Gold Medal

ఆడిపాడే వయసే.. కానీ ఆశయం ఆకాశమంతది. అందుకే ఏడాది శిక్షణతోటే జాతీయస్థాయి అథ్లెటిక్స్‌ పోటీల్లో బంగారు పతకం సాధించి అందరితో శభాష్‌ అనిపించుకుంటోంది. 600 మీటర్ల పరుగు పందెంలో సుమారు వందమంది ప్రత్యర్థులను వెనక్కి నెట్టి విజేతగా నిలిచింది సూర్యాపేటకు చెందిన సాత్విక. భవిష్యత్తులో ఒలింపిక్స్‌లో దేశానికి స్వర్ణం అందించడమే తన లక్ష్యమని చెబుతోంది ఈ చిచ్చరపిడుగు. బుంగపట్ల సాత్వికది నల్లగొండ జిల్లా సూర్యాపేట. అక్కడే స్థానికంగా ఉన్న సీబీఎస్‌ఈ ప్రైవేటు స్కూల్లో ఆరోతరగతి చదువుతోంది. చదువులోనూ ఉత్తమ ప్రతిభ కనబరిచే సాత్వికకు చిన్నప్పటి నుంచే క్రీడలంటే ఆసక్తి. ఈ విషయాన్ని గమనించిన.. అదే స్కూల్లో పనిచేసే కోచ్‌ హనుమంతరావు సాత్వికను ప్రత్యేక శిక్షణకు ఎంపిక చేశాడు. ఏడాదిపాటు ప్రతిరోజు ఉదయం, సాయంత్రం ట్రైనింగ్‌ ఇచ్చి ఆమె ప్రతిభకు మెరుగు లు దిద్దాడు. అలా ఈ ఏడాది జూన్‌లో హైదరాబాద్‌లో జరిగిన తెలంగాణ, ఆంధ్రప్రదేశ్‌ సీబీఎస్‌ఈ పాఠశాలల హైదరాబాద్‌–విజయవాడ క్లస్టర్‌ స్థాయి అథ్లెటిక్స్‌ పోటీల్లో పాల్గొని సాత్విక ప్రథమ స్థానాన్ని కైవసం చేసుకుంది.ఈ విజయం సాత్వికను సీబీఎస్‌ఈ స్కూళ్ల జాతీయ స్థాయి అథ్లెటిక్స్‌ 2026 మీట్‌కు ఎంపికయ్యేలా చేసింది. ఇందుకోసం ప్రత్యేక శిక్షణను తీసుకుని.. అక్టోబర్‌ 18న పంజాబ్‌లోని పాటియాలాలో జరిగిన సీబీఎస్‌ఈ జాతీయ స్థాయి అథ్లెటిక్స్‌ పోటీల్లో పాల్గొంది. అండర్‌–14 బాలికల విభాగంలో తెలంగాణ, ఆంధ్రప్రదేశ్‌ రాష్ట్రాల తరఫున బరిలోకి దిగింది. 142 సెకన్లలో 600 మీటర్లు పరుగును పూర్తిచేసి తన సత్తా చాటింది. బంగారు పతకాన్ని సాధించింది. ఈ అథ్లెటిక్స్‌ లో సీబీఎస్‌ఈ పాఠశాలల జాతీయ, అంతర్జాతీయ క్లస్టర్లనుంచి సుమారు వంద మంది వరకు పోటీ పడగా, అందరిలోనూ సాత్విక ఒక్కతే విజేతగా నిలిచింది. ఒలంపిక్స్‌లో బంగారు పతకమే లక్ష్యంప్రస్తుతం అండర్‌ 14 విభాగంలో ఆల్‌ ఇండియా స్కూల్‌ గేమ్స్‌ పోటీలకు సిద్ధమవుతున్న సాత్విక.. భవిష్యత్తులో ఒలింపిక్స్‌లో పాల్గొని దేశానికి గోల్డ్‌ మెడల్‌ తీసుకురావడమే తన లక్ష్యమని చెబుతోంది. – చింతకింది గణేశ్, సాక్షి ప్రతినిధి, నల్లగొండ

ప్రపంచ మహిళల రెజ్లింగ్‌లో స్వర్ణం గెలిచిన తొలి భారతీయ మహిళగా చరిత్ర సృష్టించింది మనీషా బన్వాలా. ఆమెకు తండ్రి అంటే ఎంత ఇష్టమో చెప్పడానికి కొలమానాలు, తూకాలు సరిపోవేమో! కూతురి విజయాన్ని చూసే అదృష్టం ఆ తండ్రికి దక్కలేదు. ‘నాన్న నాతోనే ఉన్నాడు’ అనుకోవడం మనీషా బలం. కుటుంబ బంధాలు వ్యక్తుల విజయాలకు ఎలా కీలకం అవుతాయో చెప్పడానికి మనీషా బన్వాలా బలమైన ఉదాహరణగా నిలిచింది...‘‘ఈ క్షణం కోసం నేను చాలాకాలంగా ఎదురు చూస్తున్నాను. 2022 నుండి ప్రపంచ ఛాంపియన్‌ అవుతాను అని నా డైరీలో రాసుకుంటూ వచ్చాను. ప్రపంచ ఛాంపియన్‌గా నిలిచిన మొదటి భారతీయ మహిళ కావాలనేదే నా కల. ఆ కల నిజమైంది’’ బంగారు అక్షరాలతో ‘వరల్డ్‌ ఛాంపియన్‌’ అని ముద్రించిన నీలిరంగు తోలుబెల్టు సర్దుకుంటూ చెప్పింది మనీషా. హరియాణాలోని జింద్‌ పట్టణానికి పదికిలోమీటర్‌ల దూరంలో ఉన్న సీవాహ అనే గ్రామానికి చెందిన మనిషా కాస్త ఆలస్యంగానే కుస్తీపోటీల్లోకి వచ్చింది. ‘నా విజయం ఎంతోమందికి స్ఫూర్తినిస్తుంది’ అంటున్న మనీషా బన్వాలా అంతరంగం...స్వేచ్ఛగా...మాది ఓ చిన్న గ్రామంలోని ఓ సాధారణ కుటుంబం. మా నాన్న సురేష్‌ బన్వాలా నన్ను రెజ్లింగ్‌ వైపు ప్రోత్సహించారు. ప్రోత్సహించడమే కాదు ‘నువ్వు నంబర్‌ వన్‌ రెజ్లర్‌ అవుతావు’ అని నాలో ఆత్మవిశ్వాసాన్ని నింపేవారు. నాకు ఒక తమ్ముడు, చెల్లెలూ ఉన్నారు. నాపైనే ఆయనకు ఎక్కువ ఆశలు ఉండేవి.‘అమ్మాయివి కాబట్టి నువ్వు ఇలాగే ఉండాలి. అలా చేయకూడదు’ ఇలాంటి పట్టింపులేవీ నాన్నలో ఉండేవి కాదు. పూర్తి స్వేచ్ఛ ఇచ్చారు. నాన్న చిన్నపాటి రైతు. పెద్దగా డబ్బులు లేకున్నప్పటికీ ఏ లోటు లేకుండా పెంచారు.కృంగిపోయానుఆరోజును నేను ఎప్పటికీ మరచిపోలేను. 2022 ఆసియా ఛాంపియన్‌షిప్‌. నేను టోర్నమెంట్‌కు బయలుదేరే రోజు నాన్నకు గుండెపోటు వచ్చి కన్నుమూశారు. ఆ బాధ మాటల్లో చెప్పలేను. బాగా కుంగిపోయాను. నాన్నవల్లే రెజ్లింగ్‌లోకి వచ్చాను. నేను గెలిస్తే ఆయన పొంగిపోయేవారు. ఓడిపోయినా బాధపడేవారు కాదు.‘ఇతి తాత్కాలికమే’ అనేవారు. ఎన్నో ఏళ్లుగా ఆయన నన్ను నమ్మారు. నాపై ఎన్నో ఆశలు పెట్టుకున్నారు. రెజ్లింగ్‌లో నేను ఇంటర్నేషనల్‌ అరంగేట్రం చేసే సమయంలో ఆయనను కోల్పోవడం బాధాకరంగా ఉంది. ఆయన గర్వపడేలా ఏదైనా చేయాలని లక్ష్యంగా పెట్టుకున్నాను.ఆట కాదు ఆరాధన!రెజ్లింగ్‌ అనేది నా దృష్టిలో ఆట కాదు. ఆరాధన. నా తండ్రిపై నాకు ఎంత గౌరవం ఉందో, రెజ్లింగ్‌పై అంతే ఉంది. నాన్న చెప్పిన ఒక మాట ఎప్పుడూ నా మనసులో మెదులుతుంటుంది. ‘ఏ పని మొదలుపెట్టినా దాన్ని మధ్యలోనే వదిలేయకూడదు. ఎలాంటి పరిస్థితుల్లోనూ పూర్తి చేయాలి’ అని నాన్న చెబుతుండేవారు. చిన్నప్పటి నుంచి ఆ మాటనే నా జీవనసూత్రంగా పాటిస్తూ వచ్చాను.ప్రపంచ ఛాంపియన్‌ కావాలనే లక్ష్యాన్ని నిర్దేశించుకున్నాను. ఆ లక్ష్యాన్ని సాధించేవరకు వెనకడుగు వేయకూడదని బలంగా నిర్ణయించుకున్నాను.తపస్సుకు దొరికిన ఫలం→ నా పోటీకి ఒక రోజు ముందు కాజల్, నీలం ఇద్దరూ ఫైనల్స్‌కు చేరుకున్నారు. కాజల్‌ ఫైనల్‌కు చేరినప్పుడు ఆమె స్వర్ణం గెలుస్తుందని చాలామంది అన్నారు. దేవుడే నన్ను మొదటి ఛాంపియన్‌ చేయాలనుకున్నాడేమో! ఇది నా తపస్సుకు లభించిన ప్రతిఫలం.→ స్వర్ణం గెలుస్తానని నాకు ముందే అనిపించింది. అందుకే ఈ టీ షర్ట్‌ను సిద్దం చేసుకున్నాను. నా తండ్రి నాతోపాటే ఉండాలని నేను కోరుకున్నాను (ఫైనల్‌ రోజున వార్మప్‌ కోసం మనీష ఒక ప్రత్యేకమైన టీ షర్ట్‌ను ధరించింది. దానిపై ఆమె తండ్రి ఫొటో ఉంటుంది)→ నేను మ్యాట్‌పై అడుగు పెట్టినప్పుడు నాన్న నాతోపాటే ఉన్నట్లు అనిపించింది. దీన్ని మాటల్లో చెప్పలేను. ఆయన గొంతు వింటున్నట్లుగానే అనిపించింది. ఆయన భౌతికంగా లేకపోయినా మా మధ్య అనుబంధం అలాగే ఉంది. ఈ బంగారు పతకాన్ని ఆయన చూస్తున్నారని, గర్వంగా నవ్వుతున్నారని నాకు తెలుసు.→ 2028 లాస్‌ ఏంజిల్స్‌ ఒలింపిక్స్‌కు అర్హత సాధించాలనే లక్ష్యంతో 57 కేజీల విభాగానికి తిరిగి రానున్నాను. వచ్చే ఏడాది చాలా ముఖ్యం. 57 కేజీల విభాగంలో వరల్డ్‌ ఛాంపియన్‌షిప్‌ బెల్ట్‌ గెలుచుకోవడానికి నా వంతు కృషి చేస్తాను’’ అని ఆత్మవిశ్వాసంతో చెబుతోంది మనీషా.

అస్తానా: సుదీర్ఘ నిరీక్షణకు తెరపడింది. ప్రతిష్టాత్మక ప్రపంచ మహిళల రెజ్లింగ్‌ చాంపియన్‌షిప్‌లో భారత్‌కు తొలి పసిడి పతకం దక్కింది. కజకిస్తాన్‌ వేదికగా జరుగుతున్న ఈ మెగా టోర్నీ మహిళల ఫ్రీస్టయిల్‌ విభాగంలో మనీషా భన్వాలా (59 కేజీలు) స్వర్ణం కైవసం చేసుకుంది. శుక్రవారం జరిగిన ఫైనల్లో 29 ఏళ్ల మనీషా 8–6 పాయింట్ల తేడాతో పాన్‌ అమెరికా చాంపియన్‌ అబిగైల్‌ ఎలిజబెత్‌ (అమెరికా)పై విజయం సాధించింది. తద్వారా వరల్డ్‌ సీనియర్‌ రెజ్లింగ్‌ చాంపియన్‌షిప్‌లో బంగారు పతకం గెలిచిన తొలి భారత రెజ్లర్‌గా మనీషా చరిత్ర సృష్టించింది. వరల్డ్‌ చాంపియన్‌షిప్‌లో అన్షుమాలిక్‌ (2021; 57 కేజీలు), కాజల్‌ ధోచక్‌ (2026; 76 కేజీలు), నీలమ్‌ సిరోహి (2026; 50 కేజీలు) ఫైనల్‌కు చేరి రజతాలు దక్కించుకోగా... ఇప్పుడు తొలి పసిడి భారత్‌ వశమైంది. పురుషుల విభాగంలో 2010లో సుశీల్‌ కుమార్‌ (66 కేజీలు) భారత్‌ తరఫున ఏకైక స్వర్ణం నెగ్గాడు. 0–6 నుంచి కోలుకొని... తుదిపోరులో ఒక దశలో ఆరు పాయింట్లు వెనుకబడి ఉన్న మనీషా ఆ తర్వాత పట్టు వదలని పోరాటంతో విజృంభించింది. ప్రత్యర్థికి ఏమాత్రం అవకాశం ఇవ్వకుండా చెలరేగి విజయం సాధించింది. నైపుణ్యానికి అతిపెద్ద పరీక్షలా సాగిన తుదిపోరులో మనీషా కట్టిపడేసింది. తొలి రౌండ్‌లో అమెరికా రెజ్లర్‌ పూర్తి దూకుడు కనబర్చగా... మనీషా రక్షణాత్మక ధోరణికి పరిమితమై సమయం కోసం వేచిచూసింది. మనీషాను మ్యాట్‌ నుంచి బయటకు నెట్టిన అబిగైల్‌ నాలుగు పాయింట్లు ఖాతాలో వేసుకుంది. అదే ఊపులో మరో రెండు పాయింట్లు సాధించిన అమెరికా మల్లయోధురాలు ఒక దశలో 6–0తో సంపూర్ణ ఆధిపత్యం కనబర్చింది. అయితే రెండో రౌండ్‌లో తన వ్యూహాలకు పదును పెట్టిన మనీషా ఉడుంపట్టుతో కట్టిపడేసింది. వరుస పాయింట్లతో ప్రత్యర్థికి కోలుకునే అవకాశం ఇవ్వకుండా ముందుకు సాగింది. కెరీర్‌లో అత్యంత కీలకమైన పోరులో ఎలాంటి ఉదాసీనతకు చోటు ఇవ్వని మనీషా... ఎందరో దిగ్గజ రెజ్లర్‌లకు సాధ్యంకాని ఘనతను ఖాతాలో వేసుకొని మహిళల విభాగంలో భారత్‌ నుంచి తొలి ప్రపంచ చాంపియన్‌గా రికార్డుల్లోకెక్కింది. ఒకేసారి నాలుగు పతకాలు.. హర్యానాలోని రోహ్‌టక్‌కు చెందిన మనీషా ఎట్టకేలకు 15 ఏళ్ల భారత నిరీక్షణకు తెరదింపిందని... గత రెండు మూడేళ్లుగా ఆమె పడ్డ కష్టానికి ఇది ప్రతిఫలమని కోచ్‌ వీరేంద్ర దహియా అన్నారు. ఒక ప్రపంచ చాంపియన్‌షిప్‌లో ముగ్గురు భారత మహిళా రెజ్లర్లు ఫైనల్‌కు చేరడం ఇదేతొలిసారి. తాజా వరల్డ్‌ చాంపియన్‌షిప్‌లో మనీషాతో పాటు ఫైనల్‌ చేరిన కాజల్, నీలమ్‌ రజతాలు సాధించగా... తనూ శర్మ కాంస్యం నెగ్గింది. అంతకుముందు బబిత కుమారి (2012లో), వినేశ్‌ ఫొగాట్‌ (2019, 2022లో), అంతిమ్‌ పంఘాల్‌ (2025లో), గీతా ఫొగాట్‌ (2012లో), పూజా ధండా (2018లో), అల్కా తోమర్‌ (2006లో), సరితా మోర్‌ (2021లో), మాన్సి అహ్లావత్‌ (2024లో) వరల్డ్‌ చాంపియన్‌షిప్‌లో కాంస్య పతకాలు సాధించారు.

జపాన్‌లోని నాగోయా వేదికగా జరుగుతున్న ఆసియా పారా గేమ్స్‌లో భారత అథ్లెట్ల పతకాల వేట కొనసాగుతోంది. పురుషుల హైజంప్ (T47) ఫైనల్‌లో భారత స్టార్ పారా అథ్లెట్ నిషాద్ కుమార్ అద్భుత ప్రదర్శనతో స్వర్ణ పతకాన్ని కైవసం చేసుకున్నాడు. ఈ తుది పోటీల్లో నిషాద్ కుమార్ ఆరంభం నుంచే పూర్తి ఆధిపత్యం ప్రదర్శించాడు.తన మొదటి ప్రయత్నాల్లోనే 1.88 మీటర్లు, 1.94 మీటర్లు, 1.98 మీటర్లు , 2.02 మీటర్ల ఎత్తును సునాయసంగా అతడు జంప్ చేశాడు. ఆ తర్వాత ఏకంగా 2.04 మీటర్ల ఎత్తును పంజ్ చేసి అగ్రస్దానంలో నిలిచి పసిడి పతకాన్ని ముద్దాడాడు.ఈ పారా క్రీడల్లో అతడికి ఇది రెండువ బంగారు పతకం కావడం విశేషం. తద్వారా ఒకే పారా ఆసియా క్రీడల్లో రెండు పతకాలు సాధించిన మూడో భారత అథ్లెట్‌గా నిషాద్ రికార్డులకెక్కాడు. అంతకుముందు పురుషుల టీ47 లాంగ్ జంప్ కేటగిరిలో 7.11 మీటర్లు దూకి బంగారు పతకం సొంతం చేసుకున్నాడు. ఈ క్రీడల్లో భారత్ ఇప్పటివరకు 26 పతకాలు సాధించింది.చదవండి: Asian Para Games 2026: భారత్‌ ఖాతాలో మరో రెండు పతకాలు

జపాన్ వేదికగా జరుగుతున్న ఆసియా పారా గేమ్స్‌లో భారత అథ్లెట్లు అదరగొడుతున్నారు. తాజాగా భారత్ ఖాతాలో మరో రెండు పతకాలు చేరాయి. మహిళల 200 మీటర్ల (T12) ఫైనల్‌లో స్టార్ పారా స్ప్రింటర్‌ సిమ్రాన్ శర్మ అద్భుత ప్రదర్శనతో స్వర్ణ పతకాన్ని ముద్దాడింది.అదే రేసులో మరో భారత అథ్లెట్ తేజల్‌బెన్ దామోర్ మూడో స్ధానంలో నిలిచి కాంస్య పతకం సొంతం చేసుకుంది. కాగా ఈ 200 మీటర్ల రేసును సిమ్రాన్ 24.80 సెకన్లలో, దామోర్ 25.23 సెకన్లలో పూర్తి చేశారు. 25.02 సెకన్లలో రేసు పూర్తిచేసిన ఇరాన్ స్ప్రింటర్ హజార్ సఫార్‌జాదేకు రజత పతకం దక్కింది.అంతకముందు మహిళల 400 మీటర్ల టీ20 ఫైనల్లో దీప్తి జీవాంజి స్వర్ణ పతకాన్ని కైవసం చేసుకుంది. పురుషుల జావెలిన్ త్రో ఎఫ్53/ఎఫ్54 ఫైనల్లో ప్రదీప్ కుమార్ రజత పతకం సాధించగా.. ఆయుష్ వర్మ కాంస్య పతకాన్ని దక్కించుకున్నారు. ఈ పారా గేమ్స్‌లో భారత్ ఇప్పటివరకు మొత్తం 26 పతకాలు సాధించింది.చదవండి: SA vs AUS: మిచెల్‌ స్టార్క్‌ ప్రపంచ రికార్డు

ఆసియా పారా గేమ్స్‌లో భారత షూటర్లు సత్తా చాటారు. మహిళల 10 మీటర్ల ఎయిర్ రైఫిల్ ఎస్‌హెచ్‌-1 విభాగంలో మోనా సింగ్‌ అగర్వాల్‌, అవనీ లేఖరా స్వర్ణ, రజతాలతో మెరిశారు. సోమవారం జరిగిన ఎస్‌హెచ్‌-1 ఫైనల్ ఈవెంట్‌లో మోనా అగ‌ర్వాల్ 250 పాయింట్లు స్కోరుతో స్వ‌ర్ణ ప‌త‌కాన్ని ఎగ‌రేసుకుపోగా, 249.6 పాయింట్లు స్కోరు న‌మోదు చేసి రెండో స్థానంలో నిలిచి ర‌జ‌తం ద‌క్కించుకుంది. ఇక ద‌క్షిణ కొరియాకు చెందిన లీ యున్రీ కాంస్య ప‌త‌కం సాధించింది. కాగా మోనా అగ‌ర్వాల్ గ‌త ఆసియా గేమ్స్ రికార్డును బ‌ద్ద‌లుకొట్ట‌డం విశేషం. హాంగ్జౌ వేదిక‌గా జ‌రిగిన గ‌త పారా ఆసియా గేమ్స్‌లో అవ‌నీ లేఖ‌రా సాధించిన 249.6 స్కోరును అధిగ‌మించిన మోనా తొలి స్థానంలో నిలిచింది. అంత‌క‌ముందు క్వాలిఫికేష‌న్ రౌండ్‌లోనూ ఈ ఇద్ద‌రు అద‌ర‌గొట్టారు. క్వాలిఫ‌యింగ్ రౌండ్‌లో మోనా 629.1 స్కోరుతో తొలి స్థానంలో నిల‌వ‌గా, అవ‌నీ లేఖ‌రా 626.4 స్కోరుతో మోనాను అనుస‌రించింది.DOUBLE PODIUM FOR INDIA! 🇮🇳🥇🥈🔥🔥 WHAT A START TO THE ASIAN PARA GAMES! 🤯 🥇MONA AGARWAL - 250 and Asian Para Games Record 🥈AVANI LEKHARA - 249.6 India goes 1-2 in Women’s 10m Air Rifle SH1 to open its medal account in STYLE🔥 THE TRICOLOUR ALL OVER THE PODIUM! 🥹🇮🇳🔥 https://t.co/wz30bGr1UQ— SPORTS ARENA🇮🇳 (@SportsArena1234) October 19, 2026ఇదీ చదవండి: ప్ర‌పంచ రికార్డుతో మెరిసిన శీత‌ల్ దేవీ'విండీస్‌తో సిరీస్ గుణ‌పాఠం.. త‌ప్పుల త‌డ‌క‌గా గంభీర్ నిర్ణ‌యాలు!'

కైరో: ప్రపంచకప్‌ షూటింగ్‌ టోర్నమెంట్‌లో భారత్‌ పతక బోణీ చేసింది. ఆదివారం జరిగిన పురుషుల 10 మీటర్ల ఎయిర్‌ పిస్టల్‌ ఈవెంట్‌లో ఉదయ్‌వీర్‌ సిద్ధూ స్వర్ణ పతకం సొంతం చేసుకున్నాడు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో 24 ఏళ్ల ఉదయ్‌వీర్‌ 240.6 పాయింట్లు స్కోరు చేసి విజేతగా నిలిచాడు. క్రిస్టియన్‌ రీట్జ్‌ (జర్మనీ; 240.1 పాయింట్లు) రజతం... పావ్‌లో మోనా (ఇటలీ; 219.8 పాయింట్లు) కాంస్యం సాధించారు. చివరి రెండు షాట్‌లు మిగిలిన సమయానికి రీట్జ్‌ కంటే ఉదయ్‌వీర్‌ 0.3 పాయింట్లు వెనుకంజలో ఉన్నాడు. ఉదయ్‌వీర్‌ చివరి రెండు షాట్‌లలో 10.2, 9.8 పాయింట్లు... రీట్జ్‌ 9.6, 9.6 పాయింట్లు స్కోరు చేశారు. చివరకు ఉదయ్‌వీర్‌ 0.5 పాయింట్ల తేడాతో స్వర్ణ పతకాన్ని ఖాయం చేసుకున్నాడు. అంతకుముందు క్వాలిఫయింగ్‌లో ఉదయ్‌వీర్‌ 585 పాయింట్లతో నాలుగో స్థానంలో నిలిచి ఫైనల్‌కు అర్హత సాధించాడు. భారత్‌కే చెందిన సరబ్‌జ్యోత్‌ సింగ్‌ 574 పాయింట్లతో 31వ స్థానంలో, అజేంద్ర సింగ్‌ చౌహాన్‌ 580 పాయింట్లతో 14వ స్థానంలో నిలిచారు.

భారత కబడ్డీ స్టార్‌ సంజూ దేవి తన గురించి జరుగుతున్న ప్రచారంపై స్పందించింది. తనను ఎవరూ తక్కువ చేసి చూడలేదని.. విమానాశ్రయంలో ఘన స్వాగతం లభించిందని స్పష్టం చేసింది. అసలేం జరిగిందంటే.. ఆసియా క్రీడలు-2026 టోర్నీలో భారత మహిళల కబడ్డీ జట్టు స్వర్ణం గెలిచిన సంగతి తెలిసిందే.వరుసగా రెండోసారి చాంపియన్‌గా జపాన్‌ వేదికగా హోరాహోరీగా సాగిన ఫైనల్లో ఇరాన్‌ జట్టును 37-34 పాయింట్ల తేడాతో ఓడించి.. వరుసగా రెండోసారి భారత్‌ చాంపియన్‌గా నిలిచింది. ఈ జట్టులో ఛత్తీస్‌గఢ్‌కు చెందిన సంజూ దేవి కూడా సభ్యురాలు. కోర్బాలోని కేరకచర్‌ గ్రామానికి చెందిన సంజూ రాష్ట్రం తరఫున పసిడి నెగ్గిన తొలి ప్లేయర్‌గా చరిత్రకెక్కింది.ఒంటరిగా బయటకు వెళ్తున్న వీడియోలుఅయితే, ఇంతటి ఘనత సాధించిన తర్వాత కూడా సంజూ దేవికి కనీస గుర్తింపు దక్కలేదంటూ సోషల్‌ మీడియాలో ప్రచారం జరిగింది. విమానాశ్రయంలో ఆమెను ఎవరూ పట్టించుకోలేదని.. కనీస గౌరవ, సత్కారాలు కూడా అందలేదంటూ.. సంజూ ఒంటరిగా బయటకు వెళ్తున్న వీడియోలను కొంతమంది నెటిజన్లు షేర్‌ చేశారు.ఈ విషయంపై సంజూ దేవి తాజాగా స్పందించింది. ‘‘ఎయిర్‌పోర్టు బయట దాదాపు ఎనిమిది వేల మంది జనం ఉన్నారని తెలిసింది. కాబట్టి విమానాశ్రయం లోపలే మమ్మల్ని సత్కరించాలని అమెచ్యూర్‌ కబడ్డీ ఫెడరేషన్‌ ఆఫ్‌ ఇండియా (AKFI), స్పోర్ట్స్‌ అథారిటీ ఆఫ్‌ ఇండియా (SAI) నిర్ణయించాయి.ఘన స్వాగతం లభించిందికానీ నన్ను ఎవరూ పట్టించుకోలేదంటూ కొన్ని వీడియోలు వైరల్‌ అయ్యాయి. ఇందులో ఎలాంటి నిజం లేదు. AKFI, SAIలపై వచ్చిన ఆరోపణలు అవాస్తవం. ఆ ఆరోపణలను నేను ఖండిస్తున్నాను. మాకు ఘన స్వాగతం లభించింది. ఘనంగా సత్కరించారు’’ అని సంజూ దేవి ఇన్‌స్టాగ్రామ్‌లో వీడియో షేర్‌ చేసింది. సత్కారం తర్వాత ఎవరి ఊళ్లకు వాళ్లు వెళ్లే క్రమంలో మాత్రమే ఒంటరిగా కనిపించానని స్పష్టం చేసింది.కాగా ఆసియా క్రీడలు-2026లో భారత మహిళలు, పురుషుల కబడ్డీ జట్లు స్వర్ణం గెలిచిన సంగతి తెలిసిందే. మొత్తంగా ఈసారి భారత్‌కు 85 పతకాలే లభించాయి. ఇందులో 21 పసిడి, 27 వెండి, 37 కాంస్య పతకాలు ఉన్నాయి. కాగా గత ఎడిషన్‌లో భారత్‌ 106 పతకాలు సాధించింది.సంజూ దేవికి రూ. 51 లక్షల నజరానాఆసియా క్రీడల్లో పసిడి గెలిచిన తమ కబడ్డీ ప్లేయర్‌ సంజూ దేవిని ఛత్తీస్‌గఢ్‌ సీఎం విష్ణు సాయి రాయ్‌పూర్‌లో ఉన్న తన నివాసంలో సత్కరించారు. ఆమెకు రూ. 51 లక్షల నజరానా ప్రకటించారు. చదవండి: జట్టు ప్రకటన.. శాంసన్‌ సోదరులకు దక్కని చోటు! View this post on Instagram A post shared by SANJU 산주 (@sanju_09_04_kabaddi) View this post on Instagram A post shared by Indian Kabaddi 🇮🇳 Vivek Behara (@khel_kabaddi_04_)

జపాన్‌ వేదికగా ఆసియా క్రీడలు–2026 టోర్నమెంట్లో ఆర్చరీలో రెండు స్వర్ణ పతకాలు సాధించిన తెలంగాణ క్రీడా ఆణిముత్యం తానిపర్తి చికిత హైదరాబాద్‌కు చేరుకుంది. ఈ సందర్భంగా శంషాబాద్ విమానాశ్రయంలో స్పోర్ట్స్ అథారిటీ ఆఫ్ తెలంగాణ ఆధ్వర్యంలో ఆమెకు ఘన స్వాగతం లభించింది.ఈ స్వాగత కార్యక్రమంలో ఎమ్మెల్సీ బల్మూరి వెంకట్, స్పోర్ట్స్ అథారిటీ అధికారులు అశోక్ కుమార్, శ్రీనివాస్, కన్నం మధు, సురేష్ కాలేరు, తెలంగాణ ఒలింపిక్ సంఘం కార్యదర్శి మల్లారెడ్డి, ఆర్చరీ సంఘం అధ్యక్ష, కార్యదర్శులు టి. రాజు, అరవింద్ తదితరులు పాల్గొని చికితకు అభినందనలు తెలిపారు.ఈ సందర్భంగా చికితతో పాటు ఆమె తల్లిదండ్రులను ఘనంగా సన్మానించారు. అంతర్జాతీయ వేదికపై తెలంగాణకు రెండు స్వర్ణ పతకాలు అందించిన చికిత విజయాన్ని అధికారులు, క్రీడా సంఘాల ప్రతినిధులు చికితను ప్రశంసించారు.కాగా ఆసియా క్రీడల్లో చికిత మహిళల కాంపౌండ్‌ టీమ్‌ ఈవెంట్లో ప్రీతికా ప్రదీప్‌, జ్యోతి సురేఖ వెన్నంతో కలిసి గోల్డ్‌ మెడల్‌ గెలిచింది. అదే విధంగా మిక్స్‌డ్‌ టీమ్‌ ఈవెంట్లో సాహిల్‌ జాధవ్‌తో కలిసి స్వర్ణం కైవసం చేసుకుంది. ఈ ఈవెంట్లో భారత్‌కు లాస్‌ ఏంజెల్స్‌ 2028 ఒలింపిక్‌ బెర్తు కూడా ఖరారైంది. కాగా చికిత స్వస్థలం ఉమ్మడి కరీంనగర్‌ జిల్లాలోని పెద్దపల్లిలో గల సుల్తాన్‌పూర్‌.

‘మా అమ్మాయి ఆటలోకి అడుగు పెట్టినప్పుడు ఆమె ఎంత వరకు ముందుకు వెళుతుందో, ఎలాంటి ఫలితాలు సాధిస్తుందో అని భయపడలేదు. అసలు ఆర్చరీ గురించి అవగాహనే లేని నాకు వైఫల్యాల గురించి ఆలోచనే రాలేదు. నాకు తెలిసిందల్లా ఆమె ఆర్చరీని ఇష్టపడింది. దానికి తగినట్లుగా కష్టపడేందుకు సిద్ధంగా ఉంది. నేను ఎలా సహకరించగలననే విషయంపై మాత్రమే ఒక తండ్రిగా దృష్టి పెట్టాను’... ఆసియా క్రీడల్లో రెండు స్వర్ణ పతకాలు సాధించి సంచలనం సృష్టించిన తెలంగాణ ఆర్చర్‌ తానిపర్తి చికిత తండ్రి శ్రీనివాస రావు మనసులో మాట ఇది. ఆర్చరీలో తొలి అడుగు వేయడం మొదలు ఏషియాడ్‌లో స్వర్ణాల వరకు అన్నింటా చికితకు తండ్రి అండగా ఉన్నాడు. ఈ క్రమంలో వచ్చిన అడ్డంకులు, ఆర్థిక అవరోధాలు అన్నింటినీ వారు అధిగమించారు. కాంపౌండ్‌ ఈవెంట్‌లో తక్కువ వ్యవధిలో వరుస విజయాలు సాధించి ఒక్కసారిగా తన స్థాయిని పెంచుకున్న చికిత, ఆమె తండ్రి వారి ప్రయాణాన్ని ‘సాక్షి’ క్రీడా ప్రతినిధితో ప్రత్యేకంగా పంచుకున్నారు. సాక్షి, హైదరాబాద్‌: కరాటే సర్టిఫికెట్‌కు పెద్దగా విలువ లేదు, ఆటల్లో గుర్తింపు రావాలంటే మరో క్రీడను ఎంచుకోవాల్సిందే... చికిత తండ్రితో అక్కడి పీఈటీ మాస్టర్‌ ఈ మాట చెప్పినప్పుడు ఆశ్చర్యపోవడం ఆయన వంతైంది. ఎంతో ఇష్టంతో నేర్చుకున్న కరాటేలో బ్లాక్‌బెల్ట్‌ వచ్చిన తర్వాత అది పనికిరాదంటే ఇలాంటి స్పందన సహజమే. దాంతో మరొకరి సూచనతో బ్యాడ్మింటన్‌ గురించి చర్చ జరిగింది. కానీ అప్పటికే ఈ ఆట కూడా ఖరీదైనదిగా మారిపోయింది. పెద్దపల్లి జిల్లా ఎలిగేడు మండలం సుల్తాన్‌పూర్‌ నుంచి కనీస శిక్షణకు హైదరాబాద్‌కు రావడంతో పాటు ఇతర ఖర్చుల గురించి ఆలోచించాల్సిన పరిస్థితి. ‘ఎప్పుడో చాలా ఏళ్ల క్రితం నేను స్థానికంగా వాలీబాల్‌ ఆడా. ఆపై అన్ని క్రీడా వార్తలు, వాటి ఫలితాలపై ఆసక్తిగా చూసేవాడిని. ఆ రకంగా నాకున్న అవగాహన మేరకు ఏదైనా సరే టీమ్‌ గేమ్‌ కాకుండా వ్యక్తిగత క్రీడను ఆడించాలని మాత్రం గట్టిగా నిర్ణయించుకున్నాను. అలాంటప్పుడు జరిగిన చర్చ తర్వాత ఆర్చరీ వైపు అడుగు పడ్డాయి’ అని శ్రీనివాస రావు అన్నారు. ప్రాథమికాంశాలు తెలుసుకున్న తర్వాత స్థానికంగా కొని తెచ్చిన విల్లుతో చికిత ఆట మొదలైంది. ‘ఆ సమయంలో కాంపౌండ్, రికర్వ్‌లాంటి పదాలు కూడా నాకు తెలీదు. స్కోరింగ్, పాయింట్ల గురించి కూడా అవగాహన లేదు. ఎదురుగా లక్ష్యం ఉంటుంది. దానిని ఎంత బాగా ఛేదించాలి, ఎంత పర్‌ఫెక్ట్‌గా బాణం తగలాలి అన్నది ఒక్కటే నాకు తెలుసు. నేను చేసిన పని కూడా అదే’ అని చికిత చెప్పింది. సొంతంగానే గంటలకొద్దీ సాధన చేస్తూ శ్రమించిన చికిత బాణం నిజంగానే గురి తప్పలేదు. స్కూల్‌ గేమ్స్‌లో అసలు పోటీ అన్నదే లేకుండా తక్కువ వ్యవధిలో వరుస విజయాలు సాధించింది.అదే అసలు మలుపు... ఆటలో ఒక అంకం పూర్తయింది. కానీ ఇంకా ముందుకు వెళ్లాలంటే ఎలా! నాన్న మదిని తొలచిన ప్రశ్న ఇది. ఈసారి కాస్త సీరియస్‌గా ఆయన కూతురి కెరీర్‌పై దృష్టి పెట్టాడు. ‘రాష్ట్ర అసోసియేషన్‌లు నిర్వహించే టోరీ్నల ద్వారా సరైన గుర్తింపు లభిస్తుందని కొందరు సన్నిహితులు చెప్పారు. దాంతో రాష్ట్ర స్థాయి సబ్‌ జూనియర్‌ నుంచి సీనియర్‌ వరకు అన్ని టోరీ్నల్లో ఆడటం మొదలైంది. ఫలితాలు కూడా వస్తుండటంతో ధైర్యం పెరిగింది. ఈ టోర్నీలలో ఆడే క్రమంలో మరింత మెరుగైన ఎక్విప్‌మెంట్‌ను ఎంచుకునే క్రమంలో జరిగిన ఒక సంభాషణ చికితకు మేలు చేసింది’ అని శ్రీనివాస రావు గుర్తు చేసుకున్నారు. ఆన్‌లైన్‌లో ‘మై చాయిస్‌ ఆర్చరీ’ పేరుతో ఆర్చర్‌ ఎక్విప్‌మెంట్‌ స్టోర్‌ ఉంది. ప్రముఖ అంతర్జాతీయ ఆర్చర్, అర్జున అవార్డీ అభిషేక్‌ వర్మ భార్య సొనాలీ వర్మ దానిని నిర్వహిస్తుంది. ‘కెరీర్‌పై స్పష్టత వచ్చిన తర్వాత కాంపౌండ్‌ ఈవెంట్‌ను పూర్తి స్థాయిలో ఎంచుకున్నాను. నా ఎక్విప్‌మెంట్‌ గురించి అడిగే క్రమంలో నా ఆట, పెర్ఫార్మెన్స్‌ గురించి కూడా సొనాలీకి వివరించా. ముందుగా ఆమె పట్టించుకోలేదు. కానీ నాలుగైదుసార్లు నేనే వెంటపడి సరైన మార్గనిర్దేశనం కోసం అడిగా. చివరకు ఆమె అభిషేక్‌కు చెబుతానని, ఢిల్లీకి రమ్మని ఒప్పుకుంది. అక్కడే నా కెరీర్‌ మారింది. నాకు అభిషేక్‌ రూపంలో మంచి కోచ్‌ దొరికారు’ అని చికిత వెల్లడించింది. ఢిల్లీలోని యమున స్పోర్ట్స్‌ కాంప్లెక్స్‌లో వారం రోజుల పాటు తన ఆట గురించి ట్రయల్స్‌ ఇచ్చిన తర్వాత అభిషేక్‌కు ఆమెపై నమ్మకం పెరిగింది. కోచ్‌గా ఒక యువ క్రీడాకారిణిని తీర్చిదిద్దేందుకు సిద్ధమయ్యాడు. అయితే అక్కడే శిక్షణ తీసుకునే ఆర్థిక స్థాయి లేకపోవడంతో అది వారానికే పరిమితమైంది. తండ్రితో పాటు తిరిగి సొంతూరుకు వచ్చిన చికిత మళ్లీ తన ఆటను కొనసాగించింది. ఇంతలో కోవిడ్‌ రావడం, అన్ని ఆగిపోవడంతో ప్రాక్టీస్‌ మాత్రమే చికిత రోజూవారీ కార్యక్రమంగా మారిపోయింది. వీడియో కాల్, ఆడియో మెసేజ్‌ల ద్వారా అభిషేక్‌ తగిన సలహాలు, సూచనలు ఇస్తుండటంతో చికిత ఆర్చరీ మరింత మెరుగైంది.‘సాయ్‌’ శిక్షణలో చేరికతో...ఈ ఆసియా క్రీడలకు కొన్నాళ్ల ముందునుంచి చికిత నిలకడగా విజయాలు సాధిస్తూ తనకంటూ గుర్తింపు తెచ్చుకుంది. కానీ కోవిడ్‌ రోజులనుంచి రెండేళ్ల క్రితం వరకు ఈ తండ్రీ కూతుళ్ల ప్రయాణం అంత సులువుగా సాగలేదు. ఎక్విప్‌మెంట్‌ మాత్రమే కాకుండా డైట్,ప్రయాణాలు, ఇతర ఖర్చులు సమస్యగా మారాయి. రైతు అయిన శ్రీనివాస రావు తన శక్తిమేర ఖర్చు చేశారు. మధ్యలో కొందరు స్వల్ప మొత్తాలతో సహకరించారు. ‘మరోవైపు నేను ఆమెకు లక్ష్యాలను నిర్దేశించాను. కాంపౌండ్‌లో రాష్ట్ర, జాతీయ అత్యుత్తమ రికార్డుల గురించి తెలుసుకుంటూ దానికంటే మెరుగైన స్కోరింగ్‌ లక్ష్యంగా పెట్టుకునేలా చికితను ప్రోత్సహించాను’ అని ఆయన చెప్పారు. సీనియర్‌ నేషనల్స్‌లో రాణించడంతో చికిత గురించి అందరికీ తెలిసింది. ఆపై సోనేపట్‌లోని స్పోర్ట్స్‌ అథారిటీ ఆఫ్‌ ఇండియా (సాయ్‌) సెంటర్‌ లో సీటు కోసం నిర్వహించిన సెలక్షన్స్‌లో ఆమె ఎంపికైంది. ‘నా కెరీర్‌ కోసం సరైన చోటికి చేరుకున్నానని అర్థమైంది. దాదాపు పదేళ్ల నాన్న కష్టాన్ని అసలైన ఫలితాల రూపంలో చూపించేందుకు ఇక్కడ అవకాశం లభించింది. ఇప్పుడు వచ్చిన మెడల్స్‌తో నాన్నపై భారం దిగినట్లుగా అనిపించింది’ చికిత ఉద్వేగంగా చెప్పింది. కూతురి ప్రస్థానాన్ని నడిపించిన నాన్న ఇప్పుడు కొడుకు యశ్వంత్‌నూ ఆర్చర్‌గా తీర్చిదిద్దేందుకు సిద్ధమవుతున్నాడు. ఇప్పటికే జూనియర్‌ నేషనల్స్‌ ఆడిన అతను ప్రొఫెషనల్‌ కోచింగ్‌ తీసుకుంటున్నాడు.

నిషిన్‌: స్థాయికి తగ్గ ఆటతీరుతో అదరగొట్టిన భారత టి20 క్రికెట్‌ జట్టు... వరుసగా రెండోసారి ఆసియా క్రీడల్లో పసిడి పతకం ఖాతాలో వేసుకుంది. డిఫెండింగ్‌ చాంపియన్‌గా బరిలోకి దిగిన టీమిండియా... ఫైనల్లో చిరకాల ప్రత్యర్థి పాకిస్తాన్‌ను చిత్తుచేసింది. దీంతో ఏషియన్‌ గేమ్స్‌ మహిళల, పురుషుల విభాగాల్లో భారత్‌ స్వర్ణాలు కైవసం చేసుకున్నట్లు అయింది. శనివారం తుదిపోరులో శ్రేయస్‌ అయ్యర్‌ సారథ్యంలోని భారత జట్టు 19 పరుగుల తేడాతో పాక్‌పై విజయం సాధించింది. టాస్‌ గెలిచి మొదట బ్యాటింగ్‌ ఎంచుకున్న టీమిండియా నిర్ణీత 20 ఓవర్లలో 6 వికెట్ల నష్టానికి 211 పరుగులు చేసింది. అభిషేక్‌ శర్మ (28 బంతుల్లో 61; 3 ఫోర్లు, 7 సిక్స్‌లు), తిలక్‌ వర్మ (22 బంతుల్లో 51 నాటౌట్‌; 3 ఫోర్లు, 4 సిక్స్‌లు) అర్ధశతకాలతో కదంతొక్కారు. బ్యాటింగ్‌కు కష్టతరమైన పిచ్‌పై అభిõÙక్‌ ఆరంభంలో దంచికొట్టగా... తిలక్‌ వర్మ తనదైన శైలిలో ‘ఫినిషింగ్‌ టచ్‌’ ఇచ్చాడు. మధ్య ఓవర్లలో పాకిస్తాన్‌ బౌలర్లు కట్టుదిట్టంగా బంతులేయడంతో పరుగుల రాక కష్టమైనా... ఆఖర్లో తిలక్‌ దంచికొట్టడంతో టీమిండియా భారీ స్కోరు చేయగలిగింది. శివమ్‌ దూబే (27; 2 ఫోర్లు, 2 సిక్స్‌లు), ఇషాన్‌ కిషన్‌ (20; 3 ఫోర్లు), కెప్టెన్‌ శ్రేయస్‌ అయ్యర్‌ (21; 2 ఫోర్లు), వైభవ్‌ సూర్యవంశీ (15; 2 సిక్స్‌లు) తలాకొన్ని పరుగులు చేశారు. పాకిస్తాన్‌ బౌలర్లలో అరాఫత్‌ మిన్హాస్, అహ్మద్‌ డానియల్‌ చెరో రెండు వికెట్లు పడగొట్టారు. అనంతరం లక్ష్యఛేదనలో పాక్‌ జట్టు 20 ఓవర్లలో 6 వికెట్లు కోల్పోయి 192 పరుగులు చేసింది. హసన్‌ నవాజ్‌ (51 బంతుల్లో 96; 5 ఫోర్లు, 7 సిక్స్‌లు) ఒంటరి పోరాటం చేశాడు. అతడికి సహచరుల నుంచి సరైన సహకారం లభించకపోవడంతో పాక్‌కు పరాజయం తప్పలేదు. 4 పరుగుల వ్యక్తిగత స్కోరు వద్ద వైభవ్‌ సూర్యవంశీ క్యాచ్‌ వదిలేయడంతో బతికిపోయిన హసన్‌ నవాజ్‌ చివరి బంతికి పెవిలియన్‌ చేరాడు. భారత బౌలర్లలో అక్షర్‌ పటేల్, వాషింగ్టన్‌ సుందర్, శివమ్‌ దూబే తలా రెండు వికెట్లు తీశారు. ఈ మ్యాచ్‌లోనూ భారత ఆటగాళ్లు... పాకిస్తాన్‌ ప్లేయర్లకు ‘షేక్‌ హ్యాండ్‌’ ఇవ్వలేదు. శ్రీలంక జట్టుకు కాంస్య పతకం లభించింది. కాంస్య పతక మ్యాచ్‌లో శ్రీలంక 63 పరుగుల తేడాతో బంగ్లాదేశ్‌ను ఓడించింది. స్కోరు వివరాలు భారత్‌ ఇన్నింగ్స్‌: వైభవ్‌ (సి)ఉస్మాన్‌ (బి) సయీమ్‌ 15; అభిõÙక్‌ (స్టంప్డ్‌) ఉస్మాన్‌ (బి) అరాఫత్‌ 61; సామ్సన్‌ (సి) అరాఫత్‌ (బి) అహ్మద్‌ డానియల్‌ 2; శ్రేయస్‌ (సి) సాహిబ్‌జాదా (బి) అబ్రార్‌ 21; ఇషాన్‌ (బి) అరాఫత్‌ 20; తిలక్‌ (నాటౌట్‌) 51; దూబే (సి) మాజ్‌ (బి) అహ్మద్‌ డానియల్‌ 27; అక్షర్‌ (నాటౌట్‌) 1; ఎక్స్‌ట్రాలు 13; మొత్తం (20 ఓవర్లలో 6 వికెట్లకు) 211. వికెట్ల పతనం: 1–28, 2–51, 3–93, 4–128, 5–133, 6–195. బౌలింగ్‌: సయీమ్‌ అయూబ్‌ 4–0–47–1; సాద్‌ మసూద్‌ 3–0–33–0; అహ్మద్‌ డానియల్‌ 3–0–43–2; అరాఫత్‌ మిన్హాస్‌ 3–0–35–2;అబ్రార్‌ 4–0–29–1; సూఫియాన్‌ 3–0–33–0. పాకిస్తాన్‌ ఇన్నింగ్స్‌: సాహిబ్‌జాదా ఫర్హాన్‌ (సి) అక్షర్‌ (బి) సుందర్‌ 10; మాజ్‌ (సి) సుందర్‌ (బి) అక్షర్‌ 23; ఉస్మాన్‌ (సి) దూబే (బి) అక్షర్‌ 3; హసన్‌ నవాజ్‌ (సి) సామ్సన్‌ (బి) దూబే 96; సయీమ్‌ అయూబ్‌ (సి) సుందర్‌ (బి) దూబే 29; అబ్దుల్‌ సమద్‌ (సి) తిలక్‌ (బి) సుందర్‌ 9; సాద్‌ మసూద్‌ (నాటౌట్‌) 12; ఎక్స్‌ట్రాలు 10; మొత్తం (20 ఓవర్లలో 6 వికెట్లకు) 192. వికెట్ల పతనం: 1–33, 2–36, 3–39, 4–126, 5–162, 6–192. బౌలింగ్‌: బుమ్రా 4–0–33–0; అక్షర్‌ పటేల్‌ 4–0–29–2; సుందర్‌ 4–0–29–2; రవి బిష్ణోయ్‌ 3–0–44–0; అభిషేక్‌ 2–0–23–0; శివమ్‌ దూబే 3–0–33–2.

మహిళల ఆర్చరీ రికర్వ్‌ వ్యక్తిగత విభాగంలో భారత ప్లేయర్‌ కుంకుమ్‌ మొహొద్‌ కొత్త చరిత్ర సృష్టించింది. ఆసియా క్రీడల్లో మహిళల రికర్వ్‌ ఈవెంట్‌ లో స్వర్ణం సాధించిన తొలి భారతీయ ఆర్చర్‌గా రికార్డు నెలకొల్పింది. ఫైనల్లో ‘షూటాఫ్‌’ ద్వారా ఆమె విజయాన్ని సొంతం చేసుకుంది. ఓవరాల్‌గా 6–5 స్కోరుతో యెజిన్‌ ఓ (దక్షిణ కొరియా)ను కుంకుమ్‌ ఓడించింది. ఐదు సెట్‌ల తర్వాత ఇద్దరు ఆర్చర్లు 5–5తో సమంగా నిలిచారు. దాంతో విజేతను నిర్ణయించేందుకు ‘షూటాఫ్‌’ అవసరమైంది. ఈసారి భారత ఆర్చర్‌ సరిగ్గా 10 పాయింట్లు స్కోర్‌ చేయగా, కొరియా ఆర్చర్‌ 8 పాయింట్లకే పరిమితమై ఓటమిపాలైంది. అంతకుముందు కుంకుమ్‌ క్వార్టర్‌ ఫైనల్లో 6–4తో ప్రస్తుత ప్రపంచ చాంపియన్‌ కాంగ్‌ చెయంగ్‌ (దక్షిణ కొరియా)పై, సెమీఫైనల్లో 2025 ప్రపంచ చాంపియన్‌షిప్‌ రజత పతక విజేత జూ జింగీ (చైనా)పై విజయం సాధించింది. ఈ ప్రదర్శనతో కుంకుమ్‌ 2028 లాస్‌ ఏంజెలిస్‌ ఒలింపిక్స్‌లో భారత్‌కు నేరుగా బెర్త్‌ను అందించింది.పురుషుల రికర్వ్‌ విభాగంలో భారత ఆటగాడు నీరజ్‌ చౌహాన్‌కు కాంస్య పతకం లభించింది. మూడో స్థానం కోసం జరిగిన పోరులో అతను మరో భారత ఆర్చర్, ఆంధ్రప్రదేశ్‌కు చెందిన ధీరజ్‌ బొమ్మదేవరను 6–4తో ఓడించడం విశేషం.‘పసిడి కుంకుమ్‌’17 ఏళ్ల కుంకుమ్‌ స్వస్థలం మహారాష్ట్రలోని అమరావతి. చదువులో బాగా చురుకైన అమ్మాయి. ప్రతీసారి కనీసం 90 శాతం మార్కులు సాధిస్తూ వచ్చే ఆమెకు గణితం బాగా ఇష్టమైన సబ్జెక్ట్‌. కానీ ఇప్పుడు ఆమె దృష్టిలో అంకెలు అంటే లక్ష్యాన్ని చేరుకున్న తర్వాత లెక్కించే స్కోరింగ్‌ పాయింట్లే! 2018లో తల్లి రూపాలి ప్రోత్సాహంతో తన 9 ఏళ్ల వయసులో ఆమె ఆర్చరీని మొదలు పెట్టి ఆపై ఒక్కో మెట్టే ఎక్కుతూ వచ్చింది. కోచ్‌ ప్రఫుల్‌ డాంగే చిన్నప్పుడు ఆమెలో ప్రతిభను గుర్తించి ప్రోత్సహిస్తూ అన్ని రకాలుగా ఆటలో మేటిగా తీర్చిదిద్దాడు. ఇప్పటి వరకు కూడా ఆమె అక్కడే శిక్షణ కొనసాగిస్తోంది. 2020లో జాతీయ సబ్‌ జూనియర్‌ చాంపియన్‌షిప్‌లో రాణించడంతో కుంకుమ్‌ అసలు ప్రయాణం మొదలైంది. ఆ తర్వాత 365 రోజులూ ఆమెకు ప్రాక్టీస్‌ చేయడంలోనే ఆనందం లభించేది. దసరా, దీపావళిలాంటి పండగలను కూడా ఏ రోజూ పట్టించుకోలేదు. కొన్నాళ్ల క్రితమే కోచ్‌ ఆమెను సోషల్‌ మీడియాకు దూరంగా ఉండమని చెప్పడంతో వెంటనే తన ఫోన్‌లోంచి యూట్యూబ్‌ను కూడా తొలగించి పూర్తిగా ఆర్చరీపైనే దృష్టి పెట్టింది. స్వీట్‌ షాప్‌లలో ఉపయోగించే బాక్స్‌లను ఇంట్లోనే తయారు చేసి సప్లై చేయడం ఆమె తండ్రి అనిల్‌ జీవనాధారం.సహజంగానే క్రీడల కోసం ఎక్కువ మొత్తం కేటాయించే అవకాశం లేదు కాబట్టి ఇతర ప్రయత్నాలతోనే ఆమె కూతురుకు అండగా నిలిచాడు. ఇప్పుడు చిన్న వయసులోనే తన ఆటతో అరుదైన ఘనతలు సాధిస్తున్న కుంకుమ్‌ తండ్రి కళ్లల్లో ఆనందాన్ని నింపింది. ఆర్చరీని మొదలు పెట్టిన ఎనిమిదేళ్లలో ఆమె ఇప్పుడు భారత్‌ తరఫున అత్యుత్తమ ఆర్చర్లలో ఒకరిగా గుర్తింపు తెచ్చుకుంటోంది. ఈ ఏడాది ప్రపంచకప్‌లో 2 స్వర్ణాలు సాధించడంతో ఆమెకు ప్రత్యేక గుర్తింపు లభించింది. ఇప్పుడు ఆసియా క్రీడలనుంచి 3 పతకాలతో వెనుదిరుగుతున్న కుంకుమ్‌ ఒలింపిక్స్‌ పతకాన్నే లక్ష్యంగా పెట్టుకుంది. ‘ఆసియా క్రీడల్లో స్వర్ణం సాధించాలనే లక్ష్యంతోనే ఇక్కడికి వచ్చాను. గత నెల రోజులుగా దీని కోసం చాలా కష్టపడ్డా. ఇప్పుడు దానిని అందుకోగలిగా. నాపై నాకు నమ్మకముంది. ఇతర సహచరులంతా కూడా నన్ను బాగా ప్రోత్సహించారు. ఒలింపిక్స్‌పైనే నా గురి’ అని ఆమె వ్యాఖ్యానించింది.

2026 ఏషియన్ గేమ్స్‌లో అద్భుతమైన ప్రతిభ కనబరిచిన చికితా తానిపర్తిపై ప్రశంసల వర్షం కురుస్తోంది. జపాన్‌లో జరిగిన ఈ క్రీడా వేదికపై ఆమె చూపిన ప్రతిభకు నీతా అంబానీ అభినందనలు తెలిపారు.చికిత సాధించిన ఘనత పట్ల స్పందించిన నీతా అంబానీ.. ''నువ్వు సాధించిన విజయంతో అమ్మాయిలందరూ గర్వపడేలా చేశావు. మన దేశంతో పాటు, ప్రపంచవ్యాప్తంగా ఎంతోమంది అమ్మాయిలకు నువ్వు స్ఫూర్తిగా నిలవబోతున్నావు'' అంటూ ప్రశంసించారు.చికితా తానిపర్తి ప్రదర్శన కేవలం ఒక క్రీడా విజయం మాత్రమే కాదు. ఎంతోమంది యువతులకు ప్రేరణగా నిలిచే విజయం. ముఖ్యంగా క్రీడల్లో అమ్మాయిలు తమ ప్రతిభను నిరూపించుకోవడానికి ఇలాంటి విజయాలు మరింత ఉత్సాహాన్ని ఇస్తాయి. అంతర్జాతీయ స్థాయి క్రీడా వేదికపై అద్భుత ప్రదర్శన చేయడం ద్వారా చికిత తన ప్రతిభను చాటుకున్నారు. ఆమె సాధించిన విజయాన్ని అభినందిస్తూ నీతా అంబానీ చేసిన వ్యాఖ్యలు కూడా ఇప్పుడు నెట్టింట్లో వైరల్ అవుతున్నాయి.“You make all girls so proud. You are going to be an inspiration for so many girls of our country and around the world.” Reliance Foundation, Founder and Chairperson Mrs. Nita Ambani applauds the performance of golden girl Chikitha Taniparthi as the Asian Games 2026. pic.twitter.com/hSGNISrNdz— Nita Mukesh Ambani (@NitaMukeshAmban) October 3, 2026

ఆసియా గేమ్స్‌లో డిఫెండింగ్ చాంపియ‌న్‌గా బ‌రిలోకి దిగిన భార‌త పురుషుల హాకీ జ‌ట్టు స్వ‌ర్ణం నిల‌బెట్టుకుంది. శ‌నివారం జ‌రిగిన పురుషుల హాకీ ఫైన‌ల్లో భార‌త్ 5-1 తేడాతో మ‌లేషియాను చిత్తు చేసింది. భార‌త్ త‌ర‌ఫున కెప్టెన్ హ‌ర్మ‌న్‌ప్రీత్ డ‌బుల్ గోల్స్‌తో మెర‌వ‌గా, జుగ్‌రాజ్ సింగ్‌, హార్దిక్, శిలానంద్‌ త‌లా ఒక గోల్ కొట్టారు. మ‌లేషియా త‌ర‌ఫున ఏకైక గోల్ షెల్లో సిల్వెరియస్ సాధించాడు.2028 ఒలింపిక్స్‌కు అర్హత..ఆసియా గేమ్స్‌లో వ‌రుస‌గా రెండోసారి స్వ‌ర్ణం సాధించిన భార‌త పురుషుల హాకీ జ‌ట్టు చ‌రిత్ర‌ను తిర‌గ‌రాసింది. ఇక ఆసియా గేమ్స్‌లో స్వర్ణ పతకం సాధించిన భారత హాకీ జట్టు 2028 లాస్‌ ఏంజిల్స్‌ ఒలింపిక్స్‌కు కూడా అర్హత సాధించింది. ఈసారి ఆసియా గేమ్స్‌లో భార‌త్‌కు ఇది 21వ స్వ‌ర్ణం కాగా.. ఓవ‌రాల్‌గా 85 ప‌త‌కం. ఇందులో 21 స్వ‌ర్ణాలు, 27 ర‌జ‌తాలు, 37 కాంస్యాలున్నాయి. 21వ స్వ‌ర్ణంతో ఉజ్బెకిస్తాన్‌ను దాటిన భార‌త్‌ ప‌త‌కాల ప‌ట్టిక‌లో నాలుగో స్థానానికి చేరుకుంది. ఆసియా గేమ్స్‌లో భారత్‌ ప్రయాణం దాదాపు ముగిసినట్లే.ఐదో స్వ‌ర్ణంఇక భార‌త పురుషుల హాకీ జ‌ట్టుకు ఆసియా గేమ్స్‌లో ఇది ఐదో స్వ‌ర్ణం. గ‌తంలో 1966, 1998, 2014, 2023లో స్వ‌ర్ణ ప‌త‌కాలు సాధించిన భార‌త పురుషుల హాకీ జ‌ట్టు వ‌రుస‌ ఆసియా గేమ్స్‌లో స్వ‌ర్ణం సాధించ‌డం మాత్రం ఇదే తొలిసారి. శుక్రవారం భారత మహిళల హాకీ జట్టు కూడా 44 ఏళ్ల నిరీక్షణ తర్వాత స్వర్ణ పతకం సాధించిన సంగతి తెలిసిందే.चक दे इंडिया!Heartiest congratulations to the Indian Men’s Hockey Team on winning the Gold Medal at the #AsianGames2026 & successfully defending their title!With this triumph, India also secures direct qualification for the LA 2028 Olympics. A magnificent achievement for… pic.twitter.com/rsrJ3QMe0w— Kiren Rijiju (@KirenRijiju) October 3, 2026ఇదీ చదవండి: ఆసియా గేమ్స్‌లో స్వర్ణం.. సుందర్‌కు భారీ నజరానా

ఆసియా గేమ్స్ 2026లో స్వర్ణ పతకం సాధించిన టీమిండియా జట్టులో సభ్యుడిగా ఉన్న వాషింగ్టన్ సుందర్‌కు తమిళనాడు ప్రభుత్వం భారీ నజరానా ప్రకటించింది. స్వర్ణ పతకం గెలుచుకున్న సుందర్‌కు రూ. 75 లక్షల రివార్డు ప్రకటించినట్లు తమిళనాడు సీఎం జోసెఫ్ విజయ్ తెలిపారు. తమిళనాడు స్పోర్ట్స్ డెవలప్‌మెంట్ అథారిటీ (ఎస్‌డీఏటీ) ద్వారా సుందర్‌కు ప్రోత్సాహకాన్ని అందించనున్నారు. ఇక పాకిస్తాన్‌తో జరిగిన ఫైనల్లో వాషింగ్టన​ సుందర్ మంచి ప్రదర్శన కనబరిచాడు. 4 ఓవర్లు బౌలింగ్ వేసిన సుందర్ కేవలం 29 పరుగులు మాత్రమే ఇచ్చి రెండు కీలక వికెట్లు పడగొట్టాడు. లక్ష్యానికి 19 దూరంలో పాకిస్తాన్ నిలిచిపోవడం వెనుక సుందర్ కీలకపాత్ర వహించాడు. తద్వారా భారత్ స్వర్ణ పతకం కైవసం చేసుకోగా.. పాక్ రజతానికే పరిమితమైంది. 2023లో రుతురాజ్ సారథ్యంలోనూ టీమిండియా గోల్డ్ మెడల్ అందుకున్న సంగతి తెలిసిందే.సీఎం విజ‌య్ స్పందిస్తూ.. "జ‌పాన్‌లో జ‌రుగుతున్న‌ ఆసియా క్రీడల్లో పురుషుల క్రికెట్ విభాగంలో స్వర్ణ పతకం సాధించి చారిత్ర‌క ఘ‌న‌త సాధించిన టీమిండియాకు, జట్టులో సభ్యుడైన తమిళనాడుకు చెందిన క్రికెటర్ వాషింగ్టన్ సుందర్‌కు నా హృదయపూర్వక అభినందనలు. సుందర్ సాధించిన ఈ ఘనతను ప్రశంసిస్తూ, తమిళనాడు ప్రభుత్వం తరఫున ₹75 లక్షల ప్రతిష్టాత్మక నగదు బహుమతిని అందజేయడం జరుగుతుంది. ఆయన విజయం యువతరానికి కొత్త స్ఫూర్తిని, ఆత్మవిశ్వాసాన్ని అందిస్తుంది. దేశం త‌ర‌ఫున‌ సుందర్ క్రికెట్ మ్యాచ్‌లలో రాణించి, మరెన్నో మైలురాళ్లను సాధించాలని నేను ఆకాంక్షిస్తున్నాను." అని చెప్పుకొచ్చారు.మ్యాచ్ విషయానికొస్తే.. తొలుత బ్యాటింగ్ చేసిన టీమిండియా 20 ఓవర్లలో 6 వికెట్ల నష్టానికి 211 పరుగులు చేసింది. అభిషేక్ శర్మ (61), తిలక్ వర్మ (51 నాటౌట్‌) అర్థసెంచరీలు చేయగా, శివమ్ దూబే (27), ఇషాన్ కిషన్ (20) రాణించారు. పాక్ బౌలర్లలో అహ్మద్ దనియాల్, అరాఫత్ మిన్హస్ చెరో 2 వికెట్లు పడగొట్టారు. అనంతరం పాకిస్తాన్ 20 ఓవర్లలో 6 వికెట్ల నష్టానికి 192 పరుగులకు పరిమితమైంది. హసన్ నవాజ్ (96) తృటిలో సెంచరీ చేజార్చుకోగా, సయీమ్ అయూబ్ (29) పర్వాలేదనిపించాడు. భారత బౌలర్లలో అక్షర్ పటేల్‌, సుందర్‌, శివమ్ దూబే తలా రెండు వికెట్లు తీశారు.ஜப்பானில் நடைபெற்றுவரும் 20-வது ஆசிய விளையாட்டுப் போட்டிகளில், ஆடவர் கிரிக்கெட் பிரிவில் தங்கப் பதக்கம் வென்று சாதனை படைத்துள்ள இந்திய ஆடவர் அணிக்கும், அவ்வணியில் இடம்பெற்றுள்ள தமிழ்நாட்டைச் சேர்ந்த கிரிக்கெட் வீரர் வாஷிங்டன் சுந்தர் அவர்களுக்கும் எனது மனமார்ந்த வாழ்த்துகளையும்,… pic.twitter.com/dZqIKrHujI— CMOTamilNadu (@CMOTamilnadu) October 3, 2026ఇదీ చదవండి: విరాట్ కోహ్లి చెత్త రికార్డు

ఏషియ‌న్ గేమ్స్‌-2026 క్రికెట్ టోర్నీ విజేత‌గా టీమిండియా నిలిచింది. శ‌నివారం జ‌రిగిన ఫైన‌‌ల్లో పాకిస్తాన్‌పై 19 ప‌రుగుల తేడాతో విజ‌యం సాధించిన భార‌త్‌.. వ‌రుస‌గా రెండో స్వ‌ర్ణ ప‌త‌కాన్ని కైవ‌సం చేసుకుంది. ఈ తుది పోరులో మొద‌ట బ్యాటింగ్ చేసిన టీమిండియా నిర్ణీత 20 ఓవ‌ర్ల‌లో 6 వికెట్ల న‌ష్టానికి 211 ప‌రుగుల భారీ స్కోరు సాధించింది. భారత బ్యాటర్లలో అభిషేక్‌ శర్మ (61), తిలక్‌ వర్మ (51) అద్భుతమైన అర్ధ శతకాలతో (హాఫ్ సెంచరీ) మెరిశారు. అనంతరం భారీ లక్ష్య ఛేదనలో పాక్‌ యువ ఆటగాడు హసన్‌ నవాజ్‌ (51 బంతుల్లో 5 ఫోర్లు, 7 సిక్సర్లతో 96) వీరోచిత పోరాటం చేసినప్పటికీ జట్టును గెలిపించలేకపోయాడు. పాక్‌ జట్టు నిర్ణీత ఓవర్లలో 6 వికెట్ల నష్టానికి 192 పరుగులు మాత్రమే చేసి ఓటమి పాలైంది.వైభవ్ అరుదైన ఘనతఈ మ్యాచ్ అనంతరం విజేతలైన భారత ఆటగాళ్లకు ఐసీసీ చైర్మన్ జై షా స్వర్ణ పతకాలను అందజేశారు. ఈ క్రమంలో టీమిండియా యువ సంచలనం, 15 ఏళ్ల వైభవ్ సూర్యవంశీ అరుదైన ఘనత సాధించాడు. ఆసియా క్రీడల చరిత్రలో స్వర్ణ పతకం సాధించిన యంగెస్ట్ భారత అథ్లెట్‌గా వైభవ్ రికార్డులకెక్కాడు.అంతకుముందు ఈ రికార్డు షూటర్ సౌరభ్ చౌదరి పేరిట ఉండేది. 2018 జకార్తా ఆసియా క్రీడలలో పురుషుల 10 మీటర్ల ఎయిర్ పిస్టల్ విభాగంలో 16 ఏళ్ల వయస్సులో సౌరభ్ స్వర్ణ పతకాన్ని గెలుచుకున్నాడు. ఇప్పుడు వైభవ్ సూర్యవంశీ కేవలం 15 ఏళ్ల వయస్సులోనే పసిడి పతకం సాధించి సౌరభ్ రికార్డును బ్రేక్ చేశాడు.చదవండి: IND vs WI: రోహిత్‌ శర్మ ప్రపంచ రికార్డు

