Anantapur

అనంతపురం : రాష్ట్రంలో స్థానిక సంస్థల ఎన్నికలు, మున్సిపల్ ఎన్నికల ప్రక్రియను అధికార కూటమి ప్రభుత్వం ప్రజాస్వామ్య బద్ధంగా కాకుండా కేవలం పోలీసుల లాఠీలు, అక్రమ నిర్బంధాలతో పూర్తిగా ప్రహసనంగా మార్చేసిందని వైఎస్సార్‌సీపీ మాజీ ఎమ్మెల్యే తోపుదుర్తి ప్రకాష్ రెడ్డి తీవ్రస్థాయిలో ధ్వజమెత్తారు. శుక్రవారం అనంతపురంలోని పార్టీ జిల్లా కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. రాష్ట్ర వ్యాప్తంగా ఎంపీటీసీ, జడ్పీటీసీ ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా బలవంతంగా పత్రాలు లాక్కోవడం, వేసిన నామినేషన్లను అధికారులతో కుమ్మక్కై తిరస్కరించడం, పోలింగ్ ఏజెంట్లను, ముఖ్య నాయకులను రాత్రికి రాత్రే పోలీస్ స్టేషన్లలో నిర్బంధించి ఏకపక్షంగా రిగ్గింగ్‌లకు పాల్పడ్డారని ఆయన తీవ్ర ఆగ్రహం వ్యక్తం చేశారు. ఇది తెలుగుదేశం పార్టీకి, వైఎస్సార్ కాంగ్రెస్ పార్టీకి మధ్య జరిగిన ఎన్నిక కాదని, ప్రజల స్వేచ్ఛా హక్కులపై అధికార మదంతో ప్రభుత్వం కాకీ చొక్కాలను అడ్డుపెట్టుకుని చేసిన దాడి అని ఆయన స్పష్టం చేశారు.నామినేషన్ల అపహరణ.. అధికారులతో తిరస్కరణ..పెద్ద ఎత్తున అభ్యర్థుల చేతుల్లోంచి నామినేషన్ పత్రాలు బలవంతంగా లాక్కోవడం నీకే చెల్లింది చంద్రబాబూ?. నామినేషన్లను అడ్డుకోవడం ద్వారా మీరు వేలాది స్థానాల్లో ఏకగ్రీవాలు చేసుకుని మీరు అనుకున్న ప్రగతిని సాధించారు. ఇక ధైర్యం చేసి వేసిన నామినేషన్లలో కూడా కనీసం 30 శాతం నామినేషన్లను మీ అనుకూల ఆర్వోలతో స్క్రూటినీలో కావాలని రిజెక్ట్ చేయించారు. వేలాది సంఖ్యలో ఈ విధమైన అక్రమాలకు పాల్పడ్డారు.అక్రమ కేసులు, బెదిరింపు నోటీసులుఎన్నికల కంటే ముందే వైయస్సార్సీపీ నేతలు, కార్యకర్తలపై అడ్డగోలుగా అక్రమ కేసులు బనాయించారు. ప్రచారాల సందర్భంలోనూ తప్పుడు కేసులు పెట్టి, బైండోవర్లకు కట్టుబడి లేరంటూ ఒక్కొక్కరి నుంచి రూ.2 లక్షలు, రూ.5 లక్షలు వసూలు చేస్తామని బెదిరింపు నోటీసులు జారీ చేసి భయాందోళనలు సృష్టించారు.భారీగా ఏజెంట్ల నిర్బంధం.. వందలాది నేతల హౌస్ అరెస్టులు!ఎన్నికల రోజు ఉదయం 7 గంటలకు పోలింగ్ బూతుల్లో కూర్చోవాల్సిన వేలాది మంది వైయస్సార్సీపీ పోలింగ్ ఏజెంట్లను, గ్రామ స్థాయి ముఖ్య నాయకులను ముందు రోజు రాత్రి నుంచే పోలీసులు అక్రమంగా స్టేషన్లకు తీసుకెళ్లి నిర్బంధించారు. బయట ఉంటే ఓటర్లు ఎక్కడ వారిని చూసి ధైర్యంగా ఓటు వేయడానికి వస్తారేమోనన్న భయంతో వారిని బూతులకు రాకుండా అడ్డుకున్నారు. చివరకు నాలాంటి మాజీ ఎమ్మెల్యేలు, మాజీ మంత్రులు, నియోజకవర్గ సమన్వయకర్తలను సైతం వందల సంఖ్యలో ఇళ్లలోనే హౌస్ అరెస్టులు చేశారు. చంద్రబాబు నీ 40 ఏళ్ల రాజకీయ అనుభవాన్ని పక్కనపెట్టి, నీ కుమారుడు నడుపుతున్న 'రెడ్ బుక్ రాజ్యాంగం'లో ఇదొక నయా మైలేజ్.సుప్రీంకోర్టు ఆదేశాల బేఖాతరు.. సీసీటీవీల మాయాజాలం!ఇవి ఎలక్షన్లా లేక సెలెక్షన్లా? సుప్రీంకోర్టు ఇచ్చిన ఆదేశాలకు విలువ లేదా? నిష్పక్షపాతంగా ఎన్నికలు నిర్వహించాలని, ప్రతి పోలింగ్ కేంద్రంలో సీసీటీవీ నిఘా తప్పనిసరిగా ఉండాలని కోర్టు ఆదేశించినా ఎక్కడ పాటించారు? కేవలం 50 శాతం కేంద్రాల్లో మాత్రమే కెమెరాలు పెట్టి, ఆ ఫుటేజ్‌ను కూడా అభ్యర్థులకు ఇవ్వకుండా దాచిపెట్టారు. 7,762 ఎంపీటీసీ, 582 జడ్పీటీసీ స్థానాల్లో ఎన్నికల నిర్వహణపై తీవ్రమైన ఫిర్యాదులు వస్తే ఏ ఒక్క కలెక్టరైనా చర్యలు తీసుకున్నారా?"పరిటాల సునీత సొంత గడ్డపై దౌర్జన్యాలురామగిరి మండలం మాజీ మంత్రి పరిటాల సునీత సొంత మండలం, నసనకోట ఆమె సొంత గ్రామం. ఆ మండలంలోని ప్రతి గ్రామంలోనూ వైయస్సార్సీపీ ఏజెంట్లను బలవంతంగా అడ్డుకున్నారు. రామగిరి, కనగాపల్లి మండలాల్లో అధికార పార్టీ అరాచకాలను నిరసిస్తూ ఉదయం 11 గంటలకే దాదాపు ప్రతి ఎంపీటీసీ సెగ్మెంట్‌లో మా అభ్యర్థులు ఎన్నికల ప్రక్రియను బహిష్కరించి బయటకు వచ్చేశారు. స్వయంగా డీఎస్పీ రంగంలోకి దిగి, సీఐలు, ఎస్సైలకు టార్గెట్లు పెట్టి రిగ్గింగ్ చేయించే బాధ్యతలను మోశారు. టీడీపీ గుండాలకు ఫ్రీ హ్యాండ్ ఇచ్చి పోలీసులే స్వయంగా దగ్గరుండి రిగ్గింగ్ చేయించారు.రెండు గంటల్లో 30 వేల ఓట్లా?.. గిన్నిస్ బుక్ రికార్డు!పోలీసుల మద్దతుతో ఏకపక్షంగా రిగ్గింగ్ చేసుకుంటూ పోతే ఇక ఎన్నికలు ఎందుకు? కౌంటింగ్ ఎందుకు? ధర్మవరంలో కేవలం రెండు గంటల్లో (ఉదయం 9 నుంచి 11 గంటలకు) 30,000 ఓట్లు ఎలా నమోదయ్యాయి? చిలకలూరిపేటలో రెండు గంటల్లో 20,000 ఓట్లు ఎలా పడ్డాయి? గంటల వ్యవధిలో వేలాది ఓట్లు గుద్దేసిన ఈ విడ్డూరాన్ని గిన్నిస్ బుక్ ఆఫ్ వరల్డ్ రికార్డ్స్‌లో పెట్టాలి. విశాఖపట్నంలో సాయంత్రం 5 గంటల వరకు 9,19,367 ఓట్లు పోలైతే, పోలింగ్ ముగిసిన తర్వాత అర్ధరాత్రి 2:30 గంటలకు అదనంగా మరో 1,15,767 ఓట్లు ఎలా పెరిగాయి? చిత్తూరు మున్సిపల్ ఎన్నికల్లో పోలైన ఓట్ల కంటే కౌంటింగ్‌లో 7,000 ఓట్లు అదనంగా వచ్చాయి. పులివెందులలో పెట్రోల్ బాంబుల దాడులు, బ్యాలెట్ బాక్సుల భద్రతపై అనుమానాలు వ్యక్తం చేసినా పట్టించుకోలేదు.ప్రజలపై ప్రభుత్వ యుద్ధం.. ప్రజాస్వామ్యానికి చీకటి రోజు!డీజీపీ, ఐజీల నుంచి కింది స్థాయి కానిస్టేబుల్ వరకు, ఎలక్షన్ కమిషనర్, కలెక్టర్ల నుంచి ఎంపీడీవోల వరకు చంద్రబాబు ఆదేశాలతో కేవలం 45 రోజుల్లో ఎన్నికల నిర్వహణలో దొంగ రికార్డులు సృష్టించేందుకు పనిచేశారు. ఇది పార్టీల మధ్య జరిగిన ఎన్నిక కాదు, ప్రజల ఓటు హక్కుపై, స్వేచ్ఛపై అధికార మదంతో ప్రభుత్వమే కాకీ చొక్కాలను పంపి చేసిన దాడి. అంబేద్కర్ రాజ్యాంగానికి, గాంధీజీ గ్రామ స్వరాజ్య కలలకు ఇది అత్యంత క్షోభ కలిగించే దుర్దినం. నిరుద్యోగ యువతకు ఉద్యోగాలు ఇవ్వరు, సంక్షేమం అందించరు, సూపర్ సిక్స్ హామీలతో ప్రజలను మోసం చేసి చివరకు ఓటు హక్కును కూడా లాక్కుంటున్నారు. సోషల్ మీడియాలో పోస్టులు పెట్టే యువతను సైతం నిర్బంధిస్తున్నారు.ఎమర్జెన్సీ రోజులను తలపిస్తోంది.. ప్రజల తిరుగుబాటు ఖాయం!ప్రస్తుతం రాష్ట్రంలో 1975 నాటి ఎమర్జెన్సీ పరిస్థితులను కూటమి ప్రభుత్వం మరలా తీసుకొచ్చిందని తోపుదుర్తి ప్రకాష్ రెడ్డి మండిపడ్డారు. లాఠీలు, తూటాల బలంతో ప్రజాస్వామ్యాన్ని తొక్కివేస్తే ప్రజల్లో తిరుగుబాటు రాక మానదని... రెడ్ బుక్ రాజ్యాంగం వల్ల రాష్ట్రంలో ఎవరికైనా పట్టెడు అన్నం దక్కిందా? అని సూటిగా ప్రశ్నించారు. పోటీ జరిగిన ప్రతిచోటా వైఎస్సార్‌సీపీ గెలుస్తుందనే భయంతోనే రాప్తాడుతో సహా అనేక చోట్ల ఆర్వోలను కార్యాలయాలకు రాకుండా చేసి రేపటి కౌంటింగ్‌లోనూ కొత్త కొత్త రూల్స్ తెచ్చి అక్రమాలకు పాల్పడేందుకు కుట్రలు పన్నుతున్నారని ఆగ్రహం వ్యక్తం చేశారు. అధికారాన్ని అడ్డం పెట్టుకుని ప్రజలను అణచివేసిన నియంతలకు చరిత్రలో ఎలాంటి దుస్థితి పట్టిందో చంద్రబాబుకు, ఆయన కుమారుడికి అదే గతి పడుతుందని.. ప్రజలు అధఃపాతాళానికి తొక్కడం ఖాయమని హెచ్చరించారు.ఇదీ చదవండి: ‘కూటమికి నేరుగా గెలిచే దమ్ములేదు’

అనంతపురం జిల్లా రాప్తాడులో పదో తరగతి అమ్మాయిపై ఎలక్ట్రిక్ రంపంతో జరిగిన దాడి రాష్ట్రవ్యాప్తంగా తీవ్ర సంచలనం సృష్టించిన సంగతి తెలిసిందే. ఒక స్కూలు క్లాస్‌రూమ్‌లో జరిగిన ఈ ఘటనతో విద్యార్థులు, ఉపాధ్యాయులు తీవ్ర భయాందోళనకు లోనయ్యారు. యావత్తు దేశం ఉలిక్కిపడేలా చేసిన ఘటన ఇది. అయితే ఆ వేళ ఉన్మాది గోపిక అనే అమ్మాయిపై రంపంతో దాడిచేస్తుంటే..స్నేహితురాలు లక్ష్మీ ప్రాణాలు పణంగా పెట్టి కాపాడే ప్రయత్నం చేసింది.ఆ ఆకస్మిక దాడికి ఎవరికి వారు ప్రాణాలను కాపాడుకోవడానికి ప్రయత్నం చేసే తరుణంలో ఆమె చూపిన తెగువ అందరి హృదయాల్ని తాకడమే కాదు..ఆమె స్పందించిన తీరుకి సలాం అని జైజైలు కొట్టారు. అయితే ఈ ఘటనలో ఆమె కూడా తీవ్ర గాయలపాలైంది. ప్రతి ఒక్కరూ ఆమెను సాహసలక్ష్మీ అంటూ వేన్నోళ్లు కొనియాడారు. దీనిపై పారిశ్రామిక దిగ్గజం ఆనంద్‌ మహీంద్రా స్పందిస్తూ..ఎక్స్‌ పోస్ట్‌లో ఇలా రాసుకొచ్చారు. సదరు సాహసలక్ష్మీని రియల్‌ హీరో అంటూ ప్రశంసల వర్షం కురిపించారు. అంతేగాదు ప్రెండ్‌ కోసం ప్రాణాలు అడ్డుపెట్టి పోరాడిన తీరుకి ఫిదా అవుతూ ఆమె చదువుకు అవసరమయ్యే ఆర్థిక సాయం అందిస్తానని ప్రకటించారు. తన ఎడ్యుకేషన్‌ ట్రస్ట్‌ నన్హికలి అండగా ఉంటుందని ప్రకటించారు. ఆమె అసాధారణమైన యువతి అని, ధైర్యం అంటే భయపడకపోవడం కాదు, అవతలి వాళ్లపట్ల చూపే శ్రద్ధ అని అన్నారు. కాగా, ఈ ఘటనకు కారణమైన నిందితుడు హేమంత్‌ని గుర్తించి అరెస్టు చేశారు. అతడు బాధితురాలి మేనమామ అని, గత కొంతకాలంగా ప్రేమ పేరుతో వేధిస్తున్నట్లు సమాచారం. Yes a great suggestion & I agree. Will reach out to her family. @naralokesh— anand mahindra (@anandmahindra) November 5, 2026 ఇదీ చదవండి: దిండు ఖరీదే రూ. 40 వేలా..! స్పెషా​ల్టీ ఇదే..

సాక్షి, అనంతపురం: రాష్ట్ర వ్యాప్తంగా నిష్పక్షపాతంగా ఎన్నికలు జరిగి ఉంటే వైఎస్సార్‌సీపీ ప్రభంజనం చూసేవారని మాజీ ఎమ్మెల్యే అనంత వెంకటరామిరెడ్డి అన్నారు. అలాగే, టీడీపీ నేతలు రిగ్గింగ్ చేసినా ప్రజలు తననే గెలిపించారని అనంతపురం మేయర్ రమేష్ గౌడ్ చెప్పుకొచ్చారు. అనంతపురం మున్సిపల్‌ కార్పొరేషన్ ఎన్నికల్లో వైఎస్సార్‌సీపీ విజయం ప్రజలకు అంకితం అని అన్నారు. వైఎస్సార్‌సీపీ జిల్లా అధ్యక్షుడు మాజీ ఎమ్మెల్యే అనంత వెంకటరామిరెడ్డి అనంతపురంలో మీడియాతో మాట్లాడుతూ..‘ముఖ్యమంత్రి చంద్రబాబు ప్రజాస్వామ్యాన్ని గౌరవించాలి. రాష్ట్ర వ్యాప్తంగా నిష్పక్షపాతంగా ఎన్నికలు జరిగి ఉంటే వైఎస్సార్‌సీపీ ప్రభంజనం చూసేవారు. దాడులు, దౌర్జన్యాలతో గెలిచిన గెలుపు ఓ గెలుపేనా?. అనంతపురం మున్సిపల్‌ కార్పొరేషన్ ఎన్నికల్లో వైఎస్సార్‌సీపీ విజయం ప్రజలకు అంకితం. టీడీపీ కూటమి నేతలు ఎంతగా ప్రలోభాలు పెట్టినా చివరకు ప్రజాస్వామ్యమే గెలిచింది. కూటమి అధికారంలోకి వచ్చిన తర్వాత అనంతపురం నగరంలో టీడీపీ గూండాల అరాచకాలు పెరిగాయి. ప్రశాంతమైన అనంతపురం కోసం కృషి చేస్తాం. టీడీపీ కూటమి దౌర్జన్యాలపై రాజీలేని పోరాటాలు చేస్తామని అన్నారు.అనంతపురం మేయర్ రమేష్ గౌడ్ మాట్లాడుతూ..‘అనంతపురం చరిత్రలో ఎన్నడూ రిగ్గింగ్ జరగలేదు. రిగ్గింగ్ చేసినా ప్రజలు నన్నే గెలిపించారు. ఈ ఘనత వైఎస్సార్‌సీపీ అధినేత వైఎస్ జగన్‌కే దక్కుతుంది. కూటమి నేతలు ప్రలోభాలు పెట్టాలని చూసినా, దౌర్జన్యం చేసినా ప్రజలు వైఎస్సార్‌సీపీవైపే ఉన్నారు. అందరి సహకారంతో అనంతపురం నగర అభివృద్ధికి శాయశక్తులా కృషి చేస్తా’ అని చెప్పుకొచ్చారు.ఇదీ చదవండి: టీడీపీలో కానరాని గెలుపు కళ!

అనంతపురం: స్థానిక ఎన్నికల్లో నామినేషన్ల ప్రక్రియ మొదలుకొని,, పోలింగ్‌ జరిగే వరకూ ఎన్నో అరాచకాలకు పాల్పడింది కూటమి ప్రభుత్వం. ఇప్పుడు కూటమి అభ్యర్థులు గెలిచామని చెప్పుకుంటున్న ప్రతీ చోట అప్రజాస్వామికమే తాండవించింది.ఇది కేవలం తాము గెలిచామని చెప్పుకోవడానికి తప్పితే, ప్రజ్వాసామ్య బద్ధంగా ఎన్నికలు జరగలేదనేది జగమెరిగిన సత్యం. అయినా వైఎస్సార్‌సీపీ పలు చోట్ల సత్తా చూపెట్టింది. స్వయంగా మంత్రి సత్యకుమార్‌ అనుచరులు రిగ్గింగ్‌ చేసిన అనంతపురం డివిజన్‌-30లో వైఎస్సార్‌సీపీ ఘన విజయం సాధించడమే ఇందుకు నిదర్శనం. ఈ డివిజన్‌ 3వ బూత్‌లో కెమెరాల సాక్షిగా గుంప గుత్తగా ఓట్లు వేస్తూ మంత్రి సత్యకుమార్‌ అనుచరులు దొరికిపోయారు. తమకు అవకాశం వచ్చిందే తడువుగా భారీ రిగ్గింగ్‌కు పాల్పడ్డారు. అయితే ఇక్కడ ప్రజలు అత్యధిక సంఖ్యలో ఓటింగ్‌ హాజరై వైఎస్సార్‌సీపీకి జై కొట్టడంతో ఆ రిగ్గింగ్‌ వేషాలు ఇక్కడ పనిచేయలేదు. తద్వారా వైఎస్సార్‌సీపీ విజయం సాధించింది. ఈ డివిజన్‌లో వైఎస్సార్‌సీపీ తరఫున కార్పొరేటర్‌గా అభ్యర్థిగా బరిలోకి దిగిన శివరామిరెడ్డి 60కు పైగా ఓట్ల తేడాతో గెలిచారు. ఇదీ చదవండి: కౌంటింగ్‌లో గందరగోళం.. టీడీపీ కుట్రలు

అనంతపురం : ‘రేయ్‌.. నాకొడకా.. తేల్చుకుందాం..రా ’ అంటూ వైఎస్సార్‌సీపీ రాష్ట్ర కార్యదర్శి మదిగుబ్బ వీరాంజనేయులుపై టీడీపీ నేత మల్లికార్జునరెడ్డి బెదిరింపు ధోరణిలో బూతు పురాణం చర్చనీయాంశమైంది. ఏం జరిగిందంటే.... ఆత్మకూరు మండలంలో గత నెల 22న ప్రాదేశిక ఎన్నికల్లో భాగంగా వైఎస్సార్‌సీపీ అభ్యర్థులు నామినేషన్లు వేసేందుకు సిద్ధమయ్యారు. అడుగడుగునా అధికార పార్టీ నేతలు అరాచకాలు సృష్టించారు. అభ్యర్థులు నామినేషన్లు వేయకుండా అడ్డుతగిలారు. దీంతో మాజీ ఎమ్మెల్యే తోపుదుర్తి ప్రకాష్‌రెడ్డి తన పార్టీ కార్యకర్తలు, ఎంపీటీసీ అభ్యర్థులతో కలసి నామినేషన్లు వేయడానికి గత నెల 2న వెళ్తుండగా వడ్డుపల్లి వద్ద పోలీసులు అడ్డుకున్నారు. దీంతో వైఎస్సార్‌సీపీ కార్యకర్తలు, అభ్యర్థులు రాస్తారోకో చేశారు. ఇదే సమయంలో మదిగుబ్బకు చెందిన వైఎస్సార్‌సీపీ రాష్ట్ర కార్యదర్శి మదిగుబ్బ వీరాంజనేయులు ‘ఇదేమి రాజ్యం.. దోపిడీ రాజ్యం’ అంటూ అధికార పార్టీ నేతల ఆగడాలను నిరసిస్తూ నినాదాలు చేశాడు. దీంతో ఈ విషయాన్ని గుర్తుపెట్టుకున్న మదిగుబ్బకు చెందిన టీడీపీ నాయకుడు మల్లికార్జున రెడ్డి ఈ నెల 1న మదిగుబ్బ గ్రామంలో జరిగిన ఎన్నికల ప్రచారంలో రెచ్చిపోయాడు. ‘ రేయ్‌ నాకొడకా..తేల్చుకుందాం.. రేయ్‌.. వీరాంజనేయులు.. ఈ ఊర్లో నువ్వైనా ఉండాలి.. నేనైనా ఉండాలి.. రా’ అంటూ ఆగ్రహంతో ఊగిపోయాడు. అంతటితో ఆగకుండా ఇప్పటి నుంచి గూండాగిరీ చేస్తా.. ఎవరిని పిలుచుకుంటావో పిలుచుకో.. అంటూ రెచ్చిపోయాడు. మొన్న ఆత్మకూరులో నామినేషన్లు వేయడానికి వచ్చి ఎందుకు రాలేదు.. మీరు వచ్చింటే వెనక్కు వెళ్లనిచ్చేవాడిని కాదు.. అంటూ వీరాంజనేయులుపై ఆగ్రహం వ్యక్తం చేశాడు. ఈ నెల 5న ఓటింగ్‌ ఉంది కదా.. ఓటు వేయడానికి ఎవడొస్తాడో రండి.. నేనేంటో చూపిస్తా.. మీకు బడిత పూజ చేస్తా..అంటూ బెదిరింపు ధోరణితో ఊగిపోయాడు. ఇక ఎంపీపీ పదవి దక్కితే ఏం చేస్తారో..? ఆత్మకూరు మండలంలో ప్రస్తుతం 11 ఎంపీటీసీ స్థానాలకు గాను టీడీపీ నేతలు నామినేషన్ల పరిశీలనలో 4 స్థానాలు ఏకగ్రీవం చేసుకున్నారు. మదిగుబ్బ మల్లికార్జునరెడ్డిని టీడీపీ ఎంపీపీ అభ్యర్థిగా ప్రకటించారు. ఇప్పటికే నాలుగు స్థానాలు వచ్చాయి. ఇక రెండు స్థానాలు వస్తే ఎంపీపీ పదవి వస్తే ఇంకేం చేస్తారో అంటూ ప్రజలు భయాందోళనకు గురవుతున్నారు. ఇదీ చదవండి: అమ్మా భయమేస్తోంది.. నన్ను తీసుకెళ్లండి!

సాక్షి,అనంతపురం: ఆత్మకూరు అటవీ ప్రాంతంలో ఉద్రిక్త ఘటన చోటుచేసుకుంది. రాప్తాడు ఘటనలో నిందితుడిగా ఉన్న హేమంత్‌పై పోలీసులు కాల్పులు జరిపారు. అడవిలో దాక్కున్నాడనే సమాచారంతో తాము అక్కడికి చేరుకున్నామని, నిందితుడిని పట్టుకునేందుకు ప్రయత్నించిన పోలీసులపై హేమంత్ రాళ్లతో దాడి చేసి, అక్కడి నుంచి తప్పించుకునేందుకు యత్నించాడన్నారు పోలీసులు. ఈ క్రమంలో తాము అప్రమత్తమై ఆత్మరక్షణ కోసం నిందితుడిపై కాల్పులు జరిపామన్నారు..ఈ కాల్పుల్లో హేమంత్‌కు గాయాలయ్యాయి. వెంటనే అప్రమత్తమైన పోలీసులు క్షతగాత్రుడైన నిందితుడిని అత్యవసర చికిత్స నిమిత్తం ఆసుపత్రికి తరలించారు.

చదువుల గుడిలో లేదు రక్షణ... పాలకులది ఉదాసీన వీక్షణం! చదువుల తల్లి ఒడిలో నెత్తుటి మడుగులు... కూటమి రాజ్యంలో ఆడపిల్లల గుండెల్లో చావు కేకలు..కడప రూరల్‌ : ‘ఆడపిల్లల జోలికి వస్తే భయపడాలి‘ అంటూ మైకుల ముందు పాలకులు చెప్పే మాటలు కోటలు దాటుతుంటే, క్షేత్రస్థాయిలో ఉన్మాదుల అరాచకాలు మాత్రం బడుల గడపలు దాటి క్లాస్‌రూమ్‌లలోకి చొరబడుతున్నాయి. అనంతపురం జిల్లా రాప్తాడు హైస్కూల్లో పదో తరగతి చదువుకునే బాలికపై ఎలక్ట్రిక్‌ రంపంతో జరిగిన రాక్షస దాడి, కూటమి ప్రభుత్వ చేతకానితనానికి, కుప్పకూలిన శాంతిభద్రతలకు సజీవ సాక్ష్యంగా నిలుస్తోంది. ఎన్నో ఆశలతో, మరెన్నో కలలతో విద్యాసంస్థలకు వెళ్తున్న విద్యారి్థనులకు చావే శరణ్యమనేలా రాష్ట్రంలో మరణ మృదంగం మోగుతుండటంతో యావత్‌ సమాజం తీవ్ర ఆగ్రహావేశాలతో ఊగిపోతోంది.చేతగాని పాలన.. అరాచకానికి పరాకాష్టముఖ్యమంత్రి చంద్రబాబు నాయుడు, మంత్రి లోకేష్‌ పదేపదే శాంతిభద్రతల గురించి ఇచ్చే ఉపన్యాసాలకు, రాష్ట్రంలో రోజురోజుకూ దిగజారుతున్న పరిస్థితులకు ఎక్కడా పొంతన లేకుండా పోయింది. పాలకుల అసమర్థత వల్లే నిందితులకు చట్టాలన్నా, పోలీసులన్నా కనీస భయం లేకుండా పోయింది. ధర్మవరం మండలానికి చెందిన హేమంత్‌ అనే రాక్షసుడు ఏకంగా ప్రభుత్వ బడిలోకి, అదీ క్లాస్‌ రూమ్‌లోకి ఆయుధంతో వచ్చి దాడి చేస్తుంటే అడ్డుకునే నాథుడే కరువయ్యాడు. ఈ దారుణ దాడిలో సదరు బాలిక రక్తపు మడుగులో కుప్పకూలడమే కాకుండా, తోటి విద్యారి్థనులకు కూడా తీవ్ర గాయాలయ్యాయి.విద్యాసంస్థల్లో మరణ మృదంగంకూటమి ప్రభుత్వం ఏర్పడినప్పటి నుంచి రాష్ట్రంలోని ప్రభుత్వ, ప్రైవేట్‌ స్కూళ్లు, కాలేజీల్లో విద్యార్థినులపై వేధింపులు, దాడులు నిత్యకృత్యంగా మారాయి. ఎంతోమంది ఆడపిల్లలు బలవన్మరణాలకు గురవుతుంటే, మరికొందరు ఇలాంటి ఉన్మాదుల చేతిలో బలైపోతున్నారు. రక్షణ కల్పించాల్సిన ప్రభుత్వాలు చేతులెత్తేయడంతో, రాష్ట్రంలో క్రూరుల రాజ్యం నడుస్తోందన్న వానద బలంగా వినిపిస్తోంది. బడికి పంపే ఆడపిల్లలు క్షేమంగా తిరిగి ఇంటికి వస్తారా లేదా అన్న భయాందోళనల్లో తల్లిదండ్రులు కొట్టుమిట్టాడుతున్నారు. ప్రభుత్వ చేతకానితనాన్ని నిరసిస్తూ రాష్ట్రవ్యాప్తంగా తీవ్ర ఆందోళనలు వ్యక్తమవుతున్నాయి. విద్యాశాఖమంత్రి బాధ్యత వహించాలిప్రభుత్వ విద్యను బలోపేతం చేస్తాం, ప్రభుత్వ విద్యారంగాన్ని కాపాడుతామని విద్యాశాఖ మంత్రి లోకేష్‌ ప్రగల్భాలు పలికారు. విద్యార్థుల భవిష్యత్తును.. ప్రభుత్వ విద్యను గాలికి వదిలేశారు. విద్యార్థి సంఘాలకు, ప్రజాస్వామ్యవాదులకు విద్యా సంస్థల ప్రాంగణాల్లోకి అనుమతులు లేకుండా చేశారు. అప్రజాస్వామ్య పరిపాలన సాగిస్తున్నారు. స్కూళ్లు కాలేజీలలో అమ్మాయిలపై జరిగే దాడులకు విద్యాశాఖ మంత్రి బాధ్యత వహించాలి.– జి వలరాజు, రాష్ట్ర అధ్యక్షులు ఏఐఎస్‌ఎఫ్‌విద్యార్థునుల భద్రతపై ఆందోళన..రాప్తాడు లో జరిగిన సంఘటన అమానుషం. దీనికి పూర్తిగా ప్రభుత్వ వైఫల్యమే కారణం.చదువుకునే అమ్మాయిలకు రక్షణ లేకపోవడం ఆందోళన కలుగుతోంది. పాలకులు మాటలతో మసిపూసి మారేడు కాయ చేయకుండా, శాశ్వత చర్యలు చేపట్టాలి.– నాగేంద్ర కుమార్, రాష్ట్ర కార్యదర్శి, డెమోక్రటీవ్‌ స్టూడెంట్‌ ఫెడరేషన్‌

