Anakapalle District Latest News

నక్కపల్లి : బల్క్‌ డ్రగ్‌ఫార్క్‌, ఆర్సిలర్‌ మిట్టల్‌ స్టీల్‌ ప్లాంట్‌ నిర్వాసితుల సమస్యలు పరిష్కరించకపోతే స్టీల్‌ప్లాంట్‌, పోర్టు నిర్మాణపు పనులు అడ్డుకుంటామని వైఎస్సార్‌సీపీ రాష్ట్రకార్యదర్శి వీసం రామకృష్ణ, పలువురు నిర్వాసితులు అల్టిమేటం ఇచ్చారు. శనివారం వారు నక్కపల్లి తహసీల్దార్‌ చిన్నికృష్ణను కలిసి వినతి పత్రం అందజేశారు.ఈ సందర్భంగా వీసం రామకృష్ణ తదితరులు మాట్లాడుతూ ఈ రెండు కంపెనీల కోసం భూములు నివాసిత ప్రాంతాలు త్యాగం చేసిన నిర్వాసితులకు ప్రభుత్వం పూర్తి స్థాయిలో న్యాయం చేయ లేదన్నారు. ఇళ్లు, భూములు కోల్పోయిన నిర్వాసితులకు ఇవ్వాల్సిన ఆర్‌అండ్‌ఆర్‌ ప్యాకేజీ ఇంకా పెండింగ్‌లో ఉందన్నారు. నిర్వాసిత కుటుంబాల్లో వివాహాలైన ఆడపిల్లలకు ఆర్‌అండ్‌ఆర్‌ ప్యాకేజీ చెల్లిస్తామని గతంలో హామీ ఇచ్చారని, ఇప్పుడు ప్యాకేజీ చెల్లించకుండా ఇబ్బందులు పెడుతున్నారన్నారు. ఇలా సుమారు 200 మందికిపైగా ఆడపిల్లలకు ఆర్‌అండ్‌ఆర్‌ ప్యాకేజీ ఇవ్వాల్సి ఉందన్నారు. ఒక కుటుంబంలో ఇద్దరు అన్నదమ్ములుంటే ఒకరికి ప్యాకేజీ ఇచ్చి మరొకరికి ఇవ్వలేదన్నారు. కూటమి నాయకులు సిఫార్సు చేసిన వారికి ప్యాకేజీ ఇస్తున్నారన్నారు. భూసేకరణ, డీఫారం పట్టాలకు నష్ట పరిహారం చెల్లింపుల్లో చాలా అక్రమాలు జరిగాయన్నారు. వీటన్నింటిని త్వరలోనే బహిర్గతం చేస్తామన్నారు. తక్షణమే పెండింగ్‌లో ఉన్న నిర్వాసితులందరికి ప్యాకేజీ వర్తింపజేయకపోతే స్టీల్‌ప్లాంట్‌ పనులు ఆడ్డుకుంటామన్నారు. సమస్యలను తక్షణమే పరిష్కరించాలన్నారు. తహసీల్దార్‌ను కలిసిన వారిలో మండల పార్టీ అధ్యక్షుడు గొర్ల గోవిందరావు, నిర్వాశిత సంఘ నాయకులు గంటా తిరుపతిరావు,తళ్ల భార్గవ్‌, యలమంచిలి మధు, శంకర సెట్టి చిన్నా ఉన్నారు. తహసీల్దార్‌కు వైఎస్సార్‌సీపీ నేతల వినతి

● కూటమి అరాచక పాలననుప్రజల్లోకి తీసుకెళ్లండి ● మాజీ ఎమ్మెల్యే ఉమాశంకర్‌ గణేష్‌ సమావేశానికి హాజరైన మున్సిపాలిటీ నాయకులు మాట్లాడుతున్న మాజీ ఎమ్మెల్యే ఉమాశంకర్‌ గణేష్‌నర్సీపట్నం: పురపాలిక ఎన్నికల్లో వైఎస్సార్‌సీపీ జెండా ఎగురవేద్దామని మాజీ ఎమ్మెల్యే పెట్ల ఉమాశంకర్‌ గణేష్‌ పార్టీ శ్రేణులకు పిలుపునిచ్చారు. శనివారం స్థానిక పార్టీ కార్యాలయంలో మున్సిపాలిటీ నాయకులతో ఆయన సమావేశమయ్యారు. ఈ సందర్భంగా మాట్లాడుతూ ఎన్నికలు ఎప్పుడు నిర్వహించినా ఎదుర్కోనేందుకు సిద్ధంగా ఉండాలన్నారు. 40 వార్డుల్లో పోటీ చేసి తీరుతామన్నారు. వార్డుల వారీగా నాయకులు చర్చించుకుని గెలిచే వ్యక్తుల పేర్లను తన దృష్టికి తీసుకురావాలన్నారు. అందరి ఆమోదంతో అభ్యర్థులను ప్రకటిస్తామన్నారు. అందరూ సమన్వయంతో పని చేసి అభ్యర్థుల గెలుపునకు కృషి చేయాలన్నారు. పార్టీకి కార్యకర్తలే వెన్నెముక అని అన్నారు. గత వైఎస్సార్‌సీపీ ప్రభుత్వం అందించిన సంక్షేమాన్ని ప్రజల్లోకి తీసుకెళ్లాలన్నారు. చంద్రబాబు ప్రభుత్వం అవలంబిస్తున్న మోసపూరిత విధానాలు, ఇచ్చిన దగాకోరు హామీలను ప్రజల్లోకి తీసుకెళ్లి వైఎస్సార్‌సీపీ విజయానికి మద్దతు కూడగట్టాలన్నారు. ఈ సమావేశంలో పార్టీ రాష్ట్ర కార్యదర్శి చింతకాయల సన్యాసిపాత్రుడు, మున్సిపల్‌ మాజీ చైర్‌పర్సన్‌ బోడపాటి సుబ్బలక్ష్మి, మున్సిపల్‌ మాజీ వైస్‌ చైర్మన్‌ కోనేటి రామకృష్ణ, పార్టీ టౌన్‌ అధ్యక్షుడు ఏకా శివ, స్టేట్‌ యూత్‌ వింగ్‌ నాయకుడు చింతకాయల వరుణ్‌ తదితరులు పాల్గొన్నారు.

సుదూర సముద్ర తీరం.. ఆహ్లాదం గొలిపే మంచినీటి సరస్సు..సరస్సులో వలస పక్షుల కిలకిలారావాలు.. చారిత్రక విశిష్టత కలిగిన బొజ్జన్న, లింగాల కొండలు..ఆధ్యాత్మిక, పర్యాటక కేంద్రాల సమాహారంఅనకాపల్లి జిల్లా. పర్యాటకుల మనసు దోచే ఈ ప్రాంతాలకు అదనపు హంగుల్ని చేర్చితే మరింత శోభనిస్తుంది. కానీ ప్రభుత్వ నిర్లక్ష్యంగా కారణంగా జిల్లాలో పర్యాటక రంగంలో నిస్తేజం, నైరాశ్యం కనిపిస్తోంది. తూతూ మంత్రం..● జిల్లాలో సుందర బీచ్‌ల అభివృద్ధికి కదలికేది ? ● కలగానే పర్యాటక హంగుల కల్పన ● కొండకర్ల ఆవపైనా ప్రభుత్వం శీతకన్ను ● నేడు ప్రపంచ పర్యాటక దినోత్సవంతంతడి బీచ్‌ వద్ద రెండు కొండల నడుమ సుందర సముద్ర తీరంకొండకర్ల ఆవలో బోటులో విహరిస్తున్న పర్యాటకులు(ఫైల్‌)సాక్షి, అనకాపల్లి : జిల్లాలో పర్యాటకుల మనసు దోచుకునే సందర్శనీయ స్థలాలు ఎన్నో ఉన్నాయి. అనకాపల్లి మండలంలోని బొజ్జన్న, లింగాల కొండలు వేలాది సంవత్సరాల చారిత్రక, సాంస్కృతిక విశిష్టతకు చిరునామాలు. వీటిని పురావస్తు రక్షిత స్థలంగా నిర్ణయిస్తూ కేంద్ర ప్రభుత్వం గెజిట్‌ విడుదల చేసింది. గత ప్రభుత్వ హయాంలో రూ.9 కోట్ల పైబడి నిధులు వెచ్చించి బొజ్జన్నకొండ వద్ద పలు అభివృద్ధి పనులు చేపట్టారు. వీటిని పూర్తి చేసి పర్యాటకులకు సౌకర్యాలు కల్పించడంలో ప్రస్తుత ప్రభుత్వం నిర్లిప్తత కనబరుస్తోంది. కొండకర్ల ఆవ.. అభివృద్ధికి ఆవలే.. జిల్లా ప్రధాన కేంద్రమైన అనకాపల్లికి సుమారు 13 కిలోమీటర్ల దూరంలో సుమారు రెండు వేల ఎకరాల విస్తీర్ణంలో ఉన్న వాడ్రాపల్లి–కొండకర్ల ఆవ జిల్లాలో మరో ప్రముఖ పర్యాటక కేంద్రంగా ఉంది. రాష్ట్రంలోనే రెండవ అతిపెద్ద మంచినీటి సరస్సు ఇది. ఎన్నో రకాల కొంగలు, వలస పక్షులకు నిలయం. పచ్చని ప్రకృతి నడుమ ఆహ్లాదం గొలిపే ఆవ అందాలు బోటు షికారుకు పర్యాటకులను రార మ్మని ఆహ్వానిస్తుంటాయి. అంతేకాకుండా నేచర్‌ ఫొటోగ్రఫీ, బర్డ్‌ వాచింగ్‌ కోసం పర్యాటకులు తరలివస్తుంటారు. ముఖ్యంగా ఏటా నవంబర్‌ నుంచి ఫిబ్రవరి నడుమ శీతాకాలంలో ఇక్కడకు సుదూర తీరాల నుంచి వచ్చే వలస పక్షులు చూపరులకు కనువిందు చేస్తాయి. ఆవలో ప్రభాత వేళలో విచ్చుకునే కమలాల నడుమ బోటు ప్రయాణం చక్కని అనుభూతిని ఇస్తుంది. ఎకో టూరిజం అభివృద్ధికి ఎంతో అవకాశం ఉన్న ఆవ విషయంలోనూ చిత్తశుద్ధి కనిపించడం లేదు. ఇక్కడికి సమీపంలో బ్రిటిష్‌ కాలం నాటి గెస్ట్‌హౌస్‌ అభివృద్ధిని సైతం గాలికొదిలేశారు. బీచ్‌ల అభివృద్ధికి ప్రణాళికలు ఏవీ..? జిల్లాలో సుమారు 50 నుంచి 60 కిలోమీటర్ల మేర సముద్రతీర ప్రాంతం ఉంది. ఇక్కడ 35 బీచ్‌లను అభివృద్ధి చేయాలని గత ప్రభుత్వ హయాంలో ప్రతిపాదించారు. కనీసం రెండు ఎకరాల ప్రభుత్వ స్థలం ఉండి, రవాణా సౌకర్యం మెరుగుపరచడం ద్వారా టూరిజం స్పాట్‌లు ఏర్పాటు చేయాలని అప్పట్లో పర్యాటక శాఖ నిర్ణయించింది. కానీ ప్రభుత్వం మారగానే ప్రతిపాదనలు అటకెక్కాయి. తంతడి తీరం షూటింగ్‌లకు అనుకూలం ముత్యాలమ్మపాలెం, తంతడి, పూడిమడక, సీతపాలెం వంటి సుందర తీర ప్రాంతాలు పర్యాటకులను విశేషంగా ఆకర్షిస్తాయి. ఇక్కడ బీచ్‌లను అభివృద్ధి చేసి సౌకర్యాలు కల్పిస్తే పర్యాటకులు పోటెత్తే అవకాశం ఉంది. స్థానికులకు ఉపాధి కూడా లభిస్తుంది. ముఖ్యంగా తంతడి తీరంలో నిర్వహించే సినిమా షూటింగ్‌ల నిర్వాహకులకు ఇక్కడ ఎటువంటి సౌకర్యాలు లేకపోవడంతో రాత్రి బస కోసం విశాఖకు వెళ్లి రావాల్సి వస్తోంది. దీనిని కూడా పరిగణనలోకి తీసుకొని తీర ప్రాంతాల్లో గెస్ట్‌హౌస్‌లు నిర్మించాలని నిర్ణయించారు. విశాఖపట్నం తీరంలో వెలసిన గెస్ట్‌ హౌస్‌లు, హోటళ్లు రిసార్ట్‌లు అక్కడ పర్యాటకం పెరగడానికి చాలా దోహద పడుతున్నాయి. అదే తరహా నిర్మాణాలు అనకాపల్లిలో చేపట్టాలని నిర్ణయించినప్పటికీ అడుగు ముందుకు పడడం లేదు. ఫుడ్‌కోర్టులు, కాటేజ్‌లు..ప్రతిపాదనలతో సరి తీరంలో 35 బీచ్‌ల్లో అందుబాటులో ఉన్న స్థలాలపై పర్యాటక శాఖకు ఒక అంచనా ఉంది. ఆ మేరకు స్థల సమస్య తీరిన వెంటనే పర్యాటకులకు అవసరమైన ఫుడ్‌ కోర్టులు, రెస్ట్‌ రూమ్‌లు నిర్మించే పనికి ఉపక్రమించాలని భావించినా అమలు కాలే దు. రేవు పోలవరంలో ప్రధానంగా బీచ్‌ అభివృద్ధికి 8 ఎకరాలు సేకరించారు.ఇక్కడ ఉన్న విశాలమైన తీర ప్రాంతాన్ని, జెట్టీని, అడ్డురోడ్డు నుంచి రవాణా మార్గాన్ని గుర్తించారు.అవసరమైన వసతులకు సంబంధించి టెండర్లు పిలిచినట్టు పర్యాటక శాఖ అధికారులు చెప్పినా అది అమలులో ఎక్కడా కనిపించిన దాఖలాలు లేవు.ఆధ్యాత్మిక కేంద్రానికిమైనింగ్‌ ముప్పు నిధులు.. సిబ్బంది కొరత అనకాపల్లి పర్యాటక శాఖకు నేను ఇన్‌ఛార్చి అధికారిని మాత్రమే. ఇక్కడ ప్రస్తుతానికి అవసరమైన సిబ్బంది లేరు. పెందుర్తి ఎమ్మెల్యే సిఫారసు మేరకు ముత్యాలమ్మపాలెంలో పర్యాటక హంగులు కల్పించేందుకు అవసరమైన డీపీఆర్‌ను సైతం విశాఖ అధికారులు చేపట్టాలి. మిగిలిన ప్రతిపాదనలంటూ ఏమీ లేవు. – మనోరమ, అనకాపల్లి పర్యాటక శాఖ ఇన్‌ఛార్జి అధికారి. జిల్లాలో బలిఘట్టం, పంచదార్ల వంటి విశిష్ట ఆధ్యాత్మిక కేంద్రాలు ఉన్నాయి. ఆధ్యాత్మిక, పర్యాటక ప్రాంతంగా అభివృద్ధి చెందాల్సిన పంచదార్ల ఆలయం వద్ద ఇటీవల పాలకులు చేపట్టిన గ్రావెల్‌ విధ్వంసంతో పుణ్య జలాల పవిత్రత దెబ్బతిన్న సంగతి తెలిసిందే. గత ప్రభుత్వ హయాంలో అనకాపల్లిలో కోస్టల్‌ మేనేజ్‌మెంట్‌కు అనుబంధంగా పర్యాటక శాఖ అడుగులు వేసేందుకు ప్రయత్నించగా ఇప్పటి ప్రభుత్వం బ్రేకులు వేసింది.

● సచివాలయ ఉద్యోగుల బిగ్‌ఫైట్‌! ● నేడు ‘చలో విజయవాడ’కు పిలుపు సాక్షి, విశాఖపట్నం: తమ హక్కులు, భవిష్యత్తు కోసం గ్రామ, వార్డు సచివాలయ ఉద్యోగులు మరోసారి ఉద్యమానికి సిద్ధమయ్యారు. రెండేళ్లుగా తమ సమస్యలను ప్రభుత్వం దృష్టికి తీసుకెళ్తున్నా పరిష్కారం లభించలేదని పేర్కొంటూ ఈ నెల 27న ‘చలో విజయవాడ’కు సచివాలయ ఉద్యోగుల ఐక్య వేదిక పిలుపునిచ్చింది. తీవ్ర వాయుగుండం నెపంతో ప్రభుత్వం అత్యవసర విధుల పేరుతో సర్క్యులర్‌ జారీ చేసి, ఉద్యోగులు జిల్లా కేంద్రాలు దాటకూడదని ఆంక్షలు విధించింది. సోషల్‌ మీడియాలో నిరసనలు నడిపిస్తున్నారనే కారణంతో శ్రీకాకుళం జిల్లా విలేజ్‌ సర్వేయర్ల రాష్ట్ర అధ్యక్షుడు బూరాడ మధుబాబును సస్పెండ్‌ చేసింది. ఈ చర్యలపై ఉద్యోగ సంఘాలు తీవ్రంగా మండిపడుతున్నాయి. ‘వర్షాలు వస్తే మిగతా ఉద్యోగులకు లేని అత్యవసర నిబంధనలు మాకే ఎందుకు? బెదిరింపులకు భయపడేది లేదు, విజయవాడకు తరలివెళ్లి తీరతాం’ అని స్పష్టం చేశాయి. సచివాలయ ఉద్యోగులు ఈ నెల 6న విశాఖలో శాంతియుత నిరసనలు, రాస్తారోకో చేపట్టిన సంగతి తెలిసిందే. ప్రభుత్వం నుంచి తగిన స్పందన వచ్చేంతవరకు ఐక్యతతో పోరాటం కొనసాగిస్తామని ఉద్యోగ సంఘాల ఐక్య వేదిక స్పష్టం చేసింది. ముఖ్య డిమాండ్లు ● ఆర్థిక ప్రయోజనాలు: రెండు నోషనల్‌ ఇంక్రిమెంట్లు, ఆటోమేటిక్‌ అడ్వాన్స్‌మెంట్‌ స్కీమ్‌ తక్షణమే వర్తింపజేయాలి. ● వేతనం – పదోన్నతులు: స్పష్టమైన ప్రమోషన్‌ ఛానల్‌ ఏర్పాటు చేసి, కనీస బేసిక్‌ పే రూ.30,000గా నిర్ణయించాలి. ● జీవో–11 రద్దు: ఉద్యోగులకు ప్రతిబంధకంగా మారిన జీవో నెం. 11ను తక్షణమే రద్దు చేయాలి. ● బకాయిలు: ప్రమోషన్‌ ఆలస్యమైన 9 నెలల కాలానికి సంబంధించిన బకాయిలు, అదనపు ఇంక్రిమెంట్‌ మంజూరు చేయాలి. ● కారుణ్య నియామకాలు: మరణించిన ఉద్యోగుల కుటుంబాలకు 3 నెలల్లో హక్కులు కల్పించి, కారుణ్య నియామకం చేపట్టాలి. ● ప్రాతినిధ్యం: జాయింట్‌ స్టాఫ్‌ కౌన్సిల్‌లో స్వర్ణ గ్రామ/వార్డు ఉద్యోగ సంఘాలకు భాగస్వామ్యం కల్పించాలి. అనుమతి లేదు : ఎస్పీ తుహిన్‌ సిన్హా అనకాపల్లి : జిల్లాలో పనిచేస్తున్న స్వర్ణగ్రామ..స్వర్ణ వార్డు ఉద్యోగస్తులు ఈనెల 27న తమ డిమాండ్ల సాధన కోసం నిర్వహించనున్న చలో విజయవాడ కార్యక్రమంలో పాల్గొనడానికి అనుమతి లేదని ఎస్పీ తుహిన్‌ సిన్హా శనివారం ఒక ప్రకటనలో పేర్కొన్నారు. రాష్ట్రంలో కురిసిన భారీ వర్షాలు, వరదల పరిస్థితులు నెలకొన్న నేపథ్యంలో ప్రజల భద్రత, సహాయక, పునరావాస కార్యక్రమాలు, అత్యవసర సేవలను సమర్ధంగా నిర్వహించేందుకు జిల్లా యంత్రాంగానికి ప్రభత్వం స్పష్టమైన ఆదేశాలు జారీ చేసిందన్నారు. ముందస్తు అనుమతి లేకుండా విధులకు గైర్హాజరై కార్యకమానికి హాజరయే వారిపై చట్టపరమైన చర్యలు చేపట్టి, కేసులు నమోదు చేస్తామన్నారు. జిల్లాలో ప్రతి బస్టాండ్‌ , రైల్వే స్టేషన్లో పోలీస్‌ సిబ్బందిని నియమించి చలో విజయవాడ కార్యక్రమానికి వెళ్లే వారిని గుర్తించి చర్యలు చేపడతామన్నారు.ఉమ్మడి విశాఖ జిల్లా సచివాలయాల సమాచారం మొత్తం సచివాలయాలు: 1,341 – మొత్తం ఉద్యోగులు: 10,078 విశాఖ జిల్లా: 607 సచివాలయాలు (4,860 మంది ఉద్యోగులు) అనకాపల్లి జిల్లా: 522 సచివాలయాలు (3,824 మంది ఉద్యోగులు) అల్లూరి జిల్లా: 212 సచివాలయాలు (1,394 మంది ఉద్యోగులు)

● అమలాపురం వద్ద ఘటన ● మృతదేహం కోసం గోదావరిలో గాలింపుయలమంచిలి రూరల్‌: కొద్ది రోజులుగా అదృశ్యమైన యలమంచిలి పట్టణం పాత స్టేట్‌ బ్యాంకుకు చెందిన కర్రల వ్యాపారి కర్రి వరప్రకాష్‌రావు (50) కోనసీమ జిల్లా అమలాపురంలో హత్యకు గురైనట్టు తెలిసింది. ఈ నెల 16వ తేదీ నుంచి అదృశ్యమైన వ్యాపారి ప్రకాష్‌రావుకు అమలాపురం, గాజువాక ప్రాంతాలకు చెందిన కొందరు వ్యక్తులతో ఆర్థిక లావాదేవీల్లో ఏర్పడిన వివాదం హత్యకు దారితీసినట్టు సమాచారం. ప్రకాష్‌రావు అదృశ్యమైనట్టు ఈ నెల 20న అతని భార్య సత్య ఇచ్చిన ఫిర్యాదు మేరకు యలమంచిలి పట్టణ పోలీస్‌ స్టేషన్‌లో కేసు నమోదైంది. సదరు వ్యాపారి మొబైల్‌ కాల్‌ డేటా ఆధారంగా అమలాపురం, యలమంచిలి పట్టణ పోలీసులు కేసు దర్యాప్తు చేపట్టారు. ప్రకాష్‌ చివరిగా మాట్లాడిన ఫోన్‌ నంబర్‌ ఆధారంగా సదరు వ్యక్తి కుటుంబ సభ్యులను అదుపులోకి తీసుకుని విచారించగా, అసలు నిందితులు పట్టుబడ్డారని తెలిసింది. వారిని విచారించగా దారుణంగా కొట్టి హత్య చేసినట్టు అంగీకరించారని విశ్వసనీయ సమాచారం. ఈ నెల 18వ తేదీనే వ్యాపారిని నిందితులు హతమార్చినట్టు తెలుస్తోంది. మృతదేహాన్ని అమలాపురం సమీపంలో గోదావరి నదిలో పడేసినట్టు పోలీసుల వద్ద ఒప్పుకున్నారు. నిందితులు చెప్పిన వివరాల ప్రకారం వ్యాపారి మృతదేహం కోసం గోదావరి నదిలో మూడు రోజులుగా గాలింపు చర్యలు చేపట్టారు. నదిలో ప్రవాహ ఉధృతి ఎక్కువగా ఉండడం, హత్య జరిగి వారం రోజులు గడిచిపోవడంతో మృతదేహం ఆచూకీ లభించలేదని సమాచారం. హత్యకు సంబంధించి అమలాపురం శ్రీరాంపురం ప్రాంతానికి చెందిన ఓ దుకాణం యజమానితో పాటు ముమ్మిడివరం మండలం మహిపాల గ్రామానికి చెందిన మరో వ్యక్తిని నిందితులుగా గుర్తించారు. కేసు దర్యాప్తు నిమిత్తం యలమంచిలి పట్టణ ఎస్‌ఐ కె.సావిత్రి, సిబ్బంది మూడు రోజులుగా అమలాపురంలోనే బస చేసి వివరాలు రాబట్టినట్టు తెలిసింది. దీనిపై ఎస్‌ఐని సంప్రదించగా, వ్యాపారి హత్యకు గురికావడం వాస్తవమేనని, ఆదివారం పూర్తి వివరాలు తెలియజేస్తామని శనివారం రాత్రి తెలిపారు. కాగా హతుడికి భార్య, ఇద్దరు కుమారులు ఉన్నారు.

● సైన్‌ లాంగ్వేజ్‌ ఇంటర్‌ప్రిటర్‌ నియామకం ● కలెక్టర్‌ విజయకృష్ణన్‌ తుమ్మపాల: బధిరుల సంక్షేమానికి ప్రభుత్వం ఎల్లవేళలా కృషి చేస్తుందని కలెక్టర్‌ విజయకృష్ణన్‌ తెలిపారు. ప్రపంచ సైన్‌ లాంగ్వేజ్‌ దినోత్సవాన్ని పురస్కరించుకుని శనివారం కలెక్టరేట్‌ సమావేశ మందిరంలో విభిన్న ప్రతిభావంతులు, వయోవృద్ధుల సంక్షేమ శాఖ ఆధ్వర్యంలో చేపట్టిన కార్యక్రమంలో ముఖ్య అతిథిగా హాజరైన ఆమె జ్యోతి ప్రజ్వలన చేసి కార్యక్రమాన్ని ప్రారంభించారు. ఈ సందర్భంగా ఆమె మాట్లాడుతూ జిల్లాలో ప్రత్యేకంగా సైన్‌ లాంగ్వేజ్‌ ఇంటర్‌ప్రిటర్‌ను నియమించనున్నట్టు తెలిపారు. జిల్లాలో కొత్తగా ఏర్పాటు చేస్తున్న పరిశ్రమల్లో బధిరులు, మూగవారు తమ విద్యార్హతలకు అనుగుణంగా ఉద్యోగ అవకాశాలు పొందేలా చర్యలు తీసుకుంటామని చెప్పారు. బధిరులకు ఎదురయ్యే సమస్యలను తక్షణమే పరిష్కరించేందుకు చర్యలు తీసుకుంటామని హామీ ఇచ్చారు. ఈ కార్యక్రమంలో విభిన్న ప్రతిభావంతులు, వయోవృద్ధుల సంక్షేమ శాఖ సహాయ సంచాలకులు జి.అనూష, డీఆర్‌ఓ వై. సత్యనారాయణరావు, డీఈఓ నాగేశ్వరరావు పాల్గొన్నారు.

గొలుగొండ : చెరువులో నీరు తాగడానికి వెళ్లిన పాడి గేదెలు రైతు కళ్ల ముందే నీట మునిగి చనిపోయాయి. ఇటీవల కురిసిన వర్షాలకు ఎర్రవరం గ్రామం వద్ద ఉన్న చెరువు ప్రమాదస్థాయిలో నిండిపోయింది. ఎప్పటిలానే ఎర్రవరం గ్రామానికి చెందిన రైతు పొదిరి కన్నబాబు శనివారం మధ్యాహ్నం పాడి గేదెలను మేత కోసం ఎర్రవరం సమీపంలో ఉన్న రాజులుబాబు గుడి వద్దకు తీసుకువెళ్లాడు. సాయంత్రం నీళ్ల కోసం గేదెలు చెరువు వద్దకు వెళ్లాయి. కాళ్లకు, మెడకు తాళ్లు కట్టి ఉండడం, చెరువు పూర్తిగా నిండి ఉండడంతో నీటిలో దిగిన గేదెలు మునిగి చనిపోయాయి. పాడిగేదెల మృతితో సుమారుగా 6 లక్షలు నష్టం వాటిల్లిందని రైతు కుటుంబం కన్నీరుమున్నీరైంది. పాడిపైనా ఆధారపడి ఉన్న కుటుంబం రోడ్డున పడింది. విషయం తెలిసిన వెంటనే ఎంపీడీవో శ్రీనివాసరావు. స్ధానిక రెవెన్యూ సిబ్బంది చెరువు వద్దకు వెవెళ్లి నీట మునిగిన పాడి గెదెలను ఒడ్డుకు తీసుకురావడానికి చర్య లు చేపట్టారు. జీవనాధారం కోల్పోయిన తమకు నష్టపరిహారం అందించి ఆదుకోవాలని బాధిత రైతులు కుటుంబం అధికారులను వేడుకుంది.

రోలుగుంట: గోవాడ చక్కెర కర్మాగారం చెరకు రైతుల బకాయిలు, ఫ్యాక్టరీ నిర్వహణపై ఈ నెల 28న గోవాడలో మహాజన సభ నిర్వహించనున్నామని చోడవరం నియోజకవర్గ సమన్వయకర్త, మాజీ మంత్రి గుడివాడ అమర్‌నాథ్‌ హెచ్చరికతో చంద్రబాబు ప్రభుత్వం దిగిరావడం హర్షణీయమని వైఎస్సార్‌సీపీ బీసీ సెల్‌ రాష్ట్ర ప్రతినిధి పోతల లక్ష్మీశ్రీనివాస్‌, మాజీ ఎంపీపీ యర్రంశెట్టి శ్రీనివాసరావు, పార్టీ మండలాధ్యక్షుడు టి.వి.రమణ తెలిపారు. శుక్రవారం రోలుగుంటలో వారు మాట్లాడుతూ అప్పుల్లో కూరుకుపోయిన గోవాడ సుగర్స్‌ ఫ్యాక్టరీని నడిపించేందుకు గత వైఎస్సార్‌సీపీ హయాంలో అప్పటి మంత్రి అమర్‌నాథ్‌ చొరవ తీసుకుని రూ. 87 కోట్లు మంజూరు చేయించారన్నారు. రైతు పక్షపాతి మాజీ ముఖ్యమంత్రి జగన్‌మోహన్‌రెడ్డి సైతం చెరకు రైతుకు ప్రతి రూపాయి చెల్లిస్తే, సీఎం చంద్రబాబు మాత్రం గతేడాది చెరకు సరఫరా చేసిన రైతులకు 18 నెలలు పైబడి రూ. 25 కోట్లు, ఉద్యోగులకు రూ. 5 కోట్లు వెరసి రూ. 30 కోట్లు బకాయిలు చెల్లించలేదన్నారు. వీటిపై ఈ నెల 9న రోలుగుంటలో పార్టీ కార్యకర్తల సమావేశంలో మాజీ మంత్రి అమర్‌నాథ్‌ కూటమి ప్రభుత్వాన్ని హెచ్చరించారన్నారు. వెంటనే బకాయిలు చెల్లించాలని, లేకుంటే ఈ నెల 28న మహాజన సభ గోవాడలో తానే నిర్వహిస్తానని, ఆ సభను విజయవంతం చేయాలని పిలుపునిచ్చారన్నారు. ఆ మాదిరిగానే సభ నిర్వహణపై అన్ని ఏర్పాట్లు చేస్తుండగా, రాష్ట్ర ప్రభుత్వం దిగొచ్చి బకాయిలు చెల్లించేందుకు సన్నద్ధమవడం, ఇది కేవలం అమర్‌నాథ్‌ సంకల్పంతోనేనని ప్రశంసించారు. కార్యక్రమంలో జెడ్పీటీసీ పోతల లక్ష్మీరమణమ్మ, యవజన విభాగం అధ్యక్షుడు వడ్డాది సతీష్‌, చెట్టుపల్లి వెంకట్రావు, కుంచంగి హరిబాబు, కాళ్ల నాయుడుబాబు పాల్గొన్నారు.గోవాడ సుగర్‌ ఫ్యాక్టరీ రైతుల బకాయి చెల్లింపునకు సన్నద్ధం

కశింకోట: మండలంలోని కన్నూరుపాలెం (ఈశ్వరపల్లి చౌడువాడ) గ్రామంలో రెండేళ్ల క్రితం జరిగిన దొంగతనం కేసులో ముగ్గురు యువకులకు ఏడాది పాటు కఠిన కారాగార శిక్షను విధిస్తూ అనకాపల్లి 12వ అదనపు మెట్రోపాలిటన్‌ మేజిస్ట్రేట్‌ ఎ.రమేష్‌ శనివారం తీర్పు చెప్పారు. సీఐ అల్లు స్వామినాయుడు అందించిన వివరాల ప్రకారం.. కన్నూరుపాలెం గ్రామంలో 2024 జూన్‌ 13న అదే గ్రామానికి చెందిన బొడ్డు కాశీ బద్రి విశ్వేశ్వరరావు కుటుంబ సభ్యులు విజయవాడ వెళ్లారు. ఈ విషయాన్ని గమనించి అదే రోజు రాత్రి సకిలేటి సాయి, దల్లి కామిరెడ్డి, వళ్లు శ్రీను ఇంటి తాళాలు పగులగొట్టి లోపలికి ప్రవేశించి బీరువా, ఇనుప సేఫ్‌ను తెరచి వాటిలో ఉన్న సుమారు రూ. 1.40 లక్షల విలువైన బంగారు, వెండి ఆభరణాలు, నగదు అపహరించారు. బాధితుడి ఫిర్యాదు మేరకు కేసు నమోదు చేసి పోలీసులు దర్యాప్తు చేపట్టారు. బిక్కవోలు పోలీస్‌ స్టేషన్‌లో నమోదైన మరో కేసులో అరెస్టు అయిన నిందితులను విచారించగా, వారు కన్నూరుపాలెంలో జరిగిన చోరీ కేసు వివరాలను వెల్లడించారు. ఈ కేసులో చోరీ చేసిన నగదును పంచుకొని ఖర్చు చేసినట్లు దర్యాప్తులో వెల్లడైంది. కేసు దర్యాప్తు, న్యాయపరమైన చర్యలు అనంతరం అభియోగాలు రుజువు కావడంతో నిందితులకు మేజిస్ట్రేట్‌ జైలు శిక్ష విధిస్తూ తీర్పు చెప్పారు. సీఐ పర్యవేక్షణలో ఎస్‌ఐ కె.లక్ష్మణరావు సమర్థంగా దర్యాప్తు నిర్వహించి కోర్టులో అభియోగ పత్రాలు దాఖలు చేసి శిక్ష పడేలా చేశారు. ఇందుకు ఆయనతోపాటు పబ్లిక్‌ ప్రాసిక్యూటర్‌ ఆర్‌.వాణిలను ఎస్పీ తుహీన్‌ సిన్హా అభినందించారు.

నర్సీపట్నం: రాష్ట్ర స్థాయి వుషూ పోటీలకు నర్సీపట్నం నియోజకవర్గం నుంచి 16 మంది విద్యార్థులు ఎంపికయ్యారు. కేఎస్‌ఆర్‌ స్పోర్ట్సు అకాడమీ ఆధ్వర్యంలో అనకాపల్లిలో బాల, బాలికల విభాగాల్లో జిల్లా స్థాయి పోటీలు నిర్వహించారు. ఇందులో నర్సీపట్నం నియోజకవర్గం నుంచి 12 మంది స్వర్ణ, నలుగురు రజత పతకాలు సాధించారని వుషూ అసోసియేషన్‌ సభ్యులు తెలిపారు. జిల్లా వుషూ క్రీడా అధ్యక్షుడు కే సత్యనారాయణ, కార్యదర్శి వెంకట్‌ బహుమతులు అందజేశారు. ఈ నెల 29, 30 తేదీల్లో రాజమహేంద్రవరంలో నిర్వహించే రాష్ట్ర స్థాయి పోటీల్లో వీరు పాల్గొంటారని కోచ్‌ అబ్బు తెలిపారు.

బుచ్చెయ్యపేట: మండలంలోని సీతయ్యపేట జగనన్న కాలనీ రోడ్డును స్థానికుడు ఆక్రమించాడు. గత వైఎస్సార్‌సీపీ హయాంలో ఇక్కడ జెడ్పీ హైస్కూల్‌ను ఆనుకుని జగనన్న కాలనీ ఏర్పాటు చేశారు. సీతయ్యపేట, చింతపాక గ్రామాలకు చెందిన 62 మందికి ఇక్కడే లే అవుట్‌ వేశారు. ఇళ్ల స్థలాలకు వెళ్లే రహదారిని స్థానికుడు దున్నేసి మొక్కలు నాటాడు. గతంలో ఇతను ఇదే స్థలాన్ని ఆక్రమించగా, రెవెన్యూ అధికారులు ఆక్రమణలు తొలగించి హెచ్చరిక బోర్డు ఏర్పాటు చేశారు. మూడు రోజులుగా కురుస్తున్న వర్షానికి కాలనీకి వెళ్లే రహదారిలో మొక్కలు నాటడంపై పలువురు ఆగ్రహం వ్యక్తం చేస్తున్నారు. అధికారులు స్పందించి భూ ఆక్రమణలు తొలగించాలని కోరుతున్నారు.

నక్కపల్లి: జాతీయ రహదారి నుంచి కాగితం మీదుగా అమలాపురం వద్ద ఆర్సెలర్‌మిట్టల్‌ స్టీల్‌ ప్లాంట్‌ వరకు చేపట్టిన రోడ్డు నిర్మాణంలో నాణ్యతా లోపం బయటపడింది. రూ.24 కోట్ల ఆర్‌అండ్‌బీ నిధులతో ఈ రోడ్డును నిర్మిస్తున్నారు. గత రెండు రోజులుగా కురుస్తున్న వర్షాలకు ఈ రోడ్డు కాగితం సమీపంలో సగానికి పైగా కోతకు గురైంది. స్టీల్‌ ప్లాంట్‌ రవాణా అవసరాల కోసం రైతుల నుంచి తక్కువ ధరకే భూములు సేకరించి, 80 అడుగుల వెడల్పుతో సుమారు 8 కిలోమీటర్ల మేర నిర్మిస్తున్న ఈ డబుల్‌ రోడ్డులో నాసిరకం మెటీరియల్‌ వాడటం వల్లే చిన్నపాటి వర్షానికే కోతకు గురైందన్న విమర్శలు వినిపిస్తున్నాయి. వివరాల్లోకి వెళ్తే... నక్కపల్లి మండల పరిధిలోని చందనాడ, వేంపాడు, అమలాపురం, మూలపర, డి.ఎల్‌.పురం తదితర గ్రామాల పరిధిలో సుమారు 2,200 ఎకరాలు సేకరించి, రూ.35 వేల కోట్ల వ్యయంతో ‘ఆర్సెలర్‌మిట్టల్‌ నిప్పన్‌ స్టీల్‌ ఇండియా లిమిటెడ్‌’ వారు స్టీల్‌ప్లాంట్‌ నిర్మిస్తున్నారు. దీనికి సంబంధించిన భూమిపూజ కూడా ఇప్పటికే పూర్తయింది. మరోవైపు రాజయ్యపేట, బోయపాడు, బుచ్చిరాజుపేట, చందనాడ గ్రామాల పరిధిలో మరో 2,000 ఎకరాల్లో బల్క్‌ డ్రగ్‌ పార్క్‌ నిర్మిస్తున్నారు. ఈ రెండు పరిశ్రమలకు రవాణా సదుపాయం కల్పించేందుకు, జాతీయ రహదారికి అనుసంధానం చేస్తూ రాష్ట్ర ప్రభుత్వం రూ.24 కోట్ల వ్యయంతో రహదారులు–భవనాల శాఖ ఆధ్వర్యంలో డబుల్‌ లైన్‌ రోడ్డును నిర్మిస్తోంది. ఈ రోడ్డు కోసం కాగితం, వేంపాడు, చందనాడ తదితర గ్రామాల పరిధిలో సుమారు 60 ఎకరాలు సేకరించారు. అందులో దాదాపు 30 ఎకరాల భూమిని రైతుల నుంచి కొనుగోలు చేసి నిర్మాణ పనులు ప్రారంభించారు. అయితే, ఈ రోడ్డు నిర్మాణంలో కాంట్రాక్టర్‌ ఇష్టారాజ్యంగా వ్యవహరించడం వల్లే నాణ్యతా లోపం బయటపడిందని స్థానికులు ఆరోపిస్తున్నారు. మొదటి నుంచి ఈ రోడ్డు నిర్మాణం విషయంలో రైతుల నుంచి తీవ్ర వ్యతిరేకత వస్తోంది. ఇరువైపులా పొలాలు కలిగిన రైతులకు అనువుగా రోడ్డు మధ్యలో డివైడర్ల వద్ద రోడ్డు దాటే మార్గం ఇవ్వకపోవడం, ప్రతీ 200 మీటర్లకు ఇవ్వాల్సిన మార్గాన్ని 500 మీటర్ల దూరంలో ఇవ్వడంపై రైతులు మండిపడుతున్నారు. దీనివల్ల పొలాల్లోకి వెళ్లే రైతులకు, పశువులను మేపుకొనే పాడి రైతులకు రాకపోకల ఇబ్బందులు ఎదురవుతున్నాయని, రోడ్డు పనులు నిలిపివేయాలని గతంలో ఆందోళనలు కూడా చేశారు. ఇదిలా ఉండగా, కాంట్రాక్టర్‌ రోడ్డు నిర్మించే సమయంలో ఇరువైపులా వర్షపు నీరు ప్రవహించే మార్గాలకు ప్రాధాన్యత ఇవ్వలేదు. ఎగువ ప్రాంతాల నుంచి వచ్చే వర్షపు నీరు దిగువ భూముల గుండా సముద్రంలోకి కలిసేందుకు సరైన మార్గాలు ఏర్పాటు చేయాల్సి ఉంది. కానీ, గతంలో ఉన్న తూములు, కల్వర్టులను ఇష్టానుసారంగా మూసివేశారు. దీంతో ఎగువ ప్రాంతాల్లో పడిన వర్షపు నీరు స్టీల్‌ప్లాంట్‌ రోడ్డుకు ఇరువైపులా ఎక్కడికక్కడ నిలిచిపోతోంది. దీనివల్ల ఇరువైపులా ఉన్న వరి పొలాలు ముంపు బారిన పడతాయని రైతులు ఆందోళన వ్యక్తం చేస్తున్నారు. ప్రస్తుతం భూమట్టానికి దాదాపు 10 అడుగుల ఎత్తులో ఈ రోడ్డును నిర్మిస్తున్నారు. లక్షలాది క్యూబిక్‌ మీటర్ల మట్టి, గ్రావెల్‌, క్రషర్‌ వేసి ఎత్తు చేసి దానిపై తారు రోడ్డు వేస్తున్నారు. ఈ పనుల్లో ఆర్‌అండ్‌ బీ అధికారుల పర్యవేక్షణ లేకపోవడం వల్లే నాసిరకం మెటీరియల్‌ వాడారని, ఫలితంగానే రోడ్డు కొట్టుకుపోయిందని స్థానికులు చెబుతున్నారు. ప్రస్తుతం రోడ్డు నిర్మాణ పనులు దాదాపు 60 శాతానికి పైగా పూర్తయ్యాయి. చిప్స్‌ క్రషర్‌ బూడిద వేసి రోడ్డు సిద్ధం చేశారు. ఇక తారు వేయాల్సి ఉంది. ఇంతలోనే రోడ్డు సగానికి పైగా కొట్టుకుపోయింది. ఇరువైపులా అప్రోచ్‌ బెర్ముల కోసం వేసిన మట్టి కూడా ప్రవాహంలో కొట్టుకుపోయింది. నిర్మాణ దశలోనే ఇలా ఉంటే, పనులు పూర్తయ్యాక భారీ వర్షాలు పడితే పరిస్థితి ఏంటని స్థానికులు భయాందోళన చెందుతున్నారు. ఈ రోడ్డుపై స్టీల్‌ ప్లాంట్‌, బల్క్‌ డ్రగ్‌ పార్క్‌లకు చెందిన భారీ వాహనాలు రాకపోకలు సాగిస్తాయి. కాబట్టి ఎంతో పటిష్టంగా రోడ్డు నిర్మించాల్సిన ఆర్‌అండ్‌ బీ అధికారులు కమీషన్ల కక్కుర్తితో పనుల వైపు కన్నెత్తి కూడా చూడటం లేదని ఆరోపణలు వస్తున్నాయి. అధికారులు, కాంట్రాక్టర్లు కుమ్మకై ్క నాణ్యతను గాలికి వదిలేశారన్న ప్రచారం జరుగుతోంది. దీనిపై ఉన్నతాధికారులు స్పందించి వెంటనే విచారణ జరిపించాలని, అలాగే రోడ్డుకు ఇరువైపులా గతంలో ఉన్న కల్వర్టులు, తూములను పునరుద్ధరించాలని రైతులు, స్థానికులు డిమాండ్‌ చేస్తున్నారు. నీరు వెళ్లే మార్గాలు మూసివేయడంతో పొలాల్లో నిలిచిన వర్షం నీరుకాగితం సమీపంలో కోతకు గురైన స్టీల్‌ప్లాంట్‌ రోడ్డురోడ్డు నిర్మాణంలో నాణ్యత లోపించింది రోడ్డు నిర్మాణంలో నాణ్యతకు తిలోదకాలు ఇచ్చారనే అనుమానాలు వ్యక్తమవుతున్నాయి. గతంలో ఉన్న నీరు వెళ్లే మార్గాలు, కల్వర్టులు, తూములను తొలగించి తమ ఇష్టానుసారంగా కొత్తవి నిర్మించడం వల్లే రోడ్డుకు ఇరువైపులా భారీగా నీరు చేరి రోడ్డు కోతకు గురైంది. ఇదే పరిస్థితి కొనసాగితే భవిష్యత్తులో ఎగువ ప్రాంతాల నుంచి వచ్చే వర్షపు నీటి వల్ల రోడ్డు మొత్తం కొట్టుకుపోవడమే కాకుండా, ఇరువైపులా ఉన్న పొలాలు, నివాస ప్రాంతాలు కూడా మునిగిపోయే ప్రమాదం ఉంది. రెవెన్యూ, ఇరిగేషన్‌ రికార్డులను పరిశీలించి పూర్వం ఉన్న కాలువలు, తూములు, కల్వర్టులను వెంటనే పునరుద్ధరించాలి. – పోతంశెట్టి బాబ్జి, రైతు,కాగిత చిన్నపాటి వర్షానికే కోతకు గురైన రహదారి అధికారుల నిర్లక్ష్యంతో కాలువలు, తూముల మూసివేత భవిష్యత్తులో ముంపు తప్పదని రైతుల్లో ఆందోళన

మల్కాపురం: గురువారం విడుదలైన నీట్‌ పీజీ–2026 ఫలితాల్లో పారిశ్రామిక ప్రాంతానికి చెందిన చెక్కా నాగరత్న అమృత ఆలిండియా 415వ ర్యాంక్‌ సాధించారు. నౌసేనాబాగ్‌ కేవీ పాఠశాలలో పాఠశాల విద్యను పూర్తి చేసిన అమృత.. ఇంటర్‌ విద్యను చైతన్యలో అభ్యసించారు. అనంతరం ఆంధ్ర మెడికల్‌ కళాశాలలో ఎంబీబీఎస్‌ పూర్తి చేశారు. నీట్‌ పీజీలో జాతీయ స్థాయిలో మంచి ర్యాంక్‌ సాధించడంతో ఆమెను పలువురు అభినందించారు. అమృత తండ్రి రామకృష్ణ విశాఖ స్టీల్‌ప్లాంట్‌లో, తల్లి కె. ఆదిలక్ష్మి హెచ్‌పీసీఎల్‌లో విధులు నిర్వహిస్తున్నారు. వీరికి ఏకై క సంతానమైన అమృత.. చిన్ననాటి నుంచే చదువుల్లో ప్రతిభ కనబరుస్తూ వచ్చారు. నీట్‌ పీజీలో సాధించిన ర్యాంక్‌తో రేడియో డయాగ్నోసిస్‌ విభాగంలో ఉన్నత చదువులు కొనసాగించాలనే లక్ష్యం ఉందని అమృత తెలిపారు. చదువులోనే కాకుండా సంగీతంలోనూ ప్రతిభ కనబరిచే ఆమె మంచి గాయనిగా గుర్తింపు పొందారు.

యలమంచిలి రూరల్‌: పట్టణంలోని ఉలక్‌పేటకు చెందిన మళ్ల నూకరాజు(51) మృతదేహాన్ని దిమిలిరోడ్డులో రహదారి పక్కన మురుగు కాల్వలో గుర్తించినట్టు పట్టణ ఎస్‌ఐ కె.సావిత్రి తెలిపారు.ఈ నెల 24వ తేదీ రాత్రి భూలోకమాంబ ఆలయం వద్ద వినాయక నవరాత్రి ఉత్సవాల్లో పాల్గొన్న నూకరాజు ఇంటికి తిరిగి రాలేదు. కుటుంబ సభ్యులు చుట్టుపక్కల వెతికినా ఆచూకీ లభించలేదు. శుక్రవారం ఉదయం 7 గంటల సమయంలో కర్రి ఆదిలక్ష్మి అనే మహిళ ద్వారా దిమిలిరోడ్డు కరణం అప్పారావు అపార్టుమెంటు వద్ద పడిఉన్నట్టు తెలుసుకున్న కుటుంబసభ్యులు అక్కడకు వెళ్లి చూశారు. అప్పటికే నూకరాజు మృతి చెందాడు. మృతుడి నుదుటి భాగంలో ఎడమ కన్నుపైన, కుడివైపు దవడపై గాయాలున్నట్టు పోలీసులకిచ్చిన ఫిర్యాదులో మృతుడి కుమారుడు మళ్ల హరి పేర్కొన్నాడు. తమ తండ్రికి నరాల బలహీనత ఉందని, నెమ్మదిగా నడుస్తాడని తెలిపాడు. ప్రమాదవశాత్తు మురుగుకాల్వలో పడి గాని, విద్యుదాఘాతంతో గాని మృతి చెంది ఉండవచ్చని ఫిర్యాదులో పేర్కొన్నట్టు ఎస్‌ఐ తెలిపారు. శవపంచనామా,పోస్టుమార్టం అనంతరం మృతదేహాన్ని కుటుంబసభ్యులకు అప్పగించారు. కేసు నమోదు చేసి దర్యాప్తు చేస్తున్నట్టు ఆమె తెలిపారు.

రాంబిల్లి: సెజ్‌లో సీతపాలెం సమీపంలో గల సన్వీరా కంపెనీలో గాయపడి చికిత్స పొందుతూ కాంట్రాక్టు కార్మికుడు షరీఫ్‌ అన్సారీ శుక్రవారం తెల్లవారుజామున మృతి చెందినట్టు ఎస్‌ఐ నాగేంద్ర తెలిపారు. ఈ ఘటనకు సంబంధించి ఆయన తెలిపిన వివరాలిలా ఉన్నాయి. గురువారం సాయంత్రం సన్వీరా కంపెనీలో 12 అడుగుల ఎత్తులో నున్న భవనం పై నుంచి ఐరన్‌ షీట్లును తొలగిస్తుండగా ఈ ప్రమాదం చోటు చేసుకుంది. ఐరన్‌ షీట్లు కట్టిన తాడు తెగిపోవడంతో షరీఫ్‌ అన్సారీ, అఫ్రోజ్‌ అలీమ్‌లు కింద పడి తీవ్ర గాయలపాలయ్యారు. వీరిని అచ్యుతాపురంలో ప్రైవేట్‌ ఆస్పత్రికి తరలించి చికిత్స అందించారు. మెరుగైన వైద్యం కోసం షరీఫ్‌ అన్సారీను వేరే ఆస్పత్రికి తరలిస్తుండగా మృతి చెందినట్లు ఎస్‌ఐ నాగేంద్ర తెలిపారు. కాగా అఫ్రోజ్‌ అలీమ్‌కు కంటి కింది భాగంలో ఫ్యాక్చర్‌ అయిందన్నారు. వీరు దుర్గా భవానీ ఇంజినీరింగ్‌ వర్క్స్‌ లో ఈ ఏడాది జూన్‌ నుంచి పనిచేస్తున్నారని తెలిపారు.తగిన భద్రతా ప్రమాణాలు పాటించకపోవడం వల్లే ప్రమాదం చోటు చేసుకుందని మృతుడి కుటుంబసభ్యులు ఫిర్యాదు చేసినట్టు చెప్పారు.

సింథియా(విశాఖ): ఇండియన్‌ కోస్ట్‌గార్డ్‌ నౌక షౌనక్‌ సెప్టెంబర్‌ 25న క్వాడ్‌ ఎట్‌ సీ షిప్‌ అబ్జర్వర్‌ మిషన్‌ కోసం చైన్నె నుంచి బయలుదేరింది. క్వాడ్‌ సభ్య దేశాలకు చెందిన ఆరుగురు సముద్ర పరిశీలకులు ఈ మిషన్‌లో పాల్గొంటున్నారు. భారత్‌, ఆస్ట్రేలియా, జపాన్‌, అమెరి కా దేశాల మధ్య సముద్ర సహకారం, సమన్వ యం, పరస్పర సామర్థ్యాలను బలోపేతం చేయడంలో ఈ మిషన్‌ కీలక పాత్ర పోషించనుంది. ఇండో–పసిఫిక్‌ ప్రాంతంలో సురక్షిత, స్వేచ్ఛాయుత, నిబంధనల ఆధారిత సముద్ర వాతావరణాన్ని ప్రోత్సహించడంతోపాటు భారతదేశ మహాసాగర్‌ దృక్పథాన్ని ఈ మిషన్‌ మరింత బలోపేతం చేస్తుందని నేవీ వర్గాలు తెలిపాయి.

సింహాచలం: శ్రీ వరాహ లక్ష్మీనృసింహస్వామిని శుక్రవారం పలువురు ప్రముఖులు దర్శించుకున్నారు. ఆంధ్రప్రదేశ్‌ రియల్‌ ఎస్టేట్‌ రెగ్యులేటరీ అథారిటీ (ఏపీ రేరా) సభ్యులు, పలు రాష్ట్రాల రియల్‌ ఎస్టేట్‌ నియంత్రణ ప్రాధికార సంస్థల చైర్‌పర్సన్లు, మాజీ ఎంపీ ప్రదీప్‌చంద్ర దేవ్‌, ప్రముఖ మణిపురి నృత్య కళాకారిణి పద్మశ్రీ దర్శన జవేరి, ప్రముఖ కూచిపూడి కళాకారిణి, సంగీత నాటక అకాడమీ పురస్కార గ్రహీత అనుపమ మోహన్‌ తదితరులు స్వామివారిని దర్శించుకున్నారు. ఈ సందర్భంగా ఆలయంలోని కప్పస్తంభాన్ని ఆలింగనం చేసుకుని, అంతరాలయంలో అష్టోత్తర పూజలు నిర్వహించారు. అనంతరం వేద ఆశీర్వచనం పొందారు. ఆలయ సంప్రదాయం ప్రకారం అధికారులు స్వామివారి ప్రసాదం, శేషవస్త్రం, చిత్రపటాలను అందజేశారు.

యలమంచిలి రూరల్‌: గుర్తు తెలియని వాహనం ఢీకొని కొక్కిరాపల్లి హైవే కూడలి సమీపంలో ఓ గుర్తు తెలియని వ్యక్తి మృతి చెందినట్టు యలమంచిలి రూరల్‌ ఎస్‌ఐ ఎం.ఉపేంద్ర తెలిపారు.రోడ్డుపై నడిచి వెళ్తున్న వ్యక్తిని గుర్తు తెలియని వాహనం ఢీకొనగా రహదారిపై పడిన ఆ వ్యక్తిపై నుంచి పలు వాహనాలు ప్రయాణించడంతో శరీర భాగాలు ఛిద్రమయ్యాయి. ప్రమాద సమాచారం అందుకున్న వెంటనే పోలీసులు ఘటనా స్థలానికి వెళ్లి పరిశీలించారు.మృతుని చిరునామా,ఇతర వివరాలు తెలియలేదని, యాచకుడు కావచ్చని భావిస్తున్నట్టు ఎస్‌ఐ తెలిపారు. కొక్కిరాపల్లి వీఆర్వో ఫిర్యాదు మేరకు కేసు నమోదు చేసినట్టు ఆయన తెలిపారు.