ఆసియా క్రీడ‌ల్లో భార‌త రెజ్ల‌ర్ అమ‌న్ షెరావ‌త్ సంచలనం సృష్టించాడు. త‌న ఉడుం ప‌ట్టుతో వరల్డ్‌ చాంపియన్‌ను మట్టికరిపించి స్వ‌ర్ణం కైవ‌సం చేసుకున్నాడు. శనివారం జరిగిన పురుషుల రెజ్లింగ్ 57 కేజీల ఫ్రీస్టైల్‌ విభాగం ఫైన‌ల్లో అమ‌న్ షెరావ‌త్ 11- 7తో నార్త్ కొరియాకు చెందిన‌ ప్ర‌పంచ చాంపియ‌న్ చోంగ్ సాంగ్‌ను చిత్తు చేసి ప‌సిడి ప‌త‌కం అందుకున్నాడు. అంతకముందు జరిగిన థ్రిల్లింగ్‌ సెమీఫైనల్లో తజకిస్తాన్ రెజ్లర్ అయాల్ బెలోల్యుబ్స్కీని చిత్తు చేసిన అమన్ ఫైనల్‌కు చేరుకున్నాడు.ఆసియా గేమ్స్‌లో భార‌త్‌కు ఇది 20వ స్వ‌ర్ణం కావ‌డం విశేషం. మ‌రో స్వ‌ర్ణం వ‌స్తే ప‌త‌కాల ప‌ట్టిక‌లో భార‌త్ నాలుగో స్థానానికి చేరుకోనుంది. ప్ర‌స్తుతం భార‌త్ ఖాతాలో 82 ప‌త‌కాలు చేర‌గా.. ఇందులో 20 స్వ‌ర్ణాలు, 26 ర‌జ‌తాలు, 36 కాంస్యాలున్నాయి. ఇప్పటికే పురుషుల 65 కేజీల ఫ్రీస్టైల్‌ విభాగంలో భారత రెజ్లర్‌ సుజీత్‌ కల్కల్‌ స్వర్ణం గెలిచిన సంగతి తెలిసిందే. దీంతో రెజ్లింగ్‌లో భారత్‌కు రెండో పసిడి పతకం వచ్చినట్లయింది.GOLD MEDAL FOR AMAN SEHRAWAT 🔥 STUNS REIGNING WORLD CHAMPION HAN CHONG-SONG 11-7 in FINAL 📸 @wrestling #AG2026withIAS #AichiNagoya2026 pic.twitter.com/hCmHpjX8eh— India_AllSports (@India_AllSports) October 3, 2026ఇదీ చదవండి: చ‌రిత్ర సృష్టించిన రోహిత్ శర్మ.. ప్రపంచ క్రికెట్‌లోనే

సాక్షి, తాడేపల్లి: భారత మహిళా హాకీ జట్టుకు వైఎస్సార్‌సీపీ అధినేత వైఎస్ జగన్ అభినందనలు తెలిపారు. ఆసియా క్రీడల్లో గోల్డ్ మెడల్ సాధించటంపై వైఎస్‌ జగన్‌ హర్షం వ్యక్తం చేశారు. స్వర్ణ పతకం సాధించడం దేశానికే గర్వకారణమని ప్రశంసలు కురిపించారు. భవిష్యత్తులో మరిన్ని విజయాలు సాధించాలని ఆకాంక్షించారు.వైఎస్సార్‌సీపీ అధినేత వైఎస్ జగన్ ఎక్స్‌ వేదికగా.. ఆసియా క్రీడల్లో గోల్డ్ మెడల్ సాధించిన భారత మహిళా హాకీ జట్టుకు అభినందనలు. డిఫెండింగ్ ఛాంపియన్ చైనాను 1–0తో ఓడించి.. 44 ఏళ్ల సుదీర్ఘ నిరీక్షణకు తెరదించుతూ.. స్వర్ణ పతకం సాధించడం దేశానికే గర్వకారణం. ఆద్యంతం అద్భుతమైన పోరాట పటిమను ప్రదర్శించిన భారత జట్టు.. ముఖ్యంగా డిఫెన్స్‌లో అసాధారణ ప్రతిభ కనబరిచింది. కీలక సమయంలో కెప్టెన్ సవితా పునియా పెనాల్టీ స్ట్రోక్‌ను అడ్డుకోవడం మ్యాచ్‌కే హైలైట్‌గా నిలిచింది. ఈ విజయంతో 2028 లాస్‌ ఏంజెలెస్‌ ఒలింపిక్స్‌కు భారత్ నేరుగా అర్హత సాధించడం మరింత ఆనందదాయకం. దేశం గర్వించేలా చేసిన భారత క్రీడాకారిణులందరికీ అభినందనలు. భవిష్యత్తులో మరిన్ని విజయాలు సాధించాలని ఆకాంక్షిస్తున్నాను’ అని పోస్టు చేశారు.Heartiest congratulations to our Indian women’s hockey team on a historic Asian Games triumph. Defeating defending champions China 1–0 ending a 44-year wait for gold is a moment of immense pride for the country. The team’s resilience in defence, crowned by Savita Punia’s crucial… pic.twitter.com/xoox2dEHhO— YS Jagan Mohan Reddy (@ysjagan) October 3, 2026

ఆసియా క్రీడల మొదలైన నాటి నుంచి మన అభిమానులు ఎంతగానో ఎదురు చూసిన రోజు రానే వచ్చింది... ఎట్టకేలకు భారత బృందం పెద్ద సంఖ్యలో స్వర్ణాలతో సంబరపడేలా చేసింది... శుక్రవారం మన ఖాతాలో ఏకంగా 6 పసిడి పతకాలు చేరడం విశేషం. రెజ్లింగ్‌లో సుజీత్‌ శిఖరాన నిలవగా... బాక్సర్లు లవ్లీనా, పర్వీన్‌ హుడా, అంకుశ్‌ పంఘాల్‌ అంచనాలను అందుకున్నారు. ఆర్చరీ రికర్వ్‌ విభాగంలోనూ మన మహిళలు సత్తా చాటి అగ్ర స్థానం సాధించగా... భారత మహిళల హాకీ టీమ్‌ అరుదైన స్వర్ణంతో పాటు 2028 లాస్‌ ఏంజెలిస్‌ ఒలింపిక్స్‌కూ అర్హత సాధించి ఆనందంలో ముంచెత్తింది. పురుషుల రికర్వ్‌ ఆర్చరీ రెండు రజతాలు అందించగా... సెయిలింగ్, సెపక్‌తక్రాలలో రెండు కంచు పతకాలతో ఒకే రోజు 10 పతకాలు మన ఖాతాలో చేరాయి. మెరుగైన ప్రదర్శనతో టాప్‌–5కు చేరిన భారత్‌ తమ ఈవెంట్‌లకు నేడు చివరి రోజు ఎన్ని పతకాలు సాధించి ఎక్కడ నిలుస్తుందనేది ఆసక్తికరం. నగోయా: ఆసియా క్రీడల్లో మహిళల హాకీ ఈవెంట్‌ తొలిసారి నిర్వహించినపుడు (1982లో) భారత జట్టు స్వర్ణపతకాన్ని గెలుచుకుంది. ఆ తర్వాత మన జట్టు మరో 2 రజతాలు, 4 కాంస్యాలకే పరిమితమైంది. కానీ ఇప్పుడు ఎట్టకేలకు 44 ఏళ్ల తర్వాత మళ్లీ మనకు పసిడి చిక్కింది. శుక్రవారం జరిగిన ఫైనల్లో భారత్‌ 1–0 గోల్‌ తేడాతో డిఫెండింగ్‌ చాంపియన్‌ చైనాను ఓడించి స్వర్ణపతకం గెలుచుకుంది. 10వ నిమిషంలో లాల్‌రెమ్‌సియామి రివర్స్‌ స్టిక్‌తో చేసిన ఏకైక ఫీల్డ్‌ గోల్‌ భారత్‌కు విజయాన్ని అందించింది. ఆపై చివరి వరకు భారత్‌ ఈ ఆధిక్యాన్ని కొనసాగించింది. ఆరంభంలో భారత గోల్‌ కీపర్‌ సవితా పూనియా.. ఆ తర్వాత సబ్‌స్టిట్యూట్‌ గోల్‌కీపర్‌ బిచ్చూదేవి అడ్డుగోడగా నిలవడంతో చైనా ఎంత ప్రయత్నించినా స్కోరును సమం చేయలేకపోయింది. ఆట 24వ నిమిషంలో చైనాకు పెనాల్టీ స్ట్రోక్‌ లభించగా...జాంగ్‌ యింగ్‌ షాట్‌ను సవిత నిలువరించడం విశేషం. ఆ తర్వాత సవిత స్థానంలో బిచ్చూదేవి సబ్‌స్టిట్యూట్‌గా వచ్చింది. ఇక ఆఖరి ఐదు నిమిషాల్లో గోల్‌ కీపర్‌ను తప్పించి 11 మంది మైదానంలో అటాక్‌ చేసినా బిచ్చూదేవి ముందు వారి ఆటలు సాగలేదు. తాజా గెలుపుతో స్వర్ణంతో పాటు 2028 లాస్‌ ఏంజెలిస్‌ ఒలింపిక్స్‌కు కూడా నేరుగా అర్హత సాధించింది. 2020 ఒలింపిక్స్‌లో నాలుగో స్థానంలో నిలిచి అందరి ప్రశంసలు చూరగొన్న టీమ్‌... ఆ తర్వాత పేలవ ఆటతో 2024 పారిస్‌ ఒలింపిక్స్‌కు కనీసం క్వాలిఫై కూడా కాలేకపోయింది. 2023 ఆసియా క్రీడల్లో చైనా చేతిలో సెమీఫైనల్లోనే మన టీమ్‌ ఓడింది. ఇప్పుడు మళ్లీ ఏషియాడ్‌లో పదునైన ఆటను ప్రదర్శించి ఒలింపిక్స్‌ బెర్త్‌ను అందుకుంది. ఈ విజయాన్ని అభినందిస్తూ భారత మహిళల జట్టుకు హాకీ ఇండియా (హెచ్‌ఐ) నజరానా ప్రకటించింది. జట్టులో ప్రతీ సభ్యురాలు ఒక్కొక్కరికి రూ. 11 లక్షలు చొప్పున, సహాయక సిబ్బందిలో ఒక్కొక్కరికి రూ.5.5 లక్షల చొప్పున నగదు పురస్కారాన్ని అందించనున్నట్లు వెల్లడించింది.

భార‌త పురాణాల్లో బంగారాన్ని ల‌క్ష్మీదేవీతో పోల్చ‌డం ఆన‌వాయితీ. అలాంటిది మ‌హాల‌క్ష్మీకి ఇష్ట‌మైన శుక్ర‌వారం రోజున ఆసియా గేమ్స్‌లో భార‌త అథ్లెట్లు ప‌త‌కాల మోత మోగించారు. ఈసారి క్రీడ‌లు ప్రారంభ‌మైన మొద‌టి రోజు నుంచి చూసుకుంటే శుక్ర‌వారం వ‌చ్చిన‌న్ని ప‌త‌కాలు ఏరోజు రాలేదు. అందునా 13వ రోజైన నేడు భార‌త్ ఖాతాలో 10 ప‌త‌కాలు వ‌చ్చి చేరితే.. అందులో ఆరు స్వ‌ర్ణాలు ఉండ‌డం విశేషం. శుక్ర‌వారం ఒక్కోరోజే ఇన్ని స్వ‌ర్ణాలు రావ‌డంతో భార‌త చిత్ర‌ప‌టం బంగారు వ‌ర్ణంతో మెరిసిపోయింది. దేశ చిత్ర‌ప‌టంలోని చాలా రాష్ట్రాల నుంచి అథ్లెట్లు ఇవాళ ప‌త‌కాలు తీసుకురావ‌డం మ‌రో విశేషం. ఇక శుక్ర‌వారం భార‌త్‌కు వ‌చ్చిన 10ప‌త‌కాల్లో.. ఆరు స్వ‌ర్ణాలు, రెండు ర‌జ‌తాలు, రెండు కాంస్యాలు ఉన్నాయి. ఇందులో ఆర్చ‌రీలో మ‌హిళ‌ల రిక‌ర్వ్ టీమ్ 5-3తో సౌత్ కొరియాను ఓడించి స్వ‌ర్ణం గెలుచుకోగా, 44 ఏళ్ల త‌ర్వాత మ‌హిళ‌ల హాకీ జ‌ట్టు 1-0తో చైనాను మ‌ట్టిక‌రిపించి ప‌సిడి ప‌త‌కం తీసుకొచ్చింది. ఇక బాక్సింగ్‌లో ల‌వ్లీనా, ప‌ర్వీన్ హుడా, అంకుశ్ పంఘ‌ల్‌లు స్వ‌ర్ణాల‌తో మెర‌వగా, రెజ్లింగ్‌లో సుజీత్ క‌ల్క‌ల్ త‌న ఉడుం ప‌ట్టుతో ప‌సిడి ప‌త‌కం గెలిచాడు. వీరితో పాటు ఆర్చ‌రీలో రిక‌ర్వ్ మిక్స్‌డ్ టీంతో పాటు పురుషుల రిక‌ర్వ్ టీమ్ ర‌జ‌తాల‌తో మెర‌వ‌గా, సెయిలింగ్‌లో నేత్ర కుమార‌న్, సెప‌క‌ట్‌టక్రాలో మెన్స్ క్వాండ్రాంట్ టీమ్ కాంస్యాలు సాధించాయి. దీంతో భార‌త్ ఖాతాలో ప్ర‌స్తుతం 76 ప‌త‌కాలు ఉండ‌గా.. ఇందులో 16 స్వ‌ర్ణాలు, 25 ర‌జ‌తాలు, 35 కాంస్యాలున్నాయి. ప‌త‌కాల ప‌ట్టిక‌లో టాప్‌-5లో కొన‌సాగుతోంది.ఒకేరోజు ఆరు స్వ‌ర్ణాలు సాధించ‌డం ద్వారా మ‌న అథ్లెట్లు ఒక‌ రికార్డును కూడా న‌మోదు చేశారు. అదేంటంటే.. 2023 ఆసియా క్రీడ‌ల్లోనూ ఒకేరోజు ఆరు స్వ‌ర్ణాలు రావ‌డం విశేషం. ఆనాడు అక్టోబ‌ర్ 7న‌.. ఆర్చ‌రీ కాంపౌండ్ మ‌హిళ‌ల జ‌ట్టు, ఆర్చ‌రీ కాంపౌండ్ మ‌హిళ‌ల, పురుషుల‌ వ్య‌క్తిగ‌త విభాగాలు, బ్యాడ్మింట‌న్ పురుషుల డ‌బుల్స్‌, క‌బ‌డ్డీ పురుషుల జ‌ట్టు, క్రికెట్ పురుషుల జ‌ట్లు స్వ‌ర్ణాల‌తో మెరిశాయి.ఇక శ‌నివారం ఆసియా క్రీడ‌ల‌కు చివ‌రి రోజు పురుషుల హాకీ జ‌ట్టు ఫైన‌ల్ (భార‌త్ వ‌ర్సెస్ మ‌లేషియా)తో పాటు, క్రికెట్ ఫైన‌ల్ (భార‌త్ వ‌ర్సెస్ పాకిస్తాన్‌) స‌హా మిగతా ఈవెంట్లు ఉండ‌డంతో భార‌త్ 80 ప‌త‌కాల మార్క్ అందుకుంటుందా అన్న‌ది చూడాలి.ఇదీ చదవండి: 44 ఏళ్ల నిరీక్ష‌ణ‌కు తెర‌.. భారత మ‌హిళ‌ల హాకీ జ‌ట్టుకు స్వ‌ర్ణం

ఆసియా గేమ్స్‌లో భార‌త మ‌హిళ‌ల హాకీ జ‌ట్టు అద‌ర‌గొట్టింది. 44 ఏళ్ల నిరీక్ష‌ణ‌కు తెర‌దించుతూ మ‌న అమ్మాయిలు హాకీలో స్వ‌ర్ణంతో మెరిశారు. శుక్ర‌వారం జ‌రిగిన ఫైన‌ల్లో భార‌త్ 1-0 తేడాతో ప‌టిష్టమైన‌ చైనాను ఓడించి ప‌సిడి ప‌త‌కాన్ని అందుకోగా, డిఫెండింగ్‌ చాంపియన్‌ రజతానికే పరిమితమైంది.మ్యాచ్‌లో ఏకైక గోల్ ఆట 10వ నిమిషంలో భార‌త ప్లేయ‌ర్ లాల్‌రెమ్‌సియామి లెఫ్ట్ సైడ్ సర్కిల్ నుంచి బంతిని నెట్‌లోకి పంపించి భార‌త్‌కు ఆధిక్యాన్ని అందించింది. ఆ త‌ర్వాత చైనా ప్లేయ‌ర్ల అటాకింగ్ గేమ్‌ను స‌మ‌ర్థంగా అడ్డుకుంది. చైనా ఆటగాళ్లు సంధించిన పెనాల్టీ స్ట్రోక్‌లను కూడా భారత ఆటగాళ్లు నిర్వీర్యం చేయడంలో సఫలమయ్యారు.స్వ‌ర్ణంతో 2028 ఒలింపిక్స్‌కు అర్హతగ‌తంలో 1982లో ఢిల్లీ వేదిక‌గా జ‌రిగిన ఆసియా గేమ్స్‌లో మ‌హిళ‌ల హాకీ ఫైన‌ల్లో భార‌త్ 22-0తో హాంకాంగ్‌పై ఏకప‌క్ష విజ‌యంతో స్వ‌ర్ణం ఎగ‌రేసుకుపోయింది. ప్ర‌స్తుతం మ‌హిళ‌ల హాకీ ర్యాంకింగ్స్‌లో నాలుగో స్థానంలో కొన‌సాగుతున్న భార‌త్ లీగ్ ద‌శ‌లో అన్ని మ్యాచ్‌ల్లోనూ విజ‌యం సాధించి మంచి ఆత్మ‌విశ్వాసాన్ని కూడ‌గ‌ట్టుకుంది. ఇదే జోరును తాజాగా ఫైనల్లో చైనాపై కూడా ప్రదర్శించిన భారత మహిళల హాకీ జట్టు స్వర్ణ పతకాన్ని ఎగరేసుకుపోయింది. అంతేకాదు ఆసియా గేమ్స్‌లో స్వర్ణ పతకం గెలవడం ద్వారా భారత మహిళల హాకీ జట్టు 2028 లాస్‌ ఏంజిల్స్‌ ఒలింపిక్స్‌కు కూడా అర్హత సాధించడం విశేషం.ఒక్కరోజే ఆరు స్వర్ణాలు..ఈసారి ఆసియా గేమ్స్‌లో భారత్‌కు ఇది 16వ స్వర్ణం కాగా.. శుక్రవారం ఒక్కరోజే భారత్‌కు ఆరు స్వర్ణాలు రావడం విశేషం. ఆర్చరీలో ఒకటి, బాక్సింగ్‌లో మూడు, రెజ్లింగ్‌లో ఒకటి రాగా.. తాజాగా మహిళల హాకీ జట్టు కూడా స్వర్ణం సాధించడంతో భారత్‌ పతకాల సంఖ్య 76కు పెరిగింది. ఇందులో 16 స్వర్ణాలు, 25 రజతాలు, 35 కాంస్యాలు ఉన్నాయి. పట్టికలో ఐదో స్థానంలో కొనసాగుతుంది. Indian Women Hockey Team won #GoldMedal in #AsianGames2026 after 44 years. India beat China 1-0, ending the wait since 1982 and earned entry to the #LosAngelesOlympics2028@TheHockeyIndia pic.twitter.com/hIDa35ev4U— Neel Kamal (@NeelkamalPb) October 2, 2026 𝗧𝗛𝗘 𝟰𝟰-𝗬𝗘𝗔𝗥 𝗪𝗔𝗜𝗧 𝗜𝗦 𝗢𝗩𝗘𝗥, 𝗧𝗛𝗘 𝗜𝗡𝗗𝗜𝗔𝗡 𝗪𝗢𝗠𝗘𝗡'𝗦 𝗧𝗘𝗔𝗠 𝗜𝗦 𝗔𝗦𝗜𝗔𝗡 𝗚𝗔𝗠𝗘𝗦 𝟮𝟬𝟮𝟲 𝗚𝗢𝗟𝗗 𝗠𝗘𝗗𝗔𝗟𝗟𝗜𝗦𝗧𝗦! 🇮🇳🥇A 1-0 victory over World No. 4 China in the final seals a historic gold medal for the Indian Women’s Team, securing… pic.twitter.com/ZiQP1PSYaD— Hockey India (@TheHockeyIndia) October 2, 2026ఇదీ చదవండి: బాక్సర్ల పసిడి పంచ్‌.. భార‌త్ ఖాతాలో 75వ ప‌త‌కం

ఆసియా క్రీడలు-2026 టోర్నీలో అథ్లెటిక్స్‌లో భారత్‌కు మంగళవారం స్వర్ణం అందించింది మహిళల రిలే జట్టు. కిరణ్‌ మహల్‌, ఎంఆర్‌ పూవమ్మ, ప్రాచీ ఛౌదరి, విత్య రామ్‌రాజ్‌ 4*400 మీటర్ల రిలే పరుగును 3 నిమిషాల 29.9 సెకన్లలో పూర్తి చేసి.. పసిడి పతకాన్ని ముద్దాడారు.మూడో లెగ్‌ ముగిసే సమయానికి భారత్‌ మూడో స్థానంలోనే ఉన్నా.. ఆఖరి లెగ్‌లో అద్భుతంగా పరిగెత్తి విత్య జట్టును అగ్రస్థానంలో నిలిపింది. ఏషియాడ్‌ అథ్లెటిక్స్‌ చరిత్రలో మహిళల 4*400 మీటర్ల రిలే పరుగులో భారత్‌కు ఇది ఏడో పసిడి పతకం.గోల్డ్‌ గెలిచినా పట్టించుకోలేదు.. ఈ నేపథ్యంలో కిరణ్‌, పూవమ్మ, ప్రాచీ, విత్యలపై ప్రశంసల వర్షం కురిసింది. అయితే, వీరిలో 36 ఏళ్ల పూవమ్మకు గోల్డ్‌ గెలిచినా సొంత రాష్ట్రం నుంచి కనీసం అభినందించే వారు లేక చేదు అనుభవం చవిచూడాల్సి వచ్చింది. సీఎన్‌ఎన్‌-న్యూస్‌18తో మాట్లాడుతూ.. పూవమ్మ స్వయంగా ఈ విషయాన్ని వెల్లడించింది.రెండ్రోజుల తర్వాత సీఎం ఫోన్‌‘‘బంగారు పతకం గెలిచిన రెండు రోజుల తర్వాత మా ముఖ్యమంత్రి డీకే శివకుమార్‌, ఉప ముఖ్యమంత్రి జి. పరమేశ్వర నాకు కాల్‌ చేసి.. మెడల్‌ సాధించినందుకు అభినందించారు. నన్ను ఎవరూ పట్టించుకోలేదని మీడియాలో వార్తలు వచ్చిన తర్వాతే వాళ్లు నాకు ఫోన్‌ చేశారు.అయితే, పతకాలు గెలిచిన అథ్లెట్లకు ఇచ్చే ప్రైజ్‌మనీని త్వరలోనే పెంచుతామని సీఎం నాతో చెప్పారు. నన్ను సత్కరిస్తామని కూడా అన్నారు’’ అని కర్ణాటకలోని దక్షిణ కన్నడ ప్రాంతానికి చెందిన పూవమ్మ తెలిపింది.చదవండి: త్వరలోనే టీమిండియా టీ20 వైస్‌ కెప్టెన్‌గా అతడు! View this post on Instagram A post shared by Indiantrackandfield (@indiantrackandfield)

ఆసియా గేమ్స్‌లో భాగంగా రేపు జ‌ర‌గ‌నున్న ఫైన‌ల్లో భార‌త్, పాకిస్తాన్‌లు స్వ‌ర్ణ ప‌త‌క పోరు కోసం అమీతుమీ తేల్చుకోనున్నాయి. ఆట ప‌రంగా చూస్తే పాకిస్తాన్ కంటే భార‌త్ అన్నింటిలో మెరుగ్గా క‌నిపిస్తుంది. వ‌రుస‌గా రెండోసారి స్వ‌ర్ణం చేజేక్కించుకోవాల‌ని టీమిండియా భావిస్తుండ‌గా, టీమిండియాకు ప‌సిడి క‌ల‌ను దూరం చేయాల‌నే ప‌ట్టుద‌ల‌తో పాక్ బ‌రిలోకి దిగుతోంది. ఐసీసీ స‌హా మేజ‌ర్ టోర్నీల్లో ఎక్క‌డ చూసుకున్నా పాకిస్తాన్‌పై భార‌త్‌దే స్ప‌ష్ట‌మైన ఆధిప‌త్యం. ముఖ్యంగా ఐసీసీ ఈవెంట్ల‌లో టీమిండియాను పాక్‌ ఓడించిన సంద‌ర్భాలు వేళ్ల మీద లెక్క‌పెట్టొచ్చు. గ‌తేడాది ఆసియా క‌ప్ ఫైన‌ల్ సంద‌ర్భాగా ఈ రెండు జ‌ట్లు ఫైన‌ల్లో త‌ల‌ప‌డ‌గా, టీమిండియా విజ‌యం సాధించింది. ఈ నేప‌థ్యంలో ఈసారి భారత్‌ను ఓడించి సొంతం చేసుకోవాల‌న్న పాకిస్తాన్ గోల్డ్ క‌ల‌ను భ‌గ్నం చేయ‌గ‌ల ముగ్గురు భార‌త స్టార్ల గురించి ఒక‌సారి చ‌ర్చిద్దాం.అభిషేక్ శ‌ర్మ‌..ఏడాది క్రిత‌మే తొలిసారి పాకిస్తాన్‌తో ఆడిన అభిషేక్ శ‌ర్మ ఆ జ‌ట్టుకు భ‌యాన్ని పుట్టించాడు. పాక్‌పై ఆడిన గత రెండు మ్యాచ్‌ల్లో అత‌డు త‌క్కువ స్కోరుకే వెనుదిరిగిన‌ప్ప‌టికీ, ఉన్నంత‌సేపు పాక్ బౌల‌ర్ల‌ను దంచికొట్టాడు. ఈ నేప‌థ్యంలో రేపు జ‌ర‌గ‌నున్న ఫైన‌ల్లో అభిషేక్ శ‌ర్మ వీరవిహారం చేస్తే మాత్రం పాక్‌కు క‌ష్టాలు త‌ప్ప‌వు. పాక్‌తో నాలుగు మ్యాచ్‌లు ఆడిన అభిషేక్ శ‌ర్మ 177.41 స్ట్రైక్‌రేట్‌తో 110 ప‌రుగులు చేశాడు. గ‌తేడాది సెప్టెంబ‌ర్‌లో దుబాయ్ వేదిక‌గా పాకిస్తాన్‌తో జ‌రిగిన మ్యాచ్‌లో అభిషేక్ శ‌ర్మ 39 బంతుల్లోనే 74 ప‌రుగులు చేసి పాక్ విధించిన భారీ టార్గెట్‌ను భార‌త్ సునాయాసంగా ఛేదించ‌డంలో స‌హాయ‌ప‌డ్డాడు. అయితే గ‌త రెండు ఇన్నింగ్స్‌ల్లో మాత్రం వ‌రుస‌గా ఐదు, సున్నా స్కోర్ల‌కే ప‌రిమిత‌మైన‌ప్ప‌టికీ, మ్యాచ్‌లో నిల‌దొక్కుకుంటే మాత్రం అభిషేక్ శ‌ర్మ డేంజర్ ఇన్నింగ్స్ ఆడ‌గ‌ల‌డు.జ‌స్‌ప్రీత్ బుమ్రా..పాకిస్తాన్‌పై బౌలింగ్‌లో టీమిండియా స్టార్ జ‌స్‌ప్రీత్ బుమ్రాకు మంచి రికార్డు ఉంది. 2023-24 మ‌ధ్య కాలంలో జ‌రిగిన రెండు వేర్వేరు ప్ర‌పంచ‌క‌ప్పుల్లో బుమ్రా 'ప్లేయ‌ర్ ఆఫ్ ది మ్యాచ్' అవార్డులు సొంతం చేస‌కున్నాడు. అంతేకాదు ఈ ఏడాది ఆరంభంలో శ్రీలంక‌లో జ‌రిగిన టీ20 ప్ర‌పంచ‌క‌ప్ 2026లో కూడా పాక్‌తో మ్యాచ్‌లో బుమ్రా తాను వేసిన తొలి రెండు ఓవ‌ర్ల‌లోనే పాక్ ప‌తనాన్ని శాసించాడు. ఇప్ప‌టివ‌ర‌కు బుమ్రా పాకిస్తాన్‌పై 8 మ్యాచ్‌ల్లో 11 వికెట్లు తీశాడు. తాను ఆడిన 8 మ్యాచ్‌ల్లో రెండుసార్లు మాత్ర‌మే వికెట్ తీయ‌డంలో విఫ‌ల‌మైన బుమ్రా, మిగిలిన ఆరు సంద‌ర్భాల్లో మాత్రం టీమిండియా విజ‌యం సాధించ‌డంలో కీల‌క‌పాత్ర పోషించాడు.తిల‌క్‌వ‌ర్మ‌..టీమిండియా వైస్ కెప్టెన్ తిల‌క్ వ‌ర్మ‌కు పాకిస్తాన్‌పై అమోఘ‌మైన రికార్డు ఉంది. గ‌తేడాది జ‌రిగిన ఆసియా క‌ప్ ఫైన‌ల్లో బ్యాటింగ్‌కు క‌ష్టంగా ఉన్న పిచ్‌పై తిల‌క్ వ‌ర్మ (53 బంతుల్లో 69 నాటౌట్‌) అజేయ ఇన్నింగ్స్ ఆడి భార‌త్‌ను గెలిపించాడు. అంతేకాదు ఈ ఏడాది టీ20 ప్ర‌పంచ‌క‌ప్‌లోనూ తిల‌క్ వ‌ర్మ 25 ప‌రుగుల కీల‌క ఇన్నింగ్స్ ఆడాడు. ఆ మ్యాచ్‌లో టీమిండియా 61 ప‌రుగుల తేడాతో విజ‌యాన్ని అందుకుంది. ఇప్ప‌టివ‌ర‌కు పాకిస్తాన్‌పై 4 మ్యాచ్‌లు ఆడిన తిల‌క్ వ‌ర్మ 155 ప‌రుగులు చేశాడు.ఇదీ చదవండి: Asian Games 2026: రెజ్లింగ్‌లో భార‌త్‌కు తొలి స్వ‌ర్ణం

రెజ్లింగ్‌లోనూ భార‌త్‌కు స్వ‌ర్ణ ప‌త‌కం ద‌క్కింది. భార‌త రెజ్లర్ 23 ఏళ్ల సుజీత్ క‌ల్క‌ల్ త‌న ఉడుం ప‌ట్టుతో ప‌సిడి ద‌క్కించుకున్నాడు. పురుషుల‌ 65 కేజీల ఫ్రీస్టైల్ విభాగం ఫైన‌ల్లో సుజీత్ 10-9తో త‌జ‌కిస్తాన్‌కు చెందిన అబ్దుల్‌మ‌హ్‌జిద్ కుదీవ్‌ను మ‌ట్టిక‌రిపించాడు. కాగా ఈసారి ఆసియా గేమ్స్‌లో రెజ్లింగ్‌లో భార‌త్‌కు ఇదే తొలి స్వ‌ర్ణం కావడం విశేషం.ఓవ‌రాల్‌గా ఆసియా గేమ్స్‌లో గ‌తంలో స్వ‌ర్ణాలు సాధించిన రెజ్ల‌ర్లు యోగేశ్వ‌ర్ ద‌త్‌, భ‌జ‌రంగ్ పూనియా స‌ర‌స‌న సుజీత్ క‌ల్క‌ల్ చేరాడు. ఈ ఆసియా గేమ్స్‌లో ఇప్ప‌టివ‌ర‌కు భార‌త్ 75 ప‌త‌కాలు గెలుచుకోగా.. ఇందులో 15 స్వ‌ర్ణాలు, 25 ర‌జ‌తాలు, 35 కాంస్య ప‌త‌కాలు ఉన్నాయి. ప్ర‌స్తుతం భార‌త్ ప‌త‌కాల ప‌ట్టిక‌లో ఐదో స్థానానికి చేరుకుంది.Sujeet Kalkal Wins Gold medal for India🔥🔥🔥He defeats Tajikistan wrestler in a close bout 10-9 🔥🔥🔥 in his 65 kg category wrestling Final boutSujeet loses 9 points early on and then climbs back up to win 10-9Also Ankush wins gold in his bout against Korean in 80 kg… pic.twitter.com/n9Rl8VZlzn— XUnfiltered (@XUnfiltere69061) October 2, 2026ఇదీ చదవండి: బాక్సర్ల పసిడి పంచ్‌.. భార‌త్ ఖాతాలో 75వ ప‌త‌కం

ఆసియా క్రీడల్లో భారత బాక్సర్లు స్వర్ణాల పంచ్‌ కురిపిస్తున్నారు. ఇప్పటికే లవ్లీనా స్వర్ణంతో మెరవగా, తాజాగా పర్వీన్‌ హుడాతో పాటు అంకుశ్‌ బంగారు పతకాలు సాధించారు. మహిళల 65 కేజీల బాక్సింగ్ విభాగంలో భారత బాక్సర్ పర్వీన్ హుడా పసిడి పతకం ముద్దాడింది. ఫైనల్​లో చైనీస్ తైపీకి చెందిన చెన్ నిన్ చెన్​ను పర్వీన్ 3-2 తేడాతో థ్రిల్లింగ్ విక్టరీ కొట్టింది. దీంతో ఆసియా క్రీడల చరిత్రలో బాక్సింగ్ విభాగంలో పసిడి సాధించిన భారత మూడో అథ్లెట్​గా పర్విన్ అరుదైన ఘనత సాధించింది. పురుషుల 80 కేజీల విభాగం ఫైనల్లో‌ అంకుశ్‌ 4-0 తేడాతో కొరియా బాక్సర్‌ కిమ్‌ మిన్‌సోంగ్‌పై గెలిచి స్వర్ణం కైవసం చేసుకున్నాడు. కాగా తాజా స్వర్ణాలతో 2026 ఆసియా గేమ్స్​లో భారత్ ఖాతాలో 14 గోల్డ్ మెడల్స్ చేరాయి. ఉదయం బాక్సింగ్ 75 కేజీల విభాగంలో లవ్లీనా బోర్గొహెయిన్​ కూడా పసిడి ముద్దాడింది. దీంతో ఆసియా గేమ్స్​లో 12ఏళ్ల తర్వాత బాక్సింగ్​లో పసిడి పతకం నెగ్గిన భారత మహిళా అథ్లెట్​గా లవ్లీనా రికార్డు కొట్టింది. ఈ విభాగంలో భారత్​కు మొట్టమొదటి గోల్డ్ మెడల్ 2014లో వచ్చింది. 51 కేజీల ఈవెంట్​లో మెరీకోమ్ స్వర్ణ పతకం దక్కించుకుంది. ఇక 12ఏళ్ల తర్వాత ఒకేరోజు బాక్సింగ్​లో మూడు గోల్డ్ మెడల్స్ రావడంతో ఫ్యాన్స్ సంబరాలు చేసుకుంటున్నారు.ఇక రెజ్లింగ్‌లో సుజీత్‌ 65 కేజీల ఫ్రీస్టైల్‌ విభాగంలో స్వర్ణం సాధించాడు. దీంతో శుక్రవారం ఒక్కరోజే భారత్‌ ఖాతాలో 5 స్వర్ణాలు చేరగా.. ఆసియా గేమ్స్‌లో భార‌త్ ఖాతాలో 75 ప‌త‌కాలు చేరాయి. ఇందులో 15 స్వ‌ర్ణాలు, 25 ర‌జ‌తాలు, 35 కాంస్య ప‌త‌కాలు ఉన్నాయి. ప్ర‌స్తుతం భార‌త్ ప‌త‌కాల ప‌ట్టిక‌లో ఐదో స్థానానికి చేరుకుంది. భారత్ కంటే ముందు చైనా (311 పతకాలు), జపాన్ (234), కొరియా (134), ఉజ్బెకిస్తాన్ (63) వరుసగా తొలి నాలుగు స్థానాల్లో కొనసాగుతున్నాయి.THREE FINALS. THREE GOLDS. INDIA JUST WENT 3-FOR-3 IN BOXING. 🇮🇳🥇🥇🥇🔥And Ankush Panghal delivered the final punch.The Indian boxer defeated South Korea’s Kim Minseong 4-0 in the men’s 80kg final to claim GOLD at Aichi-Nagoya.But look at what happened today:🥇 Final 1 —… pic.twitter.com/B564MyVxM6— Anil Bansal (@dilseanilbansal) October 2, 2026ఇదీ చదవండి: Asian Games 2026: రెజ్లింగ్‌లో భార‌త్‌కు తొలి స్వ‌ర్ణం

ఆసియా క్రీడలు 2026లో భారత మహిళల రీకర్వ్ ఆర్చరీ జట్టు సరికొత్త చరిత్ర సృష్టించింది. శుక్రవారం జరిగిన ఫైనల్ పోరులో దక్షిణ కొరియాపై 5-3 తేడాతో సంచలన విజయం సాధించిన భార‌త జ‌ట్టు..ఈ విభాగంలో మొట్టమొద‌టి ఏషియ‌డ్‌ ప‌స‌డి ప‌త‌కాన్ని ముద్దాడింది. సెమీఫైనల్లో చైనాను 5-1తో చిత్తు చేసిన అంకితా భకత్, కీర్తి శర్మ, కుమ్‌కుమ్ మొహద్‌లతో కూడిన భార‌త బృందం.. తుది పోరులోనూ అదే జోరును కొనసాగించింది.ఈ చారిత్రాత్మక విజయంతో భారత్ పతకాల పట్టికలో తన స్థానాన్ని మరింత మెరుగుపరుచుకుంది. ఇప్పటివరకు ఈ ఏషియన్ గేమ్స్‌లో మొత్తం 67 పతకాలు సాధించింది. అందులో 11 బంగారు పతకాలతో పాటు 23 సిల్వర్‌,33 బ్రాంజ్ మెడల్స్ ఉన్నాయి.చదవండి: వన్డే వరల్డ్‌కప్‌ షెడ్యూల్‌ విడుదల.. భారత్‌-పాక్‌ మ్యాచ్‌ ఎప్పుడంటే?

ఆసియా గేమ్స్‌లో భార‌త మ‌హిళ‌ల హాకీ జ‌ట్టు ఫైన‌ల్లో అడుగుపెట్టింది. బుధ‌వారం ద‌క్షిణ కొరియాపై 2-0తో విజ‌యం సాధించిన భార‌త్ తుది పోరుకు అర్హ‌త సాధించింది. శ‌నివారం (అక్టోబ‌ర్ 3న‌) జ‌ర‌గ‌నున్న‌ స్వ‌ర్ణ ప‌త‌కం కోసం ఫైన‌ల్లో చైనాతో అమీతుమీకి సిద్ధ‌మైంది. తొలి రెండు క్వార్ట‌ర్స్‌లో ఇరుజ‌ట్లు ఒక్క గోల్ కూడా చేయ‌లేక‌పోయాయి. అయితే మూడో క్వార్ట‌ర్‌లో (ఆట 44వ నిమిసం) ఇషికా గోల్ కొట్ట‌డంతో భార‌త్ 1-0తో ఆధిక్యంలోకి వెళ్లింది. మ‌రుక్ష‌ణ‌మే కెప్టెన్ స‌లీమా టిటే అద్భుతంగా స్పందించి, బంతిని వెన‌క్కి క‌ట్ చేసింది. ఆ త‌ర్వాత ప్ర‌త్య‌ర్థిని బోల్తా కొట్టించి నేరుగా బంతిని నెట్‌లోకి పంపించి భార‌త్ ఆధిక్యాన్ని 2-0కు పెంచింది. ఈ నేప‌థ్యంలో 44 ఏళ్ల త‌ర్వాత ఆసియా గేమ్స్‌లో స్వ‌ర్ణ ప‌త‌కం సాధించేందుకు భార‌త మ‌హిళ‌ల హాకీ జ‌ట్టు ఒక్క అడుగు దూరంలో నిలిచింది. గ‌తంలో 1982లో ఢిల్లీ వేదిక‌గా జ‌రిగిన ఆసియా గేమ్స్‌లో మ‌హిళ‌ల హాకీ ఫైన‌ల్లో భార‌త్ 22-0తో హాంకాంగ్‌పై ఏకప‌క్ష విజ‌యంతో స్వ‌ర్ణం ఎగ‌రేసుకుపోయింది. ప్ర‌స్తుతం మ‌హిళ‌ల హాకీ ర్యాంకింగ్స్‌లో నాలుగో స్థానంలో కొన‌సాగుతున్న భార‌త్ లీగ్ ద‌శ‌లో అన్ని మ్యాచ్‌ల్లోనూ విజ‌యం సాధించి మంచి ఆత్మ‌విశ్వాసాన్ని కూడ‌గ‌ట్టుకుంది.ఫైనల్లో లవ్లీనా.. సునీల్‌కు క్యాంసంరెజ్లింగ్‌లో సునీల్ కుమార్ కాంస్యం సాధించాడు. గ్రీకో రోమన్ పురుషుల 87 కిలోల విభాగంలో ఉడుంపట్టుతో పతకం పట్టేశాడు సునీల్. కల్లమ్ రాబర్ట్స్ జాన్‌స్టన్‌ను ఉక్కిరిబిక్కిరి చేసిన భారత రెజ్లర్ 5-0తో జయకేతనం ఎగురవేశాడు. గత ఎడిషన్‌లోనూ సునీల్ కంచుమోత మోగించిన విషయం తెలిసిందే.ఇక మ‌హిళ‌ల బాక్సింగ్ 75 కేజీల విభాగంలో భార‌త బాక్స‌ర్ లవ్లీనా బొర్గొహైన్ ఫైనల్లో ప్ర‌వేశించింది. ఆసియా గేమ్స్‌లో వ‌రుస‌గా రెండోసారి ఫైన‌ల్ చేరిన ల‌వ్లీనా గ‌త ఆసియా గేమ్స్‌లో ర‌జ‌తంతో మెరిసింది. ఈసారి స్వ‌ర్ణంపై గురి పెట్టిన ల‌వ్లీనా త‌న ఫైన‌ల్ అక్టోబ‌ర్ 2న ఆడ‌నుంది. ఇక సెమీస్‌లో ల‌వ్లీనా 3-2తో క‌జ‌కిస్తాన్‌కు చెందిన న‌టాలియా బొగ్డనోవాపై విజ‌యం సాధించింది.

నిరుపేద కుటుంబం.. ఆటోడ్రైవర్‌ తండ్రి.. కూలీ పనులు చేసే తల్లి.. అయినా లక్ష్యం విషయంలో వెనక్కి తగ్గలేదు. కష్టాలను అధిగమి స్తూ అథ్లెటిక్స్‌లో అంచెలంచెలుగా ఎదిగింది. రాష్ట్ర, జాతీయ స్థాయిలో పతకాలు సాధిస్తూ ఇప్పుడు అంతర్జాతీయ వేదికపై సత్తా చాటేందుకు పరుగులు తీస్తోంది నాగర్‌కర్నూల్‌ జిల్లా తిమ్మాజిపేట మండలం పుల్లగిరి గ్రామపంచాయతీ పరిధిలోని కొడావత్‌ తండాకు చెందిన కొడావత్‌ స్వప్న.హనుమకొండలో ఈ నెల 26, 27న జరిగిన 12వ తెలంగాణ రాష్ట్ర అథ్లెటిక్స్‌ చాంపియన్‌షిప్‌లో స్వప్న రెండు స్వర్ణ పతకాలు సాధించింది. 1500 మీటర్ల పరుగును 5 నిమిషాల 4 సెకన్లలో పూర్తి చేసి బంగారు పతకం దక్కించుకోగా.. 3000 మీటర్ల పరుగును 11 నిమిషాల 18 సెకన్లలో పూర్తి చేసి మరో స్వర్ణం సాధించింది. ఈ ప్రదర్శనతో 41వ జూనియర్‌ చాంపియన్‌షిప్‌ పోటీలకు అర్హత సాధించింది.జాతీయ స్థాయిలోనూ స్వర్ణం ఇటీవల పుదుచ్చేరిలో జరిగిన జాతీయ స్థాయి అథ్లెటిక్స్‌ చాంపియన్‌షిప్‌లో అండర్‌–20 బాలికల 3000 మీటర్ల స్టీపుల్‌చేజ్‌లో స్వప్న స్వర్ణ పతకం సాధించింది. దీంతో జాతీయ స్థాయిలో తనకంటూ ప్రత్యేక గుర్తింపు తెచ్చుకుంది. తదుపరి జూనియర్‌ చాంపియన్‌షిప్‌లోనూ సత్తా చాటి.. అంతర్జాతీయ పోటీల్లో దేశానికి ప్రాతినిధ్యం వహించాలన్నది ఆమె లక్ష్యం.హనుమకొండలో బంగారు పతకం అందుకుంటున్న స్వప్నబాబాయ్‌ ప్రోత్సాహంతో.. చిన్నతనంలో బాబాయ్‌ కొడావత్‌ రవి రాంచో ప్రతి రోజూ రన్నింగ్‌కు వెళ్లడాన్ని చూసిన స్వప్నకు పరు గు పందెంపై ఆసక్తి పెరిగింది. ఆమె ప్రతిభను గు ర్తించిన రవి శిక్షణ ఇవ్వడం ప్రారంభించాడు. నాలు గో తరగతిలోనే స్పోర్ట్స్‌ స్కూల్‌లో చేరి్పంచాడు. పదో తరగతి వరకు కరీంనగర్‌ స్పోర్ట్స్‌ స్కూల్‌లో చదువుతోపాటు అథ్లెటిక్స్‌లో శిక్షణ పొందింది. అక్కడి నుంచి రాష్ట్ర, జాతీయ స్థాయికి ఎదిగింది.ఎస్‌ఏఐలో శిక్షణ స్పోర్ట్స్‌ అథారిటీ ఆఫ్‌ ఇండియా (ఎస్‌ఏఐ)లో ఎంపికైన స్వప్నకు అక్కడ శిక్షణ పొందే అవకాశం లభించింది. కోచ్‌ సుబ్బారావు మార్గదర్శకత్వంలో నిరంతరం సాధన చేస్తూ తన ప్రతిభను మెరుగుపరుచుకుంది. క్రమశిక్షణ, పట్టుదల, నిరంతర సాధనతో పలు రాష్ట్ర, జాతీయ స్థాయి పోటీల్లో పతకాలు సాధించింది.ఆటోడ్రైవర్‌ తండ్రి.. కూలీ తల్లిస్వప్న తండ్రి కొడావత్‌ మాన్య నాయక్‌ ఆటో నడుపుతూ కుటుంబాన్ని పోషిస్తున్నారు. తల్లి కొడావత్‌ నీల రోజు వారీ కూలీ పనులు చేస్తోంది. ఆర్థిక ఇబ్బందులు ఉన్నప్పటికీ కూతురిలోని క్రీడా ప్రతిభను గుర్తించిన తల్లిదండ్రులు ప్రోత్సహించారు. వారి సహకారంతో స్వప్న సాధన కొనసాగించింది.అంతర్జాతీయ వేదికే లక్ష్యం‘‘భవిష్యత్‌లో అంతర్జాతీయ పోటీల్లో భారత్‌ కు ప్రాతినిధ్యం వహించి దేశానికి మంచి పేరు తీసుకురావడమే నా లక్ష్యం’’ అని స్వప్న చెబుతోంది. కొడావత్‌ తండా నుంచి జాతీయస్థాయి వరకు సాగిన ఆమె విజయ ప్రస్థానం గ్రామీణ ప్రాంతాల యువ క్రీడాకారులకు స్ఫూర్తిగా నిలుస్తోంది.ఇదీ చదవండి: శెభాష్‌.. కానిస్టేబుల్‌ సురేంద్రకుమార్‌!

ఆసియా క్రీడల అథ్లెటిక్స్‌ విభాగంలో భారత్‌ను ఊరిస్తూ వచ్చిన స్వర్ణం ఎట్టకేలకు పోటీల ఆఖరి రోజు వచ్చింది. మహిళల 4x400 బృందం స్వర్ణంతో మెరిసి సంతోషాన్ని నింపగా... మరో నాలుగు కాంస్యాలు కూడా మన ఖాతాలో చేరాయి. తమిళనాడు అథ్లెట్‌ విత్య రామ్‌రాజ్, యూపీ అథ్లెట్‌ గుల్వీర్‌ సింగ్‌ ఈ క్రీడల్లో తమ మూడో పతకాలను గెలుచుకోవడం విశేషం. అయితే 2023 హాంగ్జౌ ఆసియా క్రీడల్లో 6 స్వర్ణాలతో మెరిసిన భారత అథ్లెటిక్స్‌ బృందం ఈసారి ఒకే ఒక గోల్డ్‌కే పరిమితం కాగా... గత 29 పతకాలతో పోలిస్తే ఈసారి కాస్త తక్కువగా 24 పతకాలతో ముగించింది. ఏషియాడ్‌లో ఏడోసారి...2026 ఏషియాడ్‌ అథ్లెటిక్స్‌లో భారత్‌ ఏకైక స్వర్ణ పతకాన్ని గెలుచుకుంది. మంగళవారం జరిగిన మహిళల 4x400 మీటర్ల రిలే పరుగులో భారత్‌ మొదటి స్థానంలో నిలిచింది. కిరణ్‌ పహల్, ఎంఆర్‌ పూవమ్మ, ప్రాచీ చౌధరీ, విత్య రామ్‌రాజ్‌ సభ్యులుగా ఉన్న మన బృందం రేసును 3 నిమిషాల 29.69 సెకన్లలో పూర్తి చేసింది. బహ్రెయిన్‌ (3 నిమిషాల 30.21 సెకన్లు) బృందం రజత పతకం సాధించగా, చైనా బృందం (3 నిమిషాల 31.02 సెకన్లు) కాంస్యం గెలుచుకుంది. మూడో లెగ్‌ ముగిసే సమయానికి భారత్‌ మూడో స్థానంలోనే ఉన్నా... చివరి లెగ్‌లో అద్భుతంగా పరుగెత్తిన విత్య జట్టును అగ్రస్థానంలో నిలిపింది. ఆసియా క్రీడల చరిత్రలో మహిళల 4x400 మీటర్ల పరుగులో భారత్‌కు ఇది ఏడో స్వర్ణం కావడం విశేషం. గతంలో 1986, 2002, 2006, 2010, 2014, 2018లలో కూడా మన జట్టు పసిడి పతకాలు నెగ్గింది. 2023లో భారత్‌కు రజతం లభించింది. 36 ఏళ్ల పూవమ్మ గతంలో రెండుసార్లు స్వర్ణాలు నెగ్గిన జట్లలో సభ్యురాలిగా ఉంది.మిక్స్‌డ్‌లో కంచు మోత... 4్ఠ100 మీటర్ల మిక్స్‌డ్‌ రిలేలో కూడా భారత్‌ కాంస్యాన్నే గెలుచుకుంది. అనిమేశ్‌ కుజుర్, గురీందర్‌వీర్‌ సింగ్, స్నేహ సత్యనారాయణ, హరిత భద్ర సభ్యులుగా ఉన్న జట్టు రేస్‌ను 41.06 సెకన్లలో ముగించి మూడో స్థానం దక్కించుకుంది. చైనా (40.78 సెకన్లు) స్వర్ణం గెలుచుకోగా, థాయ్‌లాండ్‌ (40.87 సెకన్లు) రజతం నెగ్గింది. జట్టులోని నలుగురు భారత అథ్లెట్లకు కూడా ఇదే తొలి ఆసియా పతకం.పురుషుల జట్టుకు కాంస్యం... 4x400 మీటర్ల పరుగులో మహిళల జట్టు స్వర్ణం సాధించగా, పురుషుల బృందం కాంస్యంతో ముగించింది. ధరమ్‌వీర్‌ చౌధరీ, మను తెక్కినలిల్, జై కుమార్, విశాల్‌ తెన్నరసు సభ్యులుగా ఉన్న మన జట్టు రేస్‌ను 3 నిమిషాల 01.61 సెకన్లలో పూర్తి చేసి మూడో స్థానంలో నిలిచింది. జపాన్‌ (3 నిమిషాల 00.75 సెకన్లు), ఖతర్‌ (3 నిమిషాల 00.93 సెకన్లు) స్వర్ణ, రజతాలు నెగ్గాయి. ఈ నలుగురికి కూడా ఇదే తొలి ఆసియా క్రీడల పతకం కావడం విశేషం.గుల్వీర్‌ మళ్లీ...10,000 మీటర్లు, 1500 మీటర్ల రేస్‌లలో ఇప్పటికే 2 రజతాలు నెగ్గిన గుల్వీర్‌ సింగ్‌ ఇప్పుడు కాంస్యాన్ని తన ఖాతాలో వేసుకున్నాడు. పురుషుల 5,000 మీటర్ల పరుగులో మూడో స్థానంలో నిలిచాడు. గుల్వీర్‌ ఈ పరుగును 13 నిమిషాల 32.75 సెకన్లలో పూర్తి చేయగా... బిర్హాను బాలే (బహ్రెయిన్‌–13 నిమిషాల 30.79 సెకన్లు) స్వర్ణం, తొమొనొరి యమగూచి (జపాన్‌–13 నిమిషాల 31.43 సెకన్లు) రజతాలు నెగ్గారు. మరోవైపు మరో నాలుగు ఈవెంట్‌లలో భారత అథ్లెట్లు నిరాశపరిచారు. పురుషుల పోల్‌వాల్ట్‌లో దేవ్‌కుమార్‌ మీనా (5.50 మీటర్లు) ఏడో స్థానంలో, కుల్దీప్‌ కుమార్‌ (5.35 మీటర్లు) పదో స్థానంలో నిలిచారు. మహిళల హ్యామర్‌త్రో ఫైనల్లో తాన్యా చౌధరీ (65.35 మీటర్లు), అనుష్క యాదవ్‌ (64.56 మీటర్లు) వరుసగా నాలుగు, ఐదు స్థానాలతో సరిపెట్టుకున్నారు. మహిళల 800 మీటర్ల ఫైనల్లో పూజ (2ని:06.72 సెకన్లు) ఏడో స్థానంతో సంతృప్తి పడింది. పురుషుల 800 మీటర్ల ఫైనల్లో అఫ్సల్‌ (1ని:48.27 సెకన్లు) చివరిదైన ఎనిమిదో స్థానంలో నిలిచాడు.5 ఒకే ఆసియా క్రీడల్లో అథ్లెటిక్స్‌లో మూడు లేదా అంతకంటే ఎక్కువ పతకాలు గెలిచిన ఆటగాళ్ల జాబితాలో గుల్వీర్‌ సింగ్‌ (3), విత్య రామ్‌రాజ్‌ (3) చేరారు. గతంలో పీటీ ఉష (4 పతకాలు; 1986), లేవీ పింటో (3 పతకాలు; 1951), కేఎం బీనామోల్‌ (3 పతకాలు; 2002) ఈ ఘనత సాధించారు.పూజ పైపైకి...మహిళల హైజంప్‌లో భారత్‌కు కాంస్యం లభించింది. 19 ఏళ్ల పూజా సింగ్‌ 1.84 మీటర్ల ఎత్తుకు ఎగిరి మూడో స్థానంతో కంచు పతకాన్ని అందుకుంది. తన ఐదో ప్రయత్నంలో పూజా ఈ మార్క్‌ను అందుకుంది. అయితే మరింత మెరుగైన ప్రదర్శన ఇచ్చే క్రమంలో చివరి ప్రయత్నంలో 1.87 మీటర్లను లక్ష్యంగా పెట్టుకున్నా... దానిని అందుకోవడంలో విఫలమైంది. సైఫులెవా (ఉజ్బెకిస్తాన్‌; 1.90 మీటర్లు) స్వర్ణం గెలుచుకోగా, క్రిస్టినా ఒచినికోవా (కజకిస్తాన్‌; 1.87 మీటర్లు) రజతం సాధించింది.

ఆసియా క్రీడల షూటింగ్‌లో మంగళవారం పోటీలకు పదో రోజు... ఇప్పటి వరకు ఎన్నో అంచనాలు పెట్టుకున్న టాప్‌ షూటర్లంతా విఫలం కావడంతో మన దేశానికి ఒక్క వ్యక్తిగత స్వర్ణం కూడా దక్కలేదు. కానీ పదో రోజు ఎట్టకేలకు ఆ సంబరం తీరింది. మహిళల ట్రాప్‌ ఈవెంట్‌లో నీరూ ధండా సత్తా చాటి బంగారు పతకాన్ని తన ఖాతాలో వేసుకుంది. ఆసియా క్రీడల చరిత్రలో కూడా ఈ ఈవెంట్‌లో ఇదే తొలి పసిడి పతకం కావడం విశేషం. మరోవైపు నీరూ అత్యుత్తమ ప్రదర్శన కారణంగానే టీమ్‌ ఈవెంట్‌లో కూడా భారత్‌కు రజతం లభించింది. ఈ పతకంలో నీరూకు ఆషిమా ఆహ్లావత్, మనీషా కీర్‌ తోడుగా నిలిచారు. మొత్తంగా ఇప్పటివరకు 14 పతకాలు గెలుచుకున్న మన షూటింగ్‌ బృందం మిగిలిన రెండు రోజుల్లో మరిన్ని పతకాలపై గురి పెట్టింది.నగోయా: ఆసియా క్రీడల షూటింగ్‌లో భారత్‌ ఖాతాలో తొలి వ్యక్తిగత స్వర్ణం చేరింది. మహిళల ట్రాప్‌ ఈవెంట్‌లో భారత షూటల్‌ నీరూ ధండా అగ్రస్థానంలో నిలిచి పసిడిని సొంతం చేసుకుంది. మొత్తం 30 టార్గెట్‌లలో ఆమె 28 టార్గెట్‌లను విజయవంతంగా ఛేదించగలిగింది. సున్‌ యునాంగ్‌ (చైనా; 26) రజత పతకం గెలుచుకోగా, హాజర్‌ అబ్దుల్‌ మాలిక్‌ (కువైట్‌; 21)కు కాంస్యం దక్కింది. మొత్తం ఆరు సిరీస్‌లలో రెండో, ఐదో సిరీస్‌లలో 4 చొప్పున టార్గెట్‌లను కొట్టిన నీరూ... మిగిలిన నాలుగు సిరీస్‌లలో 5 చొప్పున పూర్తి స్కోర్‌ను ఛేదించింది. ఆసియా క్రీడల పురుషుల ట్రాప్‌లో భారత్‌ తరఫున 1978లో రణ్‌దీర్‌ సింగ్, 2010లో రంజన్‌ సోధి స్వర్ణాలు గెలిచారు. నీరూ ప్రదర్శన ఆమెకు వ్యక్తిగత స్వర్ణాన్ని అందించడంతో పాటు భారత జట్టు రజతం గెలవడంలో కూడా కీలకపాత్ర పోషించింది. మహిళల ట్రాప్‌ టీమ్‌ ఈవెంట్‌లో నీరూ, ఆషిమా, మనీషా సభ్యులుగా ఉన్న జట్టు రెండో స్థానంలో నిలిచింది. క్వాలిఫయింగ్‌లో నీరూ 118 పాయింట్లతో అగ్రస్థానంలో నిలవగా... ఆషిమా 106 పాయింట్లతో 16వ స్థానంతో, మనీషా 104 పాయింట్లతో 23వ స్థానంతో ముగించారు. అయితే ఈ ముగ్గురు కలిసి సాధించిన మొత్తం 328 పాయింట్లతో భారత్‌కు రజతం దక్కింది. చైనా (346 పాయింట్లు) స్వర్ణం సాధించగా, కువైట్‌ (325 పాయింట్లు)కు కాంస్యం లభించింది.అనారోగ్యం నుంచి ఆసియా పతకం వరకు..రెండు నెలల క్రితమే షూటింగ్‌ ప్రపంచకప్‌లో నీరూ ధండా స్వర్ణం గెలిచింది. ట్రాప్‌లో ఈ ఘనత సాధించిన తొలి భారత షూటర్‌గా నిలవడంతోనే ఆమెపై అంచనాలు పెరిగాయి. అయితే ఆ తర్వాత అనూహ్యంగా పరిస్థితి మారిపోయింది. ఆసియా క్రీడల కోసం జపాన్‌ చేరడానికి పది రోజుల ముందు నీరూ తీవ్ర అనారోగ్యంతో బాధపడింది. తీవ్రమైన జ్వరంతో హెచ్‌1ఎన్‌1 వ్యాధి లక్షణాలతో ఆమె భోపాల్‌ ఆస్పత్రిలో చికిత్స పొందుతూ ఐదు రోజుల పాటు ఏమీ తినలేకపోయింది. అసలు ఆసియా క్రీడలకు వెళతానా లేదా అనే సందేహాలు వచ్చాయి.దాదాపు నాలుగు వారాలు పూర్తిగా శిక్షణకు దూరమైంది. అయితే ఇలాంటి స్థితిలో కోచ్‌ మన్షేర్‌ సింగ్‌ నీరూను ఎంతో ప్రోత్సహించాడు. నువ్వు లక్ష్యం నుంచి దృష్టి మరల్చవద్దు అంటూ స్ఫూర్తిని నింపే ప్రయత్నం చేశాడు. దాంతో అన్నీ వెనక్కి తోసి ఆమె శక్తిని కూడదీసుకుంది. హరియాణాలోని జింద్‌ జిల్లాలో పుట్టినా ... కుటుంబం మధ్యప్రదేశ్‌లోని శివపురికి వలస వెళ్లడంతో నీరూ అక్కడే పెరిగింది. ఆమె కెరీర్‌ కూడా మధ్యప్రదేశ్‌లోనే మొదలైంది. 2018 ఆసియా క్రీడల్లో ట్రాప్‌లో రజతం సాధించిన ఆమె కజిన్‌ లక్షయ్‌ షెరాన్‌ ప్రేరణతో నీరూ పూర్తి స్థాయిలో ఆటపై దృష్టి పెట్టింది. లక్షయ్‌ తండ్రి ఇచ్చిన గన్‌తోనే ఆమె ప్రాక్టీస్‌ మొదలు పెట్టింది. ఆ తర్వాత 2019లో భోపాల్‌కు చేరి మధ్యప్రదేశ్‌ స్టేట్‌ షూటింగ్‌ అకాడమీలో శిక్షణతో తన ఆటకు మెరుగులు దిద్దుకుంటూ నీరూ దూసుకుపోయింది. రైతు అయిన తండ్రి షూటింగ్‌లాంటి ఖరీదైన క్రీడకు అండగా నిలిచే పరిస్థితి లేకపోయింది. ఇలాంటి స్థితిలో ప్రభుత్వం అందించిన గన్, ఇతర ఎక్విప్‌మెంట్‌తోనే ఆమె సాధన చేయగలిగింది. ప్రస్తుతం ఆర్మీలో ఆమె నాయబ్‌ సుబేదార్‌గా పని చేస్తోంది. ‘ఈ విజయం సరిహద్దులోని సైనికులకు అంకితం. వారితో పోలిస్తే నా ఘనత గొప్పదేమీ కాదు. అందరి లక్ష్యం కూడా ఒలింపిక్‌ పతకమే. అయితే ఈ విజయాలు వాటి వైపు సాగేందుకు పునాదిరాళ్లుగా ఉపకరిస్తాయి’ అని నీరూ వ్యాఖ్యానించింది.‘ట్రాప్‌’ అంటే...సామాన్యుల భాషలో చెప్పాలంటే ‘ట్రాప్‌’ ఈవెంట్‌ సరిగ్గా పక్షులను వేటాడటంలాంటిదే! ఇప్పుడు షూటింగ్‌ ఈవెంట్‌లో కూడా లక్ష్యాలను బర్డ్స్‌ లేదా పీజియాన్స్‌ అనే పిలుస్తారు. పాత కాలంలో పంజరాల నుంచి పక్షులను విడిచి పెట్టగానే తుపాకీతో వాటిని వేటాడేవారు. ఇప్పుడు మెకానికల్‌ పద్ధతిలో లక్ష్యాలను నిర్దేశిస్తారు. ట్రాప్‌ హౌస్‌లో నిలిచి ఉండే షూటర్‌ సిద్ధం కాగానే... డిస్క్‌ ఆకారంలో ఉండే మట్టితో తయారు చేసిన ఒక ‘బర్డ్‌’ దూసుకొస్తుంది. దీనిని షూటర్‌ కొట్టాల్సి ఉంటుంది. ప్రస్తుత పోటీల్లో ఐదేసి టార్గెట్‌ల చొప్పున ఆరు సిరీస్‌లు (మొత్తం 6్ఠ5 = 30 పాయింట్లు) ఉంటాయి. ‘డబుల్‌ ట్రాప్‌’లో ఒకేసారి రెండు బర్డ్స్‌లను కొట్టాల్సి ఉంటుంది. ట్రాప్, డబుల్‌ ట్రాప్, స్కీట్‌లను ‘షాట్‌గన్‌’ ఈవెంట్లుగా వ్యవహరిస్తారు. ప్రస్తుతం ఒలింపిక్స్‌లో ట్రాప్, స్కీట్‌ మాత్రమే ఉన్నాయి. 2020 టోక్యో ఒలింపిక్స్‌ నుంచే డబుల్‌ ట్రాప్‌ను తప్పించారు. భారత ఆటగాడు రాజ్యవర్ధన్‌ సింగ్‌ రాథోడ్‌ 2004 ఏథెన్స్‌ ఒలింపిక్స్‌లో డబుల్‌ ట్రాప్‌లోనే రజతం గెలిచాడు.

