగులు చేసి ఔటయ్యాడు. ఆ తర్వాత 140 బంతుల్లో 80 పరుగులు చేసిన పడిక్కల్ ప్రేసర్ షీట్ బౌలింగ్‌లో క్లీన్‌బౌల్డ్ అయ్యాడు. ఆ వెంటనే స్మరణ్ రవిచంద్రన్ గోల్డెన్ డక్‌ కావడంతో 137 పరుగుల వద్ద భారత్ ఐదో వికెట్ కోల్పోయింది. ప్రస్తుతం కెప్టెన్ ధ్రువ్ జురేల్ (7), వాషింగ్టన్ సుందర్ (4) క్రీజులో ఉన్నారు. న్యూజిలాండ్ బౌలర్లలో ఫ్రేసర్ షీట్ మూడు వికెట్లు తీయగా, బ్రెట్ రాండల్‌, జారోడ్ మెకే చెరొక వికెట్‌ తీశారు.ఇదీ చదవండి: జెర్సీ నెంబ‌ర్ '45' మిస్ట‌రీ గుట్టువిప్పిన రోహిత్ శ‌ర్మ‌!

న్యూజిలాండ్‌- ‘ఎ’ జట్టుతో తొలి అనధికారిక టెస్టులో భారత్‌- ‘ఎ’ జట్టుకు ఊహించని విధంగా ఎదురుదెబ్బ తగిలింది. ఒక్క వికెట్‌ తీస్తే చాలు విజయం మనదే అన్న సంతోషంలో ఉన్న వేళ.. వాతావరణ మార్పు కారణంగా మ్యాచ్‌ డ్రా అయింది.113 పరుగులకే ఆలౌట్‌కాగా మూడు అనధికారిక టెస్టుల సిరీస్‌లో భాగంగా లిన్‌కోన్‌ వేదికగా కివీస్‌- భారత్‌ ‘ఎ’ జట్ల మధ్య మొదటి మ్యాచ్‌లో టాస్‌ గెలిచిన.. ఆతిథ్య న్యూజిలాండ్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన భారత జట్టు తొలి ఇన్నింగ్స్‌లో కేవలం 113 పరుగులు చేసి ఆలౌట్‌ అయింది.దేవదత్‌ పడిక్కల్‌ (32), యశ్‌ రాథోడ్‌ (44) ఓ మోస్తరుగా రాణించడం వల్ల ఈ మాత్రం స్కోరు చేయగలిగింది. కివీస్‌ బౌలర్లలో సైమన్‌ కీనీ ఐదు వికెట్లతో చెలరేగి భారత బ్యాటింగ్‌ ఆర్డర్‌ పతనాన్ని శాసించగా.. జేక్‌ గిబ్సన్‌ మూడు, ఫ్రేజర్‌ షీట్‌, క్రిస్టియన్‌ క్లార్క్‌ తలా ఒక వికెట్‌ పడగొట్టారు.రాణించిన కివీస్‌ బ్యాటర్లుఅనంతరం న్యూజిలాండ్‌ తమ మొదటి ఇన్నింగ్స్‌లో 317 పరుగులకు ఆలౌట్‌ అయింది. కెప్టెన్‌ రైస్‌ మరియూ (76), డీన్‌ ఫాక్స్‌క్రాఫ్ట్‌ (51) అర్ధ శతకాలతో రాణించగా.. కర్టిస్‌ హీపీ 44, క్రిస్టియన్‌ క్లార్క్‌ 42 పరుగులు చేశారు. భారత బౌలర్లలో అన్షుల్‌ కాంబోజ్‌, ఆకిబ్‌ నబీ చెరో మూడు వికెట్లు తీయగా.. ఆకాశ్‌ దీప్‌ రెండు, ముకేశ్‌ చౌదరి, వాషింగ్టన్‌ సుందర్‌ తలా ఒక వికెట్‌ పడగొట్టారు.The double ton was within touching distance… 💔 Devdutt Padikkal was left stunned after being given out on 199 following a disputed decision in the India A vs New Zealand A Test. Watch #NZAvINDA 1st Test Day 4 TOMORROW, AM onwards, LIVE on Sony Sports Ten 1 & Sony LIV. #SonySportsNetwork #SonyLIV— Sony Sports Network (@SonySportsNetwk) October 26, 2026పడిక్కల్‌ డబుల్‌ సెంచరీ మిస్‌అయితే, రెండో ఇన్నింగ్స్‌లో భారత్‌ అనూహ్య రీతిలో పుంజుకుంది. ఏకంగా 516 పరుగులు చేసి ఆలౌట్‌ అయింది. దేవదత్‌ పడిక్కల్‌ భారీ శతకం (199)తో అదరగొట్టగా.. సాయి సుదర్శన్‌ (91), యశ్‌ రాథోడ్‌ (66), వాషింగ్టన్‌ సుందర్‌ (52) అర్ధ శతకాలతో రాణించారు.313 పరుగుల లక్ష్యంఈ క్రమంలో 312 పరుగుల ఆధిక్యం సంపాదించిన భారత్‌.. కివీస్‌ ముందు 313 పరుగుల లక్ష్యాన్ని ఉంచింది. ఆటకు చివరి రోజైన మంగళవారం.. కివీస్‌ ఆది నుంచే తడబడింది. ఓపెనర్లలో కెప్టెన్‌ మరియు (2).. వన్‌డౌన్‌లో వచ్చిన టిమ్‌ రాబిన్సన్‌ (0), మాథ్యూ బోయ్‌లే (4) నిరాశ పరచగా.. డీన్‌ ఫాక్స్‌క్రాఫ్ట్‌ 42 పరుగులతో రాణించాడు.తేలిపోయిన కివీస్‌ బ్యాటర్లుభారత బౌలర్ల ధాటికి తాళలేక మిగతా వారంతా పెవిలియన్‌కు క్యూ కట్టగా.. మరో ఓపెనర్‌ కర్టిస్‌ హీపీ 90 పరుగులతో ఆఖరి వరకు అజేయంగా నిలిచాడు. ఈ క్రమంలో 65 ఓవర్లలో 9 వికెట్ల నష్టానికి కివీస్‌ 187 పరుగుల వద్ద నిలిచింది. భారత బౌలర్లలో నబీ మూడు, పడిక్కల్‌ రెండు వికెట్లు కూల్చగా.. కాంబోజ్‌, ఆకాశ్‌, ముకేశ్‌, వాషింగ్టన్‌ తలా ఒక వికెట్‌ పడగొట్టారు.Auqib Nabi making the ball talk! 🎯 Watch #NZAvINDA 1st Test Day 4, LIVE NOW on Sony Sports Ten 1 & Sony LIV. #SonySportsNetwork #SonyLIV https://t.co/hg5IyHxbgX— Sony Sports Network (@SonySportsNetwk) October 27, 2026ఆ ఒక్కడు పాతుకుపోవడంతోఇక ఆఖరి వికెట్‌ పడకుండా హీపీ క్రీజులో పాతుకుపోవడం.. అదే సమయంలో వెలుతురులేమి కారణంగా ఆట ముందుకు సాగకపోవడం ఆతిథ్య జట్టుకు ఉపకరించాయి. కాసేపటి తర్వాత బ్యాడ్‌లైట్‌ కారణంగా ఆటను ఇంతటితో ముగిస్తున్నట్లు అంపైర్లు ప్రకటించగా.. మ్యాచ్‌ డ్రాగా ముగిసింది. విజయం ముంగిట నిలిచిన భారత జట్టుకు ఊహించని షాక్‌ తగిలింది.ఇవీ చదవండి: IND vs NZ: 'అదేంటో అతనొక్కడే నాకు ఇద్దరిలా కనిపిస్తున్నాడు'కోహ్లి కాదు!.. రొనాల్డో ఫాలో అయ్యే ఒకే ఒక్క ఇండియన్‌ అతడే!

న్యూజిలాండ్‌-ఏతో జరుగుతున్న తొలి అనధికారిక టెస్టులో ఇండియ-ఏ జట్టు విజయానికి చేరువలో ఉంది. 313 పరుగుల లక్ష్యంతో బరిలోకి దిగిన న్యూజిలాండ్ 33 ఓవర్లు ముగిసేసరికి 5 వికెట్ల నష్టానికి 121 పరుగులు చేసింది. ఓపెనర్ కర్టిస్ హీఫె (51), క్రిస్టియన్‌ క్లార్క్‌ (1) క్రీజులో ఉన్నారు. అకిబ్ నబీ మూడు వికెట్లు తీయగా, ముకేశ్ చౌదరీ, అన్షుల్‌ కంబోజ్‌ ఒక్కో వికెట్ పడగొట్టారు. అంతకముందు భారత్ తమ రెండో ఇన్నింగ్స్‌లో 516 పరుగులకు ఆలౌటయ్యింది. 8 వికెట్ల న‌ష్టానికి 488 ప‌రుగుల క్రితం రోజు స్కోరుతో ఆఖరి రోజు ఆట మొదలుపెట్టిన భారత్ మరో 28 పరుగులు జత చేసింది. సుందర్ (52) వెంటనే ఔటవ్వగా, చివర్లో ఆకాశ్ దీప్ (17 బంతుల్లో 25 నాటౌట్, ఒక ఫోర్‌, 3 సిక్సర్లు) మెరుపులతో భారత్ 500 పరుగుల మార్క్‌ను దాటింది.వర్షం ముప్పు పొంచి ఉండడంతో మ్యాచ్‌లో భారత్ విజయం సాధిస్తుందా లేదా అన్నది చూడాలి. ఇప్పటికే తొలి సెషన్‌లో ఆటకు వరుణుడు ఆటంకం కలిగించాడు. ప్రస్తుతం రెండో సెషన్ నడుస్తుండగా, మరో సెషన్ మిగిలి ఉంది. మరి భారత బౌలర్లు విజృంభించి కివీస్‌ను ఆలౌట్ చేసి విజయాన్ని అందుకుంటారా లేక మ్యాచ్ డ్రాగా ముగుస్తుందా అన్నది చూడాలి. ఇక భారత్ తొలి ఇన్నింగ్స్‌లో 113 పరుగులకే ఆలౌటవ్వగా.. న్యూజిలాండ్ తొలి ఇన్నింగ్స్‌లో 317 పరుగులు చేసింది. అయితే భారత్‌ రెండో ఇన్నింగ్స్‌లో దేవదత్ పడిక్కల్ (199), సాయి సుదర్శన్ (91), యశ్ రాథోడ్ (66), సుందర్ (52) రాణించడంతో భారత-ఏ జట్టు కివీస్ ముంగిట భారీ టార్గెట్‌ను ఉంచగలిగింది.ఇదీ చదవండి: మెస్సీ, ఎంబాపె కాదు.. అత‌డిదే 'బాల‌న్ డి ఓర్‌' అవార్డుసెంచరీలతో కదంతొక్కన ముషీర్‌, రఘువంశీ

న్యూజిలాండ్‌-ఏతో జ‌రుగుతున్న తొలి అన‌ధికారిక టెస్టులో ఇండియా-ఏ జ‌ట్టు ప‌టిష్ట స్థితిలో నిలిచింది. మూడో రోజు ఆట ముగిసే స‌మ‌యానికి భార‌త్ త‌మ‌ రెండో ఇన్నింగ్స్‌లో 119 ఓవ‌ర్ల‌లో 8 వికెట్ల న‌ష్టానికి 488 ప‌రుగులు చేసింది. తొలి ఇన్నింగ్స్‌లో డ‌కౌట్ అయిన ఆల్‌రౌండ‌ర్ వాషింగ్ట‌న్ సుంద‌ర్ రెండో ఇన్నింగ్స్‌లో మాత్రం అజేయ అర్థ‌సెంచ‌రీ సాధించాడు. 75 బంతుల్లో 51 ప‌రుగుల‌తో అజేయంగా నిలిచిన సుంద‌ర్ ఇన్నింగ్స్‌లో 6 ఫోర్లు ఉన్నాయి. ఆకాశ్ దీప్ క్రీజులో ఉన్నాడు. ప్ర‌స్తుతం భార‌త్ 284 ప‌రుగుల ఆధిక్యంలో కొన‌సాగుతుంది. అంత‌క‌ముందు దేవ‌ద‌త్ ప‌డిక్క‌ల్ (199) ప‌రుగు తేడాతో డ‌బుల్ సెంచ‌రీ చేజార్చుకోగా, సాయి సుద‌ర్శ‌న్ (91) తృటిలో సెంచ‌రీ మిస్ చేసుకున్నాడు. Photo Credit: Twitterఈ ఇద్ద‌రు నాలుగో వికెట్‌కు 215 ప‌రుగులు జోడించి భార‌త్ ఇన్నింగ్స్‌ను నిల‌బెట్టారు. య‌శ్ రాథోడ్ (66) అర్థ‌సెంచ‌రీ చేయ‌గా, లోయ‌ర్ ఆర్డ‌ర్‌లో అన్షుల్ కంబోజ్ (23), అకిబ్ న‌బీ (38) సుంద‌ర్‌కు స‌హ‌క‌రించ‌డంతో ఇండియా-ఏ స్కోరు 450 మార్క్‌ను దాటింది. న్యూజిలాండ్ బౌల‌ర్ల‌లో క్రిస్టియ‌న్ క్లార్క్‌, జాక్ గిబ్స‌న్‌లు చెరో 2 వికెట్లు ప‌డ‌గొట్టారు. మ్యాచ్‌కు రేపు ఆఖ‌రి రోజు కావ‌డంతో తొలి సెష‌న్‌లోనే భార‌త్ ఇన్నింగ్స్‌ను డిక్లేర్ చేసే అవ‌కాశ‌ముంది. అయితే మ్యాచ్‌కు వ‌ర్షం ముప్పు కూడా పొంచి ఉండ‌డంతో డ్రా అయ్యే అవ‌కాశాలు ఎక్కువ‌గా క‌నిపిస్తున్నాయి.ఇదీ చదవండి: మూడో టీ20కి ఇషాన్‌ దూరం.. బీసీసీఐ అధికారిక ప్రకటనపాకిస్తాన్ ప్లేయ‌ర్ల ప్ర‌పంచ రికార్డు

న్యూజిలాండ్‌-ఏతో జరుగుతున్న తొలి అనధికారిక టెస్టు మ్యాచ్‌లో భారత బ్యాటర్ దేవదత్ పడిక్కల్ పరుగు తేడాతో డబుల్ సెంచరీ చేజార్చుకున్నాడు. 199 పరుగులు చేసిన పడిక్కల్ జాక్ గిబ్సన్ బౌలింగ్‌లో మిచెల్ హేకు క్యాచ్ ఇచ్చి వెనుదిరిగాడు. దీంతో ద్విశతకానికి పరుగు దూరంలో నిలిచిపోయిన పడిక్కల్ బాధాతప్త హృదయంతో పెవిలియన్ చేరాడు. 248 బంతులాడిన పడిక్కల్ 199 పరుగులు చేశాడు. అతడి ఇన్నింగ్స్‌లో 24 ఫోర్లు, 3 సిక్సర్లు ఉన్నాయి.పడిక్కల్‌ ఔటా? నాటౌటా?అయితే పడిక్కల్‌ ఔటైన విధానం వివాదాస్పదంగా మారింది. గిబ్సన్‌ వేసిన బంతి లెగ్‌సైడ్‌ దిశగా వెళ్లి కీపర్‌ చేతుల్లో పడింది. బంతి బ్యాట్‌కు తాకినట్లు శబ్దం వినిపించడంతో అంపైర్‌ ఔటిచ్చాడు. దీంతో పడిక్కల్‌ ఒక్కసారిగా షాక్‌ తిన్నాడు. బంతి తన బ్యాట్‌కు ఎంత దూరంలో వెళుతుందనేది అంపైర్‌కు వివరించాడు. బంతి బ్యాట్‌ను దాటినప్పుడు కొంత శబ్దం వచ్చింది, కానీ అది బహుశా ప్యాడ్‌కు తగిలి ఉంటుందని పడిక్కల్‌ వాదన. అప్పీల్ కూడా అంత నమ్మశక్యంగా లేకపోయినప్పటికీ, అంపైర్ ఔట్‌ అంటూ వేలు పైకెత్తడంతో పడిక్కల్‌ ఏం చేయలేక నిరాశగా వెళ్లిపోయాడు. అనధికారిక టెస్టుల్లో డీఆర్‌ఎస్‌ అవకాశం ఉండదు. దీంతో ఒక అద్భుత ఇన్నింగ్స్‌కు తెరపడినట్లయింది.215 రన్స్‌ భాగస్వామ్యంఇక తొలి ఇన్నింగ్స్‌లో 32 పరుగులు చేసిన పడిక్కల్ రెండో ఇన్నింగ్స్‌లో మాత్రం తన ఫామ్‌ను ప్రదర్శించాడు. కేఎల్ రాహుల్‌, జైస్వాల్‌, కెప్టెన్ ధ్రువ్ జురేల్‌లు విఫలమైనప్పటికీ, పడిక్కల్ మాత్రం సూపర్ సక్సెస్ అయ్యాడు. సాయి సుదర్శన్ (91)తో కలిసి నాలుగో వికెట్‌కు 215 పరుగుల భాగస్వామ్యం నెలకొల్పిన పడిక్కల్ భారత-ఏ జట్టును పటిష్ట స్థితిలో నిలిపాడు. టీ విరామ సమయానికి ఇండియా-ఏ జట్టు 90 ఓవర్లలో 5 వికెట్ల నష్టానికి 377 పరుగులు చేసింది. యశ్ రాథోడ్ (66) అజేయ అర్థసెంచరీతో ఆడుతుండగా, సుందర్ (2) అతడికి సహకరిస్తున్నాడు. ప్రస్తుతం భారత్ 173 పరుగుల ఆధిక్యంలో కొనసాగుతుంది. ఇంగ్లండ్ బౌలర్లలో జాక్ గిబ్సన్ రెండు వికెట్లు తీయగా, సిమోన్ కీన్, క్రిస్టియన్ క్లార్క్‌, ఫ్రేసర్ షీట్‌, డీన్ ఫాక్స్‌క్రాఫ్ట్‌లు తలా ఒక వికెట్ పడగొట్టారు.🔴DEVDUTT PADIKKAL ANGRY OVER A CONTROVERSIAL UMPIRING DECISION! 🤯 - Padikkal was batting on 199 when the bowler delivered the ball wide. - Padikkal tried to play the delivery, but the umpire suddenly declared him out, apparently believing the ball had edged the bat. - Padikkal was left shocked by the decision. Note: There is no DRS in unofficial Test matches. ❌ https://t.co/WfZMaQfAXM— Sam (@cricsam02) October 26, 2026ఇదీ చ‌ద‌వండి: ముంబై హెడ్‌కోచ్‌ పొలార్డ్ కీల‌క నిర్ణ‌యం!న్యూజిలాండ్‌-ఏతో టెస్టు.. సెంచ‌రీతో చెల‌రేగిన ప‌డిక్క‌ల్‌

న్యూజిలాండ్‌-ఏతో జ‌రుగుతున్న తొలి అన‌ధికారిక టెస్టులో భార‌త్-ఏ జ‌ట్టు రెండో ఇన్నింగ్స్‌లో నిల‌క‌డ‌గా ఆడుతుంది. వ‌న్‌డౌన్ బ్యాట‌ర్ దేవ‌ద‌త్ ప‌డిక్క‌ల్ అజేయ సెంచ‌రీకి తోడు సాయి సుద‌ర్శ‌న్ (91) సెంచ‌రీ చేజార్చుకున్న‌ప్ప‌టికీ, ఇద్ద‌రు క‌లిసి టీమిండియాను ఆధిక్యంలోకి తీసుకొచ్చారు. 106-2 క్రితం రోజు స్కోరుతో మూడో రోజు ఆట‌ను ప్రారంభించిన ఇండియా-ఏ జ‌ట్టుకు ప‌డిక్క‌ల్‌, సాయి సుద‌ర్శ‌న్ నిల‌క‌డ ప్ర‌ద‌ర్శిస్తూ ప‌రుగులు రాబ‌ట్టారు. ఈ క్ర‌మంలో సాయి సుద‌ర్శ‌న్ 128 బంతుల్లో ఫిఫ్టీ మార్క్ అందుకున్నాడు. ఆ త‌ర్వాత ఇద్ద‌రు ఆచితూచి ఆడుతూ వీలు చిక్కిన‌ప్పుడల్లా బౌండ‌రీలు బాదుతూ స్కోరును పెంచారు. ఈ క్ర‌మంలో వేగంగా ఆడిన ప‌డిక్క‌ల్‌ ప‌డిక్క‌ల్ 128 బంతుల్లో సెంచ‌రీ పూర్తి చేసుకున్నాడు. జైడ‌న్ లెన్నోక్స్ బౌలింగ్‌లో ప‌డిక్క‌ల్‌ సిక్స‌ర్ బాది శ‌త‌కం పూర్తి చేసుకోవ‌డం విశేషం. అయితే 91 ప‌రుగుల వ్య‌క్తిగ‌త స్కోరు వ‌ద్ద క్రిస్టియ‌న్ క్లార్క్ బౌలింగ్‌లో వెనుదిరిగిన సాయి సుద‌ర్శ‌న్ సెంచ‌రీ చేజార్చుకున్నాడు. కాగా ప‌డిక్క‌ల్‌, సాయి సుద‌ర్శ‌న్ క‌లిసి నాలుగో వికెట్‌కు 340 బంతుల్లో 215 ప‌రుగులు జోడించారు. ఆ త‌ర్వాత క్రీజులోకి వ‌చ్చిన ధ్రువ్ జురేల్ (2) ఎక్కువ‌సేపు నిల‌వ‌లేదు. అనంత‌రం బ్యాటింగ్‌కు వ‌చ్చిన య‌శ్ రాథోడ్ నిల‌క‌డ ప్ర‌ద‌ర్శిస్తుండ‌డంతో ప‌డిక్క‌ల్ డబుల్ సెంచ‌రీ దిశ‌గా సాగుతున్నాడు. 79 ఓవ‌ర్లు ముగిసేస‌రికి ఇండియా-ఏ జ‌ట్టు 4 వికెట్ల న‌ష్టానికి 297 ప‌రుగులు చేసింది. ప‌డిక్క‌ల్ (172 నాటౌట్‌), య‌శ్ రాథోడ్ (31 నాటౌట్‌) క్రీజులో ఉన్నారు. ప్ర‌స్తుతం భార‌త‌-ఏ జ‌ట్టు 108 ప‌రుగుల ఆధిక్యంలో ఉంది. న్యూజిలాండ్ బౌల‌ర్ల‌లో జాక్ గిబ్స‌న్‌, క్రిస్టియ‌న్ క్లార్క్‌, సిమోన్ నీ, ఫ్రేస‌ర్ షీట్‌లు త‌లా ఒక వికెట్ ప‌డ‌గొట్టారు. అంత‌క‌ముందు న్యూజిలాండ్ తొలి ఇన్నింగ్స్‌లో 317 ప‌రుగుల‌కు ఆలౌటైంది.ఇదీ చదవండి:షాన్‌దార్‌ షాదాబ్‌దీప్తీ ఆల్‌రౌండ్‌ షో.. జింబాబ్వేను చిత్తు చేసిన భారత్‌

భారత్‌-ఏ జట్టుతో జరుగుతున్న తొలి అనధికారిక టెస్టులో న్యూజిలాండ్‌-ఏ జట్టు పట్టు బిగించింది. 204 పరుగుల వెనుకంజతో రెండో ఇన్నింగ్స్‌ ప్రారంభించిన ఇండియా-ఏ జట్టుకు ఆదిలోనే షాక్ త‌గిలింది. జట్టు ఓపెన‌ర్లు య‌శ‌స్వి జైస్వాల్, కేఎల్ రాహుల్‌లు మ‌రోసారి విఫ‌ల‌మ‌య్యారు. 5 ప‌రుగులు మాత్ర‌మే చేసిన జైస్వాల్‌.. సిమోన్ నీ బౌలింగ్‌లో మిచెల్‌కు క్యాచ్ ఇచ్చి వెనుదిరగ్గా.. ఫ్రేస‌ర్ హీట్ బౌలింగ్‌లో కేఎల్ రాహుల్ (4) క్లీన్‌బౌల్డ్ అయ్యాడు. దీంతో భార‌త్ 10 ప‌రుగుల‌కే రెండు వికెట్లు కోల్పోయి క‌ష్టాల్లో ప‌డింది. ప్ర‌స్తుతం భార‌త్ 194 ప‌రుగులు వెనుక‌బ‌డి ఉంది. అంతకముందు న్యూజిలాండ్‌ తమ తొలి ఇన్నింగ్స్‌లో 317 పరుగులకు ఆలౌటైంది. కివీస్ బ్యాటర్లలో కెప్టెన్ రైస్ మరియు (76), డీన్ ఫాక్స్‌క్రాఫ్ట్ (51) అర్థసెంచరీలతో రాణించగా, కర్టిస్ హీఫే (44), క్రిస్టియన్ క్లార్క్ (42) రాణించారు. భారత బౌలర్లలో అన్షుల్ కంబోజ్‌, అకిబ్ నబీ చెరో 3 వికెట్లు పడగొట్టగా, ఆకాశ్ దీప్ 2, ముకేశ్ చౌదరీ, సుందర్ తలా ఒక వికెట్ తీశారు. అంతకముందు భారత్ తమ తొలి ఇన్నింగ్స్‌లో 113 పరుగులకు ఆలౌట్ అయిన సంగతి తెలిసిందే. దీంతో న్యూజిలాండ్ తొలి ఇన్నింగ్స్‌లో 204 ప‌రుగుల ఆధిక్యం లభించింది.

న్యూజిలాండ్-ఏతో జ‌రుగుతున్న తొలి అన‌ధికారిక టెస్టులో భార‌త‌-ఏ జ‌ట్టు పూర్తిగా విఫ‌ల‌మైంది. కివీస్‌తో టెస్టు సిరీస్‌కు స‌న్నాహ‌కంగా జ‌రుగుతున్న టెస్టులో భార‌త బ్యాట‌ర్లు పూర్తిగా విఫ‌ల‌మ‌య్యారు. న్యూజిలాండ్ బౌల‌ర్ల ధాటికి తొలి ఇన్నింగ్స్‌లో భార‌త్ 39.3 ఓవ‌ర్ల‌లో 113 ప‌రుగుల‌కే కుప్ప‌కూలింది.ఓపెన‌ర్ కేఎల్ రాహుల్ డ‌కౌట్‌గా వెనుదిర‌గ్గా, మ‌రో ఓపెన‌ర్ య‌శ‌స్వి జైస్వాల్ (17) త్వ‌ర‌గానే పెవిలియ‌న్ చేరాడు. వ‌న్‌డౌన్‌లో వ‌చ్చిన దేవ‌దత్ ప‌డిక్క‌ల్ (32) ప‌ర్వాలేద‌నిపించాడు. మిడిలార్డ‌ర్‌లో సాయి సుద‌ర్శ‌న్ డ‌కౌటయ్యి నిరాశ‌ప‌రచ‌గా, కీప‌ర్ ధ్రువ్ జురేల్ కూడా ఒక్క ప‌రుగు మాత్ర‌మే చేసి వికెట్ స‌మ‌ర్పించుకున్నాడు. ఆల్‌రౌండర్‌ వాషింగ్టన్‌ సుందర్‌ కూడా డకౌట్‌ కావడం గమనార్హం.లోయ‌ర్ ఆర్డ‌ర్‌లో య‌శ్ రాథోడ్ (44 నాటౌట్‌) కాస్త ఓపిక ప్ర‌ద‌ర్శించి ఆడ‌డంతో భార‌త‌-ఏ జ‌ట్టు క‌నీసం 100 ప‌రుగుల మార్క్‌ను దాట‌గ‌లిగింది. కివీస్ బౌల‌ర్ల‌లో సిమోన్ నీ 4 వికెట్లతో చెల‌రేగ‌గా, జాక్ గిబ్స‌న్ మూడు వికెట్లు, ఫ్రేస‌ర్ షీట్‌, క్రిస్టియ‌న్ క్లార్క్‌లు చెరొక వికెట్ తీశారు.ఒక దశలో 81 పరుగులకే 9 వికెట్లు కోల్పోయిన భారత్ కనీసం వంద పరుగుల మార్క్ అయినా దాటుతుందా అనే అనుమానం వచ్చింది. ఈ దశలో యశ్‌రాథోడ్ టెయిలెండర్లను నాన్‌స్ట్రైక్ ఎండ్‌లో ఉంచి తాను ఎక్కువసేపు స్ట్రైక్ తీసుకొని పరుగులు రాబట్టాడు. ఇన్నింగ్స్ 39 ఓవర్‌లో మూడు సిక్సర్లు బాదిన యశ్ రాథోడ్ భారత్‌ను వంద దాటించాడు. అయితే మరుసటి ఓవర్లోనే ముకేశ్ చౌదరీ వెనుదిరగడంతో భారత-ఏ జట్టు ఇన్నింగ్స్‌కు తెరపడింది.ఇలా అయితే ఎలా..కివీస్‌తో టెస్టు సిరీస్‌కు సన్నాహకంగా భావిస్తున్న ఈ అనధికారిక టెస్టులో భారత బ్యాటర్లు పూర్తిగా నిరాశపరిచారు. ముఖ్యంగా టెస్టు జట్టులో కీలకంగా ఉన్న రాహుల్‌, సాయి సుదర్శన్‌, యశస్వి జైస్వాల్‌, పడిక్కల్‌, ధ్రువ్ జురేల్‌లు తక్కువ స్కోర్లకే వెనుదిరగడం ఆందోళన కలిగించే అంశం. ముఖ్యంగా రాణిస్తారనుకున్న కేఎల్ రాహుల్‌, సాయి సుదర్శన్‌, వాషింగ్టన్ సుందర్‌లు డకౌటయ్యి తీవ్రంగా నిరాశపరిచారు. మరి బౌలర్లు ఏ మేరకు సత్తా చాటుతారో చూడాలి.KL Rahul - 0(8) ❌ Sai Sudharsan - 0(13) ❌ Washington Sundar - 0(6) ❌ Dhruv Jurel - 1(13) ❌ Yashasvi Jaiswal - 17(45) ❌ Devdutt Padikkal - 32(77) ❌ INDIA A 58/6 vs NEW ZEALAND A IN THE UNOFFICIAL TEST 🤯 https://t.co/JWyzfdlcN5— Johns. (@CricCrazyJohns) October 24, 2026 New Zealand A have elected to bowl against India A in the first four-day game of the series! Follow The Scores ▶️ https://t.co/mw7nuHWltD #NZAvINDA— BCCI (@BCCI) October 23, 2026ఇదీ చదవండి: వైభవ్‌ ఆటపైనే అందరి దృష్టి!

లింకన్‌ (న్యూజిలాండ్‌): ఒకవైపు శ్రేయస్‌ అయ్యర్‌ సారథ్యంలోని భారత క్రికెట్‌ జట్టు... న్యూజిలాండ్‌తో టి20 సిరీస్‌ ఆడుతుండగా... మరోవైపు భారత ‘ఎ’ జట్టు న్యూజిలాండ్‌ ‘ఎ’తో అనధికారిక టెస్టు సిరీస్‌కు సిద్ధమైంది. మూడు మ్యాచ్‌ల సిరీస్‌లో భాగంగా ఇరు జట్ల మధ్య నేటి నుంచి నాలుగు రోజుల మ్యాచ్‌ ప్రారంభం కానుంది. టి20, వన్డే సిరీస్‌ల అనతరం భారత జట్టు న్యూజిలాండ్‌తో రెండు మ్యాచ్‌ల టెస్టు సిరీస్‌ ఆడనుంది. ప్రపంచ టెస్టు చాంపియన్‌షిప్‌ (డబ్ల్యూటీసీ) ఫైనల్‌కు అర్హత సాధించాలంటే ఈ సిరీస్‌ కీలకం కానుండటంతో... టీమ్‌ మేనేజ్‌మెంట్‌ అప్రమత్తమైంది. టెస్టు ఫార్మాట్‌లో జాతీయ జట్టుకు ప్రాతినిధ్యం వహిస్తున్న పలువురు ప్లేయర్లను భారత ‘ఎ’ జట్టుకు ఎంపిక చేసింది. దీంతో వారికి న్యూజిలాండ్‌ పరిస్థితులపై ఒక అవగాహన రానుంది. టెస్టు జట్టు కీలక ప్లేయర్లు కేఎల్‌ రాహుల్, యశస్వి జైస్వాల్‌కు ఈ సిరీస్‌ ఎంతో మేలు చేయనుంది. భారత ‘ఎ’ జట్టుకు ధ్రువ్‌ జురేల్‌ సారథ్యం వహిస్తుండగా... దేవదత్‌ పడిక్కల్, వాషింగ్టన్‌ సుందర్, సాయి సుదర్శన్, ఆకాశ్‌ దీప్, ముకేశ్‌ కుమార్, అన్షుల్‌ కంబోజ్‌ వంటి పలువురు ప్రధాన ఆటగాళ్లు ఇందులో ఆడనున్నారు. గాయం నుంచి పూర్తిగా కోలుకోని వికెట్‌ కీపర్‌ బ్యాటర్‌ రిషబ్‌ పంత్‌... ఇంకా బీసీసీఐ సెంటర్‌ ఆఫ్‌ ఎక్స్‌లెన్స్‌లోనే ఉండటంతో అతడి స్థానంలో కుమార్‌ కుషాగ్రను ఎంపిక చేశారు. తొలి రెండు మ్యాచ్‌లకు దూరమైన పంత్‌... మూడో అనధికారిక టెస్టు వరకు అందుబాటులో ఉండే అవకాశాలున్నాయి. ‘ఈ అనధికారిక టెస్టు సిరీస్‌కు చాలా ప్రాధాన్యత ఉంది. భారత ‘ఎ’ జట్టు తరఫున పలువురు టీమిండియా టెస్టు ప్లేయర్లు బరిలోకి దిగనున్నారు. అలాగే మరి కొంత మంది జాతీయ జట్టులో చోటు దక్కించుకోవాలనుకుంటున్న వారు ఉన్నారు. వాళ్లందరికీ ఇది ఎంతగానో ఉపయోగపడనుంది. టెస్టు సిరీస్‌ ప్రారంభానికి ముందు ప్లేయర్లకు మంచి మ్యాచ్‌ ప్రాక్టీస్‌ లభించినట్లు అవుతుంది’ అని భారత బ్యాటింగ్‌ కోచ్‌ సితాన్షు కొటక్‌ తెలిపాడు. మరోవైపు న్యూజిలాండ్‌ కూడా ఈ సిరీస్‌ను తమ ప్లేయర్లకు ప్రాక్టీస్‌గా భావిస్తోంది. మూడు మ్యాచ్‌ల అనధికారి టెస్టు సిరీస్‌ కోసం 19 మందితో ప్రకటించిన న్యూజిలాండ్‌ ‘ఎ’ జట్టులో 11 మంది సీనియర్‌ జట్టు తరఫున ఆడిన ప్లేయర్లు ఉన్నారు.

న్యూజిలాండ్‌ పర్యటనలో భాగంగా భారత్‌- ‘ఎ’ జట్టు ఆతిథ్య జట్టుతో అనధికారిక టెస్టు సిరీస్‌ ఆడనుంది. ఇందులో భాగంగా అక్టోబరు 24- నవంబరు 10 మధ్య కివీస్‌- భారత్‌ ‘ఎ’ జట్లు మూడు మ్యాచ్‌లలో తలపడతాయి. ఇందుకు సంబంధించి భారత క్రికెట్‌ నియంత్రణ మండలి (BCCI) ఇప్పటికే తమ జట్టును ప్రకటించింది.సారథిగా జురెల్‌కేఎల్‌ రాహుల్‌, యశస్వి జైస్వాల్‌, రిషభ్‌ పంత్‌ వంటి సీనియర్లు ఉన్నప్పటికీ భారత్‌-‘ఎ’ కెప్టెన్‌గా ధ్రువ్‌ జురెల్‌ను ఎంపిక చేసింది. అయితే, పంత్‌ ఇప్పటికే గాయం కారణంగా ఈ సిరీస్‌కు దూరమైనట్లు వార్తలు రాగా.. తాజాగా కేఎల్‌ రాహుల్‌ సైతం తొలి టెస్టు ఆడిన తర్వాత జట్టు నుంచి తప్పుకోనున్నట్లు సమాచారం.అందుకే రాహుల్‌ దూరంకాగా టీమిండియా సైతం కివీస్‌ పర్యటనలో ఉన్న సంగతి తెలిసిందే. న్యూజిలాండ్‌తో అక్టోబరు 22- డిసెంబరు 1 మధ్య ఐదు టీ20లు, ఐదు వన్డేలు, రెండు టెస్టులు ఆడనుంది. ఇందులో భాగంగా తొలుత టీ20 సిరీస్‌ మొదలుకాగా.. నవంబరు 4 నుంచి వన్డే సిరీస్‌ ప్రారంభమవుతుంది. ఈ సిరీస్‌ కోసం బీసీసీఐ రెండు జట్లను ఎంపిక చేయగా.. రాహుల్‌ తొలి మూడు వన్డేలు ఆడాల్సి ఉంది.జార్ఖండ్‌ టాపార్డర్‌ బ్యాటర్‌కు చోటుఈ నేపథ్యంలో భారత్‌- ‘ఎ’ తరఫున రెండు, మూడో అనధికారిక టెస్టులకు కేఎల్‌ రాహుల్‌ దూరమైనట్లు సమాచారం. దీంతో అతడి స్థానంలో జార్ఖండ్‌ టాపార్డర్‌ బ్యాటర్‌ శిఖర్‌ మోహన్‌కు సెలక్టర్లు తొలిసారి పిలుపునిచ్చినట్లు తెలుస్తోంది. కేఎల్‌ రాహుల్‌ స్థానంలో భారత్‌ ‘ఎ’ జట్టుకు అతడికి ఎంపిక చేసినట్లు సమాచారం.తాజా రంజీ ఎడిషన్‌లోనూ కాగా 21 ఏళ్ల శిఖర్‌ మోహన్‌ 2025-26 రంజీ సీజన్లో 12 ఇన్నింగ్స్‌ ఆడి 613 పరుగులతో రాణించాడు. ఇందులో ఓ డబుల్‌ సెంచరీ కూడా ఉండటం విశేషం. తాజా రంజీ ఎడిషన్‌లోనూ తొలి శతకం బాదిన క్రికెటర్‌గా శిఖర్‌ మోహన్‌ నిలిచాడు. ఇప్పటికే మూడు ఇన్నింగ్స్‌ పూర్తి చేసుకుని రెండు శతకాల సాయంతో 297 పరుగులు సాధించాడు.ఈ క్రమంలో భారత్‌ ‘ఎ’ జట్టులో శిఖర్‌ మోహన్‌కు చోటు దక్కినట్లు తెలుస్తోంది. ఇక ఇరానీ కప్‌లో అర్ధ శతకం బాదిన ఈ జార్ఖండ్‌ కుర్రాడు.. దులిప్‌ ట్రోఫీలో రెండు ఫిఫ్టీలు సాధించాడు. అదే విధంగా.. జార్ఖండ్‌ టీ20 లీగ్‌లో తొమ్మిది ఇన్నింగ్స్‌ ఆడి 322 పరుగులతో అదరగొట్టాడు.న్యూజిలాండ్‌-‘ఎ’ జట్టుతో అనధికారిక తొలి టెస్టుకు భారత జట్టుధ్రువ్ జురెల్ (కెప్టెన్ / వికెట్ కీపర్), యశస్వి జైస్వాల్, కేఎల్ రాహుల్, దేవదత్ పడిక్కల్, రవిచంద్రన్ స్మరణ్, రిషభ్ పంత్ (వికెట్ కీపర్ - ఫిట్‌నెస్‌కు లోబడి), వాషింగ్టన్ సుందర్, ఆకిబ్ నబీ, ఆకాశ్ దీప్, అన్షుల్ కంబోజ్, మానవ్ సుతార్, ముకేశ్ చౌదరి, సాయి సుదర్శన్, యశ్ రాథోడ్, ముకేశ్ కుమార్.రెండు, మూడో టెస్టులకు భారత జట్టుయశస్వి జైస్వాల్‌, దేవ్‌దత్‌ పడిక్కల్‌, రవిచంద్రన్‌ స్మరణ్‌, కుమార్‌ కుశాగ్రా (వికెట్‌ కీపర్‌), ధ్రువ్‌ జురెల్‌ (కెప్టెన్‌, వికెట్‌ కీపర్‌), వాషింగ్టన్‌ సుందర్‌, ఆకిబ్‌ నబీ, ఆకాశ్‌ దీప్‌, అన్షుల్‌ కాంబోజ్‌, మానవ్‌ సుతార్‌, ముకేశ్‌ చౌదరి, సాయి సుదర్శన్‌, యశ్‌ రాథోడ్‌, ముకేశ్‌ కుమార్‌, రిషభ్‌ పంత్‌ (ఫిట్‌నెస్‌కు లోబడి), శిఖర్‌ మోహన్‌.చదవండి: రిటైర్మెంట్‌ ప్రకటించిన టీమిండియా క్రికెటర్‌

సొంత‌గ‌డ్డ‌పై ఆస్ట్రేలియా అండ‌ర్‌-19 జ‌ట్టుతో జ‌రిగిన రెండు మ్యాచ్‌ల అన‌ధికారిక టెస్టు సిరీస్‌ను భార‌త యువ జ‌ట్టు 2-0తో క్లీన్‌స్వీప్ చేసింది. అహ్మ‌దాబాద్ వేదిక‌గా జ‌రిగిన రెండో అన‌ధికారిక టెస్టులో భార‌త్ 10 వికెట్ల తేడాతో ఘ‌న విజ‌యాన్ని అందుకుంది. 10 ప‌రుగుల స్వ‌ల్ప లక్ష్యంతో బ‌రిలోకి దిగిన టీమిండియా వికెట్ న‌ష్ట‌పోకుండా 11 ప‌రుగులు చేసి గెలుపొందింది. అంత‌క‌ముందు ఆస్ట్రేలియా అండ‌ర్‌-19 జ‌ట్టు త‌మ‌ రెండో ఇన్నింగ్స్‌లో 151 ప‌రుగుల‌కే కుప్ప‌కూలింది. ఆసీస్ బ్యాట‌ర్ల‌లో బ్లాక్ కాటిల్ (63) అర్థ‌సెంచ‌రీ సాధించ‌గా, ఎలి బ్రెయిన్ (39) మిన‌హా మిగ‌తావాళ్లంతా సింగిల్ డిజిట్‌కే ప‌రిమిత‌మ‌య్యారు. భార‌త బౌల‌ర్ల‌లో స్పిన్నర్‌ త‌న్మ‌య్ బ‌లోడా 8 వికెట్ల‌తో చెల‌రేగ‌గా, ప్రియాన్షు సింగ్ రెండు వికెట్లు తీశాడు. ఇక భార‌త్ త‌మ తొలి ఇన్నింగ్స్‌లో 315 ప‌రుగులకు ఆలౌటైంది.వికెట్‌కీపర్ అభిప్రయ్ బిశ్వాస్ (73), కెప్టెన్ యశ్‌బర్దన్ చౌహాన్ (52) అర్థసెంచరీలతో రాణించగా, మనాల్ చౌహాన్ (34), ప్రియాన్షు సింగ్ (30 నాటౌట్‌) రాణించారు. ఆసీస్ బౌలర్లలో స్పెన్సర్ గ్రీన్ ఏడు వికెట్లు తీయగా, థామస్ వెసో 2 వికెట్లు పడగొట్టాడు. ఇక ఆసీస్‌ను తొలి ఇన్నింగ్స్‌లో భారత​ బౌలర్లు 174 పరుగులకే కట్టడి చేశారు. తన్మయ్ బలోడా ఆరు వికెట్ల తీయగా, ఆయాన్ అక్రమ్ 2 వికెట్లు తీశాడు.తొలి ఇన్నింగ్స్‌లో ఆరు, రెండో ఇన్నింగ్స్‌లో 8 వికెట్లు.. మొత్తంగా రెండు ఇన్నింగ్స్‌లు కలిపి 14 వికెట్లు తీసి అండర్-19 క్రికెట్‌లో బెస్ట్ ప్రదర్శనతో రికార్డు సృష్టించాడు. అంతకముందు జరిగిన మూడు మ్యాచ్‌ల వన్డే సిరీస్‌ను కూడా భారత అండర్‌-19 జట్టు 3-0తో క్లీన్‌స్వీప్‌ చేయడం విశేషం.ఇదీ చదవండి: శ్రేయస్ మరో ఘనత.. రోహిత్‌, కోహ్లి సరసన

ఆస్ట్రేలియా అండర్‌-19 జట్టుతో రెండో అనధికారిక టెస్టులో భారత జట్టు తిరిగి పుంజుకుంది. మిడిలార్డర్‌ రాణించడంతో తొలి ఇన్నింగ్స్‌లో ఆధిక్యంలోకి దూసుకువచ్చింది. కాగా అహ్మదాబాద్‌లోని నరేంద్ర మోదీ స్టేడియం గ్రౌండ్‌ ‘బి’లో భారత్‌- ఆసీస్‌ అండర్‌-19 జట్ల మధ్య సోమవారం రెండో యూత్‌ టెస్టు మొదలైంది.174 పరుగులకే ఆలౌట్‌టాస్‌ గెలిచిన భారల్‌ తొలుత బౌలింగ్‌ ఎంచుకోగా.. ఆసీస్‌ బ్యాటింగ్‌కు దిగింది. భారత బౌలర్ల ధాటికి తాళలేక తొలి ఇన్నింగ్స్‌లో 174 పరుగులకే కుప్పకూలింది. నీల్‌ పటేల్‌ (31), చార్లీ హెండర్‌సన్‌ (37) మాత్రమే ముప్పై పరుగుల స్కోరు దాటగలిగారు. ఆతిథ్య జట్టు బౌలర్లలో తన్మయ్‌ బలోడా ఆరు వికెట్లతో చెలరేగగా.. అయాన్‌ అక్రం రెండు, మోహిత్‌ ఉల్వా, ప్రియాన్షు సింగ్‌ తలా ఒక వికెట్‌ పడగొట్టారు.అనంతరం.. తొలి రోజే బ్యాటింగ్‌ మొదలుపెట్టిన భారత్‌.. సోమవారం ఆట పూర్తయ్యే సమయానికి రెండు వికెట్ల నష్టానికి 38 పరుగులే చేయగలిగింది. ఓపెనర్లు లక్ష్య రాయ్‌ చందాని (1), సాగర్‌ విర్క్‌ (16) పూర్తిగా నిరాశపరిచారు. యశ్‌వర్దన్‌ చౌహాన్‌ అర్ధ శతకంఈ క్రమంలో 38/2 ఓవర్‌నైట్‌ స్కోరుతో మంగళవారం నాటి రెండో రోజు ఆట మొదలుపెట్టిన భారత జట్టు.. నిలకడైన ఆట తీరుతో ఆధిక్యంలోకి వచ్చింది.వన్‌డౌన్‌ బ్యాటర్‌ కుమార్‌ కుశాగ్రా (61 బంతుల్లో 29) ఫర్వాలేదనిపించగా.. కెప్టెన్‌ యశ్‌వర్దన్‌ చౌహాన్‌ అర్ధ శతకం (83 బంతుల్లో 52)తో ఆకట్టుకున్నాడు. మిగిలిన వారిలో మనాల్‌ చౌహాన్‌ 34, ఆర్యన్‌ యాదవ్‌ 30 పరుగులతో రాణించారు. ఆధిక్యంలోకి భారత్‌లోయర్‌ ఆర్డర్‌లో మోహిత్‌ ఉల్వా (5), అయాన్‌ అక్రం (0) విఫలమయ్యారు. వీళ్లిద్దరు ఒకే ఓవర్లో (52వ ఓవర్‌) అవుట్‌ కాగా.. అప్పటికి భారత్‌ ఎనిమిది వికెట్ల నష్టానికి 184 పరుగులు చేసి.. పది పరుగుల ఆధిక్యంలోకి వెళ్లింది.ఇక 60 ఓవర్ల ఆట పూర్తయ్యేసరికి భారత్‌ ఓవరాల్‌గా యాభైకి పైగా (55) పరుగుల ఆధిక్యం సంపాదించింది. ప్రియాన్షు సింగ్‌ (5*), అభిప్రయ్‌ బిస్వాస్‌ (47*) క్రీజులో నిలిచారు.చదవండి: టీమిండియా కొత్త కెప్టెన్‌గా స్టార్‌ ఓపెనర్‌!