సాక్షి ప్రతినిధి, అనంతపురం: ప్రతిరోజు దాడులు.. దౌర్జన్యాలు.. బెదిరింపులు నిత్యకృత్యంగా మారాయి. ఫ్యాక్షన్‌ వద్దంటూ నీతులు చెప్పే జేసీ ప్రభాకర్‌రెడ్డి.. అదే ఫ్యాక్షన్‌ను తట్టి మరీ నిద్రలేపుతున్నాడు. తాడిపత్రి నియోజకవర్గాన్ని రాష్ట్రంలోనే అత్యంత సమస్యాత్మక ప్రాంతంగా చిత్రీకరించడంలో జేసీ సఫలీకృతమయ్యాడు. గంజాయి, బ్లేడ్‌బ్యాచ్, రౌడీ షిటర్లను వెంటేసుకుని తిరుగుతూ ప్రతిపక్ష వైఎస్సార్‌ సీపీ నేతలే లక్ష్యంగా దాడులకు ఉసిగొల్పుతున్నాడు. నిత్యం ఏదో ఒక ప్రాంతంలో అలజడి రేపుతుండడంతో జేసీ గూండా పాలనను ప్రజలు చీదరించుకుంటున్నారు. అప్రజాస్వామికంగా 30 వార్డుల ఏకగ్రీవం తాడిపత్రి మునిసిపాలిటీలో 48 వార్డులు ఉన్నాయి. నామినేషన్‌ కేంద్రాన్ని జేసీ ప్రభాకర్‌రెడ్డి పచ్చ మూకలతో అష్టదిగ్బంధం చేయడంతో 11, 14, 32, 33, 45 వార్డులకు వైఎస్సార్‌సీపీ తరఫున నామినేషన్‌ వేయలేకపోయారు. మిగిలిన 43 వార్డుల్లో అభ్యర్థులు నామినేషన్లు వేశారు. అయితే..నామినేషన్ల స్రూ్కటినీలో అధికారులు అప్రజాస్వామికంగా వ్యవహరించారు. పత్రాలన్నీ సక్రమంగానే ఉన్నప్పటికీ కొన్నింటిని చించేసి నామినేషన్లు తిరస్కరించారంటే జేసీ బెదిరింపులు ఏ స్థాయిలో ఉన్నాయో అర్థం చేసుకోవచ్చు. అధికార బలానికి గూండాలు, రౌడీలు తోడవ్వడంతో పాటు అధికారుల సహకారం ఉండడంతో తాడి పత్రిలో 30 వార్డులను టీడీపీ ఏకగ్రీవం చేసుకుంది. తీవ్ర భయాందోళనలో అభ్యర్థులు తాడిపత్రిలో మునిసిపల్‌ చైర్‌పర్సన్‌ స్థానంతో పాటు 18 వార్డుల్లోనే ఎన్నికలు జరగనున్నాయి. ఈ వార్డుల్లోనూ ప్రచారం చేసుకునేందుకు అభ్యర్థులు భయపడాల్సిన పరిస్థితి నెలకొంది. ఎన్నికలు సజావుగా జరిగితే జేసీ ఆగడాలు సాగవన్న ఉద్దేశంతో ప్రతిరోజూ ఎక్కడో ఒకచోట అలజడి సృష్టించడమే లక్ష్యంగా టీడీపీ రౌడీ మూకలు నడుచుకుంటున్నాయి. వందల సంఖ్యలో రౌడీలు రెండున్నరేళ్లుగా తాడిపత్రి నియోజకవర్గంలో శాంతిభద్రతలు పూర్తిస్థాయిలో దిగజారిపోయాయి. తాడిపత్రిలో 27 మంది వైఎస్సార్‌సీపీ నాయకులు ఏ ఎన్నికల్లో పోటీ చేసినా ఊరుకునేది లేదంటూ జేసీ బహిరంగంగానే హెచ్చరిస్తున్నా పోలీసులు చర్యలు తీసుకోవడం లేదు. జేసీ తన వెంట వందల సంఖ్యలో రౌడీలు, గంజాయి బ్యాచ్‌ను వెంటేసుకుని తిరుగుతూ ప్రత్యర్థుల ఇళ్లపై దాడులకు ఉసిగొల్పుతున్నాడు. ఆదివారం కూడా ఇదే తంతు ఈ నెల 25న ఆదివారం గన్నేవారిపల్లికాలనీకి చెందిన వైఎస్సార్‌సీపీ నాయకులను లక్ష్యంగా చేసుకున్నారు. స్థానిక సంస్థల ఎన్నికల్లో ఎలా పాల్గొంట్టార్రా మీరు.. అంటూ జేసీ అనుచరులు రాళ్లదాడి చేశారు. వందల మంది గుంపులుగా వచ్చి వైఎస్సార్‌ సీపీ నేత ప్రదీప్‌రెడ్డి ఇంటిపై పడి విచక్షణ రహితంగా దాడి చేయడంతో ఆయనకు తీవ్ర గాయాలయ్యాయి. కుటుంబ సభ్యులు వెంటనే స్పందించి ఆయన్ను ఆస్పత్రికి తరలించారు. ఈ ఘటనకు ముందే మాజీ ఎమ్మెల్యే కేతిరెడ్డి పెద్దారెడ్డి ఇంటిపై రాళ్లతో దాడులకు దిగారు. జేసీ అనుచరుల ఆగడాలపై వైఎస్సార్‌ సీపీ నేతలు ఎన్ని ఫిర్యాదులు ఇస్తున్నా పోలీసులు మాత్రం నిమ్మకు నీరెత్తినట్లు వ్యవహరిస్తున్నారు. స్థానిక ఎన్నికల నాటి నుంచి దాడులు ఇలా.. = ఈ నెల 15న తాడిపత్రి పట్టణంలోని శాస్త్రి నగర్‌లో వైఎస్సార్‌ సీపీ కౌన్సిలర్‌ అభ్యర్థి వేణుగోపాల్‌ ఇంటి వద్దకు వచ్చి ఎన్నికల్లో పోటీ చేస్తే చంపేస్తామంటూ బెదిరించారు. = నామినేషన్ల ప్రక్రియ ప్రారంభమైన 17వ తేదీనే నామినేషన్‌ వేసేందుకు వచ్చిన వైఎస్సార్‌ సీపీ రాష్ట్ర పబ్లిసిటీ వింగ్‌ కార్యదర్శి కేశవరెడ్డిని, పార్టీ నేత పేరం అమర్‌నాథరెడ్డిని రూరల్‌ సీఐ నారాయణరెడ్డి బలవంతంగా పంపించివేయడంలో జేసీ ఒత్తిళ్లు ఉన్నట్లు తెలుస్తోంది. = 18వ తేదీ వందలాది మంది గూండాలు, వీధి రౌడీలు సీఐ ఆరోహణరావు సమక్షంలోనే రాళ్లు, కర్రలు, రాడ్లతో దాడులు చేసి 14, 32, 33, 45 వార్డులకు వైఎస్సార్‌ సీపీ తరఫున నామినేషన్‌ వేయకుండా అడ్డుకున్నారు. = ఈ నెల 18వ తేదీన 24వ వార్డు అభ్యర్థి కొట్ల షఫీ ఇంటిపై దాడి చేసి, ఫరీ్నచర్‌ను ధ్వంసం చేశారు. ఒకటో వార్డు అభ్యర్థి మహమ్మద్‌ జాఫర్‌ సోదరుడు మాబాషాను కిడ్నాప్‌ చేశారు. = ఈ నెల 25న కేతిరెడ్డి పెద్దారెడ్డి ఇంటిపై రాళ్లదాడి చేశారు. అదే రోజు సాయంత్రం పట్టణంలోని వైఎస్సార్‌సీపీ కార్యకర్తలు షేక్షావలి, ప్రకాష్‌ లపై దాడికి దిగి తీవ్రంగా గాయపరిచారు.

అనంతపురం: తాడిపత్రి మాజీ ఎమ్మెల్యే కేతిరెడ్డి పెద్దారెడ్డిని పోలీసులు అక్రమంగా అదుపులోకి తీసుకున్నారు. స్వగ్రామం తిమ్మంపల్లిలో ఈ ఘటన జరిగింది. కేతిరెడ్డి పెద్దారెడ్డిని గత మూడు రోజులుగా పోలీసులు హౌస్ అరెస్ట్‌లో ఉంచారు. ఇవాళ ఉదయం తాడిపత్రి నుంచి కేతిరెడ్డి పెద్దారెడ్డి తిమ్మంపల్లి గ్రామానికి వెళ్లారు. తిమ్మంపల్లి వైఎస్సార్‌సీపీ ఎంపీటీసీ అభ్యర్థి నామినేషన్‌ను టీడీపీ నేతలు అడ్డుకున్నారు. టీడీపీ నేతల ఒత్తిడితో తిమ్మంపల్లి వైఎస్సార్‌సీపీ అభ్యర్థిని పీఎస్‌లో నిర్బంధించారు. వివరాలు తెలుసుకునేందుకు తిమ్మంపల్లి వెళ్లారు. ఆ సమయంలోనే ఆయనను పోలీసులు అదుపులోకి తీసుకున్నారు. అనంతరం కేతిరెడ్డి పెద్దారెడ్డిని తిమ్మంపల్లి నుంచి అనంతపురం తరలించారు. అనంతపురం నగరంలోని ఇంటి వద్ద కేతిరెడ్డి పెద్దారెడ్డిని పోలీసులు వదిలి వెళ్లారు. కేతిరెడ్డి పెద్దారెడ్డి హౌస్ అరెస్ట్‌ను కొనసాగించారు.

అనంతపురం ఎడ్యుకేషన్‌: ఎన్నికల విధుల కేటాయింపులో అధికారుల తీరు ఉపాధ్యాయుల్లో తీవ్ర చర్చకు దారితీస్తోంది. ఉద్యోగ విరమణ చేసినవారు, దివ్యాంగులు, రిటైర్మెంట్‌కు దగ్గరలో ఉన్నవారికీ జెడ్పీటీసీ, ఎంపీటీసీ ఎన్నికల విధులు కేటాయించడంతో ఉపాధ్యాయులు విస్మయం వ్యక్తం చేస్తున్నారు. మరోవైపు కొన్ని పాఠశాలల్లో పనిచేస్తున్న ఉపాధ్యాయులందరికీ డ్యూటీలు వేయడంతో శిక్షణ రోజుల్లో పాఠశాలలను ఎలా నిర్వహించాలనే ప్రశ్న తలెత్తుతోంది. జిల్లా వ్యాప్తంగా ఎన్నికల విధుల జాబితాలను పరిశీలించిన ఉపాధ్యాయులు, హెచ్‌ఎంలు అభ్యంతరాలు వ్యక్తం చేస్తున్నారు. ఉద్యోగ విరమణ చేసినా.. విధులా? అనంతపురంలోని అబ్దుల్‌ కలాం ఆజాద్‌ మున్సిపల్‌ కార్పొరేషన్‌ ఉర్దూ ఉన్నత పాఠశాల హెచ్‌ఎంగా పనిచేసిన అనంతరాజు శ్రీదేవి సెపె్టంబరు 30న ఉద్యోగ విరమణ చేశారు. అయినప్పటికీ ఆమెకు ఈ నెల 26, 29 తేదీల్లో అనంతపురం జేఎన్‌టీయూలో నిర్వహించే శిక్షణకు హాజరుకావాలంటూ ఉత్తర్వులు జారీ చేశారు. ఉద్యోగ విరమణ చేసిన వారికి సైతం ఎన్నికల విధులు కేటాయించడం ఎలా జరిగిందన్న ప్రశ్నలు వ్యక్తమవుతున్నాయి. దివ్యాంగులకూ తప్పని డ్యూటీలు అనంతపురం రూరల్‌ మండలం ఉప్పరపల్లి జెడ్పీహెచ్‌ఎస్‌లో తెలుగు పండిట్‌గా పనిచేస్తున్న నాగార్జునకు వంద శాతం దృష్టి వైకల్యం ఉంది. ఆలమూరు జెడ్పీహెచ్‌ఎస్‌ సోషల్‌ టీచర్‌ రమాదేవికి 90 శాతం వైకల్యం ఉండగా, రుద్రంపేట జెడ్పీహెచ్‌ఎస్‌ సోషల్‌ టీచర్‌ తిప్పయ్య కూడా దివ్యాంగుడే. కళ్యాణదుర్గం మండలం తిమ్మసముద్రం ఎంపీయూపీ పాఠశాలలో హిందీ స్కూల్‌ అసిస్టెంట్‌గా పనిచేస్తున్న టి.సమీవుల్లాఖాన్‌కు 55 శాతం శారీరక వైకల్యం ఉంది. వీరందరికీ ఎన్నికల విధులు కేటాయించారు. గతంలో ఎప్పుడూ ఎన్నికల విధులు కేటాయించని దివ్యాంగ టీచర్లకూ ఈసారి కేటాయించడం విశేషం. అనంతపురం నగరంలోని శారదా నగరపాలక ఉన్నత పాఠశాలలోనూ దివ్యాంగ ఉపాధ్యాయులకు విధులు కేటాయించినట్లు తెలిసింది. అందరికీ డ్యూటీలేస్తే బడులు నడిచేదెలా? అనంతపురం నగరంలోని ప్రభుత్వ ఉన్నత పాఠశాల నంబర్‌–1లో ఉపాధ్యాయులందరికీ ఎన్నికల విధుల ఉత్తర్వులు అందాయి. అనంతపురం రూరల్‌ మండలం సిండికేట్‌నగర్‌ జిల్లా పరిషత్‌ ఉన్నత పాఠశాలలోనూ ఇదే పరిస్థితి నెలకొంది. ఒకే పాఠశాలలో పనిచేసే ఉపాధ్యాయులందరినీ ఎన్నికల విధులకు కేటాయిస్తే, శిక్షణ జరిగే రోజుల్లో విద్యార్థులకు బోధన ఎలా కొనసాగించాలనే ఆందోళన హెచ్‌ఎంలను వేధిస్తోంది. పాఠశాలల నిర్వహణకు ప్రత్యామ్నాయ ఏర్పాట్లు చేయాల్సిన అవసరం ఉందని ఉపాధ్యాయులు అభిప్రాయపడుతున్నారు. మినహాయింపులపై స్పష్టత ఏదీ? ప్రత్యేక పరిస్థితులు ఉన్న ఉద్యోగులు, దివ్యాంగులకు ఎన్నికల విధుల నుంచి మినహాయింపు ఉంటుందని అధికారులు ప్రకటించినట్లు ఉపాధ్యాయులు చెబుతున్నారు. అయితే, విడుదలైన జాబితాల్లో దివ్యాంగులు, ఉద్యోగ విరమణ చేసినవారు, ఏడాదిలోపు పదవీ విరమణ చేయనున్నవారి పేర్లు ఉండటంపై అభ్యంతరాలు వ్యక్తమవుతున్నాయి. ప్రిసైడింగ్‌ ఆఫీసర్లు (పీఓలు), అసిస్టెంట్‌ ప్రిసైడింగ్‌ ఆఫీసర్లు (ఏపీఓలు), ఇతర పోలింగ్‌ ఆఫీసర్లుగా (ఓపీఓలు) విద్యాశాఖతో పాటు ఇతర శాఖల ఉద్యోగులను నియమించినప్పటికీ, ఎక్కువగా హెచ్‌ఎంలు, ఉపాధ్యాయులకే బాధ్యతలు కేటాయించారు. శనివారం సాయంత్రం విడుదలైన జాబితాలను పరిశీలించిన ఉపాధ్యాయులు ఖంగుతిన్నారు.

సాక్షి, అనంతపురం: బ్యాట్‌తో పరుగుల వరద.. బంతితో వికెట్ల వేట.. ఆటలో అంకితభావం.. ఇవే ఉమ్మడి అనంతపురం జిల్లాకు చెందిన పలువురు క్రికెటర్ల విజయానికి బాటలు వేస్తున్నాయి. అంతర్జాతీయ, జాతీయ, రాష్ట్రస్థాయి, రంజీ, దేశవాళీ, ఆంధ్ర ప్రీమియర్‌ లీగ్‌ (ఏపీఎల్‌) సహా వివిధ ఫార్మాట్లలో ప్రతిభను చాటుతూ ఉన్నతస్థాయికి ఎదుగుతున్న వీరు.. క్రికెట్‌ను కెరీర్‌గా ఎంచుకోవాలనుకునే యువ క్రీడాకారుల్లో కొత్త ఆశలు రేకెత్తిస్తున్నారు. మహిళలూ ముందంజలో.. క్రేజీ క్రీడ క్రికెట్‌లో పురుషులే కాదు మహిళలు కూడా ముందంజలో ఉంటున్నారు. ముఖ్యంగా ఆర్డీటీ అందిస్తున్న శిక్షణతో రాటుదేలిన క్రీడాకారులు జాతీయ, అంతర్జాతీయ స్థాయిలో ప్రతిభ చాటుతున్నారు. ఆర్డీటీ, స్థానిక అకాడమీల ప్రోత్సాహంతో జిల్లా క్రీడాకారులు జాతీయ, అంతర్జాతీయ వేదికలపై రాణిస్తూ ‘అనంత’ కీర్తిని ఇనుమడింపజేస్తున్నారు. ‘సాక్షి సండే స్పెషల్‌’లో పలువురు క్రీడాకారులు, వారి ఘనతల గురించి తెలుసుకుందాం.రన్‌మెషీన్‌పేరు : పి.అర్జున్‌ టెండూల్కర్‌ ఆటతీరు : కుడిచేతి ఓపెనింగ్‌ బ్యాటర్‌ – రైట్‌ ఆర్మ్‌ ఆఫ్‌ స్పిన్నర్‌ –ఆంధ్రప్రదేశ్‌ దేశవాళీ క్రికెట్‌లో తనకంటూ ప్రత్యేక గుర్తింపు తెచ్చుకున్న యువ క్రీడాకారుడు. క్రికెట్‌ దిగ్గజం పేరును పోలిన ఈ కుర్రాడు, తన ఆటతీరుతో అంచనాలను మించి రాణిస్తున్నాడు. స్వగ్రామం: గొట్లూరు గ్రామం, ధర్మవరం మండలం, శ్రీసత్యసాయి జిల్లా తల్లిదండ్రులు : పార్వతి, ఆదినారాయణ (క్రికెట్‌ అకాడమీ నిర్వాహకుడు) సాధించిన ఘనతలు : ఆంధ్ర అండర్‌–14, అండర్‌–16, అండర్‌–19, అండర్‌–23 జట్లు, అనంతపురం అండర్‌–16, అండర్‌–25 జట్లు. అలాగే ఆంధ్ర ప్రీమియర్‌ లీగ్‌ (ఏపీఎల్‌)లో వైజాగ్‌ వారియర్స్, కాకినాడ కింగ్స్, కోస్టల్‌ రైడర్స్‌ వంటి జట్లకు ప్రాతినిధ్యం వహించాడు. భారీ ఇన్నింగ్స్‌: ఆంధ్ర క్రికెట్‌ అసోసియేషన్‌ అండర్‌–23 మల్టీ–డే, ఇంటర్‌–డిస్ట్రిక్ట్‌ మ్యాచ్‌లలో ఏకంగా డబుల్‌ సెంచరీ (250+) సాధించాడు. కోచ్‌ : ఆర్‌.కుమార్‌ పరుగుల వీరుడు.. పేరు : కోగటం హనీష్‌ వీరారెడ్డి ఆటతీరు: లెఫ్ట్‌ హ్యాండ్‌ ఓపెనింగ్‌ బ్యాటర్‌ – రైట్‌ ఆర్మ్‌ ఆఫ్‌ స్పిన్నర్‌ స్వగ్రామం: అనంతపురం తల్లిదండ్రులు: కోగటం విజయ భాస్కరరెడ్డి (మాజీ డిప్యూటీ మేయర్‌), కె.శ్రీదేవి ఇతర వివరాలు: అండర్‌–19, అండర్‌–16 విభాగాలలో ఎన్‌సీఏ క్యాంప్‌కు హాజరయ్యాడు. కోచ్‌: టీవీ చంద్రమోహన్‌రెడ్డి సాధించిన ఘనతలు: ఆంధ్ర తరఫున అండర్‌–19, అండర్‌–16, అండర్‌ –23 జట్లలో రాణించాడు. ఏపీఎల్‌లో రాయలసీమ కింగ్స్, సింహాద్రి లయన్స్‌ జట్లకు ప్రాతినిధ్యం వహించి సెంచరీ సాధించాడు. కడపలో జరిగిన బీసీసీఐ వినూ మన్కడ్‌ ట్రోఫీలో డబుల్‌ సెంచరీ బాదాడు. సౌరాష్ట్రపై 245 పరుగులు, రాజస్తాన్‌పై సెంచరీ నమోదు చేశాడు. బౌలింగ్‌ బెబ్బులి పేరు : ఎం.దీపక్‌ ఆటతీరు: లెఫ్ట్‌ ఆర్మ్‌ ఫాస్ట్‌ బౌలర్‌– లెఫ్ట్‌ హ్యాండ్‌ బ్యాటర్‌ స్వగ్రామం: అనంతపురం తల్లిదండ్రులు: ఎం.రుద్రయ్య (హోటల్‌ నిర్వాహకుడు), ఎం.రూపా కోచ్‌లు: టీవీ చంద్రమోహన్‌రెడ్డి, ఆర్‌.కుమార్‌.సాధించిన ఘనతలు: ఆంధ్ర అండర్‌–16, అండర్‌–19, అండర్‌–23 జట్లకు ప్రాతినిధ్యం వహించాడు. 2025లో చాంపియన్‌గా నిలిచిన తుంగభద్ర లయన్స్‌ జట్టు తరఫున ఆడాడు. 2022–23లో సౌత్‌ ఇండి యా అండర్‌–19 జట్టుకు ప్రాతినిధ్యం వహించాడు. ఏపీఎల్‌లో 4 వికెట్ల హాల్‌ సాధించాడు. బీసీసీఐ ఇంటర్‌ స్టేట్‌ మ్యాచ్‌లలో అండర్‌ –16 (తమిళనాడుపై), అండర్‌–19 (మధ్యప్రదేశ్‌పై), అండర్‌–23 (తమిళనాడుపై) విభాగాల్లో ఐదు వికెట్ల హాల్‌ నమోదు చేశాడు. తిరుగులేని దత్తా పేరు : మచ్చా కె.దత్తారెడ్డి ఆటతీరు: రైట్‌ హ్యాండ్‌ ఓపెనింగ్‌ బ్యాటర్‌ – వికెట్‌ కీపర్‌ స్వగ్రామం : అనంతపురం తల్లిదండ్రులు: మచ్చా రామలింగారెడ్డి (జర్నలిస్ట్‌), లక్ష్మీదేవి కోచ్‌: ఆర్‌.కుమార్‌ సాధించిన ఘనతలు: ఆంధ్ర అండర్‌–14, అండర్‌–16 జట్లతో క్రికెట్‌ ప్రయాణం ప్రారంభించాడు. ఆంధ్ర అండర్‌–19 జట్టుకు వైస్‌ కెప్టెన్‌గా, ఎస్కేయూ క్రికెట్‌ జట్టుకు కెపె్టన్‌గా వ్యవహరించాడు. కూచ్‌ బెహర్‌ ట్రోఫీలో 470 పరుగులు చేసి అద్భుత ప్రదర్శన కనబరిచాడు. రంజీ ట్రోఫీ, కల్నల్‌ సీకే నాయుడు ట్రోఫీ, అండర్‌–23 స్టేట్‌ ఏ ట్రోఫీ, వినూ మన్కడ్‌ ట్రోఫీలలో ఆంధ్ర జట్టుకు ప్రాతినిధ్యం వహించాడు. అండర్‌–19 ఎన్‌సీఏ క్యాంపునకు ఎంపికయ్యాడు. అంతర్జాతీయ కీర్తి పేరు: బి.అనూష ఆటతీరు: లెఫ్ట్‌ ఆర్మ్‌ స్పిన్నర్‌ – లెఫ్ట్‌ హ్యాండ్‌ బ్యాటర్‌ స్వగ్రామం: బండ్లపల్లి, నార్పల మండలం తల్లిదండ్రులు: బారెడ్డి మల్లిరెడ్డి (రైతు), లక్ష్మీదేవి ఇతర వివరాలు: ఆంధ్ర తరఫున అండర్‌–16, అండర్‌–19, అండర్‌–23 జట్లకు ప్రాతినిధ్యం వహించింది. బీసీసీఐ క్యాంపుల్లో పాల్గొంది. ఇటీవలి డబ్ల్యూపీఎల్‌లో రాయలసీమ గ్జెన్స్‌ తరఫున ఆడి టోర్నీలో మొత్తం 9 వికెట్లు తీసింది. కోచ్‌: పి.శర్మాస్‌ వలి.సాధించిన ఘనతలు: ఆసియా క్రీడలు–2023లో బంగారు పతకం సాధించిన భారత మహిళా క్రికెట్‌ జట్టుకు ప్రాతినిధ్యం వహించింది. బంగ్లాదేశ్‌తో జరిగిన టి20, వన్డే టోర్నీలలో ఆడింది. జయహో.. జయంత్‌ పేరు : ఎ.జయంత్‌ కృష్ణ ఆటతీరు: రైట్‌ హ్యాండ్‌ మిడిల్‌ ఆర్డర్‌ బ్యాటర్‌ / రైట్‌ ఆర్మ్‌ ఆఫ్‌–బ్రేక్‌ బౌలర్‌ స్వగ్రామం: తాడిపత్రితల్లిదండ్రులు: కృష్ణ, శారద కోచ్‌: కేఎస్‌ షాబుద్దీన్‌సాధించిన ఘనతలు: ఆంధ్ర క్రికెట్‌ అసోసియేషన్‌ తరఫున జూనియర్, స్టేట్‌–లెవెల్‌ దేశవాళీ టోర్నీలలో (కూచ్‌ బెహర్‌ ట్రోఫీ, వినూ మన్కడ్‌ ట్రోఫీ) ప్రాతినిధ్యం వహించాడు. ఏసీఏ ఇంటర్‌–డిస్ట్రిక్ట్, స్టేట్‌ ప్రాబబుల్స్‌ మ్యాచ్‌లలో సెంచరీలు, డబుల్‌ సెంచరీ సాధించాడు. అహ్మదాబాద్‌ రిలయన్స్‌ కప్‌లో హాఫ్‌ సెంచరీతో రాణించాడు. అనంత ప్రీమియర్‌ లీగ్‌ (దినేష్‌ గ్రానైట్స్, తాడిపత్రి), వాల్మీకి ప్రీమియర్‌ లీగ్‌తో పాటు అనంతపురం తరఫున సీనియర్‌/ జూనియర్‌ టి20, వన్డే ఇంటర్‌–డిస్ట్రిక్ట్‌ స్క్వాడ్‌లలో పాల్గొన్నాడు. కూలీ బిడ్డ.. ఆటలో దిట్ట పేరు : జి.మల్లికార్జున ఆటతీరు: బౌలర్‌ (లెఫ్ట్‌ ఆర్మ్‌ ఆర్థోడాక్స్‌ స్పిన్‌), రైట్‌ హ్యాండెడ్‌ బ్యాటర్‌ స్వగ్రామం: రాప్తాడు తల్లిదండ్రులు: మహేష్‌ (లేట్‌), ఉమాదేవి (కూలీ).కోచ్‌: ఆర్‌.కుమార్‌. సాధించిన ఘనతలు: విజయ్‌ మర్చంట్‌ ట్రోఫీ (అండర్‌–16), కూచ్‌ బెహర్‌ ట్రోఫీ (అండర్‌–19), అండర్‌–23 ఆంధ్ర రాష్ట్ర జట్లకు ప్రాతినిధ్యం వహించాడు. వైజాగ్‌ వారియర్స్, తుంగభద్ర వారియర్స్‌ / అమరావతి రాయల్స్‌ తరఫున ఏపీఎల్‌లో ఆడాడు. హర్యానాతో జరిగిన కూచ్‌ బెహర్‌ ట్రోఫీ మ్యాచ్‌లో 10 వికెట్లు తీశాడు.

నలుగురు కూతుళ్ల చివరన ఒక్కగానొక్క కొడుకు..బాగా చదివిస్తే ప్రయోజకుడై.. అవసానదశలో ఆలనాపాలన చూసుకుంటాడని పేద తల్లిదండ్రులు ఆశించారు. డిగ్రీ వరకు చదివించారు.. తాహతుకు తగ్గట్టు కూతుళ్లకు పెళ్లిళ్లు చేశారు. అష్టకష్టాలు పడి కుటుంబాన్ని నెట్టుకొస్తున్న సమయంలో కొడుక్కు ప్రైవేట్‌ కంపెనీలో ఉద్యోగం వచ్చిందని సంబరపడ్డారు. కొడుకు కుటుంబ పెద్దగా మారి ఒడిదుడుకులు లేకుండా సాగుతున్న సమయంలో ఉన్నపళంగా అతను అదృశ్యమయ్యాడన్న వార్తతో తల్లిదండ్రులు తల్లడిల్లిపోయారు. ఏ క్లూస్‌ దొరకని కష్టతరమైన కేసులెన్నో ఛేదించిన పోలీసులు.. జంగమ మంజునాథ మిస్సింగ్‌ కేసును మాత్రం నేటికీ కొలిక్కి తీసుకురాలేకపోయారు. అవసాన దశలో తల్లిదండ్రులు ఐదేళ్లుగా కొడుకు కోసం ఎదురుచూస్తూనే ఉన్నారు. అసలు వస్తాడో, రాడో తెలియక వేదన చెందుతున్నారు.అనంతపురం: కణేకల్లు మండలం 43 ఉడేగోళం గ్రామానికి చెందిన జంగమ మేఘనాథస్వామి, నీలమ్మ దంపతులకు నలుగురు కూతుళ్లు, కొడుకు జంగమ మంజునాథ్‌ సంతానం. కొడుకును ఉన్నతంగా చదివిస్తే.. భవిష్యత్‌ బాగుంటుందని కలలు కన్నారు. డిగ్రీ పూర్తి చేసిన మంజు.. ‘స్పందన’ ఫైనాన్స్‌ సంస్థలో ఉద్యోగంలో చేరాడు. తొలుత కదిరి, గుంతకల్లు, రాయదుర్గం బ్రాంచీల్లో అసిస్టెంట్‌ మేనేజర్‌గా పని చేసిన అతన్ని కంపెనీ యాజమాన్యం 2021లో చిత్తూరు జిల్లా పూతలపట్టు బ్రాంచ్‌ మేనేజర్‌గా పదోన్నతి కల్పించి బదిలీ చేసింది. అక్కడ ఉద్యోగంలో చేరిన తొమ్మిది నెలల్లోనే మంజు అదృశ్యమయ్యాడు. ఇప్పటి వరకూ జాడలేదు. అక్కడ ఏం జరిగిందంటే? బ్రాంచ్‌ మేనేజర్‌ మంజుతో పాటు అతని కింద పని చేసే మరో ముగ్గురు ఉద్యోగులు ఖాతాదారులకిచ్చిన లోన్‌ డబ్బులు ఎప్పటికప్పుడు రికవరీ చేయడం..ఆ మొత్తాలను సంస్థ కరెంటు అకౌంట్‌లో జమ చేసేవారు. బ్రాంచ్‌ మేనేజర్‌గా చేరినప్పటి నుంచి కిందిస్థాయిలో పని చేస్తున్న ఇద్దరు ఉద్యోగులతో సఖ్యత లేదని, వారు తరచూ తనతో గొడవ పడుతున్నారని. ప్రశాంతంగా ఉద్యోగం చేయలేకపోతున్నానని మంజు ఫోన్‌లో తల్లిదండ్రులకు చెప్పేవాడు. లోన్‌ డబ్బు రికవరీ..కరెంటు అకౌంట్‌లో జమ చేసే విషయంలో వివాదాలొస్తున్నట్లు చెప్పి మదనపడేవాడు. సరిగ్గా తొమ్మిది నెలల పాటు ఉద్యోగం చేసిన మంజు ఉన్నట్టుండి అదృశ్యమయ్యాడు. సంబంధిత ఫైనాన్స్‌ సంస్థ గానీ, అక్కడ పని చేసేవారుగానీ అతని ఆచూకీ కోసం ఏమాత్రమూ ప్రయతి్నంచలేదు. పైగా మంజు.. ఫైనాన్స్‌ డబ్బులను అపహరించాడని, అతనిపై చర్యలు తీసుకోవాలని పోలీసులకు ఫిర్యాదు చేసి చేతులు దులిపేసుకున్నారు. మంజునాథ్‌ తల్లిదండ్రులు నీలమ్మ, మేఘనాథస్వామి, అక్క జ్యోతి నిందితుడైతే భౌతికంగా చూపించాలి కదా! ‘ఫైనాన్స్‌ సంస్థ డబ్బులను మంజు అపహరించి, ఉడాయించి ఉంటే భౌతికంగానైనా పట్టుకొని పోలీసులు అరెస్ట్‌ చేయాలి కదా..!’ అని తల్లిదండ్రులు అంటున్నారు. అసలు తమ కొడుకు ఎక్కడ ఉన్నాడు? అతని అదృశ్యం వెనుక కానివాళ్ల హస్తముందా..? ఇంతకీ అతను ఎలా అదృశ్యమయ్యాడు? అనే మిస్టరీని పోలీసులు ఛేదించాల్సి ఉన్నా.. ఆ దిశగా విచారణ చేయడం లేదని వాపోతున్నారు. వీరిది నిరుపేద కుటుంబం. ఎకరా పొలం మాత్రమే ఉంది. కుటుంబ బాధ్యతంతా మేఘనాథ్‌స్వామి చూస్తున్నాడు. బర్ఫీలు తయారు చేసి ఊరూరా తిరిగి అమ్ముతూ కుటుంబాన్ని పోషిస్తున్నాడు. చేతికొచ్చిన కొడుకు ఉద్యోగంలో చేరడంతో కష్టాలు, కన్నీళ్లను తుడుస్తాడని ఎన్నో కలలు కన్నారు. మంజు కూడా ఉద్యోగంలో చేరాక కుటుంబ బాధ్యతలను తన భుజస్కంధాలపై మోశాడు. అదృశ్యం తర్వాత ఆ కుటుంబ పరిస్థితి తలకిందులైంది. మంజు చిన్న అక్క జ్యోతి కూడా ప్రస్తుతం తల్లిదండ్రుల వద్దే ఉంటోంది. ఆమెతో పాటు ఇద్దరు కొడుకులూ ఉంటున్నారు. కుటుంబ కష్టాలు మరిన్ని చుట్టుముట్టాయని వృద్ధ దంపతులు కన్నీటిపర్యంతమవుతున్నారు.మేం చచ్చేలోపైనా ఆచూకీ తెలపండి ‘మా కొడుకు బతికి ఉన్నాడా? చచ్చడా? బతికి ఉంటే ఎక్కడ ఉన్నాడు? చెప్పండి.. చచ్చుంటే ఎక్కడ చచ్చాడో చెప్పండి... కనీసం ఎముకలైనా ఇవ్వండి..కడసారి అవైనా చూసుకొని సమాధి కట్టుకొని కడుపుకోత తీర్చుకుంటాం’ అంటూ తల్లిదండ్రులు నీలమ్మ, మేఘనాథస్వామి కన్నీటి పర్యంతమవుతున్నారు. ‘మా కొడుకు ఆచూకీ కోసం తిరగని స్టేషన్‌ లేదు.. అడగని పోలీసూ లేడు. పూతల పట్టు పోలీసుస్టేషన్, చిత్తూరు జిల్లా ఎస్పీ ఆఫీసు, రాయదుర్గం, కణేకల్లు పోలీసు స్టేషన్ల చుట్టూ తిరిగి తిరిగి విసిగిపోయాం. హైకోర్టులో కేసు కూడా వేశాం. మా కొడుకుపై దొంగతనం నేరం మోపారు. వాడు డబ్బు కాజేసే రకం కాదు! మా బిడ్డను వెతికి తీసుకొస్తే ఎలాగోలా ఎన్ని లక్షలైనా కడతామని పూతలపట్టు పోలీసులను వేడుకున్నాం. అక్కడ వారం రోజుల పాటు ఉన్నాం.. అయినా పోలీసులు కరుణించలేదు. మొదట్లో నాలుగైదు రోజుల పాటు తూతూమంత్రంగా విచారణ చేసి, తర్వాత కేసును గాలికి వదిలేశారు’ అంటూ వారు వాపోయారు.

