ఆంధ్రప్రదేశ్‌లో స్థానిక సంస్థల ఎన్నికలకు సంబంధించి అధికార కూటమి పార్టీల మధ్య సీట్ల సర్దుబాటు ప్రక్రియ కొలిక్కి వచ్చింది. అయితే ఈ సీట్ల కేటాయింపుపై జనసేన పార్టీలో తీవ్ర అసంతృప్తి వ్యక్తమవుతోంది. తాము ఆశించిన స్థాయిలో స్థానాలు దక్కకపోవడంతో పాటు, కేటాయించిన స్థానాలపై జనసేన శ్రేణులు తీవ్ర నిరాశలో కూరుకుపోయాయి.

సగం కూడా ఇవ్వని టీడీపీ
స్థానిక ఎన్నికల్లో తమ పార్టీ బలానికి తగినట్లుగా ఎక్కువ స్థానాలు కేటాయించాలని జనసేన నాయకులు తొలుత గట్టిపట్టుపట్టారు. రాష్ట్రవ్యాప్తంగా దాదాపు 40 మున్సిపాలిటీలు కేటాయించాలని డిమాండ్ చేసినట్లు సమాచారం. అయితే తెలుగుదేశం పార్టీ వ్యూహాత్మకంగా వ్యవహరించి, జనసేన అడిగిన సీట్లలో కనీసం సగం కూడా కేటాయించలేదని తెలుస్తోంది. తుది సర్ధుబాటు ప్రకారం జనసేనకు కేవలం 21 మున్సిపాలిటీలు, 4 కార్పొరేషన్లు మాత్రమే దక్కాయి.

ఎన్నికలు లేని స్థానాల కేటాయింపుపై ఆగ్రహం
కూటమిలో భాగంగా కేటాయించిన స్థానాలపై జనసేన కేడర్ మండిపడుతోంది. కేటాయించిన వాటిలో కొన్ని స్థానాలు ప్రస్తుతం ఎన్నికలు లేనివి లేదా నామమాత్రపు హోదా ఉన్నవేనని పార్టీ కార్యకర్తలు ఆవేదన వ్యక్తం చేస్తున్నారు. క్షేత్రస్థాయిలో పార్టీ కోసం శ్రమించిన కార్యకర్తలకు ఈ సీట్ల కేటాయింపు నిరాశ కలిగించిందని ద్వితీయ శ్రేణి నాయకులు అసంతృప్తి వెళ్లగక్కుతున్నారు.

పవన్ రాజీ ధోరణిపై కేడర్ నిరసన
పొత్తు ధర్మం పేరుతో డిప్యూటీ సీఎం, జనసేన అధినేత పవన్ కల్యాణ్ రాజీ పడుతున్న తీరుపై జనసైనికులు సామాజిక మాధ్యమాల్లో తమ నిరసన గళం వినిపిస్తున్నారు. అధినేత తీసుకుంటున్న నిర్ణయాలు క్షేత్రస్థాయిలో పార్టీ భవిష్యత్తును దెబ్బతీసేలా ఉన్నాయని వారు ఆందోళన వ్యక్తం చేస్తున్నారు. మొత్తానికి, స్థానిక సంస్థల ఎన్నికల సీట్ల సర్దుబాటులో టీడీపీ తన పట్టు నిరూపించుకోగా, జనసేన కేడర్ మాత్రం తమ అంచనాలు తలకిందులవడంతో ఆవేదన వ్యక్తం చేస్తోంది.

విశాఖ మేయర్ అభ్యర్థిగా పోటీ చేసే అవకాశం ఇచ్చిన వైఎస్సార్‌సీపీ అధినేత వైఎస్‌ జగన్‌కు ఎమ్మెల్సీ వరుదు కళ్యాణి ధన్యవాదాలు తెలిపారు.  విశాఖ ప్రజల ఆశీస్సులతో ఘన విజయం సాధించి, జగన్ తనపై ఉంచిన నమ్మకాన్ని నిలబెట్టుకుంటానని ఆమె ధీమా వ్యక్తం చేశారు.

గత ప్రభుత్వ హయాంలో వైఎస్ జగన్ విశాఖను అన్ని రంగాల్లో అభివృద్ధి చేసి విశ్వ నగరంగా తీర్చిదిద్దారని గుర్తుచేశారు. నగరంలో జగన్ చేసిన అభివృద్ధి, అందించిన సంక్షేమ ఫలాలనే రాబోయే ఎన్నికల్లో తమ ప్రధాన ప్రచార అస్త్రాలుగా మలుచుకుని ప్రజల ముందుకు వెళ్తామని వెల్లడించారు.

ఈ సందర్భంగా కూటమి ప్రభుత్వంపై తీవ్రస్థాయిలో విమర్శలు గుప్పించారు. రాష్ట్రంలో కూటమి ప్రభుత్వం అధికారంలోకి వచ్చాక అవలంభిస్తున్న ప్రజా వ్యతిరేక విధానాలు, వైఫల్యాలను ప్రజల్లో ఎండగడతామన్నారు. విశాఖలో రూపాయి, అర్ధ రూపాయికే విలువైన భూములను కట్టబెడుతూ అడ్డగోలు అమ్మకాలకు పాల్పడుతున్నారని మండిపడ్డారు.

అలాగే ఉత్తరాంధ్ర ప్రజల జీవనాడి అయిన విశాఖ స్టీల్ ప్లాంట్‌ను కూటమి ప్రభుత్వాల నిర్లక్ష్యం కారణంగా పూర్తిగా నిర్వీర్యం చేస్తున్నారని ఆరోపించారు.

అనంతపురం:  రాష్ట్రంలోని పలు చోట్ల వైఎస్సార్‌సీపీ అభ్యర్థులపై కూటమి నేతలు బెదిరింపులకు పాల్పడుతున్న ఘటనలు వరుసగా వెలుగు చూస్తున్నాయి. స్థానిక ఎన్నికల్లో పోటీకి దిగితే ఓడిపోవడం ఖాయమనే భావనలో ఉన్న కూటమి నేతలు..  పోటీ లేకుండా చూసుకునేందుకు కుటిల యత్నాలు చేస్తున్నారు. దీనిలో భాగంగా వైఎస్సార్‌సీపీ అభ్యర్థులకు బెదిరింపు కాల్స్‌ చేస్తున్నారు. 

తాడిపత్రిలో టీడీపీ నేత జేసీ ప్రభాకర్‌రెడ్డి బరితెగించారు. వైఎస్సార్‌సీపీ అభ్యర్థులు ఎవరూ పోటీ చేయవద్దంటూ బెదిరింపు యత్నాలు చేస్తున్నారు. ఈ మేరకు వైఎస్సార్‌సీపీ కౌన్సిలర్ అభ్యర్థి వేణుగోపాల్ ఇంటి వద్ద జేసీ వర్గీయుల దాష్టీకానికి పాల్పడ్డారు. పలువురు జేసీ వర్గీయులు తాడిపత్రి శాస్త్రి నగర్‌లో వేణుగోపాల్‌  ఇంటికి వెళ్లి మున్సిపల్ ఎన్నికల్లో పోటీ చేస్తే చంపుతామని బెదిరింపులకు పాల్పడ్డారు. పోటీ చేస్తే పరిణామాలు తీవ్రంగా ఉంటాయంటూ హెచ్చరించారు. కూటమి నేతల అరాచకంపై పోలీసుల మాత్రం ప్రేక్షక పాత్ర పోషిస్తున్నారు.  దీనికి సంబంధించి జేసీ వర్గీయుల గూండాగిరి సోషల్‌ మీడియాలో వైరల్‌గా మారింది. 

రాయచోటిలో మంత్రి బెదిరింపు కాల్స్‌
రాయచోటిలో సైతం వైఎస్సార్‌సీపీ అభ్యర్థులకు బెదిరింపులు వచ్చాయి. ఏకంగా మంత్రి రాంప్రసాద్‌రెడ్డి.. వైఎస్సార్‌సీపీ అభ్యర్థులకు ఫోన్‌ చేసి బెదిరింపులకు దిగారు. ఎన్నికల్లో పోటీ చేసి ఇబ్బంది పడవద్దంటూ గౌస్ అనే మైనారిటీ నాయకుడికి బెదిరించారు. ‘రిక్వెస్ట్ అనుకుంటారో, ఇంకేమనుకుంటారో అనుకోండి.. ఇబ్బందుల్లో పడొద్దు’ అంటూ బెదిరించారు. ఈ ఎన్నిక తనకు ప్రతిష్టాత్మకమని, మీరెవరు పోటీ చేయవద్దంటూ బెదిరింపు కాల్స్ చేస్తున్నారు.  రాయచోటలో అన్ని వార్డుల్లో వైఎస్సార్‌సీపీ ఆశావహలకు ఈ తరహా ఫోన్‌ కాల్స్‌ వస్తున్నాయి. ఇంకా రెండున్నేళ్లు తమ ప్రభుత్వమే ఉంటుందంటూ వైఎస్సార్‌సీపీ అభ్యర్థులను బెదిరింపులకు గురి చేస్తున్నారు. 

ఇదీ చదవండి: ఏపీ హైకోర్టులో వైఎస్సార్‌సీపీ మరో పిటిషన్‌

సాక్షి, తాడేపల్లి: ఎన్నికల సంఘాలకు వైఎస్సార్‌సీపీ లేఖ రాసింది. యథేచ్ఛగా జరుగుతున్న ఎన్నికల కోడ్ ఉల్లంఘనపై ఫిర్యాదు చేసింది. ఈ మేరకు ఎస్ఈసీ, సీఈసీకి వైఎస్సార్‌సీపీ ఎమ్మెల్సీ లేళ్ల అప్పిరెడ్డి లేఖ రాశారు. ఎన్నికల కోడ్ అమల్లో ఉన్నా రాష్ట్రవ్యాప్తంగా టీడీపీ ఫ్లెక్సీలు, బ్యానర్లు, కటౌట్లను తొలగించలేదని.. సీఎం చంద్రబాబు , మంత్రి నారా లోకేష్ చిత్రాలతో కూడిన ఫ్లెక్సీలు, హోర్డింగులు, కటౌట్లు యథేచ్ఛగా ఏర్పాటు చేస్తున్నారంటూ వైఎస్సార్‌సీపీ ఫిర్యాదులో పేర్కొంది.

ఎన్నికల కోడ్‌ను టీడీపీ నేతలు ఉల్లంఘిస్తున్నారు. రాష్ట్ర వ్యాప్తంగా మున్సిపల్, పంచాయతీ, రెవెన్యూ అధికారులు చూసీచూడనట్లు వ్యవహరిస్తున్నారు. ఈ ఉల్లంఘనలపై ఎలాంటి చర్యలూ తీసుకోవడం లేదు. దీంతో ఎన్నికల నిర్వహణలో అధికారుల నిష్పాక్షికతపై అనుమానాలు కలుగుతున్నాయి. 

‘‘ఎన్నికల కోడ్‌కు విరుద్ధంగా ఏర్పాటు చేసిన ఫ్లెక్సీలు, బ్యానర్లు, హోర్డింగులు, కటౌట్లను తక్షణమే తొలగించాలి. ఈ మేరకు జిల్లా కలెక్టర్లు, జిల్లా ఎన్నికల అధికారులకు ఆదేశాలు జారీ చేయాలి. అనుమతి లేని ఫ్లెక్సీలు, కటౌట్ల ఏర్పాటును అడ్డుకోవాలి. ఎన్నికల కమిషన్ ఆదేశాలను అమలు చేయని అధికారులపై చర్యలు తీసుకోవాలి. ఈ వ్యవహారంలో ఎన్నికల కమిషన్ తక్షణమే జోక్యం చేసుకోవాలి’’ అని ఫిర్యాదులో లేళ్ల అప్పిరెడ్డి పేర్కొన్నారు.

ఇదీ చదవండి: 14నే ఎన్నికల షెడ్యూల్ ఎందుకు ప్రకటించారు?

సాక్షి, తాడేపల్లి: రాష్ట్రంలో స్థానిక సంస్థల ఎన్నికల నగారా మోగిన నేపథ్యంలో ప్రజలకు ఇచ్చిన హామీల అమలులో పూర్తిగా విఫలమైన కూటమి ప్రభుత్వం, ప్రజల దృష్టిని మళ్లించేందుకే వైఎస్‌ జగన్‌పై తప్పుడు కేసులతో ఎల్లో మీడియాతో కలిసి విష ప్రచారం చేస్తోందని వైఎస్సార్‌సీపీ అధికార ప్రతినిధి వంగవీటి నరేంద్ర ఫైర్‌ అయ్యారు.

ఎన్నికలు రాగానే తాము చేసిన మంచి పనులను ప్రజల్లోకి తీసుకెళ్లడం ఏ రాజకీయ పార్టీకైనా సహజమని, కానీ చంద్రబాబు మాత్రం ఎదుటివారిపై బురద జల్లి రాజకీయ లబ్ధి పొందడమే పనిగా పెట్టుకున్నారని పార్టీ కేంద్ర కార్యాలయంలో మీడియాతో మాట్లాడిన ఆయన ధ్వజమెత్తారు. వంగవీటి నరేంద్ర ఇంకా ఏం మాట్లాడారంటే..:

ఎన్నికలు రాగానే టీవీ సీరియళ్లలా అక్రమ కేసులు:
ప్రపంచంలో ఎక్కడైనా ఎన్నికలొస్తే తాము చేసిన సంక్షేమం, అభివృద్ధిని చెప్పుకుని ఓట్లు అడుగుతారు. కానీ వెన్నుపోటు రాజకీయాలతో అధికారంలోకి వచ్చిన చరిత్ర కలిగిన చంద్రబాబు ఆలోచన విధానం ఎప్పుడూ వక్రీకరించే దిశలోనే ఉంటుంది. ఎన్నికలు రాగానే తన ఎల్లో మీడియాను అడ్డం పెట్టుకుని జగన్‌గారిపై విష ప్రచారాలు మొదలుపెడతారు. గతంలో కాంగ్రెస్‌ పార్టీతో కుమ్మక్కై పెట్టిన అక్రమ కేసులు, వివేకానందరెడ్డి హత్య కేసు, లిక్కర్‌ స్కామ్‌ అంటూ ఆధారాలు లేని అంశాలను టీవీ సీరియళ్లలా ఏళ్ల తరబడి నడిపిస్తున్నారు. ఇందులో ఏ ఒక్క ఆరోపణకైనా స్పష్టమైన ఆధారాలు ఉన్నాయా? వివేకానందరెడ్డి హత్య కేసులో న్యాయం కోరేవాళ్లు, నిందితులు అంతా నేడు చంద్రబాబు ఆఫీసుల చుట్టూనే తిరుగుతున్న వాస్తవం ప్రజలకు తెలియదా?.

హామీల అమలులో ఘోర వైఫల్యం. ప్రజలకు వెన్నుపోటు:
ఎన్నికల ప్రచారంలో ప్రజలకు ఇచ్చిన మేనిఫెస్టో హామీలను అమలు చేయడంలో కూటమి ప్రభుత్వం పూర్తిగా విఫలమైంది. సంక్షేమ పథకాలు, అభివృద్ధి విషయంలో ప్రజలను ఘోరంగా వంచించి వెన్నుపోటు పొడిచారు. తమ వైఫల్యాలను ప్రశ్నిస్తారనే భయంతోనే ఇప్పుడు జగన్‌ గారి కేసులంటూ తప్పుడు వార్తలు రాయిస్తున్నారు. ప్రజలకు సమాధానం చెప్పుకునే దమ్ము లేక, పత్రికల్లో ’ఈడీ ఎదురుదెబ్బ’, ’ వైఎస్‌ జగన్‌కు షాక్‌’ అంటూ రోజూ అసత్యాలు ప్రచురిస్తూ కాలం గడుపుతున్నారు.

అది కోరుకున్నది స్వయంగా జగనే:
సీబీఐ కేసుల విచారణ ముగిసిన తర్వాతే ఈడీ కేసులు చేపట్టాలని ఉన్నత న్యాయస్థానాల తీర్పులు స్పష్టంగా ఉన్నాయి. పదేళ్ల క్రితం పెట్టిన కేసుల్లో ఇప్పుడు హడావిడిగా విచారణలు చేయిస్తూ జగన్‌ గారికి షాక్‌ తగిలిందని అసత్యాలు రాస్తున్నారు. చంద్రబాబులా మేము వ్యవస్థలను, పత్రికలను అడ్డుపెట్టుకుని గానీ, కేంద్రంతో పొత్తులు పెట్టుకుని గానీ ఏనాడూ కేసులను ఆపుకోలేదు. మాపై పెట్టిన తప్పుడు కేసుల విచారణను ఆపాలంటూ కోర్టులో మేము వేసిన ఒక్క పిటిషన్‌ అయినా చూపించగలరా? నింద పడినప్పుడు రాజ్యాంగబద్ధంగా అభ్యంతరాలు తెలపడం హక్కు. పైగా ఈ కేసులను వీలైనంత త్వరగా, న్యాయబద్ధంగా ముగించాలని న్యాయస్థానాలను కోరుతున్నది స్వయంగా జగనే

24 క్రిమినల్‌ కేసులున్న చంద్రబాబు నీతులు చెప్పడమా?:
2024 ఎన్నికల నామినేషన్‌ అఫిడవిట్‌లో చంద్రబాబు తనపై 24 క్రిమినల్‌ కేసులు ఉన్నాయని స్వయంగా పేర్కొన్నారు. వాస్తవానికి ఆయనపై రౌడీషీట్‌ తెరవాలి. గత ప్రభుత్వంలో ఆధారాలతో సహా సీఐడీ ఎంక్వైరీ చేసి స్కిల్‌ స్కామ్‌ లో అరెస్ట్‌ చేస్తే, అధికారంలోకి రాగానే వ్యవస్థలను మేనేజ్‌ చేసుకుని ’మిస్టేక్‌ ఆఫ్‌ ఫ్యాక్ట్స్‌’ పేరుతో ఏడు కేసులను ఎలా మాఫీ చేయించుకున్నారో సమాధానం చెప్పాలి. దేశంలోనే అత్యధికంగా క్రిమినల్‌ కేసులున్న పార్టీ వెన్నుపోటు పార్టీ. ముఖ్యమంత్రిగా ఎక్కువ కేసులున్న వ్యక్తుల్లో చంద్రబాబు దేశంలోనే రెండో స్థానంలో ఉన్నారు. అలాంటి వ్యక్తి శ్రీరంగనీతులు చెబుతూ ఇతరులపై నిందలు వేయడం సిగ్గుచేటు.

దమ్ముంటే చేసిన పనులపై స్థానిక ఎన్నికల్లో తేల్చుకుందాం:
ఈ నేపథ్యంలో వైఎస్‌ జగన్‌ ఎక్కడికి వెళ్లినా ప్రజలు బ్రహ్మరథం పడుతుంటే ఓర్వలేక కుళ్లుకుంటున్న చంద్రబాబు.. స్థానిక సంస్థల ఎన్నికల్లో ఘోర పరాభవం తప్పదనే భయంతోనే ఈ కుట్రలకు తెరలేపారు. కరోనా లాంటి గడ్డు కాలంలో కూడా మేనిఫెస్టోలోని ప్రతి హామీని నెరవేర్చి ప్రజల గుమ్మం ముందుకు తీసుకెళ్లిన చరిత్ర వైఎస్సార్‌ కాంగ్రెస్‌ పార్టీదే. ఈ వెన్నుపోటు పార్టీ కూటమి ప్రభుత్వానికి దమ్ము, చిత్తశుద్ధి ఉంటే మీరు చేసిన పనులతో ప్రజల్లోకి రావాలి. దీంతో స్థానిక ఎన్నికల్లో  ప్రజలు ఎవరి వైపు ఉన్నారో, ఎవరికి బుద్ధి చెబుతారో తేలిపోతుందని వంగవీటి నరేంద్ర స్పష్టం చేశారు.

ఇదీ చదవండి: 14నే ఎన్నికల షెడ్యూల్ ఎందుకు ప్రకటించారు?

సాక్షి, గుంటూరు: స్థానిక ఎన్నికల వేళ కూటమి కక్ష సాధింపులకు దిగింది. మాజీ మంత్రి అంబటి రాంబాబుపై మరో అక్రమ కేసు నమోదైంది. తన ఇంటిపై దాడి చేసిన టీడీపీ గూండాల అరెస్ట్‌ కోరుతూ ఏప్రిల్‌లో కలెక్టరేట్‌ ఎదుట అంబటి దీక్ష చేసిన సంగతి తెలిసిందే. దీక్ష చేసిన అంబటికి పట్టాభిపురం పోలీసులు నోటీసులు జారీ చేశారు.

తనను కస్టడీలో హింసించిన పోలీసులు సస్పెండ్‌ చేయాలని.. తన ఇల్లు, ఆఫీస్‌పై దాడి చేసిన వారిని వెంటనే అరెస్ట్‌ చేయాలని డిమాండ్‌ చేస్తూ ఏప్రిల్‌ 18 తెల్లవారుజామునుంచే జిల్లా కలెక్టరేట్‌ వద్ద 12 గంటల పాటు నిరాహార దీక్షకు దిగారు. కాగా, గతంలో చంద్రబాబు సర్కార్‌.. అంబటి రాంబాబును తప్పుడు కేసుల్లో ఇరికించి అన్యాయంగా ఆయన్ని రాజమండ్రి సెంట్రల్ జైల్లో నిర్భంధించిన సంగతి తెలిసిందే.

ఇదీ చదవండి: 14నే ఎన్నికల షెడ్యూల్ ఎందుకు ప్రకటించారు?
 

సాక్షి, తాడేపల్లి: రాష్ట్ర ఎన్నికల సంఘం నిష్పక్షపాతంగా పనిచేస్తుందా?. అధికార పార్టీ ఒత్తిళ్లకు తలొగ్గుతుందా?. ఎన్నికల సంఘం నిర్ణయాలే దాని విశ్వసనీయతపై అనుమానాలు కలిగిస్తున్నాయి’’ అంటూ వైఎస్సార్‌సీపీ నేత, మాజీ ఎమ్మెల్యే టీజేఆర్ సుధాకర్ బాబు వ్యాఖ్యానించారు. గురువారం ఆయన మీడియాతో మాట్లాడుతూ.. చంద్రబాబు హయాంలో సీఎస్‌గా పనిచేసిన అనిల్ చంద్ర పునేఠా ఇప్పుడు రాష్ట్ర ఎన్నికల కమిషనర్‌గా ఉన్నారు. ఎన్నికల సంఘం రాజ్యాంగబద్ధంగా పనిచేయాలి.. ఎవరి ఆదేశాలకో తలొగ్గకూడదు’’ అని టీజేఆర్‌ పేర్కొన్నారు.

‘‘అక్టోబర్ 16న కొత్త ఓటర్ల జాబితా వస్తుందని తెలిసినా 14నే ఎన్నికల షెడ్యూల్ ఎందుకు ప్రకటించారు?. కేవలం 30 గంటలు ఆగలేనంత తొందర ఎన్నికల సంఘానికి ఎందుకు వచ్చింది?. కొత్త ఓటర్ల జాబితా కోసం వేచి ఉండకుండా ఎన్నికలకు వెళ్లడంలో ఆంతర్యమేంటి?. కొత్తగా చేరే 11 నుంచి 13 లక్షల మంది ఓటర్ల హక్కులపై ఎన్నికల సంఘం సమాధానం చెప్పాలి. చనిపోయినవారు, డూప్లికేట్ ఓటర్లు, వలస వెళ్లినవారి వివరాలు సరిచూసిన తర్వాతే ఎన్నికలు నిర్వహించాలి.

..అక్టోబర్ 30 వరకు ఓటర్ల జాబితా ప్రక్రియ గడువు పొడిగించిన విషయం రాష్ట్ర ఎన్నికల సంఘానికి తెలియదా?. కేంద్ర ఎన్నికల సంఘానికి, రాష్ట్ర ఎన్నికల సంఘానికి మధ్య సమాచార లోపం ఉందా?. ఉదయం ప్రకటించాల్సిన షెడ్యూల్‌ను మధ్యాహ్నం 3.30 గంటలకు మార్చాల్సిన అవసరమేంటి?. మొదట ప్రకటించిన స్థానాల్లో మంగళగిరి, తాడేపల్లిని తర్వాత ఎందుకు తొలగించారు?. లోకేష్ ప్రాతినిధ్యం వహిస్తున్న నియోజకవర్గంలోని స్థానాలకే మినహాయింపు ఎందుకు?. ఎన్నికల సంఘాన్ని నడిపిస్తున్నదెవరు? ముఖ్యమంత్రా, ఉప ముఖ్యమంత్రా, షాడో ముఖ్యమంత్రా?

..పులివెందుల, ఒంటిమిట్ట ఎన్నికల్లో జరిగిన ఘటనలపై ఎన్నికల సంఘం ఏ చర్యలు తీసుకుంది?. నామినేషన్లు ఉపసంహరించుకోవాలని మా అభ్యర్థులను బెదిరించిన ఘటనలను ఎన్నికల సంఘం దృష్టికి తీసుకెళ్లాం. రాష్ట్ర పోలీసు వ్యవస్థపై మాకు నమ్మకం లేదు.. కేంద్ర పారామిలటరీ బలగాలను మోహరించాలి. ఎన్నికల ప్రక్రియ మొత్తం సీసీటీవీ పర్యవేక్షణలో జరగాలని కోరాం. ఎన్నికల నిర్వహణ అధికార పార్టీ చేతుల్లో కాకుండా ఎన్నికల సంఘం నియంత్రణలో ఉండాలి. వైఎస్సార్‌సీపీ అభ్యర్థులకు కుల ధ్రువీకరణ పత్రాలు ఇవ్వకుండా అడ్డుకుంటున్నారు

‘‘కుల ధ్రువీకరణ పత్రాల జారీలో రాజకీయ వివక్షపై ఎన్నికల సంఘం ఏం చర్యలు తీసుకుంది?. నో డ్యూస్ సర్టిఫికెట్లు అందకపోతే అభ్యర్థుల నామినేషన్లకు ఇబ్బందులు ఎదురవుతాయి. మా ఫిర్యాదులపై తీసుకున్న చర్యలను ఎన్నికల సంఘం బహిరంగంగా ప్రకటించాలి. 2024 ఎన్నికల్లో పోలింగ్ శాతాల మార్పులపై అడిగిన ప్రశ్నలకు ఇప్పటికీ సమాధానం లేదు. సాయంత్రం 5 గంటల నుంచి పోలింగ్ ముగిసే వరకు ఎన్ని ఓట్లు పోలయ్యాయో వెల్లడించాలి. రాత్రి 11.45 గంటల తర్వాత పోలింగ్ కొనసాగిన కేంద్రాల సంఖ్య ఎంత?. పోలింగ్ శాతం 68 శాతం స్థాయి నుంచి 81.78 శాతానికి చేరడంపై స్పష్టమైన వివరణ ఇవ్వాలి.’’ అని టీజేఆర్‌ డిమాండ్‌ చేశారు.

‘‘ఈవీఎంల బ్యాటరీ రీడింగులపై లేవనెత్తిన సందేహాలకు సమాధానం ఎందుకు ఇవ్వలేదు?. వీవీప్యాట్ వెరిఫికేషన్ కోరిన అభ్యర్థుల ఫిర్యాదులపై ఏం చర్యలు తీసుకున్నారు?. హిందూపురంలోని ఒక పోలింగ్ కేంద్రంలో వైఎస్సార్‌సీపీకి ఒక్క ఓటే రావడంపై అడిగిన ప్రశ్నకు సమాధానం ఏది?. ఫారం-20 పత్రాల లభ్యతలో జాప్యంపై సమాధానం చెప్పాలి. పండుగల సమయంలోనే స్థానిక సంస్థల ఎన్నికలు జరపాల్సిన అవసరమేంటి?. దసరా, నవరాత్రి ఉత్సవాలు పూర్తయ్యే వరకు వేచి ఉండాలని అఖిలపక్ష సమావేశంలో కోరాం. సనాతన ధర్మం గురించి మాట్లాడే కూటమి నేతలకు ప్రజల పండుగల ఇబ్బందులు కనిపించడం లేదా?

కుప్పంలో ఇప్పటికీ రాజకీయ ఫ్లెక్సీలు, జెండాలు, బ్యానర్లు ఉన్నా చర్యలు ఎందుకు తీసుకోవడం లేదు?. విజయవాడ పరిసరాల్లో ఎన్నికల కోడ్ అమల్లో ఉన్నా రాజకీయ ర్యాలీలు, ప్రచార కార్యక్రమాలు కొనసాగుతున్నాయి. ఎన్నికల కోడ్ వైఎస్సార్‌సీపీకి మాత్రమేనా? అధికార కూటమి పార్టీలకు వర్తించదా?. కూటమి నేతల కోడ్ ఉల్లంఘనలపై ఎన్నికల సంఘం ఎందుకు మౌనంగా ఉంది?. ఎన్నికల సంఘం ప్రజలందరినీ సమానంగా చూడాలి. పార్టీల ఆధారంగా వివక్ష చూపకూడదు. ఇప్పటికైనా రాష్ట్ర ఎన్నికల సంఘం స్వతంత్రంగా, నిష్పక్షపాతంగా, పారదర్శకంగా వ్యవహరించాలి’’ అని టీజేఆర్‌ సుధాకర్‌బాబు పేర్కొన్నారు.

ఇదీ చదవండి: ‘స్థానిక’ నగారా మోగింది
 

రిలయన్స్‌ జియో మొబైల్‌ రీఛార్జ్‌ ధరలను మరోసారి పెంచుతుందా? టెలికాం వినియోగదారుల్లో నెలకొన్న ఈ ప్రశ్నకు జియో ప్లాట్‌ఫామ్స్‌ మేనేజింగ్‌ డైరెక్టర్‌ ఆకాశ్‌ అంబానీ స్పష్టమైన సమాధానం ఇవ్వలేదు. అయితే, కేవలం టారిఫ్‌ల పెంపుపైనే ఆధారపడకుండా వినియోగదారులకు మరిన్ని డిజిటల్‌ సేవలను అందించి, వాటి ద్వారా ఆదాయాన్ని పెంచుకోవడమే తమ వ్యూహమని వెల్లడించారు. అవసరమైతే ధరలు పెంచే అవకాశం కూడా ఉందని ఆయన వ్యాఖ్యలు సూచిస్తున్నాయి.

జియో ప్లాట్‌ఫామ్స్‌ ప్రతిపాదిత మెగా ఐపీఓ నేపథ్యంలో ముంబయిలో నిర్వహించిన మీడియా సమావేశంలో ఆకాశ్‌ అంబానీ ఈ విషయాలను వెల్లడించారు. మొబైల్‌ టారిఫ్‌లను పెంచడం టెలికాం కంపెనీలకు ఎప్పుడూ అందుబాటులో ఉండే మార్గమేనని పేర్కొన్నారు. అయితే, ప్రతి గిగాబైట్‌ డేటాకు ఎంత ధర వసూలు చేయాలనే అంశంపైనే వ్యాపార వృద్ధిని ఆధారపరచుకోవడం తమ ఉద్దేశం కాదన్నారు. కస్టమర్లకు అదనపు సేవలను అందించి, వాటికి తగిన ధర నిర్ణయించడం ద్వారా ఆదాయాన్ని పెంచుకోవాలని భావిస్తున్నట్లు తెలిపారు.

ధరల పెంపునకు అవకాశం..!

జియో టారిఫ్‌లను ఎప్పుడు పెంచుతుందనే ప్రశ్నకు ఆకాశ్‌ అంబానీ నిర్దిష్టమైన గడువును వెల్లడించలేదు. అదే సమయంలో భవిష్యత్తులో ధరలు పెంచబోమని కూడా హామీ ఇవ్వలేదు. దీంతో రీఛార్జ్‌ ధరల పెంపుపై తుది నిర్ణయం ఇంకా స్పష్టంగా లేదని అర్థమవుతోంది. వినియోగదారులకు అందించే సేవల పరిధిని విస్తరించి, వాటి విలువ ఆధారంగా ఆదాయాన్ని పెంచుకోవడానికే సంస్థ ప్రాధాన్యమిస్తున్నట్లు ఆయన వ్యాఖ్యలు స్పష్టం చేస్తున్నాయి.

భారత్‌లో తలసరి ఆదాయంతో పోలిస్తే టెలికాం సేవలపై వినియోగదారులు చేస్తున్న వ్యయం 1 శాతానికి మించడం లేదని ఆకాశ్‌ అంబానీ పేర్కొన్నారు. పరిశ్రమలో ఒక గిగాబైట్‌ డేటాకు సగటున రూ.7.50 వసూలు చేస్తుండగా, జియోలో ఈ వ్యయం రూ.4.90 మాత్రమేనని తెలిపారు. తమ వినియోగదారులు నెలకు సగటున 43.7 జీబీ డేటాను వినియోగిస్తున్నట్లు వెల్లడించారు.

దీపావళి పండుగ వేళ పెద్ద స్క్రీన్‌ టీవీ కొనాలనుకునే వినియోగదారులకు శాంసంగ్‌ ఇండియా అదిరిపోయే ఆఫర్లను ప్రకటించింది. ‘బిగ్‌, బిగ్గర్‌, బిగ్గెస్ట్‌’ పేరుతో ప్రత్యేక పండుగ ప్రచారాన్ని ప్రారంభించింది. ఇందులో భాగంగా ఎంపిక చేసిన మోడళ్లను కొనుగోలు చేసేవారికి మరో విజన్‌ ఏఐ టీవీని లేదా సౌండ్‌బార్‌ను ఉచితంగా అందించనుంది. వీటితోపాటు క్యాష్‌బ్యాక్‌, ఈఎంఐ సదుపాయాలు, ఎక్స్‌టెండెడ్‌ వారంటీ వంటి ప్రయోజనాలను ప్రకటించింది.

రూ.1.59 లక్షల విలువైన టీవీ ఉచితం!

ఈ ప్రచారంలో భాగంగా అర్హత కలిగిన శాంసంగ్‌ టీవీ మోడల్‌ను కొనుగోలు చేస్తే.. గరిష్ఠంగా రూ.1,59,990 విలువైన మరో విజన్‌ ఏఐ టీవీని ఉచితంగా పొందవచ్చు. లేదంటే రూ.1,10,990 వరకు విలువైన శాంసంగ్‌ సౌండ్‌బార్‌ను ఎంచుకోవచ్చు. అయితే, ఈ రెండింటిలో ఏదో ఒక ప్రయోజనాన్ని మాత్రమే పొందగలరు. ఏ టీవీ మోడల్‌ను కొనుగోలు చేశారనే దానిపై ఉచితంగా లభించే ఉత్పత్తి, దాని విలువ ఆధారపడి ఉంటాయి.

20 శాతం వరకు క్యాష్‌బ్యాక్‌

ఉచిత ఉత్పత్తులతోపాటు విజన్‌ ఏఐ టీవీలపై గరిష్ఠంగా 20 శాతం వరకు క్యాష్‌బ్యాక్‌ అందిస్తున్నట్లు శాంసంగ్‌ తెలిపింది. ఒకేసారి పూర్తి మొత్తాన్ని చెల్లించలేని వినియోగదారుల కోసం జీరో డౌన్‌పేమెంట్‌ ప్లాన్లను కూడా అందుబాటులోకి తెచ్చింది. అంతేకాకుండా మూడేళ్ల సమగ్ర వారంటీ ప్రయోజనాన్ని ప్రకటించింది. అయితే, ఈ ఆఫర్లకు వర్తించే అర్హతలు, నిబంధనలను కొనుగోలుదారులు ముందుగా తెలుసుకోవాలి.

ఉచిత స్ట్రీమింగ్‌ ఛానెల్స్‌..

‘మేడ్‌ ఫర్‌ ఇండియా’ ప్లస్‌ ప్రయోజనాల్లో భాగంగా శాంసంగ్‌ పలు అదనపు సదుపాయాలను అందిస్తోంది. శాంసంగ్‌ ఆర్ట్‌ ప్లస్‌ ద్వారా ఆర్ట్‌ స్టోర్‌కు మూడు నెలల ఉచిత యాక్సెస్‌ లభిస్తుంది. శాంసంగ్‌ టీవీ ప్లస్‌లో 200కు పైగా స్ట్రీమింగ్‌ ఛానెల్స్‌ను ఉచితంగా వీక్షించవచ్చు. శాంసంగ్‌ ఫైనాన్స్‌ ప్లస్‌ ద్వారా పేపర్‌లెస్‌ ఫైనాన్సింగ్‌ సదుపాయం పొందవచ్చు. శాంసంగ్‌ కేర్‌ ప్లస్‌ పొడిగించిన వారంటీ కవరేజీని అందించగా.. శాంసంగ్‌ సౌండ్‌ ప్లస్‌ మెరుగైన ఆడియో అనుభవంపై దృష్టి పెడుతుంది.

