Janasena

సాక్షి, రాజమహేంద్రవరం: సొంత నియోజకవర్గంలో జనసేనకు గట్టి ఎదురుదెబ్బ తగిలింది. రాజానగరం ఎమ్మెల్యే బత్తుల బలరామకృష్ణకు పరిషత్‌ ఎన్నికల ఫలితాలు రాజకీయంగా ఇబ్బందికర పరిస్థితిని తెచ్చిపెట్టాయి. ఎమ్మెల్యేగా ఆయన ప్రాతినిధ్యం వహిస్తున్న నియోజకవర్గంలోనే భార్య బత్తుల వెంకటలక్ష్మి జెడ్పీటీసీ అభ్యర్థి ఓటమి పాలవడం ఒక ఎత్తయితే, ఆయన సొంత గ్రామమైన గాదరాడలోనూ జనసేనకు ఆశించిన ఫలితాలు దక్కకపోవడం మరో ఎత్తు. ఇక నియోజకవర్గంలోని సీతానగరం, కోరుకొండ మండలాల్లోనూ వైఎస్సార్‌ సీపీ అద్భుత ఫలితాలు సాధించడంతో జనసేన రాజకీయ బలంపై చర్చ మొదలైంది. ఎమ్మెల్యే కుటుంబానికి సొంత నియోజకవర్గంలోనే ఓటర్లు గట్టి సందేశం ఇచ్చారనే అభిప్రాయాలు వ్యక్తమవుతున్నాయి. ఎమ్మెల్యే భార్యకూ తప్పని ఓటమి రాజానగరం నియోజకవర్గ పరిధిలోని సీతానగరం జెడ్పీటీసీ స్థానానికి జనసేన తరఫున బత్తుల బలరామకృష్ణ సతీమణి బత్తుల వెంకటలక్ష్మి పోటీ చేశారు. అయితే వైఎస్సార్‌ సీపీ అభ్యర్థి కరుటూరి శ్రీహరిబాబు చేతిలో ఆమె 2,600 ఓట్ల భారీ తేడాతో ఓటమి పాలయ్యారు. ఎమ్మెల్యే భార్య స్వయంగా బరిలో నిలిచినా ఓటర్లు వైఎస్సార్‌ సీపీ అభ్యరి్థకి పట్టం కట్టడం రాజకీయంగా ప్రాధాన్యం సంతరించుకుంది. నియోజకవర్గంలో అధికార పార్టీకి ఉన్న బలాన్ని, స్థానికంగా నెలకొన్న రాజకీయ పరిస్థితులను ఈ ఫలితం ప్రతిబింబిస్తోందనే విశ్లేషణలు వినిపిస్తున్నాయి. ఈ ఓటమిని ఎమ్మెల్యే బత్తుల ఓటమిగానే చూడాలనే వాదన వినిపిస్తోంది. స్వగ్రామంలోనూ షాక్‌ ఎమ్మెల్యే బత్తుల బలరామకృష్ణ స్వగ్రామం కోరుకొండ మండలంలోని గాదరాడ. ఈ గ్రామంలో రెండు ఎంపీటీసీ స్థానాలుండగా ఒక స్థానంలో జనసేన, మరోచోట టీడీపీ పోటీ చేశాయి. అయితే జనసేనపై వైఎస్సా ర్‌సీపీ అభ్యర్థి గెలుపొందారు. టీడీపీ పోటీ చేసిన స్థానంలోనూ వైఎస్సార్‌ సీపీ అభ్యరి్థకి విజయావకాశాలు ఉన్నప్పటికీ రీకౌంటింగ్‌కు అధికారులు అంగీకరించలేదు. అందువల్ల ఆ స్థానం టీడీపీ గెలిచినట్టయింది. మొత్తంగా స్వగ్రామంలో రెండు స్థానాలనూ గెలుచుకోవాలన్న బత్తుల ఆశలకు గండిపడినట్లయింది. ముఖ్యంగా ఆ గ్రామంలో జనసేన ఓడిపోవడం ఎమ్మెల్యేకు భారీ షాక్‌గానే భావించాలి. ఎమ్మెల్యే సొంత ఊరిలోనే ఒక ఎంపీటీసీ స్థానాన్ని వైఎస్సార్‌ సీపీ కైవసం చేసుకోవడం ప్రస్తుతం జిల్లా వ్యాప్తంగా చర్చనీయాంశంగా మారింది. వైఎస్సార్‌ సీపీ జోరు సీతానగరం మండలంలో 20 ఎంపీటీసీ స్థానాలుండగా వైఎస్సార్‌ సీపీ అభ్యర్థులు 12 చోట్ల విజయం సాధించారు. కూటమి అభ్యర్థులు ఎనిమిది స్థానాలకే పరిమితమయ్యారు. ఇందులో జనసేన పరిస్థితి మరింత దయనీయంగా మారింది. ఆ పార్టీ ఆరు స్థానాల్లో పోటీ చేయగా ఒక్క స్థానంలో మాత్రమే గెలుపొందింది. మిగిలిన స్థానాల్లో ఓటమి చవిచూసింది. ఎమ్మెల్యే భార్య పోటీ చేసిన మండలంలోనే జనసేనకు ఇలాంటి ఫలితం రావడం ఆ పార్టీ నాయకత్వానికి ఆత్మపరిశీలన అవసరమనే సంకేతాలిస్తోంది. కోరుకొండ మండలంలో మొత్తం 23 ఎంపీటీసీ స్థానాలుండగా వైఎస్సార్‌ సీపీ 12 స్థానాలను కైవసం చేసుకుంది. కూటమి అభ్యర్థులు 11 స్థానాల్లో విజయం సాధించారు. ఇక్కడ కూడా జనసేనకు ఆశించిన స్థాయిలో ఫలితాలు దక్కలేదు. ఆ పార్టీ 12 స్థానాల్లో పోటీ చేయగా ఏడు స్థానాల్లో మాత్రమే గెలుపొందింది. మిగిలిన ఐదు స్థానాల్లో ఓటమి ఎదురైంది. ఎమ్మెల్యే స్వగ్రామం ఉన్న మండలంలోనే వైఎస్సార్‌ సీపీ ఆధిక్యం సాధించడం జనసేనకు రాజకీయంగా ఇబ్బందికర పరిణామంగా మారింది.

తిరుపతి (అన్నమయ్య సర్కిల్‌): తిరుపతిలో జనసేన నాయకుడు రాజేష్‌ ఆచారి సంచలన వ్యాఖ్యలు చేశారు. తాను అక్రమంగా డబ్బులు సంపాదించలేదని.. ఏ పార్టీకి కోవర్టును కాదని స్పష్టం చేశారు. 47వ డివిజన్‌ కార్పొరేటర్‌ సీటు కేటాయిస్తానని నమ్మించి మోసం చేసిన తిరుపతి జనసేన ఎమ్మెల్యే ఆరణి శ్రీనివాస్‌తో మాత్రమే తన పోరాటమని వ్యాఖ్యానించారు. శనివారం తిరుపతిలో మీడియాతో ఆయన మాట్లాడుతూ.. ‘జనసేన పార్టీని అంతం చేసేందుకే ఎమ్మెల్యే ఆరణి శ్రీనివాస్‌ పనిచేస్తున్నారు. కార్పొరేటర్‌ సీట్ల కేటాయింపు కోసం పార్టీ అధ్యక్షుడు పవన్‌కళ్యాణ్‌కు పంపించిన సిఫార్సు లేఖలో నా కులాన్ని బీసీ నుంచి ఓసీగా మార్చి చూపించారు. సంబంధిత పత్రాల్లో కుల వివరాలు తప్పుగా నమోదు చేశారు. తేదీ, సంతకం కూడా లేని పత్రాలను నాకు చూపించి మోసం చేశారు. ఇలా ఎందుకు చేశారని అడిగితే రూ.50 లక్షలు ఇస్తే బీఫారం వచ్చేదని సమాధానం ఇచ్చా­రు. నన్ను రూ.50 లక్షలు అడగలేదని ఎమ్మెల్యే ఆరణి శ్రీనివాసులు కాణిపాకం వరసిద్ధి వినాయకస్వామి క్షేత్రంలో ప్రమాణానికి సిద్ధమా. ఎన్నికల్లో 22 మందికి ఇచ్చిన టికెట్లు, ఆర్థిక లావాదేవీల వ్యవహారంలో పారదర్శకత లేదు. ఆ 22 మందిలో కొందరు ఎమ్మెల్యేకు డబ్బులిచ్చినట్టు నాకు సమాచారం ఉంది. వారి పేర్లను వెల్లడించేందుకు సిద్ధంగా ఉన్నాను. నన్ను, నా కుటుంబాన్ని ఇబ్బందులకు గురిచేస్తున్నారు. పోలీస్‌ స్టేషన్‌కు రావాలంటూ ఫోన్లు చేస్తున్నారు. నేను అక్రమంగా డబ్బులు తీసుకున్నాననే ఆరోపణలు చేస్తున్న కొందరు వ్యక్తులు కాణిపాకం వినాయకస్వామి ఆలయానికి వచ్చి కుటుంబ సమేతంగా ప్రమాణం చేయాలి. నా వద్ద ఉన్న ఆధారాలు, ఆడియో రికార్డులు, పత్రాలను తదుపరి మీడియా సమావేశాల్లో బయటపెడతాను’ అని రాజేష్‌ ఆచారి స్పష్టం చేశారు.

విజయవాడ: స్థానిక ఎన్నికల వేళ జనసేన భారీగా డబ్బుల పంపిణీకి పాల్పడింది. విజయవాడలో బహిరంగంగా ఓటుకు నోటు ఇస్తున్నారు కూటమి నేతలు. మేయర్‌ అభ్యర్థి, కార్పొరేటర్‌ కోసం డబ్బుల పంపిణీ చేస్తున్నారు. కూటమి అభ్యర్థులకు ఓటేయాలంటూ ప్రలోభాలు పెడుతున్నారు.ఓటర్ల జాబితా పట్టుకుని డబ్బులు పంపిణీ చేస్తోంది కూటమి. ఓటుకు వెయ్యి రూపాయల చొప్పున ఓట్ల కొనుగోళ్లకు తెగించింది. విజయవాడలోని అన్ని డివిజన్లలోనూ డబ్బుల పంపిణీ జరుగుతోంది. పట‍్టపగలే బరితెగించిన కూటమి నాయకులు.. డబ్బులు పంచుతున్నా అధికారులు, పోలీసులు చోద్యం చూస్తున‍్నారు. ఇదీ చదవండి: ‘స్థానిక’ ఎన్నికలపై సుప్రీంకోర్టు కీలక ఆదేశాలు జారీ

సాక్షి,తిరుపతి : హవాయి చెప్పులేసుకున్న వాడిని అసెంబ్లీకి పంపిస్తానన్న జనసేన అధినేత పవన్‌ కార్పొరేషన్‌ సీటు రూ.50లక్షలు డిమాండ్‌ చేశారని ఆ పార్టీ తిరుపతి సీనియర్‌ నేత రాజేష్‌ ఆచారి సంచలన వ్యాఖ్యలు చేశారు. కార్పొరేటర్‌ సీటు కోసం భారీ మొత్తంలో ఖర్చుపెట్టిన రాజేష్‌ ఆచారిని కాదని పార్టీ అధిష్టానం రాత్రికి రాత్రే అభ్యర్థిని మార్చేసింది. దీంతో మనోవేదనకు గురైన రాజేష్‌ ఆత్మహత్యాయత్నానికి ప్రయత్నించారు.ఈ నేపథ్యంలో ఆయన మీడియాతో మాట్లాడారు. జనసేన అభ్యర్థిగా పోటీ చేయాలంటే ఎమ్మెల్యే అరణి శ్రీనివాసులు రూ.50లక్షలు డిమాండ్‌ చేశారు. రాత్రికి రాత్రే లక్షలు ఇచ్చిన వారికే కండవాలు కప్పారు. డబ్బులు ఇచ్చిన వారికే సీట్లు అమ్ముకున్నారని మండిపడ్డారు. పార్టీ కోసం కష్టపడిన తనలాంటి వారికి తీరని అన్యాయం జరిగిందన్నారు.తిరుమలలో జనసేన అవినీతి బాగోతాన్ని, తిరుపతి ఎమ్మెల్యే ఐదు ఎకరాల బాగోతాన్ని బయటపెడతానంటూ హెచ్చరికలు జారీ చేశారు. అంతకుముందు రాజేష్‌ ఆచారి ఆత్మహత్యాయత్నానికి ప్రయత్నించారు. 47వ డివిజన్‌లో నామినేషన్‌ వేసినా బీఫామ్‌ ఇవ్వలేదు. హవాయి చెప్పులేసుకున్న వాడిని అసెంబ్లీకి పంపిస్తున్నానని పవన్‌ ఇప్పుడు కార్పొరేషన్‌ సీటు రూ.50లక్షలు డిమాండ్‌ చేస్తున్నారు. తిరుపతి ఎమ్మెల్యే ఆరణి శ్రీనివాసులు నాశనమై పోతాడు. తిరుపతిలో మొదట జనసేన కార్పొరేట్‌ ఆఫీస్‌ ప్రారంభించింది నేనే. నా చావును చూశాకే పవన్‌ కళ్యాణ్‌ తిరుపతికి వస్తారని అనుకుంటున్నానని ఆవేదన వ్యక్తం చేశారు. ఇదీ చదవండి : జనసేన నేత ఆత్మహత్యాయత్నం.. 50 లక్షలే కారణమా?

సాక్షి, తిరుపతి: జనసేన పార్టీలో కార్పొరేటర్‌ టికెట్‌ వ్యవహారం వివాదానికి దారితీసింది. తిరుపతిలో 47వ డివిజన్‌ నుంచి కార్పొరేటర్‌గా పోటీ చేసేందుకు నామినేషన్‌ దాఖలు చేసిన జనసేన నాయకుడు రాజేష్‌ ఆచారి.. తనకు బీఫామ్‌ ఇవ్వలేదని, టికెట్‌ కోసం ఎమ్మెల్యే ఆరణి శ్రీనివాసులు రూ.50 లక్షలు డిమాండ్‌ చేశారని ఆరోపిస్తూ రాత్రి ఆత్మహత్యాయత్నానికి పాల్పడ్డారు. దీంతో, ఈ ఘటన స్థానికంగా తీవ్ర చర్చనీయాంశంగా మారింది.ఈ సందర్భంగా జనసేన నాయకుడు రాజేష్‌ ఆచారి తీవ్ర ఆరోపణలు చేశారు. కార్పొరేటర్‌ అభ్యర్థిగా పోటీ చేయాలంటే రూ.50 లక్షలు అడుగుతున్నారని ఆవేదన వ్యక్తం చేశారు. తిరుపతిలో జనసేన పార్టీ తరఫున తొలుత కార్పొరేటర్‌ అభ్యర్థిగా కార్యాలయం ప్రారంభించింది తానేనని చెప్పారు. నామినేషన్‌ వేసినా తనకు బీఫామ్‌ ఇవ్వకపోవడంపై ఆగ్రహం వ్యక్తం చేశారు. ఇదే సమయంలో హవాయి చెప్పులు వేసుకున్న వ్యక్తిని సైతం అసెంబ్లీకి పంపిస్తామని పవన్‌ కల్యాణ్‌ చెప్పారని రాజేష్‌ ఆచారి గుర్తుచేశారు.ఈ క్రమంలో తనకు జరిగిన అన్యాయాన్ని పవన్‌ కల్యాణ్‌ దృష్టికి తీసుకెళ్లాలని కోరారు. తన చావును చూసిన తర్వాతైనా పవన్‌ కల్యాణ్‌ తిరుపతికి వస్తారని ఆశిస్తున్నట్లు వ్యాఖ్యానించారు. కాగా, ఎమ్మెల్యే ఆరణి శ్రీనివాసులుపై రాజేష్‌ ఆచారి చేసిన రూ.50 లక్షల డిమాండ్‌ ఆరోపణలు రాజకీయంగా చర్చనీయాంశంగా మారాయి. ఈ ఆరోపణలపై ఎమ్మెల్యే స్పందించాల్సి ఉంది. ఇదీ చదవండి: యథేచ్ఛగా కోడ్‌ ఉల్లంఘన.. పింఛన్ల ముసుగులో ఓటర్లకు తాయిలాలు!

సాక్షి, అమలాపురం: కోనసీమ జిల్లా పరిషత్‌ చైర్‌పర్సన్‌ పీఠం కూటమి నేతల మధ్య కొత్త రాజకీయ చిచ్చు రేపుతోంది. పదవి ఒక్కటే.. ఆశావహులు మాత్రం ఐదుగురు. వారిలోనూ నలుగురు ఒకే జెడ్పీటీసీ స్థానం నుంచి బరిలోకి దిగారు. దీంతో, ఎవరికి అవకాశం దక్కినా మిగిలిన ముగ్గురి రాజకీయ భవిష్యత్తు ప్రశ్నార్థకంగా మారనుంది. జెడ్పీ చైర్‌పర్సన్‌ అభ్యర్థిత్వం కోసం టీడీపీ నుంచి గొల్లపల్లి అమూల్య, బీర సత్యకుమారి, జనసేన నుంచి పెనుమాల లక్ష్మీ, కొండేటి దేవి ప్రియాంక, బీజేపీ నుంచి మానేపల్లి కృష్ణ శ్రీవల్లి పోటీ పడుతున్న విషయం తెలిసిందే. వీరిలో సత్యకుమారి ఐ.పోలవరం జెడ్పీటీసీ నుంచి నామినేషన్‌ వేయగా, మిగిలిన నలుగురూ మామిడికుదురు నుంచే పోటీ చేస్తున్నారు. కూటమి నాయకత్వం ఈ నలుగురిలో ఒకరిని చైర్‌పర్సన్‌ అభ్యర్థిగా ఎంపిక చేస్తే, మిగిలిన ముగ్గురి పరిస్థితి ఏమిటన్నది ప్రశ్నార్థకంగా నిలుస్తోంది. ఒకే స్థానం నుంచి ఇద్దరు లేదా అంతకంటే ఎక్కువ మంది కూటమి అభ్యర్థులు పోటీలో కొనసాగితే ఓట్లు చీలిపోయే ప్రమాదం ఉండటంతో, చివరకు ఒకరి అభ్యర్థిత్వానికే అగ్రనేతలు మొగ్గు చూపే అవకాశముంది. అదే జరిగితే మిగిలిన వారు పోటీ నుంచి తప్పుకోవాల్సి రావచ్చు. ఐ.పోలవరం నుంచి పోటీ చేస్తున్న బీర సత్యకుమారికి చైర్‌పర్సన్‌గా అవకాశం కల్పిస్తే మాత్రం మామిడికుదురు నుంచి పోటీ చేస్తున్న నలుగురిలో ఒకరు జెడ్పీటీసీగా మాత్రమే గెలిచే అవకాశం ఉంటుంది. ప్రియాంక నామినేషన్‌తో జనసేనలో ముసలంపి.గన్నవరం మాజీ ఎమ్మెల్యే కొండేటి చిట్టిబాబు కుమార్తె కొండేటి దేవీ ప్రియాంక మామిడికుదురు జెడ్పీటీసీ స్థానానికి జనసేన తరఫున నామినేషన్‌ దాఖలు చేయడం ఆ పార్టీలో తీవ్ర అసంతృప్తికి దారి తీసింది. ఆమె గుట్టు చప్పుడు కాకుండా నామినేషన్‌ వేసి, తరువాత ఆదివారం ఆ పార్టీ సభ్యత్వం తీసుకున్నారు. ఈ విషయం వెలుగులోకి రావడంతో పార్టీ శ్రేణుల్లో వ్యతిరేకత వ్యక్తమవుతోంది. ఇప్పటికే పి.గన్నవరం పరిధిలోని నాలుగు మండలాల జనసేన కమిటీలు ఏకమై ప్రియాంకను పార్టీలో చేర్చుకోవద్దంటూ తీర్మానాలు చేసినట్లు సమాచారం. పి.గన్నవరం జనసేన ఎమ్మెల్యే గిడ్డి సత్యనారాయణ, ఆయన వర్గం కూడా ఆమె అభ్యర్థిత్వంపై అసంతృప్తితో ఉన్నారు. పార్టీ అనుబంధ సామాజిక మాధ్యమాల్లో కార్యకర్తలు తమ నిరసన తెలియజేస్తున్నారు. తొలి నుంచీ పార్టీ కోసం పని చేసిన వారిని పక్కన పెట్టి, చివరి నిమిషంలో నామినేషన్ల సమయంలో పార్టీలోకి వచ్చిన వారికి పదవులు కట్టబెడితే ఎలాగంటూ పవన్‌ కల్యాణ్‌ను ప్రశ్నిస్తున్నారు. ప్రియాంకకు చైర్‌పర్సన్‌ అభ్యర్థిత్వం దక్కినా, పార్టీలో నెలకొన్న వ్యతిరేకత నేపథ్యంలో జెడ్పీటీసీగా ఆమె గెలుపు అంత సులభం కాదని కొందరు కార్యకర్తలు హెచ్చరిస్తున్నట్లు సమాచారంబీర అభ్యర్థిత్వంపై అభ్యంతరాలుటీడీపీ నుంచి బీర సత్యకుమారి అభ్యర్థిత్వానికి ఆమె వ్యతిరేక వర్గం నుంచి అభ్యంతరాలు వ్యక్తమవుతున్నాయి. ఐ.పోలవరం మండలం నుంచి ఇప్పటికే ముమ్మిడివరం ఎమ్మెల్యే, ప్రభుత్వ విప్‌ దాట్ల సుబ్బరాజు ఉండగా, ఇదే మండలం నుంచి ఎమ్మెల్సీగా పేరాబత్తుల రాజశేఖర్, అమలాపురం ఎంపీగా గంటి హరీష్‌ మాధుర్‌ ఉన్నారు. ఒకే మండలానికి చెందిన వారికి ఇప్పటికే కీలక పదవులు దక్కినప్పుడు, మరో ఉన్నత పదవిని కూడా అదే ప్రాంతానికి కేటాయించడమేమిటని కూటమిలోని కొందరు నేతలు ప్రశ్నిస్తున్నారు.

సాక్షి,కాకినాడ : జిల్లాలో జనసేన పార్టీలో సీట్ల కేటాయంపు వివాదం ఒక్కసారిగా భగ్గుమన్నది. పెద్దాపురం జెడ్పీటీసీ జనసేన అభ్యర్థి ఎంపిక రచ్చకెక్కింది. పార్టీ కోసం కష్టపడి జెండా మోసిన నాయకులను కాదని, చివరి నిమిషంలో అభ్యర్థిని మార్చడంపై కార్యకర్తలు, ఆశావహులు తీవ్ర ఆగ్రహం వ్యక్తం చేస్తున్నారు. ఏకంగా ఎంపీ ఇంటి ముందే పెట్రోల్ క్యాన్‌తో నిరసనకు దిగడం కలకలం రేగింది. కాకినాడ జిల్లా పెద్దాపురం జెడ్పీటిసి జనసేన అభ్యర్థిగా గుడివాడకు చెందిన అంబటి గంగాధర్ నామినేషన్ దాఖలు చేశారు. తొలుత ఆయనకు టికెట్ ఇస్తామని ఎంపీ ఉదయ్ శ్రీనివాస్ స్వయంగా హామీ ఇవ్వడంతోనే ఆయన నామినేషన్ వేశారు. అయితే, చివరి నిమిషంలో సీన్ రివర్స్ అయింది. గంగాధర్‌కు కాకుండా అంబటి శివరాణికి పెద్దాపురం జెడ్పీటీసీ జనసేన టికెట్‌ను కేటాయించారు. తనకు ముందుగా మాటిచ్చి, ఆఖరి నిమిషంలో హ్యాండ్ ఇవ్వడంతో అంబటి గంగాధర్ తీవ్ర మనస్తాపానికి గురయ్యారు. తన అనుచరులతో కలిసి నేరుగా ఎంపీ ఉదయ్ శ్రీనివాస్ నివాసానికి చేరుకుని బైఠాయించి ధర్నా చేపట్టారు.ఈ సందర్భంగా ఆయన చేతిలో పెట్రోల్ క్యాన్‌ పట్టుకోవడంతో తీవ్ర ఉద్రిక్తతకు దారితీసింది. పార్టీ కష్టకాలంలో ఉన్నప్పుడు జెండా మోసి, కష్టపడ్డ నాయకులకు జనసేనలో విలువ లేదా? అని ప్రశ్నించారు. కేవలం డబ్బున్న వ్యక్తులకే పెద్దపీట వేస్తూ, క్షేత్రస్థాయిలో పనిచేసే కార్యకర్తల పొట్ట కొడుతున్నారని మండిపడ్డారు. పెద్దాపురం జనసేనలో చోటుచేసుకున్న ఈ పరిణామాలు, ఎంపీ ఇంట జరిగిన నిరసన ఇప్పుడు జిల్లా రాజకీయల్లో హాట్ టాపిక్‌గా మారాయి.ఇదీ చదవండి : సుప్రీంకోర్టులో రఘురామకృష్ణరాజుకు చుక్కెదురు

సాక్షి ప్రతినిధి, కాకినాడ: జెడ్పీటీసీ, ఎంపీటీసీ సీట్ల సర్దుబాటుపై టీడీపీ, జనసేన అధినేతలు చంద్రబాబు, పవన్‌ కల్యాణ్‌ మధ్య ఇటీవల జరిగిన చర్చలు విఫలమయ్యాయి. రెండు రోజుల పాటు జరిగిన చర్చల్లో చివరకు ఎటూ తేల్చకుండానే ముగించారు. చివరకు క్షేత్ర స్థాయిలోనే టీడీపీ, జనసేన, బీజేపీ నేతలు మాట్లాడుకోవాలంటూ చంద్రబాబు ప్రకటించడంతో ‘స్థానిక’ నాయకులు దిక్కు తోచని పరిస్థితుల్లో కొట్టుమిట్టాడుతున్నారు. ఇప్పుడెలా? జెడ్పీటీసీ, ఎంపీటీసీ స్థానాల నామినేషన్ల ఉపంసహరణ గడువు మంగళవారంతో పూర్తి కానుంది. బరిలో నిలిచే అభ్యర్థుల తుది జాబితాపై స్పష్టత రానుంది. ఈ తరుణంలో సీట్ల సర్దుబాటు ఇప్పటికే పూర్తి కావాల్సి ఉంది. కానీ, క్షేత్ర స్థాయిలో మాత్రం పరిస్థితి అందుకు భిన్నంగా ఉంది. ఈ పరిణామం కూటమిలో కలకలం రేపుతోంది. ఉపసంహరణ గడువు సమీపించిన తరుణంలో ఏ పార్టీ ఎన్ని స్థానాల్లో పోటీ చేయాలనే విషయమై ఆయా పారీ్టల అధిష్టానాల నుంచి స్పష్టత లేకపోవడంతో కూటమి శ్రేణుల్లో సర్వత్రా గందరగోళం నెలకొంది. సీట్ల సర్దుబాటుకు గత సార్వత్రిక ఎన్నికల విధానం పాటిద్దామని టీడీపీ అనుకుంటే అది కుదరదని జనసేన నేతలు వాదిస్తున్నారు. తమకు పట్టున్న స్థానాల్లో పోటీ చేస్తామని కుండ బద్దలుగొడుతున్నారు. ఈ పరిణామం టీడీపీ శ్రేణులకు మింగుడు పడటం లేదు. మున్సిపాలిటీలు, వార్డుల్లో సైతం సింహభాగం జనసేనకే కట్టబెట్టి, స్థానిక సంస్థల్లోనూ ఆ పారీ్టకే ప్రాధాన్యం ఇవ్వడమేమిటనే ప్రశ్న టీడీపీ శ్రేణుల్లో ఉత్పన్నమవుతోంది. తాము పార్టీ కోసం కష్టపడితే దక్కే గౌరవం ఇదేనా అని వారు మండిపడుతున్నారు. జెడ్పీ పీఠంపై సస్పెన్స్‌ జిల్లా పరిషత్‌ చైర్‌పర్సన్‌ స్థానం ఎవరికి కేటాయిస్తారనే విషయం మున్సిపల్‌ ఎన్నికల అనంతరం స్పష్టం చేస్తామని అధినేతలు వెల్లడించినట్లు తెలిసింది. ఇదిలా ఉండగా ఇప్పటికే ఈ పీఠాన్ని జనసేనకు కేటాయించినట్లు ఆ పార్టీ శ్రేణులు తమకు అత్యంత ఆప్తుల వద్ద వెల్లడిస్తున్నారు. ఈ విషయం తెలిసిన తెలుగు తమ్ముళ్లు మాత్రం అంతర్గతంగా రగిలిపోతున్నారు. మరోవైపు తమకు ప్రాధాన్యం ఇవ్వడం లేదంటూ బీజేపీ నాయకులు సైతం అసంతృప్తి చెందుతున్నారు. పోటీపై పీటముడి జెడ్పీటీసీ, ఎంపీటీసీ స్థానాల్లో ఎవరు పోటీ చేయాలనే అంశంపై కూటమి అభ్యర్థులు దిక్కు తోచని స్థితిలో ఉన్నారు. సీట్ల సర్దుబాటుపై స్పష్టత వస్తే తర్వాత ఉపసంహరించుకోవచ్చనే ఉద్దేశంతో టీడీపీ, జనసేన నేతలు అత్యధిక స్థానాల్లో పోటాపోటీగా నామినేషన్లు వేశారు. అయితే, చివరకు స్పష్టత రకపోవడంతో ఎవరు ఉపసంహరించుకోవాలి, ఎవరు పోటీ చేయాలో అర్థం కాక అయోమయాన్ని ఎదుర్కొంటున్నారు.

సాక్షి,తాడేపల్లి: జనసేనకు గట్టి ఎదురుదెబ్బ తగిలింది. కాకినాడ జిల్లా జగ్గంపేట నియోజకవర్గానికి చెందిన జనసేన కీలక నేత పాఠంశెట్టి సూర్యచంద్ర దంపతులు వైఎస్సార్‌సీపీలో చేరారు.గురువారం తాడేపల్లిలోని వైఎస్సార్‌సీపీ కేంద్ర కార్యాలయంలో ఆ పార్టీ అధినేత, మాజీ సీఎం వైఎస్‌ జగన్‌మోహన్‌ రెడ్డి సమక్షంలో పాఠంశెట్టి సూర్యచంద్ర, ఆయన సతీమణి శ్రీదేవితో పాటు వారి ముఖ్య అనుచరులు వైఎస్సార్‌సీపీ కండువా కప్పుకున్నారు. ఈ సందర్భంగా వైఎస్‌ జగన్‌ వారికి పార్టీ కండువాలు కప్పి సాదరంగా పార్టీలోకి ఆహ్వానించారు.నియోజకవర్గంలో బలమైన పట్టు..జగ్గంపేట నియోజకవర్గ రాజకీయాల్లో తనకంటూ ప్రత్యేక గుర్తింపు తెచ్చుకున్న పాఠంశెట్టి సూర్యచంద్ర మూడుసార్లు బూరుగుపూడి గ్రామ సర్పంచ్‌గా పనిచేశారు. 2019 అసెంబ్లీ ఎన్నికల్లో జనసేన పార్టీ అభ్యర్థిగా, 2024 ఎన్నికల్లో స్వతంత్ర అభ్యర్థిగా జగ్గంపేట నియోజకవర్గం నుంచి పోటీ చేసి గణనీయమైన ఓట్లు సాధించారు. ఈ కార్యక్రమంలో మాజీ ఎంపీ తోట నరసింహంతో పాటు పలువురు వైఎస్సార్‌సీపీ నాయకులు పాల్గొన్నారు.ఎన్నిక‌ల హామీలు ప‌ది శాతం కూడా అమ‌లు చేయ‌లేదు : పాఠంశెట్టి సూర్య‌చంద్ర‌‘వైఎస్సార్‌సీపీలో చేరడం చాలా సంతోషంగా ఉంది. గత 30 ఏళ్లుగా రాజకీయాల్లో ఉంటూ గ్రామస్థాయి నుంచి ప్రజలకు సేవ చేస్తున్నాను. మూడు సార్లు సర్పంచ్‌గా పనిచేసి, మా గ్రామాన్ని అభివృద్ధి చేసి రాష్ట్రంలోని ఇతర గ్రామాలకు ఆదర్శంగా నిలిపాను. 2019లో జనసేన పార్టీ తరఫున పోటీ చేసిన తర్వాత కూడా ఐదేళ్లపాటు రాత్రింబవళ్లు ప్రజల మధ్యే ఉంటూ వారి సమస్యలను తెలుసుకుని పరిష్కారం కోసం పోరాడాను. 2024 ఎన్నికల్లో జగ్గంపేట నియోజకవర్గం నుంచి స్వతంత్ర అభ్యర్థిగా పోటీ చేసి 12,531 ఓట్లు సాధించాను. ఎన్నికల తర్వాత కూడా ప్రజా సమస్యలపై పోరాడుతూ, ప్రభుత్వం ఇచ్చిన హామీలను ఎందుకు అమలు చేయడం లేదని నిలదీస్తున్నాను. వైఎస్‌ జగన్ నాయకత్వంపై నమ్మకంతో, తోట నరసింహం గారి ఆధ్వర్యంలో నా భార్య శ్రీదేవి, మా అనుచరులతో కలిసి వైఎస్సార్‌సీపీలో చేరడం గర్వంగా భావిస్తున్నాను. వైఎస్సార్‌సీపీ కార్యకర్తగా జగ్గంపేట నియోజకవర్గంలో పార్టీ బలోపేతానికి, ప్రజలకు మేలు జరిగేలా పనిచేస్తాను.ఎన్నికల సమయంలో సూపర్‌ సిక్స్‌ పేరుతో ఎన్నో హామీలు ఇచ్చిన కూటమి ప్రభుత్వం వాటిని అమలు చేయడంలో విఫలమైంది. కనీసం పది శాతం హామీలైనా నెరవేర్చకుండా ప్రజలను మళ్లీ ఓట్లు అడగడానికి వస్తున్న కూటమి నాయకులను ప్రజలు నిలదీయాలి. పెన్షన్లు, ఇళ్లు, స్థలాలు, ఇతర సంక్షేమ పథకాల పేరుతో ఇంటింటికీ వెళ్లి హామీలు ఇస్తున్న నాయకులను గత రెండున్నరేళ్లలో ఏం చేశారని ప్రశ్నించాలి. ప్రజల సమస్యల పరిష్కారం కోసం నిరంతరం పోరాడే వైఎస్సార్‌సీపీకి అండగా నిలవాలి. స్థానిక సంస్థల ఎన్నికల్లో ఎంపీటీసీ, జెడ్పీటీసీ, సర్పంచ్‌, మేయర్‌, వార్డు సభ్యుల స్థానాల్లో వైఎస్సార్‌సీపీ అభ్యర్థుల విజయానికి ప్రతి ఒక్కరూ కృషి చేయాలి. వైఎస్‌ జగన్ గారు మళ్లీ ముఖ్యమంత్రి అయ్యే వరకు, రాష్ట్ర ప్రజలకు మేలు జరిగే వరకు నా శక్తివంచన లేకుండా పనిచేస్తాను’ అని స్పష్టం చేశారు.ఇదీ చదవండి : సుప్రీం ఆదేశాలు..ఏపీ ఎన్నికల సంఘం కీలక నిర్ణయం

