తమ కీలక బ్యాటర్లు బాబర్‌ ఆజం (Babar Azam), మహ్మద్‌ రిజ్వాన్‌లకు పాకిస్తాన్‌ క్రికెట్‌ బోర్డు (PCB) షాకిచ్చింది. బంగ్లాదేశ్‌తో టీ20 సిరీస్‌కు ఎంపిక చేసిన జట్టులో వీరిద్దరికి మరోసారి మొండిచేయి చూపింది. సల్మాన్‌ ఆఘా (Salman Ali Agha)ను కెప్టెన్‌గా కొనసాగించిన సెలక్టర్లు.. షాదాబ్‌ ఖాన్‌ను అతడికి డిప్యూటీగా నియమించారు.కాగా టీ20 ప్రపంచకప్‌-2024లో పాకిస్తాన్‌ దారుణంగా విఫలమైన విషయం తెలిసిందే. ఈ మెగా టోర్నీలో బాబర్‌తో పాటు రిజ్వాన్‌ కూడా తేలిపోయాడు. ఈ ఐసీసీ ఈవెంట్‌ తర్వాత ఆస్ట్రేలియా, సౌతాఫ్రికా, న్యూజిలాండ్‌లతో పొటి​ ఫార్మాట్‌ సిరీస్‌లలో కూడా పాక్‌ జట్టు నిరాశపరిచింది.షాహిన్‌ ఆఫ్రిదికి కూడా షాక్‌ఇక న్యూజిలాండ్‌ టూర్‌కు బాబర్‌, రిజ్వాన్‌లను ఎంపిక చేయని పీసీబీ... సల్మాన్‌ ఆఘాకు పగ్గాలు అప్పగించిన విషయం తెలిసిందే. అయితే, అతడి సారథ్యంలో పాక్‌ కివీస్‌ చేతిలో 4-1తో చిత్తుగా ఓడింది. దీంతో సీనియర్లను తిరిగి పిలిపిస్తారని విశ్లేషకులు భావించారు. కానీ సెలక్టర్లు బాబర్‌ ఆజం, రిజ్వాన్‌ల ఆశలపై నీళ్లు చల్లారు. వీరితో పాటు పేసర్‌ షాహిన్‌ ఆఫ్రిదికి కూడా షాకిచ్చారు.బంగ్లాదేశ్‌తో స్వదేశంలో జరుగబోయే మూడు మ్యాచ్‌ల టీ20 సిరీస్‌కు పీసీబీ తాజాగా జట్టును ప్రకటించింది. పదహారు మంది సభ్యులతో కూడిన ఈ జట్టులో ఫఖర్‌ జమాన్‌, హ్యారిస్‌ రవూఫ్‌, నసీం షా వంటి వాళ్లకు చోటు దక్కింది. ఇక సిరీస్‌తో మైక్‌ హెసన్‌ పాకిస్తాన్‌ కొత్త కోచ్‌గా తన ప్రయాణం మొదలుపెట్టనున్నాడు.వరల్డ్‌కప్‌లోనూ ఆడించరా? కాగా 2026లో జరిగే టీ20 ప్రపంచకప్‌ టోర్నీ సన్నాహకాల్లో భాగంగానే బంగ్లాదేశ్‌తో పాక్‌ ఈ సిరీస్‌ ఆడుతోంది. అంటే.. బాబర్‌ ఆజం, రిజ్వాన్‌, షాహిన్‌ ఆఫ్రిదిలను పక్కనపెట్టడం ద్వారా.. ఈ మెగా టోర్నీకి కూడా వారి పేర్లను పరిగణనలోకి తీసుకోవడం లేదనే సంకేతాలు ఇచ్చింది. ఇక బంగ్లాదేశ్‌తో సిరీస్‌కు పాకిస్తాన్‌ సూపర్‌ లీగ్‌ -2025 ప్రదర్శన ఆధారంగానే జట్టును ఎంపిక చేసినట్లు పీసీబీ చెప్పడం గమనార్హం. కాగా బంగ్లాదేశ్‌తో పాక్‌ ఆడబోయే మూడు టీ20 మ్యాచ్‌లకు లాహోర్‌లోని గడాఫీ స్టేడియం వేదిక.ఇక వన్డేల్లో మాత్రం మహ్మద్‌ రిజ్వాన్‌ను పీసీబీ కెప్టెన్‌గా కొనసాగిస్తోంది. అతడి సారథ్యంలో ఇటీవల ఐసీసీ చాంపియన్స్‌ ట్రోఫీ-2025లో పాకిస్తాన్‌ దారుణంగా విఫలమైంది. గ్రూప్‌ దశలో భారత్‌, న్యూజిలాండ్‌ చేతిలో ఓడిన రిజ్వాన్‌ బృందం.. ఆఖరిగా బంగ్లాదేశ్‌తో మ్యాచ్‌ వర్షం వల్ల రద్దు కావడంతో గెలుపన్నదే లేకుండా టోర్నీ నుంచి నిష్క్రమించింది. ఈ ఐసీసీ టైటిల్‌ను రోహిత్‌ శర్మ కెప్టెన్సీలో టీమిండియా గెలుచుకున్న విషయం తెలిసిందే.బంగ్లాదేశ్‌తో టీ20 సిరీస్‌కు పాకిస్తాన్‌ జట్టుసల్మాన్ అలీ అఘా (కెప్టెన్), షాదాబ్ ఖాన్ (వైస్ కెప్టెన్), అబ్రార్ అహ్మద్, ఫహీమ్ అష్రఫ్, ఫఖర్ జమాన్, హ్యారీస్‌ రవూఫ్, హసన్ అలీ, హసన్ నవాజ్, హుస్సేన్ తలాత్, ఖుష్దిల్ షా, మహ్మద్ హరీస్ (వికెట్ కీపర్), మహ్మద్‌ వసీం జూనియర్‌, ముహ్మద్‌ ఇర్ఫాన్‌ ఖాన్‌, నసీం షా, సాహిబ్‌జాదా ఫర్హాన్‌ (వికెట్‌ కీపర్‌), సయీమ్‌ ఆయుబ్‌.చదవండి: ధోని పాదాలకు నమస్కరించిన వైభవ్‌.. సీఎస్‌కే కెప్టెన్‌ రియాక్షన్‌ వైరల్‌

పాకిస్తాన్‌ స్టార్‌ బ్యాటర్‌, మాజీ కెప్టెన్‌ బాబర్‌ ఆజం (Babar Azam) టీ20 ఫార్మాట్లో తన అత్యుత్తమ జట్టును ప్రకటించాడు. తన వరల్డ్‌ ఎలెవన్‌లో తనతో పాటు టీమిండియా దిగ్గజ బ్యాటర్‌ విరాట్‌ కోహ్లి (Virat Kohli), ప్రధాన పేసర్‌ జస్‌ప్రీత్‌ బుమ్రా (Jasprit Bumrah)లకు మాత్రం బాబర్‌ చోటివ్వలేదు.టీమిండియా నుంచి ఆ ఇద్దరుఅయితే, భారత్‌ నుంచి మరో ఇద్దరు ఆటగాళ్లను మాత్రం బాబర్‌ ఆజం తన జట్టుకు ఎంపిక చేసుకున్నాడు. అంతర్జాతీయ పొట్టి ఫార్మాట్‌లో​ దుమ్మురేపిన రోహిత్‌ శర్మతో పాటు.. టీమిండియా టీ20 జట్టు ప్రస్తుత కెప్టెన్‌ సూర్యకుమార్‌ యాదవ్‌లకు చోటిచ్చాడు. కాగా ఇంటర్నేషనల్‌ టీ20 క్రికెట్‌లో రోహిత్‌ శర్మ అత్యధిక పరుగుల వీరుడిగా ఉన్నాడు.హిట్‌మ్యాన్‌ ఖాతాలో 4231 పరుగులు ఉన్నాయి. ఈ నేపథ్యంలో పవర్‌ హిట్టర్‌గా పేరొందిన రోహిత్‌ను బాబర్‌ ఆజం తన జట్టులో ఓపెనర్‌గా ఎంపిక చేసుకున్నాడు. అతడికి జోడీగా పాకిస్తాన్‌ కెప్టెన్‌ మహ్మద్‌ రిజ్వాన్‌కు స్థానం ఇచ్చాడు.ఇక వన్‌డౌన్‌లో పాక్‌కే చెందిన ఫఖర్‌ జమాన్‌ను సెలక్ట్‌ చేసుకున్న బాబర్‌.. మిడిలార్డర్‌లో ధనాధన్‌ దంచికొట్టే సూర్యకుమార్‌ యాదవ్‌ను నాలుగో నంబర్‌ బ్యాటర్‌గా ఎంచుకున్నాడు. అదే విధంగా ఇంగ్లండ్‌ విధ్వంసకర వీరుడు జోస్‌ బట్లర్‌, సౌతాఫ్రికా హార్డ్‌ హిట్టర్‌ డేవిడ్‌ మిల్లర్‌లను ఐదు, ఆరు స్థానాలకు ఎంపిక చేసుకున్నాడు.ఏకైక స్పిన్నర్‌ ఏడో స్థానంలో సౌతాఫ్రికా పేస్‌ బౌలింగ్‌ ఆల్‌రౌండర్‌ మార్కో యాన్సెన్‌కు చోటు ఇచ్చిన బాబర్‌ ఆజం.. ఎనిమిదో స్థానానికి అఫ్గనిస్తాన్‌ మేటి స్పిన్నర్‌ రషీద్‌ ఖాన్‌ను ఎంచుకున్నాడు. ఇక పేస్‌ దళంలో ఆస్ట్రేలియా కెప్టెన్‌ ప్యాట్‌ కమిన్స్‌తో పాటు ఆసీస్‌కే చెందిన మరో ఫాస్ట్‌బౌలర్‌ మిచెల్‌ స్టార్క్‌లకు బాబర్‌ తన జట్టులో స్థానం ఇచ్చాడు. వీరితో పాటు ఇంగ్లండ్‌ పేసర్‌ మార్క్‌వుడ్‌ను పేస్‌ దళంలో చేర్చాడు.తన జట్టులో పవర్‌ హిట్టర్లతో పాటు విలక్షణ బౌలర్లు ఉన్నారని.. అందుకే ఈ టీమ్‌ సమతూకంగా ఉంటుందని బాబర్‌ ఆజం చెప్పుకొచ్చాడు. ఇటీవల ఓ పాడ్‌కాస్ట్‌లో మాట్లాడుతూ అతడు ఈ మేరకు వ్యాఖ్యలు చేశాడు.కాగా టీ20 ప్రపంచకప్‌-2024లో కనీసం గ్రూప్‌ దశను కూడా దాటకుండానే పాకిస్తాన్‌ నిష్క్రమించిన విషయం తెలిసిందే. ఈ నేపథ్యంలో బాబర్‌ ఆజంను కెప్టెన్సీ నుంచి తప్పించిన పాకిస్తాన్‌ క్రికెట్‌ బోర్డు.. వికెట్‌ కీపర్‌ బ్యాటర్‌ మహ్మద్‌ రిజ్వాన్‌ను వన్డే, టీ20 జట్ల కెప్టెన్‌గా నియమించింది. అయితే, అతడి సారథ్యంలోనూ పాక్‌ ఘోర పరాభవాలు చవిచూస్తోంది. ఆస్ట్రేలియా, సౌతాఫ్రికాలలో వన్డేలు గెలవడం మినహా చెప్పుకోదగ్గ విజయాలేవీ సాధించలేదు.ఇక ఇటీవల నిర్వహించిన ఐసీసీ చాంపియన్స్‌ ట్రోఫీ-2025లో రిజ్వాన్‌ బృందం ఒక్క గెలుపు కూడా లేకుండానే టోర్నీని ముగించింది. అయితే, ఈ రెండు సందర్భాల్లోనూ రోహిత్‌ శర్మ సారథ్యంలోని టీమిండియా ఐసీసీ ట్రోఫీలు గెలవడం విశేషం. కాగా టీ20 ప్రపంచకప్‌ టోర్నీలో భారత్‌ విజేతగా నిలిచిన తర్వాత రోహిత్‌, కోహ్లి అంతర్జాతీయ టీ20లకు వీడ్కోలు పలికిన విషయం తెలిసిందే. తాజాగా ఈ ఇద్దరూ టెస్టులకు కూడా రిటైర్మెంట్‌ ఇచ్చారు. ప్రస్తుతం ఐపీఎల్‌తో పాటు వన్డేలలోనూ కొనసాగుతున్నారు.బాబర్‌ ఆజం వరల్డ్‌ ఎలెవన్‌:రోహిత్‌ శర్మ, మహ్మద్‌ రిజ్వాన్‌, ఫఖర్‌ జమాన్‌, సూర్యకుమార్‌ యాదవ్‌, జోస్‌ బట్లర్‌, డేవిడ్‌ మిల్లర్‌, మార్కో యాన్సెన్‌, రషీద్‌ ఖాన్‌, ప్యాట్‌ కమిన్స్‌, మిచెల్‌ స్టార్క్‌, మార్క్‌వుడ్‌.చదవండి: బుమ్రా వద్దే వద్దు!.. కెప్టెన్‌గా ఆ ఇద్దరిలో ఒకరు బెటర్‌: టీమిండియా మాజీ కోచ్‌

పహల్గామ్‌ ఉగ్రదాడి నేపథ్యంలో పాకిస్తాన్‌పై భారత్‌ కఠిన చర్యలు చేపట్టింది. సింధు జలాల ఒప్పందం రద్దు సహా దాయాదిపై అనేక ఆంక్షలు విధించింది. అదే విధంగా పాకిస్తాన్‌కు చెందిన సామాజిక మాధ్యమాల ఖాతాల విషయంలోనూ కీలక నిర్ణయం తీసుకుంది.ఇప్పటికే పాక్‌ యూట్యూబ్‌ చానెళ్లు, ట్విటర్‌ను నిషేధించిన భారత్‌.. క్రీడాకారుల సోషల్‌ మీడియా అకౌంట్లపై కూడా దృష్టి సారించింది. ఇందులో భాగంగా ఇప్పటికే జావెలిన్‌ త్రోయర్‌, ప్యారిస్‌ ఒలింపిక్స్‌-2024 స్వర్ణ పతక విజేత అర్షద్‌ నదీమ్‌ (Arshad Nadeem) ఖాతాను దేశంలో నిలిపివేసింది.బాబర్‌ ఆజం, మహ్మద్‌ రిజ్వాన్‌లకు షాక్‌ఇక పాకిస్తాన్‌ స్టార్‌ క్రికెటర్లు బాబర్‌ ఆజం (Babar Azam), కెప్టెన్‌ మహ్మద్‌ రిజ్వాన్‌ (Mohammed Rizwan)లకు కూడా తాజాగా షాక్‌ తగిలింది. వీరిద్దరి ఇన్‌స్టాగ్రామ్‌ ఖాతాలను భారత్‌లో నిలిపి వేశారు. వీరి అకౌంట్లను ఓపెన్‌ చేయాలని చూస్తే.. ‘‘ఈ అకౌంట్‌ ఇండియాలో అందుబాటులో లేదు. చట్టపరమైన అభ్యర్థనల నేపథ్యంలో దీనిపై ఆంక్షలు ఉన్నాయి’’ అనే సందేశం కనిపిస్తోంది.కాగా పహల్గామ్‌ దాడి తర్వాత షోయబ్‌ అక్తర్‌, షాహిన్‌ షా ఆఫ్రిది, హ్యారిస్‌ రవూఫ్‌, షాహిద్‌ ఆఫ్రిది, వసీం అక్రం, వకార్‌ యూనిస్‌, బసిత్‌ అలీ తదితర క్రికెటర్ల అకౌంట్లను కూడా భారత్‌లో బ్లాక్‌ చేశారు. అదే విధంగా ఇతర సెలబ్రిటీలు మహీరా ఖాన్‌, ఫవాద్‌ ఖాన్‌, అలీ జాఫర్‌, హనియా ఆమిర్‌ ఖాతాలను కూడా నిలిపివేశారు.భారత్‌లో నిషేధంఇక పాకిస్తాన్‌ ఆటగాళ్లు ప్రస్తుతం పాకిస్తాన్‌ సూపర్‌ లీగ్‌తో బిజీగా ఉన్నారు. ఐపీఎల్‌-2025తో పోటీ పడి చేతులు కాల్చుకున్న పాక్‌ క్రికెట్‌ బోర్డుకు.. పహల్గామ్‌ దాడి తర్వాత మరో గట్టి ఎదురుదెబ్బ తగిలింది. ఇప్పటికే అంతంత మాత్రమైన వ్యూయర్‌షిప్‌ ఉన్న ఈ లీగ్‌ ప్రసారాలను భారత్‌లో నిషేధించారు.కాగా జమ్మూ కశ్మీర్‌లోని పహల్గామ్‌లో గల ప్రశాంతమైన బైసరన్‌ లోయలో ఉగ్రవాదులు ఇటీవల పాశవిక దాడికి తెగబడిన విషయం తెలిసిందే. బైసరన్‌ అందాలు చూసేందుకు వచ్చిన 26 మంది పర్యాటకులను కాల్చి చంపేశారు. దీంతో... అమాయక ప్రజల ప్రాణాలు తీసిన ఉగ్రవాదులు, వారికి మద్దతు ఇస్తున్న వారిపై భారత్‌ కఠిన చర్యలు చేపట్టింది. ఇందులో భాగంగా ముందుగా దాయాదికి బుద్ధిచెప్తోంది.చదవండి: ఆసియా కప్‌, బంగ్లాదేశ్‌ పర్యటనను రద్దు చేసుకోనున్న టీమిండియా..?

పాకిస్తాన్‌ క్రికెట్‌ అభిమానులు ప్రపంచంలోనే మేటి బ్యాటర్‌గా ఫీలయ్యే బాబర్‌ ఆజమ్‌ తన క్రికెటింగ్‌ ప్రస్థానంలో దినదినాభివృద్ధి చెందుతున్నాడు. గత కొంతకాలంగా చెత్త ప్రదర్శనలతో అదఃపాతాళానికి పడిపోయిన బాబర్‌.. ప్రస్తుతం జరుగుతున్న పాకిస్తాన్‌ సూపర్‌ లీగ్‌లోనూ అదే ఒరవడి కొనసాగిస్తున్నాడు. పీఎస్‌ఎల్‌ 2025 ఆరంభ మ్యాచ్‌లో డకౌటైన బాబర్‌.. రెండో మ్యాచ్‌లో 1, మూడో మ్యాచ్‌లో 2, నిన్న (ఏప్రిల్‌ 21) జరిగిన నాలుగో మ్యాచ్‌లో 46 పరుగులు చేశాడు. పరుగుల యంత్రం విరాట్‌ కోహ్లికి పోటీ అని చెప్పుకునే బాబర్‌ నుంచి ఇలాంటి ప్రదర్శనలు చూసి క్రికెట్‌ అభిమానులు వ్యంగ్యమైన కామెంట్స్‌ చేస్తున్నారు. వరుసగా 0, 1, 2, 46 స్కోర్లు చూసి బాబర్‌ దినదినాభివృద్ధి చెందుతున్నాడని సోషల్‌మీడియా వేదికగా కామెంట్లు చేస్తున్నారు.పీఎస్‌ఎల్‌లో పెషావర్‌ జల్మీ కెప్టెన్‌గా వ్యవహరిస్తున్న బాబర్‌ ఈ సీజన్‌లో కెప్టెన్‌గానూ తేలిపోయాడు. తన జట్టు ఇప్పటివరకు 4 మ్యాచ్‌లు ఆడగా మూడింట ఓటమిపాలైంది. నిన్న కరాచీ కింగ్స్‌తో జరిగిన మ్యాచ్‌లో పెషావర్‌ 2 వికెట్ల తేడాతో పరాజయంపాలైంది. ఈ మ్యాచ్‌లో తొలుత బ్యాటింగ్‌ చేసిన పెషావర్‌ 20 ఓవర్లలో 8 వికెట్ల నష్టానికి 147 పరుగులు మాత్రమే చేయగలిగింది. విశేషమేమిటంటే పెషావర్‌ ఇన్నింగ్స్‌లో బాబర్‌ ఆజమే (46) టాప్‌ స్కోరర్‌. మిగతా బ్యాటర్లలో మహ్మద్‌ హరీస్‌ (28), అల్జరీ జోసఫ్‌ (24 నాటౌట్‌), తలాత్‌ (18) రెండంకెల స్కోర్లు చేశారు. సైమ్‌ అయూబ్‌ 4, టామ్‌ కొహ్లెర్‌ కాడ్‌మోర్‌ 7, మిచెల్‌ ఓవెన్‌ 5, అబ్దుల్‌ సమద్‌ 2, లూక్‌ వుడ్‌ 2 పరుగులకు ఔటయ్యారు. కరాచీ బౌలర్లలో అబ్బాస్‌ అఫ్రిది, ఖుష్దిల్‌ షా తలో 3 వికెట్లు తీయగా.. ఆమెర్‌ జమాల్‌, మీర్‌ హమ్జా చెరో వికెట్‌ దక్కించుకున్నారు.అనంతరం స్వల్ప లక్ష్య ఛేదనకు దిగిన కరాచీ కూడా ఒక్కో పరుగు సాధించేందుకు చాలా ఇబ్బంది పడింది. అతి కష్టం మీద ఆ జట్టు 19.3 ఓవర్లలో 8 వికెట్లు కోల్పోయి లక్ష్యాన్ని చేరుకుంది. కరాచీ గెలుపుకు ఆ జట్టు కెప్టెన్‌ డేవిడ్‌ వార్నర్‌ (60) గట్టి పునాది వేసినప్పటికీ.. ఆతర్వాత వచ్చిన బ్యాటర్లు తడబడ్డారు. అయితే చివర్లో ఖుష్దిల్‌ షా (23 నాటౌట్‌) సంయమనంతో బ్యాటింగ్‌ చేసి కరాచీని విజయతీరాలకు చేర్చాడు. పెషావర్‌ బౌలర్లలో లూక్‌ వుడ్‌ 3, అలీ రజా 2, అల్జరీ జోసఫ్‌, ఆరిఫ్‌ యాకూబ్‌ తలో వికెట్‌ పడగొట్టారు.

అంతర్జాతీయ క్రికెట్‌లో గత కొంత కాలంగా దారుణంగా విఫలమవుతున్న పాకిస్తాన్‌ స్టార్‌ బ్యాటర్‌ బాబర్‌ ఆజమ్‌ పాకిస్తాన్‌ సూపర్‌ లీగ్‌లోనూ తన పేలవ ప్రదర్శనను కొనసాగిస్తున్నాడు. నిన్న (ఏప్రిల్‌ 12) క్వెట్టా గ్లాడియేటర్స్‌తో జరిగిన మ్యాచ్‌లో బాబర్‌ (పెషావర్‌ జల్మీ) డకౌటయ్యాడు. మొహమ్మద్‌ ఆమిర్‌ వేసిన అద్భుతమైన బంతికి బాబర్‌ బోల్తా పడ్డాడు. ఈ మ్యాచ్‌లో పెషావర్‌ జల్మీ క్వెట్టా గ్లాడియేటర్స్‌ చేతిలో 80 పరుగుల తేడాతో ఘోర పరాజయాన్ని ఎదర్కొంది.తొలుత బ్యాటింగ్‌ చేసిన గ్లాడియేటర్స్‌ నిర్ణీత 20 ఓవర్లలో 3 వికెట్ల నష్టానికి 216 పరుగుల భారీ స్కోర్‌ చేసింది. కెప్టెన్‌ సౌద్‌ షకీల్‌ (59), ఫిన్‌ అలెన్‌ (53) అర్ద సెంచరీలతో సత్తా చాటారు. హసన్‌ నవాజ్‌ (41), రిలీ రొస్సో (21 నాటౌట్‌), కుసాల్‌ మెండిస్‌ (35 నాటౌట్‌) రాణించారు. పెషావర్‌ బౌలర్లలో అలీ రజా, అల్జరీ జోసఫ్‌, సుఫియాన్‌ ముఖీమ్‌ తలో వికెట్‌ పడగొట్టారు.అనంతరం భారీ లక్ష్య ఛేదనకు దిగిన పెషావర్‌.. ఓవరాక్షన్‌ స్పిన్నర్‌ అబ్రార్‌ అహ్మద్‌ (4-0-42-4) చెలరేగడంతో 15.1 ఓవర్లలో 136 పరుగులకే కుప్పకూలింది. గ్లాడియేటర్స్‌ బౌలర్లలో మొహమ్మద్‌ ఆమిర్‌, ఉస్మాన్‌ తారిఖ్‌ తలో రెండు వికెట్లు తీయగా.. కైల్‌ జేమీసన్‌ ఓ వికెట్‌ పడగొట్టాడు. పెషావర్‌ బ్యాటర్లలో సైమ్‌ అయూబ్‌ (50) అర్ద సెంచరీతో రాణించగా.. హుసేన్‌ తలాత్‌ (35), మిచెల్‌ ఓవెన్‌ (31) పర్వాలేదనిపించారు. పెషావర్‌ ఇన్నింగ్స్‌లో బాబర్‌ ఆజమ్‌ సహా ఐదుగురు డకౌట్‌ అయ్యారు. బాబర్‌తో పాటు టామ్‌ కొహ్లెర్‌ కాడ్‌మోర్‌, మ్యాక్స్‌ బ్రయాంట్‌, అల్జరీ జోసఫ్‌, మొహమ్మద్‌ అలీ ఖాతా తెరవలేకపోయారు.కాగా, పాకిస్తాన్‌ సూపర్‌ లీగ్‌ ఐపీఎల్‌కు పోటీగా ఏప్రిల్‌ 11న ప్రారంభమైంది. ఐపీఎల్‌తో సమాంతరంగా జరుగుతుండటంతో పీఎస్‌ఎల్‌కు స్వదేశంలోనే ఆదరణ కరువైంది. ఈ లీగ్‌ను వీక్షించే నాథుడే లేకుండా పోయాడు. విదేశీ స్టార్లంతా ఐపీఎల్‌లో బిజీగా ఉంటే, ఐపీఎల్‌లో అమ్ముడుపోని వారు, వెటరన్లు పీఎస్‌ఎల్‌లో ఆడుతున్నారు. పీఎస్‌ఎల్‌ ఎప్పుడూ జరిగినట్లు ఫిబ్రవరి, మార్చి నెలల్లో జరిగి ఉంటే స్వదేశంలోనైనా ఆదరణ ఉండేది. ఇప్పుడు ఐపీఎల్‌ జరుగుతున్న సమయంలోనే పీఎస్‌ఎల్‌ కూడా జరుగుతుండటంతో క్రికెట్‌ అభిమానులంతా క్యాష్‌ రిచ్‌ లీగ్‌కే ఓటేస్తున్నారు. ఐపీఎల్‌లో మ్యాచ్‌లు రసవ్తరంగా సాగుతుండటంతో క్రికెట్‌ ప్రేమికులు పీఎస్‌ఎల్‌వైపు కన్నేత్తి చూడటం లేదు.

పాకిస్తాన్‌ క్రికెట్‌ జట్టు ప్రస్తుతం అత్యంత గడ్డు దశను ఎదుర్కొంటోంది. ఇంటా.. బయటా వరుస పరాజయాలు.. చెత్త ఆట తీరుతో విమర్శలు మూటగట్టుకుంటోంది. తాజాగా న్యూజిలాండ్‌ పర్యటనలో పాక్‌ తేలిపోయిన విషయం తెలిసిందే.స్లో ఓవర్‌ రేటుఐదు మ్యాచ్‌ల టీ20 సిరీస్‌లో సల్మాన్‌ ఆఘా కెప్టెన్సీలో కివీస్‌ చేతిలో 4-1తో సిరీస్‌ కోల్పోయిన పాక్‌ జట్టు.. ఆ తర్వాత మహ్మద్‌ రిజ్వాన్‌ సారథ్యంలో మూడు వన్డేల సిరీస్‌లో 3-0తో క్లీన్‌స్వీప్‌నకు గురైంది. అంతేకాదు.. రెండు వన్డేల్లో స్లో ఓవర్‌ రేటు మెయింటెన్‌ చేసిన కారణంగా అంతర్జాతీయ క్రికెట్‌ నియంత్రణ మండలి (ICC) ఆగ్రహానికి గురై.. జరిమానాల పాలైంది.ఐదు శాతం మేర కోతఇక ఇటీవల ముగిసిన మూడో వన్డేలోనూ ఇదే తప్పును పునరావృతం చేయడంతో ఐసీసీ మరోసారి పాకిస్తాన్‌ జట్టుకు పనిష్మెంట్‌ ఇచ్చింది. జట్టు మ్యాచ్‌ ఫీజులో ఐదు శాతం మేర కోత విధిస్తూ నిర్ణయం తీసుకుంది. ఇందుకు సంబంధించి సోమవారం ఓ ప్రకటన విడుదల చేసింది.‘‘న్యూజిలాండ్‌తో వన్డే సిరీస్‌లో పర్యాటక జట్టు వరుసగా మూడోసారి ఇదే తప్పిదానికి పాల్పడింది. ఐసీసీ నియమావళిలోని ఆర్టికల్‌ 2.22 ప్రకారం.. నిర్ణీత సమయంలో బౌలింగ్‌ కోటా పూర్తి చేయనందున ఆటగాళ్ల మ్యాచ్‌ ఫీజులో ఐదు శాతం మేర కోత విధిస్తున్నాం’’ అని పేర్కొంది. దీంతో కివీస్‌ దేశ పర్యటనలో వరుసగా మూడోసారి పాక్‌ జట్టుకు ఫైన్‌ పడింది.కనీసం సెమీస్‌ కూడా చేరుకుండానేకాగా వన్డే వరల్డ్‌కప్‌-2023, టీ20 ప్రపంచకప్‌-2024 టోర్నమెంట్లలో కనీసం సెమీస్‌ కూడా చేరుకుండానే పాకిస్తాన్‌ నిష్క్రమించిన విషయం తెలిసిందే. ఈ నేపథ్యంలో కెప్టెన్‌గా బాబర్‌ ఆజంను తప్పించి.. అతడి స్థానంలో రిజ్వాన్‌కు పగ్గాలు అప్పగించింది పాక్‌ బోర్డు. ఈ క్రమంలో ఆస్ట్రేలియా, సౌతాఫ్రికా పర్యటనలో వరుస వన్డే సిరీస్‌లు గెలిచి ఫామ్‌లోకి వచ్చినట్లే కనబడింది.వరుస ఓటములుఅయితే, ఐసీసీ చాంపియన్స్‌ ట్రోఫీ-2025కి ముందు స్వదేశంలో న్యూజిలాండ్‌- సౌతాఫ్రికాలతో త్రైపాక్షిక సిరీస్‌ కోల్పోయిన రిజ్వాన్‌ బృందం.. మెగా వన్డే టోర్నీలోనూ వైఫల్యం కొనసాగించింది. డిఫెండింగ్‌ చాంపియన్స్‌గా బరిలోకి దిగి గ్రూప్‌ దశలోనే నిష్క్రమించింది. న్యూజిలాండ్‌, టీమిండియా చేతుల్లో వరుస ఓటములతో ఈ మేర పరాభవం పాలైంది.ఈ క్రమంలో మార్చి 16- ఏప్రిల్‌ 5 వరకు న్యూజిలాండ్‌లో పర్యటించి ఐదు టీ20లు, మూడు వన్డేలు (మార్చి 29, ఏప్రిల్‌ 2, ఏప్రిల్‌ 5) ఆడి.. ఇక్కడా చేదు అనుభవాన్ని మూటగట్టుకుంది. ఈ నేపథ్యంలో పాక్‌ బోర్డు, ఆటగాళ్ల తీరుపై ఆ దేశ మాజీ క్రికెటర్లు విమర్శల వర్షం కురిపిస్తున్నారు. పాక్‌ క్రికెట్‌ను భ్రష్టు పట్టించారంటూ మండిపడుతున్నారు. చదవండి: గిల్‌, సూర్య కాదు!.. టీమిండియా కెప్టెన్‌గా ఊహించని పేరు చెప్పిన కపిల్‌ దేవ్‌

పాకిస్తాన్‌తో మూడో వన్డేలోనూ న్యూజిలాండ్‌ (NZ vs PAK 3rd ODI) ఘన విజయం సాధించింది. తద్వారా మూడు మ్యాచ్‌ల సిరీస్‌ను 3-0తో క్లీన్‌స్వీప్‌ చేసింది. మౌంట్‌ మౌంగనూయ్‌లో శనివారం జరిగిన మ్యాచ్‌లో టాస్‌ గెలిచిన పాకిస్తాన్‌.. తొలుత బౌలింగ్‌ చేసింది.ఈ క్రమంలో బ్యాటింగ్‌కు దిగిన కివీస్‌ జట్టుకు ఆదిలోనే షాక్‌ తగిలింది. నసీం షా (Naseem Shah) బౌలింగ్‌లో ఓపెనర్‌ నిక్‌ కెల్లీ 3 పరుగుల వ్యక్తిగత స్కోరు వద్ద అవుటయ్యాడు. అయితే, మరో ఓపెనర్‌ రైస్‌ మరియూ , హెన్రీ నికోల్స్‌ కలిసి ఇన్నింగ్స్‌ చక్కదిద్దారు.కెప్టెన్‌ ధనాధన్‌రైస్‌ 61 బంతుల్లో ఆరు ఫోర్లు, రెండు సిక్సర్లతో 58 పరుగులు చేయగా.. నికోల్స్‌ 40 బంతుల్లో ఒక ఫోర్‌ సాయంతో 31 రన్స్‌ రాబట్టాడు. ఇక నాలుగో స్థానంలో బ్యాటింగ్‌ చేసిన డారిల్‌ మిచెల్‌ (Daryl Mitchell) 53 బంతుల్లో 43 పరుగులతో అలరించగా.. టిమ్‌ సీఫర్ట్‌ (26) కూడా రాణించాడు. మిగతావాళ్లలో కెప్టెన్‌ మైకేల్‌ బ్రేస్‌వెల్‌ అర్ధ శతకం (40 బంతుల్లో 59) ఆకట్టుకున్నాడు.కాగా అవుట్‌ ఫీల్డ్‌ తడిగా ఉన్న కారణంగా ఈ మ్యాచ్‌ను 42 ఓవర్లకు కుదించగా.. నిర్ణీత ఓవర్లలో ఎనిమిది వికెట్ల నష్టానికి న్యూజిలాండ్‌ 264 పరుగులు సాధించింది. పాక్‌ బౌలర్లలో ఆకిఫ్‌ జావేద్‌ అత్యధికంగా నాలుగు వికెట్లు తీయగా.. నసీం షా రెండు, ఫాహిమ్‌ అష్రఫ్‌, సుఫియాన్‌ ముకీమ్‌ ఒక్కో వికెట్‌ తీశారు.బాబర్‌ ఆజం ఎట్టకేలకుఈ క్రమంలో లక్ష్య ఛేదనకు దిగిన పాకిస్తాన్‌ మరోసారి నిరాశపరిచింది. 40 ఓవర్లలో 221 పరుగులు చేసి ఆలౌట్‌ అయింది. ఓపెనర్లలో అబ్దుల్లా షఫీక్‌ (56 బంతుల్లో 33) ఫర్వాలేదనిపించగా.. ఇమామ్‌ ఉల్‌ హక్‌ (1) పూర్తిగా విఫలమయ్యాడు.బాబర్‌ ఆజం మాత్రం ఈసారి అర్ధ శతకంతో రాణించాడు. మిగతా వాళ్లలో కెప్టెన్‌ మహ్మద్‌ రిజ్వాన్‌ (37), తయ్యబ్‌ తాహిర్‌ (33) మాత్రమే ఓ మోస్తరుగా బ్యాటింగ్‌ చేయగా ఉస్మాన్‌ ఖాన్‌ (12), సల్మాన్‌ ఆఘా (11) నిరాశపరిచారు. నసీం షా 17 పరుగులు చేశాడు.బెన్‌ సీర్స్‌ మరోసారికివీస్‌ బౌలర్లలో గత మ్యాచ్‌లో ఐదు వికెట్లు తీసిన బెన్‌ సీర్స్‌ మరోసారి ఫైఫర్‌ సాధించాడు. 9 ఓవర్ల బౌలింగ్‌లో 34 పరుగులే ఇచ్చి ఐదు వికెట్లు కూల్చాడు. మిగిలిన వాళ్లలో జేకబ్‌ డఫీ రెండు, మైకేల్‌ బ్రేస్‌వెల్‌, ముహమ్మద్‌ అబ్బాస్‌, డారిల్‌ మిచెల్‌ ఒక్కో వికెట్‌ తమ ఖాతాలో వేసుకున్నారు.పరిపూర్ణ పరాజయంకాగా మూడో వన్డేలో ఓటమితో పాకిస్తాన్‌ న్యూజిలాండ్‌ పర్యటన పరిపూర్ణ పరాజయంతో ముగిసింది. నిజానికి కేన్‌ విలియమ్సన్‌, మిచెల్‌ సాంట్నర్‌, రచిన్‌ రవీంద్ర వంటి స్టార్లు లేకుండానే కివీస్‌ పాక్‌తో మ్యాచ్‌లు ఆడింది. అయినప్పటికీ పాకిస్తాన్‌ జట్టు మాత్రం ఆతిథ్య జట్టుపై ఏ దశలోనూ ఆధిపత్యం కనబరచలేకపోయింది.ఇక అంతకు ముందు ఐదు మ్యాచ్‌ల టీ20 సిరీస్‌లోనూ పాకిస్తాన్‌ కివీస్‌ చేతిలో 4-1తో ఓటమిపాలైంది. కాగా న్యూజిలాండ్‌తో టీ20 సిరీస్‌లో సల్మాన్‌ ఆఘా, వన్డే సిరీస్‌లో మహ్మద్‌ రిజ్వాన్‌ పాకిస్తాన్‌ జట్లకు కెప్టెన్లుగా వ్యవహరించారు. మరోవైపు.. రెగ్యులర్‌ సారథుల గైర్హాజరీలో కివీస్‌ను మైకేల్‌ బ్రేస్‌వెల్‌ ముందుండి నడిపించాడు. న్యూజిలాండ్‌ వర్సెస్‌ పాకిస్తాన్‌ మూడో వన్డే స్కోర్లు👉న్యూజిలాండ్‌: 264/8 (42)👉పాకిస్తాన్‌: 221 (40)👉ఫలితం: 43 పరుగుల తేడాతో పాకిస్తాన్‌పై న్యూజిలాండ్‌ విజయంచదవండి: హిట్టర్లు అవసరం.. అందుకే తిలక్‌ను వెనక్కి పంపించాం: హార్దిక్‌

పాకిస్తాన్‌ క్రికెట్‌ జట్టు రాత మారటం లేదు. వరుస ఓటములతో చతికిల పడ్డ పాక్‌.. తాజాగా న్యూజిలాండ్‌తో రెండో వన్డేలోనూ పరాజయం పాలైంది. ఫలితంగా మరో మ్యాచ్‌ మిగిలి ఉండగానే ఆతిథ్య జట్టుకు సిరీస్‌ సమర్పించుకుంది.కాగా ఐదు టీ20లు, మూడు వన్డేలు ఆడేందుకు పాకిస్తాన్‌ జట్టు న్యూజిలాండ్‌ (Pakistan Tour Of New Zealand)లో పర్యటిస్తున్న విషయం తెలిసిందే. ఈ క్రమంలో కొత్త కెప్టెన్‌ సల్మాన్‌ ఆఘా (Salman Agha) సారథ్యంలో టీ20 సిరీస్‌లో 4-1తో ఘోర పరాభవం చవిచూసింది. అనంతరం.. రిజ్వాన్‌ కెప్టెన్సీలో శనివారం తొలి వన్డే ఆడిన పాక్‌.. 73 పరుగుల తేడాతో ఓడిపోయింది.ఈ క్రమంలో బుధవారం ఇరుజట్ల మధ్య రెండో వన్డే జరిగింది. హామిల్టన్‌ వేదికగా టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకోగా.. న్యూజిలాండ్‌ బ్యాటింగ్‌కు దిగింది. ఓపెనర్లలో రైస్‌ మరియూ 18 పరుగులకు పరిమితం కాగా.. నిక్‌ కెల్లీ 31 పరుగులు చేశాడు. మిగతా వాళ్లలో హెన్రీ నికోల్స్‌(22), ముహమ్మద్‌ అబ్బాస్‌ (41) ఫర్వాలేదనిపించగా.. మిచెల్‌ హే దంచికొట్టాడు.సెంచరీకి ఒక్క పరుగు దూరంలోఈ వికెట్‌ కీపర్‌ బ్యాటర్‌ 78 బంతులు ఎదుర్కొని ఏడు ఫోర్లు, ఏడు సిక్సర్ల సాయంతో 99 పరుగులతో అజేయంగా నిలిచాడు. సెంచరీకి ఒక్క పరుగు దూరంలో నిలిచిపోయినప్పటికీ.. కివీస్‌ మెరుగైన స్కోరు సాధించడంలో కీలక పాత్ర పోషించాడు. మిచెల్‌ ధనాధన్‌ ఇన్నింగ్స్‌ కారణంగా కివీస్‌ నిర్ణీత 50 ఓవర్లలో ఎనిమిది వికెట్ల నష్టానికి 292 పరుగులు చేసింది.పాక్‌ బౌలర్లలో మొహమ్మద్‌ వసీం జూనియర్‌, సూఫియాన్‌ ముకీమ్‌ రెండేసి వికెట్లు తీయగా.. ఫాహిమ్‌ అష్రఫ్‌, అకిఫ్‌ జావేద్‌, హ్యారిస్‌ రవూఫ్‌ ఒక్కో వికెట్‌ దక్కించుకున్నారు. పేకమేడలా కుప్పకూలిన టాపార్డర్‌ఇక లక్ష్య ఛేదనలో పాకిస్తాన్‌ ఆరంభం నుంచే తడబడింది. కివీస్‌ పేసర్ల ధాటికి పాక్‌ టాపార్డర్‌ పేకమేడలా కుప్పకూలింది. ఓపెనర్లు అబ్దుల్లా షఫీక్‌ (1), ఇమామ్‌ ఉల్‌ హక్‌(1)తో పాటు బాబర్‌ ఆజం(Babar Azam- 1), కెప్టెన్‌ మహ్మద్‌ రిజ్వాన్‌ (5) సింగిల్‌ డిజిట్‌ స్కోర్లకే పెవిలియన్‌ చేరారు.సల్మాన్‌ ఆఘా 9 పరుగులకే నిష్క్రమించగా.. తయ్యబ్‌ తాహిర్‌ 13 పరుగులు చేశాడు. ఇలా బ్యాటర్లంతా విఫలమైన వేళ..బౌలింగ్‌ ఆల్‌రౌండర్‌ ఫాహిమ్‌ అష్రఫ్‌ బ్యాట్‌తో చెలరేగాడు. 80 బంతుల్లో ఆరు ఫోర్లు, మూడు సిక్స్‌ల సాయంతో 73 పరుగులు సాధించాడు. అతడికి తోడుగా పేసర్‌ నసీం షా రాణించాడు. కేవలం 44 బంతుల్లోనే 51 పరుగులతో అలరించాడు. వీరిద్దరి అర్ధ శతకాల కారణంగా పాక్ అవమానకర నుంచి తప్పించుకుంది. 41.2 ఓవర్లలో 208 పరుగులకు ఆలౌట్‌ అయి.. 84 పరుగుల తేడాతో పరాజయం పాలైంది.ఐదేసిన బెన్‌ సీర్స్‌కివీస్‌ బౌలర్లలో రైటార్మ్‌ పేసర్‌ బెన్‌ సీర్స్‌ ఐదు వికెట్లతో పాక్‌ బ్యాటింగ్‌ ఆర్డర్‌ పతనాన్ని శాసించగా.. జేకబ్‌ డఫీ మూడు, నాథన్‌ స్మిత్‌, విలియం ఓరూర్కీ ఒక్కో వికెట్‌ తమ ఖాతాలో వేసుకున్నారు. కివీస్‌ బ్యాటర్‌ మిచెల్‌ హేకు ప్లేయర్‌ ఆఫ్‌ ది మ్యాచ్‌ అవార్డు దక్కింది. ఇక ఈ విజయంతో మరో వన్డే మిగిలి ఉండగానే బ్రేస్‌వెల్‌ బృందం పాక్‌పై వన్డే సిరీస్‌ గెలుపు నమోదు చేసింది. ఇరుజట్ల మధ్య ఏప్రిల్‌ 5 నాటి నామమాత్రపు వన్డేతో పాక్‌ కివీస్‌ టూర్‌ ముగుస్తుంది. కాగా ఐసీసీ చాంపియన్స్‌ ట్రోఫీ-2025లో రిజ్వాన్‌ బృందం న్యూజిలాండ్‌, టీమిండియా చేతుల్లో ఓడింది. బంగ్లాదేశ్‌తో మ్యాచ్‌ వర్షం కారణంగా రద్దు కావడంతో గెలుపు అన్నదే లేకుండా ఈ వన్డే టోర్నీని ముగించింది. తాజాగా న్యూజిలాండ్‌ పర్యటనలోనూ మరోసారి చెత్త ప్రదర్శనతో వన్డే సిరీస్‌ చేజార్చుకుంది.చదవండి: రూ. 27 కోట్లు దండుగ!.. పంత్‌కు గట్టిగానే క్లాస్‌ తీసుకున్న గోయెంకా!

అంతర్జాతీయ క్రికెట్‌లో పాకిస్తాన్ ఓట‌ముల ప‌రంప‌ర కొన‌సాగుతోంది. ఛాంపియ‌న్స్ ట్రోఫీ-2025లో దారుణ ప్ర‌ద‌ర్శ‌న అనంత‌రం పాకిస్తాన్ జ‌ట్టు.. వైట్‌బాల్ సిరీస్‌లు ఆడేందుకు న్యూజిలాండ్ ప‌ర్య‌ట‌న‌కు వెళ్లింది. అక్క‌డ కూడా పాక్ జ‌ట్టు ఆట‌తీరు ఏ మాత్రం మార‌లేదు. తొలుత కివీస్‌తో జ‌రిగిన ఐదు టీ20ల సిరీస్‌ను 4-1 తేడాతో కోల్పోయిన పాకిస్తాన్‌.. ఇప్పుడు వ‌న్డే సిరీస్‌లో కూడా అదే దిశ‌గా కొన‌సాగుతోంది. మూడు వ‌న్డేల సిరీస్‌లో భాగంగా నేపియ‌ర్ వేదిక‌గా జ‌రిగిన తొలి మ్యాచ్‌లో 73 ప‌రుగుల తేడాతో ఓట‌మిపాలైంది. 345 పరుగుల భారీ ల‌క్ష్యాన్ని చేధించ‌డంలో రిజ్వాన్ సేన చ‌త‌క‌ల‌ప‌డింది. ల‌క్ష్య చేధ‌న‌లో మంచి ఆరంభం ల‌భించిన‌ప్ప‌టికి మిడిలార్డ‌ర్ విఫ‌ల‌మం కావ‌డంతో పాక్ ఓట‌మి చ‌విచూడాల్సి వ‌చ్చింది. రచిన్ రవీంద్ర, మిచెల్ సాంట్నర్, ఫిలిప్స్‌, కాన్వే, హెన్రి వంటి స్టార్ ప్లేయ‌ర్లు కివీస్ జ‌ట్టులో లేన‌ప్ప‌టికి.. పాకిస్తాన్ ఓడిపోవ‌డాన్ని ఆ దేశ మాజీలు జీర్ణించుకోలేక‌పోతున్నారు. ఈ క్ర‌మంలో పాక్ జ‌ట్టుపై మాజీ క్రికెట‌ర్ బాసిత్ అలీ విమ‌ర్శ‌ల వ‌ర్షం గుప్పించాడు. అదేవిధంగా స్టార్ క్రికెట‌ర్‌ బాబ‌ర్ ఆజం బ్యాటింగ్ పొజిష‌న్‌పై కూడా అలీ కీల‌క వ్యాఖ్య‌లు చేశాడు."బాబర్ ఎందుకు మూడో స్థానంలో బ్యాటింగ్ చేయాలి?. ఛాంపియన్స్ ట్రోఫీలో అతడు ఓపెనింగ్ చేశాడు. చాలా మంది ఓపెన‌ర్‌గానే బాబ‌ర్ రావాల‌ని సూచించారు. అసలు ఎవరా క్రికెట్ ప్రొఫెసర్స్? ఇప్పుడు ఎక్కడ ఉన్నారు? వారి వాళ్లే బాబర్ ఓపెన‌ర్‌గా బ్యాటింగ్‌కు వ‌చ్చాడు. ఇప్పుడు మూడో స్ధానంలో వ‌చ్చి బాబ‌ర్ ఎలా మంచి ఇన్నింగ్స్ ఆడాడు? క్రికెట్ ప్రొఫెసర్స్ ఇప్పుడు బ‌య‌ట‌కు వ‌చ్చి దేశానికి క్షమాపణలు చెప్పాలి. ఇప్పుడు ఎవరూ బయటకు రారు. ఇలా క్రికెట్ ప్రొఫెసర్స్ అవ్వాలనుకునేవారిని బూట్లతో కొట్టాలి. బాబర్‌, రిజ్వాన్‌లను ఓపెనర్లుగా చేసిన వారే పాకిస్తాన్ క్రికెట్‌ను నాశ‌నం చేశారు. పాకిస్థాన్ జట్టు ఫ్రాంచైజీ జట్టుగా మారిపోయింది" అని అలీ త‌న యూట్యూబ్ ఛాన‌ల్‌లో పేర్కొన్నాడు.చ‌ద‌వండి: IPL 2025: ఏంటి ప‌రాగ్ బ్రో ఇది.. ఎందుకంత యాటిట్యూడ్‌? వీడియో వైర‌ల్‌

పరిమిత ఓవర్ల సిరీస్‌ల కోసం న్యూజిలాండ్‌లో పర్యటిస్తున్న పాకిస్తాన్‌ క్రికెట్‌ జట్టు వరుస పరాజయాలతో దూసుకుపోతుంది. ఈ పర్యటనలో ఐదు మ్యాచ్‌ల టీ20 సిరీస్‌ను 1-4 తేడాతో కోల్పోయిన పాక్‌.. మూడు మ్యాచ్‌ల వన్డే సిరీస్‌ను కూడా ఘోర పరాజయంతో ప్రారంభించింది. నేపియర్‌ వేదికగా ఇవాళ (మార్చి 29) జరిగిన తొలి వన్డేలో పాక్‌ 73 పరుగుల తేడాతో ఓడింది. టాస్‌ గెలిచి తొలుత బౌలింగ్‌ చేసిన ఆ జట్టు ప్రత్యర్ధిని భారీ స్కోర్‌ చేయనిచ్చింది. టీ20 సిరీస్‌లో రాణించిన హరీస్‌ రౌఫ్‌ (10-1-38-2) ఒక్కడే ఈ మ్యాచ్‌లోనూ రాణించాడు. ఇర్ఫాన్‌ ఖాన్‌ (5-0-51-3), అకీఫ్‌ జావెద్‌ (10-1-55-2), నసీం షా (10-1-60-1), మొహమ్మద్‌ అలీ (10-0-53-1) వికెట్లు తీసినా ధారాళంగా పరుగులు సమర్పించుకున్నారు. ఫలితంగా న్యూజిలాండ్‌ నిర్ణీత 50 ఓవర్లలో 9 వికెట్ల నష్టానికి 344 పరుగులు చేసింది.న్యూజిలాండ్‌ బ్యాటర్లలో మార్క్‌ చాప్‌మన్‌ (111 బంతుల్లో 132; 13 ఫోర్లు, 6 సిక్సర్లు) శతక్కొట్టాడు. డారిల్‌ మిచెల్‌ (84 బంతుల్లో 76; 4 ఫోర్లు, 4 సిక్సర్లు) అర్ద సెంచరీతో రాణించాడు. కెరీర్‌లో తొలి మ్యాచ్‌ ఆడుతున్న పాక్‌ జాతీయుడు ముహమ్మద్‌ అబ్బాస్‌ తన జన్మ దేశంపై విరుచుకుపడ్డాడు. అబ్బాస్‌ 26 బంతుల్లో 3 ఫోర్లు, 3 సిక్సర్ల సాయంతో 52 పరుగులు చేశాడు. 50 పరుగులకే 3 వికెట్లు కోల్పోయి కష్టాల్లో ఉండిన న్యూజిలాండ్‌ను చాప్‌మన్‌, మిచెల్‌ ఆదుకున్నారు. వీరిద్దరు నాలుగో వికెట్‌కు 199 పరుగులు జోడించి జట్టు భారీ స్కోర్‌ చేయడానికి దోహదపడ్డారు.అనంతరం భారీ లక్ష్య ఛేదనలో పాక్‌కు శుభారంభం లభించింది. ఓపెనర్లు అబ్దుల్లా షఫీక్‌ (36), ఉస్మాన్‌ ఖాన్‌ (39) తొలి వికెట్‌కు 83 పరుగులు జోడించారు. అయితే వీరిద్దరు 5 పరుగుల వ్యవధిలో ఔటయ్యారు. ఆతర్వాత బాబర్‌ ఆజమ్‌ (76).. మొహమ్మద్‌ రిజ్వాన్‌ (30), సల్మాన్‌ అఘా (58) సాయంతో ఇన్నింగ్స్‌ను నిర్మించాడు. బాబర్‌ 249 పరుగుల స్కోర్‌ వద్ద నాలుగో వికెట్‌గా వెనుదిరిగాడు. అనంతరం పాక్‌ ఇన్నింగ్స్‌ పేకమేడలా కూలింది. 22 పరుగుల వ్యవధిలో ఆ జట్టు మిగతా ఆరు వికెట్లు కోల్పోయి ఘోర పరాజయాన్ని మూటగట్టుకుంది. బాబర్‌ క్రీజ్‌లో ఉన్నంత సేపు ఈ మ్యాచ్‌లో పాక్‌ విజయం సాధించేలా కనిపించింది. చాలాకాలం తర్వాత బాబర్‌ సెంచరీ చేసేలా కూడా కనిపించాడు. అయితే బాబర్‌ ఔట్‌ కావడంతో పాక్‌ ఇన్నింగ్స్‌ ఒక్కసారిగా పతనమైంది. పాక్‌ చివరి వరుస ఆటగాళ్లలో ముగ్గురు ఒక్క పరుగు చేయగా.. ఇద్దరు డకౌట్లయ్యారు. చివర్లో నాథన్‌ స్మిత్‌ (8.1-0-60-4) చెలరేగి పాక్‌ ఇన్నింగ్స్‌ను కుప్పకూల్చాడు. న్యూజిలాండ్‌ బౌలర్లలో డఫీ 2, విలియమ్‌ ఓరూర్కీ, బ్రేస్‌వెల్‌, ముహమ్మద్‌ అ‍బ్బాస్‌ తలో వికెట్‌ తీశారు. ఈ సిరీస్‌లో రెండో వన్డే ఏప్రిల్‌ 2న హ్యామిల్టన్‌లో జరుగుతుంది.

పాకిస్తాన్‌ యువ బ్యాటర్‌ హసన్‌ నవాజ్‌పై న్యూజిలాండ్‌ కెప్టెన్‌ మైకేల్‌ బ్రేస్‌వెల్‌ ప్రశంసలు కురిపించాడు. మూడో టీ20లో నమ్మశక్యం కాని ఇన్నింగ్స్‌ ఆడి.. మ్యాచ్‌ను తమ నుంచి లాగేసుకున్నాడని అన్నాడు. పాక్‌ గెలుపులో క్రెడిట్‌ మొత్తం అతడికే ఇవ్వాలని పేర్కొన్నాడు. కాగా ఐదు టీ20లు, మూడు వన్డేలు ఆడేందుకు పాకిస్తాన్‌ క్రికెట్‌ జట్టు న్యూజిలాండ్‌లో పర్యటిస్తున్న విషయం తెలిసిందే. ఈ క్రమంలో తొలుత టీ20 సిరీస్‌ ఆరంభం కాగా.. మొదటి రెండు మ్యాచ్‌లలో ఆతిథ్య కివీస్‌ విజయం సాధించింది. అయితే, శుక్రవారం జరిగిన మూడో టీ20లో పాకిస్తాన్‌ సంచలన విజయం సాధించింది. న్యూజిలాండ్‌ను తొమ్మిది వికెట్ల తేడాతో చిత్తు చేసింది. అక్లాండ్‌ వేదికగా టాస్‌ గెలిచిన పాక్‌.. తొలుత బౌలింగ్‌ చేసింది. 204 పరుగులకు ఆలౌట్‌ఈ నేపథ్యంలో బ్యాటింగ్‌కు దిగిన న్యూజిలాండ్‌ 19.5 ఓవర్లలో 204 పరుగులకు ఆలౌటైంది. మార్క్‌ చాప్‌మన్‌ (44 బంతుల్లో 94; 11 ఫోర్లు, 4 సిక్స్‌లు) భారీ అర్ధశతకంతో ఆకట్టుకోగా... కెప్టెన్‌ బ్రేస్‌వెల్‌ (18 బంతుల్లో 31; 3 ఫోర్లు, 2 సిక్స్‌లు) ఫర్వాలేదనిపించాడు. పాకిస్తాన్‌ బౌలర్లలో హరీస్‌ రవూఫ్‌ 3 వికెట్లు పడగొట్టగా... షాహీన్‌ షా అఫ్రిది, అబ్రార్‌ అహ్మద్, అబ్బాస్‌ అఫ్రిది తలా 2 వికెట్లు తీశారు.ఇక 205 పరుగుల లక్ష్యంతో బరిలోకి దిగిన పాకిస్తాన్‌ 16 ఓవర్లలో ఒక వికెట్‌ మాత్రమే కోల్పోయి 207 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ హసన్‌ నవాజ్‌ (45 బంతుల్లో 105 నాటౌట్‌; 10 ఫోర్లు, 7 సిక్స్‌లు నాటౌట్‌) కెరీర్‌లో తొలి సెంచరీ నమోదు చేసుకోగా... కెప్టెన్‌ సల్మాన్‌ ఆఘా (31 బంతుల్లో 51 నాటౌట్‌; 6 ఫోర్లు, 2 సిక్స్‌లు), మొహమ్మద్‌ హరీస్‌ (20 బంతుల్లో 41; 4 ఫోర్లు, 3 సిక్స్‌లు) రాణించారు. న్యూజిలాండ్‌ బౌలర్లలో డఫీ ఒక వికెట్‌ పడగొట్టాడు.రెండు డకౌట్‌ల తర్వాత... నవాజ్‌ విధ్వంసకర ఇన్నింగ్స్‌ఈ సిరీస్‌ ద్వారానే అంతర్జాతీయ అరంగేట్రం చేసిన నవాజ్‌... తొలి రెండు మ్యాచ్‌ల్లో డకౌట్‌గా వెనుదిరిగాడు. అయినా మేనేజ్‌మెంట్‌ అతడిపై నమ్మకం ఉంచి మూడో మ్యాచ్‌లో అవకాశం ఇవ్వగా... తన విధ్వంసకర బ్యాటింగ్‌తో రికార్డులు తిరగరాశాడు. అతడి దూకుడుతో భారీ లక్ష్య ఛేదనలో పాకిస్తాన్‌ ఏమాత్రం వెనకడుగు వేయలేదు. తొలి ఓవర్‌లో రెండు సిక్సర్లతో హెచ్చరికలు జారీచేసిన హరీస్‌... రెండో ఓవర్‌లో రెండు ఫోర్లు బాదాడు. మొదట హరీస్‌కు అండగా నిలిచిన నవాజ్‌... ఆ తర్వాత బ్యాట్‌కు పనిచెప్పడంతో స్కోరు బోర్డు పరుగులు పెట్టింది.తొలి వికెట్‌కు 74 పరుగులు జోడించిన అనంతరం హరీస్‌ అవుట్‌ కాగా... పవర్‌ ప్లే (6 ఓవర్లలో) ముగిసేసరికి పాకిస్తాన్‌ 75/1తో నిలిచింది. అంతర్జాతీయ టీ20ల్లో ఆ జట్టుకు ఇదే అత్యధిక పవర్‌ ప్లే స్కోరు. 2016లో ఇంగ్లండ్‌పై చేసిన 73 పరుగులు రెండో స్థానానికి చేరింది. కెప్టెన్‌ సల్మాన్‌ ఆఘా రాకతో పాక్‌ దూకుడు మరింత పెరిగింది. వీలు చిక్కినప్పుడల్లా నవాజ్‌ సిక్సర్లతో చెలరేగగా... అతడికి సల్మాన్‌ అండగా నిలిచాడు. ఈ క్రమంలో నవాజ్‌ 44 బంతుల్లోనే సెంచరీ పూర్తి చేసుకున్నాడు.పాకిస్తాన్‌ తరఫున అంతర్జాతీయ టీ20ల్లో ఇదే వేగవంతమైన శతకం. 2021లో దక్షిణాఫ్రికాపై బాబర్‌ ఆజమ్‌ (49 బంతుల్లో) చేసిన సెంచరీ రెండో స్థానంలో ఉంది. ‘గత రెండు మ్యాచ్‌ల్లో విఫలమయ్యా. ఒక్క పరుగు కూడా చేయకుండానే అవుటయ్యా. దీంతో బాగా ఒత్తిడికి గురయ్యా. అయినా మేనేజ్‌మెంట్‌ నాకు మరో అవకాశం ఇచ్చింది.తొలి పరుగు చేసినప్పుడు భారం తీరినట్లు అనిపించింది. దీంతో స్వేచ్ఛగా ఆడి జట్టును గెలిపించాలనుకున్నా’ అని నవాజ్‌ అన్నాడు. ఇక నవాజ్, సల్మాన్‌ అబేధ్యమైన రెండో వికెట్‌కు 133 పరుగులు జోడించి జట్టును విజయ తీరాలకు చేర్చారు. 200 పైచిలుకు పరుగుల లక్ష్యాన్ని 16 ఓవర్లలోపు పూర్తి చేసిన తొలి జట్టుగా పాకిస్తాన్‌ నిలిచింది. ఓవరాల్‌గా పాకిస్తాన్‌కు ఇది రెండో పెద్ద ఛేదన. కెప్టెన్‌ సల్మాన్‌ కూడా ఈ మ్యాచ్‌లోనే తొలి అంతర్జాతీయ అర్ధశతకం పూర్తిచేసుకున్నాడు.అతడు అద్భుతంగా బ్యాటింగ్‌ చేశాడుఈ నేపథ్యంలో మ్యాచ్‌ అనంతరం కివీస్‌ కెప్టెన్‌ మైకేల్‌ బ్రేస్‌వెల్‌ మాట్లాడుతూ.. ‘‘ఈ ఫలితం మమ్మల్ని తీవ్రంగా నిరాశపరిచింది. నవాజ్‌కు హ్యాట్సాఫ్‌ చెప్పాల్సిందే. అతడు నమ్మశక్యం కాని ఇన్నింగ్స్‌ ఆడాడు. ఈ విషయంలో అతడికి తప్పకుండా క్రెడిట్‌ ఇవ్వాలి.మేము 20 ఓవర్ల పాటు ఆడలేకపోయాం. పొట్టి క్రికెట్‌లో ఇదొక నేరం లాంటిదే. చాప్‌మన్‌ అద్భుతంగా బ్యాటింగ్‌ చేశాడు. కానీ అతడు అవుటైన తర్వాత మేము మరో రెండు ఓవర్లు మెరుగ్గా బ్యాటింగ్‌ చేసి ఉంటే.. 230 పరుగుల మేర సాధించేవాళ్లం. ఏదేమైనా ఈ మ్యాచ్‌లో కనీసం మరో పదిహేను పరుగులు చేసి ఉంటే ఫలితం వేరేలా ఉండేది’’ అని పేర్కొన్నాడు.చదవండి: భారత జట్టు కెప్టెన్‌గా యువరాజ్‌ సింగ్‌

పాకిస్తాన్‌ యువ ఓపెనర్‌ హసన్‌ నవాజ్‌ సంచలన ప్రదర్శనతో వార్తల్లో నిలిచాడు. న్యూజిలాండ్‌తో ఇవాళ (మార్చి 21) జరిగిన టీ20లో 44 బంతుల్లోనే శతక్కొట్టి.. పొట్టి ఫార్మాట్‌లో పాక్‌ తరఫున వేగవంతమైన సెంచరీ చేసిన ఆటగాడిగా రికార్డు నెలకొల్పాడు. నవాజ్‌ అంతర్జాతీయ క్రికెట్‌లో తన మూడో మ్యాచ్‌లోనే ఈ ఘనత సాధించడం విశేషం. కెరీర్‌లో తొలి రెండు మ్యాచ్‌ల్లో ఖాతా కూడా తెరవలేకపోయిన నవాజ్‌.. మూడో మ్యాచ్‌లో ఏకంగా సెంచరీ చేసి తన జట్టుకు చిరస్మరణీయ విజయాన్ని అందించాడు. ఈ సెంచరీతో నవాజ్‌ పలు రికార్డులు తన ఖాతాలో వేసుకున్నాడు.టీ20ల్లో ఫాస్టెస్ట్‌ సెంచరీఈ మ్యాచ్‌లో నవాజ్‌ చేసిన సెంచరీ (44 బంతుల్లో) పాక్‌ తరఫున టీ20ల్లో ఫాస్టెస్ట్‌ సెంచరీ. గతంలో ఈ రికార్డు పాక్‌ మాజీ కెప్టెన్‌ బాబర్‌ ఆజమ్‌ (49 బంతుల్లో) పేరిట ఉండేది. తాజాగా బాబర్‌ రికార్డును నవాజ్‌ బద్దలు కొట్టాడు.టీ20ల్లో​ పాక్‌ తరఫున ఫాస్టెస్ట్‌ సెంచరీలుహసన్‌ నవాజ్‌- 44 బంతులుబాబర్‌ ఆజమ్‌- 49బాబర్‌ ఆజమ్‌- 58అహ్మద్‌ షెహజాద్‌- 58బాబర్‌ ఆజమ్‌- 62మహ్మద్‌ రిజ్వాన్‌- 63మూడో అత్యధిక వ్యక్తిగత స్కోర్‌ఈ మ్యాచ్‌లో మొత్తంగా 45 బంతులు ఎదుర్కొన్న నవాజ్‌ 10 ఫోర్లు, 7 సిక్సర్ల సాయంతో 105 పరుగులు చేసి అజేయంగా నిలిచాడు. నవాజ్‌ చేసిన ఈ స్కోర్‌ టీ20ల్లో పాక్‌ తరఫున మూడో అత్యధిక వ్యక్తిగత స్కోర్‌గా రికార్డైంది. టీ20ల్లో పాక్‌ తరఫున అత్యధిక వ్యక్తిగత స్కోర్‌ రికార్డు బాబర్‌ ఆజమ్‌ పేరిట ఉంది. 2021లో సౌతాఫ్రికాపై బాబర్‌ 122 పరుగులు చేశాడు. బాబర్‌ తర్వాత టీ20ల్లో పాక్‌ తరఫున అత్యధిక వ్యక్తిగత స్కోర్‌ రికార్డు అహ్మద్‌ షెహజాద్‌ పేరిట ఉంది. 2014లో షెహజాద్‌ బంగ్లాదేశ్‌పై 111లతో అజేయంగా నిలిచాడు.ఏడో అతి పిన్న వయస్కుడుఈ సెంచరీతో నవాజ్‌ టీ20ల్లో సెంచరీ చేసిన ఏడో అతి పిన్న వయస్కుడిగా రికార్డుల్లోకెక్కాడు. నవాజ్‌ 22 ఏళ్ల 212 రోజుల వయసులో సెంచరీ చేశాడు. టీ20ల్లో సెంచరీ చేసిన అతి పిన్న వయస్కుడి రికార్డు ఆఫ్ఘనిస్తాన్‌ ఆటగాడు హజ్రతుల్లా జజాయ్‌ పేరిట ఉంది. జజాయ్‌ 20 ఏళ్ల 337 రోజుల వయసులో శతక్కొట్టాడు.టీ20ల్లో సెంచరీలు చేసిన అతి పిన్న వయస్కులుహజ్రతుల్లా జజాయ్‌- 20 ఏళ్ల 337 రోజులుయశస్వి జైస్వాల్‌- 21 ఏళ్ల 279 రోజులుతిలక్‌ వర్మ- 22 ఏళ్ల 5 రోజులుతిలక్‌ వర్మ- 22 ఏళ్ల 7 రోజులురహ్మానుల్లా గుర్బాజ్‌- 22 ఏళ్ల 31 రోజులుఅహ్మద్‌ షెహజాద్‌- 22 ఏళ్ల 127 రోజులుహసన్‌ నవాజ్‌- 22 ఏళ్ల 212 రోజులుకెరీర్‌లో మూడో మ్యాచ్‌లోనే సెంచరీ చేసిన నవాజ్‌ టీ20ల్లో అత్యంత వేగంగా (మ్యాచ్‌ల పరంగా) సెంచరీ చేసిన ఐదో ఆటగాడిగా రికార్డుల్లోకెక్కాడు. రిచర్డ్‌ లెవి-రెండో ​మ్యాచ్‌ఎవిన్‌ లెవిస్‌- రెండో మ్యాచ్‌అభిషేక్‌ శర్మ- రెండో మ్యాచ్‌దీపక్‌ హూడా- మూడో మ్యాచ్‌హసన్‌ నవాజ్‌- మూడో మ్యాచ్‌టీ20ల్లో పాక్‌ తరఫున మూడో ఫాస్టెస్ట్‌ హాఫ్‌ సెంచరీఈ మ్యాచ్‌లో నవాజ్‌ 26 బంతుల్లో హాఫ్‌ సెంచరీ పూర్తి చేశాడు. తద్వారా పొట్టి ఫార్మాట్‌లో పాక్‌ తరఫున మూడో వేగవంతమైన హాఫ్‌ సెంచరీని నమోదు చేశాడు. టీ20ల్లో పాక్‌ తరఫున ఫాస్టెస్ట్‌ హాఫ్‌ సెంచరీ రికార్డు షర్జీల్‌ ఖాన్‌ (24) పేరిట ఉంది.మ్యాచ్‌ విషయానికొస్తే.. 5 మ్యాచ్‌ల సిరీస్‌లో భాగంగా జరిగిన మూడో టీ20లో పాకిస్తాన్‌ న్యూజిలాండ్‌పై 9 వికెట్ల తేడాతో గెలుపొందింది. ఈ మ్యాచ్‌లో పాక్‌ యువ ఓపెనర్‌ హసన్‌ నవాజ్‌ 44 బంతుల్లోనే శతక్కొట్టి పాక్‌కు చిరస్మరణీయ విజయాన్ని అందించాడు.తొలుత బ్యాటింగ్‌ చేసిన న్యూజిలాండ్‌ 19.5 ఓవర్లలో 204 పరుగుల భారీ స్కోర్‌ చేసి ఆలౌటైంది. మార్క్‌ చాప్‌మన్‌ 44 బంతుల్లో 11 ఫోర్లు, 4 సిక్సర్ల సాయంతో 94 పరుగులు చేసి న్యూజిలాండ్‌ భారీ స్కోర్‌ చేయడానికి దోహదపడ్డారు. పాక్‌ బౌలర్లలో హరీస్‌ రౌఫ్‌ అద్భుతంగా బౌలింగ్‌ చేసి 3 వికెట్లు తీయగా.. షాహీన్‌ అఫ్రిది, అబ్రార్‌ అహ్మద్‌, అబ్బాస్‌ అఫ్రిది తలో 2, షాదాబ్‌ ఖాన్‌ ఓ వికెట్‌ పడగొట్టారు.అనంతరం 205 పరుగుల లక్ష్యాన్ని ఛేదించేందుకు బరిలోకి దిగిన పాక్‌ ఓపెనర్‌ హసన్‌ నవాజ్‌ విధ్వంసకర శతకంతో విరుచుకుపడటంతో 16 ఓవర్లనే లక్ష్యాన్ని ఊదేసింది. నవాజ్‌కు మరో ఓపెనర్‌ మహ్మద్‌ హరీస్‌ (20 బంతుల్లో 41), కెప్టెన్‌ సల్మాన్‌ అఘా (31 బంతుల్లో 51 నాటౌట్‌) సహకరించారు. ఈ గెలుపుతో పాక్‌ సిరీస్‌లో న్యూజిలాండ్‌ ఆధిక్యాన్ని 1-2కు తగ్గించింది. తొలి రెండు టీ20ల్లో న్యూజిలాండ్‌ ఘన విజయం​ సాధించిన విషయం తెలిసిందే. నాలుగో టీ20 మార్చి 23న మౌంట్‌ మాంగనూయ్‌ వేదికగా జరుగనుంది.