సాక్షి, అనకాపల్లి: ఈ రెండేళ్లలో నిరుద్యోగుల కలలు కరిగిపోయాయి. విద్య, వైద్య రంగాలు భ్రష్టుపట్టాయి. నిరుద్యోగ భృతి అందని ద్రాక్షగా మారింది. ప్రతి మహిళకు నెలకు రూ.1,500 ఇచ్చే ఆడబిడ్డ నిధి పథకం గురించి పట్టించుకునే నాథుడే కరవయ్యాడు. ఎన్నికల ముందు ఇచ్చిన హామీలను సీఎం చంద్రబాబు పూర్తి స్థాయిలో అమలు చేయకుండా ప్రజలకు టోపీ పెట్టారు. జిల్లాలోని అర్హులైన ప్రజలంతా సూపర్‌ సిక్స్‌ పథకాల కోసం ఎదురుచూస్తున్నా ప్రభుత్వంలో ఎటువంటి చలనం లేదు గాని, ఇప్పుడు టీడీపీ సోషల్‌ మీడియాకు ప్రభుత్వ పథకాల ప్రచారం పేరిట రూ.కోట్ల నిధు లు దోచిపెట్టేందుకు చంద్రబాబు సర్కారు ‘సోషల్‌ మీడియా పాలసీ’ తీసుకురావడంపై ప్రజలు ఆగ్రహం వ్యక్తం చేస్తున్నారు. ఐటీడీపీకి లబ్ధి కోసమే... ఐటీడీపీలో పనిచేస్తున్న కార్యకర్తలు, నాయకులకు లబ్ధి చేకూర్చడం కోసమే చంద్రబాబు ప్రభుత్వం ఈ పథకం అమలుకు చర్యలు చేపట్టిందని విమర్శలు వెల్లువెత్తుతున్నాయి. ప్రభుత్వం తీరుపై రైతులు, విద్యార్థులు, యువకులు, మేధావులు ఇలా అన్ని వర్గాల వారు ఆగ్రహం వ్యక్తం చేస్తున్నారు. రాష్ట్రంలో వేల సంఖ్యలో టీడీపీకి చెందిన సోషల్‌ ఇన్‌ఫ్లుయెన్సర్లు ఉన్నారు. వీరందరికీ ప్రజాధనాన్ని దోచిపెట్టేందుకే ప్రభుత్వం ఈ కొత్త పాలసీకి ఆమోదం తెలిపిందని పలువురు ఆరోపిస్తున్నారు. కరువు కోరల్లో అన్నదాతలు ఎల్‌ నినో ప్రభావం గురించి చాలా కాలం ముందే శాస్త్రవేత్తలు హెచ్చరికలు జారీ చేసినా రాష్ట్ర ప్రభుత్వం నిర్లక్ష్యం వహించింది. ‘ఎలో’్ల నినో కారణంగా అన్నదాతలు కరువు కోరల్లో చిక్కుకున్నారు. జిల్లా వ్యాప్తంగా సాధారణ వరి సాగు విస్తీర్ణం 1.80 లక్షల ఎకరాలు కాగా, వర్షాభావ పరిస్థితుల కారణంగా 20 శాతం వరి నాట్లు కూడా వేయలేదు. నాట్లు వేసిన ప్రాంతాల్లో నీరందక పంట ఎండిపోయింది. దీంతో అన్నదాతలు అప్పుల్లో కూరుకుపోయారు. ఈ పరిస్థితుల్లో రైతులను ఆదుకోవాల్సిన ప్రభుత్వం కనీసం అటువైపు దృష్టి సారించకుండా, కార్యకర్తలకు లబ్ధి చేకూరేలా ప్రజాధనాన్ని దోచిపెట్టేందుకు సిద్ధమవుతుండటంపై విమర్శలు వ్యక్తమవుతున్నాయి. సంక్షేమానికి దిక్కు లేదు గానీ..! సూపర్‌ సిక్స్‌ పథకాలను అమలు చేస్తామన్న హామీతో అధికారం చేపట్టిన కూటమి ప్రభుత్వం ఏదో ఒక సాకుతో వాటిని గాలికి వదిలేసింది. బడ్జెట్‌ లేదని, పథకాలు అమలు చేసే పరిస్థితి లేదని ప్రచారానికి తెరలేపింది. ఆడబిడ్డ నిధి, నిరుద్యోగ భృతి, 50 ఏళ్లకే పింఛను వంటి పథకాలను అమలు చేసేందుకు నిధులు లేవని చెబుతున్న ప్రభుత్వం, కొత్త పాలసీకి ఎక్కడి నుంచి నిధులు తెస్తుందనే ప్రశ్న అన్ని వర్గాల నుంచి వినిపిస్తోంది. వలంటీర్లు, సచివాలయ ఉద్యోగులపైనా విషప్రచారం చేసి.. గత ప్రభుత్వ హయాంలో వలంటీర్‌ వ్యవస్థ ప్రజలకు, ప్రభుత్వానికి మధ్య వారధిలా పనిచేసి, పథకాల అమలులో ఎంతో కృషి చేసింది. వలంటీర్లకు ఇచ్చిన గౌరవ వేతనంపై దుష్ప్రచారం చేసిన ప్రతిపక్ష నేతలు, ఇప్పుడు ఈ దుబారా పాలసీ గురించి ఎందుకు ఉవ్విళ్లూరుతున్నారో అర్థం కావడం లేదనే వాదన వ్యక్తమవుతోంది. జిల్లాలో అనేక సమస్యలు ఉన్నాయి. ఎరువుల కొరత, నాణ్యమైన విత్తనాల లోపం, కర్మాగారాల మూత, ప్రధాన నగరాల్లో తాగునీటి ఎద్దడి, నిరుద్యోగం వంటి సమస్యలను పక్కన పెట్టిన ప్రభుత్వం, కేవలం డప్పు కొట్టుకునే పాలసీలు తేవడమేంటని అన్ని వర్గాలు ప్రశ్నిస్తున్నాయి.ప్రచార డప్పుకు.. ప్రజా డబ్బు ఐటీడీపీ సభ్యులకు ఆర్థిక ప్రయోజనం చేకూర్చడానికే పథకం ప్రజాధనం దోపిడీకి మరో వ్యూహం ప్రజల దృష్టిని మరల్చడానికే సోషల్‌మీడియా ఇన్‌ఫ్లుయెన్సర్ల సేవలు రాష్ట్ర ప్రభుత్వ తీరుపై ఆగ్రహం వ్యక్తం చేస్తున్న ప్రజలు ఇది విచిత్రపాలసీ గత సార్వత్రిక ఎన్నికల సమయంలో బీసీలకు 50 ఏళ్ళకే పింఛన్‌ అందిస్తానని చంద్రబాబు చెప్పారు. దీనితో పా టు 18 ఏళ్లు దాటిన మహిళలకు నెలకు రూ.1500 ఇస్తామని హామీ ఇచ్చారు. అధికారాన్ని చేపట్టి సుమారు 30 నెలలు పూర్తవుతున్నా హామీలు అమలు చేయలేదు. ప్రజలను పక్కదోవ పట్టించేందుకు ఇప్పుడు విచి త్ర పాలసీని తీసుకొచ్చారు. – బండారు దేముళ్లు, మాజీ సర్పంచ్‌,గుల్లేపల్లి,కె.కోటపాడు మండలం డప్పు కొట్టడానికి వేతనాలా? గతంలో వలంటీర్లు ప్రజలకు ఎంతో సేవ చేసి రూ.5 వేలు వేతనం తీసుకుంటే దుబారా చేస్తున్నారని నానా యాగీ చేశారు. వలంటీర్లు ప్రభుత్వ పథకాలు లబ్ధిదారులకు అందేలా సహకరించారే తప్ప, ఎక్కడా ప్రచారం చేసుకోలేదు. కానీ ఇప్పుడు కేవలం డప్పు కొట్టుకోవడానికి ఫాలోవర్స్‌ను బట్టి వేతనాలు ఇస్తారా..? ఇది కేవలం ప్రజల్ని పక్కదోవ పట్టించడమే. – రాజాన బుజ్జి, అధ్యక్షుడు, అంబేడ్కరిజం పునాది అసోసియేషన్‌ ఇది దుబారా పాలసీ సంక్షేమ పథకాల అమలు తీరు బాగుంటే ప్రత్యేకంగా ప్రచారం చేయాల్సిన అవసరం లేదు, ప్రజలే గుర్తిస్తారు. ఎవడి డప్పు వాడు కొట్టుకోకూడదు. ఇది పూర్తిగా దుబారా పథకం. ఇప్పటికే బడ్జెట్‌ లేదని హామీలు నెరవేర్చడం లేదు. ఆడబిడ్డ నిధి, నిరుద్యోగ భృతి ఎక్కడ అమలవుతున్నాయి? –కె.జగన్‌, మాజీ ఉప సర్పంచ్‌, తిమ్మరాజుపేట

తుపాను కారణంగా కురిసిన భారీ వర్షాలకు జిల్లాలోని పలు జలాశయాల్లోకి వరద నీరు వచ్చి చేరుతుండడంతో నీటిమట్టాలు పెరుగుతున్నాయి. దీంతో ఖరీఫ్‌ సాగుకు నీరందే అవకాశం ఉందని రైతులు ఆశాభావం వ్యక్తం చేస్తున్నారు. మాడుగుల: కేచ్‌మెంట్‌ ఏరియాలో మూడు రోజులుగా కురుస్తున్న వర్షాలకు మండలంలోని పెద్దేరు జలాశయం జలాశయంలోకి 800 క్యూసెక్కుల వరద నీరు వచ్చి చేరింది. జలాశయం గరిష్ట నీటి మట్టం 137 మీటర్లు కాగా, ప్రస్తుతం 134 మీటర్లకు చేరుకుంది. దీంతో ఖరీఫ్‌లో ఆయకట్టు భూములకు నీటికి ఢోకా ఉండదని రైతులు తెలిపారు. మండలంలో ఇంత వరకు ఎండిపోయిన పెద్దేరు, గొరిగెడ్డల్లో వచ్చి చేరుతోంది. ఈ ఏడాది తొలిసారిగా గెడ్డల్లోకి వరద నీరు చేరడంపై రైతులు ఆనందం వ్యక్తం చేస్తున్నారు. కోనాం.. చీడికాడ: తుపాను కారణంగా మండలంలోని కోనాం జలాశయం నీటిమట్టం నాలుగు రోజుల్లో నాలుగు మీటర్లు పెరిగింది. ఈ నెల 21వ తేదీన 91 మీటర్లు పడిపోయిన నీటిమట్టం గడిచిన నాలుగురోజులుగా కురుస్తున్న వర్షాలకు ఒక్కసారిగా నాలుగు మీటర్లు పెరిగి శుక్రవారం సాయంత్రానికి 95 మీటర్లకు చేరుకుంది. గురువారం ఉదయం నుంచి శుక్రవారం ఉదయం వరకు 1,000 క్యూసెక్కులకు చేరిన ఇన్‌ఫ్లో శుక్రవారం సాయంత్రానికి 600 క్యూసెక్కులకు పడిపోయింది. జలాశయం పూర్తిస్థాయి నీటిమట్టం 101.25 మీటర్లు కాగా ప్రస్తుతం 95 మీటర్లు ఉంది. తాండవ.. నాతవరం: తాండవ రిజర్వాయర్‌లో నీటిమట్టం క్రమేపీ పెరుగుతోందని తాండవ ప్రాజెక్టు కమిటీ చైర్మన్‌ కరక సత్యనారాయణ, డీఈ అనురాధ తెలిపారు. తాండవలో నీటిమట్టాన్ని శుక్రవారం వారు పరిశీలించారు. ఈ సందర్భంగా డీఈ మాట్లాడుతూ... తుపానుకు ముందు ప్రాజెక్టులో నీటిమట్టం 361.3 అడుగులు ఉండేదని, ప్రస్తుతం 367.7 అడుగులకు చేరిందని తెలిపారు. ఎగువ ప్రాంతం నుంచి రోజుకు 3,000 క్యూసెక్కుల చొప్పున ఇన్‌ఫ్లో వస్తోందని చెప్పారు. ప్రాజెక్టులో మరింత నీటిమట్టం పెరిగితే ఖరీఫ్‌కు నీరు సరఫరా చేస్తామన్నారు. వీరి వెంట తాండవ ప్రాజెక్టు జేఈ దుర్గబాబు తదితరులు ఉన్నారు. 105 మీటర్లకు చేరిన రైవాడ నీటిమట్టం దేవరాపల్లి: ఇటీవల కురిసిన వర్షాల ప్రభావంతో రైవాడ జలాశయంలోకి భారీగా వరదనీరు వచ్చి చేరుతోంది. ప్రస్తుతం జలాశయంలోకి 2వేలు క్యూసెక్కుల ఇన్‌ఫ్లో కొనసాగుతోంది. తాజా శుక్రవారం మరో మీటరు మేర నీటిమట్టం పెరిగింది. జలాశయం గరిష్ట నీటిమట్టం 114 మీటర్లు కాగా, ప్రస్తుతం 105 మీటర్లకు చేరుకుంది. రెండు రోజుల వ్యవధిలోని రెండు మీటర్లు నీటిమట్టం పెరగడం పట్ల ఆయుకట్టు రైతులు ఆనందం వ్యక్తం చేస్తున్నారు. ఇన్‌ఫ్లో భారీగా ఉండడంతో నీటిమట్టం మరింత పెరిగే అవకాశం ఉన్నందున ఈ ఏడాది ఖరీఫ్‌కు ఢోకా ఉండదని ఆయకట్టు రైతులు ఆనందం వ్యక్తం చేస్తున్నారు.

తుమ్మపాల: జిల్లాలో 2026–27 సంవత్సరానికి 39 మద్యం దుకాణాల కేటాయింపునకు నోటిఫికేషన్‌ విడుదల చేసినట్టు జిల్లా ఎకై ్సజ్‌ అధికారి సుధీర్‌ తెలిపారు. శుక్రవారం జిల్లా ఎకై ్సజ్‌ కార్యాలయంలో ఏర్పాటు చేసిన మీడియా సమావేశంలో ఆయన మాట్లాడుతూ జిల్లాలో ప్రస్తుతం 155 మద్యం దుకాణాలు కొనసాగుతున్నాయని, వాటి కాలపరిమితి ఈ నెల 30తో ముగియనుందని చెప్పారు. వీటిలో 140 ఓపెన్‌ కేటగిరీ, 15 గీత కులాలకు కేటాయించిన దుకాణాలు ఉన్నాయన్నారు. అక్టోబర్‌ 1 నుంచి 2027 సెప్టెంబరు 30 వరకు దుకాణాలను రెన్యువల్‌ చేసుకునేందుకు ప్రభుత్వం అవకాశం కల్పించిందని చెప్పారు. ఈ నెల 23తో రెన్యువల్‌ గడువు ముగిసిందని, 122 దుకాణదారులు రెన్యువల్‌ చేసుకున్నారని తెలిపారు. వీటిలో 107 ఓపెన్‌ కేటగిరీ దుకాణాలు, 15 గీత కులాలకు కేటాయించిన దుకాణాలు ఉన్నాయన్నారు. రెన్యువల్‌ చేసుకోని 33 ఓపెన్‌ కేటగిరీ దుకాణాలతో పాటు గత లీజు సంవత్సరంలో సరెండర్‌ చేసిన, రద్దయిన మరో ఆరు ఓపెన్‌ కేటగిరీ దుకాణాలు కలిపి మొత్తం 39 షాపులకు కొత్తగా నోటిఫికేషన్‌ జారీ చేశామన్నారు. ఈ దుకాణాలకు ఆన్‌లైన్‌లో దరఖాస్తుల స్వీకరణ ప్రారంభమైందని, అక్టోబరు 1న అర్ధరాత్రి 12 గంటల వరకు దరఖాస్తులు స్వీకరిస్తామని చెప్పారు. ఆసక్తి ఉన్న వారు అధికారిక ఆన్‌లైన్‌ పోర్టల్‌ ద్వారా దరఖాస్తు చేసుకోవాలని సూచించారు. దరఖాస్తుల స్వీకరణ ప్రక్రియ పూర్తయిన అనంతరం అక్టోబరు 5న ఉదయం 8 గంటలకు అనకాపల్లి గుండాల జంక్షన్‌లోని ఎస్‌.ఆర్‌. శంకరన్‌ మీటింగ్‌ కాంప్లెక్స్‌లో లాటరీ నిర్వహించి దుకాణాలను కేటాయించనున్నట్టు వెల్లడించారు.అక్టోబర్‌ 1 వరకు ఆన్‌లైన్‌లో దరఖాస్తుల స్వీకరణ

అనకాపల్లిటౌన్‌: పట్టణ నడిబొడ్డున, జీవీఎంసీ కార్యాలయం ఎదురుగా నూతనంగా ఏర్పాటు చేసిన జిల్లా పరిషత్‌ కార్యాలయాన్ని కలెక్టర్‌ విజయకృష్ణన్‌ శుక్రవారం ప్రారంభించారు. ఈ కార్యక్రమంలో ఎమ్మెల్యేలు కొణతాల, బండారు సత్యనారాయ ణ మూర్తి పాల్గొన్నారు. అనంతరం కలెక్టర్‌ మాట్లా డుతూ గతంలో ఉమ్మడి జిల్లా పరిధిలో సమావేశాలు నిర్వహించడం వల్ల సమస్యలపై చర్చించేందుకు సమయం తక్కువగా ఉండేదని, ఇప్పుడు ప్రత్యేకంగా అనకాపల్లి జిల్లా పరిషత్‌ ఏర్పడడంతో సమస్యలపై విపులంగా చర్చించే అవకాశం ఉంటుందన్నారు. నిధులన్నీ పూర్తిగా అనకాపల్లి జిల్లాలోని అభివృద్ధి పనులకే ఖర్చు చేయడానికి వీలు కలుగుతుందని చెప్పారు. ఎమ్మెల్యేలు కొణతాల రామకృష్ణ, బండారు సత్యనారాయణ మూర్తి మాట్లాడుతూ జిల్లా వ్యాప్తంగా ఉన్న సర్పంచ్‌లు, ఎంపీటీసీలు, జెడ్పీటీసీ సభ్యులు విశాఖపట్నం వెళ్లేందుకు ఇబ్బందులు పడేవారని, ఇప్పుడు అనకాపల్లిలోనే జిల్లా పరిషత్‌ కార్యాలయం రావడం ఎంతో మేలు చేస్తుందని తెలిపారు. ఈ కార్యక్రమంలో జెడ్పీ సీఈవో నారాయణ మూర్తి, డిప్యూటీ సీఈవో ఇ సందీప్‌, డీపీవో మంజులవాణి, అనకాపల్లి ఎంపీడీవో ఆశాజ్యోతి, జోనల్‌ కమిషనర్‌ కె. చక్రవర్తి పాల్గొన్నారు. జారి కింద పడిన కలెక్టర్‌ పట్టణ జీవీఎంసీ కార్యాలయాన్ని, పక్కనే ఉన్న డంపింగ్‌ యార్డు, ట్రెజరీ కార్యాలయాలను కలెక్టర్‌ పరిశీలించారు. ముందుగా డంపింగ్‌ యార్డు స్థలం పరిశీలించేందుకు వెళుతున్న సమయంలో బురదలో కాలు జారి కలెక్టర్‌ కింద పడిపోయారు. ఆమె ధరించిన చీరకు బురదఅంటుకున్నా అలాగే ట్రెజరీ, ఎమ్మార్వో కార్యాలయాల భవనాలను పరిశీలించారు. ఈ సందర్భంగా పట్టణం నడిబొడ్డున ఉన్న విలువైన స్థలాలు అభివృద్ధికినోచుకోకపోవడమేమిటని ఆశ్చర్యం వ్యక్తం చేశారు. అనంతరం ఇంజినీరింగ్‌ అధికారులతో మాట్లాడుతూ వృథాగా ఉన్న స్థలాల విస్తీర్ణం ఎంత, తదితర వివరాలు తెలుసుకుని, ఈ స్థలాలు ప్రజలకు అందుబాటులోకి తీసుకువచ్చేలా వ ప్రణాళిక రూపొందించి నివేదిక అందజేయాలని ఆదేశించారు.

కశింకోట : మండలంలోని కొత్తపల్లి వద్ద ఉన్న క్రెబ్స్‌ బయో కెమికల్‌ పరిశ్రమను తెరిపించడానికి చర్యలు తీసుకోవాలని పరిశ్రమ వర్కర్స్‌ యూనియన్‌ (సీఐటీయు అనుబంధం) అధ్యక్షుడు అప్పారావు, ప్రధాన కార్యదర్శి బాబూరావు కోరారు. సీఐటీయు రాష్ట్ర అధ్యక్షుడు సిహెచ్‌. నరసింగరావు ఆధ్వర్యంలో విజయవాడలోని కాలుష్య నియంత్రణ మండలి కమిషనర్‌ను గురువారం కలిసి వినతి పత్రం అందజేసి కోరినట్టు వారు తెలిపారు. ఏడాదిన్నరగా కాలుష్య నియంత్రణ మండలి ఆదేశాలతో పరిశ్రమను మూసివేశారని, దీనివల్ల 330 మంది కార్మికులు, ఉద్యోగుల కుటుంబాలు ఆర్థిక ఇబ్బందులు పడుతున్నాయని ఆవేదన వ్యక్తం చేశారు. ఒకపక్క రాష్ట్ర ప్రభుత్వం పరిశ్రమలను ప్రోత్సహిస్తున్నామని, లక్షలాది మందికి ఉపాధి కల్పిస్తున్నామని ప్రచార ఆర్భాటం చేస్తుందని, అయితే ఉన్న పరిశ్రమలను మాత్రం తెరిపించేందుకు చర్యలు చేపట్టకపోవడం శోచనీయమన్నారు. తక్షణమే క్రెబ్స్‌ పరిశ్రమను తెరిపించి తమ ఇబ్బందులు తొలగించాలని కోరారు. యూనియన్‌ ప్రతినిధులు కన్నబాబు, జి. శ్రీనివాసరావు కార్యక్రమంలో పాల్గొన్నారు.

మాకవరపాలెం మండలం పీపీ అగ్రహారం వద్ద ఉధృతంగా ప్రవహిస్తున్న సర్పానదితుమ్మపాల : జిల్లాల్లో విస్తారంగా కురిసిన వర్షాలతో రైతులు ఆనందం వ్యక్తం చేసున్నారు. ఈ నెల 22 నుంచి 24తేదీ వరకు నమోదైన వర్షపాతాన్ని పరిశీలిస్తే జిల్లా సగటు 161.8 మిల్లీమీటర్లుగా నమోదైంది. వర్షాలతో వాతావరణం చల్లబడడంతో ప్రజలకు కొంత ఉపశమనం లభించినప్పటికీ పలుచోట్ల రహదారులపై నీరు చేరడంతో వాహనదారులు, ప్రయాణికులు ఇబ్బందులు పడుతున్నారు. లోతట్టు ప్రాంతాల్లో నీటిముంపు పరిస్థితులు ఏర్పడుతున్నాయి. వర్షపాతంలో అచ్యుతాపురం మండలం 225.3 మిల్లీమీటర్లతో జిల్లాలోనే అత్యధికంగా నమోదైంది. సబ్బవరం మండలం 221.8, మాడుగుల 199.48, పరవాడ 199.2, చోడవరం 190.5 కె.కోటపాడు 180.6, అనకాపల్లి 174.3, కశింకోట 173.5, రోలుగుంట 168.8, నర్సీపట్నం 168.4, దేవరాపల్లి 163.9, మాకవరపాలెం 163.4, మునగపాక 161.7, గొలుగొండ 160.6, కోటవురట్ల 154.8, రావికమతం 151.9, బుచ్చెయ్యపేట 148.3, చీడికాడ 141, నక్కపల్లి 141, రాంబిల్లి 134.5, యలమంచిలి 121.7, నాతవరం 121. పాయకరావుపేట,118.7, , ఎస్‌.రాయవరం 98.7 మిల్లీమీటర్ల చొప్పున వర్షపాతం నమోదైంది. పంటలకు ఊరట.. పశువుల మేతకు ఇబ్బందులు వరుసగా కురుస్తున్న వర్షాలతో జిల్లాలోని వ్యవసాయ భూములకు పుష్కలంగా నీరు అందడంతో పలు పంటలకు అనుకూల పరిస్థితులు ఏర్పడ్డాయి. అయితే ఇప్పటికే నీరు నిలిచిన ప్రాంతాల్లో మరింత వర్షం కురిస్తే పంట పొలాల్లో నీటిముంపు ఏర్పడే అవకాశం ఉందని రైతులు ఆందోళన వ్యక్తం చేస్తున్నారు. పశువులకు అవసరమైన పచ్చిమేత సేకరణ, పొలాలకు వెళ్లి మేత కోసుకొచ్చే విషయంలోనూ పశుపోషకులు ఇబ్బందులు ఎదుర్కొంటున్నారు. చెరువులను తలపించేలా రోడ్లపై నీటి ప్రవాహం వర్షాలకు పలు మండలాల్లో గ్రామీణ, ప్రధాన రహదారులపై నీరు చేరింది. దీంతో ద్విచక్ర వాహనదారులు, ఆటోలు, ఇతర వాహనాల రాకపోకలకు ఇబ్బందులు కొనసాగుతున్నాయి. కొన్ని లోతట్టు ప్రాంతాల్లో ఇళ్ల పరిసరాల్లోకి సైతం వర్షపు నీరు చేరడంతో స్థానికులు అప్రమత్తమయ్యారు. పొక్లెయిన్‌లతో నీటి తొలగింపు చర్యలు చేపడుతన్నారు. పలు ప్రాంతాల్లో రహదారులపై నిలిచిపోయిన వర్షపు నీటిని తొలగించేందుకు స్థానికులు స్వచ్ఛందంగా జేసీబీలను ఏర్పాటు చేసుకుని కాలువలు, నీటి ప్రవాహ మార్గాల్లో ఉన్న అడ్డంకులను తొలగిస్తూ నీరు సాఫీగా వెళ్లేలా చర్యలు చేపడుతున్నారు. దీంతో కొన్ని ప్రాంతాల్లో రహదారులపై నిలిచిన నీరు బయటకు వెళ్లేలా చేస్తున్నారు. అధికారులు కూడా లోతట్టు ప్రాంతాలపై ప్రత్యేక దృష్టి సారించి నీటిముంపు సమస్యలు తలెత్తకుండా చర్యలు తీసుకోవాలని కోరుతున్నారు.

డాబాగార్డెన్స్‌: నగరంలో వర్షాలు కొనసాగుతున్న నేపథ్యంలో ప్రజల ప్రాణ, ఆస్తి రక్షణకు జీవీఎంసీ సహాయక చర్యలు ముమ్మరం చేసినట్లు కమిషనర్‌ కేతన్‌గార్గ్‌ తెలిపారు. మరో రెండు రోజుల పాటు వర్షాలు కురిసే అవకాశం ఉన్నందున అధికారులు, సిబ్బంది క్షేత్రస్థాయిలో అందుబాటులో ఉండాలని గురువారం నిర్వహించిన టెలీకాన్ఫరెన్స్‌లో ఆదేశించారు. రోడ్లపై నిలిచిన నీటిని తొలగించడం, మ్యాన్‌హోల్స్‌, డ్రెయిన్లు, కాలువల్లో అడ్డంకులను తొలగించడం, కూలిన చెట్లు, గోడలను తొలగించి రాకపోకలకు అంతరాయం లేకుండా చర్యలు చేపట్టాలని సూచించారు. నగరంలో ముందస్తుగా 56 పునరావాస కేంద్రాలను సిద్ధం చేసి, ఇప్పటి వరకు 58 మందిని సురక్షిత ప్రాంతాలకు తరలించినట్లు కమిషనర్‌ తెలిపారు. గురువారం సాయంత్రం 7 గంటల వరకు 143 వర్ష సంబంధిత ఘటనలు, ఫిర్యాదులు నమోదు కాగా 140 పరిష్కరించినట్లు చెప్పారు. 89 చెట్లు కూలిన ఘటనల్లో తొలగింపు చర్యలు పూర్తయ్యాయని తెలిపారు. ప్రజలు అప్రమత్తంగా ఉండాలని, అధికారిక సమాచారాన్ని మాత్రమే అనుసరించాలని కలెక్టర్‌ ఎం.అభిషిక్త్‌ కిషోర్‌, కమిషనర్‌ కేతన్‌గార్గ్‌ సూచించారు.

అనకాపల్లి : స్థానిక ఎస్పీ కార్యాలయంలో ఏర్పాటు చేసిన గణపతి నవరాత్రులు ఉత్సవాలు గురువారం ముగిసాయి. అదనపు ఎస్పీ ఎల్‌.మోహనరావు గణపతికి ప్రత్యేక పూజలు చేశారు. ఈ సందర్బంగా ఆయన మాట్లాడుతూ ప్రశాంతమైన వాతావరణంలో ఈ ఏడాది నవరాత్రుల ఉత్సవాలను నిర్వహించడం జరిగిందన్నారు. కార్యాలయం ఆవరణలో మధ్యాహ్నాం పోలీసులు కుటుంబ సమేతంగా అన్నసమారాధన కార్యక్రమాన్ని నిర్వహించారు. ఈ కార్యక్రమంలో కార్యాలయం ఏవో సీహెచ్‌.తిలక్‌బాబు, సీఐలు టి.లక్ష్మీ, బాలసూర్యారావు, శ్రీనివాసరావు, రమేష్‌, రమణ్య, ఎస్‌ఐలు పాల్గొన్నారు.

అచ్యుతాపురం రూరల్‌: గృహావసరాలకు ఉపయోగించే వంటగ్యాస్‌ పక్కదారి పడుతోంది. ప్రత్యేక ఆర్థిక మండలి పరిధిలో కొంతమంది వ్యాపారులు చిన్న సిలిండర్లలోకి రీఫిల్లింగ్‌ చేసి అధిక ధరలకు విక్రయిస్తున్నారు. ఇది వరలో పౌరసరఫరాల అధికారులు నిర్వహించిన తనిఖీల్లో 82 సిలిండర్లు పట్టుబడటం స్థానికంగా కలకలం రేపింది. అచ్యుతాపురం, రాంబిల్లి మండలాల పరిధిలో సెజ్‌ కార్మికులు, వలస కార్మికులను ఆసరాగా చేసుకుని నిత్యావసరమైన వంట గ్యాస్‌ను అక్రమంగా విక్రయిస్తున్నారు. సాధారణ సిలిండర్లు బుక్‌ చేసుకున్న వారికి ఓటీపీ చెప్పాల్సిందేనని నిబంధనలు చెబుతున్న డీలర్లు.. అక్రమ రీఫిల్లింగ్‌ చేసుకునే వారికి మాత్రం రోజుకు పెద్ద మొత్తంలో సిలిండర్లు సరఫరా చేయడం ప్రశ్నార్థకంగా మారింది. గృహావసరాలకు అందని సిలిండర్లు పారిశ్రామిక ప్రాంతం పరిసరాల్లో వంట గ్యాస్‌ సరఫరా వ్యవస్థపై ప్రజల్లో తీవ్ర అసంతృప్తి వ్యక్తమవుతోంది. గృహావసరాల కోసం గ్యాస్‌ సిలిండర్‌ బుక్‌ చేస్తున్నప్పటికీ సకాలంలో అందడం లేదని వినియోగదారులు ఆవేదన వ్యక్తం చేస్తున్నారు. మరోవైపు పారిశ్రామిక ప్రాంతంలో హోటళ్లు, టిఫిన్‌ సెంటర్లు, ఫాస్ట్‌ ఫుడ్‌ సెంటర్లు, క్యాంటీన్లు, ఇతర వాణిజ్య సంస్థలకు గృహ వినియోగ సిలిండర్లు అధిక ధరలకు చేరుతున్నాయి. గృహావసరాలకు కేటాయించిన సిలిండర్లు వాణిజ్య అవసరాలకు మళ్లుతున్నాయి. గ్యాస్‌ బుక్‌ చేసుకున్నవారికి నెల, రెండు నెలలు కూడా ఆలస్యం అవుతుంది. అదే వ్యాపారులకు మాత్రం క్షణాల్లో అందుబాటులోకి ఉంటున్నాయి. గ్యాస్‌ బుక్‌ చేసినా బొగ్గుల పొయ్యే దిక్కు ఇంట్లో వంట గ్యాస్‌ సిలిండర్లు అయిపోయిన వెంటనే వినియోగదారులు సిలిండర్‌ కోసం బుకింగ్‌ చేసుకుంటున్నారు. అయితే బుకింగ్‌ చేసిన తర్వాత సిలిండర్‌ సకాలంలో అందక గృహిణులు కట్టెల పొయ్యి లేదా బొగ్గు పొయ్యి మీదో వంట చేసుకునే పరిస్థితి ఏర్పడింది. ఉరుకులు పరుగులు తీస్తూ జీవనం సాగించే ప్రస్తుత ప్రపంచంలో, బొగ్గుల పొయ్యిలపై ఆలస్యంగా వంటలు చేసుకుని దినసరి కూలి పనులు చేసుకోవడానికి వెళ్లేందుకు ప్రజలు అనేక ఇబ్బందులు ఎదుర్కొంటున్నారు. వ్యాపారులకు మాత్రం కొరత లేదు ఇళ్లకు సరఫరా కావాల్సిన గ్యాస్‌ సిలిండర్లు కొందరు వ్యాపారులకు ఎలా అందుతున్నాయనే ప్రశ్నలు వినియోగదారుల నుంచి వ్యక్తమవుతున్నాయి. గృహ వినియోగ సిలిండర్లను అధిక ధరలకు ఇతరులకు విక్రయించడంలో గ్యాస్‌ ఏజెన్సీలు తమదైన చేతివాటం చూపుతున్నాయి. ఒక్కో సిలిండర్‌ రూ.2 వేలు పైబడి అక్రమంగా అమ్ముకుంటూ కుబేరులవుతున్నారని, గ్యాస్‌ అమ్మకాలు చేసే వారు రోజుకు వేళల్లో అక్రమంగా సంపాదించుకుంటున్నారనే ఆరోపణలు లేకపోలేదు. ఎక్కడిపడితే అక్కడ అనధికారంగా గ్యాస్‌ నిల్వలు కొన్ని ప్రాంతాల్లో భద్రతా నిబంధనలను పట్టించుకోకుండా గ్యాస్‌ సిలిండర్లను నిల్వ ఉంచుతున్నారనే విమర్శలు ఉన్నాయి. జనావాసాల మధ్య, దుకాణాల వద్ద అనధికారంగా సిలిండర్లు నిలువలు ఉంటున్నాయని స్థానికులంటున్నారు. ఇలాంటి నిల్వల వల్ల ప్రమాదం సంభవిస్తే భారీ నష్టం జరిగే అవకాశం ఉందని ప్రజలు ఆందోళన చెందుతున్నారు. అధికారులు దృష్టి సారించాలి అనధికార నిల్వలు, అధిక ధరలకు నిక్రయాలు, గృహ వినియోగ సిలిండర్ల దుర్వినియోగంపై అధికారులు ప్రత్యేక దృష్టి సారించాలని వినియోగదారులు కోరుతున్నారు. గ్యాస్‌ ఏజెన్సీల వద్ద బుకింగ్‌ నుంచి డెలివరీ వరకూ ప్రక్రియను పరిశీలించి, సిలిండర్లను సకాలంలో వినియోగదారులకు చేరేలా చర్యలు తీసుకోవాలని కోరుతున్నారు. అక్రమంగా నిల్వలు ఉంచుతున్న వారిపై తనిఖీలు నిర్వహించి, నిబంధనలు ఉల్లంఘించిన వారిపై కఠిన చర్యలు తీసుకోవాలని కోరుతున్నారు. సిలిండర్‌ కోసం సామాన్యుడు ఎదురు చూడాల్సిన పరిస్థితి లేకుండా.. గ్యాస్‌ సరఫరాలో పారదర్శకత తీసుకురావాల్సిన అవసరం ఉందని కోరుతున్నారు.

మాజీ సీఎం జగన్‌మోహన్‌రెడ్డిని కలిసిన మాజీ డిప్యూటీ సీఎం బూడి ముత్యాలనాయుడు, మండల అధ్యక్షుడు బూరె బాబూరావు దేవరాపల్లి : వైఎస్సార్‌సీపీ అధ్యక్షుడు, మాజీ ముఖ్యమంత్రి వై.ఎస్‌.జగన్‌మోహన్‌రెడ్డిని గురువారం తాడేపల్లిలోని కేంద్ర కార్యాలయంలో మాజీ డిప్యూటీ సీఎం, వైఎస్సార్‌సీపీ శ్రీకాకుళం, పార్వతీపురం మన్యం జిల్లాల రీజనల్‌ కోఆర్డినేటర్‌ బూడి ముత్యాలనాయుడు, వైఎస్సార్‌సీపీ దేవరాపల్లి మండల అధ్యక్షుడు బూరె బాబూరావు మర్యాద పూర్వకంగా కలిశారు. స్థానిక ఎన్నికల్లో సమన్వయంతో పార్టీ అభ్యర్థుల గెలుపునకు కష్టపడి పని చేయాలని మాజీ సీఎం జగన్‌మోహన్‌రెడ్డి సూచించారని బూడి ముత్యాలనాయుడు చెప్పారు.

తుమ్మపాల : మొదటి ఏడాది నుంచి 19 ఏళ్ల వయసున్న సుమారు 3,11,885 మంది పిల్లలు, కిశోరులను లక్ష్యంగా చేసుకుని నులిపురుగుల నిర్మూలన చర్యలు చేపట్టనున్నట్టు కలెక్టర్‌ విజయకృష్ణన్‌ తెలిపారు. జాతీయ నులిపురుగుల నిర్మూలన దినోత్సవ కార్యక్రమాన్ని పురస్కరించుకుని గురువారం కలెక్టర్‌ చాంబర్‌లో నిర్వహించిన కార్యక్రమంలో పోస్టర్‌ను ఆమె ఆవిష్కరించారు. ఈ సందర్భంగా ఆమె మాట్లాడుతూ ఈ నెల 25న అంగన్‌వాడీ కేంద్రాలు, ప్రభుత్వ, ప్రైవేటు పాఠశాలలు, జూనియర్‌ కళాశాలల్లో ఆల్బెండజోల్‌ మాత్రలను పంపిణీ చేయనున్నామన్నారు. 1–2 ఏళ్ల పిల్లలకు 400 మిల్లీగ్రాములు ఆల్బెండజోల్‌ మాత్రలో సగం భాగాన్ని నీటిలో కలిపి ఇవ్వాలని, 2–19 ఏళ్ల వారికి ఒక పూర్తి మాత్రను నమిలి మింగేలా చూడాలని సూచించారు. భోజనం చేసిన అరగంట అనంతరం ఆరోగ్య సిబ్బంది, ఉపాధ్యాయుల సమక్షంలో మాత్రలు వేయించాలని ఆదేశించారు. మాత్రలు తీసుకోలేకపోయిన పిల్లల కోసం అక్టోబరు 5న మాప్‌–అప్‌ డే నిర్వహించి పంపిణీ చేస్తామని తెలిపారు. నులిపురుగుల సంక్రమణతో పిల్లల్లో రక్తహీనత, పోషకాహార లోపం, ఆకలి తగ్గడం, కడుపునొప్పి, బలహీనత వంటి సమస్యలు తలెత్తే అవకాశం ఉందన్నారు. పిల్లల ఆరోగ్యం, పోషకాహారం, పాఠశాల హాజరు మెరుగుపడేందుకు అర్హులైన ప్రతి ఒక్కరికీ నులిపురుగుల నిర్మూలన మాత్రలు అందేలా చర్యలు తీసుకోవాలని సూచించారు. జిల్లా వైద్య ఆరోగ్య శాఖ ఆధ్వర్యంలో విద్య, మహిళా శిశు సంక్షేమం, గిరిజన సంక్షేమం, మున్సిపల్‌ శాఖల సమన్వయంతో కార్యక్రమాన్ని విజయవంతం చేయాలన్నారు. అంగన్‌వాడీ కార్యకర్తలు, ఉపాధ్యాయులు, ఆశా కార్యకర్తలు, ఏఎన్‌ఎంలు, ఇతర ఆరోగ్య సిబ్బంది తమ పరిధిలోని అర్హులైన పిల్లలందరికీ మాత్రలు అందేలా ప్రత్యేక శ్రద్ధ వహించాలని సూచించారు. తల్లిదండ్రులు తమ పిల్లలకు నులిపురుగుల నిర్మూలన మాత్రలు తప్పనిసరిగా ఇప్పించి కార్యక్రమాన్ని విజయవంతం చేయాలని కోరారు.

● 1800 క్యూసెక్కుల ఇన్‌ఫ్లో ● ఒక్కరోజులోనే మీటర్‌ పెరిగి 104 మీటర్లకు చేరిన నీటిమట్టందేవరాపల్లి: తుఫాన్‌ ప్రభావంతో గత మూడు రోజులుగా కురుస్తున్న వర్షాలతో రైవాడ జలాశయంలోకి భారీగా వరదనీరు వచ్చి చేరుతుంది. గురువారం 1800 క్యూసెక్కుల ఇన్‌ఫ్లో కొనసాగుతుందని జలాశయం డీఈఈ జి. సత్యంనాయుడు తెలిపారు. దీంతో ఒక్క రోజు వ్యవధిలోనే మీటరు మేర జలాశయం నీటిమట్టం పెరిగిందని ఆయన తెలిపారు. కాగా జలాశయం నీటిమట్టం గరిష్ట నీటిమట్టం 114 మీటర్లు కాగా ప్రస్తుతం 104 మీటర్లకు చేరుకుంది. వర్షాలు విస్తారంగా కురుస్తుండడంతో జలాశయంలోకి మరింత ఇన్‌ఫ్లో పెరిగే అవకాశం ఉందని అధికారులు అంచనా వేస్తున్నారు.

పైపుల ద్వారా పెద్ద చెరువులోకి విడుదల చేస్తున్న రసాయన వ్యర్థ జలాలు పరవాడ: నిబంధనలకు విరుద్ధంగా చెరువులు, గెడ్డల్లోకి రసాయన వ్యర్థ జలాలను విడుదల చేస్తున్న ఫార్మా యాజమాన్యాలపై చర్యలు తీసుకోవాలని సిటు రాష్ట్ర కౌన్సిల్‌ సభ్యుడు గనిశెట్టి సత్యనారాయణ డిమాండ్‌ చేశారు. గురువారం ఆయన పెద్ద చెరువును పరిశీలించి, మీడియాతో మాట్లాడారు. వర్షాలు పడినప్పుడల్లా ఫార్మా పరిశ్రమల యాజమాన్యాలు శుద్ధి చేయని రసాయన వ్యర్థాలను యథేచ్ఛగా చెరువులు, గెడ్డలు, కాలువల్లోకి విడుదల చేస్తుండడం వలన ఆయా ప్రాంతాల ప్రజలు తీవ్ర అనారోగ్యాల బారిన పడుతున్నారని ఆందోళన వ్యక్తం చేశారు. కిడ్నీ, చర్మ, క్యాన్సర్‌, గుండె, ఊపిరితిత్తులకు సంబంధించిన వ్యాధులకు గురై నానా అవస్థలు పడుతున్నారని ఆవేదన వ్యక్తం చేశారు.

చెట్టుపడి గాయాలపాలయిన గొర్రెల మంద పాయకరావుపేట : మండలంలో గల పెంటకోట గ్రామానికి చెందిన కొల్లి రామలక్ష్మి రమణకు చెందిన 20 గొర్రెలు గాయాలపాలయ్యాయి. తుఫాన్‌ ప్రభావం కారణంగా ఈదురు గాలులు వేయడంలో ఇంటిపైన చెట్టు పడి ఇల్లు బీటలు వేసింది. పక్కనే వున్న గొర్రెల మందపై కూడా చెట్టు పడి సుమారు 20 గొర్రెలు కాళ్లు విరిగిపోగా, కొన్ని గొర్రెలకు నడుం విరిగిపోయి గాయపడ్డాయని రామలక్ష్మి రమణ దంపతులు విచారం వ్యక్తం చేసారు. గొర్రెలు మేపుకొంటూ వాటి ఆధారంగా జీవిస్తున్నట్టు తెలిపారు.

నీట్‌ పీజీ ఫలితాల్లో ఆలిండియా స్థాయిలో 5వేల ర్యాంక్‌ సాధించిన హరిణితో తల్లితండ్రులు శ్రీనివాసరావు, ప్రవళిక మునగపాక : నీట్‌ పీజీ 2026 పరీక్ష ఫలితాల్లో మునగపాకకు చెందిన కొమ్మూరి హరిణి ఆలిండియా స్థాయిలో 5వేల ర్యాంక్‌ను సాధించింది. నీట్‌ పీజీ పరీక్ష ఆగస్టు 30వ తేదీన నిర్వహించిన సంగతి తెలిసిందే. మునగపాకకు చెందిన కొమ్మూరి శ్రీనివాసరావు, ప్రవళిక దంపతుల కుమార్తె హరిణి ఆలిండియా స్థాయిలో 5000 ర్యాంక్‌ను సొంతం చేసుకున్నారు. హరిణి భువనేశ్వర్‌లోని ప్రఖ్యాత ఎయిమ్స్‌లో మెడిసిన్‌ చదువుకుంది. తల్లిదండ్రుల ప్రోత్సాహంతో పాటు మెడిసిన్‌లో ఫ్రొఫెసర్ల సహకారంతో తనకు ఈ ర్యాంక్‌ వచ్చినట్లు హరిణి తెలిపారు. హరిణి ప్రతిభకు మునగపాక గ్రామస్తులతో పాటు తల్లిదండ్రులు హర్షం వ్యక్తం చేస్తున్నారు.

తుమ్మపాల/అనకాపల్లి టౌన్‌ : జిల్లాలో 2026–27 సంవత్సరానికి మద్యం దుకాణాల కేటాయింపునకు సంబంధించి 39 షాపులకు నోటిఫికేషన్‌ విడుదలైందని జిల్లా ఎకై ్సజ్‌ అధికారి సుధీర్‌ ఒక ప్రకటనలో తెలిపారు. జిల్లాలో కొనసాగుతున్న 155 మద్యం దుకాణాల కాలపరిమితి ఈ నెల 30తో ముగియనుందని, వీటిలో 140 ఓపెన్‌న్‌కేటగిరీ, 15 గీత కులాలకు కేటాయించిన దుకాణాలు ఉన్నాయన్నారు. అక్టోబరు 1 నుంచి 2027 సెప్టెంబరు 30 వరకు) దుకాణాలను రెన్యువల్‌ చేసుకునేందుకు ప్రభుత్వం అవకాశం కల్పించిందన్నారు. రెన్యువల్‌ కోసం ప్రభుత్వం నిర్ధేశించిన గడువు సెప్టెంబర్‌ 23వ తేదీ రాత్రి 12 గంటలతో ముగిసిందన్నారు. ఈ అవకాశాన్ని 122 మంది దుకాణ యజమానులు వినియోగించుకున్నారన్నారు. వీటిలో 107 ఓపెన్‌న్‌కేటగిరీ, 15 గీత కులాలకు కేటాయించిన దుకాణాలు ఉన్నాయని పేర్కొన్నారు. 39 దుకాణాలకు కొత్తగా నోటిఫికేషన్‌ రెన్యువల్‌ చేసుకోని 33 ఓపెన్‌ కేటగిరీ దుకాణాలు, గత లీజు సంవత్సరంలో సరెండర్‌, రద్దు చేసిన 6 ఓపెన్‌ కేటగిరీ దుకాణాలు కలిపి మొత్తం 39 దుకాణాలకు గురువారం నోటిఫికేషన్‌ విడుదల చేశామన్నారు. మద్యం దుకాణాల కోసం ఆన్‌లైన్‌ దరఖాస్తుల స్వీకరణ గురువారం నుంచే ప్రారంభమైందని, అక్టోబరు 1వ తేదీ అర్ధరాత్రి 12 గంటల వరకు దరఖాస్తులు స్వీకరించనున్నట్లు తెలిపారు. ఆసక్తి ఉన్నవారు ఆన్‌లైన్‌ దరఖాస్తు వెబ్‌సైట్‌ ( https:// oc. hpfsproject. com? utm& source= chatgpt. com ) ద్వారా దరఖాస్తు చేసుకోవాలని సూచించారు. దరఖాస్తుల స్వీకరణ ప్రక్రియ పూర్తయిన అనంతరం అక్టోబరు 5న ఉదయం 8 గంటలకు అనకాపల్లి గుండాల జంక్షన్‌లోని ఎస్‌.ఆర్‌.శంకరన్‌ మీటింగ్‌ కాంప్లెక్స్‌లో లాటరీ ప్రక్రియ చేపట్టనున్నట్టు తెలిపారు.

దేవరాపల్లి : గురుకుల విద్యాలయంలో విద్యార్థులు వినియోగించగా వచ్చే వృధా నీటిని నిల్వ చేసి ఇతర అవసరాలకు వాడేందుకు ప్రణాళికలు సిద్ధం చేస్తున్నట్టు రాష్ట్ర పంచాయతీరాజ్‌ అడిషనల్‌ కమిషనర్‌ ఎం.శివప్రసాద్‌ తెలిపారు. తెనుగుపూడిలోని డా. బి.ఆర్‌. అంబేడ్కర్‌ బాలుర గురుకుల విద్యాలయాన్ని గురువారం ఆయన అకస్మికంగా సందర్శించారు. ఈ సందర్భంగా మాట్లాడుతూ తెనుగుపూడి గురుకుల విద్యాలయంతో పాటు కృష్ణా జిల్లా గొల్లనిపల్లిలోని విద్యాలయాన్ని పైలట్‌ ప్రాజెక్టుగా ఎంపిక చేసి చేశామన్నారు. వృథా నీరు నిల్వ ఉండడం కారణంగా దుర్వాసనతో పాటు అపరిశుభ్రతతో అంటు వ్యాధులు ప్రబలే ప్రమాదం ఉందన్నారు. ఈ నేపధ్యంలోఈ నీటిని ఫిల్టర్‌ చేయడానికి రెండు ఫిల్టరేషన్ల చాంబర్లను నిర్మిస్తామన్నారు. శుద్ధి చేసిన నీటిని నిల్వ చేసి విద్యాలయ ప్రాంగణంలో నాటిన మొక్కల పెంపకానికి వినియోగిస్తామన్నారు. పరిశుభ్రతతో పాటు విద్యార్థుల ఆరోగ్యం, భూగర్భ జలాల పరిరక్షణకు దోహదపడే ఈ ప్రాజెక్టుకు వీబీజీ రామ్‌జీ పథకంలో రూ. 2 లక్షలు చొప్పున ఖర్చు చేస్తున్నట్టు ఆయన స్థానిక విలేకరులకు తెలిపారు. వీబీజీ రామ్‌జీ పథకం పీడీ నిర్మలాదేవి తదితర అధికారులతో సమావేశమై ఈ ప్రాజెక్టు అమలు తీరును వివరించారు. రెండు రోజుల్లో ప్రతిపాదనలు సిద్ధం చేసి జిల్లా కలెక్టర్‌ అనుమతితో ప్రతిపాదనలను పంపించాలని ఆదేశించారు. నెట్‌ జీరో కార్యక్రమంలో భాగంగా రూపకల్పన చేసిన ఈ ప్రాజెక్టు సత్ఫలితాలిస్తే రాష్ట్రంలో మిగిలిన పాఠశాలకు విస్తరిస్తామన్నారు. ఆయన వెంట స్థానిక ఇన్‌చార్జి ఎంపీడీవో ఎస్‌.కిరణ్‌ వరప్రసాద్‌, ఇన్‌చార్జ్‌ డిప్యూటీ ఎంపీడీవో బి.అనంత ఉమాదేవి, వీబీజీ రాంజీ ఏపీవో వై. రుక్మిణీదేవి, స్థానిక గురుకులం ఇన్‌చార్జి ప్రిన్సిపాల్‌ శ్రీనివాసరావు తదితరులు పాల్గొన్నారు.

కశింకోట: కశింకోటలోని హజరత్‌ సయ్యద్‌ అబ్దుల్‌ అజీజ్‌ షా ఖాదరీబాబా దర్గా ఉరుసు ఉత్సవాలు ఘనంగా ముగిశాయి. చివరి రోజు గురువారం సాయంత్రం చిరాగి (దీపారాధన) ఉత్సవాన్ని నిర్వహించారు. ఈ సందర్భంగా దర్గా ప్రాంగణంలో ముస్లింలు, భక్తులు దీపారాధన చేశారు. దర్గా వద్ద ఖురాన్‌ పఠనం, ప్రత్యేక ప్రార్థనలు జరిపారు. వేడుకల్లో భాగంగా మైసూర్‌కు చెందిన గాయకురాలు రోష్ని, బెంగళూరుకు చెందిన ఖాదర్‌ నాజర్‌ బృందం ఆధ్వర్వంలో బుధవారం రాత్రి నిర్వహించిన ఖవ్వాలీ ఆకట్టుకుంది. కశింకోటలోని సయ్యద్‌ అబ్దుల్‌ అజీజ్‌ షా ఖారదీబాబా దర్గా వద్ద దీపారాధన

మునగపాక : దీపం ఉన్నపుడే ఇళ్లు చక్కదిద్దుకోవాలన్న ఆశ కూటమి నేతల్లో పెరుగుతుంది. వచ్చిన అవకాశాన్ని నగదు రూపంలో సాధించుకునేందుకు అధికార పార్టీకి చెందిన నేత ఒకరు తమవంతు ప్రయత్నాలు చేస్తున్నట్టు ప్రచారం జరుగుతుంది. ఆశ పోస్టు కేటాయింపునకు మండల స్థాయి నేత రూ.4 నుంచి 5లక్షల వరకు డిమాండ్‌ చేస్తున్నట్టు విశ్వసనీయంగా తెలుస్తుంది. పోస్టు మంజూరు మెరిట్‌ ద్వారా జరగాలని లేకుంటే న్యాయ పోరాటానికి సైతం అంటూ టీడీపీకి చెందిన నేత ఒకరు సంబంధిత అధికారుల ఎదుట కరాఖండీగా చెప్పినట్టు ప్రచారం జరుగుతుంది. ఇందుకు సంబంధించిన వివరాలిలా ఉన్నాయి. మునగపాక మండలం టి.సిరసపల్లికి గ్రామ పరిధిలో ఆశ కార్యకర్త పోస్టు భర్తీకి ప్రభుత్వం నోటిఫికేషన్‌ విడుదల చేసింది. పోస్టు మంజూరుకు పలు నిబంధనలు తప్పనిసరిగా పేర్కొంది. ఇందుకోసం గ్రామానికి చెందిన అయిదుగురు వ్యక్తులు సంబంధిత పోస్టుకు దరఖాస్తు చేసుకున్నారు. వారిలో ఇద్దరి దరఖాస్తులను సక్రమంగా లేని కారణంగా అధికారులు తిరస్కరించారు. ఒక్కపోస్టుకు ముగ్గురు వ్యక్తులు దరఖాస్తు చేసుకున్నారు. త్వరలో డీఎంఅండ్‌హెచ్‌వో కార్యాలయం ద్వారా నియామకం మెరిట్‌ ప్రాతిపదికన నిర్వహించాల్సి ఉంది. ఇదే అదనుగా మండలానికి చెందిన కూటమి కీలక నేత సంబంధిత పోస్టు మంజూరుకు ధర నిర్ణయించినట్లు ప్రచారం జరుగుతుంది. రూ.4 నుంచి రూ.5 లక్షల వరకు పోస్టుకోసం అడ్డదారిన ప్రయత్నాలు చేస్తున్నారన్న వాదన వినిపిస్తుంది. విషయం తెలుసుకున్న టి.సిరసపల్లికి చెందిన టీడీపీ నాయకులు పి.వీరప్పారావు అశ కార్యకర్త పోస్టును మెరిట్‌ ద్వారా భర్తీ చేయాలంటూ ఇటీవల జిల్లా కలెక్టర్‌ కార్యాలయంలో ఫిర్యాదు చేశారు. ఫిర్యాదు మేరకు ఆశ కార్యకర్త పోస్టుకు ఎంతమంది దరఖాస్తులు చేసుకున్నారు...అలాగే ఎన్ని తిరస్కరణకు గురయ్యాయనే వివరాలను గురువారం మునగపాక పీహెచ్‌సీ వైద్యాధికారి విమలగిరి అర్జీదారుడైన వీరప్పారావుకు అందజేశారు. కాగా ఆశ కార్యకర్త పోస్టును మెరిట్‌ ద్వారా భర్తీ చేయాలని ఎటువంటి అవకతవకలకు అవకాశం లేకుండా అధికారులు తగు చర్యలు తీసుకోవాలని ఆయన కోరుతున్నారు. రానున్న రోజుల్లో ఈ పోస్టు భర్తీకి సంబందించి మెరిట్‌ ఆధారమా లేకుంటే పలుకుబడి కలిగిన వ్యక్తి ప్రమేయమా అన్నది తేలాల్సి ఉంది.

పాయకరావుపేట : శ్రీ ప్రకాష్‌ విద్యా సంస్థల అనుబంధ సంస్థ స్పేసెస్‌ డిగ్రీ కళాశాల కామర్స్‌ అండ్‌ మేనేజ్‌మెంట్‌ లెక్చరర్‌, ఎన్‌ఎస్‌ఎస్‌ ప్రోగ్రామ్‌ ఆఫీసర్‌ జిల్లా ఎన్‌ఎస్‌ఎస్‌ నోడల్‌ అధికారి జి.తాతయ్య నాయుడు ఆంధ్ర విశ్వవిద్యాలయ ఉత్తమ ఎన్‌ఎస్‌ఎస్‌ ప్రోగ్రామ్‌ ఆఫీసర్‌ అవార్డును అందుకున్నట్టు విద్యాసంస్థల సంయుక్త కార్యదర్శి సిహెచ్‌.విజయ్‌ప్రకాష్‌ తెలిపారు. విశాఖలోని ఆంధ్ర విశ్వవిద్యాలయంలో కాలేజీ కోదండరామయ్య బ్లాక్‌లో జరిగిన కార్యక్రమంలో ఆంధ్రప్రదేశ్‌ రాష్ట్ర ఎన్‌ఎస్‌ఎస్‌ అధికారి డా.ఎం.సుధాకర్‌, ఆంధ్ర విశ్వవిద్యాలయం రెక్టార్‌ ప్రొఫెసర్‌ పులిపాటి కింగ్‌ చేతుల మీదుగా అవార్డును స్వీకరించారన్నారు. విద్యార్థుల్లో సేవాభావం, సామాజిక బాధ్యతను పెంపొందిస్తూ రక్తదాన శిబిరాలు, పారిశుధ్య కార్యక్రమాలు, అవగాహన ర్యాలీలు, పర్యావరణ పరిరక్షణ, సామాజిక సేవా కార్యక్రమాల్లో ఎన్‌ఎస్‌ఎస్‌ వలంటీర్లను చురుగ్గా భాగస్వాములను చేసినందుకు ఆయన సేవలకు ఈ అవార్డు లభించిందన్నారు. ఈ సందర్భంగా విద్యాసంస్థల అధినేత నరసింహారావు, కళాశాల ప్రిన్సిపాల్‌ డా.ఎ.ఆర్‌.కె.రెడ్డితో పాటు అధ్యాపకులు అభినందించారు.