పాండిచ్చేరి వేదిక‌గా ఆస్ట్రేలియా-ఎతో జ‌రిగిన రెండో అన‌ధికారిక టెస్టును భార‌త‌-ఎ జ‌ట్టు డ్రాగా ముగించింది. నాలుగోరోజు ఆట‌కు చివ‌రి రోజు కావ‌డంతో, రోజు ముగిసే స‌మ‌యానికి 365 ప‌రుగుల ల‌క్ష్యంతో బ‌రిలోకి దిగిన‌ భార‌త జ‌ట్టు 9 వికెట్ల న‌ష్టానికి 310 ప‌రుగులు చేసింది. దీంతో ఆస్ట్రేలియా విజ‌యానికి ఒక్క వికెట్ దూరంలో ఆగిపోయింది. తొలి అన‌ధికారిక టెస్టును గెలిచిన భార‌త్ 1-0తో సిరీస్‌ను సొంతం చేసుకుంది. భారత్‌ను ఓటమి నుంచి తప్పించిన షామ్స్‌ ములాని రెండు టెస్టులు కలిపి 55 పరుగులతో పాటు 10 వికెట్లు తీసి ‘ప్లేయర్‌ ఆఫ్‌ ది సిరీస్‌’ అవార్డు సొంతం చేసుకున్నాడు.మ్యాచ్‌లో భార‌త్‌ ఓట‌మి ఖాయ‌మ‌నున్న ద‌శ‌లో షామ్స్ ములానీ (131 బంతుల్లో 29) ఆప‌ద్బాంధ‌వుడి పాత్ర‌ను పోషించి జ‌ట్టును ఓట‌మి నుంచి త‌ప్పించ‌గా, న‌చికేత్ భూతే (20 నాటౌట్‌) అత‌డికి స‌హ‌క‌రించాడు. చివ‌ర్లో ఆస్ట్రేలియా బౌల‌ర్లను మార్చి ఎన్ని రకాలుగా ప్ర‌య‌త్నం చేసినప్పటికీ లాభం లేకపోయింది. చివ‌రి ఓవ‌ర్ వ‌ర‌కు విజ‌యం కోసం ప్ర‌య‌త్నించిన ఆసీస్‌కు శామ్స్ ములాని, న‌చికేత్ భూతేలు కొర‌క‌రాని కొయ్య‌లుగా మారి వారి గెలుపును అడ్డుకున్నారు. అంత‌క‌ముందు య‌శ్ రాథోడ్ (80), తుషార్ దేశ్‌పాండే (52) అర్థ‌సెంచ‌రీల‌తో రాణించి భార‌త ఇన్నింగ్స్‌ను నిల‌బెట్టారు. ఆస్ట్రేలియా బౌల‌ర్ల‌లో లియామ్ స్కాట్ 5 వికెట్ల‌తో చెల‌రేగ‌గా.. లియామ్ హాచ‌ర్‌, టాడ్ ముర్ఫీ, కోరె రొచ్చిసియోలి, నాథ‌న్ మెక్‌స్వీనీ త‌లా ఒక వికెట్ తీశారు. ఇక తొలి ఇన్నింగ్స్‌లో ఆస్ట్రేలియా 358 ప‌రుగుల‌కు ఆలౌట్ కాగా.. భార‌త్ తొలి ఇన్నింగ్స్‌లో 167 ప‌రుగుల‌కే కుప్ప‌కూల‌డంతో ఆసీస్‌కు 191 ప‌రుగుల ఆధిక్యం ల‌భించింది. ఆసీస్ త‌మ రెండో ఇన్నింగ్స్‌ను 173 ప‌రుగుల వ‌ద్ద డిక్లేర్ చేసి భార‌త్ ఎదుట 365 ప‌రుగుల టార్గెట్‌ను ఉంచింది. ఇరుజ‌ట్ల మ‌ధ్య అన‌ధికారిక వ‌న్డే సిరీస్ అక్టోబ‌ర్ 6 నుంచి జ‌ర‌గ‌నుంది. ఈ నేపథ్యంలో తొలి అన‌ధికారిక వ‌న్డేకు పాండిచ్చేరి వేదిక కానుంది.ఇదీ చదవండి: రేపు పాక్‌తో ఫైన‌ల్‌.. అందరి కళ్లు ఆ ముగ్గురిపైనే!

ఆస్ట్రేలియా మహిళల ‘ఎ’ జట్టుతో జరిగిన ఏకైక టెస్టులో భారత మహిళల ‘ఎ’ జట్టు ఘన విజయం సాధించింది. సొంతగడ్డపై ఆకాశమే హద్దుగా చెలరేగి ఏకంగా 281 పరుగుల తేడాతో ఆసీస్‌ను మట్టికరిపించింది.టీ20 సిరీస్‌లో పరాభవంకాగా అనధికారిక సిరీస్‌లలో భాగంగా మూడు టీ20 మ్యాచ్‌లు, మూడు వన్డేలు, ఏకైక టెస్టు ఆడేందుకు ఆసీస్‌ మహిళల జట్టు భారత పర్యటనకు వచ్చింది. తొలుత టీ20 సిరీస్‌ జరుగగా ఆసీస్‌.. అనూహ్య రీతిలో భారత జట్టును 3-0తో క్లీన్‌స్వీప్‌ చేసింది.వన్డే సిరీస్‌ కైవసంఅయితే, వన్డే సిరీస్‌ను మాత్రం భారత మహిళల జట్టు 2-1తో కైవసం చేసుకుంది. ఈ క్రమంలో ఇరుజట్ల మధ్య ధర్మశాల వేదికగా మంగళవారం ఏకైక టెస్టు మొదలుకాగా.. టాస్‌ గెలిచిన భారత మహిళల ‘ఎ’ జట్టు తొలుత బ్యాటింగ్‌ ఎంచుకుంది.364 పరుగులు చేసి ఆలౌట్‌ఓపెనర్లు శుభా సతీశ్‌ (59) , ప్రియా పునియా (46) శుభారంభం అందించగా.. నాలుగో నంబర్‌ బ్యాటర్‌ అనుష్క శర్మ (44) కూడా రాణించింది. అయితే, ఆరు, ఏడు స్థానాల్లో బ్యాటింగ్‌కు దిగిన తనీషా సింగ్‌ (92), నికీ ప్రసాద్‌ (91) అద్భుత ప్రదర్శనతో ఆకట్టుకున్నారు. ఫలితంగా తొలి ఇన్నింగ్స్‌లో భారత్‌ 364 పరుగులు చేసి ఆలౌట్‌ అయింది.కుప్పకూలిన ఆసీస్‌ఆసీస్‌ బౌలర్లలో లిల్లీ మిల్స్‌ నాలుగు, చార్లి నాట్‌ మూడు వికెట్లతో సత్తా చాటగా.. టెస్‌ ఫ్లింటాఫ్‌, మిల్లీ ఇల్లింగ్‌వర్త్‌, ఫ్రాంకీ నిక్లిన్‌ తలా ఒక వికెట్‌ పడగొట్టారు. అనంతరం బ్యాటింగ్‌కు దిగిన ఆసీస్‌ కేవలం 176 పరుగులు చేసి ఆలౌట్‌ అయింది. ఓపెనర్లలో కెప్టెన్‌ రేచల్‌ ట్రెనామన్‌ (44), వికెట్‌ కీపర్‌ బ్యాటర్‌ తామిలా విల్సన్‌ (35) ఓ మోస్తరుగా రాణించారు.భారత బౌలర్లలో వైష్ణవి శర్మ ఆరు వికెట్లతో చెలరేగి ఆసీస్‌ బ్యాటింగ్‌ ఆర్డర్‌ పతనాన్ని శాసించింది. మిగిలిన వారిలో శుచి ఉపాధ్యాయ్‌, నికీ ప్రసాద్‌ చెరో రెండు వికెట్లు తీశారు. ఈ క్రమంలో భారత్‌కు తొలి ఇన్నింగ్స్‌లో 188 పరుగుల ఆధిక్యం లభించింది.భారీ లక్ష్యంఅనంతరం రెండో ఇన్నింగ్స్‌ ఆరంభించిన భారత జట్టు 257 పరుగులు చేసి ఆలౌటైంది. ఓపెనర్‌ ప్రియా పునియా అర్ధ శతకం (59) బాదగా.. యస్తికా భాటియా 46, అనుష్మ శర్మ 48 పరుగులతో రాణించారు. ఆసీస్‌ బౌలర్‌ లిల్లీ మిల్స్‌ ఐదు వికెట్లు పడగొట్టగా.. ఫ్రాంకీ నిక్లిన్‌ నాలుగు, చార్లీ నాట్‌ ఒక వికెట్‌ దక్కించుకున్నారు.281 పరుగుల తేడాతో జయభేరిఇక తొలి ఇన్నింగ్స్‌ ఆధిక్యం కలుపుకొని భారత్‌ ఆసీస్‌కు 446 పరుగుల మేర భారీ లక్ష్యాన్ని విధించింది. ఈ క్రమంలో కంగారూ జట్టు 164 పరుగులకే కుప్పకూలడంతో.. గురువారం నాటి ఆట సందర్భంగా భారత్‌ 281 పరుగుల తేడాతో జయభేరి మోగించింది. నికీ ప్రసాద్‌ ఐదు వికెట్లతో చెలరేగగా.. వైష్ణవి శర్మ మూడు, శుచి ఉపాధ్యాయ ఒక వికెట్‌ తమ ఖాతాలో వేసుకున్నారు. ఆల్‌రౌండ్‌ ప్రదర్శనతో ఆకట్టుకున్న 20 ఏళ్ల నికీ ప్రసాద్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది. చదవండి: వన్డే వరల్డ్‌కప్‌-2027... టీమిండియా షెడ్యూల్‌ ఇదే

ఆస్ట్రేలియా- ‘ఎ’ జట్టుతో రెండో అనధికారిక టెస్టు మ్యాచ్‌లో భారత్‌- ‘ఎ’ జట్టు కష్టాల్లో పడింది. ఓపెనర్లు ఆయుశ్‌ పాండే (4), సాయి సుదర్శన్‌ (8) పూర్తిగా విఫలమయ్యారు. వన్‌డౌన్‌ బ్యాటర్‌, కెప్టెన్‌ దేవదత్‌ పడిక్కల్‌ (31) కూడా నిరాశపరిచాడు.కాగా పుదుచ్చేరి వేదికగా భారత్‌- ఆసీస్‌ జట్ల మధ్య మంగళవారం రెండో అనధికారిక టెస్టు మొదలైంది. టాస్‌ గెలిచిన కంగారూ జట్టు తొలుత బ్యాటింగ్‌ ఎంచుకుంది. టాపార్డర్‌ విఫలమైనప్పటికీ.. వికెట్‌ కీపర్‌ బ్యాటర్‌ సామ్‌ హార్పర్‌ అద్భుత ప్రదర్శన కారణంగా తొలి ఇన్నింగ్స్‌లో మెరుగైన స్కోరు సాధించింది.ఆసీస్‌ మెరుగైన స్కోరుఏడోస్థానంలో బ్యాటింగ్‌కు వచ్చిన హార్పర్‌ మొత్తంగా 223 బంతులు ఎదుర్కొని ఏడు ఫోర్లు, మూడు సిక్సర్ల సాయంతో 128 పరుగులు సాధించాడు. మిగిలిన వారిలో నాథన్‌ మెక్‌స్వీనీ (34), జేసన్‌ సంఘా (46), లియామ్‌ స్కాట్‌ (34), టాడ్‌ మర్ఫీ (33), జై రిచర్డ్‌సన్‌ (31) ఓ మోస్తరుగా రాణించారు.ఫలితంగా బుధవారం నాటి రెండో రోజు ఆట సందర్భంగా ఆసీస్‌ తమ మొదటి ఇన్నింగ్స్‌లో 358 పరుగులు చేసి ఆలౌట్‌ అయింది. అనంతర బ్యాటింగ్‌కు మొదలుపెట్టిన భారత్‌కు ఆదిలోనే ఎదురుదెబ్బలు తగిలాయి. రిచరర్డ్‌సన్‌ ఆయుశ్‌ను అవుట్‌ చేయగా.. సాయి సుదర్శన్‌ను మర్ఫీ బౌల్డ్‌ చేశాడు. ఇక పడిక్కల్‌ను కోరే రొచిసియోలి పెవిలియన్‌కు పంపాడు.అజేయంగా రషీద్‌యశ్‌ రాథోడ్‌ (15)ను మర్ఫీ వెనక్కి పంగా.. ఫామ్‌లో ఉన్న కుమార్‌ కుశాగ్రా (10)ను లియామ్‌ స్కాట్‌ వికెట్ల ముందు దొరకబుచ్చుకున్నాడు. ఇక బుధవారం ఆట పూర్తయ్యేసరికి గుంటూరు కుర్రాడు షేక్‌ రషీద్‌ 36, తనుశ్‌ కొటియాన్‌ 6 పరుగులతో క్రీజులో నిలిచారు. ఈ క్రమంలో భారత్‌ రెండో రోజు ఆట ముగిసే సరికి 51 ఓవర్లలో ఐదు వికెట్లు నష్టపోయి 122 పరుగులు మాత్రమే చేసింది. ఆసీస్‌ కంటే ఇంకా 236 పరుగులు వెనుకబడి ఉంది.చదవండి: ‘నన్ను ఇరికించి.. నువ్వు వాళ్ల భజన చేస్తున్నావు’

ధ‌ర్మ‌శాల వేదిక‌గా ఇండియా వుమెన్‌-ఎ జ‌ట్టుతో జరుగుతున్న ఏకైక అన‌ధికారిక టెస్టు మ్యాచ్‌లో ఆస్ట్రేలియా-ఎ జ‌ట్టు 176 ప‌రుగుల‌కే కుప్ప‌కూలింది. దీంతో భార‌త్ తొలి ఇన్నింగ్స్‌లో 188 ప‌రుగుల భారీ ఆధిక్యం ల‌భించిన‌ట్ల‌యింది. ఆసీస్ బ్యాట‌ర్ల‌లో కెప్టెన్ రాచెల్ ట్రెనామ‌న్ (44) టాప్ స్కోర‌ర్‌గా నిల‌వ‌గా, వికెట్ కీప‌ర్ తాహిలా విల్స‌న్ (35) ప‌రుగులతో ప‌ర్వాలేద‌నిపించింది. భార‌త బౌల‌ర్ల‌లో స్పిన్న‌ర్ వైష్ణ‌వి శ‌ర్మ ఆరు వికెట్ల‌తో చెల‌రేగ‌గా, శుచి ఉపాధ్యాయ్‌, నికీ ప్ర‌సాద్ చెరో 2 వికెట్లు ప‌డ‌గొట్టారు. అంత‌క‌ముందు భార‌త్ త‌మ తొలి ఇన్నింగ్స్‌లో 364 ప‌రుగుల‌కు ఆలౌటైంది. త‌నీశా సింగ్ (92), నికీ ప్ర‌సాద్ (91) సెంచ‌రీలు మిస్ చేసుకోగా, ఓపెన‌ర్ శుభా స‌తీష్ (59) అర్థ‌సెంచ‌రీ సాధించింది. లిల్లీ మిల్స్‌ నాలుగు వికెట్లు తీసింది.అనంత‌రం రెండో ఇన్నింగ్స్ ప్రారంభించిన భార‌త్ వికెట్ న‌ష్ట‌పోకుండా 14 ప‌రుగులు చేసింది. శుభా స‌తీశ్ (11), ప్రియా పూనియా (2) క్రీజులో ఉన్నారు. తొలి ఇన్నింగ్స్ ఆధిక్యం క‌లుపుకొని ప్ర‌స్తుతం భార‌త్ 202 ప‌రుగుల ఆధిక్యంలో కొన‌సాగుతుంది.𝐀 𝐦𝐚𝐬𝐬𝐢𝐯𝐞 𝟏𝟖𝟖-𝐫𝐮𝐧 𝐟𝐢𝐫𝐬𝐭-𝐢𝐧𝐧𝐢𝐧𝐠𝐬 𝐥𝐞𝐚𝐝 𝐟𝐨𝐫 𝐈𝐧𝐝𝐢𝐚 𝐀 👏𝐈𝐧𝐝𝐢𝐚 𝐀: 𝟑𝟔𝟒/𝟏𝟎 (𝟏𝟎𝟑.𝟑)Tanisha Singh - 92 (166)Niki Prasad - 91 (112)Lilly Mills - 4/98 (32.3)𝐀𝐮𝐬𝐭𝐫𝐚𝐥𝐢𝐚 𝐀: 𝟏𝟕𝟔/𝟏𝟎 (𝟔𝟑.𝟒)Rachel Trenaman - 44 (88)… pic.twitter.com/s0Jona9ayS— Female Cricket (@imfemalecricket) September 30, 2026ఇదీ చదవండి: వెస్టిండీస్‌ ఓపెనర్‌ విధ్వంసం.. ఫాస్టెస్ట్‌ హాఫ్‌ సెంచరీ

భారత్‌- ‘ఎ’ జట్టుతో రెండో అనధికారిక టెస్టులో ఆస్ట్రేలియా- ‘ఎ’ టీమ్‌ మిడిలార్డర్‌ మెరుగ్గా రాణించింది. ఫలితంగా కంగారూలు తొలి ఇన్నింగ్స్‌లో మెరుగైన స్కోరుకు ఆలౌట్‌ అయ్యారు. పుదుచ్చేరి వేదికగా రెండు మ్యాచ్‌ల అనధికారిక టెస్టు సిరీస్‌లో భాగంగా ఇరుజట్ల మధ్య మంగళవారం రెండో మ్యాచ్‌ మొదలైంది.టాపార్డర్‌ విఫలంటాస్‌ గెలిచిన ఆసీస్‌ జట్టు కెప్టెన్‌ పీటర్‌ హ్యాండ్స్‌కోంబ్‌ తొలుత బ్యాటింగ్‌ ఎంచుకున్నాడు. అయితే, భారత బౌలర్ల ధాటికి టాపార్డర్‌ కుదేలు కావడంతో కంగారూ జట్టు కష్టాల్లో పడింది. ఓపెనర్లు సామ్‌ కొన్‌స్టాస్‌ (2), జోష్‌ ఫిలిప్‌ (5) పూర్తిగా విఫలం కాగా.. నాథన్‌ మెక్‌స్వీనీ (34) కూడా నిరాశపరిచాడు.ఇక హ్యాండ్స్‌కోంబ్‌ డకౌట్‌ కాగా.. జేసన్‌ సంఘా (46), లియామ్‌ స్కాట్‌ (34) మెరుగైన ఆట తీరుతో ఇన్నింగ్స్‌ చక్కదిద్దారు. అయితే, ఏడో స్థానంలో బ్యాటింగ్‌కు వచ్చిన వికెట్‌ కీపర్‌ బ్యాటర్‌ సామ్‌ హార్పర్‌ ఆసీస్‌ ఇన్నింగ్స్‌ గతినే మార్చివేశాడు. తొలి రోజు ఆటలో అజేయ శతకంతో క్రీజులో నిలిచాడు హార్పర్‌.ఆదుకున్న హార్పర్‌ఈ క్రమంలో బుధవారం నాటి రెండో రోజు ఆట సందర్భంగా అన్షుల్‌ కాంబోజ్‌ బౌలింగ్‌లో కుమార్‌ కుశాగ్రాకు క్యాచ్‌ ఇవ్వడంతో హార్పర్‌ సెంచరీ ఇన్నింగ్స్‌కు తెరపడింది. మొత్తంగా 223 బంతులు ఎదుర్కొన్న ఈ కుడిచేతి వాటం బ్యాటర్‌.. ఏడు ఫోర్లు, మూడు సిక్సర్ల సాయంతో 128 పరుగులు సాధించాడు.ఆసీస్‌ ఆలౌట్‌మిగిలిన వారిలో టాడ్‌ మర్ఫీ (33), జై రిచర్డ్‌సన్‌ (31) అతడికి సహకారం అందించారు. కోరే రొచిసియోలి 16 పరుగులతో అజేయంగా నిలవగా.. లియామ్‌ హాచర్‌ (0) పదో వికెట్‌గా వెనుదిరిగాడు. ఈ క్రమంలో ఆసీస్‌ తొలి ఇన్నింగ్స్‌లో 116.3 ఓవర్లు ఆడి 358 పరుగులు చేసి ఆలౌట్‌ అయింది.భారత బౌలర్లలో స్పిన్నర్లలో షమ్స్‌ ములాని మూడు, ఆల్‌రౌండర్‌ తనుశ్‌ కొటియాన్‌ ఒక వికెట్‌ తీయగా.. పేసర్లు అన్షుల్‌ కాంబోజ్‌, నచికేత్‌ భూటే చెరో మూడు వికెట్లు పడగొట్టారు. కాగా తొలి అనధికారిక టెస్టు మ్యాచ్‌లో భారత్‌ ఆసీస్‌ను 162 పరుగుల తేడాతో చిత్తుగా చేసింది. చదవండి: కోహ్లి కచ్చితంగా పశ్చాత్తాప పడతాడు: టీమిండియా దిగ్గజ కెప్టెన్‌

ధ‌ర్మ‌శాల వేదిక‌గా ఆస్ట్రేలియా-ఎ వుమెన్‌తో జ‌రుగుతున్న ఏకైక అన‌ధికారిక టెస్టు మ్యాచ్‌లో భార‌త జ‌ట్టు ప‌ట్టు బిగించింది. తొలిరోజు ఆట ముగిసే స‌మ‌యానికి 100 ఓవ‌ర్ల‌లో 9 వికెట్ల న‌ష్టానికి 351 ప‌రుగులు చేసింది. త‌నిషా సింగ్ (166 బంతుల్లో 92) సెంచ‌రీ చేజార్చుకోగా, నికీ ప్ర‌సాద్ (78 నాటౌట్‌), శుచి ఉపాధ్యాయ్ క్రీజులో ఉన్నారు. అంత‌క‌ముందు ఓపెన‌ర్ శుభా స‌తీశ్ (59), అర్థ‌సెంచ‌రీ సాధించ‌గా, ప్రియా పూనియా (46), అనుష్క శ‌ర్మ (44) రాణించారు. ఆస్ట్రేలియా బౌల‌ర్ల‌లో లిల్లీ మిల్స్, చార్లీ నాట్ చెరో 3 వికెట్లు తీయ‌గా, టెస్ ఫ్లింటాఫ్‌, మిల్లీ ఇల్లింగ్‌వ‌ర్త్‌, ఫ్రాంకీ నిక్లిన్ త‌లా ఒక వికెట్ తీశారు. 120 ప‌రుగుల‌కు నాలుగు వికెట్లు కోల్పోయిన క్ర‌మంలో అనుష్క శ‌ర్మ‌తో క‌లిసి త‌నిశా సింగ్ ఐదో వికెట్‌కు 82 ప‌రుగులు జోడించి ఇన్నింగ్స్‌ను చ‌క్క‌దిద్దారు. అనంత‌రం అనుష్క ఔటైన‌ప్ప‌టికీ, క్రీజులోకి వ‌చ్చిన నికీ ప్ర‌సాద్ ఆరంభం నుంచే ధాటిగా ఆడింది. సెంచ‌రీ వైపు ప‌రిగెడుతున్న త‌నిశా సింగ్‌ను టెస్ ఫ్లింటాఫ్ ఎల్బీడ‌బ్ల్యూగా పెవిలియ‌న్ చేర్చింది. అయితే నికీ ప్ర‌సాద్ మాత్రం మ‌రో ఎండ్‌లో ధాటిగా ఆడుతూ స్కోరును పెంచే ప్ర‌య‌త్నం చేసింది. ఈ క్ర‌మంలోనే భార‌త్ స్కోరు 350 మార్క్‌ను దాటింది.𝐈𝐧𝐝𝐢𝐚 𝐀 𝐫𝐞𝐚𝐜𝐡 𝟑𝟓𝟏/𝟗 𝐚𝐭 𝐬𝐭𝐮𝐦𝐩𝐬 𝐨𝐧 𝐃𝐚𝐲 𝟏! 💪Tanisha Singh (92), Niki Prasad (78* ) and Shubha Satheesh (59) anchored India's innings 🏏Lilly Mills (3/94) and Charli Knott (3/82) led Australia A's bowling 👏 #CricketTwitter pic.twitter.com/Os0sDsSCzb— Female Cricket (@imfemalecricket) September 29, 2026ఇదీ చదవండి: భారత్‌ ఖాతాలో మరో స్వర్ణం.. అద్భుతం చేసిన అథ్లెట్లు

ఆస్ట్రేలియా- ‘ఎ’ జట్టుతో రెండో అనధికారిక టెస్టులో భారత్‌- ‘ఎ’ బౌలర్లు ఆరంభంలో అదరగొట్టారు. కంగారూ టాపార్డర్‌ను కకావికలం చేసి శుభారంభం అందించారు. అయితే, మిడిలార్డర్‌ కుదురుగా ఆడటంతో తొలి రోజే ఆసీస్‌ను ఆలౌట్‌ చేసే అవకాశం భారత్‌ చేజారింది.రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ ‘ఎ’ జట్టు భారత్‌కు వచ్చింది. ఇందులో భాగంగా పుదుచ్చేరి వేదికగా సిరీస్‌ జరగుతుండగా.. తొలి టెస్టులో భారత్‌ ఆసీస్‌ను 162 పరుగుల తేడాతో చిత్తు చేసింది.టాపార్డర్‌ కుదేలుఇరుజట్ల మధ్య మంగళవారం రెండో అనధికారిక టెస్టు మొదలైంది. టాస్‌​ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఓపెనర్లు సామ్‌ కొన్‌స్టాస్‌ (2), జోష్‌ ఫిలిప్‌ (5) ఇలా వచ్చి అలా వెళ్లారు. కొన్‌స్టాస్‌ను షమ్స్‌ ములానీ, జోష్‌ను నచికేత్‌ భూటే త్వరత్వరగా పెవిలియన్‌కు పంపారు. ఇక వన్‌డౌన్‌లో వచ్చిన నాథన్‌ మెక్‌స్వీనీ (76 బంతుల్లో 34) నిలదొక్కుకునే ప్రయత్నం చేయగా.. ములాని అతడి ఆశలపై నీళ్లు చల్లాడు. మరోవైపు.. కెప్టెన్‌ పీటర్‌ హ్యాండ్స్‌కోంబ్‌ను నచికేత్‌ డకౌట్‌ చేశాడు. దీంతో ఆసీస్‌ 96 పరుగులకే నాలుగు వికెట్లు కోల్పోయి కష్టాల్లో పడింది.ఏడో స్థానంలో వచ్చి శతక్కొట్టాడుఇలాంటి దశలో జేసన్‌ సంఘా (46), లియామ్‌ స్కాట్‌ (34) ఇన్నింగ్స్‌ గాడిన పెట్టగా.. వికెట్‌ కీపర్‌ బ్యాటర్‌, ఏడో స్థానంలో వచ్చిన సామ్‌ హార్పర్‌ అజేయ శతకం సాధించాడు. అతడికి టాడ్‌ మర్ఫీ (91 బంతుల్లో 33) సహకారం అందించాడు.101 పరుగులతో అజేయంగాఫలితంగా మంగళవారం నాటి మొదటిరోజు ఆట పూర్తయ్యేసరికి ఆసీస్‌ ‘ఎ’ జట్టు ఏడు వికెట్ల నష్టానికి 282 పరుగులు చేయగలిగింది. సామ్‌ హార్పర్‌ 153 బంతులు ఎదుర్కొని ఏడు ఫోర్లు, మూడు సిక్సర్ల సాయంతో 101 పరుగులతో అజేయంగా నిలవగా.. అతడికి తోడుగా జై రిచర్డ్‌సన్‌ సున్నా పరుగులతో ఉన్నాడు. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని, రైటార్మ్‌ పేసర్‌ నచికేత్‌ భూటే చెరో మూడు వికెట్లు పడగొట్టగా.. మరో పేసర్‌ అన్షుల్‌ కాంబోజ్‌ ఒక వికెట్‌ దక్కించుకున్నాడు. ఇదిలా ఉంటే.. భారత అండర్‌-19 జట్టు ఆసీస్‌ అండర్‌-19 జట్టును తొలి యూత్‌ టెస్టులో మంగళవారం ఇన్నింగ్స్‌ 48 పరుగుల తేడాతో చిత్తు చేసింది.చదవండి: ఆసీస్‌తో మ్యాచ్‌.. భారత ఓపెనర్‌ ప్రపంచ రికార్డు

రాజ్‌కోట్ వేదిక‌గా ఆస్ట్రేలియా అండ‌ర్‌-19 జ‌ట్టుతో జ‌రుగుతున్న తొలి అన‌ధికారిక టెస్టులో భారత జ‌ట్టు యువ ఓపెన‌ర్ ల‌క్ష్య రాజేశ్ రాయ్‌చందని డ‌బుల్ సెంచ‌రీతో మెరిశాడు. ఫ‌లితంగా రెండోరోజు ఆట ముగిసే స‌మ‌యానికి భార‌త అండ‌ర్‌-19 జ‌ట్టు 92 ఓవ‌ర్లు ముగిసేస‌రికి 8 వికెట్ల న‌ష్టానికి 430 ప‌రుగులు చేసింది.ల‌క్ష్య రాజేశ్ (256 బంతుల్లో 210 నాటౌట్‌), మోహిత్ ఉల్వా (58 నాటౌట్‌) అజేయ అర్థ‌సెంచ‌రీతో క్రీజులో ఉన్నారు. భార‌త్ ఇప్పటివ‌ర‌కు 213 ప‌రుగుల ఆధిక్యంలో కొన‌సాగుతోంది. అయితే మ్యాచ్‌లో ఒక‌ప‌క్క వికెట్లు ప‌డుతున్నప్ప‌టికీ ఏకాగ్ర‌త‌ను కోల్పోకుండా బ్యాటింగ్ కొన‌సాగించిన ల‌క్ష్య రాజేశ్ చూస్తుండ‌గానే సెంచ‌రీని అద్భుత ద్విశ‌త‌కంగా మ‌లిచాడు. 247 బంతుల్లో డ‌బుల్ సెంచ‌రీ మార్క్ సాధించిన ల‌క్ష్య రాజేశ్ ఇన్నింగ్స్‌లో 20 ఫోర్లు, 4 సిక్స‌ర్లు ఉన్నాయి. కెప్టెన్ య‌శ్‌బ‌ర్ధ‌న్ (54) ఔటైన త‌ర్వాత భార‌త్‌ వెనువెంట‌నే రెండు వికెట్లు కోల్పోయింది. ఈ ద‌శ‌లో లోయ‌ర్ ఆర్డ‌ర్‌లో మాన‌వ్ కృష్ణ (25), అయాన్ అక్ర‌మ్ (26) వికెట్ల ప‌త‌నాన్ని అడ్డుకోవ‌డంతో భార‌త్ ఆధిక్యం పెర‌గ‌డంలో స‌హ‌క‌రించారు. వీరిద్ద‌రు వెనుదిరిగిన త‌ర్వాత క్రీజులోకి వ‌చ్చిన మోహిత్ ఉల్వా అజేయ అర్థ‌సెంచ‌రీతో మెర‌వ‌డ‌మే గాక‌, ల‌క్ష్య రాజేశ్‌కు అండ‌గా నిలబ‌డి, డ‌బుల్ సెంచ‌రీ చేసేందుకు స‌హ‌యప‌డ్డాడు. ఆస్ట్రేలియా బౌల‌ర్ల‌లో కాసీ బార్ట‌న్ 3 వికెట్లు తీయ‌గా, స్పెన్స‌ర్ గ్రీన్‌, కొన్నోర్ గ్రేగ‌రి చెరో 2 వికెట్లు ప‌డ‌గొట్టారు. అంత‌క‌ముందు ఆస్ట్రేలియా అండ‌ర్‌-19 జ‌ట్టు 217 ప‌రుగుల‌కు ఆలౌట్ అయింది.ఇదీ చదవండి: Asian Games: జ్యోతి సురేఖకు షాకిచ్చిన 14 ఏళ్ల సంచ‌ల‌నం

రాజ్‌కోట్‌ వేదికగా ఆస్ట్రేలియా-అండర్‌ 19 జట్టుతో జరుగుతున్న తొలి అనధికారిక టెస్టులో తొలిరోజు భారత యువ జట్టు ఆధిపత్యం ప్రదర్శించింది. మొదటిరోజు ఆట ముగిసే సమయానికి భారత అండర్‌-19 జట్టు వికెట్‌ నష్టపోకుండా 8 పరుగులు చేసింది. లక్ష్యరాజేశ్‌, సాగర్‌ వీకే క్రీజులో ఉన్నారు. అంతకముందు ఆస్ట్రేలియా భారత బౌలర్ల ధాటికి తొలి ఇన్నింగ్స్‌లో 217 పరుగులకు ఆలౌటైంది. మిడిలార్డర్‌లో బ్లేక్‌ కాటిల్‌ (102) సెంచరీ చేయగా, జెడ్‌ హొలిక్‌ (59) అర్థసెంచరీ సాధించగా, మిగతావారిలో ఎవరు పెద్దగా రాణించలేదు. భారత బౌలర్లలో ఇషాన్‌ ఓం 5 వికెట్లతో ఆసీస్‌ వెన్ను విరవగా, మోహిత్‌ ఉల్వా మూడు, కెప్టెన్‌ యశ్‌బర్దన్‌ చౌహాన్‌ రెండు వికెట్లు తీశారు.A five-wicket haul for Ishan Om as India U-19 restricts Australia to 217 in the first innings. @sportstarweb pic.twitter.com/uzkhggtOVx— Shayan Acharya (@ShayanAcharya) September 27, 2026ఇదీ చదవండి: ఈ ద‌శాబ్దంలోనే రూట్‌ అత్యంత‌ చెత్త రికార్డు!

ఆస్ట్రేలియా-‘ఎ’తో తొలి అనధికారిక టెస్టు మ్యాచ్‌లో భారత్‌-‘ఎ’ జట్టు ఘన విజయం సాధించింది. భారత్‌ విధించిన 363 పరుగుల లక్ష్యాన్ని ఛేదించే క్రమంలో ఆసీస్‌ కేవలం 200 పరుగులు చేసి ఆలౌట్‌ అయింది. 162 పరుగుల భారీ తేడాతో ఫలితంగా పడిక్కల్‌ సేన పర్యాటక కంగారూ జట్టును ఏకంగా 162 పరుగుల భారీ తేడాతో మట్టికరిపించింది. తద్వారా రెండు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది. కాగా రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ ‘ఎ’ జట్టు భారత్‌కు వచ్చింది. ఇందులో భాగంగా ఇరుజట్ల మధ్య మంగళవారం పుదుచ్చేరి వేదికగా తొలి టెస్టు మొదలుకాగా.. టాస్‌ గెలిచిన భారత జట్టు కెప్టెన్‌ దేవదత్‌ పడిక్కల్‌ తొలుత బ్యాటింగ్‌ ఎంచుకున్నాడు.334 పరుగులకు ఆలౌట్‌ఈ క్రమంలో తొలి ఇన్నింగ్స్‌లో భారత్‌ 334 పరుగులు చేసి ఆలౌట్‌ అయింది. ఓపెనర్‌ సాయి సుదర్శన్‌ (57), స్పిన్‌ బౌలింగ్‌ ఆల్‌రౌండర్‌ తనుశ్‌ కొటియాన్‌ (69) అర్ధ శతకాలు బాదగా.. వికెట్‌ కీపర్‌ బ్యాటర్‌ కుమార్‌ కుశాగ్రా (113) శతక్కొట్టాడు.171 పరుగులకే కుప్పకూలిన ఆసీస్‌ఆసీస్‌ బౌలర్లలో కోరే రొచిసియోలి నాలుగు వికెట్లు తీయగా.. టాడ్‌ మర్ఫీ మూడు, బ్రెండన్‌ డాగెట్‌, ఫెర్గూస్‌ ఓ నీల్‌, లియామ్‌ స్కాట్‌ తలా ఒక వికెట్‌ దక్కించుకున్నారు. ఈ క్రమంలో రెండో రోజు ఆట సందర్భంగా తమ తొలి ఇన్నింగ్స్‌ మొదలుపెట్టిన ఆసీస్‌.. కేవలం 171 పరుగులకే కుప్పకూలింది.ములానికి నాలుగు వికెట్లుఓపెనర్‌ సామ్‌ కొన్‌స్టాస్‌ (25), ఆల్‌రౌండర్‌ లియామ్‌ స్కాట్‌ (26) ​కాస్త ఫర్వాలేదనిపించగా.. జేసన్‌ సంఘా 46 పరుగులతో రాణించాడు. మిగిలిన వాళ్లంతా స్వల్ప స్కోర్లకే పెవిలియన్‌ చేరారు. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని నాలుగు వికెట్లతో చెలరేగి ఆసీస్‌ బ్యాటింగ్‌ ఆర్డర్‌ను కుదేలు చేశాడు.199 పరుగులు చేసి భారత్‌ ఆలౌట్‌.. మిగితా వారిలో ఆల్‌రౌండర్‌ తనుశ్‌ కొటియాన్‌ రెండు వికెట్లు తీయగా.. పేసర్లలో తుషార్‌ దేశ్‌పాండే రెండు, అన్షుల్‌ కాంబోజ్‌, ప్రఫుల్‌ హింగే తలా ఒక వికెట్‌ దక్కించుకున్నారు. ఇక గురువారం మూడో రోజు ఆట సందర్భంగా.. 163 పరుగుల ఆధిక్యంతో రెండో ఇన్నింగ్స్‌ మొదలుపెట్టిన భారత్‌.. 199 పరుగులు చేసి ఆలౌట్‌ అయింది.పడిక్కల్‌ అర్ధ శతకంఓపెనర్‌ సాయి సుదర్శన్‌ (39) మరోసారి సత్తా చాటగా.. కెప్టెన్‌ దేవదత్‌ పడిక్కల్‌ అర్ధ శతకం (59)తో ఆకట్టుకున్నాడు. కుమార్‌ కుశాగ్రా (46 నాటౌట్‌) మరోసారి రాణించాడు. ఆసీస్‌ బౌలర్లలో టాడ్‌ మర్ఫీ నాలుగు వికెట్లు తీయగా.. డాగెట్‌, స్కాట్‌ తలా రెండు.. సంఘా ఒక వికెట్‌ దక్కించుకున్నారు.ఆసీస్‌ టార్గెట్‌ 363ఇక తొలి ఇ‍న్నింగ్స్‌ ఆధిక్యం కలుపుకొని ఆసీస్‌కు భారత్‌ 363 పరుగుల భారీ లక్ష్యాన్ని విధించింది. ఈ క్రమంలో 55/2 ఓవర్‌నైట్‌ స్కోరుతో ఆఖరిదైన నాలుగో రోజు ఆట మొదలుపెట్టిన ఆసీస్‌.. వరుస విరామాల్లో వికెట్లు కోల్పోయింది. కేవలం 200 పరుగులు చేసి ఆలౌట్‌ అయింది.PC: Xమరోసారి చెలరేగిన భారత బౌలర్లుటాపార్డర్‌లో ఓపెనర్లు సామ్‌ కొన్‌స్టాస్‌ (20), కాంప్‌బెల్‌ కెల్లావే (0) విఫలం కాగా.. వన్‌డౌన్‌ బ్యాటర్‌ నాథన్‌ మెక్‌స్వీనీ 35 పరుగులు చేయగలిగాడు. కెప్టెన్‌ పీటర్‌ హ్యాండ్స్‌కోంబ్‌ (16) మరోసారి నిరాశపరచగా.. జేసన్‌ సంఘా 26 పరుగులు చేయగలిగాడు.ఈ క్రమంలో భారత బౌలర్ల ధాటికి జోష్‌ ఫిలిప్‌ (7), లియామ్‌ స్కాట్‌ (0), టాడ్‌ మర్ఫీ (17) ఇలా వచ్చి అలా వెళ్లగా.. ఆల్‌రౌండర్‌ ఫెర్గూస్‌ ఓ నీల్‌ (47) ఒంటరిపోరాటం చేశాడు. అయితే, మిగతా వారి నుంచి అతడికి సహకారం అందలేదు. షమ్స్‌ ములాని బౌలింగ్‌లో బ్రెండన్‌ డాగెట్‌ (3) పదో వికెట్‌గా వెనుదిరగగా.. ఆసీస్‌ ఇన్నింగ్స్‌కు తెరపడింది. టెయిలెండర్‌ కోరే నాలుగు పరుగులతో అజేయంగా నిలిచాడు.భారత బౌలర్లలో పేసర్‌ తుషార్‌ దేశ్‌పాండే, స్పిన్నర్‌ షమ్స్‌ ములాని చెరో మూడు వికెట్లు పడగొట్టగా.. ఆల్‌రౌండర్‌ తనుశ్‌ కొటియాన్‌, పేస్‌ బౌలర్‌ అన్షుల్‌ కాంబోజ్‌ తలా రెండు వికెట్లు కూల్చారు.సంక్షిప్త స్కోర్లుభారత్‌- ‘ఎ’: 334 & 199ఆస్ట్రేలియా- ‘ఎ’: 171 &200ఫలితం: 162 పరుగుల తేడాతో భారత్‌ గెలుపుచదవండి: వెస్టిండీస్‌ కెప్టెన్‌ ప్రపంచ రికార్డు

ఆస్ట్రేలియా - ‘ఎ’తో తొలి అనధికారిక టెస్టులో భారత బ్యాటర్లు మెరుగైన ప్రదర్శన కనబరిచారు. ఫలితంగా ఆతిథ్య జట్టు.. కంగారూలకు భారీ లక్ష్యం విధించగలిగింది. శతక్కొట్టిన కుశాగ్రా కాగా తొలి ఇన్నింగ్స్‌లో భారత ఓపెనర్‌ సాయి సుదర్శన్‌ (103 బంతుల్లో 57), ఆల్‌రౌండర్‌ తనుశ్‌ కొటియాన్‌ (138 బంతుల్లో 69) అర్ధ శతకాలతో రాణించగా.. వికెట్‌ కీపర్‌ బ్యాటర్‌ కుమార్‌ కుశాగ్రా శతకం (240 బంతుల్లో 113)తో చెలరేగాడు.ఫలితంగా పుదుచ్చేరిలో మంగళవారం టాస్‌ గెలిచి తొలుత బ్యాటింగ్‌ ఎంచుకున్న భారత్‌.. మొదటి ఇన్నింగ్స్‌లో 334 పరుగులు చేసి ఆలౌట్‌ అయింది. ఆసీస్‌ బౌలర్లలో కోరే రొచిసియోలి నాలుగు వికెట్లు తీయగా.. టాడ్‌ మర్ఫీ మూడు, బ్రెండన్‌ డాగెట్‌, ఫెర్గూస్‌ నీల్‌, లియామ్‌ స్కాట్‌ తలా ఒక వికెట్‌ పడగొట్టారు.తేలిపోయిన ఆసీస్‌ బ్యాటర్లుఈ క్రమంలో బుధవారం నాటి రెండో రోజు ఆటలో తమ మొదటి ఇన్నింగ్స్‌ ఆరంభించిన ఆసీస్‌.. 171 పరుగులు చేసి ఆలౌట్‌ అయింది. సామ్‌ కొన్‌స్టాస్‌ (25), లియామ్‌ స్కాట్‌ (26) చెప్పుకోదగ్గ స్కోర్లు చేయగా.. కంగారూల ఇన్నింగ్స్‌లో ఐదో నంబర్‌ బ్యాటర్‌ జేసన్‌ సంఘా 46 పరుగులతో టాప్‌ రన్‌ స్కోరర్‌గా నిలిచాడు.భారత బౌలర్లలో స్పిన్నర్‌ షమ్స్‌ ములాని నాలుగు వికెట్లతో చెలరేగగా.. ఆల్‌రౌండర్‌ తనుశ్‌ కొటియాన్‌ రెండు వికెట్లు పడగొట్టాడు. పేసర్లలో తుషార్‌ దేశ్‌పాండే రెండు, అన్షుల్‌ కాంబోజ్‌, ప్రఫుల్‌ హింగే తలా ఒక వికెట్‌ దక్కించుకున్నారు.పడిక్కల్‌ అర్ధ శతకం.. మరోసారి రాణించిన కుశాగ్రాఈ క్రమంలో గురువారం తమ రెండో ఇన్నింగ్స్‌ మొదలుపెట్టిన భారత్‌ 199 పరుగులకు ఆలౌట్‌ అయింది. ఓపెనర్‌ సాయి సుదర్శన్‌ 39 పరుగులతో రాణించగా.. వన్‌డౌన్‌ బ్యాటర్‌, కెప్టెన్‌ దేవదత్‌ పడిక్కల్‌ అర్ధ శతకం (88 బంతుల్లో 59) సాధించాడు.అమన్‌ మోఖడే (9), షేక్‌ రషీద్‌ (0), యశ్‌ రాథోడ్‌ (12), తనుశ్‌ కొటియాన్‌ (8) పూర్తిగా విఫలం కాగా.. లోయర్‌ ఆర్డర్‌లో షమ్స్‌ ములాని (1), అన్షుల్‌ కాంబోజ్‌ (1), తుషార్‌ దేశ్‌పాండే (0), ప్రఫుల్‌ హింగే (4) తేలిపోయారు. తొలి ఇన్నింగ్స్‌లో శతక్కొట్టిన కుమార్‌ కుశాగ్రా ఈసారి 46 పరుగులతో అజేయంగా నిలిచాడు.ఆసీస్‌ బౌలర్లలో టాడ్‌ మర్ఫీ నాలుగు వికెట్లు తీయగా.. లియామ్‌ స్కాట్‌, బ్రెండన్‌ డాగెట్‌ చెరో రెండు, జేసన్‌ సంఘా ఒక వికెట్‌ దక్కించుకున్నారు. ఇక భారత్‌ తొలి ఇన్నింగ్స్‌లో 163 పరుగుల ఆధిక్యం సంపాదించిన భారత్‌.. రెండో ఇన్నింగ్స్‌లో 199 పరుగులు చేసి ఆలౌట్‌ అయింది. ఫలితంగా ఆసీస్‌ ముందు 363 పరుగుల భారీ లక్ష్యాన్ని ఉంచింది. ఆటకు ఇంకొక్క రోజు మిగిలి ఉంది.చదవండి: పాకిస్తాన్‌ కెప్టెన్‌గా డేంజరస్‌ ప్లేయర్‌!

ఆస్ట్రేలియా- ‘ఎ’తో తొలి అనధికారిక టెస్టులో భారత జట్టు కెప్టెన్‌ దేవదత్‌ పడిక్కల్‌ ఫామ్‌లోకి వచ్చాడు. తొలి ఇన్నింగ్స్‌లో విఫలమైన ఈ కర్ణాటక బ్యాటర్‌.. రెండో ఇన్నింగ్స్‌లో అర్ధ శతకంతో మెరిశాడు.334 పరుగులకు ఆలౌట్‌కాగా భారత్‌- ఆసీస్‌ ‘ఎ’ జట్ల మధ్య పుదుచ్చేరి వేదికగా మంగళవారం తొలి అనధికారిక టెస్టు మొదలైంది. టాస్‌ గెలిచి తొలుత బ్యాటింగ్‌కు దిగిన భారత్‌... మొదటి ఇన్నింగ్స్‌లో 334 పరుగులకు ఆలౌట్‌ అయింది.తొలి ఇన్నింగ్స్‌లో సాయి సుదర్శన్‌ (57), తనుశ్‌ కొటియాన్‌ (69) అర్ధ శతకాలు బాదగా.. కుమార్‌ కుశాగ్రా సెంచరీ (113)తో అదరగొట్టాడు. వన్‌డౌన్‌లో వచ్చిన కెప్టెన్‌ దేవదత్‌ పడిక్కల్‌ మాత్రం పద్నాలుగు బంతులు ఎదుర్కొని మూడు పరుగులే చేసి.. టాడ్‌ మర్ఫీ బౌలింగ్‌లో జేసన్‌ సంఘాకు క్యాచ్‌ ఇచ్చి అవుటయ్యాడు.171 పరుగులకే కుప్పకూలిన ఆసీస్‌ఇక బుధవారం నాటి రెండో రోజు ఆట సందర్భంగా బ్యాటింగ్‌ మొదలుపెట్టిన ఆసీస్‌.. 171 పరుగులకే కుప్పకూలింది. జేసన్‌ సంఘా 46 పరుగులతో టాప్‌ రన్‌ స్కోరర్‌గా నిలిచాడు. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని నాలుగు వికెట్లతో సత్తా చాటాడు.భారీ ఆధిక్యంలో భారత్‌ఈ క్రమంలో గురువారం నాటి మూడో రోజు ఆట సందర్భంగా రెండో ఇన్నింగ్స్‌ మొదలుపెట్టిన భారత్‌.. టీ విరామ సమయానికి ఆరు వికెట్ల నష్టానికి 172 పరుగులు చేసింది. తద్వారా.. తొలి ఇన్నింగ్స్‌తో కలిపి 335 పరుగుల భారీ ఆధిక్యంలో కొనసాగుతోంది.రెండో ఇన్నింగ్స్‌లో ఓపెనర్లలో సాయి సుదర్శన్‌ (39) ఫర్వాలేదనిపించగా.. అమన్‌ మోఖడే (9) మరోసారి విఫలమయ్యాడు. దేవదత్‌ పడిక్కల్‌ 88 బంతులు ఎదుర్కొని ఏడు ఫోర్ల సాయంతో 59 పరుగులు సాధించాడు. అయితే, లియామ్‌ స్కాట్‌ బౌలింగ్‌లో వికెట్ల ముందు దొరికిపోయి కెప్టెన్‌ సాబ్‌ పెవిలియన్‌ చేరాడు.చదవండి: ఆ రాత్రి నిద్రపోలేదు.. అదే కఠిన నిర్ణయం: గంభీర్‌

ఆస్ట్రేలియా- ‘ఎ’ జట్టుతో తొలి అనధికారిక టెస్టు మ్యాచ్‌లో భారత్‌- ‘ఎ’ బౌలర్లు అదరగొట్టారు. కంగారూ టాపార్డర్‌ను కకావికలం చేసి ఆది నుంచే చుక్కలు చూపించారు. భారత బౌలర్ల విజృంభణ కారణంగా ఆసీస్‌ తొలి ఇన్నింగ్స్‌లో కేవలం 171 పరుగులే చేసి ఆలౌట్‌ అయింది.పుదుచ్చేరి వేదికగాకాగా భారత్‌- ‘ఎ’ జట్టుతో రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ పురుషుల జట్టు ఇండియాకు వచ్చింది. ఇందులో భాగంగా అన్ని మ్యాచ్‌లు పుదుచ్చేరిలో నిర్వహించనున్నారు. ఈ క్రమంలో మంగళవారం మొదలైన తొలి అనధికారిక టెస్టులో టాస్‌ గెలిచిన భారత్‌ తొలుత బ్యాటింగ్‌కు దిగింది.కుశాగ్రా సెంచరీఓపెనర్‌ సాయి సుదర్శన్‌ (57), ఆల్‌రౌండర్‌ తనుశ్‌ కొటియాన్‌ (69) అర్ధ శతకాలు బాదగా.. బుధవారం నాటి రెండో రోజు ఆట సందర్భంగా కుమార్‌ కుశాగ్రా శతకం పూర్తి చేసుకున్నాడు. మొత్తంగా 240 బంతులు ఎదుర్కొన్న ఈ వికెట్‌ కీపర్‌ బ్యాటర్‌.. 12 ఫోర్ల సాయంతో 113 పరుగులు రాబట్టాడు. మిగిలిన వారిలో అన్షుల్‌ కాంబోజ్‌ (23) చెప్పుకోదగ్గ స్కోరు చేశాడు.ఆసీస్‌ టాపార్డర్‌ కుదేలుఫలితంగా భారత్‌ తొలి ఇన్నింగ్స్‌లో 117.3 ఓవర్లు ఆడి 334 పరుగులు చేసి ఆలౌట్‌ అయింది. ఈ క్రమంలో రెండో రోజు బ్యాటింగ్‌ మొదలుపెట్టిన ఆసీస్‌కు ఆది నుంచే షాకులు తగిలాయి. ఓపెనర్‌ కాంప్‌బెల్ కెల్లావే (2), వన్‌డౌన్‌ బ్యాటర్‌ నాథన్‌ మెక్‌స్వీనీ (0) పూర్తిగా విఫలం కాగా.. కెప్టెన్‌ పీటర్‌ హ్యాండ్స్‌కోంబ్‌ (8) కూడా నిరాశపరిచాడు.మరో ఓపెనర్‌ సామ్‌ కొన్‌స్టాస్‌ (76 బంతుల్లో 25), జేసన్‌ సంఘా కలిసి (64 బంతుల్లో 46) ఇన్నింగ్స్‌ చక్కదిద్దే ప్రయత్నం చేశారు. అయితే, షమ్స్‌ ములాని సంఘాను అవుట్‌ చేసి ఈ జోడీని విడదీయగా.. తుషాన్‌ దేశ్‌పాండే కొన్‌స్టాస్‌ను వికెట్ల ముందు దొరకబుచ్చుకున్నాడు.PC: CApondicherry Xషమ్స్‌ ములానికి నాలుగు వికెట్లు ఆ తర్వాత ఆసీస్‌ వరుస విరామాల్లో వికెట్లు కోల్పోయింది. వికెట్‌ కీపర్‌ బ్యాటర్‌ జోష్‌ ఫిలిప్‌ (14) స్వల్ప స్కోరుకే పెవిలియన్‌ చేరగా.. ఆల్‌రౌండర్‌ లియామ్‌ స్కాట్‌ 26 పరుగులు చేయగలిగాడు. మిగిలిన వారిలో ఫెర్గూస్‌ 13, టాడ్‌ మర్ఫీ 12, బ్రెండన్‌ డాగెట్‌ 13 పరుగులు చేయగా.. కోరే రొచిసియోలి 4 పరుగులతో అజేయంగా నిలిచాడు.ఈ క్రమంలో బుధవారం నాటి ఆట పూర్తయ్యేసరికి 55.3 ఓవర్లలో ఆసీస్‌ 171 పరుగులకు ఆలౌట్‌ అయింది. భారత బౌలర్లలో లెఫ్టార్మ్‌ స్పిన్నర్‌ షమ్స్‌ ములాని నాలుగు వికెట్లతో చెలరేగగా.. స్పిన్‌ బౌలింగ్‌ ఆల్‌రౌండర్‌ తనుశ్‌ కొటియాన్‌ రెండు, పేసర్లు తుషార్‌ దేశ్‌ పాండే రెండు, అన్షుల్‌ కాంబోజ్‌, ప్రఫుల్‌ హింగే తలా ఒక వికెట్‌ దక్కించుకున్నారు. ఇక ఆసీస్‌ తొలి ఇన్నింగ్స్‌లో 171 పరుగులకే ఆలౌట్‌ కావడంతో భారత్‌కు 163 పరుగుల భారీ ఆధిక్యం లభించింది.చదవండి: ఆఖరి ఓవర్‌ వరకు ఉత్కంఠ: ఆసీస్‌తో రెండో వన్డేలో భారత్‌ ఓటమి

పుదుచ్చేరి వేదిక‌గా ఆస్ట్రేలియా-ఎతో జ‌రుగుతున్న అన‌ధికారిక టెస్టులో ఇండియా-ఎ జ‌ట్టు తొలి ఇన్నింగ్స్‌లో 334 ప‌రుగుల‌కు ఆలౌటైంది. ఇండియా-ఎ బ్యాట‌ర్ల‌లో కుమార్ కుషాగ్ర (240 బంతుల్లో 113) సెంచ‌రీతో క‌దం తొక్క‌గా, త‌నుశ్ కొటియ‌న్ (69), సాయి సుద‌ర్శ‌న్ (57) అర్థ‌సెంచ‌రీలు సాధించారు. ఆస్ట్రేలియా-ఎ బౌల‌ర్ల‌లో కోరీ రోచిచియోలి 4 వికెట్లు తీయ‌గా, టాడ్ ముర్ఫీ 3 వికెట్లు ప‌డ‌గొట్టాడు. కాగా 97 ప‌రుగుల‌కే ఐదు కీల‌క వికెట్లు కోల్పోయిన ద‌శ‌లో క్రీజులోకి వ‌చ్చిన త‌నుశ్ కొటియ‌న్, కుమార్ కుషాగ్ర‌లు ఆరో వికెట్‌కు 138 ప‌రుగులు జోడించ‌డంతో ఇండియా-ఎ ఇన్నింగ్స్ కుదుటప‌డింది. ఈ ఇద్ద‌రు ఆచితూచి ఆడుతూనే వీలు చిక్కిన‌ప్పుడ‌ల్లా బంతుల‌ను బౌండ‌రీల‌కు త‌ర‌లించ‌డంతో భార‌త్ స్కోరుబోర్డు ప‌రుగులు పెట్టింది. అర్థ‌సెంచ‌రీ చేసిన త‌ర్వాత త‌నుశ్ వెనుదిరిగిన‌ప్ప‌టికీ, కుమార్ కుషాగ్ర టెయిలెండ‌ర్ల‌తో క‌లిసి ఇన్నింగ్స్‌ను ముందుకు న‌డిపించాడు. చివ‌ర్లో అన్షుల్ కంబోజ్ (23) ఆక‌ట్టుకోవ‌డంతో ఇండియా-ఎ జ‌ట్టు 300 ప‌రుగుల మార్క్‌ను దాటగ‌లిగింది.ఇదీ చదవండి: క్రికెట్‌ చరిత్రలో వింత ఘటన.. ఆసీస్‌ బ్యాటర్‌కు చేదు అనుభవం!