ఆసియా క్రీడలు-2026లో భారత అథ్లెట్ల జోరు కొనసాగుతోంది. ఐచీ నగోయా వేదికగా భారత మహిళల రిలే జట్టు అద్భుత ప్రదర్శనతో ఆకట్టుకుంది. కిరణ్‌ పహల్‌, మచెట్టిర పూవమ్మ, ప్రాచీ, విద్య రామ్‌రాజ్‌లతో కూడిన జట్టు 4*400 మీటర్ల రిలేలో స్వర్ణ పతకం సాధించింది.మంగళవారం నాటి పోటీలో 3:29.69 నిమిషాల వ్యవధిలో భారత మహిళలు ఈవెంట్‌ను పూర్తి చేసి అగ్రస్థానంలో నిలిచారు. బహ్రెయిన్‌ అథ్లెట్లు 3:30.21, చైనా బృందం 3:31.02 సెకన్ల వ్యవధిలో పరుగు పూర్తి చేసి వరుసగా రజత, కాంస్య పతకాలు అందుకున్నారు. ఇదిలా ఉంటే.. రిలే మహిళల స్వర్ణంతో తాజా ఏషియన్‌ గేమ్స్‌లో భారత్‌ పసిడి పతకాల సంఖ్య ఆరుకు చేరింది.హాఫ్‌ సెంచరీ దాటేశాముమరోవైపు.. 4*400 మీటర్ల రిలే ఫైనల్స్‌లో భారత పురుషుల జట్టు కాంస్యంతో సరిపెట్టుకుంది. ఈ క్రమంలో తాజా ఆసియా క్రీడల్లో భారత్‌ మొత్తం పతకాల సంఖ్య ఇప్పటికి 52 (6 స్వర్ణాలు, 21 రజతాలు, 25 కాంస్యాలు)కి చేరింది.విద్య రామ్‌రాజ్‌కు మూడో పతకంవిద్యా రామ్‌రాజ్‌ ఇప్పటికే మిక్స్‌డ్‌ 4*400 మీటర్ల రిలేలో వెండి, 400 మీటర్ల హార్డిల్స్‌లో కాంస్య పతకాలు గెలిచింది. తాజాగా మహిళల 4*400 రిలేలో ఏకంగా స్వర్ణం సాధించింది. ఇప్పటి వరకు భారత్‌ ఖాతాలో ఆరు పసిడి పతకాలు👉మహిళల క్రికెట్‌ జట్టు👉పురుషుల కబడ్డీ జట్టు👉మహిళల కబడ్డీ జట్టు👉నీరూ ధండా- షూటింగ్‌ (ట్రాప్‌ వుమెన్‌ సింగిల్‌)👉10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌- షూటింగ్‌👉4*400 మీటర్ల రిలే (మహిళలు)చదవండి: చరిత్ర సృష్టించిన గుల్వీర్‌

అంచనాలను అందుకుంటూ ఆసియా క్రీడల్లో భారత అథ్లెట్లు అదరగొడుతున్నారు. పసిడి పతకం ఇంకా గెలవకపోయినా మన అథ్లెట్లు రజత, కాంస్యాలతో మెరిపిస్తున్నారు. ఎనిమిదో రోజు ఆదివారం భారత్‌ ఖాతాలో మొత్తం ఏడు పతకాలు చేరగా... అందులో ఐదు అథ్లెటిక్స్‌లోనే వచ్చాయి. మహిళల లాంగ్‌జంప్‌లో అన్సీ సోజన్‌ ఎడిపిల్లి... పురుషుల హైజంప్‌లో సర్వేశ్‌ కుశారే రజత పతకాలు గెలిచారు. పది క్రీడాంశాల సమాహారమైన డెకాథ్లాన్‌లో తేజస్విన్‌ శంకర్‌... మహిళల 200 మీటర్ల స్ప్రింట్‌ రేసులో హరిత భద్ర... మహిళల 3000 మీటర్ల స్టీపుల్‌ఛేజ్‌లో పారుల్‌ చౌధరీ కాంస్య పతకాలు సొంతం చేసుకున్నారు. స్క్వాష్‌లో అనాహత్‌ సింగ్, అభయ్‌ సింగ్‌ పసిడి పోరులో ఓటమి పాలై రజత పతకాలతో తమ అత్యుత్తమ ప్రదర్శన ఇచ్చారు. బాక్సింగ్‌లో మూడు పతకాలు ఖాయం కాగా... ఆర్చరీలో భారత కాంపౌండ్‌ టీమ్‌ విభాగంలో పురుషుల, మహిళల జట్లు సెమీఫైనల్‌కు చేరుకొని పతకం బరిలో నిలిచారు. బ్యాడ్మింటన్‌ వ్యక్తిగత విభాగంలో భారత్‌ షట్లర్లు ఈసారి రిక్తహస్తాలతో తిరిగిరానున్నారు. సెమీఫైనల్‌ చేరితే నాలుగు పతకాలు ఖాయమయ్యే పరిస్థితిలో భారత షట్లర్లందరూ క్వార్టర్‌ ఫైనల్లోనే వెనుదిరిగారు. నగోయా: పసిడి అందకపోయినా పతకాల వేటలో భారత అథ్లెట్లు దూసుకుపోతున్నారు. ఆసియా క్రీడల ఎనిమిదో రోజు భారత్‌కు త్రుటిలో రెండు స్వర్ణాలు చేజారిపోయాయి. మహిళల లాంగ్‌జంప్‌లో ఆఖరి ప్రయత్నంలో చైనా అథ్లెట్‌ దెబ్బకొట్టగా... పురుషుల హైజంప్‌లో కౌంట్‌బ్యాక్‌లో బంగారు పతకాలు దూరమయ్యాయి. మహిళల లాంగ్‌జంప్‌లో కేరళకు చెందిన 26 ఏళ్ల అన్సీ సోజన్‌ వరుసగా రెండో ఆసియా క్రీడల్లో రజత పతకంతో సంతృప్తి పడింది. 2023 హాంగ్జౌ ఆసియా క్రీడల్లోనూ అన్సీ రెండో స్థానంలో నిలిచింది. ఈసారి ఆసియా క్రీడల్లో స్వర్ణమే లక్ష్యంగా కామన్వెల్త్‌ గేమ్స్‌కు కూడా దూరమైన అన్సీ కేవలం రెండు సెంటీమీటర్ల వ్యత్యాసంతో పసిడి పతకాన్ని కోల్పోయింది. అన్సీ 6.53 మీటర్ల దూరం గెంతగా... చైనా ప్లేయర్‌ అమ్మాయి యింగ్‌యింగ్‌ హువాంగ్‌ 6.55 మీటర్లతో స్వర్ణాన్ని ఎగురేసుకపోయింది. ఐదో ప్రయత్నంలో అన్సీ 6.53 మీటర్ల దూరం గెంతి అగ్రస్థానంలో ఉండగా... యింగ్‌యింగ్‌ చివరిదైన ఆరో ప్రయత్నంలో 6.55 మీటర్ల దూరం గెంతి విజేతగా నిలిచింది. మెంగీ టాన్‌ (చైనా; 6.46 మీటర్లు) కాంస్యం దక్కించుకోగా... మరో భారత లాంగ్‌జంపర్‌ శైలి సింగ్‌ 6.42 మీటర్లతో నాలుగో స్థానంలో నిలిచింది. 56 ఏళ్ల నిరీక్షణకు తెర...గత జూలైలో జరిగిన గ్లాస్గో కామన్వెల్‌ గేమ్స్‌లో రజతం గెల్చుకున్న సర్వేశ్‌ కుశారే అదే ప్రదర్శనను ఆసియా క్రీడల్లో పునరావృతం చేశాడు. తద్వారా 1970 తర్వాత ఆసియా క్రీడల పురుషుల హైజంప్‌లో భారత్‌కు పతకాన్ని అందించిన అథ్లెట్‌గా 31 ఏళ్ల సర్వేశ్‌ గుర్తింపు పొందాడు. స్వర్ణ పతకం సాధించిన ఫు చావో సువాన్‌ (చైనీస్‌ తైపీ), రజతం గెలిచిన సర్వేశ్‌ 2.25 మీటర్ల ఎత్తుకు ఎగిరారు. తదుపరి 2.28 మీటర్ల మార్క్‌ను దాటేందుకు ప్రయత్నించి ఇద్దరూ నిర్ణీత మూడు ప్రయత్నాల్లోనూ విఫలమయ్యారు. దాంతో నిబంధనల ప్రకారం 2.25 మీటర్ల ఎత్తును తొలి ప్రయత్నంలోనే దాటిన ఫు చావో సువాన్‌కు స్వర్ణం ఖరారైంది.తొలి ప్రయత్నంలో విఫలమై, రెండో ప్రయత్నంలో 2.25 మీటర్ల ఎత్తును దాటిన సర్వేశ్‌కు రజతం దక్కింది. సాంగ్‌హైక్‌ వూ (దక్షిణ కొరియా; 2.22 మీటర్లు) కాంస్య పతకం అందుకున్నాడు. 1970 బ్యాంకాక్‌ ఆసియా క్రీడల హైజంప్‌లో భీమ్‌ సింగ్‌ భారత్‌కు కాంస్యం రూపంలో చివరిసారి పతకం గెలుచుకోగా... 56 ఏళ్ల నిరీక్షణకు తెరదించుతూ సర్వేశ్‌ మళ్లీ హైజంప్‌లో భారత్‌కు రజతం రూపంలో పతకాన్ని అందించాడు.హరిత.. అరంగేట్రంలోనే...అంతర్జాతీయస్థాయిలో భారత్‌కు ప్రాతినిధ్యం వహించిన తొలి ప్రయత్నంలోనే స్ప్రింటర్‌ హరిత భద్ర పతకంతో మెరిసింది. మహిళల 200 మీటర్ల ఫైనల్‌ రేసును హరిత 23.20 సెకన్లలో పూర్తి చేసి మూడో స్థానంలో నిలిచి కాంస్య పతకాన్ని సాధించింది. మహారాష్ట్రకు చెందిన హరిత గత ఏడాది లండన్‌లోని లాఫ్‌బరా యూనివర్సిటీ నుంచి బీఎస్సీ స్పోర్ట్స్‌ సైన్స్‌లో గ్రాడ్యుయేషన్‌ పూర్తిచేసి అథ్లెటిక్స్‌ కెరీర్‌పై పూర్తి దృష్టి కేంద్రీకరించింది. ఈ ఏడాది ఇంటర్‌స్టేట్‌ చాంపియన్‌షిప్‌లో 23.14 సెకన్లతో స్వర్ణం గెలిచిన హరిత ఆసియా క్రీడలకు అర్హత సాధించింది. అదే జోరును ఆసియా క్రీడల్లోనూ కొనసాగించి తన మెడలో కాంస్య పతకాన్ని వేసుకుంది. ఒకవైపు అథ్లెటిక్స్‌లో కొనసాగుతూ మరోవైపు సొంతంగా నగలను డిజైన్‌ చేసి ఆన్‌లైన్‌లో విక్రయించే హరిత స్పెయిన్‌ టెన్నిస్‌ స్టార్‌ రాఫెల్‌ నాదల్‌ను ఆదర్శంగా తీసుకుంటానని తెలిపింది. తేజస్విన్‌ శంకర్‌ కొత్త చరిత్ర ఆసియా క్రీడల డెకాథ్లాన్‌ ఈవెంట్‌లో రెండుసార్లు పతకాలు గెలిచిన తొలి భారతీయ డెకాథ్లెట్‌గా తేజస్విన్‌ శంకర్‌ రికార్డు నెలకొల్పాడు. 2023 హాంగ్జౌ ఆసియా క్రీడల్లో రజతం నెగ్గిన తేజస్విన్‌ ఈసారి కాంస్య పతకం అందుకున్నాడు. పది క్రీడాంశాల (100 మీటర్లు, లాంగ్‌జంప్, షాట్‌పుట్, హైజంప్, 400 మీటర్లు, 110 మీటర్ల హర్డిల్స్, డిస్కస్‌ త్రో, పోల్‌వాల్ట్, జావెలిన్‌ త్రో, 1500 మీటర్లు) సమాహారమైన డెకాథ్లాన్‌లో తేజస్విన్‌ 7934 పాయింట్లు స్కోరు చేసి మూడో స్థానంలో నిలిచాడు. యుమా మారుయామ (జపాన్‌; 8123 పాయింట్లు) స్వర్ణం, జింగ్‌హువా చెన్‌ (చైనా; 8012 పాయింట్లు) రజతం సాధించారు. భారత్‌కే చెందిన తౌఫీక్‌ నౌషాద్‌ ఐదు ఈవెంట్స్‌ తర్వాత వైదొలిగాడు. గతంలో భారత్‌ తరఫున ఆసియా క్రీడల డెకాథ్లాన్‌లో ఖుర్షీద్‌ అహ్మద్‌ (1951; కాంస్యం), రోనీ ఒబ్రెయిన్‌ (1954; కాంస్యం), గుర్‌బచన్‌సింగ్‌ రణ్‌ధావా (1962; స్వర్ణం), ఎంజీ శెట్టి (1970; రజతం), సురేశ్‌ బాబు (1974; కాంస్యం) ఒక్కోసారి పతకం గెలిచారు.పారుల్‌... ఈసారి కాంస్యం... ఆసియా క్రీడల్లో 2010లో ప్రవేశపెట్టిన మహిళల 3000 మీటర్ల స్టీపుల్‌ఛేజ్‌లో వరుసగా ఐదోసారి భారత్‌ ఖాతాలో పతకం చేరింది. 2023 హాంగ్జౌ ఆసియా క్రీడల్లో రజత పతకంతో మెరిసిన పారుల్‌ చౌధరీ ఈసారి కాంస్య పతకాన్ని సొంతం చేసుకుంది. పారుల్‌ 9 నిమిషాల 08.67 సెకన్లతో తన అత్యుత్తమ వ్యక్తిగత ప్రదర్శన నమోదు చేసి మూడో స్థానంలో నిలిచింది. 2010 గేమ్స్‌ 3000 మీటర్ల స్టీపుల్‌ఛేజ్‌లో సుధా సింగ్‌ స్వర్ణం, 2014 గేమ్స్‌లో లలిత కాంస్యం... 2018 గేమ్స్‌లో సుధా సింగ్‌ రజతం గెలిచారు. మరోవైపు మహిళల 100 మీటర్ల హర్డిల్స్‌ ఫైనల్లో భారత అథ్లెట్‌ నందిని ఆరో స్థానంలో నిలువగా... పురుషుల లాంగ్‌జంప్‌లో శ్రీశంకర్‌ మురళీ, డేవిడ్‌ సాల్మన్‌ ఫైనల్‌కు అర్హత సాధించారు. మహిళల 400 మీటర్ల హర్డిల్స్‌లో విత్య రామరాజ్, అను రాఘవన్‌... పురుషుల 400 మీటర్ల హర్డిల్స్‌లో తమిళ్‌రాసన్‌ సంతోష్‌ కుమార్‌ కూడా ఫైనల్లోకి ప్రవేశించారు. అనాహత్, అభయ్‌లకు రజతాలునగోయా: ఆసియా క్రీడల్లో స్వర్ణ పతకాలు సాధించి లాస్‌ ఏంజెలిస్‌ ఒలింపిక్స్‌కు నేరుగా అర్హత సాధించాలని ఆశించిన భారత స్క్వాష్‌ స్టార్స్‌ అనాహత్‌ సింగ్, అభయ్‌ సింగ్‌లకు నిరాశ ఎదురైంది. ఆదివారం జరిగిన సింగిల్స్‌ ఫైనల్స్‌లో అనాహత్, అభయ్‌ ఓడిపోయి రజత పతకాలు గెల్చుకున్నారు. మహిళల సింగిల్స్‌ ఫైనల్లో డిఫెండింగ్‌ చాంపియన్, ప్రపంచ ఐదో ర్యాంకర్‌ శివసంగరి సుబ్రమణియం (మలేసియా) 11–4, 11–4, 11–7తో అనాహత్‌ను ఓడించి స్వర్ణం సొంతం చేసుకుంది. లాస్‌ ఏంజెలిస్‌ ఒలింపిక్స్‌కు అర్హత సాధించింది. పురుషుల సింగిల్స్‌ ఫైనల్లో డిఫెండింగ్‌ చాంపియన్‌ ఎన్జీ ఇయాన్‌ యో (మలేసియా) 11–9, 11–5, 11–5తో అభయ్‌పై గెలిచి పసిడి పతకంతోపాటు లాస్‌ ఏంజెలిస్‌ ఒలింపిక్స్‌ బెర్త్‌ దక్కించుకున్నాడు.

ఆసియా క్రీడల్లో జపాన్‌కు చెందిన 11 ఏళ్ల యుకీ కురిహారా సంచలనం ఆసియా క్రీడల్లో జపాన్‌కు చెందిన 11 ఏళ్ల యుకీ కురిహారా సంచలనం సృష్టించాడు. ఈ ఈవెంట్‌లో పాల్గొంటున్న అతి పిన్న వయస్కుడైన అతను ఇ స్పోర్ట్స్‌లో స్వర్ణ పతకం గెలుచుకున్నాడు. ఇ స్పోర్ట్స్‌లో భాగంగా ఉన్న ‘పుయో పుయో చాంపియన్స్‌’ ఈవెంట్‌లో అతను ఈ పసిడిని సొంతం చేసుకున్నాడు. ఫైనల్లో కురిహారా 10–2తో తనరక్‌ వాంగ్‌ (థాయిలాండ్‌)ను ఓడించాడు. పుయో పుయో చాంపియన్స్‌ ఒక రకమైన పజిల్‌ వీడియో గేమ్‌. ప్లే స్టేషన్‌ 4పై దీనిని ఆడవచ్చు. ప్రాధమిక పాఠశాలలో చదువుతున్న కురిహారా ఫైనల్లో ఓడించిన ప్రత్యర్థి వయసు 28 ఏళ్లు. దాంతో ఈ గెలుపు తర్వాత అతను కనీసం నవ్వలేదు కూడా! తన విజయాన్ని కూడా ఆస్వాదించలేకపోతున్నానని, దాదాపు మూడు రెట్లు ఎక్కువ వయసు ఉన్న వ్యక్తిపై గెలవడం తనకూ బాగా ఇబ్బందికరంగా ఉందని కురిహారా వ్యాఖ్యానించాడు. అయితే పతకం, దాంతో పాటు జ్ఞాపికగా ఇచ్చిన బొమ్మ చాలా బాగున్నాయని అతను సంతోషం ప్రకటించాడు. ‘పుయో పుయో’లో ఈ ఏడాది ఏప్రిల్‌లో ప్రొఫెషనల్‌ లైసెన్స్‌ అందుకున్న కురిహారా అప్పటినుంచే తనకంటే వయసులో ఎంతో పెద్దవాళ్లయిన ప్రత్యర్థులను వరుసగా ఓడిస్తూ వస్తున్నాడు. చదువును, ఆటలను సమన్వయం చేసుకోవడం చాలా కష్టంగా ఉందని ఈ జపాన్‌ అబ్బాయి చెప్పాడు.

ఆసియా గేమ్స్‌లో భార‌త్ ఖాతాలో మరో స్వ‌ర్ణం వ‌చ్చి చేరింది. ఇప్ప‌టికే మ‌హిళ‌ల క‌బ‌డ్డీ జ‌ట్టు స్వ‌ర్ణంతో మెర‌వ‌గా, తాజాగా డిఫెండింగ్ చాంపియ‌న్ భార‌త‌ పురుషుల క‌బ‌డ్డీ జ‌ట్టు కూడా ప‌సిడి ప‌త‌కం గెలుచుకుంది. శ‌నివారం జ‌రిగిన ఫైన‌ల్లో భార‌త్ 40-34 తేడాతో ఇరాన్‌ను చిత్తు చేసి స్వ‌ర్ణం ఒడిసిప‌ట్టింది. తొలి హాఫ్‌లో భార‌త్‌కు ఇరాన్ గ‌ట్టి పోటీనిచ్చింది. ఒక ద‌శ‌లో 18-17తో స‌మానంగా నిలిచాయి. అయితే రెండో సగంలో భార‌త రైడ‌ర్లు విజృంభించి వ‌రుస టాకిల్ పాయింట్లతో భార‌త్ ఆధిక్యాన్ని అంత‌కంతకూ పెంచుకుంటూ పోయారు. ఆట‌ చివ‌రి నిమిషాల్లో కాస్త హైడ్రామా నెల‌కొంది. చివ‌ర్లో ఇరాన్ మ‌రో 5 పాయింట్లు సాధించి ఆధిక్యాన్ని త‌గ్గించ‌గ‌లిగిందే కానీ భార‌త్ చేతిలో ఓట‌మి త‌ప్పించుకోలేక‌పోయింది. పురుషుల క‌బ‌డ్డీలో ఆసియా గేమ్స్‌లో భార‌త్ చాంపియ‌న్స్‌గా నిల‌వ‌డం ఇది వ‌రుస‌గా తొమ్మిదో సారి కావ‌డం విశేషం. 1990 నుంచి వ‌రుస‌గా 9 సార్లు భార‌త పురుషుల క‌బడ్డీ జ‌ట్టు స్వ‌ర్ణ ప‌త‌కాలు గెలుస్తూ వ‌స్తోంది. ఆసియా గేమ్స్‌లో భారత్‌కు ఇది నాలుగో స్వర్ణం కాగా, ఇప్పటివరకు 4 స్వర్ణాలు, 11 రజతాలు, 13 కాంస్యాలు కలిపి మొత్తం 28 పతకాలు సాధించింది. పతకాల పట్టికలో భారత్‌ ప్రస్తుతం పదో స్థానంలో కొనసాగుతోంది. అంతకముందు మహిళల కబడ్డీ జట్టు కూడా స్వర్ణం సాధించిన సంగతి తెలిసిందే. హోరాహోరీగా సాగిన ఫైనల్లో భారత్ 37-34 తేడాతో ఇరాన్‌ను చిత్తు చేసింది.INDIA BEATS IRAN TWICE IN KABADDI FINALS AT ASIAN GAMES 2026! 🤩🔥- Indian Men’s Team win the Gold 🥇- Indian Women’s Team win the Gold 🥇BOTH TEAM SUCCESSFULLY DEFENDS TITLE! pic.twitter.com/l2O4aO4rqb— The Khel India (@TheKhelIndia) September 26, 2026 INDIAN MEN KABADDI AT ASIAN GAMES!1990 🥇1994 🥇1998 🥇2002🥇2006🥇2010 🥇2014 🥇2018 🥉2022 🥇2026 🥇INDIA ARE NOW 9 TIMES CHAMPIONS! 🏆 pic.twitter.com/zBFc99cMUl— The Khel India (@TheKhelIndia) September 26, 2026 India are Asian Games Kabaddi champions! 🇮🇳Indian men's Kabaddi team beats Iran 40-34 in a thriller to win record-extending ninth gold medal at Asian Games.2nd Gold of the day after Indian Women team hit the Golden glory 🫡🙌 pic.twitter.com/undO5ttwsJ— Megh Updates 🚨™ (@MeghUpdates) September 26, 2026ఇదీ చదవండి: కబడ్డీ బాటలోనే హాకీ జట్లు.. డబుల్‌ స్వర్ణాలపై గురి!

ఆసియా క్రీడల్లో భారీ సంఖ్యలో పతకాలు వస్తాయని ఆశించిన షూటింగ్‌లో ఒక్కో రోజు గడుస్తున్నకొద్దీ నిరాశ పెరుగుతూ వచ్చింది. అంచనాలు పెట్టుకున్న స్టార్లంతా విఫలం కావడంతో గత క్రీడల 22 పతకాలకు దరిదాపుల్లోకి కూడా వచ్చే పరిస్థితి కనిపించలేదు. ఎట్టకేలకు రజత, కాంస్యాలు దక్కినా... పసిడి మాత్రం దూరంగా ఉండిపోయింది. కానీ శుక్రవారం భారత్‌కు ఆ లోటు తీరింది. సురుచి సింగ్‌–కమల్‌జీత్‌ జోడీ షూటింగ్‌లో స్వర్ణ పతకాన్ని అందించి ఊరటనిచ్చింది. దీనికి తోడు మరో రజతం కూడా షూటర్ల ఖాతాలో చేరింది. మరోవైపు అథ్లెటిక్స్‌లో లాంగ్‌డిస్టెన్స్‌ రన్నర్‌ గుల్వీర్‌ సింగ్‌ తనపై ఉన్న నమ్మకాన్ని నిలబెట్టుకుంటూ 10 వేల మీటర్ల విభాగంలో వెండి పతకంతో మెరిశాడు. మహిళా పోల్‌వాల్టర్‌ బరానికా ఇలంగోవన్, షాట్‌పుటర్‌ మన్‌ప్రీత్‌ కౌర్‌ కూడా కాంస్యాలు అందించారు. టేబుల్‌ టెన్నిస్‌ మిక్స్‌డ్‌ డబుల్స్‌ విభాగంలో మనుశ్‌ షా–దియా చిటాలె ద్వయం కాంస్యం గెలవడంతో ఆసియా క్రీడల ఆరో రోజును భారత్‌ ఆరు పతకాలతో ముగించింది. నగోయా: ఆసియా క్రీడల్లో భారత్‌ రెండో స్వర్ణ పతకాన్ని సొంతం చేసుకుంది. ఇప్పటి వరకు మహిళల టి20 క్రికెట్‌లో ఏకైక పసిడి దక్కగా, ఇప్పుడు షూటింగ్‌ ఆ జాబితాలో చేరింది. 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ ఈవెంట్‌లో భారత్‌కు చెందిన సురుచి సింగ్‌–కమల్‌జీత్‌ ద్వయం స్వర్ణం గెలుచుకుంది. ఫైనల్లో భారత జంట మొత్తంగా 484.6 పాయింట్లు సాధించి అగ్రస్థానంలో నిలిచింది. సురుచి 245.7 పాయింట్లు స్కోర్‌ చేయగా, కమల్‌జీత్‌ 238.9 పాయింట్లు నమోదు చేశాడు. క్వాలిఫయింగ్‌లో తొలి స్థానంతో ఫైనల్స్‌కు అర్హత సాధించిన భారత జంట చివరి వరకు అదే జోరును కనబర్చడంలో సఫలమైంది. దక్షిణ కొరియా (478.0 పాయింట్లు) రజతం సాధించగా, ఇరాన్‌ (415.8)కు కాంస్యం దక్కింది. ఆధిక్యం కోల్పోయి... షూటింగ్‌లో భారత్‌ మరో స్వర్ణం గెలుచుకునే ప్రయత్నంలో హోరాహోరీగా తలపడినా... చివరకు రెండో స్థానానికే పరిమితమైంది. పురుషుల 50 మీటర్ల రైఫిల్‌ త్రీ పొజిషన్‌ టీమ్‌ ఈవెంట్‌లో భారత్‌కు రజతం లభించింది. మన త్రయం ఐశ్వర్య ప్రతాప్‌ సింగ్‌ తోమర్, రుద్రాంక్ష్ పాటిల్, నీరజ్‌ కుమార్‌ ఓవరాల్‌గా 1762 పాయింట్లు సాధించారు. వీటిలో ఐశ్వర్య ప్రతాప్‌ 589, నీరజ్‌ 588, రుద్రాంక్ష్ 585 పాయింట్లు స్కోర్‌ చేశారు. చైనా (1766 పాయింట్లు) స్వర్ణం గెలుచుకోగా, దక్షిణ కొరియాకు (1751 పాయింట్లు) కాంస్యం లభించింది. ఒకదశలో ఇక్కడి ప్రదర్శనను బట్టే వ్యక్తిగత విభాగంలో ఫైనల్స్‌కు కూడా షూటర్లు అర్హత సాధిస్తారు. దాంతో మూడో స్థానంతో ఐశ్వర్య ప్రతాప్, నాలుగో స్థానంతో నీరజ్‌ ఫైనల్‌ చేరారు. 9వ స్థానంతో నిలిచిన రుద్రాంక్ష్ ముందంజ వేయడంలో విఫలమయ్యాడు. అయితే వ్యక్తిగత ఫైనల్లో భారత షూటర్లు నిరాశపర్చారు. క్వాలిఫయింగ్‌లో ప్రదర్శనను పునరావృతం చేయలేక నీరజ్‌ 8వ స్థానంలో, ఐశ్వర్య ప్రతాప్‌ ఐదో స్థానంలో నిలిచి నిష్క్రమించారు. కమల్‌ కా కమాల్‌... కమల్‌జీత్‌ విజయం కూడా సరిగ్గా ఇదే తరహాలో రెండు ఓటముల తర్వాతే వచ్చింది. 10 మీటర్ల ఎయిర్‌ పిస్టల్‌ వ్యక్తిగత విభాగంలో 9వ స్థానంతో ఫైనల్‌ అవకాశాలు చేజారగా, టీమ్‌ ఈవెంట్‌లో జట్టు నాలుగో స్థానానికి పరిమితమైంది. తొలిసారి పాల్గొన్న ఆసియా క్రీడల్లో పతకం లేకుండానే నిష్క్రమిస్తానని భయపడ్డానని, అయితే తన ఆటకు తోడు అదృష్టం కూడా కలిసొచ్చిందని కమల్‌జీత్‌ చెప్పాడు. నిజానికి మిక్స్‌డ్‌ ఈవెంట్‌లో సురుచితో పాటు కేదార్లింగ్‌ బరిలోకి దిగాల్సి ఉంది. కానీ చివరి నిమిషంలో అతడిని తప్పించి కమల్‌జీత్‌కు కోచ్‌ సమరేశ్‌ జంగ్‌ అవకాశం ఇచ్చాడు. దాంతో తనను తాను కచ్చితంగా నిరూపించుకోవాల్సిన స్థితిలో అతను నిలిచాడు.హరియాణాలోని రేవారికి చెందిన 23 ఏళ్ల కమల్‌జీత్‌ మెరుగ్గానే ఆరంభించినా... చివరికొచ్చేసరికి కాస్త తడబడ్డాడు. అయితే సురుచి స్కోరు కారణంగా ఇద్దరికీ స్వర్ణం దక్కింది. ఏడేళ్ల క్రితం షూటింగ్‌ మొదలు పెట్టిన కమల్‌జీత్‌ 2023లో భారత జట్టులో అవకాశం దక్కించుకున్నాడు. అదే ఏడాది తాను ప్రయాణిస్తున్న ఆటోకు ప్రమాదం జరగడంతో కాలుకు తీవ్ర గాయమైన అతను కోలుకునేందుకు చాలా సమయం పట్టింది. ఇటీవలే ఆర్మీలో హవల్దార్‌గా చేరిన అతను ఇప్పుడు పసిడి పతకంతో వెనుదిరుగుతున్నాడు. స్వర్ణం ‘సురుచి’కరం... 10 మీటర్ల ఎయిర్‌ పిస్టల్‌ వ్యక్తిగత విభాగంలో 26వ స్థానం... టీమ్‌ విభాగంలో త్రుటిలో పతకం చేజారి నాలుగో స్థానంతో సరి... ఈ ఆసియా క్రీడల్లో రెండు వైఫల్యాల తర్వాత శుక్రవారం తీవ్ర ఒత్తిడి మధ్య సురుచి బరిలోకి దిగింది. 20 ఏళ్ల వయసులో ఆమె ఖాతాలో ఇప్పటికే వరల్డ్‌ చాంపియన్‌షి ప్‌ రజతం, వరల్డ్‌ కప్‌ ఫైనల్‌ స్వర్ణం, 5 వరల్డ్‌ కప్‌ స్వర్ణాలు, గత ఏడాదే వరల్డ్‌ నంబర్‌వన్‌ ర్యాంక్‌లాంటివి ఉన్నాయి. ఇలాంటి రికార్డు కారణంగా భారీ అంచనాలతో బరిలోకి దిగిన సురుచి రెండు ఈవెంట్ల వైఫల్యంతో భారత షూటింగ్‌ మేనేజ్‌మెంట్‌ నుంచి కూడా విమర్శలు ఎదుర్కొంది. కానీ ఇప్పుడు తన ప్రదర్శనతోనే ఆమె వాటికి సమాధానం ఇచ్చింది. ఈ క్రీడల షూటింగ్‌లో భారత్‌కు తొలి స్వర్ణం అందించిన ప్లేయర్‌గా సురుచి నిలిచింది. క్వాలిఫికేషన్‌లో 295 పాయింట్ల లక్ష్యంతో బరిలోకి దిగిన 296 పాయింట్లు స్కోర్‌ చేసిన ఆమె... ఫైనల్లో 246 పాయింట్ల లక్ష్యంతో గురి పెట్టి అతి చేరువగా 245.7 పాయింట్లు సాధించగలిగింది. అయితే స్వర్ణం గెలుచుకోవడానికి ఇది సరిపోయింది. హరియాణాలోని ఝఝర్‌ జిల్లాకు చెందిన సురుచి తన ప్రదర్శనపై సంతోషం వ్యక్తం చేసింది. ‘ఎలాగైనా స్వర్ణమే సాధించాలని బరిలోకి దిగాను. నా ప్రదర్శన పట్ల చాలా ఆనందంగా ఉన్నా. గత రెండు వైఫల్యాలను నా మనసులోంచి చెరిపేసి కొత్తగా మొదలు పెట్టా. నీకు మరో అవకాశం ఉందంటూ కోచ్‌లు స్ఫూర్తి నింపే ప్రయత్నం చేశారు. ఇప్పుడు ఆ ఫలితం కనిపించింది’ అని సురుచి వ్యాఖ్యానించింది. కాంస్యం నుంచి రజతానికి...భారత లాంగ్‌ డిస్టెన్స్‌ రన్నర్‌ గుల్వీర్‌ సింగ్‌ గత ఆసియా క్రీడల్లో కాంస్యం గెలిచాడు. ఈసారి అంతకంటే మెరుగైన ప్రదర్శనతో అతను రజతాన్ని తన ఖాతాలో వేసుకోవడం విశేషం. గత రెండేళ్లుగా అద్భుతమైన ఫామ్‌లో ఉన్న గుల్వీర్‌ అంచనాలను అందుకోవడంలో సఫలమయ్యాడు. 10 వేల మీటర్ల పరుగును గుల్వీర్‌ 28 నిమిషాల 28.38 సెకన్లలో పూర్తి చేసి రెండో స్థానంలో నిలిచాడు. బిర్హాను బలెవ్‌ (బహ్రెయిన్‌; 28 నిమిషాల 27.51 సెకన్లు) స్వర్ణ పతకం సాధించగా, ఆల్బర్టో కిప్టో (బహ్రెయిన్‌; 28 నిమిషాల 34.18 సెకన్లు)కు కాంస్యం దక్కింది. ఇటీవల జరిగిన కామన్వెల్త్‌ క్రీడల్లో కూడా గుల్వీర్‌ 10 వేల మీటర్ల పరుగులో రజతం, 5 వేల మీటర్ల పరుగులో కాంస్యం అందుకున్నాడు. ఆర్మీలో నాయబ్‌ సుబేదార్‌గా పని చేస్తున్న గుల్వీర్‌ పేరిటే ఈ రెండు ఈవెంట్లలో జాతీయ రికార్డులు ఉన్నాయి. 5 వేల మీటర్ల పరుగును 13 నిమిషాల్లోపు పూర్తి చేసిన తొలి భారత అథ్లెట్‌గా అతను గుర్తింపు పొందాడు. 36 ఏళ్ల వయసులో... రెండు దశాబ్దాల క్రితం ఆసియా జూనియర్‌ చాంపియన్‌షి ప్‌తో అంతర్జాతీయ కెరీర్‌ మొదలు... కానీ షాట్‌పుటర్‌ మన్‌ప్రీత్‌ కౌర్‌కు విజయాల పరంగా ఎలాంటి గుర్తింపూ రాలేదు. ప్రతిష్టాత్మక కామన్వెల్త్‌ క్రీడల్లో మూడుసార్లు పాల్గొంటే 9వ, 7వ, 4వ స్థానాలు మాత్రమే దక్కాయి. గత ఆసియా క్రీడల్లో 5వ స్థానం లభిస్తే ఒలింపిక్స్‌లో 23వ స్థానం మాత్రమే! పైగా డోపింగ్‌ వివాదంతో నాలుగేళ్లపాటు నిషేధం కూడా ఎదుర్కొంది. కానీ పట్టువదలకుండా పోరాడిన ఆమె ఇప్పుడు ఆసియా క్రీడల్లో కాంస్యంతో మెరిసింది. శుక్రవారం జరిగిన మహిళల షాట్‌పుట్‌ ఫైనల్స్‌లో ఇనుప గుండును 17.17 మీటర్లు విసిరి మన్‌ప్రీత్‌ మూడో స్థానంలో నిలిచింది. సంగ్‌ జియాయున్‌ (చైనా; 19.40 మీటర్లు) పసిడి పతకాన్ని అందుకోగా, జాంగ్‌ లిన్రు (చైనా; 18.14 మీటర్లు) రజత పతకం సాధించింది. జాతీయ ఇంటర్‌ స్టేట్‌ అథ్లెటిక్స్‌ చాంపియన్‌షి ప్‌లో ఆసియా క్రీడల అర్హత మార్క్‌ను అందుకొని ఈ పోటీలకు వచ్చిన మన్‌ప్రీత్‌ తన అత్యుత్తమ ప్రదర్శనతో పతకం సాధించి సగర్వంగా నిలిచింది. బార్బరా వెబ్‌స్టర్‌ (1951), కిరణ్‌ బలియాన్‌ (2023) తర్వాత ఆసియా క్రీడల మహిళల షాట్‌పుట్‌లో పతకం నెగ్గిన భారత అథ్లెట్‌గా ఆమె నిలిచింది. బరానిక కొత్త చరిత్రభారత అథ్లెటిక్స్‌ చరిత్రలో శుక్రవారం కొత్త ఘనత నమోదైంది. ఆసియా క్రీడల చరిత్రలో పురుషుల, మహిళల విభాగాల్లో ఒక్కసారి కూడా పతకం లభించని పోల్‌వాల్ట్‌లో ఈసారి భారత క్రీడాకారిణి పోడియంపై నిలిచింది. తమిళనాడుకు చెందిన 29 ఏళ్ల బరానిక ఇలంగోవన్‌ ఈ ఘనత సాధించిన అథ్లెట్‌గా తన పేరును లిఖించుకుంది. మహిళల పోల్‌వాల్ట్‌ ఈవెంట్‌లో 4.15 మీటర్ల ఎత్తుకు ఎగిరిన బరానిక కాంస్యం సొంతం చేసుకుంది. కజకిస్తాన్‌కు చెందిన పొలీనా ఇవనోవా కూడా 4.15 మీటర్లు ఎగిరి భారత అథ్లెట్‌తో సమంగా నిలిచింది. ఇద్దరూ కూడా సరిగ్గా 4.25 మీటర్ల ప్రయత్నంలోనే విఫలమయ్యారు. దాంతో ఇద్దరికీ కాంస్యాన్ని ప్రకటించారు. ఈ ఈవెంట్‌లో మిసాకి మొరోటా (జపాన్‌; 4.55 మీటర్లు) స్వర్ణాన్ని అందుకోగా, చుంగే నియు (చైనా; 4.50 మీటర్లు) రజతం గెలుచుకుంది. ఈ ఏడాది జాతీయ ఇండోర్‌ ఓపెన్‌ ఈవెంట్‌లో బరానిక 4.23 మీటర్లతో తన అత్యుత్తమ ప్రదర్శనను నమోదు చేసింది. దీనిని అధిగమించలేకపోయినా... పతకం మాత్రం గెలుచుకోవడంలో ఆమె సఫలమైంది. ఆరేళ్ల క్రితం ఏసీఎల్‌ గాయంతో చాలా కాలం ఆటకు దూరమై కెరీర్‌ ప్రమాదంలో పడినా... 2023లో రిలయన్స్‌ హైపర్ఫార్మెన్స్‌ సెంటర్‌లో చేరడం ఆమెకు కొత్త ఊపిరి పోసింది. గత మూడేళ్ల కఠోర సాధన తర్వాత ఇప్పుడు ఏషియాడ్‌లో పతకం నెగ్గిన తొలి భారతీయురాలిగా బరానిక సగర్వంగా నిలిచింది. ‘మిక్స్‌డ్‌ డబుల్స్‌’ టీటీలో మనుశ్‌–దియాలకు కాంస్యంగత ఆసియా క్రీడల్లో ఏకైక పతకం అందించిన టేబుల్‌ టెన్నిస్‌ (టీటీ)లో శుక్రవారం తొలి పతకం చేరింది. మిక్స్‌డ్‌ డబుల్స్‌లో భారత జోడీ మనుశ్‌ షా–దియా చిటాలె సెమీఫైనల్లో ఓడి కాంస్యంతో ముగించింది. సెమీఫైనల్లో భారత జంట 8–11, 5–11, 8–11, 2–11తో చైనాకు చెందిన వాంగ్‌చుక్‌–సున్‌ యింగ్‌షా జోడీ చేతిలో ఓటమి పాలైంది. అంతకుముందు క్వార్టర్‌ ఫైనల్లో మనుశ్‌–దియా 11–6, 13–15, 11–9, 11–5తో ప్రపంచ నాలుగో ర్యాంక్‌ హాంకాంగ్‌ జోడీ వాంగ్‌ టున్‌ టింగ్‌–డూ హోయ్‌ కిమ్‌పై సంచలన విజయంతో సెమీఫైనల్‌కు చేరి పతకాన్ని ఖాయం చేసుకున్నారు.స్క్వాష్ లో 3 పతకాలు ఖాయంఆసియా క్రీడల స్క్వాష్ లో భారత్‌కు మూడు పతకాలు ఖాయమయ్యాయి. మహిళల సింగిల్స్‌లో అనాహత్‌ సింగ్, పురుషుల సింగిల్స్‌లో అభయ్‌ సింగ్, మిక్స్‌డ్‌ డబుల్స్‌లో జోష్నా చినప్ప–సెంథిల్‌ కుమార్‌ జోడీ సెమీఫైనల్‌కు చేరుకొని కనీసం కాంస్య పతకాలను ఖరారు చేసుకున్నారు. రికార్డు స్థాయిలో ఏడోసారి ఆసియా క్రీడల్లో పాల్గొంటున్న జోష్న ఇప్పటికే ఐదు పతకాలు సాధించింది. 2018 ఆసియా క్రీడల్లో మహిళల సింగిల్స్‌లో కాంస్యం నెగ్గిన జోషా్న... 2014, 2018 క్రీడల్లో టీమ్‌ విభాగాల్లో రజత పతకాలు గెలుచుకుంది. 2010, 2023లో టీమ్‌ విభాగంలో కాంస్యాలు దక్కించుకుంది. శుక్రవారం మిక్స్‌డ్‌ డబుల్స్‌ క్వార్టర్‌ ఫైనల్లో జోషా్న–సెంథిల్‌ జోడీ 11–3, 11–5తో డేవిడ్‌ పెలినో–జెమికా అరిబాడో (ఫిలిప్పీన్స్‌) ద్వయంపై గెలుపొందింది. మహిళల సింగిల్స్‌ క్వార్టర్స్‌లో అనాహత్‌ 11–2, 11–5, 11–3తో భారత్‌కే చెందిన తన్వీ ఖన్నాపై గెలిచింది. పురుషుల సింగిల్స్‌ క్వార్టర్‌ ఫైనల్లో అభయ్‌ 11–4, 11–3, 11–6తో ర్యోనోసుకె సుకువే (జపాన్‌)పై గెలిచాడు. మరో క్వార్టర్స్‌ మ్యాచ్‌లో వీర్‌ చోత్రాని 11–6, 8–11, 3–11, 3–11తో ఇర్ఫాన్‌ (పాకిస్తాన్‌) చేతిలో పరాజయం పాలయ్యాడు.

జపాన్‌ వేదికగా జరుగుతున్న ఆసియా క్రీడలు 2026లో భారత్‌ రెండో పసిడి పతకాన్ని తన ఖాతాలో వేసుకుంది. 6 వరోజు భారత షూటర్లు సంచలన ప్రదర్శన కనబరిచారు. శుక్రవారం జరిగిన 10 మీటర్ల ఎయిర్ పిస్టల్ మిక్స్‌డ్ టీమ్‌ ఫైనల్‌లో కమల్‌జీత్ - సురుచి సింగ్ జోడీ అగ్రస్థానంలో నిలిచి బంగారు పతకాన్ని కైవసం చేసుకుంది. ఫైనల్ పోరు ఆరంభం నుంచే కమల్‌జీత్ - సురుచి జోడీ ప్ర‌త్య‌ర్ధుల‌కు చుక్క‌లు చూపించింది. మొత్తంగా ఈ భారత ద్వ‌యం 484.6 పాయింట్ల‌తో గోల్డ్‌మెడ‌ల్‌ను సొంతం చేసుకుంది. కమల్‌జీత్ - సురుచి జోడీ భార‌త్‌కు పసిడి పతకాన్ని అందించడమే కాకుండా 10 మీటర్ల ఎయిర్ పిస్టల్ మిక్స్‌డ్ టీమ్ విభాగంలో స‌రికొత్త రికార్డును నెల‌కొల్పారు. ఈ విభాగం ఫైనల్‌లో అత్య‌ధిక పాయింట్లు సాధించిన ఏషియ‌న్ జంట‌గా వారు నిలిచారు. ఇంత‌కుముందు ఈ రికార్డు ఉజ్బెకిస్థాన్‌కు చెందిన ముహమ్మద్ కమాలోవ్ - నిగినా సైద్‌కులోవా(481.3 పాయింట్లు) పేరిట ఉండేది. తాజా ప్ర‌ద‌ర్శ‌న‌తో వారిని కమల్‌జీత్ - సురుచి అధిగ‌మించారు.మరోవైపు పురుషుల 50 మీటర్ల రైఫిల్‌ 3 పొజిషన్స్‌ టీమ్‌ ఈవెంట్‌లో ఐశ్వరీ ప్రతాప్‌ సింగ్‌ తోమర్‌, నీరజ్‌ కుమార్‌, రుద్రాంక్ష్‌ పాటిల్‌ త్రయం రజత పతకాన్ని సొంతం చేసుకుంది. దీంతో భారత్‌ పతకాల సంఖ్య 19కు చేరింది.చదవండి: Asian Games: 'అంతా మోసం.. నా నుంచి గోల్డ్ మెడల్ లాగేసుకున్నారు'

అంచనా తప్పలేదు. ఊహించిన ఫలితమే వచ్చింది. ఆసియా క్రీడల్లో మూడో రోజు భారత్‌ స్వర్ణ పతక బోణీ చేసింది. మహిళల క్రికెట్‌లో భారత జట్టు తమ ఆధిపత్యాన్ని మరోసారి చూపిస్తూ ఆసియా క్రీడల్లో పసిడి పతకంతో మురిపించింది. పది రోజుల వ్యవధిలో శ్రీలంకను మళ్లీ చిత్తు చేసిన హర్మన్‌ప్రీత్‌ కౌర్‌ బృందం వరుసగా రెండోసారి ఏషియాడ్‌ బంగారాన్ని తమ ఖాతాలో వేసుకుంది. ఇతర క్రీడాంశాల్లో మన బృందానికి మంగళవారం మిశ్రమ ఫలితాలు లభించాయి. టీమ్‌ విభాగంలో పురుషుల బ్యాడ్మింటన్‌ జట్టు సెమీఫైనల్‌ చేరడంతో పతకం ఖాయం కాగా, మహిళల టీమ్‌ నిరాశపరుస్తూ నిష్క్రమించింది. మహిళల వుషులో కూడా రోషిబీనా దేవి సెమీఫైనల్‌ చేరి మరో పతకాన్ని ఖాయం చేసింది. అయితే తొలి రెండు రోజుల్లో పతకాలపై గురి పెట్టిన భారత షూటర్లకు మూడో రోజు కలిసి రాలేదు. 10 మీటర్ల ఎయిర్‌ రైఫిల్‌ మిక్స్‌డ్‌ టీమ్‌ విభాగంలో ఇలవేనిల్‌–పార్థ్‌ జోడీ నాలుగో స్థానంతో ముగించి పతకం చేజార్చుకుంది. భారత పురుషుల హాకీ జట్టు మరో ఘనమైన ప్రదర్శనతో జట్టు ముందంజ వేయగా... టేబుల్‌ టెన్నిస్‌లో భారత మహిళల జట్టు క్వార్టర్‌ ఫైనల్లో నిష్క్రమించి పతకానికి దూరమైంది. ఈ ఆసియా క్రీడల్లో బరిలో ఉన్న ఏకైక భారత మహిళా జిమ్నాస్ట్‌ ప్రణతి నాయక్‌ వాల్ట్‌ ఈవెంట్‌ ఫైనల్లోకి ప్రవేశించి పతకం రేసులో నిలిచింది.నిషిన్‌: భారత మహిళల క్రికెట్‌ జట్టు తమ స్థాయికి తగ్గ ప్రదర్శనతో చెలరేగి ఆసియా క్రీడల్లో దేశానికి తొలి స్వర్ణాన్ని అందించింది. 2023 హాంగ్జూ ఆసియా క్రీడల్లో పసిడి పతకాన్ని గెలుచుకున్న హర్మన్‌ప్రీత్‌ బృందం ఇప్పుడు దానిని నిలబెట్టుకోవడం విశేషం. ఏకపక్షంగా సాగిన ఫైనల్లో భారత్‌ 147 పరుగుల తేడాతో శ్రీలంకపై ఘన విజయం సాధించింది. శ్రీలంక జట్టుకు రజత పతకం లభించగా... బంగ్లాదేశ్‌పై 31 పరుగుల తేడాతో గెలిచి పాకిస్తాన్‌ కాంస్య పతకాన్ని సంపాదించింది. శ్రీలంకతో తుది పోరులో టాస్‌ గెలిచి ముందుగా బ్యాటింగ్‌కు దిగిన భారత్‌ 20 ఓవర్లలో 3 వికెట్ల నష్టానికి 216 పరుగులు చేసింది. స్మృతి మంధాన (45 బంతుల్లో 79; 5 ఫోర్లు, 7 సిక్స్‌లు) సిక్సర్లతో చెలరేగి అర్ధ సెంచరీ సాధించింది. రిచా ఘోష్‌ (22 బంతుల్లో 49 నాటౌట్‌; 6 ఫోర్లు, 3 సిక్స్‌లు), షఫాలీ వర్మ (29 బంతుల్లో 48; 3 ఫోర్లు, 3 సిక్స్‌లు) మెరుపు బ్యాటింగ్‌ ప్రదర్శన కనబర్చారు. తొలి వికెట్‌కు స్మృతి, షఫాలీ 60 బంతుల్లోనే 99 పరుగులు జోడించి శుభారంభం అందించగా, చివర్లో రిచా దూకుడు జట్టుకు భారీ స్కోరును అందించింది. అనంతరం శ్రీలంక 15.4 ఓవర్లలో 69 పరుగులకే కుప్పకూలింది. కెప్టెన్‌ చమరి అటపట్టు (21 బంతుల్లో 29; 5 ఫోర్లు) ఫర్వాలేదనిపించగా, మిగతా వారంతా విఫలమయ్యారు. భారత బౌలర్లలో దీప్తి శర్మ 6 పరుగులే ఇచ్చి 3 వికెట్లు పడగొట్టగా... షఫాలీ వర్మ, శ్రేయాంక పాటిల్, శ్రీచరణి తలా 2 వికెట్లు తీశారు. ఆంధ్రప్రదేశ్‌కు చెందిన లెఫ్టార్మ్‌ స్పిన్నర్‌ నల్లపురెడ్డి శ్రీచరణి ఆసియా క్రీడల్లో ఆడిన 3 మ్యాచ్‌లలో కేవలం 3.75 సగటుతో 8 వికెట్లు పడగొట్టడం విశేషం. మొత్తం 66 బంతులు బౌలింగ్‌ చేసిన ఆమె 30 పరుగులే ఇచ్చింది.147 అంతర్జాతీయ టి20ల్లో భారత్‌కు ఇదే అతి పెద్ద విజయం. 2018 ఆసియా కప్‌లో భారత్‌ 142 పరుగుల తేడాతో మలేసియాను చిత్తు చేసింది. 13 భారత ఒక మ్యాచ్‌లో కొట్టిన అత్యధిక సిక్స్‌లు.సెమీస్‌లో బంగ్లాదేశ్‌పై భారత్‌ 12 సిక్స్‌లు కొట్టింది.8 అంతర్జాతీయ టి20ల్లో భారత్‌ వరుసగా గెలిచిన మ్యాచ్‌లు. ఆసియా క్రీడలకు ముందు ఆసియా కప్‌లో భారత్‌ వరుసగా 5 నెగ్గింది.110 ఈ ఏడాది భారత్‌ కొట్టిన సిక్సర్ల సంఖ్య. ఒక సంవత్సరం టి20ల్లో 100కు పైగా సిక్స్‌లు కొట్టిన తొలి జట్టుగా భారత్‌ నిలిచింది.ఆసియా క్రీడల్లో పసిడి గెలుచుకోవడం చాలా సంతోషంగా ఉంది. మెగా ఈవెంట్‌లో స్వర్ణంతో మేం బోణీ చేశాం. ఇక మరిన్ని బంగారు పతకాలు వస్తాయని ఆశిస్తున్నాం. మా ఆట పూర్తయినా ఇతర క్రీడల్లో భారత్‌ ప్రదర్శనను చూస్తూనే ఉంటాం. స్వర్ణ పతకాన్ని నిలబెట్టుకోవాలనే పట్టుదలతో ఇక్కడ బరిలోకి దిగాం. భారత జెండా ఎగిరి జాతీయ గీతం వినపడాలని కోరుకున్నాం. జపాన్‌లో పిచ్‌లు, పరిస్థితులు ఎలా ఉంటాయో తెలీదు కాబట్టి మానసికంగా అన్నింటికీ సిద్ధపడే వచ్చాం. అయితే మొత్తంగా ఇక్కడి సౌకర్యాలు సంతృప్తిని కలిగించాయి. పిచ్‌ అటు బౌలింగ్‌కు, ఇటు బ్యాటింగ్‌కు కూడా సమానంగా అనుకూలించింది. మా ప్లేయర్లు ఎవరూ గాయపడకపోవడం సానుకూలాంశం. ఒక క్రికెటర్‌గా ప్రపంచ కప్, ద్వైపాక్షిక సిరీస్‌లు ఆడుతూనే ఉంటాం. కానీ ఆసియా క్రీడలు, కామన్వెల్త్‌ క్రీడలు, ఒలింపిక్స్‌లలో ఆడాలని అందరూ కోరుకుంటారు. వరుసగా రెండుసార్లు ఏషియాడ్‌లో ఆడే అవకాశం రావడం అదృష్టం. ట్రోఫీలు గెలిస్తే అవి బీసీసీఐ కార్యాలయానికి వెళతాయి. ఇప్పుడు ఈ రెండు ఏషియాడ్‌ పతకాలను మేం మా ఇంట్లో వేలాడదీసుకోవచ్చు. – హర్మన్‌ప్రీత్‌ కౌర్, భారత కెప్టెన్‌

ఆసియా గేమ్స్‌లో మ‌హిళ‌ల క్రికెట్ విభాగంలో ఫైన‌ల్లో శ్రీలంకను మ‌ట్టిక‌రిపించిన భార‌త్ స్వ‌ర్ణం కైవ‌సం చేసుకుంది. సెమీస్‌లో బంగ్లాదేశ్‌లో అజేయ సెంచ‌రీతో మెరిసిన ష‌ఫాలీ.. ఫైన‌ల్లోనూ 48 ప‌రుగుల‌తో ఆక‌ట్టుకుంది. ఇక క్వార్ట‌ర్స్‌లోనూ 40 ప‌రుగుల సుడిగాలి ఇన్నింగ్స్‌తో అల‌రించిన ష‌ఫాలీ తాజాగా ఐసీసీ మ‌హిళ‌ల‌ టీ20 ర్యాంకింగ్స్‌లోనూ ర‌ఫ్పాడించింది. బ్యాటింగ్ విభాగంలో రెండు స్థానాలు ఎగబాకిన ష‌ఫాలీ వ‌ర్మ నాలుగో స్థానంలో నిలిచింది. ఇక ఓపెన‌ర్ స్మృతి మంధాన ఒక స్థానం దిగ‌జారి ఆరో స్థానంలో నిలవ‌గా, హ‌ర్మ‌న్‌ప్రీత్ కౌర్ ప‌దో స్థానాన్ని నిల‌బెట్టుకుంది. బౌలింగ్ విభాగంలో శ్రీచ‌ర‌ణి, దీప్తి శ‌ర్మ‌లు తొలి రెండు స్థానాల‌ను నిల‌బెట్టుకున్నారు. మిగ‌తా ప్లేయ‌ర్ల విష‌యానికొస్తే.. క్రాంతి గౌడ్ 15 స్థానాలు ఎగబాకి 57వ స్థానంలో నిల‌వ‌గా, నంద‌నీ శ‌ర్మ 22 స్థానాలు ఎగ‌బాకి 72వ స్థానంలో నిలిచింది.మ్యాచ్ విష‌యానికొస్తే.. మంగళవారం జరిగిన ఫైనల్లో శ్రీలంకను 147 పరుగుల తేడాతో చిత్తు చేసిన భారత్‌.. వరుసగా రెండో సారి బంగారు పతకాన్ని కైవసం చేసుకుంది. తుది పోరులో తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 3 వికెట్ల నష్టానికి 216 పరుగుల భారీ స్కోర్‌ సాధించింది. స్మృతి మంధాన (79), రిచా ఘోష్ (49 నాటౌట్‌) రాణించాడు. అనంతరం భారీ లక్ష్య చేధనలో శ్రీలంక 69 పరుగులకే కుప్పకూలింది. ఇక కాంస్య ప‌త‌క పోరులో బంగ్లాదేశ్‌పై పాకిస్తాన్ విజ‌యం సాధించింది.ఇదీ చదవండి: శ్రీలంకతో తొలి వన్డే.. రూట్ ప్రపంచ రికార్డు

ఆసియా క్రీడ‌ల్లో స్వ‌ర్ణంతో మెరిసిన భార‌త మ‌హిళ‌ల క్రికెట్ జ‌ట్టును వైఎస్సార్‌సీపీ అధ్య‌క్షుడు వైఎస్ జ‌గ‌న్‌మోహ‌న్ రెడ్డి 'ఎక్స్' వేదిక‌గా అభినందించారు. ఈ మేర‌కు వైఎస్ జ‌గ‌న్ స్పందిస్తూ.. ‘‘ఆసియా గేమ్స్-2026 లో స్వర్ణ పతకం సాధించిన భారత మహిళల క్రికెట్ జట్టుకు నా హృదయపూర్వక అభినందనలు. టోర్నమెంట్ అంతటా జట్టు కనబరిచిన అద్భుతమైన ప్రదర్శన యావత్ దేశానికి గర్వకారణం. ఈ అద్భుత విజయానికి కెప్టెన్ హర్మన్‌ప్రీత్ కౌర్‌కు, జట్టులోని ప్రతి క్రీడాకారిణికి అభినందనలు. జట్టు విజయంలో ఆంధ్ర‌ప్ర‌దేశ్‌కు చెందిన శ్రీ చరణి పోషించిన పాత్రను గుర్తించడం నాకు ఎంతో ఆనందాన్ని కలిగిస్తోంది. ఆమె విజయ ప్రస్థానం మన రాష్ట్రంలోని యువతులకు ఎంతగానో స్ఫూర్తినిస్తుందని నమ్ముతున్నాను.’’ అని చెప్పుకొచ్చారు.మహిళల క్రికెట్‌ పోటీల విజేతగా భారత్‌ నిలిచింది. మంగళవారం జరిగిన ఫైనల్లో శ్రీలంకను 147 పరుగుల తేడాతో చిత్తు చేసిన భారత్‌.. వరుసగా రెండో సారి బంగారు పతకాన్ని కైవసం చేసుకుంది. తుది పోరులో తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 3 వికెట్ల నష్టానికి 216 పరుగుల భారీ స్కోర్‌ సాధించింది. స్మృతి మంధాన (79), రిచా ఘోష్ (49 నాటౌట్‌) రాణించారు. అనంతరం భారీ లక్ష్య చేధనలో శ్రీలంక 69 పరుగులకే కుప్పకూలింది. దీప్తి శర్మ 3 వికెట్లు తీయగా, శ్రీచరణి, శ్రేయాంక, షఫాలీ వర్మ తలా రెండు వికెట్లు పడగొట్టారు. My heartiest congratulations to the Indian women’s cricket team on winning the gold medal at the #AsianGames2026. The team’s dominant performance throughout has made the entire nation proud. Congratulations to captain Harmanpreet Kaur and every player of the team for this… pic.twitter.com/FSjiOZjNs7— YS Jagan Mohan Reddy (@ysjagan) September 22, 2026ఇదీ చదవండి: వరుస విజయాలు.. దుమ్ములేపుతున్న భారత హాకీ జట్లు

నిషిన్‌: ఆసియా క్రీడల్లో తొలి రెండు రోజులు రజత, కాంస్యాలకే పరిమితమైన భారత్‌కు మంగళవారం తొలి స్వర్ణం గెలుచుకునే చాన్స్‌ ఉంది. మహిళల క్రికెట్‌లో స్వర్ణపతకం కోసం జరిగే ఫైనల్‌ పోరులో నేడు శ్రీలంకతో భారత్‌ తలపడనుంది. గత ఆసియా క్రీడల ఫైనల్లోనూ శ్రీలంకనే ఓడించి హర్మన్‌ప్రీత్‌ కౌర్‌ బృందం పసిడి పతకాన్ని సొంతం చేసుకుంది. ఇటీవల ఫామ్‌ ప్రకారం చూస్తే టీమిండియాదే పైచేయిగా కనిపిస్తోంది. ఇటీవలే ఆసియా కప్‌ ఫైనల్లో కూడా లంకను చిత్తు చేసి విజేతగా నిలిచిన భారత్‌... అదే ప్రదర్శనను పునరావృతం చేయాలని పట్టుదలగా ఉంది. ఆసియా క్రీడల్లో రెండు టీమ్‌లూ ప్రత్యర్థులపై అలవోక విజయాలతో ఫైనల్‌కు చేరాయి. ఓపెనర్లుగా చెలరేగుతున్న షఫాలీ వర్మ, స్మృతి మంధానలను నిలువరించడం లంకకు సాధ్యం కాకపోవచ్చు. మిడిలార్డర్‌లో హర్మన్‌ తదితరులు కొంత తడబడుతున్నా... రిచా ఘోష్‌ దూకుడు భారత్‌కు సానుకూలాంశం. బౌలింగ్‌లో శ్రీచరణి ఒంటి చేత్తో మ్యాచ్‌లను గెలిపిస్తోంది. క్రాంతి, నందని, దీప్తి శర్మ కూడా బ్యాటర్లపై ఆధిపత్యం ప్రదర్శించగలరు. మరోవైపు లంక ఆశలన్నీ కెపె్టన్‌ చమరి అటపట్టుపైనే ఉన్నాయి. ఆమె బాగా ఆడితేనే జట్టుకు విజయావకాశాలు ఉన్నాయి. పాక్‌తో జరిగిన సెమీఫైనల్లో ఆడిన తరహాలోనే ఆమె నుంచి జట్టు మరో మంచి ప్రదర్శనను ఆశిస్తోంది. హర్షిత, కవీషా దిల్హారీ, సుగంధిక ఇతర కీలక ప్లేయర్లు. భారత్‌తో ఆడిన గత 7 మ్యాచ్‌లలోనూ శ్రీలంక ఓడింది. అయితే ఈ మ్యాచ్‌కు కూడా వర్షం అంతరాయం కలిగించే అవకాశం ఉంది. అదే జరిగి మ్యాచ్‌ రద్దయితే మాత్రం మెరుగైన సీడింగ్‌ ఉన్న జట్టు (భారత్‌) విజేతగా ఖరారవుతుంది.

ఆసియా క్రీడల్లో తొలి స్వర్ణ పతకం ఆతిథ్య జపాన్‌కే లభించింది. మూడు క్రీడాంశాల సమాహారమైన పురుషుల ట్రయాథ్లాన్‌ (స్విమ్మింగ్, సైక్లింగ్, రన్నింగ్‌)లో జపాన్‌ ట్రయాథ్లెట్‌ టకుమి హోజో పసిడి పతకం సాధించాడు. టకుమి హోజో (750 మీటర్లు స్విమ్మింగ్, 20 కిలోమీటర్ల సైక్లింగ్, 5 కిలోమీటర్ల రన్నింగ్‌) మూడు ఈవెంట్స్‌ను 52 నిమిషాల 56 సెకన్లలో ముగించి విజేతగా నిలిచాడు. బంగారు పతకం సాధించిన టకుమి హోజో 2028 లాస్‌ ఏంజెలిస్‌ ఒలింపిక్స్‌ బెర్త్‌ను కూడా సంపాదించాడు. జిరుయ్‌ జాంగ్‌ (చైనా; 53ని:05 సెకన్లు) రజతం, అర్లాన్‌ (కజకిస్తాన్‌; 53ని:11 సెకన్లు) కాంస్యం సాధించారు.

తల్లిదండ్రుల కష్టాన్ని అర్థం చేసుకుంటూపెరిగిన పిల్లలు భవిష్యత్తును బంగారంగా మార్చుకుంటున్నారు అనడానికి బి. నిఖిత ఉదాహరణగా నిలుస్తుంది. తెలంగాణలోని సంగారెడ్డి జిల్లా అమీన్‌పూర్‌ మండలంలోని గండిగూడెం గ్రామవాసి అయిన నిఖిత ఇటీవల ఎమ్మెస్సీ కెమిస్ట్రీలో ఐదు బంగారు పతకాలు సాధించింది. ‘ఆటోడ్రైవర్‌ కూతురు బంగారం’ అంటూ అందరి ప్రశంసలు పొందింది. ఈ సందర్భంగా నిఖిత చెప్పిన విషయాలు ఈ తరం వారికి స్ఫూర్తిగా నిలుస్తున్నాయి.‘‘మేం చదువుకోలేదు. పొద్దున నుంచి రాత్రి దాకా ఆటో నడుపుకొని కష్టంగా బతుకుతున్నాం. మీరు మాలాగ ఉండకూడదు... అంటుంటారు మా నాన్న. నాన్న ఒక్కడి సంపాదనతోనే ఇంట్లో ఐదుగురం బతకాలి. నాన్నకు కష్టం రాకుండా చదువులో ముందంజలో ఉంటూ, మమ్మల్ని మేం తీర్చుదిద్దుకునే మార్గాన్ని అన్వేషిస్తున్నాం’’ అంటూ చెప్పిన నిఖితకు తమ్ముడు, చెల్లెలు ఉన్నారు. ఇద్దరూ డిగ్రీ స్థాయిలో చదువుకుంటున్నారు. తల్లి చంద్రకళ గృహిణి. లక్ష్యం వైపు... ‘‘మా నాన్న మాతో ‘బిడ్డా మనకు ఆస్తులేవీ లేవు. చదువు ఒక్కటే మీరు సంపాదించుకోవాల్సిన ఆస్తి’ అంటుంటారు. ఆ మాటలే మమ్మల్ని మరింత ముందుకు నడిపించాయి. చిన్నప్పటి నుంచి అమ్మనాన్నలు పడుతున్న కష్టాన్ని చూసి పెరిగినవాళ్లం. వారి కలలను నెరవేర్చడంతోపాటు మా లక్ష్యానికి చేరువకావాలని తపన పడుతున్నాం. ఈ నెలలో ఉస్మానియా యూనివర్శిటీలో జరిగిన స్నాతకోత్సవంలో ఎమ్మెస్సీ కెమిస్ట్రీలో ఐదు బంగారు పతకాలు వచ్చినప్పుడు ‘నా కష్టానికి తగిన ప్రతిఫలం లభించింది బిడ్డా’ అని నాన్న చాలా సంతోషించారు.పోటీని ఎదుర్కొంటూ... ‘ఈ సౌకర్యాలు ఉంటే ఇంకా సాధించేదాన్ని’ వంటి ఆలోచనలు ఎప్పుడూ పెట్టుకోను. ఏ రంగంలోనైనా ఎదగాలంటే అందుకు తగిన శ్రమ, అవగాహన ప్రధానంగా దోహదం చేస్తాయి. సమయం అందరికీ ఒకే విధంగా ఉంటుంది. కానీ, ఉపయోగించుకొని, అవకాశాలుగా మలుచుకునే నేర్పును అలవర్చుకోవడం కొందరే చేయగలరు. నా ప్రయత్నాలకు మా ప్రొఫెసర్లు కూడా మంచి ప్రోత్సాహాన్ని ఇస్తుంటారు. అన్ని సౌకర్యాలు ఉన్నప్పుడు తర్వాత చూద్దాంలే అనే ఆలోచన ఉంటుంది. కానీ, ఏ వనరులు లేనప్పుడు అందుబాటులో ఉన్నవాటితోనే ఆకాశాన్ని చేరుకోవాలనే తపన ఉంటుంది. ఈ తపనే రోజులో ఎక్కువ గంటలు చదువుపైన దృష్టిపెట్టేలా చేసింది. రీసెర్చ్‌ వైపుగా ఆసక్తిని పెంచింది. నన్ను నేను కొత్తగా మలుచుకునే అవకాశాలను ఇచ్చింది. ఎక్కడా డీలా పడి΄ోకుండా ఇన్నాళ్లకు అమ్మ నాన్నకు సరైన కానుకను ఇచ్చినందుకు ఎంతో ఆనందంగా ఉంది. మా ఆటో డ్రైవరన్న కూతురు బంగారం అని చుట్టుపక్కల వాళ్లు అంటుంటే మరింత సంతోషంగా ఉంది’’ అని వివరించింది నిఖిత.నన్ను నేను మార్చుకుంటూ...టెన్త్‌ క్లాస్‌లో మా ఫ్రెండ్స్‌ కన్నా తక్కువ మార్కులు వచ్చినప్పుడు చాలా బాధనిపించింది. అమ్మనాన్నలు ఏమీ అనలేదు కానీ, అప్పటి నుంచీ నన్ను నేను మార్చుకోవాలనుకున్నాను. సరైన టైమ్‌ టేబుల్‌ సెట్‌ చేసుకొని, నన్ను నేను మెరుగుపరుచుకుంటూ ఇంటర్మీడియెట్, డిగ్రీలో మంచి మార్కులు సాధించాను. ఆ తర్వాత ఉస్మానియా యూనివర్శిటీ ఎంట్రెన్స్‌లో మంచి ర్యాంకు తెచ్చుకున్నాను. కెమిస్ట్రీ సబ్జెక్ట్‌ అంటే మొదటి నుంచీ ఇష్టం ఉండేది. ఈ సబ్జెక్ట్‌లో ఇన్నోవేషన్స్, డ్రగ్‌ డిజైన్, రీసెర్చ్, టీచింగ్‌... ఇలా భవిష్యత్తుకు ఉపయోగపడే మంచి ఎంపికలు ఉన్నాయి. టెన్త్‌ క్లాస్‌ చదువుతున్నప్పుడు మా కెమిస్ట్రీ టీచర్‌లా నేనూ ఎదగాలనుకునేదాన్ని. కెమిస్ట్రీలోనే పీహెచ్‌డీ చేసి, ప్రొఫెసర్‌గా స్థిరపడాలనే లక్ష్యంతో చదువులో రాణిస్తున్నాను. దీంతో పాటు చిత్రకారిణిగానూ నన్ను నేను నిరూపించుకుంటున్నాను.– నిఖిత– నిర్మలా రెడ్డి, సాక్షి ఫీచర్స్‌ ప్రతినిధి ఇదీ చదవండి: 76 ఏళ్ల వయసులోనూ అద్భతంగా తకిల్‌..!శబరిమలలో..)