నాతవరం : పండంటి బాబు పుట్టి 15 రోజులైంది...పుట్టింట్లో తల్లిదండ్రులతో ఆనందంగా గడుపుతోంది. బిడ్డ పుట్టిన ఆనందం పంచుకోవడానికి భర్త కూడా అత్తవారింటికి వచ్చాడు. రాత్రి కుటుంబ సభ్యులంతా సరదాగా కబుర్లు చెప్పుకుని భోజనాలు చేసి హాయిగా నిద్రించారు. కానీ తెల్లవారకముందే ఆ కుటుంబంలో ఆనందం తలకిందులైంది. చిమ్మచీకట్లో విద్యుత్‌ వైర్ల రూపంలో విద్యుదాఘాతం బాలింత ఉసురు తీసింది. ఆమెను కాపాడాలని ఆతృతతో కుమార్తెను పొదివిపట్టుకున్న తల్లి కూడా విద్యుదాఘాతానికి బలైంది. ఈ విషాద ఘటన నాతవరంలో బుధవారం రాత్రి చోటు చేసుకుంది. ఎస్‌ఐ వై.తారకేశ్వరరావు అందించిన వివరాలిలా ఉన్నాయి. నాతవరం గ్రామానికి చెందిన గొంప చిన్నబ్బాయి అలియాస్‌ అప్పారావు కుటుంబ సభ్యులతో కలసి బుధవారం రాత్రి భోజనాలు చేసి నిద్రించారు. గురువారం తెల్లవారు 3:30 గంటల సమయంలో చిన్నబ్బాయి కుమార్తె రొంగలి జానకి (28) ఇంటిలోపల బాతురూమ్‌కు వెళ్లింది. భారీ వర్షం కారణంగా ఇంటికి విద్యుత్‌ కోసం ఏర్పాటు చేసిన సర్వీసు వైరు తెగిపోయి కిందికి వేలాడుతోంది. చీకట్లో ఆ వైర్లను జానకి పట్టుకోవడంతో షాక్‌ కొట్టి కింద పడిపోయి పెద్దగా కేకలు వేసింది. ఇది విన్న జానకి తల్లి మంగ(58) పరుగెత్తి కెళ్లి కుమార్తెను కాపాడాలన్న ఆతృతతో గట్టిగా పట్టుకోవడంతో ఆమె కూడా షాక్‌కు గురై కింద పడిపోయి కేకలు వేసింది. ఆ కేకలు విన్న జానకి భర్త రొంగలి నాగరాజు కూడా భార్యను అత్తను కాపాడేందుకు చెక్క కర్రతో విద్యుత్‌ వైర్లు తొలగించే ప్రయత్నం చేసి షాక్‌కు గురై తీవ్రంగా గాయపడ్డాడు. ఆ ఇంట్లో పెద్దగా కేకలు వినిపిస్తున్న విషయాన్ని ఇంటి పక్కనే నివాసం ఉంటున్న అంకంరెడ్డి కుమారి గమనించి వెంటనే విద్యుత్‌ కార్యాలయానికి, పోలీసులకు సమాచారం ఇవ్వడంతో విద్యుత్‌ సరఫరా నిలుపుదల చేశారు. భారీ వర్షం కురుస్తుండగా నాతవరం ఎస్‌ఐ వై.తారకేశ్వరరావు సిబ్బందితో సంఘటన స్థలానికి గొడుగులతో చేరుకున్నారు. ఇంటి లోపల సంఘటన స్థలంలో విద్యుత్‌ షాక్‌ కొట్టి నేలపై పడి ఉన్న వారిని బ్యాటరీ లైట్ల వెలుతురులో పరిశీలించగా తల్లి మంగ, కుమార్తె జానకి మరణించి పడిఉన్నారు. తీవ్ర గాయాలతో అపస్మారక స్థితిలో పడి ఉన్న రొంగలి నాగరాజు ఛాతీపై బలంగా ఒత్తిడి చేయడంతో కదలిక వచ్చింది. వెంటనే అతనిని 108లో నాతవరం పీహెచ్‌సీకి తరలించారు. పరిస్థితి విషమంగా ఉండడంతో మెరుగైన వైద్యం కోసం నర్సీపట్నం ఏరియా అసుపత్రికి తరలించి చికిత్స అందిస్తున్నారు. కళ్ల ముందే భార్య మంగ, కుమార్తె జానకి మరణించడంతో చిన్నబ్బాయి భోరున విలపించాడు. జరిగిన ప్రమాదంపై ఎస్‌ఐ తారకేశ్వరరావు కేను నమోదు చేసి పంచనామా అనంతరం పోస్టుమార్టం నిమిత్తం మృతదేహాలను నర్సీపట్నం ఏరియా అసుపత్రికి తరలించారు. విగత జీవులుగా తల్లి, చెల్లి... మృతురాలు మంగకు కుమార్తె జానకితో పాటు కుమారుడు రాజేష్‌ ఉన్నారు. రాజేష్‌ విజయనగరం జిల్లాలో ఎస్‌ఐగా పని చేస్తున్నారు. తల్లి, చెల్లి మరణించారన్న వార్త తెలిసి గురువారం తెల్లవారునే బయలుదేరి ఇంటికి వచ్చిన రాజేష్‌ మృతదేహాలను చూసి బోరున విలపించారు. జానకి 15 రోజుల బాలింత జానకిని మాకవరపాలెం మండలం తమ్మమ్యపాలేనికి చెందిన నాగరాజుకు ఇచ్చి వివాహం చేశారు. వారికి మొదటి బిడ్డ ఐదేళ్ల బాబు ఉండగా, రెండో కాన్పులో మళ్లీ బాబు పుట్టాడు. భార్య జానకిని చూసేందుకు నాగరాజు అత్తవారింటికి నాతవరం వచ్చాడు. ఈ నేపథ్యంలో కుటుంబ సభ్యులంతా ఆనందంగా ఉన్న తరుణంలో ఈ దుర్ఘటన చోటుకుని తీవ్ర విషాదంలో ముంచింది. బీఎస్సీ నర్సింగ్‌ చదువుకున్న జానకి ప్రభుత్వ ఉద్యోగం కోసం ప్రిపరేషన్‌లో ఉన్నారు.

మహారాణిపేట: ఉమ్మడి విశాఖ జిల్లా పరిషత్‌ ప్రస్థానంలో ఒక అధ్యాయం ముగిసింది. జె.సుభద్ర అధ్యక్షతన కొనసాగిన జెడ్పీ పాలకవర్గం గడువు గురువారంతో పూర్తయింది. జిల్లాల పునర్విభజన నేపథ్యంలో సుదీర్ఘ చరిత్ర కలిగిన విశాఖ జెడ్పీ స్వరూపం మారిపోనుంది. శుక్రవారం నుంచి కొత్త జిల్లాల్లో ప్రత్యేక అధికారుల పాలన ప్రారంభం కానుంది. ఉమ్మడి విశాఖ జిల్లా పరిషత్‌కు దాదాపు 67 ఏళ్ల సుదీర్ఘ చరిత్ర ఉంది. దీని పరిధిలో మొత్తం 39 మండలాలు ఉండగా.. జిల్లాల విభజన తర్వాత విశాఖపట్నం జిల్లాకు 4, అనకాపల్లికి 24, అల్లూరి సీతారామరాజు జిల్లాకు 11 మండలాలు కేటాయించారు. 2021 సెప్టెంబర్‌ 25న బాధ్యతలు స్వీకరించిన పాలకవర్గం గడువు తీరడంతో ఉమ్మడి జెడ్పీ పేరు కనుమరుగవుతోంది. గడువు ముగిసిన నేపథ్యంలో జెడ్పీల పాలనకు ప్రభుత్వం ప్రత్యేక అధికారులను నియమిస్తూ ఉత్తర్వులు జారీ చేసింది. విశాఖపట్నం జిల్లా ప్రత్యేక అధికారిగా కలెక్టర్‌ ఎం.అభిషిక్త్‌ కిశోర్‌, అనకాపల్లి జిల్లాకు కలెక్టర్‌ విజయకృష్ణన్‌, అల్లూరి సీతారామరాజు జిల్లాకు కలెక్టర్‌ పి.నిశాంతిలు బాధ్యతలు చేపట్టనున్నారు. అధికారులతో పాటు అవసరమైన సిబ్బంది కేటాయింపులు కూడా పూర్తయ్యాయి.

ఓ పచ్చనేత మోసం.. దళితులకు శాపమైంది. యాభై ఏళ్ల క్రితం దళితులకు ఇచ్చిన భూముల్ని నాటకీయ పరిణామాల మధ్య జప్తు చేస్తూ రెవెన్యూ అధికారి ఇచ్చిన ఉత్తర్వులు ఇప్పుడు చర్చనీయాంశంగా మారాయి. 8 నెలల నుంచి తమ భూముల హక్కుల కోసం పోరాటం చేస్తున్న 16 దళిత కుటుంబాల వైపు కన్నెత్తి చూడకుండా జిల్లా అధికారులు, కూటమి నేతలు వ్యవహరించడం శోచనీయం. ● పంచదార్ల 8 నెలల పోరాటానికి దొరకని పరిష్కారం ● యాభై ఏళ్ల క్రితం 16 దళిత కుటుంబాలకు ఇచ్చిన 43 ఎకరాలు జప్తు ● పట్టించుకోని జనసేన ఎమ్మెల్యే, ప్రశ్నించని అధినేత సాక్షి, అనకాపల్లి : రాంబిల్లి మండలంలోని పంచదార్ల పరిధిలో ఉన్న 16 దళిత కుటుంబాలకు 1978లో అప్పటి ప్రభుత్వం ఢీ పట్టాలిచ్చింది. ఒక్కొక్కరికి 2.77 ఎకరాల చొప్పున ఈ భూముల్ని దళితులకు ఇచ్చారు. అత్యంత విశాలమైన చోడపల్లి–కొత్తూరు కొండకు ఆనుకొని పంచదార్ల సర్వే నంబర్‌ 2/1లో ఉన్న ఈ భూముల విస్తీర్ణం 43 ఎకరాల వరకూ ఉంటుంది. అప్పట్లో ఈ భూముల విలువ పెద్దగా లేనందున ఎవ్వరూ పట్టించుకోలేదు. దళిత కుటుంబాలకు చెందిన రైతులు జీడి, మామిడి, అకీస్‌ వంటి పంటల్ని సాగు చేసుకుంటూ వారి కుటుంబాల్ని నెట్టుకొచ్చారు. కాలక్రమేణా అచ్యుతాపురం, రాంబిల్లి పరిసరాల్లో నెలకొల్పిన పరిశ్రమలతో గ్రావెల్‌తో కూడిన ఈ ప్రాంత భూములకు డిమాండ్‌ పెరిగింది. భూముల్ని చదును చేయిస్తానని చెప్పి గ్రావెల్‌ దోపిడీ... ఈ ప్రాంతానికి టీడీపీ నేత దళితులకు ఇచ్చిన డీ పట్టా భూముల్ని చదును చేయిస్తానని చెప్పడంతో పాటు కొందరు దళితులకు కొంత నగదు ముట్టజెప్పి భారీ స్థాయిలో గ్రావెల్‌ దోపిడీ జరిపారు. అదే ఇక్కడి దళితులకు శాపంగా మారింది. పెద్దగా అక్షరజ్ఞానం లేని ఇక్కడి దళిత రైతులకు ఆ పచ్చనేత గ్రావెల్‌ అమ్ముకున్నట్టు తెలియదు. జిల్లా ఉన్నతాధికారుల నివేదికలో గ్రావెల్‌ తవ్వకాలు జరిపారని ఒక అభియోగాన్ని చూపి వారి డీ పట్టాల జప్తు చేయడం..ఇందులో ఒక నాటకీయ పరిణామం. హుద్‌హుద్‌ పరిహారం కూడా వచ్చింది... ఈ ప్రాంత రైతులు సాగు చేసుకున్న జీడి, మామిడి పంటలకు 2014లో వచ్చిన హుద్‌హుద్‌ తుపాను కారణంగా నష్టం కలిగిందని, ఒక్కో రైతుకు 24 వేల రూపాయల చొప్పున పరిహారం కూడా అందజేశారు. దీనికి బట్టి రైతులు సాగులో ఉన్నట్టేనన్నది స్పష్టమవుతోంది. ఆందోళన బాటలోకి... ఈ ఏడాది సంక్రాంతి సమయంలో జరిగిన ఈ తతంగంతో మోసపోయిన దళితులు తమకు న్యాయం చేయమని అధికారులకు వినతి పత్రాలు సమర్పించ్చారు. ఫిబ్రవరి నుంచి ఆయా స్థలాల్లో దీక్షా శిబిరాలు నిర్వహించారు. ఇప్పటికి సుమారు 8 నెలలు కావస్తోంది. ఈ క్రమంలోనే ప్రజా సంఘాల నేతలు, వైఎస్సార్‌సీపీ నేతలు బాధితుల దీక్షలకు సంఘీభావం పలికారు. మరోవైపు కోర్టుని సైతం ఆశ్రయించారు. ప్రస్తుతం ఈ అంశం ఆర్డీవో కోర్టు పరిఽధిలో ఉన్నట్టు సమాచారం. ఇంత జరుగుతున్నప్పటికీ స్థానిక ఎమ్మెల్యే గానీ, ఆయన అధినేత పవన్‌ కళ్యాణ్‌ గానీ దళిత రైతులకు మద్దతు ప్రకటించకపోవడం పట్ల సర్వత్రా విమర్శలు వ్యక్తమవుతున్నాయి. పోరాటం ఆపేది లేదు... మా భూముల్ని దక్కించుకునేందుకు చేసే పోరాటం ఆపం. మా ప్రాంతానికి చెందిన టీడీపీ నేత మమ్మల్ని నమ్మించి మోసం చేశారు. కూటమి ప్రభుత్వం కనీసం పట్టించుకోవడం లేదు. ఒక్క పైసా ఇవ్వకుండా భూముల్ని ఎలా తీసుకుంటారు. ప్రభుత్వానికి భూములు అవసరమైతే చట్టపరంగా మా సమ్మతితో పరిహారం ఇచ్చి స్వాధీనం చేసుకోండి. –రాజు, బాధిత దళిత కుటుంబాల ప్రతినిధి స్కెచ్‌ మొదలైంది ఇక్కడే...? అచ్యుతాపురం, రాంబిల్లి సెజ్‌ నిర్వాసితుల్లో కొందరికి ఇంకా ఇళ్ల స్థలాలు అందజేయలేదు. దీంతో దళితుల భూములపై కూటమి ప్రజాప్రతినిధి కన్నుపడింది. రెవెన్యూ అధికారి, స్థానిక టీడీపీ నేతలు హైడ్రామా మొదలుపెట్టారు. స్థానికంగా అన్ని వ్యవహరాలు చక్కదిద్దే కూటమి ప్రజా ప్రతినిధి సేవలో ఉన్న టీడీపీ నేత దళిత రైతులకు చెందిన కొందరు ప్రతినిధులను పిలిపించి మీకు ఎకరానికి రూ.25 నుంచి 30 లక్షలకు పైగా పరిహారం ఇప్పిస్తానని నమ్మబలికారు. ఈ క్రమంలో మీకు వచ్చే నోటీసులను ఎట్టి పరిస్థితుల్లోనూ తీసుకోవద్దని సూచించారు. ఇది తెలియని దళితులు రెండు విడతల్లో వచ్చిన నోటీసుల్ని పట్టించుకోలేదు. మూడోసారి వచ్చిన నోటీసుల్ని కూడా తీసుకోకపోతే ఆటోమేటిక్‌గా రైతులు అక్కడ సాగులో లేరనే సాకు చూపి డీ పట్టాల్ని రద్దు చేయడమే అసలు పన్నాగం. దళితుల్లో కొందరికి అనుమానం వచ్చి మూడోసారి వచ్చిన నోటీసులను తీసుకొని చదవడంతో అసలు బండారం బయటపడింది. ఆ నోటీసుల్లో ఉన్న సారాంశం మేరకు రైతులు 18 సంవత్సరాలుగా ఊర్లో లేరని, మూడు సంవత్సరాలుగా సాగులో లేరని ఉంది. దీంతో అది చూసిన దళిత రైతులు అవాక్కయ్యి స్థానిక టీడీపీ నేతను నిలదీశారు. అప్పటి వరకూ నమ్మబలికిన టీడీపీ నేత దళితులకు ఎదురు తిరగడంతో డీ పట్టాల హక్కు రైతుల చేయి దాటిపోయినట్టయ్యింది. ఈ నోటీసులకు తోడు గతంలో ఒక టీడీపీ నేత భూముల్ని చదును చేయిస్తానని చేపట్టిన గ్రావెల్‌ తవ్వకాలను బేరీజు వేసుకొని డీ పట్టాల్ని జప్తు చేసినట్టు వెలుగులోకి వచ్చింది.

తుమ్మపాల : అల్పపీడన ప్రభావంతో జిల్లావ్యాప్తంగా విస్తారంగా వర్షాలు కురుస్తున్నాయి. మంగళవారం నుంచి బుధవారం సాయంత్రం వరకు పలు మండలాల్లో భారీ వర్షపాతం నమోదైంది. ముఖ్యంగా పరవాడ, కోటవురట్ల, నక్కపల్లి, సబ్బవరం, మాకవరపాలెం మండలాల్లో 100 మిల్లీమీటర్లకు పైగా వర్షపాతం నమోదైంది. జిల్లా వ్యాప్తంగా గడిచిన రెండు రోజుల్లో నమోదైన వర్షపాతం సగటు 89.3 మిల్లీమీటర్లుగా ఉంది. పరవాడ మండలంలో అత్యధికంగా 112.7 మిల్లీమీటర్లు వర్షపాతం నమోదైంది. ఆ తర్వాత కోటవురట్ల, నక్కపల్లి మండలాల్లో చెరో 107 మిల్లీమీటర్లు, సబ్బవరం మండలంలో 103.9 మిల్లీమీటర్లు, మాకవరపాలెం మండలంలో 101 మిల్లీమీటర్లు. వర్షపాతం నమోదైంది. అనకాపల్లి మండలంలో 98.7 మిల్లీమీటర్లు, చోడవరం మండలంలో 98.5 మిల్లీమీటర్లు వర్షపాతం నమోదైంది. బుధవారం ఉదయం 8.30 గంటల నుంచి సాయంత్రం 6 గంటల వరకు నమోదైన వర్షపాతంలో నక్కపల్లిలో 47.4 మిల్లీమీటర్లు, మాకవరపాలెంలో 52.4 మిల్లీమీటర్లు నమోదైంది. వర్షాలతో లోతట్టు ప్రాంతాలు, వ్యవసాయ భూముల్లో నీరు చేరే అవకాశం ఉండడంతో ప్రజలు అప్రమత్తంగా ఉండాలని అధికారులు సూచిస్తున్నారు. ఇప్పటికే ఖరీఫ్‌ సాగులో ఉన్న పంటలకు ఈ వర్షాలు కొంతవరకు ప్రయోజనం కలిగించే అవకాశం ఉన్నప్పటికీ, అధిక వర్షపాతం నమోదయ్యే ప్రాంతాల్లో పొలాల్లో నీరు నిల్వ ఉండకుండా రైతులు తగిన జాగ్రత్తలు తీసుకోవాల్సి ఉంది. పలు చోట్ల రోడ్లు చెరువులను తలపించేలా తయారయ్యాయి. రోడ్లపై గుంతల్లో నీరు చేరడంతో ప్రయాణికులు తీవ్ర ఇబ్బందులు పడుతున్నారు. మండలాల వారీగా వర్షపాతం వివరాలు (మిల్లీమీటర్లు.)

చోడవరం : ఒక పక్క చెరకు రైతుల బకాయిల కోసం వైఎస్సార్‌సీపీ ఆధ్వర్యంలో మహాజనసభ నిర్వహించేందుకు సిద్ధమౌతున్న సమయంలో ఎట్టకేలకు బకాయిలు చెల్లించేందుకు రాష్ట్ర క్యాబినెట్‌ నిర్ణయం తీసుకుంది. బుధవారం జరిగిన రాష్ట్ర మంత్రి వర్గ సమావేశంలో గోవాడ చెరకు రైతులకు చెల్లించాల్సిన రూ.28.43 కోట్లు బకాయిలు చెల్లించేందుకు క్యాబినెట్‌ ఆమోదం తెలిపింది. గోవాడ సుగర్‌ ఫ్యాక్టరీ 2023–24 క్రషింగ్‌ సీజన్‌కు సంబంధించి చెరకు సరఫరా చేసిన రైతులకు రూ.28.43 కోట్లు ఫ్యాక్టరీ చెల్లించాల్సి ఉంది. ఆర్థిక పరిస్థితి బాగోలేక అప్పుల్లో కూరుకుపోయిన ఫ్యాక్టరీ ఆ మొత్తాన్ని రైతులకు చెల్లించలేక 40 శాతానికి మించి వాటా ఉన్న ప్రభుత్వం నుంచి ఆర్థికసాయం కోరింది. అయితే కూటమి కూటమి ప్రభుత్వం అధికారంలోకి వచ్చాక రైతుల బకాయిలు చెల్లించేందుకు అవసరమైన డబ్బులు సమకూర్చేందుకు ఆసక్తి చూపలేదు. అంతకుముందు ఐదేళ్ల పాటు అప్పటి వైఎస్సార్‌సీపీ ప్రభుత్వం ఏటా రూ.15 కోట్లు నుంచి 20 కోట్లు వరకూ సాయం చేసి ఐదేళ్లలో రూ.90కోట్లు మేర రైతుల చెరకు పేమెంట్స్‌, ఫ్యాక్టరీకి నిర్వహణకు ఆర్థిక సాయం అందించింది. 2024లో టీడీపీ కూటమి ప్రభుత్వం వచ్చాక 2023–24లో సీజన్‌కు సంబంధించి రైతులకు చెరకు బకాయిలు చెల్లించడానికి నిధులు సమకూర్చలేదు. ఫ్యాక్టరీ యాజమాన్యం అనేకమార్లు ప్రభుత్వానికి లేఖలు ఇచ్చినా ఫలితం లేకపోయింది. 2024 నుంచి రెండేళ్లుగా కూటమి ప్రభుత్వం ఫ్యాక్టరీ క్రషింగ్‌ చేయకుండా వదిలేసింది. రెండేళ్లుగా ఇటు పాత బకాయిలు ఇవ్వక, మరో పక్క ఫ్యాక్టరీ క్రషింగ్‌ కూడా చేయకపోవడంతో రైతులకు దిక్కుతోచని పరిస్థితి నెలకొంది. రైతులు, అఖిల పక్షాలు, రైతు సంఘాలు పరోక్ష, ప్రత్యక్ష పోరాటాలు చేసి చేసి అలసిపోయారు. మరో పక్క ఫ్యాక్టరీ క్రషింగ్‌ చేయకుండా మూసేయడంతో కార్మికులకు, సిబ్బందికి కూడా నెలవారీ జీతాలు ఇవ్వలేని పరిస్థితి ఏర్పడింది. ఇప్పటి వరకూ కార్మికులకు కూడా సుమారు రూ. 3కోట్లు మేర జీతభత్యాలు చెల్లించాల్సి ఉంది. దీంతో రైతులు, కార్మికులు కూడా కలిసి అనేక పోరాటాలు చేశారు. అయినా ప్రభుత్వం ఎటువంటి సాయం చేయలేదు. బకాయిల కోసం రైతులు ఎక్కడ నిలదీస్తారోనన్న భయంతో ఏటా నిర్వహించాల్సిన ఫ్యాక్టరీ సభ్య రైతుల మహాజన సభలు కూడా రెండేళ్లుగా నిర్వహించలేదు. ఈ నేపథ్యంలో ప్రతిపక్షంలో ఉన్న వైఎస్సార్‌సీపీ రైతుల పక్షాన ఆందోళన దిగేందుకు సిద్ధమైంది. మాజీ మంత్రి గుడివాడ అమర్‌నాఽథ్‌, మాజీ ఉపముఖ్యమంత్రి బూడి ముత్యాలనాయుడు ఆధ్వర్యంలో ఈనెల 28న ఫ్యాక్టరీ ఆవరణలో చెరకు రైతుల మహాజన సభను నిర్వహించేందుకు అన్ని ఏర్పాట్లు చేసి, పోరాటానికి ఆ పార్టీ సిద్ధమైంది. మరో నాలుగురోజుల్లో మహాజనసభ ఏర్పాటుకు కరపత్రాలు కూడా సిద్ధం చేసి కాటాల వారీగా రైతులకు ఇచ్చి చైతన్యం చేసేందుకు శ్రీకారం చుట్టింది. ఈ పరిస్థితుల్లో స్థానిక అధికార పార్టీ నాయకులపై ఒత్తిడి కూడా పెరిగింది. దీంతో బుధవారం జరిగిన రాష్ట్ర మంత్రివర్గ సమావేశానికి ముందు ఇక్కడ జరుగుతున్న పరిణామాలు, వైఎస్సార్‌సీపీ ఉద్యమానికి సిద్ధం, చెరకు రైతుల ఆగ్రహంపై స్థానిక ఎమ్మెల్యే అధిష్టానం దృష్టికి తీసుకెళ్లినట్టు తెలిసింది. దీంతో ఎట్టకేలకు మంత్రివర్గ సమావేశంలో గోవాడ చెరకు రైతులకు చెల్లించాల్సిన బకాయిలు చెల్లించడానికి అవసరమైన చర్యలు తీసుకుంటామని ఆమోదం తెలిపింది. రెండేళ్లకై నా ప్రభుత్వం దిగివచ్చి రైతుల బకాయిలు చెల్లించడానికి సుముఖత వ్యక్తం చేయడం శుభపరిణామమే. అయితే బకాయిలు ఇవ్వడానికి నిధులు వెంటనే ఇస్తే మంచిదని రైతులు కోరుతున్నారు.

తుఫాన్‌ రక్షిత చర్యలకు అనకాపల్లి : తుఫాన్‌ ప్రభావం దృష్ట్యా జిల్లాలో ఎలాంటి అత్యవసర పరిస్థితులు తలెత్తినా ఎదుర్కొనేందుకు జిల్లా పోలీసు యంత్రాంగం పూర్తి సన్నద్ధంగా ఉందని ఎస్పీ తుహిన్‌ సిన్హా బుధవారం ఒక ప్రకటనలో పేర్కొన్నారు. జిల్లాలో లోతట్టు ప్రాంతాల ప్రజలను అప్రమత్తం చేసి, అవసరమైతే వారిని తుఫాన్‌ పునరావాస కేంద్రాలు, షెల్టర్లకు సురక్షితంగా తరలించే విధంగా ప్రత్యేక చర్యలు చేపట్టడం జరుగుతుందన్నారు. రెవెన్యూ, ఆర్‌అండ్‌బీ, ఇరిగేషన్‌ శాఖలతో సమన్వయం చేసుకుంటూ నిరంతరం క్షేత్ర స్థాయిలో పోలీస్‌ వ్యవస్థ పనిచేస్తుందని, భారీ వర్షాలు, ఈదురు గాలుల వల్ల రోడ్లపై చెట్లు కూలిపోతే వెంటనే తొలగించి రాకపోకలకు అంతరాయం లేకుండా ప్రత్యేక దృష్టి సాఽరించామన్నారు. నక్కపల్లి రూరల్‌ సీఐ రామకృష్ణ ఆధ్వర్యంలో 25 మంది సభ్యులతో ఎస్‌డీఆర్‌ఎఫ్‌ బృందాలు (రాష్ట్ర విపత్తుల ప్రతిస్పందన బృందం) రంగంలో సిద్ధంగా ఉన్నాయన్నారు. వర్షం నిరంతరం కురుస్తున్నప్పటికీ, రాజయ్యపేట వద్ద సముద్ర తీర ప్రాంతం సాధారణ స్థితిలోనే ఉందని, ఉపమాక, హెటిరో చెరువుల నీటి మట్టాలు నిలకడగా ఉన్నాయన్నారు. తాండవ రిజర్వాయర్‌ వద్ద పరిస్థితి సురక్షితంగా ఉన్నట్లు నర్సీపట్నం రూరల్‌ సీఐ రేవతమ్మ ఇరిగేషన్‌ డీఈతో కలిసి పర్యవేక్షణ చేయడం జరిగిందన్నారు. ప్రస్తుతం రిజర్వాయర్‌లో నీటి మట్టం 362 అడుగులకు చేరుకోగా, పూర్తి సామర్థ్యం 378 అడుగులుగా ఉందని, ఎటువంటి ప్రమాదం లేదని, పరిస్థితులను నిరంతరం పర్యవేక్షిస్తున్నామన్నారు. కాజ్‌వేల పరిశీలన – మరమ్మతులు ఎడతెరిపి లేని వర్షాల నేపథ్యంలో బుచ్చెయ్యపేట ఎస్‌ఐ మనోజ్‌ కుమార్‌ వడ్డాది, విజయరామరాజుపేట కాజ్‌వేలను పరిశీలించి ప్రజలను అప్రమత్తం చేయడం జరిగిందని ఎస్పీ తెలిపారు. వడ్డాది వద్ద విజయరామరాజుపేట కాజ్‌వేకి స్వల్పంగా గండి పడగా, ఆర్‌అండ్‌బీ అధికారులతో సమన్వయం చేసుకొని వెంటనే మరమ్మతు పనులు చేపట్టామన్నారు. ప్రజలు ఆందోళన చెందవద్దని, అత్యవసర సమయాల్లో పోలీసు శాఖ, స్థానిక యంత్రాంగాన్ని సంప్రదించాలని కోరారు.

అచ్యుతాపురం రూరల్‌ : తుపాను ప్రభావిత ప్రాంతాల్లో పంటల పరిస్థితిని తెలుసుకునేందుకు కలెక్టర్‌ విజయ్‌కృష్ణన్‌, జేసీ శౌర్యమాన్‌, జిల్లా వ్యవసాయాధికారి ఆశాదేవి బుధవారం మండలంలో పెదపాడు, ఎంజేపురం గ్రామాల్లో పర్యటించారు. పంట పొలాలను పరిశీలించి రైతులతో మాట్లాడారు. తుపాను ప్రభావంతో పంటలకు ఏర్పడిన పరిస్థితులు, సాగు పనులపై వివరాలు అడిగి తెలుసుకున్నారు. పెదపాడు గ్రామంలో నాట్లు వేసిన వరి పొలాలను పరిశీలించిన కలెక్టర్‌ ప్రస్తుత పరిస్థితుల్లో వరి నాట్లు వేసుకోవడానికి అనుకూలంగా ఉన్నట్లు తెలిపారు. తుపాను కారణంగా రైతులు ఆందోళన చెందాల్సిన అవసరం లేదని, వ్యవసాయ అధికారుల సలహాలు, సూచనల మేరకు నాట్లు వేసుకోవాలన్నారు. చోడి, జనుము, కొర్రలు వంటి తదితర పంటలకు నాట్లు వేసుకోవడానికి కూడా పరిస్థితులు అనుకూలంగా ఉన్నాయని అధికారులు తెలిపారు. రైతులు వాతావరణ పరిస్థితులను గమనిస్తూ వ్యవసాయ శాఖ సూచనల మేరకు సాగు పనులు చేపట్టాలని సూచించారు. ఈ సందర్భంగా రైతులు తమ సమస్యలను కలెక్టర్‌ దృష్టికి తీసుకెళ్లగా, వాటిని పరిశీలించి తగిన చర్యలు తీసుకుంటామన్నారు. కార్యక్రమంలో అచ్యుతాపురం తహసీల్దార్‌ డి.శ్రీను, మండల వ్యవసాయాధికారి శంకర్‌ గోవింద్‌, డీపీఎం (ఏపీసీఎన్‌ఎఫ్‌) లచ్చన్న, సుమంత అధికారులు పాల్గొన్నారు. పారిశ్రామికవేత్తలకు ప్రోత్సాహంరాంబిల్లి: పరిశ్రమల ఏర్పాటులో పారిశ్రామికవేత్తలకు అన్ని విధాలా సహకారం అందజేస్తామని కలెక్టర్‌ విజయకృష్ణన్‌ తెలిపారు. బుధవారం ఆమె రాంబిల్లి సెజ్‌లో 125 ఎకరాల్లో అత్యాధునిక ఆటోమేషన్‌ సాంకేతికతతో నిర్మాణంలో ఉన్న యాక్షన్‌ టెసా ప్లాంట్‌ను పరిశీలించారు. అనంతరం రూ.2300 కోట్ల వ్యయంతో నిర్మాణంలో ఉన్న బ్లూ జెట్‌ హెల్త్‌కేర్‌ పరిశ్రమను సందర్శించి, నిర్మాణ పురోగతిపై ప్రతినిధులతో చర్చించారు. అనకాపల్లి జిల్లా పరిశ్రమల ఏర్పాటుకు అనుకూల పరిస్థితులు కలిగిన ప్రాంతమని పేర్కొన్నారు. వైజాగ్‌ పోర్ట్‌ కనెక్టివిటీ, తగినంత భూ లభ్యత, నైపుణ్యం గల మానవ వనరులు వంటి అంశాలు పారిశ్రామిక అభివృద్ధికి దోహదపడతాయని తెలిపారు. ఈ అవకాశాలను సద్వినియోగం చేసుకొని పరిశ్రమల ఏర్పాటును వేగవంతం చేయాలని యాజమాన్యాలను కోరారు.

వేలం పాటలో రూ. 50వేలకు దక్కించుకున్న భారీ లడ్డూను చిమ్మినాయుడుకు అందజేస్తున్న ఆలయ కమిటీ ప్రతినిధులు చోడవరం : చోడవరం శ్రీ స్వయంభూ విఘ్నేశ్వరస్వామివారి ఆలయంలో వినాయక నవరాత్రి ఉత్సవాలో భాగంగా భారీ లడ్డూను వేలం వేశారు. నవరాత్రి ఉత్సవాల్లో 50 కేజీల భారీ లడ్డూను స్వామివారికి ప్రసాదంగా ఉంచారు. ఈ లడ్డూను వేలం వేయడం ఏటా వస్తున్న సంప్రదాయం. ఈ ఏడాది కూడా 50కేజీల లడ్డూను దేవదాయశాఖ ఎగ్జిక్యూటివ్‌ ఆఫీసర్‌ కిరణ్మయి, ఆలయ ప్రధాన అర్చకుడు కొడమంచిలి చలపతిరావు, ఆలయ కమిటీ చైర్మన్‌ మంగ శ్రీనివాసరావు, లయన్స్‌ క్లబ్‌ అధ్యక్షుడు ఎన్‌.గనిరెడ్డి పర్యవేక్షణలో లడ్డూను వేలం వేశారు. పెద్దసంఖ్యలో ఈ లడ్డూ వేలంలో భక్తులు పాల్గొన్నారు. వైఎస్సార్‌సీపీ మండల అధ్యక్షుడు శరగడం చిమ్మినాయుడు ఈ భారీ స్వామివారి లడ్డూను రూ. 50 వేలకు దక్కించుకొన్నారు. లడ్డూను భక్తులందరికీ ప్రసాదంగా పంపిణీ చేయాలని చిమ్మినాయుడు ఆలయ కమిటీకి అప్పగించారు.

జగన్‌మోహన్‌రెడ్డిని కలిసిన సినీ నటుడు జోగినాయుడు దంపతులు నాతవరం : తాడేపల్లి క్యాంపు కార్యాలయంలో మాజీ సీఎం వై.ఎస్‌.జగన్‌మోహన్‌రెడ్డిని సినీ నటుడు ఎల్‌.జోగినాయుడు కుటుంబ సభ్యులతో బుధవారం కలిశారు. వైఎస్సార్‌సీపీ ప్రభుత్వ హయాంలో చేసిన అభివృద్ధి పనులు సంక్షేమ పథకాలు గుర్తు చేస్తూ జోగినాయుడు సొంతంగా తయారు చేసిన ఫొటో ఆల్బమ్‌ను అందజేశారు. అనకాపల్లి : తాడేపల్లి క్యాంప్‌ కార్యాలయంలో మాజీ ముఖ్యమంత్రి వై.ఎస్‌.జగన్‌మోహన్‌రెడ్డిని జిల్లా వైఎస్సార్‌సీపీ నేతలు బుధవారం మర్యాదపూర్వకంగా కలిశారు. మాజీ మంత్రి అమర్‌నాథ్‌, మాజీ ఎమ్మెల్యేలు పెట్ల ఉమాశంకర్‌ గణేష్‌, కరణం ధర్మశ్రీ, జిల్లా వైఎస్సార్‌సీపీ అధ్యక్షుడు బొడ్డేడ ప్రసాద్‌ మాజీ సీఎంను కలిశారు. జిల్లాలో పార్టీ బలోపేతానికి చేపడుతున్న కార్యక్రమాలను అధినేత దృష్టికి తీసుకెళ్లారు.

ఎన్టీఆర్‌ ఆస్పత్రి వద్ద 11వ జాతీయ ఆయుర్వేద వేడుకలు నిర్వహిస్తున్న లావణ్య అనకాపల్లి : జిల్లా ఆయూష్‌ విభాగం ఆధ్వర్యంలో స్థానిక ఎన్టీఆర్‌ ఆస్పత్రి ఆవరణలో 11వ జాతీయ ఆయుర్వేద వేడుకలు బుధవారం జరిగాయి. ఈ సందర్భంగా జిల్లా ఆయూష్‌ విభాగం అధికారి కె.లావణ్య, డీసీహెచ్‌ఎస్‌ పి.శ్రీనివాసరావు, ఎన్టీఆర్‌ ఆస్పత్రి సూపరింటెండ్‌ రవికుమార్‌ మాట్లాడుతూ ఆయుర్వేద వైద్యం పూర్వీకుల నుంచి ఉందని, ఇంగ్లిస్‌ మందులు ద్వారా రోగి వ్యాధిని ఏవిధంగా నివారించవచ్చో ఆయుర్వేదంలో అదేవిధంగా నివారించవచ్చన్నారు. ఈ కార్యక్రమంలో ఆయుర్వేద ఆస్పత్రి సిబ్బంది సీ.గణేష్‌, జిల్లా ప్రొగ్రామ్‌ కన్వీనర్‌ బి.మమతా, యోగా శిక్షకులు బి.అప్పారావు, ఎం.చంద్రిక పాల్గొన్నారు.

నక్కపల్లి : ఉపమాక వెంకన్న వార్షిక బ్రహ్మోత్సవాల్లో భాగంగాబుధవారం వినోదోత్సవం, చక్రస్నానం, లక్ష్మిసంవాదం నేత్రపర్వంగా జరిగాయి. ఈ కార్యక్రమాల్లో ప్రధాన ఘట్టమైన స్వామివారి ఉంగరం మాయంకావడం, దాన్ని వెతికే సన్నివేశం భక్తులను ఆకట్టుకున్నాయి. భారీవర్షం కారణంగా బ్రహ్మోత్సవ కార్యక్రమాలన్ని ఆలయ ప్రాంగణంలోనే నిర్వహించారు. ఈ సందర్బంగా ఉదయం స్వామివారికి ప్రత్యేక పూజలు చేశారు. రోలు,రోకలి, డోలు, కత్తిలకు పూజలు నిర్వహించారు. సాయంత్రం ఉభయదేవేరులతో స్వామివారిని పుణ్యకోటి వాహనంపై ఊరేగించారు. అర్చక స్వాములు స్వామివారి ధనుర్భాణాలను సంధించే ఘట్టం భక్తులను ఆకట్టుకుంది. స్వామి వారి ఉంగరం మాయం.. ఎవరు తీశారో చెప్పండి... వేంకటేశ్వరస్వామి ఉంగరం పడిపోయింది...మీలో ఎవరు తీసారో చెప్పాలంటూ అర్చక స్వాములు వినోదోత్సవం సందర్భంగా స్వామివారి దర్శనానికి వచ్చిన భక్తులను ఆపి నిలదీయడంతో ఒక్కసారిగా ఉత్కంఠ నెలకొంది. ఉంగరం మేం తీయలేదంటూ మేం తీయలేదు, మాకు దొరక లేదంటూ అందరూ చెప్పినప్పటికీ అర్చకులు వినలేదు. అనుమానంతో కొంతమంది భక్తులతో పాటు, ఒకరిద్దరు టీటీడీ ఉద్యోగులను బంధించి ఉంగరం గురించి గట్టిగా ఆరాతీయడంతో ఏం చేయాలో తెలియని పరిస్దితి ఏర్పడింది. బ్రహ్మోత్సవాలకు వచ్చిన వారే స్వామివారి ఉంగరం కాజేసారంటూ అర్చకులు నింద మోపడంతో బాబోయ్‌ మాకేం తెలియదంటూ బిక్కమొహాలు వేశారు. అందరి సమక్షంలో వెతికినప్పటికి ఎంతకీ ఉంగరం కనిపించకపోవడంతో చివరగా స్వామివారి ధరించిన వస్త్రాలను క్షుణ్ణంగా పరిశీలించడంతో ఉంగరం లభించింది. ఉంగరం దొరికిందని.. మీరెవరూ కంగారు పడొద్దని అర్చకులు చెప్పడంతో అంతా ఊపిిరి పీల్చుకున్నారు. ఇదంతా స్వామివారి బ్రహ్మోత్సవాల్లో భాగమైన వినోదోత్సవమని తెలిసి భక్తులంతా ఆనంద పరవశుయ్యారు. అలరించిన లక్ష్మీ సంవాదం అనంతరం ఆలయంలో లక్ష్మీ సంవాదం కార్యక్రమం జరిగింది. (ఆలయంలోకి స్వామివారి ప్రవేశాన్ని ఉభయ దేవేరులు అడ్డుకుంటారు. మీరెవరో చెప్పాలని పట్టుబడతారు. తాను శ్రీవేంకటేశ్వరస్వామినని చెప్పడంతో శ్రీదేవీ, భూదేవీ స్వామివారిని గర్భాలయ ప్రవేశానికి అంగీకరిస్తారు.) తదుపరి కొట్నాల ఉత్సవం, చూర్ణోత్సవం నిర్వహించి, చూర్ణాన్ని భక్తులపై జల్లారు. ఆలయంలోనే చక్రవారి స్నానం నేత్రపర్వంగా నిర్వహించారు. అనంతరం అద్దపు సేవ, కంకణ విసర్జన, మహా పూర్ణాహుతి కార్యక్రమాలు జరిగాయి. కార్యక్రమాల్లో ప్రధానార్చకులు వరప్రసాదాచార్యులు, అర్చక స్వాములు కృష్ణమాచార్యులు, శేషాచార్యులు, గోపాలాచార్యులు, రాజ గోపాలాచార్యులు, సాయిఆచార్యులు, దేవస్థానం సిబ్బంది పాల్గొన్నారు.

చోడవరం : స్థానిక శ్రీ కేశవస్వామి ఆలయంలో దొంగలు పడ్డారు. ఆలయంలో శ్రీదేవిభూదేవి సమేతుడైన శ్రీ కేశవస్వామివారి విగ్రహాలపై ఉన్న బంగారు, వెండి ఆభరణలు దొంగలించుకుపోయారు. ఆలయం ప్రధాన ద్వారం గేటు తాళాలు పగలు గొట్టి ఆలయంలోకి దొంగలు ప్రవేశించారు. అమ్మవారి మెడలో ఉన్న బంగారు శతమానాలతోపాటు సుమారు 500 గ్రామాలు విలువైన వెండి ఆభరణాలు, పూజా సామాగ్రిని చోరీ చేశారు. అయితే హుండీ జోలికి వెళ్లలేదు. ఈ హుండీ చాలా యేళ్లుగా తెరవకపోవడంతో సుమారు రూ. 80వేలకు పైబడి హుండీలో డబ్బులు ఉన్నట్టు పోలీసులు పరిశీలనతో తేలింది. దొంగలు ఆలయంలోకి చొరబడి గర్భాలయంలో ఉన్న 3గ్రాముల బంగారు శతమానాలు, 500 గ్రామాలు వెండి ఆభరణలు దొంగలించుకుపోయినట్టు చోడవరం సీఐ అప్పలరాజు తెలిపారు. డాగ్‌స్క్వాడ్‌, పోలీసు బృందాలు వచ్చి ఆలయాన్ని పరిశీలించారు. దొంగలు కోసం వెతుకుతున్నామని సీఐ తెలిపారు.

తుమ్మపాల : ఆయుర్వేద వైద్య సేవా కార్యక్రమాల్లో మరో రెండు ప్రపంచ రికార్డు గుర్తింపులు లభించాయని ఆరోగ్యధాత్రి ఆయుర్వేద రీసెర్చ్‌ ఇన్‌స్టిట్యూట్‌ నిర్వాహకులు డాక్టర్‌ టి. సుందర రాజ్‌ పెరుమాల్‌ తెలిపారు. జాతీయ ఆయుర్వేద దినోత్సవం, ధన్వంతరి జయంతి సందర్భంగా అనకాపల్లి మండలం కొడూరులో విశ్వ ఆయుర్వేద పరిషత్‌, వరము చారిటబుల్‌ ట్రస్ట్‌ ఆధ్వర్యంలో నిర్వహించిన మెగా ఉచిత జలౌకావచారణ శిబిరంలో 142 మంది రోగులకు చికిత్స అందించడంతో ది బుక్‌ ఆఫ్‌ వరల్డ్‌ రికార్డ్స్‌ గుర్తించి రికార్డు ధ్రువీకరణ అందించారన్నారు. ఈ సందర్భంగా ఆయన మాట్లాడుతూ ప్రపంచ రికార్డు గుర్తింపులు ఒక్క వ్యక్తికి సంస్థకు మాత్రమే దక్కిన గౌరవం కాదని, వైద్యులు, థెరపిస్టులు,వలంటీర్లు, రోగులు, సేవాభిమానుల సమష్టి కృషికి దక్కిన గుర్తింపు అని అన్నారు. భవిష్యత్తులోనూ ఉచిత ఆయుర్వేద వైద్య శిబిరాలు, ప్రజారోగ్య అవగాహన కార్యక్రమాలను కొనసాగిస్తామన్నారు. చరక జయంతి సందర్భంగా ఆగస్టు 16 నుంచి 18 వరకు ఆరోగ్యధాత్రి ఆయుర్వేద రీసెర్చ్‌ ఇన్‌స్టిట్యూట్‌లో నిర్వహించిన మెగా అగ్నికర్మ కార్యక్రమంలో 210 మంది రోగులకు చికిత్స అందించామన్నారు. గతంలో నిర్వహించిన మెగా వస్తి కార్యక్రమంలో 548 మంది రోగులకు ఉచితంగా వస్తి కర్మ చికిత్స అందించామని, స్వల్ప వ్యవధిలోనే మూడు భారీ స్థాయి ఆయుర్వేద వైద్య సేవా కార్యక్రమాలకు ప్రపంచ రికార్డు గుర్తింపు లభించడంపై ఆనందం వ్యక్తం చేసారు. 548 మందికి ఉచిత వస్తి కర్మ, 210 మందికి అగ్నికర్మ, 142 మందికి జలౌకావచారణ చికిత్సలు అందించామని, ఆయుర్వేదంలోని ప్రాచీన చికిత్సా విధానాలను ప్రజలకు అందుబాటులోకి తీసుకురావడం, అవసరమైన వారికి ఉచిత వైద్య సేవలు అందించడం, ఆయుర్వేదంపై ప్రజల్లో అవగాహన కల్పించడమే తమ ప్రధాన ఉద్దేశమన్నారు. ఈ కార్యక్రమంలో బీజెపీ జిల్లా అధ్యక్షుడు ద్వారంపూడి పరమేశ్వరరావు, డాక్టర్‌ ఎన్‌. ఆంజనేయమూర్తి పాల్గొన్నారు.

సమావేశంలో మాట్లాడుతున్న కలెక్టర్‌ విజయకృష్ణన్‌ తుమ్మపాల: కొత్త పరిశ్రమల స్థాపనకు, నూతన ప్రాజెక్టుల ఏర్పాటుకు పూర్తి సహకారం అందిస్తామని, సింగిల్‌ డెస్క్‌ విధానంలో పరిశ్రమలకు అవసరమైన అనుమతులు, క్లియరెన్సుల ప్రక్రియను వేగవంతం చేయాలని కలెక్టర్‌ విజయకృష్ణన్‌ అధికారులను ఆదేశించారు. కలెక్టర్‌ కార్యాలయ సమావేశ మందిరంలో బుధవారం నిర్వహించిన జిల్లా పరిశ్రమలు, ఎగుమతుల ప్రోత్సాహక కమిటీ (డీఐఈపీసీ) సమావేశంలో పరిశ్రమల అభివృద్ధికి సంబంధించిన అంశాలపై ఆమె మాట్లాడుతూ పరిశ్రమల ఏర్పాటుకు అవసరమైన అనుమతులను నిర్ణీత సమయంలో మంజూరు చేయాలన్నారు. పారిశ్రామికవేత్తలు ఎదుర్కొంటున్న సమస్యలను సంబంధిత శాఖల అధికారులు సమన్వయంతో పరిష్కరించాలని ఆదేశించారు. కొత్త పరిశ్రమల ద్వారా స్థానికంగా ఉపాధి అవకాశాలు పెరగడంతో పాటు జిల్లా ఆర్థికాభివృద్ధికి దోహదపడేలా చర్యలు చేపట్టాలని సూచించారు. ఈ–పంట నమోదు త్వరగా పూర్తి చేయాలి జిల్లాలో 2026–27 ఖరీఫ్‌ సీజన్‌కు సంబంధించి ఈ–పంట నమోదును త్వరితగతిన పూర్తి చేయాలని కలెక్టర్‌ విజయకృష్ణన్‌ వ్యవసాయ అధికారులను ఆదేశించారు. బుధవారం జిల్లా కలెక్టర్‌ కార్యాలయ వీసీ సమావేశ మందిరంలో జిల్లా సమన్వయ కమిటీ సమావేశం నిర్వహించారు. ఈ సందర్భంగా మాట్లాడుతూ జిల్లాలోని ధాన్యం మిల్లులను తనిఖీ చేయాలని సంబంధిత అధికారులకు సూచించారు. ధాన్యం సేకరణ సమయంలో అవసరమైన జీపీఎస్‌ అమర్చిన వాహనాలను సిద్ధంగా ఉంచాలని జిల్లా రవాణా అధికారులను ఆదేశించారు. కార్యక్రమంలో జేసీ శౌర్యమాన్‌ పటేల్‌, జిల్లా పరిశ్రమల శాఖ అధికారి పి.కె.పి.ప్రసాద్‌, ఇన్‌చార్జి ఆర్డీఓ శ్రీనివాసరావు పాల్గొన్నారు.

తారువలో గణపతికి 50 కేజీల లడ్డూను సమర్పించి పూజలు చేస్తున్న మాజీ డిప్యూటీ సీఎం బూడి ముత్యాలనాయుడు దేవరాపల్లి : వినాయక నవరాత్రి మహోత్సవాలలో మండలంలోని తారువలో గణపయ్యకు 50 కేజీల భారీ లడ్డూను మాజీ డిప్యూటీ సిఎం బూడి ముత్యాలనాయుడు చేతుల మీదుగా బుధవారం సమర్పించారు. స్థానిక మర్లమాంబ యూత్‌, స్థానిక ప్రజలు సమకూర్చిన ఈ లడ్డూను వినాయకుని వద్ద ఉంచి మాజీ డిప్యూటీ సీఎం ప్రత్యేక పూజలు, అభిషేకాలు నిర్వహించారు. వినాయక నిమజ్జనం రోజున ఈ లడ్డూ ప్రసాదాన్ని భక్తులకు పంపిణీ చేయనున్నట్లు స్థానిక యూత్‌ కమిటీ సభ్యులు తెలిపారు. ఐక్యతగా వినాయక నవరాత్రి మహోత్సవాలను వైభవంగా నిర్వహిస్తున్న స్థానిక యూత్‌ను మాజీ డిప్యూటీ సిఎం ముత్యాలనాయుడు ప్రత్యేకంగా అభినందించారు.

కశింకోటలో హజరత్‌ సయ్యద్‌ అబ్దుల్‌ అజీజ్‌ షా ఖాదరీ బాబా చందనోత్సవ ఊరేగింపు కశింకోట: హజరత్‌ సయ్యద్‌ అబ్దుల్‌ అజీజ్‌ షా ఖాదరీ బాబా ఉరుసు ఉత్సవాలు(చందనోత్సవం) కొనసాగుతున్నాయి. మూడు రోజుల ఉత్సవాల్లో భాగంగా రెండో రోజు బుధవారం నిర్వహించిన చందనోత్సవంలో దర్గా నుంచి డప్పులు, వాయిద్యాలతో గుర్రంపై సంప్రదాయబద్ధంగా చందనాన్ని ఉంచి జెండాలతో ఊరేగించారు. ఈ ఊరేగింపులో ముస్లింలతోపాటు ఉభయ గోదావరి, విశాఖపట్నం జిల్లాల నుంచి వచ్చిన భక్తులు, స్థానిక హిందువులు భారీగా పాల్గొన్నారు. దర్గా నుంచి పెద్దబజారు, సంతబయలు, జాతీయ రహదారి మీదుగా ఖాదరీబాబా నివాసం వరకు ఊరేగింపును నిర్వహించి, అనంతరం తిరిగి దర్గా వరకు తీసుకువచ్చారు. తుపాను ప్రభావంతో వర్షం కురుస్తున్నప్పటికీ ఊరేగింపు నిరాటంకంగా కొనసాగింది. భక్తులు చందనాన్ని దర్శించుకుని ప్రార్థనలు చేశారు.

మాడుగుల : మండలంలో అధిక జలవనరులు గల పెద్దేరు జలాశయానికి వరద పోటు కొనసాగుతుంది. ప్రస్తుతం జలాశయంలోకి 150 క్యూసెక్కుల వరద నీరు వచ్చి చేరడంతో జలాశయం అధికారులు అప్రమత్తంగా ఉన్నారు. జలాశయం గరిష్ట నీటి మట్టం 137 మీటర్లు కాగా ప్రస్తుతం 129.10 మీటర్లకు చేరుకుంది. దీంతో రైతులు ఆయకట్టు భూములకు సాగునీటికి ఢోకా లేదని ఆనందం వ్యక్తం చేస్తున్నారు. రైవాడలోకి 300 క్యూసెక్కులు... దేవరాపల్లి : తుఫాన్‌ ప్రభావంతో రెండు రోజులుగా విస్తారంగా కురుస్తున్న వర్షాలతో రైవాడ జలాశయంలోకి సుమారు 300 క్యూసెక్కుల వరదనీరు వచ్చి చేరుతుంది. జలాశయం గరిష్ఠ నీటిమట్టం 114 మీటర్లు కాగా ప్రస్తుతం బుధవారం సాయంత్రానికి 113 మీటర్లుకు చేరుకుందని జలాశయం డీఈఈ జి. సత్యంనాయుడు తెలిపారు. రెండు రోజుల క్రితం వరకు 102.80 మీటర్ల వద్ద ఉన్న నీటి మట్టం క్రమేపి పెరుగుతుండటం పట్ల ఆయుకట్టు రైతులు ఆనందం వ్యక్తం చేస్తున్నారు. రెండు రోజులుగా ఎడతెరిపి లేకుండా కురుస్తున్న వర్షాలతో పంట పొలాలతో పాటు చెరువుల్లో భారీగా వర్షపు నీరు చేరింది. వర్షాలతో శారదానదిలో భారీగా వరదనీరు ప్రవహిస్తుండడంతో కళకళలాడుతుంది.