పాకిస్తాన్‌ క్రికెట్‌ బోర్డు (PCB) తీరుపై ఆ జట్టు మాజీ స్పిన్నర్‌ సయీద్‌ అజ్మల్‌ (Saeed Ajmal) ఆగ్రహం వ్యక్తం చేశాడు. న్యూజిలాండ్‌తో సిరీస్‌ నేపథ్యంలో బాబర్‌ ఆజంపై వేటు వేయడాన్ని తప్పుబట్టాడు. అదే విధంగా.. బాబర్‌ను విమర్శిస్తున్న మాజీ క్రికెటర్లపై కూడా అజ్మల్‌ ఈ సందర్భంగా మండిపడ్డాడు.అంతటి సచిన్‌కే తప్పలేదుఅంతటి సచిన్‌ టెండుల్కర్‌ (Sachin Tendulkar)కు అయినా ప్రతి మ్యాచ్‌లో సెంచరీ చేయడం సాధ్యం కాదని.. అలాంటపుడు బాబర్‌ను పదే పదే ఎందుకు విమిర్శిస్తారని అసహనం వ్యక్తం చేశాడు. పాకిస్తాన్‌ క్రికెట్‌కు ప్రపంచవ్యాప్తంగా పేరు తెచ్చిన బాబర్‌ ఆత్మవిశ్వాసం దెబ్బతినేలా వ్యవహరించడం మానుకోవాలని అజ్మల్‌ హితవు పలికాడు.కాగా వన్డే ప్రపంచకప్‌​-2023లో పాకిస్తాన్‌ లీగ్‌ దశలోనే నిష్క్రమించిన విషయం తెలిసిందే. అంతేకాదు చరిత్రలో లేని విధంగా తొలిసారి అఫ్గనిస్తాన్‌ చేతిలో వన్డే పరాజయం చవిచూసింది. దీంతో బాబర్‌ ఆజం కెప్టెన్సీ నుంచి వైదొలగగా.. టీ20 ప్రపంచకప్‌-2024 టోర్నీ ఆరంభానికి ముందు పీసీబీ మరోసారి అతడికి పగ్గాలు అప్పగించింది.ఇక ఈ ఐసీసీ టోర్నమెంట్లోనూ పాకిస్తాన్‌కు పరాభవమే ఎదురైంది. పసికూన అమెరికా చేతిలో ఓడి లీగ్‌ దశలోనే ఇంటిబాట పట్టింది. ఈ క్రమంలో బాబర్‌పై వేటు వేసిన పీసీబీ.. వికెట్‌ కీపర్‌ బ్యాటర్‌ మహ్మద్‌ రిజ్వాన్‌కు సారథ్య బాధ్యతలు అప్పగించింది. అతడి కెప్టెన్సీలో వన్డేల్లో పాక్‌ చిరస్మరణీయ విజయాలు సాధించింది.ఆ ఇద్దరిపై వేటుఆస్ట్రేలియా పర్యటనలో కంగారూలను ఓడించడంతో పాటు.. సౌతాఫ్రికా గడ్డపై ఇంత వరకు ఏ జట్టుకు సాధ్యం కాని రీతిలో ప్రొటిస్‌ జట్టును 3-0తో క్లీన్‌స్వీప్‌ చేసింది. ఇదే జోరులో సొంతగడ్డపై ఐసీసీ చాంపియన్స్‌ ట్రోఫీ-2025లోనూ సత్తా చాటాలని ఉవ్విళ్లూరింది. అయితే, అంతకంటే ముందు సౌతాఫ్రికా- న్యూజిలాండ్‌లతో త్రైపాక్షక వన్డే సిరీస్‌లో ఓటమిపాలైన రిజ్వాన్‌ బృందం.. ఐసీసీ టోర్నీలోనూ చేదు అనుభవం చవిచూసింది.డిఫెండింగ్‌ చాంపియన్‌గా బరిలోకి ఒక్క విజయం లేకుండానే ఈ వన్డే ఈవెంట్‌ నుంచి నిష్క్రమించింది. తొలుత న్యూజిలాండ్‌ చేతిలో.. అనంతరం టీమిండియా చేతిలో పరాజయం పాలైన పాక్‌.. బంగ్లాదేశ్‌తో మ్యాచ్‌ వర్షం వల్ల రద్దు కావడంతో నిరాశగా వెనుదిరిగింది. ఇక ఈ టోర్నీలో బాబర్‌తో పాటు.. రిజ్వాన్‌ కూడా తేలిపోయాడు.ఈ నేపథ్యంలో న్యూజిలాండ్‌ పర్యటనలో భాగంగా టీ20 సిరీస్‌కు ప్రకటించిన జట్టులో పీసీబీ ఈ ఇద్దరికి చోటు ఇవ్వలేదు. కెప్టెన్‌గా రిజ్వాన్‌ను తప్పించడంతో పాటు బాబర్‌పై కూడా వేటు వేసింది. ఈ విషయంపై సయీద్‌ అజ్మల్‌ స్పందిస్తూ పీసీబీ తీరును ఎండగట్టాడు. విరాట్‌ లాంటి దిగ్గజాలు కూడా అంతే‘‘బాబర్‌, రిజ్వాన్‌ గొప్ప ఆటగాళ్లు. అయితే, మిగతా వాళ్లలా వాళ్లు దూకుడుగా బ్యాటింగ్‌ చేయలేరు. అయినా సరే జట్టుకు అవసరమైనప్పుడు కచ్చితంగా రాణిస్తారు. కానీ మా వాళ్ల(మాజీ క్రికెటర్లను ఉద్దేశించి) ఆలోచనా విధానం ఇప్పుడు పూర్తిగా మారిపోయింది.అంతర్జాతీయ క్రికెట్‌ అంటే దూకుడుగా ఆడాలనే ఫిక్సైపోయినట్టున్నారు. మ్యాచ్‌ విన్నర్లకు దూకుడుతో పని ఏముంది? అటాకింగ్‌ చేసే కంటే ముందు విరాట్‌ లాంటి దిగ్గజాలు కూడా తమ ఇన్నింగ్స్‌ను నెమ్మదిగానే ఆరంభిస్తారు. అది వాళ్ల శైలి. కానీ బాబర్‌- రిజ్వాన్‌లను మీరెందుకు తప్పుబడుతున్నారు?వాళ్లను టీ20 జట్టు నుంచి తొలగించడం ముమ్మాటికీ తప్పే. నిజంగా మీకు చిత్తశుద్ధి ఉంటే.. బాబర్‌పై వేటు వేయకుండా.. అతడితో చర్చించి ఆటను మార్చుకునే విధంగా.. తిరిగి పుంజుకునేలా స్ఫూర్తి నింపి ఉండాల్సింది.మీరు కాస్త నోళ్లు మూయండిప్రతి ఒక్క క్రికెటర్‌ జీవితంలో ఒకానొక సమయంలో గడ్డు దశ ఎదుర్కోక తప్పదు. కెరీర్‌ మొత్తం ఏ ఆటగాడూ అద్భుతంగా ఆడలేడు. అంతెందుకు.. సచిన్‌ టెండుల్కర్‌ కూడా ప్రతి మ్యాచ్‌లో శతకం బాదలేడు కదా!పాకిస్తాన్‌ క్రికెట్‌కు ఉన్న ఏకైక స్టార్‌ బాబర్‌. మీరు గనుక అతడిని కూడా డీగ్రేడ్‌ చేస్తే.. ఎవరి పేరు మీద పాక్‌ క్రికెట్‌ను నడుపుతారు? కాస్త బుర్ర పెట్టి ఆలోచించండి. మన మాజీ క్రికెటర్లు కాస్త నోళ్లు మూసుకుని ఉంటే బాగుంటుంది’’ అని సయీద్‌ అజ్మల్‌ ఘాటు విమర్శలు చేశాడు.చదవండి: ఎవరూ ఊహించని నిర్ణయం.. అతడి రాకతో కివీస్‌ కుదేలు: పాక్‌ దిగ్గజం

పాకిస్తాన్‌ క్రికెటర్లకు ఘెర అవమానం జరిగింది. నిన్న (మార్చి 12) జరిగిన హండ్రెడ్‌ లీగ్‌ డ్రాఫ్ట్‌లో ఆ దేశానికి చెందిన ఒక్క క్రికెటర్‌ కూడా అమ్ముడుపోలేదు. మీడియా కథనం ప్రకారం హండ్రెడ్‌ లీగ్‌-2025 డ్రాఫ్ట్‌లో (వేలం) పాకిస్తాన్‌కు చెందిన 45 మంది పురుషులు, 5 మంది మహిళా క్రికెటర్లు పాల్గొన్నారు. వీరిలో ఒక్కరిపై కూడా ఫ్రాంచైజీలు ఆసక్తి చూపలేదు. గత సీజన్‌లో అత్యధిక ధర పలికిన పాక్‌ ఆటగాడు నసీం షాను ఈ సీజన్‌లో ఫ్రాంచైజీలు కన్నెత్తి కూడా చూడలేదు. గత సీజన్‌లో మంచి ధర దక్కించుకున్న ఇమాద్‌ వసీం, సైమ్‌ అయూబ్‌, షాదాబ్‌ ఖాన్‌, హసన్‌ అలీ, మహ్మద్‌ హస్నైన్‌ను ఫ్రాంచైజీలు తిరస్కరించాయి. పాక్‌ ఆటగాళ్లకు ఈ గతి పట్టడానికి వారి ఫామ్‌లేమితో పాటు మరో కారణం కూడా ఉంది. ఈ ఏడాది హండ్రెడ్‌ లీగ్‌లో ఐపీఎల్‌ ఫ్రాంచైజీలు పెట్టుబడులు పెట్టాయి. ఎనిమిదింట నాలుగు ఫ్రాంచైజీలను ఐపీఎల్‌ ఫ్రాంచైజీల యజమానులు కొనుగోలు చేశారు. భారతీయ పెట్టుబడులు ఉండటం చేతనే హండ్రెడ్‌ ఫ్రాంచైజీలు పాక్‌ ఆటగాళ్లను ఎంపిక చేయలేదని టాక్‌ నడుస్తుంది. హండ్రెడ్‌ లీగ్‌లో పాక్‌ ఆటగాడు ఉసామా మిర్‌ అత్యధికంగా 13 మ్యాచ్‌లు ఆడాడు. హరీస్‌ రౌఫ్‌ 12, ఇమాద్‌ వసీం 10, మహ్మద్‌ అమిర్‌ 6, షాహీన్‌ అఫ్రిది 6, మహ్మద్‌ హస్నైన్‌ 5, జమాన్‌ ఖాన్‌ 5, షాదాబ్‌ ఖాన్‌ 3, వాహబ్‌ రియాజ్‌ 2 మ్యాచ్‌లు ఆడారు.బ్రేస్‌వెల్‌, నూర్‌ అహ్మద్‌కు జాక్‌పాట్‌హండ్రెడ్‌ లీగ్‌-2025 డ్రాఫ్ట్‌లో (వేలం) న్యూజిలాండ్‌ ఆల్‌రౌండర్‌ మైఖేల్‌ బ్రేస్‌వెల్‌, ఆఫ్ఘనిస్తాన్‌ యువ స్పిన్నర్‌ నూర్‌ అహ్మద్‌ జాక్‌పాట్‌ కొట్టారు. ఈ ఇద్దరు ఊహించని ధర 2 లక్షల పౌండ్లకు (రూ. 2.26 కోట్లు) అమ్ముడుపోయారు. బ్రేస్‌వెల్‌ను గత సీజన్‌ రన్నరప్‌ సధరన్‌ బ్రేవ్‌ దక్కించుకోగా.. నూర్‌ అహ్మద్‌ను మాంచెస్టర్‌ ఒరిజినల్స్‌ సొంతం చేసుకుంది.డ్రాఫ్ట్‌లో బ్రేస్‌వెల్‌, నూర్‌ అహ్మద్‌తో పాటు మరో ఇద్దరు ఇంగ్లండ్‌ ఆటగాళ్లు కూడా 2 లక్షల పౌండ్లకు (రూ. 2.26 కోట్లు) అమ్ముడుపోయారు. ఆల్‌రౌండర్ జేమీ ఓవర్టన్‌ను లండన్‌ స్పిరిట్‌.. మరో ఆల్‌రౌండర్‌ డేవిడ్‌ విల్లేను ట్రెంట్‌ రాకెట్స్‌ సొ​ంతం చేసుకున్నాయి.నిన్నటి డ్రాఫ్ట్‌లో మరో మేజర్‌ సైనింగ్‌ ఆసీస్‌ వెటరన్‌ ఓపెనర్‌ డేవిడ్‌ వార్నర్‌. గతేడాది డ్రాఫ్ట్‌లో అమ్ముడుపోని వార్నర్‌ను ఈసారి లండన్‌ స్పిరిట్‌ 1.2 లక్షల పౌండ్లకు (రూ. 1.35 కోట్లు) సొంతం చేసుకుంది. న్యూజిలాండ్‌ స్టార్‌ ఆల్‌రౌండర్‌, ఛాంపియన్స్‌ ట్రోఫీ హీరో రచిన్‌ రవీంద్రను మాంచెస్టర్‌ ఒరిజినల్స్‌ ఇదే ధరకు (1.2 లక్షల పౌండ్లు) దక్కించుకుంది.ఈసారి డ్రాఫ్ట్‌కు అందుబాటులో ఉండిన ఇంగ్లండ్‌ మాజీ పేసర్‌ జేమ్స్‌ ఆండర్సన్‌కు చుక్కెదురైంది. ఆండర్సన్‌ను డ్రాఫ్ట్‌లో ఏ ఫ్రాంచైజీ కొనుగోలు చేయలేదు.మహిళల డ్రాఫ్ట్‌ విషయానికొస్తే.. సోఫి డివైన్‌, జార్జియా వాల్‌, పెయిజ్‌ స్కోల్‌ఫీల్డ్‌ మంచి ధరలు దక్కించుకున్నారు. పురుషులు, మహిళల డ్రాఫ్ట్‌లో మొత్తం 66 మంది ప్లేయర్లు అమ్ముడుపోయారు. ఈ డ్రాఫ్ట్‌ తర్వాత కూడా ఫ్రాంచైజీలకు వైల్డ్‌కార్డ్‌ డ్రాఫ్ట్‌ ద్వారా ప్లేయర్లను ఎంపిక చేసుకునే వెసులుబాటు ఉంటుంది. ద హండ్రెడ్‌ లీగ్‌-2025 (పురుషులు, మహిళలు) ఆగస్ట్‌ 5 నుంచి ప్రారంభం కానుంది. లార్డ్స్‌లో జరిగే తొలి మ్యాచ్‌లో లండన్‌ స్పిరిట్‌, ఓవల్‌ ఇన్విన్సిబుల్స్‌ తలపడతాయి.

న్యూజిలాండ్‌తో టీ20, వన్డే సిరీస్‌లకు పాకిస్తాన్‌ క్రికెట్‌ బోర్డు(PCB) తమ జట్లను ప్రకటించింది. కెప్టెన్‌ మహ్మద్‌ రిజ్వాన్‌(Mohammad Rizwan), మాజీ సారథి బాబర్‌ ఆజం(Babar Azam)లకు ఈ సందర్భంగా షాకిచ్చింది. టీ20 జట్టు నుంచి వీరిద్దరిని తప్పించిన యాజమాన్యం వన్డేల్లో మాత్రం చోటిచ్చింది.పాయింట్ల పట్టికలో అట్టడుగునఐసీసీ చాంపియన్స్ ట్రోఫీ-2025లో పాకిస్తాన్‌ ఘోర పరాభవం పాలైన విషయం తెలిసిందే. ఆతిథ్య జట్టుగా డిఫెండింగ్‌ చాంపియన్‌గా బరిలోకి దిగిన రిజ్వాన్‌ బృందం.. గ్రూప్‌ దశలోనే ఈ వన్డే టోర్నమెంట్‌ నుంచి నిష్క్రమించింది. గ్రూప్‌-‘ఎ’లో భాగంగా తొలుత సొంతగడ్డపై న్యూజిలాండ్‌ చేతిలో చిత్తుగా ఓడిన పాకిస్తాన్‌.. అనంతరం దుబాయ్‌ వేదికగా చిరకాల ప్రత్యర్థి టీమిండియా చేతిలో మరోసారి పరాజయాన్ని చవిచూసింది.అనంతరం ఆఖరిగా బంగ్లాదేశ్‌తో మ్యాచ్‌లోనైనా గెలిచి పరువు కాపాడుకోవాలని ప్రయత్నించగా.. వర్షం అడ్డుపడింది. రావల్పిండిలో జరగాల్సిన ఈ మ్యాచ్‌ వరణుడి కారణంగా టాస్‌ పడకుండానే రద్దైపోయింది. దీంతో చాంపియన్స్‌ ట్రోఫీ-2025లో ఒక్క విజయం కూడా లేకుండానే పాకిస్తాన్‌ టోర్నీని ముగించింది. పాయింట్ల పట్టికలోనూ అట్టడుగున నిలిచి అభిమానుల ఆగ్రహానికి గురైంది.ఈ టోర్నీలో కెప్టెన్‌ రిజ్వాన్‌తో పాటు స్టార్‌ బ్యాటర్‌ బాబర్‌ ఆజం విఫలం కావడం తీవ్ర ‍ప్రభావం చూపింది. ఈ నేపథ్యంలో వీరిద్దరిపై మాజీ క్రికెటర్లు వసీం అక్రం, షోయబ్‌ అక్తర్‌ తదితరులు విమర్శల వర్షం కురిపించారు. ఈ నేపథ్యంలో పీసీబీ ప్రక్షాళన చర్యలు చేపట్టినట్లు కనిపిస్తోంద.న్యూజిలాండ్‌ పర్యటనకుకాగా చాంపియన్స్‌ ట్రోఫీలో చేదు అనుభవం తర్వాత పాకిస్తాన్‌ పరిమిత ఓవర్ల సిరీస్‌ ఆడేందుకు న్యూజిలాండ్‌కు వెళ్లనుంది. మార్చి 16- ఏప్రిల్‌ 5 వరకు కొనసాగనున్న పర్యటనలో ఐదు టీ20లు, మూడు వన్డేలు ఆడనుంది. ఇందుకు సంబంధించి రెండు వేర్వేరు జట్లను పీసీబీ మంగళవారం ప్రకటించింది. వన్డే సారథిగా రిజ్వాన్‌ను కొనసాగించడంతో పాటు ఆ జట్టులో బాబర్‌కు కూడా సెలక్టర్లు చోటిచ్చారు.అయితే, టీ20లకు మాత్రం పీసీబీ కొత్త కెప్టెన్‌ను తీసుకువచ్చింది. బ్యాటింగ్‌ ఆల్‌రౌండర్‌ సల్మాన్‌ ఆఘాను పాక్‌ టీ20 జట్టు సారథిగా నియమించింది. ఈ క్రమంలో రిజ్వాన్‌, బాబర్‌లపై వేటు వేసింది. ఆకిబ్‌ కొనసాగింపుఇదిలా ఉంటే.. హెడ్‌కోచ్‌ ఆకిబ్‌ జావెద్‌పై కూడా వేటు పడుతుందనే అభిప్రాయాలు వ్యక్తం కాగా కివీస్‌ టూర్‌కు మాత్రం పాకిస్తాన్‌ అతడినే కొనసాగించింది.కొత్తగా మహ్మద్‌ యూసఫ్‌ను బ్యాటింగ్‌ కోచ్‌గా నియమించిన పీసీబీ.. నవీద్‌ అక్రం చీమాను టీమ్‌ మేనేజర్‌గా.. అజర్‌ మహమూద్‌ను అసిస్టెంట్‌ కోచ్‌గా సహాయక సిబ్బందిలో చేర్చుకుంది. ఇదిలా ఉంటే.. ఈ టూర్‌కు గాయాల వల్ల ఓపెనర్లు ఫఖర్‌ జమాన్‌, సయీమ్‌ ఆయుబ్‌ దూరం కాగా ఆకిఫ్‌ జావేద్‌, మహ్మద్‌ అలీలకు వన్డే జట్టులో స్థానం దక్కింది.కాగా న్యూజిలాండ్‌- పాకిస్తాన్‌ మధ్య మార్చి 16, 18, 21, 23, 26 తేదీల్లో ఐదు టీ20లు.. మార్చి 29, ఏప్రిల్‌ 2, 5 తేదీల్లో మూడు వన్డేలు జరుగుతాయి.న్యూజిలాండ్‌తో వన్డేలకు పాకిస్తాన్‌ జట్టుమహ్మద్ రిజ్వాన్ (కెప్టెన్), సల్మాన్ అలీ ఆఘా (వైస్‌ కెప్టెన్‌), అబ్దుల్లా షఫీక్, అబ్రార్ అహ్మద్, ఆకిఫ్‌ జావేద్, బాబర్ ఆజం, ఫహీమ్ అష్రఫ్, ఇమామ్ ఉల్ హక్, ఖుష్దిల్ షా, మహ్మద్ అలీ, ముహమ్మద్ వాసిం జూనియర్, ముహమ్మద్ ఇర్ఫాన్ ఖాన్, నసీమ్ షా, సూఫియాన్‌ ముఖీమ్, తయ్యాబ్ తాహిర్.న్యూజిలాండ్‌తో టీ20లకు పాకిస్తాన్‌ జట్టుసల్మాన్ అలీ ఆఘా (కెప్టెన్), షాదాబ్ ఖాన్ (వైస్‌ కెప్టెన్‌), అబ్దుల్ సమద్, అబ్రార్ అహ్మద్, హరీస్ రవూఫ్, హసన్ నవాజ్, జహందాద్ ఖాన్, ఖుష్దిల్ షా, ముహమ్మద్ అబ్బాస్ అఫ్రిది, ముహమ్మద్ అలీ, ముహమ్మద్ హారీస్, ముహమ్మద్ ఇర్ఫాన్ ఖాన్, ఒమైర్ బిన్ యూసుఫ్, షాహీన్ షా అఫ్రిది, సూఫియాన్‌ ముఖీమ్‌, ఉస్మాన్‌ ఖాన్‌.చదవండి: రోహిత్‌ శర్మ ‘చెత్త’ రికార్డు!

ఛాంపియ‌న్స్ ట్రోఫీ-20525లో పాకిస్తాన్ చెత్త ప్ర‌ద‌ర్శ‌న‌తో గ్రూపు స్టేజిలోనే ఇంటిముఖం ప‌ట్టిన సంగ‌తి తెలిసిందే. అయిన‌ప్ప‌టికి ఆ దేశ మాజీ క్రికెట‌ర్ల బుద్ది మాత్రం మార‌లేదు. వ‌సీం అక్ర‌మ్‌, షోయ‌బ్ అక్త‌ర్‌, వ‌కార్ యూనిస్ వంటి పాక్ దిగ్గ‌జాలు త‌మ జ‌ట్టుపై విమ‌ర్శ‌ల వ‌ర్షం కురిపిస్తుంటే.. మ‌రి కొంత‌మంది మాజీ క్రికెట‌ర్లు మాత్రం భార‌త్‌పై విషం చిమ్ముతున్నారు. తాజాగా పాకిస్తాన మాజీ క్రికెట‌ర్ మొహ్సిన్ ఖాన్.. భారత స్టార్ బ్యాటర్ విరాట్ కోహ్లిని కించ‌ప‌రిచి మాట్లాడాడు. విరాట్ కోహ్లి కంటే పాక్ ఆటగాడు బాబర్ ఆజం ఎంతో బెటర్ అని అతడు విమర్శించాడు.మీకు ఒక్క విషయం చెప్పాలనకుంటున్నాను. బాబర్ ఆజంతో విరాట్ కోహ్లిని దయచేసి పోల్చవద్దు. బాబర్ ముంగిట విరాట్ కోహ్లి జీరో. మనం ఇక్కడ ఎవరు మంచి ఆటగాడు అనే దాని గురించి మాట్లాడటం లేదు. ఇక ఈ విషయం గురించి వదిలేద్దాం. పాకిస్తాన్ క్రికెట్ పతనం గురించి మాట్లాడుతున్నాము. ప్రణాళిక లేదు, వ్యూహాలు లేవు, జవాబుదారీతనం లేదు. పాక్ క్రికెట్ నాశనం అవుతోంది అని మొహ్సిన్ ఖాన్ ARY న్యూస్‌తో పేర్కొన్నారు.కాగా ఈ మెగా టోర్నీలో బాబర్ ఆజం విఫలమయ్యాడు. రెండు మ్యాచ్‌ల్లో కేవలం 87 పరుగులు మాత్రమే చేశాడు. మరోవైపు విరాట్ కోహ్లి మాత్రం పాకిస్తాన్‌తో జరిగిన మ్యాచ్‌లో అద్భుతమైన సెంచరీ చెలరేగాడు. దీంతో తమ జట్టుపై విరాట్ సెంచరీ చేయడాన్ని పాక్ మాజీలు జీర్ణించుకోలేకపోతున్నారు. ఈ క్రమంలోనే కోహ్లిపై తమ అక్కసును వెల్లగక్కుతున్నారు. అయితే మొహ్సిన్ ఖాన్‌కు భారత అభిమానులు గట్టిగా కౌంటిరిస్తున్నారు. విరాట్‌​ కోహ్లికి బాబర్‌కు పోలికా, కొంచమైనా సిగ్గు ఉండాలి అంటూ సోషల్ మీడియాలో పోస్ట్‌లు చేస్తున్నారు. కాగా మెగా టోర్నీలో భారత జట్టు అదరగొడుతోంది. వరుసగా మూడు విజయాలతో గ్రూపు స్టేజిని టీమిండియా ఆజేయంగా ముగించింది. మంగళవారం జరగనున్న తొలి సెమీఫైనల్లో ఆసీస్‌తో భారత్‌ అమీతుమీ తెల్చుకోనుంది.చదవండి: 'అఫ్గానిస్తాన్‌ను చూసి నేర్చుకోండి'.. విండీస్‌కు వివ్‌ రిచర్డ్స్‌ హితవు

ఐసీసీ ఛాంపియ‌న్స్ ట్రోఫీ-2025లో పాకిస్తాన్ వ‌రుస‌గా రెండో ఓట‌మి చ‌విచూసింది. దీంతో త‌మ సెమీస్ అవ‌కాశాల‌ను పాక్ జ‌ట్టు సంక్లిష్టం చేసుకుంది. తొలి మ్యాచ్‌లో న్యూజిలాండ్ చేతిలో ఓట‌మి చ‌విచూసిన పాకిస్తాన్‌.. రెండో మ్యాచ్‌లో కూడా అదే ఫలితం పున‌రావృతమైంది. దుబాయ్‌​ వేదికగా భారత్‌తో జరిగిన మ్యాచ్‌లో 6 వికెట్ల తేడాతో పాక్ పరాజయం పాలైంది. బ్యాటింగ్‌, బౌలింగ్ రెండింటిలోనూ విఫలమైన ఆతిథ్య జట్టు ఈ ఘోర ఓటమిని మూటకట్టుకుంది.దీంతో పాక్‌​ జట్టు ఇంటాబయట విమర్శలు ఎదుర్కొం‍టుంది. తాజాగా ఈ జాబితాలోకి పాకిస్తాన్ ఫాస్ట్ బౌలింగ్ దిగ్గజం షోయబ్ అక్తర్ చేరాడు. ఈ మ్యాచ్‌లో విఫలమైన పాక్ స్టార్ ప్లేయర్ బాబర్‌​ ఆజం(Babar Azam)పై విమర్శలు గుప్పించాడు. ఓపెనర్‌గా బరిలోకి దిగిన బాబర్ ఆట తీరును అక్తర్ తప్పుబట్టాడు."మనం ఎప్పుడూ బాబర్ ఆజంను విరాట్‌​ కోహ్లితో పోలుస్తాం. విరాట్‌కు బాబర్‌కు చాలా వ్యత్యాసం ఉంది. కోహ్లి.. సచిన్ టెండూల్కర్‌ను రోల్‌మోడల్‌గా తీసుకుని తన కెరీర్‌ను ప్రారంభించాడు. టెండ్కూలర్ అంతర్జాతీయ ‍క్రికెట్‌లో 100 సెంచరీలు చేశాడు. విరాట్ ఇప్పుడు అతడి వారసత్వాన్ని పొందేందుకు ప్రయత్నిస్తున్నాడు.సచిన్ సెంచరీలకు చేరువతున్నాడు. కానీ బాబర్ ఆజంకు ఎవరూ ఆదర్శం లేరు. అతడి ఆలోచిన విధానం సరిగ్గాలేదు. అనవసరమైన విషయాలపై దృష్టి పెట్టి తన రిథమ్‌ను కోల్పోయాడు. బాబ‌ర్ ఆజం ఒక మోస‌గాడు. అత‌డు కెరీర్ ఆరంభం నుంచి సెల్ఫిష్‌గా ఉన్నాడు. పాకిస్థాన్ క్రికెట్ జట్టు గురించి మాట్లాడేందుకు నాకు ఆస‌క్తి లేదు" అని అక్త‌ర్ ఓ ఛానల్‌కు ఇచ్చిన ఇంట‌ర్వ్యూలో పేర్కొన్నాడు. కాగా ఈ మ్యాచ్‌లో బాబర్‌​ ఆజం 23 పరుగులు చేసి ఔటయ్యాడు.విరాట్ కోహ్లి సూప‌ర్ సెంచ‌రీ..కాగా ఈ మ్యాచ్‌లో 242 పరుగుల టార్గెట్‌ను భారత్ కేవలం నాలుగు వికెట్లు మాత్రమే కోల్పోయి 42.3 ఓవర్లలో చేధించింది. భార‌త బ్యాట‌ర్ల‌లో విరాట్ కోహ్లి ఆజేయ సెంచ‌రీతో చెల‌రేగాడు. కోహ్లి 111 బంతుల్లో 7 ఫోర్లతో సరిగ్గా 100 పరుగులు చేసి నాటౌట్‌గా నిలిచాడు.అత‌డితో పాటు శ్రేయస్‌ అయ్యర్‌(67 బంతుల్లో 5 ఫోర్లు, ఒక సిక్సర్‌తో 56), శుబ్‌మన్‌ గిల్‌(46) పరుగులతో రాణించారు. పాక్‌ బౌలర్లలో షాహీన్‌ అఫ్రిది రెండు వికెట్లు పడగొట్టగా.. ఆర్బర్‌ ఆహ్మద్‌, కుష్దిల్‌ షా తలా రెండు వికెట్లు వికెట్‌ సాధించారు.చదవండి: పాకిస్తాన్‌ మ్యాచ్‌లో హార్దిక్‌ ధరించిన వాచీ ధర తెలిస్తే ఫ్యూజులు ఎగిరిపోవాల్సిందే..!

ICC CT 2025 India vs Pakistan Updates: చాంపియన్స్‌ ట్రోఫీ-2025లో పాకిస్తాన్‌ను టీమిండియా చిత్తు చేసింది. 2017 ఫైనల్లో ఎదురైన పరాభవానికి ప్రతీకారం తీర్చుకుంది. దాయాది జట్టు విధించిన 242 పరుగుల లక్ష్యాన్ని 42.3 ఓవర్లలోనే ఛేదించి ఆరు వికెట్ల తేడాతో ఓడించింది. లక్ష్య ఛేదనలో కోహ్లి 42.3 ఓవర్లో కోహ్లి ఫోర్‌ బాది సెంచరీ పూర్తి చేసుకొని.. భారత్‌ను విజయతీరాలకు చేర్చాడు. కోహ్లి వంద పరుగులతో అజేయంగా నిలవగా.. శ్రేయస్‌ అయ్యర్‌(56), శుబ్‌మన్‌ గిల్‌(46) రాణించారు. ఈ విజయంతో భారత్‌ సెమీస్‌ రేసులో ముందుకు దూసుకుపోయింది.పాక్‌ 241 ఆలౌట్‌క్రికెట్‌ ప్రపంచం ఆసక్తిగా ఎదురుచూసిన దాయాదుల పోరుకు తెరలేచింది. ఐసీసీ చాంపియన్స్‌ ట్రోఫీ-2025(ICC Champions Trophy)లో భాగంగా దుబాయ్‌ వేదికగా చిరకాల ప్రత్యర్థులు భారత్‌- పాకిస్తాన్‌(India vs Pakistan) తలపడుతున్నాయి. టాస్‌ గెలిచిన పాక్‌ తొలుతబ్యాటింగ్‌ చేసి 241 పరుగులకు ఆలౌట్‌ కాగా.. టీమిండియా ఛేజింగ్‌కు దిగింది.41 ఓవర్లలో టీమిండియా స్కోరు: 225-4విజయానికి ఇంకా 17 పరుగుల దూరంలో భారత్‌నాలుగో వికెట్‌ కోల్పోయిన టీమిండియాహార్దిక్‌ పాండ్యా రూపంలో టీమిండియా నాలుగో వికెట్‌ కోల్పోయింది. షాహిన్‌ ఆఫ్రిది బౌలింగ్‌లో పాండ్యా(8) కీపర్‌ రిజ్వాన్‌కు క్యాచ్‌ ఇచ్చి పెవిలియన్‌ చేరాడు. స్కోరు: 223-4. కోహ్లి 86 పరుగులతో ఉండగా అక్షర్‌ పటేల్‌ క్రీజులోకి వచ్చాడు. విజయానికి ఇంకా 19 పరుగులు కావాలి.మూడో వికెట్‌ కోల్పోయిన టీమిండియాశ్రేయస్‌ అయ్యర్‌ రూపంలో టీమిండియా మూడో వికెట్‌ కోల్పోయింది. ఖుష్దిల్‌ బౌలింగ్‌లో శ్రేయస్‌ ఇచ్చిన క్యాచ్‌ను ఇమామ్‌ అద్భుతరీతిలో క్యాచ్‌ అందుకున్నాడు. దీంతో 56 పరుగుల వ్యక్తిగత స్కోరు వద్ద శ్రేయస్‌ అయ్యర్‌ నిష్క్రమించాడు. హార్దిక్‌ పాండ్యా క్రీజులోకి రాగా కోహ్లి 85 పరుగులతో ఉన్నాడు. భారత్‌ స్కోరు: 215/3 (39). విజయానికి 66 బంతుల్లో 27 పరుగులు కావాలి.అర్ధ శతకం పూర్తి చేసుకున్న శ్రేయస్‌ అయ్యర్‌శ్రేయస్‌ అయ్యర్‌ తన వన్డే కెరీర్‌లో 21వ హాఫ్‌ సెంచరీ సాధించాడు. భారత్‌ విజయానికి ఇంకా 41 పరుగుల దూరంలో ఉంది. స్కోరు: 201/2 (37) విజయం దిశగా భారత్‌36 ఓవర్లలో టీమిండియా రెండు వికెట్ల నష్టానికి 200 పరుగులు చేసింది. కోహ్లి 81, శ్రేయస్‌ 49 పరుగుల వద్ద ఉన్నారు. విజయానికి 42 పరుగులు కావాలి.34 ఓవర్లు ముగిసే సరికి భారత్‌ స్కోరు: 185/2కోహ్లి 69, శ్రేయస్‌ 46 రన్స్‌తో ఆడుతున్నారు. పాక్‌పై గెలవాలంటే ఇంకా 57 పరుగులు కావాలి.టీమిండియా స్కోరు: 168/2 (31) కోహ్లి 65, శ్రేయస్‌ అయ్యర్‌ 34 పరుగులతో క్రీజులో ఉన్నారు. విజయానికి ఇంకా 74 పరుగులు కావాలి.29 ఓవర్లలో టీమిండియా స్కోరు: 150/2.శ్రేయస్‌ అయ్యర్‌ 17, కోహ్లి 64 పరుగులతో ఉన్నారు. ఇద్దరూ కలిసి 69 బంతుల్లో యాభై పరుగుల భాగస్వామ్యం నమోదు చేశారు. విజయానికి ఇంకా 92 పరుగులు కావాలి.కోహ్లి హాఫ్‌ సెంచరీవిరాట్‌ కోహ్లి, శ్రేయస్‌ అయ్యర్‌ ఆచితూచి ఆడుతున్నారు. ఈ క్రమంలో 63 బంతుల్లో కోహ్లి అర్ధ శతకం పూర్తి చేసుకోగా.. శ్రేయస్‌ అయ్యర్‌ 28 బంతుల్లో 12 పరుగులతో ఉన్నాడు. టీమిండియా స్కోరు: 132/2 (26.1).భారత్‌ రెండో వికెట్‌ డౌన్‌..100 పరుగుల వద్ద భారత్‌ రెండో వికెట్‌ కోల్పోయింది. 46 పరుగులు చేసిన శుబ్‌మన్‌ గిల్‌.. అర్బర్‌ ఆహ్మద్‌​ బౌలింగ్‌లో క్లీన్‌ బౌల్డయ్యాడు. క్రీజులోకి శ్రేయస్‌ అయ్యర్‌ వచ్చాడు. 18 ఓవర్లకు భారత్‌ స్కోర్‌: 102/214 ఓవర్లకు భారత్‌ స్కోర్‌: 87/114 ఓవర్లు ముగిసే సరికి భారత్‌ వికెట్‌ నష్టానికి 87 పరుగులు చేసింది. క్రీజులోకి వచ్చిన విరాట్‌ కోహ్లి(23) దూకుడుగా ఆడుతున్నాడు. అతడితో పాటు శుబ్‌మన్‌ గిల్‌(41) పరుగులతో తన బ్యాటింగ్‌ను కొనసాగిస్తున్నాడు.టీమిండియా తొలి వికెట్‌ డౌన్‌..242 పరుగుల లక్ష్యంతో బరిలోకి దిగిన భారత్‌కు ఆదిలోనే భారీ షాక్‌ తగిలింది. 20 పరుగులు చేసిన కెప్టెన్‌ రోహిత్‌ శర్మను షాహీన్‌ అఫ్రిది అద్బుతమైన బంతితో క్లీన్‌ బౌల్డ్‌ చేశాడు. క్రీజులోకి విరాట్‌ కోహ్లి వచ్చాడు.దూకుడుగా ఆడుతున్న రోహిత్‌..4 ఓవర్లు ముగిసే సరికి భారత్‌ వికెట్‌ నష్టపోకుండా 26 పరుగులు చేసింది. క్రీజులో రోహిత్‌ శర్మ(16), శుబ్‌మన్‌ గిల్‌(9) పరుగులతో ఉన్నారు.2 ఓవర్లకు భారత్‌ స్కోర్‌: 12/02 ఓవర్లు ముగిసే సరికి భారత్ వికెట్‌ నష్టపోకుండా 12 పరుగులు చేసింది. క్రీజులో రోహిత్‌ శర్మ(11), శుబ్‌మన్‌​ గిల్‌(0) ఉన్నారు.241 పరుగులకు పాక్‌ ఆలౌట్‌..టాస్‌ గెలిచిన పాక్‌ కెప్టెన్‌ మహ్మద్‌ రిజ్వాన్‌ బ్యాటింగ్‌ ఎంచుకోగా.. రోహిత్‌ సేన ఫీల్డింగ్‌కు దిగింది. ఈ క్రమంలో 49.4 ఓవర్లలో పాకిస్తాన్‌ 241 పరుగులకు ఆలౌట్‌ అయింది. పాక్‌ బ్యాటర్లలో వన్‌డౌన్‌ బ్యాటర్‌ సౌద్‌ షకీల్‌(62) టాప్‌ స్కోరర్‌గా నిలవగా.. కెప్టెన్‌ రిజ్వాన్‌(46), ఖుష్దిల్‌ షా(38) మెరుగ్గా ఆడారు. ఇక భారత బౌలర్లలో కుల్దీప్‌ యాదవ్‌ మూడు, హార్దిక్‌ పాండ్యా రెండు వికెట్లు తీయగా.. అక్షర్‌ పటేల్‌, రవీంద్ర జడేజా, అక్షర్‌ పటేల్‌ ఒక్కో వికెట్‌ తీశారు.పాక్‌ ఆలౌట్‌.. స్కోరెంతంటే?49.4: హర్షిత్‌ రాణా బౌలింగ్‌లో ఖుష్దిల్‌ (38) కోహ్లికి క్యాచ్‌ ఇచ్చి పదో వికెట్‌గా వెనుదిరిగాడు. పాక్‌ స్కోరు: 241 (49.4).48.6: తొమ్మిదో వికెట్‌ కోల్పోయిన పాకిస్తాన్‌షమీ బౌలింగ్‌లో హ్యారిస్‌ రవూఫ్‌ సింగిల్‌ పూర్తి చేసుకుని రెండోరన్‌ కోసం పరిగెత్తగా అక్షర్‌ పటేల్‌ అద్భుత త్రో వేశాడు. బంతిని అందుకున్న వికెట్‌ కీపర్‌ కేఎల్‌ రాహుల్‌ స్టంప్స్‌ను గిరాటేయడంతో రవూఫ్‌(7) తొమ్మిదో వికెట్‌గా వెనుదిరిగాడు. పాక్‌ స్కోరు: 241/9 (49.2) 46.4: ఎనిమిదో వికెట్‌ కోల్పోయిన పాక్‌నసీం షా(14) రూపంలో పాకిస్తాన్‌ ఎనిమిదో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో విరాట్‌ కోహ్లికి క్యాచ్‌ ఇచ్చి నసీం పెవిలియన్‌ చేరాడు. పాక్‌ స్కోరు: 222/8 (47). ఖుష్దిల్‌ షా 27 పరుగులతో ఉన్నాడు. ఏడో వికెట్‌ కోల్పోయిన పాకిస్తాన్‌42.5: కుల్దీప్‌ బౌలింగ్‌లో షాహిన్‌ ఆఫ్రిది లెగ్‌ బిఫోర్‌ వికెట్‌గా వెనుదిరిగాడు.ఆరో వికెట్‌ కోల్పోయిన పాకిస్తాన్‌42.4: కుల్దీప్‌ యాదవ్‌ బౌలింగ్‌లో ఆరో వికెట్‌గా వెనుదిరిగిన సల్మాన్‌ ఆఘా. పందొమ్మిది పరుగుల వ్యక్తిగత స్కోరు వద్ద జడేజాకు క్యాచ్‌ ఇచ్చిన సల్మాన్‌ పెవిలియన్‌ చేరాడు.40 ఓవర్లు ముగిసే సరికి పాకిస్తాన్‌ స్కోరు: 183/5 (40)ఖుష్దిల్‌ షా 8, సల్మాన్‌ ఆఘా 15 పరుగులతో క్రీజులో ఉన్నారు.ఐదో వికెట్‌ డౌన్‌రవీంద్ర జడేజా బౌలింగ్‌లో తయ్యబ్‌ తాహిర్‌(4) బౌల్డ్‌. ఐదో వికెట్‌ కోల్పోయిన పాకిస్తాన్‌. స్కోరు: 165/5 (36.1) నాలుగో వికెట్‌ కోల్పోయిన పాక్‌34.5: హాఫ్‌ సెంచరీ వీరుడు సౌద్‌ షకీల్(62) రూపంలో పాకిస్తాన్‌ నాలుగో వికెట్‌ కోల్పోయింది. హార్దిక్‌ పాండ్యా బౌలింగ్లో షకీల్‌ ఇచ్చిన క్యాచ్‌ను బౌండరీ లైన్‌ వద్ద అక్షర్‌ పటేల్‌ ఒడిసిపట్టాడు.33.2: మూడో వికెట్‌ కోల్పోయిన పాకిస్తాన్‌అక్షర్‌ పటేల్‌ బౌలింగ్‌లో బౌల్డ్‌ అయిన రిజ్వాన్‌. షకీల్‌తో కలిసి రిజ్వాన్‌ వందకు పైగా పరుగుల భాగస్వామ్యం నమోదు చేయగా అక్షర్‌ ఈ జోడీని విడదీశాడు. 77 బంతులు ఎదుర్కొన్న రిజ్వాన్‌ మూడు ఫోర్ల సాయంతో 46 పరుగులు చేసి పెవిలియన్‌ చేరాడు. సల్మాన్‌ ఆఘా క్రీజులోకి వచ్చాడు. షకీల్‌ 57 పరుగులతో ఉన్నాడు.30 ఓవర్లు ముగిసే సరికి పాకిస్తాన్‌ స్కోరు: 129/2రిజ్వాన్‌ 39, షకీల్‌ 44 రన్స్‌తో క్రీజులో ఉన్నారు.25 ఓవర్లలో పాకిస్తాన్‌ స్కోరు: 99/2షకీల్‌ 29, రిజ్వాన్‌ 24 పరుగులతో క్రీజులో ఉన్నారు.21 ఓవర్లలో పాకిస్తాన్‌ స్కోరు: 82-2రిజ్వాన్‌ 15, షకీల్‌ 21 పరుగులతో క్రీజులో ఉన్నారు.పొదుపుగా బౌల్‌ చేస్తున్న టీమిండియా ప్లేయర్లు17 ఓవర్లు ముగిసే సరికి పాకిస్తాన్‌ స్కోరు: 72/2 (17). రిజ్వాన్‌ 23 బంతుల్లో 10, సౌద్‌ షకీల్‌ 27 బంతుల్లో 16 పరుగులతో క్రీజులో ఉన్నారు.కట్టుదిట్టంగా భారత్‌ బౌలింగ్‌పవర్‌ప్లే ముగిసే సరికి పాకిస్తాన్‌ రెండు వికెట్ల నష్టానికి కేవలం 52 పరుగులు చేసింది. రిజ్వాన్‌ 4, షకీల్‌ మూడు పరుగులతో క్రీజులో ఉన్నారు. స్కోరు: 52-29.2: రెండో వికెట్‌ డౌన్‌పాక్‌ మరో ఓపెనర్‌ ఇమామ్‌ రనౌట్‌గా వెనుదిరిగాడు. కుల్దీప్‌ యాదవ్‌ బౌలింగ్‌లో మిడాన్‌ మీదుగా షాట్‌ ఆడేందుకు ప్రయత్నించి విఫలమైన ఇమామ్‌.. సింగిల్‌ కోసం వెళ్లాడు. అయితే, సరైన సమయంలో క్రీజులోకి చేరకోకపోవడంతో అవుటయ్యాడు. ఫీల్డర్‌ అక్షర్‌ పటేల్‌ డైరెక్ట్‌ త్రోతో వికెట్‌ కోల్పోయాడు. 26 బంతులు ఎదుర్కొని 10 పరుగులు చేసి ఇమామ్‌ వెనుదిరిగాడు. రిజ్వాన్‌ క్రీజులోకి వచ్చాడు. పాక్‌ స్కోరు: 48/2 (9.3) 8.2: తొలి వికెట్‌ కోల్పోయిన పాకిస్తాన్‌టీమిండియా పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా బౌలింగ్‌లో వికెట్‌ కీపర్‌ కేఎల్‌ రాహుల్‌కు క్యాచ్‌ ఇచ్చి బాబర్‌ ఆజం పెవిలియన్‌ చేరాడు. మొత్తంగా 26 బంతులు ఎదుర్కొన్న ఈ ఓపెనింగ్‌ బ్యాటర్‌ 23 పరుగుల వ్యక్తిగత స్కోరు వద్ద నిష్క్రమించాడు. ఇమామ్‌కు జతగా సౌద్‌ షకీల్‌ క్రీజులోకి వచ్చాడు. పాక్‌ స్కోరు: 45/1 (8.3) ఆరు ఓవర్లలో పాక్‌ స్కోరు: 26/0 (6)బాబర్‌ 10, ఇమామ్‌ 9 పరుగులతో ఉన్నారు. మూడు ఓవర్లో పా​కిస్తాన్‌ స్కోరు: 14-0రెండు ఓవర్లు ముగిసే సరికి పాక్‌ స్కోరు: 10-0బాబర్‌, ఇమామ్‌ చెరో రెండు పరుగులతో క్రీజులో ఉన్నారు.తొలి ఓవర్లో పాకిస్తాన్‌ స్కోరు: 6-0బాబర్‌ ఆజం 0, ఇమామ్‌ ఉల్‌ హక్‌ ఒక పరుగుతో ఉన్నారు. తొలి ఓవర్లో మీ ఏకంగా ఐదు వైడ్లు వేయడం గమనార్హం. తద్వారా పాకిస్తాన్‌కు అదనంగా ఐదు పరుగులు వచ్చాయి.భారత్‌ వర్సెస్‌ పాకిస్తాన్‌ తుది జట్లుభారత్‌: రోహిత్‌ శర్మ (కెప్టెన్‌), శుబ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, హార్దిక్‌ పాండ్యా, రవీంద్ర జడేజా, హర్షిత్‌ రాణా, మహ్మద్‌ షమీ, కుల్దీప్‌ యాదవ్‌పాకిస్తాన్‌: సౌద్‌ షకీల్‌, బాబర్‌ ఆజం, ఇమామ్‌ ఉల్‌ హక్‌, మహ్మద్‌ రిజ్వాన్‌ (కెప్టెన్‌/వికెట్‌ కీపర్‌), సల్మాన్‌ అఘా, తయ్యబ్‌ తాహిర్‌, ఖుష్దిల్‌ షా, షాహిన్‌ అఫ్రిది, నసీం షా, హరీస్‌ రౌఫ్‌, అబ్రార్‌ అహ్మద్‌.

ఛాంపియన్స్‌ ట్రోఫీ-2025లో భారత్‌, పాకిస్తాన్‌ జట్లు ఇవాళ (ఫిబ్రవరి 23) తలపడనున్నాయి. దుబాయ్‌ వేదికగా ఈ మ్యాచ్‌ జరుగనుంది. మధ్యాహ్నం 2:30 గంటలకు మ్యాచ్‌ ప్రారంభమవుతుంది. అయితే ఈ మ్యాచ్‌ ప్రారంభానికి ముందు పాక్‌కు సంబంధించి ఓ చేదు వార్త వినిపిస్తుంది. భారత్‌తో మ్యాచ్‌కు స్టార్‌ ఆటగాడు బాబర్‌ ఆజమ్‌ దూరం కానున్నాడని ప్రచారం జరుగుతుంది. ఈ వార్త ప్రస్తుతం సోషల్‌మీడియాలో వైరలవుతుంది. నిన్న జరిగిన ట్రైనింగ్‌ సెషన్స్‌లో బాబర్‌ పాల్గొనకపోవడంతో ఈ ప్రచారం మొదలైంది. బాబర్‌ కంటి ఇన్‌ఫెక్షన్‌తో బాధపడుతున్నాడని తెలుస్తుంది. ట్రైనింగ్‌ సెషన్స్‌కు బాబర్‌ మినహా అందరూ హాజరయ్యారు. బాబర్‌కు ఏమైందోనని పాక్‌ అభిమానులు ఆందోళన పడుతున్నారు. ఈ ప్రచారంలో నిజమెంతో తెలియాలంటే మరికొన్ని గంటలు ఎదురుచూడాల్సిందే.కాగా, ఛాంపియన్స్‌ ట్రోఫీ తొలి మ్యాచ్‌లో (న్యూజిలాండ్‌తో) జిడ్డుగా (90 బంతుల్లో 64 పరుగులు) ఆడి బాబర్‌ విమర్శలపాలైన విషయం తెలిసిందే. గత కొంతకాలంగా పేలవ ఫామ్‌తో సతమతమవుతున్న బాబర్‌ న్యూజిలాండ్‌పై హాఫ్‌ సెంచరీ చేసినప్పటికీ ముప్పేట దాడిని ఎదుర్కొన్నాడు. భారీ లక్ష్య ఛేదనలో బాబర్‌ నిదానంగా ఆడటం పాక్‌ విజయావకాశాలను దెబ్బ తీసింది. ఫామ్‌లో లేకపోయినా భారత్‌తో మ్యాచ్‌లో పాక్‌ బాబర్‌పై గంపెడాశలు పెట్టుకుంది. మిగతా మ్యాచ్‌ల్లో అతని ఫామ్‌ ఎలా ఉ‍న్నా భారత్‌పై మాత్రం చెలరేగాలని పాక్‌ అభిమానులు కోరుకుంటున్నారు. అయితే వారి ఊహలకు ప్రస్తుతం జరుగుతున్న ప్రచారం చెక్‌ పెడుతుంది. దాయాదితో సమరంలో బాబర్‌ లేకపోతే తమ పరిస్థితి ఏంటని పాక్‌ అభిమానులు మదనపడిపోతున్నారు. ప్రస్తుతానికి ఫామ్‌లో లేకపోయినా పాక్‌ బ్యాటింగ్‌కు బాబరే పెద్ద దిక్కు. అతను మినహాయించి జట్టులో కెప్టెన్‌ రిజ్వాన్‌ ఒక్కడే అనుభవజ్ఞుడు. స్టార్‌ ప్లేయర్‌ ఫకర్‌ జమాన్‌ దూరమై (గాయం​) ఇప్పటికే సతమతమవుతున్న పాక్‌కు.. ‍బాబర్‌పై జరుగుతున్న ప్రచారం కంటి మీద కునుకు లేకుండా చేస్తుంది. ఒకవేళ నేటి మ్యాచ్‌లో బాబర్‌ నిజంగా దూరమైతే అతని స్థానంలో కమ్రాన్‌ గులామ్‌ బరిలోకి దిగే అవకాశం ఉంది. భారత్‌తో మ్యాచ్‌లో పాక్‌ బ్యాటింగ్‌ కంటే బౌలింగ్‌పైనే ఎక్కువగా ఆధారపడుతుంది. పేసర్లు షాహీన్‌ అఫ్రిది, నసీం​ షా, హరీస్‌ రౌఫ్‌లపై ఆ జట్టు గంపెడాశలు పెట్టుకుంది.ఛాంపియన్స్‌ ట్రోఫీలో పాక్‌ భారత్‌పై స్వల్ప ఆధిక్యం కలిగి ఉంది. ఈ టోర్నీలో ఇరు జట్లు ఇప్పటివరకు ఐదు సార్లు తలపడగా.. పాక్‌ 3, భారత్‌ 2 మ్యాచ్‌ల్లో విజయాలు సాధించాయి. ఛాంపియన్స్‌ ట్రోఫీలో చివరిసారి ఈ రెండు జట్లు తలపడినప్పుడు పాక్‌ పైచేయి సాధించింది. 2017 ఎడిషన్‌ ఫైనల్లో పాక్‌.. భారత్‌పై జయకేతనం ఎగురవేసి తొలిసారి ఛాంపియన్‌గా అవతరించింది.ఓవరాల్‌గా భారత్‌, పాకిస్తాన్‌ వన్డేల్లో ఇప్పటివరకు 135 సార్లు తలపడ్డాయి. ఇందులో భారత్‌ 57 సార్లు విజయం సాధించగా.. పాక్‌ 73 మ్యాచ్‌ల్లో గెలుపొందింది. 5 మ్యాచ్‌ల్లో ఫలితం తేలలేదు.భారత్‌, పాక్‌ మ్యాచ్‌కు తుది జట్లు (అంచనా)..పాకిస్తాన్‌: సౌద్‌ షకీల్‌, ఇమామ్‌ ఉల్‌ హక్‌, రిజ్వాన్‌ (కెప్టెన్‌,, కమ్రాన్‌ గులామ​్‌, సల్మాన్‌ అఘా, తయ్యబ్‌ తాహిర్‌, ఖుష్దిల్‌ షా, షాహీన్‌ అఫ్రిది, నసీం షా, హరీస్‌ రౌఫ్‌, అబ్రార్‌ అహ్మద్‌భారత్‌: రోహిత్‌ శర్మ (కెప్టెన్‌), శుభ్‌మన్‌ గిల్‌, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌, అక్షర్‌ పటేల్‌, హార్దిక్‌ పాండ్యా, రవీంద్ర జడేజా, వరుణ్‌ చక్రవర్తి, షమీ, కుల్దీప్‌ యాదవ్‌

భారీ అంచనాలతో చాంపియన్స్‌ ట్రోఫీ(ICC Champions Trophy 2025) బరిలోకి దిగిన పాకిస్తాన్‌ క్రికెట్‌ జట్టుకు ఆదిలోనే పరాభం ఎదురైంది. న్యూజిలాండ్‌(Pakistan vs New Zealand)తో జరిగిన మ్యాచ్‌లో అరవై పరుగుల తేడాతో చిత్తై ఓటమితో ఈ టోర్నమెంట్‌ను ఆరంభించింది. అంతేకాదు.. బుధవారం నాటి ఈ మ్యాచ్‌ సందర్భంగా రిజ్వాన్‌ బృందం టోర్నీ చరిత్రలోనే అత్యంత చెత్త రికార్డు ఒకటి నమోదు చేసింది.గత చాంపియన్స్‌ ట్రోఫీ-2017 ఎడిషన్‌లో విజేతగా నిలిచిన పాకిస్తాన్‌ ఈసారి ఈ ఐసీసీ ఈవెంట్‌ నిర్వహణ హక్కులు దక్కించుకుంది. వన్డే వరల్డ్‌కప్‌-2023లో కనీసం సెమీస్‌ చేరకపోయినా డిఫెండింగ్‌ హోదాలో ఈ మెగా టోర్నీకి అర్హత సాధించింది. ఆస్ట్రేలియా, భారత్‌, సౌతాఫ్రికా, న్యూజిలాండ్‌, అఫ్గనిస్తాన్‌, బంగ్లాదేశ్‌, ఇంగ్లండ్‌లతో కలిసి ఇందులో భాగం కానుంది.యంగ్‌, లాథమ్‌ సెంచరీలుఈ క్రమంలో ఆరంభ మ్యాచ్‌లో భాగంగా గ్రూప్‌-‘ఎ’లో ఉన్న పాకిస్తాన్‌- న్యూజిలాండ్‌ కరాచీ వేదికగా తలపడ్డాయి. ఇందులో టాస్‌ గెలిచిన పాక్‌ కెప్టెన్‌ మహ్మద్‌ రిజ్వాన్‌(Mohammed Rizwan) తొలుత బౌలింగ్‌ ఎంచుకోగా.. ఆరంభంలో కాస్త తడబడ్డా.. ఆ తర్వాత కివీస్‌ బ్యాటర్లు దంచికొట్టారు. ఓపెనర్‌ విల్‌ యంగ్‌ 113 బంతుల్లో 107 పరుగులతో దుమ్ములేపగా.. వికెట్‌ కీపర్‌ బ్యాటర్‌ టామ్‌ లాథమ్‌ అద్భుత అజేయ శతకం(104 బంతుల్లో 118* రన్స్‌) సాధించాడు. ఇక ఆఖర్లో గ్లెన్‌ ఫిలిప్స్‌ 39 బంతుల్లో 3 ఫోర్లు, నాలుగు సిక్సర్ల సాయంతో 61 పరుగులతో చెలరేగాడు.ఫలితంగా న్యూజిలాండ్‌ నిర్ణీత 50 ఓవర్లలో ఐదు వికెట్లు నష్టపోయి 320 పరుగులు సాధించింది. ఇక భారీ లక్ష్యంతో బరిలోకి దిగిన పాకిస్తాన్‌కు కివీస్‌ బౌలర్లు ఆది నుంచే చుక్కలు చూపించారు. విలియం ఓరూర్కీ ఓపెనర్‌ సౌద్‌ షకీల్‌(6), వన్‌డౌన్‌ బ్యాటర్‌, కెప్టెన్‌ మహ్మద్‌ రిజ్వాన్‌(3)లను సింగిల్‌ డిజిట్‌ స్కోర్లకే పరిమితం చేశాడు.పాక్‌ చెత్త రికార్డుఈ క్రమంలో మరో ఓపెనర్‌ బాబర్‌ ఆజం క్రీజులో నిలదొక్కుకునే ప్రయత్నంలో స్లో ఇన్నింగ్స్‌ ఆడాడు. ఫలితంగా ఈ వన్డే మ్యాచ్‌ పవర్‌ప్లే(తొలి పది ఇన్నింగ్స్‌)లో రెండు వికెట్ల నష్టానికి కేవలం 22 పరుగులే చేసింది పాకిస్తాన్‌. తద్వారా చాంపియన్స్‌ ట్రోఫీ చరిత్రలో పవర్‌ప్లేలో అత్యధికంగా మూడుసార్లు.. 25 కంటే తక్కువ సోర్లు నమోదు చేసిన తొలి జట్టుగా నిలిచింది. ప్రపంచంలో ఈ చెత్త రికార్డు సాధించిన టీమ్‌గా పాక్‌ చరిత్రకెక్కింది. ఇక పాకిస్తాన్‌కు సొంతగడ్డపై వన్డే చరిత్రలో పవర్‌ప్లేలో ఇదే అత్యల్ప స్కోరు కావడం గమనార్హం.చాంపియన్స్‌ ట్రోఫీ టోర్నీ చరిత్రలో పవర్‌ప్లేలో అత్యల్ప స్కోర్లు నమోదు చేసిన జట్లుపాకిస్తాన్‌- 2013లో జింబాబ్వేపై బర్మింగ్‌హామ్‌ వేదికగా 18/2పాకిస్తాన్‌- 2025లో న్యూజిలాండ్‌పై కరాచీ వేదికగా 22/2పాకిస్తాన్‌- 2013లో వెస్టిండీస్‌పై ది ఓవల్‌ వేదికగా 23/3బంగ్లాదేశ్‌- 2017లో న్యూజిలాండ్‌పై కార్డిఫ్‌ వేదికగా 24/3శ్రీలంక- 2013లో ఇండియాపై కార్డిఫ్‌ వేదికగా 26/1.ఇక మ్యాచ్‌ విషయానికొస్తే.. టాపార్డర్‌లో బాబర్‌ ఆజం 90 బంతుల్లో 64 పరుగులు చేయగా.. ఫఖర్‌ జమాన్‌ 41 బంతులు ఎదుర్కొని 24 రన్స్‌ చేశాడు. అయితే, ఖుష్దిల్‌ షా(49 బంతుల్లో 69), సల్మాన్‌ ఆఘా(28 బంతుల్లో 42) వేగంగా ఆడటంతో పాక్‌ శిబిరంలో ఆశలు చిగురించాయి. కానీ కివీస్‌ బౌలర్లు ఆ ఆనందం ఎక్కువసేపు నిలవనీయలేదు.నాథన్‌ స్మిత్‌ సల్మాన్‌ను, ఖుష్దిల్‌ను విలియం పెవిలియన్‌కు పంపారు. దీంతో పాకిస్తాన్‌ కథ కంచికి చేరకుండానే ముగిసిపోయింది. 47.2 ఓవర్లలో 260 పరుగులు చేసి ఆలౌట్‌ అయి.. ఓటమిని మూటగట్టుకుంది. కివీస్‌ బౌలర్లలో విలియం ఓరూర్కీ,కెప్టెన్‌ మిచెల్‌ సాంట్నర్‌ మూడేసి వికెట్లతో చెలరేగగా.. మ్యాట్‌ హెన్రీ రెండు, మైఖేల్‌ బ్రాస్‌వెల్‌, నాథన్‌ స్మిత్‌ ఒక్కో వికెట్‌ తమ ఖాతాలో వేసుకున్నారు.చదవండి: CT 2025: అదొక చెత్త నిర్ణయం.. అతడి వల్లే ఇదంతా: మాజీ క్రికెటర్‌ ఫైర్‌

న్యూజిలాండ్‌తో మ్యాచ్‌లో పాకిస్తాన్‌ నాయకత్వ బృందం అనుసరించిన వ్యూహాలను కివీస్‌ మాజీ బౌలర్‌ సైమన్‌ డౌల్‌(Simon Doull) తప్పుబట్టాడు. ఫఖర్‌ జమాన్‌(Fakhar Zaman)ను నాలుగో స్థానంలో పంపడం చెత్త నిర్ణయమని.. ఇందుకు బాబర్ ఆజం(Babar Azam) మూల్యం చెల్లించాల్సి వచ్చిందని అభిప్రాయపడ్డాడు. చాంపియన్స్‌ ట్రోఫీ-2025కి పాక్‌- న్యూజిలాండ్‌ మ్యాచ్‌తో బుధవారం తెరలేచిన విషయం తెలిసిందే.గాయపడిన ఫఖర్‌ జమాన్‌కరాచీలోని నేషనల్‌ స్టేడియంలో జరిగిన ఈ పోరులో టాస్‌ గెలిచిన పాకిస్తాన్‌ జట్టు.. కివీస్‌ను బ్యాటింగ్‌కు ఆహ్వానించింది. అయితే, ఫీల్డింగ్‌ చేస్తున్న సమయంలో న్యూజిలాండ్‌ ఇన్నింగ్స్‌లో రెండో బంతికే ఫఖర్‌ జమాన్‌ గాయపడ్డాడు. బౌండరీ దిశగా వెళ్తున్న బాల్‌ను ఆపే ప్రయత్నంలో అతడి కండరాలు పట్టేశాయి. దీంతో నొప్పితో మైదానం వీడిన ఫఖర్‌ జమాన్‌ కాసేపటి తర్వాత మళ్లీ ఫీల్డ్‌లోకి వచ్చాడు.కివీస్‌ బ్యాటర్ల అద్భుత శతకాలుఇదిలా ఉంటే.. టాస్‌ ఓడి తొలుత బ్యాటింగ్‌ చేసిన కివీస్‌ జట్టు నిర్ణీత యాభై ఓవర్లలో ఐదు వికెట్ల నష్టానికి 320 పరుగులు సాధించింది. ఓపెనర్‌ విల్‌ యంగ్‌(107)తో పాటు వికెట్‌ కీపర్‌ బ్యాటర్‌ టామ్‌ లాథమ్‌(118 నాటౌట్‌) అద్భుత శతకంతో మెరిశాడు. వీరిద్దరికి తోడుగా గ్లెన్‌ ఫిలిప్స్‌(39 బంతుల్లో 61) ధనాధన్‌ ఇన్నింగ్స్‌తో దంచికొట్టాడు. ఫలితంగా న్యూజిలాండ్‌కు ఈ మేర భారీ స్కోరు సాధ్యమైంది.ఫఖర్‌ జమాన్‌ నాలుగో స్థానంలోఈ క్రమంలో లక్ష్య ఛేదనకు దిగిన రిజ్వాన్‌ బృందం ఆది నుంచే తడబడింది. ఫఖర్‌ జమాన్‌కు బదులు సౌద్‌ షకీల్‌ బాబర్‌ ఆజంతో కలిసి ఇన్నింగ్స్‌ ఆరంభించాడు. షకీల్‌ 19 బంతులు ఎదుర్కొని 6 పరుగులే చేసి.. విలియం రూర్కీ బౌలింగ్లో పెవిలియన్‌ చేరగా.. కెప్టెన్‌ రిజ్వాన్‌(14 బంతుల్లో 3) అతడికే వికెట్‌ సమర్పించుకున్నాడు. దీంతో 22 పరుగులకే రెండు వికెట్లు కోల్పోయి పాక్‌ కష్టాల్లో ఉన్న వేళ బాబర్‌కు తోడుగా ఫఖర్‌ జమాన్‌ నాలుగో స్థానంలో బ్యాటింగ్‌కు వచ్చాడు.అయితే, బాబర్‌ 90 బంతుల్లో కేవలం 64 పరుగులు చేయగా.. జమాన్‌ 41 బంతులు ఎదుర్కొని 24 రన్స్‌ మాత్రమే సాధించాడు. మిగతా వాళ్లలో సల్మాన్‌ ఆఘా(28 బంతుల్లో 42) వేగంగా ఆడగా.. ఖుష్దిల్‌ షా(49 బంతుల్లో 69) రాణించాడు. కానీ మిగిలిన ఆటగాళ్లంతా విఫలం కావడంతో 47.2 ఓవర్లలోనే పాకిస్తాన్‌ కథ ముగిసింది. 260 పరుగులకు ఆలౌట్‌ అయిన రిజ్వాన్‌ బృందం కివీస్‌ చేతిలో 60 పరుగుల తేడాతో ఓడిపోయింది.అతడిని నాలుగో స్థానంలో ఎందుకు పంపినట్లు?ఈ నేపథ్యంలో న్యూజిలాండ్‌ మాజీ పేసర్‌, కామెంటేటర్‌ సైమన్‌ డౌల్‌ ఫఖర్‌ జమాన్‌ను నాలుగో స్థానంలో బ్యాటింగ్‌కు పంపడం సరికాదని అభిప్రాయపడ్డాడు. ‘‘తనదైన శైలిలో బౌండరీలు బాదేందుకు ఫఖర్‌ జమాన్‌ విఫలయత్నం చేశాడు. అతడు ప్రతిసారి బాబర్‌ ఆజంపైనే భారాన్ని మోపాడు.బాబర్‌ ఇన్నింగ్స్‌ చక్కదిద్దే క్రమంలో సింగిల్‌, డబుల్స్‌ తీస్తూ వికెట్ల మధ్య పరిగెడుతూ అలసిపోయాడు. ఒకవేళ ఫఖర్‌ జమాన్‌ పరిగెత్తలేని స్థితిలో ఉంటే.. అతడిని నాలుగో స్థానంలో ఎందుకు పంపినట్లు?ఒకవేళ మీరు గెలవాలంటే ఓవర్‌కు పది లేదంటే పన్నెండు పరుగులు అవసరమైన సమయంలో ఆఖర్లో హిట్టర్‌ అవసరం ఉంటుంది కాబట్టి... అప్పుడు ఫఖర్‌ జమాన్‌ను పంపాల్సింది’’ అని పాకిస్తాన్‌ మేనేజ్‌మెంట్‌కు డౌల్‌ చురకలు అంటించాడు. ఫఖర్‌ జమాన్‌ను ముందు పంపించి బాబర్‌పై భారం వేయడం తప్పుడు నిర్ణయమంటూ ఫైర్‌ అయ్యాడు. చదవండి: మా జట్టులో ఇద్దరు స్పిన్నర్లే ఉన్నారు: రోహిత్‌ శర్మ కౌంటర్‌

ఐసీసీ తాజాగా విడుదల చేసిన వన్డే ర్యాంకింగ్స్‌లో టీమిండియా వైస్‌ కెప్టెన్‌ శుభ్‌మన్‌ గిల్‌ నంబర్‌ వన్‌ స్థానానికి ఎగబాకాడు. గత వారం ర్యాంకింగ్స్‌లో రెండో స్థానంలో ఉండిన గిల్‌.. ఓ స్థానం మెరుగుపర్చుకుని టాప్‌ ర్యాంక్‌కు చేరాడు. నంబర్‌ వన్‌ స్థానానికి చేరే క్రమంలో గిల్‌ పాక్‌ స్టార్‌ ఆటగాడు బాబర్‌ ఆజమ్‌ను వెనక్కు నెట్టాడు. ప్రస్తుత ర్యాంకింగ్స్‌లో బాబర్‌ 773 రేటింగ్‌ పాయింట్లతో రెండో స్థానంలో ఉన్నాడు. సచిన్‌, విరాట్‌, ధోని తర్వాత ఐసీసీ వన్డే ర్యాంకింగ్స్‌లో నంబర్‌ వన్‌ స్థానానికి చేరిన నాలుగో భారత బ్యాటర్‌గా గిల్‌ రికార్డుల్లోకెక్కాడు. వన్డే ర్యాంకింగ్స్‌లో గిల్‌ నంబర్‌ స్థానానికి చేరడం ఇది తొలిసారి కాదు. 2023 వన్డే ప్రపంచకప్‌ సమయంలోనూ గిల్‌ టాప్‌ ర్యాంక్‌లో ఉన్నాడు. ప్రస్తుతం గిల్‌ ఖాతాలో 796 రేటింగ్‌ పాయింట్లు ఉన్నాయి. గిల్‌కు రెండో స్థానంలో ఉన్న బాబర్‌కు మధ్య 23 పాయింట్ల వ్యత్యాసం ఉంది.ఈ వారం ర్యాంకింగ్స్‌లో గిల్‌తో కలుపుకుని భారత్‌ నుంచి నలుగురు ఆటగాళ్లు టాప్‌-10లో ఉన్నారు. టీమిండియా కెప్టెన్‌ రోహిత్‌ శర్మ మూడో స్థానంలో.. విరాట్‌ కోహ్లి ఆరులో.. శ్రేయస్‌ అయ్యర్‌ 9వ స్థానంలో నిలిచారు. గత వారంతో పోలిస్తే శ్రేయస్‌ ఓ ర్యాంక్‌ మెరుగుపర్చుకుని తొమ్మిదో స్థానానికి చేరాడు. తాజా ర్యాంకింగ్స్‌లో సౌతాఫ్రికా ఆటగాడు హెన్రిచ్‌ క్లాసెన్‌ నాలుగులో, న్యూజిలాండ్‌ ప్లేయర్‌ డారిల్‌ మిచెల్‌ ఐదులో.. ఐర్లాండ్‌ ఆటగాడు హ్యారీ టెక్టార్‌ ఏడులో.. లంక కెప్టెన్‌ అసలంక ఎనిమిదిలో.. షాయ్‌ హోప్‌ పదో స్థానంలో ఉన్నారు.బౌలర్ల ర్యాంకింగ్స్‌ విషయానికొస్తే.. ఆఫ్ఘనిస్తాన్‌ స్టార్‌ బౌలర్‌ రషీద్‌ ఖాన్‌ను కిందకు దించి లంక స్పిన్నర్‌ మహీశ్‌ తీక్షణ టాప్‌ ర్యాంక్‌కు చేరుకున్నాడు. భారత బౌలర్‌ కుల్దీప్‌ యాదవ్‌ ఓ స్థానం మెరుగుపర్చుకుని నాలుగో స్థానానికి చేరాడు. భారత్‌ నుంచి టాప్‌-10లో కుల్దీప్‌తో పాటు సిరాజ్‌ (10వ ర్యాంక్‌) మాత్రమే ఉన్నాడు. నమీబియా బౌలర్‌ బెర్నాల్డ్‌ స్కోల్జ్‌ మూడులో.. షాహీన్‌ అఫ్రిది ఐదులో.. కేశవ్‌ మహారాజ్‌ ఆరులో.. మిచెల్‌ సాంట్నర్‌ ఏడులో .. మ్యాట్‌ హెన్రీ ఎనిమిదిలో.. గుడకేశ్‌ మోటీ తొమ్మిది స్థానాల్లో ఉన్నారు.ఆల్‌రౌండర్ల ర్యాంకింగ్స్‌ విషయానికొస్తే.. ఆఫ్ఘనిస్తాన్‌ వెటరన్‌ మొహమ్మద్‌ నబీ టాప్‌ ర్యాంక్‌లో కొనసాగుతున్నాడు. జింబాబ్వే ఆటగాడు సికందర్‌ రజా రెండో స్థానంలో నిలిచాడు. భారత్‌ నుంచి రవీంద్ర జడేజా ఒక్కడే టాప్‌-10లో ఉన్నాడు. జడ్డూ 217 రేటింగ్‌ పాయింట్లతో పదో స్థానంలో నిలిచాడు. జట్ల ర్యాంకింగ్స్‌ విషయానికొస్తే.. టీమిండియా టాప్‌ ర్యాంక్‌లో కొనసాగుతుంది. భారత్‌.. రెండో స్థానంలో ఉన్న ఆస్ట్రేలియాకు అందనంత ఎత్తులో ఉంది. ఇరు జట్లకు మధ్య దాదాపు 800 రేటింగ్‌ పాయింట్ల వ్యత్యాసం ఉంది.