రియల్‌ ఎస్టేట్‌, స్థలాల అభివృద్ధి, ఇతర అనుబంధ వ్యాపార అవకాశాలను అందిపుచ్చుకునే దిశగా జీఎంఆర్‌ ఎయిర్‌పోర్ట్స్‌ (జీఏఎల్‌) అడుగులు వేస్తోంది. ఇందులో భాగంగా జీఎంఆర్‌ ఏరో రియల్టీ (జీఏఆర్‌ఎల్‌) పేరిట అనుబంధ సంస్థను ఏర్పాటు చేసినట్లు వెల్లడించింది. అక్టోబర్‌ 13న ఏర్పాటైన ఈ సంస్థకు రూ.1 కోటి పెయిడప్‌ షేర్‌ క్యాపిటల్‌ ఉంది. రూ.10 ముఖ విలువ కలిగిన 10 లక్షల ఈక్విటీ షేర్లతో సంస్థను ఏర్పాటు చేశారు. అయితే, కొత్త సంస్థ ఇంకా కార్యకలాపాలను ప్రారంభించలేదు. రియల్‌ ఎస్టేట్‌, భూముల అభివృద్ధి, ఇతర సంబంధిత వ్యాపార అవకాశాలను అన్వేషించడం దీని ప్రధాన లక్ష్యంగా ఉండనుంది.

మరోవైపు, విమానాశ్రయాల ద్వారా సరుకు రవాణా సేవలను మరింత విస్తరించే లక్ష్యంతో జీఎంఆర్‌ ఎయిర్‌పోర్ట్స్‌, అంతర్జాతీయ లాజిస్టిక్స్‌ సంస్థ అరామెక్స్‌ చేతులు కలిపాయి. జీఎంఆర్‌ నిర్వహణలోని విమానాశ్రయాల్లో అరామెక్స్‌ కార్యకలాపాలను బలోపేతం చేయడం, ముఖ్యంగా సూక్ష్మ, చిన్న, మధ్యతరహా సంస్థల (ఎంఎస్‌ఎంఈ) అంతర్జాతీయ సరుకు రవాణాకు మద్దతు ఇవ్వడం ఈ ఒప్పందం ఉద్దేశం. ఎక్స్‌ప్రెస్‌ కార్గో టెర్మినళ్ల వద్ద ప్రత్యేక ట్రక్కు డాక్స్‌, సరుకు తనిఖీ వ్యవస్థలు, కార్గో నిర్వహణకు అవసరమైన స్థలాన్ని అభివృద్ధి చేసే అవకాశాలను ఇరు సంస్థలు పరిశీలించనున్నాయి. టెర్మినల్‌కు సమీపంలో విమానాశ్రయం వైపు నేరుగా చేరుకునే ప్రత్యేక మార్గంతో గిడ్డంగిని ఏర్పాటు చేసే అంశంపైనా చర్చించనున్నాయి. అయితే, ఈ ప్రతిపాదనల అమలు తుది ఒప్పందాలు, పెట్టుబడులు, ప్రాజెక్టు కాలపరిమితులపై ఆధారపడి ఉంటుంది.

ఈ వ్యూహాత్మక విస్తరణకు జీఎంఆర్‌ గ్రూప్‌ ఇప్పటికే అభివృద్ధి చేసిన విమానాశ్రయ మౌలిక సదుపాయాలు కీలకంగా మారనున్నాయి. సంస్థ అధికారిక సమాచారం ప్రకారం, 2025–26 ఆర్థిక సంవత్సరంలో జీఎంఆర్‌ విమానాశ్రయాల ద్వారా 1.3 మిలియన్‌ టన్నులకు పైగా సరుకు రవాణా జరిగింది. ఢిల్లీ, హైదరాబాద్‌, గోవా విమానాశ్రయాల్లో కార్గో సదుపాయాలు ఉండటంతో పాటు, హైదరాబాద్‌ కేంద్రం ఔషధాల ఎగుమతులకు ప్రత్యేక ప్రాధాన్యం కలిగి ఉంది. విమానాశ్రయాల చుట్టూ భూముల అభివృద్ధి, గిడ్డంగులు, కార్గో మౌలిక సదుపాయాలపై దృష్టి పెట్టడం ద్వారా విమానయానేతర ఆదాయ మార్గాలను విస్తరించుకునే అవకాశం సంస్థకు లభించవచ్చు. అయితే, కొత్త రియల్టీ అనుబంధ సంస్థ చేపట్టబోయే నిర్దిష్ట ప్రాజెక్టులపై ఇంకా వివరాలు వెల్లడించలేదు.

దేశంలో బంగారం ధరలు నాన్‌స్టాప్‌గా తగ్గుముఖం పట్టాయి. పసిడి కొనుగోలుదారులకు భారీగా ఊరటనిస్తున్నాయి. దేశంలో పసిడి ధర నాలుగు రోజుల్లో సుమారు రూ.3 వేల మేర దిగివచ్చింది. పుత్తడి ధరలు రూ.లక్షన్నర దిగువకు రావడంతో కొనుగోలుకు ఉత్సాహం చూపిస్తున్నారు.

హైదరాబాద్‌ సహా తెలుగు రాష్ట్రాల్లో అక్టోబర్‌ 12 నుంచి 15 వరకు గత నాలుగు రోజుల్లో పుత్తడి ధరలను పరిశీలిస్తే.. అక్టోబర్‌ 11తో పోలిస్తే 15 నాటికి 24 క్యారెట్ల బంగారం 10 గ్రాములకు రూ.3,170, 22 క్యారెట్ల బంగారం 10 గ్రాములకు రూ.2,910 తగ్గింది. అక్టోబర్‌ 11న 24 క్యారెట్ల పసిడి ధర రూ.1,51,420 ఉండగా నేడు (అక్టోబర్‌ 15) రూ.1,48,250 లకు వచ్చింది. అలాగే 22 క్యారెట్ల బంగారం ధర అక్టోబర్‌ 11న రూ.1,38,800 ఉండగా నేడు రూ.1,35,890 దిగివచ్చింది.

బంగారం ధరలు తగ్గడానికి ప్రధాన కారణాలివే!

అమెరికాలో పెరిగిన ద్రవ్యోల్బణం

అమెరికాలో సెప్టెంబర్‌ వినియోగదారుల ధరల సూచీ (సీపీఐ) వార్షిక ప్రాతిపదికన 3.7 శాతానికి చేరింది. మార్కెట్‌ అంచనా 3.6 శాతంగా ఉండగా, అంతకంటే ఎక్కువగా నమోదైంది. నెలవారీ ద్రవ్యోల్బణం కూడా 0.6 శాతానికి పెరిగింది. దీంతో అమెరికా ఫెడరల్‌ రిజర్వ్‌ వడ్డీ రేట్లను పెంచే అవకాశాలపై అంచనాలు బలపడ్డాయి. ఈ పరిణామం బంగారం, వెండి ధరలపై ఒత్తిడిని పెంచింది.

వడ్డీ రేట్ల పెంపుపై అంచనాలు

బంగారం నుంచి సాధారణంగా వడ్డీ ఆదాయం లభించదు. వడ్డీ రేట్లు పెరిగితే బాండ్లు వంటి వడ్డీ చెల్లించే పెట్టుబడులపై ఆసక్తి పెరిగే అవకాశం ఉంటుంది. ఫలితంగా బంగారంలో పెట్టుబడులు పెట్టడం వల్ల కలిగే అవకాశ వ్యయం పెరుగుతుంది. అక్టోబర్‌, డిసెంబర్‌ ఫెడ్‌ సమావేశాల్లో వడ్డీ రేట్లపై ఎలాంటి నిర్ణయం తీసుకుంటారనే అంశం ప్రస్తుతం మార్కెట్‌ వర్గాల్లో కీలకంగా మారింది. డిసెంబర్‌లో రేట్ల పెంపు అవకాశంపై అంచనాలు పెరగడం పసిడి ధరలకు ప్రతికూలంగా మారింది.

బలపడిన అమెరికా డాలర్‌

అంతర్జాతీయ మార్కెట్లో బంగారం ధరలు డాలర్లలో నిర్ణయిస్తారు. డాలర్‌ బలపడితే ఇతర కరెన్సీలు కలిగిన కొనుగోలుదారులకు బంగారం ఖరీదుగా మారుతుంది. దీంతో డిమాండ్‌పై ఒత్తిడి ఏర్పడవచ్చు. అక్టోబర్‌ 14న అమెరికా డాలర్‌ సూచీ 102.72 స్థాయిని తాకగా, బంగారం ధరలు తగ్గడానికి ఇది కూడా ఒక కారణమైంది.

అమెరికా బాండ్‌ రాబడుల పెరుగుదల

అమెరికా పదేళ్ల ట్రెజరీ బాండ్‌ రాబడి అక్టోబర్‌ 14న 5.3 శాతానికి పెరిగింది. అధిక బాండ్‌ రాబడులు పెట్టుబడిదారులకు ప్రత్యామ్నాయ పెట్టుబడులపై ఆసక్తిని పెంచుతాయి. దీంతో బంగారంపై కొనుగోళ్ల ఒత్తిడి తగ్గే అవకాశం ఉంటుంది. డాలర్‌ బలపడటం, బాండ్‌ రాబడులు పెరగడం రెండూ కలిసి పసిడి ధరలపై ప్రతికూల ప్రభావం చూపాయి.

ఇకపై బంగారం ధరలు ఎలా ఉండొచ్చు?

అమెరికా ద్రవ్యోల్బణ గణాంకాలు, ఫెడరల్‌ రిజర్వ్‌ వడ్డీ రేట్ల నిర్ణయాలు, డాలర్‌ కదలికలు, బాండ్‌ రాబడులు బంగారం ధరల దిశను ప్రభావితం చేయనున్నాయి. అయితే ధరలు తగ్గిన ప్రతిసారీ ఇదే ధోరణి కొనసాగుతుందని చెప్పలేం. అక్టోబర్‌ 15న అంతర్జాతీయ మార్కెట్లో డాలర్‌ బలహీనపడటం, బాండ్‌ రాబడులు తగ్గడంతో బంగారం ధరలు తిరిగి పుంజుకున్నట్లు రాయిటర్స్‌ నివేదించింది.

దేశంలోని ప్రధాన నగరాల్లో ఈరోజు నమోదైన బంగారం ధరలు ఇలా..

న్యూఢిల్లీ: ఐటీ రంగ టాటా గ్రూప్‌ కంపెనీ టాటా టెక్నాలజీస్‌ ప్రస్తుత ఆర్థిక సంవత్సరం(2026–27) రెండో త్రైమాసికంలో ఆసక్తికర ఫలితాలు సాధించింది. వార్షికంగా జూలై–సెప్టెంబర్‌(క్యూ2)లో నికర లాభం దాదాపు 4 శాతం పుంజుకుని రూ. 171 కోట్లను అధిగమించింది. ఆటోమోటివ్‌ క్లయింట్ల నుంచి డిమాండ్‌ దన్నునిచ్చినట్లు కంపెనీ పేర్కొంది.

గతేడాది(2025–26) ఇదే కాలంలో రూ. 166 కోట్లు ఆర్జించింది. మొత్తం ఆదాయం రూ. 1,323 కోట్ల నుంచి రూ. 1,699 కోట్లకు ఎగసింది. మొత్తం వ్యయాలు రూ. 1,500 కోట్లకు పెరిగాయి. గత క్యూ2లో ఇవి రూ. 1,323 కోట్లుగా నమోదయ్యాయి. త్రైమాసికవారీగా ఆదాయం 3.4 శాతం బలపడగా.. నికర లాభం నామమాత్రంగా క్షీణించింది. ఈ కాలంలో 300 మంది ఉద్యోగులను జత కలుపుకున్నట్లు కంపెనీ ఎండీ, సీఈవో వారెన్‌ హారిస్‌ పేర్కొన్నారు. పూర్తి ఏడాదిలో 14,000 మందికి ఉపాధి కల్పించనున్నట్లు వెల్లడించారు.

రిలయన్స్‌ ఇండస్ట్రీస్‌కు చెందిన డిజిటల్‌ సేవల విభాగం జియో ప్లాట్‌ఫామ్స్‌ ఐపీఓకి సిద్ధమవుతున్నవేళ జియో (Jio) పుట్టుకకు సంబంధించిన ఆసక్తికరమైన కథనాన్ని రిలయన్స్ నాన్-ఎగ్జిక్యూటివ్ డైరెక్టర్ ఇషా అంబానీ (Isha Ambani) పంచుకున్నారు. జియో ప్రారంభం వెనుక కథ ఇపుడు నెట్టింట విశేషంగ ఆనిలుస్తోంది.

జియో ప్లాట్‌ఫామ్స్ ఇనీషియల్ పబ్లిక్ ఆఫరింగ్ (IPO) కోసం రెడ్ హెర్రింగ్ ప్రాస్పెక్టస్ (RHP) దాఖలు చేసిన తర్వాత విలేకరుల సమావేశంలో ఇషా అంబానీ  జియో కంపెనీ ఆవిర్భావానికి తన సోదరుడు ఆకాష్ అంబానీతో పంచుకున్న ఒక అనుభవమే కారణమని పేర్కొన్నారు. 

అమెరికాలో చదువుకుంటున్న ఈషా అంబానీ, ఆకాశ్ అంబానీలు సెలవులకు ముంబైలోని తమ ఇంటికి వచ్చినప్పుడు ఒక ఘటన జరిగింది. ఈషా తన కాలేజీ అసైన్‌మెంట్‌ను ఆన్‌లైన్‌లో సబ్‌మిట్ చేయాల్సి ఉండగా, ఇంటర్నెట్ సరిగ్గా పని చేయకపోవడంతో సబ్‌మిట్ చేయలేకపోయారు. దీంతో దేశంలో డేటాసేవలు, ఇంటర్నెట్‌  వేగం మీద   ఆలోచన మొదలైంది. అమెరికాలో ఉన్న మెరుగైన ఇంటర్నెట్ కనెక్టివిటీ భారత్‌లో ఎందుకు లేదు? అనే విషయమై  ఇషా అంబానీ, ఆకాశ్‌ అంబానీ మధ్య చర్చ జరిగింది. ఆ  చర్చోపచర్చలే జియో ఆవిర్భావానికి నాంది పలికాయి.

భారత్‌లోని ఇంటర్నెట్ డిమాండ్‌ను తీర్చడానికి ఒక డిజిటల్ టెక్నాలజీ ప్లాట్‌ఫారమ్‌ను సృష్టించాలని ఆకాశ్ అంబానీ భావించారు. ఈ ఆలోచనే 2016 సెప్టెంబర్‌లో రిలయన్స్ జియో వాణిజ్య పరంగా ప్రారంభం కావడానికి మార్గం సుగమం చేసింది. ప్రారంభంలోనే జియో అన్‌లిమిడెట్‌ వాయిస్ ,డేటా సేవలతో మార్కెట్లోకి ప్రవేశించి, భారతదేశంలో  మొబైల్ ఇంటర్నెట్ సేవల్లో విప్లవం సృష్టించింది. దాదాపు ఒక దశాబ్దం తరువాత, రిలయన్స్ జియో  పబ్లిక్ మార్కెట్లలోకి ప్రవేశించడానికి సిద్ధమవుతోంది. దేశంలోనే అతిపెద్ద ఐపీఓతో చరిత్ర సృష్టించడానికి సిద్ధమవుతోంది.

ఇదీ చదవండి: చికాగోలో సామూహిక అత్యాచారం కలకలం : ‘నా టర్న్’ఎపుడు‌ అంటూ రచ్చ?!

జియో ఐపీవో (IPO) విశేషాలు
జియో ప్లాట్‌ఫామ్స్ తన తొలి పబ్లిక్ ఆఫరింగ్ (IPO) కోసం రెడ్ హెరింగ్ ప్రాస్పెక్టస్ (RHP) ను ఇప్పటికే దాఖలు చేసింది.  ఈ ఐపీఓ అక్టోబర్‌ 21న ప్రారంభమై, అక్టోబర్‌ 23న ముగియనుంది.  ఈ సందర్భంగా  జియో మేనేజింగ్ డైరెక్టర్ ఆకాష్ అంబానీ మాట్లాడుతూ  భారతదేశాన్ని డేటా సమృద్ధిగా లభించే దేశంగా మార్చడమే జియో లక్ష్యమని  పేర్కొన్నారు.  జియో అత్యంత వేగవంతమైన 4G నుండి 5Gకి పరివర్తనను సాధించిందని ఆకాష్ అంబానీ పేర్కొన్నారు. సరఫరా పరిమితుల కారణంగానే దేశంలో గతంలో డేటా కొరత ఉండేదని,  14వ ఆపరేటర్‌గా 2016లో తాము మార్కెట్లోకి ప్రవేశించే నాటికి వన్‌ జీబీ డేటా సుమారు రూ. 228 ధర ఉండేదని, డౌన్‌లోడ్ వేగం 2.5 Mbps ఉండేదని గుర్తు చేశారు. ఐపీఓ ద్వారా వచ్చిన నిధులు అప్పులు తగ్గించడానికే ఉపయోగ పడతాయనీ, జియో అప్పులు లేని సంస్థగా మారే దిశగా పయనిస్తోందన్నారు.

ఇదీ చదవండి: జర్మనీలో అగ్నిప్రమాదం : ముగ్గురు భారతీయులు సజీవ దహనం

దేశంలో పెట్రోల్‌ ధరలు భగ్గుమంటున్నాయి. దేశవ్యాప్తంగా అన్ని ప్రాంతాల్లోనూ లీటరుకు రూ.100 దాటేశాయి. కానీ ప్రపంచంలోని కొన్ని దేశాల్లో మాత్రం లీటరు పెట్రోల్‌ ధర రూ.4 లోపే ఉండటం విశేషం. చమురు నిల్వలు సమృద్ధిగా ఉండటం, ప్రభుత్వ రాయితీలు, ఇంధన ధరలపై నియంత్రణ వంటి అంశాలు ఇందుకు ప్రధాన కారణాలు.

అప్పట్లో 25 పైసలే!

1947లో భారతదేశానికి స్వాతంత్య్రం వచ్చిన సమయంలో పెట్రోల్‌ ధర లీటరుకు సుమారు 25 పైసలుగా ఉండేదని చారిత్రక ధరల గణాంకాలనుబట్టీ తెలుస్తోంది. 1970ల వరకు కూడా ధర లీటరుకు రూ.2 లోపే ఉండేది. 2000 సంవత్సరం నాటికి లీటరు పెట్రోల్‌ ధర సుమారు రూ.26కు చేరగా, 2004లో రూ.34 నుంచి రూ.36.81 మధ్య నమోదైంది. 2008లో అంతర్జాతీయ ముడిచమురు ధరలు బ్యారెల్‌కు 145 డాలర్ల స్థాయిని తాకడంతో పెట్రోల్‌ ధరలపైనా ఒత్తిడి పెరిగింది. ప్రస్తుతం (అక్టోబర్‌ 15 నాటికి) హైదరాబాద్‌లో లీటర్‌ పెట్రోల్‌ ధర రూ. 116 మేర ఉంది.

చవగ్గా పెట్రోల్‌ లభించే టాప్‌ 10 దేశాలు

అక్టోబర్‌ 12, 2026 నాటికి అందుబాటులో ఉన్న ధరల జాబితా ప్రకారం.. కొన్ని దేశాల్లో పెట్రోల్‌ ధరలు భారత కరెన్సీలో లీటరుకు రూ.4 లోపే ఉన్నాయి. మిగతా దేశాల్లోనూ ధరలు భారత్‌తో పోలిస్తే గణనీయంగా తక్కువగా ఉన్నాయి.

లిబియా – లీటరు రూ.2.21

ప్రపంచంలోనే అత్యంత తక్కువ ధరకు పెట్రోల్‌ లభించే దేశంగా లిబియా నిలుస్తోంది. ఇక్కడ విస్తారమైన చమురు నిల్వలు ఉండటంతో పాటు ప్రభుత్వం ఇంధనంపై రాయితీలు అందిస్తోంది. అయితే, దీర్ఘకాలిక రాజకీయ అస్థిరత, ఇంధన అక్రమ రవాణా వంటి సమస్యలు దేశ ఇంధన వ్యవస్థకు సవాళ్లుగా మారుతున్నాయి.

ఇరాన్‌ – లీటరు రూ.2.71

ఇరాన్‌లో భారీ చమురు నిల్వలు, దేశీయంగా చమురు ఉత్పత్తి అధికంగా ఉండటం వల్ల పెట్రోల్‌ ధరలు తక్కువగా ఉన్నాయి. ప్రభుత్వం అందించే రాయితీలు కూడా ఇందుకు దోహదపడుతున్నాయి. అయితే, చౌక ఇంధనం కారణంగా వినియోగం పెరగడం ప్రభుత్వ ఆర్థిక వ్యవస్థపై భారాన్ని పెంచుతోంది.

వెనిజులా – లీటరు రూ.3.32

ప్రపంచంలోనే అత్యధిక నిరూపిత చమురు నిల్వలు కలిగిన దేశాల్లో వెనిజులా ఒకటి. ప్రభుత్వం ఇంధన ధరలను తక్కువగా ఉంచేందుకు సబ్సిడీలను ఉపయోగిస్తోంది. అయినప్పటికీ, ఆర్థిక సంక్షోభం, శుద్ధి కర్మాగారాల సమస్యలు, ఇంధన కొరత కారణంగా కొన్ని ప్రాంతాల్లో పెట్రోల్‌ లభ్యత ఇబ్బందికరంగా మారింది.

అంగోలా – లీటరు రూ.31

ఆఫ్రికాలో ప్రధాన చమురు ఉత్పత్తిదారుల్లో అంగోలా ఒకటి. ప్రభుత్వ రాయితీలు చారిత్రకంగా ఇంధన ధరలను తక్కువగా ఉంచడంలో కీలక పాత్ర పోషించాయి. అయితే, ప్రభుత్వ ఖజానాపై భారాన్ని తగ్గించేందుకు ఇంధన సబ్సిడీలను క్రమంగా తగ్గించే విధానాన్ని దేశం అనుసరిస్తోంది.

కువైట్‌ – లీటరు రూ.32

చమురు నిల్వలు సమృద్ధిగా ఉండటం, ఉత్పత్తి వ్యయాలు తక్కువగా ఉండటం కువైట్‌కు కలిసివచ్చే అంశాలు. ప్రభుత్వం నియంత్రించే ఇంధన ధరల వల్ల అంతర్జాతీయ మార్కెట్లో ముడిచమురు ధరలు మారినప్పటికీ స్థానిక వినియోగదారులకు కొంత ఊరట లభిస్తుంది.

అల్జీరియా – లీటరు రూ.33

చమురు, సహజ వాయువు నిల్వలు అధికంగా ఉన్న అల్జీరియాలో ప్రభుత్వం నియంత్రించే ధరలు పెట్రోల్‌ను అందుబాటు ధరలో ఉంచుతున్నాయి. అయితే, సబ్సిడీల నిర్వహణ ప్రభుత్వ ఆర్థిక వ్యవస్థకు వ్యయభారాన్ని కలిగిస్తోంది.

తుర్క్‌మెనిస్థాన్‌ – లీటరు రూ.40

ఇంధన వనరులు సమృద్ధిగా ఉండటం, ప్రభుత్వ నియంత్రణలో ఆర్థిక వ్యవస్థ కొనసాగడం తుర్క్‌మెనిస్థాన్‌లో పెట్రోల్‌ ధరలు తక్కువగా ఉండేందుకు దోహదపడుతున్నాయి. దేశీయ శుద్ధి కర్మాగారాలు ఆటోమోటివ్‌ ఇంధన అవసరాలను తీర్చడంలో కీలక పాత్ర పోషిస్తున్నాయి.

ఈజిప్ట్‌ – లీటరు రూ.43

ఈజిప్ట్‌ గతంలో పెట్రోల్‌ ధరలను తక్కువగా ఉంచేందుకు విస్తృతంగా సబ్సిడీలు అందించింది. అయితే, ఆర్థిక సంస్కరణల్లో భాగంగా ఇటీవలి సంవత్సరాల్లో ఇంధన ధరలను పెంచే చర్యలు చేపట్టింది. దీంతో వినియోగదారులపై సబ్సిడీల ప్రయోజనం క్రమంగా తగ్గుతోంది.

ఖతార్‌ – లీటరు రూ.54

సహజ వాయువు, ఇతర ఇంధన వనరులు సమృద్ధిగా ఉండటం, జనాభా పరిమితంగా ఉండటం ఖతార్‌కు అనుకూలమైన అంశాలు. అభివృద్ధి చెందిన ఇంధన మౌలిక సదుపాయాలు, ప్రభుత్వ ధరల విధానాలు స్థానికంగా ఇంధన ఖర్చులను నియంత్రించడంలో సహాయపడుతున్నాయి.

బొలీవియా – లీటరు రూ.56

దక్షిణ అమెరికాలోని బొలీవియా కూడా పెట్రోల్‌ ధరలను తక్కువగా ఉంచేందుకు ప్రభుత్వ సబ్సిడీలపై ఆధారపడుతోంది. ఇంధన ధరల పెరుగుదల నుంచి కుటుంబాలకు రక్షణ కల్పించడం ఈ విధానంలోని ప్రధాన ఉద్దేశం. అయితే, సబ్సిడీల వ్యయం ప్రభుత్వ ఆర్థిక పరిస్థితిపై ఒత్తిడి పెంచే అవకాశం ఉంది.

ధరలు ఇంత తక్కువగా ఎందుకు?

ప్రపంచవ్యాప్తంగా పెట్రోల్‌ ధరల్లో వ్యత్యాసాలకు చమురు నిల్వలు మాత్రమే కారణం కాదు. దేశీయ ఉత్పత్తి, శుద్ధి సామర్థ్యం, ప్రభుత్వ సబ్సిడీలు, పన్నులు, దిగుమతులపై ఆధారపడటం, రవాణా ఖర్చులు కూడా కీలక పాత్ర పోషిస్తాయి. కొన్ని దేశాలు ప్రజలకు తక్కువ ధరకు ఇంధనం అందించేందుకు ప్రభుత్వ ఖజానా నుంచి భారీగా ఖర్చు చేస్తున్నాయి. మరికొన్ని దేశాలు దేశీయ చమురు ఉత్పత్తి ద్వారా లబ్ధి పొందుతున్నాయి.

ఇదీ చదవండి: దసరా వేళ మారుతి కార్లపై భారీ ఆఫర్లు.. రూ.1.36 లక్షల వరకు!

మహీంద్రా అండ్ మహీంద్రా భారతదేశంలో ఎక్స్‌యూవీ 3ఎక్స్ఓ సీఎన్‌జీని లాంచ్ చేసింది. దీని ధర రూ.9.99 లక్షలు (ఎక్స్ షోరూమ్). ఇప్పటికే పెట్రోల్, డీజిల్, ఎలక్ట్రిక్ వెర్షన్లలలో అందుబాటులో ఉండే ఎక్స్‌యూవీ 3ఎక్స్ఓ సీఎన్‌జీ రూపంలో కూడా అందుబాటులోకి వచ్చింది.

మహీంద్రా ఎక్స్‌యూవీ 3ఎక్స్ఓ సీఎన్‌జీ.. 1.2 లీటర్ టర్బోచార్జ్డ్ ఎంపీఎఫ్ఐ పెట్రోల్ ఇంజిన్‌ పొందుతుంది. ఇది 114 హార్స్ పవర్, 200 న్యూటన్ మీటర్ టార్క్ అందిస్తుంది. ఇది సీఎన్‌జీ మోడ్‌లో 24.7 కి.మీ/కేజీ మైలేజ్ అందిస్తుంది. 0-60 కి.మీ/గం వేగాన్ని సుమారు 4.9 సెకన్లలో.. 0-100 కి.మీ/గం వేగాన్ని 11.8 సెకన్లలో అందుకుంటుందని సంస్థ వెల్లడించింది.

సేఫ్టీ ఫీచర్ల జాబితాలో.. ఆరు ఎయిర్‌బ్యాగ్‌లు, అన్ని సీట్లకు సీట్‌బెల్ట్ రిమైండర్‌లు, నాలుగు డిస్క్ బ్రేక్‌లు, పటిష్టమైన ఛాసిస్ ఉన్నాయి. ఈ కారు ఇండియన్ మార్కెట్లో మారుతి సుజుకి బ్రెజ్జా, టాటా నెక్సాన్ వంటి మోడళ్లతో పోటీపడుతుంది.

ఇదీ చదవండి: రూ.6.99 లక్షలకే.. 2026 టయోటా గ్లాంజా!

న్యూఢిల్లీ: విదేశీ మారక నిర్వహణ చట్టం (ఫెమా) నిబంధనల ఉల్లంఘన కేసు విచారణలో భాగంగా రిలయన్స్‌ పవర్‌ (ఆర్‌పీఎల్‌)కి చెందిన సుమారు రూ. 2,033 కోట్ల అసెట్స్‌ను ఎన్‌ఫోర్స్‌మెంట్‌ డైరెక్టరేట్‌ (ఈడీ) జప్తు చేసింది. ఆర్‌పీఎల్‌ బ్యాంక్‌ బ్యాలెన్స్‌లు, ససాన్‌ పవర్‌లో షేర్లు వీటిలో ఉన్నట్లు ఒక ప్రకటనలో తెలిపింది. ఈడీ ఆరోపణల్లో నిజం లేదని, తమ వాటాదారుల ప్రయోజనాలను కాపాడేందుకు చట్టపరంగా తగు చర్యలు తీసుకుంటామని ఆర్‌పీఎల్‌ పేర్కొంది.

బ్రిటీష్‌ వర్జిన్‌ ఐలాండ్స్, కేమ్యాన్‌ ఐలాండ్స్‌లోని నిర్దిష్ట కంపెనీలకి ఇచ్చిన రూ. 2,101.46 కోట్ల రుణాలను ఆర్‌పీఎల్‌ రైటాఫ్‌ చేయడంపై సెబీ చర్యలు తీసుకున్న నేపథ్యంలో ఈడీ దృష్టి ఈ కేసుపై పడింది. 2006లో విదేశీ కరెన్సీ కన్వర్టబుల్‌ బాండ్ల జారీ ద్వారా రిలయన్స్‌ నేచురల్‌ రిసోర్సెస్‌ (తదుపరి ఆర్‌పీఎల్‌లో విలీనం అయ్యింది) సమీకరించిన 300 మిలియన్‌ డాలర్లలో 275 మిలియన్‌ డాలర్లు ఇందుకోసం దురి్వనియోగం చేసినట్లు ఈడీ ఆరోపణలు ఉన్నాయి.

న్యూఢిల్లీ: క్యాపిటల్‌ మార్కెట్ల నియంత్రణ సంస్థ సెబీ తాజాగా చిన్న, మధ్యతరహా సంస్థ(ఎస్‌ఎంఈ)ల పబ్లిక్‌ ఇష్యూ మార్గదర్శకాలను పూర్తిస్థాయిలో సమీక్షించేందుకు ప్రతిపాదించింది. ఎస్‌ఎంఈ ఐపీవో మార్గదర్శకాలను పటిష్టపరిచే లక్ష్యంతో పలు సవరణలకు తెరతీస్తూ కన్సల్టేషన్‌ పేపర్‌ను విడుదల చేసింది.

ఇన్వెస్టర్లకు మరింత రక్షణ కల్పించడం, కీలక నియంత్రణలను అనుసంధానించడం సహా.. మెయిన్‌బోర్డ్‌లో చోటుసాధించగల ఇష్యూలకు సైతం నిబంధనలలో సవరణలను చేపట్టనుంది. దీనిలో భాగంగా ఐపీవో కనీస దరఖాస్తు విలువను ప్రస్తుత రూ. 2 లక్షల నుంచి రూ. లక్షకు తగ్గించనుంది. అలాటీస్‌ కనీస సంఖ్యను 200 నుంచి 500కు పెంచనుంది. మెయిన్‌బోర్డు తరహాలో ఎస్‌ఎంఈ లిస్టెడ్‌ కంపెనీలకు తప్పనిసరిగా అమలు చేస్తున్న మార్కెట్‌ మేకింగ్‌ నిబంధనలను ఎత్తివేయనుంది.

మార్కెట్‌ విలువపై..
మెయిన్‌బోర్డులోకి ప్రవేశించాలనుకునే చిన్న కంపెనీల మార్కెట్‌ క్యాపిటలైజేషన్‌(విలువ)లోనూ మార్పులకు ప్రతిపాదించింది. వీటి ప్రకారం స్వచ్ఛందంగా మైగ్రేట్‌ కావాలనుకునే లిస్టెడ్‌ ఎస్‌ఎంఈల మార్కెట్‌ విలువ రూ. 1000 కోట్ల నుంచి రూ. 4,000 కోట్ల మధ్య ఉండాలి. తప్పనిసరి మెయిన్‌బోర్డు ఎంట్రీకి మార్కెట్‌ క్యాప్‌ రూ. 4,000 కోట్లు అధిగమించాలి. వీటన్నిటికీ ఇతర అర్హతా సంబంధ నిబంధనలు వర్తిస్తాయి. ఇక వార్షిక సగటు నిర్వహణా లాభం ప్రస్తుత రూ. కోటి నుంచి రూ. 3 కోట్లకు పెంచింది. ఇది గడచిన మూడేళ్లలో కనీసం రెండేళ్లయినా సాధించి ఉండాలి. ఇలాకాని కంపెనీలు ప్రత్యామ్నాయంగా ఇష్యూలో 75 శాతాన్ని అర్హతగల సంస్థాగత కొనుగోలుదారుల(క్విబ్‌)కు కేటాయించాలి. ఇటీవల కొంతకాలంగా ఇష్యూలు, ఇన్వెస్టర్ల సంఖ్య, నిధుల సమీకరణకుతోడు.. మార్కెట్‌ విలువ, మైగ్రేట్‌ అవుతున్న కంపెనీల సంఖ్య భారీగా పెరగడంతో సెబీ మార్గదర్శకాలను సవరించేందుకు నడుం బిగించింది.    

ఎస్‌ఎంఈల జోరు
ఎస్‌ఎంఈ ప్లాట్‌ఫామ్‌లను ప్రవేశపెట్టాక 2026 జూలై31 వరకూ 1,496 సంస్థలు  ద్వారా లిస్టయ్యాయి. కొన్ని మెయిన్‌బోర్డులోకి చేరాయి కూడా. ఇవన్నీ ఉమ్మడిగా రూ. 40,222 కోట్లు సమీకరించాయి. తాజా ప్రతిపాదనల ప్రకారం కనీస విలువ రూ. 25,000కాగా.. కనీసం 4 లాట్లకు దరఖాస్తు చేసుకోవలసి ఉంటుంది. దీంతో మరింతమంది ఇన్వెస్టర్లు ఎస్‌ఎంఈ ఐపీవోలలో ఇన్వెస్ట్‌ చేసేందుకు వీలుంటుంది. అంతేకాకుండా అలాటీస్‌ సంఖ్యను సైతం పెంచడంతో అధిక సంఖ్యలో ఇన్వెస్టర్లకు షేర్లు అందుబాటులోకి వచ్చే అవకాశముంటుంది. వీటితోపాటు ట్రేడింగ్‌ లాట్, ఫ్లోర్‌ ధర ఆధారంగా ఐపీవో ధర నిర్ణయం, నిధుల వినియోగం తదితర పలు నిబంధనల్లో సవరణలకు సైతం సెబీ ప్రతిపాదించింది.

ఇదీ చదవండి: బీఎస్‌-7 వాహనాలపై కీలక అప్డేట్!

గురువారం ఉదయం లాభాల్లో ప్రారంభమైన దేశీయ స్టాక్ మ్నార్కెట్లు.. ట్రేడింగ్ క్లోజ్ అయ్యే సమయానికి భారీ లాభాల్లో నిలిచాయి. సెన్సెక్స్ 1,533.72 పాయింట్లు లేదా 2.11 శాతం లాభంతో 74,315.61 వద్ద, నిఫ్టీ 374.65 పాయింట్లు లేదా 1.66 శాతం లాభంతో 22,997.35 వద్ద నిలిచాయి.

గాలంట్ ఇస్పాట్ లిమిటెడ్, సెమిండియా ప్రాజెక్ట్స్ లిమిటెడ్, రైట్స్ లిమిటెడ్ వంటి కంపెనీలు టాప్ గెయినర్స్ జాబితాలో చేరగా.. యెస్ బ్యాంక్ లిమిటెడ్, ఆదిత్య ఇన్ఫోటెక్ లిమిటెడ్, ఐడీబీఐ బ్యాంక్ లిమిటెడ్ వంటి కంపెనీలు నష్టాల జాబితాలో నిలిచాయి.