సాక్షి, అనంతపురం: అనంతపురం టీడీపీ ఎమ్మెల్యే దగ్గుపాటి ప్రసాద్‌పై ఓ వివాహిత మహిళ చేసిన ఆరోపణలు రాజకీయంగా చర్చనీయాంశంగా మారాయి. తనకు రావాల్సిన రూ.60 లక్షల బకాయి అడిగితే ఎమ్మెల్యే, ఆయన అనుచరులు బెదిరింపులకు పాల్పడుతున్నారని.. వేధింపులకు గురిచేస్తున్నట్టు ఆవేదన వ్యక్తం చేశారు. పదేపదే వాట్సాప్‌ కాల్స్‌ చేస్తున్నారని ఆరోపించారు. ఈ క్రమంలో వారి మధ్య ఫోన్‌ కాల్స్‌ సోషల్‌ మీడియాలో వైరల్‌గా మారాయి.బాధితురాలు తెలిపిన వివరాల ప్రకారం.. అనంతపురంలోని భైరవనగర్‌లో తనకు ఉన్న 10 సెంట్ల స్థలాన్ని ఎమ్మెల్యే దగ్గుపాటి ప్రసాద్‌కు రూ.70 లక్షలకు విక్రయించినట్లు పేర్కొన్నారు. ఇందుకు సంబంధించి రూ.10 లక్షలకు చెక్కు ఇచ్చారని, మిగిలిన రూ.60 లక్షలు చెల్లించాలని అడిగినప్పటి నుంచి ఇబ్బందులు ఎదురవుతున్నాయని ఆరోపించారు. భూ సమస్య పరిష్కారం కోసం ప్రయత్నించిన ఆమె, తన భూమికి సంబంధించిన డబ్బుల విషయంలో ప్రశ్నించడంతో ఇబ్బందులు ఎదుర్కొన్నట్లు పేర్కొన్నారు. సెప్టెంబర్‌ 16న ఎమ్మెల్యే అనుచరులు తనను వెంబడించారని, వారి నుంచి తప్పించుకుని బయటపడ్డానని చెప్పుకొచ్చారు. ఈ మేరకు బాధితురాలు అనంతపురం డీఐజీ, ఎస్పీలకు ఫిర్యాదు చేశారు.కర్నూలుకు చెందిన ఈ మహిళ.. మంత్రి టీజీ భరత్‌ సిఫార్సుతో తన భూ సమస్య పరిష్కారం కోసం ఎమ్మెల్యేను కలిసినట్లు తెలిసింది. అయితే, తనకు వాట్సాప్‌ సందేశాలు పంపడం, పదేపదే వాట్సాప్‌ కాల్స్‌ చేయడం ద్వారా వేధింపులకు గురిచేస్తున్నారని ఆమె ఫిర్యాదులో పేర్కొన్నారు. తనను వేధించవద్దంటూ ఎమ్మెల్యేను ప్రాధేయపడినట్లు చెబుతున్న ఫోన్‌ సంభాషణ కూడా బయటకు రావడంతో ఈ ఆడియో సోషల్‌ మీడియాలో వైరల్‌గా మారింది. తనను వేధించవద్దని బాధితురాలు ప్రాధేయపడినట్టు ఆడియోలో ఉంది. కాగా, మహిళ భూ సమస్య పరిష్కారం కోసం మంత్రి టీజీ భరత్‌ సిఫార్సు చేసిన నేపథ్యంలో, ఆమె ఇప్పుడు ఎమ్మెల్యేపైనే ఆరోపణలు చేయడం రాజకీయ వర్గాల్లో చర్చకు దారితీసింది.భూ వివాదంతో మొదలైన ఈ వ్యవహారం ఇప్పుడు బెదిరింపులు, వేధింపులు, దాడి యత్నం ఆరోపణల వరకు వెళ్లడంతో రాజకీయంగా చర్చనీయాంశమైంది. బాధితురాలి ఫిర్యాదుపై పోలీసులు ఎలాంటి చర్యలు తీసుకుంటారు? కేసు నమోదు చేస్తారా? ఆరోపణలపై ఎమ్మెల్యే, ఇతర నేతలు ఎలా స్పందిస్తారు? అన్నది ఆసక్తికరంగా మారింది. టీడీపీ ఎమ్మెల్యే దగ్గుపాటి ప్రసాద్‌పై కేసు నమోదుకు పోలీసు ఉన్నతాధికారులు తర్జన భర్జన పడుతున్నట్టు సమాచారం. ఇదీ చదవండి: మున్సిపల్‌ టెండర్లలో గోల్‌మాల్‌!

బంగారం ధర ఆకాశాన్నంటుతోంది. తులం రూ.1.50 లక్ష పలుకుతోంది. ఇలాంటి సమయంలో రూ.లక్షకే ఐదు తులాల బంగారం ఇస్తానని ఓ మహిళ చెప్పడంతో పలువురు నిజమని నమ్మి మోసపోయారు. వివరాలిలా ఉన్నాయి. గుంతకల్లుకు చెందిన శిల్ప ప్రస్తుతం తెలంగాణ రాష్ట్రం హైదరాబాద్‌లోని మణికొండలో నివాసం ఉంటోంది. తన భర్త దుబాయిలో ఉంటారని, అక్కడి నుంచి తక్కువ ధరకు బంగారం తెప్పించి ఇస్తానంటూ ఆమె అనంతపురం రూరల్‌ పరిధిలోని మండ్ల సుబ్బారెడ్డికాలనీకి చెందిన ముగ్గురు మహిళలను నమ్మించింది. అందులో ఒక మహిళ రూ.14 లక్షలు శిల్ప ఖాతాకు బదిలీ చేసింది. మిగిలిన ఇద్దరు కూడా రూ.లక్షల్లోనే చెల్లించారు. అయితే ఇప్పటివరకు ఒక్కరికి కూడా బంగారం ఇవ్వలేదు. పలుమార్లు డబ్బు లేదా బంగారం గురించి అడిగినా శిల్ప నుంచి సరైన స్పందన రాకపోవడంతో బాధితులు తాము మోసం పోయామని గ్రహించి అనంతపురం రూరల్‌ పోలీసులను ఆశ్రయించి, ఫిర్యాదు చేశారు. విచారణ అనంతరం కేసు నమోదు చేస్తామని సీఐ శ్రీకాంత్‌యాదవ్‌ తెలిపారు. ఈ వ్యవహారంలో ఇంకా ఎంతమంది బాధితులు ఉన్నారు? ఎంత డబ్బులు వసూలు చేశారు? అనే అంశాలపై పూర్తిస్థాయిలో దర్యాప్తు చేస్తామని పేర్కొన్నారు. -అనంతపురం

ఆంధ్రప్రదేశ్‌: ప్రమాదవశాత్తు రైలు కిందపడబోయిన ఓ ప్రయాణికుడిని సకాలంలో ఓ కానిస్టేబుల్‌ పక్కకు లాగి ప్రాణాలు కాపాడాడు. వివరాల్లోకి వెళితే... అనంతపురంలోని భైరవనగర్‌ నివాసి రవి బండలు కొట్టి కుటుంబాన్ని పోషించుకునేవాడు. తిరుపతికి వెళ్లేందుకు సిద్ధమైన ఆయన మంగళవారం ఉదయం 9.40 గంటలకు అనంతపురం రైల్వే స్టేషన్‌కు చేరుకున్నాడు. అప్పటికే గుంతకల్లు నుంచి తిరుపతికి వెళ్లే ప్యాసింజర్‌ (57404) రైలు ప్లాట్‌ఫాం విడుస్తోంది.గమనించిన రవి పరుగున వెళ్లి కదిలే రైలులో ఎక్కేందుకు ప్రయత్నించి అదుపు తప్పాడు. అదే సమయంలో చేతికి అందిన కంపార్ట్‌మెంట్‌ తలుపు హ్యాండిల్‌ పట్టుకుని కిందకు వేలాడుతూ ఉండగా రైలు వేగం అందుకుంది. అదే సమయంలో తన ఉన్నతాధికారిని (ఎస్‌ఐ)ని రైల్వే స్టేషన్‌లో వదిలేందుకు వచ్చిన ట్రాఫిక్‌ కానిస్టేబుల్‌ సురేంద్రకుమార్‌ వెంటనే స్పందించి, పరుగున వెళ్లి రవిని పక్కకు లాగేందుకు ప్రయత్నించాడు.అయితే భయంతో తలుపు హ్యాండిల్‌ను రవి గట్టిగా పట్టుకోవడంతో సురేంద్రకుమార్‌ పరిస్థితి కూడా కాసేపు సంక్లిష్టంలో పడింది. చివరకు తన ప్రాణాన్ని కూడా లెక్కచేయకుండా సురేంద్రకుమార్‌ రైలు పక్కనే పరుగు తీస్తూ రవిని ప్లాట్‌ఫాం పైకి లాగేశాడు. చిన్నపాటి గాయాలతో ప్రాణాపాయం నుంచి రవి బయటపడ్డాడు. ఈ దృశ్యాన్ని చూసిన పలువురు కానిస్టేబుల్‌ సురేంద్రకుమార్‌ను అభినందనలతో ముంచెత్తారు.ఇదీ చదవండి: రష్యాలో మావాళ్లు.. రక్షించండి!

అనంతపురం: మండల కేంద్రంలోని నార్పల రైతు సేవా సహకార సంఘం (సొసైటీ)లో రూ.30 లక్షల గోల్‌మాల్‌ ఘటనలో బాధ్యులపై చర్యలు తీసుకోకపోవడం విమర్శలకు తావిస్తోంది. అధికారుల విచారణ సమయంలో సొసైటీ ఇన్‌చార్జ్‌ సీఈఓ తారక బ్రహ్మానందరెడ్డి పొంతనలేని సమధానాలు చెప్పడం, చైర్మన్‌ ఉమా మహేశ్వరనాయుడు అందుబాటులో లేకపోవడం.. వచ్చిన తర్వాత కూడా వివరణ ఇవ్వక పోవడం చర్చనీయాంశంగా మారింది.అవకతవకలకు సంబంధించిన ఆధారాలు, ఫిర్యాదులు అధికారుల దృష్టికి తీసుకెళ్లినట్లు సభ్యులు చెబుతున్నారు. అయితే విచారణలు, తనిఖీలు, నివేదికల పేరుతో ప్రక్రియ సాగుతున్నప్పటికీ తుది చర్యలు ఏమిటన్నది మాత్రం స్పష్టత లేదు. ఇదిలా ఉండగా.. నాలుగు రోజుల క్రితం రూ.3.85 లక్షలు, మరొక రోజు రూ.2 లక్షలు బ్యాంకు ఖాతాల్లో జమచేసినట్లు సమాచారం . అయితే మొత్తం బకాయిలు ఇంకా చెల్లించకపోవడంతో సభ్యుల్లో ఆందోళన కొనసాగుతోంది. కొంత కొంత మొత్తాన్ని జమ చేయడం వల్ల అసలు వ్యవహారంపై స్పష్టత రాదని, పూర్తి లెక్కలు బయటపెట్టాలని సభ్యులు కోరుతున్నారు. ఆరోపణలొస్తే నోరు మెదపరా?రైతు పక్షపాతిగా ఉంటామని ఎమ్మెల్యే బండారు శ్రావణిశ్రీ తరచూ చెబుతుంటారు. అయితే రైతులకు సంబంధించిన సహకార సంఘంలో రూ.30 లక్షల మేర ఆర్థిక అవకతవకలు జరిగాయంటూ ఆరోపణలు వస్తున్నా నోరు మెదపడం లేదు. సొసైటీ చైర్మన్‌ ఉమామహేశ్వరనాయుడు తన అనుచరుడు కావడం వల్లనే ఈ వ్యవహరంపై ఎమ్మెల్యే స్పందించడం లేదని, సంబంధిత అధికారులు కూడా చర్యలు తీసుకోవడం లేదని స్థానికులు చర్చించుకుంటున్నారు.ఇదీ చదవండి: సీఈసీ జ్ఞానేష్‌కుమార్‌ను తక్షణం తొలగించాలి

తెలంగాణ: కళాశాలకు వెళ్లమని తండ్రి మందలించడంతో అనంతపూర్‌ నుంచి సికింద్రాబాద్‌కు చేరుకున్న ఇంటర్‌ విద్యార్ధి రైలుకిందపడి ఆత్మహత్యకు పాల్పడ్డాడు. సికింద్రాబాద్‌ రైల్వే పీఎస్‌ జీఆర్‌పీ హెడ్‌ కానిస్టేబుల్‌ నారాయణ తెలిపిన వివరాల ప్రకారం.. లాలాగూడ–సికింద్రాబాద్‌ రైల్వేస్టేషన్ల అప్‌లైన్‌ మధ్యన గురువారం గుర్తు తెలియని యువకుడి మృతదేహం ఉన్నట్టు పోలీసులకు సమాచారం అందింది.ఘటన స్థలానికి వెళ్లిన పోలీసులకు మృతుడి ప్యాంటు జేబులో జనరల్‌ రైల్‌ టికెట్‌ లభించింది. దానిపై నాన్న అని మొబైల్‌ నెంబర్‌ రాసి ఉంది. ఆ నెంబర్‌కు కాల్‌ చేసిన పోలీసులు మృతుడు అనంతపూర్‌కు చెందిన గోసల రమేశ్‌ కుమారుడు పవన్‌సాయి (18)గా గుర్తించారు. పవన్‌సాయి అనంతపూర్‌లోని నారాయణ రెసిడెన్సియల్‌ కళాశాలలో ఇంటర్‌ ద్వితీయ సంవత్సరం చదువుతున్నాడు. వినాయక చవితి సెలవులకు పవన్‌సాయి ఇంటికి వచ్చాడు. సెలవుల తరువాత తిరిగి కళాశాలకు వెళ్లకపోవడంతో తండ్రి మందలించాడు. దీంతో మనస్తాపంతో ఆత్మహత్య చేసుకున్నాడు.గమనిక: మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: చెల్లిని కాపాడేందుకు వాగులో దూకిన అన్న.. పరిస్థితి తారుమారు!

బుక్కరాయసముద్రం: అనంతపురం జిల్లా బుక్క­రాయసముద్రం మండలం రోటరీపురం వద్ద టాటా సఫారీ కారు అదుపుతప్పి ఓ హోటల్‌లోకి దూసుకెళ్లి బోల్తాపడిన ఘటనలో ఇద్దరు యువతులు దుర్మరణం పాలయ్యారు. మరో ఇద్దరు యువకులు గాయపడ్డారు. అనంతపురం–తాడిపత్రి రహదారిపై మంగళవారం తెల్లవారుజామున జరిగిన ఈ దుర్ఘటనలో స్నేహితులు హరిత (20), నవనీత(20) మృతి చెందారు. వీరిద్దరు ప్రైవేట్‌ ఆస్పత్రిలో నర్సులుగా పనిచేస్తున్నారు. గుత్తి మండలానికి చెందిన రామాంజనేయులు,సాలమ్మల కుమార్తె హరిత (20) అనంతపురంలోని ఓ నర్సింగ్‌ కళాశాల మూడో సంవత్సరం చదువుతూ త్రిపుర ఆస్పత్రిలో నర్సుగా పని చేస్తుంది. తాడిపత్రి మండలం నిడిగల్లు గ్రామానికి చెందిన నారాయణస్వామి, విజయ దంపతుల కుమార్తె నవనీత(20) కూడా త్రిపుర ఆస్పత్రిలోనే నర్సుగా పని చేస్తోంది. ఈ క్రమంలో వీరిద్దరు స్నేహితులయ్యారు. ఇద్దరు ఓ ప్రైవేట్‌ హాస్టల్లో ఉంటున్నారు. దుర్ఘటన జరిగిందిలా...: సోమవారం రాత్రి వీరు తమ స్నేహితులైన త్రిపుర ఆస్పత్రి ల్యాబ్‌లో పనిచేసే వినయ్‌ కుమార్, ఆస్పత్రిలో బీమా విభాగంలో పనిచేసే శ్రీధర్‌రెడ్డితో కలిసి టాటా సఫారీ (ఏపీ40ఈజెడ్‌1611)లో బయటకు వెళ్లారు. మంగళవారం తెల్లవారుజామున తిరిగి వస్తుండగా రోటరీపురం సమీపంలోని ప్‌లై ఓవర్‌పై స్పీడ్‌ బ్రేకర్లను గమనించకుండా శ్రీధర్‌రెడ్డిరెడ్డి అతివేగంగా కారు నడపడంతో అదుపుతప్పిన కారు సమీపంలోని హోటల్‌లోకి దూసుకెళ్లి బోల్తా పడిపోయింది. హరిత అక్కడికక్కడే మృతి చెందగా, నవనీత, శ్రీధర్‌రెడ్డి, వినయ్‌ కుమార్‌లు తీవ్రంగా గాయపడ్డారు. సమాచారం అందుకున్న సీఐ సుబ్బరాయుడు, పోలీసు సిబ్బంది క్షతగాత్రులను 108 వాహనంలో అనంతపురం ప్రభుత్వాసుపత్రికి తరలించారు. అక్కడ చికిత్స పొందుతూ నవనీత మృతి చెందింది. ఈ మేరకు కేసు నమోదు చేసి పోలీసులు దర్యాప్తు చేస్తున్నారు.

సాక్షి, అనంతపురం: జిల్లాలో ఘోర రోడ్డు ప్రమాదం జరిగింది. ఓ వాహనం అదుపు తప్పి రోడ్డు పక్కన ఉన్న షెడ్‌ను ఢీకొట్టి ఓ హోటల్‌లోకి దూసుకెళ్లింది. ఈ ఘటనలో అందులో ఉన్న ఓ యువతి అక్కడికక్కడే మరణించగా.. మరొకరు ఆస్పత్రిలో చికిత్స పొందుతూ తుదిశ్వాస విడిచారు. గాయపడ్డ మరో ఇద్దరికి ఆస్పత్రిలో చికిత్స అందుతోంది. బుక్కరాయసముద్రం మండలం రోటరీపురం వద్ద ఉదయం 3 గంటల సమయంలో ఈ ప్రమాదం జరిగింది. తాడిపత్రి నుంచి అనంతపురం వస్తున్న టాటా సఫారీ అదుపుతప్పి రోడ్డు పక్కన ఉన్న షెడ్‌ను ఢీకొట్టి.. అక్కడి హోటల్‌లోకి దూసుకెళ్లింది. సమాచారం అందుకున్న పోలీసులు ఘటనా స్థలానికి చేరుకుని సహాయక చర్యలు చేపట్టారు. ప్రమాదంలో ఓ యువతి అక్కడిక​‍క్కడే మృతి చెందింది. మృతురాలిని గుత్తికి చెందిన హరితగా పోలీసులు గుర్తించారు.అనంతపురం హౌసింగ్‌ బోర్డుకు చెందిన శ్రీధర్‌రెడ్డి, సింగనమల మండలం సలకం చెరువుకు చెందిన కుమార్‌, గుత్తికి చెందిన హరితతో పాటు మరో యువతి ప్రమాద సమయంలో కారులో ఉన్నారు. మరో యువతి తీవ్రంగా గాయపడి కోమాలోకి వెళ్లినట్లు సమాచారం. ఇద్దరు యువకులకు కూడా గాయాలు కావడంతో వారిని అనంతపురం ప్రభుత్వ ఆసుపత్రికి తరలించారు. అయితే ఈ ముగ్గురిలో మరణించిన మరొకరు ఎవరనేదానిపై స్పష్టత రావాల్సి ఉంది.ప్రమాద సమయంలో కారు ఎందుకు అదుపుతప్పిందన్న దానిపై పోలీసులు దర్యాప్తు చేస్తున్నారు. డ్రైవర్‌కు నిద్రమత్తు వచ్చిందా? లేదంటే మద్యం సేవించి వాహనం నడిపారా? అనే కోణాల్లోనూ పోలీసులు ఆరా తీస్తున్నారు. ప్రమాదానికి సంబంధించి పూర్తి వివరాలు తెలియాల్సి ఉంది.ఇదీ చదవండి: ప్రియుడితో పట్టాలపై ముచ్చట్లు.. ఇంతలో విషాదం

సాక్షి, అనంతపురం: ఉరవకొండ ప్రభుత్వ ఆసుపత్రిలో ఉద్రిక్త పరిస్థితి నెలకొంది. మైలారంపల్లి గ్రామంలో ఓ మహిళకు సంబంధించిన విషయంపై ఇరువర్గాల మధ్య తలెత్తిన వివాదం ఘర్షణకు దారితీసింది. ఈ ఘటనలో ఏడుగురు గాయపడినట్లు సమాచారం.ఘర్షణలో గాయపడిన వారిలో ఇద్దరి పరిస్థితి విషమంగా ఉన్నట్లు తెలుస్తోంది. గాయపడిన వారిని చికిత్స కోసం ఉరవకొండ ప్రభుత్వ ఆసుపత్రికి తరలించారు. అయితే ఆసుపత్రికి చేరుకున్న తర్వాత కూడా ఇరువర్గాల మధ్య వివాదం సద్దుమణగలేదు.దీంతో ఆసుపత్రి ప్రాంగణంలోనే ఇరువర్గాలు మరోసారి గొడవకు దిగాయి. ఒకరిపై ఒకరు దాడులు చేసుకోవడంతో అక్కడ కొద్దిసేపు ఉద్రిక్త వాతావరణంగా మారడంతో.. ఆసుపత్రి సిబ్బంది, రోగులు ఆందోళనకు గురయ్యారు.సమాచారం అందుకున్న పోలీసులు వెంటనే ఆసుపత్రికి చేరుకుని పరిస్థితిని అదుపులోకి తీసుకొచ్చారు. ఎలాంటి అవాంఛనీయ ఘటనలు చోటుచేసుకోకుండా అక్కడ భద్రత ఏర్పాటు చేశారు. ఘటనకు సంబంధించి పూర్తి వివరాలు తెలియాల్సి ఉంది.ఇదీ చదవండి: వైఎస్సార్‌ జిల్లాలో ఘోర రోడ్డు ప్రమాదం.. ఇద్దరు యువకులు మృతి..

సాక్షి,అనంతపురం: కల్యాణదుర్గం ప్రభుత్వ స్కూల్‌లో దారుణం చోటు చేసుకుంది. స్థానిక ‍ప్రభుత్వ స్కూల్‌లో విద్యార్థినిపై టీచర్‌ రామచంద్రనాయక్‌ లైంగిక వేధింపులకు పాల్పడ్డాడు. దీంతో వివరాలు తెలుసుకున్న విద్యార్థిని తల్లిదండ్రులు టీచర్‌కు దేహశుద్ధి చేశారు. అనంతరం అక్కడే ఉ‍న్న స్థానికులు రామచంద్రనాయక్‌ను పోలీసులకు అప్పగించారు.

కష్టాలు తొలగి, శుభాలు కలగాలని ఓ యువతి గుడికెళితే అక్కడ పూజలు చేసే ఓ ప్రబుద్ధుడు ఆమెను ట్రాప్‌ చేశాడు. ‘నువ్వంటే నాకిష్టం, నువ్వు లేకుంటే చచ్చిపోతా’ అంటూ మభ్యపెట్టాడు. గుట్టుచప్పుడు కాకుండా తాళి కట్టాడు. బిడ్డ పుట్టాక నడిరోడ్డుపైకి నెట్టి నరకం చూపిస్తున్నాడు. వివరాలు.. యాడికి మండలానికి చెందిన ఓ యువతి అనంతపురంలో ఉంటోంది. ప్రైవేట్‌ సంస్థలో జాబ్‌ చేస్తూ జీవనం సాగించేది. జీవితంలో కొన్ని ఆటుపోట్లు ఎదురుకావడంతో రాప్తాడు మైనార్టీ కాలనీలోని సుంకులమ్మ గుడికి వెళ్లి పూజలు చేస్తే కష్టాలు తొలుగుతాయని తెలిసిన వారు చెప్పడంతో ఆలయానికి వెళుతూ ఉండేది. అక్కడ పూజలు చేసే శివకుమార్‌ కన్ను యువతిపై పడింది. తాను చెప్పిన పూజలు చేస్తే కష్టాలు తొలగిపోతాయని.. జీవితంలో ఉన్నత స్థాయికి వెళతావని నమ్మించాడు. తర్వాత వివిధ ఆలయాల్లో పూజలు చేయించి యువతిని లోబరుచుకున్నాడు. నిలదీయడంతో.. శ్రీశైలంలో పెళ్లి యువతి అమాయకత్వాన్ని ఆసరాగా చేసుకుని శివకుమార్‌ ఆమెను శారీరంగా కలుస్తూ ఉండేవాడు. దీంతో ఆమె గర్భం దాలి్చంది. గట్టిగా నిలదీయడంతో యువతి బంధువులకు తెలియకుండా శ్రీశైలం పుణ్యక్షేత్రానికి తీసుకెళ్లి 2025 మేలో పెళ్లి చేసుకున్నాడు. పెళ్లయినప్పటి నుంచి యువతికి వేధింపులు మొదలయ్యాయి. భర్త, అత్త, ఆడపడుచులు నిత్యం వేధించేవారని యువతి కన్నీటి పర్యంతమవుతూ తెలిపింది. ఏడు నెలల గర్భిణిగా ఉన్న సమయంలో భర్త తీవ్రంగా కొట్టడంతో యువతి రాప్తాడు పోలీసులను ఆశ్రయించింది. దంపతులిద్దరినీ పిలిపించి పోలీసులు కౌన్సెలింగ్‌ ఇచ్చి పంపించినా శివకుమార్‌ ప్రవర్తనలో మార్పు రాలేదు. బాబు పుట్టినా.. పుట్టింటికే పరిమితం తొమ్మిది నెలల గర్భిణిగా ఉన్న సమయంలో కాన్పు కోసం యువతి పుట్టింటికి చేరుకుంది. ఈ ఏడాది మే 25న పండంటి బిడ్డకు జన్మనిచ్చింది. మూడు నెలల తర్వాత తనను, తన బిడ్డను తీసుకెళతానని చెప్పిన శివకుమార్‌ ముఖం చాటేశాడు. ‘నీతో నేను కలిసి బతకలేను.. నీతో ఉంటే నువ్‌ నన్ను చంపేస్తావ్‌’ అంటూ బూటకపు మాటలు చెప్పి యువతిని దూరం పెట్టాడు. దీంతో యువతి ఆగస్ట్‌ 13న రాప్తాడు పోలీసులను ఆశ్రయించింది. తన భర్త నమ్మించి మోసం చేస్తున్నాడని, న్యాయం చేయాలని వేడుకుంది. చేతిలో రెండు నెలల చిన్నారిని పెట్టుకుని ఉదయం నుంచి రాత్రి వరకు పోలీసు స్టేషన్‌ గుమ్మం వద్దే పడిగాపులు కాచింది. అయినా, పోలీసులు ఫిర్యాదును తీసుకోలేదు. సీఐ నిర్లక్ష్యం..! న్యాయం కోసం యువతి 20 రోజులుగా పోలీస్‌ స్టేషన్‌ చుట్టూ తిరుగుతున్నా సీఐ వెంకటేశ్వర్లు మనసు కరగలేదు. ‘చెప్పావ్‌ గా... వాడు కనిపిస్తే తీసుకొస్తాం లే.. నువ్‌ వెళ్లు..’ అంటూ నిర్లక్ష్యంగా చెప్పడంతో దిక్కుతోచని స్థితిలో యువతి ఇటీవల ఎస్పీ జగదీశ్‌ను ఆశ్రయించింది. పీజీఆర్‌ఎస్‌లో కలిసి ఫిర్యాదు చేయడంతో అప్పుడు సీఐ స్పందించారని యువతి చెబుతోంది. ఉన్నతాధికారులు స్పందించి న్యాయం చేయాలని చేతులు జోడించి వేడుకుంటోంది. -అనంతపురంచదవండి: నేవి ఉద్యోగి భార్య ఆత్మహత్య

‘‘నేను నీపేరు వాడుకున్నానా...నీ బతుక్కి అనంతపురంలో పార్టీ కార్యాలయం పెట్టే పరిస్థితి లేకపోతే నా ఇళ్లు ఇచ్చా. నీ కోసం కేసులు మోసుకున్నా..జైలుకు వెళ్లా...ఇంత చేస్తే...నన్ను వాడు...వీడు అంటావా...దమ్ముంటే రారా చూసుకుందాం’’ అంటూ అనంతపురం అర్బన్‌ ఎమ్మెల్యే దగ్గుబాటి ప్రసాద్‌పై అతని నమ్మినబంటు, వరుసకు మామ అయిన గంగారాం రెచ్చిపోయారు. మంగళవారం రాత్రి టీడీపీ నియోజకవర్గ స్థాయి కార్యాలయంలో గంగారాం తన అనుచరులతో హల్‌చల్‌ చేసినట్లు తెలిసింది. ఏకంగా ఎమ్మెల్యే దగ్గుపాటిని ఉద్దేశించి బండబూతులు తిట్టినట్లు సమాచారం. ‘‘ఆ్రఫ్టాల్‌ ఎంపీపీవి.. ఎమ్మెల్యే స్థాయికి రావడానికి నేనే కారణం’’ అంటూ గంగారాం బాహాటంగానే విమర్శించినట్లు టీడీపీ వర్గాల్లో భారీగా చర్చ నడుస్తోంది. అసలు వివాదం ఏమిటంటే ఇటీవల బెంగళూరులో ఓ సామాజికవర్గం ఏర్పాటు చేసిన కార్యక్రమంలో అనంతపురం ఎమ్మెల్యే దగ్గుపాటి ప్రసాద్‌ పాల్గొన్నారు. సమావేశంలో పాల్గొన్న నగరానికి చెందిన టీడీపీ నేత ఒకరు...‘‘ గంగారాంను వాడుకుని జైలు పాలు చేశావు కదయ్యా’’ అని అన్నారు. దీంతో సహనం కోల్పోయిన దగ్గుపాటి ప్రసాద్‌ అందరిముందే గంగారామ్‌ను బండబూతులు తిట్టినట్లు చర్చ జరుగుతోంది. ‘‘గంగారాం ఎంత అతని బతుకెంత... నా పేరు చెప్పి అక్రమ వసూళ్లకు పాల్పడతాడా‘‘ అంటూ ఎమ్మెల్యే దగ్గుపాటి రెచ్చిపోయినట్లు సమాచారం. ఈ విషయం అక్కడున్న వారి ద్వారా తెలుసుకున్న గంగారామ్‌ తీవ్ర అవమాన భారానికి లోనయ్యారు. మంగళవారం రాత్రి ఎమ్మెల్యే పార్టీ నియోజకవర్గ కార్యాలయంలో ఉన్నట్లు తెలిసి అనుచరులతో కలిసి అక్కడికే వెళ్లాడు. అయితే ఎమ్మె ల్యే పార్టీ కార్యాలయంలోనే ఉన్నప్పటికీ గంగారామ్‌ వస్తున్నట్లు తెలిసి తాను లేనట్లు అనుచరులతో చెప్పించారు. దీంతో కోపోద్రిక్తుడైన గంగారామ్‌ ఎమ్మెల్యే దగ్గుపాటి.. చేసిన మేలు మరచిపోయాడంటూ చిందులు తొక్కారు. ఈ నేపథ్యంలో ఎమ్మెల్యే అప్పటికప్పుడు తన అనుచరులను పిలిపించి గంగారామ్‌పై ఫిర్యాదు చేయాలని ఆదేశించినట్లు తెలుస్తోంది. అక్రమ వసూళ్లు...జైలు ఎమ్మెల్యే దగ్గుపాటికి నమ్మిన బంటుగా ఉన్న గంగారామ్‌.. నగరంలో విచ్చలవిడిగా అక్రమ వసూళ్లకు పాల్పడ్డారు. నగరంలో ఒక వైన్‌ షాప్‌లో వాటాలు ఇవ్వలేదని నిప్పు పెట్టిన ఘటనలో గంగారాం అరెస్ట్‌ అయ్యారు. ఎగ్జిబిషన్‌ నిర్వాహకుడిపైనా డబ్బులు ఇవ్వాలని బెదిరించిన ఘటనలోనూ గంగారాం ప్రధానంగా ఉన్నారు. గంగారాంను కరివేపాకులా తీసి పారేసిన ఎమ్మెల్యే వైఖరిపై భగ్గుమంటున్నారు. ఏది ఏమైనా ఎమ్మెల్యే.. గంగారాం వైఖరి టీడీపీకి కొత్త తలనొప్పులు తెచ్చిపెట్టాయి. మూలిగే నక్కపై తాటికాయ పడ్డ చందంగా అనంతపురం నగరంలో టీడీపీ పరిస్థితి దారుణంగా తయారైంది. ఇటీవల ఏకంగా మాజీ ఎమ్మెల్యే ప్రభాకర్‌ చౌదరి దగ్గుపాటి వైఖరిపై ప్రెస్‌మీట్‌ పెట్టి ఏకిపారేశాడు. దగ్గుపాటి రూ.200 కోట్లకు పైగా అవినీతికి పాల్పడ్డాడు అంటూ ఆధారాలతో సహా అధిష్టానానికి ఇచ్చామంటూ పేర్కొనడంతో నగరంలో టీడీపీ కేడర్‌ ఆత్మరక్షణలో పడింది. -అనంతపురం చదవండి: ‘ఒరేయ్‌ మీ నాన్న నాకు మంచి ఫ్రెండ్‌ రా.. రా కూల్‌డ్రింక్‌ తాగుదాం!’