ఏపీ ముఖ్యమంత్రి చంద్రబాబు నాయుడు రాజకీయ చదరంగం ఎప్పుడూ ఇలాగే ఉంటుంది. ఆయన విపక్షానికి చెందినవారిని ఆకర్షించే పని చేస్తుంటారు. అదే సమయంలో టీడీపీ వారిని కూడా ఇతర పార్టీలలోకి పంపుతుంటారు. సాధారణంగా ఎవరైనా పార్టీ మారితే ప్రత్యర్ధి పార్టీలో చేరుతారు. కానీ ఏపీలో టీడీపీ, జనసేన, బీజేపీ కూటమిలో తమాషా రాజకీయం ఏమిటంటే వీరిలో వీరే పార్టీలు మారుతుంటారు. టీడీపీ నేతలను జనసేనలోకి పంపించి అక్కడ టిక్కెట్లు ఇప్పిస్తుంటారు. అంటే పేరుకే వారు జనసేన అభ్యర్ధులు అన్నమాట. మొత్తం కథ అంతా నడిపేది టీడీపీనే.విజయవాడ మేయర్ అభ్యర్ధిగా జనసేన తరపున పోటీచేస్తున్న వంగవీటి రాధాకృష్ణ కొద్ది రోజుల క్రితం వరకు టీడీపీలో ఉన్నారు. కాని సడన్‌గా ఆయన జనసేనలో చేరారు. అలా చేస్తే టీడీపీ వారికి కోపం రావాలి. జనసేనపై విమర్శలు చేయాలి. కాని అలా చేయలేదు. ఒక్క మాట కూడా అనలేదు. పైగా జనసేన తరపున మేయర్‌గా రాధాకృష్ణ పోటీ చేస్తున్నారు. ఆయనకు మద్దతు ఇవ్వడానికి టీడీపీ ఓకే చేసిందన్నమాట. దీనిని ఏ తరహా రాజకీయం అనుకోవాలన్నది ఎవరికి వారే ఊహించుకోవచ్చు. గత అసెంబ్లీ ఎన్నికలకు ముందు వైఎస్సార్‌సీపీలో ఎమ్మెల్యేలుగా ఉన్న గుమ్మనూరు జయరాం, కోటంరెడ్డి శ్రీధర్ రెడ్డి వంటి కొందరిపై అప్పట్లో చంద్రబాబు నాయుడు, లోకేష్ తీవ్ర ఆరోపణలు గుప్పించేవారు. జయరాం నియోజకవర్గమైన ఆలూరు వెళ్లి ఎంత తీవ్రమైన ఆరోపణలు చేశారో వింటేనే ఆశ్చర్యం కలుగుతుంది. కానీ చిత్రంగా అసెంబ్లీ ఎన్నికల సమయానికి అవన్నీ మర్చిపోయినట్లుగా వారిని టీడీపీలో చేర్చుకుని టిక్కెట్లు ఇచ్చారు. అలా ఉంటుంది చంద్రబాబు స్టైల్.ఆయా పార్టీలలో కూడా ఇలా చేరికలు ఉండవచ్చు. కాని మరీ తామే తీవ్రమైన ఆరోపణలను చేసినవారిని చేర్చుకోవడమే చెప్పుకోదగిన అంశం. ప్రధాని నరేంద్ర మోదీని ఎంత దారుణంగా చంద్రబాబు విమర్శించింది, దానికి ప్రతిగా మోదీ ఎలాంటి ఆరోపణలు చేసింది అందరికి తెలుసు. కాని ఆ తర్వాత కాలంలో మళ్లీ వీరిద్దరూ కలిసిపోయిన ఘట్టం చూసిన నేపధ్యంలో ఈ పార్టీ మార్పిడి రాజకీయాలు పెద్ద విషయం కాకపోవచ్చు. వంగవీటి రాధాకృష్ణ గతంలో కాంగ్రెస్ ఎమ్మెల్యేగా ఉన్నారు. ఆ తర్వాత వైఎస్సార్‌సీపీ పక్షాన పోటీచేసి ఓడిపోయారు. 2019లో ఆయనకు మచిలీపట్నం ఎంపీ సీటు ఇవ్వడానికి వైఎస్సార్‌సీపీ సుముఖత చూపితే అంగీకరించకుండా టీడీపీలో చేరారు. నిజానికి ఇది చాలా అప్రతిష్ట తెచ్చే విషయం. తన తండ్రి రంగాను 1988లో టీడీపీ వారే హత్య చేశారని పలుమార్లు ఈయన స్పీచ్‌లు ఇచ్చారు. ఆయా సమయాలలో చంద్రబాబుపై సైతం తీవ్ర ఆరోపణలు చేశారు. అయినా ఏ మాత్రం ఫీల్ కాకుండా ఆయన ఆ టిడిపిలో చేరడంతో రంగా అభిమానులు హతాశులయ్యారు.మరో సంగతి చెప్పాలి. గతంలో కాంగ్రెస్ పార్టీలో ఉన్నప్పుడు మంత్రిగా ఉన్న కన్నా లక్ష్మీనారాయణ ఆ తర్వాత కాలంలో బీజేపీలో చేరారు. ఆ పార్టీ అధ్యక్షుడు కూడా అయ్యారు. కాంగ్రెస్‌లో ఉన్నప్పుడు ఆయన ఏం మాట్లాడారో తెలుసా!. రంగాతో పాటు తనను కూడా హత్య చేయించాలని టీడీపీ వారు ప్లాన్ చేశారని ఆరోపించారు. సీన్ కట్ చేస్తే 2024 ఎన్నికల నాటికి కన్నా లక్ష్మీనారాయణ బీజేపీ నుంచి టీడీపీలో చేరి ఎమ్మెల్యే అయ్యారు. పదవవుల కోసం రాజకీయ నేతలు ఎలా మారిపోతారో చెప్పడానికి ఇవి ఉదాహరణలు అవుతాయి. వంగవీటి రాధా మొదటే జనసేనలో చేరి ఉంటే అదో తరహా టీడీపీలో చేరారు. టీడీపీ అయితే ఎమ్మెల్సీ పదవో, లేక మరో పదవో వస్తుందని ఆశించారని చెబుతారు. కాని అవేమీ రాలేదు. ప్రస్తుతం జనసేన మేయర్ అభ్యర్ది అయ్యారు. నేరుగా టీడీపీ అభ్యర్ధి అయితే, రాధా గతంలో చంద్రబాబుపైన, టీడీపీపైన చేసిన విమర్శల వ్యాఖ్యల వీడియోలు అధికంగా ప్రచారం అవుతాయని, అది డ్యామేజీ కావచ్చని భావించి ఉండవచ్చు. అందుకే వ్యూహాత్మకంగా జనసేనలోకి పంపించి టిక్కెట్ ఇచ్చారని అనుకోవాలి. అయినా రాధా గతంలో చేసిన ఆరోపణల వీడియోలు ప్రస్తుతం సోషల్ మీడియాలో విస్తారంగానే వైరల్ అవుతున్నాయి.విజయవాడలో రాధా ఎంపిక పరిణామం వల్ల అటు జనసేనలోను,, ఇటు టీడీపీలోను కొంత అసంతృప్తికి దారి తీసింది. నిజానికి విజయవాడలో టీడీపీకి గట్టి పట్టు ఉందని ఆ పార్టీ క్యాడర్ చెబుతుంటారు. విజయవాడ తూర్పు నియోజకవర్గంలో గత మూడు ఎన్నికలలో టీడీపీనే గెలిచింది. విజయవాడ సెంట్రల్‌లో బోండా ఉమా టీడీపీ పక్షాన రెండుసార్లు గెలిచారు. ఈ నేపధ్యంలో టీడీపీ తరపున బొండా ఉమ కుమారుడు మేయర్ పదవికి పోటీచేయవచ్చన్న ప్రచారం జరిగింది. ఆయన కూడా ఈ మేరకు ప్రయత్నాలు చేశారు. కానీ అసలు టీడీపీకే సీటు దక్కలేదు. ఇక జనసేనలో ఇప్పటికే కొందరు ఆశావహులు ఉన్నారు. వారెవ్వరికీ కాకుండా, కొత్తగా టీడీపీ నుంచి తీసుకువచ్చి పోటీలో దించడం తమను అవమానించడమేనన్నది కొందరి బాధగా ఉంది. కాకపోతే ప్రస్తుతం ఎవరూ మాట్లాడకపోవచ్చు. గత అసెంబ్లీ ఎన్నికలలో సైతం ఇదే తరహా రాజకీయాన్ని చంద్రబాబు చేశారు.ఉదాహరణకు అవనిగడ్డ, భీమవరం, తదితర ఏడెనిమిది నియోజకవర్గాలలో కూడా టీడీపీ వారినే జనసేనకు పంపి పోటీ చేయించారు. చంద్రబాబుకు ఈ రాజకీయం కొత్తేమి కాదు. 2019లో టీడీపీ ఓటమిపాలు కాగానే ఆ పార్టీ రాజ్యసభ సభ్యులు నలుగురు బీజేపీలో విలీనం అయ్యారు. దీనిపై చంద్రబాబు కిమ్మనలేదు. ఆయనకు తెలిసే ఈ పరిణామం జరిగిందని అంటారు. బీజేపీతో సంధి చేసుకోవడానికి గాను ఆయన ఇలా చేశారని చెబుతారు. ఆ ఎంపీలో బీజేపీలో చేరినా, కొందరు ఆయన తరపునే పనిచేస్తుంటారన్నది బహిరంగ రహస్యమే. ఇలాంటి రాజకీయ వ్యూహాలు మంచివేనా అన్న సందేహం రావచ్చు. కానీ అధికారం చేపట్టడానికి ఏ వ్యూహం అవసరమైతే దానిని అనుసరించడం చంద్రబాబు నేతృత్వంలోని టీడీపీ అలవాటుగా మార్చుకుంది. ఇక్కడ విలువలు, సిద్దాంతాలతో నిమిత్తం లేదు. ప్రస్తుతం అదే దారిలోకి జనసేనను కూడా తీసుకువచ్చారన్న విశ్లేషణ వస్తుంది. ఆ పార్టీ అధినేత పవన్ కళ్యాణ్ కూడా తన రాజకీయ ప్రయోజనాలకే పరిమితమై పార్టీ కేడర్‌ను పట్టించుకోరన్న అభిప్రాయం ఆయా వర్గాలలో ఉంది. దానికి తగినట్లే ఎవరూ తనను ప్రశ్నించరాదని పార్టీ కార్యకర్తలను పవన్ హెచ్చరించడం కూడా తెలిసిన విషయమే.పార్టీ ఆత్మగౌరవం నిలబడేలా, కార్యకర్తలకు న్యాయం జరిగేలా ఈసారి సీట్ల కేటాయింపు ఉంటుందని చెప్పినా అవన్ని బీరాలుగానే మారాయన్నది జనసేన కేడర్‌ ఆవేదనగా ఉంది. స్థానిక ఎన్నికలలో పోటీపై రకరకాల మాటలు చెప్పి పవన్ కళ్యాణ్, నాదెండ్ల మనోహర్ తదితరులు కార్యకర్తలను మభ్యపెట్టే పనిచేశారు. వాటిని విన్నవారు ఈసారి కచ్చితంగా 33 శాతం పైనే తమకు సీట్లు వస్తాయని ఆశించారు. కాని తదుపరి కాలంలో అధినేతల స్వరం మారిపోయింది. కార్యకర్తలకు న్యాయం చేయడమే తమ లక్ష్యమని చెప్పిన వీరు బలం ఉన్నచోటే పోటీచేస్తామని తేల్చేశారు. తద్వారా తాము టీడీపీకి లొంగి ఉండాల్సిందేనన్న సంకేతం ఇచ్చారని జనసేనకు చెందిన పలువురు బహిరంగంగానే వ్యాఖ్యానిస్తున్నారు. తొలుత టీడీపీ వర్కింగ్ అధ్యక్షుడు, మంత్రి లోకేష్ జనసేనకు 15 శాతం, బీజేపీకి ఐదు శాతం సీట్ల కేటాయింపు జరుగుతుందని చెప్పినప్పుడు జనసేనలో తీవ్ర వ్యతిరేకత వచ్చింది. అయినా లోకేష్ ఎక్కడా వెనక్కి తగ్గలేదు. దానిపై అసంతృప్తి చెందినట్లు పవన్ కళ్యాణ్ పైకి సంకేతాలుపంపించినా, లోపల మాత్రం కొంచెం అటూ, ఇటూగా ఆ శాతం సీట్లకే ఓకే చేశారన్న అభిప్రాయం పార్టీలో ఏర్పడింది. కనీసం 35 నుంచి నలబైశాతం సీట్ల కేటాయింపు జరుగుతుందని ఆశించిన పార్టీ క్యాడర్‌కు ఇది నిరాశ కలిగించింది.ఆయా సీట్లలో 17 శాతం నుంచి ఇరవైశాతం మాత్రమే దక్కాయి. అయినా పవన్ కళ్యాణే సర్దుకుపోయినప్పుడు వారు మాత్రం చేయగలిగేది ఏమి ఉంటుంది!. మరో విశేషం ఏమిటంటే తాము బలంగా ఉన్న సీట్లను రిజర్వుడ్ గా మార్చారాన్నది జనసేనలో ఉన్న ఒక భావన. పవన్‌కు తెలియకుండా ఇవి ఖరారయ్యాయని, ఆయన ఆగ్రహం వ్యక్తం చేశారని ప్రచారం జరిగింది. కానీ తీరా చూస్తే ఎల్లో మీడియా ఇచ్చిన ఒక కథనం ప్రకారం పిఠాపురం సీటు రిజర్వు చేసిన విషయంలో ఆయన జోక్యం చేసుకోలేదట. అంటే రిజర్వేషన్లు ఆయనకు తెలిసే జరిగాయన్న విధంగా టీడీపీ మీడియా చెబుతోంది. జనసేన సంతోషంగా సర్దుబాటు చేసుకుందా? లేక లొంగిపోయిందా అన్న ప్రశ్న వస్తే అవమానమాన భారమైనా, మరొకటైనా ఆ పార్టీలో ఉండదలిస్తే కార్యకర్తలు దేనికైనా సరిపెట్టుకోవడమే తప్ప చేయగలిగింది ఏమి ఉంటుంది!. ప్రశ్నించడానికి పార్టీ పెట్టానని చెప్పిన పవన్ కళ్యాణ్ ను, జనసేన కార్యకర్తలు ప్రశ్నించలేని నిస్సహాయ స్థితిలో పడిపోయారన్నమాట! చంద్రబాబు రాజకీయ వ్యూహానికి తలొగ్గక తప్పదు కదా అన్న భావన జనసేనలో ఏర్పడింది. ఇక ఆత్మగౌరవం అన్న మాటకు తావెక్కడ ఉంటుంది?.- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

విజయవాడ: కూటమిలో కుమ్ములాటలు తారాస్థాయికి చేరాయి. ముఖ్యమంత్రి చంద్రబాబుకు టీడీపీ ఎమ్మెల్యే కొలికిపూడి శ‍్రీనివాస్‌ షాకిచ్చారు. కూటమి అభ్యర్థులకు పోటీగా తన వర్గంతో నామినేషన్ల వేయించారు కొలికపూడి. ఎన్టీఆర్‌ జిల్లా తిరువూరు స్థానం ఒప్పందంలో భాగంగా జనసేనకు కేటాయించారు. దీనిలో భాగంగా జనసేన తరఫున పసుపులేటి మాధవి నామినేషన్‌ వేశారు. అయితే ఆమెకు పోటీగా పెనమల్లి శ్రావణితో నామినేషన్‌ వేయించారు కొలికపూడి. తన వర్గం కౌన్సిలర్‌, చైర్మన్‌ అభ్యర్థులతో కొలికపూడి ర్యాలీ నిర్వహించారు. 28 వార్డులకు తన వర్గంతో కొలికపూడి నామినేషన్లు వేయించడం కూటమిలో అసంతృప్తిని మరోసారి బహిర్గతం చేసింది. బీజేపీ అభ్యర్థిపై టీడీపీ మూకల దాడివైఎస్సార్‌జిల్లాలో బీజేపీ అభ్యర్థి కొటికె వెంకటరమణపై టీడీపీ మూకలు దాడికి దిగాయి. చివరి నిమిషంలో 6వ డివిజన్‌కు నామినేషన్‌ వేసేందుకు వచ్చిన వెంకటరమణపై టీడీపీ గూండాలు దాడికి పాల్పడ్డారు. తమకు తెలియకుండా నామినేషన్‌ వేస్తావా అంటూ బీజేపీ అభ్యర్థిపై దాడి చేశారు. తీవ్రంగా గాయపడిన వెంకటరమణను రిమ్స్‌ ఆస్పత్రికి తరలించి చికిత్స అందిస్తున్నారు. మరొకవైపు వెంకటరమణకు మద్దతుగా వచ్చిన రాష్ట్ర దళిత మోర్చా అధ్యక్షుడు పణతల సురేష్.. టీడీపీ మూకల దాడితో రోడ్డుపై బైఠాయించి ధర్నాకు దిగారు.ఇదీ చదవండి: జనసైనికుల ఆర్తనాదాలు.. నమ్మించి.. ఆపై నిండా ముంచి..

సాక్షి,కాకినాడ: పిఠాపురం జనసేన పార్టీలో మున్సిపల్ ఎన్నికల వేళ తీవ్ర అసంతృప్తి, అంతర్గత విబేధాలు భగ్గుమన్నాయి. పిఠాపురం మున్సిపల్ ఛైర్మన్ పదవి అభ్యర్థిత్వం ఖరారు చేసే ప్రక్రియ జనసేన శ్రేణుల్లో పెద్ద చిచ్చు రేపింది. పార్టీని నమ్ముకుని, అధినేత పవన్ కల్యాణ్ ఇచ్చిన హామీ మేరకు తన గౌరవప్రదమైన ప్రభుత్వ ఉద్యోగాన్ని సైతం త్యాగం చేసిన ఉన్నతాధికారిని చివరి నిమిషంలో జనసేన అధిష్టానం నిండా ముంచింది. వివరాల్లోకి వెళ్తే.. పిఠాపురం మున్సిపల్ ఛైర్మన్ పదవి కోసం జనసేన పార్టీ తొలుత ప్రముఖ వైద్యులు డాక్టర్ బీరా విజయ శేఖర్ పేరును పరిశీలనలోకి తీసుకుంది. ఆయన కాకినాడ ప్రభుత్వ సర్వజన ఆసుపత్రి (జీజీహెచ్‌)లో డిప్యూటీ సివిల్ సర్జన్ (డీసీఎస్‌) గా బాధ్యతాయుతమైన ప్రభుత్వ విధులను నిర్వహిస్తున్నారు. మున్సిపల్ ఛైర్మన్ పీఠం దక్కుతుందనే భరోసా, పార్టీ పెద్దల నుంచి వచ్చిన స్పష్టమైన ఆదేశాల నేపథ్యంలో డా. విజయ శేఖర్ ఛైర్మన్ పదవికి పోటీ చేసేందుకు సిద్ధమయ్యారు. ఇందులో భాగంగానే తన ప్రభుత్వ ఉద్యోగానికి ఆయన అత్యవసరంగా రాజీనామా సమర్పించారు.చివరి నిమిషంలో దానం లాజర్ బాబుకు అవకాశండాక్టర్ విజయ శేఖర్ తన కెరీర్‌ను సైతం పణంగా పెట్టి ఎన్నికల బరిలోకి దిగగా.. జనసేన అధిష్టానం మాత్రం అనూహ్యంగా మాట మార్చింది. ఉద్యోగానికి రాజీనామా చేసి సిద్ధంగా ఉన్న విజయ శేఖర్‌ను పక్కనబెట్టి, చివరి నిమిషంలో దానం లాజర్ బాబు పేరును పిఠాపురం మున్సిపల్ ఛైర్మన్ అభ్యర్థిగా అధికారికంగా ప్రకటించింది. జనసేన అధినేత పవన్ కల్యాణ్ తీసుకున్న ఈ ఆకస్మిక నిర్ణయంపై డాక్టర్ విజయ శేఖర్ తీవ్ర దిగ్భ్రాంతికి లోనయ్యారు. పవన్ కల్యాణ్ తనను రాజకీయంగా నిండా ముంచారని, ఇచ్చిన మాట తప్పి నడిరోడ్డుపై నిలబెట్టారంటూ ఆయన సన్నిహితుల వద్ద కన్నీటి పర్యంతమైనట్లు తెలుస్తోంది.జనసేన క్యాడర్‌లో కలకలంఉద్యోగం పోయి, ఇటు పార్టీ పదవి దక్కక డాక్టర్ విజయ శేఖర్ పరిస్థితి రెండింటికీ చెడ్డ రేవడిలా తయారైందని స్థానికంగా చర్చ జరుగుతోంది. ఒక ప్రభుత్వ ఉద్యోగిని నమ్మించి ఇలా రాజకీయంగా బలిపశువును చేయడం ఏంటని జనసేనలోని ఒక వర్గం నాయకులు కూడా తీవ్ర అసంతృప్తి వ్యక్తం చేస్తున్నారు.ఇదీ చదవండి : సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి,ఎన్టీఆర్ జిల్లా: తిరువురు నియోజ‌క‌ వ‌ర్గంలో స్థానిక సంస్థ‌ల ఎన్నిక‌లు కుంప‌ట్లు రాజేశాయి. కూట‌మిలో చైర్మ‌న్ అభ్య‌ర్థి ఎంపిక ముస‌లం రేపింది. పొత్తులో భాగంగా తిరువూరు మున్సిప‌ల్ చైర్మ‌న్ స్థానం జ‌న‌సేనకు కేటాయించింది కూట‌మి ప్ర‌భుత్వం.అయితే, అభ్య‌ర్థి ఎంపిక విష‌యంలో ఎమ్మెల్యే కొలిక‌పూడి శ్రీనివాస్ తిరుగుబాటు ప్ర‌క‌టించారు. అయితే త‌న త‌రుపున నాగ శ్రావ‌ణీని టీడీపీ ఎమ్మెల్యే కొలిక‌పూడి ప్ర‌క‌టించారు. రేపు తిరువూరు మున్సిపాల్టీ చైర్మన్ అభ్యర్ధి పెనుబల్లి శ్రావణి నామినేషన్ ర్యాలీ నిర్వ‌హించ‌నున్న‌ట్లు తెలిపారు. అందరికీ ఆహ్వానం అంటూ ఎమ్మెల్యే కొలిక‌పూడి పోస్టు పెట్టారు. దీంతో తిరువూరు ఎమ్మెల్యే కొలికపూడి శ్రీనివాసరావు పోస్టు చర్చనీయాంశంగా మారింది.ఇక విశాఖ జీవీఎంసీలో టీడీపీ, జనసేన మధ్య వివాదం ముదిరింది. వార్డుల పంపకంపై కూటమి పార్టీల మధ్య పంచాయతీ తేలలేదు. టీడీపీ తీరుపై భీమిలి జనసేన నేత పంచకర్ల సందీప్‌ ఆగ్రహం వ్యక్తం చేశారు. ఒకట్రెండు సీట్లు ఇస్తే ఇండిపెండెంట్లుగా బరిలోకి దిగుతామంటూ హెచ్చరించారు. ఇదీ చదవండి: గురజాల కోర్టులో కూటమి ప్రభుత్వానికి ఎదురుదెబ్బ

సాక్షిప్రతినిధి, విజయనగరం: కార్పొరేట్‌ ఎమ్మెల్యే లోకం నాగమాధవి ఆధిపత్యానికి తొలిసారిగా చెక్‌ పడింది. నెల్లిమర్ల నగర పంచాయతీ చైర్మన్‌ స్థానాన్ని కూటమి తరఫున బీజేపేకి కేటాయించింది. స్థానిక ఎమ్మెల్యేకు తెలియకుండానే టీడీపీ అధిష్ఠానం స్థానం కేటాయించడం గమనార్హం. టీడీపీ మద్దతుతో గెలిచిన ఎమ్మెల్యే ఇన్నాళ్లూ వారిని తొక్కుతూ ముందుకు సాగుతున్నారు. నామినేటెడ్‌ పదవులతో బాటు అభివద్ధి పనులు, ఇతరత్రా ప్రభుత్వ కార్యకలాపాలు అన్నింటికీ టీడీపీని దూరం పెడుతున్నారు. మండలాల వారీగా జనసేన నాయకులతో కమిటీలు ఏర్పాటు చేసి మండల రెవెన్యూ, ఎంపీడీఓ అధికారులకు లిస్ట్‌ పెంపించారు. వీళ్లు రిఫర్‌ చేసిన ఫైళ్లు.. పనులు మాత్రమే చేయాలని మండల.. డివిజన్‌ స్థాయి అధికారులకు హుకుం జారీ చేశారు. తన పీఏలు, దగ్గరివాళ్లతో ఇంకో టీమ్‌ ఏర్పాటు చేసి భూ వ్యాపారాలు... ఆక్రమణలు వంటివాటికి తెరలేపారు. దీంతో తమ మిత్రపక్షానికి ఎమ్మెల్యే పదవి వచ్చినా తమకు వీసమెత్తు గౌరవం, గుర్తింపు లేకపోవడంతో మార్క్‌ఫెడ్‌ రాష్ట్ర ఆధ్యక్షుడు కర్రోతు బంగార్రాజు వంటివారు బహిరంగంగానే గుర్రుమన్నారు. పార్టీ హైకమాండ్‌కు సమాచారం చేరవేస్తూ వస్తున్నారు. మాధవి ఒంటెత్తు పోకడలను ఓ కంట కనిపెడుతూ వస్తున్న టీడీపీ.. సరిగ్గా టైమ్‌ చూసి టెంకి జెల్ల కొట్టింది. ఆశలు కల్పించి చివరకు దెబ్బ కొట్టారు. వాస్తవానికి జనసేన ఎమ్మెల్యేలు ఉన్నచోట స్థానిక సంస్థల పదవులు టీడీపీ జనసేన మధ్య ఫిఫ్టీ ఫిఫ్టీ షేరింగ్‌ అని మొదట్లో ప్రచారం చేశారు. ఈ లెక్కన నాలుగు మండలాల ఎంపీపీ, జెడ్పీటీసీ, సర్పంచ్, ఎంపీటీసీ పదవుల వరకు ఆ లెక్కన వాటాలు వేస్తే వేయచ్చేమో కానీ నెల్లిమర్ల నియోజకవర్గంలో ఉన్న ఒకేఒక నగర పంచాయతీ మాత్రం జనసేనకు వస్తుందని నమ్మకం కలిగించారు. జనసేన కార్యకర్తలు సైతం జోష్‌లో ఉన్నారు. ఈ క్రమంలో పలువురు కార్యకర్తలు మాధవిని కలిసి నగర పంచాయతీకి తమ అభ్యర్థిత్వాన్ని పరిశీలించాలని కోరారు. పరిస్థితి అంతా తన కంట్రోల్లో ఉందని భావించిన ఎమ్మెల్యే కూడా వారికి భరోసా ఇస్తూ వచ్చారు. ప్రచారంలో భాగంగా నెల్లిమర్లలో ఇల్లు కూడా తీసుకున్నారు. దసరా కానుకల పేరిట రెండు రోజుల కిందట కొంతమంది ఓటర్లకు చీరలు కూడా పంపిణీ చేశారు. జనసేన అభ్యర్థి పేరును కూడా నిర్ణయించారు. సీట్ల సర్దుబాటులో భాగంగా బీజేపీకి చైర్మన్‌ అభ్యర్థిత్వాన్ని ప్రకటించడంతో అంతా అవాక్కయ్యారు. బీజేపీకి వెళ్లినట్లు ఎమ్మెల్యేకు కూడా ఈ విషయం తెలియకపోవడం గమనార్హం. దీంతో ఏం చేయాలో తోచక, క్యాడర్‌కు సమాధానం చెప్పలేక మాధవి సైలెంట్‌ అయ్యారు. ఇదిలా ఉండగా అటు టీడీపీ సైతం పోటీకి సిద్ధమైంది. టీడీపీకి చెందిన లెంక అప్పలనాయుడు చైర్మన్‌ అభ్యర్థిగా టీడీపీ కండువా ధరించి నామినేషన్‌ దాఖలు చేశారు. మొత్తానికి ఏదైతేనేం మాధవికి గట్టి షాక్‌ ఇచ్చామని టీడీపీ నాయకులు లోలోన సంబరపడుతుండగా జన సైనికులు మాత్రం కరెంట్‌ షాక్‌ తగిలిన కాకిలా గిలగిల్లాడుతున్నారు. ఇదీ చదవండి: పలాస వైఎస్సార్‌సీపీ ఛైర్మన్‌ అభ్యర్థిగా తాళాసు శ్రీపద్మ

సాక్షి,అమరావతి : కూటమిలో స్థానిక సంస్థల ఎన్నికలు కుంపట్లు రాజేస్తున్నాయి. రాష్ట్రంలోని పలు మున్సిపల్ స్థానాల్లో పోటీ చేసేందుకు కూటమిలోని ఆశావాహులు పోటీపడుతున్నారు. అయితే, అధిష్ఠానం కొందరికే ప్రాధాన్యం ఇస్తుండటంతో ఆశావహులు, రెబల్ అభ్యర్థులు తిరుగుబాటు బావుటా ఎగరవేస్తున్నారు. తాము బరిలో దిగాలనుకుంటున్న స్థానాల్లో ఇతరులను ఎలా అభ్యర్థులుగా ప్రకటిస్తారంటూ నేతలు అధిష్ఠానాన్ని నిలదీస్తున్నారు.పార్వతీపురం మన్యం జిల్లాసాలూరు మున్సిపల్ స్థానాన్ని కూటమి నేతలు జనసేనకు కేటాయింపుటీడీపీ నిర్ణయంపై తిరగబడ్డ కార్యకర్తలుమంత్రి అచ్చం నాయుడు, గుమ్మడి సంధ్యారాణిలు ఎదుట వాగ్వాదంజనసేనకు సహకరించేదే లేదని హెచ్చరికలు జారీ చేసిన టీడీపీ కార్యకర్తలు అధిష్టానం నిర్ణయం మేరకు సర్ధుకు పోవాల్సిందేనన్న మంత్రి అచ్చం నాయుడుఏలూరుటీడీపీలో రచ్చకెక్కిన మేయర్ సీటు వివాదంతమ నేతకే మేయర్‌ సీటు కేటాయించాలంటూ టీడీపీ కార్యకర్తలు ఆందోళన టీడీపీ కార్యాలయం వద్ద నిరసన టీడీపీ కార్యాలయానికి చేరుకున్న పార్లమెంట్ పరిశీలకురాలు పంచుమర్తి అనురాధ, దెందులూరు ఎమ్మెల్యే చింతమనేని ప్రభాకర్తీవ్ర అసంతృప్తితో ఉన్న ఎమ్మెల్యే బడేటి చంటితో అనురాధ, చింతమనేని భేటీఅధిష్టానం నిర్ణయాన్ని చెప్పి కేడర్‌కు నచ్చజెప్పే ప్రయత్నం అనకాపల్లి అనకాపల్లి జిల్లా నర్సిపట్నంలో అయ్యన్న పాత్రుడికి షాక్‌ యలమంచిలి మున్సిపాలిటీలో జనసేన,బీజేపీ మధ్య రాజుకున్న వివాదంపొత్తులో భాగంగా యలమంచిలి మున్సిపాలిటీ బీజేపీ కేటాయింపుజనసేన తరఫున నామినేషన్ దాఖలు చేసిన కర్రీ ఝాన్సీ రేపు బీజేపీ తరఫున నామినేషన్ దాఖలు చేయనున్నారు పిల్ల రమా కుమారిజనసేన మిత్ర ధర్మం పాటించకపోవడంపై బీజేపీ ఆగ్రహంబీజేపీకి ఇచ్చిన స్థానంలో జనసేన తరఫున నామినేషన్ దాఖలు చేయడంపై అసంతృప్తి జనసేన ఎమ్మెల్యే విజయ్ కుమార్ సూచన మేరకే కర్రి ఝాన్సీ నామినేషన్ దాఖలు కాకినాడ పెద్దాపురం కూటమీలో మరోసారి రాజుకున్న కుంపట్లు సామర్లకోట మున్సిపల్ చైర్మన్ సీటు జనసేనకు కేటాయింపుసామర్లకోట మున్సిపల్ చైర్మన్ పదవి ఆశించిన టీడీపీ దళిత నేత తాతపూడి కృష్ణబాబుజనసేనకు సీటు కేటాయించడంతో ఆగ్రహంతో రగిలిపోయిన కృష్ణబాబు అనుచరులుపోస్టాఫీసు సెంటర్ వద్ద రోడ్డుపై బైఠాయించి ధర్నాఒంటిపై కిరోసిన్ పోసుకుని ఆత్మహత్య యత్నానికి పాల్పడిన టీడీపీ కార్యకర్త33 ఏళ్లుగా టీడీపీలో పనిచేస్తే దళితులకు పార్టీ ఇచ్చిన గౌరవరం ఇదేనా అంటూ రగిలిపోయిన కృష్ణబాబుపిఠాపురంపిఠాపురం నియోజకవర్గంలో జనసేనకు టీడీపీ షాక్పొత్తులో భాగంగా గొల్లప్రోలు నగర పంచాయితీ జనసేనకు కేటాయింపు జనసేనకు గొల్లప్రోలు కేటాయించడంపై టీడీపీ నేతల ఆగ్రహంగొల్లప్రోలు నగర పంచాయితీలో ఉన్న 23 వార్డుల నుండి బరిలోకి టీడీపీ అభ్యర్ధులు.నగర పంచాయితీ ఎన్నికల్లో అన్ని వార్డుల నుండి నామినేషన్లు ప్రకటించిన గొల్లప్రోలు టీడీపీ అధ్యక్షులు గుండ్ర సుబ్బారావుపశ్చిమగోదావరి జిల్లాతాడేపల్లిగూడెం చైర్మన్ సీటు కోసం రాజుకున్న వర్గ పోరు చైర్మన్ సీటు తమ పార్టీకి కేటాయించాలని టీడీపీ నేతలు ఆందోళన తాడేపల్లిగూడెం మున్సిపల్ చైర్మన్ సీటు జనసేనకి కేటాయించడంతో టీడీపీ శ్రేణులు ఆగ్రహంటీడీపీ నాయుకులు గొర్రెల శ్రీధర్‌కి చైర్మన్ సీటు ఇవ్వకపోతే మూకుమ్మడి రాజీనామాకు సిద్ధం కర్నూలుకర్నూలు జిల్లా ఆదోనిలో కూటమి నేతల మధ్య చిచ్చు పెట్టిన మునిసిపల్ చైర్మన్ సీటుచైర్మన్ సీటు జనసేన పార్టీకే అంటూ మొదటి నుండి ప్రచారంమొదటి నుండి సీటు మీకే అని చెప్పి టిడిపి పార్టీకి కేటాయించడంపై బగ్గుమంటున్న జనసేన అభ్యర్థిఆదోనిలో జనసేన పార్టీ ఇన్ ఛార్జి భార్య స్వప్న ఇండిపెండెంట్‌గా నామినేషన్ దాఖలు.చైర్మన్ సీటు కేటాయింపులో మోసం చేశారంటూ ఆరోపించిన స్వప్న 2008లో ప్రజారాజ్యం పార్టీలో 2019 గాని టికెట్ ఇస్తామని చెప్పి మోసం చేశారు 2024లో కూడా మాకు అన్యాయం జరిగిందంటూ వాపోయిన స్వప్న అసంతృప్తిలో కార్యకర్తలు.. ఇండిపెండెంట్‌గా స్వప్న పోటీ విజయనగరం జిల్లా నెల్లిమర్ల నగర పంచాయతీ చైర్మన్ స్థానం బీజేపీకి కేటాయించిన కూటమి అధిష్టానం చైర్మన్ టికెట్ ఆశించిన లెంక అప్పలనాయుడు టీడీపీ రెబల్ అభ్యర్థిగా నామినేషన్ దాఖలు ససేమెరా అంటూ.. పరిశీలకు రాలు పంచమి అనురాధ.. ఎమ్మెల్యే చంటిని నిలదీసిన టిడిపి కార్యకర్తలుటీడీపీ కార్యాలయం వద్ద రోడ్డుపై బైఠాయించి నిరసన తెలుపుతున్న టీడీపీ కార్యకర్తలు

స్థానిక సంస్థల ఎన్నికల వేళ కర్నూలు జిల్లా ఆదోని, కాకినాడ జిల్లా తుని మున్సిపాలిటీల్లో చైర్మన్‌ పదవుల కేటాయింపు వ్యవహారం రాజకీయంగా ఆసక్తికరంగా మారింది. పొత్తు సమీకరణాలు, అభ్యర్థుల ఎంపికతో జనసేన నాయకుల్లో ఉత్కంఠ నెలకొంది. ఆదోనిలో జనసేనకు కేటాయించే స్థానాల సంఖ్య తగ్గినట్లు ప్రచారం జరుగుతుండగా.. తునిలో టీడీపీ నుంచి జనసేనలో చేరిన మీనాక్షికి చైర్మన్‌ అభ్యర్థిగా అవకాశం కల్పించడం చర్చనీయాంశమైంది.కర్నూలు జిల్లా ఆదోని మున్సిపల్‌ చైర్మన్‌ పదవిపై కొత్త చర్చ మొదలైంది. తొలుత జనసేనకు 23 స్థానాలు కేటాయిస్తారనే ప్రచారం జరగడంతో చైర్మన్‌ పదవి ఆ పార్టీకి దక్కుతుందనే వార్తలు వచ్చాయి. అయితే తాజాగా వెల్లడైనట్లు చెబుతున్న టీడీపీ జాబితాలో జనసేనకు 21 స్థానాలే కేటాయించినట్లు ప్రచారం జరుగుతోంది. ఈ క్రమంలో జనసేన కార్యకర్తలు ఖంగుతిన్నారు. దీంతో చైర్మన్‌ పదవి ఎవరికి దక్కుతుందనే అంశంపై ఉత్కంఠ నెలకొంది. స్థానాల కేటాయింపులో మార్పుతో ఆదోని జనసేన నాయకులు నిరాశకు గురైనట్లు రాజకీయ వర్గాల్లో చర్చ సాగుతోంది. అయితే చైర్మన్‌ పదవిపై అధికారిక ప్రకటన వెలువడాల్సి ఉంది.తునిలో టీడీపీ నుంచి జనసేనలోకి.. మరోవైపు కాకినాడ జిల్లా తుని మున్సిపాలిటీలోనూ చైర్మన్‌ అభ్యర్థి ఎంపిక ఆసక్తికరంగా మారింది. తుని మున్సిపాలిటీ టీడీపీకి కేటాయిస్తే మాజీ కౌన్సిలర్‌ మల్లా గణేష్‌ భార్య మీనాక్షి పేరును ప్రకటించాలని ఎమ్మెల్యే యనమల దివ్య భావించినట్లు సమాచారం. అయితే పొత్తులో భాగంగా తుని మున్సిపల్‌ చైర్మన్‌ పదవిని జనసేనకు కేటాయించినట్లు తెలుస్తోంది. ఈ నేపథ్యంలో మీనాక్షి రాత్రి టీడీపీ నుంచి జనసేనలో చేరినట్లు సమాచారం. అనంతరం యనమల కృష్ణుడు ఆమెను జనసేన చైర్మన్‌ అభ్యర్థిగా ప్రకటించినట్లు స్థానిక రాజకీయ వర్గాల్లో ప్రచారం జరుగుతోంది. మరో ఆసక్తికరమైన అంశం ఏమిటంటే.. యనమల కృష్ణుడు సైతం సుమారు 20 రోజుల క్రితమే జనసేనలో చేరడం గమనార్హం.ఈ పరిణామాలపై తుని జనసేన సీనియర్‌ నాయకులు అసంతృప్తితో ఉన్నట్లు సమాచారం. అభ్యర్థుల ఎంపిక, పొత్తు పార్టీల మధ్య సీట్ల సర్దుబాటు వ్యవహారం స్థానికంగా చర్చకు దారితీసింది. ఆదోనిలో స్థానాల కేటాయింపు మార్పులు.. తునిలో టీడీపీ నుంచి జనసేనలోకి చేరిన నేతకు చైర్మన్‌ అభ్యర్థిగా అవకాశం.. ఈ రెండు పరిణామాలతో మున్సిపల్‌ రాజకీయాలు వేడెక్కాయి. ఇదీ చదవండి: స్థానిక ఎన్నికలు.. నామినేషన్‌ దాఖలుకు ఏమేమి ఉండాలి?