(Disclaimer: మార్కెట్ గురించి సాక్షి వెబ్‌సైట్‌లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)

న్యూఢిల్లీ: దేశంలో వాహన కాలుష్యాన్ని నియంత్రణకు, పర్యావరణ పరిరక్షణే లక్ష్యంగా కేంద్ర ప్రభుత్వం కీలక అడుగులు వేస్తోంది. ఇందులో భాగంగా ప్రయాణికుల వాహనాలకు (ఎం1 కేటగిరీ) 2029 ఏప్రిల్‌ 1 నుంచి అత్యంత కఠినమైన ‘భారత్‌ స్టేజ్‌- VII’ (బీఎస్‌–7) ఉద్గార ప్రమాణాలను ప్రవేశపెట్టాలని ప్రతిపాదించింది. కేంద్ర రోడ్డు రవాణా, రహదారుల మంత్రిత్వ శాఖ విడుదల చేసిన ఈ ముసాయిదా నోటిఫికేషన్‌పై 30 రోజుల పాటు ప్రజాభిప్రాయాలను ఆహ్వానించింది. ప్రస్తుతం దేశంలో 2020 ఏప్రిల్‌ నుంచి ‘బీఎస్‌–6’ నిబంధనలు అమల్లో ఉన్న సంగతి తెలిసిందే.

మూడు దశల్లో కఠిన నిబంధనలు
ప్రస్తుత బీఎస్‌-6 ప్రమాణాలను మరింత కఠినతరం చేస్తూ బీఎస్‌-7 నిబంధనలను మూడు దశల్లో (2029, 2031, 2035) అమలు చేయాలని ప్రతిపాదించారు. తొలి దశ (ఏప్రిల్‌ 2029) నుంచి తొలి దశలో కార్ల ఎగ్జాస్ట్, ఉద్గారాలతో పాటు ఇంధన, ఎలక్ట్రిక్‌ వినియోగం, ఈవీ బ్యాటరీ మన్నికపై  నూతన నిబంధనలు అమలులోకి వస్తాయి. రెండో దశ (ఏప్రిల్‌ 2031)లో టైర్ల అరుగుదల, బ్రేక్‌ ప్యాడ్ల ఉద్గారాలపై కట్టడి మొదలవుతుంది. ఈవీలకు కిలోమీటరుకు 3 మిల్లీగ్రాములు, ఇతర వాహనాలకు 7 మిల్లీగ్రాములకు మించి బ్రేక్‌ డస్ట్‌ ఉండకూడదు. మూడో దశ (ఏప్రిల్‌ 2035) నుంచి అన్ని రకాల ఇంజిన్లు, ఈవీ వాహనాలకు బ్రేక్‌ కాలుష్య పరిమితిని కిలోమీటరుకు 3 మిల్లీగ్రాములకు తగ్గించనున్నారు.

రోడ్డుపై రన్నింగ్‌లోనూ తనిఖీలు! 
ఈ ప్రతిపాదన ప్రకారం ఇకపై కేవలం ల్యాబ్‌లలోనే కార్లను పరీక్షించడమే కాకుండా, రోడ్డుపై వాహనాలు ప్రయాణిస్తున్నప్పుడు వెలువడే కాలుష్యాన్ని కొలిచే ‘రియల్‌ వరల్డ్‌ డ్రైవింగ్‌ ఎమిషన్‌’ (ఆర్‌డీఆ) పరీక్షలు తప్పనిసరి. ఇకపై కేవలం ల్యాబ్‌లలోనే కార్లను పరీక్షించడమే కాకుండా, రోడ్డుపై వాహనాలు ప్రయాణిస్తున్నప్పుడు వెలువడే కాలుష్యాన్ని కొలిచే ‘రియల్‌ వరల్డ్‌ డ్రైవింగ్‌ ఎమిషన్‌’ (ఆర్‌డీఈ) పరీక్షలు తప్పనిసరి. వాహనంలోనే ఉద్గారాలను పర్యవేక్షించే ఆన్‌–బోర్డ్‌ మానిటరింగ్‌ (ఓబీఎం) సిస్టమ్‌లు ఉంటాయి. ఇవి పరిమితికి 2.5 రెట్లు మించి కాలుష్యం వస్తే వెంటనే గుర్తిస్తాయి. ప్రతి వాహనానికి 8 ఏళ్లు లేదా 1,60,000 కి.మీల వరకు ఉద్గారాల గ్యారెంటీ ఉండాలి. గరిష్టంగా 10 ఏళ్లు లేదా 2,00,000 కి.మీల వరకు దీన్ని పర్యవేక్షిస్తారు.

కొనుగోలుదారులకు వెహికల్‌ పాస్‌పోర్ట్‌
వాహనాల ఉద్గారాలు, ఇంధన వినియోగం, బ్యాటరీ స్థితిగతులను వినియోగదారులు నేరుగా చూసుకునేందుకు ‘ఎని్వరాన్‌మెంటల్‌ వెహికల్‌ పాస్‌పోర్ట్‌’ను ప్రవేశపెట్టాలని ప్రతిపాదించారు. వాహనంలో ఉన్న డిస్‌ప్లే స్క్రీన్‌ ద్వారా ప్రత్యక్షంగా చూసుకోవచ్చు. అంతేకాకుండా ‘జియోఫెన్సింగ్‌’ సాంకేతికత ఉన్న పెట్రోల్, డీజిల్‌ వాహనాలను ‘బీఎస్‌–7–జీ’ కేటగిరీగా వర్గీకరిస్తారు.  

ఈవీ బ్యాటరీలపై తొలిసారిగా ఆంక్షలు
ఇప్పటివరకు కేవలం పెట్రోల్, డీజిల్‌ వాహనాలకే పరిమితమైన ఉద్గార నిబంధనలను తొలిసారిగా ఎలక్ట్రిక్, ప్లగ్‌–ఇన్‌ హైబ్రిడ్‌ వాహనాలకూ విస్తరిస్తున్నారు. ఈవీ బ్యాటరీ మన్నిక తొలి అయిదేళ్లు లేదా 1,00,000 కి.మీల వరకు కనీసం 75 శాతం పనితీరును కలిగి ఉండాలి. తదుపరి ఎనిమిదేళ్లు లేదా 1,60,000 కి.మీల వరకు కనీసం 67 శాతం పనితీరును నిలబెట్టుకోవాల్సి ఉంటుంది.

దేశంలోనే అతిపెద్ద ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా (SBI) ఖాతాదారులకు కీలక అప్‌డేట్ ఇచ్చింది. కొన్ని రకాల లోన్స్ మీద వడ్డీ రేట్లను పెంచింది. ఈబీఎల్ఆర్, ఆర్ఎల్ఎల్ఆర్ వంటి వాటితో పాటు.. కొన్ని కాలపరిమితులకు సంబంధించిన ఎంసీఎల్ఆర్ రేట్లను సవరించింది. ఈ కొత్త రేట్లు అక్టోబర్ 15, 2026 నుంచి అమల్లోకి వచ్చాయి. దీంతో ఎస్‌బీఐలో హోమ్ లోన్లు, ఇతర రుణాలు తీసుకున్నవారిపై ఈఎంఐ భారం పెరిగే అవకాశం ఉంది.

ఎస్‌బీఐ ప్రకారం.. మూడు నెలల ఎంసీఎల్ఆర్ 8.25 శాతం నుంచి 8.40 శాతానికి పెరిగింది. ఆరు నెలల రేటు 8.60 శాతం నుంచి 8.75 శాతానికి చేరింది. ఏడాది కాలపరిమితి రేటు 8.70 శాతం నుంచి 8.85 శాతానికి పెరిగింది. అలాగే.. రెండేళ్ల రేటు 8.75 శాతం నుంచి 8.90 శాతానికి, మూడేళ్ల రేటు 8.80 శాతం నుంచి 8.95 శాతానికి చేరింది. అయితే.. ఓవర్‌నైట్, ఒక నెల కాలపరిమితి రేట్లలో మాత్రం ఎలాంటి మార్పు లేదు. ఇవి యథాతథంగా 7.85 శాతం వద్ద కొనసాగుతున్నాయి.

ఈ వడ్డీ రేట్ల పెంపుతో ముఖ్యంగా ఎంసీఎల్ఆర్ ఆధారంగా లోన్స్ తీసుకున్నవారిపై ప్రభావం పడవచ్చు. ఉదాహరణకు, హోమ్ లోన్ వడ్డీ రేటు పెరిగితే నెలవారీ ఈఎంఐ పెరిగే అవకాశం ఉంటుంది. లేదంటే లోన్ పూర్తిగా చెల్లించడానికి పట్టే సమయం పెరిగే అవకాశం ఉంటుంది.

అయితే ఇక్కడ గమనించాల్సిన విషయం ఏమిటంటే.. ప్రతి ఒక్కరికీ వెంటనే ఈఎంఐ పెరుగుతుందని చెప్పలేం. రుణ ఒప్పందం, వడ్డీ రేటు మార్పు అమల్లోకి వచ్చే తేదీపై ఇది ఆధారపడి ఉంటుంది. రిజర్వ్ బ్యాంక్ ఆఫ్ ఇండియా (RBI) ఇటీవల రెపో రేటును 25 బేసిస్ పాయింట్లు పెంచిన నేపథ్యంలో ఎస్‌బీఐ ఈ మార్పులు చేసినట్లు తెలుస్తోంది.

ఇదీ చదవండి: నేనింకా దొంగనేనా?.. విజయ్ మాల్యా సంచలన ట్వీట్

ముంబైలోని ప్రఖ్యాత హెచ్.ఎన్. రిలయన్స్ ఫౌండేషన్ ఆసుపత్రిలో అరుదైన జన్యుపరమైన వ్యాధితో పోరాడుతున్న బాలుడు వేదాంశ్‌కు అనంత్‌ అంబానీ అండగా నిలిచారు. వేదాంశ్ కుటుంబానికి గతంలో తాను ఇచ్చిన మాటను నిలబెట్టుకుంటూ ఈ చికిత్సకు పూర్తి స్థాయి భరోసా కల్పించారు. అత్యుత్తమ వైద్యుల నియామకమే కాకుండా కుటుంబ సభ్యుల విమాన ప్రయాణ టికెట్లు, హోటల్ బస, రవాణా, ఆహార వసతితో పాటు అన్ని రకాల అత్యవసర ఏర్పాట్లను రిలయన్స్ ఫౌండేషన్ స్వయంగా పర్యవేక్షిస్తోంది.

గత రెండు మూడు రోజులుగా ముంబై ఆసుపత్రిలో వేదాంశ్ ఆరోగ్య పరిస్థితిపై వైద్యులు పలు కీలక పరీక్షలు నిర్వహించారు. జన్యు చికిత్స పూర్తయిన తర్వాత పాటించాల్సిన జాగ్రత్తలు, వివిధ ఇన్‌ఫెక్షన్ల నుంచి బాలుడిని రక్షించే విధానాలపై వైద్య నిపుణులు కుటుంబ సభ్యులకు ప్రత్యేక అవగాహన కల్పించారు. ప్రస్తుతం వైద్య పరీక్షలకు సంబంధించిన రిపోర్టులు నెదర్లాండ్స్ నుంచి మరో 15-20 రోజుల్లో రానున్నట్లు తెలుస్తోంది.

ఈ నివేదికలు అందిన తర్వాత వైద్యులు వాటిని పరిశీలించి పరిస్థితి అనుకూలిస్తే తదుపరి జన్యు చికిత్స ప్రక్రియను అధికారికంగా ప్రారంభించనున్నారు. ఈ మొత్తం ప్రక్రియ సమయం తీసుకునేదైనప్పటికీ ప్రస్తుతం వేదాంశ్ ఆరోగ్యం నిలకడగా ఉందని కుటుంబ సభ్యులు తెలిపారు. వేదాంశ్ కోలుకోవాలని ఆకాంక్షిస్తూ ఆర్థిక సాయం అందించిన ప్రతి ఒక్కరికి, వీడియోలను షేర్ చేసి ప్రార్థనలు చేసిన శ్రేయోభిలాషులకు కుటుంబ సభ్యులు ప్రత్యేక కృతజ్ఞతలు తెలిపారు. వైద్యుల నుంచి అధికారిక సమాచారం అందిన వెంటనే చికిత్స తదుపరి దశ వివరాలను వెల్లడిస్తామని స్పష్టం చేశారు. కష్టకాలంలో ఆపన్నహస్తం అందించిన అనంత్‌ అంబానీ మానవతా దృక్పథంపై ప్రశంసలు వ్యక్తమవుతున్నాయి.

అసలేమైందంటే..

చిన్నారి వేదాంశ్ స్పైనల్ మస్క్యులర్ అట్రోఫీ టైప్-1 వంటి అత్యంత అరుదైన, జన్యుపరమైన వ్యాధితో బాధపడుతున్నాడు. ఈ ప్రాణాంతక వ్యాధికి అవసరమైన జన్యు చికిత్స, మందుల ఖర్చు లక్షల రూపాయలతో కూడుకున్నది కావడంతో సాధారణ మధ్యతరగతి కుటుంబానికి ఆ మొత్తం భరించడం అసాధ్యంగా మారింది. చిన్నారి ప్రాణాలు కాపాడుకోవడం కోసం కుటుంబ సభ్యులు సోషల్ మీడియా వేదికగా సహాయం కోరడంతో ఆ వీడియోలు వైరల్ అయ్యాయి. ఈ క్రమంలో ఈ ఉదంతం అనంత్‌ అంబానీ దృష్టికి వెళ్లింది. ఆయన స్పందిస్తూ ఆ కుటుంబానికి అండగా నిలుస్తానని మాటిచ్చి ముంబైలోని రిలయన్స్ ఫౌండేషన్ ఆసుపత్రిలో మెరుగైన వైద్యానికి ఏర్పాట్లు చేశారు.

 

 

 

 

View this post on Instagram

 

 

 

 

 

 

 

 

 

 

 

A post shared by Mayuresh Gujar 🎬 (@mayuusic_vines_)

ఇదీ చదవండి: ఇంట్లో మహారాణులు.. పెట్టుబడుల్లో ప్రేక్షకులు!

పానీయాల మార్కెట్‌లో ఇప్పటికే క్యాంపా కోలాతో పోటీ పెంచిన రిలయన్స్ కంపెనీ.. ఇప్పుడు మరో కొత్త విభాగంలోకి అడుగుపెట్టింది. రిలయన్స్ కన్జ్యూమర్ ప్రొడక్ట్స్ తాజాగా 'జాయ్‌ల్యాండ్' (Joyland) పేరుతో ఫ్లేవర్డ్ మిల్క్‌ను మార్కెట్లోకి తీసుకొచ్చింది. ముందుగా ఈ ఉత్పత్తిని సంస్థ తమిళనాడులో ప్రారంభించింది. దీని ధరను రూ.20గా నిర్ణయించింది. దీంతో ఇప్పటికే మార్కెట్లో ఉన్న అమూల్, ఐటీసీ వంటి కంపెనీలకు గట్టి పోటీ ఏర్పడింది.

స్ట్రాబెర్రీ, వెనిల్లా రుచుల్లో..
జాయ్‌ల్యాండ్ ఫ్లేవర్డ్ మిల్క్‌ను పాల ఆధారిత పదార్థాలతో తయారు చేస్తున్నారు. ప్రస్తుతం కంపెనీ దీనిని స్ట్రాబెర్రీ, వెనిల్లా రుచుల్లో అందుబాటులోకి తీసుకొచ్చింది.

కాగా.. ఫ్లేవర్డ్ మిల్క్ మార్కెట్‌లో ఇప్పటికే అమూల్ కూల్, మదర్ డెయిరీ, నందిని, సన్‌ఫీస్ట్ స్మూధ్, కావిన్స్ వంటి బ్రాండ్లు ఉన్నాయి. వీటికి ఇప్పటికే వినియోగదారుల్లో మంచి గుర్తింపు ఉంది. ఇలాంటి సమయంలో.. రిలయన్స్ కూడా ఈ రంగంలోకి రావడంతో కంపెనీల మధ్య పోటీ పెరగనుంది.

ఇదీ చదవండి: నేనింకా దొంగనేనా?.. విజయ్ మాల్యా సంచలన ట్వీట్

ధరలో తేడా లేదు
ఇప్పటికే రిలయన్స్ రూ.10 ధరతో క్యాంపా కోలాను మార్కెట్లోకి తీసుకొచ్చింది. కోకా-కోలా, పెప్సీ వంటి అంతర్జాతీయ బ్రాండ్లకు పోటీ ఇవ్వాలనే లక్ష్యంతో అడుగులు వేసింది. ఇప్పుడు ఫ్లేవర్డ్ మిల్క్ మార్కెట్‌లోకి ప్రవేశించడం ద్వారా తన పానీయాల వ్యాపారాన్ని మరింత విస్తరించాలని చూస్తోంది. అయితే, ఈసారి ధర విషయంలో పెద్దగా మార్పు లేదు. ఎందుకంటే.. ఇప్పటికే ఉన్న బ్రాండ్లు కూడా దాదాపు ఇదే ధరల వద్ద ఉత్పత్తులను విక్రయిస్తున్నాయి. కాబట్టి రిలయన్స్ కొత్త ఉత్పత్తి ఏ మాత్రం ఆదరణ పొందుతుందో వేచి చూడాలి.

Media Release - Reliance Consumer Products marks strategic entry into the ready-to-drink dairy category with the launch of Joyland Flavoured Milk Made with authentic dairy ingredients, Joyland delivers dairy goodness and taste at ₹20 Chennai, 14th October 2026: Reliance Consumer Products Limited (RCPL), the FMCG arm of Reliance Industries Limited (RIL), today announced the launch of Joyland flavoured milk in Tamil Nadu, marking its strategic entry into the ready-to-drink dairy market. Made with authentic dairy ingredients and priced at ₹20, Joyland brings consumers in the state a range that combines the goodness of dairy with flavours such as Strawberry and Vanilla. The launch extends RCPL’s Total Beverage portfolio, reinforcing its commitment to bringing world-class products to consumers at accessible prices. Staying true to the company’s promise of ‘Global Quality at Affordable Price’, Joyland offers authentic taste and a quality dairy experience in a convenient, ready-to-drink format. T Krishnakumar, Director, Reliance Consumer Products Limited, said: “Our entry into the ready-to-drink dairy market is a significant step in extending RCPL’s portfolio and widening the choices we offer consumers. With Joyland, we are bringing together authentic dairy ingredients, quality and affordability to make world-class products accessible to more households. Tamil Nadu marks the beginning of this journey, as we build Joyland into a broader dairy beverages portfolio and progressively expand its reach across India.” Backed by RCPL’s distribution infrastructure, retail scale and consumer insights, Joyland is available in Tamil Nadu with immediate effect. The launch reflects the company’s long-term commitment to the ready-to-drink dairy market, with plans to introduce additional flavours and expand into multiple dairy beverage categories. Following its launch in Tamil Nadu, Joyland will be progressively rolled out across India. About Reliance Consumer Products Limited (RCPL) Reliance Consumer Products Limited (RCPL), the FMCG arm of Reliance Industries Limited (RIL), is on a mission to empower the everyday life of consumers. With a strong commitment to innovation and consumer satisfaction, RCPL blends global standards with local insights to create products that resonate with consumers while being accessible to everyone at honest prices and within an arm’s length of desire. Backed by the robust infrastructure and trust of RIL, the company aims to offer solutions that cater to the evolving needs of consumers, fostering long-term relationships with communities and contributing to the nation’s growth. RCPL is on a journey of shaping the future of the consumer goods industry by meeting the diverse needs of households and communities, offering solutions that are world-class, trusted, value-driven and reflect the evolving lifestyle of today’s consumer.

— Reliance Industries Limited (@RIL_Updates) October 14, 2026

హైదరాబాద్‌: తెలంగాణ సంస్కృతి, సంప్రదాయాలు, స్త్రీశక్తికి, సౌభాగ్యానికి ప్రతీకగా నిలిచే బతుకమ్మ పండుగ రాష్ట్ర ప్రజల్లో ప్రకృతి పట్ల ఆరాధనాభావాన్ని, సాంస్కృతిక వారసత్వం పట్ల గౌరవాన్ని, సామాజిక ఐక్యతను పెంపొందిస్తుందని గవర్నర్‌ శివప్రతాప్‌ శుక్లా అన్నారు. పుష్పాలనే దైవ స్వరూపంగా భావించి పూజించే ప్రకృతి ఉత్సవం బతుకమ్మ పండుగ అని గవర్నర్ పేర్కొన్నారు.

గురువారం లోక్‌భవన్‌లో నిర్వహించిన బతుకమ్మ వేడుకల్లో ఆయన తన సతీమణి శ్రీమతి జానకి శుక్లాతో కలిసి పాల్గొని, గౌరమ్మకు ప్రత్యేక పూజలు నిర్వహించారు. తెలంగాణ రాష్ట్రం సుభిక్షంగా ఉండాలని, ప్రజలందరికీ సుఖసంతోషాలు, శాంతి, ఆరోగ్యం, సమృద్ధి కలగాలని అమ్మవారిని ప్రార్థించారు. ఈ సందర్భంగా గవర్నర్‌ శివ ప్రతాప్ శుక్లా మాట్లాడుతూ.. పూలతో అలంకరించిన బతుకమ్మ ప్రకృతి సౌందర్యానికి, జీవన వైభవానికి, మానవాళికి ప్రకృతితో ఉన్న విడదీయరాని అనుబంధానికి ప్రతిబింబమని అన్నారు. ప్రకృతిని పరిరక్షించడం, సహజ వనరులను గౌరవించడం, పర్యావరణం పట్ల బాధ్యతాయుతంగా వ్యవహరించడం వంటి విలువలను ఈ పండుగ చాటిచెబుతుందని తెలిపారు.

బతుకమ్మ మహిళల సృజనాత్మకతకు, ఆత్మగౌరవానికి, సామాజిక భాగస్వామ్యానికి ప్రతీకగా నిలుస్తుందని అన్నారు. జానపద గీతాలు, కళలు, సంప్రదాయ ఆచారాల ద్వారా తెలంగాణ సాంస్కృతిక వైభవాన్ని సజీవంగా నిలుపుతున్న మహిళల పాత్ర ప్రశంసనీయమని పేర్కొన్నారు. ఈ అమూల్యమైన వారసత్వాన్ని పరిరక్షించి, భావితరాలకు అందించడం ప్రతి ఒక్కరి బాధ్యత అని స్పష్టం చేశారు. ప్రకృతి పరిరక్షణ, మహిళా సాధికారత, సాంస్కృతిక వారసత్వ పరిరక్షణ, సామాజిక సామరస్యానికి ప్రాధాన్యమిస్తూ తెలంగాణ పురోగతి ప్రతి ఒక్కరూ భాగస్వాములు కావాలని గవర్నర్‌ పిలుపునిచ్చారు. బతుకమ్మ పండుగ ప్రజల మధ్య ప్రేమాభిమానాలు, ఐక్యతను మరింత బలోపేతం చేయాలని ఆకాంక్షించారు.

హైదరాబాద్: ఐక్యరాజ్యసమితి 100 దేశాల్లో ఎల్ నినో ప్రభావం ఉంటుందని ప్రకటించిందని తెలంగాణ ముఖ్యమంత్రి రేవంత్ రెడ్డి తెలిపారు. తీవ్ర నీటి ఎద్దడి, ఎండ తీవ్రత ఎక్కువగా ఉంటుందని ఐరాస హెచ్చరిస్తోందని తెలిపారు. శాస్త్రవేత్తలు, వాతావరణ నిపుణులు పలు సూచనలు చేస్తున్నారని వివరించారు. నీటి, విద్యుత్ సమస్యలను ప్రజలు ఎదుర్కొబోతున్నారని తెలిపారు.

హైదరాబాద్‌లోని తెలంగాణ సచివాలయంలో గురువారం రాత్రి రేవంత్‌ రెడ్డి మీడియా సమావేశంలో మాట్లాడుతూ.. ‘‘ఒక సీజన్‌ పంటను వాయిదా వేసుకోవాలి. కేంద్రానికి నివేదికలు పంపి సాయం అడుగుతాం. విద్యుత్‌తో పాటు నీటి అవసరాలు పెరుగుతున్నాయి. సాగు, తాగునీరు ఇవ్వలేని పరిస్థితులు. రాబోయే 10 నెలలు రాష్ట్రానికి అత్యంత కీలకం. ప్రజలను భాగస్వాములను చేస్తూ సమస్యలను అధిగమించాల్సి ఉంది. 

కొవిడ్‌తో ప్రపంచమే ‍స్తంభించింది... ఇప్పుడు అలాంటి పరిస్థితే మళ‍్లీ రాబోతుంది. 1950 తర్వాత చాలా సందర్భాలలో ఎల్‌ నినో రూపంలో కరువు వచ్చింది. ఇప్పుడు సూపర్ ఎల్ నినో వచ్చింది. దీన్ని ధైర్యంగా ఎదుర్కోవాలి. 

ప్రభుత్వం దీర్ఘకాలిక కార్యచరణ సిద్ధం చేసింది. ప్రతి ఒక్కరూ కార్యాచరణలో భాగం కావాలి. రైతులపై ఎల్ నినో తీవ్ర ప్రభావం పడింది. వర్షాలు తక్కువ పడడం వల్ల తీవ్ర విద్యుత్ సమస్య ఏర్పడుతుంది. ఇది పరిశ్రమలపై కూడా పడింది. వేసవి కాలం నుంచే ఎల్ నినోపై రైతులకు అవగాహన కల్పించాం. గత మూడు సంవత్సరాలలో అక్టోబర్‌లో 15 వేల మెగావాట్ల విద్యుత్ డిమాండ్ ఉండేది. కానీ ఈ సంవత్సరం 20 వేల మెగావాట్ల విద్యుత్ డిమాండ్ వచ్చింది. ఎండాకాలం అక్టోబర్ నెలలోనే వచ్చింది. నీటి, విద్యుత్ సమస్యలను ప్రజలు ఎదుర్కొబోతున్నారు’’ అని చెప్పారు. 

ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే

సాక్షి, హైదరాబాద్‌: నగరం నడిబొడ్డున 35 అంతస్తుల భారీ భవన నిర్మాణానికి అనుమతులు ఇవ్వడంపై తెలంగాణ‌ హైకోర్టు ఆశ్చర్యం వ్యక్తం చేసింది. చారిత్రక మొజంజాహీ మార్కెట్‌కు సమీపంలోని అబిడ్స్‌ గన్‌ఫౌండ్రిలో చేపట్టిన ‘మీనాక్షి ఎలీసియా’కు అనుమతుల మంజూరు ప్రక్రియను నిశితంగా పరిశీలించాల్సిన అవసరం ఉందని అభిప్రాయపడింది. దీనిపై సమగ్ర వివరాలతో కౌంటర్‌ దాఖలు చేయా లని ప్రతివాదులైన అధికారులతో పాటు మీనాక్షి సంస్థను ఆదేశించింది. తదుపరి విచారణను రెండు వారాలకు వాయిదా వేసింది.

నగరం నడిబొడ్డున భారీ నిర్మాణానికి అనుమతులు ఇవ్వడాన్ని సవాల్‌ చేస్తూ సొసైటీ ఫర్‌ క్రూసేడ్‌ ఎగైనెస్ట్‌ కరప్షన్‌ పిటిషన్‌ దాఖలు చేసింది. ఈ పిటిషన్‌పై జస్టిస్‌ బి.విజయసేన్‌రెడ్డి ధర్మాసనం విచారణ చేపట్టింది. చట్టప్రకారం అనుసరించాల్సిన విధివిధానాలను పాటించకుండా, భద్రతా ప్రమాణాలను సమగ్రంగా పరిశీలించకుండానే జీహెచ్‌ఎంసీ అనుమతులు మంజూరు చేసిందని పిటిషనర్‌ తరఫు న్యాయవాది వాదించారు. వాదనలు విన్న న్యాయమూర్తి.. కౌంటర్‌ దాఖలు చేయా లని ప్రతివాదులను ఆదేశిస్తూ, విచారణ వాయిదా వేశారు.

ఇదీ చ‌ద‌వండి: ఎన్‌హెచ్‌ 563పై ఇక టోల్‌ వలుచుడే..

ఆదిలాబాద్‌: పట్టణంలోని అంబేడ్కర్‌చౌక్‌ సమీపంలో గల ప్రైవేట్‌ హోటల్‌కు సంబంధించి పన్ను వసూలుకు వెళ్లిన బల్దియా రెవెన్యూ అధికారులకు వింత అనుభవం ఎదురైంది. సదరు బకాయిదారు బల్దియాకు రూ.2,48,220 ఆస్తిపన్ను చెల్లించాల్సి ఉండగా ఇప్పటికే అధికారులు డిమాండ్‌ నోటీసు జారీ చేశారు. వీటి వసూలు కోసం వారం కిందట సంప్రదించగా బుధవారం రావాలని ఆయన సూచించాడు. దీంతో బుధవారం బల్దియా రెవెన్యూ అధికారి కల్యాణ్‌ ఆధ్వర్యంలో ఆర్‌ఐలు, బిల్‌కలెక్టర్‌ సదరు బకాయిదారు వద్దకు వెళ్లారు. 

అయితే ఆ వ్యక్తి ఓ అధికారితో ఫోన్‌లో మాట్లాడగా ‘ఆరు నెలల్లో నేనే ఆదిలాబాద్‌కు కమిషనర్‌గా వస్తా.. మీ ఆస్తిపన్నును తగ్గిస్తా అప్పటిదాకా ట్యాక్స్‌ చెల్లించకండి’ అంటూ సూచించాడు. దీంతో ఆ వ్యక్తి ట్యాక్స్‌ చెల్లించకుండా మొండికేశాడు. చేసేదేం లేక నిరాశగా వెనుదిరిగిన సిబ్బంది జరిగిన విషయాన్ని మున్సిపల్‌ చైర్‌పర్సన్, కమిషనర్‌ల దృష్టికి తీసుకెళ్లారు. దీనిపై కమిషనర్‌ జగదీశ్వర్‌గౌడ్‌ను సంప్రదించగా ఇది వరకు ఇక్కడ పనిచేసిన ఓ అధికారి ట్యాక్స్‌ కట్టకుండా అడ్డుపడ్డ మాట వాస్తవమేనన్నారు. దీనిపై ఉన్నాతాధికారులకు ఫిర్యాదు చేస్తామని పేర్కొన్నారు.

ఇదీ చదవండి: ఉదయం పెళ్లి.. సాయంత్రానికే విడిపోయారు

హీరో సందీప్ కిషన్‌ కథానాయకుడిగా నటిస్తున్న కొత్త చిత్రం ‘కరికాల’ ఘనంగా ప్రారంభమైంది. యుగంధర్ ముని దర్శకత్వంలో తెరకెక్కుతున్న ఈ చిత్రాన్ని షైనింగ్ పిక్చర్స్‌ బ్యానర్‌పై మహిధర్ రెడ్డి, రాజశేఖర్ అన్నభీమోజు నిర్మిస్తున్నారు. భారీ ఊహా ప్రపంచం నేపథ్యంలో రెండు భాగాలుగా రూపొందనున్న ఈ సినిమాలో కేథరిన్ థ్రెసా, గాయత్రి భరద్వాజ్, సాక్షి మడోల్కర్ కథానాయికలుగా నటిస్తున్నారు. 

గురువారం నిర్వహించిన పూజా కార్యక్రమంతో ఈ సినిమా ప్రారంభమైంది. తొలి సన్నివేశానికి నటుడు ఆది సాయి కుమార్ గౌరవ దర్శకత్వం వహించారు. వచ్చే వారం నుంచి చిత్రీకరణ ప్రారంభించనున్నట్లు నిర్మాతలు వెల్లడించారు.

కెరీర్‌లోనే ఉత్తమ చిత్రంగా..
ఈ సందర్భంగా సందీప్ కిషన్ మాట్లాడుతూ.. ‘కరికాల’ కథను రెండు భాగాలుగా చెప్పినా ఎక్కడా బోర్ అనిపించలేదని తెలిపారు. గత ఆరు, ఏడు నెలలుగా దర్శకుడు యుగంధర్ ముని ప్రీ ప్రొడక్షన్ కోసం ఎంతో కష్టపడుతున్నారని ప్రశంసించారు. ఈ చిత్రం తన కెరీర్‌లోనే ఉత్తమ చిత్రంగా నిలుస్తుందనే ఆశాభావం వ్యక్తం చేశారు. శ్రీచరణ్ పాకాల అద్భుతమైన సంగీతాన్ని అందిస్తున్నారని పేర్కొన్నారు.

తేదీలు ఖరారు
‘కరికాల’ చిత్రాన్ని రెండు భాగాలుగా ప్రేక్షకుల ముందుకు తీసుకురానున్నారు. మేకర్స్ గతంలో ప్రకటించిన షెడ్యూల్ ప్రకారం తొలి భాగం 2027 జూలై 2న, రెండో భాగం అదే ఏడాది అక్టోబర్ 28న విడుదల కానుంది. సందీప్ కిషన్ కెరీర్‌లో ప్రత్యేకమైన చిత్రంగా నిలుస్తుందని భావిస్తున్న ఈ సినిమాలో ముగ్గురు కథానాయికలు నటిస్తుండటం, నాగలోకం, వానర లోకం వంటి విభిన్న నేపథ్యాలు ఉండటం ఆసక్తిని పెంచుతున్నాయి.

(ఇదీ చదవండి: ’రణబాలి‘ ఫీవర్‌.. జయమ్మగా సుమ ఫొటోలు వైరల్‌)

టాలీవుడ్‌లో ‘రణబాలి’ సందడి మొదలైంది.  విజయ్ దేవరకొండ, నేషనల్ క్రష్ రష్మిక మందన్న జంటగా నటించిన ఈ చిత్రం రేపు (అక్టోబర్ 16) ప్రేక్షకుల ముందుకు రానుంది. ఇప్పటికే ఈ సినిమాపై అభిమానుల్లో భారీ అంచనాలు నెలకొన్నాయి. విడుదలకు ముందే థియేటర్ల వద్ద సందడి కనిపిస్తోంది.  తాజాగా ‘రణబాలి’ ప్రీ రిలీజ్ ఈవెంట్‌లోనూ సుమ తన లుక్‌తో అందరి దృష్టిని ఆకర్షించారు. ఈ సినిమాలో రష్మిక మందన్న పోషించిన జయమ్మ పాత్రను గుర్తు చేసేలా సంప్రదాయ దుస్తుల్లో ముస్తాబై సందడి చేశారు. ఈ సందర్భంగా దిగిన పలు ఫొటోలను సుమ సోషల్ మీడియాలో పంచుకున్నారు.

‘ప్రతి వేదికా జీవితంలోనూ, వేదికపై కూడా ఒక కొత్త అనుభవమే. జీవించి ఉన్న ప్రతి క్షణాన్ని ఆస్వాదిస్తూ, ప్రేమిస్తూ ముందుకు సాగుతున్నా’ అంటూ తన ఆనందాన్ని వ్యక్తం చేశారు. ప్రస్తుతం ఈ ఫొటోలు నెటిజన్లను ఆకట్టుకుంటున్నాయి. జయమ్మ లుక్‌లో సుమను చూసి అభిమానులు ఆసక్తికరంగా స్పందిస్తున్నారు. 

(ఇదీ చదవండి: రేపే రణబాలి విడుదల.. అంచనాలు పెంచేసిన హీరో నాని)

 

 

 

 

View this post on Instagram

 

 

 

 

 

 

 

 

 

 

 

A post shared by Suma Kanakala (@kanakalasuma)

సినిమా షూటింగ్‌ సెట్లో రోజుకు 8 గంటల పని విధానం అంశం మరోసారి చర్చనీయాంశంగా మారింది. బాలీవుడ్‌ స్టార్‌ దీపికా పదుకొణె గతంలో ప్రభాస్‌ హీరోగా నటిస్తున్న ‘స్పిరిట్‌’, ‘కల్కి 2898 ఏడీ’ సీక్వెల్‌ ప్రాజెక్టుల నుంచి తప్పుకోవడంతో ఈ అంశంపై పెద్ద ఎత్తున చర్చ జరిగింది. రోజుకు 8 గంటల పని విధానానికి సంబంధించి విభేదాలే ఆమె నిర్ణయానికి కారణమంటూ అప్పట్లో వార్తలు వచ్చాయి. తాజాగా ఈ వ్యవహారంపై ‘దృశ్యం 3’ నటి ఇషితా దత్తా స్పందించారు. దీపికా పదుకొణెకు మద్దతుగా నిలుస్తూ కీలక వ్యాఖ్యలు చేశారు.