సాక్షి, అనంతపూర్: కళ్యాణదుర్గం నియోజక వర్గం శెట్టూరులో తీవ్ర విషాదం చోటు చేసుకుంది. ప్రభుత్వ ఎస్సీ హాస్టల్ గోడ కూలి హర్షవర్ధన్ అనే విద్యార్థి మృతి చెందాడు. అక్షయ్ అనే మరో విద్యార్థికి తీవ్ర గాయాలయ్యాయి. దీంతో ఆయనను ఆసుపత్రికి తరలించారు. విద్యార్థి బహిర్భూమికి వెళ్లిన సందర్భంలో గోడ కూలినట్లు హస్టల్ సిబ్బంది తెలిపారు.

అనంతపురం: అనంతపురం అర్బన్‌ టీడీపీ ఎమ్మె­ల్యే దగ్గుపాటి ప్రసాద్‌ మరో వివాదంలో చిక్కుకు­న్నారు. ఆయన నెలవారీ మామూళ్ల వసూళ్లకు ఒత్తిడి తెచ్చారంటూ ఆడియో సంభాషణలు సోష­ల్‌ మీడియాలో వైరల్‌ కావడం కలకలం రేపింది. అనంతపురం అర్బన్‌లో సబ్‌ రిజిస్ట్రార్‌గా పనిచేసిన సమయంలో నెలకు రూ.1.50 లక్షలు ఇవ్వాలని, లేదంటే సెలవుపై వెళ్లిపోవాలని తనను ఎమ్మెల్యే బెదిరించినట్లు రమణారావు పేర్కొన్నారు.ఈ మేరకు ఆడియో ఒకటి సోషల్‌ మీడియాలో ప్రచా­రంలోకి వచ్చింది. ప్రభుత్వ అధికారి నుంచే నేరు­గా ఈ అభియోగాలు రావడంతో ఈ వ్యవహారం మరింత తీవ్రతను సంతరించుకుంది. ఇదే సమ­యంలో మున్సిపల్‌ కాంట్రాక్టర్‌ శ్రీనివాస చౌదరి­తో ఎమ్మెల్యే మాట్లాడినట్లుగా ఉన్న మరో ఆడియో కూడా సోషల్‌ మీడియాలో తిరుగుతోంది. ‘‘నెలనె­లా డబ్బులు తీసుకుని పో.. వర్కులు చేయొద్దు’’ అని కాంట్రాక్టర్‌తో ఎమ్మెల్యే అన్నట్లుగా ఉన్న వ్యాఖ్యలు చర్చనీయాంశమయ్యాయి.నెలనెలా డబ్బు తీసుకో.. వర్కులు వద్దుశ్రీనివాస చౌదరి అనే కాంట్రాక్టర్‌తో ఎమ్మెల్యే దగ్గుపాటి ప్రసాద్‌ జరిపిన సంభాషణకు సంబంధించి మరో ఆడియో బైటకొచ్చింది... తమ మధ్య బంధుత్వం ఉందని ప్రస్తావిస్తూ, ‘‘నీకేం కావాలో చెప్పు.. నేను చేసి పెడతా.. ప్రతి నెలా డబ్బులు తీసుకుని పో.. వర్కులు చేయొద్దు’’ అని ఎమ్మెల్యే చెప్పినట్లుగా ఆడియోలో ఉంది. కాంట్రాక్టర్‌ తనకు పనులు కావాలని అడిగినట్లు చెప్పగా.. అందుకు బదులుగా నెలవారీగా డబ్బులు ఇస్తానని ఎమ్మెల్యే చెప్పినట్లుగా సంభాషణ సాగింది. ఇదే ఆడియో సంభాషణలో అనంతపురం టీడీపీ అంతర్గత రాజకీయాలు, మాజీ ఎమ్మెల్యే వైకుంఠం ప్రభాకర్‌ చౌదరి (వీపీసీ)తో శ్రీనివాస చౌదరి సంబంధాలు, పార్టీ వర్గాల మధ్య విభేదాల ప్రస్తావన కూడా ఉంది. దీంతో ఈ ఆడియో కేవలం కాంట్రాక్టర్‌ వ్యవహారానికే పరిమితం కాకుండా స్థానిక టీడీపీ రాజకీయాల్లోనూ తీవ్ర చర్చకు దారితీసింది.గతంలోనూ దగ్గుపాటిపై వివాదాలెన్నో..అనంతపురం అర్బన్‌ ఎమ్మెల్యే దగ్గుపాటి ప్రసా­ద్‌­ను ఇటీవలి కాలంలోనే ఎన్నో వివా­దాలు చుట్టుముట్టాయి. ఎగ్జిబిషన్‌ నిర్వాహ­కుడు ఫకృద్ధీన్‌పై దగ్గుపాటి ప్రసాద్‌ అనుచరు­లు దాడి చేశారు. రూ.10 లక్షలు ఇవ్వకపోతే ఎగ్జిబిషన్‌ నిర్వహించనీయబోమని ఈ ఏడాది జనవరిలో బెదిరించారు. నిర్వాహకుడు డబ్బు ఇవ్వడానికి నిరాకరించారు. దీంతో మద్యం సేవించి ఎగ్జిబిషన్‌లో హంగామా స్పష్టించా­రు. ఫకృద్దీన్‌ నేరుగా ఎస్పీకి ఫిర్యాదు చేశారు. ⇒ వార్‌–2 సినిమా విడుదల సందర్భంగా జూనియర్‌ ఎన్టీఆర్‌ను ఉద్దేశించి ఎమ్మెల్యే చేసిన వ్యాఖ్యల ఆడియో టేప్‌ సోషల్‌ మీడియాలో వైరల్‌ అయ్యి వివాదానికి దారి తీసింది. ఎన్టీఆర్‌ అభిమానులు ఎమ్మెల్యే కార్యాలయం ముందు నిరసనలు తెలిపి, ఫ్లెక్సీలను చించేశారు. ⇒ ఈ ఏడాది జనవరిలో ఆస్తి తగాదా విష­యంలో ఒక మహిళా డాక్టర్‌ భర్తను ఎమ్మె­ల్యే దుర్భాషలాడారు. దీనికి సంబంధించి ఫోన్‌ సంభాషణ ఆడియో వైరల్‌ అయింది. ⇒ ఎమ్మెల్యే అనుచరులు అనంతపురం అర్బన్‌ పరిధిలో పలు భూ కబ్జాలకు పాల్పడు­తు­న్నా­రంటూ ప్రతిపక్ష పార్టీలు విమర్శిస్తు­న్నాయి. అలాగే టీడీపీ మాజీ ఎమ్మెల్యే ప్రభాకర్‌ చౌదరి నేరుగా పార్టీ అధిష్టానానికి ఫిర్యాదు చేశారు. ఈ రెండు సంవత్సరాల్లో ఎమ్మెల్యే రూ.200 కోట్లు అక్రమంగా సంపాదించినట్లు ఆధారాలతో సహా టీడీపీ అధిష్టానానికి అందజేశారు.⇒ అనంతపురం నగరంలో ఓ లిక్కర్‌ షాపులో వా­టాలు ఇవ్వలేదనే ఉద్దేశంతో దౌర్జన్యంగా లిక్కర్‌ షాపునకు నిప్పు పెట్టారు. ఈ వివాదంలో ఎ­మ్మె­­­­ల్యే అనుచరులను రిమాండ్‌కు తరలించారు.

అనంతపురం ప్రాంతంలోని కంబదూరు శ్రీ మల్లేశ్వర స్వామి ఆలయం భక్తి విశ్వాసాలకు మాత్రమే కాకుండా ప్రాచీన దక్షిణ భారత వాస్తు, శిల్పకళా వైభవానికీ విశిష్టమైన ప్రతీక. ఆలయ నిర్మాణంలో కనిపించే రాతి స్తంభాలు, మండపాలు గర్భగృహం పైభాగం విమాన నిర్మాణం, అద్భుతమైన శిల్పాలు ఆ కాలం నాటి శిల్పుల అసాధారణ ప్రతిభకు నిదర్శనాలు.ఈ ఆలయ వాస్తుశైలిలో విమాన నిర్మాణం ప్రత్యేకంగా ప్రస్తావించదగినది. గర్భగృహం పైన నిర్మించిన విమానం దక్షిణ భారత దేవాలయ వాస్తు సంప్రదాయానికి అనుగుణంగా గర్భగృహానికి దైవిక ప్రాధాన్యతను ప్రస్ఫుటం చేస్తుంది. విమానం కేవలం ఆలయ పైకప్పు కాదు. అది గర్భగృహంలోని మూలవిరాట్టుపైన నిలిచే పవిత్ర నిర్మాణం. భూమి నుంచి పైకి ఎదిగే దాని నిర్మాణం దేవాలయ వాస్తులో భౌతిక లోకం నుంచి దైవిక లోకం వైపు ఎదుగుదలకు ప్రతీక.కంబదూరు ఆలయ విమాన నిర్మాణంలో కనిపించే రాతి అమరికలు, అలంకార అంశాలు దక్షిణ భారత మధ్యయుగ దేవాలయ వాస్తు పరిణామాన్ని అర్థం చేసుకోవడానికి ఉపయోగపడతాయి. గర్భగృహం పైన విమానం, దాని పైభాగంలో శిఖర నిర్మాణం ఉండటం వల్ల ఆలయానికి నిలువైన సౌందర్యం ఏర్పడుతుంది. విమానంలోని ప్రతిస్థాయి, అలంకార భాగం ప్రధాన గర్భగృహాన్ని మరింత గంభీరంగా చూపించే విధంగా రూపొందించబడింది.ఈ ఆలయానికి మరో విశేషం దాని అద్భుతమైన రాతి శిల్పాలు. ఆలయ స్తంభాలు మండపాలు, ఇతర నిర్మాణ భాగాలపై దేవతారూపాలు నర్తకీమణులు యోధులు జంతువులు, పుష్పలతా అలంకరణలు కనిపిస్తాయి. కొన్ని శిల్పాలు ఆ కాలం నాటి సామాజిక జీవితం వస్త్రధారణ ఆభరణాలు యుద్ధ సంప్రదాయాలు, కళాసంస్కృతికి సంబంధించిన దృశ్యాలను మన కళ్లముందు ఉంచినట్లుగా అనిపిస్తాయి. ముఖమండపం, స్తంభాలపై కనిపించే సూక్ష్మమైన చెక్కడాలు ముఖ్యంగా ఆకట్టుకుంటాయి. గట్టి రాతిలో అంత సున్నితమైన శరీర భంగిమలు ముఖ కవళికలు వస్త్రమడతలు, ఆభరణాలను చెక్కడం శిల్పుల అద్భుతమైన సాంకేతిక నైపుణ్యాన్ని తెలియజేస్తుంది.ఈ ఆలయంలో అత్యంత ప్రత్యేకంగా చెప్పుకోవలసిన కళాఅంశాలలో తలకిందుల తామరపుష్పం ఒకటి. మండపం పైకప్పు మధ్యభాగంలో రాతిలో చెక్కబడిన ఈ తామరపుష్పం పైనుంచి కిందికి వికసించినట్లుగా కనిపిస్తుంది. పుష్పదళాలను పొరలుగానూ, సమచతురంగా చెక్కిన తీరు శిల్పి అపూర్వమైన సౌందర్య దృష్టికి నిదర్శనం. భారతీయ దేవాలయ కళలో తామర పవిత్రత సృష్టిసౌందర్యం దైవత్వానికి ముఖ్యమైన ప్రతీక. ఆలయ పైకప్పు మధ్యలో తలకిందులుగా కనిపించే తామరను వాస్తు అలంకరణలో భాగంగా చూడవచ్చు. దాని నిర్దిష్ట తాత్విక అర్థం గురించి ప్రాచీన శాసన ఆధారం లభించక΄ోతే దానికి ఇచ్చే ఇతర అర్థాలను స్థానిక సంప్రదాయాలు, కళావ్యాఖ్యానాలుగా మాత్రమే పరిగణించాలి.విమానగోపురం గర్భగృహాన్ని దైవిక కేంద్రంగా ప్రకటిస్తే మండపంలోని తలక్రిందుల తామర ఆ నిర్మాణానికి కళాత్మక కిరీటంలా కనిపిస్తుంది. బయట నుంచి ఆకాశాన్ని తాకేలా పైకి ఎదిగే విమానం, లోపల పైకప్పు నుంచి కిందికి వికసించినట్లుగా కనిపించే తామర అనే రెండు రూపాలు ఆలయ వాస్తులో ఒక అద్భుతమైన దృశ్య సమన్వయాన్ని సృష్టిస్తాయి.– జి.బి.విశ్వనాథ, రిటైర్డ్‌ డిప్యూటీ కలెక్టర్‌నిర్వహణ : డి.వి.ఆర్‌. భాస్కర్‌

సాక్షి, అమరావతి: రైతుల కోసం ఏర్పాటైన ప్రభుత్వ రంగ సంస్థ ఏపీ ఆయిల్‌ఫెడ్‌ను నిర్విర్యం చేసి, దాని విలువైన ఆస్తులను దశలవారీగా కబ్జా చేసేందుకు అధికార టీడీపీ నేతలుపావులు కదుపుతున్నారు. అనంతపురం నగర నడి»ొడ్డున రూ.50 కోట్ల విలువైన 2 ఎకరాల ఆయిల్‌ఫెడ్‌ భూమిని టీడీపీ జిల్లా కార్యాలయ నిర్మాణం కోసం లీజుకిస్తూ ఇటీవలే ప్రభుత్వం ఉత్తర్వులు జారీ చేసింది. మరొక వైపు లాభాల్లో నడుస్తోన్న ఏలూరు జిల్లా పెదవేగిలో ఆయిల్‌ఫెడ్‌ ఫ్యాక్టరీని ప్రైవేటీకరణ పేరిట నిర్విర్యం చేసి వందల కోట్ల విలువైన భూములను కాజేయాలనే కుట్ర జరుగుతోంది. దీనిపై రైతులు ఆందోళన వ్యక్తం చేస్తున్నారు. బైలా నిబంధనలకు పాతరేస్తూ నూనెగింజల రైతుల అభివృద్ధి, ఆయిల్‌పామ్‌ సాగు విస్తరణ, రైతులకు మార్కెట్‌ మద్దతు కల్పన కోసం ఏర్పాటైన ఏపీ కో–ఆపరేటివ్‌ ఆయిల్‌సీడ్స్‌ గ్రోవర్స్‌ ఫెడరేషన్‌ (ఆయిల్‌ఫెడ్‌)కు రాష్ట్రవ్యాప్తంగా రూ.వేల కోట్ల విలువైన ఆస్తులు ఉన్నాయి. అనంతపురంలో 21.84 ఎకరాలు, సర్వేపల్లిలో 50 ఎకరాలు, అన్నమయ్య జిల్లాలో 18.5 ఎకరాలు, కాకినాడలో 3 ఎకరాలు సహా అనేక విలువైన భూములు సంస్థ సొంతం. వీటి మొత్తం విలువ రూ.2 వేల కోట్లకు పైగానే ఉంటుందని అంచనా. వీటిలో అత్యంత విలువైనది అనంతపురంలోని ఎ.నారాయణపురంలో ఉన్న 21.84 ఎకరాల భూమి. ఇక్కడ ఎకరా మార్కెట్‌ విలువ రూ.25 కోట్లు పలుకుతోంది. అంటే మొత్తం భూమి విలువ దాదాపు రూ.550 కోట్ల పై మాటే. అలాంటి ఈ భూమిలో 2 ఎకరాలను ఏడాదికి కేవలం రూ.1000 చొప్పున లీజు ప్రాతిపదికన టీడీపీ జిల్లా కార్యాలయం నిర్మాణం కోసం ధారాదత్తం చేశారు.టీడీపీ కార్యాలయానికి భూమి ఇవ్వాలన్న ప్రతిపాదనను ఆయిల్‌ఫెడ్‌ నిద్ద్వంద్వంగా తిరస్కరించింది. పైగా ఈ భూములు ప్రభుత్వం కేటాయించినవి కావు..సొంత నిధులతో ఏపీ ఆయిల్‌ ఫెడ్‌ సమకూర్చున్నవే. బైలా నిబంధనల ప్రకారం వీటిని ఇవ్వడానికి ఎంతమాత్రం కుదరదని తేల్చి చెప్పినా పట్టించుకోలేదు. ఈప్రతిపాదన కోసం ఏకంగా ఐదుగురు ఎండీలను మార్చి తమకు అనుకూలమైన అధికారిని ఎండీ స్థానంలో కూర్చోబెట్టి తతంగమంతా గుట్టుచప్పుడు కాకుండా కానిచ్చేశారు. తొలుత టీడీపీ కార్యాలయానికి 2 ఎకరాలు కేటాయించగా, ఇదే ప్రాంగణంలో ఉన్న మిగిలిన భూమిని కూడా దశలవారీగా స్వాధీనం చేసుకునేందుకు యత్నిస్తున్నారు. వాస్తవానికి ఈ భూముల్లో ప్యాకింగ్‌ స్టేషన్, పీనట్‌ బటర్‌ ప్లాంట్, వేరుశనగ నూనె మిల్లు ఏర్పాటు చేయాలని ఆయిల్‌ఫెడ్‌ ప్రణాళికలు సిద్ధం చేసింది. రాయలసీమతో పాటు కర్ణాటక వరకు కార్యకలాపాలు విస్తరించాలని ఏపీఆయిల్‌ఫెడ్‌ సంకల్పించింది.ఈ భూమిని మార్ట్‌గేజ్‌ ద్వారా రూ.250 కోట్ల రుణం ఇచ్చేందుకు ఎన్‌సీడీసీ, ఎన్‌డీడీబీ సూత్ర ప్రాయంగా అంగీకరించింది. మరొక వైపు ప్రభుత్వం వద్ద పేరుకుపోయిన రూ.150 కోట్లకుపైగా బకాయిలు ఒత్తిడి తీసుకొచి్చంది. ఇలా సమకూరే రూ.400 కోట్ల నిధులతో పెదవేగిలోని అత్యాధునిక ఆయిల్‌ ఫెడ్‌ ఫ్యాక్టరీ నిరి్మంచేందుకు డీపీఆర్‌ను కూడా సిద్ధం చేసింది. అయితే ఆయిల్‌ ఫెడ్‌ భూములను దొడ్డి దారిన కాజేయాలనే కుట్రతో ఈ ప్రతిపాదనలను రెండేళ్లుగా బుట్టదాఖలు చేస్తున్నారు. రైతుల అభివృద్ధి కోసం ఏర్పడిన ప్రభుత్వ రంగ సంస్థలను బలోపేతం చేయాల్సింది పోయి నిర్విర్యం చేస్తూ వందల కోట్ల విలువైన భూములను కాజేయాలనే కుట్రలకు పాల్పడడం పట్ల రైతులు మండిపడుతున్నారు.

అనంతపురం సెంట్రల్‌: ఓ మ్యాట్రిమోనీ ద్వారా వారిద్దరి మనసులు కలిశాయి. కొన్ని రోజులకే వివాహం చేసుకుని ఒక్కటయ్యారు. ఏమైందో తెలియదు కానీ పెళ్లైన నెలరోజులకే భర్త కాలయముడిగా మారి భార్యను కడతేర్చాడు. పోలీసుల కథనం మేరకు... శ్రీ సత్యసాయి జిల్లా కొత్తచెరువు మండలం పోతుకుంట గ్రామానికి చెందిన మహేష్‌ గుంటూరుకు చెందిన శాంతి (26)కి మధ్య ఓ మ్యాట్రిమొనీ వెబ్‌సైట్‌ ద్వారా పరిచయం కుదిరి మనసులు కలిశాయి. నెలరోజుల క్రితం ఇద్దరూ వివాహం చేసుకున్నారు. ఇద్దరికీ ఇది రెండో పెళ్లి కావడం గమనార్హం. పెళ్లైన తర్వాత మహేష్‌ శాంతిలు అనంతపురం నగరంలోని యల్లమ్మకాలనీలో ఓ ఇంటిని అద్దెకు తీసుకుని కాపురం పెట్టారు. శాంతి ఇంట్లోనే ఉంటుండగా, మహేష్‌ ఓ ఆటో తీసుకొని పాల ప్యాకెట్ల వ్యాపారం చేసేవాడు. ఏమైందో తెలియదు కానీ, మూడు రోజుల క్రితం రోకలి బండతో మోది శాంతిని మహేష్‌ దారుణంగా హత్య చేశాడు. గుట్టు చప్పుడు కాకుండా ఇంటికి తాళం వేసి ఎక్కడికో పరారయ్యాడు. కొత్తగా పెళ్లయిన వారు కావడంతో భార్యాభర్తలిద్దరూ బంధువుల ఊళ్లకు వెళ్లారేమోనని ఇంటి యజమానులు భావించారు. బుధవారం ఇంట్లో నుంచి దుర్వాసన వస్తుండడంతో అనుమానం వచ్చి పోలీసులకు సమాచారం ఇచ్చారు. పోలీసులు ఇంటి తలుపులు బద్దలు కొట్టి చూడగా శాంతి రక్తపు మడుగులో విగతజీవిగా కనిపించింది. కేసు నమోదు చేసుకున్న పోలీసులు గుంటూరులో నివాసముంటున్న మృతురాలి బంధువులకు సమాచారం అందించారు. పోస్టుమార్టం నిమిత్తం మృతదేహాన్ని అనంతపురం ప్రభుత్వాసుపత్రికి తరలించారు. ఘటనా స్థలాన్ని అనంతపురం డీఎస్పీ చంద్రశేఖర్‌ పరిశీలించారు. మృతురాలి బంధువుల ఫిర్యాదు మేరకు కేసు నమోదు చేసి దర్యాప్తు చేస్తామని పోలీసులు వెల్లడించారు.

అనంతపురం సెంట్రల్‌: అనంతలో హైటెక్‌ వ్యభిచారం గుట్టు బయట పడింది. గుంటూరు, అమలాపురం, రాజమండ్రి ప్రాంతాల నుంచి అందమైన అమ్మాయిలను, మహిళలను తీసుకొచ్చి ఓ ఇంటిని అద్దెకు తీసుకున్నారు. నగరానికి చెందిన విటులను రప్పించి ఎవరికి నచ్చిన వారు.. వారితో గడిపే విధంగా సెటప్‌ చేశారు. నగరానికి చెందిన బాలాజీ అనే వ్యక్తి ఇందులో కీలకపాత్ర పోషిస్తున్నారు. ఆయనతో మరికొందరు చోటా నాయకులు ఉన్నట్లు తెలుస్తోంది. ఆదివారం అర్ధర్ధరాత్రి వన్‌టౌన్‌ పోలీసులు సదరు వ్యభిచార గృహంపై దాడులు నిర్వహించారు. మొత్తం 10 మంది వేశ్యలు, 10 విటులను అదుపులోకి తీసుకున్నారు. సదరు మహిళలను విచారణ నిమిత్తం ఐసీడీఎస్‌ ఆధ్వర్యంలో నడస్తున్న ఓ హోంకు తరలించారు. ఈ వ్యభిచార కేంద్రం వెనుక పెద్ద రాకెట్‌ ఉండడంతో కూపీ లాగేందుకు పోలీసులు రహస్యంగా విచారిస్తున్నట్లు తెలిసింది. త్వరలో దీనిపై వివరాలు అధికారికంగా వెల్లడికానున్నాయి.

అనంతపురం నగర నడిబొడ్డున భారత స్వాతం్రత్యానికి గుర్తుగా క్లాక్‌ టవర్‌ నిర్మించారు. చారిత్రక కట్టడాల యాక్ట్‌ ప్రకారం క్లాక్‌టవర్‌ చుట్టూ ఎలాంటి బ్యానర్లు, ఫ్లెక్సీలు, పోస్టర్లు, హోర్డింగ్‌లు ఏర్పాటు చేయడం నిషేధం. చట్టరీత్యా నేరం.. అయితే ‘ అధికారం మాదే.. మాకెవరు అడ్డు.. చారిత్రక కట్టడం చుట్టూ ఫ్లెక్సీలు ఏర్పాటు చేస్తాం...?’ అన్నరీతిలో అర్బన్‌ ఎమ్మెల్యే దగ్గుపాటి వెంకటేశ్వర ప్రసాద్‌ జన్మదిన వేడుకల సందర్భంగా క్లాక్‌ టవర్‌ వద్ద ఫ్లెక్సీ ఏర్పాటు చేయడంపై విమర్శలు వ్యక్తమవుతున్నాయి. దీనిపై నగరపాలక సంస్థ కమిషనర్‌ జశ్వంతరావును అడగ్గా.. ఆయన స్పందించలేదు. – సాక్షి, ఫొటోగ్రాఫర్, అనంతపురం:

అనంతపురం సెంట్రల్‌: ఆస్పత్రి భవనంపై నుంచి యువకుడు నగ్నంగా దూకడం.. చికిత్స పొందుతూ కొంతసేపటి తర్వాత మృతి చెందడం నగరంలో కలకలం రేపింది. ఆత్మహత్య అని ఆస్పత్రి వారు చెబుతున్నా... చిత్రహింసలు పెట్టి చంపేశారని పలువురు ఆరోపిస్తున్నారు. విశ్వసనీయ సమాచారం మేరకు.... శ్రీసత్యసాయి జిల్లా తాడిమర్రి మండలం రామాపురం గ్రామానికి చెందిన దబ్బర అశోక్‌ (30) అనంతపురంలోని హిత మల్టీ స్పెషాలిటీ హాస్పిటల్‌కు కమీషన్‌ ఏజెంట్‌గా పనిచేస్తున్నాడు. గత శుక్రవారం రాత్రి ఆస్పత్రి మూడో అంతస్తు నుంచి నగ్నంగా కిందకు దూకి ఆత్మహత్యాయత్నం చేసి.. చికిత్స పొందుతూ శనివారం మృతి చెందాడని ఆస్పత్రి వారు తెలిపారు. ఆ రాత్రి ఏం జరిగింది..? అశోక్‌ను ఆస్పత్రికి చెందిన ప్రముఖ వ్యక్తి, ఓ వివాహిత భర్త, మరో రౌడీషిటర్‌ కలిసి ఆస్పత్రిలోనే ఓ గదిలో బంధించి.. బట్టలూడదీసి చిత్రహింసలకు గురిచేశారని తెలుస్తోంది. నేరుగా చంపకుండా.. భవనంపై నుంచి దూకి చనిపోవాలని ప్రేరేపించినట్లు సమాచారం. అయితే అశోక్‌ భవనంపై నుంచి దూకినా స్వల్ప గాయాలే కావడంతో ప్రాణభయంతో పైకిలేచి నడుస్తూ రాగా.. క్షణాల్లో కొందరు వచ్చి ఈడ్చుకుంటూ ఆస్పత్రిలోకి తీసుకెళ్లారు. దీంతో సదరు వ్యక్తులు ఆస్పత్రిలో ఆ యువకుడి ఊపిరి తీసేశారని తెలిసింది. మృతి చెందిన తర్వాత ఆస్పత్రి యాజమాన్యం పోలీసులకు సమాచారం ఇవ్వలేదు. మృతుడి బంధువులు వచ్చి ఆందోళన చేసి, డయల్‌ 100కు ఫిర్యాదు చేసిన తర్వాత పోలీసులు సంఘటన స్థలాన్ని పరిశీలించారు. యువకుడి వీపుపై వాతలు, బలమైన దెబ్బలు ఉండటం కనిపించింది. సీసీ కెమెరాల్లో రికార్డయిన దృశ్యాలు బయటకు రాకుండా ఆస్పత్రి యాజమాన్యం జాగ్రత్తపడినట్లు తెలుస్తోంది. ప్రేమాయణమా.. అప్పుల వారి పనా..? యువకుడి మృతికి ప్రేమాయణం.. లేదా అప్పులే కారణమై ఉండవచ్చని పలువురు చర్చించుకుంటున్నారు. అశోక్‌ ఓ వివాహితతో వాట్సాప్‌ చాటింగ్‌ చేసేవాడని, ఈ క్రమంలోనే ప్రేమకు దారి తీసి ఉండవచ్చని, విషయం తెలిసిన తర్వాత అతడి అడ్డు తొలగించి ఉంటారని అనుమానాలు వ్యక్తం చేస్తున్నారు. దీనికి తోడు అప్పులు కూడా చేశాడని, వసూలు చేసే క్రమంలో ఇలా చావబాది.. ఊపిరి తీసేశారా అన్న అభిప్రాయమూ వినపడుతోంది. నిందితులను కాపాడేందుకు ఒత్తిళ్లు.. ఈ కేసులోని నిందితుల్లో హాస్పిటల్‌కు చెందిన ప్రముఖుడు శ్రీ సత్యసాయి జిల్లాలో ఓ మహిళా ప్రజాప్రతినిధి కుమారుడు, శింగనమల నియోజకవర్గంలోని ప్రముఖ వ్యక్తికి సదరు వ్యక్తి బంధువు. దీంతో అతన్ని కాపాడేందు కోసం అధికార తెలుగుదేశం పార్టీ నేతలు రంగంలోకి దిగి.. పోలీసులపై తీవ్రస్థాయిలో ఒత్తిళ్లు తెస్తున్నట్లు సమాచారం. ఇది ఆత్మహత్యా.. లేక హత్యా అనేది పోస్టుమార్టం నివేదికలో బయటపడనుంది.త్వరలోనే అన్నీ తెలుస్తాయి హిత మల్టీ స్పెషాలిటీ హాస్పిటల్‌ మూడో అంతస్తు నుంచి అశోక్‌ అనే యువకుడు దూకి.. చికిత్స పొందుతూ మృతి చెందాడని సమాచారం అందిన వెంటనే సంఘటన స్థలానికి వెళ్లాం. మృతిపై అనుమానాలు ఉన్నాయని అతడి అక్క ఇచ్చిన ఫిర్యాదు మేరకు కేసు నమోదు చేశాం. ఈ కేసులో పోస్టుమార్టం నివేదికే కీలకం. ఒత్తిళ్లకు తలొగ్గం. నిబంధనల ప్రకారమే కేసు దర్యాప్తు జరుగుతోంది. త్వరలోనే అసలు విషయాలు బయటకు వస్తాయి. – కౌలుట్లయ్య, సీఐ, త్రీటౌన్‌ పోలీసుస్టేషన్, అనంతపురం

వైఎస్సార్‌సీపీ ధర్నా అప్‌డేట్స్‌..మాజీ ఎంపీ అరెస్ట్‌..ఉరవకొండలో ఉద్రిక్తతవైఎస్సార్‌సీపీ సమన్వయకర్త విశ్వేశ్వర రెడ్డి చేపట్టిన ధర్నాకు హాజరయ్యేందుకు వెళ్లిన మాజీ ఎంపీ గోరంట్ల మాధవ్ అరెస్ట్గోరంట్ల మాధవ్‌ను బలవంతంగా లాక్కెళ్లిన పోలీసులుపెనుకొండలో మాజీ మంత్రి శంకర్ నారాయణను హౌస్ అరెస్ట్ చేసిన పోలీసులుమంత్రి పయ్యావుల కేశవ్ భూ అక్రమాలకు వ్యతిరేకంగా నిరసన చేపట్టిన మాజీ ఎమ్మెల్యే విశ్వేశ్వరరెడ్డివిశ్వేశ్వర రెడ్డి కామెంట్స్....పోలీసులకు హైకోర్టు ఉత్తర్వుల కన్నా మంత్రి పయ్యావుల కేశవ్ ఆదేశాలే ముఖ్యమా?మంత్రి పయ్యావుల కేశవ్ ప్రాతినిధ్యం వహిస్తున్న ఉరవకొండ నియోజకవర్గంలో ప్రైవేటు ఆస్తులపై టీడీపీ నేతల పెత్తనం ఏంటి?వేల్పుమడుగులో వైఎస్సార్‌సీపీ నేతకు చెందిన భూమిపై కావాలనే వివాదం సృష్టిస్తున్నారుపోలీసులు, రెవెన్యూ అధికారులు టీడీపీ నేతలకు వత్తాసు పలకడం దుర్మార్గంమంత్రి పయ్యావుల కేశవ్ భూ అక్రమాలపై ఉద్యమాన్ని ఉదృతం చేస్తాం.ఉరవకొండలో ఉద్రిక్తతమాజీ ఎమ్మెల్యే విశ్వేశ్వరరెడ్డి అరెస్ట్ఉరవకొండ వైఎస్సార్‌సీపీ కార్యాలయం నుంచి విశ్వేశ్వరరెడ్డిని ఈడ్చుకెళ్లిన పోలీసులుపోలీసులకు వైఎస్సార్‌సీపీ కార్యకర్తలకు మధ్య వాగ్వాదం, తోపులాటవిశ్వేశ్వర రెడ్డికి సంఘీభావం తెలిపేందుకు వచ్చిన పార్టీ బీసీ విభాగం రాష్ట్ర వర్కింగ్ ప్రెసిడెంట్ రమేష్ గౌడ్‌ను అరెస్ట్ చేసిన పోలీసులుఅనంతపురం జిల్లా ఉరవకొండ నియోజకవర్గంలో ఉద్రిక్తత నెలకొంది. మంత్రి పయ్యావుల కేశవ్ కుట్ర రాజకీయాలకు నిరసనగా నేడు వైఎస్సార్‌సీపీ ఆధ్వర్యంలో ధర్నా నిర్వహించనున్నట్లు వైఎస్సార్‌సీపీ ఉరవకొండ సమన్వయకర్త, మాజీ ఎమ్మెల్యే విశ్వేశ్వరరెడ్డి తెలిపారు. ఈ నేపథ్యంలో ధర్నాకు పోలీసులు అనుమతి నిరాకరించినప్పటికీ, కార్యక్రమం యథావిధిగా కొనసాగుతుందని విశ్వేశ్వరరెడ్డి తాజాగా వీడియోలో వెల్లడించారు.అయితే, విడపనల్ మండలం వేల్పుమడుగులో వైఎస్సార్‌సీపీ నేత గోవింద్‌కు చెందిన 21 ఎకరాల భూమిని ఆలయ భూమిగా టీడీపీ, బీజేపీ నేతలు పేర్కొంటున్నారని, అయితే ఆ భూమి ప్రైవేటు భూమేనని రెవెన్యూ అధికారులు గతంలో స్పష్టం చేశారని వైఎస్సార్‌సీపీ వర్గాలు పేర్కొంటున్నాయి. అలాగే, ఆ భూమికి సంబంధించి హైకోర్టు కూడా వైఎస్సార్‌సీపీ నేతకు అనుకూలంగా ఉత్తర్వులు ఇచ్చిందని పార్టీ నేతలు చెబుతున్నారు.కాగా, మంత్రి పయ్యావుల కేశవ్ ఒత్తిడి కారణంగా హైకోర్టు ఆదేశాలను పోలీసులు, రెవెన్యూ అధికారులు అమలు చేయడం లేదని వైఎస్సార్‌సీపీ ఆరోపిస్తోంది. దీనికి నిరసనగా ఉరవకొండలో ధర్నాకు పిలుపునిచ్చినట్లు విశ్వేశ్వరరెడ్డి తెలిపారు.