సాక్షి, అమరావతి: ‘నలభై శాతం కావాలని చంద్రబాబు ముందు ప్రతిపాదన పెట్టాం. పోస్టర్లు వేసి ప్రకటించాం. మరి ఆ పట్టు ఎందుకు వదిలేశారు? ఎన్ని మేయర్‌ సీట్లు ఇస్తారో, ఎన్ని మున్సిపాలిటీలు, ఎన్ని వార్డులు ఇస్తారో ఇంకా తేలనే లేదు. అలాంటప్పుడు సర్దుబాటు కుదిరిపోయిందని బయటకు వచ్చి ఎలా చెబుతారు? మన స్టాండ్‌పై మనం ఎందుకు గట్టిగా నిలబడటం లేదు?’ ఇదీ ఇప్పుడు జనసేన కార్యకర్తలు తమ నాయకత్వాన్ని నిలదీస్తున్న తీరు. సీట్ల పంపకంపై చంద్రబాబుతో బుధవారం జరిగిన చర్చల తర్వాత జనసేన నేతలు చేసిన ప్రకటన చూసి ఆ పార్టీ కేడర్‌ అసంతృప్తితో రగిలిపోతోంది. ఒక్కరోజు క్రితమే 2,091 పదవులు కావాలని పోస్టర్‌ విడుదల చేసిన పార్టీ, మరుసటి రోజే లెక్కలేమీ వేసుకోలేదనడం వారికి మింగుడుపడటం లేదు. ఇది దేనికి సంకేతం అని పార్టీ కార్యకర్తలు చర్చించుకుంటున్నారు. ‘‘అసెంబ్లీ ఎన్నికల సమయంలో వెనక్కి తగ్గాం కదా.. స్థానిక ఎన్నికల్లో మన బలానికి తగినట్టు సీట్లు కేటాయిస్తామన్నారు కదా.. ఇపుడు ఇలా జరుగుతున్నదేంటి? ఇంకెంత కాలం తగ్గి ఉండాలి? అన్ని స్థానాల్లో పోటీ చేస్తే పోతుంది కదా.. ఇదే తగిన సమయం’’ అని జనసేన శ్రేణులు చర్చించుకుంటున్నాయి. నిన్న పోస్టర్‌ విడుదల చేసిన మంత్రి.. నేడు సర్దుబాటు ప్రకటన మంగళవారం జనసేన మంత్రి కందుల దుర్గేష్‌ పార్టీ లోగోతో కూడిన పోస్టర్‌ ఒకటి ఎక్స్‌లో విడుదల చేశారు. పట్టణ స్థానిక సంస్థల్లోని 5,220 పదవుల్లో 40.1 శాతం వాటాతో 2,091 పదవులు కేటాయించాలని జనసేన ప్రతిపాదించిందని ఎక్స్‌లో ప్రకటించారు. 6 మేయర్లు, 6 డిప్యూటీ మేయర్లు, 38 మున్సిపల్‌ చైర్మన్లు, 1,937 వార్డులు సహా ప్రతి పదవిలో వాటా అడిగినట్లు తెలిపారు. ఈ పోస్టర్‌ను జనసైనికులు సోషల్‌ మీడియాలో హోరెత్తించారు. ఈసారి తమ పార్టీ తగ్గదని సంబరపడ్డారు. కానీ బుధవారం సాయంత్రం చంద్రబాబుతో భేటీ ముగిశాక జనసేన ఎమ్మెల్యే బొలిశెట్టి శ్రీనివాస్‌ మాట్లాడిన మాటలు వారిని నిర్ఘాంతపరిచాయి. చర్చల్లో ఏకాభిప్రాయం కుదిరిందని, స్థానిక పరిస్థితుల మేరకు ఎవరు పోటీ చేయాలో నిర్ణయం తీసుకుంటామని, ఇన్ని సీట్లలో పోటీ చేయాలని లెక్కలేమీ వేసుకోలేదని ఆయన ప్రకటించారు. ఫ్రెండ్లీ పోటీలు ఉండవని, ప్రతి స్థానంలో కూటమి తరఫున ఒక్క అభ్యర్థే ఉంటారని తేల్చిచెప్పారు. పోటీ చేసే స్థానాలపై రెండు రోజుల్లో కూటమిగా ప్రకటన చేస్తామని చెప్పారు. లెక్క తేలకుండా ఏకాభిప్రాయమా? ఎవరికి ఎన్ని సీట్లు అనేదే తేలకపోతే ఏకాభిప్రాయం దేనిపై కుదిరిందని జనసేన కార్యకర్తలు ప్రశ్నిస్తున్నారు. 40 శాతం అడిగి, ఇప్పుడు లెక్కలేమీ లేవంటే ఆ ప్రతిపాదనను వదిలేసినట్టేనా అని నిలదీస్తున్నారు. టీడీపీ మూడు మేయర్‌ సీట్లే ఇస్తామని తెగేసి చెబుతుంటే ఫ్రెండ్లీ పోటీ లేదని ముందే ప్రకటించేయడం వల్ల బేరమాడే బలం కూడా పోయిందని వారు వాపోతున్నారు. అసెంబ్లీ ఎన్నికల్లో 21 సీట్లతో సర్దుకున్నాం, అప్పుడు రాష్ట్ర ప్రయోజనాల కోసం వెనక్కి తగ్గామన్నారు. ఇప్పుడు కార్యకర్తల ఎన్నికల్లో కూడా అదే జరిగితే పార్టీ ఎప్పటికి ఎదుగుతుందని వారు ప్రశ్నిస్తున్నారు. చంద్రబాబు జైల్లో ఉన్నప్పుడు రోడ్డెక్కింది తామేనని, కూటమి కోసం ఎక్కువ త్యాగం చేసింది జనసేనేనని స్వయంగా పవన్‌ కళ్యాణ్‌ ఇటీవల చెప్పారని, ఆ త్యాగాలకు ఇదేనా ప్రతిఫలం అని పశ్చిమగోదావరి జిల్లాకు చెందిన జనసేన నేత ఒకరు వ్యాఖ్యానించారు. రెండు రోజులు.. సుదీర్ఘ చర్చలు.. అయినా తేలని పొత్తు సీట్ల సర్దుబాటుపై మంగళవారం అర్ధరాత్రి దాటే వరకు చర్చలు సాగినా ఫలితం రాలేదు. బుధవారం ఉదయం జనసేన నేతలు మంత్రి నిమ్మల రామానాయుడు, టీడీపీ రాష్ట్ర అధ్యక్షుడు పల్లా శ్రీనివాసరావుతో ఒక విడత సమావేశమయ్యారు. మధ్యాహ్నం నుంచి సీఎం చంద్రబాబుతో మరోసారి భేటీ అయ్యారు. జనసేన తరఫున మంత్రి నాదెండ్ల మనోహర్, ఎమ్మెల్యే బొలిశెట్టి శ్రీనివాస్, ఎమ్మెల్సీ హరిప్రసాద్‌ తదితరులు పాల్గొన్నారు. రోజంతా సాగిన చర్చల్లోనూ ఏ పార్టీకి ఎన్ని మేయర్‌ సీట్లు, ఎన్ని మున్సిపాలిటీలు అనేది తేలలేదు. మరో భేటీలో ఖాయం చేసుకుంటామని ప్రకటించి సరిపెట్టారు. కార్యకర్తలను మభ్యపెట్టేందుకేనా...? ‘40 శాతం సీట్లలో పోటీ చేస్తామంటూ ట్వీట్‌ చేశారు కదా’ అని జనసేన పార్టీ తాడేపల్లిగూడెం ఎమ్మెల్యే బొలిశెట్టి శ్రీనివాస్‌ని విలేకరులు అడిగితే, తాను అలాంటి ట్వీట్‌ చేయలేదని, ఎవరు చేశారో తనకు తెలియదన్నారు.. కాసేపటికే మరలా అదే ట్వీట్‌ ను ట్యాగ్‌ చేస్తూ.. చర్చలు ఫలించాయని, ఎవరికి ఎక్కడ బలం ఎక్కడుంటే అక్కడ ఆ పార్టీ పోటీ చేస్తుందని మరో ట్వీట్‌ చేశారు.. దీనినిబట్టి చూస్తే జనసేన, టీడీపీ పొత్తుల మధ్య సీట్ల పంపకాలపై జరుగుతున్న ప్రచారం అంతా కేవలం కార్యకర్తలను మభ్య పెట్టేందుకేనని అర్థం అవుతోంది. జనసేన సీట్లు కోరడం, దానికి టీడీపీ అంగీకరించడం వంటివి కేవలం సామాజిక మాధ్యమాల్లో ప్రచారాలకే పరిమితమని, చంద్రబాబు ఇచ్చింది పవన్‌ కళ్యాణ్‌ తీసుకోవడం తప్ప, అంతకు మించి సీట్లు డిమాండ్‌ చేసే పరిస్థితి లేదని రాజకీయ విశ్లేషకులు తేల్చి చెబుతున్నారు. మాతో సమానంగా అడగడమేంటి?: టీడీపీలో అసంతృప్తి జనసేన కేడర్‌ ఇలా రగిలిపోతుంటే, టీడీపీలోనూ అసంతృప్తి చెలరేగుతోంది. రాష్ట్రంలో మెజారిటీ ఓటు బ్యాంకు ఉన్న తమతో సమానంగా జనసేన పదవులు అడగడం ఏమిటని టీడీపీ నేతలు మండిపడుతున్నారు. బలం లేని చోట కూడా వాటా కోసం పేచీ పెట్టడం సరికాదని అంటున్నారు. జనసేన, బీజేపీ కలిసి సగం పదవులు ఎగరేసుకుపోతే ఏళ్లుగా జెండా మోసిన తమ పరిస్థితి ఏంటని ఉమ్మడి కృష్ణా జిల్లాకు చెందిన ఒక ఎమ్మెల్యే వాపోయారు. జనసేనకు వెళ్తాయని ప్రచారం జరుగుతున్న విజయవాడ, మచిలీపట్నం, ఒంగోలు, అనంతపురం వంటి చోట్ల టికెట్‌ ఆశించిన టీడీపీ నేతలు తీవ్ర నిరాశలో ఉన్నారు. జనసేనకు చాలాచోట్ల మేయర్, ఛైర్మన్‌ పదవులకు తగిన అభ్యర్థులే లేరని టీడీపీ నేతలు ఎద్దేవా చేస్తున్నారు. విజయవాడ మేయర్‌ సీటు కోసం జనసేన టీడీపీ నేత వంగవీటి రాధానే అరువు తెచ్చుకుంటోందని విమర్శిస్తున్నారు. ఒంటరి పోటీ బెదిరింపులకు తలొగ్గాల్సిన అవసరం లేదని టీడీపీ నేతలు బహిరంగంగానే వ్యాఖ్యానిస్తున్నారు.కూటమి ధర్మాన్ని విస్మరిస్తే ఒంటరిగా పోటీకూటమి ధర్మాన్ని పాటించకుంటే కచ్చితంగా మున్సిపల్‌ ఎన్నికల్లో ఒంటరిగా పోటీకి దిగుతామని జనసేన పార్టీ కాకినాడ జిల్లా అధ్యక్షుడు, పార్టీ పెద్దాపురం నియోజకవర్గ ఇన్‌చార్జి తుమ్మల రామస్వామి బాబు స్పష్టం చేశారు. బుధవారం కాకినాడ జిల్లాలోని పెద్దాపురం పార్టీ కార్యాలయంలో ముఖ్యమైన కార్యకర్తలతో సమావేశం నిర్వహించారు. అనంతరం ఆయన మీడియాతో మాట్లాడారు. కాకినాడ జిల్లాలో పెద్దాపురం, సామర్లకోట మున్సిపాలిటీల్లో రాజకీయ పక్షాలన్నీ కూటమి ధర్మాన్ని కచ్చితంగా పాటించాలన్నారు. లేనిపక్షంలో రెండు మున్సిపాలిటీల్లోని అన్ని వార్డుల్లో జనసేన ఒంటరిగా పోటీకి దిగుతుందని చెప్పారు. పొత్తు ధర్మాన్ని పాటించి సగం సీట్లకు పైగా ఇస్తామని గతంలో పెద్దాపురం ఎమ్మెల్యే నిమ్మకాయల చినరాజప్ప హామీ ఇచ్చారన్నారు. కచ్చితంగా పెద్దాపురం మున్సిపాలిటీని జనసేనకు కేటాయించాలని అన్నారు.సోషల్‌ మీడియాలో యుద్ధం ఇరు పార్టీల కార్యకర్తల మధ్య సోషల్‌ మీడియాలో యుద్ధం నడుస్తోంది. చర్చలు జరుగుతుండగానే 40 శాతం పోస్టర్‌ బహిర్గతం చేయడం ఏం పద్ధతంటూ టీడీపీ యాక్టివిస్టులు విరుచుకుపడుతుంటే, పొత్తు వల్లే గెలిచారంటే ఊరుకోబోమని జనసైనికులు ఎదురుదాడికి దిగుతున్నారు. చంద్రబాబు అరెస్ట్‌ సమయంలో ఏ ఊర్లో జనసైనికులు రోడ్డెక్కారో చెప్పాలంటూ టీడీపీ కార్యకర్తలు సవాల్‌ విసురుతున్నారు. ఇప్పుడు బొలిశెట్టి ప్రకటనతో జనసైనికుల ఆగ్రహం సొంత నాయకత్వం వైపు కూడా మళ్లింది. 40 శాతం అడిగిన ఆ పార్టీకి చివరకు ఎంత దక్కుతుంది, సీట్లు ఆశించినా రాని వా­రు ఊరుకుంటారా, టీడీపీలో టికెట్‌ దక్కని ఆశావహులు ఏం చేస్తారనే ఆయా పార్టీలు ఆందోళన చెందుతున్నాయి. మరోవైపు బీజేపీ తరఫున ఆ పార్టీ అధ్యక్షుడు మాధవ్, మంత్రి సత్యకుమార్‌ చంద్రబాబుతో పొత్తు చర్చలు జరిపారు.

సాక్షి, అమరావతి: మునిసిపల్‌ ఎన్నికల్లో సీట్ల పంపకం కూటమి పార్టీల మధ్య చిచ్చు రేపుతోంది. సీట్ల లెక్కలు తేల్చేందుకు ముఖ్యమంత్రి చంద్రబాబు నేతృత్వంలో టీడీపీ, జనసేన, బీజేపీ నేతలు సోమవారం సమావేశమైనా ఎలాంటి స్పష్టత రాలేదు. కీలక సమావేశానికి ఉప ముఖ్యమంత్రి, జనసేన అధ్యక్షుడు పవన్‌కళ్యాణ్‌ డుమ్మా కొట్టడం గమనార్హం. పొత్తు చర్చలు తాము ఆశించిన స్థాయిలో ముందుకు సాగకపోవడమే పవన్‌ గైర్హాజరుకు కారణమని జనసేన వర్గాలు చెబుతున్నాయి.మేయర్, చైర్మన్‌ పీఠాలపై పేచీమునిసిపల్‌ ఎన్నికల్లో జనసేన, బీజేపీ కోరుతున్న మేయర్, మున్సిపల్‌ చైర్మన్‌ స్థానాలను కేటాయించేందుకు చంద్రబాబు సుముఖంగా లేకపోవడంతో ప్రతిష్టంభన ఏర్పడినట్లు తెలుస్తోంది. జనసేన ప్రతిపాదనలను పట్టించుకోకుండా ఆ పార్టీ కోరుతున్న స్థానాలకు టీడీపీ ఏకపక్షంగా రిజర్వేషన్లు ఖరారు చేసినట్లు ప్రచారం జరుగుతోంది. ఒకవైపు పొత్తు చర్చలు కొలిక్కి రాకముందే రిజర్వేషన్లు ఎలా ప్రకటిస్తారని జనసేన నేతలు నిలదీస్తున్నట్లు సమాచారం. మిత్రపక్షమంటూనే తమను లెక్కలోకి తీసుకోకుండా టీడీపీ పెత్తనం చెలాయిస్తోందన్న అసంతృప్తి జనసేన శ్రేణుల్లో బలంగా వ్యక్తమవుతోంది.భేటీ తర్వాత ఎవరి దారి వారిదేసమావేశం ముగిసిన తర్వాత కూటమి పార్టీ నేతలు ఎవరి దారి వారు పట్టడం చర్చనీయాంశమైంది. జనసేన, బీజేపీ నేతలు నేరుగా బీజేపీకి చెందిన మంత్రి సత్యకుమార్‌ ఇంటికి వెళ్లి ప్రత్యేకంగా విందు సమావేశం ఏర్పాటుచేసుకున్నారు. మరోవైపు సీఎం చంద్రబాబు టీడీపీ రాష్ట్ర అధ్యక్షుడు పల్లా శ్రీనివాసరావు, మంత్రి నిమ్మల రామానాయుడుతో విడిగా సమావేశమై మంతనాలు జరిపారు. సమావేశంలో ఏం జరిగిందన్న దానిపై మూడు పార్టీల నేతలు నోరు మెదపకపోవడం గమనార్హం. దీంతో పొత్తు చర్చలు విఫలమైనట్లు తెలుస్తోంది.నెల్లూరు మేయర్‌ మాదేనంటూ హడావుడిచర్చలు ఇంకా తేలకముందే నెల్లూరు మేయర్‌ పీఠం బీజేపీకి ఖరారైందంటూ బీజేపీ నేతలు హడావుడి చేయడం గమనార్హం. దీనిపై బీజేపీ రాష్ట్ర నాయకత్వం ఎలాంటి స్పష్టత ఇవ్వకుండా మౌనం వహించింది. టీడీపీ నుంచి కూడా ఎలాంటి స్పందనా రాలేదు. సీట్ల పంపకమే తేలకుండా ఒక్కో పార్టీ ఒక్కో ప్రకటన చేయడం కూటమిలో సమన్వయ లోపానికి అద్దం పడుతోందని రాజకీయ వర్గాలు వ్యాఖ్యానిస్తున్నాయి.నేడు మళ్లీ భేటీప్రతిష్టంభన నేపథ్యంలో మంగళవారం మరోసారి సమావేశం కావాలని కూటమి నేతలు నిర్ణయించారు. ఈ సమావేశానికి పవన్‌కళ్యాణ్‌ హాజరవుతారని చెబుతున్నారు. అయితే మేయర్, చైర్మన్‌ పీఠాలపై టీడీపీ పట్టు వీడకుంటే ఈ భేటీ కూడా ఫలితం లేకుండానే ముగిసే అవకాశం ఉందని ఆయా పార్టీల నేతలు చెబుతున్నారు.

సాక్షి, అమరావతి: స్థానిక సంస్థల ఎన్నికల ముంగిట వెన్నుపోటు పార్టీ కూటమిలో పెద్ద చిచ్చు రగిలింది. ఆదివారం పోలవరం జిల్లా కాకవాడలో జరిగిన సభలో జనసేన అధినేత పవన్‌ కళ్యాణ్‌ చేసిన వ్యాఖ్యలపై తెలుగుదేశం పార్టీ శ్రేణులు సోషల్‌ మీడియాలో దాడి చేయగా.. ‘కూటమి ప్రభుత్వం మీ అయ్య జాగీరా’ అంటూ జనసేన నేతలు తీవ్ర స్థాయిలో విరుచుకుపడ్డారు. దాదాపు ఊడిగం చేస్తున్నా ఇంతలా మాటలంటారా అంటూ జనసైనికులు ఆవేదన వ్యక్తం చేస్తున్నారు. ఆత్మాభిమానం దెబ్బతినేలా మాటలంటున్నా ఇంకా కొనసాగాలా.. ఇదే కరెక్ట్‌ టైమ్‌ మనం బైటకు రావడానికి అని జనసైనికులు పోస్టులు పెడుతున్నారు.ప్రతి సారీ మనం ఎందుకు తగ్గాలి? రాజకీయంగా మనం కూడా ఎదగాలి కదా.. కాదూ కూడదంటే పొత్తుకు నమస్కారం పెట్టి ప్రతి చోటా అభ్యర్థులు ఉన్నారు.. పోటీ చేసి చూపిస్తారు.. అని రవితేజ పవనిజం పేరుతో ఓ జనసైనికుడు పోస్టు పెట్టాడు. ‘చంద్రబాబును జైల్లో పెట్టినప్పుడు ఆయనకు మద్దతుగా ఎవరూ రోడ్డుపైకి రాకపోతే, అప్పుడు జన సైనికులు, వీర మహిళలు రోడ్లపైకి వచ్చారు’ అంటూ పవన్‌ కాకవాడ సభలో చేసిన వ్యాఖ్యలపై టీడీపీ శ్రేణులు సోషల్‌ మీడియాలో రెచ్చిపోయాయి. వాటిని జనసైనికులు తీవ్రస్థాయిలో కౌంటర్‌ చేస్తున్నారు. టీడీపీని ఉద్ధరించినట్టు మాట్లాడితే ఊరుకోం.. ‘‘వాళ్ల పార్టీకి సీట్లు కేటాయిస్తే అభ్యర్ధిని కూడా మనమే (టీడీపీ) సప్లయ్‌ చేయాల్సి వచ్చింది. వాళ్ల కార్యకర్తలకు తిండి పెట్టడానికి డబ్బులు లేవు.. మనల్నే అడుక్కున్నారు. వీళ్లు వచ్చేశారంట టీడీపీని కాపాడడానికి..’’ అంటూ పెద్ద ఎత్తున పోస్టులు పెడుతున్నారు. ‘‘కనకపు సింహాసనం మీద కుక్కను కూర్చోబెడితే, అది కుక్క బుద్ధి మాత్రమే చూపిస్తుంది. కుక్క నిజ స్వరూపం ఈ రోజు చూపించింది’’ అంటూ పరోక్షంగా పవన్‌పై ఓ కార్యకర్త చంద్రబాబు వీడియోను జత చేసి పోస్టు చేశారు. ‘‘పొత్తు పేరుతో మీరు నెత్తిన పెట్టుకుంటే పెట్టుకోండి కానీ తెలుగుదేశం కార్యకర్తల్ని తక్కువ చేసి మాట్లాడుతూ ఆ సన్నాసులు టీడీపీని ఉద్దరించినట్లు మాట్లాడితే ఊరుకునే చేతకాని దద్దమ్మలం కాదు మేం.. ఆ కులసేన అధినేతను కాస్త నోరు దగ్గరపెట్టుకుని మాట్లాడమని చెప్పండి..’’ అని మరో టీడీపీ కార్యకర్త ఘాటు పోస్టు పెట్టాడు. ‘‘ సొంతంగా రెండు చోట్ల ఎమ్మెల్యేగా గెలవలేక, సొంత కార్యకర్తల వల్లే రెండు చోట్ల ఓడిపోయా అని పిల్ల సైనిక్‌లను తిట్టిపోసిన ఆయన మాటకు విలువ ఉందా’’.. ఇదీ మరో కార్యకర్త ప్రశ్న.‘‘మీ నాయకులు మీ సైనికులు మీ వీర మహిళలు మీ వెనకే నిలబడలేదు. మా లీడర్‌ కోసం రోడ్డు ఎక్కారా పవన్‌ కళ్యాణ్‌గారూ’’ అని మరో కార్యకర్త నిలదీశాడు. ‘‘ఒక్క కేబినెట్‌ మీటింగ్‌కి రారు.. వీరు త్యాగాలు చేసేశారా... గోదావరి జిల్లాలు దాటితే పావలాకి పనికిరాడు వీరు త్యాగాలు చేశాడా.. ఒకర్ని అడుక్కునే స్టేజ్‌లో ఉన్న మీరు త్యాగాలు చేశారా..?’’ మరో టీడీపీ కార్యకర్త ప్రశ్న ఇది.పొత్తుపెట్టుకుని జనసేన గెలిచిందంటే ఊరుకోం టీడీపీ కార్యకర్తల పోస్టులపై జనసేన నాయకులు, కార్యకర్తలు ఎదురుదాడికి దిగారు. నేరుగా జనసేన పార్టీ అధికార ప్రతినిధి, రాష్ట్ర నాటక అకాడమీ సభ్యురాలు శివపార్వతి రంగంలోకి దిగారు. ‘ఎక్స్‌’లో వరుస పోస్టులతో టీడీపీపై విరుచుకుపడ్డారు. ‘కూటమి ప్రభుత్వం నీ అయ్యా జాగీరా? అన్ని పార్టీల భాగస్వామ్యంతో వచ్చిందది. ఎవడురా నన్ను మాట్లాడొద్దు అనేది.. మీ తొక్కలో రూల్స్‌ మడిచి పెట్టుకోండి’ అంటూ తీవ్ర స్థాయిలో విరుచుకుపడ్డారు. మా పార్టీ నాయకుడిని కానీ, మా పార్టీ గురించి కానీ ఇష్టం వచ్చినట్లు వాగితే మామూలుగా ఉండదు అంటూ గట్టిగా వార్నింగ్‌ ఇచ్చారు. పవన్‌ను చూసి నవ్విన వాళ్ళే ఆయన సపోర్ట్‌ కోసం దేబిరించారు తప్ప ఆయన ఎవరినీ నాకు ఇది చేయండి అని అడగలేదన్నారు. ‘2014లో సపోర్ట్‌ చేస్తే అధికారం రాగానే పవన్‌ కళ్యాణ్‌ ఎవరు అని అన్నారు. అలా అన్నవాళ్లే 2019లో 23కే పరిమితమయ్యారు. లక్షల మంది కేడర్‌ పెట్టుకుని సంపాదించిన సీట్లు 23 జస్ట్‌ మాకన్నా 2 ఎక్కువ అంతే’ అని పేర్కొన్నారు. వెంట వెంటనే గెలిచిన చరిత్ర కూడా ఎక్కడా లేదు అని వ్యాఖ్యానించారు. జనసేనకి బలం లేదని, రెండు చోట్ల ఓడిపోయారని, పొత్తు పెట్టుకుని గెలిచారని అంటే ఊరుకొనేది లేదని జనసేన శ్రేణులు టీడీపీని హెచ్చరించాయి. పరోక్షంగా లోకేశ్‌ పైనా విమర్శలు చేస్తూ పోస్టులు పెట్టారు. ‘టీడీపీ వాళ్లు చేసే అతికి జనసేన వాళ్ళు ఎవరైనా గట్టిగా స్పందిస్తే కేసులు పెట్టించి, వాళ్ళ మీద కోవర్ట్‌ ముద్ర వేస్తున్నారు. పైకి కూటమి స్ఫూర్తి, పొత్తు ధర్మం అని కథలు చెప్తారు’ అంటూ పేర్కొన్నారు.

సాక్షి, అమరావతి: వాన పడితే జలాశయాల్లా మారే రోడ్లు.. గుంతల రోడ్లు.. వీధి చివర కొండలా చెత్త.. దోమలు, జ్వరాలు.. గుక్కెడు తాగునీరు ఇవ్వలేని దుస్థితి. ఇంటి నుంచి బయటకు అడుగు పెడితే కుక్కల బెడద.. పద్మవ్యూహంలా ట్రాఫిక్‌.. ఏ పట్టణానికి వెళ్లినా జనం నోట ఇదే మాట. ఈ పరిస్థితుల్లో వార్డుల్లోకి వెళ్లి ఏ ముఖం పెట్టుకుని ఓట్లు అడగాలని కూటమి పార్టీల శ్రేణులు ఆవేదన చెందుతున్నాయి. చంద్రబాబు రెండేళ్ల పాలనలో నగరాలు, పట్టణాలను గాలికి వదిలేసి ఇప్పుడు ఓట్ల కోసం జనం వద్దకు ఎలా వెళ్లాలని ఆందోళన చెందుతున్నాయి. కనీస సౌకర్యాలు లేక జనం అల్లాడిపోతున్నా ఏమీ చేయలేకపోయామని, ఓట్లు ఎలా అడగాలని వాపోతున్నాయి. రాష్ట్రంలోని 17 మున్సిపల్‌ కార్పొరేషన్లు, 106 మున్సిపాల్టీల్లో ఎన్నికలకు రంగం సిద్ధమైన తరుణంలో టీడీపీ, జనసేన, బీజేపీ శ్రేణులు జనం వద్దకు వెళ్లాలంటేనే వణుకుతున్నాయి. ఇటీవల ఇంటింటికీ టీడీపీ కార్యక్రమాన్ని జనం పట్టించుకోలేదని, ఇప్పుడు వాళ్లు అడిగే ప్రశ్నలకు ఏం సమాధానం చెప్పాలని వాపోతున్నారు. సీఎం సొంత ఇలాకాలోనే దాహం కేకలు పట్టణాల దుస్థితికి సీఎం చంద్రబాబు ప్రాతినిధ్యం వ­హిస్తున్న కుప్పమే నిలువెత్తు సాక్ష్యం. సొంత నియోజకవర్గంలో తాగునీటి సమస్యను ఆయన పరిష్కరించలేకపోయారు. అరకొరగా ట్యాంకర్ల ద్వారా తాగునీరు సరఫరా చేసి మొత్తం సమస్య తీరిపోయిందని చెప్పుకుంటున్నారు. కానీ జనం మాత్రం సరిపడా తాగునీరు లేక తీవ్ర ఇబ్బందులు పడుతున్నారు. ఇతర పట్టణాల పరిస్థితి మరీ దారుణం. కర్నూలు నగరానికి నీరందించే గాజులదిన్నె ప్రాజెక్టులో 1.5 టీఎంసీలే మిగిలాయి. వానలు పడకపోతే నగరం గొంతెండటం ఖాయం. పాలకొండ నగర పంచాయతీలో కుళాయి తిప్పితే మొదటి ఐదు నిమిషాలు బురద నీరే. మంచినీటి కోసం కుళాయిల దగ్గర సిగపట్లు పట్టాల్సిన దుస్థితి. గత్యంతరం లేక పేదలు సైతం 20 లీటర్ల క్యాన్‌కు రూ.20 నుంచి రూ.40 చెల్లిస్తున్నారు. రక్షిత నీరు అందించాల్సిన మున్సిపాల్టీలు చేతులెత్తేయడంతో నీళ్లు కొనుక్కోవడం పట్టణ పేదలకు అదనపు భారంగా మారింది. మురుగులో పట్టణాలు వర్షాకాలానికి ముందే డ్రైనేజీ కాలువల్లో పూడిక తీయాలి. ఈ పనిని కార్పొరేషన్లు, మున్సిపాల్టీల్లో చేయలేదు. ఫలితంగా చిన్న వానకే కాలువలు పొంగుతున్నాయి. వర్షపు నీరు రోడ్లపైకి, లోతట్టు కాలనీల్లో నేరుగా ఇళ్లలోకి చేరుతోంది. శివారు కాలనీల్లో అసలు డ్రైనేజీలే లేవు. మురుగు గుంతల్లో నీరు నిలిచి దుర్వాసన వెదజల్లుతోంది. మురుగునీటి శుద్ధి కేంద్రాలు లేక పట్టణాల మురుగంతా నేరుగా చెరువులు, నదుల్లోకి వెళ్తోంది. వ్యర్థ జలాలతో చుట్టుపక్కల చెరువులన్నీ కలుషితమవుతున్నాయి. అదే నీరు తాగునీటి పథకాలు, బోర్లలోకి ఉబికి వస్తోంది. ఆ చెరువుల్లో పెరిగిన చేపలు తిని జనం అనారోగ్యం పాలవుతున్నారు. వాన పడితే చెరువులే వర్షపు నీరు పోయే దారిలేక ప్రధాన రహదారులే చెరువులవుతున్నాయి. ఇటీవల కురిసిన వర్షాలకు విజయవాడ నడిబొడ్డులోని మొగల్రాజపురం, ఆటోనగర్‌ సహా అనేక ప్రాంతాలు చెరువుల్లా మారిపోయాయి. రాజమహేంద్రవరం రైల్వేస్టేషన్‌ రోడ్డు చెరువును తలపించింది. రోడ్లపై డ్రైనేజీలు పొంగి ప్రవహించాయి. ఎక్కడ గుంత ఉందో తెలియక వాహనదారులు ప్రమాదాల బారిన పడ్డారు. కనీసం హెచ్చరిక బోర్డులు కూడా పెట్టలేదు. దాదాపు అన్ని నగరాలు, పట్టణాల్లోనే వాన వస్తే రోడ్లు చెరువుల్లా మారుతున్నాయి. అయినా రెండేళ్లుగా కూటమి ప్రభుత్వం పట్టించుకోలేదు. పడకేసిన పారిశుద్ధ్యం.. విజృంభిస్తున్న జ్వరాలు రాష్ట్రవ్యాప్తంగా అర్బన్‌ ప్రాంతాల్లో పారిశుథ్యం అధ్వాన్నంగా మారిపోయింది. ఇంటింటి చెత్త సేకరణ పేరుకే మిగిలింది. వీధి చివర్లలో రోజుల తరబడి చెత్త కుప్పలు పేరుకుపోతున్నాయి. తరలించే దారిలేక సిబ్బందే కుప్పలకు నిప్పు పెడుతున్నారన్న విమర్శలు ఉన్నాయి. ఆ పొగతో చుట్టుపక్కల వారు ఉక్కిరిబిక్కిరవుతున్నారు. మరోవైపు పట్టణాల్లో వీధికుక్కలు గుంపులుగా స్వైరవిహారం చేస్తున్నాయి. పిల్లలు, వృద్ధులు బయటకు రావాలంటేనే భయపడుతున్నారు. నిలిచిన మురుగు, పేరుకుపోయిన చెత్త ప్రజారోగ్యాన్ని దెబ్బతీస్తున్నాయి. వీటివల్ల దోమలు విపరీతంగా పెరిగాయి. ఈ ఏడాది ఆగస్టు 30 నాటికి రాష్ట్రంలో మలేరియా కేసులు 27.9 శాతం పెరిగి 7,895కు చేరాయి. జూన్‌ నాటికే మలేరియాతో ఏడుగురు మృత్యువాత పడ్డారు. డెంగీ కేసులు సైతం పెరిగాయి. విశాఖ, కర్నూలు, కడప, చిత్తూరు, ఎన్టీఆర్‌; కాకినాడ జిల్లాల్లో డెంగీ కేసులు అత్యధికంగా నమో­దయ్యాయి. ప్రస్తుతం ప్రైవేటు ఆస్పత్రులు జ్వరపీడితులతో కిటకిటలాడుతున్నాయి. ఫాగింగ్, దోమల నివారణ చర్యలు ప్రకటనలకే పరిమితమయ్యాయి. జ్వరాల బారిన పడిన పేదలు ప్రైవేటు ఆసుపత్రుల్లో వేలకు వేలు ఖర్చు పెట్టుకోవాల్సి వస్తోంది. గుంతల రోడ్లు.. గంటల ట్రాఫిక్‌ పట్టణాల్లో అంతర్గత రోడ్లు గుంతలమయంగా మారాయి. వేసిన రోడ్లకూ నాణ్యత లేదు. కూటమి ప్రభుత్వం అధికారంలోకి వచ్చాక హడావుడిగా అరకొరగా వేసిన రోడ్లు, చేసిన మరమ్మతులు అనేక చోట్ల వర్షాలకు కొట్టుకుపోయాయి. నాణ్యత లేకపోవడంతో ఆ రోడ్లన్నీ గుంతలమయంగా మా­రాయి. రాష్ట్రంలోనే పెద్ద నగరాలైన విశాఖ, విజయవాడలో ట్రాఫిక్‌ నరకాన్ని తలపిస్తోంది. కొద్ది దూ­రం ప్రయాణానికే గంటల సమయం పడుతోంది. బిల్లుల్లేక ఆగిన పనులు పట్టణాల్లో అరకొరగా చేసిన పనులకు బిల్లులు చెల్లించడంలోనూ ప్రభుత్వం చేతులెత్తేసింది. విజయవాడ నగరపాలక సంస్థ పరిధిలోనే పది నెలలుగా రూ.350 కోట్ల బిల్లులు పేరుకుపోయాయి. సిబ్బందికి జీతాలు ఇవ్వలేక, మెటీరియల్‌ ఖర్చులు భరించలేక కాంట్రాక్టర్లు ఆగస్టులో అభివృద్ధి పనులన్నీ నిలిపివేశారు. మరోవైపు పనులు చేయకుండానే బిల్లులు దండుకున్న ఉదంతాలూ వెలుగుచూస్తున్నాయి. ఏలూరు నగరపాలక సంస్థలో ఓ ఏజెన్సీకి రూ.5.36 కోట్లు, ఓ కాంట్రాక్టర్‌ పేరుతో రూ.2.67 కోట్ల బిల్లులు చెల్లించారు. పార్కులో జిమ్‌ పరికరాల మరమ్మతుల పేరుతోనే రూ.4.92 లక్షలు డ్రా చేశారు. అధికార పార్టీ నేతలు, వారి బినామీ కాంట్రాక్టర్ల కోసమే నిబంధనలు తుంగలో తొక్కి ఈ పనుల పందేరం సాగిందన్న ఆరోపణలు వెల్లువెత్తుతున్నాయి. నిజమైన పనులకు డబ్బుల్లేవు, జరగని పనులకు బిల్లులు మాత్రం అందుతున్నాయి.ఎన్నికల ముందు శిలాఫలకాల హడావుడి రెండేళ్లకు పైగా పట్టణాల వైపు కన్నెత్తి చూడని చంద్రబాబుకు స్థానిక ఎన్నికలు దగ్గర పడగానే అభివృద్ధి గుర్తొచ్చింది. 123 పట్టణ స్థానిక సంస్థల్లో రూ.7,469 కోట్లతో హైబ్రిడ్‌ యాన్యుటీ విధానంలో రోడ్లు, డ్రైనేజీలు, వీధి దీపాల పనులకు ఆగస్టులో హడావుడిగా పరిపాలనా అనుమతులు ఇచ్చి జనాన్ని మోసం చేయడానికి సిద్ధమయ్యారు. చేసిన పనులకే బిల్లులు చెల్లించలేని ప్రభుత్వం ఈ పనులను ఎప్పటికి పూర్తి చేస్తుందన్నది ప్రశ్నార్థకమే. ఇవన్నీ ఓట్ల కోసం వేసిన శిలాఫలకాలేనని పట్టణ ప్రజలు బాహాటంగానే విమర్శిస్తున్నారు. వార్డుల్లోకి వెళ్లాలంటేనే వణుకు ఈ పరిస్థితుల్లో ఎన్నికలంటేనే టీడీపీ స్థానిక నేతలు బెంబేలెత్తుతున్నారు. వార్డుల్లోకి వెళ్తే పొంగుతున్న డ్రైనేజీలు, అందని తాగునీరు, గుంతల రోడ్లపై ప్రజలు నిలదీయడం ఖాయమని వారు ఆందోళన చెందుతున్నారు. రెండున్నరేళ్లలో పట్టణాలకు చేసిందేమీ లేకపోవడంతో ప్రచారంలో చెప్పుకోవడానికి ఏమీ మిగల్లేదని ఆ పార్టీ శ్రేణులే అంతర్గతంగా వాపోతున్నాయి. శిలాఫలకాలతో ఓట్లు రాలవని, కనీస వసతులు కల్పించలేని పాలనకు పట్టణ ఓటరు తగిన తీర్పు ఇవ్వనున్నాడని రాజకీయ విశ్లేషకులు అభిప్రాయపడుతున్నారు.