అడగడంలో తప్పేముంది?
రోజుకు 8 గంటలు మాత్రమే పనిచేయాలన్న దీపికా డిమాండ్‌ సరైనదేనని ఇషితా దత్తా అభిప్రాయపడ్డారు. ఒక నటుడు రోజుకు 8 గంటలు పనిచేయాలా? అంతకంటే ఎక్కువ సమయం కేటాయించాలా? అనేది వ్యక్తిగత నిర్ణయమని పేర్కొన్నారు. ఈ విషయంలో నిర్మాణ సంస్థలు అంగీకరించవచ్చని, లేదంటే తమకు సాధ్యం కాదని చెప్పవచ్చని అన్నారు. అయితే సరైన పని వేళలు కావాలని అడిగినంత మాత్రాన వారిని తప్పుపట్టడం, విమర్శించడం సరికాదని ఆమె స్పష్టం చేశారు.

తల్లయ్యాక పరిస్థితి మారింది!
గతంలో తాను కూడా చాలా సందర్భాల్లో ఎక్కువ గంటలు పనిచేసినట్లు ఇషితా వెల్లడించారు. అయితే తల్లి అయిన తర్వాత తన పరిస్థితిని నిర్మాతలు అర్థం చేసుకున్నారని తెలిపారు. షూటింగ్‌ పూర్తయిన వెంటనే వీలైనంత త్వరగా తనను ఇంటికి పంపించేవారని చెప్పారు.  ఇప్పుడీ వ్యాఖ్యలు వైరల్‌ అవుతున్నాయి. 

(ఇదీ చదవండి: రజనీకాంత్ సినిమా.. నటి పూర్ణకు భారీ కటౌట్‌..!)
 

సూపర్‌స్టార్‌ రజనీకాంత్‌ హీరోగా నటించిన ‘జైలర్‌ 2’  ఈరోజు(గురువారం) ప్రేక్షకుల ముందుకు వచ్చింది. భారీ అంచనాల మధ్య విడుదలైన ఈ చిత్రానికి తొలి షో నుంచే మంచి స్పందన వస్తోందని అభిమానులు సందడి చేస్తున్నారు. నెల్సన్‌ దిలీప్‌ కుమార్‌ తెరకెక్కించిన ఈ యాక్షన్‌ కామెడీ చిత్రంలో పలువురు ప్రముఖ నటీనటులు కీలక పాత్రల్లో కనిపించారు. అయితే ఈ సినిమాలో టాలీవుడ్‌ నటి పూర్ణ కూడా భాగమైంది. ఆమెకు సంబంధించిన ఓ ఆసక్తికర విషయం ఇప్పుడు సినీ వర్గాల్లో చర్చనీయాంశంగా మారింది.

(ఇదీ చదవండి: రేపే రణబాలి విడుదల.. అంచనాలు పెంచేసిన నాని)

రజనీతో కలిసి పూర్ణ స్టెప్పులు..
‘జైలర్‌ 2’లోని ‘అలా బోలేలో’ పాటలో రజనీకాంత్‌తో కలిసి పూర్ణ డ్యాన్స్‌ చేసింది. మాస్‌, క్లాసికల్‌ నృత్యాల మేళవింపుతో ఆమె వేసిన స్టెప్పులు ప్రేక్షకుల దృష్టిని ఆకర్షించాయి. ముఖ్యంగా సంప్రదాయ కేరళ చీరకట్టులో పూర్ణ కనిపించిన తీరు, ఆమె నృత్యం ప్రత్యేక ఆకర్షణగా నిలిచాయి. దీంతో ఈ పాటకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.

పూర్ణకు భారీ కటౌట్‌.. 
‘జైలర్‌ 2’ విడుదల సందర్భంగా సాధారణంగా రజనీకాంత్‌ భారీ కటౌట్లు, అభిమానుల సందడి కనిపిస్తుంటాయి. అయితే ఈసారి నటి పూర్ణకు కూడా నిలువెత్తు కటౌట్‌ ఏర్పాటు చేయడం ఆసక్తికరంగా మారింది. కేరళలోని తిరువనంతపురంలో ఓ థియేటర్‌ సమీపంలో షమ్నా కాసిమ్‌ ఫ్యాన్స్‌ అండ్‌ వెల్ఫేర్‌ అసోసియేషన్‌ ఆధ్వర్యంలో ఈ కటౌట్‌ను ఏర్పాటు చేశారు. రజనీకాంత్‌ సినిమాలో పూర్ణ కనిపించడంతో ఆమె అభిమానులు ఇలా తమ అభిమానాన్ని చాటుకున్నారు.

పూర్ణ తెలుగు ప్రేక్షకులకు సుపరిచితమే. పలు చిత్రాల్లో నటించి తనకంటూ ప్రత్యేక గుర్తింపు సంపాదించుకుంది. నటనతో పాటు నృత్యంలోనూ తన ప్రతిభను చాటుకుంటున్న ఆమె.. ‘జైలర్‌ 2’ పాటతో మరోసారి వార్తల్లో నిలిచింది. 

(ఇదీ చదవండి: నటి కోసం భార్యని కోమాకి వెళ్లేలా కొట్టాడు: పూనమ్‌)

Shamna Fans Association #Jailer2 #RajiniKanth https://t.co/hfP13aRSDk

— Milagro Movies (@MilagroMovies) October 13, 2026

టాలీవుడ్‌లో ‘రణబాలి’ సందడి మొదలైంది.  విజయ్ దేవరకొండ, నేషనల్ క్రష్ రష్మిక మందన్న జంటగా నటించిన ఈ చిత్రం రేపు (అక్టోబర్ 16) ప్రేక్షకుల ముందుకు రానుంది. ఇప్పటికే ఈ సినిమాపై అభిమానుల్లో భారీ అంచనాలు నెలకొన్నాయి. విడుదలకు ముందే థియేటర్ల వద్ద సందడి కనిపిస్తోంది. ఈ నేపథ్యంలో నేచురల్ స్టార్ నాని ‘రణబాలి’ చిత్ర బృందానికి శుభాకాంక్షలు తెలుపుతూ ఆసక్తికరమైన పోస్ట్ చేశారు. ఇప్పుడీ పోస్ట్‌ వైరల్‌ అవుతోంది.

‘రణబాలి’ అనే ఉగ్రరూపం దాల్చిన వ్యక్తిగా
‘రణబాలి’ సినిమా కోసం చిత్ర బృందం ఎంతో కష్టపడింది. కథ ప్రాధాన్యతను గుర్తించి, ప్రతి విషయంలోనూ ఎంతో శ్రద్ధ తీసుకున్నట్లు సినిమా ప్రచార చిత్రాలు చూస్తుంటే అర్థమవుతోంది. ఇప్పటివరకు అందరికీ తెలిసిన కూల్ విజయ్ దేవరకొండ నుంచి ‘రణబాలి’ అనే ఉగ్రరూపం దాల్చిన వ్యక్తిగా ఆయన మారిన తీరు స్ఫూర్తిదాయకంగా ఉంది. విజయ్ తన పాత్ర కోసం ఎంతో సహజంగా మారిపోయాడు. జయమ్మగా రష్మిక ఎంతో సహజంగా, ఆకట్టుకునేలా ఉంది. దర్శకుడు రాహుల్ సంకృత్యన్‌  ప్రతిభ కనిపిస్తోంది’ అని నాని ఎక్స్‌ వేదికగా ప్రశంసించారు.

రేపు విడుదల కానున్న ‘రణబాలి’ చిత్ర బృందం మొత్తానికి నాని తన ప్రేమాభిమానాలతో కూడిన శుభాకాంక్షలు తెలిపారు. ఆయన చేసిన ఈ పోస్ట్‌ ప్రస్తుతం సినీ అభిమానుల దృష్టిని ఆకర్షిస్తోంది. ‘గీత గోవిందం’తో ప్రేక్షకులను అలరించిన విజయ్ దేవరకొండ, రష్మిక మందన్న మరోసారి జంటగా కనిపిస్తుండటంతో ఈ సినిమాపై ఆసక్తి నెలకొంది. మరి భారీ అంచనాల మధ్య విడుదలవుతున్న ‘రణబాలి’ ప్రేక్షకులను ఏ మేరకు మెప్పిస్తుందో తెలియాలంటే రేపటి వరకు వేచి చూడాల్సిందే.

(ఇదీ చదవండి: ‘జైలర్‌ 2’పై హీరో ధనుష్‌ మూవీ రివ్యూ..!)

Tomorrow we have release of #Ranabaali . Everything about the film shows how much effort the team has put in to make this important film. The way Vijay @TheDeverakonda has transformed himself so effortlessly from the super cool guy we know to this ferocious man called Ranabaali is inspiring. @iamRashmika as Jayamma is as adorable and authentic as it gets. @Rahul_Sankrityn is so good with such stories which need research and detailing and it shows that he has put his heart in to this one. My love and best wishes to the whole team. @MythriOfficial

— Nani (@NameisNani) October 15, 2026

సూపర్‌స్టార్‌ రజనీకాంత్‌ ప్రధాన పాత్రలో నటించిన ‘జైలర్‌ 2’ ప్రేక్షకుల ముందుకు వచ్చేసింది. బ్లాక్‌బస్టర్‌ ‘జైలర్‌’కు సీక్వెల్‌గా తెరకెక్కిన ఈ సినిమాపై భారీ అంచనాలు నెలకొన్నాయి. అక్టోబర్‌ 15న థియేటర్లలో విడుదలైన ఈ చిత్రం  అభిమానులను అలరిస్తోంది. ఇప్పటికే పలువురు సినీ ప్రముఖులు సినిమాను వీక్షించి తమ అభిప్రాయాలను సామాజిక మాధ్యమాల వేదికగా పంచుకుంటున్నారు. తాజాగా హీరో ధనుష్‌ సైతం ఈ చిత్రంపై తన రివ్యూను వెల్లడించారు. ఈ పోస్ట్‌ ఇప్పుడు వైరల్‌గా మారింది.

‘ప్రతి అభిమానికీ విందు’
రజనీకాంత్‌కు ధనుష్‌ వీరాభిమాని అన్న సంగతి తెలిసిందే. తలైవర్‌ సినిమా విడుదలైతే తొలి రోజే చూసేందుకు ఆయన ఆసక్తి చూపిస్తుంటారు. గతంలోనూ పలు సందర్భాల్లో తన అభిమానాన్ని చాటుకున్నారు. ‘జైలర్‌ 2’ కోసం కూడా ఎంతో ఉత్సాహంగా ఎదురుచూశారు. ఈ క్రమంలోనే బుధవారం (అక్టోబర్‌ 14) ‘రేపు తలైవర్‌ దర్శనం’ అంటూ ఎక్స్‌ వేదికగా పోస్ట్‌ చేశారు. గురువారం చెన్నైలోని రోహిణి థియేటర్‌లో ‘జైలర్‌ 2’ సినిమాను వీక్షించారు. అనంతరం తన అభిప్రాయాన్ని పంచుకుంటూ.. ఈ చిత్రం తప్పక చూడాల్సిన సినిమా అని పేర్కొన్నారు. ‘బ్లాక్‌బస్టర్‌.. ప్రతి తలైవర్‌ అభిమానికీ ఒక విందు’ అంటూ ప్రశంసించారు. దీంతో ధనుష్‌ చేసిన ఈ పోస్ట్‌ అభిమానుల దృష్టిని ఆకర్షిస్తోంది.

(ఇదీ చదవండి: నటి కోసం భార్యని కోమాకి వెళ్లేలా కొట్టాడు: పూనమ్‌)

థియేటర్‌కు రజనీ కుటుంబ సభ్యులు
ధనుష్‌ సినిమా చూసిన రోహిణి థియేటర్‌లోనే రజనీకాంత్‌ సతీమణి లత, కుమార్తె ఐశ్వర్యతో పాటు ఆయన కుటుంబ సభ్యులు కూడా చిత్రాన్ని వీక్షించారు. ధనుష్‌, ఐశ్వర్య వేర్వేరు కార్లలో థియేటర్‌కు వచ్చిన దృశ్యాలు సామాజిక మాధ్యమాల్లో చక్కర్లు కొడుతున్నాయి.

రజనీ కోసం సినిమా వాయిదా!
ఇదిలా ఉంటే.. ధనుష్‌ ప్రస్తుతం నటిస్తున్న ‘ఓం’ (OM) సినిమాను తొలుత దసరా సందర్భంగా అక్టోబర్‌ 16న ప్రపంచవ్యాప్తంగా విడుదల చేయాలని చిత్రబృందం భావించింది. అందుకు తగ్గట్టుగానే ప్రచార కార్యక్రమాలనూ ప్రారంభించింది. అయితే రజనీకాంత్‌ ‘జైలర్‌ 2’ విడుదల తేదీ అక్టోబర్‌ 15గా ప్రకటించడంతో ధనుష్‌ తన సినిమా విడుదలను వాయిదా వేసుకున్నారు. 

(ఇదీ చదవండి: ‘జైలర్‌ 2’ మూవీ రివ్యూ అండ్‌ రేటింగ్‌)

JAILER 2 is a MUST MUST MUST watch. BLOCKBUSTER 🔥🔥🔥🔥🔥🔥🔥🔥 A FEAST for every Thalaivar fan.

— Dhanush (@dhanushkraja) October 15, 2026

సూపర్‌స్టార్‌ రజనీకాంత్‌ ప్రధాన పాత్రలో నటించిన ‘జైలర్‌ 2’ ఈ రోజు విడుదలైంది. థియేటర్ల వద్ద అభిమానుల సందడి నెలకొంది. అయితే ఈ సినిమా చూసేందుకు చెన్నైలోని రోహిణి థియేటర్‌కు రజనీకాంత్‌ భార్య లత, కుమార్తె ఐశ్వర్యతో పాటు హీరో ధనుష్‌ కూడా వచ్చారు. అయితే ధనుష్‌, ఐశ్వర్య వేర్వేరు కార్లలో థియేటర్‌కు చేరుకోవడం ప్రస్తుతం చర్చనీయాంశంగా మారింది. ఇందుకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.

కాగా నెల్సన్‌ దిలీప్‌కుమార్‌ దర్శకత్వంలో తెరకెక్కిన ఈ చిత్రంలో మిథున్‌ చక్రవర్తి, మోహన్‌లాల్‌, రమ్యకృష్ణ, విద్యాబాలన్‌, ఎస్‌.జె.సూర్య తదితరులు కీలక పాత్రల్లో నటించారు.

కథేంటంటే.. 
విగ్రహాల అక్రమ వ్యాపారం చేస్తున్న వర్మ(వినాయకన్)ని, అతనితో చేతులు కలిపిన కొడుకు ఏసీపీ అర్జున్‌(వసంత్‌ రవి)  ని రిటైర్డ్ జైలర్ ముత్తువేల్ పాండ్యన్ (రజనీకాంత్) తుది ముట్టించడంతో ‘జైలర్‌’ సినిమా ముగుస్తుంది.  జైలర్‌  2 కథ అక్కడ నుంచి ప్రారంభం అవుతుంది.  తన కొడుకు చావుకు కారణం అయిన వర్మ వెనుక ఉన్న బాస్‌ ఎవరో తెలుసుకోవాలని ముత్తువేల్‌ పాండ్యన్‌ ప్రయత్నిస్తుంటాడు.  ఇందులో భాగంగానే లోకల్‌ రౌడీ మూర్తి దగ్గర డ్రైవర్‌గా చేరి.. అతని ద్వారా దిలీప్‌ (సురాజ్ వెంజారమూడు)ని కలుస్తాడు.  దిలీప్‌ ద్వారా వర్మ బాస్‌  బోధి (ఎస్.జె. సూర్య) గురించి తెలుసుకోవాలనుకుంటాడు. మరి ఆ ప్రయత్నం ఫలించిందా? బోధి అక్రమ వ్యాపారాలను మత్తువేల్ పాండ్యన్ ఎలా కూల్చాడు? ఈ క్రమంలో తన స్నేహితులు మాథ్యూ(మోహన్‌ లాల్‌), నరసింహా(శివరాజ్‌ కుమార్‌), రోలీ(హృతిక్‌ రోషన్‌), కామదేవ్‌(జాకీ ష్రాప్‌) ఎలాంటి సహాయం చేశారు? ఈ కథలో చక్రి కల్పక్‌ (మిథున్ చక్రవర్తి), కాంత కల్పక్‌(విద్యాబాలన్‌)  పాత్రలు ఏమిటి? అనేది తెలియాలంటే సినిమా చూడాల్సిందే. 

(పూర్తి రివ్యూ : ‘జైలర్‌ 2’ మూవీ రివ్యూ అండ్‌ రేటింగ్‌)

Chennai, Tamil Nadu: Actor Rajinikanth’s daughter Aishwarya Rajinikanth, his grandsons Yatra and Linga, and actor Dhanush arrive at Rohini Silver Screens in Koyambedu to watch the superstar’s film ‘Jailer 2’ on its release day https://t.co/cIEwlM6SIv

— IANS (@ians_india) October 15, 2026

టాలీవుడ్‌ నటి పూనమ్‌ కౌర్‌ మరోసారి దర్శకుడు త్రివిక్రమ్‌ శ్రీనివాస్‌ను ఉద్దేశిస్తూ చేసిన వ్యాఖ్యలు చర్చనీయాంశంగా మారాయి. సోషల్‌ మీడియా వేదికగా ఆమె పెట్టిన పోస్టులు ప్రస్తుతం వైరల్‌ అవుతున్నాయి. గతంలోనూ పలు సందర్భాల్లో త్రివిక్రమ్‌పై పరోక్ష వ్యాఖ్యలు చేసిన పూనమ్‌.. తాజాగా మరోసారి ఆసక్తికరమైన కామెంట్స్‌ చేసింది.

ఒకప్పుడు త్రివిక్రమ్‌ సినిమాల్లో కనిపించిన వినోదం, మాటల చమత్కారం ఇప్పుడు కనిపించడం లేదని ఆమె వ్యాఖ్యానించింది. ‘నీలో ఫన్‌ లేదు త్రివిక్రమ్‌ శ్రీనివాస్‌. ఆ స్థానానికి మళ్లీ నువ్వు వెళ్లలేవు’ అంటూ పోస్ట్‌ పెట్టింది. దీంతో ఆమె వ్యాఖ్యలు నెట్టింట చర్చకు దారితీశాయి.

గురూజీ’ అని పిలుస్తుండటంతో
ఇదిలా ఉండగా.. మరో పోస్ట్‌లో ఓ నటి కోసం తన భార్య కోమాకి వెళ్లేలా దాడి చేశాడంటూ ఓ వ్యక్తిని ఉద్దేశించి పూనమ్‌ కౌర్‌ సంచలన ఆరోపణలు చేసింది.  అయితే గురుజీ అని చెప్తూ ఆ వ్యక్తి పేరును మాత్రం ఆమె ప్రస్తావించలేదు. అయితే టాలీవుడ్‌లో త్రివిక్రమ్‌ను చాలామంది ‘గురూజీ’ అని పిలుస్తుండటంతో ఈ పోస్టు ఆయనను ఉద్దేశించే పెట్టిందా? అంటూ కొందరు నెటిజన్లు చర్చించుకుంటున్నారు. కాగా పూనమ్‌ తన పోస్టులో నేరుగా పేరు వెల్లడించకపోవడంతో ఆమె వ్యాఖ్యలు ఎవరిని ఉద్దేశించాయన్నది స్పష్టత రావాల్సి ఉంది. 

(ఇదీ చదవండి: త్రివిక్రమ్.. నా కుటుంబ బలహీనతని వాడుకున్నారు)

బాలీవుడ్ నటుడు మనోజ్‌ బాజ్‌పేయీ నటించిన లేటేస్ట్ సస్పెన్స్ థ్రిల్లర్ గజబ్ రాత్. ఈ మూవీకి నీరజ్‌ పాండే, రితేశ్‌ షా సంయుక్త దర్శకత్వం వహిస్తున్నారు. ఈ సినిమా  అక్టోబర్‌ 23న నేరుగా నెట్‌ఫ్లిక్స్‌ వేదికగా స్ట్రీమింగ్‌ కానుంది. ఈ నేపథ్యంలో తాజాగా ట్రైలర్‌ రిలీజ్ చేశారు మేకర్స్. ఈ మూవీలో పోలీస్‌ అధికారిగా మనోజ్‌ భాజ్‌పేయి అభిమానులను మెప్పించనున్నారు.

ట్రైలర్ చూస్తుంటే ఈ మూవీ క్రైమ్ అండ్ సస్పెన్స్ థ్రిల్లర్‌గానే తెరకెక్కించినట్లు తెలుస్తోంది. ట్రైలర్‌లో సీన్స్‌ ఈ మూవీపై అంచనాలు పెంచేస్తున్నాయి. కాగా.. మొదట ఈ సినిమాకు ఘూసఖోర్‌ పండత్‌ అనే పేరును ఖరారు చేశారు. ఆ టైటిల్‌తోనే కొన్ని ప్రచార చిత్రాలనూ విడుదల చేశారు. ఆ తర్వాత సినిమా పేరు, మనోజ్‌ పాత్రపై తీవ్ర వివాదానికి దారితీసింది. మూవీ టైటిల్, స్టోరీ లైన్‌ తమ వర్గాన్ని కించపరిచేలా ఉందని దర్శకులపై బ్రాహ్మణసంఘం ఫిర్యాదు చేసింది. ఈ సినిమా విడుదలను నిలిపివేయాలని కోరుతూ ఆ సంఘం కోర్టును ఆశ్రయించింది. దీంతో మేకర్స్ సినిమా పేరును వెంటనే మార్చేశారు. గజబ్‌ రాత్‌గా ఈ మూవీ ఓటీటీలో స్ట్రీమింగ్ కానుంది. ఈ చిత్రంలో నుష్రత్ భరుచ్చా, సాకిబ్ సలీమ్, దివ్యా దత్తా, కికు శారదా, శ్రద్ధా దాస్ కీలక పాత్రల్లో నటించారు.

కీవ్: రష్యాలోని వోరోనెజ్ వైమానిక స్థావరంపై దాడి చేసి నాలుగు ఎస్‌యూ-34 యుద్ధ విమానాలను ధ్వంసం చేశామని, మరో రెండు యుద్ధ విమానాలను కూడా దెబ్బతీశామని ఉక్రెయిన్ అధ్యక్షుడు వొలోడిమిర్ జెలెన్‌స్కీ తెలిపారు. ఈ దాడిలో నెప్ట్యూన్ క్షిపణిని ఉపయోగించినట్లు ఆయన వెల్లడించారు.

రష్యాలోని ఒరియోల్ ప్రాంతంలో డ్రోన్ల నిల్వ, ప్రయోగ కేంద్రంపై, నల్ల సముద్రంలో మరో టార్గెట్‌పై కూడా తాము దాడులు చేసినట్లు పేర్కొన్నారు. అయితే రష్యా దాడులకు ప్రతిచర్యగానే ఈ చర్యలు చేపట్టామని, యుద్ధం కొనసాగినంత కాలం తమ దాడులు ఇలానే కొనసాగుతాయని జెలెన్‌స్కీ స్పష్టం చేశారు. 

ఇదీ చదవండి: కేంద్ర ఎన్నికల సంఘం కీలక ఆదేశం.. 17 రాష్ట్రాల్లో ఇక ఎస్‌ఎస్‌ఆర్‌

సాక్షి,న్యూఢిల్లీ: భారత్‌-అమెరికా ద్వైపాక్షిక వాణిజ్య ఒప్పందంలో కీలక ముందడుగు పడింది. ఒప్పందంలోని తొలి విడత ఖరారైందని కేంద్ర వాణిజ్య శాఖ మంత్రి పీయూష్ గోయల్ గురువారం వెల్లడించారు. ప్రస్తుతం దీనికి సంబంధించిన న్యాయపరమైన ముసాయిదా రూపకల్పన జరుగుతోందని, త్వరలోనే ప్రక్రియను పూర్తి చేసి అమల్లోకి తీసుకొచ్చేందుకు ప్రయత్నిస్తున్నామని తెలిపారు.

ఢిల్లీలో జరిగిన ఒక సదస్సులో గోయల్ ఈ విషయాన్ని వెల్లడించారు. భారత్‌కు పోటీ దేశాలతో పోలిస్తే మెరుగైన వాణిజ్య ప్రయోజనాలు లభించేలా ఒప్పందాన్ని ఖరారు చేయడంపై దృష్టి సారిస్తున్నట్లు ఆయన పేర్కొన్నారు.

వాణిజ్య ఒప్పందంపై చర్చలు సానుకూల దిశలో సాగుతున్నాయని కేంద్ర వాణిజ్య కార్యదర్శి రాజేశ్ అగర్వాల్ తెలిపారు. వీలైనంత త్వరగా ఒప్పందాన్ని ఖరారు చేసి సంతకాలు చేయాలని భావిస్తున్నట్లు చెప్పారు. అయితే అమెరికాలో సుంకాల విధానం ఖరారయ్యే ప్రక్రియతో పాటు ఈ ఒప్పందం కూడా ముందుకు సాగుతుందని వివరించారు.

విదేశాంగ మంత్రి జైశంకర్ సైతం భారత్‌-అమెరికా వాణిజ్య చర్చలు తుది దశకు చేరువవుతున్నాయని అభిప్రాయపడ్డారు. అయితే ఇతర పోటీ దేశాలతో పోలిస్తే భారత్‌కు లభించే వాణిజ్య ప్రయోజనాలు కూడా కీలకమని ఆయన పేర్కొన్నారు.

2025 ప్రారంభం నుంచి ఇరు దేశాలు ఈ ఒప్పందంపై చర్చలు జరుపుతున్నాయి. సుంకాల వివాదాలను పరిష్కరించడం, వాణిజ్య అడ్డంకులను తగ్గించడం, ఇరు దేశాల మార్కెట్లలో పరస్పర అవకాశాలను పెంచడం ఈ ఒప్పందం ప్రధాన లక్ష్యాలు.

గత ఏడాది అమెరికా అధ్యక్షుడు డొనాల్డ్‌ ట్రంప్‌ భారత్‌పై విధించిన అదనపు సుంకాలు, హెచ్‌-1బీ వీసా ఫీజుల పెంపు, వలస విధానాల్లో మార్పులు వంటివి ఇరు దేశాల సంబంధాలపై తీవ్ర ప్రభావం చూపాయి. ఈ నేపథ్యంలో జరగాల్సిన వాణిజ్య ఒప్పందం ఖరారైతే ఇరు దేశాల ద్వైపాక్షిక ఆర్థిక సంబంధాలకు ఊతం లభించే అవకాశం ఉంది.

ఇదీ చదవండి: భారత్, చైనాపై సుంకాల ముప్పు.. 10 రోజుల్లో ట్రంప్ కీలక నిర్ణయం!

సహోద్యోగిని చంపేందుకు ఘోరమైన ప్లాన్‌ వేసింది ఓ మహిళ. ఆస్ట్రేలియాలోని పశ్చిమ ఆస్ట్రేలియా రాష్ట్రంలో సహోద్యోగి తెచ్చిన కర్రీలో నత్తలను చంపేందుకు ఉపయోగించే విషపదార్థాన్ని కలిపింది. నిందితురాలి(43)పై పోలీసులు కేసు నమోదు చేశారు. ఇతరుల ప్రాణాలు, ఆరోగ్యం లేదా భద్రతకు ముప్పు కలిగించినట్లు ఆమెపై అభియోగం మోపారు. ఈ కేసులో ఆమె నవంబర్‌ 5న కోర్టు ఎదుట హాజరుకావాల్సి ఉంది.

పోలీసులు తెలిపిన వివరాల ప్రకారం.. పెర్త్‌ నగరానికి ఆగ్నేయంగా ఉన్న ఓల్డ్‌బరీలో ఈ ఘటన ఫిబ్రవరిలో జరిగింది. 58 ఏళ్ల మహిళ తన సహోద్యోగులతో పంచుకునేందుకు ఇంటి నుంచి కర్రీని తీసుకొచ్చారు. ఉదయం విరామ సమయంలో పలువురు ఆ ఆహారాన్ని తిన్నప్పటికీ ఎలాంటి సమస్య ఎదురుకాలేదు. మధ్యాహ్న భోజన సమయంలో మిగిలిన కర్రీని తినేందుకు వచ్చిన ఆ మహిళకు ఆహారంలో ప్రకాశవంతమైన ఆకుపచ్చ రంగులోని చిన్న రేణువులు కనిపించాయి.

రుచి చూసినప్పుడు నాలుక మొద్దుబారి..
కొద్దిగా రుచి చూసినప్పుడు నాలుక మొద్దుబారినట్లు అనిపించడంతో ఆమె అప్రమత్తమయ్యారు. వెంటనే ఆ ఆహారాన్ని భద్రపరిచి పోలీసులకు అప్పగించారు. విషపదార్థాన్ని గుర్తించిన పోలీసులు ఆహారాన్ని పరిశీలించిన దర్యాప్తు అధికారులు అందులో మెటల్డిహైడ్‌ అనే విషపదార్థం ఉన్న నత్తల నివారణ గుళికలను గుర్తించారు. తోటలు, పంటలకు హాని చేసే నత్తలను చంపేందుకు ఇటువంటి పదార్థాలను ఉపయోగిస్తారు.

వీటిని తీసుకోవడం వల్ల తీవ్రమైన అనారోగ్యం కలగడంతో పాటు ప్రాణాపాయం కూడా ఏర్పడవచ్చు. ఈ ఘటనపై పోలీసులు నెలలపాటు దర్యాప్తు చేపట్టారు. నిందితురాలిగా పేర్కొన్న మహిళ పేరు వెల్లడించలేదు. ఆమె బాధితురాలితో సన్నిహిత సంబంధంలో ఉన్నట్లు కూడా తెలుస్తోంది. పోలీసులు తెలిపిన వివరాల ప్రకారం.. నిందితురాలు ఆహారం ఉంచిన కార్యాలయ విశ్రాంతి గదికి తిరిగి వెళ్లడానికి ముందు రసాయనాలను నిల్వ చేసే షెడ్‌ను సందర్శించారు.

అనంతరం కర్రీలో విషపదార్థాన్ని కలిపినట్లు అనుమానిస్తున్నారు. అయితే, ఈ ఆరోపణలు న్యాయస్థానంలో నిరూపించాల్సి ఉంది. పశ్చిమ ఆస్ట్రేలియా పోలీసు కమిషనర్‌ కోల్‌ బ్లాంచ్‌ మాట్లాడుతూ.. ఈ విషం తీవ్రమైన గాయాలకు లేదా మరణానికి కారణమయ్యే ప్రమాదం ఉందని హెచ్చరించారు. ఆహారంలో ఏదో అసాధారణంగా ఉందని గుర్తించి బాధితురాలు అప్రమత్తమైనందుకు కృతజ్ఞతలు తెలిపారు. ఈ ఘటనలో బాధితురాలు సమయానికి అనుమానాస్పద పదార్థాన్ని గుర్తించి ఆహారాన్ని పోలీసులకు అప్పగించడం కీలకమైంది. నవంబర్‌ 5న జరిగే కోర్టు విచారణలో నిందితురాలిపై నమోదైన అభియోగాలకు సంబంధించిన తదుపరి వివరాలు వెల్లడయ్యే అవకాశం ఉంది.

ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే
 

వాషింగ్టన్: ఇరాన్‌తో యుద్ధాన్ని అమెరికా మళ్లీ ప్రారంభిస్తే.. ఆ దేశంలోని అణు కేంద్రాలు, ఇంధన మౌలిక సదుపాయాలపై భారీ దాడులు చేసే అవకాశాలను అమెరికా సైన్యం పరిశీలిస్తున్నట్లు సమాచారం. ఇందులో ‘మదర్ ఆఫ్ ఆల్ బాంబ్స్’ (MOAB)గా పిలిచే అత్యంత శక్తిమంతమైన బాంబును ఉపయోగించే ప్రణాళిక కూడా ఉన్నట్లు ప్రముఖ అంతర్జాతీయ మీడియా సంస్థ సీఎన్‌ఎన్‌ వెల్లడించింది. ఈ వివరాలను అమెరికా అధికారులను ఉటంకిస్తూ రాయిటర్స్‌ పేర్కొంది. అయితే ఈ నివేదికను రాయిటర్స్‌ స్వతంత్రంగా ధ్రువీకరించలేకపోయింది.

ఇరాన్ అణు కేంద్రాలే లక్ష్యంగా?
అమెరికా అధ్యక్షుడు డొనాల్డ్ ట్రంప్ ఆదేశిస్తే.. ఇరాన్‌లోని ఇంధన కేంద్రాలు, పిక్‌యాక్స్‌ మౌంటైన్‌ వంటి అణు కేంద్రాలపై దాడులు చేసే అవకాశాలను సైన్యం ఇప్పటికే సిద్ధం చేసినట్లు సమాచారం. అయితే ప్రస్తుతానికి ఈ దాడులు ఎప్పుడు జరుగుతాయనే దానిపై ఇంకా స్పష్టత లేదు. అమెరికా మధ్యంతర ఎన్నికలకు ముందు కానీ.. లేదంటే ఎన్నికల తర్వాత ఈ సైనిక చర్యలను పునఃప్రారంభించే అవకాశాలను పరిశీలిస్తున్నట్లు సదరు కథనం పేర్కొంది.

భూగర్భ కేంద్రాలపై ఎంతవరకు ప్రభావం?
MOAB బరువు సుమారు 9,800 కిలోలు. ఇది అణ్వాయుధం కాదు కానీ, భారీ పేలుడు సృష్టించగలదు. అయితే గ్రానైట్‌ పొరలతో రక్షణ కల్పించిన భూగర్భ అణు కేంద్రాలను ధ్వంసం చేయడంలో ఈ బాంబు ఎంతవరకు ప్రభావవంతంగా పనిచేస్తుందనే సందేహాలు అమెరికా అధికారుల్లో ఉన్నట్లు తెలుస్తోంది. దీని భారీ పేలుడు పరిధి కారణంగా జరిగే ప్రాణనష్టంపై కూడా ఆందోళనలు వ్యక్తమవుతున్నాయి.

యుద్ధం నుంచి బయటపడేందుకు, తమకు విజయం లభించినట్లు చూపించేందుకు ట్రంప్‌ ప్రభుత్వం వివిధ సైనిక ప్రత్యామ్నాయాలను పరిశీలిస్తున్నట్లు సీఎన్‌ఎన్‌ నివేదించింది. అయితే, ఇరాన్‌పై కొత్త దాడులకు సంబంధించి తుది నిర్ణయం  తీసుకున్నట్లు ఇప్పటివరకు ఎలాంటి అధికారిక ప్రకటన వెలువడలేదు.

ఇదీ చదవండి: భారత్, చైనాపై సుంకాల ముప్పు.. 10 రోజుల్లో ట్రంప్ కీలక నిర్ణయం!

'కార్నెల్ 7' సామూహిక అత్యాచార ప్రకంపనల మధ్య అమెరికాలోని మరో ఉన్నత విశ్వవిద్యాలయంలో జరిగిన గ్యాంగ్‌ రేప్‌ ఉదంతం సంచలనం రేపింది. 18వేల మంది విద్యార్థులతో అమెరికాలో అగ్రశ్రేణి పరిశోధనా సంస్థ చికాగోలోని యూనివర్సిటీ ఆఫ్ చికాగో (University of Chicago) క్యాంపస్ సమీపంలోని ఒక ఫ్రాటర్నిటీ హౌస్ (Fraternity House)లో 21 ఏళ్ల యువతి యూనివర్శిటీ విద్యార్థిని కాదు) పై సామూహిక అత్యాచారం  జరిగినట్టు కేసు నమోదైంది. 

అక్టోబర్ 11 ఆదివారం తెల్లవారు జామున సుమారు 1:50 గంటల సమయంలో ఈ దాడి జరిగినట్లు బాధితురాలు పోలీసులకు ఫిర్యాదు చేయడంతో ఈ ఘోరం వెలుగు చూసింది. ఫ్రాట్ హౌస్ బాత్రూమ్‌లోనే  తనపై అత్యాచారం జరిగిందని, ఆ సమయంలో తలుపు బయట కొందరు పురుషులు "నా వంతు ఎప్పుడు?", "నన్ను లోపలికి రానివ్వండి" అని కేకలు వేశారంటూ ఆమె పోలీసుల ముందు వాపోయింది.  పోలీసులు  తెలిపిన వివరాల మేరకు ఆమెపై  బాధితురాలి స్నేహితురాళ్లు ఇదే విషయాన్ని ధృవీకరించారు. కార్నెల్ యూనివర్శిటీలోని ఒక ఫ్రాటర్నిటీ హౌస్‌లో జరిగిన సామూహిక అత్యాచారం ఆరోపణలపై దర్యాప్తు జరుగుతున్న నేపథ్యంలో, లైంగిక వేధింపుల కేసులను కళాశాలలు, విశ్వవిద్యాలయాల నిర్వహణ తీరుపై  ఆందోళనలు పెరుగుతున్న తరుణంలో ఈ సంఘటన మరింత దిగ్భ్రాంతి రేపింది. 