చాంపియన్స్‌ ట్రోఫీ గెలిచేందుకు జట్టులోని ప్రతి సభ్యుడు తీవ్రంగా శ్రమిస్తున్నాడని పాకిస్తాన్‌ కెప్టెన్‌ మహ్మద్‌ రిజ్వాన్‌(Mohammed Rizwan) అన్నాడు. తమ పాత్రలు ఏవైనా అందరి ప్రధాన లక్ష్యం మాత్రం టైటిల్‌ గెలవడమేనని తెలిపాడు. అదే విధంగా తమ ఓపెనింగ్‌ జోడీలోనూ ఎలాంటి మార్పులు చేయబోవడం లేదని రిజ్వాన్‌ పేర్కొన్నాడు.కాగా 2017లో చివరిసారిగా చాంపియన్స్‌ ట్రోఫీ(Champions Trophy) నిర్వహించగా నాడు పాకిస్తాన్‌ విజేతగా నిలిచింది. సర్ఫరాజ్‌ అహ్మద్‌ కెప్టెన్సీలో.. చిరకాల ప్రత్యర్థి టీమిండియాపై గెలుపొంది ట్రోఫీని ముద్దాడింది. ఈ క్రమంలో తాజా ఎడిషన్‌లో డిఫెండింగ్‌ చాంపియన్‌గా బరిలోకి దిగనుంది. ఫిబ్రవరి 19 నుంచి సొంతగడ్డపై మొదలుకానున్న ఈ మెగా ఈవెంట్లో పాక్‌ జట్టు తొలుత న్యూజిలాండ్‌తో తలపడనుంది.ఈ నేపథ్యంలో పాకిస్తాన్‌ పరిమిత ఓవర్ల క్రికెట్‌ కెప్టెన్‌ మహ్మద్‌ రిజ్వాన్‌ మంగళవారం మీడియాతో మాట్లాడాడు. ఈ సందర్భంగా బాబర్‌ ఆజం(Babar Azam) ఓపెనర్‌గానే బరిలో దిగుతాడని స్పష్టం చేశాడు. కాగా వన్‌డౌన్‌లో వచ్చే బాబర్‌.. ఇటీవల సౌతాఫ్రికా- న్యూజిలాండ్‌తో త్రైపాక్షిక సిరీస్‌లో భాగంగా ఓపెనర్‌గా వచ్చిన ఈ కుడిచేతి వాటం బ్యాటర్‌ విఫలమయ్యాడు.ఓపెనర్‌గా ఆడిన మూడు మ్యాచ్‌లలో వరుసగా 10, 23, 29 పరుగులు చేశాడు. అంతకుముందు సౌతాఫ్రికా గడ్డపై సయీమ్‌ ఆయుబ్‌ స్థానంలో ఓపెనింగ్‌ బ్యాటర్‌గా ప్రమోట్‌ అయిన బాబర్‌ అక్కడ కూడా నిరాశపరిచాడు. ఈ నేపథ్యంలో బాబర్‌ ఆజంను ఓపెనర్‌గా ఆడించడంపై పునరాలోచన చేయాలంటూ పాక్‌ మాజీ క్రికెటర్లు డిమాండ్‌ చేశారు.అతడు ఓపెనర్‌గానే వస్తాడు..ఈ నేపథ్యంలో కెప్టెన్‌ రిజ్వాన్‌ మాట్లాడుతూ.. ‘‘మాకు చాలా ఆప్షన్లు ఉన్నాయి. అయితే, కాంబినేషన్లకు అనుగుణంగానే తుదిజట్టు కూర్పు ఉంటుంది. చాంపియన్స్‌ ట్రోఫీలోనూ బాబర్‌ ఆజం ఓపెనర్‌గా కొనసాగుతాడు. తన బ్యాటింగ్‌ స్థానం పట్ల అతడు సంతృప్తిగానే ఉన్నాడు.స్పెషలిస్టు ఓపెనర్లతోనే బరిలోకి దిగాలని మాకూ ఉంది. అయితే, లెఫ్ట్‌- రైట్‌ కాంబినేషన్‌ కోసం ఒక్కోసారి సడలింపులు తప్పవు. అందుకే బాబర్‌ ఆజంను ఓపెనర్‌గా పంపాలనే నిర్ణయానికి వచ్చాం. ఫఖర్‌ జమాన్‌తో కలిసి ఇన్నింగ్స్‌ ఆరంభిస్తాడు. టెక్నికల్‌గా అతడు గొప్ప బ్యాటర్‌ అని అందరికీ తెలిసిందే.అందరూ కెప్టెన్లేఇక ఈ టోర్నీలో నేను లేదంటే బాబర్‌ ఆజం మాత్రమే ముఖ్యంకాదు. ట్రోఫీ గెలిచేందుకు ప్రతి ఒక్కరు కఠినంగా శ్రమిస్తున్నారు. కెప్టెన్‌గా జట్టు సమిష్టి ప్రదర్శనతో వచ్చే గెలుపును ఆస్వాదిస్తా. అయితే, కొన్నిమ్యాచ్‌లలో వ్యక్తిగత ప్రదర్శనలే అధిక ప్రభావం చూపిస్తాయి. ఏదేమైనా ప్రస్తుతం మా దృష్టి జట్టులోని పదిహేను మంది సభ్యులపై ఉంది. అందరూ కెప్టెన్లే. అయితే, వారికి ప్రతినిధిగా నేను టాస్‌ సమయంలో.. మీడియా సమావేశంలో ముందుకు వచ్చి మాట్లాడుతానంతే’’ అని హిందుస్తాన్‌ టైమ్స్‌తో పేర్కొన్నాడు.కాగా చాంపియన్స్‌ ట్రోఫీలో ఎనిమిది జట్లు పాల్గొంటున్నాయి. ఆతిథ్య జట్టు హోదాలో పాకిస్తాన్‌ నేరుగా అర్హత సాధించగా.. వన్డే ప్రపంచకప్‌-2023లో ప్రదర్శన ఆధారంగా ఆస్ట్రేలియా, ఇండియా, సౌతాఫ్రికా, న్యూజిలాండ్‌, అఫ్గనిస్తాన్‌, బంగ్లాదేశ్‌, ఇంగ్లండ్‌ క్వాలిఫై అయ్యాయి. వీటిని రెండు గ్రూపులుగా విభజించారు. గ్రూప్‌-‘ఎ’లో ఇండియా, పాకిస్తాన్‌, బంగ్లాదేశ్‌, న్యూజిలాండ్‌.. గ్రూప్‌-‘బి’లో అఫ్గనిస్తాన్‌, ఆస్ట్రేలియా, ఇంగ్లండ్‌, సౌతాఫ్రికా ఉన్నాయి. చదవండి: బంగ్లాదేశ్‌తో మ్యాచ్‌కు భారత తుదిజట్టు ఇదే! రోహిత్‌ కోరుకుంటేనే అతడికి ఛాన్స్‌

భారత్‌ వర్సెస్‌ పాకిస్తాన్‌(India vs Pakistan) మ్యాచ్‌ అంటే క్రికెట్‌ ప్రేమికులకు పండుగే. ఇరుదేశాల సంబంధాల దృష్ట్యా ఈ జట్ల మధ్య ద్వైపాక్షిక సిరీస్‌లు ఎప్పుడో నిలిచిపోయాయి. ఆసియా కప్‌, ఐసీసీ వంటి అగ్రశ్రేణి ఈవెంట్లలో మాత్రమే ముఖాముఖి తలపడుతున్నాయి.అందుకే దాయాదుల మధ్య పోరును వీక్షించేందుకు అభిమానులు వేయికళ్లతో ఎదురుచూస్తుంటారు. వారి నిరీక్షణకు ఫిబ్రవరి 23న తెరపడనుంది. చాంపియన్స్‌ ట్రోఫీ-2025(ICC Champions Trophy)లో భాగంగా దుబాయ్‌ వేదికగా ఆదివారం భారత్‌- పాక్‌ జట్లు తలపడనున్నాయి. ఈ నేపథ్యంలో టీమిండియా స్పిన్‌ దిగ్గజం హర్భజన్‌ సింగ్‌ ఆసక్తికర వ్యాఖ్యలు చేశాడు.ఓవర్‌హైప్‌...‘‘ఇండియా- పాకిస్తాన్‌.. ఈ రెండు జట్ల మధ్య మ్యాచ్‌కు ఓవర్‌హైప్‌ ఇస్తున్నారు. దీనికి ఇంతగా ప్రచారం అవసరం లేదు. ఓసారి పాకిస్తాన్‌ ప్రధాన బ్యాటర్ల గణాంకాలు పరిశీలించండి. బాబర్‌ ఆజం వాళ్ల స్టార్‌ బ్యాటర్‌. మరి టీమిండియాపై అతడి బ్యాటింగ్‌ సగటు కేవలం 31.టాప్‌ బ్యాటర్‌ అన్నప్పుడు కనీసం అతడి యావరేజ్‌ 50కి దగ్గరలో ఉంటే ప్రత్యర్థి జట్టుతో మ్యాచ్‌ సమయంలో ఎలివేషన్‌ ఇవ్వచ్చు. ఇక రిజ్వాన్‌ విషయానికొస్తే.. ఆటగాడిగా అతడంటే నాకు ఇష్టమే. స్వేచ్ఛగా బ్యాట్‌ ఝులిపిస్తాడు. కానీ భారత జట్టుపై అతడి బ్యాటింగ్‌ సగటు 25 మాత్రమే.టీమిండియా నుంచి మ్యాచ్‌ లాక్కోగలిగేది ఆ ఒక్కడే! అయితే, ఫఖర్‌ జమాన్‌ సంగతి వేరు. అతడు పాక్‌ జట్టు పూర్తిస్థాయి ఓపెనర్‌. టీమిండియా మీద బ్యాటింగ్‌ యావరేజ్‌ 46. కాబట్టి టీమిండియా నుంచి మ్యాచ్‌ లాక్కోగల సమర్థత అతడొక్కడికి మాత్రమే ఉంది. ఇక ఫాహీం ఆష్రఫ్‌ గురించి అంతగా మాట్లాడుకోవాల్సిన అవసరం లేదు.కనీస పోటీ కూడా ఇవ్వదుఅతడి సగటు.. 12.5. కాబట్టి అతడి గురించి టీమిండియా పెద్దగా పట్టించుకోవాల్సిన అవసరం లేదు. సౌద్‌ షకీల్‌ టీమిండియాపై సగటున 8 పరుగులు చేశాడు. పాకిస్తాన్‌ బ్యాటింగ్‌ లైనప్‌ చూసిన తర్వాత ఆ జట్టు భారత్‌కు కనీస పోటీ కూడా ఇస్తుందని అనిపించడం లేదు’’ అని హర్భజన్‌ సింగ్‌ చెప్పుకొచ్చాడు. కాగా బాబర్‌ ఆజం పాకిస్తాన్‌ తరఫున టాప్‌ వన్డే ప్లేయర్‌గా కొనసాగుతున్నాడు.అయితే, టీమిండియాపై మాత్రం బాబర్‌ ఆజం రికార్డు అంత గొప్పగా ఏమీ లేదు. ఇప్పటి వరకు భారత్‌తో ఆడిన ఎనిమిది మ్యాచ్‌లలో కలిపి సగటున 31.14తో 218 పరుగులు మాత్రమే చేశాడు. ఇందులో ఓ అర్ధ శతకం ఉంది. భారత్‌ వేదికగా వన్డే వరల్డ్‌కప్‌-2023 సందర్భంగా అతడు హాఫ్‌ సెంచరీ నమోదు చేశాడు.ఇదిలా ఉంటే.. చాంపియన్స్‌ ట్రోఫీకి ముందు టీమిండియా అద్బుత విజయం సాధించిన విషయం తెలిసిందే. సొంతగడ్డపై ఇంగ్లండ్‌తో వన్డే సిరీస్‌ను రోహిత్‌ సేన 3-0తో క్లీన్‌స్వీప్‌ చేసింది. మరోవైపు.. పాకిస్తాన్‌ మాత్రం స్వదేశంలో న్యూజిలాండ్‌-సౌతాఫ్రికాలతో జరిగిన త్రైపాక్షిక సిరీస్‌ను కివీస్‌కు సమర్పించుకుంది. చాంపియన్స్‌ ట్రోఫీ-2025లో పాల్గొనే భారత జట్టురోహిత్‌ శర్మ(కెప్టెన్‌), శుబ్‌మన్‌ గిల్‌(వైస్‌ కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌(వికెట్‌ కీపర్‌), రిషభ్‌ పంత్‌(వికెట్‌ కీపర్‌), హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, మహ్మద్‌ షమీ, అర్ష్‌దీప్‌ సింగ్‌, రవీంద్ర జడేజా, వరుణ్‌ చక్రవర్తి.చాంపియన్స్‌ ట్రోఫీ-2025కి పాకిస్తాన్‌ క్రికెట్‌ బోర్డు ఎంపిక చేసిన జట్టుమహ్మద్‌ రిజ్వాన్ (కెప్టెన్‌), బాబర్ ఆజం, ఫఖర్ జమాన్, కమ్రాన్ గులాం, సౌద్ షకీల్, తయ్యబ్ తాహిర్, ఫాహీం అష్రఫ్, ఖుష్‌దిల్‌ షా, సల్మాన్ అలీ అఘా (వైస్‌ కెప్టెన్‌), ఉస్మాన్ ఖాన్, అబ్రార్ అహ్మద్, హ్యారీస్‌ రవూఫ్, మహ్మద్ హస్నైన్, నసీమ్ షా, షాహీన్ షా ఆఫ్రిది.చదవండి: CT 2025: కోహ్లి, హెడ్‌ కాదు!.. టాప్‌ రన్‌ స్కోరర్‌గా అతడే.. వికెట్ల వీరుడిగా ఆర్చర్‌!

టీమిండియా వైస్ కెప్టెన్‌ శుభ్‌మన్‌ గిల్‌ (Shubman Gill) ఐసీసీ వన్డే ర్యాంకింగ్స్‌లో (ICC ODI Rankings) అగ్రపీఠాన్ని అధిరోహించనున్నాడు. ఈ వారం ర్యాంకింగ్స్‌లో రెండో స్థానంలో ఉన్న గిల్‌ (781 రేటింగ్‌ పాయింట్లు).. వచ్చే బుధవారం వెలువడే ర్యాంకింగ్స్‌లో టాప్‌ ర్యాంక్‌కు చేరుకోనున్నాడు. ఇప్పటిదాకా టాప్‌ ర్యాంక్‌లో ఉన్న పాక్‌ ఆటగాడు బాబర్‌ ఆజమ్‌ (Babar Azam) (786).. ఇవాళ (ఫిబ్రవరి 14) న్యూజిలాండ్‌తో జరుగుతున్న ట్రై సిరీస్‌ ఫైనల్లో విఫలమయ్యాడు. బాబర్‌కు గిల్‌కు మధ్య కేవలం ఐదు పాయింట్ల వ్యత్యాసం మాత్రమే ఉంది. ఈ బుధవారం ఇంగ్లండ్‌తో జరిగిన మూడో వన్డేలో గిల్‌ సెంచరీ చేశాడు. ఈ వారం ర్యాంకింగ్స్‌లో ఇది పరిగణలోకి రాలేదు. కాబట్టి వచ్చే వారం ర్యాంకింగ్స్‌లో ఈ సెంచరీ తాలుకా పాయింట్లు గిల్‌కు యాడ్‌ అవుతాయి. దీంతో ఛాంపియన్స్‌ ట్రోఫీ తొలి మ్యాచ్‌కు (బంగ్లాదేశ్‌తో) ముందే గిల్‌ ఐసీసీ వన్డే ర్యాంకింగ్స్‌లో బాబర్‌ను కిందకు దించి టాప్‌ ర్యాంక్‌కు చేరుకుంటాడు.రేసులో రోహిత్‌ కూడా..!వన్డే ర్యాంకింగ్స్‌ టాప్‌ ర్యాంక్‌ రేసులో టీమిండియా కెప్టెన్‌ రోహిత్‌ శర్మ (Rohit Sharma) కూడా ఉన్నాడు. ఈ వారం ర్యాంకింగ్స్‌లో మూడో స్థానంలో ఉన్న రోహిత్‌.. ఛాంపియన్స్‌ ట్రోఫీ తొలి మ్యాచ్‌లో మంచి ఇన్నింగ్స్‌ ఆడితే గిల్‌ను సైతం వెనక్కునెట్టి టాప్‌ ర్యాంక్‌కు చేరుకుంటాడు. ప్రస్తుతం టాప్‌ ర్యాంక్‌లో ఉన్న బాబర్‌కు రోహిత్‌కు మధ్య కేవలం 13 పాయింట్ల వ్యత్యాసం మాత్రమే ఉంది. బాబర్‌ ఖాతాలో 786 పాయింట్లు ఉండగా.. రోహిత్‌ ఖాతాలో 773 పాయింట్లు ఉన్నాయి.చరిత్ర సృష్టించిన బాబర్‌న్యూజిలాండ్‌తో జరుగుతున్న ట్రై సిరీస్‌ ఫైనల్లో విఫలమైనా పాక్‌ మాజీ కెప్టెన్‌ బాబర్‌ ఆజమ్‌ చరిత్ర సృష్టించాడు. వన్డేల్లో అత్యంత వేగంగా 6000 పరుగులు పూర్తి చేసిన ఆటగాడిగా దక్షిణాఫ్రికా మాజీ ఆటగాడు హాషిమ్‌ ఆమ్లాతో కలిసి రికార్డు షేర్‌ చేసుకున్నాడు. ఆమ్లా, బాబర్‌కు తలో 123 ఇన్నింగ్స్‌ల్లో 6000 పరుగులు పూర్తి చేశారు. వన్డేల్లో అత్యంత వేగంగా 6000 పరుగులు పూర్తి చేసిన టాప్‌-5 ఆటగాళ్ల జాబితాలో బాబర్‌, ఆమ్లా తర్వాతి స్థానాల్లో విరాట్‌ కోహ్లి, కేన్‌ విలియమ్సన్‌, డేవిడ్‌ వార్నర్‌ ఉన్నారు. విరాట్‌ 136 ఇన్నింగ్స్‌ల్లో ఈ మైలురాయిని తాకితే.. కేన్‌ మామ, వార్నర్‌ భాయ్‌ తలో 139 ఇన్నింగ్స్‌ల్లో 6000 పరుగుల క్లబ్‌లో చేరారు.ట్రై సిరీస్‌ ఫైనల్‌ విషయానికొస్తే.. ఈ మ్యాచ్‌లో పాకిస్తాన్‌ టాస్‌ గెలిచి తొలుత బ్యాటింగ్‌ చేస్తుంది. 41.5 ఓవర్ల అనంతరం ఆ జట్టు 6 వికెట్లు కోల్పోయి 195 పరుగులు చేసింది. పాక్‌ ఇన్నింగ్స్‌లో ఇప్పటివరకు ఒక్క హాఫ్‌ సెంచరీ కూడా నమోదు కాలేదు. రిజ్వాన్‌ 46, సల్మాన్‌ అఘా 45, తయ్యబ్‌ తాహిర్‌ 38, బాబర్‌ ఆజమ్‌ 29 పరుగులు చేశారు. ఖుష్దిల్‌ షా (6), ఫమీమ్‌ అష్రఫ్‌ (1) క్రీజ్‌లో ఉన్నారు. న్యూజిలాండ్‌ బౌలర్లలో విలియమ్‌ ఓరూర్కీ, మైఖేల్‌ బ్రేస్‌వెల్‌ తలో 2 వికెట్లు పడగొట్టగా.. నాథన్‌ స్మిత్‌, జేకబ్‌ డఫీ చెరో వికెట్‌ దక్కించుకున్నారు.

పాకిస్తాన్‌ స్టార్‌ ఆటగాడు బాబర్‌ ఆజమ్‌ (Babar Azam) ఖాతాలో ఓ భారీ రికార్డు చేరింది. దక్షిణాఫ్రికా మాజీ ఆటగాడు హాషిమ్‌ ఆమ్లాతో (Hashim Amla) కలిసి వన్డేల్లో అత్యంత వేగంగా 6000 పరుగులు పూర్తి చేసిన ఆటగాడిగా బాబర్‌ రికార్డుల్లోకెక్కాడు. వన్డేల్లో 6000 పరుగులు పూర్తి చేసేందుకు ఆమ్లా, బాబర్‌కు తలో 123 ఇన్నింగ్స్‌ అవసరమయ్యాయి.The Moment Babar Azam created History in ODIs ⚡- Joint fastest to complete 6000 runs....!!!!! pic.twitter.com/U29MXMJ8xW— Johns. (@CricCrazyJohns) February 14, 2025కరాచీ వేదికగా న్యూజిలాండ్‌తో జరుగుతున్న ట్రై సిరీస్‌ (Pakistan Tri Series) ఫైనల్లో బాబర్‌ ఈ ఘనత సాధించాడు. ఆమ్లా, బాబర్‌ తర్వాత టీమిండియా స్టార్‌, పరుగుల యంత్రం విరాట్‌ కోహ్లి (Viart Kohli) వన్డేల్లో అత్యంత వేగంగా 6000 పరుగులు పూర్తి చేశాడు. ఈ మైలురాయిని తాకేందుకు విరాట్‌కు 136 ఇన్నింగ్స్‌లు అవసరమయ్యాయి. వన్డేల్లో అత్యంత వేగంగా 6000 పరుగులు పూర్తి చేసిన టాప్‌-5 ఆటగాళ్లలో బాబర్‌, ఆమ్లా, విరాట్‌ తర్వాతి స్థానాల్లో కేన్‌ విలియమ్సన్‌, డేవిడ్‌ వార్నర్‌ ఉన్నారు. కేన్‌ మామ, వార్నర్‌ భాయ్‌ తలో 139 ఇన్నింగ్స్‌ల్లో ఈ మైలురాయిని తాకారు. ప్రస్తుతం జరుగుతున్న ఈ ట్రై సిరీస్‌లోనే (సౌతాఫ్రికాతో జరిగిన మ్యాచ్‌లో) కేన్‌ విలియమ్సన్‌ 6000 పరుగుల క్లబ్‌లో చేరాడు.ట్రై సిరీస్‌ ఫైనల్‌ విషయానికొస్తే.. ఈ మ్యాచ్‌లో పాకిస్తాన్‌ టాస్‌ గెలిచి తొలుత బ్యాటింగ్‌ చేస్తుంది. పాక్‌ 54 పరుగులకే 3 వికెట్లు కోల్పోయి కష్టాల్లో ఉంది. గత కొంతకాలంగా ఫామ్‌లో లేని బాబర్‌ ఆజమ్‌ (29) ఈ మ్యాచ్‌లోనూ నిరాశపరిచాడు. పాక్‌ ఇన్నింగ్స్‌లో ఫకర్‌ జమాన్‌ (10), సౌద్‌ షకీల్‌ (8) కూడా తక్కువ స్కోర్లకే ఔటయ్యాడు. కెప్టెన్‌ మొహమ్మద్‌ రిజ్వాన్‌ (0), సల్మాన్‌ అఘా (0) క్రీజ్‌లో ఉన్నారు. న్యూజిలాండ్‌ బౌలర్లలో విలియమ్‌ ఓరూర్కీ, మైఖేల్‌ బ్రేస్‌వెల్‌, నాథన్‌ స్మిత్‌ తలో వికెట్‌ పడగొట్టారు.కాగా, పాకిస్తాన్‌, దుబాయ్‌ వేదికలుగా ఛాంపియన్స్‌ ట్రోఫీ-2025 ఫిబ్రవరి 19 నుంచి ప్రారంభ కానున్న విషయం తెలిసిందే. ఈ మెగా టోర్నీకి ముందు పాకిస్తాన్‌ స్వదేశంలో ముక్కోణపు సిరీస్‌కు ఆతిథ్యమిచ్చింది. ఈ టోర్నీలో పాక్‌ సహా సౌతాఫ్రికా, న్యూజిలాండ్‌ జట్లు పాల్గొన్నాయి. ఈ టోర్నీలో ఫైనల్‌ ముందు మూడు జట్లు తలో రెండు మ్యాచ్‌లు ఆడాయి. తొలి మ్యాచ్‌లో పాకిస్తాన్‌పై న్యూజిలాండ్‌ 78 పరుగుల తేడాతో గెలుపొందింది. రెండో మ్యాచ్‌లో న్యూజిలాండ్‌ సౌతాఫ్రికాను చిత్తు చేసి ఫైనల్‌ బెర్త్‌ ఖరారు చేసుకుంది. మూడో మ్యాచ్‌లో పాక్‌ 353 పరుగుల రికార్డు లక్ష్యాన్ని ఛేదించి ఫైనల్‌కు చేరింది.ఇదిలా ఉంటే, ఛాంపియన్స్‌ ట్రోఫీలో భారత్‌ ఆడే మ్యాచ్‌లన్నీ దుబాయ్‌లో జరుగనుండగా.. మిగతా మ్యాచ్‌లన్నీ పాకిస్తాన్‌లో జరుగుతాయన్న విషయం తెలిసిందే. టోర్నీ ఆరంభ మ్యాచ్‌లో పాకిస్తాన్‌, న్యూజిలాండ్‌ జట్లు తలపడతాయి. ఫిబ్రవరి 20న జరిగే మ్యాచ్‌లో బంగ్లాదేశ్‌.. భారత్‌ను ఢీకొంటుంది. ఫిబ్రవరి 23న భారత్‌, పాకిస్తాన్‌ మ్యాచ్‌ జరుగతుంది. ఈ టోర్నీలో భారత్‌, పాకిస్తాన్‌, న్యూజిలాండ్‌, బంగ్లాదేశ్‌ జట్లు గ్రూప్‌-ఏలో ఉండగా.. గ్రూప్‌-బిలో ఆస్ట్రేలియా, ఇంగ్లండ్‌, సౌతాఫ్రికా, ఆఫ్ఘనిస్తాన్‌ జట్లు పోటీపడుతున్నాయి.

ఛాంపియ‌న్స్ ట్రోఫీ-2025 ముంగిట‌ పాకిస్తాన్‌కు స్టార్ ప్లేయ‌ర్ బాబ‌ర్ ఆజం ఫామ్ ఆందోళ‌న క‌లిగిస్తోంది. ఈ టోర్నీ సన్నహాకాల్లో భాగంగా స్వదేశంలో న్యూజిలాండ్, దక్షిణాఫ్రికాతో జరుగుతున్న ముక్కోణపు వన్డే సిరీస్‌లో బాబర్ తీవ్ర నిరాశపరుస్తున్నాడు. లహోర్ వేదికగా కివీస్‌తో జరిగిన తొలి మ్యాచ్‌లో కేవలం 10 పరుగులు చేసి ఔటైన బాబర్‌.. కరాచీ వేదికగా ప్రోటీస్‌తో జరిగిన వర్చువల్ నాకౌట్‌లో 23 పరుగులు చేసి ఔటయ్యాడు. మిగితా బ్యాటర్లంతా మంచి టచ్‌లో కన్పిస్తున్నప్పటికి ఆజం మాత్రం తన బ్యాట్‌కు పనిచెప్పలేకపోతున్నాడు.కనీసం శుక్రవారం కరాచీ వేదికగా న్యూజిలాండ్‌తో జ‌ర‌గ‌నున్న ఫైన‌ల్ మ్యాచ్‌లోనైనా బాబ‌ర్ త‌న ఫామ్‌ను అందుకోవాల‌ని అత‌డి అభిమానులు ఆశిస్తున్నారు. కాగా దక్షిణాఫ్రికాతో విజయం అనంతరం మీడియా సమావేశంలో మాట్లాడిన బాబర్ తన గురుంచి ఆసక్తికర వ్యాఖ్యలు చేశాడు.తనను"కింగ్" అని పిలవడం మానేయాలని ఫ్యాన్స్‌ను ఆజం కోరాడు. కాగా బాబర్ గతంలో అద్భుతమైన ప్రదర్శన చేయడంతో అతడిని అభిమానులు ముద్దుగా కింగ్ అని పిలవడం మొదలు పెట్టారు. మరికొంతమం‍ది అయితే టీమిండియా స్టార్ విరాట్ కోహ్లితో కూడా పోల్చారు. కానీ ఇటీవల కాలంలో బాబర్ ఫామ్ బాగా దిగజారిపోయింది. ఫామ్ లేమితో సతమతం కావడంతో కెప్టెన్సీ నుంచి కూడా ఆజం తప్పుకున్నాడు."దయచేసి నన్ను కింగ్ అని పిలవద్దు. నేను ఏమి రాజును కాను. ప్ర‌స్తుతం నేను ఆ స్థితిలో లేను. నాపై ఇప్పుడు చాలా కొత్త బాధ్య‌త‌లు ఉన్నాయి. గతంలో నేను చేసిన పరుగులు, రికార్డులు కోసం ఆలోచించ‌డం లేదు. ఇప్పుడు నాకు ప్ర‌తీ మ్యాచ్ కూడా ఒక కొత్త స‌వాలు వంటిదే. నేను ప్రజెంట్‌తో భ‌విష్య‌త్తుపై దృష్టిపెట్టాలనకుంటున్నానని" ఆజం పేర్కొన్నాడు. కాగా ఐసీసీ ఛాంపియన్స్‌ ట్రోఫీ ఫిబ్రవరి 19నుంచి ప్రారంభం కానుంది. తొలి మ్యాచ్‌లో కరాచీ వేదికగా పాకిస్తాన్‌-న్యూజిలాండ్‌ జట్లు తలపడనున్నాయి.ఛాంపియన్స్ ట్రోఫీకి పాకిస్థాన్ జట్టు: మహ్మద్ రిజ్వాన్ (కెప్టెన్‌), బాబర్ అజం, ఫఖర్ జమాన్, కమ్రాన్ గులామ్, సౌద్ షకీల్, తయ్యబ్ తాహిర్, ఫహీమ్ అష్రఫ్, ఖుష్దిల్ షా, సల్మాన్ అలీ అఘా, ఉస్మాన్ ఖాన్, అబ్రర్ షాహమ్, హరీస్ నహ్మద్, హరీస్ నహ్మద్, హరీస్ షాహమ్ రౌఫ్ అఫ్రిది.చదవండి: Champions Trophy 2025: సెమీస్‌కు చేరే జ‌ట్లు ఇవే.. పప్పులో కాలేసిన ఇంగ్లండ్ దిగ్గ‌జం

ఐసీసీ తాజాగా విడుదల చేసిన వన్డే ర్యాంకింగ్స్‌లో (ICC ODI Rankings) టీమిండియా వైస్‌ కెప్టెన్‌ శుభ్‌మన్‌ గిల్‌ (Shubman Gill) రెండో స్థానానికి ఎగబాకాడు. పాక్‌ మాజీ కెప్టెన్‌ బాబర్‌ ఆజమ్‌ (Babar Azam) టాప్‌ ర్యాంక్‌ను నిలబెట్టుకున్నాడు. బాబర్‌కు గిల్‌కు మధ్య రేటింగ్‌ పాయింట్ల వ్యత్యాసం చాలా తక్కువగా ఉంది. గిల్‌ మరో 6 పాయింట్లు సాధిస్తే బాబర్‌ ఆజమ్‌కు కిందకు దించి టాప్‌ ర్యాంక్‌కు చేరుకుంటాడు. గిల్‌ రెండో స్థానానికి చేరడంతో అప్పటివరకు ఆ స్థానంలో ఉన్న టీమిండియా కెప్టెన్‌ రోహిత్‌ శర్మ (Rohit Sharma) మూడో స్థానానికి పడిపోయాడు. వచ్చే వారం ప్రకటించే ర్యాంకింగ్స్‌లో రోహిత్‌కు కూడా అగ్రస్థానానికి చేరుకునే అవకాశం ఉంది. మూడో స్థానంలో ఉన్న రోహిత్‌కు టాప్‌ ప్లేస్‌లో ఉన్న బాబర్‌కు మధ్య కేవలం 13 పాయింట్ల వ్యత్యాసం మాత్రమే ఉంది. ప్రస్తుతం బాబర్‌ ఖాతాలో 786 పాయింట్లు, గిల్‌ ఖాతాలో 781, రోహిత్‌ ఖాతాలో 773 పాయింట్లు ఉన్నాయి.ఈ వారం ర్యాంకింగ్స్‌లో టీమిండియా స్టార్‌ ఆటగాడు విరాట్‌ కోహ్లి రెండు స్థానాలు కోల్పోయాడు. గత వారం నాలుగో ప్లేస్‌లో ఉన్న కోహ్లి.. ఇంగ్లండ్‌తో రెండో వన్డేలో విఫలం కావడంతో ఆరో స్థానానికి పడిపోయాడు. ఇంగ్లండ్‌తో తొలి రెండు వన్డేల్లో రాణించిన భారత మిడిలార్డర్‌ బ్యాటర్‌ శ్రేయస్‌ ఓ స్థానం మెరుగుపర్చుకుని 10వ స్థానానికి చేరుకున్నాడు. ఈ వారం టాప్‌-10 బ్యాటర్ల ర్యాంకింగ్స్‌లో నలుగురు భారత బ్యాటర్లు ఉన్నారు. ఐర్లాండ్‌ ఆటగాడు హ్యారీ టెక్టార్‌ నాలుగో స్థానంలో, హెన్రిచ్‌ క్లాసెన్‌ ఐదులో, డారిల్‌ మిచెల్‌ ఏడులో, షాయ్‌ హోప్‌, రహ్మానుల్లా గుర్భాజ్‌ ఎనిమిది, తొమ్మిది స్థానాల్లో ఉన్నారు. ఇంగ్లండ్‌తో నిన్న జరిగిన మూడో వన్డే తాజా ర్యాంకింగ్స్‌ పరిగణలోకి రాలేదు.వన్డే బౌలర్ల ర్యాంకింగ్స్‌ విషయానికొస్తే.. రషీద్‌ ఖాన్‌ అగ్రస్థానానికి నిలబెట్టుకున్నాడు. మహీశ్‌ తీక్షణ ఓ స్థానం మెరుగుపర్చుకుని రెండో స్థానానికి ఎగబాకాడు. నమీబియా బౌలర్‌ బెర్నార్డ్‌ స్కోల్జ్‌ రెండు స్థానాలు మెరుగుపర్చుకుని మూడో ప్లేస్‌కు చేరాడు. పాక్‌ పేసర్‌ షాహీన్‌ అఫ్రిది నాలుగో స్థానాన్ని కాపాడుకోగా.. భారత స్పిన్నర్‌ కుల్దీప్‌ యాదవ్‌ మూడు స్థానాలు కోల్పోయి ఐదో ప్లేస్‌కు పడిపోయాడు. ఇంగ్లండ్‌తో తాజాగా జరిగిన సిరీస్‌కు దూరంగా ఉన్న మొహమ్మద్‌ సిరాజ్‌ నాలుగు స్థానాలు కోల్పోయి 10వ ప్లేస్‌కు పడిపోయాడు. తాజా ర్యాంకింగ్స్‌లో భారత్‌ నుంచి కేవలం ఇద్దరు మాత్రమే టాప్‌-10లో ఉన్నారు. ఆల్‌రౌండర్ల ర్యాంకింగ్స్‌లో మొహమ్మద్‌ నబీ టాప్‌ ప్లేస్‌లో కొనసాగుతుండగా.. రవీంద్ర జడేజా 10వ స్థానాన్ని నిలబెట్టుకున్నాడు.

చాంపియన్స్‌ ట్రోఫీ-2025(ICC Champions Trophy)కి పాకిస్తాన్‌ క్రికెట్‌ బోర్డు(పీసీబీ) ఎంపిక చేసిన జట్టుపై బౌలింగ్‌ దిగ్గజం వసీం అక్రం(Wasim Akram) పెదవి విరిచాడు. ఒకే ఒక్క స్పెషలిస్టు స్పిన్నర్‌కు మాత్రమే చోటివ్వడాన్ని తప్పుబట్టాడు. అదే విధంగా.. బౌలింగ్‌ ఆల్‌రౌండర్‌ షాహీం ఆష్రఫ్‌(Faheem Ashraf)ను ఈ మెగా టోర్నీకి ఎందుకు ఎంపిక చేశారో అర్థం కావడం లేదంటూ విమర్శించాడు.కాగా 2017 తర్వాత తొలిసారిగా జరుగుతున్న చాంపియన్స్‌ ట్రోఫీలో పాకిస్తాన్‌ డిఫెండింగ్‌ చాంపియన్‌గా బరిలోకి దిగనుంది. ఆతిథ్య జట్టు హోదాలో ఈ మెగా టోర్నీలో ప్రత్యర్థి జట్లతో తలపడనుంది. ఫిబ్రవరి 19 నుంచి ఈ ఈవెంట్‌ మొదలుకానుండగా.. ఇటీవలే పీసీబీ తమ జట్టును ప్రకటించింది.అతడిని ఎలా ఎంపిక చేశారు?ఈ నేపథ్యంలో పాక్‌ దిగ్గజ క్రికెటర్‌ వసీం అక్రం స్పందిస్తూ.. ‘‘జట్టును ప్రకటించేశారు. కొద్ది మంది పేర్లను గమనించాను. ఫాహీం అష్రఫ్‌ ఈ జట్టులో ఉన్నాడు. అతడికి ఆల్‌ ది బెస్ట్‌. ప్రతిభావంతుడైన క్రికెటరే.కానీ గత 20 మ్యాచ్‌లలో అతడి బౌలింగ్‌ సగటు 100.. బ్యాటింగ్‌ సగటు 9. అయినా.. సరే అష్రఫ్‌ను ఎలా ఎంపిక చేశారో అర్థం కావడం లేదు. ఇక ఖుష్‌దిల్‌ షా ఎంపిక కూడా అనూహ్యం. అయినా.. ఈసారి మనం ఒకే ఒక్క స్పిన్నర్‌తో బరిలోకి దిగుతున్నాం.అదే టీమిండియా.. ముగ్గురు, నలుగురు స్పిన్నర్లతో సిద్ధమైంది. అందుకు కారణాలు ఏమైనా గానీ.. మనం మాత్రం ఒకే స్పిన్నర్‌ను ఎంపిక చేయడమేంటి?.. ఇక ఆతిథ్య జట్టుగా మనపై ఎలాగూ ఒత్తిడి ఉంటుంది. అన్ని ప్రతికూలతలు అధిగమించి సెమీ ఫైనల్‌ వరకైనా చేరాలని ఆశిస్తున్నా’’ అని వసీం అక్రం స్పోర్ట్స్‌ యారీతో పేర్కొన్నాడు.ఇదైతే బాగుందిఅయితే, చాంపియన్స్‌ ట్రోఫీ కోసం ఫఖర్‌ జమాన్‌ను పిలిపించి మంచి పనిచేశారంటూ పాక్‌ సెలక్టర్ల నిర్ణయాన్ని వసీం అక్రం సమర్థించాడు. ‘‘మనకు ఓపెనింగ్‌ జోడీతో సమస్యలు వస్తున్నాయి. ఇలాంటి తరుణంలో రెగ్యులర్‌ ఓపెనర్‌ ఫఖర్‌ జమాన్‌ను జట్టులోకి తీసుకోవడం సానుకూలాంశం. పరిమిత ఓవర్ల క్రికెట్‌లో ప్రపంచంలోని అత్యుత్తమ బ్యాటర్లలో ఒకడు.ఏదేమైనా బాబర్‌ ఆజంను ఓపెనర్‌గా పంపాలి. అతడి బ్యాటింగ్‌ టెక్నిక్‌ గొప్పగా ఉంటుంది. యాభై ఓవర్లపాటు అతడు క్రీజులోనే ఉంటే.. కచ్చితంగా 125 పరుగులైనా చేస్తాడు. ఇక రిజ్వాన్‌ను మిడిలార్డర్‌లో పంపాలి. జట్టులో ఉన్న ఫాస్ట్‌ బౌలర్లంతా మంచి ఫామ్‌లో ఉన్నారు. నసీం షా వచ్చేశాడు. ఇప్పటికే షాహిన్‌ ఆఫ్రిది, హ్యారీస్‌ రవూఫ్‌ ఉన్నారు. వీళ్లకు తోడుగా హస్నైన్‌ కూడా ఉన్నాడు’’ అని వసీం అక్రం పేర్కొన్నాడు.ఆ ఆల్‌రౌండర్‌కు జట్టులో చోటివ్వాల్సిందిఅయితే, ఆల్‌రౌండర్ల జాబితాలో ఆమిర్‌ జమాల్‌కు చోటు దక్కకపోవడం తనను నిరాశపరిచిందని వసీం అక్రం ఈ సందర్భంగా పేర్కొన్నాడు. దీర్ఘకాలం పాటు జట్టుకు ఉపయోగపడగల ఆమిర్‌ను సెలక్టర్లు పట్టించుకోకపోవడం సరికాదన్నాడు. ఇక ఈ మెగా టోర్నీలో పాకిస్తాన్‌ మరోసారి విజేతగా నిలిస్తే చూడాలని ఉందని.. అయితే, మిగతా జట్లు కూడా వరల్డ్‌క్లాస్‌ ఆటతో గట్టి పోటీనిచ్చేందుకు సిద్ధంగా ఉన్నాయని పేర్కొన్నాడు. అందరితోపాటు తాను కూడా భారత్‌- పాకిస్తాన్‌ మ్యాచ్‌ కోసం ఆసక్తిగా ఎదురుచూస్తున్నట్లు తెలిపాడు.కాగా వన్డే ప్రపంచకప్‌-2023 ప్రదర్శన ఆధారంగా ఆస్ట్రేలియా, టీమిండియా, సౌతాఫ్రికా, న్యూజిలాండ్‌, అఫ్గనిస్తాన్‌, బంగ్లాదేశ్‌, ఇంగ్లండ్‌ అర్హత సాధించగా.. వరల్డ్‌కప్‌లో సెమీస్‌ కూడా చేరని పాక్‌ ఆతిథ్య జట్టు హోదాలో నేరుగా ఈ టోర్నీలోకి దూసుకువచ్చింది. ఇక భద్రతా కారణాల దృష్ట్యా పాకిస్తాన్‌కు వెళ్లలేని టీమిండియా.. దుబాయ్‌లో తమ మ్యాచ్‌లు ఆడుతుంది. క్రికెట్‌ ప్రపంచానికి ఎంతో ఇష్టమైన భారత్‌- పాక్‌ మ్యాచ్‌ ఫిబ్రవరి 23న జరుగుతుంది.చాంపియన్స్‌ ట్రోఫీకి పాకిస్తాన్‌ జట్టుమహ్మద్‌ రిజ్వాన్ (కెప్టెన్‌), బాబర్ ఆజం, ఫఖర్ జమాన్, కమ్రాన్ గులాం, సౌద్ షకీల్, తయ్యబ్ తాహిర్, ఫాహీం అష్రఫ్, ఖుష్‌దిల్‌ షా, సల్మాన్ అలీ అఘా (వైస్‌ కెప్టెన్‌), ఉస్మాన్ ఖాన్, అబ్రార్ అహ్మద్, హ్యారీస్‌ రవూఫ్, మహ్మద్ హస్నైన్, నసీమ్ షా, షాహీన్ షా ఆఫ్రిది.చదవండి: టీమిండియా ప్రపంచ రికార్డు.. సరికొత్త చరిత్ర

అంతర్జాతీయ క్రికెట్‌లో పాకిస్తాన్‌ మాజీ కెప్టెన్‌ బాబర్‌ ఆజమ్‌ వైఫల్యాల పరంపర కొనసాగుతుంది. మూడు ఫార్మాట్లలో బాబర్‌ సెంచరీ చేసి 61 ఇన్నింగ్స్‌లు అవుతుంది. ఇన్ని ఇన్నింగ్స్‌లుగా సెంచరీ చేయని తొలి టాపార్డర్‌ బ్యాటర్‌గా బాబర్‌ అప్రతిష్ఠ మూటగట్టుకున్నాడు.గత 10 టెస్ట్‌ ఇన్నింగ్స్‌ల్లో బాబర్‌ స్కోర్లు..31(67)1(5)5(11)8(20)5(18)30(71)11(18)31(77)22(50)0(2)ముల్తాన్‌ వేదికగా వెస్టిండీస్‌తో జరుగుతున్న రెండో టెస్ట్‌ మ్యాచ్‌ రెండో ఇన్నింగ్స్‌లోనూ బాబర్‌ విఫలమయ్యాడు. ఈ ఇన్నింగ్స్‌లో బాబర్‌ 31 పరుగులు చేసి రెండో రోజు ఆట ముగియడానికి కొద్ది నిమిషాల ముందు నిష్క్రమించాడు. ఈ మ్యాచ్‌లో పాకిస్తాన్‌ కష్టాల్లో ఉంది. 255 పరుగుల లక్ష్యాన్ని ఛేదించేందుకు బరిలోకి దిగిన పాక్‌ రెండో రోజు ఆట ముగిసే సమయానికి 4 వికెట్ల నష్టానికి 76 పరుగులు చేసింది. ఈ మ్యాచ్‌లో పాక్‌ గెలవాలంటే ఇంకా 178 పరుగులు చేయాలి. చేతిలో 6 వికెట్లు మాత్రమే ఉన్నాయి. సౌద్‌ షకీల్‌ (13), కషిఫ్‌ అలీ (1) క్రీజ్‌లో ఉన్నారు. అంతకుముందు విండీస్‌ రెండో ఇన్నింగ్స్‌లో 244 పరుగులకు ఆలౌటైంది. బ్రాత్‌వైట్‌ (52) అర్ద సెంచరీతో రాణించాడు. అమీర్‌ జాంగూ (30) ఓ మోస్తరు స్కోర్‌ చేయగా.. చివరి వరుస బ్యాటర్లు టెవిన్‌ ఇమ్లాచ్‌ (35), కెవిన్‌ సింక్లెయిర్‌ (28), గుడకేశ్‌ మోటీ (18), గోమెల్‌ వార్రికన్‌ (18) రెండంకెల స్కోర్లు చేశారు. పాక్‌ బౌలర్లలో సాజిద్‌ ఖాన్‌, నౌమన్‌ అలీ తలో నాలుగు వికెట్లు పడగొట్టగా.. కషిఫ్‌ అలీ, అబ్రార్‌ అహ్మద్‌ చెరో వికెట్‌ దక్కించుకున్నారు.తొలి రోజు ఆటలో ఇరు జట్లు తమతమ ఇన్నింగ్స్‌లను ముగించాయి. బౌలర్లు.. ముఖ్యంగా స్పిన్నర్లు చెలరేగడంతో మొదటి రోజు 20 వికెట్లు నేలకూలాయి. తొలుత బ్యాటింగ్‌ చేసిన విండీస్‌ 163 పరుగులకే ఆలౌట్‌ కాగా.. పాకిస్తాన్‌ 154 పరుగులకే కుప్పకూలింది. ఈ మ్యాచ్‌లో పాక్‌ స్పిన్నర్‌ నౌమన్‌ అలీ హ్యాట్రిక్‌ సహా 10 వికెట్లు తీశాడు.

ముల్తాన్‌ వేదికగా పాకిస్తాన్‌తో జరుగుతున్న రెండో టెస్టులో వెస్టిండీస్‌ స్పిన్నర్లు చెలరేగారు. విండీస్‌ స్పిన్నర్ల దాటికి పాకిస్తాన్‌ తమ తొలి ఇన్నింగ్స్‌లో 154 పరుగులకే కుప్పకూలింది. జోమెల్ వారికన్ 4 వికెట్లతో సత్తాచాటగా.. మరో స్పిన్నర్‌ గుడ్‌కేష్‌ మోటీ మూడు వికెట్లతో మెరిశాడు. వీరిద్దరితో పాటు ఫాస్ట్‌ బౌలర్‌ కీమర్‌ రోచ్‌ రెండు వికెట్లు సాధించాడు. పాకిస్తాన్‌ బ్యాటర్లలో మహ్మద్‌ రిజ్వాన​్‌(75 బంతుల్లో 8 ఫోర్లతో 49) టాప్‌ స్కోరర్‌గా నిలవగా.. సౌధ్‌ షకీల్‌(32) పర్వాలేదన్పించాడు. మిగితా బ్యాటర్లంతా దారుణంగా విఫలమయ్యారు. పాక్‌ స్టార్‌ ప్లేయర్‌​ బాబర్‌ ఆజం మరోసారి నిరాశపరిచాడు. కేవలం ఒక్క పరుగు మాత్రమే చేసిన బాబర్‌ ఆజం.. మోటీ బౌలింగ్‌లో క్లీన్‌ బౌల్డయ్యాడు. అంతకుముందు విండీస్‌ కూడా బ్యాటింగ్‌లో విఫలమైంది. కరేబియన్లు తమ తొలి ఇన్నింగ్స్‌లో కేవలం 163 పరుగులకే ఆలౌటైంది. పాక్‌ స్పిన్నర్‌ నోమాన్‌ అలీ 6 వి​కెట్లు పడగొట్టి విండీస్‌ను దెబ్బతీశాడు. అతడితో పాటు సాజిద్‌​ ఖాన్‌​ రెండు, కాషిఫ్ అలీ, ఆర్బర్‌ ఆహ్మద్‌ తలా వికెట్‌ సాధించాడు. విండీస్‌ బ్యాటర్లలో టెయిలాండర్‌ మోటీ(55) టాప్‌ స్కోరర్‌గా నిలిచాడు. అతడితో పాటు వారికన్‌(36), రోచ​్‌(25) రాణించారు. కాగా విండీస్‌కు తొలి ఇన్నింగ్స్‌లో 9 పరుగుల ఆధిక్యం లభించింది. కాగా తొలి రోజు ఆటలో ఇరు జట్ల స్పిన్నర్లు ఏకంగా 16 వికెట్లు పడగొట్టడం గమనార్హం.తుది జట్లుపాకిస్తాన్‌​: షాన్ మసూద్ (కెప్టెన్‌), ముహమ్మద్ హుర్రైరా, బాబర్ ఆజం, కమ్రాన్ గులాం, సౌద్ షకీల్, మహ్మద్ రిజ్వాన్ (వికెట్‌‍ కీపర్‌), సల్మాన్ అఘా, సాజిద్ ఖాన్, నోమన్ అలీ, కాషిఫ్ అలీ, అబ్రార్ అహ్మద్‌వెస్టిండీస్‌: క్రైగ్ బ్రాత్‌వైట్ (కెప్టెన్‌), మికిల్ లూయిస్, అమీర్ జాంగూ, కవెమ్ హాడ్జ్, అలిక్ అథానాజ్, జస్టిన్ గ్రీవ్స్, టెవిన్ ఇమ్లాచ్ (వికెట్‌ కీపర్‌), కెవిన్ సింక్లైర్, గుడాకేష్ మోటీ, కెమర్ రోచ్, జోమెల్ వారికన్చదవండి: BCCI: టీమిండియాకు భారీ షాక్‌.. ఇంగ్లండ్‌ సిరీస్‌ నుంచి ఇద్దరు స్టార్లు ఔట్‌

అంతర్జాతీయ క్రికెట్‌ మండలి(ఐసీసీ)- 2024(ICC Mens T20I Team of the Year) ఏడాదికి గానూ పురుషుల అత్యుత్తమ టీ20 జట్టును ప్రకటించింది. పొట్టి ఫార్మాట్లో గతేడాది అత్యుత్తమ ప్రదర్శనతో ఆకట్టుకున్న పదకొండు మంది ఆటగాళ్ల పేర్లను శనివారం వెల్లడించింది. ఈ జట్టుకు కెప్టెన్‌గా టీమిండియా సారథి రోహిత్‌ శర్మ(Rohit Sharma) ఎంపికయ్యాడు.ఇక హిట్‌మ్యాన్‌తో పాటు మరో ముగ్గురు భారత స్టార్‌ క్రికెటర్లకు ఈ టీమ్‌లో చోటు దక్కింది. అయితే, ఇందులో విరాట్‌ కోహ్లి(Virat Kohli) మాత్రం లేకపోవడం గమనార్హం. మరోవైపు.. ఈ జట్టులో రోహిత్‌ శర్మకు ఓపెనింగ్‌ జోడీగా ఆస్ట్రేలియా విధ్వంసకర వీరుడు ట్రవిస్‌ హెడ్‌ ఎంపిక కాగా.. వన్‌డౌన్‌లో ఇంగ్లండ్‌ వికెట్‌ కీపర్‌ బ్యాటర్‌ ఫిల్‌ సాల్ట్‌ చోటు దక్కించుకున్నాడు.ఇక మిడిలార్డర్‌లో నాలుగో స్థానంలో పాకిస్తాన్‌ మాజీ కెప్టెన్‌ బాబర్‌ ఆజం, ఐదో నంబర్‌ బ్యాటర్‌గా, వికెట్‌ కీపర్‌ కోటాలో వెస్టిండీస్‌ స్టార్‌ నికోలస్‌ పూరన్‌ స్థానం సంపాదించాడు. ఏడో స్థానంలో టీమిండియా స్టార్‌ ఆల్‌రౌండర్‌ హార్దిక్‌ పాండ్యా ఎంపిక కాగా.. అఫ్గనిస్తాన్‌ మేటి స్పిన్నర్‌ రషీద్‌ ఖాన్‌, శ్రీలంక స్పిన్‌ బౌలింగ్‌ ఆల్‌రౌండర్‌ వనిందు హసరంగకు కూడా ఈ జట్టులో చోటు దక్కింది. పేస్‌ దళంలో టీమిండియా ప్రధాన బౌలర్‌ జస్‌ప్రీత్‌ బుమ్రాతో పాటు యువ ఆటగాడు అర్ష్‌దీప్‌ సింగ్‌ స్థానం సంపాదించుకున్నారు. ‍రోహిత్‌ రిటైర్మెంట్‌టీమిండియా కెప్టెన్‌ రోహిత్‌ శర్మ 2024లో 11 అంతర్జాతీయ టీ20లు ఆడి 378 పరుగులు చేశాడు. ఇందులో ఓ శతకం ఉంది. స్ట్రైక్‌రేటు 160.16. తన అద్భుత నాయకత్వ లక్షణాలతో టీమిండియాను వరల్డ్‌కప్‌-2024 చాంపియన్‌గా నిలిపాడు. దాదాపు పదమూడేళ్ల తర్వాత మరోసారి టీమిండియాకు ఐసీసీ ట్రోఫీని అందించాడు.నో కోహ్లిఈ మెగా టోర్నీలో భారత్‌ జగజ్జేతగా నిలిచిన తర్వాత అంతర్జాతీయ టీ20లకు రిటైర్మెంట్‌ ప్రకటించాడు. రోహిత్‌తో పాటు ఈ ఈవెంట్లో ఓపెనర్‌గా బరిలోకి దిగిన విరాట్‌ కోహ్లికి మాత్రం ఈ జట్టులో చోటు దక్కలేదు. ఇక రోహిత్‌, కోహ్లిలతో పాటు రవీంద్ర జడేజా కూడా వెస్టిండీస్‌లో సౌతాఫ్రికాతో ఫైనల్‌ ముగిసిన తర్వాత రిటైర్మెంట్‌ ప్రకటించారు.ఇక గతేడాది ట్రవిస్‌ హెడ్‌ 15 టీ20లలో కలిపి 539 పరుగులు చేయగా.. ఫిల్‌ సాల్ట్‌ 17 మ్యాచ్‌లు ఆడి 467 రన్స్‌ చేశాడు. బాబర్‌ ఆజం 24 మ్యాచ్‌లలో కలిపి 734 పరుగులతో రాణించాడు. నికోలస్‌ పూరన్‌ 21 మ్యాచ్‌లలో భాగమై 464 పరుగులు చేశాడు. ఇక జింబాబ్వే తరఫున ఎప్పటిలాగానే గతేడాది కూడా సికిందర్‌ రజా అదరగొట్టాడు. 24 మ్యాచ్‌లు ఆడి 573 పరుగులు చేశాడు.హార్దిక్‌ పాండ్యాది కీలక పాత్రటీమిండియా ఈసారి వరల్డ్‌కప్‌ గెలవడంలో భారత పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యాది కీలక పాత్ర. ఇక ఓవరాల్‌గా గతేడాది అతడు 17 మ్యాచ్‌లలో కలిపి 352 పరుగులు చేయడంతో పాటు 16 వికెట్లు తీశాడు.ఇక రషీద్‌ ఖాన్‌ 14 మ్యాచ్‌లు ఆడి 31 వికెట్లు తీశాడు. అత్యుత్తమంగా 4/14తో రాణించాడు. వనిందు హసరంగ 20 మ్యాచ్‌లలో కలిపి 179 పరుగులు చేయడంతో పాటు 38 వికెట్లు పడగొట్టాడు. జస్‌ప్రీత్‌ బుమ్రా 8 మ్యాచ్‌లు మాత్రమే ఆడినా 3/7 అత్యుత్తమ గణాంకాలు నమోదు చేసి.. 15 వికెట్లు కూల్చాడు. మరోవైపు.. మరో టీమిండియా స్టార్‌ అర్ష్‌దీప్‌ సింగ్‌ 18 మ్యాచ్‌లు ఆడి 36 వికెట్లు తన ఖాతాలో వేసుకున్నాడు. అత్యుత్తమ బౌలింగ్‌ గణాంకాలు 4/9. ఇతడు సాధించిన 36 వికెట్లలో పదిహేడు వరల్డ్‌కప్‌-2024 టోర్నీలో తీసినవే. తద్వారా నాటి మెగా ఈవెంట్లో సెకండ్‌ లీడింగ్‌వికెట్‌ టేకర్‌గానిలిచాడు.ఐసీసీ మెన్స్‌ టీ20 టీమ్‌ ఆఫ్‌ ది ఇయర్‌-2024రోహిత్‌ శర్మ(కెప్టెన్‌- ఇండియా),ట్రవిస్‌ హెడ్‌(ఆస్ట్రేలియా), ఫిల్‌ సాల్ట్‌(ఇంగ్లండ్‌), బాబర్‌ ఆజం(పాకిస్తాన్‌), నికోలస్‌ పూరన్‌(వికెట్‌ కీపర్‌- వెస్టిండీస్‌), సికందర్‌ రజా(జింబాబ్వే), హార్దిక్‌ పాండ్యా(ఇండియా), రషీద్‌ ఖాన్‌(అఫ్గనిస్తాన్‌), వనిందు హసరంగ(శ్రీలంక), జస్‌ప్రీత్‌ బుమ్రా(ఇండియా), అర్ష్‌దీప్‌ సింగ్‌(ఇండియా).

త్వరలోనే పాకిస్తాన్‌ క్రికెట్‌ జట్టులో తాను పునరాగమనం చేస్తానని వెటరన్‌ ఓపెనర్‌ ఫఖర్‌ జమాన్‌ విశ్వాసం వ్యక్తం చేశాడు. సొంతగడ్డపై జరిగే ఐసీసీ చాంపియన్స్‌ ట్రోఫీ-2025(ICC Champions Trophy 2025)లో భాగమమవుతానని తెలిపాడు. జట్టు ప్రయోజనాల దృష్ట్యా ఏ స్థానంలోనైనా బ్యాటింగ్‌ చేసేందుకు సిద్ధంగా ఉన్నట్లు పేర్కొన్నాడు.కేవలం 33 పరుగులేకాగా టీ20 ప్రపంచకప్‌-2024 సందర్భంగా పాక్‌ తరఫున చివరిసారిగా బరిలోకి దిగాడు ఫఖర్‌ జమాన్‌(Fakhar Zaman). అమెరికా- వెస్టిండీస్‌ సంయుక్తంగా ఆతిథ్యం ఇచ్చిన ఈ మెగా టోర్నీలో ఈ ఎడమచేతి వాటం బ్యాటర్‌ పూర్తిగా తేలిపోయాడు. నాలుగు మ్యాచ్‌లలో కలిపి కేవలం 33 పరుగులే చేశాడు. ఇక ఈ ఐసీసీ ఈవెంట్లో అమెరికా చేతిలో ఓడి పాకిస్తాన్ అవమాన భారంతో లీగ్‌ దశలోనే నిష్క్రమించింది.బోర్డుతో విభేదాలుఇక అప్పటి నుంచి ఫఖర్‌ జమాన్‌ మరోసారి పాక్‌ జట్టులో చోటు దక్కించుకోలేకపోయాడు. అంతేకాదు.. బాబర్‌ ఆజం(Babar Azam)నకు మద్దతుగా నిలిచిన కారణంగా పాకిస్తాన్‌ క్రికెట్‌ బోర్డు(పీసీబీ) నుంచి ఇబ్బందులు ఎదుర్కొన్నాడు. ఇంగ్లండ్‌తో సొంతగడ్డపై టెస్టు సిరీస్‌లో సమయంలో బాబర్‌, షాహిన్‌ ఆఫ్రిదిలపై వేటు వేస్తూ పీసీబీ తీసుకున్న నిర్ణయాన్ని 34 ఏళ్ల ఈ వెటరన్‌ బ్యాటర్‌ తప్పుబట్టాడు. ముఖ్యంగా బాబర్‌ విషయంలో ఇలా చేయడం సరికాదంటూ సెలక్టర్ల తీరును విమర్శించాడు.ఈ నేపథ్యంలో పీసీబీ చైర్మన్‌ మొహ్సిన్‌ నక్వీ.. ఫఖర్‌ జమాన్‌ తీరుపై ఆగ్రహం వ్యక్తం చేశాడు. మేనేజ్‌మెంట్‌ను ప్రశ్నించడం వెనుక కారణమేమిటో చెప్పాలంటూ బోర్డు తరఫున షోకాజ్‌ నోటీస్‌ జారీ చేశాడు. ఈ క్రమంలో ఉద్దేశపూర్వకంగానే పీసీబీ.. ఫఖర్‌ జమాన్‌ను పక్కనపెట్టిందని.. అందుకే జట్టుకు ఎంపిక చేయడంలేదనే అనుమానాలు వ్యక్తమయ్యాయి.అసలు కారణం ఇదీఈ విషయాలపై ఫఖర్‌ జమాన్‌ తాజాగా స్పందించాడు. ‘‘చాలా మందికి నేను జట్టుకు ఎందుకు దూరమయ్యానో తెలియదు. టీ20 ప్రపంచ కప్‌ టోర్నీలో ఆడిన తర్వాత నేను అనారోగ్యం పాలయ్యాను. వైద్య బృందం పర్యవేక్షణలో ఉన్నాను. నేను వందశాతం ఫిట్‌గా లేకపోవడం వల్లే జట్టుకు ఎంపిక చేయలేదు.అయితే, కచ్చితంగా నేను మళ్లీ పాక్‌ తరఫున బరిలోకి దిగుతాను. ఇప్పుడు నేను పూర్తిగా కోలుకున్నాను. పాకిస్తాన్‌ తదుపరి ఆడే పరిమిత ఓవర్ల సిరీస్‌లో పాల్గొంటాను’’ అని ఫఖర్‌ జమాన్‌ ధీమా వ్యక్తం చేశాడు. ఇక చాంపియన్స్‌ ట్రోఫీతో తనకు గుర్తింపు వచ్చిందన్న ఈ వెటరన్‌ ప్లేయర్‌.. ‘‘పాకిస్తాన్‌ ఇటీవల ఆస్ట్రేలియా, సౌతాఫ్రికాలో పర్యటించింది.ఆ జట్లలో నేను భాగం కాలేకపోయాను. కానీ ప్రస్తుతం నా దృష్టి మొత్తం చాంపియన్స్‌ ట్రోఫీ మీదే ఉంది. 2017లో చాంపియన్స్‌ ట్రోఫీలో ప్రతిభ చూపినందు వల్లే నాకు ఎక్కువగా గుర్తింపు వచ్చింది. ఈసారి కూడా అదే తరహాలో రాణించాలని పట్టుదలగా ఉన్నాను. మెగా టోర్నీ కోసం ఎంతో ఆసక్తిగా ఎదురుచూస్తున్నా’’ అని పేర్కొన్నాడు.అందుకు రెడీగానే ఉన్నానుఇక ఇప్పటికే ఓపెనర్‌గా యువ బ్యాటర్‌ సయీమ్‌ ఆయుబ్‌ జట్టులో పాతుకుపోయిన విషయం తెలిసిందే. ఈ అంశంపై ఫఖర్‌ జమాన్‌ స్పందిస్తూ.. ‘‘అతడు గొప్పగా ఆడుతున్నాడు. వచ్చే నాలుగైదేళ్లలో టాప్‌ బ్యాటర్‌గా ఎదుగుతాడు. ఇక మేనేజ్‌మెంట్‌ నన్ను నాలుగు లేదా ఐదో స్థానంలో బ్యాటింగ్‌ చేయమన్నా రెడీగానే ఉన్నాను. అన్నింటికంటే జట్టు ప్రయోజనాలే ముఖ్యం’’ అని పేర్కొన్నాడు.కాగా 2017 చాంపియన్స్‌ ట్రోఫీ ఫైనల్లో టీమిండియా సెంచరీతో చెలరేగి.. పాకిస్తాన్‌కు టైటిల్‌ అందించాడు ఫఖర్‌ జమాన్‌. ఇదిలా ఉంటే.. 2017 తర్వాత తొలిసారిగా జరిగే చాంపియన్స్‌ ట్రోఫీకి డిఫెండింగ్‌ చాంపియన్‌ హోదాలో పాకిస్తాన్‌ ఆతిథ్యం ఇస్తోంది. అయితే, టీమిండియా మాత్రం తటస్థ వేదికైన దుబాయ్‌లో తమ మ్యాచ్‌లు ఆడుతుంది.చదవండి: VHT: ఇంగ్లండ్‌తో సిరీస్‌.. దేశీ టోర్నీలో టీమిండియా స్టార్లు! అతడికి విశ్రాంతి!