భారత్‌- ‘ఎ’, ఆస్ట్రేలియా- ‘ఎ’ జట్ల మధ్య తొలి అనధికారిక టెస్టులో మొదటిరోజు ఆట ముగిసింది. భారత జట్టు ఆరంభంలో తడబడ్డప్పటికీ లోయర్‌ ఆర్డర్‌ రాణించడంతో తిరిగి పుంజుకుంది. కాగా రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ ‘ఎ’ పురుషుల జట్టు భారత్‌కు వచ్చింది.సాయి సుదర్శన్‌ అర్ధ శతకంఇందులో భాగంగా ఇరుజట్ల మధ్య మంగళవారం తొలి అనధికారిక టెస్టు మ్యాచ్‌ మొదలైంది. పుదుచ్చేరి వేదికగా టాస్‌ గెలిచిన భారత్‌.. తొలుత బ్యాటింగ్‌కు దిగింది. ఓపెనర్లలో అమన్‌ మోఖడే (6) నిరాశపరచగా.. సాయి సుదర్శన్‌ అర్ధ శతకం (103 బంతుల్లో 57)తో అలరించాడు.వన్‌డౌన్‌లో వచ్చిన కెప్టెన్‌, మంచి ఫామ్‌లో ఉన్న దేవదత్‌ పడిక్కల్‌ (3) ఈసారి విఫలం కాగా.. గుంటూరు కుర్రాడు షేక్‌ రషీద్‌ (57 బంతుల్లో 16), యశ్‌ రాథోడ్‌ (1) కూడా తేలిపోయారు. ఇలాంటి క్లిష్ట పరిస్థితుల్లో వికెట్‌ కీపర్‌ బ్యాటర్‌ కుమార్‌ కుశాగ్రా, తనుష్‌ కొటియాన్‌ కలిసి ఇన్నింగ్స్‌ చక్కదిద్దారు.ఆకట్టుకున్న కుశాగ్రా, తనుష్‌ఇద్దరూ కలిసి ఆరో వికెట్‌కు 138 పరుగుల భాగస్వామ్యం నెలకొల్పారు. కుమార్‌ కుశాగ్రా సెంచరీకి చేరువవుతున్న వేళ (160 బంతుల్లో 82).. రిటైర్డ్‌హర్ట్‌గా వెనుదిరిగాడు. ఇక తొలి రోజు ఆట ముగిసే సరికి ఆల్‌రౌండర్లలో తనుశ్‌ కొటియాన్‌ అర్ధ శతకం (134 బంతుల్లో 68) పూర్తి చేసుకోగా.. షామ్స్‌ ములాని 43 బంతుల్లో పది పరుగులతో అజేయంగా నిలిచాడు.ఫలితంగా మంగళవారం నాటి మొదటి రోజు ఆట పూర్తయ్యేసరికి భారత్‌- ‘ఎ’ జట్టు 89 ఓవర్లలో ఐదు వికెట్ల నష్టానికి 257 పరుగులు చేసింది. ఆసీస్‌ బౌలర్లలో కోరే రొచిసియోలి మూడు వికెట్లు కూల్చగా.. ఫెర్గూస్‌ ఓ నీల్‌, టాడ్‌ మర్ఫీ చెరో వికెట్‌ దక్కించుకున్నారు.చదవండి: పచ్చని ప్రకృతి నడుమ భారత క్రికెటర్‌ ఐదు బెడ్‌రూమ్‌ల విల్లా!

భారత క్రికెట్‌ అభిమానులకు మంగళవారం (సెప్టెంబరు 22) పండుగే!.. ఒకటి కాదు, రెండు కాదు.. ఏకంగా మూడు మ్యాచ్‌లకు రేపు షెడ్యూల్‌ ఖరారైంది. ఆసియా క్రీడలు-2026 మహిళల టీ20 టోర్నీ ఫైనల్లో భాగంగా భారత్‌ శ్రీలంకతో తలపడేందుకు సిద్ధమైంది.ఈ పసిడి పతక పోరులో హర్మన్‌ సేన- చమరి ఆటపట్టు బృందం అమీతుమీ తేల్చుకుంటాయి. మరోవైపు.. చారిత్రక మ్యాచ్‌లో టీమిండియా (పురుషుల జట్టు) జపాన్‌తో తొలిసారి టీ20 మ్యాచ్‌ ఆడేందుకు సిద్ధమైంది.మరో మ్యాచ్‌లో భారత్‌-‘ఎ’ జట్టు ఆస్ట్రేలియా- ‘ఎ’ జట్టుతో అనధికారిక టెస్టు సిరీస్‌లో భాగంగా మంగళవారమే తొలి మ్యాచ్‌ మొదలుపెట్టనుంది. ఈ నేపథ్యంలో భారత జట్లకు సంబంధించిన మూడు మ్యాచ్‌ల వేదికలు, షెడ్యూల్‌, టైమింగ్స్‌, జట్లు, ప్రత్యక్ష ప్రసారం వివరాలు తెలుసుకుందామా?!ఆసియా క్రీడలు- 2026 మహిళల ఫైనల్‌- భారత్‌ వర్సెస్‌ శ్రీలంకవేదిక: నిశిన్‌, కరోగి స్పోర్ట్స్‌ పార్కు, జపాన్‌మ్యాచ్‌ ఆరంభ సమయం: ఉదయం 10.30 నిమిషాలకు ప్రారంభంలైవ్‌ స్ట్రీమింగ్‌: సోనీ స్పోర్ట్స్‌ నెట్‌వర్క్‌, సోనీలివ్‌భారత జట్టుస్మృతి మంధాన, షఫాలీ వర్మ, గుణాలన్ కమలిని, హర్మన్‌ప్రీత్ కౌర్(కెప్టెన్‌), రిచా ఘోష్(వికెట్‌ కీపర్‌), భారతీ ఫుల్మాలి, దీప్తి శర్మ, శ్రేయాంక పాటిల్, శ్రీ చరణి, నందినీ శర్మ, క్రాంతి గౌడ్, రేణుకా సింగ్ ఠాకూర్, అరుంధతి రెడ్డి, రాధా యాదవ్.శ్రీలంక జట్టుఇమేషా దులానీ, చమరి ఆటపట్టు (కెప్టెన్‌), హాసిని పెరెరా, హర్షిత సమరవిక్రమ, కవిషా దిల్హరి, హన్సిమా కరుణరత్నే, కౌషని నుత్యాంగన(వికెట్‌ కీపర్‌), మిథాలీ అయోధ్య, కావ్య కవింది, చాముది ప్రభోద, సుగందిక కుమారి, రష్మిక సెవ్వాంది, నిమషా మేపగే, సంజన కవింది, అనుష్క సంజీవని.టీమిండియా వర్సెస్‌ జపాన్‌వేదిక: సనో అంతర్జాతీయ క్రికెట్‌ మైదానం, జపాన్‌భారత కాలమానం ప్రకారం ఉదయం 9.30 నిమిషాలకు మ్యాచ్‌ ఆరంభంప్రత్యక్ష ప్రసారం: స్టార్‌ స్పోర్ట్స్‌ నెట్‌వర్క్‌ (టీవీ), ఫ్యాన్‌కోడ్‌ యాప్‌, వెబ్‌సైట్‌ (డిజిటల్‌).టీమిండియాశ్రేయస్‌ అయ్యర్‌ (కెప్టెన్‌), అభిషేక్‌ శర్మ, సంజూ శాంసన్‌ (వికెట్‌ కీపర్‌), ఇషాన్‌ కిషన్‌ (వికెట్‌ కీపర్‌), శివం దూబే, తిలక్‌ వర్మ (వైస్‌ కెప్టెన్‌), అక్షర్‌ పటేల్‌, వాషింగ్టన్‌ సుందర్‌, రవి బిష్ణోయి, రవి బిష్ణోయి, జస్‌ప్రీత్‌ బుమ్రా, అర్ష్‌దీప్‌ సింగ్‌, వైభవ్‌ సూర్యవంశీ, యశ్‌ ఠాకూర్‌, విప్రాజ్‌ నిగమ్‌.జపాన్‌కెండెల్‌ కడోవాకీ ఫ్లెమింగ్‌ (కెప్టెన్‌), చార్లీ హరా హింజే, బెంజమిన్‌ ఇటో-డేవిస్‌, కొయి కుబోటా, వటారు మియాచి, రియో సకురనో-థామస్‌, అలెక్స్‌ శిరాయి-పాట్‌మోర్‌, షోమా సుగయా-స్లేటర్‌, డెక్లాన్‌ సుజుకి, ఇబ్రహీం తకహషి, మకొటో తానియమా, లచ్లాన్‌ యమామొటో, అలెస్టెర్‌ కడోవాకీ-ఫ్లెమింగ్‌, జేక్‌ కుసుడ-నైర్‌, సుయోషి తకడా.భారత్‌- ‘ఎ’ వర్సెస్‌ ఆస్ట్రేలియా- ‘ఎ’ అనధికారిక తొలి టెస్టువేదిక: పుదుచ్చేరి క్రికెట్‌ అసోసియేషన​ సిచెమ్‌ గ్రౌండ్‌, పుదుచ్చేరి, ఇండియాభారత కాలమానం ప్రకారం ఉదయం 9.30 నిమిషాలకు మ్యాచ్‌ ఆరంభంజియోహాట్‌స్టార్‌ యాప్‌లో ప్రత్యక్ష ప్రసారంభారత్‌- ‘ఎ’ జట్టుఅమన్‌ మోఖడే, ఆయుశ్‌ పాండే, దేవదత్‌ పడిక్కల్‌ (కెప్టెన్‌), సాయి సుదర్శన్‌ (వైస్‌ కెప్టెన్‌), యశ్‌ రాథోడ్‌, షేక్‌ రషీద్‌, కుమార్‌ కుశాగ్ర (వికెట్‌ కీపర్‌), షామ్స్‌ ములాని, తనుష్‌ కొటియాన్‌, తుషార్‌ దేశ్‌పాండే, అన్షుల్‌ కాంబోజ్‌, ప్రఫుల్‌ హింగే, నారాయణన్‌ జగదీశన్‌ (వికెట్‌ కీపర్‌), నచికేత్‌ భూటే, వి వైశాక్‌* (ఫిట్‌నెస్‌ ఆధారంగా).ఆస్ట్రేలియా- ‘ఎ’ జట్టుబ్రెండన్‌ డాగెట్‌, జాక్‌ ఎడ్వర్డ్స్‌, పీటర్‌ హ్యాండ్స్‌కోంబ్‌, సామ్‌ హార్పర్‌, లియామ్‌ హాచర్‌, కాంప్‌బెల్‌ కెల్లావే, సామ్‌ కొన్‌స్టాస్‌, నాథన్‌ మెక్‌స్వీనీ, టాడ్‌ మర్ఫీ, ఫెర్గూస్‌ ఓ నీల్‌, జోష్‌ ఫిలిప్‌, జై రిచర్డ్‌సన్‌, కోరే రొచిసియోలి, జేసన్‌ సంఘా, లియామ్‌ స్కాట్‌.చదవండి: ప్రభుత్వం ఇచ్చిన భూమిలో టీమిండియా స్టార్‌ రూ. 7 కోట్ల బంగ్లా!

సిక్కోలు క్రికెటర్‌ త్రిపురాన విజయ్‌ ఒక్కో మెట్టు ఎక్కుతూ భారత జట్టు వైపు అడుగులు వేస్తున్నాడు. టెక్కలికి చెందిన ఈ యువ ఆల్‌రౌండర్‌ తాజాగా భారత్‌–ఏ జట్టుకు ఎంపికయ్యాడు. త్వరలో స్వదేశంలో ఆస్ట్రేలియాతో జరిగే మల్లీడే (టెస్టు)మ్యాచ్‌లలో పాల్గొనే భారత్‌–ఏ జట్టుకు ఎంపికైనట్టు బీసీసీఐ అధికారికంగా ప్రకటించింది. భారత జట్టుకు ప్రాతినిధ్యం వహించాలన్న తన కలకు ఒకే ఒక్క అడు గు దూరంలో నిలిచాడు. పుదుచ్చేరి వేదికగా సెప్టెంబర్‌ 22 నుంచి అక్టోబర్‌ 11 మధ్య రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీ స్‌ జట్టు భారత్‌కు వస్తున్న విషయం తెలిసిందే.బీసీసీఐ నుంచి పిలుపుకర్ణాటకకు చెందిన యువ పేసర్‌ విజయ్‌కుమార్‌ వైశాఖ్‌కు గాయం కారణంగా దూరం కావడంతో అనూహ్యంగా ఆంధ్రాకు చెందిన ఈ స్టార్‌ ఆల్‌రౌండర్‌కు బీసీసీఐ నుంచి పిలుపొచ్చింది. ఆసీస్‌తో జరిగే ఈ మ్యాచ్‌లో రాణించి భారత సెలక్షన్‌ కమిటీని ఆకట్టుకోవాలని విజయ్‌ భావిస్తున్నాడు. ఆల్‌రౌండర్‌గా కీర్తి గడించిన ఈ ఆఫ్‌ స్పిన్నర్‌ లెఫ్ట్‌హ్యాండ్‌ బ్యాటర్‌గా ఆకట్టుకుంటున్నాడు. వీటికితోడు బెస్ట్‌ ఫీల్డర్‌గా అనేక మ్యాచ్‌ల్లో రివార్డులు అందుకున్నాడు. దులీప్‌ ట్రోఫీలో రాణింపుతో.. దులీప్‌ ట్రోఫీ ఫైనల్‌ మ్యాచ్‌లో రాణించడం ద్వారా సిక్కోలు యువతేజం విజయ్‌.. భారత–ఎ జట్టుకు ఎంపికయ్యాడు. వైభవ్‌ను అవుట్‌ చేసి లైమ్‌లైట్‌లోకి.. ఫైనల్‌లో వైభవ్‌ సూర్యవంశీ వంటి ఇండియన్‌ టాప్‌క్లాస్‌ ప్లేయర్లను ఔట్‌ చేసి దేశం మొత్తం తనవైపు చూసేలా చేసుకున్నాడు. సౌత్‌జోన్‌కు ప్రధానమైన ఆఫ్‌ స్పిన్నర్‌గా సేవలు అందించాడు. ఇప్పటికే బీసీసీఐ ఆధ్వర్యంలో జరిగే అత్యంత ప్రతిష్టాత్మక లీగ్‌ ఐపీఎల్‌కు 2025, 2026 రెండు సీజన్లలో ఢిల్లీ క్యాపిటల్స్‌కు ప్రాతినిధ్యం వహించాడు. జూలై నెలలో బీసీసీఐ ఆధ్వర్యంలో జరిగిన ఎమర్జింగ్‌ పురు షుల క్రికెట్‌ టోర్నీలో ఇండియా–బి జట్టుకు ప్రాతినిధ్యం వహించి మెరిశాడు. భారత్‌–ఏ జట్టుకు విజయ్‌ ఎంపికపై జిల్లా క్రికెట్‌ సంఘం పెద్దలు, ప్రతినిధులు, కోచ్‌లు, సీనియర్‌ క్రికెటర్లు, విజయ్‌ తల్లిదండ్రులు హర్షం వ్యక్తం చేస్తున్నారు. టెక్కలిలోని అయ్యప్పనగర్‌ కాలనీలో నివాసం ఉంటున్నారు త్రిపురాన విజయ్‌ తండ్రి త్రిపురాన వెంకట కృష్ణరాజు సమాచార శాఖ ఉద్యోగిగా పనిచేస్తుండగా, తల్లి లావణ్య గృహిణి. విజయ్‌ను కేంద్ర మంత్రి రామ్మోహన్‌నాయుడు అభినందించారు.పట్టలేనంత ఆనందంతో ఉన్నాను ఆసీస్‌తో జరిగే మల్టీ డే మ్యాచ్‌లో పాల్గొనే భారత–ఏ జట్టుకు ఎంపిక కావడం చాలా సంతోషంగా ఉంది. బీసీసీఐ ప్రకటించిన స్క్వాడ్‌లో నన్ను చేర్చినట్టు వర్తమానం వచ్చిన ఆనందక్షణాలు మర్చిపోలేను. ఇటీవలి ఎమర్జింగ్‌ టోర్నీ, దులీప్‌ ట్రోఫీ ఫైనల్‌ మ్యాచ్‌లో రాణింపుతో సెలెక్టర్లు అవకాశం ఇచ్చారని భావిస్తున్నాను. నాకు అన్ని విధాలుగా సహకరిస్తున్న క్రికెట్‌ సంఘ పెద్దలు, కోచ్‌లు, తల్లిదండ్రులకు రుణపడి ఉంటాను. – త్రిపురాన విజయ్, క్రికెటర్‌

ఆస్ట్రేలియా- ‘ఎ’తో తలపడే భారత్‌- ‘ఎ’ జట్టులో ఒక మార్పు చోటు చేసుకున్నట్లు సమాచారం. కర్ణాటక పేసర్‌ విజయ్‌ కుమార్‌ వైశాఖ్‌ గాయం వల్ల జట్టుకు దూరమైనట్లు తెలుస్తోంది.పుదుచ్చేరి వేదికగాకాగా సెప్టెంబరు 22- అక్టోబరు 11 మధ్య రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌ జట్టు భారత్‌కు వస్తోంది. ఇందుకు పుదుచ్చేరి వేదిక. ఈ క్రమంలో ఇప్పటికే ఆసీస్‌-‘ఎ’తో మల్టీ సిరీస్‌లకు భారత క్రికెట్‌ నియంత్రణ మండలి (BCCI) తమ జట్లను ప్రకటించింది.ఆసీస్‌తో అనధికారిక వన్డేలకు టీమిండియా స్టార్‌ ఆల్‌రౌండర్‌ హార్దిక్‌ పాండ్యాను ఎంపిక చేసింది యాజమాన్యం. గాయం నుంచి కోలుకున్న అతడికి ఈ సిరీస్‌ ప్రాక్టీస్‌గా ఉపయోగపడనుంది. ఇక అనధికారిక వన్డేలకు రుతురాజ్‌ గైక్వాడ్‌ కెప్టెన్‌గా ఎంపిక కాగా.. అనధికారిక టెస్టులకు దేవదత్‌ పడిక్కల్‌ సారథ్యం వహిస్తాడు.గాయం వల్ల దూరం!ఇక విజయ్‌ కుమార్‌ వైశాఖ్‌కు అనధికారిక టెస్టు జట్టులో చోటు దక్కింది. అయితే, ఫిట్‌నెస్‌ ఆధారంగానే అతడు ఆడతాడని జట్టు ప్రకటన సమయంలోనే యాజమాన్యం పేర్కొంది. టైమ్స్‌ ఆఫ్‌ ఇండియా కథనం ప్రకారం.. విజయ్‌ కుమార్‌ వైశాఖ్‌ తొడకండరాల గాయం నుంచి ఇంకా కోలుకోనట్లు తెలుస్తోంది.ఈ క్రమంలో ఆసీస్‌తో మల్డీ డే మ్యాచ్‌లకు వైశాఖ్‌ దూరం కాగా.. ఆంధ్ర రైటార్మ్‌ స్పిన్నర్‌, సిక్కోలు కుర్రాడు త్రిపురాన విజయ్‌కు భారత్‌-‘ఎ’ జట్టులో చోటు దక్కినట్లు టైమ్స్‌ ఆఫ్‌ ఇండియా పేర్కొంది. అయితే, ఇందుకు సంబంధించి బీసీసీఐ నుంచి అధికారిక ప్రకటన రావాల్సి ఉంది.దులిప్‌ట్రోఫీలో సత్తా చాటికాగా శ్రీకాకుళం జిల్లా టెక్కలికి చెందిన విజయ్‌ బౌలింగ్‌ ఆల్‌రౌండర్‌. ఇటీవల ఈస్ట్‌ జోన్‌తో దులిప్‌ ట్రోఫీ-2026 ఫైనల్లో భాగంగా సౌత్‌ జోన్‌కు ఆడిన ఈ స్పిన్‌ బౌలర​ అద్భుత ప్రదర్శన కనబరిచాడు. తొలి ఇన్నింగ్స్‌లో నాలుగు వికెట్లు కూల్చిన పాతికేళ్ల విజయ్‌.. రెండో ఇన్నింగ్స్‌లో అద్భుత బంతితో టీమిండియా చిచ్చరపిడుగు వైభవ్‌ సూర్యవంశీని అవుట్‌ చేశాడు. అయితే, ఈ మ్యాచ్‌ డ్రా అయినప్పటికీ.. తొలి ఇన్నింగ్స్‌లో భారీ ఆధిక్యం సంపాదించిన ఈస్ట్‌ జోన్‌ నిబంధనల ప్రకారం టైటిల్‌ను కైవసం చేసుకుంది.చదవండి: సంజూను పక్కన పెట్టాను.. వైభవ్‌ వేచి చూడాల్సిందే: గంభీర్‌Vijaykumar Vyshak has been ruled out of India A’s two four-day matches against Australia A due to injury.Andhra off-spinner Tripurana Vijay has been named as his replacement.— Pratyush Raj (@pratyush93_raj) September 18, 2026

ఆస్ట్రేలియా-‘ఎ’తో సిరీస్‌కు భారత క్రికెట్‌ నియంత్రణ మండలి (బీసీసీఐ) తమ జట్టును ప్రకటించింది. మల్టీ డే మ్యాచ్‌లకు దేవదత్‌ పడిక్కల్‌ను కెప్టెన్‌గా ఎంపిక చేసిన మెన్స్‌ సెలక్షన్‌ కమిటీ.. వన్డే జట్టుకు రుతురాజ్‌ గైక్వాడ్‌ సారథ్యం వహిస్తాడని తెలిపింది.హార్దిక్‌ పాండ్యాకు చోటుఇక ఆసీస్‌-‘ఎ’ జట్టుతో అనధికారిక వన్డేలలో తలపడే భారత-‘ఎ’ జట్టులో టీమిండియా స్టార్‌ ఆల్‌రౌండర్‌ హార్దిక్‌ పాండ్యాకు కూడా చోటు దక్కడం విశేషం. అయితే, ఫిట్‌నెస్‌ ఆధారంగా అతడు జట్టులోకి వస్తాడని బోర్డు వెల్లడించింది. గాయాల బెడదకాగా హార్దిక్‌ పాండ్యా వివిధ గాయాల కారణంగా బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్న సంగతి తెలిసిందే. ఈ క్రమంలో అఫ్గానిస్తాన్‌తో జరిగే టీ20 సిరీస్‌కు అతడు దూరమయ్యాడు. అయితే, ఆసీస్‌-‘ఎ’తో వన్డే సిరీస్‌ సందర్భంగా అతడు తిరిగి మైదానంలో అడుగుపెట్టే అవకాశం ఉంది.రెండు అనధికారిక టెస్టులు, మూడు అనధికారిక వన్డేలు ఆడేందుకు ఆస్ట్రేలియా-‘ఎ’ జట్టు భారత పర్యటనకు వస్తోంది. సెప్టెంబరు 22- అక్టోబరు 11 వరకు జరిగే ఈ రెండు సిరీస్‌లకు పుదుచ్చేరి వేదిక. ఆస్ట్రేలియా- ‘ఎ’తో అనధికారిక టెస్టులకు భారత-‘ఎ’ జట్టుఅమన్‌ మోఖడే, ఆయుశ్‌ పాండే, దేవదత్‌ పడిక్కల్‌ (కెప్టెన్‌), సాయి సుదర్శన్‌ (వైస్‌ కెప్టెన్‌), యశ్‌ రాథోడ్‌, షేక్‌ రషీద్‌, కుమార్‌ కుశాగ్ర (వికెట్‌ కీపర్‌), షామ్స్‌ ములాని, తనుష్‌ కొటియాన్‌, తుషార్‌ దేశ్‌పాండే, అన్షుల్‌ కాంబోజ్‌, ప్రఫుల్‌ హింగే, నారాయణన్‌ జగదీశన్‌ (వికెట్‌ కీపర్‌), నచికేత్‌ భూటే, వి వైశాక్‌* (ఫిట్‌నెస్‌ ఆధారంగా).ఆసీస్‌-‘ఎ’తో అనధికారిక వన్డేలకు భారత-‘ఎ’ జట్టుప్రియాన్ష్‌ ఆర్య, సాయి సుదర్శన్‌, దేవదత్‌ పడిక్కల్‌ (వైస్‌ కెప్టెన్‌), రుతురాజ్‌ గైక్వాడ్‌ (కెప్టెన్‌), రజత్‌ పాటిదార్‌, కుమార్‌ కుశాగ్ర (వికెట్‌ కీపర్‌), నిశాంత్‌ సింధు, విప్రాజ్‌ నిగమ్‌, అర్షిన్‌ కులకర్ణి, అర్షద్‌ ఖాన్‌, నమన్‌ ధిర్‌, హార్దిక్‌ పాండ్యా (ఫిట్‌నెస్‌ ఆధారంగా), ప్రభ్‌సిమ్రన్‌ సింగ్‌ (వికెట్‌ కీపర్‌), గుర్జప్రీత్‌ సింగ్‌, యశ్‌ ఠాకూర్‌.భారత్‌-‘ఎ’ వర్సెస్‌ ఆసీస్‌-‘ఎ’ సిరీస్‌ షెడ్యూల్‌అనధికారిక టెస్టు సిరీస్‌👉సెప్టెంబరు 22-25: తొలి మల్టీ డే మ్యాచ్‌- పుదుచ్చేరి👉సెప్టెంబరు 29- అక్టోబరు 2: రెండో మల్టీ డే మ్యాచ్‌- పుదుచ్చేరిఅనధికారిక వన్డే సిరీస్‌👉అక్టోబరు 6: తొలి వన్డే- పుదుచ్చేరి👉అక్టోబరు 9: రెండో వన్డే- పుదుచ్చేరి👉అక్టోబరు 11: మూడో వన్డే- పుదుచ్చేరి.చదవండి: సిక్కోలు కుర్రాడి మ్యాజిక్‌.. వైభవ్‌ సూర్యవంశీ మైండ్‌బ్లాక్‌!

బంగ్లాదేశ్ స్టార్ బ్యాట‌ర్ తౌహిద్ హ్రిదోయ్ ఫ‌స్ట్‌క్లాస్ క్రికెట్‌లో ట్రిపుల్ సెంచ‌రీతో మెరిశాడు. సౌతాఫ్రికా-ఎతో జ‌రుగుతున్న అన‌ధికారిక టెస్టు మ్యాచ్‌లో తౌహిద్ ఈ ఫీట్ న‌మోదు చేశాడు. 450 బంతుల్లో 25 ఫోర్లు, ఆరు సిక్స‌ర్ల‌తో త్రిశ‌త‌కం మార్క్‌ అందుకున్నాడు. ఈ నేప‌థ్యంలో ప‌లు రికార్డులు త‌న పేరిట లిఖించుకున్నాడు.👉ఫ‌స్ట్‌క్లాస్ క్రికెట్‌లో బంగ్లాదేశ్ త‌ర‌ఫున‌ ట్రిపుల్ సెంచ‌రీ బాదిన మూడో క్రికెట‌ర్‌గా తౌహిద్ హ్రిదోయ్ నిలిచాడు. గ‌తంలో త‌మీమ్ ఇక్బాల్‌, ర‌కీబుల్ హ‌స‌న్‌లు ఈ ఫీట్ సాధించారు.👉విదేశీ గ‌డ్డ‌పై ఫ‌స్ట్‌క్లాస్ క్రికెట్‌లో త్రిశ‌త‌కం బాదిన తొలి బంగ్లాదేశ్ క్రికెట‌ర్‌గా తౌహిద్ చ‌రిత్ర సృష్టించాడు. బంగ్లాదేశ్-ఎ త‌ర‌ఫున ఫ‌స్ట్‌క్లాస్ క్రికెట్‌లో అత్య‌ధిక వ్య‌క్తిగ‌త స్కోరు చేసిన ఆట‌గాడిగాను నిలిచాడు. గ‌తంలో షహ్రియార్ హొస్సేన్ చేసిన 218 ప‌రుగులే రికార్డుగా ఉండేది. తాజాగా ఆ రికార్డు తుడిచిపెట్టుకుపోయింది.👉ట్రిపుల్ సెంచ‌రీ ఒక రికార్డయితే, అదీ సౌతాఫ్రికా గ‌డ్డ‌పై రావ‌డం అరుదు. ఈ నేప‌థ్యంలోనే సౌతాఫ్రికా గ‌డ్డ‌పై ఫ‌స్ట్‌క్లాస్ క్రికెట్‌లో ట్రిపుల్ సెంచ‌రీ బాదిన రెండో ఓవ‌ర్సీస్ బ్యాట‌ర్‌గా తౌహిద్ నిలిచాడు. గ‌తంలో ఇంగ్లండ్ దిగ్గ‌జం డెన్నిస్ కాంప్ట‌న్ (1948-49లో) స‌రిగ్గా 300 ప‌రుగులు బాదాడు.👉ఫ‌స్ట్‌క్లాస్ క్రికెట్‌లో ఆల్‌టైమ్ అత్య‌ధిక వ్య‌క్తిగ‌త స్కోర్లు సాధించిన జాబితాలో తౌహిద్ హ్రిదోయ్ చోటు ద‌క్కించుకున్నాడు. 350 ప‌రుగులు నాటౌట్‌గా నిలిచిన తౌహిద్ హ్రిదోయ్ నాలుగో స్థానంలో నిలిచాడు. కాగా మొద‌టి మూడు స్థానాలు వెస్టిండీస్ దిగ్గ‌జం బ్రియాన్ లారావే కావ‌డం విశేషం. ఫ‌స్ట్‌క్లాస్‌లో క్రికెట్లో అత్య‌ధిక వ్య‌క్తిగ‌త స్కోరు లారా (501 నాటౌట్‌) 1994లో వోర్విక్‌షైర్ త‌ర‌పున సాధించాడు. ఇక అంత‌ర్జాతీయ టెస్టు క్రికెట్‌లో ఇంగ్లండ్‌పై (400 నాటౌట్‌) సాధించిన ఏకైక క్వాడ్ర‌పుల్ సెంచ‌రీ. ఇప్ప‌టికీ ఈ రికార్డు చెక్కు చెద‌ర‌లేదు. 1994లోనే ఇంగ్లండ్‌తో జ‌రిగిన టెస్టులో లారా (375 నాటౌట్‌) మ‌రోసారి మెరిశాడు.బంగ్లా బోర్డుకు హెచ్చరిక‌తాజాగా ట్రిపుల్ సెంచ‌రీతో తౌహిద్ హ్రిదోయ్ బంగ్లాదేశ్ క్రికెట్ బోర్డుకు (బీసీబీ) హెచ్చ‌రిక‌లు పంపాడు. బంగ్లా త‌ర‌ఫున ఏకైక టెస్టు మ్యాచ్ ఆడిన తౌహిద్‌ను ఆ త‌ర్వాత జ‌ట్టు నుంచి తొల‌గించారు. కానీ అరంగేట్రం స‌మ‌యంలో తౌహిద్ హ్రిదోయ్‌ను వైట్‌బాల్ స్పెష‌లిస్ట్‌గానే పరిగణించారు. ఇటీవలే ఆసీస్‌తో జరిగిన టెస్టు సిరీస్‌కు తౌహిద్‌ హ్రిదోయ్‌ను పక్కనబెట్టారు.కానీ త్రిశ‌త‌కంతో త‌నను టెస్టు జ‌ట్టులోకి తిరిగి తీసుకోవాల్సిన స‌మ‌యం వ‌చ్చిందంటూ తౌహిద్ ప‌రోక్షంగా హెచ్చ‌రిక‌లు జారీ చేశాడు. 25 ఏళ్ల తౌహిద్ 25 ఫ‌స్ట్‌క్లాస్ ఇన్నింగ్స్‌ల్లో 41 స‌గ‌టుతో 995 ప‌రుగులు సాధించాడు. బంగ్లాదేశ్ త‌ర‌ఫున 56 వ‌న్డేల్లో 1,698 ప‌రుగులు, 65 టీ20ల్లో 1,409 ప‌రుగులు సాధించాడు.బంగ్లాకు 164 ప‌రుగుల ఆధిక్యంఇక మ్యాచ్ విష‌యానికొస్తే బంగ్లాదేశ్-ఏ త‌మ తొలి ఇన్నింగ్స్‌ను 676-8 వ‌ద్ద డిక్లేర్ చేసింది. తౌహిద్ హ్రిదోయ్ (481 బంతుల్లో 350 నాటౌట్‌; 27 ఫోర్లు, 10 సిక్స‌ర్లు) అజేయంగా నిలవ‌గా, జాక‌ర్ అలీ (94) తృటిలో సెంచ‌రీ చేజార్చుకోగా, మొహ‌మ్మ‌ద్ సైఫుద్దీన్ (87) రాణించాడు. చివ‌ర్లో ముస్కిఫ్ హ‌స‌న్ (31 నాటౌట్) మెరుపుల‌తో బంగ్లా 650 మార్క్‌ను క్రాస్ చేసింది. అనంత‌రం సౌతాఫ్రికా నాలుగో రోజు ఆట ముగిసే స‌మ‌యానికి త‌మ రెండో ఇన్నింగ్స్‌లో వికెట్ న‌ష్టపోకుండా 6 ప‌రుగులు చేసింది. ప్ర‌స్తుతం 154 ప‌రుగులు వెనుక‌బ‌డి ఉన్న సౌతాఫ్రికా-ఎ జ‌ట్టు తొలి ఇన్నింగ్స్‌లో 512 ప‌రుగుల‌కు ఆలౌటైంది. నినెతెంబా ఖుషిలే (121), లెసెగో సెనోక్‌వానె (111) సెంచ‌రీల‌తో మెర‌వ‌గా, గావిన్ క‌ప్ల‌న్ (97), కైల్ సిమ్మండ్స్ (66) అర్థ‌శ‌త‌కాల‌తో రాణించారు.Skipper Towhid Hridoy leading from the front for Bangladesh A vs South Africa A with a triple hundred 🤩#SAAvBANA pic.twitter.com/chlzsTXfhj— Cricbuzz (@cricbuzz) September 2, 2026 300 UP!!!What an immense innings from Towhid Hridoy!!1st Bangladeshi to smash 300 vs an SA side!And it was FLAWLESS!!@BCBtigers @ProteasMenCSA https://t.co/hCQuakXI7H pic.twitter.com/kihlsHtzhG— Bhubesi🦁👑 (@MpenduloTweets) September 2, 2026Read: టెస్టు క్రికెట్‌పై తిలక్ వర్మ ఆసక్తికర వ్యాఖ్యలు

భారత్‌- ‘ఎ’ జట్టుతో జరిగే సిరీస్‌లకు క్రికెట్‌ ఆస్ట్రేలియా తమ జట్లను ప్రకటించింది. వన్డే జట్టులో ఒకప్పటి భారత క్రికెటర్‌ నిఖిల్‌ చౌదరికి చోటు దక్కగా.. ఫోర్‌- డే మ్యాచ్‌లు ఆడే టీమ్‌లో వెటరన్‌ ఆటగాడు పీటర్‌ హాండ్స్‌కోంబ్‌ స్థానం సంపాదించాడు.ఎవరీ నిఖిల్‌ చౌదరి?కాగా రెండు అనధికారిక టెస్టులు, మూడు అనధికారిక వన్డేలు ఆడేందుకు ఆసీస్‌-ఎ జట్టు భారత్‌లో పర్యటించనుంది. సెప్టెంబరు 22 నుంచి అక్టోబరు 11 వరకు ఈ టూర్‌ కొనసాగుతుంది. ఈ నేపథ్యంలో క్రికెట్‌ ఆస్ట్రేలియా ప్రకటించిన జట్టులో నిఖిల్‌ చౌదరికి చోటు దక్కడం ఆసక్తికరంగా మారింది.ఢిల్లీలో జన్మించిన నిఖిల్‌ చౌదరి పంజాబ్‌లో పెరిగాడు. అతడు స్పిన్‌ బౌలింగ్‌ ఆల్‌రౌండర్‌. దేశీ క్రికెట్‌లో పంజాబ్‌ తరఫున అన్ని ఏజ్‌ గ్రూపులలో క్రికెట్‌ ఆడాడు. టీమిండియా టెస్టు, వన్డే జట్ల కెప్టెన్‌ శుబ్‌మన్‌ గిల్‌, టీమిండియా స్టార్లు అభిషేక్‌ శర్మ, అర్ష్‌దీప్‌ సింగ్‌లతో కలిసి పంజాబ్‌ తరఫున లిస్ట్‌-ఎ క్రికెట్‌ ఆడాడు.అయితే, భారత్‌లో ఆశించిన అవకాశాలు రాకపోవడంతో ఆస్ట్రేలియాకు వలస వెళ్లిన నిఖిల్‌ చౌదరి.. కోవిడ్‌-19 లాక్‌డౌన్‌ కారణంగా అక్కడే ఉండిపోవాల్సి రాగా.. ఆ తర్వాత వెనుదిరిగి చూసుకునే అవకాశం రాలేదు. ఆస్ట్రేలియాలో శాశ్వత నివాస హోదా పొందిన నిఖిల్‌.. దేశీ క్రికెట్‌లో రాణించాడు.ఆసీస్‌ తరఫున అరంగేట్రం. . ఇప్పుడు వన్డే జట్టులోకి!ఈ క్రమంలో ఇటీవలే ఈ ఏడాది జూన్‌లో బంగ్లాదేశ్‌తో టీ20 సిరీస్‌ సందర్భంగా ఆస్ట్రేలియా తరఫున అంతర్జాతీయ క్రికెట్లో అడుగుపెట్టాడు నిఖిల్‌ చౌదరి. ఇప్పటికి మూడు టీ20లలో కలిపి 26 పరుగులు చేసిన ఈ బౌలింగ్‌ ఆల్‌రౌండర్‌.. రెండు వికెట్లు తీశాడు. ఇప్పుడు అనధికారిక వన్డేల్లో తాను జన్మించిన భారత గడ్డపై ఆసీస్‌-ఎ జట్టు తరఫున ఆడేందుకు సిద్ధమయ్యాడు.మూడేళ్ల తర్వాతమరోవైపు.. భారత్‌తో జరిగే అనధికారిక టెస్టు సిరీస్‌కు 35 ఏళ్ల పీటర్‌ హాండ్స్‌కోంబ్‌ను సెలక్టర్లు ఎంపిక చేశారు. ఈసారి గనుక సత్తా చాటితే భారత్‌లో జరిగే బోర్డర్‌- గావస్కర్‌ ట్రోఫీ (BGT) టోర్నీకి అతడి పేరును యాజమాన్యం పరిశీలించే అవకాశం ఉంది. కాగా 2023లో చివరగా BGT సందర్భంగానే హాండ్స్‌కోంబ్‌ చివరగా ఆసీస్‌ తరఫున ఆడాడు.భారత్‌-ఎ జట్టుతో అనధికారిక వన్డేల్లో తలపడే ఆసీస్‌-ఎ జట్టుమహ్లి బియర్డ్‌మాన్‌, నిఖిల్‌ చౌదరి, బెన్‌ డ్వార్షుయిస్‌, జాక్‌ ఎడ్వర్డ్స్‌, ఆరోన్‌ హార్డీ, స్పెన్సర్‌ జాన్సన్‌, సామ్‌ కొన్‌స్టాస్‌, నాథన్‌ మెక్‌స్వీనీ, టాడ్‌ మర్పీ, మిచెల్‌ ఓవెన్‌, జోష్‌ ఫిలిప్‌, తన్వీర్‌ సంఘా, లియామ్‌ స్కాట్‌, లాచ్లాన్‌ షా.అనధికారిక టెస్టుకు ఆసీస్‌-ఎ జట్టుబ్రెండన్‌ డగెట్‌, జాక్‌ ఎడ్వర్డ్స్‌, పీటర్‌ హాండ్స్‌కోంబ్‌, సామ్‌ హార్పర్‌, లియామ్‌ హాచెర్‌, కాంప్‌బెల్‌ కెల్లావే, సామ్‌ కొన్‌స్టాస్‌, నాథన్‌ మెక్‌స్వీనీ, టాడ్‌ మర్ఫీ, ఫెర్గూస్‌ ఒ నీల్‌, జోష్‌ ఫిలిప్‌, జై రిచర్డ్‌సన్‌, కోరే రొచిసియోలి, జేసన్‌ సంఘా, లియామ్‌ స్కాట్‌.భారత్‌-ఎ వర్సెస్‌ ఆసీస్‌-ఎ షెడ్యూల్‌వేదిక పుదుచ్చేరితొలి అనధికారిక టెస్టు- సెప్టెంబరు 22 నుంచిరెండో అనధికారిక టెస్టు- సెప్టెంబరు 29 నుంచితొలి అనధికారిక వన్డే- అక్టోబరు 6రెండో అనధికారిక వన్డే- అక్టోబరు 9మూడో అనధికారిక వన్డే- అక్టోబరు 11.చదవండి: ‘నువ్వెంత కష్టపడ్డావో చూశాను.. మన పిల్లలకు నువ్వే హీరో’

శ్రీలంకతో రెండో అనధికారిక టెస్టులో భారత అండర్‌-19 జట్టు అదరగొట్టింది. ఆతిథ్య జట్టును ఏకంగా 211 పరుగుల భారీ తేడాతో మట్టికరిపించింది. తద్వారా రెండు మ్యాచ్‌ల సిరీస్‌ను భారత్‌ 1-0 తేడాతో కైవసం చేసుకుంది.తొలి టెస్టు డ్రా కాగా మూడు యూత్‌ వన్డేలు, రెండు యూత్‌ టెస్టులు ఆడేందుకు భారత​ అండర్‌-19 జట్టు శ్రీలంక పర్యటనకు వెళ్లింది. ఇందులో భాగంగా వన్డే సిరీస్‌ను ఆతిథ్య లంక యువ జట్టు 2-1తో వశం చేసుకోగా.. ఇరుజట్ల మధ్య గాలె వేదికగా తొలి అనధికారిక టెస్టు డ్రా అయింది.తొలి ఇన్నింగ్స్‌లో 411ఈ క్రమంలో ఇరుజట్ల మధ్య సోమవారం రెండో అనధికారిక టెస్టు మొదలైంది. కొలంబోలో టాస్‌ గెలిచిన శ్రీలంక అండర్‌-19 తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది. తొలి ఇన్నింగ్స్‌లో 105.2 ఓవర్లలో 411 పరుగుల మేర భారీ స్కోరు చేసి ఆలౌట్‌ అయింది.శతక్కొట్టిన కుశాగ్ర, మనాల్‌మొదటి ఇన్నింగ్స్‌లో భారత బ్యాటర్లలో ఓపెనర్లు లక్ష్య రాజేశ్‌ రాయ్‌ చందాని, సాగర్‌ విర్క్‌ డకౌట్‌ అయ్యారు. అయితే, వన్‌డౌన్‌ బ్యాటర్‌ కుశాగ్ర ఓజా (111), ఐదో స్థానంలో వచ్చిన మనాల్‌ చౌహాన్‌ (150) శతకాలతో అదరగొట్టారు. వీరికి తోడుగా కెప్టెన్‌ యశ్‌వర్దన్‌ చౌహాన్‌ అర్ధ శతకం (78)తో రాణించాడు. లోయర్‌ ఆర్డర్‌లో చిగురుపాటి వెంకట 25 పరుగులు రాబట్టాడు.148 పరుగులకే లంక ఆలౌట్‌ఇక శ్రీలంక బౌలర్లలో గిమ్హాన్‌ మెండిస్‌ మూడు వికెట్లు తీయగా.. సెత్మిక సెనెవిరత్నె, దుల్నిత్‌ సిగెర, విఘ్నేశ్వరన్‌ ఆకాశ్‌ తలా రెండు వికెట్లు దక్కించుకున్నారు. అనంతరం బ్యాటింగ్‌కు దిగిన శ్రీలంక 148 పరుగులకే కుప్పకూలింది. ఓపెనర్‌ దిమంత మహావితన 24, విరాన్‌ చముదిత 21, దుల్నిత్‌ సిగెర 31, సెత్మిక 25 పరుగులతో ఫర్వాలేదనిపించారు.భారత బౌలర్లలో ప్రణవ్‌ రాఘవేంద్ర, చిగురుపాటి వెంకట, జగన్నాథన్‌ హెంచుదేశన్‌, రోహిత్‌ యాదవ్‌ తలా రెండు వికెట్లు పడగొట్టగా.. కావ్యా పటేల్‌కు ఒక వికెట్‌ దక్కింది. ఇక శ్రీలంక మొదటి ఇన్నింగ్స్‌లో 148 పరుగులకే ఆలౌట్‌ కావడంతో భారత్‌కు 263 పరుగుల భారీ ఆధిక్యం లభించింది.లక్ష్యం 472ఈ క్రమంలో రెండో ఇన్నింగ్స్‌ మొదలుపెట్టిన భారత్‌.. మూడు వికెట్ల నష్టానికి 208 పరుగుల వద్ద డిక్లేర్‌ చేసింది. ఈసారి ఓపెనర్లలో లక్ష్య రాయ్‌చందాని అజేయ శతకం (116 బంతుల్లో 100)తో మెరవగా.. సాగర్‌ విర్క్‌ (17) నిరాశపరిచాడు. వన్‌డౌన్‌లో వచ్చిన ఆర్యన్‌ సక్పా (6) విఫలం కాగా.. కెప్టెన్‌ యశ్‌వర్దన్‌ 20 పరుగులు చేయగలిగాడు. మనాల్‌ చౌహాన్‌ 51 పరుగలతో అజేయంగా నిలిచాడు.211 పరుగుల తేడాతో భారత్‌ జయభేరిఇక తొలి ఇన్నింగ్స్‌ ఆధిక్యం కలుపుకొని (263+208).. భారత్‌ శ్రీలంకకు 472 పరుగుల భారీ లక్ష్యాన్ని విధించింది. గురువారం నాటి ఆఖరి రోజు ఆటలో భాగంగా కేవలం 260 పరుగులు చేసి ఆలౌట్‌ అయింది. ఫలితంగా భారత్‌ 211 పరుగుల భారీ తేడాతో జయభేరి మోగించి సిరీస్‌ను కైవసం చేసుకుంది.చెలరేగిన భారత బౌలర్లులక్ష్య ఛేదనలో లంక బ్యాటర్లలో సెనుజ వెకునగొడ (64), కెప్టెన్‌ విమత్‌ దిన్సార (64) అర్ధ శతకాలతో రాణించగా.. కవిజ గెమాగే 36, సెత్మిక 42 పరుగులతో ఫర్వాలేదనిపించారు. భారత బౌలర్లలో రోహిత్‌ యాదవ్‌ నాలుగు వికెట్లతో చెలరేగగా.. చిగురుపాటి వెంకట మూడు వికెట్లు దక్కించుకున్నాడు. మిగిలిన వారిలో ప్రణవ్‌ రాఘవేంద్ర, జగన్నాథన్‌ హెంచుదేశన్‌, యశ్‌వర్దన్‌ తలా ఒక వికెట్‌ తమ ఖాతాలో వేసుకున్నారు.శ్రీలంక వర్సెస్‌ భారత్‌ రెండో అనధికారిక టెస్టు సంక్షిప్త స్కోర్లుభారత్‌: 411 & 208/3 డిక్లేర్డ్‌శ్రీలంక: 148 & 260చదవండి: IND vs ZIM: తొలి టీ20కి భారత తుదిజట్టు ఇదే!