చోడవరం: గోవాడ సుగర్‌ ఫ్యాక్టరీ మహాజనసభను వైఎస్సార్‌సీపీ ఆధ్వర్యంలో ఈనెల 28వ తేదీన నిర్వహించేందుకు ఏర్పాట్లు సిద్ధం చేస్తోంది. దీనిలో భాగంగా మహాజనసభ ప్రచార వాల్‌ పోస్టర్లను ఎక్కడికక్కడ ఆ పార్టీ నాయకులు ఆవిష్కరించి, రైతులకు పంపిణీ చేస్తున్నారు. చోడవరం వైఎస్సార్‌సీపీ కార్యాలయంలో వాల్‌పోస్టర్లను ఆ పార్టీ రాష్ట్ర బీసీ సెల్‌ సంయుక్త కార్యదర్శి పల్లా నర్సింగరావు, జిల్లా యూత్‌ అధ్యక్షుడు పుల్లేటి వెంకటేష్‌, జిల్లా రైతు విభాగం అధ్యక్షుడు నాగులాపల్లి రాంబాబు, మాజీ జెడ్పీటీసీ బొడ్డేడ సూర్యనారాయణ, జిల్లా కార్యదర్శి దొడ్డి వెంకట్రావు బుధవారం ఆవిష్కరించారు. చెరకు రైతులను టీడీపీ కూటమి ప్రభుత్వం మోసం చేసిందని, ఫ్యాక్టరీ మహాజనసభను నిర్వహించలేదని, రైతులకు చెరకు బకాయిలు రెండేళ్లుగా చెల్లించలేదని వారు ధ్వజమెత్తారు. అందుకే రైతులు, కార్మికుల తరపున పోరాటం చేసేందుకు వైఎస్సార్‌సీపీ సిద్ధమైందన్నారు. ఈ నెల 28న జరగనున్న సభ్య చెరకు రైతుల మహాజన సభను రైతులంతా విజయవంతం చేయాలని వైఎస్సార్‌సీపీ నాయకులు పిలుపు ఇచ్చారు.

చోడవరం : గోవాడ సుగర్‌ ఫ్యాక్టరీ రైతులను మోసం చేసిన ప్రభుత్వాన్ని నిలిదీసేందుకు ఈనెల 28వ తేదీన ఫ్యాక్టరీ మహాజన సభను వైఎస్సార్‌సీపీ ఆధ్వర్యంలో నిర్వహిస్తున్నామని ఆ పార్టీ సమన్వయకర్త, మాజీ మంత్రి గుడివాడ అమర్‌నాఽథ్‌ ప్రకటించారు. 24వేల మంది సభ్య రైతులకు, కార్మికులకు సుమారు రూ.30కోట్ల మేర బకాయిలు చెల్లించాల్సి ఉందని, ఆ బకాయిలు ఇప్పటి వరకూ చెల్లించలేదన్నారు. బకాయిలు చెల్లింపులో అధికారంలో ఉన్న కూటమి ప్రభుత్వం ఎమ్మెల్యేలు, ఎంపీలు విఫలమయ్యారని, చెరకు రైతులకు ఇచ్చిన మాట నిలబెట్టుకోకుండా రైతులను, కార్మికులను మోసం చేశారని అమర్‌నాఽథ్‌ ఆగ్రహం వ్యక్తం చేశారు. ఫ్యాక్టరీ స్థాపించిన ఈ 64 యేళ్లలో ఏ ఏడాది కూడా మహాజనసభ నిర్వహించకుండా లేదని, కూటమి ప్రభుత్వం అధికారంలోకి వచ్చిన దగ్గర నుంచి గతేడాది, ఈ ఏడాది కూడా ఫ్యాక్టరీ మహాజనసభను నిర్వహించలేదన్నారు. మహాజనసభ పెట్టి రైతుల ఆవేదనను తెలుసుకోవాల్సిన పాలకులు పూర్తిగా రైతులను విస్మరించారన్నారు. రెండేళ్లుగా చెల్లించాల్సిన బకాయిలు కూడా చెల్లించకపోగా గతేడాది క్రషింగ్‌ కూడా చేయకుండా ఫ్యాక్టరీని మూసేశారని, ఈ ఏడాది కూడా క్రషింగ్‌ చేసే పరిస్థితులు కనిపించడం లేదన్నారు. అందుకే రైతుల ఆవేదనను ప్రభుత్వానికి తెలిసేలా వైఎస్సార్‌సీపీ ఆధ్వర్యంలో చెరకు రైతుల మహాజన సభ నిర్వహించాలని నిర్ణయించామన్నారు. మహాజన సభపై ప్రభుత్వానికి, యాజమాన్యానికి ఇప్పటికే ఆల్టిమేటం ఇచ్చామని, అయినా వారి నుంచి స్పందన రాకపోవడంతో చివరకు రైతుల పక్షాన నిలబడేందుకు వైఎస్సార్‌సీపీ సిద్ధమైందన్నారు. దివంగత మహానేత వై.ఎస్‌.రాజశేఖరరెడ్డి హయాంలో చెరకు ఆశించిన మేర గిట్టుబాటు ధర ఇవ్వడంతో పాటు ఫ్యాక్టరీ అభివృద్ధికి ఎంతో కృషి చేశారన్నారు. తర్వాత ఆయన తనయుడు వై.ఎస్‌. జగన్‌మోహన్‌రెడ్డి హయాంలో రూ.90 కోట్లు తెచ్చి గోవాడ చెరకు రైతులను, ఫ్యాక్టరీకి అండగా నిలిచామన్నారు. కానీ టీడీపీ కూటమి ప్రభుత్వం వచ్చిన దగ్గర నుంచి రైతులను అన్ని రకాలుగా ఇబ్బందులకు గురిచేసి, చివరికి ఫ్యాక్టరీని మూసేసి, చెరకు పంట వేయకుండా రైతుల జీవనాధారాన్ని దెబ్బతీశారని అమర్‌నాథ్‌ ధ్వజమెత్తారు. మొదటినుంచి రైతుల పక్షాన ఉంటూ, ఎప్పటికప్పుడు రైతులను ఆదుకుంటున్న వైఎస్సార్‌సీపీ ఇప్పుడు కూడా చెరకు రైతులకు అండగా ఉంటుందన్నారు. ఈనెల 28వ తేదీన సోమవారం మధ్యాహ్నం 3గంటలకు గోవాడ సుగర్‌ ఫ్యాక్టరీ ఆవరణంలో చెరకు రైతులతో మహాజన సభను నిర్వహిస్తున్నామన్నారు. రైతులంతా హాజరై సమస్యను ప్రభుత్వానికి వినిపించేలా నినదించాలని అమర్‌నాఽథ్‌ పిలుపు ఇచ్చారు.

అనకాపల్లి : జిల్లాలోని యువతకు, మహిళలకు, పరిశ్రమలకు అవసరమైన నైపుణ్యాలను అందించి మెరుగైన ఉపాధి అవకాశాలు కల్పించేందుకు జిల్లా యంత్రాంగం ప్రత్యేక చర్యలు చేపడుతోందని కలెక్టర్‌ విజయకృష్ణన్‌ అన్నారు. కలెక్టరేట్‌లో మంగళవారం రేనూ ప్రైవేట్‌ లిమిటెడ్‌ సంస్థతో నైపుణ్య శిక్షణ కార్యక్రమం ప్రారంభానికి సంబంధించిన అవగాహన ఒప్పంద ప్రతాలను అందజేశారు. ఈ సందర్భంగా కలెక్టర్‌ మాట్లాడుతూ జిల్లాలోని యువతకు, మహిళలకు పరిశ్రమలకు అనుగుణమైన సాంకేతిక, ఉద్యోగ నైపుణ్యాలపై శిక్షణ అందిస్తారని, మొదటి దశలో 300 మంది యువతకు నైపుణ్య శిక్షణ ఇవ్వనున్నట్టు తెలిపారు. అచ్యుతాపురంలో ఏపీఐఐసీకి చెందిన వన్‌స్టెఫ్‌ సెంటర్‌లో శిక్షణ కార్యక్రమం అక్టోబర్‌ నుంచి ప్రారంభమవుతుందన్నారు. మహిళలకు ప్రత్యేక ప్రాధాన్యం ఇవ్వడం ద్వారా వారు నైపుణ్యాలను అభివృద్ధి చేసుకుని ఆర్థికంగా స్వావలంబన సాధించడమే కాకుండా, కుటుంబం, సామాజిక అభివృద్ధిలో క్రియాశీలకంగా మారుతారన్నారు. పరిశ్రమల అవసరాలకు అనుగుణంగా శిక్షణ ఇవ్వడం ద్వారా నైపుణ్యం–ఉపాధి మధ్య అంతరాన్ని తగ్గించవచ్చన్నారు. కార్యక్రమంలో రేనూ ప్రైవేట్‌ లిమిటెడ్‌ సంస్థకు చెందిన సీఈవో సంజయ్‌ వర్గీస్‌, ప్రతినిధులు జితేంద్ర, త్రిభవన్‌, పరిశ్రమల శాఖ జనరల్‌ మేనేజర్‌ పి.కె.పి.ప్రసాద్‌ పాల్గొన్నారు. హాస్టళ్లలో మెరుగైన వసతులు కల్పించాలి అనకాపల్లి : విద్యార్థుల హాజరు, విద్యా ప్రమాణాలపై ప్రత్యేక దృష్టి సారించాలని కలెక్టర్‌ విజయకృష్ణన్‌ అన్నారు. తమ కార్యాలయంలో మంగళవారం జిల్లాలో విద్యాశాఖ అధికారులతో సమీక్ష సమావేశం నిర్వహించారు. పాఠశాలల్లో విద్యార్థుల రోజువారీ హాజరును అధికారులు క్రమం తప్పకుండా పరిశీలించి, హాజరు శాతం పెరిగేలా తగిన చర్యలు చేపట్టాలని ఆదేశించారు. పదో తరగతి విద్యార్థులపై ప్రత్యేక దృష్టి సారించి, వారిలో విద్యా ప్రమాణాలు మెరుగుపడేలా కార్యాచరణ రూపొందించాలని సూచించారు. సంబంధిత ఎంపీడీఓలతో సమన్వయం చేసుకుని శిథిలావస్థలో ఉన్న, ప్రమాదకరంగా మారిన పాఠశాల భవనాలను గుర్తించి, అవసరమైన చోట్ల వెంటనే డిస్మాంట్లింగ్‌ చర్యలు చేపట్టాలని ఆదేశించారు. పాఠశాలల్లో విద్యార్థుల అభ్యసన సామర్‌ాధ్యన్ని మెరుగుపరచాలని సూచించారు. కార్యక్రమంలో డీఈవో నాగేశ్వరరావు, మండల విద్యాశాఖాధికారులు పాల్గొన్నారు.

విద్యార్ధిని మౌనికను అభినందిస్తున్న కళాశాల ప్రిన్సిపాల్‌ డాక్టర్‌ ఎస్‌.రాజు నర్సీపట్నం : ఇటీవల కర్ణాటకలో జరిగిన బాక్సింగ్‌ సౌత్‌ ఇండియన్‌ బాక్సింగ్‌ ఛాంపియన్‌షిప్‌ 2026 పోటీల్లో ప్రభుత్వ డిగ్రీ కళాశాలలో బీఏ చదువుతున్న బొంతు మౌనిక బ్రాంజ్‌ మెడల్‌ సాధించింది. ఆ విద్యార్థినితో పాటు ఫిజికల్‌ డైరెక్టర్‌ రెడ్డి శ్రీనివాస్‌ను మంగళవారం కళాశాల ప్రిన్సిపాల్‌ డాక్టర్‌ ఎస్‌.రాజు, అధ్యాపకులు అభినందించారు. బాక్సింగ్‌లో మరింత రాణించి కళాశాలకు మంచి పేరు తీసుకురావాలని ప్రిన్సిపాల్‌ అకాంక్షించారు.

అనకాపల్లి : శాంతిభద్రతల పరిరక్షణ, నేరాల నియంత్రణలో రాజీపడే ప్రసక్తిలేదని ఎస్పీ తుహిన్‌ సిన్హా అన్నారు. తమ కార్యాలయంలో మంగళవారం నెలవారీ నేర సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ జిల్లాలో శాంతిభద్రతల పరిరక్షణ, నేరాల నియంత్రణ, ప్రజల భద్రత విషయంలో ప్రతి ఒక్క అధికారి బాధ్యతాయుతంగా వ్యవహరించాలన్నారు. రహదారి భద్రత – డ్రంక్‌ అండ్‌ డ్రైవ్‌, జాతీయ రహదారులు, ప్రధాన కూడళ్ల వద్ద రోడ్డు ప్రమాదాల నివారణకు ప్రత్యేక కార్యాచరణ చేపట్టాలని సూచించారు. డ్రంక్‌ అండ్‌ డ్రైవ్‌ తనిఖీల శాతం పెంచాలని, హెల్మెట్‌ నిబంధనలను కఠినంగా అమలు చేయాలన్నారు. గుర్తించిన బ్లాక్‌ స్పాట్స్‌, ప్రమాద ప్రదేశాలపై ప్రత్యేక నిఘా ఉంచాలన్నారు. రాత్రి గస్తీని పెంచాలని, బైక్‌ చోరీలు, చైన్‌ స్నాచింగ్స్‌, తాళం వేసిన ఇళ్లలో దొంగతనాలు నియంత్రణకు రాత్రిపూట గస్తీ, బీట్‌ పెట్రోలింగ్‌ను పటిష్టం చేయాలని ఎస్సీ ఆదేశించారు. పాత నేరస్థులు, రౌడీ షీటర్లపై నిరంతరం నిఘా ఉంచాలన్నారు. మహిళలకు రక్షణ విషయంలో ప్రత్యేక చర్యలు చేపట్టాలన్నారు. తుపాను హెచ్చరికల నేపథ్యంలో లోతట్టు ప్రాంతాలు, కాజ్‌వేల వద్ద ప్రత్యేక నిఘా ఉంచాలని, విపత్తు నిర్వహణ విభాగం, రెవెన్యూ శాఖలతో సమన్వయం చేసుకుంటూ ప్రజల రక్షణకు అప్రమత్తంగా ఉండాలని సూచించారు. అనంతరం జిల్లాలో వివిధ పోలీస్‌ స్టేషన్‌ పరిధిలో కేసులు పురోగతి సాధించిన 57 మంది పోలీస్‌ సిబ్బందికి ప్రశంసా పత్రాలను ఎస్పీ అందజేశారు. కార్యక్రమంలో డీఎస్పీలు ఇ.శ్రీనివాసులు, పోతిరెడ్డి శ్రీనివాసరావు, బి.మోహన్‌రావు, కె.రవికుమార్‌, సీఐలు, ఎస్‌ఐలు పాల్గొన్నారు. కశింకోట పోలీసు స్టేషన్‌ పరిధిలో 17 ద్విచక్ర వాహనాలను రికవరీ చేసి, ఆరుగురు నిందితులను అరెస్టు చేసినందుకు సీఐ అల్లు స్వామినాయుడు, సిబ్బందిని ఎస్పీ తుహీన్‌ సిన్హా ప్రత్యేకంగా అభినందించారు.

హజరత్‌ సయ్యద్‌ అబ్దుల్‌ అజీజ్‌ షా ఖాదరీబాబా సమాధిని దర్శించుకుంటున్న ముస్లింలు కశింకోట: కశింకోటలోని హజరత్‌ సయ్యద్‌ అబ్దుల్‌ అజీజ్‌ షా ఖాదరీ బాబా దర్గా ఉరుసు షరీఫ్‌ (చందనోత్సవం) మంగళవారం ఘనంగా ప్రారంభమైంది. మూడు రోజులపాటు నిర్వహించే ఉత్సవం ప్రారంభం సందర్భంగా జిల్లాలోని వివిధ ప్రాంతాల నుంచి భక్తులు ఎక్కువగా తరలి వచ్చారు. ఖాదరి బాబా సమాధిపై చాదరులు కప్పి చందనం, సుగంధ ద్రవ్యాలు పూసి పూలతో పూజించి ప్రసాదం సమర్పించి ప్రార్థించారు. ప్రధానమైన ఉరుసు షరీఫ్‌ బుధవారం జరగనుందని ఉత్సవ నిర్వాహకులు తెలిపారు. మంగళవారం రాత్రి ఫాతెహ(ఆరాధన) కార్యక్రమాన్ని నిర్వహించారు. ఈ సందర్భంగా భోజనంలో అందించే ఆహార పదార్థాలను బాబాకు ముస్లింలు, ఉత్సవ నిర్వాహకులు, భక్తులు నివేదించి ప్రార్థనలు చేశారు. అనంతరం సమారాధన చేశారు. రోడ్డు పనులకు సీఎస్‌ఆర్‌ నిధులు అనకాపల్లి : అనకాపల్లి ఆర్‌అండ్‌బీ డివిజన్‌ ఎగ్జిక్యూటివ్‌ ఇంజినీర్‌ పర్యవేక్షణలో బివిఎస్‌ఆర్‌ కనస్ట్రక్షన్‌ ప్రేవేట్‌ లిమిటెడ్‌ సంస్థ చేపట్టిన రహదారి నిర్మాణ, మరమ్మతు పనులకు కార్పొరేట్‌ సామా జిక బాధ్యత కింద రూ.39.99 లక్షలు మంజూరు చేసినట్లు కలెక్టర్‌ విజయకృష్ణన్‌ మంగళవారం ఒక ప్రకటనలో తెలిపారు. యలమంచిలి – గాజువాక రోడ్డులోని మడుతూరు గ్రామం మీదుగా ఏపీఐఐసీని కలిపే కనెక్టింగ్‌ రోడ్డు నిర్మాణం, కొండకర్ల మీదుగా హరిపాలెం–మడుతూరు రోడ్డు (పిఆర్‌ రీచ్‌) మరమ్మతు పనులను పూర్తి చేయడం జరిగిందన్నారు. ప్రాధాన్య ప్రాతిపదికన చేపట్టిన ఈ పనులకు జీఎస్టీ, సీనరేజ్‌ ఛార్జీలతో కలిపి మొత్తం రూ. 39,99,078 మంజూరు చేసినట్టు తెలిపారు.

తాటిచెట్లపాలెం: బంగాళాఖాతంలో అల్పపీడనం, భారీ వర్షాల నేపథ్యంలో ఎలాంటి అత్యవసర పరిస్థితినైనా ఎదుర్కొనేందుకు సిద్ధంగా ఉండాలని సౌత్‌ కోస్ట్‌ రైల్వే జీఎం సందీప్‌ మాథుర్‌ అధికారులను ఆదేశించారు. మంగళవారం ఆయన ప్రిన్సిపల్‌ హెడ్స్‌, నాలుగు డివిజన్ల (విశాఖ, విజయవాడ, గుంతకల్లు, గుంటూరు) డీఆర్‌ఎంలతో ప్రత్యేక భద్రతా సమావేశం నిర్వహించారు. ప్రయాణికుల భద్రతకు తొలి ప్రాధాన్యత ఇవ్వాలని, సమస్యాత్మక బ్రిడ్జిలు, ట్రాక్‌లు, యార్డుల వద్ద 24/7 నిరంతర నిఘా ఉంచాలని సూచించారు. రైల్వే స్టేషన్లలో ప్రయాణికుల సహాయార్థం హెల్ప్‌లైన్‌ సెంటర్లు, సరిపడా ఆహారం, తాగునీరు అందుబాటులో ఉంచాలన్నారు. అత్యవసర పరిస్థితుల కోసం పవర్‌ బ్యాకప్‌, డీజిల్‌ లోకోలు, ప్రమాద సహాయక రైళ్లు, విపత్తు నిర్వహణ బృందాలను సిద్ధంగా ఉంచాలని, డ్రైనేజీ సమస్యలు తలెత్తకుండా తక్షణ చర్యలు చేపట్టాలని అధికారులను ఆదేశించారు.

సాక్షి, విశాఖపట్నం : భావోద్వేగాల నడుమ ఉమ్మడి విశాఖ జిల్లా పరిషత్‌ సర్వసభ్య సమావేశం ఆఖరి రోజు జరిగింది. మంగళవారం జిల్లా పరిషత్‌ చైర్‌పర్సన్‌ జల్లిపల్లి సుభద్ర ఆధ్యక్షతన జరిగిన సర్వసభ్య సమావేశంలో సభ్యులు విద్య, వైద్యం, తాగునీరు, రహదారులు, గ్రామీణాభివద్ధి, సంక్షేమం తదితర అంశాలపై సమగ్రంగా చర్చించారు. వైద్యసేవలను విస్తృతం చేయాలని, ఏజెన్సీ ప్రాంతం నుంచి మైదాన ప్రాంత వరకు అంబులెన్స్‌ సేవలను విస్తరించాలని కోరారు. ప్రభుత్వం కొత్తగా అందించనున్న పింఛన్ల మంజూరు విషయంలో, సదరం సర్టిఫికెట్ల జారీలో అందరికీ సమన్యాయం జరిగేలా చర్యలు తీసుకోవాలని సూచించారు. ఒంటరి మహిళలకు అందించే పింఛన్ల విషయంలోనూ నిబంధనలు సడలించాలన్నారు. పింఛన్లపై వాడీవేడి చర్చ సభలో పింఛన్లపై వాడీవేడిగా చర్చ జరిగింది. విడో పింఛన్లు, దివ్యాంగులు, వృద్ధాప్య పింఛన్లు, సదరం సర్టిఫికెట్లలో సమన్యాయం లేకపోవడంపై సభ్యులు అభ్యతరం వ్యక్తం చేశారు. శిశు సంక్షేమశాఖ స్టాండింగ్‌ కమిటీ చైర్మన్‌ ఈర్లె అనురాధ మాట్లాడుతూ కూటమి ప్రభుత్వం అధికారం చేపట్టి రెండున్నరేళ్లు దాటినా పింఛన్లు ఇవ్వలేదన్నారు. ఇప్పుడు ప్రభుత్వం ఇచ్చే పింఛన్ల కోసం దరఖాస్తుకు తొలుత వారం రోజులు గడువు ఇచ్చినా అందులో మూడు రోజులు సెలువులు పోగా మరో రెండు రోజులు గడువు పెంచారన్నారు. ఎన్నికల ముందు 50 ఏళ్ల మహిళలకు వృద్ధాప్య పింఛను అన్నారని, కానీ ఇప్పుడు పింఛన్ల దరఖాస్తు చేసుకునేందుకే ఆంక్షలు పెడితే అర్హులైన వారందరికీ పింఛన్లు ఇస్తారో లేదో తెలియని పరిస్థితి ఉందన్నారు. విడో పింఛన్లకు దరఖాస్తు చేసుకునేందుకు కూడా ఆంక్షలు ఎక్కువ పెట్టారంటూ అనురాధ తెలిపారు. దీనిపై అధికారులు వివరణ ఇవ్వాలని సభ్యులు కూడా డిమాండ్‌ చేశారు. నిధుల విడుదలకు తీర్మానాలు 2021–2026 సెప్టెంబర్‌ 24 వరకూ కొలువుతీరిన కార్యవర్గంలో జెడ్పీటీసీలకు గౌరవ వేతనం పెండింగ్‌లో ఉందని, జెడ్పీ జనరల్‌ ఫండ్‌ నుంచైనా వాటిని మంజూరు చేయాలని సభ్యులు విజ్ఞప్తి చేయగా జెడ్పీ చైర్‌పర్సన్‌ సానుకూలంగా స్పందించారు. ప్రభుత్వం నుంచి విడుదల కాకుండా పెండింగ్‌లో ఉన్న జెడ్పీటీసీ సభ్యుల 18 నెలల గౌరవ వేతనం రూ.66 లక్షలు ఇవ్వాలని సభ్యులంతా ఏకగ్రీవంగా తీర్మానం చేశారు. పెండింగ్‌లో ఉన్న 15వ ప్లానింగ్‌ కమిషన్‌ చివరి క్వార్టర్లీ నిధులు రూ.2.82 కోట్లు ప్రభుత్వం విడుదల చేయాలని తీర్మానం చేశారు. ఉమ్మడి జిల్లా ఆస్తుల్లో సమన్యాయం జిల్లా పరిషత్‌ విభజన అనంతరం విశాఖపట్నం, అనకాపల్లి, అల్లూరి సీతారామరాజు జిల్లాలకు సమన్యాయం జరిగేలా కార్యక్రమాలు రూపొందించాలని చైర్‌పర్సన్‌, సీఈవోలను ఎమ్మెల్యే కోరారు. ఏజెన్సీ ప్రాంతాలు, అనకాపల్లి తదితర ప్రాంతాల నుంచి వచ్చే ప్రజలు, మాజీ ప్రజాప్రతినిధులు జిల్లా పరిషత్‌ గెస్ట్‌హౌస్‌లను వినియోగించుకునేలా వెసులుబాటు కల్పించాలని సూచించారు. ఆస్తులు పంపిణీ చేసే సమయంలో జనాభా ప్రాతిపదికన, ఉద్యోగుల కేటాయింపు తరహాలో మూడు జిల్లాలకు న్యాయమైన వాటా కల్పించాలని కోరారు. భావోద్వేగాల నడుమ సత్కార కార్యక్రమాలు జెడ్పీ చైర్‌పర్సన్‌ జల్లిపల్లి సుభద్రను రాజ్యసభ సభ్యుడు గొల్ల బాబూరావు, ఎమ్మెల్సీ వరుదు కల్యాణి, ఎమ్మెల్యే బండారు సత్యానారాయణ, ఇతర సభ్యులు శాలువాతో సత్కరించారు. జ్ఞాపికను అందజేశారు. అదేవిధంగా ఉమ్మడి విశాఖ జిల్లాలోని జెడ్పీటీసీ సభ్యులకు, పలువురు ఎంపీపీలకు అతిథుల చేతుల మీదుగా ఆత్మీయ సత్కారం జరిగింది. ఈ క్రమంలో సభ్యులు భావోద్వేగంతో కూడిన ప్రసంగాలు చేశారు. అనుభవాలను, జ్ఞాపకాలను పంచుకున్నారు. ఐటీడీఏ పీవో ఆదిత్యవర్మ, డిప్యూటీ సీఈవో రాజ్‌కుమార్‌, ఉమ్మడి జిల్లాలోని అన్ని విభాగాల అధికారులు పాల్గొన్నారు. జగనన్నకు రుణపడి ఉంటా: చైర్‌పర్సన్‌ సుభద్ర ఎక్కడో వెనుకబడిన మారుమూల ప్రాంతాల్లో జన్మించిన తనకు రాజకీయంగా ఐదేళ్లపాటు జెడ్పీ చైర్మన్‌గా అవకాశం కల్పించిన వైఎస్సార్‌సీపీ అధ్యక్షుడు, మాజీ సీఎం వై.ఎస్‌. జగన్‌మోహన్‌రెడ్డికి జీవితాంతం రుణపడి ఉంటానని జెడ్పీ చైర్‌పర్సన్‌ సుభద్ర అన్నారు. చైర్‌పర్సన్‌గా ఐదేళ్ల పాటు ప్రజలకు సేవలందించడం తనకు ఎంతో సంతృప్తిని, మధురమైన అనుభూతిని కలిగించిందన్నారు. జిల్లాలు విడిపోయినా ప్రజాసేవ విషయంలో మనమంతా కలిసే ఉంటామన్నారు. ఇక్కడ ప్రస్తావించిన సమస్యలు, అంశాలు చట్టసభల్లో కూడా చర్చకు వచ్చాయని, చాలా వాటికి పరిష్కారం లభించిందన్నారు. ఐదేళ్ల పదవీకాలంలో తనకు సహకరించిన జెడ్పీటీసీ సభ్యులు, వైస్‌ చైర్మన్లు, ప్రజాప్రతినిధులు, అధికారులు, సిబ్బంది, మీడియా మిత్రులందరికీ ఆమె కృతజ్ఞతలు తెలిపారు. పంచాయతీరాజ్‌ వ్యవస్థే రాజకీయ ప్రస్థానానికి పునాది: గొల్ల బాబూరావు పంచాయతీరాజ్‌ వ్యవస్థ రాజకీయ ప్రస్థానానికి పునాది వంటిదని, ప్రజల అభివృద్ధి, సంక్షేమ కార్యక్రమాలు క్షేత్రస్థాయిలో సమర్ధంగా అమలు కావాలంటే పంచాయతీరాజ్‌ సంస్థలను మరింత బలోపేతం చేయాల్సిన అవసరం ఉందని రాజ్యసభ సభ్యుడు గొల్ల బాబూరావు అన్నారు. తన రాజకీయ ప్రస్థానానికి జిల్లా పరిషత్‌ పునాది అని, ఇక్కడ పనిచేసిన అనుభవం వల్లే ప్రజాజీవితంలో రాజకీయంగా పలు పదవుల్లో ఎదిగే అవకాశం లభించిందన్నారు. ప్రజల విశ్వాసమే అసలైన గుర్తింపు : ఎమ్మెల్సీ వరుదు కళ్యాణి ప్రజల విశ్వాసాన్ని చూరగొనడమే ప్రజాప్రతినిధుల అసలైన విజయమని ఎమ్మెల్సీ వరుదు కల్యాణి అన్నారు. జిల్లా పరిషత్‌ ద్వారా గ్రామీణ ప్రాంతాల అభివృద్ధికి చైర్‌పర్సన్‌, సభ్యులు అందించిన సేవలను అభినందించారు. విద్య, వైద్యం, వ్యవసాయం, సాగునీరు, తాగునీరు వంటి ప్రజలకు అవసరమైన మౌలిక సదుపాయాల కల్పనకు చైర్‌పర్సన్‌తో పాటు సభ్యులందరూ బాధ్యతాయుతంగా పనిచేశారని పేర్కొన్నారు. జెడ్పీతో నాలుగు దశాబ్దాల అనుబంధం : ఎమ్మెల్యే బండారు మండల ప్రెసిడెంట్‌గా, ఐదుసార్లు ఎమ్మెల్యేగా, మంత్రిగా ఉమ్మడి విశాఖ జిల్లా పరిషత్‌తో తనకు నాలుగు దశాబ్దాల అనుబంధం ఉందని మాడుగుల ఎమ్మెల్యే బండారు సత్యనారాయణమూర్తి అన్నారు. చైర్‌పర్సన్‌ సుభద్ర నాయకత్వంలో సమస్యలను పార్టీలకు అతీతంగా చర్చించి పరిష్కరించుకోగలిగామని, భిన్నాభిప్రాయాలు ఉన్నప్పటికీ సమగ్రంగా చర్చిస్తూ ప్రజా ప్రయోజనాలే ధ్యేయంగా సభను నిర్వహించారంటూ అభినందించారు. జెడ్పీ చైర్‌పర్సన్‌ జల్లిపల్లి సుభద్ర దంపతులను సత్కరిస్తున్న జెడ్పీ సీఈవో నారాయణమూర్తి ,ఎమ్మెల్సీ వరుదు కల్యాణి, ఎంపీ గొల్ల బాబూరావు, ఎమ్మెల్యే బండారు సత్యనారాయణమూర్తి, సభకు హాజరైన సభ్యులుకళ్లలో సంతృప్తి.. గుండెల్లో వీడ్కోలు బాధ.. ఈ రెండు భావాల మధ్య మంగళవారం ఉమ్మడి విశాఖ జిల్లా పరిషత్‌ చివరి సర్వసభ్య సమావేశం జరిగింది. జిల్లాల విభజనతో మూడు ముక్కలైన ఉమ్మడి విశాఖను ఒకే వేదికపైకి తీసుకొచ్చిన ఈ చివరి భేటీ, కేవలం ఒక పరిపాలనా తంతుగా కాక భావోద్వేగాల సంగమంగా మారింది. పింఛన్ల మంజూరు మొదలు వైద్య సేవల విస్తరణ దాకా ప్రజా సమస్యలపై వాడీవేడి చర్చలు ఒకవైపు సాగుతుండగా, మరోవైపు ఐదేళ్ల అనుబంధాన్ని గుర్తుచేసుకుంటూ జెడ్పీ చైర్‌పర్సన్‌ జల్లిపల్లి సుభద్ర గొంతు వణికింది. ‘జిల్లాలు విడిపోయినా ప్రజాసేవలో మాత్రం మనమంతా కలిసే ఉంటాం’ అంటూ ఆమె పలికిన మాటలు సభాస్థలిని కంటతడి పెట్టించాయి. –సాక్షి, విశాఖపట్నం

ద్వారకానగర్‌: పోలీసు సిబ్బంది విధి నిర్వహణకు ఆటంకం కలిగించడం, బెదిరింపులకు పాల్పడిన ఘటనపై న్యాయవాది గీతాప్రసన్నపై పోలీసులు మరో కేసు నమోదు చేశారు. ఇప్పటికే ఆమైపె సైబర్‌ క్రైమ్‌ కేసు నమోదు కాగా, తాజాగా ద్వారక పోలీసు స్టేషన్‌లో మంగళవారం రెండో కేసు నమోదైంది. సైబర్‌ క్రైమ్‌ కేసులో విచారిస్తున్న పోలీసులకు న్యాయవాది గీతాప్రసన్న ప్రమేయం ఉండటంతో పూర్తిస్థాయిలో దర్యాప్తు చేపట్టారు. సైబర్‌ క్రైమ్‌ కేసులో అరెస్టు చేసే సమయంలో ఆమె మహిళా పోలీస్‌ సిబ్బందిపై దురుసుగా ప్రవర్తించడంతో ఈ కేసు నమోదయింది. ఈ నెల18న న్యాయవాది గీతాప్రసన్న ద్వారకానగర్‌ పబ్లిక్‌ లైబ్రరీలో ఏర్పాటు చేసిన మీడియా సమావేశంలో ఈ ఘటన జరిగింది. ఆమెను అదుపులోకి తీసుకునే సమయంలో పోలీసులను బెదిరించడంతో పాటు, చెవిపోగుతో తనకు తానే గాయపర్చుకునేందుకు ప్రయత్నించినట్లు ఆరోపణలు ఉన్నాయి. పోలీసు సిబ్బంది విధులును అడ్డుకోవడం, వారిపై బలప్రయోగం చేయడంతో పిట్టా జయలక్ష్మి ఇచ్చిన నివేదిక ఆధారంగా ద్వారక పోలీసులు కేసు నమోదు చేసి దర్యాప్తు చేస్తున్నారు.

ఈవో వెంకటరావు చెక్కు అందిస్తున్న దాత నడింపల్లి వెంకట రామకృష్ణరాజు సింహాచలం: శ్రీ వరాహ లక్ష్మీనృసింహస్వామి దర్శనార్థం సింహగిరికి వచ్చే దివ్యాంగుల సౌకర్యార్థం బ్యాటరీ కారు కొనుగోలుకు రూ.7 లక్షల విరాళాన్ని హైదరాబాద్‌కి చెందిన నడింపల్లి వెంకట రామకృష్ణరాజు(జలవిహార్‌ రాజు) మంగళవారం అందించారు. సింహగిరికి కుటుంబ సమేతంగా వచ్చిన ఆయన సంబంధిత విరాళ చెక్కును ఆలయంలో దేవస్థానం ఈవో జల్లేపల్లి వెంకటరావుకి అందజేశారు. దేవస్థానం తరఫున దాతకు స్వామివారి దర్శనం కల్పించి ప్రసాదం, శేషవస్త్రంలను ఈవో అందించారు.

సింహాచలం: సింహగిరిపై శ్రీ వరాహ లక్ష్మీనృసింహస్వామివారి పవిత్రోత్సవాల్లో భాగంగా రెండోరోజు మంగళవారం హోమాలు, పవిత్ర ప్రతిష్ట పూజలు నిర్వహించారు. ఉదయం స్వామివారి ఉత్సవమూర్తులు గోవిందరాజస్వామి, శ్రీదేవి,భూదేవిలను ఆలయ కల్యాణమండపంలో కొలువుదీర్చి శాంతిపఠనం, యాగశాలార్చన, కుంభావాహనం, పవిత్రాధివాసం, చక్రాబ్జమండలరచనం, ఆవాహనం, పవిత్రప్రతిష్ట జరిపించారు. సాయంత్రం 5గంటల నుంచి ఆలయ బేడామండపంలో తిరువీధి, రాత్రి విశేష హోమాలు నిర్వహించారు. ఆలయ స్థానాచార్యులు టి.పి.రాజగోపాల్‌, ప్రధానార్చకుడు కరి సీతారామాచార్యులు, ఉప ప్రధానార్చకుడు కె.కె.ప్రసాదాచార్యులు, అర్చకులు, పారాయణదారులు, వేద పండితులు ఈ కార్యక్రమాన్ని నిర్వహించారు.

నర్సీపట్నం : నర్సీపట్నం మున్సిపాలిటీ సమగ్ర అభివృద్ధికి ప్రభుత్వం రూ.25 కోట్లు మంజూరు చేసింది. ఈ పనులకు సీఎం చంద్రబాబునాయుడు కుప్పం నుంచి వర్చువల్‌ విధానంలో శంకుస్థాపన చేశారు. ఈ సందర్భంగా స్పీకర్‌ సిహెచ్‌.అయ్యన్నపాత్రుడు మాట్లాడుతూ ఈ నిధులతో మున్సిపాలిటీని మరింత అభివృద్ధి చేస్తామన్నారు. సృష్టి క్షేత్రం ఏర్పాటు చేసి పర్యాటక హబ్‌గా అభివృద్ధి చేసేందుకు ప్రణాళికలతో ముందుకు వెళ్తున్నామన్నారు. పట్టణ అభివృద్ధికి అందరూ సహకరించాలన్నారు. రాజ్యసభ సభ్యుడు సిహెచ్‌.విజయ్‌ మాట్లాడుతూ నర్సీపట్నం అభివృద్ధికి స్పీకర్‌ తొలి ప్రాధాన్యం ఇస్తున్నారన్నారు. కూటమి ప్రభుత్వం వచ్చిన రెండేళ్లలో రూ.532 కోట్ల విలువైన అభివృద్ధి పనులు చేపట్టామన్నారు. ఎంపీ నిధులతో నియోజకవర్గంలో ప్రత్యేక లైబ్రరీల ఏర్పాటుకు చర్యలు తీసుకుంటున్నామని వెల్లడించారు. రెండేళ్లలో మున్సిపాలిటీలో ఎంతో అభివృద్ధి జరిగిందని జిల్లా కలెక్టర్‌ విజయకృష్ణన్‌ పేర్కొన్నారు. రూ.25 కోట్లతో పట్టణంలోని ప్రధాన కూడలి నుంచి శ్రీకన్య కూడలి, అబీద్‌ కూడలి మీదుగా ప్రభుత్వ డిగ్రీ కళాశాల వరకు ఆధునిక సెంట్రల్‌ లైటింగ్‌ వ్యవస్థను ఏర్పాటు చేస్తున్నామన్నారు. మున్సిపాలిటీలోని మొత్తం 40 వార్డుల్లో అంతర్గత సీసీ రోడ్ల నిర్మానాన్ని పూర్తి చేయనున్నామన్నారు. అనంతరం నియోజకవర్గంలో రెండేళ్ల కాలంలో జరిగిన అభివృద్ధిపై రూపొందించిన ప్రత్యేక పుస్తకాన్ని ఆవిష్కరించారు. ఈ కార్యక్రమంలో వీఎంఆర్‌డీఎ చైర్మన్‌ ప్రణవ్‌గోపాల్‌, మున్సిపల్‌ కమిషనర్‌ జంపా సురేంద్ర పాల్గొన్నారు.

నక్కపల్లి : ఉపమాక వేంకటేశ్వరస్వామి ఆలయంలో వార్షిక బ్రహ్మోత్సవాల్లో భాగంగా మంగళవారం మృగవేట కార్యక్రమం నేత్ర పర్వంగా జరిగింది. ఉదయం కొండపై కల్కి అవతారంలో వెలసిన స్వామివారికి పంచామృతాభిషేకం, నిత్యార్చనలు పూర్తిచేసి భక్తులకు దర్శనం కల్పించారు. కొండ దిగువ క్షేత్ర పాలకుడు వేణుగోపాలస్వామి, ఆండాళ్ల మ్మవారి సన్నిధిలో నిత్యపూజలు చేసిన అనంతరం పల్లకిలో సుదర్శన పెరుమాళ్లను ఉంచి గ్రామ బలిహరణలు పూర్తి చేశారు. అనంతరం నీరాజన మంత్రపుష్పాలు, తీర్థగోష్టి, ప్రసాద వినియోగం జరిగింది. సాయంకాలారాధనలో ప్రత్యేక హోమాలు నిర్వహించిన తర్వాత గ్రామ బలిహరణలు పూర్తి చేశారు. సాయంత్రం శ్రీదేవీ, భూదేవీ సమేత శ్రీ వేంకటేశ్వరస్వామిని గజవాహనంలో వేంచేయింపజేసి బందుర సరస్సు వద్ద ఉన్న లంకవారి మండపం వద్దకు తీసుకెళ్లి మృగవేట కార్యక్రమం నిర్వహించాల్సి ఉంది. వర్షం కారణంగా ఈ కార్యక్రమాన్ని ఆలయంలోనే నిర్వహించారు. తర్వాత నీరాజన మంత్రపుష్పములు తీర్థగోష్టి, అనంతరం ప్రసాద వినియోగం జరిగింది. గ్రామ తిరువీథి సేవ జరిగింది. ప్రధానార్చకులు గొట్టుముక్కల వరప్రసాద్‌, అర్చక స్వాములు, సంకర్షణపల్లి రాజగోపాల కృష్ణమాచార్యులు, పీసపాటి వెంకటశేషాచార్యులు భాగవతం గోపాలాచార్యులు దేవస్థానం సిబ్బంది పాల్గొన్నారు.

● జిల్లా స్థాయిలో 2 స్వర్ణ, 3 కాంస్య పతకాలు కై వసంస్కేటింగ్‌లో సత్తా చాటిన డావెన్సీ పాఠశాల విద్యార్థులు మునగపాక : తిమ్మరాజుపేట డావెన్సీ అంతర్జాతీయ పాఠశాల విద్యార్థులు జిల్లా స్థాయి స్కేటింగ్‌లో సత్తా చాటారు. విశాఖపట్నంలోని గోపాలపట్నంలో అల్వార్‌ స్కూల్‌ ఆఫ్‌ ఎక్స్‌లెన్స్‌ నిర్వహించిన 2026–27 ఫెస్ట్‌లో భాగంగా జరిగిన జిల్లా స్థాయి స్కేటింగ్‌ పోటీల్లో 2 స్వర్ణ , 3 కాంస్య పతకాలు సాధించారు. బి.రిషికేష్‌ నాయుడు ఒక నిమిషం రేసు , 20 సెకెండ్ల రేసులో రెండు బంగారు పతకాలు సాధించారు. అలాగే కాండ్రేగుల విన్మయీశ్రీ ఒక నిమిషం రేసులో కాంస్య పతకం, వి.తేజ రిత్విక్‌ 1 నిమిషం రేసుతో పాటు 20 సెకెండ్ల రేసులో కాంస్య పతకం సాధించారు. దీంతో మంగళవారం స్కూల్లో ఆయా విద్యార్థులను మేనేజింగ్‌ డైరెక్టర్‌ సుందరయ్య, డైరెక్టర్‌ రమణాజీ, డీన్‌ దీప, ప్రిన్సిపాల్‌ రమేష్‌, కోచ్‌ రమేష్‌ అభినందించారు.

నక్కపల్లి: రాజయ్యపేటకు చెందిన మత్స్యకార సామాజిక వర్గానికి చెందిన తెలుగుదేశం పార్టీ నాయకుడు చొక్కా కాశీ మంగళవారం వైఎస్సార్‌సీపీలో చేరారు. నక్కపల్లి పార్టీ కార్యాలయం వద్ద వైఎస్సార్‌సీపీ రాష్ట్ర కార్యదర్శి వీసం రామకృష్ణ, మండల శాఖ అధ్యక్షుడు గొర్ల గోవిందరావు అతనికి కండువా కప్పి పార్టీలోకి సాదరంగా ఆహ్వానించారు. త్వరలో జరగనున్న రాజయ్యపేట మత్స్యకార సొసైటీ ఎన్నికల్లో వైఎస్సార్‌సీపీ తరపున కాశీ పోటీచేస్తారని వారు ప్రకటించారు. ఉపాధ్యక్షుడిగా గ్రామ పెద్ద పిక్కి నాగరాజును పార్టీ తరపున నియోజకవర్గ సమన్వయకర్త కంబాల జోగులు ఆశీస్సులతో ఎంపిక చేశామన్నారు. గ్రామంలో వైఎస్సార్‌సీపీ నాయకులు, కార్యకర్తలు, మత్స్యకారులు కాశీ, నాగరాజులకు మద్దతు ప్రకటించాలన్నారు. వైఎస్సార్‌సీపీలో చేరిన కాశీ, నాగరాజులను మత్స్యకార సొసైటీ అధ్యక్ష ఉపాధ్యక్షులుగా గెలిపించాలని పార్టీ జిల్లా ప్రధాన కార్యదర్శి శీరం నర్సింహమూర్తి కోరారు. పార్టీలో చేరిన కాశీని అభినందించారు. కార్యక్రమంలో గ్రామ శాఖ అధ్యక్షుడు మైలపల్లి బాబ్జి, మైలపల్లి సూరిబాబు, మాజీ ఎంపీటీసీ పిక్కి తాతీలు, పిక్కి నూకరాజు, మండల కార్యదర్శి ఎరిపల్లి నాగేశు, యజ్జల అప్పలరాజు తదితరులు పాల్గొన్నారు.

అచ్యుతాపురం రూరల్‌ : పూడిమడక సముద్రంలో మునిగి యువకుడు మృతి చెందిన ఘటన మంగళవారం చోటుచేసుకుంది. మండల కేంద్రమైన అచ్యుతాపురం కోనేంపాలెం గ్రామానికి చెందిన లాలం సత్యవతి, అప్పారావు దంపతుల చిన్న కుమారుడు లాలం లక్ష్మణరావు (25) మృతి చెందాడు. తల్లి లాలం సత్యవతి ఫిర్యాదు మేరకు కేసు నమోదు చేసినట్టు పోలీసులు తెలిపారు. లక్ష్మణరావుకు కొంత కాలంగా మతిస్థిమితం సరిగా లేకపోవడంతో బయట తిరుగుతుండేవాడని తల్లి సత్యవతి తెలిపారు. సోమవారం మధ్యాహ్నం ఇంటి నుంచి బయటకు పరిగెత్తుకుంటూ పూడిమడక రోడ్డువైపు వెళ్లడంతో ఆమె వెంట వెళ్లి పట్టుకునేందుకు ప్రయత్నించినప్పటికీ, పరుగెత్తుకుంటూ వెళ్లిపోయినట్టు పేర్కొన్నారు. అనంతరం పూడిమడక గ్రామంలో తిరుగుతూ సాయంత్రం సుమారు 5 గంటల సమయంలో సముద్రంలోకి వెళ్లినట్టు తెలిపారు. లోతైన ప్రాంతంలోకి వెళ్లడంతో బలమైన అలల కారణంగా సముద్రంలో మునిగిపోయినట్టు ఫిర్యాదులో పేర్కొన్నారు. మంగళవారం పూడిమడక తీరం వద్ద మృతదేహం కొట్టుకురాగా, అది తన కుమారుడిదేనని గుర్తించినట్టు సత్యవతి తెలిపారు.

అచ్యుతాపురం రూరల్‌ : విజయవాడలోని స్పోర్ట్స్‌ అథారిటీ ఆఫ్‌ ఆంధ్రప్రదేశ్‌ (శాప్‌) కార్యాలయం వద్ద డీఎస్సీ స్పోర్ట్స్‌ కోటా నియామకాలపై సోమవారం జరిగిన ఆందోళన సందర్భంగా పోలీసుల లాఠీచార్జీ ఘటనను వైఎస్‌ఆర్‌ ట్రేడ్‌ యూనియన్‌ అనకాపల్లి జిల్లా అధ్యక్షుడు చోడిపల్లి అప్పారావు ఖండించారు. ఈ ఘటనలో వైఎస్‌ఆర్‌టీయూసీ రాష్ట్ర అధ్యక్షుడు డా.పూనూరు గౌతమ్‌రెడ్డిపై లాఠీచార్జీ జరిగిందని ఆయన పేర్కొన్నారు. డీఎస్సీ స్పోర్ట్స్‌ కోటా నియామకాల్లో అవకతవకలు జరిగాయనే ఆరోపణలపై ప్రభుత్వం స్పష్టత ఇవ్వాలని డిమాండ్‌ చేశారు. శాంతియుతంగా నిరసన తెలిపే ప్రజాస్వామ్య హక్కులను హరించడం సరికాదన్నారు. ఘటనపై ప్రభుత్వం, అధికారులు చట్ట ప్రకారం చర్యలు తీసుకోవాలని కోరారు.

బంగాళఖాతంలో ఏర్పడిన అల్పపీడనం ప్రభావంతో జిల్లాలో పలు ప్రాంతాల్లో రోజంతా ఎడతెరిపి లేని వర్షం కురిసింది. లోతట్టు ప్రాంతాలు వర్షానికి నీటితో మునిగిపోయాయి. మంగళవారం సబ్బవరం మండలంలో అత్యధికంగా 64.4 మి.మీ వర్షపాతం నమోదవగా, పాయకరావుపేట మండలంలో అత్యల్పంగా 17.6 మి.మీ నమోదైంది. –అనకాపల్లి తుపాను ప్రభావంతో జిల్లాలో సోమవారం రాత్రి నుంచి మంగళవారం రాత్రి వరకూ ఎడతెరిపి లేని వర్షాలు కురిశాయి. రోడ్లపై వర్షపునీరు పొంగి ప్రవహించింది. బీఎన్‌రోడ్డుతో పాటు పలు గ్రామాల్లో గోతులమయమైన రోడ్లలో నీరు చేరి రాకపోకలకు జనం తీవ్ర అవస్థలు పడ్డారు. మరోవైపు తుపాను వర్షాలకు పొలాల్లో నీరు చేరింది. వానల్లేక అల్లాడుతున్న వరి పొలాలు దమ్ములు పట్టి నాట్లు వేసేందుకు అనుకూలంగా మారాయి. మాకవరపాలెంలో రోడ్డుకు అడ్డంగా చెట్టు కూలడంతో రెండు గంటలపాటు రాకపోకలకు అంతరాయం ఏర్పడింది. తుపాను కారణంగా జిల్లా అధికారులు తీర ప్రాంతంలో అలర్ట్‌ ప్రకటించారు. మత్స్యకారులను చేపలవేటకు వెల్లొద్దని హెచ్చరికలు జారీ చేశారు. తుపాను ఉధృతమైతే తీర ప్రాంత ప్రజలను సురక్షిత ప్రాంతాలకు తరలించేందుకు ఏర్పాట్లు చేశారు. నేడు జిల్లాలో విద్యాసంస్థలకు సెలవు భారీ వర్షాల కారణంగా ఈనెల 23న జిల్లాలో అన్ని ప్రభుత్వ, ప్రైవేట్‌ విద్యాసంస్థలకు సెలవు ప్రకటించడం జరిగిందని కలెక్టర్‌ విజయకృష్ణన్‌ మంగళవారం ఒక ప్రకటనలో పేర్కొన్నారు. విద్యాసంస్థలు ప్రభుత్వ నిబంధనలను తప్పనిసరిగా పాటించాలన్నారు. తుఫాన్‌ ప్రభావంతో జిల్లా వ్యాప్తంగా విస్తారంగా వర్షాలు కురుస్తున్నాయని, పలుచోట్ల భారీ వర్షపాతం నమోదవుతున్న పరిస్ధితుల్లో ఉపాధ్యాయులు, విద్యార్థులు ఇబ్బందులకు గురి కాకుండా ముందస్తు చర్యలలో భాగంగా ఈ నిర్ణయం తీసుకున్నట్లు, ఈ మేరకు ప్రభుత్వ, ప్రైవేట్‌ పాఠశాలలు, కళాశాలలు మూసివేయాలని కలెక్టర్‌ తెలిపారు. పూడిమడక తీరంలో అప్రమత్తం అచ్యుతాపురం రూరల్‌ : పూడిమడక సముద్ర తీరంలో మంగళవారం తుపాను ప్రభావం ప్రస్తుతం అవుట్‌ ఆఫ్‌ డేంజర్‌ అని తహసీల్దార్‌ డి.శ్రీను తెలిపారు. అయినప్పటికీ ముందస్తు జాగ్రత్త చర్యలు చేపట్టి అధికారులను అప్రమత్తం చేశామన్నారు. ప్రత్యేక అధికారి యశ్వంత్‌ పరిస్థితిని పర్యవేక్షిస్తున్నారన్నారు. అలాగే తీర ప్రాంతంలో ఎలాంటి అవాంఛనీయ ఘటనలు చోటు చేసుకోకుండా సీఐ చంద్రశేఖర్‌ ఆధ్వర్యంలో ముందస్తు చర్యలు చేపట్టారు. మత్స్యకారులు సముద్రంలో వేటకు వెళ్లకుండా హెచ్చరికలు జారీ చేశామని, తుఫాన్‌ ప్రభావం తీవ్రతరం అయితే తీరప్రాంత ప్రజలను సురక్షిత ప్రాంతాలకు తరలించేందుకు ఏర్పాట్లు చేశామని వెల్లడించారు. మాడుగుల మండలం పెద్దేరు ఆయకట్టులో చేరిన వర్షపు నీరుమాకవరపాలెం– పీపీ అగ్రహారం మార్గంలో కూలిన చెట్టుజిల్లాలో వివిధ మండలాల్లో మంగళవారం వర్షపాతం వివరాలిలా ఉన్నాయి.