సౌతాఫ్రికా- పాకిస్తాన్‌ మధ్య రెండో టెస్టు సందర్భంగా వియాన్‌ ముల్దర్‌(Wiaan Mulder)- బాబర్‌ ఆజం(Babar Azam) మధ్య వాగ్వాదం జరిగింది. తన పట్ల దురుసుగా ప్రవర్తించినందుకు బాబర్‌ వియాన్‌ ముల్దర్‌ వైపునకు దూసుకువచ్చాడు. ఈ క్రమంలో ఇద్దరి మధ్య గొడవ ముదరగా.. ఫీల్డ్‌ అంపైర్‌ జోక్యం చేసుకుని ఇరువురికి నచ్చజెప్పాడు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.మిశ్రమ ఫలితాలుకాగా మూడు టీ20, మూడు వన్డే, రెండు టెస్టు మ్యాచ్‌ల సిరీస్‌లు ఆడేందుకు పాకిస్తాన్‌ సౌతాఫ్రికా పర్యటనకు వెళ్లింది. ఈ క్రమంలో ఇరుజట్ల మధ్య తొలుత టీ20 సిరీస్‌ జరుగగా.. ఆతిథ్య జట్టు 2-0తో నెగ్గింది. అనంతరం వన్డే సిరీస్‌లో మాత్రం పర్యాటక పాకిస్తాన్‌ జట్టు అద్భుత ప్రదర్శన కనబరిచింది. చరిత్రలోనూ ఎన్నడూ లేనివిధంగా.. సౌతాఫ్రికా గడ్డపై 3-0తో వన్డే సిరీస్‌ను క్లీన్‌స్వీప్‌ చేసింది.అరుదైన ఘనతతద్వారా ప్రొటిస్‌ దేశంలో ఈ ఘనత సాధించిన మొట్టమొదటి జట్టుగా మహ్మద్‌ రిజ్వాన్‌ బృందం నిలిచింది. అయితే, టెస్టు సిరీస్‌లో మాత్రం పాకిస్తాన్‌ జట్టు తడబడుతోంది. సెంచూరియన్‌లో జరిగిన తొలి టెస్టులో సౌతాఫ్రికా చేతిలో రెండు వికెట్ల తేడాతో షాన్‌ మసూద్‌ బృందం ఓటమిపాలైంది. ఇక శుక్రవారం మొదలైన రెండో టెస్టులోనూ కష్టాల్లో కూరుకుపోయింది.రెకెల్టన్‌ భారీ డబుల్‌ సెంచరీకేప్‌టౌన్‌లో జరుగుతున్న రెండో టెస్టులో టాస్‌ గెలిచిన సౌతాఫ్రికా తొలుత బ్యాటింగ్‌ చేసింది. ఓపెనర్‌ రియాన్ రెకెల్టన్‌ భారీ డబుల్‌ సెంచరీ(259)తో విరుచుకుపడగా.. కెప్టెన్‌ తెంబా బవుమా(106), వికెట్‌ కీపర్‌ బ్యాటర్‌ వెరియెన్నె(100) కూడా శతక్కొట్టారు. మార్కో జాన్సెన్‌(62) అర్ధ శతకంతో రాణించగా.. కేశవ్‌ మహరాజ్‌ తన వంతుగా 40 పరుగులు సాధించాడు. ఫలితంగా తొలి ఇన్నింగ్స్‌లో సౌతాఫ్రికా ఏకంగా 615 పరుగులు స్కోరు చేసింది.ఈ క్రమంలో బ్యాటింగ్‌కు దిగిన పాకిస్తాన్‌ 194 పరుగులకే కుప్పకూలింది. పాక్‌ తొలి ఇన్నింగ్స్‌లో బాబర్‌ ఆజం 58 పరుగులతో టాప్‌ స్కోరర్‌గా నిలవగా.. వికెట్‌ కీపర్‌ బ్యాటర్‌ మహ్మద్‌ రిజ్వాన్‌ 46 పరుగులు చేశాడు. ప్రొటిస్‌ బౌలర్లలో రబడ మూడు వికెట్లు తీయగా.. క్వెనా మఫాకా, కేశవ్‌ మహరాజ్‌ చెరో రెండు, మార్కో జాన్సెన్‌, వియాన్‌ ముల్దర్‌ ఒక్కో వికెట్‌ దక్కించుకున్నారు.షాన్‌ మసూద్‌ శతకం.. సెంచరీ మిస్‌ అయిన బాబర్‌ ఆజంఈ నేపథ్యంలో.. మొదటి ఇన్నింగ్స్‌లో 200కు పైగా ఆధిక్యం సంపాదించిన సౌతాఫ్రికా పాకిస్తాన్‌ను ఫాలో ఆన్‌ ఆడిస్తోంది. దీంతో వెంటనే రెండో ఇన్నింగ్స్‌ మొదలుపెట్టిన పాక్‌ జట్టు శుభారంభం చేయగలిగింది. కెప్టెన్‌ షాన్‌ మసూద్‌ సెంచరీ(145)తో చెలరేగగా.. బాబర్‌ ఆజం కూడా శతకం దిశగా పయనించాడు. అయితే, సోమవారం నాటి ఆటలో భాగంగా 81 పరుగుల వ్యక్తిగత స్కోరు వద్ద ఉండగా.. జాన్సెన్‌ బౌలింగ్‌లో బెడింగ్‌హామ్‌కు క్యాచ్‌ ఇచ్చి పెవిలియన్‌ చేరాడు.అయితే, అంతకంటే ముందు అంటే.. ఆదివారం నాటి ఆటలో భాగంగా బాబర్‌ ఆజం- ప్రొటిస్‌ పేసర్‌ వియాన్‌ ముల్దర్‌ మధ్య గొడవ జరింది. తన బౌలింగ్‌లో షాట్‌ ఆడేందుకు ప్రయత్నించి బాబర్‌ విఫలం కాగా.. ముల్దర్‌ బంతిని చేజిక్కించుకుని బ్యాటర్‌ వైపు బలంగా విసిరాడు.సౌతాఫ్రికా పేసర్‌ దూకుడు.. ఉరిమి చూసిన బాబర్‌ ఆజంఅప్పటికే ప్రమాదాన్ని పసిగట్టిన బాబర్‌ ఆజం వికెట్లకు కాస్త దూరంగానే ఉన్నా బంతి అతడికి తాకింది. దీంతో బాబర్‌ కోపోద్రిక్తుడై.. చూసుకోవా అన్నట్లుగా ముల్దర్‌వైపు ఉరిమి చూశాడు. అయితే, అతడు కూడా ఏమాత్రం తగ్గకుండా బాబర్‌ను చూస్తూ దూకుడుగా మాట్లాడాడు. దీంతో గొడవ పెద్దదయ్యే సూచన కనిపించగా అంపైర్‌ జోక్యం చేసుకుని ఇద్దరినీ సముదాయించాడు. ఇక ఈ మ్యాచ్‌లో 352 పరుగులకు సగం వికెట్లు కోల్పోయిన పాకిస్తాన్‌.. ఓటమి నుంచి తప్పించుకునేందుకు పోరాడుతోంది.Fight moment between Babar Azam and Wiaan Mulder. 🥵Wiaan Mulder unnecessary throws the ball at Babar Azam & showing him verbal aggression. #BabarAzam𓃵 #PAKvsSA #SAvPAK pic.twitter.com/PZnPNTWELZ— Ahtasham Riaz (@ahtashamriaz22) January 5, 2025

సౌతాఫ్రికాతో జరుగుతున్న రెండో టెస్ట్‌లో పాక్‌ మాజీ కెప్టెన్‌ బాబర్‌ ఆజమ్‌ ఓ అరుదైన ఫీట్‌ను సాధించాడు. ఈ మ్యాచ్‌లో బాబర్‌ ఒకే రోజు (మూడో రోజు) రెండు హాఫ్‌ సెంచరీలు చేశాడు. తొలి ఇన్నింగ్స్‌లో 58 పరుగులు చేసి బాబర్‌.. రెండో ఇన్నింగ్స్‌లో 59 పరుగలు చేసి ఇన్నింగ్స్‌ కొనసాగిస్తున్నాడు. చాలాకాలం పాటు పేలవ ఫామ్‌తో సతమతమైన బాబర్‌ ఎట్టకేలకు ఫామ్‌లోకి వచ్చాడు. బాబర్‌ వరుసగా మూడు ఇన్నింగ్స్‌ల్లో (తొలి టెస్ట్‌ రెండో ఇన్నింగ్స్‌) హాఫ్‌ సెంచరీలు చేశాడు.మ్యాచ్‌ మూడో రోజు బాబర్‌ తొలి ఇన్నింగ్స్‌లో హాఫ్‌ సెంచరీ చేశాడు. తొలి ఇన్నింగ్స్‌లో 194 పరుగులకే కుప్పకూలడంతో పాక్‌ ఇదే రోజు ఫాలో ఆడింది. ఓపెనర్‌గా బరిలోకి దిగిన బాబర్‌ రెండో ఇన్నింగ్స్‌లోనూ హాఫ్‌ సెంచరీ చేశాడు.నిలకడగా ఆడుతున్న ఓపెనర్లుమూడో రోజు మూడో సెషన్‌ సమయానికి పాక్‌ సెకెండ్‌ ఇన్నింగ్స్‌లో వికెట్‌ నష్టపోకుండా 152 పరుగులు చేసింది. ఓపెనర్లు బాబర్‌ ఆజమ్‌, షాన్‌ మసూద్‌ (78) నిలకడగా ఆడుతున్నారు. సౌతాఫ్రికా తొలి ఇన్నింగ్స్‌ స్కోర్‌కు పాక్‌ ఇంకా 269 పరుగులు వెనుకపడి ఉంది.ఫాలో ఆన్‌ ఆడుతున్న పాక్‌తొలి ఇన్నింగ్స్‌లో 194 పరుగులకే చాపచుట్టేసిన పాక్‌ ఫాలో ఆన్‌ ఆడుతుంది. సఫారీ బౌలర్లు​ రబాడ (3/55), క్వేనా మఫాకా (2/43), కేశవ్‌ మహారాజ్‌ (2/14), మార్కో జన్సెన్‌ (1/36), వియాన్‌ ముల్దర్‌ (1/44) ధాటికి పాక్‌ తొలి ఇన్నింగ్స్‌లో కుప్పకూలింది. పాక్‌ తొలి ఇన్నింగ్స్‌లో బాబర్‌ ఒక్కడే హాఫ్‌ సెంచరీ చేశాడు. మొహమ్మద్‌ రిజ్వాన్‌ (46) పర్వాలేదనిపించాడు. మిగతా ఆటగాళ్లంతా విఫలమయ్యారు.సౌతాఫ్రికా భారీ స్కోర్‌టాస్‌ గెలిచి తొలుత బ్యాటింగ్‌ చేసిన ప్రొటీస్‌ తొలి ఇన్నింగ్స్‌లో భారీ స్కోర్‌ (615 పరుగులు) చేసింది. ఓపెనర్‌ ర్యాన్‌ రికెల్టన్‌ (259) రికార్డు డబుల్‌ సెంచరీతో రెచ్చిపోగా.. కెప్టెన్‌ టెంబా బవుమా (106), వికెట్‌కీపర్‌ కైల్‌ వెర్రిన్‌ (100) సెంచరీలు చేశారు. ఆఖర్లో మార్కో జన్సెన్‌ (54 బంతుల్లో 62; 8 ఫోర్లు, 3 సిక్సర్లు) మెరుపు హాఫ్‌ సెంచరీతో మెరవగా.. కేశవ్‌ మహారాజ్‌ (35 బంతుల్లో 40; 4 ఫోర్లు, 2 సిక్సర్లు) మెరుపు ఇన్నింగ్స్‌ ఆడాడు. సౌతాఫ్రికా ఇన్నింగ్స్‌లో ఎయిడెన్‌ మార్క్రమ్‌ 17, వియాన్‌ ముల్దర్‌ 5, ట్రిస్టన్‌ స్టబ్స్‌ 0, డేవిడ్‌ బెడింగ్హమ్‌ 5, క్వేనా మపాకా 0 పరుగులకు ఔటయ్యారు. పాకిస్తాన్‌ బౌలర్లలో సల్మాన్‌ అఘా, మొహమ్మద్‌ అబ్బాస్‌ తలో మూడు వికెట్లు పడగొట్టగా.. మిర్‌ హమ్జా, ఖుర్రమ్‌ షెహజాద్‌ చెరో రెండు వికెట్లు దక్కించుకున్నారు.

2024లో అంతర్జాతీయ క్రికెట్‌లోని అన్ని ఫార్మాట్లలో అత్యుత్తమ ప్రదర్శనల వివరాలను ఈ అర్టికల్‌లో చూద్దాం.టెస్ట్‌ల్లో..అత్యధిక పరుగులు-జో రూట్‌ (1556)అత్యధిక సెంచరీలు-జో రూట్‌ (6)అత్యధిక అర్ద సెంచరీలు-యశస్వి జైస్వాల్‌ (9)అత్యధిక సగటు-కమిందు మెండిస్‌ (74.92)అత్యధిక స్కోర్‌-హ్యారీ బ్రూక్‌ (317)అత్యధిక సిక్సర్లు-యశస్వి జైస్వాల్‌ (36)అత్యధిక వికెట్లు-జస్ప్రీత్‌ బుమ్రా (71)అత్యధిక ఐదు వికెట్ల ప్రదర్శనలు-జస్ప్రీత్‌ బుమ్రా (5)అత్యధిక సగటు-జస్ప్రీత​్‌ బుమ్రాఅత్యుత్తమ ఎకానమీ-జస్ప్రీత్‌ బుమ్రా (2.96)అత్యుత్తమ బౌలింగ్‌ ప్రదర్శన (ఇన్నింగ్స్‌లో)-నౌమన్‌ అలీ (8/46)వన్డేల్లో..అత్యధిక పరుగులు-కమిందు మెండిస్‌ (742)అత్యధిక​ శతకాలు-సైమ్‌ అయూబ్‌ (3)అత్యధిక సగటు-షెర్ఫాన్‌ రూథర్‌ఫోర్డ్‌ (106.25)అత్యధిక స్ట్రయిక్‌రేట్‌-షెర్ఫాన్‌ రూథర్‌ఫోర్డ్‌ (120.05)అత్యధిక స్కోర్‌-పథుమ్‌ నిస్సంక (210 నాటౌట్‌)అత్యధిక సిక్సర్లు-షెర్ఫాన్‌ రూథర్‌ఫోర్డ్‌ (23)అత్యధిక వికెట్లు- హసరంగ, హేలిగర్‌ (26)అత్యధిక ఐదు వికెట్ల ప్రదర్శనలు-అల్లా ఘజన్‌ఫర్‌ (2)అత్యుత్తమ సగటు-ఎస్‌ అహ్మద్‌ (10.94)అత్యుత్తమ ఎకానమీ-బెర్నాల్డ్‌ స్కోల్జ్‌ (3.46)అత్యధిక స్ట్రయిక్‌రేట్‌-వనిందు హసరంగ (17.4)అత్యుత్తమ బౌలింగ్‌ ప్రదర్శన-వనిందు హసరంగ (7/19)టీ20ల్లో..అత్యధిక పరుగులు-బాబర్‌ ఆజమ్‌ (738)అత్యధిక సెంచరీలు-సంజూ శాంసన్‌ (3)అత్యధిక సగటు-తిలక్‌ వర్మ (102)అత్యధిక అర్ద సెంచరీలు-బాబర్‌ ఆజమ్‌ (6)అత్యధిక స్కోర్‌-ఫిన్‌ అలెన్‌ (137)అత్యధిక సిక్సర్లు-నికోలస్‌ పూరన్‌ (39)అత్యధిక వికెట్లు-వనిందు హసరంగ (38)అత్యుత్తమ బౌలింగ్‌ సగటు-లోకీ ఫెర్గూసన్‌ (9.25)అత్యుత్తమ ఎకానమీ-రషీద్‌ ఖాన్‌ (5.60)అత్యధిక స్ట్రయిక్‌రేట్‌-రషీద్‌ ఖాన్‌ (10.2)అత్యుత్తమ బౌలింగ్‌ ప్రదర్శన-ముస్తాఫిజుర్‌ రెహ్మాన్‌ (6/10)

సౌతాఫ్రికాతో తొలి టెస్టులో పాకిస్తాన్‌ స్టార్‌ క్రికెటర్‌ బాబర్‌ ఆజం(Babar Azam) పూర్తిగా విఫలమయ్యాడు. తొలి ఇన్నింగ్స్‌లో పదకొండు బంతులు ఎదుర్కొని కేవలం నాలుగు పరుగులే చేశాడు. ఈ క్రమంలో పాక్‌ అభిమానులు సైతం బాబర్‌ ఆట తీరుపై మండిపడుతున్నారు. పునరాగమనంలోనూ పాత కథే పునరావృతం చేశాడంటూ ఆగ్రహం వ్యక్తం చేస్తున్నారు.విఫలమైనా.. ఓ అరుదైన రికార్డుఇలా ఓవైపు బాబర్‌పై విమర్శల వర్షం కురుస్తుండగా.. అతడి ఫ్యాన్స్‌ మాత్రం బాబర్‌కు మరెవరూ సాటిరారంటూ ప్రశంసల్లో ముంచెత్తుతున్నారు. ప్రొటిస్‌ జట్టుతో తొలి టెస్టు సందర్భంగా ఈ కుడిచేతి వాటం బ్యాటర్‌ ఓ అరుదైన రికార్డు సాధించడమే ఇందుకు కారణం.మూడు ఫార్మాట్లలోనూకాగా ఈ మ్యాచ్‌లో బాబర్‌ ఆజం చేసిన నాలుగు పరుగుల కారణంగా.. టెస్టుల్లో అతడు నాలుగు వేల పరుగుల మైలురాయిని అధిగమించాడు. తద్వారా పాక్‌ తరఫున.. టెస్టు, వన్డే, టీ20.. ఇలా మూడు ఫార్మాట్లలోనూ నాలుగు వేల పరుగులు పూర్తి చేసుకున్న తొలి క్రికెటర్‌గా చరిత్ర సృష్టించాడు.కోహ్లి, రోహిత్‌ తర్వాతఅంతేకాదు.. ఓవరాల్‌గా ఈ ఘనత సాధించిన మూడో ఆటగాడిగానూ బాబర్‌ ఆజం అరుదైన ఫీట్‌ నమోదు చేశాడు. ఇప్పటి వరకు టీమిండియా స్టార్లు విరాట్‌ కోహ్లి(Virat Kohli), రోహిత్‌ శర్మ(Rohit Sharma) మాత్రమే ఈ ఘనత సాధించారు.కాగా బాబర్‌ ఆజం ఇప్పటి వరకు 56 టెస్టుల్లో కలిపి 4001 పరుగులు చేశాడు. ఇందులో తొమ్మిది శతకాలు, 26 హాఫ్‌ సెంచరీలు ఉన్నాయి. అదే విధంగా.. 123 వన్డేల్లో 19 సెంచరీలు, 34 ఫిఫ్టీల సాయంతో బాబర్‌ 5957 రన్స్‌ పూర్తి చేసుకున్నాడు. కష్టాల్లో పాక్‌ జట్టుఅంతేకాదు.. 128 అంతర్జాతీయ టీ20లలో మూడు శతకాలు, 36 హాఫ్‌ సెంచరీ సాయంతో 4223 పరుగులు సాధించాడు. ఇక మ్యాచ్‌ విషయానికొస్తే.. సెంచూరియన్‌లో గురువారం మొదలైన తొలి టెస్టులో పాకిస్తాన్‌ కష్టాల్లో పడింది. ప్రొటిస్‌ బౌలర్ల ధాటికి పాక్‌ టాపార్డర్‌ కుప్పకూలగా.. కమ్రాన్‌ గులామ్‌(54) అర్థ శతకంతో ఆదుకున్నాడు. ఇక మహ్మద్‌ రిజ్వాన్‌(27), అమీర్‌ జమాల్‌(28) మాత్రమే ఓ మోస్తరుగా రాణించగా.. మిగతా వాళ్లంతా చేతులెత్తుశారు. ఈ నేపథ్యంలో సౌతాఫ్రికాతో తొలి టెస్టులో 195 పరుగులకే తొమ్మిది వికెట్లు కోల్పోయింది షాన్‌ మసూద్‌ బృందం. కాగా ఇంగ్లండ్‌తో స్వదేశంలో తొలి మ్యాచ్‌ తర్వాత బాబర్‌ ఆజంపై వేటు పడగా.. మళ్లీ సౌతాఫ్రికా గడ్డపై అతడు టెస్టుల్లో పునరాగమనం చేశాడు.చదవండి: గల్లీ క్రికెట్‌ ఆడుతున్నావా?.. చెప్పింది చెయ్‌: రోహిత్‌ శర్మ ఫైర్‌

దక్షిణాఫ్రికాతో వ‌న్డే సిరీస్‌ను క్లీన్‌స్వీప్ చేసిన పాకిస్తాన్‌.. ఇప్పుడు అదే జ‌ట్టుతో రెండు మ్యాచ్‌ల టెస్టు సిరీస్‌లో త‌ల‌పడేందుకు సిద్ద‌మైంది. ఈ సిరీస్‌లో భాగంగా ఇరు జ‌ట్ల మ‌ధ్య తొలి టెస్టు సెంచూరియన్ వేదిక‌గా గురువారం నుంచి మొద‌లు కానుంది.ఈ క్ర‌మంలో బాక్సింగ్ డే టెస్టు(క్రిస్ట్‌మ‌స్ త‌ర్వాతి రోజు జ‌రిగే మ్యాచ్‌) కోసం పాకిస్థాన్ క్రికెట్ బోర్డు (PCB) తమ తుది జట్టును ప్రకటించింది. మాజీ కెప్టెన్ బాబర్ ఆజం తిరిగి తుది జట్టులోకి వచ్చాడు. అక్టోబర్‌లో ఇంగ్లండ్‌తో జరిగిన తొలి టెస్టులో బాబర్ చివరిసారిగా పాక్ తరపున ఆడాడు.ఆ తర్వాత సిరీస్‌లో మిగిలిన రెండు టెస్టులకు పీసీబీ బాబర్‌ను పక్కన పెట్టింది. ఇప్పుడు మరోసారి అతడికి పాక్ క్రికెట్ బోర్డు అవకాశమిచ్చింది. మరోవైపు సౌతాఫ్రికాతో వన్డే సిరీస్‌లో హ్యాట్రిక్ డకౌట్లు నమోదు చేసిన అబ్దుల్లా షఫీక్‌పై పీసీబీ వేటు వేసింది.అతడి స్దానంలోనే బాబర్‌కు చోటు దక్కింది. ఈ మ్యాచ్‌లో నలుగురు పేసర్లతో పాక్ బరిలోకి దిగుతోంది. కాగా ఈ మ్యాచ్ కోసం దక్షిణాఫ్రికా ఇప్పటికే తమ ప్లేయింగ్ ఎలెవన్‌ను ప్రకటించింది. కాగా ఈ సిరీస్‌ వరల్డ్‌ టెస్టు ఛాంపియన్‌షిప్‌ 2023-25 సైకిల్‌లో భాగంగా జరుగుతోంది.తుది జట్లుపాకిస్థాన్: షాన్ మసూద్ (కెప్టెన్‌), సయీమ్ అయూబ్, బాబర్ ఆజం, కమ్రాన్ గులాం, ముహమ్మద్ రిజ్వాన్ (వికెట్ కీపర్‌), సౌద్ షకీల్, సల్మాన్ అలీ అఘా, అమీర్ జమాల్, నసీమ్ షా, ఖుర్రం షాజాద్, ముహమ్మద్ అబ్బాస్.దక్షిణాఫ్రికా: టోనీ డి జోర్జి, ఐడెన్ మార్క్‌రామ్, ర్యాన్ రికెల్టన్, ట్రిస్టన్ స్టబ్స్, టెంబా బావుమా (కెప్టెన్‌), డేవిడ్ బెడింగ్‌హామ్, కైల్ వెర్రేన్నే (వికెట్ కీపర్‌), మార్కో జాన్సెన్, కగిసో రబడా, డేన్ ప్యాటర్సన్, కార్బిన్ బాష్చదవండి: IND Vs AUS 4th Test: చరిత్ర సృష్టించిన ఆసీస్‌ యువ ఓపెనర్‌.. 95 ఏళ్ల రికార్డు బద్దలు

టీమిండియా స్టార్‌, క్రికెట్‌ రారాజు విరాట్‌ కోహ్లిపై పాకిస్తాన్‌ మాజీ క్రికెటర్‌ మహ్మద్‌ ఆమిర్‌ ప్రశంసల జల్లు కురిపించాడు. ఆధునికతరం ఆటగాళ్లలో కోహ్లికి సాటి వచ్చే క్రికెటర్‌ మరొకరు లేడన్నాడు. మూడు ఫార్మాట్లలో ఈ రన్‌మెషీన్‌ అరుదైన ఘనతలు సాధించాడని పేర్కొన్నాడు.81 సెంచరీలుఅలాంటి గొప్ప ఆటగాడితో వేరే వాళ్లను పోలిస్తే తాను నవ్వకుండా ఉండలేనని పాక్‌ మాజీ ఫాస్ట్‌ బౌలర్‌ మహ్మద్‌ ఆమిర్‌ పేర్కొన్నాడు. కాగా భారత క్రికెట్‌ దిగ్గజం సచిన్‌ టెండ్కులర్‌ తర్వాత వంద శతకాలకు చేరువైన ఏకైక ఆటగాడిగా కోహ్లి వెలుగొందుతున్నాడు. వన్డేల్లో 50 సెంచరీలు బాదిన ఏకైక క్రికెటర్‌గా కొనసాగుతున్న కోహ్లి.. టెస్టుల్లో 30, అంతర్జాతీయ టీ20లలో ఒక శతకం బాదాడు.మొత్తంగా టీమిండియా తరఫున ఇప్పటి వరకు 81 సెంచరీలు చేసిన కోహ్లి ఖాతాలో మరెన్నో అరుదైన రికార్డులు ఉన్నాయి. అయితే, పాకిస్తాన్‌ స్టార్‌ బ్యాటర్‌ బాబర్‌ ఆజం కోహ్లి సాధించిన పలు రికార్డులను బద్దలుకొట్టాడు. ఈ క్రమంలో చాలా మంది పాక్‌ మాజీ ఆటగాళ్లు బాబర్‌ను కోహ్లితో పోలుస్తూ వ్యాఖ్యలు చేస్తున్నారు.గ్రేటెస్ట్‌ బ్యాటర్‌ కోహ్లి మాత్రమేఈ విషయంపై స్పందించిన మహ్మద్‌ ఆమిర్‌.. కోహ్లికి మరెవరూ సాటిరారని.. ఇలాంటి పోలికలు హాస్యాస్పదంగా ఉంటాయని పేర్కొన్నాడు. ‘‘నవతరం క్రికెటర్లలో విరాట్‌ కోహ్లి అత్యంత గొప్ప ఆటగాడు. అతడిని బాబర్‌ ఆజం.. లేదంటే స్టీవ్‌ స్మిత్‌, జో రూట్‌తో పోలిస్తే నాకు నవ్వు వస్తుంది.కోహ్లిని ఎవరితో పోల్చలేము. అతడికి మరెవరూ సాటిరారు. ఎందుకంటే.. ఒంటిచేత్తో అతడు టీమిండియాను ఎన్నోసార్లు గెలిపించాడు. అది కూడా కేవలం ఏ ఒక్క ఫార్మాట్లోనూ కాదు.. మూడు ఫార్మాట్లలోనూ అతడు అద్భుతంగా రాణిస్తున్నాడు.మిగతా ప్లేయర్లలో ఇలాంటి ఘనత వేరెవరికీ సాధ్యం కాదు. ఈ జనరేషన్‌లో గ్రేటెస్ట్‌ బ్యాటర్‌ కోహ్లి మాత్రమే’’ అని మహ్మద్‌ ఆమిర్‌ కోహ్లి నైపుణ్యాలను కొనియాడాడు. కోహ్లికి కఠిన పరిస్థితుల ఎలా బయటపడాలో బాగా తెలుసునని.. ప్రత్యర్థి జట్ల పట్ల అతడొక సింహస్వప్నం అని పేర్కొన్నాడు. క్రికెట్‌ ప్రెడిక్టా షోలో ఆమిర్‌ ఈ వ్యాఖ్యలు చేశాడు.బోర్డర్‌- గావస్కర్‌ ట్రోఫీతో బిజీగాకాగా విరాట్‌ కోహ్లి ప్రస్తుతం బోర్డర్‌- గావస్కర్‌ ట్రోఫీతో బిజీగా ఉన్నాడు. ఆస్ట్రేలియాతో జరుగుతున్న ఈ ఐదు టెస్టుల సిరీస్‌లో పెర్త్‌లో శతకం బాదిన ఈ కుడిచేతి వాటం బ్యాటర్‌.. అడిలైడ్‌, బ్రిస్బేన్‌ టెస్టుల్లో మాత్రం తేలిపోయాడు. ఈ నేపథ్యంలో కోహ్లి ఆట తీరుపై విమర్శలు వస్తుండగా.. మహ్మద్‌ ఆమిర్‌ మాత్రం కఠిన దశ నుంచి వేగంగా కోలుకోవడం కోహ్లికి వెన్నతో పెట్టిన విద్య అని పేర్కొన్నాడు. 2014లో ఇంగ్లండ్‌ గడ్డపై గడ్డు పరిస్థితులు ఎదుర్కొన్న కోహ్లి.. ఆ తర్వాత పదేళ్ల పాటు రాణించిన తీరే ఇందుకు నిదర్శనం అని తెలిపాడు.చదవండి: పాకిస్తాన్‌ సరికొత్త చరిత్ర.. ప్రపంచంలో తొలి జట్టుగా ఘనత

సౌతాఫ్రికా గడ్డపై పాకిస్తాన్‌ క్రికెట్‌ జట్టు సరికొత్త చరిత్ర లిఖించింది. వన్డే సిరీస్‌లో ఆతిథ్య ప్రొటిస్‌ జట్టును 3-0తో క్లీన్‌స్వీప్‌ చేసింది. మూడు టీ20, మూడు వన్డే, రెండు టెస్టు మ్యాచ్‌ల సిరీస్‌ ఆడేందుకు పాకిస్తాన్‌ సౌతాఫ్రికా పర్యటనకు వెళ్లిన విషయం తెలిసిందే.ఇందులో భాగంగా తొలుత టీ20 సిరీస్‌ జరుగగా.. సౌతాఫ్రికా 2-0తో నెగ్గింది. అనంతరం జరిగిన వన్డే సిరీస్‌లో తొలి రెండు మ్యాచ్‌లలో జయభేరి మోగించిన పాకిస్తాన్‌.. తాజాగా మూడో వన్డేలోనూ విజయం సాధించింది. జొహన్నస్‌బర్గ్‌లో ఆదివారం జరిగిన ఈ మ్యాచ్‌లో టాస్‌ గెలిచిన సౌతాఫ్రికా తొలుత బౌలింగ్‌ చేసింది.సయీమ్‌ అయూబ్‌ శతకంఇక వర్షం కారణంగా 47 ఓవర్లకు కుదించిన ఈ మ్యాచ్‌లో రిజ్వాన్‌ బృందం తొమ్మిది వికెట్ల నష్టానికి 308 పరుగులు చేసింది. ఓపెనర్‌ సయీమ్‌ అయూబ్‌(94 బంతుల్లో 101) శతకంతో చెలరేగగా.. బాబర్‌ ఆజం(52), కెప్టెన్‌ మహ్మద్‌ రిజ్వాన్‌(53) హాఫ్‌ సెంచరీలు సాధించారు. మిగతా వాళ్లలో సల్మాన్‌ ఆఘా(48), తయ్యబ్‌ తాహిర్‌(28) రాణించారు. టాపార్డర్‌ బ్యాటర్‌ అబ్దుల్లా షఫీక్‌(0)తో పాటు లోయర్‌ ఆర్డర్‌ సింగిల్‌ డిజిట్‌ స్కోర్లకే పరిమితమైంది. ప్రొటిస్‌ బౌలర్లలో కగిసో రబడ మూడు వికెట్లు పడగొట్టగా.. మార్కో జాన్సెన్‌ రెండు, క్వెనా మఫాకా, కార్బిన్‌ బాష్‌ తలా ఒక వికెట్‌ తమ ఖాతాలో వేసుకున్నారు. క్లాసెన్‌ ఒక్కడేఅయితే, లక్ష్య ఛేదనలో మాత్రం సౌతాఫ్రికా స్థాయికి తగ్గట్లు రాణించలేకపోయింది. ఓపెనర్లలో టోనీ డి జోర్జి(26) ఫర్వాలేదనిపించగా.. కెప్టెన్‌ తెంబా బవుమా 8 పరుగులకే నిష్క్రమించాడు. వన్‌డౌన్‌లో వచ్చిన రాసీ వాన్‌ డెర్‌ డసెన్‌ 35 రన్స్‌తో రాణించగా.. మిడిలార్డర్‌ బ్యాటర్‌ ఐడెన్‌ మార్క్రమ్‌(19) నిరాశపరిచాడు.ఈ క్రమంలో వికెట్‌ కీపర్‌ బ్యాటర్‌ హెన్రిచ్‌ క్లాసెన్‌ ధనాధన్‌ బ్యాటింగ్‌తో ప్రొటిస్‌ ఇన్నింగ్స్‌ చక్కదిద్దే ప్రయత్నం చేశాడు. కేవలం 43 బంతుల్లోనే 12 ఫోర్లు, 2 సిక్సర్ల సాయంతో 81 పరుగులు సాధించాడు. అయితే, షాహిన్‌ ఆఫ్రిది బౌలింగ్‌లో తయ్యబ్‌ తాహిర్‌కు క్యాచ్‌ ఇచ్చి క్లాసెన్‌ పెవిలియన్‌ చేరడంతో ప్రొటిస్‌ జట్టు పీకల్లోతు కష్టాల్లో మునిగిపోయింది.36 పరుగుల తేడాతో పాక్‌ గెలుపుమార్కో జాన్సెన్‌(26), కార్బిన్‌ బాష్‌(40 నాటౌట్‌) కాసేపు పోరాడగా.. జార్న్‌ ఫార్చూన్‌(8), కగిసో రబడ(14), మఫాకా(0) విఫలమయ్యారు. ఫలితంగా 42 ఓవర్లలో 271 పరుగులకు ఆలౌట్‌ అయిన సౌతాఫ్రికాపై.. డక్‌వర్త్‌ లూయీస్‌ పద్ధతి ప్రకారం పాకిస్తాన్‌ 36 పరుగుల తేడాతో గెలుపొందింది. తద్వారా మూడు మ్యాచ్‌ల వన్డే సిరీస్‌ను 3-0తో వైట్‌వాష్‌ చేసింది. పాక్‌ బౌలర్లలో సూఫియాన్‌ ముకీం నాలుగు వికెట్లు కూల్చగా.. షాహిన్‌ ఆఫ్రిది, నసీం షా చెరో రెండు.. మహ్మద్‌ హొస్నేన్‌, సయీమ్‌ ఆయుబ్‌ తలా ఒక వికెట్‌ పడగొట్టారు.సౌతాఫ్రికాలో సౌతాఫ్రికాను వన్డేల్లో వైట్‌వాష్‌ చేసిన తొలి జట్టుగాకాగా 1991లో అధికారికంగా తొలిసారి వన్డే సిరీస్‌ ఆడిన సౌతాఫ్రికా.. స్వదేశంలో క్లీన్‌స్వీప్‌ కావడం ఇదే మొదటిసారి. తద్వారా ప్రొటిస్‌ గడ్డపై సౌతాఫ్రికాను వైట్‌వాష్‌ చేసిన తొలి జట్టుగా పాకిస్తాన్‌ ప్రపంచ రికార్డు సృష్టించింది. ఇంతవరకు ఏ జట్టుకూ సాధ్యం కాని అరుదైన ఫీట్‌ నమోదు చేసింది.అంతేకాదు.. సౌతాఫ్రికాపై పాకిస్తాన్‌కు ఇది మూడో ద్వైపాక్షిక సిరీస్‌ విజయం. ఈ ఘనత సాధించిన తొలి జట్టు కూడా పాకిస్తాన్‌ కావడం విశేషం. ఇక మూడో వన్డేలో సెంచరీ చేసిన సయీమ్‌ ఆయుబ్‌కు ‘ప్లేయర్‌ ఆఫ్‌ ది మ్యాచ్‌’ అవార్డుతో పాటు ‘ప్లేయర్‌ ఆఫ్‌ ది సిరీస్‌’ అవార్డు కూడా అందుకున్నాడు.చదవండి: VHT 2024: అయ్య‌ర్ సెంచ‌రీ వృథా.. 383 పరుగుల టార్గెట్‌ను ఊదిపడేసిన కర్ణాటక

సౌతాఫ్రికాతో రెండో వన్డేలో పాకిస్తాన్‌ ఘన విజయం సాధించింది. సమిష్టిగా రాణించి 81 పరుగుల తేడాతో గెలిచింది. తద్వారా మరో మ్యాచ్‌ మిగిలి ఉండగానే సిరీస్‌ను కైవసం చేసుకుంది. కాగా టీ20, వన్డే, టెస్టులు ఆడేందుకు పాక్‌ సౌతాఫ్రికా పర్యటనకు వెళ్లింది.ఇందులో భాగంగా ఇరుజట్ల మధ్య తొలుత టీ20 సిరీస్‌ జరుగగా.. ఆతిథ్య సౌతాఫ్రికా 2-0తో సిరీస్‌ గెలుచుకుంది. అయితే, వన్డే సిరీస్‌లో మాత్రం పాకిస్తాన్‌ ఆధిపత్యం కొనసాగిస్తోంది. పర్ల్‌ వేదికగా మంగళవారం నాటి తొలి వన్డేలో మూడు వికెట్ల తేడాతో గెలిచిన రిజ్వాన్‌ బృందం.. కేప్‌టౌన్‌ మ్యాచ్‌లోనూ ఆకట్టుకుంది.ఓపెనర్లు విఫలంన్యూలాండ్స్‌ మైదానంలో గురువారం రాత్రి జరిగిన ఈ మ్యాచ్‌లో టాస్‌ గెలిచిన సౌతాఫ్రికా తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన పాకిస్తాన్‌కు ఆదిలోనే ఎదురుదెబ్బ తగిలింది. ఓపెనర్‌ షఫీక్‌ అబ్దుల్లా డకౌట్‌ కాగా.. మరో ఓపెనర్‌ సయీమ్‌ అయూబ్‌ 25 పరుగులకే వెనుదిరిగాడు.కమ్రాన్‌ గులామ్‌ మెరుపు అర్ధ శతకంఅయితే, వన్‌డౌన్‌ బ్యాటర్‌ బాబర్‌ ఆజం(95 బంతుల్లో 73) మెరుగ్గా రాణించగా.. రిజ్వాన్‌ కెప్టెన్‌ ఇన్నింగ్స్‌(82 బంతుల్లో 80)తో మెరిశాడు. మిగతా వాళ్లలో సల్మాన్‌ ఆఘా(33) ఫర్వాలేదనిపించగా.. ‘ప్లేయర్‌ ఆఫ్‌ ది మ్యాచ్‌’ కమ్రాన్‌ గులామ్‌(32 బంతుల్లో 63) మెరుపు అర్ధ శతకం సాధించాడు. ఈ క్రమంలో 49.5 ఓవర్లలో 329 పరుగులు చేసి పాకిస్తాన్‌ ఆలౌట్‌ అయింది.ప్రొటిస్‌ జట్టు బౌలర్లలో యువ పేసర్‌ క్వెనా మఫాకా నాలుగు వికెట్లతో చెలరేగగా.. మార్కో జాన్సెన్‌ మూడు, బిజోర్న్‌ ఫార్చూన్‌, పెహ్లూక్వాయో తలా ఒక వికెట్‌ తీశారు. అయితే, లక్ష్య ఛేదనలో సౌతాఫ్రికా ఆరంభం నుంచే తడబడింది. టాపార్డర్‌లో ఓపెనర్లు కెప్టెన్‌ తెంబా బవుమా(12), టోనీ డి జోర్జీ(34), వన్‌డౌన్‌ బ్యాటర్‌ రాసీ వాన్‌ డెర్‌ డసెన్‌(23) విఫలమయ్యారు.హెన్రిచ్‌ క్లాసెన్‌ ధనాధన్‌ ఇన్నింగ్స్‌ఇక మిడిలార్డర్‌లో ఐడెన్‌ మార్క్రమ్‌(21) నిరాశపరచగా.. హెన్రిచ్‌ క్లాసెన్‌ మాత్రం విధ్వంసకర ఇన్నింగ్స్‌తో విరుచుకుపడ్డాడు. 74 బంతుల్లో అతడు 8 ఫోర్లు, 4 సిక్స్‌ల సాయంతో 97 పరుగులు సాధించి.. తృటిలో సెంచరీ చేజార్చుకున్నాడు. ఇక డేవిడ్‌ మిల్లర్‌(29) కాసేపు పోరాడే ప్రయత్నం చేయగా.. మిగతా వాళ్ల నుంచి సహకారం లభించలేదు.సిరీస్‌ పాక్‌ కైవసంఈ క్రమంలో 43.1 ఓవర్లకే సౌతాఫ్రికా కథ ముగిసిపోయింది. ఆతిథ్య ప్రొటిస్‌ను 248 పరుగులకే పరిమితం చేసిన పాకిస్తాన్‌.. 81 పరుగుల తేడాతో విజయం సాధించింది. పాక్ బౌలర్లలో షాహిన్‌ ఆఫ్రిది నాలుగు, నసీం షా మూడు, అబ్రార్‌ అహ్మద్‌ రెండు, సల్మాన్‌ ఆఘా ఒక వికెట్‌ దక్కించుకున్నారు. ఇక సౌతాఫ్రికా- పాకిస్తాన్‌ మధ్య నామమాత్రపు మూడో వన్డే ఆదివారం జొహన్నస్‌బర్గ్‌లో జరుగుతుంది.చదవండి: IND W Vs WI W: విధ్వంసకర ఇన్నింగ్స్‌.. వరల్డ్‌ రికార్డు సమం

కేప్‌టౌన్‌ వేదికగా సౌతాఫ్రికా, పాకిస్తాన్‌ జట్ల మధ్య ఇవాళ (డిసెంబర్‌ 19) రెండో వన్డే మ్యాచ్‌ జరుగనుంది. భారతకాలమానం ప్రకారం ఈ మ్యాచ్‌ సాయంత్రం 5:30 గంటలకు ప్రారంభం కానుంది. మూడు మ్యాచ్‌ల ఈ సిరీస్‌లో పాక్‌కు శుభారంభం లభించింది. పార్ల్‌ వేదికగా జరిగిన తొలి వన్డేలో పాక్‌ 3 వికెట్ల తేడాతో గెలుపొందింది. దీనికి ముందు జరిగిన మూడు మ్యాచ్‌ల టీ20 సిరీస్‌ను సౌతాఫ్రికా 2-0 తేడాతో కైవసం చేసుకుంది. ఈ సిరీస్‌లో మూడో టీ20 వర్షం కారణంగా టాస్‌ కూడా పడకుండానే రద్దైంది. పాక్‌ క్రికెట్‌ జట్టు మూడు టీ20లు, మూడు వన్డేలు, రెండు మ్యాచ్‌ల టెస్ట్‌ సిరీస్‌ల కోసం సౌతాఫ్రికాలో పర్యటిస్తుంది.ధోని రికార్డుపై కన్నేసిన బాబర్‌ ఆజమ్‌గత కొంతకాలంగా ఫామ్‌ లేమితో సతమతమవుతున్న పాక్‌ మాజీ కెప్టెన్‌ బాబర్‌ ఆజమ్‌, టీమిండియా మాజీ సారధి ఎంఎస్‌ ధోని పేరిట ఉన్న ఓ లాంగ్‌ స్టాండింగ్‌ బ్యాటింగ్‌ రికార్డుపై కన్నేశాడు. SENA (సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) దేశాల్లో బాబర్‌ అన్ని ఫార్మాట్లలో కలిపి ఏడు సెంచరీలు, 31 హాఫ్‌ సెంచరీల సాయంతో 4732 పరుగులు చేశాడు. మరోవైపు ధోని SENA దేశాల్లో 38 హాఫ్‌ సెంచరీ సాయంతో 5273 పరుగులు చేశాడు. SENA దేశాల్లో ధోని, బాబర్‌ ప్రస్తుతం 38 యాభై ప్లస్‌ స్కోర్లు కలిగి ఉన్నారు. సౌతాఫ్రికాతో జరిగే రెండో వన్డేలో బాబర్‌ మరో హాఫ్‌ సెంచరీ చేస్తే.. SENA దేశాల్లో అత్యధిక ఫిఫ్టి ప్లస్‌ స్కోర్లు నమోదు చేసిన ఆటగాళ్ల జాబితాలో ఎంఎస్‌ ధోనిని అధిగమిస్తాడు.తొలి వన్డేలో పాక్‌ ఘన విజయంతొలి వన్డేలో అఘా సల్మాన్‌ ఆల్‌రౌండర్‌ షో, సైమ్‌ అయూబ్‌ సూపర్‌ సెంచరీతో కదంతొక్కడంతో సౌతాఫ్రికాపై పాక్‌ ఘన విజయం సాధించింది. తద్వారా మూడు మ్యాచ్‌ల వన్డే సిరీస్‌లో పాక్‌ 1-0 ఆధిక్యంలోకి వెళ్లింది. తొలి వన్డేలో బాబర్‌ ఆజమ్‌ 23 పరుగులు చేసి ఓట్నీల్‌ బార్ట్‌మన్‌ బౌలింగ్‌లో ఔటయ్యాడు. ఈ మ్యాచ్‌లో బాబర్‌కు శుభారంభం లభించినా భారీ స్కోర్‌ చేయలేకపోయాడు. బాబర్‌ గత కొంతకాలంగా ఫార్మాట్లకతీతంగా దారుణంగా విఫలమవుతున్నాడు. అతను హాఫ్‌ సెంచరీ మార్కు తాకి కూడా చాన్నాళ్లవుతుంది.

టీ20 క్రికెట్‌ పాకిస్తాన్‌ స్టార్‌ బ్యాటర్‌ బాబర్‌ ఆజం సరికొత్త చరిత్ర సృష్టించాడు. పొట్టి ఫార్మాట్లో అత్యంత వేగంగా పదకొండు వేల పరుగుల మైలురాయిని చేరుకున్నాడు. ఈ క్రమంలో యూనివర్సల్‌ బాస్‌, వెస్టిండీస్‌ విధ్వంసకర వీరుడు క్రిస్‌ గేల్‌ను అధిగమించి.. ప్రపంచ రికార్డు నెలకొల్పాడు.పాక్‌కు చేదు అనుభవంసౌతాఫ్రికాతో రెండో టీ20 సందర్భంగా బాబర్‌ ఆజం ఈ ఘనత సాధించాడు. కాగా మూడు టీ20, మూడు వన్డే, రెండు టెస్టులు ఆడేందుకు పాకిస్తాన్‌ సౌతాఫ్రికా టూర్‌కు వెళ్లింది. ఈ పర్యటన టీ20 సిరీస్‌తో మొదలుకగా.. పాక్‌కు చేదు అనుభవం ఎదురైంది.డర్బన్‌లో జరిగిన తొలి టీ20లో ఆతిథ్య ప్రొటీస్‌ జట్టు చేతిలో 11 పరుగుల తేడాతో ఓడిన పాకిస్తాన్‌.. సెంచూరియన్‌లో శుక్రవారం నాటి రెండో మ్యాచ్‌లోనూ ఓటమిపాలైంది. సౌతాఫ్రికా చేతిలో ఏడు వికెట్ల తేడాతో పరాజయాన్ని మూటగట్టుకుంది. ఈ టీ20లో టాస్‌ గెలిచి తొలుత బ్యాటింగ్‌ చేసింది పాక్‌.సయీమ్‌ ఆయుబ్‌ ధనాధన్‌ ఇన్నింగ్స్‌ వృథాఓపెనర్‌ సయీమ్‌ ఆయుబ్‌(57 బంతుల్లో 98 నాటౌట్‌) ధనాధన్‌ ఇన్నింగ్స్‌కు తోడు.. బాబర్‌ ఆజం(20 బంతుల్లో 31), ఇర్ఫాన్‌ ఖాన్‌(16 బంతుల్లో 30) రాణించడంతో భారీ స్కోరు సాధించింది. అయితే, సౌతాఫ్రికా బ్యాటర్లలో రీజా హెండ్రిక్స్‌ సూపర్‌ సెంచరీ(63 బంతుల్లో 117), రాసీ వాన్‌ డెర్‌ డసెన్‌(38 బంతుల్లో 66) అద్భుత అర్ధ శతకం కారణంగా పాక్‌కు ఓటమి తప్పలేదు.ఇదిలా ఉంటే.. ఈ మ్యాచ్‌లో పాకిస్తాన్‌ మాజీ కెప్టెన్‌ బాబర్‌ ఆజం స్థాయికి తగ్గట్లు రాణించలేకపోయాడు. ఘనంగా(31, 3 ఫోర్లు, ఒక సిక్సర్‌)నే ఇన్నింగ్స్‌ను ఆరంభించినా.. దానిని భారీ స్కోరుగా మలుచుకోలేకపోయాడు. అయినప్పటికీ పొట్టి ఫార్మాట్లో అతడు అరుదైన రికార్డు ఖాతాలో వేసుకున్నాడు.గేల్‌ ప్రపంచ రికార్డును బద్దలుసౌతాఫ్రికాతో రెండో టీ20 సందర్భంగా బాబర్‌ ఆజం షార్టెస్ట్‌ క్రికెట్‌లో ఓవరాల్‌గా 11,020 పరుగులు పూర్తి చేసుకున్నాడు. ఈ క్రమంలో గేల్‌ పేరిట ఉన్న ప్రపంచ రికార్డును బద్దలుకొట్టాడు. పదకొండు వేల పరుగుల మార్కును అందుకోవడానికి గేల్‌కు 314 ఇన్నింగ్స్‌ అవసరమైతే.. బాబర్‌ 298 ఇన్నింగ్స్‌లోనే ఈ ఫీట్‌ అందుకున్నాడు. అయితే, ఓవరాల్‌గా మాత్రం అంతర్జాతీయ, ఫ్రాంఛైజీ టీ20 క్రికెట్‌లో గేల్‌ యూనివర్సల్‌ బాస్‌గా కొనసాగుతున్నాడు. అతడి ఖాతాలో 14562 టీ20 రన్స్‌ ఉన్నాయి.టీ20 క్రికెట్‌లో తక్కువ ఇన్నింగ్స్‌లో 11000 పరుగులు సాధించిన ఆటగాళ్లు1. బాబర్‌ ఆజం- 298 ఇన్నింగ్స్‌2. క్రిస్‌ గేల్‌- 314 ఇన్నింగ్స్‌3. డేవిడ్‌ వార్నర్‌- 330 ఇన్నింగ్స్‌4. విరాట్‌ కోహ్లి- 337 ఇన్నింగ్స్‌.చదవండి: ఫాస్టెస్ట్‌ సెంచరీ.. వెస్టిండీస్‌ బ్యాటర్‌ ప్రపంచ రికార్డు

సౌతాఫ్రికాలో పాకిస్తాన్‌ పర్యటన ఇవాల్టి (డిసెంబర్‌ 10) నుంచి మొదలవుతుంది. డర్బన్‌ వేదికగా ఇరు జట్లు ఇవాళ తొలి టీ20లో తలపడతాయి. ఈ మ్యాచ్‌ కోసం పాకిస్తాన్‌ తుది జట్టును కాసేపటి కిందే ప్రకటించారు. జింబాబ్వే టీ20 సిరీస్‌కు దూరంగా ఉన్న స్టార్‌ ఆటగాళ్లు షాహీన్‌ అఫ్రిది, బాబర్‌ ఆజమ్‌, మొహమ్మద్‌ రిజ్వాన్‌ ఈ మ్యాచ్‌తో రీఎంట్రీ ఇవ్వనున్నారు.జింబాబ్వే టీ20 సిరీస్‌ పాక్‌ జట్టు కెప్టెన్‌గా వ్యవహరించిన సల్మాన్‌ అలీ అఘాను ఈ మ్యాచ్‌ నుంచి తప్పించారు. గత కొన్ని సిరీస్‌లుగా అఘా దారుణంగా విఫలమవుతున్నాడు. జింబాబ్వే పర్యటనలో రాణించిన తయ్యబ్‌ తాహిర్‌ మిడిలార్డర్‌లో కీలకపాత్ర పోషించనున్నాడు. మిడిలార్డర్‌లో ఉస్మాన్‌ ఖాన్‌, ముహమ్మద్‌ ఇర్ఫాన్‌ ఖాన్‌ చోటు దక్కించుకున్నారు.సౌతాఫ్రికాతో తొలి మ్యాచ్‌లో ఎవరు ఓపెనింగ్‌ చేస్తారన్నది సందిగ్దంగా మారింది. జింబాబ్వే పర్యటనలో సత్తా చాటిన సైమ్‌ అయూబ్‌ను ఓపెనర్‌గా పంపిస్తారా లేదా అన్నది వేచి చూడాల్సి ఉంది. బాబర్‌ ఆజమ్‌, మొహమ్మద్‌ రిజ్వాన్‌ ఓపెనర్లుగా బరిలోకి దిగినా ఆశ్చర్యపోనక్కర్లేదు. మొహమ్మద్‌ అబ్బాస్‌ అఫ్రిది ఆల్‌రౌండర్‌ పాత్ర పోషిస్తూ ఏడో స్థానంలో బరిలోకి దిగుతాడు.అబ్బాస్‌ అఫ్రిదితో పాటు షాహీన్‌ అఫ్రిది, హరీస్‌ రౌఫ్‌ పేస్‌ విభాగంలో ఉంటారు. స్పిన్నర్లు సూఫియాన్‌ ముఖీమ్‌, అబ్రార్‌ అహ్మద్‌ బరిలోకి దిగనున్నారు. భారతకాలమానం ప్రకారం ఈ మ్యాచ్‌ రాత్రి 9:30 గంటలకు ప్రారంభమవుతుంది. సౌతాఫ్రికాతో తొలి టీ20కి పాక్‌ తుది జట్టు..మొహమ్మద్ రిజ్వాన్ (కెప్టెన్‌ అండ్‌ వికెట్‌కీపర్‌), బాబర్ ఆజమ్‌, సైమ్ అయూబ్, ఉస్మాన్ ఖాన్, తయ్యబ్ తాహిర్, ముహమ్మద్ ఇర్ఫాన్ ఖాన్, మొహమ్మద్‌ అబ్బాస్ అఫ్రిది, షాహీన్ అఫ్రిది, హరీస్ రౌఫ్, సూఫియాన్ ముఖీమ్‌, అబ్రార్ అహ్మద్

సౌతాఫ్రికా పర్యటన నేపథ్యంలో పాకిస్తాన్‌ క్రికెట్‌ బోర్డు(పీసీబీ) తమ వన్డే, టీ20, టెస్టు జట్లను ప్రకటించింది. బాబర్‌ ఆజం, మహ్మద్‌ రిజ్వాన్‌ మూడు టీమ్‌లలోనూ చోటు దక్కించుకోగా.. టెస్టు జట్టులో ప్రధాన పేసర్‌ షాహిన్‌ షా ఆఫ్రిది పేరు మాత్రం లేదు.కాగా మూడు వన్డే, మూడు టీ20, రెండు టెస్టుల సిరీస్‌ ఆడేందుకు పాకిస్తాన్‌ క్రికెట్‌ జట్టు సౌతాఫ్రికాలో పర్యటించనుంది. డిసెంబరు 10న తొలి టీ20తో ఈ టూర్‌ మొదలుకానుంది. ఈ నేపథ్యంలో పీసీబీ బుధవారం ఈ సిరీస్‌లకు సంబంధించి మూడు వేర్వేరు జట్లను ప్రకటించింది.టెస్టులలో బాబర్‌ పునరాగమనం.. అతడికి మాత్రం చోటు లేదుటెస్టులకు షాన్‌ మసూద్‌ కెప్టెన్‌గా కొనసాగనుండగా.. పరిమిత ఓవర్ల సిరీస్‌లకు మహ్మద్‌ రిజ్వాన్‌ సారథ్యం వహించనున్నాడు. ఇక మాజీ కెప్టెన్‌ బాబర్‌ ఆజం మూడు జట్లలో స్థానం సంపాదించాడు. కాగా ఇంగ్లండ్‌తో సొంతగడ్డపై తొలి టెస్టులో విఫలమైన తర్వాత.. మిగిలిన రెండు టెస్టులు ఆడకుండా బాబర్‌పై వేటు పడింది. అతడితో పాటు షాహిన్‌నూ తప్పించిన విషయం తెలిసిందే.ఇదిలా ఉంటే.. యువ పేసర్‌ నసీం షా కేవలం టెస్టు, వన్డేలు మాత్రమే ఆడనున్నాడు. మరోవైపు.. షాహిన్‌ ఆఫ్రిది టీ20, వన్డేలు మాత్రమే ఆడి.. టెస్టులకు దూరంగా ఉండనున్నాడు.తప్పించారా? రెస్ట్‌ ఇచ్చారా?వచ్చే ఏడాది సొంతగడ్డపై ఐసీసీ చాంపియన్స్‌ ట్రోఫీ నేపథ్యంలో షాహిన్‌కు పీసీబీ ఈ మేర పనిభారం తగ్గించి.. విశ్రాంతినివ్వాలని నిశ్చయించినట్లు తెలుస్తోంది. ఇదిలా ఉంటే.. ఇటీవల క్వైద్‌-ఇ-ఆజం ట్రోఫీలో ఐదు మ్యాచ్‌లలో 31 వికెట్లతో సత్తా చాటిన రైటార్మ్‌ సీమర్‌ మహ్మద్‌ అబ్బాస్‌ దాదాపు మూడేళ్ల తర్వాత రీ ఎంట్రీ ఇస్తున్నాడు.తొలిసారి వన్డే జట్టుకు సూఫియాన్‌ ఎంపికఅదే విధంగా.. ఖుర్రం షెహజాద్‌, మీర్‌ హంజా కూడా టెస్టు జట్టులో చోటు దక్కించుకోగా.. షాజిద్‌ ఖాన్‌ మాత్రం మిస్సయ్యాడు. అతడి స్థానంలో స్పిన్‌ బౌలింగ్‌ ఆప్షన్‌గా నొమన్‌ అలీ జట్టులోకి వచ్చాడు. ఇక లెగ్‌ స్పిన్నర్‌ సూఫియాన్‌ మోకీం తొలిసారి వన్డే జట్టుకు ఎంపికయ్యాడు.ఇక సౌతాఫ్రికా- పాకిస్తాన్‌ మధ్య డిసెంబరు 10, 13, 14 తేదీల్లో టీ20... డిసెంబరు 17, 19, 22 తేదీల్లో వన్డే సిరీస్‌ జరుగనుంది. అదే విధంగా.. డిసెంబరు 26 నుంచి జనవరి 7 వరకు టెస్టు సిరీస్‌కు షెడ్యూల్‌ ఖరారైంది.సౌతాఫ్రికాతో టెస్టులకు పాకిస్తాన్‌ జట్టుషాన్ మసూద్ (కెప్టెన్), సౌద్ షకీల్ (వైస్ కెప్టెన్), అమీర్ జమాల్, అబ్దుల్లా షఫీక్, బాబర్ ఆజం, హసీబుల్లా (వికెట్‌ కీపర్‌), కమ్రాన్ గులామ్, ఖుర్రం షాజాద్, మీర్ హంజా, మహ్మద్ అబ్బాస్, మహ్మద్ రిజ్వాన్ (వికెట్‌ కీపర్‌), నసీం షా, నొమన్ అలీ, సయీమ్‌ అయూబ్, సల్మాన్ అలీ అఘా.సౌతాఫ్రికాతో వన్డేలకు పాకిస్తాన్‌ జట్టుమహ్మద్ రిజ్వాన్ (కెప్టెన్ & వికెట్‌ కీపర్‌), అబ్దుల్లా షఫీక్, అబ్రార్ అహ్మద్, బాబర్ ఆజం, హరీస్ రవూఫ్, కమ్రాన్ గులామ్, మహ్మద్ హస్నైన్, ముహమ్మద్ ఇర్ఫాన్ ఖాన్, నసీమ్ షా, సయీమ్ అయూబ్, సల్మాన్ అలీ అఘా, షాహిన్ షా ఆఫ్రిది, సుఫియాన్‌ మోకీం, తయ్యబ్ తాహిర్, ఉస్మాన్ ఖాన్ (వికెట్‌ కీపర్‌).సౌతాఫ్రికాతో టీ20లకు పాకిస్తాన్‌ జట్టుమహ్మద్ రిజ్వాన్ (కెప్టెన్ & వికెట్‌ కీపర్‌), అబ్రార్ అహ్మద్, బాబర్ ఆజం, హరీస్ రవూఫ్, జహందాద్ ఖాన్, మహ్మద్ అబ్బాస్ అఫ్రిది, మహ్మద్ హస్నైన్, ముహమ్మద్ ఇర్ఫాన్ ఖాన్, ఒమైర్ బిన్ యూసుఫ్, సయీమ్ అయూబ్, సల్మాన్ అలీ అఘా, షాహిన్‌ షా ఆఫ్రిది, సూఫియాన్‌ మోకీం, తయ్యబ్‌ తాహిర్, ఉస్మాన్ ఖాన్ (వికెట్‌ కీపర్‌).చదవండి: వినోద్‌ కాంబ్లీని కలిసిన సచిన్‌.. చేయి వదలకుండా బిగించడంతో.. ఆఖరికి

టీ20ల్లో అత్యధిక పరుగులు చేసిన ఆటగాళ్ల జాబితాలో పాకిస్తాన్‌ మాజీ కెప్టెన్‌ బాబర్‌ ఆజమ్‌ రెండో స్థానానికి ఎగబాకాడు. ఆస్ట్రేలియాతో ఇవాళ (నవంబర్‌ 18) జరిగిన మూడో టీ20లో బాబర్‌ ఈ ఘనతను సాధించాడు. ఈ మ్యాచ్‌లో 28 బంతులు ఎదుర్కొని 4 ఫోర్ల సాయంతో 41 పరుగులు చేసిన బాబర్‌.. పొట్టి ఫార్మాట్‌లో అత్యధిక పరుగులు చేసిన ఆటగాళ్ల జాబితాలో విరాట్‌ కోహ్లిని అధిగమించాడు. ప్రస్తుతం బాబర్‌ కంటే ముందు రోహిత్‌ శర్మ మాత్రమే ఉన్నాడు.టీ20ల్లో అత్యధిక పరుగులు చేసిన టాప్‌-4 ఆటగాళ్లు..1. రోహిత్‌ శర్మ- 4231 పరుగులు2. బాబర్‌ ఆజమ్‌- 41923. విరాట్‌ కోహ్లి- 41884. పాల్‌ స్టిర్లింగ్‌- 3655మ్యాచ్‌ విషయానికొస్తే.. ఆస్ట్రేలియాతో జరిగిన మూడో టీ20లో పాక్‌ 7 వికెట్ల తేడాతో ఓటమిపాలైంది. ఈ మ్యాచ్‌లో తొలుత బ్యాటింగ్‌ చేసిన పాక్‌ 18.1 ఓవర్లలో 117 పరుగులకు ఆలౌటైంది. పాక్‌ ఇన్నింగ్స్‌లో బాబర్‌ ఆజమ్‌ (41) టాప్‌ స్కోరర్‌గా నిలిచాడు. ఆసీస్‌ బౌలర్లు ఆరోన్‌ హార్డీ మూడు.. ఆడమ్‌ జంపా, స్పెన్సర్‌ జాన్సన్‌ తలో రెండు.. జేవియర్‌ బార్ట్‌లెట్, నాథన్‌ ఇల్లిస్‌ చెరో వికెట్‌ పడగొట్టారు.అనంతరం 118 పరుగుల స్వల్ప లక్ష్యాన్ని ఛేదించేందుకు బరిలోకి దిగిన ఆసీస్‌.. మార్కస్‌ స్టోయినిస్‌ (27 బంతుల్లో 61 నాటౌట్‌; 5 ఫోర్లు, 5 సిక్సర్లు) చెలరేగడంతో కేవలం 11.2 ఓవర్లలోనే (3 వికెట్లు కోల్పోయి) విజయతీరాలకు చేరింది. ఆసీస్‌ ఇన్నింగ్స్‌లో జోస్‌ ఇంగ్లిస్‌ 27, జేక్‌ ఫ్రేజర్‌ 18, టిమ్‌ డేవిడ్‌ 7 (నాటౌట్‌), మాథ్యూ షార్ట్‌ 2 పరుగులు చేశారు. పాక్‌ బౌలర్లలో షాహీన్‌ అఫ్రిది, జహన్‌దాద్‌ ఖాన్‌, అబ్బాస్‌ అఫ్రిదిలకు తలో వికెట్‌ పడగొట్టారు.ఈ గెలుపుతో ఆసీస్‌ మూడు మ్యాచ్‌ల టీ20 సిరీస్‌ను 3-0 తేడాతో క్లీన్‌ స్వీప్‌ చేసింది. తొలి రెండు మ్యాచ్‌ల్లో కూడా ఆస్ట్రేలియానే గెలుపొందింది. టీ20 సిరీస్‌కు ముందు జరిగిన వన్డే సిరీస్‌ను పాక్‌ 2-1 తేడాతో కైవసం చేసుకుంది. మూడు మ్యాచ్‌ల వన్డే, టీ20 సిరీస్‌ల కోసం పాకిస్తాన్‌ ఆస్ట్రేలియాలో పర్యటించింది.

పాకిస్తాన్ స్టార్ ప్లేయ‌ర్ బాబ‌ర్ ఆజం ఓ అరుదైన ఘ‌న‌తను త‌న పేరిట లిఖించుకున్నాడు. పాకిస్తాన్ త‌ర‌పున అత్యధిక అంతర్జాతీయ టీ20 మ్యాచ్‌లు ఆడిన ప్లేయర్‌గా బాబ‌ర్ రికార్డుల‌కెక్కాడు. గురువారం బ్రిస్బేన్ వేదిక‌గా ఆస్ట్రేలియాతో జ‌రిగిన తొలి టీ20 బాబ‌ర్‌కు 124వ అంత‌ర్జాతీయ టీ20 మ్యాచ్. త‌ద్వారా ఈ అరుదైన ఫీట్‌ను బాబ‌ర్ త‌న ఖాతాలో వేసుకున్నాడు.ఇంత‌కుముందు ఈ రికార్డు పాక్ వెట‌ర‌న్ ఆల్‌రౌండ‌ర్ షోయబ్‌ మాలిక్‌(123) పేరిట ఉండేది. తాజా మ్యాచ్‌తో మాలిక్ రికార్డును ఆజం బ‌ద్ద‌లు కొట్టాడు. ఇప్పటివరకు 124 టీ20లు ఆడిన బాబర్‌.. 40.67 సగటుతో 4148 పరుగులు చేశాడు.ఇక మ్యాచ్ విష‌యానికి వ‌స్తే.. పాకిస్తాన్‌పై 29 పరుగుల తేడాతో ఆసీస్ విజ‌యం సాధించింది. వెలుతురు లేమి కారణంగా నిర్ణీత‌ సమయం కంటే మూడు గంటలు ఆలస్యంగా ప్రారంభమైన తొలి టి20ని చివరకు 7 ఓవర్లకు కుదించారు. మొద‌ట బ్యాటింగ్ చేసిన ఆస్ట్రేలియా 7 ఓవర్లలో 4 వికెట్ల నష్టానికి 93 పరుగులు చేసింది. ఆసీస్ బ్యాట‌ర్ల‌లో గ్లెన్ మాక్స్‌వెల్‌19 బంతుల్లో 43; 5 ఫోర్లు, 3 సిక్సర్లు), స్టొయినిస్‌ (7 బంతుల్లో 21 నాటౌట్‌; 2 ఫోర్లు, 1 సిక్స్‌) మెరుపు ఇన్నింగ్స్ ఆడారు. పాకిస్తాన్‌ బౌలర్లలో అబ్బాస్‌ అఫ్రిది రెండు వికెట్లు పడగొట్టాడు. అనంతరం లక్ష్యఛేదనలో పాకిస్తాన్‌ 7 ఓవర్లలో 9 వికెట్ల నష్టానికి 64 పరుగులకు పరిమితమైంది. పాక్‌ బ్యాటర్లలో అబ్బాస్‌ అఫ్రిది (20 నాటౌట్‌; 2 ఫోర్లు, 1 సిక్స్‌) టాప్‌ స్కోరర్‌గా నిలిచాడు. ఇరు జట్ల మధ్య రెండో టీ20 సిడ్నీ వేదికగా శనివారం జరగనుంది.