చికాగో పోలీస్ డిపార్ట్‌మెంట్ ఈ కేసును తీవ్రంగా పరిగణించి నిందితుల కోసం విచారణను ముమ్మరం చేసింది. ఈ కేసులో ఇప్పటివరకు ఎవరిపైనా అభియోగాలు మోపలేదని చికాగో పోలీసులు తెలిపారు. అయితే, అనుమానితుడిగా భావిస్తున్న ఒక వ్యక్తిని గుర్తించినట్లు విశ్వవిద్యాలయ అధికారులు వెల్లడించారు. అయితే అతడు తమ విద్యార్థి కాదని, లేదా పాఠశాలతో మరే విధంగానూ సంబంధం లేదని కూడా తెలిపారు.

ఇదీ చదవండి: అయ్యో...ట్రెడ్‌మిల్‌ మీదే కుప్పకూలి..! వైరల్‌ వీడియో

మరోవైపు క్యాంపస్ సమీపంలోని ఆల్ఫా ఎప్సిలాన్ పై (Alpha Epsilon Pi) ఫ్రాటర్నిటీ హౌస్‌లో ఈ ఘటన వెలుగులోకి వచ్చిన వెంటనే సదరు  సంస్థ తమ చికాగో చాప్టర్‌కు సంబంధించిన అన్ని ఈవెంట్లను, కార్యకలాపాలను తక్షణమే నిలిపివేసింది. యూనివర్శిటీకి చెందిన సీసీటీవీ కెమెరాలు, లైసెన్స్ ప్లేట్ రీడర్ల ద్వారా సేకరించిన వీడియోఆధారాలను, కీలక సాక్షుల వాంగ్మూలాలను పోలీసులు షికాగో పోలీస్ డిపార్ట్‌మెంట్‌కు (CPD) అందించారు.ఈ దర్యాప్తుకు తాము పోలీసులకు పూర్తిగా సహకరిస్తున్నట్లు వారు ప్రకటించారు.

ఇదీ చదవండి: జర్మనీలో అగ్నిప్రమాదం : ముగ్గురు భారతీయులు సజీవ దహనం
 

సాక్షి,న్యూఢిల్లీ: రష్యా నుంచి చమురు, గ్యాస్ కొనుగోలు చేసే భారత్, చైనా సహా ఇతర దేశాలపై ఆంక్షలు విధించే అంశంపై అమెరికా అధ్యక్షుడు డొనాల్డ్ ట్రంప్ మరో 10 రోజుల్లో కీలక నిర్ణయం తీసుకునే అవకాశం ఉందని భారత్‌లో అమెరికా రాయబారి సెర్గియో గోర్ వెల్లడించారు. ఈ చర్యల ద్వారా రష్యా-ఉక్రెయిన్ యుద్ధానికి ముగింపు పలకడమే ట్రంప్ లక్ష్యమని తెలిపారు.

బ్లూమ్‌బెర్గ్ న్యూ ఎకానమీ ఫోరమ్‌లో మాట్లాడిన గోర్.. రష్యా నుంచి ఇంధనం కొనుగోలు చేసే దేశాలపై జరిమానాలు, ఆంక్షలు విధించే అధికారం ట్రంప్‌కు కల్పించే బిల్లుకు అమెరికా సెనేట్‌లో 86 మంది సభ్యులు మద్దతు తెలిపినట్లు పేర్కొన్నారు. అయితే ఈ చర్యలు ఏ ఒక్క దేశాన్ని లక్ష్యంగా చేసుకుని తీసుకుంటున్నవి కావని ఆయన స్పష్టం చేశారు. భారత్‌కు మినహాయింపు ఇస్తారా?.. లేదా?.. అన్నది ట్రంప్ తీసుకునే నిర్ణయంపై ఆధారపడి ఉంటుందని తెలిపారు.

భారత్-అమెరికా వాణిజ్య ఒప్పందంపై ఆశాభావం
భారత్, అమెరికా మధ్య వాణిజ్య ఒప్పంద చర్చలు పురోగతిలో ఉన్నాయని సెర్గియో గోర్ వెల్లడించారు. ఇప్పటికే పలు కీలక అంశాలపై అవగాహన కుదిరిందని, మిగిలిన చిన్నచిన్న సమస్యలను పరిష్కరించాల్సి ఉందని చెప్పారు. రక్షణ, ఐటీ, డేటా సెంటర్లు, సెమీకండక్టర్లు, కృత్రిమ మేధ (AI) వంటి రంగాల్లో ఇరు దేశాల మధ్య సహకారాన్ని మరింత పెంచుకోవాలని అమెరికా భావిస్తోందని తెలిపారు. భారత్‌లో అమెరికా కంపెనీల పెట్టుబడులు పెరగడం ద్వారా ఇరు దేశాలకు ప్రయోజనం చేకూరుతుందని గోర్ పేర్కొన్నారు.

ఇదీ చదవండి: కోర్టు ఆదేశం.. అమెరికాలో గ్రీన్ కార్డ్ లాటరీకి గ్రీన్ సిగ్నల్

హర్మూజ్‌ జలసంధిలో కార్గో నౌక.. మైన్‌ను ఢీకొని మునిగిపోయిన సంగతి తెలిసిందే. సముద్రంలో అలలపై తేలుతున్న ఐఫోన్‌లు.. ఖరీదైన పెర్ఫ్యూమ్ బాటిళ్లు.. ఓ వైరల్ వీడియో వెలుగులోకి వచ్చింది. సముద్రంలో మునిగిన ఓ కార్గో నౌక నుంచి బయటపడిన సరుకులివి.. వేలాది కంటైనర్లతో వెళ్తున్న నౌక నీట మునగడంతో విలాసవంతమైన వస్తువులన్నీ సముద్రంలో చెల్లాచెదురుగా తేలుతున్న దృశ్యాలు ఇప్పుడు వైరల్‌గా మారాయి.

యూఏఈకి చెందిన కార్గో నౌకలో 2,500కు పైగా కంటైనర్లు ఉన్నాయని ఇరాన్ తెలిపింది. వ్యూహాత్మకంగా అత్యంత కీలకమైన ఈ జలమార్గంలో వాణిజ్య నౌకలపై దాడులు పెరుగుతున్న నేపథ్యంలో ఈ ఘటన చోటుచేసుకుంది. చిన్న పడవల్లో వచ్చిన కొందరు వ్యక్తులు నీటిపై తేలుతున్న వస్తువులను సేకరిస్తున్నట్లు వీడియోలో కనిపిస్తోంది. సింగపూర్ జెండాతో ప్రయాణిస్తున్న కంటైనర్ నౌక(జిఎఫ్ఎస్ ప్రైడ్) ఈ వస్తువులను దుబాయ్ నుంచి తరలిస్తున్నట్లు తెలుస్తోంది.

బుధవారం ఈ నౌక.. మైన్‌ను ఢీకొట్టడంతో మంటలు చెలరేగి.. చివరకు సముద్రంలో మునిగిపోయింది. నౌకలోని 21 మంది సిబ్బంది సురక్షితంగా బయటపడ్డారు. ఈ ఘటనలో ఎవరికీ గాయాలు కాలేదని అధికారులు వెల్లడించారు. అంతర్జాతీయ మీడియా కథనాలు ప్రకారం.. ఈ నౌకలో సుమారు 2,500 కంటైనర్లు ఉన్నాయి. అనుమతి లేని మార్గంలో హార్ముజ్ జలసంధి గుండా ప్రయాణిస్తున్న సమయంలో ఈ కార్గో నౌక సముద్రపు మైన్‌ను ఢీకొట్టింది.

ఇరాన్‌ ఇస్లామిక్ రివల్యూషనరీ గార్డ్ కార్ప్స్ చెబుతోంది. అయితే, సముద్రయాన అధికారులు మాత్రం నౌకను గుర్తుతెలియని ప్రక్షేపకం ఢీకొట్టినట్లు తెలిపారు. దీంతో నౌక మునిగిపోవడానికి అసలు కారణం ఏమిటన్న అంశంపై భిన్నమైన వాదనలు వినిపిస్తున్నాయి. అమెరికా, ఇరాన్ మధ్య ఉద్రిక్తతలు పెరుగుతున్న సమయంలో ఈ నౌక మునిగిపోవడం కలకలం రేపుతోంది.

గత 10 రోజులుగా హర్మూజ్‌ జలసంధి పరిసరాల్లో వాణిజ్య నౌకలపై దాడులు తీవ్రతరమయ్యాయి. తమ ఓడరేవులపై అమెరికా విధించిన దిగ్బంధనం.. గత నెలలో కఠినతరం చేసిన ఆంక్షలకు ప్రతిస్పందనగా దాడులను పెంచుతున్నట్లు ఇరాన్ చెబుతోంది. ఈ పరిణామాలు వ్యూహాత్మకంగా కీలకమైన హార్ముజ్ జలసంధి భద్రతపై ఆందోళనలను పెంచుతున్నాయి. యుద్ధానికి ముందు ప్రపంచవ్యాప్తంగా వినియోగించే చమురు, సహజ వాయువు సరఫరాల్లో దాదాపు ఐదో వంతు ఈ జలమార్గం గుండానే రవాణా అయ్యేది.

ఫిబ్రవరి 28న అమెరికా, ఇజ్రాయెల్ దాడులు ప్రారంభమైనప్పటి నుంచి హార్ముజ్ జలసంధిపై తన నియంత్రణను మరింత కట్టుదిట్టం చేసేందుకు ఇరాన్ ప్రయత్నిస్తోంది. వాషింగ్టన్‌పై ఒత్తిడి పెంచే వ్యూహంలో భాగంగా సముద్ర రవాణాను పరిమితం చేస్తోంది. ఈ జలమార్గం గుండా ప్రయాణించే నౌకలపై కొత్త తరహా దాడి వ్యూహాలను అమలు చేస్తున్నట్లు ఇరాన్ వెల్లడించినట్లు అంతర్జాతీయ మీడియా చెబుతోంది.

Viral footage shows iPhones and other goods floating on the sea surface after a container ship sank in the Strait of Hormuz due to a collision with a sea mine. https://t.co/uLrMokroqL

— Nizam Tellawi (@nizamtellawi) October 14, 2026

ఇదీ చదవండి: పాక్‌ డబుల్‌ గేమ్‌.. దాయాది పిల్లిమొగ్గలు!

వాషింగ్టన్: అమెరికా డైవర్సిటీ వీసా (DV-2027) లాటరీ రిజిస్ట్రేషన్‌ను తిరిగి ప్రారంభించాలని డొనాల్డ్‌ ట్రంప్ ప్రభుత్వాన్ని ఫెడరల్ కోర్టు ఆదేశించింది. నిర్ణీత సమయంలో రిజిస్ట్రేషన్ ప్రక్రియను ప్రారంభించకపోవడంపై దాఖలైన పిటిషన్‌ను విచారించిన కాలిఫోర్నియా ఫెడరల్ న్యాయమూర్తి జిన్‌సూక్ ఓహ్తా అక్టోబర్ 14న కీలక ఉత్తర్వులు జారీ చేశారు.

విదేశాంగ శాఖ 30 రోజుల పాటు ఆన్‌లైన్ దరఖాస్తుల స్వీకరణకు అవకాశం కల్పించాలని, రిజిస్ట్రేషన్ తేదీలు, వెబ్‌సైట్ వివరాలు ప్రకటించాలని ఆదేశించారు. ఎంపికైన అభ్యర్థుల కేసులను కూడా నిబంధనల ప్రకారం పరిశీలించాలని సూచించారు.

ఎందుకు ఆలస్యమైంది?
DV-2027 దరఖాస్తు ప్రక్రియలో మార్పులు చేస్తున్నట్లు అమెరికా విదేశాంగ శాఖ 2025 నవంబర్‌లో ప్రకటించింది. కానీ ఆ తర్వాత రిజిస్ట్రేషన్ తేదీలను మాత్రం వెల్లడించలేదు. దీంతో ఇమ్మిగ్రేషన్ న్యాయ సంస్థ రెడ్ ఈగిల్ లా కోర్టును ఆశ్రయించింది.

ఈ లాటరీ ద్వారా అర్హులైన ఇతర దేశాల పౌరులకు ఏటా గరిష్ఠంగా 55 వేల వలస వీసాలు అందించే అవకాశం ఉంటుంది. కానీ లాటరీలో ఎంపికైనంత మాత్రాన గ్రీన్ కార్డ్ ఖరారైనట్లు కాదు. విద్యార్హత, వృత్తి అనుభవ అర్హతలతో పాటు ఇతర నిబంధనలను కూడా పూర్తి చేయాలి.

వీసాల జారీపై ఇంకా సందిగ్ధత
DV-2027 వీసా సంవత్సరం 2026 అక్టోబర్ 1 నుంచి 2027 సెప్టెంబర్ 30 వరకు కొనసాగుతుంది. ఆలస్యంగా రిజిస్ట్రేషన్ ప్రారంభం కావడంతో ఎంపిక, ఇంటర్వ్యూలు, వీసా ప్రక్రియకు సమయం తగ్గే అవకాశం ఉంది. అయితే మరోవైపు భద్రతా తనిఖీల సమీక్ష నేపథ్యంలో డైవర్సిటీ వీసాల జారీని నిలిపివేసినట్లు అమెరికా విదేశాంగ శాఖ గతంలో తెలిపింది. కాబట్టి రిజిస్ట్రేషన్‌ను తిరిగి ప్రారంభించాలన్న కోర్టు ఆదేశం వచ్చినప్పటికీ, వీసాల జారీ పునరుద్ధరించినట్లు భావించరాదు. దరఖాస్తుదారులు రిజిస్ట్రేషన్ తేదీలు, మార్గదర్శకాల కోసం అమెరికా విదేశాంగ శాఖ అధికారిక వెబ్‌సైట్‌ను పరిశీలించాలని సూచించారు.

ఇదీ చదవండి: అమెరికా కంపెనీలపై రష్యా దాడులు.. కోకాకోలా ప్లాంట్ ధ్వంసం

రంజీ ట్రోఫీ 2026-27 సీజన్‌లో రెండో రౌండ్ మ్యాచ్‌కు మహారాష్ట్ర జట్టును ప్రకటించారు. స్టార్ బ్యాటర్ రుతురాజ్ గైక్వాడ్ తిరిగి జట్టులోకి వచ్చాడు. రెగ్యులర్‌ కెప్టెన్‌ అయిన రుతురాజ్‌ జట్టులోకి వచ్చినా కెప్టెన్సీ బాధ్యతలను మాత్రం పృథ్వీ షాకే అప్పగించారు.

సర్సీసెస్‌తో జరిగిన తొలి మ్యాచ్‌కు రుతురాజ్‌ అందుబాటులో లేని (భారత-ఏ జట్టుకు ప్రాతినిథ్యం) నేపథ్యంలో షాకు తాత్కాలిక కెప్టెన్‌గా బాధ్యతలు అప్పజెప్పారు. ఆ మ్యాచ్‌లో సర్వీసెస్‌పై మహారాష్ట్ర 127 పరుగుల తేడాతో విజయం సాధించింది. ఆ మ్యాచ్‌లో షా కెప్టెన్‌గానే కాకుండా ఆటగాడిగానూ రాణించాడు. తొలి ఇన్నింగ్స్‌లో 70 పరుగులు చేసి జట్టు విజయంలో కీలక పాత్ర పోషించాడు.

మరింత పటిష్టంగా మారిన మహారాష్ట్ర బ్యాటింగ్‌
రుతురాజ్ రాకతో మహారాష్ట్ర బ్యాటింగ్ విభాగానికి మరింత బలం చేకూరింది. ఇప్పటికే పృథ్వీ షా, దివిజయ్ పాటిల్, అంకిత్ బావ్నే, హర్షల్ కాటే, సిద్ధేశ్ వీర్, ముకేశ్ చౌదరి, రాజవర్ధన్ హంగర్గేకర్, విక్కీ ఓత్స్వాల్, సౌరభ్ నవలే తదితరు బ్యాటర్లు జట్టులో కొనసాగుతున్నారు. మహారాష్ట్ర-ఝార్ఖండ్ మ్యాచ్ అక్టోబర్ 18 నుంచి 26 వరకు పుణేలో జరగనుంది.

ఇదీ చదవండి: భారత్ పర్యటనకు ఇంగ్లండ్ జట్ల ప్రకటన

ఆఫ్ఘనిస్తాన్‌ వికెట్‌ కీపర్‌ బ్యాటర్‌ అఫ్సర్‌ జజాయ్‌పై అంతర్జాతీయ క్రికెట్ మండలి (ఐసీసీ) క్రమశిక్షణ చర్యలు తీసుకుంది. బంగ్లాదేశ్‌తో అబుదాబిలో జరిగిన ఏకైక టెస్టు సందర్భంగా నిబంధనలు ఉల్లంఘించినందుకు అతడిని అధికారికంగా మందలించింది. అతడి క్రమశిక్షణ రికార్డులో ఒక డీమెరిట్ పాయింట్‌ను కూడా చేర్చింది.

బంగ్లాతో మ్యాచ్‌లో అఫ్సర్ ఆఫ్ఘన్‌ జట్టుకు 12వ ఆటగాడిగా వ్యవహరించాడు. ఈ సమయంలో మైదానంలోకి రావద్దని, ఆట ఆలస్యమయ్యేలా చేయవద్దని అంపైర్లు పలుమార్లు సూచించినా అతడు పట్టించుకోలేదు. ఓ దశలో అంపైర్ల అనుమతి లేకుండా మైదానంలోకి ప్రవేశించాడు.

దీంతో అంపైర్‌ అతడిపై ఐసీసీకి ఫిర్యాదు చేశాడు. రంగంలోకి దిగిన ఐసీసీ అఫ్సర్‌పై క్రమశిక్షణ చర్యలు తీసుకుంది. అంతర్జాతీయ మ్యాచ్‌లో అంపైర్ ఆదేశాలను పాటించకపోవడం ఐసీసీ ప్రవర్తనా నియమావళిలోని ఆర్టికల్ 2.4 ఉల్లంఘన కిందికి వస్తుంది.

అఫ్సర్ జజాయ్ ఎవరు..?
అఫ్సర్ జజాయ్ కుడిచేతి వాటం వికెట్ కీపర్ బ్యాటర్. ఆఫ్ఘనిస్తాన్‌ తరఫున మూడు ఫార్మాట్లలోనూ ప్రాతినిధ్యం వహించాడు. 2018 జూన్‌లో భారత్‌తో జరిగిన తొలి టెస్టు మ్యాచ్‌లోనూ అతడు పాల్గొన్నాడు. 16 ఏళ్ల వయసులో ఆఫ్ఘన్‌ అండర్‌-19 జట్టులో చోటు దక్కించుకున్న జజాయ్.. 2010, 2012 అండర్‌-19 ప్రపంచకప్‌లలోనూ ఆడాడు.

అంతర్జాతీయ క్రికెట్‌లో ఇప్పటివరకు 10 టెస్టులు ఆడిన జజాయ్‌ 378 పరుగులు చేశాడు. ఇందులో ఒక సెంచరీ ఉంది. 17 వన్డేల్లో 264 పరుగులు, ఎనిమిది టీ20 అంతర్జాతీయ మ్యాచ్‌ల్లో 141 పరుగులు సాధించాడు.

ఇదిలా ఉంటే, అబుదాబీ వేదికగా ఆఫ్ఘనిస్తాన్‌-బంగ్లాదేశ్‌ మధ్య జరిగిన ఏకైక టెస్ట్‌ మ్యాచ్‌ డ్రాగా ముగిసింది. ఆఫ్ఘన్‌ ప్లేయర్లు అద్భుతంగా పోరాడి ఓటమి తప్పించుకున్నారు. ఈ మ్యాచ్‌లో బంగ్లాదేశ్‌ 346, 372-7 స్కోర్లు చేయగా.. ఆఫ్ఘనిస్తాన్‌ 240 మరియు 346-8 స్కోర్లు చేసింది.

ఇదీ చదవండి: ఏషియన్‌ గేమ్స్‌ విజేతలను అభినందించిన ప్రధాని మోదీ

భారత్ పర్యటనలో పాల్గొనే ఇంగ్లండ్ మహిళల 'ఏ' జట్లను ఇంగ్లండ్ అండ్ వేల్స్ క్రికెట్ బోర్డు ఇవాళ ప్రకటించింది. టీ20, 50 ఓవర్లు, నాలుగు రోజుల మ్యాచ్‌ల కోసం మూడు వేర్వేరు జట్లను ఎంపిక చేసింది. మూడు జట్లకు కెప్టెన్లను తర్వాత ప్రకటించనున్నారు.

నవంబర్ 30న ప్రారంభమై డిసెంబర్ 22తో ముగియనున్న ఈ పర్యటనలో మొత్తం (మూడు ఫార్మాట్లలో) ఏడు మ్యాచ్‌లు జరగనున్నాయి. స్టార్‌ ప్లేయర్లు ఇస్సీ వాంగ్‌, టిల్లీ కార్టీన్-కోల్మన్, లారెన్ ఫైలర్‌ ఈ జట్లలో చోటు దక్కించుకున్నారు.

భారత్‌-ఏతో టీ20లకు ఇంగ్లండ్‌ జట్టు
హన్నా బేకర్, గ్రేస్ బాలింగర్, కిరా చాథ్లీ, టిల్లీ కార్టీన్-కోల్మన్, లారెన్ ఫైలర్, జోడీ గ్రూకాక్, బెస్ హీత్, నియామ్ హాలండ్, ఎమ్మా జోన్స్, రైనా మెక్‌డొనాల్డ్-గే, చారిస్ పావెలీ, గ్రేస్ పాట్స్, జెమీమా స్పెన్స్, గ్రేస్ థాంప్సన్, మేడీ విలియర్స్, ఇస్సీ వాంగ్.

50 ఓవర్ల జట్టు
హన్నా బేకర్, గ్రేస్ బాలింగర్, కిరా చాథ్లీ, టిల్లీ కార్టీన్-కోల్మన్, లారెన్ ఫైలర్, కేటీ జార్జ్, జోడీ గ్రూకాక్, బెస్ హీత్, నియామ్ హాలండ్, ఎమ్మా లాంబ్, రైనా మెక్‌డొనాల్డ్-గే, చారిస్ పావెలీ, గ్రేస్ పాట్స్, గ్రేస్ స్క్రివెన్స్, ఎల్లీ థ్రెల్‌కెల్డ్, మేడీ విలియర్స్, ఇస్సీ వాంగ్.

నాలుగు రోజుల మ్యాచ్‌కు జట్టు
హన్నా బేకర్, గ్రేస్ బాలింగర్, కిరా చాథ్లీ, టిల్లీ కార్టీన్-కోల్మన్, లారెన్ ఫైలర్, కేటీ జార్జ్, జోడీ గ్రూకాక్, బెస్ హీత్, ఎమ్మా లాంబ్, చారిస్ పావెలీ, గ్రేస్ పాట్స్, గ్రేస్ స్క్రివెన్స్, ఎల్లీ థ్రెల్‌కెల్డ్, మేడీ విలియర్స్, ఇస్సీ వాంగ్.

ఇదీ చదవండి: ఏషియన్‌ గేమ్స్‌ విజేతలను అభినందించిన ప్రధాని మోదీ

ఐసీసీ క్రికెట్ వ‌ర‌ల్డ్‌క‌ప్ లీగ్‌-2 (2023-27)లో భాగంగా ఒమ‌న్‌తో జ‌రిగిన మ్యాచ్‌లో కెన‌డా జ‌ట్టు 58 పరుగుల తేడాతో విజయాన్ని అందుకుంది. భారత సంతతి క్రికెటర్లు అర్థసెంచరీలతో చెలరేగిన వేళ, అనంతరం బౌలర్లు రాణించడంతో ఒమన్ చిత్తుగా ఓడిపోయింది. టాస్ గెలిచి బ్యాటింగ్ ఎంచుకున్న కెన‌డా జ‌ట్టు నిర్ణీత 50 ఓవ‌ర్ల‌లో 256 ప‌రుగుల‌కు ఆలౌటైంది.

భారత సంతతి క్రికెటర్లు స‌మిత్ గోహెల్ (67), ఆదిత్య వ‌ర‌ద‌రాజ‌న్ (55) అర్థ‌సెంచ‌రీలతో చెలరేగారు. ఆఖ‌ర్లో హ‌మ్జా తారిక్ (36 నాటౌట్‌) రాణించ‌డంతో కెన‌డా 250 ప‌రుగుల మార్క్‌ను దాటింది. ఒమ‌న్ బౌల‌ర్ల‌లో హ‌స్నైన్ షా మూడు వికెట్లు తీయ‌గా, జె ఒదేరా, ముజిబుర్ అలీ చెరో 2 వికెట్లు ప‌డ‌గొట్టారు.

అనంత‌రం 257 ప‌రుగుల ల‌క్ష్యంతో బ‌రిలోకి దిగిన ఒమ‌న్ జ‌ట్టు ఏ ద‌శ‌లోనూ ల‌క్ష్యం దిశ‌గా సాగ‌లేదు. 46.3 ఓవర్లలో 198 పరుగులకు ఆలౌటైంది. హ‌మ్మ‌ద్ మీర్జా (49) టాప్ స్కోర‌ర్‌గా నిలిచాడు. ఆఖ‌ర్లో హ‌స్నైన్ షా (27) పోరాడిన‌ప్ప‌టికీ అత‌డికి స‌హ‌కారం అందించేవారు క‌రువ‌య్యారు. కెన‌డా బౌల‌ర్ల‌లో జ‌హిద్ షిర్జాద్‌, షీల్ ప‌టేల్‌లు చెరో 3 వికెట్లు ప‌డ‌గొట్టారు.

ఇదీ చదవండి: 

ఏషియన్‌ గేమ్స్‌ 2026లో పతకాలు సాధించిన భారత క్రీడాకారులను ప్రధానమంత్రి నరేంద్ర మోదీ గురువారం అభినందించారు. ఢిల్లీలోని మేజర్ ధ్యాన్‌చంద్ స్టేడియంలో భారత క్రీడా బృందంతో సమావేశమైన ఆయన.. స్వర్ణ పతకాలు సాధించిన పురుషుల, మహిళల క్రికెట్ జట్ల సభ్యులతో పాటు ఇతర పతక విజేతలను ప్రశంసలతో ముంచెత్తారు.

ఈ సందర్భంగా మోదీ పతక వీరులను ఉద్దేశిస్తూ మాట్లాడుతూ.. “140 కోట్ల మంది భారతీయులను గర్వపడేలా చేశారు. త్రివర్ణ పతాకాన్ని ఎగురవేయడమే అతిపెద్ద విజయం. మీ విజయాలు మీకు మాత్రమే పరిమితం కావు. దేశంలోని కోట్లాది మంది ప్రజలకు చెందినవి. యావత్ దేశం తరఫున మీకు అభినందనలు తెలియజేస్తున్నాను” అని అన్నారు.

భారత క్రీడాకారులు తమ విజయాలతో దేశ ప్రతిష్ఠను పెంచారని ప్రధాని కొనియాడారు. ఈ సమావేశంలో క్రీడాకారులు మోదీతో ఫొటోలు దిగారు. పలువురు తమ జ్ఞాపికలను ఆయనకు అందజేశారు. 17 ఏళ్ల ఆర్చరీ క్రీడాకారిణి కుమ్కుమ్ మొహోద్ తన సంతకంతో కూడిన విల్లును ప్రధానికి బహూకరించింది. ఈ కార్యక్రమానికి ఐసీసీ ఛైర్మన్ జై షా సహా పలు క్రీడా సంఘాల ప్రముఖులు హాజరయ్యారు.

ఇదీ చదవండి: సంజూ శాంసన్ అరుదైన రికార్డు.. రోహిత్, కోహ్లి సరసన చోటు

పాకిస్తాన్‌లో జరగనున్న వన్డే ట్రై సిరీస్‌కు ముందు శ్రీలంక జట్టుకు భారీ ఎదురుదెబ్బ తగిలింది. ఆ జట్టు స్టార్ బ్యాటర్ పథుమ్ నిస్సంక గాయం కారణంగా టోర్నీకి దూరమయ్యాడు. అతడి స్థానంలో 32 ఏళ్ల బ్యాటర్ లహిరు ఉదారకు జట్టులో చోటు కల్పించారు.

ఇంగ్లండ్ పర్యటనలో గాయపడిన నిస్సంక ఇంకా పూర్తిగా కోలుకోలేదు. ఎడమ తొడ కండరానికి (హ్యామ్‌స్ట్రింగ్) గాయం కావడంతో అతడికి శ్రీలంక క్రికెట్ బోర్డు నుంచి అనుమతి లభించలేదు. అంతకుముందు పక్కటెముకల గాయం కారణంగా పాకిస్తాన్‌తో టీ20 సిరీస్‌కు కూడా అతడు దూరమయ్యాడు.

నిస్సంక స్థానంలో జట్టులోకి వచ్చిన లహిరు ఉదారకు ఇప్పటివరకు ఒక్క వన్డే కూడా ఆడిన అనుభవం కూడా లేదు. అయితే టీ20 క్రికెట్‌లో అతడు మంచి ప్రదర్శన చేస్తున్నాడు.

ఇటీవల పాకిస్తాన్‌తో జరిగిన టీ20 సిరీస్‌లో మూడు ఇన్నింగ్స్‌ల్లో 97 పరుగులు చేసిన ఉదార.. తొలి మ్యాచ్‌లోనే 91 పరుగులతో ఆకట్టుకున్నాడు. లంక ప్రీమియర్ లీగ్‌లోనూ సత్తా చాటాడు. తొమ్మిది ఇన్నింగ్స్‌ల్లో 434 పరుగులు సాధించాడు.

పాకిస్తాన్ ట్రై సిరీస్‌కు శ్రీలంక జట్టు
కుశాల్ మెండిస్ (కెప్టెన్), సహన్ ఆరాచిగే, దుష్మంత చమీర, సచిందు కొలంబాగే, అవిష్క ఫెర్నాండో, అసిత ఫెర్నాండో, జనిత్ లియానగే, దిల్షాన్ మదుశంక, ఈషాన్ మలింగ, కమిందు మెండిస్, కమీల్ మిశారా, లహిరు ఉదార, పవన్ రత్నాయకే, దసున్ శనక, మహీశ్ తీక్షణ, దునిత్ వెల్లలాగే

కాగా,  కుశాల్ మెండిస్ నాయకత్వంలో శ్రీలంక ఈ ట్రై సిరీస్‌లో బరిలోకి దిగనుంది. ఈ టోర్నీలో పాక్‌, ఇంగ్లండ్ జట్లు కూడా పాల్గొంటాయి. ఈ సిరీస్‌ అక్టోబర్‌ 18న జరిగే పాక్‌-శ్రీలంక మ్యాచ్‌తో మొదలవుతుంది.

ఇదీ చదవండి: చీఫ్‌ సెలెక్టర్‌గా రమేశ్‌ పవార్‌..? ఓజా తాత్కాలికమే..!

డ‌ర్బ‌న్ వేదిక‌గా సౌతాఫ్రికాతో జ‌రిగిన తొలి టెస్టులో భారీ విజ‌యాన్ని అందుకున్న ఆస్ట్రేలియాకు రెండో టెస్టుకు ముందు బిగ్ షాక్ త‌గిలింది. సౌతాఫ్రికాతో మూడో వ‌న్డే సంద‌ర్భంగా గాయానికి గురైన ఆల్‌రౌండ‌ర్ కామెరాన్ గ్రీన్ రెండో టెస్టుకు కూడా దూర‌మ‌య్యే అవ‌కాశాలు క‌నిపిస్తున్నాయి. 

ఇప్ప‌టికే తొలి టెస్టుకు దూరంగా ఉన్న గ్రీన్ గాయం నుంచి ఇంకా కోలుకోక‌పోవ‌డంతో రెండో టెస్టుకు అందుబాటులో ఉండ‌క‌పోవ‌చ్చ‌ని జ‌ట్టు హెడ్‌కోచ్ ఆండ్రూ మెక్‌డొనాల్డ్ స్ప‌ష్టం చేశాడు. ''గ్రీన్ గాయం నుంచి ఇంకా పూర్తిగా కోలుకోలేదు. అత‌డు కోలుకోవ‌డానికి మూడు లేదా నాలుగు రోజులు ప‌ట్ట‌వ‌చ్చు. ఒక‌వేళ ఈ సిరీస్‌లో గ్రీన్ ఆడిన‌ప్ప‌టికీ, బ్యాటింగ్‌కు మాత్ర‌మే ప‌రిమిత‌మ‌వ‌నున్నాడు.'' అని చెప్పుకొచ్చాడు.

గాయంతో బాధ‌ప‌డుతున్న గ్రీన్ వాస్త‌వానికి మంచి ఫామ్‌లో ఉన్నాడు. ఇటీవ‌లే బంగ్లాదేశ్ ఆస్ట్రేలియాలో ప‌ర్య‌టించిన సంగతి తెలిసిందే. తొలి టెస్టులో అర్థ‌సెంచ‌రీ, రెండో టెస్టులో సెంచ‌రీ సాధించిన గ్రీన్ మూడు ఇన్నింగ్స్‌లు క‌లిపి 184 ప‌రుగులు చేశాడు. గ్రీన్ ప‌రిస్థితి ఇలా ఉంటే, గాయం నుంచి కోలుకున్న జోష్‌ ఇంగ్లిస్ నెట్స్‌లో సాధ‌న చేయ‌డం క‌నిపించింది. రెండో టెస్టులో జోష్ ఇంగ్లిస్ తుదిజ‌ట్టులోకి వ‌చ్చే అవ‌కాశాలు ఎక్కువ‌గా ఉన్నాయి.

ఇదీ చదవండి: 

భారత క్రికెట్‌ నియంత్రణ మండలి (బీసీసీఐ) సీనియర్‌ సెలక్షన్‌ కమిటీ చైర్మన్‌ రేసు రంజుగా మారింది. ఈ పదవి నుంచి అజిత్‌ అగార్కర్‌ వైదొలగడంతో తాత్కాలిక చైర్మన్‌గా ప్రజ్ఞాన్‌ ఓజా కొనసాగుతున్నాడు. నిన్నటి వరకు ఓజానే రెగ్యులర్‌ చైర్మన్‌గా నియమిస్తారని ప్రచారం జరిగింది.

అయితే ఉన్నట్టుండి ఇవాళ రేసులోకి కొత్త వ్యక్తి వచ్చాడు. అతడి పేరు రమేశ్‌ పవార్‌. ఇతను 2004 నుంచి 2007 మధ్య భారత జట్టు తరఫున రెండు టెస్టులు, 31 వన్డేలు ఆడి 40 వికెట్లు పడగొట్టాడు. రిటైర్ అయిన తర్వాత పవార్‌ కోచ్‌గా సేవలందించాడు.

భారత మహిళల జట్టుకు రెండు విడతల్లో కోచ్‌గా పనిచేయడంతో పాటు జాతీయ క్రికెట్ అకాడమీలో పురుషుల క్రికెట్ విభాగంతో కలిసి పనిచేశాడు. ఆటగాడిగా, కోచ్‌గా ఉన్న అనుభవం పవార్‌కు  కలిసొచ్చే అవకాశం ఉంది. పైగా ఇతని వెనుక భారీ లాబీయింగ్‌ జరుగుతుందని సమాచారం.

ముందుగా రమేశ్‌ పవార్‌ పేరు జూనియర్ సెలక్షన్ కమిటీ చైర్మన్‌ రేసులో ఉండింది. ఉన్నట్టుండి అతడి పేరు సీనియర్‌ చీఫ్‌ సెలెక్టర్‌ రేసులోకి వచ్చింది.

జూనియర్ సెలక్షన్ కమిటీ చైర్మన్‌ రేసులో దొడ్డ గణేశ్‌..?
జూనియర్ సెలక్షన్ కమిటీ చైర్మన్‌ పదవి రేసులో కర్ణాటకకు చెందిన టీమిండియా మాజీ క్రికెటర్‌ దొడ్డ గణేశ్‌ పేరు బలంగా వినిపిస్తుంది. తొలుత ఈ పదవి రేసులో రమేశ్‌ పవార్‌ పేరు వినిపించింది. అయితే ఉన్నపళంగా సమీకరణలు మారిపోవడంతో పవార్‌ సీనియర్‌  చీఫ్‌ సెలెక్టర్‌ పదవి రేసులో ఉన్నాడు. ఎస్. శరత్ ఇటీవలే తన పదవీకాలం ముగియడంతో జూనియర్ సెలక్షన్ కమిటీ చైర్మన్‌ పదవికి రాజీనామా చేశారు.