సాల్టిలో (మెక్సికో): ఆర్చరీ సీజన్‌ ముగింపు టోర్నీ వరల్డ్‌కప్‌ ఫైనల్స్‌లో భారత స్టార్, ఆంధ్రప్రదేశ్‌కు చెందిన బొమ్మ దేవర ధీరజ్‌ స్వర్ణ పతకం సాధించాడు. ఆదివారం జరిగిన పురుషుల రికర్వ్‌ ఫైనల్లో ధీరజ్‌ 6–5తో జున్యా నకనిషి (జపాన్‌)పై గెలిచి విజేతగా అవతరించాడు. క్వార్టర్‌ ఫైనల్లో ధీరజ్‌ 7–1తో బెర్కిమ్‌ తుమెర్‌ (టరీ్క)పై, సెమీఫైనల్లో 7–1తో జీన్‌ వాలాడోంట్‌ (ఫ్రాన్స్‌)పై నెగ్గాడు. డోలా బెనర్జీ (2007లో) తర్వాత వరల్డ్‌కప్‌ ఫైనల్స్‌లో విజేతగా నిలిచిన రెండో భారతీయ ఆర్చర్‌గా ధీరజ్‌ గుర్తింపు పొందాడు.

అహ్మదాబాద్‌: స్వదేశంలో తొలిసారి జరుగుతున్న వరల్డ్‌ ఆర్చరీ పారా సిరీస్‌ స్టేజ్‌–3 టోర్నిలో భారత ఆర్చర్లు ఐదు పతకాలతో మెరిశారు. మంగళవారం భారత ఆర్చర్లు రెండు స్వర్ణ పతకాలు, రెండు రజత పతకాలు, ఒక కాంస్య పతకం సొంతం చేసుకున్నారు. పురుషుల కాంపౌండ్‌ టీమ్‌ ఈవెంట్‌ ఫైనల్లో తోమన్‌ కుమార్‌–శ్యామ్‌ సుందర్‌ స్వామి (భారత్‌) 152–139తో అబ్బాస్‌–అన్వర్‌ (ఇరాక్‌)లపై గెలిచి బంగారు పతకం నెగ్గారు. పురుషుల రికర్వ్‌ టీమ్‌ ఈవెంట్‌ ఫైనల్లో హరి్వందర్‌ సింగ్‌–విజయ్‌ సుంది (భారత్‌) 6–2 (34–37, 36–31, 38–34, 35–31) సెట్‌ పాయింట్ల తేడాతో డేవిడ్‌ ఇవాన్‌–డెనిస్‌ ఇవాన్‌ (స్లొవేకియా)లపై విజయం సాధించి పసిడి పతకం గెలిచారు. మహిళల రికర్వ్‌ టీమ్‌ ఈవెంట్‌ ఫైనల్లో భావన–పూజ (భారత్‌) 0–6 (23–34, 33–35, 30–31) సెట్‌ పాయింట్ల తేడాతో లియాంగ్‌ కియురోంగ్‌–చెన్‌ యు (చైనా) చేతిలో ఓడిపోయి రజతం దక్కించుకున్నారు. మిక్స్‌డ్‌ టీమ్‌ డబ్ల్యూ1 రికర్వ్, కాంపౌండ్‌ ఈవెంట్‌ ఫైనల్లో స్వాతి–ఆదిల్‌ మొహమ్మద్‌ నాజిర్‌ అన్సారి (భారత్‌) 1–5 (31–38, 33–37, 33–33) సెట్‌ పాయింట్లతో సర్కా ముసిలోవా–డేవిడ్‌ డ్రహోన్‌స్కయ్‌ (చెక్‌ రిపబ్లిక్‌) చేతిలో ఓటమి పాలై రజత పతకం కైవసం చేసుకున్నారు. మహిళల వ్యక్తిగత డబ్ల్యూ1 కాంస్య పతక మ్యాచ్‌లో స్వాతి 6–2 (28–25, 27–27, 26–26, 26–24) సెట్‌ పాయింట్లతో ఎలీనా క్రుతోవా (కజకిస్తాన్‌)పై గెలిచింది.

సాక్షి, హైదరాబాద్‌: జాతీయ జూనియర్‌ స్విమ్మింగ్‌ పోటీల్లో చివరిరోజు తెలంగాణ, ఆంధ్రప్రదేశ్‌ స్విమ్మర్లు మెరిపించారు. మొత్తం నాలుగు పతకాలు సాధించారు. తెలంగాణ అమ్మాయి సాగి శ్రీనిత్య స్వర్ణ పతకం సాధించగా... మైలారి సుహాస్‌ ప్రీతమ్‌ కాంస్య పతకాన్ని సొంతం చేసుకున్నాడు. సర్వీసెస్‌ స్పోర్ట్స్‌ కంట్రోల్‌ బోర్డు (ఎస్‌ఎస్‌సీబీ)కు ప్రాతినిధ్యం వహిస్తున్న ఆంధ్రప్రదేశ్‌ అబ్బాయి మొంగం తీర్థు సామదేవ్‌ రజత పతకం నెగ్గగా... ఆంధ్రప్రదేశ్‌కే చెందిన మొంగం యజ్ఞసాయి కూడా రజత పతకాన్ని గెల్చుకున్నాడు. మహిళల 200 మీటర్ల బ్యాక్‌స్ట్రోక్‌లో శ్రీనిత్య 2 నిమిషాల 24.59 సెకన్లలో గమ్యానికి చేరి అగ్రస్థానంలో నిలిచింది. ప్రియాన్షి మిశ్రా (కర్ణాటక; 2ని:29.13 సెకన్లు) రజతం, మీనాక్షి మేనన్‌ (కర్ణాటక; 2ని:31.99 సెకన్లు) కాంస్యం గెలిచారు. పురుషుల 200 మీటర్ల బ్యాక్‌స్ట్రోక్‌లో తీర్థు సామదేవ్‌ (2ని:06.45 సెకన్లు) రెండో స్థానంలో... సుహాస్‌ ప్రీతమ్‌ (2ని:06.62 సెకన్లు) మూడో స్థానంలో నిలిచారు. పురుషుల 800 మీటర్ల ఫ్రీస్టయిల్‌లో యజ్ఞసాయి (8ని:41.46 సెకన్లు) రెండో స్థానాన్ని సంపాదించాడు. ఓవరాల్‌గా ఈ టోర్నీలో తెలంగాణ 3 స్వర్ణాలు, 1 రజతం, 4 కాంస్యాలతో కలిపి 8 పతకాలతో ఏడో స్థానంలో నిలిచింది. ఆంధ్రప్రదేశ్‌ 4 రజతాలు, 5 కాంస్యాలతో కలిపి 9 పతకాలతో 11వ స్థానంలో నిలిచింది. స్వర్ణ పతకాల ఆధారంగా ర్యాంక్‌ను నిర్ణయిస్తారు. కర్ణాటక 40 స్వర్ణాలు, 22 రజతాలు, 18 కాంస్యాలతో కలిపి 80 పతకాలు సాధించి ఓవరాల్‌ చాంపియన్‌íÙప్‌ టైటిల్‌ను గెల్చుకుంది.

భార‌త స్టార్ జావెలిన్ త్రోయ‌ర్ నీర‌జ్ చోప్రా లుసానే డైమండ్ లీగ్ మీట్‌లో ర‌జ‌తంతో మెరిశాడు. ఈటెను 88.05 మీట‌ర్లు విసిరిన నీర‌జ్ చోప్రా సీజ‌న్ బెస్ట్ త్రో న‌మోదు చేశాడు. కామ‌న్‌వెల్త్‌లో స్వ‌ర్ణంతో మెరిసిన లంక స్టార్ జావెలిన్ త్రోయ‌ర్ రుమేశ్ ప‌తిర‌గే మ‌రోసారి ప‌సిడి ప‌త‌కాన్ని కొల్ల‌గొట్టాడు. పతిరగే తన మూడో ప్రయత్నంలో ఈటెను నీర‌జ్ కంటే 9 సెంటీమీట‌ర్లు ఎక్కువ దూరం విసిరాడు. దీంతో నీరజ్‌ స్కోరును దాటేసిన పతిరగే తొలి స్థానంలో నిలిచి భారత స్టార్‌ను మరోసారి దెబ్బకొట్టాడు. ఇక గ్రెనెడాకు చెందిన అండర్సన్‌ పీట‌ర్స్‌ మూడో ప్రయత్నంలో ఈటెను 86.61 మీట‌ర్ల దూరం విసిరి బెస్ట్‌ నమోదు చేయడంతో పాటు కాంస్య ప‌త‌కం సాధించాడు.కామన్‌వెల్త్ గేమ్స్‌లో అంత ఫిట్‌గా కనిపించనప్పటికీ నీరజ్ చోప్రా రజతంతో మెరిశాడు. అయితే లుసానే డైమండ్ లీగ్‌లో మాత్రం నీరజ్ ఆత్మవిశ్వాసంతో కనిపించాడు. తొలి రౌండ్‌లో ఈటెను 83.54 మీటర్లు విసిరి మంచి స్టార్ట్ ఇచ్చాడు. ఇక రెండో రౌండ్‌లో 88.05 మీటర్లు విసిరిన నీరజ్ ఈ సీజన్‌లోనే బెస్ట్ ప్రదర్శన కనబరిచాడు. ఇక లంక స్టార్ పతిరగే 87.06 మీటర్లు విసిరి నీరజ్ తర్వాతి స్థానంలో నిలిచాడు. పీటర్స్ కూడా 84.76 మీటర్లు విసిరి మూడో స్థానంలో నిలిచాడు. మూడో రౌండ్‌లో నీరజ్ ఈటెను 83.72 మీటర్లు మాత్రమే విసరగలిగాడు. కానీ పతిరగే మాత్రం ఈటెను 88.14 మీటర్లు విసిరి నీరజ్ స్కోరును దాటేసి అగ్రస్థానంలో నిలిచాడు. నాలుగో రౌండ్‌లో నీరజ్ ఫౌల్ చేయగా, పతిరగే మాత్రం 86.71 మీటర్ల దూరం విసిరాడు. ఇక పీటర్స్ మాత్రం నాలుగో రౌండ్‌లో ఈటెను 86.61 మీటర్లు విసిరి తన స్కోరును కాస్త పెంచుకున్నాడు. ఇక చివరి రౌండ్‌కు నీరజ్ దూరంగా ఉన్నాడు. అదే సమయంలో పతిరగే ఫౌల్ చేయగా, మిగతా అథ్లెట్లు 70 నుంచి 80 మీటర్ల మధ్యలోనే విసరడంతో నీరజ్‌కు రజతం ఖరారైంది.కామన్వెల్త్‌ క్రీడలు ముగిసిన తర్వాత నీరజ్‌ స్విట్జర్లాండ్‌లోని బీల్‌లో ఉన్న తన శిక్షణా కేంద్రానికి వెళ్లిపోయాడు. తన కోచ్‌ జైవీర్‌ చౌధరీ, ఫిజియో ఇషాన్‌ మార్వా సమక్షంలో అతను రీహాబిలిటేషన్‌ను కొనసాగించడంతో పాటు ప్రాక్టీస్‌ కూడా చేస్తున్నాడు. బ్రసెల్స్‌లో జరిగే ఫైనల్స్‌కు ఆరుగురు త్రోయర్లు క్వాలిఫై అవుతారు. లుసానే తర్వాత తమ ర్యాంక్‌ను మెరుగపర్చుకునేందుకు ఆటగాళ్లకు ఈ నెల 27 నుంచి జ్యూరిచ్‌లో జరిగే అంచెలో కూడా అవకాశం ఉంది. 2022లో డైమండ్‌ లీగ్‌ చాంపియన్‌గా నిలిచిన నీరజ్, ఆ తర్వాత వరుసగా మూడేళ్ల పాటు రెండో స్థానంతో ముగించాడు. లుసానేలో టాప్‌–3లో నిలవడంతో తొలిసారి భారీ ప్రైజ్‌మనీ ఈవెంట్‌ వరల్డ్‌ అథ్లెటిక్స్‌ అల్టిమేట్‌ చాంపియన్‌షిప్‌లో పాల్గొనేందుకు నీరజ్‌కు మార్గం సుగమమయింది.NEERAJ CHOPRA FINISHED 2ND AT THE DIAMOND LEAGUE LAUSANNE! 💎- Season Best throw of 88.05m 🔥🔥🔥 pic.twitter.com/iKbpOS2Li7— The Khel India (@TheKhelIndia) August 21, 2026 NEERAJ CHOPRA FINISHED 2ND AT THE DIAMOND LEAGUE LAUSANNE! 💎- Season Best throw of 88.05m 🔥🔥🔥 pic.twitter.com/iKbpOS2Li7— The Khel India (@TheKhelIndia) August 21, 2026చదవండి: 'భార‌త్‌, బ్రెజిల్ మ్యాచ్ బ‌హిష్క‌రించండి'

బ్రాటిస్లావా (స్లొవేకియా): ప్రపంచ అండర్‌–20 రెజ్లింగ్‌ చాంపియన్‌షిప్‌ మహిళల ఫ్రీస్టయిల్‌ విభాగంలో భారత్‌కు ఆరు పతకాలు లభించాయి. 76 కేజీల విభాగంలో 18 ఏళ్ల కాజల్‌ ధోచక్‌ పసిడి పతకాన్ని అందించింది. ఫైనల్లో కాజల్‌ 7–0 పాయింట్ల తేడాతోజింగ్రూ సున్‌ (చైనా)పై విజయం సాధించింది. కాజల్‌ సెమీఫైనల్లో 6–0తో పైపర్‌ మెరిడిత్‌ (అమెరికా)పై, క్వార్టర్‌ ఫైనల్లో 14–0తో ఎల్మీరా యాసిన్‌ (టర్కీ)పై, తొలి రౌండ్‌లో 8–0తో మియు తకయామ (జపాన్‌)పై గెలుపొందింది.గత ఏడాది ఇదే ఈవెంట్‌లో కాజల్‌ 72 కేజీల విభాగంలో బంగారు పతకం సాధించింది. మరోవైపు తనూ శర్మ (72 కేజీలు), సవిత (62 కేజీలు), మాన్సి లాథెర్‌ (68 కేజీలు) రజత పతకాలు... తన్వీ (57 కేజీలు), కోమల్‌ (59 కేజీలు) కాంస్య పతకాలు గెలిచారు. ఫైనల్స్‌లో తనూ శర్మ 3–5తో చిసాటో యోషిద (జపాన్‌) చేతిలో, సవిత 2–12తో సకురా ఒనిషి (జపాన్‌) చేతిలో, మాన్సి 1–2తో చెన్‌లింగ్‌ సాంగ్‌ (చైనా) చేతిలో ఓడిపోయారు. కాంస్య పతక బౌట్‌లలో తన్వీ 10–4తో క్రాకోవ్‌స్కా (కెనడా)పై, కోమల్‌ 5–2తో ఇదా బలాజ్‌ (హంగేరి)పై నెగ్గారు.

చైనా, జ‌పాన్ త‌ర‌హాలో భార‌త్‌లో మిక్స్‌డ్‌ మార్ష‌ల్ ఆర్ట్స్ (MMA)కు పెద్ద‌గా ప్రాధాన్య‌త లేదు. కానీ కాల‌క్ర‌మేణా భార‌త్‌లో కూడా ఎంఎంఏకు ఆద‌ర‌ణ పెరుగుతున్న‌ట్లుగా అనిపిస్తోంది. తాజాగా పంజాబ్‌కు చెందిన ఐదేళ్ల ఫ‌తే సింగ్ గిల్, వ‌ర‌ల్డ్ మార్ష‌ల్ ఆర్ట్ గేమ్స్ 2026లో స్కేట్స్‌పై గ‌ట్కాలో స్వ‌ర్ణం గెలిచి ఔరా అనిపించాడు. తద్వారా ఎంఎంఏలో చాంపియ‌న్‌గా నిలిచిన‌ అతి పిన్న వ‌య‌స్కుడిగా ఫ‌తే సింగ్ చ‌రిత్ర సృష్టించాడు. థాయ్‌లాండ్‌లోని ప‌ట్టాయా వేదిక‌గా జ‌రిగిన వ‌ర‌ల్డ్ మార్ష‌ల్ ఆర్ట్ గేమ్స్‌లో ఫ‌తే సింగ్‌ స్కేట్‌పై గ‌ట్కాలో స్వ‌ర్ణం సాధించి దేశానికి గ‌ర్వ‌కార‌ణంగా నిలిచాడు. పంజాబ్‌లోని అమృత్‌స‌ర్‌కు చెందిన ఐదేళ్ల ఫ‌తే సింగ్ గిల్‌, సిక్కుల సంప్ర‌దాయ‌మైన క‌త్తి యుద్ధ‌క‌ళ‌ను స్కేట్స్‌పై ప్ర‌ద‌ర్శించిన మొద‌టి బాలుడిగా రికార్డుల‌కెక్కాడు. గ‌తంలో అంత‌ర్జాతీయ వేదిక‌ల‌పై త‌న ఖ‌డ్గ విన్యాసాల‌ను ప్ర‌ద‌ర్శించిన ఫ‌తే సింగ్ తాజాగా మార్ష‌ల్ ఆర్ట్స్‌లో త‌న ప్రావీణ్యం ప్ర‌ద‌ర్శించి దేశానికి ప‌త‌కం తేవ‌డం గొప్ప విష‌యం. ఇక ఫ‌తే సింగ్ ఖ‌డ్గ విన్యాస క‌ళ అత‌డి రెండేళ్ల వ‌య‌సులోనే ప్రారంభ‌మైంది. ఖ‌డ్గం ప‌ట్టుకునే విధానం, అత‌డి చేతి క‌ద‌లిక‌లే ఇవాళ ఫ‌తేసింగ్‌ను ప్ర‌త్యేకంగా నిల‌బెట్టాయి. కేవ‌లం మూడున్న‌రేళ్ల వ‌య‌సులోనే ఫ‌తేసింగ్ యూరోప్‌లో వ‌ర‌ల్డ్ గ్రాండ్ ప్రిక్స్ ఫిట్ కిడ్‌తో పాటు మిస్ట‌ర్ యూనివ‌ర్స‌ల్ ఫిట్ కిడ్ టైటిళ్ల‌ను కొల్ల‌గొట్టి ఆశ్చ‌ర్య‌ప‌రిచాడు.Fateh Singh Gill: Meet India's 5-Year-Old World Martial Arts Championhttps://t.co/Y5gRJIWKVg pic.twitter.com/bGyBDSxsnZ— NDTV Sports (@Sports_NDTV) August 10, 2026Read: ‘అందమైన భార్య పక్కనుండగా ఇదేం పాడుపని’

ఒలింపిక్స్‌ లేదా పెద్ద పెద్ద ఆటల పోటీలు జరిగినప్పుడు విజేతలుగా నిలిచిన ఆటగాళ్లు తమకు వచ్చిన బంగారు పతకాన్ని (Gold Medal) నోట్లో పెట్టుకుని, పంటితో కొరుకుతున్నట్లు కెమెరాలకు పోజులిస్తారు. మెడల్‌ను తినే వస్తువులా అలా ఎందుకు కొరుకుతారో తెలుసా? వందల ఏళ్ల క్రితం నాణేలు, వస్తువులు నిజమైన బంగారంతో చేశారా లేదా అని తెలుసుకోవడానికి ఒక వింత పద్ధతి వాడేవారు. బంగారం మెత్తటి లోహం (Soft Metal). పంటితో గట్టిగా కొరికితే దాని మీద పంటి ముద్ర పడుతుంది. ఒకవేళ అది నకిలీ బంగారం అయితే పంటి ముద్ర పడదు, పైగా పళ్లు విరిగిపోతాయి! అలా పూర్వం నాణేల నాణ్యతను పరీక్షించేవారు. నిజానికి ఇప్పుడు ఇచ్చే గోల్డ్‌ మెడల్స్‌లో 93 శాతానికి పైగా వెండి ఉంటుంది. దాని పైన కేవలం 6 గ్రాముల బంగారు పూత మాత్రమే పూస్తారు. కాబట్టి ఇప్పుడు ఆటగాళ్లు దాన్ని నిజమో కాదో పరీక్షించడానికి కొరకడం లేదు. కేవలం ఆనవాయితీగా కొరుకుతూ పోజు ఇస్తున్నారు.

కామ‌న్‌వెల్త్ గేమ్స్‌లో జూడో గేమ్‌లో మ‌హిళ‌ల విభాగంలో స్వ‌ర్ణం సాధించిన తొలి క్రీడాకారిణిగా అస్మితా దే చ‌రిత్ర సృష్టించింది. 48 కేజీల విభాగంలో కెన‌డాకు చెందిన హిడీ క్వాచ్‌ను ఓడించి ప‌డిసి ప‌త‌కం అంద‌కుంది. అయితే త‌న జీవితంపై ఫుట్‌బాల్ స్టార్ క్రిస్టియానో రొనాల్డో ప్ర‌భావం బ‌లంగా ఉంద‌ని అస్మితా దే స్ప‌ష్టం చేసింది. జీవితంలో ఇష్ట‌మైన వాళ్ల‌ను కోల్పోతే ఆ బాధ‌ను ఎలా దిగమింగాలన్న విష‌యాన్ని రొనాల్డో నుంచే నేర్చుకున్న‌ట్లు అస్మితా తెలిపింది.నేను ఎక్కువ‌గా ఆరాధించే వ్య‌క్తి క్రిస్టియానో రొనాల్డో. రొనాల్డో త‌న జీవితంలో ఎన్నో క‌ష్టాల‌ను ఎదుర్కొన్నాడు. అత‌డు త‌న 19వ ఏట తండ్రిని కోల్పోయిన‌ప్ప‌టికీ, ప్ర‌పంచంలోనే అత్యుత్త‌మ ఆట‌గాడిగా ఎదిగాడు. ఇవాళ రొనాల్డో ఎవ‌ర‌నేది ప్ర‌పంచానికి మొత్తం తెలుసు. అత‌డి జీవితాన్ని పూర్తిగా చ‌దివాను. అందుకే రొనాల్డో నాకు అత్యంత స్ఫూర్తినిచ్చే వ్య‌క్తి* అని చెప్పుకొచ్చింది.ఇక అస్మితా దే జీవిత ప్ర‌యాణం కూడా క‌ష్టాల నుంచే మొద‌ల‌య్యింది. త్రిపుర‌లో ద‌క్షిణ ప్రాంత‌మైన బెలోనియాలో జ‌న్మించిన అస్మితా ఆర్థిక క‌ష్టాలు ఎదుర్కొన్న ఇంట్లో పుట్టింది. అస్మితా తండ్రి అర్జున్ దే త్రిపుర‌లో సైకిల్ మెకానిక్‌గా ప‌నిచేస్తూ రోజుకు రూ. 300 సంపాదించేవాడు. అయితే చిన్న‌ప్ప‌టి నుంచే ఆట‌ల‌పై కూతురు పెంచుకున్న ఇష్టాన్ని చూసిన తండ్రి తాను సంపాదించే ప్ర‌తి రూపాయిని పొదుపుగా ఖ‌ర్చు చేసేవారు. ఆ త‌ర్వాత అస్మితా భోపాల్‌లోని స్పోర్ట్స్ అథారిటీ ఆఫ్ ఇండియాలో చేరి జోడోలో మ‌రింత ప‌ట్టు సాధించింది. ఈ నేప‌థ్యంలోనే స్పోర్ట్స్ కోటాలో ఉత్త‌ర్ ప్ర‌దేశ్ పోలీసు విభాగంలో ఉద్యోగం ల‌భించ‌డంతో ఆర్థిక క‌ష్టాలు కొంత‌మేర త‌గ్గాయి. అయితే ఆర్థిక క‌ష్టాలు త‌గ్గిన‌ప్ప‌టికీ, కామ‌న్‌వెల్త్ గేమ్స్‌కు అర్హ‌త సాధించడానికి కొన్ని రోజుల ముందే అస్మితా తండ్రి అర్జున్ బ్రెయిన్ స్ట్రోక్‌తో మ‌ర‌ణించారు. తండ్రి మ‌ర‌ణంతో షాక్‌లో ఉండిపోయిన అస్మితా తాను పోటీల్లో పాల్గొన‌గ‌ల‌నా అనే సందేహం వ‌చ్చింది. కానీ అస్మితా త‌ల్లి అనుక్ష‌ణం ఆమె వెంటే నిలిచి తండ్రి క‌ల‌ను నెర‌వేర్చాల‌ని గుర్తు చేస్తూ ప్రోత్స‌హించింది. తండ్రి పోయిన బాధ‌ను దిగ‌మింగుకొని కామ‌న్‌వెల్త్ గేమ్స్‌కు పుట్టెడు దుఃఖంతో వెళ్లిన అస్మితా దే తండ్రి క‌ల‌ను నిజం చేస్తూ ఇవాళ స్వ‌ర్ణ ప‌త‌కంతో దేశానికి తిరిగి వ‌చ్చింది.INSPIRED BY THE GREATEST! 🐐 India’s golden judoka Asmita Dey reveals how Cristiano Ronaldo’s relentless drive fuels her own journey to the top. 💪 #SonySportsNetwork #SonyLIV #Glasgow2026 #GlasgowMeinTiranga #Cheer4Bharat pic.twitter.com/x40Dg3oygj— Sony Sports Network (@SonySportsNetwk) August 3, 2026చదవండి: విషాదం.. గుండెపోటుతో కన్నుమూసిన బ్రెజిల్‌ ఆటగాడు

త్రిపురలోని సైకిల్‌ మెకానిక్‌ కుమార్తె అస్మితా డే గ్లాస్గో కామన్‌వెల్త్‌ గేమ్స్‌లో చరిత్ర లిఖించింది. 48 కేజీల విభాగంలో స్వర్ణం సాధించి కామన్వెల్త్‌ జూడోలో దేశానికి తొలి గోల్డ్‌మెడల్‌ అందించింది. మెడలో మెరుస్తున్న పతకాన్ని చేతుల్లోకి తీసుకుని కన్నీళ్లతో ఆకాశం వైపు చూసి ‘నాన్నా... ఇది నీ కల’ అన్నప్పుడు అక్కడ ఉన్న వేలాది మంది కళ్లు చెమర్చాయి. ఆమెను ప్రోత్సహించిన తండ్రి కొద్ది నెలల కిందే మరణించాడు. కాని బిడ్డ ఆయన కలను సాకారం చేసింది.గ్లాస్గో, జూలై 31ఆడిటోరియం అంతా నిశ్శబ్దం. మ్యాట్‌పై ఇద్దరు జూడో యోధులు తలపడుతున్నారు. ఒకరు కెనడాకు చెందిన అంతర్జాతీయ ఛాంపియన్‌ హెడీ క్వాచ్, మరొకరు మన త్రిపుర మట్టిలో పెరిగిన నిరుపేద సైకిల్‌ మెకానిక్‌ కూతురు, 23 ఏళ్ల అస్మితా డే. అస్మితా కళ్లలో అలసట లేదు. కేవలం గెలవాలనే కసి, తండ్రికి ఇచ్చిన మాట మాత్రమే కనిపిస్తున్నాయి. ఒక్కసారిగా మెరుపులాంటి పట్టు... ప్రత్యర్థి చిత్తయింది! అంపైర్‌ అస్మితా చేయి పైకెత్తగానే స్టేడియం భారత జయజయధ్వానాలతో మారుమోగిపోయింది. కానీ, అస్మితా మాత్రం మోకాళ్లపై కూలబడి, రెండు చేతులతో ముఖాన్ని దాచుకుని వెక్కి వెక్కి ఏడ్చింది. ఆ ఏడుపులో గెలిచిన ఆనందం కంటే, ఈ విజయాన్ని చూడడానికి నాన్న లేడనే దు:ఖమే ఎక్కువగా ఉంది.తండ్రి కలత్రిపురలోని బెలోనియా అనే చిన్న పట్టణంలో నివసించే అస్మితా డే కుటుంబం కూటికి పేదదేమో కాని కలలకు కాదు. ఆమె తండ్రి అర్జున్‌ కుమార్‌ డే చిన్న సైకిల్‌ రిపేర్‌ షాపు నడుపుతూ రోజుకు 300 సంపాదించేవాడు. అయినా సరే కుమార్తెను అంతర్జాతీయ స్థాయి క్రీడాకారిణిగా చూడాలని కలలు కనేవాడు. అస్మితాకు జూడో ఆటను పరిచయం చేసి, లక్ష రూపాయల అప్పు చేసి మరీ జూడో సెంటర్‌లో చేర్పించాడు. ‘మా అమ్మాయి దేశం మెచ్చే స్థాయికి ఎదగాలి‘ అనేదే ఆ తండ్రి ఆరాటం. కానీ, కూతురు సాధించిన ఈ చారిత్రాత్మక విజయాన్ని చూడకుండానే డిసెంబర్, 2025లో బ్రెయిన్‌ స్ట్రోక్‌ కారణంగా కన్నుమూశాడు. ఆ సమయంలో అస్మితా తీవ్రమైన డిప్రెషన్‌ లోకి వెళ్ళిపోయింది, తన ప్రపంచమంతా ముగిసిపోయిందని భావించింది. కాని పదిరోజుల్లోనే తల్లి కుమార్తెను లక్ష్యం వైపు ఉత్తేజపరిచింది. ‘నువ్వు ఆగిపోతే మీ నాన్నను అగౌరవపరిచినట్టే’ అని శిక్షణకు పంపింది.కోచ్‌ల అండకన్నతండ్రిని కోల్పోయి పుట్టెడు దుఃఖంలో ఉన్న అస్మితాను త్రిపుర స్పోర్ట్స్‌ స్కూల్‌ కోచ్‌లు, జూడో అసోసియేషన్‌ సెక్రటరీ ప్రణబ్‌ సాహా ఎంతో అండగా నిలిచి మళ్ళీ మ్యాట్‌ మీదకు తీసుకువచ్చారు. అస్మితాలోని ప్రతిభను మొదట గుర్తించిన బీనా దేబ్‌నాథ్, మణికలాల్‌ దేబ్‌ ఆమెకు ఉచితంగా శిక్షణ ఇవ్వడమే కాకుండా, ఊరి నుంచి రావడానికి బస్సు చార్జీలు లేని రోజుల్లో తమ సొంత డబ్బులతో సహాయం చేశారు. ఆమె భోజన వసతి కోసం కోచ్‌లు అందరూ కలిసి డబ్బులు పూల్‌ చేసిన రోజులు ఉన్నాయి. ఆ తర్వాత భోపాల్‌లోని సాయ్‌ ( అఐ) రీజినల్‌ సెంటర్‌లో కోచ్‌ యశ్‌పాల్‌ సోలంకి పర్యవేక్షణలో ఆమె మరింత రాటుదేలింది. గత కొన్ని సంవత్సరాలుగా జూనియర్‌ ఆసియా కప్, ఆఫ్రికన్‌ ఓపెన్‌ లలో పతకాలు సాధిస్తూ తన పట్టుదలని నిరూపించుకోవడంతో రెండేళ్ల క్రితం యుపి పోలీస్‌ ఆమెకు ఎస్‌.ఐ. పోస్టు ఇచ్చింది. అయినా సరే తన శిక్షణకు, ఇల్లు గడవడానికి ఆ జీతం అంతంత మాత్రమే.లక్ష్యం అదేఇప్పుడు అస్మితా లక్ష్యం ఒక్కటే. నాన్న పేరుతో బెలోనియాలో ఒక జూడో అకాడమీ పెట్టడం. ‘నాలా ఇంకా చాలా మంది పేద పిల్లలు ఉన్నారు. వాళ్లకు అవకాశం ఇవ్వాలి’ అని చెబుతోంది అస్మితా. కూతురు సాధించిన విజయం చూసి ‘నా భర్త బ్రతికి ఉండి ఈ విజయాన్ని చూసుంటే ఎంత సంతోషించేవారో!’ అంటూ అస్మితా తల్లి కన్నీరుమున్నీరయ్యింది. అస్మితా సాధించిన విజయం కేవలం ఒక పతకం మాత్రమే కాదు. పేదరికంపై, విధిపై ఒక సామాన్య భారతీయురాలు సాధించిన అసాధారణ విజయం. ఆకాశం వైపు చూస్తూ తన తండ్రికి ఆమె సమర్పించిన ఈ సువర్ణ నివాళి ఎప్పటికీ అమరమే. గ్లాస్గో మ్యాట్‌పై సింహగర్జనఎలాగైనా స్వర్ణం గెలవాలనే పట్టుదలతో గ్లాస్గో వేదికగా జరిగిన ఫైనల్‌ మ్యాచ్‌లో కెనడాకు చెందిన బలమైన ప్రత్యర్థి హెడీ క్వాచ్‌తో అస్మితా తలపడింది. మ్యాచ్‌ ఆరంభంలో ప్రత్యర్థి ఆధిక్యం సాధించినప్పటికీ, అస్మితా ఏమాత్రం ఆత్మవిశ్వాసం కోల్పోలేదు. తన తండ్రి ఆశయాలను, పడ్డ కష్టాలను గుండెల్లో నింపుకుని సింహంలా పోరాడింది. ఉత్కంఠభరితంగా సాగిన ‘గోల్డెన్‌ స్కోర్‌’ రౌండ్‌లో అద్భుతమైన పట్టుతో ప్రత్యర్థిని మట్టికరిపించి చారిత్రాత్మక ‘గోల్డ్‌’ కైవసం చేసుకుంది. మెడలో బంగారు పతకం పడుతుంటే, పోడియంపై నిలబడి జాతీయగీతం వింటున్నప్పుడు అస్మితా కళ్ల నుంచి ఆనంద బాష్పాలు ధారలుగా ప్రవహించాయి.

కామన్ వెల్త్ గేమ్స్‌లో భారత్ దూసుకెళ్తోంది. ఇవాళ ఒక్కరోజే ఏకంగా ఆరు స్వర్ణ పతకాలు సాధించింది. ఈ ఆరు బంగారు పతకాలు బాక్సింగ్‌లోనే రావడం మరో విశేషం. ఈ మెడల్స్‌తో పతకాల పట్టికలో భారత్ ఏకంగా నాలుగో స్థానానికి ఎగబాకింది. ఇప్పటికే ప్రీతి పవార్‌, జాస్మిన్ లంబోరియా, సాక్షి చౌదరి, ప్రియా గంగాస్, ‍అరుంధతి చౌదరి పసిడి పతకాలు నెగ్గారు.తాజాగా ఈ లిస్ట్‌లో సచిన్ సివాచ్ కూడా చేరారు. పురుషుల 60 కేజీల విభాగంలో పోటీపడిన సచిన్ సివాచ్‌ గోల్డ్ మెడల్ సాధించాడు. ఫైనల్‌ బౌట్‌లో ఆస్ట్రేలియా బాక్సర్‌ను చిత్తు చేశాడు. ఈ పతకంతో ఇండియా మెడల్స్ సంఖ్య ఓవరాల్‌గా 36కు చేరుకుంది. దీంతో ప్రస్తుతం పతకాల పట్టికలో ఇండియా నాలుగో స్థానంలో కొనసాగుతోంది.

కామన్‌వెల్త్ గేమ్స్‌లో భారత మహిళా బాక్సర్లు స్వర్ణాల వర్షం కురిపిస్తున్నారు. ఇప్పటికే ప్రీతి పవార్‌, జాస్మిన్ లంబోరియా, సాక్షి చౌదరి, ప్రియా గంగాస్ పసిడి పతకాలు నెగ్గగా.. తాజాగా ఈ లిస్ట్‌లో అరుంధతి చౌదరీ కూడా చేరింది. మహిళల 70 కేజీల విభాగంలో గోల్డ్ కైవసం చేసుకుంది. దీంతో భారతదేశ బాక్సింగ్‌లో భారత స్వర్ణాల సంఖ్య ఐదుకు చేరింది.తాజాగా మ‌హిళ‌ల 70 కేజీల విభాగంలో అరుంధతి చౌదరీ కూడా స్వ‌ర్ణ ప‌త‌కం కైవ‌సం చేసుకుంది. కామన్‌వెల్త్‌లో భారత్‌కు ఇది 11వ స్వర్ణం కాగా.. మొత్తం పతకాల సంఖ్య 34కి పెరిగింది. ఈ పతకాలతో ఇండియా నాలుగో స్థానంలో నిలిచింది.

కామన్వెల్త్ గేమ్స్ 2026లో జావెలిన్ త్రోలో శ్రీలంక స్టార్ రుమేశ్ తరంగ పతిరగె స్వర్ణం గెలిచిన సంగతి తెలిసిందే. శుక్రవారం అర్ధరాత్రి దాటిన తర్వాత జరిగిన జావెలిన్ త్రో ఫైనల్లో రుమేశ్ తరంగా పతిరగె 89.75 మీటర్ల దూరం విసిరి స్వర్ణ పతకాన్ని సాధించగా, నీరజ్ చోప్రా ఈ సీజన్‌లో తన అత్యుత్తమ ప్రదర్శన (85.83 మీటర్లు) చేసినప్పటికీ రజత పతకంతో సరిపెట్టుకోవాల్సి వచ్చింది. భారత్‌కే చెందిన మరో జావెలిన్ త్రోయర్ యశ్‌వీర్ సింగ్ తన వ్యక్తిగత అత్యుత్తమ ప్రదర్శనతో 85.41 మీటర్లు విసిరి కాంస్య పతకాన్ని ఒడిసిపట్టాడు. కామన్‌వెల్త్‌లో రుమేశ్‌ స్వర్ణం సాధించడం వెనుక పెద్దగా ఆశ్చర్యమేమి లేదు. ఎందుకంటే ఈ ఏడాది రోమ్ డైమండ్ లీగ్‌లో 90 మీటర్ల మార్కును దాటిన తొలి అథ్లెట్‌గా నిలిచిన పతిరగే, 92.62 మీటర్లతో ప్రపంచంలోనే అత్యుత్తమ త్రో రికార్డును తన పేరిట లిఖించుకున్నాడు.క్రికెటర్ నుంచి జావెలిన్ ఛాంపియన్‌గా..రుమేశ్‌ పతిరగే ప్రస్థానం ఎంతో ఆసక్తికరమైనది. జావెలిన్ క్రీడలోకి రాకముందు అతను ఒక క్రికెటర్. అండర్-18 కేటగిరీలో శ్రీలంక పేసర్ ఇషాన్ మలింగ తర్వాత గంటకు 134 కిలోమీటర్ల వేగంతో బౌలింగ్ చేసిన రెండో ఫాస్టెస్ట్ బౌలర్‌గా అతనికి పేరుంది. అయితే, కోచ్ టోనీ ప్రసన్న ప్రోత్సాహంతో జావెలిన్‌ వైపు మళ్లినట్లు పతిరగే 'ది ఇండియన్ ఎక్స్‌ప్రెస్‌'కు ఇచ్చిన ఇంటర్వ్యూలో తెలిపాడు. "నాకు జావెలిన్‌ను పరిచయం చేసింది కోచ్ టోనీనే. ఆయన నాకు క్రీడ గురించే కాదు, జీవితం గురించి కూడా నేర్పించారు" అని పేర్కొన్నాడు.చదవండి: బాక్సింగ్‌లో డబుల్‌ స్వర్ణాలు.. ట్రిపుల్‌ జంప్‌లో రెండు పతకాలు

కామ‌న్‌వెల్త్ గేమ్స్‌లో భార‌త మ‌హిళా బాక్స‌ర్ ప్రీతి ప‌వార్ స్వ‌ర్ణం గెలిచింది. మ‌హిళ‌ల 54 కేజీల విభాగంలో ప్రీతి ప‌వార్ కెన‌డాకు చెందిన బాక్స‌ర్ స్కార్లెట్ స‌వ‌న్నాహ్‌పై సునాయాసంగా గెలుపొందింది. తొలి బౌట్ నుంచి ప్రీతి ప‌వార్‌ ప్ర‌త్య‌ర్థిపై పంచ్‌ల‌తో విరుచుకుప‌డింది. ఇక రెండో బౌట్‌లోనూ ప్రీతి త‌న ప్ర‌త్య‌ర్థి ముఖంపై పంచుల వ‌ర్షం కురిపించి ఆధిక్యంలో నిలిచింది. ఇక మూడో బౌట్‌లోనూ తనదైన శైలిలో విరుచుకుపడ్డ ప్రీతి పవార్‌ను న్యాయ నిర్ణేతలు యునానిమస్‌ విజయం సాధించినట్లు ప్రకటించారు. కాగా ఈసారి కామన్‌వెల్త్‌ గేమ్స్‌లో బాక్సింగ్‌ విభాగంలో భారత్‌కు ఇదే తొలి స్వర్ణ పతకం. ఇప్పటికే బాక్సింగ్‌ విభాగం నుంచి కనీసం 10 పతకాలు ఖాయమైన సంగతి తెలిసిందే. ప్రీతి సాధించిన స్వర్ణం భారత్‌కు 6వ స్వర్ణం కాగా, ఓవరాల్‌గా 24వ పతకం.👉ఇక మహిళల 57 కేజీల విభాగంలో జాస్మిన్ లంబోరియా కూడా స్వ‌ర్ణం కైవ‌సం చేసుకుంది. ఫైనల్లో జాస్మిన్ ఐర్లాండ్‌కు చెందిన మికెలియాను చిత్తు చేసి పసిడి పతకం సాధించింది. కామ‌న్‌వెల్త్‌లో భార‌త్‌కు ఇది ఏడో స్వ‌ర్ణం కాగా, ఓవ‌రాల్‌గా 25వ ప‌త‌కం. JAISMINE LAMBORIA IS BOXING 57KG COMMONWEALTH GAMES CHAMPION 🇮🇳🥇- She defeated Northern Ireland’s boxer via unanimous decision 5:0 in the FinalsTOTAL DOMINATING WIN! 🔥🔥🔥 pic.twitter.com/fgu6Nt0jCG— The Khel India (@TheKhelIndia) August 1, 2026 👉ఇక పురుషుల ట్రిపుల్ జంప్ విభాగంలో భారత అథ్లెట్లు మెరిశారు. ప్రవీణ్ చిత్రవేల్ (16.58 మీటర్ల ఎత్తు) ఎగిరి రజతం ఒడిసిపట్టగా, భారత్‌కే చెందిన మరో అథ్లెట్ సెల్వ ప్రభు (16.52 మీటర్ల ఎత్తు) ఎగిరి కాంస్య పతకం సాధించాడు. దీంతో భారత్ మొత్తం పతకాల సంఖ్య 27కు చేరుకుంది. ఇందులో 7 స్వర్ణాలు, 13 రజతాలు, 7 కాంస్యాలు ఉన్నాయి.SELVA PRABHU WINS THE BRONZE MEDAL FOR INDIA IN TRIPLE JUMP! 🥉- 27th Medal for India at CWG 2026 pic.twitter.com/2Y2AjToipA— The Khel India (@TheKhelIndia) August 1, 2026PRAVEEN CHITRAVEL WINS THE SILVER FOR INDIA IN TRIPLE JUMP! 🥈- 26th Medal for India at CWG 2026 pic.twitter.com/wbnXWA02DB— The Khel India (@TheKhelIndia) August 1, 2026

కామ‌న్‌వెల్త్ గేమ్స్‌లో భారత్‌ ఖాతాలో 9వ రోజు రెండో స్వర్ణం వచ్చి చేరింది. ఇప్పటికే జూడో మహిళల విభాగంలో అస్మితా స్వర్ణం గెలవగా, తాజాగా జూడో పురుషుల 60 కేజీల విభాగంలో హర్ష్ సింగ్ బంగారు పతకాన్ని అందుకున్నాడు. 4 నిమిషాల పాటు జరిగిన ఫైనల్ బౌట్‌లో హర్ష్ సింగ్ ఆస్ట్రేలియాకు చెందిన జోషజ‌వా కట్జ్‌ను చిత్తు చేసి పసిడి పతకం ఒడిసిపట్టాడు. తద్వారా కామన్‌వెల్త్ గేమ్స్‌లో పురుషుల జూడో విభాగంలో స్వర్ణం గెలిచిన తొలి అథ్లెట్‌గా హర్ష్ సింగ్ నిలిచాడు. ఇది భారత్‌కు ఐదో స్వర్ణం కాగా, ఓవరాల్‌గా పతకాల సంఖ్య 19కి చేరినట్లయింది. ఇప్పటికే జూడోలో మహిళల 48 కేజీల విభాగంలో అస్మితా దే స్వర్ణం సాధించింది. జూడోలో స్వర్ణం సాధించిన తొలి మహిళా ప్లేయర్‌గా అస్మితా రికార్డులకెక్కింది.ఇక కామన్‌వెల్త్‌లో భారత అథ్లెట్ల జోరు కొన‌సాగుతోంది. ఇప్ప‌టివ‌ర‌కు భార‌త్ 19 ప‌త‌కాలు (5 స్వ‌ర్ణాలు, 10 ర‌జ‌తాలు, 4 కాంస్యాలు) సాధించి ప‌ట్టిక‌లో 19వ స్థానంలో కొన‌సాగుతోంది. అయితే గేమ్స్‌లో 9వ రోజైన శుక్ర‌వారం ఒక్క‌రోజే భార‌త్ ఖాతాలో 13 ప‌త‌కాలు ఖ‌రార‌య్యాయి. ఇందులో బాక్సింగ్ నుంచి 10 ప‌త‌కాలు ఉంటే, జూడో నుంచి మ‌రో మూడు ప‌త‌కాలు ఉన్నాయి. HARSH SINGH CREATES HISTORY | GOLDHe became Indian first ever male CWG Judo champion pic.twitter.com/gsgc6jJ2zC— IndiaSportsHub (@IndiaSportsHub) July 31, 2026#WATCH | Glasgow | Indian Judo Athlete and gold medallist Harsh Singh says, “I am feeling really happy to win this medal for the country... We prepared to win today... I dedicate this medal to my mother... If qualified, I will prepare well for the Asian Games and give my best to… https://t.co/9XbewAgl6U pic.twitter.com/lgn5bvMYka— ANI (@ANI) July 31, 2026Read: జూడోలో భారత్‌కు స్వర్ణం.. ఒక్క‌రోజే 13 ప‌త‌కాలు ఖ‌రారు!

సంకల్పానికి, ఆత్మవిశ్వాసానికి ప్రతీకగా నిలిచిపోయిన అథ్లెట్లలో అమెరికా రెజ్లర్ కర్ట్ ఆంగిల్ (Kurt Angle) ఒకరు. అయితే డబ్ల్యూడబ్ల్యూఎఫ్ రెజ్లర్‌గా విశేష ఆదరణ పొందిన కర్ట్ ఆంగిల్ జీవితం ఒక ఆదర్శం. డబ్ల్యూడబ్ల్యూఎఫ్‌(WWF/WWE)లో చీటింగ్ ప్లేయర్‌గా పేరు పొందిన కర్ట్ ఆంగిల్‌, రెజ్లింగ్‌లో మాత్రం నిజాయితీకి నిలువెత్తు నిదర్శనమని చెప్పొచ్చు. అందుకే డబ్ల్యూడబ్ల్యూఎఫ్‌లో కొనసాగినంత కాలం మెడలో అట్లాంటా ఒలింపిక్స్‌లో సాధించిన గోల్డ్ మెడల్‌ను వేసుకునే వచ్చేవాడు కర్ట్ ఆంగిల్‌.1996 అట్లాంటా ఒలింపిక్స్‌లో కర్ట్ ఆంగిల్‌ సాధించిన స్వర్ణ పతకం కేవలం విజయం మాత్రమే కాదు.. అసాధారణ పోరాట స్ఫూర్తికి నిలువెత్తు నిదర్శనం. తీవ్రమైన మెడ గాయంతో బాధపడుతూనే బరిలోకి దిగి ప్రత్యర్థులను ఓడించి బంగారు పతకాన్ని సొంతం చేసుకున్న ఆయన కథ నేటికీ ప్రపంచ క్రీడా చరిత్రలో చిరస్థాయిగా నిలిచింది.అట్లాంటా ఒలింపిక్స్‌కు కొన్ని నెలల ముందు కర్ట్ ఆంగిల్‌కు మెడలో తీవ్ర గాయం అయింది. సర్వైకల్ వెన్నెముకలోని C6, C7 వెర్టీబ్రాల వద్ద గాయం కావడంతో వైద్యులు విశ్రాంతి తీసుకోవాలని సూచించారు. సాధారణంగా ఇలాంటి గాయంతో అథ్లెట్ కెరీర్‌కే ప్రమాదం ఏర్పడే అవకాశం ఉంటుంది. కానీ ఒలింపిక్ స్వర్ణమే తన జీవిత లక్ష్యమని భావించిన కర్ట్‌ ఆంగిల్ ఎక్కడా వెనక్కి తగ్గలేదు. తీవ్ర నొప్పిని భరిస్తూనే ప్రత్యేకమైన చికిత్స, కఠిన సాధనతో తిరిగి పోటీలకు సిద్ధమయ్యాడు.1996 జూలై 31న జరిగిన పురుషుల 100 కిలోల ఫ్రీస్టైల్ రెజ్లింగ్ ఫైనల్లో కర్ట్ ఆంగిల్ ఇరాన్‌కు చెందిన అబ్బాస్ జదిదిని ఎదుర్కొన్నాడు. గాయం ప్రభావం ఉన్నప్పటికీ అసాధారణ పట్టుదలతో పోరాడి 1-0 తేడాతో విజయం సాధించాడు. ఆ విజయంతో ఒలింపిక్ స్వర్ణ పతకాన్ని అందుకున్నాడు. ఆ క్షణం ఆయన వ్యక్తిగత విజయమే కాదు.. పట్టుదల ముందు శారీరక బాధ కూడా ఓడిపోతుందనే సందేశంగా నిలిచిపోయింది.ఆ తర్వాత కర్ట్ ఆంగిల్ ప్రొఫెషనల్ రెజ్లింగ్‌లోకి అడుగుపెట్టి ప్రపంచవ్యాప్తంగా కోట్లాది అభిమానులను సంపాదించాడు. WWEలో అనేక ప్రపంచ ఛాంపియన్‌షిప్‌లు గెలుచుకుని అత్యుత్తమ రెజ్లర్లలో ఒకరిగా గుర్తింపు పొందాడు. తన ప్రసంగాల్లో "I won an Olympic gold medal with a broken freaking neck" అనే వ్యాఖ్యతో ఆయన తన పోరాట గాథను ఎన్నోసార్లు గుర్తు చేశారు.కర్ట్ ఆంగిల్ సాధించిన ఈ ఘనతకు నేటితో 30 ఏళ్లు పూర్తయ్యాయి. మూడు దశాబ్దాలు గడిచినా ఆయన విజయం ఇప్పటికీ అథ్లెట్లకు స్ఫూర్తిదాయకంగానే నిలిచింది. శరీరం ఎంత బలహీనపడినా, మనసు బలంగా ఉంటే అసాధ్యాన్ని కూడా సాధ్యం చేయవచ్చని కర్ట్ ఆంగిల్ తన జీవితంతో నిరూపించాడు. ఒలింపిక్ చరిత్రలో ఆయన పేరు చిరస్థాయిగా నిలిచిపోవడానికి కారణం కేవలం గోల్డ్ మెడల్ కాదు.. ఆ స్వర్ణం వెనుక ఉన్న అచంచల సంకల్పం, అపారమైన ధైర్యమే. థాంక్యూ ఆల్‌ టైమ్‌ గ్రేట్‌.. క‌ర్ట్ ఆంగిల్‌.#OnThisDayInWWE 30 years ago:Kurt Angle wins Olympic gold - with a broken freakin' neck! pic.twitter.com/tUTrYua4Zc— On This Day in WWE (@OTD_in_WWE) July 31, 2026 30 Years Ago Today🏅It’s hard to believe that it’s been three decades since I stood on that podium, proudly winning the Gold Medal against Abbas Jadidi. Coming from humble I grew up a laborer’s son from Dormont Pittsburgh, I never imagined my dreams would ever come true.This… pic.twitter.com/B6rC4of5pA— Kurt Angle (@RealKurtAngle) July 31, 2026On This Day 30 Years Ago:🚨Kurt Angle made his nation proud in the 1996 Summer Olympics by winning an Olympic gold medal in freestyle wrestling, WITH A BROKEN FREAKIN NECK🏆Kurt then went on to have a hall of fame career in the WWE & TNA👏 A true legend in the game. Thank… pic.twitter.com/1ztQ82CI7e— GP TALKS (@GPTALKLAFAMILIA) July 31, 2026 చదవండి: కొత్త లుక్‌లో రోహిత్ శ‌ర్మ‌.. వ‌య‌సులో ప‌దేళ్లు వెన‌క్కి!

కామ‌న్‌వెల్త్ గేమ్స్‌లో భార‌త మ‌హిళా బాక్స‌ర్ ప్రీతి ప‌వార్ దేశానికి ప‌త‌కం ఖాయం చేసింది. సెమీస్ చేరిన‌ప్పుడే ప‌త‌కం ఖాయ‌మైన‌ప్ప‌టికీ తాజాగా మ‌హిళ‌ల 54 కేజీల విభాగంలో ప్రపంచ మూడో ర్యాంకర్‌ ప్రీతి ప‌వార్ ఫైన‌ల్లో అడుగుపెట్ట‌డంతో భార‌త్ ఖాతాలో స్వ‌ర్ణం లేదా ర‌జ‌తం ఖ‌రారు కానుంది. శుక్ర‌వారం మ‌హిళ‌ల 54 కేజీల విభాగంలో సెమీఫైన‌ల్లో ప్రీతి ప‌వార్ 5-0తో జాంబియాకు చెందిన కేథ‌రిన్ వేప్‌ను చిత్తుగా ఓడించి ఫైన‌ల్‌కు చేరుకుంది. స్వ‌ర్ణ ప‌త‌కం కోసం జ‌రిగే పోరులో కెన‌డాకు చెందిన స్కార్లెట్ డెల్గాడోతో త‌ల‌ప‌డ‌నుంది. ఫైన‌ల్లో ప్రీతి ఓడినప్ప‌టికీ భార‌త్‌కు ర‌జ‌తం ద‌క్క‌నుంది. హ‌ర్యానాలోని భివానీకి చెందిన ప్రీతి ప‌వార్ 2022 ఆసియా గేమ్స్‌లో కాంస్య ప‌త‌కాన్ని గెలుచుకుంది. సెమీస్‌లో విజయం తర్వాత ప్రీతి ప‌వార్ మాట్లాడుతూ.."నేను అనుకున్నది సాధించినందుకు చాలా సంతోషంగా ఉంది. స్వర్ణ పతకం గెలవడానికి రేపు నా అత్యుత్తమ ప్రదర్శన ఇవ్వాలి. నేను నా పోటీదారులను ఎప్పుడూ తక్కువ అంచనా వేయను. కామ‌న్‌వెల్త్ గేమ్స్‌లో నా ప్ర‌తీ ఫైట్‌కు ముందు కోచ్‌తో ప‌ర్య‌వేక్ష‌ణ‌లో ప్ర‌త్యేకంగా సన్నద్ధమవుతాను. ఆ ప్రణాళికలను సరిగ్గా అమలు చేయగ‌లుగుతున్నందుకు నాకు సంతోషంగా ఉంది.'' అని ప్రీతి ప‌వార్ తెలిపింది.జూడో క్వార్ట‌ర్స్‌లో భార‌త ప్లేయ‌ర్లుజూడోలో రోహిత్ బ‌సిర్, శ్ర‌ద్ధా చొపాడేలు క్వార్ట‌ర్ ఫైన‌ల్లో అడుగుపెట్టారు. మొజాంబిక్‌కు చెందిన సామ్యూల్ రిబెరియోను ఇప్పోన్ ద్వారా ఓడించి క్వార్ట‌ర్స్ బెర్తును ఖ‌రారు చేసుకున్నాడు. మ‌రోవైపు జేన్ మ‌సాక్వియోను ఇప్పోన్‌లో ఓడించిన శ్ర‌ద్ధా కూడా క్వార్ట‌ర్స్ చేరుకుంది. VIDEO | Glasgow, Scotland: Indian boxer Preeti Pawar in 54 kg category sailed into the Commonwealth Games final by out-punching Zambia's Catherine Mwape in the last-four stage.She says, "I am very happy that I have managed to do what I prepared for. I have to give my best… pic.twitter.com/O1pRkyvgF0— Press Trust of India (@PTI_News) July 31, 2026Read: క్యాచ్‌ మిస్‌ కొంపముంచింది.. జట్టును గెలిపించిన జెమీమా!

మహారాష్ట్రలోని నాసిక్‌ జిల్లా తొరన్‌ డోంగ్రీ గ్రామానికి చెందిన దిలీప్‌ మహాడు గావిత్‌... ఆరేళ్ల వయసులో చేయి కోల్పోయాడు. తోటి పిల్లలతో కలిసి ఆడుకుంటున్న దిలీప్‌ చెట్టుపై నుంచి కిందపడగా... పసరు వైద్యాన్నే నమ్ముకున్న అతడి ఆదివాసీ తల్లిదండ్రులు సకాలంలో వైద్యం అందించలేకపోయారు. దీంతో అతడి కుడి చేతిని మోచేయి కింది వరకు తొలగించాల్సి వచ్చింది. అసలే కూలీనాలీ చేసుకునే కుటుంబంలో ఒక చేయి కోల్పోవడంతో దిలీప్‌ మరింత కుంగిపోయాడు. ఆత్మన్యూనత భావంతో చదువుకన్నా ఎక్కువ మైదానంలోనే గడిపేవాడు. ఈ సమయంలోనే ప్రముఖ కోచ్‌ వైజనాథ్‌ కాలే దృష్టి అతడిపై పడింది. సాధారణ పిల్లలతో పోటీపడి పరుగులు తీస్తున్న అతడిలో ఏదో ప్రత్యేకత ఉందని వైజనాథ్‌ గుర్తించారు. ‘అతడిని ఓ పాఠశాలలో చూశాను. పదకొండేళ్ల ప్రాయంలో అతడు పరుగు తీస్తున్న తీరు నన్నెంతగానో ఆకట్టుకుంది. సరైన కోచింగ్‌ ఇస్తే అద్భుతాలు చేయగలడనిపించింది. ఇదే విషయాన్ని అతడి తల్లిదండ్రులకు చెప్పినా వారు అర్థం చేసుకోలేకపోయారు. పారా పోటీలు ఉంటాయనే విషయమే వారికి తెలియదు. దీంతో కేవలం మెరుగైన జీవితం అందిస్తానని చెప్పి అతడిని నా వెంట తీసుకొచ్చా. అప్పటి నుంచి అన్నీ నేనే అయి పెంచాను. దత్తత తీసుకున్నా. ఇంటి పేరు లేకున్నా అతడు నా కుమారుడే’ అని వైజనాథ్‌ గర్వంగా చెప్పారు. కోచ్‌ సూచనలను తూచా తప్పకుండా పాటిస్తూ ముందుకు సాగిన దిలీప్‌... అనతికాలంలోనే మంచి గుర్తింపు సాధించాడు. అండర్‌–18 స్థాయిలో పలు పతకాలు సాధించిన దిలీప్‌... ఖేలో ఇండియా యూత్‌ గేమ్స్‌లో మెరిశాడు. తాజాగా గ్లాస్గో కామన్వెల్త్‌ క్రీడల పురుషుల 100 మీటర్ల టి47 విభాగంలో దిలీప్‌ 10.71 సెకన్లలో లక్ష్యాన్ని చేరి స్వర్ణ పతకం సాధించాడు. రేసు ముగిసిన వెంటనే అగ్రస్థానంలో నిలిచిన దిలీప్‌ను తమ కెమెరాల్లో బంధించేందుకు ఫొటోగ్రాఫర్లు పోటీపడుతుండగా... అతడు మాత్రం తన గురువు కోసం వెతుక్కుంటూ కనిపించాడు. ఒక్కసారిగా అతడు కనిపించగానే పట్టరాని ఆనందంతో ఎగిరి గంతేశాడు. ‘ఆశించిన స్థాయిలో రేసును ప్రారంభించలేకపోయా. అయినా ఎలాంటి ఒత్తిడికి గురికాకుండా చివర్లో వేగం పెంచి ఫలితం రాబట్టా’ అని దిలీప్‌ పేర్కొన్నాడు. భారీ వర్షంలో జరిగిన ఫైనల్‌ రేసులో పరిస్థితులు పరీక్షిస్తున్నా... మొక్కవోని దీక్షతో ముందుకు సాగిన దిలీప్‌ అగ్రస్థానం దక్కించుకోవడం విశేషం. ‘ఈ విజయంతో ఆగిపోవాలని అనుకోవడం లేదు. ప్రస్తుతానికి ఉద్యోగం చేయాలనే ఆలోచన లేదు. దేశానికి వీలైనన్ని ఎక్కువ పతకాలు సాధించడమే నా ముందున్న లక్ష్యం. సెపె్టంబర్‌లో జరగనున్న పారా ఆసియా క్రీడలతో పాటు, 2028 లాస్‌ ఏంజెలిస్‌ పారాలింపిక్స్‌లో పతకాలు సాధించేందుకు కృషి చేస్తా. పారా ఆసియా క్రీడల్లో 100 మీటర్లతో పాటు 400 మీటర్ల విభాగంలోనూ పోటీ పడతా.నా పతకం వెనక కర్త, కర్మ, క్రియ... నా గురువు వైజనాథ్‌. ఆయనే లేకుంటే నేను ఈ రోజు ఎక్కడ ఉండేవాడినో. 11 ఏళ్ల వయసు నుంచి నాకు అన్నీ ఆయనే. వాళ్లింట్లోనే పెరిగా. మెరుగైన జీవితాన్నిస్తా అని ఆయన ఇచ్చిన మాటకు బదులుగా ఈ రోజు నేను కామన్వెల్త్‌ స్వర్ణాన్ని గురువుకు అంకితమిస్తున్నా. ఈ పతకం మాత్రమే కాదు ఈ జీవితం కూడా ఆయానదే. గురు పూర్ణిమ రోజు తండ్రిలాంటి గురువుకు అంతర్జాతీయ పతకం కానుకగా ఇవ్వడం ఆనందంగా ఉంది’ అని దిలీప్‌ భావోద్వేగానికి గురయ్యాడు. – సాక్షి క్రీడా విభాగం

గ్లాస్కో వేదికగా జరుగుతున్న కామన్‌వెల్త్ గేమ్స్‌-2026లో భారత పారా అథ్లెట్లు సంచలనం సృష్టించారు. 100 మీటర్ల T47 స్ప్రింట్ విభాగంలో భారత అథ్లెట్లు స్వర్ణ, రజత పతకాలను కైవసం చేసుకుని సత్తా చాటారు. రన్నర్‌ దిలీప్ మహాదు గావిత్ కేవలం 10.71 సెకన్లలో రేసును పూర్తి చేసి స్వర్ణ పతకాన్ని ముద్దాడాడు. గావిత్ పసిడి పతకంతో పాటు కామన్‌వెల్త్ గేమ్స్ చరిత్రలోనే T47 స్ప్రింట్ విభాగంలో అత్యంతవేగంగా రేసును పూర్తి చేసిన అథ్లెట్‌గా కూడా రికార్డులకెక్కాడు. ఇక అతడి వెనుకే వచ్చిన మహమ్మద్ బాసిల్ 10.83 సెకన్ల టైమింగ్‌తో తన సీజన్‌లోని ఉత్తమ ప్రదర్శన ఇచ్చి రజతాన్ని అందుకున్నాడు. మ‌రోవైపు లాంగ్ జంప్‌లో మురళీ శ్రీశంకర్‌కు రజత పతకం సాధించాడు. శ్రీశంకర్ తన చివరి జంప్‌లో 7.97 మీటర్ల‌తో రెండో స్ధానంలో నిలిచాడు. ఇక అగ్ర‌స్ధానంలో నిలిచిన జమైకాకు చెందిన తజాయ్ గేల్‌( 8.15 మీటర్లు) గోల్డ్‌మెడ‌ల్ సాధించాడు.భారత్‌కు మూడో స్వర్ణంగ్లాస్గో కామన్వెల్త్ గేమ్స్‌లో భారత్‌కు ఇది మూడో స్వర్ణ పతకం. అంతకుముందు మహిళల 48 కేజీల వెయిట్‌లిఫ్టింగ్‌లో మీరాబాయి చాను, మహిళల షాట్‌పుట్ F57 పారా అథ్లెటిక్స్ విభాగంలో షర్మిల ధన్కర్ భారత్‌కు పసిడి పతకాలను అందించారు. కాగా భారత్ మొత్తం 3 స్వర్ణాలు, 9 రజతాలు, 3 కాంస్యాలతో పతకాల పట్టికలో ఎనిమిదో స్థానానికి చేరుకుంది.