భారత్‌ అండర్‌-19 జట్టుతో రెండో అనధికారిక టెస్టులో శ్రీలంక యువ జట్టు స్వల్ప స్కోరుకే కుప్పకూలింది. మొదటి ఇన్నింగ్స్‌లో కేవలం 148 పరుగులు చేసి ఆలౌట్‌ అయింది. కాగా రెండు మ్యాచ్‌ల సిరీస్‌లో భాగంగా భారత్‌- శ్రీలంక అండర్‌-19 జట్ల మధ్య సోమవారం రెండో యూత్‌ టెస్టు మొదలైంది.తొలిరోజే కుశాగ్ర సెంచరీకొలంబోలో టాస్‌ గెలిచిన శ్రీలంక తొలుత బౌలింగ్‌ ఎంచుకోగా.. భారత్‌ బ్యాటింగ్‌ చేసింది. ఈ క్రమంలో తొలి రోజు ఆట నిలిచే సమయానికి 65 ఓవర్లలో 3 వికెట్ల నష్టానికి 253 పరుగులు చేసింది.ఓపెనర్లు లక్ష్య (0), సాగర్‌ (0) డకౌట్‌ కావడంతో... స్కోరు బోర్డు మీద ఒక్క పరుగు చేరకముందే మన జట్టు రెండు వికెట్లు కోల్పోయింది. ఈ దశలో కెప్టెన్‌ యశ్‌వర్ధన్‌తో కలిసి వన్‌డౌన్‌ బ్యాటర్‌ కుశాగ్ర ఓజా ఇన్నింగ్స్‌ను నిర్మించాడు. కుశాగ్ర ఓజా శతకం (177 బంతుల్లో 103 బ్యాటింగ్‌; 11 ఫోర్లు, 2 సిక్స్‌లు) సాధించగా... కెప్టెన్‌ యశ్‌వర్ధన్‌ చౌహాన్‌ (89 బంతుల్లో 78; 11 ఫోర్లు, 2 సిక్స్‌లు), మనల్‌ చౌహాన్‌ (108 బంతుల్లో 55 బ్యాటింగ్‌; 7 ఫోర్లు) అర్ధసెంచరీలతో మెరిశారు. లంక బౌలర్లను సమర్థంగా అడ్డుకున్న ఈజంట మూడో వికెట్‌కు 122 పరుగులు జోడించింది.రెండోరోజు ఆట సాగిందిలా..అనంతరం కెప్టెన్‌ అవుట్‌ కాగా... కుశాగ్రకు మనల్‌ చౌహాన్‌ అండగా నిలిచాడు... ఈ జోడీ అబేధ్యమైన నాలుగో వికెట్‌కు 131 పరుగులు జతచేసింది. ఈ క్రమంలో 253/3 ఓవర్‌నైట్‌ స్కోరుతో మంగళవారం నాటి రెండో రోజు ఆట మొదలుపెట్టిన భారత్‌.. 411 పరుగులకు ఆలౌట్‌ అయింది. ఆట మొదలైన కాసేపటికే కుశాగ్ర (111) అవుట్‌ కాగా.. మనాల్‌ చౌహాన్‌ భారీ శతకం (244 బంతుల్లో 150)తో చెలరేగాడు.ఫలితంగా తొలి ఇన్నింగ్స్‌లో 105.2 ఓవర్లలో భారత్‌ 411 పరుగుల భారీ స్కోరు చేసి ఆలౌట్‌ అయింది. అనంతరం బ్యాటింగ్‌ మొదలుపెట్టిన శ్రీలంక.. మంగళవారం ఆట పూర్తయ్యేసరికి 40 ఓవర్లలో ఎనిమిది వికెట్లు నష్టపోయి 122 పరుగులు మాత్రమే చేసింది.148 పరుగులకు ఆలౌట్‌ఈ క్రమంలో 122/8 ఓవర్‌నైట్‌ స్కోరుతో బుధవారం నాటి మూడో రోజు ఆట మొదలుపెట్టిన శ్రీలంక.. కేవలం మరో 26 పరుగులు జతచేసి ఆలౌట్‌ అయింది. దుల్నిత్‌ సిగెర 31 పరుగులతో లంక టాప్‌ రన్‌ స్కోరర్‌గా నిలవగా.. ఓపెనర్‌ దిమంత మహావితన 24, విరాన్‌ చముదిత 21, లోయర్‌ ఆర్డర్‌లో సెత్మిక సెనెవిరత్నె 25 (నాటౌట్‌) పరుగులతో ఫర్వాలేదనిపించారు.మిగిలిన వాళ్లలో అవీష సమాశ్‌ (9), సెనుజ వెకునగొడ (5), కెప్టెన్‌ విమత్‌ దిన్సారా (8), కవిజ గెమాగే (7), వికెట్‌ కీపర్‌ బ్యాటర్‌ జేసన్‌ ఫెర్నాండో (4), గిమ్హాన్‌ మెండిస్‌ (4), విఘ్నేశ్వరన్‌ ఆకాశ్‌ (4) పెవిలియన్‌కు వరుస కట్టారు.భారత బౌలర్లలో ప్రణవ్‌ రాఘవేంద్ర, చిగురుపాటి వెంకట, జగన్నాథన్‌ హేంచుదేశన్‌, రోహిత్‌ యాదవ్‌ తలా రెండు వికెట్లు కూల్చగా.. కావ్యా పటేల్‌ ఒక వికెట్‌ దక్కించుకున్నాడు. ఈ క్రమంలో 263 పరుగుల భారీ ఆధిక్యంతో రెండో ఇన్నింగ్స్‌ మొదలుపెట్టింది భారత్‌.భారత్‌కు భారీ ఆధిక్యంబుధవారం నాటి భోజన విరామ సమయానికి 16 ఓవర్లలో రెండు వికెట్ల నష్టానికి 67 పరుగులు చేసింది. ఓపెనర్లలో సాగర్‌ విర్క్‌ (17) మరోసారి విఫలం కాగా.. వన్‌డౌన్‌లో వచ్చిన వికెట్‌ కీపర్‌ బ్యాటర్‌ ఆర్యన్‌ సక్పా (6) నిరాశపరిచాడు. ఓపెనర్‌ లక్ష్య రాయ్‌చందాని 31, కెప్టెన్‌ యశ్‌వర్దన్‌ 5 పరుగులతో క్రీజులో నిలిచారు. లంక బౌలర్లలో కవిజ గెమాగే తొలి రెండు వికెట్లను తన ఖాతాలో వేసుకున్నాడు. లంచ్‌ బ్రేక్‌ సమయానికి భారత్‌ 330 పరుగుల భారీ ఆధిక్యంలో నిలిచింది.చదవండి: ప్రపంచంలోనే బెస్ట్‌.. ఎందుకు ఆడించలేదు?

శ్రీలంక అండర్‌-19 బ్యాటర్లకు భారత యువ బౌలర్లు చుక్కలు చూపించారు. అద్భుతమైన ప్రదర్శనతో ఆతిథ్య జట్టును ముప్పుతిప్పలు పెట్టారు. కాగా శ్రీలంక- భారత్‌ అండర్‌-19 జట్ల మధ్య సోమవారం రెండో అనధికారిక టెస్టు మొదలైంది.భారత్‌ భారీ స్కోరుకొలంబో వేదికగా టాస్‌ ఓడిన భారత్‌ తొలుత బ్యాటింగ్‌కు దిగింది. తొలిరోజు మూడు వికెట్ల నష్టానికి 253 పరుగులు చేసిన భారత జట్టు.. 253/3 ఓవర్‌నైట్‌ స్కోరుతో మంగళవారం నాటి రెండో రోజు ఆట మొదలుపెట్టింది. ఈ క్రమంలో తొలి ఇన్నింగ్స్‌లో 105.2 ఓవర్లలో 411 పరుగుల భారీ స్కోరు చేసి ఆలౌట్‌ అయింది. వన్‌డౌన్‌ బ్యాటర్‌ కుశాగ్ర ఓజా (193 బంతుల్లో 111), ఆల్‌రౌండర్‌ మనాల్‌ చౌహాన్‌ (244 బంతుల్లో 150) సెంచరీలు.. యశ్‌వర్దన్‌ చౌహాన్‌ (89 బంతుల్లో 78) అర్ధ శతకంతో రాణించారు.శ్రీలంక బౌలర్లలో గిమ్హాన్‌ మెండిస్‌ మూడు వికెట్లు తీయగా.. సెత్మిక సెనెవిరత్నె, దుల్నిత్‌ సిగెర, విఘ్నేశ్వరన్‌ ఆకాశ్‌ తలా రెండు వికెట్లు తమ ఖాతాలో వేసుకున్నారు. ఈ క్రమంలో తమ తొలి ఇన్నింగ్స్‌ మొదలుపెట్టిన శ్రీలంకకు భారత బౌలర్లు ఆది నుంచే షాకులు ఇచ్చారు.శ్రీలంక బ్యాటర్లకు చుక్కలుఓపెనర్లలో అవీష సమాష్‌ (9)ను ప్రణవ్‌ రాఘవేంద్ర పెవిలియన్‌కు పంపగా.. దిమంత మహావితన (24)ను కావ్యా పటేల్‌ అవుట్‌ చేశాడు. గత మ్యాచ్‌లో డబుల్‌ సెంచరీతో చెలరేగిన వన్‌డౌన్‌ బ్యాటర్‌ సెనుజ వెకునగొడను ఈసారి భారత్‌ ఐదు పరుగులకే పరిమితం చేసింది. చిగురుపాటి వెంకట బౌలింగ్‌లో సెనుజ లక్ష్య రాయ్‌చందానికి క్యాచ్‌ ఇచ్చి వెనుదిరిగాడు.ఆ తర్వాత భారత బౌలర్లు జోరు కొనసాగించడంతో కెప్టెన్‌ విమత్‌ దిన్సార 8, కవిజ గమాగే 7, వికెట్‌ కీపర్‌ బ్యాటర్‌ జేసన్‌ ఫెర్నాండో 0 పరుగులకే పెవిలియన్‌ చేరారు. విరాన్‌ చముదిత 21, దుల్నిత్‌ సిగెర 31 పరుగులతో ఫర్వాలేదనిపించారు. ఈ క్రమంలో మంగళవారం నాటి ఆట ముగిసేసరికి శ్రీలంక 40 ఓవర్లలో ఎనిమిది వికెట్ల నష్టానికి 122 పరుగులు మాత్రమే చేసింది. తొలి ఇన్నింగ్స్‌లో భారత్‌ కంటే ఇంకా 289 పరుగులు వెనుకబడి ఉంది.భారత బౌలర్లలో ప్రణవ్‌ రాఘవేంద్ర, చిగురుపాటి వెంకట, రోహిత్‌ యాదవ్‌ తలా రెండు వికెట్లు తీయగా.. కావ్యా పటేల్‌, జగన్నాథ్‌ హెంచుదేశన్‌ చెరో వికెట్‌ దక్కించుకున్నారు. కాగా భారత్‌- శ్రీలంక మధ్య తొలి అనధికారిక టెస్టు డ్రా అయింది.చదవండి: జింబాబ్వేతో శ్రేయస్‌ అయ్యర్‌ సేనకు ముప్పు

శ్రీలంక అండర్‌-19 జట్టుతో రెండో అనధికారిక టెస్టులో భారత యువ జట్టు భారీ స్కోరు సాధించింది. తొలి ఇన్నింగ్స్‌లో 411 పరుగులు చేసి ఆలౌట్‌ అయింది. గాలె వేదికగా శ్రీలంక- భారత్‌ అండర్‌-19 జట్ల మధ్య తొలి యూత్‌ టెస్టు ‘డ్రా’గా ముగిసిన సంగతి తెలిసిందే.ఓపెనర్లు డకౌట్‌ అయినా..ఈ క్రమంలో ఇరుజట్ల మధ్య కొలంబో వేదికగా సోమవారం రెండో యూత్‌ టెస్టు మొదలైంది. టాస్‌ గెలిచిన శ్రీలంక తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది. తొలి రోజు ఆటలో ఓపెనర్లు లక్ష్య రాజేశ్‌ రాయ్‌ చందాని, సాగర్‌ విర్క్‌ డకౌట్‌ కాగా.. వన్‌డౌన్‌ బ్యాటర్‌ కుశాగ్ర ఓజా.. కెప్టెన్‌ యశ్‌వర్దన్‌ చౌహాన్‌ ఇన్నింగ్స్‌ చక్కదిద్దారు.శతక్కొట్టిన కుశాగ్రఈ క్రమంలో కుశాగ్ర శతకం పూర్తి చేసుకోగా.. యశ్‌వర్దన్‌ అర్ధ శతకం (78) చేసి అవుటయ్యాడు. కుశాగ్రకు తోడుగా ఐదో నంబర్‌ బ్యాటర్‌ మనాల్‌ చౌహాన్‌ హాఫ్‌ సెంచరీతో రాణించాడు. ఫలితంగా సోమవారం నాటి ఆట పూర్తయ్యేసరికి భారత్‌ 65 ఓవర్లలో మూడు వికెట్ల నష్టానికి 253 పరుగులు చేసింది.ఇక 253/3 ఓవర్‌నైట్‌ స్కోరుతో మంగళవారం నాటి రెండో రోజు ఆట మొదలుపెట్టిన భారత్‌.. భోజన విరామ సమయానికి 92 ఓవర్లలో ఆరు వికెట్లు నష్టపోయి 355 పరుగులు చేసింది. శతక వీరుడు కుశాగ్ర (193 బంతుల్లో 12 ఫోర్లు, 2 సిక్స్‌లు: 111) రనౌట్‌ కాగా.. ఆల్‌రౌండర్‌ మనాల్‌ చౌహాన్‌ సెంచరీ పూర్తి చేసుకున్నాడు.మనాల్‌ భారీ శతకంఅనంతరం అదే జోరు కొనసాగించిన మనాల్‌ నిలకడగా ఆడుతూ స్కోరు బోర్డును ముందుకు నడిపాడు. మొత్తంగా 224 బంతులు ఎదుర్కొన్న ఈ ఆల్‌రౌండర్‌.. 20 ఫోర్లు, ఒక సిక్సర్‌ సాయంతో 150 పరుగులు చేశాడు. అయితే, గిమ్హాన్‌ మెండిస్‌ బౌలింగ్‌లో విఘ్నేశ్వరన్‌ ఆకాశ్‌కు క్యాచ్‌ ఇవ్వడంతో అతడి మారథాన్‌ ఇన్నింగ్స్‌కు తెరపడింది.మనాల్‌ అవుటైన తర్వాత భారత జట్టు వేగంగా వికెట్లు కోల్పోయింది. వికెట్‌ కీపర్‌ బ్యాటర్‌ ఆర్యన్‌ సక్పా 10, జగన్నాథన్‌ హేంచుదేశన్‌ 4 పరుగులు చేసి వెనుదిరిగారు. రోహిత్‌ యాదవ్‌ డకౌట్‌ కాగా.. చిగురుపాటి వెంకట 25 పరుగులతో ఫర్వాలేదనిపించాడు. ప్రణవ్‌ రాఘవేంద్ర ఒక బంతిని ఎదుర్కొని ఖాతా ఏమీ తెరవలేదు.411 పరుగులకు ఆలౌట్‌ఈ క్రమంలో మొదటి ఇన్నింగ్స్‌లో భారత్‌ 105.2 ఓవర్లలో 411 పరుగులు చేసి ఆలౌట్‌ అయింది. కుశాగ్ర ఓజా (111), మనాల్‌ చౌహాన్‌ (150) సెంచరీలు.. యశ్‌వర్దన్‌ చౌహాన్‌ (78) అర్ధ శతకంతో రాణించడంతో భారత్‌కు ఈ మేర భారీ స్కోరు సాధ్యమైంది. ఇక శ్రీలంక బౌలర్లలో గిమ్హాన్‌ మెండిస్‌ మూడు వికెట్లు పడగొట్టగా.. సెత్మిక సెనెవిరత్నె, దుల్నిత్‌ సిగెర, విఘ్నేశ్వరన్‌ ఆకాశ్‌ తలా రెండు వికెట్లు పడగొట్టారు. చదవండి: ఇంగ్లండ్‌ అతడికి పూర్తి స్వేచ్ఛ ఇచ్చింది.. మీరేం చేస్తున్నారు?

కొలంబో వేదికగా శ్రీలంక అండర్‌-19 జట్టుతో జరుగుతున్న రెండో అనధికారిక టెస్టు మ్యాచ్‌లో భారత అండర్‌-19 జట్టు తొలిరోజే పట్టు బిగించింది. మొదటి రోజు ఆట ముగిసే సమయానికి ఇండియా 65 ఓవర్లలో 3 వికెట్ల నష్టానికి 253 పరుగులు చేసింది. ఓపెనర్లు ఇద్దరు డకౌట్ అయిన వేళ వన్‌డౌన్‌లో బ్యాటింగ్‌కు వచ్చిన కుషాగ్ర ఓఝా (103 నాటౌట్‌) అజేయ సెంచరీతో మెరిశాడు. కెప్టెన్ య‌శ్‌బ‌ర్ద‌న్ (78), మ‌నాల్ చౌహ‌న్ (55 నాటౌట్‌) అర్ధ‌శ‌త‌కాల‌తో రాణించ‌డంతో భారీ స్కోరు దిశ‌గా సాగుతోంది. లంక బౌల‌ర్ల‌లో గిమ్హ‌న్ మెండిస్ రెండు వికెట్లు తీయ‌గా, సెత్మికా ఒక వికెట్ ప‌డ‌గొట్టాడు.ఎవ‌రీ కుషాగ్ర?సున్నా పరుగులకే రెండు కీలక వికెట్లు కోల్పోయి కష్టాల్లో పడిన జట్టును అజేయ సెంచరీతో నడిపించిను కుషాగ్ర ఒక్కసారిగా హీరో అయిపోయాడు. రాజస్తాన్‌కు చెందిన 16 ఏళ్ల కుషాగ్ర ఓఝా టాపార్డర్‌లో బ్యాటింగ్‌కు వస్తుంటాడు. హంబన్‌టోటా వేదికగా శ్రీలంకతో జరిగిన యూత్ వన్డే సిరీస్ ద్వారా అండర్‌-19లో అరంగేట్రం చేసిన కుషాగ్ర ఆడిన తొలి మ్యాచ్‌లోనే 92 పరుగుల ఇన్నింగ్స్‌తో ఆకట్టుకున్నాడు. తాజాగా తన తొలి అండర్‌-19 అనధికారిక టెస్టు మ్యాచ్ ఆడుతున్న కుషాగ్ర.. డెబ్యూ మ్యాచ్‌లోనే సెంచరీతో ఆకట్టుకున్నాడు. దీంతో 50 ఓవర్ల ఫార్మాట్లతో పాటు సంప్రదాయ ఫార్మాట్‌లోనూ అండర్‌-19 జట్టులో టాప్‌-4 బ్యాటింగ్‌లో కుషాగ్ర ఓఝా కీలక ఆటగాడిగా మారిపోయాడు.2023-24 సీజన్‌లో రాజస్తాన్ తరఫున విజయ్ మర్చంట్ ట్రోఫీ ద్వారా అండర్‌-19 క్రికెట్‌లో అరంగేట్రం చేసిన కుషాగ్ర 2025-26 దేశవాళీ టోర్నీలో అండర్‌-19 కూచ్ బెహర్ ట్రోఫీలో 565 పరుగులు సాధించి గుర్తింపు పొందాడు. ఈ టోర్నీలోనే రెండు సెంచరీలు సహా నాలుగు హాఫ్‌సెంచరీలు సాధించాడు. 2026 అండర్-19 వరల్డ్‌కప్‌కు ​కూడా కుషాగ్ర పరిగణలో ఉన్నాడు.Read: బుడ్డోడా మజాకా.. సవతి సోదరుడైనా తమ్ముడంటే ప్రాణం!

శ్రీలంక అండర్‌-19 జట్టుతో తొలి అనధికారిక టెస్టు మ్యాచ్‌లో భారత ఓపెనర్‌ లక్ష్య రాజేశ్‌ రాయ్‌చందాని మారథాన్‌ ఇన్నింగ్స్‌ ఆడాడు. నిలకడగా ఆడుతూ డబుల్‌ సెంచరీ పూర్తి చేసుకున్నాడు. అయితే, ఆ తర్వాత కాసేపటికే పెవిలియన్‌ చేరాడు.మూడు యూత్‌ వన్డేలు, రెండు యూత్‌ టెస్టులు ఆడేందుకు భారత అండర్‌-19 జట్టు శ్రీలంక పర్యటనకు వెళ్లింది. వన్డే సిరీస్‌లో ఆతిథ్య జట్టు చేతిలో భారత్‌ 2-1 తేడాతో ఓటమిపాలైంది. అనంతరం ఇరుజట్ల మధ్య సోమవారం తొలి యూత్‌ టెస్టు మొదలైంది.గాలె వేదికగా టాస్‌ గెలిచిన శ్రీలంక తొలుత బ్యాటింగ్‌కు దిగింది. వన్‌డౌన్‌ బ్యాటర్‌ సెనుజ వెకునగొడ డబుల్‌ సెంచరీ (267 బంతుల్లో 233)తో దుమ్ములేపగా.. కెప్టెన్‌ విమత్‌ దిన్సార (52), కవిజ గమాగె (45), ఒషాడా మనాహర (31*) రాణించారు. ఆధిక్యంలోకి భారత్‌ఫలితంగా శ్రీలంక తమ తొలి ఇన్నింగ్స్‌ను 106.4 ఓవర్లలో తొమ్మిది వికెట్ల నష్టానికి 424 పరుగుల వద్ద డిక్లేర్‌ చేసింది. అనంతరం తమ ఆట మొదలుపెట్టిన భారత్‌.. గురువారం భోజన విరామ సమయానికి 55 పరుగుల ఆధిక్యంలో నిలిచింది. 378/3 ఓవర్‌నైట్‌ స్కోరుతో చివరి రోజు ఆట ఆరంభించిన భారత జట్టు లంచ్‌ బ్రేక్‌ టైమ్‌కి 149 ఓవర్లలో ఏడు వికెట్లు నష్టపోయి 479 పరుగులు చేసింది.లక్ష్య డబుల్‌ సెంచరీతోకాగా బుధవారం 196 పరుగుల వద్ద నిలిచిన లక్ష్య.. గురువారం ద్విశతక మార్కును అందుకున్నాడు. మొత్తంగా 324 బంతుల్లో 22 ఫోర్లు, మూడు సిక్సర్లు బాది 207 పరుగులు సాధించాడు. దిమత్‌ అబేయ్‌సింఘే బౌలింగ్‌లో బౌల్డ్‌ కావడంతో లక్ష్య మారథాన్‌ ఇన్నింగ్స్‌కు తెరపడింది.ఇక మిగలిన వారిలో మరో ఓపెనర్‌ సాగర్‌ విర్క్‌ శతకం (134) సాధించగా.. వన్‌డౌన్‌ బ్యాటర్‌ కుశాగ్రా ఓజా 24 పరుగులు చేశాడు. కెప్టెన్‌ యశ్‌వర్దన్‌ చౌహాన్‌ (6) విఫలం కాగా.. కుశ్‌ పటేల్‌ 42 పరుగులతో రాణించాడు. గురువారం లంచ్‌ బ్రేక్‌ సమయానికి బీకే కిషోర్‌ 1, మానవ్‌ క్రిష్ణ 35 పరుగులతో క్రీజులో నిలిచారు. అంతకుముందు కావ్యా పటేల్‌ (8), జగన్నాథన్‌ హేంచుదేశన్‌ (0) అవుటయ్యారు. ఆటకు ఇదే చివరి రోజు కావడంతో ఈ మ్యాచ్‌ డ్రాగా ముగియడం లాంఛనమే కానుంది.చదవండి: విధ్వంసకర శతకాలు.. పంజాబ్‌ కింగ్స్‌ ప్రపంచ రికార్డు బద్దలు

శ్రీలంక అండర్‌-19 జట్టుతో తొలి అనధికారిక టెస్టు మ్యాచ్‌లో భారత యువ ఓపెనర్లు లక్ష్య రాజేశ్‌ రాయ్‌చందాని, సాగర్‌ విర్క్‌ శతక్కొట్టారు. నిలకడగా, ఓపికగా ఆడుతూ భారీ సెంచరీలతో అదరగొట్టారు. వీరిద్దరి ఇన్నింగ్స్‌ కారణంగా భారత్‌ పటిష్ట స్థితికి చేరుకుంది.శ్రీలంక భారీ స్కోరు కాగా భారత్‌- శ్రీలంక అండర్‌-19 జట్ల మధ్య సోమవారం తొలి అనధికారిక టెస్టు మొదలైంది. టాస్‌ గెలిచిన శ్రీలంక తొలుత బ్యాటింగ్‌కు దిగింది. వన్‌డౌన్‌ బ్యాటర్‌ సెనుజ వెకునగొడ డబుల్‌ సెంచరీ (233)తో దుమ్ములేపగా.. కెప్టెన్‌ విమత్‌ దిన్సార (52) అర్ధ శతకం బాదాడు.మిగిలిన వారిలో కవిజ గమాగే (49), చమిక హీనతిగల (45), ఒషాడా మనాహర (12 బంతుల్లో 31 నాటౌట్‌) రాణించారు. ఈ క్రమంలో 106.4 ఓవర్లలో తొమ్మిది వికెట్ల నష్టానికి 424 పరుగులు చేసి శ్రీలంక తమ మొదటి ఇన్నింగ్స్‌ డిక్లేర్‌ చేసింది. అనంతరం బ్యాటింగ్‌కు దిగిన భారత్‌ మంగళవారం నాటి రెండో రోజు ఆట ముగిసేసరికి 58 ఓవర్లలో వికెట్‌ నష్టపోకుండా 186 పరుగులు చేసింది.ఈ క్రమంలో 186/0 ఓవర్‌నైట్‌ స్కోరుతో బుధవారం నాటి మూడో రోజు ఆట మొదలుపెట్టిన భారత జట్టుకు వర్షం మరోసారి ఆటంకం కలిగించింది. అయితే, కాసేపటి తర్వాత తెరిపినివ్వడంతో మళ్లీ మ్యాచ్‌ మొదలైంది. శతకాలతో చెలరేగిన భారత ఓపెనర్లుఈ క్రమంలో శతకం పూర్తి చేసుకున్న ఓపెనర్‌ సాగర్‌ (312 బంతుల్లో 15 ఫోర్లు, 1 సిక్స్‌: 134 రన్స్‌).. లతేంద్ర ఆకాశ్‌ బౌలింగ్‌లో జేసన్‌ ఫెర్నాండోకు క్యాచ్‌ ఇచ్చి పెవిలియన్‌ చేరాడు.ఇక వన్‌డౌన్‌ బ్యాటర్‌ కుశాగ్రా ఓజా 24 పరుగులే చేసి నిరాశపరచగా.. కెప్టెన్‌ యశ్‌వర్దన్‌ చౌహాన్‌ (6) పూర్తిగా విఫలమయ్యాడు. అయితే, మరో ఓపెనర్‌ లక్ష్య మాత్రం నిలకడగా ఆడుతూ డబుల్‌ సెంచరీకి చేరువయ్యాడు.గాలేలో బుధవారం ఆట పూర్తయ్యేసరికి మొత్తంగా 306 బంతులు ఎదుర్కొన్న లక్ష్య.. 21 ఫోర్లు, మూడు సిక్స్‌ల సాయంతో 196 పరుగులు చేశాడు. అతడితో పాటు కుశ్‌ పటేల్‌ మూడు పరుగులతో అజేయంగా నిలిచాడు. ఈ క్రమంలో మూడో రోజు ఆట ముగిసేసరికి భారత్‌ మూడు వికెట్ల నష్టానికి 378 పరుగులు చేసింది. తొలి ఇన్నింగ్స్‌లో శ్రీలంక కంటే ఇంకా 46 పరుగులు వెనుకబడి ఉంది. ఇక ఆటకు గురువారం చివరిరోజు. చదవండి: IND vs ENG: అతడిని ఆరోస్థానంలో ఆడిస్తారా?

శ్రీలంక అండర్‌-19 జట్టుతో తొలి అనధికారిక టెస్టులో భారత్‌ అండర్‌ -19 ఓపెనర్లు అదరగొడుతున్నారు. లక్ష్య రాజేశ్‌ రాయ్‌ చందాని, సాగర్‌ విర్క్‌ పట్టుదలగా నిలబడి భారత్ జట్టుకు శుభారంభం అందించారు.కాగా గాలె వేదికగా భారత్‌- శ్రీలంక మధ్య సోమవారం తొలి యూత్‌ టెస్టు ఆరంభమైంది. టాస్‌ గెలిచిన శ్రీలంక తొలుత బ్యాటింగ్‌కు దిగి.. మొదటి ఇన్నింగ్స్‌ను భారీ స్కోరు వద్ద డిక్లేర్‌ చేసింది. ఓపెనర్లు దిమంత మహావితన (2), దుల్నిత్‌ సిగెర (0) విఫలమైనా.. వన్‌డౌన్‌ బ్యాటర్‌ సెనుజ వెకునగొడ దుమ్ములేపాడు.మొత్తంగా 267 బంతులు ఎదుర్కొని 33 ఫోర్లు, ఒక సిక్సర్‌ సాయంతో 233 పరుగులు సాధించాడు. సెనుజ డబుల్‌ సెంచరీతో చెలరేగగా.. కెప్టెన్‌ విమత్‌ దిన్సార (52), కవిజ గమాగె (49), చమిక హీనతిగల (45), ఒషాడా మనాహర (12 బంతుల్లో 31 నాటౌట్‌) రాణించారు.ఈ క్రమంలో 106.4 ఓవర్లలో తొమ్మిది వికెట్ల నష్టానికి 424 పరుగుల వద్ద శ్రీలంక మంగళవారం నాటి రెండో రోజు ఆట సందర్భంగా తమ ఇన్నింగ్స్‌ డిక్లేర్‌ చేసింది. అనంతరం భారత్‌ బ్యాటింగ్‌ మొదలుపెట్టగా వర్షం వల్ల కాసేపు ఆటకు అంతరాయం కలిగింది.అయితే, వాన తెరిపినివ్వడంతో తిరిగి ఆట మొదలుకాగా.. ఓపెనర్లు లక్ష్య, సాగర్‌ నిలకడగా ఆడారు. లక్ష్య 136 బంతులు ఎదుర్కొని 10 ఫోర్లు, రెండు సిక్సర్లు బాది 93 పరుగులు.... సాగర్‌ 215 బంతుల్లో 12 ఫోర్ల సాయంతో 87 పరుగులు చేసి అజేయంగా నిలిచారు.ఫలితంగా రెండో రోజు పూర్తయ్యేసరికి భారత్‌ అండర్‌-19 జట్టు 58 ఓవర్లలో వికెట్‌ నష్టపోకుండా 186 పరుగులు చేసింది. తొలి ఇన్నింగ్స్‌లో శ్రీలంక కంటే 238 పరుగులు వెనుకబడి ఉంది. ఇక రెండో రోజు మొత్తంగా ఐదు వికెట్లు తీయడంతో పాటు.. 186 పరుగులు చేసిన భారత్‌ మొత్తానికి మంగళవారం పైచేయి సాధించింది.

భారత్‌ అండర్‌-19 జట్టుతో తొలి అనధికారిక టెస్టు మ్యాచ్‌లో శ్రీలంక అండర్‌-19 జట్టు భారీ స్కోరు సాధించింది. వన్‌డౌన్‌ బ్యాటర్‌ సెనుజ వెకునగొడ డబుల్‌ సెంచరీతో చెలరేగి.. లంక జట్టును పటిష్ట స్థితిలో నిలిపాడు.కాగా మూడు యూత్‌ వన్డేలు, రెండు యూత్‌ టెస్టులు ఆడేందుకు భారత యువ జట్టు శ్రీలంక పర్యటనకు వెళ్లింది. ఇందులో భాగంగా తొలుత వన్డే సిరీస్‌ జరుగగా.. శ్రీలంక 2-1తో గెలిచింది. తొలి మ్యాచ్‌లో భారత్‌ విజయం సాధించగా.. చివరి రెండు మ్యాచ్‌లు గెలిచి శ్రీలంక సిరీస్‌ను కైవసం చేసుకుంది.ఓపెనర్లను త్వరగానే అవుట్‌ చేసినా..ఈ క్రమంలో ఇరుజట్ల మధ్య గాలే వేదికగా సోమవారం తొలి యూత్‌ టెస్టు మొదలైంది. టాస్‌ గెలిచిన శ్రీలంక తొలుత బ్యాటింగ్‌ ఎంచుకోగా.. భారత్‌ బౌలింగ్‌కు దిగింది. భారత పేసర్‌ కావ్యా పటేల్‌ ఆరంభంలోనే ప్రత్యర్థిని దెబ్బ కొట్టాడు.ఓపెనర్లలో దుల్నిత్‌ సిగెరను డకౌట్‌ చేసిన కావ్యా పటేల్‌.. దిమంత మహవితనను రెండు పరుగుల వ్యక్తిగత స్కోరు వద్ద పెవిలియన్‌కు పంపాడు. అయితే, భారత జట్టుకు ఈ ఆనందం ఎంతో కాసేపే మిగిలింది. వన్‌డౌన్‌లో వచ్చిన సెనుజ వెకునగొడ క్రీజులో పాతుకుపోయి డబుల్‌ సెంచరీ కొట్టాడు.203 పరుగులతో అజేయంగా..తొలి రోజు ఆట ముగిసే సరికి సెనుజ మొత్తంగా 227 బంతులు ఎదుర్కొని 31 ఫోర్ల సాయంతో 203 పరుగులతో అజేయంగా నిలిచాడు. అతడికి తోడుగా కెప్టెన్‌ విమత్‌ దిన్సారా అర్ధ శతకం (52)తో ఆకట్టుకోగా.. కవిజ గెమాగే 49 పరుగులతో రాణించాడు. చమిక హీనతిగల 33 పరుగులతో సెనుజతో కలిసి క్రీజులో నిలిచాడు.ఫలితంగా సోమవారం నాటి మొదటి రోజు ఆట పూర్తయ్యేసరికి శ్రీలంక 89 ఓవర్లలో నాలుగు వికెట్ల నష్టానికి 344 పరుగుల మేర భారీ స్కోరు సాధించింది. భారత్‌ ఆదిలో వికెట్లు తీసినప్పటికీ.. సెనుజ ద్విశతక ఇన్నింగ్స్‌ కారణంగా లంకదే పైచేయి అయింది. భారత బౌలర్లలో కావ్యా పటేల్‌ రెండు వికెట్లు తీయగా.. ప్రణవ్‌ రాఘవేంద్ర, కెప్టెన్‌ యశ్‌వర్దన్‌ చౌహాన్‌ తలా ఒక వికెట్‌ పడగొట్టారు.చదవండి: చారిత్రక మ్యాచ్‌లో టీమిండియా సంచలన విజయం

శ్రీలంక- ‘ఎ’ జట్టుతో రెండో అనధికారిక టెస్టులో భారత్‌ జోరు కొనసాగిస్తోంది. గాలె వేదికగా శనివారం నాటి మూడో రోజు ఆటలో భోజన విరామ సమయానికి.. 88 ఓవర్లలో రెండు వికెట్ల నష్టానికి 343 పరుగులు సాధించింది. శ్రీలంక కంటే తొలి ఇన్నింగ్స్‌లో 23 పరుగులు వెనుకబడి ఉన్నప్పటికీ తేలికగానే ఆధిక్యంలోకి వచ్చే స్థితిలో నిలిచింది.కాగా 247/1 ఓవర్‌నైట్‌ స్కోరుతో శనివారం ఆట మొదలుపెట్టింది భారత్‌. ఈ క్రమంలో శతక వీరుడు, ఓపెనర్‌ సాయి సుదర్శన్‌ లంచ్‌ బ్రేక్‌ సమయానికి 153 పరుగులతో క్రీజులో నిలిచాడు. అయితే, దేవ్‌దత్‌ పడిక్కల్‌ మాత్రం సెంచరీకి ఆరు పరుగుల దూరంలో నిలిచిపోయాడు. తన ఓవర్‌నైట్‌ స్కోరుకు ఒక్క పరుగు కూడా జతచేయకుండానే 94 పరుగుల వద్ద కేశర నువంతా బౌలింగ్‌లో వెనుదిరిగాడు. ఇక రుతురాజ్‌ గైక్వాడ్‌ 13 పరుగుల వద్ద రిటైర్డ్‌ హర్ట్‌గా వెనుదిరగగా.. కెప్టెన్‌ ధ్రువ్‌ జురెల్‌ 25 పరుగులతో.. సాయి సుదర్శన్‌తో కలిసి క్రీజులో ఉన్నాడు.రెండోరోజు ఆట సాగిందిలా..శ్రీలంకతో శుక్రవారం నాటి రెండో రోజు ఆటలో సాయి సుదర్శన్‌ (184 బంతుల్లో 104 బ్యాటింగ్‌; 13 ఫోర్లు) సెంచరీతో కదంతొక్కాడు. అతడితో పాటు దేవదత్‌ పడిక్కల్‌ (151 బంతుల్లో 94 బ్యాటింగ్‌; 11 ఫోర్లు) కూడా రాణించాడు. ఈ ఇద్దరితో పాటు అమోన్‌ మోఖడే (38; 6 ఫోర్లు) కూడా ఫర్వాలేదనిపించడంతో శుక్రవారం ఆట ముగిసే సమయానికి భారత ‘ఎ’ జట్టు తొలి ఇన్నింగ్స్‌లో 63 ఓవర్లలో ఒక వికెట్‌ మాత్రమే కోల్పోయి 247 పరుగులు చేసింది.తొలి వికెట్‌కు 66 పరుగులు జోడించిన అనంతరం అమన్‌ అవుట్‌ కాగా... పడిక్కల్‌తో కలిసి సుదర్శన్‌ ఇన్నింగ్స్‌ను నడిపించాడు. ఆరంభంలో ఆచితూచి ఆడిన ఈ జోడీ... నిలదొక్కుకున్న తర్వాత వేగం పెంచింది. లంక బౌలర్లు ఏమాత్రం ప్రభావం చూపలేకపోగా... భారత బ్యాటర్లు పరుగుల వరద పారించారు. రెండో వికెట్‌కు 181 పరుగులుఈ క్రమంలో గత మ్యాచ్‌లోనూ సెంచరీ బాదిన సుదర్శన్‌ మరో శతకం తన ఖాతాలో వేసుకున్నాడు. ఫస్ట్‌క్లాస్‌ క్రికెట్‌లో అతడికిది పదో సెంచరీ. పడిక్కల్‌ 94 పరుగుల వద్ద నిలిచాడు.వీరిద్దరూ అబేధ్యమైన రెండో వికెట్‌కు 181 పరుగులు జోడించారు. లంక బౌలర్లలో కేశర నువంతా ఒక వికెట్‌ తీశాడు. అంతకుముందు ఓవర్‌నైట్‌ స్కోరు 288/5తో శుక్రవారం తొలి ఇన్నింగ్స్‌ కొనసాగించిన శ్రీలంక జట్టు చివరకు 110 ఓవర్లలో 366 పరుగులకు ఆలౌటైంది. లంక కెప్టెన్‌ సెంచరీకెప్టెన్‌ సహాన్‌ అరాచిగే (207 బంతుల్లో 127; 13 ఫోర్లు, 2 సిక్స్‌లు) సెంచరీ సాధించగా... తక్కినవాళ్లు పెద్దగా ప్రభావం చూపలేకపోయారు. భారత బౌలర్లలో గుర్‌నూర్‌ బ్రార్, సారాన్ష్‌ జైన్‌ చెరో నాలుగు వికెట్లు పడగొట్టగా... యశ్‌ ఠాకూర్‌కు రెండు వికెట్లు దక్కాయి. ఇరు జట్ల మధ్య రెండు మ్యాచ్‌ల సిరీస్‌లో భాగంగా తొలి అనధికారిక టెస్టు ‘డ్రా’గా ముగిసిన సంగతి తెలిసిందే.చదవండి: నిన్ను ఆడించడం కుదరదని అతడికి చెప్పేయండి!

గాలే వేదికగా శ్రీలంక-ఏతో జరుగుతున్న అనధికారిక టెస్టు మ్యాచ్‌లో ఇండియా-ఏ రెండో ఇన్నింగ్స్‌ను 8 వికెట్ల నష్టానికి 189 పరుగుల వద్ద డిక్లేర్ చేసింది. దీంతో లంక-ఏ ముందు 312 పరుగుల లక్ష్యాన్ని నిర్ధేశించింది. భారత బ్యాటర్లలో దేవదత్ పడిక్కల్ (67) అర్ధసెంచరీ చేయగా, ఓపెనర్ ఆయుశ్ పాండే (38) పర్వాలేదనిపించాడు. లోయర్ ఆర్డర్‌లో షేక్ రషీద్ (20), హర్ష్ దూబే (29) పరుగులు చేయడంతో ఇండియా-ఏ గౌరవప్రదమైన స్కోరు సాధించింది. తొలి ఇన్నింగ్స్ 172 పరుగుల ఆధిక్యం కలుపుకొని ఇండియా-ఏ 311 పరుగులు సాధించింది. అనంతరం ఇన్నింగ్స్ ప్రారంభించిన శ్రీలంక వర్షం అంతరాయం కలిగించే సమయానికి 6.3 ఓవర్లలో 2 వికెట్ల నష్టానికి 37 పరుగులు చేసింది. నువానిదు ఫెర్నాండో (2), ఆషెన్ బండారా (1) క్రీజులో ఉన్నారు. ఇండియా-ఏ విజయానికి 8 వికెట్లు అవసరం కాగా.. లంక విజయానికి 275 పరుగులు చేయాల్సి ఉంది. అంత‌క‌ముందు శ్రీలంక‌-ఏ తమ తొలి ఇన్నింగ్స్‌లో 330 ప‌రుగుల‌కు ఆలౌటైంది. నువానిదు ఫెర్నాండో (84), ఆషెన్ బండారా (70), కెప్టెన్ స‌హ‌న్ అరాచిగె (72) అర్ధ‌శ‌త‌కాల‌తో రాణించారు. ఇండియా-ఏ బౌల‌ర్ల‌లో అకిబ్ న‌బీ 4 వికెట్లతో చెల‌రేగ‌గా, య‌ష్ ఠాకూర్‌, హ‌ర్ష్ దూబే చెరో 2 వికెట్లు తీశారు. తొలి ఇన్నింగ్స్‌లో ఇండియా-ఏ జ‌ట్టు 452 ప‌రుగుల‌కు ఆలౌట్ అయిన సంగ‌తి తెలిసిందే. ధ్రువ్ జురేల్‌తో పాటు ఓపెన‌ర్ సాయి సుద‌ర్శ‌న్ భారీ శ‌త‌కాల‌తో మెరిశారు.UPDATE: మ్యాచ్‌ డ్రావర్షం వల్ల ఆటకు అంతరాయం కలగగా.. మ్యాచ్‌ సాగే పరిస్థితి కనిపించలేదు. ఫలితంగా ఇరుజట్ల సారథులు డ్రాకు అంగీకరించారు. కాగా భారత్‌- శ్రీలంక మధ్య రెండో అనధికారిక టెస్టు జూలై 2న మొదలుకానుంది.సంక్షిప్త స్కోర్లుభారత్‌- 452/6d &189/8dశ్రీలంక- 330 & 70/2.Read: ఆసీస్‌తో 'డూ ఆర్‌ డై' మ్యాచ్‌.. మంధాన కీలక వ్యాఖ్యలు

గాలే వేదిక‌గా శ్రీలంక‌-ఏతో జ‌రుగుతున్న అన‌ధికారిక టెస్టులో ఇండియా-ఏ జ‌ట్టు భారీ ఆధిక్యం దిశ‌గా సాగుతోంది. ఓవ‌ర్‌నైట్ స్కోరు 48/0తో నాలుగో రోజు ఆట‌ను ప్రారంభించిన ఇండియా-ఏ జ‌ట్టు 45 ఓవ‌ర్ల‌లో 4 వికెట్ల న‌ష్టానికి 149 ప‌రుగులు చేసింది. తొలి ఇన్నింగ్స్‌లో విఫ‌ల‌మైన‌ దేవ‌ద‌త్ ప‌డిక్క‌ల్ (67) అర్ధ‌సెంచ‌రీ సాధించాడు. ఓపెన‌ర్ ఆయుష్ పాండే 38 ప‌రుగులు చేసి దుల‌జ్ స‌ముదితా బౌలింగ్‌లో వెనుదిరిగాడు. అంత‌క‌ముందు సాయి సుద‌ర్శ‌న్ (7) త‌క్కువ స్కోరుకే ఔట‌య్యాడు. ప్ర‌స్తుతం తొలి ఇన్నింగ్స్ 172 ప‌రుగుల‌ ఆధిక్యం క‌లుపుకొని 271 ప‌రుగుల లీడ్‌లో కొన‌సాగుతోంది. టీ సెష‌న్ వ‌ర‌కు వీలైనంత ఎక్కువ ప‌రుగులు చేసి లంక‌-ఏ ముంగిట 400కు పైగా ల‌క్ష్యాన్ని ఉంచాల‌ని ఇండియా-ఏ భావిస్తోంది. అంత‌క‌ముందు శ్రీలంక‌-ఏ తమ తొలి ఇన్నింగ్స్‌లో 330 ప‌రుగుల‌కు ఆలౌటైంది. నువానిదు ఫెర్నాండో (84), ఆషెన్ బండారా (70), కెప్టెన్ స‌హ‌న్ అరాచిగె (72) అర్ధ‌శ‌త‌కాల‌తో రాణించారు. ఇండియా-ఏ బౌల‌ర్ల‌లో అకిబ్ న‌బీ 4 వికెట్లతో చెల‌రేగ‌గా, య‌ష్ ఠాకూర్‌, హ‌ర్ష్ దూబే చెరో 2 వికెట్లు తీశారు. తొలి ఇన్నింగ్స్‌లో ఇండియా-ఏ జ‌ట్టు 452 ప‌రుగుల‌కు ఆలౌట్ అయిన సంగ‌తి తెలిసిందే. ధ్రువ్ జురేల్‌తో పాటు ఓపెన‌ర్ సాయి సుద‌ర్శ‌న్ భారీ శ‌త‌కాల‌తో మెరిశారు.

గాలె: శ్రీలంక ‘ఎ’ జట్టుతో జరుగుతున్న నాలుగు రోజుల అనధికారిక టెస్టులో భారత ‘ఎ’ జట్టు భారీ స్కోరు చేసింది. ఓవర్‌నైట్‌ స్కోరు 333/4తో శుక్రవారం రెండో రోజు తొలి ఇన్నింగ్స్‌ కొనసాగించిన ధ్రువ్‌ జురేల్‌ సారథ్యంలోని భారత ‘ఎ’ జట్టు 111.4 ఓవర్లలో 452/6 వద్ద ఇన్నింగ్స్‌ను డిక్లేర్‌ చేసింది. కెప్టెన్‌ ధ్రువ్‌ జురేల్‌ (215 బంతుల్లో 141 నాటౌట్‌; 13 ఫోర్లు, 1 సిక్స్‌) అజేయ శతకంతో కదంతొక్కాడు. ఆంధ్రప్రదేశ్‌ ఆటగాడు షేక్‌ రషీద్‌ (113 బంతుల్లో 63; 5 ఫోర్లు) క్రితం రోజు స్కోరుకు మరో పది పరుగులు మాత్రమే జోడించి వెనుదిరిగాడు. దీంతో 136 పరుగుల ఐదో వికెట్‌ భాగస్వామ్యానికి తెరపడింది. రషీద్‌ అవుటైనా... హర్ష్ దూబే (51 బంతుల్లో 30; 2 ఫోర్లు, 1 సిక్స్‌) అండతో ధ్రువ్‌ జురేల్‌ దూకుడు కొనసాగించాడు. లంక బౌలర్లను అలవోకగా ఎదుర్కొన్న జురేల్‌... వీలుచిక్కినప్పుడల్లా బౌండరీలు బాదుతూ స్కోరుబోర్డును పరుగులు పెట్టించాడు. లంక బౌలర్లలో చమిక గుణశేకర 3 వికెట్లు పడగొట్టగా... డిలుమ్‌ సుదీర రెండు వికెట్లు ఖాతాలో వేసుకున్నాడు. అనంతరం తొలి ఇన్నింగ్స్‌ ప్రారంభించిన శ్రీలంక ‘ఎ’ జట్టు రెండో రోజు ఆట ముగిసే సమయానికి 31 ఓవర్లలో 2 వికెట్ల నష్టానికి 113 పరుగులు చేసింది. నువానీడు ఫెర్నాండో (103 బంతుల్లో 65 బ్యాటింగ్‌; 7 ఫోర్లు) అజేయ హాఫ్‌సెంచరీతో పోరాడుతున్నాడు. ఓపెనర్లు నిరోషన్‌ డిక్‌వెల్లా (10), పవంత వీరసింఘే (11) విఫలమవడంతో ఒక దశలో లంక 38/2తో కష్టాల్లో పడింది. అయితే ఈ దశలో అషెన్‌ బండారా (51 బంతుల్లో 18 బ్యాటింగ్‌; 3 ఫోర్లు)తో కలిసి ఫెర్నాండో ఇన్నింగ్స్‌ను చక్కదిద్దాడు. ఒక్కో పరుగు జోడిస్తూ స్కోరు బోర్డును ముందుకు నడిపాడు. వీరిద్దరూ అబేధ్యమైన మూడో వికెట్‌కు 75 పరుగులు జోడించారు. చేతిలో 8 వికెట్లు ఉన్న శ్రీలంక ‘ఎ’ జట్టు... ప్రస్తుతం భారత ‘ఎ’ జట్టు స్కోరుకు ఇంకా 339 పరుగులు వెనుకబడి ఉంది. ఫెర్నాండో, బండారా క్రీజులో ఉన్నారు. భారత ‘ఎ’ బౌలర్లలో అన్షుల్‌ కంబోజ్, యశ్‌ ఠాకూర్‌ చెరో వికెట్‌ పడగొట్టారు.