ఆవనిగడ్డ: కృష్ణా జిల్లాలోని అవనిగడ్డలో కూటమి పార్టీల మధ్య ఆధిపత్య పోరు నడుస్తోంది. అక్కడ పరిస్థితి టీడీపీ వర్సెస్‌ జనసేన అన్న చందంగా మారిపోయింది. తాము తగ్గమంటే, తాము కూడా తగ్గమంటూ ఇరు పార్టీల నేతలు ఇక్కడ బహిరంగంగానే విమర్శలు చేసుకుంటున్నారు. జనసేన విస్తృతస్థాయి సమావేశంలో టీడీపీపై అవనిగడ్డ ఎమ్మెల్యే బుద్ధ ప్రసాద్ హాట్ కామెంట్స్ చేశారు. మా ఆత్మ గౌరవాన్ని మంటగలపాలని చూస్తే సహించంటీడీపీ మీటింగ్‌లు పెట్టి నన్ను తిట్టినా నేను పట్టించకోలేదు. కానీ ఇక పై జనసేన నేతలను నేను ఆపను. చంద్రబాబు చెప్పిన మాటను పాటించడానికే నేను పనిచేస్తున్నా. నేను శంకుస్తాపన చేసిన రోడ్డుకు టిడిపి నేతలు ఎలా మళ్లీ ఎలా శంకుస్థాన చేస్తారు. ఈ విషయం పై చంద్రబాబుకు ఆరోజే లేఖ రాశా. అవనిగడ్డ టిడిపి నేతల గురించి జిల్లా నాయకులకు తెలియదా. టిడిపి ముఖ్య నేతలను నేను సూటిగా ప్రశ్నిస్తున్నా. జిల్లా అధ్యక్యుడు కొనకళ్ల నారాయణ, పార్లమెంట్ పరిశీలకులు ,జిల్లా ఇంఛార్జి మంత్రి సుభాష్‌కు ఈ విషయాలేవీ తెలియవా?, లేకపోతే మీరు నియంత్రించలేకపోతున్నారా?, మా ఆత్మ గౌరవాన్ని మంటగలపాలని చూస్తే సహించం. ఇక పై జనసేన కార్యకర్తలు మీ ఆత్మాభిమానానికి తగినట్లుగా మీరు వ్యవహరించండి. జనసేన కార్యకర్తలను శాశ్వత మిత్రులు చేసుకుంటారా?, శాశ్వత శత్రువులు చేసుకుంటారా టిడిపి నేతలు తేల్చుకోవాలి. ఏ ఆఫీస్‌లోనూ జనసేన వారికి పనులు జరగడం లేదు. టిడిపి వారితో పాటు జనసేన వాళ్లను కూడా గౌరవించాలని చెప్పాల్సిన బాధ్యత ప్రభుత్వానికి లేదా అని ప్రశ్నిస్తున్నా. చంద్రబాబు పై అపారమైన గౌరవం ఉంది. అవనిగడ్డలో కూటమి భగ్నం కావడానికి కారణం నియోజకవర్గ పరిశీలకుడు. అవనిగడ్డలో ప్రతీ చెడ్డపనికి లోకేష్ పేరు వాడుతున్నారు. పేకాటలో పట్టుబడ్డా, రేషన్ బియ్యం పట్టుకున్నా లోకేష్ పేరు వాడుతున్నారు. ప్రభుత్వ ప్రతిష్ట కాపాడాలనే నా ప్రయత్నం. నేను నాలుగు రోజులు కళ్లు మూసుకుని ఎక్కడికైనా వెళితే అవనిగడ్డలో అరాచకం జరుగుతుంది. అప్పుడు అప్రతిష్ట పాలయ్యేది ప్రభుత్వమే. ప్రభుత్వ ఆలోచనలు, ఆశయాలకు అనుగుణంగానే పనిచేస్తున్నాంటిడిపి పరిశీలకుడు ప్రతీ విషయంలో జోక్యం చేసుకుంటున్నారు. పేకాట ఆడుకున్నా పట్టుకోవద్దంటే చెప్పండి వదిలేద్దాం. మీ పేరు వాడుతున్న వారి పై లోకేష్ ఇప్పటికైనా విచారణ జరిపించాలి. టిడిపి ఎమ్మెల్యేలున్న చోట జనసేన వాళ్లకు ఏ ప్రాధాన్యత ఇచ్చారో ఇక్కడ కూడా మేం టిడిపికి అంతే ప్రాధాన్యత ఇస్తాం.ఇక పై టీడీపీతో నిర్వహించిన ఏ సమావేశానికి నేను హాజరవ్వను’ అని తెలిపారు.ఇన్నాళ్లూ కూటమి ధర్మానికి కట్టుబడి ఉన్నాంబుద్ధప్రసాద్ కుమారుడు,మండలి వెంకట్ రామ్ మాట్లాడుతూ.. ఇన్నాళ్లూ కూటమి ధర్మానికి కట్టుబడి ఉన్నామని, ఇక పై జనసేన గురించి మాట్లాడితే చూస్తూ ఊరుకోమన్నారు. జనసేనను చిన్న పార్టీగా చూస్తున్నారని, ఇక పై మీరు ఒకటి మాట్లాడితే మేం వంద మాట్లాడతామని హెచ్చరించారు. అవనిగడ్డలో ఏం జరుగుతుందో అధిష్టానం కూడా గమనించాలన్నారు.ఇదీ చదవండి: ‘అమరావతి నుంచి చెత్త వరకూ అంతా దోపిడీనే’

ఆంధ్రప్రదేశ్‌: స్థానిక సంస్థల ఎన్నికల్లో జనసేనకు ప్రాధాన్యత ఇవ్వాలని డిప్యూటీ సీఎం పవన్‌ కల్యాణ్‌ అన్నారు. టీడీపీ, బీజేపీలతో పాటు జనసేనకు కూడా సమాన ప్రాధాన్యత దక్కాలని పేర్కొన్నారు. రంపచోడవరం మండలం కాకవాడి గండిలో నిర్వహించిన ‘అడవి తల్లి బాట 2.0’ కార్యక్రమంలో పాల్గొన్న ఆయన ఈ వ్యాఖ్యలు చేశారు.2014లో కూటమికి మద్దతు ఇచ్చినప్పటికీ తాను ఎలాంటి పదవీ తీసుకోలేదని పవన్‌ కల్యాణ్‌ గుర్తుచేశారు. అయితే, ఇప్పుడు స్థానిక సంస్థల ఎన్నికల్లో జనసేనకు ప్రాధాన్యత ఇవ్వాలని అన్నారు. కూటమిలోని మూడు పార్టీలకు సమాన ప్రాధాన్యత ఉండాలని స్పష్టం చేశారు.చంద్రబాబును రాజమండ్రి సెంట్రల్‌ జైలులో ఉంచిన సమయంలో జనసైనికులు రోడ్లపైకి వచ్చి ధైర్యం, భరోసా ఇచ్చారని పవన్‌ కల్యాణ్‌ అన్నారు. ఆ సమయంలో మరెవరూ బయటకు రాలేదని వ్యాఖ్యానించారు. దీంతో స్థానిక ఎన్నికల్లో జనసేనకు ప్రాధాన్యత ఇవ్వాలన్న ఆయన వ్యాఖ్యలు రాజకీయంగా చర్చనీయాంశంగా మారాయి.ఇదీ చదవండి: బాబు సర్కార్‌ నిర్వాకం.. రైతుకు శాపం

కృష్ణా జిల్లా: బాపులపాడు మండలం వేలేరులో జనసేన-టీడీపీ మధ్య రగడ మొదలైంది. కూటమి ప్రభుత్వంలోని రెండు పార్టీల మధ్య సహకారం పరపతి సంఘం చెక్కుల పంపిణీ కార్యక్రమంలో ఫొటో వివాదం రాజుకుంది. ఫ్లెక్సీలో ఎంపీ బాలశౌరి ఫొటో చిన్నది వేశారంటూ గన్నవరం జనసేన ఇంఛార్జి చలమలశెట్టి రమేష్ ఆగ్రహం వ్యక్తం చేశారు. జనసేన నాయకులను అవమానించారంటూ మండిపడ్డారు. కావాలనే ఎంపీ బాలశౌరి ఫొటో చిన్నది వేశారని అసహనం వ్యక్తం చేశారు. అనంతరం ఈ కార్యక్రమం నుంచి వెళ్లిపోయారు చలమలశెట్టి రమేష్‌.ఇదీ చదవండి: మా ఎమ్మెల్యే చెప్పాడు.. అందర్నీ పంపండి!

సాక్షి, విజయవాడ: నగరంలో పశ్చిమ నియోజకవర్గంలో ఉద్రిక్తత నెలకొంది. స్థానిక పోరుకు సిద్ధం ప్రజా సమస్యలపై యుద్ధం పేరుతో మాజీ మంత్రి వెల్లంపల్లి శ్రీనివాస్‌ పర్యటన చేపట్టారు. నియోజకవర్గంలో ఆయన ఇంటింటికి తిరుగుతున్నారు. కూటమి ప్రభుత్వ వైఫల్యాలను ఎండగడుతూ, ప్రజా సమస్యల పరిష్కారమే లక్ష్యంగా గడప గడపకి వైఎస్సార్‌సీపీ వెళ్తోంది.వైఎస్సార్‌సీపీ కార్యక్రమాన్ని అడ్డుకునేందుకు పోటీగా టీడీపీ, జనసేన కార్యక్రమాలు చేపట్టాయి. వెల్లంపల్లి పర్యటించే ప్రాంతాల్లో జనసేన, టీడీపీ శ్రేణులు భారీగా చేరుకున్నాయి. పోలీస్‌ బందోబస్తు మధ్య వైఎస్సార్‌సీపీ గడపగడపకు కార్యక్రమం సాగుతోంది.ఇదీ చదవండి: ఐరాసలో స్పీచ్‌తో అదరగొట్టిన ఎంపీ తనూజా రాణి

విశాఖపట్నం జిల్లా: ‘గత సార్వత్రిక ఎన్నికల్లో ముగ్గురం కలవడం(టీడీపీ, బీజేపీ, జనసేన) వల్లే కదా ప్రభుత్వం వచ్చింది.. చంద్రబాబు ముఖ్యమంత్రి అయ్యారు. మరి వచ్చే పంచాయతీ, మండల ఎలక్షన్స్‌లో కూడా వాళ్లకి టికెట్లు ఇవ్వాలి కదా.. అది ధర్మం కదా’ అని స్పీకర్‌ చింతకాయల అయ్యన్నపాత్రుడు అన్నారు. అనకాపల్లి జిల్లా మాకవరపాలెం మండలం లచ్చన్నపాలెంలో శుక్రవారం జరిగిన పట్టాదార్‌ పాస్‌ పుస్తకాల పంపిణీ కార్యక్రమంలో ఆయన మాట్లాడారు. మండలంలో ఉన్న 31 పంచాయతీల్లో కొన్ని జనసేన, బీజేపీలకు ఇచ్చేస్తున్నానని చెప్పారు. మిగిలినవి తెలుగుదేశం పార్టీ వారికి ఇద్దామన్నారు. ఏ పార్టీకి ఎక్కడ ఇస్తానో ఏంటో తర్వాత తెలుస్తుందని పేర్కొన్నారు. దానికి అనుగుణంగా క్యాడర్‌ సిద్ధం కావాలని, ఎవరు ఉంటారో.. ఎవరు పోతారో తెలియదన్నారు. ఇదీ చదవండి: 10 నెలల కంపెనీకి.. ఫ్రీగా 40 ఎకరాల భూమి

విజయవాడ: జనసేనలో అన్ని కమిటీలను రద్దు చేస్తూ నిర్ణయం తీసుకున్నారు. గతంలో నియమించిన సమన్వయ్యకర్తలు, ముగ్గురు సభ్యులతో కూడి సమన్వయ కమిటీలు, సపోర్ట్‌ టీమ్స్‌ను రద్దు చేశారు. 25 మంది సభ్యులతో కూడిన పార్లమెంట్‌ కమిటీలను కూడా తక్షణమే రద్దు చేశారు. త్వరలోనే అన్ని పార్లమెంట్ నియోజకవర్గాల పరిధిలో నూతన పర్యవేక్షణ, సమన్వయ కమిటీలను ప్రకటించనున్నట్లు పార్టీ స్పష్టం చేసింది.ఇదీ చదవండి: గతాన్ని మరిచిన బాబు.. ఈసీపై డబుల్‌ టాక్‌!?

సాక్షి, విశాఖ: సోషల్ మీడియా ఇన్‌ఫ్లూయెన్సర్లకు డబ్బులు ఇవ్వడాన్ని తాను వ్యతిరేకిస్తున్నానని పర్యావరణవేత్త బొలిశెట్టి సత్యనారాయణ అన్నారు. ప్రభుత్వం చేసిన మంచిని మాత్రమే చెప్పి.. తప్పులను చెప్పకుండా ఉండేందుకు డబ్బులు ఇవ్వడం ఒక రకంగా లంచం ఇవ్వడమేనని వ్యాఖ్యానించారు. ప్రభుత్వంలో ఉన్న తప్పొప్పులను రెండింటినీ చెప్పే వారికి మాత్రమే డబ్బులు ఇవ్వాలని సూచించారు. మంచిని మాత్రమే ప్రచారం చేసి.. చెడును ప్రజలకు చెప్పకపోతే చివరికి ప్రజల్లో తిరుగుబాటు వచ్చే పరిస్థితి ఉంటుందని బొలిశెట్టి అన్నారు. ప్రభుత్వ పనితీరుపై సోషల్ మీడియా వేదికల్లో వాస్తవాలను చెప్పాల్సిన అవసరం ఉందన్నారు.కొండల పరిరక్షణకు ప్రత్యేక చట్టాలు..విశాఖలో జరుగుతున్న పర్యావరణ విధ్వంసాన్ని కాపాడాల్సిన బాధ్యత డిప్యూటీ సీఎం పవన్‌ కల్యాణ్‌పై ఉందని బొలిశెట్టి అన్నారు. కొండలను రక్షించేందుకు ప్రత్యేక చట్టాలను తీసుకురావాలని డిమాండ్‌ చేశారు. ఇష్టానుసారంగా కొండలను తవ్వడం వల్ల పర్యావరణానికి విఘాతం కలుగుతుందని పేర్కొన్నారు. ఇటీవల కూడా విశాఖలో పర్యావరణ అంశాలపై బొలిశెట్టి సత్యనారాయణ పలు అభ్యంతరాలు వ్యక్తం చేస్తున్నారు. ఆయన గతంలో జనసేనలో పర్యావరణ విభాగం బాధ్యతల్లో ఉండగా.. 2026 మార్చిలో పార్టీ అధికారిక బాధ్యతల నుంచి తప్పుకున్నట్లు జనసేన ప్రకటించింది.ఎమ్మెల్యే వంశీపై విమర్శలు..విశాఖకు చెందిన ఎమ్మెల్యే వంశీపై కూడా బొలిశెట్టి విమర్శలు చేశారు. ఎమ్మెల్యే వంశీకి జనసేన సిద్ధాంతాలు ఇంకా వంటపట్టలేదని ఘాటు విమర్శలు చేశారు. ఆయన ఇంకా వ్యాపారవేత్తగానే వ్యవహరిస్తున్నారని ఆరోపించారు. స్థానిక సంస్థల ఎన్నికల్లో పర్యావరణాన్ని కాపాడే వారికి ఓట్లు వేయాలని ప్రజలకు బొలిశెట్టి పిలుపునిచ్చారు.ఇదీ చదవండి: కొత్త సెక్షన్లతో కేసులు.. సచివాలయ ఉద్యోగుల్లో ఆందోళన

ప్రొద్దుటూరు(వైఎస్‌ఆర్‌ జిల్లా ): అధికారంలో ఎవరుంటే వారి కాళ్ల కింద తివాచీ పరచడం, సీట్లలో ఎవరు కూర్చుంటే వారి ఫొటోలకు దండలేయడం కొందరు అధికారులకు వెన్నతో పెట్టిన విద్య. ప్రొద్దుటూరు మున్సిపల్‌ కమిషనర్‌ తూతిక శ్రీనివాస విశ్వనాథ్‌ కూడా ఇప్పుడు ఇదే ‘రాజకీయ భక్తి’ మార్గంలో నడుస్తూ బ్యూరోక్రసీ చరిత్రలోనే నిలిచిపోయే సరికొత్త వివాదాలకు కేరాఫ్‌ అడ్రస్‌గా మారారు. కమిషనర్‌ ఛాంబర్‌లో రాజ్యాంగబద్ధమైన హోదాలో ఉన్న ఉప ముఖ్యమంత్రి పవన్‌ కళ్యాణ్‌ ఫొటో ఉండేది. అయితే స్థానిక కూటమి ఎమ్మెల్యే నంద్యాల వరదరాజులరెడ్డిపై ఉన్న అమితమైన ‘ప్రేమ’ కొద్దీ, పవన్‌ ఫొటోను గుట్టుచప్పుడు కాకుండా పక్కనబెట్టి.. అదే స్థానంలో ఎమ్మెల్యే ఫొటోను తగిలించేశారు. ప్రభుత్వ ప్రొటోకాల్‌ను, నిబంధనలను బూజు పట్టిన కాగితాల్లా పక్కన పారేసి, స్థానిక బాస్‌ను ప్రసన్నం చేసుకునేందుకు కమిషనర్‌ పడిన తాపత్రయం అంతా ఇంతా కాదు. నెటిజన్ల షాక్‌.. కమిషనర్‌ యూ–టర్న్‌ డ్రామా అయితే, ఈ ‘ఫొటో మార్పిడి’ వ్యవహారాన్ని గమనించిన కొందరు నెటిజన్లు శుక్రవారం ఉదయం సోషల్‌ మీడియాలో కమిషనర్‌ అత్యుత్సాహంపై తీవ్రస్థాయిలో ట్రోలింగ్‌ మొదలుపెట్టారు. డిప్యూటీ సీఎం ఫొటో తీసేసి ఎమ్మెల్యే ఫొటో పెట్టడం ఏ చట్టంలో ఉందంటూ నెటిజన్లు ప్రశ్నించేసరికి కమిషనర్కు ఒక్కసారిగా చెమటలు పట్టాయి. వెంటనే తప్పు తెలుసుకున్న ఆయన.. పక్కన పారేసిన పవన్‌ కళ్యాణ్‌ ఫొటోను చకచకా తెచ్చి మళ్లీ పాత స్థానంలోనే తగిలించారు. అంతటితో ఆగకుండా, ఆ ఫొటోకు భక్తిశ్రద్ధలతో సెల్యూట్‌ చేస్తూ.. ‘సెల్యూట్‌ బాస్‌.. మనది విడదీయరాని బంధం, గుండెల్లో గూడు కట్టుకున్న అనుబంధం. అందుకో నా సెల్యూట్‌ బాస్‌.. మా పవన్‌ బాస్‌’ అంటూ తన అధికారిక సోషల్‌ మీడియా గ్రూపుల్లో కవిత్వాలు, పోస్టులు గుప్పించారు. రాజకీయాలు చేయాలనుకుంటే రాజీనామా చెయ్‌: ప్రజా సంఘాల ఆగ్రహం మున్సిపల్‌ కమిషనర్‌ హోదాలో ఉండి ఒక రాజకీయ నాయకుడిలా పవన్‌ కళ్యాణ్‌కు ఈ స్థాయి భజన చేస్తూ ఎలా పోస్టులు పెడతారంటూ దీనిపై ప్రజా సంఘాలు తీవ్రస్థాయిలో మండిపడ్డాయి.ఎమ్మార్పీఎస్ రాష్ట్ర అధికార ప్రతినిధి సుధాకర్‌ మాదిగ, జాతీయ మాలమహానాడు అధ్యక్షుడు గోసా మనోహర్, దళిత సంఘం నాయకుడు ఎమ్మన్యుయేల్‌ కమిషనర్‌ వ్యవహార శైలిపై నిప్పులు చెరిగారు. కూటమి నేతలపై అంతగా ప్రేమ ఉంటే ఉద్యోగానికి రాజీనామా చేసి, నేరుగా ఆ పార్టీల్లో చేరి జెండాలు మోసుకోవాలని ఘాటుగా విమర్శించారు. మరో తప్పు.. అంబేద్కర్‌తో పోలికా?! ప్రజా సంఘాల నుంచి విమర్శలు మరింత ముదరడంతో కమిషనర్‌ కంగారులో మరో తప్పిదానికి తెరలేపారు. ఈ వివాదాన్ని డైవర్ట్‌ చేయడానికి.. తాను గతంలో రాజ్యాంగ నిర్మాత డాక్టర్‌ బి.ఆర్‌.అంబేద్కర్‌ చిత్రపటానికి పూలమాల వేసి నమస్కరిస్తున్న ఒక పాత ఫొటోను తీసుకొచ్చి మళ్లీ అదే గ్రూపులో పోస్ట్‌ చేశారు. ఈ చర్యతో ప్రజా సంఘాల ఆగ్రహం కట్టలు తెంచుకుంది. దేశానికి రాజ్యాంగం రాసిన మహనీయుడు బాబాసాహెబ్‌ అంబేద్కర్‌ను, ఒక రాజకీయ పార్టీ నాయకుడైన పవన్‌కళ్యాణ్‌ను ఒకే తాటిపై తెచ్చి పోలుస్తారా?ఎంతటి అజ్ఞానం అంటూ వారు తప్పుబ ట్టారు. కుర్చీ కాపాడుకోవడానికి ప్రొటోకాల్‌ను ఖూ నీ చేసి,దొరికిపోయాక కవర్‌ చేసుకోవడానికి అంబేద్కర్‌ ను వాడుకుంటున్న కమిషనర్‌ తీరుపై ఇప్పుడు సోషల్‌ మీడియాలో విపరీతమైన ట్రోలింగ్‌ సాగుతోంది. ఇదీ చదవండి: టీడీపీ ఎమ్మెల్యే మాధవి రెడ్డికి భారీ షాక్‌

నిడదవోలు: తూర్పుగోదావరి జిల్లా మండల కేంద్రం అయిన ఉండ్రాజవరంలో శుక్రవారం దివంగత వంగవీటి మోహన రంగా విగ్రహాన్ని తొలగించడం ఉద్రిక్తతకు దారి తీసింది. మే నెలలో కాపు యువత రంగా విగ్రహం ఏర్పాటు చేయాలని ఉండ్రాజవరం గాందీబొమ్మ సెంటర్‌లో దిమ్మ నిర్మించారు. అనంతరం జనసేనకు చెందిన స్థానిక నిడదవోలు ఎమ్మెల్యే, మంత్రి కందుల దుర్గేష్‌ అనుమతి కోసం ఎదురు చూశా­రు. అయితే గ్రామానికి చెందిన పలువురు టీడీపీ నేతలకు వంగవీటి రంగా విగ్రహం ఏర్పాటు ఇష్టం లేకపోవడంతో మంత్రి దుర్గేష్‌ సైతం అనుమతి ఇవ్వడానికి కాలయాపన చేస్తూ వచ్చారు. ఈ క్రమంలో గురువారం అర్థరాత్రి 12 గంటలకు కాపు యువత ఆ దిమ్మపై రంగా విగ్రహాన్ని ఏర్పాటు చేసింది. కాసేపటి తర్వాత.. అర్ధరాత్రి 1.30 సమయంలో ఆ సెంటర్‌లో ఉన్న సీసీ టీవీ కెమెరాలను పక్కకు తప్పించి, టీడీపీకి చెందిన వారు ఆ విగ్రహాన్ని మాయం చేశారు. శుక్రవారం ఉదయం విషయం తెలుసుకున్న కాపు యువత వెంటనే రంగా మరో విగ్రహాన్ని తీసుకువచ్చి 10 గంటలకు అదే దిమ్మపై ఏర్పాటు చేశారు. మొదటిసారి ఏర్పాటు చేసిన విగ్రహం మాయం కావడంపై రోడ్డుపై బైఠాయించి ధర్నా చేపట్టారు. నిడదవోలు సీఐ పీవీజీ తిలక్‌ తన సి­బ్బందితో వచ్చి ఆందోళనకారులతో చర్చించారు. ఓ దశలో పోలీసులు, యువత మధ్య తీవ్ర వాగ్వాదం చేసుకుని తోపులాట జరిగింది. టీడీపీ నేతలు తమను అణగదొక్కుతున్నారని కాపులు ఆగ్రహం వ్యక్తం వ్యక్తం చేశారు. అంతలో కొవ్వూరు డీఎస్పీ డి.దేవకుమార్‌ ఘ­టన స్థలాని­కి చేరుకున్నారు. చర్చలు ఫలించలేదు. దీంతో పోలీసులు రంగా రెండో విగ్రహాన్ని సైతం ఉండ్రాజవరం పోలీస్‌ స్టేషన్‌కు తరలించారు. టీడీ­పీ నేతల ఒత్తిడితో దిమ్మెను సైతం పొక్లెయినర్‌తో ధ్వంసం చేయించారు.విగ్రహాన్నిఏర్పాటు చేసి తీరతాంవైఎస్సార్‌సీపీ రాష్ట్ర అధికార ప్రతినిధి వంగవీటి నరేంద్ర ఉండ్రాజవరంలో వంగవీటి మోహనరంగా విగ్రహం ఏర్పాటు చేసేంత వరకూ ఊరుకునేది లేదని వైఎస్సార్‌సీపీ రాష్ట్ర అధికార ప్రతినిధి, రాధా రంగా మిత్ర మండలి అధ్యక్షుడు వంగవీటి నరేంద్ర హెచ్చరించారు. ఈ మేరకు ఆయన శుక్రవారం ఓ వీడియో విడుదల చేశారు. రంగా విగ్రహం ఏర్పాటుకు టీడీపీ నేతలు అడ్డుపడటంపై ఆగ్రహం వ్యక్తం చేశారు. విగ్రహం ఏర్పాటు విషయంపై రాష్ట్ర మంత్రి కందుల దుర్గేష్ కు పలుమార్లు చెప్పినా అనుమతి లేదంటూ కాలయాపన చేశారని, రాష్ట్రంలో ఏ విగ్రహానికి అనుమతులున్నాయో చెప్పాలని డిమాండ్‌ చేశారు. రంగా విగ్రహాలంటేనే మీకెందుకు అనుమతులు గుర్తుస్తున్నాయని ప్రశ్నించారు. ఎన్టీఆర్‌ విగ్రహాలు రోడ్డుకు అడ్డంగా ఉన్నా ఫర్వాలేదా? అన్నారు. రెండు రోజుల్లో తప్పనిసరిగా ఉండ్రాజవరం వస్తామని, రంగా విగ్రహం పెట్టే వరకూ ఊరుకునేది లేదని వంగవీటి స్పష్టం చేశారు.

ప్రశాంత విశాఖ నగరంలో రోజురోజుకూ నేరాలు పెరిగిపోతున్నాయి. అది ఎంతగానంటే.. బిహార్‌ నుంచి గన్‌ కొనుగోలు చేసి మరీ.. కాల్పులు జరిపేంత! తాజాగా నగరంలో కలకలం రేపిన జనసేన నేతపై గన్‌ కాల్పుల వ్యవహారంలో.. అధికార పార్టీ నాయకుల దౌర్జన్యానికి ఉపాధి కోల్పోయిన ఓ వ్యక్తి కడుపు మంటే కారణమని తెలుస్తోంది. ఈ ఘటనలో పోలీసుల నిర్లక్ష్యం కూడా బయటపడుతోంది.సాక్షి ప్రతినిధి, విశాఖపట్నం: రెండు బిర్యానీ పాయింట్ల వ్యవహారంలో మొదలైన పంచాయితీ.. ఓ వ్యక్తి కడుపు మంటకు కారణమయింది. ఆర్థిక నష్టం కాస్తా.. కక్షగా మారి గన్‌ కాల్పుల దాకా వెళ్లింది. ప్రతి నెలా రూ.6 లక్షల లాభాన్ని తెచ్చిపెట్టే తన వ్యాపారాన్ని బలవంతంగా లాక్కోవడమే ఎమ్మెల్యే అనుచరుడు మద్ది రాజశేఖరరెడ్డిపై గునుకుల సాయినారాయణ గన్‌ కాల్పులకు తెగబడేందుకు దారి తీసింది. బిర్యానీ పాయింట్ల విషయంలో జరిగిన ప్రైవేటు పంచాయితీనే ఈ ఘటనకు మూలమని దర్యాప్తులో పోలీసులు గుర్తించినట్లు సమాచారం. ఈ ఘటనకు సంబంధించి సాయి నారాయణతోపాటు మరో వ్యక్తిని పోలీసులు అదుపులోకి తీసుకుని తుపాకీని స్వాధీనం చేసుకున్నారు. రూ.20 వేల రోజువారీ ఆదాయంపై కన్ను? విశాఖ సౌత్‌ జైల్‌ రోడ్‌ పరిధిలో నరేంద్ర, సాయినారాయణ కలిసి రెండు బిర్యానీ పాయింట్లు నిర్వహిస్తున్నారు. వ్యాపారం బాగుండటంతో ఒక్కో పాయింట్‌ నుంచి రోజుకు సుమారు రూ.10 వేల చొప్పున నెలకు రూ.6 లక్షల ఆదాయం వచ్చేది. దీంతో వీటిపై సదరు ఎమ్మెల్యే అనుచరుడి కన్ను పడింది. ఈ క్రమంలో మొదట టీడీపీకి చెందిన ఓ మాజీ కార్పొరేటర్‌ వద్ద పంచాయితీ జరిగింది. చెరో బిర్యానీ పాయింట్‌ తీసుకోవాలని సూచించినా వినకపోవడంతో.. ఎమ్మెల్యే కీలక అనుచరుడి దగ్గరకు పంచాయితీ వెళ్లింది. రూ.10 లక్షలు డీడీ తీసుకుని రెండు బిర్యానీ పాయింట్లను రాజశేఖరెడ్డికి వదిలి వెళ్లిపోవాలంటూ సాయిని హెచ్చరించారు. తనకు ఇష్టం లేకపోయినా బలవంతంగా రాజీకి ఒప్పించి, తీవ్ర ఆర్థిక నష్టానికి కారణమైన రాజశేఖర్‌రెడ్డిపై సాయి కక్ష పెంచుకున్నాడు. ఎలాగైనా చంపాలని నిర్ణయించుకున్నాడు. మూడున్నర నెలలు...మూడు రౌండ్ల ట్రయల్‌...! నాలుగు నెలల క్రితం ఈ ప్రైవేట్‌ పంచాయితీ జరిగింది. మూడున్నర నెలల నుంచి అక్రమ ఆయుధ కొనుగోలుకు సాయి ప్రయతి్నంచాడు. బిహార్‌కు వెళ్లి మరీ గన్‌ కొనుగోలు చేశాడు. బిహార్‌లో ఎక్కడెక్కడ గన్స్‌ విక్రయిస్తారో తెలుసుకుంటూ గల్లీగల్లీ తిరిగి మరీ ఓ వ్యక్తిని కలిశాడు. సదరు వ్యక్తి సాయి కళ్లకు గంతలు కట్టి, అక్రమ ఆయుధాల కారాగారం వద్దకు తీసుకెళ్లారు. రూ.3 లక్షలు చెల్లించి 7.65 ఎంఎం సైజ్‌ గన్, పది రౌండ్ల బుల్లెట్లు కొనుగోలుచేశాడు. అక్కడే మూడు రౌండ్ల బుల్లెట్లు కాల్చి మరీ కాల్పులు జరిపేందుకు ట్రయల్‌ వేశాడు. మిగిలిన బుల్లెట్లతో పాటు గన్‌ తీసుకుని విశాఖ చేరుకున్నాడు. సౌండ్‌ వచ్చింది.. బుల్లెట్‌ రాలేదు దాడికి రెక్కీ నిర్వహించాడు. ఈ నెల 12న రాత్రి 11:30 నుంచి 12 గంటల సమయంలో నీలమ్మ వేపచెట్టుకు సమీపంలోని ఇందిరాగాంధీ విగ్రహం ఎదురుగా రాజశేఖర్‌రెడ్డి తన బైక్‌ అపి దిగేటపుడు కాల్పులు జరిపాడు. తుపాకీ నుంచి శబ్దం వచ్చినా.. గుండు పేలనట్టు తెలుస్తోంది. వెంటనే అప్రమత్తమైన రాజశేఖర్‌ పెద్దగా కేకలు వేయడంతో... అక్కడి నుంచి సాయి బైక్‌ మీద పరారయ్యాడు. కానిస్టేబుల్‌కు తెలిసినా.. రాజశేఖరరెడ్డి గతంలో హోంగార్డుగా పనిచేశాడు. స్థానిక స్టేషన్‌లోని ఒక కానిస్టేబుల్‌కు తనపై దాడి సమాచారం అందించాడు. ఫిర్యాదు మాత్రం చేయలేదు. సదరు కానిస్టేబుల్‌ కూడా ఈ కాల్పుల వ్యవహారాన్ని ఉన్నతాధికారుల దృష్టికి తీసుకెళ్లకపోవడం గమనార్హం. చివరకు ఘటన జరిగిన 9 రోజుల తర్వాత తనకు ప్రాణ హాని ఉందని భావించి రాజశేఖర్‌ ఈ నెల 21 న టూ టౌన్‌ పోలీసులకు పిర్యాదు చేశాడు. విశాఖ సీపీ డాక్టర్‌ శంఖబ్రత బాగ్చి ఆదేశాల మేరకు రంగంలోకి దిగిన టాస్క్‌ ఫోర్స్‌ పోలీసులు... గొల్లల పాలెంలో ఆకస్మిక తనిఖీలు చేపట్టి కాల్పులకు తెగబడ్డ సాయితో పాటు మరో వ్యక్తిని అదుపులోకి తీసుకున్నారు. వారి నుంచి నాటు తుపాకీ స్వా«దీనం చేసుకున్నారు. కాల్పుల ఘటనపై ముందే సమాచారం ఉన్నప్పటికీ ఉన్నతాధికారుల దృష్టికి తీసుకెళ్లని కానిస్టేబుల్‌ను కనీసం హెచ్చరించకపోవడం గమనార్హం. ఈ మొత్తం వ్యవహారానికి కీలకమైన ప్రైవేట్‌ పంచాయితీ చేసిన మాజీ కార్పొరేటర్‌తో పాటు ఎమ్మెల్యే కీలక అనుచరుడి జోలికి మాత్రం పోలీసులు వెళ్లడం లేదన్న విమర్శలు వ్యక్తమవుతున్నాయి. ఉప్పూ–నిప్పూ కలిసే పంచాయితీ! దక్షిణ నియోజకవర్గంలో జనసేన–టీడీపీ మధ్య వ్యవహారం ఉప్పూ–నిప్పులా ఉంది. అయితే జనసేన ఎమ్మెల్యే అనుచరుడు చేసిన ఈ దందాలో టీడీపీకి చెందిన ఓ మాజీ కార్పొరేటర్‌ కూడా చేయి కలపడం గమనార్హం. జనసేన ఎమ్మెల్యే అంటే మండిపడుతూ ఉండే సదరు టీడీపీ మాజీ కార్పొరేటర్‌ కాస్తా... ఈ ప్రైవేట్‌ సెటిల్‌మెంట్‌లో తలదూర్చినట్టు పోలీసు విచారణలో కూడా తేలిందని సమాచారం. అయితే, ఈ కాల్పుల ఘటనను కేవలం ఇద్దరు వ్యక్తుల మధ్య వివాదంగా చూపిస్తూ... కీలకపాత్ర పోషించిన ఎమ్మెల్యే కీలక అనుచరుడితోపాటు మాజీ కార్పొరేటర్‌ జోలికి పోలీసులు వెళ్లడం లేదనే విమర్శలు వినిపిస్తున్నాయి.

పిఠాపురం: ఎక్కడా లేనివిధంగా తాను పిఠాపు­రం నియోజకవర్గాన్ని అ­భివృద్ధి చేస్తుంటే.. మీరు ఆధిపత్యపోరుకు దిగుతున్నారేమంటూ ఉపముఖ్యమంత్రి పవన్‌కళ్యాణ్‌ జనసేన కేడర్‌ మీద ఆగ్రహం వ్యక్తం చేశారు. ఎవరిని ఎలా సెట్‌ చేయాలో తనకు తెలుసంటూ హెచ్చరించారు. కాకినాడ జిల్లా పిఠాపురంలో మంగళవారం నిర్వహించిన బహిరంగసభలో ఆయన మాట్లాడారు. మూడునెలల్లో పిఠాపు­రంలో తన క్యాంప్‌ కార్యాలయం ఏర్పాటు చేయనున్నట్టు తెలిపారు. జీవ­నగర్‌లో శ్మశానవాటిక కోసం పవన్‌ను కలిసేందుకు వెళ్లిన ఎంఆర్‌పీఎస్‌ నాయకులను పోలీసు­లు అడ్డుకున్నా­రు. దీంతో ఎంఆర్‌పీఎస్‌ నా­యకులు ఆందోళనకు దిగా­రు. నలుపు రంగు డ్రెస్‌గానీ, చీరగానీ ధరించి పవన్‌కళ్యాణ్‌ సభకు వచ్చినవారిని పోలీసులు అనుమతించలేదు. కొందరు మహిళలు ధరించిన నలుపు రంగు చున్నీలను తీసేయించి సభలోకి అనుమతించా­రు. చున్నీలను తొలగించమనడం తమను అవమానించడమేనని మహిళలు ఆవేదనతో చెప్పారు. ఇదీ చదవండి: కర్నూలు మహిళా కూలీకి దొరికిన వజ్రం!