ఐసీసీ తాజాగా విడుదల చేసిన వన్డే ర్యాంకింగ్స్‌లో పాకిస్తాన్‌ ఆటగాళ్లు సత్తా చాటారు. ఆ జట్టు ఫాస్ట్‌ బౌలర్‌ షాహీన్‌ అఫ్రిది బౌలర్ల ర్యాంకింగ్స్‌లో అగ్రస్థానానికి చేరుకున్నాడు. అఫ్రిది ఇటీవల ఆస్ట్రేలియాతో జరిగిన వన్డే సిరీస్‌లో ఇరగదీశాడు. మూడు మ్యాచ్‌ల ఆ సిరీస్‌లో అఫ్రిది 12.62 సగటున ఎనిమిది వికెట్లు తీశాడు. తాజా ర్యాంకింగ్స్‌లో అఫ్రిది మూడు స్థానాలు ఎగబాకగా.. టాప్‌ ప్లేస్‌లో ఉండిన కేశవ్‌ మహారాజ్‌ రెండు స్థానాలు కోల్పోయి మూడో స్థానానికి పడిపోయాడు. ఆఫ్ఘనిస్తాన్‌ స్పిన్నర్‌ రషీద్‌ ఖాన్‌ రెండో స్థానాన్ని నిలబెట్టుకున్నాడు.తాజా ర్యాంకింగ్స్‌లో అఫ్రిదితో పాటు అతని సహచరుడు హరీస్‌ రౌఫ్‌ కూడా భారీగా లబ్ది పొందాడు. ఆసీస్‌పై సంచలన ప్రదర్శనల (3 మ్యాచ్‌ల్లో 10 వికెట్లు) అనంతరం రౌఫ్‌ 14 స్థానాలు మెరుగుపర్చుకుని 13వ స్తానానికి ఎగబకాడు. అలాగే మరో పాక్‌ బౌలర్‌ నసీం షా కూడా ర్యాంకింగ్స్‌లో సత్తా చాటాడు. నసీం 14 స్థానాలు మెరుగుపర్చుకుని 55వ ర్యాంక్‌కు చేరుకున్నాడు. భారత్‌ నుంచి కుల్దీప్‌ యాదవ్‌ (4), జస్ప్రీత్‌ బుమ్రా (6), మొహమ్మద్‌ సిరాజ్‌ (7) టాప్‌-10లో ఉన్నారు.బ్యాటింగ్‌ విషయానికొస్తే.. పాక్‌ మాజీ కెప్టెన్‌ బాబర్‌ ఆజమ్‌ టాప్‌ ప్లేస్‌లో కొనసాగుతున్నాడు. ఆస్ట్రేలియాతో జరిగిన మూడు మ్యాచ్‌ల సిరీస్‌లో బాబర్‌ 80 పరుగులు చేసి రెండు మ్యాచ్‌ల్లో అజేయంగా నిలిచాడు. బౌలర్ల ర్యాంకింగ్స్‌లో షాహీన్‌ అఫ్రిది టాప్‌ ప్లేస్‌కు చేరడంతో బౌలింగ్‌, బ్యాటింగ్‌ విభాగాల్లో పాక్‌ ఆటగాళ్లే అగ్రస్థానాలను ఆక్రమించినట్లైంది. తాజా ర్యాంకింగ్స్‌లో ప్రస్తుత పాక్‌ కెప్టెన్‌ మొహమ్మద్‌ రిజ్వాన్‌ కూడా రెండు స్థానాలు మెరుగుపర్చుకుని 23వ స్థానానికి చేరాడు. బంగ్లాదేశ్‌ కెప్టెన్‌ నజ్ముల్‌ హసన్‌ షాంటో 11 స్థానాలు మెరుగుపర్చుకుని 24వ స్థానానికి ఎగబాకాడు. తాజాగా న్యూజిలాండ్‌తో జరిగిన వన్డేలో 98 పరుగులు చేసిన బంగ్లా ఆటగాడు మహ్మదుల్లా 10 స్థానాలు మెరుగుపర్చుకుని 44వ స్థానానికి చేరాడు. టాప్-10 ర్యాంకింగ్స్‌లో ముగ్గురు భారత ఆటగాళ్లు ఉన్నారు. రోహిత్‌ శర్మ, శుభ్‌మన్‌ గిల్‌, విరాట్‌ కోహ్లి వరుసగా 2 నుంచి 4 స్థానాల్లో నిలిచారు.ఆల్‌రౌండర్ల విషయానికొస్తే.. ఆఫ్ఘనిస్తాన్‌కు చెందిన మొహమ్మద్‌ నబీ టాప్‌ ర్యాంక్‌లో కొనసాగుతుండగా.. జింబాబ్వే సికందర్‌ రజా రెండో స్థానంలో, రషీద్‌ ఖాన్‌ మూడో స్థానంలో ఉన్నారు. బంగ్లాదేశ్‌ ఆల్‌రౌండర్‌ మెహిది హసన్‌ మీరాజ్‌ నాలుగు స్థానాలు మెరుగుపర్చుకుని నాలుగో స్థానానికి ఎగబాకాడు. భారత్‌ నుంచి రవీంద్ర జడేజా 14వ స్థానంలో ఉన్నాడు.

పాకిస్తాన్‌ క్రికెట్‌ బోర్డు(పీసీబీ) వ్యవహారశైలి పట్ల ఆ దేశ సీనియర్‌ క్రికెటర్‌ ఫఖర్‌ జమాన్‌ తీవ్ర అసంతృప్తితో ఉన్నట్లు సమాచారం. ఉద్దేశపూర్వకంగానే తనను సెంట్రల్‌ కాంట్రాక్టు నుంచి తప్పించారని.. తనకు మాత్రమే నిబంధనలు వర్తింపజేస్తూ వేటు వేశారని బోర్డు పట్ల ఆగ్రహం వ్యక్తం చేసినట్లు తెలుస్తోంది. తనను ఎంతగా అణగదొక్కాలని చూసినా ఇప్పట్లో రిటైర్‌ అయ్యే ప్రసక్తి మాత్రం లేదని అతడు సన్నిహితుల వద్ద పేర్కొన్నట్లు స్థానిక మీడియా వెల్లడించింది. కాగా 2024–25 ఏడాది కోసం పీసీబీ ఆదివారం వార్షిక కాంట్రాక్టు వివరాలు ప్రకటించిన విషయం తెలిసిందే. స్టార్‌ పేసర్‌ షాహిన్‌ షా ఆఫ్రిదిని ‘ఎ’ కేటగిరి నుంచి తొలగించి ‘బి’ కేటగిరీలో వేయడం సహా.. సీనియర్‌ ప్లేయర్లు ఫఖర్‌ జమాన్, ఇఫ్తిఖార్‌ అహ్మద్, ఒసామా మీర్‌లను ఈ జాబితా నుంచి తొలగించింది. ఇక పాకిస్తాన్‌ టెస్టు జట్టు కెప్టెన్‌ షాన్‌ మసూద్‌ను ‘బి’ కేటగిరీలోనే కొనసాగించింది. అంతేకాదు.. గత ఏడాది 27 మందికి వార్షిక కాంట్రాక్టు ఇవ్వగా ఈసారి ఆ సంఖ్యను 25కు కుదించింది. ఇందులో ఐదుగురు ప్లేయర్లకు తొలిసారి అవకాశం దక్కింది. కొత్త కెప్టెన్‌ రిజ్వాన్, మాజీ సారథి బాబర్‌ ఆజమ్‌లు ‘ఎ’ కేటగిరీలో ఉండగా... షాహీన్‌ షా అఫ్రిది, నసీమ్‌ షా, షాన్‌ మసూద్‌లకు ‘బి’ కేటగిరీలో చోటు ఇచ్చింది. ఇక ‘సి’ కేటగిరీలో 9 మంది, ‘డి’ కేటగిరీలో 11 మంది ఉన్నారు. కేటగిరీలను బట్టి ప్లేయర్లకు మ్యాచ్‌ ఫీజులు అందనున్నాయి.ఇదిలా ఉంటే.. ఆస్ట్రేలియా పర్యటనకు వెళ్లనున్న జట్టులోనూ ఫఖర్‌ జమాన్‌కు చోటు దక్కలేదు. బాబర్‌ ఆజం విషయంలో బోర్డును నిందించడం సహా ఫిట్‌నెస్‌ లేమి కారణంగా అతడిపై క్రమశిక్షణ చర్యలు తీసుకున్నట్లు పీసీబీ చీఫ్‌ మొహ్సిన్‌ నక్వీ ఆదివారం వెల్లడించాడు.ఈ పరిణామాల నేపథ్యంలో ఫఖర్‌ జమాన్‌ తీవ్ర నిరాశకు లోనైనట్లు అతడి సన్నిహిత వర్గాలు పాక్‌ మీడియాకు తెలిపాయి. ‘‘అతడు చాలా బాధపడుతున్నాడు. ఫిట్‌నెస్‌ టెస్టుల విషయంలో తన పట్ల వివక్ష చూపారని వాపోయాడు. క్లియరెన్స్‌ విషయంలో ఒక్కొక్కరికి ఒక్కో రూల్‌ పాటించారన్నాడు. రెండు కిలోమీటర్ల పరుగు విషయంలో తనతో పాటు సరైన సమయంలో పూర్తి చేయనివాళ్లకు జట్టులో చోటిచ్చి.. తనను మాత్రం విస్మరించారని ఆవేదన చెందాడు.అసలు తన పట్ల ఇలా ఎందుకు వ్యవహరిస్తున్నారో క్లారిటీ ఇవ్వాలని సెలక్టర్లను కోరినా ఫలితం లేకుండా పోయింది’’ అని సదరు వర్గాలు పేర్కొన్నాయి. కాగా ఇంగ్లండ్‌తో స్వదేశంలో మూడు మ్యాచ్‌ల సిరీస్‌ నేపథ్యంలో తొలి టెస్టు అనంతరం బాబర్‌ ఆజం, షాహిన్‌ ఆఫ్రిదిలపై వేటు వేసిన పీసీబీ.. రెండు, మూడో టెస్టు నుంచి వారిని తప్పించింది.ఈ నేపథ్యంలో 34 ఏళ్ల ఫఖర్‌ జమాన్‌ స్పందిస్తూ పీసీబీ తీరును సోషల్‌ మీడియా వేదికగా విమర్శించాడు. దీంతో క్రమశిక్షణ ఉల్లంఘనకు పాల్పడ్డాడని బోర్డు అతడిపై కన్నెర్రజేసింది. ఈ క్రమంలోనే అతడిని సెంట్రల్‌ కాంట్రాక్టు నుంచి తప్పించడం సహా.. ఆసీస్‌ టూర్‌కు దూరం చేసిందని అభిప్రాయాలు వ్యక్తమవుతున్నాయి. కాగా పాక్‌ తరఫున వన్డేల్లో డబుల్‌ సెంచరీ చేసిన ఏకైక బ్యాటర్‌ ఫఖర్‌ జమాన్‌. ఇప్పటి వరకు 82 వన్డేలు ఆడిన ఈ లెఫ్టాండ్‌ బ్యాటర్‌ 3492 పరుగులు చేశాడు. ఇందులో పదకొండు శతకాలు ఉన్నాయి.చదవండి: Ind vs Aus: 17 కిలోల బరువు తగ్గి.. ఆసీస్‌ టూర్‌కు ఎంపికైన పేసర్‌

పాకిస్తాన్‌ క్రికెట్‌ జట్టు కెప్టెన్‌ కావడం తనకు దక్కిన గొప్ప గౌరవమని మహ్మద్‌ రిజ్వాన్‌ హర్షం వ్యక్తం చేశాడు. దేశం తరఫున ఆడాలన్న కోరికతో పాటు సారథిగా ఎదగాలన్న కల నెరవేరినందుకు సంతోషంగా ఉందన్నాడు. ఈ అనుభూతిని మాటల్లో వర్ణించలేనంటూ ఉద్వేగానికి లోనయ్యాడు. తొలి సిరీస్‌లోనే పాక్‌ను విజేతగా నిలుపుతామాజీ కెప్టెన్ల నుంచి తాను ఎంతో నేర్చుకున్నానన్న ఈ వికెట్‌ కీపర్‌ బ్యాటర్‌... తనదైన శైలిలో జట్టుకు ముందుకు తీసుకువెళ్తానని ఈ సందర్భంగా పేర్కొన్నాడు. ఇక కెప్టెన్‌గా బాధ్యతలు చేపట్టిన తర్వాత తొలి సిరీస్‌లోనే పాక్‌ను విజేతగా నిలుపుతానంటూ రిజ్వాన్‌ ధీమా వ్యక్తం చేశాడు. ఆస్ట్రేలియా గడ్డపై ఆస్ట్రేలియాను ఓడించడమే తమ తక్షణ కర్తవ్యమని పేర్కొన్నాడు. కాగా వన్డే వరల్డ్‌కప్‌-2023లో పాకిస్తాన్‌ దారుణ వైఫల్యం తర్వాత బాబర్‌ ఆజం వన్డే, టెస్టు, టీ20 ఫార్మాట్ల కెప్టెన్సీ నుంచి తప్పుకోగా.. షాన్‌ మసూద్‌ టెస్టులు, షాహిన్‌ ఆఫ్రిది టీ20 జట్టు కెప్టెన్లుగా నియమితులయ్యారు.అయితే, వరుస వైఫల్యాల నేపథ్యంలోనూ షాన్‌ మసూద్‌ను కొనసాగించిన పాకిస్తాన్‌ క్రికెట్‌ బోర్డు(పీసీబీ).. ఆఫ్రిదిపై మాత్రం వేటువేసింది. ఈ క్రమంలో టీ20 ప్రపంచకప్‌-2024కు ముందు బాబర్‌ ఆజం తిరిగి వన్డే, టీ20 కెప్టెన్‌గా బాధ్యతలు చేపట్టాడు. అయితే, ఈసారి కూడా పాక్‌ మెగా టోర్నీలో విఫలం కావడంతో బాబర్‌ కెప్టెన్సీపై విమర్శలు రాగా.. ఇటీవలే సారథ్య బాధ్యతల నుంచి వైదొలిగాడు.ఈ క్రమంలో బాబర్‌ స్థానంలో మహ్మద్‌ రిజ్వాన్‌ను వన్డే, టీ20 కెప్టెన్‌గా నియమించినట్లు పీసీబీ ఆదివారం అధికారికంగా ప్రకటించింది. ఇక ఆస్ట్రేలియా పర్యటన సందర్భంగా రిజ్వాన్‌ కెప్టెన్‌గా తన ప్రయాణం మొదలుపెట్టనున్నాడు. ఆస్ట్రేలియాను ఆస్ట్రేలియాలో ఓడిస్తాంఈ నేపథ్యంలో రిజ్వాన్‌ తాజాగా మాట్లాడుతూ.. ‘‘గతంలో ఆస్ట్రేలియా గడ్డపై మేము ఇబ్బంది పడ్డామన్న మాట వాస్తవం. అయితే, ఈసారి మాత్రం అభిమానుల కలను నెరవేరుస్తాం. గత సిరీస్‌లో ప్రతి మ్యాచ్‌లో చివరి వరకు విజయం మాదే అన్నట్లుగా పోరాటం సాగించాం. కానీ దురదృష్టవశాత్తూ ఆఖరి నిమిషంలో ప్రతికూల ఫలితం వచ్చేది. నాడు చేసిన పొరపాట్ల నుంచి పాఠాలు నేర్చుకున్నాం. ఈసారి ఆస్ట్రేలియాను ఆస్ట్రేలియాలో ఓడిస్తాం’’ అని విశ్వాసం వ్యక్తం చేశాడు. కాగా పాకిస్తాన్‌ చివరగా 2002లో ఆసీస్‌లో ద్వైపాక్షిక వన్డే సిరీస్‌ గెలిచింది. ఇదిలా ఉంటే.. ఆస్ట్రేలియా- పాకిస్తాన్‌ మధ్య నవంబరు 4- 18 వరకు మూడు వన్డేలు, మూడు టీ20 మ్యాచ్‌లు జరుగనున్నాయి. ఇక వరుస వైఫల్యాల అనంతరం ఇటీవలే పాకిస్తాన్‌ జట్టు ఘన విజయం సాధించింది. సొంతగడ్డపై మూడు మ్యాచ్‌ల టెస్టు సిరీస్‌లో ఇంగ్లండ్‌ను ఓడించి 2-1తో గెలిచింది.చదవండి: Ind vs Aus: 17 కిలోల బరువు తగ్గి.. ఆసీస్‌ టూర్‌కు ఎంపికైన పేసర్‌

ఇంగ్లండ్‌తో టెస్టు సిరీస్ అనంత‌రం పాకిస్తాన్ ఇంగ్లండ్ ప‌ర్య‌ట‌న‌కు వెళ్లనుంది. ఈ టూర్‌లో భాగంగా పాక్ జ‌ట్టు మూడు వ‌న్డేలు, మూడు టీ20ల సిరీస్‌లో ఆసీస్‌తో త‌ల‌ప‌డ‌నుంది. ఈ వైట్‌బాల్ సిరీస్‌ల కోసం పాక్ సెల‌క్ష‌న్ క‌మిటీ ఒక‌ట్రెండు రోజుల్లో త‌మ జ‌ట్టును ప్ర‌క‌టించే అవకాశముంది. నవంబ‌ర్ 4న మెల్‌బోర్న్ వేదిక‌గా జ‌ర‌గ‌నున్న తొలి వ‌న్డేతో పాక్ ప‌ర్య‌ట‌న ప్రారంభం కానుంది.ఫ‌ఖార్ జ‌మాన్‌పై వేటు?ఇక ఇది ఇలా ఉండ‌గా.. స్టార్ బ్యాట‌ర్ ఫ‌ఖర్ జ‌మాన్‌పై పాక్ సెల‌క్ష‌న్ క‌మిటీ వేటు వేసేందుకు సిద్ద‌మైన‌ట్లు తెలుస్తోంది. ఇంగ్లండ్‌తో టెస్టు సిరీస్‌ను నుంచి పాక్‌ మాజీ కెప్టెన్ బాబ‌ర్ ఆజంను అర్ధంతరంగా త‌ప్పించ‌డాన్ని జ‌మాన్ త‌ప్పుబ‌ట్టిన విష‌యం తెలిసిందే. సెల‌క్ట‌ర్ల తీరుపై ఎక్స్ వేదిక‌గా ప్ర‌శ్న‌ల వ‌ర్షం కురిపించాడు.భార‌త్‌ను చూసి నేర్చుకోవాలంటూ అత‌డు హితువు ప‌లికాడు. దీంతో అత‌డిపై పీసీబీ సీరియ‌స్ అయింది. ఇప్ప‌టికే అత‌డికి పాక్ క్రికెట్ బోర్డు షోకాజ్ నోటీసు కూడా జారీ చేసింది. అంత‌టితో ఆగ‌కుండా ఆసీస్ టూర్‌కు జ‌మాన్‌ను ఎంపిక చేయ‌కూడ‌ని పాక్ బోర్డు భావిస్తున్న‌ట్లు తెలుస్తోంది.అదేవిధంగా జ‌మాన్ ఇటీవ‌ల నిర్వ‌హించిన ఫిట్‌నెస్ ప‌రీక్ష‌లో కూడా ఫెయిల్ అయిన‌ట్లు తెలుస్తోంది. మోకాలి సమస్యలతో బాధ‌ప‌డుతున్న 34 ఏళ్ల జ‌మాన్‌.. ఎనిమిది నిమిషాల్లో రెండు కిలోమీటర్ల పరుగును పూర్తి చేయడంలో విఫలమైన‌ట్లు స‌మాచారం. ఆసీస్ టూర్‌కు జ‌మాన్ వెళ్తాడా లేదా అన్న‌ది మ‌రో రెండు రోజుల్లో తేలిపోనుంది.

‘‘అవకాశం కోసం ఎన్నో రోజులుగా ఎదురుచూస్తున్నాను.. కానీ ఎప్పుడూ నిరాశ చెందలేదు. నాదైన రోజు వస్తుందని ఓపికగా వేచిచూశా’’.. ఫస్ట్‌క్లాస్‌ క్రికెట్‌లో పరుగుల వరద పారించిన పాకిస్తాన్‌ క్రికెటర్‌ కమ్రాన్‌ గులామ్‌ అన్న మాటలు ఇవి. 29 ఏళ్ల వయసులో టెస్టుల్లో అరంగేట్రం చేసిన ఈ బౌలింగ్‌ ఆల్‌రౌండర్‌ తొలి మ్యాచ్‌లోనే దుమ్ములేపాడు.అనూహ్య రీతిలో మాజీ కెప్టెన్‌ బాబర్‌ ఆజంపై వేటు పడగా.. అతడి స్థానంలో జట్టులోకి వచ్చి సెంచరీ బాదాడు. ఇంగ్లండ్‌తో రెండో టెస్టులో 224 బంతులు ఎదుర్కొని 118 పరుగులు సాధించాడు. అందివచ్చిన అవకాశాన్ని సద్వినియోగం చేసుకున్నాడు. ఫలితంగా కమ్రాన్‌ గులామ్‌పై ప్రశంసల వర్షం కురుస్తోంది. శతక ధీరుడిపై బాబర్‌ పోస్ట్‌ వైరల్‌ఈ నేపథ్యంలో బాబర్‌ ఆజం కమ్రాన్‌ను కొనియాడుతూ చేసిన పోస్ట్‌ వైరల్‌గా మారింది. శతకం బాదిన తర్వాత కమ్రాన్‌ నేలతల్లిని ముద్దాడుతూ సెలబ్రేట్‌ చేసుకున్న ఫొటోలను ఇన్‌స్టా స్టోరీలో షేర్‌ చేసిన బాబర్‌.. ‘‘చాలా బాగా ఆడావు కమ్రాన్‌’’ అంటూ అభినందించాడు. కాగా పాకిస్తాన్‌ తరఫున అరంగేట్ర టెస్టులోనే సెంచరీ చేసిన 13వ క్రికెటర్‌గా కమ్రాన్‌ గులామ్‌ రికార్డు సాధించాడు.తొలి ఆటగాడిగా మరో రికార్డుగతంలో పాక్‌ తరఫున ఖాలిద్‌ ఇబాదుల్లా (ఆస్ట్రేలియాపై 1966లో), జావేద్‌ మియాందాద్‌ (న్యూజిలాండ్‌పై 1976లో), సలీమ్‌ మాలిక్‌ (శ్రీలంకపై 1982లో), మొహమ్మద్‌ వసీమ్‌ (న్యూజిలాండ్‌పై 1996), అలీ నక్వీ (దక్షిణాఫ్రికాపై 1997లో), అజహర్‌ మహమూద్‌ (దక్షిణాఫ్రికాపై 1997లో), యూనిస్‌ ఖాన్‌ (శ్రీలంకపై 2000లో), తౌఫీక్‌ ఉమర్‌ (బంగ్లాదేశ్‌పై 2001లో), యాసిర్‌ హమీద్‌ (బంగ్లాదేశ్‌పై 2003లో), ఫవాద్‌ ఆలమ్‌ (శ్రీలంకపై 2009లో), ఉమర్‌ అక్మల్‌ (న్యూజిలాండ్‌పై 2009లో), ఆబిద్‌ అలీ (శ్రీలంకపై 2019లో) ఈ ఘనత సాధించారు. అయితే, ఇంగ్లండ్‌పై ఓ అరంగేట్ర పాకిస్తాన్‌ ఆటగాడు శతకం బాదడం ఇదే తొలిసారి.తొలిరోజు.. తడబడి.. నిలబడికమ్రాన్‌ గులామ్‌ (224 బంతుల్లో 118; 11 ఫోర్లు, ఒక సిక్సర్‌) శతకం కారణంగా రెండో టెస్టులో పాకిస్తాన్‌ మెరుగైన స్కోరు చేయగలిగింది. ముల్తాన్‌లో తొలి ఇన్నింగ్స్‌లో తొలి రోజు ఆట ముగిసే సమయానికి 90 ఓవర్లలో 5 వికెట్ల నష్టానికి 259 పరుగులు చేసింది. కాగా తొలి టెస్టులో ఘోర పరాజయం అనంతరం పలు మార్పులు చేసిన పాకిస్తాన్‌ జట్టు... కమ్రాన్‌ గులామ్‌ను తుది జట్టులోకి ఎంపిక చేసింది.ఇక ఈ మ్యాచ్‌లో టాస్‌ గెలిచిన పాకిస్తాన్‌ తొలుత బ్యాటింగ్‌ చేస్తోంది. ఓపెనర్‌ అయూబ్‌ (77; 7 ఫోర్లు) అర్ధ సెంచరీతో రాణించాడు. మరో ఓపెనర్‌ అబ్దుల్లా షఫీఖ్‌ (7), కెప్టెన్‌ షాన్‌ మసూద్‌ (3), సౌద్‌ షకీల్‌ (4) విఫలమయ్యారు. ఒకదశలో 19 పరుగులకే 2 వికెట్లు కోల్పోయి కష్టాల్లో పడ్డ జట్టును అయూబ్‌తో కలిసి కమ్రాన్‌ ఆదుకున్నాడు. వీరిద్దరూ మూడో వికెట్‌కు 149 పరుగులు జోడించడంతో జట్టు కోలుకుంది.మాజీ కెప్టెన్‌ బాబర్‌ ఆజం ఆడే నాలుగో స్థానంలో బ్యాటింగ్‌కు వచ్చిన 29 ఏళ్ల కమ్రాన్‌ చక్కటి ప్రదర్శన కనబర్చాడు. దేశవాళీ టోర్నీల్లో మెరుగైన ప్రదర్శన చేసి గత కొంత కాలంగా జాతీయ జట్టులో చోటు దక్కించుకోవాలని చూస్తున్న అతడికి ఎట్టకేలకు అవకాశం దక్కగా... తొలి టెస్టులోనే సెంచరీతో సత్తా చాటాడు. ఇక ఇంగ్లండ్‌ బౌలర్లలో షోయబ్‌ బషీర్‌ 2, జాక్‌ లీచ్, కార్స్, పాట్స్‌ తలా ఒక వికెట్‌ పడగొట్టారు. మంగళవారం ఆట ముగిసే సమయానికి వికెట్‌ కీపర్‌ రిజ్వాన్‌ (37 బ్యాటింగ్‌; 4 ఫోర్లు), ఆఘా సల్మాన్‌ (5 బ్యాటింగ్‌) క్రీజులో ఉన్నారు.బాబర్ స్థానంలో ఆడితే ఏంటి?‘ఈ అవకాశం కోసం నాలుగేళ్లుగా ఎదురు చూస్తున్నా. ఫస్ట్‌క్లాస్‌ క్రికెట్‌లో మెరుగైన ప్రదర్శన చేస్తున్నా... దాన్నే ఇక్కడ కూడా కొనసాగించా. బాబర్‌ ఆజమ్‌ ఓ దిగ్గజం. అతడి స్థానంలో ఆడుతున్నా అనే విషయం పక్కనపెట్టి కేవలం అత్యుత్తమ ప్రదర్శన చేయాలనుకున్నా. క్రీజులోకి వచ్చిన సమయంలో జట్టు ఇబ్బందుల్లో ఉంది.దీంతో ఆచితూచి ఆడాలనుకున్నా. దేశవాళీ అనుభవం బాగా పనికొచ్చింది’ అని కమ్రాన్‌ అన్నాడు. కాగా కమ్రాన్‌ గులామ్‌ ఇప్పటి వరకు 59 ఫస్ట్‌క్లాస్‌ మ్యాచ్‌లు ఆడి 4377 పరుగులు చేశాడు. ఇందులో 16 శతకాలు, 20 హాఫ్‌ సెంచరీలు ఉన్నాయి.చదవండి: W T20 WC: ‘హర్మన్‌పై వేటు! స్మృతి కాదు.. కొత్త కెప్టెన్‌గా ఆమెకు ఛాన్స్‌ ఇస్తేనే’

బాబర్‌ ఆజమ్‌ స్థానంలో జట్టులోకి వచ్చిన కమ్రాన్‌ గులామ్‌ పాక్‌ తరఫున తన అరంగేట్రం మ్యాచ్‌లోనే సెంచరీతో మెరిశాడు. ఇంగ్లండ్‌తో జరుగుతున్న రెండో టెస్ట్‌లో నాలుగో స్థానంలో బరిలోకి దిగిన గులామ్‌.. 224 బంతుల్లో 11 ఫోర్లు, సిక్సర్‌ సాయంతో 118 పరుగులు చేసి ఔటయ్యాడు. 19 పరుగులకే రెండు వికెట్లు కోల్పోయి జట్టు కష్టాల్లో ఉన్నప్పుడు బరిలోకి దిగిన గులామ్‌.. చాలా బాధ్యతాయుతంగా ఆడి సెంచరీ పూర్తి చేసుకున్నాడు. The Moments Kamran Ghulam completed his Hundred on Test Debut. 👏He came as Babar Azam's replacement and when came to bat Pakistan were 19/2 & then he smashed Hundred - THE FUTURE OF PAKISTAN. ⭐pic.twitter.com/Z33V23vVgV— Tanuj Singh (@ImTanujSingh) October 15, 2024అతడి​కి సైమ్‌ అయూబ్‌ (77) సహకారం అందించాడు. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన పాక్‌ 86 ఓవర్ల అనంతరం ఐదు వికెట్ల నష్టానికి 249 పరుగులు చేసింది. అబ్దుల్లా షఫీక్‌ (7), సైమ్‌ అయూబ్‌ (77), షాన్‌ మసూద్‌ (3), కమ్రాన్‌ గులామ్‌ (118), సౌద్‌ షకీల్‌ (4) ఔట్‌ కాగా.. మొహమ్మద్‌ రిజ్వాన్‌ (31), అఘా సల్మాన్‌ (4) క్రీజ్‌లో ఉన్నారు. ఇంగ్లండ్‌ బౌలర్లలో జాక్‌ లీచ్‌ రెండు వికెట్లు పడగొట్టగా.. మాథ్యూ పాట్స్‌, బ్రైడన్‌ కార్స్‌, షోయబ్‌ బషీర్‌ తలో వికెట్‌ దక్కించుకున్నారు.కాగా, మూడు మ్యాచ్‌ల ఈ టెస్ట్‌ సిరీస్‌లో ఇంగ్లండ్‌ తొలి మ్యాచ్‌లో ఇన్నింగ్స్‌ 47 పరుగుల తేడాతో ఘన విజయం సాధించింది. ఈ మ్యాచ్‌లో పాక్‌ తొలి ఇన్నింగ్స్‌లో 500కుపైగా పరుగులు చేసినప్పటికీ ఇన్నింగ్స్‌ తేడాతో ఓటమిపాలైంది. తొలుత బ్యాటింగ్‌ చేసిన పాక్‌.. అబ్దుల్లా షఫీక్‌ (102), షాన్‌ మసూద్‌ (151), అఘా సల్మాన్‌ (104 నాటౌట్‌) సెంచరీలతో కదం తొక్కడంతో 556 పరుగులు చేసింది.అనంతరం తొలి ఇన్నింగ్స్‌ ప్రారంభించిన ఇంగ్లండ్‌.. జో రూట్‌ డబుల్‌ సెంచరీ (262), హ్యారీ బ్రూక్ ట్రిపుల్‌ సెంచరీతో‌ (317) విరుచుకుపడటంతో రికార్డు స్కోర్‌ (823/7 డిక్లేర్‌) చేసింది. 267 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన పాక్‌ ఊహించని విధంగా పతనానికి (220 ఆలౌట్‌) గురై ఘోర పరాజయాన్ని మూటగట్టుకుంది. అఘా సల్మాన్‌ (63), ఆమెర్‌ జమాల్‌ (55 నాటౌట్‌) పాక్‌ పతనాన్ని కాసేపు అడ్డుకున్నారు.చదవండి: టీమిండియా చేతిలో ఘోర ఓటమి.. బంగ్లాదేశ్‌ హెడ్‌ కోచ్‌పై వేటు

పాకిస్తాన్‌ టాపార్డర్‌ బ్యాటర్‌ ఫకర్‌ జమాన్‌కు ఆ దేశ క్రికెట్‌ బోర్డు (పీసీబీ) షోకాజ్‌ నోటీసు జారీ చేసింది. ఇంగ్లండ్‌తో రెండు, మూడు టెస్ట్‌లకు బాబర్‌ ఆజమ్‌ను తప్పిస్తూ సెలెక్షన్‌ కమిటీ తీసుకున్న నిర్ణయంపై ఫకర్‌ జమాన్‌ వివాదాస్పద వ్యాఖ్యలు చేశాడు. ఈ వ్యాఖ్యల కారణంగానే పీసీబీ జమాన్‌పై క్రమశిక్షణా చర్యలు తీసుకుంది.ఇంతకీ ఫకర్‌ జమాన్‌ ఏమన్నాడంటే.. "మన ప్రీమియర్ బ్యాటర్‌ను (బాబర్‌ ఆజమ్‌) తొలగించడం జట్టుపై ప్రతికూల ప్రభావాన్ని చూపిస్తుంది. బోర్డు ఈ నిర్ణయాన్ని వెంటనే వెనక్కి తీసుకోవాలి . 2020-23 మధ్యలో భారత స్టార్‌ ఆటగాడు విరాట్‌ కోహ్లి కూడా పేలవ ఫామ్‌లో ఉన్నాడు. అయితే అప్పుడు బీసీసీఐ అతన్ని తప్పించలేదు. బాబర్‌ పాకిస్తాన్‌ ఆల్‌టైమ్‌ గ్రేట్‌ బ్యాటర్లలో ఒకరు. అతనిపై ఈ తరహా చర్యలు అవసరం లేదు. మన ఆటగాళ్లను వీలైనంత వరకు కాపాడుకోవడానికి చూడాలి" అంటూ ట్విటర్‌లో రాసుకొచ్చాడు. బోర్డు నిర్ణయాన్ని వ్యతిరేకిస్తూ ఫకర్‌ చేసిన ఈ ట్వీట్‌పై పీసీబీ అసంతృప్తిగా ఉంది. ఈ వ్యాఖ్యలపై ఏడు రోజుల్లోగా వివరణ ఇవ్వాలని పీసీబీ ఫకర్‌ను కోరింది. పీసీబీ-ఫకర్‌ జమాన్‌ మధ్య గత కొంతకాలంగా సఖ్యత లేదని తెలుస్తుంది. విదేశీ లీగ్‌లు ఆడేందుకు ఎన్‌ఓసీ జారీ చేయడంలో బోర్డు జాప్యం చేస్తుందని ఫకర్‌ గతంలో ఆరోపించాడు. తాజాగా బాబర్‌ ఎపిసోడ్‌ పీసీబీకి, ఫకర్‌కు మధ్య మరింత గ్యాప్‌ పెంచేలా ఉంది.కాగా, ముల్తాన్‌ టెస్ట్‌లో (తొలి టెస్ట్‌) ఇంగ్లండ్‌ చేతిలో ఘోర పరాజయం నేపథ్యంలో పాక్‌ సెలెక్టర్లు సీనియర్లైన బాబర్‌ ఆజమ్‌, షాహీన్‌ అఫ్రిది, నసీం షాలపై వేటు వేశారు. అలీం దార్‌, అజహర్‌ అలీ, ఆకిబ్‌ జావిద్‌ నేతృత్వంలోని కొత్త సెలెక్షన్‌ కమిటీ ఈ నిర్ణయం తీసుకుంది. చదవండి: ఇండియా-న్యూజిలాండ్‌ వన్డే సిరీస్‌ షెడ్యూల్‌ విడుదల

ఇంగ్లండ్‌తో మిగిలిన రెండు టెస్టులకు పాకిస్తాన్‌ క్రికెట్‌ బోర్డు(పీసీబీ) ఎంపిక చేసిన జట్టుపై దుమారం రేగుతోంది. కొత్త సెలక్షన్‌ కమిటీ వచ్చీ రాగానే స్టార్‌ ప్లేయర్లు బాబర్‌ ఆజం, షాహిన్‌ ఆఫ్రిదిలపై వేటు వేయడం విమర్శలకు దారితీసింది. ఈ నేపథ్యంలో బాబర్‌కు మద్దతుగా పలువురు కామెంట్లు చేస్తుండగా.. పాకిస్తాన్‌ మాజీ క్రికెటర్‌ బసిత్‌ అలీ మాత్రం భిన్నంగా స్పందించాడు.బలిపశువు అతడేపీసీబీ కొత్త సెలక్టర్ల టార్గెట్‌ బాబర్‌ కాదన్న బసిత్‌ అలీ.. షాహిన్ ఆఫ్రిదిని బలిపశువును చేయాలని వాళ్లు ఫిక్సయ్యారంటూ సంచలన వ్యాఖ్యలు చేశాడు. షాహిన్‌.. షాహిద్‌ ఆఫ్రిదికి అల్లుడు కావడమే ఇందుకు కారణమని అభిప్రాయపడ్డాడు. కాగా టెస్టుల్లో వరుస వైఫల్యాలు మూటగట్టుకుంటున్న పాక్‌ జట్టు.. స్వదేశంలో తాజా ఇంగ్లండ్‌తో సిరీస్‌లోనూ అదే పునరావృతం చేస్తోంది.మూడు మ్యాచ్‌ల సిరీస్‌లో భాగంగా ముల్తాన్‌లో జరిగిన తొలి టెస్టులో పర్యాటక జట్టు చేతిలో ఇన్నింగ్స్‌ తేడాతో ఓడిన షాన్‌ మసూద్‌ బృందం.. మంగళవారం నుంచి రెండో టెస్టు మొదలుపెట్టనుంది. ఇదిలా ఉంటే.. మొదటి టెస్టులో ఓటమి అనంతరం పీసీబీ తమ మాజీ క్రికెటర్లు ఆకిబ్‌ జావేద్, అసద్‌ షఫీక్, అజహర్‌ అలీ తదితరులతో నూతన సెలక్షన్‌ కమిటీని ఏర్పాటు చేసింది.అది అతడి దురదృష్టంఈ నేపథ్యంలో బసిత్‌ అలీ మాట్లాడుతూ.. ‘‘స్వప్రయోజనాల కోసం బ్యాటింగ్‌ పిచ్‌ను తయారు చేయించుకున్నారు. అలాంటి పిచ్‌పై బాబర్‌ ఆడలేకపోవడం, ఫామ్‌లేమిని కొనసాగించడం అతడి దురదృష్టం. అయితే, సెలక్టర్ల టార్గెట్‌ ఎల్లప్పుడూ షాహిన్‌ ఆఫ్రిది మాత్రమే. ఇందుకు కారణం షాహిద్‌ ఆఫ్రిది.షాహిన్‌ ఆఫ్రిది ఇప్పటికైనా కళ్లు తెరవాలి. ఎవరు తన స్నేహితులో, ఎవరు శత్రువులో గుర్తించగలగాలి. చిరునవ్వుతో నీతో మాట్లాడినంత మాత్రాన వాళ్లు నీ ఫ్రెండ్స్‌ అయిపోతారనుకుంటే పొరపాటు పడినట్లే. తమ మనసులోని భావాలు బయటపడకుండా వీళ్లు(సెలక్టర్లు) అత్యంత జాగ్రత్తగా వ్యవహరిస్తారు. కానీ నువ్వు మాత్రం ఎవరు ఏమిటన్నది తెలుసుకుని మసలుకో షాహిన్‌’’ అని సందేశం ఇచ్చాడు.అదే విధంగా.. బాబర్‌ ఆజం విషయంలో అతడి అభిమానులు రచ్చ చేస్తారని.. ఈసారి వాళ్ల పరిస్థితి ఏమిటో అంటూ సెటైర్లు వేశాడు. ఏదేమైనా.. ఇంగ్లండ్‌తో మిగిలిన టెస్టులకు బాబర్‌, షాహిన్‌, నసీం షాలను కొనసాగించాల్సిందని బసిత్‌ అలీ ఈ సందర్భంగా అభిప్రాయపడ్డాడు. కాగా ఇంగ్లండ్‌తో రెండు, మూడో టెస్టులకు బాబర్‌ ఆజంతో పాటు పేస్‌ బౌలర్లు షాహిన్‌ అఫ్రిది, నసీమ్‌ షాలను కూడా సెలక్టర్లు తప్పించారు.ముగ్గురు కొత్త ఆటగాళ్లుతొలి టెస్టులో జట్టు‌ మొత్తం విఫలమైనా వీరిపై మాత్రమే వేటు వేయడం అంటే సెలక్టర్లు ప్రదర్శనకంటే కూడా ఒక హెచ్చరిక జారీ చేసేందుకే అనిపిస్తోంది. వీరి స్థానంలో ముగ్గురు కొత్త ఆటగాళ్లు కమ్రాన్‌ గులామ్, హసీబుల్లా, మెహ్రాన్‌ ముంతాజ్‌లను సెలక్ట్‌ చేశారు. వీరితో పాటు ఇద్దరు సీనియర్‌ స్పిన్నర్లు సాజిద్‌ ఖాన్, నోమాన్‌ అలీలకు కూడా పాక్‌ జట్టులో చోటు దక్కింది.చదవండి: మళ్లీ శతక్కొట్టాడు: ఆసీస్‌తో టెస్టులకు టీమిండియా ఓపెనర్‌గా వస్తే!

పాకిస్తాన్ స్టార్ ప్లేయ‌ర్ బాబ‌ర్ ఆజం గ‌త కొంత కాలంగా గ‌డ్డు ప‌రిస్థితుల‌ను ఎదుర్కొంటున్న సంగ‌తి తెలిసిందే. ఫార్మాట్‌తో సంబంధం లేకుండా ఫామ్ కోల్పోయి నానా తంటాలు ప‌డుతున్నాడు. స్వ‌దేశంలో బంగ్లాదేశ్‌తో జ‌రిగిన టెస్టు సిరీస్‌లో విఫ‌ల‌మైన బాబ‌ర్‌.. ఇప్పుడు ఇంగ్లండ్‌పై అదే తీరును క‌న‌బరుస్తున్నాడు. ముల్తాన్ వేదికగా జ‌రిగిన మొద‌టి టెస్టులో కేవ‌లం 35 ప‌రుగులు మాత్ర‌మే చేసి నిరాశ‌ప‌రిచాడు.ఈ క్ర‌మంలో పీసీబీ కొత్త సెల‌క్ష‌న్ క‌మిటీ బాబ‌ర్‌కు ఊహించ‌ని షాక్ ఇచ్చింది. ఇంగ్లండ్ సిరీస్‌లో మిగిలిన రెండు టెస్టుల‌కు జ‌ట్టు నుంచి ఆజంను సెల‌క్ట‌ర్లు త‌ప్పించారు. దీంతో పీసీబీ తీరుపై పలువరు మాజీ క్రికెటర్లు మండిపడుతున్నారు. అత్యుత్తమ ఆటగాడిని జట్టు నుంచి ఎలా తప్పిస్తారని సెలక్టర్లపై ప్రశ్నల వర్షం కురిపిస్తున్నారు. మరికొంతమంది అయితే ఆజంను విరాట్ కోహ్లితో పోలుస్తున్నారు. కోహ్లి ఫామ్ కోల్పోయినప్పుడు బీసీసీఐ అండగా ఉందని, పీసీబీ మాత్రం అలా చేయలేదని పాక్ స్టార్ క్రికెటర్ ఫఖార్ జమాన్ సైతం విమర్శలు గుప్పించాడు. ఈ నేపథ్యంలో ఆస్ట్రేలియా మాజీ స్పిన్నర్ బ్రాడ్ హాగ్ కీలక వ్యాఖ్యలు చేశాడు. బాబర్ ఆజంను విరాట్ కోహ్లితో పోల్చవద్దని హాగ్ అన్నాడు."ఇంగ్లండ్‌తో ఆఖరి రెండు టెస్టులకు పాక్ జట్టులో స్టార్ ప్లేయర్ బాబర్ ఆజం చోటు కోల్పోయాడు. గత కొన్ని రోజులగా అందరూ ఊహించిందే జరిగింది. అయితే చాలా మంది బాబర్ ఆజం ఫామ్‌ను విరాట్ కోహ్లితో పోలుస్తున్నారు. దయచేసి ఆజంను కోహ్లితో పోల్చవద్దు.కోహ్లి ఫామ్ కోల్పోయినప్పుడు భారత్ ప్రపంచంలోనే రెండవ అత్యుత్తమ జట్టుగా ఉంది. మరి బాబర్ ఫామ్ కోల్పోయినప్పుడు పాకిస్తాన్ ప్రపంచంలోనే రెండువ అత్యంత చెత్త జట్టుగా ఉంది. కొన్ని సార్లు కఠినమైన నిర్ణయాలు తీసుకోక తప్పదు" అని హాగ్‌ ఎక్స్‌లో రాసుకొచ్చాడు. కాగా బాబర్ గత 18 టెస్టు ఇన్నింగ్స్‌లో కనీసం హాఫ్ సెంచరీ మార్క్‌ను దాటలేకపోయాడు.చదవండి: ‘అతడినే తప్పిస్తారా?.. ఇంతకంటే పిచ్చి నిర్ణయం మరొకటి ఉండదు’

పాకిస్తాన్‌ క్రికెట్‌ బోర్డు(పీసీబీ) తీరుపై ఇంగ్లండ్‌ మాజీ కెప్టెన్‌ మైకేల్‌ వాన్‌ మండిపడ్డాడు. అత్యుత్తమ ఆటగాడిని జట్టు నుంచి తప్పించడం సెలక్టర్ల తెలివితక్కువతనానికి అద్దం పడుతోందన్నాడు. పీసీబీ అర్థంపర్థంలేని నిర్ణయాలకు ఇది పరాకాష్ట అంటూ విమర్శించాడు. కాగా పాకిస్తాన్‌ క్రికెట్‌ జట్టు గత కొంతకాలంగా గడ్డు పరిస్థితులు ఎదుర్కొంటున్న విషయం తెలిసిందే.బాబర్‌పై వేటుముఖ్యంగా టెస్టుల్లో దాదాపు మూడున్నర సంవత్సరాలుగా ఒక్క విజయం కూడా నమోదు చేయలేకపోయింది. వన్డే వరల్డ్‌కప్‌-2023 తర్వాత టెస్టు కెప్టెన్సీ నుంచి బాబర్‌ ఆజం తప్పుకోగా.. అతడి స్థానాన్ని షాన్‌ మసూద్‌తో భర్తీ చేసింది పీసీబీ. అయితే, అప్పటి నుంచి పరిస్థితి ఇంకా దిగజారింది. ఆస్ట్రేలియా పర్యటనతో పాటు సొంతగడ్డపై బంగ్లాదేశ్‌ చేతిలో పాకిస్తాన్‌ టెస్టు సిరీస్‌లలో క్లీన్‌స్వీప్‌ అయింది.ఫలితంగా మసూద్‌ కెప్టెన్సీపై కూడా తీవ్ర విమర్శలు వెల్లువెత్తాయి. ఇక తాజాగా ఇంగ్లండ్‌తో స్వదేశంలో జరుగుతున్న మూడు మ్యాచ్‌ల టెస్టు సిరీస్‌లోనూ పాక్‌ వైఫల్యం కొనసాగిస్తోంది. తొలి టెస్టులో ఏకంగా ఇన్నింగ్స్‌ 47 పరుగుల తేడాతో ఓడిపోయింది. ఇరు జట్ల మధ్య అక్టోబరు 15 నుంచి రెండో టెస్టు మొదలుకానుంది.పీసీబీ మూర్ఖత్వానికి ఇది పరాకాష్టఈ నేపథ్యంలో మిగిలిన రెండు టెస్టులకు ప్రకటించిన జట్టు నుంచి టాప్‌ బ్యాటర్‌ బాబర్‌ ఆజంను తప్పించింది. ఈ విషయంపై స్పందించిన ఇంగ్లండ్‌ మాజీ క్రికెటర్‌ మైకేల్‌ వాన్‌.. ‘‘చాలా కాలం నుంచి పాకిస్తాన్ ఇప్పటి వరకు ఒక్క టెస్టు కూడా గెలవలేదు. ఈ సిరీస్‌లోనూ 1-0తో వెనుకబడి ఉంది. అయినప్పటికీ అత్యుత్తమ ఆటగాడు బాబర్‌ ఆజంను తప్పించింది. పాకిస్తాన్‌ క్రికెట్‌ ఎన్నెన్నో ఆశ్చర్యకరమైన నిర్ణయాలు తీసుకుంటోంది.అందులో ఇది పరాకాష్టలాంటిది. ఇంతకంటే తెలివి తక్కువతనం, మూర్ఖత్వం మరొకటి ఉండదు! ఒకవేళ అతడే స్వయంగా విరామం కావాలని గనుక అడిగి ఉండకపోతే!‌’’ అని ఎక్స్‌ వేదికగా పీసీబీ విధానాలను, సెలక్టర్ల తీరును తప్పుబట్టాడు.మూడు ఫార్మాట్లలోనూ ఆటగాడిగా, కెప్టెన్‌గా బాబర్‌ భేష్‌ తొమ్మిదేళ్ల అంతర్జాతీయ కెరీర్‌లో బాబర్‌ ఆజం పాకిస్తాన్‌ నంబర్‌వన్‌ బ్యాటర్‌గా ఎదిగాడు. టెస్టు, వన్డే, టీ20 ఫార్మాట్లలో పలు కీలక విజయాలు అందించడంతో పాటు కెప్టెన్‌గా కూడా చెప్పుకోదగ్గ ఘనతలు సాధించాడు. అంతేకాదు.. సుదీర్ఘ కాలం ఐసీసీ వన్డే ర్యాంకింగ్స్‌లో నంబర్‌వన్‌ బ్యాటర్‌గా కూడా కొనసాగాడు. అయితే ఇటీవల ఫామ్‌ కోల్పోయిన అతను టెస్టుల్లో పరుగులు చేయడంతో తీవ్రంగా ఇబ్బంది పడుతున్నాడు.గడ్డుకాలంచివరగా... డిసెంబర్‌ 2022లో హాఫ్‌ సెంచరీ నమోదు చేసిన బాబర్‌...గత 18 టెస్టు ఇన్నింగ్స్‌లలో ఒక్క అర్ధ శతకం కూడా బాదలేకపోయాడు. ఇర 2023 నుంచి ఆడిన 9 టెస్టుల్లో అతడు సాధించిన పరుగుల సగటు 21 మాత్రమే. ఇంగ్లండ్‌తో తొలి టెస్టులో కూడా బ్యాటింగ్‌కు బాగా అనుకూలించిన ముల్తాన్‌ పిచ్‌పై బాబర్‌ 30, 5 పరుగులు మాత్రమే సాధించడం గమనార్హం. ముఖ్యంగా బౌలింగ్‌కు ఏమాత్రం అనుకూలంగా లేని వికెట్‌పై అతను పేలవంగా ఆడి నిష్క్రమించడం విమర్శలకు తావిచ్చింది.కొత్త సెలక్టర్లు వచ్చారు.. వేటు వేశారు!ఇదిలా ఉంటే.. ఇంగ్లండ్‌తో మొదటి టెస్టులో పాక్‌ ఓడిపోగానే... మాజీ ఆటగాళ్లు ఆకిబ్‌ జావేద్, అసద్‌ షఫీక్, అజహర్‌ అలీ తదితరులతో పాక్‌ బోర్డు హడావిడిగా కొత్త సెలక్షన్‌ కమిటీని ఏర్పాటు చేయడం విశేషం. ఈ ఆటగాళ్లే బాబర్‌ను తప్పించాలని నిర్ణయించారు. అయితే, టాప్‌ బ్యాటర్‌ బాబర్‌పై వేటు పాక్‌ క్రికెట్‌ వర్గాల్లో సంచలన చర్చకు కారణమైంది. ఇటీవల ఫామ్‌ కోల్పోయినా సరే...ప్రస్తుతం పాకిస్తాన్‌ క్రికెట్‌లో అందరికంటే పెద్ద స్టార్‌ ఆటగాడు అతడేనన్నది వాస్తవం.ఇతరులలో మరో ఆటగాడు అతడి దరిదాపుల్లో కూడా లేడు. జట్టు ప్రదర్శనతో సంబంధం లేకుండా వ్యక్తిగతంగా బాబర్‌కు ఎంతో ఫాలోయింగ్‌ ఉంది. ఒక దశలో తన నిలకడైన ఆటతో ‘ఫ్యాబ్‌ 4’తో పోటీ పడుతూ ఐదో ఆటగాడిగా తనకంటూ గుర్తింపు తెచ్చుకున్న బాబర్‌పై వేటు నిజంగా అసాధారణమనే చెప్పవచ్చు. ఈ నేపథ్యంలోనే మైకేల్‌ వాన్‌ కూడా ఘాటుగా స్పందించాడు. కాగా బాబర్‌ 55 టెస్టుల్లో 43.92 సగటుతో 9 శతకాలు, 26 హాఫ్‌ సెంచరీలు సహా 3997 పరుగులు చేశాడు.చదవండి: India vs Australia: భారత్‌ సెమీస్‌ ఆశలకు దెబ్బ!

ఇంగ్లండ్‌తో జరుగబోయే రెండు, మూడు టెస్ట్‌ల కోసం పాకిస్తాన్‌ జట్టును ఇవాళ (అక్టోబర్‌ 13) ప్రకటించారు. ఈ జట్టు నుంచి సీనియర్లు బాబర్‌ ఆజమ్‌, షాహీన్‌ అఫ్రిది, నసీం షా, సర్ఫరాజ్‌ అహ్మద్‌లకు ఉద్వాసన పలికారు. విశ్రాంతి పేరుతో వీరందరిని పక్కకు పెట్టారు. డెంగ్యూతో బాధపడుతున్న అబ్రార్‌ అహ్మద్‌కు కూడా ఈ జట్టులో చోటు దక్కలేదు. వీరి స్థానాల్లో హసీబుల్లా, మెహ్రాన్‌ ముంతాజ్‌, కమ్రాన్‌ గులామ్‌, ఫాస్ట్‌ బౌలర్‌ మొహమ్మద్‌ అలీ, ఆఫ్‌ స్పిన్నర్‌ సాజిద్‌ ఖాన్‌ పాక్‌ జట్టుకు ఎంపికయ్యారు. తొలి టెస్ట్‌ కోసం​ తొలుత ఎంపికై, ఆతర్వాత రిలీజ్‌ చేయబడిన నౌమన్‌ అలీ, జహిద్‌ మెహమూద్‌ మరోసారి ఎంపికయ్యారు. 16 మంది సభ్యుల ఈ జట్టుకు షాన్‌ మసూద్‌ కెప్టెన్‌గా వ్యవహరించనుండగా.. సౌద్‌ షకీల్‌ వైస్‌ కెప్టెన్‌గా ఉండనున్నాడు. పాక్‌ సెలెక్షన్‌ ప్యానెల్‌లోకి కొత్తగా అలీమ్‌ దార్‌, ఆకిబ్‌ జావిద్‌, అజహార్‌ అలీ చేరిన విషయం తెలిసిందే. వీరి బాధ్యతలు చేపట్టిన గంటల వ్యవధిలోనే సీనియర్లపై వేటు పడటం ప్రాధాన్యత సంతరించుకుంది.ఇంగ్లండ్‌తో రెండు, మూడు టెస్ట్‌లకు పాక్‌ జట్టు: షాన్ మసూద్ (కెప్టెన్‌), సౌద్ షకీల్ (వైస్‌ కెప్టెన్‌), అమీర్ జమాల్, అబ్దుల్లా షఫీక్, హసీబుల్లా (వికెట్‌కీపర్‌), కమ్రాన్ గులామ్, మెహ్రాన్ ముంతాజ్, మీర్ హమ్జా, మహ్మద్ అలీ, మహ్మద్ హురైరా, మహ్మద్ రిజ్వాన్ (వికెట్‌కీపర్‌), నోమన్ అలీ, సైమ్ అయూబ్, సాజిద్ ఖాన్, సల్మాన్ అలీ అఘా , జాహిద్ మెహమూద్.ఇదిలా ఉంటే, మూడు మ్యాచ్‌ల టెస్ట్‌ సిరీస్‌ కోసం​ ఇంగ్లండ్‌ జట్టు పాక్‌లో పర్యటిస్తున్న విషయం తెలిసిందే. ఈ సిరీస్‌లోని తొలి మ్యాచ్‌లో పర్యాటక జట్టు భారీ తేడాతో గెలుపొందింది. ఈ మ్యాచ్‌లో పాక్‌ తొలి ఇన్నింగ్స్‌లో 500కుపైగా పరుగులు చేసినప్పటికీ ఇన్నింగ్స్‌ తేడాతో ఓటమిపాలైంది. తొలుత బ్యాటింగ్‌ చేసిన పాక్‌.. అబ్దుల్లా షఫీక్‌ (102), షాన్‌ మసూద్‌ (151), అఘా సల్మాన్‌ (104 నాటౌట్‌) సెంచరీలతో కదం తొక్కడంతో 556 పరుగులు చేసింది.అనంతరం తొలి ఇన్నింగ్స్‌ ప్రారంభించిన ఇంగ్లండ్‌.. జో రూట్‌ డబుల్‌ సెంచరీ (262), హ్యారీ బ్రూక్ ట్రిపుల్‌ సెంచరీతో‌ (317) విరుచుకుపడటంతో రికార్డు స్కోర్‌ (823/7 డిక్లేర్‌) చేసింది. 267 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన పాక్‌ ఊహించని విధంగా పతనానికి (220 ఆలౌట్‌) గురై ఘోర పరాజయాన్ని మూటగట్టుకుంది. అఘా సల్మాన్‌ (63), ఆమెర్‌ జమాల్‌ (55 నాటౌట్‌) పాక్‌ పతనాన్ని కాసేపు అడ్డుకున్నారు.చదవండి: టీ20 వరల్డ్‌కప్‌ నుంచి బంగ్లాదేశ్‌ ఔట్‌

ముల్తాన్ వేదిక‌గా ఇంగ్లండ్‌తో జ‌రిగిన‌ తొలి టెస్టులో ఘోర ఓట‌మిని చ‌విచూసిన పాకిస్తాన్‌.. ఇప్పుడు రెండో టెస్టుకు సిద్ద‌మవుతోంది. ఆక్టోబ‌ర్ 15 నుంచి ముల్తాన్‌లో జ‌ర‌గ‌నున్న సెకెండ్ టెస్టులో గెలిచి క‌మ్‌బ్యాక్ ఇవ్వాల‌ని పాక్ జ‌ట్టు భావిస్తోంది. ఈ నేప‌థ్యంలో రెండో టెస్టుకు ముందు పాకిస్తాన్ క్రికెట్ బోర్డు కీల‌క నిర్ణ‌యం తీసుకున్న‌ట్లు తెలుస్తోంది. రెండో టెస్టుకు స్టార్ బ్యాట‌ర్ బాబ‌ర్ ఆజంపై వేటు వేయాల‌ని పీసీబీ కొత్త సెలక్షన్ కమిటీ నిర్ణ‌యించిన‌ట్లు వార్త‌లు వినిపిస్తున్నాయి. ESPNCricinfo నివేదిక ప్ర‌కారం.. అలీమ్ దార్, ఆకిబ్ జావేద్ ,అజహర్ అలీలతో కూడిన సెలక్షన్ కమిటీ ఆజం ప్ర‌ద‌ర్శ‌న ప‌ట్ల తీవ్ర ఆసంతృప్తితో ఉన్నట్లు సమచాం. ఈ క్రమంలోనే అతనిని జట్టు నుండి తప్పించి యువ ఆటగాడు కమ్రాన్ గులాంకు ఛాన్స్ ఇవ్వాలని సెలక్టర్లు భావిస్తున్నరట.బాబర్ కథ ముగిసినట్లేనా?బాబర్ గత కొన్ని నెలలుగా గ‌డ్డు ప‌రిస్థితుల‌ను ఎదుర్కొంటున్నాడు. అత‌డు మూడు ఫార్మాట్లలో సెంచ‌రీ చేసి సుమారు ఏడాది దాటింది. బాబ‌ర్‌ చివ‌ర‌గా గ‌తేడాది ఆగస్టులో నేపాల్‌తో జ‌రిగిన వ‌న్డేలో అంత‌ర్జాతీయ సెంచ‌రీని మార్క్‌ను అందుకున్నాడు. ముఖ్యంగా టెస్టుల్లో అయితే బాబ‌ర్ ప‌రిస్థితి మరీ దారుణంగా ఉంది. ఆజం టెస్టుల్లో హాఫ్ సెంచ‌రీ సాధించి దాదాపు 20 నెల‌లు దాటింది. అత‌డు చివ‌ర‌గా డిసెంబర్ 2022లో న్యూజిలాండ్‌పై 161 పరుగులు చేశాడు. అప్ప‌టి నుంచి కనీసం హాఫ్ సెంచరీ మార్క్‌ను దాట‌లేక‌పోతున్నాడు. గ‌త 20 నెల‌ల‌లో టెస్టుల్లో అతడు సాధించిన అత్య‌ధిక స్కోర్ 41 ప‌రుగులే కావ‌డం గ‌మ‌నార్హం. జ‌న‌వ‌రి 2023 నుంచి ఇప్ప‌టివ‌ర‌కు 17 టెస్టు ఇన్నింగ్స్‌లు ఆడిన ఆజం.. 21.33 స‌గ‌టుతో కేవ‌లం 355 ప‌రుగులు మాత్ర‌మే చేశాడు. ముల్తాన్‌ వేదికగా జరిగిన తొలి టెస్టులోనూ రెండు ఇన్నింగ్స్‌లు కలిపి కేవలం 35 పరుగులు చేశాడు. ఈ నేపథ్యంలో అతడిపై వేటు వేయాలని పీసీబీ ఫిక్స్‌ అయినట్లు వినికిడి.చదవండి: డీఎస్పీగా బాధ్య‌త‌లు.. పోలీస్ యూనిఫాంలో సిరాజ్‌! ఫోటో వైర‌ల్‌

టెస్ట్‌ క్రికెట్‌లో పాకిస్తాన్‌ మాజీ కెప్టెన్‌ బాబర్‌ ఆజమ్‌ పని అయిపోయింది. బాబార్‌ గత 18 ఇన్నింగ్స్‌ల్లో (654 రోజులుగా) కనీసం ఒ‍క్క హాఫ్‌ సెంచరీ కూడా చేయలేకపోయాడు. అతను చివరిసారిగా 2023లో ఓ హాఫ్‌ సెంచరీ చేశాడు. ఇంగ్లండ్‌తో జరుగుతున్న ముల్తాన్‌ టెస్ట్‌ సెకెండ్‌ ఇన్నింగ్స్‌లో బాబర్‌ కేవలం ఐదు పరుగులు మాత్రమే చేసి ఔటయ్యాడు. ఇంగ్లండ్‌ ఆటగాళ్లు డబుల్‌ సెంచరీ, ట్రిపుల్‌ సెంచరీ చేసిన పిచ్‌పై బాబర్‌ కనీసం రెండంకెల స్కోర్‌ కూడా చేయలేకపోయాడు. బాబర్‌తో పాటు సెకెండ్‌ ఇన్నింగ్స్‌లో పాక్‌ జట్టు మొత్తం పేకమేడలా కూలింది. ఆ జట్టు 82 పరుగులకే 6 వికెట్లు కోల్పోయి ఓటమి దిశగా సాగుతోంది.267 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన పాక్‌ ఖాతా తెరవకుండానే తొలి వికెట్‌.. 29 పరుగులకు రెండు వికెట్లు.. 41 పరుగులకు మూడు వికెట్లు.. అదే స్కోర్‌ వద్ద నాలుగో వికెట్‌.. 59 పరుగులకే సగం వికెట్లు కోల్పోయింది. తొలి ఇన్నింగ్స్‌లో మూడు సెంచరీలు, ఓ హాఫ్‌ సెంచరీ చేసిన పాక్‌ ఆటగాళ్లు సెకెండ్‌ ఇన్నింగ్స్‌లో ఇలా వచ్చి అలా ఔటైపోతున్నారు. ఈ మ్యాచ్‌లో పాక్‌ గట్టెక్కాలంటే మరో 115 ఓవర్లు బ్యాటింగ్‌ చేయాల్సి ఉంటుంది. ప్రస్తుత పరిస్థితుల్లో ఇది అసాధ్యం.పాక్‌ సెకెండ్‌ ఇన్నింగ్స్‌లో అబ్దుల్లా షఫీక్‌ 0, సైమ్‌ అయూబ్‌ 25, షాన్‌ మసూద్‌ 11, బాబర్‌ ఆజమ్‌ 5, సౌద్‌ షకీల్‌ 29, మొహమ్మద్‌ రిజ్వాన్‌ 10 పరుగులు చేసి ఔట్‌ కాగా.. అఘా సల్మాన్‌ (4), అమెర్‌ జమాల్‌ (3) క్రీజ్‌లో ఉన్నారు. ఇంగ్లండ్‌ బౌలర్లలో అట్కిన్సన్‌, బ్రైడన్‌ కార్స్‌ తలో రెండు, క్రిస్‌ వోక్స్‌, జాక్‌ లీచ్‌ చెరో వికెట్‌ తీసి పాక్‌ పుట్టి ముంచారు. ఇంగ్లండ్‌ ఫస్ట్‌ ఇన్నింగ్స్‌ స్కోర్‌ను అధిగమించాలంటే పాక్‌ మరో 180 పరుగులు చేయాలి. చేతిలో నాలుగు వికెట్లు మాత్రమే ఉన్నాయి.అంతకుముందు ఇంగ్లండ్‌ తొలి ఇన్నింగ్స్‌ను 823 పరుగుల వద్ద డిక్లేర్‌ చేసింది. జో రూట్‌ (262), హ్యారీ బ్రూక్‌ (317) డబుల్‌, ట్రిపుల్‌ సెంచరీలతో విరుచుకుపడగా.. జాక్‌ క్రాలే (78), బెన్‌ డకెట్‌ (84) అర్ద సెంచరీలతో రాణించారు. పాక్‌ బౌలర్లలో నసీం షా, సైమ్‌ అయూబ్‌ చెరో రెండు వికెట్లు తీయగా.. షాహీన్‌ అఫ్రిది, ఆమెర్‌ జమాల్‌, అఘా సల్మాన్‌ తలో వికెట్‌ పడగొట్టారు.ఈ మ్యాచ్‌లో తొలుత బ్యాటింగ్‌ చేసిన పాక్‌ తొలి ఇన్నింగ్స్‌లో 556 పరుగులకు ఆలౌటైంది. పాక్‌ ఇన్నింగ్స్‌లో అబ్దుల్లా షఫీక్‌ (102), షాన్‌ మసూద్‌ (151), అఘా సల్మాన్‌ (104 నాటౌట్‌) సెంచరీలతో కదం తొక్కగా.. సౌద్‌ షకీల్‌ (82) సెంచరీ చేసే అవకాశాన్ని చేజార్చుకున్నాడు. ఇంగ్లండ్‌ బౌలర్లలో జాక్‌ లీచ్‌ మూడు వికెట్లు పడగొట్టగా.. గస్‌ అట్కిన్సన్‌, బ్రైడన్‌ కార్స్‌ చెరో రెండు.. క్రిస్‌ వోక్స్‌, షోయబ్‌ బషీర్‌, జో రూట్‌ తలో వికెట్‌ పడగొట్టారు.చదవండి: T20 World Cup 2024: తండ్రి ఆకస్మిక మరణం.. స్వదేశానికి పయనమైన పాక్‌ కెప్టెన్‌

ముల్తాన్ వేదిక‌గా ఇంగ్లండ్‌తో జ‌రుగుతున్న తొలి టెస్టు మొద‌టి ఇన్నింగ్స్‌లో పాకిస్తాన్ భారీ స్కోర్ దిశ‌గా సాగుతోంది. మొదటి రోజు ఆట ముగిసే స‌మ‌యానికి పాక్ త‌మ తొలి ఇన్నింగ్స్‌లో 4 వికెట్ల న‌ష్టానికి 328 ప‌రుగులు చేసింది. ప్ర‌స్తుతం క్రీజులో సౌద్ ష‌కీల్‌(35), న‌సీం షా(0) ఉన్నారు.అయితే పాక్ బ్యాట‌ర్ల‌లో కెప్టెన్ షాన్ మ‌సూద్‌, అబ్దుల్లా ష‌ఫీక్ అద్భుత‌మైన సెంచ‌రీల‌తో చెల‌రేగారు. వీరిద్ద‌రూ రెండో వికెట్‌కు ఏకంగా 253 ప‌రుగుల రికార్డు భాగ‌స్వామ్యం నెల‌కొల్పారు. మ‌సూద్ 177 బంతుల్లో 13 ఫోర్లు, 2 సిక్స్‌ల‌తో 151 ప‌రుగులు చేయ‌గా.. ష‌ఫీక్ 184 బంతుల్లో 102 ప‌రుగులు చేశాడు.అయితే ఈ మ్యాచ్‌లో కూడా పాక్ మాజీ కెప్టెన్ బాబ‌ర్ ఆజం చెప్పుకోద‌గ్గ ప్ర‌ద‌ర్శ‌న చేయ‌లేక‌పోయాడు. కేవ‌లం 30 ప‌రుగులు మాత్ర‌మే చేసి ఆజం ఔట‌య్యాడు.తొలి రోజు ఆట ముగుస్తుంద‌న్న స‌మ‌యంలో క్రిస్ వోక్స్ బౌలింగ్‌లో ఎల్బీగా బాబ‌ర్ పెవిలియ‌న్‌కు చేరాడు. ఇక ఇంగ్లండ్ బౌల‌ర్ల‌లో అట్కిన్‌స‌న్ రెండు వికెట్లు ప‌డ‌గొట్ట‌గా.. బ‌షీర్‌,వోక్స్ త‌లా వికెట్ సాధించారు.చదవండి: కోచ్‌గా పనికిరాడన్నారు కదా: మెకల్లమ్‌ కామెంట్స్‌ వైరల్‌