గ్లాస్గో కామన్వెల్త్‌ గేమ్స్‌–2026లో భారత వెయిట్‌లిఫ్టింగ్‌ స్టార్‌ మీరాబాయి చాను స్వర్ణ పతకం సాధించడం దేశవ్యాప్తంగా క్రీడాకారుల్లో నూతనోత్సాహం నింపింది. ఉమ్మడి కరీంనగర్‌ జిల్లా నుంచి వెయిట్‌లిఫ్టింగ్‌లో రాణించాలని కలలు కంటున్న యువ క్రీడాకారుల్లో ఈ విజయం ఆత్మవిశ్వాసం నింపుతోంది.సరైన శిక్షణ, కఠోరసాధన, లక్ష్యంపై ఏకాగ్రత ఉంటే అంతర్జాతీయ స్థాయిలో పతకాలు సాధించడం సాధ్యమేనని ఆమె నిరూపించారు. ఆమె విజయం ఉమ్మడి జిల్లా వెయిట్‌ లిఫ్టర్లకు స్ఫూర్తిగా నిలుస్తోందని జిల్లా వెయిట్‌ లిఫ్టింగ్‌ సంఘం ప్రతినిధులు, క్రీడాకారులు పేర్కొన్నారు. కఠోర శ్రమ, క్రమశిక్షణ, లక్ష్యసాధనతో ప్రపంచ వేదికపై విజయాలు సాధించవచ్చని మీరాబాయి మరోసారి నిరూపించారని కొనియాడారు. - కరీంనగర్‌మహిళా క్రీడాకారిణులకు గొప్ప ప్రేరణమీరాబాయి చాను విజయం మహిళా క్రీడాకారిణులకు గొప్ప ప్రేరణ. కష్టపడి సాధన చేస్తే ఏ లక్ష్యాన్నైనా చేరుకోవచ్చని ఆమె నిరూపించారు. ఆమె విజయాన్ని ఆదర్శంగా తీసుకుని మరింత పట్టుదలతో శిక్షణ కొనసాగిస్తాను. ఒకరోజు భారత జట్టుకు ప్రాతినిధ్యం వహించాలనేది నా కల.– ఎం సాయిదుర్గ, జాతీయ వెయిట్‌లిఫ్టర్‌జాతీయస్థాయిలో రాణిస్తామీరాబాయి చాను గోల్డ్‌ మెడల్‌ సాధించడం ఎంతో ఆనందంగా ఉంది. ఆమె విజయాన్ని చూసిన తర్వాత మా సాధనపై మరింత నమ్మకం పెరిగింది. కోచ్‌ల సూచనలతో కష్టపడి సాధన చేసి జాతీయస్థాయిలో రాణించాలని లక్ష్యంగా పెట్టుకున్నా. భవిష్యత్‌లో అంతర్జాతీయ పోటీల్లో పాల్గొని పతకం సాధించాలనుకుంటున్నా – ఎన్‌ సాత్విక, స్టేట్‌ లెవల్‌ వెయిట్‌లిఫ్టర్‌ఆత్మవిశ్వాసం పెంపుమీరాబాయి చాను లాంటి చాంపియన్లు మార్గదర్శకులు. ఆమె క్రమశిక్షణ, అంకితభావం ప్రతీ క్రీడాకారుడు నేర్చుకోవాలి. ఆమె సాధించిన విజయం మాలో ఆత్మవిశ్వాసం పెంచింది. ఉమ్మడి కరీంనగర్‌ జిల్లా నుంచి అంతర్జాతీయ స్థాయి వెయిట్‌ లిఫ్టర్లు రావాలనే సంకల్పంతో సాధన చేస్తున్నాం.– డి.శృతి, జాతీయ వెయిట్‌లిఫ్టర్‌అన్ని విధాలా ప్రోత్సాహంజిల్లాలోని ప్రతి వెయిట్‌లిఫ్టర్‌ మీరాబాయి చానును ఆదర్శంగా తీసుకుని క్రమశిక్షణతో సాధన చేస్తే అంతర్జాతీయ విజయాలు సాధించడం అసాధ్యం కాదు. ప్రతిభావంతులైన క్రీడాకారులకు సంఘం తరఫున అన్ని విధాలా ప్రోత్సాహం అందిస్తాం.– అంతటి శంకరయ్య, జిల్లా వెయిట్‌ లిఫ్టింగ్‌ సంఘం అధ్యక్షుడు

గ్లాస్కో వేదిక‌గా జరుగుతున్న‌ కామ‌న్‌వెల్త్ గేమ్స్‌లో భార‌త అథ్లెట్లు జోరును ప్ర‌ద‌ర్శిస్తున్నారు. సోమ‌వారం రాత్రి మ‌రో నాలుగు ప‌త‌కాలు భార‌త్ ఖాతాలో చేర‌డంతో ఆ సంఖ్య ప‌దికి చేరుకుంది. పురుషుల వెయిట్‌లిఫ్టింగ్‌లో వల్లూరు అజ‌య బాబు 79 కేజీల విభాగంలో రజ‌తం సాధించ‌గా, పురుషుల హైజంప్ విభాగంలో స‌ర్వేశ్ కుషారే ర‌జ‌తం సాధించాడు. ఇక పారా అథ్లెటిక్స్‌లో షాట్‌పుట్ ఎఫ్‌-57 కేట‌గిరీలో ష‌ర్మిలా ధంక‌ర్‌ స్వ‌ర్ణం సాధించ‌గా, శిల్ప కాంస్యం ఒడిసిప‌ట్టింది. ముఖ్యంగా పారా షాట్ ఫుట్ F57 విభాగంలో భారత స్టార్ అథ్లెట్ షర్మిలా ధనకర్ తన శక్తిసామర్థ్యాలను ప్రదర్శించి బంగారు పతకాన్ని ముద్దాడారు. మరోవైపు పురుషుల హైజంప్ విభాగంలో సర్వేశ్ కుష్వారే సంచలన ప్రదర్శనతో రజత పతకాన్ని కైవసం చేసుకున్నారు. ఈ చారిత్రాత్మక విజయంతో కామన్వెల్త్ క్రీడల చరిత్రలోనే హైజంప్ విభాగంలో పతకం సాధించిన తొలి భారతీయుడిగా సర్వేశ్ తన పేరును సువర్ణాక్షరాలతో లిఖించుకున్నారు.వీరితో పాటు వెయిట్ లిఫ్టింగ్ 79 కేజీల విభాగంలో అజ‌య బాబు వెండి పతకాన్ని సొంతం చేసుకున్నారు. ఒకే రోజున అటు పారా అథ్లె టిక్స్, ఇటు ట్రాక్ అండ్ ఫీల్డ్, వెయిట్రిఫ్టింగ్ విభాగాల్లో వరుస పతకాలు వరించడంతో భారత క్రీడాభిమానులు హర్షాతిరేకాలు వ్యక్తం చేస్తున్నారు. దీంతో ఐదో రోజులు ముగిసేస‌రికి భార‌త్ రెండు స్వ‌ర్ణాలు, 5 ర‌జ‌తాలు, 3 కాంస్యాలు క‌లిపి మొత్తం 10 ప‌త‌కాల‌తో ప‌ట్టిక‌లో ఎనిమిదో స్థానంలో కొన‌సాగుతోంది. An exciting end to Day 4 🇮🇳Team India’s Medal Tally Grew to 10! 🙌🥇 Sharmila Dhankar struck gold in Women’s Shot Put F57🥈 Sarvesh Anil Kushare soared to silver in Men’s High Jump🥈 Valluri Ajaya Babu bagged a silver in Men’s 79kg Weightlifting 🥉 Bindyarani Devi… pic.twitter.com/pNUMnAPLo1— Team India (@WeAreTeamIndia) July 27, 2026Heartiest congratulations to Sharmila on scripting history by winning the Gold medal in the Women's Shot Put F57 event at #CWG2026.Becoming India's first-ever Commonwealth Games Gold medallist in Para Athletics is a truly remarkable achievement. Your unwavering determination,… pic.twitter.com/vuUedWlwuF— Sunil Singhi (@SunilSinghiIND) July 28, 2026Silver for Sarvesh! 🥈 Sarvesh Kushare clears 2.25m to clinch the Silver Medal in the Men's High Jump at Glasgow 2026.👏Watch the Commonwealth Games Glasgow 2026 LIVE & EXCLUSIVE on Sony Sports Network TV channels & Sony LIV.#SonySportsNetwork #SonyLIV #Glasgow2026… pic.twitter.com/3e62CEPb5M— Sony Sports Network (@SonySportsNetwk) July 27, 2026Read: తండ్రిని మించిన తనయుడు.. తెలుగు కుర్రాడికి రజతం

కామన్వెల్త్‌... గ్లాస్గో... ఆదివారం రాత్రి. 31 ఏళ్ల మీరాబాయి చాను మళ్లీ నిరూపించింది. 48 కిలోల బరువు విభాగంలో 190 కిలోలు ఎత్తి హ్యాట్రిక్‌ గోల్డ్‌మెడల్‌ సాధించింది. కానీ ఈ బంగారం వెనుక ఒక అదృశ్య పోరాటం ఉంది. అది తానెత్తే బరువులతో కాదు... తన బరువుతో. పన్నెండేళ్లుగా మీరాబాయి 48 కిలోల బరువునే మెయింటైన్ చేస్తోంది. 2014లో గ్లాస్గోలో ఏ బరువుతో కామన్వెల్త్‌లో మొదటిసారి పాల్గొందో, 2026లో గ్లాస్గోలో కూడా అదే బరువుతో పాల్గొని మూడో బంగారం తెచ్చింది. మహిళలకు వయసు పెరిగే కొద్దీ బరువు పెరగడం సహజం. కానీ మీరా మాత్రం ఒకే బరువు, ఒకే క్రమశిక్షణ. ఆమె ఫిట్‌నెస్‌ రహస్యం ఏమిటి?‘వెయిట్‌లిఫ్టర్లం అనగానే అందరూ మేము విపరీతంగా తినేస్తాం అనుకుంటారు. కానీ అది తప్పు, మేం చాలా తక్కువ తింటాం. బ్రెడ్, పాలు కూడా ముట్టలేము. ప్రతి గ్రాముకూ లెక్క ఉంటుంది’ అంటుంది మీరాబాయి చాను. బరువులెత్తడంలో ప్రపంచ విజేతగా నిలుస్తున్న మీరాబాయి తన బరువు విషయంలో కూడా అంతే విజేత. ‘బరువు తగ్గడం సాధ్యం కావడం లేదు’ అనేవారికి మీరాబాయి 12 ఏళ్లుగా స్థిరంగా మెయిన్‌టెయిన్‌ చేస్తున్న బరువు తప్పక స్ఫూర్తి కలిగించవచ్చు.ఆమె విజయం సులభం కాదుప్రపంచ వేదికల మీద పతకాలు సాధిస్తున్న మీరాబాయి జీవితం మనకు కనిపించేంత గ్లామరస్‌ కాదు. ‘ట్రైనింగ్‌లో పిచ్చిగా కష్టపడాలి. లేదంటే ఎప్పటికీ అలాగే ఉండిపోతాం’ అంటుందామె. సాధన ఒకటే కాదు గాయాలూ వెంటాడుతాయి. 2023లో తొడ గాయం. ఈ ఏడాది భుజం నొప్పి. పారిస్‌ ఒలింపిక్స్‌లో మహిళలకు సహజంగా వచ్చే మెన్‌స్ట్రువల్‌ పెయిన్‌తో బాధ పడుతూనే పోటీ రోజు వేదిక ఎక్కింది. గ్లాస్గో పోటీకి కొన్ని రోజుల ముందు శిక్షణలో చిన్న గాయం. అయినా సాధన ఆపలేదు. కోచ్‌ విజయ్‌శర్మతో ఉదయం 5 గంటల నుండి బరువు ఎత్తే సాంకేతికతను వేలాదిసార్లు ప్రాక్టీస్‌ చేయడం. ఒక మిల్లీమీటర్‌ తేడా వచ్చినా పతకం జారిపోతుందని ఆమెకు తెలుసు.చిన్నప్పటి నుంచి కష్టాలుమణిపూర్‌లోని నోంగ్‌పోక్‌ కచింగ్‌ గ్రామం మీరాబాయిది. పేద కుటుంబం. మీరాకు ఇద్దరు అన్నదమ్ములు, ముగ్గురు అక్కచెల్లెళ్లు. తండ్రి రోజు కూలీ. తల్లి చిన్న టీ కొట్టు నడిపేది. చదువు 12వ తరగతితో ఆగిపోయింది. కానీ ఆమెకు బలం ఉండేది. ఆరేళ్ల వయసులో అన్నయ్య మోయలేని కట్టెల మోపును తనే మోసేది. ఇంట్లో బియ్యం బస్తాలు, నీళ్ల కుండలు లేవనెత్తేది. ‘ఈ పిల్లకు చేతుల్లో బలం ఉంది’ అని ఒక కోచ్‌ గుర్తించాడు. పన్నెండేళ్లకే ఇంటి నుండి ముప్పై కిలోమీటర్లు సైకిల్‌ తొక్కి ఇంఫాల్‌ స్టేడియానికి ప్రాక్టీసుకు వెళ్లేది. అమ్మ నగలు అమ్మి, అన్నయ్య జీతం నుండి డబ్బులు ఇచ్చి పోటీలకు పంపారు. 2016 రియో ఒలింపిక్స్‌లో విఫలమైనప్పుడు దేశమంతా విమర్శించింది. కానీ, ఆ విమర్శలనే ఇంధనంగా మార్చుకుని 2017లో ప్రపంచ ఛాంపియన్ గా, 2020 టోక్యోలో ఒలింపిక్‌ రజత విజేతగా నిలిచింది. ఈరోజు ఆమె ధరించే చెవిపోగులు రియోకు ముందు అమ్మ చేయించినవే. ‘అవి నాకు అదృష్టాన్ని తెస్తాయి’ అంటుంది.ముగింపుమీరాబాయి చాను మనకు నేర్పింది ఒకటే. బరువు తగ్గడం అంటే అందం కోసం కాదు. ఆత్మగౌరవం కోసం. ఆరోగ్యం కోసం. లక్ష్యం కోసం. శరీరం బరువు 48 కేజీలైనా ఆమె మనసు 140 కోట్ల భారతీయుల ఆశలను మోస్తోంది.‘నా శరీరం నా ఆలయం. దాన్ని బలంగా ఉంచుకోవడం నా బాధ్యత’ అంటుంది మీరాబాయి చాను. ఈ మాట ఒక్కటి చాలు. మనం కూడా మన శరీరాలయాన్ని శుభ్రంగా ఉంచుకోవడానికి. ఆహార నియమాలుఇక్కడే అసలు పరీక్ష మొదలవుతుంది. 48 కిలోల క్రీడాకారిణిగా ఉండాలంటే ప్రతి గ్రామూ లెక్కే. పండగ భోజనం, జిలేబి ముక్క కూడా బరువు పెంచేస్తుంది. పోటీకి ముందు రోజులలో నీళ్లు కూడా తక్కువ తాగుతుంది. చెమట పట్టించి, సౌనా బాత్‌లో కూర్చుని ఆవిరితో ఒక్కో గ్రాము తగ్గిస్తుంది. మీరాబాయి ఫిట్‌నెస్‌కు 3 స్తంభాలు ఉన్నాయి. ఆహారం, సాధన, మానసిక బలం.1. ఆహారంఉదయం: గోరువెచ్చని నీళ్లు, తేనె, గుడ్డు తెల్లసొన, ఓట్స్, పండ్లు.మధ్యాహ్నం: ఉడికించిన చికెన్‌ లేదా చేప, గోధుమ రొట్టెలు, పెద్ద సలాడ్‌.సాయంత్రం: పాలు, బాదం, ప్రోటీన్‌ పానీయం.రాత్రి: సూప్, ఉడికించిన కూరగాయలు, పప్పు.నూనె, తీపి, వేయించిన పదార్థాలకు దూరం. రోజుకు 4 నుండి 5 లీటర్ల నీళ్లు. ఆకలి వేసినా నీళ్లు తాగి కంట్రోల్‌ చేస్తుంది.2. సాధనఉదయం: జిమ్‌లో సాంకేతిక సాధన. బరువు ఎత్తడం, పట్టు.మధ్యాహ్నం: కార్డియో, పరుగు, సైక్లింగ్, తాడు దూకడం. సాయంత్రం: యోగా, స్ట్రెచింగ్‌. గాయాలు రాకుండా శరీరాన్ని సాగదీయడం.ఒక్కరోజు కూడా సెలవు లేదు. ‘నా క్లాస్‌రూమ్‌ జిమ్‌’ అంటుంది.3. మానసిక బలం‘నా కళ్ల ముందు ఎప్పుడూ దేశ జెండా ఉంటుంది’ అంటుంది మీరా. గ్లాస్గోలో మొదటి ప్రయత్నం విఫలమైనా ఆందోళన చెందకుండా, స్మైల్‌ ఇస్తూ తర్వాతి రౌండ్‌లో రికార్డు కొట్టడం ఆమె మానసిక బలానికి నిదర్శనం.

కామ‌న్‌వెల్త్ గేమ్స్‌లో భార‌త మ‌హిళా వెయిట్‌లిఫ్ట‌ర్ మీరాబాయి చాను 48 కేజీల విభాగంలో స్వ‌ర్ణంతో మెరిసి ఔరా అనిపించింది. 48 కేజీల కేట‌గిరీలో మీరాబాయి స్నాచ్‌లో 85 కేజీలు, క్లీన్ అండ్ జెర్క్ కేట‌గ‌2ఇరీలో 105 కేజీలు.. మొత్తంగా 190 కేజీల బ‌రువు ఎత్తి దేశానికి తొలి స్వర్ణంప ప‌త‌కం అందించింది. మీరాబాయికి కామ‌న్‌వెల్త్ గేమ్స్‌లో వ‌రుస‌గా మూడో ప‌త‌కం. 2018 గోల్డ్‌కోస్ట్‌, 2022 బ‌ర్మింగ్‌హ‌మ్ క్రీడ‌ల్లోనూ మీరాబాయి ప‌త‌కాలు సాధించింది. తాజాగా గ్లాస్కో వేదిక‌పై వెయిట్‌లిఫ్టింగ్‌లో స్వ‌ర్ణం గెలిచిన మీరాబాయి ఫోడియంపై నిలబ‌డ్డ స‌మ‌యంలో జాతీయ గీతం ఆల‌పిస్తూ క‌న్నీటిప‌ర్యంతమ‌వ్వ‌డం వైర‌ల్‌గా మారింది. విజ‌యం త‌ర్వాత మీరాబాయి చాను మాట్లాడుతూ.. ‘వరుసగా మూడోసారి భారత్‌కు స్వర్ణ పతకాన్ని అందించినందుకు చాలా ఆనందంగా ఉంది. బరువును నియంత్రణలో ఉంచుకునేందుకు గత రెండు రోజులుగా ఆహారం ఏమీ తీసుకోలేదు. పసిడి పతకం గెలవడంతో నాపై ఉన్న ఒత్తిడి అంతా పోయింది. నేను చాలా సంతోషంగా, అలాగే చాలా ఉద్వేగంగా ఉన్నాను. కామ‌న్‌వెల్త్ గేమ్స్‌లో ఇవాళ ప‌త‌కం గెల‌వ‌డం వెనుక ఎన్నో త్యాగాలు చేయ‌డంతో పాటు, ఒత్తిడిని, గాయాలను అధిగమించాను. నేను కామన్వెల్త్ గేమ్స్‌లో రికార్డు నెలకొల్పుతానని అనుకోలేదు. కేవ‌లం నా కోచ్ అప్పగించిన బాధ్య‌త‌ను పూర్తి చేయడంపై మాత్రమే దృష్టి సారించాను. కష్టకాలంలో నా త‌ల్లితో పాటు కోచ్ విజయ్ శ‌ర్మ‌ అండగా నిలిచారు. కుటుంబం, స్నేహితుల నుంచి నాపై చాలా ఒత్తిడి ఉండేది. భార‌త్‌కు మూడో స్వర్ణం అందించినందుకు మాత్రం చాలా సంతోషంగా ఉంది. ఈ క్రీడల్లో నేను పెద్దగా శ్రమ పెట్టకూడదని అనుకున్నాను, కానీ నా మొదటి ప్రయత్నంలో విఫలమయ్యాను. నేను చెరో రెండు లిఫ్టులు చేస్తానని కోచ్, నేను భావించాము.’ అని మీరాబాయి వ్యాఖ్యానించింది. 2024 పారిస్‌ ఒలింపిక్స్‌లో ర‌జ‌తం, ప్ర‌పంచ చాంపియ‌న్‌షిప్ టైటిల్ సాధించిన మీరాబాయి తాజాగా కామ‌న్‌వెల్త్ గేమ్స్‌లో స్వ‌ర్ణం సాధించ‌డం ద్వారా కొత్త చ‌రిత్ర లిఖించింది. INDIAN NATIONAL ANTHEM IN GLASGOW 🇮🇳- Mirabai Chanu got emotional after winning the Gold Medal for India in Weightlifting! 🏋️‍♀️🥺 pic.twitter.com/UfNeFHXg1a— The Khel India (@TheKhelIndia) July 26, 2026 मीराबाई चानू ने CWG 2026 में जीता गोल्ड मेडल CWG गेम्स में चानू की गोल्डन हैट्रिकMirabai Chanu #MirabaiChanu || #GoldMedal #BreakingNews #CWG #mirabaichanu pic.twitter.com/GDCUum3jqY— Ravi Pandey🇮🇳 (@ravipandey2643) July 26, 2026Read: పాక్ బాక్స‌ర్‌ను చిత్తు చేసి పతకం రేసులో జాదుమణి

అహ్మదాబాద్‌: జాతీయ సీనియర్‌ స్విమ్మింగ్‌ చాంపియన్‌షిప్‌లో తెలంగాణ స్విమ్మర్‌ వ్రిత్తి అగర్వాల్‌ కొత్త జాతీయ రికార్డు నెలకొల్పి స్వర్ణ పతకాన్ని సాధించింది. మహిళల 800 ఫ్రీస్టయిల్‌ విభాగంలో వ్రిత్తి 9 నిమిషాల 05.47 సెకన్లలో గమ్యానికి చేరి విజేతగా నిలిచింది. ఈ క్రమంలో ఆమె జాతీయ రికార్డు సృష్టించింది. 2011లో 9 నిమిషాల 06.31 సెకన్లతో రిచా మిశ్రా పేరిట ఉన్న రికార్డును వ్రిత్తి బద్దలు కొట్టింది. జాతీయ సీనియర్‌ చాంపియన్‌షిప్‌లో వ్రిత్తి మొత్తం మూడు పతకాలతో మెరిసింది. 1500 మీటర్ల ఫ్రీస్టయిల్‌ ఈవెంట్‌లో రజత పతకం గెలిచిన వ్రిత్తి... 400 మీటర్ల ఫ్రీస్టయిల్‌లో కాంస్య పతకం కైవసం చేసుకుంది. 200 మీటర్ల ఫ్రీస్టయిల్‌ విభాగంలో మాత్రం వ్రిత్తి ఐదో స్థానంతో సరిపెట్టుకుంది.

పుణే వేదికగా జరిగిన ఆల్ ఇండియా సీనియర్ ర్యాంకింగ్ బ్యాడ్మింటన్ టోర్నీలో హైదరాబాద్ ప్లేయర్లు సత్తా చాటారు. హైదరాబాద్‌లోని సుచిత్రా బ్యాడ్మింటన్ అకాడమీకి చెందిన నితిన్ కుమార్‌-లికితా శ్రీవాస్తవ జోడీ మిక్స్‌డ్ డబుల్స్‌లో స్వర్ణ పతకం సాధించింది. టోర్నీలో పాల్గొన్న టాప్ జోడీ షట్లర్లను ఓడించిన ఈ జోడీ తొలి స్థానంలో నిలిచి టైటిల్ కైవసం చేసుకుంది.కాగా నితిన్‌-లికితా జోడికి ఇది వరుసగా రెండో మిక్సడ్ డబుల్స్ టైటిల్ కావడం విశేషం. ఇటీవలే మరో జాతీయ టోర్నీలోనూ ఈ జోడీ గోల్డ్ మెడల్ గెలవడం విశేషం. మహిళల డబుల్స్ విభాగంలో లికితా శ్రీవాస్తవ తన పార్టరర్ శ్రేయ బాలాజీతో కలిసి సిల్వర్ మెడల్ గెలుచుకుంది. ఓవరాల్‌గా హైదరాబాద్‌లోని సుచిత్రా బ్యాడ్మింటన్ అకాడమీ ఆటగాళ్లను ప్రోత్సహిస్తూ జాతీయ స్థాయిలో పతకాలు కొల్లగొట్టేలా చేయడంలో విజయవంతమయ్యింది.

భారత అగ్రశ్రేణి ఆర్చర్, ఆంధ్రప్రదేశ్‌ క్రీడాకారుడు బొమ్మదేవర ధీరజ్‌కు వైఎస్సార్‌సీపీ అధ్యక్షుడు వైఎస్ జగన్ అభినందనలు తెలిపారు. ప్రపంచకప్ ఆర్చరీ స్టేజ్‌-3 టోర్నీలో ధీరజ్ రెండు స్వర్ణ పతకాలు సాధించడంపై జగన్‌ హర్షం వ్యక్తం చేశారు. ఈ సందర్భంగా ‘ఎక్స్‌’ వేదికగా వైఎస్‌ జగన్‌ ధీరజ్‌కు అభినందనలు తెలుపుతూ ట్వీట్‌ చేశారు. విజయవాడకు చెందిన 24 ఏళ్ల ధీరజ్‌ ముందుగా మహారాష్ట్రకు చెందిన 17 ఏళ్ల కుంకుమ్‌ మొహోద్‌తో కలిసి రికర్వ్‌ మిక్స్‌డ్‌ టీమ్‌ విభాగంలో బంగారు పతకం గెలిచిన ధీరజ్‌... ఆ తర్వాత రికర్వ్‌ వ్యక్తిగత విభాగంలో పసిడి పతకాన్ని సొంతం చేసుకున్నాడు. ఈ ప్రదర్శనతో ధీరజ్‌ ఆర్చరీ సీజన్‌ ముగింపు టోర్నీ వరల్డ్‌కప్‌ ఫైనల్స్‌కు కూడా అర్హత సాధించాడు. మిక్స్‌డ్‌ టీమ్‌ ఫైనల్లో ధీరజ్‌–కుంకుమ్‌ (భారత్‌) ద్వయం 5–1 (37–36, 37–36, 39–39) సెట్‌ పాయింట్ల స్కోరుతో కిమ్‌ జె డియోక్‌–ఒహ్‌ యెజిన్‌ (దక్షిణ కొరియా) జంటను ఓడించి బంగారు పతకం గెల్చుకుంది. నాలుగేళ్ల తర్వాత ప్రపంచకప్‌ టోర్నీలో రికర్వ్‌ మిక్స్‌డ్‌ టీమ్‌ విభాగంలో భారత జోడీకి పసిడి పతకం లభించడం విశేషం.Heartiest congratulations to Dhiraj Bommadevara from Vijayawada on creating history at the Archery World Cup by winning the Men’s Singles Gold Medal. Winning two gold medals in a single day, including the Mixed Doubles title, is a remarkable achievement that has made Andhra… pic.twitter.com/QWlyRJkLi9— YS Jagan Mohan Reddy (@ysjagan) June 15, 2026

న్యూఢిల్లీ: భారత పిస్టల్‌ షూటర్‌ ఇషా సింగ్‌ ఇటీవల అద్భుత ప్రదర్శనతో అదరగొడుతోంది. మ్యూనిక్‌లో జరిగిన ప్రపంచ కప్‌లో కొత్త ప్రపంచ రికార్డు నెలకొల్పి స్వర్ణం సాధించడంతో పాటు మరో ఈవెంట్‌లో రజతం కూడా గెలుచుకుంది. అయితే తెలంగాణకు చెందిన 21 ఏళ్ల ఇషా రెండేళ్ల క్రితం జరిగిన పారిస్‌ ఒలింపిక్స్‌లో పూర్తిగా విఫలమైంది. ఆ మెగా ఈవెంట్‌లో ఓటమితో తాను పాఠాలు నేర్చుకున్నానని, అదే కసితో సాధన చేసి మళ్లీ విజయాల బాట పట్టానని ఆమె వ్యాఖ్యానించింది. ‘ఉదాసీనత వల్లనో లేక అతి విశ్వాసం వల్లనో నేను పారిస్‌ ఒలింపిక్స్‌లో ఓడిపోలేదు. నేను నా అత్యుత్తమ ప్రదర్శన ఇచ్చేందుకే ప్రయత్నించాను. దాని గురించే ఆలోచిస్తూ తీవ్రమైన ఒత్తిడిని పెంచుకున్నాను. ఆఖరి షాట్‌ వరకు కూడా ఏం జరుగుతుందో ఎవరూ చెప్పలేరు. ఒలింపిక్స్‌ తర్వాత కఠిన పరిస్థితులు ఎదుర్కొన్నాను. దాని నుంచి పాఠాలు నేర్చుకొని ముందుకు సాగాను. నాటి పరాజయం నన్ను మానసికంగా దృఢంగా మార్చింది’ అని ఇషా గుర్తు చేసుకుంది. మ్యూనిక్‌లో 25 మీటర్ల విభాగంలో స్వర్ణం గెలిచిన ఇషా, 10 మీటర్ల ఈవెంట్‌లో రజతం అందుకుంది. ‘ఈసారి ఒత్తిడిని అధిగమించి విజయం సాధించగలిగాను. పదేళ్లుగా ఆడుతున్న అనుభవం నాకు ఉపయోగపడింది. ప్రతీసారి గెలుస్తామని బరిలోకి దిగరాదు. టోర్నీ పేరు, వేదికలు మారవచ్చేమో కానీ మనం ఒకే తరహాలో కష్టపడతాం. అందులో ఎలాంటి మార్పు ఉండదని అర్థం చేసుకోవాలి. మానవమాత్రులం కాబట్టి తప్పులు సహజం. కొన్ని సార్లు మనం అనుకున్న విధంగా జరగదు’ అని ఆమె పేర్కొంది.

మ్యూనిక్‌: ప్రపంచకప్‌ షూటింగ్‌ టోర్నమెంట్‌లో భారత్‌ పతకాల బోణీ కొట్టింది. బుధవారం జరిగిన మహిళల 25 మీటర్ల పిస్టల్‌ విభాగంలో భారత్‌కు ప్రాతినిధ్యం వహిస్తున్న తెలంగాణ షూటర్‌ ఇషా సింగ్‌ పసిడి పతకాన్ని సొంతం చేసుకుంది. ఈ క్రమంలో ఇషా సింగ్‌ కొత్త ప్రపంచ రికార్డును కూడా నమోదు చేసింది. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో 21 ఏళ్ల ఇషా సింగ్‌ 43 పాయింట్లు స్కోరు చేసి విజేతగా నిలిచింది. అదే క్రమంలో 42 పాయింట్లతో 2024లో కిమ్‌ యెజీ (దక్షిణ కొరియా) నెలకొల్పిన ప్రపంచ రికార్డును కూడా ఇషా సింగ్‌ బద్దలు కొట్టింది. డొరీన్‌ (జర్మనీ; 38 పాయింట్లు) రజత పతకం... మిరోస్లావా (బల్గేరియా; 31 పాయింట్లు) కాంస్య పతకం గెల్చుకున్నారు. అంతకుముందు 98 మంది షూటర్లు పోటీపడ్డ క్వాలిఫయింగ్‌లో ఇషా సింగ్‌ 587 పాయింట్లు స్కోరు చేసి ఐదో స్థానంలో నిలిచి ఫైనల్‌కు అర్హత సాధించింది. పారిస్‌ ఒలింపిక్స్‌లో రెండు కాంస్య పతకాలు గెలిచిన భారత్‌కే చెందిన మనూ భాకర్‌ 582 పాయింట్లతో 12వ స్థానంలో, రాహీ సర్నోబత్‌ 581 పాయింట్లతో 14వ స్థానంలో నిలిచారు. టాప్‌–8 వారికి మాత్రమే ఫైనల్లో పోటీపడే అవకాశం లభిస్తుంది.

షాంఘై (చైనా): ఐదేళ్ల నిరీక్షణకు భారత మహిళల ఆర్చరీ జట్టు తెరదించింది. ఆదివారం ముగిసిన ప్రపంచకప్‌ స్టేజ్‌–2 టోర్నీలో మహిళల టీమ్‌ రికర్వ్‌ విభాగంలో టీమిండియా భారత జట్టు స్వర్ణ పతకాన్ని సొంతం చేసుకుంది. వరుసగా నాలుగు ఒలింపిక్స్‌లో పోటీపడ్డ ప్రపంచ మాజీ నంబర్‌వన్‌ దీపిక కుమారి, అంకిత, కుంకుమ్‌లతో కూడిన భారత జట్టు ఫైనల్లో 5–4 (54–53, 52–55, 56–57, 54–53, 28–26) సెట్‌ పాయింట్లతో జు జింగీ, యు కి, హువాంగ్‌ యువెలతో కూడిన ఆతిథ్య చైనా జట్టును ఓడించింది. తొలి సెట్‌ను నెగ్గిన భారత్‌ 2–0తో ముందంజ వేయగా... రెండో సెట్‌ను గెలిచి చైనా స్కోరును 2–2తో సమం చేసింది. మూడో సెట్‌ను కోల్పోయి 2–4తో వెనుకబడ్డ భారత్‌ నాలుగో సెట్‌ను సొంతం చేసుకొని స్కోరును 4–4తో సమం చేసింది. విజేతను నిర్ణయించేందుకు ‘షూట్‌ ఆఫ్‌’ నిర్వహించారు. భారత బృందం 28 పాయింట్లు స్కోరు చేయగా... చైనా 26 పాయింట్లకే పరిమితమైంది. దాంతో 2021 తర్వాత భారత మహిళల రికర్వ్‌ జట్టు ప్రపంచకప్‌లో బంగారు పతకాన్ని దక్కించుకుంది. చివరిసారి 2021లో దీపిక కుమారి, కోమలిక, అంకితలతో కూడిన భారత జట్టు గ్వాటెమాలా సిటీలో జరిగిన ప్రపంచకప్‌ స్టేజ్‌–1 టోర్నీలో, పారిస్‌లో జరిగిన ప్రపంచకప్‌ స్టేజ్‌–3 టోర్నీలో పసిడి పతకాలు గెలిచింది. మరోవైపు మహిళల రికర్వ్‌ వ్యక్తిగత విభాగంలో భారత ఆర్చర్‌ సిమ్రన్‌జీత్‌ కౌర్‌ కాంస్య పతకాన్ని చేజార్చుకుంది. సెమీఫైనల్లో సిమ్రన్‌జీత్‌ 0–6 ( 25–26, 24–29, 26–28)సెట్‌ పాయింట్లతో కాంగ్‌ చెయంగ్‌ (దక్షిణ కొరియా) చేతిలో ఓడిపోయింది. అనంతరం కాంస్య పతక మ్యాచ్‌లో సిమ్రన్‌జీత్‌ 4–6 (29–27, 27–29, 28–28, 28–29, 28–28) సెట్‌ పాయింట్లతో జాంగ్‌ మిన్‌హీ (దక్షిణ కొరియా) చేతిలో పరాజయం పాలైంది. సెట్‌ గెలిస్తే రెండు పాయింట్లు, స్కోరు సమమైతే ఒక్కో పాయింట్‌ కేటాయిస్తారు. తదుపరి ప్రపంచకప్‌ స్టేజ్‌–3 టోర్నీ టర్కిలోని అంటాల్యా నగరంలో జూన్‌ 9 నుంచి 14 వరకు జరుగుతుంది.

కైరో: అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) జూనియర్‌ ప్రపంచకప్‌ టోర్నమెంట్‌లో భారత షూటర్ల పతకాల వేట కొనసాగుతోంది. శుక్రవారం భారత్‌ ఖాతాలో నాలుగో స్వర్ణ పతకం చేరింది. 10 మీటర్ల ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌లో దివ్యాంశు దేవాంగన్‌–శాంభవి క్షీరసాగర్‌ జోడీ భారత్‌కు బంగారు పతకాన్ని అందించింది. నాలుగు జోడీల మధ్య జరిగిన ఫైనల్లో దివ్యాంశు–శాంభవి జంట 499.9 పాయింట్లు స్కోరు చేసి పసిడి పతకాన్ని దక్కించుకుంది. ఈ క్రమంలో కొత్త ప్రపంచ రికార్డును కూడా నమోదు చేసింది. సయ్‌ చియె యింగ్‌–చెన్‌ యు ఆన్‌ (చైనీస్‌ తైపీ) జంట 498.3 పాయింట్లో రజతం గెల్చుకోగా... టిఫెన్‌ పోమెస్‌–గాస్‌పర్డ్‌ లెసియర్‌ (ఫ్రాన్స్‌) జోడీ 434.4 పాయింట్లతో కాంస్య పతకాన్ని కైవసం చేసుకుంది. అంతకుముందు 17 జోడీలు పోటీపడ్డ క్వాలిఫయింగ్‌లో దివ్యాంశు–శాంభవి జంట 632 పాయింట్లు స్కోరు చేసి అగ్రస్థానంలో నిలవడంతోపాటు ఫైనల్‌కు అర్హత సాధించింది. మరోవైపు పురుషుల 25 మీటర్ల ర్యాపిడ్‌ ఫైర్‌ పిస్టల్‌ ఈవెంట్‌లో భారత్‌కు నిరాశ ఎదురైంది. ఎనిమిది మంది షూటర్లు ఎలిమినేషన్‌ పద్ధతిలో పోటీపడ్డ ఫైనల్లో భారత షూటర్‌ సమీర్‌ 7 పాయింట్లతో ఏడో స్థానంలో నిలిచాడు. అంతకుముందు 17 మంది షూటర్లు బరిలోకి దిగిన క్వాలిఫయింగ్‌లో సమీర్‌ 573 పాయింట్లు స్కోరు చేసి రెండో స్థానంలో నిలిచి ఫైనల్‌కు అర్హత పొందాడు. ప్రస్తుతం భారత్‌ 4 స్వర్ణాలు, 5 రజతాలు, 3 కాంస్యాలతో కలిపి 12 పతకాలతో అగ్రస్థానంలో కొనసాగుతోంది.

కైరో: అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) జూనియర్‌ ప్రపంచకప్‌ టోర్నీలో తొలి రోజు భారత్‌కు మూడు పతకాలు లభించాయి. పురుషుల 10 మీటర్ల ఎయిర్‌ పిస్టల్‌ వ్యక్తిగత విభాగంలో భారత షూటర్‌ శివ నర్వాల్‌ స్వర్ణ పతకం సొంతం చేసుకోగా... చిరాగ్‌ శర్మ కాంస్య పతకాన్ని గెలుచుకున్నాడు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో శివ నర్వాల్‌ 241.8 పాయింట్లు స్కోరు చేసి విజేతగా నిలిచాడు. 240 పాయింట్లతో సోదిక్‌జోన్‌ అబ్దుల్లాయెవ్‌ రజత పతకం... 218.9 పాయింట్లతో చిరాగ్‌ శర్మ కాంస్య పతకం నెగ్గారు. ఫైనల్లో పోటీపడ్డ భారత మూడో షూటర్‌ అభినవ్‌ దేశ్వాల్‌ 136.7 పాయింట్లతో ఏడో స్థానంలో నిలిచాడు. జూనియర్‌ మహిళల 10 మీటర్ల ఎయిర్‌ రైఫిల్‌ ఈవెంట్‌లో భారత షూటర్‌ పనాహ్‌ బుగ్రా రజత పతకం సంపాదించింది. ఫైనల్లో పనాహ్‌ 250.6 పాయింట్లు స్కోరు చేసి రెండో స్థానంలో నిలిచింది.

ప్రపంచకప్‌ ఆర్చరీ స్టేజ్‌–1 టోర్నమెంట్‌ మహిళల కాంపౌండ్‌ టీమ్‌ విభాగంలో భారత జట్టుకు స్వర్ణ పతకం లభించింది. సీనియర్‌ స్టార్, ఆంధ్రప్రదేశ్‌ ప్లేయర్‌ వెన్నం జ్యోతి సురేఖ, మధుర, ప్రగతిలతో కూడిన భారత జట్టు ఫైనల్లో 233–232 (59–58, 55–59, 59–57, 60–58) పాయింట్ల తేడాతో అలెక్సిస్‌ రుయిజ్, పియర్స్, ఒలివియా డీన్‌లతో కూడిన అమెరికా జట్టును ఓడించింది. ఓవరాల్‌గా సురేఖ కెరీర్‌లో ఇది 12వ ప్రపంచకప్‌ పసిడి పతకం కావడం విశేషం. తొలి రౌండ్‌ నుంచే భారత్‌, అమెరికా ఢీ అంటే ఢీ అన్నట్ల పోటీపడ్డాయి. తొలి రౌండ్‌లో భారత్‌ 59-58తో అమెరికాపై స్వల్ప ఆధిక్యం ప్రదర్శించగా, రెండో రౌండ్‌లో ఆధిక్యం 114-117 తగ్గింది. అయితే మూడో రౌండ్‌ ముగిసే సరికి 173-174తో స్వల్ప వెనుకంజలో ఉన్న భారత్‌ చివర్లో ఆరు పది పాయింట్లు ఖాతాలో వేసుకోవడంతో పసిడి ఖాతాలో చేరింది.చదవండి: అథ్లెటిక్స్‌లో సంచలనం.. బోల్ట్ రికార్డు బ‌ద్ద‌లు!

చౌటుప్పల్‌: ఎంబీఏ చదివాడు... గోల్డ్‌మెడల్‌ కూడా సాధించాడు...కానీ దొంగతనాలను వృత్తిగా ఎంచుకున్నాడు. పట్టపగలే తాళం వేసిన ఇళ్లను టార్గెట్‌ చేస్తూ చోరీలు చేస్తున్న దొంగ బుధవారం యాదాద్రి భువనగిరి జిల్లా చౌటుప్పల్‌ పోలీసులకు చిక్కాడు. ఈ కేసు వివరాలను చౌటుప్పల్‌ పోలీస్‌ స్టేషన్‌లో డీఎస్పీ పటోళ్ల మధుసూదన్‌రెడ్డి వెల్లడించారు. ఏపీలోని గుంటూరు జిల్లా వేటపాలెం నలందానగర్‌కు చెందిన మిక్కిలి వంశీకృష్ణ అలియాస్‌ సామ్‌రిచర్డ్‌ ఎంబీఏలో గోల్డ్‌మెడల్‌ సాధించాడు. కొన్నేళ్ల క్రితం స్వగ్రామం నుంచి హైదరాబాద్‌కు వచ్చి మన్సూరాబాద్‌ ప్రాంతంలో అద్దెకు ఉంటూ పలు వ్యాపారాలు చేశాడు. వాటిని విడిచి దొంగతనాలను వృత్తిగా ఎంచుకొని హైదరాబాద్, ఖమ్మం, నల్లగొండ, ఆదిలాబాద్‌ జిల్లాల్లో 62 దొంగతనాలు చేశాడు. అనేకసార్లు పోలీసులకు పట్టుబడి జైలుకు వెళ్లినా తిరిగి బయటకు వచ్చి మళ్లీ చోరీలు చేసేవాడు. ఫిబ్రవరి 22న ఓ చోరీ కేసులో ఖమ్మం కోర్టుకు హాజరైన వంశీకృష్ణ తిరిగి హైదరాబాద్‌కు వెళ్తూ చౌటుప్పల్‌లోని వలిగొండ చౌరస్తా కంఠమహేశ్వర కాలనీలో నివాసముంటున్న లింగంపల్లి నర్సింహ ఇంటి తాళం పగులగొట్టి లోపలికి వెళ్లి బీరువాలో దాచిన రూ.14.20 లక్షల నగదు ఎత్తుకెళ్లాడు. బాధితుడి ఫిర్యాదు మేరకు చౌటుప్పల్‌ పోలీసులు కేసు నమోదు చేసుకుని దర్యాప్తు చేపట్టారు. ఈ క్రమంలో వంశీకృష్ణ సెల్ఫ్‌ డ్రైవ్‌ కారు అద్దెకు తీసుకుని బుధవారం ఉదయం ఖమ్మం కోర్టుకు హాజరయ్యేందుకు వెళ్తుండగా చౌటుప్పల్‌ మండలం ధర్మోజిగూడెం వద్ద పోలీసులు వాహనాల తనిఖీల్లో భాగంగా అతడి కారును ఆపారు. వంశీకృష్ణ అనుమానాస్పదంగా కనిపించడంతో అదుపులోకి తీసుకుని విచారించగా చోరీలకు పాల్పడుతున్నట్లు పోలీసులు గుర్తించారు. చౌటుప్పల్‌లోని కంఠమహేశ్వర కాలనీలో లింగంపల్లి నర్సింహ ఇంట్లో చోరీ చేసింది తానేనని వంశీకృష్ణ ఒప్పుకున్నాడు. అతడి నుంచి రూ.7 లక్షల నగదు, కారు, రెండు సెల్‌ఫోన్లు, ల్యాప్‌టాప్, కెమెరా స్వాధీనం చేసుకున్నట్లు డీఎస్పీ తెలిపారు. నిందితుడి బ్యాంకు అకౌంట్‌లో ఉన్న రూ.2.28లక్షల నగదును పోలీసులు ఫ్రీజ్‌ చేశారు. ఈ మేరకు నిందితుడిని కోర్టులో హాజరుపర్చి అనంతరం నల్లగొండ జైలుకు తరలించారు.ఈ విలేకరుల సమావేశంలో సీఐ మన్మథకుమార్, సీసీఎస్‌ సీఐ ప్రవీణ్‌బాబు, ఎస్‌ఐలు యాదగిరి, వనం సైదులు, కుమారస్వామి పాల్గొన్నారు. కాగా, చోరీ చేసిన సొత్తుతో వంశీకృష్ణ వివిధ ప్రాంతాలకు వెళ్లి జల్సాలు చేసేవాడని, తన చుట్టూ బౌన్సర్లను ఏర్పాటు చేసుకుని తిరుగుతుండేవాడని, పేదలకు దాన ధర్మాలు చేయడం, అనాథ పిల్లలను చేరదీసి వారికి చదువు చెప్పించడం కూడా చేస్తుంటాడని పోలీసులు తెలిపారు.

గ్రనాడా (స్పెయిన్‌): రైఫిల్, పిస్టల్‌ ప్రపంచకప్‌ టోర్నమెంట్‌ను భారత బృందం పసిడి పతకంతో, ప్రపంచ రికార్డుతో ప్రారంభించింది. మంగళవారం మొదలైన సీజన్‌ తొలి ప్రపంచకప్‌లో ఆంధ్రప్రదేశ్‌కు చెందిన ముకేశ్‌ నేలవల్లి, హరియాణా అమ్మాయి పలక్‌ గులియా అద్భుతం చేశారు. 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ ఈవెంట్‌లో ముకేశ్‌–పలక్‌ స్వర్ణ పతకాన్ని సొంతం చేసుకున్నారు. ఈ క్రమంలో కొత్త ప్రపంచ రికార్డును కూడా సృష్టించారు. 42 జోడీలు పోటీపడ్డ క్వాలిఫయింగ్‌ రౌండ్‌లో ముకేశ్‌ (294)–పలక్‌ (287) ద్వయం 581 పాయింట్లు స్కోరు చేసి రెండో స్థానంలో... కియాన్‌జున్‌ యావో–హు కాయ్‌ (చైనా) జోడీ 586 పాయింట్లతో అగ్రస్థానాన్ని సంపాదించి స్వర్ణ–రజత పతక పోరుకు అర్హత సాధించాయి. వెరోనికా–అకోస్‌ కరోలీ (హంగేరి; 580 పాయింట్లు), నటాలియా ప్రాడో–నికోలస్‌ మౌరెర్‌ (అమెరికా; 578 పాయింట్లు) జోడీలు వరుసగా మూడు, నాలుగు స్థానాల్లో నిలిచి కాంస్య పతక మ్యాచ్‌కు అర్హత పొందాయి. ఫైనల్లో ముకేశ్‌ (244.7 పాయింట్లు)–పలక్‌ (243 పాయింట్లు) జోడీ 487.7 పాయింట్లు స్కోరు చేసి కొత్త ప్రపంచ రికార్డును లిఖించి పసిడి పతకాన్ని కైవసం చేసుకుంది. ఈ ఏడాది ఫిబ్రవరిలో భారత్‌ వేదికగా జరిగిన ఆసియా చాంపియన్‌షిప్‌లో నిగీనా సైదుకులోవా–ముఖమ్మద్‌ కమలోవ్‌ (ఉజ్బెకిస్తాన్‌; 481.3 పాయింట్లు) నెలకొల్పిన ప్రపంచ రికార్డును ముకేశ్‌–పలక్‌ బద్దలు కొట్టారు. కియాన్‌జున్‌ యావో –హు కాయ్‌ (484.8 పాయింట్లు) జోడీ రజత పతకాన్ని గెల్చుకుంది. మరోవైపు 10 మీటర్ల ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌లో భారత్‌కు నిరాశే మిగిలింది. క్వాలిఫయింగ్‌లో సోనమ్‌–గజానన్‌ (భారత్‌; 631.4 పాయింట్లు) జోడీ ఆరో స్థానంలో ... శ్రుతి–అర్ష్ దీప్‌ సింగ్‌ (భారత్‌; 628 పాయింట్లు) జంట 19వ స్థానంలో నిలిచింది.గురి పెడితే పతకమే...గుంటూరు జిల్లాకు చెందిన 20 ఏళ్ల ముకేశ్‌ కొన్నాళ్లుగా అంతర్జాతీయస్థాయిలో నిలకడగా రాణిస్తున్నాడు. బరిలో దిగిన ప్రతి టోర్నీలో ఏదో ఒక పతకంతో తిరిగొస్తున్నాడు. రెండేళ్ల క్రితం పెరూలో జరిగిన జూనియర్‌ ప్రపంచ చాంపియన్‌షిప్‌లో 25 మీటర్ల పిస్టల్‌ ఈవెంట్‌లో ముకేశ్‌ స్వర్ణం గెలిచి విశ్వవిజేతగా నిలిచాడు. అదే ఈవెంట్‌లో మరో రెండు కాంస్యాలు కూడా సాధించాడు. ఈ ఏడాది న్యూఢిల్లీలో జరిగిన జూనియర్‌ ప్రపంచకప్‌లో ముకేశ్‌ స్వర్ణ, రజత, కాంస్య పతకాలు గెలిచాడు. ఈ సంవత్సరమే న్యూఢిల్లీ వేదికగా జరిగిన ఆసియా జూనియర్‌ చాంపియన్‌షిప్‌లో ముకేశ్‌ ఒక స్వర్ణం, రెండు రజతాలు, ఒక కాంస్యం సొంతం చేసుకున్నాడు. సీనియర్‌స్థాయిలో తొలిసారి ప్రపంచకప్‌లో పసిడి పతకంతో ముకేశ్‌ శుభారంభం చేసి తనకెంతో ఉజ్వల భవిష్యత్‌ ఉందని చాటి చెప్పాడు.

బ్యాంకాక్‌: ఆసియా కప్‌ వరల్డ్‌ ర్యాంకింగ్‌ స్టేజ్‌–1 ఆర్చరీ టోర్నమెంట్‌లో భారత్‌కు ప్రాతినిధ్యం వహించిన తెలంగాణ అమ్మాయి తనిపర్తి చికిత స్వర్ణ, రజత పతకాలతో మెరిసింది. శుక్రవారం ముగిసిన ఈ టోర్నీలో భారత ఆర్చర్లు మొత్తం 10 పతకాలు సాధించారు. పెద్దపల్లి జిల్లాకు చెందిన 20 ఏళ్ల చికిత కాంపౌండ్‌ మిక్స్‌డ్‌ టీమ్‌ విభాగంలో రజత్‌ చౌహాన్‌తో కలిసి పసిడి పతకం సొంతం చేసుకుంది. చికిత, రాజ్‌ కౌర్, తేజల్‌ సాల్వేలతో కూడిన మహిళల కాంపౌండ్‌ జట్టు రజత పతకాన్ని దక్కించుకుంది. మిక్స్‌డ్‌ టీమ్‌ ఫైనల్లో చికిత–రజత్‌ చౌహాన్‌ (భారత్‌) ద్వయం 158–156తో ఫాతిన్‌ నూర్‌ఫతే–జువైది (మలేసియా) జంటపై గెలిచింది. కాంపౌండ్‌ టీమ్‌ ఫైనల్లో చికిత, రాజ్‌ కౌర్, తేజల్‌ బృందం 227–229తో విక్టోరియా, డయానా, రొక్సానాలతో కూడిన కజకిస్తాన్‌ జట్టు చేతిలో ఓడి రజత పతకాన్ని గెల్చుకుంది. పురుషుల రికర్వ్‌ టీమ్‌ ఫైనల్లో దేవాంగ్‌ గుప్తా, సుఖ్‌చెయిన్‌ సింగ్, జుయెల్‌ సర్కార్‌ (భారత్‌) బృందం 4–5తో కరిమోవ్, ఇల్ఫాత్, దౌలత్‌కెల్దీ (కజకిస్తాన్‌) జట్టు చేతిలో ఓడి రజతం నెగ్గింది. మహిళల కాంపౌండ్‌ వ్యక్తిగత కాంస్య పతక మ్యాచ్‌లో తేజల్‌ సాల్వే 144–138తో మరియాపై గెలిచింది. పురుషుల కాంపౌండ్‌ వ్యక్తిగత విభాగంలో భారత ఆర్చర్లు ఉదయ్‌ కంబోజ్‌ (స్వర్ణం), ప్రథమేశ్‌ (రజతం), రజత్‌ (కాంస్యం) క్లీన్‌స్వీప్‌ చేశారు. ఫైనల్లో ఉదయ్‌ కంబోజ్‌ 145–144తో ప్రథమేశ్‌పై, కాంస్య పతక మ్యాచ్‌లో రజత్‌ చౌహాన్‌ 145–144తో పీరావత్‌ (థాయ్‌లాండ్‌)పై నెగ్గారు. మహిళల రికర్వ్‌ వ్యక్తిగత విభాగం ఫైనల్లో రిధి (భారత్‌) 2–6 సెట్‌లతో ఒయున్‌ బసాన్‌దోర్జ్‌ (మంగోలియా) చేతిలో ఓడి రజతం సొంతం చేసుకుంది. బుధవారం భారత పురుషుల కాంపౌండ్‌ జట్టు, భారత మహిళల రికర్వ్‌ జట్టు కాంస్య పతకాలు సాధించాయి.

టిరానా (అల్బేనియా): ముహమెత్‌ మాలో స్మారక వరల్డ్‌ ర్యాంకింగ్‌ సిరీస్‌ రెజ్లింగ్‌ టోర్నమెంట్‌లో భారత రెజ్లర్‌ సుజీత్‌ కల్కాల్‌ పసిడి పతకం సాధించాడు. పురుషుల ఫ్రీస్టయిల్‌ 65 కేజీల విభాగంలో సుజీత్‌ విజేతగా నిలిచాడు. ఫైనల్లో సుజీత్‌ ‘టెక్నికల్‌ సుపీరియారిటీ’ పద్ధతిలో అజర్‌బైజాన్‌ రెజ్లర్‌ రషీద్‌ బాబాజాదెను చిత్తుగా ఓడించాడు. బౌట్‌ మొదలైన 77 సెకన్లకే సుజీత్‌ 10–0తో ఆధిక్యంలోకి వెళ్లి బంగారు పతకాన్ని ఖాయం చేసుకున్నాడు. నిబంధనల ప్రకారం ప్రత్యర్థి పై 10 అంతకన్నా పాయింట్ల ఆధిక్యం సాధించిన వెంటనే రిఫరీ బౌట్‌ను నిలిపివేసి ఆ రెజ్లర్‌ను ‘టెక్నికల్‌ సుపీరియారిటీ’ పద్ధతిలో విజేతగా ప్రకటిస్తారు. ఫైనల్‌ చేరే క్రమంలో సుజీత్‌ మూడు బౌట్‌లలోనూ ‘టెక్నికల్‌ సుపీరియారిటీ’ పద్ధతిలోనే గెలుపొందడం విశేషం. సెమీఫైనల్లో సుజీత్‌ 11–0తో (5 నిమిషాల 17 సెకన్లు) జోసెఫ్‌ క్రిస్టోఫర్‌ (అమెరికా)పై, క్వార్టర్‌ ఫైనల్లో 10–0తో (4 నిమిషాల 6 సెకన్లు) నికా జకాష్విలి (జార్జియా)పై, తొలి రౌండ్‌లో 16–4తో (3 నిమిషాల 33 సెకన్లు) ఎండ్రియో అవిదిలి (అల్బేనియా)పై విజయం సాధించాడు. యునైటెడ్‌ వరల్డ్‌ రెజ్లింగ్‌ (యూడబ్ల్యూడబ్ల్యూ) ర్యాంకింగ్‌ సిరీస్‌ టోర్నీల్లో సుజీత్‌కిది నాలుగో స్వర్ణం కావడం విశేషం. 2022లో జుహైర్‌ ఎస్గెయిర్‌ టోర్నీలో, 2025లో పొల్యాక్‌ ఇమ్రె–వర్గా యోనస్‌ స్మారక టోర్నీలో, 2026 జాగ్రెబ్‌ ఓపెన్‌ టోర్నీలో సుజీత్‌ పసిడి పతకాలు గెలిచాడు.

న్యూఢిల్లీ: ఆసియా సీనియర్‌ షూటింగ్‌ చాంపియన్‌షిప్‌లో భారత్‌ ఖాతాలో మరో స్వర్ణ పతకం చేరింది. ఆదివారం జరిగిన 10 మీటర్ల ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌లో ఇలవేనిల్‌ వలారివన్‌–అర్జున్‌ బబూతా ద్వయం భారత్‌కు పసిడి పతకాన్ని అందించింది. నాలుగు జోడీల మధ్య ఎలిమినేషన్‌ పద్ధతిలో జరిగిన ఫైనల్లో ఇలవేనిల్‌–అర్జున్‌ జోడీ 505 పాయింట్లు స్కోరు చేసి విజేతగా నిలిచింది. 10 మీటర్ల జూనియర్‌ ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌లో హిమాన్షు–శాంభవి ద్వయం 502.4 పాయింట్లు స్కోరు చేసి భారత్‌ ఖాతాలో పసిడి పతకాన్ని చేర్చింది. ముకేశ్‌కు రజతం, తనిష్క్ కు కాంస్యం 25 మీటర్ల స్టాండర్డ్‌ పిస్టల్‌ సీనియర్‌ పురుషుల ఈవెంట్‌లో భారత షూటర్లు గుర్‌ప్రీత్‌ (575 పాయింట్లు), హర్‌‡్ష (571), అమన్‌ ప్రీత్‌ (569) వరుసగా స్వర్ణ, రజత, కాంస్య పతకాలు గెలిచారు. 25 మీటర్ల స్టాండర్డ్‌ పిస్టల్‌ జూనియర్‌ పురుషుల ఈవెంట్‌లోనూ భారత షూటర్లు క్లీన్‌స్వీప్‌తో అదరగొట్టారు. సూరజ్‌ శర్మ (576 పాయింట్లు)స్వర్ణం నెగ్గగా... ఆంధ్రప్రదేశ్‌కు చెందిన ముకేశ్‌ నేలవల్లి (559) రజతం... తెలంగాణకు చెందిన కొడవలి తనిష్క్‌ మురళీధర్‌ నాయుడు (557) కాంస్య పతకం సాధించారు. సీనియర్, జూనియర్‌ విభాగాల్లో కలిపి ఇప్పటి వరకు భారత షూటర్లు 30 స్వర్ణాలు, 12 రజతాలు, 8 కాంస్యాలతో కలిపి 50 పతకాలు గెలిచి అగ్రస్థానంలో కొనసాగుతున్నారు.

న్యూఢిల్లీ: ఆసియా సీనియర్‌ షూటింగ్‌ చాంపియన్‌షిప్‌లో భారత్‌ పతకాల వేట కొనసాగుతోంది. శుక్రవారం జరిగిన పురుషుల 10 మీటర్ల ఎయిర్‌ రైఫిల్‌ ఈవెంట్‌లో వ్యక్తిగత విభాగంలో స్వర్ణం, రజతం... టీమ్‌ విభాగంలో బంగారు పతకం లభించాయి. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో రుద్రాంక్ష్ పాటిల్‌ 251.9 పాయింట్లు స్కోరు చేసి పసిడి పతకాన్ని సొంతం చేసుకున్నాడు. భారత్‌కే చెందిన అర్జున్‌ బబూతా 250.7 పాయింట్లతో రెండో స్థానంలో నిలిచి రజత పతకాన్ని గెలిచాడు. రుద్రాంక్ష్ , అర్జున్, విశాల్‌ సింగ్‌లతో కూడిన భారత బృందం 1884.7 పాయింట్లతో అగ్రస్థానంలో నిలిచి బంగారు పతకాన్ని సాధించింది. జూనియర్‌ పురుషుల 10 మీటర్ల ఎయిర్‌ రైఫిల్‌ ఈవెంట్‌లో భారత షూటర్లు క్లీన్‌స్వీప్‌ చేశారు. హిమాన్షు (250 పాయింట్లు) స్వర్ణం నెగ్గగా... అన్‌‡్ష దబాస్‌ (247.9 పాయింట్లు) రజతం... సురేశ్‌ ప్రణవ్‌ (226.8 పాయింట్లు) కాంస్యం గెలిచారు. హిమాన్షు, అన్‌‡్ష, సురేశ్‌ ప్రణవ్‌లతో కూడిన భారత జట్టు 1887.8 పాయింట్లతో పసిడి పతకాన్ని కైవసం చేసుకుంది.

జాగ్రెబ్‌ (క్రొయేషియా): యునైటెడ్‌ వరల్డ్‌ రెజ్లింగ్‌ (యూడబ్ల్యూడబ్ల్యూ) ర్యాంకింగ్‌ సిరీస్‌ టోర్నమెంట్‌లో భారత స్టార్‌ రెజ్లర్‌ సుజీత్‌ కల్కాల్‌ పసిడి పతకంతో మెరిశాడు. పురుషుల ఫ్రీస్టయిల్‌ 65 కేజీల విభాగంలో సుజీత్‌ విజేతగా నిలిచాడు. ఫైనల్లో సుజీత్‌ 3–0 పాయింట్ల తేడాతో పేమన్‌ నెమాటి (ఇరాన్‌)పై విజయం సాధించాడు. సెమీఫైనల్లో సుజీత్‌ 11–0తో ‘టెక్నికల్‌ సుపీరియారిటీ’ పద్ధతిలో జోసెఫ్‌ మెకన్నా (అమెరికా)పై, క్వార్టర్‌ ఫైనల్లో 10–0తో ‘టెక్నికల్‌ సుపీరియారిటీ’ పద్ధతిలో ఖామ్‌జాట్‌ అర్సెమర్‌జుయెవ్‌ (ఫ్రాన్స్‌)పై గెలుపొందాడు. స్వర్ణ పతకం గెలిచే క్రమంలో సుజీత్‌ తన ప్రత్యర్థులకు ఒక్క పాయింట్‌ కూడా ఇవ్వకపోవడం విశేషం. మరోవైపు పురుషుల ఫ్రీస్టయిల్‌ 61 కేజీల విభాగంలో అమన్‌ సెహ్రావత్‌ రజత పతకం సొంతం చేసుకున్నాడు. పారిస్‌ ఒలింపిక్స్‌లో 57 కేజీల విభాగంలో కాంస్యం పతకం నెగ్గిన అమన్‌... ఈ టోర్నీలో 61 కేజీల విభాగంలో పోటీపడ్డాడు. ఈ కేటగిరీలో ఐదుగురు రెజ్లర్లు బరిలోకి దిగారు. అమన్‌ మూడు బౌట్‌లలో గెలిచి రెండో స్థానంలో నిలిచి రజత పతకాన్ని సాధించాడు. 70 కేజీల విభాగంలో భారత్‌కే చెందిన అభిమన్యు...97 కేజీల విభాగంలో విక్కీ కాంస్య పతకాలు గెలిచారు. కాంస్య పతక బౌట్‌లలో అభిమన్యు 6–3తో మాక్స్‌వెల్‌ పార్కర్‌ (అమెరికా)పై, విక్కీ 8–2తో అద్లాన్‌ (ఫ్రాన్స్‌)పై విజయం సాధించారు.

వాషింగ్టన్‌/లండన్‌: భారత సంతతికి చెందిన ప్రఖ్యాత ఖగోళ శాస్త్రవేత్త శ్రీనివాసన్‌ కులకర్ణికి బ్రిటన్‌కు చెందిన అత్యంత ప్రతిష్టాత్మకమైన రాయల్‌ ఆస్ట్రనామికల్‌ సొసైటీ స్వర్ణ పతకం దక్కింది. అమెరికావాసి అయిన కులకర్ణి అంతరిక్ష రంగంలో కాల విభాగంలో జరిపిన మైలురాళ్ల వంటి పరిశోధనలకు ఈ పురస్కారాన్ని గెలుచుకున్నారు. పలు ఆస్ట్రో ఫిజికల్‌ పరిశోధనల్లో ఆయన స్టీఫెన్‌ హాకింగ్, జోస్లిన్‌ బెల్‌ బర్న్‌వెల్, ఆల్బర్ట్‌ ఐన్‌స్టీన్‌ల సరసన నిలువదగ్గ స్థాయిలో కృషిచేశారు. కులకర్ణి 1985 నుంచి కాలిఫోరి్నయా ఇన్‌స్టిట్యూట్‌ ఆఫ్‌ టెక్నాలజీలో ప్రొఫెసర్‌గా పని చేస్తున్నారు. మరుగుజ్జు తారలు, సుదూరాల్లోని గామా కిరణ విస్ఫోటనాలు వంటివాటి గుట్టుమట్లు విప్పడంలో ఆయన ఎనలేని కృషి చేశారు. బర్కిలీ వర్సిటీలో పరిశోధక విద్యార్థిగా ఉండగానే మిల్లీసెకన్‌ పల్సర్‌పై చేసిన పరిశోధనలతో ఆ రంగంలోని ఉద్ధండుల దృష్టిలో పడ్డారు. కులకర్ణి 1997లో చేసిన పరిశోధన గామా కిరణ విస్ఫోటాలు తారా సమూహాలకు ఆవల కూడా సంభవిస్తాయని రుజువు చేసింది. ఇది ఆస్ట్రోఫిజిక్స్‌ తీరుతెన్నులనే కొత్త మలుపు తిప్పింది. పాలోమర్‌ ట్రాన్సియెంట్‌ ఫ్యాక్టరీ (పీటీఎఫ్‌), జ్వికీ ట్రాన్సియెంట్‌ ఫెసిలిటీ (జీటీఎఫ్‌) వంటి కీలక సూత్రాల ఆవిష్కరణలో ఆయనది కీలక పాత్ర. ఆశ్చర్యం, ఆనందం: కులకర్ణి ఆర్‌ఏఎస్‌ పురస్కారం పట్ల కులకర్ణి హర్షం వెలిబుచ్చారు. గతంలో దాన్ని అందుకున్న హేమాహేమీల సరసన తన పేరు చేరడం ఆశ్చర్యంగానూ, ఆనందంగానూ ఉందన్నా రు. కులకర్ణి 1978లో ఐఐటీ ఢిల్లీలో మాస్టర్స్‌ చేశారు. అనంతరం 1983లో బర్కిలీ వర్సిటీ నుంచి పీహెచ్‌డీ పూర్తి చేశారు. ప్రస్తుతం నాసా 2030లో ప్రయోగించబోతున్న యూవీఈఎక్స్‌ అ్రల్టావయోలెట్‌ స్కై సర్వే మిషన్‌తో పాటు కెక్‌ అబ్జర్వేటరీ తాలూకు జెడ్‌షూటర్‌ స్పెక్ట్రోమీటర్‌ మిషన్‌లోనూ కీలకంగా వ్యవహరిస్తున్నారు. రాయల్‌ ఆస్ట్రనామికల్‌ సొసైటీకి 200 ఏళ్ల ఘన చరిత్ర ఉంది. ఆ్రస్టానమీ మొదలుకుని జియోఫిజిక్స్‌ దాకా పలు రంగాల్లో అద్భుతమైన కృషి చేసిన శాస్త్రవేత్తలకు ఆర్‌ఏఎస్‌ ప్రదానం చేసే గోల్డ్‌మెడల్‌ను వారి సేవలకు అత్యంత విలువైన గుర్తింపుగా భావిస్తుంటారు.