ఇదీ చదవండి: జింబాబ్వే కెప్టెన్ సికందర్‌ రజా కీల‌క నిర్ణ‌యం

జింబాబ్వే వ‌న్డే, టీ20 కెప్టెన్ సికంద‌ర్ ర‌జా కీల‌క నిర్ణ‌యం తీసుకున్నాడు. 2027 వ‌న్డే ప్ర‌పంచ‌క‌ప్ అనంత‌రం అంత‌ర్జాతీయ క్రికెట్‌కు రిటైర్మెంట్ ఇవ్వనున్న‌ట్లు తెలిపాడు. 2013లో జింబాబ్వే త‌రఫున అంత‌ర్జాతీయ క్రికెట్‌లో అరంగేట్రం చేసిన సికంద‌ర్ ర‌జా ఆ దేశం త‌ర‌ఫున అంత‌ర్జాతీయ టీ20ల్లో సెంచ‌రీ చేసిన తొలి బ్యాట‌ర్‌గా రికార్డుల‌కెక్కాడు. 

అంతేకాదు 17 ఏళ్ల వ‌య‌సులో టీ20ల్లో అరంగేట్రం చేసిన సికంద‌ర్ ర‌జా జింబాబ్వే త‌ర‌ఫున అత్యంత పిన్న వ‌య‌స్కుడిగా నిలిచాడు. 13 ఏళ్ల కెరీర్‌లో సికంద‌ర్ ర‌జా 22 టెస్టుల్లో 1,434 ప‌రుగులు, 159 వ‌న్డేల్లో 4,704 ప‌రుగులు, 144 టీ20ల్లో 3,244 ప‌రుగులు సాధించాడు. వచ్చే ఏడాది జ‌ర‌గ‌నున్న వ‌న్డే వ‌ర‌ల్డ్‌క‌ప్‌కు సౌతాఫ్రికా, న‌మీబియా, జింబాబ్వేలు సంయుక్తంగా ఆతిథ్య‌మివ్వ‌నున్న సంగతి తెలిసిందే. ఈ నేప‌థ్యంలో కెరీర్ ముగింపు ద‌శ‌లో సొంత‌గ‌డ్డ‌పై వ‌న్డే ప్ర‌పంచ‌క‌ప్ ఆడ‌నుండ‌డం ఒక వ‌రంలా భావిస్తున్న‌ట్లు తెలిపాడు. 

సికంద‌ర్ ర‌జా మాట్లాడుతూ..''ప్రతి క్రికెట‌ర్ ప్ర‌పంచక‌ప్ ఆడిన త‌ర్వాత రిటైర్ అవ్వాల‌ని క‌ల‌లు క‌న‌డం స‌హ‌జం. నా వ‌య‌సు రిటైర్మెంట్‌కు ద‌గ్గ‌ర‌గా ఉంది. స్వ‌దేశంలో జ‌రిగే ప్ర‌పంచ‌క‌ప్‌లో ఆడే అవ‌కాశం ల‌భించ‌డం వ్య‌క్తిగ‌తం గా నాకు వ‌రం లాంటిద‌ని భావిస్తున్నా. రిటైర్మెంట్ వెనక్కి తీసుకునే ఆలోచన ఎంతమాత్రం లేదు. 

ఒకవేళ 2027-30 సైకిల్‌లో జింబాబ్వే జింబాబ్వే జట్టు ప్ర‌పంచ‌ టెస్ట్ ఛాంపియన్‌షిప్ (WTC) టోర్నీలో ప్రవేశించిన‌ప్ప‌టికీ, నేను తీసుకున్న రిటైర్మెంట్ నిర్ణయాన్ని మార్చుకునే ఉద్దేశం నాకు లేదు. అయితే డ‌బ్ల్యూటీసీ టోర్నీలో జింబాబ్వే ఆడ‌టాన్ని ఒక గొప్ప విష‌యంగా భావిస్తాను. టెస్టుల్లో మేము అంత‌గా రాణించన‌ప్ప‌టికీ, మా ప్ర‌ద‌ర్శ‌న స్థాయి మాత్రం పెరుగుతుంద‌ని చెప్ప‌గ‌ల‌ను. 

నా కెరీర్‌లో 22 టెస్టులు మాత్ర‌మే ఆడిన‌ప్ప‌టికీ, ఒక క్రికెట‌ర్‌గా ఎద‌గ‌డంలో టెస్టు ఫార్మాట్ కీల‌క‌పాత్ర పోషిందని చెప్ప‌గ‌ల‌ను. ఇక సొంత‌గ‌డ్డ‌పై వ‌న్డే ప్ర‌పంచ‌క‌ప్ ఆడుతున్న‌ప్ప‌టికీ మాకు పెద్ద‌గా ప్ర‌యోజనం లేద‌ని చెప్పొచ్చు. ఆతిథ్య హోదా ద‌క్క‌డం వ‌ల్ల మేము ప్ర‌పంచ‌క‌ప్ ఆడ‌గ‌లుగుతున్నాం. 

2027 అక్టోబ‌ర్ 24న విక్టోరియా ఫాల్స్‌లో కొత్త‌గా నిర్మించ‌న మోసి-ఓ-టున్యా అంత‌ర్జాతీయ స్టేడియంలో తొలి మ్యాచ్‌ను భార‌త్‌తో ఆడ‌నుండ‌డంతో క‌చ్చితంగా అది ప్ర‌త్యేక‌మే అని చెప్పొచ్చు. ఈ మ్యాచ్ కోసం మేము ఎంత‌గానో ఎదురుచూస్తున్నాం. ఇక వ‌ర్ద‌మాన క్రికెట‌ర్ల‌లో బ్యాట‌ర్‌ బ్రియాన్ బెన్నెట్‌, బౌల‌ర్ న్యూమాన్ న్యామ్హురిలకు మంచి భ‌విష్య‌త్తు ఉంటుంద‌నుకుంటున్నా.'' అని చెప్పుకొచ్చాడు.

ఇదీ చదవండి:

టీమిండియా వికెట్ కీపర్ బ్యాటర్ సంజూ శాంసన్ అంతర్జాతీయ టీ20 క్రికెట్‌లో అరుదైన ఘనత సాధించాడు. వెస్టిండీస్‌తో నిన్న జరిగిన నాలుగో టీ20లో 23 బంతుల్లో 6 ఫోర్లు, 4 సిక్సర్ల సాయంతో 56 పరుగులు చేసిన అతడు.. అంతర్జాతీయ టీ20ల్లో 100 సిక్సర్లు బాదిన ఆరో భారత బ్యాటర్‌గా నిలిచాడు.

సంజూకు ముందు రోహిత్‌ శర్మ (205), సూర్యకుమార్‌ యాదవ్‌ (179), అభిషేక​్‌ శర్మ (142), హార్దిక్‌ పాండ్యా (!26), విరాట్‌ కోహ్లి (124) మాత్రమే భారత్‌ తరఫున ఈ ఘనత సాధించారు. మొత్తంగా ప్రపంచ క్రికెట్‌లో 100 సిక్సర్ల మార్కును తాకిన 47వ బ్యాటర్‌గా నిలిచాడు. 

అంతర్జాతీయ టీ20 క్రికెట్లో అత్యధిక టీ20 సిక్సర్ల రికార్డు ఆస్ట్రియాకు చెందిన కరణ్‌బీర్‌ సింగ్‌ (214) పేరిట ఉంది. కరణ్‌ తర్వాత అత్యధిక సిక్సర్లు బాదిన రికార్డు రోహిత్‌ శర్మ పేరిట ఉంది. కరణ్‌, రోహిత్‌ మాత్రమే అంతర్జాతీయ టీ20ల్లో ఇప్పటివరకు 200 సిక్సర్ల మార్కును తాకారు.

సంజూ మెరుపులు వృథా.. భారత్‌కు ఓటమి
సంజూ సిక్సర్ల రికార్డు సహా మెరుపు ప్రదర్శన చేసినప్పటికీ.. నాలుగో టీ20లో భారత్‌ విండీస్‌ చేతిలో ఓడింది. 248 పరుగుల భారీ లక్ష్య ఛేదనలో భారత్‌ పోరాడినప్పటికీ.. లక్ష్యానికి 25 పరుగుల దూరంలో నిలిచిపోయింది. సంజూతో పాటు తిలక్‌ వర్మ (43), నితీశ్‌ కుమార్‌ రెడ్డి (41) భారత్‌ను గెలిపించేందుకు విఫలయత్నం చేశారు. కీమో పాల్‌ 5 వికెట్లు తీసి భారత్‌ను దెబ్బకొట్టాడు.

అంతకుముందు షాయ్ హోప్ 50 బంతుల్లో అజేయమైన 102 పరుగులు చేసి విండీస్‌ భారీ స్కోరు సాధించడంలో కీలక పాత్ర పోషించాడు. అతడికి రూథర్‌ఫోర్డ్‌ (49 నాటౌట్‌), హెట్‌మైర్‌ (33), ఆండ్రూ (21), పావెల్‌ (24) సహకరించారు. ఈ గెలుపుతో విండీస్‌ ఐదు మ్యాచ్‌ల సిరీస్‌ను భారత్‌ ఆధిక్యాన్ని తగ్గించి 2-2తో సమంగా ఉంది. సిరీస్‌ నిర్ణయాత్మక చివరి టీ20 అక్టోబర్‌ 17న బెంగళూరులో జరుగనుంది. 

ఇదీ చదవండి: అందుకే ఓడిపోయాం.. అతడు అవుట్‌ కావడం వల్లే ఇలా: సంజూ

వెస్టిండీస్‌తో నాలుగో టీ20 మ్యాచ్‌లో ఓటమి నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ టీమిండియా యాజమాన్యం తీరును విమర్శించాడు. చైనామన్‌ బౌలర్‌ కుల్దీప్‌ యాదవ్‌ను పక్కనపెట్టి ఘోరమైన తప్పు చేశారన్నాడు. కాగా భారత జట్టు స్వదేశంలో వెస్టిండీస్‌తో టీ20 సిరీస్‌తో బిజీగా ఉన్న సంగతి తెలిసిందే.

ఇప్పటికి నాలుగు మ్యాచ్‌లు పూర్తి కాగా.. రెండింట భారత్‌.. రెండింట విండీస్‌ గెలిచి 2-2తో సమంగా ఉన్నాయి. ఇదిలా ఉంటే.. వెస్టిండీస్‌తో తొలి రెండు టీ20లలో భాగమైన స్పిన్నర్‌ కుల్దీప్‌ యాదవ్‌ను.. గత రెండు మ్యాచ్‌ల నుంచి యాజమాన్యం పక్కనపెట్టింది.

రెండు మ్యాచ్‌లలో ప్రదర్శన ఇలా
లక్నో వేదికగా కరేబియన్‌ జట్టుతో తొలి టీ20లో కాస్త పొదుపుగా బౌలింగ్‌ రెండు వికెట్లు తీసిన కుల్దీప్‌ యాదవ్‌.. రాంచిలో జరిగిన రెండో టీ20లో మాత్రం 53 పరుగులు ఇచ్చి ఒకే ఒక్క వికెట్‌ తీశాడు. ఈ క్రమంలో ఇండోర్‌లో జరిగిన మూడో టీ20.. తాజాగా బుధవారం నాటి నాలుగో టీ20 నుంచి ఈ లెఫ్టార్మ్‌ స్పిన్నర్‌ను తప్పించింది యాజమాన్యం.

ఈ నేపథ్యంలో దిగ్గజ స్పిన్నర్‌ రవిచంద్రన్‌ అశ్విన్‌ మేనేజ్‌మెంట్‌ తీరుపై ఆగ్రహం వ్యక్తం చేశాడు. ‘‘ఉప్పల్‌ వికెట్‌ కాస్త బౌన్సీగా ఉంటుందని అనుకుంటాం. అక్కడ స్పిన్నర్లు కూడా కాస్త ప్రభావం చూపగలరు. అలాంటి చోట కుల్దీప్‌ యాదవ్‌ను పక్కనపెట్టడం నన్ను ఆశ్చర్యపరిచింది.

 కామన్‌సెన్స్‌ కాస్త లోపించింది
ఈ లెప్టార్మ్‌ స్పిన్నర్‌ బౌలింగ్‌లో వెస్టిండీస్‌ బ్యాటర్లు కచ్చితంగా ఇబ్బంది పడేవారే. అతడి గూగ్లీలను ఎదుర్కోలేకపోయేవారు. కానీ యాజమాన్యం మాత్రం అతడినే పక్కనపెట్టింది. కుల్దీప్‌ను ఆడించకపోవడం చూస్తుంటే.. మేనేజ్‌మెంట్‌లో కామన్‌సెన్స్‌ కాస్త లోపించింది అని అనిపిస్తోంది.

హైదరాబాద్‌ మ్యాచ్‌లో కుల్దీప్‌ యాదవ్‌ ఉండి ఉంటే.. కచ్చితంగా 15-20 పరుగుల తేడా అయినా కనిపించేది. ఇండోర్‌లో బౌండరీ చిన్నగా ఉంటుంది కాబట్టి కుల్దీప్‌ను ఆడించకపోవడాన్ని తప్పుపట్టాల్సిన పనిలేదు. కానీ హైదరాబాద్‌లో మాత్రం ఇలా చేయడం సరికాదు. రాంచిలో భారత్‌ ఓటమికి కుల్దీప్‌ మాత్రం కారణం కాదు. అయినా సరే ఎందుకో అతడిని పక్కనపెడుతున్నారు’’ అని అశూ యాజమాన్యాన్ని విమర్శించాడు.

చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

భార‌త మహిళా స్టార్ బ్యాట‌ర్‌ స్మృతి మంధాన కెప్టెన్‌గా తొలి అగ్నిప‌రీక్ష‌ను ఎదుర్కోనుంది. రేప‌టి నుంచి భార‌త్‌, జింబాబ్వే మ‌ధ్య మూడు మ్యాచ్‌ల టీ20 సిరీస్ జ‌ర‌గ‌నుంది. హ‌ర్మ‌న్‌ప్రీత్ కెప్టెన్సీ బాధ్య‌త‌ల నుంచి వైదొలిగిన త‌ర్వాత పూర్తిస్థాయి కెప్టెన్‌గా మంధాన‌కు ఇదే తొలి టీ20 సిరీస్ కానుంది. ఈ నేప‌థ్యంలో కెప్టెన్‌గా త‌న తొలి మ్యాచ్‌లోనే భార‌త్‌ను గెలిపించాల‌నే ప‌ట్టుద‌ల‌తో ఉంది. 

మ‌హిళ‌ల ప్రీమియ‌ర్ లీగ్ (డ‌బ్ల్యూపీఎల్‌)లో ఇప్ప‌టికే రాయ‌ల్ చాలెంజ‌ర్స్ బెంగ‌ళూరు జ‌ట్టుకు కెప్టెన్‌గా వ్య‌వ‌హ‌రిస్తున్న స్మృతి మంధాన రెండుసార్లు టైటిల్‌ను అందుకోవ‌డం విశేషం. మ‌రి పూర్తిస్థాయి కెప్టెన్‌గా మంధాన తొలి టీ20 సిరీస్ విజ‌యాన్ని అందుకుంటుందో లేదో చూడాలి.

ఈ నేప‌థ్యంలోనే కెప్టెన్ క‌మ్‌ బ్యాట‌ర్‌గా ఉన్న స్మృతి మంధానను ఒక ప్ర‌పంచ రికార్డు ఊరిస్తోంది. మంధాన మ‌రో 133 ప‌రుగులు సాధిస్తే అంత‌ర్జాతీయ టీ20 క్రికెట్‌లో 5వేల ప‌రుగులు పూర్తి చేసుకోనుంది. తద్వారా ఈ ఘ‌న‌త సాధించిన తొలి మ‌హిళా బ్యాట‌ర్‌గా మంధాన ప్ర‌పంచ రికార్డు అందుకోనుంది.  ఇప్ప‌టివ‌ర‌కు మంధాన 179 మ్యాచ్‌ల్లో 127.5 స్ట్రైక్‌రేట్‌తో 4,867 ప‌రుగులు చేసింది. ఆమె ఖాతాలో రెండు సెంచ‌రీలు, 37 అర్థ‌సెంచ‌రీలు ఉన్నాయి. 

ప్ర‌స్తుతం మంధాన ఉన్న ఫామ్ దృష్ట్యా ఈ సిరీస్‌లోనే ఆమె 5వేల ప‌రుగుల మార్క్‌ను దాట‌డం ఖాయంగా క‌నిపిస్తోంది. ఇక మ‌హిళ‌ల అంత‌ర్జాతీయ టీ20 క్రికెట్‌లో మంధాన త‌ర్వాత అత్య‌ధిక ప‌రుగులు చేసిన క్రికెట‌ర్ల జాబితాలో న్యూజిలాండ్ బ్యాట‌ర్ సుజీ బేట్స్ (4,758 ప‌రుగులు*) రెండో స్థానంలో ఉండ‌గా, మాజీ కెప్టెన్‌ హ‌ర్మ‌న్‌ప్రీత్ కౌర్ (4,327 ప‌రుగులు*), శ్రీలంక కెప్టెన్ చ‌మేరి ఆట‌ప‌ట్టు (4,282 ప‌రుగులు*) మూడు, నాలుగు స్థానాల్లో కొన‌సాగుతున్నారు.

ఇరుజ‌ట్ల మ‌ధ్య మూడు టీ20 మ్యాచ్‌లు వ‌రుస‌గా అక్టోబ‌ర్ 16, 18, 20వ తేదీల్లో జ‌ర‌గ‌నున్నాయి. ఈ మ్యాచ్‌ల‌కు రాయ్‌పూర్ ఆతిథ్య‌మివ్వ‌నుంది. ఆ త‌ర్వాత వ‌డోద‌ర వేదిక‌గా అక్టోబ‌ర్ 23, 25, 28 తేదీల మ‌ధ్య మూడు మ్యాచ్‌ల వ‌న్డే సిరీస్ జ‌ర‌గ‌నుంది. ఇక భార‌త్, జింబాబ్వే మ‌ధ్య ఇదే తొలి ద్వైపాక్షిక సిరీస్ కావ‌డం విశేషం.

Taking charge to 𝙪𝙨𝙝𝙚𝙧 𝙞𝙣 𝙖 𝙣𝙚𝙬 𝙚𝙧𝙖 ✨🫡 🎥 Soak in Smriti Mandhana's 1️⃣st day in training as #TeamIndia Captain 🇮🇳 #INDvZIM | @mandhana_smriti | @mflone_ https://t.co/EMLJrJmISS

— BCCI Women (@BCCIWomen) October 13, 2026

ఇదీ చదవండి: 

సొంత‌గ‌డ్డ‌పై ఆస్ట్రేలియాతో జ‌రిగిన తొలి టెస్టులో అనూహ్య ప‌రాజ‌యం చ‌విచూసిన సౌతాఫ్రికా రెండో టెస్టులో ఆ త‌ప్పును పున‌రావృతం చేయ‌కూడ‌ద‌ని భావించింది. ఈ నేప‌థ్యంలోనే  సౌతాఫ్రికా క్రికెట్ బోర్డు (సీఎస్ఏ) రెండో టెస్టుకు 17 మందితో కూడిన జ‌ట్టును ప్ర‌క‌టించింది. తొలుత 18 మందితో ప్ర‌క‌టించాల‌నుకున్న‌ప్ప‌టికీ, చివ‌రి నిమిషంలో టోనీ డీజార్జి అందుబాటులోకి రాక‌పోవ‌డంతో అత‌డి పేరును జ‌ట్టు నుంచి తొల‌గించి అప్‌డేట్ స్క్వాడ్‌ను ప్ర‌క‌టించింది. 

తొలి టెస్టులో బ్యాటింగ్‌లో దారుణంగా విఫ‌ల‌మైన ట్రిస్ట‌న్ స్ట‌బ్స్‌పై వేటు ప‌డ‌గా, అత‌డి స్థానంలో మాథ్యూ బ్రీట్జ్‌కేను ఎంపిక చేసింది. కాగా డ‌ర్బ‌న్ వేదిక‌గా జ‌రిగిన తొలి టెస్టులో స్ట‌బ్స్ రెండు ఇన్నింగ్స్‌లు క‌లిపి కేవ‌లం 33 ప‌రుగులు మాత్ర‌మే చేశాడు. తొలి ఇన్నింగ్స్‌లో 32 ప‌రుగులు చేసిన స్ట‌బ్స్.. రెండో ఇన్నింగ్స్‌లో కేవ‌లం ఒక్క ప‌రుగు మాత్ర‌మే చేసి ఔట‌య్యాడు. 

మ‌రోవైపు మాథ్యూ బ్రీట్జ్‌కే 2025లో జింబాబ్వేతో జ‌రిగిన టెస్టు మ్యాచ్‌లో ఆఖ‌రిసారిగా ఆడాడు. ఓవ‌రాల్‌గా రెండు టెస్టులు ఆడిన మాథ్యూ 14 ప‌రుగులు చేశాడు. అయితే ప్ర‌స్తుతం ఫ‌స్ట్‌క్లాస్ క్రికెట్ ఆడుతున్న మాథ్యూ బ్రీట్జ్‌కే మంచి ఫామ్‌లో ఉన్నాడ‌ని, అందుకే రెండో టెస్టుకు అత‌డిని ఎంపిక చేసిన‌ట్లు ప్రొటీస్ హెడ్‌కోచ్ శుక్రి కొన్‌రాడ్ స్ప‌ష్టం చేశాడు. 

ఇక రెండో టెస్టుకు కైల్ వెరిన్నే స్థానంలో రియాన్ రికిల్‌ట‌న్ వికెట్ కీపింగ్ బాధ్య‌త‌లు తీసుకోనున్నాడు. దీంతో కైల్ వెరిన్నె రెండో టెస్టుకు బెంచ్‌కు ప‌రిమిత‌మ‌య్యే అవ‌కాశాలు కూడా ఉన్నాయి. కైల్ వెరిన్నే తాను ఆడిన గ‌త 13 ఇన్నింగ్స్‌ల్లో ఒక్క ఫిఫ్టీ కూడా సాధించ‌లేక‌పోయాడు. ఓవ‌రాల్‌గా మాథ్యూ బ్రీట్జ్‌కే 50 ఇన్నింగ్స్‌ల్లో 1280 ప‌రుగులు సాధించాడు.

ఇక తొలి టెస్టులో ఆస్ట్రేలియా 214 ప‌రుగుల భారీ తేడాతో సౌతాఫ్రికాపై విజయాన్ని అందుకుంది. మాట్ రెన్‌షా (తొలి ఇన్నింగ్స్‌లో 190, రెండో ఇన్నింగ్స్‌లో 82) వీరోచిత పోరాటం చేయ‌గా, ఆసీస్ బౌల‌ర్లు స‌మిష్టి ప్ర‌ద‌ర్శ‌న‌తో జ‌ట్టుకు విజ‌యాన్ని అందించారు. ఇరుజ‌ట్ల మ‌ధ్య రెండో టెస్టు అక్టోబ‌ర్ 18 నుంచి గెబెర్హా వేదిక‌గా జ‌ర‌గ‌నుంది.

ఇదీ చదవండి: 

టీమిండియా దిగ్గజ ఆల్‌రౌండర్‌ యువరాజ్‌ సింగ్‌ ఐపీఎల్‌లో కోచ్‌గా ప్రయాణం మొదలుపెట్టేందుకు సిద్ధమయ్యాడు. వచ్చే సీజన్‌లో అతడు ఢిల్లీ క్యాపిటల్స్‌ బ్యాటింగ్‌ కోచ్‌, అసిస్టెంట్‌ కోచ్‌గా బాధ్యతలు నిర్వర్తించనున్నాడు. ఇందుకు సంబంధించి ఢిల్లీ జట్టు యాజమాన్యం ఇటీవలే అధికారిక ప్రకటన విడుదల చేసింది.

అపార అనుభవం
టీ20 ప్రపంచకప్‌- 2007, 2011 వన్డే వరల్డ్‌ కప్‌లు గెలిచిన భారత జట్టులో కీలక సభ్యుడైన యువరాజ్‌ అపార అనుభవం తమ టీమ్‌కు ప్రయోజనం కలిగిస్తుందని క్యాపిటల్స్‌ భావిస్తోంది. ఇటీవలే సౌరవ్‌ గంగూలీని హెడ్‌ కోచ్‌గా ఎంచుకున్న జట్టు అదే క్రమంలో యువీని కూడా ఎంపిక చేయడం విశేషం. ఈ నేపథ్యంలో గంగూలీతో తన అనుబంధం గురించి యువీ తాజాగా మాట్లాడాడు.

నా అసిస్టెంట్‌గా ఉంటావా?
‘‘గంగూలీ ఫోన్‌ చేసి.. ‘నా అసిస్టెంట్‌గా ఉంటావా?’ అని అడిగాడు. అప్పుడు నేను.. ‘గత 25 ఏళ్లుగా నేను నీకు అసిస్టెంట్‌గానే ఉన్నాను కదా. ఇప్పుడు కూడా అదే పని చేస్తా’ అని బదులిచ్చాను. చుట్టూ ఉన్న గంభీర వాతావరణాన్ని కూడా తేలికపరిచడం దాదాకు అలవాటు.

ఆయన నుంచి నేను నేర్చుకున్న అత్యుత్తమ విషయం ఇదే. నా అరంగేట్ర సమయంలో దాదా కెప్టెన్‌గా ఉన్నాడు. జట్టును ఏకతాటిపై నడిపించాడు. మేము గొప్ప జట్టుగా ఎదగగలమనే ఆత్మవిశ్వాసాన్ని మాలో నింపాడు. విదేశీ గడ్డ మీద కూడా సిరీస్‌లు గెలవగలమనే నమ్మకాన్ని ఇచ్చాడు.

నాకు పెద్దన్న లాంటివాడు
దాదా నాకు పెద్దన్న లాంటివాడు. సెలక్షన్‌ విషయంలో.. మెంటార్‌గా నాకు సరైన మార్గం చూపించాడు. నేను మంచి అంతర్జాతీయ క్రికెటర్‌గా ఎదగడంలో దాదా పాత్ర కూడా ఉంది’’ అని యువరాజ్‌ సింగ్‌ ఉద్వేగానికి లోనయ్యాడు.

కాగా 2000 సంవత్సరంలో టీమిండియాలో అడుగుపెట్టిన యువీ.. 2019లో ఆటకు రిటైర్మెంట్‌ ప్రకటించాడు. ఇక ఐపీఎల్‌లో మొత్తం 132 మ్యాచ్‌లు ఆడి 129.71 స్ట్రయిక్‌రేట్‌తో 2750 పరుగులు చేశాడు. 2015లో ఒకే ఒక సీజన్‌లో అతను ఢిల్లీకి ప్రాతినిధ్యం వహించాడు. ఐపీఎల్‌ చరిత్రలో అప్పటి అత్యధిక విలువతో (రూ.16 కోట్లు) వేలంలో యువీని ఢిల్లీ సొంతం చేసుకుంది.

మెంటార్‌గా
ఇదిలా ఉంటే.. ఇప్పటి వరకు అధికారికంగా కోచ్‌ పాత్ర పోషించకపోయినా... యువరాజ్‌ సింగ్‌ ఇప్పటికే అభిషేక్‌ శర్మ, శుబ్‌మన్‌ గిల్, ప్రభ్‌సిమ్రన్‌ సింగ్, రిషభ్‌ పంత్‌వంటి ఆటగాళ్లకు మెంటార్‌గా మార్గనిర్దేశనం చేశాడు. 

కాగా ఢిల్లీ క్యాపిటల్స్‌ సహ భాగస్వాములైన జీఎంఆర్‌ గ్రూప్, జేఎస్‌డబ్ల్యూ ప్రతీ రెండేళ్లకు ఒకసారి నిర్వహణా బాధ్యతలు మార్చుకుంటాయి. ఈ క్రమంలోనే 2027, 2028లలో టీమ్‌ను నడిపించనున్న జేఎస్‌డబ్ల్యూ గ్రూప్‌ యజమాని పార్థ్‌ జిందాల్‌...రిషభ్‌పంత్‌ను తిరిగి ఢిల్లీ టీమ్‌లోకి తీసుకురావడంతో పాటు గంగూలీని హెడ్‌ కోచ్‌గా, యువీని అసిస్టెంట్‌ కోచ్‌గా ఎంచుకున్నారు. 

చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

తాడేపల్లి: వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదేశాల మేరకు స్థానిక సంస్థల ఎన్నికల్లో పార్టీ తరఫున పోటీ చేసే అభ్యర్థుల తొలి జాబితాను ఆ పార్టీ కేంద్ర కార్యాలయం గురువారం విడుదల చేసింది. 7 మున్సిపల్‌ కార్పొరేషన్లు, 14 మున్సిపాలిటీలు, 6 నగర కార్పొరేషన్లకు.. మొత్తం 27 మంది అభ్యర్థులను ప్రకటించింది.  అభ్యర్థుల జాబితా ఇలా..

మేయర్‌ అభ్యర్థుల జాబితా
విజయనగరం మేయర్‌ అభ్యర్థిగా కోలగట్ల శ్రావణి
విశాఖ మేయర్‌ అభ్యర్థిగా వరుదు కల్యాణి
ఏలూరు మేయర్‌ అభ్యర్థిగా గంటా మోహన్‌రావు (జీఎంఆర్‌)
మచిలీపట్నం మేయర్‌ అభ్యర్థిగా లంకా జ్యోతి
ఒంగోలు మేయర్‌ అభ్యర్థిగా కుప్పం ప్రసాద్‌ 
నెల్లూరు మేయర్‌ అభ్యర్థిగా ఆనం విజయ్‌కుమార్‌రెడ్డి 
కడప మేయర్‌ అభ్యర్థిగా బండి దీప్తిరెడ్డి

మున్సిపల్‌ ఛైర్మన్‌ అభ్యర్థులు 
ఇచ్చాపురం మున్సిపల్‌ ఛైర్మన్‌ అభ్యర్థిగా రాజ్యలక్ష్మి
పలాస మున్సిపల్‌ ఛైర్మన్‌ అభ్యర్థిగా తలసు శ్రీపద్మ
నర్సీపట్నం మున్సిపల్‌ ఛైర్మన్‌ అభ్యర్థిగా చింతకాయల అనిత
యలమంచిలి మున్సిపల్‌ ఛైర్మన్‌ అభ్యర్థిగా బి.తులసి
తుని మున్సిపల్‌ ఛైర్మన్‌ అభ్యర్థిగా పిట్ల రామతులసి
కొవ్వూరు మున్సిపల్‌ ఛైర్మన్‌ అభ్యర్థిగా మన్నె పద్మ
రామచంద్రాపురం మున్సిపల్‌ ఛైర్మన్‌ అభ్యర్థిగా నాగేశ్వరరావు
 కొండపల్లి మున్సిపల్‌ ఛైర్మన్‌ అభ్యర్థిగా నల్లమోతు తేజస్వీ
తెనాలి మున్సిపల్‌ ఛైర్మన్‌ అభ్యర్థిగా మద్దలి శేషాచలం
చీరాల మున్సిపల్‌ ఛైర్మన్‌ అభ్యర్థిగా డా.ఇస్తార్ల శెర్లి
బద్వేల్‌ మున్సిపల్‌ ఛైర్మన్‌ అభ్యర్థిగా రాచపూడి వెంకట సాయి కృష్ణ
ప్రొద్దుటూరు మున్సిపల్‌ ఛైర్మన్‌ అభ్యర్థిగా పొర్రెడ్డి నరసింహారెడ్డి
పులివెందుల మున్సిపల్‌ ఛైర్మన్‌ అభ్యర్థిగా వైఎస్‌ ప్రమీలమ్మ
మదనపల్లె మున్సిపల్‌ ఛైర్మన్‌ అభ్యర్థిగా జింక చలపతి

నగర పంచాయతీ అభ్యర్థులు
ఏలేశ్వరం  నగర పంచాయతీ అభ్యర్థిగా బదిరెడ్డి ఆశా లత
ఉయ్యూరు నగర పంచాయతీ అభ్యర్థిగా పైడముక్కల దివ్య
గురజాల నగర పంచాయతీ అభ్యర్థిగా పోలు వీరా రెడ్డి
కనిగిరి నగర పంచాయతీ అభ్యర్థిగా పులి శాంతి రెడ్డి     
బుచ్చిరెడ్డిపాలెం నగర పంచాయతీ అభ్యర్థిగా షేక్ షకీలా బేగం 
కమలాపురం నగర పంచాయతీ అభ్యర్థిగా మార్జుల కవిత

ఇదీ చదవండి: ఏపీ హైకోర్టులో వైఎస్సార్‌సీపీ మరో పిటిషన్‌

సాక్షి, అన్నమయ్య జిల్లా: లేడీ డాన్‌ కోనేటి సులోచనను మదనపల్లి పోలీసులు అదుపులోకి తీసుకున్నారు. మదనపల్లి నీరుగట్టుపల్లికి చెందిన కోనేటి సులోచన.. భూ కబ్జాలు, అమాయకులను మోసం చేసిన కేసుల్లో నిందితురాలిగా ఉంది. 14 కేసుల్లో నిందితురాలిగా ఉన్న సులోచనపై గతంలోనే రౌడీషీట్‌ ఉంది.

సులోచనపై 14 చీటింగ్‌ కేసులతో పాటు హత్యాయత్నం కేసు కూడా నమోదైంది. జిల్లా ఎస్పీ ధీరజ్, అడిషనల్ ఎస్పీ వెంకటాద్రి, డీఎస్పీ ప్రసాద్‌ ఆదేశాలతో వన్ టౌన్ పోలీసులు ఆమెను అదుపులోకి తీసుకున్నారు. రహస్యంగా విచారిస్తున్నట్లు సమాచారం.

ఇదీ చదవండి: ఏయ్‌.. ఎవరనుకున్నావ్‌!

సాక్షి, తాడేపల్లి: ఏపీ హైకోర్టులో వైఎస్సార్‌సీపీ మరో పిటిషన్‌ వేసింది. స్థానిక ఎన్నికల్లో పోటీ చేసే అభ్యర్థులపై ఉన్న కేసు వివరాలు దరఖాస్తు చేసిన 24 గంటల్లో ఇచ్చేలా ఆదేశాలు ఇవ్వాలంటూ వైఎస్సార్‌సీపీ ఎమ్మెల్సీ లేళ్ల అప్పిరెడ్డి పిటిషన్‌ వేశారు. అభ్యర్థులపై ఎక్కడ ఏఏ కేసులు ఉన్నాయో తెలియని పరిస్థితి ఉందని పిటిషన్‌లో ఆయన పేర్కొన్నారు. వైఎస్సార్‌సీపీ పిటిషన్‌ రేపు(శుక్రవారం) విచారణకు వచ్చే అవకాశం ఉంది.

కాగా, స్థానిక సంస్థల ఎన్నికల్లో పోటీ చేసే అభ్యర్థులపై నమోదైన, పెండింగ్‌లో ఉన్న క్రిమినల్‌ కేసుల వివరాలను వెల్లడించేలా రాష్ట్ర­వ్యాప్తంగా పోలీసు అధికారులకు ఆదేశాలు జారీ చేయాలని రాష్ట్ర ఎన్నికల కమిషన్‌ (ఎస్‌ఈసీ)ని కూడా వైఎస్సార్‌సీపీ కోరింది. ఈ మేరకు లేళ్ల అప్పిరెడ్డి.. ఎస్‌ఈసీకి లేఖ రాశారు. కూటమి సర్కారు పోలీసుల సాయంతో వైఎస్సార్‌సీపీ ఆశావహ అభ్యర్ధులపై చేస్తున్న వేధింపుల్ని ఈ లేఖలో ప్రస్తావించారు.

వాటిని అడ్డుకోవడంతో పాటు తమ పార్టీ తరఫున పోటీ చేస్తున్న అభ్యర్ధులకు అవసరమైన వివరాలు అందించేందుకు రాష్ట్ర డీజీపీకి తగిన ఆదేశాలు ఇవ్వాలని కూడా లేఖలో కోరారు. రాష్ట్రంలో జరుగుతున్న ఘటనలతో ప్రత్యక్షంగా, పరోక్షంగా ఎలాంటి సంబంధం లేకపోయినా, వివిధ పోలీస్‌ స్టేషన్లలో తమ పార్టీ నేతలపై క్రిమినల్‌ కేసులు నమోదు చేస్తున్నారన్నారు. తద్వారా వారిలో భయాందోళనలు సృష్టించి, ఎన్నికల ప్రక్రియలో పాల్గొనకుండా ఆ­టంకం కలిగిస్తున్నారన్నారు.

ఇదీ చదవండి: 14నే ఎన్నికల షెడ్యూల్ ఎందుకు ప్రకటించారు?

ఆంధ్రప్రదేశ్‌లోని పలు జిల‍్లాల్లో రాబోయే 3 గంటల‍్లో పిడుగులు పడే ప్రమాదం ఉందని రాష్ట్ర విపత్తుల నిర్వహణ సంస్థ హెచ్చరించింది. చిత్తూరు, తిరుపతి జిల్లాలకు ఆరెంజ్ అలెర్ట్ ప్రకటించింది. చిత్తూరు, పుత్తూరు, సత్యవేడు, శ్రీసిటీ, తడ పరిసర ప్రాంతాలలో పిడుగులతో కూడిన ఓ మోస్తరు వర్షం పడుతుందని రాష్ట్ర విపత్తుల నిర్వహణ సంస్థ తెలిపింది. 40-50 కిలోమీటర్ల వేగంతో గాలులు వీచే అవకాశం ఉందని చెప్పింది. 