సాక్షి, అమరావతి: స్థానిక సంస్థల ఎన్నికల్లో కూటమిలో జనసేన తీసుకునే సీట్లపై మంత్రి నాదెండ్ల మనోహర్‌ విశాఖపట్నం జిల్లా పర్యటనలో చేసిన వ్యాఖ్యలు ఆ పారీ్టలో సెగలు పుట్టిస్తున్నాయి. గత అసెంబ్లీ ఎన్నికల సమయంలో అధినేత పవన్‌ కళ్యాణ్‌ హామీ ఇచ్చినట్టు, ఈ స్థానిక సంస్థల ఎన్నికల్లో జనసేనకు కచ్చితంగా మూడో వంతు సీట్లు లేదా అంతకంటే ఎక్కువగా పొత్తు­ల్లో దక్కుతాయని ఆ పార్టీ శ్రేణులు ఆశ పెట్టుకున్నాయి. అయితే ‘మనం తీసుకునే సీట్లు ప్రతి ఒక్కటీ గెలిచే సీట్లే తీసుకుంటాం. తొందరపడి, ఒత్తిళ్లు వచ్చాయని సంఖ్య పెంచేసుకొని.. 60 ఇవ్వండి, 70 ఇవ్వండి 120లో మేం 120 పోటీ చేస్తామనే ఆలోచన మీరెవరూ (జనసేన నాయకులు, కార్యకర్తలు) పెట్టుకోమాకండి. ఇది ఒక బాధ్యత కలిగిన రాజకీయ పార్టీ. కూటమిలో బాధ్యతయుతంగా ఉందాం’ అంటూ నాదెండ్ల చేసిన వ్యాఖ్యలతో ఆ పార్టీ నేతలు పూర్తిగా డీలా పడిపోయారు. దీంతో సొంత పార్టీ కార్యకర్తలే సోషల్‌ మీడియాలో మంత్రి నాదెండ్ల మనోహర్‌ను ఓ రేంజ్‌లో ఏకిపారేస్తున్నారు. ఇది ఒక పద్దతి ప్రకారం జనసేన బలాన్ని తక్కువ చేసినట్టు మాట్లాడి, పొత్తులో పార్టీ తక్కువ సీట్లు తీసుకోవడానికి ముందుగానే పార్టీ నేతలు, కార్యకర్తలందరినీ మానసికంగా సిద్దం చేసే బ్రెయిన్‌ వాష్‌ కార్యక్రమం అని దుయ్యబడుతున్నారు. గత అసెంబ్లీ ఎన్నికల సమయంలో సైతం జనసేన బలాన్ని ఇలానే తక్కువ చేసి మాట్లాడి, పొత్తులో తక్కువ సీట్లు తీసుకోవడాన్ని సమర్థించుకున్నారంటూ తూర్పారపడుతున్నారు. మంత్రి నాదెండ్ల వ్యాఖ్యల ప్రకారం స్థానిక ఎన్నికల్లోనూ కేవలం వంద శాతం గెలిచే సీట్లే అంటే మొత్తం సీట్లలో పది శాతానికే పార్టీని పరిమితం చేయబోతున్నారా అని ఆ పార్టీ నేతలు, కార్యకర్తలు అనుమానం వ్యక్తం చేస్తున్నారు. రాజకీయ పొత్తుల్లో.. చిన్న పారీ్టలకు ఉండే బలంతోనే పెద్ద పారీ్టలు సైతం గెలిచే పరిస్థితి ఉంటుందని, అలాంటప్పుడు చిన్న పారీ్టలకు బలం లేని కొన్ని చోట్ల అయినా పెద్ద పార్టీల బలం కలిపి గెలిపించడం కూటమిలో సమ న్యాయం అవుతుందని చెబుతున్నారు. 12 ఏళ్లు అవుతున్నా అవే మాటలా! ‘జనసేన పార్టీ పెట్టి 12 ఏళ్లు దాటింది. అధికారంలోకి వచ్చి రెండేళ్లయింది. ఇప్పుడైనా పార్టీ బలపడే దిశగా పార్టీ నిర్ణయాలు తీసుకుంటుందని ఆశించాం. అయినా ఇంకా బలం లేదంటూ మాట్లాడుతున్నారు. ఇలాగైతే ఎలా?’ అని జనసేన నేతలు ఆవేదన వ్యక్తం చేస్తున్నారు. ‘సీట్లు ఎక్కువ అడగొద్దు. సంస్థాగతంగా మనం ఇంకా బలంగా లేం.. నిదానంగా ఎదుగుదాం.. గెలిచే సీట్లే తీసుకుందాం..’ అంటే జనసేన శ్రేణుల పని కేవలం జెండాలు మోయడం, సభలకు జనాన్ని తీసుకురావడమేనా అని ప్రశి్నస్తున్నారు. పార్టీ పెట్టిన 12 ఏళ్ల తర్వాత కూడా సంస్థాగతంగా బలంగా లేకపోతే.. ఇన్నేళ్లు పార్టీ నిర్మాణం చేయకుండా ఏం చేశారని అధినేత పవన్‌ కళ్యాణ్‌ను తప్పుపట్టాల్సి ఉంటుందని అంటున్నారు. ఇప్పుడు స్థానిక ఎన్నికల్లో కనీసం మూడో వంతు సీట్లు అయినా తీసుకోకుంటే పార్టీ భవిష్యత్‌ అంధకారమే అని తెగేసి చెబుతున్నారు. పోటీ చేస్తేనే కదా.. అసలు బలమెంతో తెలిసేది.. సోషల్‌ మీడియాల్లో కొంత మంది జనసేన అభిమానులు నాదెండ్ల మనోహర్‌ను టీడీపీ కోవర్ట్‌ అంటూ నేరుగా టార్గెట్‌ చేయడం గమనార్హం. పొత్తులో మిత్రపక్షంగా ఉన్న పారీ్టలనే రాజకీయంగా అథఃపాతాళానికి నెట్టేలా చేయడం చంద్రబాబు నైజమని.. ఇప్పుడు కూడ సొంత పార్టీ వాళ్లతోనే జనసేనను ఎదగకుండా చేస్తున్నారని జనసేన శ్రేణులు మండిపడుతున్నారు. ఏ రాజకీయ పార్టీ ఎదుగుదల అయినా, ఆయా ప్రాంతాల స్థానిక ఎన్నికల్లో పోటీ చేయడం ద్వారానే ఉంటుందని చెబుతున్నారు. పోటీ చేస్తేనే కదా.. అసలు బలమెంతో తెలిసేదని ప్రశి్నస్తున్నారు. గత అసెంబ్లీ ఎన్నికల సమయంలోనే పవన్‌ కళ్యాణ్‌ పొత్తుల గురించి మాట్లాడుతూ ‘స్థానిక సంస్థల ఎన్నికల్లో గ్రామ పంచాయతీ పదవులు మొదలు నగర కార్పొరేషన్‌ పదవుల వరకు జనసేన ఖచ్చితంగా మూడో వంతు సీట్లు తీసుకుంటుంది’ అని వ్యాఖ్యానించడాన్ని ఈ సందర్భంగా గుర్తు చేస్తున్నారు. అయితే రెండు నెలల క్రితం మంత్రి నారా లోకేశ్‌.. టీడీపీ నేతల సమావేశంలో స్థానిక ఎన్నికల్లో జనసేనకు 15 శాతం టికెట్లేనని స్పష్టం చేయడం.. జనసేన మంత్రి నాదెండ్ల ప్రస్తుతం ఆ దిశగానే శ్రేణులను ఒప్పించే ప్రయత్నం చేస్తుండటం ఆ పార్టీలో తీవ్ర చర్చనీయాంశమైంది.

సాక్షి, విశాఖపట్నం: విశాఖ మహా నగర ఎన్నికల నగారా మోగకముందే జనసేన శిబిరంలో నైరాశ్యం అలుముకుంది. విశాఖ రాజకీయాల్లో తమదే పైచే యి కావాలని.. పెరిగిన వార్డుల్లో సత్తా చాటాలని ఉవి్వళ్లూరుతున్న స్థానిక నేతల ఆశలపై జనసేన పీఏసీ చైర్మన్‌ నాదెండ్ల మనోహర్‌ చేసిన తాజా వ్యాఖ్యలు నీళ్లు చల్లాయి. వంద శాతం స్ట్రైక్‌ రేట్‌తో అన్ని స్థానాల్లో పోటీ చేయాలన్న తపనతో ఉన్న నేతలకు నాదెండ్ల మాటలు గాలి మొత్తం తీసేశాయి. నాదెండ్ల ఏమన్నారంటే.. విశాఖలో శనివారం నిర్వహించిన జనసేన ఆత్మీయ సమావేశంలో నాదెండ్ల మనోహర్‌ మాట్లాడుతూ.. ‘మనం గెలిచే సీట్లే తీసుకుంటాం. 100 శాతం స్ట్రైక్‌ రేట్‌ వచ్చేటట్టే మనం కష్టపడదాం. దానికోసం నిలబడదాం. అంతేగానీ తొందరపడి మనకి ఒత్తిళ్లు వచ్చాయి కాబట్టి, సంఖ్య పెంచేసుకుని మాకొక 60 ఇవ్వండి, 70 ఇవ్వండి, 120కి 120 స్థానాల్లో పోటీ చేస్తాం అనే ఆలోచనను మీరెవరూ కూడా తెచ్చుకోవద్దు. ఇదొక బాధ్యత కలిగిన పొలిటికల్‌ పార్టీ. రెస్పాన్సిబుల్‌గా ఉందాం. ఏ ఎలక్షన్‌ అయినా ఎలక్షన్‌గానే చేయాలి. ఆషామాïÙగా చేయకూడదు’ అన్న మాటలతో విశాఖ జనసేనలో నైరాశ్యం అలముకుంది. వార్డులు పెరిగినా.. భిక్ష కోసమేనా! జీవీఎంసీ పరిధిలో వార్డుల సంఖ్య 98 నుంచి 120కి పెరగనుండటంతో విశాఖ జనసేన శ్రేణులు ఉత్సాహాన్ని ప్రదర్శించారు. ఈసారి ఎలాగైనా 120కి 120 సీట్లులోనూ పోటీ చేసే అవకాశం ఉందని.. తమకు టికెట్‌ వస్తుందని ద్వితీయ శ్రేణి నేతలు, ఆశావహులు పావులు కదపడం మొదలుపెట్టారు. డబ్బు ఖర్చు పెట్టి మరీ క్షేత్రస్థాయిలో కార్యక్రమాలతో హడావుడి చేశారు. అయితే, నాదెండ్ల తాజా వ్యాఖ్యలు ఈ ఉత్సాహానికి బ్రేకులు వేశాయి. పొత్తులో భాగంగా ఇచ్చిన సీట్లలోనే బరిలోకి దిగనున్నామని స్పష్టం చేసేశారు. ఈ నేపథ్యంలో ‘టీడీపీ భిక్షగా ఇచ్చే సీట్లకే పరిమితం కాబోతున్నామా’ అని జనసేన నేతలు ఆవేదన వ్యక్తం చేస్తున్నారు. ఆశావహుల సంఖ్య ఎక్కువగా ఉందని, వారి నుంచి ఒత్తిళ్లు వస్తున్నాయని చెప్పి ఇష్టమొచ్చినట్టు సీట్లు అడగబోమని నాదెండ్ల ఫుల్‌ క్లారిటీతో కూడిన వార్నింగ్ ఇవ్వడం స్థానిక నేతలను తీవ్ర నిరాశకు గురిచేసింది. జీవీఎంసీ బరిలో జనసేన పాత్ర ఎంతవరకూ పరిమితం కానుందనే ఆందోళన వారిలో మొదలైంది.

మైలవరం: తనతో అసభ్యంగా ప్రవర్తించి, అసభ్య పదజాలంతో దూషిస్తూ చంపేస్తానంటూ బెదిరించిన జనసేన నేతపై ఎలాంటి చర్యలు తీసుకోలేదంటూ ఓ మహిళ తీవ్ర ఆవేదన వ్యక్తం చేసింది. ఎన్టీఆర్‌ జిల్లా మైలవరం మండలం కొత్తగూ­డెంలో జరిగిన ఘటనకు సంబంధించి బాధిత మహిళ తెలిపిన సమాచారం మేరకు.. గ్రామా­నికి చెందిన మహిళను పొరుగున ఉన్న బాడవ గ్రామానికి చెందిన జనసేన నేత ఎడ్ల సుధాకర్‌ వేధిస్తూ, లొంగదీసుకునేందుకు ప్రయత్నిస్తు­న్నాడు. ఈ విషయాన్ని బాధితురాలు కుటుంబ సభ్యులకు తెలపగా పెద్దల సమక్షంలో పంచాయితీ చేసి జనసేన నేతను మందలించారు.అయినా తీరు మార్చుకోని సుధాకర్, సదరు వివాహితతో ఫోన్లో మాట్లాడేందుకు ఇద్దరు వ్యక్తులను శుక్రవారం ఆమె వద్దకు పంపాడు. ఆమె మాట్లాడేందుకు నిరాకరించడంతో సుధా­కర్‌ వివాహిత వద్దకు వచ్చి అసభ్యంగా ప్రవ­ర్తించి, ఆమెపై దాడి చేశాడు. బాధిత మహి­ళను, ఆమె భర్తను కూడా చంపేస్తానంటూ బెదిరిస్తూ, అసభ్య పదజాలంతో దూషించా­డు.తనపై జరిగిన దాడిని కుటుంబీకులకు తెలిపిన బాధిత మహిళ, వారితో కలిసి మైల­వరం పోలీసులకు ఫిర్యాదు చేసింది. దీంతో జనసేన నేతతో పాటు అతడికి సహకరించిన మరో ఇద్దరిని శుక్రవారం స్టేషన్‌కు పిలిపించిన పోలీసులు, కేసు నమోదు చేసి వెంటనే విడుదల చేశారు. దాడి ఘటన సీసీ కెమెరాల్లో రికార్డయి, ప్రత్యక్ష ఆధారాలు ఉన్నప్పటికీ పోలీసులు ఈ ఘటనపై నిర్లక్ష్యంగా వ్యవహ­రించడం చర్చనీయాంశమైంది.

సాక్షి, అంబేద్కర్ కోనసీమ జిల్లా: తాడేపల్లిగూడెం జనసేన ఎమ్మెల్యే బొలిశెట్టి శ్రీనివాస్ వ్యాఖ్యలు కలకలం రేపుతున్నాయి. రామచంద్రపురం జనసేన విస్తృతస్థాయి సమావేశంలో టీడీపీపై ఆయన హాట్ కామెంట్స్‌ చేశారు. ‘‘జనసేన గెలిచిన చోట టీడీపీ వాళ్లను గౌరవించినా.. టీడీపీ గెలిచిన చోట జనసేన కార్యకర్తలను తొక్కుతున్నారు. ఈ విష‌యం మ‌న నాయ‌కుడు ప‌వ‌న్ క‌ళ్యాణ్‌కు కూడా తెలుసు’’ అంటూ బొలిశెట్టి వ్యాఖ్యానించారు.బొలిశెట్టి వ్యాఖ్యలు సోషల్‌ మీడియాలో వైరల్‌గా మారాయి. వాస్తవాన్నే నేను చెప్తా.. ఎవరికీ భయపడనంటూ బొలిశెట్టి తేల్చి చెప్పారు. బొలిశెట్టి కామెంట్స్‌పై టిడిపి వర్గాలు మండిపడుతున్నాయి.

జీడీ నెల్లూరు(చిత్తూరు జిల్లా): జీడీ నెల్లూరు జనసేన ఇన్‌చార్జ్‌ యుగంధరప్‌పై కలెక్టర్‌కు ఫిర్యాదు చేశారు సొంత పార్టీ నేతలు. అక్రమాలకు పాల్పడుతూ స్థానికుల నుంచి నగదు వసూళ్లు చేస్తున్నాడనే ఆరోపణల నేపథ్యంలో యుగంధర్‌పై జనసేన నేతలు కలెక్టర్‌కు ఫిర్యాదు చేశారు. పీఎమ్‌ఈజీపీ స్కీమ్‌ కింద సబ్సిడీ రుణాలు ఇప్పిస్తానని యుగంధర్‌ వసూళ్లకు పాల్పడుతున్నట్లు సొంత పార్టీకి చెందిన నేతలు ఆరోపిస్తున్నారు. రూ. 10 లక్షల సబ్సిడి రుణాలు ఇప్పిస్తానని యుగంధర్‌ డబ్బులు వసూళ్లు చేసినట్లు ఫిర్యాదు చేశారు. పార్టీ సభ్యత్వం ఉన్న ఒక్కొక్కరి నుంచి రూ. 2,100 చొప్పున వసూలు చేశాడని, పార్టీ సభ్యత్వం లేని వారి నుంచి రూ. 20 వేల వరకూ తీసుకున్నట్లు జనసేన నేతల ఆరోపిస్తున్నారు. రాష్ట్ర మాల కార్పొరేషన్‌ డైరెక్టర్‌గా ఉన్న యుగంధర్‌.. సబ్సీడీ దందా పేరుతో వసూళ్లకు పాల్పడుతున్నట్లు జనసేన మండల నేతలే కలెక్టరేట్‌లో ఫిర్యాదు చేశారు. యుగంధర్‌పై చర్యలు తీసుకోవాలని కలెక్టర్‌ను కోరారు. రాజకీయ పెద్దలతో పరిచయాలు, ఫోటోలు చూసి నమ్మించినట్లు ఫిర్యాదు దారుల ఆరోపిస్తున్నారు. దీనికి సంబంధించి ఆరు మండలాల్లో వందలాది మంది బాధితులున్నట్లు ఫిర్యాదులో పేర్కొన్నారు. ఈ నేపథ్యంలో ఫిర్యాదుపై విచారణ జరిపి కేసు నమోదు చేయాలని ఎస్పీకి జిల్లా కలెక్టర్‌ ఆదేశాలు జారీ చేశారు.

సాక్షి ప్రతినిధి, నెల్లూరు: కావలి రాజకీయాల్లో అధికార కూటమిలో మరోమారు వేడి రాజుకుంది. వైఎస్సార్‌సీపీ బహిష్కృత నేత మన్నెమాల సుకుమార్‌రెడ్డి కూటమిలోకి ఎంట్రీ అంశం ఇప్పుడు టీడీపీ, జనసేన వర్గాల్లో కొత్త చర్చకు తెరలేపింది. ఒక వైపు మన్నెమాల టీడీపీలో చేరే ప్రయత్నాలపై ఆ పార్టీ ఎమ్మెల్సీ బీద రవిచంద్ర అభ్యంతరాలు వ్యక్తమవుతున్నాయన్న చర్చ.. ఇంకో వైపు మన్నెమాలను జనసేన ఇన్‌చార్జిగా తీసుకొచ్చేందుకు ఎమ్మెల్యే కావ్య ప్రయత్నాలు చేస్తున్నారన్న ప్రచారం.. వెరసి కూటమి రాజకీయాలు కుతకుతలాడుతున్నాయి. కూటమిలో అంతర్గత రాజకీయాల వెనుక జనసేనను బలహీన పరిచి టీడీపీ ఆధిపత్యాన్ని మరింత పెంచుకునే వ్యూహమనే ప్రచారం ఇప్పుడు కావలి రాజకీయ వర్గాల్లో హాట్‌టాపిక్‌గా మారాయి. మన్నెమాల ఎంట్రీకి మోకాలడ్డు? వైఎస్సార్‌సీపీలో కీలకంగా పని చేసిన మన్నెమాల సుకుమార్‌రెడ్డిని ఆ పార్టీ సస్పెండ్‌ చేయడంతో కొంతకాలంగా ఆ పార్టీకి దూరంగా ఉంటున్నారు. పార్టీ నుంచి సస్పెన్షన్‌కు గురైన అనంతరం ఆయన రాజకీయ భవిష్యత్‌పై కావలిలో అనేక ఊహాగానాలు వినిపిస్తున్నాయి. అధికార కూటమిలోకి చేరేందుకు ప్రయత్నాలు జరుగుతున్నాయన్న ప్రచారం మొదలైనప్పటి నుంచి టీడీపీలోనే అంతర్గతంగా భిన్నాభిప్రాయాలు వ్యక్తమవుతున్నాయి. మన్నెమాలను టీడీపీలోకి తీసుకురావడంపై ఎమ్మెల్సీ బీద రవిచంద్ర, ఆయన వర్గం సానుకూలంగా లేదు. ఈ క్రమంలో మన్నెమాల ఎంట్రీకి బీద రవిచంద్ర మోకాలడ్డినట్లు తెలుస్తోంది. ఇప్పటికే కావలి రాజకీయాల్లో ఎమ్మెల్యే కావ్య కృష్ణారెడ్డి, ఎమ్మెల్సీ బీద రవిచంద్ర మధ్య నిప్పు.. ఉప్పులా ఉండగా మన్నెమాల వ్యవహారం ఆ అంతర్గత విభేదాలకు మరింత ఆజ్యం పోస్తోందన్న అభిప్రాయాలు వ్యక్తమవుతున్నాయి. జనసేన ఇన్‌చార్జిగా మన్నెమాల? మన్నెమాల సుకుమార్‌రెడ్డిని జనసేన కావలి ఇన్‌చార్జిగా తీసుకురావాలన్న ప్రయత్నాలు జరుగుతున్నాయని రాజకీయ వర్గాల్లో చర్చ సాగుతోంది. ఈ మేరకు ఎమ్మెల్యే కావ్య సైతం మన్నెమాలతో మంతనాలు సాగిస్తున్నారన్న ప్రచారం ఇప్పుడు మరింత ఆసక్తిని రేపుతోంది. టీడీపీకి చెందిన ఎమ్మెల్యే కావ్య.. రాజకీయంగా తటస్థంగా ఉన్న మన్నెమాలను నేరుగా టీడీపీలోకి తీసుకురావడంపై ఒక వర్గం అభ్యంతరం వ్యక్తం చేస్తుండడంతో అదే సమయంలో జనసేనలోకి పంపిస్తే రాజకీయ సమీకరణాలు పూర్తిగా మారిపోతాయన్న అంచనాలు తెరపైకి వస్తున్నాయి. ఇదే ఇప్పుడు కూటమి రాజకీయాల్లో ప్రధాన చర్చగా మారింది. పవన్‌ బర్త్‌డే వేదికగా కొత్త రాజకీయం జనసేన అధినేత పవన్‌కల్యాణ్‌ పుట్టిన రోజు సందర్భంగా కావలిలో భారీ ఎత్తున సామాజిక కార్యక్రమాలు నిర్వహించేందుకు ఎమ్మెల్యే కావ్య, మన్నెమాల కలిసి కార్యాచరణ రూపొందిస్తున్నారన్న ప్రచారం కూడా ఈ వ్యవహారానికి మరింత ప్రాధాన్యం తెచ్చింది. సాధారణంగా జనసేన కార్యక్రమాలను ఆ పార్టీ స్థానిక నాయకత్వం ఆధ్వర్యంలో నిర్వహించాల్సి ఉండగా.. ఇప్పుడు టీడీపీ ఎమ్మెల్యే, వైఎస్సార్‌సీపీ బహిష్కృత నేతతో కలిసి జనసేన కార్యక్రమాలకు కార్యాచరణ రూపొందించడం వెనుక రాజకీయ ఉద్దేశం ఏమిటన్న చర్చ మొదలైంది. మన్నెమాలను జనసేనలోకి తీసుకొచ్చే ప్రక్రియకు ఇదే తొలి అడుగా? అనే అనుమానాలు జనసేన శ్రేణుల్లో వ్యక్తమవుతున్నట్లు తెలుస్తోంది. జనసేన విచ్ఛిన్నానికేనా..! కూటమిలో భాగస్వామిగా ఉన్న జనసేన పారీ్టలో ఉన్న కొందరు నేతలను పక్కకు తప్పించి, కొత్త వ్యక్తులను ముందుకు తీసుకురావాలన్న ప్రయత్నాలు జరుగుతున్నాయన్న ప్రచారం ఆ పారీ్టలోనే కలకలం రేపుతున్నాయి. మన్నెమాల ఎంట్రీ కూడా ఈ వ్యూహంలో భాగమేనన్న అనుమానాలు వ్యక్తమవుతున్నాయి. ఆ పారీ్టలోని సీనియర్‌ నాయకులను బలహీనపరచడం.. వారి రాజకీయ ప్రాధాన్యాన్ని తగ్గించడం.. ఆ తరువాత కొత్త నాయకత్వాన్ని తెరపైకి తీసుకురావడం ద్వారా జనసేనపై పరోక్షంగా పట్టు సాధించాలన్న వ్యూహంగా తెలుస్తోంది. ఇప్పటికే జనసేనలోని కొందరు నేతలను బయటకు గెంటేసేలా రాజకీయంగా స్కెచ్‌లు సిద్ధమవుతున్నాయన్న ప్రచారాలు కూడా వినిపిస్తున్నాయి. అధికారానికి ముందు వెంచర్లపై రచ్చరచ్చమన్నెమాల సుకుమార్‌రెడ్డికి సంబంధించిన రియల్‌ ఎస్టేట్‌ వ్యవహారాలు గతంలో రాజకీయంగా తీవ్ర చర్చకు దారితీశాయి. కూటమి అధికారంలోకి రాక ముందు ఆయనకు సంబంధించిన రియల్‌ వెంచర్లపై టీడీపీ వర్గాల నుంచే పెద్ద ఎత్తున విమర్శలు, ఆరోపణలు వెల్లువెత్తిన సందర్భాలను రాజకీయ వర్గాలు గుర్తు చేస్తున్నాయి. అధికారంలోకి వచ్చి దాదాపు రెండున్నరేళ్లు అవుతున్నప్పటికీ మన్నెమాలకు సంబంధించిన రియల్‌ వెంచర్లపై అప్పట్లో రాజకీయంగా తీవ్ర ఆరోపణలు చేసినప్పటికీ ఇప్పటి వరకు జానెడు భూమిని స్వా«దీనం చేసుకోలేదని ప్రత్యర్థి వర్గాలు విమర్శిస్తున్నాయి. కూటమిలో చీలికలు.. పేలికలు అధికార కూటమి ఏర్పడినప్పుడు మూడు పార్టీల సమన్వయంతో పని చేస్తామని ప్రకటించిన నేతలు, ఇప్పుడు ఎవరికి వారే రాజకీయ లెక్కలు వేసుకుంటున్నారు. ఎమ్మెల్యే, ఎమ్మెల్సీ మధ్య అంతర్గత విభేదాలు, మన్నెమాల ఎంట్రీపై భిన్నాభిప్రాయాలు, జనసేనలో కొత్త నాయకత్వాన్ని తెరపైకి తీసుకురావాలన్న ప్రయత్నాలు.. ఇవన్నీ కలిపి చూస్తే కావలి కూటమిలో సమన్వయం కంటే ఆధిపత్య పోరే ఎక్కువైందనే విశ్లేషణలు వినిపిస్తున్నాయి. మొత్తానికి కావలిలో కూటమి మూడు పార్టీల ఐక్యతగా కనిపిస్తున్నా.. లోపల మాత్రం ఎవరి రాజకీయ పట్టు పెంచుకోవాలన్న లెక్కలతో కుతకుతలాడుతోందన్న చర్చ సాగుతోంది.

సాక్షి ప్రతినిధి, కాకినాడ: జనసేనలో పార్టీ పదవుల భర్తీపై నాయకులు, కార్యకర్తల్లో అసంతృప్తి వ్యక్తమవుతోంది. ఆగస్టు 15లోగా అన్ని స్థాయిల్లో పదవులను భర్తీ చేస్తామని పార్టీ అధినేత పవన్‌ కళ్యాణ్‌ ప్రకటించినా ఆ దిశగా కదలిక లేదని జనసైనికులు మండిపడుతున్నారు. ఆరోగ్యం సరిగా లేదంటూ పదవుల భర్తీని వాయిదా వేయడం సరికాదని, ఇకనైనా దీనిపై స్పష్టత ఇవ్వాలని డిమాండ్‌ చేస్తున్నారు. పైగా స్థానిక సంస్థల ఎన్నికల్లో పోటీకి దిగాలంటే క్షేత్ర స్థాయి పదవుల భర్తీ కీలకమని స్పష్టం చేస్తున్నారు. టీడీపీ, జనసేన కూటమిగా జతకట్టినప్పటి నుంచీ టీడీపీ ప్రయోజనాలు, ఆ పార్టీ విజయం, పల్లకీ మోసేందుకే జనసేన పరిమితం కావడంపై ఆ పార్టీ వర్గాలు అసంతృప్తి వ్యక్తంచేస్తున్నాయి. ‘సంస్థాగతంగా బలోపేతం అయ్యే ఆలోచనే లేదు. టీడీపీ, జనసేన నేతల మధ్య వర్గవిభేదాలు నెలకొన్న సందర్భాల్లో పార్టీ అధినేత పవన్‌ స్వయంగా సర్దుకుపోవాలంటూ ఉచిత సలహా ఇవ్వడం నిరుత్సాహానికి గురిచేస్తోంది’ అని పార్టీ వర్గాలు పేర్కొంటున్నాయి. ఈ నేపథ్యంలో గ్రామ, మండల, నియోజకవర్గ, జిల్లా స్థాయిలో పార్టీ వ్యవస్థను బలోపేతం చేసేందుకు నూతన కమిటీలను ఏర్పాటు చేస్తామని పార్టీ అధినాయకత్వం ప్రకటించింది. పదవులు ఆశిస్తున్న వారు తమ దరఖాస్తులనూ అధిష్టానానికి పంపారు. అయితే ఆగస్టు ముగుస్తున్నప్పటికీ దీనిపై అతీగతీ లేకపోవడంతో ఆశావహుల్లో నిరాశ వ్యక్తమవుతోంది. నిజానికి జనసేనలో పదవుల భర్తీ ప్రక్రియ చేపడతామని ఆరు నెలల క్రితమే ఆ పార్టీ అధినాయకత్వం ప్రకటించి వాయిదాల పర్వాన్ని కొనసాగిస్తోంది. కూటమి ప్రభుత్వం ఏర్పడి రెండున్నరేళ్లు కావస్తున్నా పార్టీలో పనిచేస్తున్న నాయకులు, కార్యకర్తలకు ఆశించిన స్థాయిలో గుర్తింపు దక్కలేదన్న భావన జనసేన శ్రేణుల్లో వ్యక్తమవుతోంది. నామినేటెడ్‌ పదవుల భర్తీలోనూ పార్టీకి మొండిచేయి చూపారన్న ఆగ్రహం వ్యక్తమవుతోంది.

సాక్షి, అమరావతి: స్థానిక సంస్థల ఎన్నికల్లో కూటమి పార్టీల మధ్య సీట్ల సర్దుబాటుపై ఓ పట్టాన తేల్చకుండా టీడీపీ సాగదీత వైఖరి అనుసరిస్తున్నట్లు రాజకీయ విశ్లేషకులు వ్యాఖ్యానిస్తున్నారు. సీట్ల సర్దుబాటుకు ముందు అసెంబ్లీ నియోజకవర్గాలవారీగా సమావేశాలు నిర్వహించి స్థానికంగా ఎవరి బలం ఎంతో అంచనా వేద్దామని జనసేన, బీజేపీలకు టీడీపీ ప్రతిపాదించినట్లు నేతల మధ్య చర్చ సాగుతోంది. జనసేన, బీజేపీ ఎక్కువ సీట్లు కోరుతుండడంతో సీట్ల సర్దుబాటును రాష్ట్ర స్థాయిలో తేల్చేందుకు టీడీపీ ఆసక్తి చూపడం లేదని చెబుతున్నారు.సీట్ల కేటాయింపులో రాష్ట్ర స్థాయిలో ఏ పార్టీకి ఎంత శాతం అన్నది ముందుగా తేల్చకుండా స్థానికంగా బలాబలాల మేరకు పోటీ చేద్దామని టీడీపీ ప్రతిపాదన తెరపైకి తెచ్చినట్లు జనసేన, బీజేపీలో చర్చ సాగుతోంది. దీనికి సంబంధించి జనసేన, బీజేపీ రాష్ట్ర నాయకత్వాలకు టీడీపీ సమాచారం ఇచ్చినట్లు పేర్కొంటున్నారు. చివరిదాకా సాగదీసి జనసేన, బీజేపీని తక్కువ సీట్లకు పరిమితం చేయడం.. రిజర్వేషన్ల పేరుతో ఆయా పార్టీల సీట్లకు గండి కొట్టడం టీడీపీ వ్యూహమని స్పష్టం చేస్తున్నారు. లోకేశ్‌ ప్రతిపాదనపై ఆదిలోనే వ్యతిరేకత.. అన్ని రకాల స్థానిక సంస్థల్లో జనసేన, బీజేపీకి కలిపి కేవలం 20 శాతం సీట్లు మాత్రమే కేటాయించాలన్నది టీడీపీ ఆలోచన అని నేతలు చెబుతున్నారు. ఈ ఏడాది జూలై 16న టీడీపీ జోనల్‌ కోఆర్డినేటర్ల సమావేశంలో మంత్రి లోకేశ్‌ చేసిన వ్యాఖ్యలను ఉదహరిస్తున్నారు. మూడు పార్టీల మధ్య 80–15–5 నిష్పత్తిలో సీట్ల సర్దుబాటు ఉంటుందని సమావేశంలో లోకేశ్‌ వెల్లడించారు. టీడీపీ 80 శాతం సీట్లలో, జనసేన 15 శాతం, బీజేపీ ఐదు శాతం సీట్లలో పోటీ చేస్తాయని, ఆ మేరకు సర్దుబాటు చేసుకుంటామని ప్రకటించారు. దీనిపై జనసేన నేతల నుంచి తీవ్ర వ్యతిరేకత వ్యక్తం కావడంతో మంత్రి నాదెండ్ల మనోహర్‌ 24 గంటల వ్యవధిలోనే ప్రెస్‌మీట్‌ పెట్టి దీన్ని ఖండించారు.అసెంబ్లీ ఎన్నికల ఫార్ములా ఇప్పుడు వర్తించదని పేర్కొన్నారు. స్థానిక సంస్థల ఎన్నికల్లోనూ అదే రీతిన ముందుకు వెళతామనుకోవడం పొరపాటు అని తెనాలిలో విలేకరుల సమావేశం నిర్వహించి ప్రకటించారు. అన్ని రకాల స్థానిక సంస్థల ఎన్నికల్లో జనసేనకు 33 శాతం, బీజేపీకి పది శాతం మేరకు సీట్లు కేటాయించాలని రెండు పార్టీల నేతలు పట్టుబడుతున్నారు. విశాఖ జిల్లా పెందుర్తి సహా పలుచోట్ల టీడీపీ, జనసేన నేతలు స్థానిక సంస్థల సీట్ల కోసం ఘర్షణ పడుతున్న పరిస్థితి నెలకొంది. రిజర్వేషన్ల చుట్టూ రాజకీయం.. స్థానిక సంస్థల ఎన్నికల్లో నగర కార్పొరేషన్‌ మేయర్, జడ్పీ చైర్మన్లు మొదలు వార్డు సభ్యుడి పోటీ వరకు రిజర్వేషన్ల ఖరారు చుట్టూ ముడిపడి ఉంటుందని.. ఈ ప్రాతిపదికన ఎన్నికల వ్యూహాలే మారిపోతుంటాయనే చర్చ సాగుతోంది. టీడీపీ నేతలు అధికారులపై ఒత్తిడి తెచ్చి రిజర్వేషన్లు తారుమారు చేసి జనసేన, బీజేపీని పోటీకి దూరం చేసే ఎత్తుగడలు వేస్తున్నట్లు చెబుతున్నారు. ఆయా చోట్ల టీడీపీ పాగా వేసేందుకు సన్నద్ధం అవుతోందని పేర్కొంటున్నారు. అసెంబ్లీ ఎన్నికల్లో జనసేన, బీజేపీలకు కేటాయించిన కొద్ది సీట్లలోనూ పలుచోట్ల ఆఖరి నిమిషంలో టీడీపీ నుంచి వలస వచ్చిన నేతలకే సీట్లు దక్కటాన్ని ప్రత్యేకంగా గుర్తు చేస్తున్నారు.

సాక్షి, అమరావతి : అసెంబ్లీ సీట్ల మాదిరి స్థానిక సంస్థల ఎన్నికల్లో కూటమిలో జనసేనకు కేటాయించే సీట్లను అప్పటికప్పుడు పార్టీలో చేరే నేతలకు ఇస్తే ఊరుకోమని జనసేన నేతలు స్పష్టం చేశారు. కూటమి పార్టీల నుంచి నామినేషన్లకు ముందు జనసేనలో చేరే నేతలకు సైతం సీట్లు ఇవ్వరాదని తేల్చి చెప్పారు. కాదు.. కూడదని సీట్లు ఇస్తే క్షేత్ర స్థాయిలో కార్యకర్తలు సహకరించే పరిస్థితి ఉండదని, ఓడిస్తారని స్పష్టం చేశారు. స్థానిక సంస్థల ఎన్నికలకు సంబంధించి శుక్రవారం మంగళగిరిలో జనసేన పార్టీ కార్యాలయంలో నియోజకవర్గ స్థాయి నేతల సమావేశం నిర్వహించారు.మంత్రి నాదెండ్ల మనోహర్‌ అధ్యక్షతన జరిగిన ఈ సమావేశానికి పార్టీ ఎమ్మెల్యేలు, వివిధ నామినేటెడ్‌ పదవులు పొందిన నేతలు, అసెంబ్లీ.. స్థానిక ఎన్నికల్లో జనసేన తరఫున పోటీ చేసిన అభ్యర్థులు హాజరయ్యారు. స్థానిక సంస్థల ఎన్నికల్లో జనసేనకు మూడో వంతు సీట్లు కేటాయించేలా ఒత్తిడి తేవాలన్నారు. 10–12 ఏళ్లుగా పార్టీలో కొనసాగుతున్న వారికే ఈ సీట్లు ఇవ్వాలన్నారు. జనసేనకు అధికారం దక్కిన తరుణంలో పార్టీలో నిజమైన కార్యకర్తలకు న్యాయం చేయాలని సూచించారు. ఈ సందర్భంగా మంత్రి నాదెండ్ల మాట్లాడుతూ.. ‘స్థానిక సంస్థల్లో ప్రతి నాయకుడు లోతుగా అధ్యయనం చేయాలి. మనకు కచ్చితమైన గెలుపు అవకాశం ఉండే చోట జనసేన పోటీ చేస్తుంది. రిజర్వేషన్లు, స్థానిక బలాబలాలు అన్నీ బేరీజు వేసుకొని, నాయకత్వాన్ని పెంచే దిశగా జనసేన అడుగులు వేస్తుంది. సెప్టెంబర్ 2వ తేదీ పవన్‌ కళ్యాణ్‌ జన్మదినం సందర్భంగా ప్రతి నియోజకవర్గంలో జనసేన పార్టీ యువజన విభాగాన్ని ఆవిష్కరిస్తాం. 30 రోజుల స్థానిక సంస్థల ప్రణాళికను పార్టీ అధ్యక్షుడు పవన్‌ కళ్యాణ్‌ సిద్ధం చేశారు’ అని తెలిపారు. అనంతరం ఆయన స్థానిక సంస్థల ఎన్నికలకు రాష్ట్ర స్థాయిలో పార్టీ నియమించిన 14 మంది సభ్యుల కమిటీతో ప్రత్యేకంగా భేటీ అయ్యారు. ‘రాష్ట్ర స్థాయిలో కూటమి సమన్వయ కమిటీలో చర్చలు నడుస్తున్నాయి. జిల్లా, నియోజక వర్గాలవారీగా సమన్వయ కమిటీలు ఉంటాయి. ముందుగా నగర పాలక, పుర పాలక సంస్థల ఎన్నికల మీద దృష్టి పెట్టాలి. డివిజన్లు, వార్డుల్లో మన బలాబలాలు గుర్తించాలి’ అంటూ నాదెంద్ల ఆ కమిటీకి సూచించారు.