ఖేలో ఇండియా బీచ్ గేమ్స్ 2026లో ఘోగ్లా బీచ్‌లో సెపక్‌టక్రా ఫైనల్స్‌లో హర్యానా మహిళల జట్టు, ఢిల్లీ పురుషుల జట్టు విజయం సాధించాయి. దీంతో బిహార్ బంగారు పతకం గెలిచే ఆశలపై నీళ్లు చల్లినట్లయింది.స్పోర్ట్స్ అథారిటీ ఆఫ్ ఇండియా, జాతీయ క్రీడా సమాఖ్యల సాంకేతిక పర్యవేక్షణలో.. కేంద్ర పాలిత ప్రాంతం దాద్రా & నగర్ హవేలీ, దమన్ & డయూ ఆధ్వర్యంలో ఖేలో ఇండియా బీచ్ గేమ్స్ 2026 జరుగుతున్నాయి. ఈ పోటీల్లో వాలీబాల్, సాకర్, సెపక్‌టక్రా, కబడ్డీ, పెంచక్ సిలాట్, ఓపెన్ వాటర్ స్విమ్మింగ్, మల్లఖంబ్ మరియు టగ్ ఆఫ్ వార్ అనే ఎనిమిది క్రీడల్లో 1100కు పైగా క్రీడాకారులు పాల్గొంటున్నారు. మొదటి ఆరు క్రీడలు పతకాల కోసం నిర్వహించబడుతుండగా, మొత్తం 32 బంగారు పతకాలు అందుబాటులో ఉన్నాయి.మహిళల సెపక్‌టక్రా ఫైనల్‌లో తొలి రెగును కోల్పోయిన తర్వాత హర్యానా జట్టు గట్టిగా తిరిగి వచ్చి బిహార్‌పై 2-1తో విజయం సాధించింది. ఈ మ్యాచ్ గంట 15 నిమిషాల పాటు సాగింది. పురుషుల విభాగంలో ఢిల్లీ జట్టు బిహార్‌పై 2-0తో నేరుగా విజయం సాధించింది.బీచ్ సాకర్‌లో డిఫెండింగ్ చాంపియన్స్ ఒడిశా, డెబ్యూ జట్టు హిమాచల్ ప్రదేశ్‌పై 7-0తో ఆధిపత్య విజయాన్ని నమోదు చేసి మహిళల ఫైనల్‌కు చేరుకుంది. స్రిజనా తమాంగ్, సత్యబతి ఖడియా, ఖుండోంగ్‌బామ్ అంబాలికా తలా రెండు గోల్స్ చొప్పున సాధించారు.రెండో మహిళల సెమీఫైనల్‌లో తొలి క్వార్టర్‌లోనే నాలుగు గోల్స్ చేసిన గుజరాత్, అరుణాచల్ ప్రదేశ్‌పై 6-3తో విజయం సాధించింది. ఓడిన జట్టుకు కెప్టెన్ జియానీ రామ్‌చింగ్ మారా మూడు క్వార్టర్లలో ఒక్కో గోల్ సాధించినప్పటికీ ఇతరుల నుంచి సరైన మద్దతు లభించలేదు.బీచ్ వాలీబాల్‌లో తమిళనాడు పురుషులు మరియు మహిళలు రెండు విభాగాల్లోనూ బంగారు పతకాలు గెలుచుకునే అవకాశం పొందారు. మహిళల సెమీఫైనల్‌లో దీపికా, పవిత్ర జంట తొలి సెట్ కోల్పోయిన తర్వాత స్వాతి, ధర్షిణిపై 19-21, 21-12, 15-6తో విజయం సాధించి ఫైనల్‌లో పుదుచ్చేరి జంట రేవతి, శ్వేతతో తలపడనుంది. పురుషుల ఫైనల్‌లో తమిళనాడు జంట భారత్, రాజేష్ గోవా జంట సావన్, గౌన్స్‌తో తలపడనుంది.ఫలితాలుబీచ్ సాకర్ (సెమీఫైనల్స్)మహిళలు: గుజరాత్ 6-3 అరుణాచల్ ప్రదేశ్‌ను ఓడించింది; ఒడిశా 7-0 హిమాచల్ ప్రదేశ్‌ను ఓడించిందిబీచ్ సెపక్‌టక్రామహిళలు: బంగారం – హర్యానా; రజతం – బిహార్; కాంస్యం – ఉత్తర ప్రదేశ్, మణిపూర్పురుషులు: బంగారం – ఢిల్లీ; రజతం – బిహార్; కాంస్యం – మణిపూర్, దాద్రా & నగర్ హవేలీ మరియు దమన్ & దియుబీచ్ వాలీబాల్ (సెమీఫైనల్స్)మహిళలు: దీపికా/పవిత్ర (టీఎన్) 19-21, 21-12, 15-6తో స్వాతి/ధర్షిణి (టీఎన్)పై విజయం; రేవతి/శ్వేత (పుదుచ్చేరి) 21-10, 21-18తో మనసా/మౌనిక (ఆంధ్రప్రదేశ్)పై విజయంపురుషులు: సావన్/గౌన్స్ (గోవా) 21-18, 16-21, 15-12తో పూన్తమిళన్/అభిథన్ (టీఎన్)పై విజయం; భారత్/రాజేష్ (టీఎన్) 21-13, 19-21, 15-8తో రామకృష్ణ దవాస్కర్/నితిన్ సావంత్ (గోవా)పై విజయం

కోల్‌కతా: టాటా స్టీల్‌ వరల్డ్‌ 25 కిలోమీటర్ల రేసులో భారత అథ్లెట్ల కేటగిరీలో భారత రన్నర్‌ గుల్‌వీర్‌ సింగ్‌ జాతీయ రికార్డు సృష్టించి విజేతగా నిలిచాడు. గుల్‌వీర్‌ 25 కిలోమీటర్ల దూరాన్ని 1 గంట 12 నిమిషాల 06 సెకన్లలో పూర్తి చేసి స్వర్ణ పతకాన్ని గెల్చుకున్నాడు. ఈ క్రమంలో 2024లో 1 గంట 14 నిమిషాల 10 సెకన్లతో తానే నెలకొల్పిన రికార్డును గుల్‌వీర్‌ సవరించాడు. హర్‌మంజోత్‌ సింగ్‌ (1గం:15ని:11 సెకన్లు) రజతం, సావన్‌ బర్వాల్‌ (1గం:15ని:25 సెకన్లు) కాంస్యం సొంతం చేసుకున్నారు. ఓవరాల్‌ పురుషుల విభాగంలో రెండుసార్లు ఒలింపిక్‌ చాంపియన్‌ జోషువా కిప్తెగయ్‌ (ఉగాండా; 1గం:11ని:49 సెకన్లు) విజేతగా అవతరించి పసిడి పతకాన్ని గెలిచాడు. అల్ఫోన్స్‌ ఫెలిక్స్‌ సింబు (టాంజానియా; 1గం:11ని:56 సెకన్లు) రజతం, టెబెల్లో రామకొంగోనా (లెసెతో; 1గం:11ని:59 సెకన్లు) కాంస్యం కైవసం చేసుకున్నారు.

సాక్షి, హైదరాబాద్‌: అఖిల భారత అంతర్‌ యూనివర్సిటీ అక్వాటిక్స్‌ చాంపియన్‌షిప్‌లో ఉస్మానియా విశ్వవిద్యాలయానికి చెందిన వ్రిత్తి అగర్వాల్‌ పసిడి పతకంతో మెరిసింది. ఇప్పటికే జాతీయ స్థాయిలో పలు టోర్నీల్లో లెక్కకు మిక్కిలి పతకాలతో సత్తా చాటిన వ్రిత్తి... చెన్నైలోని ఎస్‌ఆర్‌ఎమ్‌ యూనివర్సిటీలో జరిగిన పోటీల్లో మరో స్వర్ణం ఖాతాలో వేసుకుంది. మహిళల 1500 మీటర్ల ఫ్రీ స్టయిల్‌ విభాగంలో శుక్రవారం వ్రిత్తి 18 నిమిషాల 1.04 సెకన్లలో లక్ష్యాన్ని చేరి అగ్రస్థానం దక్కించుకుంది. విశ్వేశ్వర టెక్నాలజీ యూనివర్సిటీకి చెందిన షీరీన్‌ (18 నిమిషాల 10.97 సెకన్లు) రజత పతకం గెలుచుకోగా... అశ్విత చంద్ర (18 నిమిషాల 24.11 సెకన్లు; జైన్‌ యూనివర్సిటీ బెంగళూరు) కాంస్య పతకం సాధించింది.

న్యూఢిల్లీ: భారత షూటర్‌ సామ్రాట్‌ రాణా ప్రపంచ చాంపియన్‌షిప్‌లో కనబరిచిన స్వర్ణ పతక ప్రదర్శనకు అరుదైన గుర్తింపు దక్కింది. అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) విడుదల చేసిన ఈ ఏడాది మేటి ఐదు ప్రదర్శనల్లో మన షూటర్‌ ఘనత కూడా నిలిచింది. హరియాణాకు చెందిన 20 ఏళ్ల యువ షూటర్‌ సామ్రాట్‌ గత నెల కైరోలో జరిగిన ఈవెంట్‌లో బంగారు పతకం సాధించాడు. పురుషుల 10 మీటర్ల ఎయిర్‌ పిస్టల్‌లో అసాధారణ గురితో ‘స్వర్ణ’ధరికి చేరాడు. తన తండ్రి ఇచ్చిన ప్రోత్సాహం, సొంత వ్యవసాయ క్షేత్రంలో ఏర్పాటు చేసిన చిన్నపాటి షూటింగ్‌ కేంద్రమే సామ్రాట్‌ను ప్రపంచ చాంపియన్‌గా మలిచింది. ఈ సందర్భంగా ఐఎస్‌ఎస్‌ఎఫ్‌ సామ్రాట్‌ పసిడి పతక ప్రదర్శనను ఆకాశానికెత్తింది. అద్భుతమని కితాబిచ్చి ంది. అక్కడ అతనేం చేశాడంటే... పురుషుల 10 మీటర్ల ఎయిర్‌ పిస్టల్‌ ఫైనల్స్‌కు సామ్రాట్‌ అర్హత సాధించాడు. కానీ అక్కడ ప్రపంచ నంబర్‌వన్‌ హు కై (చైనా) ఉన్నాడు. పైగా ఈ ఏడాది అతను ఎవరి చేతిలోనూ ఓడలేదు. అలాంటి అజేయ షూటర్‌ స్వర్ణం లక్ష్యంగా బుల్లెట్‌లను ఫైర్‌ చేశాడు. ఇంకో నాలుగైదు షాట్లే మిగిలున్నాయి. చైనా షూటర్‌ స్పష్టమైన అధిక్యంలో ఉన్నాడు. ఇలాంటి దశలో ఒత్తిడి లేకుండా సామ్రాట్‌ తన కంటికి లక్ష్యబిందువు తప్ప ఇంకేది కనపడనీయలేదు. ట్రిగ్గర్‌ నొక్కి కచ్చి తత్వంతో కూడిన రెండు వరుస షాట్లు (10.2 పాయింట్లు, 10.6 పాయింట్లు) హరియాణా షూటర్‌కు అసాధారణ విజయాన్ని కట్టబెట్టాయి.

సాక్షి, హైదరాబాద్‌: ఎన్‌టీపీసీ జాతీయ సీనియర్‌ ఆర్చరీ చాంపియన్‌షిప్‌లో సర్వీసెస్‌ స్పోర్ట్స్‌ కంట్రోల్‌ బోర్డు (ఎస్‌ఎస్‌సీబీ)కు ప్రాతినిధ్యం వహించిన ఆంధ్రప్రదేశ్‌ ఆర్చర్‌ బొమ్మదేవర ధీరజ్‌ రెండు పతకాలతో మెరిశాడు. రికర్వ్‌ వ్యక్తిగత విభాగంలో స్వర్ణ పతకం సాధించిన ధీరజ్‌... టీమ్‌ విభాగంలో రజత పతకాన్ని సొంతం చేసుకున్నాడు. బేగంపేటలోని హైదరాబాద్‌ పబ్లిక్‌ స్కూల్‌లో గురువారం ముగిసిన ఈ పోటీల్లోపురుషుల రికర్వ్‌ వ్యక్తిగత ఫైనల్లో ధీరజ్‌ 6–0తో పార్థ్‌ సుశాంత్‌ సాలుంకే (మహారాష్ట్ర)పై గెలిచి జాతీయ చాంపియన్‌గా అవతరించాడు. టీమ్‌ విభాగంలో ధీరజ్, రాహుల్, సుఖ్‌చెయిన్‌ సింగ్‌లతో కూడిన సర్వీసెస్‌ జట్టు ఫైనల్లో అభ్యుదయ్, పార్థ్‌ సాలుంకే, సాహిల్‌లతో కూడిన మహారాష్ట్ర జట్టు చేతిలో ఓడిపోయింది. గౌరవ్, యశ్‌దీప్, పవన్‌లతో కూడిన రైల్వేస్‌ స్పోర్ట్స్‌ ప్రమోషన్‌ బోర్డు (ఆర్‌ఎస్‌పీబీ) జట్టుకు కాంస్య పతకం దక్కింది. జార్ఖండ్‌ మాజీ ముఖ్యమంత్రి, భారత ఆర్చరీ సంఘం (ఏఏఐ) అధ్యక్షుడు అర్జున్‌ ముండా ముఖ్యఅతిథిగా విచ్చేసి విజేతలకు పతకాలు అందజేశారు. ఈ సందర్భంగా ఆయన మాట్లాడుతూ ప్రపంచ ఆర్చరీ చాంపియన్‌షిప్‌ నిర్వహణ కోసం భారత్‌ బిడ్‌ దాఖలు చేస్తుందని అన్నారు. తెలంగాణ ప్రభుత్వ స్పెషల్‌ చీఫ్‌ సెక్రటరీ జయేశ్‌ రంజన్‌ మాట్లాడుతూ తెలంగాణలో జాతీయ, అంతర్జాతీయ టోర్నీలు నిర్వహించేందుకు ముందుకొచ్చే క్రీడా సంఘాలకు ప్రభుత్వం నుంచి పూర్తి సహకారం ఉంటుందని హామీ ఇచ్చారు. ఈ కార్యక్రమంలో తెలంగాణ ఆర్చరీ సంఘం అధ్యక్షుడు టి.రాజు, జనరల్‌ సెక్రటరీ అరవింద్, ఆర్చరీ డెవలప్‌మెంట్‌ సభ్యుడు పుట్టా శంకరయ్య, హైదరాబాద్‌ ఆర్చరీ సంఘానికి చెందిన అశ్విన్‌ రావు, బేగంపేట హైదరాబాద్‌ పబ్లిక్‌ స్కూల్‌ డెవలప్‌మెంట్‌ కమిటీ చైర్మన్‌ గుస్తీ నోరియా, కమిటీ సభ్యుడు మర్రి ఆదిత్య రెడ్డి పాల్గొన్నారు.

తైపీ ఓపెన్‌ వరల్డ్‌ సిరీస్‌ ఇండోర్‌ ఆర్చరీ టోర్నమెంట్‌లో భారత్‌కు ప్రాతినిధ్యం వహించిన తెలంగాణ అమ్మాయి తానిపర్తి చికిత స్వర్ణ పతకాన్ని సాధించింది. మహిళల అండర్‌–21 కాంపౌండ్‌ వ్యక్తిగత విభాగంలో పెద్దపల్లి జిల్లాకు చెందిన 20 ఏళ్ల చికిత చాంపియన్‌గా అవతరించింది. చైనీస్‌ తైపీలోని తావోయువాన్‌ సిటీలో జరిగిన ఈ టోరీ్నలో చికిత ఫైనల్లో 148–141 పాయింట్ల తేడాతో జిట్‌మున్‌ ఖెమనిత్‌ (థాయ్‌లాండ్‌)పై గెలుపొందింది. సెమీఫైనల్లో చికిత 147–145తో యోన్‌సియో కాంగ్‌ (దక్షిణ కొరియా)పై, క్వార్టర్‌ ఫైనల్లో 149–138తో సియోయూన్‌ కాంగ్‌ (దక్షిణ కొరియా)పై విజయం సాధించింది. మరోవైపు మహిళల కాంపౌండ్‌ వ్యక్తిగత విభాగంలో భారత స్టార్, ఆంధ్రప్రదేశ్‌ క్రీడాకారిణి వెన్నం జ్యోతి సురేఖ కాంస్య పతకాన్ని దక్కించుకుంది. కాంస్య పతక మ్యాచ్‌లో జ్యోతి సురేఖ 149–143తో సో చేవన్‌ (దక్షిణ కొరియా)పై నెగ్గింది. పురుషుల కాంపౌండ్‌ వ్యక్తిగత విభాగంలో అభిషేక్‌ వర్మ కూడా కాంస్యం కైవసం చేసుకున్నాడు. కాంస్య పతక మ్యాచ్‌లో అభిషేక్‌ వర్మ 148–146తో మార్కో బ్రునో (ఇటలీ)పై గెలిచాడు. మహిళల రికర్వ్‌ అండర్‌–21 కాంస్య పతక మ్యాచ్‌లో ఆంధ్రప్రదేశ్‌ ప్లేయర్‌ కొండపావులూరి యుక్తశ్రీ 5–6తో షు యాన్‌ లిన్‌ (చైనీస్‌ తైపీ) చేతిలో ఓడిపోయింది.

దోహా: భారత యువ షూటర్‌ సురుచి సింగ్‌... అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) సీజన్‌ చివరి వరల్డ్‌కప్‌ ఫైనల్లో పసిడి పతకంతో మెరిసింది. మహిళల 10 మీటర్ల ఎయిర్‌ పిస్టల్‌లో సురుచి 245.1 పాయింట్లతో స్వర్ణ పతకం ఖాతాలో వేసుకుంది. ఇదే విభాగంలో పోటీపడిన భారత మరో షూటర్‌ సైన్యం 243.3 పాయింట్లతో రజత పతకం కైవసం చేసుకుంది. ఒలింపిక్‌ పతక విజేత మనూ భాకర్‌ 179.2 పాయింట్లతో ఐదో స్థానానికి పరిమితమైంది. అంతకుముందు క్వాలిఫయింగ్‌ ఈవెంట్‌లో సురుచి 586, మనూ భాకర్‌ 578, సైన్యం 573 పాయింట్లు సాధించి ఫైనల్‌కు అర్హత సాధించారు. పురుషుల 10 మీటర్ల ఎయిర్‌ పిస్టల్‌ విభాగంలో సామ్రాట్‌ కాంస్య పతకం చేజిక్కించుకున్నాడు. ఫైనల్లో సామ్రాట్‌ 221.5 పాయింట్లు సాధించాడు. తొలి రోజు పోటీల్లో భారత ఎయిర్‌ రైఫిల్‌ షూటర్లు నిరాశ పరిచారు. రుద్రాం„Š పాటిల్, అర్జున్‌ బబూతా వరుసగా నాలుగు, ఆరో స్థానాల్లో నిలిచారు. మహిళల విభాగంలో ఎలవెనిల్‌ వలరివన్‌ 9వ స్థానంతో సరిపెట్టుకుంది.

సాక్షి, హైదరాబాద్‌: స్కూల్‌గేమ్స్‌ ఫెడరేషన్‌ ఆఫ్‌ ఇండియా (ఎస్‌జీఎఫ్‌ఐ) జాతీయ స్విమ్మింగ్‌ చాంపియన్‌షిప్‌లో తెలంగాణ స్విమ్మర్లు నాలుగు పతకాలు సాధించారు. న్యూఢిల్లీలో జరుగుతున్న ఈ పోటీల్లో అండర్‌–19 బాలుర విభాగంలో సుహాస్‌ ప్రీతమ్‌ 200 మీటర్ల బ్యాక్‌స్ట్రోక్‌లో స్వర్ణ పతకం గెలిచాడు. సుహాస్‌ 2 నిమిషాల 06.28 సెకన్లలో రేసును ముగించి అగ్రస్థానాన్ని దక్కించుకున్నాడు. కేరళ తరఫున బరిలోకి దిగిన ఆంధ్రప్రదేశ్‌ స్విమ్మర్‌ మొంగం తీర్థు సామ (2ని:11.24 సెకన్లు) కాంస్య పతకాన్ని సొంతం చేసుకున్నాడు. అండర్‌–19 బాలుర 400 మీటర్ల వ్యక్తిగత మెడ్లేలో తెలంగాణకు చెందిన ధూళిపూడి వర్షిత్‌ (4ని:40.41 సెకన్లు) రజత పతకం సంపాదించాడు. ఆంధ్రప్రదేశ్‌కు చెందిన మొంగం తీర్థు సామ (4ని:39.85 సెకన్లు) స్వర్ణ పతకం కైవసం చేసుకున్నాడు. అండర్‌–17 బాలుర 50 మీటర్ల బటర్‌ఫ్లయ్‌లో తెలంగాణకు చెందిన ఇషాన్‌ దాస్‌ (25.93 సెకన్లు) రజతం, గౌతమ్‌ శశివర్ధన్‌ (26.25 సెకన్లు) కాంస్యం సాధించారు.

న్యూఢిల్లీ: కేంద్రం నుంచి ఆర్థికంగా చేయూత లభించడంతో... ఆసియా ఈక్వె్రస్టియన్‌ (అశ్విక క్రీడలు) చాంపియన్‌షిప్‌లో భారత్‌ తమ అత్యుత్తమ ప్రదర్శన నమోదు చేసింది. థాయ్‌లాండ్‌లోని పటాయా నగరంలో జరిగిన ఈ చాంపియన్‌షిప్‌లో భారత్‌ ఒక స్వర్ణం, నాలుగు రజతాలతో కలిపి మొత్తం ఐదు పతకాలతో మెరిసింది. ఈవెంటింగ్‌ కేటగిరీలో టార్గెట్‌ ఏషియన్‌ గేమ్స్‌ గ్రూప్‌ (టీఏజీజీ) సభ్యుడైన ఆశిష్‌ లిమాయే స్వర్ణ పతకాన్ని సాధించాడు. ఈ క్రమంలో ఆసియా ఈక్వె్రస్టియన్‌ పోటీల చరిత్రలో వ్యక్తిగత స్వర్ణం సాధించిన తొలి భారతీయ ప్లేయర్‌గా గుర్తింపు పొందాడు. ఆశిష్‌ లిమాయే, శశాంక్‌ సింగ్‌ కటారియా, శశాంక్‌ కనుమూరిలతో కూడిన భారత జట్టు ఈవెంటింగ్‌ టీమ్‌ విభాగంలో రజత పతకం సాధించింది. డ్రెసాజ్‌ ఈవెంట్, ఇంటర్మీడియట్‌ ఫ్రీస్టయిల్‌–1 వ్యక్తిగత విభాగాల్లో శ్రుతి వోరా రజత పతకాలు నెగ్గింది. డ్రెసాజ్‌ టీమ్‌ విభాగంలో శ్రుతి వోరా, దివ్యకీర్తి సింగ్, గౌరవ్‌ పుందిర్‌లతో కూడిన భారత జట్టు రజత పతకం హస్తగతం చేసుకుంది. ఆసియా చాంపియన్‌షిప్‌లో పోటీపడ్డ 16 మంది సభ్యులతో కూడిన భారత బృందం ఖర్చులన్నీ కేంద్ర ప్రభుత్వం భరించింది. జాతీయ క్రీడా సమాఖ్యలకు చేయూత పథకంలో భాగంగా భారత బృందంపై రూ. 2 కోట్ల 73 లక్షలు వెచ్చించారు.

న్యూఢిల్లీ: బధిరుల ఒలింపిక్స్‌ క్రీడల్లో భారత షూటర్ల జోరు కొనసాగుతోంది. ఈ మెగా టోర్నీలో ఇప్పటికే మూడు పతకాలు నెగ్గిన భారత షూటర్‌ మహిత్‌ సంధు తాజాగా నాలుగో పతకం ఖాతాలో వేసుకుంది. శనివారం మహిళల 50 మీటర్ల రైఫిల్‌ ‘త్రి’ పొజిషన్‌లో మహిత్‌ స్వర్ణ పతకంతో మెరిసింది. ఫైనల్లో మహిత్‌ 456 పాయింట్లతో అగ్ర స్థానంలో నిలిచింది. ఈ పోటీల్లో మహిత్‌కు ఇది రెండో స్వర్ణం కావడం విశేషం. దక్షిణ కొరియాకు చెందిన డైన్‌ జెంగ్‌ 453.5 పాయింంట్లతో రజతం దక్కించుకోగా... హంగేరి షూటర్‌ మిరా జుసన్నా బియాటోజ్‌కీ (438.6 పాయింట్లు) కాంస్యం నెగ్గింది. అంతకుముందు క్వాలిఫయింగ్‌ రౌండ్‌లో మహిత్‌ 585 పాయింట్లు సాధించి ప్రపంచ రికార్డుతో ఫైనల్లో అడుగుపెట్టింది. ఆమె నీలింగ్‌ పొజిషన్‌లో 194 పాయింట్లు, ప్రోన్‌లో 198 పాయింట్లు, స్టాండింగ్‌లో 193 పాయింట్లతో అదరగొట్టింది. గతంలో 576 పాయింట్లతో తన పేరిటే ఉన్న వరల్డ్‌ రికార్డును మహిత్‌ తిరగరాసింది. ఇదే విభాగంలో పోటీపడిన భారత మరో షూటర్‌ నటాషా జోషీ 417.1 పాయింట్లతో ఐదో స్థానానికి పరిమితమైంది. ఈ పోటీల్లో భారత షూటర్లు ఇప్పటి వరకు 14 పతకాలు (5 స్వర్ణాలు, 6 రజతాలు, 3 కాంస్యాలు) గెలుచుకున్నారు.

న్యూఢిల్లీ: భారత బధిర షూటర్, తెలంగాణకు చెందిన ధనుశ్‌ శ్రీకాంత్‌ డెఫ్‌ ఒలింపిక్స్‌లో ప్రపంచ రికార్డుతో పసిడి పతకం నిలబెట్టుకున్నాడు. టోక్యోలో ఆదివారం జరిగిన పురుషుల 10 మీటర్ల ఎయిర్‌ రైఫిల్‌ ఈవెంట్‌లో 23 ఏళ్ల ధనుశ్‌ శ్రీకాంత్‌ 252.2 ప్రపంచ రికార్డు స్కోరుతో అగ్ర స్థానంలో నిలిచాడు. ఈ క్రమంలో గతంలో అతనే నెలకొలి్పన 251.7 స్కోరును తాజా బధిరుల ఒలింపిక్స్‌లో అధిగమించాడు. ఇదే ఈవెంట్‌లో పోటీపడిన భారత సహచరుడు మొహమ్మద్‌ ముర్తజా వానియా 250.1 స్కోరుతో రెండో స్థానంలో నిలిచాడు. దీంతో ముర్తజా రజత పతకంతో సరిపెట్టుకోగా... దక్షిణ కొరియా బధిర షూటర్‌ బెక్‌ సెంగ్‌హక్‌ (223.6) కాంస్యం నెగ్గాడు. హైదరాబాద్‌కు చెందిన శ్రీకాంత్‌ ఒలింపిక్‌ పతక విజేత గగన్‌ నారంగ్‌కు చెందిన ‘గన్‌ ఫర్‌ గ్లోరీ’ అకాడమీలో శిక్షణ పొందుతున్నాడు. ముందుగా 630.6 స్కోరుతో శ్రీకాంత్‌ ఫైనల్స్‌కు అర్హత సాధించగా, ముర్తజా (626.3) కూడా మెరుగైన స్కోరుతో తుది పోరుకు చేరుకున్నాడు. 2022లో కాక్సియస్‌ డొ సుల్‌ (బ్రెజిల్‌)లో జరిగిన డెఫ్‌ ఒలింపిక్స్‌లో ధనుశ్‌ శ్రీకాంత్‌ వ్యక్తిగత, మిక్స్‌డ్‌ టీమ్‌ ఈవెంట్లలో బంగారు పతకాలు సాధించాడు. మహిళల 10 మీటర్ల ఎయిర్‌ రైఫిల్‌ ఈవెంట్‌లో మహిత్‌ సంధు బంగారు పతకం గెలుచుకుంది. ఆమె 250.5 స్కోరుతో రజతం గెలుచుకోగా, సహచర షూటర్‌ కోమల్‌ వాఘ్‌మారె (228.3) కాంస్యంతో సరిపెట్టుకుంది. రూ.1.20 కోట్ల నజరానా... డెఫ్‌ ఒలింపిక్స్‌లో స్వర్ణం గెలుచుకున్న రాష్ట్ర షూటర్‌కు తెలంగాణ ప్రభుత్వం భారీ నజరానాను ప్రకటించింది. శ్రీకాంత్‌కు రూ. 1 కోటి 20 లక్షల నగదు బహుమతిని అందజేయనున్నట్లు క్రీడా శాఖ మంత్రి వాకిటి శ్రీహరి వెల్లడించారు. హన్మకొండ జిల్లా కేంద్రంలోని జవహర్‌లాల్‌ నెహ్రూ స్టేడియంలో కొత్తగా ఏర్పాటు చేసిన తెలంగాణ స్పోర్ట్స్‌ స్కూల్‌ను మంత్రి ఆదివారం ప్రారంభించారు. ఈ సందర్భంగా శ్రీకాంత్‌ ఘనత గురించి సమాచారం తెలుసుకున్న శ్రీహరి ఈ ప్రకటన చేశారు.

కైరో: అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) ప్రపంచ చాంపియన్‌షిప్‌లో మూడో రోజు భారత షూటర్లు అదరగొట్టారు. రెండు స్వర్ణాలు, ఒక రజతం, ఒక కాంస్యంతో కలిపి మొత్తం నాలుగు పతకాలు సాధించారు. పురుషుల 10 మీటర్ల ఎయిర్‌ పిస్టల్‌ విభాగంలో భారత్‌కు మొత్తం మూడు పతకాలు లభించాయి. ముందుగా టీమ్‌ విభాగంలో సామ్రాట్‌ రాణా, వరుణ్‌ తోమర్, శ్రవణ్‌ కుమార్‌లతో కూడిన భారత బృందం 1754 పాయింట్లతో పసిడి పతకాన్ని సొంతం చేసుకుంది. క్వాలిఫయింగ్‌లో సామ్రాట్‌ రాణా 586 పాయింట్లు, వరుణ్‌ తోమర్‌ 586 పాయింట్లు, శ్రవణ్‌ 582 పాయింట్లు స్కోరు చేశారు. 10 పాయింట్ల షాట్‌లను వరుణ్‌తో (26) పోలిస్తే ఒక్క షాట్‌ ఎక్కువ కొట్టడంతో సామ్రాట్‌ (27)కు క్వాలిఫయింగ్‌లో టాప్‌ ర్యాంక్‌ దక్కింది. వరుణ్‌కు రెండో స్థానం లభించింది. వీరిద్దరితోపాటు మరో ఆరుగురు షూటర్లు ఫైనల్‌కు అర్హత సాధించారు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో సామ్రాట్‌ 243.7 పాయింట్లు స్కోరు చేసి విజేతగా నిలిచి బంగారు పతకాన్ని గెలిచాడు. హు కాయ్‌ (చైనా; 243.3 పాయింట్లు) రజత పతకం సాధించగా... వరుణ్‌ తోమర్‌ (భారత్‌; 221.7 పాయింట్లు) కాంస్య పతకాన్ని దక్కించుకున్నాడు. ఇషా బృందానికి రజతం మరోవైపు మహిళల 10 మీటర్ల ఎయిర్‌ పిస్టల్‌ విభాగంలో భారత్‌కు మిశ్రమ ఫలితాలు ఎదురయ్యాయి. తెలంగాణ అమ్మాయి ఇషా సింగ్, పారిస్‌ ఒలింపిక్స్‌లో రెండు పతకాలు నెగ్గిన మనూ భాకర్, ప్రస్తుత ప్రపంచ నంబర్‌వన్‌ సురుచి సింగ్‌లతో కూడిన భారత జట్టు టీమ్‌ విభాగంలో 1740 పాయింట్లతో రెండో స్థానంలో నిలిచి రజత పతకాన్ని గెల్చుకుంది. క్వాలిఫయింగ్‌లో ఇషా సింగ్‌ 583 పాయింట్లు, మనూ భాకర్‌ 580 పాయింట్లు, సురుచి 577 పాయింట్లు స్కోరు చేశారు. క్వాలిఫయింగ్‌లో ఇషా నాలుగో స్థానంలో, మను ఆరో స్థానంలో నిలిచి ఫైనల్‌కు చేరుకోగా... సురుచి 14వ స్థానంలో నిలిచి ఫైనల్‌కు దూరమైంది. వ్యక్తిగత విభాగంలో మాత్రం ఇషా, మనూ భాకర్‌లకు నిరాశ ఎదురైంది. వీరిద్దరు పతకాలు నెగ్గలేకపోయారు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో ఇషా 159.2 పాయింట్లతో ఆరో స్థానంలో, మనూ 139.5 పాయింట్లతో ఏడో స్థానంలో నిలిచి పతకానికి దూరమయ్యారు. మూడో రోజు పోటీలు ముగిశాక భారత్‌ 3 స్వర్ణాలు, 3 రజతాలు, 3 కాంస్యాలతో కలిపి 9 పతకాలతో రెండో స్థానంలో ఉంది.

బహ్రెయిన్ వేదికగా జరుగుతున్న ఆసియా యూత్ గేమ్స్ మూడో ఎడిషన్‌లో భారత బాక్సర్లు సత్తాచాటారు. ఈ పోటీల్లో భారత యువ బాక్సింగ్ బృందం ఐదు పతకాలు సాధించింది. అందులో మూడు స్వర్ణాలు, ఒక రజతం, ఒక కాంస్య పతకం ఉంది. గురువారంగురువారం ఉదయం జరిగిన తొలి ఫైనల్‌(46 కేజీల విభాగం)లో భారత బాక్సర్ ఖుషీ చంద్.. చైనాకు చెందిన లూ జిన్క్సియుపై 4:1 తేడాతో ఓడించి పసిడి పతకాన్ని సొంతం చేసుకుంది. ఆ తర్వాత 50 కేజీల విభాగంలో పీపుల్స్ రిపబ్లిక్ ఆఫ్ కొరియాకు చెందిన మా జోంగ్ హ్యాంగ్‌తో జరిగిన బౌట్ తొలి రౌండ్‌లోనే 'రిఫరీ స్టాప్‌డ్ కాంటెస్ట్' (RSC) ద్వారా అహానా శర్మ విజయం సాధించింది.దీంతో భారత ఖాతాలో రెండు గోల్డ్‌మెడ్ చేరింది. ఇక 54 కేజీల ఈవెంట్‌లో ఉజ్బెకిస్తాన్‌కు చెందిన ముహమ్మదోవా కుమ్రినీసోపై 5:0 తేడాతో విజయం సాధించిన చంద్రిక భోరేషి పూజారి.. గోల్డ్‌మెడల్‌ను కైవసం చేసుకుంది.

ఒకవేళ భజన అనే పోటీ గనుక ఒలింపిక్స్‌లో ఉండి ఉంటే.. పాకిస్తాన్‌కు కచ్చితంగా ఆ పోటీల్లో గోల్డ్‌ మెడల్‌ వచ్చి తీరేదేమో!. విన్నర్‌ పోడియంలో ఎవరికీ అందనంత ఎత్తులో ఆ దేశ ప్రధాని షెహబాజ్‌ షరీఫ్‌ ఉండి ఉండేవారేమో!.. ఈ మాటలు అంటోంది ఆ దేశ మాజీ దౌత్యవేత్త హుస్సేన్‌ హక్కానీ. పాక్‌ ప్రధాని షెహబాజ్‌ షరీఫ్‌ మరోసారి అమెరికా అధ్యక్షుడు డొనాల్డ్‌ ట్రంప్‌పై విపరీతమైన ప్రశంసలు గుప్పించాడు. కంబోడియా–థాయ్‌లాండ్ మధ్య తాజాగా కౌలాలంపూర్ ట్రంప్‌ సమక్షంలో శాంతి ఒప్పందం కుదరింది. ఈ నేపథ్యంలో.. శాంతి, స్థిరత్వానికి కృషి చేసే నాయకుండంటూ పాక్‌ ప్రధాని విపరీతమైన పొగడ్తలు గుప్పించారు. మొన్న గాజా శాంతి ప్రణాళిక.. ఇప్పుడేమో ఇది. మధ్యప్రాచ్యం, దక్షిణాసియాలో శాంతి కోసం ట్రంప్‌ చేసిన కృషి ప్రపంచాన్ని రక్షించింది. లక్షల మంది ప్రాణాలు పోకుండా నిలబెట్టింది అని షెహబాజ్‌ పేర్కొన్నారు.దీనిపై పాకిస్తాన్ మాజీ అమెరికా రాయబారి హుస్సేన్‌ హక్కానీ, షెహబాజ్ షరీఫ్‌పై వ్యంగ్యంగా స్పందించారు. పాకిస్తాన్ ప్రధాని షెహబాజ్ షరీఫ్‌ ట్రంప్‌ను పొగడటంలో ఒలింపిక్ గోల్డ్ మెడల్ గెలిచే స్థాయిలో ఉన్నారంటూ ఎక్స్‌లో ఓ పోస్ట్‌ చేశారు. ఫరీద్‌ జకారియా వ్యాఖ్యలను ఉటంకిస్తూ.. ‘ఇది ఒలింపిక్ క్రీడ అయితే, షరీఫ్‌ పోడియం మీద గోల్డ్ మెడల్‌తో నిలిచేవారు అని అన్నారు. ఈజిప్ట్‌లో జరిగిన గాజా శాంతి సదస్సులోనూ షరీఫ్‌ ట్రంప్‌ను విపరీతంగా పొడిగారు. ట్రంప్‌ను శాంతి పురుషుడిగా అభివర్ణిస్తూ నోబెల్ శాంతి బహుమతికి అర్హుడంటూ మాట్లాడారు. ఆ సమయంలో ఇటలీ ప్రధాని జార్జియా మెలోనీ చిత్రమైన హవభావాలు ప్రదర్శించడం విపరీతంగా వైరల్‌ అయ్యింది. షరీఫ్‌ మాటలతో కడుపు నిండిపోయిన ట్రంప్‌ ‘ఇక మాట్లాడేం లేదని, ఇంటికి వెళ్లిపోదాం’ అంటూ వ్యంగ్యంఆ స్పందించడం మరో కొసమెరుపు. అయితే షెహబాజ్‌ షరీఫ్‌ వ్యాఖ్యలను పాక్‌ పౌరులే భరించలేకపోయారు. అంతలా దిగజారి పొగడాల్సిన అవసరం ఏముందంటూ.. ప్రధానిని తిట్టిపోశారు కూడా.

నోవిసాద్‌ (సెర్బియా): ప్రపంచ అండర్‌–23 రెజ్లింగ్‌ చాంపియన్‌షిప్‌లో భారత రెజ్లర్‌ సుజీత్‌ కల్కాల్‌ స్వర్ణ పతకం సాధించాడు. సోమవారం రాత్రి జరిగిన పురుషుల ఫ్రీస్టయిల్‌ 65 కేజీల విభాగం ఫైనల్లో 22 ఏళ్ల సుజీత్‌ 10–0 పాయింట్ల తేడాతో ‘టెక్నికల్‌ సుపీరియారిటీ’ పద్ధతిలో ఉమిద్‌జాన్‌ జలోలోవ్‌ (ఉజ్బెకిస్తాన్‌)పై గెలుపొందాడు. నిర్ణీత ఆరు నిమిషాల్లో... 4 నిమిషాల 53 సెకన్లు ముగిసిన దశలో సుజీత్‌ తన ప్రత్యర్థిపై 10 పాయింట్ల ఆధిక్యాన్ని సాధించాడు. దాంతో నిబంధనల ప్రకారం రిఫరీ బౌట్‌ను నిలిపివేసి సుజీత్‌ను విజేతగా ప్రకటించారు. అండర్‌–23 ప్రపంచ రెజ్లింగ్‌ చాంపియన్‌షిప్‌ చరిత్రలో పురుషుల ఫ్రీస్టయిల్‌ విభాగంలో స్వర్ణ పతకం సాధించిన మూడో భారతీయ రెజ్లర్‌గా సుజీత్‌ గుర్తింపు పొందాడు. 2022లో అమన్‌ సెహ్రావత్‌ (57 కేజీలు), 2024లో చిరాగ్‌ చికారా (57 కేజీలు) భారత్‌కు పసిడి పతకాలు అందించారు. తాజా ప్రదర్శనతో సుజీత్‌ తన కెరీర్‌లో తొలిసారి ప్రపంచ చాంపియన్‌గా అవతరించాడు. సుజీత్‌ 2022, 2025లలో ఆసియా అండర్‌–23 చాంపియన్‌షిప్‌లో, 2022లో ఆసియా అండర్‌–20 చాంపియన్‌షిప్‌లో స్వర్ణ పతకాలు సాధించాడు.

స్ఫూర్తిదాయకమైన విజేతలు, సామాన్యులలో అసామాన్యుల గురించి సోషల్‌ మీడియా ప్లాట్‌ఫామ్‌ ‘ఎక్స్‌’లో పోస్ట్‌లు పెట్టే పారిశ్రామిక దిగ్గజం ఆనంద్‌ మహీంద్రా ఈసారి పారాలింపిక్‌ అథ్లెట్‌ శీతల్‌దేవిపై ప్రశంసల వర్షం కురిపించారు. ప్రపంచ పారా ఆర్చరీ ఛాంపియన్‌షిప్స్‌లో శీతల్‌దేవి చారిత్రాత్మకమైన బంగారు పతకాన్ని సాధించిన విషయం తెలిసిందే.పుట్టుకతోనే రెండు చేతులు లేక పోయినా సంకల్పబలాన్ని మాత్రం ఎప్పుడూ కోల్పోలేదు శీతల్‌. ఆ బలమే తనను స్ఫూర్తిదాయకమైన విజేతను చేసింది. ‘శీతల్, నువ్వెప్పుడూ వరల్డ్‌ ఛాంపియన్‌వే. ప్రజల మనసులను గెలుచుకోవడంలో కూడా నువ్వు ఛాంపియన్‌వి’ అని శీతల్‌దేవిని ఆకాశానికెత్తారు మహీంద్రా. గత సంవత్సరం ఒక బాణాన్ని ఆనంద్‌కు బహూకరించింది శీతల్‌. ‘నువ్వు నాకు బహుమతిగా ఇచ్చిన బాణం నా కుటుంబంలో విలువైన వారసత్వ సంపదగా నిలిచి పోతుంది. నీలాగే ధైర్యంగా ఉండడానికి మాకు ఎప్పుడూ స్ఫూర్తినిస్తుంది’ అని రాశారు. శీతల్‌దేవితో తాను ఉన్న ఫోటోను పోస్ట్‌ చేశారు.

న్యూఢిల్లీ: అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) జూనియర్‌ ప్రపంచకప్‌ టోర్నమెంట్‌లో భారత షూటర్‌ అనుష్క ఠాకూర్‌ గురి అదిరింది. జూనియర్‌ మహిళల 50 మీటర్ల ప్రోన్‌ ఈవెంట్‌లో స్వర్ణ పతకం నెగ్గిన అనుష్క... తాజాగా 50 మీటర్ల రైఫిల్‌ త్రీ పొజిషన్‌ ఈవెంట్‌లోనూ మెరిసి పసిడి పతకాన్ని దక్కించుకుంది. ఆదివారం జరిగిన 50 మీటర్ల రైఫిల్‌ త్రీ పొజిషన్‌ ఫైనల్లో అనుష్క 461 పాయింట్లు స్కోరు చేసి అగ్రస్థానంలో నిలిచింది. భారత్‌కే చెందిన మహిత్‌ సంధూ 422.7 పాయింట్లతో ఐదో స్థానంలో, ప్రాచి గైక్వాడ్‌ 399.3 పాయింట్లతో ఏడో స్థానంలో నిలిచారు. జూనియర్‌ పురుషుల 50 మీటర్ల రైఫిల్‌ త్రీ పొజిషన్‌ ఈవెంట్‌లో భారత షూటర్‌ అడ్రియన్‌ కర్మాకర్‌ రజత పతకాన్ని సంపాదించాడు. అడ్రియన్‌ 454.8 పాయింట్లు స్కోరు చేసి రెండో స్థానంలో నిలిచాడు. మరో నాలుగు రోజులపాటు జరిగే ఈ టోర్నీలో ప్రస్తుతం భారత్‌ పతకాల పట్టికలో నంబర్‌వన్‌ ర్యాంక్‌లో కొనసాగుతోంది. భారత్‌ ఖాతాలో 4 స్వర్ణాలు, 6 రజతాలు, 4 కాంస్యాలతో కలిపి మొత్తం 13 పతకాలు ఉన్నాయి.

భారత పారా ఆర్చర్‌ శీతల్‌ దేవి (Sheetal Devi) సరికొత్త చరిత్ర సృష్టించింది. ప్రపంచ పారా ఆర్చరీ చాంపియన్‌షిప్‌ (Para World Archery Championship)లో భాగంగా మహిళల వ్యక్తిగత కాంపౌండ్‌ కేటగిరీలో సంచలన విజయం సాధించింది. వరల్డ్‌ నంబర్‌ వన్‌, టర్కీకి చెందిన ఓజ్‌నుర్‌ క్యూర్‌ గిర్డీని 146- 143 తేడాతో ఓడించి స్వర్ణ పతకం (Won Gold Medal) కైవసం చేసుకుంది.పద్దెమినిదేళ్ల వయసులోనేదక్షిణ కొరియాలోని గ్వాన్‌జూ వేదికగా శనివారం జరిగిన పోటీలో ఈ మేరకు శీతల్‌ దేవి పసిడి గెలిచింది. తద్వారా ఈ చాంపియన్‌షిప్‌లో చేతుల్లేకుండానే ఈ ఘనత సాధించిన ఆర్చర్‌గా ఆమె చరిత్రకెక్కింది. అంతేకాదు పద్దెమినిదేళ్ల వయసులోనే శీతల్‌ ఈ ఘనత సాధించడం విశేషం.అంతకు ముందు.. తోమన్‌ కుమార్‌తో కలిసి ఇదే ఈవెంట్లో మిక్స్‌డ్‌ టీమ్‌ విభాగంలో శీతల్‌ దేవి కాంస్యం గెలుచుకుంది. గ్రేట్‌ బ్రిటన్‌కు చెందిన జోడీ గ్రిన్హామ్‌- నాథన్‌ మాక్‌క్వీన్‌ను 152- 149తో ఓడించి ఈ పతకం సాధించింది శీతల్‌- తోమన్‌ జోడీ.అదే విధంగా.. మహిళల ఓపెన్‌ టీమ్‌ ఈవెంట్లో శీతల్‌ దేవి సరితతో కలిసి రజత పతకం సాధించింది. ఫైనల్లో టర్కీ పారా ఆర్చర్ల చేతిలో ఓడిపోవడం ద్వారా వీరు రన్నరప్‌తో సరిపెట్టుకోవాల్సి వచ్చింది.రెండు చేతులు లేకుండానేజమ్ము కశ్మీర్‌కు చెందిన శీతల్‌ దేవి పుట్టడమే ‘ఫొలొమెలియా’ అనే శారీరక స్థితి వల్ల రెండు చేతులు లేకుండానే జన్మించింది. అయినా విధివంచితురాలినని కుంగిపోకుండా ఆత్మవిశ్వాసంతో ముందుకు సాగింది. తల్లిదండ్రుల ప్రోత్సాహంతో కాళ్లను, భుజాలను, పంటి దవడలను ఉపయోగించి బాణం ప్రయోగించడం నేర్చుకుంది. అంచెలంచెలుగా ఎదిగి 2024లో పారిస్‌ పారా ఒలింపిక్స్‌లో పతకం గెలిచింది. సాధారణంగా విలు విద్య అంటేనే చేతులతో ప్రదర్శించేది. అలాంటిది చేతులే లేకుండా శీతల్‌ వేది బాణం వేయడం విశేషం. ఇప్పటికే ఎన్నో పతకాలు గెలుచుకున్న ఆమె ఇప్పుడు ఏకంగా వరల్డ్‌ చాంపియన్‌ అయింది.చదవండి: IND vs WI: ‘అతడి తండ్రి గట్టిగానే నిలదీశాడు.. అందుకే ఆ ప్లేయర్‌పై వేటు’

వరుణ్‌ ఆనంద్‌ చిన్నప్పటినుంచి ఆటల్లో చురుగ్గా ఉంటాడు. తిండి, నిద్ర కన్నా ఆటలే ముఖ్యం అతనికి. అలాంటి వరుణ్‌ అనుకోకుండా దీర్ఘకాలిక కిడ్నీ వ్యాధి బారినపడ్డాడు. దాంతో ఆటల మాట దేవుడెరుగు... కనీసం తన పనులు కూడా తాను చేసుకోలేనంతటి దుస్థితికి వచ్చాడు. ఆ పరిస్థితుల్లో వారికి అనికా అనే ఆర్గాన్‌ డొనేషన్‌ సంస్థ జీవితాన్నిచ్చింది. అంతేకాదు, అతను ఆ వ్యాధి మూలంగా ఏ ఆటల నుంచి అయితే దూరం అయ్యాడో, అవే ఆటల పోటీల్లో అతను మరింత ఉత్సాహంగా పాల్గొని మూడు స్వర్ణ పతకాలను గెలుచుకున్నాడు. ఈ విజయం వెనుక వరుణ్‌ ఆనంద్‌ తల్లి ప్రోత్సాహంతోపాటు ఆమె కొడుక్కు పంచి ఇచ్చిన కిడ్నీ కూడా ఓ కారణం. ఆరేళ్ల క్రితం ఓ రోజు.. బెంగళూరు అబ్బాయి వరుణ్‌ ఆనంద్‌ ఉన్నట్టుండి ఫుట్‌బాల్‌ గ్రౌండ్‌ నుంచి ఇంటికొచ్చేశాడు. ‘‘అదేంట్రా అప్పుడే వచ్చేశావ్‌?’’ అని తల్లి అడిగితే ‘‘బాగా అలసటగా ఉంది. ఆడాలనిపించడం లేదు. అందుకే వచ్చేశా’ అని నీరసంగా చెప్పాడు. ఆటలో పడితే తనను తానే మరిచిపోయే తన కొడుకు ఇలా చెప్పేసరికి అతని అమ్మ దీపకు జరగరానిదేదో జరగబోతోందన్న భయం, సందేహం అతలాకుతలం చేశాయి. తగ్గట్టే నెమ్మదిగా వరుణ్‌ ఆటకు దూరమయ్యాడు. కనీసం తన పనులు కూడా చేసుకోలేనంత బలహీనంగా తయారయ్యాడు. ఏ పనీ చేయకుండా ఊరికే తిని పడుకుంటున్నా సరే ఎప్పుడూ అలసటగా కనిపించేవాడు. దీనికి తోడు విడువని జ్వరం..కాళ్ల వాపులు...ఫుట్‌బాల్‌ గ్రౌండ్‌లో చిరుతలా కదిలే వరుణ్‌ ఎముకలు బలహీనంగా మారడం తో తప్పటడుగులకు కూడా కష్టపడేవాడు. ఇదంతా చూస్తున్న అమ్మానాన్నలు అతడి భవిష్యత్తు గురించి బెంగటిల్లుతుండేవారు. ఇంతలో జరగకూడదనుకున్నదే జరిగింది. ఓ రోజు మాటాపలుకూ లేకుండా పడిపోయాడు వరుణ్‌. వెంటనే హాస్పిటల్‌కు తీసుకెళ్లారు. అక్కడ డాక్టర్‌ పిల్లాడిని పరీక్షించారు. వరుణ్‌ బీపీ చాలా తక్కువగా చూపిస్తోంది. దాదాపు కోమాలో ఉన్నాడు. వెంటనే కొన్ని ఎమర్జెన్సీ టెస్టులు చేయించారు. వాటిలో అతడికి క్రానికల్‌ కిడ్నీ డిసీజ్‌ ఉన్నట్లు బయటపడింది. వరుణ్‌ కండిషన్‌ ను గురించి అతని తల్లిదండ్రులకు చె΄్పారు డాక్టర్‌. చివరకు వరుణ్‌ ఇప్పుడున్న స్థితికి అతడికి హీమో డయాలసిస్‌ చేసి కిడ్నీ మార్చడం తప్ప మరో దారి లేదని చెప్పారు. చెప్పిందే తడవుగా కిడ్నీ ట్రాన్స్‌ ΄్లాంటేషన్‌ కోసం సిద్ధమయ్యారు. దాతల గురించి వెతకసాగారు. ఈ క్రమంలో వారికి తెలిసిన విషయం... ఇంత బాధలోనూ అందరికీ ఆనందం కలిగించిన విషయం ఒకటే. వరుణ్‌కు తల్లి కిడ్నీ సరిగ్గా మ్యాచ్‌ కావడం. ఆపరేషన్‌ సక్సెస్‌ కావడం.. రెండేళ్ల క్రితం.. పెర్త్‌ వరల్డ్‌ ట్రాన్స్‌ప్లాంట్‌ గేమ్స్‌ ఎరీనా కొత్త వరుణ్‌ అప్పుడు ఫుట్‌బాల్‌ను మాత్రమే వదిలేశాడు. 12, 14 ఏళ్ల విభాగంలో మరి ఇప్పుడు మూడు క్రీడా విభాగాలు టేబుల్‌ టెన్నిస్, బ్యాడ్మింటన్, టెన్నిస్‌ల ప్రత్యర్థులను చిత్తు చేసి 3 స్వర్ణాలతో విన్నింగ్‌ స్మైల్‌తో డయాస్‌ మీద గర్వంగా నిలుచున్నాడు. ఇదతనికి మరో జీవితం. వీరందరి కన్నా ముందే అనికా ఈ పోటీల్లో పాల్గొంది. ఇది సాటిలేని అనుభవమని ఆమె చెబుతుంది. అనికా ఆర్గాన్‌ ఇండియా వ్యవస్థాపకురాలు. ఇది లాభాపేక్ష లేని సంస్థ. అనికా తల్లికి కూడా గుండెమార్పిడి ఆపరేషన్‌ జరిగింది. ఒక రకంగా దాని నుంచే ఆమె స్ఫూర్తి పొందింది. అనికా సంస్థ 2023లో ప్రపంచ ట్రాన్స్‌ప్లాంటేషన్‌ గేమ్స్‌లో టీం ఇండియాకు ప్రాతినిధ్యం వహించింది. ‘‘మా అమ్మ ఆపరేషన్‌ సమయంలో నాకు ఎలాంటి ఆసరా, ట్రాన్స్‌ ప్లాంటేషన్‌గురించిన సమాచారమూ అందుబాటులో లేదు. అందుకే నేను ఆర్గాన్‌ ఇండియాను స్థాపించాను. ఇప్పుడు నేను నాలా ఎవరూ సమస్యలతో సతమతం కాకుండా చూసుకుంటున్నాను. అందుకు ఎంతో సంతోషంగా ఉంది’’ అని చెబుతుందామె. ట్రాన్స్‌ప్లాంట్‌ గేమ్స్‌ 1978 నుంచి ఈ పోటీలు జరుగుతున్నాయి. ఈ ఏడాది జర్మనీలో 25వ ట్రాన్స్‌ప్లాంట్‌ గేమ్స్‌ జరిగాయి. 51 దేశాల నుంచి 17 క్రీడాంశాల్లో పోటీ పడ్డారు. ఈ పోటీలకు అర్హతలు ఒకటి అభ్యర్థులు నాలుగేళ్ల కంటే ఎక్కువ వయసున్న వారై ఉండాలి. అలాగే వారు ప్రాణాధార అల్లోగ్రాఫ్ట్‌లు (గుండె, పేగు, మూత్రపిండాలు, కాలేయం, ఊపిరితిత్తులు, ప్యాంక్రియాస్‌) అలాగే బోన్‌ మ్యారో మార్పిడి వంటి క్లిష్టమైన ఆరోగ్య సమస్యలనుంచి బయటపడి ప్రస్తుతం మామూలు జీవితం గడుపుతూ తాము పాల్గొనే ఈవెంట్లలో శిక్షణ పొంది ఉండాలి. ఆర్గాన్‌ ఇండియా ద్వారా వరుణ్‌ ఫ్యామిలీకి ఈ పోటీల గురించి తెలిసింది. అనికా తన ఆర్గాన్‌ ఇండియా సంస్థ ద్వారా వరుణ్‌ లాంటి ఎంతోమందికి జీవితంపై ఆశలు కల్పిస్తోంది. చికిత్స విషయంలో సహాయపడుతోంది. 2023లో ట్రాన్స్‌ ప్లాంటేషన్‌ గేమ్స్‌లో వరుణ్‌ ప్రతిభను చూసి అనికా ఆశ్చర్యపోయింది. ‘32 మంది సభ్యుల టీమ్‌ ఇండియా బృందంలో అతనే చిన్నవాడు. కానీ తన శక్తితో దానిని నడిపించాడు.

వరల్డ్‌ బాక్సింగ్‌ ఛాంపియన్‌షిప్స్‌లో స్వర్ణ పతకం గెలిచి చరిత్ర సృష్టించిన జైస్మిన్‌ లంబోరియా ప్రయాణం నల్లేరు మీద నడకేమీ కాదు. హరియాణాకు చెందిన జైస్మిన్‌ కుటుంబాన్ని ‘బాక్సర్‌ల కుటుంబం’ అంటుంటారు. ఆమె తాత కెప్టెన్‌ చందర్‌ బ్యాన్‌ లంబోరియా రెజ్లర్‌. బాబాయ్‌లు నేషనల్‌ బాక్సింగ్‌ ఛాంపియన్స్‌గా సత్తా చాటారు. తాతల బాక్సింగ్‌ నైపుణ్యాల గురించి వింటూ, బాబాయ్‌ల బాక్సింగ్‌ల ప్రతిభను చూస్తూ పెరిగింది జైస్మిన్‌.వారి స్ఫూర్తితో బాక్సింగ్‌లోకి అడుగు పెట్టిన జైస్మిన్‌ తన 4ఎత్తు కారణంగా మొదట్లో ఇబ్బంది పడింది. అపజయాలు పలకరించాయి. ‘అపజయాన్ని చూసి బాధపడడం కంటే ఆడేవి«ధానాన్ని మార్చుకుంటే సరిపోతుంది’ అని ధైర్యం చెప్పుకొని తన స్టైల్‌ను మార్చుకుంది. ఆ మార్పులలో అతిగా తొందరపడకుండా ఓపికగా ఉండడం కూడా ఒకటి. కొత్త స్టైల్‌తో బంగారు పతకం గెలుచుకుంది. బ్రెజిల్‌లో జరిగిన ‘వరల్డ్‌ బాక్సింగ్‌ కప్‌’కు జైస్మిన్‌ను పంపడానికి నిరాకరించిన బాక్సింగ్‌ ఫెడరేషన్‌ ఆఫ్‌ ఇండియా సైతం స్వర్ణపతకం గెలిచిన సందర్భంగా ప్రౌడ్‌ మూమెంట్‌ ఫర్‌ ఇండియా’ అంటూ ‘ఎక్స్‌’ వేదికగా ఎక్సలెంట్‌ టెక్నికల్‌ బాక్సర్‌ జైస్మిన్‌ లంబోరియాను ప్రశంసించడం విశేషం.

టోక్యో: జమైకా దిగ్గజ అథ్లెట్‌ ఉసేన్‌ బోల్ట్‌కు మాత్రమే సాధ్యమైన ఘనతను అమెరికా స్టార్‌ అథ్లెట్‌ నోవా లైల్స్‌ సాధించాడు. ప్రపంచ అథ్లెటిక్స్‌ చాంపియన్‌షిప్‌లో వరుసగా నాలుగోసారి పురుషుల 200 మీటర్ల విభాగంలో లైల్స్‌ విజేతగా నిలిచాడు. 42 ఏళ్ల ప్రపంచ అథ్లెటిక్స్‌ చాంపియన్‌ షిప్‌ చరిత్రలో ఉసేన్‌ బోల్ట్‌ (2009, 2011, 2013, 2015లలో) తర్వాత 200 మీటర్ల విభాగంలో వరుసగా నాలుగు స్వర్ణ పతకాలు నెగ్గిన రెండో అథ్లెట్‌గా లైల్స్‌ గుర్తింపు పొందాడు. శుక్రవారం జరిగిన 200 మీటర్ల ఫైనల్‌ రేసును లైల్స్‌ 19.52 సెకన్లలో ముగించి అగ్రస్థానాన్ని సంపాదించి పసిడి పతకం గెలిచాడు. 2019, 2022, 2023 ప్రపంచ చాంపియన్‌షిప్‌లలోనూ ఈ విభాగంలో లైల్స్‌ విజేతగా నిలిచాడు. మెలిస్సా ‘స్ప్రింట్‌ డబుల్‌’ మరోవైపు మహిళల 200 మీటర్ల విభాగంలో అమెరికాకే చెందిన మెలిస్సా జెఫర్సన్‌ వుడెన్‌ స్వర్ణ పతకాన్ని దక్కించుకుంది. 200 మీటర్ల ఫైనల్‌ రేసును మెలిస్సా 21.68 సెకన్లలో పూర్తి చేసి విజేతగా అవతరించింది. 100 మీటర్ల విభాగంలోనూ మెలిస్సాకే బంగారు పతకం లభించింది. 2013లో షెల్లీ ఆన్‌ ఫ్రేజర్‌ ప్రైస్‌ తర్వాత ఒకే ప్రపంచ చాంపియన్‌షిప్‌లో 100, 200 మీటర్ల విభాగాల్లో పసిడి పతకాలు నెగ్గిన రెండో అథ్లెట్‌గా మెలిస్సా గుర్తింపు పొందింది.

ప్రపంచ బాక్సింగ్ ఛాంపియన్‌షిప్‌- 2025లో భార‌త్ ఖాతాలో మ‌రో స్వ‌ర్ణ ప‌త‌కం చేరింది. మహిళల 48 కిలోల విభాగంలో మీనాక్షి హుడా బంగారు ప‌తకం చేసుకుంది. ఆదివారం జ‌రిగ‌న ఫైన‌ల్ పోరులో క‌జ‌కిస్తాన్‌కు చెందిన నాజిమ్ కైజైబేను 4-1 స్ప్లిట్ డెసిషన్‌తో మీనాక్షి ఓడించింది. ఈ ఫైనల్‌ మ్యాచ్‌లో పారిస్ ఒలింపిక్స్ కాంస్య పతక విజేత అయిన నాజిమ్ నుంచి భారత బాక్సర్‌కు గట్టి పోటీ ఎదరైంది. ప్రత్యర్ధిపై తన పంచ్‌లతో అద్భుతమైన ప్రదర్శన కనబరిచిన మీనాక్షి.. తొలి రౌండ్‌ను 4-1తో సొంతం చేసుకుంది. ఆ తర్వాత నాజిమ్ అద్భుతమైన కమ్ బ్యాక్ ఇచ్చింది. దీంతో రెండో రౌండ్‌లో మీనాక్షిపై నాజీమ్ 3-2తో విజయం సాధించింది. మూడో రౌండ్‌లో ఈ ఇద్ద‌రూ బాక్స‌ర్లు హోరాహోరీగా త‌ల‌ప‌డ్డారు. నిర్ణీత స‌మ‌యంలో ఎవ‌రూ పాయింట్లు సాధించ‌క‌పోవ‌డంతో నలుగురు న్యాయమూర్తులు మీనాక్షికి అనుకూలంగా ఓటు వేశారు. దీంతో 4-1 తేడాతో మీనాక్షి స్వ‌ర్ణం సొంతం చేసుకుంది. ఇదే టోర్నమెంట్‌లో భారత బాక్సర్ లంబోరియా 57 కేజీల విభాగంలో బంగారు పతకం సాధించింది.

ఆర్చరీ ప్రపంచ ఛాంపియన్‌షిప్‌-2025లో భార‌త ఆర్చ‌ర్లు స‌త్తాచాటారు. ఈ మెగా ఈవెంట్‌లో భార‌త్‌కు రెండు ప‌త‌కాలు ల‌భించాయి. రిషబ్ యాదవ్, అమన్ సైని, ప్రథమేష్ ఫుగేలతో కూడిన భార‌త పురుష‌ల జ‌ట్టు స్వ‌ర్ణ ప‌త‌కం కైవ‌సం చేసుకోగా.. మిక్స్‌డ్ టీమ్ ఈవెంట్‌లో రిష‌బ్‌- వెన్నం జ్యోతిసురేఖ జోడికి ర‌జ‌త ప‌త‌కం ద‌క్కింది.ఆదివారం జ‌రిగిన ఫైనల్‌లో తొలుత భార‌త మెన్స్ టీమ్ ఫ్రాన్స్‌తో త‌ల‌ప‌డింది. హోరాహోరీగా సాగిన ఫైన‌ల్ పోరులో కేవ‌లం రెండు పాయింట్ల తేడాతో ఇండియా విజ‌యం సాధించింది. రిష‌బ్ అండ్ కో 235 పాయింట్లు సాధించ‌గా ఫ్రాన్స్ 233 పాయింట్లు సాధించింది. భార‌త పురుషుల జ‌ట్టు ఈ మెగా ఈవెంట్‌లో స్వ‌ర్ణం సాధించ‌డం ఇదే తొలిసారి. మ‌రోవైపు కాంపౌండ్ మిక్సిడ్ టీమ్ ఈవెంట్ ఫైన‌ల్లో సురేఖ, రిషబ్ యాదవ్‌లతో కూడిన భారత జ‌ట్టు తృటిలో స్వ‌ర్ణాన్ని చేజార్చుకుంది. ఫైనల్ లో నెదర్లాండ్స్ జోడి చేతిలో 157-155 తేడాతో ఓటమి పాల‌య్యారు. కేవలం రెండు పాయింట్ల తేడాతో ప‌స‌డి ప‌తకాన్ని భార‌త్ కోల్పోయింది. ప్రపంచ ఛాంపియన్‌షిప్‌లో అత్యధిక పతకాలు గెలిచిన భారత ఆర్చర్‌గా ఇప్పటికే రికార్డు సాధించిన జ్యోతి సురేఖకు ఇది తొమ్మిదో పతకం కావ‌డం విశేషం.చదవండి: పాక్‌లో మ్యాచ్ జరుగుతుండగా ఉగ్రదాడి.. సౌతాఫ్రికా ప‌ర్య‌ట‌న‌పై నీలినీడ‌లు?

అహ్మదాబాద్‌: కామన్వెల్త్‌ వెయిట్‌లిఫ్టింగ్‌ చాంపియన్‌షిప్‌లో భారత లిఫ్టర్లు వల్లూరి అజయ్‌ బాబు, బేద్‌బ్రత్‌ భరాలి బంగారు పతకాలు సాధించారు. గురువారం జరిగిన సీనియర్‌ పురుషుల 79 కేజీల కేటగిరీలో జాతీయ క్రీడల చాంపియన్‌ అయిన అజయ్‌ బాబు మొత్తం 335 కేజీల బరువెత్తి అగ్రస్థానంలో నిలిచాడు. స్నాచ్‌లో 152 కేజీల బరువెత్తి కామన్వెల్త్‌ చాంపియన్‌షిప్‌ రికార్డును కూడా నెలకొల్పాడు. క్లీన్‌ అండ్‌ జెర్క్‌లో 183 కేజీలు ఎత్తాడు. స్నాచ్‌లో ఇంతకుముందు నైజీరియాకు చెందిన ఎడిడివోంగ్‌ జోసెఫ్‌ 147 కేజీల రికార్డును అజయ్‌ తిరగరాశాడు. గత క్రీడల్లోనూ అతను బంగారు పతకం సాధించినప్పటికీ అప్పుడు 81 కేజీల విభాగంలో పోటీపడ్డాడు. సీనియర్‌ మహిళల 69 కేజీల కేటగిరీలో కామన్వెల్త్‌ క్రీడల (2022) కాంస్య పతక విజేత హర్జిందర్‌ కౌర్‌ మూడో స్థానంలో నిలిచి కాంస్యం నెగ్గింది. జూనియర్‌ పురుషుల 79 కేజీల విభాగంలో బేదబ్రత్‌ భరాలి స్నాచ్, క్లీన్‌ అండ్‌ జెర్క్‌లో కొత్త రికార్డులతో పసిడి పట్టాడు. అతను స్నాచ్‌లో 145 కేజీల బరువెత్తాడు. తద్వారా 139 కేజీల గత రికార్డును అధిగమించాడు. అలాగే క్లీన్‌ అండ్‌ జెర్క్‌లో 181 కేజీల బరువెత్తి 169 కేజీల గత రికార్డును తుడిచిపెట్టాడు. మొత్తంగా బేదబ్రత్‌ 326 కేజీల బరువెత్తాడు. యూత్‌ మహిళల 77 కేజీల విభాగంలో గ్రీష్మ తోరట్‌ రజతం నెగ్గింది.