ఇండియా-ఏతో జ‌రుగుతున్న‌ అన‌ధికారిక టెస్టులో శ్రీలంక‌-ఏ జ‌ట్టు ఎదురీదుతోంది. రెండో రోజు ఆట ముగిసే స‌మ‌యానికి 31 ఓవ‌ర్ల‌లో 2 వికెట్లు కోల్పోయి 113 ప‌రుగులు చేసింది. ప్ర‌స్తుతం శ్రీలంక‌-ఏ జ‌ట్టు 339 ప‌రుగులు వెనుక‌బ‌డి ఉంది. నువానిదు ఫ‌శ్రీ‌ర్నాండో (65 నాటౌట్‌), ఆషెన్ బండారా (18 నాటౌట్‌) క్రీజులో ఉన్నారు. ఇండియా-ఏ బౌల‌ర్ల‌లో అన్షుల్ కంబోజ్, య‌ష్ ఠాకూర్ చెరొక వికెట్ తీశారు. అంత‌క‌ముందు ఇండియా-ఏ తొలి ఇన్నింగ్స్‌ను 6 వికెట్ల న‌ష్టానికి 452 ప‌రుగుల వ‌ద్ద డిక్లెర్ చేసింది. కెప్టెన్ ధ్రువ్ జురేల్ (141 నాటౌట్) అజేయ సెంచ‌రీతో చెల‌రేగ‌గా, ఓపెన‌ర్ సాయి సుద‌ర్శ‌న్ (132) సెంచ‌రీతో రాణించాడు. చివ‌ర్లో షేక్ ర‌షీద్ (63) అర్ధ‌సెంచ‌రీ సాధించగా, హ‌ర్ష్ దూబే (30) ప‌ర్వాలేద‌నిపించాడు. లంక బౌల‌ర్ల‌లో చ‌మికా గుణ‌శేఖ‌రా మూడు వికెట్లు తీయ‌గా, దిలుమ్ సుదీరా రెండు వికెట్లు ప‌డ‌గొట్టాడు. Stumps on Day 2️⃣ in Galle!India A lead by 3️⃣3️⃣9️⃣ runs on the back of a strong 1st innings total of 452/6 d, with Sri Lanka A 113/2 at stumps 👏Captain Dhruv Jurel led the charge with a fantastic 141(215) 💯#SLAvINDA pic.twitter.com/nBNAGOPItM— BCCI (@BCCI) June 26, 2026

శ్రీలంక- ‘ఎ’ జట్టుతో తొలి అనధికారిక టెస్టు మ్యాచ్‌లో భారత్‌- ‘ఎ’ కెప్టెన్‌ ధ్రువ్‌ జురెల్‌ అద్భుత శతకం సాధించాడు. ఈ వికెట్‌ కీపర్‌ బ్యాటర్‌ 181 బంతుల్లో వంద పరుగుల మార్కు అందుకున్నాడు. కాగా రెండు అనధికారిక టెస్టుల సిరీస్‌ ఆడేందుకు భారత జట్టు శ్రీలంకలో పర్యటిస్తున్న సంగతి తెలిసిందే.తొలిరోజు ఇలాఇందులో భాగంగా శ్రీలంక- భారత్‌ మధ్య గురువారం గాలేలో తొలి టెస్టు మొదలు కాగా.. టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. తొలిరోజు ఆటలో ఓపెనర్‌ సాయి సుదర్శన్‌ అద్భుత ప్రదర్శనతో ఆకట్టుకున్నాడు. మొత్తంగా 175 బంతులు ఎదుర్కొని పందొమ్మిది ఫోర్ల సాయంతో 132 పరుగులు సాధించాడు.మిగిలిన వారిలో ఓపెనర్‌ ఆయుశ్‌ పాండే (25) ఫర్వాలేదనిపించగా.. దేవ్‌దత్‌ పడిక్కల్‌ (12), రుతురాజ్‌ గైక్వాడ్‌ (22) మాత్రం నిరాశపరిచారు. అయితే, ధ్రువ్‌ జురెల్‌తో పాటు షేక్‌ రషీద్‌ అర్ధ శతకాలతో రాణంచడంతో.. గురువారం నాటి తొలి రోజు ఆట ముగిసే సరికి భారత్‌ 86 ఓవర్లలో నాలుగు వికెట్ల నష్టానికి 333 పరుగులు చేసింది.శతక్కొట్టిన కెప్టెన్‌ఇక 333/4 ఓవర్‌నైట్‌ స్కోరుతో శుక్రవారం రెండో రోజు ఆట మొదలుపెట్టిన భారత్‌.. కాసేపటికే షేక్‌ రషీద్‌ (63) వికెట్‌ కోల్పోయింది. అయితే, కెప్టెన్‌ జురెల్‌ మాత్రం జోరు కొనసాగించాడు. ఈ వికెట్‌ కీపర్‌ బ్యాటర్‌ 97 పరుగుల వద్ద ఉండగా వర్షం అంతరాయం కలిగించడంతో చాలాసేపు ఆటను నిలిపివేశారు.అయితే.. ఆ తర్వాత వర్షం తెరిపినిచ్చినా వెట్‌ఫీల్డ్‌ కారణంగా మరికొంతసేపు ఆట నిలిచిపోయింది. ఈ క్రమంలో కాసేపటికి మళ్లీ ఆట మొదలుకాగా.. జురెల్‌ సెంచరీ పూర్తి చేసుకున్నాడు. మరోవైపు.. హర్ష్‌ దూబే 30 పరుగులు చేసి అవుటయ్యాడు.ఈ క్రమంలో టీ బ్రేక్‌ సమయానికి భారత్‌ 111.4 ఓవర్లలో ఆరు వికెట్ల నష్టానికి 452 పరుగులు స్కోరు చేసింది. ధ్రువ్‌ జురెల్‌ 141, సారాంశ్‌ జైన్‌ 3 పరుగులతో క్రీజులో నిలిచారు. ఇక టీ బ్రేక్‌ తర్వాత భారత్‌.. అదే స్కోరు (452/6) వద్ద తమ తొలి ఇన్నింగ్స్‌ను డిక్లేర్‌ చేసింది.చదవండి: వైభవ్‌ అరంగేట్రం కోసం వాళ్లను బలిచేయలేము

శ్రీలంక- ‘ఎ’ జట్టుతో అనధికారిక టెస్టు మ్యాచ్‌లో భారత జట్టు కెప్టెన్‌ ధ్రువ్‌ జురెల్‌ జోరు కొనసాగిస్తున్నాడు. గాలె వేదికగా రెండో రోజు నాటి ఆట సందర్భంగా ఈ వికెట్‌ కీపర్‌ బ్యాటర్‌ శతకానికి చేరువయ్యాడు. అయితే, ఊహించని విధంగా ఆటకు వర్షం అంతరాయం కలిగించింది.వాన పడిందిఅప్పటికి ధ్రువ్‌ జురెల్‌ 177 బంతుల్లో ఎనిమిది ఫోర్ల సాయంతో 97 పరుగులు చేశాడు. ఇంతలో వర్షం రావడంతో ఆటను తాత్కాలికంగా నిలిపివేశారు. ఇక వాన పడే సమయానికి భారత్‌- ‘ఎ’ జట్టు 99 ఓవర్లలో ఐదు వికెట్ల నష్టానికి 381 పరుగులు చేసింది. అప్పటికి జురెల్‌తో పాటు హర్ష్‌ దూబే (7*) క్రీజులో ఉన్నాడు.కాగా రెండు అనధికారిక టెస్టు మ్యాచ్‌లు ఆడేందుకు భారత్‌- ‘ఎ’ జట్టు శ్రీలంకలో పర్యటిస్తోంది. ఇందులో భాగంగా గురువారం గాలె అంతర్జాతీయ స్టేడియంలో గురువారం తొలి టెస్టు మొదలైంది. టాస్‌ గెలిచిన భారత జట్టు కెప్టెన్‌ ధ్రువ్‌ జురెల్‌ తొలుత బ్యాటింగ్‌ ఎంచుకున్నాడు.సుదర్శన్‌ అద్భుత శతకంఈ క్రమంలో టాపార్డర్‌లో ఓపెనర్‌ ఆయుశ్‌ పాండే (25).. వన్‌డౌన్‌ బ్యాటర్‌ దేవ్‌దత్‌ పడిక్కల్‌ (12) విఫలం కాగా.. మరో ఓపెనర్‌ సాయి సుదర్శన్‌ అద్భుత శతకం సాధించాడు. మొత్తంగా 175 బంతుల్లో 19 బౌండరీలు బాదిల 132 పరుగులు చేశాడు.మిగిలిన వారిలో రుతురాజ్‌ గైక్వాడ్‌ (22) కూడా విఫలం కాగా.. జురెల్‌ కెప్టెన్‌ ఇన్నింగ్స్‌ ఆడుతున్నాడు. అతడికి తోడుగా గుంటూరు అబ్బాయి షేక్‌ రషీద్‌ అర్ధ శతకం (63)తో రాణించాడు. వీరిద్దరు కలిసి ఐదో వికెట్‌కు 116 పరుగులు జోడించారు. ఫలితంగా తొలిరోజు ఆట ముగిసే సరికి భారత్‌ 86 ఓవర్లలో నాలుగు వికెట్ల నష్టానికి 333 పరుగులు చేసింది. ఈ క్రమంలో 333/4 ఓవర్‌నైట్‌ స్కోరుతో రెండో రోజు ఆట మొదలుపెట్టిన భారత్‌ 92వ ఓవర్లో షేక్‌ రషీద్‌ వికెట్‌ కోల్పోయింది. చదవండి: వైభవ్‌ అరంగేట్రం కోసం వాళ్లను బలిచేయలేము

గాలె (శ్రీలంక): ముక్కోణపు వన్డే టోర్నమెంట్‌లో విజేతగా నిలిచిన భారత ‘ఎ’ జట్టు... శ్రీలంక ‘ఎ’తో జరుగుతున్న నాలుగు రోజుల తొలి అనధికారిక టెస్టులోనూ శుభారంభం చేసింది. టాస్‌ గెలిచి మొదట బ్యాటింగ్‌కు దిగిన ధ్రువ్‌ జురేల్‌ సారథ్యంలోని భారత ‘ఎ’ జట్టు గురువారం తొలి రోజు ఆట ముగిసే సమయానికి 86 ఓవర్లలో 4 వికెట్ల నష్టానికి 333 పరుగులు చేసింది. టీమిండియా ప్లేయర్‌ సాయి సుదర్శన్‌ (175 బంతుల్లో 132; 19 ఫోర్లు) సూపర్‌ సెంచరీతో చెలరేగాడు. సుదీర్ఘ ఫార్మాట్‌లో చక్కటి ప్రదర్శన కనబరుస్తున్న సుదర్శన్‌... లంక బౌలర్లపై అదే దూకుడు కొనసాగించాడు. కొలత వేసినట్లు బౌండరీలు బాదుతూ ఇన్నింగ్స్‌ను ముందుకు నడిపించాడు. పూర్తి నియంత్రణతో బ్యాటింగ్‌ చేస్తూ జట్టుకు గట్టి పునాది వేశాడు. కెప్టెన్‌ ధ్రువ్‌ జురేల్‌ (138 బంతుల్లో 68 బ్యాటింగ్‌; 5 ఫోర్లు), ఆంధ్రప్రదేశ్‌ ఆటగాడు షేక్‌ రషీద్‌ (92 బంతుల్లో 53 బ్యాటింగ్‌; 4 ఫోర్లు) అజేయ అర్ధశతకాలతో రాణించారు. ఈ జంట అబేధ్యమైన ఐదో వికెట్‌కు 116 పరుగులు జోడించింది. ఆయుశ్‌ పాండే (25), దేవదత్‌ పడిక్కల్‌ (12), రుతురాజ్‌ గైక్వాడ్‌ (22) ఎక్కువసేపు నిలవలేకపోయారు. లంక బౌలర్లలో డిలుమ్‌ సుదీరా 2 వికెట్లు పడగొట్టాడు. తొలి రోజు మనవాళ్లు 3.87 రన్‌రేట్‌తో పరుగులు సాధించారు.

శ్రీలంక- ‘ఎ’ జట్టుతో అనధికారిక టెస్టులో భారత్‌- ‘ఎ’ ఓపెనర్‌ సాయి సుదర్శన్‌ శతక్కొట్టాడు. దిలుమ్‌ సుదీర బౌలింగ్‌లో సింగిల్‌ తీసి వంద పరుగుల మార్కు అందుకున్నాడు. 130 బంతుల్లో 14 ఫోర్ల సాయంతో సెంచరీ పూర్తి చేసుకున్నాడు.తొలుత బ్యాటింగ్‌ రెండు టెస్టు మ్యాచ్‌ల అనధికారిక సిరీస్‌ ఆడేందుకు భారత్‌- ‘ఎ’ జట్టు శ్రీలంక పర్యటనకు వెళ్లిన సంగతి తెలిసిందే. టీమిండియా స్టార్‌ ధ్రువ్‌ జురెల్‌ ఈ సిరీస్‌లో భారత జట్టుకు కెప్టెన్‌గా వ్యవహరిస్తున్నాడు. ఇక ఇరుజట్ల మధ్య గాలే అంతర్జాతీయ స్టేడియం వేదికగా తొలి టెస్టు మొదలైంది. టాస్‌ గెలిచిన భారత్‌ తొలుత బ్యాటింగ్‌ ఎంచుకుంది.ఈ క్రమంలో ఓపెనర్లలో ఆయుశ్‌ పాండే (25) నామమాత్రపు స్కోరుకే వెనుదిరగగా.. వన్‌డౌన్‌లో వచ్చిన దేవ్‌దత్‌ పడిక్కల్‌ (12) కూడా విఫలమయ్యాడు. ఇలాంటి తరుణంలో ఓపెనర్‌ సాయి సుదర్శన్‌ బాధ్యతాయుతంగా ఆడుతూ స్కోరు బోర్డును ముందుకు నడిపించాడు.ఇక రుతురాజ్‌ గైక్వాడ్‌ 53 బంతుల్లో 22 పరుగులు చేశాడు. ఇదిలా ఉంటే. . తొలి ఇన్నింగ్స్‌లో మొత్తంగా 175 బంతులు ఎదుర్కొన్న సాయి సుదర్శన్‌.. 19 ఫోర్ల సాయంతో 132 పరుగులు సాధించాడు. చమిక గుణశేఖర బౌలింగ్‌లో దులాజ్‌ సముదితకు క్యాచ్‌ ఇచ్చి సాయి పెవిలియన్‌ చేరాడు.తుదిజట్లుభారత్‌సాయి సుదర్శన్, ఆయుశ్‌ పాండే, దేవదత్ పడిక్కల్, రుతురాజ్ గైక్వాడ్, ధృవ్ జురెల్(కెప్టెన్‌/ వికెట్‌ కీపర్‌), షేక్ రషీద్, హర్ష్ దూబే, సారాంశ్ జైన్, అన్షుల్ కాంబోజ్, యశ్ ఠాకూర్, ఆకిబ్ నబీ దర్శ్రీలంకపవంత వీరసింగే, నిరోషన్‌ డిక్‌విల్లా (వికెట్‌ కీపర్‌), నునానిదు ఫెర్నాండో, ఆషేన్‌ బండారా, సహాన్‌ అరాచిగే (కెప్టెన్‌), రవిందు ఫెర్నాండో, అంజాలా బండారా, కవిందు పతిరత్నె, దులాజ్‌ సముదిత, చమిక గుణశేఖర, దిలుమ్‌ సుదీర.చదవండి: కన్నీటి పర్యంతమైన నెయ్‌మార్‌

శ్రీలంక పర్యటనలో ముక్కోణపు వన్డే సిరీస్‌ను భారత్‌- ‘ఎ’ జట్టు ఇటీవలే ముగించుకుంది. ఈ క్రమంలో తాజాగా లంకతో అనధికారిక టెస్టు సిరీస్‌కు సిద్ధమైంది. ఈ టూర్‌లో భాగంగా ఆతిథ్య శ్రీలంక- ‘ఎ’ జట్టుతో భారత్‌ రెండు అనధికారిక టెస్టులు ఆడనుంది.ధ్రువ్‌ జురెల్‌ సారథ్యంలో..ఇందులో భాగంగా ఇరుజట్ల మధ్య గురువారం తొలి టెస్టు మొదలైంది. గాలే అంతర్జాతీయ స్టేడియం వేదికగా టాస్‌ గెలిచిన భారత్‌ లుత బ్యాటింగ్‌ ఎంచుకుంది. యువ ఆటగాడు ధ్రువ్‌ జురెల్‌ ఈ సిరీస్‌లో భారత జట్టుకు కెప్టెన్‌, వికెట్‌ కీపర్‌గా వ్యవహరిస్తున్నాడు.వన్డే సిరీస్‌లో విజేతగాఈ జట్టులో జురెల్‌తో పాటు రుతురాజ్‌ గైక్వాడ్‌, సాయి సుదర్శన్‌, దేవ్‌దత్‌ పడిక్కల్‌, గుర్నూర్‌ బ్రార్‌ తదితర టీమిండియా స్టార్లు కూడా ఉన్నారు. కాగా శ్రీలంక, అఫ్గానిస్తాన్‌ ‘ఎ’ జట్లతో జరిగిన అనధికారిక వన్డే సిరీస్‌లో భారత్‌ విజేతగా నిలిచిన సంగతి తెలిసిందే. లీగ్‌ దశలో లంక, అఫ్గాన్‌లపై ఒక్కో మ్యాచ్‌ గెలవడంతో పాటు.. ఒక్కో మ్యాచ్‌ ఓడిపోయినప్పటికీ.. అద్భుతమైన రన్‌రేటు కారణంగా తిలక్‌ వర్మ సేన ఫైనల్లో అడుగుపెట్టింది.టైటిల్‌ పోరులో శ్రీలంకపై ఘన విజయం సాధించి చాంపియన్‌గా నిలిచింది. ఫైనల్లో యువ ఓపెనర్‌ వైభవ్‌ సూర్యవంశీ 29 బంతుల్లోనే 94 పరుగులు సాధించి.. జట్టు విజయంలో కీలక పాత్ర పోషించాడు. తద్వారా ‘ప్లేయర్‌ ఆఫ్‌ ది మ్యాచ్‌’ అవార్డు అందుకున్నాడు. ఇక ఈ సిరీస్‌ తర్వాత తిలక్‌ వర్మ, వైభవ్‌ సూర్యవంశీ టీమిండియాతో కలిశారు. సీనియర్‌ జట్టుతో కలిసి టీ20 సిరీస్‌ కోసం ఐర్లాండ్‌లో అడుగుపెట్టారు.తుదిజట్లుభారత్‌సాయి సుదర్శన్, ఆయుశ్‌ పాండే, దేవదత్ పడిక్కల్, రుతురాజ్ గైక్వాడ్, ధృవ్ జురెల్(కెప్టెన్‌/ వికెట్‌ కీపర్‌), షేక్ రషీద్, హర్ష్ దూబే, సారాంశ్ జైన్, అన్షుల్ కాంబోజ్, యశ్ ఠాకూర్, ఆకిబ్ నబీ దర్శ్రీలంకపవంత వీరసింగే, నిరోషన్‌ డిక్‌విల్లా (వికెట్‌ కీపర్‌), నునానిదు ఫెర్నాండో, ఆషేన్‌ బండారా, సహాన్‌ అరాచిగే (కెప్టెన్‌), రవిందు ఫెర్నాండో, అంజాలా బండారా, కవిందు పతిరత్నె, దులాజ్‌ సముదిత, చమిక గుణశేఖర, దిలుమ్‌ సుదీర.చదవండి: రాణించిన నితీశ్‌ రెడ్డి.. కరీంనగర్‌పై నల్గొండ గెలుపు

సౌతాఫ్రికా- ‘ఎ’తో అనధికారిక రెండో టెస్టులో భారత్‌ -‘ఎ’ (IND A vs SA- Day 1) మెరుగైన స్కోరు సాధించింది. పర్యాటక జట్టు బౌలర్లు ఆది నుంచే చెలరేగి.. టాపార్డర్‌ను కుదేలు చేయగా.. ఆరో నంబర్‌ బ్యాటర్‌ ధ్రువ్‌ జురెల్‌ (Dhruv Jurel) శతక్కొట్టి జట్టును ఆదుకున్నాడు. కాగా బెంగళూరు వేదికగా భారత్‌- ‘ఎ’- సౌతాఫ్రికా- ‘ఎ’ జట్లు రెండు మ్యాచ్‌ల అనధికారిక టెస్టు సిరీస్‌లో తలపడుతున్న విషయం తెలిసిందే.టాస్‌ ఓడిన భారత్‌.. తొలుత బ్యాటింగ్‌ఇందులో భాగంగా తొలి టెస్టులో రిషభ్‌ పంత్‌ (Rishabh Pant) కెప్టెన్సీలోని భారత జట్టు ప్రొటిస్‌ జట్టును మూడు వికెట్ల తేడాతో ఓడించింది. ఈ క్రమంలో ఇరుజట్ల మధ్య గురువారం రెండో టెస్టు మొదలైంది. బెంగళూరులో టాస్‌ గెలిచిన సౌతాఫ్రికా- ‘ఎ’ తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది.కేఎల్‌ రాహుల్‌, పంత్‌ ఫెయిల్‌ఇక ఈ మ్యాచ్‌తో జట్టులోకి వచ్చిన ఓపెనింగ్‌ బ్యాటర్లు కేఎల్‌ రాహుల్‌ (19), అభిమన్యు ఈశ్వరన్‌ (0) విఫలమయ్యారు. వన్‌డౌన్‌లో వచ్చిన సాయి సుదర్శన్‌ (17) నిరాశపరచగా.. దేవదత్‌ పడిక్కల్‌ (5) మరోసారి ఫెయిల్‌ అయ్యాడు.ఇలాంటి దశలో ఐదో నంబర్‌ ఆటగాడు, కెప్టెన్‌ రిషభ్‌ పంత్‌ జట్టును ఆదుకునే క్రమంలో వేగంగా ఆడాడు. మొత్తంగా 20 బంతులు ఎదుర్కొని మూడు ఫోర్లు, ఒక సిక్సర్‌ సాయంతో 24 పరుగులు చేసిన పంత్‌.. షెపో మొరేకి బౌలింగ్‌లో ఎంజే అకెర్‌మన్‌కు క్యాచ్‌ ఇచ్చి పెవిలియన్‌ చేరాడు.సౌతాఫ్రికా ఆనందం ఆవిరి చేసిన జురెల్‌దీంతో సౌతాఫ్రికా శిబిరం సంతోషంలో మునిగిపోయింది. హర్ష్‌ దూబే (14), ఆకాశ్‌ దీప్‌ (0)లను కూడా త్వరత్వరగా అవుట్‌ చేసింది. అయితే, వారి ప్రొటిస్‌ జట్టుకు ఆ ఆనందాన్ని ఎక్కువసేపు నిలవకుండా చేశాడు ధ్రువ్‌ జురెల్‌.సహచర ఆటగాళ్లు విఫలమైన చోట జురెల్‌ అద్భుత శతకంతో మెరిశాడు. మొత్తంగా 175 బంతులు ఎదుర్కొని 12 ఫోర్లు, నాలుగు సిక్సర్లు బాది 132 పరుగులతో అజేయంగా నిలిచాడు. ఆఖర్లో టెయిలెండర్లు కుల్దీప్‌ యాదవ్‌ (88 బంతుల్లో 20), మొహమ్మద్‌ సిరాజ్‌ (31 బంతుల్లో 15) వికెట్‌ పడకుండా జాగ్రత్తపడుతూ జురెల్‌కు సహకరించారు.భారత్‌ ఆలౌట్‌.. స్కోరెంతంటే?ఈ క్రమంలో 77.1 ఓవర్‌ వద్ద ప్రసిద్‌ కృష్ణ (0) పదో వికెట్‌గా వెనుదిరగడంతో భారత్‌ తొలి ఇన్నింగ్స్‌ ముగిసిపోయింది. తొలి రోజు పూర్తయ్యేసరికి77.1 ఓవర్లలో 255 పరుగులు చేసి భారత్‌ ఆలౌట్‌ అయింది. జురెల్‌ అద్భుత శతకం కారణంగా భారత జట్టుకు ఈ మేర మెరుగైన స్కోరు సాధ్యమైంది. ఇక సఫారీ జట్టు బౌలర్లలో టియాన్‌ వాన్‌ వారెన్‌ నాలుగు వికెట్లతో సత్తా చాటగా.. షెపో మొరేకి, ప్రెనేలన్‌ సుబ్రయాన్‌ చెరో రెండు, ఒకులే సిలీ ఒక వికెట్‌ తమ ఖాతాలో వేసుకున్నారు.భారత్‌- ‘ఎ’ వర్సెస్‌ సౌతాఫ్రికా -‘ఎ’ రెండో అనధికారిక టెస్టు తుదిజట్లుభారత్‌కేఎల్‌ రాహుల్‌, అభిమన్యు ఈశ్వరన్‌, సాయి సుదర్శన్‌ దేవ్‌దత్‌ పడిక్కల్‌, ధ్రువ్‌ జురెల్‌, రిషభ్‌ పంత్‌ (కెప్టెన్‌/వికెట్‌ కీపర్‌), హర్ష్‌ దూబే, ఆకాశ్‌ దీప్‌, కుల్దీప్‌ యాదవ్‌, మొహమ్మద్‌ సిరాజ్‌, ప్రసిద్‌ కృష్ణ.సౌతాఫ్రికాజోర్డాన్‌ హెర్మాన్‌, లిసెగో సెనొక్‌వనే తెంబా బవుమా, జుబేర్‌ హంజా, మార్వ్కెస్‌ అకెర్‌మన్‌ (కెప్టెన్‌), కొనొర్‌ ఎస్తర్‌హుజీన్‌ (వికెట్‌ కీపర్‌), టియాన్‌ వాన్‌ వారెన్‌, కైలీ సైమండ్స్‌, ప్రెనేలన్‌ సుబ్రయాన్‌, షెపో మొరేకి, ఒకులే సిలీ.చదవండి: క్రీజులోకి వెళ్లు.. నీ తల పగలకొడతా!

సౌతాఫ్రికా- ‘ఎ’ జట్టుతో ఉత్కంఠ పోరులో భారత్‌- ‘ఎ’ జట్టు విజయం సాధించింది. టెయిలెండర్లు అన్షుల్‌ కాంబోజ్‌ (37 నాటౌట్‌), మానవ్‌ సుతార్‌ (Manav Suthar- 20 నాటౌట్‌) యాభైకి పరుగుల భాగస్వామ్యంతో రాణించి జట్టును గట్టెక్కించారు. వీరిద్దరి అద్భుత ప్రదర్శన కారణంగా.. అనధికారిక తొలి టెస్టులో భారత్‌.. సౌతాఫ్రికాను మూడు వికెట్ల తేడాతో చిత్తు చేసింది.ఇంగ్లండ్‌ పర్యటనలో గాయపడ్డ టీమిండియా స్టార్‌ రిషభ్‌ పంత్‌.. సౌతాఫ్రికాతో స్వదేశంలో టెస్టు సిరీస్‌కు ముందు భారత్‌-‘ఎ’ జట్టు కెప్టెన్‌గా తిరిగి మైదానంలో అడుగుపెట్టాడు. పంత్‌ సారథ్యంలో భారత్‌- సౌతాఫ్రికా- ‘ఎ’ జట్టుతో రెండు అనధికారిక టెస్టు సిరీస్‌లు ఆడుతోంది. ఇందులో భాగంగా బెంగళూరు వేదికగా గురువారం తొలి అనధికారిక టెస్టు మొదలైంది.తనుశ్‌ కొటియాన్‌కు నాలుగు వికెట్లుటాస్‌ గెలిచిన భారత్‌ తొలుత బౌలింగ్‌ ఎంచుకోగా.. సౌతాఫ్రికా తొలి ఇన్నింగ్స్‌లో 309 పరుగులకు ఆలౌట్‌ అయింది. ఓపెనర్‌ జొర్డాన్‌ హెర్మాన్‌ (71), జుబేర్‌ హంజా (66), రుబిన్‌ హెర్మాన్‌ (66), టియాన్‌ వాన్‌ వారెన్‌ (46) రాణించారు.234 పరుగులకే ఆలౌట్‌భారత బౌలర్లలో తనుశ్‌ కొటియాన్‌ నాలుగు వికెట్లు దక్కించుకోగా.. గుర్‌నూర్‌ బ్రార్‌, మానవ్‌ సుతార్‌ రెండేసి వికెట్లు కూల్చారు. ఖలీల్‌ అహ్మద్‌, అన్షుల్‌ కాంబోజ్‌ ఒక్కో వికెట్‌ తమ ఖాతాలో వేసుకున్నారు. ఈ క్రమంలో బ్యాటింగ్‌కు దిగిన భారత్‌.. 234 పరుగులకే ఆలౌట్‌ అయింది.ఓపెనర్లు ఆయుశ్‌ మాత్రే (65), సాయి సుదర్శన్‌ (32)లతో పాటు ఆయుశ్‌ బదోని (38) రాణించగా.. కెప్టెన్‌ పంత్‌ (17) సహా దేవదత్‌ పడిక్కల్‌ (6), రజత్‌ పాటిదార్‌ (19) విఫలమయ్యారు. తనుశ్‌ కొటియాన్‌ 13 పరుగులు చేయగా.. టెయిలెండర్లు అన్షుల్‌ 5, మావన్‌ 4, ఖలీల్‌ 4 పరుగులే చేశారు.ఈ క్రమంలో రెండో ఇన్నింగ్స్‌ మొదలుపెట్టిన సౌతాఫ్రికా భారత బౌలర్ల ధాటికి 199 పరుగులకే కుప్పకూలింది. తనుశ్‌ మరోసారి నాలుగు వికెట్లతో చెలరేగగా.. అన్షుల్‌ 3, బ్రార్‌ రెండు, మానవ్‌ ఒక వికెట్‌ దక్కించుకున్నారు.ఈ నేపథ్యంలో తొలి ఇన్నింగ్స్‌ ఆధిక్యం 75 పరుగులు కలుపుకొని సౌతాఫ్రికా.. భారత్‌కు 275 పరుగుల లక్ష్యాన్ని విధించింది. అయితే, ఓపెనర్లు సాయి సుదర్శన్‌ (12), ఆయుశ్‌ మాత్రే (6), వన్‌డౌన్‌ బ్యాటర్‌ పడిక్కల్‌ (5) త్వరగా అవుట్‌ కావడంతో భారత్‌ చిక్కుల్లో పడింది.పంత్‌ కెప్టెన్‌ ఇన్నింగ్స్‌ఈ దశలో రజత్‌ పాటిదార్‌ (28) సహకారం అందించగా.. పంత్‌ కెప్టెన్‌ ఇన్నింగ్స్‌తో మెరిశాడు. ఐదో స్థానంలో వచ్చి 113 బంతుల్లో 11 ఫోర్లు, 4 సిక్సర్ల సాయంతో 90 పరుగులు సాధించాడు. అయితే, పంత్‌ అవుటైన తర్వాత.. ఆ వెంటనే ఆయుశ్‌ బదోని (34) కూడా అవుట్‌ కావడంతో భారత్‌ కష్టాల్లో కూరుకుపోయింది.గెలిపించిన అన్షుల్‌, మానవ్‌ఇలాంటి తరుణంలో తనుశ్‌ కొటియాన్‌ 23 పరుగులు చేయగా.. ఆశలు వదిలేసుకున్న సమయంలో మానవ్‌ 20, అన్షుల్‌ 37 (4 ఫోర్లు, 2 సిక్స్‌లు) పరుగులతో అజేయంగా నిలిచి భారత్‌కు విజయం అందించారు. ఆల్‌రౌండ్‌ ప్రతిభతో రాణించిన తనుశ్‌ కొటియాన్‌కు ‘ప్లేయర్‌ ఆఫ్‌ ది మ్యాచ్‌’ అవార్డు దక్కింది.భారత్‌- ‘ఎ’ వర్సెస్‌ సౌతాఫ్రికా- ‘ఎ’తొలి అనధికారిక టెస్టు సంక్షిప్త స్కోర్లు👉వేదిక: బీసీసీఐ సెంటర్‌ ఆఫ్‌ ఎక్సలెన్స్‌ గ్రౌండ్‌ 1, బెంగళూరు👉టాస్‌: భారత్‌.. తొలుత బౌలింగ్‌👉సౌతాఫ్రికా తొలి ఇన్నింగ్స్‌ స్కోరు: 309👉భారత్‌ తొలి ఇన్నింగ్స్‌ స్కోరు: 234👉సౌతాఫ్రికాకు 75 పరుగుల ఆధిక్యం👉సౌతాఫ్రికా రెండో ఇన్నింగ్స్‌ స్కోరు: 199👉భారత్‌ లక్ష్యం: 275 పరుగులు👉భారత్‌ రెండో ఇన్నింగ్స్‌ స్కోరు: 277/7👉ఫలితం: మూడు వికెట్ల తేడాతో సౌతాఫ్రికాపై భారత్‌ విజయం.చదవండి: ICC: గెలిచిన జట్టుకు కళ్లు చెదిరే ప్రైజ్‌మనీ!.. బీసీసీఐ బంపరాఫర్‌

భారత్‌- ‘ఎ’- సౌతాఫ్రికా- ‘ఎ’ జట్ల మధ్య అనధికారిక తొలి టెస్టు రసవత్తరంగా మారింది. తొలి ఇన్నింగ్స్‌లో భారీ స్కోరు చేసిన సౌతాఫ్రికాను.. రెండో ఇన్నింగ్స్‌లో తక్కువ స్కోరుకే భారత్‌ పరిమితం చేసింది. ఆఫ్‌ స్పిన్నర్‌ తనుశ్‌ కొటియాన్‌ (Tanush Kotian) మరోసారి నాలుగు వికెట్లతో చెలరేగి సఫారీ జట్టు బ్యాటింగ్‌ ఆర్డర్‌ పతనాన్ని శాసించాడు.నాలుగు వికెట్లు తీసిన తనుశ్‌రెండు మ్యాచ్‌ల సిరీస్‌లో భాగంగా బెంగళూరు వేదికగా భారత్‌- ‘ఎ’- సౌతాఫ్రికా- ‘ఎ’ (IND A vs SA A) జట్ల మధ్య గురువారం తొలి అనధికారిక టెస్టు మొదలైంది. టాస్‌ గెలిచిన భారత్‌ తొలుత బౌలింగ్‌ ఎంచుకుంది. ఈ క్రమంలో సౌతాఫ్రికా తొలి ఇన్నింగ్స్‌లో 309 పరుగులకు ఆలౌట్‌ అయింది. ఓపెనర్‌ జోర్డాన్‌ హెర్మాన్‌ (71), వన్‌డౌన్‌ బ్యాటర్‌ జుబేర్‌ హంజా (66), రుబిన్‌ హెర్మాన్‌ (54) అర్ధ శతకాలతో రాణించారు. టియాన్‌ వాన్‌ వారెన్‌ 46 పరుగులతో ఫర్వాలేదనిపించాడు.234 పరుగులకే ఆలౌట్‌భారత బౌలర్లలో తనుశ్‌ కొటియాన్‌ నాలుగు వికెట్లు తీయగా.. గుర్‌నూర్‌ బ్రార్‌, మానవ్‌ సుతార్‌ చెరో రెండు, ఖలీల్‌ అహ్మద్‌, అన్షుల్‌ కాంబోజ్‌ తలా ఒక వికెట్‌ దక్కించుకున్నారు. ఈ క్రమంలో శుక్రవారం నాటి రెండో రోజు ఆట సందర్భంగా బ్యాటింగ్‌ మొదలుపెట్టిన భారత్‌ స్వల్ప స్కోరుకే పరిమితమైంది. టీమిండియా ఆటగాళ్లతో నిండిన భారత ‘ఎ’జట్టు తొలి ఇన్నింగ్స్‌లో 58 ఓవర్లలో 234 పరుగులకు ఆలౌటైంది.ఆయుశ్‌ మాత్రే (76 బంతుల్లో 65; 10 ఫోర్లు) అర్ధ శతకంతో టాప్‌ స్కోరర్‌గా నిలవగా... ఆయుశ్‌ బదోనీ (47 బంతుల్లో 38; 5 ఫోర్లు), సాయి సుదర్శన్‌ (94 బంతుల్లో 32; 3 ఫోర్లు) ఫర్వాలేదనిపించారు. రిషబ్‌ పంత్‌ విఫలంఇంగ్లండ్‌ పర్యటన సందర్భంగా నాలుగో టెస్టులో గాయపడి ఆటకు దూరమైన వికెట్‌ కీపర్‌ రిషబ్‌ పంత్‌ చాన్నాళ్ల తర్వాత మైదానంలో అడుగు పెట్టగా... 17 పరుగులు మాత్రమే చేయగలిగాడు. రజత్‌ పాటీదార్‌ (19), దేవదత్‌ పడిక్కల్‌ (6), తనుశ్‌ కొటియాన్‌ (13), మానవ్‌ సుతార్‌ (4) విఫలమయ్యారు.దక్షిణాఫ్రికా ‘ఎ’బౌలర్లలో ప్రేనెలన్‌ సుబ్రాయన్‌ 61 పరుగులిచ్చి 5 వికెట్లు పడగొట్టాడు. సిపామ్లా రెండు వికెట్లు దక్కించుకున్నాడు. అనంతరం రెండో ఇన్నింగ్స్‌ ప్రారంభించిన దక్షిణాఫ్రికా రెండో రోజు శుక్రవారం ఆట ముగిసే సమయానికి 12 ఓవర్లలో వికెట్‌ నష్టపోకుండా 30 పరుగులు చేసింది. ఇక శనివారం నాటి మూడో రోజు ఆటలో భాగంగా మరో 169 పరుగులు జతచేసి ఆలౌట్‌ అయింది.భారత్‌కు 275 పరుగుల లక్ష్యంఈసారి ఓపెనర్లలో జోర్డాన్‌ (12) విఫలం కాగా.. లెసెగో సెనోక్‌వానే (37).. వన్‌డౌన్‌ బ్యాటర్‌ జుబేర్‌ హంజా (37) రాణించారు. లోయర్‌ ఆర్డర్‌లో మొరేకి 25 పరుగులు చేశాడు. మిగతా వారంతా విఫలం కావడంతో 48.1 ఓవర్లలో 199 పరుగులకు సౌతాఫ్రికా ఆలౌట్‌ అయింది. ఈ క్రమంలో తొలి ఇన్నింగ్స్‌ ఆధిక్యం కలుపుకొని (75+199) భారత్‌కు 275 పరుగుల లక్ష్యం విధించింది.భారత బౌలర్లలో తనుశ్‌ కొటియాన్‌ నాలుగు వికెట్లతో మెరవగా.. అన్షుల్‌ కాంబోజ్‌ మూడు, గుర్‌నూర్‌ బ్రార్‌ రెండు, మానవ్‌ సుతార్‌ ఒక వికెట్‌ తీశారు. లక్ష్య ఛేదనలో భారత్‌కు భారీ షాక్‌ఇక లక్ష్య ఛేదనకు దిగిన భారత్‌కు ఆదిలోనే షాక్‌ తగిలింది. గత ఇన్నింగ్స్‌లో అర్ధ శతకం బాదిన ఓపెనర్‌ ఆయుశ్‌ మాత్రే 6 పరుగులకే అవుటయ్యాడు. మొరేకి బౌలింగ్‌లో బౌల్డ్‌ అయి తొలి వికెట్‌గా వెనుదిరిగాడు.ఇక వన్‌డౌన్‌లో వచ్చిన దేవ్‌దత్‌ పడిక్కల్‌ (5) మరోసారి విఫలం అయ్యాడు. సిలీ బౌలింగ్‌లో అతడు బౌల్డ్‌ అయ్యాడు. కాగా టీ విరామ సమయానికి ఓపెనర్‌ సాయి సుదర్శన్‌ 8, నాలుగో నంబర్‌ బ్యాటర్‌ రజత్‌ పాటిదార్‌ 5 పరుగులతో క్రీజులో ఉన్నారు. టీ బ్రేక్‌ సమయానికి భారత్‌ స్కోరు: 25-2 (9). చదవండి: శివం దూబేను కాదని.. హర్షిత్‌ను ప్రమోట్‌ చేయడానికి కారణం అదే: అభిషేక్‌ శర్మ

దాదాపు మూడు నెలల విరామం తర్వాత మైదానంలో అడుగుపెట్టిన టీమిండియా స్టార్‌ రిషభ్‌ పంత్‌ (Rishabh Pant) విఫలమయ్యాడు. సౌతాఫ్రికా-‘ఎ’ జట్టుతో భారత్‌-‘ఎ’ (IND A vs SA A) కెప్టెన్‌గా వ్యవహరిస్తున్న ఈ వికెట్‌ కీపర్‌ బ్యాటర్‌ పూర్తిగా నిరాశపరిచాడు.ఐదో స్థానంలో బ్యాటింగ్‌కు దిగిన పంత్‌.. 20 బంతులు ఎదుర్కొని రెండు ఫోర్ల సాయంతో కేవలం 17 పరుగులే చేసి నిష్క్రమించాడు. సౌతాఫ్రికా బౌలర్‌ ఒకులే సిలీ బౌలింగ్‌లో జుబేర్‌ హంజాకు క్యాచ్‌ ఇచ్చి పెవిలియన్‌ చేరాడు. ఈ మేరకు రీఎంట్రీలో రిషభ్‌ పంత్‌ ఇలా అట్టర్ ఫ్లాప్‌ అయ్యాడు.కాగా సౌతాఫ్రికాతో స్వదేశంలో టెస్టు సిరీస్‌కు ముందు భారత్‌ రెండు మ్యాచ్‌ల అనధికారిక టెస్టు సిరీస్‌ ఆడుతోంది. ఇందులో భాగంగా భారత్‌- ‘ఎ’- సౌతాఫ్రికా -‘ఎ’ జట్ల మధ్య గురువారం బెంగళూరు వేదికగా తొలి అనధికారిక టెస్టు మొదలైంది. తొలిరోజు ఇలాటాస్‌ ఓడి మొదట బ్యాటింగ్‌కు దిగింది దక్షిణాఫ్రికా ‘ఎ’. భారత ఆఫ్‌ స్పిన్నర్‌ తనుశ్‌ కొటియాన్‌ (4/83) సత్తా చాటడంతో గురువారం తొలిరోజు ఆట ముగిసే సమయానికి 85.2 ఓవర్లలో 9 వికెట్ల నష్టానికి 299 పరుగులు చేసింది. జోర్డాన్‌ హెర్మాన్‌ (141 బంతుల్లో 71; 8 ఫోర్లు), జుబేర్‌ హమ్జా (109 బంతుల్లో 66; 9 ఫోర్లు, 1 సిక్స్‌), రుబిన్‌ హెర్మాన్‌ (87 బంతుల్లో 54; 6 ఫోర్లు) హాఫ్‌ సెంచరీలతో రాణించారు. హెర్మాన్‌ బ్రదర్స్‌ అదుర్స్‌ జోర్డాన్‌ హెర్మాన్, జుబేర్‌ హమ్జా రెండో వికెట్‌కు 132 పరుగులు జోడించడంతో దక్షిణాఫ్రికా ‘ఎ’ జట్టుకు మంచి ఆరంభం లభించగా... ఆ తర్వాత మన బౌలర్లు వరుస విరామాల్లో వికెట్లు పడగొట్టారు. గుర్‌నూర్‌ బ్రార్‌ (1/45) బౌలింగ్‌లో ర్యాంప్‌ షాట్‌ ఆడేందుకు ప్రయత్నించిన హంజా కీపర్‌ పంత్‌కు క్యాచ్‌ ఇచ్చి వెనుదిరిగాడు. కెప్టెన్‌ అకెర్‌మన్‌ (18) ఎక్కువసేపు నిలవలేకపోగా... మూన్‌స్వామి (5) విఫలమయ్యాడు.ఈ దశలో జోర్డాన్‌ హెర్మాన్‌ సోదరుడు రుబిన్‌ హెర్మాన్‌ హాఫ్‌ సెంచరీతో రాణించాడు. టియాన్‌ వాన్‌ వురెన్‌ (75 బంతుల్లో 46; 5 ఫోర్లు, 1 సిక్స్‌) ఆకట్టుకున్నాడు. భారత ‘ఎ’ బౌలర్లలో తనుశ్‌ కొటియాన్‌ 4 వికెట్లు పడగొట్టగా... మానవ్‌ సుతార్‌ 2 వికెట్లు తీశాడు. ఖలీల్‌ అహ్మద్, అన్షుల్‌ కంబోజ్, గుర్‌నూర్‌ బ్రార్‌ తలా ఒక వికెట్‌ ఖాతాలో వేసుకున్నారు. 309 పరుగులకు ఆలౌట్‌ఇక శుక్రవారం నాటి రెండో రోజు ఆటను 299/9 ఓవర్‌నైట్‌ స్కోరుతో మొదలుపెట్టిన దక్షిణాఫ్రికా పది పరుగులు జోడించి ఆలౌట్‌ అయింది. తొలి ఇన్నింగ్స్‌లో 91.2 ఓవర్లలో 309 పరుగులు సాధించింది.ఆయుశ్‌ మాత్రే హాఫ్‌ సెంచరీఅనంతరం తొలి ఇన్నింగ్స్‌ మొదలుపెట్టిన భారత్‌-‘ఎ’కు ఓపెనర్లు సాయి సుదర్శన్‌, ఆయుశ్‌ మాత్రే శుభారంభం అందించారు. ఆయుశ్‌ అర్ధ శతకం (65)తో మెరవగా.. సాయి 32 పరుగులు చేశాడు. వన్‌డౌన్‌లో దేవ్‌దత్‌ పడిక్కల్‌ (6), ఆ తర్వాతి స్థానాల్లో వచ్చిన రజత్‌ పాటిదార్‌ (19), రిషభ్‌ పంత్‌ (17) పూర్తిగా విఫలమయ్యారు. మిగతా వారిలో ఆయుశ్‌ బదోని 38 పరుగులతో ఆకట్టుకున్నాడు. ఇక ఆల్‌రౌండర్‌ తనుశ్‌ కొటియాన్‌ 13 పరుగులు చేయగా.. మానవ్‌ సుతార్‌ 4, అన్షుల్‌ కాంబోజ్‌ 5 పరుగులకే పెవిలియన్‌ చేరారు. ఖలీల్‌ అహ్మద్‌ నాలుగు పరుగుల వ్యక్తిగత స్కోరు వద్ద పదో వికెట్‌గా వెనుదిరిగాడు. భారత్‌ ఆలౌట్‌.. స్కోరెంతంటే?ఫలితంగా భారత్‌ తమ తొలి ఇన్నింగ్స్‌లో 58 ఓవర్లు ఆడి 234 పరుగులకు ఆలౌట్‌ అయింది. దీంతో సౌతాఫ్రికా- ‘ఎ’ జట్టుకు 75 పరుగుల ఆధిక్యం లభించింది. సఫారీ బౌలర్లలో ప్రెనెలాన్‌ సుబ్రయేన్‌ ఐదు వికెట్లతో చెలరేగగా.. షెపో మొరేకి, ఒకులే సిలీ, టియాన్‌ వాన్‌ వారెన్‌ ఒక్కో వికెట్‌ తీశారు. లుతో సింపాలా రెండు వికెట్లు తన ఖాతాలో వేసుకున్నాడు. చదవండి: కేకేఆర్‌లోకి రోహిత్‌ శర్మ ‘కన్‌ఫామ్‌’!.. స్పందించిన ముంబై ఇండియన్స్‌

టెస్టు క్రికెట్‌లో టీమిండియా దిగ్గజం విరాట్‌ కోహ్లి (Virat Kohli) ఉన్నత శిఖరాలు అధిరోహించాడు. సంప్రదాయ ఫార్మాట్లో కెప్టెన్‌గా భారత్‌ను అగ్రస్థానంలో నిలిపిన కోహ్లి.. మొట్టమొదటి వరల్డ్‌ టెస్టు చాంపియన్‌షిప్‌లో జట్టును ఫైనల్‌కు చేర్చాడు.ఇక టీమిండియా తరఫున మొత్తంగా 123 టెస్టులు ఆడిన కోహ్లి.. 9230 పరుగులు సాధించాడు. ఇందులో 30 శతకాలు కూడా ఉన్నాయి. అయితే, అనూహ్య రీతిలో ఇటీవల ఇంగ్లండ్‌ పర్యటనకు ముందు తనకు ఇష్టమైన టెస్టు క్రికెట్‌కు రిటైర్మెంట్‌ ప్రకటించాడు కోహ్లి.భారత్‌- ‘ఎ’ జట్టు కెప్టెన్‌గాఇదిలా ఉంటే.. ఇంగ్లండ్‌ పర్యటన సందర్భంగా గాయపడిన టీమిండియా స్టార్‌ రిషభ్‌ పంత్‌ (Rishabh Pant) రీఎంట్రీ ఇచ్చిన విషయం తెలిసిందే. సౌతాఫ్రికా-‘ఎ’తో అనధికారిక టెస్టు సిరీస్‌ సందర్భంగా పంత్‌ భారత్‌- ‘ఎ’ జట్టు కెప్టెన్‌గా వ్యవహరిస్తున్నాడు. ఈ క్రమంలో ఇరుజట్ల మధ్య గురువారం బెంగళూరు వేదికగా తొలి టెస్టు మొదలైంది.కోహ్లిని అవమానించిన పంత్‌?!.. ఫ్యాన్స్‌ ఫైర్‌ఈ మ్యాచ్‌లో పంత్‌ ‘18’ నంబర్‌ ఉన్న జెర్సీ ధరించడం కోహ్లి అభిమానులకు ఆగ్రహం తెప్పించింది. కాగా 18 నంబర్‌ విరాట్‌ కోహ్లిది అన్న విషయం తెలిసిందే. ఈ నేపథ్యంలో.. ‘‘రిషభ్‌ పంత్‌ కావాలనే 18వ నంబర్‌ జెర్సీ ధరించి కోహ్లిని అవహేళన చేయాలని చూస్తున్నాడా?.. కోహ్లి అంటే పడని.. హెడ్‌కోచ్‌ గౌతం గంభీర్‌ దృష్టిలో పడి.. అతడిని ఆకట్టుకోవాలనే ఇలా చేస్తున్నాడా?అది కింగ్‌ కోహ్లి నంబర్‌. క్రీడా ప్రపంచంలో దిగ్గజ ఆటగాడు రిటైర్‌ అయిన తర్వాత అతడి గౌరవార్థం జెర్సీ నంబర్‌కు కూడా రిటైర్మెంట్‌ ఇవ్వాలి’’ అంటూ తీవ్ర స్థాయిలో కోహ్లి ఫ్యాన్స్‌ మండిపడుతున్నారు. కాగా ఇటీవల భారత్‌- ‘ఎ’ తరఫున ఇంగ్లండ్‌ లయన్స్‌తో మ్యాచ్‌లో పేసర్‌ ముకేశ్‌ కుమార్‌ కూడా 18 నంబర్‌ ఉన్న జెర్సీ ధరించగా ఇలాగే విమర్శలు వచ్చాయి.అసలు విషయం ఇదీ!ఈ నేపథ్యంలో బీసీసీఐ వర్గాలు PTIతో మాట్లాడుతూ.. ‘‘భారత్‌- ‘ఎ’ జట్టులో జెర్సీ నంబర్లు ప్రత్యేకంగా ఎవరికీ కేటాయించబడవు. వాటిపై పేర్లు కూడా ఉండవు. కాబట్టి మ్యాచ్‌కు ముందు తమకు వచ్చిన జెర్సీలను ఆటగాళ్లు ధరిస్తారు. అంతర్జాతీయ స్థాయిలో మాత్రమే పర్టికులర్‌గా జెర్సీ నంబర్లకు ప్రాధాన్యం ఉంటుంది’’ అని తెలిపాయి.కాగా సౌతాఫ్రికా- ‘ఎ’తో తొలి అనధికారిక టెస్టులో టాస్‌ గెలిచిన భారత్‌-‘ఎ’ తొలుత బౌలింగ్‌ ఎంచుకుంది. ఈ క్రమంలో 79 ఓవర్లలో సౌతాఫ్రికా జట్టు ఏడు వికెట్ల నష్టానికి 285 పరుగులు చేసింది. భారత బౌలర్లలో తనుశ్‌ కొటియాన్‌ నాలుగు వికెట్లు తీయగా.. అన్షుల్‌ కాంబోజ్‌, గుర్నూర్‌ బ్రార్‌, మానవ్‌ సుతార్‌ ఒక్కో వికెట్‌ దక్కించుకున్నారు.చదవండి: IPL 2026: ఆ జ‌ట్టు హెడ్ కోచ్‌గా యువ‌రాజ్ సింగ్‌!?