శిక్షణ లేదు.. దేవరాపల్లి : మహిళలకు స్వయం ఉపాధి కల్పించడమే ధ్యేయంగా ప్రభుత్వం అట్టహాసంగా ఏర్పాటు చేసిన ఉచిత కుట్టు శిక్షణ కేంద్రాలు అర్ధంతరంగా నిలిచిపోయాయి. బీసీ కార్పొరేషన్‌ ఆధ్వర్యంలో కర్డ్‌ (సెంటర్‌ ఫర్‌ అర్బన్‌ అండ్‌ రూరల్‌ డెవలప్‌మెంట్‌) ప్రైవేట్‌ సంస్థ మండలానికి ఒక్కటి చొప్పున కేంద్రాలు ఉచిత కుట్టు శిక్షణ కేంద్రాలు ఏర్పాటు చేశారు. కాగా తొలి బ్యాచ్‌లతోనే ఈ కేంద్రాలు ఎక్కడికక్కడ మూతపడ్డాయి. కుట్టు శిక్షణ కేంద్రాల ప్రారంభోత్సవం కార్యక్రమంలో మహిళా సాధికారత సాధించడమే తమ ప్రభుత్వ లక్ష్యమని పాలకులు ప్రచార అర్భాటం చేశారు. తీరా నిర్వహణ లోపంతో ఏడాది తిరగక ముందే ఈ పథకం అట్టర్‌ ప్లాప్‌ అయ్యింది. తొలి బ్యాచ్‌లో ఉదయం, మధ్యాహ్నం రెండు షిఫ్ట్‌ల్లో మహిళలకు కుట్టు శిక్షణ ఇచ్చారు. తొలి దఫాలో బ్యాచ్‌లకు శిక్షణ పూర్తయి సుమారు ఏడాది కావస్తున్నా ఇటు ధ్రువీకరణ పత్రం, అటు ఉచితంగా కుట్టు మిషన్‌ అందించక పోవడంతో బాధిత మహిళలు తీవ్ర అసంతృప్తి వ్యక్తం చేస్తున్నారు. కనీసం ఎప్పుడు ఇస్తారో అధికారులు స్పష్టత ఇవ్వకపోవడంపై మహిళలు తీవ్రంగా మండిపడుతున్నారు. సుమారు మూడు నెలల క్రితం తొలి దఫాలో శిక్షణ పూర్తి చేసుకున్న వారందరికీ టెస్టు సైతం నిర్వహించి హడావిడి చేసి ఆపై ఊసెత్తడం మానేశారు. మండల వ్యాప్తంగా సుదూర గ్రామాల నుంచి వ్యయ ప్రయాసల నడుమ మండల కేంద్రానికి వచ్చి శిక్షణ పొందిన మహిళల పరిస్థితి అయోమయంగా మారింది. కుట్టు శిక్షణతో పాటు మిషన్‌ ఉచితంగా అందిస్తారని ఆశ పడిన మహిళలకు తీవ్ర నిరాశే మిగిలింది. కుట్టు శిక్షణ పేరిట తమను మోసం చేశారంటూ లబ్ధిదారులైన మహిళలు ఆవేదన వ్యక్తం చేస్తున్నారు. శిక్షణ మూన్నాళ్ల ముచ్చటే... మాడుగుల నియోజకవర్గంలోని దేవరాపల్లితో పాటు మాడుగుల, చీడికాడ మండలాల్లో కుట్టు శిక్షణ కేంద్రాలు మూతపడ్డాయి. దీంతో శిక్షణ కేంద్రాలు మూన్నాళ్ల ముచ్చటగా మారాయి. కె.కోటపాడు మండలంలో కుట్టు శిక్షణ కేంద్రాన్ని ప్రారంభించలేదు. ఆ మండలానికి చెందిన కుట్టు మిషన్లు దేవరాపల్లి పాత శిథిల ఎంపీడీవో భవనంలో నిరుపయోగంగా ఉన్నాయి. అర్ధంతరంగా నిలిచిపోయిన మూడు మండలాల్లో సుమారు 1500 మంది వరకు మహిళలు కుట్టు శిక్షణకు దరఖాస్తు చేసుకున్నారు. వీరిలో తొలి దఫాలో శిక్షణ పూర్తి చేసుకున్న వారంతా సర్టిఫికెట్‌, మిషన్‌ కోసం ఎదురు చూస్తున్నారు. మూడు నెలల పాటు శిక్షణ ఇచ్చి, శిక్షణ పూర్తి చేసుకున్న అనంతరం మహిళలకు సుమారు రూ. 6 వేలు విలువ చేసే కుట్టు మిషన్‌ ఉచితంగా అందించాల్సి ఉంది. ఇందుకోసం ప్రైవేటు సంస్థలకు ఒక్కో మహిళకు రూ. 21 వేలు చొప్పున ప్రభుత్వం కేటాయించినట్టు సమాచారం. మూలకు చేరిన కుట్టు మిషన్లు కుట్టు శిక్షణ అర్ధంతరంగా నిలిపివేయడంతో శిక్షణ కేంద్రాలలో కుట్టు మిషన్లు మూలకు చేరాయి. కొన్ని చోట్ల తుప్పు పట్టిపోతుండగా, మరికొన్ని చోట్ల శిథిలావస్థలో ఉన్న భవనాలలో ఉంచడంతో వర్షాలకు కారిపోయి కుట్టుమిషన్లు తడిసిపోతున్నాయి. ఈ కుట్టు శిక్షణ కేంద్రాలకు నిధులు మంజూరు చేయకపోవడంతోనే ప్రైవేటు సంస్థ కుట్టు శిక్షణ కేంద్రాలను నిలిపివేసినట్టు సమాచారం. శిక్షణ కేంద్రాల్లో పని చేసిన ట్రైనీలు, కంప్యూటర్‌ ఆపరేటర్లకు సైతం సుమారు నాలుగు నెలల వేతనం అందించకపోవడం గమనార్హం. నాలుగు నెలల వేతనం ఇవ్వలేదు.. నాలుగు నెలల వేతనం ఇవ్వలేదు. కేంద్రం నిర్వాహకులకు ఫోన్‌ చేస్తున్నా లిఫ్ట్‌ చేయడం లేదు. దీంతో వేతనం అందకపోవడంతో తీవ్ర ఇబ్బందులు పడుతున్నాం. శిక్షణ పూర్తి చేసుకున్న మహిళలు తమను సర్టిఫికెట్లు, మిషన్లు ఎప్పుడిస్తారని అడుగుతున్నారు. ఇప్పటికైనా అధికారులు స్పందించి స్పష్టత ఇవ్వాలి. –సుకురు తేజశ్విని, కుట్టు శిక్షణ కేంద్రం కంప్యూటర్‌ ఆపరేటర్‌, దేవరాపల్లి ప్రభుత్వ ఉత్తర్వులు రాగానే కుట్టుమిషన్లు ఇస్తాం.. జిల్లాలో తొలి విడతలో 19 మండలాల్లో 3182 మంది దరఖాస్తులు చేసుకోగా వీరిలో 2268 మంది మాత్రమే శిక్షణ పొందారు. నిబంధనల ప్రకారం 75 శాతం హాజరుఉన్న 1321 మందికి టెస్టులు నిర్వహించగా వీరిలో ఐదుగురు గైర్హాజరయ్యారు. ప్రభుత్వం నుంచి ఆదేశాలు రాగానే అర్హులైన 1316 మంది మహిళలకు సర్టిఫికెట్‌తో పాటు కొత్త మిషన్లను అందజేస్తాం. వీరికి అందజేసిన తర్వాతనే రెండో దఫా కుట్టు శిక్షణ ప్రారంభిస్తాం. –జి. గోపి, ఇన్‌చార్జి బీసీ కార్పొరేషన్‌ ఈడీ, అనకాపల్లి జిల్లా

కలెక్టరేట్‌ వద్ద నిరసన చేస్తున్న ఏఐఎస్‌ఎఫ్‌ నాయకులు ప్రభుత్వ నిబంధనలు పాటించకుండా ఇష్టారాజ్యంగా నిర్వహిస్తున్న ప్రైవేట్‌, కార్పొరేట్‌ విద్యాసంస్థలపై తక్షణమే చర్యలు తీసుకోవాలని ఏఐఎస్‌ఎఫ్‌ జిల్లా జిల్లా కార్యదర్శి జి.ఫణీంద్ర కుమార్‌, కలెక్టర్‌కు వినతిపత్రం సమర్పించారు. ఈ సందర్భంగా ఏఐఎస్‌ఎఫ్‌ జిల్లా కార్యదర్శి జి.ఫణీంద్ర కుమార్‌ మాట్లాడుతూ శ్రీచైతన్య, నారాయణ, భాష్యం వంటి కార్పొరేట్‌ విద్యాసంస్థలతో పాటు పలు ప్రైవేట్‌ కళాశాలలు ప్రభుత్వ నిబంధనలను పాటించడం లేదని, విద్యాసంస్థల భవనాల్లో భద్రతా ప్రమాణాలు పాటించకపోవడం, ప్రభుత్వం ప్రకటించిన సెలవు రోజుల్లోనూ తరగతులు నిర్వహించడం ద్వారా విద్యార్థులపై ఒత్తిడి పెంచుతున్నారన్నారు. ఆదివారాల్లో సైతం ఐఐటీ, నీట్‌ కోచింగ్‌ పేరుతో విద్యార్థులకు తరగతులు నిర్వహిస్తూ మానసిక ఒత్తిడికి గురిచేస్తున్నారని, అంతేకాకుండా తల్లిదండ్రుల నుంచి అధిక ఫీజులు వసూలు చేస్తున్నారనే ఫిర్యాదులపై అధికారులు దృష్టి సారించాలని కోరారు. నిరసనలో ఏఐఎస్‌ఎఫ్‌ జిల్లా నాయకులు మణికంఠ, అజయ్‌ తదితరులు పాల్గొన్నారు.

తుమ్మపాల : ఈవీఎం గోడౌన్‌ వద్ద సిబ్బంది అనుక్షణం అప్రమత్తంగా ఉండాలని కలెక్టర్‌ విజయకృష్ణన్‌ ఆదేశించారు. నెలవారీ తనిఖీల్లో భాగంగా సోమవారం జిల్లా ఎస్పీ కార్యాలయం వద్ద ఉన్న ఈవీఎం గొడౌన్‌ను వివిధ రాజకీయ పార్టీల ప్రతినిధులతో కలిసి ఆమె తనిఖీ చేశారు. గొడౌన్‌ పరిసరాల్లో సీసీ కెమెరాల పనితీరు, ప్రధాన ద్వారానికి ఉన్న సీల్స్‌, భద్రతా ఏర్పాట్లను కలెక్టర్‌ క్షుణ్ణంగా పరిశీలించారు. తనిఖీలకు సంబంధించిన లాగ్‌బుక్‌లో సంతకం చేశారు. గోడౌన్‌న్‌లో భద్రపరిచిన ఈవీఎంల స్థితిగతులను ఎన్నికల విభాగం అధికారులు కలెక్టర్‌కు వివరించారు. భద్రతా ప్రమాణాలు, లాగ్‌బుక్‌ నిర్వహణ తదితర అంశాలపై అధికారులు, రాజకీయ పార్టీల ప్రతినిధులతో కలెక్టర్‌ చర్చించారు. రాజకీయ పార్టీల ప్రతినిధులతో డీఆర్‌వో సమావేశం నెలవారీ సమావేశాల్లో భాగంగా జిల్లా రెవెన్యూ అధికారి వై. సత్యనారాయణరావు సోమవారం తన చాంబర్‌లో వివిధ రాజకీయ పార్టీల ప్రతినిధులతో ఓటర్ల జాబితా నవీకరణ ప్రక్రియపై సమావేశం నిర్వహించారు. ఈ సందర్భంగా ఆయన మాట్లాడుతూ గుర్తింపు పొందిన రాజకీయ పార్టీల ప్రతినిధులు బూత్‌ లెవల్‌ అధికారులతో సమన్వయంతో పనిచేయాలని సూచించారు. ఓటర్ల సంఖ్య, పోలింగ్‌ కేంద్రాలు తదితర అంశాలపై చర్చించి, రానున్న ఎన్నికలను సజావుగా నిర్వహించేందుకు సహకరించాలని కోరారు. ఇన్‌చార్జి ఆర్డీఓ వై.శ్రీనివాసరావు,అధికారులు, సిబ్బంది పాల్గొన్నారు. జూలో కృష్ణనేను కృష్ణను. వయసు నలభై ఎనిమిదేళ్లు. నా జీవితంలో 39 ఏళ్లగా విశాఖ జూలోనే ఉంటున్నాను. మీరు నన్ను చూడగానే భయపడతారని తెలుసు. కానీ నా కథ వింటే మీ మనసు మారొచ్చు. నేను పుట్టింది ఏ అడవిలోనో, ఎప్పుడో గుర్తు లేదు. తెలిసొచ్చేసరికి ఇక్కడే ఉన్నాను. మా జాతి పేరు ఎలిఫాస్‌ మాక్సిమస్‌ అని పిలుచుకుంటారు. మేం పూర్తి శాకాహారులం. చెట్ల బెరడు, కాండం, పండ్లు, గ్రాసం.. ఇదే మా ఆహారం. మీరు నమ్మరేమో, రోజుకి 265 కిలోల వరకు తింటా..అరటి దవ్వ, గడ్డి, చెరకు, పుచ్చకాయలు, రాగి, కేటిల్‌ ఫీడ్‌, బెల్లం...ఇంకా 150 లీటర్ల నీళ్లు తాగుతాను. నా తొండం ఒక్కసారికి పది లీటర్ల నీళ్లు పీల్చుకోగలదు, తెలుసా? – ఆరిలోవ బ్రేక్‌ఫాస్ట్‌ : రాగి సంగటిఅనధికార బాణసంచా కేంద్రాలపై ప్రత్యేక దృష్టి అనకాపల్లి : అనకాపల్లి పోలీస్‌శాఖ సబ్‌ డివిజన్‌ పరిధిలో అనధికార బాణసంచా కేంద్రాలుపై ప్రత్యేక దృష్టి సాదించడం జరిగిందని ఇన్‌ఛార్జ్‌ డీఎస్పీ ఈ.శ్రీనివాసులు అన్నారు. స్థానిక గవరపాలెం, రాజుపాలెం, ఎరుకువానిపాలెం, వల్లూరు, జాతీయరహదారి తోటాడ జంక్షన్‌ బాణసంచా దుకాణాలను పట్టణ, రూరల్‌ సీఐలు జి.ప్రేమ్‌కుమార్‌, ఆశోక్‌కుమార్‌ ఆధ్వర్యంలో సోమవారం పరిశీలించారు. ఈ సందర్భంగా ఆయన మాట్లాడుతూ నిల్వ ఉంచిన పేలుడు పదార్థాలు, భద్రతా ప్రమాణాలు, అగ్నిమాపక పరికరాలు, లైసెన్సుల వివరాలను తెలుసుకోవడం జరిగిందన్నారు. ప్రజల ప్రాణ, ఆస్తి భద్రతను దృష్టిలో ఉంచుకుని నిబంధనలకు విరుద్ధంగా వ్యవహరించే వారిపై చట్టపరంగా కఠిన చర్యలు తీసుకోవడం జరుగుతుందని, ఎలాంటి అనుమతులు లేకుండా గృహాలు మధ్యలో గానీ, జనావాసాల్లో గానీ బాణాసంచా తయారు చేసినా, అక్రమంగా నిల్వ ఉంచినా, అమ్మకాలు చేపట్టినా వారిపై చట్టప్రకారం కేసులు నమోదు చేస్తామన్నారు. ప్రభుత్వం నుంచి అధికారిక అనుమతులు (లైసెన్స్‌) పొందిన తయారీ, నిల్వ కేంద్రాల నిర్వాహకులు తప్పనిసరిగా నిర్దేశిత భద్రతా ప్రమాణాలు పాటించాలన్నారు. నిల్వ కేంద్రాల వద్ద అగ్నిమాపక పరికరాలు అందుబాటులో ఉంచుకోవడంతో పాటు అన్ని ముందస్తు జాగ్రత్తలు తీసుకోవాలన్నారు. ఎవరైనా అనధికారికంగా బాణాసంచా నిల్వ ఉంచినా లేదా విక్రయాలు జరిపినా ప్రజలు డయల్‌ 112, స్థానిక పోలీస్‌స్టేషన్‌కు సమాచారం అందించాలన్నారు. ఈ కార్యక్రమంలో రూరల్‌ ఎస్‌ఐ రవికుమార్‌ పాల్గొన్నారు.

తుమ్మపాల: గురజాడ వెంకట అప్పారావు రచనలు, సాహిత్యం శాశ్వతంగా నిలిచిపోతాయని, ఆయన సాహితీ సంపదను భావితరాలకు అందించేందుకు ప్రతి ఒక్కరూ కృషి చేయాలని కలెక్టర్‌ విజయకృష్ణన్‌ అన్నారు. సోమవారం కలెక్టర్‌ కార్యాలయం వీసీ హాల్‌లో నిర్వహించిన మహాకవి గురజాడ 164వ జయంతి వేడుకల్లో గురజాడ విగ్రహానికి పూలమాలలు వేసి నివాళులర్పించారు. ఈ సందర్భంగా కలెక్టర్‌ మాట్లాడుతూ మన సంస్కృతి, సంప్రదాయాలు, విలువైన సాహిత్యాన్ని పరిరక్షించడంతో పాటు వాటిని భావితరాలకు అందించాల్సిన బాధ్యత ప్రతి ఒక్కరిపై ఉందన్నారు. దేశమంటే మట్టికాదోయ్‌ – దేశమంటే మనుషులోయ్‌.. అంటూ గురజాడ అందించిన సందేశం విశ్వవ్యాప్తంగా దేశభక్తికి స్ఫూర్తినిస్తోందన్నారు. గురజాడ రచించిన ‘కన్యాశుల్కం’ గొప్ప సామాజిక స్ప్రహకు నిదర్శనమన్నారు. మానవతా దృక్పథం, సామాజిక చైతన్యం, సమాజంలోని సమస్యలపై గురజాడ చేసిన సాహితీప్రస్థానం నేటికీ ఆదర్శనీయమన్నారు. ఈ కార్యక్రమంలో జాయింట్‌ కలెక్టర్‌ శౌర్యమాన్‌ పటేల్‌, జిల్లా రెవెన్యూ అధికారి వై. సత్యనారాయణరావు, కలెక్టరేట్‌ పరిపాలన అధికారి విజయ్‌కుమార్‌తో పాటు కలెక్టరేట్‌ సిబ్బంది పాల్గొన్నారు.

తుమ్మపాల : తుపాను హెచ్చరికల నేపథ్యంలో జిల్లాలో ఎలాంటి ప్రాణ, ఆస్తి నష్టం సంభవించకుండా అధికారులు సమన్వయంతో ముందస్తు చర్యలు చేపట్టాలని కలెక్టర్‌ విజయకృష్ణన్‌ ఆదేశించారు. సోమవారం కలెక్టరేట్‌ నుంచి మండల ప్రత్యేక అధికారులతో వీడియో కాన్ఫరెన్స్‌ నిర్వహించి తుపాను పరిస్థితులపై సమీక్షించారు. తుపాను ప్రభావంతో దెబ్బతినే అవకాశం ఉన్న రహదారులు, డ్రైనేజీలు, ఇతర ప్రాంతాలను ముందుగానే గుర్తించి అవసరమైన చర్యలు చేపట్టాలన్నారు. ఆర్‌అండ్‌బీ, పంచాయతీరాజ్‌ అధికారులు రహదారులపై గుంతలను గుర్తించి మరమ్మతులు చేపట్టాలన్నారు. సచివాలయ సిబ్బంది, ఎంపీడీవోలు, ఇంజినీరింగ్‌ అధికారులు సమన్వయంతో పనిచేయాలని ఆదేశించారు. ప్రతి మండలంలో కంట్రోల్‌ రూమ్‌లు ఏర్పాటు చేసి 24 గంటలు అందుబాటులో ఉంచాలన్నారు. అత్యవసర సేవలకు సంబంధించిన వాహనాలు, సిబ్బంది ఫోన్‌ నంబర్లను సిద్ధంగా ఉంచాలన్నారు. విద్యుత్‌ సబ్‌స్టేషన్లను పరిశీలించి, సరఫరాకు అంతరాయం ఏర్పడితే త్వరితగతిన పునరుద్ధరించేందుకు ఏర్పాట్లు చేసుకోవాలని విద్యుత్‌ శాఖ అధికారులకు సూచించారు. పీహెచ్‌సీలు, ఆసుపత్రుల్లో జనరేటర్లు, మందులు, వైద్య సిబ్బంది అందుబాటులో ఉండేలా చూడాలని, అత్యవసర చికిత్సలకు అవసరమైన మందులు, టీకాలను తగినంతగా నిల్వ ఉంచుకోవాలని ఆదేశించారు. డీజిల్‌, పెట్రోల్‌తో పాటు అత్యవసర వాహనాలకు అవసరమైన ఇంధనం అందుబాటులో ఉండేలా చూడాలని ఆదేశించారు. తుపాను అనంతరం రహదారులు, విద్యుత్‌ సరఫరా, కాలువలు, పారిశుధ్య వ్యవస్థలను త్వరితగతిన పునరుద్ధరించేందుకు ప్రత్యేక బృందాలను సిద్ధంగా ఉంచాలన్నారు. మండల రెవెన్యూ అధికారులు విత్తనాల నిల్వలను పరిశీలించి రైతులకు అవసరమైన విత్తనాలు అందుబాటులో ఉండేలా చర్యలు తీసుకోవాలని సూచించారు. కార్యక్రమంలో జాయింట్‌ కలెక్టర్‌ శౌర్యమాన్‌ పటేల్‌, డీఆర్వో వై. సత్యనారాయణరావు, సూపరింటెండెంట్‌ శ్రీనివాసరావు పాల్గొన్నారు. 25న నులిపురుగు నివారణ మాత్రల పంపిణీ జాతీయ నులిపురుగుల నిర్మూలన దినోత్సవాన్ని ఈ నెల 25న మాప్‌–అప్‌ డేను అక్టోబర్‌ 5న నిర్వహించనున్నట్టు కలెక్టర్‌ విజయకృష్ణన్‌ తెలిపారు. సోమవారం కలెక్టరేట్‌లోని సంబంధిత శాఖల అధికారులతో కలెక్టర్‌ సమీక్ష నిర్వహించారు. పాఠశాలలు, కళాశాలలు, అంగన్‌వాడీ కేంద్రాల ద్వారా నులిపురుగుల నిర్మూలన కార్యక్రమాన్ని విస్తృతంగా నిర్వహించాలని సూచించారు. అర్హులైన పిల్లలు, కిశోర బాలబాలికలు మాత్రలు తీసుకునేలా పకడ్బందీ చర్యలు చేపట్టాలని ఆదేశించారు. ఈ నెల 25న మాత్రలు తీసుకోలేకపోయిన వారికి అక్టోబర్‌ 5న మాప్‌–అప్‌ డే సందర్భంగా మాత్రలు అందించాలన్నారు. ఈ కార్యక్రమంలో జిల్లా వైద్య ఆరోగ్యశాఖ అధికారి డాక్టర్‌ అచ్యుతకుమారి అధికారులు పాల్గొన్నారు.

మహారాణిపేట: విద్యుత్‌ వినియోగదారుల సమస్యల సత్వర పరిష్కారం కోసం ఏపీఈపీడీసీఎల్‌ ప్రతి సోమవారం నిర్వహిస్తున్న ‘డయల్‌ యువర్‌ ఏపీఈపీడీసీఎల్‌ సీఎండీ’కార్యక్రమానికి వినియోగదారుల నుంచి 56 వినతులు అందాయి. నగరంలోని సంస్థ కార్పొరేట్‌ కార్యాలయంలో నిర్వహించిన ఈ కార్యక్రమంలో వినియోగదారులు వివిధ సమస్యలను ప్రస్తావించారు. ముఖ్యంగా వ్యవసాయ విద్యుత్‌ కనెక్షన్ల మంజూరు, లైన్‌ షిఫ్టింగ్‌, కొత్త విద్యుత్‌ కనెక్షన్లు, విద్యుత్‌ బిల్లులు, పోల్‌ షిఫ్టింగ్‌ తదితర ఫిర్యాదులు, వినతులను నేరుగా సీఎండీ దృష్టికి తీసుకువచ్చారు. వీటిని పరిశీలించి, పరిష్కారానికి తక్షణ చర్యలు తీసుకోవాలని సంబంధిత అధికారులను ఆదేశించారు. వినియోగదారులు విద్యుత్‌ శాఖ టోల్‌ ఫ్రీ నంబర్‌ 1912, లేదా 9493681912 వాట్సాప్‌ నంబర్‌ ద్వారా కూడా తమ విద్యుత్‌ సమస్యలను నివేదించవచ్చన్నారు. కార్యక్రమంలో సీజీఎం పి.సోల్మన్‌రాజు, జనరల్‌ మేనేజర్లు ఎం.ఝాన్సీ, వీవీఎస్‌ఎన్‌వీ ప్రసాద్‌ తదితరులు పాల్గొన్నారు.

మాకవరపాలెం : డేటా సెంటర్‌ ఏర్పాటును వ్యతిరేకిస్తామని తూటిపాల రైతులు అధికారులకు స్పష్టం చేశారు. తూటిపాల రెవెన్యూ పరిధిలోని పి.తూటిపాల, అడిగర్లపాలెం, మామిడిపాలెం, పోతలూరు ప్రాంతాల్లో రెన్యూ గ్రీన్‌ ఎనర్జీ డేటా సెంటర్‌ ఏర్పాటుకు ప్రభుత్వ ఆదేశాలతో ఇప్పటికే 454 ఎకరాలను రెవెన్యూ అధికారులు సర్వే పూర్తి చేసి సరిహద్దులు ఏర్పాటు చేశారు. ఈ నేపథ్యంలో ఈ భూముల్లో ఉన్న చెట్లు, కట్టడాలు, బావులు, బోర్ల వివరాల నమోదుకు సోమవారం నుంచి సర్వే చేస్తామని అధికారులు వెల్లడించారు. ఈ నేపథ్యంలో సర్వేకు వెళ్లిన సిబ్బందిని తూటిపాల రైతులు స్థానిక సచివాలయం వద్ద అడ్డుకున్నారు. దీంతో విషయం తెలుసుకున్న తహసీల్దార్‌ కాకర నూకరాజు తూటిపాల చేరుకుని రైతులతో మాట్లాడారు. ఈ సందర్భంగా రైతులు మాట్లాడుతూ తమ భూములు ఎందుకు సేకరిస్తున్నారో కనీసం తెలియజేయకుండా సర్వే చేయడం ఏమిటని ప్రశ్నించారు. పరిశ్రమలకే భూములు సేకరిస్తే పరిహారం, ఇతర ప్యాకేజీలపై గ్రామసభ ఏర్పాటు చేసి స్పష్టంగా వివరాలు వెల్లడించాలన్నారు. ఇవేమీ లేకుండా భూముల్లో ఉన్న చెట్లు, తదితర వివరాల నమోదుకు ఎలా సర్వే చేస్తారని నిలదీశారు. భూ సేకరణపై స్పష్టత ఇవ్వాలని, అంత వరకు సర్వేకు చేసేందుకు వీల్లేదని తెగేసి చెప్పారు. డేటా సెంటర్‌కు మా భూములు ఇవ్వం అభివృద్ధికి తాము వ్యతిరేకం కాదని, కానీ డేటా సెంటర్‌ ఏర్పాటుకు భూములు ఇచ్చే ప్రసక్తే లేదని స్పష్టం చేశారు. ప్రజలకు ఇబ్బంది కలిగే డేటా సెంటర్‌నే ఏర్పాటు చేస్తే తమ శవాలపైనే నిర్మించాలన్నారు. అంత గోప్యంగా భూ సేకరణ చేయాల్సిన అవసరం ఏంటని ప్రశ్నించారు. దీంతోపాటు ఏ రైతుకు ఎంత భూమి ఉందో కూడా చెప్పకపోవడానికి కారణమేంటని ప్రశ్నించారు. దీనిపై తహసీల్దార్‌ మాట్లాడుతూ ఉన్నతాధికారుల ఆదేశాల మేరకు భూ సర్వే చేశామన్నారు. ఇక చెట్లు, కట్టడాలు, బోర్లు, బావులకు ఎంత పరిహారం ఇస్తామో తెలియజేసేందుకే ఐదు రోజుల పాటు సర్వే చేస్తున్నామన్నారు. సర్వే అనంతరం పూర్తి వివరాలు ఉన్నతాధికారులు రైతులకు వెల్లడిస్తారని వివరించారు. ఏది ఏమైనా భూ సేకరణపై స్పష్టమైన హామీ ఇచ్చేవరకు సర్వే చేయొద్దని రైతులు తెగేసి చెప్పారు. దీంతో డిమాండ్లను లిఖిత పూర్వకంగా అందజేస్తే ఉన్నతాధికారులకు తెలియజేస్తామని తహసీల్దార్‌ రైతులకు సూచించారు. చేసేదిలేక అధికారులు సర్వే చేయకుండా వెనుదిరిగారు. ఈ కార్యక్రమంలో తూటిపాల రెవెన్యూ పరిధిలోని రైతులు పాల్గొన్నారు.

అర్జీదారుల సమస్యలు తెలుసుకుంటున్న ఎస్పీ తుహిన్‌ సిన్హా అనకాపల్లి : ఎస్పీ కార్యాలయంలో సోమవారం పీజీఆర్‌ఎస్‌కు 75 అర్జీలు వచ్చాయి. ఎస్పీ తుహిన్‌ సిన్హా జిల్లాలో వివిధ ప్రాంతాల నుంచి వచ్చిన అర్జీలు స్వీకరిస్తూ సమస్యలు తెలుసుకున్నారు. ఈ సందర్భంగా ఆయన మాట్లాడుతూ చట్ట పరిధిలో ఉన్న సమస్యలు త్వరితగతిన పరిష్కరానికి చర్యలు చేపట్టడం జరుగుతుందన్నారు. భూ తగాదాలు, ఆస్తి గొడవలు, ఆర్థిక మోసాలు, భార్యాభర్తల వేధింపులు, గృహకలహాలు, శాంతిభద్రతలు, ఇతర సమస్యలపై అర్జీలు వచ్చాయన్నారు. ఎలాంటి ఒత్తిళ్లకు లొంగకుండా నిజాల అధారంగా పారదర్శకంగా దర్యాప్తు చేస్తామని, స్టేషన్లలో కేసు ఏ దశలో ఉందో బాధితులకు ఎప్పటికప్పుడు సమాచారం అందిస్తూ వారిలో నమ్మకం నింపుతూ, విచారణ ముగిసిన తక్షణమే తీసుకున్న చర్యలపై పూర్తి నివేదికను అందజేస్తామన్నారు. చట్టపరిధిలో సమస్యలను వారం రోజుల్లో పరిష్కారానికి చర్యలు చేపట్టడం జరుగుతుందన్నారు. ఈ కార్యక్రమంలో అదనపు ఎస్పీ ఎల్‌.మోహన్‌రావు, ఎస్‌ఐ శ్రీనివాసరావు పాల్గొన్నారు.

● విద్యార్థిని భార్గవికి ఎంఈవోల అభినందన విద్యార్థిని భార్గవిని అభినందిస్తున్న ఎంఈవోలు సత్యనారాయణ, శేఖర్‌ కె.కోటపాడు : జిల్లా స్థాయిలో జరిగిన సైన్స్‌ సెమినార్‌ పోటీల్లో ఎ.కోడూరు హైస్కూల్‌కు చెందిన 8వ తరగతి విద్యార్థిని అనకాపల్లి భార్గవి ప్రథమ స్థానంలో నిలిచింది. ఈ నెల 18న జిల్లా స్థాయి సైన్స్‌ సెమినార్‌ పోటీలు కశింకోటలో నిర్వహించారు. ఈ కార్యక్రమంలో ఎనర్జీ బాస్కెట్‌–2047 అంశంపై సైన్స్‌ సెమినార్‌ను నిర్వహించారు. ఈ పోటీల్లో పాల్గొనేందుకు జిల్లాలో గల 24 మండలాల నుంచి 48 మంది విద్యార్థులు హాజరయ్యారు. వీరిలో ఉత్తమ ప్రదర్శనతో ఎ.కోడూరు పాఠశాలకు చెందిన విద్యార్థిని భార్గవి మొదటి స్థానంలో నిలిచింది. దీంతో ఈమెకు నిర్వాహకులు ప్రశంసాపత్రం అందించి జ్ఞాపికతో సత్కరించారు.వీటితో పాటు ఈ నెల 23, 24లలో రాష్ట్ర స్థాయిలో విజయవాడలో జరిగే సైన్స్‌ సెమినార్‌ పోటీలకు విద్యార్థిని భార్గవి ఎంపికై ంది. దీంతో సోమవారం పాఠశాలలో విద్యార్థిని భార్గవిని ఎంఈవో–1, 2 కె.సత్యనారాయణ, ఎ.శేఖర్‌ అభినందించారు. కార్యక్రమంలో సైన్స్‌ ఉపాధ్యాయులు సూర్రెడ్డి బాబూరావు, మాధవితో పాటు పీడీలు కె.చిట్టిప్రసాద్‌, తమ్మునాయుడు పాల్గొన్నారు.

యలమంచిలి రూరల్‌ : నియోజకవర్గంలోని యలమంచిలి మండలం పురుషోత్తపురం గ్రామంలో కూటమి భాగస్వామ్య పక్షాలైన జనసేన, తెలుగుదేశం పార్టీ నాయకుల మధ్య సోమవారం చోటు చేసుకున్న విభేదాలు రాజకీయంగా చర్చనీయాంశంగా మారాయి. గ్రామంలో నూతనంగా నిర్మించిన రైతు సేవా కేంద్రం భవనం ప్రారంభోత్సవానికి తమకు జనసేన ఎమ్మెల్యే నుంచి ఆహ్వానం లేదంటూ గ్రామానికి చెందిన టీడీపీ నేతలు కొలుకులూరి విజయబాబు, ఇత్తంశెట్టి రాజు, రాజాన వెంకటరమణ, రాజాన వెంకునాయుడు, గ్రామ టీడీపీ అధ్యక్షుడు రెడ్డి నానాజీ, ఇత్తంశెట్టి సూరిబాబు తదితరులు పాత రామాలయం దగ్గర మౌన దీక్షతో నిరసనకు దిగారు. కూటమి ప్రభుత్వంలో ప్రధాన భాగమైన తమను పక్కన పెట్టి కేవలం జనసేన నేతలతోనే ప్రారంభోత్సవం చేయడానికి యత్నించడం తమకు తీవ్ర అవమానకరమంటూ టీడీపీ నేతలు తీవ్ర ఆగ్రహం వ్యక్తం చేశారు. ఎమ్మెల్యే సుందరపు విజయ్‌కుమార్‌ వెళ్లే మార్గం పక్కనే టీడీపీ నేతలు నిరసనకు దిగడంతో యలమంచిలి రూరల్‌ పోలీసులు నిరసన శిబిరం వద్దకు చేరుకుని ఉద్రిక్త పరిస్థితి రాకుండా జాగ్రత్త వహించారు. ఎమ్మెల్యే సుందరపు విజయ్‌కుమార్‌, జనసేన నాయకులు ఏకపక్షంగా వ్యవహరిస్తున్నారని టీడీపీ నేత విజయబాబు ఆరోపించారు. టీడీపీ నేతలు తమ నిరసనకు సంబంధించిన వీడియోలు, ఫొటోలు, వివరాలు సామాజిక మాధ్యమాల్లో పోస్ట్‌ చేయడం విశేషం. దీంతో జనసేనతో అటో ఇటో తేల్చుకోవడానికే టీడీపీ నాయకులు సిద్ధమైనట్టు జోరుగా చర్చ జరుగుతోంది. వెనక్కి తగ్గిన జనసేన ఎమ్మెల్యే పురుషోత్తపురంలో సుమారు రూ.25 లక్షలతో నిర్మించిన రైతు సేవా కేంద్రం నూతన భవనం ప్రారంభోత్సవానికి అధికారులు ఏర్పాట్లు చేసినప్పటికీ టీడీపీ నేతల నిరసన విషయం తెలుసుకున్న యలమంచిలి జనసేన ఎమ్మెల్యే సుందరపు విజయ్‌కుమార్‌ వెనక్కి తగ్గారు. ప్రారంభోత్సవ కార్యక్రమాన్ని రద్దు చేసుకున్నారు. ఉదయం 9 గంటల నుంచి ఎమ్మెల్యే కోసం ఎదురు చూసిన వివిధ శాఖల అధికారులు, జనసేన నాయకులు మధ్యాహ్నం 12 గంటల తర్వాత నిరాశతో వెనుదిరగాల్సి వచ్చింది. ఆహ్వానం పంపించినా టీడీపీ నాయకులు కావాలనే నిరసన చేపట్టారని జనసేన నాయకులు ఆరోపించారు. గత సాధారణ ఎన్నికలు పూర్తయిన దగ్గర్నుంచి నియోజకవర్గంలో జనసేన,టీడీపీ నాయకుల మధ్య తరచుగా విభేదాలు బయటపడుతూనే ఉన్నాయి. అధికార కాంక్షతో రెండు పార్టీల నాయకులు వ్యవహరిస్తున్నారే తప్ప ప్రజలకు చేసిందేమీ లేదన్న విమర్శలు సర్వత్రా వెల్లువెత్తుతున్నాయి.

అర్జీదారుల సమస్యలపై తుమ్మపాల : పీజీఆర్‌ఎస్‌, రెవెన్యూ క్లినిక్‌లకు వచ్చే అర్జీదారుల సమస్యలను అధికారులు వ్యక్తిగతంగా క్షేత్ర స్థాయిలో పర్యటించి అర్జీదారులు సంతృప్తి చెందేలా పరిష్కరించాలని వివిధ శాఖల జిల్లా అధికారులను కలెక్టర్‌ విజయకృష్ణన్‌ ఆదేశించారు. సోమవారం కలెక్టరేట్‌ సమావేశ మందిరంలో నిర్వహించిన పీజీఅర్‌ఎస్‌, రెవెన్యూ క్లినిక్‌ కార్యక్రమంలో ఆమెతో పాటు జాయింట్‌ కలెక్టర్‌ శౌర్యమాన్‌ పటేల్‌, డీఆర్వో వై.సత్యనారాయణరావు ప్రజల నుంచి అర్జీలు స్వీకరించారు. అర్జీల గూర్చి వెంటనే సంబంధిత అదికారులను వివరాలు అడిగి తెలుసుకొని వాటి పరిష్కారానికి సత్వరమే చర్యలు తీసుకోవాలని అధికారులను ఆదేశించారు. ఈ సందర్బంగా కలెక్టర్‌ మాట్లాడుతూ అర్జీదారులు అందజేసిన దరఖాస్తుల పరిష్కారానికి అర్జీదారులతో అధికారులు నేరుగా మాట్లాడాలన్నారు. పరిష్కారం అయ్యే సమస్యలను పరిష్కరించి పరిష్కారం కాని దరఖాస్తుల గూర్చి వారికి అందుకు గల కారణాలు వివరంగా తెలియజేయడం ద్వారా అర్జీలు రీ ఓపెన్‌ కాకుండా నివారించవచ్చని తెలిపారు. అధికారులు క్షేత్ర స్థాయి పర్యటనలు చేయాలన్నారు. ప్రతిశాఖ అధికారి వారి శాఖకు సంబంధించిన అర్జీల పరిష్కార పరిస్థితిని ప్రతిరోజు పర్యవేక్షణ చేసి, గడువులోపల చర్యలు తీసుకోవాలని తెలిపారు. మొత్తం 559 అర్జీలు నమోదు కాగా రెవెన్యూ శాఖ 338, మిగిలినవి వివిధ శాఖల్లో నమోదయ్యాయి. ఈ కార్యక్రమంలో ప్రత్యేక ఉప కలెక్టర్‌ సూర్యలక్ష్మి, జిల్లా ఎకై ్సజ్‌ అధికారి వి.సుధీర్‌, జిల్లా సర్వే, భూ రికార్డుల సహాయ సంచాలకులు గోపాల్‌రాజా, జిల్లా వ్యవసాయ అధికారి ఆశాదేవి, జిల్లా అధికారులు పాల్గొన్నారు రెవెన్యూ రికార్డుల తారుమారుపై ఫిర్యాదు అనకాపల్లి జీవీఎంసీ విలీన గ్రామం రాజుపాలెం సర్వే నెం.176/6లోని 22 సెంట్ల భూమిని ఆన్‌లైన్‌లో తొలగించి ఇతరుల పేరున తారుమారు చేసి భూ కబ్జాకు ప్రయత్నిస్తున్నారని ఎరుకువానిపాలేనికి చెందిన గైపూరి సూరమ్మ అనే వృద్ధుఽరాలు కలెక్టర్‌కు ఫిర్యాదు చేశారు.1996లో ఖాతా నెం.75 పట్టాదారు పాసు పుస్తకం మంజూరు చేశారని, సాగుచేసుకుంటూ ప్రతి ఏటా రైతు భరోసా కూడా వచ్చేదని, ఇటీవల కొందరు వ్యక్తులు రెవెన్యూ సిబ్బందితో కుమ్మక్కె తన భూమిని ఆన్‌లైన్‌లో తొలగించారని, ఇలాంటి అక్రమాలకు పాల్పడిన వారిపై చర్యలు తీసుకోవడంతో పాటు భూమి రికార్డును యథావిధిగా తనకు అప్పగించాలని కోరింది. జనావాసాల నడుమ విద్యుత్‌ ట్రాన్స్‌ఫార్మర్‌ వద్దంటూ నిరసన చోడవరం మండలం దుడ్డుపాలెం గ్రామంలో జనావాసాల మధ్య ఏర్పాటు చేస్తున్న విద్యుత్‌ ట్రాన్స్‌ఫార్మర్‌ను మరోచోటకు మార్చాలంటూ భారత కమ్యూనిస్టు పార్టీ ఆధ్వర్యంలో గ్రామస్తులు కలెక్టరేట్‌ వద్ద నిరసన చేశారు. సీపీఐ జిల్లా సహాయ కార్యదర్శి రెడ్డిపల్లి అప్పలరాజు మాట్లాడుతూ ఊరు మధ్యలో మంచినీరు ట్యాంకు, మంచినీటి కుళాయిలు, స్కూల్‌ పిల్లలు, నివాస గృహాలు, నిరంతరం ప్రజలు సమావేశం అయ్యే ప్రాంతం మధ్య ట్రాన్స్‌ఫార్మర్‌ నిర్మాణం చేపట్టాలని అధికారులు చేసిన ఆలోచనను తక్షణమే వెనక్కు తీసుకుని మరో చోట ఏర్పాటు చేయాలన్నారు. ఇప్పటికే నిర్మించిన ట్రాన్ప్‌ఫార్మర్‌ను దిమ్మను తక్షణమే కోరారు.

చోడవరం: చోడవరం శ్రీ స్వయంభూ విఘ్నేశ్వరస్వామి ఆలయంలో భస్మ సహిత చందన అలంకరణలో కార్యసిద్ధి గణపతిస్వామి భక్తులకు సోమవారం దర్శనమిచ్చారు. వినాయకచవితి నవరాత్రి ఉత్సవాల్లో భాగంగా రోజుకో అలంకరణలో స్వయంభూ విఘ్నేశ్వరస్వామి దర్శన మిస్తున్నారు. 8వ రోజు స్వామివారు భస్మ సహిత చందన అలంకరణలో దర్శనమిచ్చారు. స్వామివారిని మాజీ మంత్రి, వైఎస్సార్‌సీపీ సమన్వయకర్త గుడివాడ అమర్‌నాఽథ్‌ దర్శించుకున్నారు. పెద్దసంఖ్యలో భక్తులు తరలివచ్చారు. స్వామివారికి ప్రత్యేక కుంకుమార్చన, అభిషేకాలు చేశారు. ఆలయ ప్రధాన అర్చకుడు కొడమంచిలి చలపతిరావు ఆధ్వర్యంలో వేదపండితులు ప్రత్యేక పూజలు చేశారు. అనంతరం సా యంత్రం సాంస్కృతిక కార్యక్రమాలు నిర్వహించారు. పీఎస్‌పేటలో శ్రీ లక్ష్మీగణపతి స్వామివారి ని అమర్‌నాథ్‌ దర్శించుకున్నారు. అక్కడ ఆలయ కమిటీ చైర్మన్‌ పుట్రేవు శ్యామ్‌ప్రసాద్‌ ఆధ్వర్యంలో వేదపండితులు అమర్‌నాఽథ్‌కు ఘనస్వాగతం పలికారు. ప్రత్యేక పూజలు నిర్వహించారు.

బుచ్చెయ్యపేట : అర్హత ఉన్నా వితంతువులకు పింఛన్‌లు అందక తీవ్ర అవస్థలు పడుతున్నారు. పొట్టిదొరపాలెం గ్రామానికి చెందిన బల్లి సత్యవతికి 11 ఏళ్ల కిందట వివాహం జరిగింది. ఈమె భర్త సత్తిబాబు తాగుడుకు బానిసై ఏడాది కిందట మృతి చెందాడు. ఈమెకు 9 ఏళ్ల వయస్సు గల కుమార్తె, 7 ఏళ్ల వయస్సున్న కుమారుడు ఉన్నారు. భర్త లేకపోయినా కూలి పనులు చేసుకుని ఇద్దరు పిల్లలను చదివించుకుంటుంది. ఈమెకు ఏడేళ్ల కిందటే భర్త పేరుపై ప్రత్యేక రేషన్‌ కార్డు ఉంది. భర్త చనిపోవడంతో ఇటీవల కూటమి ప్రభుత్వం కొత్త పింఛన్‌లు మంజూరు కోసం దరఖాస్తు చేసుకోవడానికి సచివాలయానికి వెళ్లగా నీకు పింఛన్‌ రాదు.. అని అధికారులు తేల్చి చెప్పేశారు. హౌస్‌ హోల్డ్‌ మ్యాపింగ్‌ అవక నీకు పింఛన్‌ ఇవ్వలేమని చెప్పడంతో ఆమె నిరాశ చెందింది. పెళ్లయి 11 ఏళ్లు దాటిన నాకు ఇద్దరు పిల్లలకు కలిసి ప్రత్యేక రేషన్‌ కార్డు ఉన్నా భర్త పోయి ఉన్న నాకు వితంతు పింఛన్‌ ఇవ్వకపోతే ఎలా అని ఆవేదన చెందుతోంది. ఇదే గ్రామానికి చెందిన కొసిరెడ్డి నూకలక్ష్మి శ్రీనివాసరావులకు ఐదేళ్ల కిందట వివాహం జరిగింది. భర్త శ్రీనివాసరావు డెంగ్యూ జ్వరంతో ఏడాది కిందట మృతి చెందాడు. ఈమెకు నాలుగేళ్ల కుమార్తె ఉంది. నూకలక్ష్మికి, ఆమె పాపకు రేషన్‌ కార్డు ఉంది. కానీ హౌస్‌ హోల్డ్‌ మ్యాపింగ్‌ అవలేదని వితంతు పింఛన్‌కు దరఖాస్తు చేసినా మంజూరు కాదని అధికారులు తెలపడంపై ఆమె దిగులు చెందుతోంది. భర్త లేని తాను కూలి పనులు చేసుకుని కుమార్తెను పోషించుకుంటున్నానని, తనలాంటి వాళ్లకి పింఛను మంజూరు చేయకపోతే ఎలా బతకాలని ఆవేదన చెందుతోంది. అధికారులు హౌస్‌ హోల్డ్‌ మ్యాపింగ్‌ చేసి వితంతు పింఛన్‌ అందేలా చేయాలని బాధితులు కోరుతున్నారు. బల్లి సత్యవతికొసిరెడి నూకలక్ష్మి

చింతపల్లి: గిరిజన రైతుల అనుమతి లేకుండా, వారు సాగు చేసుకుంటున్న 30 ఎకరాల భూమిని కుంకుమ పువ్వు ప్రాజెక్టుకు కేటాయించడాన్ని తీవ్రంగా వ్యతిరేకిస్తున్నామని గిరిజన సంఘం జిల్లా ప్రధాన కార్యదర్శి సాగిన చిరంజీవి తెలిపారు. ఆదివారం చౌడుపల్లి పంచాయతీ పరిధిలోని చెరువీధి గ్రామంలో ఆదివాసీ రైతులతో కలసి ఆయన నిరసన ఆందోళన కార్యక్రమాన్ని చేపట్టారు. ఈ సందర్భంగా ఆయన మాట్లాడుతూ.. గత 50 ఏళ్లుగా ఈ గ్రామానికి చెందిన 23 ఆదివాసీ కుటుంబాలు ఐటీడీఏకు చెందిన భూమిని సాగు చేసుకుంటూ జీవనం సాగిస్తున్నారని తెలిపారు. ప్రస్తుతం ఈ భూమిలో 20 ఎకరాల్లో వివిధ రకాల పంటలు, మరో 10 ఎకరాల్లో కాఫీ, మిరియాలు సాగు చేస్తున్నారని వివరించారు. ఇప్పుడు ప్రభుత్వం ఈ భూమిని కుంకుమ పువ్వు ప్రాజెక్టుకు కేటాయించడం వల్ల పేద గిరిజన రైతులకు తీవ్ర నష్టం వాటిల్లుతుందని ఆందోళన వ్యక్తం చేశారు. పీసా కమిటీ తీర్మానంపై ఆగ్రహం గ్రామానికి చెందిన గిరిజన రైతుల అభిప్రాయాలను పరిగణనలోకి తీసుకోకుండా, మండల పీసా కమిటీ ఏకపక్షంగా తీర్మానం చేసి అధికారులకు నివేదిక ఇవ్వడాన్ని రైతులు తీవ్రంగా నిరసిస్తున్నారని చిరంజీవి మండిపడ్డారు. సాగు చేసుకుంటున్న రైతులకు ప్రత్యామ్నాయ ఏర్పాట్లు చేసేవరకు ఈ భూ కేటాయింపు ప్రక్రియను వెంటనే నిలిపివేయాలని డిమాండ్‌ చేశారు. రైతులకు అన్యాయం చేసేలా ప్రభుత్వం ముందుకెళ్తే గిరిజనులను సమీకరించి పెద్ద ఎత్తున ఆందోళనలు చేపడతామని హెచ్చరించారు. ఈ కార్యక్రమంలో పీసా కమిటీ కార్యదర్శి జి. అప్పారావు, గిరిజన సంఘం నాయకులు అప్పాలస్వామి, చిరంజీవి, రైతులు గురు, బలరాం, సొన్నుదొర, వంతల సైత్‌, సూరిబాబు, రాజుబాబు, గాసిరాం, సత్యబాబు, మోహన్‌ తదితరులు పాల్గొన్నారు.

అనకాపల్లి: జిల్లా వ్యాప్తంగా అనధికారికంగా బాణసంచా తయారీ, విక్రయాలు చేస్తే చట్టపరమైన చర్యలు తీసుకుంటామని ఎస్పీ తుహిన్‌ సిన్హా ఆదివారం హెచ్చరించారు. గతంలో జరిగిన ప్రమాదాలను దృష్టిలో ఉంచుకుని, ప్రజల ప్రాణ, ఆస్తి రక్షణే ధ్యేయంగా జిల్లా వ్యాప్తంగా ప్రత్యేక నిఘా ఏర్పాటు చేసినట్లు తెలిపారు. జిల్లాలోని అన్ని పోలీస్‌ స్టేషన్ల అధికారులు తమ పరిధిలోని బాణసంచా తయారీ కేంద్రాల్లో ఆకస్మిక తనిఖీలు నిర్వహించాలని ఆదేశించారు. అనుమతి పొందిన బాణసంచా తయారీ కేంద్రాల్లో భద్రతా ప్రమాణాలు కచ్చితంగా పాటించాలని, తయారీ కేంద్రాల్లో అగ్నిమాపక నివారణ పరికరాలు, నీరు, ఇసుక ఉన్నాయో లేదో పరిశీలించాలన్నారు. నిబంధనలు ఉల్లంఘించే వారిపై కఠిన చర్యలు తీసుకోవాలని ఆదేశించారు. అనుమతి లేకుండా బాణసంచా తయారు చేస్తున్నా, అక్రమంగా నిల్వ ఉంచినా లేదా నిబంధనలకు విరుద్ధంగా విక్రయిస్తున్నా తక్షణమే పోలీసులకు సమాచారం అందించాలని ప్రజలను కోరారు. సమాచారం అందించిన వారి వివరాలు గోప్యంగా ఉంచుతామని తెలిపారు. ప్రజలందరూ పోలీస్‌ శాఖకు సహకరించి ప్రమాదాల నివారణకు తోడ్పడాలని ఆయన కోరారు.

సాక్షి, పాడేరు: పట్టణంలోని మెయిన్‌ బజార్‌ పాత ఆసుపత్రి సెంటర్‌లో దసరా ఉత్సవాలను అత్యంత ఘనంగా నిర్వహించేందుకు ఏర్పాట్లు చేస్తున్నారు. వచ్చేనెల 16 నుంచి 21 వరకు ఐదు రోజుల పాటు నిర్వహించే ఈ దసరా ఉత్సవాలకు సంబంధించి నూతన ఉత్సవ కమిటీని ఆదివారం ఏకగ్రీవంగా ఎన్నుకున్నారు. గౌరవ అధ్యక్షులుగా పాడేరు ఎమ్మెల్యే మత్స్యరాస విశ్వేశ్వరరాజు, మాజీ ఎమ్మెల్యే గిడ్డి ఈశ్వరి, జానపద కళలు–సాంస్కృతిక విభాగం చైర్మన్‌ వి. గంగులయ్య, బీజేపీ జిల్లా అధ్యక్షురాలు మఠం శాంతకుమారి, సలహాదారుగా పి. గోవిందరావు వ్యవహరించనున్నారు. ఉత్సవ కమిటీ అధ్యక్షుడిగా వెయ్యాకుల సత్యనారాయణ, ప్రధాన కార్యదర్శులుగా బుద్దా జ్యోతికిరణ్‌, యాదగిరి శ్రీను ఎంపికయ్యారు. ఉపాధ్యక్షులుగా గంగపూజారి శివకుమార్‌, బోనంగి వెంకటరమణ, బిమ్మలపూజారి ఈశ్వరరావు, పూసర్ల గోపి, కూడి వలసంనాయుడు బాధ్యతలు చేపట్టనున్నారు. కార్యదర్శులుగా నవర మోదకొండబాబు, కూడి నాయుడు, సున్నం లక్ష్మణ్‌, వర్తన నీలకంఠం, సమిరెడ్డి తిరుపతిరావులను, కోశాధికారులుగా బూరెడ్డి రామునాయుడు, పచ్చా రవీంద్రలను ఎన్నుకున్నారు. వీరితో పాటు సహాయ కార్యదర్శులు, సభ్యులుగా మరికొంతమందిని కమిటీలోకి ఏకగ్రీవంగా ఎంపిక చేశారు.

కొయ్యూరు: ప్రాసెసింగ్‌ ఫీజు పేరిట డబ్బులు కాజేస్తున్న సైబర్‌ నేరగాళ్ల పట్ల ప్రజలందరూ అప్రమత్తంగా ఉండాలని కొయ్యూరు ఎస్‌ఐ కిషోర్‌ వర్మ సూచించారు. ప్రభుత్వం అమలు చేస్తున్న ’తల్లికి వందనం’ పథకం పేరుతో సైబర్‌ మోసాలకు పాల్పడుతున్నారని తెలిపారు. ఆదివారం ఆయన విలేకరులకు విడుదల చేసిన ఒక ప్రకటనలో ఈ వివరాలను వెల్లడించారు. మోసం చేసే తీరు ఇదే.. తల్లికి వందనం పథకంలో నగదు మంజూరైందని, ఆ నిధులను మీ బ్యాంక్‌ ఖాతాలో జమ చేయాలంటే ప్రాసెసింగ్‌ ఫీజుగా కొంత సొమ్ము చెల్లించాలని సైబర్‌ నేరగాళ్లు నమ్మిస్తున్నారని ఎస్‌ఐ తెలిపారు. వాట్సాప్‌ సందేశాలు లేదా సాధారణ ఫోన్‌ కాల్స్‌ ద్వారా ప్రజలను సంప్రదించి డబ్బులు పంపాలని కోరుతున్నారని, అటువంటి వారి మాటలు నమ్మి ఎవరూ మోసపోవద్దని హెచ్చరించారు. అపరిచితులు పంపే క్యూఆర్‌ కోడ్‌లను ఎట్టిపరిస్థితుల్లోనూ స్కాన్‌ చేయరాదన్నారు. అనుమానాస్పద లింకులు లేదా సందేశాలపై క్లిక్‌ చేయకూడదని సూచించారు. అలా చేస్తే ఖాతాలోని సొమ్ము మొత్తం ఖాళీ అయ్యే ప్రమాదం ఉందన్నారు. యూపీఐ పిన్‌ లేదా ఏటీఎం పిన్‌ వివరాలను ఎవరితోనూ పంచుకోకూడదన్నారు. ఒకవేళ ఎవరైనా అజాగ్రత్తగా ఉండి సైబర్‌ మోసానికి గురై డబ్బులు కోల్పోతే, వెంటనే 1930 ఉచిత సైబర్‌ క్రైమ్‌ హెల్ప్‌లైన్‌ నంబర్‌కు ఫోన్‌ చేసి ఫిర్యాదు చేయాలని ఎస్‌ఐ సూచించారు. అలాగే సైబర్‌ నేరగాళ్లతో జరిపిన సంభాషణల వివరాలు, వారి ఫోన్‌ నంబర్లు, లావాదేవీల స్క్రీన్‌షాట్‌లను ఆధారాలుగా సురక్షితంగా భద్రపరచుకోవాలని స్పష్టం చేశారు.