పాకిస్తాన్‌ పరిమిత ఓవర్ల క్రికెట్‌ జట్టు కెప్టెన్సీకి బాబర్‌ ఆజం రాజీనామా వెనుక హెడ్‌కోచ్‌ గ్యారీ కిర్‌స్టన్‌ హస్తం ఉన్నట్లు తెలుస్తోంది. తన పట్ల కోచ్‌ వ్యవహరించిన తీరుకు నొచ్చుకున్న అతడు.. బాధ్యతల నుంచి తప్పుకొన్నట్లు సమాచారం. జట్టు వైఫల్యాలకు తనొక్కడినే బాధ్యుడిని చేస్తూ.. తప్పంతా తన మీదకు వచ్చేలా కిర్‌స్టన్‌ నివేదిక రూపొందించడం పట్ల అతడు మనస్తాపం చెందినట్లు తెలుస్తోంది.కాగా పాక్‌ క్రికెట్‌ జట్టుకు వన్డే, టీ20 ఫార్మాట్‌లలో కెప్టెన్సీ నుంచి బాబర్‌ ఆజం వైదొలిగిన విషయం తెలిసిందే. తాను సారథ్య బాధ్యతలకు రాజీనామా చేస్తున్నట్లు బుధవారం ప్రకటించాడు. బ్యాటింగ్‌పై ఎక్కువగా దృష్టి పెట్టేందుకే తాను ఈ నిర్ణయం తీసుకున్నట్లు వెల్లడించాడు. ఈ విషయంపై పాకిస్తాన్‌ క్రికెట్‌ బోర్డు (పీసీబీ)కి, టీమ్‌ మేనేజ్‌మెంట్‌కు గతంలోనే సమాచారం అందించినట్లు బాబర్‌ చెప్పాడు.ఈ రాజీనామా తర్వాత‘పాకిస్తాన్‌ జట్టుకు కెప్టెన్‌గా వ్యవహరించడం నాకు దక్కిన గొప్ప గౌరవం. అయితే అసలు బాధ్యత బ్యాటింగ్‌పై మరింత దృష్టి పెట్టాల్సి ఉంది. నాయకత్వం కారణంగా నాపై అదనపు భారం పడుతోంది. నా ఆటను మరింతగా ఆస్వాదిస్తూ అత్యుత్తమ ప్రదర్శన ఇవ్వడంతో పాటు కుటుంబానికి తగినంత సమయం కేటాయించడం కూడా అవసరం.ఈ రాజీనామా తర్వాత నా శక్తియుక్తులన్నీ బ్యాటింగ్‌పైనే కేంద్రీకరించగలను. నాకు అండగా నిలిచిన అందరికీ కృతజ్ఞతలు. జట్టుకు ఒక ఆటగాడిగా అన్ని విధాలా ఉపయోగపడేందుకు నేను సిద్ధం’ అని బాబర్‌ ఆజమ్‌ ఒక ప్రకటన విడుదల చేశాడు. కాగా వన్డే వరల్డ్‌కప్‌-2023లో పాక్‌ సెమీస్‌ కూడా చేరకపోవడంతో బాబర్‌ నైతిక బాధ్యత వహిస్తూ.. ఆ టోర్నీ తర్వాత మూడు ఫార్మాట్ల కెప్టెన్సీ వదలుకున్నాడు. అయితే, టీ20 ప్రపంచకప్‌-2024కు ముందు అతడినే సారథిగా నియమించింది పీసీబీ. ఈసారి మరీఘోరమైన ప్రదర్శనతో బాబర్‌ బృందం విమర్శలు మూటగట్టుకుంది. పసికూన అమెరికా జట్టు చేతిలో ఓడి.. సూపర్‌-8కు కూడా అర్హత సాధించలేకపోయింది.అందుకే ఈ నిర్ణయంఈ నేపథ్యంలో కోచ్‌ కిర్‌స్టన్‌ పీసీబీకి ఇచ్చిన నివేదికలో బాబర్‌ ఆజంనే కారకుడిగా పేర్కొన్నట్లు బోర్డు సన్నిహిత వర్గాలు తాజాగా వెల్లడించాయి. అసిస్టెంట్‌ కోచ్‌ అజర్‌ మహ్మూద్‌ సైతం బాబర్‌కు వ్యతిరేకంగా మాట్లాడటంతో.. ఇక తాను కెప్టెన్‌గా ఉండకూడదని బాబర్‌ నిర్ణయించుకున్నట్లు పేర్కొన్నాయి. ఇక బాబర్‌ ఆజం రాజీనామాను ఆమోదించిన పీసీబీ త్వరలోనే కొత్త కెప్టెన్‌ను నియమించనుంది. ఈ నేపథ్యంలో మహ్మద్‌ రిజ్వాన్‌, షాహిన్‌ ఆఫ్రిది పేర్లు వన్డే, టీ20 కెప్టెన్సీ రేసులో వినిపించగా.. బోర్డు అనూహ్యంగా సౌద్‌ షకీల్‌ వైపు మొగ్గుచూపినట్లు తెలుస్తోంది.రేసులోకి కొత్త పేరుఇక అక్టోబరులో పాకిస్తాన్‌ క్రికెట్‌ జట్టు 3 వన్డేలు, 3 టీ20ల కోసం ఆస్ట్రేలియా పర్యటనకు వెళ్లనుంది. ఆలోగా కెప్టెన్‌ ఎంపిక పూర్తవుతుంది. ఇదిలా ఉంటే.. సొంతగడ్డపై ఈ నెల 7 నుంచి ఇంగ్లండ్‌తో జరిగే టెస్టు సిరీస్‌లో పాకిస్తాన్‌ తలపడుతుంది. పాక్‌ టెస్టు జట్టుకు షాన్‌ మసూద్‌ కెప్టెన్‌గా ఉన్న విషయం తెలిసిందే. బాబర్‌ స్థానంలో పగ్గాలు చేపట్టిన అతడి సారథ్యంలో పాక్‌ ఇంత వరకు ఒక్క మ్యాచ్‌ కూడా గెలవలేదు. చదవండి: కూతురితో షమీ వీడియో.. హసీన్‌ జహాన్‌ ఘాటు వ్యాఖ్యలు

పాకిస్తాన్ వైట్ బాల్ కెప్టెన్సీకి స్టార్ ప్లేయ‌ర్ బాబ‌ర్ ఆజం రాజీనామా చేసిన సంగ‌తి తెలిసిందే. వ‌ర్క్‌లోడ్ కార‌ణంగా కెప్టెన్సీ నుంచి బాబ‌ర్ త‌ప్పుకున్నాడు. ఈ క్ర‌మంలో కొత్త కెప్టెన్‌ను వెతికే ప‌నిలో పాకిస్తాన్ క్రికెట్ బోర్డు ప‌డింది. త‌మ సొంత గ‌డ్డ‌పై జ‌రిగే ఛాంపియ‌న్స్ ట్రోఫీ ముందు నూత‌న సార‌థిని ఎంపిక చేయాల‌ని పీసీబీ భావిస్తోంది.అయితే బాబ‌ర్ వారుసుడిగా స్టార్ వికెట్ కీప‌ర్ బ్యాట‌ర్‌ మ‌హ్మ‌ద్ రిజ్వాన్ బాధ్య‌త‌లు చేప‌ట్ట‌నున్న‌ట్లు వార్త‌లు వినిపిస్తున్నాయి. కానీ పీసీబీ నుంచి ఎటువంటి ఆధికారిక ప్ర‌క‌ట‌న రాలేదు. అయితే తాజాగా పాక్ కెప్టెన్సీ ఎంపిక సంబంధించి మ‌రో ఆస‌క్తిక‌ర‌ విష‌యం వెలుగులోకి వ‌చ్చింది.అయితే పీసీబీ త‌మ జ‌ట్టు కెప్టెన్సీ రోల్ కోసం ముగ్గురు ఆట‌గాళ్ల‌ని షార్ట్ లిస్ట్ చేసిన‌ట్లు తెలుస్తోంది. అందులో మ‌హ్మ‌ద్ రిజ్వాన్ పేరు లేదంట‌. జియో సూపర్ ఛాన‌ల్ రిపోర్ట్ ప్రకారం.. మొహ్సిన్ నఖ్వీ నేతృత్వంలోని పాక్ క్రికెట్‌ బోర్డు త‌మ కెప్టెన్సీ కోసం సౌద్ షకీల్, ఫఖర్ జమాన్ పేర్ల‌ను ప‌రిశీలిస్తున్న‌ట్లు సమాచారం.కెప్టెన్‌గా అత‌డే?కాగా ఫ‌ఖ‌ర్ పేరును ప‌రిగ‌ణ‌లోకి తీస‌కున్న‌ప్ప‌ట‌కి బోర్డు పెద్ద‌లు మాత్రం ష‌కీల్ వైపే మొగ్గు చూపుతున్న‌ట్లు తెలుస్తోంది. స్వ‌దేశంలో బంగ్లాదేశ్‌తో జ‌రిగిన టెస్టు సిరీస్‌లో పాక్ వైస్ కెప్టెన్‌గా ష‌కీల్ బాధ్య‌త‌లు నిర్వ‌ర్తించాడు. పాక్ ఘోర ప‌రాభావం పొందిన‌ప్ప‌ట‌కి షకీల్ మాత్రం త‌న ప్ర‌ద‌ర్శ‌నల‌తో ఆక‌ట్ట‌కున్నాడు. ఈ క్ర‌మంలోనే త‌మ జ‌ట్టు వైట్ బాల్ కెప్టెన్సీని అప్ప‌గించాల‌ని పీసీబీ భావిస్తుందంట‌. మ‌రోవైపు రిజ్వాన్ కెప్టెన్‌గా నియమించడాన్ని వ‌ర్క్‌లోడ్ కార‌ణంగా ప్రధాన కోచ్ గ్యారీ కిర్‌స్టెన్ వ్యతిరేకిస్తున్నట్లు వినికిడి. కాగా పాక్ జ‌ట్టు స్వ‌దేశంలో ఇంగ్లండ్ టెస్టు సిరీస్ అనంత‌రం ప‌రిమిత ఓవ‌ర్ల సిరీస్ కోసం ఆస్ట్రేలియాకు వెళ్ల‌నుంది. ఈ ప‌ర్య‌ట‌న‌కు ముందు పాక్‌కు కొత్త కెప్టెన్ వ‌చ్చే ఛాన్స్ ఉంది.చదవండి: మూడు నెలలుగా జీతాల్లేవు!.. నిధులన్నీ వాటికే?

పాకిస్తాన్‌ క్రికెట్‌.. గత కొన్నాళ్లుగా గడ్డు పరిస్థితులు ఎదుర్కొంటోంది. ముఖ్యంగా ఐసీసీ టోర్నీల్లో వరుస వైఫల్యాలు, పసికూనల చేతిలో ఓటములు, టెస్టుల్లో వైట్‌వాష్‌లు, ఆటగాళ్ల ఫిట్‌నెస్‌లేమి, తరచూ సెలక్టర్లు, కెప్టెన్ల మార్పులు.. వెరసి తీవ్ర విమర్శలు. అసలు దీనంతటికి పాకిస్తాన్‌ క్రికెట్‌ బోర్డు(పీసీబీ) వైఖరే కారణమంటూ మాజీ క్రికెటర్ల నుంచి ఆరోపణలు.తాజాగా పీసీబీ గురించి మరో విషయం తెరమీదకు వచ్చింది. గత మూడు నెలలుగా పురుష, మహిళా క్రికెటర్లకు వేతనాలు చెల్లించలేదని తెలుస్తోంది. నెలవారీ పేమెంట్లతో పాటు స్పాన్సర్‌షిప్‌ షేర్లు ఇవ్వలేదని సమాచారం. దీంతో ఆటగాళ్లంతా తీవ్ర అసంతృప్తితో ఉన్నట్లు పాక్‌ క్రికెట్‌ సన్నిహిత వర్గాలు వార్తా సంస్థ పీటీఐకి వెల్లడించాయి.కాంట్రాక్టు జాబితా విడుదలలోనూ జాప్యంఅంతేకాదు.. సెంట్రల్‌ కాంట్రాక్టు జాబితా విడుదలలోనూ బోర్డు జాప్యం చేయడం ఆటగాళ్లను మరింత చికాకు పెడుతోందని పేర్కొన్నాయి. ఇక వచ్చిన ఆదాయంలో ఎక్కువ శాతం.. కరాచీ, లాహోర్‌, రావల్పిండి స్టేడియాలను అభివృద్ధి చేసేందుకు పీసీబీ ఉపయోగిస్తోందని తెలిపాయి.తీవ్ర అసంతృప్తిఐసీసీ చాంపియన్స్‌ ట్రోఫీ-2025 నాటికి ఈ మూడు మైదానాలను పూర్తి స్థాయిలో అంతర్జాతీయ ప్రమాణాలకు అనుగుణంగా తీర్చిదిద్దడంపై పీసీబీ శ్రద్ధ చూపుతోందని సదరు వర్గాలు పేర్కొన్నాయి. అయితే, వరుస సిరీస్‌లు ఆడుతున్నా..ఇంకా వేతనాలు చెల్లించకపోవడంతో క్రికెటర్లు తీవ్ర అసంతృప్తితో ఉన్నారని.. దాని ప్రభావం ఆటపై పడే అవకాశం ఉందని అభిప్రాయపడ్డాయి. ఈ నేపథ్యంలో నెలరోజుల్లోగా బకాయిలన్నీ తీర్చేందుకు పీసీబీ కసరత్తు చేస్తుందని సదరు వర్గాలు వెల్లడించాయి. కాగా గతేడాది వార్షిక కాంట్రాక్టుల విడుదలకు ముందు ఆటగాళ్లతో చర్చించిన పీసీబీ.. జీతాలను పెంచుతూ చారిత్రాత్మక ఒప్పందం కుదుర్చుకున్న విషయం తెలిసిందే. ‘ఎ’ కేటగిరీలో ఉన్న బాబర్‌ ఆజం, మహ్మద్‌ రిజ్వాన్‌, షాహిన్‌ ఆఫ్రిది వంటి వాళ్లకు నెలవారీ 4.5 మిలియన్ల పాక్‌ రూపాయలతో(టాక్స్‌ చెల్లింపుల తర్వాత) పాటు.. అదనంగా లోగో స్పాన్సర్‌షిప్స్‌ నుంచి పీసీబీకి వచ్చే ఆదాయంలో మూడు శాతం మేర ఇవ్వనున్నట్లు డీల్‌ కుదిరింది. జీతాల చెల్లింపునకే గతిలేకఅయితే, ఇప్పుడు ఇలా జీతాల చెల్లింపునకే గతిలేక బోర్డు జాప్యం చేయడం గమనార్హం. ఇక టీ20 ప్రపంచకప్‌-2024 ఆడేందుకు వెళ్లిన పాక్‌ మహిళా క్రికెటర్లకు కూడా ఇంతవరకు జీతాలు ఇవ్వలేదని సమాచారం.చదవండి: ఇదేం బౌలింగ్‌?.. హార్దిక్‌ శైలిపై కోచ్‌ అసంతృప్తి!.. ఇకపై..

పాకిస్తాన్‌ క్రికెటర్‌ బాబర్‌ ఆజంపై ఆ దేశ మాజీ బౌలర్‌ సికందర్‌ బఖ్త్‌ ఘాటు విమర్శలు చేశాడు. ఇప్పటికైనా బాబర్‌కు సిగ్గు వచ్చిందని.. అందుకే కెప్టెన్సీ నుంచి వైదొలిగాడని పేర్కొన్నాడు. టీ20 ప్రపంచకప్‌-2024లో పాకిస్తాన్‌కు ఘోర పరాభవం ఎదురైనపుడే ఈ పని చేయాల్సిందని అభిప్రాయపడ్డాడు.వరుస వైఫల్యాలుకాగా వన్డే వరల్డ్‌కప్‌-2023లో పాక్‌ జట్టు పూర్తిగా విఫలమైన విషయం తెలిసిందే. భారత్‌ వేదికగా జరిగిన ఈ మెగా టోర్నీలో అఫ్గనిస్తాన్‌ చేతిలో తొలిసారి వన్డే పరాజయం చవిచూసిన బాబర్‌ బృందం.. సెమీస్‌ కూడా చేరుకుండానే నిష్క్రమించింది. దీంతో మాజీ క్రికెటర్ల నుంచి విమర్శలు వెల్లువెత్తగా బాబర్‌ ఆజం టెస్టు, వన్డే, టీ20 ఫార్మాట్ల కెప్టెన్సీకి రాజీనామా చేశాడు.తిరిగి వన్డే, టీ20 కెప్టెన్‌గా ఈ క్రమంలో టెస్టు జట్టుకు షాన్‌ మసూద్‌ను నాయకుడిగా ఎంపిక చేసిన పాకిస్తాన్‌ క్రికెట్‌ బోర్డు(పీసీబీ).. టీ20 పగ్గాలను ఫాస్ట్‌ బౌలర్‌ షాహిన్‌ ఆఫ్రిదికి అప్పగించింది. అయితే, వీరిద్దరు ఆరంభం నుంచే కెప్టెన్లుగా విఫలమయ్యారు. ఈ నేపథ్యంలో టీ20 ప్రపంచకప్‌-2024 టోర్నీకి ముందు షాహిన్‌పై వేటు వేసిన పీసీబీ.. బాబర్‌ ఆజంను తిరిగి వన్డే, టీ20 కెప్టెన్‌గా నియమించింది.తాజాగా మరోసారి రాజీనామాఅయితే, అమెరికా- వెస్టిండీస్‌లో జరిగిన ఈ ఐసీసీ ఈవెంట్లో పాకిస్తాన్‌ చెత్త ప్రదర్శన కనబరిచింది. పసికూన అమెరికా చేతిలో ఓడటమే గాక.. కనీసం సూపర్‌-8 దశకు కూడా అర్హత సాధించకుండానే ఇంటిబాట పట్టింది. జూన్‌లో ఈ టోర్నీ ముగిసిన నాటి నుంచి బాబర్‌ ఆజం.. కెప్టెన్సీ నుంచి తప్పుకోవాలనే డిమాండ్లు వెల్లువెత్తాయి. ఈ నేపథ్యంలో అతడు బుధవారం తన నిర్ణయాన్ని వెల్లడించాడు.ఇప్పటికైనా అతడికి సిగ్గు వచ్చిందిబ్యాటింగ్‌పై దృష్టి పెట్టే క్రమంలో సారథ్య బాధ్యతల నుంచి తప్పుకొంటున్నట్లు బాబర్‌ ప్రకటించాడు. ఈ విషయంపై స్పందించిన సికందర్‌ బఖ్త్‌.. ‘‘ఇప్పటికైనా అతడికి సిగ్గు వచ్చింది. నిజానికి వరల్డ్‌కప్‌లో మా జట్టు ఓడిన నాడు.. అంటే జూన్‌ 16నే అతడు ఈ నిర్ణయం తీసుకోవాల్సింది.బోర్డు అతడిని రిజైన్‌ చేయమని చెప్పిందిఅప్పుడే కెప్టెన్సీకి రాజీనామా చేయాల్సింది. దేశం మొత్తం ఇదే కోరుకుంది. కానీ అతడు మొండిగా ప్రవర్తించాడు. తను తాను ఓ కింగ్‌లా ఊహించుకోవడం బాబర్‌కు అలవాటు. తన ఆట తీరు బాగా లేకున్నా.. బాగుందనే ఫీలవుతాడు. అయితే, బోర్డు అతడిని రిజైన్‌ చేయమని చెప్పింది. అందుకే ఇప్పటికైనా కెప్టెన్సీని వదులుకున్నట్లు ప్రకటించాడు’’ అని పేర్కొన్నాడు.ఇంటా, బయటా వరుస ఓటములు.. అయినాకాగా టెస్టులకు షాన్‌ మసూద్‌నే సారథిగా కొనసాగించడంపై కూడా సికందర్‌ బఖ్త్‌ విమర్శలు చేశాడు. ఇంటా, బయటా వరుస టెస్టు సిరీస్‌లలో ఓటములనే బహుమతిగా ఇస్తున్న ఆటగాడు కెప్టెన్‌గా ఉండటం దురదృష్టకరమంటూ పెదవి విరిచాడు. కాగా పాకిస్తాన్‌ తరఫున 1976- 1989 వరకు సికందర్‌ బఖ్త్‌ అంతర్జాతీయ క్రికెట్‌ ఆడాడు. 26 టెస్టుల్లో 67, వన్డేల్లో 33 వికెట్లను తన ఖాతాలో వేసుకున్నాడు ఈ రైటార్మ్‌ ఫాస్ట్‌ బౌలర్‌.చదవండి: ఇంగ్లండ్‌ బజ్‌బాల్‌ను టీమిండియా కాపీ కొట్టింది: వాన్‌

పాకిస్తాన్ స్టార్ క్రికెట‌ర్ బాబ‌ర్ ఆజం సంచ‌ల‌న నిర్ణ‌యం తీసుకున్నాడు. పాక్ జ‌ట్టు వైట్ బాల్ కెప్టెన్సీ నుంచి బాబ‌ర్ త‌ప్పుకున్నాడు. టీ20 వ‌ర‌ల్డ్‌క‌ప్‌-2024కు ముందు తిరిగి కెప్టెన్సీ బాధ్య‌త‌లు చేప‌ట్టిన బాబ‌ర్‌.. ఇప్పుడు మ‌రోసారి ఆ ప‌ద‌వి నుంచి వైదొల‌గాల‌ని నిర్ణ‌యించుకున్నాడు. ఈ విష‌యాన్ని సోష‌ల్ మీడియా వేదిక‌గా ఆజం వెల్ల‌డించాడు. ఇక‌పై త‌న బ్యాటింగ్‌పై దృష్టిపెట్టనున్నట్లు బాబర్ తెలిపాడు."పాకిస్తాన్ పురుషుల క్రికెట్ జట్టు కెప్టెన్‌గా రాజీనామా చేయాలని నిర్ణయించుకున్నాను. పాక్ జట్టుకు సారథ్యం వహించే అవకాశం రావడం నాకు దక్కిన అరుదైన గౌరవంగా భావిస్తున్నాను. కెప్టెన్సీ నుంచి తప్పుకుని నా వ్యక్తిగత ప్రదర్శలనపై దృష్టి సారించాల్సిన సమయం అసన్నమైంది. కెప్టెన్సీతో నాకు చాలా అనుభవం వచ్చింది. కానీ అందువల్ల నాపై పనిభారం పెరిగింది. ఇక నా బ్యాటింగ్‌పై దృష్టి పెట్టాలనకుంటున్నాను. మిగిలిన సమయాన్ని నా కుటంబంతో గడపనున్నాను. నాకు కెప్టెన్‌గా అవకాశమిచ్చిన పీసీబీ ధన్యవాదాలు. ఈ విషయాన్ని పీసీబీ నెల రోజు క్రితమే తెలియజేశాను. ఇకపై ఒక ఆటగాడిగా జట్టు విజయాల్లో నా వంతు పాత్ర పోషించిందుకు ప్రయత్నిస్తాను" అని ఎక్స్‌లో ఆజం పేర్కొన్నాడు.కాగా వన్డే వరల్డ్‌కప్‌-2023లో ఘోర వైఫల్యంతో పాక్ కెప్టెన్సీ నుంచి బాబర్ తప్పుకున్నాడు. కానీ పీసీబీ మళ్లీ ఈ ఏడాది టీ20 ప్రపంచకప్‌నకు ముందు అతడికి జట్టు బాధ్యతలు అప్పగించింది. అక్కడ కూడా బాబర్ తన మార్క్‌ను చూపించలేకపోయాడు. గ్రూపు స్టేజిలోనే ఇంటిముఖం పట్టి విమర్శల పాలైంది. దీంతో బాబర్‌ను కెప్టెన్సీ నుంచి తప్పించాలని డిమాండ్లు వినిపించాయి. అయితే పీసీబీ మాత్రం ఛాంపియన్స్ ట్రోఫీ వరకు అతడిని కొనసాగించాలని భావించింది. కానీ అంతలోనే బాబర్ తనంతట తనే కెప్టెన్సీని రాజీనామా చేయడం కొసమెరుపు. పాక్ కొత్త పరిమిత ఓవర్ల కెప్టెన్‌గా మహ్మద్ రిజ్వాన్ చేపట్టే అవకాశముంది.చదవండి: అశ్విన్‌కే సాధ్యం.. ముత్తయ్య మురళీధరన్‌ వరల్డ్‌ రికార్డు సమం

పాకిస్తాన్‌ క్రికెట్‌ ప్రస్తుతం అంపశయ్య మీద ఉందని.. జట్టును గాడిలో పెట్టే వ్యక్తులు ప్రస్తుతం అత్యవసరమని మాజీ కెప్టెన్‌ రషీద్‌ లతీఫ్‌ అన్నాడు. బాబర్‌ ఆజం కెప్టెన్సీ వదిలేసి.. బ్యాటింగ్‌పై దృష్టి పెట్టాలని సూచించాడు. బాబర్‌ తీవ్రమైన మానసిక ఒత్తిడిలో ఉన్నాడని.. అతడి పేలవ ప్రదర్శనే ఇందుకు నిదర్శనమని అభిప్రాయపడ్డాడు. కాగా గత ఏడాది కాలంగా పాక్‌ జట్టు తీవ్రంగా నిరాశపరుస్తోంది.వరుస పరాభవాలువన్డే వరల్డ్‌కప్‌-2023లో సెమీస్‌ కూడా చేరకుండానే నిష్క్రమించిన పాకిస్తాన్‌.. ఆ తర్వాత ఆస్ట్రేలియా చేతిలో టెస్టు సిరీస్‌లో వైట్‌వాష్‌కు గురైంది. అనంతరం న్యూజిలాండ్‌ పర్యటనలో టీ20 సిరీస్‌ను కోల్పోయింది. ఆ తర్వాత టీ20 ప్రపంచకప్‌-2024లో పసికూన అమెరికా చేతిలో ఓడిపోవడమే గాకుండా.. సూపర్‌-8కు కూడా చేరకుండానే ఇంటిబాటపట్టింది.ఐసీయూలో ఉందిఇక ఇటీవల సొంతగడ్డపై బంగ్లాదేశ్‌తో తొలిసారిగా టెస్టుల్లో ఓడిపోవమే గాక.. 0-2తో క్లీన్‌స్వీప్‌నకు గురైంది. ఫలితంగా పాక్‌ జట్టుపై మాజీ క్రికెటర్ల నుంచి తీవ్ర స్థాయిలో విమర్శలు వస్తున్నాయి. ఈ నేపథ్యంలో రషీద్‌ లతీఫ్‌ మాట్లాడుతూ.. ‘‘పాకిస్తాన్‌ క్రికెట్‌ ప్రస్తుతం ఐసీయూలో ఉంది. పరిస్థితిని చక్కదిద్దగల ప్రొఫెషనల్‌ డాక్టర్‌ కావాలి. ఆర్థికంగానూ బోర్డు బలపడాల్సిన ఆవశ్యకత ఉంది.సమస్యల సుడిగుండంలో పాక్‌ జట్టు సరైన కోచ్‌లు కూడా ముఖ్యమే. పాక్‌ జట్టు సమస్యల సుడిగండంలో కూరుకుపోయింది. మైదానం లోపల.. వెలుపలా పరిస్థితి ఒకేలా ఉంది’’ అని పేర్కొన్నాడు. వన్డే, టీ20 కెప్టెన్సీ నుంచి బాబర్‌ ఆజం తప్పుకోవడమే ఉత్తమమన్న రషీద్‌ లతీఫ్‌.. బ్యాటర్‌గా జట్టుకు అతడి అవసరం ఉందని అభిప్రాయపడ్డాడు. కాగా పాకిస్తాన్‌ తదుపరి సొంతగడ్డపై ఇంగ్లండ్‌తో సిరీస్‌ ఆడనుంది. ఇక పరిమిత ఓవర్ల క్రికెట్‌కు బాబర్‌, టెస్టులకు షాన్‌ మసూద్‌ ప్రస్తుతం సారథులుగా ఉన్న విషయం తెలిసిందే.చదవండి: శ్రేయస్‌ అయ్యర్‌కు మరో బిగ్‌షాక్‌!?

పాకిస్తాన్ ఇటీవ‌ల అంత‌ర్జాతీయ క్రికెట్‌లో దారుణ ప్ర‌ద‌ర్శ‌న క‌న‌బ‌రుస్తోంది. గ‌తేడాది జ‌రిగిన వ‌న్డే ప్ర‌పంచ‌క‌ప్ నుంచి పాక్‌కు ఏదీ క‌లిసిరావ‌డం లేదు. వ‌న్డే వ‌ర‌ల్డ్‌క‌ప్ లీగ్ స్టేజీలోనే ఇంటిముఖం ప‌ట్టిన బాబ‌ర్ సేన‌.. ఈ ఏడాది జ‌రిగిన టీ20 వ‌ర‌ల్డ్‌క‌ప్‌లోనూ గ్రూపు స్టేజిని దాట‌లేక‌పోయింది.అదేవిధంగా గ‌త నెల‌లో స్వ‌దేశంలో బంగ్లాదేశ్‌తో జ‌రిగిన టెస్టు సిరీస్‌లో సైతం పాక్ ఘోర ప‌రాభ‌వం పొందింది. త‌మ టెస్టు క్రికెట్ హిస్ట‌రీలో తొలిసారి బంగ్లాపై టెస్టు సిరీస్ కోల్పోయి విమ‌ర్శ‌లు ఎదుర్కొంటుంది. సొంత జ‌ట్టు మాజీ ఆట‌గాళ్లే పాక్ టీమ్‌ను టార్గెట్ చేశారు. తాజాగా ఈ జాబితాలో పాక్ మాజీ కెప్టెన్ యూనిస్ ఖాన్ చేరాడు. ప్ర‌స్తుతం బాబ‌ర్ ఆజం వంటి టాప్‌ పాక్ ఆట‌గాళ్లు జ‌ట్టు ప్ర‌యోజ‌నాల కంటే వ్య‌క్తిగ‌త లాభాలకే ప్రాధాన్యత ఇస్తున్నార‌ని యూనిస్ మండిప‌డ్డాడు."బాబ‌ర్ వంటి అగ్ర‌శ్రేణి ఆట‌గాళ్లు త‌మ స్ధాయికి త‌గ్గ‌ట్టు రాణిస్తే మెరుగైన‌ ఫ‌లితాలు వాటింత‌ట అవే వస్తాయి. కానీ మ‌న ప్లేయ‌ర్స్ ఆట కంటే అన‌వ‌స‌ర విష‌యాల‌పై ఎక్కువ‌గా దృష్టిపెడుతున్నారు. నేను అన్ని చూశాకే ఇలా మాట్లాడుతున్నాను.బాబర్ కచ్చితంగా విరాట్ కోహ్లి నుంచి చాలా విషయాలు నేర్చుకోవాలి. విరాట్ తన బ్యాటింగ్‌పై దృష్టి పెట్టేందకు భారత కెప్టెన్సీ వదులుకున్నాడు. ఆ తర్వాత అతడు ఎన్నో వరల్డ్ రికార్డులను బ్రేక్ చేశాడు. కెప్టెన్‌గా ఉంటేనే దేశం కోసం ఆడనిట్లు కాదు, ఒక ప్లేయర్‌గా కూడా మన దేశానికి మంచి పేరును తీసుకు రావచ్చు. బాబర్‌కు నేను ఓ సలహా ఇవ్వాలనకుంటున్నాను.బాబర్ ప్రస్తుతం తన ఆటపై దృష్టి పెట్టాలి. అతడు తన ఆట తీరును మెరుగుపరుచుకోవాలి. అనవసర విషయాలపై దృష్టిపెట్టకూడదు. తనపై భారీ అంచనాలు ఉన్నందున ప్రతిచోటా రాణించాలి.అతడు తనపై వస్తున్న విమర్శలకు బ్యాట్‌తోనే సమధానం చెప్పాలి. అంతే తప్ప సోషల్‌ మీడియాలో కాదు. ఆజం ఫిట్‌నెస్‌ మెరుగు పరుచుకోవాలి అని క్రికెట్‌ పాకిస్తాన్‌కు ఇచ్చిన ఇంటర్వ్యూలో యూనిస్‌ పేర్కొన్నాడు.చదవండి: ‘ఈసారి అతడిని కెప్టెన్‌ చేయకపోతే పాక్‌ జట్టుకు అధోగతే’

ఐసీసీ టోర్నీల్లో పాకిస్తాన్‌ పేలవ ప్రదర్శన నేపథ్యంలో బాబర్‌ ఆజంను కెప్టెన్సీ నుంచి తొలగించాలనే డిమాండ్లు పెరుగుతున్నాయి. షాహిన్‌ ఆఫ్రిది వంటి పాక్‌ దిగ్గజాలు ఇప్పటికే ఈ విషయం గురించి పాక్‌ బోర్డుకు సూచనలు చేయగా.. మరో మాజీ క్రికెటర్‌ బసిత్‌ అలీ కూడా ఇదే మాట అంటున్నాడు. బాబర్‌కు నాయకత్వ లక్షణలు లేవని.. అతడిని ఇకపై సారథిగా కొనసాగించవద్దని సూచిస్తున్నాడు.సరైన నిర్ణయం తీసుకోకపోతేబాబర్‌ ఆజం స్థానంలో వికెట్‌ కీపర్‌ బ్యాటర్‌ మహ్మద్‌ రిజ్వాన్‌కు పాక్‌ వన్డే, టీ20 పగ్గాలు అప్పగించాలని బసిత్‌ అలీ విజ్ఞప్తి చేశాడు. ఇప్పుడు గనుక కెప్టెన్‌ విషయంలో సరైన నిర్ణయం తీసుకోకపోతే.. పాక్‌ క్రికెట్‌ మరింత భ్రష్టుపట్టిపోతుందని హెచ్చరించాడు. కాగా వన్డే వరల్డ్‌కప్‌-2023లో పాక్‌ కనీసం సెమీస్‌ కూడా చేరకుండానే ఇంటిబాట పట్టిన విషయం తెలిసిందే.ఈ నేపథ్యంలో బాబర్‌ ఆజం మూడు ఫార్మాట్ల(వన్డే, టెస్టు, టీ20) కెప్టెన్సీకి రాజీనామా చేయగా.. టెస్టులకు షాన్‌ మసూద్‌, టీ20లకు షాహిన్‌ ఆఫ్రిది సారథులయ్యారు. అయితే, టీ20 ప్రపంచకప్‌-2024కు ముందు అనూహ్యంగా షాహిన్‌పై వేటు వేసిన పాక్‌ బోర్డు.. తిరిగి వన్డే, టీ20 నాయకత్వ బాధ్యతలను బాబర్‌కు అప్పగించింది. అయితే, గత టీ20 వరల్డ్‌కప్‌ ఎడిషన్‌లో జట్టును ఫైనల్‌కు తీసుకువెళ్లిన అతడు.. ఈసారి మాత్రం కనీసం సూపర్‌-8కు చేర్చలేకపోయాడు. ఫలితంగా బాబర్‌పై వేటు వేయాలనే అభిప్రాయాలు వ్యక్తమవుతున్నాయి. ఈ నేపథ్యంలో పాకిస్తాన్‌ మాజీ బ్యాటర్‌ బసిత్‌ అలీ మాట్లాడుతూ.. మహ్మద్‌ రిజ్వాన్‌లో నాయకత్వ లక్షణాలు పుష్కలంగా ఉన్నాయన్నాడు. చాంపియన్స్‌ వన్డే కప్‌-2024లో అతడు మార్ఖోర్స్‌ జట్టును నడిపిస్తున్న తీరే ఇందుకు నిదర్శనమని పేర్కొన్నాడు. బాబర్‌ బదులు రిజ్వాన్‌ను పాకిస్తాన్‌ కెప్టెన్‌ చేయాలని సూచించాడు.బాబర్‌ ఇలాంటి విషయాల్లో అస్సలు పనికిరాడు‘‘తన కంటే పాకిస్తాన్‌కు మెరుగైన కెప్టెన్‌ మరొకరు దొరకరు అనేలా రిజ్వాన్‌ చాంపియన్స్‌ కప్‌లో జట్టును నడిపిస్తున్నాడు. పిచ్‌ను సరిగ్గా అంచనా వేస్తూ.. మెరుగైన ఫలితాలు రాబడుతున్నాడు. బాబర్‌ ఇలాంటి విషయాల్లో అస్సలు పనికిరాడు. షాన్‌ మసూద్‌ కూడా రిజ్వాన్‌లా జట్టుకు న్యాయం చేయలేడు.ఈసారి గనుక రిజ్వాన్‌ను కెప్టెన్‌గా ప్రకటించకపోతే పాకిస్తాన్‌ క్రికెట్‌కు అంతకంటే భారీ నష్టం మరొకటి ఉండదు. రిజ్వాన్‌కు సారథ్య బాధ్యతలు అప్పగించడానికి ఇదే సరైన సమయం’’ అని బసిత్‌ అలీ అభిప్రాయపడ్డాడు. కాగా దేశవాళీ చాంపియన్స్‌ వన్డే కప్‌లో మహ్మద్‌ రిజ్వాన్‌ మార్ఖోర్స్‌ జట్టుకు నాయకత్వం వహిస్తున్నాడు. ఈ జట్టు ఆదివారం నాటి మ్యాచ్‌లో స్టాలియన్స్‌ను 126 పరుగుల తేడాతో చిత్తు చేసింది. ఇక బాబర్‌ ఆజం స్టాలియన్స్‌ జట్టుకు ఆడుతుండటం కొసమెరుపు. చదవండి: 4,4,4,4,4: బాబర్‌ ఆజం ఫోర్ల వర్షం.. అంత ఈజీగా ఎలా కొట్టేశాడు!

చాంపియన్స్‌ కప్‌-2024లో పాకిస్తాన్‌ పరిమిత ఓవర్ల క్రికెట్‌ కెప్టెన్‌ బాబర్‌ ఆజం నిలకడైన ప్రదర్శనలతో ఆకట్టుకుంటున్నాడు. తన బ్యాట్‌ పవర్‌ చూపిస్తూ మునుపటి బాబర్‌ను గుర్తుకుతెచ్చేలా ఆడుతున్నాడు. ఆదివారం నాటి మ్యాచ్‌లో అతడు ఒకే ఓవర్లో వరుసగా ఐదు ఫోర్లు బాదడం అభిమానులకు ముచ్చటగొలిపింది. కాగా జాతీయ జట్టును పటిష్టం చేసే క్రమంలో ప్రక్షాళన చర్యలు చేపట్టిన పాకిస్తాన్‌ క్రికెట్‌ బోర్డు(పీసీబీ) దేశవాళీ క్రికెట్‌లో కొత్తగా మూడు టోర్నీలు ప్రవేశపెట్టింది. చాంపియన్స్‌ వన్డే కప్‌, చాంపియన్స్‌ టీ20 కప్‌, చాంపియన్స్‌ ఫస్ట్‌క్లాస్‌ కప్‌ పేరిట టోర్నమెంట్లు నిర్వహించాలని నిశ్చయించింది. ఇందులో భాగంగా.. తొలుత చాంపియన్స్‌ వన్డే కప్‌ మొదలైంది. చాంపియన్స్‌ వన్డే కప్‌లో ఐదు జట్లుమార్ఖోర్స్‌, స్టాలియన్స్‌, పాంథర్స్‌, డాల్ఫిన్స్‌, లయన్స్‌ పేరిట ఐదు జట్లు ఇందులో పాల్గొంటున్నాయి. ఇక జాతీయ జట్టు కెప్టెన్‌ బాబర్‌ ఆజం ఇందులో స్టాలియన్స్‌కు ప్రాతినిథ్యం వహిస్తున్నాడు. ఈ క్రమంలో తొలుత... లయన్స్‌తో మ్యాచ్‌లో 79 బంతుల్లో 76 పరుగులు చేశాడు. ఈ మ్యాచ్‌లో స్టాలియన్స్‌.. లయన్స్‌ను ఏకంగా 133 పరుగుల తేడాతో చిత్తు చేసింది. ఇందులో బాబర్‌దే కీలక పాత్ర. తాజాగా.. మార్ఖోర్స్‌తో ఆదివారం నాటి మ్యాచ్‌లోనూ ఈ కుడిచేతి వాటం బ్యాటర్‌ 45 పరుగులతో రాణించాడు. స్టాలియన్స్‌ ఇన్నింగ్స్‌ ఎనిమిదో ఓవర్లో.. పేసర్‌ షానవాజ్‌ దహానీ బౌలింగ్‌ చేయగా.. బాబర్‌ ఆజం అతడికి చుక్కలు చూపించాడు. 4,4,4,4,4 బాది.. 20 పరుగులు పిండుకున్నాడు. అంత ఈజీగా ఎలా కొట్టేశాడు!ఇందుకు సంబంధించిన వీడియోను షానవాజ్‌ షేర్‌ చేస్తూ.. ‘‘ఈ దృశ్యాలను మీరు మళ్లీ మళ్లీ చూడటం ఖాయం. ఈరోజు రాత్రి నేను నిద్రపోయే ప్రసక్తే లేదు. అయినా.. బాబర్‌ అంత సులువుగా పరుగులు ఎలా రాబట్టాడో నాకు అర్థం కావడం లేదు’’ అంటూ ప్రత్యర్థి బ్యాటర్‌ను ప్రశంసించడం విశేషం.సూపర్‌ ఫామ్‌ను అందుకోవాలిఅయితే, ఈ మ్యాచ్‌లో స్టాలియన్స్‌ను గెలిపించేందుకు బాబర్‌ మెరుపులు సరిపోలేదు. మార్ఖోర్స్‌ స్టార్లు ఇఫ్తికర్‌ అహ్మద్‌(60), సల్మాన్‌ ఆఘా(51) హాఫ్‌ సెంచరీలతో రాణించి తమ జట్టుకు విజయం అందించారు. ఏదేమైనా బాబర్‌ ఆజం తిరిగి ఫామ్‌లోకి రావడం పాకిస్తాన్‌ జట్టుకు శుభసూచకమని అభిమానులు మురిసిపోతున్నారు. ఈ దేశవాళీ టోర్నీలో సత్తా చాటి.. ఈ వరల్డ్‌ నంబర్‌ వన్‌ మునుపటి సూపర్‌ ఫామ్‌ను అందుకోవాలని ఆకాంక్షిస్తున్నారు. కాగా వన్డే వరల్డ్‌కప్‌-2023, టీ20 ప్రపంచకప్‌-2024లో పేలవ ప్రదర్శనతో అటు కెప్టెన్‌గా... ఇటు బ్యాటర్‌గా బాబర్‌ ఆజం దారుణంగా విఫలమైన విషయం తెలిసిందే. ఇటీవల బంగ్లాదేశ్‌తో స్వదేశంలో ముగిసిన టెస్టు సిరీస్‌లోనూ తన మార్కు చూపించలేకపోయాడు. రెండు మ్యాచ్‌లలో కలిపి కేవలం 64 పరుగులు సాధించాడు. చదవండి: నీరజ్‌ చోప్రా భావోద్వేగం.. స్పందించిన మనూ భాకర్‌4, 4, 4, 4, 4 by Babar Azam against Shahnawaz Dahani 🔥#ChampionsCup | #PakistanCricketpic.twitter.com/hxZq7uXpks— Grassroots Cricket (@grassrootscric) September 15, 2024

భార‌త్‌, పాకిస్తాన్ స్టార్ క్రికెట‌ర్లు క‌లిసి ఒకే జ‌ట్టులో ఆడ‌నున్నారా? చిరకాల ప్ర‌త్య‌ర్ధిలు మ‌రోసారి స‌హ‌చ‌రులుగా మార‌నున్న‌రా? అంటే అవునానే సమాధానమే వినిపిస్తుంది. ఇరు జట్ల ఆటగాళ్లు కలిసి ఆడే ఆఫ్రో-ఆసియా కప్ మ‌ళ్లీ మొద‌లు కానున్న‌ట్లు తెలుస్తోంది. ఆఫ్రికన్ క్రికెట్ అసోసియేషన్ చీఫ్ సమోద్ దామోదర్ సైతం ధ్రువీక‌రించారు. ఐసీసీ కొత్త బాస్‌గా ఎంపికైన జైషా అధ్యక్షతన 2025లో ఆఫ్రో-ఆసియన్ క‌ప్‌ను పునరుద్ధరించవచ్చని దామోద‌ర్ వెల్ల‌డించారు. ఒక‌వేళ ఇదే నిజ‌మైతే విరాట్ కోహ్లి, రోహిత్ శ‌ర్మ‌, బుమ్రా, బాబ‌ర్ ఆజం, షాహీన్ అఫ్రిది వంటి స్టార్ క్రికెట‌ర్లు కలిసి ఒకే జ‌ట్టు త‌ర‌పున ఆడ‌నున్నారు."ఆఫ్రో-ఆసియా క‌ప్ అర్ధాంతంగా ఆగిపోయినందుకు చాలా బాధ‌ప‌డ్డాను. ఆఫ్రికన్ క్రికెట్ అసోసియేషన్ త‌ర‌పున మేము చాలా ప్ర‌య‌త్నించాము. కానీ మా ఎఫెక్ట్‌ స‌రిపోలేదు. మ‌ళ్లీ ఇప్పుడు ఈ విష‌యాన్ని మ‌రోసారి ప‌రిశీలిస్తున్నాము. వ‌చ్చే ఏడాది నిర్వ‌హించేందుకు ఈ టోర్నీ జ‌రిగితే రాజకీయంగా ఉన్న విభేదాలు చెరిగిపోతాయి. దేశాల మ‌ధ్య రాజ‌కీయ ఉద్ర‌క్త‌లు ఉన్న‌ప్ప‌ట‌కి, ఆట‌గాళ్ల మ‌ధ్య ఎటువంటి విభేదాలు ఉండ‌వు. వారు ఈ టోర్నీలో క‌లిసి ఆడేందుకు సిద్దంగా ఉంటార‌ని నేను భావిస్తున్నాను" అని దామోదర్ ఓ ఛాన‌ల్‌కు ఇచ్చిన ఇంట‌ర్వ్యూలో పేర్కొన్నాడు.అస్సలు ఏంటి ఆఫ్రో-ఆసియా కప్‌?2005లో తొలిసారి ఆఫ్రో- ఆసియా కప్‌ టోర్నమెంట్‌ను నిర్వహించారు. ఈ టోర్నీ ఆసియా క్రికెట్‌ కౌన్సిల్‌, ఆఫ్రికన్ క్రికెట్ అసోసియేషన్ ఆధ్వర్యంలో జరిగేది. ఈ టోర్నీలో ఆసియా దేశాల నుంచి ఆట‌గాళ్లు ఓ జ‌ట్టుగా, ఆఫ్రికా దేశాల నుంచి ఆట‌గాళ్లు ఓ జ‌ట్టుగా ఏర్ప‌డి త‌ల‌ప‌డేవారు. ఆసియా నుంచి భార‌త్‌,పాకిస్తాన్‌, బంగ్లాదేశ్‌, శ్రీలంక‌.. ఆఫ్రికా నుంచి ద‌క్షిణాఫ్రికా, కెన్యా, జింబాబ్వే క్రికెట్ జ‌ట్ల ఆట‌గాళ్లు భాగ‌మ‌య్యే వారు. గ‌తంలో ఆసియా జ‌ట్టుకు దిగ్గ‌జ క్రికెట‌ర్లు వీరేంద్ర సెహ్వాగ్, అనిల్ కుంబ్లే, ఇర్ఫాన్‌ పఠాన్‌, ఇంజమామ్‌ ఉల్ హక్‌, జహీర్ ఖాన్‌, షోయబ్ అక్తర్‌, షాహిద్‌ అఫ్రిదీ ఆడారు. మ‌రోవైపు ఆఫ్రికా జ‌ట్టుకు షాన్ పొలాక్, జాక్వెస్ కలిస్, టాటెండా తైబు వంటి ఆటగాళ్లు ఆఫ్రికా జట్టు తరఫున ప్రాతినిధ్యం వహించారు. ఈ టోర్నీ చివ‌ర‌గా ఎప్పుడు జ‌రిగిదంటే?ఆఫ్రో- ఆసియాక‌ప్ చివ‌ర‌గా 2007లో జ‌రిగింది. 2008 ముంబై ఉగ్రదాడి తర్వాత ఈ టోర్నీ ఆగిపోయింది. ఆ తర్వాత భారత్‌- పాక్‌ మధ్య క్రికెట్‌ సంబంధాలు పూర్తిగా తెగిపోవడంతో ఈ టోర్నీ కనమరుగు అయిపోయింది. కాగా ఈ టోర్నీని 2023లోనే తిరిగి పునరుద్దించేందుకు ప్రయత్నించారు. కానీ ఆసియా క్రికెట్ అసోసియేషన్ మధ్య అంతర్గత విబేధాలు నెలకొనడంతో ఈ టోర్నీ కార్యరూపం దాల్చలేదు. అయితే ఇప్పుడు ఐసీసీ కొత్త చైర్మెన్‌గా జై షా బాధ్యతలు చేపట్టనుండడంతో ఈ టోర్నీ పునరుద్ధరణ విషయం మళ్లీ వెలుగులోకి వచ్చింది.చదవండి: AUS vs ENG: హెడ్ విధ్వంసం.. ఇంగ్లండ్‌ను చిత్తు చేసిన ఆసీస్‌

పాకిస్తాన్ స్టార్ క్రికెటర్ బాబర్ ఆజం ప్రస్తుతం గడ్డు పరిస్ధితులను ఎదుర్కొంటున్న సంగతి తెలిసిందే. పరిమిత ఓవర్ల క్రికెట్‌తో పాటు టెస్టుల్లోనూ బాబర్ దారుణ ప్రదర్శన కనబరుస్తున్నాడు.తాజాగా స్వదేశంలో బంగ్లాదేశ్‌తో జరిగిన సిరీస్‌లో బాబర్ ఘోరంగా విఫలమయ్యాడు. రెండు టెస్టుల సిరీస్‌లో కనీసం​ హాఫ్ సెంచరీ మార్క్‌ను దాటలేకపోయాడు. ఈ క్రమంలో బాబర్ ఇంటాబయట విమర్శలు ఎదుర్కొంటున్నాడు. అతడిని జట్టు నుంచి తప్పించాలని పాక్ మాజీలు డిమాండ్ చేస్తున్నారు. అయితే మరొక పాకిస్తాన్ క్రికెటర్ సోహైబ్ మక్సూద్ మాత్రం బాబర్‌కు మద్దతుగా నిలిచాడు. బాబర్ వరల్డ్‌క్లాస్ ప్లేయర్ అని, అతడు తిరిగి తన ఫామ్‌ను అందుకుంటాడని మక్సూద్ థీమా వ్యక్తం చేశాడు. అంతేకాకుండా భారత కెప్టెన్ రోహిత్ శర్మతో ఆజంను అతడు పోల్చాడు."రోహిత్ శర్మ తన వయస్సు 30 ఏళ్లు దాటిన తర్వాత 35 అంతర్జాతీయ సెంచరీలు సాధించాడు. బాబ‌ర్‌కు ఇంకా కేవ‌లం 29 ఏళ్లు మాత్ర‌మే. అత‌డికి ఇంకా చాలా క్రికెట్ ఆడే స‌త్తా ఉంది.కాబ‌ట్టి బాబ‌ర్ దిగులు చెందాల్సిన అవ‌స‌రం లేదు. ఇటువంటి స‌మ‌యంలోనే ప్ర‌శాంతంగా ఉండాలి. క‌చ్చితంగా అత‌డు తిరిగి త‌న రిథ‌మ్‌ను పొందుతాడ‌ని" మక్సూద్ ఎక్స్‌లో రాసుకొచ్చాడు. కాగా పాకిస్తాన్‌ స్వదేశంలో తమ తదుపరి సవాల్‌కు సిద్దమవుతోంది. సొంతగడ్డపై ఇంగ్లండ్‌తో మూడు మ్యాచ్‌ల టెస్టు సిరీస్‌లో తలపడనుంది.

పాకిస్తాన్ వైట్ బాల్ కెప్టెన్ బాబ‌ర్ ఆజంకు షాకిచ్చేందుకు ఆ దేశ క్రికెట్ బోర్డు సిద్ద‌మైన‌ట్లు తెలుస్తోంది. త‌మ జ‌ట్టు ప‌రిమిత ఓవ‌ర్ల కెప్టెన్సీ నుంచి బాబ‌ర్‌ను త‌ప్పించాల‌ని పాకిస్తాన్ క్రికెట్ బోర్డు నిర్ణ‌యించుకున్న‌ట్లు స‌మాచారం. బాబ‌ర్ గత కొంత కాలంగా గ‌డ్డు ప‌రిస్థితుల‌ను ఎదుర్కొంటున్నాడు.మూడు ఫార్మాట్‌లో పేల‌వ ఫామ్‌ను కొనసాగిస్తున్నాడు. స్వ‌దేశంలో బంగ్లాదేశ్‌తో జ‌రిగిన సిరీస్‌లోనూ తీవ్ర నిరాశ‌ప‌రిచాడు. అంతేకాకుండా టీ20 వ‌ర‌ల్డ్‌క‌ప్‌-2024కు ముందు పాక్ జ‌ట్టు సార‌థిగా తిరిగి మ‌ళ్లీ బాధ్య‌త‌లు చేప‌ట్టిన ఆజం.. అక్క‌డ కూడా విఫ‌ల‌మ‌య్యాడు. ఈ మెగా టోర్నీలో అత‌డి సార‌థ్యంలోని పాక్ జ‌ట్టు గ్రూపు స్టేజిలోనే నిష్క్ర‌మించింది. యూఎస్ఎ వంటి ప‌సికూన చేతిలో ఓట‌మి పాలై తీవ్ర విమ‌ర్శ‌లు ఎదుర్కొంది. ఈ క్ర‌మంలోనే బాబ‌ర్‌పై వేటు వేయాల‌ని నిర్ణ‌యించుకున్న‌ట్లు వార్త‌లు వినిపిస్తున్నాయి.పాక్ కెప్టెన్‌గా రిజ్వాన్‌..అయితే బాబ‌ర్ స్ధానంలో పాక్ వైట్‌బాల్ కెప్టెన్‌గా స్టార్ వికెట్ కీప‌ర్ బ్యాట‌ర్ మహ్మ‌ద్ రిజ్వాన్‌ను నియ‌మించాల‌ని పీసీబీ భావిస్తున్న‌ట్లు ప‌లు రిపోర్ట్‌లు పేర్కొంటున్నాయి. పాక్ వైట్‌-బాల్ హెడ్ కోచ్ గ్యారీ కిర్‌స్టన్ ఇప్పటికే ఈ విష‌యం గురించి పీసీబీతో చ‌ర్చ‌లు జ‌రిపిన‌ట్లు వినికిడి.స్వ‌దేశంలో ఆస్ట్రేలియాతో పరిమిత ఓవ‌ర్ల సిరీస్‌కు ముందు రిజ్వాన్‌ను కెప్టెన్‌గా ఎంపిక చేస్తూ పీసీబీ త‌మ నిర్ణ‌యాన్ని ప్ర‌క‌టించినున్న‌ పాక్ మీడియాలో క‌థ‌నాలు వెలువ‌డుతున్నాయి. కాగా రిజ్వాన్ గ‌త కొంత కాలంగా అద్భుత‌మైన ఫామ్‌లో ఉన్నాడు. ఫార్మాట్‌తో సంబంధం లేకుండా రాణిస్తున్నాడు. ఈ నేప‌థ్యంలోనే రిజ్వాన్ వైపు పీసీబీ మొగ్గు చూపుతున్న‌ట్లు తెలుస్తోంది.చదవండి: ENG vs SL: చరిత్ర సృష్టించిన ఇంగ్లండ్ కెప్టెన్‌.. 147 ఏళ్ల క్రికెట్ హిస్టరీలోనే

ఐసీసీ తాజాగా విడుదల చేసిన టెస్ట్‌ ర్యాంకింగ్స్‌లో పాక్‌ స్టార్‌ ఆటగాడు బాబర్‌ ఆజమ్‌ 12వ స్థానానికి పడిపోయాడు. గత వారం ర్యాంకింగ్స్‌లో తొమ్మిదో స్థానంలో ఉండిన బాబర్‌ మూడు స్థానాలు కోల్పోయి చాలాకాలం తర్వాత టాప్‌-10 బయటికి వచ్చాడు. ఇదొక్కటి మినహా ఈ వారం టాప్‌-10లో చెప్పుకోదగ్గ మార్పులేమీ లేవు. లార్డ్స్‌ టెస్ట్‌ రెండు ఇన్నింగ్స్‌ల్లో సెంచరీలు చేసిన జో రూట్‌ గణనీయంగా రేటింగ్‌ పాయింట్లు పెంచుకుని అగ్రపీఠాన్ని పదిలం చేసుకోగా.. లంకతో రెండో టెస్ట్‌లో పెద్దగా రాణించని హ్యారీ బ్రూక్‌ ఓ స్థానం కోల్పోయి ఐదో స్థానానికి పడిపోయాడు. టీమిండియా బ్యాటింగ్‌ త్రయం రోహిత్‌ శర్మ, యశస్వి జైస్వాల్‌, విరాట్‌ కోహ్లి 6, 7, 8 స్థానాలను కాపాడుకోగా.. కేన్‌ విలియమ్సన్‌, డారిల్‌ మిచెల్‌, స్టీవ్‌ స్మిత్‌ 2, 3, 4 స్థానాల్లో నిలిచారు. ఈ వారం టాప్‌-10 అవతల మార్పుల విషయానికొస్తే.. తాజాగా పాక్‌తో జరిగిన రెండో టెస్ట్‌లో వీరోచిత శతకం బాదిన బంగ్లా ప్లేయర్‌ లిటన్‌ దాస్‌ ఏకంగా 12 స్థానాలు మెరుగుపర్చుకుని 15వ స్థానానికి ఎగబాకగా.. లంక ఆటగాడు కమిందు మెండిస్‌ 11 స్థానాలు మెరుగుపర్చుకుని 25వ స్థానానికి చేరాడు. పాక్‌తో రెండో టెస్ట్‌లో బాధ్యతాయుతమైన అర్ద సెంచరీ చేసిన మెహిది హసన్‌ 10 స్థానాలు మెరుగుపర్చుకుని 75వ స్థానానికి చేరగా.. లంకతో టెస్ట్‌లో సెంచరీ చేసిన గస్‌ అట్కిన్సన్‌ ఏకంగా 80 స్థానాలు మెరుగుపర్చుకుని 96వ స్థానానికి చేరాడు.బౌలర్ల ర్యాంకింగ్స్‌ విషయానికొస్తే.. ఇంగ్లండ్‌తో రెండో టెస్ట్‌లో ఐదు వికెట్ల ప్రదర్శనతో రాణించిన అశిత ఫెర్నాండో 9 స్థానాలు ఎగబాకి 8వ స్థానానికి చేరుకోగా.. టాప్‌-10 మిగతా బౌలర్లంతా యధాతథంగా కొనసాగుతున్నారు. అశ్విన్‌ టాప్‌ ప్లేస్‌లో కొనసాగుతుండగా.. హాజిల్‌వుడ్‌, బుమ్రా రెండో స్థానంలో.. కమిన్స్‌, రబాడ స్థానంలో కొనసాగుతున్నారు. నాథన్‌ లయోన్‌ ఆరు, రవీంద్ర జడేజా ఏడు, కైల్‌ జేమీసన్‌ తొమ్మిది, మ్యాట్‌ హెన్రీ పది స్థానాల్లో నిలిచారు. లార్డ్స్‌ టెస్ట్‌లో సెంచరీతో పాటు ఐదు వికెట్ల ప్రదర్శన నమోదు చేసిన అట్కిన్సన్‌ 14 స్థానాలు మెరుగుపర్చుకుని 28వ స్థానానికి ఎగబాకగా.. బంగ్లాతో టెస్ట్‌లో ఆరు వికెట్లు తీసిన ఖుర్రమ్‌ షెహజాద్‌ 35 స్థానాలు మెరుగుపర్చుకుని 60వ స్థానానికి చేరాడు.

పాకిస్తాన్ స్టార్ క్రికెట‌ర్ బాబ‌ర్ ఆజం త‌న పేల‌వ ఫామ్‌ను కొన‌సాగిస్తున్న సంగ‌తి తెలిసిందే. స్వ‌దేశంలో బంగ్లాదేశ్‌తో జ‌రుగుతున్న రెండు మ్యాచ్‌ల టెస్టు సిరీస్‌లో ఆజం నిరాశ‌ప‌రిచాడు. తొలి టెస్టులో దారుణ ప్ర‌ద‌ర్శ‌న క‌న‌బ‌రిచిన బాబ‌ర్‌.. రెండో టెస్టులోనూ అదే ఆట‌తీరును క‌న‌బ‌రిచాడు.తొలి ఇన్నింగ్స్‌లో 31 ప‌రుగులు చేసిన ఆజం, రెండో ఇన్నింగ్స్‌లో కేవ‌లం 11 ప‌రుగులు మాత్రమే చేసి పెవిలియ‌న్‌కు చేరాడు. టెస్టు క్రికెట్‌లో అయితే బాబ‌ర్ హాఫ్ సెంచ‌రీ సాధించి 20 నెల‌ల‌పైనే అయింది. అత‌డు చివ‌ర‌గా టెస్టుల్లో డిసెంబ‌ర్ 2022లో న్యూజిలాండ్‌పై ఫిఫ్టీ స్కోర్లు సాధించాడు. ఈ క్ర‌మంలో బాబ‌ర్ ఆజంపై తీవ్ర విమ‌ర్శ‌ల వ‌ర్షం కురుస్తోంది. అయితే వరుస‌గా విఫ‌ల‌మ‌వుతుండ‌డంతో టెస్టు క్రికెట్‌కు బాబ‌ర్ వీడ్కోలు ప‌ల‌కాల‌ని నిర్ణ‌యించుకున్న‌ట్లు ఓ రిటైర్మెంట్ నోట్ సోష‌ల్ మీడియాలో తెగ వైర‌లవుతోంది. బాబర్‌కు ఇదే చివరి టెస్టు అని ప్రచారం జరుగుతోంది. అయితే ఈ వార్త‌ల‌ను పాకిస్తాన్ హెడ్‌కోచ్ జాసన్ గిల్లెస్పీ ఖండించాడు. బాబ‌ర్‌కు స‌పోర్ట్‌గా గిల్లెస్పీ నిలిచాడు."బాబ‌ర్ ఒక అద్భుత‌మైన ఆట‌గాడు. అత‌డొక వ‌ర‌ల్డ్‌క్లాస్ ప్లేయ‌ర్‌. బాబ‌ర్ త‌న ఫామ్‌ను తిరిగి అందుకుంటాడ‌ని భావిస్తున్నాను. త్వ‌రలోనే అత‌డి నుంచి మ‌నం ఓ భారీ ఇన్నింగ్స్ చూస్తాము. నాకు ఆ న‌మ్మ‌కం ఉంది. అత‌డు త‌న ల‌భించిన ఆరంభాల‌ను భారీ స్కోర్ల‌గా మ‌లుచుకోవ‌డంలో విఫ‌ల‌మ‌య్యాడు అని" 4వ రోజు ఆట అనంత‌రం గిల్లెస్పీ విలేక‌రుల స‌మావేశంలో పేర్కొన్నాడు.చదవండి: Pak vs Ban: ఆలస్యమైతే అవుటే!.. భయంతో పాక్‌ క్రికెటర్‌ పరుగులు

పాకిస్తాన్ స్టార్ క్రికెట‌ర్ బాబ‌ర్ ఆజం గ‌డ్డు కాలాన్ని ఎదుర్కొంటున్నాడు. అత‌డు టెస్టుల్లో హాఫ్ సెంచ‌రీ మార్క్‌ను అందుకుని 20 నెల‌లు దాటింది. కనీసం స్వ‌దేశంలో బంగ్లాదేశ్‌తో టెస్టు సిరీస్‌లోనైనా బాబ‌ర్ త‌న రిథ‌మ్‌ను పొందుతాడ‌ని అంతా ఆశించారు. కానీ బంగ్లా సిరీస్‌లో కూడా బాబ‌ర్ తీవ్ర నిరాశ‌పరిచాడు. రెండు టెస్టుల్లోనూ ఆజం దారుణంగా విఫ‌ల‌మ‌య్యాడు. ఈ క్ర‌మంలో బాబ‌ర్ ఇంటాబ‌య‌టా తీవ్ర విమ‌ర్శ‌లు ఎదుర్కొంటున్నాడు. ఈ నేప‌థ్యంలో పాకిస్తాన్ మాజీ సెలెక్టర్ మహ్మద్ వసీం ఆజంను ఉద్దేశించి సంచ‌ల‌న వ్యాఖ్య‌లు చేశాడు. బాబ‌ర్‌ చాలా మొండి పట్టుదలగలవాడని, అత‌డితో ప‌నిచేయ‌డం కష్ట‌మ‌ని వసీం చెప్పుకొచ్చాడు. కాగా 2023 వన్డే ప్రపంచకప్‌లో ఘోర వైఫల్యం తర్వాత పాక్‌ జట్టు అన్ని ఫార్మాట్ల కెప్టెన్సీ నుంచి ఆజం తప్పుకున్నాడు. అయితే టీ20 వరల్డ్‌కప్‌-2024 ముందు తిరిగి మళ్లీ పాక్‌ వైట్‌బాల్‌ కెప్టెన్సీ బాధ్యతలను బాబర్‌ చేపట్టాడు. కానీ అక్కడ కూడా తన మార్క్‌ను చూపించలేకపోయాడు. ఘోర ప్రదర్శనతో గ్రూపు స్టేజిలోనే పాక్‌ ఇంటిముఖం పట్టింది."బాబ‌ర్ ఆజం ఎవ‌రి మాట విన‌డు. చాలా మొండి పట్టుదలతో ఉంటాడు. జ‌ట్టులో మార్పులకు అస్స‌లు అంగీకరించక‌పోయేవాడు. జ‌ట్టు సెల‌క్ష‌న్ స‌మ‌యంలో కొత్త ఆట‌గాళ్ల‌ను ఎంపిక చేసేందుకు నా ప‌రిమితి దాటి మ‌రి అత‌డిని ఒప్పించేవాడిని" అని ఓ లోక‌ల్ ఛాన‌ల్‌కు ఇచ్చిన ఇంట‌ర్వ్యూలో వసీం పేర్కొన్నాడు.పాకిస్థాన్ జట్టుకు క్యాన్సర్కొంత‌మంది ఆట‌గాళ్లు పాక్‌ జ‌ట్టుకు క్యాన్సర్ గ‌డ్డ‌లా మారారు. న‌లుగురు కోచ్‌ల‌తో సంప్రదింపులు జరిపిన తర్వాత జట్టుకు నష్టం కలిగించే ఆటగాళ్ల గ్రూపును నేను గుర్తించాను. వారి పేర్లు మాత్రం నేను చెప్పాల‌నుకోవ‌డం లేదు. ఆ త‌ర్వాత వారిని జ‌ట్టు నుంచి త‌ప్పించిడానికి నేను ప్ర‌య‌త్నించాను. కానీ టీమ్ మేనేజ్‌మెంట్ మ‌ళ్లీ వారిని రీకాల్ చేసింద‌ని వసీం తెలిపాడు.ఓటమి అంచుల్లో పాక్‌..ఇక వన్డే ప్రపంచకప్‌-2023లో ఘోర వైఫల్యం తర్వాత పాకిస్తాన్‌కు ఏదీ కలిసిరావడం లేదు. న్యూజిలాండ్‌, ఇంగ్లండ్‌ సిరీస్‌లలో ఓటమి చవిచూసిన పాక్‌.. టీ20 వరల్డ్‌కప్‌లోనూ ఘోరపరాభావం పొందింది. ఇప్పుడు టెస్టు క్రికెట్‌ చరిత్రలో తొలి సారి బంగ్లాదేశ్‌పై సిరీస్‌ను కోల్పోయే ప్రమాదంలో పాక్‌ పడింది. బంగ్లాతో తొలి టెస్టులో పరాజయం పాలైన మసూద్‌ సేన.. ఇప్పుడు రెండో టెస్టులో ఓటమి అంచున నిలిచింది. బంగ్లా విజయానికి ఇంకా 143 పరుగులు మాత్రమే అవసరం.