అహ్మదాబాద్‌: పారిస్‌ ఒలింపిక్స్‌ తర్వాత పాల్గొన్న తొలి ఈవెంట్‌లోనే భారత స్టార్‌ వెయిట్‌లిఫ్టర్‌ మీరాబాయి చాను మెరిసింది. సోమవారం మొదలైన కామన్వెల్త్‌ వెయిట్‌లిఫ్టింగ్‌ చాంపియన్‌షిప్‌లో 31 ఏళ్ల మీరాబాయి చాను స్వర్ణ పతకాన్ని సొంతం చేసుకుంది. మహిళల 48 కేజీల విభాగంలో బరిలోకి దిగిన మీరాబాయి మొత్తం 193 కేజీల బరువెత్తి అగ్రస్థానంలో నిలిచింది. స్నాచ్‌లో 84 కేజీలు, క్లీన్‌ అండ్‌ జెర్క్‌లో 109 కేజీలు బరువెత్తిన మీరాబాయి... ఈ క్రమంలో కొత్త కామన్వెల్త్‌ చాంపియన్‌షిప్‌ రికార్డులు నెలకొల్పింది. ఏడాది విరామం తర్వాత మళ్లీ బరిలోకి దిగిన మీరాబాయి ముందుగా స్నాచ్‌ తొలి ప్రయత్నంలో విఫలమైంది. రెండో ప్రయత్నంలో 84 కేజీలు ఎత్తిన ఈ మణిపూర్‌ లిఫ్టర్‌... మూడో ప్రయత్నంలో 89 కేజీలు ఎత్తబోయి విఫలమైంది. క్లీన్‌ అండ్‌ జెర్క్‌ తొలి ప్రయత్నంలో 105 కేజీలు, రెండో ప్రయత్నంలో 109 కేజీలు ఎత్తిన మీరాబాయి... మూడోసారి 113 కేజీలు ప్రయతి్నంచి విఫలమైంది. టోక్యో ఒలింపిక్స్‌లో 49 కేజీల విభాగంలో రజత పతకం నెగ్గిన మీరాబాయి... గత ఏడాది జరిగిన పారిస్‌ ఒలింపిక్స్‌లో నాలుగో స్థానంలో నిలిచింది. ఇటీవల అంతర్జాతీయ వెయిట్‌లిఫ్టింగ్‌ సమాఖ్య అన్ని వెయిట్‌ కేటగిరీలను సవరించింది. ఇందులో భాగంగా 49 కేజీల విభాగాన్ని తొలగించి 48 కేజీల విభాగాన్ని మళ్లీ తెచ్చారు. గతంలో మీరాబాయి 48 కేజీల విభాగంలో 2017 ప్రపంచ చాంపియన్‌షిప్‌లో.. 2018 కామన్వెల్త్‌ గేమ్స్‌లో.. 2013, 2017 కామన్వెల్త్‌ చాంపియన్‌షిప్‌లో స్వర్ణాలు సాధించింది. రిషికాంతకు బంగారు పతకం కామన్వెల్త్‌ చాంపియన్‌షిప్‌ తొలి రోజు రిషికాంత సింగ్‌ ప్రదర్శనతో భారత్‌కు రెండో స్వర్ణం దక్కింది. పురుషుల 60 కేజీల విభాగంలో రిషికాంత మొత్తం 271 కేజీలు (స్నాచ్‌లో 120 కేజీలు+క్లీన్‌ అండ్‌ జెర్క్‌లో 151 కేజీలు) బరువెత్తి మొదటి స్థానంలో నిలిచాడు.

షిమ్‌కెంట్‌ (కజకిస్తాన్‌): ఆసియా షూటింగ్‌ చాంపియన్‌షిప్‌లో భారత షూటర్ల పతకాల వేట కొనసాగుతోంది. ఆదివారం సీనియర్‌ పురుషుల విభాగంలో భారత్‌కు ఒక స్వర్ణం, ఒక రజతం దక్కింది. పురుషుల 50 మీటర్ల రైఫిల్‌ త్రీ పొజిషన్‌ వ్యక్తిగత విభాగంలో ఐశ్వర్య ప్రతాప్‌ సింగ్‌ తోమర్‌ స్వర్ణ పతకం నెగ్గగా... టీమ్‌ విభాగంలో ఐశ్వర్య ప్రతాప్, చెయిన్‌ సింగ్, అఖిల్‌ షెరాన్‌లతో కూడిన భారత జట్టుకు రజతం లభించింది. ఫైనల్లో ఐశ్వర్య ప్రతాప్‌ 462.5 పాయింట్లతో అగ్రస్థానాన్ని దక్కించుకున్నాడు. వెన్‌యు జావో (చైనా; 462) రజతం, నయోవా ఒకాడా (జపాన్‌; 448.8) కాంస్యం గెలిచారు. చెయిన్‌ సింగ్‌ (435.7) నాలుగో స్థానంలో, అఖిల్‌ (424.9 పాయింట్లు) ఐదో స్థానంలో నిలిచారు. టీమ్‌ విభాగంలో ఐశ్వర్య ప్రతాప్‌ (584 పాయింట్లు), చెయిన్‌ సింగ్‌ (582 పాయింట్లు), అఖిల్‌ (581 పాయింట్లు) బృందం మొత్తం 1747 పాయింట్లతో రెండో స్థానంలో నిలిచింది.జూనియర్‌ పురుషుల 50 మీటర్ల రైఫిల్‌ త్రీ పొజిషన్‌ వ్యక్తిగత భారత్‌కు చెందిన అడ్రియన్‌ కర్మాకర్‌ (463.8 పాయింట్లు) స్వర్ణ పతకాన్ని సాధించాడు. టీమ్‌ విభాగంలో అడ్రియన్, నితిన్, రోహిత్‌లతో కూడిన భారత బృందం 1733 పాయింట్లతో పసిడి పతకాన్ని నెగ్గింది. ఓవరాల్‌గా భారత్‌ 26 స్వర్ణాలు, 9 రజతాలు, 11 కాంస్యాలతో కలిపి 46 పతకాలతో అగ్రస్థానంలో కొనసాగుతోంది.

ప్రపంచ యూత్‌ ఆర్చరీ చాంపియన్‌షిప్‌లో భారత్‌కు ప్రాతినిధ్యం వహించిన తెలంగాణ అమ్మాయి తనిపర్తి చికిత స్వర్ణ పతకంతో మెరిసింది. కెనడాలోని విన్నీపెగ్‌లో ఆదివారం ఈ మెగా ఈవెంట్‌ ముగిసింది. అండర్‌–21 మహిళల కాంపౌండ్‌ వ్యక్తిగత విభాగంలో చికిత విశ్వవిజేతగా అవతరించింది. పెద్దపల్లి జిల్లాకు చెందిన చికిత ఫైనల్లో 142–136 పాయింట్ల తేడాతో దక్షిణ కొరియాకు చెందిన యెరిన్‌ పార్క్‌పై విజయం సాధించింది. అంతకుముందు సెమీఫైనల్లో చికిత 142–133తో మొరిలాస్‌ డియాజ్‌ (స్పెయిన్‌)పై, క్వార్టర్‌ ఫైనల్లో 146–143తో పర్ణీత్‌ కౌర్‌ (భారత్‌)పై గెలుపొందింది. క్వాలిఫయింగ్‌ రౌండ్‌లో చికిత 687 పాయింట్లు స్కోరు చేసి ఎనిమిదో స్థానంలో నిలిచి మెయిన్‌ ‘డ్రా’లో నేరుగా రెండో రౌండ్‌కు ‘బై’ పొందింది. రెండో రౌండ్‌లో చికిత 143–140తో మా యువెన్‌ (చైనీస్‌ తైపీ)పై, ప్రిక్వార్టర్‌ ఫైనల్లో 142–138తో జిమెనా ఎ్రస్టాడా (మెక్సికో)పై గెలిచింది. అండర్‌–21 మహిళల కాంపౌండ్‌ టీమ్‌ విభాగంలో చికిత, పర్ణీత్‌ కౌర్, తేజల్‌లతో కూడిన భారత జట్టు క్వార్టర్‌ ఫైనల్లో వెనుదిరిగింది. క్వార్టర్‌ ఫైనల్లో భారత్‌ 229–232తో టర్కీ చేతిలో ఓడిపోయింది.

షిమ్‌కెంట్‌ (కజకిస్తాన్‌): ఆసియా షూటింగ్‌ చాంపియన్‌షిప్‌లో భారత మహిళా షూటర్‌ ఇలవేనిల్‌ వలారివన్‌ డబుల్‌ ధమాకా సాధించింది. మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో శుక్రవారం బంగారు పతకం చేజిక్కించుకున్న ఆమె మిక్స్‌డ్‌ టీమ్‌ ఈవెంట్‌లోనూ మరో పసిడి నెగ్గింది. తమిళనాడుకు చెందిన ఈ యువ షూటర్‌... శనివారం జరిగిన పోటీల్లో అర్జున్‌ బబుతాతో కలిసి స్వర్ణంపై గురిపెట్టింది. చైనీస్‌ జంట డింగ్‌కె లూ–జిన్‌ లూ పెంగ్‌తో పోటీ ఎదురైనప్పటికీ చివరకు భారత జోడీ 17–11తో విజేతగా నిలిచింది. మొదట్లో చైనా జోడీ ఆధిక్యంలో నిలిచినప్పటికీ ఎలాంటి ఒత్తిడికి లోనవకుండా ఇలవేనిల్‌–అర్జున్‌ ద్వయం లక్ష్యంపై గురి పెట్టడంలో సఫలమైంది. ఇటు తమిళ షూటర్‌ ఇలవేనిల్‌కు, అటు పంజాబ్‌ షూటర్‌ బబుతాకు ఇది రెండో స్వర్ణం కావడం విశేషం. పురుషుల 10 మీటర్ల ఎయిర్‌ రైఫిల్‌ టీమ్‌ ఈవెంట్‌లో అర్జున్‌ బబుతా తొలి పసిడి పతకం నెగ్గాడు. రుద్రాం„Š పాటిల్, కిరణ్‌ జాదవ్, అర్జున్‌లతో కూడిన భారత బృందం విజేతగా నిలిచింది.జూనియర్‌ ఈవెంట్‌లోనూ శాంభవి శ్రవణ్‌–నరేన్‌ ప్రణవ్‌ జంట బంగారం గెలుచుకుంది. 10 మీటర్ల ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌ ఫైనల్లో భారత జంట 16–12తో చైనా జోడీపై విజయం సాధించింది. క్వాలిఫికేషన్‌లో చైనాకే చెందిన రెండు జట్లు 632.3 స్కోరు, 630 స్కోర్లతో శాంభవి– నరేన్‌ ప్రణవ్‌ (629.5) జోడీ కంటే ముందు వరుసలో నిలిచాయి. కానీ అసలైన పతకం రేసులో భారత ద్వయం పుంజుకుంది. గురి తప్పని షాట్లతో స్వర్ణం చేజిక్కించుకుంది. భారత్‌కే చెందిన ఇషా తక్షలే–హిమాన్షు జోడీ (628.6 స్కోరు) క్వాలిఫికేషన్‌లో నాలుగో స్థానంలో నిలిచింది. జూనియర్‌ పోటీల్లో శాంభవికిది రెండో స్వర్ణం. మహిళల టీమ్‌ ఈవెంట్‌లో ఆమె హృదయశ్రీ, ఇషా అనిల్‌లతో కలిసి తొలిరోజే బంగారు పతకం గెలిచింది.

షిమ్‌కెంట్‌ (కజకిస్తాన్‌): ఆసియా షూటింగ్‌ చాంపియన్‌షిప్‌ సీనియర్‌ విభాగంలో శుక్రవారం భారత్‌కు ఒక స్వర్ణం, రెండు కాంస్యాలు లభించాయి. మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో తమిళనాడుకు చెందిన ఇలవేనిల్‌ వలారివన్‌ భారత్‌కు పసిడి పతకాన్ని... ఇలవేనిల్, మెహులీ ఘోష్, అనన్య నాయుడులతో కూడిన బృందం కాంస్య పతకాన్ని అందించింది. స్కీట్‌ మిక్స్‌డ్‌ విభాగంలో గనీమత్‌ సెఖోన్‌–అభయ్‌ సింగ్‌ సెఖోన్‌ జోడీ భారత్‌ ఖాతాలో కాంస్య పతకాన్ని జమ చేసింది. 10 మీటర్ల ఎయిర్‌ రైఫిల్‌ వ్యక్తిగత ఫైనల్లో 26 ఏళ్ల ఇలవేనిల్‌ 253.6 పాయింట్లు స్కోరు చేసి విజేతగా నిలిచింది. ఈ క్రమంలో ఇలవేనిల్‌ కొత్త ఆసియా రికార్డును నెలకొల్పింది. 2019 నుంచి అపూర్వీ చండేలా (భారత్‌; 252.9 పాయింట్లు) పేరిట ఉన్న ఆసియా రికార్డును ఇలవేనిల్‌ సవరించింది. భారత్‌కే చెందిన మెహులీ ఘోష్‌ 208.9 పాయింట్లతో నాలుగో స్థానంలో నిలిచింది. టీమ్‌ విభాగంలో ఇలవేనిల్‌ (630.7 పాయింట్లు), మెహులీ (630.3 పాయింట్లు), అనన్య (630 పాయింట్లు) మొత్తం 1891 పాయింట్లు స్కోరు చేసి మూడో స్థానంలో నిలిచి కాంస్య పతకాన్ని దక్కించుకుంది. స్కీట్‌ మిక్స్‌డ్‌ కాంస్య పతక మ్యాచ్‌లో గనీమత్‌–అభయ్‌ ద్వయం 39–37తో అబ్దుల్లా అల్‌రషీది–అఫ్రా (కువైట్‌) జంటపై నెగ్గింది. మరోవైపు మహిళల జూనియర్‌ 10 మీటర్ల ఎయిర్‌ రైఫిల్‌ టీమ్‌ విభాగంలో శాంభవి, హృదయశ్రీ, ఇషాలతో కూడిన భారత జట్టు 1896.2 పాయింట్లతో స్వర్ణ పతకాన్ని సొంతం చేసుకుంది. జూనియర్‌ స్కీట్‌ మిక్స్‌డ్‌ టీమ్‌ విభాగంలో హర్‌మెహర్‌ సింగ్‌–యశస్వి రాథోడ్‌ జోడీ కాంస్య పతకాన్ని సాధించింది.

షిమ్‌కెంట్‌ (కజకిస్తాన్‌): ఆసియా షూటింగ్‌ చాంపియన్‌షిప్‌ సీనియర్‌ విభాగంలో భారత్‌ ఖాతాలో మరో స్వర్ణ పతకం చేరింది. గురువారం జరిగిన పురుషుల 10 మీటర్ల ఎయిర్‌ రైఫిల్‌ టీమ్‌ ఈవెంట్‌లో భారత్‌కు బంగారు పతకం లభించింది. రుద్రాంక్ష్ పాటిల్, అర్జున్‌ బబూటా, అంకుశ్‌ జాదవ్‌లతో కూడిన భారత జట్టు 1892.5 పాయింట్లతో అగ్రస్థానంలో నిలిచి పసిడి పతకాన్ని గెల్చుకుంది. రుద్రాంక్ష్ 632.3 పాయింట్లు, అర్జున్‌ 631.6 పాయింట్లు, అంకుశ్‌ 628.6 పాయింట్లు స్కోరు చేశారు. అయితే వ్యక్తిగత విభాగంలో రుద్రాంక్ష్ 207.6 పాయింట్లతో నాలుగో స్థానంలో, అర్జున్‌ 185.8 పాయింట్లతో ఐదో స్థానంలో నిలిచారు. సత్పయేవ్‌ (కజకిస్తాన్‌; 250.1 పాయింట్లు) స్వర్ణం... లూ డింగ్‌కి (చైనా; 249.8 పాయింట్లు) రజతం... హజున్‌ పార్క్‌ (కొరియా; 228.7 పాయింట్లు) కాంస్యం సాధించారు. ఇదే వేదికపై జరుగుతున్న ఆసియా జూనియర్‌ చాంపియన్‌షిప్‌లో భారత షూటర్లు మెరిశారు. 10 మీటర్ల ఎయిర్‌ రైఫిల్‌ టీమ్, వ్యక్తిగత విభాగంలో భారత్‌కే స్వర్ణాలు దక్కాయి.వ్యక్తిగత విభాగంలో అభినవ్‌ షా 250.4 పాయింట్లతో పసిడి పతకం నెగ్గగా... టీమ్‌ విభాగంలో అభినవ్, హిమాంశు, ప్రణవ్‌లతో కూడిన భారత జట్టు 1890.1 పాయింట్లతో బంగారు పతకాన్ని నెగ్గింది. జూనియర్‌ మహిళల స్కీట్‌ ఈవెంట్‌లో మాన్సి స్వర్ణం, యశస్వి రజతం... జూనియర్‌ పురుషుల స్కీట్‌ ఈవెంట్‌లో హర్‌మెహర్‌ రజతం, జ్యోతిరాదిత్య సిసోడియా కాంస్యం గెలిచారు. హర్‌మెహర్, జ్యోతిరాదిత్య, అతుల్‌లతో కూడిన బృందం టీమ్‌ స్కీట్‌ ఈవెంట్‌లో బంగారు పతకాన్ని దక్కించుకుంది. ఓవరాల్‌గా భారత్‌ 16 స్వర్ణాలు, 8 రజతాలు, 7 కాంస్యాలతో 31 పతకాలతో ‘టాప్‌’లో ఉంది.

షిమ్‌కెంట్‌ (కజకిస్తాన్‌): ఆసియా షూటింగ్‌ చాంపియన్‌షిప్‌ సీనియర్‌ విభాగంలో భారత్‌కు తొలి స్వర్ణ పతకం లభించింది. బుధవారం జరిగిన పురుషుల స్కీట్‌ ఈవెంట్‌లో భారత షూటర్‌ అనంత్‌ జీత్‌ సింగ్‌ నరూకా పసిడి పతకాన్ని సొంతం చేసుకున్నాడు. రాజస్తాన్‌కు చెందిన అనంత్‌కు ఆసియా చాంపియన్‌షిప్‌ చరిత్రలో ఇదే తొలి వ్యక్తిగత స్వర్ణ పతకం కావడం విశేషం. ఆరుగురు షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో 27 ఏళ్ల అనంత్‌ 60 పాయింట్లకుగాను 57 పాయింట్లు స్కోరు చేసి విజేతగా అవతరించాడు. ఆసియా క్రీడల చాంపియన్‌ మన్సూర్‌ అల్‌ రషీది (కువైట్‌) 56 పాయింట్లు సాధించి రజత పతకం నెగ్గాడు. 43 పాయింట్లతో అల్‌ ఇషాక్‌ అలీ అహ్మద్‌ (ఖతర్‌) కాంస్య పతకాన్ని కైవసం చేసుకున్నాడు. 46 మంది షూటర్లు పోటీపడ్డ క్వాలిఫయింగ్‌లో అనంత్‌ 119 పాయింట్లు సాధించి మూడో స్థానంలో నిలిచి ఫైనల్‌కు అర్హత పొందాడు.క్వాలిఫయింగ్‌లో టాప్‌–6లో నిలిచిన వారికి ఫైనల్‌ బెర్త్‌లు లభిస్తాయి. 2023 ఆసియా చాంపియన్‌షిప్‌ టీమ్‌ విభాగంలో, మిక్స్‌డ్‌ టీమ్‌ విభాగంలో స్వర్ణ పతకాలు గెలిచిన అనంత్‌ హాంగ్జౌ ఆసియా క్రీడల్లో వ్యక్తిగత విభాగంలో రజతం సాధించాడు. మరోవైపు మహిళల స్కీట్‌ టీమ్‌ విభాగంలో భారత బృందానికి కాంస్య పతకం లభించింది. మహేశ్వరి చౌహాన్‌ (113 పాయింట్లు), గనీమత్‌ సెఖోన్‌ (109 పాయింట్లు), రైజా ధిల్లాన్‌ (107 పాయింట్లు)లతో కూడిన భారత జట్టు 329 పాయింట్లు సాధించి మూడో స్థానంలో నిలిచింది. వ్యక్తిగత విభాగంలో మహేశ్వరి చౌహాన్‌ 35 పాయింట్లతో నాలుగో స్థానంతో సరిపెట్టుకుంది. సురుచి–సౌరభ్‌ జోడీకి కాంస్యం ఎయిర్‌ పిస్టల్‌ 10 మీటర్ల మిక్స్‌డ్‌ టీమ్‌ ఈవెంట్‌లో సురుచి సింగ్‌–సౌరభ్‌ చౌధరీ జోడీ భారత్‌కు కాంస్య పతకం అందించింది. కాంస్య పతక మ్యాచ్‌లో సురుచి–సౌరభ్‌ 17–9 పాయింట్లతో లియు హెంగ్‌ యు–సెయి సియాంగ్‌ చెన్‌ (చైనీస్‌ తైపీ)లపై విజయం సాధించారు. ఇదే వేదికపై జరుగుతున్న ఆసియా జూనియర్‌ చాంపియన్‌షిప్‌లో 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ ఈవెంట్‌లో వన్షిక చౌధరీ–జొనాథన్‌ గావిన్‌ ఆంటోనీ ద్వయం భారత్‌ ఖాతాలో స్వర్ణ పతకాన్ని జమ చేసింది. ఫైనల్లో వన్షిక–జొనాథన్‌ 16–14తో కిమ్‌ యెజిన్‌–కిమ్‌ డూయోన్‌ (దక్షిణ కొరియా)లపై గెలుపొందింది. సీనియర్, జూనియర్, యూత్‌ విభాగాల్లో కలిపి ప్రస్తుత చాంపియన్‌షిప్‌లో భారత్‌ ఏడు స్వర్ణాలు, ఐదు రజతాలు, ఐదు కాంస్యాలతో కలిపి 17 పతకాలతో అగ్రస్థానంలో ఉంది.

సమోకోవ్‌ (బల్గేరియా): ప్రపంచ అండర్‌–20 రెజ్లింగ్‌ చాంపియన్‌షిప్‌లో భారత్‌ ఖాతాలో తొలి స్వర్ణ పతకం చేరింది. మహిళల ఫ్రీస్టయిల్‌ విభాగంలో తపస్య (57 కేజీలు) భారత్‌కు మొదటి బంగారు పతకాన్ని అందించింది. బుధవారం జరిగిన ఫైనల్లో తపస్య 5–2 పాయింట్ల తేడాతో ఫెలిసిటాస్‌ దొమయెవా (నార్వే)పై విజయం సాధించింది. సెమీఫైనల్లో తపస్య 4–3తో సొవాకా ఉచిద (జపాన్‌)పై, క్వార్టర్‌ ఫైనల్లో 9–0తో రొమైసా (ఫ్రాన్స్‌)పై, ప్రిక్వార్టర్‌ ఫైనల్లో 6–0తో డొల్జాన్‌ (రష్యా)పై గెలుపొందింది. భారత్‌కే చెందిన సృష్టి రజత పతకాన్ని సొంతం చేసుకుంది. 68 కేజీల ఫైనల్లో సృష్టి 0–7తో రే హోషినో (జపాన్‌) చేతిలో ఓడిపోయింది. మరోవైపు భారత్‌కే చెందిన రీనా (55 కేజీలు), ప్రియ (76 కేజీలు) కూడా స్వర్ణ పతకాల కోసం పోటీపడనున్నారు. వీరిద్దరూ తమ కేటగిరీల్లో ఫైనల్లోకి ప్రవేశించారు. బుధవారం జరిగిన సెమీఫైనల్స్‌లో రీనా 11–1తో అలెగ్జాండ్రా వాయిసులెసు్క(రొమేనియా)పై, ప్రియ 10–0తో ఎవెలిన్‌ ఉజెల్జి (సెర్బియా)పై విజయం సాధించారు. అంతకుముందు రీనా క్వార్టర్‌ ఫైనల్లో 8–2తో జెర్డా టెరెక్‌ (హంగేరి)పై, ప్రిక్వార్టర్‌ ఫైనల్లో 11–6తో ఖాలియున్‌ బ్యామ్‌బసురెన్‌ (మంగోలియా)పై... ప్రియ క్వార్టర్‌ ఫైనల్లో 4–0తో డయానా టిటోవా (రష్యా)పై, తొలి రౌండ్‌లో 10–0తో వెరోనికా నికోస్‌ (హంగేరి)పై గెలుపొందారు. నేడు జరిగే ఫైనల్స్‌లో నదియా సొకోలోవ్‌స్కా (ఉక్రెయిన్‌)తో ప్రియ; ఎవరెస్ట్‌ లెడెకర్‌ (అమెరికా)తో రీనా తలపడతారు.

న్యూఢిల్లీ: డోపింగ్‌ వ్యవహారంలో పట్టుబడిన పలువురు ఆటగాళ్లపై జాతీయ డోపింగ్‌ నిరోధక సంస్థ (నాడా) కొరడా ఝళిపించింది. వీరందరినీ మూడేళ్ల పాటు నిషేధిస్తూ తాజాగా ఉత్తర్వులు జారీ చేసింది. ఈ ఆటగాళ్లపై గతంలోనే నాలుగేళ్ల నిషేధం పడింది. అయితే ఈ ప్రకటన వచ్చిన 20 రోజుల్లోగా తమ తప్పును అంగీకరిస్తూ ముందుకు రావటంతో ‘నాడా’ చట్టంలోని నిబంధనల ప్రకారం ఒక ఏడాది నిషేధం తగ్గింది.ఈ ఆటగాళ్లంతా స్టనొజొలోల్, మెటాండినోన్, నొరాన్‌డ్రోస్టెరాన్, మెఫంటర్‌మైన్‌వంటి నిషేధిక ఉత్ప్రేరకాలు తీసుకున్నట్లుగా పరీక్షల్లో తేలింది. నిషేధానికి గురైన ఆటగాళ్ల జాబితాలో ముగ్గురు అథ్లెట్లు ఉన్నారు. ఈ ఏడాది డెహ్రాడూన్‌లో జరిగిన జాతీయ క్రీడల్లో డిస్కస్‌ త్రోలో స్వర్ణం సాధించిన గగన్‌ దీప్‌ సింగ్‌పై వేటు పడింది. పోటీల్లో అతను సర్వీసెస్‌కు ప్రాతినిధ్యం వహించాడు.స్వర్ణం కూడా వెనక్కిఇక గగన్‌నుంచి స్వర్ణం కూడా వెనక్కి తీసుకోనుండగా... రెండో స్థానంలో నిలిచిన నిర్భయ్‌ సింగ్‌ (హరియాణా)కు ఇప్పుడు పసిడి పతకం దక్కుతుంది. మరో ఇద్దరు అథ్లెట్లు సచిన్‌ కుమార్, జైను కుమార్‌ కూడా నిషేధానికి గురయ్యారు. మోనికా చౌదరి, నందని వత్స్‌ (జూడో), ఉమేశ్‌పాల్‌ సింగ్, శామ్యూల్‌ వన్‌లల్‌తన్‌పుయ (పారా పవర్‌లిఫ్టింగ్‌), కవీందర్‌ (వెయిట్‌లిఫ్టింగ్‌), శుభమ్‌ కుమార్‌ (కబడ్డీ), ముగలి శర్మ (రెజ్లింగ్‌), అమన్, రాహుల్‌ తోమర్‌ (వుషు)పై కూడా ‘నాడా’ మూడేళ్ల వేటు వేసింది.

బ్యాంకాక్‌: ఆసియా అండర్‌–22 బాక్సింగ్‌ చాంపియన్‌షిప్‌ను భారత్‌ స్వర్ణ పతకంతో ముగించింది. చివరిరోజు సోమవారం భారత్‌కు ఒక స్వర్ణం, నాలుగు రజతాలు లభించాయి. మహిళల ప్లస్‌ 80 కేజీల విభాగంలో రితిక భారత్‌కు పసిడి పతకాన్ని అందించింది. ఫైనల్లో రితిక 4:1తో అసెల్‌ తొక్తాసియన్‌ (కజకిస్తాన్‌)పై గెలిచింది. ఫైనల్స్‌లో ఓడిన యాత్రి పటేల్‌ (57 కేజీలు), ప్రియ (60 కేజీలు) రజత పతకాలతో సరిపెట్టుకున్నారు. పురుషుల విభాగంలో నీరజ్‌ (75 కేజీలు), ఇషాన్‌ కటారియా (ప్లస్‌ 90 కేజీలు) కూడా రజత పతకాలు సాధించారు. ఫైనల్స్‌లో బొల్తాయెవ్‌ (ఉజ్బెకిస్తాన్‌) చేతిలో నీరజ్‌... ఖాలిమ్‌జన్‌ (ఉజ్బెకిస్తాన్‌) చేతిలో ఇషాన్‌ ఓడిపోయారు.

సింగపూర్‌: ప్రపంచ స్విమ్మింగ్‌ చాంపియన్‌షిప్‌ ఆరో రోజు స్టార్‌ స్విమ్మర్లు లాన్‌ మర్చెండ్‌ (ఫ్రాన్స్‌), టీనేజ్‌ స్టార్‌ స్విమ్మర్‌ సమ్మర్‌ మెకింటోష్‌ (కెనడా) బరిలో లేకపోవడంతో... ఐదు వేర్వేరు దేశాలకు చెందిన స్విమ్మర్లు పసిడి పతకాలు ఖాతాలో వేసుకున్నారు. శుక్రవారం పోటీల్లో నెదర్లాండ్స్, చైనా, హంగేరి, అమెరికా, ఇంగ్లండ్‌కు చెందిన స్విమ్మర్లు స్వర్ణ పతకాలు సాధించారు. మహిళల 100 మీటర్ల ఫ్రీస్టయిల్‌లో మ్యారిట్‌ స్టీన్‌బెర్గన్‌ (నెదర్లాండ్స్‌) పసిడి పతకంతో మెరిసింది. ఫైనల్‌ రేసులో స్టీన్‌బెర్గన్‌ 52.55 సెకన్లలో లక్ష్యాన్ని చేరి అగ్రస్థానంలో నిలిచింది. మొల్లీ ఓ కల్లాఘన్‌ (52.67 సెకన్లు; ఆ్రస్టేలియా), టారీ హుస్కే (52.89 సెకన్లు; అమెరికా) వరుసగా రజత, కాంస్యాలు దక్కించుకున్నారు. 2024లో దోహా వేదికగా జరిగిన పోటీల్లో సైతం విజేతగా నిలిచిన స్టీన్‌బెర్గన్‌... చివరి 50 మీటర్లలో జోరు పెంచి చాంపియన్‌గా అవతరించింది. ఆ్రస్టేలియా, అమెరికా స్విమ్మర్ల నుంచి కఠిన పోటీ ఎదురైనా... ఆఖర్లో ఆధిక్యం కనబర్చింది. ‘దోహాలో సునాయాసంగా విజయం సాధించా. కానీ ఈ సారి పోటీ చాలా తీవ్రంగా ఉంది. అందుకే ఈ విజయం చాలా సంతృప్తినిచి్చంది’ అని పోటీ అనంతరం స్టీన్‌బెర్గన్‌ పేర్కొంది. ఆరో రోజు పోటీలు ముగిసేసరికి అమెరికా, ఆ్రస్టేలియా ఐదేసి స్వర్ణ పతకాలతో పట్టిక అగ్రస్థానంలో నిలిచాయి. ఓవరాల్‌గా అమెరికా 20 పతకాలు సాధించగా... ఆ్రస్టేలియా 13 పతకాలు ఖాతాలో వేసుకుంది. కిన్‌ విన్‌ పురుషుల 200 మీటర్ల బ్రెస్ట్‌స్ట్రోక్‌లో చైనా స్విమ్మర్‌ కిన్‌ హైయాంగ్‌ విజేతగా నిలిచాడు. శుక్రవారం జరిగిన ఫైనల్లో కిన్‌ 2 నిమిషాల 7.41 సెకన్లలో లక్ష్యాన్ని చేరి పసిడి పతకం ఖాతాలో వేసుకున్నాడు. ఇప్పీ వటనబె (2 నిమిషాల 7.70 సెకన్లు; జపాన్‌) రజతం గెలుచుకోగా... కాస్పర్‌ కారŠూబ్య (2 నిమిషాల 7.73 సెకన్లు; నెదర్లాండ్స్‌) కాంస్య పతకం నెగ్గాడు. ఈ విభాగంలో రెండేళ్ల క్రితం ప్రపంచ రికార్డు (2 నిమిషాల 5.48 సెకన్లు) తనపేరిట రాసుకున్న కిన్‌... విజయం అనంతరం ‘ఇదో అద్భుతం’ అని వ్యాఖ్యానించాడు. 100 మీటర్ల బ్రెస్ట్‌స్ట్రోక్‌లోనూ పసిడి నెగ్గిన కిన్‌... 200 మీటర్లలోనూ జోరు కనబర్చి డబుల్‌ ధమాకా మోగించాడు. పురుషుల 200 మీటర్ల బ్యాక్‌స్ట్రోక్‌లో పారిస్‌ ఒలింపిక్స్‌ చాంపియన్‌ హబర్ట్‌ (హంగేరి) పసిడి పతకం గెలిచాడు. 1 నిమిషం 53.19 సెకన్లలో లక్ష్యాన్ని చేరి అగ్రస్థానంలో నిలిచాడు. పీటర్‌ కోట్జీ (1 నిమిషం 53.36 సెకన్లు; దక్షిణాఫ్రికా), యోహాన్‌ బ్రౌర్డ్‌ (1 నిమిషం 54.62 సెకన్లు; ఫ్రాన్స్‌) వరుసగా రజత, కాంస్యాలు దక్కించుకున్నారు. స్టార్‌ స్విమ్మర్‌ కేట్‌ డగ్లస్‌... అమెరికాకు ఐదో స్వర్ణం అందించింది. మహిళల 200 మీటర్ల బ్రెస్ట్‌స్ట్రోక్‌లో 2 నిమిషాల 18.50 సెకన్లలో లక్ష్యాన్ని చేరి అగ్రస్థానంలో నిలిచింది. ఈ విభాగంలో ఇది రెండో అత్యుత్తమ టైమింగ్‌ కావడం విశేషం. చికునోవా (2 నిమిషాల 19.96 సెకన్లు) రజతం గెలుచుకోగా.. కైలెన్‌ కార్బెట్, అలీనా ముసుకా (2 నిమిషాల 23.52 సెకన్లు) ఒకే సమయంలో లక్ష్యాన్ని చేరి కాంస్యం దక్కించుకున్నారు. పురుషుల 4–200 ఫ్రీస్టయిల్‌ రిలేలో బ్రిటన్‌ జట్టు 6 నిమిషాల 59.84 సెకన్ల టైమింగ్‌తో స్వర్ణం పసిడి గెలుచుకుంది. చైనా (7 నిమిషాల 0.91 సెకన్లు), ఆ్రస్టేలియా (7 నిమిషాల 0.98 సెకన్లు) వరుసగా రజత, కాంస్యాలు దక్కించుకున్నాయి. చైనాకు చెందిన 12 ఏళ్ల స్విమ్మర్‌ యూ జిడి ప్రపంచ చాంపియన్‌షిప్‌లో కాంస్య పతకంతో సత్తాచాటింది. మహిళల 4–200 మీటర్ల ఫ్రీస్టయిల్‌ రిలే విభాగంలో చైనా జట్టులో సభ్యురాలైన యూ జిడి కాంస్యం గెలుచుకుంది. ఆ్రస్టేలియా, అమెరికా బృందాలు వరుసగా స్వర్ణ, రజతాలు నెగ్గారు. 200 మీటర్ల బటర్‌ఫ్లై, 200 మీటర్ల మెడ్లీ వ్యక్తిగత విభాగాల్లోనూ యూ జిడి పతకానికి దగ్గరగా వచ్చింది. నాలుగో స్థానంలో నిలిచి తృటిలో పతకానికి దూరమైంది. 400 మీటర్ల విభాగం యూ జిడి ఇంకా పోటీ పడాల్సి ఉంది. ఈ టోర్నీలో భారత స్విమ్మర్ల నిరాశజనక ప్రదర్శన ఆరో రోజు కూడా కొనసాగింది. పురుషుల 100 మీటర్ల బటర్‌ఫ్లై విభాగంలో రోహిత్‌ 47వ స్థానంతో సరిపెట్టుకున్నాడు.

సింగపూర్‌: ఈత కొలనులో తనకు తిరుగులేదని కెనడా టీనేజ్‌ స్టార్‌ స్విమ్మర్‌ సమ్మర్‌ మెకింటోష్‌ మరోసారి చాటుకుంది. ప్రపంచ స్విమ్మింగ్‌ చాంపియన్‌షిప్‌లో తన జోరు కొనసాగిస్తూ 18 ఏళ్ల మెకింటోష్‌ మూడో స్వర్ణ పతకాన్ని తన ఖాతాలో జమ చేసుకుంది. గురువారం జరిగిన మహిళల 200 మీటర్ల బటర్‌ఫ్లయ్‌ ఫైనల్లో మెకింటోష్‌ 2 నిమిషాల 01.99 సెకన్లలో గమ్యానికి చేరి విజేతగా నిలిచింది. ఈ చాంపియన్‌షిప్‌లో ఇప్పటికే మెకింటోష్‌ 400 మీటర్ల ఫ్రీస్టయిల్, 200 మీటర్ల వ్యక్తిగత మెడ్లీ విభాగాల్లో బంగారు పతకాలు సొంతం చేసుకుంది. 800 మీటర్ల ఫ్రీస్టయిల్, 400 మీటర్ల మెడ్లీ ఈవెంట్స్‌లో మెకింటోష్‌ బరిలోకి దిగాల్సి ఉంది. ఈ రెండింటిలోనూ మెకింటోష్‌ స్వర్ణాలు సాధిస్తే... ఒకే ప్రపంచ చాంపియన్‌షిప్‌లో అత్యధికంగా 5 స్వర్ణ పతకాలు సాధించిన స్విమ్మర్‌గా మైకేల్‌ ఫెల్ప్స్‌ (అమెరికా; 2007లో) పేరిట ఉన్న ప్రపంచ రికార్డును మెకింటోష్‌ సమం చేస్తుంది. గత ఏడాది జరిగిన పారిస్‌ ఒలింపిక్స్‌లో మెకింటోష్‌ 200 మీటర్ల బటర్‌ఫ్లయ్, మెడ్లీ, 400 మీటర్ల మెడ్లీ ఈవెంట్స్‌లో స్వర్ణాలు గెలిచి, 400 మీటర్ల ఫ్రీస్టయిల్‌లో రజతం సాధించింది. 2022 ప్రపంచ చాంపియన్‌షిప్‌లో రెండు స్వర్ణాలు, ఒక రజతం, ఒక కాంస్యం నెగ్గిన మెకింటోష్‌ ... 2023 ప్రపంచ చాంపియన్‌షిప్‌లో రెండు స్వర్ణాలు, రెండు కాంస్యాలు సాధించింది. మూడోసారి ప్రపంచ చాంపియన్‌షిప్‌లో పోటీపడుతున్న మెకింటోష్‌ ఇప్పటి వరకు మొత్తం ఏడు స్వర్ణాలు, ఒక రజతం, మూడు కాంస్యాలతో కలిపి 11 పతకాలు గెలిచింది. మరోవైపు పురుషుల 200 మీటర్ల వ్యక్తిగత మెడ్లీలో ఫేవరెట్‌ లియోన్‌ మర్చండ్‌ స్వర్ణ పతకాన్ని గెల్చుకున్నాడు. బుధవారం సెమీఫైనల్‌ రేసులో కొత్త ప్రపంచ రికార్డు నెలకొల్పిన 23 ఏళ్ల మర్చండ్‌... గురువారం జరిగిన ఫైనల్‌ రేసును 1 నిమిషం 53.68 సెకన్లలో ముగించి అగ్రస్థానాన్ని దక్కించుకున్నాడు. పురుషుల 100 మీటర్ల ఫ్రీస్టయిల్‌లో డేవిడ్‌ పొపోవిచి (రొమేనియా; 46.51 సెకన్లు)... మహిళల 50 మీటర్ల బ్యాక్‌స్ట్రోక్‌లో కేథరీన్‌ బెర్కోఫ్‌ (అమెరికా; 27.08 సెకన్లు) బంగారు పతకాలు గెలిచారు. మహిళల 4–200 మీటర్ల ఫ్రీస్టయిల్‌ రిలేలో ఆస్ట్రేలియా బృందం స్వర్ణ పతకం సొంతం చేసుకుంది. మరో మూడు రోజులపాటు కొనసాగనున్న ఈ మెగా ఈవెంట్‌లో పతకాల పట్టికలో ఆస్ట్రేలియా (5 స్వర్ణాలు, 1 రజతం, 5 కాంస్యాలు) 11 పతకాలతో అగ్రస్థానంలో... అమెరికా (4 స్వర్ణాలు, 10 రజతాలు, 4 కాంస్యాలు) 18 పతకాలతో రెండో స్థానంలో... కెనడా (3 స్వర్ణాలు, 2 కాంస్యాలు) ఐదు పతకాలతో మూడో స్థానంలో ఉన్నాయి. గెలిచిన స్వర్ణాల సంఖ్య ఆధారంగా ర్యాంకింగ్‌ను నిర్ణయిస్తారు.

ఏథెన్స్‌ (గ్రీస్‌): అందరి అంచనాలను తారుమారు చేస్తూ... ప్రపంచ అండర్‌–17 రెజ్లింగ్‌ చాంపియన్‌షిప్‌ గ్రీకో రోమన్‌ స్టయిల్‌లో భారత యువ రెజ్లర్‌ హర్‌దీప్‌ స్వర్ణ పతకం సాధించి సంచలనం సృష్టించాడు. బుధవారం జరిగిన 110 కేజీల విభాగం ఫైనల్లో హర్‌దీప్‌ 3–3 పాయింట్లతో యజ్దాన్‌ రెజా డెల్‌రూజ్‌ (ఇరాన్‌)పై గెలుపొందాడు. ఇద్దరి స్కోర్లు సమమైనప్పటికీ... నిబంధనల ప్రకారం చివరి పాయింట్‌ హర్‌దీప్‌ సాధించడంతో భారత రెజ్లర్‌కు స్వర్ణం ఖరారైంది.యజ్దాన్‌కు రజతం దక్కింది. ఈ మెగా ఈవెంట్‌ చరిత్రలో గ్రీకో రోమన్‌ స్టయిల్‌లో భారత్‌కు బంగారు పతకాన్ని అందించిన నాలుగో రెజ్లర్‌గా 16 ఏళ్ల హర్‌దీప్‌ గుర్తింపు పొందాడు. గతంలో వినోద్‌ కుమార్‌ (45 కేజీలు; 1980లో).. పప్పూ యాదవ్‌ (51 కేజీలు; 1992లో)... సూరజ్‌ (55 కేజీలు; 2022లో) ఈ ఘనత సాధించారు.ప్రస్తుతం ఆసియా అండర్‌–17 విభాగంలో చాంపియన్‌గా ఉన్న హర్‌దీప్‌... తొలి రౌండ్‌లో 2–0తో బక్తూర్‌ సొవెట్‌ఖాన్‌ (కజకిస్తాన్‌)పై, ప్రిక్వార్టర్‌ ఫైనల్లో 4–2తో తొమెల్కా (పోలాండ్‌)పై, క్వార్టర్‌ ఫైనల్లో 9–0తో అనతోలి నవచెంకో (ఉక్రెయిన్‌)పై, సెమీఫైనల్లో 4–2తో ఎమ్రుల్లా కప్‌కాన్‌ (టర్కీ)పై విజయం సాధించాడు. హరియాణాలోని ఝాజర్‌ జిల్లాకు చెందిన హర్‌దీప్‌ తన చిన్నతనంలోనే తల్లిదండ్రులను కోల్పోయాడు. ప్రస్తుతం హర్‌దీప్‌ బహదూర్‌గఢ్‌లోని ‘హింద్‌ కేసరి’ సోనూ అఖాడాలో ధర్మేందర్‌ దలాల్‌ వద్ద శిక్షణ తీసుకుంటున్నాడు. మరో నాలుగు పతకాలు ఖాయం... ప్రపంచ అండర్‌–17 రెజ్లింగ్‌ చాంపియన్‌షిప్‌లో భారత్‌కు మరో నాలుగు పతకాలు ఖాయమయ్యాయి. మహిళల విభాగంలో భారత రెజ్లర్లు రచన (43 కేజీలు), మోనీ (57 కేజీలు), అశ్విని విష్ణోయ్‌ (65 కేజీలు), కాజల్‌ (73 కేజీలు) ఫైనల్లోకి దూసుకెళ్లారు. ఈరోజు జరిగే ఫైనల్స్‌లో జిన్‌ హువాంగ్‌తో రచన... మద్‌ఖియా ఉస్మనోవా (కజకిస్తాన్‌)తో మోనీ, ముఖాయో రఖిమ్‌జొనోవా (ఉజ్బెకిస్తాన్‌)తో అశ్విని; వెన్‌జిన్‌ కియు (చైనా)తో కాజల్‌ తలపడతారు.

సింగపూర్‌: సంవత్సరాలు గడుస్తున్నాయి.... ప్రత్యర్థులు మారుతున్నారు... కానీ ప్రపంచ స్విమ్మింగ్‌ చాంపియన్‌షిప్‌ మహిళల 1500 మీటర్ల ఫ్రీస్టయిల్‌ విభాగంలో మాత్రం విజేత పేరు మారడం లేదు. 2013 నుంచి 2025 వరకు ఏడు ప్రపంచ చాంపియన్‌షిప్‌లు జరిగాయి. ఇందులో ఆరింటిలో (2013, 2015, 2017, 2022, 2023, 2025) కేటీ లెడెకీకే స్వర్ణ పతకం లభించింది. 2019 ప్రపంచ చాంపియన్‌షిప్‌లో లెడెకీ ఫైనల్‌ చేరుకున్నా అనారోగ్యం కారణంగా ఫైనల్‌ రేసు నుంచి వైదొలిగింది. లేదంటే లెడెకీ ఖాతాలోనే స్వర్ణం చేరేది. ప్రస్తుతం సింగపూర్‌లో జరుగుతున్న ప్రపంచ చాంపియన్‌షిప్‌లో మంగళవారం జరిగిన 1500 మీటర్ల ఫ్రీస్టయిల్‌ విభాగంలో లెడెకీ తన సత్తా చాటుకుంది. ఇంతకుముందు 400 మీటర్ల ఫ్రీస్టయిల్‌లో కాంస్యం నెగ్గిన లెడెకీ... 1500 మీటర్లలో పసిడి పతకం కైవసం చేసుకుంది. 15 నిమిషాల 26.44 సెకన్లలో రేసును ముగించిన ఆమె అగ్రస్థానాన్ని దక్కించుకుంది. ఇతర ఈవెంట్ల సంగతి పక్కన పెడితే... 1500 మీటర్లలో తనకు తిరుగులేదని లెడెకీ మరోసారి నిరూపించింది. ఈ విభాగంలో ప్రపంచ అత్యుత్తమ స్విమ్మర్‌గా గుర్తింపు సాధించిన లెడెకీ... దశాబ్ద కాలంగా 1500 మీటర్లలో అత్యుత్తమ మహిళా స్విమ్మర్‌గా కొనసాగుతోంది. ఈ ఈవెంట్‌లో ప్రపంచ 26 అత్యుత్తమ ప్రదర్శనల్లో 25 ఆమె పేరిట ఉన్నాయంటే... 1500 మీటర్లలో ఆమె ఆధిపత్యం ఎలా సాగుతోందో అర్థంచేసుకోవచ్చు. ‘నాకు ఈ రేసు అంటే చాలా ఇష్టం. 2013లో మొదటిసారి ప్రపంచ రికార్డు బద్దలు కొట్టినప్పటి నుంచి 1500 మీటర్ల రేసును ప్రేమిస్తున్నా. ఇన్నేళ్లలో ఎన్నో గొప్ప విజయాలు దక్కడం ఆనందంగా ఉంది. కొలనులో అడుగు పెట్టిన ప్రతిసారి అత్యుత్తమ ప్రదర్శన చేయాలనే భావిస్తా. అందుకు తగ్గట్లే కష్టపడతా. ప్రస్తుత టైమింగ్‌తో సంతోషంగా ఉన్నా’ అని లెడెకీ వెల్లడించింది. మంగళవారం పోటీలో ఒకానొక దశలో ప్రపంచ రికార్డు వేగం కంటే ముందున్న లెడెకీ చివర్లో కాస్త వెనుకబడింది. మహిళల స్విమ్మింగ్‌లో ఏకఛత్రాధిపత్యం కనబరుస్తున్న లెడెకీకి ప్రపంచ చాంపియన్‌షిప్‌లో ఇది 22వ స్వర్ణం కాగా... ఓవరాల్‌గా 28వది. ఒలింపిక్స్‌లో సాధించిన 9 పసిడి పతకాలు, మొత్తంగా 14 మెడల్స్‌ కలుపుకుంటే... ఓవరాల్‌గా ఆమె పతకాల సంఖ్య 42. అందులో 31 స్వర్ణాలు ఉండటం విశేషం. అంతర్జాతీయ ఒలింపిక్‌ కమిటీ అధ్యక్షురాలు, 2004, 2008 ఒలింపిక్స్‌ 200 మీటర్ల బ్యాక్‌స్ట్రోక్‌ స్వర్ణ పతక విజేత క్రిస్టీ కొవెంట్రీ సమక్షంలో లెడెకీ పతకం నెగ్గింది. పోటీల మూడో రోజు మంగళవారం ఐదు అంశాల్లో ఫైనల్స్‌ నిర్వహించగా... పురుషుల 200 మీటర్ల ఫ్రీ స్టయిల్‌లో రొమేనియాకు చెందిన డేవిడ్‌ పొపొవిక్‌ వరుసగా రెండో సారి స్వర్ణ పతకం సాధించగా... పురుషుల 100 మీటర్ల బ్యాక్‌స్ట్రోక్‌లో దక్షిణాఫ్రికాకు చెందిన పీటర్‌ కోట్జీ పసిడి పతకం ఖాతాలో వేసుకున్నాడు. మహిళల 100 మీటర్ల బ్యాక్‌స్ట్రోక్‌లో జర్మనీకి చెందిన అన్నా ఎలెన్‌ సంచలనం సృష్టించింది. అమెరికా స్టార్‌ స్విమ్మర్‌ కేట్‌ డగ్లస్‌ను వెనక్కి నెడుతూ బంగారు పతకం కైవసం చేసుకుంది. పురుషుల 200 మీటర్ల ఫ్రీస్టయిల్‌లో ల్యూక్‌ హబ్సన్‌ విజేతగా నిలిచాడు. భారత స్విమ్మర్లకు నిరాశ ప్రపంచ చాంపియన్‌షిప్‌లో భారత స్విమ్మర్ల నిరాశాజనక ప్రదర్శన కొనసాగుతోంది. వరుసగా మూడో రోజు భారత స్విమ్మర్లు హీట్స్‌ దాటి ముందడుగు వేయలేకపోయారు. పురుషుల 200 మీటర్ల బటర్‌ఫ్లయ్‌ విభాగంలో సజన్‌ ప్రకాశ్‌ 24వ స్థానంలో నిలిచి సెమీఫైనల్‌కు దూరమయ్యాడు. ఈ విభాగంలో తొలి 16 స్థానాల్లో నిలిచిన వాళ్లు సెమీస్‌కు అర్హత సాధించారు. భారత్‌ నుంచి నేరుగా ఒలింపిక్స్‌ (టోక్యో 2020)కు అర్హత సాధించిన తొలి స్విమ్మర్‌గా రికార్డు సృష్టించిన 31 ఏళ్ల సజన్‌ ప్రకాశ్‌... ఈ టోర్నీ 200 ఫ్రీస్టయిల్‌లో 43వ స్థానంతో సరిపెట్టుకున్నాడు.ఇక 800 మీటర్ల ఫ్రీస్టయిల్‌ విభాగంలో ఆర్యన్‌ నెహ్రా 23వ స్థానంలో నిలిచాడు. మంగళవారం పోటీలో ఆర్యన్‌ 8 నిమిషాల 21.30 సెకన్లలో లక్ష్యాన్ని చేరాడు. తొలి 8 స్థానాల్లో నిలిచిన వాళ్లు ఫైనల్‌కు చేరారు. మరోవైపు 50 మీటర్ల బటర్‌ఫ్లయ్‌ విభాగంలోనూ ఆర్యన్‌ 57వ స్థానంతో సరిపెట్టుకోగా... ఎస్పీ లికిత్‌ 50వ స్థానంలో నిలిచాడు.

రినె–రుర్‌ ఎసెన్‌ (జర్మనీ): ప్రపంచ యూనివర్సిటీ క్రీడల్లో భారత ఆర్చర్‌ సాహిల్‌ జాదవ్‌ స్వర్ణంపై పెట్టిన గురి కుదిరింది. పురుషుల వ్యక్తిగత కాంపౌండ్‌ విభాగంలో అతను బంగారు పతకం సాధించాడు. అయితే మహిళల కాంపౌండ్‌లో పర్నీత్‌ కౌర్‌కు తృటిలో పసిడి పతకం చేజారింది. ఆర్చర్లు ఐదు పతకాలతో ఈ పోటీలను ముగించారు. మిగతా మూడు పతకాలు టీమ్‌ ఈవెంట్‌లో వచ్చాయి. మిక్స్‌డ్‌ టీమ్‌ స్వర్ణం, పురుషుల టీమ్‌ రజతం, మహిళల టీమ్‌ కాంస్యం గెలుచుకుంది. ఒలింపిక్‌ క్రీడ అయిన రికర్వ్‌లో మాత్రం భారత ఆర్చర్లు నిరాశపరిచారు. పురుషుల కాంపౌండ్‌ టైటిల్‌ పోరులో సాహిల్‌ జాదవ్‌ గురి అదిరింది. మొత్తం 15 బాణాలను సంధించగా... ఇందులో ఏకంగా 14 షాట్లు కచ్చితత్వంతో లక్ష్యాన్ని చేరాయి. దీంతో పదికి పది పాయింట్లు లభించగా, ఆఖరి బాణం 9 పాయింట్లు తెచ్చింది. దీంతో జాదవ్‌ 149–148 స్కోరుతో అజయ్‌ స్కాట్‌ (బ్రిటన్‌)పై గెలిచి బంగారం అందుకున్నాడు. అంతకుముందు భారతీయుల మధ్యే జరిగిన సెమీస్‌లో సాహిల్‌ 148–148తో కుశాల్‌ దలాల్‌తో సమంగా నిలిచాడు. అయితే షూటాఫ్‌లో సాహిల్‌ జాదవ్‌ మెరుగైన స్థితిలో ఉండటంతో ఫైనల్‌ చేరాడు. మహిళల కాంపౌండ్‌లో ఆసియా క్రీడల టీమ్‌ఈవెంట్‌ స్వర్ణ పతక విజేత అయిన పర్నీత్‌ కౌర్‌ దాదాపు స్వర్ణంపైనే గురిపెట్టింది. కానీ ఆఖరి మెట్టుపై అనూహ్యంగా ఒత్తిడికి గురై తృటిలో పసిడి పట్టలేకపోయింది. చివరకు పాయింట్‌ తేడాతో బంగారాన్ని దూరం చేసుకున్న పర్నీత్‌ రజతంతో సరిపెట్టుకుంది. ఫైనల్లో ఆమె 146–147 స్కోరుతో మూన్‌ యీన్‌ (దక్షిణ కొరియా) చేతిలో ఓడింది. అంతకుముందు క్వాలిఫికేషన్‌ రౌండ్‌లో టాపర్‌గా నిలిచింది. సెమీస్‌లో 145–144తో ఐదో సీడ్‌ కిమ్‌ సూయెన్‌ (దక్షిణ కొరియా)ను కంగుతినిపించింది.

బుడాపెస్ట్‌ (హంగేరి): పొలియాక్‌ ఇమ్రె–వర్గా యానోస్‌ స్మారక అంతర్జాతీయ ర్యాంకింగ్‌ రెజ్లింగ్‌ టోర్నమెంట్‌లో భారత్‌కు తొలి రోజు రెండు పతకాలు లభించాయి. పురుషుల ఫ్రీస్టయిల్‌ విభాగంలో సుజీత్‌ (65 కేజీలు) స్వర్ణ పతకాన్ని సొంతం చేసుకోగా... రాహుల్‌ (57 కేజీలు) కాంస్య పతకాన్ని దక్కించుకున్నాడు. ఫైనల్లో సుజీత్‌ 5–1 పాయింట్ల తేడాతో అలీ రహీమ్‌జాదే (అజర్‌బైజాన్‌)పై గెలుపొందాడు. అంతకుముందు సెమీఫైనల్లో సుజీత్‌ 6–1తో వాజ్‌జెన్‌ తెవాన్‌యాన్‌ (అర్మేనియా)పై, క్వార్టర్‌ ఫైనల్లో 11–0తో అర్సమెర్‌జుయెవ్‌ (ఫ్రాన్స్‌)పై, తొలి రౌండ్‌లో 11–0తో ఇస్లాం దుదయెవ్‌ (అల్బేనియా)పై విజయం సాధించాడు. కాంస్య పతక బౌట్‌లో రాహుల్‌ 4–0తో నిక్లాస్‌ స్టెచెలె (జర్మనీ)పై నెగ్గాడు. అంతకుముందు సెమీఫైనల్లో రాహుల్‌ 6–7 పాయింట్ల తేడాతో ల్యూక్‌ జోసెఫ్‌ (అమెరికా) చేతిలో ఓడిపోయాడు.

ఆసియా యూత్ అండ్‌ జూనియర్ ఛాంపియన్‌షిప్‌లో బంగారు పతకం సాధించిన రెడ్డి భవానీకి ఆంధ్రప్రదేశ్‌ మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి (YS Jagan Mohan Reddy) శుభాకాంక్షలు తెలిపారు. భవిష్యత్తులో ఆమె మరిన్ని విజయాలు సాధించాలని ఆకాంక్షించారు.కాగా విజయనగరం జిల్లాకు చెందిన రెడ్డి భవానీ ఆసియా యూత్ & జూనియర్ ఛాంపియన్‌షిప్‌లో మహిళల 48 కిలోల వెయిట్‌లిఫ్టింగ్‌ విభాగంలో పోటీపడింది. మొత్తంగా 159 కిలోల బరువునెత్తి స్వర్ణం కైవసం చేసుకుంది. ఈ సందర్భంగా రెడ్డి భవానీకి.. వైఎస్‌ జగన్‌ సోషల్‌ మీడియా వేదికగా హృదయపూర్వక అభినందనలు తెలిపారు. Hearty congratulations to Reddy Bhavani from Vizianagaram district on her stunning Gold Medal win at the Asian Youth & Junior Championships! Here’s to many more milestones and memorable victories ahead. Keep shining, Bhavani! pic.twitter.com/nNwL5I0QoG— YS Jagan Mohan Reddy (@ysjagan) July 7, 2025

భారత జావెలిన్‌ స్టార్‌ నీరజ్‌ చోప్రా మరోసారి అద్భుత ప్రదర్శనతో ఆకట్టుకున్నాడు. భారత్‌లో తొలిసారి జరుగుతున్న అంతర్జాతీయ జావెలిన్‌ ఈవెంట్‌లో స్వర్ణ పతకంతో మెరిశాడు. బెంగళూరు వేదికగా తన పేరిట జరుగుతున్న ‘నీరజ్‌ చోప్రా క్లాసిక్‌’ టైటిల్‌ను ఈ గోల్డెన్‌ బాయ్‌ సొంతం చేసుకున్నాడు.ఈ క్రమంలో తన పేరిట జరుగుతున్న అంతర్జాతీయ పోటీలో తానే పసిడి పతకం గెలిచిన తొలి అథ్లెట్‌ నీరజ్‌ చోప్రా చరిత్ర సృష్టించాడు. అత్యుత్తమంగా ఈటెను 86.18 మీటర్ల దూరం విసిరి నీరజ్‌ గోల్డ్‌ మెడల్‌ గెలుచుకున్నాడు. బెంగళూరులోని శనివారం నాటి ఈవెంట్‌కు శ్రీ కంఠీవరవ స్టేడియం వేదికైంది.ఇక కెన్యాకు చెందిన జూలియస్‌ యెగో 84.51 దూరం బల్లాన్ని విసిరి నీరజ్‌ తర్వాతి స్థానంలో నిలిచి రజత పతకం అందుకున్నాడు. శ్రీలంకకు చెందిన అండర్‌-16 మాజీ ఫాస్ట్‌ బౌలర్‌ రమేశ్‌ పతిరగె 84.34 మీటర్ల దూరం ఈటెను విసిరి కాంస్య పతకం గెలుచుకోగా.. భారత్‌కే చెందిన సచిన్‌ యాదవ్‌ తృటిలో కాంస్యాన్ని కోల్పోయాడు. అతడు అత్యుత్తమంగా బల్లాన్ని 82.33 మీటర్ల దూరం విసిరాడు.హ్యాట్రిక్‌ కొట్టిన నీరజ్‌ చోప్రాకాగా టోక్యో ఒలింపిక్స్‌-2020లో పసిడి పతకం గెలిచిన నీరజ్‌ చోప్రా.. 2024 పారిస్‌ ఒలింపిక్స్‌లో రజతం సొంతం చేసుకున్నాడు. అంతేకాదు..27 ఏళ్ల ఈ హర్యానా అథ్లెట్‌ ఖాతాలో ప్రపంచ చాంపియన్‌షిప్‌ స్వర్ణాలు, డైమండ్‌ లీగ్‌ టైటిల్స్.. అదే విధంగా ఆసియా క్రీడలు, కామన్వెల్త్‌ క్రీడల్లో గెలిచిన పతకాలు ఉన్నాయి. ఇక ఇటీవల పారిస్‌ డైమండ్‌ లీగ్, ఓస్ట్రావా గోల్డెన్‌ స్పైక్‌ టోర్నీల్లో టైటిల్స్‌ కైవసం చేసుకున్న నీరజ్‌ చోప్రా.. తాజాగా నీరజ్‌ చోప్రా క్లాసిక్‌ ఈవెంట్‌ గెలిచి హ్యాట్రిక్‌ కొట్టాడు. ఈ ఈవెంట్లో నీరజ్‌ చోప్రా (భారత్‌)తో పాటు.. సిప్రియన్‌ మిర్జిగ్లాడ్‌ (పోలాండ్‌), లూయిజ్‌ మౌరిసియో డా సిల్వా (బ్రెజిల్‌), థామస్‌ రోలెర్‌ (జర్మనీ), కర్టిన్స్‌ థామ్సన్‌ (అమెరికా), మార్టిన్న్‌ కొనెస్నీ (చెక్‌ రిపబ్లిక్‌), జూలియస్‌ యెగో (కెన్యా), రమేశ్‌ పతిరగే (శ్రీలంక), సచిన్‌ యాదవ్‌ (భారత్‌), రోహిత్‌ యాదవ్‌ (భారత్‌), సాహిల్‌ సిల్వాల్‌ (భారత్‌), యశ్‌ వీర్‌ సింగ్‌ (భారత్‌) బరిలో దిగారు.NEERAJ CHOPRA WINS NC CLASSIC 2025! 🏆- The Winning Throw of 86.18m for G.O.A.T 🐐pic.twitter.com/nPaJhHuJmk— The Khel India (@TheKhelIndia) July 5, 2025

ఒ్రస్టావా (చెక్‌ రిపబ్లిక్‌): భారత స్టార్‌ జావెలిన్‌ త్రోయర్‌ నీరజ్‌ చోప్రా... ఒ్రస్టావా గోల్డెన్‌ స్పైక్‌ అథ్లెటిక్స్‌ మీట్‌లో స్వర్ణ పతకాన్ని సొంతం చేసుకున్నాడు. గతవారం పారిస్‌ డైమండ్‌ లీగ్‌ మీట్‌లో ‘టాప్‌’లో నిలిచిన నీరజ్‌... మంగళవారం జరిగిన పోటీల్లో జావెలిన్‌ను 85.29 మీటర్ల దూరం విసిరి అగ్రస్థానం దక్కించుకున్నాడు. నాలుగు రోజుల వ్యవధిలో నీరజ్‌కు ఇది రెండో టైటిల్‌ కావడం విశేషం. ఈ మీట్‌లో తొలిసారి బరిలోకి దిగిన నీరజ్‌ అందరికంటే మెరుగైన ప్రదర్శనతో విజేతగా నిలిచాడు. డౌ స్మిత్‌ (84.12 మీటర్లు; దక్షిణాఫ్రికా), అండర్సన్‌ పీటర్స్‌ (83.63 మీటర్లు; గ్రెనెడా) వరుసగా రెండో, మూడో స్థానాల్లో నిలిచారు. తొలి ప్రయత్నంలో ఫౌల్‌ చేసిన నీరజ్‌... రెండో ప్రయత్నంలో ఈటెను 83.45 మీటర్ల దూరం విసిరాడు.మూడో ప్రయత్నంలో అత్యుత్తమంగా 85.29 మీటర్ల దూరాన్ని నమోదు చేసుకున్న భారత అథ్లెట్‌.. తర్వాతి ప్రయత్నాల్లో ఆకట్టుకోలేకపోయాడు. నీరజ్‌ కోచ్, చెక్‌ రిపబ్లిక్‌ గ్రేట్‌ అథ్లెట్‌ జాన్‌ జెలెజ్నీ గతంలో ఈ మీట్‌లో తొమ్మిదిసార్లు విజేతగా నిలిచాడు.

మ్యూనిక్‌: అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) మూడో ప్రపంచకప్‌ టోర్నమెంట్‌లో భారత షూటర్లు అదరగొట్టారు. మహిళల 10 మీటర్ల ఎయిర్‌ పిస్టల్‌ విభాగంలో సురుచి స్వర్ణ పతకం సాధించగా... శనివారం భారత్‌ ఖాతాలో మరో పసిడి పతకం చేరింది. 10 మీటర్ల ఎయిర్‌ రైఫిల్‌ మిక్స్‌డ్‌ టీమ్‌ ఈవెంట్‌లో ఆర్య బోర్సే–అర్జున్‌ బబూతా జంట అద్వితీయమైన గురితో ఒలింపిక్‌ చాంపియన్‌ జిఫీ వాంగ్‌–లిహావో షెంగ్‌ (చైనా) ద్వయంపై గెలుపొందింది. ఫైనల్లో ఆర్య–అర్జున్‌ జోడీ 17–7తో చైనా జంటను చిత్తుచేసి అగ్ర స్థానంలో నిలిచింది.నార్వే జంటకు కాంస్య పతకం దక్కింది. భారత్‌కే చెందిన ఎలవెనిల్‌ వలరివన్‌–అంకుశ్‌ జాధవ్‌ జోడీ 631.8 పాయింట్లతో ఆరో స్థానంలో నిలిచింది. పోటీల చివరి రోజు క్వాలిఫయింగ్‌ ఈవెంట్‌లో అర్జున్‌ 317.7 పాయింట్లు సాధించగా... ఆర్య 317.5 పాయింట్లు స్కోరు చేసింది. దీంతో ఓవరాల్‌గా 635.2 పాయింట్లతో రెండో స్థానంలో నిలిచి ఫైనల్‌కు అర్హత సాధించింది. ఈ ఏడాది ఏప్రిల్‌లో పెరూ రాజధాని లిమాలో జరిగిన రెండో ప్రపంచకప్‌ టోర్నీ రుద్రాం„Š పాటిల్‌తో కలిసి ఆర్య బోర్సే 10 మీటర్ల ఎయిర్‌ రైఫిల్‌లో రజత పతకం గెలిచింది. తాజా ప్రపంచకప్‌లో భారత్‌కు ఇది రెండో స్వర్ణం కాగా... ఓవరాల్‌గా నాలుగో పతకం. సిఫ్ట్‌ కౌర్‌ సమ్రా, ఎలవెనిల్‌ వలరివన్‌ వ్యక్తిగత కాంస్యాలు గెలుచుకున్నారు. ఇక పిస్టల్‌ ఈవెంట్‌లో భారత షూటర్లకు నిరాశ ఎదురైంది. 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ ఈవెంట్‌లో మనూ భాకర్‌–ఆదిత్య మల్రా 577 పాయింట్లతో ఆరో స్థానంలో నిలిచింది. సురుచి సింగ్‌–వరుణ్‌ తోమర్‌ జంట 576 పాయింట్లతో పదో స్థానానికి పరిమితమైంది.

మ్యూనిక్‌: అంతర్జాతీయ షూటింగ్‌ క్రీడా సమాఖ్య (ఐఎస్‌ఎస్‌ఎఫ్‌) మూడో ప్రపంచకప్‌ టోర్నీలో భారత జట్టుకు తొలి స్వర్ణ పతకం లభించింది. శుక్రవారం జరిగిన మహిళల 10 మీటర్ల ఎయిర్‌ పిస్టల్‌ ఈవెంట్‌లో 19 ఏళ్ల సురుచి సింగ్‌ పసిడి పతకాన్ని సొంతం చేసుకుంది. ఈ సీజన్‌లో సురుచి పోటీపడ్డ మూడు ప్రపంచకప్‌ టోర్నీల్లోనూ బంగారు పతకాలు గెలవడం విశేషం. ఎనిమిది మంది మధ్య ఎలిమినేషన్‌ పద్ధతిలో జరిగిన ఫైనల్లో సురుచి 241.9 పాయింట్లు స్కోరు చేసి విజేతగా అవతరించింది. కామిలీ జెద్రెజెవ్‌స్కీ (ఫ్రాన్స్‌; 241.7 పాయింట్లు) రజతం నెగ్గగా... కియాన్‌జున్‌ యావో (చైనా; 221.7 పాయింట్లు) కాంస్య పతకాన్ని సంపాదించింది. ఈ ఏడాది జాతీయ సీనియర్‌ జట్టులోకి వచ్చిన సురుచి ఏప్రిల్‌లో బ్యూనస్‌ ఎయిర్స్‌లో జరిగిన తొలి ప్రపంచకప్‌ టోర్నీలో 10 మీటర్ల ఎయిర్‌ పిస్టల్‌ వ్యక్తిగత విభాగంలో స్వర్ణం, మిక్స్‌డ్‌ టీమ్‌ విభాగంలో కాంస్యం సాధించింది. ఏప్రిల్‌లోనే పెరూ రాజధాని లిమాలో జరిగిన రెండో ప్రపంచకప్‌ టోర్నీలో సురుచి 10 మీటర్ల ఎయిర్‌ పిస్టల్‌ వ్యక్తిగత విభాగంలో, మిక్స్‌డ్‌ టీమ్‌ విభాగంలో బంగారు పతకాలు గెలిచింది.