పెందుర్తి (విశాఖ): ‘ఏయ్‌.. నువ్వెవడివి నన్ను ప్రశ్నించడానికి. వాడు టీడీపీ మాజీ కార్పొరేటర్‌. నాకు ఎదురు మాట్లాడతాడా. నువ్వు వాడికి వత్తాసు పలుకుతావా. మీ అందరి సంగతి తేలుస్తా’ అంటూ మిత్రపక్షమైన టీడీపీ నాయకులపై పెందుర్తి జనసేన ఎమ్మెల్యే పంచకర్ల రమేష్ బాబు విరుచుకుపడ్డారు. టీడీపీ, మిత్రపక్షం జనసేన నాయకులు నడి రోడ్డుపై తన్నుకున్నారు. విశాఖ జిల్లా జీవీఎంసీ 88వ వార్డు నరవలోని ఓ కార్యక్రమంలో మంగళవారం ఈ ఘటన చోటుచేసుకుంది. పెందుర్తి నియోజకవర్గంలో జనసేన ఎమ్మెల్యే పంచకర్ల రమే బాబు, టీడీపీ ఇన్‌చార్జి గండి బాబ్జి అనుచరుల మధ్య చాన్నాళ్లుగా ఉన్న గొడవలు మంగళవారం ఒక్కసారిగా బయటపడ్డాయి. ఎమ్మె­ల్యే పంచకర్ల రమేష్‌బాబు సమక్షంలోనే రెండు పార్టీల నేతలు బాహాబాహీకి దిగారు. పచ్చిబూతులతో జనసేన, టీడీపీ నాయకులు కొట్టుకున్నారు. ఈ క్రమంలో ఎమ్మెల్యే పంచకర్ల సైతం సహనం కోల్పోయి టీడీపీ నాయకులపై పరుషపదజాలంతో విరుచుకుపడ్డారు. టీడీపీ ఇన్‌చార్జి గండి బాబ్జి అనుచరులైన మాజీ కార్పొరేటర్‌ మొల్లి ముత్యాలనాయుడు, గవర సత్తిబాబుపై తీవ్ర పదజా­లంతో బెదిరింపులకు దిగారు. ‘మీ సంగతి తేలుస్తా’ అంటూ తీవ్రంగా హెచ్చరించారు. అసలేం జరిగిందంటే.. జీవీఎంసీ ఎన్నికలు జరుగుతాయన్న ప్రచారం నేపథ్యంలో 88వ వార్డు కార్పొరేటర్‌ టికెట్‌ విషయంలో జనసేన–టీడీపీ నాయకుల మధ్య పోటీ మొదలైంది. ఈ క్రమంలో గండి బాబ్జి అనుచరుడు, టీడీపీ నాయకుడు గవర సత్తిబాబు, జనసేన నాయకుడు, పంచకర్ల అనుచరుడు గల్లా శ్రీను మధ్య టికెట్‌ విషయంలో బహిరంగంగానే వివాదం నడుస్తోంది. వార్డులో సోషల్‌ మీడియాలో సైతం వీరి ప్రచారం కొనసాగుతోంది. ఈ క్రమంలో మంగళవారం వార్డులో అభివృద్ధి పనుల శంకుస్థాపన కోసం జనసేన ఎమ్మెల్యే పంచకర్ల వచ్చారు. అప్పటికే అక్కడ వేచి ఉన్న టీడీపీ నాయకులు మిత్రపక్ష ధర్మం పాటించి టికెట్‌ విషయం తేల్చాలని పట్టుబట్టారు. అలా జనసేన, టీడీపీ నాయకుల మధ్య వివాదం రాజుకుంది. దాంతో ఇరువర్గాలు పంచకర్ల సమక్షంలోనే రోడ్డుపై వీధిరౌడీల్లా కొట్టుకున్నారు. సహనం కోల్పోయిన ఎమ్మెల్యే పంచకర్ల సైతం టీడీపీ నాయకులపై హెచ్చరికలకు దిగడంతో టీడీపీ నాయకులు ఎమ్మెల్యేపై తిరగబడ్డారు. దీంతో అక్కడి నుంచి పంచకర్ల వెళ్లిపోగా పోలీసులు రెండువర్గాల వారినీ శాంతింపజేశారు.

సాక్షి,మచిలీపట్నం: కృష్ణా జిల్లా మచిలీపట్నం (బందరు) జనసేన పార్టీలో మేయర్ అభ్యర్థిత్వం తీవ్ర చిచ్చు రేపింది. రాబోయే ఎన్నికల్లో మేయర్ పదవి దక్కించుకునే వ్యూహాలపై పార్టీ రెండు వర్గాలుగా చీలిపోవడంతో అంతర్గత విభేదాలు ఒక్కసారిగా రోడ్డుకెక్కాయి. మచిలీపట్నం నియోజకవర్గ ఇన్‌ఛార్జ్ బండి రామకృష్ణకు వ్యతిరేకంగా కొట్టే వెంకట్రావ్ వర్గీయులు తీవ్ర నిరసనకు దిగారు. పార్టీలో తమకు అన్యాయం జరుగుతోందని ఆరోపిస్తూ, కొట్టే వెంకట్రావ్ ఆధ్వర్యంలో నాయకులు, కార్యకర్తలు భారీ ఎత్తున కాలినడకన నిరసన ప్రదర్శన చేపట్టారు.బందరు ఎంపీ వల్లభనేని బాలశౌరి క్యాంప్ ఆఫీస్‌ను వారు ముట్టడించారు. ఇటీవల కొట్టే వెంకట్రావ్‌పై జనసేన పట్టణ అధ్యక్షుడు గడ్డం రాజు దాడికి పాల్పడటం ఈ వివాదాన్ని మరింత రాజేసింది. ఈ దాడి ఘటనపై కొట్టే వెంకట్రావ్ వర్గీయులు ఎంపీ బాలశౌరికి రాతపూర్వకంగా ఫిర్యాదు చేశారు. అయితే, ఆ సమయంలో అక్కడ ఉన్న ఎంపీ బాలశౌరి నిరసనకారులకు ఎటువంటి సమాధానం చెప్పకుండా, అక్కడి నుంచి తప్పించుకొని వెళ్లిపోవడం పార్టీ శ్రేణుల్లో తీవ్ర అసంతృప్తిని నింపింది.ఈ సందర్భంగా కొట్టే వెంకట్రావ్ వర్గీయులు గడ్డం రాజుపై తక్షణమే క్రమశిక్షణా చర్యలు తీసుకోవాలని డిమాండ్ చేశారు. ఆయన్ను వెంటనే పట్టణ అధ్యక్ష పదవి నుంచి సస్పెండ్ చేయడంతో పాటు, పార్టీ ప్రాథమిక సభ్యత్వాన్ని కూడా రద్దు చేయాలని గట్టిగా పట్టుబట్టారు. గడ్డం రాజుపై అధిష్టానం కఠిన చర్యలు తీసుకోకపోతే, తాము తదుపరి రాజకీయ కార్యాచరణను ప్రకటిస్తామని, పార్టీలో తమ దారి తాము చూసుకుంటామని కొట్టే వెంకట్రావ్ వర్గం తీవ్ర హెచ్చరికలు జారీ చేసింది. మేయర్ సీటు చుట్టూ తిరుగుతున్న ఈ అంతర్గత విభేదాలు బందరు జనసేనలో ఎలాంటి పరిణామాలకు దారితీస్తాయోనన్నది ఇప్పుడు స్థానికంగా సంచలనంగా మారింది.

సాక్షి, హైదరాబాద్‌: జనసేన ఎంపీ లింగమనేని రమేష్‌ కుమారుడు సంజూష్‌ యాక్సిడెంట్‌ చేసిన కేసులో సంచలన విషయాలు వెలుగులోకి వచ్చాయి. కేసు నుంచి తప్పిస్తే ఎంత పెద్ద మొత్తమైనా ఇస్తామని పోలీసులతో చెప్పినట్లు తెలిసింది. మాదాపూర్‌ ఠాణాలో ఓ ఉన్నతాధికారి, లింగమనేని కుటుంబం ఒకే సామాజిక వర్గానికి చెందిన వారు కావడంతో భారీ మొత్తంలో సెటిల్‌మెంట్‌ జరిగినట్లు విశ్వసనీయ సమాచారం. ఈనెల 16న హైదరాబాద్‌లో ఇనార్బిట్‌ మాల్‌ వద్ద లింగమనేని సంజూష్‌ తన ఆస్టన్‌ మార్టిన్‌ లగ్జరీ కారులో అతివేగంగా దూసుకొచ్చి రోడ్డు దాటుతున్న లైఫ్‌స్టైల్‌ స్టోర్‌ ఉద్యోగిని భారతీ ముఖిని ఢీకొట్టడంతో ఆమె మృతి చెందిన సంగతి తెలిసిందే. పోలీసులు ఐదు రోజులపాటు ఈ రోడ్డు ప్రమాదం విషయాన్ని బయటికి పొక్కనివ్వకుండా గోప్యంగా ఉంచారు. ఈ సమయంలో మాదాపూర్‌ పోలీసు స్టేషన్‌లోని ఓ ఉన్నతాధికారి, పలువురు కింది స్థాయి సిబ్బందితో నిందితుడి కుటుంబ సభ్యులు సయోధ్య కుదుర్చుకున్నారని ఓ పోలీసు ఉన్నతాధికారి ‘సాక్షి’కి తెలిపారు. ఇందులో భాగంగానే నిందితుడు సంజూష్‌ స్థానంలో మరొక ప్రైవేట్‌ డ్రైవర్‌ను పెట్టేందుకు ప్రయత్నాలు జరిగాయి. అయితే అప్పటికే ఘటనాస్థలిలో స్థానికులు ఫోన్‌లో రికార్డ్‌ చేసిన వీడియోలు సామాజిక మాధ్యమాల్లో ప్రచారం కావడంతో పోలీసులు అప్రమత్తమయ్యారు. వెంటనే ఈనెల 21న మీడియాకు లీకులు ఇచ్చారు. అందుకే అతివేగం, నిర్లక్ష్యంగా కారు నడిపి రోడ్డు దాటుతున్న పాదచారి భారతీ మృతికి కారణమైన తీవ్రమైన రోడ్డు ప్రమాదంలో కూడా పోలీసులు తూతూమంత్రంగా కేసు నమోదు చేసి చేతులు దులుపుకున్నారు. నిందితుడు సంజూష్‌ను వెంటనే అరెస్ట్‌ చేయకుండా, నోటీసులతో సరిపెట్టేశారు. స్టేషన్‌ బెయిల్‌ ఇచ్చి వదిలేశారు. కేవలం బీఎన్‌ఎస్‌ 106(1) కింద అనుకూల సెక్షన్‌ నమోదు చేశారు. కారుతో ఢీకొట్టి మరణానికి కారణమైన కేసులో మోటారు వాహన చట్టం కింద కేసులు నమోదు చేయకపోవడం పలు అనుమానాలకు తావిస్తోంది. పోలీసు బాస్‌ సీరియస్‌ ఆర్ధిక, రాజకీయ పలుకుబడి ఉన్న లింగమనేని రమేష్‌ కుమారుడు కావడంతోనే సంజూష్‌పై అనుకూల సెక్షన్లు నమోదు చేశారంటూ పోలీసులపై తీవ్ర విమర్శలు వస్తున్నాయి. దీంతో ఈ వ్యవహారాన్ని రాష్ట్ర పోలీసు బాస్‌ సీరియస్‌గా తీసుకున్నారు. శనివారం మాదాపూర్‌ పీఎస్‌ స్టేషన్‌ హౌస్‌ ఆఫీసర్‌ (ఎస్‌హెచ్‌ఓ), దర్యాప్తు అధికారి ఎస్‌ఐను కార్యాలయానికి పిలిపించుకొని కేసు నమోదు, దర్యాప్తు తీరు తదితరాలపై సమగ్ర వివరాలను సేకరించినట్లు తెలిసింది. కారు వేగం, తీవ్రమైన గాయాలతో భారతీ మృతి చెందిన తీరు తదితర అంశాలను పరిగణలోకి తీసుకొని ఎలాంటి సెక్షన్లు జోడించాలో తెలియదా? లేదా ఎవరి ఒత్తిడి, ప్రలోభాల వల్ల అనుకూల సెక్షన్లు పెట్టారని ఆగ్రహం వ్యక్తం చేసినట్లు తెలిసింది. రెట్టింపు వేగంతో ఢీ కొట్టి.. ఇప్పటికే జిల్లా రవాణా అధికారి (డీటీఓ) ఘటనాస్థలిని సందర్శించారు. నిందితుడు లింగమనేని సంజూష్‌ నడిపిన ఆస్టన్‌ మార్టిన్‌ లగ్జరీ స్పోర్ట్స్‌ కారు (టీజీ09 జీ0666)ను స్వా«దీనం చేసుకొని వాహన తనిఖీని పూర్తి చేశారు. రోడ్డు దాటుతున్న భారతీని కారు ఎడమ వైపు బలంగా తాకడంతో ఆమెకు తల, శరీర భాగాలకు తీవ్రమైన గాయాలయ్యాయని, అలాగే కారు ఎడమ వైపు బాగా డ్యామేజ్‌ అయినట్లు గుర్తించారు. భారతీని ఢీకొట్టిన తర్వాత కారును పక్కన నిలిపి, ఆపేయడంతో కారు వేగం స్పీడోమీటర్‌లో నమోదు కాలేదు. అలాగే ఘటనాస్థలం వద్ద ఎలాంటి సీసీటీవీ కెమెరాలు గానీ స్పీడో మీటర్లు గానీ లేకపోవడంతో కారు వేగాన్ని అధికారులు అంచనా వేయలేకపోయారు. అయితే మృతిరాలి తలకు, శరీర భాగాలకు తగిలిన గాయాలను బట్టి కారు 80 కిలోమీటర్ల వేగంతో ఉండొచ్చని ప్రాథమికంగా నిర్ధారించారు. ఇనార్బిట్‌ మాల్‌ వంటి రద్దీగా ఉండే నగర రోడ్లపై కార్ల సగటు నిర్దేశిత వేగం 40 కి.మీ.గా ఉండాలి. కానీ, సంజూష్‌ హైఎండ్‌ స్పోర్ట్స్‌ కారుతో మిట్ట మధ్యాహ్నం, బిజీ రోడ్డులో రెట్టింపు వేగంతో కారు నడపడం తీవ్రమైన నేరం కిందకి వస్తుంది. కారు చెట్టు, డివైడర్‌ వంటి బలమైన వాటికి ఢీకొడితే కారులోని బెలూన్స్‌ తెరుచుకునే అవకాశం ఉంటుందని పోలీసులు చెబుతున్నారు. కొత్త సెక్షన్ల జోడింపు కారు నడిపిన లింగమనేని సంజూష్‌ ఒరిజినల్‌ డ్రైవింగ్‌ లైసెన్స్, ఆర్సీ సమర్పించాలని పోలీసులను డీటీఓ కోరారు. సోమవారం చేతిరాతతో రాసిన సమగ్ర నివేదిక కాపీని దర్యాప్తు అధికారికి అప్పగిస్తామని సంబంధిత అధికారి ‘సాక్షి’కి తెలిపారు. అనంతరం మోటారు వాహన తనిఖీ (ఎంవీఐ) నివేదిక పరిశీలన తర్వాత సంజూష్‌పై కొత్త సెక్షన్లు జోడించే అవకాశం ఉందని ఓ ఉన్నతాధికారి చెప్పారు. ఘటన తీవ్రత దృష్ట్యా బీఎన్‌ఎస్‌తోపాటు మోటారు వాహన చట్టం కింద కూడా కేసు నమోదు చేసే అవకాశం ఉందని చెప్పారు. సులువుగా బెయిల్‌ వచ్చేలా కేసు నిందితుడు సంజూష్‌పై మాదాపూర్‌ పోలీసులు కేవలం బీఎన్‌ఎస్‌ 106 (1) సెక్షన్‌ కింద మాత్రమే కేసు నమోదు చేశారు. అంటే అజాగ్రత్త లేదా నిర్లక్ష్యపు డ్రైవింగ్‌ వల్ల జరిగిన సాధారణ ప్రమాదంగా దీన్ని పరిగణిస్తారు. ఇది పూర్తిగా బెయిలబుల్‌ నేరం. దీని కింద గరిష్టంగా ఐదేళ్లలోపు శిక్ష పడే అవకాశం ఉన్నప్పటికీ.. నిందితుడికి పోలీస్‌ స్టేషన్‌ నుంచి లేదా కోర్టుకు వెళ్లిన వెంటనే సులువుగా బెయిల్‌ లభిస్తుంది. అయితే హైస్పీడ్‌ కారును బిజీ పబ్లిక్‌ ఏరియాలో నడుపుతున్నప్పుడు దాని వల్ల ఎదుటివారి ప్రాణాలు పోతాయని తెలిసి కూడా నిర్లక్ష్యంగా వాహనం నడిపినట్టు ఆధారాలు ఉంటే బీఎన్‌ఎస్‌ 105 సెక్షన్‌ను ఎఫ్‌ఐఆర్‌లో చేర్చాలి. ఈ సెక్షన్‌ కింద (మరణం సంభవించే అవకాశం ఉందని తెలిసి చేసిన చర్య అయితే..) పదేళ్ల వరకు జైలు, జరిమానా కూడా విధించే అవకాశం ఉంటుంది. మోటార్‌ వాహన చట్టం 184 సెక్షన్‌ చేర్చడం కూడా కీలకమే. ఈ సెక్షన్‌ ప్రకారం ప్రజలకు ప్రమాదకరంగా ఉండే వేగంతో లేదా డేంజరస్‌ డ్రైవింగ్‌గా పరిగణిస్తారు. కానీ ఈ సెక్షన్‌ను ఎఫ్‌ఐఆర్‌లో నమోదుచేయలేదు. అయితే ఎంవీఐ నివేదికతోపాటు ఫోరెన్సిక్‌ ల్యాబ్‌ నుంచి సంజూష్‌ రక్త నమూనా నివేదిక వచ్చాక అందులోని అంశాల ఆధారంగా నిందితుడు సంజూష్‌పై ఎంవీ యాక్ట్, బీఎన్‌ఎస్‌లోని కొత్త సెక్షన్లను జోడించే అవకాశం ఉందని ఓ ఉన్నతాధికారి ’సాక్షి’కి తెలిపారు.

కృష్ణా జిల్లా: మచిలీపట్నం జనసేనలో విభేదాలు తారస్థాయికి చేరాయి. మేయర్ అభ్యర్థి ఎంపిక విషయంలో రెండు వర్గాలుగా విడిపోయారు జనసేన నాయకులు. మచిలీపట్నం 8వ డివిజన్ విశ్వబ్రాహ్మణ కాలనీలోని జనసేన నాయకుడి ఇంటి ఫంక్షన్ లో జనసేన నాయకుల మధ్య వాగ్వాదానికి దిగారు.మేయర్ అభ్యర్థి ఎంపిక విషయంలో జరిగిన సంభాషణలలో జనసేన నాయకుడు కొట్టే వెంకటరావుపై మచిలీపట్నం జనసేన పట్టణ అధ్యక్షుడు గడ్డం రాజు దాడి చేశారు. రెండుగా విడిపోయిన జనసేన పార్టీ నేతల వల్ల అక్కడ ఉద్రిక్తత నెలకొంది. తనపై దాడి ఘటనలో జనసేన పట్టణ అధ్యక్షుడు గడ్డం రాజు బహిరంగ క్షమాపణ చెప్పాలని కొట్టే వెంకటరావు వర్గీయులు డిమాండ్ చేశారు. జనసేన పట్టణ అధ్యక్షుడు గడ్డం రాజుపై కొట్టే వెంకట్రావు వర్గీయులు దాడికి యత్నించారు. వివాదం పెద్దదవడంతో పోలీసులు రంగ ప్రవేశం చేశారు. పరిస్థితులను సద్దుమణిగించేలా పోలీసులు చర్యలు తీసుకున్నారు. పోలీసులు సమక్షంలోనే గడ్డం రాజుపై దాడి చేయడానికిన కొట్టే వెంకట్రావు వర్గీయులు యత్నించారు. పరిస్థితి అదుపుతప్పడంతో జనసేన పట్టణ అధ్యక్షుడు గడ్డం రాజును పోలీసులు వేరొక ప్రాంతానికి తరలించారు. ఇదీ చదవండి: మార్గదర్శి బకాయిలను రామోజీ వారసులే చెల్లించాలి

సాక్షి, అమరావతి: స్థానిక సంస్థల ఎన్నికల్లో జనసేనకు మూడోవంతు(33 శాతానికి) తక్కువ కాకుండా సీట్లు డిమాండ్‌ చేయాలని అధినేత పవన్‌ కళ్యాణ్‌పై ఆ పార్టీ శ్రేణులు ఒత్తిడి పెంచుతున్నాయి. ముఖ్యంగా జనసేన బలంగా ఉన్న ప్రాంతాల్లో అత్యధిక సీట్లు డిమాండ్‌ చేయాలని సూచిస్తున్నాయి. ఈ మేరకు ఆ పార్టీ ఎమ్మెల్యేలూ అధినేత వద్ద ప్రతిపాదనలు పెట్టారని సమాచారం. ఉమ్మడి గోదావరి జిల్లాల పరిధిలో టీడీపీకి సమానం సీట్ల కోసం పట్టుబట్టాలని, లేకుంటే సంస్థాగతంగా బలోపేతం కావడం కష్టమని తేల్చిచెప్పినట్టు తెలుస్తోంది. ఉత్తరాంధ్ర నుంచి కృష్ణా జిల్లా మధ్య ప్రాంతం వరకు పార్టీ బలంగా ఉన్న చోట్ల ఎట్టిపరిస్థితుల్లోనూ 40శాతానికి తక్కువ కాకుండా సీట్లు తీసుకోవాలని అధినేతకు తెలియజేసినట్టు సమాచారం. మొత్తం 28 జిల్లా పరిషత్‌లకు గాను కనీసం తొమ్మిది.. 17 కార్పొరేషన్‌ మేయర్లకు కనీసం ఐదు జనసేన కోరాలని పార్టీ నేతల మధ్య ప్రాథ­మికంగా చర్చలు జరిగాయని తెలుస్తోంది. తొమ్మిది జెడ్పీల్లో ఉత్తరాంధ్ర – కృష్ణా జిల్లా మధ్య ఆరు జెడ్పీలతోపాటు విశాఖపట్నం, విజయవాడ, తిరుపతి, గుంటూరు నగర కార్పొరేషన్లలో ఏదో ఒకటి జనసేనకు కేటాయించాలని ఆ పార్టీ కోరుతున్నట్టు పార్టీ వర్గాలు పేర్కొంటున్నాయి. ఈ అంశంపై పార్టీ ఎమ్మెల్యేలతో చర్చలు జరిగిన సమయంలో కోరినన్ని సీట్లు ఇవ్వని పక్షంలో టీడీపీపై ఎలా ఒత్తిడి తీసుకురావాలన్న అంశంపై పవన్‌కళ్యాణ్‌ ఎమ్మెల్యేలను అడిగినట్టు సమాచారం. స్థానిక సంస్థల ఎన్నికల్లో సర్పంచి మొదలు కార్పొరేషన్‌ మేయర్‌ వరకు ప్రతి స్థానానికి జనసేన నుంచి పోటీకి అభ్యర్థుల జాబితాలను సిద్ధం చేయాలని, ఆ జాబితాలను టీడీపీ ముందుంచి సీట్లు కోరదామన్న నిర్ణయానికి వచ్చినట్టు తెలుస్తోంది. దీనిపై రానున్న వారం, పది రోజుల్లోనే మరో విడత ఎమ్మెల్యేలు, ఎంపీలతో పవన్‌కళ్యాణ్‌ సమావేశం నిర్వహిస్తారని చర్చ సాగుతోంది. ఇదిలా ఉంటే అసెంబ్లీ ఎన్నికల కంటే ముందే కూటమి పార్టీల మధ్య స్థానిక సంస్థల ఎన్ని­కల సర్దుబాటుపైనా చర్చలు జరిగాయని, అప్పట్లో పవన్‌ జనసేనకు మూడో వంతు సీట్లు ఇవ్వాలని కోరారని పలువురు జనసేన నేతలు చెబుతున్నారు.

సాక్షి, హైదరాబాద్‌: ఇటీవల రోడ్డు ప్రమాదంలో ప్రాణాలు కోల్పోయిన భారతి ముఖీ సంపాదన మీదన తమ కుటుంబమంతా ఆధారపడి ఉందని ఆమె తల్లి ఆనందిని ముఖి ఆవేదన వ్యక్తం చేశారు. ఇంత చిన్న వయసులోనే తమని వదిలి అనంతలోకాలకు వెళుతుందని తాము అనుకోలేదని బోరున విలపించారు. ఇటీవల జనసేన ఎంపీ లింగమనేని రమేష్‌ కుమారుడు నిర్లక్షంగా కారు నడిపి భారతీ ముఖి అనే సేల్స్‌ గర్ల్‌ని కారుతో ఢీకొట్టిన సంగతి తెలిసిందే. ఆ యువతి మృతిపై ఆమె తల్లి ఆనందిని ముఖి కన్నీరు మున్నీరవుతున్నారు.ఆనందిని ముఖి ఆవేదనతో మాట్లాడుతూ.. నా కుమార్తె భారతి ముఖిని ఎంతో కష్టపడి పెంచి చదివించాను .డిప్లొమా పూర్తి చేసిన తర్వాత బీటెక్‌లో సీటు కూడా సంపాదించింది. కానీ కొవిడ్ లాక్‌డౌన్ కారణంగా చదువు కొనసాగించలేకపోయింది. ఆ తర్వాత ఉద్యోగం నిమిత్తం నా కుమార్తె హైదరాబాద్‌కు వెళ్లింది. 4-5 ఏళ్లుగా అక్కడే ఉంటూ.. ఇంటికి వచ్చి వెళ్తూ.. డబ్బులు పంపేది మా కుటుంబం భారతి ముఖి మీదే ఆధారపడి బతుకుతున్నాం. కానీ.. ఇంతలోనే నా కుమార్తె అనంత లోకాలకు తిరిగి వెళ్లిపోయింది ఇంత చిన్న వయసులోనే నా కూతురు చనిపోతుందని అనుకోలేదు". అంటూ ఆనందిని ముఖి బోరున విలపించారు.ఏం జరిగింది?ఇనార్బిట్‌ మాల్‌లోని లైఫ్‌స్టైల్‌ స్టోర్‌లో పని చేసే భారతి ముఖి తన సహోద్యోగి పూజా అశోక్‌ అలోన్‌తో కలిసి ఈ నెల 16న మధ్యాహ్నం ఐటీసీ కోహినూర్‌ సమీపంలో భోజనం చేయడానికి వెళ్లింది. మధ్యాహ్నం 3 గంటల సమయంలో వారిద్దరూ తిరిగి వస్తూ ఇనార్బిట్‌ మాల్‌లోకి వచ్చేందుకు జీబ్రా లైన్‌పై రోడ్డు దాటుతుండగా ఎంపీ లింగమనేని రమేష్‌ కొడుకు లింగమనేని సంజుష్‌ టీజీ 09 జీ 0666 నంబరు ఆస్టన్‌ మార్టిన్‌ స్పోర్ట్స్‌ కారు అత్యంత వేగంగా దూసుకొచ్చి భారతి ముఖిని బలంగా ఢీకొట్టాడు. ఆ వేగానికి ఆమె గాల్లోకి ఎగిరి రోడ్డుపై పడింది. ఆమె తల, శరీరంలోని ఇతర భాగాలకు తీవ్ర గాయాలయ్యాయి.వెంటనే ఆమెను ఆస్పత్రికి తరలించగా అప్పటికే మృతి చెందినట్లు వైద్యులు ధృవీకరించారు.లైఫ్‌స్టైల్‌ స్టోర్‌ మేనేజర్‌ పంజాల అశ్విన్‌కుమార్‌ ఇచ్చిన ఫిర్యాదు మేరకు మాదాపూర్‌ పోలీసులు దర్యాప్తు చేపట్టారు. సంజుష్‌ కారును నిర్లక్ష్యంగా, అజాగ్రత్తగా నడిపి మరణానికి కారణమైనట్లు తేల్చి, అతనిపై భారతీయ న్యాయ సంహిత (బీఎన్‌ఎస్‌) సెక్షన్‌ 106 (1) కింద కేసు నమోదు చేసి విచారణ చేపట్టారు. సంజుష్‌ను అదుపులోకి తీసుకున్నారు. కానీ, డ్రంక్‌ అండ్‌ డ్రైవ్, డ్రగ్‌ టెస్ట్‌లు చేయగా నెగెటివ్‌ వచ్చిందని, అందువల్ల నోటీసులు ఇచ్చి వదిలేశామని పోలీసులు చెబుతున్నారు.అయితే ఈ ప్రమాదం జరిగిన వెంటనే కేసు నుంచి సంజూష్‌ను తప్పించేందుకు, మరొకరిని కారు నడిపిన డ్రైవర్‌గా చిత్రీకరించేందుకు విశ్వప్రయత్నాలు జరిగినట్లు తెలిసింది. మొదట్లో కారు రిజి్రస్టేషన్‌ నంబర్‌ మాత్రమే బయటకు రావడంతో కేసును పక్కదారి పట్టించేందుకు ప్రైవేట్‌ డ్రైవర్‌ను నిందితుడిగా చూపే యత్నాలు జరిగాయని సమాచారం.

సాక్షి, హైదరాబాద్‌: జనసేన రాజ్యసభ సభ్యుడు, వ్యాపారవేత్త లింగమనేని రమేష్‌ కుమారుడు లింగమనేని సంజూష్‌ (21) చేసిన రోడ్డు ప్రమాదం కేసులో సంచలన విషయాలు వెలుగులోకి వచ్చాయి. ఈ నెల 16న హైదరాబాద్‌లోని మాదాపూర్‌ ఇనార్బిట్‌ మాల్‌ ముందు రోడ్డు దాటుతున్న భారతి ముఖి (26) అనే సేల్స్‌ గర్ల్‌ను అతివేగంగా, నిర్లక్ష్యంగా లగ్జరీ కారుతో (టీజీ 09 జీ 0666) సంజూష్‌ ఢీకొట్టడం వల్ల ఆమె మృతిచెందడం తెలిసిందే. అయితే ఈ ప్రమాదం జరిగిన వెంటనే కేసు నుంచి సంజూష్‌ను తప్పించేందుకు, మరొకరిని కారు నడిపిన డ్రైవర్‌గా చిత్రీకరించేందుకు విశ్వప్రయత్నాలు జరిగినట్లు తెలిసింది. మొదట్లో కారు రిజి్రస్టేషన్‌ నంబర్‌ మాత్రమే బయటకు రావడంతో కేసును పక్కదారి పట్టించేందుకు ప్రైవేట్‌ డ్రైవర్‌ను నిందితుడిగా చూపే యత్నాలు జరిగాయి.నిందితుడు జనసేన ఎంపీ కొడుకు కావడంతో కేసు తీవ్రతను తగ్గించేందుకు రాజకీయ, ఆర్థిక వర్గాల నుంచి పోలీసు ఉన్నతాధికారులకు తీవ్రస్థాయిలో ఒత్తిళ్లు మొదలయ్యాయి. కారు నడిపినది తమ వద్ద పనిచేసే ప్రైవేట్‌ డ్రైవర్‌ అని చూపించేందుకు పక్కా ప్రణాళికతో రంగంలోకి దిగారు. కారు రిజిస్ట్రేషన్‌ నంబర్‌ ఆధారంగా పోలీసులు ప్రాథమిక విచారణ చేపడుతున్న సమయంలోనే బాధ్యతను తనపై వేసుకోవడానికి ఒక ప్రైవేట్‌ డ్రైవర్‌ ముందుకొచి్చనట్లు తెలిసింది. ‘కారు నేనే నడిపాను, ప్రమాదం నా వల్లే జరిగింది’అని పోలీసు స్టేషన్‌లో లొంగిపోయేందుకు సిద్ధమయ్యారు. అయితే ఈ వ్యవహారంలో వచి్చన పెద్దల ఫోన్‌ కాల్స్, రాజకీయ వర్గాల ఒత్తిళ్లను లెక్కచేయకుండా ఓ సీనియర్‌ ఐపీఎస్‌ అధికారి కేసు విచారణను నేరుగా తన పర్యవేక్షణలోకి తీసుకున్నారు.సంజూష్‌కు డ్రంక్‌ అండ్‌ డ్రైవ్‌ పరీక్ష నిర్వహిస్తున్న దృశ్యం (ఫైల్‌) సీన్‌ వద్ద ఉన్న పరిస్థితులు, ప్రత్యక్ష సాక్షుల వాంగ్మూలంతో డ్రైవర్‌ చెప్పిన కథనానికి పొంతన లేకపోవడాన్ని ఆ అధికారి గుర్తించారు. ఎట్టిపరిస్థితుల్లోనూ అసలు నిందితుడిని మార్చడానికి వీల్లేదని.. డ్రైవర్‌ను ముసుగుగా పెడితే కఠిన చర్యలు ఉంటాయని అధికారులను తీవ్రంగా హెచ్చరించారు. దీంతో వేరే దారి లేక పోలీసులు కారు యాజమాన్య సంస్థ ప్రతినిధులను, సంజూష్ ను పిలిపించి అసలు డ్రైవర్‌ అతనేనని అధికారికంగా నిర్ధారించారు.అనంతరం అతన్ని స్టేషన్‌కు తీసుకెళ్లి వైద్య పరీక్షలు నిర్వహించారు. నిందితుడిపై మాదాపూర్‌ పోలీసులు భారతీయ న్యాయ సంహిత (బీఎన్‌ఎస్‌) సెక్షన్‌ 106(1) (అతివేగం, నిర్లక్ష్య డ్రైవింగ్‌ వల్ల మరణం సంభవించడం) కింద కేసు నమోదు చేశారు. మద్యం, డ్రగ్స్‌ పరీక్షల ఫలితాలు నెగెటివ్‌గా వచ్చాయని, చట్టప్రకారం 7 ఏళ్ల కంటే తక్కువ శిక్ష పడే సెక్షన్‌ కావడంతో అతనికి పోలీసులు 41ఏ కింద నోటీసులు జారీ చేశారు. వాహనాన్ని స్వా«దీనం చేసుకొని తదుపరి దర్యాప్తు కొనసాగిస్తున్నారు. హానర్‌ ప్రైమ్‌ హౌసింగ్‌ పేరు మీద కారు.. అమెరికాలోని టెక్సాస్‌ విశ్వవిద్యాలయం నుంచి సీఎస్‌ డిగ్రీ పూర్తి చేసిన సంజూష్‌.. బ్లాక్‌ రిడ్జ్‌ ఎనర్జీ, క్యాపిటల్‌ ఎనర్జీ సంస్థల్లో డైరెక్టర్‌గా కొనసాగుతున్నారు. సంజూష్‌ నడిపిన టీజీ 09జీ 0666 నంబర్‌గల ఆస్టిన్‌ మారి్టన్‌ లాగోండ లగ్జరీ కారు హానర్‌ ప్రైమ్‌ హౌసింగ్‌ ఎల్‌ఎల్‌పీ కంపెనీ పేరిట రిజిస్టర్‌ అయిఉంది. హైదరాబాద్‌లో ప్రముఖ స్థిరాస్తి కంపెనీ అయిన హానర్‌ హోమ్స్‌ అనుబంధ సంస్థ ఇది. తెలంగాణ రాష్ట్ర రవాణా శాఖ విభాగంలో కారు యజమాని జూబ్లీహిల్స్‌లోని కేఆర్బీ టవర్‌ ఫ్లాట్‌ నంబర్‌–1 చిరునామా ఉంది. ప్రమాదం జరిగిన సమయంలో కారులో సంజూష్‌తోపాటు ఇంకెవరైనా ఉన్నారా? అనే కోణంలో పోలీసులు దర్యాప్తు చేస్తున్నారు. ఎంవీఐ నివేదిక కీలకం కూకట్‌పల్లి డీసీపీ రితిరాజ్‌ కేసు నమోదైన వెంటనే ప్రమాదానికి కారణమైన వాహనం డ్రైవర్‌ను అదుపులోకి తీసుకొని మద్యం, డ్రగ్స్‌కు సంబంధించి ప్రాథమిక పరీక్షలు నిర్వహించామని కూకట్‌పల్లి డీసీపీ రితిరాజ్‌ చెప్పారు. ఆ పరీక్షల్లో నెగెటివ్‌ ఫలితాలు వచి్చనట్లు వెల్లడించారు. అనంతరం నిందితుడి రక్త నమూనాలను సేకరించి ఫోరెన్సిక్‌ సైన్స్‌ ల్యాబ్‌కు పంపించామని తెలిపారు. ప్రమాదానికి కారణమైన వాహనాన్ని సీజ్‌ చేసి మోటార్‌ వెహికిల్‌ ఇన్‌స్పెక్టర్‌ (ఎంవీఐ) తనిఖీకి పంపినట్లు చెప్పారు. ఎంవీఐ నివేదిక ఇంకా రావాల్సి ఉందని.. అది కూడా దర్యాప్తులో కీలక ఆధారంగా ఉంటుందని పేర్కొన్నారు.సెక్షన్‌ 106 (1) కింద నమోదైన నేరానికి గరిష్టంగా ఐదేళ్ల శిక్ష విధించే అవకాశం ఉన్నందున ఏడేళ్లలోపు శిక్ష పడే నేరాల్లో అరెస్ట్‌ అవసరమా లేదా? అనే అంశాన్ని బీఎన్‌ఎస్‌ఎస్‌ సెక్షన్‌ 35 ప్రకారం పరిశీలించాల్సి ఉంటుందని డీసీపీ తెలిపారు. అరెస్ట్‌కు సంబంధించి సుప్రీంకోర్టు అర్నేష్‌ కుమార్‌ వర్సెస్‌ స్టేట్‌ ఆఫ్‌ బిహార్‌ కేసులో ఇచ్చిన మార్గదర్శకాలను కూడా దర్యాప్తు అధికారి పరిగణనలోకి తీసుకున్నారని చెప్పారు.ఆ సమయంలో అందుబాటులో ఉన్న ఆధారాలను పరిశీలించాక నిందితుడిని అరెస్ట్‌ చేయాల్సిన పరిస్థితులు కనిపించలేదని.. అందుకే బీఎన్‌ఎస్‌ఎస్‌ సెక్షన్‌ 35 కింద నోటీసు జారీ చేసి దర్యాప్తుకు సహకరించాలని ఆదేశించినట్లు డీసీపీ రితిరాజ్‌ వెల్లడించారు. పూర్తిగా చట్టపరమైన నిబంధనలు, కేసులో అప్పటివరకు అందుబాటులో ఉన్న ఆధారాల ఆధారంగానే నిర్ణయం తీసుకున్నామని స్పష్టం చేశారు. దర్యాప్తు ఇంకా కొనసాగుతోందని ఎంవీఐ నివేదికతోపాటు ఇతర ఆధారాలను సేకరించి పరిశీలిస్తామని తెలిపారు. తదుపరి దర్యాప్తులో అరెస్ట్‌ అవసరమని తేలితే చట్ట ప్రకారం చర్యలు తీసుకుంటామని డీసీపీ రితిరాజ్‌ స్పష్టం చేశారు.