పాకిస్తాన్ స్టార్ బ్యాటర్ బాబర్ ఆజం పేలవ ఫామ్ కొనసాగుతోంది. రావల్పిండి వేదికగా బంగ్లాదేశ్‌తో జరుగుతున్న రెండో టెస్టులో బాబర్ దారుణ ప్ర‌ద‌ర్శ‌న క‌న‌బ‌రిచాడు. తొలి ఇన్నింగ్స్‌లో 31 ప‌రుగులు చేసిన ఆజం.. రెండో ఇన్నింగ్స్‌లో కేవ‌లం 11 ప‌రుగులు మాత్ర‌మే చేసి ఔట‌య్యాడు. జ‌ట్టు క‌ష్టాల్లో ఉన్న స‌మ‌యంలో క్రీజులో వ‌చ్చిన బాబార్ మ‌రోసారి నిరాశ‌ప‌రిచాడు. చెత్త షాట్ ఆడుతూ స్లిప్‌లో దొరికిపోయాడు. పాక్ సెకెండ్ ఇన్నింగ్స్ 19 ఓవ‌ర్ వేసిన పేసర్ నహిద్ రానా తొలి బంతిని బాబ‌ర్‌కు బ్యాక్ ఆఫ్ లెంగ్త్ డెల‌వ‌రీగా ఆఫ్ సైడ్ సంధించాడు. అయితే బంతిని స‌రిగ్గా అంచ‌నా వేయ‌లేక‌పోయిన ఆజం.. స్లిప్‌లో షాద్‌మాన్‌కు క్యాచ్ ఇచ్చి పెవిలియ‌న్‌కు చేరాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.Babar Retirement when??#PAKvsBAN #BabarAzam𓃵 pic.twitter.com/4d7urxWNA2— 𝚃 𝚊 𝚋 𝚒 𝚜 𝚑 (@AaqibMushtaqBh4) August 31, 2024 క‌నీసం హాఫ్ సెంచ‌రీ కూడా..కాగా బాబ‌ర్ టెస్టుల్లో హాఫ్ సెంచరీ మార్క్ దాట‌డానికి తెగ క‌ష్ట‌ప‌డుతున్నాడు. ఆజం టెస్టుల్లో హాఫ్ సెంచ‌రీ సాధించి దాదాపు 20 నెల‌లు దాటింది. అత‌డు చివ‌ర‌గా డిసెంబర్ 2022లో న్యూజిలాండ్‌పై 161 పరుగులు చేశాడు. అప్ప‌టి నుంచి హాఫ్ సెంచరీ మార్క్‌ను దాట‌లేక‌పోతున్నాడు. జ‌న‌వ‌రి 2023 నుంచి ఇప్ప‌టివ‌ర‌కు 16 టెస్టు ఇన్నింగ్స్‌లు ఆడిన ఆజం.. 21.33 స‌గ‌టుతో కేవ‌లం 331 ప‌రుగులు మాత్ర‌మే చేశాడు. ఈ క్ర‌మంలో బాబ‌ర్‌ను నెటిజ‌న్లు దారుణంగా ట్రోలు చేస్తున్నారు. వెళ్లి జింబాబ్వేలో ఆడుకో అంటూ పోస్ట్‌లు పెడుతున్నారు.पिछली 16 टेस्ट पारियों में एक भी अर्द्धशतक नहीं है। तुलना विराट कोहली से की जाती है। इस देश के साथ ही इस खिलाड़ी का बुरा दौर चल रहा...#PAKvsBAN#PakistanCricket #BabarAzam𓃵 #PAKvBAN pic.twitter.com/JxJjQufSsx— RITESH SINGH (@RITESHK61848792) September 2, 2024

బాబ‌ర్ ఆజం.. పాకిస్తాన్‌కే కాదు వ‌ర‌ల్డ్ క్రికెట‌లోనే అత్యుత్త‌మ బ్యాట‌ర్ల‌లో ఒక‌డిగా పేరుగాంచాడు. కెప్టెన్సీతో పాటు త‌న క్లాసిక్ ఇన్నింగ్స్‌ల‌తో పాక్‌కు ఎన్నో అద్భుత విజ‌యాల‌ను అందించాడు. బాబ‌ర్ క్రీజులో ఉన్నాడంటే పాక్‌ డ‌గౌట్‌లో కొండంత బ‌లం. టీ20ల్లో కాస్త స్లోగా ఆడుతాడ‌ని పేరు ఉన్న‌ప్ప‌ట‌కి మిగితా రెండు ఫార్మాట్ల‌లో త‌నకు తిరుగులేద‌ని బాబ‌ర్ ఎప్పుడో నిరూపించుకున్నాడు. కానీ ఇదింతా ఒక‌ప్పుడు. గ‌త కొంత కాలంగా బాబ‌ర్ బ్యాట్ ముగిబోయింది.ఒక‌నొక ద‌శ‌లో భార‌త స్టార్ క్రికెట‌ర్‌ విరాట్ కోహ్లితో పోటీ ప‌డిన ఈ పాకిస్తానీ క్రికెట‌ర్‌కు ఇప్పుడు ఏమైంది. క‌నీసం హాఫ్ సెంచ‌రీ మార్క్‌ను కూడా అందుకోవ‌డానికి తెగ క‌ష్ట‌ప‌డ‌తున్నాడు. ముఖ్యంగా త‌న ఫేవ‌రేట్ టెస్టు క్రికెట్‌లో కూడా బాబ‌ర్ త‌న మార్క్‌ను చూపించ‌లేక‌పోతున్నాడు.బాబ‌ర్‌కు ఏమైంది?స్వ‌దేశంలో బంగ్లాదేశ్‌తో జ‌రుగుతున్న టెస్టు సిరీస్‌లో బాబ‌ర్ మ‌రోసారి నిరాశ‌ప‌రిచాడు. తొలి టెస్టులో కేవ‌లం 22 ప‌రుగులు మాత్ర‌మే చేసిన ఆజం.. ఇప్పుడు రెండో టెస్టు తొలి ఇన్నింగ్స్‌లో కూడా విఫ‌ల‌మయ్యాడు. కేవ‌లం 31 ప‌రుగులు మాత్ర‌మే చేసి పెవిలియ‌న్‌కు చేరాడు. స్పిన్న‌ర్ల‌కు అద్బుతంగా ఆడుతాడ‌ని పేరు గాంచిన బాబ‌ర్‌.. అదే స్పిన్ ఉచ్చులో చిక్కుకున్నాడు. ష‌కీబ్ అల్ హ‌స‌న్ బౌలింగ్‌లో వికెట్లు ముందు దొరికిపోయాడు. క్రీజులో ఉన్నంత స‌మ‌యం తీవ్ర ఒత్తిడితో బ్యాటింగ్ చేశాడు. ఆఖ‌రికి ష‌కీబ్ బౌలింగ్‌లో బాబ‌ర్ ఇన్నింగ్స్ ముగిసింది.చివ‌రి హాఫ్ సెంచ‌రీ ఎప్పుడంటే?బాబ‌ర్ ఆజం టెస్టుల్లో హాఫ్ సెంచ‌రీ సాధించి దాదాపు 20 నెల‌లు దాటింది. అత‌డు చివ‌ర‌గా డిసెంబర్ 2022లో న్యూజిలాండ్‌పై 161 పరుగులు చేశాడు. అప్ప‌టి నుంచి హాఫ్ సెంచరీ మార్క్‌ను దాట‌లేక‌పోతున్నాడు. గ‌త 20 నెల‌ల‌లో టెస్టుల్లో అతడు సాధించిన అత్య‌ధిక స్కోర్ 41 ప‌రుగులే కావ‌డం గ‌మ‌నార్హం. జ‌న‌వ‌రి 2023 నుంచి ఇప్ప‌టివ‌ర‌కు 15 టెస్టు ఇన్నింగ్స్‌లు ఆడిన ఆజం.. 21.33 స‌గ‌టుతో కేవ‌లం 320 ప‌రుగులు మాత్ర‌మే చేశాడు. క‌నీసం రెండో ఇన్నింగ్స్‌లోనైనా బాబ‌ర్ త‌న మార్క్‌ను చూపిస్తాడో లేదో వేచి చూడాలి.

టెస్టు క్రికెట్‌ చరిత్రలో తొలిసారి బంగ్లాదేశ్‌ చేతిలో ఓడిన పాకిస్తాన్‌ క్రికెట్‌ జట్టు... రెండో టెస్టులోనూ భారీ స్కోరు చేయలేకపోయింది. వర్షం కారణంగా తొలి రోజు ఆట పూర్తిగా తుడిచి పెట్టుకుపోగా.. శనివారం రెండో రోజు టాస్‌ గెలిచిన బంగ్లాదేశ్‌ మొదట బౌలింగ్‌ ఎంచుకుంది. దీంతో బ్యాటింగ్‌కు దిగిన పాకిస్తాన్‌ తొలి ఇన్నింగ్స్‌లో 85.1 ఓవర్లలో 274 పరుగులకు ఆలౌటైంది. కెపె్టన్‌ షాన్‌ మసూద్‌ (69 బంతుల్లో 57; 2 ఫోర్లు), అయూబ్‌ (110 బంతుల్లో 58; 4 ఫోర్లు, 2 సిక్సర్లు), ఆగా సల్మాన్‌ (95 బంతుల్లో 54; 3 ఫోర్లు, 2 సిక్సర్లు) అర్ధ శతకాలతో రాణించగా... బాబర్‌ ఆజమ్‌ (31), మొహమ్మద్‌ రిజ్వాన్‌ (29) ఫర్వాలేదనిపించారు. బంగ్లాదేశ్‌ పేలవ ఫీల్డింగ్‌ కారణంగా అందివచ్చిన అవకాశాలను కూడా పాక్‌ ఉపయోగించుకోలేకపోయింది. బంగ్లా ఫీల్డర్లు ఏకంగా నాలుగు క్యాచ్‌లు వదిలేయడం విశేషం. బంగ్లాదేశ్‌ బౌలర్లలో ఆఫ్‌స్పిన్నర్‌ మెహదీ హసన్‌ మిరాజ్‌ 5 వికెట్లతో అదరగొట్టగా.. తస్కీన్‌ అహ్మద్‌ మూడు వికెట్లు తీశాడు. అనంతరం తొలి ఇన్నింగ్స్‌ ప్రారంభించిన బంగ్లాదేశ్‌... ఆట ముగిసే సమయానికి రెండు ఓవర్లలో వికెట్‌ నష్టపోకుండా 10 పరుగులు చేసింది. ఓపెనర్లు షాద్‌మన్‌ ఇస్లామ్‌ (6 బ్యాటింగ్‌), జాకీర్‌ హసన్‌ (0 బ్యాటింగ్‌) క్రీజులో ఉన్నారు.ఇన్నింగ్స్‌ తొలి బంతికే షాద్‌మన్‌ ఇచ్చిన సునాయాస క్యాచ్‌ను స్లిప్‌లో షకీల్‌ వదిలేయడంతో బంగ్లాకు నష్టం జరగలేదు. రెండు మ్యాచ్‌ల సిరీస్‌లో భాగంగా రావల్పిండిలోనే జరిగిన తొలి టెస్టులో పాకిస్తాన్‌పై 10 వికెట్ల తేడాతో గెలిచిన బంగ్లాదేశ్‌ 1–0తో ఆధిక్యంలో ఉంది.

ఐసీసీ తాజా టెస్టు బ్యాటింగ్‌ ర్యాకింగ్స్‌లో ఇంగ్లండ్‌ యువ క్రికెటర్‌ హ్యారీ బ్రూక్‌ సత్తా చాటాడు. ఏకంగా మూడుస్థానాలు ఎగబాకి నాలుగో ర్యాంకు సంపాదించాడు. శ్రీలంకతో స్వదేశంలో జరుగుతున్న టెస్టు సిరీస్‌లో వైస్‌ కెప్టెన్‌గా వ్యవహరిస్తున్న బ్రూక్‌.. తొలి మ్యాచ్‌లో వరుసగా 56, 32 పరుగులు సాధించాడు.టాప్‌-10లోనే మనోళ్లుఈ క్రమంలో పాకిస్తాన్‌ మాజీ కెప్టెన్‌ బాబర్‌ ఆజం స్థానాన్ని భర్తీ చేస్తూ టాప్‌-5లో నిలిచాడు. ఇక ఇంగ్లిష్‌ వెటరన్‌ స్టార్‌ జో రూట్‌ తన అగ్రస్థానాన్ని మరింత పదిలం చేసుకోగా.. న్యూజిలాండ్‌ మాజీ సారథి కేన్‌ విలియమ్సన్‌ రెండోస్థానంలో కొనసాగుతున్నాడు. మరోవైపు.. టీమిండియా స్టార్లు కెప్టెన్‌ రోహిత్‌ శర్మ ఆరో ర్యాంకులో కొనసాగుతుండగా.. ఓపెనర్‌ యశస్వి జైస్వాల్‌ ఒక స్థానం(7), రన్‌మెషీన్‌ విరాట్‌ కోహ్లి(8) రెండు స్థానాలు మెరుగుపరచుకుని టాప్‌-10లో నిలిచారు.తొమ్మిదికి పడిపోయిన బాబర్‌కాగా గత కొన్నాళ్లుగా పేలవ ప్రదర్శనతో విమర్శల పాలవుతున్న పాక్‌ బ్యాటర్‌ బాబర్‌ ఆజం ఏకంగా ఆరు స్థానాలు దిగజారి తొమ్మిదో ర్యాంకుకు పడిపోయాడు. అయితే, ఇటీవల బంగ్లాదేశ్‌తో తొలి టెస్టులో శతకం బాదిన పాక్‌ వికెట్‌ కీపర్‌ బ్యాటర్‌ మహ్మద్‌ రిజ్వాన్‌.. ఏడు స్థానాలు ఎగబాకి కెరీర్‌ బెస్ట్‌ పదవ ర్యాంకు అందుకున్నాడు. ఇక ఇదే మ్యాచ్‌లో 191 పరుగులతో చెలరేగిన బంగ్లా వెటరన్‌ స్టార్‌ ముష్ఫికర్‌ రహీం సైతం కెరీర్‌ హై రేటింగ్‌ సాధించి 17వ ర్యాంకులో నిలిచాడు.ఐసీసీ తాజా టెస్టు బ్యాటింగ్‌ ర్యాంకింగ్స్‌ టాప్‌-10👉జో రూట్‌(ఇంగ్లండ్‌)- 881 రేటింగ్‌ పాయింట్లు👉కేన్‌ విలియమ్సన్‌(న్యూజిలాండ్‌)- 859 రేటింగ్‌ పాయింట్లు👉డారిల్‌ మిచెల్‌(న్యూజిలాండ్‌)- 768 రేటింగ్‌ పాయింట్లు👉హ్యారీ బ్రూక్‌(ఇంగ్లండ్‌)- 758 రేటింగ్‌ పాయింట్లు👉స్టీవెన్‌ స్మిత్‌(ఆస్ట్రేలియా)- 757 రేటింగ్‌ పాయింట్లు👉రోహిత్‌ శర్మ(ఇండియా)- 751 రేటింగ్‌ పాయింట్లు👉యశస్వి జైస్వాల్‌(ఇండియా)- 740 రేటింగ్‌ పాయింట్లు👉విరాట్‌ కోహ్లి(ఇండియా)- 737 రేటింగ్‌ పాయింట్లు👉బాబర్‌ ఆజం(పాకిస్తాన్‌)- 734 రేటింగ్‌ పాయింట్లు👉ఉస్మాన్‌ ఖవాజా(ఆస్ట్రేలియా)- 728 రేటింగ్‌ పాయింట్లుఇక టెస్టు బౌలర్ల ర్యాంకుల విషయానికొస్తే టీమిండియా దిగ్గజ స్పిన్నర్‌ రవిచంద్రన్‌ అశ్విన్‌ నంబర్‌ వన్‌గా కొనసాగుతుండగా.. జోష్‌ హాజిల్‌వుడ్‌(ఆస్ట్రేలియా), జస్‌ప్రీత్‌ బుమ్రా(ఇండియా), ప్యాట్‌ కమిన్స్‌(ఆస్ట్రేలియా), కగిసో రబడ(సౌతాఫ్రికా) టాప్‌-5లో నిలకడగా ఉన్నారు.చదవండి: రిటైర్మెంట్‌ ప్రకటించిన ఇంగ్లండ్‌ విధ్వంసకర బ్యాటర్‌

రావ‌ల్పిండి వేదిక‌గా పాకిస్తాన్‌తో జ‌రుగుతున్న తొలి టెస్టులో మొద‌టి రోజు బంగ్లాదేశ్ పై చేయి సాధించింది. వ‌ర్షం కార‌ణంగా మొద‌టి రోజు కేవ‌లం 41 ఓవ‌ర్ల ఆట మాత్ర‌మే సాధ్య‌ప‌డింది.తొలి రోజు ఆట ముగిసే స‌మ‌యానికి ఆతిథ్య పాకిస్తాన్ 4 వికెట్లు కోల్పోయి 158 ప‌రుగులు సాధించింది. క్రీజులో సౌద్ ష‌కీల్‌(57), రిజ్వాన్‌(24) ప‌రుగుల‌తో ఉన్నారు. కాగా టాస్ ఓడి బ్యాటింగ్‌కు దిగిన పాకిస్తాన్‌కు బంగ్లా బౌల‌ర్లు షాకిచ్చారు.16 ప‌రుగుల‌కే 3 వికెట్లు కోల్పోయి పాక్ క‌ష్టాల్లో ప‌డింది. ఈ స‌మ‌యంలో సైమ్ అయూబ్(56), సౌధ్ ష‌కీల్ పాక్ ఇన్నింగ్స్‌ను చ‌క్క‌దిద్దారు. అయూబ్ ఔటైన త‌ర్వాత షకీల్‌, రిజ్వాన్ మ‌రో వికెట్ కోల్పోకుండా ఆచితూచి ఆడారు. బంగ్లా బౌల‌ర్ల‌లో హ‌స‌న్ మ‌హ్మ‌ద్‌, షోర్‌ఫుల్ ఇస్లాం త‌లా రెండు వికెట్లు ప‌డ‌గొట్టారు.

పాకిస్తాన్‌ పరిమిత ఓవర్ల కెప్టెన్‌, స్టార్‌ ఆటగాడు బాబర్‌ ఆజం తన పేలవ ఫామ్‌ను కొనసాగిస్తున్నాడు. 66 రోజుల సుదీర్ఘ విరామం తర్వాత మైదానంలో తిరిగి అడుగుపెట్టిన బాబర్‌.. తన మార్క్‌ చూపించడంలో విఫలమయ్యాడు.రావల్పిండి వేదికగా బంగ్లాదేశ్‌తో జరుగుతున్న తొలి టెస్టు మొదటి ఇన్నింగ్స్‌లో బాబర్‌ ఆజం డకౌట్‌గా వెనుదిరిగాడు. బంగ్లా పేసర్‌ షోరీఫుల్ ఇస్లాం బౌలింగ్‌లో బాబర్‌ వికెట్‌ కీపర్‌కు క్యాచ్‌ ఇచ్చి ఖాతా తెరవకుండానే పెవిలియన్‌కు చేరాడు. రెండు బంతులు ఆడిన బాబర్‌ పరుగులేమి చేయకుండా సిల్వర్‌ డక్‌గా వెనుదిరిగాడు. పాక్‌ ఇన్నింగ్స్‌ 8 ఓవర్‌ వేసిన షోరిఫుల్ రెండో బంతిని లెగ్‌ స్టంప్‌ దిశగా బ్యాక్‌ లెంగ్త్‌ డెలివరీని ఆజంకు సంధించాడు. ఈ క్రమంలో ఆజం డౌన్‌ ది లెగ్‌ సైడ్‌ ఆడటానికి ప్రయత్నించాడు. అయితే బంతి ఎడ్జ్‌ తీసుకుని వికెట్‌ కీపర్‌ దిశగా వెళ్లింది.ఈ క్రమంలో వికెట్‌ కీపర్‌ లిట్టన్‌ దాస్‌ అద్భుతమైన డైవింగ్‌ క్యాచ్‌ను అందుకున్నాడు. లిట్టన్‌ దాస్‌ క్యాచ్‌ చూసిన బాబర్‌ బిత్తర పోయాడు. ఇందుకు సబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. అంతకుముందు ఈ ఏడాది జరిగిన టీ20 వరల్డ్‌కప్‌లోనూ బాబర్‌ ఆజం దారుణ ప్రదర్శన కనబరిచాడు. ఇప్పుడు టెస్టుల్లో కూడా అంతే. ఇక పాక్‌-బంగ్లా తొలి టెస్టు వర్షం కారణంగా ఆలస్యంగా ప్రారంభమైంది. మొదటి ఇన్నింగ్స్‌లో పాకిస్తాన్‌ 21 ఓవర్లకు 3 వికెట్లు కోల్పోయి 81 పరుగులు చేసింది. Itna Time Intzar kiya or Babar 0 Par Out Ho gya 💔💔#BabarAzam𓃵 #PAKvsBAN pic.twitter.com/fiYsuDTH3Z— Moazam Chaudhary (@moazamch98) August 21, 2024

బంగ్లాదేశ్‌తో తొలి టెస్టుకు పాకిస్తాన్‌ క్రికెట్‌ బోర్డు తమ తుదిజట్టును ప్రకటించింది. షాన్‌ మసూద్‌ సారథ్యంలోని ఈ ప్లేయింగ్‌ ఎలెవన్‌లో ఏకంగా నలుగురు పేసర్లకు చోటు దక్కింది. స్పిన్‌ విభాగంలో ఆల్‌రౌండర్‌ సల్మాన్‌ అలీ ఆఘా ఒక్కడికే స్థానం ఇచ్చారు సెలక్టర్లు.కాగా ఈ ఏడాది ఆరంభంలో ఆస్ట్రేలియా పర్యటనలో భాగంగా పాక్‌ టెస్టు జట్టు కెప్టెన్‌గా తొలిసారి బాధ్యతలు చేపట్టాడు షాన్‌ మసూద్‌. అయితే, ఆ టూర్‌ అతడికి చేదు అనుభవం మిగిల్చింది. అతడి కెప్టెన్సీలో ఆసీస్‌ చేతిలో మూడు మ్యాచ్‌ల టెస్టు సిరీస్‌లో పాకిస్తాన్‌ 0-3తో వైట్‌వాష్‌కు గురైంది. ఇక ఈ సిరీస్‌ తర్వాత మళ్లీ ఇప్పుడే సొంతగడ్డపై బంగ్లాదేశ్‌తో సిరీస్‌ ఆడనుంది.బంగ్లాపై పైచేయి బంగ్లాతో ఇప్పటి వరకు 13 టెస్టుల్లో పన్నెండు గెలిచి ఘనమైన టెస్టు రికార్డు కలిగి ఉన్నా.. పాకిస్తాన్‌ ఈ సిరీస్‌లో ఆచితూచి అడుగులు వేయాల్సిన పరిస్థితి. ప్రపంచ టెస్టు చాంపియన్‌షిప్‌ ఫైనల్‌ చేరాలంటే బంగ్లాను క్లీన్‌స్వీప్‌ చేస్తే మరింత వేగంగా ముందడుగు వేసే అవకాశం ఉంటుంది. ఇక ఈ సిరీస్‌తోనే ఆస్ట్రేలియన్‌ జాసన్‌ గిల్లెస్పి పాక్‌ టెస్టు జట్టు హెడ్‌కోచ్‌గా తన ప్రస్థానం మొదలుపెట్టనున్నాడు.యువ సంచలనానికి చోటుఇక ఆగష్టు 21 నుంచి రావల్పిండి వేదికగా మొదలయ్యే తొలి టెస్టు కోసం పాకిస్తాన్‌ సోమవారమే తమ తుదిజట్టును ప్రకటించింది. ఓపెనర్లుగా అబ్దుల్‌ షఫీక్‌, సయీమ్‌ ఆయుబ్‌.. వన్‌డౌన్‌లో షాన్‌ మసూద్‌ ఆడనున్నారు. మాజీ కెప్టెన్‌ బాబర్‌ ఆజం నాలుగో స్థానంలో బ్యాటింగ్‌ చేయనున్నాడు. ఇక వైస్‌ కెప్టెన్‌గా ప్రమోషన్‌ పొందిన సౌద్‌ షకీల్‌, వికెట్‌ కీపర్‌ మహ్మద్‌ రిజ్వాన్‌, సల్మాన్‌ అలీ ఆఘా ఆ తర్వాతి స్థానాల్లో ఆడనున్నారు.ఇక పేస్‌ విభాగంలో షాహిన్‌ ఆఫ్రిది, నసీం షా, యువ సంచలనం ఖుర్రం షెహజాద్‌, మొహ్మద్‌ అలీ బరిలోకి దిగనున్నారు. కాగా ఆసీస్‌తో సిరీస్‌ సందర్భంగా పాక్‌ తరఫున అరంగేట్రం చేసిన షెహజాద్‌ తొలి మ్యాచ్‌లోనే ఐదు వికెట్లతో మెరిశాడు. అయితే, ఇప్పుడే మళ్లీ జాతీయ జట్టులో చోటు దక్కించుకున్నాడు.ఇదిలా ఉంటే.. బంగ్లాతో రెండు మ్యాచ్‌ల సిరీస్‌ నేపథ్యంలో తొలుత 17 మంది సభ్యులతో కూడిన జట్టును ప్రకటించిన పాక్‌ బోర్డు.. ఆ తర్వాత 14 మందికి తగ్గించింది. ఆమీర్‌ జమాల్‌ వెన్నునొప్పి కారణంగా దూరం కాగా.. లెగ్‌ స్పిన్నర్‌ అబ్రార్‌ అహ్మద్‌, కమ్రాన్‌ గులామ్‌లను బంగ్లాదేశ్‌-ఎ జట్టుతో బరిలోకి దించనుంది.బంగ్లాదేశ్‌తో తొలి టెస్టుకు పాకిస్తాన్‌ తుదిజట్టుషాన్ మసూద్ (కెప్టెన్‌), సౌద్ షకీల్ (వైస్‌ కెప్టెన్‌), అబ్దుల్లా షఫీక్, బాబర్ ఆజం, ఖుర్రం షెహజాద్, మొహ్మద్ అలీ, మహ్మద్ రిజ్వాన్ (వికెట్‌ కీపర్‌), నసీం షా, సయీమ్ అయూబ్, సల్మాన్ అలీ ఆఘా, షాహీన్ షా ఆఫ్రిది.చదవండి: చాంపియన్స్‌ ట్రోఫీ వరకు ఇషాన్‌కు టీమిండియాలో నో ఛాన్స్‌!

టీ20 వ‌ర‌ల్డ్‌క‌ప్‌-2024కు ముందు పాకిస్తాన్ కెప్టెన్‌గా తిరిగి బాధ్య‌త‌లు చేప‌ట్టిన బాబ‌ర్ ఆజం త‌న మార్క్‌ను చూపించ‌లేక‌పోయాడు. పొట్టి ప్ర‌పంచ‌కప్‌లో దారుణ ప్ర‌ద‌ర్శ‌న క‌న‌బ‌రిచిన పాకిస్తాన్ లీగ్ స్టేజిలోనే ఇంటిముఖం ప‌ట్టింది. దీంతో అత‌డిని కెప్టెన్సీ త‌ప్పించాల‌ని పెద్ద ఎత్తున డిమాండ్లు వినిపించాయి. తాజాగా ఇదే విష‌యంపై పాకిస్తాన్ మాజీ క్రికెట‌ర్ బాసిత్ అలీ త‌న అభిప్రాయాల‌ను వెల్ల‌డించాడు. బాబ‌ర్ పాక్ వైట్ బాల్ కెప్టెన్సీ త‌ప్పుకోని బ్యాటింగ్‌పై దృష్టి పెట్టాలని బాసిత్ అలీ సూచించాడు. కాగా టీ20 వరల్డ్‌కప్ తర్వాత పాకిస్తాన్ ఎటువం‍టి క్రికెట్ ఇప్పటివరకు ఆడలేదు. ఈ ఆగస్టులో స్వదేశంలో బంగ్లాదేశ్‌తో రెండు మ్యాచ్‌ల టెస్టు సిరీస్ ఆడనుంది. ఈ సిరీస్ అనంతరం వైట్‌బాల్ సిరీస్‌లతో పాక్ బీజీబీజీగా గడపనుంది. అయితే బాబర్ కెప్టెన్సీపై మాత్రం పాకిస్తాన్ క్రికెట్ బోర్డు ఇప్పటివరకు ఎటువంటి నిర్ణయం తీసుకోలేదు. వచ్చే ఏడాది తమ సొంత గడ్డపై జరగనున్న ఛాంపియన్స్ ట్రోఫీపై పీసీబీ దృష్టి సారించింది."బాబర్ పాకిస్తాన్ వైట్ బాల్ కెప్టెన్సీ నుంచి తప్పుకుంటే మంచింది. అతడు తన బ్యాటింగ్‌పై దృష్టి పెట్టాలి. అతడొక అద్భుతమైన ఆటగాడు. పాకిస్తాన్ క్రికెట్‌కు అతడు చాలా విలువైన ఆటగాడు. కాబట్టి అతడి నుంచి మంచి ప్రదర్శనలు రావాలి.గత రెండు మూడేళ్లలో మేము మాటల పరంగా మేము చాలా విషయాలు చెప్పాం. ప్రపంచకప్‌ను గెలుస్తాం‍, ఆసియాకప్‌ను గెలుస్తాం, భారత్‌తో ఫైనల్స్ ఆడతాం వంటి ప్రగడ్భాలు పలికాం. కానీ ఇప్పుడు అవి చేతల్లో చూపించాల్సిన సమయం అసన్నమైందని తన యూట్యూబ్ ఛానల్‌లో అలీ పేర్కొన్నాడు.

బంగ్లాదేశ్‌తో టెస్టు సిరీస్‌కు పాకిస్తాన్‌ క్రికెట్‌ బోర్డు తమ జట్టును ప్రకటించింది. పదిహేడు మంది ఆటగాళ్లను ఈ సిరీస్‌కు ఎంపిక చేసినట్లు తెలిపింది. కెప్టెన్‌గా షాన్‌ మసూద్‌ను కొనసాగిస్తూ నిర్ణయం తీసుకున్నట్లు పేర్కొంది. ప్రపంచ టెస్టు చాంపియన్‌షిప్‌ 2023-25 సైకిల్‌లో భాగంగా పాకిస్తాన్‌- బంగ్లాదేశ్‌ మధ్య రెండు మ్యాచ్‌ల సిరీస్‌ జరగాల్సి ఉంది.పాక్‌- బంగ్లా సిరీస్‌ నిర్వహణపై సందిగ్దంఇందుకోసం బంగ్లాదేశ్‌ పాక్‌ పర్యటనకు వెళ్లాల్సి ఉంది. అయితే, ప్రస్తుతం ఆ దేశంలోని పరిస్థితుల దృష్ట్యా ఈ సిరీస్‌ సజావుగా సాగే అవకాశం కనిపించడం లేదు. బంగ్లాదేశ్‌లో పెను రాజకీయ సంక్షోభం నేపథ్యంలో చెలరేగిన అల్లర్లు విధ్వంసకాండకు దారితీసిన విషయం తెలిసిందే. ఈ క్రమంలో ఇప్పటికే ప్రధాని పదవికి రాజీనామా చేసి.. దేశం వీడారు షేక్‌ హసీనా.అయినప్పటికీ జనాగ్రహజ్వాలలు చల్లారలేదు. షేక్‌ హసీనాతో సత్సంబంధాలు ఉన్న ప్రముఖుల ఇళ్లకు నిప్పుపెట్టడం సహా మరికొంతమందిని కడతేర్చారు. అంతేకాదు.. ఈ అల్లర్ల నేపథ్యంలో బంగ్లాదేశ్‌ క్రికెట్‌ బోర్డు అధ్యక్షుడు కూడా దేశం విడిచి పారిపోయినట్లు వార్తలు వినిపిస్తున్నాయి. దీంతో పాక్‌- బంగ్లా సిరీస్‌ నిర్వహణపై సందిగ్దం నెలకొంది.ఈ క్రమంలో పాక్‌ బోర్డు తాము సురక్షితంగా బంగ్లా ఆటగాళ్లను తీసుకువెళ్తామని చెప్పినా.. బంగ్లా బోర్డు నుంచి స్పందన రాలేదని పీసీబీ వర్గాలు వెల్లడించాయి. అయితే, పాకిస్తాన్‌ మాత్రం బుధవారమే జట్టును ప్రకటించడం విశేషం. ప్రపంచ టెస్టు చాంపియన్‌షిప్‌లో మెరుగైన స్థానంలో నిలవాలంటే ఈ సిరీస్‌ తప్పనిసరికావడంతో పూర్తిస్థాయిలో సన్నద్ధమవుతోంది.కెప్టెన్‌ అతడేఇక వన్డే వరల్డ్‌కప్‌-2023 తర్వాత బాబర్‌ ఆజం కెప్టెన్సీకి రాజీనామా చేయగా.. టెస్టులకు షాన్‌ మసూద్‌ సారథిగా ఎంపికైన విషయం తెలిసిందే. అయితే, టీ20 ప్రపంచకప్‌-2024కు ముందు బాబర్‌ తిరిగి వన్డే, టీ20 పగ్గాలు చేపట్టడంతో టెస్టుల్లోనూ అతడినే పునర్నియమిస్తారనే అభిప్రాయాలు వ్యక్తమయ్యాయి. బోర్డు మాత్రం మసూద్‌నే కొనసాగించాలని నిర్ణయం తీసుకుంది. సౌద్‌ షకీల్‌ను అతడికి డిప్యూటీగా నియమించింది.బంగ్లాతో సిరీస్‌ నేపథ్యంలో దాదాపు 13 నెలల విరామం తర్వాత యువ పేసర్‌ నసీం షా టెస్టుల్లో రీఎంట్రీ ఇవ్వనున్నాడు. కాగా పాక్‌- బంగ్లా జట్ల మధ్య రావల్పిండిలో తొలి టెస్టు ఆగష్టు 21- 25, కరాచీలో ఆగష్టు 30- సెప్టెంబరు 3 వరకు రెండో టెస్టు నిర్వహణకు షెడ్యూల్‌ ఖరారైంది.బంగ్లాదేశ్‌తో టెస్టు సిరీస్‌కు పాకిస్తాన్‌ జట్టుషాన్ మసూద్ (కెప్టెన్), సౌద్ షకీల్ (వైస్ కెప్టెన్), అమీర్ జమాల్ (ఫిట్‌నెస్‌ సాధిస్తేనే), అబ్దుల్లా షఫిక్, అబ్రార్ అహ్మద్, బాబర్ ఆజం, కమ్రాన్ గులాం, ఖుర్రం షెహజాద్, మీర్ హమ్జా, మహ్మద్ అలీ, మహ్మద్ హురైరా, మహ్మద్ రిజ్వాన్ (వికెట్ కీపర్), నసీం షా, సయీమ్‌ అయూబ్, సల్మాన్ అలీ ఆఘా, సర్ఫరాజ్ అహ్మద్ (వికెట్ కీపర్), షాహీన్ షా అఫ్రిది.

ప్రపంచంలోని ప్రస్తుత టాప్‌ బ్యాటర్లలో బాబర్‌ ఆజం టెక్నిక్‌ గొప్పగా ఉంటుందని పాకిస్తాన్‌ మాజీ పేసర్‌ మహ్మద్‌ జాహిద్‌ అన్నాడు. అయితే, ఆస్ట్రేలియా వెటరన్‌ స్టార్‌ స్టీవ్‌ స్మిత్‌, ఇంగ్లండ్‌ టెస్టు సెంచరీల ధీరుడు జో రూట్‌ మాత్రం.. బాబర్‌ కంటే తెలివిగా బ్యాటింగ్‌ చేస్తారని అభిప్రాయపడ్డాడు. ఇక టీమిండియా స్టార్లలో విరాట్‌ కోహ్లి కంటే కూడా రోహిత్‌ శర్మకే తాను ఎక్కువ రేటింగ్‌ ఇస్తానని జాహిద్‌ స్పష్టం చేశాడు.టెక్నిక్‌ పరంగా బాబర్‌ వరల్డ్‌ నంబర్‌ వన్‌ఓ యూట్యూబ్‌ చానెల్‌ ఇంటర్వ్యూలో మాట్లాడుతూ.. ‘‘బ్యాటింగ్‌ నైపుణ్యాల పరంగా చూస్తే.. ప్రస్తుతం ప్రపంచ క్రికెట్‌లో బాబర్‌ ఆజం బెస్ట్‌ అని చెబుతాను. అందరికంటే అతడి బ్యాటింగ్‌ టెక్నిక్‌ అత్యుత్తమంగా ఉంటుంది. అయితే, బ్యాటింగ్‌ నాలెడ్జ్‌ విషయంలో మాత్రం.. జో రూట్‌, స్టీవ్‌ స్మిత్‌.. వేరే లెవల్‌ అంతే!బాబర్‌ ఈ విషయంలో వాళ్లంత క్లెవర్‌ కాదు. మ్యాచ్‌ను అంచనా వేయడంలో వారిద్దరు సూపర్‌. అయితే, ఈ ఇద్దరిలోనూ స్మిత్‌కు నంబర్‌ వన్‌, రూట్‌కు రెండో ర్యాంకు ఇస్తాను. వారి తర్వాత బాబర్‌ ఆజం’’ అని మహ్మద్‌ జాహిద్‌ పేర్కొన్నాడు.కోహ్లి కంటే రోహిత్‌ బెటర్‌ఇక విరాట్‌ కోహ్లి ప్రస్తావన రాగా.. ‘‘విరాట్‌ పేరును ఎవరు తిరస్కరించగలరు. అయితే, నా వరకు కోహ్లి కంటే రోహిత్‌ శర్మ బెటర్‌. ప్రపంచంలోని అత్యుత్తమ బ్యాటర్‌ రోహిత్‌. ముఖ్యంగా ఫాస్ట్‌ బౌలర్లను ఎదుర్కోవడంలో అతడికి ఎవరూ సాటిరారు. తనొక గిఫ్టెడ్‌ ప్లేయర్‌. ఇంజమామ్‌ ఉల్‌ హక్‌ మాదిరి తొందరగా బంతిని అంచనా వేసి.. ఏ షాట్‌ ఆడాలో నిర్ణయించుకుంటాడు’’ అని మహ్మద్‌ జాహిద్‌ చెప్పుకొచ్చాడు.సెంచరీల వీరుడిని కాదనికాగా వరల్డ్‌క్లాస్‌ బ్యాటర్‌గా పేరొందిన కోహ్లి.. సమకాలీన క్రికెటర్లలో ఎవరికీ సాధ్యం కాని ఘనతలు ఎన్నో సాధించిన విషయం తెలిసిందే. భారత క్రికెట్‌ దిగ్గజం, శతక శతకాల ధీరుడు సచిన్‌ టెండుల్కర్‌ రికార్డుకు చేరువగా వచ్చాడు ఈ రన్‌మెషీన్‌. ఇప్పటి వరకు 80 సెంచరీలు బాది.. సచిన్‌ తర్వాత ఈ ఘనత సాధించిన ఏకైక ప్లేయర్‌గా నిలిచాడు. ఇక ఇప్పటికే షోయబ్‌ అక్తర్‌ వంటి పలువురు పాక్‌ మాజీ క్రికెటర్లు వరల్డ్‌ నంబర్‌ వన్‌గా కోహ్లి పేరు చెప్పగా.. జాహిద్‌ మాత్రం కోహ్లిని కాదని.. బాబర్‌ ఆజం, రోహిత్‌ శర్మ, స్మిత్‌, రూట్‌లకు ఓటు వేశాడు. వీరంతా సెంచరీల విషయంలో కోహ్లి తర్వాతి స్థానాల్లో కొనసాగుతున్నారు.లంక సిరీస్‌తో బిజీకాగా రోహిత్‌, కోహ్లి ప్రస్తుతం శ్రీలంకతో వన్డే సిరీస్‌తో బిజీగా ఉన్నారు. అయితే, ఇప్పటి వరకు ఆడిన రెండు వన్డేల్లో రోహిత్‌ 122 పరుగులతో ఫామ్‌ కొనసాగిస్తుండగా.. కోహ్లి మాత్రం 38 పరుగులు మాత్రమే చేశాడు. రెండుసార్లు స్పిన్నర్ల బౌలింగ్‌లో లెగ్‌ బిఫోర్‌ వికెట్‌గా పెవిలియన్‌ చేరాడు. మరోవైపు.. పాకిస్తాన్‌ వన్డే, టీ20 జట్ల కెప్టెన్‌ బాబర్‌ ఆజం ప్రస్తుతం కఠినపరిస్థితులు ఎదుర్కొంటున్నాడు. అతడి సారథ్యంలో వన్డే వరల్డ్‌కప్‌-2023, టీ20 ప్రపంచకప్‌-2024లో పాక్‌ దారుణ వైఫల్యం నేపథ్యంలో కెప్టెన్సీపై మరోసారి వేటుపడే అవకాశం ఉంది.

పాకిస్తాన్‌ క్రికెట్‌ జట్టు కెప్టెన్‌ బాబర్‌ ఆజం కెరీర్‌ పరంగా ప్రస్తుతం గడ్డు పరిస్థితులు ఎదుర్కొంటున్నాడు. అతడి సారథ్యంలో పాక్‌ వన్డే వరల్డ్‌కప్‌-2023, టీ20 ప్రపంచకప్‌-2024 టోర్నీల్లో దారుణంగా విఫలమైంది.భారత్‌ వేదికగా వన్డే ప్రపంచకప్‌లో కనీసం సెమీస్‌ కూడా చేరకుండానే నిష్క్రమించిన బాబర్‌ బృందం.. అమెరికా- వెస్టిండీస్‌ సంయుక్తంగా ఆతిథ్యమిచ్చిన టీ20 వరల్డ్‌కప్‌లో కనీసం సూపర్‌-8 కూడా చేరలేదు.కెప్టెన్సీ కోల్పోయే ప్రమాదంఫలితంగా బాబర్‌ మరోసారి కెప్టెన్సీ కోల్పోయే ప్రమాదం ఏర్పడింది. ఇక ఈ రెండు ఐసీసీ ఈవెంట్లలో తమ ఆటగాళ్లు పూర్తిగా విఫలం కావడంతో పాక్‌ క్రికెట్‌ బోర్డు కాస్త కఠినంగానే వ్యవహరించనుందని వార్తలు వస్తున్నాయి.ఇందులో భాగంగానే దేశానికి ప్రథమ ప్రాధాన్యం ఇవ్వాలనే ఉద్దేశంతో.. ఆటగాళ్లు ఇతర దేశాల టీ20 లీగ్‌లలో ఆడకుండా పాక్‌ బోర్డు అడ్డుకట్ట వేస్తోంది. గ్లోబల్‌ టీ20 కెనడా వంటి లీగ్‌లలో ఆడాలనుకున్న బాబర్‌ ఆజం, షాహిన్‌ ఆఫ్రిది, మహ్మద్‌ రిజ్వాన్‌లకు నో ఆబ్జక్షన్‌ సర్టిఫికెట్‌ ఇచ్చేందుకు నిరాకరించడమే ఇందుకు నిదర్శనం.ఫామ్‌లేమితో సతమతమైనపుడుఇదిలా ఉంటే.. తాను ఫామ్‌లేమితో సతమతమైనపుడు వీరి సలహాలే తీసుకుంటానంటూ బాబర్‌ చేసిన వ్యాఖ్యలు వైరల్‌ అవుతున్నాయి. బ్యాటింగ్‌ టెక్నిక్‌లో లోపాలు ఉన్నాయని అనిపించినపుడు.. విరాట్‌ కోహ్లి, కేన్‌ విలియమ్సన్‌, జో రూట్‌లను సంప్రదిస్తానని బాబర్‌ ఆజం పేర్కొన్నాడు.సౌతాఫ్రికా దిగ్గజం ఏబీ డివిలియర్స్‌తో మాట్లాడుతూ అతడు ఈ విషయం వెల్లడించాడు. అదే విధంగా.. తాను ఎదుర్కొన్న అత్యంత కఠినమైన బౌలర్‌ ఎవరన్న ప్రశ్నకు బదులిస్తూ ఆస్ట్రేలియా కెప్టెన్‌ ప్యాట్‌ కమిన్స్‌ పేరు చెప్పాడు.రోహిత్‌, కోహ్లి కాదు!.. అత్యుత్తమ బ్యాటర్‌ అతడే: బాబర్‌ఇక ప్రత్యర్థి జట్టులో తాను చూసిన అత్యుత్తమ బ్యాటర్‌గా బాబర్‌ ఆజం డివిలియర్స్‌ పేరు చెప్పడం విశేషం. దీంతో షాకవ్వడం ఏబీడీ వంతైంది. ఇందుకు సంబంధించిన వీడియో లింక్‌ను ఈ సౌతాఫ్రికా లెజెండ్‌ తాజాగా షేర్‌ చేశాడు. టీ20 ప్రపంచకప్‌-2024 ఆరంభానికి ముందు తాను ఈ ఇంటర్వ్యూ చేసినట్లు వెల్లడించాడు.ఈ వీడియోపై స్పందించిన నెటిజన్లు.. ‘‘టీమిండియా స్టార్లు రోహిత్‌ శర్మ లేదంటే విరాట్‌ కోహ్లి పేరు చెబుతాడని భావించామని.. అయితే, బాబర్‌ ఏబీడీ పేరు చెప్పడం కూడా బాగుంది’’ అని సరదాగా కామెంట్లు చేస్తున్నారు.I interviewed Pakistan's @babarazam258 before the T20 World Cup earlier this year, and l'd shared a bit of it back then. Don't miss out on this chat, and show my friend some love. 🫶🏻🏏Here's the full interview 👇🏻🔗: https://t.co/nTA05h4nZY#CricketTwitter pic.twitter.com/iy02SXZvn2— AB de Villiers (@ABdeVilliers17) July 20, 2024

టీ20 వరల్డ్‌కప్‌-2024లో ఘోర ప్రదర్శన తర్వాత పాకిస్తాన్‌ క్రికెట్‌ బోర్డు ప్రక్షాళన దిశగా అడుగులు వేస్తోంది. ఇప్పటికే తమ జట్టు చీఫ్‌ సెలక్టర్‌ వహాబ్‌ రియాజ్‌, సెలక్టర్‌ అబ్దుల్‌ రజాక్‌పై వేటు వేసిన పీసీబీ.. కెప్టెన్సీ మార్పుపై కూడా ఆలోచిస్తున్నట్లు తెలుస్తోంది.టీ20 వరల్డ్‌కప్‌ ముందు పాక్‌ జట్టు పగ్గాలను తిరిగి చేపట్టిన బాబర్‌ ఆజం.. మరోసారి ఐసీసీ టోర్నీల్లో జట్టును నడిపించడంలో విఫలమయ్యాడు. ఈ మెగా టోర్నీ గ్రూపు స్టేజిలోనే పాక్‌ ఇంటిముఖం పట్టింది. ఈ క్రమంలో బాబర్‌ను పాక్‌ కెప్టెన్సీ నుంచి తప్పించాలని ఆ దేశ మాజీ క్రికెటర్ల నుంచి పెద్ద ఎత్తున డిమాండ్లు వినిపించాయి.ఈ జాబితాలోకి తాజాగా పాకిస్తాన్‌ మాజీ కెప్టెన్‌ సల్మాన్ బట్ చేరాడు. పరిమిత ఓవర్లలో పాక్‌ కెప్టెన్సీని స్టార్‌ బ్యాటర్‌ షాన్‌ మసూద్‌కు అప్పగించాలని బట్‌ పీసీబీని సూచించాడు. కాగా మసూద్‌ ప్రస్తుతం టెస్టుల్లో పాక్‌ జట్టుకు నాయకత్వం వహిస్తున్నాడు."ప్రస్తుతం పాకిస్తాన్‌ క్రికెట్‌లో కాస్త గందరగోళం నెలకొంది. జట్టులో అద్బుతమైన ఆటగాళ్లు ఉన్నప్పటకి తమ స్ధాయికి తగ్గ ప్రదర్శన చేయలేకపోతున్నారు. బాబర్‌కు కెప్టెన్సీ స్కిల్స్‌ పెద్దగా లేవు.ఫీల్డ్‌లో వ్యూహాలు రచించడంలో విఫలమవుతున్నాడు. పాకిస్తాన్‌ తిరిగి విన్నింగ్‌ ట్రాక్‌లో రావాలంటే ఒక్కటే మార్గం. షాన్‌ మసూద్‌ అన్ని ఫార్మాట్లలో పాక్‌ కెప్టెన్సీ అప్పగించాలని"ఓ స్పోర్ట్స్‌ ఛానల్‌కు ఇచ్చిన ఇంటర్వ్యూలో భట్‌ పేర్కొన్నాడు.చదవండి: లంకతో సిరీస్‌తో రీఎంట్రీ!.. ఖరీదైన ఫ్లాట్‌ కొన్న టీమిండియా స్టార్‌

పాకిస్తాన్‌ క్రికెట్‌ బోర్డు(పీసీబీ) కీలక నిర్ణయం తీసుకుంది. ఆటగాళ్ల సెంట్రల్‌ కాంట్రాక్ట్‌ వ్యవధిని తగ్గించింది. ఈ విషయాన్ని పీసీబీ అధికారులు ధ్రువీకరించినట్లు జాతీయ మీడియా పేర్కొంది.వన్డే ప్రపంచకప్‌-2023, టీ20 ప్రపంచకప్‌-2024 టోర్నీల్లో దారుణ వైఫల్యాల నేపథ్యంలో పాక్‌ బోర్డు ఆటగాళ్ల ప్రవర్తనపై గుర్రుగా ఉన్న విషయం తెలిసిందే. క్రికెట్‌పై దృష్టి పెట్టకుండా ఇతర అంశాల్లో జోక్యం చేసుకుంటూ జట్టుకు నష్టం చేకూరుస్తున్నారని పీసీబీ భావిస్తున్నట్లు స్థానిక మీడియాలో కథనాలు వస్తున్నాయి.ఫిట్‌నెస్‌ విషయంలో నిర్లక్ష్యం, పరస్పర సహాయ సహకారాలు అందించుకునే విషయంలో ఆటగాళ్ల మధ్య ఐక్యత లేదన్నది వాటి ప్రధాన సారాంశం. ఈ నేపథ్యంలో ప్రక్షాళన చర్యలు చేపట్టిన పీసీబీ ఆటగాళ్లను క్రమశిక్షణలో పెట్టాలని నిర్ణయించినట్లు తెలుస్తోంది.సంస్కరణలకు శ్రీకారంఅదే విధంగా.. సెంట్రల్‌ కాంట్రాక్ట్‌ విషయంలోనూ సంస్కరణలు తేవాలని భావిస్తున్నట్లు సమాచారం. ఈ విషయం గురించి పీసీబీ చైర్మన్‌ మొహ్సిన్‌ నఖ్వీ.. పాక్‌ టెస్టు హెడ్‌కోచ్‌ జేసన్‌ గిల్లెస్పి, వన్డే- టీ20ల ప్రధాన కోచ్‌ గ్యారీ కిర్‌స్టెన్‌తో లాహోర్‌లో సోమవారం చర్చించినట్లు తెలుస్తోంది.పాక్‌ బోర్డు అధికారులు ఈ విషయం గురించి టైమ్స్‌ ఆఫ్‌ ఇండియాతో మాట్లాడుతూ.. సెంట్రల్‌ కాంట్రాక్ట్‌ వ్యవధిని మూడేళ్ల నుంచి ఏడాదికి తగ్గించినట్లు తెలిపారు. ఇందుకు గల కారణాలు వెల్లడిస్తూ.. ‘‘సెంట్రల్‌ కాంట్రాక్ట్‌, ఆటగాళ్ల పారితోషికం విషయంలో చర్చ జరిగింది.ఆ రెండిటి ఆధారంగాక్రికెటర్ల ఫిట్‌నెస్‌, ప్రవర్తన ఆధారంగా ప్రతీ ఏడాది సెంట్రల్‌ కాంట్రాక్ట్‌ను రివైజ్‌ చేయాలని సెలక్టర్లు ప్రతిపాదించారు. అయితే, పారితోషికం విషయంలో మాత్రం ఎలాంటి కోత ఉండబోదు’’ అని పేర్కొన్నారు.అంతేకాదు.. ‘‘పూర్తిస్థాయి ఫిట్‌నెస్‌ కలిగి ఉన్న ఆటగాళ్లు మాత్రమే ఇక నుంచి నిరంభ్యంతర పత్రాలు(NOCs- నో ఆబ్జక్షన్‌ సర్టిఫికెట్‌) ఇవ్వడం జరుగుతుంది. అది కూడా కేవలం అంతర్జాతీయంగా ‍ప్రాముఖ్యం కలిగి ఉన్న లీగ్‌లలో మాత్రమే ఆడేందుకు అనుమతినివ్వాలనే యోచనలో ఉన్నాం’’ అని తెలిపారు.కోచ్‌తో అతడి గొడవకాగా టీ20 ప్రపంచకప్‌-2024 టోర్నీ సమయంలో కెప్టెన్‌ బాబర్‌ ఆజం, టీ20ల మాజీ సారథి షాహిన్‌ ఆఫ్రిది మధ్య విభేదాలు తారస్థాయికి చేరినట్లు వార్తలు వచ్చాయి. అంతేకాదు బ్యాటింగ్‌ కోచ్‌ మహ్మద్‌ యూసఫ్‌తో షాహిన్‌ అనుచితంగా ప్రవర్తించిన విషయం వెలుగులోకి వచ్చింది.అయితే, వెంటనే అతడు కోచ్‌కు క్షమాపణలు చెప్పినట్లు సమాచారం. ఏదేమైనా ఆటగాళ్లను సరైన దారిలో పెట్టేందుకు పీసీబీ కాస్త కఠినంగానే వ్యవహరించనుందని బోర్డు సన్నిహిత వర్గాలు పేర్కొంటున్నాయి. కాగా చీఫ్‌ సెలక్టర్‌ వహాబ్‌ రియాజ్‌, సెలక్టర్‌ అబ్దుల్‌ రజాక్‌పై ఇప్పటికే పీసీబీ వేటు వేసిన సంగతి తెలిసిందే. త్వరలోనే కెప్టెన్‌గా బాబర్‌ భవితవ్యం కూడా తేలనుంది.చదవండి: ఇంత చెత్తగా వ్యవహరిస్తారా? యువీ, భజ్జీ, రైనాపై విమర్శలు

ఇంగ్లండ్ వెట‌రన్ పేస‌ర్ జేమ్స్ ఆండ‌ర్స‌న్‌ వెస్టిండీస్‌తో జ‌రిగిన తొలి టెస్టు అనంత‌రం త‌న 24 ఏళ్ల క్రికెట్ కెరీర్‌కు వీడ్కోలు ప‌లికాడు. త‌న ఆఖ‌రి టెస్టు మ్యాచ్‌లో అద్బుత‌మైన ప్ర‌ద‌ర్శ‌న క‌న‌బ‌రిచిన ఆండ‌ర్స‌న్‌.. ఇంగ్లండ్ విజ‌యంలో కీల‌క పాత్ర పోషించాడు. ఓవ‌రాల్‌గా త‌న టెస్టు కెరీర్‌లో 704 వికెట్లు ప‌డ‌గొట్టిన ఆండ‌ర్స‌న్‌.. రెడ్‌బాల్ ఫార్మాట్‌లో అత్య‌ధిక వికెట్లు ప‌డ‌గొట్టిన ఫాస్ట్ బౌల‌ర్‌గా త‌న కెరీర్‌ను ముగించాడు. ఈ క్ర‌మంలో అండర్సన్స్‌కు క్రికెటర్లు,అభిమానుల నుంచి సోషల్ మీడియా వేదిక‌గా శుభాకాంక్షలు వెల్లువెత్తాయి. అయితే ఆండ‌ర్స‌న్‌కు అభినంద‌న‌లు తెలిపే క్ర‌మంలో పాకిస్తాన్ కెప్టెన్ బాబ‌ర్ ఆజం ప‌ప్పులో కాలు వేశాడు. ఆండ‌ర్స‌న్ ‘కట్టర్‌’లను ఎదుర్కోవడం విశేషం అని బాబర్ తెలిపాడు."జిమ్మీ.. మీ బౌలింగ్‌లో కట్టర్‌లను ఎదుర్కోవడం చాలా గొప్ప విషయం. ఇప్పుడు జెంటిల్‌మన్ గేమ్ నీలాంటి గొప్ప క్రికెటర్‌ను కచ్చితంగా మిస్ అవుతోంది. వరల్డ్ క్రికెట్‌లో మీ గొప్పతనం గురించి చెప్పడానికి నాకు మాటలు రావడం లేదు. మీ పట్ల నాకు చాలా గౌరవం ఉంది.నిజంగా మీరు గోట్‌(గ్రేటేస్ట్ ఆల్‌టైమ్‌)" అని ఎక్స్‌లో బాబర్ రాసుకొచ్చాడు. అయితే ఇక్కడే బాబర్ తప్పు చేశాడు. అస్సలు కట్టర్స్ అనేవి ఆం‍డర్సన్ బౌలింగ్ శైలికి సంబంధం లేదు. అతడు ఎక్కువగా బంతిని స్వింగ్ చేస్తాడు. దీంతో బాబర్‌ను నెటిజన్లు ట్రోలు చేస్తున్నారు.అయితే తన తప్పును గ్రహించిన బాబర్ పోస్ట్‌ను డిలీట్ చేసి కొత్తగా మళ్లీ పోస్ట్ చేశాడు. ఈ సారి మీ స్వింగ్‌ను ఎదుర్కొవడం విశేషం అంటూ రాసుకొచ్చాడు. బాబర్ తొలుత పోస్ట్‌ను డిలీట్ చేసినప్పటకి నెటిజన్లు మాత్రం స్క్రీన్ షాట్‌లు తీసి పాక్ కెప్టెన్‌ను తెగ ఆడేసికుంటున్నారు. ఇనాళ్ల నుంచి క్రికెట్‌ ఆడుతున్నావు.. నీవు మారవా బాబర్‌ అంటే కామెంట్లు చేస్తున్నారు. It was a privilege to face your swing, Jimmy!The beautiful game will now miss one of its greatest. Your incredible service to the sport has been nothing short of remarkable. Huge respect for you, GOAT 🫡 pic.twitter.com/fE2NMz4Iey— Babar Azam (@babarazam258) July 12, 2024

టీ20 ప్రపంచకప్‌-2024లో జట్టు వైఫల్యం నేపథ్యంలో పాకిస్తాన్‌ క్రికెట్‌ బోర్డు ప్రక్షాళన చర్యలు చేపట్టింది. ఇందులో భాగంగా తొలుత చీఫ్‌ సెలక్టర్‌ వహాబ్‌ రియాజ్‌పై వేటు వేసినట్లు తెలుస్తోంది. అదే విధంగా.. సెలక్టర్‌ పదవి నుంచి అబ్దుల్‌ రజాక్‌ను కూడా తప్పించినట్లు సమాచారం.కాగా అమెరికా- వెస్టిండీస్‌ వేదికగా జూన్‌లో జరిగిన పొట్టి క్రికెట్‌ ప్రపంచకప్‌ టోర్నీలో పాకిస్తాన్‌ దారుణంగా విఫలమైన విషయం తెలిసిందే. చిరకాల ప్రత్యర్థి టీమిండియాతో పాటు గ్రూప్‌-ఏలో భాగమైన బాబర్‌ ఆజం బృందం లీగ్‌ దశలోనే ఇంటిబాట పట్టింది.కనీసం సూపర్‌-8 కూడా చేరకుండానేపసికూన అమెరికా, పటిష్ట భారత్‌ చేతిలో ఓడి కనీసం సూపర్‌-8 కూడా చేరకుండానే నిష్క్రమించింది. గత ఎడిషన్‌లో ఫైనల్‌కు చేరిన పాకిస్తాన్‌ ఈసారి ఘోరంగా ఇలా వెనుదిరగడంతో తీవ్ర స్థాయిలో విమర్శలు వెల్లువెత్తాయి.ఈ నేపథ్యంలో కెప్టెన్‌ బాబర్‌ ఆజంను సారథ్య బాధ్యతల నుంచి తప్పిస్తారనే ప్రచారం జరిగింది. ఈ విషయంలో హెడ్‌ కోచ్‌ గ్యారీ కిర్‌స్టన్‌ నిర్ణయానికే పీసీబీ పెద్దపీట వేసినట్లు తెలుస్తోంది.అయితే, సెలక్షన్‌ కమిటీ విషయంలో మాత్రం ఈ మేరకు తామే నిర్ణయం తీసుకున్నట్లు తెలుస్తోంది. వహాబ్‌ రియాజ్‌, అబ్దుల్‌ రజాక్‌లను తప్పించాలని పీసీబీ చైర్మన్‌ మొహ్సిన్‌ నఖ్వీ ఆదేశించినట్లు తెలుస్తోంది.వీరిద్దరిని మినహాయిస్తే సెలక్షన్‌ కమిటీలో ఇంకో ఐదుగురు మిగులుతారు. హెడ్‌ కోచ్‌, కెప్టెన్‌(సంబంధిత ఫార్మాట్‌), మహ్మద్‌ యూసఫ్‌, అసద్‌ షఫీక్‌, బిలాల్‌ అఫ్జల్‌, డేటా అనలిస్టు ఉంటారు. ఇక రియాజ్‌, రజాక్‌ స్థానాలను ఇప్పట్లో భర్తీ చేసేందుకు పీసీబీ సుముఖంగా లేనట్లు తెలుస్తోంది. రజాక్‌కు డబుల్‌ షాక్‌అంతేకాదు రజాక్‌కు డబుల్‌ షాకిచ్చిన్నట్లు సమాచారం. మహిళా సెలక్షన్‌ కమిటీ విధుల నుంచి కూడా అతడిని తప్పించినట్లు తెలుస్తోంది. కాగా అనాలోచిత నిర్ణయాలు, బ్యాటింగ్‌ ఆర్డర్‌లో మార్పులు, ఆజం ఖాన్‌(మాజీ కెప్టెన్‌ మొయిన్‌ కుమారుడు) వంటి ఆటగాళ్ల ఎంపిక నేపథ్యంలో వహాబ్‌ రియాజ్‌పై విమర్శలు వచ్చాయి.అతడి విషయంలో మాజీ క్రికెటర్లు పీసీబీ తీరును ఎండగట్టారు. ఈ నేపథ్యంలో టీ20 ప్రపంచకప్‌ ఆడేందుకు జట్టు వెళ్లిన సమయంలో రియాజ్‌ కేవలం సీనియర్‌ టీమ్‌ మేనేజర్‌గా మాత్రమే వ్యవహరించినట్లు తెలుస్తోంది. అయితే, తాజాగా అతడిని సెలక్షన్‌ కమిటీ నుంచి పూర్తిగా తప్పించినట్లు సమాచారం.ఈ మేరకు ఈఎస్‌పీఎన్‌ క్రిక్‌ఇన్ఫో కథనం వెలువరించింది. కాగా పాక్‌ బోర్డులో గత కొన్నేళ్లుగా నిలకడ లేకుండా పోయింది. గడిచిన నాలుగేళ్లలో ఆరుగురు చీఫ్‌ సెలక్టర్లు మారారు. హరూన్‌ రషీద్‌, షాహిద్‌ ఆఫ్రిది, ఇంజమామ్‌ ఉల్‌ హక్‌, మహ్మద్‌ వసీం, మిస్బా ఉల్‌ హక్‌, వహాబ్‌ రియాజ్‌ ఈ హోదాలో పనిచేశారు. చదవండి: దటీజ్‌ ద్రవిడ్‌.. రూ. 5 కోట్లు వద్దు!.. వాళ్లతో పాటే నేనూ!

వరుస పరాభవాలతో డీలా పడ్డ పాకిస్తాన్‌ క్రికెట్‌కు పూర్వ వైభవం తీసుకురావాలని బోర్డు పట్టుదలగా ఉన్నట్లు తెలుస్తోంది. ఇప్పటికే టెస్టు జట్టు హెడ్‌ కోచ్‌గా జాసెన్‌ గిల్లెస్పీకి బాధ్యతలు అప్పగించిన పాక్‌ క్రికెట్‌ బోర్డు(పీసీబీ).. పరిమిత ఓవర్ల క్రికెట్‌ ప్రక్షాళనపైనా దృష్టి సారించినట్లు సమాచారం.బాబర్‌ ఆజంపై వేటు?ఇందులో భాగంగా వన్డే, టీ20 జట్ల కెప్టెన్‌గా ఉన్న బాబర్‌ ఆజంపై వేటు వేయనున్నట్లు తెలుస్తోంది. సారథిగా అతడిని తప్పించేందుకు బోర్డు మొగ్గుచూపుతున్నట్లు పాక్‌ మీడియాలో కథనాలు వస్తున్నాయి.కాగా వన్డే వరల్డ్‌కప్‌-2023లో పాకిస్తాన్‌ కనీసం సెమీస్‌ కూడా చేరకుండానే నిష్క్రమించిన నేపథ్యంలో బాబర్‌ ఆజం మూడు ఫార్మాట్ల కెప్టెన్సీకి గుడ్‌బై చెప్పిన విషయం తెలిసిందే. ఈ క్రమంలో టెస్టు పగ్గాలను షాన్‌ మసూద్‌కు అప్పగించిన పీసీబీ.. టీ20 సారథిగా షాహిన్‌ ఆఫ్రిదిని నియమించింది.ఈసారి కూడా చేదు అనుభవమేఅయితే, షాహిన్‌ కెప్టెన్‌గా ఆకట్టుకోకపోవడంతో టీ20 ప్రపంచకప్‌-2024 ఆరంభానికి ముందే బాబర్‌ ఆజంకు తిరిగి వన్డే, టీ20 నాయకుడిగా బాధ్యతలు అప్పగించింది. కానీ.. ఈసారి కూడా అతడికి చేదు అనుభవమే ఎదురైంది.గత టీ20 ప్రపంచకప్‌లో జట్టును ఫైనల్‌ వరకు చేర్చిన బాబర్‌ ఆజం.. ఈసారి మాత్రం ఘోరంగా విఫలమయ్యాడు. కనీసం గ్రూప్‌ దశ దాటకుండానే పాకిస్తాన్‌ ఇంటిబాట పట్టింది. ఈ నేపథ్యంలో బాబర్‌ను కెప్టెన్సీ నుంచి తప్పించాలంటూ పాక్‌ మాజీ క్రికెటర్లు పెద్ద ఎత్తున డిమాండ్‌ చేశారు.అదే విధంగా.. బంధుప్రీతికి తావు లేకుండా జట్టును ఎంపిక చేయాలంటూ ఆజం ఖాన్‌ వంటి వాళ్లపై తీవ్ర స్థాయిలో విరుచుకుపడ్డారు. ఈ నేపథ్యంలో ప్రక్షాళన చర్యలు చేపట్టిన పీసీబీ చైర్మన్‌ మొహ్సిన్‌ నఖ్వీ.. కీలక ఆదేశాలు జారీ చేసినట్లు తెలుస్తోంది.ఆటగాళ్ల ఫిట్‌నెస్‌, క్రమశిక్షణ తదితర అంశాలకు సంబంధించి ప్రధాన కోచ్‌ గ్యారీ కిర్‌స్టెన్‌, ఛీఫ్‌ సెలక్టర్‌ వహాబ్‌ రియాజ్‌లను నివేదిక సమర్పించాల్సిందిగా ఆదేశించినట్లు తెలుస్తోంది. కిర్‌స్టన్‌ నిర్ణయం మేరకేఅదే విధంగా.. పరిమిత ఓవర్ల క్రికెట్‌ కెప్టెన్‌ విషయంలో కిర్‌స్టన్‌ నిర్ణయం మేరకే ముందుకు వెళ్లాలని నఖ్వీ భావిస్తున్నట్లు సమాచారం. ఈ క్రమంలో బాబర్‌ ఆజంపై వేటు వేయడం ఖాయంగా కనిపిస్తోందని పాక్‌ మీడియా ప్రచారం చేస్తోంది. మరోవైపు.. దేశవాళీ క్రికెట్‌ స్వరూపం గురించి మాజీ క్రికెటర్లతో చర్చించి రూట్‌మ్యాప్‌ తయారు చేయాలని పీసీబీ నిర్ణయించినట్లు సమాచారం. పీసీబీ చైర్మన్‌ను కలిసిఈ నేపథ్యంలో.. పాకిస్తాన్‌ క్రికెట్‌ బాగు కోరే 30- 35 మంది అంతర్జాతీయ క్రికెటర్లు పీసీబీ చైర్మన్‌ను సోమవారం కలిసి తమ సలహాలు, సూచనలు అందించేందుకు సిద్ధమైనట్లు జియో న్యూస్‌ వెల్లడించింది. కాగా పాకిస్తాన్‌ తదుపరి తమ పరిమిత ఓవర్ల సిరీస్‌లో ఆస్ట్రేలియాను ఢీకొట్టనుంది. ఇదిలా ఉంటే.. టీ20 ప్రపంచకప్‌-2024 విజేతగా టీమిండియా అవతరించిన విషయం తెలిసిందే.చదవండి: BCCI: ద్రవిడ్‌కు రూ. 5 కోట్లు.. రోహిత్‌, కోహ్లి సహా వారందరికీ ఎంతంటే?

టీ20 వ‌ర‌ల్డ్‌క‌ప్‌-2024లో పాకిస్తాన్ తీవ్ర నిరాశ‌ప‌రిచిన సంగ‌తి తెలిసిందే. అమెరికా, భార‌త్ చేతిలో ఓట‌మి పాలైన పాకిస్తాన్ గ్రూపు స్టేజిలోనే ఇంటిముఖం పట్టింది. దీంతో పాక్ జ‌ట్టుపైన పెద్ద ఎత్తున విమ‌ర్శ‌లు కూడా వెల్లువెత్తాయి.జ‌ట్టుతో పాటు కెప్టెన్ బాబ‌ర్ ఆజంపై ఆ దేశ మాజీ ఆట‌గాళ్లు విమ‌ర్శ‌లు ఎక్కుబెట్టారు. తాజాగా భార‌త మాజీ క్రికెట‌ర్ పార్దివ్ ప‌టేల్ సైతం బాబ‌ర్ టార్గెట్ చేశాడు. ఆజం ఒక స్వార్ధ‌ప‌రుడు అంటూ పార్ధివ్ మండిపడ్డాడు."బాబర్‌ ఆజం ఒక సెల్ఫిష్‌ ప్లేయర్‌. జట్టు ప్రయోజనాలు కంటే తన స్వలాభమే ఎక్కువగా చూసుకుంటాడు. ఫఖార్‌ జమాన్‌ను కాదని తనే ఓపెనర్‌గా రావాలని బాబర్‌ నిర్ణయించుకున్నాడు. ఇది అస్సలు సరైన నిర్ణయం కాదు. బాబర్‌ ఓపెనర్‌గా వచ్చినప్పుడు జమాన్‌ను కనీసం ఫస్ట్‌ డౌన్‌లోనైనా బ్యాటింగ్‌కు పంపాల్సింది. కానీ అది కూడా చేయలేదు. ఇది నా ఒక్కడి అభిప్రాయం మాత్రమే కాదు. వసీం అక్రమ్, వకార్ యూనిస్ వంటి ఆ దేశ దిగ్గజాలు కూడా ఇదే చెబుతున్నారు. ప్రస్తుతం పాక్‌ జట్టులో టీ20లకు సెట్‌ అయ్యే ఆటగాళ్లు లేరు. టీ20ల్లో వారి స్ట్రైక్ రేట్ కూడా పెద్దగా బాగోలేదు. పాక్‌ ఇతర అంతర్జాతీయ జట్ల కంటే చాలా వెనుకబడి ఉన్నారని" ఓ యూట్యూబ్‌ ఛానల్‌కు ఇచ్చిన ఇంటర్వ్యూలో పార్ధివ్‌ పటేల్‌ పేర్కొన్నాడు.కాగా టీ20 వరల్డ్‌కప్‌-2024కు ముందు పాకిస్తాన్‌ కెప్టెన్సీ పగ్గాలు తిరిగి చేపట్టిన బాబర్‌.. తన మార్క్‌ను మాత్రం చూపించలేకపోయాడు. ఈ ఏడాది పొట్టి ప్రపంచకప్‌లో నాలుగు మ్యాచ్‌లు ఆడిన పాకిస్తాన్‌ కేవలం రెండింట మాత్రమే విజయం సాధించింది.