తైపీ సిటీ: తైవాన్‌ ఓపెన్‌ అంతర్జాతీయ అథ్లెటిక్స్‌ మీట్‌లో తొలి రోజు భారత అథ్లెట్లు ఆరు స్వర్ణ పతకాలతో అదరగొట్టారు. తైపీ సిటీలో శనివారం జరిగిన పోటీల్లో ఆంధ్రప్రదేశ్‌ అమ్మాయి జ్యోతి యర్రాజీ మహిళల 100 మీటర్ల హర్డిల్స్‌లో పసిడి పతకాన్ని సొంతం చేసుకుంది. ఇటీవల కొరియాలో జరిగిన ఆసియా చాంపియన్‌షిప్‌లో బంగారు పతకాన్ని గెలిచిన ఈ వైజాగ్‌ అమ్మాయి అదే జోరును తైవాన్‌ మీట్‌లో పునరావృతం చేసింది. 100 మీటర్ల హర్డిల్స్‌ ఫైనల్‌ రేసును 25 ఏళ్ల జ్యోతి అందరికంటే వేగంగా, అందరికంటే ముందుగా 12.99 సెకన్లలో ముగించి విజేతగా నిలిచింది. పురుషుల 110 మీటర్ల హర్డిల్స్‌లో భారత రన్నర్‌ తేజస్‌ శిర్సే (13.52 సెకన్లు) స్వర్ణ పతకాన్ని హస్తగతం చేసుకున్నాడు. పురుషుల 4్ఠ100 మీటర్ల రిలేలో గురీందర్‌వీర్‌ సింగ్, అనిమేశ్‌ కుజుర్, మణికంఠ హోబ్లిధర్, అమ్లాన్‌ బొర్గోహైన్‌లతో కూడిన భారత బృందం (38.75 సెకన్లు) బంగారు పతకాన్ని నెగ్గింది. మహిళల 4x100 మీటర్ల రిలేలో తెలంగాణ అమ్మాయి నిత్య గంధే, సుదీక్ష, స్నేహ, అభినయ సభ్యులుగా ఉన్న భారత జట్టు (44.06 సెకన్లు) స్వర్ణ పతకం దక్కించుకుంది. పురుషుల ట్రిపుల్‌ జంప్‌లో అబ్దుల్లా అబూబకర్‌ (16.21 మీటర్లు), మహిళల 1500 మీటర్ల విభాగంలో పూజ (4ని:11.63 సెకన్లు) బంగారు పతకాలు గెలిచారు.

హార్స్‌ షోలో సత్తా చాటిన అత్యంత పిన్న వయస్కుడైన ఈక్వెస్టియన్‌ రైడర్‌గా నగరానికి చెందిన మాస్టర్‌ ధృవ నిలిచాడు. ఈక్వెస్ట్రియన్‌ అకాడమీ ఆధ్వర్యంలో శంకర్‌పల్లిలోని నాసర్‌ పోలో ఆవరణలో అండర్‌–10, 12, 14, 16, అదే విధంగా 45–125 సెంటీమీటర్ల ఓపెన్‌ విభాగాల్లో దాదాపు 650 మంది రైడర్లకు పోటీలు నిర్వహించారు. ఈ సందర్భంగా డ్రెస్సేజ్‌ విభాగంతో పాటు ట్రోట్‌ సీహెచ్‌–2 వంటి విభాగాల్లో అద్భుతమైన ప్రదర్శనలు కనబరిచారు. ఈ పోటీల్లో పదేళ్ల బాలుడు మాస్టర్‌ ధృవ 3 బంగారు, 1 రజితం, 1 కాంస్య పతకాలతో ప్రథమ బహుమతులు సాధించాడు. ఈ సందర్భంగా ఈక్వెస్ట్రియన్‌ క్రీడల్లో భారత్‌కు ప్రాతినిథ్యం వహించడమే తన లక్ష్యం అని చెబుతున్నాడు ధృవ. నగరంలోని ఓ ప్రైవేట్‌ పాఠశాలకు చెందిన ఈ విద్యార్థి ఆరేళ్ల వయసు నుంచే గుర్రపుస్వారీ చేస్తున్నానని చెప్పుకొచ్చాడు. (చదవండి: ఐస్‌ బాత్‌ థెరపీ ట్రెండ్‌..! నిపుణులు ఏమంటున్నారంటే..)

గుమి (దక్షిణ కొరియా): తెలుగు రాష్ట్రాల అథ్లెట్లు ఆసియా అథ్లెటిక్స్‌ చాంపియన్‌షిప్‌లో పసిడి మెరుపులతో అదరగొడుతున్నారు. పోటీల మూడో రోజు ఆంధ్ర అథ్లెట్‌ జ్యోతి యర్రాజీ బంగారు పతకం సాధిస్తే... ఇప్పుడు నాలుగో రోజు శుక్రవారం తెలంగాణ అథ్లెట్‌ నందిని అగసార స్వర్ణ పతకం సాధించింది. మొత్తం మీద కొరియన్‌ గడ్డపై భారత బృందం స్వర్ణభేరి మోగిస్తోంది. నాలుగో రోజు పోటీల్లో మన నందినితో పాటు... లాంగ్‌ డిస్టెన్స్‌ రన్నర్‌ గుల్వీర్‌ సింగ్, హైజంపర్‌ పూజ సింగ్‌లు కూడా బంగారు పతకాలు గెలుపొందారు. దీంతో భారత్‌ ఇప్పటికే 18 పతకాలు సాధించింది. ఇందులో 8 స్వర్ణాలు, 7 రజతాలు, 3 కాంస్య పతకాలున్నాయి. ఇదే జోరు కొనసాగితే... గత 2023–బ్యాంకాక్‌ చాంపియన్‌షిప్‌లో పట్టుకొచ్చిన 27 పతకాల రికార్డును భారత్‌ అధిగమించే అవకాశముంది. ఇదివరకు 100 మీటర్ల హర్డిల్స్‌లో విజేతగా నిలిచిన జ్యోతి యర్రాజీ మరో పతకంపై గురిపెట్టింది. ఆమె 200 మీటర్ల పరుగులో ఫైనల్స్‌కు అర్హత సంపాదించింది. నిత్య గంధే కూడా ఫైనల్‌ చేరింది. పురుషుల 200 మీటర్ల స్ప్రింట్‌లో అనిమేశ్‌ కుజూర్‌ ఫైనల్‌ పరుగుకు సిద్ధమయ్యాడు. చైనా అథ్లెట్‌ను అధిగమించి... తెలంగాణ తేజం నందిని హెప్టాథ్లాన్‌లో పతకం కోసం పెద్ద పోరాటమే చేసింది. ఏడు క్రీడాంశాల సమాహారమైన ఈ ఈవెంట్‌లో నందిని చైనా అథ్లెట్‌ ఇచ్చిన గట్టి పోటీని తట్టుకొని... అగ్రస్థానం సాధించడం గొప్ప విశేషం. అందుకే ఎనిమిదేళ్ల తర్వాత ఈ క్లిష్టమైన హెప్టాథ్లాన్‌లో భారత్‌ బంగారు పతకం సాధించగలిగింది. 2017లో స్వప్న బర్మన్‌ తర్వాత ఆసియా ఈవెంట్‌లో బంగారం నెగ్గిన ఘనత మన నందినిదే కావడం గమనార్హం. సోమ బిస్వాస్‌ (2005లో) తర్వాత సుదీర్ఘ నిరీక్షిణకు ఆమె తెరదించితే... నందిని తాజాగా భారత్‌కు పసిడి పతకం తీసుకొచ్చింది. 100 మీటర్ల హర్డిల్స్, హైజంప్, షాట్‌పుట్, 200 మీటర్ల పరుగు, లాంగ్‌జంప్, జావెలిన్‌ త్రో, 800 మీటర్ల పరుగు ఇలా... ఈ ఏడు క్రీడాంశాల్లో మొత్తంగా కలిపి నందిని 5941 పాయింట్లతో అగ్రస్థానంలో నిలిచింది. ఆరో ఈవెంట్‌ అయిన జావెలిన్‌ త్రోలో కేవలం 34.18 మీటర్ల పేలవ ప్రదర్శన తర్వాత రేసు (మొత్తం పాయింట్లు)లో వెనుకబడిన తెలంగాణ అథ్లెట్‌ ఆఖరి పోటీ అయిన 800 మీటర్ల పరుగును 2 నిమిషాల 15.54 సెకన్లలో పూర్తి చేసి విజేతగా నిలువడంతో తిరిగి అగ్రస్థానంలోకి దూసుకొచ్చింది. నందినికి ఆఖరిదాకా సవాల్‌ విసిరిన చైనా హెప్టాథ్లెట్‌ లియు జింగ్‌యి 5869 పాయింట్లతో రజత పతకానికి పరిమితమైంది. నిజానికి చైనా క్రీడాకారిణి జావెలిన్‌ త్రో తర్వాత ఆధిక్యంలోకి వచ్చింది. అయితే నందిని 800 మీటర్ల పరుగులో పుంజుకోవడంతో చైనా అథ్లెట్‌ ‘బంగారు’ ఆశలు గల్లంతయ్యాయి. అనర్హతకు గురైన పురుషుల రిలే జట్టు మూడో రోజు పోటీల్లో మహిళలు, పురుషుల రిలే జట్లు పతకాలు సాధించగా... తాజాగా 4్ఠ100 మీటర్ల రిలే ఈవెంట్‌లో భారత పురుషుల జట్టు అనర్హతకు గురైంది. ప్రణవ్‌ గౌరవ్, రాహుల్, మణికంఠ, అమ్లన్‌ బొర్గొహైన్‌లతో కూడిన రిలే జట్టు ప్రిలిమినరీ రౌండ్‌లోనే అనర్హతకు గురైంది. ఒకరి నుంచి మరొకరు బ్యాట్‌ను అందుకునేందుకు అనుమతించే చోటు (చేంజ్‌ ఓవర్‌ జోన్‌)ని దాటి బ్యాటన్‌ను తీసుకోవడంతో (ప్రణవ్‌నుంచి రాహుల్‌) టీమ్‌ డిస్‌క్వాలిఫై అయింది. అయితే పురుషుల జావెలిన్‌ త్రోలో సచిన్, యశ్‌వీర్‌ ఫైనల్‌ పోటీలకు అర్హత సాధించారు.గుల్వీర్‌ అ‘ద్వితీయ’ంఆసియా చాంపియన్‌షిప్‌ మొదలైన రోజే 10 వేల మీటర్ల సుదీర్ఘ పరుగులో బంగారు పతకం సాధించిన గుల్వీర్‌ సింగ్‌ నాలుగో రోజు మరో పసిడిని పట్టాడు. శుక్రవారం పురుషుల 5000 మీటర్ల పరుగులో అతను విజేతగా నిలిచాడు. గుల్వీర్‌ 13 నిమిషాల 24.77 సెకన్లలో లక్ష్యాన్ని చేరి అగ్రస్థానంలో నిలిచాడు. వెంట్రుక వాసిలో థాయ్‌లాండ్‌ అథ్లెట్‌ కీరన్‌ తుంతివతే (13:24.97 సెకన్లు)ను రజతానికి పరిమితం చేశాడు. పూజ ‘హై’జంప్‌హరియాణాకు చెందిన 18 ఏళ్ల టీనేజ్‌ అథ్లెట్‌ పూజ సింగ్‌ హైజంప్‌లో పసిడి శోభ తెచ్చింది. మహిళల హైజంప్‌లో ఆమె తన ఐదవ ప్రయత్నంలో 1.89 మీటర్ల ఎత్తులో జంప్‌ చేయడం ద్వారా తన వ్యక్తిగత ఉత్తమ ప్రదర్శన నమోదు చేసింది. దీంతో ఆమెకు బంగారు పతకం లభించింది. పూజ ‘షో’తో ఉజ్బెకిస్తాన్‌ హైజంపర్‌ సఫినా సదుల్లెవా (1.86 మీటర్లు) రెండో స్థానంలో నిలిచి రజతంతో సరిపెట్టుకుంది. భవన నిర్మాణ కూలీ కుమార్తె అయిన పూజ రెండేళ్ల క్రితం ఆసియా అండర్‌–23 చాంపియన్‌షిప్‌ (2023)లోనూ బంగారు పతకంతో సత్తా చాటుకుంది. మహిళల 3000 మీటర్ల స్టీపుల్‌చేజ్‌లో పారుల్‌ చౌదరి రజతం గెలుపొందింది. 9 నిమిషాల 12.46 సెకన్లలో పోటీని పూర్తిచేసిన ఆమె జాతీయ రికార్డు నెలకొల్పింది. కేవలం 2 సెకన్ల తేడాతో పారుల్‌ స్వర్ణావకాశం చేజారింది. కజకిస్తాన్‌ అథ్లెట్‌ నోరా జెరుతో తనుయ్‌ (9:10.46 సెకన్లు) బంగారు పతకం గెలుచుకుంది.

గుమి (దక్షిణ కొరియా): భారత క్రీడాకారులు ఆసియా అథ్లెటిక్స్‌ చాంపియన్‌షిప్‌లో పతకాల పంట పండిస్తున్నారు. రెండో రోజు అర డజను (6) పతకాలు సాధించిన భారత బృందం మూడో రోజు కూడా మరో ఆరు పతకాలను గెలుచుకుంది. ఆంధ్రప్రదేశ్‌ అథ్లెట్‌ జ్యోతి యర్రాజీ 100 మీటర్ల హర్డిల్స్‌లో పసిడి పతకాన్ని నిలబెట్టుకుంది. పురుషుల 3000 మీ. స్టీపుల్‌చేజ్‌లో అవినాశ్‌ సబ్లే విజేతగా నిలువగా, 4x400 మీటర్ల రిలే ఈవెంట్‌లో భారత మహిళల బృందం స్వర్ణం సాధిస్తే... పురుషుల జట్టేమో రజతంతో సరిపెట్టుకుంది. మహిళల లాంగ్‌జంప్‌లో ఆన్సీ సోజన్‌ రజతం, శైలీ సింగ్‌ కాంస్య పతకాలు సాధించారు. ఓవరాల్‌గా ఈ మూడు రోజుల్లోనే భారత్‌ మొత్తం 14 పతకాలతో సత్తా చాటుకుంది. తొలి రోజు రెండు పతకాలు నెగ్గిన భారత బృందం ఈ చాంపియన్‌షిప్‌లో బుధవారం పోటీలు ముగిసే సరికి పతకాల పట్టికలో రెండో స్థానంలో కొనసాగుతోంది. తెలుగు తేజం కొత్త రికార్డు రెండేళ్ల క్రితం బ్యాంకాక్‌ (థాయ్‌లాండ్‌)లో జరిగిన ఆసియా చాంపియన్‌షిప్‌లో జ్యోతి యర్రాజీ బంగారు పతకాన్ని సాధించింది. తాజాగా ఇప్పుడు సరికొత్త రికార్డుతో తెలుగుతేజం స్వర్ణాన్ని నిలబెట్టుకుంది. గురువారం జరిగిన మహిళల 100 మీటర్ల హర్డిల్స్‌లో పోటీని 12.96 సెకన్లలో పూర్తిచేసిన ఏపీ అథ్లెట్‌ విజేతగా నిలిచింది. ఈ క్రమంలో ఆమె 1998లో కజకిస్తాన్‌ అథ్లెట్‌ ఓల్గా షిషిజినా (13.04 సె.) రికార్డును అధిగమించింది. ఈ టైమింగ్‌నే 2011లో చైనా క్రీడాకారిణి సున్‌ యావె (13.04 సె.) నమోదు చేసింది. 2023–బ్యాంకాక్‌ ఈవెంట్‌లో జ్యోతి (13.09 సె.) బంగారు పతకాన్ని గెలిచింది. తద్వారా ఆసియా చాంపియన్‌షిప్‌ చరిత్రలో హర్డిల్స్‌లో స్వర్ణాలు నిలబెట్టుకున్న అరుదైన ఐదుగురు అథ్లెట్ల క్లబ్‌లో చేరింది. ఎమి అకిమొతొ (జపాన్‌; 1979, 1981, 1983), జాంగ్‌ యు (చైనా; 1991, 1993), సు యిన్‌పింగ్‌ (చైనా; 2003, 2005), సున్‌ యావె (చైనా; 2009, 2011)ల సరసన ఆంధ్రప్రదేశ్‌ అథ్లెట్‌ జ్యోతి నిలిచింది. 36 ఏళ్ల తర్వాత బంగారం భారత అథ్లెట్‌ అవినాశ్‌ సాబ్లే ఈ సీజన్‌ అత్యుత్తమ ప్రదర్శనతో భారత్‌కు 36 ఏళ్ల తర్వాత స్టీపుల్‌చేజ్‌లో పసిడి పతకాన్ని తెచ్చిపెట్టాడు. పురుషుల 3000 మీటర్ల స్టీపుల్‌చేజ్‌ పోటీని 8:20.92 సెకన్ల టైమింగ్‌తో అగ్ర స్థానంలో నిలిచాడు. గత ఏడాది భారత ఆటగాడు 8:09.91 సెకన్లతో జాతీయ రికార్డును నెలకొల్పాడు.చివరిసారిగా భారత్‌ ఈ క్రీడాంశంలో 1989లో బంగారు పతకం గెలిచింది. దినరామ్‌ విజేతగా నిలువగా, తొలిసారిగా పసడి నెగ్గిన ఘనత హర్బల్‌ సింగ్‌ (1975లో)కు దక్కింది. మహిళల 10వేల మీటర్ల పరుగులో ‘పోడియం’కు దూరమైన సంజీవని జాదవ్‌ (33:08.17 సె.), సీమా (33:08.23 సె.) వరుసగా ఐదు, ఆరో స్థానాల్లో నిలిచారు. రిలేలో పతకాల జోరు మూడో రోజు పోటీల్లో రిలే బృందాలు సత్తా చాటుకున్నాయి. మహిళల 4x400 మీటర్ల రిలే ఈవెంట్‌లో ఆంధ్రప్రదేశ్‌ అథ్లెట్‌ కుంజా రజిత సహా జిస్నా మాథ్యూ, రూపల్‌ చౌదరి, శుభా వెంకటేశన్‌లతో కూడిన బృందం బంగారు పతకం సాధించింది. పోటీని అందరికంటే ముందుగా భారత జట్టు 3 నిమిషాల 34.18 సెకన్లలో పూర్తి చేసి విజేతగా నిలిచింది. పురుషుల 4x400 మీటర్ల రిలే ఈవెంట్‌లో తృటిలో స్వర్ణావకాశం చేజారడంతో రజతం దక్కింది. జయ్‌ కుమార్, ధర్మ్‌వీర్‌ చౌదరి, మనూ తెక్కినలిల్, విశాల్‌లతో కూడిన భారత బృందం 3 నిమిషాల 03.67 సెకన్లలో పూర్తి చేసి రెండో స్థానంలో నిలిచింది. కేవలం 0.15 సెకన్ల తేడాతో ఖతర్‌ జట్టు (3 ని.03.52 సె) బంగారు పతకం సాధించింది. మహిళల లాంగ్‌జంప్‌ ఈవెంట్‌లో ఆన్సీ సోజన్‌ రజతం గెలుపొందగా, షైలీ సింగ్‌ కాంస్య పతకం నెగ్గింది. ఆన్సీ 6.33 మీటర్లు దూకి రెండో స్థానం సాధించగా, షైలీ సింగ్‌ 6.30 మీటర్లతో ఆమె వెనక నిలిచింది. ఈ ఈవెంట్‌లో ఇరాన్‌ అథ్లెట్‌ మొబిని అరని (6.40 మీ.) స్వర్ణం గెలుచుకుంది.

గుమి (దక్షిణ కొరియా) : ఆసియా అథ్లెటిక్స్‌ చాంపియన్‌షిప్‌లో భారత జోరు కొనసాగుతోంది. తొలి రోజు రెండు పతకాలు సాధించిన భారత అథ్లెట్లు... రెండో రోజు పోటీల్లో ఒక స్వర్ణం సహా మొత్తం ఆరు పతకాలు కైవసం చేసుకున్నారు. 4్ఠ400 మీటర్ల మిక్స్‌డ్‌ రిలే టీమ్‌లో డిఫెండింగ్‌ చాంపియన్‌ భారత జట్టు పసిడి పతకం నిలబెట్టుకోగా... డెకాథ్లాన్‌లో తేజస్విన్‌ శంకర్, పురుషుల ట్రిపుల్‌ జంప్‌లో ప్రవీణ్‌ చిత్రవేల్‌ రజత పతకాలతో మెరిశారు. మహిళల 400 మీటర్ల పరుగులో రూపాల్‌ చౌదరి, మహిళల 1500 మీటర్ల పరుగులో పూజ కూడా రజత పతకాలు సాధించగా... పురుషుల 1500 మీటర్ల పరుగులో యూనుస్‌ షా కాంస్యం గెలుచుకున్నాడు.దీంతో భారత ఖాతాలో మొత్తంగా 8 పతకాలు (2 స్వర్ణాలు, 4 రజతాలు, 2 కాంస్యాలు) చేరాయి. 26వ ఆసియా అథ్లెటిక్స్‌ చాంపియన్‌షిప్‌ పోటీల్లో భాగంగా బుధవారం జరిగిన 4్ఠ400 మిక్స్‌డ్‌ టీమ్‌ ఈవెంట్‌లో రూపాల్‌ చౌదరి, సంతోష్‌ కుమార్, విశాల్, సుభ వెంకటేశన్‌తో కూడిన భారత బృందం 3 నిమిషాల 18.12 సెకన్లలో లక్ష్యాన్ని చేరి అగ్ర స్థానంలో నిలిచింది. 2023లో జరిగిన ఆసియా చాంపియన్‌షిప్‌లో స్వర్ణం నెగ్గిన భారత జట్టులో సభ్యురాలైన సుభ ఈసారి కూడా సత్తా చాటింది. చైనా (3 నిమిషాల 20.52 సెకన్లు), శ్రీలంక (3 నిమిషాల, 21.95 సెకన్లు) బృందాలు వరసగా రెండో, మూడో స్థానాల్లో నిలిచినా... అనర్హత వేటుకు గురయ్యాయి. దీంతో ఆ తర్వాత నిలిచిన కజకిస్తాన్‌ (3 నిమిషాల 22.70 సెకన్లు), కొరియా (3 నిమిషాల 22.87 సెకన్లు) జట్లకు రజత, కాంస్యాలు దక్కాయి. పోటీల తొలి రోజు పురుషుల 10,000 మీటర్ల పరుగులో భారత అథ్లెట్‌ గుల్విర్‌ సింగ్‌ స్వర్ణం గెలుచుకోగా.. 20 కిలోమీటర్ల రేస్‌ వాక్‌లో సెబాస్టియన్‌ కాంస్యం గెలుచుకున్నాడు. రూపాల్‌ డబుల్‌ ధమాకా... మిక్స్‌డ్‌ టీమ్‌ విభాగంలో స్వర్ణం నెగ్గిన రూపాల్‌ మహిళల 400 మీటర్ల ఈవెంట్‌లో రజతం కూడా గెలుచుకొని డబుల్‌ ధమాకా మోగించింది. మహిళల ఈవెంట్‌లో రూపాల్‌ 52.68 సెకన్లలో లక్ష్యాన్ని చేరి రెండో స్థానంలో నిలిచింది. ఇదే విభాగంలో బరిలోకి దిగిన విద్య రామ్‌రాజ్‌ 53.00 సెకన్లలో లక్ష్యాన్ని చేరి ఐదో స్థానంతో సరిపెట్టుకుంది. ననాకో మసుమొటో (52.17 సెకన్లు; జపాన్‌)కు స్వర్ణం, జానిబిబి హుకుమోవా (52.79 సెకన్లు; ఉజ్బెకిస్తాన్‌)కు కాంస్యం గెలుచుకుంది.2022 ప్రపంచ అండర్‌–20 అథ్లెటిక్స్‌ చాంపియన్‌షిప్‌లో రెండు పతకాలు (4్ఠ400 మీటర్ల రిలే, 400 మీటర్ల పరుగు) సాధించిన రూపాల్‌ ఈ టోర్నీలోనూ రెండు పతకాలు నెగ్గడం విశేషం. ఉత్తరప్రదేశ్‌కు చెందిన రైతు కుటుంబం నుంచి వచ్చిన రూపాల్‌... గాయాల బారిన పడకుండా మెరుగైన ఫలితాలు సాధించడమే తన లక్ష్యమని పేర్కొంది. ‘పతకం సాధించడం ఆనందంగా ఉన్నా... ఫలితాలతో సంతృప్తిగా లేను. మరింత మెరుగైన టైమింగ్‌ సాధించాలనుకున్నా. దాని కోసం కఠోర సాధన చేస్తున్నా. గాయాల బారిన పడకుండా ఉండేందుకు ప్రయత్నిస్తున్న’ అని 20 ఏళ్ల రూపాల్‌ పేర్కొంది.యూనుస్‌కు కాంస్యం పురుషుల 1500 మీటర్ల పరుగులో యూనుస్‌ 3 నిమిషాల 43.03 సెకన్లలో లక్ష్యాన్ని చేరి కాంస్య పతకం కైవసం చేసుకున్నాడు. కజుటో లిజావా (3 నిమిషాల 42.56 సెకన్లు; జపాన్‌) వ్యక్తిగత అత్యుత్తమ ప్రదర్శనతో పసిడి గెలుచుకోగా... జియాంగ్‌ లీ (3 నిమిషాల 42.79 సెకన్లు; దక్షిణ కొరియా) కాంస్యం దక్కించుకున్నాడు. పురుషుల 400 మీటర్ల ఫైనల్లో విశాల్‌ వ్యక్తిగత అత్యుత్తమ టైమింగ్‌ (45.57 సెకన్లు)తో రేసును ముగించినా... నాలుగో స్థానంతోనే సరిపెట్టుకున్నాడు. 4x400 మీటర్ల మిక్స్‌డ్‌ రిలేలో పసిడి గెలిచిన భారత జట్టులో సభ్యుడైన విశాల... వ్యక్తిగత విభాగంలో మెరుగైన ప్రదర్శనే చేసినా పతకం మాత్రం సాధించలేకపోయాడు. పూజకు రజతంమహిళల 1500 మీటర్ల పరుగులో భారత అథ్లెట్‌ పూజ 4 నిమిషాల 10.83 సెకన్లలో గమ్యాన్ని చేరి రజతం నెగ్గింది. భారత్‌ కే చెందిన లిలి దాస్‌ (4 నిమిషాల 13.81 సెకన్లు) నాలుగో స్థానంలో నిలిచి పతకానికి దూరమైంది. లి చున్‌హి (4 నిమిషాల 10.58 సెకనర్లు; చైనా)కి పసిడి, టొమాకా కైమురా (4 నిమిషాల 11.56 సెకన్లు; జపాన్‌)కు కాంస్య పతకాలు దక్కాయి.» ఆంధ్రప్రదేశ్‌ అథ్లెట్‌ జ్యోతి యర్రాజీ తదుపరి రౌండ్‌కు అర్హత సాధించింది. మహిళల హర్డిల్స్‌లో జ్యోతి 13.18 సెకన్లలో లక్ష్యాన్ని చేరి ముందంజ వేసింది. » మహిళల లాంగ్‌జంప్‌లో శైలీ సింగ్, ఆన్సీ సోజన్‌ ఫైనల్‌కు అర్హత సాధించారు. బుధవారం క్వాలిఫయింగ్‌ ఈవెంట్‌లో శైలీ సింగ్‌ 6.17 మీటర్లు దూకగా... ఆన్సీ 6.14 మీటర్ల దూరం లంఘించింది. ప్రవీణ్‌ మూడో ప్రయత్నంలో...పురుషుల ట్రిపుల్‌ జంప్‌లో ప్రవీణ్‌ చిత్రవేల్‌ రజత పతకంతో మెరిశాడు. బుధవారం పోటీల్లో ప్రవీణ్‌ 16.90 మీటర్ల దూరం దూకి రెండో స్థానంలో నిలిచాడు. ‘పరిస్థితులు అనుకూలించాయి. తొలి రెండు ప్రయత్నాల్లో టాప్‌–8లో ఉంటే చాలు అనుకున్నా. మూడో ప్రయత్నంలో శక్తినంతా కూడదీసుకొని లంఘించా. ఆ తర్వాత వర్షం కారణంగా అంతరాయం కలగింది. దీంతో కాస్త ఇబ్బందిపడ్డా. పతకం సాధించడం సంతోషంగా ఉంది’ అని ప్రవీణ్‌ పేర్కొన్నాడు. తొలి ప్రయత్నంలో 16.60 మీటర్లు దూకిన ప్రవీణ్, రెండో ప్రయత్నంలో 16.67 మీటర్లు లంఘించాడు. తేజస్విన్‌కు సిల్వర్‌భారత స్టార్‌ అథ్లెట్‌ తేజస్విన్‌ శంకర్‌ డెకథ్లాన్‌లో రజతం గెలుచుకున్నాడు. 10 ఈవెంట్ల (100 మీటర్ల పరుగు, లాంగ్‌ జంప్, షాట్‌పుట్, హై జంప్, 400 మీటర్ల పరుగు, 110 మీటర్ల హర్డిల్స్, డిస్కస్‌ త్రో, పోల్‌ వాల్ట్, జావెలిన్‌ త్రో, 1500 మీటర్ల పరుగు) సమాహారమైన ఈ పోటీలో తేజస్విన్‌ 7618 పాయింట్లతో రెండో స్థానం దక్కించుకున్నాడు. ఫై జియాంగ్‌ (7634; చైనా)కు స్వర్ణం, కిసుకే ఒకుడా (7602; జపాన్‌)కు కాంస్య పతకం లభించింది.

గుమి (దక్షిణ కొరియా): ఆసియా అథ్లెటిక్స్‌ చాంపియన్‌షిప్‌లో భారత అథ్లెట్‌ గుల్‌వీర్‌ సింగ్‌ పసిడి పతకంతో సత్తా చాటాడు. 10,000 మీటర్ల పరుగులో భారత అథ్లెట్‌ అగ్ర స్థానంలో నిలిచి స్వర్ణం కైవసం చేసుకున్నాడు. 20 కిలోమీటర్ల రేస్‌ వాక్‌లో భారత్‌కు చెందిన సెర్విన్‌ సెబాస్టియన్‌ కాంస్య పతకంతో మెరిశాడు. దీంతో పోటీల తొలి రోజు భారత్‌ ఖాతాలో రెండు పతకాలు చేరాయి. ఆసియా క్రీడల్లో కాంస్యం నెగ్గిన 26 ఏళ్ల గుల్‌వీర్‌... మంగళవారం 10,000 మీటర్ల రేసును 28 నిమిషాల 38.63 సెకన్లలో పూర్తి చేసి స్వర్ణం గెలుచుకున్నాడు. గుల్‌వీర్‌కు ఇదే తొలి ఆసియా చాంపియన్‌షిప్‌ స్వర్ణం. మెబుకి సుజుకి (28 నిమిషాల 43.84 సెకన్లు; జపాన్‌), అల్బర్ట్‌ రోప్‌ (28 నిమిషాల 46.82 సెకన్లు; బహ్రెయిన్‌) వరుసగా రజత, కాంస్యాలు గెలుచుకున్నారు. భారత్‌కే చెందిన సావన్‌ బర్వాల్‌ 28 నిమిషాల 50.53 సెకన్లలో లక్ష్యాన్ని చేరి నాలుగో స్థానంతో సరిపెట్టుకున్నాడు. తొలి రోజు పోటీలు ముగిసేసరికి భారత్‌ ఒక స్వర్ణం, ఒక కాంస్యంతో పతకాల పట్టికలో రెండో స్థానంలో నిలిచింది. 5 స్వర్ణాలు, 2 రజతాలతో చైనా నంబర్‌వన్‌గా ఉండగా... 3 రజతాలు, 2 కాంస్యాలతో జపాన్‌ మూడో స్థానంలో ఉంది. చివరి 200 మీటర్లలో వేగం పెంచి.. ఉత్తరప్రదేశ్‌లోని నిరుపేద రైతు కుటుంబానికి చెందిన గుల్‌వీర్‌ సింగ్‌ ఇప్పటికే జాతీయ రికార్డు తన పేరిట లిఖించుకున్నాడు. ఈ ఏడాది ఆరంభంలో అతడు 10,000 మీటర్ల రేసును 27 నిమిషాల 00.22 సెకన్లలో పూర్తి చేసి రికార్డు సృష్టించాడు. మంగళవారం రేసులో చివరికి వచ్చేసరికి మూడో స్థానంలో కనిపించిన గుల్‌వీర్‌... మరో 200 మీటర్లలో రేసు ముగుస్తుందనగా వేగం పెంచాడు. ఒక్కొక్క సహచరుడిని వెనక్కి నెడుతూ చిరుతలా దూసుకొచ్చాడు. ఆఖరి వరకు అదే కొనసాగిస్తూ ఫినిషింగ్‌ లైన్‌ దాటాడు. ‘విజేతగా నిలవాలనే లక్ష్యంతోనే బరిలోకి దిగా. టైమింగ్‌పై కాకుండా అందరికంటే ముందుండాలని అనుకున్నా. స్వర్ణం గెలవడం ఆనందంగా ఉంది. దీంతో నా ర్యాంకింగ్‌ మరింత మెరుగవనుంది. ఈ ఏడాది సెపె్టంబర్‌లో టోక్యో వేదికగా జరగనున్న ప్రపంచ అథ్లెటిక్స్‌ చాంపియన్‌షిప్‌నకు అర్హత సాధించడానికి అది తోడ్పడనుంది’అని గుల్‌వీర్‌ పేర్కొన్నాడు. భారత్‌ నుంచి 1975లో హరిచంద్, 2017 లక్ష్మణన్‌ పసిడి పతకాలు గెలవగా... ఇప్పుడు గుల్‌వీర్‌ ఆ జాబితాలో చోటు దక్కించుకున్నాడు. 5000 మీటర్ల పరుగులోనూ జాతీయ రికార్డు కలిగిన గుల్‌వీర్‌ ఇక్కడ కూడా ఆ విభాగంలో పోటీపడనున్నాడు. 2023 ఆసియా చాంపియన్‌షిప్‌ 5000 మీటర్ల పరుగులో గుల్‌వీర్‌ కాంస్యం నెగ్గగా... ఇప్పుడు పతకం రంగు మార్చాలని కృతనిశ్చయంతో ఉన్నాడు.డెకాథ్లాన్‌లో తేజస్విన్‌ దూకుడు... భారత స్టార్‌ అథ్లెట్‌ తేజస్విన్‌ శంకర్‌ డెకథ్లాన్‌ (100 మీటర్ల పరుగు, లాంగ్‌ జంప్, షాట్‌పుట్, హై జంప్, 400 మీటర్ల పరుగు, 110 మీటర్ల హర్డిల్స్, డిస్కస్‌ త్రో, పోల్‌ వాల్ట్, జావెలిన్‌ త్రో, 1500 మీటర్ల పరుగు)లో సత్తాచాటుతున్నాడు. పోటీల్లో భాగంగా మంగళవారం నిర్వహించిన ఐదు ఈవెంట్‌లలో శంకర్‌ దుమ్మురేపాడు. దీంతో సగం పోటీలు ముగిసేసరికి తేజస్విన్‌ అగ్రస్థానంలో ఉన్నాడు. పురుషుల 400 మీటర్ల పరుగులో విశాల్‌ ఫైనల్‌కు చేరగా... మహిళల 400 మీటర్ల పరుగులో రూపాల్‌ చౌధరీ, విదయ రామ్‌రాజ్‌ తుది రేసుకు అర్హత సాధించారు. పురుషుల హై జంప్‌లో భారత అథ్లెట్‌ అనిల్‌ కుషారె 2.10 మీటర్ల ఎత్తు దూకి ఫైనల్‌కు అర్హత సాధించాడు. పురుషుల 1500 మీటర్ల రేసులో యూనుస్‌ షా ఫైనల్‌కు చేరాడు. మహిళల జావెలిన్‌ త్రోలో అన్ను రాణి నాలుగో స్థానంలో నిలిచి పతకానికి దూరమైంది. సెబాస్టియన్‌కు కాంస్యం పురుషుల 20 కిలోమీటర్ల రేస్‌వాక్‌లో సెబాస్టియన్‌ 1 గంట 21 నిమిషాల 13.60 సెకన్లలో లక్ష్యాన్ని చేరి మూడో స్థానంలో నిలిచాడు. ‘పతకం నెగ్గడం సంతోషంగా ఉంది. విజేతల మధ్య పెద్ద అంతరం లేదు. ఆసియా చాంపియన్‌షిప్‌లో ఇదే నా తొలి పతకం’అని సెబాస్టియన్‌ అన్నాడు. వాంగ్‌ జవో (1 గంట 20 నిమిషాల 36.90 సెకన్లు; చైనా), కెంటా యొషికవా (1 గంట 20 నిమిషాల 44.90 సెకన్లు; జపాన్‌) వరుసగా స్వర్ణ, రజతాలు గెలుచుకున్నారు. ఇదే విభాగంలో పోటీపడిన మరో భారత వాకర్‌ అమిత్‌ 1 గంట 22 నిమిషాల 14.30 సెకన్లలో లక్ష్యాన్ని చేరి ఐదో స్థానంలో నిలిచాడు.

బాకు (అజర్‌బైజాన్‌): ప్రపంచాన్ని ‘గుడ్డి’గా నమ్మించిన అజర్‌బైజాన్‌ పారా జూడో క్రీడాకారిణి పాపం పండింది. జీవితకాల నిషేధానికి గురైంది. ఒక శాతం కూడా దృష్టిలోపం లేకపోయినా... నకిలీ అంధత్వ సర్టిఫికెట్‌తో అంతర్జాతీయ పోటీల్లో అజర్‌బైజాన్‌ జూడో క్రీడాకారిణి షహానా హాజియెవా (Shahana Haji) పతకాలు గెలిచింది. ఇప్పుడు పాపం పండటంతో ‘పోడియం’కెక్కిన ఆమె పాతాళానికి పడిపోయింది.అసలు విషయమేమిటంటే... 26 ఏళ్ల హాజియెవా టోక్యో పారాలింపిక్స్‌లో దృష్టి లోపం ఉన్న జూడో క్రీడాకారిణిల విభాగంలో (48 కేజీలు) పోటీపడి బంగారు పతకం గెలుపొందింది. కాలచక్రం తిరిగేసరికి ఈ లోపల మరో పారాలింపిక్స్‌ క్రీడలు (పారిస్‌) కూడా ముగిశాయి. ఇన్నాళ్లూ బాగానే ఉంది. కానీ ఈనెల కజకిస్తాన్‌లోని అస్తానాలో ప్రపంచ పారా జూడో చాంపియన్‌షిప్‌ జరిగింది. ఇందులో కళ్లున్నా... కనపడనట్లు ఆడిన కపట నాటకం బయటపడింది.ఈవెంట్‌ సందర్భంగా నిర్వహించిన అంధత్వ పరీక్షలో విస్తుపోయే వాస్తవం వెలుగులోకి వచ్చింది. షహానా హాజియెవాకు రెండు కళ్లు వందశాతం కనిపిస్తూనే ఉన్నాయని తేలింది. ఎలాంటి దృష్టి లోపం, పాక్షిక అంధత్వం కూడా లేదని తేలింది. దీంతో ప్రపంచ పారాలింపిక్‌ కమిటీ తీవ్ర ఆగ్రహం వ్యక్తం చేస్తూ ఆమెపై జీవితకాల నిషేధం విధించింది. ప్రపంచం ‘కన్ను’గప్పిన ఆమె మోసంతో ఇప్పుడు పారా క్రీడలు కాదుకదా అసలైన క్రీడల్లో కూడా పాల్గొనే అర్హతను పూర్తిగా కోల్పోయింది.అజర్‌బైజాన్‌కే చెందిన ఎల్నారా నిజామ్లికి పాక్షిక దృష్టి లోపం ఉంది. కానీ ఆమె పూర్తి అంధత్వంతో ‘జే1’ కేటగిరీలో పాల్గొనాలని చూసిన మోసం కూడా బట్టబయలైంది. అయితే ఆమెకు ‘జే2’ కేటగిరీ (పాక్షిక అంధత్వం)లో పాల్గొనే అవకాశమిచ్చారు. అజర్‌బైజాన్‌ జాతీయ పారాలింపిక్‌ సంఘం తమ అథ్లెట్ల కపట నాటకంపై స్పందించింది. ఇద్దరిపై చర్యలు తీసుకుంటామని చెప్పింది.

ఖేలో ఇండియా యూత్‌ గేమ్స్‌–2025లో తెలంగాణ యువ జిమ్నాస్ట్‌ నిష్కాఅగర్వాల్‌ స్వర్ణ పతకంతో మెరిసింది. న్యూఢిల్లీలో జరుగుతున్న ఈ గేమ్స్‌లో హైదరాబాద్‌కు చెందిన 17 ఏళ్ల నిష్కా ఆర్టిస్టిక్స్‌ జిమ్నాస్టిక్స్‌ ఆల్‌ అరౌండ్‌ విభాగంలో విజేతగా నిలిచింది. నిష్కా 44.333 పాయింట్లు స్కోరు చేసి అగ్రస్థానాన్ని పొందింది. అనుష్క పాటిల్‌ (మహారాష్ట్ర; 42.067 పాయింట్లు) రజతం, సారా రవూల్‌ (మహారాష్ట్ర; 41.233 పాయింట్లు) కాంస్యం సాధించారు.

షాంఘై: ప్రపంచకప్‌ ఆర్చరీ స్టేజ్‌–2 టోర్నమెంట్‌లో భారత కాంపౌండ్‌ ఆర్చర్లు 5 పతకాలతో సత్తాచాటారు. వ్యక్తిగత విభాగంలో మధుర స్వర్ణ పతకంతో మెరిసింది. దీంతో ఈ టోర్నీలో భారత ఆర్చర్లకు మొత్తంగా 2 స్వర్ణాలు, ఒక రజతం, 2 కాంస్యాలు దక్కాయి. మహిళల కాంపౌండ్‌ వ్యక్తిగత ఫైనల్లో మధుర 139–138తో కార్సన్‌ (అమెరికా)పై గెలుపొందింది. మహారాష్ట్రకు చెందిన 24 ఏళ్ల మధుర ఈ టోర్నీలో ఓవరాల్‌గా మూడు పతకాలు గెలుచుకుంది. వ్యక్తిగత విభాగంలో పసిడి నెగ్గిన మధుర... టీమ్‌ ఈవెంట్‌లో రజతం, మిక్స్‌డ్‌ విభాగంలో కాంస్యం గెలిచిన జట్లలో కూడా సభ్యురాలు. ఫైనల్లో మొదట ‘పర్‌ఫెక్ట్‌ 30’ పాయింట్లు సాధించిన మధుర ఆ తర్వాత ఆకట్టుకోలేకపోయింది. ఒకదశలో వరుసగా రెండు సార్లు 8 పాయింట్లతో పాటు ఒకసారి 7 పాయింట్లు ఖాతాలో వేసుకొని 81–85తో వెనుకంజలో పడింది. తర్వాతి రౌండ్‌లో మెరుగైన ప్రదర్శనతో స్కోరును 110–110తో సమం చేసి... అదే జోరు కొనసాగిస్తూ పసిడి ఖాతాలో వేసుకుంది. అంతకుముందు కాంపౌండ్‌ టీమ్‌ ఈవెంట్‌లో భారత పురుషుల జట్టు స్వర్ణం గెలుచుకుంది. అభిషేక్‌ వర్మ, రిషభ్‌ యాదవ్, ఓజస్‌ ప్రవీణ దేవ్‌తలేలతో కూడిన భారత పురుషుల జట్టు ఆదివారం జరిగిన ఫైనల్లో 232–228 పాయింట్ల తేడాతో మెక్సికో జట్టుపై గెలుపొందింది. ఇక పురుషుల వ్యక్తిగత విభాగంలో 22 ఏళ్ల రిషభ్‌ యాదవ్‌ కాంస్య పతకంతో మెరిశాడు. షూటాఫ్‌లో అతడు దక్షిణ కొరియా ఆర్చర్‌పై విజయం సాధించాడు. వెన్నం జ్యోతి సురేఖ (ఆంధ్రప్రదేశ్‌), తనిపర్తి చికిత (తెలంగాణ), మధుర (మహారాష్ట్ర) లతో కూడిన భారత మహిళల కాంపౌండ్‌ జట్టు రజత పతకం చేజిక్కించుకుంది. ఆదివారం జరిగిన ఫైనల్లో సురేఖ, చికిత, మధుర త్రయం. 221–234తో మెక్సికో జట్టు చేతిలో ఓడింది. ఇక మిక్స్‌డ్‌ టీమ్‌ విభాగంలో మధుర–అభిõÙక్‌ వర్మ జంట కాంస్యం గెలుచుకుంది. కాంస్య పతక పోరులో భారత జోడీ 144–142 పాయింట్ల తేడాతో ఫాటిన్‌ నూర్‌ఫతే–మొహమ్మద్‌ జువైదీ (అమెరికా)పై గెలుపొందింది. తాజా ప్రదర్శనతో భారత కాంపౌండ్‌ జట్టు భవిష్యత్తుపై మరిన్ని అంచనాలు పెరుగుతున్నాయి. తొలి సారి 2028 లాస్‌ ఏంజెలిస్‌ ఒలింపిక్స్‌లో ఆర్చరీ కాంపౌండ్‌ టీమ్‌ ఈవెంట్‌ను ప్రవేశపెడుతున్నారు. ఇదే జోరు కొనసాగిస్తే మనకు ఒలింపిక్స్‌కు పతకం సాధించేందుకు మంచి అవకాశం ఉంది.

జాతీయ ఫెడరేషన్‌ కప్‌ సీనియర్‌ అథ్లెటిక్స్‌ చాంపియన్‌షిప్‌లో తెలంగాణ ఖాతాలో రెండో స్వర్ణ పతకం చేరింది. కొచ్చిలో జరుగుతున్న ఈ మీట్‌లో మంగళవారం మహిళల హెప్టాథ్లాన్‌ ఈవెంట్‌లో తెలంగాణకు చెందిన అగసార నందిని పసిడి పతకాన్ని సొంతం చేసుకుంది. ఏడు క్రీడాంశాల (100 మీటర్ల హర్డిల్స్, హైజంప్, షాట్‌పుట్, 200 మీటర్లు, లాంగ్‌జంప్, జావెలిన్‌ త్రో, 800 మీటర్లు) సమాహారమైన హెప్టాథ్లాన్‌లో నందిని మొత్తం 5813 పాయింట్లు స్కోరు చేసి అగ్రస్థానంలో నిలిచింది. పూజ (హరియాణా; 5401 పాయింట్లు) రజతం, మౌమిత మండల్‌ (రిలయన్స్‌; 5373 పాయింట్లు) కాంస్యం సాధించారు. మరోవైపు మహిళల 100 మీటర్ల హర్డిల్స్‌లో ఆంధ్రప్రదేశ్‌ అమ్మాయి జ్యోతి యర్రాజీ బంగారు పతకాన్ని దక్కించుకుంది. రిలయెన్స్‌ జట్టు తరఫున బరిలోకి దిగిన జ్యోతి యర్రాజీ 100 మీటర్ల హర్డిల్స్‌ ఫైనల్‌ రేసును 13.23 సెకన్లలో పూర్తి చేసి అగ్రస్థానంలో నిలిచింది. విజేతగా నిలిచే క్రమంలో జ్యోతి ఆసియా చాంపియన్‌షిప్‌ అర్హత ప్రమాణ సమయాన్ని (13.26 సెకన్లు) కూడా అధిగమించింది.

సాక్షి క్రీడా విభాగం : పెరూ రాజధాని లిమా నగరంలో ప్రపంచ కప్‌ షూటింగ్‌ టోర్నీ... భారత స్టార్‌ షూటర్, డబుల్‌ ఒలింపిక్‌ మెడలిస్ట్‌ మనూ భాకర్‌ 10 మీటర్ల ఎయిర్‌ పిస్టల్‌ ఈవెంట్‌లో బరిలో నిలిచింది. పారిస్‌ ఒలింపిక్స్‌ తర్వాత మొదటిసారి బరిలోకి దిగిన మనూ స్వర్ణం గెలవడం ఖాయం అన్నట్లుగా అంచనాలు ఆమెపైనే ఉన్నాయి. కానీ చివరకు అనూహ్య ఫలితం వచ్చింది. భారత్‌కే చెందిన మరో యువ షూటర్, 18 ఏళ్ల సురుచి సింగ్‌ దూసుకొచ్చింది. మనూ భాకర్‌ను వెనక్కి నెట్టి ఆమె స్వర్ణపతకం సొంతం చేసుకుంది. ఒలింపిక్‌ మెడలిస్ట్‌ మనూ భాకర్‌ రజతానికి పరిమితం కావాల్సి వచ్చింది. దాంతో ఒక్కసారిగా అందరి దృష్టీ ఆమెపై పడింది. మనూ భాకర్‌పై గెలిచిన రెండో రోజు సురుచి పిస్టల్‌ మళ్లీ మెరిసింది. ఈసారి 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ విభాగంలో భారత్‌కే చెందిన సౌరభ్‌ చౌధరీతో కలిసి సురుచి మరో పసిడి పతకాన్ని సొంతం చేసుకుంది. అంతకుముందు వారమే అర్జెంటీనాలోని బ్యూనస్‌ ఎయిర్స్‌లో జరిగిన తొలి ప్రపంచ కప్‌లో స్వర్ణం నెగ్గిన ఆమెకు ఓవరాల్‌గా ఇది మూడో స్వర్ణం. అయితే మొదటి స్వర్ణంతో పోలిస్తే మనూ భాకర్‌ను ఓడించి సాధించిన పసిడి పతకం విలువ పెద్దదిగా మారిపోయింది. బాక్సింగ్, రెజ్లింగ్‌ను కాదని... సురుచి స్వస్థలం హరియాణాలోని జఝర్‌. దేశంలోనే బాక్సింగ్‌కు అడ్డాగా ఒలింపిక్‌ మెడలిస్ట్‌ విజేందర్‌ సింగ్‌ సహా ఎంతో మంది బాక్సర్లు ఓనమాలు నేర్చుకొని అగ్రస్థాయికి చేరిన భివానికి సమీపంలో ఇది ఉంటుంది. జఝర్‌కు చెందిన ఇందర్‌ సింగ్‌ ఆర్మీలో హవల్దార్‌గా పని చేశాడు. ఒకప్పుడు గొప్ప రెజ్లర్‌గా గుర్తింపు తెచ్చుకున్న గూంగా (మూగ) పహిల్వాన్‌ (వీరేందర్‌ సింగ్‌) ఇతనికి సోదరుని వరుస (కజిన్‌) అవుతాడు. తన కజిన్‌ తరహాలోనే తన కూతురు సురుచిని కూడా రెజ్లర్‌ను చేయాలని ఇందర్‌ సింగ్‌ ఆశించాడు. అయితే ఆ అమ్మాయి మాత్రం మరోవైపు ఆసక్తిని చూపించింది. అటు బాక్సింగ్, ఇటు రెజ్లింగ్‌ కాకుండా షూటింగ్‌ను ఎంచుకుంది. అందులో టాప్‌ ప్లేయర్‌ కావడమే లక్ష్యంగా పెట్టుకుంది. కూతురి ఇష్టాన్ని గుర్తించిన ఇందర్‌ సింగ్‌ ఆమెను భివానిలోని గురు ద్రోణాచార్య షూటింగ్‌ అకాడమీలో చేర్పించాడు. ఆపై తన ఆర్మీ ఉద్యోగానికి రాజీనామా చేసి పూర్తి స్థాయిలో కూతురును షూటర్‌ను చేసేందుకు తన సమయం వెచ్చించాడు. 13 ఏళ్ల సురుచి కోచ్‌ సురేశ్‌ సింగ్‌ మార్గనిర్దేశనంలో షూటింగ్‌ను నేర్చుకొని అందులో పట్టు సంపాదించింది. ఇక మున్ముందు టోర్నీల్లో విజయాలే లక్ష్యంగా ఆమె సిద్ధమవుతూ వచ్చింది. అప్పుడే కోవిడ్‌ మహమ్మారి వచ్చేసింది. ప్రపంచంలో ఎంతో మంది ప్లేయర్లకు వచ్చిన కష్టమే సురుచికి కూడా వచ్చింది. సొంత ఊర్లో సాధన... కోవిడ్‌ సమయంలో భివానికి వెళ్లి ప్రాక్టీస్‌ చేయడం అసాధ్యంగా మారింది. అప్పటికే సురుచి కొన్ని జూనియర్‌ టోర్నమెంట్‌లలో పాల్గొంటూ వచ్చింది. ఆ సమయంలో మరో ప్రత్యామ్నాయం కోసం చూస్తున్న ఇందర్‌ సింగ్‌కు తమ స్వగ్రామంలోనే కొత్తగా ఏర్పాటైన కార్గిల్‌ షూటింగ్‌ అకాడమీ కలిసొచ్చింది. కార్గిల్‌ యుద్ధంలో పాల్గొన్న అనిల్‌ జాఖడ్‌ ఆర్మీ నుంచి బయటకు వచ్చిన తర్వాత ఏర్పాటు చేసిన అకాడమీ ఇది. దాంతో ఇక్కడే సురుచి సాధన మళ్లీ మొదలైంది. ఆమె తన ఆటపైనే పూర్తిగా దృష్టి పెట్టి సత్తా చాటేందుకు సిద్ధమైంది. ఈ శిక్షణ కోవిడ్‌ తర్వాత మంచి ప్రభావం చూపించింది. 2022 జాతీయ చాంపియన్‌షిప్‌లో ఆమె తొలి సారి పతకం గెలుచుకొని తన విజయ ప్రస్థానాన్ని మొదలు పెట్టింది. ఆ తర్వాత 2023 జాతీయ చాంపియన్‌షిప్‌లో కూడా పతకాలు సాధించింది. అయితే 2024లో జరిగిన పోటీలు ఆమె స్థాయిని షూటింగ్‌ ప్రపంచానికి తెలియజేశాయి. ఈసారి ఏకంగా 7 పతకాలతో మెరిసిన సురుచికి భారత భవిష్యత్తు స్టార్‌గా గుర్తింపు వచ్చింది. స్టార్‌ షూటర్‌ శిక్షణలో... ప్రఖ్యాత పిస్టల్‌ షూటర్‌ జీతూ రాయ్‌ భారత జట్టు కోచింగ్‌ బృందంలోకి వచ్చాక సురుచి ఆట మరింత పదునెక్కింది. షూట్‌ చేసే సమయంలో ఆమె నిలిచే తీరులో ఉన్న స్వల్ప లోపాన్ని సవరించడంతో పాటు కీలక సమయాల్లో ఒత్తిడిని తట్టుకునే విషయంలో జీతూ రాయ్‌ ఆమెకు ప్రత్యేక శిక్షణ ఇచ్చాడు. సురుచి ఇటీవలి వరుస విజయాల్లో రాయ్‌ పాత్ర కూడా చాలా ఉంది. ముఖ్యంగా వరల్డ్‌ కప్‌కు ముందు కర్ణీ సింగ్‌ షూటింగ్‌ రేంజ్‌లో జీతూ రాయ్‌ మార్గనిర్దేశనంలో జరిగిన 15 రోజుల ప్రత్యేక శిక్షణా శిబిరం సురుచికి ఎంతో మేలు చేసింది. వరల్డ్‌ కప్‌లో 2 వ్యక్తిగత స్వర్ణాలతో పాటు మిక్స్‌డ్‌ టీమ్‌ ఈవెంట్‌లో సౌరభ్‌ చౌదరితో కలిసి మరో పసిడిని కూడా ఆమె సొంతం చేసుకొని తన స్వర్ణాల సంఖ్యను మూడుకు పెంచుకుంది. ఓపికకు చిరునామావంటి షూటింగ్‌ క్రీడలో కెరీర్‌ ఆరంభంలో ఆమె త్వరగా ప్రాక్టీస్‌ ముగించే ప్రయత్నంలో కాస్త అసహనం ప్రదర్శించేది. కానీ కోచ్‌లు దీనిని గుర్తించి ఆమెకు సరైన దిశానిర్దేశం చేశారు. ఆటలో ఎదగాలంటే సాంకేతిక అంశాలే కాదు వ్యక్తిగత లోపాలు కూడా దిద్దుకోవాలని వారు చేసిన సూచనలను ఆమె అర్థం చేసుకుంది. ఇప్పుడు ప్రాక్టీస్‌లో కూడా తన అత్యుత్తమ ప్రదర్శన ఇచ్చి పర్‌ఫెక్షన్‌ వచ్చే వరకు సురుచి అక్కడినుంచి కదలదు. అలాంటి పట్టుదల అలవాటు చేసుకొని పెద్ద లక్ష్యాలతో ఆమె ముందుకు సాగుతోంది. తొలి కోచ్‌ సురేశ్‌ సింగ్‌ నుంచి జీతూ రాయ్‌ వరకు ఇప్పుడు కష్టపడే తత్వం గురించే చెబుతుండటం విశేషం. వరల్డ్‌ కప్‌ తరహా ప్రదర్శనలు పునరావృతం చేస్తూ నిలకడగా సాగితే భవిష్యత్తులో సురుచి నుంచి కూడా ఒలింపిక్‌ పతకం ఆశించవచ్చు.

చండీగఢ్‌: జాతీయ ఓపెన్‌ రేస్‌ వాకింగ్‌ చాంపియన్‌షిప్‌లో ఉత్తరప్రదేశ్‌కు చెందిన రామ్‌ బాబు పసిడి పతకం కైవసం చేసుకున్నాడు. శనివారం జరిగిన రేస్‌లో రామ్‌ బాబు 35 కిలోమీటర్ల దూరాన్ని... 2 గంటల 32 నిమిషాల 53.50 సెకన్లలో లక్ష్యాన్ని చేరి అగ్ర స్థానంలో నిలిచాడు. 2022 ఆసియా క్రీడల్లో మంజు రాణితో కలిసి మిక్స్‌డ్‌ రేస్‌వాక్‌లో కాంస్యం నెగ్గిన రామ్‌ బాబు... జాతీయ పోటీల్లోనూ అదే జోరు కనబర్చాడు. అయితే తన పేరిటే ఉన్న జాతీయ రికార్డు (2 గంటల 29 నిమిషాల 56 సెకన్లు)ను మాత్రం సవరించలేకపోయాడు. 20 కిలోమీటర్ల విభాగంలో... సెబాస్టియన్‌ స్వర్ణం చేజిక్కించుకున్నాడు. 1 గంట 21 నిమిషాల 46.47 సెకన్లలో లక్ష్యాన్ని చేరి అగ్రస్థానంలో నిలిచాడు. అమిత్‌ (1 గంట 21 నిమిషాల 51.46 సెకన్లు), అమన్‌జ్యోత్‌ సింగ్‌ (1 గంట 22 నిమిషాల 12.72 సెకన్లు) వరుసగా రజత, కాంస్యాలు దక్కించుకున్నారు. వచ్చే నెలలో జరగనున్న ఆసియా అథ్లెటిక్స్‌ చాంపియన్‌షిప్‌నకు 1 గంట 24 నిమిషాల 50 సెకన్లు అర్హత మార్క్‌ కాగా... ఈ ముగ్గురూ దానికంటే మెరుగైన టైమింగ్‌ నమోదు చేసుకున్నారు. మహిళల 20 కిలోమీటర్ల రేస్‌వాక్‌లో రవీనా (1 గంట 35 నిమిషాల 58.80 సెకన్లు) స్వర్ణం గెలుచుకుంది. మహిళల విభాగంలో 35కు బదులు 34 కిలోమీటర్లు! మహిళల విభాగంలో ఫలితాలు వెల్లడించలేదు. మహిళా వాకర్లు రేసును పూర్తి చేయకుండానే ముగింపు గీత దాటడంతో ఫలితాలు నిలిపివేశారు. మొదట సాంకేతిక కారణాలతో మహిళల విబాగంలో ఫలితాలను నిలిపివేసినట్లు ప్రకటించిన నిర్వాహకులు ఆ తర్వాత అసలు విషయాన్ని బయటపెట్టారు. 35 కిలోమీటర్ల రేసుకు బదులు మహిళలు 34 కిలోమీటర్లను మాత్రమే పూర్తి చేసినట్లు సమాచారం. ఈ రేసులో పాయల్‌ 2 గంటల 51 నిమిషాల 48.76 సెకన్లలో పూర్తిచేసి అగ్రస్థానం దక్కించుకుంది. అయితే ఈ ఫలితాలు పరిగణనలోకి రావు. 2024లోనూ ఇక్కడ జరిగిన జాతీయ ఓపెన్‌ రేస్‌ వాకింగ్‌ చాంపియన్‌షిప్‌లో ఇలాంటి సంఘటనే చోటుచేసుకుంది. అప్పుడు తప్పుడు గణాంకాలు నమోదు కావడంతో... ఆ తర్వాత వరల్డ్‌ అథ్లెటిక్స్‌ సంఘం సమయాలను సవరించింది.

దమ్మామ్‌ (సౌదీ అరేబియా): ఆసియా అండర్‌–18 యూత్‌ అథ్లెటిక్స్‌ చాంపియన్‌షిప్‌లో భారత్‌కు తొలి స్వర్ణ పతకం లభించింది. శుక్రవారం జరిగిన పురుషుల జావెలిన్‌ త్రో ఈవెంట్‌లో హిమాన్షు భారత్‌కు పసిడి పతకాన్ని అందించాడు. 17 ఏళ్ల హిమాన్షు జావెలిన్‌ను 67.57 మీటర్ల దూరం విసిరి విజేతగా నిలిచాడు. లు హావో (చైనా; 63.45 మీటర్లు) రజతం... రుసియన్‌ సాదుల్లాయెవ్‌ (ఉజ్బెకిస్తాన్‌; 61.96 మీటర్లు) కాంస్యం సాధించారు.హరియాణా మహిళా అథ్లెట్‌ ఆర్తి తన ఖాతాలో రెండో కాంస్య పతకాన్ని జమ చేసుకుంది. 200 మీటర్ల విభాగంలోనూ ఆర్తి కాంస్య పతకాన్ని సాధించింది. ఆర్తి 24.31 సెకన్లలో గమ్యానికి చేరి మూడో స్థానంలో నిలిచింది. 100 మీటర్ల విభాగంలోనూ ఆర్తి కాంస్య పతకాన్ని కైవసం చేసుకుంది. మరోవైపు పురుషుల హైజంప్‌లో దేవక్‌ భూషణ్‌ రజత పతకాన్ని గెల్చుకున్నాడు. భూషణ్‌ 2.03 మీటర్ల ఎత్తుకు ఎగిరి రెండో స్థానంలో నిలిచాడు. పురుషుల షాట్‌పుట్‌లో నిశ్చయ్‌ రజత పతకం దక్కించుకోగా... పురుషుల మెడ్లీ రిలేలో చిరంత్, సయ్యద్‌ సాబీర్, సాకేత్‌ మింజ్, కదీర్‌ ఖాన్‌లతో కూడిన భారత బృందం రజత పతకాన్ని హస్తగతం చేసుకుంది.

న్యూఢిల్లీ: భారత స్టార్‌ జావెలిన్‌ త్రోయర్‌ నీరజ్‌ చోప్రా 2025 సీజన్‌ను స్వర్ణ పతకంతో శుభారంభం చేశాడు. దక్షిణాఫ్రికాలో జరిగిన పాచెఫ్‌్రస్టూమ్‌ ఇన్విటేషనల్‌ ట్రాక్‌ ఈవెంట్‌లో 27 ఏళ్ల నీరజ్‌ చోప్రా విజేతగా నిలిచాడు. ఆరుగురు పోటీపడ్డ ఈ ఈవెంట్‌లో నీరజ్‌ జావెలిన్‌ను 84.52 మీటర్ల దూరం విసిరి అగ్రస్థానాన్ని దక్కించుకున్నాడు. డూ స్మిట్‌ (దక్షిణాఫ్రికా; 82.44 మీటర్లు) రజతం, డంకన్‌ రాబర్ట్‌సన్‌ (దక్షిణాఫ్రికా; 71.22 మీటర్లు) కాంస్యం సాధించారు. నీరజ్‌ పాల్గొన్న ఈ మీట్‌కు వరల్డ్‌ అథ్లెటిక్స్‌ కాంటినెంటల్‌ టూర్‌ చాలెంజర్‌ ఈవెంట్‌గా గుర్తింపు ఉంది. దిగ్గజం జాన్‌ జెలెజ్నిను కొత్త కోచ్‌గా నియమించుకున్నాక నీరజ్‌ పోటీపడ్డ తొలి టోర్నీలో టాప్‌ ర్యాంక్‌లో నిలువడం విశేషం. నీరజ్‌ తదుపరి మే 16వ తేదీన జరిగే దోహా డైమండ్‌ లీగ్‌ మీట్‌లో, ఆ తర్వాత మే 24న పంచ్‌కులాలో జరిగే నీరజ్‌ చోప్రా క్లాసిక్‌ జావెలిన్‌ త్రో టోర్నీలో పోటీపడతాడు. 2020 టోక్యో ఒలింపిక్స్‌లో స్వర్ణ పతకం నెగ్గి చరిత్ర సృష్టించిన నీరజ్‌... 2024 పారిస్‌ ఒలింపిక్స్‌లో రజత పతకం కైవసం చేసుకున్నాడు. 2022 ప్రపంచ చాంపియన్‌షిప్‌లో రజతం సొంతం చేసుకున్న నీరజ్‌... 2023 ప్రపంచ చాంపియన్‌షిప్‌లో విశ్వవిజేతగా అవతరించాడు.

సెంట్రల్‌ ఫ్లోరిడా: ప్రపంచకప్‌ ఆర్చరీ స్టేజ్‌–1 టోర్నమెంట్‌లో ఆంధ్రప్రదేశ్‌ క్రీడాకారిణి వెన్నం జ్యోతి సురేఖ పసిడి వెలుగులు విరజిమ్మింది. శనివారం కాంపౌండ్‌ మిక్స్‌డ్‌ టీమ్‌ విభాగంలో జ్యోతి సురేఖ–రిషభ్‌ యాదవ్‌ (భారత్‌) జోడీ 153–151 పాయింట్ల తేడాతో హువాంగ్‌ ఐజు–చెన్‌ చియె లున్‌ (చైనీస్‌ తైపీ) ద్వయంపై విజయం సాధించింది. తుదిపోరులో ఐదో సీడ్‌గా బరిలోకి దిగిన భారత జోడీ... రెండో సీడ్‌ చైనీస్‌ తైపీని వెనక్కినెడుతూ స్వర్ణం కైవసం చేసుకుంది. తొలి రెండు సిరీస్‌లను 37–38, 38–39తో కోల్పోయిన భారత ఆర్చర్లు... మూడో సెట్‌లో 39–38తో తిరిగి పోటీలోకి వచ్చారు. నాలుగో సిరీస్‌లో 39–36తో సునాయాసంగా నెగ్గి పసిడి పతకం చేజిక్కించుకున్నారు. 2028 లాస్‌ ఏంజెలిస్‌ ఒలింపిక్స్‌లో ఆర్చరీ కాంపౌండ్‌ విభాగాన్ని చేర్చిన అనంతరం ఈ విజయం విశ్వక్రీడల్లో భారత పతక ఆశలను మరింత పెంచింది. ఈ టోర్నీలో భారత్‌కు ఇది మూడో పతకం కావడం విశేషం. అంతకుముందు కాంపౌండ్‌ పురుషుల టీమ్‌ ఈవెంట్‌లో భారత జట్టు కాంస్య పతకం నెగ్గగా... రికర్వ్‌ పురుషుల టీమ్‌ ఈవెంట్‌లో భారత జట్టు ఫైనల్‌కు చేరి కనీసం రజత పతకం ఖాయం చేసుకుంది.