సౌతాఫ్రికా- ‘ఎ’ జట్టుతో అనధికారిక టెస్టు సిరీస్‌ ఆడే భారత్‌- ‘ఎ’ జట్టు (IND A vs SA A)ను ప్రకటించిన నాటి నుంచి భారత క్రికెట్‌ నియంత్రణ మండలి (BCCI)పై విమర్శలు కొనసాగుతున్నాయి. రిషభ్‌ పంత్‌ (Rishabh Pant) కెప్టెన్‌గా వ్యవహరించే ఈ జట్టులో ఉద్దేశపూర్వకంగానే సర్ఫరాజ్‌ ఖాన్‌ (Sarfraz Khan)కు చోటు ఇవ్వలేదనే ఆరోపణలు వస్తున్నాయి.ఇంటిపేరు కారణంగానే అంటూసొంతగడ్డపై సర్ఫరాజ్‌ ఖాన్‌ సత్తా చాటగలడని.. అయినా అతడిని పక్కనపెట్టడం ఏమిటని మాజీ క్రికెటర్లు సైతం విమర్శిస్తున్నారు. ఇక కాంగ్రెస్‌ పార్టీ నేత షామా మొహమ్మద్‌ అయితే ఓ అడుగు ముందుకేసి.. ఇంటిపేరు కారణంగానే సర్ఫరాజ్‌పై వేటు వేశారంటూ హెడ్‌కోచ్‌ గౌతం గంభీర్‌పై సంచలన ఆరోపణలు చేశారు.గజ్జల్లో గాయంఈ నేపథ్యంలో బీసీసీఐ వర్గాలు ఈ విషయంపై స్పందించినట్లు ఎన్‌డీటీవీ తెలిపింది. సర్ఫరాజ్‌ ఖాన్‌ను భారత్‌- ‘ఎ’ జట్టుకు ఎంపిక చేయకపోవడానికి గల కారణం వెల్లడించినట్లు పేర్కొంది. ఈ మేరకు.. ‘‘సర్ఫరాజ్‌ గజ్జల్లో గాయం కారణంగా చాలా రోజులు ఆటకు దూరమయ్యాడు. ఇటీవలే రంజీ ట్రోఫీ మొదటి రౌండ్‌ సందర్భంగా ముంబై తరఫున కాంపిటేటివ్‌ క్రికెట్‌లో పునరాగమనం చేశాడు.త్వరలోనే తిరిగి జట్టులోకిరంజీ తాజా సీజన్‌లో అతడి ప్రదర్శన, ఫిట్‌నెస్‌ ఎలా ఉంటుందో అంచనా వేసిన తర్వాతే అతడిని ఎంపిక చేయాలని సెలక్టర్లు భావిస్తున్నారు. అందుకే భారత్‌-‘ఎ’ జట్టుకు ఎంపిక చేయలేదు. త్వరలోనే తిరిగి అతడు జట్టులోకి వస్తాడని నమ్ముతున్నాం’’ అని బీసీసీఐ వర్గాలు పేర్కొన్నట్లు ఎన్‌డీటీవీ తెలిపింది.కాగా స్వదేశంలో దేశంలో దక్షిణాఫ్రికా ‘ఎ’ జట్టుతో ఈనెల 30 నుంచి నవంబర్‌ 9 వరకు జరిగే రెండు నాలుగు రోజుల (ఫస్ట్‌క్లాస్‌) అనధికారిక టెస్టు మ్యాచ్‌లలో తలపడే భారత ‘ఎ’ జట్టుకు పంత్‌ను కెప్టెన్‌గా ఎంపిక చేసింది బీసీసీఐ. పంత్‌ రీఎంట్రీబెంగళూరు వేదికగా జరిగే ఈ రెండు మ్యాచ్‌ల కోసం రెండు వేర్వేరు జట్లను మంగళవారం సెలక్టర్లు ప్రకటించారు. ప్రస్తుతం జరుగుతున్న రంజీ ట్రోఫీ తేదీలను దృష్టిలో ఉంచుకుంటూ ఆయా ఆటగాళ్ల అందుబాటును బట్టి జట్లను ఎంపిక చేశారు.కాగా ఇంగ్లండ్‌తో మాంచెస్టర్‌లో జరిగిన నాలుగో టెస్టులో పేసర్‌ క్రిస్‌ వోక్స్‌ బంతి బలంగా తగలడంతో పంత్‌ కాలికి తీవ్ర గాయమైంది. దాంతో చివరి టెస్టు నుంచి తప్పుకున్న అతడు ఆ తర్వాత ఆసియా కప్‌ టీ20 టోర్నీ, వెస్టిండీస్‌తో రెండు టెస్టుల సిరీస్‌కు కూడా దూరమయ్యాడు. చికిత్స అనంతరం కోలుకున్న పంత్‌ ఆడేందుకు ఫిట్‌గా ఉన్నట్లు బీసీసీఐ సెంటర్‌ ఆఫ్‌ ఎక్సలెన్స్‌ వైద్య బృందం ఇటీవలే సర్టిఫికెట్‌ ఇచ్చింది. దాంతో అతడిని ముందుగా ‘ఎ’ జట్టు తరఫున ఆడించాలని సెలక్టర్లు నిర్ణయించారు.అన్నీ సానుకూలంగా ఉంటే దక్షిణాఫ్రికాతో జరిగే రెండు టెస్టుల సిరీస్‌ కోసం పంత్‌ను ఎంపిక చేయడం లాంఛనమే. పంత్‌తో పాటు యువ బ్యాటర్‌ సాయి సుదర్శన్‌కు మరింత మ్యాచ్‌ ప్రాక్టీస్‌ అవసరమని భావించి అతడిని రెండు మ్యాచ్‌ల కోసం ఎంపిక చేశారు. దేశవాళీలో రాణిస్తూ ఫామ్‌లో ఉన్న రజత్‌ పాటీదార్, రుతురాజ్‌ గైక్వాడ్, అభిమన్యు ఈశ్వరన్, ఆకాశ్‌దీప్‌లను రంజీ కారణంగా ఒకే మ్యాచ్‌ కోసం ఎంపిక చేశారు. మరోవైపు టెస్టు సిరీస్‌కు ముందు తమ ఆటకు పదును పెట్టాలని భావిస్తున్న రెగ్యులర్‌ టెస్టు జట్టు సభ్యులు కేఎల్‌ రాహుల్, మొహమ్మద్‌ సిరాజ్, ప్రసిధ్‌ కృష్ణ, ధ్రువ్‌ జురేల్‌ కూడా రెండో మ్యాచ్‌లో ‘ఎ’ జట్టు తరఫున బరిలోకి దిగుతారు. భారత్‌ ‘ఎ’ జట్టు (తొలి మ్యాచ్‌కు): రిషభ్‌ పంత్‌ (కెప్టెన్‌), సాయి సుదర్శన్ (వైస్‌ కెప్టెన్‌), ఆయుశ్‌ మాత్రే, జగదీశన్, దేవదత్‌ పడిక్కల్, రజత్‌ పాటీదార్, హర్ష్‌ దూబే, తనుశ్‌ కొటియాన్, మానవ్‌ సుతార్, అన్షుల్‌ కంబోజ్, యశ్‌ ఠాకూర్, ఆయుశ్‌ బదోని, సారాంశ్‌ జైన్, గుర్నూర్‌ బ్రార్, ఖలీల్‌ అహ్మద్‌. భారత్‌ ‘ఎ’ జట్టు (రెండో మ్యాచ్‌కు): పంత్‌ (కెప్టెన్‌), సాయిసుదర్శన్ (వైస్‌ కెప్టెన్‌), కేఎల్‌ రాహుల్, ధ్రువ్‌ జురేల్, దేవదత్‌ పడిక్కల్, రుతురాజ్‌ గైక్వాడ్, హర్ష్‌ దూబే, తనుశ్‌ కొటియాన్, మానవ్‌ సుతార్, ఖలీల్‌ అహ్మద్, గుర్నూర్‌ బ్రార్, అభిమన్యు ఈశ్వరన్, ప్రసిధ్‌ కృష్ణ, మొహమ్మద్‌ సిరాజ్, ఆకాశ్‌దీప్‌. చదవండి: డకౌట్‌ తర్వాత కోహ్లి చర్య వైరల్‌.. గుడ్‌బై చెప్పేశాడా?

సౌతాఫ్రికా- ‘ఎ’ జట్టుతో అనధికారిక టెస్టు సిరీస్‌కు ఎంపిక చేసిన భారత్‌- ‘ఎ’ జట్టులో సర్ఫరాజ్‌ ఖాన్‌ (Sarfraz Khan)కు చోటు దక్కలేదు. రిషభ్‌ పంత్‌ కెప్టెన్‌గా వ్యవహరిస్తున్న ఈ జట్టుకు వైస్‌ కెప్టెన్‌గా సాయి సుదర్శన్‌ (Sai Sudharsan)ను ఎంపిక చేశారు సెలక్టర్లు.కావాల్సినంత ప్రాక్టీస్‌అదే విధంగా రెండో అనధికారిక టెస్టులో కేఎల్‌ రాహుల్‌, మొహమ్మద్‌ సిరాజ్‌, ప్రసిద్‌ కృష్ణ వంటి టీమిండియా స్టార్లకు కూడా చోటిచ్చారు. సౌతాఫ్రికాతో స్వదేశంలో టెస్టు సిరీస్‌కు సన్నాహకంగా ఉండే ఈ రెడ్‌బాల్‌ సిరీస్‌తో ఆటగాళ్లకు కావాల్సినంత ప్రాక్టీస్‌ దొరకనుంది.పక్కనపెట్టడంపై విమర్శలుఇక ‘ఎ’ జట్టులో చోటు దక్కించుకోలేకపోయిన సర్ఫరాజ్‌ ఖాన్‌కు ప్రధాన జట్టులో స్థానం దక్కదనే స్పష్టంగానే తెలుస్తోంది. ఇటీవలే పదిహేడు కిలోల బరువు తగ్గడంతో పాటు రెడ్‌ బాల్‌ టోర్నీల్లో సెంచరీ చేసినా సెలక్టర్లు అతడిని ఇలా పక్కనపెట్టడంపై విమర్శలు వస్తున్నాయి. ఈ నేపథ్యంలో కాంగ్రెస్‌ నేత షామా మొహమ్మద్‌ సంచలన ట్వీట్‌ చేశారు.ఇంటిపేరు వల్లే అతడిని ఎంపిక చేయలేదా?‘‘ఇంటిపేరు కారణంగానే సర్ఫరాజ్‌ ఖాన్‌ జట్టుకు ఎంపిక కాలేదా?.. ఊరికే అడుగుతున్నా అంతే!.. ఈ విషయంలో గౌతం గంభీర్‌ విధానాలు ఎలా ఉంటాయో మనకు తెలిసిందే కదా!’’ అంటూ హెడ్‌కోచ్‌, బీజేపీ మాజీ ఎంపీ గౌతం గంభీర్‌ను షామా మొహమ్మద్‌ టార్గెట్‌ చేశారు.కరెక్ట్‌ కాదు మేడమ్‌..ఈ నేపథ్యంలో షామా ట్వీట్‌పై నెటిజన్లు మిశ్రమంగా స్పందిస్తున్నారు. అయితే, మెజారిటీ మంది ఆమె ఆలోచనా విధానాన్ని తప్పుబడుతున్నారు. మొహమ్మద్‌ సిరాజ్‌ జట్టులోని ప్రధాన బౌలర్లలో ఒకడన్న విషయాన్ని మర్చిపోవద్దని హితవు పలుకుతున్నారు. ఆటలో ఇలాంటి రాజకీయాలకు తావు లేదని.. ఇలాంటి మాటలతో చిచ్చు పెట్టాలని చూడటం సరికాదని పేర్కొంటున్నారు.భారత క్రికెట్‌లో ఎప్పుడూ ఇలా జరుగలేదుఈ క్రమంలో టీమిండియా మాజీ పేసర్‌ అతుల్‌ వాసన్‌.. షామా మొహమ్మద్‌ వ్యాఖ్యలపై ఘాటుగానే స్పందించారు. ఎన్‌డీటీవీతో మాట్లాడుతూ.. ‘‘ఇది చాలా విషాదకరం. ఇలాంటి మాటలు వద్దు. సర్ఫరాజ్‌ ఖాన్‌ జట్టులో ఉండేందుకు అర్హుడు.అయితే, అతడికి రావాల్సినన్ని అవకాశాలు రావడం లేదన్న మాట వాస్తవమే. కానీ ఈ విషయంలో కాంగ్రెస్‌ పార్టీ చేసిన ఆరోపణలు అర్థంలేనివి. భారత క్రికెట్‌లో ఎప్పుడూ ఇలా జరుగలేదు. అజర్‌ హయాంలోనూ కొందరు ఇలాంటి మాటలే మాట్లాడారు.కానీ ఇందులో మతపరమైన కోణం ఉంటుందని నేను అస్సలు అనుకోను. సర్ఫరాజ్‌ ప్రస్తుత ప్రదర్శనల ఆధారంగానే జట్టులోకి ఎంపిక కాలేడు. చాన్నాళ్లుగా మూడు ఫార్మాట్లలోనూ రాణిస్తున్న ఆటగాళ్లు ఉన్నారు. వాళ్లకు కూడా అవకాశాలు ఇవ్వాల్సి ఉంటుంది.సర్ఫరాజ్‌కు తగినన్ని ఛాన్సులు రాలేదు.. కానీఅయితే, ఓ ప్లేయర్‌ ఒక్క మ్యాచ్‌లో విఫలమైనంత మాత్రాన పక్కన పెట్టడం సరికాదు. సర్ఫరాజ్‌ ఖాన్‌కు తగినన్ని ఛాన్సులు రాలేదు. ఒకవేళ గాయం నుంచి కోలుకుని తిరిగి వచ్చిన రిషభ్‌ పంత్‌.. తర్వాత విఫలమైనా అతడిని పక్కనపెట్టడం జరగదు.జట్టు ప్రయోజనాల కోసం కొన్నిసార్లు ఇలాంటి నిర్ణయాలు తీసుకుంటారు. వీటిని ఎవరూ మార్చలేరు’’ అని అతుల్‌ వాసన్‌ చెప్పుకొచ్చాడు. కాగా ముంబై బ్యాటర్‌ సర్ఫరాజ్‌ ఖాన్‌ గతేడాది టీమిండియా తరఫున అరంగేట్రం చేశాడు. ఇప్పటి వరకు ఆరు టెస్టులు ఆడి ఓ సెంచరీ, మూడు అర్థ శతకాల సాయంతో 371 పరుగులు చేశాడు. రోహిత్‌ లావుగా ఉన్నాడని..కాగా షామా మొహమ్మద్‌ గతంలోనూ రోహిత్‌ శర్మను ఉద్దేశించి వివాదాస్పద వ్యాఖ్యలు చేశారు. రోహిత్‌ లావుగా ఉన్నాడని.. అదృష్టం కొద్దీ కెప్టెన్‌ అయ్యాడే తప్ప అతడికి అంత సీన్‌ లేదని వ్యాఖ్యానించారు. కాగా భారత్‌కు టీ20 ప్రపంచకప్‌-2024, ఐసీసీ చాంపియన్స్‌ ట్రోఫీ-2025 రూపంలో వరుసగా రెండు ఐసీసీ టైటిళ్లు అందించిన ఘనత రోహిత్‌ శర్మది.చదవండి: ఓపెనర్‌గానూ రోహిత్‌ శర్మపై వేటు!?.. గంభీర్‌, అగార్కర్‌ చర్య వైరల్‌

ఇంగ్లండ్‌తో టెస్టు సిరీస్‌లో గాయపడి ఆటకు దూరమైన టీమిండియా వికెట్‌ కీపర్‌ బ్యాటర్‌ రిషభ్‌ పంత్‌ (Rishabh Pant) తిరిగి మైదానంలోకి అడుగు పెడుతున్నాడు. స్వదేశంలో దక్షిణాఫ్రికా ‘ఎ’ జట్టుతో అక్టోబరు 30 నుంచి నవంబర్‌ 9 వరకు జరిగే రెండు నాలుగు రోజుల (ఫస్ట్‌క్లాస్‌) అనధికారిక టెస్టు మ్యాచ్‌లలో తలపడే భారత ‘ఎ’ జట్టుకు పంత్‌ కెప్టెన్‌గా వ్యవహరిస్తాడు.బెంగళూరు వేదికగా జరిగే ఈ రెండు మ్యాచ్‌ల కోసం రెండు వేర్వేరు జట్లను మంగళవారం సెలక్టర్లు ప్రకటించారు. అయితే, ఇందులో ముంబై స్టార్‌ సర్ఫరాజ్‌ ఖాన్‌ (Sarfraz Khan)కు చోటు దక్కలేదు. కాగా స్వదేశంలో జరిగే టెస్టు సిరీస్‌లలో ఈ కుడిచేతి వాటం బ్యాటర్‌ను ఆడిస్తామని సెలక్టర్లు నమ్మకంగానే అతడికి చెప్పినట్లు సమాచారం.పదిహేడు కిలోల మేర బరువు తగ్గి..ఈ నేపథ్యంలో టీమిండియా ఇంగ్లండ్‌ పర్యటనలో ఉన్న వేళ సర్ఫరాజ్‌ ఖాన్‌ ఫిట్‌నెస్‌పై మరింతగా దృష్టి సారించాడు. ఏకంగా పదిహేడు కిలోల మేర బరువు తగ్గి స్లిమ్‌గా మారాడు. అయితే, సెలక్టర్లను మాత్రం ఆకట్టుకోలేకపోయాడు.సొంతగడ్డపై సౌతాఫ్రికాతో టెస్టులకు ముందు జరిగే అనధికారిక టెస్టు సిరీస్‌కు సెలక్టర్లు సర్ఫరాజ్‌ను ఎంపిక చేయలేదు. ఇందుకు ప్రధాన కారణం అతడి బ్యాటింగ్‌ ఆర్డరే అని తెలుస్తోంది. సాధారణంగా ముంబై జట్టులో సర్ఫరాజ్‌ ఐదో స్థానంలో బ్యాటింగ్‌ చేస్తాడు.పంత్‌ రాకతోఅయితే, భారత- ‘ఎ’ జట్టు కెప్టెన్‌గా తిరిగి వచ్చిన పంత్‌ కూడా అదే స్థానంలో ఆడతాడన్న విషయం తెలిసిందే. ఈ నేపథ్యంలో సర్ఫరాజ్‌ టాపార్డర్‌కు ప్రమోట్‌ అవుదామనుకున్నా.. ఓపెనర్లుగా ఆయుశ్‌ మాత్రే- నారాయణ్‌ జగదీశన్‌ వచ్చే అవకాశం ఉండగా.. వన్‌డౌన్‌లో వైస్‌ కెప్టెన్‌ సాయి సుదర్శన్‌ ఉండనే ఉన్నాడు.ఇక ఆ తర్వాతి స్థానం కోసం దేవదత్‌ పడిక్కల్‌, రజత్‌ పాటిదార్‌ పోటీపడుతున్నారు. ఇక మిడిలార్డర్‌లో ఐదో నంబర్‌లో పంత్‌ ఉన్నాడు. ఆ తర్వాతి స్థానాల్లో సర్ఫరాజ్‌ బ్యాటింగ్‌ చేసే అవకాశం లేదు. ఇక టీమిండియాలోనూ ఆరో స్థానం నుంచి ఆల్‌రౌండర్లే ప్రధానంగా బ్యాటింగ్‌కు వస్తున్నారు.బ్యాటింగ్‌ ఆర్డర్‌ గురించి చర్చించాలిఇలాంటి సమీకరణల నేపథ్యంలో సర్ఫరాజ్‌ ఖాన్‌కు ‘ఎ’ జట్టులోనూ చోటు కరువైందనే అభిప్రాయాలు వ్యక్తమవుతున్నాయి. అతడి భవిష్యత్తు కూడా ప్రశ్నార్థకంగా మారిందనే వాదనలు వినిపిస్తున్నాయి. ఈ నేపథ్యంలో టీమిండియా మాజీ చీఫ్‌ సెలక్టర్‌ ఒకరు పీటీఐతో మాట్లాడుతూ..‘‘ముంబై మేనేజ్‌మెంట్‌తో సర్ఫరాజ్‌ ఖాన్‌ తన బ్యాటింగ్‌ ఆర్డర్‌ గురించి చర్చించాలి. లేదంటే.. సీనియర్‌ ప్లేయర్‌ అజింక్య రహానేతో మాట్లాడాలి. మూడో స్థానంలో బ్యాటింగ్‌కు వచ్చి కొత్త బంతిని ఎదుర్కునేలా ప్రణాళికలు సిద్ధం చేసుకోవాలి.చాలానే ఆప్షన్లు ఉన్నాయివన్‌డౌన్‌లో నిలదొక్కుకుంటే భవిష్యత్తులోనైనా అవకాశాలు వస్తాయి. అలా కాకుండా ఐదు లేదంటే ఆరో స్థానంలో ఆడతానంటే సర్ఫరాజ్‌ కెరీర్‌ ప్రశ్నార్థకమే అవుతుంది. ఎందుకంటే.. ఐదో స్థానంలో పంత్‌తో పాటు.. ఆ తర్వాత వాషింగ్టన్‌ సుందర్‌, రవీంద్ర జడేజా, నితీశ్‌ రెడ్డి రూపంలో మేనేజ్‌మెంట్‌కు చాలానే ఆప్షన్లు ఉన్నాయి.ఈ ముగ్గురు ఫిట్‌గా ఉండి.. సెలక్షన్‌కు అందుబాటులో ఉంటే సర్ఫరాజ్‌ ఖాన్‌కు మొండిచేయి తప్పదు. ఒకవేళ పంత్‌ గాయపడినా ధ్రువ్‌ జురెల్‌ ఐదు లేదంటే ఆరో స్థానంలో ఆడతాడు. కాబట్టి సర్ఫరాజ్‌ మూడో స్థానంలో ఆడటంపై దృష్టి పెడితే బాగుంటుంది’’ అని సదరు సెలక్టర్‌ అభిప్రాయపడ్డాడు.కాగా ముంబై తరఫున రంజీల్లో పరుగుల వరద పారించిన 28 ఏళ్ల సర్ఫరాజ్‌ ఖాన్‌.. గతేడాది అంతర్జాతీయ క్రికెట్‌లో అడుగుపెట్టాడు. ఇప్పటి వరకు ఆరు టెస్టులు ఆడి 371 పరుగులు సాధించాడు. ఇందులో ఓ సెంచరీ, మూడు అర్ధ శతకాలు ఉన్నాయి.చదవండి: సౌతాఫ్రికాతో సిరీస్‌కు భారత జట్టు ప్రకటన.. కెప్టెన్‌గా రిషభ్‌ పంత్‌

ఆస్ట్రేలియా- ‘ఎ’ జట్టుతో రెండో అనధికారిక టెస్టులో భారత్‌ ఘన విజయం సాధించింది. పర్యాటక జట్టును ఐదు వికెట్ల తేడాతో చిత్తు చేసింది. కేఎల్‌ రాహుల్‌ (KL Rahul) భారీ శతకం బాది జట్టు విజయంలో కీలక పాత్ర పోషించగా.. సాయి సుదర్శన్‌ (Sai Sudharsan) సెంచరీతో అలరించాడు. ఇక కెప్టెన్‌ ధ్రువ్‌ జురెల్‌ సైతం అద్భుత అర్థ శతకంతో ఆకట్టుకున్నాడు.భారత్‌- ‘ఎ’ జట్టుతో రెండు అనధికారిక టెస్టులు, మూడు అనధికారిక వన్డే సిరీస్‌లు ఆడేందుకు ఆస్ట్రేలియా టీమ్‌ ఇక్కడకు వచ్చింది. ఇందులో భాగంగా లక్నోలో తొలుత టెస్టులు జరుగగా.. మొదటి టెస్టు డ్రాగా ముగిసింది.ఫలితం తేలిందిఈ క్రమంలో మంగళవారం మొదలైన రెండో అనధికారిక టెస్టులో మాత్రం.. ఆఖరి రోజైన శుక్రవారం నాటి నాలుగో రోజు ఆటలో ఫలితం తేలింది. ఈ మ్యాచ్‌లో టాస్‌ గెలిచిన భారత్‌.. తొలుత బౌలింగ్‌ చేసింది. దీంతో బ్యాటింగ్‌కు దిగిన ఆసీస్‌.. తొలి ఇన్నింగ్స్‌లో భారీ స్కోరు సాధించింది. కెప్టెన్‌ నాథన్‌ మెక్‌స్వీనీ (74), జాక్‌ ఎడ్‌వర్డ్స్‌ (88), టాడ్‌ మర్ఫీ (76) అర్ధ శతకాలతో రాణించగా.. 97.2 ఓవర్లలో 420 పరుగులు చేసి ఆలౌట్‌ అయింది.భారత బౌలర్లలో మానవ్‌ సుతార్‌ ఐదు వికెట్లతో చెలరేగగా.. గుర్నుర్‌ బ్రార్‌ మూడు, మొహమ్మద్‌ సిరాజ్, ప్రసిద్‌ కృష్ణ ఒక్కో వికెట్‌ తమ ఖాతాలో వేసుకున్నారు. ఇక తమ తొలి ఇన్నింగ్స్‌లో భారత్‌ నిరాశపరిచింది. ఓపెనర్‌ కేఎల్‌ రాహుల్‌ (11)తో పాటు దేవ్‌దత్‌ పడిక్కల్‌ (1), కెప్టెన్‌ ధ్రువ్‌ జురెల్‌ (1), నితీశ్‌ కుమార్‌ రెడ్డి (1) పూర్తిగా విఫలమయ్యారు.ఆసీస్‌కు 226 పరుగుల భారీ ఆధిక్యంఇలాంటి క్లిష్ట పరిస్థితుల్లో మరో ఓపెనర్‌ నారాయణ్‌ జగదీశన్‌ (38) ఓ మోస్తరుగా రాణించగా.. వన్‌డౌన్‌ బ్యాటర్‌ సాయి సుదర్శన్‌ 75 పరుగులతో సత్తా చాటాడు. ఆయుశ్‌ బదోని 21 పరుగులు చేశాడు. ఈ క్రమంలో 194 పరుగులు చేసి భారత్‌ ఆలౌట్‌ కాగా.. ఆసీస్‌కు 226 పరుగుల భారీ ఆధిక్యం లభించింది.అనంతరం రెండో ఇన్నింగ్స్‌ మొదలుపెట్టిన ఆస్ట్రేలియా ఈసారి 185 పరుగులకే చాపచుట్టేసింది. కెప్టెన్‌ నాథన్‌ మెక్‌స్వీనీ (85 నాటౌట్‌), వికెట్‌ కీపర్‌ జోష్‌ ఫిలిప్‌ (50) వల్లే ఈ మాత్రం స్కోరు చేయగలిగింది. భారత బౌలర్లలో మానవ్‌ సుతార్‌, గుర్నూర్‌ బ్రార్‌ మరోసారి ఆకట్టుకున్నారు. వీరిద్దరు చెరో మూడు వికెట్లు తీయగా.. యశ్‌ ఠాకూర్‌, సిరాజ్‌ తలా రెండు వికెట్లు పడగొట్టారు.ఇక తొలి ఇన్నింగ్స్‌ ఆధిక్యం కలుపుకొని ఆసీస్‌ భారత్‌ ముందు 412 పరుగుల (226+185) భారీ లక్ష్యం ఉంచింది. ఈ క్రమంలో గురువారం నాటి మూడో రోజు ఆట ముగిసే సరికి రెండు వికెట్ల నష్టానికి 169 పరుగులు చేసింది భారత్‌.రాహుల్‌, సాయి శతకాలు.. టార్గెట్‌ పూర్తి చేసిన భారత్‌అయితే, 74 పరుగుల వద్ద కేఎల్‌ రాహుల్‌ రిటైర్డ్‌ హర్ట్‌గా వెనుదిరిగాడు. ఇక 169/2 ఓవర్‌నైట్‌ స్కోరుతో భారత్‌ నాలుగో రోజు ఆట మొదలుపెట్టగా.. రాహుల్‌ తిరిగి బ్యాట్‌ పట్టి మైదానంలో దిగాడు. మొత్తంగా 210 బంతులు ఎదుర్కొని 176 పరుగులతో అజేయంగా నిలిచాడు.మరోవైపు.. వన్‌డౌన్‌ బ్యాటర్‌ సాయి సుదర్శన్‌ (100) కూడా శతకం సాధించాడు. అయితే, నైట్‌ వాచ్‌మన్‌ మానవ్‌ సుతార్‌ (5) వచ్చీ రాగానే వెళ్లిపోగానే.. దేవ్‌దత్‌ పడిక్కల్‌ (5) మరోసారి నిరాశపరిచాడు. ఈ క్రమంలో రాహుల్‌కు తోడైన కెప్టెన్‌ జురెల్‌ 66 బంతుల్లో 56 పరుగులతో సత్తా చాటాడు. ఇక నితీశ్‌ కుమార్‌ రెడ్డి 16 పరుగులతో అజేయంగా నిలిచి రాహుల్‌తో కలిసి జట్టును విజయతీరాలకు చేర్చాడు.భారత్‌-‘ఎ’ వర్సెస్‌ ఆస్ట్రేలియా- ‘ఎ’ రెండో అనధికారిక టెస్టు సంక్షిప్త స్కోర్లువేదిక: ఏకనా స్టేడియం, లక్నోటాస్‌: భారత్‌.. తొలుత బౌలింగ్‌ఆస్ట్రేలియా-ఎ: 420 & 185భారత్‌-ఎ: 194 & 413/5ఫలితం: ఐదు వికెట్ల తేడాతో ఆసీన్‌ను ఓడించిన భారత్‌.చదవండి: అందుకే షమీని సెలక్ట్‌ చేయలేదు: కుండబద్దలు కొట్టిన అగార్కర్‌

టీమిండియా యువ క్రికెటర్‌ సాయి సుదర్శన్‌ (Sai Sudharsan) సూపర్‌ ఫామ్‌లో ఉన్నాడు. ఆస్ట్రేలియా-‘ఎ’ జట్టు (IND A vs AUS A)తో అనధికారిక టెస్టు సిరీస్‌లో భారత్‌-‘ఎ’ తరఫున ఈ వన్‌డౌన్‌ బ్యాటర్‌ అదరగొట్టాడు. రెండు అర్ధ శతకాలు బాదడంతో పాటు.. సెంచరీతోనూ సత్తా చాటాడు.సెంచరీతో అదరగొట్టిన సాయి సుదర్శన్‌లక్నోలోని ఏకనా స్టేడియంలో తొలి అనధికారిక టెస్టులో సాయి సుదర్శన్‌ 124 బంతుల్లో 10 ఫోర్ల సాయంతో 73 పరుగులు సాధించాడు. అయితే, కూపర్‌ కన్నోలి బౌలింగ్‌లో లెగ్‌ బిఫోర్‌ వికెట్‌గా వెనుదిరగడంతో అతడి ఇన్నింగ్స్‌ ముగిసిపోయింది.ఇక అదే వేదికపై ఆసీస్‌-‘ఎ’తో రెండో అనధికారిక టెస్టులోనూ ఈ ఎడమచేతి వాటం బ్యాటర్‌​ తన ఫామ్‌ను కొనసాగించాడు. ఈ మ్యాచ్‌లో తొలి ఇన్నింగ్స్‌లో సాయి సుదర్శన్‌ 140 బంతుల్లో ఆరు ఫోర్లు, ఒక సిక్సర్‌ బాది 75 పరుగులు చేశాడు. అయితే, ఈసారి కూడా అతడు లెగ్‌ బిఫోర్‌గా వెనుదిరగడం గమనార్హం. టాడ్‌ మర్ఫీ బౌలింగ్‌లో సాయి సుదర్శన్‌ ఎల్బీడబ్ల్యూ అయ్యాడు.ఇక రెండో ఇన్నింగ్స్‌లో భాగంగా శుక్రవారం నాటి ఆఖరి రోజు ఆటలో సాయి సుదర్శన్‌ 172 బంతుల్లో 9 ఫోర్లు, ఒక సిక్సర్‌ కొట్టి 100 పరుగులు సాధించాడు. అయితే, ఆ వెంటనే క్యారీ రొచిసిల్లి బౌలింగ్‌లో కాంప్‌బెల్‌ కెల్లావేకు క్యాచ్‌ ఇచ్చి పెవిలియన్‌ చేరాడు.ఆస్ట్రేలియా- ‘ఎ’ సిరీస్‌లో మొత్తంగా 248 పరుగులు సాధించాడు. వెస్టిండీస్‌తో సిరీస్‌కు ముందు సాయి సుదర్శన్‌ ఇలా సత్తా చాటడం ద్వారా టీమిండియా తరఫున టెస్టుల్లో మూడోస్థానంలో తన స్థానం సుస్థిరం చేసుకునే క్రమంలో కీలక ముందడుగు వేశాడు.అతడికి మరిన్ని అవకాశాలిస్తామన్న అగార్కర్‌కాగా టెస్టుల్లో వన్‌డౌన్‌ బ్యాటర్‌గా సాయి సుదర్శన్‌ పాతుకుపోయేట్లుగానే కనిపిస్తోంది. వెస్టిండీస్‌తో సిరీస్‌కు భారత జట్టు ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్‌ చేసిన వ్యాఖ్యలే ఇందుకు నిదర్శనం. ‘‘టెస్టుల్లో మూడో స్థానంలో సాయి సుదర్శన్‌ చక్కటి భరోసా కల్పించాడు. అతడికి మరిన్ని అవకాశాలిస్తాం’’ అని అగార్కర్‌ స్పష్టం చేశాడు.తమిళనాడుకు చెందిన సాయి సుదర్శన్‌ 23 ఏళ్ల సాయి సుదర్శన్‌ 2023లో వన్డేల్లో, 2024లో అంతర్జాతీయ టీ20లలో అడుగుపెట్టాడు. అయితే, టెస్టుల్లో మాత్రం ఇటీవలే అరంగేట్రం చేశాడు. ఇంగ్లండ్‌ పర్యటన సందర్భంగా శుబ్‌మన్‌ గిల్‌ సారథ్యంలో ఎంట్రీ ఇచ్చాడు. ఆడిన మూడు టెస్టుల్లో కలిపి 140 పరుగులు సాధించాడు.రాహుల్‌, సాయి శతకాలతో..ఇక భారత్‌- ‘ఎ’- ఆస్ట్రేలియా- ‘ఎ’ మ్యాచ్‌ విషయానికొస్తే.. 412 పరుగుల లక్ష్యంతో బరిలోకి దిగిన భారత్‌.. కేఎల్‌ రాహుల్‌, సాయి సుదర్శన్‌ (100) శతకాల కారణంగా విజయం దిశగా సాగుతోంది. వీరిద్దరు కలిసి నాలుగో వికెట్‌కు 140 పరుగుల భాగస్వామ్యం నెలకొల్పారు.ఈ క్రమంలో శుక్రవారం 79 ఓవర్ల ఆట ముగిసే సరికి నాలుగు వికెట్ల నష్టానికి 317 పరుగులు చేసి.. విజయానికి 95 పరుగుల దూరంలో ఉంది. రాహుల్‌ 131, కెప్టెన్‌ ధ్రువ్‌ జురెల్‌ 21 పరుగులతో క్రీజులో ఉన్నారు.చదవండి: IND Vs PAK: మేము ఏ జట్టునైనా ఓడిస్తాం.. అతడొక అద్భుతం.. మా ఫీల్డింగ్‌ సూపర్‌: పాక్‌ కెప్టెన్‌

టీమిండియా స్టార్‌ క్రికెటర్‌ కేఎల్‌ రాహుల్‌ (KL Rahul) అద్భుత శతకంతో మెరిశాడు. భారత్‌- ‘ఎ’- ఆస్ట్రేలియా- ‘ఎ’ (IND A vs AUS A) జట్ల మధ్య రెండో అనధికారిక టెస్టు నాలుగో రోజు ఆట సందర్భంగా.. భోజన విరామ సమయానికి 103 పరుగులతో అజేయంగా నిలిచాడు. వన్‌డౌన్‌ బ్యాటర్‌ సాయి సుదర్శన్‌ (Sai Sudharsan)తో కలిసి ఇన్నింగ్స్‌ చక్కదిద్దిన ఈ ఓపెనింగ్‌ బ్యాటర్‌.. జట్టును విజయం దిశగా తీసుకువెళ్లే ప్రయత్నం చేస్తున్నాడు.కాగా స్వదేశంలో వెస్టిండీస్‌తో సిరీస్‌ నేపథ్యంలో కేఎల్‌ రాహుల్‌.. ఆస్ట్రేలియా-‘ఎ’ జట్టుతో రెండో అనధికారిక టెస్టు సందర్భంగా భారత్‌-‘ఎ’ తరఫున బరిలోకి దిగిన విషయం తెలిసిందే. లక్నోలో మంగళవారం మొదలైన ఈ నాలుగు రోజుల టెస్టులో టాస్‌ గెలిచిన భారత్‌ తొలుత బౌలింగ్‌ ఎంచుకుంది.భారత్‌ లక్ష్యం 412ఈ క్రమంలో బ్యాటింగ్‌కు దిగిన ఆసీస్‌- ‘ఎ’ జట్టు తొలి ఇన్నింగ్స్‌లో 420 పరుగులకు ఆలౌట్‌ అయింది. అనంతరం తమ మొదటి ఇన్నింగ్స్‌ మొదలుపెట్టిన భారత​ 194 పరుగులకే కుప్పకూలింది. దీంతో తొలి ఇన్నింగ్స్‌లో 226 పరుగుల భారీ ఆధిక్యంతో రెండో ఇన్నింగ్స్‌ మొదలుపెట్టిన ఆసీస్‌.. ఈసారి మాత్రం భారత బౌలర్ల ధాటికి స్వల్ప స్కోరుకే చేతులెత్తేసింది.46.5 ఓవర్లలో 185 పరుగులు మాత్రమే చేసి ఆలౌట్‌ అయింది. ఈ నేపథ్యంలో భారత్‌ లక్ష్యం 412 (226+185) పరుగులుగా మారింది. ఈ క్రమంలో గురువారం నాటి మూడో రోజు ఆట ముగిసే సమయానికి భారత్‌ 41 ఓవర్లలో రెండు వికెట్ల నష్టానికి 169 పరుగులు చేసింది.రిటైర్డ్‌ హర్ట్‌గా వెనుదిరిగిన రాహుల్‌ఓపెనర్‌ నారాయణ్‌ జగదీశన్‌ 36 పరుగులు చేయగా.. మరో ఓపెనర్‌ కేఎల్‌ రాహుల్‌ 74 పరుగుల వ్యక్తిగత స్కోరు వద్ద రిటైర్డ్‌ హర్ట్‌గా వెనుదిరిగాడు. ఈ క్రమంలో వన్‌డౌన్‌ బ్యాటర్‌ సాయి సుదర్శన్‌కు జతైన దేవ్‌దత్‌ పడిక్కల్‌ (5) పూర్తిగా విఫలమయ్యాడు. దీంతో నైట్‌వాచ్‌మన్‌గా క్రీజులోకి వచ్చిన స్పిన్నర్‌ మానవ్‌ సుతార్‌.. శుక్రవారం నాటి ఆఖరి రోజు ఆట ఆరంభమైన కాసేపటికే వెనుదిరిగాడు.తిరిగి బ్యాటింగ్‌కు వచ్చి శతకం పూర్తిఈ నేపథ్యంలో కేఎల్‌ రాహుల్‌ తిరిగి బ్యాటింగ్‌కు వచ్చాడు. 143 బంతుల్లో పన్నెండు ఫోర్ల సాయంతో సెంచరీ పూర్తి చేసుకున్నాడు. మరోవైపు.. 44 పరుగులతో నాలుగో రోజు ఆట మొదలుపెట్టిన సాయి సుదర్శన్‌ (98 బ్యాటింగ్‌) కూడా శతకానికి చేరువయ్యాడు. దీంతో భోజన విరామ సమయానికి భారత్‌ 66 ఓవర్లలో మూడు వికెట్ల నష్టానికి 261 పరుగులు చేసింది. భారత్‌ విజయానికి ఇంకా 151 పరుగులు అవసరం కాగా.. ఏడు వికెట్లు చేతిలో ఉన్నాయి. ఇక ఆసీస్‌ బౌలర్లలో టాడ్‌ మర్ఫీ మూడు వికెట్లతో సత్తా చాటాడు. ఇదిలా ఉంటే.. వెస్టిండీస్‌తో అక్టోబరులో జరిగే రెండు మ్యాచ్‌ల టెస్టు సిరీస్‌కు కేఎల్‌ రాహుల్‌తో పాటు.. సాయి సుదర్శన్‌ ఎంపికైన విషయం తెలిసిందే.అప్‌డేట్‌: లంచ్‌ తర్వాత సెంచరీ పూర్తి చేసుకున్న సాయి సుదర్శన్‌ ఆ వెంటనే అవుటయ్యాడు. చదవండి: IND vs WI: కరుణ్‌ నాయర్‌పై వేటు

లక్నో: భారత్- ఆస్ట్రేలియా ‘ఎ’ (IND A vs AUS A)జట్ల మధ్య జరుగుతున్న రెండో అనధికారిక టెస్టు రసవత్తర ముగింపునకు చేరింది. మూడో రోజు ఆటలో ప్రత్యర్థిని 190 పరుగుల్లోపే ఆలౌట్‌ చేసిన భారత్‌ ‘ఎ’ జట్టు.. రెండో ఇన్నింగ్స్‌లో 41 ఓవర్లలో 2 వికెట్ల నష్టానికి 169 పరుగులు చేసింది. తద్వారా విజయానికి 243 పరుగుల దూరంలో ఉంది. చేతిలో 8 వికెట్లున్నాయి. మూడో రోజు ఆటలో ఇరుజట్లవి కలిపి 9 వికెట్లు కూలాయి. ముందుగా ఓవర్‌నైట్‌ స్కోరు 16/3తో గురువారం ఆట కొనసాగించిన ఆసీస్‌ ‘ఎ’ రెండో ఇన్నింగ్స్‌లో 46.5 ఓవర్లలో 185 పరుగుల వద్ద ఆలౌటైంది.ఓవర్‌నైట్‌ బ్యాటర్, కెప్టెన్‌ నాథన్‌ మెక్‌స్వీని (249 బంతుల్లో 85; 10 ఫోర్లు, 1 సిక్స్‌) సహచరులు వెనుదిరుగుతున్నా... చక్కని పోరాటం చేశాడు. ఆరంభంలోనే హైదరాబాదీ స్పీడ్‌స్టర్‌ సిరాజ్‌ (Mohammed Siraj) పేస్‌కు 17 పరుగుల వద్ద కూపర్‌ కానొలి (1) రూపంలో నాలుగో వికెట్‌ కోల్పోయింది. ఇలాంటి క్లిష్ట పరిస్థితుల్లో జోష్‌ ఫిలిప్‌ (48 బంతుల్లో 50; 8 ఫోర్లు)తో కలిసి మెక్‌స్వీని ఇన్నింగ్స్‌ను నిలబెట్టే ప్రయత్నం చేశాడు. ఇద్దరు కలిసి ఐదో వికెట్‌కు 90 పరుగులు జోడించడంతో జట్టు స్కోరు వంద దాటింది.ఈ దశలో సీమర్‌ గుర్నూర్‌ బ్రార్, స్పిన్నర్‌ మానవ్‌ సుథార్‌ (Manav Suthar) కంగారూ ఇన్నింగ్స్‌ను కోలుకోని విధంగా దెబ్బకొట్టారు. దీంతో 78 పరుగుల వ్యవధిలో 6 వికెట్లను కోల్పోయి 200 పరుగుల్లోపే ఆలౌటైంది. గుర్నూర్, మానవ్‌ చెరో 3 వికెట్లు తీయగా... సిరాజ్‌కు 2 వికెట్లు దక్కాయి. రాహుల్‌ 74 రిటైర్డ్‌హర్ట్‌ అనంతరం 412 పరుగుల భారీ లక్ష్యాన్ని ఛేదించేందుకు దిగిన భారత్‌ ‘ఎ’కు ఓపెనర్లు కేఎల్‌ రాహుల్‌ (KL Rahul- 92 బంతుల్లో 74; 9 ఫోర్లు), జగదీశన్‌ (36; 5 ఫోర్లు) శుభారంభమిచ్చారు. 17 ఓవర్లలో 85 పరుగులు జోడించారు. 18వ ఓవర్‌ తొలి బంతికే జగదీశన్‌ అవుటవడంతో ఈ భాగస్వామ్యం చెదిరింది.తర్వాత కూడా టీమిండియా సీనియర్‌ బ్యాటర్‌ అయిన రాహుల్‌... వన్‌డౌన్‌ బ్యాటర్‌ సాయి సుదర్శన్‌ (84 బంతుల్లో 44 బ్యాటింగ్‌; 3 ఫోర్లు, 1 సిక్స్‌)తో కలిసి మరో భాగస్వామ్యానికి తెరలేపాడు. కానీ అర్ధసెంచరీ అనంతరం రాహుల్‌ రిటైర్డ్‌ హర్ట్‌గా వెనుదిరిగాడు. తర్వాత దేవదత్‌ పడిక్కల్‌ (5) నిరాశపరచగా, మానవ్‌ సుతార్‌ (1 బ్యాటింగ్‌) సుదర్శన్‌తో కలిసి నాటౌట్‌గా నిలిచాడు. టాడ్‌ మర్ఫీ 2 వికెట్లు తీశాడు. తొలి టెస్టు ‘డ్రా’గా ముగియగా... ఈ మ్యాచ్‌ గెలిచిన జట్టే సిరీస్‌ను దక్కించుకుంటుంది. సంక్షిప్త స్కోర్లు 👉ఆస్ట్రేలియా ‘ఎ’ తొలిఇన్నింగ్స్‌: 420👉భారత్‌ ‘ఎ’ తొలి ఇన్నింగ్స్‌: 194👉ఆస్ట్రేలియా ‘ఎ’ రెండో ఇన్నింగ్స్‌: 185 (మెక్‌స్వీని 85; గుర్నూర్‌ బ్రార్‌ 3/42, సిరాజ్‌ 2/20). 👉భారత్‌ ‘ఎ’ రెండో ఇన్నింగ్స్‌: 169/2 (కేఎల్‌ రాహుల్‌ రిటైర్డ్‌హర్ట్‌ 74, సాయిసుదర్శన్‌ 44). చదవండి: Asia Cup 2025: భారత్‌ ప్రత్యర్థి పాక్‌