కాంట్రాక్ట్‌ ఉద్యోగులను అడ్డుకుంటున్న పోలీసులు ఉద్యోగుల ఆందోళనకు సంఘీభావం తెలియజేస్తున్న జేఏసీ నాయకులుమహారాణిపేట(విశాఖ): కాంట్రాక్టు ఉద్యోగులను రెగ్యులర్‌ చేయాలని కోరుతూ ఆందోళన చేస్తున్న వైద్య ఆరోగ్యశాఖ కాంట్రాక్టు ఉద్యోగుల జేఏసీ ఆదివారం సమరభేరి మోగించింది. ఉమ్మడి ఉత్తరాంధ్ర జిల్లాల జోన్‌–1 మహా సమావేశాన్ని టర్నర్‌ సత్రం ఆవరణలో నిర్వహించాలని నిర్ణయించగా, అనుమతులు రద్దు చేసినట్లు పోలీసులు తెలిపారు. అనుమతి లేకుండా సమావేశం నిర్వహించవద్దని సూచించారు. దీంతో సమావేశాన్ని రామాటాకీస్‌ అంబేద్కర్‌ భవన్‌కు మార్చారు. శ్రీకాకుళం, విజయనగరం, పార్వతీపురం మన్యం, విశాఖ, అనకాపల్లి, అల్లూరి జిల్లాలకు చెందిన కాంట్రాక్టు ఉద్యోగులు పెద్ద సంఖ్యలో హాజరయ్యారు. జేఏసీ నాయకులు ఎస్‌.కె.ఆశ, ఎం.సిహెచ్‌ కిశోర్‌రావు, పైడిరాజు ఆధ్వర్యంలో కార్యక్రమం జరిగింది. ఉద్యోగులు చేరుకున్న వెంటనే పోలీసులు అంబేడ్కర్‌ భవన్‌ వద్ద బారికేడ్లు ఏర్పాటు చేశారు. తనిఖీల అనంతరం మాత్రమే లోపలికి అనుమతించారు. డిమాండ్లపై ఉద్యోగుల ఆందోళన పోలీసు ఆంక్షల మధ్య సమావేశం నిర్వహించారు. కాంట్రాక్టు ఉద్యోగులందరినీ తక్షణమే రెగ్యులరైజ్‌ చేయాలని, అప్పటివరకు 100 శాతం గ్రాస్‌ శాలరీ అమలు చేయాలని, ఉద్యోగ భద్రత కల్పించాలని జేఏసీ డిమాండ్‌ చేసింది. అనుమతి లేకుండా ర్యాలీలు, రాస్తారోకోలు నిర్వహించవద్దని పోలీసులు సూచించారు. ఇటీవల సచివాలయం ఉద్యోగుల ఆందోళనల నేపథ్యంలో ముందస్తు జాగ్రత్తగా నిబంధనలు విధించినట్లు తెలిసింది. మధ్యాహ్నానికి సమావేశం ముగిసింది. శాంతియుతంగా సమస్యలను ప్రభుత్వం దృష్టికి తీసుకెళ్లేందుకు కార్యక్రమం చేపడుతుండగా పోలీసుల ఆంక్షలు విధించడం సరికాదని జేఏసీ నాయకులు ఎస్‌.కె.ఆశ, ఎం.సిహెచ్‌ కిశోర్‌రావు, పైడిరాజు అసంతృప్తి వ్యక్తం చేశారు. సమావేశానికి పోలీసుల ఆంక్షలు

మునగపాక: చోడవరం సుగర్‌ ఫ్యాక్టరీ రైతుల సమస్యలు పట్టని కూటమి నేతలు, నీతి నిజాయితీతో పనిచేస్తున్న మాజీ మంత్రి గుడివాడ అమర్‌నాథ్‌పై అనుచిత వ్యాఖ్యలు చేయడం సరికాదని వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ అన్నారు. అనకాపల్లి ఎంపీ సి.ఎం. రమేష్‌ వద్ద మెప్పు కోసం దిగజారుడు రాజకీయాలకు పాల్పడడం సమంజసం కాదన్నారు. ఆదివారం ఆయన విలేకరుల సమావేశంలో మాట్లాడారు. గుడివాడ అమర్‌నాథ్‌ కుటుంబానికి ఎంతో రాజకీయ అనుభవం ఉందన్నారు. అమర్‌నాథ్‌ తండ్రి గురునాథరావు మంత్రిగా, పార్లమెంట్‌ సభ్యునిగా ఈ ప్రాంత ప్రజలకు ఎనలేని సేవలందించారని చెప్పారు. అలాంటి రాజకీయ నేపథ్యం కలిగిన గుడివాడను విమర్శించే హక్కు కూటమి నేతలైన ఎమ్మెల్యే రాజు, బత్తుల తాతయ్యబాబులకు లేదన్నారు. సుగర్‌ ఫ్యాక్టరీని నమ్ముకుని వేలాది మంది రైతు లు జీవనం సాగించేవారని, నేడు వారి పరిస్థితి అగమ్యగోచరంగా మారిందని తెలిపారు. సుగర్‌ ఫ్యాక్టరీ రైతులు నట్టేట మునిగిపోతున్నా పట్టించుకోకపోవడం ఎంతవరకు సమంజసమని ప్రశ్నించారు. మన ప్రాంత సంపదను దోపిడీ చేస్తుంటే స్పందించలేని వారు, అనకాపల్లి ఎంపీ రమేష్‌ను ఉద్దేశించి మాజీ మంత్రి అమర్‌నాథ్‌ మాట్లాడితే హుందాగా ఖండించాల్సింది పోయి వ్యక్తిగత విమర్శలకు పాల్పడడం సరికాదన్నారు. పంచదార్ల కొండను అక్రమంగా తవ్వేసిన అంశంపై రాష్ట్ర వ్యాప్తంగా జరిగిన చర్చపై సొంత పత్రికల్లో సైతం కథనం వచ్చిన విషయాన్ని గుర్తు చేశారు. ఎంపీ రమేష్‌ బంధువుల పేరిట లీజు రాయించుకున్న విషయం తెలిసిందేనన్నారు. అక్కడి స్థానికులతో కలిసి వైఎస్సార్‌సీపీ ఆధ్వర్యంలో పెద్ద ఎత్తున ఉద్యమాలు చేస్తే అక్రమ మైనింగ్‌ లీజును సైతం రద్దు చేసిన విషయం మీకు తెలియదా అని ప్రశ్నించారు. ఉప ముఖ్యమంత్రే దీనిపై ట్వీట్‌ చేశారన్నారు. అంటే ఆరోపణలు నిజమేనని ఒప్పుకున్నట్లే కదా అని అన్నారు. ఈ విషయంలో అమాయక అధికారులను కూటమి ప్రభుత్వం బలి చేసిందని ఆరోపించారు. మాడుగుల, చోడవరం నియోజకవర్గాల పరిధిలోని 25 వేల మంది రైతులకు నేటికీ బకాయిలు చెల్లించలేదని, ఉద్యోగులకు జీతాలు కూడా ఇవ్వలేని దుస్థితికి తీసుకువచ్చారని విమర్శించారు. సుగర్‌ ఫ్యాక్టరీకి చెల్లించాల్సిన రూ.36 కోట్ల బకాయిలపై ఎందుకు స్పందించలేదని ప్రశ్నించారు. ఇటీవల ముఖ్యమంత్రి చంద్రబాబు నాయుడు రెండు సార్లు ఈ ప్రాంత పర్యటనకు వచ్చినా రైతుల దుస్థితిపై ఎందుకు మాట్లాడలేదన్నారు. ఇప్పటికై నా మాజీ మంత్రి అమర్‌నాథ్‌పై వ్యక్తిగత ఆరోపణలు మానుకోవాలన్నారు. సవాల్‌ను ప్రతి సవాల్‌గా స్వీకరించాల్సింది పోయి వ్యక్తిగత ఆరోపణలకు దిగితే సహించేది లేదని హెచ్చరించారు. కూటమి నేతలకు దమ్ము, ధైర్యం ఉంటే అమర్‌నాథ్‌తో పాటు తాను కూడా చోడవరంలో జరిగే వైఎస్సార్‌సీపీ సమావేశానికి వస్తానని చెప్పారు.విలేకరుల సమావేశంలో వైఎస్సార్‌సీపీ రాష్ట్ర కార్యదర్శి, పెందుర్తి నియోజకవర్గ పరిశీలకుడు చిక్కాల రామారావు, మునగపాక మండల సర్పంచ్‌ల సంఘం మాజీ అధ్యక్షుడు కాండ్రేగుల నూకరాజు పాల్గొన్నారు.

మహారాణిపేట(విశాఖ): జిల్లా పరిషత్‌ చైర్‌పర్సన్‌గా నిజాయితీగా పనిచేశానని, ఈ నెల 25 నుంచి పూర్తిస్థాయి రాజకీయ నేతగా మారబోతున్నానని ఉమ్మడి విశాఖ జిల్లా పరిషత్‌ చైర్‌పర్సన్‌ జల్లిపల్లి సుభద్ర స్పష్టం చేశారు. జిల్లా పరిషత్‌ సమావేశ మందిరంలో పంచాయతీరాజ్‌ మినిస్టీరియల్‌ ఉద్యోగుల సంఘం ఆధ్వర్యంలో ఆదివారం ఆమెకు ఆత్మీయ సత్కార సభ నిర్వహించారు. ఈ సందర్భంగా ఆమె మాట్లాడుతూ మాజీ ముఖ్యమంత్రి వైఎస్‌ జగన్‌మోహన్‌రెడ్డి తనకు కల్పించిన అవకాశాన్ని ఐదేళ్లపాటు సద్వినియోగం చేసుకున్నానని తెలిపారు. రాజకీయాల్లో ఓనమాలు కూడా తెలియని తనకు ఉమ్మడి విశాఖ జిల్లా ప్రజలకు సేవ చేసే అవకాశం కల్పించిన జగన్‌మోహన్‌రెడ్డిని జీవితాంతం గుర్తుంచుకుంటానని భావోద్వేగానికి గురయ్యారు. తనకు అండగా నిలిచిన సోదరుడు, కుటుంబ సభ్యులకు కృతజ్ఞతలు తెలిపారు. ఒత్తిళ్లకు లొంగకుండా.. చైర్‌పర్సన్‌గా ఎన్ని ఒత్తిళ్లు వచ్చినా లొంగకుండా.. జిల్లా అధిపతిగా కాకుండా ఉత్తమ అధికారిలా పనిచేయాలనే ఆలోచనతో ముందుకు సాగానన్నారు. అందుకే జెడ్పీ ఉద్యోగులంతా తన కుటుంబ సభ్యులుగా మారారని పేర్కొన్నారు. కోవిడ్‌ తదితర కారణాలతో మృతి చెందిన ఉద్యోగుల కుటుంబాలకు చెందిన 160 మందికి కారుణ్య నియామకాల ద్వారా ఉద్యోగాలు ఇప్పించామన్నారు. తన హయాంలో వివిధ స్థాయిల్లో 195 మందికి పదోన్నతులు కల్పించగలిగామని, కష్టాల్లో ఉన్న ఉద్యోగుల కుటుంబాలకు అండగా నిలిచినందుకు సంతృప్తిగా ఉందన్నారు. పాలనాదక్షతకు చైర్‌పర్సన్‌ నిదర్శనం జెడ్పీ సీఈవో నారాయణమూర్తి మాట్లాడుతూ.. పాలనా దక్షత, నిబద్ధతకు చైర్‌పర్సన్‌ సుభద్ర నిదర్శనమన్నారు. ఉద్యోగులను కుటుంబ సభ్యులుగా చూసుకుంటూనే రాజకీయ ఒత్తిళ్లను అధిగమించి అభివృద్ధికి ప్రాధాన్యమిచ్చారని తెలిపారు. జెడ్పీ చరిత్రలోనే ఉద్యోగులంతా సంతోషంగా గడిపిన కాలం చైర్‌పర్సన్‌ సుభద్ర హయాంలోనేనన్నారు. ఆమెకు మంచి రాజకీయ భవిష్యత్తు ఉండాలని ఆకాంక్షించారు. డిప్యూటీ సీఈవో రాజకుమార్‌, పంచాయతీరాజ్‌ మినిస్టీరియల్‌ ఉద్యోగుల సంఘం జిల్లా అధ్యక్షుడు సత్తిబాబు తదితరులు సుభద్ర సేవలను కొనియాడారు. అనంతరం జల్లిపల్లి సుభద్ర–మూర్తి దంపతులను ఉద్యోగులు గజమాలతో ఘనంగా సన్మానించారు. కార్యక్రమంలో డీడీవో ఉషారాణి, ఎస్‌జీఎస్‌డబ్ల్యూ జిల్లా అధికారి సత్యనారాయణ, సంఘం ప్రధాన కార్యదర్శి సీతారామరాజు, అఖిల భారత గిరిజన ఉద్యోగుల సంఘం అధ్యక్షుడు సోనాయి అప్పలరాజు, ఉద్యోగులు పాల్గొన్నారు.

యలమంచిలి రూరల్‌: అంతవరకూ ఆనందంగా... స్నేహితుల కోలాహలంతో సాగుతున్న ప్రయాణంలో అంతలోనే విషాదం అలుముకుంది. వారాంతంలో సరదాగా స్నేహితులతో కలిసి విశాఖపట్నం నుంచి ప్రకాశం జిల్లా చీరాల బీచ్‌కు లాంగ్‌ రైడ్‌కు వెళ్లిన యువ వ్యాపారి తిరుగు ప్రయాణంలో విశాఖకు వస్తుండగా యలమంచిలి మండలం రేగుపాలెం హైవే కూడలి వద్ద జరిగిన ఘోర రోడ్డు ప్రమాదంలో దుర్మరణం చెందాడు. దీంతో స్నేహితులు, మృతుని కుటుంబ సభ్యులు కన్నీరుమున్నీరయ్యారు. యలమంచిలి రూరల్‌ ఎస్‌ఐ ఉపేంద్ర, స్థానికుల కథనం మేరకు... విశాఖపట్నం కంచరపాలెం ప్రాంతానికి చెందిన దుస్తుల వ్యాపారి పురిపండ నాగ దంతేశ్వర రావు(34).. వీకెండ్‌ కావడంతో తన స్నేహితులు జోసెఫ్‌, మాథ్యూ, రితేష్‌ , మరికొందరితో కలిసి స్పోర్ట్స్‌ బైక్‌లపై లాంగ్‌ రైడ్‌కు చీరాల బీచ్‌కు వెళ్లారు. అక్కడ సరదాగా గడిపిన అనంతరం తిరిగి విశాఖపట్నం ప్రయాణమయ్యారు. ఈ క్రమంలో యలమంచిలి మండలం రేగుపాలెం హైవే కూడలి సమీపానికి వచ్చేసరికి దంతేశ్వరరావు తన ద్విచక్ర వాహనాన్ని ముందు వెళ్తున్న లారీని ఎడమ వైపు నుంచి ఓవర్‌టేక్‌ చేయడానికి ప్రయత్నించాడు. ద్విచక్రవాహనం అదుపుతప్పి లారీ వెనుక చక్రాల కిందకు దూసుకుపోయింది. దంతేశ్వరరావు శరీరంపై నుంచి లారీ వెళ్లడంతో అక్కడికక్కడే దుర్మరణం చెందాడు. అతని శరీర భాగాలు పూర్తిగా నుజ్జు కావడంతో చూసిన వారంతా భయాందోళనకు గురయ్యారు. మరో గంటన్నరలో ఇంటికి చేరుకోవాల్సిన దంతేశ్వరరావు లారీ చక్రాల కింద నలిగి ప్రాణాలు కోల్పోవడంతో స్నేహితులు, కుటుంబ సభ్యులను తీవ్రంగా కలచివేసింది. సరదా కోసం మొదలైన ప్రయాణం రోడ్డు ప్రమాదం రూపంలో మృత్యువు కబళించడంతో విషాదాంతమైంది. ప్రమాద సమాచారం అందుకున్న హైవే పెట్రోలింగ్‌ పోలీసులు, యలమంచిలి రూరల్‌ ఎస్‌ఐ ఉపేంద్ర, సిబ్బందితో ప్రమాద స్థలానికి చేరుకుని లారీ చక్రాల కింద చిక్కుకుపోయిన ద్విచక్రవాహనాన్ని, మృతదేహాన్ని పక్కకు తొలగించి, వాహనాల రాకపోకలకు అంతరాయం లేకుండా చేశారు. మృతదేహాన్ని అంబులెన్సులో అనకాపల్లి ఎన్టీఆర్‌ ఆస్పత్రి మార్చురీకి తరలించారు. మృతుడి సోదరుడు నవీన్‌ ఫిర్యాదు మేరకు కేసు దర్యాప్తు చేస్తున్నట్టు ఎస్‌ఐ తెలిపారు.

ఉపమాకలో ఘనంగా బ్రహ్మోత్సవాలునక్కపల్లి: ప్రాచీన పుణ్యక్షేత్రం, టీటీడీ అనుబంధ దేవాలయం ఉపమాక వేంకటేశ్వర స్వామి ఆలయంలో వార్షిక బ్రహ్మోత్సవాలు అంగరంగ వైభవంగా జరుగుతున్నాయి. కల్కి అవతారంలో గరుడాద్రిపై స్వయం వ్యక్తమై వెలసిన స్వామివారికి ప్రతి రోజు పంచామృతాభిషేకం, నిత్యార్చనలు నిర్వహిస్తున్నారు. కొండ దిగువన క్షేత్రపాలకుడు వేణుగోపాల స్వామికి, అండాళ్లమ్మవారికి నిత్యార్చనలు, అభిషేకాలు నిర్వహించి బ్రహ్మోత్సవాల్లో భాగంగా గ్రామ బలిహరణలు పూర్తిచేసి భక్తులకు దర్శనం కల్పిస్తున్నారు. ఆదివారం గరుడ వాహన సేవ, వసంతోత్సవం నిర్వహించారు. ఈ సందర్భంగా శ్రీదేవి, భూదేవి సమేత దేవ దేవుడిని ఇత్తడి గరుడ వాహనంపై ఉంచి తిరువీధి సేవలు నిర్వహించారు. గరుడ సేవకు ముందు సుదర్శన పెరుమాళ్లను పల్లకిలో ఉంచి గ్రామబలిహరణలు పూర్తిచేశారు. నేత్రపర్వంగా వసంతోత్సవం సాయంత్రం విశేష ఉత్సవంలో భాగంగా ఆస్థాన మండపంలో స్వామివారికి విష్వక్సేన పూజ, పుణ్యాహవచనం, సప్తరుషి ఆవాహనం నిర్వహించారు. అనంతరం స్వామి, అమ్మవార్లను ఇత్తడి గరుడ వాహనంపై తిరువీధి సేవలకు తీసుకెళ్లారు. స్వామివారి వెంట భక్తులు తరలి వెళ్లారు. వసంతోత్సవంలో భాగంగా పసుపు, కుంకుమ కలిపిన జలాలను భక్తులు ఒకరిపై ఒకరు జల్లుకున్నారు. వివిధ ప్రాంతాల నుంచి అధిక సంఖ్యలో భక్తులు తరలివచ్చారు. ఈ కార్యక్రమాల్లో ప్రధానార్చకులు గొట్టు ముక్కల వరప్రసాదాచార్యులు, అర్చక స్వాములు కృష్ణమాచార్యులు, పి.వి.శేషాచార్యులు, రాజగోపాలాచార్యులు, దేవస్థానం సిబ్బంది పాల్గొన్నారు.

పెదవాల్తేరు: ఉత్తరాంధ్ర ప్రజల ఇలవేల్పుగా, విశాఖలో ప్రసిద్ధి చెందిన పెదవాల్తేరు కరక చెట్టు పోలమాంబ అమ్మవారి ఆలయ ఆదాయంపై వివాదం నెలకొంది. ఆలయానికి ప్రధాన ఆదాయ వనరైన కల్యాణ మండపం టెండర్‌దారుడు నిబంధనల మేరకు సొమ్ము చెల్లించకుండానే మండపాన్ని నిర్వహిస్తున్నారనే ఆరోపణలు వినిపిస్తున్నాయి. అధికారులు చర్యలు తీసుకోవడంలో జాప్యం చేస్తున్నారని స్థానికులు ఆరోపిస్తున్నారు. రూ.1.60 కోట్లకు టెండర్‌.. చెల్లించింది రూ.45 లక్షలే దేవదాయ శాఖ ఆధ్వర్యంలోని పోలమాంబ ఆలయ కల్యాణ మండపానికి పెళ్లిళ్లు, ఇతర శుభకార్యాలతో పాటు ఎగ్జిబిషన్లు, వివిధ కార్యక్రమాల నిర్వహణకు డిమాండ్‌ ఉంది. మండపం నిర్వహణకు ప్రతి రెండేళ్లకోసారి బహిరంగ వేలం నిర్వహిస్తారు. 2025 జూన్‌లో జరిగిన వేలంలో శ్రీనివాస్‌ అనే వ్యక్తి రెండేళ్ల కాలానికి రూ.1.60 కోట్లకు టెండర్‌ దక్కించుకున్నట్లు సమాచారం. జీఎస్టీతో కలిపి ఈ మొత్తం సుమారు రూ.1.89 కోట్లు వరకు చెల్లించాల్సి ఉంది. నిబంధనల ప్రకారం తొలి ఏడాదిలో మొత్తం టెండర్‌ విలువలో 50 శాతం, అంటే రూ.80 లక్షలు చెల్లించాల్సి ఉంది. మిగతా మొత్తాన్ని రెండో ఏడాదిలో చెల్లించాలి. అయితే 16 నెలలు గడిచినా ఇప్పటివరకు రూ.45 లక్షలు మాత్రమే చెల్లించినట్లు తెలుస్తోంది. 4 నెలల సొమ్ము ఎగ్గొట్టే ఎత్తుగడ? బకాయిలు చెల్లించాలని అధికారులు నోటీసులు పంపించారు. దీంతో టెండర్‌దారుడు తనకు నష్టం వచ్చిందని, తెలియక ఎక్కువగా వేలంపాట పాడానని, ఏడాది లీజు చెల్లించి తప్పుకుంటానని ప్రతిపాదన పెట్టినట్లు తెలుస్తోంది. దీనిపై టీడీపీ నేతలు కూడా అధికారులపై ఒత్తిడి తీసుకువస్తున్నట్లు వార్తలు వినిపిస్తున్నాయి. అయితే 16 నెలలపాటు మండపాన్ని వినియోగించుకుని 12 నెలలకు చెల్లిస్తే ఆలయ ఆదాయానికి నష్టం వాటిల్లుతుందన్న అభిప్రాయాలు వ్యక్తమవుతున్నాయి. తెరవెనుక టీడీపీ నేతలు సాధారణంగా టెండర్‌ నిబంధనలు ఉల్లంఘిస్తే వెంటనే నోటీసులు ఇచ్చి టెండర్‌ రద్దు చేయాలి. కానీ 4 నెలలుగా గడువు దాటినా దేవదాయ శాఖ అధికారులు ఎలాంటి చర్యలు తీసుకోకపోవడం పలు అనుమానాలకు తావిస్తోంది. దీని వెనుక స్థానికంగా ఉన్న కొంతమంది అధికార టీడీపీ నాయకుల హస్తం ఉందని, వారి అండదండలతోనే లీజు మొత్తాన్ని చెల్లించడం లేదన్న వాదనలు ఉన్నాయి. ఆలయ ఆదాయానికి నష్టం వాటిల్లకుండా పెండింగ్‌ బకాయిలు వడ్డీతో సహా వసూలు చేయాలని భక్తులు డిమాండ్‌ చేస్తున్నారు. అక్టోబరు నాటికి ఏడాది బకాయి చెల్లిస్తానన్నారు టెండర్‌కు సంబంధించి ఏడాది కాలానికి చెల్లించాల్సిన బకాయి సొమ్ము చెల్లించాలని శ్రీనివాస్‌కు నోటీసులు ఇచ్చాం. దీనిపై శ్రీనివాస్‌ స్పందిస్తూ.. అక్టోబరు నాటికి ఏడాది కాలం బకాయిలు చెల్లిస్తానని రాతపూర్వకంగా చెప్పారు. ఈ విషయాన్ని ఉన్నతాధికారుల దృష్టికి తీసుకెళతాం. వారి ఆదేశాల మేరకు చర్యలు తీసుకుంటాం –రాజగోపాల్‌రెడ్డి, ఈవో, పోలమాంబ దేవాలయం

● గిరిజనుల్లో విప్లవాత్మక మార్పు ● గత వైఎస్సార్‌సీపీ ప్రభుత్వంలో తీసుకున్న చర్యలే కారణం ● గంజాయి వీడి కాఫీ, రాజ్‌మా వైపు మొగ్గు కొయ్యూరు: ఒకప్పుడు గంజాయి సాగుకు నిలయంగా ఉన్న ఏజెన్సీ ప్రాంతం నేడు దానికి క్రమంగా దూరమవుతోంది. గత వైఎస్సార్‌సీపీ ప్రభుత్వ హయాంలో గంజాయి నిర్మూలనకు కఠిన చర్యలు తీసుకోవడంతో నేడు గిరిజనులు ఎవరూ కూడా గంజాయి సాగు చేయడం లేదు. అప్పట్లో నేరుగా పోలీసులే రంగంలోకి దిగి వందలాది ఎకరాల్లో గంజాయి తోటలను ధ్వంసం చేశారు. సాగు చేస్తే చట్టరీత్యా కఠిన చర్యలు తప్పవని పోలీసులు చేసిన హెచ్చరికలతో గంజాయి పెంపకానికి అడ్డుకట్ట పడింది. కాగా, మారుమూల ప్రాంతాల్లో గంజాయి సాగు పరిస్థితులపై పూర్తి వివరాలు తెలుసుకునేందుకు వీలుగా పోలీసులు డ్రోన్ల ద్వారా ఏరియల్‌ సర్వేలు నిర్వహిస్తున్నారు. – ఒకప్పుడు కొయ్యూరు మండలంలోని బూదరాళ్ల పంచాయతీలోని అనేక గ్రామాలు గంజాయి సాగుకు, తరలింపునకు ప్రధాన కేంద్రాలుగా ఉండేవి. మైదాన ప్రాంతాలకు చెందిన వ్యాపారులు గిరిజనుల నుంచి గంజాయిని కొనుగోలు చేసి తరలించేవారు. అయితే ఇటీవల పోలీసుల దాడులు, నిఘా పెరగడంతో గంజాయి రవాణా చాలావరకు నిలిచిపోయింది. ఒడిశా నుంచి అక్రమంగా రవాణా అవుతున్న గంజాయిని సైతం పోలీసులు తరచూ పట్టుకుంటున్నారు. ఉన్నతాధికారుల ఆదేశాలతో.. మారుమూల గ్రామాల్లో గంజాయి సాగును నిర్ధారించేందుకు డ్రోన్ల ద్వారా ఏరియల్‌ సర్వేలు చేపడుతున్నారు. కొయ్యూరు, చింతపల్లి, గూడెం కొత్తవీధి, జి.మాడుగులతో పాటు ఇతర సరిహద్దు మండలాల్లో ఈ సర్వేలు నిర్వహిస్తున్నారు. అయితే ఈ డ్రోన్ల ద్వారా వచ్చిన చిత్రాలను పరిశీలించగా ఎక్కడా గంజాయి సాగు కావడం లేదని పోలీసులు నిర్ధారించారు. వాణిజ్య పంటల వైపు గిరిజనుల మొగ్గు గడిచిన మూడేళ్లుగా గిరిజన రైతులు గంజాయి సాగును పూర్తిగా వీడి వాణిజ్య పంటలపై దృష్టి సారించారు. బూదరాళ్ల పంచాయతీ పరిధిలో కాఫీ సాగు విస్తీర్ణం పెరిగింది. కొయ్యూరు మండలంలో వాతావరణం అంతగా అనుకూలించకపోవడంతో కాఫీ సాగు తక్కువగా ఉన్నప్పటికీ.. అపరాలు, చోడి, సామ, రాజ్‌మా వంటి ప్రత్యామ్నాయ పంటలను గిరిజనులు అధికంగా పండిస్తున్నారు. దీనివల్ల వారికి సక్రమ మార్గంలో మంచి ఆదాయం సమకూరుతోంది. మరోవైపు ఆపరేషన్‌ వజ్రప్రహార్‌లో భాగంగా పోలీసులు కూడా గిరిజన గ్రామాల్లో అవగాహన కల్పిస్తూ, గంజాయి సాగు వల్ల కలిగే అనర్థాలను వివరిస్తున్నారు.మన్యంలో మత్తు వదిలింది.. సీన్‌ పూర్తిగా రివర్స్‌ అయింది! ఒకప్పుడు గంజాయి సాగుకు కేంద్రంగా ఉన్న కొయ్యూరు ప్రాంతం నేడు పచ్చని ప్రత్యామ్నాయ పంటలతో కళకళలాడుతోంది. డ్రోన్‌ కెమెరాలతో ఏరియల్‌ సర్వేలు చేసినా గంజాయి మొక్క కూడా దొరకనంతగా ఏజెన్సీ వాసులు మార్పు బాట పట్టారు. కష్టించి పండించే కాఫీ, రాజ్‌మా పంటలతోనే తమకు నిజమైన సిరులు కురుస్తున్నాయని గిరిజన రైతులు ఆనందం వ్యక్తం చేస్తున్నారు.

కశింకోట: వరి సాగు సమయం ముగింపు దశకు చేరుకున్నందున నీటి ఎద్దడి తట్టుకొనే ఆరు తడి పంటలు వేసుకోవాలని ప్రకృతి వ్యవసాయం జిల్లా ప్రాజెక్టు మేనేజర్‌ సీహెచ్‌. లచ్చన్న రైతులకు సూచించారు. మండలంలోని సుందరయ్యపేట శివారు ఆనందపురంలో ప్రకృతి వ్యవసాయ భూములను ఆదివారం పరిశీలించారు. ఈ సందర్భంగా మాట్లాడుతూ వరి సాగు గడువు ముగుస్తున్న సమయంలో నాట్లు వేసినా పంట గిట్టుబాటు కాదన్నారు. దీని దృష్ట్యా కంది, ఉలవలు, సజ్జలు, జొన్నలు, కొర్రలు, రాగులు, అండు కొర్రలు తదితర ఆరుడి పంటలు వేసుకోవాలని సూచించారు. ఇప్పటికే వరి వేసిన రైతులు ఘన జీవామృతం, ద్రవ జీవామృతం, చేప, బెల్లం ద్రావణంతోపాటు నత్రజని కోసం అజోల్ల నాలుగు కిలోల వంతున ఎకరానికి వేసినట్లయితే పంట ఆరోగ్యంగా ఉంటుందన్నారు. రసాయనిక ఎరువులతో వ్యవసాయం చేయడం వల్ల కలిగే అనర్థాలను రైతులకు వివరించారు. మండలంలో 12 ప్రకృతి వనరుల కేంద్రాల నిర్వాహకులు, ఇన్‌ఫుట్‌ గ్రోత్‌ ప్రమోటర్లు రైతులకు అందుబాటులో ఉండాలన్నారు. రైతులకు కావలసిన ప్రత్యామ్నాయ పంటల విత్తనాలు, ఎరువులు అందుబాటులో ఉంచాలన్నా రు. ప్రకృతి వ్యవసాయం ఐసీటీ చిన్న, మార్కెటింగ్‌ ప్రతినిధి జ్యోతిర్మయి, డివిజన్‌ ఇన్‌చార్జి నూకరాజు, మండల ఇన్‌చార్జి సాయిరాం, సుందరయ్యపేట మండల ప్రకృతి వనరుల కేంద్రం నిర్వాహకురాలు కూండ్రపు అరుణ పాల్గొన్నారు. ప్రకృతి వ్యవసాయం జిల్లా ప్రాజెక్టు మేనేజర్‌ లచ్చన్న

బుచ్చెయ్యపేట: మండలంలోని పి.పి.ఆగ్రహారం శివారు ఉప్పరగూడెంకు చెందిన 50 మంది టీడీపీ, జనసేన కార్యకర్తలు ఆ పార్టీలను వీడి ఆదివారం వైఎస్సార్‌సీపీలో చేరారు. రాష్ట్ర బీసీ సెల్‌ కార్యదర్శి కొళ్లిమల్ల అచ్చింనాయుడు, ఎంపీటీసీ గోకివాడ రాము, తాజా మాజీ సర్పంచ్‌ కురందాసు కోటేశ్వరరావు, గ్రామ నాయకుడు గణేష్‌ ఆధ్వర్యంలో రీజనల్‌ కో ఆర్డినేటర్‌, వైఎస్సార్‌సీపీ చోడవరం నియోజకవర్గ ఇన్‌చార్జి గుడివాడ అమర్‌నాఽఽథ్‌ సమక్షంలో వైఎస్సార్‌సీపీలో చేరారు. కురందాసు అప్పలనాయుడు, నక్కా బంగారు కృష్ణ, గుర్రం అప్పలనాయుడు, కృష్ణారావు, వెంకటేష్‌, పోతునాజు, వరహారావు, నక్కా భద్రాచలం, గుర్రం నూకరాజు, కురం కృష్ణ, గుర్రం సాయికృష్ణ, రామ్‌చరణ్‌ తదితరులు తమ కుటుంబ సభ్యులతో కలిసి వైఎస్సార్‌సీపీలో చేరారు. వీరందరికి అమర్‌నాఽథ్‌ పార్టీ కండువాలను వేసి సాదరంగా ఆహ్వానించారు. మాజీ ముఖ్యమంత్రి వైఎస్‌ జగన్‌మోహన్‌రెడ్డి, రీజనల్‌ కో ఆర్డినేటర్‌ అమర్‌నాఽథ్‌ల ఆశయాలకు అనుగుణంగా పనిచేస్తామని వారు తెలిపారు. జెడ్పీటీసీ దొండా రాంబాబు, పార్టీ మండల అధ్యక్షుడు జోగా కొండబాబు, డీసీసీబీ మాజీ డైరెక్టర్‌ కోవెల జనార్ధనరావు, వైస్‌ ఎంపీపీ గొంపా చినబాబు, పీఏసీఎస్‌ మాజీ అధ్యక్షుడు సాయం రమేష్‌ తదితర్లు పాల్గొన్నారు.

మహారాణిపేట(విశాఖ): నగరంలో ఏఐ డేటా సెంటర్ల ఏర్పాటును వ్యతిరేకిస్తూ గ్రీన్‌ విశాఖ ఆధ్వర్యంలో ఆదివారం ర్యాలీ నిర్వహించారు. ఆర్కే బీచ్‌ స్టాప్‌ నుంచి భగత్‌సింగ్‌ విగ్రహం వరకు ర్యాలీ చేపట్టారు. నగరంలో తాగునీటి సమస్యను మరింత పెంచే డేటా సెంటర్లను రద్దు చేయాలని, ఉపాధి అవకాశాలు క ల్పించని డేటా సెంటర్లకు ఇచ్చిన అనుమతులను ఉపసంహరించుకోవాలని డిమాండ్‌ చేశారు. కార్యక్రమంలో గ్రీన్‌ విశాఖకు చెందిన జయశ్రీ హటాంగిడి, దీక్ష, గ్రీన్‌ విశాఖ కోశాధికారి జి. కాంతారావు, కె. తిరుపతిరావు, అజయ్‌, సాయి తేజ తదితరులు పాల్గొన్నారు.

పసుపుపెరిగిన దిగుబడితోరైతుల్లో ఆనందంప్రాసెసింగ్‌ అనంతరం పసుపుధరలు ఇలా మాడుగుల: ఉమ్మడి విశాఖ జిల్లాలో గత వైఎస్సార్‌ సీపీ ప్రభుత్వ హయాంలో గంజాయి సాగును అరికట్టడంతో పలువురు రైతులు ప్రత్యామ్నాయంగా పసుపు సాగుపై దృష్టి సారించి, అధిక దిగుబడులు, లాభాలు పొందుతున్నారు. దీంతో రైతుల ఆనందానికి అవధులు లేకుండా పోయాయి. అల్లూరి జిల్లాలోని 11 మండలాలకు చెందిన రైతులు గంజా యి సాగును వదిలి పసుపు సాగు వైపుమళ్లారు. మూడేళ్లుగా ధరలు పెరుగుతూ వస్తుండడంతో పసుపు రైతులు ఏటా సాగు విస్తీర్ణాన్ని పెంచుకుంటూ వస్తున్నారు. ఉమ్మడి విశాఖ జిల్లాలో మన్యం ముఖద్వారమైన మాడుగుల పసుపు వ్యాపారానికి ప్రధాన కేంద్రంగా ప్రసిద్ధి చెందింది. దేశీయ మార్కెట్‌తో పాటు అంతర్జాతీయ మార్కెట్‌లోనూ మాడు గుల పసుపునకు మంచి డిమాండ్‌ ఉండడంతో రైతులతో పాటు వ్యాపారులు ఆనందం వ్యక్తం చేస్తున్నారు. అల్లూరి జిల్లాలోని 11 మండలాల నుంచి ఏటా 1.50 లక్షల బస్తాల పసుపు కొమ్ములను మాడుగులకు తరలించి, ప్రాసెసింగ్‌ చేసి విక్రయిస్తున్నారు. గత ఏడాది కిలో పసుపు ధర రూ.150 ఉండగా, ఈ ఏడాది రూ.170కి పెరిగింది. ఏటా సుమారు రూ.209 కోట్ల టర్నోవర్‌ జరుగుతోంది. ఈ ప్రాసెసింగ్‌ కేంద్రాల ద్వారా 1,100 కుటుంబాలు జీవనోపాధి పొందుతున్నాయి. పెరుగుతున్న సాగు విస్తీర్ణం గతంలో ఉమ్మడి విశాఖ జిల్లాలో పసుపు సాగు సుమారు 16 వేల హెక్టార్లకు విస్తరించింది. ఏజెన్సీ నుంచి సుమారు 1,50,000 బస్తాల పసుపు (బస్తాకు 77 కిలోలు) మాడుగులకు చేరుతుంది. గంజాయికిప్రత్యామ్నాయంగా సాగు మాడుగులలో ఊపందుకున్న ప్రాసెసింగ్‌ మాడుగుల నుంచి మద్రాసుకు 80 శాతం ఎగుమతులు పసుపు ప్రాసెసింగ్‌ ఇలా... అల్లూరి సీతారామరాజు జిల్లాలో పండించిన పసుపు దుంపలను మాడుగులకు తరలించి డ్రమ్ముల్లో ఉడకబెట్టి 10 కేంద్రాల ద్వారా ప్రాసెసింగ్‌ చేస్తారు. అనంతరం గ్రేడింగ్‌ చేసి మేలిమి పసుపు, నార పసుపులుగా విడివిడిగా ఆకర్షణీయంగా ప్యాకింగ్‌ చేస్తారు. తర్వాత చైన్నె, బరంపురం, కొచ్చిన్‌ తదితర ప్రాంతాలకు ఎగుమతి చేస్తారు. పంట పండించే దగ్గర నుంచి ఎగుమతి చేసే వరకు ఏడాది పొడవునా, ప్రత్యక్షంగా, పరోక్షంగా 1,100 మందికి పైగా కుటుంబాలు జీవనోపాధి పొందుతున్నాయి.

కోటవురట్ల: చినబొడ్డేపల్లి శివారు రెడ్డి కొత్తూరులో కొండపై అక్రమంగా గ్రావెల్‌ తవ్వకాలు చేస్తుండగా పోలీసులు దాడి చేశారు. పొక్లెయిన్‌, గ్రావెల్‌ లోడు ట్రాక్టరును పట్టుకున్నారు. ఎస్‌ఐ విజయ్‌కుమార్‌ తెలిపిన వివరాలివి.. కొండపై అక్రమంగా తవ్వకాలు చేస్తున్నారన్న సమాచారంతో సిబ్బందితో కలిసి దాడి చేశారు. ట్రాక్టరులో గ్రావెల్‌ను లోడింగ్‌ చేస్తుండగా పొక్లెయిన్‌, ట్రాక్టరును స్వాధీనం చేసుకుని పోలీసు స్టేషన్‌కు తరలించారు. దీనిపై కేసు నమోదు చేసి తదుపరి చర్యలు చేపడతామని ఎస్‌ఐ తెలిపారు. ఎవరైనా అక్రమంగా ఇసుక, గ్రావెల్‌, రాయిని తరలిస్తే చట్టపరంగా చర్యలు తీసుకుంటామని హెచ్చరించారు.

నక్కపల్లి: తిరుమల లడ్డూలో జంతుకొవ్వు కలవలేదని ఈడీ ఇచ్చిన నివేదిక కూటమి ప్రభుత్వానికి చెంప పెట్టులాంటిదని పాయకరావుపేట నియోజకవర్గం వైఎస్సార్‌ సీసీ సమన్వయకర్త కంబాల జోగులు అన్నారు. శనివారం ఆయన నక్కపల్లిలో విలేకరులతో మాట్లాడుతూ వైఎస్సార్‌సీపీపై నిందలు మోపేందుకు కూటమి ప్రభుత్వం తిరుమల తిరుపతి దేవస్థానాన్ని రాజకీయంగా వాడుకుందని తెలిపారు. కోట్లాదిమంది భక్తులు ఎంతో పవిత్రంగా భావించే తిరుమల లడ్డూలో జంతుకొవ్వు కలిసిందని తప్పుడు ప్రచారం చేసిందన్నారు. విచారణ అనంతరం లడ్డూ తయారీలో జంతువు కొవ్వు కలవలేదని కోర్టుకు ఈడీ నివేదిక సమర్పించిందన్నారు.ఈ నివేదిక చంద్రబాబు నాయుడు ప్రభుత్వానికి చెప్పుదెబ్బలాంటిదన్నారు. జగన్‌మోహన్‌రెడ్డి ప్రభుత్వానికి అప్రతిష్టపాలు చేయాలని దురుద్దేశంతో తప్పుడు ప్రచారం చేశారన్నారు. ఇప్పటికై నా కూటమి నాయకులు, చంద్రబాబు, నారా లోకేష్‌,పవన్‌కల్యాణ్‌ బుద్ధి తెచ్చుకుని, తప్పు ఒప్పుకుని లెంపలు వేసుకోవాలన్నారు. కోట్లాదిమంది వేంకటేశ్వర స్వామిని భక్తులను క్షమాపణ చెప్పాలన్నారు.

యలమంచిలి రూరల్‌: యలమంచిలి పట్టణానికి సమీపంలో అక్రమంగా గ్రావెల్‌ తరలిస్తున్న రెండు ట్రాక్టర్లను శనివారం సీజ్‌ చేసినట్టు తహసీల్దార్‌ కె.వరహాలు తెలిపారు.16వ నంబరు జాతీయ రహదారిపై నుంచి పట్టణంలోని పైవంతెన మీదుగా గ్రావెల్‌ తరలిస్తున్న రెండు ట్రాక్టర్లను గుర్తించిన తహసీల్దార్‌ వాటిని స్వయంగా ఆపి అనుమతులు ఉన్నాయో?లేదో? పరిశీలించారు. అనుమతులు లేకుండా పెదపల్లి సమీపంలో ఒక క్వారీ నుంచి తవ్వకాలు జరిపి తరలిస్తున్నట్టు నిర్థారించారు. వాటిని స్వాధీనం చేసుకున్నారు. రెండు ట్రాక్టర్లు తనవేనని పట్టణంలోని రాంనగర్‌కు చెందిన పడాల శ్రీను తహసీల్దార్‌ను సంప్రదించారు. అక్రమంగా గ్రావెల్‌ తరలిస్తున్నందుకు ఒక్కో ట్రాక్టరుకు రూ.15వేల చొప్పున మొత్తం రూ.30 వేలు జరిమానా విధించినట్టు తహసీల్దార్‌ ‘సాక్షి’కి తెలిపారు.

ఎస్‌.రాయవరం: విద్యార్థులకు పుస్తక జ్ఞానంతో పాటు పురాతన నాగరికతపై అవగాహన కల్పించడం అభినందనీయమని అనకాపల్లి జిల్లా ఉప విద్యాశాఖాధికారి పి.అప్పారావు తెలిపారు. శనివారం కొరుప్రోలు ఉన్నత పాఠశాలలో మండల స్థాయి నాణేల ప్రదర్శన ఆకట్టుకుంది. ఇక్కడ హెచ్‌ఎం కె.ప్రసాద్‌ సేకరించిన 60 దేశాలకు సంబంధించి 500 ఏళ్ల క్రితం నాటి నాణేలను ప్రదర్శనలో ఉంచారు. పలు పాఠశాల ఉపాధ్యాయులు, విద్యార్థులు పాల్గొని ప్రదర్శనను తిలకించారు. ఈ సందర్భంగా డిప్యూటీ డీఈవో మాట్లాడుతూ చరిత్ర ఆనవాళ్లకు నాణేలని, వాటి గురించి విద్యార్థులకు చదువుతో పాటు అవగాహన కల్పించడం అభినందనీయమన్నారు.

తాటిచెట్లపాలెం(విశాఖ): పండగల రద్దీ దృష్ట్యా వివిధ మార్గాల్లో ప్రత్యేక రైళ్లను నడుపుతున్నట్లు విశాఖపట్నం డివిజన్‌ అధికారులు తెలిపారు. చర్లపల్లి–సంత్రగచ్చి (07221) వీక్లీ స్పెషల్‌ ఎక్స్‌ప్రెస్‌ ప్రతి శనివారం ఉదయం 5.40 గంటలకు చర్లపల్లిలో బయలుదేరి అదే రోజు రాత్రి 7.33 గంటలకు దువ్వాడకు, మరుసటి రోజు ఉదయం 11 గంటలకు సంత్రగచ్చి చేరుకుంటుంది. ఈ రైలు అక్టోబర్‌ 31 వరకు నడుస్తుంది. తిరుగు ప్రయాణంలో సంత్రగచ్చి–చర్లపల్లి (07222) వీక్లీ స్పెషల్‌ ఎక్స్‌ప్రెస్‌ ప్రతి ఆదివారం మధ్యాహ్నం 12.25 గంటలకు సంత్రగచ్చిలో బయలుదేరి మరుసటి రోజు తెల్లవారుజామున 3.20 గంటలకు దువ్వాడకు, అదే రోజు సాయంత్రం 5.30 గంటలకు చర్లపల్లి చేరుకుంటుంది. ఈ రైలు నవంబర్‌ 1 వరకు నడుస్తుంది. ● ఎస్‌ఎంవీ బెంగళూరు–మాల్డా టౌన్‌ (06565) వీక్లీ స్పెషల్‌ ఎక్స్‌ప్రెస్‌ ప్రతి ఆదివారం రాత్రి 11.40 గంటలకు ఎస్‌ఎంవీ బెంగళూరులో బయలుదేరి మరుసటి రోజు సాయంత్రం 6.13 గంటలకు దువ్వాడకు, మంగళవారం సాయంత్రం 4.35 గంటలకు మాల్డా టౌన్‌ చేరుకుంటుంది. ఈ రైలు నవంబర్‌ 22 వరకు నడుస్తుంది. తిరుగు ప్రయాణంలో మాల్డా టౌన్‌–ఎస్‌ఎంవీ బెంగళూరు (06566) వీక్లీ స్పెషల్‌ ఎక్స్‌ప్రెస్‌ ప్రతి బుధవారం సాయంత్రం 4 గంటలకు మాల్డా టౌన్‌లో బయలుదేరి మరుసటి రోజు మధ్యాహ్నం 3.33 గంటలకు దువ్వాడకు, శుక్రవారం మధ్యాహ్నం 12.45 గంటలకు ఎస్‌ఎంవీ బెంగళూరు చేరుకుంటుంది. ఈ రైలు నవంబర్‌ 25 వరకు నడుస్తుంది.

రావికమతం: మండలంలోని కొత్తకోటలో శనివారం జరిగిన రోడ్డుప్రమాదంలో ఇద్దరు విద్యార్థులు గాయపడ్డారు. కొత్తకోట ఎస్‌ఐ శ్రీనివాస్‌ తెలిపిన వివరాలు ఇలా ఉన్నాయి. కొత్తకోట గ్రామానికి చెందిన బడుగుశెట్టి కార్తీక్‌, కొప్పోజు వీర సత్యరాణి ఉదయం గ్రామంలో హైస్కూల్‌కు వెళుతుండగా, అదే గ్రామానికి చెందిన అద్దిపల్లి ఆర్యకుమార్‌ బైక్‌తో ఢీకొన్నాడు. దీంతో తీవ్రంగా గాయపడిన కార్తీక్‌, సత్యరాణిలను నర్సీపట్నంలో ఆస్పత్రికి తరలించారు. బాధితుల తల్లిదండ్రులు ఫిర్యాదు మేరకు ఆర్య కుమార్‌ను అదుపులోకి తీసుకున్నట్టు ఎస్‌ఐ తెలిపారు.

అచ్యుతాపురం రూరల్‌: భార్య మందలించిందన్న మనస్తాపంతో పురుగుమందు తాగిన మండలంలోని పెదపాడుకు చెందిన జనపరెడ్డి నాగసూరి (51) మృతి చెందాడు. పోలీసులు తెలిపిన వివరాలు ఇలా ఉన్నాయి. తాగుడుకు అలవాటు పడిన నాగసూరి మూడేళ్లుగా దానికి దూరంగా ఉంటున్నాడు. ఇటీవల మళ్లీ మద్యం సేవించడంతో భార్య మందలించింది. దీంతో మనస్తాపానికి గురై ఈ నెల 11న పురుగు మందు తాగాడు. గమనించిన కుటుంబ సభ్యులు విశాఖ కేజీహెచ్‌కు తరలించారు. అక్కడ చికిత్స పొందుతూ శుక్రవారం మృతి చెందాడు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వెంకటరావు తెలిపారు.

చోడవరం: విద్యుత్‌ శాఖ అధికారుల తీరుపై గ్రామస్తులు, అఖిల పక్ష పార్టీల నాయకులు తీవ్ర ఆగ్రహం వ్యక్తం చేశారు. మండలంలోని దుడ్డుపాలెంలో జనావాసాల మధ్య తాగునీటి కుళాయి ట్యాంక్‌ పక్కన కొత్తగా విద్యుత్‌ ట్రాన్స్‌ఫార్మర్‌ ఏర్పాటు చేసేందుకు విద్యుత్‌ శాఖ అధికారులు చర్యలు చేపట్టారు. దీనిని స్థానిక వైఎస్సార్‌సీపీ నాయకులతోపాటు గ్రామస్తు లు, జనసేన, కమ్యూనిస్టు పార్టీల నాయకులు తీవ్రంగా వ్యతిరేకిస్తున్నారు.20 రోజుల కిందట గ్రామానికి చెందిన వైఎస్సార్‌సీపీ అధ్యక్షుడు అయితా వెంకట రమణ, తాజా మాజీ సర్పంచ్‌ కూర్మదాసు మాలిబాబు, తాతబాబు ఆధ్వర్యంలో గ్రామస్తులు ఆర్‌ఈసీఎస్‌ అధికారులు, జిల్లా ఉన్నతాధికారులకు ఫిర్యాదు చేశారు. అయినా పట్టించుకోకుండా విద్యుత్‌ శాఖ అధికారులు విద్యుత్‌ ట్రాన్స్‌ఫార్మర్‌ ఏర్పాటుకు సిమెంటు దిమ్మను నిర్మించారు. దీంతో స్థానికులు ఆందోళనకు దిగారు. తాగునీటి కుళాయిల వద్దకు మహిళలు అధిక సంఖ్యలో వస్తారని, ఈ ప్రదేశంలో ప్రమాదకరమైన విద్యుత్‌ ట్రాన్స్‌ఫార్మర్‌ను ఎలా ఏర్పాటు చేస్తారంటూ ప్రశ్నించారు. అయినా అధికారులు స్పందించకపోవడంతో చోడవరం తహసీల్దార్‌ కార్యాలయం వద్ద శనివారం ధర్నా చేశారు. వైఎస్సార్‌సీపీ నాయకులతోపాటు సీపీఐ జిల్లా సంయుక్త కార్యదర్శి రెడ్డిపల్లి అప్పలరాజు, జనసేన నాయకుడు జెర్రిపోతుల నానాజీ మద్దతు పలికారు. జనవాసాలకు సమీపంలో కుళాయిల సముదాయం పక్కన విద్యుత్‌ ట్రాన్స్‌ఫార్మర్‌ ఏర్పాటు చేయవద్దని, విరమించుకోకపోతే ఆందోళన ఉధృతం చేస్తామని హెచ్చరించారు. రాజకీయ కక్షతోనే ఇటువంటి దుశ్చర్యలకు స్థానిక అధికార పార్టీ నాయకులు పాల్పడుతున్నారని, ప్రజా వ్యతిరేక కార్యక్రమాలు చేపడితే సహించమంటూ అఖిలపక్ష పార్టీల నాయకులు, ప్రజలు హెచ్చరించారు. తక్షణం దీనిపై కలెక్టర్‌, స్థానిక ఎమ్మెల్యే స్పందించి ప్రజలకు ఇబ్బంది లేకుండా ఇదే గ్రామంలో వేరొక చోట విద్యుత్‌ ట్రాన్స్‌ఫార్మర్‌ను ఏర్పాటు చేయాలని డిమాండ్‌ చేశారు. దుడ్డుపాలెంలో విద్యుత్‌ ట్రాన్స్‌ఫార్మర్‌ ఏర్పాటుపై నిరసన కుళాయిల పక్కన ట్రాన్స్‌ఫార్మర్‌వద్దంటూ డిమాండ్‌ తహసీల్దార్‌ కార్యాలయం వద్ద ధర్నా

విశాఖ విద్య: ఆంధ్ర విశ్వవిద్యాలయం అభివృద్ధికి రూ. 500 కోట్లు మంజూరు చేస్తామంటూ ఇచ్చిన హామీ గాల్లోనే తేలిపోయింది. ముఖ్యమంత్రి చంద్రబాబు నాయుడు శనివారం మళ్లీ విశాఖకు వచ్చినా, ఏయూ నిధులపై ఎలాంటి ప్రకటనా చేయకపోవడంపై విశ్వవిద్యాలయ విద్యార్థి, ఉపాధ్యాయ, ఉద్యోగ వర్గాలు తీవ్ర విస్మయం వ్యక్తం చేస్తున్నాయి. నాలుగు నెలలైనా కదలని జీవో ఏప్రిల్‌ 27న జరిగిన ఏయూ శతాబ్ది ఉత్సవాల సందర్భంగా వర్సిటీ మౌలిక వసతులు, ఇతర అభివృద్ధి పనుల కోసం రూ. 500 కోట్లు కేటాయిస్తామని సీఎం హామీ ఇచ్చారు. అయితే నాలుగు నెలలు గడిచినా ఆర్థిక శాఖ నుంచి ఎలాంటి జీవో విడుదల కాలేదు. శనివారం ఏయూ ఇంజినీరింగ్‌ కాలేజీ మైదానంలో జరిగిన కార్యక్రమానికి వచ్చిన సీఎం, నిధుల విడుదలపై స్పష్టత ఇస్తారని అంతా ఆశగా ఎదురుచూశారు. కానీ ఆయన ప్రసంగంలో నిధుల ప్రస్తావన తేకపోవడమే కాకుండా, కనీసం ఏయూ వీసీతో కూడా మాట్లాడకపోవడం నిరాశ పరిచింది. ఖజానా ఖాళీ చేస్తున్నారు: నిరుద్యోగ సంఘాల ఆరోపణ సీఎం చెప్పే మాటలకు, చేసే చేతలకు అసలు పొంతన ఉండటం లేదని పలువురు విమర్శిస్తున్నారు. శతాబ్ది వేడుకలకు ప్రభుత్వం ఒక్క రూపాయి కూడా విడుదల చేయకపోవడం దారుణమని నిరుద్యోగ సంఘాల కన్వీనర్‌ డాక్టర్‌ సురేష్‌ మీనన్‌ మండిపడ్డారు. రూ. 500 కోట్ల మాట దేవుడెరుగు, ఉన్న వర్సిటీ ఖజానాపై కన్నేసి ప్రభుత్వ కార్యకలాపాలకు నిధులను మళ్లిస్తున్నారు. ఏయూ నిధులను సర్కారు వినియోగించడం తక్షణమే మానేయాలని ఆయన డిమాండ్‌ చేశారు. ప్రభుత్వ కార్యక్రమానికి రాజకీయ రంగు విద్యాసంస్థల గౌరవాన్ని, పవిత్రతను కాపాడాల్సిన ప్రజాప్రతినిధులే నిబంధనలను విస్మరిస్తున్నారనే విమర్శలు వెల్లువెత్తుతున్నాయి. శనివారం ఏయూ మైదానంలో పేదలకు పట్టాల పంపిణీ కార్యక్రమం పూర్తిగా ప్రభుత్వ పరమైనది. అయినప్పటికీ, ఏయూ ప్రాంగణానికి వెళ్లే మార్గంలో టీడీపీ జెండాలు, తూర్పు నియోజకవర్గ ఎమ్మెల్యే వెలగపూడి రామకృష్ణబాబు, ఆయన కుమారుడి ఫొటోలతో కూడిన ప్లెక్సీలను ఏర్పాటు చేయడంపై విద్యార్థి సంఘాలు తీవ్ర అభ్యంతరం వ్యక్తం చేస్తున్నాయి. ప్రభుత్వ సంక్షేమ కార్యక్రమాలను స్వాగతిస్తున్నామని అయితే ఏయూ మైదానాలను వాడుకుంటున్నందుకు తక్షణమే వర్సిటీకి అద్దెలు చెల్లించాలని డాక్టర్‌ సురేష్‌ మీనన్‌ కోరారు. విద్యాసంస్థల్లో విద్యార్థులకు రాజకీయ మకిలి అంటించకుండా నాయకులు బాధ్యతతో వ్యవహరించాలని, దిగువ స్థాయి కార్యకర్తలకు సీఎం చంద్రబాబు ఈ విషయంలో స్పష్టమైన దిశా నిర్దేశం చేయాలని విజ్ఞప్తి చేశారు.

సింహాచలం: శ్రీ వరాహ లక్ష్మీనృసింహ స్వామికి శనివారం ఆర్జిత సేవలు వైభవంగా జరిగాయి. ఉదయం 7 గంటలకు స్వామివారి ఉత్సవమూర్తులు గోవిందరాజస్వామి, శ్రీదేవి, భూదేవిలను ఆలయ బేడామండపంలో వేదికపై వేంజేపచేసి 100 నామాలతో సహస్రనామార్చన నిర్వహించారు. ఉభయదాతలకు శేషవస్త్రాలు, ప్రసాదం అందజేశారు. శాస్త్రోక్తంగా నిత్యకల్యాణం.. వరాహ లక్ష్మీనృసింహ స్వామికి శనివారం ఉదయం 9.30 గంటల నుంచి నిత్యకల్యాణం శాస్త్రోక్తంగా జరిగింది. ఆలయ బేడా మండపంలో ఉత్సవమూర్తులు గోవిందరాజ స్వామి, శ్రీదేవి, భూదేవిలను వేంజేపచేశారు. విష్వక్సేన పూజ, పుణ్యాహవాచనం, కంకణధారణ, యజ్ఞోపవీతం, జీలకర్రబెళ్లం, మాంగళ్యధారణ, తలంబ్రాలు తదితర ఘట్టాలతో కల్యాణం నిర్వహించారు. ఉభయదాతలకు కల్యాణ అక్షింతలు, ప్రసాదం, శేషవస్త్రం అందజేశారు. ఘనంగా గరుడ సేవ.. సింహాలేశుడికి గరుడ సేవ ఘనంగా జరిగింది. ఆలయ బేడా మండపంలో ఉత్సవమూర్తి గోవిందరాజ స్వామిని వెండి గరుడ వాహనంపై వేంజేపచేశారు. అష్టోత్తర శతనామావళి పూజ చేసి, విశేషంగా హారతులు అందజేశారు. భక్తులను గరుడ వాహనం చుట్టూ ప్రదక్షిణ చేయించారు.

కశింకోట: స్థానిక ఆర్‌ఈసీఎస్‌ పరిధిలో ఉన్న ఏపీఈపీడీసీఎల్‌ డివిజన్‌లో పనిచేస్తున్న సీపీడబ్ల్యూలకు ప్రభుత్వం నిర్ణయించిన కనీస వేతనాలను అమలు చేయాలని ఏపీ ఎలక్ట్రిసిటీ స్టాప్‌ అండ్‌ వర్కర్స్‌ యూనియన్‌ (ఏఐటీయూసీ అనుబంధం) జిల్లా గౌరవాధ్యక్షుడు రాజాన దొరబాబు డిమాండ్‌ చేశారు. సీపీడబ్ల్యూల సమస్యలపై విశాఖలో ఏపీఈపీడీసీఎల్‌ చైర్మన్‌ అండ్‌ మేనేజింగ్‌ డైరెక్టర్‌(సీఎండీ)పృథ్వీరాజ్‌కు శనివారం వినతి పత్రం అందజేసినట్లు తెలిపారు. సీపీడబ్ల్యూల నైపుణ్యం, అర్హత, పని బాధ్యతలకు అనుగుణంగా కనీస వేతనాలు చెల్లించాల్సి ఉన్నా అమలుచేయడం లేదన్నారు. సమాన పనికి సమాన వేతనం ఇవ్వాలని, సామాజిక భద్రత కల్పించాలని కోరారు. సీఎండీ సానుకూలంగా స్పందించారని తెలిపారు. ఈ కార్యక్రమంలో యూనియన్‌ ప్రతినిధులు బి.ఈశ్వరరావు, బి.రాజ, అప్పలనాయుడు, అచ్చిబాబు, దాడి లీల తదితరులు పాల్గొన్నారు.