విజయవాడలో టీడీపీ ఎమ్మెల్యే బోండా ఉమమహేశ్వరరావు తన అనుచరులతో కలిసి గత గురువారం నాడు వైఎస్సార్‌సీపీ ఆధ్వర్యంలో జరుగుతున్న దీక్ష శిబిరంపై దాడి చేశారు. టెంట్ పీకేశారు. అక్కడ కొందరు టీడీపీ గూండాలు వికృత చేష్టలకు పాల్పడ్డారు. సరిగ్గా అదే టైమ్‌లో ముఖ్యమంత్రి చంద్రబాబు నాయుడు మంత్రివర్గ సమావేశంలో ఉన్నారు. బోండా ఉమ అరాచక ప్రవర్తనపై ఆయనకు సమాచారం అందే ఉండాలి. అయినా అలాంటివి చేయవద్దని చెప్పకపోగా, వైఎస్సార్‌సీపీవారిని ఉద్దేశించి గొడ్డలి పార్టీ, క్రిమినల్స్ తయారీ అడ్డా అంటూ చంద్రబాబు విమర్శించారట.కొన్నాళ్ల క్రితం బోండా ఉమ వైఎస్సార్‌సీపీ నేత, మాజీ మంత్రి అంబటి రాంబాబు పక్కన కూర్చుంటే చంద్రబాబుకు కోపం వచ్చింది. వెంటనే ఆయన ఆగ్రహం వ్యక్తం చేసి పార్టీ కమిటీ వేసి మందలించే ఏర్పాటు చేశారు. తదుపరి తన కుమారులతో కలిసి బోండా ఉమ చంద్రబాబును కలిశారు. అక్కడ ఏమి మాట్లాడుకున్నారో తెలియదు కాని, మరుసటి రోజే ఉమా విజయవాడలో గూండాయిజానికి బరి తెగించారు. వైఎస్సార్‌సీపీ సీనియర్ నేత, మాజీ ఎమ్మెల్యే మల్లాది విష్ణుపై ఆయన అనుచరులు దాడి చేశారు. విజిటేరియన్ అయిన విష్ణుపై కోడిగుడ్లు విసిరారు. డీఎస్సీ అక్రమాలపై సీబీఐ దర్యాప్తు, మంత్రి లోకేష్ రాజీనామా కోరుతూ వైఎస్సార్‌సీపీ రాష్ట్ర వ్యాప్తంగా ఆందోళనలు చేస్తోంది. వారు తమ డిమాండ్‌తో ప్రశాంతంగా దీక్షలు చేస్తున్నారు. దీనిని భరించడం టీడీపీ నాయకత్వానికి కష్టంగా మారింది.నీట్ ప్రశ్నాపత్రాల లీక్‌పై ఢిల్లీలో కాక్రోచ్ జనతా పార్టీ ఆందోళన ఫలితంగా కేంద్ర మంత్రి ధర్మేంద్ర ప్రధాన్ రాజీనామా చేయవలసి వచ్చింది. జార్ఖండ్‌లో కూడా పబ్లిక్ సర్వీస్ కమిషన్ పరీక్షలపై వచ్చిన ఆరోపణల నేపథ్యంలో ఆందోళనలు సాగుతున్నాయి. వాటికి ప్రభుత్వంలో భాగస్వామి అయిన కాంగ్రెస్ అధినేత రాహుల్ గాంధీ కూడా మద్దతు ఇస్తున్నారు. ఏపీలో కూడా డీఎస్సీ టీచర్ల ఎంపికలో అక్రమాలు జరిగాయని మాజీ సీఎం జగన్ ఆధార సహితంగా ఆరోపణలు చేశారు. ఆయన అడిగిన ప్రశ్నలకు ప్రభుత్వ పక్షాన సరైన జవాబు ఇవ్వలేకపోతున్నారు. పలువురు డీఎస్సీ అభ్యర్ధులు తమకు అన్యాయం జరిగిందని సాక్ష్యాలు చూపుతున్నారు. అయినా ప్రభుత్వం డబాయించి తప్పించుకోవాలని చూస్తోంది.ఈ నేపథ్యంలో వైఎస్సార్‌సీపీ వివిధ రూపాలలో ఆందోళనలు సాగిస్తోంది. డీఎస్సీ అక్రమాలపై జరుగుతున్న ప్రచారం ప్రజలలోకి వెళుతుండడంతో చంద్రబాబు, లోకేష్‌లు అసహనానికి గురవుతున్నారు. అందువల్లే ప్రభుత్వం అనుకుంటే రెండు నిమిషాలలో అణచివేయగలదని బెదిరించడం, ఆందోళన చేస్తున్న రైతులను, నిరుద్యోగ యువతను గంజాయి బాచ్ అని అనడం వంటివి చేశారనిపిస్తుంది. ఇవన్ని ముఖ్యమంత్రి స్థాయికి తగనివని ఆయనకు తెలిసినా ఏదో నిస్సహాయ స్థితిలో పడ్డారనిపిస్తుంది. ఎదురుదాడిలో భాగంగా కర్నూలులో కొందరితో ప్రదర్శన చేయించారు. వారు ఏ తరహా వారో తెలియదు. ఎల్లో మీడియా ప్రముఖంగా ఆ కథనాన్ని ఇచ్చింది. అంటే ప్రభుత్వానికి అనుకూలంగా ర్యాలీ చేస్తే వారు పవిత్రులు, వ్యతిరేకంగా చేస్తే గంజాయి బాచ్‌లని ప్రచారం చేస్తారన్నమాట. తనవైపు వాదన సరిగా లేనప్పుడే ప్రభుత్వాలు ఇలాంటి చర్యలకు పాల్పడతాయన్న అబిప్రాయం ఉంది. దేవరపల్లిలో జగన్ టూర్‌లో ఒక చిన్న హోటల్‌లో జరిగిన ఉదంతాన్ని కూడా పెద్దదిగా ఫోకస్ చేయాలని యత్నించి చంద్రబాబు అండ్ కో భంగపడ్డారు. ఆ హోటల్ యజమానురాలు లక్ష్మి వచ్చి జగన్‌ను కలిశారు. వైఎస్సార్‌సీపీకి వ్యతిరేకంగా ఫిర్యాదు చేయాలని ఒత్తిడి చేసినా ఆమె ఒప్పుకోకపోవడం గొప్ప విషయమే. ఇలాంటి పరిస్థితిలో చంద్రబాబు, లోకేష్‌లను సంతృప్తిపరచడానికి బోండా ఉమా కాని, మరికొన్ని చోట్ల ఇతర టీడీపీ నేతలు కాని దాడులు చేస్తున్నట్లు వైఎస్సార్‌సీపీ విమర్శిస్తోంది. దానికి తగినట్లే ఉమా మాట్లాడుతూ లోకేష్‌ను విమర్శిస్తారా అని ప్రశ్నిస్తున్నారు. అనుమతి లేకుండా దీక్ష శిబిరాలు నిర్వహిస్తారా అని అంటున్నారు.నిజానికి విష్ణు పోలీసులకు చెప్పే దీక్ష శిబిరం ఏర్పాటు చేసుకున్నారు. చిత్రంగా శిబిరానికి రక్షణ కల్పించవలసిన పోలీసులు దాడికి పాల్పడ్డ ఉమాను కాకుండా, శాంతియుతంగా కూర్చుని ఉన్న విష్ణును వాహనం ఎక్కించి తరలించారు. అదే టీడీపీ ఎక్కడైనా సభ పెడితే ఆ సమీపంలోకి అయినా విపక్షాలను రానిస్తారా? ఇప్పుడు చెప్పండి.. క్రిమినల్స్ తయారీ అడ్డాగా టీడీపీ ఉందా? వైఎస్సార్‌సీపీ ఉందా? ఈ దాడుల ద్వారా డీఎస్సీ అక్రమాల వ్యవహరం మరింతగా ప్రజలలోకి వెళుతుంది. ప్రభుత్వ తీరుపై మరిన్ని అనుమానాలు బలపడతాయి. మరికొన్ని ఉదాహరణలు గమనించండి.ఒక మంత్రి తన పట్ల అనుచితంగా ప్రవర్తించారని ఒక ఎన్‌ఆర్ఐ మహిళ స్వయంగా లోకేష్‌కు ఫిర్యాదు చేశారట. అయినా ఆ మంత్రిపై చర్య తీసుకోలేదే? అంటే ఎవరు క్రిమినల్స్ అడ్డాలో ఉన్నట్లు అవుతుంది! ఆలూరు వైఎస్సార్‌సీపీ ఎమ్మెల్యే విరూపాక్షిపై తప్పుడు ఆరోపణలు చేసి అరెస్టు చేశారే. ఒక టీడీపీ నేత తన భార్య నైటీని తానే చించి ఎమ్మెల్యేపై ఆరోపించిన విషయం వీడియో సహితంగా బయటపడి ఉండకపోతే, ఎమ్మెల్యేపై ఆరోపణలను నమ్మే పరిస్థితి వచ్చేది కదా? ఇలాంటివాటిని చేసేవారిని కదా క్రిమినల్స్ అనాల్సింది. అలాంటివారిని ఎంకరేజ్ చేసే పార్టీని కదా క్రిమినల్స్ తయారు చేసే అడ్డా అనాల్సింది అని వైఎస్సార్‌సీపీ నేతలు అంటున్నారు. దానిని కాదనగలరా?ఈ మధ్యనే గుంటూరులో ఒక మహిళను నడిరోడ్డుపై వివస్త్రను చేసింది కూడా టీడీపీ నేతే కదా! అంతేకాదు. కొందరు కూటమి ఎమ్మెల్యేలు కొంతమంది మహిళలపై ఎలాంటి దుశ్చర్యలకు పాల్పడింది ఫిర్యాదులు వచ్చాయే. ఏకంగా ఒక ఎమ్మెల్యే అసెంబ్లీ నుంచే వీడియో కాల్ చేసిన ఘట్టం మరిచిపోయారా? ఆ ఎమ్మెల్యేపై ఫిర్యాదు చేసిన యువతిని నడిరోడ్డులో పోలీసు లాఠీతో కొట్టింది జనసేన నేత కదా! ఆ ఎమ్మెల్యేపై కాని, దౌర్జన్యం చేసిన జనసేన నేతపై కాని ఏమైనా చర్య తీసుకున్నారా? పలు చోట్ల బాధితులపైనే కేసులు పెడుతున్న తీరు ఆందోళన కలిగిస్తుంది.గతంలో వైఎస్సార్‌సీపీలో ఉన్న కొంతమంది ఎమ్మెల్యేలపై చంద్రబాబు, లోకేష్‌లు ఇలాగే క్రిమినల్స్ అంటూ ఆరోపణలు చేసేవారు. ఎన్నికల సమయానికి వారిలో పలువురిని టీడీపీలో చేర్చుకున్నారు. అంటే టీడీపీ క్రిమినల్స్ అడ్డాగా మారిందని ఒప్పుకుంటున్నటా?కాదా? డీఎస్సీలో అక్రమాలు జరిగాయన్నది వైఎస్సార్‌సీపీ ఆరోపణ. దానికి సమాధానం ఉంటే చెప్పాలి. లేదా ధైర్యం ఉంటే సీబీఐ విచారణకు ఒప్పుకోవచ్చు.గతంలో చంద్రబాబు డిమాండ్ చేసిన వెంటనే తన కుమారుడు జగన్‌పై సీబీఐ విచారణకు అప్పటి సీఎం వైఎస్ రాజశేఖరరెడ్డి ఒప్పుకున్న ఘటనను పలువురు గుర్తు చేస్తున్నారు. చంద్రబాబు తన కుమారుడిపై డీఎస్సీ ఆరోపణలు వస్తే ఆ ధైర్యం ఎందుకు చేయలేకపోతున్నారని వారు ప్రశ్నిస్తున్నారు. గత రెండేళ్లుగా వైఎస్సార్‌సీపీ నేతలపైన, కార్యకర్తలపైన జరిగిన హత్యలు, హత్యాయత్నం ఘటనలు, టీడీపీ నేతల దౌర్జన్యాలు ఇవన్ని చూస్తుంటే 1983లో తెలుగుదేశం ఆవిర్భావ సమయంలో ఎన్‌టీ రామారావు చెప్పిన ఆదర్శాలు ఏమిటి? ఇప్పుడు జరుగుతున్నదేమిటి?ఒక వైపు క్రిమినల్స్‌ను ప్రోత్సహిస్తూ మరో వైపు వైఎస్సార్‌సీపీపై అదే విమర్శ చేయడం చంద్రబాబుకే చెల్లిందని వైఎస్సార్‌సీపీ నేతలు వ్యాఖ్యానిస్తున్నారు. ఎవరు తప్పు చేసినా తప్పే అని, నిష్ఫక్షపాతంగా పనిచేయండని పోలీసులకు చెప్పవలసిన సీనియర్ నేత చంద్రబాబు ఈ వయసులో కూడా ఇలాంటి ప్రమాణరహిత రాజకీయాలు చేయడం వల్ల ఆయనకు అప్రతిష్ట అవుతుందా? కాదా? అన్నది ఆలోచించుకోవాలి. రెడ్‌బుక్ అరాచకాలకు స్వస్థి పలికి, ప్రజాస్వామ్యయుతంగా వ్యవహరించకపోతే టీడీపీ, జనసేన, బీజేపీ కూటమికే నష్టం.- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత

సాక్షి, గుంటూరు: అమరావతి చిత్రకళా వీధి ప్రారంభోత్సవంలో రగడ చోటుచేసుకుంది. స్టాల్స్‌ను తిలకించడానికి వచ్చిన మంత్రి దుర్గేష్‌ను డిప్యూటీ స్పీకర్‌ రఘరామకృష్ణరాజు గన్‌మెన్‌ అడ్డుకున్నారు. జనసేన నేతలను రఘురామకృష్ణరాజు గన్‌మెన్‌ పక్కకు నెట్టేశారు. దీంతో రఘురామకృష్ణ రాజు గన్‌మెన్‌తో జనసేన నేతలు వాగ్వాదానికి దిగారు. అరుపులు, కేకలతో ప్రాంగణం దద్దరిల్లింది. కేంద్ర మంత్రి పెమ్మసాని చంద్రశేఖర్ ముందే గొడవ జరిగింది.

సాక్షి, అమరావతి: ఏపీ ప్రజలను ఎలా గందరగోళ పరచాలన్న లక్ష్యంతో కూటమి ప్రభుత్వం ఉన్నట్లు కనిపిస్తుంది. రెండేళ్ల తర్వాత ముఖ్యమంత్రి చంద్రబాబు నాయుడు రాష్ట్ర ఆర్దిక పరిస్థితిపై శ్వేతపత్రం ఇవ్వవలసిన అవసరం ఏమి వచ్చింది? రానున్న రోజుల్లో ప్రజల నడ్డి విరిచే విధంగా అదనపు భారం పడే అవకాశం ఉంటుందా? లేక తను ఇచ్చిన వాగ్దానాలను పూర్తి స్థాయిలో అమలు చేయడం సాధ్యం కాదని సంకేతం ఇవ్వడమా? టీడీపీ, జనసేన కలిసి బాండ్ల రూపంలో ఇచ్చిన హామీలను నెరవేర్చేసినట్లు భ్రమ పడాలనా? ఉద్యోగులు ఇకపై తమ డిమాండ్లను అడగకుండా బెదిరించడమా? 2024 ఎన్నికలకు ముందు ఊదరగొట్టిన రీతిలో ఈ రెండేళ్లలో ఎంత సంపద సృష్టించారో ఎందుకు చెప్పలేకపోతున్నారు? పైగా అప్పులు చేయకపోతే సంక్షేమ స్కీములు ఇవ్వలేమన్న సందేశం ఎందుకు ఇవ్వవలసి వచ్చింది. జగన్ టైమ్ లో రెండేళ్ల కరోనా ఉన్నా,ఎన్నడైనా ఆర్ధిక పరిస్థితిపై ప్రజలను బేజారెత్తించేలా మాట్లాడారా? ఆయన టైమ్ లో ఓడరేవులు, మెడికల్ కాలేజీలు,ఊరూరా సచివాలయ భవనాలు వంటి ఎన్నిటినో నిర్మించి సంపద సృష్టిస్తే, కూటమి ప్రభుత్వం ఈ రెండేళ్లలో చేసిన ప్రగతి ఏమిటి?ప్రైవేటువారు తప్ప, ప్రభుత్వం ఏమి చేయలేదన్నట్లుగా చంద్రబాబు మాట్లాడడం బలహీనతగా కనిపించదా?అధికారంలోకి వచ్చిన రెండేళ్ల తర్వాత కూడా గత ప్రభుత్వంపైన విమర్శలు చేసి తమ వైఫల్యాలను కప్పిపుచ్చుకోవాలని ప్రయత్నిస్తున్నారా?లేదా?ఏతావాతా చూస్తే ఆడబిడ్డ నిధి, నిరుద్యోగ భృతి, ఏభై ఏళ్లకే ఎస్సి,ఎస్టి,బిసి లకు పెన్షన్, ఉద్యోగులకు పిఆర్సి వంటివి ఇవ్వకుండా తప్పించుకోవడానికి ఈ శ్వేతపత్రం కధను నడిపారా?అన్న ప్రశ్న వస్తోంది.అయితే ఆ విషయం మనసులో పెట్టుకుని పైకి మాత్రం సంక్షేమ కార్యక్రమాలు ఆపబోమని చెబుతున్నా,ఏదో జరగబోతోందన్న అనుమానం కలుగుతుంది. మాజీ ముఖ్యమంత్రి ,వైఎస్ ఆర్ కాంగ్రెస్ అధినేత జగన్మోహన్ రెడ్డి ఎపిలో ఎక్కడకు వెళ్లినా జన ప్రభంజనం కనిపిస్తుండడంతో, చంద్రబాబు తన మానిఫెస్టోలోని కొన్నిటిని అయినా, కొంతమేర అయినా అమలు చేశారనిపిస్తుంది. గతంలో ఆయన ఉమ్మడి ఎపి ముఖ్యమంత్రిగా ఉన్నప్పుడు కాని, విభజిత ఎపికి 2014 టరమ్ లో సి.ఎమ్.గా పనిచేసినప్పుడు కాని ఎలా వ్యవహరించారో గుర్తు చేసుకోండి.2014 ఎన్నికలకు ముందు రైతులకు సంపూర్ణ రుణమాఫీ చేస్తామని వాగ్దానం చేశారు. అధికారంలోకి వచ్చాక కొద్ది మొత్తం చేసి ఆశకు హద్దు ఉండాలని వ్యాఖ్యానించారు. పలుహామీలను ఎగవేశారన్న విమర్శను ఎదుర్కున్నారు. 1995 లో ముఖ్యమంత్రిగా ఉన్న ఎన్.టి.రామారావును కుర్చీ నుంచి దించేసి తాను సి.ఎఎమ్ అయ్యాక చేసిన డబుల్ గేమ్ ఒక ఉదాహరణ అవుతుంది. అప్పట్లో కిలో సబ్సిడి బియ్యం ధర రెండు రూపాయలు ఉండేది. ఎన్.టి.ఆర్. మద్య పాన నిషేధం అమలు చేశారు.ఇలాంటివి మరికొన్ని కూడా ఉన్నాయి. ఎన్.టి.ఆర్. 1996 జనవరిలో మరణించారు. అదే సంవత్సరం లోక్ సభ ఎన్నికలు వచ్చాయి. ఆ ఎన్నికల ప్రచారంలో తాము గెలిస్తేనే ఈ స్కీములన్నీ కొనసాగించగలగుతామని చెప్పేవారు.మద్య నిషేధం మరింత గట్టిగా అమలు చేస్తానంటూ హెల్త్ పర్మిట్లను కూడా రద్దు చేశారు. ఎన్నికలు పూర్తి అయ్యాక రాష్ట్ర ఆర్దిక పరిస్థితి బాగోలేదంటూ జనానికి చెప్పడం ఆరంభించారు. ప్రజాభిప్రాయ సేకరణ అంటూ సమావేశాలు పెట్టించారు.ఆయన కూడా స్వయంగా కొన్నిటిలో పాల్గొనేవారు. ఉదాహరణకు ప్రెస్ క్లబ్ లో జర్నలిస్టులతో జరిగిన మీటింగ్ లో మద్య నిషేధంపై అభిప్రాయం అడిగారు.మద్య నిషేధాన్ని సరిగా అమలు చేయలేకపోతున్నామని, అక్రమ మద్యం రాష్ట్రంలోకి వస్తోందని చెప్పేవారు. 1994 ఎన్నికలకు ముందు ప్రజలను , వివిధ వర్గాలవారిని అడిగి వాగ్దానాలు ఇవ్వలేదు .ఎన్.టి.రామారావు వాటిని అమలు చేసిన నేపధ్యంలో తనపై వ్యతిరేకత రాకుండా ఉండడానికి చంద్రబాబు ఈ వ్యూహం అమలు చేసేవారు.తదుపరి కిలో రేషన్ బియ్యాన్ని 5.50 రూపాయలకు పెంచారు. మద్య నిషేధాన్ని ఎత్తివేశారు. ఇలా పలు నిర్ణయాలను తిరగదోడారు. అయితే ఇదంతా ప్రజల ఆమోదంతోనే జరిగిందన్న భావన కల్పించడానికి యత్నించారు. సరిగ్గా అదే పంధాలో ప్రస్తుతం కూడా ఆయన వెళ్లే యత్నం చేస్తున్నారా అన్న సందేహం వస్తుంది.అప్పటి రాజకీయ పరిస్థితులు, సమాచార వ్యవస్థ, ఇప్పుడున్న పరిస్థితి, సోషల్ మీడియా వేరు.అందువల్ల కొంత జంకుతున్నట్లు అనిపిస్తుంది. 2024 ఎన్నికలకు ముందు కూడా ఆకాశమే హద్దుగా వరాలు ప్రకటించారు.అదేమంటే సంపద సృష్టించడం తెలుసునని అన్నారు. తీరా చూస్తే పరిస్థితి భిన్నంగా ఉంది. జగన్ టైమ్ లో రెండేళ్ల కరోనా ఉన్నప్పటికీ మొత్తం ఐదేళ్లలో సుమారు 35వేల కోట్ల అదనపు ఆదాయాన్ని ప్రభుత్వానికి సమకూర్చగలిగితే ,ఈ రెండేళ్లలో చంద్రబాబు ప్రభుత్వం కేవలం 600 కోట్ల అదనపు ఆదాయమేనని వైసిపి నేతలు లెక్కలు చెబుతున్నారు. అయినా గత ప్రభుత్వం విధ్వంసం చేసిందని, దాని ప్రభావం ఇప్పటికీ కొనసాగుతోందన్న ప్రచారం చేయడానికి చంద్రబాబు యత్నిస్తున్నారు. ఆ విధ్వంసం ఏమిటో ఎంతకీ చెప్పకపోవడం విశేషం.చంద్రబాబు ఈసారి ఒక సంగతి చెప్పారు. రెండు హామీలు తప్ప మిగిలినవి అమలు చేశామని అన్నారు.ఇంతకుముందు అన్ని చేసేశామని, ఎవరైనా ఇంకేమైనా అడిగితే వారి నాలుక మందమని వ్యాఖ్యానించారు. ప్రస్తుతం మాత్రం రెండు హామీలు అమలు చేయలేదని అంగీకరించడం విశేషం. ముఖ్యంగా ఆడబిడ్డ నిధి, నిరుద్యోగ భృతి ఇవ్వడం లేదు.దానికి ప్రత్యామ్నాయంగా పి-4 అమలు చేస్తున్నామని కొన్నాళ్లు చెప్పినా ప్రజలు విశ్వసించడం లేదన్న సంగతి అర్దం అయి ఉండాలి. అలాగే 23 లక్షల కోట్ల పెట్టుబడులు వచ్చేశాయని, 23 లక్షల ఉద్యోగాలు వస్తున్నాయని అన్నా,కేంద్రం వాటిలో ఉన్న సత్యం ఏమిటో చెప్పేసింది. కేవలం ఏడువేల కోట్ల లోపే పెట్టుబడులు వచ్చాయని, వాటివల్ల 22 వేల ఉద్యోగాలు వస్తాయని ఒక జవాబులో వెల్లడించింది. చంద్రబాబు అప్పట్లో ఇచ్చిన హామీల ప్రకారం ఏడాదికి సుమారు లక్షన్నర కోట్లు సంక్షేమ స్కీములకు వెచ్చించాలని అంచనా.కాని రెండేళ్లకు కలిపి అంత చేశానని ఆయన తెలిపిన లెక్కలను బట్టి అర్ధం అవుతుంది. మొదటి సంవత్సరం ఒక్క పెన్షన్ వెయ్యి రూపాయలు పెంచడం తప్ప మరే స్కీమ్ అమలు చేయలేదు. ఆ తర్వాత అమలు చేస్తున్నా,అనేక పరిమితులు, కోతలు పెడుతున్నారన్న విమర్శ ఉంది. ఇక ఉద్యోగ సంఘాలు తమకు చేసిన వాగ్దానాల గురించి అడుగుతుంటే,ఇప్పటికే మొత్తం రాష్ట్ర ఆదాయం అంతా ఉద్యోగుల జీతాలకే పోతున్నదని ప్రకటిస్తున్నారు. అంటే ఇది ఒకరకంగా వారిని బెదిరించడమే అవుతుంది కదా అని అంటున్నారు.ఆయన ఎన్నికల మానిఫెస్టోని దగ్గర పెట్టుకుని ఎందుకు మాట్లాడరో ప్రజలు అర్ధం చేసుకోలేరా? అప్పుల గురించి నేరుగా వివరణ ఇచ్చినట్లు కనిపించలేదు. కాగా ద్రవ్యలోటు అన్నది మిద్య అని,కాకి లెక్కలు అని చంద్రబాబు వ్యాఖ్యానించడం విన్నవారికి మతిపోయినంత పని అయింది. అంటే బడ్జెట్ మిద్య, సంపద సృష్టి అన్నది మిద్య అని అనుకోవాలా? ఇంతకీ ఈ శ్వేత్రపత్రం విడుదలలో అసలు లక్ష్యం ఏమిటో తెలియడానికి మరికొంత సమయం పడుతుందేమో చూడాలి.కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత

సాక్షి, విజయవాడ: డిప్యూటీ సీఎం పవన్ కళ్యాణ్ తీరుపై మరోసారి రాజకీయ దుమారం రేగుతోంది. చంద్రబాబు అధ్యక్షతన సచివాలయంలో జరిగిన మంత్రివర్గ సమావేశానికి పవన్ కళ్యాణ్ మరోసారి గైర్హాజరయ్యారు. పవన్ కళ్యాణ్ కేబినెట్ సమావేశానికి హాజరుకాకపోవడం ఇది వరుసగా మూడోసారి. గతంలో జరిగిన రెండు మంత్రివర్గ సమావేశాలకు కూడా ఆయన రాలేదు.గతంలో రెండు సార్లు కేబినెట్‌ సమావేశాలు జరుగుతుండగానే పవన్ కళ్యాణ్ మధ్యలోనే వెళ్ళిపోయిన సందర్భాలు ఉన్నాయి. అప్పటి నుంచి చంద్రబాబు నిర్వహించే ప్రభుత్వ సమీక్షలు, కేబినెట్ సమావేశాలకు పవన్ కళ్యాణ్ కొంతకాలంగా దూరంగా ఉంటున్నారు.ఇటీవల ప్రధాని మోదీ పర్యటనలో పాల్గొన్న పవన్‌ కల్యాణ్‌.. సీఎం చంద్రబాబు సమీక్షలు, కేబినెట్‌ సమావేశాలకు ఆయన వరుసగా గైర్హాజరవుతుండటం కూటమి సర్కార్‌లో అసలేం జరుగుతోంది?. అంతర్గత విభేదాలు ఏమైనా ఉన్నాయా? అనే అనుమానాలకు తావిస్తోంది. వరుసగా మూడు కేబినెట్‌ సమావేశాలకు డిప్యూటీ సీఎం డుమ్మా కొట్టడం ఇప్పుడు ఏపీ రాజకీయాల్లో హాట్ టాపిక్‌గా మారింది.

సాక్షి, గుంటూరు: తాడికొండ నియోజకవర్గంలో దారుణం జరిగింది. మేడికొండూరు మండలం డోకిపర్రులో వైఎస్సార్‌సీపీ నేత రత్తయ్యను చంపేందుకు జనసేన నేతలు యత్నించారు. రత్తయ్య తల, ముఖంపై రాళ్లతో దాడి చేసిన జనసేన మూకలు.. ఆయన చనిపోయాడనుకుని వదిలేసి వెళ్లిపోయారు. స్థానికులు గుర్తుపట్టి.. రత్తయ్యను ఆసుపత్రికి తరలించారు.20 రోజుల క్రితం రత్తయ్య ఇంటిపై జనసేన మూకలు దాడి చేశారు. రత్తయ్య తన ఇంటి ముందు వైఎస్సార్‌సీపీ బ్యానర్లు ఏర్పాటు చేశారు. ఆ బ్యానర్‌ తీసేయాలని రత్తయ్యను జనసేన నేతలు హెచ్చరించారు. ఈ క్రమంలో జనసేన నేతలపై ఫిర్యాదు చేసినా కానీ పోలీసులు పట్టించుకోలేదు. దీంతో​ జనసేన నేతలపై గ్రీవెన్స్‌లో రత్తయ్య ఫిర్యాదు చేశారు. ఈ నేపథ్యంలో రత్తయ్యపై రాత్రి విచక్షణారహితంగా రాళ్లు, కర్రలతో​ దాడి చేశారు. రత్తయ్య పరిస్థితి విషమంగా ఉంది. ఆసుపత్రిలో చికిత్స పొందుతున్నారు.

సాక్షి, విజయవాడ: జనసేన కీలక నిర్ణయం తీసుకుంది. జనసేన రాష్ట్ర అధికార ప్రతినిధులను పవన్‌ కల్యాణ్‌ రద్దు చేశారు. పార్టీ నూతన కమిటీలు ప్రకటించే వరకు ఎవరు టీవీ డిబేట్లలో పాల్గొనకూడదని పవన్‌ ఆదేశించారు. నూతన కమిటీలు ప్రకటించే వరకు మీడియాలో జనసేన పార్టీ పేరుతో పాల్గొనవద్దంటూ జనసేన పేర్కొంది. నూతన కమిటీ నియామకం తర్వాతే టీవీ డిబేట్లలో పాల్గొనాలని పేర్కొన్న పవన్ కల్యాణ్‌.. మీడియాలో జనసేన పేరు వాడకూడదంటూ ఆదేశాలు ఇవ్వడంపై చర్చ జరుగుతోంది.

సాక్షి, టాస్క్‌ఫోర్స్‌: రాష్ట్రంలో పాలక పార్టీల నేతల సేవలో తరిస్తూ పలువురు పోలీసులు రెడ్‌బుక్‌ రాజ్యాంగమే పరమావధిగా రెచ్చిపోతున్నారు. వారి నుంచి ఫిర్యాదు వచ్చిందే తడవుగా విచక్షణ మరచి చట్టాన్ని చేతుల్లోకి తీసుకుని వారే శిక్షలు విధిస్తున్నారు. వరుస లాకప్‌ మరణాలతో రాష్ట్రం హోరెత్తి పోతున్నా కొందరు ఖాకీల్లో ఇసుమంతైనా మార్పు రావడం లేదు సరికదా.. మరింత రెచ్చిపోతున్నారు. ఈ క్రమంలో తిరుపతి జిల్లా రామచంద్రాపురం మండల పోలీసుల దాష్టీకానికి ఓ నిండు ప్రాణం బలైంది. ప్రత్యక్ష సాక్ష్యుల కథనం మేరకు.. రామచంద్రాపురం మండలం రాయలచెరువులో నివాసముంటున్న సుబ్రమణ్యం (51)కు, పక్కనే నివాసముంటున్న జనసేన మండల అధ్యక్షుడు సంజీవని హరికి శనివారం ఇంటి ముందు నీళ్లు నిలవడంపై చిన్నపాటి గొడవ జరిగింది. దీంతో హరి అధికారాన్ని అడ్డం పెట్టుకుని, పార్టీ నియోజకవర్గ ఇన్‌చార్జ్‌ దేవర మనోహర్‌ సాయంతో పోలీసులకు తప్పుడు ఫిర్యాదు చేశారు. ఆపై చంద్రగిరి డీఎస్పీ ద్వారా ఎస్‌ఐకు ఫోన్‌ చేసి సుబ్రమణ్యంపై తప్పుడు కేసులు బనాయించారు. ఈ క్రమంలో శనివారం గ్రామానికి చేరుకున్న పోలీసులు గ్రామస్తుల ఎదుటే సుబ్రమణ్యంను బూటు కాలితో తన్నుకుంటూ.. బూతులు తిడుతూ భయానక వాతావరణాన్ని సృష్టించారు. హెడ్‌కానిస్టేబుల్‌ రాజశేఖర్‌.. పిడిగుద్దులు గుద్దుతూ.. బూటు కాలితో తంతూ, పరుష పదజాలంతో దూషించారు. అనంతరం సుబ్రమణ్యంను దేశ ద్రోహి తరహాలో బలవంతంగా స్టేషన్‌కు తరలించారు. విచక్షణా రహితంగా కొట్టి వదిలిపెట్టారు. అంతటితో ఆగకుండా ఆదివారం మరోసారి సుబ్రమణ్యంను స్టేషన్‌కు తీసుకెళ్లారు. ఎలాంటి మహిళా పోలీసులు లేకుండానే ఆయన భార్య నిర్మల, మైనర్‌ కొడుకు, కూతురు ప్రశాంత్, జయమ్మలను సైతం బలవంతంగా పోలీస్‌ స్టేషన్‌కు తరలించారు. ఆపై ఎస్‌ఐ, హెడ్‌కానిస్టేబుల్‌ వీరిని అసభ్య పదజాలంతో దూషించారు. తండ్రిని కళ్లెదుటే కొడుతుంటే తట్టుకోలేక కుమారుడు అడ్డుకోబోగా.. అతడ్ని సైతం కొట్టారు. ఆపై వారి కళ్లెదుటే సుబ్రహ్మణ్యం మర్మాంగంపై లాఠీలతో కొట్టారు. ఆదివారం రాత్రి కదల్లేని స్థితిలో అతికష్టంగా ఇల్లు చేరుకున్న బాధితుడు.. అవమాన భారం తట్టుకోలేక సోమవారం ఆత్మహత్య చేసుకున్నాడు. ఇది ముమ్మాటికీ సర్కారు అండ చూసుకుని పోలీసులు చేసిన హత్యే అని మృతుడి కుటుంబ సభ్యులు, బంధువులు, గ్రామస్తులు ఆగ్రహం వ్యక్తం చేశారు. సుబ్రమణ్యం కుటుంబానికి న్యాయం చేయాలని కోరుతూ గ్రామస్తులు మంగళవారం మృతదేహంతో రోడ్డుపై బైఠాయించి ఆందోళన చేపట్టారు.సెటిల్‌మెంట్‌కు పోలీసుల యత్నం ప్రజల్లో వ్యతిరేకత వెల్లువెత్తడంతో పోలీసు పెద్దలు ఆందోళనకు గురయ్యారు. బాధిత కుటుంబంతో మాట్లాడి పరిహారం ఇచ్చేలా సెటిల్‌మెంట్‌ చేయాలని ఆదేశించారు. ఈ క్రమంలో జనసేన నేత సంజీవని హరి కొంత డబ్బు ఇచ్చేలా ప్రామిసరి నోట్లు రాయించి బాధితులకు అందజేసేందుకు యత్నించారు. తాము కూడా కొంత డబ్బు ఇస్తామని బాధితులతో పోలీసులు బేరాలాడారు. ఎలాగైనా కేసును నీరుగార్చేందుకు పోలీసులు, కూటమి నేతలు ప్రయత్నాలు సాగిస్తున్నారు. మృతదేహాన్ని పోస్టుమార్టం నిమిత్తం తిరుపతి రుయా ఆసుపత్రికి తరలించారు.