టీమిండియా స్టార్‌ క్రికెటర్‌ శ్రేయస్‌ అయ్యర్‌ (Shreyas Iyer) భారత్‌- ‘ఎ’ జట్టు కెప్టెన్‌గా వైదొలగడం క్రికెట్‌ వర్గాల్లో హాట్‌టాపిక్‌గా మారింది. చాన్నాళ్లుగా టెస్టుల్లో పునరాగమనం కోసం వేచి చూస్తున్న ఈ ముంబైకర్‌కు ‘ఎ’ జట్టు సారథిగా భారత క్రికెట్‌ నియంత్రణ మండలి (BCCI) సువర్ణావకాశం ఇచ్చింది.ఆస్ట్రేలియా- ‘ఎ’తో అనధికారిక టెస్టులుకాగా ప్రపంచ టెస్టు చాంపియన్‌షిప్‌ 2025-27 (WTC)లో భాగంగా టీమిండియా.. అక్టోబరులో స్వదేశంలో వెస్టిండీస్‌ (IND vs WI)తో రెండు మ్యాచ్‌లు ఆడనుంది. అయితే, విండీస్‌తో సిరీస్‌కు ముందు భారత్‌- ‘ఎ’- ఆస్ట్రేలియా- ‘ఎ’ మధ్య రెండు అనధికారిక టెస్టు మ్యాచ్‌లకు షెడ్యూల్‌ ఖరారైంది. వెస్టిండీస్‌తో సిరీస్‌కు ముందు సన్నాహకంగా ఈ సిరీస్‌ ఉపయోగపడనుంది.ఈ నేపథ్యంలో శ్రేయస్‌ అయ్యర్‌ను కెప్టెన్‌ను చేసిన బీసీసీఐ.. ధ్రువ్‌ జురెల్‌ (Dhruv Jurel), సాయి సుదర్శన్‌, నితీశ్‌ కుమార్‌ రెడ్డి వంటి యువ టీమిండియా స్టార్లను కూడా ఎంపిక చేసింది. ఇక రెండో టెస్టులో భాగంగా టీమిండియా సీనియర్లు కేఎల్‌ రాహుల్‌, మహ్మద్‌ సిరాజ్‌ కూడా భారత్‌-‘ఎ’ జట్టులో చేరారు.కెప్టెన్సీతో పాటు జట్టు నుంచీ తప్పుకొన్నాడుఅయితే, తొలి టెస్టులో విఫలమైన శ్రేయస్‌ అయ్యర్‌(8).. రెండో టెస్టు ఆరంభానికి కొన్ని గంటల ముందే కెప్టెన్సీతో పాటు జట్టు నుంచీ వైదొలిగాడు. ఈ క్రమంలో అతడు బీసీసీఐకి ఓ లేఖ రాసినట్లు తెలుస్తోంది. ఇండియన్‌ ఎక్స్‌ప్రెస్‌ కథనం ప్రకారం..‘‘శ్రేయస్‌ అయ్యర్‌ రెడ్‌ బాల్‌ క్రికెట్‌ నుంచి విరామం తీసుకోవాలని భావించాడు. ఇదే విషయాన్ని సెలక్టర్లకు చెప్పాడు. రానున్న కొన్ని నెలల పాటు అతడు టెస్టు ఫార్మాట్‌కు దూరంగా ఉండబోతున్నాడు.కారణం ఇదేవెన్నునొప్పి కారణంగా తన శరీరం నాలుగు కంటే ఎక్కువ రోజులు ఫీల్డింగ్‌ చేసేందుకు సిద్ధంగా లేదని చెప్పాడు. అందుకే ఇప్పట్లో టెస్టు క్రికెట్‌ను పూర్తి స్థాయిలో ఆడలేనని స్పష్టం చేశాడు. కాబట్టి సెలక్టర్లు ఇందుకు తగినట్లుగానే అతడి విషయంలో నిర్ణయం తీసుకుంటారు’’ అని విశ్వసనీయ వర్గాలు తెలిపాయి.గతంలో బీసీసీఐ వేటుఫలితంగా వెస్టిండీస్‌తో సిరీస్‌కు కూడా శ్రేయస్‌ అయ్యర్‌ దూరమైనట్లు తెలుస్తోంది. కాగా గతేడాది కూడా శ్రేయస్‌ అయ్యర్‌ వెన్నునొప్పితో బాధపడిన విషయం తెలిసిందే. ఈ క్రమంలో రంజీ ట్రోఫీ మ్యాచ్‌లకు దూరం కాగా... బీసీసీఐ అతడిపై వేటు వేసింది. ఫిట్‌గానే ఉన్నా అబద్దం చెప్పాడని.. దేశీ క్రికెట్‌ తప్పనసరిగా ఆడాలన్న నిబంధనను ఉల్లంఘించాడని పేర్కొంటూ సెంట్రల్‌ కాంట్రాక్టు నుంచి తప్పించింది. అయితే, ఆ తర్వాత అనూహ్య రీతిలో పుంజుకున్న శ్రేయస్‌ అయ్యర్‌ దేశీ క్రికెట్‌లో మూడు ఫార్మాట్లలోనూ అదరగొట్టాడు. అనూహ్య రీతిలో పుంజుకునిముఖ్యంగా కెప్టెన్‌గా ఐపీఎల్‌-2024లో కోల్‌కతా నైట్‌ రైడర్స్‌ను చాంపియన్‌గా నిలిపిన అయ్యర్‌.. ఈ ఏడాది పంజాబ్‌ కింగ్స్‌ను ఫైనల్‌కు చేర్చాడు. బ్యాటర్‌గానూ పొట్టి ఫార్మాట్లో ఇరగదీశాడు.ఐసీసీ చాంపియన్స్‌ట్రోఫీ-2025 (వన్డే)లోనూ టీమిండియా తరఫున సత్తా చాటి టాప్‌ రన్‌ స్కోరర్‌గా నిలిచాడు. అయితే, ఆసియా కప్‌ టీ20- 2025 టోర్నీకి మాత్రం సెలక్టర్లు అయ్యర్‌ను ఎంపిక చేయలేదు. భవిష్యత్తు ప్రశ్నార్థకందీంతో బోర్డు తీరుపై విమర్శలు రాగా.. భారత్‌ -‘ఎ’ కెప్టెన్‌గా ఛాన్స్‌ ఇచ్చింది. కానీ శ్రేయస్‌ అయ్యర్‌ తనకు తానుగా తప్పుకొని మరోసారి భవిష్యత్తును ప్రశ్నార్థకం చేసుకున్నాడు. కాగా అయ్యర్‌ గత ఏడాది స్వదేశంలో ఇంగ్లండ్‌తో సిరీస్‌ సందర్భంగా చివరి టెస్టు ఆడాడు.చదవండి: ఆస్ట్రేలియాతో రెండో టెస్ట్‌.. చెలరేగిన టీమిండియా యువ ప్లేయర్‌

టీమిండియా క్రికెటర్‌ శ్రేయస్‌ అయ్యర్‌ (Shreyas Iyer) అనూహ్య నిర్ణయం తీసుకున్నాడు. భారత్‌-‘ఎ’ కెప్టెన్సీతో పాటు.. జట్టు నుంచి కూడా వైదొలిగాడు. కాగా భారత జట్టు స్వదేశంలో ప్రస్తుతం ఆస్ట్రేలియా-‘ఎ’ జట్టు (IND A vs AUS A)తో రెండు అనధికారిక టెస్టు సిరీస్‌లు ఆడుతున్న విషయం తెలిసిందే.ఈ నేపథ్యంలో భారత్‌-‘ఎ’ జట్టు కెప్టెన్‌గా భారత క్రికెట్‌ నియంత్రణ మండలి (BCCI) శ్రేయస్‌ అయ్యర్‌ను నియమించింది. లక్నోలోని ఏకనా స్టేడియంలో అతడి సారథ్యంలో ఆసీస్‌తో తొలి అనధికారిక టెస్టును భారత్‌ డ్రా చేసుకుంది. కెప్టెన్సీకి, జట్టుకు గుడ్‌బైఅయితే, బ్యాటర్‌గా మాత్రం అయ్యర్‌ విఫలమయ్యాడు. ఐదో స్థానంలో బ్యాటింగ్‌కు వచ్చి 13 బంతులు ఎదుర్కొన్న ఈ కుడిచేతి వాటం బ్యాటర్‌.. కేవలం ఎనిమిది పరుగులు మాత్రమే చేసి నిష్క్రమించాడు.ఇక భారత్‌- ఆసీస్‌ మధ్య లక్నోలో మంగళవారం రెండో అనధికారిక టెస్టు మొదలుకాగా.. మ్యాచ్‌ ఆరంభానికి ముందు శ్రేయస్‌ అయ్యర్‌ కెప్టెన్సీ నుంచి వైదొలిగాడు. అంతేకాదు.. జట్టుకు కూడా దూరమయ్యాడు. ఈ విషయం గురించి విశ్వసనీయ వర్గాలు టైమ్స్‌ ఆఫ్‌ ఇండియాతో మాట్లాడుతూ..సెలక్టర్లకు సమాచారం‘‘శ్రేయస్‌ విరామం తీసుకున్నాడు. అతడు ముంబైకి తిరిగి వెళ్లిపోయాడు. ఆస్ట్రేలియా- ఎ జట్టుతో రెండో మ్యాచ్‌లో ఆడలేనని అయ్యర్‌ సెలక్టర్లకు సమాచారం ఇచ్చాడు. అయినప్పటికీ వెస్టిండీస్‌తో సొంతగడ్డపై జరిగే టెస్టు సిరీస్‌కు ఎంపిక చేసే జట్టులో మిడిలార్డర్‌ బ్యాటర్‌గా అతడు పోటీలోనే ఉంటాడు’’ అని పేర్కొన్నాయి. కాగా వ్యక్తిగత కారణాల వల్లే శ్రేయస్‌ అనూహ్యంగా ఈమేరకు నిర్ణయం తీసుకున్నట్లు తెలుస్తోంది. ఏదేమైనా భారత టెస్టు జట్టులోకి పునరాగమనం చేయాలని పట్టుదలగా ఉన్న శ్రేయస్‌.. ఓవైపు వరుస వైఫల్యాల నేపథ్యంలో ఇలాంటి నిర్ణయం తీసుకోవడం ఎక్కడికి దారితీస్తుందోనని అభిమానులు ఆందోళన చెందుతున్నారు.కెప్టెన్‌గా ధ్రువ్‌ జురెల్‌ఇక శ్రేయస్‌ అయ్యర్‌ జట్టును వీడటంతో వికెట్‌ కీపర్‌ బ్యాటర్‌ ధ్రువ్‌ జురెల్‌ కెప్టెన్‌గా బాధ్యతలు చేపట్టాడు. ఇదిలా ఉంటే.. ఆసీస్‌తో రెండో టెస్టు సందర్భంగా టీమిండియా సీనియర్‌ బ్యాటర్‌ కేఎల్‌ రాహుల్‌తో పాటు స్టార్‌ పేసర్‌ మహ్మద్‌ సిరాజ్‌ జట్టులోకి వచ్చారు. తెలుగు కుర్రాడు, ఆల్‌రౌండర్‌ నితీశ్‌కుమార్‌ రెడ్డి కూడా తుదిజట్టులో చోటు దక్కించుకున్నాడు.ఆసీస్‌-‘ఎ’తో రెండో అనధికారిక టెస్టుకు భారత్‌-‘ఎ’ తుది జట్టు ఇదేనారాయణ్‌ జగదీశన్, కేఎల్‌ రాహుల్, సాయి సుదర్శన్, దేవదత్ పడిక్కల్, నితీశ్‌ కుమార్ రెడ్డి, ధ్రువ్ జురెల్ (కెప్టెన్‌- వికెట్‌ కీపర్‌), ఆయుష్ బదోని, ప్రసిద్ధ్ కృష్ణ, మహ్మద్‌ సిరాజ్, గుర్నూర్‌ బ్రార్, మానవ్ సుతార్.చదవండి: ఫ్రాంఛైజీ సహ యజమానిగా కేఎల్‌ రాహుల్‌

ఆస్ట్రేలియా-‘ఎ’ జట్టుతో అనధికారిక తొలి టెస్టులో టీమిండియా స్టార్‌ దేవ్‌దత్‌ పడిక్కల్‌ (Devdutt Padikkal) భారీ శతకంతో మెరిశాడు. ఈ కర్ణాటక బ్యాటర్‌ 198 బంతుల్లో వంద పరుగుల మార్కు అందుకున్నాడు. తద్వారా తన కెరీర్‌లో ఏడో ఫస్ట్‌క్లాస్‌ సెంచరీని నమోదు చేశాడు.కాగా భారత్‌-‘ఎ’ జట్టు స్వదేశంలో ఆసీస్‌-‘ఎ’ జట్టుతో రెండు అనధికారిక టెస్టులు ఆడుతోంది. లక్నోలోని ఏకనా స్టేడియం ఇందుకు వేదిక. ఇందులో భాగంగా మంగళవారం తొలి టెస్టు మొదలుకాగా టాస్‌ గెలిచిన ఆసీస్‌ తొలుత బ్యాటింగ్‌ చేసింది.ఆసీస్‌ తొలి ఇన్నింగ్స్‌ డిక్లేర్డ్‌సామ్‌ కొన్‌స్టాస్‌ (109), జోష్‌ ఫిలిప్‌ (123 నాటౌట్‌) శతకాలతో చెలరేగగా.. కాంపెబెల్‌ కెల్లావే (88), కూపర్‌ కన్నోలి (70), లియామ్‌ స్కాట్‌ (81) అద్భుత అర్ధ శతకాలతో ఆకట్టుకున్నారు. ఫలితంగా ఆసీస్‌ 98 ఓవర్లలో ఆరు వికెట్ల నష్టానికి 532 పరుగుల వద్ద తమ తొలి ఇన్నింగ్స్‌ను డిక్లేర్‌ చేసింది.భారత బౌలర్లలో హర్ష్‌ దూబే (Harsh Dube) మూడు వికెట్లు తీయగా.. గుర్నూర్‌ బ్రార్‌ రెండు, ఖలీల్‌ అహ్మద్‌ ఒక వికెట్‌ దక్కించుకున్నారు. టాపార్డర్‌ హిట్‌.. ధీటుగా భారత్‌ సమాధానంఇక ఆసీస్‌ భారీ స్కోరు చేయగా.. అందుకు భారత్‌ కూడా ధీటుగా బదులిస్తోంది. ఓపెనర్లు అభిమన్యు ఈశ్వరన్‌ (44), నారాయణ్‌ జగదీశన్‌ (64) శుభారంభం అందించగా.. వన్‌డౌన్‌ బ్యాటర్‌ సాయి సుదర్శన్‌ అర్ధ శతకం (73)తో మెరిశాడు.అయితే, కెప్టెన్‌ శ్రేయస్‌ అయ్యర్‌ (8) మాత్రం దారుణంగా విఫలమయ్యాడు. ఈ క్రమంలో వికెట్‌ కీపర్‌ బ్యాటర్‌ ధ్రువ్‌ జురెల్‌ భారీ శతకం (140)తో ఇన్నింగ్స్‌ను మళ్లీ గాడిలో పెట్టగా.. శుక్రవారం నాటి ఆట సందర్భంగా పడిక్కల్‌ సెంచరీ పూర్తి చేసుకున్నాడు.పడిక్కల్‌ భారీ శతకంనాలుగో స్థానంలో బ్యాటింగ్‌కు దిగిన పడిక్కల్‌.. మొత్తంగా 281 బంతులు ఎదుర్కొని 14 ఫోర్లు, ఒక సిక్సర్‌ సాయంతో 150 పరుగులు సాధించాడు. ఈ క్రమంలో శుక్రవారం భోజన విరామ సమయానికి భారత జట్టు 138 ఓవర్లలో ఏడు వికెట్ల నష్టానికి 520 పరుగులు సాధించింది. ఆసీస్‌ బౌలర్లలో స్పిన్నర్‌ కారీ రాచిసిల్లీ.. శ్రేయస్‌ అయ్యర్‌, దేవ్‌దత్‌ పడిక్కల్‌, తనూశ్‌ కొటియాన్‌ రూపంలో మూడు వికెట్లు తీశాడు. ఇతరులలో కూపర్‌ కన్నోలి, లియామ్‌ స్కాట్‌, ఫెర్గూస్‌ ఒ నీల్‌, జేవియర్‌ బార్ట్‌లెట్‌ ఒక్కో వికెట్‌ తమ ఖాతాలో వేసుకున్నాడు.ఇక తొలి ఇన్నింగ్స్‌లో ఆసీస్‌ కంటే భారత్‌ ఇంకా 12 పరుగులు వెనుకబడి ఉంది. ఇదిలా ఉంటే.. నాలుగు రోజుల అనధికారిక టెస్టులో ఇదే ఆఖరి రోజు. దీంతో ఫలితం తేలకుండానే ఈ మ్యాచ్‌ ముగిసిపోయే అవకాశం ఉంది.ఒకే ఒక్క పరుగుఅప్‌డేట్‌: ఇక లంచ్‌ తర్వాత మళ్లీ మొదలైన ఆట.. వర్షం కారణంగా నిలిచిపోయింది. హర్ష్‌ దూబే 16, ప్రసిద్‌ కృష్ణ 0 పరుగులతో క్రీజులో ఉన్నారు. భారత్‌ స్కోరు: 531/7 (141.1). ఆసీస్‌ తొలి ఇన్నింగ్స్‌ కంటే భారత్‌ ఒకే ఒక్క పరుగు వెనుకంజలో ఉంది. చదవండి: Asia Cup 2025 Super 4: సూపర్‌-4లో ఆడే జట్లు ఇవే.. షెడ్యూల్‌, టైమింగ్‌ వివరాలు

భారత్‌-‘ఎ’ జట్టుతో అనధికారిక తొలి టెస్టులో ఆస్ట్రేలియా-‘ఎ’ జట్టు భారీ స్కోరు సాధించింది. లక్నో వేదికగా ఇరుజట్ల మధ్య మంగళవారం తొలి టెస్టు మొదలైంది. టాస్‌ గెలిచి బ్యాటింగ్‌ ఎంచుకున్న ఆసీస్‌ భారత పేసర్లను సమర్ధవంతంగా ఎదుర్కొంది. సెంచరీతో కదంతొక్కిన కొన్‌స్టాస్‌టీమిండియాపై టెస్టు అరంగేట్రం చేసిన సామ్‌ కొన్‌స్టాస్‌ (Sam Konstas) సెంచరీతో కదంతొక్కగా... క్యాంప్‌బెల్‌ కెల్లావే (Campbell Kellaway- 97 బంతుల్లో 88; 10 ఫోర్లు, 2 సిక్స్‌లు), కూపర్‌ కనొల్లీ (84 బంతుల్లో 70; 12 ఫోర్లు, 1 సిక్స్‌) అర్ధశతకాలతో ఆకట్టుకున్నారు.తొలి వికెట్‌కు 198 పరుగులు జోడించిన అనంతరం క్యాంపెబల్‌ అవుట్‌ కాగా.. ఈ దశలో భారత బౌలర్లు కాస్త పోరాటం కనబర్చారు. కెప్టెన్‌ నాథన్‌ మెక్‌స్వీనీ (1), ఒలీవర్‌ పీక్‌ (2)ను వెంట వెంటనే ఔట్‌ చేశారు. దీంతో ఆస్ట్రేలియా ‘ఎ’ జట్టు 198/0 నుంచి 224/4కు చేరింది. ఇక పట్టు చేజిక్కించుకోవడమే తరువాయి అనుకుంటుంటే... కూపర్‌ కనొల్లీ, లియామ్‌ స్కాట్‌ (79 బంతుల్లో 47 బ్యాటింగ్‌; 3 ఫోర్లు, 2 సిక్స్‌లు) పట్టుదల కనబర్చారు.దూబే... ఒక్కడే ఈ జంట ఐదో వికెట్‌కు 109 పరుగులు జోడించింది. ప్రసిధ్‌ కృష్ణ (0/47), ఖలీల్‌ అహ్మద్‌ (1/46) పెద్దగా ప్రభావం చూపలేకపోవడంతో... ఆసీస్‌ ప్లేయర్లు స్వేచ్ఛగా పరుగులు రాబట్టారు. భారత బౌలర్లలో హర్ష్‌ దూబే 3 వికెట్లు ఖాతాలో వేసుకున్నాడు. రంజీ ట్రోఫీ చరిత్రలో ఒకే సీజన్‌లో అత్యధిక వికెట్లు పడగొట్టిన బౌలర్‌గా రికార్డుల్లోకెక్కిన దూబే... ఒక్కడే ఆసీస్‌ ప్లేయర్లను ఇబ్బంది పెట్టగలిగాడు. గుర్‌నూర్‌ బ్రార్‌ ఒక వికెట్‌ తీశాడు.జోష్‌ ఫిలిప్‌ అజేయ సెంచరీఈ క్రమంలో మొదటి రోజు ఆట ముగిసే సమయానికి ఆస్ట్రేలియా ‘ఎ’ జట్టు తొలి ఇన్నింగ్స్‌లో 73 ఓవర్లలో 5 వికెట్ల నష్టానికి 337 పరుగులు చేసింది. లియామ్‌ స్కాట్‌తో పాటు జోష్‌ ఫిలిప్‌ (3 బ్యాటింగ్‌) క్రీజులో ఉన్నాడు. వర్షం కారణంగా తొలి రోజు 73 ఓవర్ల ఆట మాత్రమే సాధ్యమైంది.ఈ క్రమంలో బుధవారం నాటి రెండో రోజు ఆట సందర్భంగా లియామ్‌ స్కాట్‌ (81) అదరగొట్టగా.. వికెట్‌ కీపర్‌ జోష్‌ ఫిలిప్‌ అజేయ సెంచరీ (123)తో దుమ్ములేపాడు. మరోవైపు.. టెయిలెండర్‌ జేవియర్‌ బార్ట్‌లెట్‌ 39 పరుగులతో అజేయంగా నిలిచాడు.ఈ క్రమంలో ఆరు వికెట్ల నష్టానికి 532 పరుగుల భారీ స్కోరు వద్ద ఆసీస్‌ జట్టు తమ తొలి ఇన్నింగ్స్‌ను డిక్లేర్‌ చేసింది. భారత బౌలర్లలో హర్ష్‌ దూబే మూడు వికెట్లతో సత్తా చాటగా.. గుర్నూర్‌ బ్రార్‌ రెండు, ఖలీల్‌ అహ్మద్‌ ఒక వికెట్‌ దక్కించుకున్నారు. ఇక బుధవారం భోజన విరామ సమయానికి భారత్‌-‘ఎ’ జట్టు మూడు ఓవర్లలో మూడు పరుగులు చేసింది. ఓపెనర్లు అభిమన్యు ఈశ్వరన్‌ 2, నారాయణ్‌ జగదీశన్‌ ఒక పరుగుతో క్రీజులో ఉన్నారు.శ్రేయస్‌ అయ్యర్‌ కెప్టెన్సీలో..ఒకవైపు సూర్యకుమార్‌ యాదవ్‌ సారథ్యంలోని భారత క్రికెట్‌ జట్టు యూఏఈ వేదికగా ఆసియా కప్‌ టీ20 టోర్నమెంట్‌లో పాల్గొంటుండగా... మరోవైపు యువ ఆటగాళ్లు ఆస్ట్రేలియా- ‘ఎ’తో నాలుగు రోజుల టెస్టు మ్యాచ్‌ ఆడుతున్నారు. ఈ జట్టుకు శ్రేయస్‌ అయ్యర్‌ కెప్టెన్‌గా వ్యవహరిస్తుండగా... సాయి సుదర్శన్, దేవదత్‌ పడిక్కల్, ధ్రువ్‌ జురెల్, ప్రసిద్‌ కృష్ణ, ఖలీల్‌ అహ్మద్‌ వంటి వాళ్లు బరిలో ఉన్నారు. చదవండి: IND Vs WI: టీమిండియాతో టెస్టులకు వెస్టిండీస్‌ జట్టు ప్రకటన.. వికెట్ల వీరుడికి చోటు

బ్రిస్బేన్‌: ఆ్రస్టేలియా మహిళల ‘ఎ’ జట్టుతో జరిగిన ఏకైక అనధికారిక టెస్టులో భారత మహిళల ‘ఎ’ జట్టు 6 వికెట్ల తేడాతో పరాజయం పాలైంది. ఓవర్‌నైట్‌ స్కోరు 260/8తో చివరి రోజు ఆదివారం రెండో ఇన్నింగ్స్‌ కొనసాగించిన భారత మహిళల ‘ఎ’ జట్టు 81.4 ఓవర్లలో 286 పరుగులకు ఆలౌటైంది. నాలుగో రోజు భారత జట్టు క్రితం రోజు స్కోరుకు 26 పరుగులు జోడించి మిగిలిన రెండు వికెట్లు కోల్పోయింది. ఆస్ట్రేలియా బౌలర్లలో అమీ ఎడ్గర్‌ 5 వికెట్లు పడగొట్టింది. అనంతరం 281 పరుగుల లక్ష్యఛేదనలో ఆ్రస్టేలియా మహిళల ‘ఎ’ జట్టు 85.3 ఓవర్లలో 4 వికెట్ల నష్టానికి 283 పరుగులు చేసి విజయం సాధించింది. రాచెల్‌ ట్రెనామన్‌ (143 బంతుల్లో 64; 6 ఫోర్లు), మ్యాడీ డార్క్‌ (116 బంతుల్లో 68; 6 ఫోర్లు), అనికా లిరాయ్డ్‌ (125 బంతుల్లో 72; 9 ఫోర్లు) అర్ధశతకాలతో ఆకట్టుకున్నారు. కెప్టెన్ తహిలా విల్సన్‌ (104 బంతుల్లో 46; 4 ఫోర్లు) సైతం రాణించింది. భారత మహిళల ‘ఎ’ జట్టు బౌలర్లలో సైమా ఠాకూర్‌ 2 వికెట్లు పడగొట్టింది. ఈ పర్యటనలో భాగంగా అంతకుముందు టి20 సిరీస్‌ను 0–3తో కోల్పోయిన భారత మహిళల ‘ఎ’ జట్టు... వన్డే సిరీస్‌ను 2–1తో చేజిక్కించుకుంది.

నార్తంప్టన్‌: ఇంగ్లండ్‌తో ప్రతిష్టాత్మక టెస్టు సిరీస్‌కు ముందు... ఇంగ్లండ్‌ లయన్స్‌తో భారత ‘ఎ’ జట్టు రెండో అనధికారిక టెస్టు మ్యాచ్‌కు రంగం సిద్ధమైంది. భారత జట్టుకు ఎంపికైన ఆటగాళ్లకు శుక్రవారం నుంచి ప్రారంభం కానున్న ఈ నాలుగు రోజుల మ్యాచ్‌ మంచి ప్రాక్టీస్‌ కానుండగా... సీనియర్‌ బ్యాటర్‌ కేఎల్‌ రాహుల్‌పై అందరి దృష్టి నిలవనుంది. రోహిత్‌ శర్మ, విరాట్‌ కోహ్లి టెస్టు ఫార్మాట్‌కు రిటైర్మెంట్‌ ప్రకటించిన అనంతరం జట్టులో అందరికంటే అనుభవజ్ఞుడైన రాహుల్‌పై బాధ్యత పెరగగా... ఈ మ్యాచ్‌లో అతడు ఎలాంటి ప్రదర్శన కనబరుస్తాడో చూడాలి.టీమిండియా టెస్టు కెప్టెన్‌గా కొత్తగా ఎంపికైన శుబ్‌మన్‌ గిల్, యువ ఓపెనర్‌ సాయి సుదర్శన్‌ ఇంకా ఇంగ్లండ్‌కు చేరుకోకపోవడంతో ఆ ఇద్దరూ ఈ మ్యాచ్‌లో పాల్గొనడంలేదు. ఇంగ్లండ్‌తో సిరీస్‌ కోసం ఈరోజు లండన్‌ బయలు దేరనున్న మిగిలిన ఆటగాళ్లు ప్రాక్టీస్‌ అనంతరం ఇంటర్‌ స్క్వాడ్‌ మ్యాచ్‌ ఆడనున్నారు. తొలి అనధికారిక మ్యాచ్‌లో కరుణ్‌ నాయర్‌ డబుల్‌ సెంచరీతో కదం తొక్కగా... సర్ఫరాజ్‌ ఖాన్, ధ్రువ్‌ జురెల్, యశస్వి జైస్వాల్, అభిమన్యు ఈశ్వరన్, నితీశ్‌ కుమార్‌ రెడ్డి అర్ధశతకాలు సాధించారు. ఈ నెల 20 నుంచి భారత్, ఇంగ్లండ్‌ మధ్య తొలి టెస్టు జరగనుండగా... ప్రాక్టీస్‌ మ్యాచ్‌ల ప్రదర్శన ఆధారంగా తుది జట్టు ఎంపిక జరగనుంది. భారత టెస్టు జట్టులో చోటు దక్కించుకున్న ఆరుగురు ఆటగాళ్లు ఇంగ్లండ్‌ లయన్స్‌తో తొలి అనధికారిక టెస్టులో పాల్గొనగా... పేసర్‌ ఆకాశ్‌ దీప్‌ ఈ మ్యాచ్‌ బరిలోకి దిగే అవకాశం ఉంది. ఆ్రస్టేలియా పర్యటనలో అటు బంతితో ఇటు బ్యాట్‌తో ఆకట్టుకున్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డి ఈ ఏడాది ఐపీఎల్‌లో పెద్దగా ఆకట్టుకోలేకపోయాడు. తొలి ప్రాక్టీస్‌ మ్యాచ్‌లో ధనాధన్‌ షాట్‌లతో హాఫ్‌సెంచరీ చేసిన నితీశ్‌... బంతితోనూ సత్తాచాటాలని భావిస్తున్నాడు. తుది జట్టులో చోటు కోసం మరో పేస్‌ ఆల్‌రౌండర్‌ శార్దుల్‌ ఠాకూర్‌తో నితీశ్‌ పోటీపడాల్సి ఉంటుంది. ఈ మ్యాచ్‌కు కూడా బ్యాటింగ్‌ పిచ్‌ అందుబాటులో ఉంది. ఇంగ్లండ్‌ టెస్టు జట్టులో సభ్యులైన క్రిస్‌ వోక్స్, జోష్‌ టంగ్‌ లయన్స్‌ తరఫున రాణించాలని చూస్తున్నారు.

కాంటర్బరీ (ఇంగ్లండ్‌): టీమిండియా యువ ఆటగాళ్లు యశస్వి జైస్వాల్, నితీశ్‌ కుమార్‌ రెడ్డి సహా పలువురు ప్లేయర్లు ఇంగ్లండ్‌తో టెస్టు సిరీస్‌కు ముందు సన్నాహక మ్యాచ్‌ బరిలోకి దిగనున్నారు. వచ్చే నెల 20 నుంచి భారత్, ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌ జరగనుండగా... దానికి ముందు ఇంగ్లండ్‌ లయన్స్‌ జట్టుతో భారత ‘ఎ’ జట్టు శుక్రవారం నుంచి నాలుగు రోజుల మొదటి అనధికారిక టెస్టు మ్యాచ్‌ ఆడనుంది. ఇందులో భారత్‌ ‘ఎ’ జట్టు తరఫున అభిమన్యు ఈశ్వరణ్, ధ్రువ్‌ జురేల్, కరుణ్‌ నాయర్, ఆకాశ్‌ దీప్, శార్దుల్‌ ఠాకూర్, ఇషాన్‌ కిషన్, తనుశ్‌ కొటియాన్, ముకేశ్‌ కుమార్, హర్షిత్‌ రాణా, అన్షుల్‌ కంబోజ్, ఖలీల్‌ అహ్మద్, సర్ఫరాజ్‌ ఖాన్, తుషార్‌ దేశ్‌పాండే, హర్ష్ దూబే బరిలోకి దిగనున్నారు. ఇంగ్లండ్‌తో సిరీస్‌కు ముందు అక్కడి పరిస్థితులను అర్థం చేసుకునేందుకు ఈ సన్నాహక మ్యాచ్‌లు సహకరించనున్నాయి. ఈ నేపథ్యంలో ఐపీఎల్‌ ప్లే ఆఫ్స్‌లో భాగం కాని... భారత టెస్టు జట్టు ఆటగాళ్లను బీసీసీఐ ముందే ఇంగ్లండ్‌ పంపింది. కరుణ్‌ నాయర్‌ మినహా... మిగిలిన ఆటగాళ్లందరికీ ఇదే తొలి ఇంగ్లండ్‌ పర్యటన. విరాట్‌ కోహ్లి, రోహిత్‌ శర్మ సుదీర్ఘ ఫార్మాట్‌ నుంచి తప్పుకున్న అనంతరం టీమిండియా ఆడనున్న తొలి టెస్టు సిరీస్‌ ఇదే కానుండటంతో... వారి స్థానాలను భర్తీ చేసే ఆటగాళ్లను ఎంపిక చేసుకునేందుకు ఈ మ్యాచ్‌ తోడ్పడనుంది. ప్రధాన సిరీస్‌లో భారత జట్టు బ్యాటింగ్‌ ఆర్డర్‌ను నిర్ణయించేందుకు కూడా ఈ సన్నాహక మ్యాచ్‌లు సహాయపడనున్నాయి. అభిమన్యు ఈశ్వరణ్, కరుణ్‌ నాయర్, ఆంధ్రప్రదేశ్‌ పేస్‌ ఆల్‌రౌండర్‌ నితీశ్‌ రెడ్డి ప్రదర్శనపై అందరి దృష్టి నిలవనుంది.ఆ్రస్టేలియా పర్యటనలో 298 పరుగులతో ఆకట్టుకున్న నితీశ్‌ రెడ్డి... ఐపీఎల్‌లో పెద్దగా ఆకట్టుకోలేకపోగా... ఇంగ్లండ్‌తో తుది జట్టులో చోటు దక్కాలంటే ఈ మ్యాచ్‌లో సత్తాచాటాల్సిన అవసరముంది. పేస్‌ ఆల్‌రౌండర్‌గా శార్దుల్‌ ఠాకూర్‌ నుంచి అతడికి పోటీ ఎదురు కానుంది. అశ్విన్‌ రిటైర్మెంట్‌ ప్రకటించిన నేపథ్యంలో... కొత్త స్పిన్నర్‌గా ఎవరు వెలుగులోకి వస్తారో చూడాలి.

ఐపీఎల్‌-2025 (IPL 2025) ముగిసిన తర్వాత టీమిండియా ఆటగాళ్లు అంతర్జాతీయ షెడ్యూల్‌తో బిజీకానున్నారు. ఇందులో భాగంగా భారత జట్టు తొలుత ఇంగ్లండ్‌ పర్యటనకు వెళ్లనుంది. ఇరుజట్ల మధ్య ఐదు మ్యాచ్‌ల సిరీస్‌తో ప్రపంచ టెస్టు చాంపియన్‌షిప్‌ (WTV) 2025-27 సీజన్‌ ఆరంభం కానుంది.తొలుత అనధికారిక టెస్టులుఅయితే, అంతకంటే ముందే భారత్‌-‘ఎ’- ఇంగ్లండ్‌ లయన్స్‌ (India A vs England Lions)తో తలపడనుంది. ఇరు జట్ల మధ్య రెండు అనధికారిక టెస్టులు జరుగుతాయి. మే 30 నుంచి తొలి మ్యాచ్, జూన్‌ 6 నుంచి రెండో మ్యాచ్‌ జరుగుతాయి. ఆ తర్వాత భారత సీనియర్‌ జట్టు, భారత ‘ఎ’ టీమ్‌ మధ్య కూడా జూన్‌ 13 నుంచి ఒక నాలుగు రోజుల మ్యాచ్‌ జరుగుతుంది.జైసూ, నితీశ్‌, గిల్‌, జురెల్‌ కూడాఈ నేపథ్యంలో భారత క్రికెట్‌ నియంత్రణ మండలి (BCCI) ఇంగ్లండ్‌ పర్యటనకు వెళ్లే భారత్‌-‘ఎ’ జట్టును ప్రకటించింది. ఈ క్రమంలో దేశవాళీ క్రికెట్‌ గత సీజన్‌లో అద్భుతంగా చెలరేగిన బ్యాటర్‌ కరుణ్‌ నాయర్‌కు భారత టెస్టు టీమ్‌లో పునరాగమనం చేసేందుకు మరో అవకాశం లభించింది. ఇంగ్లండ్‌ ‘ఎ’ జట్టుతో రెండు ఫస్ట్‌ క్లాస్‌ మ్యాచ్‌లలో తలపడేందుకు సెలక్టర్లు ఎంపిక చేసిన భారత ‘ఎ’ జట్టులో కరుణ్‌ నాయర్‌కు చోటు లభించింది. అదే విధంగా ఆస్ట్రేలియాతో బోర్డర్‌- గావస్కర్‌ ట్రోఫీ టెస్టు సిరీస్‌లో సభ్యులైన యశస్వి జైస్వాల్, ధ్రువ్‌ జురేల్, నితీశ్ కుమార్‌‌ రెడ్డి, హర్షిత్‌ రాణా, సర్ఫరాజ్‌ ఖాన్‌, ఆకాశ్‌దీప్‌లను కూడా భారత ‘ఎ’ జట్టుకి సెలక్టర్లు ఎంపిక చేశారు. ఇంగ్లండ్‌లో పరిస్థితులను అర్థం చేసుకునేందుకు యువ ఆటగాళ్లకు ఈ ఫస్ట్‌ క్లాస్‌ మ్యాచ్‌లు సరైన అవకాశంగా సెలక్టర్లు భావించారు.వారినే ఎంపిక చేయమని బీసీసీఐ ఆదేశం!?అయితే, ఈ జట్టు ఎంపిక సమయంలో బీసీసీఐ ఆచితూచి అడిగేసిందంటూ బోర్డు సన్నిహిత వర్గాలు వార్తా సంస్థ IANSకు ఆసక్తికర విషయాలు వెల్లడించాయి. ‘‘భారత్‌-‘ఎ’ జట్టు ఎంపిక విషయంలో ఒక విధమైన గందరగోళం నెలకొందనే చెప్పాలి. ఏ ఆటగాడిని తీసుకోవాలో అర్థం కాలేదు.అప్పుడు బీసీసీఐ సెలక్టర్లకు ఓ సలహా ఇచ్చింది. ఐపీఎల్‌-2025 ప్లే ఆఫ్స్‌నకు చేరని జట్ల నుంచి ఆటగాళ్లను ఎంపిక చేయమని చెప్పింది. వారికి ప్రాధాన్యం ఉండేలా చూసుకోమంది. ఎందుకంటే.. భారత్‌-‘ఎ’ జట్టు మే 25న ఇంగ్లండ్‌కు బయలుదేరాల్సి ఉంది’’ అని బీసీసీఐ సన్నిహిత వర్గాలు వార్తా సంస్థతో చెప్పుకొచ్చాయి.కాగా ఇంగ్లండ్‌కు వెళ్లే భారత్‌-‘ఎ’ జట్టులో గుజరాత్‌ టైటాన్స్‌ కెప్టెన్‌ శుబ్‌మన్‌ గిల్‌, ఓపెనర్‌ సాయి సుదర్శన్‌లు ఉన్నారు. వీరి టీమ్‌ ప్లే ఆఫ్స్‌ రేసులో ముందుంది. మిగతా ఆటగాళ్ల జట్లు రాజస్తాన్‌ రాయల్స్‌ (యశస్వి జైస్వాల్‌, ధ్రువ్‌ జురెల్‌), సన్‌రైజర్స్‌ హైదరాబాద్‌ (ఇషాన్‌ కిషన్‌, నితీశ్‌ రెడ్డి), చెన్నై సూపర్‌ కింగ్స్‌ (రుతురాజ్‌ గైక్వాడ్‌, ఖలీల్‌ అహ్మద్‌, అన్షుల్‌ కాంబోజ్ తదితరులు) ఇప్పటికే ప్లే ఆఫ్స్‌ పోటీ నుంచి నిష్క్రమించాయి.ఇంగ్లండ్‌ పర్యటనకు ఎంపిక చేసిన భారత్‌- ‘ఎ’ జట్టు అభిమన్యు ఈశ్వరన్‌ (కెప్టెన్‌), ధ్రువ్‌ జురేల్‌ (వైస్‌ కెప్టెన్‌), యశస్వి జైస్వాల్, కరుణ్‌ నాయర్, నితీశ్‌ కుమార్‌ రెడ్డి, శార్దుల్‌ ఠాకూర్, ఇషాన్‌ కిషన్, మానవ్‌ సుతార్, తనుశ్‌ కొటియాన్, ముకేశ్ కుమార్‌, ఆకాశ్‌దీప్, హర్షిత్‌ రాణా, అన్షుల్‌ కాంబోజ్, ఖలీల్‌ అహ్మద్, రుతురాజ్‌ గైక్వాడ్, సర్ఫరాజ్‌ ఖాన్, తుషార్‌ దేశ్‌పాండే, హర్ష్‌ దూబే, శుబ్‌మన్‌ గిల్, సాయిసుదర్శన్‌.చదవండి: రోహిత్‌ తల్లిదండ్రులు కన్నీటి పర్యంతం.. మామగారి వెనుక దాక్కున్న రితిక!

ఆస్ట్రేలియా పర్యటనలో భారత్‌-‘ఎ’ బ్యాటర్ల వైఫల్యం కొనసాగుతోంది. ఇప్పటికే తొలి టెస్టులో ఓడిన రుతురాజ్‌ సేన.. రెండో మ్యాచ్‌లోనూ శుభారంభం అందుకోలేకపోయింది. ఆట మొదటి రోజే స్వల్ప స్కోరుకు ఆలౌట్‌ అయింది. ఆసీస్‌ బౌలర్ల ధాటికి తాళలేక తొలి ఇన్నింగ్స్‌లో 161 పరుగులకే కుప్పకూలింది.తొలి టెస్టులో ఓటమికాగా ఆసీస్‌-‘ఎ’- భారత్‌-‘ఎ’- జట్ల మధ్య రెండు మ్యాచ్‌ల అనధికారిక టెస్టు సిరీస్‌ జరుగుతోంది. ఇందులో భాగంగా మెకే వేదికగా జరిగిన తొలి మ్యాచ్‌లో ఆస్ట్రేలియా ఏడు వికెట్ల తేడాతో గెలుపొందింది. భారత కెప్టెన్‌ రుతురాజ్‌ గైక్వాడ్‌ సహా ప్రధాన ఆటగాళ్లంతా విఫలం కావడంతో ఈ మేర పరాభవం తప్పలేదు.అదొక్కటే సానుకూలాంశంఇక ఈ మ్యాచ్‌ రెండో ఇన్నింగ్స్‌లో సాయి సుదర్శన్‌ సెంచరీ చేయడం ఒక్కటే సానుకూలాంశం. ఈ క్రమంలో ఓటమిభారంతో గురువారం రెండో టెస్టు మొదలుపెట్టిన భారత జట్టు.. మరోసారి విఫలమైంది. రుతు, అభిమన్యు, కేఎల్‌ రాహుల్‌ ఫెయిల్‌మెల్‌బోర్న్‌ వేదికగా టాస్‌ ఓడి తొలుత బ్యాటింగ్‌కు దిగింది భారత్‌. అయితే, ఆసీస్‌ పేసర్ల ధాటికి టాపార్డర్‌ కకావికలమైంది. ఓపెనర్లలో అభిమన్యు ఈశ్వరన్‌ డకౌట్‌ కాగా.. కేఎల్‌ రాహుల్‌ కేవలం నాలుగు పరుగులకే వెనుదిరిగాడు. పెవిలియన్‌కు గత మ్యాచ్‌లో శతకం బాదిన వన్‌డౌన్‌ బ్యాటర్‌ సాయి సుదర్శన్‌ ఈసారి సున్నాకే అవుట్‌కాగా.. కెప్టెన్‌ రుతురాజ్‌(4) మరోసారి తీవ్రంగా నిరాశపరిచాడు.ధ్రువ్‌ జురెల్‌ అద్భుత ఇన్నింగ్స్‌ఈ క్రమంలో మిడిలార్డర్‌లో దేవ్‌దత్‌ పడిక్కల్‌(26) కాసేపు పోరాడగా.. వికెట్‌ కీపర్‌ బ్యాటర్‌ ధ్రువ్‌ జురెల్‌ అద్భుత ఇన్నింగ్స్‌ ఆడాడు. క్రీజులో పట్టుదలగా నిలబడిన ఈ కుడిచేతి వాటం బ్యాటర్‌ 186 బంతులు ఎదుర్కొని 6 ఫోర్లు, 2 సిక్స్‌ల సాయంతో 80 పరుగులు సాధించాడు.నితీశ్‌ రెడ్డి మరోసారిమిగతా వాళ్లలో ఆల్‌రౌండర్‌ నితీశ్‌ రెడ్డి(16) మరోసారి నిరాశపరచగా.. మరో ఆల్‌రౌండర్‌ తనుష్‌ కొటియాన్‌(0), టెయిలెండర్లు ఖలీల్‌ అహ్మద్‌(1) సింగిల్‌ డిజిట్‌ స్కోర్లకే పరిమితమయ్యారు. ప్రసిద్‌ కృష్ణ 14 పరుగులు చేయగా.. ముకేశ్‌ కుమార్‌ 5 పరుగులతో నాటౌట్‌గా నిలిచాడు.చెలరేగిన నాసెర్‌ఆసీస్‌ బౌలర్లలో పేసర్‌ మైకేల్‌ నాసెర్‌ నాలుగు వికెట్లతో చెలరేగగా.. స్పిన్నర్‌ బ్యూ వెబ్‌స్టర్‌ 3 వికెట్లు పడగొట్టాడు. స్కాట్‌ బోలాండ్‌ కేఎల్‌ రాహుల్‌ రూపంలో కీలక వికెట్‌ దక్కించుకోగా.. స్పిన్నర్‌ కోరే రోచిసియెలి, కెప్టెన్‌ నాథన్‌ మెక్స్వినే(జురెల్‌ వికెట్‌) తలా ఒక వికెట్‌ తమ ఖాతాలో వేసుకున్నారు. ఇదిలా ఉంటే.. ఆస్ట్రేలియాతో ప్రతిష్టాత్మక బోర్డర్‌- గావస్కర్‌ ట్రోఫీ(బీజీటీ)కి ముందు కేఎల్‌ రాహుల్‌, ధ్రువ్‌ జురెల్‌లను ముందుగానే బీసీసీఐ అక్కడికి పంపించింది. వీరిలో జురెల్‌ హిట్‌ కాగా.. రాహుల్‌ మరోసారి విఫలమయ్యాడు. ఇక బీజీటీ ఆడే టీమిండియాలో చోటు దక్కించుకున్న నితీశ్‌ రెడ్డి, అభిమన్యు ఈశ్వరన్‌ తీవ్రంగా నిరాశపరుస్తున్నారు. చదవండి: WI Vs ENG: కెప్టెన్‌తో గొడవ.. మ్యాచ్‌ మధ్యలోనే వెళ్లిపోయిన విండీస్‌ స్టార్‌ ప్లేయర్‌! వీడియో

ఆస్ట్రేలియా పర్యటనలో భారత్‌-‘ఎ’ జట్టుకు శుభారంభం లభించలేదు. ఆసీస్‌తో గురువారం మొదలైన అనధికారిక టెస్టు తొలి రోజు ఆటలోనే రుతురాజ్‌ సేనకు గట్టి షాక్‌ తగిలింది. కంగారూ బౌలర్ల విజృంభణ నేపథ్యంలో భారత బ్యాటర్లు పెవిలియన్‌కు వరుస కట్టారు.బ్యాటర్లు విఫలంఓపెనర్లు అభిమన్యు ఈశ్వరన్‌(7), కెప్టెన్‌ రుతురాజ్‌ గైక్వాడ్‌(0) సహా బాబా ఇంద్రజిత్‌(9), వికెట్‌ కీపర్‌ ఇషాన్‌ కిషన్‌(4), నితీశ్‌ కుమార్‌ రెడ్డి(0), టెయిలెండర్లు మానవ్‌ సుతార్‌(1), ప్రసిద్‌ కృష్ణ(0) పూర్తిగా విఫలమయ్యారు.ఇక వన్‌డౌన్‌ బ్యాటర్‌ సాయి సుదర్శన్‌(21)తో పాటు దేవ్‌దత్‌ పడిక్కల్‌(36), టెయిలెండర్‌ నవదీప్‌ సైనీ(23) ఓ మోస్తరుగా రాణించడంతో భారత్‌ వంద పరుగులు దాటగలిగింది. 47.4 ఓవర్లలో 107 పరుగులకు ఆలౌట్‌ అయింది. ఆసీస్‌ బౌలర్లలో బ్రెండన్‌ డాగెట్‌ ఆరు వికెట్లతో సత్తా చాటగా.. మరో పేసర్‌ ఫెర్గూస్‌ ఒ నీల్‌, స్పిన్నర్‌ టాడ్‌ మర్ఫీ తలా ఒక వికెట్‌ పడగొట్టారు. Buckingham's got two! Watch #AUSAvINDA live: https://t.co/XcQLyyTDJ5 pic.twitter.com/RccWM8CX5R— cricket.com.au (@cricketcomau) October 31, 2024 ఆసీస్‌కూ ఆదిలోనే షాక్‌.. ‘జూనియర్‌ రికీ పాంటింగ్‌’ డకౌట్‌ఈ క్రమంలో బ్యాటింగ్‌ మొదలుపెట్టిన ఆస్ట్రేలియా-ఎ జట్టుకు భారత పేసర్‌ ముకేశ్‌ కుమార్‌ ఆదిలోనే షాకిచ్చాడు. తన అద్భుత ఆట తీరుతో ‘జూనియర్‌ రికీ పాంటింగ్‌’గా పేరొందిన ఓపెనర్‌ స్యామ్‌ కన్‌స్టాస్‌(Sam Konstas)ను డకౌట్‌ చేశాడు. Mukesh gets Konstas in the first over! #AUSAvINDA pic.twitter.com/8E61yX0zTM— cricket.com.au (@cricketcomau) October 31, 2024మొత్తంగా మూడు బంతులు ఎదుర్కొన్న స్యామ్‌ ముకేశ్‌ బౌలింగ్‌లో షాట్‌ ఆడేందుకు ప్రయత్నించి వికెట్‌ కీపర్‌ ఇషాన్‌ కిషన్‌కు క్యాచ్‌ ఇచ్చాడు. పరుగుల ఖాతా తెరవకుండానే నిష్క్రమించాడు.టీమిండియాతో టెస్టుకు ఆసీస్‌ ఓపెనర్ల పోటీలో కాగా 19 ఏళ్ల స్యామ్‌ ఇప్పటి వరకు ఆరు ఫస్ట్‌క్లాస్‌ మ్యాచ్‌లు ఆడి రెండు శతకాలు బాదడం సహా సగటు 45.70గా నమోదు చేశాడు. భారత్‌-ఎ జట్టుతో మ్యాచ్‌లో గనుక రాణిస్తే తదుపరి టీమిండియాతో బోర్డర్‌ గావస్కర్‌ ట్రోఫీలో అతడు ఆస్ట్రేలియా ఓపెనర్‌గా బరిలో దిగే ఛాన్స్‌ లేకపోలేదు. అయితే, తొలి ఇన్నింగ్స్‌లో మాత్రం ముకేశ్‌ రూపంలో స్యామ్‌కు గట్టి షాక్‌ తగిలింది.పాతుకుపోయిన కెప్టెన్‌ఇదిలా ఉంటే.. ప్రసిద్‌ కృష్ణ సైతం అద్భుత బౌలింగ్‌తో ఆకట్టుకుంటున్నాడు. తొలుత కామెరాన్‌ బాన్‌క్రాఫ్ట్‌ను డకౌట్‌ చేసిన ప్రసిద్‌.. తర్వాత ఆసీస్‌-ఎ మరో ఓపెనర్‌​ మార్కస్‌ హ్యారిస్‌(17) వికెట్‌ పడగొట్టాడు. ఇలా టాపార్డర్‌ను భారత బౌలర్లు కుదేలు చేసినా.. మిడిలార్డర్‌లో వచ్చిన కెప్టెన్‌ నాథన్‌ మెక్స్వీనీ క్రీజులో పాతుకుపోయి ఇబ్బంది పెట్టాడు.అతడికి తోడుగా బ్యూ వెబ్‌స్టర్‌(33) రాణించాడు. అయితే, ముకేశ్‌ కుమార్‌ ఈ జోడీని విడదీయగా.. నాథన్‌కు జతైన కూపర్‌ కానొలీ సైతం పట్టుదలగా నిలబడ్డాడు. ఈ క్రమంలో తొలి రోజు ఆట పూర్తయ్యే సరికి ఆసీస్‌ 39 ఓవర్ల ఆటలో నాలుగు వికెట్ల నష్టానికి 99 పరుగులు చేసి.. పటిష్ట స్థితిలో నిలిచింది. గురువారం ఆట ముగిసే సరికి నాథన్‌ 29, కూపర్‌ 14 పరుగులతో క్రీజులో ఉన్నారు.ఆస్ట్రేలియా- ‘ఎ’ వర్సెస్‌ భారత్‌- ‘ఎ’ అనధికారిక తొలి టెస్టు(డే-1)👉వేదిక: గ్రేట్‌ బ్యారియర్‌ రీఫ్‌ ఎరీనా, మెక్‌కే👉టాస్‌: ఆస్ట్రేలియా-ఎ.. తొలుత బౌలింగ్‌👉భారత్‌ స్కోరు: 107👉ఆసీస్‌ స్కోరు: 99/4 (39).. తొలి ఇన్నింగ్స్‌లో తొలిరోజు భారత్‌ కంటే ఎనిమిది పరుగుల వెనుకంజతుదిజట్లుఆస్ట్రేలియా-ఎస్యామ్‌ కన్‌స్టాస్‌, మార్కస్ హారిస్, కామెరాన్ బాన్‌క్రాఫ్ట్‌, నాథన్ మెక్స్వీనీ (కెప్టెన్), బ్యూ వెబ్‌స్టర్‌, కూపర్ కానొలీ, జోష్ ఫిలిప్ (వికెట్ కీపర్), ఫెర్గూస్ ఓ నీల్, టాడ్ మర్ఫీ, బ్రెండన్ డోగెట్, జోర్డాన్ బకింగ్హామ్.భారత్‌- ఎరుతురాజ్ గైక్వాడ్ (కెప్టెన్), అభిమన్యు ఈశ్వరన్, సాయి సుదర్శన్, దేవ్‌దత్ పడిక్కల్, బాబా ఇంద్రజిత్, ఇషాన్ కిషన్ (వికెట్ కీపర్), నితీశ్‌ కుమార్‌ రెడ్డి, మానవ్ సుతార్, నవదీప్ సైనీ, ప్రసిద్‌ కృష్ణ, ముకేశ్‌ కుమార్.చదవండి: IPL 2025: షాకింగ్‌.. అతడి కోసం జడ్డూను వదులుకున్న సీఎస్‌కే!