గుంటూరు, పల్నాడు, ప్రకాశం, మార్కాపురం, నంద్యాల, శ్రీసత్యసాయి జిల్లాలకు ఎల్లో అలెర్ట్ ప్రకటించింది. ఆయా ప్రాంతాలల్లో చెదురుమదురుగా పిడుగులతో కూడిన తేలికపాటి వర్షాలు కురిసే అవకాశం ఉందని చెప్పింది. ఆయా ప‍్రాంతాల ప్రజలు అప్రమత్తంగా ఉండాలని రాష్ట్ర విపత్తుల నిర్వహణ సంస్థ సూచించింది. 

సాక్షి, విశాఖప‌ట్నం: స్థానిక సంస్థ‌ల ఎన్నిక‌ల్లో మంచి నాయ‌కుల‌ను ఎన్నుకోవాల‌ని విశాఖ‌ ప్ర‌జ‌ల‌ను పర్యావరణ వేత్త బొలిశెట్టి సత్యనారాయణ కోరారు. గురువారం ఆయ‌న మీడియాతో మాట్లాడుతూ.. డేటా సెంటర్ పేరుతో వైజాగ్‌లో విధ్వంసం చేస్తున్నారని ఆరోపించారు. ''స్థానిక ఎన్నికలు చాలా కీలకం. జీవీఎంసీ ఎన్నికల్లో డేటా సెంటర్‌కు మద్దతు ఇచ్చే పార్టీకి ఓటు వెయ్యద్దు. పవన్ కళ్యాణ్ చెప్పినా చెడ్డ వారికి ఓటు వెయ్యద్దు. మంచి నాయకులను ప్రజలు ఎన్నుకోవాల''ని ఆయ‌న పిలుపునిచ్చారు.

డేటా సెంట‌ర్‌తో పెను ప్రమాదాలు: రాజేంద్ర సింగ్
విశాఖలో సింహాచలం దేవస్థానం కొండలు నాశనం అవుతున్నాయని వాటర్ మ్యాన్ ఆఫ్ ఇండియాగా పేరు గాంచిన జల్ బిరాద్రి స్థాపకులు డాక్ట‌ర్‌ రాజేంద్ర సింగ్ ఆందోళ‌న వ్య‌క్తం చేశారు. సింహాచలం దేవస్థానం ఆస్తుల‌ను కాపాడాల‌ని కోరుతూ విశాఖ కలెక్టర్, జిల్లా అటవీ శాఖ అధికారికి ఆయ‌న‌ వినతి పత్రాలు స‌మ‌ర్పించారు. సింహాచలం దేవస్థానానికి చెందిన 160 ఎకరాల భూమిని డేటా సెంటర్ నిర్మాణానికి చట్టవిరుద్ధంగా కేటాయించార‌ని ఆయ‌న పేర్కొన్నారు. అంత‌కుముందు శ్రీ వరాహ లక్ష్మీనరసింహ స్వామి వారికి ఈ విజ్ఞాపన పత్రాన్ని సమర్పించారు.

ఈ సంద‌ర్భంగా రాజేంద్ర సింగ్ మాట్లాడుతూ.. డేటా సెంట‌ర్‌ ప్రాజెక్ట్ వల్ల అటవీ ప్రాంతం ధ్వంసం అవ్వడంతోపాటు సహజ వర్షపు నీటి ప్రవాహాలు (గెడ్డలు) నిరోధించబడి, భూగర్భ జలాలు తగ్గిపోయి పెను ప్రమాదాలు ముంచుకొచ్చే అవకాశముందని ఆందోళన వ్యక్తం చేశారు. దేవస్థాన ఆస్తులను రక్షించడంలో ప్రభుత్వం విఫలమైనందున, ప్రజలు, నీరు, అడవి, భూమి, జంతువుల (జన్, జల్, జంగిల్, జమీన్, జాన్వర్) సంరక్షణ కోసం దేవుడే స్వయంగా ఈ ఆస్తులను కాపాడాలని లేఖ ద్వారా విన్నవించుకున్న‌ట్టు వెల్ల‌డించారు.

ఇదీ చ‌ద‌వండి: వైఎస్ జగన్‌కు అభిజిత్ దీప్కే ధన్యవాదాలు

''కొండలను రక్షించేలా ఆ నరసింహ స్వామి ఈ పాలకులకు బుద్ది ప్రసాదించాలి. సింహాచలం కొండల్లో తవ్వకాలు ఆపాలని కలెక్టర్, ఫారెస్ట్ అధికారులకు అర్జీ పెట్టాం. సింహాచలం కొండలను తవ్వితే పై నుంచి నీరు వచ్చే అవకాశం లేదు. ఇతర దేశాల్లో డేటా సెంటర్స్ వద్దని తరిమేస్తున్నారు. విశాఖలో 9 గిగా వాట్సా డేటా సెంటర్ పెడతాం అంటున్నారు. వినాశనం ఎలా ఉంటుందో అర్ధం చేసుకోవాలి. కోర్టు ఆదేశాలను కూడా అధికారులు లెక్క చెయ్యడం లేదు. డేటా సెంటర్ వలన జరిగే నష్టాల గురించి ప్రజలంతా తెలుసుకోవాలి. విశాఖలో ఉన్న కొండలు, నీటి ప్రవాహలను కాపాడాలని పోరాటం చేయబోతున్నామ‌''ని చెప్పారు. 

ఢిల్లీలో సెంట్రల్‌ పార్క్‌ దగ్గర నిరసనలకు కాక్రోచ్ జనతా పార్టీ (CJP) సిద్ధమవుతోంది. అక్టోబర్‌ 16న నిరసనలకు సీజేపీ పిలుపునిచ్చింది. సీజేపీని నిరోధించడానికి ఢిల్లీ హైకోర్టు నిరాకరించిన సంగతి తెలిసిందే. అయితే, ఆందోళనలను అదుపు చేసేందుకు పోలీసులు కూడా రెడీ అవుతున్నారు.

కనాట్ ప్లేస్‌లో వ్యాపార కార్యకలాపాలకు అంతరాయం కలగకుండా నిరసనను చట్ట ప్రకారం నియంత్రించాలని పోలీసులను ఆదేశించాలంటూ ఓ వీధి వ్యాపారి దాఖలు చేసిన ప్రజాప్రయోజన వ్యాజ్యంపై కోర్టు విచారణ జరిపింది. పండుగల సీజన్‌లో నిరసనల కారణంగా మరో వారాంతంలో వ్యాపారం నిలిచిపోతే, వ్యాపారులు, వీధి వ్యాపారులు రోడ్డున పడాల్సి వస్తుందని పిటిషనర్ తరఫు సీనియర్ న్యాయవాది వాదించారు.

కాగా, త్రివర్ణ పతాకాన్ని ఎగురవేసిన సౌరవ్‌ దాస్, అశుతోష్‌ రాంకాలకు జైలు శిక్ష విధించడాన్ని నిరసిస్తూ 16వ తేదీన సాయంత్రం 5 గంటలకు ఢిల్లీ కన్నాట్‌ ప్లేస్‌లోని సెంట్రల్‌ పార్క్‌ వద్ద జాతీయ జెండాలతో సమావేశం కావాలని దేశభక్తులకు సీజేపీ వ్యవస్థాపకుడు పిలుపునిచ్చారు. త్రివర్ణ పతాకాన్ని ప్రేమించే దేశభక్తులందరూ తరలి రావాలని కోరారు.

జాతీయ జెండాను ఎగురవేయడం నేరం కాదని మనం నిరూపించి చూపిద్దామని బుధవారం దీప్కే ‘ఎక్స్‌’లో పోస్టుచేశారు. ఢిల్లీకి రాలేనివారు తమ ప్రాంతాల్లోనే ‘త్రివర్ణ పతాక యాత్రలు’నిర్వహించాలని కోరారు. త్రివర్ణ పతాకమే మన గర్వకారణమని చాటి చెప్పాలని సూచించారు. తాను జెండా ఎగురవేస్తానని చెప్పారు. ప్రభుత్వం తనను కూడా జైలుకు పంపవచ్చని  దీప్కే అన్నారు.

ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే

సాక్షి,న్యూఢిల్లీ: అర్హులైన వారు ఓటర్ల జాబితాలో పేర్లు నమోదు చేసుకునే ప్రక్రియను సులభతరం చేసేందుకు 17 రాష్ట్రాలు, కేంద్రపాలిత ప్రాంతాల్లో ప్రత్యేక సంక్షిప్త సవరణ (స్పెషల్‌ సమ్మరీ రివిజన్‌–ఎస్‌ఎస్‌ఆర్‌) చేపట్టనున్నట్లు భారత ఎన్నికల సంఘం ప్రకటించింది. ఓటర్ల నమోదు ప్రక్రియను మెరుగుపరచడం, అర్హులైన ప్రతి ఒక్కరికీ ఓటు హక్కు వినియోగించుకునే అవకాశం కల్పించడం ఈ కార్యక్రమం ప్రధాన ఉద్దేశమని తెలిపింది.

ఓటర్ల జాబితాలను ఎప్పటికప్పుడు సరిచేయడం ఎన్నికల సంఘం చేపట్టే సాధారణ ప్రక్రియలో భాగం. కొత్తగా ఓటు హక్కు పొందినవారు తమ పేర్లను నమోదు చేసుకోవడంతో పాటు, జాబితాల్లోని వివరాల్లో తప్పులను సరిచేసుకునేందుకు ఇటువంటి సవరణలు అవకాశం కల్పిస్తాయి. ప్రత్యేక సంక్షిప్త సవరణలో భాగంగా ఓటర్ల జాబితాల్లో పేర్ల నమోదు, వ్యక్తిగత వివరాల సవరణ, అర్హత కోల్పోయిన లేదా మరణించిన ఓటర్లకు సంబంధించిన వివరాల పరిశీలన వంటి అంశాలు ఉంటాయి.

ఈ రాష్ట్రాల్లో ఎస్‌ఎస్‌ఆర్‌: అస్సాం, అండమాన్‌-నికోబార్‌, గోవా, బిహార్‌, ఛత్తీస్‌గఢ్‌, గుజరాత్‌, కేరళ, మణిపూర్‌, పుదుచ్చేరి, లక్షద్వీప్‌, మధ్యప్రదేశ్‌, పంజాబ్‌, రాజస్థాన్‌, తమిళనాడు, ఉత్తర్‌ప్రదేశ్‌, ఉత్తరాఖండ్‌, పశ్చిమ బెంగాల్‌.

ఎస్‌ఐఆర్‌ ప్రక్రియ కొనసాగుతున్న రాష్ట్రాలు, ఇటీవల పూర్తైన రాష్ట్రాలు, కేంద్రపాలిత ప్రాంతాల్లో ఎస్‌ఎస్‌ఆర్‌ షెడ్యూల్‌ను తర్వాత ఎస్‌ఎస్‌ఆర్‌ను ప్రకటిస్తామని పేర్కొంది. పంజాబ్‌, ఉత్తర్‌ప్రదేశ్‌, మణిపూర్‌, గోవా, ఉత్తరాఖండ్‌ అసెంబ్లీల పదవీకాలం 2027లో ముగియనున్న నేపథ్యంలో ఈ నిర్ణయం ప్రాధాన్యం సంతరించుకుంది.

ఇదీ చదవండి: భారత్‌-అమెరికా వాణిజ్య ఒప్పందంపై కీలక ముందడుగు

ఆమెకు  30 ఏళ్లు. అతనికి 75 ఏ‍ళ్లు.  ఇద్దరూ  ఏడాది క్రితం ప్రేమలో పడ్డారు.  ఈ దసరా నవరాత్రి  ఉత్సవాల తరువాత ఇద్దరూ వివాహబంధంలోకి అడుగుపెట్టబోతున్నారు. అంతేకాదు వీరిద్దరూ ఘనంగా ఎంగేజ్‌మెంట్‌ చేసుకున్నారు.  ఇరు కుటుంబాల ఆనందోత్సాహాల మధ్య  జరిగిన  ఈ నిశ్చితార్థం వేడుకకు సంబంధించిన  వీడియో నెట్టింట తెగ చక్కర్లు కొడుతోంది. పెళ్లి కాని ప్రసాదుల  గుండెల్లో గునపాలు దించుతున్న ఈ వీరి ప్రేమకథ వివరాలేంటో తెలుసుకుందామా.

ఉత్తరప్రదేశ్‌లోని ఔరైయా జిల్లాకు చెందిన 75 ఏళ్ల రామ్‌షుగర్ (Ramsugar),30 ఏళ్ల రాణి రాజ్‌పుత్ (Rani Rajput) త్వరలోనే పెళ్లి పీటలెక్క బోతున్నారు.   దాదాపు 45 ఏళ్ల గ్యాప్‌ ఉన్నా వీరి మధ్య చిగురించిన  ప్రేమ,  పెళ్లి  సోషల్ మీడియాలో చర్చనీయాంశంగా మారింది. 

ఏడాది క్రితం వీరి ఎలా మొదలైందీ అంటే
ఇన్‌స్టాగ్రామ్‌లో రీల్స్ చేసే రాణి రాజ్‌పుత్, రామ్‌షుగర్ కుమార్తెను కలవడానికి తరచుగా ఆయన ఇంటికి వెళ్లేది. ఆ సమయంలో వారి మధ్య ఏర్పడిన పరిచయం, స్నేహంగా మారి ఆ తర్వాత ప్రేమగా చిగురించింది. వీరిద్దరికీ నిశ్చితార్థం  కాగా, నవరాత్రుల అనంతరం వివాహం జరగనుంది. వీరి నిశ్చితార్థానికి సంబంధించిన వీడియో సోషల్ మీడియాలో విపరీతంగా వైరల్ అయింది. ఇందులో కుటుంబ సభ్యులు ఆప్తుల సమక్షంలో వీరిద్దరూ ఎంతో సంతోషంగా కనిపించారు.

75 साल के रामसुगर 30 साल की रानी राजपूत से दिल लगा बैठे। दोनों की सगाई और हल्दी,मेंहदी की रस्म भी हो गई। जल्द ही दोनों शादी के बंधन में बंधेंगे। 📍 औरैया, उत्तर प्रदेश। https://t.co/dZ8sP3nNEr

— Zuber Akhtar (@Zuber_Akhtar1) October 15, 2026

ఇదీ చదవండి: చికాగోలో సామూహిక అత్యాచారం కలకలం : ‘నా టర్న్’ఎపుడు‌ అంటూ రచ్చ?!

నెటిజన్ల రియాక్షన్స్‌
ఈ జంట పెళ్లి వార్త ఎక్స్‌లో వైరలవుతోంది. కొందరు వీరికి శుభాకాంక్షలు తెలుపుతోంటే, "రామ్‌షుగర్ వెర్సస్‌ షుగర్ డాడీ " అంటూ సరదాగా కామెంట్లు చేశారు. మరికొందరు  ప్రేమ గుడ్డిదని ఈ రోజు మరోసారి రుజువైంది భయ్యా అంటూ ఫన్నీ కామెంట్స్‌ చేశారు. అంతేకాదు,  "యువత పరిస్థితి ఏంటి భయ్యా?" అని ఒకరు,  అసలే యువకులకు పెళ్లిళ్లు కావడం లేదని బాధపడుతోంటే, ఇక మాలాంటి వాళ్ల పరిస్థితేంటి బాబోయ్‌  అని  మరొక నెటిజన్ కామెంట్ చేశారు. ‘‘ఇంతకీ ఆ 70 ఏళ్ల పెద్దాయన పేరిట ఉన్న ఆస్తి విలువ ఎంత ఉందో?" అంటూ  ఇంకొకరు చమత్కరించారు. వీరిద్దరి మధ్య ఉన్న భారీ వయస్సు వ్యత్యాసం కారణంగా ఈ వీడియో నెటిజన్ల దృష్టిని ఆకర్షించింది.

ఇదీ చదవండి:  జియో అలా పుట్టింది : ఇషా అంబానీ చెప్పిన ఇంట్రస్టింగ్‌ స్టోరీ

ఎన్నికల సంఘం పనితీరుపై ప్రజల్లో అసంతృప్తి పెరుగుతోందని, అధికారంలో ఉన్న పార్టీలకు ఆ సంస్థ సహకరిస్తున్నట్లు కనిపిస్తోందని జన సురాజ్ వ్యవస్థాపకుడు ప్రశాంత్ కిశోర్ ఆరోపించారు. ఎన్నికల ప్రక్రియపై ప్రజల్లో విశ్వాసం పెరగాలంటే పారదర్శకమైన, విశ్వసనీయమైన సంస్కరణలు తీసుకురావాలని డిమాండ్ చేశారు. ఓట్ల చోరీ ఆరోపణలతో దేశవ్యాప్తంగా నిరసనలు జరుగుతున్న నేపథ్యంలో ఆయన ఈ వ్యాఖ్యలు చేశారు.

బిహార్‌లోని సుపౌల్‌లో కోసి గ్రాడ్యుయేట్‌ ఎమ్మెల్సీ నియోజకవర్గ ఎన్నికల ప్రచారంలో భాగంగా బుధవారం విలేకరులతో ప్రశాంత్ కిశోర్ మాట్లాడారు. ఎన్నికల సంఘం నిష్పాక్షికతపై వస్తున్న ప్రశ్నలు ఏ ఒక్క రాజకీయ పార్టీకి మాత్రమే పరిమితం కాలేదని చెప్పారు. గత దశాబ్ద కాలంగా ఓటర్ల జాబితాల తయారీ, ఎన్నికల పరిశీలకుల నియామకం, ఎన్నికల ప్రవర్తనా నియమావళి అమలు వంటి అంశాలపై ప్రజల్లో అనుమానాలు పెరుగుతున్నాయని పేర్కొన్నారు.

“ఓటర్ల జాబితాలను రూపొందించే విధానం, ప్రత్యేక సమగ్ర సవరణ (ఎస్‌ఐఆర్‌) పేరుతో ఓటర్ల పేర్లను తొలగించడం, పరిశీలకుల నియామకం, ఎన్నికల ప్రవర్తనా నియమావళి అమలు.. వీటన్నింటినీ చూస్తుంటే ఎన్నికల సంఘం అధికార పక్షానికి సహకరిస్తున్నట్లు కనిపిస్తోంది. విశ్వసనీయమైన, పారదర్శకమైన సంస్కరణలు వచ్చే వరకు ప్రజల నిరసనలు కొనసాగుతాయి” అని ఆయన అన్నారు.

ఉపాధ్యాయులకు ఏడో వేతన సంఘం హామీపై..
కోసి గ్రాడ్యుయేట్‌ ఎమ్మెల్సీ ఎన్నికలు ప్రభుత్వాన్ని ఏర్పాటు చేయడానికి లేదా కూల్చడానికి కాదని ప్రశాంత్ కిశోర్ అన్నారు. ఎన్నికైన ప్రభుత్వం ఉపాధ్యాయుల సమస్యలను పట్టించుకోవడం లేదని, వరద బాధితుల ఇబ్బందులను విస్మరించిందని, నేరాలు, అవినీతిని నియంత్రించడంలో విఫలమైందని విమర్శించారు. ప్రస్తుత ప్రభుత్వాన్ని బాధ్యతాయుతంగా పనిచేయించే అవకాశంగా ఈ ఎన్నికలను అభివర్ణించారు.

లోక్‌సభ ఎన్నికలకు ముందే బిహార్‌లోని అన్ని వర్గాల ఉపాధ్యాయులకు ఏడో వేతన సంఘం వేతన శ్రేణిని అమలు చేయిస్తామని హామీ ఇచ్చారు. పాఠశాల ఉపాధ్యాయులు, నియోజిత ఉపాధ్యాయులు, మదర్సా, సంస్కృత ఉపాధ్యాయులు అందరికీ ఈ ప్రయోజనం అందేలా చూస్తామని తెలిపారు. ప్రస్తుత ప్రభుత్వం ద్వారా ఈ హామీని అమలు చేయించలేకపోతే లోక్‌సభ ఎన్నికల్లో ఓట్లు అడగడానికి రానని ప్రకటించారు. తమ అభ్యర్థి గెలిస్తే అర్హత ఆధారంగా 10,000 మంది స్థానిక యువతకు ప్రైవేటు రంగంలో ఉద్యోగ అవకాశాలు కల్పించేందుకు కృషి చేస్తామని కూడా చెప్పారు.

బిహార్‌ నేతలపై విమర్శలు
మాజీ ముఖ్యమంత్రి జితన్‌ రామ్‌ మాంఝీతో పాటు జనతాదళ్‌ (యునైటెడ్‌) నాయకులపైనా ప్రశాంత్ కిశోర్ విమర్శలు చేశారు. కొందరు సీనియర్‌ నాయకులు రాజకీయంగా ప్రాధాన్యం కోల్పోయారని వ్యాఖ్యానించారు. నితీశ్‌ కుమార్‌ మద్దతు తమకు ఉందని చెప్పుకునే జేడీయూ నేతలకు సవాల్‌ విసిరారు. నితీశ్‌ నిజంగా తమ అభ్యర్థికి మద్దతిస్తే, ఆయన ఒక నిమిషం వీడియో సందేశం విడుదల చేసి మద్దతు ప్రకటించాలని, అలా చేస్తే ఆయన గౌరవార్థం తమ అభ్యర్థిని ఉపసంహరించుకుంటానని చెప్పారు. ప్రచార పోస్టర్లలో నితీశ్‌ కుమార్‌ ఫొటోలు కనిపించకపోవడాన్ని కూడా ప్రస్తావించారు.

ఇదిలా ఉండగా, రఘోపూర్‌లో ఇటీవల జరిగిన పడవ ప్రమాదంలో పలువురు ప్రాణాలు కోల్పోవడంపై ప్రశాంత్ కిశోర్‌ విచారం వ్యక్తం చేశారు. మృతుల కుటుంబాలకు సంతాపం తెలిపి, పాట్నాకు తిరిగి వచ్చిన తర్వాత ప్రమాద ప్రభావిత ప్రాంతాన్ని సందర్శిస్తానని చెప్పారు. ఎన్నికల సంఘం నిష్పాక్షికతపై ప్రశాంత్ కిశోర్ చేసిన ఆరోపణలు, ఆయన ప్రకటించిన ఎన్నికల హామీలు బిహార్‌ రాజకీయాల్లో చర్చనీయాంశంగా మారాయి. ఎన్నికల ప్రక్రియపై వస్తున్న విమర్శలకు ఎన్నికల సంఘం స్పందన, అలాగే ఉపాధ్యాయుల వేతనాలపై జన సురాజ్‌ హామీ అమలు సాధ్యతపై తదుపరి పరిణామాలు కీలకం కానున్నాయి.

ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే

అరుణాచల్‌ ప్రదేశ్‌లోని ఓ రహదారిపై రాయల్‌ బెంగాల్‌ పులి సంచరిస్తున్న దృశ్యాలు వెలుగులోకి రావడంతో అధికారులు అప్రమత్తమయ్యారు. పులి సంచారంతో వాహనదారులకు ప్రమాదం పొంచి ఉండటంతో, రహదారిలోని 4 కిలోమీటర్ల పరిధిలో ద్విచక్ర వాహనాల రాకపోకలను నిషేధించారు. పులి కదలికలను పర్యవేక్షిస్తూ, ప్రజల భద్రతకు అవసరమైన చర్యలు చేపట్టారు.

అరుణాచల్‌ ప్రదేశ్‌లోని దిగువ దిబాంగ్‌ వ్యాలీ జిల్లాలో తివారిగావ్‌ వద్ద.. పూర్తిగా ఎదిగిన రాయల్‌ బెంగాల్‌ పులి కనిపించింది. దీంతో స్థానిక ప్రాంతాల్లో భయాందోళనలు నెలకొన్నాయి. ఈ నేపథ్యంలో రోయింగ్‌-అనిని రహదారిలో 19వ కిలోమీటరు నుంచి 23వ కిలోమీటరు వరకు ద్విచక్ర వాహనాల రాకపోకలను అటవీ శాఖ నిషేధించింది. ఈ ప్రాంతంలో పులి కదలికలను పర్యవేక్షించేందుకు ప్రత్యేక బృందాన్ని కూడా నియమించింది.  

అప్రమత్తంగా ఉండాలని సూచన
మేహావో వన్యప్రాణి అభయారణ్యం విభాగం, రోయింగ్‌ డివిజనల్‌ అటవీ అధికారి మిటో రుమి తాజా పులి సంచారాన్ని ధ్రువీకరించారు. పరిస్థితిని గమనించి అవసరమైన చర్యలు తీసుకునేందుకు అటవీ శాఖ బృందం రంగంలోకి దిగినట్లు తెలిపారు. రోయింగ్‌-అనిని రహదారిపై ప్రయాణించే స్థానికులు, పర్యాటకులు, ఇతర వాహనదారులు అప్రమత్తంగా ఉండాలని అధికారులు సూచించారు. ముఖ్యంగా తెల్లవారుజామున, సాయంత్రం, రాత్రి వేళల్లో నిషేధిత మార్గంలో ద్విచక్ర వాహనాలపై ప్రయాణించకూడదని స్పష్టం చేశారు.

పులిని చూసేందుకు రహదారిపై వాహనాలు ఆపడం, అక్కడే నిలబడి చూడటం, విహారయాత్రలు చేయడం, అనవసరంగా సంచరించడం వంటివి చేయవద్దని హెచ్చరించారు. వాహనాల్లో ప్రయాణించేవారు కిటికీలు మూసి ఉంచాలని, అవసరం లేకుండా వాహనాల నుంచి బయటకు రావద్దని సూచించారు.

ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే

గతంలో పులి దాడిలో పోలీసు హెడ్‌ కానిస్టేబుల్‌ మృతి
ఈ ప్రాంతంలో పులుల సంచారంపై ఆందోళనలు పెరగడానికి గతంలో జరిగిన మరో ఘటన కూడా కారణమైంది. ఫిబ్రవరిలో అనిని నుంచి ద్విచక్ర వాహనంపై తిరిగి వస్తున్న అరుణాచల్‌ ప్రదేశ్‌ పోలీసు హెడ్‌ కానిస్టేబుల్‌ చిక్సెంగ్‌ మన్‌పుంగ్‌ పులి దాడిలో ప్రాణాలు కోల్పోయారు.

అటవీ ప్రాంతాల్లోకి ట్రెక్కింగ్‌ కోసం వెళ్లడం, చిన్న అటవీ ఉత్పత్తులను సేకరించడం వంటివి చేయవద్దని అధికారులు ప్రజలకు సూచించారు. మనిషి-వన్యప్రాణుల మధ్య సంఘర్షణను నివారించేందుకు అమల్లో ఉన్న మార్గదర్శకాలను పాటించాలని కోరారు. పులి కనిపిస్తే మేహావో వన్యప్రాణి అభయారణ్యం విభాగం రేంజ్‌ ఫారెస్ట్‌ ఆఫీసర్‌ మగోన్‌ లింగ్గికి 7085459372 లేదా 9436221862 నంబర్లలో సమాచారం ఇవ్వాలని అటవీ శాఖ తెలిపింది. పులి కదలికలపై అధికారులు నిరంతరం నిఘా కొనసాగించనున్నారు. ప్రజలు ఆంక్షలను పాటించి, పులి కనిపించినప్పుడు దాని దగ్గరకు వెళ్లకుండా అధికారులకు సమాచారం అందించడం ద్వారా ప్రమాదాలను నివారించవచ్చు.

ఉత్తరప్రదేశ్‌లోని వారణాసిలో ఉన్న బాణసంచా కర్మాగారంలో భారీ పేలుడు  సంభవించింది. ఈ పేలుడు ధాటికి భవనంమొత్తం పూర్తిగా కూలిపోయింది. ఈ శిథిలాల కింద పలువురు చిక్కుకున్నట్లు నివేదికలు సూచిస్తున్నాయి.  వారణాసిలోని సారనాథ్ పోలీస్ స్టేషన్ పరిధిలోని సారంగ్ తలాబ్ ప్రాంతంలో ఈ పేలుడు జరిగినట్లు సమాచారం. ఈ ఘటనలో ప్రాణనష్టం, గాయపడిన వారిన సంఖ్య, ప్రమాదానికి గల కారణాలపై పూర్తి సమాచారం ఇంకా అందాల్సి ఉంది. 

ఈ ప్రమాదంపై స్పందించిన యూపీ ముఖ్యమంత్రి యోగి ఆదిత్యనాథ్  సహాయక చర్యలను వేగవంతం చేయాలని అధికారులను ఆదేశించారు. ఘటనా స్థలంలో పోలీసులు, అగ్నిమాపక సిబ్బంది భారీగా మోహరించి సహాయక చర్యల్ని చేపట్టారు. ఎన్డీఆర్ఎఫ్ కూడా రంగంలోకి దిగింది.  ఎస్డీఆర్ఎఫ్, పోలీసులు ఇద్దరిని రక్షించారు.గాయపడిన వారికి సరైన చికిత్స అందేలా చూడాలని ముఖ్యమంత్రి అధికారులను ఆదేశించారు. 
ఇదీ చదవండి : చికాగోలో సామూహిక అత్యాచారం కలకలం : ‘నా టర్న్’ఎపుడు‌ అంటూ రచ్చ?!

वाराणसी में पटाखा फैक्ट्री में भयानक विस्फोट हुआ है. पूरी इमारत भरभराकर गिर पड़ी है. कई लोगों के मलबे में दबे होने की खबर है. SDRF और पुलिस ने 2 लोगों को रेस्क्यू कर लिया गया है. मौके पर NDRF बुलाई गयी है... #Varanasi https://t.co/mzurICOuuN

— Arun (आज़ाद) Chahal 🇮🇳 (@ArunAzadchahal) October 15, 2026

సాక్షి, న్యూఢిల్లీ: ఎల్‌నినో  (El Nino) ముప్పు, తగ్గుతున్న వరి సాగు విస్తీర్ణం, పెరుగుతున్న దేశీయ ధరలు ఎగుమతి సరఫరాలకు ముప్పుగా పరిణమించడంతో, 2027లో ప్రపంచ బియ్యం మార్కెట్‌లో భారతదేశ ఆధిపత్యానికి పరీక్ష ఎదురుకావచ్చు.  ఎల్‌నినో కారణంగా రుతుపవనాల అనిశ్చితితో వరి సాగు విస్తీర్ణం గణనీయంగా తగ్గింది.  దేశ బియ్యం ఎగుమతులు 4 శాతం తగ్గి 24 మిలియన్ టన్నులకు పడిపోతాయని యూఎస్‌డీఏ అంచనా వేస్తోంది. 

ఎల్‌నినో  ప్రభావంతో దేశంలో నెలకొన్న తీవ్ర వర్షాభావ పరిస్థితులు బియ్యం ఎగుమతులపైనా తీవ్ర ప్రభావం చూపుతాయని కేంద్ర ప్రభుత్వం అంచనా వేస్తోంది. ప్రస్తుత ఖరీఫ్‌లో వరి సాగు విస్తీర్ణం గత సీజన్‌తో పోలిస్తే 3.7 శాతం తగ్గి, 4.292 కోట్ల హెక్టార్లకు పరిమితమైంది. రాష్ట్రాల వారీగా చూస్తే కర్ణాటకలో 4.6 లక్షల హెక్టార్లు, తెలంగాణలో 4.3 లక్షల హెక్టార్లు, ఆంధ్రప్రదేశ్‌లో 1.8 లక్షల హెక్టార్లు, తమిళనాడులో 1.5 లక్షల హెక్టార్ల మేర సాగు విస్తీర్ణం తగ్గినట్లు వ్యవసాయ శాఖ తెలిపింది. 2025–26లో దేశం నుంచి 15.4 కోట్ల టన్నుల బియ్యం ఉత్పత్తి జరగ్గా, ఈ సీజన్‌లో ఉత్పత్తి 4.5 శాతం మేర తగ్గి 14.7 కోట్ల టన్నులకు పరిమితం కావచ్చని అంచనాలున్నాయి. 

ఇదీ చదవండి: జియో అలా పుట్టింది : ఇషా అంబానీ చెప్పిన ఇంట్రస్టింగ్‌ స్టోరీ

వరి సాగు తగ్గడం, వర్షాభావ పరిస్థితుల కారణంగా కొన్ని రకాల బియ్యం ధరలు పెరుగుతున్నాయి. గత ఏడాదితో పోలిస్తే సోనా మసూరి, పొన్ని, స్వర్ణ రకాల ధరలు 10 నుంచి 25 శాతం వరకు పెరిగాయి. దేశీయంగా ధరలు పెరిగితే విదేశీ కొనుగోలుదారులకు బియ్యం మరింత ఖరీదయ్యే అవకాశం ఉంది.

చెన్నై: తమిళనాడు ముఖ్యమంత్రి, తమిళగ వెట్రి కళగం (టీవీకే) అధినేత విజయ్ పార్టీ తొలిసారి ఇండియా కూటమి నిరసనలో పాల్గొంది. ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌ను పదవి నుంచి తొలగించాలని డిమాండ్ చేస్తూ గురువారం చెన్నైలో కాంగ్రెస్ ఆధ్వర్యంలో నిర్వహించిన ఆందోళనలో టీవీకే నేతలు పాల్గొన్నారు.

ఓటర్ల జాబితాల్లో అక్రమాలు, ఓటర్ల జాబితాల ప్రత్యేక సమగ్ర సవరణ (SIR) ప్రక్రియలో అవకతవకలు జరుగుతున్నాయన్న ఆరోపణలతో ‘ప్రజాస్వామ్యాన్ని కాపాడండి’ అనే నినాదంతో ఈ నిరసన చేపట్టారు. అక్టోబర్ 3న ఇండియా కూటమిలో చేరిన తర్వాత టీవీకే ఈ తరహా ఆందోళనలో పాల్గొనడం ఇదే తొలిసారి కావడం విశేషం.

రాహుల్‌-విజయ్‌ భేటీ తర్వాత కీలక పరిణామం
అక్టోబర్ 10న కాంగ్రెస్ అగ్రనేత రాహుల్ గాంధీ.. విజయ్‌తో చెన్నైలో సమావేశమయ్యారు. బీజేపీకి వ్యతిరేకంగా భవిష్యత్తులో నిర్వహించే ప్రచారాలు, నిరసనలు, రాజకీయ చర్చల్లో పాల్గొనాలని విజయ్‌ను ఆహ్వానించినట్లు కాంగ్రెస్ వర్గాలు తెలిపాయి. ఈ నేపథ్యంలో టీవీకే పార్టీ నేతలు కాంగ్రెస్ నిరసనలో పాల్గొనడం రాజకీయంగా ప్రాధాన్యం సంతరించుకుంది.

ఎన్నికల సంఘం బీజేపీకి అనుకూలంగా వ్యవహరిస్తోందని కాంగ్రెస్ నేతలు ఆరోపిస్తూ ఎన్నికల కమిషనర్ రాజీనామా చేయాలని డిమాండ్ చేశారు. తమిళనాడులో ఎస్‌ఐఆర్‌ ప్రక్రియలో సుమారు 97 లక్షల మంది ఓటర్ల పేర్లు తొలగించారని నిరసనకారులు ఆరోపించారు. అందులో ముఖ్యంగా ముస్లింలు, గిరిజనులు, అణగారిన వర్గాల ఓటర్లు ఉన్నారని వారు విమర్శించారు. ఈ ఆందోళనలో కాంగ్రెస్‌తో పాటు ఇండియా కూటమిలోని ఇతర పార్టీల నేతలు కూడా పాల్గొన్నారు. 

ఇదీ చదవండి: ఇరాన్‌పై ‘మదర్ ఆఫ్ ఆల్ బాంబ్స్’ ప్రయోగానికి అమెరికా ప్లాన్?

న్యూఢిల్లీ: భారత్‌లో యువత నేతృత్వంలో జరుగుతున్న నిరసనలకు బంగ్లాదేశ్‌ ఉద్యమమే స్ఫూర్తి అని విద్యార్థి నాయకురాలు నేహా బోరా (29) పేర్కొన్నారు. ఆమె వ్యాఖ్యలపై భారతీయ జనతా పార్టీ (బీజేపీ) తీవ్ర విమర్శలు చేసింది. కాంగ్రెస్‌ అగ్రనేత రాహుల్‌ గాంధీ, ఆయనకు మద్దతుగా ఉన్నవారి లక్ష్యం రాజకీయ వ్యతిరేకత మాత్రమే కాదని, దేశంలో ప్రభుత్వాన్ని మార్చడమేనని బీజేపీ జాతీయ అధికార ప్రతినిధి ప్రదీప్‌ భండారీ ఆరోపించారు.