ఆంధ్రప్రదేశ్‌, విడపనకల్లు: అనంతపురం జిల్లా విడపనకల్లు మోడల్‌ స్కూల్‌ హాస్టల్లో దారుణ సంఘటన శుక్రవారం వెలుగులోకి వచ్చింది. తల్లిదండ్రులు తెలిపిన వివరాల మేరకు.. విడపనకల్లు గ్రామానికి చెందిన చాకలి సుంకన్న కుమార్తె సుస్మిత, మహబూబ్‌ బాష కుమార్తె సోఫియా స్థానిక ఆదర్శ పాఠశాలలో ఇంటర్మీడియెట్‌ ప్రథమ సంవత్సరం చదువుతున్నారు.ఏమైందో ఏమో కానీ అదే హాస్టల్లో ఉంటూ ఇంటర్‌ చదువుతున్న మరో విద్యార్థిని గురువారం రాత్రి పడుకున్న సమయంలో బ్లేడుతో సుస్మిత, సోఫియాల గొంతు కోయడానికి ప్రయత్నించింది. బ్లేడు సరిగా తెగకపోవడంతో ఇద్దరికి గొంతు కింద స్వల్ప గాయమైంది. గొంతు కోసిన విద్యార్థినిని వెంటనే హాస్టల్‌ నుంచి ఇంటికి పంపించేశారు. గాయ­పడిన విద్యార్థి­నులను కనీసం ఆసుపత్రికి కూడా తీసుకెళ్లలేదు. వార్డెన్‌ కనీసం తల్లిదండ్రులకు కూడా తెలపలేదు.విషయం తెలుసుకున్న తల్లిదండ్రులు శుక్ర­వారం మోడల్‌ స్కూల్‌కు చేరుకుని ప్రిన్సిపాల్, వార్డెన్‌లపై తీవ్ర స్థాయిలో మండి పడ్డారు. తమ పిల్లలకు ఏదైనా జరిగి ఉంటే ఎవరు బాధ్యత వహిస్తారని నిలదీశారు. తమ పిల్లల ప్రాణాలతో చెలగాటమాడతారా అంటూ వార్డెన్‌ నల్లమ్మను నిలదీశారు. ఇందుకు వార్డెన్‌.. ‘మీ పిల్లల ప్రాణాలు పోలేదు కదా ఏదో చిన్న గీత పడిందంటూ నిర్లక్ష్యంగా సమాధానం ఇవ్వడంతో తల్లిదండ్రులు మరింత ఆగ్రహం వ్యక్తం చేశారు. ఉన్నతాధికారులు స్పందించి వార్డెన్‌పై చర్యలు తీసుకోవాలని కోరారు.

అనంతపురం సిటీ: అనంతపురం జిల్లా సర్వజనాస్పత్రి (జీజీహెచ్‌)లో దారుణం చోటు చేసుకుంది. పీడియాట్రిక్‌ వార్డులో చికిత్స పొందుతున్న 58 రోజుల పసికందును సొంత నానమ్మ రెండస్తుల ఎత్తు నుంచి కిందకు పడేసింది. వివరాల్లోకెళ్తే.. శ్రీసత్యసాయి జిల్లా లేపాక్షి మండలం కంచి సముద్రం పంచాయతీ మామిడాకులపల్లికి చెందిన అశోక్‌ కుమార్‌ భార్య పూజిత మే 31న హిందూపురంలోని ప్రభుత్వాస్పత్రిలో ఆడబిడ్డకు జన్మనిచ్చింది. నవజాత శిశువుకు ఫిట్స్‌ వస్తుండడంతో మెరుగైన వైద్యం కోసం ఈనెల 22న జీజీహెచ్‌కు తీసుకొచ్చారు. చిన్నారికి వైద్యులు రెండో అంతస్తులో ఉన్న పిడియాట్రిక్‌ వార్డులో చికిత్స అందిస్తున్నారు.ఈ క్రమంలో మంగళవారం వేకువజామున ఒంటిగంట సమయంలో శిశువుకు పాలు పట్టి తల్లి నిద్రిస్తుండగా వారికి సహాయకురాలిగా ఉన్న చిన్నారి నానమ్మ పసికందును తీసుకెళ్లి రెండో అంతస్తు పైనుంచి కిందకు పడేసింది. అనంతరం ఏమీ తెలియనట్టు కోడలి వద్దకు వెళ్లింది. కొద్దిసేపటి తర్వాత చిన్నారి కనిపించడం లేదంటూ హడావుడి చేసింది. అప్రమత్తమైన సెక్యూరిటీ సిబ్బంది చిన్నారి పడిపోయి ఉండటాన్ని గుర్తించగా, వెంటనే ఐసీయూకు తరలించారు. ప్రస్తుతం చిన్నారి ఆరోగ్యం నిలకడగా ఉన్నట్లు వైద్యులు తెలిపారు. సమాచారం అందుకున్న అనంతపురం రెండో పట్టణ పోలీసులు జీజీహెచ్‌కు చేరుకుని విచారణ చేపట్టారు. ఆడ పిల్ల అని వద్దనుకున్నారా? లేదా ఇతర కారణాలు ఏమైనా ఉన్నాయా అనేది తెలియాల్సి ఉంది.

సాక్షి, తాడిపత్రి: తాడిపత్రిలో పోలీసులు ప్రేక్షక పాత్ర పోషించడం బాధాకరం. వైఎస్సార్‌సీపీ నేతలు, కార్యకర్తల ఇళ్ల వద్దకు టీడీపీ నేతలు వెళ్లి దౌర్జన్యాలు చేస్తున్నా చర్యలు ఎందుకు తీసుకోవడం లేదు? అని మాజీ ఎమ్మెల్యే కేతిరెడ్డి పెద్దారెడ్డి ప్రశ్నించారు. ఇదే సమయంలో టీడీపీ నేతల తీరుపై తీవ్ర ఆగ్రహం వ్యక్తం చేశారు. జేసీ ప్రభాకర్ రెడ్డి అరాచకాలు, పోలీసుల ప్రేక్షక పాత్రపై ప్రజా ఉద్యమం చేస్తామని హెచ్చరించారు.ఇటీవల పెద్దవడగూరు వైఎస్సార్ కాంగ్రెస్ పార్టీ నేత చిదంబర్ రెడ్డి ఇంటి వద్ద టీడీపీ నేత జేసీ ప్రభాకర్ రెడ్డి తన అనుచరులతో హంగామా సృష్టించిన విషయం తెలిసిందే. ఈ నేపథ్యంలో చిదంబర్ రెడ్డిని మాజీ ఎమ్మెల్యే కేతిరెడ్డి పెద్దారెడ్డి తాజాగా పరామర్శించారు. ఆరోపించారు. ఈ సందర్భంగా పెద్దవడగూరు మండలంలో వరుసగా దాడులు, దౌర్జన్యాలు జరుగుతున్నా పోలీసులు పట్టించుకోవడం లేదని పెద్దారెడ్డి మండిపడ్డారు. టీడీపీ నేతల తీరుపై తీవ్ర ఆగ్రహం వ్యక్తం చేశారు.అనంతరం, పెద్దారెడ్డి మాట్లాడుతూ..‘తాడిపత్రి నియోజకవర్గంలో 24 మంది వైఎస్సార్‌సీపీ నేతలను టార్గెట్ చేస్తున్నట్లు జేసీ ప్రభాకర్ రెడ్డి ప్రకటించారు. దాడులు, బెదిరింపులపై బహిరంగంగా మాట్లాడుతున్నా పోలీసులు స్పందించకపోవడం అన్యాయం. చట్టాన్ని చేతుల్లోకి తీసుకుని అలజడి సృష్టిస్తున్న వారిపై చర్యలు తీసుకోవాల్సిన బాధ్యత పోలీసులకు లేదా?. టీడీపీ నేత జేసీ ప్రభాకర్ రెడ్డి, తాడిపత్రి ఎమ్మెల్యే జేసీ అస్మిత్ రెడ్డి.. నియోజకవర్గంలో శాంతిభద్రతల పరిస్థితిపై దృష్టి పెట్టాలి. ఈ మేరకు ప్రభుత్వాన్ని కూడా డిమాండ్ చేస్తున్నాం. జేసీ ప్రభాకర్ రెడ్డి అరాచకాలు, పోలీసుల ప్రేక్షక పాత్రపై ప్రజా ఉద్యమం చేస్తాం’ అని వ్యాఖ్యానించారు.

అనంతపురం సెంట్రల్‌: అనంతపురంలో దారుణం జరిగింది. తాగుడుకు బానిసైన కుమారుడితో విసిగి వేజారిన ఓ తల్లి కత్తెరతో పొడిచి చంపింది. ఈ ఘటన సోమవారం సాయంత్రం అనంతపురం నగరంలోని మొదటిరోడ్డు శివాలయం సమీపంలో చోటు చేసుకుంది. త్రీటౌన్‌ పోలీసులు తెలిపిన వివరాల మేరకు.. వైఎస్సార్‌ కడప జిల్లా ప్రొద్దుటూరుకు చెందిన సునీత, బ్రహ్మయ్య ఆచారి దంపతులు ఐదేళ్ల క్రితం నగరానికి వచ్చారు. కొంతకాలంగా మొదటిరోడ్డు శివాలయం సమీపంలో ఓ ఇంట్లో అద్దెకు ఉంటున్నారు. వీరికి కుమారుడు సురేంద్రచారి(28) ఉన్నాడు. వీరి కుటుంబం కార్పెంటర్‌ వృత్తిపై ఆధారపడి జీవిస్తోంది. అయితే.. అవివాహితుడైన సురేంద్రచారి కొన్నేళ్లుగా తాగుడుకు బానిసయ్యాడు. పనికి వెళ్లకుండా మద్యం తాగేందుకు డబ్బు ఇవ్వాలంటూ నిత్యం తల్లిదండ్రులపై దాడి చేస్తూ వేధించేవాడు. సోమవారం సాయంత్రం తల్లి సునీతతో గొడవ పెట్టుకున్నాడు. పలు దఫాలు దాడికి పాల్పడ్డాడు. దీంతో తీవ్ర మనస్తాపానికి గురైన సునీత అక్కడే ఉన్న దుస్తులు కత్తిరించే కత్తెరతో పొడిచింది. తీవ్ర రక్తస్రావం కావడంతో ఘటనా స్థలంలోనే మృతి చెందాడు. విషయం తెలుసుకున్న త్రీటౌన్‌ పోలీసుస్టేషన్‌ ఇన్‌చార్జ్‌ సీఐ వెంకటేశ్వర్లు, ఎస్‌ఐ శరత్‌చంద్ర, సిబ్బంది ఘటనా స్థలాన్ని పరిశీలించారు. హత్యకు గల కారణాలను ఆరా తీశారు. మృతదేహాన్ని పోస్టుమార్టం నిమిత్తం ప్రభుత్వాసుపత్రికి తరలించారు. ఘటనపై కేసు నమోదు చేసి దర్యాప్తు చేయనున్నట్లు పోలీసులు తెలిపారు.

సాక్షి, అనంతపురం: అనంతపురంలో తీవ్ర ఉద్రిక్తత చోటుచేసుకుంది. రాప్తాడు మాజీ ఎమ్మెల్యే తోపుదుర్తి ప్రకాష్ రెడ్డిని పోలీసులు అరెస్ట్ చేశారు. అనంతపురం నగరంలోని శ్రీనగర్ కాలనీలో తోపుదుర్తిని పోలీసులు అదుపులోకి తీసుకున్నారు. టీడీపీ ఎమ్మెల్యేల ప్రశ్నలకు సమాధానం చెప్పేందుకు వెళ్తుండగా ఆయనను పోలీసులు అరెస్ట్ చేశారు. దీంతో, పోలీసుల తీరుకు నిరసనగా వైఎస్సార్ కాంగ్రెస్ పార్టీ నేతలు ధర్నాకు దిగారు. ఇక, అంతకుముందు.. టీడీపీ నేతలు మాజీ ఎమ్మెల్యే తోపుదుర్తి ప్రకాష్ రెడ్డిని టార్గెట్ చేశారు. తోపుదుర్తి ప్రకాష్ రెడ్డి ఇంటి వద్ద ఆందోళనకు టీడీపీ నేతలు పిలుపునిచ్చారు. దీనికి ధీటుగా టీడీపీ నేతల దౌర్జన్యాలను ఎదుర్కొనేందుకు తోపుదుర్తి సిద్ధమయ్యారు. టీడీపీకి కౌంటర్‌గా వైఎస్సార్‌సీపీ కార్యకర్తల సమావేశాన్ని ఏర్పాటు చేశారు.ఇటీవల తనపై టీడీపీ నేతలు చేసిన వ్యాఖ్యలను ప్రస్తావిస్తూ తోపుదుర్తి ప్రకాష్ రెడ్డి తీవ్రంగా స్పందించారు. మడకశిర ఎమ్మెల్యే ఎంఎస్ రాజును ముందుకు పెట్టి పరిటాల శ్రీరామ్, అమిలినేని సురేంద్ర బాబు రాజకీయాలు చేస్తున్నారని తోపుదుర్తి విమర్శించారు. ఈ వ్యవహారంపై ఆయన తన పార్టీ కార్యకర్తలతో సమావేశం నిర్వహించి, టీడీపీ నేతల ఆరోపణలను రాజకీయంగా ఎదుర్కొంటామని స్పష్టం చేశారు. ఈ నేపథ్యంలో వైఎస్సార్‌సీపీ కార్యకర్తల సమావేశాన్ని తోపుదుర్తి ఏర్పాటు చేశారు. దీంతో, రంగంలోకి దిగిన పోలీసులు.. తోపుదుర్తి ఇంటి వద్ద భారీగా మోహరించారు. తోపుదుర్తి ఇంటికి వైఎస్సార్‌సీపీ కార్యకర్తలు వెళ్లకుండా వారిని అడ్డుకుంటున్నారు. తోపుదుర్తి ఇంటి వద్దకు పార్టీ శ్రేణులు చేరకుండా పోలీసులు ఆంక్షలు విధించారు. అనంత సరిహద్దుల్లో కూడా వైఎస్సార్‌సీపీ నేతలను పోలీసులు అడ్డుకున్నారు. పలువురు నేతలను అరెస్ట్‌ చేశారు.

సాక్షి, అనంతపురం: అనంతపురంలో హై టెన్షన్ నెలకొంది. టీడీపీ నేతలు వైఎస్సార్‌సీపీ రాప్తాడు సమన్వయకర్త, మాజీ ఎమ్మెల్యే తోపుదుర్తి ప్రకాష్ రెడ్డిని టార్గెట్ చేశారు. ఈ క్రమంలో తోపుదుర్తి ప్రకాష్ రెడ్డి ఇంటి వద్ద ఆందోళనకు టీడీపీ నేతలు పిలుపునిచ్చారు. దీనికి ధీటుగా టీడీపీ నేతల దౌర్జన్యాలను ఎదుర్కొనేందుకు తోపుదుర్తి సిద్ధమయ్యారు. టీడీపీకి కౌంటర్‌గా వైఎస్సార్‌సీపీ కార్యకర్తల సమావేశాన్ని ఏర్పాటు చేశారు.కాగా, మాజీ ఎమ్మెల్యే తోపుదుర్తి ప్రకాష్ రెడ్డి ఇటీవల తనను లక్ష్యంగా చేసుకుని తెలుగుదేశం పార్టీ నేతలు కుట్రలు చేస్తున్నారని ఆరోపించారు. తనకు ప్రాణహాని కలిగించే ప్రయత్నాలు జరుగుతున్నాయని, తన హత్యకు ధర్మవరం టీడీపీ ఇంఛార్జి పరిటాల శ్రీరామ్, కళ్యాణదుర్గం టీడీపీ ఎమ్మెల్యే అమిలినేని సురేంద్ర బాబు కుట్ర చేశారని తెలిపారు. ఇందుకు మంత్రి నారా లోకేష్ సహకరిస్తున్నారని ఆరోపణలు గుప్పించారు.ఇటీవల తనపై టీడీపీ నేతలు చేసిన వ్యాఖ్యలను ప్రస్తావిస్తూ తోపుదుర్తి ప్రకాష్ రెడ్డి తీవ్రంగా స్పందించారు. మడకశిర ఎమ్మెల్యే ఎంఎస్ రాజును ముందుకు పెట్టి పరిటాల శ్రీరామ్, అమిలినేని సురేంద్ర బాబు రాజకీయాలు చేస్తున్నారని తోపుదుర్తి విమర్శించారు. ఈ వ్యవహారంపై ఆయన తన పార్టీ కార్యకర్తలతో సమావేశం నిర్వహించి, టీడీపీ నేతల ఆరోపణలను రాజకీయంగా ఎదుర్కొంటామని స్పష్టం చేశారు. ఈ నేపథ్యంలో వైఎస్సార్‌సీపీ కార్యకర్తల సమావేశాన్ని తోపుదుర్తి ఏర్పాటు చేశారు. దీంతో, రంగంలోకి దిగిన పోలీసులు.. తోపుదుర్తి ఇంటి వద్ద భారీగా మోహరించారు. తోపుదుర్తి ఇంటికి వైఎస్సార్‌సీపీ కార్యకర్తలు వెళ్లకుండా వారిని అడ్డుకుంటున్నారు. తోపుదుర్తి ఇంటి వద్దకు పార్టీ శ్రేణులు చేరకుండా పోలీసులు ఆంక్షలు విధించారు.

సాక్షి, అనంతపురం: రాప్తాడు వైఎస్సార్‌సీపీ నేత, మాజీ ఎమ్మెల్యే తోపుదుర్తి ప్రకాష్‌రెడ్డికి తృటిలో ప్రమాదం తప్పింది. రాంగ్ రూట్‌లో అత్యంత వేగంగా టిప్పర్ దూసుకొచ్చింది. మాజీ ఎమ్మెల్యే తోపుదుర్తి ప్రకాష్ రెడ్డి వాహనాన్ని టిప్పర్ స్వల్పంగా ఢీకొంది. శింగనమల నియోజకవర్గం సి.బండమీదపల్లి గ్రామం వద్ద ఘటన జరిగింది. కళ్యాణదుర్గం టీడీపీ ఎమ్మెల్యే అమిలినేని సురేంద్ర బాబు సంస్థకు చెందిన టిప్పర్‌గా గుర్తించారు. ఘటనను ఎస్పీ దృష్టికి తోపుదుర్తి తీసుకెళ్లారు. ఘటనపై పోలీసులు విచారణ చేపట్టారు.

తాడిపత్రి అప్‌డేట్స్‌..మాజీ ఎమ్మెల్యే అనంత వెంకటరామిరెడ్డి కామెంట్స్..తాడిపత్రి వెళ్లాలంటే వీసా కావాలా?పోలీసులు టీడీపీ నేత జేసీ ప్రభాకర్ రెడ్డి తొత్తులుగా వ్యవహరించటం దుర్మార్గంతాడిపత్రి నియోజకవర్గంలో వైఎస్సార్‌సీపీ నేతలు, కార్యకర్తలపై జరుగుతున్న దాడులు కనిపించవా?అనంతపురం పోలీసులకు హైకోర్టు ఆదేశాల కన్నా.. జేసీ ఆదేశాలే ముఖ్యమా?జేసీ ప్రభాకర్ రెడ్డి హింసా రాజకీయాలను ప్రజాస్వామ్య బద్ధంగా ఎదుర్కొంటాం. మాజీ ఎంపీలు తలారి రంగయ్య, మాధవ్‌ అరెస్ట్‌..తాడిపత్రిలో ప్రజాస్వామ్యాన్ని కాపాడాలంటూ నినాదాలు.మాజీ ఎంపీలు తలారి రంగయ్య, మాధవ్‌ అరెస్ట్‌.తాడిపత్రి వెళ్తున్న రంగయ్య, మాధవ్‌ను అరెస్ట్‌ చేసిన పోలీసులు.తాడిపత్రి వెళ్లకుండా వైఎస్సార్‌సీపీ నేతలను అడ్డుకుంటున్న పోలీసులు.మహిళా కార్యకర్తలపై పోలీసుల దౌర్జన్యం.మహిళా కార్యకర్తలను లాగిపడేసిన పోలీసులు.పోలీసుల తీరుపై పార్టీ నేతల ఆగ్రహం. తాడిపత్రిలో హైటెన్షన్పెద్దారెడ్డి అరెస్ట్‌ను అడ్డుకున్న పార్టీ నాయకులు, కార్యకర్తలుఇంటి లోపల నిరసన తెలుపుతున్న మాజీ ఎమ్మెల్యే కేతిరెడ్డి పెద్దారెడ్డికేతిరెడ్డి పెద్దారెడ్డి ఇంటి వద్ద భారీ ఎత్తున పోలీసుల మోహరింపురోడ్డుపై బైఠాయించిన మాజీ ఎమ్మెల్యేలు అనంత వెంకటరామిరెడ్డి, విశ్వేశ్వరరెడ్డితాడిపత్రి బయలుదేరిన అనంత వెంకటరామిరెడ్డి, విశ్వేశ్వరరెడ్డి లను అడ్డుకున్న పోలీసులుభారీగా స్తంభించిన ట్రాఫిక్బారికేడ్లను అడ్డుగా పెట్టి వైఎస్సార్‌సీపీ నేతలు కార్యకర్తలను అడ్డుకున్న పోలీసులు వైఎస్సార్‌సీపీ ఆఫీసు వద్ద ఉద్రిక్తత..తాడిపత్రి బయలుదేరిన మాజీ ఎమ్మెల్యేలు అనంత వెంకటరామిరెడ్డి, విశ్వేశ్వర రెడ్డిలను అడ్డుకున్న పోలీసులుపోలీసులతో అనంత, విశ్వ వాగ్వాదంపోలీసులు, వైఎస్సార్‌సీపీ శ్రేణుల మధ్య వాగ్వాదం, తోపులాటకేతిరెడ్డి పెద్దారెడ్డి కామెంట్స్తాడిపత్రిలో ప్రజాస్వామ్యాన్ని కాపాడాలి అంటూ వైఎస్సార్‌సీపీ కార్యకర్తలు, నేతల నినాదాలుకేతిరెడ్డి పెద్దారెడ్డి కామెంట్స్తాడిపత్రి నియోజకవర్గంలో రెడ్ బుక్ రాజ్యాంగం నడుస్తోందివైఎస్సార్ కాంగ్రెస్ పార్టీ నాయకులు కార్యకర్తలు రక్తంతో రెడ్‌బుక్ తడిచి పోయిందితాడిపత్రిలో పోలీసులు ఉన్నా ప్రయోజనం లేదుపోలీసులు కళ్ల ముందే పార్టీ నాయకుడు శివ కేశవ రెడ్డిపై దాడి చేశారుపోలీసులపై దాడి చేసినా దిక్కు లేదు..పోలీసులు తీరుపై ఆగ్రహం వ్యక్తం చేసిన మాజీ ఎమ్మెల్యే పెద్దారెడ్డిపెద్దారెడ్డి ఇంటిబయట ఉద్రిక్తతతాడిపత్రి భగత్ సింగ్ నగర్ మాజీ ఎమ్మెల్యే కేతిరెడ్డి పెద్దారెడ్డి ఇంటిబయట ఉద్రిక్తతతాడిపత్రిలో ప్రజాస్వామ్యాన్ని కాపాడాలంటూ గాంధీ విగ్రహం వద్ద సామూహిక నిరసనకు పిలుపు ఇచ్చిన పెద్దారెడ్డిఇంటి బయట అడ్డుకున్న పోలీసులు, రోడ్డుపై బైఠాయించి నిరసన తెలుపుతున్న పెద్దారెడ్డి 👉అనంతపురం జిల్లా తాడిపత్రిలో ఉద్రిక్త పరిస్థితులు నెలకొన్నాయి. టీడీపీ నేత జేసీ ప్రభాకర్ రెడ్డి హింసాత్మక రాజకీయాలను నిరసిస్తూ గాంధీ విగ్రహం వద్ద సామూహిక నిరాహార దీక్షకు వైఎస్సార్‌సీపీ పిలుపునివ్వడంతో పట్టణంలో భారీ పోలీసు బందోబస్తు ఏర్పాటు చేశారు. తాడిపత్రి మాజీ ఎమ్మెల్యే కేతిరెడ్డి పెద్దారెడ్డి ఆధ్వర్యంలో ఈ కార్యక్రమం నిర్వహించేందుకు ఏర్పాట్లు చేయగా.. పార్టీ కార్యకర్తలను పోలీసులు ఎక్కడికక్కడే అడ్డుకుంటున్నారు.👉దీంతో, మాజీ ఎమ్మెల్యే కేతిరెడ్డి పెద్దారెడ్డి తన ఇంటి బయట రోడ్డుపై బైఠాయించి నిరసనకు దిగారు. తాడిపత్రిలో ప్రజాస్వామ్యం కాపాడాలి అంటూ నినాదాలు చేశారు. ఈ సందర్బంగా పెద్దారెడ్డి మీడియాతో మాట్లాడుతూ.. తాడిపత్రిలో ప్రజాస్వామ్యాన్ని కాపాడాలి. పోలీసుల కనుసన్నల్లో మట్కా, గంజాయి సాగు చేస్తున్నారు. రాష్ట్రంలో లోకేష్‌ రెడ్‌బుక్‌ రాజ్యాంగం నడుస్తోంది. ఉదయం నుంచి మా నెత్తిమీద డ్రోన్లు ఎగురవేస్తున్నారు. పోలీసులే రౌడీలుగా వ్యవహరిస్తున్నారు. జేసీ ప్రభాకర్ రెడ్డికి తొత్తులుగా పోలీసులు మారారు’ అంటూ ఆగ్రహం వ్యక్తం చేశారు. 👉మరోవైపు.. పెద్దారెడ్డి ఇంటికి భారీ ఎత్తున వైఎస్సార్‌సీపీ నాయకులు కార్యకర్తలు చేరుకుంటున్నారు. అయితే, పెద్దారెడ్డి ఇంటికి వెళ్లకుండా నాలుగు వైపుల పోలీసులు భారీ ఎత్తున మోహరించారు. తాడిపత్రికి వచ్చే అన్ని వాహనాలను పోలీసులు క్షుణ్ణంగా తనిఖీలు చేస్తున్నారు. భగత్ సింగ్ నగర్ వద్ద భారీ ఎత్తున పోలీసులు మోహరించారు. పోలీసులు.. భగత్ సింగ్ నగర్‌లో పార్టీ నాయకులు, కార్యకర్తలను అడ్డుకోవడంతో వారంతా నిరసన వ్యక్తం చేస్తూ రోడ్డుపైనే టిఫిన్ తింటూ నిరసన తెలుపుతున్నారు. తాడిపత్రిలో ప్రజాస్వామ్యాన్ని కాపాడాలంటూ నినాదాలు చేస్తున్నారు. జేసీ ప్రభాకర్ రెడ్డి దౌర్జన్యాలకు పోలీసులు సహకరిస్తున్నారని మండిపడతున్నారు.

అనంతపురం సిటీ: అనంతపురం సర్వజనా­స్ప­త్రి­లోని గైనిక్‌ విభాగం బాత్రూమ్‌లో శిశువు మృత­దేహం కలకలం రేపింది. గురువారం బాత్రూమ్‌ శుభ్రం చేసేందుకు వెళ్లిన పారిశుధ్య కార్మికురాలు మృతశిశువును గుర్తించి సూపర్‌వైజర్‌కు సమా­చారమిచ్చారు. ఆయన సూచనతో మృత శిశువును గుట్టుచప్పుడు కాకుండా అక్కడి నుంచి తొలగించారు. కాగా, ఈ అంశంపై అన్నీ అనుమానాలే వ్యక్తమవు­తున్నాయి. పూర్తి స్థాయిలో అవయ­వాలు ఎదగని స్థితిలో ఉన్న పిండాన్ని బాగా శుభ్రం చేసి బాత్రూమ్‌లో పడేసినట్లుగా తెలుస్తోంది. కాగా..రెండు, మూడు రోజులుగా జీజీహెచ్‌లో­ని లేబర్‌ వార్డులో ఎలాంటి అబార్షన్లూ జరగలే­దని ఆస్పత్రి రికా­ర్డులు స్పష్టం చేస్తు­న్నాయి. బాత్రూమ్‌లో అబార్షన్‌ జరిగి ఉంటే అక్కడ రక్తపు మరకలు పడి ఉండాలి. కానీ అలాంటి ఆనవాళ్లు ఏవీ అక్కడ లేవు. అంతేకాక, మృతశిశువుపై కూడా ఎలాంటి రక్తపు మరకలు లేకపోవడం కూడా అనుమానాలకు తావిస్తోంది. ఈ అంశంపై జీజీహెచ్‌ సూపరింటెండెంట్‌ డాక్టర్‌ మల్లీశ్వరి విచారణకు ఆదేశించారు.కాగా, గైనిక్‌ విభాగంలోని నర్సింగ్‌ సిబ్బందితో తమకున్న విభేదాల కారణంగా నర్సులను ఇబ్బంది పెట్టే క్రమంలో బాత్రూ­మ్‌లో మృతశిశువు అంశాన్ని పారిశుధ్య కార్మికులు ఉపయోగించుకున్నారనే ఆరో­పణ­లు­న్నాయి. ఈ నేపథ్యంలోనే తాము తీసిన ఫొటోను తెలిసిన వారికి పంపి, అంశం కాస్త బహిర్గత­మయ్యేలా చేసినట్లు అనుమాని­స్తున్నారు.

సాక్షి, రాప్తాడు: అనంతపురం జిల్లాలో విషాదం చోటుచేసుకుంది. రాప్తాడు మండలం గంగులకుంట వద్ద రైలు కింద పడి ఓ ప్రేమ జంట ఆత్మహత్యకు పాల్పడింది. దీంతో వివరాలు తెలుసుకున్న పోలీసులు వెంటనే అక్కడికి చేరుకొని దర్యాప్తు చేపట్టారు. అయితే ప్రేమ జంట మృతికి పెళ్లికి అంగీకరించకపోవడం కారణమా లేదా మరే ఇతర కారణాలేమైనా ఉన్నాయా అనే విషయం తెలియాల్సి ఉంది. ఈ ఘటనతో ఆప్రాంతంలో విషాదచాయలు అలుముకున్నాయి.