ఆస్ట్రేలియా-‘ఎ’తో అనధికారిక తొలి టెస్టులో భారత-‘ఎ’ జట్టు ఆటగాళ్లు పూర్తిగా నిరాశపరిచారు. రంజీల్లో పరుగుల వరద పారించిన ఓపెనింగ్‌ బ్యాటర్‌ అభిమన్యు ఈశ్వరన్‌ 7 పరుగులకే పెవిలియన్‌ చేరగా.. కెప్టెన్‌ రుతురాజ్‌ గైక్వాడ్‌ డకౌట్‌గా వెనుదిరిగాడు.వన్‌డౌన్‌లో వచ్చిన సాయి సుదర్శన్‌(35 బంతుల్లో 21), నాలుగో నంబర్‌ బ్యాటర్‌ దేవ్‌దత్‌ పడిక్కల్‌(77 బంతుల్లో 36) ఫర్వాలేదనిపించగా.. ఆ తర్వాతి స్థానాల్లో వచ్చిన వాళ్లలో పేసర్‌ నవదీప్‌ సైనీ(23) మాత్రమే రెండంకెల స్కోరు చేయగలిగాడు.బాబా అపరాజిత్‌(9)తో పాటు వికెట్‌ కీపర్‌ ఇషాన్‌ కిషన్‌(4) విఫలం కాగా.. నితీశ్‌ కుమార్‌ రెడ్డి డకౌట్‌ అయ్యాడు. మానవ్‌ సుతార్‌ (1), ప్రసిద్‌ కృష్ణ(0) కూడా చేతులెత్తేశారు. ఆఖర్లో వచ్చిన ముకేశ్‌ కుమార్‌ 4 పరుగులతో అజేయంగా నిలిచాడు. ఇలా ఆసీస్‌ బౌలర్ల ధాటికి బ్యాటర్లంతా పెవిలియన్‌కు క్యూ కట్టడంతో 47.4 ఓవర్లలో 107 పరుగులకే భారత్‌ ఆలౌట్‌ అయింది. ఆస్ట్రేలియా బౌలర్లలో పేసర్‌ బ్రెండన్‌ డాగెట్‌ ఆరు వికెట్లతో చెలరేగగా.. మరో పేసర్‌ ఫెర్గూస్‌ ఒ నీల్‌, స్పిన్నర్‌ టాడ్‌ మర్ఫీ ఒక వికెట్‌ పడగొట్టాడు. మూకుమ్మడిగా విఫలంకాగా ఆస్ట్రేలియాతో జరిగే టెస్టు సిరీస్‌లో భారత తుది జట్టులో స్థానం దక్కించుకోవడమే లక్ష్యంగా భారత యువ ఆటగాళ్లు అనధికారిక టెస్టులపై దృష్టి పెట్టారు. ఈ రెండు మ్యాచ్‌ల సిరీస్‌లో సత్తా చాటి టీమ్‌ మేనేజ్‌మెంట్‌ను ఇంప్రెస్‌ చేయాలని పట్టుదలగా ఉన్నారు. ఈ క్రమంలో ఆసీస్‌-ఎతో గురువారం నుంచి భారత్‌-ఎ తొలి అనధికారిక టెస్టు మొదలైంది. అయితే, తొలి ఇన్నింగ్స్‌లోనే అందరూ మూకుమ్మడిగా విఫలం కావడం గమనార్హం. ముఖ్యంగా సీనియర్‌ టీమ్‌​కు ఎంపికైన అభిమన్యు ఈశ్వరన్‌, నితీశ్‌ కుమార్‌ రెడ్డి బ్యాటింగ్‌లో నిరాశపరచగా.. ప్రసిద్‌ కృష్ణ వికెట్లు తీస్తేనే సెలక్టర్ల దృష్టిని ఆకర్షించగలడు.దేశవాళీల్లో సత్తా చాటి... 11 ఏళ్ల ఫస్ట్‌ క్లాస్‌ కెరీర్‌లో ఈశ్వరన్‌ భారీగా పరుగులు సాధించినా దురదృష్టవశాత్తూ ఇప్పటి వరకు జాతీయ జట్టుకు ఆడే అవకాశం రాలేదు. 99 మ్యాచ్‌లలో అతను 7638 పరుగులు సాధించగా, ఇందులో 27 సెంచరీలు ఉన్నాయి. ఇక ఆసీస్‌-ఎతో జరుగుతున్న తాజా మ్యాచ్‌ అతడికి 100వ ఫస్ట్‌ క్లాస్‌ మ్యాచ్‌ .ఇంతటి అపార అనుభవం ఉన్న ఈశ్వరన్‌ పేరు పెర్త్‌లో జరిగే తొలి టెస్టు కోసం ఇప్పటికే పరిశీలనలో ఉంది. వ్యక్తిగత కారణాలతో కెప్టెన్‌ రోహిత్‌ శర్మ తొలి టెస్టుకు దూరం అయ్యే అవకాశం ఉండటంతో రెగ్యులర్‌ ఓపెనర్‌గా ఈశ్వరన్‌కే తొలి ప్రాధాన్యత ఉంది. గాయాల నుంచి కోలుకునిఇక గాయం నుంచి కోలుకొని పునరాగమనం చేసిన తర్వాత దులీప్‌ ట్రోఫీ, ఇరానీ, రంజీలలో పేసర్‌ ప్రసిధ్‌ కృష్ణ ఆడాడు. వీటిలో ప్రదర్శన గొప్పగా లేకపోయినా... అతని బౌలింగ్‌ శైలికి ఆసీస్‌ పిచ్‌లు సరిగ్గా సరిపోతాయి. ఇదే కారణంతో అతను సీనియర్‌ టీమ్‌లోకి ఎంపికయ్యాడు. ఐదు టెస్టుల సిరీస్‌కు ముందు తన ఫామ్‌ను అందుకోవడంతో పాటు ఫిట్‌నెస్‌ నిరూపించుకునేందుకు కూడా ప్రసిద్‌కు ఇది సరైన వేదిక కానుంది. ఐపీఎల్‌లో మెరుపు బ్యాటింగ్‌తోఆంధ్ర క్రికెటర్‌ నితీశ్‌ కుమార్‌ రెడ్డి పరిస్థితి వీరితో పోలిస్తే భిన్నం. ఐపీఎల్‌లో మెరుపు బ్యాటింగ్‌తో పాటు ఇటీవల బంగ్లాదేశ్‌పై టి20లో చెలరేగిన నితీశ్‌ ఫస్ట్‌ క్లాస్‌ రికార్డు అద్భుతంగా ఏమీ లేదు. ఇటీవల దులీప్‌ ట్రోఫీలో కూడా ఐదు ఇన్నింగ్స్‌లలో రెండు సార్లు డకౌట్‌ అయిన అతను... 48 ఓవర్లు బౌలింగ్‌ చేసి రెండే వికెట్లు తీశాడు.అయినా సరే శార్దుల్‌ ఠాకూర్‌లాంటి ఆల్‌రౌండర్‌ను కాదని నితీశ్‌ను సెలక్టర్ల టెస్టు టీమ్‌కు ఎంపిక చేశారు. గత ఏడాది రంజీ సీజన్‌లో 25 వికెట్లు తీసిన నితీశ్‌ ప్రదర్శన కూడా ఒక కారణం కాగా... వికెట్‌కు ఇరు వైపులా బంతిని చక్కగా స్వింగ్‌ చేసే అతని నైపుణ్యం ఆసీస్‌ పిచ్‌లపై పనికొస్తుందని వారు భావించారు. ఈ నేపథ్యంలో తానేంటో నిరూపించుకోవాల్సిన బాధ్యత నితీశ్‌పైనే ఉంది. టెస్టు క్రికెటర్లు కూడా... భారత్‌ తరఫున ఇంకా టెస్టులు ఆడని రుతురాజ్‌ గైక్వాడ్‌ నాయకత్వంలో భారత ‘ఎ’ జట్టు బరిలోకి దిగింది. ఇప్పటికే భారత్‌కు ఆడిన ఇషాన్‌ కిషన్, నవదీప్‌ సైనీ, దేవదత్‌ పడిక్కల్, ముకేశ్‌ కుమార్‌లాంటి ప్లేయర్లు మరోసారి ఎరుపు బంతితో తమ ఆటను నిరూపించుకోవాల్సి ఉంది.ఆసీస్‌ క్రికెటర్లకూ పరీక్షఇక రంజీ, దులీప్‌ ట్రోఫీలో రాణించి ఈ టీమ్‌కు ఎంపికైన బాబా ఇంద్రజిత్, రికీ భుయ్, ఖలీల్, తనుశ్‌ కొటియాన్, సాయిసుదర్శన్‌ రాణించడం వారి భవిష్యత్తుకు కీలకం. మరోవైపు ఆస్ట్రేలియా ‘ఎ’ జట్టులో కూడా పలువురు టెస్టు క్రికెటర్లు ఉన్నారు. మైకేల్‌ నెసర్, మార్కస్‌ హారిస్, స్కాట్‌ బోలండ్, కామెరాన్‌ బాన్‌క్రాఫ్ట్, టాడ్‌ మర్ఫీ ఆసీస్‌ ప్రధాన జట్టులోకి పునరాగమనం చేసే ప్రయత్నంలో తమ అదృష్టాన్ని మరోసారి పరీక్షించుకుంటున్నారు.ఇక పరిమిత ఓవర్ల పోటీల్లో సత్తా చాటిన జోష్‌ ఫిలిప్‌ కూడా ఇక్కడ రాణించి టెస్టు అరంగేట్రాన్ని ఆశిస్తున్నాడు. అందరికంటే ఎక్కువగా న్యూసౌత్‌వేల్స్‌కు చెందిన 19 ఏళ్ల ఓపెనర్‌ స్యామ్‌ కొన్‌స్టాస్‌పై ఆస్ట్రేలియా సెలక్టర్లు ఎక్కువగా దృష్టి పెట్టారు.‘జూనియర్‌ రికీ పాంటింగ్‌’గా అందరూ పిలుస్తున్న ఈ బ్యాటర్‌ 6 ఫస్ట్‌క్లాస్‌ మ్యాచ్‌లలో 2 సెంచరీలు సహా 45.70 సగటుతో పరుగులు సాధించాడు. ఇక్కడ బాగా ఆడితే భారత్‌తో టెస్టుకు అతడు కొత్త ఓపెనర్‌గా బరిలోకి దిగే అవకాశం కూడా ఉంది. ఈ నేపథ్యంలో ‘ఎ’ జట్ల పోరు కూడా ఆసక్తికరంగా సాగడం ఖాయం. చదవండి: IPL 2025: రిషభ్‌ పంత్‌ను వదులుకున్న ఢిల్లీ క్యాపిటల్స్‌Waking up early just to see Ruturaj score a golden duck. Bro not doing justice to his fans now pic.twitter.com/KDfzJmXXZ2— Div🦁 (@div_yumm) October 31, 2024

IND U-19 Vs AUS U-19 Test Series: వన్డే సిరీస్‌ను క్లీన్‌స్వీప్‌ చేసిన యువ భారత జట్టు.. ఆస్ట్రేలియాతో అండర్‌-19 అనధికారిక టెస్టు సిరీస్‌లోనూ శుభారంభం చేసింది. చెన్నై వేదికగా తొలి టెస్టులో యువ రెండు వికెట్ల తేడాతో గెలిచింది. తద్వారా సొంతగడ్డపై జరుగుతున్న రెండు మ్యాచ్‌ల సిరీస్‌లో 1–0తో ఆధిక్యంలో నిలిచింది.కాగా ఓవర్‌నైట్‌ స్కోరు 110/4తో బుధవారం మూడో రోజు రెండో ఇన్నింగ్స్‌ కొనసాగించిన ఆ్రస్టేలియా అండర్‌–19 జట్టు 67.4 ఓవర్లలో 214 పరుగులకు ఆలౌటైంది. రిలీ కింగ్‌సెల్‌ (48; 7 ఫోర్లు, ఒక సిక్స్‌) ఆసీస్‌ ఇన్నింగ్స్‌లో టాప్‌ స్కోరర్‌ కాగా... ఎయిడెన్‌ ఓ కానర్‌ (38 బంతుల్లో 35; 3 ఫోర్లు, 2 సిక్స్‌లు) వేగంగా ఆడాడు. ఇక యువ భారత బౌలర్లలో లెగ్‌స్పిన్నర్‌ మహమ్మద్‌ ఇనాన్‌ ఆరు వికెట్లతో చెలరేగాడు.మరోవైపు.. కెప్టెన్‌ సొహమ్‌ పట్వర్ధన్‌ మూడు వికెట్లు తన ఖాతాలో వేసుకున్నాడు. అనంతరం 212 పరుగుల లక్ష్యంతో బరిలోకి దిగిన యువభారత్‌ అద్భుత ‍ప్రదర్శనతో ఆకట్టుకుంది. 61.1 ఓవర్లలో 8 వికెట్లు కోల్పోయి 214 పరుగులు చేసి జయభేరి మోగించింది.అయితే, తొలి ఇన్నింగ్స్‌ సెంచరీ హీరో వైభవ్‌ సూర్యవంశీ (1) విఫలం కాగా.. నిత్య పాండ్యా (86 బంతుల్లో 51; 3 ఫోర్లు), నిఖిల్‌ కుమార్‌ (71 బంతుల్లో 55 నాటౌట్‌; 3 ఫోర్లు, 4 సిక్సర్లు) అర్ధశతకాలతో అదరగొట్టారు. ఛేజింగ్‌లో ఒత్తిడి పెరిగిపోతున్న సమయంలో భారీ షాట్లతో విరుచుకుపడి జట్టును గెలిపించిన నిఖిల్‌ కుమార్‌కు ‘ప్లేయర్‌ ఆఫ్‌ ది మ్యాచ్‌’అవార్డు దక్కింది. ఇక ఆస్ట్రేలియా బౌలర్లలో ఎయిడెన్‌ ఓ కానర్‌ నాలుగు, విశ్వ రామ్‌కుమార్‌ మూడు వికెట్లు తీశారు. ఇరు జట్ల మధ్య సోమవారం నుంచి రెండో అనధికారిక టెస్టు మొదలు కానుంది. చదవండి: ఇంగ్లండ్‌ బజ్‌బాల్‌ను టీమిండియా కాపీ కొట్టింది: వాన్‌

South Africa A vs India A, 2nd unofficial Test: సౌతాఫ్రికా-‘ఏ’ జట్టుతో అనధికారిక రెండో టెస్టులో టీమిండియా బ్యాటర్లు తిలక్‌ వర్మ, అక్షర్‌ పటేల్‌ అర్ధ శతకాలతో రాణించారు. యూపీకి చెందిన యువ వికెట్‌ కీపర్‌ బ్యాటర్‌ ధ్రువ్‌ జురేల్‌ సైతం హాఫ్‌ సెంచరీతో మెరిశాడు. కాగా ప్రొటిస్‌ యువ జట్టుతో రెండు మ్యాచ్‌ల అనధికారిక టెస్టు సిరీస్‌ ఆడేందుకు భారత్‌-ఏ జట్టు సౌతాఫ్రికా పర్యటనకు వెళ్లింది. ఈ క్రమంలో ఇరు జట్ల మధ్య తొలి టెస్టు డ్రాగా ముగియగా.. బెనోనీలో బాక్సింగ్‌ డే మొదలుకావాల్సిన రెండో టెస్టు వర్షం కారణంగా ఒకరోజు ఆలస్యంగా ఆరంభమైంది. టాస్‌ పడకుండానే తొలి రోజు ముగిసిపోగా.. రెండో రోజు ఆట సందర్భంగా టాస్‌ గెలిచిన భారత్‌-ఏ జట్టు తొలుత బౌలింగ్‌ ఎంచుకుంది. ఆవేశ్‌ ఖాన్‌కు ఐదు వికెట్లు ఆతిథ్య సౌతాఫ్రికా-ఏ జట్టును 263 పరుగులకు పరిమితం చేసింది. ప్రొటిస్‌ ఇన్నింగ్స్‌లో టెయిలెండర్‌ షెపో మొరేకీ 42 పరుగులతో టాప్‌ స్కోరర్‌గా నిలిచాడు. భారత పేసర్లలో ఆవేశ్‌ ఖాన్‌ అత్యధికంగా ఐదు వికెట్లతో చెలరేగగా.. నవదీప్‌ సైనీ ఒక వికెట్‌ పడగొట్టాడు. స్పిన్‌ ఆల్‌రౌండర్లు అక్షర్‌ పటేల్‌ రెండు, వాషింగ్టన్‌ సుందర్‌ ఒక వికెట్‌ దక్కించుకున్నారు.  ఈ క్రమంలో చివరిదైన నాలుగో రోజు ఆటలో భాగంగా.. శుక్రవారం బ్యాటింగ్‌ కొనసాగించిన భారత్‌-ఏ.. 95.4 ఓవర్లలో ఆరు వికెట్ల నష్టానికి 327 పరుగులు చేసింది. దీంతో ఫలితం తేలకుండానే ఈ మ్యాచ్‌ కూడా ముగిసిపోయింది.  అక్షర్‌ ధనాధన్‌ హాఫ్‌ సెంచరీ ఇక భారత్‌ ఇన్నింగ్స్‌లో హైదరాబాదీ స్టార్‌ తిలక్‌ వర్మ 169 బంతులు ఎదుర్కొని 50 పరుగులు సాధించగా.. అక్షర్‌ పటేల్‌ 61 బంతుల్లోనే అర్ధ శతకం పూర్తి చేసి అజేయంగా నిలిచాడు. వికెట్‌ కీపర్‌ ధ్రువ్‌ జురేల్‌ 69 పరుగులతో టాప్‌ స్కోరర్‌గా నిలిచాడు.  టాపార్డర్‌లో ఓపెనర్‌, కెప్టెన్‌ అభిమన్యు ఈశ్వరన్‌ 18, సాయి సుదర్శన్‌ 30, వన్‌డౌన్‌లో దిగిన రజత్‌ పాటిదార్‌ 33 పరుగులు సాధించారు. మిగతా వాళ్లలో సర్ఫరాజ్‌ ఖాన్‌ 34, వాషింగ్టన్‌ సుందర్‌(9- నాటౌట్‌) రన్స్‌ చేశారు. రోహిత్‌ సేనతో చేరిన భరత్‌ కాగా ఆంధ్ర క్రికెటర్‌, టీమిండియా వికెట్‌ కీపర్‌ కోన శ్రీకర్‌ భరత్‌ సారథ్యంలో భారత్‌-ఏ జట్టు సౌతాఫ్రికాకు వెళ్లింది. అతడి కెప్టెన్సీలో తొలి టెస్టు డ్రా చేసుకుంది. అయితే, భరత్‌ టీమిండియాతో చేరే క్రమంలో ‘ఏ’ జట్టుకు దూరం కాగా.. అభిమన్యు ఈశ్వరన్‌ అతడి స్థానంలో రెండో టెస్టులో జట్టును ముందుండి నడిపించాడు. ఇక అనధికారిక టెస్టుల్లో మ్యాచ్‌లు నాలుగు రోజుల పాటే సాగుతాయన్న విషయం తెలిసిందే.

సౌతాఫ్రికా-ఏ స్పిన్నర్‌ సెనురన్‌ ముత్తుసామి (లెఫ్ట్‌ ఆర్మ్‌ ఆర్థోడాక్స్‌ స్పిన్నర్‌) శ్రీలంక-ఏ జట్టును వారి స్వదేశంలో గడగడలాడిస్తున్నాడు. రెండు టెస్ట్‌ల అనధికారిక సిరీస్‌లో భాగంగా నిన్న (జూన్‌ 19) మొదలైన రెండో టెస్ట్‌లో ముత్తుసామి మరోసారి 5 వికెట్లు సాధించి, లంకేయులను ముప్పుతిప్పలు పెట్టాడు. ఈ సిరీస్‌లో ముత్తుసామి 5 అంతకంటే ఎక్కువ వికెట్లు పడగొట్టడం ఇది మూడోసారి. తొలి టెస్ట్‌ తొలి ఇన్నింగ్స్‌లో 7 వికెట్లు, రెండో ఇన్నింగ్స్‌లో 5 వికెట్లు పడగొట్టిన ముత్తుసామి.. ప్రస్తుతం జరుగుతున్న రెండో టెస్ట్‌ తొలి ఇన్నింగ్స్‌లో 6 వికెట్లు పడగొట్టాడు. మొత్తంగా ముత్తుసామి 3 ఇన్నింగ్స్‌ల్లో 18 వికెట్లు పడగొట్టాడు. ముత్తుసామి ధాటికి శ్రీలంక తొలి ఇన్నింగ్స్‌లో 290 పరుగులకు ఆలౌటైంది. లంక ఇన్నింగ్స్‌లో తొమ్మిదో నంబర్‌లో బ్యాటింగ్‌కు వచ్చిన మిలన్‌ రత్నాయకే (53) టాప్‌ స్కోరర్‌గా నిలువగా.. నిషాన్‌ మధుష్క (33), లసిత్‌ క్రూస్‌పుల్లే (27), భానుక (32), పసిందు సూరియబండార (41), లహిరు ఉదార (33), ఆర్‌ మెండిస్‌ (44) ఓ మోస్తరు స్కోర్లు సాధించారు. సఫారీ బౌలర్లలో ముత్తుసామితో (26.1-4-101-6) పాటు సిపామ్లా (2), విలియమ్స్‌ (1), స్వేన్‌పోయల్‌ (1) వికెట్లు సాధించారు. అనంతరం తొలి ఇన్నింగ్స్‌ ప్రారంభించిన సౌతాఫ్రికా.. 4 ఓవర్లలో వికెట్‌ నష్టానికి 7 పరుగులు చేసి, ఇన్నింగ్స్‌ను కొనసాగిస్తుంది. సఫారీ కెప్టెన్‌ టోనీ డి జోర్జి (0)ని ఇన్నింగ్స్‌ తొలి బంతికే విశ్వ ఫెర్నాండో ఎల్బీడబ్ల్యూగా ఔట్‌ చేశాడు. మాథ్యూ బ్రీట్‌జ్కీ (2), ట్రిస్టన్‌ స్టబ్స్‌ (5) క్రీజ్‌లో ఉన్నారు.   కాగా, ఈ సిరీస్‌లో భాగంగా జరిగిన తొలి టెస్ట్‌లో శ్రీలంక-ఏ 160 పరుగుల తేడాతో విజయం సాధించింది. అంతకుమందు జరిగిన 3 మ్యాచ్‌ల వన్డే సిరీస్‌ను సౌతాఫ్రికా-ఏ 2-1 తేడాతో కైవసం చేసుకుంది. 

మూడు వన్డేలు, రెండు టెస్ట్‌ల అనధికారిక సిరీస్‌ల కోసం సౌతాఫ్రికా ఏ జట్టు శ్రీలంకలో పర్యటిస్తుంది. ఈ పర్యటనలో తొలుత జరిగిన వన్డే సిరీస్‌ను సౌతాఫ్రికా 2-1 తేడాతో కైవసం చేసుకోగా.. నిన్న ముగిసిన తొలి టెస్ట్‌లో శ్రీలంక-ఏ విజయం సాధించి, సిరీస్‌లో 1-0 ఆధిక్యంలోకి వెళ్లింది. ఈ మ్యాచ్‌లో తొలుత బ్యాటింగ్‌ చేసిన శ్రీలంక.. తొలి ఇన్నింగ్స్‌లో 325 పరుగులకు ఆలౌట్‌ కాగా.. ఆ తర్వాత సౌతాఫ్రికా తొలి ఇన్నింగ్స్‌లో 131 పరుగులకే కుప్పకూలింది. అనంతరం శ్రీలంక రెండో ఇన్నింగ్స్‌లో 151 పరుగులకు ఆలౌట్‌ కాగా.. సౌతాఫ్రికా 185 పరుగులకే చాపచుట్టేసి, 160 పరుగుల తేడాతో ఓటమిపాలైంది.  లంకేయులకు ముప్పుతిప్పలు పెట్టిన సెనురన్‌ ముత్తుసామి.. ఈ మ్యాచ్‌లో శ్రీలంక​ భారీ తేడాతో విజయం సాధించినప్పటికీ.. సఫారీ స్పిన్నర్‌ సెనురన్‌ ముత్తుసామి అందరి దృష్టిని ఆకర్శించాడు. తొలి ఇన్నింగ్స్‌లో 7 వికెట్లు పడగొట్టిన ముత్తుసామి, రెండో ఇన్నింగ్స్‌లో సైతం అదే రేంజ్‌లో రెచ్చిపోయి 5 వికెట్లు పడగొట్టాడు. ఈ మ్యాచ్‌లో మొత్తం 12 వికెట్లు పడగొట్టిన ముత్తుసామి లంక బ్యాటర్లకు వారి స్వదేశంలో ముచ్చెమటలు పట్టించాడు. ముత్తుసామికి సహచర బౌలర్ల నుంచి సహకారం లభించకపోవడంతో లంక బ్యాటర్లు పైచేయి సాధించారు. బౌన్సీ పిచ్‌లు అధికంగా ఉండే సౌతాఫ్రికా లాంటి దేశం నుంచి వచ్చిన స్పిన్‌ బౌలర్‌ పరాయి గడ్డపై, అందులో ఉపఖండపు పిచ్‌లపై ఈ స్థాయిలో రెచ్చిపోవడం చాలా అరుదుగా జరుగుతుంది. ఇందుకే ముత్తుసామిపై ప్రశంసలు వెల్లువెత్తుతున్నాయి. తన జట్టు ఘోర పరాభవాన్ని ఎదుర్కొన్నా​, ముత్తుసామిని అందరూ ప్రశంసిస్తున్నారు. మున్ముందు ముత్తుసామి సౌతాఫ్రికా జాతీయ జట్టులో కీలకంగా మారతాడని విశ్లేషకులు అభిప్రాయపడుతున్నారు. కాగా, 29 ఏళ్ల ముత్తుసామి సౌతాఫ్రికా తరఫున ఇదివరకే అరంగేట్రం చేసి, 2 వికెట్లు పడగొట్టాడు.  

India A tour of Bangladesh, 2022- Bangladesh A vs India A, 2nd unofficial Test: బంగ్లాదేశ్‌- ఎ జట్టుతో రెండో అనధికారిక టెస్టులో భారత- ఎ జట్టు ఘన విజయం సాధించింది. అభిమన్యు ఈశ్వరన్‌ సారథ్యంలోని టీమిండియా ఇన్నింగ్స్‌ మీద 123 పరుగుల తేడాతో ఆతిథ్య జట్టుపై గెలుపొందింది. సిల్హెట్‌ వేదికగా మంగళవారం మొదలైన ఈ మ్యాచ్‌లో టాస్‌ గెలిచిన భారత జట్టు తొలుత బౌలింగ్‌ ఎంచుకుంది. విజృంభించిన బౌలర్లు ఈ క్రమంలో పేసర్‌ ముకేశ్‌ కుమార్‌ ఆరు వికెట్లతో చెలరేగగా.. జయంత్‌ యాదవ్‌, ఉమేశ్‌ యాదవ్‌ తలా రెండు వికెట్లు పడగొట్టారు. ఈ మేరకు భారత బౌలర్ల విజృం‍భణ నేపథ్యంలో బంగ్లా- ఎ జట్టు 252 పరుగులకు ఆలౌట్‌ అయి తొలి ఇన్నింగ్స్‌ను ముగించింది. కదం తొక్కిన బ్యాటర్లు ఇక భారత ఇన్నింగ్స్‌లో ఓపెనర్‌ యశస్వి జైశ్వాల్‌ నిరాశపరిచినా(12).. మరో ఓపెనర్‌ అభిమన్యు ఈశ్వరన్‌ అద్భుత సెంచరీతో మెరిశాడు. 248 బంతులు ఎదుర్కొని 157 పరుగులు సాధించాడు. అభిమన్యు కెప్టెన్‌ ఇన్నింగ్స్‌కు తోడు మిగతా వాళ్లలో ఛతేశ్వర్‌ పుజారా 52, వికెట్‌ కీపర్‌ బ్యాటర్‌ శ్రీకర్‌ భరత్‌ 77, జయంత్‌ యాదవ్‌ 83, సౌరభ్‌ కుమార్‌ 55, నవదీప్‌ సైనీ 50(నాటౌట్‌) సైతం అర్ధ శతకాలతో రాణించారు. మెరిసిన సౌరభ్‌ ఈ నేపథ్యంలో 147.1 ఓవర్లలో 9 వికెట్ల నష్టానికి 562 పరుగుల భారీ స్కోరు చేసిన అభిమన్యు సేన.. తొలి ఇన్నింగ్స్‌ను డిక్లేర్‌ చేసింది. ఇక తొలి ఇన్నింగ్స్‌లో భారత ఫాస్ట్‌బౌలర్‌ ముకేశ్‌ కుమార్‌ బంగ్లాను దెబ్బకొట్టగా.. రెండో ఇన్నింగ్స్‌లో స్పిన్నర్‌ సౌరభ్‌ కుమార్‌ 6 వికెట్లతో చెలరేగాడు. సమిష్టి కృషితో విజయభేరి ఉమేశ్‌ యాదవ్‌ రెండు, నవదీప్‌ సైనీ 2 వికెట్లు కూల్చారు. దీంతో.. నాలుగో రోజు ఆటలో భాగంగా శుక్రవారం నాటి రెండో సెషన్‌లోనే 8 వికెట్లు కోల్పోయిన ఆతిథ్య బంగ్లా జట్టు కథ ముగిసింది. ఇన్నింగ్స్‌ మీద 123 పరుగుల భారీ తేడాతో భారత- ఎ జట్టు జయభేరి మోగించింది. కాగా రెండు మ్యాచ్‌ల అనధికారిక సిరీస్‌లో భాగంగా మొదటి టెస్టు డ్రా కాగా.. రెండో టెస్టులో సమిష్టి కృషితో గెలుపొందిన భారత్‌ సిరీస్‌ను కైవసం చేసుకుంది.   భారత్‌- ఎ వర్సెస్‌ బంగ్లాదేశ్‌- ఎ రెండో అనధికారిక టెస్టు స్కోర్లు: భారత్‌-ఎ: 562/9 డిక్లేర్డ్‌ బంగ్లాదేశ్‌- ఎ: 252 & 187 చదవండి: Ind Vs Ban: మరీ బంగ్లా చేతిలో ఓడిపోతుందని ఊహించలేదు.. బీసీసీఐ ఆగ్రహం?! తిరిగి రాగానే రోహిత్‌తో.. IND Vs AUS: 12 ఏళ్ల తర్వాత.. ఎగిరి గంతేస్తున్న అభిమానులు

India A tour of Bangladesh, 2022 - Bangladesh A vs India A, 1st unofficial Test: భారత-‘ఎ’ జట్టుతో తొలి టెస్టులో బంగ్లాదేశ్‌ పరాజయం నుంచి తప్పించుకుంది. ఓపెనర్‌ బ్యాటర్‌ జకీర్‌ హసన్‌, వన్‌డౌన్‌ బ్యాటర్‌ నజ్ముల్‌ హొసేన్‌ షాంటో పర్యాటక జట్టు చేతిలో ఓటమి నుంచి బంగ్లాను కాపాడారు. వీరిద్దరి ప్రదర్శన కారణంగా కాక్స్‌ బజార్‌ వేదికగా జరిగిన నాలుగు రోజుల మొదటి టెస్టు డ్రాగా ముగిసింది. కాగా రెండు అనధికారిక టెస్టులు ఆడే నిమిత్తం బంగ్లాదేశ్‌కు వెళ్లింది. ఈ క్రమంలో నవంబరు 29న ఆరంభమైన తొలి టెస్టులో టాస్‌ గెలిచిన భారత-ఎ జట్టు కెప్టెన్‌ అభిమన్యు ఈశ్వరన్‌ తొలుత బౌలింగ్‌ ఎంచుకున్నాడు. ఆకట్టుకున్న బౌలర్లు ఈ నేపథ్యంలో భారత బౌలర్లు సౌరభ్‌ కుమార్‌ 4, నవదీప్‌ సైనీ 3 వికెట్లతో చెలరేగగా.. ముకేశ్‌ కుమార్‌ 2, అతిత్‌ షేత్‌ ఒక వికెట్‌ తీశారు. దీంతో ఆతిథ్య బంగ్లా-ఎ జట్టు 112 పరుగులకే కుప్పకూలి తొలి ఇన్నింగ్స్‌ను ముగించింది. సెంచరీలతో మెరిసినా ఈ క్రమంలో భారత ఓపెనర్లు యశస్వి జైశ్వాల్‌(145), అభిమన్యు ఈశ్వరన్‌(142) అద్బుత సెంచరీలతో రాణించగా.. వికెట్‌ కీపర్‌ బ్యాటర్‌ ఉపేంద్ర యాదవ్‌ 71 పరుగులతో అజేయంగా నిలిచాడు. దీంతో 132 ఓవర్ల వద్ద 5 వికెట్ల నష్టానికి భారత జట్టు మొదటి ఇన్నింగ్స్‌ను డిక్లేర్‌ చేసింది. ఆ ఒక్కడు పట్టుదలగా నిలబడి ఆ తర్వాత బంగ్లా ఓపెనర్‌ మహ్మదుల్‌ హసన్‌ జాయ్‌ను 21 పరుగులకే సౌరభ్‌ కుమార్‌ పెవిలియన్‌కు పంపాడు. అయితే, మరో ఓపెనర్‌ జకీర్‌ హసన్‌ పట్టుదలగా నిలబడి 402 బంతులు ఎదుర్కొని 172 పరుగులు చేశాడు. వన్‌డౌన్‌ బ్యాటర్‌ షాంటో 187 బంతుల్లో 77 పరుగులు సాధించాడు. ఈ క్రమంలో నాలుగో రోజు ఆట ముగిసే సమయానికి 9 వికెట్లు నష్టపోయిన బంగ్లా జట్టు 341 పరుగులు చేయగలిగింది. ఈ నేపథ్యంలో మ్యాచ్‌ డ్రాగా ముగిసిపోయింది. జకీర్‌ హసన్‌ ప్లేయర్‌ ఆఫ్‌ ది మ్యాచ్‌గా నిలిచాడు. భారత్‌-ఎ వర్సెస్‌ బంగ్లాదేశ్‌-ఎ తొలి టెస్టు స్కోర్లు: భారత్‌- 465/5 డిక్లేర్డ్‌ బంగ్లాదేశ్‌- 112 & 341/9 చదవండి: IND Vs BAN: షమీకి గాయం.. అతడి స్థానంలో యంగ్‌ బౌలర్‌.. బీసీసీఐ ప్రకటన IND Vs BAN: టీమిండియాతో వన్డే సిరీస్‌.. బంగ్లాదేశ్‌ కెప్టెన్‌గా లిటన్‌ దాస్‌

తిరువనంతపురం: దక్షిణాఫ్రికా ‘ఎ’తో జరిగిన చివరి అనధికారిక వన్డే మ్యాచ్‌లో భారత్‌ ‘ఎ’ 36 పరుగుల తేడాతో గెలిచింది. ఐదు వన్డేల సిరీస్‌ను 4–1తో కైవసం చేసుకుంది. వర్షం కారణంగా 20 ఓవర్లకు కుదించిన ఈ మ్యాచ్‌లో బ్యాటింగ్‌లో సంజూ సామ్సన్‌ మెరుపులు... బౌలింగ్‌లో శార్దుల్‌ ఠాకూర్‌ (3/9) విజృంభణ భారత విజయంలో ముఖ్యపాత్ర పోషించాయి. తొలుత భారత్‌ 20 ఓవర్లలో 4 వికెట్లకు 204 పరుగులు చేసింది. శిఖర్‌ ధావన్‌ (36 బంతుల్లో 51; 5ఫోర్లు, 2 సిక్స్‌లు), ‘ప్లేయర్‌ ఆఫ్‌ ద మ్యాచ్‌’ సంజూ సామ్సన్‌ (48 బంతుల్లో 91; 6 ఫోర్లు, 7 సిక్స్‌లు) రెండో వికెట్‌కు 135 పరుగులు జోడించారు.  అనంతరం దక్షిణాఫ్రికా 20 ఓవర్లలో 168 పరుగులకు ఆలౌటైంది. ఓపెనర్‌ హెండ్రిక్స్‌ ( 59; 10 ఫోర్లు) రాణించాడు.

తిరువనంతపురం: కీలక దశలో మెరుపు ఇన్నింగ్స్‌ ఆడిన భారత ‘ఎ’ జట్టు యువ వికెట్‌ కీపర్‌ ఇషాన్‌ కిషన్‌ (24 బంతుల్లో 55; 5 ఫోర్లు, 4 సిక్స్‌లు) దక్షిణాఫ్రికా ‘ఎ’ జట్టు ఆశలపై నీళ్లు చల్లాడు. శనివారం జరిగిన రెండో అనధికారిక వన్డేలో ఇషాన్‌ అద్భుత ఇన్నింగ్స్‌తో భారత్‌ ‘ఎ’ రెండు వికెట్ల తేడాతో గెలిచి ఐదు మ్యాచ్‌ల సిరీస్‌లో 2–0తో ఆధిక్యంలోకి వెళ్లింది. వర్షం కారణంగా 21 ఓవర్లకు కుదించిన ఈ మ్యాచ్‌లో టాస్‌ గెలిచిన భారత్‌ ‘ఎ’ కెప్టెన్‌ మనీశ్‌ పాండే ఫీల్డింగ్‌ ఎంచుకోగా... తొలుత బ్యాటింగ్‌కు దిగిన దక్షిణాఫ్రికా ‘ఎ’ 21 ఓవర్లలో 5 వికెట్లకు 162 పరుగులు చేసింది. జార్జి లిండే (25 బంతుల్లో 52 నాటౌట్‌; ఫోర్, 5 సిక్స్‌లు) అర్ధ సెంచరీతో మెరిపించాడు. కెప్టెన్‌ బవుమా (33 బంతుల్లో 40; 6 ఫోర్లు), క్లాసెన్‌ (27 బంతుల్లో 31; 3 సిక్స్‌లు) కూడా ధాటిగా ఆడారు. భారత్‌ ‘ఎ’ బౌలర్లలో దీపక్‌ చహర్, ఖలీల్‌ అహ్మద్, యజువేంద్ర చహల్, అక్షర్‌ పటేల్‌లకు ఒక్కో వికెట్‌ లభించింది. అనంతరం 163 పరుగుల లక్ష్యాన్ని భారత్‌ ‘ఎ’ 20 ఓవర్లలో 8 వికెట్లు కోల్పోయి అధిగమించింది. క్రీజులోకి వచ్చిన ప్రతి బ్యాట్స్‌మెన్‌ దూకుడుగా ఆడటంతో మరో ఓవర్‌ మిగిలి ఉండగానే భారత్‌ ‘ఎ’ లక్ష్యాన్ని ఛేదించింది. ఇషాన్‌ కిషన్‌కు జతగా అన్‌మోల్‌ప్రీత్‌ సింగ్‌ (19 బంతుల్లో 30; 2 ఫోర్లు, 2 సిక్స్‌లు) కృనాల్‌ పాండ్యా (15 బంతుల్లో 23 నాటౌట్‌; ఫోర్, సిక్స్‌) కూడా బ్యాట్‌ ఝళిపించారు. ఇషాన్‌ కిషన్‌కు ‘మ్యాన్‌ ఆఫ్‌ ద మ్యాచ్‌’ అవార్డు లభించింది. సిరీస్‌లోని మూడో వన్డే సోమవారం జరుగుతుంది.  

హుబ్లి: వికెట్‌ కీపర్‌ శ్రీకర్‌ భరత్‌ (117: 156 బంతుల్లో 14 ఫోర్లు, 1 సిక్స్‌) సమయోచిత సెంచరీతో ఆదుకోవడంతో శ్రీలంక ‘ఎ’తో రెండో అనధికార టెస్ట్‌లో భారత్‌ ‘ఎ’ తొలి ఇన్నింగ్స్‌లో 269 పరుగులకు ఆలౌట్‌ అయ్యింది. టాస్‌ గెలిచి తొలుత బ్యాటింగ్‌ తీసుకున్న భారత్‌కు ఆరంభంలోనే షాక్‌ ఎదురైంది. తొలి అనధికార టెస్ట్‌లో వరుసగా సెంచరీ, డబుల్‌ సెంచరీ బాదిన ఓపెనర్లు ప్రియాంక్‌ పాంచల్, అభిమన్యు ఈశ్వరన్‌ డకౌట్‌గా వెనుదిరిగారు. ఈక్రమంలో అన్మోల్‌ప్రీత్‌ సింగ్‌(65), సిద్ధేశ్‌ లాడ్‌(32) మూడో వికెట్‌కు 63 పరుగులు జోడించి ఆదుకున్నారు. అనంతరం అన్మోల్‌కు జతకలిసిన శ్రీకర్‌ భరత్‌ నాలుగో వికెట్‌కు 91 పరుగులు జోడించాడు. అన్మోల్‌ అవుటయ్యాక లోయరార్డర్‌తో కలసి జట్టు స్కోరును ముందుకు నడిపించాడు. ఈ క్రమంలో సెంచరీ పూర్తిచేసుకొని ఆఖరి వికెట్‌గా వెనుదిరిగాడు. లంక బౌలర్లలో లాహిరు కుమార, సందకన్‌ చెరో నాలుగు వికెట్లు పడగొట్టారు. అనంతరం మొదటి ఇన్నింగ్స్‌ ప్రారంభించిన శ్రీలంక శుక్రవారం ఆట ముగిసే సమయానికి 87 పరుగులకు 4 వికెట్లు కోల్పోయి కష్టాల్లో చిక్కుకుంది. ప్రస్తుతం క్రీజులో డిక్వెల్లా(27), ప్రియమల్‌ పెరీరా(7) ఉన్నారు. భారత్‌ బౌలర్లలో సందీప్‌ వారియర్, శివం దూబే చెరో 2 వికెట్లు పడగొట్టారు.


 ఆసీస్ ‘ఎ’తో అనధికారిక టెస్టు
  బ్రిస్బేన్: ఆస్ట్రేలియా ‘ఎ’తో జరుగుతున్న నాలుగు రోజుల అనధికారిక టెస్టులో భారత్ ‘ఎ’ జట్టు ఎదురీదుతోంది. ఓపెనర్ అఖిల్ (188 బంతుల్లో 82 బ్యాటింగ్; 6 ఫోర్లు, 3 సిక్సర్లు) రాణించడంతో శనివారం మూడో రోజు ఆట ముగిసే సమయానికి భారత్ ‘ఎ’ రెండో ఇన్నింగ్‌‌సలో 60 ఓవర్లలో 4 వికెట్లు కోల్పోరుు 158 పరుగులు చేసింది.
 అఖిల్‌తో పాటు సంజూ శామ్సన్ (34 బ్యాటింగ్) క్రీజులో ఉన్నాడు. ఇన్నింగ్‌‌స పరాజయం నుంచి తప్పించుకోవాలంటే భారత్ 108 పరుగులు చేయాల్సివుం డగా... చేతిలో ఆరు వికెట్లున్నారుు. అంతకుముందు 319/5 ఓవర్‌నైట్ స్కోరుతో ఆట కొనసాగించిన ఆస్ట్రేలియా ‘ఎ’ తొలి ఇన్నింగ్‌‌సలో 124.1 ఓవర్లలో 435 పరుగుల వద్ద ఆలౌటైంది. కార్ట్‌రైట్ (117; 15 ఫోర్లు, 1 సిక్స్) సెంచరీ పూర్తి చేసుకోగా, వైట్‌మన్ (51) అర్ధసెంచరీ చేశాడు.


 - ఆసీస్ ‘ఎ’ 268 ఆలౌట్
 - ఓజాకు ఐదు వికెట్లు
 చెన్నై: ఆస్ట్రేలియా ‘ఎ’తో జరుగుతున్న అనధికార టెస్టులో భారత్ ‘ఎ’ భారీ ఆధిక్యం దిశగా సాగుతోంది. అభినవ్ ముకుంద్ (40), కెప్టెన్ పుజారా (42) నిలకడగా ఆడటంతో శుక్రవారం మూడో రోజు ఆట ముగిసే సమయానికి భారత్ రెండో ఇన్నింగ్స్‌లో 46 ఓవర్లలో 3 వికెట్లకు 121 పరుగులు చేసింది. కరుణ్ నాయర్ (4 బ్యాటింగ్), శ్రేయస్ అయ్యర్ (4 బ్యాటింగ్) క్రీజులో ఉన్నారు. లోకేశ్ రాహుల్ (29) విఫలమయ్యాడు. ముకుంద్, పుజారా రెండో వికెట్‌కు 71 పరుగులు జోడించారు.
 
 ప్రస్తుతం టీమిండియా ఓవరాల్‌గా 154 పరుగుల ఆధిక్యంలో ఉంది. అంతకుముందు 185/4 ఓవర్‌నైట్ స్కోరుతో మూడో రోజు ఆట కొనసాగించిన ఆసీస్ తొలి ఇన్నింగ్స్‌లో 99.3 ఓవర్లలో 268 పరుగులకు ఆలౌటైంది. దీంతో భారత్‌కు 33 పరుగుల స్వల్ప ఆధిక్యం లభించింది. హ్యాండ్స్‌కాంబ్ (91) సెంచరీ చేజార్చుకున్నాడు. స్టోనిస్ (77) మెరుగ్గా ఆడారు. ఈ ఇద్దరు ఐదో వికెట్‌కు 154 పరుగులు జోడించారు. అయితే లోయర్ ఆర్డర్ పూర్తిగా నిరాశపర్చడంతో ఆసీస్ 35 పరుగుల తేడాతో చివరి ఆరు వికెట్లు చేజార్చుకుంది. హైదరాబాద్ స్పిన్నర్ ప్రజ్ఞాన్ ఓజా 5, మిశ్రా 3 వికెట్లు తీశారు.