బంగ్లాదేశ్‌లో జరిగిన పరిణామాలను భారత్‌లోనూ పునరావృతం చేయాలని నేహా బోరా కోరుకుంటున్నారని ఆయన విమర్శించారు. ఈ మేరకు అక్టోబర్‌ 14న సామాజిక మాధ్యమం ఎక్స్‌లో ఆమె వ్యాఖ్యలకు సంబంధించిన వీడియోను పంచుకున్నారు. ఆ వీడియోను భారత ప్రజాస్వామ్యానికి ముప్పుగా అభివర్ణించారు.

బంగ్లాదేశ్‌ ఉద్యమంతో పోల్చిన నేహా బోరా
నేహా బోరా ఢిల్లీ జవహర్‌లాల్‌ నెహ్రూ విశ్వవిద్యాలయంలోని కళలు, సౌందర్యశాస్త్ర విభాగంలో డాక్టరేట్‌ కోసం చదువుతున్నారు. ఆమె ఒక ఇంటర్వ్యూలో భారతదేశంలో జరుగుతున్న యువత ఉద్యమం తొలుత బంగ్లాదేశ్‌లో ప్రారంభమైందని పేర్కొన్నారు. ‘‘ఈ దేశమంతటా మనం చూస్తున్న జెన్‌ జీ ఉద్యమం మొదట బంగ్లాదేశ్‌లోనే ప్రారంభమైంది. మాకు దారి చూపినందుకు, ఈ దేశ యువతకు సంఘీభావం తెలిపినందుకు మీకు అభినందనలు’’ అని ఆమె వ్యాఖ్యానించారు.

భారత్‌, బంగ్లాదేశ్‌లో ప్రజాస్వామ్య, ఓటు హక్కుల పరిరక్షణ కోసం పోరాటాలు జరుగుతున్నాయని బోరా పేర్కొన్నారు. ప్రధాన ఎన్నికల కమిషనర్‌ జ్ఞానేశ్‌ కుమార్‌పై ఆరోపణలు చేస్తూ, ఆయన రాజీనామా కోరుతూ భారత్‌లో నిరసనలు జరుగుతున్నాయని వివరించారు. బంగ్లాదేశ్‌లో మత ఛాందసవాదానికి వ్యతిరేకంగా జరిగిన పోరాటం తరహాలోనే భారత యువత కూడా పోరాడుతోందని అన్నారు. రెండు దేశాల ప్రజలు కలిసి మెరుగైన దక్షిణాసియా, మెరుగైన ప్రపంచం కోసం కృషి చేయాలని ఆకాంక్షించారు.

రాహుల్‌ గాంధీపై బీజేపీ విమర్శలు
నేహా బోరా వ్యాఖ్యలను ప్రస్తావిస్తూ, రాహుల్‌ గాంధీ, కాంగ్రెస్‌ వర్గాల లక్ష్యం భారత రాజ్యాంగాన్ని, ప్రజాస్వామ్యాన్ని దెబ్బతీయడమేనని భండారీ ఆరోపించారు. బంగ్లాదేశ్‌లో జరిగినట్లుగా భారత్‌లోనూ అధికార మార్పు తీసుకురావాలని వారు భావిస్తున్నారని విమర్శించారు. ప్రజాస్వామ్యాన్ని విశ్వసించే ప్రతి ఒక్కరూ రాహుల్‌ గాంధీని వ్యతిరేకించాలని పిలుపునిచ్చారు.

బంగ్లాదేశ్‌లో విద్యార్థుల నేతృత్వంలో జరిగిన నిరసనలు దేశవ్యాప్త ఆందోళనలకు దారితీయడంతో 2024 ఆగస్టు 5న అప్పటి ప్రధాని షేక్‌ హసీనా పదవి నుంచి వైదొలగాల్సి వచ్చింది. ఈ పరిణామాలను ప్రస్తుత భారత రాజకీయ నిరసనలతో పోల్చడమే తాజా వివాదానికి కేంద్రంగా మారింది.

ప్రతిపక్ష నిరసనల్లో నేహా బోరా
ఈ వారంలో నేహా బోరా.. జ్ఞానేశ్‌ కుమార్‌ రాజీనామా డిమాండ్‌తో సుప్రీంకోర్టు వైపు సాగిన ఇండియా కూటమి నేతల నిరసన ప్రదర్శనలో పాల్గొన్నారు. ఆందోళనలన్నీ ఒకే ఉద్యమంలో భాగమని రాహుల్‌ గాంధీ పేర్కొన్నారు. రాజ్యాంగాన్ని పరిరక్షించేందుకు ముందుకొచ్చే వారందరికీ తమ మద్దతు ఉంటుందని తెలిపారు. నేహా బోరా గతంలో పరీక్ష పత్రాల లీకేజీ ఆరోపణలపై జరిగిన నిరసనల్లోనూ పాల్గొన్నారు.

జంతర్‌ మంతర్‌ వద్ద ఆమె చేసిన ప్రసంగాలు సామాజిక మాధ్యమాల్లో విస్తృతంగా ప్రచారంలోకి వచ్చాయి. జ్ఞానేశ్‌ కుమార్‌ రాజీనామా కోరుతూ జరిగిన ఆందోళనల్లోనూ ఆమె పలుమార్లు పోలీసుల అదుపులోకి వెళ్లి విడుదలయ్యారు. నేహా బోరా వ్యాఖ్యలపై బీజేపీ చేసిన ఆరోపణలు అధికార, ప్రతిపక్షాల మధ్య రాజకీయ వివాదాన్ని మరింత తీవ్రం చేశాయి. అయితే, బోరా పేర్కొన్న ప్రజాస్వామ్య హక్కుల పరిరక్షణ అంశాలు, బీజేపీ ఆరోపించిన అధికార మార్పు లక్ష్యం రెండూ వేర్వేరు వాదనలుగా ఉండటంతో ఈ వివాదంపై ఇరు పక్షాల స్పందనలు రాజకీయ చర్చలో కీలకంగా మారనున్నాయి.

ఇదీ చదవండి: ఒక్కరి కోసం సొంత దేశ ప్రజలతోనే మోదీ, షా యుద్ధం: దీప్కే

న్యూఢిల్లీ: ప్రధాన ఎన్నికల కమిషనర్‌ జ్ఞానేశ్‌ కుమార్‌ను కాపాడేందుకు ప్రధాని నరేంద్ర మోదీ, కేంద్ర హోంమంత్రి అమిత్‌ షా తమ సొంత దేశ ప్రజలపైనే యుద్ధం చేస్తున్నారని కాక్రోచ్‌ జనతా పార్టీ (సీజేపీ) నాయకుడు అభిజీత్‌ దీప్కే ఆరోపించారు. జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తున్న నిరసనకారులు, ప్రతిపక్ష నాయకులపై ప్రభుత్వం చర్యలు తీసుకుంటోందని విమర్శించారు. నిరసనలను అడ్డుకునేందుకు ప్రభుత్వ యంత్రాంగాన్ని ఉపయోగిస్తున్నారని ఆరోపించారు.

న్యూఢిల్లీలో గురువారం నేహా బోరా, నటుడు ప్రకాశ్‌ రాజ్‌తో కలిసి దీప్కే మీడియా సమావేశంలో మాట్లాడారు. నిరసనల్లో పాల్గొంటున్న యువతను పోలీసులు రోడ్లపైకి ఈడ్చుకెళ్తున్నారని ఆవేదన వ్యక్తం చేశారు. ఒక్క జ్ఞానేశ్‌ కుమార్‌ను కాపాడటానికి ఇంతమంది యువతను ఎందుకు లక్ష్యంగా చేసుకుంటున్నారని ప్రశ్నించారు. ఈ సమావేశానికి ఒక రోజు ముందు సీజేపీ నాయకులు సౌరవ్‌ దాస్‌, ఆశుతోష్‌ రాంకాలను న్యాయస్థానం న్యాయ నిర్బంధానికి పంపడంతో వారిని తిహార్‌ జైలుకు తరలించారు.

ఓటర్ల జాబితా సవరణపై ప్రశ్నలు
ప్రత్యేక సమగ్ర ఓటర్ల జాబితా సవరణ (ఎస్‌ఐఆర్‌) ప్రక్రియపైనా దీప్కే సందేహాలు వ్యక్తం చేశారు. 2024 లోక్‌సభ ఎన్నికల్లో ఎన్డీయే, ఇండియా కూటమి మధ్య ఓట్ల తేడా సుమారు 2 శాతమేనని పేర్కొంటూ, ఎన్నికల్లో జ్ఞానేశ్‌ కుమార్‌ బీజేపీకి సహకరిస్తున్నారనే అనుమానం ఎందుకు రాకూడదని ప్రశ్నించారు. ఎస్‌ఐఆర్‌ ప్రక్రియలో 13 కోట్ల మంది ఓటర్ల పేర్లను తొలగించారని ఆయన ఆరోపించారు. ఈ ప్రక్రియలో కొందరిని చనిపోయినవారిగా గుర్తించినట్లు ప్రకటించారని, అటువంటి వ్యక్తులను తాను కలిశానని చెప్పారు. అయితే, ముసాయిదా జాబితాలో తొలగింపునకు గుర్తించిన పేర్లకు, తుది జాబితా నుంచి నిజంగా తొలగించిన పేర్లకు మధ్య తేడా ఉంటుందని ఈ వ్యవహారంలో గమనించాల్సి ఉంది.

ప్రతిపక్ష నేతల నిర్బంధంపై విమర్శలు
మమతా బెనర్జీ, అరవింద్‌ కేజ్రీవాల్‌, కేరళ ముఖ్యమంత్రి పినరయి విజయన్‌ సహా ప్రతిపక్ష నాయకులను నిర్బంధించడాన్ని దీప్కే ప్రస్తావించారు. నిరసనలను నియంత్రించేందుకు రైలు సేవలను రద్దు చేశారని, నక్సల్స్‌ ప్రభావిత ప్రాంతాల నుంచి భద్రతా బలగాలను ఢిల్లీకి తీసుకొచ్చారని ఆరోపించారు. కేంద్ర ప్రభుత్వం ప్రతిపాదించిన ‘ఒకే దేశం.. ఒకే ఎన్నిక’ నినాదాన్ని కూడా ఆయన విమర్శించారు. ప్రభుత్వ అసలు లక్ష్యం ‘ఒకే దేశం.. ఒకే పార్టీ’ అని ఆరోపించారు. ప్రధాని మోదీ అత్యవసర పరిస్థితిని ప్రకటించాలని సవాల్‌ చేస్తూ, అంతర్జాతీయ సమాజం దానిని ఎలా చూస్తుందనే ఆందోళన ఆయనకు ఉందా అని ప్రశ్నించారు.

సీజేపీ నాయకులపై కేసులు
మంగళవారం పోలీసుల బారికేడ్లను దాటి జంతర్‌ మంతర్‌లోకి ప్రవేశించి, జ్ఞానేశ్‌ కుమార్‌ రాజీనామా కోరుతూ నినాదాలు చేసినందుకు సౌరవ్‌ దాస్‌, ఆశుతోష్‌ రాంకా, అజింక్య షిండేలను పోలీసులు అదుపులోకి తీసుకున్నారు. ప్రభుత్వ అధికారి విధులకు ఆటంకం కలిగించడం సహా పలు అభియోగాలు నమోదు చేశారు. దాస్‌, రాంకాలను న్యాయ నిర్బంధానికి పంపగా, షిండే వ్యక్తిగత పూచీకత్తుపై విడుదలైనట్లు సీజేపీ న్యాయ బృందం అధిపతి రత్నా సింగ్‌ ఎక్స్‌లో తెలిపారు. జ్ఞానేశ్‌ కుమార్‌ రాజీనామా డిమాండ్‌తో నిరసనలు కొనసాగుతున్న నేపథ్యంలో, ప్రభుత్వ చర్యలు, ఎన్నికల సంఘం పనితీరుపై సీజేపీ విమర్శలు మరింత తీవ్రం కావడం రాజకీయంగా ప్రాధాన్యం సంతరించుకుంది.

ఇదీ చదవండి: రాహుల్ తీరుపై చీఫ్ జస్టిస్ ఆగ్రహం.. వివరణ కోరుతూ నోటీసులు

రాజస్థాన్‌లోని చురూ జిల్లా, సర్దార్‌షహర్‌లో  విషాదం చోటు చేసుకుంది.  జిమ్‌లోని ట్రెడ్‌మిల్‌పై పరుగెడుతుండగా ప్రిన్సిపాల్ బీర్బల్‌ రామ్ మేఘ్వాల్‌ (49) కుప్పకూలిపోయారు. ఆస్పల్సర్‌లోని సీనియర్ సెకండరీ పాఠశాలకు ప్రధానోపాధ్యాయుడిగా పనిచేస్తున్న బీర్బల్‌ గుండెపోటు కారణంగా మరణించినట్టు ప్రాథమికంగా అంచనా వేస్తున్నారు. ఆయన అకాల మరణం ఇటు కుటుంబ సభ్యులతో పాటు, ఇటు విద్యార్థులు తోటి విద్యార్థులు  కూడా విషాదంలో మునిగిపోయారు. ఈ ఘటనకుసంబంధించిన సీసీటీవీ ఫుటేజ్ సోషల్ మీడియా వైరల్‌ కావడంతో  యూజర్లలో దిగ్భ్రాంతి, భయాందోళనలు నెలకొన్నాయి.

మంగళవారం సాయంత్రం 6 గంటలకు తన చిన్న కూతురు కవితతో కలిసి జిమ్‌కు వెళ్లారు. సాయంత్రం 7 గంటల సమయంలో ట్రెడ్‌మిల్ మీద పరిగెడుతుండగా ఒక్కసారిగా కిందపడి స్పృహ కోల్పోయారు.  జిమ్ నిర్వాహకుడు వెంటనే స్పందించి సుమారు రెండు నిమిషాల పాటు సీపీఆర్ చేశారు. పరిస్థితిలో మార్పు రాకపోవడంతో సమీపంలోని ప్రైవేట్ ఆసుపత్రికి తరలించారు. కానీ అప్పటికే ప్రాణం పోయినట్టు  వైద్యులు ధ్రువీకరించారు. కుటుంబ సభ్యుల సమక్షంలో పోస్టుమార్టం నిర్వహించి మృతదేహాన్ని వారికి అప్పగించారు.

Rajasthan: A 49-year-old government school principal d!ed after suddenly collapsing while running on a treadmill at a gym in Sardarshahar, Churu district. CCTV footage of the incident has surfaced. https://t.co/Ytl6y2DSOT

— Deadly Kalesh (@Deadlykalesh) October 14, 2026

ఇదీ చదవండి: జర్మనీలో అగ్నిప్రమాదం : ముగ్గురు భారతీయులు సజీవ దహనం

బీర్బల్‌  గత 20 సంవత్సరాలుగా ఉపాధ్యాయ వృత్తిలో సేవలందిస్తున్నారు. 2006లో లెక్చరర్‌గా తన ప్రయాణాన్ని ప్రారంభించి, 2018లో ప్రిన్సిపాల్‌గా పదోన్నతి పొందారు. ఆయనకు భార్య, ఇద్దరు కుమార్తెలు (రితిక, కవిత) ఉన్నారు.
 

శబరిమల భక్తుల నుంచి తీసుకునే యాత్రికుల సహాయ నిధి విరాళాన్ని రూ.5 నుంచి రూ.10కి పెంచాలని ట్రావెన్‌కోర్ దేవస్వం బోర్డు (టీడీబీ) నిర్ణయించింది. ప్రస్తుతం, వర్చువల్ క్యూ సిస్టమ్ ద్వారా దర్శన స్లాట్లను బుక్ చేసుకునేటప్పుడు భక్తుల నుంచి యాత్రికుల సహాయ నిధికి రూ.5 విరాళంగా సేకరిస్తున్నారు. ప్రతిపాదిత పెంపునకు అధికారిక ఆమోదం కోరేందుకు బోర్డు కేరళ హైకోర్టును ఆశ్రయించాలని యోచిస్తోంది. కోర్టు నుంచి అవసరమైన అనుమతి పొందిన తర్వాతే రూ.10 సవరించిన విరాళం అమల్లోకి వస్తుంది.

దేవస్థానం బోర్డు ప్రకారం పంపాలోని యాత్రికులకు ఉచిత మరుగుదొడ్ల సౌకర్యాలను అందించడానికి నిధులను సమకూర్చడమే ఈ ప్రతిపాదిత పెంపు లక్ష్యం. ఇది అమలులోకి వచ్చిన తర్వాత, భక్తులు అదనపు రుసుములు చెల్లించకుండా పంపాలోని మరుగుదొడ్ల సౌకర్యాలను ఉపయోగించుకోవచ్చు. ఈ పెంపుదల యాత్రికుల నుంచి ఫిర్యాదులకు దారితీయవచ్చని బోర్డు సమావేశంలో ఆందోళనలు వ్యక్తమయ్యాయి. అయితే, ఈ నిర్ణయం పంపాలోని సౌకర్యాలను మెరుగుపరచడం ద్వారా అంతిమంగా భక్తులకు ప్రయోజనం చేకూరుస్తుందని దేవస్థానం బోర్డు అధ్యక్షుడు కె.జయకుమార్ స్పష్టం చేశారు.

వర్చువల్ క్యూ విధానం యాత్రికులకు ఆన్‌లైన్‌లో ముందుగానే దర్శన స్లాట్లను బుక్ చేసుకోవడానికి వీలు కల్పిస్తుంది. శబరిమలలో రద్దీ కదలికలను నియంత్రించడంలో సహాయపడుతుంది. శబరిమలలో అయ్యప్ప భక్తులందరికీ వర్చువల్ క్యూ బుకింగ్ సౌకర్యం పూర్తిగా ఉచితం. శబరిమల యాత్రికుల సహాయ నిధికి విరాళం ఇవ్వాలనుకునే యాత్రికులు వర్చువల్ క్యూ విధానం ద్వారా తమ దర్శన స్లాట్లను బుక్ చేసుకునేటప్పుడు స్వచ్ఛందంగా విరాళం ఇవ్వవచ్చు. ఈ విరాళం తప్పనిసరి కాదు, భక్తులు ఎలాంటి చెల్లింపు చేయకుండానే తమ దర్శన స్లాట్లను బుక్ చేసుకోవచ్చు.

తమిళనాడు: నాలుగేళ్లుగా ప్రేమించుకున్న ఓ జంట పెద్దల అంగీకారంతో పెళ్లి చేసుకుంది. అయితే పెళ్లైన రోజే వారి మధ్య గొడవ జరగడంతో చివరకు విడిపోవాల్సి వచ్చింది. ఉదయం పెళ్లి చేసుకున్న ఈ జంట.. సాయంత్రానికే విడిపోయిన ఘటన స్థానికంగా చర్చనీయాంశంగా మారింది.

కేరళలోని పరశాలైకు చెందిన 26 ఏళ్ల యువతి తిరువనంతపురంలోని ఓ ప్రైవేట్ ఆస్పత్రిలో ఫార్మాసిస్ట్‌గా పనిచేస్తోంది. తమిళనాడులోని కన్యాకుమారి జిల్లా కుళచ్చల్‌కు చెందిన రూబెన్ (31) సైనికుడిగా పనిచేస్తున్నాడు. వీరిద్దరికీ ఫేస్‌బుక్ ద్వారా పరిచయం ఏర్పడగా.. కొద్దిరోజుల్లోనే అది ప్రేమగా మారింది. అలా నాలుగేళ్లుగా ప్రేమించుకున్న వీరు పెళ్లి చేసుకొని కొత్త జీవితాన్ని ప్రారంభించాలని నిర్ణయించుకున్నారు. తొలుత యువతి కుటుంబ సభ్యులు వీరి ప్రేమ వివాహానికి అంగీకరించకపోయినా.. ఆ తర్వాత ఒప్పుకున్నారు.

ఈ క్రమంలో గత సోమవారం ఇద్దరికీ వివాహం జరిపించారు. పెళ్లి అనంతరం అదే రోజు సాయంత్రం వివాహ రిసెప్షన్‌ను ఏర్పాటు చేశారు. పెళ్లి ఆనందంలో రూబెన్ మద్యం సేవించి వధువు తండ్రి ఎదుట తూలుతూ కనిపించాడు. దీంతో ఆయన రూబెన్‌ను ప్రశ్నించడంతో ఇద్దరి మధ్య వాగ్వాదం జరిగింది. గొడవను ఆపేందుకు భార్య ప్రయత్నించగా.. రూబెన్ ఆమెపై చేయి చేసుకున్నాడు. అంతేకాకుండా ఆమె తండ్రిపైనా దాడి చేశాడు.

అనంతరం రూబెన్ అక్కడి నుంచి వెళ్లిపోవడంతో బాధితురాలు, ఆమె తండ్రి పోలీస్ స్టేషన్‌లో ఫిర్యాదు చేశారు. పెళ్లైన రోజే భర్త ప్రవర్తనతో విసిగిపోయిన యువతి చివరకు అతడితో విడిపోవాలని నిర్ణయించుకుంది. తండ్రితో కలిసి తన పుట్టింటికి వెళ్లిపోయింది. నాలుగేళ్ల ప్రేమ.. పెద్దల అంగీకారంతో జరిగిన పెళ్లి.. చివరకు ఒక్కరోజులోనే విడిపోవడంతో ఈ ఘటన చర్చనీయాంశంగా మారింది.

ఇదీ చదవండి: ఆరు నెలల్లో నేనే కమిషనర్‌గా వస్తా..

న్యూఢిల్లీ : ఓటర్ల జాబితాల ప్రత్యేక సమగ్ర సవరణ (సర్‌)కు సంబంధించి కేంద్ర ఎన్నికల సంఘం తీసుకున్న నిర్ణయాలను సవాలు చేస్తూ విపక్ష నేతలు దాఖలు చేసిన పిటిషన్లను సుప్రీంకోర్టు గురువారం విచారించింది. అయితే, ఈ పిటిషన్ల నేపథ్యంలో అక్టోబర్ 12న ‘ఇండియా’ కూటమితో కలిసి సుప్రీంకోర్టు వరకు రాహుల్ గాంధీ నిర్వహించిన నిరసన ర్యాలీ, కోర్టు ఆవరణలో జరిగిన ఆందోళనలపై భారత ప్రధాన న్యాయమూర్తి జస్టిస్ సూర్యకాంత్ ధర్మాసనం తీవ్ర అసంతృప్తి వ్యక్తం చేసింది. రాజకీయ కారణాలతో కోర్టు వద్ద చేపట్టిన ఈ ఆందోళనపై వివరణ ఇవ్వాల్సిందిగా లోక్‌సభ ప్రతిపక్ష నేత రాహుల్ గాంధీకి సర్వోన్నత న్యాయస్థానం నోటీసులు జారీ చేసింది. 

విచారణ సందర్భంగా సొలిసిటర్ జనరల్ తుషార్ మెహతా, సీనియర్ న్యాయవాది గౌరవ్ భాటియా ఈ నిరసన తీరును తీవ్రంగా ఆక్షేపించారు. కోర్టు పరిధిలో ఉన్న అంశంపై బయట రాజకీయ ఊరేగింపులు, ర్యాలీలు నిర్వహించడం ఏమాత్రం ఆమోదయోగ్యం కాదని, కోర్టుపై ఒత్తిడి తెచ్చేందుకే ఇదంతా చేశారని వారు కోర్టు దృష్టికి తెచ్చారు. దీనిపై ప్రధాన న్యాయమూర్తి స్పందిస్తూ, ‘న్యాయవ్యవస్థను ఎవరూ బెదిరించలేరు’ అని తేల్చిచెప్పారు. కోర్టును ప్రభావితం చేసేందుకు జరిగే ఇలాంటి బలహీనమైన ప్రయత్నాలను ఎవరూ పట్టించుకోరని, తాము ప్రపంచానికి దూరంగా ఏకాంతంలో కూర్చోలేదని, చుట్టూ ఏం జరుగుతుందో తమకు పూర్తి అవగాహన ఉందని ఆయన ఘాటుగా వ్యాఖ్యానించారు.

ఇదే క్రమంలో అక్టోబర్ 12న సుప్రీంకోర్టు ప్రాంగణంలో జరిగిన నిరసనకు సంబంధించిన పూర్తి సీసీటీవీ రికార్డింగులను భద్రపరచాలని న్యాయస్థానం ఆదేశించింది. ఎన్నికల సంఘం నిర్ణయాలపై దాఖలైన పిటిషన్లకు సంబంధించి కోర్టు నోటీసులు జారీ చేసినప్పటికీ, ఆ నిర్ణయం రాజకీయ నేతల తీరును సమర్థించినట్లు లేదా వారి ప్రవర్తనను క్షమించినట్లు కాదని ధర్మాసనం స్పష్టం చేసింది. ఈ వ్యవహారంలో సంబంధిత పక్షాల స్పందన కోరుతూ తదుపరి విచారణను వాయిదా వేసింది.

తాకట్టు వద్దు.. అమ్మేయండి.. మోదీ చెప్పింది నిజమేనా?

స్థానిక ఎన్నికల అభ్యర్థుల రిజర్వేషన్ల అవకతవకలపై పేర్ని నాని స్ట్రాంగ్ రియాక్షన్

JIO ఆవిర్భావంపై ఇషా అంబానీ కామెంట్స్ వైరల్

24 క్రిమినల్ కేసులు బాబుపై రౌడీషీట్ పెట్టాలి

బూత్‌లలో సీసీ కెమెరాలు ఎందుకు లేవు? రిగ్గింగ్ కోసమేనా ఈ ప్లాన్?

మోదీ, అమిత్ షాకు CJP అభిజీత్ స్టాంగ్ వార్నింగ్

పవన్ కళ్యాణ్ చెప్పినా వినకండి ఈ ఎన్నికల్లో మంచివాళ్లను గెలిపించండి

నాతో కాలు దువ్వితే... JC బెదిరింపులకు కేతిరెడ్డి వార్నింగ్

మేయర్ మేమే.. కూటమిలో కుర్చీలాట

నాగబాబు వల్ల జనసేన నాశనం... రాజీనామా తరువాత గూడూరు వెంకటేశ్వర రావు సంచలన కామెంట్స్

హృతిక్ రోషన్ ఎంట్రీ... పేపర్లు లేక... డబ్బులు చించి విసిరేశా...

భారీ లాభాల్లో బ్యాంకింగ్, ఐటీ షేర్లు

పాకిస్తాన్ లో  ఘోర విషాదం.. స్కూల్ పైకప్పు కూలి 18 మంది మృతి

రాహుల్ గాంధీ తీరుపై సుప్రీంకోర్టు సీరియస్

పెద్దాపురంలో టీడీపీ కార్యకర్త హుల్ చల్, కన్నీళ్లు పెట్టుకున్న సూరిబాబు రాజు

ఇంతన్నాడు అంతన్నాడు 10% ముష్టికి బానిసయ్యాడు

భారతరత్న అబ్దుల్ కలాం జయంతి.. వైఎస్ జగన్ భావోద్వేగ సందేశం..

భారత రాష్ట్రపతిని ఘోరంగా అవమానించిన చంద్రబాబు

గంభీర్ సీరియస్.. విండీస్ కెప్టెన్ విధ్వంసం షాకైన టీం ఇండియా

Jailer2 Review హిట్టా..? ఫ‌ట్టా..?

నీటి బాటిల్‌పై కేవలం రూ. 2లు అదనంగా వసూలు చేయడంతో ఉత్తరప్రదేశ్‌లోని హత్రాస్‌లో ఒక రెస్టారెంట్‌ భారీ మూల్యాన్ని చెల్లించుకుంది. ఈ కేసు వినియోగదారుల హక్కుల ప్రాముఖ్యత తోపాటు, వ్యాపార సంస్థలకు గట్టి సందేశం ఇచ్చినట్లయ్యింది. 

అసలేం జరిగిందంటే..ఈ ఘటన ఉత్తరప్రదేశ్‌లో హత్రాస్‌లో మార్చి 11, 2026న జరిగింది. అలీగఢ్‌కు చెందిన అంకుర్ అగర్వాల్ అనే వ్యక్తి భోజనం కోసం హత్రాస్‌లోని 'బీబీసీఎన్ రాయల్ రెస్టారెంట్ అండ్ పార్టీ హాల్' (BBCN Royal Restaurant and Party Hall)కు వెళ్లారు. అక్కడ ఆయన ఒక నీళ్ల బాటిల్‌ను ఆర్డర్ చేశారు. ఆ బాటిల్‌పై ముద్రించిన గరిష్ట విక్రయ ధర (MRP) రూ. 18 కాగా, రెస్టారెంట్ యాజమాన్యం ఆయన నుంచి రూ. 20 వసూలు చేసింది. 

కేవలం రూ. 2 తేడానే అయినప్పటికీ, అంకుర్ అగర్వాల్ ఆ రెస్టారెంట్‌పై చట్టపరమైన చర్యలు తీసుకోవాలని నిర్ణయించుకున్నారు. ఆ నేపథ్యంలోనే అగర్వాల్ అలీగఢ్‌లోని జిల్లా వినియోగదారుల కమిషన్‌లో ఫిర్యాదు చేశారు. విచారణ సమయంలో, ఆయన రెస్టారెంట్ బిల్లును, నీళ్ల బాటిల్ ఫోటోను సాక్ష్యంగా సమర్పించారు. ఆ బిల్లులో, బాటిల్ ధర (ఎంఆర్‌పి) రూ. 18 అని ముద్రించి ఉన్నప్పటికీ, రెస్టారెంట్ దాని కోసం రూ. 20లు వసూలు చేసినట్లు స్పష్టంగా కనిపించింది.

రెస్టారెంట్ యాజమాన్యానికి తమ వాదనను వినిపించే అవకాశం కల్పించినప్పటికీ, వారి తరఫున ఎవరూ హాజరు కాలేదు. దీంతో, కమిషన్ ఫిర్యాదుదారుడు సమర్పించిన సాక్ష్యాధారాలను ఆధారం చేసుకుని రెస్టారెంట్ వాదన వినకుండానే తన తీర్పును వెలువరించింది. వినియోగదారుల కమిషన్ సదరు రెస్టారెంట్‌కి రూ. లక్ష జరిమానా విధించడం తోపాటు ఫిర్యాదుదారునికి పరిహారంగా రూ. 1000/- ఆయనకు న్యాయపరమైన ఖర్చుల కింద రూ. 5వేలు చెల్లించాలని ఆదేశించింది. అలాగే ఈ ఆదేశాన్ని పాటించడానికి రెస్టారెంట్‌కు 45 రోజుల గడువు కూడా ఇచ్చింది. ఒకవేళ అలా చేయడంలో విఫలమైతే తదుపరి చట్టపరమైన చర్యలు తీసుకోనున్నట్లు పేర్కొంది. 

కేవలం రూ. 2లు అదనంగా వసూలు చేసినందుకు లక్ష రూపాయాలు మూల్యం చెల్లించుకోవడంతో ఈ కేసు అందరి దృష్టిని ఆకర్షించింది. అంతేగాదు వినియోగదారుల హక్కులను ఉయోగించుకునే ప్రాముఖ్యతను చాటిచెప్పడమే కాకుండా వ్యాపార సంస్థలకు ఆచితూచి అడుగువేసేలా బలమైన సందేశాన్ని ఇచ్చింది కూడా. 

ముఖ్యంగా ఎంఆర్‌పి కంటే ఎక్కువ వసూలు చేయవద్దని వ్యాపార సంస్థలకు గట్టి హెచ్చరికగా నిలిచింది ఈ కేసు. అలాగే ఈ కేసు ప్రజలు తమ వద్ద అధిక ధర వసూలు చేశారని భావిస్తే, సంబంధిత అధికారులను సంప్రదించవచ్చని నొక్కి చెప్పింది. చూడటానికి చిన్న కేసు కానీ అందరికీ కనువిప్పు కలిగించేలా గట్టి సందేశం అందించింది కదూ..!.

ఇదీ చదవండి: ఒకప్పుడు 20 రోటీలు, 20 ఆమ్లెట్లు..కానీ సడెన్‌గా ఓమాడ్‌ డైట్‌!: యోగ్‌రాజ్‌ సింగ్‌

భారత మాజీ స్టార్‌ క్రికెటర్‌ యువరాజ్‌ సింగ్‌ తండ్రి యోగ్‌రాజ్‌ సింగ్‌ సంచలన వ్యాఖ్యలు చేస్తూ వార్తల్లో నిలుస్తూ ఉంటారు. ఇప్పుడు తన ఆహారపు అలవాట్ల కారణంగా మరోసారి వార్తల్లో నిలిచారు. 68 ఏళ్ల వయసులో ఇంత చురుగ్గా ఉండటానికి తాను పాటించే ఆహారపు అలవాట్లే అంటూ పలు ఆసక్తికరమైన విషయాలు వెల్లడించారు. ఒకప్పుడు అధికంగా తినేవాడినని, ఇప్పుడు ఒక్కపూట భోజనానికి పరిమితమైనట్లు చెప్పుకొచ్చారు. ఇలా ఆకస్మికంగా మార్పులు చేసుకోవడం ఎంత వరకు మంచిది?, ఓమాడ్‌ డైట్‌ నిజంగా బరువు తగ్గడానికి చాలా మంచిదా? దీని గురించి నిపుణులు ఏమంటున్నారు..

రిటైర్డ్‌ క్రికెటర్‌ 68 ఏళ్ల యోగ్‌రాజ్‌ ఒకప్పుడు తాను తెగ తినేవాడినని, తన ఆహారపు అలవాట్లు చూసి తండ్రి సైతం ఫైర్‌ అయ్యేవారని చెప్పుకొచ్చారు. ఏకంగా 20 రోటీలు, 20 ఆమ్లేట్లు తినేవాడినని, మళ్లీ కాసేపటికి ఆకలి అంటూ ఏదైనా పెట్టమని కోరడంతో తన తండ్రి వీడిని డాక్టర్‌ దగ్గరికి తీసుకుపోండి..ఎంత తింటున్నాడో తెలియకుండా స్వాహా చేసేస్తున్నాడని మండిపడేవారని చెప్పుకొచ్చాడు. 

అంతలా బాగా తినేవాడినని, అయినప్పటికీ..వ్యాయామం, వర్కౌట్లు, గుర్రపు స్వారీ అన్ని చేసేవాడినని చెప్పుకొచ్చారు. పైగా తనలా శుభ్రంగా తింటూ అన్నింటిని ఆస్వాదించడం కూడా ఓ అదృష్టం అని తెగ ఫీలయ్యేవాడినని చెప్పుకొచ్చారు. అయితే క్రమంగా పరిస్థితులు మారాయని చెప్పారు. వయసు రీత్యా జీవక్రియ నెమ్మదించడంతో ఆహారపు అలవాట్లు కూడా మార్చుకోవాలని అర్థమైందన్నారు. 

ప్రస్తుతం తాను ఓమాడ్‌ డైట్‌ పాటిస్తున్నట్లు తెలిపారు. ఇప్పుడు రోజుకి ఒక్కపూటే తింటానని..అంటే 24 గంటలకొకసారి తింటానని చెప్పారు. వయసు పెరిగే కొద్దీ ఆహారం తగ్గించుకుంటూనే ఆరోగ్యం అని అర్థమైందన్నారు. ఎంత ఉపవాసం ఉంటే అంత ఆరోగ్యంగా ఉంటారని చెబుతున్నాడు యోగ్‌రాజ్‌

నిపుణులు ఏం చెబుతున్నారంటే..
రోజుకు ఒక భోజనం లేదా ఓమాడ్‌ డైట్‌ అనేది అందరికీ వర్తించదని అన్నారు. ఒక్క భోజనంలో తీసుకునే పోషకాల సమృద్ధి రీత్యా.. సరిపడుతుందే తప్ప..మాములుగా అది అంత సరైనది కాదన్నారు. కేలరీలు లోటు పరంగా మంచిదే అయినా..ఒక్క మీల్ ప్లేట్‌లో శరీరానికి సరిపడా పోషకాలు తప్పనిసరి అని గుర్తురెగలని అన్నారు. 

దీర్ఘకాలిక ఆరోగ్య సమస్యలు ఉన్నవారు వైద్యులను సంప్రదించి అనుసరించడం ఉత్తమం అన్నారు. ప్రతి ఒక్కరికి తగిన భోజనం, వేళకు నిద్ర అనేది అత్యంత ముఖ్యం అని నొక్కి చెప్పారు. రోజు రెండు లేదా మూడు పూటలా నిరంభ్యంతరంగా తినొచ్చని కేలరీల లోటుని పాటిస్తూ సమతుల్యంగా తీసుకుంటే బరువు అదుపులో ఉండటమే గాక హెల్దీగా కూడా ఉంటామని చెబుతున్నారు ఆరోగ్య నిపుణులు.

ఇదీ చదవండి: ఇది కదా మహిళా శక్తి! 350 మంది మహిళల వీర గర్బా..వీడియో వైరల్‌