సాక్షి,తిరుపతి: జనసేన పార్టీ రాజంపేట సోషల్ మీడియా ఇన్‌ఛార్జ్ శివకుమార్ (48) తిరుపతిలో ఉరివేసుకుని ఆత్మహత్యకు పాల్పడ్డారు. తిరుపతి ఈస్ట్ పోలీస్ స్టేషన్ పరిధిలోని కెనడీ నగర్‌లో ఈ ఘటన చోటుచేసుకుంది. మృతుడు అన్నమయ్య జిల్లా రాజంపేట మండలం నూనెవారిపల్లికి చెందినవాడిగా పోలీసులు గుర్తించారు.శివకుమార్ ఈనెల 26న తన ఇంటి నుండి బయలుదేరి తమిళనాడులోని పలు దేవాలయాలను సందర్శించారు. అనంతరం తిరుపతి కెనడీ నగర్‌లో ఉంటున్న తన బంధువు చింతల రమణమూర్తి ఇంటికి చేరుకున్నారు. అక్కడ ఇంటి బాత్రూంలో శివకుమార్ ఉరివేసుకుని ప్రాణాలు విడిచారు. తీవ్ర మానసిక ఒత్తిడి, డిప్రెషన్ కారణంగానే ఆయన ఈ నిర్ణయం తీసుకున్నట్లు మృతుడి భార్య కళ్యాణి పోలీసులకు ఇచ్చిన ఫిర్యాదులో పేర్కొన్నారు. భార్య ఫిర్యాదు మేరకు ఈస్ట్ ఎస్ఐ రామస్వామి కేసు నమోదు చేసి దర్యాప్తు చేపట్టారు. ప్రస్తుతం మృతదేహాన్ని పోస్టుమార్టం నిమిత్తం రుయా ఆసుపత్రికి తరలించారు.మృతిపై ముసురుతున్న అనుమానాలు శివకుమార్ ఆత్మహత్యపై పలు అనుమానాలు వ్యక్తమవుతున్నాయి. తమిళనాడు పర్యటనలో ఉన్న సమయంలో పెరియపాలెంలో ద్విచక్ర వాహనాన్ని వదిలేశారని, అక్కడే ఇద్దరు వ్యక్తులు తమ సిమ్ కార్డులను పారేసినట్లు శివకుమార్ బంధువు పవన్ తెలిపారు. నిన్న తిరుపతిలోని రమణమూర్తి ఇంటికి శివకుమార్, పవన్ కలిసి వచ్చారు. ఈరోజు ఉదయం వైఫై కనెక్ట్ అవ్వడంతో, వాట్సాప్ కాల్ ద్వారా పవన్‌తో శివకుమార్ భార్య కళ్యాణి మాట్లాడారు. ఆ మాట్లాడిన కొద్దిసేపటికే శివకుమార్ బాత్రూంలో ఆత్మహత్యకు పాల్పడటం గమనార్హం. అసలు ఆత్మహత్యకు గల కారణాలు ఏంటి అనే కోణంలో పోలీసులు ముమ్మరంగా విచారిస్తున్నారు.

సాక్షిప్రతినిధి, విజయనగరం: మన ఊరిలో మీటింగ్‌ పెట్టి మనకు ఆహ్వానం లేకపోవడమా..? వంటలన్నీ మనతో చేయించి మనకు పళ్లెం వేయకపోవడమా? మనతో ఫంక్షన్‌ కుర్చలు సర్దించి మనను చివరకు గుమ్మం బయట నిలబెడితే ఎలా ఉంటుంది? అచ్చం నెల్లిమర్ల ఎమ్మెల్యే లోకం నాగమాధవి పరిస్థితిలానే ఉంది. బయటకు చెప్పలేక.. ఎవరికీ చెప్పుకోలేక.. క్యాడర్‌ ముందు బిల్డప్‌ కొట్టుకోలేక.. అబ్బబ్బ ఈ కష్టాలు.. అవమానాలు పగవాడిక్కూడా రావద్దు సుమీ..! అన్న వ్యాఖ్యలు నెల్లిమర్ల నియోజకవర్గంలో వినిపిస్తున్నాయి. ఆగస్టు ఒకటో తేదీన భోగాపురం విమానాశ్రయం ప్రారంభోత్సవానికి ప్రధాని నరేంద్రమోదీ, గవర్నర్‌ అబ్దుల్‌ నజీర్, ముఖ్యమంత్రి చంద్రబాబునాయుడు తదితరులు వస్తున్నారు. ఎయిర్‌పోర్ట్‌ను ప్రధాని మోదీ ప్రారంభించనుండగా డిప్యూటీ సీఎం పవన్‌కల్యాణ్, ఎంపీ కలిశెట్టి అప్పలనాయుడు, కేంద్ర మంత్రి రామ్మోహన్‌నాయుడు పాల్గొంటున్నట్టు ఎయిర్‌పోర్టు నిర్వహణ సంస్థ జీఎమ్మార్‌ ఆహ్వాన పత్రికను విడుదల చేసింది. అందులో స్థానిక ఎమ్మెల్యే లోకం మాధవి పేరులేకపోవడం చర్చనీయాంశంగా మారింది. ఎయిర్‌ఫోర్ట్‌ ప్రారంభానికి ముందు ప్రధాని పర్యటన ఏర్పాట్లు అంటూ రోజూ ప్రాజెక్టు దగ్గరకు వెళ్లడం.. ఏర్పాట్లు.. పర్యవేక్షణ అంటూ హడావుడి చేయడం తప్ప ఆఖరుకు జీఎంఆర్‌ వారు వేసిన ఆహ్వాన పత్రంలో కూడా ఎమ్మెల్యే పేరు లేకపోవడం పార్టీ క్యాడర్‌ను ఆవేదనకు గురిచేస్తోంది. ఎయిర్‌పోర్టు రానీయండి.. వేలల్లో ఉద్యోగాలు..ఇక మీ జీవితాలు మారిపోతాయి.. ఇంటికో ఉద్యోగం.. రెండు చేతుల్లో డబ్బులు గలగలా అంటూ చెప్పుకొచ్చిన ఎమ్మెల్యేకు ఆహ్వాన పత్రంలో పేరు లేకపోవడం చూసి.. ఆమె స్థాయి ఇంతేనా అంటూ ముక్కున వేలేసుకుంటున్నారు. అయితే, దీనివెనుక స్థానిక టీడీపీ నేతల కుతంత్రం ఉందన్న వ్యాఖ్యలు జనసేన క్యాడర్‌ నుంచి వినిపిస్తున్నాయి. స్థానిక ఎమ్మెల్యేకు లేని ప్రాధాన్యం లోకేశ్‌కు ఎలా ? ఎంతపెద్ద నాయకుడు వచ్చినా స్థానిక నాయకత్వానికి అయితే ప్రత్యేక ప్రొటోకాల్‌ ఉంటుంది. ఎమ్మెల్యేలు, నియోజకవర్గ ఇన్‌చార్జిలకు వేదిక మీద సీట్లు ఉంటాయి. కానీ ప్రధాని కార్యక్రమానికి మాత్రం స్థానిక ఎమ్మెల్యే మాధవికి ప్రత్యేక ఆహ్వానం లేకపోవడం ఆమెను జీఎమ్మార్‌ లైట్‌ తీసుకున్నట్లే అంటున్నారు. ఇదిలా ఉండగా అసలు ఈ ప్రాంతానికి, ఆ ప్రాజెక్టుకు సాంకేతికంగా ఎలాంటి అనుబంధం లేని లోకేశ్, పవన్‌ కల్యాణ్‌ వంటివారికి ఎలా ప్రాధాన్యం ఇచ్చారనే అనుమానాలు కలుగుతున్నాయి.

సోషల్ మీడియాలో పెడధోరణులపై ఆంధ్రప్రదేశ్ ప్రభుత్వం టాస్క్ ఫోర్స్ వేస్తుందట. ప్రభుత్వం మీద వచ్చే నెగిటివ్ వార్తలపై నిఘా పెడతారట. అసభ్య పోస్గింగులను అరికట్టే నెపంతో చంద్రబాబు నాయుడు ప్రభుత్వం ప్రజాస్వామ్యాన్ని ఖూనీ చేసే విధంగా అడుగులు వేస్తోందా అన్న సందేహాన్ని పలువురు మేధావులు వ్యక్తం చేస్తున్నారు.అసభ్య పోస్టులు ఎవరు పెట్టినా తప్పే. వాటిని కచ్చితంగా కంట్రోల్ చేయవలసిందే. కాని ఇప్పటికే అందుకు తగిన వ్యవస్థ ఏపీలో ఉంది. అయినా అది సరిపోవడం లేదని ప్రభుత్వం ఎందుకు అంటోంది? పోలీసు వ్యవస్థ సమర్థంగా ఆ దిశలో పనిచేయడం లేదని భావిస్తున్నారా? అసభ్య పోస్టింగ్‌లను ఎలాగైనా ఆపవచ్చు. అసలు సమస్య ఏమిటంటే కూటమి సర్కార్‌పై పెరుగుతున్న వ్యతిరేకత సోషల్ మీడియాలో ప్రతిబింబిస్తుండడం కావచ్చు. దానిని కంట్రోల్ చేస్తే వచ్చే ఎన్నికలలో నెగ్గగలమన్న ఆశ ఉండవచ్చు. నిజానికి సోషల్ మీడియాతోనే గెలుపు ఓటములు నిర్ణయం కావు. ప్రభుత్వం అనుసరించే విధానాలు, ఇచ్చిన హామీలు అమలు చేసే తీరు మొదలైనవి ప్రభావితం చేసే అవకాశం ఎక్కువగా ఉంటుంది.అయితే అసత్య ప్రచారాల వల్ల నష్టం జరగదా అంటే కాదని అనలేం. కాని ఇప్పుడు ఉన్న పరిస్థితిలో వైఎస్సార్‌సీపీకు చెందినవారు కాని, వారి సోషల్ మీడియా కాని అబద్దాలు చెప్పే అవకాశం తక్కువ. నిజాలు చెబుతుంటేనే పోలీసు వ్యవస్థను ఉపయోగించి వైఎస్సార్‌సీపీవారిపై ఎన్ని కేసులు పెడుతున్నది కనబడుతున్న తరుణంలో కోరికోరి ఎవరు సమస్య తెచ్చుకుంటారు? సోషల్ మీడియా పోస్టులలో పచ్చి బూతులు పెట్టిన కొందరిని టీడీపీ ఎంకరేజ్ చేస్తున్నదన్న ఆరోపణ ఉంది.జగన్ ప్రభుత్వ సమయంలో అలాంటివారిపై ఏవైనా చర్య తీసుకోబోతే ఇంకేముంది ప్రజాస్వామ్యాన్ని హరిస్తున్నారు, వాక్ స్వాతంత్రం, మీడియా స్వాతంత్రం పూర్తిగా పోయాయి అని చంద్రబాబు, పవన్ కళ్యాణ్ వంటివారితో పాటు ఎల్లో మీడియా వారు ఎన్ని ఆరోపణలు చేసేవారు? బహుశా వారు ఆ సంగతులు మర్చిపోయి ఉండవచ్చు. అరాచక పోస్టులు పెట్టిన ఒక వ్యక్తితో మహానాడులో ప్రసంగమే ఇప్పించారే! అది ఏపాటి మర్యాద అవుతుంది? వైఎస్ జగన్ కుటుంబంపైన, వైఎస్సార్‌సీపీ నేతల కుటుంబాలపైన, ఆ పార్టీ మహిళా నాయకులపై ఎంత దారుణమైన వ్యాఖ్యలను టీడీపీ మద్దతుదారులు కొందరు ఎలా చేశారో అందరికి తెలుసు. వారిలో కొందరికి టీడీపీ ఎమ్మెల్యే టిక్కెట్లు ఇచ్చారు. మరికొందరు అంతకన్నా పెద్ద పదవులలోనే ఉన్నారు కదా! బహుశా తమ అనుభవం రీత్యా, వైఎస్సార్‌సీపీ సోషల్ మీడియాను అణచివేయడమే మార్గంగా భావించినట్లు ఉన్నారు.మంత్రివర్గ సమావేశంలో సోషల్ మీడియాపైనే ఎక్కువగా చర్చ జరిపే పరిస్థితి వచ్చిందంటేనే ఈ ప్రభుత్వం ఎంత భయపడుతోందో అర్థం చేసుకోవచ్చు. పోలీసులు సాధారణంగానే అభ్యంతరకరంగా ఉండే సోషల్ మీడియాపై కేసులు పెడుతుంటారు. కాని వారి బాధ్యత ఈ ప్రభుత్వం వచ్చాక మారిపోయింది. వైఎస్సార్‌సీపీ సోషల్ మీడియాలో ఎవరు యాక్టివ్‌గా ఉండే ప్రభుత్వ లోటుపాట్లపైన, వైఫల్యాపైన ప్రశ్నిస్తారో వారందరిపై ఏదో రూపేణా కేసులు పెట్టడమే పోలీసుల విధిగా మారిపోయినట్లుంది. అందుకే ఏకంగా సుమారు 1500 కేసులు సోషల్ మీడియాపై పెట్టారు. ఆ కేసులో 1300 మందిని అరెస్టు చేశారు. ఇదంతా ప్రజాస్వామ్యాన్ని హరించడమేనని సీపీఎం కార్యదర్శి వి. శ్రీనివాసరావు వంటివారు గొంతెత్తి చెబుతున్నారు.రావణ్ అనే యూట్యూబర్‌పై దేశద్రోహ కేసు పెట్టి కూటమి ప్రభుత్వం దేశవ్యాప్తంగా పరువు పోగొట్టుకుందని సీపీఐ జాతీయ కార్యదర్శి రామకృష్ణ వ్యాఖ్యానించారు. టీడీపీ మద్దతుదారుగా భావించే మాజీ పోలీసు ఉన్నతాధికారి ఏబీ వెంకటేశ్వరరావు కూడా రావణ్‌పై ఆ చట్టాన్ని ప్రయోగించడంపై తీవ్ర అభ్యంతరం చెప్పారు. వీరెవ్వరిని తప్పుపట్టని చంద్రబాబు ఈ కేసును వైఎస్సార్‌సీపీకి రుద్దాలని ప్రయత్నించడమే ప్రభుత్వ బలహీనతగా తీసుకోవాలి.ఒకప్పుడు కులమతాలను రెచ్చగొడుతూ టివీలో నిత్యం మాట్లాడే ఒక నాయకుడిమీద ఆనాటి వైఎస్సార్‌సీపీ ప్రభుత్వం రాజద్రోహం కేసు పెడితే దానిపై ఆ రోజుల్లో తెలుగుదేశం ఇంతెత్తున ఎగిరిపడింది. ఈ రోజుల్లో కూడా రాజద్రోహం ఏమిటి అని ప్రశ్నించింది. కాని తాను అధికారంలోకి రాగానే సోషల్ మీడియాపై దాడి చేయడమే కాదు.. ఒక చిన్న యూట్యూబర్‌పై రాజద్రోహం కేసు పెట్టి కూటమి సర్కార్ తన నైజాన్ని బయటపెట్టుకుంది. ఇది ఉప ముఖ్యమంత్రి పవన్ కళ్యాణ్‌ను సంతృప్తిపరచడానికా? లేక సోషల్ మీడియాను భయపెట్టడానికా అన్నది వేరే సంగతి.నిజానికి చంద్రబాబు ప్రభుత్వం దేనిమీద టాస్క్ ఫోర్స్‌లు వేయాలి? టీడీపీ, జనసేనలు కలిసి ఇచ్చిన ఎన్నికల హామీలు ఎన్ని అమలు చేశాం. ఇంకెన్ని చేయాలి? వాగ్దానాలు నెరవేర్చుకోవడానికి ఎలాంటి పద్దతి అనుసరించాలి? అన్నవాటి మీద కదా! పెన్షన్ నాలుగువేలు చేయడం, మరికొన్నిటిని అరకొరగా అమలు చేయడం మినహా ఎన్నికల మానిఫెస్టోని తుంగలో తొక్కినట్లుగా వ్యవహరిస్తూ, సోషల్ మీడియాతో ఏదో ప్రమాదం ముంచుకువస్తున్నట్లుగా ప్రవర్తిస్తున్న తీరు ప్రజాస్వామ్యవాదులకు ఆందోళన కలిగిస్తుంది. ప్రభుత్వంపై అసత్య ప్రచారాన్ని అరికట్టాలట. ఇది తప్పు కాదు. కాని గతంలో చంద్రబాబు, పవన్ కళ్యాణ్, లోకేష్ తదితరులు ఎన్ని అబద్దాలు ప్రచారం చేశారో జనానికి తెలియదా?కేంద్ర ప్రభుత్వ ఆదేశాల మేరకు భూముల రీసర్వే చేస్తుంటే, జగన్ ప్రజల భూములు కాజేస్తున్నారని చేసిన ప్రచారాన్ని ఏమంటారు?ఇప్పుడు అదే రీసర్వే తమ ఘనత అని ఎలా చెప్పుకుంటున్నారు? 30వేల మంది మహిళలు మిస్సింగ్ అయ్యారని, అందుకు వలంటీర్లు బాద్యులని చెప్పిన సంగతి నిజమా? అబద్దమా? కులాలు, మతాల మధ్య చిచ్చు పెడుతున్నారని అంటూ చంద్రబాబు అచ్చంగా వాటి గురించి పలుమార్లు ఎందుకు ప్రచారం చేస్తున్నారు. దేశంలోనే సీనియర్ నేతలలో ఒకరైన చంద్రబాబు వీటిగురించి పదే, పదే మాట్లాడడం సరైనదేనా. తనకు ఫలానా కులం వారైనా ఓట్లు వేయరా అని అడిగిన వ్యక్తిని పక్కనబెట్టుకున్నదెవరు?ఒక సభలో మాట్లాడుతూ గతంలో శ్రీరాముడి తల తొలగించారని ఆరోపించడం సరైనదేనా? ఆ కేసులో పట్టుబడిన వ్యక్తి టీడీపీ మద్దతుదారు అని అప్పట్లో పోలీసులు వెల్లడించారే. ఆ వ్యక్తికి కూటమి అధికారంలోకి వచ్చాక ఐదు లక్షలు ఇచ్చారని వార్తలు వచ్చాయే! ఆదోనిలో శివాలయంలో ఓ వ్యక్తి సిగరెట్ వెలిగించుకున్నాడని చంద్రబాబు చెప్పారు. దీనిపై చర్య తీసుకోవలసింది ఎవరు? పైగా అతను జనసేనకు చెందినవాడని వెల్లడైంది కదా! పదే, పదే ఇలాంటి విషయాలను ప్రస్తావించడం సమాజానికి మంచిదా? ఇవన్ని ఎందుకు! ఇతర మతాలను దూషిస్తున్న ఒక వ్యక్తి జోలికి ఎందుకు ప్రభుత్వం వెళ్లడం లేదు? ముఖ్యమంత్రి, లేదా కీలకమైన పదవులలో ఉండి మీ మతం, మా మతం, మీ దేవుడు, మా దేవుడు అంటూ మాట్లాడడం ద్వారా టీడీపీ నేతలు సమాజానికి ఏమి సందేశం ఇవ్వదలిచారు?తిరుమల ప్రసాదంలో జంతు కొవ్వు కలిసిందని ఆరోపించి మతానికి అపచారం చేశారా? మంచి చేశారా? మతం గురించి ఇంతగా బాధపడుతున్నవారు అయోధ్య రామాలయంలో డోనేషన్ల స్కామ్ గురించి ఎందుకు పెదవి విప్పలేకపోతున్నారు. అది మతానికి జరిగిన నష్టం కాదా? కొద్ది రోజుల క్రితం ఒక సభలో చంద్రబాబు మాట్లాడుతూ తాను చెప్పిన విషయంపై సభలో ఉన్న మహిళలు చప్పట్లు కొట్టరా అని బాధపడ్డారు.. ఉచిత బస్ ద్వారా ఎక్కడి నుంచి ఎక్కడికైనా వెళ్లే సదుపాయం కల్పించామని ఆయన తన ప్రసంగంలో చెబుతుంటే ఎవరూ సీరియస్‌గా తీసుకోలేదు. దాంతో ఆయన అసంతృప్తి చెంది తాను మంచి పనిచేస్తే చప్పట్లు కొట్టరా అని అడిగారు. నిజంగా ఫ్రీబస్ స్కీమ్‌పై ఇచ్చిన హామీ ఏమిటి? ఇప్పుడు అమలు చేస్తున్నదేమిటి?తిరుపతి, అన్నవరం ఏ క్షేత్రానికి అయినా, రాష్ట్రంలో ఏమూల నుంచి ఏ మూలకైనా ఏ బస్ అయినా ఎక్కి వెళ్లవచ్చని కూటమి పార్టీలు ప్రచారం చేశాయా? లేదా? ఇప్పుడు అదేమాదిరి అమలు చేస్తున్నారా? లేక పలు షరతులు పెట్టారా? ఆడబిడ్డ నిధి, బీసీలకు ఏభై ఏళ్లకే పెన్షన్ తదితర హామీల మాటేమిటి? వలంటీర్లకు ఏమి చెప్పారు. ఆ తర్వాత ఎలా ఎగవేశారు? ఇలాంటివన్ని ప్రజలకు గుర్తున్నాయి కనుకే సభకు వచ్చినవారు చప్పట్లు కొట్టడం లేదేమో అన్న సంగతి చంద్రబాబు, ఇతర కూటమి నేతలు గుర్తిస్తే మంచిది.- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత

ఏలూరు: కైకలూరులో రాజ్యాంగేతర శక్తిగా మారిన జనసేన కార్యకర్త కొల్లి వీర వెంకట సత్య వరప్రసాద్‌ (బాబీ) నిజస్వరూపాన్ని అతని భార్య దుర్గాదేవీ మీడియా ముందు మంగళవారం బట్టబయలు చేసింది. ఇటీవల కైకలూరు దానిగూడెం దళితుల దాడి కేసులో జైలు జీవితం అనుభవించి వచ్చిన కొల్లి బాబీ మరోసారి వార్తల్లోకెక్కాడు. ఎమ్మెల్యే కామినేని శ్రీనివాస్‌ ప్రధాన అనుచరుడిగా చలామణి అవుతున్న ఇతనిపై మట్టిదందా, పేకాట నిర్వాహణ వంటి పలు ఆరోపణలు ఉన్నాయి. కైకలూరు టౌన్‌ స్టేషన్‌లో బాబీపై అతని భార్య వరకట్న వేధింపులు, అక్రమ సంబంధం, పిల్లలను కలవనివ్వడం లేదంటూ వంటి వాటిపై తల్లితో కలిసి ఫిర్యాదు చేసింది. కొల్లి బాబీకి పశ్చిమగోదావరి జిల్లా వీరవాసరానికి చెందిన దుర్గాదేవీతో వివాహ సమయంలో భారీగా కట్నకానుకలు ఇచ్చారు. మరింత కట్నం కోసం వేధిస్తుంటే అదనంగా ఇచ్చారు. వీరికి ఇద్దరు అబ్బాయిలు. కొల్లి బాబీ వ్యసనాలకు బానిసై తనను మానసికంగా వేధించాడని ఆమె పేర్కొంది. తన పుస్తెలు, పదో తరగతి సర్టిఫికెట్లపై లోను తీసుకుని కార్లలో తిరుగుతూ తనను మనిషిగా చూసేవాడు కాదని వాపోయింది. తనను 5 సంవత్సరాలుగా దూరం పెట్టి ఇంటికి పంపారన్నారు. తన బిడ్డలను సెలవులకు తీసుకొచ్చి ఏలూరు సిద్దార్థ హాస్టల్‌లో పెట్టారని వారిని చూడనివ్వకుండా చేస్తున్నారని వాపోయింది. తన భర్తతో ప్రాణభయం ఉందని, అతనికి వివాహేతర సంబంధం ఉందని ఆమె తెలిపింది. ఇంటికి వస్తే నరికేస్తా అంటూ బెదిరిస్తున్నాడని, తన భర్తతో పాటు, నా బిడ్డలతో కలసి జీవించే విధంగా న్యాయం చేయాలని కోరింది. ఇందులో ఏ రాజకీయ పార్టీ ప్రమేయం లేదన్నారు. దుర్గాదేవి ఫిర్యాదుపై టౌన్‌ సీఐ ఏవీఎస్‌ రామకృష్ణను వివరణగా కోరగా ఫిర్యాదు అందిందని, ఇద్దరికీ కౌన్సిలింగ్‌ నిర్వహిస్తామన్నారు.

డాబాగార్డెన్స్‌: విశాఖ జనసేన పార్టీలో అంతర్గత విభేదాలు ఒక్కసారిగా భగ్గుమన్నాయి. ఆ పార్టీ జిల్లా అధ్యక్షుడు, ఎమ్మెల్యేపై మాజీ కార్పొరేటర్‌ సంచలన ఆరోపణలు చేయడం జిల్లాలో తీవ్ర దుమారం రేపుతోంది. కబ్జాదారులకు మద్దతుగా విశాఖ దక్షిణ ఎమ్మెల్యే వంశీకృష్ణ శ్రీనివాస్‌ యాదవ్‌.. రాష్ట్ర పురపాలక, పట్టణాభివృద్ధి శాఖ మంత్రి పి.నారాయణకు సిఫార్సు లేఖ రాశారని ఆ పార్టీ నేత పీతల మూర్తి యాదవ్‌ బాంబ్‌ పేల్చారు. నగరంలో సుమారు రూ.150 కోట్ల విలువైన ప్రభుత్వ, జీవీఎంసీ ఆస్తులను కబ్జాదారులకు కట్టబెట్టేందుకు కొందరు అధికారులు తప్పుడు నివేదికలతో ఫైళ్లు కదుపుతుంటే, వారికి మద్దతుగా ఎమ్మెల్యే లేఖలు రాసినట్లు బయటపెట్టడం సంచలనం సృష్టిస్తోంది. సోమవారం జీవీఎంసీలో నిర్వహించిన ప్రజా సమస్యల పరిష్కార వేదిక లో మూర్తియాదవ్‌ ఈ వ్యవహారంపై అధికారులకు వినతిపత్రం అందించి, సొంత పార్టీ ఎమ్మెల్యే తీరును ఎండగట్టడం జిల్లాలో హాట్‌ టాపిక్‌గా మారింది. ప్రభుత్వ స్థలాలపై కబ్జాదారుల కన్ను విశాఖలో కొందరు అవినీతి అధికారుల స్వార్థం వల్ల విలువైన ప్రభుత్వ స్థలాలు ప్రైవేటుపరం అయిపోతున్నాయని మూర్తి యాదవ్‌ ధ్వజమెత్తారు. దశాబ్దాలుగా ప్రభుత్వ ఆస్తులుగా ఉన్న స్థలాలను కాజేసేందుకు ప్రయతి్నస్తున్న ప్రైవేటు వ్యక్తులకు స్వయంగా కూటమి ప్రజాప్రతినిధి వత్తాసు పలుకుతూ అధికారులపై ఒత్తిడి తీసుకురావడం దురదృష్టకరమన్నారు. అక్కయ్యపాలెం 80 అడుగుల రోడ్డులో దశాబ్దాలుగా జీవీఎంసీ వినియోగంలో ఉన్న సర్వే నెంబరు 6/2 లోని ఎకరా 25 సెంట్ల విలువైన స్థలంపై ప్రైవేటు వ్యక్తుల కన్ను పడిందని, వేలాది మందికి నీరందించే ఓవర్‌ హెడ్‌ ట్యాంకులు, కార్యాలయం, సులభ్‌ కాంప్లెక్స్‌ ఉన్న ఈ భూమిని ప్రైవేటు వ్యక్తుల పరం చేసేందుకు దక్షిణ నియోజకవర్గ ఎమ్మెల్యే ఒత్తిడి తెచ్చారని ఆరోపించారు. బీజేపీ నేత విష్ణుకుమార్‌ రాజు ప్రాతినిధ్యం వహిస్తున్న ఉత్తర నియోజకవర్గ పరిధిలోని ఈ స్థలం తన సన్నిహితురాలైన ఎన్‌.వల్లికి చెందినదని, ఆమెకు అనుకూలంగా నిర్ణయం తీసుకోవాలని కోరుతూ ఎమ్మెల్యే వంశీకృష్ణ శ్రీనివాస్‌ ఈ నెల 9న మున్సిపల్‌ శాఖ మంత్రి పి.నారాయణకు లేఖ రాయడంపై మూర్తియాదవ్‌ తీవ్ర అభ్యంతరం వ్యక్తం చేశారు. కోర్టు తీర్పులను కాదని సిఫార్సులు ఇదే తరహాలో విశాఖ తూర్పు నియోజకవర్గ పరిధిలోని ఈస్ట్‌ పాయింట్‌ కాలనీలో కోర్టు కేసుల్లో గెలిచి జీవీఎంసీ దక్కించుకున్న వాల్తేర్‌ వార్డు టౌన్‌ సర్వే నెంబరు 124, 125/2 లోని 3,660 చదరపు గజాల పార్కు స్థలాన్ని సైతం ప్రైవేటు వ్యక్తులకు కట్టబెట్టేందుకు ఎమ్మెల్యే ప్రయతి్నస్తున్నారని మూర్తి యాదవ్‌ ఆరోపించారు. అక్కడ లెండి వనం, బాబా చావిడి పార్కులు ఉన్నాయని, గతంలో ఈ స్థలం జీవీఎంసీదేనని హైకోర్టు స్పష్టమైన తీర్పు ఇచ్చినప్పటికీ, సదరు స్థలం తనకు తెలిసిన విజయలక్ష్మికి చెందినదంటూ ఎమ్మెల్యే వంశీకృష్ణ మంత్రికి మరో లేఖ రాయడం గమనార్హమన్నారు. ఆ కుటుంబం అమెరికా, జైపూర్‌లో సెటిల్‌ అయిందని, మానవతా దృక్పథంతో ఆ స్థలాన్ని వారికి అప్పగించడమో లేదా నష్టపరిహారం ఇవ్వడమో చేయాలని ఎమ్మెల్యే కోరడం వెనుక ఆంతర్యమేమిటని ప్రశ్నించారు. పవన్‌ కల్యాణ్‌ జోక్యం చేసుకోవాలి ప్రభుత్వ ఆస్తులను, ముఖ్యంగా ఉద్యానవనాలను కాపాడాలని జనసేన అధినేత, ఉప ముఖ్యమంత్రి పవన్‌ కల్యాణ్‌ పదే పదే పిలుపునిస్తున్నప్పటికీ, సొంత పార్టీ ఎమ్మెల్యే దానికి విరుద్ధంగా వ్యవహరిస్తుంటే స్థానిక ఎమ్మెల్యేలు మౌనంగా ఉండటాన్ని కూడా మూర్తి యాదవ్‌ తప్పుబట్టారు. ఈ వ్యవహారంలో ఉప ముఖ్యమంత్రి పవన్‌ కల్యాణ్‌ తక్షణమే జోక్యం చేసుకుని, ఎమ్మెల్యేల వ్యక్తిగత స్వార్థ ప్రయోజనాలకు అడ్డుకట్ట వేసి, రూ.150 కోట్ల విలువైన జీవీఎంసీ స్థలాలను, పార్కులను కబ్జాదారుల బారి నుంచి కాపాడాలని డిమాండ్‌ చేశారు. సొంత పార్టీ ఎమ్మెల్యే, జిల్లా అధ్యక్షుడిపైనే మాజీ కార్పొరేటర్‌ ఈ స్థాయిలో బహిరంగంగా తిరుగుబావుటా ఎగరేయడం.. జన సేన పారీ్టలో రేగుతున్న అంతర్గత ముఠా తగాదాలను తేటతెల్లం చేస్తోంది. కూటమి అధికారంలోకి వచ్చిన రెండేళ్లకే సొంత పార్టీ నేతల మధ్యే రూ.150 కోట్ల భూవివాదంపై ఇంతటి తీవ్రస్థాయిలో రచ్చకెక్కడం జిల్లా జనసేన శ్రేణుల్లో తీవ్ర కలకలం రేపుతోంది.

గన్నవరం: అధికారంలోకి రాగానే తన కుమార్తె కేసు విషయంలో న్యాయం చేస్తానని నమ్మించి మోసం చేసిన డిప్యూటీ సీఎం పవన్‌ కళ్యాణ్‌పై పోలీసులు కేసు నమోదు చేసి చట్టపరమైన చర్యలు తీసుకోవాలని సుగాలి ప్రీతి తల్లి పార్వతి డిమాండ్‌ చేశారు. ఈ మేరకు ఆదివారం ఆమె కృష్ణా జిల్లా గన్నవరంలో పవన్‌కళ్యాణ్‌పై పోలీస్‌స్టేషన్‌లో ఫిర్యాదు చేశారు. 2019 నుంచి 2024 వరకు రాష్ట్రంలో పలు బహిరంగ సభల్లో సుగాలి ప్రీతికి జరిగిన అన్యాయం గురించి పవన్‌కళ్యాణ్‌ ప్రస్తావించారని గుర్తు చేశారు. అధికారంలోకి రాగానే తాము చేపట్టే ఫస్ట్‌ కేసు సుగాలి ప్రీతిదేనని కూడా ఆయన హామీ ఇచ్చారన్నారు. కూటమి ప్రభుత్వం వచ్చి రెండేళ్లు ముగిసిపోయినా సుగాలి ప్రీతి కేసులో ఎటువంటి పురోగతి లేకపోవడం బాధాకరమన్నారు. ఐదు రోజులుగా దాదాపు ఐదు వందల మంది పోలీసులు, నాలుగు జిల్లాల ఎస్పీలను ఉరుకులు పరుగులు పెట్టించి యూట్యూబర్‌ రావణ్‌ను అరెస్ట్‌ చేశారని, అందులో కనీసం పది శాతం శ్రద్ధ పెట్టినా తమ కుటుంబానికి న్యాయం జరిగి ఉండేదన్నారు. నిందితులు రాష్ట్ర మంత్రుల ఇళ్లలో, కర్నూలులో స్వేచ్ఛగా తమ కళ్ల ముందే తిరుగుతున్నారని వాపోయారు. ఎందుకీ వివక్ష? అని నిలదీశారు. సుగాలి ప్రీతి కేసులో ఆధారాలు తారుమారయ్యాయని ఏ ఆధారంతో పవన్‌ చెబుతున్నారని పార్వతి ప్రశ్నించారు. ఆధారాలు లేకుండా మాట్లాడిన ఆయనపై ఎన్ని కేసులు పెట్టాలని నిలదీశారు. డిప్యూటీ సీఎం హోదాలో ఉండి ఒక దివ్యాంగురాలికి మాట ఇచ్చి మర్చిపోవడం చీటింగ్‌ కాదా? అని ప్రశ్నించారు. ముద్దాయిలకు డిప్యూటీ సీఎం హోదాలో పవన్‌ క్లీన్‌చిట్‌ ఇవ్వడం దుర్మార్గమన్నారు. చివరికి దివ్యాంగురాలైన తనను జనసేన నేతలు, వీర మహిళలతో బాడీ షేమింగ్‌ చేయించారని ఆవేదన వ్యక్తం చేశారు.

ఏలూరు జిల్లా: పోలవరం జనసేన ఎమ్మెల్యే చిర్రి బాలరాజుకు బుట్టాయిగూడెం మండల పార్టీ అధ్యక్షుడు బుచ్చిరాజు సవాల్ విసిరారు. పోలవరం నియోజకవర్గంలో పెత్తందారులు తనని అణిచివేశారంటూ రెండు రోజుల క్రితం ఎమ్మెల్యే బాలరాజు సంచలన వ్యాఖ్యలు చేశారు.దీంతో పెత్తందారులు ఎమ్మెల్యేను అణిచివేస్తే కోట్ల రూపాయల ఆస్తులు ఎలా కూడా పెట్టాడని ఆదివారం బుచ్చిరాజు ప్రశ్నించారు. ‘‘విలాసవంతమైన ఇల్లు, స్కూళ్లు, రెస్టారెంట్లు, భూములు ఎలా సంపాదించాడు? పోలవరం ఏఎంసీ చైర్మన్ పదవి కోసం నన్ను రూ.50 లక్షలు అడిగింది నిజం కాదా? ఆ పెత్తందారులే లేకపోతే నువ్వు ఎమ్మెల్యే అయ్యేవాడివా? నువ్వు ఎమ్మెల్యే అవ్వడం కోసం వారి చుట్టూ ఎన్నిసార్లు తిరగలేదు? నియోజవర్గంలో జన సైనికులకు, వీర మహిళలకు నువ్వు ఏం న్యాయం చేశావ్‌? బుట్టాయిగూడెంలో మట్టి తవ్వకాలకు సంబంధించి జేసీబీలు, టిప్పర్లు రెవెన్యూ వాళ‍్లతో దాడులు చేయించింది నువ్వు కాదా..? ఆ తర్వాత ఒక్కో వాహనానికి రూ.2 లక్షలు వసూలు చేయలేదా? నామినేటెడ్ పోస్టులు డబ్బులు ఇవ్వకుండానే ఇచ్చావా...? నామినేటెడ్ పోస్టులు పొందిన వారిలో పార్టీ కోసం కష్టపడిన వారికి ఎంతమంది ఉన్నారు? నీపై వచ్చిన అవినీతి ఆరోపణలు ఆధారాలతో సహా నిరూపించగలం. పెత్తందారులు నిన్ను అణిచివేశారని నువ్వు నిరూపించగలవా?’’ అని ప్రశ్నల వర్షం కురిపించారు.