● నర్సీపట్నం, చోడవరం, కశింకోటలో విస్తృతంగా తనిఖీలు ● పెద్ద సంఖ్యలో ద్విచక్రవాహనాలు స్వాధీనంనర్సీపట్నం: పట్టణంలోని 3వ వార్డులో డీఎస్పీ పి.శ్రీనివాసరావు ఆధ్వర్యంలో పట్టణ సీఐ ఎస్‌కె.గఫూర్‌, రూరల్‌ సీఐ రేవతమ్మ, ఎస్‌ఐలు, ఈగల్‌ టీమ్‌ సిబ్బంది, నార్కోటిక్‌ డాగ్స్‌ సహకారంతో శనివారం కార్డన్‌ సెర్చ్‌ నిర్వహించారు. 50 మంది పోలీసు సిబ్బందితో 230 ఇళ్లలో విస్తృతంగా తనిఖీలు నిర్వహించారు. దాదాపు 440 మంది వివరాలను సేకరించారు. నార్కోటిక్‌ స్నిఫర్‌ డాగ్‌ బన్నీ సహాయంతో గంజాయి, ఇతర మత్తు పదార్థాల నిల్వలు, రవాణా, వినియోగంపై అనుమానిత ప్రాంతాలు, ఇళ్లు, వాహనాలను విస్తృతంగా తనిఖీ చేశారు. డ్రగ్స్‌ వినియోగిస్తున్నట్టు అనుమానిస్తున్న 8 మంది ఇళ్లు, పాత ఎన్‌డీపీఎస్‌ కేసులో నిందితుడైన ఒకరి ఇల్లు, ఐదుగురు రౌడీ, సస్పెక్ట్‌ షీటర్ల నివాసాలను పరిశీలించి, వివరాలను నమోదు చేసుకున్నారు. పత్రాలు లేని 34 వాహనాలను స్వాధీనం చేసుకుని స్టేషన్‌కు తరలించారు. ఈ సందర్భంగా డీఎస్పీ మాట్లాడుతూ శాంతిభద్రతలకు విఘాతం కలిగించే అసాంఘిక శక్తులు, గంజాయి, డ్రగ్స్‌ వంటి మత్తు పదార్థాల రవాణా, విక్రయాలు, వినియోగానికి పాల్పడే వారిపై కఠిన చర్యలు తప్పవని హెచ్చరించారు. గ్రామాలు, కాలనీల్లో అనుమానాస్పద వ్యక్తులు కనిపిస్తే వెంటనే పోలీసులకు సమాచారం అందించాలని ఆయన కోరారు. చోడవరం: పట్టణంలోని పలు ప్రాంతాల్లో పోలీసులు విస్తృతంగా తనిఖీలు చేశారు. లా అండ్‌ ఆర్డర్‌ పోలీసులతో పాటు స్పెషల్‌ పోలీసు బృందాలు, డాగ్‌ స్క్వాడ్‌ బృందాలతో అన్ని ప్రాంతాలను జల్లెడ పట్టారు. మాదకద్రవ్యాల నిర్మూలనలో భాగంగా చోడవరం ఆర్టీసీ కాంప్లెక్స్‌, ఆటోస్టాండ్‌, పాతబస్టాండ్‌, కొత్తూరు జంక్షన్లలో ప్రయాణికులు, విద్యార్థులు, అనుమానాస్పద వ్యక్తుల బ్యాగులు తనిఖీ చేశారు. చోడవరం సీఐ అప్పలరాజు ఆధ్వర్యంలో ప్రత్యేక బృందాలు తనిఖీలు చేశాయి. ఒకే సారి డాగ్‌ స్క్వాడ్‌తో పోలీసు బృందాలు రంగంలోకి దిగడంతో అంతా భయాందోళనలకు గురయ్యారు. కశింకోట: మండల కేంద్రం కశింకోటలోని పలు ప్రాంతాల్లో శనివారం పోలీసులు కార్డన్‌ సెర్చ్‌ నిర్వహించారు. ప్రధానంగా మాదక ద్రవ్యాల వినియోగం జరుగుతున్నట్టు అనుమానం ఉన్న ప్రాంతాలు, ఇళ్లు, విద్యార్థుల హాస్టళ్లు, ఖాళీ భవనాలు, బస్‌ స్టేషన్‌, ఇతర అనుమానాస్పద ప్రదేశాలు, గంజాయి, నార్కోటిక్‌ కేసుల్లోని నిందితుల ఇళ్లలో సోదాలు చేశారు. సుమారు 600 మంది వ్యక్తులను, 150 వాహనాలను తనిఖీ చేశారు. సరైన పత్రాలు లేని 37 వాహనాలు, ఆరు లిక్కర్‌ సీసాలను స్వాధీనం చేసుకున్నారు. రౌడీ షీటర్లు, సస్పెక్ట్‌ షీట్లు ఉన్న వ్యక్తులకు కౌన్సెలింగ్‌ నిర్వహించారు. డీఎస్పీ ఈ. శ్రీనివాసులు ఆధ్వర్యంలో సీఐ అల్లు స్వామినాయుడు స్థానిక హౌసింగ్‌ కాలనీ, పూసర్ల వీధి ప్రాంతాల్లో ఈగల్‌ టీంతో కలిసి తనిఖీలు జరిపారు. గంజాయి, ఇతర మాదక ద్రవ్యాల గురించి తెలిస్తే టోల్‌ ఫ్రీ నంబర్‌ 1972కు గానీ, పోలీసులకు గానీ సమాచారం అందించాలన్నారు. అనంతరం మాదక ద్రవ్యాలకు వ్యతిరేకంగా ప్రతిజ్ఞ చేయించారు. అనకాపల్లి ట్రాఫిక్‌ సీఐ వెంకట నారా యణ, అనకాపల్లి టౌన్‌ సీఐ ప్రేమ్‌కుమార్‌, రూరల్‌ సీఐ అశోక్‌ కుమార్‌, ఈగల్‌ ఇన్‌స్పెక్టర్‌ ఎస్‌. నారాయణరావు, కశింకోట ఎస్‌ఐలు కె. లక్ష్మణరావు, బి.సతీష్‌, 70 మంది సిబ్బంది పాల్గొన్నారు. జిల్లాలో నర్సీపట్నం, చోడవరం, కశింకోటల్లో శనివారం పోలీసులు పెద్ద ఎత్తున కార్డన్‌ సెర్చ్‌ నిర్వహించారు. ఇంటింటికీ వెళ్లి సోదాలు జరిపారు. సరైన రికార్డులు లేని వాహనాలను స్వాధీనం చేసుకున్నారు. పెద్ద ఎత్తున పోలీసులు రావడంతో ఆయా ప్రాంతాల వారు భయాందోళనలకు గురయ్యారు.

● కలెక్టర్‌ విజయకృష్ణన్‌ మునగపాక: చెరువులను పరిరక్షించుకోవాల్సిన బాధ్యత అందరిపై ఉందని కలెక్టర్‌ విజయకృష్ణన్‌ తెలిపారు. స్థానిక సంతబయలు శీలప్పన్న చెరువు శుభ్రత పనులను శనివారం ఆమె పరిశీలించారు. ఈ సందర్భంగా ఆమె మాట్లాడుతూ ప్రతి మండలంలో ఒక చెరువును శుభ్రపరిచేలా చూడాలన్నారు. నీరు వృథాగా పోకుండా చర్యలు తీసుకోవాలని సూచించారు. ఎంపీడీవో ఎం.ఉషారాణి,తహసీల్దార్‌ ఎ.సంధ్య, డిప్యూటీ ఎంపీడీవో సోమరాజు, పంచాయతీ కార్యదర్శి రమేష్‌, ఉపాధి హామీ పథకం ఏపీవో శివ, మాజీ సర్పంచ్‌ దిమ్మల అప్పారావు తదితరులు పాల్గొన్నారు.

మునగపాక: కూటమి ప్రభుత్వ నిర్లక్ష్యం వల్లే కరువు పరిస్థితులు దాపురించాయని, ఎల్‌ నినో ప్రభావం ఉంటుందని ముందుగా తెలిసినా సమర్థంగా ఎదుర్కోవడంలో ప్రభుత్వం విఫలమైందని వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ ఆరోపించారు. స్థానిక వైఎస్సార్‌సీపీ కార్యాలయంలో శనివారం ఏర్పాటు చేసిన విలేకరుల సమావేశంలో ఆయన మాట్లాడారు. రైతులను ఆదుకోకుండా సీఎం చంద్రబాబు ఫొటో షూట్లు, పొర్లు దండాలతో కాలం గడిపేస్తున్నారని విమర్శించారు. ఎల్‌ నినో ప్రభావం ఎక్కు వగా ఉంటుందని తెలిసినా చంద్రబాబు ప్రభుత్వం ముందస్తు చర్యలు ఎందుకు తీసుకోలేదని ప్రశ్నించారు. అన్నదాతకు అండగా నిలవాల్సిన ప్రభుత్వం నిమ్మకు నీరెత్తినట్లు వ్యవహరిస్తోందని విమర్శించారు. ఈఏడాది 44 శాతం వర్షపాతం లోటు నమోదైందన్నారు. అయినా ఇంతవరకు పాలకులు గాని, అధికారులు గాని కనీసం సమీక్షలు నిర్వహించకపోవడం విచారకరమన్నారు. ఇలాంటి క్లిష్ట పరిస్థితుల్లో ప్రత్యామ్నాయ చర్యలు చేపట్టాల్సి ఉన్నా ఆ దిశగా ఎటువంటి చర్యలు తీసుకోవడం లేదన్నారు. చంద్రబాబునాయుడు తన ఇమేజ్‌ పెంచుకునేందుకు చూపుతున్న శ్రద్ధ రైతులపై చూపితే బాగుండేదని తెలిపారు. కరోనా మహమ్మారి విజృంభించిన సమయంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి అన్ని వర్గాల వారిని ఆదుకుని అందరి మన్ననలు పొందారన్నారు. రైతులను ఆదుకునేందుకు పంటల బీమా పథకం అమలు చేసి రైతు పక్షపాతిగా గుర్తింపు పొందారని చెప్పారు. నేడు చంద్రబాబు కనీసం రైతులకు పంటల బీమా పథకం అమలు చేసే చర్యలు చేపట్టలేదన్నారు. అగమ్యగోచరంగా అన్నదాతలు జిల్లా వ్యాప్తంగా 3.70 లక్షల ఎకరాల సాగు భూమి ఉందని, ఇందులో 1.40 లక్షల ఎకరాల్లో వరి సాగు చేయాల్సి ఉండగా, 18,250 ఎకరాల్లో సాగు జరుగుతోందన్నారు. వేసిన పంటలు ఎండిపోయాయని, దీంతో రైతుల పరిస్థితి అగమ్యగోచరంగా మారిందని చెప్పారు. పోలవరం నీరు వచ్చేస్తుందంటూ హంగామా చేయడం తప్ప ఈ ప్రాంత రైతులకు ఒరిగిందేమీలేదన్నారు. అన్నదాత సుఖీభవ పథకం సక్రమంగా అమలు కాలేదని తెలిపారు. దీంతో రైతులు తీవ్ర ఇబ్బందులకు గురవుతున్నారని, అందువల్ల అనకాపల్లిని కరువు జిల్లాగా ప్రకటించి రైతులను ఆదుకోవాలని డిమాండ్‌ చేశారు. ఉపాధి కూలీలకు పనిదినాలు పెంచాలని కోరారు. రైతుల కోసం పోరాడతాం రైతులకు అండగా నిలిచేందుకు వైఎస్సార్‌సీపీ రాష్ట్ర వ్యాప్తంగా కార్యాచరణకు శ్రీకారం చుడుతోందన్నారు. రైతులకు న్యాయం జరిగేంతవరకు రాజీలేని పోరాటం చేసేందుకు పార్టీ శ్రేణులు సిద్ధంగా ఉన్నారని చెప్పారు. సమావేశంలో పార్టీ మండల కన్వీనర్‌ ఆడారి అచ్చియ్యనాయుడు, వైస్‌ ఎంపీపీ మళ్ల కాశీ సురేష్‌, వైఎస్సార్‌సీపీ జిల్లా అధికార ప్రతినిధి ఆడారి కాశీబాబు, జిల్లా యువజన విభాగం ప్రధాన కార్యదర్శి కాండ్రేగుల జగన్‌, మాజీ సర్పంచ్‌ బొడ్డేడ శ్రీనివాసరావు, పార్టీ నేతలు నరాలశెట్టి సూర్యనారాయణ, రాజాన బుజ్జిబాబు, పిన్నమరాజు రవీంద్రరాజు, దొడ్డి బుజ్జి, గుంట్ల అప్పారావు, పిట్టా మంగారెడ్డి, వెలగా రామకృష్ణ, భీశెట్టి ఈశ్వరరావు తదితరులు పాల్గొన్నారు.

మహారాణిపేట(విశాఖ): త్వరలో జరగనున్న ఎంపీటీసీ, జెడ్పీటీసీ ఎన్నికలకు సంబంధించి పోలింగ్‌ కేంద్రాల తుది జాబితాను విశాఖ జిల్లా పరిషత్‌ కార్యాలయంలో శనివారం జెడ్పీ సీఈవో పి.నారాయణమూర్తి, డిప్యూటీ సీఈవో కె.రాజ్‌కుమార్‌, జెడ్పీ పర్యవేక్షకుడు మూర్తి ప్రదర్శించారు. ఉమ్మడి విశాఖ జిల్లాల పరిధిలోని 39 మండలాల్లో మొత్తం 2,350 పోలింగ్‌ కేంద్రాలను ఖరారు చేశారు. వీటిలో విశాఖ జిల్లాలో 203, అనకాపల్లి జిల్లాలో 1,530, అల్లూరి సీతారామరాజు జిల్లాలో 617 కేంద్రాలు ఉన్నాయి. జెడ్పీ అధికారులు ఎన్నికల ప్రక్రియను పారదర్శకంగా నిర్వహించేందుకు చర్యలు చేపడుతున్నట్లు జెడ్పీ సీఈవో తెలిపారు.జిల్లా పరిషత్‌లకు 25 నుంచి ప్రత్యేక అధికారుల పాలన మహారాణిపేట(విశాఖ): జిల్లా పరిషత్‌ పాలకవర్గాల పదవీకాలం ఈ నెల 24తో ముగియనున్న నేపథ్యంలో ఉమ్మడి విశాఖ జిల్లాలోని జిల్లా పరిషత్‌ లకు ప్రత్యేక అధికారులను ప్రభుత్వం నియమించింది. ఈ మేరకు ప్రత్యేక ఉత్తర్వులు జారీ చేసింది. విశాఖ జిల్లా పరిషత్‌ ప్రత్యేక అధికారిగా జిల్లా కలెక్టర్‌ ఎం.అభిషిక్త్‌ కిశోర్‌, అనకాపల్లి జిల్లా పరిషత్‌ ప్రత్యేక అధికారిగా కలెక్టర్‌ విజయకృష్ణన్‌, అల్లూరి జిల్లా పరిషత్‌ ప్రత్యేక అధికారిగా కలెక్టర్‌ పి.నిశాంతిని నియమించింది. ఈ నెల 25 నుంచి జిల్లా పరిషత్‌లలో ప్రత్యేక అధికారుల పాలన అమల్లోకి రానుంది.

తుమ్మపాల: అనకాపల్లి మండలం మార్టూరు జెడ్పీ హైస్కూల్‌లో విద్యార్థులకు నాసిరకం భోజనం పెడుతున్నారన్న ఆరోపణలపై ఆ పాఠశాల హెచ్‌ఎం విజయ, మధ్యాహ్నభోజన నిర్వాహకురాలికి జిల్లా విద్యాశాఖాధికారి జి.జి.ఎస్‌.నాగేశ్వరరావు షోకాజ్‌ నోటీసులు జారీ చేశారు. పాఠశాలలో మధ్యాహ్న భోజనం బాగోలేకపోవడంతో విద్యార్థులు ఇబ్బందులకు గురవుతున్నారు. దీంతో శుక్రవారం పాఠశాల వద్ద తల్లిదండ్రులు ఆందోళన చేశారు. ఈ ఆందోళనపై ‘నాసిరకంగా బడి భోజనం‘ అనే శీర్షికన సాక్షిలో ప్రచురించిన వార్తకు స్పందించిన డీఈవో శనివారం పాఠశాలను సందర్శించి విచారణ జరిపారు. బాధ్యులుగా గుర్తించిన హెచ్‌ఎం విజయ, ఎండీఎం నిర్వాహకురాలికి షోకాజ్‌ నోటీసులు జారీచేసి, గడువులోగా వివరణ ఇవ్వాలని ఆదేశించారు. తల్లిదండ్రుల నుంచి ఫిర్యాదులు రావడంతో భోజనం తయారీపై విచారణ చేశామని, నివేదికలను కలెక్టర్‌, విద్యాశాఖ, ఎండీఎం ఉన్నతాధికారులకు సమర్పిస్తామని డీఈవో తెలిపారు. ఉన్నతాధికారుల ఆదేశాలతో తదుపరి చర్యలు తీసుకుంటామని, భోజనం తయారీలో ఎటువంటి తప్పిదాలు జరిగినా చర్యలు తప్పవని హెచ్చరించారు. విద్యార్థులకు రుచికరమైన భోజనం అందించడంలో అందరూ బాధ్యతగా వ్యవహరించాలన్నారు. విచారణ పూర్తయ్యేవరకు తల్లిదండ్రులు సహకరించాలని కోరారు. ఈ కార్యక్రమంలో ఏడీ అప్పారావునాయుడు, ఎంఈవో–1 శ్రీదేవి, ఎంఈవో–2 విశ్వేశ్వరరావు, తల్లిదండ్రులు పాల్గొన్నారు.

నిరాశ నిస్పృహలకు గురైన వృద్ధులు, దివ్యాంగులు, వితంతువులు కుంటిసాకులతో పెన్షన్‌ దరఖాస్తుల స్వీకరణకు నిరాకరణ కూటమి నాయకుల సిఫారసులకే ప్రాధాన్యం జిల్లాలో వివరాలు తుమ్మపాల: చంద్రబాబు ప్రభుత్వం అధికార పగ్గాలు చేపట్టినప్పటి నుంచి ఏ ఒక్కరికీ కొత్తగా పింఛన్లు మంజూరు చేయలేదు. ప్రస్తుతం స్థానిక సంస్థల ఎన్నికలు సమీపిస్తుండడంతో ప్రజా వ్యతిరేకత నుంచి తప్పించుకునేందుకు కొత్తగా ఎన్టీఆర్‌ భరోసా పథకం కింద పింఛన్ల డ్రామాకు తెరలేపింది. పెన్షన్‌ మంజూరైతే పూటగడుస్తుందన్న ఎన్నో ఆశలు పెట్టుకున్న అభాగ్యులతో ఆటలాడుకుంది. సామాజిక భద్రతా పింఛన్ల కోసం ఈ నెల 7 నుంచి 18వ తేదీ వరకూ అర్హులు ఆన్‌లైన్‌లో దరఖాస్తు చేసుకున్నారు. ఇందులో వృద్ధులు, వితంతువులు, ఒంటరి మహిళలు, దివ్యాంగులు తదితరులున్నారు. అయితే దరఖాస్తుల స్వీకరణ సమయంలో చాలా అడ్డంకులు సృష్టించారు. దీంతో అర్హత ఉన్నా అనేకమంది దరఖాస్తు చేయలేకపోయారు. అర్హత పరిశీలనలో ఎంత మంది గట్టెక్కుతారు? నిబంధనల పేరుతో ఎంత మంది దరఖాస్తులు తిరస్కరణకు గురవుతాయి? అనేది చర్చనీయాంశంగా మారింది. 40,725 దరఖాస్తులు జిల్లాలోని 24 మండలాల్లో ఈ నెల 18 నాటికి 40,725 దరఖాస్తులు నమోదైనట్లు స్వర్ణ వార్డు, స్వర్ణ గ్రామ సచివాలయాల జిల్లా అధికారి బి.వి.సత్యనారాయణ తెలిపారు. వీటిలో 37,164 దరఖాస్తులు పెండింగ్‌లో ఉండగా కేవలం 3,157 మాత్రమే ఆమోదం పొందాయి. 404 దరఖాస్తులు తిరస్కరణకు గురయ్యాయన్నారు. సచివాలయాల వద్దే ‘నో’.. దరఖాస్తు చేసుకునేందుకు సచివాలయాలకు వెళ్లిన పలువురిని వివిధ కారణాలు చూపుతూ వెనక్కి పంపించారనే ఆరోపణలు పలు మండలాల్లో వినిపించాయి. కొన్నిచోట్ల స్థానిక కూటమి నాయకుల జోక్యం ఎక్కువైందని, తమకు అనుకూలంగా ఉన్న వారి దరఖాస్తుల స్వీకరణలో ప్రాధాన్యం లభించిందని పలువురు తెలిపారు. మరికొన్ని గ్రామాల్లో కూటమి నాయకులు అంగీకారం తెలుపుతూ ఫారాలపై సంతకాలు చేస్తేనే సచివాలయ సిబ్బంది దరఖాస్తులను స్వీకరించి నమోదు చేశారు. వాటిలో కొన్నింటికి నేటికీ సంతకాలు లేక ఫారాలు సమర్పించకపోవడంతో అవి పెండింగ్‌లోనే ఉన్నాయి. దీంతో సంతకాల కోసం కూటమి నాయకుల చుట్టూ దరఖాస్తుదారులు ప్రదక్షిణలు చేస్తున్నారు. మరికొన్ని గ్రామాల్లో దరఖాస్తుదారుల నుంచి కూటమి నాయకులు నగదు తీసుకుంటున్నారన్న ఆరోపణలు వెల్లువెత్తుతున్నాయి.కొత్త పింఛన్ల కోసం ఎదురుచూస్తున్న వృద్ధులు, వితంతువులు, దివ్యాంగులకు సాంకేతిక సమస్యలు, నిబంధనలు, టీడీపీ నాయకుల హడావుడి అడ్డంకులుగా మారా యి. అర్హత ఉన్నప్పటికీ పలు కారణాలతో దరఖాస్తులు నమోదుకాకపోవడంతో వారు తీవ్ర నిరాశనిస్పృహలకు గురయ్యారు. కుంటిసాకులు చెప్పి తమ దరఖాస్తులు స్వీకరించకుండా వెనక్కు పంపేశారని పలువురు ఆవేదన వ్యక్తం చేశారు.

మాకవరపాలెం: పిడుగు పడి ఓ వృద్ధుడు మృతి చెందాడు. మండలంలోని జి.గంగ వరం శివారు చంద్రయ్యపాలెం గ్రామానికి చెందిన బాలం గంగరాజు(66) ఎప్పటిలాగే శుక్రవారం సాయంత్రం ప్రాథమిక పాఠశాల సమీపంలో గేదెలను మేపుతుండ గా వర్షం కురిసింది. ఈ సమయంలో పిడుగు పడడంతో గంగరాజు మృతి చెందాడు. ఈ ఘటనలో ఆయనతోపాటు ఓ గేదె మరణించింది. విషయం తెలుసుకున్న స్థానికులు గంగరాజును ఆస్పత్రికి తరలించేందుకు ప్రయత్నించినప్పటికీ ఫలితం లేకపోయింది. పోలీసులు కేసు నమోదు చేసి, మృతదేహాన్ని పోస్టుమార్టానికి నర్సీపట్నం ఏరియా ఆస్పత్రికి తరలించారు.

గొలుగొండ: ‘రాష్ట్రంలో కూటమి పాలన దుర్మార్గంగా ఉంది, ఇటువంటి దగాకోరు ప్రభుత్వానికి బుద్ధి చెప్పడానికి వైఎస్సార్‌సీపీ శ్రేణులు సమష్టిగా పనిచేయాలి, త్వరలో జరగే స్థానిక సంస్థల ఎన్నికల్లో అధికార పార్టీ అభ్యర్థులకు తగిన గుణపాఠం చెప్పాలి’ అని వైఎస్సార్‌సీపీ రీజనల్‌ కో– ఆర్డినేటర్‌ కురసాల కన్నబాబు పిలుపునిచ్చారు. గొలుగొండ మండలం పాలకపాడు గ్రామంలో శుక్రవారం వైఎస్సార్‌సీపీ నర్సీపట్నం నియోజకవర్గ విస్తృత స్థాయి సమావేశం జరిగింది. ఈ సమావేశానికి నియోజకవర్గంలోని నాలుగు మండలాలతోపాటు నర్సీపట్నం మున్సిపాలిటీ నుంచి నాలుగు వేలకుపైగా కార్యకర్తలు, అభిమానులు తరలివచ్చారు. ఈ సందర్భంగా కురసాల కన్నబాబు మాట్లాడుతూ ఇటువంటి మారుమూల గ్రామానికి ఇంత పెద్ద ఎత్తున పార్టీ శ్రేణులు రావడం చాలా ఆనందంగా ఉందన్నారు. పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఆదేశాలు మేరకు త్వరలో జరిగే స్థానిక సంస్థల ఎన్నికల్లో ప్రతీ గ్రామం, వార్డు, మున్సిపాలిటీ నుంచి బలమైన అభ్యర్థులను బరిలో నిలపాలన్నారు. ప్రజా సమస్యలు ఎండగట్టి కూటమి నేతలను ఓడించాలని పార్టీ కేడర్‌కు పిలుపునిచ్చారు. కార్యకర్తలకు అండగా ఉంటాం : మాజీ ఎమ్మెల్యే గణేష్‌ స్థానిక ఎన్నికల్లో వైఎస్సార్‌సీపీ విజయమే లక్ష్యం విశాఖ, విజయనగరం జిల్లాల రీజనల్‌ కో–ఆర్డినేటర్‌ కురసాల కన్నబాబు సీఎం రమేష్‌కు అనకాపల్లి జిల్లా వాసులు బుద్ధి చెప్పాలి: అమర్‌నాథ్‌ హామీలు విస్మరించిన కూటమి : మాజీ ఎమ్మెల్యే ఉమాశంకర్‌ గణేష్‌ పాకలపాడులో నియోజకవర్గ స్థాయి విస్తృత స్థాయి సమావేశం వేలాదిగా తరలివచ్చిన వైఎస్సార్‌సీపీ శ్రేణులు, అభిమానులు

కశింకోట: మండలంలోని జి.భీమవరం గ్రామానికి రాష్ట్ర స్థాయి ఉత్తమ పంచాయతీ పురస్కారం లభించింది. జాతీయ స్థాయి ఉత్తమ పంచాయతీ పురస్కారానికి రాష్ట్రం నుంచి నామినేట్‌ అయిన 9 పంచాయతీలకు రాష్ట్ర స్థాయిలో ఉత్తమ పంచాయతీ పురస్కారం అందజేశారు. వీటిలో ఒకటైన జి.భీమవరం పంచాయతీకి కూడా ఈ పురస్కారం లభించింది. ఈ మేరకు ఇంటర్నేషనల్‌ ఆర్గనైజేషన్‌ ఫర్‌ స్టాండర్డైజేషన్‌ (ఐఎస్‌వో) సర్టిఫికెట్‌ను రాష్ట్ర పంచాయతీరాజ్‌ కమిషనర్‌ కృష్ణ తేజ చేతుల మీదుగా పంచాయతీ కార్యదర్శి ఆర్‌.నారాయణరావు విజయవాడలో గురువారం స్వీకరించారు. పంచాయతీలో అత్యుత్తమ ఆన్‌లైన్‌ సేవలు అందించడంతో పాటు, కార్యాలయాల చుట్టూ తిరిగే అవసరం లేకుండా ప్రభుత్వ ప్రతిష్టాత్మక వాట్సాప్‌ గవర్నెన్స్‌ ద్వారా ప్రజలు ఇంటి వద్ద నుంచే సేవలు పొందే వెసులుబాటు కల్పించారు. ఈ అవార్డు పొందడానికి అనుసరించిన ప్రమాణాలను ఇలాగే కొనసాగిస్తూ, జాతీయ పురస్కారం పొందడంలో కూడా రాష్ట్రాన్ని ముందుంచేలా విధులు నిర్వహించాలని ఈ సందర్భంగా రాష్ట్ర కమిషనర్‌ కృష్ణ తేజ అధికారులకు సూచించారు. అదనపు డైరెక్టర్‌ మల్లేశ్వరి, జిల్లా పంచాయతీ అధికారి ఈ.సందీప్‌, ఎంపీడీవో సీహెచ్‌. చంద్రశేఖరరావు, డిప్యూటీ ఎంపీడీవో ఎం.వెంకటలక్ష్మి, జి. భీమవరం పంచాయతీ మరియు సచివాలయ సిబ్బంది ఈ పురస్కారం పొందడంలో ముఖ్య భూమిక పోషించారు.

నక్కపల్లి: ప్రముఖ పుణ్యక్షేత్రం ఉపమాక వేంకటేశ్వర స్వామి వార్షిక బ్రహ్మోత్సవాలు నేత్రపర్వంగా జరుగుతున్నాయి. ఈ ఉత్సవాల్లో భాగంగా శుక్రవారం స్వామివారి మూలవిరాట్‌కు పంచామృతాభిషేకం, నిత్యార్చనలు నిర్వహించారు. కొండ దిగువన ఉత్సవమూర్తులకు, క్షేత్రపాలకుడు వేణుగోపాల స్వామికి, ఆండాళ్లమ్మవారికి నిత్యార్చనలు పూర్తిచేసిన అనంతరం భక్తులకు దర్శనం కల్పించారు. తరువాత నిత్యసేవాకాలం, బాల భోగ, రాజభోగ నివేదనలు పూర్తిచేశారు. తదుపరి సుదర్శన పెరుమాళ్లను చిన్నపల్లకిలోను, ఉభయ దేవేరులతో కూడిన స్వామివారిని ఆంజనేయ వాహనంలో ఉంచి తిరువీధి సేవలు నిర్వహించా రు. ఇతర ప్రాంతాల నుంచి వచ్చిన మహిళలు తిరువీధి సేవల్లో కోలాటం నిర్వహించారు. ఈ ఉత్సవాల్లో ప్రధానార్చకులు గొట్టుముక్కల వరప్రసాద్‌, అర్చక స్వాములు కృష్ణ మాచార్యులు, శేషాచార్యులు, సాయి ఆచార్యులు పాల్గొన్నారు. ఏయూ దూరవిద్య ప్రవేశాల గడువు పొడిగింపు విశాఖ విద్య: ఆంధ్ర విశ్వవిద్యాలయం దూరవిద్య కేంద్రంలో ప్రవేశాలకు దరఖాస్తు గడువు ను అక్టోబర్‌ 13వ తేదీ వరకు పొడిగించినట్లు దూరవిద్య సంచాలకులు ఆచార్య డీఏ నాయుడు తెలిపారు. యూజీసీ–డీఈబీ సూచనలకు అను గుణంగా ఓపెన్‌ అండ్‌ డిస్టెన్స్‌ లెర్నింగ్‌ (ఓడీఎల్‌) ఆఫ్‌లైన్‌, ఆన్‌లైన్‌ లెర్నింగ్‌ కోర్సులకు ఈ గడువు పొడిగించినట్లు పేర్కొన్నారు. జూలై–ఆగస్టు 2026 సెషన్‌కు సంబంధించి ప్రవేశాలు పొందాలనుకునే విద్యార్థులు అక్టోబర్‌ 13లోగా దరఖాస్తు చేసుకోవాలని సూచించారు. ఓడీఎల్‌ (ఆఫ్‌లైన్‌) కోర్సుల ప్రవేశాలు, ఆన్‌లైన్‌ కోర్సుల వివరాల కోసం ఏయూ అధికారిక వెబ్‌సైట్‌ను సంప్రదించాలని తెలిపారు.

అనకాపల్లి: రాజ్యాంగ నిర్మాత డాక్టర్‌ బి.ఆర్‌.అంబేడ్కర్‌ను ‘కల్పిత నాయకుడు‘ అని కించపరిచిన హైదరాబాద్‌ నివాసి నాగులరావు వరప్రసాద్‌పై చర్యలు తీసుకోవాలని బీఎస్పీ జిల్లా అధ్యక్షుడు మల్లారపు లోవచంద్‌ డిమాండ్‌ చేశారు. పట్టణ పోలీస్‌ స్టేషన్‌లో వరప్రసాద్‌పై శుక్రవారం ఫిర్యాదు చేశారు. ఆయన మాట్లాడుతూ కోట్లాది మంది అంబేడ్కర్‌ అభిమానుల మనోభావాలు దెబ్బతీయడం అన్యాయమన్నారు. దేశప్రజల హక్కులను హరించే విధంగా పుస్తకాన్ని రాస్తున్న వరప్రసాద్‌పై చర్యలు తీసుకోవాలని డిమాండ్‌ చేశారు. బీఎస్పీ జిల్లా నాయకులు సూదికొండ మాణిక్యాలరావు, కాండ్రేగుల రాము, గెడ్డం దశరథరావు, కంకణాల శ్రీను, కొల్లి సురేష్‌, మర్రా రాజు, యరమాల నర్సింగరావు పాల్గొన్నారు.

ఆందోళన రేపుతున్న సర్వే పాయకరావుపేట మండలం పి.ఎల్‌.పురం వద్ద ఏర్పాటు చేసిన జగనన్న లేఅవుట్‌లో లబ్ధిదారులు నిర్మించుకున్న ఇళ్లు (ఫైల్‌) స్థలాలు స్వాధీనం చేసుకుంటే సహించం గత ప్రభుత్వం జగనన్న లేఅవుట్లను ఏర్పాటు చేసి సెంటున్నర స్థలాన్ని మంజూరు చేసింది. చాలా మంది ఇళ్లు నిర్మించుకున్నారు. అక్కడక్కడ కొంతమంది వివిధ కారణాల వల్ల నిర్మించుకోలేదు. ప్రభుత్వం సచివాలయ సిబ్బంది ద్వారా ఖాళీ స్థలాలను గుర్తిస్తోంది. వీటిని స్వాధీనం చేసుకుంటారనే ప్రచారం జరుగుతోంది. ఇదే జరిగితే వైఎస్సార్‌సీపీ తరఫున పోరాటం చేస్తాం. జగనన్న ఇచ్చిన స్థలాలను తీసుకుని టీడీపీ కార్యకర్తలకు పంచుతామంటే ఒప్పుకునేది లేదు. ప్రభుత్వం కొత్తగా భూసేకరణ జరిపి ఇళ్ల స్థలాలు ఇవ్వాలి, అంతే తప్ప గతప్రభుత్వం ఇచ్చిన స్థలాలు స్వాధీనం చేసుకుని కొత్తవారికి ఇస్తామంటే కుదరదు.నాలుగు పర్యాయాలు సీఎంగా చేసిన చంద్రబాబు ఒక్క సెంటుకూడా ఇంటి స్థలం ఇవ్వలేదు. – వీసం రామకృష్ణ, వైఎస్సార్‌సీపీ రాష్ట్రకార్యదర్శి నక్కపల్లి : గత వైఎస్సార్‌సీపీ ప్రభుత్వం నవరత్నాలు, పేదలందరికీ ఇళ్లు కార్యక్రమంలో భాగంగా మంజూరు చేసిన జగనన్న లేఅవుట్లపై కూటమి ప్రభుత్వ కళ్లు పడ్డాయి. గత ప్రభుత్వం మంజూరు చేసిన స్థలంలో వివిధ కారణాలు, ఆర్థిక ఇబ్బందులు కారణంగా ఇళ్లు నిర్మించకుండా ఖాళీగా ఉన్న స్థలాలను గుర్తించి వాటి వివరాలను సేకరించేందుకు అధికారులు జగనన్న లేఅవుట్లలో పర్యటిస్తున్నారు. గతంలో ఇళ్ల స్థలాలు ఎంతమందికి ఇచ్చారు. వాటిలో ఎంతమంది ఇళ్లు నిర్మించుకున్నారు. ఎంత మంది నిర్మించుకోలేదు తదితర వివరాలను సచివాలయాల్లో పనిచేసే సిబ్బంది ద్వారా ప్రభుత్వం సేకరిస్తోంది. శుక్రవారం నుంచి సచివాలయ ఇంజినీరింగ్‌, వెల్ఫేర్‌, డిజిటల్‌ అసిస్టెంట్లు జగనన్న లేఅవుట్లలో ఖాళీ స్థలాల వివరాలను సేకరించే పనిలో నిమగ్నమయ్యారు. నిర్మాణాలు ప్రారంభించకుండా ఖాళీగా ఉన్న స్థలాలను ప్రభుత్వం స్వాధీనం చేసుకుని వేరొకరికి పట్టాలు ఇచ్చేందుకు సన్నాహాలు చేస్తోందన్న ప్రచారం జరుగుతోంది. వివరాల్లోకి వెళ్తే గతంలో జగన్‌మోహన్‌రెడ్డి నేతృత్వంలో వైఎస్సార్‌సీపీ ప్రభుత్వం 2020–21 ఆర్థిక సంవత్సరంలో ప్రతి పేదవాడికి పక్కా ఇల్లు మంజూరు చేయాలనే లక్ష్యంతో వైఎస్సార్‌ గృహనిర్మాణ పథకాన్ని అమలు చేసింది. దీనిలో భాగంగా జగనన్న కాలనీలను ఏర్పాటు చేసి, ప్రభుత్వమే భూమిని కొనుగోలు చేసి లేఅవుట్లను అభివృద్ధి చేసి, జగనన్న కాలనీగా నామకరణం చేసింది. మౌలిక సదుపాయాలు కల్పించి అభివృద్ధి చేసిన లేఅవుట్లలో ఒక్కో లబ్ధిదారుడికి సెంటున్నర(72 చదరపు గజాల) సెంట్ల ఇంటి స్థలాన్ని ఉచితంగా పంపిణీ చేసింది. అంతే కాకుండా ఇల్లు నిర్మించుకునేందుకు రూ.1.80లక్షల ఆర్థిక సాయాన్ని అందజేసింది. 682 జగనన్న కాలనీలు జిల్లాలో 20 మండలాల్లో 682 జగనన్న కాలనీలను ఏర్పాటు చేసి సుమారు 35 వేల మందికి ఇంటి స్థలాలను పంపిణీ చేసి, ఇళ్లు మంజూరు చేసింది. ఇలా జిల్లాలో జగనన్న లేఅవుట్లతో పాటు, సొంత ఇంటి స్థలాలు కలిగిన వారితో కలిపి సుమారు 68 వేల మందికి ఇళ్లు మంజూరు చేసింది. వీటిలో 62వేల ఇళ్లను గృహనిర్మాణ శాఖ ద్వారాను, 5,500 ఇళ్లను టిడ్కో ద్వారా మంజూరు చేసింది. రూ.1,054 కోట్లు గ్రాంటు కూడా విడుదల చేసింది. ప్రభుత్వం మంజూరు చేసిన నిధులతో జగనన్నకాలనీల్లో జిల్లాలో అప్పట్లో సుమారు 25 వేల మంది ఇళ్ల నిర్మాణాలు పూర్తి చేసి గృహప్రవేశాలు కూడా జరపుకొన్నారు. మిగిలిన స్థలాల్లో కొంత మంది పునాదులు నిర్మించి దఫదఫాలుగా నిర్మాణాలు చేపడుతున్నారు. మరికొంతమంది ఆర్థిక స్థోమత లేకపోవడం, సమయానికి డబ్బులు లేకపోవడం సరైన రోడ్డు సదుపాయం లేకపోవడం వంటి కారణాలతో నిర్మాణాలు ప్రారంభించలేదు. టీడీపీ కార్యకర్తలకు కట్టబెట్టే కుట్ర? జిల్లాలో సుమారు 3 వేల నుంచి 5 వేల వరకూ ఖాళీ స్థలాలున్నట్టు ప్రభుత్వం అంచనా వేస్తోంది. ఈ ఖాళీ స్థలాలపై కూటమి ప్రభుత్వం కళ్లు పడ్డాయి. ఎన్నికల ముందు ఇచ్చిన హామీ నెరవేర్చే ప్రక్రియలో భాగంగా గత ప్రభుత్వం మంజూరు చేసిన జగనన్న కాలనీల్లో ఖాళీ స్థలాల వివరాలను సేకరించి వాటిని స్వాధీనం చేసుకుని టీడీపీ కార్యకర్తలకు పంపిణీ చేసే కుట్రకు తెరలేపిందన్న ప్రచారం జరుగుతోంది. పేదలకు స్థలాలు, ఇళ్లు మంజూరు చేస్తామని ఎన్నికల ముందు హామీ ఇచ్చిన చంద్రబాబు ప్రభుత్వం ఈ రెండేళ్లకాలంలో ఎక్కడా భూసేకరణ జరపలేదు. స్థలాలను కొనుగోలు చేయలేదు. గత ప్రభుత్వం ఇచ్చిన స్థలాలనే స్వాధీనం చేసుకుని కొత్త సీసాలో పాత సారా అన్నట్లుగా పంపిణీ చేసేందుకు ప్రయత్నిస్తోందన్న ఆరోపణలు వినిపిస్తున్నాయి. తాజాగా సచివాలయ సిబ్బంది జగనన్న లేఅవట్లులో ఖాళీ స్థలాలను గుర్తించి వివరాలు నమోదు చేసుకోవడంతో లబ్ధిదారుల్లో ఆందోళన మొదలైంది. జగనన్న ప్రభుత్వం మంజూరు చేసిన స్థలాలను కూటమిప్రభుత్వం లాగేసుకుంటుందనన్న భయాందోళన లబ్ధిదారులను వెంటాడుతోంది. తమకు సెంటు భూమి లేకపోవడంతో గత ప్రభుత్వం ఇల్లు నిర్మించుకునేందుకు స్థలాన్ని కేటాయించిందని, ఆర్థిక ఇబ్బందులు కారణంగా వెంటనే ఇంటి నిర్మాణాలను ప్రారంభించలేదని లబ్ధిదారులు చెబుతున్నారు. కూటమి ప్రభుత్వం అధికారంలోకి వచ్చాక కొత్తగా ఒక్క ఇంటిని కూడా మంజూరు చేయలేదని, రెండేళ్లనుంచి కొత్త ఇళ్లనిర్మాణానికి ఒక్క పైసాకూడా ఆర్థిక సాయం అందించలేదనివారు చెబుతున్నారు. ప్రభుత్వం మంజూరు చేసి ఉంటే ఇల్లు నిర్మించుకునే వారమని తెలిపారు. ఖాళీ స్థలాలను ప్రభుత్వం స్వాధీనం చేసుకుంటే గనుక లబ్ధిదారుల నుంచి తీవ్ర ప్రతిఘటన ఎదురయ్యే పరిస్థితి కనిపిస్తోంది.

అనకాపల్లి: రహదారి ప్రమాదాలు చిన్నపాటి మానవుని తప్పిదాలు కారణంగా జరుగుతున్నాయని, రహదారులపై వాహనాలు నడిపే డ్రైవర్లు రోడ్డు ప్రమాదాలు జరగకుండా ప్రత్యేక జాగ్రత్త లు తీసుకోవాలని జిల్లా రవాణాశాఖ మోటార్‌ వెహికల్‌ ఇన్‌స్పెక్టర్‌ లీలాప్రసాద్‌ అన్నారు. స్థానిక ప్రజా రవాణా శాఖ(ఆర్టీసీ)లో హెవీ డ్రైవింగ్‌లో శిక్షణ పొందుతున్న 15వ బ్యాచ్‌కు రోడ్డు ప్రమాదాలపై శుక్రవారం అవగాహన కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ సెల్‌ఫోన్‌ డ్రైవింగ్‌, మద్యం సేవించి వాహనాలు నడపడం, ఎదుట వ్యక్తి కూడా జాగ్రత్తగా డ్రైవింగ్‌ చేస్తున్నారో లేదో గమనించి ఎప్పటికప్పుడు అప్రమత్తంగా ఉండాలన్నారు. ట్రాఫిక్‌ రూల్స్‌ను తప్పనిసరిగా పాటించాలన్నారు. రానున్న రోజుల్లో హెవీ డ్రైవింగ్‌కు ఎక్కువగా గిరాకీ ఉండే అవకాశాలు ఉన్నాయన్నారు. డ్రైవింగ్‌ ఇన్‌స్పెక్టర్‌ జి.వి.రమణ, డ్రైవింగ్‌ స్కూల్‌ అసిస్టెంట్‌ ఎ.వి.బాపునాయుడు, సేఫ్టీ డ్రైవింగ్‌ ఇన్‌స్పెక్టర్‌ జెఎం.రావు, తదితరులు పాల్గొన్నారు.

అనకాపల్లి: దీర్ఘకాలిక వ్యాధులతో బాధపడుతున్న రోగులకు మెరుగైన ప్రాథమిక ఆరోగ్యసేవలు అందించడంలో డిజిటల్‌ ఆరోగ్య సాంకేతికతలనుఉపయోగించుకోవాలని డీఎంహెచ్‌వో డాక్టర్‌ అచ్యుతకుమారి సూచించారు. స్థానిక రింగ్‌రోడ్డు వద్ద ఓ ప్రైవేట్‌ ఫంక్షన్‌ హాల్లో శుక్రవారం జిల్లాలోని వివిధ పీహెచ్‌సీ వైద్యులకు మల్టీపుల్‌ లాంగ్‌ టర్మ్‌ కండిషన్‌ ప్రాజెక్టు, సెంటర్‌ ఫర్‌ క్రానిక్‌ డిసీజ్‌ కంట్రోల్‌ ఆధ్వర్యంలో డిజిటల్‌హెల్త్‌పై ఒక రోజు శిక్షణ కార్యక్రమం నిర్వహించారు. ఈ సందర్భంగా ఆమె మాట్లాడుతూ ఆస్పత్రికి వచ్చిన ప్రతి రోగి వివరాలు డిజిటలైజేషన్‌ చేయడం వల్ల వ్యాధి పరిస్థితిని తెలుసుకోవచ్చన్నారు. ప్రాథమిక ఆరోగ్య కేంద్రాల స్థాయిలో డిజిటల్‌ హెల్త్‌ టెక్నాలజీల విని యోగాన్ని బలోపేతం చేయడం, దీర్ఘకాలిక వ్యాధులతో బాధపడుతున్న రోగులకు సమర్థంగా, నిరంతర వైద్యసేవలు అందించేందుకు వైద్యాధికారులు సామర్థ్యాన్ని పెంపొందించుకోవాలన్నారు. ఈ కార్యక్రమంలో శిక్షకులు డాక్టర్‌ ఎస్‌.వి.నిఖిల్‌, సీనియర్‌ సైంటిస్ట్‌ డాక్టర్‌ గుమ్మిడి బాలాజీ, రీసెర్చ్‌ మేనేజర్‌ డాక్టర్‌ మోనల్‌, పీహెచ్‌సీ వైద్యులు పాల్గొన్నారు.

నియోజకవర్గంలో కార్యకర్తలకు ఐడీ కార్డులు పంపిణీ కార్యక్రమం నిర్వహించారు. ఈ సందర్భంగా కురసాల కన్నబాబు, అమర్‌నాథ్‌ మాట్లాడుతూ రాష్ట్రంలో ఎక్కడా లేని విధంగా 12 వేలకు పైగా గుర్తింపు పొందిన కార్యకర్తలు నర్సీపట్నం నియోజకవర్గంలో ఉన్నారని ప్రశంసించారు. దీన్ని గుర్తించి పార్టీ అధినేత జగన్‌మోహన్‌రెడ్డి సైతం మాజీ ఎమ్మెల్యే గణేష్‌ను మెచ్చుకొని ఇతర జిల్లాల నేతలు ఆదర్శంగా తీసుకోవాలని సూచించారన్నారు. కార్యక్రమంలో రాష్ట్ర మహిళా విభాగం జోన్‌–1 వర్కింగ్‌ ప్రెసిడెంట్‌ ఈర్లె అనురాధ, జిల్లా మహిళా విభాగం అధ్యక్షురాలు లోచల సుజాత, నర్సీపట్నం సీనియర్‌ నాయకులు చింతకాయల సన్యాసిపాత్రుడు, వైద్యుడు లక్ష్మీకాంత్‌, సీనియర్‌ నాయకులు యర్రా పాత్రుడు, ఎంపీపీలు, జెడ్పీటీసీలు, ఎంపీటీసీలు, మాజీ సర్పంచ్‌లు, నాయకులు, పార్టీ అనుబంధ కమిటీల సభ్యులు పాల్గొన్నారు.

కడపలో గెలవలేక అనకాపల్లి జిల్లాకు వచ్చి ఏడుపుముఖం పెట్టుకుంటే ఈ ప్రాంత ప్రజలు ఆదరించిన పాపానికి ప్రకృతి సంపదను విధ్వంషం చేస్తున్నారని ఎంపీ సీఎం రమేష్‌పై మాజీ మంత్రి అమర్‌నాథ్‌ ధ్వజమెత్తారు. జిల్లాలో కొండలను, గుట్టలను మింగేస్తూ భారీగా దోచేస్తున్నార ని విమర్శించారు. ఇటువంటి వ్యక్తులు మన ప్రాంతంలో ఉంటే భావితరాలకు, యువతకు ఎంతో నష్టం కలుగుతుందన్నారు. సీఎం చంద్రబాబు పాలన వల్ల రాష్ట్ర ప్రజలకు తీవ్ర అన్యాయం జరుగుతోందన్నారు. ఇచ్చిన హామీలు నెరవేర్చకుండా దోపిడీ పాలన సాగుతోందన్నారు. రానున్న ప్రతీ ఎన్నికల్లో జిల్లా కమిటీ గ్రామ స్థాయిలో కార్యకర్తలకు అండగా ఉంటూ విజయం సాధించే దశగా పనిచేస్తుందని చెప్పారు.

కశింకోట: ఉన్నత శిఖరాలకు చేరుకోవడానికి సదస్సులు విద్యార్థులకు ఎంతగానో ఉపయోగపడతాయని జిల్లా విద్యాశాఖ అధికారి జి.జి.ఎస్‌.నాగేశ్వరరావు అన్నారు. స్థానిక డీపీఎన్‌ జెడ్పీ హైస్కూలులో శుక్రవారం ‘ఎనర్జీ బాస్కెట్‌ –2047 అనుకూలతలు, ప్రతి కూలతలు’ అనే అంశంపై శుక్రవారం విద్యార్థులతో జిల్లా స్థాయి సదస్సు నిర్వహించారు. 24 మండలాల నుంచి 48 మంది విద్యార్థులు పాల్గొన్నారు. ఈ సందర్భంగా జిల్లా నుంచి ఇద్దరు విద్యార్థులను రాష్ట్ర స్థాయి సదస్సుకు ఎంపిక చేశారు. అనకాపల్లి మండలం ఎ.కోడూరు జెడ్పీ హైస్కూలుకు చెందిన అనకాపల్లి భార్గవి, కశింకోట మండలం తేగాడ మోడల్‌ స్కూలుకి చెందిన గుడాల లిప్సలను ఎంపిక చేశారు. వీరు ఈ నెల 23, 24 తేదీల్లో వియజవాడలో జరిగే సదస్సుల్లో పాల్గొంటారని జిల్లా సైన్స్‌ అధికారి దాడి కాళిదాసు తెలిపారు. ఈ సందర్భంగా డీఈవో మాట్లాడుతూ రాష్ట్ర స్థాయి సదస్సుల్లో పాల్గొని ప్రతిభను కనబరిచి, జిల్లాకు మంచి పేరు తీసుకురావాలని ఆకాంక్షించారు. విద్యార్థుల్లో దాగి ఉన్న ప్రతిభను గుర్తించడానికి ప్రభుత్వం ఇటువంటి సదస్సులను నిర్వహిస్తూ ప్రోత్సహిస్తున్నట్టు చెప్పారు. మండల విద్యా శాఖ అధికారులు రమణశ్రీ, సురేష్‌, ఉపాధ్యాయులు కార్యక్రమంలో పాల్గొన్నారు.

కోటవురట్ల: తంగేడు రాజుల ఇంట విషాదం చోటుచేసుకుంది. డీసీసీబీ మాజీ చైర్మన్‌ ఆర్‌. ఎస్‌.రామచంద్రరాజు తనయుడు, వైఎస్సార్‌ సీపీ యువ నాయకుడు ఆర్‌.ఎస్‌.విజయ్‌బాబు బ్రైన్‌ స్ట్రోక్‌తో హైదరాబాద్‌లో చికిత్స పొందుతూ గురువారం మృతి చెందారు. పిన్న వయస్సులోనే ఆయన మృతి చెందడంతో విషాదఛాయలు అలుముకున్నాయి. పూర్తి స్థాయి రాజకీయ రంగ ప్రవేశంతో ప్రజా సేవ చేయాలన్న ఆయన ఆశయం నెరవేరకముందే ఇలా జరగడంతో అంతా ఆవేదన చెందారు. మృతదేహాన్ని హైదరాబాద్‌ నుంచి స్వగ్రామమైన కోటవుటర్ల మండలం తంగేడుకు శుక్రవారం తీసుకొచ్చారు. మాజీ ఎమ్మెల్సీ, వైఎస్సార్‌సీపీ కాకినాడ పార్లమెంట్‌ పరిశీలకుడు డి.వి.సూర్యనారాయణరాజు దగ్గర ఉండి కార్య క్రమాన్ని జరిపించారు. మాజీ మంత్రి గుడివాడ అమర్‌నాఽథ్‌, వైఎస్సార్‌ సీపీ రాష్ట్ర మహిళా అధ్యక్షురాలు, ఎమ్మెల్సీ వరుదు కల్యాణి, మాజీ ఎమ్మెల్యేలు కరణం ధర్మశ్రీ, కంబాల జోగులు, పెట్ల ఉమాశంకర గణేష్‌, పార్టీ జిల్లా అధ్యక్షుడు బొడ్డేడ ప్రసాద్‌, పార్టీ రాష్ట్ర కార్యదర్శి వీసం రామకృష్ణ, పార్టీ నియోజకవర్గ పరిశీలకుడు దిలీప్‌కుమార్‌, మండల అధ్యక్షుడు పైల రమేష్‌, టీడీపీ రాష్ట్ర అధ్యక్షుడు, ఎమ్మెల్యే పల్లా శ్రీనివాసరావు, వివిధ పార్టీల నాయకులు, అభిమానులు భౌతికకాయం వద్ద ఘనంగా నివాళులర్పించి, కుటుంబ సభ్యులు ధైర్యం చెప్పారు.