సాక్షి, అనంతపురం: తాడిపత్రిలో ఉద్రిక్తత చోటుచేసుకుంది. తాడిపత్రి వైఎస్సార్‌సీపీ సమన్వయకర్త, మాజీ ఎమ్మెల్యే కేతిరెడ్డి పెద్దారెడ్డిని పోలీసులు హౌస్ అరెస్ట్ చేశారు. కేతిరెడ్డి పెద్దారెడ్డి ఆధ్వర్యంలో నేడు చంద్రబాబు వెన్నుపోటుకు రెండేళ్లు కార్యక్రమం జరుగుతుండగా.. పెద్దారెడ్డికి పోటీగా టీడీపీ నేత జేసీ ప్రభాకర్ రెడ్డి బైక్ ర్యాలీ నిర్వహిస్తున్నారు. ఈ క్రమంలో పెద్దారెడ్డికి అనుమతి లేదంటూ ఆయనను పోలీసులు అడ్డుకున్నారు. దీంతో, వైఎస్సార్‌సీపీ కార్యకర్తలు, పోలీసులకు మధ్య వాగ్వాదం, తోపులాట జరిగింది.వివరాల ప్రకారం.. మాజీ ఎమ్మెల్యే కేతిరెడ్డి పెద్దారెడ్డి శుక్రవారం ఉదయం చంద్రబాబు వెన్నుపోటుకు రెండేళ్లు నిరసన ప్రదర్శనకు హాజరయ్యేందుకు బయలుదేరగా ఆయనను తాడిపత్రి పోలీసులు అడ్డుకున్నారు. అనంతరం, ఆయన బయటకు వెళ్లేందుకు అనుమతి లేదంటూ హౌస్‌ అరెస్ట్‌ చేశారు. ఈ క్రమంలో పోలీసుల తీరుపై పెద్దారెడ్డి ఆగ్రహం వ్యక్తం చేశారు. టీడీపీ నేత జేసీ ప్రభాకర్ రెడ్డి ఆదేశాలతో తనను అడ్డుకుంటున్నారని మండిపడ్డారు.అయితే, తాడిపత్రి నియోజకవర్గంలో మాజీ ఎమ్మెల్యే కేతిరెడ్డి పెద్దారెడ్డి పర్యటనలకు ఇప్పటికే హైకోర్టు గ్రీన్ సిగ్నల్ ఇచ్చిన విషయం తెలిసిందే. హైకోర్టు ఆదేశాలు ఉన్నప్పటికీ పెద్దారెడ్డిని పోలీసులు అడ్డుకోవడంపై పార్టీ నేతలు, స్థానికులు.. పోలీసులు తీరుపై మండిపడుతున్నారు. టీడీపీ నేతలకు పోలీసులు వత్తాసు పలుకుతున్నారనే విమర్శలు వస్తున్నాయి.

పరిమితికి మించిన ప్రయాణం ప్రమాదకరమని తెలిసినా కొందరు అలానే వెళ్తున్నారు. అనంతపురంలో ఓ ద్విచక్రవాహనంపై ఏకంగా ఏడుగురు ప్రయాణించారు. ఇంటిల్లిపాదీ ఒకే బైక్‌పై వెళ్లడం చూసిన జనం ముక్కున వేలేసుకున్నారు. – సాక్షి ఫొటోగ్రాఫర్, అనంతపురం

అనంతపురం సెంట్రల్‌: అనంతపురం నగర వన్‌టౌన్‌ సీఐ వెంకటేశ్వర్లు బూతు పురాణం సోషల్‌ మీడియాలో వైరల్‌గా మారింది. తాను సీఐ అనే విషయం మరచిపోయి బూతులతో రెచ్చిపోయారు. ఓ పశువుల వ్యాపారితో ఆయన అసభ్యకర సంభాషణ సోషల్‌ మీడియాలో విన్న నెటిజన్లు ‘ఇతను అసలు సీఐనా.. లేక మరేమైనా’ అని విమర్శిస్తున్నారు. అసలేం జరిగిందంటే... జిల్లాలోనే అతి పెద్ద పశువుల సంత ప్రతి ఆదివారం అనంతపురం మార్కెట్‌యార్డులో జరుగుతుంది. ఇక్కడి నుంచి బెంగళూరు, చెన్నై ప్రాంతాలకు పశువులను అక్రమంగా కబేళాలకు తరలిస్తున్నారు. ఇలా తరలించే వారు కొంత మంది ముఠాగా ఉన్నారు. ఆ వ్యక్తులు ఎవరన్నది పోలీసులకు తెలుసు. ప్రతి వారం ట్రక్కులు బయలుదేరిన వెంటనే ఆయా మార్గాల్లోని పోలీసు స్టేషన్‌లకు ముడుపులు వెళతాయనే ఆరోపణలు ఉన్నాయి. ఈ తంతు కాస్త ఈ వారం రివర్స్‌ అయ్యింది. దళిత నాయకుడు రికార్డు చేయడంతో.. స్థానిక మార్కెట్‌యార్డు నుంచి సోమవారం రాత్రి రెండు ట్రక్కులు పశువులతో బయలుదేరాయి. మార్గమధ్యంలో ఓ దళిత సంఘం నాయకుడు ఆ వాహనాలను తన సెల్‌ఫోన్‌లో రికార్డు చేసే సమయంలో సదరు సీఐ వాహనం కూడా అక్కడే ఉంది. దీంతో ఏం జరిగిందో ఏమో కానీ.. ‘వాహనాలు వెళ్లడానికి వీల్లేదు. మార్కెట్‌యార్డుకు తరలించాల’ని సీఐ ఆదేశించారు. వాటికి బ్లూకోల్ట్‌ కానిస్టేబుల్‌ను కాపలాగా ఉంచాడు. అయితే సదరు పశువుల వ్యాపారి కానిస్టేబుల్‌ కళ్లుగప్పి వాహనాలను రాప్తాడు దాటించాడు. వెంటనే సదరు పశువుల వ్యాపారికి సీఐ ఫోన్‌ చేసి బూతులు లంకించుకున్నాడు. ‘ఎవరిని అడిగి వాహనాలు తీసుకెళ్లావు రా లం.. కొడకా... మెట్టితో కొడతా.. చెత్తనా కొడకా.. చిల్లర నా కొడకా.. వాహనాలు పట్టుకున్న విషయం ఎస్పీకి, డీఎస్పీకి కూడా చెప్పాను. వెంటనే వాహనాలు మార్కెట్‌యార్డుకు రాకపోతే నీ కాళ్లు విరగ్గొడతా’ అంటూ ఐదు నిమిషాలకు పైగా బూతులతో రెచ్చిపోయారు. పోలీసు సిబ్బందితోనూ అదే తీరు నేరం చేసిన వ్యక్తులతోనే కాదు.. పోలీసు స్టేషన్‌కు వచ్చే వారితోనూ.. తన కింద పనిచేసే పోలీసు సిబ్బందితో కూడా సీఐ వెంకటేశ్వర్లు అదే తీరులోనే మాట్లాడతారనే విమర్శలు వ్యక్తమవుతున్నాయి. అందరి ముందూ అవమానకరంగా మాట్లాడుతుండడంతో గతంలో కొంతమంది ఈ స్టేషన్‌ మాకొద్దు బాబోయ్‌ అని ఇతర పోలీసుస్టేషన్‌లకు బదిలీపై వెళ్లిపోయారు. కొంతమంది విధిలేక భరిస్తూ విధులు నిర్వహిస్తున్నారు. ఫ్రెండ్లీ పోలీసింగ్‌.. మర్యాదగా మాట్లాడుకుందాం అనే మాటలు ఈ సీఐకి పనికిరావనే అభిప్రాయం సర్వత్రా వినిపిస్తోంది.

సాక్షి, అనంతపురం: అనంతపురం టీడీపీ కార్యాలయంలో మహిళా నేతల మధ్య ఆధిపత్య పోరు బట్టబయలైంది. మహిళా నేతలు.. రెండు వర్గాలుగా విడిపోయారు. సంగా తేజశ్వణి - సరళ వర్గాలు పర‌స్పరం బూతులు తిట్టుకున్నారు. సోషల్ మీడియాలో టీడీపీ మహిళా నేతల బూతు పురాణం వైరల్‌గా మారింది.టీడీపీకి చెందిన మహిళా నేతల మధ్య కొన్ని రోజలుగా వార్‌ కొనసాగుతోంది. పార్టీ కార్యాలయం వేదికగా రెండు రోజుల క్రితం జరిగిన ఈ సంఘటన వీడియో ప్రస్తుతం సోషల్‌ మీడియాలో వైరల్‌ అవుతోంది. తెలుగుదేశం పార్టీ రాష్ట్ర నాయకురాలు సంఘా తేజశ్వణి, మాజీ కార్పొరేటర్‌ సరళాలు ఒకరినొకరు దూషించుకున్నారు. అసభ్య పదజాలంతో మాటల యుద్ధం సాగించారు. సర్దిచెప్పేందుకు పలువురు మహిళలు ప్రయత్నించిన ఏమాత్రమూ వినకుండా వాదనలకు దిగారు.

సాక్షి, అనంతపురం: రాష్ట్రంలో మరో బస్సు ప్రమాదం జరిగింది. గుత్తి వద్ద కేకే ట్రావెల్స్ బస్సు బోల్తా పడింది. ఈ ఘటనలో 15 మంది ప్రయాణికులు తీవ్రంగా గాయపడ్డారు. వారిని గుత్తి ప్రభుత్వ ఆసుపత్రికి తరలించారు. హైదరాబాద్‌ నుంచి ధర్మవరం వెళ్తుండగా ప్రమాదం చోటుచేసుకుంది. డ్రైవర్ నిద్రమత్తు కారణంగా పొలాల్లోకి దూసుకెళ్లిన బస్సు.. బోల్తాపడింది.ఆంధ్రప్రదేశ్‌లో వరుస బస్సు ప్రమాదాలు ప్రయాణికులను తీవ్ర భయాందోళనకు గురిచేస్తున్నాయి. ఇటీవల నక్కపల్లి జాతీయపై ప్రైవేట్ ట్రావెల్స్ బస్సు బోల్తా పడిన సంగతి తెలిసిందే. ఈ ఘటనలో​ ఆరుగురికి తీవ్ర గాయాలయ్యాయి. కాగా, తిరుపతి జిల్లాలో ప్రైవేట్ బస్సుకు తృటిలో ఘోర ప్రమాదం తప్పిన సంగతి తెలిసిందే. 30 మంది ప్రయాణికులు సురక్షితంగా బయటపడ్డారు. పూతలపట్టు –నాయుడుపేట ప్రధాన రహదారిలోని పాకాల మండలం నేండ్రగుంట సమీపంలో ఘటన జరిగింది. బెంగళూరు నుంచి తిరుపతికి వస్తుండగా ఘటన జరిగింది.

సాక్షి, అనంతపురం: అనంతపురం అర్బన్‌ నియోజకవర్గ తెలుగుదేశం పార్టీలో ఆధిపత్యపోరు కొనసాగుతోంది. ఇందుకు వ్యవసాయ మార్కెట్‌ కమిటీ వేదికగా మారింది. గత జనవరిలో పాలకవర్గం కొలువు దీరిన నాటి నుంచి మార్కెట్‌ యార్డు చైర్‌పర్సన్‌ బల్లా పల్లవి, వైస్‌ చైర్మన్‌ అర్షదుల్లా మధ్య మాటలు లేవు. కొందరు డైరెక్టర్లు అటు ఇటు ఉండగా.. మరికొందరు ఇరు వర్గాలకూ దూరంగా ఉంటున్నారు.ఇదే అదనుగా మార్కెట్‌ యార్డు తనకే రాసిచ్చారన్నట్లుగా చైర్‌పర్సన్‌ బల్లా పల్లవి వ్యవహరిస్తున్నట్లు చెబుతున్నారు. గత నాలుగు నెలలుగా చైర్‌పర్సన్‌ తనదైన శైలిలో వైస్‌ చైర్మన్‌, డైరెక్టర్లను కట్టడి చేసి ఏకపక్షంగా వెళుతున్నట్లు టీడీపీ వర్గాలు అంటున్నాయి. వైస్‌ చైర్మన్‌గా, డైరెక్టర్లుగా తమకు పార్టీ గొప్ప అవకాశం కల్పించినట్లు సంబరపడుతూ పదవులు అనుభవిస్తామని, సంపాదించుకుంటామని అనుకున్న వారు మొదట్లో నెల రోజుల పాటు హడావుడి చేసినా ఇప్పుడు పలకరించేవారు లేక డీలా పడ్డారు. పాలకవర్గ ప్రమాణ స్వీకారం, బాధ్యతలు తీసుకున్న రోజు ఎమ్మెల్యే దగ్గుపాటి ప్రసాద్‌ సమక్షంలో ఆర్భాటం చేసిన చైర్‌పర్సన్‌ పల్లవి.. ఆ తర్వాత ఎమ్మెల్యేకు దూరమయ్యారు.ప్రధానంగా మార్కెట్‌ యార్డులో వేబ్రిడ్జి (లారీ కాటా) విషయంలో చైర్‌పర్సన్‌ భర్త బల్లా సురేష్‌కు ఎమ్మెల్యే దగ్గుపాటికి మధ్య వాగ్వాదం చోటు చేసుకున్నట్లు సమాచారం. అలాగే ఎంపీ అంబికా లక్ష్మీ నారాయణ సహకారంతో ఆర్‌ఓ ప్లాంటు ఏర్పాటుకు నిధులు సమీకరించారు. మాజీ ఎమ్మెల్యే ప్రభాకర్‌ చౌదరి వర్గీయులు కొందరు ఇటీవల మార్కెట్‌ యార్డుకు వచ్చి బల్లా పల్లవిని కలిసి వెళుతుండటం జరుగుతోంది. అదే విధంగా టన్నుకు ఇంత అని చీనీ మార్కెట్‌, వారానికి ఇంత మొత్తం అని పశువులు, జీవాల సంతల్లో చైర్‌పర్సన్‌ పల్లవి డిమాండ్‌ చేస్తూ కమీషన్లు దండుకుంటున్నట్లు ఆరోపణలు ఉన్నాయి. ఓ వైపు తనకు వ్యతిరేకంగా పావులు కదుపుతుండటం, అలాగే కమీషన్లు దక్కకపోవడం లాంటి కారణాలతో ఎమ్మెల్యే దగ్గుపాటి తీవ్రంగా పరిగణించి చైర్‌పర్సన్‌ బల్లాపల్లవి వ్యవహారంపై దృష్టి సారించి వైస్‌ చైర్మన్‌, కొందరు డైరెక్టర్లను ఉసిగొల్పినట్లు తెలుస్తోంది.

అనంతపురం: తీవ్ర కరువుబారిన పడిన రైతాంగాన్ని ఆదుకోవడంలో చంద్రబాబు ప్రభుత్వం విఫలమైందని అనంతపురం జిల్లా రైతులు పోరుబాట పట్టారు. వరి, మొక్కజొన్న పంటలకు గిట్టుబాటు ధరలు కల్పించడంతోపాటు చీనీ పంటకు నీరు అందించాలని డిమాండ్‌ చేస్తూ వైఎస్సార్‌సీపీ శింగనమల నియోజకవర్గ సమన్వయకర్త, మాజీ మంత్రి సాకే శైలజానాథ్‌ ఆధ్వర్యంలో రైతులు సోమవారం అనంతపురం కలెక్టరేట్‌ను దిగ్బంధించారు. మొక్కజొన్న, వరి పంటలను, ఎండిన చీనీ చెట్లను తోపుడు బండ్లపై పెట్టుకుని నిరసన తెలిపారు.రైతులను ఆదుకోవాలని కలెక్టర్‌కు వినతిపత్రం అందజేశారు. ఈ సందర్భంగా సాకే శైలజానాథ్‌ మాట్లాడుతూ రైతుల పట్ల చంద్రబాబు ప్రభుత్వ నిర్లక్ష్యానికి ఎండిపోయిన చీనీ చెట్లే నిదర్శనమని చెప్పారు. భూగర్భ జలాలు అడుగంటిపోయి పంటలు ఎండిపోతున్నా చంద్రబాబు సర్కార్‌ పట్టించుకోవడం లేదన్నారు. కనీసం క్రాప్‌ ఇన్సూరెన్స్, ఇన్‌పుట్‌ సబ్సిడీ ఇవ్వలేదని మండిపడ్డారు. రైతులను ఆదుకోకపోతే ఉద్యమాన్ని ఉధృతం చేస్తామని హెచ్చరించారు.

అనంతపురం: రాజధాని అమరావతి ఓ భ్రమ అని ప్రొఫెసర్‌, ఆర్థిక విశ్లేషకులు సి.రామచంద్రయ్య కీలక వ్యాఖ్యలు చేశారు. వేల కోట్ల రూపాయలు అప్పులు చేయడం కోసమే అమరావతి పేరుతో రాజధాని ఎపిసోడ్‌ను తీసుకొచ్చారన్నారు. అనంతపురంలో జరిగిన ఓ సదస్సులో ప్రొఫెసర్‌ సి. రామచంద్రయ్య ప్రసంగిస్తూ.. రాజధాని అమరావతి అనేది భ్రమ తప్పితే ఏమీ లేదన్నారు. ‘తాత్కాలిక నిర్మాణాల పేరిట వందల కోట్లు వృథా చేశారు. 2014-19 మధ్య 33 వేల ఎకరాలతోనే సింగపూర్‌ తరహా రాజధాని చేస్తానన్నారు. ఇప్పుడు 33 ఎకరాలు ఉంటే మున్సిపాలిటీ అంటున్నారు. మరో 50 వేల ఎకరాలు కావాలంటూ రైతులకు ద్రోహం చేస్తున్నారు. అమరావతి నిర్ణయాలు రాష్ట్రంపై తీవ్రమైన ఆర్థిక ప్రభావం చూపే అవకాశం ఉంది’ అని హెచ్చరించారు.

సాక్షి ప్రతినిధి, అనంతపురం/రాప్తాడు రూరల్‌ : అనంతపురం జిల్లాలో సంచలనం సృష్టించిన ‘టీడీపీ గ్యాంగ్‌ హనీట్రాప్‌’ కేసు రోజుకో మలుపు తిరుగుతూ తీవ్ర ఉత్కంఠను రేకెత్తిస్తోంది. డబ్బున్న వ్యాపారులు, ఉద్యోగులు, రిటైర్ట్‌ ఉద్యోగులను గుర్తించి.. అమ్మాయిలతో తీయటి మాటలు మాట్లాడించి.. ఒంటరిగా రప్పించి దుస్తులిప్పి ఫొటోలు, వీడియోలు తీసి బ్లాక్‌ మెయిల్‌ చేసిన వైనంపై ‘సాక్షి’ వరుస కథనాలు ప్రచురించింది. రాప్తాడు ఎమ్మెల్యే పరిటాల సునీత ప్రధాన అనుచరురాలు రంగమ్మ, అనంతపురం ఎమ్మెల్యే దగ్గుపాటి ప్రసాద్‌ ప్రధాన అనుచరుడు రాజేనాయుడు నేతృత్వంలోని ముఠా కొందరు పోలీసు అధికారులను లోబరుచుకుని సాగించిన ఈ యవ్వారాన్ని బట్టబయలు చేసింది.బెదిరించి, పంచాయితీలు చేసి బాధితుల నుంచి రూ.కోట్ల రూపాయలు దండుకున్న ఈ వ్యవహారంలో పలువురు సీఐ స్థాయి అధికారులే ముఠా సభ్యులకు నిస్సిగ్గుగా సహకరించడం దిగ్భ్రాంతి పరిచింది. ఇంకో మాటలో చెప్పాలంటే పోలీసు శాఖ పరువు తీసింది. ఈ దందాకు సంబంధించి డీఐజీ, ఎస్పీలు తీవ్రంగా స్పందించి విచారణ జరిపించారు. సాక్షి కథనాలన్నీ నిజాలేనని తేలడంతో ఎట్టకేలకు పలువురు పోలీసులపై కఠిన చర్యలు తీసుకున్నారు.ఈ క్రమంలో రాప్తాడు సీఐ శ్రీహర్ష, అనంతపురం రూరల్‌ హెడ్‌కానిస్టేబుల్‌ గిరి, కానిస్టేబుల్‌ దుర్గాప్రసాద్, ఇటుకలపల్లి పీఎస్‌ కానిస్టేబుల్‌ దేవ్లానాయక్‌ను ఏకంగా సర్వీసు నుంచి (డిస్మిస్‌) తొలగించారు. ఎస్‌ఐ రాంబాబు, కానిస్టేబుళ్లు జయరామ్‌నాయక్, దేవేంద్రపై సస్సెన్షన్‌ వేటు వేశారు. అనంతపురం రూరల్‌ పీఎస్‌ సీఐ శేఖర్‌ను కర్నూలు రేంజ్‌కు సరెండర్‌ చేశారు. త్రీ టౌన్‌ సీఐ రాజేంద్రనాథ్‌ యాదవ్‌ను ఇప్పటికే వీఆర్‌కు పంపారు. విచారణలో మరింత మంది పేర్లు! ఈ కేసులో తొలుత ఐదుగురు నిందితులు రంగమ్మ, రాజేనాయుడు, జయలక్ష్మీ , చంద్రకళ, అనంతకుమారిని రిమాండ్‌కు తరలించిన సంగతి తెలిసిందే. తాజాగా మరో నలుగురు నిందితులను అదుపులోకి తీసుకుని విచారణ చేస్తున్నట్లు తెలిసింది. వీరిలో మల్లీశ్వరి, ఉమా, ఉదయ్‌భాస్కర్‌రెడ్డిని అరెస్ట్‌ చేసి ఆదివారం జడ్జి ఎదుట హాజరు పరచగా రిమాండ్‌కు ఆదేశించారు. అయితే వీరిలో ఉదయ్‌భాస్కర్‌రెడ్డి తొలుత బాధితుడిగా ఉన్నాడు. ఆయన ఫిర్యాదు మేరకే పోలీసులు తొలుత ఐదుగురిని అరెస్ట్‌ చేశారు. ఆ తర్వాత ఈ దందాలో ఉదయ్‌ భాస్కర్‌రెడ్డి పాత్ర కూడా ఉందని దర్యాప్తులో తేలింది.మరో నిందితుడు రుద్రంపేట మాజీ ఉప సర్పంచ్‌ నరేంద్రరెడ్డిని పోలీసులు విచారిస్తున్నట్లు తెలిసింది. ఈ దందాకు సంబంధించి పోలీసుల విచారణలో మరింత మంది పేర్లు బయట పడినట్లు సమాచారం. అయితే వారందరిపై చర్యలు తీసుకుంటారా.. లేదా అన్నది చర్చనీయాంశంగా మారింది. కాగా, రాప్తాడు సీఐ డ్రైవర్, హోంగార్డు శ్రీనివాసులును వీఆర్‌కు పంపించేశారు. ఈ దందాలో మరికొందరు సీఐలు, ఎస్‌ఐల పేర్లు కూడా వినిపిస్తున్నాయి. బాధితుల సంఖ్య వందల్లోనే ఉందని సమాచారం. ఇదిలా ఉండగా పై స్థాయిలో ప్రభుత్వ పెద్దల నుంచి తీవ్ర ఒత్తిడి ఉండటంతో ఇంతటితో ఈ కేసును ముగిస్తారా.. లేక పూర్తి స్థాయిలో నిగ్గు తేల్చి, పోలీసు శాఖ పరువు నిలుపుకుంటారా అని ప్రజల్లో చర్చ జరుగుతోంది.

సాక్షి, అనంతపురం: చెక్‌బౌన్స్‌ కేసులో కర్ణాటక బీజేపీ నేత సురతాని సుమతి అరెస్ట్‌ అయ్యారు. గురువారం కోర్టులో హాజరుపరచగా.. 14 రోజుల రిమాండ్‌ విధిస్తూ అనంతపురం ఫస్ట్‌క్లాస్‌ మేజిస్ట్రేట్‌ కోర్టు ఉత్తర్వులు జారీ చేసింది. కేసు విచారణ ఒక్క రోజులో పూర్తయ్యే అంశం కాకపోవడంతో రిమాండ్‌ విధించినట్టు కోర్టు ఉత్తర్వుల్లో పేర్కొంది. అనంతపురం టూటౌన్‌ పోలీస్‌ స్టేషన్‌లో మాధవి అనే మహిళ ఫిర్యాదు మేరకు సుమతిపై చెక్‌ బౌన్స్‌ కేసు నమోదైంది. గతేడాది సెప్టెంబర్‌ 12న అనంతపురం ఫస్ట్‌క్లాస్‌ మేజిస్ట్రేట్‌ కోర్టు అరెస్ట్‌ వారెంట్‌ జారీ చేసింది. తాజాగా అరెస్ట్‌ తర్వాత రిమాండ్‌కు పంపింది. అయితే.. సుమతిపై ఆంధ్రప్రదేశ్, కర్ణాటక, ఇతర రాష్ట్రాల్లోని పలు పోలీస్‌స్టేషన్లలో కేసులు నమోదయ్యాయి. విజయవాడ పెనమలూరు పోలీస్‌ స్టేషన్‌లో నమోదైన కేసుకు సంబంధించి ఈ ఏడాది జనవరి 24న అరెస్ట్‌ వారెంట్‌ కూడా జారీ అయ్యింది. ‘వాల్మీకి’ నిధుల గోల్‌మాల్‌లో సుమతి పాత్ర!కర్ణాటక వాల్మీకి అభివృద్ధి మండలి నిధుల గోల్‌మాల్‌ వ్యవహారం కర్ణాటక రాష్ట్రాన్ని కుదిపేసింది. ఈ వ్యవహారంలో రూ.80 కోట్లు గోల్‌మాల్‌ జరిగినట్టు ఆరోపణలు వెల్లువెత్తాయి. ఆ నిధులను కర్ణాటక, తెలంగాణ, ఆంధ్రప్రదేశ్‌లోని పలు బ్యాంకు ఖాతాలకు మళ్లించినట్టు ఈడీ ఆధారాలను సేకరించింది. దీంతో అప్పటి కర్ణాటక ఎస్టీ సంక్షేమ, క్రీడా శాఖల మంత్రి బి.నాగేంద్ర పదవికి రాజీనామా చేశారు. ఈ నిధుల అక్రమాల్లో అనంతపురం జిల్లాకు చెందిన పలువురి పాత్రపైనా ఈడీ దర్యాప్తు చేసింది. డొల్ల(షెల్‌) కంపెనీల ఏర్పాటు చేసి బ్యాంకు రుణాలు పొందడం, సబ్సిడీ తీసుకోవడం, చివరకు కంపెనీ నష్టపోయినట్టు లేదా ప్రమాదం జరిగినట్టు చూపించి రుణాలను ఎగవేయడం వంటి అంశాలపై ఈడీ ఆరా తీసింది. కర్ణాటక వాల్మీకి అభివృద్ధి మండలి నిధుల గోల్‌మాల్‌ వ్యవహారంలోనూ సుమతి పాత్ర ఉందనే ఆరోపణలు వచ్చాయి.

రాప్తాడు రూరల్‌: అనంతపురం నగరం, రూరల్‌లో సమాజాన్ని కుదిపేస్తున్న సంచలన హనీ ట్రాప్‌ (వలపు వల) ముఠా దందా వెలుగులోకి వచ్చింది. అమాయకులను లక్ష్యంగా చేసుకున్న ఈ ముఠా, వలపు వయ్యారాలతో వల వేసి రూ.లక్షల్లో దోచు­కుంటున్న తీరు భయాందోళనకు గురిచేస్తోంది. ఈ ముఠాకు ఒక మహిళే సూత్రధారి. కుటుంబం, ఆర్థిక స్థితి, సామాజిక ప్రతిష్టలను గమనించి, బలహీనతలను అంచనా వేస్తుంది. ఆ తర్వాత కొందరి మహిళలను రంగంలోకి దింపి, ఫోన్‌ కాల్స్, చాట్‌లతో పరిచయం పెంచి, నమ్మకం కలిగిస్తారు. ‘వలపు పాశం’ ఎలా బిగుస్తుంది? మాటల మాయలో పడేసిన తర్వాత సదరు వ్యక్తిని ఒక ఇంటికి పిలుస్తారు. అక్కడ మహిళతో ఏకాంతంగా గడపాలని ప్రలోభపెట్టి క్షణంలోనే ముఠా సభ్యులు రంగప్రవేశం చేస్తారు. అప్పటికే బాధితుడిని నగ్నంగా ఉండేలా చేస్తారు. ఆ ఫొటోలు, వీడియోలు రికార్డ్‌ చేస్తారు. అక్కడితో ఆగకుండా కథకు కొత్త మలుపు ఇస్తారు. అన్ని పాత్రల్లోనూ అద్దె మనుషులే ‘భర్త’, ‘తమ్ముడు’, ‘అక్క’, ‘బావ’, ‘చెల్లెలు’, ‘పక్కింటి వాళ్లు’ పాత్రల్లో ముఠా సభ్యులు ఒక్కసారిగా దూసుకొచ్చి గొడవ సృష్టిస్తారు. అప్పటికే సిద్ధం చేసుకున్న స్క్రిప్ట్‌ మేరకు సీన్‌లో ఎవరి డ్రామా వారు ప్లే చేస్తారు. ‘నా భార్యతో ఏం చేస్తున్నావ్‌?’ అంటూ భర్త పాత్రధారుడు దాడికి దిగుతాడు. ‘మా చెల్లెలు జీవితం నాశనం చేశావంటూ’ అన్న పాత్రధారుడు, ‘మంచి అ­మ్మాయి జీవితాన్ని నాశనం చేశావంటూ’ పక్కింటిపాత్రధారులు నటిస్తారు. ఈ పరిణామంతో బాధితులు బెంబేలెత్తిపోతారు. పాత్రధారుల్లో అనంతపురం రూరల్, అర్బన్‌ వాసులతో పాటు రాప్తాడు మండలంలో ఓ గ్రామానికి చెందిన వ్యక్తి కూడా ఉన్నారు.బ్లాక్‌మెయిల్‌ దందా బాధితుడు బెంబేలెత్తిన తర్వాత ‘నీ వీడియోలు సోషల్‌ మీడియాలో పెడతాం. నీ కుటుంబాన్ని చంపేస్తాం’ అంటూ బెదిరింపులు మొదలవుతాయి. బాధితుడి స్తోమతను బట్టి రూ.5 లక్షల నుంచి రూ.25 లక్షలు డిమాండ్‌ చేస్తున్నారు. కొందరితో బాండ్లు రాయించుకుని, గడువులు పెట్టి డబ్బులు వసూలు చేస్తున్నారు. సమాజంలో పరువు పోతుందనే భయంతో చాలామంది బయటకు రాకుండా రూ.లక్షలు చెల్లించినట్లు సమాచారం. అనంతపురం రూరల్‌ మండలానికి చెందిన ఓ రిటైర్డ్‌ ఉద్యోగి వీరి వలలో చిక్కుకుని రూ.25 లక్షల దాకా చెల్లించాడు. చివరకు ఇంటిని రిజిస్ట్రేషన్ చేయించాలంటూ ఒత్తిడి చేయడంతో తీవ్ర మనస్తాపానికి గురై ఇంట్లోవారికి చెప్పుకోలేక ఆత్మహత్మకు పాల్పడ్డాడని చెబుతున్నారు. ఓ రియల్‌ ఎస్టేట్‌ వ్యాపారి వద్ద 3 తులాల బంగారు, రూ.8 లక్షల నగదు తీసుకున్నారు. ఓ వీఆర్‌ఓ వద్ద రూ.7 లక్షలు తీసుకుని రూ.లక్షకు బాండు రాయించుకున్నారు. పాపంపేట ప్రాంతానికి చెందిన ఓ ఫిజియోథెరపిస్టు నుంచి రూ.10 లక్షలు, పాతూరులోని ఓ కిరాణా కొట్టు నిర్వాహకుడి వద్ద రూ.14 లక్షలు, జాతీయరహదారిలో ఉన్న పేరు మోసిన ఓ హోటల్‌ నిర్వాహకుడి వద్ద రూ.25 లక్షలు వసూళ్లు చేశారు. జాగ్రత్త పడాలిచాలామంది బాధితులు తమ న్యూడ్‌ ఫొటోలు, వీడియోలు బయట పెడితే సమాజంలో పరువుపోతుందనే తీవ్ర ఆందోళనలో ఉన్నారు. ముఠా నుంచి బ్లాక్‌మెయిల్‌ ఎక్కువై పరువు భయం కాస్తా ప్రాణ భయంగా మారకముందే పోలీసులు వారిని కాపాడాలి. బాధిత కుటుంబాలు విచ్ఛిన్నం కాకుండా చూడాల్సి ఉంది. ఎస్పీ ఆదేశాలతో పోలీసు అధికారులు దర్యాప్తు ప్రారంభించడంతో ముఠా స­భ్యులు, వారికి అండగా ఉన్న వారిలో వణుకు మొదలైంది.ప్రజలకు హెచ్చరిక ఇది ఒక ఘటన మాత్రమే కాదు.. సమాజాన్ని మింగేస్తున్న మౌన విపత్తు. అపరిచితుల కాల్స్, సోషల్‌ మీడియా పరిచయాలపై అప్రమ­త్తంగా ఉండాలి. వ్యక్తిగతంగా కలవడానికి ముందు పూర్తి వివరాలు తెలుసుకోవాలి. అనుమానాస్పద పరిస్థితుల్లో వెంటనే సమాచారం ఇవ్వాలని పోలీసులు హెచ్చరిస్తున్నారు. పరిహార పూజ పేరుతో పురోహితుడి నిలువుదోపిడీూ అనంతపురం రూరల్‌ మండలానికి చెందిన ఓ పురోహితుడి మొబైల్‌కు 2025 డిసెంబరు 5న సాయంత్రం ఓ మహిళ నుంచి ఫోన్‌ వచ్చింది. పరిచయం చేసు కుని మూడోరోడ్డులో ఉంటానని, మా కుటుంబంలో కలహాల విషయమై మీతో మాట్లాడాలని అడ్రస్‌ అడిగింది. సమస్య ఫోన్‌లో చెబితే తగిన పరిహార పూజలు చెబుతానని చెప్పగా.. ‘లేదు స్వామి ఇంటి వద్దకు వచ్చి నా సమస్య చెప్పుకుంటా’ నని రిక్వెస్ట్‌ చేసింది. దీంతో ఆయన అడ్రస్‌ చెప్పగా వెంటనే ఆటోలో వచ్చింది. ఆర్థిక, కుటుంబ సమస్యలు ఉన్నాయని, ఓసారి ఇంటికి వచ్చి వాస్తుచూసి పరి హార పూజలు చేయాలని కోరింది. పది రోజుల తర్వాత పురోహితుడిని ఇంటికి ఆహ్వానించింది. ఇంట్లోకి వెళ్లగానే... ‘ఉండండి స్వామి.. నా భర్త పూజ సామగ్రి తెస్తున్నాడ’ని చెప్పి అతన్ని సమ్మోహితున్ని చేసింది. ఇంతలో ఓ వ్యక్తి, మహిళ ఇంట్లోకి వచ్చిరాగానే తలుపు గడియపెట్టి పురోహితుడిపై దాడిచేశారు. బెడ్రూంలో ఉన్న మహిళను కూడా బయటకు పిలిపించి ఇద్దరి దుస్తులనూ తొలగించి, వీడియోలు, ఫొటోలు తీశారు. రూ.25 లక్షలు డిమాండ్‌ చేశారు. డబ్బు ఇవ్వకపోతే సోషల్‌ మీడియాలో వైరల్‌ చేస్తామని బెదిరించారు. అంత ఇవ్వలేనని చెప్పడంతో.. రూ.10 లక్షలకు డీల్‌ కుదుర్చుకున్నారు. పురోహితుడి ఇంట్లోని బంగా­రం బ్యాంకులో పెట్టించి రూ.5 లక్షలు తీసుకున్నారు. తక్కిన రూ.5 లక్షలను కొద్దిరోజులకు బ్యాంకులో పెట్టిన బంగారుపై అదనంగా ఇప్పించుకున్నారు. ఐదురోజుల కిందట ముఠా సభ్యులు ఇంటికి పిలిపించి మరో రూ.10 లక్షలు డిమాండ్‌ చేయగా.. బాధితుడు మూడు రోజుల కిందట ఎస్పీ జగదీష్ ను కలిసి ఫిర్యాదు చేశాడు. రంగంలోకి దిగిన పోలీసులు హనీ ట్రాప్‌ ముఠా వ్యవహారంపై కూపీ లాగుతున్నారు.పోలీసుల పాత్రపై అనుమానాలు ఈ దందాకు కొందరు పోలీసులు కూడా పరోక్షంగా సహకరిస్తున్నారనే ఆరోపణలు వినిపించడం మరింత సంచలనం రేపుతోంది. రెండు స్టేషన్లలో సిబ్బంది మామూళ్లు తీసుకుంటూ ముఠాకు అండగా నిలుస్తున్నారనే వాదనలు వినిపిస్తున్నాయి. ముఠా సభ్యుల మధ్య వాటాల పంపకాల్లో తేడాలు రావడంతో కొన్ని దందాలు వెలుగు చూస్తున్నాయి. ఈ క్రమంలో ఏ పోలీసు ఎప్పుడొచ్చాడు, ఎంత డబ్బు తీసుకెళ్లాడో అన్నీ రికార్డు చేసుకున్నామంటూ వారు మాట్లాడిన మాటలు బయటకు రావడం కలకలం రేపుతోంది. ఇందులో పోలీసులతో చేసిన సంభాషణలు కూడా ఉండడం గమనార్హం. ఇంటిదొంగలపై పోలీసు ఉన్నతాధికారులు దృష్టి సారించి చర్యలు తీసుకోవాలని బాధితులు కోరుతున్నారు.