నక్కపల్లి: కూటమి ప్రభుత్వానికి కౌంట్‌ డౌన్‌ మొదలైందని వైఎస్సార్‌సీపీ రాష్ట్ర కార్యదర్శి వీసం రామకృష్ణ అన్నారు. రాజయ్యపేటలో గ్రామపెద్దలు సూదుల రమణ, పిక్కి తాతాజీ, పిక్కి నాగరాజులతో సహా వివిధ పార్టీలకు చెందిన 50 మంది శుక్రవారం వైఎస్సార్‌సీపీలో చేరారు. వీరందరికీ వీసం కండువాలు కప్పి పా ర్టీలోకి ఆహ్వానించారు. ఈ సందర్భంగా ఆయన మాట్లాడుతూ కూటమి ప్రభుత్వంపై ప్రజల్లో తీవ్ర వ్యతిరేకత వచ్చిందన్నారు. స్థానిక సంస్థల ఎన్నికల స్టంట్‌లో భాగంగానే కొత్త పింఛన్లు, ఇళ్లు, ఇంటి స్థలాలు మంజూరు చేస్తామంటూ కూటమి ప్రభుత్వం ప్రజలను మభ్యపెడుతోందని విమర్శించారు. వేట నిషేధ సమయంలో ఇస్తామన్న మత్స్యకార భరోసా సగం మందికి కూడా ఇవ్వలేదన్నారు. రాజయ్యపేటలో సగానికి పైగా అర్హులైన వారికి వేట నిషేధ భృతి అందలేదని చెప్పారు. అన్నివర్గాల వారికీ కూటమి ప్రభుత్వం అన్యాయం చేసిందని తెలిపారు. ప్రభుత్వ వైఫల్యాలను ప్రజల్లోకి తీసుకెళ్లాలన్నారు. రాబోయే రోజుల్లో పార్టీలో మరిన్ని చేరికలు ఉంటాయని, కష్టపడే ప్రతి కార్యకర్తకు సముచిత స్థానం కల్పిస్తామన్నారు. స్థానిక ఎన్నికల్లో మెజార్టీ స్థానాలను వైఎస్సార్‌సీపీ కై వసం చేసుకునేలా కృషి చేయాలని సూచించారు. ఈ కార్యక్రమంలో జెడ్పీటీసీ సభ్యురాలు గోసల కాసులమ్మ, పార్టీ మండల అధ్యక్షుడు గొర్ల గోవిందరావు, పార్టీ నాయకులు సాదిరెడ్డి శ్రీను, తళ్ల భార్గవ్‌, పిక్కి తాతాజీ, ఎం. సూరిబాబు, పిక్కి నూకరాజు, యజ్జల అప్పలరాజు తదితరులు పాల్గొన్నారు. కూటమి ప్రభుత్వానికి కౌంట్‌ డౌన్‌ మొదలు: వీసం

తుమ్మపాల: అనకాపల్లి మండలం మార్టూరు జెడ్పీ హైస్కూల్‌లో మధ్యాహ్న భోజనం చాలా నాసిరకంగా ఉందని, పిల్లలు తినలేకపోతున్నారని ఆరోపి స్తూ విద్యార్థుల తల్లిదండ్రులు పాఠశాల వద్ద శుక్రవారం ఆందోళన చేశారు. ఈ సందర్భంగా పలువురు మాట్లాడుతూ ప్రభుత్వం ప్రకటించిన మెనూ ను ఇక్కడ అమలు చేయడం లేదని తెలిపారు. ఇటీవల పాఠశాలలో భోజనం చేసిన ఓ విద్యార్థినికి తీవ్రమైన కడుపునొప్పి, వాంతులు రావడంతో ఆస్పత్రికి తరలించి చికిత్స అందించినట్టు చెప్పారు. వైద్యులు ఫుడ్‌ పాయిజన్‌ అయినట్టు నిర్ధారించారని తెలిపారు. తరచూ ఈ సమస్య పునరావృతమవుతున్నా సంబంధిత సిబ్బంది, అధికారులు పట్టించుకోవడం లేదని వారు ఆగ్రహం వ్యక్తం చేశారు. తాము పలుమార్లు పాఠశాల సిబ్బందికి, సంబంధిత అధికారులకు ఫిర్యాదు చేసినప్పటికీ సమస్య పరిష్కారం కాలేదని తల్లిదండ్రులు వాపోయారు. మార్టూరు జెడ్పీ హైస్కూల్‌ వద్ద విద్యార్థుల తల్లిదండ్రుల ఆందోళన

ఎస్‌.రాయవరం: స్థానిక సంస్థల ఎన్నికల్లో వైఎస్సార్‌సీపీ విజయమే లక్ష్యంగా ప్రతి కార్యకర్త సైనికుడిలా పనిచేయాలని పాయకరావుపేట నియోజకవర్గ సమన్వయకర్త కంబాల జోగులు అన్నారు. జె.వి. పాలెం, వేమగిరి, సైతారుపేటల్లో గ్రామ కమిటీల సభ్యులకు శుక్రవారం ఆయన ఐడీ కార్డు లు పంపిణీ చేశారు. ఈ సందర్భంగా మాట్లాడుతూ గ్రామాల్లో వైఎస్సార్‌సీపీ చాలా బలంగా ఉందన్నారు. స్థానిక ఎన్నికలను సమర్థంగా ఎదుర్కొనేందుకు వైఎస్సార్‌సీపీ సిద్ధంగా ఉందని చెప్పారు. కూటమి నాయకులు ఎన్నికల్లో తప్పుడు హామీలిచ్చి గద్దెనెక్కారని, ఇప్పుడు వాటిని గాలికి వదిలేశారని చెప్పారు. స్థానిక ఎన్నికలను దృష్టిలో ఉంచుకుని కొత్త పింఛన్ల మంజూరుకు దరఖాస్తులు స్వీకరిస్తున్నారని చెప్పారు. రెండేళ్లుగా ఒక్కొక్కరూ ఏడాదికి రూ.48 వేల నుంచి రూ.72 వేల వరకు నష్టపోయారన్నారు. కూటమి పాలనలో ప్రజలు తీవ్ర ఇబ్బందులకు గురవుతున్నారని, ఎంత తొందరగా సాగనంపుదామని ఎదురు చూస్తున్నారన్నారు. వైఎస్సార్‌సీపీ కార్యకర్తలకు తాము నిత్యం అండగా, అందుబాటులో ఉంటామన్నారు. ఈ కార్యక్రమంలో పార్టీ మండల అధ్యక్షుడు ఎస్‌.ఎ.ఎన్‌. మధువర్మ, వైస్‌ ఎంపీపీ చోడిపల్లి అప్పన్న, వైఎస్సార్‌సీపీ నియోజకవర్గ యూత్‌ అధ్యక్షుడు పోచిన నరేష్‌, ఎంపీటీసీ సభ్యుడు శానాపతి రాము, వైఎస్సార్‌ సీపీ నాయకులు కట్టుమూరి చంద్రరావు, లక్కోజు ఆదిమూర్తి, కర్రి కోటేశ్వరరావు, గట్టెం పర్వతాలు, శానాపతి శ్రీరాములు, కర్రి శ్రీనివాసరావు తదితరులు పాల్గొన్నారు. సమన్వయకర్త కంబాల జోగులు

విశాఖ విద్య: ఆంధ్ర విశ్వవిద్యాలయం (ఏయూ) మైదానాల అభివృద్ధిని ఒకప్పుడు కంటిలో నలుసులా చూసి.. పనులపై విష ప్రచారం చేసిన కూటమి నేతలకు.. నేడు అధికారంలోకి వచ్చాక అవే మైదానాలు శరణ్యమయ్యాయి. అప్పట్లో మైదానాల విస్తరణను అడ్డుకోవాలని కుట్రలు పన్నిన నోళ్లే.. ఇప్పుడు అదే విశాలమైన గ్రౌండ్స్‌లో హెలికాప్టర్లతో దిగుతూ.. బహిరంగ సభలు నిర్వహిస్తూ.. ప్రగల్బాలు పలుకుతున్నాయి. గతంలో విశ్వవిద్యాలయ అభివృద్ధిని కక్షపూరితంగా విమర్శించిన ముఖ్యమంత్రి చంద్రబాబు నాయుడు.. నేడు అదే ఏయూ ఇంజనీరింగ్‌ కాలేజీ మైదానం వేదికగా పట్టాల పంపిణీ కార్యక్రమం నిర్వహించడం ఆయన ద్వంద్వ వైఖరికి అద్దం పడుతోంది. విశాలంగా మైదానాలు ఏయూ ప్రధాన మైదానం గతంలో పరిమిత విస్తీర్ణంలో ఉండేది. తుప్పలతో అసాంఘిక కార్యక్రమాలకు అడ్డాగా మారింది. దీంతో 2019–2024 మధ్య మైదానాలను విస్తరించి, వర్సిటీ భూములను రక్షించాలనే ఉద్దేశంతో గత ఏయూ పాలకవర్గం పలు చర్యలు చేపట్టింది. ఇందులో భాగంగా ఏయూ ఇంజినీరింగ్‌ కాలేజీ ప్రధాన మైదానాన్ని 15 ఎకరాల నుంచి 23 ఎకరాలకు విస్తరించారు. 12 ఎకరాల్లో ‘ఊర్జా’ మైదానాన్ని ఏర్పాటు చేశారు. 15.6 ఎకరాల స్థలంలో హెలిప్యాడ్‌ నిర్మించి, దాని పక్కనే పార్కింగ్‌ సదుపాయం కల్పించారు. దీంతో నగరంలో భారీ బహిరంగ సభలతో పాటు హెలికాప్టర్‌ ల్యాండింగ్‌కు అనువైన మైదానం ఏయూలో అందుబాటులోకి వచ్చింది. భూముల రక్షణకు చర్యలు వర్సిటీ భూములను పరిరక్షించడంతో పాటు అందుబాటులో ఉన్న స్థలాలను సద్వినియోగం చేసేలా అప్పటి అధికారులు చర్యలు చేపట్టారు. పొలమాంబ ఆలయం వద్ద సుమారు 12 ఎకరాలు భూమి అన్యాక్రాంతం కాకుండా పరిరక్షించారు. మద్దిలపాలెం బ్లాక్‌–1 వద్ద కూడా స్థలాన్ని సద్వినియోగంలోకి తీసుకొచ్చారు. అయితే మైదానాల విస్తరణ సమయంలో అభివృద్ధి పనులను అడ్డుకోడానికి అప్పటి ప్రతిపక్ష టీడీపీ తీవ్ర స్థాయిలో విమర్శలు చేసింది. ఇప్పుడు అదే వేదికపై.. మైదానాల విస్తరణతో ఏయూలో భారీ కార్యక్రమాలకు అనువైన వేదికలు అందుబాటులోకి వచ్చాయి. ప్రధానమంత్రి సభతో పాటు ముఖ్యమంత్రి పాల్గొనే పలు కార్యక్రమాలు ఇక్కడే జరుగుతున్నాయి. ముఖ్యమంత్రి సహా వీవీఐపీలు హెలిప్యాడ్‌లో నేరుగా దిగి కార్యక్రమాలకు హాజరవుతున్నారు. గతంలో మైదానాల అభివృద్ధిని వ్యతిరేకించిన వారే ఇప్పుడు వాటిని వినియోగించుకుంటున్నారని విద్యార్థి సంఘాల నేతలు గుర్తు చేస్తున్నారు. రూ.500 కోట్ల హామీ ఏమైంది? ఏయూ ఇంజనీరింగ్‌ కాలేజీ మైదానంలో ఈ ఏడాది ఏప్రిల్‌ 27న జరిగిన వర్సిటీ శతాబ్ది ఉత్సవాలకు ముఖ్యమంత్రి చంద్రబాబు నాయుడు హాజరయ్యారు. ఈ సందర్భంగా ఏయూ అభివృద్ధికి రూ.500 కోట్లు కేటాయిస్తామని ప్రకటించారు. అయితే ఇప్పటివరకు నిధులు విడుదల కాలేదని, ఇందుకు సంబంధించిన జీవో కూడా రాలేదని విద్యార్థి సంఘాల నేతలు ఆగ్రహం వ్యక్తం చేస్తున్నారు. ఆర్థిక శాఖ నుంచి కూడా ఎలాంటి సమాచారం లేదని చెబుతున్నారు. ఇప్పుడు మళ్లీ ఇదే మైదానంలో పట్టాల పంపిణీ కార్యక్రమానికి సీఎం వస్తున్న నేపథ్యంలో.. గత హామీపై ప్రకటన చేయాలని విద్యార్థులు కోరుతున్నారు. నిధులు విడుదలకు డిమాండ్‌ ప్రభుత్వ కార్యక్రమాలకు ఏయూ మైదానాలు, హాస్టళ్లు, గెస్ట్‌హౌస్‌లను వినియోగిస్తున్నప్పుడు కనీసం అద్దె అయినా చెల్లించాలని విద్యార్థి సంఘాల నేతలు డిమాండ్‌ చేస్తున్నారు. వర్సిటీ అభివృద్ధికి ప్రకటించిన రూ.500 కోట్లను వెంటనే విడుదల చేయాలని, విద్యార్థుల సమస్యలను పరిష్కరించడంతో పాటు మౌలిక వసతులు కల్పించాలని కోరుతున్నారు. శనివారం జరిగే కార్యక్రమంలో ముఖ్యమంత్రి ఈ మేరకు స్పష్టమైన ప్రకటన చేయాలని డిమాండ్‌ చేస్తున్నారు.

రావికమతం: రాళ్ల తరలింపు మైనింగ్‌ శాఖ అధికారులు చూసుకుంటారని, వ్యర్థాలు, కాలుష్య అంశాలపై కాలుష్య నియంత్రణ మండలి అధికారులకు నివేదిక పంపుతామని నర్సీపట్నం అసిస్టెంట్‌ జియాలజిస్టు జి. మురళీకృష్ణతెలిపారు. మండలంలో కొమిర రెవెన్యూ పరిధి పంట భూముల్లో గ్రానైట్‌ వ్యర్థాలు, ఇసుక మేటలు తొలగించాలని గిరిజన రైతులు అర్ధనగ్న ప్రదర్శన చేసిన విషయం విదితమే. దీనిపై శుక్రవారం పలు పత్రికల్లో వార్తలు రావడంతో ఇక్కడ క్వారీ ప్రాంతాన్ని ఆయన పరిశీలించారు. ఈ సందర్భంగా గిరిజన రైతులు, సీపీఎం నాయకుడు కే గోవిందరావు మాట్లాడుతూ వి.మాడుగుల మండలం ఊరలోవ రెవెన్యూ పరిధిలో సీతారాం గ్రానైట్‌, గేలాక్సి, జి.కొండపల్లి గ్రానైట్‌క్వారీల నిర్వహణ వల్ల వమ్మలి జగన్నాథపురం గ్రామానికి సీనరేజ్‌ వస్తుందని, రావికమతం మండలంలో కవ్వుగుంట, కొమిర, బుడ్డిబంద గ్రామాల గిరిజన రైతులు మాత్రం నష్టపోతున్నారని వాపోయారు. జీడి తోటల్లో పనులు చేయాలంటే ఏ రాయి వచ్చి పడుతుందోనని భయం వేస్తుందన్నారు. ఈ సమస్య పరిష్కారం కాకపోతే తోటల్లోనే నిరహార దీక్ష చేస్తామని హెచ్చరించారు. కార్యక్రమంలో వ్యవసాయ కార్మిక సంఘం కార్యవర్గ సభ్యురాలు కే భవాని, గిరిజన సంఘం నాయకులు సోలాం రాజిబాబు, చెప్పాడ అప్పారావు, తోకల నూకాలమ్మ, తుర్రె నరసింహమూర్తి, రైతు సంఘం నాయకుడు మల్లు దేవుళ్లు, గిరిజన రైతులు పాల్గొన్నారు. నర్సీపట్నం అసిస్టెంట్‌ జియాలజిస్టు మురళీకృష్ణ

గొలుగొండ: మండలంలోని పాకలపాడులో నూతనంగా ఏర్పాటు చేసిన మహానేత వైఎస్‌ రాజశేఖర్‌రెడ్డి భారీ కాంస్య విగ్రహాన్ని వైఎస్సార్‌సీపీ రీజనల్‌ కో– ఆర్డినేటర్‌, కురసాల కన్నబాబు, మాజీ మంత్రి అమర్‌నాథ్‌, నర్సీపట్నం, చోడవరం మాజీ ఎమ్మెల్యేలు పెట్ల ఉమాశంకర్‌ గణేష్‌, కరణం ధర్మశ్రీ, పార్టీ జల్లా అధ్యక్షుడు బొడ్డేడ ప్రసాద్‌, ఈర్లె అనురాధ, తదితరులు ఆవిష్కరించారు. నర్సీపట్నం నియోజకవర్గ విస్తృత స్థాయి సమావేశం పాకలపాడులో జరిగింది. ఈ సందర్భంగా పాకలపాడు గ్రామ నాయకులు ఇక్కడ భారీ కాంస్య విగ్రహాన్ని ఏర్పాటు చేశారు. కార్యక్రమంలో స్థానిక నాయకులు యాళ్ల నాయుడు, రాజాన అప్పలనాయుడు, గోవింద్‌, గంగరాజు, గంగాధర్‌, పెదబాబులు, మాణిక్యం, అప్పలనాయడు, కన్నంనాయుడు పాల్గొన్నారు.

● డిప్యూటీ రేంజ్‌ అధికారి నూకరాజుచింతపాలెం వద్ద నాటిన మొక్కలను, సంరక్షణ పనులను పరిశీలిస్తున్న సోషల్‌ ఫారెస్డ్‌ డీఎఫ్‌వో నూకరాజు కె.కోటపాడు : పర్యావరణ సమతుల్యతకు మొక్కలను పెంచుతున్నట్టు సోషల్‌ ఫారెస్ట్‌ డిప్యూటీ రేంజ్‌ అధికారి ఎ.నూకరాజు అన్నారు. చింతపాలెం–గుల్లేపల్లి, ఆర్లి–చింతపాలెం, ఎరకన్నపాలెం–ఆర్లి గ్రామాల మధ్య రోడ్ల కిరువైపులా ఇటీవల నాటిన మొక్కలను, వాటికి చేస్తున్న సంరక్షణ పనులను గురువారం ఆయన పరిశీలించారు. ఆరు కిలోమీటర్లు పొడవునా రోడ్ల కిరువైపులా 2400 కానుగ, తెల్లమద్ది, మహగణి, నెమలినార, లాజిస్ట్రోమియా మొక్కలను ఎన్‌టీపీసీ నిధులతో నాటినట్టు ఆయన తెలిపారు. నాటిన మొక్కలకు రక్షణగా గ్రీన్‌ మ్యాట్‌ను ఏర్పాటు చేయడం జరిగిందని, మొక్కలను పశువులు, గొర్రెలు, మేకలు తినకుండా రైతులు చూడాలని నూకరాజు సూచించారు. కార్యక్రమంలో వన సేవకుడు చిరికి గోవింద పాల్గొన్నారు.

తుమ్మపాల : గడిచిన వారం రోజులుగా జిల్లాలో వర్షాలు కురుస్తున్నప్పటికీ ఇప్పటివరకు వర్షపాతం లోటు మాత్రం కొనసాగుతోంది. గడిచిన రెండు మూడు రోజులుగా ఉదయం వేళ ఎండలు, సాయంత్రం వేళ వర్షాలు కురుస్తుండడంతో వాతావరణంలో మార్పులు చోటుచేసుకుంటున్నాయి. ఎండ వేడిమితో ఇబ్బంది పడుతున్న ప్రజలకు సాయంత్రం కురుస్తున్న వర్షాలు కొంత ఉపశమనం కలిగిస్తున్నాయి. ఇదే సమయంలో వ్యవసాయ పనులకు సైతం వర్షాలు ఊతమిస్తున్నాయి. ఈ ఏడాది వర్షాకాలం ప్రారంభం నుంచి లోటే.. జూన్‌1 నుంచి ఈ నెల 17 వరకు జిల్లాలో 317.9 మిల్లీమీటర్ల వర్షపాతం నమోదైంది. సాధారణంగా ఈ కాలంలో 587.8 మిల్లీమీటర్ల వర్షపాతం నమోదు కావాల్సి ఉండగా.. ప్రస్తుతం 45.9 శాతం లోటు ఉన్నట్లు అధికారులు వెల్లడించారు. జూన్‌లో 97.5 మిల్లీమీటర్లు వర్షం కురవాల్సి ఉండగా 123.2 మిల్లీమీటర్లు, జూలైలో సాధారణ వర్షపాతం 175.9 మిల్లీమీటర్లకు 45.4 మిల్లీమీటర్లు మాత్రమే నమోదైంది. అలాగే ఆగస్టులో 190.5 మిల్లీమీటర్లకు 86.4 మిల్లీమీటర్లు, ఈ నెల 1 నుంచి 17 వరకు జిల్లాలో 88.6 మిల్లీమీటర్లు వర్షపాతం నమోదైంది. ఈ కాలానికి సాధారణ వర్షపాతం 98.2 మిల్లీమీటర్లు కాగా లోటు కేవలం 9.8 మిల్లీమీటర్లుగా నమోదైంది. దీంతో ఈ నెల వర్షపాతం పరిస్థితి సాధారణ స్థాయికి చేరువగా ఉన్నట్లు అధికారుల గణాంకాలు సూచిస్తున్నాయి. రానున్న రోజుల్లోనూ వర్షాలు కొనసాగితే ఇప్పటివరకు ఉన్న లోటు కొంతమేర పూడ్చే అవకాశం ఉంది. కశింకోటలో భారీ వర్షం ఈ నెల 17న జిల్లాలో సగటున 13.2 మిల్లీమీటర్ల వర్షపాతం నమోదైంది. కశింకోట మండలంలో అత్యధికంగా 96.8 మిల్లీమీటర్ల వర్షం కురిసింది. మునగపాకలో 43.2, అనకాపల్లిలో 38.6, పాయకరావుపేటలో 36.8, యలమంచిలిలో 20.8 మిల్లీమీటర్లు నమోదైంది. మాడుగులలో 20.2, నాతవరం, చీడికాడలో 13.2 చొప్పున, కె.కోటపాడులో 07, అచ్యుతాపురంలో 6.8, మాకవరపాలెంలో 4.6, దేవరాపల్లిలో 4.2 మి.మీ. వర్షపాతం నమోదైంది. సబ్బవరం 02, ఎస్‌.రాయవరం 3.4, గొలుగొండ 2.8, రావికమతం, కోటవురట్లలో 1.4 మిల్లీమీటర్ల చొప్పున వర్షం కురిసింది. కశింకోటలో అత్యధికం... రావికమతంలో అత్యల్పం.. సాక్షి, అనకాపల్లి : అల్పపీడన ప్రభావంతో గురువారం జిల్లాలో కొన్ని చోట్ల భారీ వర్షాలు నమోదయ్యాయి. గురువారం ఉదయం నాటికి 24 గంటల వ్యవధిలో జిల్లాలో సగటున 13.2 మి.మీ వర్షపాతం నమోదైంది. దీంతో జూన్‌ నుంచి 587.8 మి.మీ వర్షపాతం నమోదు కావాల్సి ఉండగా, ఇప్పటి వరకూ 317.9 మి.మీ మేరకు 45.9 శాతం లోటులో వర్షాలు కురిశాయి. కశింకోటలో 96.8 మి.మీ, మునగపాకలో 43.2 మి.మీ, అనకాపల్లిలో 38.6 మి.మీ, పాయకరావుపేటలో 36.8 మి.మీ, యలమంచిలిలో 20.8 మి.మీ, మాడుగులలో 20.2 మి.మీ, నాతవరంలో 13.2 మి.మీ, చీడికాడలో 13.2 మి.మీ, కె.కోటపాడులో 7 మి.మీ, అచ్యుతాపురంలో 6.8 మి.మీ, మాకవరపాలెంలో 4.6 మి.మీ, దేవరాపల్లిలో 4.2 మి.మీ, ఎస్‌.రాయవరంలో 3.4 మి.మీ, గొలుగొండలో 2.8 మి.మీ, సబ్బవరంలో 2 మి.మీ, రావికమతంలో 1.4 మి.మీ, కోటవురట్లలో 1.4 మి.మీటర్ల చొప్పున వర్షపాతం నమోదయ్యింది.

అనకాపల్లి : శిల్పకళ, వాస్తుశాస్త్రం, యంత్ర సాంకేతికతకు ప్రతీక అయిన దేవశిల్పి విశ్వకర్మ జయంతిని పురస్కరించుకుని ఎస్పీ కార్యాలయంలో దేవశిల్పి చిత్రపటానికి గురువారం ఎస్పీ తుహిన్‌ సిన్హా పూలమాలలు వేసి నివాళులర్పించారు. ఈ సందర్బంగా ఆయన మాట్లాడుతూ విశ్వకర్మను ప్రపంచ తొలి వాస్తుశిల్పిగా, నిర్మాణ శాస్త్రానికి (ఆర్కిటెక్చర్‌) ఆద్యుడిగా పురాణాలు అభివర్ణిస్తున్నాయని, ద్వారక వంటి అద్భుత నగరాల నిర్మాణంతో పాటు దేవతల ఆయుధాలు, రథాలను తీర్చిదిద్దిన ఘనత ఆయనకే దక్కిందన్నారు. శ్రమజీవులందరికీ విశ్వకర్మ స్ఫూర్తిప్రదాత కేవలం దేవతల శిల్పి మాత్రమే కాక, కష్టపడి పనిచేసే ప్రతి కార్మికుడు, శిల్పి, వడ్రంగి, ఇంజినీర్‌, పారిశ్రామికవేత్త వెనుక ఉన్న నిజమైన ప్రేరణ విశ్వకర్మమేనన్నారు. ఆధునిక సాంకేతికతకు మార్గదర్శకంగా నేటి ఆధునిక యుగంలోనూ ఆయన ప్రదర్శించిన సృజనాత్మకత, నైపుణ్యం ఎంతో ఆచరణీయమని, కష్టపడే తత్వం, అంకితభావం, పట్టుదల ఉంటే ఎంతటి క్లిష్టమైన పనులనైనా అద్భుతంగా సాధించవచ్చనే సందేశాన్ని విశ్వకర్మ జీవితం నేర్పుతుందన్నారు. కార్యక్రమంలో అదనపు ఎస్పీ ఎల్‌.మోహనరావు, డీఎస్పీ కె.రవికుమార్‌, సిబ్బంది పాల్గొన్నారు. విశ్వకర్మల సేవలు ఎంతో కీలకం : కలెక్టర్‌ విజయకృష్ణన్‌ తుమ్మపాల : సమాజ నిర్మాణంలో విశ్వకర్మల సేవలు, నైపుణ్యం ఎంతో విశిష్టమైనవని కలెక్టర్‌ విజయ కృష్ణన్‌ తెలిపారు. గురువారం భగవాన్‌ శ్రీ విశ్వకర్మ జయంతిని పురస్కరించుకుని కలెక్టర్‌ కార్యాలయంలో ఏర్పాటు చేసిన కార్యక్రమంలో ఆయన చిత్రపటానికి కలెక్టర్‌ జ్యోతి ప్రజ్వలన చేసి పూలమాలలతో నివాళులర్పించారు. ఈ సందర్భంగా కలెక్టర్‌ మాట్లాడుతూ సమాజ నిర్మాణంలో విశ్వకర్మల కృషి, నైపుణ్యం, సేవలు ఎంతో విశిష్టమైనవన్నారు. శిల్పకళ, నిర్మాణ రంగం, చేతివృత్తులు రంగాల్లో విశ్వకర్మలు అందిస్తున్న సేవలు అభినందనీయమన్నారు. సంప్రదాయ వృత్తులను పరిరక్షించడంతో పాటు ఆధునిక సాంకేతిక పరిజ్ఞానాన్ని అందిపుచ్చుకోవాలని సూచించారు. ఈ కార్యక్రమంలో డీఆర్‌వో వై.సత్యనారాయణ రావు, జిల్లా వెనుక బడిన తరగతుల సంక్షేమ సాధికారిత అధికారి కె.శ్రీదేవి , సహాయ సంక్షేమ అధికారి కె.సుజాత, అధికారులు పాల్గొన్నారు.

మహారాణిపేట: ఆశీలమెట్టలోని శ్రీ సంపత్‌ వినాయక స్వామి దేవాలయంలో వినాయక చవితి నవరాత్రి ఉత్సవాలు వైభవంగా కొనసాగుతున్నాయి. గురువారం నాల్గో రోజు శ్రీ త్రిముఖ గణపతి అలంకారంలో స్వామివారు భక్తులకు దర్శనమిచ్చారు. వేకువజామున గణపతి హోమం, సామవేద పారాయణం, పంచామృతాభిషేకం, పుష్పార్చనలు నిర్వహించారు. పెద్ద సంఖ్యలో భక్తులు స్వామివారిని దర్శించుకున్నారు. 2,300 మందికి అన్నదానం, ఉచిత ప్రసాద వితరణ చేపట్టారు. భక్తి గీతాలు, కోలాటం, కూచిపూడి, జానపద నృత్య ప్రదర్శనలు, అన్నమయ్య కీర్తనల ఆలాపన ఆకట్టుకున్నాయి.

పట్టణ పోలీస్‌స్టేషన్‌లో సిబ్బందితో మాట్లాడుతున్న ఎస్పీ తుహిన్‌ సిన్హా అనకాపల్లి : శాంతిభద్రతలకు విఘాతం కలిగిస్తే ఎంతటివారిపైన చట్టపరమైన చర్యలు తీసుకోవడం జరుగుతుందని, రౌడీషీటర్లపై నిరంతరం ప్రత్యేక నిఘా ఏర్పాటు చేయాలని ఎస్పీ తుహిన్‌ సిన్హా అన్నారు. స్థానిక పట్టణ పోలీస్‌స్టేషన్‌ను గురువారం రాత్రి స్టేషన్‌ల్లో వివిధ విబాగాలను పరిశీలించారు. ఈ సందర్భంగా ఆయన మాట్లాడుతూ పెండింగ్‌ కేసులను త్వరితగతిన పూర్తిచేయాలని, పాత నేరస్తుల కదలికలపై ప్రత్యేక చర్యలు చేపట్టాలన్నారు. వినాయచవితి, దసరా వివిధ ఉత్సవాలను పురస్కరించుకుని ఎటువంటి అవాంఛనీయ సంఘటనలు జరగకుండా ప్రత్యేక చర్యలు చేపట్టాలని, రాత్రి సమయంలో పోలీస్‌ పెట్రోలింగ్‌ ముమ్మరం చేసి తనిఖీలు నిర్వహించాలన్నారు. సైబర్‌ నేరాలపై ప్రజలకు అవగాహన కార్యక్రమాలు నిర్వహించాలన్నారు. ఈ కార్యక్రమంలో పట్టణ సీఐ జి.ప్రేమ కుమార్‌, ఎస్‌ఐలు షేక్‌ జిలాని, వెంకటేశ్వరరావు, భాస్కరరావు, తదితరులు పాల్గొన్నారు.

హార్బర్‌ పనులకు సాక్షి, అనకాపల్లి : వందలాది మత్స్యకార కుటుంబాలతో రాష్ట్ర ప్రభుత్వం ఆటలాడుకుంటోంది. క్రెడిట్‌ చోరీలో అందవేసిన చెయ్యిగా నిలిచిన రాష్ట్ర పాలకుల్లో కనీసం బడుగు, బలహీన వర్గాలకు న్యాయం చేయాలనే చిత్తశుద్ధి కనిపించడం లేదు. ఏపీలో విశాలమైన సముద్ర తీరం కలిగినప్పటికీ మత్స్యకారులకు సరైన న్యాయం దక్కడం లేదు. పారిశ్రామికంగా తీర ప్రాంతాలను కార్పొరేట్‌ సంస్థలు ఎన్నుకోవడంతో సగటు మత్స్యకారునికి కష్టాలు మొదలయ్యాయి. ఈ సమయంలో మత్స్యకారులకు అండగా నిలవాల్సిన ప్రభుత్వం దాగుడు మూతలాడుతోంది. 73 కిలో మీటర్ల తీర ప్రాంతం కలిగిన అనకాపల్లి జిల్లాలో పూడిమడక వద్ద 2022లో ఫిషింగ్‌ హార్బర్‌ పనుల్ని అప్పటి సీఎం జగన్‌మోహన్‌రెడ్డి ఆదేశాలతో మొదలుట్టారు. అనతి కాలంలోనే ఎన్నికలు రావడం, తర్వాత ప్రభుత్వం మారడంతో ఇప్పుడు ఫిషింగ్‌ హార్బర్‌ పనుల్లో కదలిక లేదు. స్వయంగా ప్రధాని మోదీ చేతుల మీదుగా 2024 ఆగస్టు 30 వర్చువల్‌ విధానంలో రెండోసారి ప్రారంభోత్సవ పనుల హడావిడి చేసినప్పటికీ నిర్మాణ పనులకు అతీగతీ లేకుండా పోయింది. అనకాపల్లి జిల్లాలో కీలకం అనకాపల్లి జిల్లా పరిధిలో 73 కిలో మీటర్ల సముద్ర తీరం ఉంది. తీరంలో ఉన్న ఆరు మండలాల పరిధిలోని 31 మత్స్య గ్రామాలు ఉన్నాయి. 12 వేల మత్స్య కుటుంబాలు కేవలం చేపల వేట, విక్రయంపైనే ఆధారపడి ఉంటున్నారు. వీరు చేపలు విక్రయించాలంటే మధ్యవర్తితో సంబంధం లేకుండా విశాఖ హార్బర్‌కు వెళ్లాలి. పూడిమడక వద్ద ఫిషింగ్‌ హార్బర్‌ నిర్మిస్తే చేపల విక్రయం ఇక్కడే జరుపుకోవచ్చు. పూడిమడక చేపలకు విదేశాల్లోనూ డిమాండ్‌ ఉంది. అయితే నాలుగేళ్ల క్రితం మొదలైన ఫిషింగ్‌ హార్బర్‌ పనుల ప్రక్రియ మొదలు కావడం లేదు. పూడమడక–సీతపాలెం సరిహద్దులో ఉన్న మొగ వద్ద ఫిషింగ్‌ హార్బర్‌ను నిర్మించేందుకు 37.3 ఎకరాలు కేటాయించారు. ఇక్కడ సహజ సిద్ధమైన కొండ పక్క నుంచి ఉప్పుటేరు ప్రవహిస్తోంది. పూడిమడకలోకి వచ్చే బోట్లన్నీ ఈ మొగ ద్వారా ఉప్పుటేరులోకి, ఉప్పుటేరులో నుంచి సముద్రంలోకి వెళ్తాయి. 387 కోట్ల రూపాయల నిధులతో ప్రధానమంత్రి మత్స్య సంపద యోజన పథకం అనుసంధానం చేసి ఫిషింగ్‌ హార్బర్‌ నిర్మాణం పూర్తి చేయాలని గత ప్రభుత్వం నిర్ణయించింది. పూడిమడక హైస్కూల్‌ పక్క నుంచి హార్బర్‌కు చేరుకునేందుకు పక్కా రోడ్డుని నిర్మించారు. సాంకేతిక కారణాలతోనే జాప్యం పూడిమడక వద్ద త్వరలోనే ఫిషింగ్‌ హార్బర్‌ పనులు ప్రారంభం కానున్నాయి. పీపీపీ విధానంలో రూ.700 కోట్లకు పైబడి అంచనా వ్యయంతో పనులు మొదలుకానున్నాయి. సాంకేతిక కారణాలు, పలు రకాల ప్రతిపాదనలతోనే పనుల ప్రారంభంలో జాప్యం జరుగుతోంది. –విజయ, జిల్లా మత్స్యశాఖ విభాగ అఽధికారి ఫిషింగ్‌ హార్బర్‌ నిర్మించనున్న ప్రాంతం పెరిగిన అంచనా వ్యయం... పూడిమడక వద్ద నిర్మించనున్న హార్బర్‌ అంచనా వ్యయం అమాంతం పెరిగిపోయింది.నాలుగేళ్ల వ్యవధిలోనే 387 కోట్ల నుంచి 700 కోట్లకు దాటింది.దీని వల్ల ప్రజా ధనం వృథా కావడంతో పాటు,మత్స్యకారులకు కలగాల్సిన తక్షణ న్యాయం జరగకుండా పోయింది.రాష్ట్రంలోనే అతి పెద్ద జాలరిపల్లిగా గుర్తింపు ఉన్న పూడిమడకతో పాటు సమీప ప్రాంతాల మత్స్యకారులకు మేలు చేసే ఫిషింగ్‌ హార్బర్‌ విషయంలో కూటమి ప్రభుత్వం చొరవ చూపాలని మత్స్యకార నేతలు కోరుతున్నారు. బ్రాండిక్స్‌ పైప్‌లైన్‌ వ్యర్థాలు,ఫార్మా కంపెనీ వ్యర్థాలతో తరచూ ఇక్కడి మత్స్య సంపద మృత్యువాతకు గురవుతోంది. పూడిమడక సముద్రంలో వెళ్లే బోట్లకు ఉపయోగపడే ఉప్పుటేరు కాలుష్య కాసారంగా మారింది.దీంతో ఇటీవల స్థానిక మత్స్యకార బోట్ల యాజమానులు 10 లక్షల రూపాయల సొంత నిధులతో ఉప్పుటేరు శుద్ధీకరణ పనులు చేపట్టుకొని ఆదర్శంగా నిలిచారు. పీపీపీ విధానంలో ఇంకా డీపీఆర్‌ సమర్పించని పూడిమడక ఫిషింగ్‌ హార్బర్‌ నిర్మాణ పనులు మరెప్పుడు ప్రారంభిస్తారని స్థానిక మత్స్యకారులు ఆవేదన వ్యక్తం చేస్తున్నారు.

విద్యార్ధి సతీష్‌ను అభినందిస్తున్న ఎస్‌ఐ తారకేశ్వరరావు , హెచ్‌ఎం సత్యనారాయణ నాతవరం : విద్యార్థులకు విద్యతో పాటు ఆటలు చాలా అవసరమని నాతవరం ఎస్‌ఐ వై.తారకేశ్వరరావు అన్నారు. స్థానిక హైస్కూల్‌లో 10వ తరగతి చదువుతున్న అంకంరెడ్డి సతీష్‌ సత్యసాయి పుట్టపర్తి జిల్లాలో ఈనెల 12,13,14, తేదీలలో జరిగిన రాష్ట్ర స్థాయి బేస్‌బాల్‌ పోటీలలో పాల్గొని క్వార్టర్‌ ఫైనల్‌కు చేరుకున్నాడు. సతీష్‌ ప్రతిభను గుర్తించి గురువారం నాతవరం హైస్కూల్‌లో ఎస్‌ఐతో పాటు హైస్కూల్‌ ప్రదానోపాధ్యాయుడు కూండ్రపు సత్యనారాయణ అభినందించారు. మారుమూల ప్రాంతంలో ఉన్న విద్యార్థులు సైతం తమ నైపుణ్యం, ప్రతిభ చూపించేందుకు ఆటల పోటీలు ఎంతో దోహద పడతాయన్నారు. కార్యక్రమంలో ఉపాధ్యాయులు సూర్యదేవుళ్లు, వలసయ్యనాయుడు, సిబ్బంది పాల్గొన్నారు.

బుచ్చెయ్యపేట : ‘నీలా నాటు సారా తాగి, అమ్మి అడ్డదారిలో వచ్చిన వాడిని కాను..పాలు తాగి రాజకీయ చరిత్ర ఉన్న కుటుంబం నుంచి పైకి వచ్చినవాడిని...’ అంటూ ఎంపీ సీఎం రమేష్‌ను ఉద్దేశించి మాజీ మంత్రి, వైఎస్సార్‌సీపీ రీజనల్‌ కో ఆర్డినేటర్‌ గుడివాడ అమర్‌నాఽథ్‌ అన్నారు. బుధవారం చోడవరం నియోజకవర్గంలో పార్టీ కార్యక్రమాల్లో పాల్గొనడానికి వచ్చిన అనకాపల్లి ఎంపీ సి.ఎం రమేష్‌ మాజీ మంత్రి అమర్‌నాఽథ్‌ను ఉద్దేశించి చేసిన అనుచిత వ్యాఖ్యలపై ఆయన ఘాటుగా స్పందించారు. గురువారం బుచ్చెయ్యపేట విచ్చేసిన అమర్‌నాఽథ్‌ మాట్లాడుతూ కడపలో ఎక్కడో మారుమూల గ్రామంలో పుట్టి చింతకుంట మునిస్వామి రమేష్‌ వైన నీవు సి.ఎం రమేష్‌గా సొంత పేరు చెప్పకోలేని నీవు నా గురించి అనుచిత వ్యాఖ్యలు చేస్తావా...అంటూ మండిపడ్డారు. మా తాత, నాన్న, నేను ఎమ్మెల్యేగా, ఎంపీగా, మంత్రిగా ప్రజలకు సేవలందించామని, మాపై అనుచిత వాఖ్యలు చేయడం నీకు తగదన్నారు. నాటు సారా వ్యాపారం చేసుకుంటూ 1989లో బూత్‌ ఏజెంట్‌గా వచ్చిన నీకు ఈ రోజు రూ.వేల కోట్లు ఎలా వచ్చాయో ప్రజలకు చెప్పగలవా అంటూ ప్రశ్నించారు. ఇటు బీజేపీతో, అటు టీడీపీతో రాజకీయ వ్యభిచారం, బ్రోకర్‌ పనులు చేసే నీవు నీతులు మాట్లాడడాన్ని ఇక్కడి ప్రజలు హర్షించరని ఎద్దేవా చేశారు. కడపలో చెల్లని రూపాయివైన నీవు అనకాపల్లి వచ్చి ఇక్కడి పంచభూతాలను దోచుకుంటున్న నీ చరిత్రను ఢిల్లీగడ్డపై తెలిసేలా చేశానన్నారు. ప్రజలే బుద్ధి చెబుతారు... అధికారంలోకి వస్తే అభివృద్ధి చేస్తానని మాయమాటలు చెప్పి సి.ఎం రమేష్‌ రెండున్నరేళ్లు అయినా గోవాడ సుగర్‌ ఫ్యాక్టరీలో రైతులకు, ఉద్యోగులకు ఇవ్వాల్సిన రూ.35 కోట్లు నిధులు మంజూరు చేయలేకపోయారని విమర్శించారు. గోవాడ సుగర్‌ ఫ్యాక్టరీని పూర్తిగా మూయించి ఫ్యాక్టరీ భూమిని కారు చౌకగా లాక్కోవడానికి ప్రయత్నించారని అమర్‌నాఽథ్‌ మండిపడ్డారు. అమర్‌నాఽథ్‌ లోకల్‌.. అని చెబుతూ అధికారం కోల్పోతే నీవు ఎవరో కూడా ఇక్కడ ప్రజలకు తెలియదని, ఇకనైనా ఎంపీ వ్యక్తిగత విమర్శలు మానుకుని ప్రజా సంక్షేమానికి కృషి చేస్తే మంచిదని, లేకపోతే ప్రజలే తగిన బుద్ధి చెబుతారని అమర్‌నాఽథ్‌ హెచ్చరించారు.

చింతపల్లి: Ð]l$…yýl-ÌS…ÌZ° A°² ç³…^é-Ķæ$-¡ÌZÏ Æ>¯]l$¯]l² Ý린MýS çÜ…çܦÌS G°²-MýSÌZÏ OÐðlG-ÝëÞ-ÆŠ‡-ïÜï³ gñæ…yé GW-Æó‡Ìê ¯éĶæ$-MýS$Ë$, M>Æý‡Å-MýS-Æý‡¢Ë$ OòÜ°MýS$ÌêÏ MýSçÙtç³-yéÌS° G…ï³ï³ MøÆ>º$ A¯]l*-çÙ-§ól-Ñ, gñæyîlµsîæïÜ ´ù™èl$Æ>k »êÌSĶæ$Å-ç³yéÌŒæ í³Ë$-ç³#°-^éaÆý‡$. VýS$Æý‡$-ÐéÆý‡… Ð]l$…yýl-ÌS…ÌZ° ^úyýl$-ç³-ÍÏ, ÌZ™èl$-VðSyýlz ç³…^é-Ķæ$-¡-ÌSÌZ Ý린MýS çÜ…çܦÌS A¿ýæÅ-Æý‡$¦ÌS G…í³MýS MøçÜ… çܯé²-çßæMýS çÜÐ]l*-Ðól-Ô>Ë$ °Æý‡Ó-íßæ…-^éÆý‡$. Ð]l$…yýlÌS ´ëÈt A«§ýlÅ-„ýS$yýl$ ´ë…W VýS×æ-»êº$ A«§ýlÅ-„ýS-™èl¯]l fÇW¯]l D çÜÐ]l*-Ðól-Ôèæ…ÌZ ÐéÆý‡$ Ð]l*sêÏ-yýl$-™èl*.. VýS™èl Æð‡…yýl$-¯]l²-Æó‡-â¶æ$ÏV> MýS*rÑ$ {糿¶æ$™èlÓ… {ç³f-ÌS¯]l$ A°²-Ñ-«§éÌê Ððl*çÜ… ^ólçÜ*¢ M>ÌS-Ķæ*-糯]l ^ólÝù¢…§ýl°, Æ>çÙ‰…ÌZ AÀ-Ð]l–¨® gêyýl-Ìôæ§ýl° ÑÐ]l$ÇØ…^éÆý‡$. VýS™èl OÐðlG-ÝëÞ-ÆŠ‡-ïÜï³ {糿¶æ$™èlÓ çßæĶæ*…ÌZ ^ólç³sìæt¯]l AÀ-Ð]l–¨® çÜ…„óSÐ]l$ M>Æý‡Å-{MýS-Ð]l*-ÌS¯]l$ {V>Ð]l${V>-Ð]l*¯]l {ç³^éÆý‡… ^ólĶæ$-yýl…™ø ´ër$, MýS*rÑ$ {糿¶æ$™èlÓ Ððl*çÜ-ç³N-Ç™èl àÒ$-ÌS¯]l$ {ç³fÌZÏMìS ¡çÜ$-MýS$-ÐðlâêÏÌS° MøÆ>Æý‡$. çÜ*ç³ÆŠ‡ íÜMŠSÞ õ³Æý‡$ ^ðlí³µ {ç³f-ÌS¯]l$ Ððl*çÜ… ^ólçÜ$¢-¯é²Æý‡° Ð]l$…yìl-ç³yézÆý‡$. {糆 ç³…^éĶæ$-¡-ÌZ¯]l* OÐðlG-ÝëÞ-ÆŠ‡-ïÜï³ gñæ…yé GW-Æó‡Ìê {糆 M>Æý‡ÅMýSÆý‡¢ {ÔèæÑ$…-^éÌS° çÜ*_…^éÆý‡$. {V>Ð]l*ÌZÏ° Ð]l¬QÅ M>Æý‡Å-MýSÆý‡¢Ë$, {ç³fË$ HMýS-{X-Ð]l…V> ¡Æ>Ã-°…-_¯]l A¿ýæÅ-Æý‡$¦ÌS¯]l$ Ð]l*{™èlÐól$ G…ï³-sîæïÜ, çÜÆý‡µ…^Œl Ý릯éÌSMýS$ ´ùsîæÌZ E…^èl$-™éÐ]l$° çܵçÙt… ^ólÔ>Æý‡$. ´ëÈtMìS Ð]lņ-Æó‡-MýS…V> GÐ]lÆý‡* ´ùsîæ ^ólĶæ$-MýS*-yýl-§ýl¯ól E§ólª-Ôèæ…-™ø¯ól Ð]l¬…§ýl$V> ç³…^éĶæ$¡ ÐéÈV> çܯé²çßæMýS çÜÐ]l*-Ðól-Ô>Ë$ °Æý‡Ó-íßæ-çÜ$¢-¯]l²r$Ï ™ðlÍ-´ëÆý‡$. {V>Ð]l$-çÜ-¿ýæÌS §éÓÆ> {糆´ë-¨…-_¯]l Ð]l¬VýS$YÆý‡$ A¿ýæÅ-Æý‡$¦ÌS õ³Æý‡Ï¯]l$ ïÜtÇ…VŠæ MýSÑ$sîæMìS A…§ýl-gôæĶæ*-ÌS°, B gê¼-™é¯]l$ ´ëyólÆý‡$ GÐðl$ÃÌôæÅ, ´ëÈt hÌêÏ A«§ýlÅ-„ýS$yýl$ Ð]l$™èlÞÅÆ>çÜಸ್>çÜ ÑÔóæÓ-ÔèæÓ-Æý‡-Æ>-kMýS$ çÜÐ]l$Ç-µ-Ýë¢Ð]l$° ™ðlÍ-´ëÆý‡$. BĶæ$ ¯]l ç³ÇÖ-ÌS¯]l ™èlÆý‡$Ðé™èl ™èl$¨ gê¼™é¯]l$ {ç³MýS-sìæ-Ýë¢Æý‡° õ³ÆöP-¯é²Æý‡$. D M>Æý‡Å-{MýS-Ð]l$…ÌZ GïÜt òÜÌŒæ Æ>çÙ‰ {糫§é¯]l M>Æý‡Å-§ýlÇØ fÍÏ çÜ$«§é-MýSÆŠæ, OÆð‡™èl$ Ñ¿êVýS… M>Æý‡Å-§ýlÇØ º*çÜÇ MýS–Úë~Æ>Ð]l#, ç³…^éĶæ$-¡-Æ>gŒæ Ñ¿êVýS… M>Æý‡Å-§ýlÇØ ÝëW¯]l VýS…VýS-¯]l²-ç³-yéÌŒæ ™èl¨-™èlÆý‡$Ë$ {ç³çÜ…W…-^éÆý‡$. D çÜÐ]l*-Ðól-Ôèæ…ÌZ Ð]l*i çÜÆý‡µ…^Œl VðSÑ$ÃÍ ÌSÍ™èl, G…ï³-sîæíïÜ Ë$ÐéÓº$ Ò$¯éMýS$-Ð]l*-Ç, Ð]l*i Ð]l$…yýlÌS ´ëÈt A«§ýlÅ-„ýS$yýl$ Ððl*Ç Æý‡Ñ, ´ëÈt ïÜ°-Ķæ$ÆŠæ ¯éĶæ$-MýS$Ë$ VðSÑ$ÃÍ íÜ…à-^èl-ÌS…, M>ç³Ç Æ>…»êº$, Ð]l$™èlÅ-Í…VýS… ç³yéÌŒæ, ÝùçÙÌŒæ Ò$yìlĶæ* A«§ýlÅ-„ýS$yýl$ ÒÆý‡¯]l²ç³-yéÌŒæ, }Æ>ÐŒl$, ÌZ™èl$-VðSyýlz Eç³ çÜÆý‡µ…^Œl Äñæ*õÜç³# ò³§ýlª çÜ…QÅÌZ ´ëÌŸY-¯é²Æý‡$. ఎంపీపీ అనూషదేవి, జెడ్పీటీసీ బాలయ్యపడాల్‌

మునగపాక : మండలంలోని నాగులాపల్లికి చెందిన మహిళ అదృశ్యం ఘటనపై కేసు నమోదు చేసినట్టు హెచ్‌సీ ప్రకాశరావు తెలిపారు. వివరాలిలా ఉన్నాయి. నాగులాపల్లికి చెందిన భీమరశెట్టి వెంకట రామనాగేశ్వరరావు వ్యవసాయం చేస్తూ జీవనం సాగిస్తున్నారు. ఈనెల 16న ఎప్పటివలే నాగేశ్వరరావు తన భార్య వరలక్ష్మితో కలిసి పొలం పనులకు వెళ్లారు. సాయంత్రం వరలక్ష్మి ఇంటికి చేరుకుంది. కొద్దిసేపటి తరువాత ఆమె చేతిలో సంచితో మెయిన్‌రోడ్డుకు చేరుకుంది. రాత్రికి ఆమె ఇంటికి తిరిగి రాకపోవడంతో కుటుంబ సభ్యులు ఆమె కోసం వెతకడం ప్రారంభించారు. గురువారం కూడా ఆమె ఆచూకీ తెలియక పోవడంతో భర్త నాగేశ్వరరావు పోలీసులను ఆశ్రయించారు. ఈ మేరకు కేసు నమోదు చేసి దర్యాప్తు చేస్తున్నట్టు హెచ్‌సీ ప్రకాశరావు తెలిపారు.

యలమంచిలి రూరల్‌ : మున్సిపాలిటీ పరిధి సోమలింగపాలెం శివారు గోకివాడ ఆనకట్ట వద్ద గురువారం మధ్యాహ్నం పిడుగుపాటుకు గురై ఇద్దరు రజకులు తీవ్ర అస్వస్థతకు లోనయ్యారు. సోమలింగపాలెం గ్రామానికి చెందిన చూచుకొండ శ్రీను(43), చీపురుపల్లి గంగాధర్‌(27) శారదానది ఒడ్డున దుస్తులు ఉతకడానికి వెళ్లారు. గురువారం మధ్యాహ్నం సుమారు 2.30 గంటల సమయంలో ఈ ప్రాంతంలో ఒక్కసారిగా ఉరుములతో కూడిన భారీ వర్షం కురిసింది. ఆ సమయంలో ఓ చెట్టు కిందకు ఇద్దరూ వెళ్లారు. ఆ సమయంలో వారికి అత్యంత సమీపంలో పెద్ద శబ్ధంతో పిడుగు పడడంతో వారిద్దరూ షాక్‌కు గురై స్పృహ కోల్పోయారు. ఘటనను చూసిన ఒక వ్యక్తి అపస్మారక స్థితిలో ఉన్న ఇద్దరినీ గ్రామస్తుల సాయంతో యలమంచిలి సీహెచ్‌సీకి తరలించారు. అక్కడ ఇద్దరికీ చికిత్స అందిస్తున్నారు. గురువారం రాత్రి 7 గంటల సమయానికి ఇద్దరూ కోలుకుంటున్నట్టు కుటుంబసభ్యులు తెలిపారు. ఈ ఘటనలో ఇద్దరికీ కాలిన గాయాలయ్యాయి. గంగాధర్‌ వద్ద ఉన్న మొబైల్‌ ఫోన్‌ కాలిపోయింది. గాయపడిన ఇద్దరూ బంధువులని గ్రామస్తులు తెలిపారు. మూడు రోజులుగా యలమంచిలి ప్రాంతంలో పిడుగులతో కూడిన భారీ వర్షాలు కురుస్తున్నాయి. సాగులో ఉన్న పంటలకు వర్షం జీవం పోస్తుండగా, పొలాల్లో పనిచేసే రైతులు,కూలీలు పిడుగుల ధాటికి భీతిల్లుతున్నారు. చికిత్స పొందుతున్న చీపురుపల్లి గంగాధర్‌ , చూచుకొండ శ్రీను

అనకాపల్లి: పోలీస్‌శాఖలో విధులు నిర్వహిస్తూ అకాల మరణం చెందిన సిబ్బంది కుటుంబాలకు పోలీస్‌ శాఖ ఎల్లవేళలా అండగా ఉంటుందని ఎస్పీ తుహిన్‌ సిన్హా అన్నారు. జిల్లాలో పోలీస్‌శాఖలో విధులు నిర్వహిస్తూ మరణించిన పోలీస్‌ సిబ్బంది కుటుంబ సభ్యులతో ఆయన తమ కార్యాలయంలో గురువారం సమావేశం నిర్వహించారు. కుటుంబసభ్యుల సమస్యలను అడిగి తెలుసుకోవడంతో పాటు వారికి ప్రభుత్వం నుంచి రావలసిన జీపీఎఫ్‌, ఏపీజీఎల్‌ఐ, ఫ్యామిలీ పెన్షన్‌ తదితర ఆర్థిక ప్రయోజనాలు, కారుణ్య నియామకాలకు సంబంధించి పెండింగ్‌లో ఉన్న ఫైళ్లను త్వరితగతిన పరిష్కరించడానికి ప్రభుత్వానికి నివేదిక పంపించడం జరిగిందన్నారు. సాంకేతిక, రికార్డుపరమైన సమస్యలు ఉన్నట్టయితే తక్షణమే పరిష్కారానికి చర్యలు చేపట్టడం జరుగుతుందన్నారు. విధులు నిర్వహిస్తూ ప్రాణాలు కోల్పోయిన సిబ్బంది త్యాగాలు మరువలేనివన్నారు. వారి కుటుంబాల సంక్షేమానికి ప్రథమ ప్రాధాన్యం ఇవ్వడం జరుగుతుందన్నారు. కార్యక్రమంలో అదనపు ఎస్పీ ఎల్‌.మోహనరావు, డీఎస్పీ కె.రవికుమార్‌, సీఐలు బాల సూర్యారావు, రామకృష్ణారావు, మన్మధరావు, కార్యాలయ పరిపాలనాధికారి (ఏవో) సి.హెచ్‌.తిలక్‌ బాబు, ఆఫీస్‌ సూపరింటెండెంట్‌ దేవరాజు, ఎస్‌ఐ హరినాథ్‌ పాల్గొన్నారు.

ర్యాలీ నిర్వహిస్తున్న డీఎల్‌డీవో మంజుల, జిల్లా పంచాయతీరాజ్‌ అధికారి సందీప్‌ అనకాపల్లి: జిల్లాలో చెత్త లేని గ్రామాలుగా తీర్చిదిద్దేందుకు ప్రత్యేక ప్రణాళికలు సిద్ధం చేసినట్లు డీఎల్‌డీవో మంజుల, పంచాయతీ రాజ్‌ జిల్లా అధికారి సందీప్‌ తెలిపారు. స్థానిక తహసీల్దార్‌ కార్యాలయం నుంచి నెహ్రూచౌక్‌ వరకూ గురువారం స్వచ్ఛభారత్‌ ర్యాలీ నిర్వహించారు. ఈ సందర్భంగా వారు మాట్లాడుతూ వచ్చేనెల 2వ తేదీ వరకూ జిల్లాలో వివిధ ప్రాంతాల్లో స్వచ్ఛ భారత్‌ కార్యక్రమాలను నిర్వహిస్తామన్నారు. పరిసరాలను పరిశుభ్రంగా ఉంచేందుకు ప్రతి ఒక్కరూ సహకరించాలన్నారు. మన పరిశుభ్రత.. మన ఆరోగ్యంగా జీవించాలన్నారు. ఈ కార్యక్రమంలో స్వచ్ఛభారత్‌ జిల్లా కో ఆర్డినేటర్‌ లోవరాజు, ఎంపీడీవో ఆశాజ్యోతి, తదితరులు పాల్గొన్నారు.

అనకాపల్లి: నిరాశ్రయ స్థితిలో ఉన్న గండేపల్లి ఉషా కుటుంబానికి జిల్లా యంత్రాంగం అండగా నిలిచింది. తీవ్ర అనారోగ్యంతో బాధపడుతున్న ఉషా ఈ నెల 16న మృతి చెందడంతో ఆమె ముగ్గురు చిన్నారులు అనాథలుగా మిగిలిపోయారు. ఈ నేపథ్యంలో జిల్లా బాలల సంరక్షణ విభాగం, మహిళా శిశు సంక్షేమ శాఖ, వన్‌స్టాప్‌ సెంటర్‌ సమన్వయంతో తక్షణ చర్యలు చేపట్టారు. ఇద్దరు బాలురను సబ్బవరంలోని జనరేటివ్‌ యువ చైల్డ్‌ కేర్‌ ఇన్‌స్టిట్యూట్‌లో చేర్పించగా, బాలికను వన్‌స్టాప్‌ సెంటర్‌లో సంరక్షణలోకి తీసుకున్నట్టు వన్‌స్టాప్‌ సెంటర్‌ జిల్లా కోఆర్డినేటర్‌ మనోహర్‌ తెలిపారు. బాలికకు చట్టబద్ధంగా దత్తత కల్పించే దిశగా ప్రత్యేక చర్యలు ప్రారంభించామన్నారు.