తాడిపత్రి టౌన్‌(అనంతపురం): మటన్‌ ఉడకలేదని పోలీసులకు ఫిర్యాదు చేసిన ఘటన ఆదివారం అనంతపురం జిల్లా తాడిపత్రిలో చోటు చేసుకుంది. పోలీసుల కథనం మేరకు.. తాడిపత్రికి చెందిన షోడాల హాజీ ఆదివారం పట్టణంలోని ఓ దుకాణంలో మటన్‌ తీసుకు న్నాడు. అయితే అది ఎంతసేపటికీ ఉడకలేదు. మటన్‌ వండిన పాత్రతో సహా ఏకంగా పోలీస్‌ స్టేషన్‌కు చేరుకున్నాడు. మటన్‌ వ్యాపారిపై ఫిర్యాదు చేశాడు. ధరలు ఆకాశాన్ని అంటుతున్న తరుణంలో నాసిరకం మంసాన్ని అంటగట్టాడని ఆగ్రహం వ్యక్తం చేశాడు. ఈ ఫిర్యాదుపై పోలీసులు తలలు పట్టుకున్నారు. చేసేది లేక సీఐ ఆరోహణరావు మటన్‌ డబ్బులు తానే ఇస్తానులే అంటూ షోడాల హాజీకి నచ్చజెప్పడంతో అతను వెనుదిరిగాడు. ఈ విషయం కాస్తా సోషల్‌ మీడియా గ్రూపుల్లో వైరల్‌గా మారింది.

కొందరు మనుషులు మృగాల కన్నా హీనంగా మారారు. మతిస్థిమితం లేని యువతిపై అత్యాచారానికి పాల్పడ్డారు. మానవ మృగాలు చేసిన గాయాలతో శరీరం పుండుగా మారింది. అయినా వదల్లేదు. తమ కామవాంఛ తీర్చుకుంటూ వచ్చారు. ఈ క్రమంలో గర్భం దాల్చి రోడ్డున అనాథగా సంచరిస్తున్న ఆమెను మానవతావాది అయిన ఓ ఉపాధ్యాయురాలు గుర్తించి పోలీసుల సాయంతో అనాథాశ్రమానికి చేర్చింది. ప్రస్తుతం ఆ యువతి నిండు గర్భిణి. అంతర్జాతీయ మహిళా దినోత్సవం జరుపుకుంటున్న వేళ ఓ అభాగ్యురాలి దీనగాథ పలువురిని కలిచి వేస్తోంది.అనంతపురం కల్చరల్‌: మతిస్థిమితం లేని యువతిపై పలుమార్లు లైంగిక దాడికి పాల్పడి గర్భవతిని చేసిన ఘటన కళ్యాణదుర్గం ప్రాంతంలో చోటుచేసుకుంది. ఆలస్యంగా వెలుగు చూసిన ఈ ఘటనకు సంబంధించి అప్పట్లో పోలీసులు సైతం కేసు నమోదు చేశారు. అయినా నేటికీ దోషులెవరో బయటపడలేదు. వారు చేసిన పాపం యువతి గర్భంలో పెరుగుతూ వచ్చింది. ప్రస్తుతం ఆమె నిండు గర్భిణి. అనాథగా రోడ్డుపై సంచరిస్తూ... కొన్ని నెలల క్రితం కళ్యాణదుర్గంలోని రహదారులపై మతిస్థిమితం లేకుండా ఒంటరిగా తిరుగుతున్న యువతిని ఆ ప్రాంతంలో పనిచేస్తున్న ఉపాధ్యాయురాలు శశికళ గమనించింది. పలకరించే ప్రయత్నం చేయడంతో సమాధానం ఇవ్వలేదు. ఆకలిగా ఉందా? అని ప్రశ్నించినా మౌనమే సమాధానమైంది. దీంతో అప్పటికప్పుడు ఆహారాన్ని కొనుగోలు చేసి యువతి చేతికి ఇవ్వడంతో ఎన్నాళ్లుగా ఆకలితో ఉందో తెలియదు కానీ గబగబా మొత్తం తినేసింది. ఆ సమయంలో యువతి బెదురు చూపులు గమనించిన శశికళ... ఆమె ఏదో ప్రమాదంలో ఉందని గ్రహించి, విషయాన్ని వెంటనే స్థానిక పోలీసుల దృష్టికి తీసుకెళ్లారు. వారి సాయంతో యువతిని అనంతపురం రూరల్‌ పరిధిలోని కాట్నేకాలువలో ఉన్న ఆశ్రయ అనాథాశ్రమానికి చేర్చారు. శరీరమంతా పుండుగా మారి.. మతి స్థిమితం కోల్పోయి బెదురు చూపులతో ఆశ్రమానికి చేరుకున్న యువతిని నిర్వాహకులు కృష్ణారెడ్డి, దేవి దంపతులు అప్యాయంగా అక్కున చేర్చుకున్నారు. 25 ఏళ్ల వయస్సులోనూ ఆరేళ్ల చిన్నారిలా ప్రవర్తిస్తున్న ఆ యువతిని ఎంత ప్రశ్నించినా తన తల్లిదండ్రులెవరో చెప్పలేని స్థితిలో ఉంది. శరీరంపై గాయాలు ఉండడంతో ఆస్పత్రికి పిలుచుకెళ్లి చూపించారు. ఆ సమయంలో గాయాలను పరిశీలించిన వైద్యులు అవి మానవ మృగాలు చేసినవిగా నిర్ధారించుకున్నారు. వైద్య పరీక్షల అనంతరం ఆమె గర్భంతో ఉన్నట్లుగా ధ్రువీకరించారు. ఆ సమయంలో అత్యాచారం జరిగిన విషయం గాని తెలియని స్థితిలో యువతి అమాయకంగా చూస్తుండడం గమనించిన వైద్యులు, సిబ్బంది హృదయాలు ద్రవించి పోయాయి. చికిత్స అనంతరం ఆమెను ఆశ్రమానికి చేర్చిన కృష్ణారెడ్డి దంపతులు అప్పటి నుంచి కంటికి రెప్పలా కాపాడుతూ వచ్చారు. పుండుగా మారిన శరీరాన్ని రోజూ శుభ్రం చేస్తూ ఆమెకు పౌష్టికాహారాన్ని అందజేస్తూ వచ్చారు. ప్రస్తుతం యువతి నిండు గర్భిణి. రేపో.. మాపో ప్రసవమయ్యే సూచనలు ఉన్నాయి. తలుచుకుంటేనే భయమేస్తోంది మానవత్వమున్న ఉపాధ్యాయురాలు గుర్తించి ఈ యువతిని మా ఆశ్రమానికి చేర్చారు. ఆమె ఆశ్రమానికి వచ్చేనాటికి శరీరం మొత్తం పుండుగా మారి ఉంది. మానవ మృగాలు ఎంత పైశాచికంగా పాడు చేశారో తలుచుకుంటేనే భయమేస్తోంది. కనీసం తన తల్లిదండ్రులెవరు అనే విషయం కానీ, తనపై అత్యాచారం జరిగిందనే విషయం గాని ఆమెకు తెలియదు. ఎంతో అమాయకంగా ఉంది. ఆమె భవిష్యత్తు తలుచుకుంటే భయమేస్తోంది. ఆశ్రమంలో ఎందరో అనాథలు ఉన్నారు. వీరెవ్వరికీ ఆధార్‌ కార్డులు, రేషన్‌ కార్డులు లేవు. వీరి దైన్య స్థితిపై అధికారులు స్పందించి ఆధార్‌ కార్డులు, రేషన్‌ కార్డులు మంజూరు చేస్తే ఆదుకునే అనాథాశ్రమాలకు ఎంతో మేలు చేసిన వారవుతారు. – దేవి, ఆశ్రయ అనాథాశ్రమ నిర్వాహకురాలుఆమె పరిస్థితి చూసి చలించిపోయాను నేను ప్రస్తుతం ఆత్మకూరు మండలం పంపనూరులోని ఎంపీపీ స్కూల్‌లో టీచర్‌గా పనిచేస్తున్నాను. నిరాశ్రయులైన మహిళలెవరైనా కనిపిస్తే అనాథశ్రమాలకు చేరుస్తుంటాను. అలా ఒకసారి కళ్యాణదుర్గంలోని పోలీసుస్టేషన్‌ సమీపంలో డివైడర్‌ వద్ద రెండేళ్లుగా దిక్కు లేకుండా కూర్చొని ఉన్న ఓ యువతి కనిపించింది. ఆ సమయంలో ఆమె పరిస్థితి చూసి చలించిపోయాను. వెంటనే పోలీస్‌ స్టేషన్‌లో కేసు నమోదు చేయించి, వారి సహకారంతోనే ఆశ్రయ అనాథాశ్రమానికి చేర్చాను. రోజులు గడుస్తుండగా ఆమె శరీరంలో మార్పులు గమనించి వైద్యులకు చూపిస్తే గర్భిణి అని తెలిసింది. ఈ అమానుషంపై ఎవరూ స్పందించకపోవడం బాధాకరం. – శశికళ, ఉపాధ్యాయురాలు

అనంతపురం: డ్రైవింగ్‌ చేస్తూ మొబైల్‌ ఫోన్‌ వినియోగిస్తున్నట్లయితే ప్రమాదాన్ని ఆహ్వానించినట్లే అవుతుంది. ఫోన్‌ చూస్తూ డ్రైవింగ్‌ చేయడం వల్ల వాహనదారుడితో పాటు ఎదుటివారికి కూడా ప్రమాదమే. డ్రైవింగ్‌ సమయంలో ఏకాగ్రత ముఖ్యమనే విషయాన్ని అటకెక్కించి పలువురు సెల్‌ఫోన్లు చూస్తూ... మాట్లాడుతూ గురువారం ఉదయం అనంతపురం నగర రహదారులపై రయ్యిమంటూ దూసుకెళ్లారు. ఇందులో పోలీసులు సైతం ఉండడం గమనార్హం. డ్రైవింగ్‌ చేస్తున్న సమయంలో మొబైల్‌ ఫోన్‌లో మాట్లాడడం, వీడియోలు చూడడం, ఇయర్‌ఫోన్స్‌ వినియోగించడం వంటి చర్యలు ప్రమాదకరమైనవే కాకుండా శిక్షార్హమైనవి అని అందరూ చెబుతుంటారు. అయితే పాటించడాన్ని మాత్రం అటకెక్కిస్తుండడం గమనార్హం.

అనంతపురం సెంట్రల్‌: నగరంలో దారుణం చోటు చేసుకుంది. ఎంత వేదన అనుభవించిందో తెలియదు కానీ.. కన్న కుమారుడు వద్దని వారిస్తున్నా... వినకుండా ఆ తల్లి ఉరి వేసుకుని ఆత్మహత్య చేసుకుంది. ఘటనతో బాలుడి ఒక్కసారిగా చేష్టలుడిగి చూస్తుండిపోయాడు. విషాదకరమైన ఈ ఘటనపై బాధిత కుటుంబసభ్యులు తెలిపిన మేరకు... పెద్దపప్పూరు మండలం ముచ్చుకోట గ్రామానికి చెందిన సాయిప్రసాద్‌ కుమార్తె లలిత (30)కు ఆత్మకూరు మండలానికి చెందిన మోహన్‌కృష్ణతో పదేళ్ల క్రితం వివాహమైంది. పోలీసు కానిస్టేబుల్‌ కావడంతో అప్పట్లో 15 తులాల బంగారం, రూ.5 లక్షలు నగదును వరకట్నంగా ఇచ్చి వివాహం జరిపించారు. వీరికి తొమ్మిదేళ్ల వయసున్న కుమారుడు ధర్మయోగి ఉన్నాడు. మోహన్‌ కృష్ణ ప్రస్తుతం నగరంలోని నివాసముంటూ వన్‌టౌన్‌ పోలీసు స్టేషన్‌లో కానిస్టేబుల్‌గా పనిచేస్తున్నాడు. ఎస్పీ దృష్టికి వేధింపులు పైళ్లైన తొలినాళ్లలో వీరి సంసారం సజావుగా సాగినా... ఆ తర్వాత మనస్పర్థల కారణంగా విభేదాలు చోటు చేసుకున్నాయి. అప్పటి నుంచి ఇద్దరూ వేర్వేరుగా ఉంటున్నారు. ఆజాద్‌ నగర్‌లోని సొంతమింట్లో కుమారుడితో కలసి లలిత నివాసముంటోంది. అదే ఇంట్లో వేరే గదిలో మోహన్‌ కృష్ణ నివాసముండేవాడు. పలుమార్లు పోలీసు స్టేషన్‌లలో కౌన్సిలింగ్‌ ఇచ్చినా మోహన్‌ కృష్ణ తీరు మారలేదు. తాజాగా డీపీఓలో సోమవారం నిర్వహించిన ప్రజా సమస్యల పరిష్కార వేదికలో ఎస్పీ జగదీస్‌ను లలిత కలసి తన దీన స్థితిని విన్నవించుకుంది. న్యాయం చేయాలని వేడుకుంది. అదే రోజు సాయంత్రం దిశ పీఎస్‌లో దంపతులకు కౌన్సెలింగ్‌ నిర్వహించి ఇద్దరినీ ఇంటికి పంపారు. లలిత తల్లిదండ్రులు కూడా రాత్రి కుమార్తె నివాసంలోనే ఉన్నారు. మంగళవారం ఉదయం స్వగ్రామానికి తిరుగు ప్రయాణమయ్యారు. వారు మార్గమధ్యంలో ఉండగానే ఉదయం 8 గంటల సమయంలో మనవడు ధర్మయోగి ఫోన్‌ చేసి తాతా.. అమ్మ ఉరి వేసుకుందని తెలిపాడు. వారొచ్చే సమయానికి ఉరికి విగతజీవిగా వేలాడుతూ లలిత కనిపించింది. మనిషి కాదు రాక్షసుడు ‘తొమ్మిదేళ్లుగా తమ కుమార్తెకు నరకం చూపించాడు. వాడు మనిషి కాదు.. రాక్షసుడు’ అంటూ లలిత తల్లిదండ్రులు కన్నీటి పర్యంతమయ్యారు. వివాహేతర సంబంధాల మోజులో తమ కుమార్తెను నిత్యం వేధించాడని వాపోయారు. అతన్ని ఉరి తీస్తేనే తమ కుమార్తె ఆత్మకు శాంతి చేకూరుతుందని విజప్తి చేశారు. అదనపు కట్నం కోసం వేధించేవాడని, తనకు లవర్‌ ఉందని, ఆమెతోనే జీవిస్తానంటూ మాటలతోనే హింసించేవాడని వివరించారు. తనకు అందుతున్న పింఛన్‌ సొమ్ముతోనే కుమార్తె, మనవడిని పోషిస్తున్నట్లు తెలిపారు. మోహన్‌కృష్ణపై కఠిన చర్యలు తీసుకుని తమకు న్యాయం చేయాలని ఎస్పీకి విజ్ఞప్తి చేశారు. ఘటనపై నాల్గో పట్టణ సీఐ జగదీష్‌ మాట్లాడుతూ.. దంపతుల మద్య మనస్పర్థలు ఉన్నాయని, ఇరువురూ కోర్టును ఆశ్రయించినట్లు తెలిపారు.మృతురాలి తల్లిదండ్రుల ఫిర్యాదు మేరకు కేసు నమోదు చేస్తామని వెల్లడించారు.

ధర్మవరం అర్బన్‌: ‘నా భర్త నపుంసకుడు. అతనికి స్నేహితుడితో అసహజ సంబంధాలున్నాయి. నేను బయట పెడతానన్న భయంతో నన్ను చంపాలని చూస్తున్నారు’ అని ధర్మవరం పట్టణంలోని రామ్‌నగర్‌లో నివాసముండే బాధితురాలు తెలిపింది. ఈ మేరకు ఆమె శనివారం స్థానిక ఎన్జీఓ హోంలో విలేకరులకు వివరాలు వెల్లడించింది. ఆమె మాటల్లోనే... ‘నాకు 13 ఏళ్ల క్రితం రామ్‌నగర్‌కు చెందిన విద్యుత్‌ శాఖ లైన్‌మెన్‌తో పెళ్లయ్యింది. మొదట్నుంచే అతని ప్రవర్తనలో తేడా కనిపించింది. ఏదో ఒక కారణంతో నన్ను దూరం పెడుతూ వచ్చేవాడు. అతని ప్రవర్తనలో రోజురోజుకూ మార్పులు వచ్చాయి. రాత్రిపూట నేను నిద్రపోయిన తర్వాత బీరువాలోని నా బంగారు నగలు తీసి మెడలో వేసుకునేవాడు. చీర కట్టుకుని, అద్దం ముందు కూర్చుని సంబరపడిపోయేవాడు. కాళ్లు, చేతుల గోళ్లకు నెయిల్‌ పాలిష్‌ వేసుకుంటూ మురిసిపోయేవాడు. తోటి లైన్‌మెన్‌ నా భర్తకు క్లోజ్‌ ఫ్రెండ్‌. వారిద్దరూ ఎప్పుడూ కలిసే ఉంటారు. రాత్రి నేను నిద్రపోయాక నా భర్త మహిళలా అందంగా అలంకరించుకుని స్నేహితుడికి ఫోన్‌ చేసి ఇంటికి పిలిపించుకునేవాడు. ఇద్దరూ పక్క గదిలో నగ్నంగా పడుకునేవారు. ఒకరోజు ఈ దృశ్యం చూసి నా గుండె పగిలింది. కానీ కుటుంబ పరిస్థితుల వల్ల బయటకు చెప్పుకోలేకపోయా. నాలో నేనే కుమిలిపోయా. వారి బాగోతం నాకు తెలిసిపోవడంతో అడ్డు తొలగించుకోవాలని చూస్తున్నారు. అదనపు కట్నం కోసం వేధించడంతో నా తల్లిదండ్రులు అప్పులు చేసి మరీ డబ్బులు ఇచ్చారు. అయినా వేధింపులు ఆపలేదు. నేను బతికుంటే ఏదోఒక రోజు వారి బండారం బయటకు వచ్చి జనంలో పరువు పోతుందన్న ఉద్దేశంతో చంపాలని చూస్తున్నారు. నేను భయపడి మూడేళ్ల క్రితం పుట్టింటికి వెళ్లిపోయా. భర్త నుంచి భరణం కావాలని కోర్టును ఆశ్రయించా. అప్పట్నుంచీ నన్ను చంపేందుకు ప్రయత్నాలు చేస్తున్నారు. నేను, మా నాన్న ఎక్కడికి వెళితే అక్కడికి వస్తూ ఫొటోలు, వీడియోలు తీస్తూ బెదిరిస్తున్నారు. ఈ విషయంపై ఎస్పీ సతీష్‌ కుమార్‌కు ఫిర్యాదు చేయగా..ధర్మవరం టూటౌన్‌ పోలీస్‌స్టేషన్‌కు పంపించారు. నా భర్తను, అతని స్నేహితుడిని టూ టౌన్‌ సీఐ పిలిపించి మందలించారు. అయినా మార్పు రాలేదు. వారి నుంచి ప్రాణహాని ఉంది. నన్ను రక్షించాలి. నాలా మరో ఆడపిల్ల మోసపోకూడదని వారి బాగోతం బయట పెడుతున్నా.’ భర్త, స్నేహితుడిపై కేసు నమోదు రామ్‌నగర్‌కు చెందిన మహిళను చంపుతామని బెదిరించిన భర్తతో పాటు అతని స్నేహితుడిపై కేసు నమోదు చేసినట్లు ధర్మవరం టూ టౌన్‌ సీఐ రెడ్డెప్ప తెలిపారు. బాధితురాలి తండ్రి ఫిర్యాదు మేరకు కేసు నమోదు చేసి..దర్యాప్తు చేపట్టామన్నారు.

సాక్షి, అనంతపురం: శింగనమల నియోజకవర్గంలో దారుణం చోటు చేసుకుంది. సవతుల మధ్య పోరుతో.. రెండు నిండు ప్రాణాలు బలయ్యాయి. మొదటి భార్య కొడుకులు పిన్ని, ఆమె కొడుకును దారుణంగా హతమార్చారు. ఆ వివరాల్లోకి వెళ్తే.. తరిమెల గ్రామంలో ఈ దారుణం జరిగింది. నల్లప్ప అనే వ్యక్తికి ఇద్దరు భార్యలు ఉన్నారు. ఆస్తి విషయంలో ఇద్దరు భార్యలు చాలా కాలంగా తగాదాలు పడుతున్నారు. ఈ క్రమంలో.. మొదటి భార్య కొడుకులు రెండో భార్య అయిన యల్లమ్మ (38).. ఆమె తనయుడు చిన్నా (22) లను హత్య చేశారు. ఈ ఘటనతో గ్రామంలో ఉద్రిక్త పరిస్థితులు చోటు చేసుకున్నాయి. దీంతో పోలీసులు రంగంలోకి దిగారు.ఈ ఘాతుకానికి పాల్పడింది సమీప బంధువులేనని పోలీసులు చెబుతున్నారు. యల్లమ్మ కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేపట్టారు.

అనంతపురం మెడికల్‌: అనంతపురం ప్రభుత్వ సర్వజనాస్పత్రిలోని లేబర్‌ వార్డులో ఓ బిడ్డ కన్పించకపోవడం తీవ్ర కలకలం రేపింది. ఆస్పత్రి సిబ్బంది అప్రమత్తమై విషయాన్ని ఉన్నతాధికారుల దృష్టికి తీసుకెళ్లడం..ఆ తర్వాత బిడ్డను కుటుంబీకులే తెలిసిన వారికి ఇచ్చినట్లు తెలియడంతో అందరూ ఊపిరి పీల్చుకున్నారు. టూటౌన్‌ సీఐ శ్రీకాంత్‌ యాదవ్, ఆస్పత్రి ఆర్‌ఎంఓ డాక్టర్‌ హేమలత తెలిపిన వివరాల మేరకు..అనంతపురం రూరల్‌ పరిధిలోని బీజేపీ కొట్టాలకు చెందిన దంపతులకు ఇది వరకే ముగ్గురు సంతానం(ఇద్దరు ఆడ పిల్లలు, మగపిల్లాడు). నాల్గో కాన్పునకు ఆమె సర్వజనాస్పత్రిలో చేరింది. ఈ నెల 24న సాధారణ కాన్పులో ఆడబిడ్డకు జన్మనిచ్చింది. బుధవారం శిశువుకు వ్యాక్సిన్లు వేయించారు. తర్వాత శిశువు అదృశ్యమైంది. దీంతో ఆస్పత్రి సిబ్బంది విషయాన్ని ఉన్నతాధికారుల దృష్టికి తీసుకెళ్లారు. ఆస్పత్రి ఆర్‌ఎంఓ డాక్టర్‌ హేమలత వెంటనే టూటౌన్‌ సీఐ శ్రీకాంత్‌ యాదవ్‌కు ఫిర్యాదు చేశారు. ఆయన సిబ్బందితో వచ్చి కుటుంబ సభ్యులను తమదైన శైలిలో విచారించారు. అసలు విషయం వెలుగు చూసింది. ఇప్పటికే ముగ్గురు పిల్లలు ఉండడంతో నాల్గోబిడ్డ పోషణ భారమవుతుందని భావించి బీజేపీ కొట్టాల వద్ద నివాసముండే రహీమ్‌ దంపతులకు పిల్లలు లేకపోవడంతో ఇచ్చేశామని తెలిపారు. దీంతో చిన్నారిని స్వా«దీనం చేసుకుని తిరిగి ఆస్పత్రిలో చేరి్పంచారు. బిడ్డ సురక్షితంగా ఉందని సీఐ తెలిపారు.

అనంతపురం: ప్రభుత్వ సర్వజనాస్పత్రిలోని గైనిక్‌ విభాగం వైద్యులు కష్టతరమైన ఓ సిజేరియన్‌ కేసును అత్యాధునిక పద్ధతులను అనుసరించి విజయవంతం చేశారు. తద్వారా కవిత అనే నిండు గర్భిణి ముగ్గురు పిల్లలకు జన్మనిచ్చింది. ప్రైవేట్‌గా ఈ తరహా చికిత్స పొందాలంటే రూ.3 లక్షల వరకు ఖర్చు అవుతుందని, సర్వజనాస్పత్రిలో గైనిక్‌ విభాగం వైద్యులు ఉచితంగా శస్త్రచికిత్స చేసి తల్లీబిడ్డల ప్రాణాలను కాపాడినట్లు జీజీహెచ్‌ సూపరింటెండెంట్‌ డాక్టర్‌ మల్లీశ్వరి తెలిపారు. బుధవారం జీజీహెచ్‌లోని ఎస్‌ఎన్‌సీయూలో ఏర్పాటు చేసిన విలేకరుల సమావేశంలో వివరాలను ఆమె వెల్లడించారు. ‘బ్రహ్మసముద్రం నంజాపురం గ్రామానికి చెందిన రమేష్‌, కవిత దంపతులకు ఇప్పటికే 17, 10, 8, 5 ఏళ్ల వయసున్న ఆడపిల్లలు ఉన్నారు. కాగా, మగ బిడ్డ కోసం నిరీక్షించారు. ఈ క్రమంలో ఒక అబార్షన్‌ కూడా జరిగింది. అనంతరం గర్భం దాల్చిన ఆమె ఈ నెల మొదట్లో గైనిక్‌ విభాగం యూనిట్‌ 3లో చూపించుకున్నారు. హెచ్‌ఓడీ డాక్టర్‌ సుచిత్ర, అసిస్టెంట్‌ ప్రొఫెసర్‌ డాక్టర్‌ నవ్యశ్రీ పరీక్షించి ఎపిలెప్సీ కాంప్లికేటెడ్‌ ప్రెగ్నెన్సీగా (ఫిట్స్‌తో బాధపడుతున్నట్లు) నిర్ధారించి విషయాన్ని గైనిక్‌ హెచ్‌ఓడీ డాక్టర్‌ షంషాద్‌బేగం దృష్టికి తీసుకెళ్లారు. ఆమె పర్యవేక్షణలో న్యూరాలజీ, అనస్తీషియా విభాగాల సూచనలతో కవితకు చికిత్స అందజేస్తూ వచ్చారు. నెలలు నిండడంతో ఈ నెల 19న డాక్టర్‌ సుచిత్ర, డాక్టర్‌ నవ్యశ్రీ, డాక్టర్‌ నవీన్‌కుమార్‌ కలసి ఎపిడ్యూరల్‌ అనస్తీషియా అందిస్తూ సిజేరియన్‌ చేశారు. ఉదయం 10.44 గంటలకు ఆడబిడ్డ (1.75 కేజీల బరువు), 10.46 గంటలకు మగబిడ్డ (1.4కేజీ బరువు), 10.47 గంటలకు ఆడబిడ్డ (1.75 కేజీ బరువు)కు కవిత జన్మనిచ్చారు. మగ బిడ్డ బరువు పెరగడానికి ఎస్‌ఎన్‌సీయూలో అడ్మిషన్‌లో ఉంచి వైద్యం అందించారు. అత్యంత క్లిష్టమైన సిజేరియన్‌ను విజయవంతం చేసిన డాక్టర్‌ షంషాద్‌బేగం, డాక్టర్‌ సుచిత్ర, డాక్టర్‌ నవ్యశ్రీను సూపరింటెండెంట్‌ అభినందించారు. సమావేశంలో ఆర్‌ఎంఓ డాక్టర్‌ హేమలత, చిన్నపిల్లల వైద్య విభాగం హెచ్‌ఓడీ డాక్టర్‌ రవికుమార్‌, అసోసియేట్‌ ప్రొఫెసర్‌ డాక్టర్‌ ప్రవీణ్‌దీన్‌ కుమార్‌, తదితరులు పాల్గొన్నారు.

అనంతపురం: టీడీపీ ఎమ్మెల్యే దగ్గుపాటి ప్రసాద్‌ ముఖ్య అనుచరుడు గంగారామ్‌ను పోలీసులు అరెస్ట్‌ చేశారు. గోవాలో టీడీపీ నేత గంగారామ్‌ను అనంతపురం పోలీసులు అరెస్ట్‌ చేశారు. ఇటీవల అనంతపురంలో ఎగ్జిబిషన్‌ నిర్వాహకులుపై దాడికి పాల్పడిన ఘటనకు సంబంధించి గంగారామ్‌పై కేసు నమోదైంది. అదే సమయంలో నంబూరి వైన్స్‌కు గంగారాం, ఆయన అనుచరులు నిప్పుపెట్టారు. ఇలా గంగారామ్‌పై మూడు కేసులు నమోదయ్యాయి. దగ్గుపాటి ప్రసాద్‌ ఆదేశాలతో గంగారామ్‌ సెటిల్‌మెంట్లు చేస్తున్నాడు. అయితే ఎమ్మెల్యే దగ్గుపాటి ప్రసాద్‌పై కేసు నమోదుకు పోలీసులు వెనకడుగు వేస్తున్నారు. దగ్గుపాటిపై కేసు నమోదు ేచేయకుండా ప్రభుత్వ పెద్దల ఒత్తిడి తెస్తున్నట్లు సమాచారం.ఇదీ చదవండి:మరో వివాదంలో టీడీపీ ఎమ్మెల్యే దగ్గపాటి ప్రసాద్‌

సాక్షి, అనంతపురం: తాడిపత్రిలో టీడీపీ నేత జేసీ ప్రభాకర్‌ రెడ్డి అరాచకాలు పీక్‌ స్టేజ్‌కు చేరుకున్నాయి. మాజీ ఎమ్మెల్యే కేతిరెడ్డి పెద్దారెడ్డిపై దాడి చేసేందుకు జేసీ, ఆయన అనుచరులు తాడిపత్రిలో పెద్ద స్కెచ్‌ వేశారు. తాడిపత్రిలో ఇంత జరుగుతున్నా పోలీసులు మాత్రం పేక్షక పాత్ర పోషించడం గమనార్హం.తాడిపత్రి నియోజకవర్గంలో అభివృద్ధిపై బహిరంగ చర్చకు సిద్ధమని మాజీ ఎమ్మెల్యే కేతిరెడ్డి పెద్దారెడ్డి.. అధికార కూటమికి సవాల్‌ విసిరారు. తాడిపత్రిలో 30 ఏళ్ల జేసీ పాలనకు, ఐదేళ్ల తన పాలనపై చర్చకు రెడీ అని చెప్పుకొచ్చారు. అయితే, కేతిరెడ్డి సవాల్‌కు జేసీ ప్రభాకర్ రెడ్డి ఎలాంటి సమాధానం ఇవ్వలేదు. కానీ, కేతిరెడ్డి వ్యాఖ్యల నేపథ్యంలో జేసీ ప్రభాకర్‌ రెడ్డి కక్ష సాధింపు చర్యలకు దిగారు. రేపు(శుక్రవారం) మాజీ ఎమ్మెల్యే కేతిరెడ్డి పెద్దారెడ్డి ఇంటిపై దాడి చేసేందుకు టీడీపీ నేతల జనసమీకరణ చేశారు.ఇందులో భాగంగా కేతిరెడ్డి పెద్దారెడ్డిపై దాడి చేసేందుకు స్కెచ్‌ రచిస్తున్నట్టు తెలిసింది. జేసీ ప్రభాకర్ రెడ్డి ఆదేశాలతో జేసీ వర్గీయులు ప్రత్యేక లారీల్లో రాళ్లు తీసుకొచ్చి.. కేతిరెడ్డి ఇంటి వద్ద పోశారు. దాడి చేసేందుకు కేతిరెడ్డి పెద్దారెడ్డి ఇంటి వద్ద కంకర రాళ్లు సిద్ధం చేసుకున్నారు. దీనిపై వైఎస్సార్‌సీపీ కార్యకర్తలు, నేతలు, స్థానికులు ఆగ్రహం వ్యక్తం చేస్తున్నారు. మరోవైపు.. ఇంత జరుగుతున్నా పోలీసులు మాత్రం ప్రేక్షక పాత్ర వహించారు. జేసీ ప్రభాకర్‌ రెడ్డిపై ఎలాంటి చర్యలు తీసుకోవడం లేదు.

అనంతపురం సెంట్రల్‌: రాప్తాడు మండలం గొల్లపల్లి గ్రామానికి చెందిన మల్లికార్జున కుమార్తె భవాని (19) ఆత్మహత్య చేసుకుంది. అనంతపురంలోని అశోక్‌ నగర్‌లో ఉన్న ప్రైవేట్‌ బాలికల హాస్టల్‌లో ఉంటూ నగరంలోని ఓ ప్రైవేటు లా కళాశాలలో సెకండ్‌ ఇయర్‌ చదువుతున్న ఆమె మంగళవారం సాయంత్రం తన గదిలో ఎవరూ లేని సమయంలో ఫ్యాన్‌కు ఉరి వేసుకుని ఆత్మహత్య చేసుకుంది. సహచర విద్యారి్థనులు గుర్తించి సమాచారం ఇవ్వడంతో పోలీసులు అక్కడకు చేరుకుని పరిశీలించారు. భవాని మృతదేహాన్ని జీజీహెచ్‌లోని మార్చురీకి తరలించారు. ప్రేమ వ్యవహారమే ఆత్మహత్యకు కారణంగా పోలీసుల ప్రాథమిక విచారణలో నిర్ధారణ అయింది. ఘటనపై దర్యాప్తు చేపట్టినట్లు వన్‌టౌన్‌ పీఎస్‌ ఎస్‌ఐ లక్ష్మణరావు తెలిపారు.

అనంతపురం: బేతాపల్లిలో తొండ తెచ్చిన తంటా ఇద్దరు అన్నదమ్ముల మధ్య గొడవకు దారి తీసింది. ఆవేశంలో ఇంటికి నిప్పు పెట్టడంతో బాలిక తీవ్రంగా గాయపడింది. పోలీసులు, కుటుంబ సభ్యులు తెలిపిన మేరకు... గుత్తి మండలం బేతాపల్లికి చెందిన రామాంజనేయులు, శ్రీనివాసులు వరుసకు అన్నదమ్ములు. శుక్రవారం రాత్రి వీరు మద్యం మత్తులో ఘర్షణ పడ్డారు. ఈ క్రమంలో రామాంజనేయులు తన అన్న శ్రీనివాసులుపై తొండ విసరగా.. అది అతడి మెడను కరిచింది. తనపై చేతబడి చేసేందుకే తొండను విసిరాడని భావించిన శ్రీనివాసులు కోపంలో రామాంజనేయులు ఇంటిపై పెట్రోల్‌ పోసి నిప్పు పెట్టాడు. మంటలు ఒక్కసారిగా చెలరేగడంతో ఇంట్లో ఉన్న రామాంజనేయులు కుమార్తె లక్ష్మి తీవ్రంగా గాయపడగా... కుమారుడు శివ స్వల్ప గాయాలతో బయటపడ్డాడు. తీవ్రంగా గాయపడిన లక్ష్మిని గుత్తి ప్రభుత్వ ఆస్పత్రిలో ప్రథమ చికిత్స చేయించిన అనంతరం వైద్యుల సూచన మేరకు అనంతపురం ఆస్పత్రికి తీసుకెళ్లారు. బాధిత కుటుంబ సభ్యుల ఫిర్యాదు మేరకు పోలీసులు కేసు నమోదు చేశారు.

అనంతపురం: తాడిపత్రి టీడీపీ నేత జేసీ ప్రభాకర్‌రెడ్డిపై మాజీ ఎమ్మెల్యే కేతిరెడ్డి పెద్దారెడ్డి ధ్వజమెత్తారు. తాడిపత్రి నియోజకవర్గంలో తన ఐదేళ్ల పాలనపై, అదే జేసీ 30 ఏళ్ల పాలనపై చర్చకు సిద్ధంగా ఉన్నానన్నారు. జేసీ ప్రభాకర్‌రెడ్డి సవాల్‌ను తాను స్వీకరిస్తున్నట్లు స్పష్టం చేశారు. ‘జేసీ డేట్ ఫిక్స్ చేయండి... కలెక్టర్, ఎస్పీలకు సమాచారం ఇవ్వండి. రాయలసీమ జిల్లాల్లో ఎక్కడైనా చర్చకు సిద్ధం.. మీరు అనుమతులు ఇప్పించండి... నా కుటుంబం మాత్రమే వచ్చి నిజాలు చెబుతాం. పోలీసులను అడ్డుపెట్టుకుని రాజకీయాలు చేయడం మగతనమా జేసీ ప్రభాకర్ రెడ్డి. రాయలసీమ లిఫ్ట్ ఇరిగేషన్ ప్రాజెక్టు పై మాజీ ఎమ్మెల్యే కేతిరెడ్డి వెంకట్రామిరెడ్డి వ్యాఖ్యలపై జేసీ విమర్శలు చేయడం హాస్యాస్పదం. తాడిపత్రి నియోజకవర్గంలో టీడీపీ నేతల అక్రమాలపై కలెక్టర్‌కు రెండు సార్లు ఫిర్యాదు చేశా. విచారణ జరక్కుండా టీడీపీ నేత జేసీ ప్రభాకర్ రెడ్డి అడ్డుపడుతున్నారు. సాక్షాత్తూ జిల్లా కలెక్టర్ కు వినతి పత్రం అందజేసినా ఎందుకు చర్యలు తీసుకోరు?’ అని ప్రశ్నించారు.

అనంతపురం. దేశంలో ఎక్కడా లేని విధంగా సీఎం చంద్రబాబు అధికారం అండతో సొంత కేసుల మూసివేత ప్రక్రియ కొనసాగిస్తున్నారని వైఎస్సార్‌సీపీ పీఏసీ సభ్యుడు, మాజీ మంత్రి సాకే శైలజానాథ్‌ ఆక్షేపించారు. ఇప్పటికే ఫైబర్‌నెట్‌ కేసు, లిక్కర్‌ కేసు మూసివేయించుకున్న చంద్రబాబు, ఇప్పుడు అత్యంత హేయంగా స్కిల్‌ కేసు కూడా క్లోజ్‌ చేయించుకున్నారని ఆయన గుర్తు చేశారు. డొల్ల కంపెనీలకు రూ.371 కోట్ల ప్రభుత్వ నిధులు మళ్లించి, అక్కణ్నుంచి వాటిని తన ఖాతాలో వేసుకున్న చంద్రబాబు, అన్ని ఆధారాలతో సహా దొరికి, జ్యుడీషియల్‌ రిమాండ్‌లో జైలుకి కూడా వెళ్లారని చెప్పారు. స్కిల్‌ స్కాంలో చంద్రబాబు దోషిత్వంపై అన్ని ఆధారాలు ఉన్నాయని, ఆయనపై కేసులు పెట్టి జైలుకు పంపిన సీఐడీ.. ఇప్పుడు ఆ కేసులో ఆరోపణలు వాస్తవం కాదంటూ (మిస్టేక్‌ ఆఫ్‌ ఫ్యాక్ట్‌) తుది నివేదిక ఇవ్వడం, వెంటనే ఆ నివేదికను ఆమోదించి ఏసీబీ కోర్టు కేసు మూసివేయడం ఆశ్చర్యం కలిగిస్తోందని శైలజానాథ్‌ అన్నారు. ఇది చంద్రబాబు అధికార దుర్వినియోగానికి పరాకాష్ట అని స్పష్టం చేశారు. నాడు తీవ్ర అనారోగ్య కారణాలు చూపి బెయిల్‌ పొందిన చంద్రబాబు, తిరిగి అధికారంలోకి రాగానే, తనపై నమోదైన కేసులను ఒక్కొక్కటిగా మూసి వేయించుకుంటున్నారని గుర్తు చేశారు.స్కిల్‌ స్కామ్‌ కేసు మిస్టేక్‌ ఆఫ్‌ ఫ్యాక్ట్‌ అని చెప్పిన సీఐడీ.. మరి అప్పుడు సేకరించిన ఆధారాలు, నాటి ఈడీ ఛార్జిషీట్‌ అన్నీ అబద్ధాలేనా? అని అనంతపురంలోని పార్టీ ఆఫీస్‌లో మీడియాతో మాట్లాడిన శైలజానాథ్‌ ప్రశ్నించారు.శైలజానాథ్‌ ఇంకా ఏం మాట్లాడారంటే..:చంద్రబాబు కేసుల మాఫీ రాజ్యాంగ విరుద్ధంసీఎం చంద్రబాబు తన స్వప్రయోజనాల కోసమే ప్రభుత్వాన్ని నడుపుతున్నారు. ఎన్ని నేరాలు, దందాలు చేసినా తమ కార్యకర్తల్ని కాపాడుకుంటున్నారు. అనంతపురంలో వారానికో భూకుంభకోణం బయటపడుతోంది. ఎవరో ఒక ప్రజాప్రతినిధి బెదిరించారని చెప్తుంటారు. అధికారులు మాత్రం మౌనంగా ఉండిపోతుంటారు. ఇదే క్రమంలో దేశంలో ఏ రాష్ట్రంలో లేని విధంగా చంద్రబాబు తన సొంత కేసుల్ని ఎత్తేసుకునే కార్యక్రమం మొదలుపెట్టారు. తనకు తానే కితాబిచ్చుకుంటున్నారు. ఇప్పటికే ఫైబర్‌నెట్‌ కేసు, లిక్కర్‌ కేసు మూసివేయించుకున్న చంద్రబాబు, తాజాగా స్కిల్‌ కేసు కూడా క్లోజ్‌ చేయించుకున్నారు. నిజానికి స్కిల్‌ కేసులో సీమెన్స్‌ కంపెనీ తమకు ఏ మాత్రం సంబంధం లేదని కూడా చెప్పింది. దీంతో చంద్రబాబు దోషిత్వం పూర్తి ఆధారాలతో సహా బయటపడింది, అయినా అలా వరసగా కేసులు మూసివేయించుకోవడం పూర్తిగా రాజ్యాంగ విరుద్ధం. అందుకే ఈ విషయంలో రాష్ట్ర గవర్నర్‌తో పాటు, హైకోర్టు కూడా జోక్యం చేసుకోవాలని విజ్ఞప్తి చేస్తున్నాను.కేసుల ఎత్తివేతపై న్యాయపోరాటం కొనసాగిస్తాంచంద్రబాబు ప్రభుత్వంలో ఉన్న సీఐడీ విభాగమే గతంలో అన్ని ఆధారాలు సేకరించి కేసు పెడితే.. ఈడీ కూడా కేసు పెడితే.. ఇవన్నీ కేసుల మాఫీకి అడ్డు రాలేదంటే ఈ వ్యవస్థల్ని ఎలా ధ్వంసం చేస్తున్నారో అర్దమవుతోంది. అధికారులపై ఒత్తిడి తెచ్చి, సాక్ష్యాలు మార్పించి నేరాల్ని మాఫీ చేయించుకుంటున్నారు. రాష్ట్రంలో ఇప్పుడు చంద్రబాబు ఓ చెడ్డ ఒరవడిని సృష్టిస్తున్నారు. మీ పార్టీ ఆఫీసు ఖాతాల్లో రూ.77 కోట్లు రాలేదా?. మీరు అంత కడిగిన ముత్యమైతే కోర్టుల్లో పోరాడి ఎందుకు గెలవలేకపోయారు? చివరికి ఈడీ కూడా బోగస్‌ ఇన్‌వాయిస్‌లు ఇచ్చారని కేసు పెట్టింది కదా? మరి ఆ రిపోర్ట్‌ కూడా మిస్టేక్‌ ఆఫ్‌ ఫ్యాక్ట్‌ అంటారా?.ఈ ధోరణి అస్సలు మంచిది కాదు. ఎవరూ ఎవర్నీ కాపాడలేరు. నిజానికి, సత్యానికి దూరంగా ఓ మనిషి కోసం అధికారులు సాగిస్తున్న హననం ఎంతో కాలం సాగదు. సత్యమే ఎప్పటికైనా గెలుస్తుంది. చంద్రబాబు కేసుల మాఫీపై వైఎస్సార్సీపీ న్యాయపోరాటం కొనసాగిస్తుంది అని స్పష్టం చేశారు.

సాక్షి,అనంతపురం: టీడీపీ అర్బన్ ఎమ్మెల్యే దగ్గుపాటి ప్రసాద్ అనుచరులు మరోసారి వివాదాస్పద ఘటనలో చిక్కుకున్నారు. ఎగ్జిబిషన్ నిర్వాహకుడు ఫకృద్దీన్ చేసిన ఫిర్యాదు ఈ సంఘటనను వెలుగులోకి తెచ్చింది.ఫిర్యాదు ప్రకారం, ఎమ్మెల్యే దగ్గుపాటి ప్రసాద్ అనుచరులు ఎగ్జిబిషన్ నిర్వహణ కోసం 10 లక్షల రూపాయలు డిమాండ్ చేశారు. నిర్వాహకుడు డబ్బు ఇవ్వడానికి నిరాకరించడంతో, వారు మద్యం సేవించి ప్రాంగణంలో హంగామా సృష్టించినట్లు ఆరోపణలు ఉన్నాయి. ఈ హంగామా సమయంలో ఎగ్జిబిషన్ సిబ్బందిపై దాడి జరగడంతో అక్కడ గందరగోళ పరిస్థితులు నెలకొన్నాయి. సిబ్బంది భయాందోళనకు గురయ్యారని ఫిర్యాదులో పేర్కొన్నారు.నిర్వాహకుడు ఫకృద్దీన్ అనంతపురం జిల్లా ఎస్పీ జగదీష్ వద్ద అధికారికంగా ఫిర్యాదు చేశారు. ఫిర్యాదులో ఎమ్మెల్యే దగ్గుపాటి ప్రసాద్ ముఖ్య అనుచరుడు గంగారాం ఆయన గన్‌మెన్ షేక్షావలి బెదిరింపులు చేసినట్లు వివరించారు. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు.

అనంతపురం రైల్వేస్టేషన్‌లో ఏజెంట్‌ ఒకరు ప్రమాదానికి గురవడంపై ఫుడ్‌ డెలివరీ సంస్థ స్విగ్గీ స్పందించింది. రైలు ప్రయాణీకుడు ఒకరి ఫుడ్‌ ఆర్డర్‌ డెలివరీ కోసం ఓ ఏజెంట్‌ అనంతపురం రైల్వే స్టేషన్‌కు వెళ్లినప్పుడు.. కదులుతున్న రైల్లోంచి దిగేందుకు చేసిన ప్రయత్నంలో కిందపడిపోయాడు. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారడంతో స్విగ్గీ స్పందించింది.ఏజెంట్ల భద్రతకు తాము పూర్తి ప్రాధాన్యత ఇస్తామని స్పష్టం చేసింది. రైల్లోంచి కింద పడ్డ ఏజెంట్‌ ప్రస్తుతం సురక్షితంగానే ఉన్నట్లు తెలిపింది. అయితే స్విగ్గీ నిబంధనల ప్రకారం కదిలే రైళ్లను ఎక్కడం లేదా దిగడంపై ఇప్పటికే నిషేధం విధించామని తెలిపింది. ‘‘ఆ ఘటనను మేమూ పరిశీలించాం. హాని కలిగించే విషయాల నుంచి దూరంగా ఉండేందుకు మేము భద్రతపై ఇచ్చే శిక్షణను మరింత బలోపేతం చేశాం. ఇది చాలా తీవ్రమైన భద్రత సమస్య. రైలు డోర్‌/ప్లాట్‌ఫారమ్ నుంచి ఆహారాన్ని డెలివరీ చేయమని కస్టమర్లకు స్పష్టంగా తెలియజేయాలి. ప్రోటోకాల్‌ పాటించి ప్రమాదాలకు దూరంగా ఉండాలి’’ అని ఏజెంట్లను కోరింది.ఏం జరిగిందంటే..ఈ నెల ఆరో తేదీన రాత్రి ఏపీలోని అనంతపురం రైల్వేస్టేషన్‌లో ఏసీ కోచ్ లోని ఒక ప్రయాణికుడు ఆర్డర్ చేసిన ఫుడ్ డెలివరీ ఇవ్వడానికి స్విగ్గీ ఏజెంట్ రైలెక్కాడు. ఇంతలో రైలు కదలడంతో.. కంగారులో రన్నింగ్ ట్రైన్ నుంచి ప్లాట్ ఫామ్ పైకి దిగబోయాడు. ట్రైన్ వేగం ఎక్కువగా ఉండడంతో డెలివరీ బాయ్ ప్లాట్ ఫామ్ పై పడిపోయాడు. ప్రశాంతి ఎక్స్‌ప్రెస్ లో జరిగిన ఈ ఘటనను బిజయ్ ఆనంద్ అనే వ్యక్తి ఇన్‌స్టాగ్రామ్‌లో పోస్టు చేశాడు.“హాల్ట్ కేవలం 1-2 నిమిషాల మాత్రమే. ప్రయాణికుడు 1ACలో ఉన్నాడు. ఫుడ్ అందించే సమయానికి రైలు స్టార్ట్ అయింది. డెలివరీ బాయ్.. ఇంకా డెలివరీ చేయడానికి ఇతర ఆర్డర్‌లు ఉండడం, అతని బైక్, ఫుడ్ బ్యాగ్ స్టేషన్ బయట ఉండిపోవడంతో.. కదులుతున్న రైలు దిగాల్సిన పరిస్థితి. జీవనోపాధి కోసం డెలివరీ ఏజెంట్ తన ప్రాణాలను ప్రమాదంలో పడేసుకున్నాడు” అని బిజయ్ ఆనంద్ కామెంట్ చేశారు.At #Anantapur station, a #Swiggy delivery boy went to deliver food to a train. The train stopped for just 1-2 minutes and then started moving. His bike and bag were outside, and he had more orders to deliver.So, he panicked and tried to get off the moving train,1/3 pic.twitter.com/5R8xqnQa90— Siraj Noorani (@sirajnoorani) January 9, 2026నెటిజన్ల విమర్శలు.. సోషల్‌ మీడియాలో వైరల్‌ అయిన ఈ వీడియోపై ఇప్పుడు చాలామంది స్పందిస్తున్నారు. ఫుడ్ డెలివరీల వేగం పెంచాలని ప్లాట్‌ఫామ్స్‌ వర్కర్లను ఒత్తిడి చేయడం సరికాదని ఓ వ్యక్తి వ్యాఖ్యానించారు. ఇంకో వ్యక్తి మాట్లాడుతూ 10 నిమిషాల డెలివరీ టార్గెట్‌ను తొలగించాలని డిమాండ్ చేశారు. మరోకరు స్పందిస్తూ.. ప్రయాణికుడు పార్శిల్‌ను స్వీకరించడానికి కనీసం రైలు డోర్‌ వద్దకు వచ్చి ఉండాలని అభిప్రాయపడ్డారు. చాలీచాలని జీతాలతో పనిచేస్తున్న గిగ్‌ వర్కర్లు ఈ మధ్యకాలంలో తమ కష్టాలపై గళమెత్తుతున్న విషయం తెలిసిందే. గతనెల చివరిలో కొన్ని రాష్ట్రాల గిగ్‌వర్కర్లు సామూహిక సమ్మెకు కూడా దిగారు. కొన్ని రాష్ట్రాల్లో గిగ్‌ వర్కర్లకు బీమా వంటి సౌకర్యాలు కల్పిస్తూండగా.. మిగిలిన చోట్ల వారి కష్టానికి తగ్గ ఫలితం దక్కడం లేదన్న విమర్శలు ఉన్నాయి.

సాక్షి, అనంతపురం: తాడిపత్రి టీడీపీ నేత జేసీ ప్రభాకర్‌ రెడ్డికి ధర్మవరం మాజీ ఎమ్మెల్యే కేతిరెడ్డి వెంకట్రామిరెడ్డి సవాల్‌ విసిరారు. జేసీ ప్రభాకర్‌ రెడ్డికి నిజంగా దమ్ము, ధైర్యం ఉంటే చంద్రబాబుతో మాట్లాడి ఎయిమ్స్‌, కడపలో స్టీల్‌ ఫ్యాక్టరీని తీసుకురాగలరా? అని ప్రశ్నించారు. నిజంగా ప్రజల కోసం ఆలోచిస్తే రాయలసీమకు అన్యాయం చేస్తున్న చంద్రబాబును నిలదీయాలి కదా? అని కామెంట్స్‌ చేశారు.తాడిపత్రి టీడీపీ నేత జేసీ ప్రభాకర్ రెడ్డి తీరుపై మాజీ ఎమ్మెల్యే కేతిరెడ్డి వెంకట్రామిరెడ్డి ఆగ్రహం వ్యక్తం చేశారు. ఈ సందర్భంగా కేతిరెడ్డి మీడియాతో మాట్లాడుతూ..‘జేసీ ప్రభాకర్ రెడ్డి.. మా కుటుంబంపై విమర్శలు మానుకుని అభివృద్ధిపై దృష్టి పెట్టాలి. రాయలసీమకు ముఖ్యమంత్రి చంద్రబాబు తీరని ద్రోహం చేశారు. కర్నూలులో హైకోర్టు ఏర్పాటు చేయకుండా అడ్డుపడ్డారు. అనంతపురం జిల్లాలో ఎయిమ్స్ ఏర్పాటు కాకుండా అడ్డుపడ్డారు. కడపలో స్టీల్ ఫ్యాక్టరీ రాకుండా మొకాలడ్డారు.జేసీ ప్రభాకర్ రెడ్డికి నిజంగా దమ్ము, ధైర్యం ఉంటే చంద్రబాబుతో మాట్లాడి ఇవన్నీ తీసుకురాగలరా?. రాయలసీమ లిఫ్ట్ ఇరిగేషన్ ప్రాజెక్టుపై సీమకు చెందిన మంత్రులు, టీడీపీ ఎమ్మెల్యేలు ఎందుకు నోరు విప్పలేదు?. మీలో సీమ పౌరుషం ఉంటే చంద్రబాబును నిలదీయాలి కదా?. తాడిపత్రిలో జేసీ ప్రభాకర్‌ రెడ్డి బతుకేంటో అందరికీ తెలుసు. నాపై పిచ్చికూతలు కూయడం కాదు.. అభివృద్ధి చేసి చూపెట్టండి. అసెంబ్లీలో రాయలసీమ లిఫ్ట్‌ ఇరిగేషన్‌పై సీఎం రేవంత్‌ చర్చించారు. మీకు చేతనైతే రేవంత్‌ రెడ్డితో మాట్లాడండి. రాయలసీమ టీడీపీ నాయకులకు పౌరుషం చచ్చిపోయింది. దివాకర్‌ రెడ్డి రాజకీయాల్లో ఉంటే దీనిపై కచ్చితంగా స్పందించేవారు’ అని ఘాటు విమర్శలు చేశారు.

అనంతపురం: ‘నువ్వు సీఐ అయితే ఏంటి? ఏం పీక్కుంటావ్‌!’ అంటూ టీడీపీ ఎమ్మెల్సీ భూమిరెడ్డి రాంగోపాల్‌రెడ్డి అనుచరుడు, ఆ పార్టీ కడప పార్లమెంటరీ నియోజకవర్గ కార్యదర్శి బొజ్జ మైసూరారెడ్డి నోరుపారేసుకున్నారు. జెడ్పీ కార్యాలయం ఆవరణలోనే అనంతపురం టూటౌన్‌ సీఐ శ్రీకాంత్‌పై బూతుపురాణం విప్పారు. ఇంత జరిగినా అతన్ని రాచమర్యాదలతో జెడ్పీ సమావేశంలోకి స్వయాన ఎమ్మెల్సీ రాంగోపాల్‌రెడ్డి పిలుచుకెళ్లడం విమర్శలకు తావిచ్చింది. వైఎస్సార్‌సీపీ శ్రేణులపై ఒంటికాలిపై లేస్తూ అక్రమ కేసులు బనాయించే సీఐ శ్రీకాంత్‌ తనపై టీడీపీ నేత బొజ్జ మైసూరారెడ్డి రెచ్చిపోయినా కనీసం మందలించే సాహసం కూడా చేయలేకపోయారు.వివరాల్లోకి వెళితే.. ఉమ్మడి అనంతపురం జిల్లా పరిషత్‌ సర్వసభ్య సమావేశం శనివారం అనంతపురంలోని జెడ్పీ సమావేశ మందిరంలో నిర్వహించారు. దీనికి టీడీపీ ఎమ్మెల్సీ రాంగోపాల్‌రెడ్డి అనుచరులతో కలసి హాజరయ్యారు. సమావేశ మందిరంలోకి ప్రజాప్రతినిధులు, సభ్యులు మినహా ఇతరులు వెళ్లకూడదని సీఐ శ్రీకాంత్‌ అభ్యంతరం తెలిపారు. దీంతో టీడీపీ నాయకుడు బొజ్జ మైసూరారెడ్డి రెచ్చిపోయారు. డ్యూటీలో ఉన్న పోలీసు అధికారిపైనే బూతులు తిడుతూ దాడి చేయబోయాడు. ‘సమావేశంలోకి వెళ్లకుండా ఆపడానికి నువ్వెవరు? మేం కూడా నీలాగే డ్యూటీలో ఉన్నాం.ఏయ్‌.. నువ్వు సీఐ అయితే ఏంటి? ఏం పీక్కుంటావ్‌!’ అంటూ రౌడీయిజం ప్రదర్శించాడు. సభ్యులు తప్ప మరెవరినీ లోపలకు అనుమతించరాదని కలెక్టర్‌ ఆదేశాలిచ్చారని సీఐ శ్రీకాంత్‌ చెబుతున్నా.. మైసూరారెడ్డి వినకుండా ‘నువ్వెంత మమ్మల్ని ఆపడానికి! మాకు కుర్చీలేదని చెప్పడానికి నువ్వెవడు’ అంటూ చెలరేగిపోయాడు. ఇంత­లో పోలీసులు వచ్చి బయటకు గెంటే ప్రయ­త్నం చే­శారు. వెంటనే ఎమ్మెల్సీ రాంగోపాల్‌రెడ్డి సమావే­శం నుంచి బయటకు వచ్చి బొజ్జ మైసూ­రా రెడ్డిని లోపలికి తీసుకెళ్లారు. పోలీసులను తన అనుచరుడు తీవ్ర అవమానానికి గురి చేసి­నప్పటికీ.. ఎమ్మెల్సీ మాత్రం అతనికే వత్తాసు పలికారు. బండ బూతులతో రెచ్చిపోయినా.. టీడీపీ నాయకుడు బొజ్జ మైసూరారెడ్డి సీఐ శ్రీకాంత్‌ను బాహాటంగా దుర్భాషలాడినా పోలీసుల్లో ఎలాంటి చలనం కనిపించలేదు. అతనిపై కేసు నమోదు చేయకపోగా.. రాచ మర్యాదలతో సమావేశ మందిరంలోకి పంపించారు. బండ బూతులతో పబ్లిక్‌గా రెచ్చిపోయినా సీఐ శ్రీకాంత్‌ అతనిపై ఫిర్యాదు చేసే సాహసం చేయలేకపోయారు. అధికార పారీ్టకి జీహుజూర్‌ అంటూ సదరు నేతను అత్యంత గౌరవంగా సమావేశంలోకి పంపించి స్వామిభక్తి ప్రదర్శించారు. టీడీపీ నాయకులపై ఒకలా.. వైఎస్సార్‌సీపీ నాయకులపై మరొకలా వ్యవహరిస్తూ నాలుగో సింహం పూర్తిగా పక్షపాతంగా విధులు నిర్వహిస్తోందనే విమర్శలు ప్రజల నుంచి వ్యక్తమవుతున్నాయి.

సాక్షి, అనంతపురం: నూతన సంవత్సర వేడుకల వేళ ఏపీలో టీడీపీ నేతలు రెచ్చిపోయారు. అనంతపురంలో ఉద్రికత్త నెలకొంది. వైఎస్సార్‌సీపీ నాయకులను టార్గెట్‌ చేసి దాడులకు తెగబడ్డారు. ఈ క్రమంలో వైఎస్సార్‌సీపీ జెడ్సీటీసీపై హత్యయత్నం చేయడంతో తీవ్ర గాయలయ్యాయి. దీంతో, వైఎస్సార్‌సీపీ నాయకులు, కార్యకర్తలు ధర్నాకు దిగారు.వివరాల ప్రకారం.. శింగనమల నియోజకవర్గం యల్లనూరులో పచ్చ బ్యాచ్‌ రెచ్చిపోయారు. న్యూ ఇయర్ వేడుకలు జరుపుకుంటున్న వైఎస్సార్‌సీపీ నేతలపై దాడి చేశారు. యల్లనూరు వైఎస్సార్‌సీపీ జెడ్పీటీసీ బోగాతి ప్రతాప్ రెడ్డిపై హత్యాయత్నం చేశారు. టీడీపీ నేతలు కర్రలు, రాళ్లతో దాడికి తెగబడ్డారు. ఈ క్రమంలో టీడీపీ నేతల దౌర్జన్యాలకు వ్యతిరేకంగా వైఎస్సార్‌సీపీ నేతల ధర్నాకు దిగారు.అనంతరం, ధర్నా చేస్తున్న వారిపై కూడా టీడీపీ నేతలు మరోసారి దాడి చేశారు. దీంతో, జెడ్పీటీసీ ప్రతాప్‌ రెడ్డి సహా మరో నలుగురు తీవ్రంగా గాయపడ్డారు. టీడీపీ నేతల దాడుల నిరసనగా గాయాలతోనే యల్లనూరు పీఎస్ వద్ద ప్రతాప్ రెడ్డి, వైఎస్సార్‌సీపీ కార్యకర్తలు బైఠాయించారు. కూటమి ప్రభుత్వం, పోలీసులపై ఆగ్రహం వ్యక్తం చేశారు.