అంతర్జాతీయ టీ20ల్లో టీమిండియా స్టార్ బ్యాటర్‌, విరాట్ కోహ్లి ప్రయాణం ముగిసిన సంగతి తెలిసిందే. టీ20 వ‌ర‌ల్డ్‌క‌ప్-2024 ఫైన‌ల్లో ద‌క్షిణాఫ్రికాపై విజ‌యం అనంత‌రం పొట్టి క్రికెట్‌కు కోహ్లి విడ్కోలు ప‌లికాడు. ఈ మెగా టోర్నీ మొత్తం పేలవ ఫామ్ క‌న‌బ‌రిచి విమ‌ర్శ‌లు ఎదుర్కొన్న కింగ్ కోహ్లి.. కీల‌కమైన ఫైన‌ల్లో మాత్రం స‌త్తాచాటాడు. టాపార్డ‌ర్ విఫ‌ల‌మైన చోట కోహ్లి అద్బుత‌మైన ప్ర‌ద‌ర్శ‌న క‌న‌బ‌రిచాడు. ఫైన‌ల్ మ్యాచ్‌లో 76 ప‌రుగులు చేసిన విరాట్ కోహ్లి.. ద‌క్షిణాఫ్రికాకు ముందు మెరుగైన స్కోర్ ఉంచ‌డంలో కీల‌క పాత్ర పోషించాడు. ఆ త‌ర్వాత బౌలర్లు సంచ‌ల‌న ప్ర‌ద‌ర్శ‌న చేయ‌డంతో భార‌త్ రెండోసారి టీ20 వ‌ర‌ల్డ్‌క‌ప్ ఛాంపియ‌న్స్‌గా అవ‌త‌రించింది. ఇక ఫైన‌ల్ మ్యాచ్‌లో త‌న ప్ర‌ద‌ర్శ‌నగాను కింగ్ కోహ్లికి ప్లేయ‌ర్ ఆఫ్‌ది మ్యాచ్ అవార్డు ద‌క్కింది. ఈ నేప‌థ్యంలో విరాట్ కోహ్లిపై పాకిస్తాన్ మాజీ క్రికెట‌ర్ అహ్మద్ షెహజాద్ ప్ర‌శంస‌ల వ‌ర్షం కురిపించాడు. ప్ర‌స్తుత త‌రంలో కోహ్లికి మించిన క్రికెటర్‌ మరొకడు లేడని షెహజాద్ అభిప్రాయపడ్డాడు."విరాట్‌ కోహ్లి ఒక లెజెండ్‌. మా తరంలో అతడిని మించిన క్రికెటర్‌ మరొకడు లేడు. విరాట్‌ తన టీ20 కెరీర్‌ను ఘనంగా ముగించాడు. తన కెరీరంతటా కోహ్లి అద్బుతంగా ఆడాడు. ఆఖరికి చివరి మ్యాచ్‌లో కూడా కోహ్లి అదరగొట్టాడు. అది విరాట్‌ కోహ్లి బ్రాండ్‌. ఫైనల్లో తన సహచర ఆటగాళ్లు పెవిలియన్‌కు క్యూ కడితే.. విరాట్‌ మాత్రం బౌండరీల వర్షం కురిపించాడు. అందుకే విరాట్‌ను మించిన వాడు లేడని నేను పదేపదే చెబుతున్నాను. విరాట్‌ను గతంలో చాలా మంది బాబర్‌ ఆజంతో పోల్చారు. కానీ అది సరికాదు. విరాట్‌కు ఎవరూ సాటిరారు. కోహ్లి ఐసీసీ టోర్నమెంట్లలో అద్భుతమైన స్ట్రైక్ రేట్ , యావరేజ్ కలిగి ఉన్నాడు. వరల్డ్‌ క్రికెట్‌లో ఒకే ఒక్క విరాట్‌ కోహ్లి ఉంటాడని" ఓ స్పోర్ట్స్‌ ఛానల్‌కు ఇచ్చిన ఇంటర్వ్యూలో షెహజాద్ పేర్కొన్నాడు.

టీమిండియా కెప్టెన్‌ రోహిత్‌ శర్మ అరుదైన ఘనత సాధించాడు. ప్రస్తుత కెప్టెన్లలో అతి తక్కువ మ్యాచ్‌ల్లో అత్యధిక అంతర్జాతీయ టీ20 విజయాలు సాధించిన కెప్టెన్‌గా రికార్డు నెలకొల్పాడు. విజయాల పరంగా రోహిత్‌ పాక్‌ కెప్టెన్‌ బాబర్‌ ఆజమ్‌తో సమానంగా నిలిచినప్పటికీ.. మ్యాచ్‌ల పరంగా బాబర్‌ కంటే తక్కువ మ్యాచ్‌ల్లో రోహిత్‌ ఈ ఘనత సాధించాడు. హిట్‌మ్యాన్‌ కేవలం 60 మ్యాచ్‌ల్లో 48 విజయాలు సాధించగా.. బాబర్‌కు ఈ మార్కును తాకేందుకు 85 మ్యాచ్‌లు అవసరమయ్యాయి. టీ20 ప్రపంచకప్‌ 2024లో భాగంగా ఆస్ట్రేలియాతో జరిగిన సూపర్‌-8 మ్యాచ్‌లో విజయం సాధించడం ద్వారా రోహిత్‌ ఈ రికార్డును సాధించాడు.మ్యాచ్‌ విషయానికొస్తే.. ఈ మ్యాచ్‌లో రోహిత్‌ శర్మ శివాలెత్తిపోవడంతో టీమిండియా 24 పరుగుల తేడాతో ఆసీస్‌ను చిత్తు చేసింది. టాస్‌ ఓడి తొలుత బ్యాటింగ్‌కు దిగిన భారత్‌.. హిట్‌మ్యాన్‌ వీరవిహారం (41 బంతుల్లో 92; 7 ఫోర్లు, 8 సిక్సర్లు) చేయడంతో నిర్ణీత ఓవర్లలో 5 వికెట్ల నష్టానికి 205 పరుగులు చేసింది. భారత్‌ ఇన్నింగ్స్‌లో సూర్యకుమార్‌ (31), శివమ్‌ దూబే (28), హార్దిక్‌ పాండ్యా (27 నాటౌట్‌) ఓ మోస్తరు స్కోర్లు చేయగా.. విరాట్‌ కోహ్లి (0) మరోసారి నిరాశపరిచాడు.అనంతరం భారీ లక్ష్య ఛేదనకు దిగిన ఆసీస్‌.. నిర్ణీత ఓవర్లు పూర్తయ్యేసరికి లక్ష్యానికి 25 పరుగుల దూరంలో నిలిచిపోయింది. ట్రవిస్‌ హెడ్‌ (76) ఆసీస్‌ను గెలిపించేందుకు విఫలయత్నం చేశాడు. హెడ్‌కు జట్టులో మిగతా బ్యాటర్ల నుంచి సహకారం లభించకపోడంతో ఆస్ట్రేలియా ఓటమిపాలైంది. ఆసీస్‌ ఇన్నింగ్స్‌లో మిచెల్‌ మార్ష్‌ (37), మ్యాక్స్‌వెల్‌ (20), టిమ్‌ డేవిడ్‌ (15), కమిన్స్‌ (11 నాటౌట్‌) రెండంకెల స్కోర్లు చేశారు. భారత బౌలర్లలో అర్ష్‌దీప్‌ సింగ్‌ 3, కుల్దీప్‌ 2, బుమ్రా, అక్షర్‌ పటేల్‌ తలో వికెట్‌ పడగొట్టారు. ఈ గెలుపుతో భారత్‌ అధికారికంగా సెమీస్‌లోకి అడుగుపెట్టింది. గ్రూప్‌-1 నుంచి రెండో సెమీస్‌ బెర్త్‌.. బంగ్లాదేశ్‌-ఆఫ్ఘనిస్తాన్‌ మ్యాచ్‌ ఫలితంపై ఆధారపడి ఉంది.

తమ ఆటగాళ్ల తీరుపై పాకిస్తాన్‌ క్రికెట్‌ బోర్డు చైర్మన్‌ మొహ్సిన్‌ ఖాన్‌ గుర్రుగా ఉన్నట్లు సమాచారం. జట్టు వైఫల్యాలకు కారణమైన కొందరు సీనియర్‌ క్రికెటర్లపై క్రమశిక్షణా చర్యలు తీసుకునేందుకు అతడు సిద్దమైనట్లు తెలుస్తోంది.పాక్‌ జట్టును తిరిగి గాడిలో పెట్టేందుకు కొన్ని కఠినమైన నిర్ణయాలు అమలు చేయాలని మొహ్సిన్‌ ఖాన్‌ సన్నిహిత వర్గాలు స్థానిక మీడియాకు తెలిపాయి.‘‘త్వరలోనే కొంద మంది సీనియరల్‌ లెవల్‌ అధికారులకు స్వస్తి పలికేందుకు పీసీబీ సిద్ధమవుతోంది. అదే విధంగా భవిష్యత్తులో కొన్ని కఠినమైన నిబంధనలు రూపొందించాలనే యోచనలో ఉంది.చాలా మంది క్రికెటర్లు తమ భార్యాపిల్లల్ని మాత్రమే కాదు.. తమ తల్లిదండ్రులు, సోదరులు.. ఇతర బంధువర్గాన్ని కూడా తమతో పాటు విదేశాలకు తీసుకువెళ్లడమే గాకుండా.. టీమ్‌ హోటల్‌లోనే ఉంచారు.ఈ విషయం పట్ల చైర్మన్‌ పూర్తి అసంతృప్తితో ఉన్నారు. దీనికంతటికి కారణమైన సీనియర్‌ ఆఫీసర్లపై వేటు వేయాలని ఆయన యోచిస్తున్నారు.కేవలం టీ20 ప్రపంచకప్‌-2024లో పరాజయాల పట్ల మాత్రమే కాదు.. ఐసీసీ చాంపియన్స్‌ ట్రోఫీ-2025 సన్నాహకాల్లో కూడా వెనుకబడటం పట్ల చైర్మన్‌ తీవ్ర స్థాయిలో ఆగ్రహం వ్యక్తం చేస్తున్నారు’’ అని సదరు వర్గాలు వెల్లడించాయి.కాగా ప్రపంచకప్‌-2024లో అమెరికా వేదికగా లీగ్‌ మ్యాచ్‌లు ఆడిన పాకిస్తాన్‌.. అమెరికా, టీమిండియా చేతిలో ఓటమిపాలైంది. ఆ తర్వాత కెనడా, ఐర్లాండ్‌లపై గెలిచినా సూపర్‌-8కు అర్హత సాధించలేకపోయింది.దీంతో బాబర్‌ ఆజం బృందంపై తీవ్రస్థాయిలో విమర్శలు వస్తున్నాయి. ఐసీసీ టోర్నీ అన్న శ్రద్ధ లేకుండా కుటుంబాలతో కలిసి విదేశాల్లో ఎంజాయ్‌ చేయడానికి మాత్రమే వెళ్లినట్లు ఉందని ఆ దేశ మాజీ క్రికెటర్లు చీవాట్లు పెడుతున్నారు. ఇదిలా ఉంటే.. పాక్‌ భాగమైన గ్రూప్‌-ఏ నుంచి టీమిండియా, అమెరికా సూపర్‌-8కు చేరాయి.

పాకిస్తాన్‌ క్రికెట్‌ జట్టుపై వస్తున్న మ్యాచ్‌ ఫిక్సింగ్‌ ఆరోపణలను ఆ దేశ క్రికెట్‌ బోర్డు తీవ్రంగా పరిగణిస్తున్నట్లు సమాచారం. బాబర్‌ ఆజం బృందాన్ని ఉద్దేశించి నిరాధార ఆరోపణలు చేస్తున్న వారిపై అవసరమైతే చట్ట ప్రకారం చర్యలు తీసుకునేందుకు సిద్ధంగా ఉన్నట్లు తెలుస్తోంది.పీసీబీ సన్నిహిత వర్గాలు ఈ విషయాన్ని వెల్లడించినట్లు స్థానికి మీడియా పేర్కొంది. కాగా టీ20 ప్రపంచకప్‌-2024లో పాకిస్తాన్‌ దారుణంగా విఫలమైన విషయం తెలిసిందే. అమెరికా, టీమిండియా చేతిలో ఓటమిపాలైన బాబర్‌ బృందం.. కెనడా, ఐర్లాండ్‌లపై గెలిచింది.అయితే, అప్పటికే గ్రూప్‌-ఏ నుంచి టీమిండియా, అమెరికా సూపర్‌-8కు చేరగా పాక్‌ టోర్నీ నుంచి నిష్క్రమించింది. ఈ నేపథ్యంలో ఇంటాబయటా పాక్‌ జట్టుపై తీవ్ర స్థాయిలో విమర్శలు వస్తున్నాయి.ఈ నేపథ్యంలో పాకిస్తాన్‌కు చెందిన సీనియర్‌ జర్నలిస్టు ముబాషిర్‌ లుక్మాన్‌ బాబర్‌ ఆజంపై తీవ్ర ఆరోపణలు చేశాడు. పాక్‌ కెప్టెన్‌ మ్యాచ్‌ ఫిక్సింగ్‌కు పాల్పడ్డాడన్న అర్థం వచ్చేలా మాట్లాడుతూ ఓ వీడియో విడుదల చేశాడు.ఈ క్రమంలో పీసీబీ వర్గాలు స్పందించాయి. ‘‘విమర్శలకు కూడా ఓ హద్దు ఉంటుంది. అదుపులో ఉన్నంత వరకు విమర్శకుల పట్ల మాకెలాంటి అభ్యంతరం లేదు.అయితే, మ్యాచ్‌ ఫిక్సింగ్‌ అంటూ నిరాధార ఆరోపణలు చేస్తే మాత్రం పరిణామాలు చాలా తీవ్రంగా ఉంటాయి. ఎవరెవరు ఏం మాట్లాడుతున్నారో గమనిస్తూనే ఉన్నాం.ఆటగాళ్ల విషయంలో పీసీబీకి ఎలాంటి సందేహాలు లేవు. అలాంటపుడు విచారణ జరపాల్సిన అవసరం కూడా లేదు. ఎవరైతే ఆరోపణలు చేస్తున్నారో వారు ఆధారాలతో సహా ముందుకు రావాలి.ఒకవేళ అందులో గనుక విఫలమైతే మేము పరువునష్టం దావా వేయడానికి కూడా వెనుకాడం. ఇందుకు సంబంధించి ఓ కొత్త చట్టం తీసుకురాబోతున్నాం’’ అని సదరు వర్గాలు పేర్కొన్నట్లు పాక్‌ మీడియా వెల్లడించింది. కాగా వరల్డ్‌కప్‌ టోర్నీ నుంచి నిష్క్రమణ తర్వాత పాక్‌ ఆటగాళ్లు విదేశాల్లో సెలవులను ఆస్వాదించడం విశేషం.

పాకిస్తాన్‌ క్రికెట్‌ జట్టు కెప్టెన్‌ బాబర్‌ ఆజం గడ్డు పరిస్థితులు ఎదుర్కొంటున్నాడు. టీ20 ప్రపంచకప్‌-2024లో కెప్టెన్‌గా, బ్యాటర్‌గా విఫలమైన ఈ రైట్‌హ్యాండ్‌ బ్యాటర్‌పై మాజీ క్రికెటర్లు మండిపడుతున్నారు.వెంటనే కెప్టెన్సీకి రాజీనామా చేయాలంటూ డిమాండ్‌ చేస్తున్నారు. జట్టును గ్రూపులుగా విడగొట్టి సర్వనాశనం చేశాడంటూ ఆగ్రహం వ్యక్తం చేస్తున్నారు. పాకిస్తాన్‌ క్రికెట్‌ బోర్డు అతడిపై వేటు వేసి.. కొత్త సారథిని ఎంపిక చేయాలని సూచిస్తున్నారు.ఈ నేపథ్యంలో బాబర్‌ను ఉద్దేశించి పాక్‌ సీనియర్‌ జర్నలిస్టు ముబాషిర్‌ లుక్మాన్‌ తీవ్ర ఆరోపణలు చేశాడు. మ్యాచ్‌ ఫిక్సింగ్‌కు పాల్పడ్డాడేమోననే అర్థం వచ్చేలా మాట్లాడాడు. ఇందుకు సంబంధించిన వీడియో వైరల్‌ అవుతోంది.‘‘బాబర్‌ ఆజం గ్యారేజీలో ఈ- ట్రాన్‌ చేరింది. తన సోదరుడు తనకిది బహుమతిగా ఇచ్చాడని చెప్పాడు. అతడి సోదరుడు అంత గొప్పగా ఏం పని చేస్తాడని.. రూ. 7- 8 కోట్ల కారు గిఫ్టుగా ఇస్తాడు?అతడికి అసలు ఏ పనీపాట లేదని తెలిసింది. నాతో ఎవరో ఒక మాట అన్నారు. ‘చిన్న జట్లపై ఓడిపోయినా.. విలువైన ప్లాట్లు, కార్లు ఇవ్వరు కదా?మరెవరు ఇస్తారు’? అన్నాడు. అప్పుడు నేను అతడి బదులిస్తూ.. ‘ఇవీ మరీ తీవ్రమైన ఆరోపణలు’ అన్నాను. అతడు వెంటనే అందుకుని.. ‘అయినా ఎవరేం చేస్తున్నారో అందరికీ తెలుసులెండి అన్నాడు’’’ అంటూ బాబర్‌ను ఉద్దేశించి సంచలన వ్యాఖ్యలు చేశాడు.కాగా గతేడాది చివర్లో తన అన్నయ్య తనకు ఆడి కారు బహుమతిగా ఇచ్చాడని బాబర్‌ ఆజం తెలిపాడు. భారత్‌లో ఈ కారు విలువ సుమారు రెండు కోట్ల వరకు ఉంటుందని అంచనా. పాక్‌లో ఇంతకు రెండు రెట్లు ఎక్కువే.ఇక బాబర్‌పై తీవ్రమైన ఆరోపణల నేపథ్యంలో అతడి అభిమానులు సదరు జర్నలిస్టుపై మండిపడుతున్నారు. వరల్డ్‌ నంబర్‌ వన్‌ బ్యాటర్‌ అయిన బాబర్‌కు ఇలాంటి దుస్థితి పట్టలేదని పేర్కొంటున్నారు.పాక్‌ బోర్డు నుంచి అందే పారితోషికంతో పాటు.. వివిధ రకాల బ్రాండ్లకు అంబాసిడర్‌గా ఉండటం వల్ల కూడా కోట్లాది రూపాయలు వస్తాయని.. అలాంటి వ్యక్తిపై ఇలాంటి చవకబారు ఆరోపణలు సరికాదని హితవు పలుకుతున్నారు. బాబర్‌ ప్రతిష్టను దిగజార్చేందుకు మరీ ఇంత దారుణంగా వ్యవహరిస్తారా అని ఆగ్రహం వ్యక్తం చేస్తున్నారు. కాగా బాబర్‌ ఆజం సారథ్యంలో టీ20 ప్రపంచకప్‌-2021లో సెమీస్‌ చేరిన పాకిస్తాన్‌.. 2022లో రన్నరప్‌గా నిలిచింది. అయితే, ఈసారి కనీసం సూపర్‌-8 చేరకుండానే నిష్క్రమించింది. లీగ్‌ దశలో అమెరికాతో పాటు టీమిండియా చేతిలో ఓడి ఇంటిబాట పట్టింది. ఇక గతేడాది వన్డే వరల్డ్‌కప్‌లోనూ పాకిస్తాన్‌ సెమీ ఫైనల్‌ కూడా చేరలేదన్న విషయం తెలిసిందే.ఈ క్రమంలో బాబర్‌ ఆజం కెప్టెన్సీకి రాజీనామా చేయగా.. టీ20 ప్రపంచకప్‌-2024కు ముందు పీసీబీ అతడిని మళ్లీ వన్డే, టీ20 కెప్టెన్‌గా పునర్నియమించింది. پاکستان کرکٹ ٹیم کے مایہ ناز جواری کھلاڑی.....بابر اعظم کو امریکا سے میچ ہارنے پر 8 کروڑ کی آڈی ای ٹرون کار اور دبئی میں اپارٹمنٹ کا 👇👇👇👇تحفہ ملا۔ مبشر لقمان کا انکشاف pic.twitter.com/QaaDumG4W9— Qamar Raza (@Rizzvi73) June 19, 2024

పాకిస్తాన్‌ క్రికెట్‌ జట్టుపై విమర్శల పర్వం కొనసాగుతోంది. టీ20 ప్రపంచకప్‌-2024లో బాబర్‌ ఆజం బృందం చెత్త ప్రదర్శన కనబరిచిన విషయం తెలిసిందే.అమెరికా, టీమిండియా చేతిలో ఓడిన పాకిస్తాన్‌.. లీగ్‌ దశలోనే నిష్క్రమించింది. గత ఎడిషన్‌లో రన్నరప్‌గా నిలిచిన పాక్‌.. ఈసారి కనీసం సూపర్‌-8కు కూడా అర్హత సాధించలేకపోయింది.ఈ నేపథ్యంలో బాబర్‌ బృందం ఆట తీరుపై పాక్‌ మాజీ క్రికెటర్లు విరుచుకుపడుతున్నారు. ఏ దశలోనూ ఆకట్టుకునే ప్రదర్శన చేయలేకపోయారని.. గ్రూపు రాజకీయాలతో జట్టును నాశనం చేశారంటూ మండిపడుతున్నారు.ఇక టోర్నీ నుంచి నిష్క్రమించిన తర్వాత కెప్టెన్‌ బాబర్‌ ఆజం సహా ఆజం ఖాన్‌, హ్యారిస్‌ రవూఫ్‌, షాదాబ్‌ ఖాన్‌, మహ్మద్‌ అమీర్‌, ఇమాద్‌ వసీం తదితరులు పాకిస్తాన్‌కు వెళ్లకుండా.. యూకేకి వెళ్లినట్లు సమాచారం. హాలిడే ట్రిప్‌ కోసం వీళ్లంతా కుటుంబాలతో కలిసి లండన్‌ వెళ్లినట్లు వార్తలు వినిపిస్తున్నాయి. మరి కొందరు అమెరికాలోనే ఉన్నట్లు సమాచారం.ఇప్పటికే ఐసీసీ ఈవెంట్‌లో పరాభవానికి తోడు.. ఆటగాళ్లు ఇలా హాలిడే ట్రిప్‌నకు వెళ్లడంతో మాజీ ఆగ్రహం నషాళానికి అంటింది. ఈ నేపథ్యంలో మాజీ వికెట్‌ కీపర్‌ బ్యాటర్‌ అతీక్‌ ఉజ్‌ జమాన్‌ ఘాటు వ్యాఖ్యలు చేశాడు.‘‘మీరంతా ఎందుకింత డ్రామా చేస్తున్నారు. మేము క్రికెట్‌ ఆడే రోజుల్లో.. ఒక కోచ్‌.. అతడితో పాటు మేనేజర్‌ ఉండేవాడు. వాళ్లే టీమ్‌ను చూసుకునే వారు.కానీ ఇప్పుడు 17 మంది ఆటగాళ్లు.. వాళ్లకు తోడు 17 మంది అధికారులు.. మీ అందరి కోసం 60 గదులు బుక్‌ చేయాలి. ఏంటీ తమాషాగా ఉందా? మీరక్కడికి క్రికెట్‌ ఆడేందుకు వెళ్లారా? లేదంటే హాలిడే కోసం వెళ్లారా?అయినా.. వరల్డ్‌కప్‌ లాంటి కీలక ఈవెంట్లకు మీతో పాటు కుటుంబాలను కూడా తీసుకువెళ్లాల్సిన అవసరం ఏమిటి? మ్యాచ్‌లు ఉన్న సమయంలో భార్యలతో కలిసి టూర్లకు వెళ్లడం బాగా అలవాటైపోయింది.భార్య, పిల్లలు, కుటుంబం.. అంతా మీతో ఉన్నపుడు ఆట మీద శ్రద్ధ పెట్టగలరా? బయటకు వెళ్లడం ఫుడ్‌ తినడం, ఫొటోలు, వీడియోలు తీసుకోవడం ఇదేపని.అసలు ఇలాంటి సంస్కృతి పాక్‌ జట్టులో ఉండేదే కాదు. మరీ ఇంత క్రమశిక్షణా రాహిత్యమా? ఒక్కరు కూడా శ్రద్ధగా ఆడుతున్నట్లే కనిపించడం లేదు. ప్రతీ ఏడాది కోట్లకు కోట్లు ఫీజులు మాత్రం తీసుకుంటారు’’ అని అతీక్‌ ఉజ్‌ జమాన్‌ మండిపడ్డాడు. కాగా అతీక్‌ పాకిస్తాన్‌ తరఫున ఒక టెస్టు, మూడు వన్డేలు ఆడాడు.

పాకిస్తాన్‌ క్రికెట్‌ జట్టు ప్రధాన కోచ్‌గా బాధ్యతలు చేపట్టిన గ్యారీ కిర్‌స్టన్‌కు తొలి మెగా టోర్నీలోనే చేదు అనుభవం ఎదురైంది. టీ20 ప్రపంచకప్‌-2024లో పాక్‌ లీగ్‌ దశలోనే నిష్క్రమించింది.ఆతిథ్య అమెరికా, చిరకాల ప్రత్యర్థి టీమిండియా చేతిలో ఓడి పరాభవాన్ని మూటగట్టుకుంది. గ్రూప్‌-ఏలో మిగిలిన కెనడా, ఐర్లాండ్‌లపై గెలిచినా సూపర్‌-8 రేసులో అమెరికాతో పోటీ పడలేక ఇంటిబాట పట్టింది.గత టీ20 వరల్డ్‌కప్‌లో రన్నరప్‌గా నిలిచిన బాబర్‌ ఆజం ఈసారి ఇలా పూర్తిగా విఫలం కావడంతో సర్వత్రా విమర్శలు వెల్లువెత్తుతున్నాయి. బాబర్‌- షాహిన్‌ ఆఫ్రిది మధ్య విభేదాలతో జట్టు రెండుగా చీలిందనే ఆరోపణలు వస్తున్నాయి.ఈ నేపథ్యంలో గ్యారీ కిర్‌స్టన్‌ సైతం జట్టులో ఐక్యత లోపించినందు వల్లే ఇలాంటి చెత్త ఫలితాలు వచ్చాయని ఆగ్రహం వ్యక్తం చేసినట్లు సమాచారం. తాను ఎన్నో జట్లకు మార్గదర్శనం చేశానని.. అయితే, ఇంత చెత్త జట్టును చూడలేదని గ్యారీ మండిపడినట్లు తెలుస్తోంది.టీమిండియా కోచ్‌గా వచ్చెయ్‌ఈ క్రమంలో టీమిండియా స్పిన్‌ దిగ్గజం హర్భజన్‌ సింగ్‌ ఆసక్తికర ట్వీట్‌ చేశాడు. పాక్‌ను వదిలేసి కిర్‌స్టన్‌ ఇండియా హెడ్‌ కోచ్‌గా రావాలని ఆకాంక్షించాడు. ఈ మేరకు.. ‘‘అనవసరంగా నీ సమయాన్ని అక్కడ వృథా చేసుకోకు గ్యారీ.టీమిండియా కోచ్‌గా వచ్చెయ్‌. గ్యారీ కిర్‌స్టెన్‌.. అరుదైన వజ్రం, గొప్ప కోచ్‌లలో ఒకడు. మెంటార్‌, నిజాయితీ గల వ్యక్తి.. అంతేకాదు 2011 వరల్డ్‌కప్‌ గెలిపించిన కోచ్‌.2011 నాటి జట్టులో అందరికీ ప్రియమైన స్నేహితుడు కూడా! గ్యారీ ప్రత్యేకమైన వ్యక్తి’’ అని భజ్జీ ఎక్స్‌ వేదికగా తన మనసులోని భావాలు పంచుకున్నాడు. ఇందుకు సంబంధించిన ట్వీట్‌ వైరల్‌ కాగా.. నెటిజన్లు భిన్నంగా స్పందిస్తున్నారు.గౌతం గంభీర్‌ పేరు ఖరారు!ఇప్పటికే రాహుల్‌ ద్రవిడ్‌ స్థానంలో టీమిండియా హెడ్‌కోచ్‌గా గౌతం గంభీర్‌ పేరు ఖరారు కాగా.. భజ్జీ ఇలా పోస్ట్‌ పెట్టడంలో అర్థమేంటని ప్రశ్నిస్తున్నారు. గంభీర్‌ను వ్యతిరేకిస్తూ.. విదేశీ కోచ్‌ వైపే మొగ్గుచూపాలని బీసీసీఐకి సంకేతాలు ఇస్తున్నాడా అని సందేహాలు వ్యక్తం చేస్తున్నారు.కాగా సౌతాఫ్రికా మాజీ బ్యాటర్‌ గ్యారీ కిర్‌స్టన్‌ గతంలో టీమిండియా ప్రధాన కోచ్‌గా పనిచేశాడు. మహేంద్ర సింగ్‌ ధోని సారథ్యంలో 2011లో భారత్‌ వన్డే వరల్డ్‌కప్‌ గెలిచినపుడు అతడే కోచ్‌గా ఉన్నాడు. ఇక భజ్జీతో పాటు గంభీర్‌ కూడా ఈ జట్టులో సభ్యుడన్న విషయం తెలిసిందే.ఇదిలా ఉంటే.. వరల్డ్‌కప్‌-2024లో భారత జట్టు సూపర్‌-8కు చేరింది. ఇందులో భాగంగా అఫ్గనిస్తాన్‌తో గురువారం తమ తొలి మ్యాచ్‌ఆడనుంది.చదవండి: Suryakumar Yadav: వరల్డ్‌ నంబర్‌ వన్‌గా ఉన్నా.. సూర్య కీలక వ్యాఖ్యలు Don’t waste ur time there Gary .. Come back to Coach Team INDIA .. Gary Kirsten One of the rare 💎.. A Great Coach ,Mentor, Honest nd very dear friend to all in the our 2011 Team .. our winning coach of 2011 worldcup . Special man Gary ❤️ @Gary_Kirsten https://t.co/q2vAZQbWC4— Harbhajan Turbanator (@harbhajan_singh) June 17, 2024

గత కొన్నాళ్లుగా పాకిస్తాన్‌ క్రికెట్‌ జట్టుకు ఏదీ కలిసి రావడం లేదు. భారత్‌ వేదికగా వన్డే వరల్డ్‌కప్‌-2023లో సెమీస్‌ చేరకుండానే నిష్క్రమించిన బాబర్‌ ఆజం బృందం.. టీ20 ప్రపంచకప్‌-2024లోనూ ఘోర పరాభవం చవిచూసింది.గ్రూప్‌-ఏలో టీమిండియా, కెనడా, ఐర్లాండ్‌, అమెరికాలతో కలిసి ఉన్న పాక్‌.. లీగ్‌ దశలోనే నిష్క్రమించింది. ఈ గ్రూపు నుంచి టీమిండియాతో పాటు పసికూన, ఆతిథ్య అమెరికా సూపర్‌-8కు అర్హత సాధించింది.ఈ క్రమంలో పాకిస్తాన్‌ జట్టుపై తీవ్ర స్థాయిలో విమర్శలు వెల్లువెత్తుతున్నాయి. కెప్టెన్‌, కోచ్‌లు, పాకిస్తాన్‌ క్రికెట్‌ బోర్డు యాజమాన్యంలో తరచూ మార్పుల కారణంగానే తీరూ తెన్నూ లేకుండా పోయిందని.. అందుకు నిదర్శనమే ఈ వరుస వైఫల్యాలు అనే అభిప్రాయాలు వ్యక్తమవుతున్నాయి.అఫ్గన్‌, బంగ్లాదేశ్‌ కూడా ఇదిలా ఉంటే.. వరల్డ్‌కప్‌-2024లో పాక్‌ గ్రూప్‌ స్టేజీలోనే ఇంటిబాట పట్టగా.. ఆసియా నుంచి టీమిండియాతో పాటు అఫ్గనిస్తాన్‌, బంగ్లాదేశ్‌ సూపర్‌-8కు చేరుకున్న విషయం తెలిసిందే. నాలుగింట మూడు విజయాలతో గ్రూప్‌-సి నుంచి అఫ్గన్‌.. గ్రూప్‌-డి నుంచి నాలుగింట మూడు గెలిచి బంగ్లా తదుపరి రౌండ్‌కు అర్హత సాధించాయి.ఈ నేపథ్యంలో బంగ్లాదే వెటరన్‌ ఓపెనర్‌ తమీమ్‌ ఇక్బాల్‌ పాకిస్తాన్‌ జట్టును ఉద్దేశించి చేసిన ట్వీట్‌ వైరల్‌ అవుతోంది. పాక్‌ వైఫల్యాలపై సానుభూతి వ్యక్తం చేసిన ఈ బంగ్లా బ్యాటర్‌.. మాజీ కెప్టెన్‌ షాహిద్‌ ఆఫ్రిది వంటి వాళ్లు ప్రస్తుత జట్టుకు మార్గదర్శనం చేస్తే బాగుంటుందని హితవు పలికాడు.‘‘టీ20 ప్రపంచకప్‌ నుంచి పాకిస్తాన్‌ ఎలిమినేట్‌ కావడం విచారకరం. వచ్చేసారి వాళ్లు గొప్పగా రాణించాలని ఆశిస్తున్నా. షాహిద్‌ ఆఫ్రిది వంటి సీనియర్లే వారికి సరైన మార్గం చూపాలి’’ అని తమీమ్‌ ఇక్బాల్‌ ఎక్స్‌ వేదికగా పోస్ట్‌ చేశాడు. ఇక్బాల్‌ ట్వీట్‌కు మద్దతుగా, వ్యతిరేకంగా.. ఇలా మిశ్రమ స్పందనలు వస్తున్నాయి.కఠిన చర్యలకు సిద్ధంవన్డే వరల్డ్‌కప్‌లో అవమానం తర్వాత పాకిస్తాన్‌ వరుసగా విఫలమైంది. ఆస్ట్రేలియాతో టెస్టు సిరీస్‌, న్యూజిలాండ్‌, ఇంగ్లండ్‌లతో టీ20 సిరీస్‌లో పరాజయాలు చవిచూసింది.తాజాగా ప్రపంచకప్‌ రేసు నుంచి లీగ్‌ దశలోనే వైదొలిగింది. అంతేగాక సీనియర్లు సైతం స్థాయికి తగ్గ ప్రదర్శన చేయలేక చతికిలపడ్డారు. ఈ నేపథ్యంలో పాక్‌ బోర్డు ఆటగాళ్లపై కఠిన చర్యలకు ఉపక్రమించినట్లు సమాచారం.సెంట్రల్‌ కాంట్రాక్టులు, జీతాల విషయంలో సమీక్ష నిర్వహించి.. కోతలు విధించేందుకు సిద్ధమైనట్లు తెలుస్తోంది. ఇప్పటికే ఆటగాళ్ల తీరుపై గుర్రుగా ఉన్న పీసీబీ కొత్త చైర్మన్‌ మొహ్సిన్‌ నఖ్వీ ఇందుకు సంబంధించిన నిర్ణయం తీసుకున్నట్లుగా కూడా వార్తలు వినిపిస్తున్నాయి.

టీ20 వరల్డ్‌కప్-2024లో మాజీ ఛాంపియన్స్‌ పాకిస్తాన్‌ దారుణ ప్రదర్శన కనబరిచింది. టైటిల్‌ ఫేవరేట్‌గా బరిలోకి దిగిన పాకిస్తాన్‌ అందరి అంచనాలను తలకిందలు చేస్తూ ఈ మెగా టోర్నీ లీగ్‌ దశలోనే ఇంటిముఖం పట్టింది.టీ20 వరల్డ్‌కప్‌ చరిత్రలో పాకిస్తాన్‌ గ్రూపు స్టేజిలోనే నిష్క్రమించడం ఇదే తొలిసారి. ఈ నేపథ్యంలో పాక్‌ జట్టుపై మాజీ ఆటగాళ్లు విమర్శలు వర్షం కురిపిస్తున్నారు. తాజాగా ఈ జాబితాలో పాక్‌ ప్రస్తుత హెడ్‌ కోచ్‌ గ్యారీ కిర్‌స్టెన్ చేరాడు. ప్రస్తుత పాక్‌ జట్టులో కొంచెం కూడా ఐక్యత లేదని కిర్‌స్టెన్ మండిపడ్డాడు. కాగా 2023 వన్డే వరల్డ్‌కప్‌ తర్వాత పాక్‌క్రికెట్‌ బోర్డు తమ కోచింగ్‌ బృందాన్ని మొత్తం మార్చేసింది. ఈ క్రమంలోనే ఈ ఏడాది ఏప్రిల్‌లో పాక్‌ జట్టు పరిమిత ఓవర్ల హెడ్‌కోచ్‌గా కిర్‌స్టెన్ బాధ్యతలు చేపట్టాడు.అయితే భారత్‌కు వన్డే వరల్డ్‌కప్‌ను అందించిన కిర్‌స్టెన్‌.. పాక్‌ జట్టుతో సైతం అద్భుతాలు సృష్టిస్తాడని అందరూ భావించారు. కానీ పాక్ జట్టు మాత్రం చెత్త ప్రదర్శన కనబరిచి తొలిరౌండ్‌లోనే ఇంటిముఖం పట్టింది."పాకిస్తాన్‌ క్రికెట్‌ టీమ్‌ అస్సలు జట్టే కాదు. పాక్‌ జట్టులో ఐక్యత లేదు. ఒకరికొకరు సపోర్ట్‌గా లేరు. ఎవరికి వారు నచ్చిన విధంగా ఉన్నారు. గ్రూపులుగా విడిపోయారు. నేను నా కెరీర్‌లో చాలా జట్లతో కలిసి పనిచేశాను. కానీ ఏ జట్టులో కూడా ఇటువంటి పరిస్థితులు నేను చూడలేదు. అదేవిధంగా పాక్‌ ఆటగాళ్ల ఫిట్‌నెస్‌ లెవల్స్‌ కూడా అంతంతమాత్రమే అని గ్యారీ కిర్‌స్టన్‌ అన్నట్లు" పాక్‌ మీడియా కథనాలు పేర్కొన్నాయి.

టీ20 ప్రపంచకప్‌-2024 టోర్నీలో చెత్త ప్రదర్శనతో ఇంటా.. బయటా విమర్శలు మూటగట్టుకుంటోంది పాకిస్తాన్‌ క్రికెట్‌ జట్టు. ఓవైపు దాయాది టీమిండియా వరుస విజయాలతో సూపర్‌-8లో సగర్వంగా అడుగుపెట్టగా.. పాక్‌ మాత్రం లీగ్‌ దశలోనే నిష్క్రమించింది.పసికూనగా భావించే ఆతిథ్య అమెరికా జట్టు చేతిలో ఓటమితో ఈ ఐసీసీ ఈవెంట్‌ను ఆరంభించిన బాబర్‌ బృందం.. తర్వాతి మ్యాచ్‌లో చిరకాల ప్రత్యర్థి భారత్‌ చేతిలో ఓడిపోయింది. మరోవైపు.. అమెరికా కెనడా, పాక్‌లపై గెలిచి సూపర్‌-8 మార్గాలను సుగమం చేసుకోగా.. ఐర్లాండ్‌తో మ్యాచ్‌ వర్షం కారణంగా రద్దు కావడంతో అదృష్టం కూడా కలిసి వచ్చింది.ఈ క్రమంలో పాకిస్తాన్‌ను వెనక్కి నెట్టి అమెరికా తదుపరి రౌండ్‌కు అర్హత సాధించగా.. పాకిస్తాన్‌ టోర్నీ నుంచి నిష్క్రమించింది. వరుస ఓటముల తర్వాత కెనడా, ఐర్లాండ్‌ జట్లపై గెలిచినా ఫలితం లేకుండా పోయినా.. గెలుపుతో ఈ ఈవెంట్‌ను ముగించగలిగింది.ఈ నేపథ్యంలో పాకిస్తాన్‌ జట్టు ఆట తీరు, కెప్టెన్‌ బాబర్‌ ఆజంపై తీవ్ర స్థాయిలో విమర్శలు వస్తున్నాయి. బాబర్‌ వెంటనే కెప్టెన్సీ నుంచి తప్పుకోవాలనే డిమాండ్లు వ్యక్తమవుతున్నాయి.ఈ క్రమంలో టీమిండియా మాజీ క్రికెటర్‌, ప్రముఖ కామెంటేటర్‌ సంజయ్‌ మంజ్రేకర్‌ ఆసక్తికర వ్యాఖ్యలు చేశాడు. బాబర్‌ స్థానాన్ని మాజీ క్రికెటర్‌ రమీజ్‌ రాజాతో భర్తీ చేయాలంటూ సరదాగా పీసీబీకి సూచించాడు.బాబర్‌ ఆజం బదులు రమీజ్‌ రాజా అయితే‘‘వాళ్లు(పాక్‌ జట్టు) ఎప్పుడు కష్టాల్లో ఉన్నా రమీజ్‌ రాజా కాపాడేవాడు. ఈసారి కూడా జట్టుకు సీఈఓవో అవుతాడేమో ఎవరికి తెలుసు?!..రమీజ్‌ రాజా ఇప్పటికీ ఫిట్‌గా ఉన్నాడు. బాబర్‌ ఆజంకు బదులు రమీజ్‌ రాజాను కెప్టెన్‌గా నియమించాలి’’ అని మంజ్రేకర్ సరదాగా వ్యాఖ్యానించాడు.కాగా మాజీ బ్యాటర్‌, 61 ఏళ్ల రమీజ్‌ రాజా పా​కిస్తాన్‌ క్రికెట్‌ బోర్డు చైర్మన్‌(2021-2022)గా పనిచేసిన విషయం తెలిసిందే. అతడి హయాంలో బాబర్‌ ఆజం సారథ్యంలోని పాక్‌ జట్టు..2021 టీ20 ప్రపంచకప్‌లో సెమీస్‌ చేరింది. అదే విధంగా 2022లో ఫైనల్‌ చేరి.. రన్నరప్‌గా నిలిచింది. చదవండి: అవును నిజమే.. నేను కూడా!: రోహిత్‌ శర్మతో గిల్‌.. పోస్ట్‌ వైరల్‌

పాకిస్తాన్‌ కెప్టెన్‌ బాబర్‌ ఆజం ఆట తీరును టీమిండియా మాజీ ఓపెనర్‌ వీరేంద్ర సెహ్వాగ్‌ తీవ్ర స్థాయిలో విమర్శించాడు. అసలు అతడికి టీ20 జట్టులో ఉండే అర్హతే లేదని అభిప్రాయపడ్డాడు.టీ20 ప్రపంచకప్‌-2024లో పాకిస్తాన్‌ సూపర్‌-8కు కూడా అర్హత సాధించకుండానే ఇంటిబాట పట్టిన విషయం తెలిసిందే. గత ప్రపంచకప్‌ టోర్నీ(2022)లో రన్నరప్‌గా నిలిచిన బాబర్‌ బృందం.. ఈసారి చెత్త ప్రదర్శనతో లీగ్‌ దశలోనే నిష్క్రమించింది.ఈ నేపథ్యంలో బాబర్‌ ఆజం కెప్టెన్సీ, బ్యాటింగ్‌పై విమర్శలు వెల్లువెత్తుతున్నాయి. వెంటనే అతడిని కెప్టెన్‌గా తొలగించాలని పాకిస్తాన్‌ మాజీ క్రికెటర్లు డిమాండ్‌ చేస్తున్నారు. ఈ క్రమంలో భారత మాజీ ఓపెనర్‌ వీరే​ంద్ర సెహ్వాగ్‌ తన అభిప్రాయాలు పంచుకున్నాడు.టాపార్డర్‌లో సిక్సర్లు బాదే ఆటగాళ్లు ఉండాలిబాబర్‌ ఆజం టీ20 ఫార్మాట్‌కు తగడని.. అతడికి జట్టులో చోటే అనవసరం అని పేర్కొన్నాడు. క్రిక్‌బజ్‌ షోలో మాట్లాడుతూ.. ‘‘టాపార్డర్‌లో సిక్సర్లు బాదే ఆటగాళ్లు ఉండాలి. బాబర్‌ ఆజం అలాంటి ప్లేయర్‌ కాదు.కేవలం స్పిన్నర్ల బౌలింగ్‌లోనే అతడు హిట్టింగ్‌ ఆడగలడు. ఫాస్ట్‌ బౌలర్ల బౌలింగ్‌లో అతడు ఇలాంటి సాహసం చేయడం నేనెప్పుడూ చూడలేదు.అతడు ఆచితూచి నెమ్మదిగా ఆడటమే మనకు కనబడుతుంది. బాబర్‌ పరుగులు సాధిస్తున్న మాట నిజమే. కానీ అతడి స్ట్రైక్‌రేటును కూడా గమనించాలి కదా!అసలు టీ20 జట్టులో ఉండే అర్హతే అతడికి లేదునాయకుడిగా ఉన్నపుడు మన ఆట వల్ల జట్టుకు ప్రయోజనం కలుగుతుందా లేదో చూసుకోవాలి. అవసరమైతే బ్యాటింగ్‌ ఆర్డర్‌లో డిమోట్‌ అయి.. తన స్థానాన్ని హిట్టింగ్‌ ఆడగల ప్లేయర్ల కోసం త్యాగం చేయగలగాలి.ఒకవేళ అతడు గనుక కెప్టెన్‌ కాకపోయి ఉంటే.. అసలు టీ20 జట్టులో ఉండే అర్హతే అతడికి లేదు. నేను కఠినంగా మాట్లాడుతున్నానని మీకు అనిపించవచ్చు.. కానీ ఇదే నిజం. ఎందుకంటే నేటి టీ20 క్రికెట్‌ ప్రమాణాలకు తగ్గట్లు అతడి ఆట లేనేలేదు’’ అని సెహ్వాగ్‌ నిక్కచ్చిగా తన అభిప్రాయం వ్యక్తం చేశాడు.కాగా టీ20 ప్రపంచకప్‌ తాజా ఎడిషన్‌లో ఆడిన నాలుగు మ్యాచ్‌లలో కలిపి బాబర్‌ ఆజం 122 పరుగులు చేశాడు. అయితే అతడి స్ట్రైక్‌రేటు మాత్రం కేవలం 101.66 కావడం గమనార్హం. ఇదిలా ఉంటే.. గ్రూప్‌-ఏ నుంచి టీమిండియాతో పాటు అమెరికా సూపర్‌-8కు చేరగా.. పాక్‌, కెనడా, ఐర్లాండ్‌ ఇంటిబాట పట్టాయి.చదవండి: T20 WC: కెప్టెన్సీకి గుడ్‌ బై?.. బాబర్‌ ఆజం ఘాటు స్పందన

‘‘నేను ఎప్పుడైతే నాయకత్వ బాధ్యతల నుంచి వైదొలగాలని భావించానో అప్పుడే(2023) కెప్టెన్సీ వదిలేశాను. ఈ విషయాన్ని బహిరంగంగా ప్రకటించాను కూడా!ఆ తర్వాత మళ్లీ బోర్డు నాకు ఈ బాధ్యతలు అప్పగించింది. ఇది పూర్తిగా పాకిస్తాన్‌ క్రికెట్‌ బోర్డు నిర్ణయం. ఇక్కడి నుంచి తిరిగి వెళ్లిన తర్వాత.. ఏం జరిగిందన్న అంశం గురించి చర్చిస్తాం.ఎక్కడ పొరపాటు జరిగిందో సమీక్షించుకుంటాం. ఒకవేళ నేను కెప్టెన్సీ వదిలేయాల్సి వస్తే.. కచ్చితంగా అందరి ముందు నేనే ప్రకటిస్తా. ఇందులో దాచాల్సిన విషయం ఏమీ లేదు.ఏం జరిగినా అంతా ఓపెన్‌గానే ఉంటుంది. అయితే, నేనిప్పుడు దాని గురించి ఆలోచించడం లేదు. ఈ విషయంలో పీసీబీదే తుది నిర్ణయం’’ అని పాకిస్తాన్‌ పరిమిత ఓవర్ల క్రికెట్‌ కెప్టెన్‌ బాబర్‌ ఆజం స్పష్టం చేశాడు.వన్డే వరల్డ్‌కప్‌-2023లో వైఫల్యం తర్వాతపాక్‌ బోర్డు ఆదేశాల మేరకే సారథిగా కొనసాగాలా లేదా అన్న విషయమై నిర్ణయం తీసుకుంటానని పేర్కొన్నాడు. కాగా భారత్‌ వేదికగా వన్డే వరల్డ్‌కప్‌-2023లో పాకిస్తాన్‌ ఘోరంగా వైఫల్యం చెందిన విషయం తెలిసిందే.గ్రూప్‌ దశలోనే టోర్నీ నుంచి నిష్క్రమించడంతో నైతిక బాధ్యత వహిస్తూ బాబర్‌ ఆజం కెప్టెన్‌ పదవికి రాజీనామా చేశాడు. అతడి స్థానంలో స్టార్‌ పేసర్‌ షాహిన్‌ ఆఫ్రిది టీ20 కెప్టెన్‌గా పగ్గాలు చేపట్టాడు.అయితే, అతడిని పీసీబీ ఎక్కువకాలం కొనసాగించలేదు. బోర్డు యాజమాన్యం మారిన తర్వాత మళ్లీ బాబర్‌ ఆజంనే వన్డే, టీ20 కెప్టెన్‌గా నియమించింది. ఈ క్రమంలో టీ20 ప్రపంచకప్‌-2024లో బాబర్‌ సారథ్యంలో పాకిస్తాన్‌ ఘోర పరాభవం పాలైంది.గ్రూప్‌-ఏలో ఉన్న పాక్‌.. తొలుత అమెరికా.. తర్వాత టీమిండియా చేతిలో ఓడింది. ఆ తర్వాత కెనడా.. తాజాగా ఐర్లాండ్‌పై గెలుపొందినా అప్పటికే సూపర్‌-8 నుంచి నిష్క్రమించింది. పాక్‌ కంటే మెరుగైన స్థితిలో ఉన్న అమెరికా టీమిండియాతో పాటు తదుపరి దశకు అర్హత సాధించింది.అందరి ప్లేస్‌లో నేను ఆడలేను కదా!ఈ నేపథ్యంలో బాబర్‌ ఆజం కెప్టెన్సీపై విమర్శలు వెల్లువెత్తుతున్నాయి. అతడిని వెంటనే రాజీనామా చేయాలంటూ పాకిస్తాన్‌ మాజీ క్రికెటర్లు డిమాండ్‌ చేస్తున్నారు.ఈ నేపథ్యంలో బాబర్‌ ఆజం స్పందిస్తూ.. ‘‘కేవలం ఒక వ్యక్తి వల్ల మేము ఓడిపోలేదు. జట్టుగా గెలిచాం.. జట్టుగానే ఓడిపోయాం. చాలా మంది కెప్టెన్‌ వైపు వేలు చూపిస్తున్నారు. కానీ ప్రతి ఆటగాడి స్థానంలో నేను వెళ్లి ఆడలేను కదా! జట్టులోని 11 మంది ఆటగాళ్లకు తమదైన పాత్ర ఉంటుంది. జట్టుగా మేము విఫలమయ్యాం. ఈ విషయాన్ని ముము అంగీకరించక తప్పదు. వైఫల్యానికి ఎవరో ఒకరిని బాధ్యులుగా చూపే పరిస్థితి లేదు’’ అని పేర్కొన్నాడు. తనను విమర్శిస్తున్న వాళ్లకు ఈ మేరకు ఘాటుగానే సమాధానం ఇచ్చాడు బాబర్‌ ఆజం.చదవండి: T20 WC: చరిత్ర సృష్టించిన పాకిస్తాన్‌ కెప్టెన్‌.. ధోని వరల్డ్‌ రికార్డు బద్దలు View this post on Instagram A post shared by ICC (@icc)

టీ20 వరల్డ్‌కప్‌-2024లో పాకిస్తాన్‌కు ఊరట విజయం లభించింది. ఆదివారం జరిగిన గ్రూప్‌ ‘ఎ’ చివరి లీగ్‌ మ్యాచ్‌లో ఐర్లాండ్‌పై 3 వికెట్ల తేడాతో పాక్‌ విజయం సాధించింది. 107 పరుగుల స్వల్ప లక్ష్యాన్ని పాక్‌ 18.5 ఓవర్లలో 7 వికెట్లు కోల్పోయి చేధించింది. అయితే ఈ మ్యాచ్‌లో 30 పరుగులతో కీలక ఇన్నింగ్స్‌ ఆడిన పాకిస్తాన్‌ కెప్టెన్‌ బాబర్‌ ఆజం​ అరుదైన ఘనతను తన పేరిట లిఖించుకున్నాడు. టీ20 వరల్డ్‌కప్‌ టోర్నీల్లో అత్యధిక పరుగులు చేసిన కెప్టెన్‌గా బాబర్‌ రికార్డులకెక్కాడు.పొట్టి ప్రపంచకప్‌లో బాబర్‌ ఇప్పటివరకు 17 ఇన్నింగ్స్‌లలో 549 పరుగులు చేశాడు. ఇప్పటివరకు ఈ రికార్డు టీమిండియా మాజీ కెప్టెన్‌ ఎంఎస్‌ ధోని పేరిట ఉండేది. ధోని 29 ఇన్నింగ్స్‌లలో 529 పరుగులు చేశాడు.తాజా మ్యాచ్‌తో ధోని ఆల్‌టైమ్‌ రికార్డును బాబర్‌ బ్రేక్‌ చేశాడు. ఇక ఈ జాబితాలో బాబర్‌, ధోని తర్వాత కివీస్‌ కెప్టెన్‌ కేన్‌ విలియమ్సన్‌(527) ఉన్నాడు. ​కాగా ఈ మెగా టోర్నీలో పాకిస్తాన్‌ దారుణ ప్రదర్శన కనబరిచింది. అమెరికా వంటి పసికూనపై ఓటమి పాలై సూపర్‌-8కు చేరే అవకాశాలను పాక్‌ కోల్పోయింది. ఈ టోర్నీలో ఆడిన నాలుగు మ్యాచ్‌ల్లో రెండు మ్యాచ్‌ల్లో పాక్‌ విజయం సాధించింది.

టీ20 వరల్డ్‌కప్‌-2024ను పాకిస్తాన్‌ విజయంతో ముగించింది. ఇప్పటికే సూపర్‌-8 అవకాశాలను కోల్పోయిన పాకిస్తాన్‌.. తమ చివరి లీగ్‌ మ్యాచ్‌లో ఐర్లాండ్‌పై 3 వికెట్ల తేడాతో విజయం సాధించింది. టాస్‌ గెలిచి ముందుగా బ్యాటింగ్‌కు దిగిన ఐర్లాండ్‌ 20 ఓవర్లలో 9 వికెట్ల నష్టానికి 106 పరుగులు చేసింది. ఐరీష్‌ బ్యాటర్లలో గారెత్‌ డెలానీ(31) టాప్‌ స్కోరర్‌గా నిలవగా.. జోష్‌ లిటిల్‌ (18 బంతుల్లో 22 నాటౌట్‌; 2 ఫోర్లు, 1 సిక్స్‌) ఫర్వాలేదనిపించాడు. పాక్‌ బౌలర్లలో ఇమాద్‌ వసీమ్, షాహిన్‌ అఫ్రిది చెరో 3 వికెట్లు పడగొట్టగా... ఆమిర్‌కు 2 వికెట్లు దక్కాయి.తీవ్రంగా శ్రమించిన పాక్‌..అనంతరం 107 పరుగుల స్వల్ప లక్ష్యాన్ని చేధిం​చేందుకు పాక్‌ తీవ్రంగా శ్రమించింది. వరుస క్రమంలో వికెట్లు కోల్పోయినప్పటకి కెప్టెన్‌ బాబర్‌ ఆజం(32) ఆజేయంగా నిలవగా.. ఆఖరిలో షాహిన్‌ అఫ్రిది (5 బంతుల్లో 13 నాటౌట్‌; 2 సిక్స్‌లు) మెరుపు ఇన్నింగ్స్‌ ఆడి పాక్‌కు రెండో విజయాన్ని అందించాడు.107 పరుగుల స్వల్ప లక్ష్యాన్ని పాక్‌ 18.5 ఓవర్లలో 7 వికెట్లు కోల్పోయి చేజ్‌ చేసింది. ఇక ఈ విజయంపై మ్యాచ్‌ అనంతరం పాక్‌ కెప్టెన్‌ బాబర్‌ ఆజం స్పందించాడు."టోర్నమెంట్‌ను విజయంతో ముగించడం చాలా సంతోషంగా ఉంది. ఈ మ్యాచ్‌లో బౌలింగ్‌లో మేము బాగానే రాణించాము. ఆరంభంలోనే వికెట్లు పడగొట్టి ప్రత్యర్ధి జట్టును ఒత్తడిలోకి నెట్టాము. ఫ్లోరిడా వికెట్‌ పరిస్థితులకు తగ్గట్టు మా బౌలర్లు అద్భుతంగా బౌలింగ్‌ చేశారు.కానీ బ్యాటింగ్‌లో మాత్రం మేము మా మార్క్‌ను చూపించలేకపోయాము. వరుస వికెట్లు కోల్పోయి కష్టాల్లో పడ్డాము. ఏదో విధంగా టెయిలాండర్ల సాయంతో మ్యాచ్‌ను ముగించాము. ఇంతకుముందు మ్యాచ్‌ల్లో కూడా యూఎస్‌ఎ, భారత్‌పై కూడా దగ్గరకు వచ్చి ఓడిపోయాం. జట్టు అవసరం బట్టి నేను ఏ పొజిషన్‌లోనైనా బ్యాటింగ్‌ చేసేందుకు సిద్దంగా ఉన్నారు. అది ఓపెనింగ్‌ అయినా, ఫస్ట్‌డౌన్‌ అయినా కావచ్చు. ఇక జట్టులో మాత్రం అద్బుతమైన ఆటగాళ్లు ఉన్నారు. మాకు కొన్ని రోజుల విశ్రాంతి తర్వాత మేము బంగ్లాపర్యటనకు వెళ్లనున్నాం. ఈ నేపథ్యంలో మా బాయ్స్‌ తిగిరి కమ్‌బ్యాక్‌ ఇస్తారని నేను ఆశిస్తున్నాను. ​అయితే ఈ టోర్నమెంట్‌లో ఎక్కడ తప్పు జరిగిందో అంచనా వేయాల్సిన అవసరం మాకు ఉందని" పోస్ట్‌మ్యాచ్‌ ప్రేజేంటేషన్‌లో బాబర్‌ పేర్కొన్నాడు.చదవండి: సౌతాఫ్రికాను చిత్తు చేసిన భారత్‌.. 143 పరుగుల తేడాతో ఘన విజయం

టీ20 వరల్డ్‌కప్‌-2024లో పాకిస్తాన్‌ జట్టు కథ ముగిసింది. ఈ మెగా టోర్నీలో దారుణ ప్రదర్శన కనబరిచిన పాకిస్తాన్‌ తొలి రౌండ్‌లోనే ఇంటుముఖం పట్టింది. తొలి మ్యాచ్‌లో అమెరికా చేతిలో అనుహ్యంగా ఓటమి చవిచూసిన పాక్‌.. ఆ తర్వాత భారత్‌పై పోరాడి ఓటమి పాలైంది.అనంతరం కెనడాపై తిరిగి పుంజుకుని బాబర్‌ సేన అద్బుత విజయం సాధించింది. దీంతో తమ సూపర్‌-8 ఆశలను పాక్‌ సజీవంగా నిలుపునకుంది. అయితే పాక్‌ భవితవ్యం ఆతిథ్య అమెరికాపై ఆధారపడింది.ఐర్లాండ్ చేతిలో అమెరికా ఓడిపోతుందని, ఆ తర్వాత ఐర్లాండ్‌ను ఓడించి సూపర్-8కు వెళ్లాలని భావించిన పాక్‌ ఆశలపై వరుణుడు నీళ్లు జల్లాడు. అమెరికా-ఐర్లాండ్ మ్యాచ్ వర్షం కారణంగా రద్దవ్వడంతో పాక్ టోర్నీ నుంచి గ్రూప్ దశలోనే నిష్క్రమించింది.ఇదే తొలిసారి..కాగా టీ20 వరల్డ్‌కప్‌లో పాకిస్తాన్‌ గ్రూపు స్టేజిలో ఇంటిముఖం పట్టడం ఇదే తొలిసారి. ఇంతకుముందు టీ20 వరల్డ్‌కప్‌ టోర్నీల్లో పాక్‌ ఒక్కసారి కూడా గ్రూపు స్టేజిలో నిష్క్రమించలేదు. 2007లో షోయబ్‌ మాలిక్‌ సారథ్యంలో రన్నరప్‌గా పాక్‌ నిలిచింది. అనంతరం 2009లో కూడా యూనిస్‌ ఖాన్‌ కెప్టెన్సీలో ఫైనల్‌కు చేరింది. ఆ తర్వాత షాహిద్‌ అఫ్రిది(2010), మహ్మద్‌ హాఫీజ్‌(2012) కెప్టెన్సీలో పాక్‌ సెమీఫైనల్స్‌కు చేరింది. అదే విధంగా బాబర్‌ ఆజం నాయకత్వంలో 2021 పొట్టి వరల్డ్‌కప్‌లో సెమీఫైనలిస్ట్‌గా, 2022 వరల్డ్‌కప్‌లో రన్నరప్‌గా నిలిచింది.కానీ ఈ సారి మాత్రం పాక్‌ గ్రూపు స్టేజిని దాటలేకపోయింది. దీంతో టీ20 ప్రపంచకప్‌లో గ్రూప్‌ స్టేజ్‌ నుంచి నిష్క్రమించిన తొలి పాక్‌ జట్టు కెప్టెన్‌గా బాబర్‌ ఆజం చెత్త రికార్డును నెలకొల్పాడు. దీంతో బాబర్‌పై ఆ దేశ మాజీ క్రికెటర్లు విమర్శల వర్షం కురిపిస్తున్నారు.

పాకిస్తాన్‌ కెప్టెన్‌ బాబర్‌ ఆజం తీరును మాజీ సారథి షాహిద్‌ ఆఫ్రిది విమర్శించాడు. షాహిన్‌ ఆఫ్రిది స్థానంలో బాబర్‌ పగ్గాలు చేపట్టడం సరికాదని పేర్కొన్నాడు. ఒకవేళ బోర్డు ఆఫర్‌ చేసినా.. షాహిన్‌నే కెప్టెన్‌గా కొనసాగించాలని బాబర్‌.. కోరి ఉంటే బాగుండేదంటూ తన అల్లుడికి మద్దతు పలికాడు.వన్డే ప్రపంచకప్‌-2023లో పేలవ ప్రదర్శన తర్వాత పాకిస్తాన్‌ కెప్టెన్సీ బాధ్యతల నుంచి బాబర్‌ ఆజం తప్పుకొన్న విషయం తెలిసిందే. ఈ క్రమంలో నాటి పాక్‌ క్రికెట్‌ బోర్డు టెస్టులకు షాన్‌ మసూద్‌, టీ20 ఫార్మాట్‌కు ప్రధాన పేసర్, షాహిద్‌ ఆఫ్రిది అల్లుడు‌ షాహిన్ ఆఫ్రిదిని కెప్టెన్లుగా ప్రకటించింది.షాహిన్‌పై వేటుఅయితే, మసూద్‌ సారథ్యంలో ఆస్ట్రేలియాతో టెస్టు సిరీస్‌లో క్లీన్‌స్వీప్‌ అయిన పాకిస్తాన్‌.. షాహిన్‌ నేతృత్వంలో న్యూజిలాండ్‌ పర్యటనలో టీ20 సిరీస్‌ను 4-1తో ఓడిపోయింది.ఇక పాకిస్తాన్‌ సూపర్‌ లీగ్‌లోనూ షాహిన్‌ ఆఫ్రిది వైఫల్యం కొనసాగింది. ఈ నేపథ్యంలో పాక్‌ బోర్డు కొత్త యాజమాన్యం అతడిపై వేటు వేసింది. వన్డే, టీ20లకు బాబర్‌ ఆజంనే తిరిగి కెప్టెన్‌గా నియమించింది.అయితే, బాబర్‌ సారథ్యంలోనూ పాకిస్తాన్‌కు చేదు అనుభవాలే ఎదురవుతున్నాయి. తొలుత ఇంగ్లండ్‌తో టీ20 సిరీస్‌ను 0-2తో కోల్పోయిన పాక్‌.. తాజాగా టీ20 ప్రపంచకప్‌-2024లో గ్రూప్‌ దశ దాటకుండానే ఎలిమినేట్‌ అయింది.ఈ నేపథ్యంలో బాబర్‌ ఆజం కెప్టెన్సీపై విమర్శలు వెల్లువెత్తుతుండగా.. షాహిద్‌ ఆఫ్రిది తన అల్లుడు షాహిన్‌ ఆఫ్రిదిని సమర్థిస్తూ వ్యాఖ్యలు చేశాడు. ‘‘వరల్డ్‌కప్‌ వరకు షాహిన్‌ ఆఫ్రిది కెప్టెన్‌గా ఉంటాడని ఒకవేళ పీసీబీ చెబితే.. బాబర్‌ ఆజం అతడికి మద్దతుగా నిలవాల్సింది.‘లేదు. నాకు కెప్టెన్సీ వద్దు. మేమంతా షాహిన్‌ సారథ్యంలో ఆడటానికి సిద్ధంగా ఉన్నాం. అతడు నాతో పాటు ఎన్నో ఏళ్లుగా ఆడుతున్నాడు. అందుకే అతడికే కెప్టెన్సీ అప్పగించండి. నేను అతడికి మద్దతుగా ఉంటూ.. అతడి నాయకత్వంలో ఆడతాను’’ అని బాబర్‌ ఆజం చెప్పాల్సింది.బాబర్‌ ఆజంకు కెప్టెన్సీ చేయడమే రాదుఇలా చేసి ఉంటే అతడిపై గౌరవం పెరిగేది. అయినా.. ఇందులో బాబర్‌ ఒక్కడినే తప్పుబట్టడానికి లేదు. సెలక్షన్‌ కమిటీకి కూడా ఇందులో భాగం ఉంది.సెలక్షన్‌ కమిటీలోని కొందరకు వ్యక్తులు.. బాబర్‌ ఆజంకు కెప్టెన్సీ చేయడమే రాదని డైరెక్ట్‌గానే చెప్పారు. అయినా మళ్లీ అతడి చేతికే పగ్గాలు వచ్చాయి’’ అని షాహిద్‌ ఆఫ్రిది ఘాటు విమర్శలు చేశాడు.ఏదేమైనా బాబర్‌ ఆజం.. తన అల్లుడు షాహిన్‌ ఆఫ్రిదినే కెప్టెన్‌గా కొనసాగించాలని బోర్డును కోరి ఉండాల్సిందని షాహిద్‌ ఆఫ్రిది అభిప్రాయపడ్డాడు. కాగా బాబర్‌ నాయకత్వంలో 2021 వరల్డ్‌కప్‌లో సెమీస్‌ చేరిన పాకిస్తాన్‌.. 2022లో రన్నరప్‌గా నిలిచింది. ఈసారి మాత్రం గ్రూప్‌ స్టేజిలోనే ఇంటిబాట పట్టింది. చదవండి: WC: ఆస్ట్రేలియా గెలవాలని కోరుకుంటున్నాం: ఇంగ్లండ్‌ పేసర్‌

పాకిస్తాన్‌ సెలక్టర్ల తీరుపై ఆ జట్టు మాజీ కెప్టెన్‌ మిస్బా ఉల్‌ హక్‌ మండిపడ్డాడు. మిడిలార్డర్‌లో ఆడే బ్యాటర్లు కనీసం ఒక్కరైనా జట్టులో ఉన్నారా అని ప్రశ్నించాడు.నాణ్యమైన ఆటగాళ్లను జట్టుకు ఎంపిక చేసే అలవాటే లేదా అంటూ మిస్బా సెలక్టర్లను తీవ్రస్థాయిలో విమర్శించాడు. కాగా వన్డే వరల్డ్‌కప్‌-2023లో లీగ్‌ దశలోనే నిష్క్రమించిన పాకిస్తాన్‌.. టీ20 ప్రపంచకప్‌-2024లోనూ అదే చెత్త ప్రదర్శన కనబరిచింది.గ్రూప్‌-ఏలో తొలుత అమెరికా.. తర్వాత టీమిండియా చేతిలో చిత్తుగా ఓడిన బాబర్‌ ఆజం బృందం సూపర్‌-8 అవకాశలను సంక్లిష్టం చేసుకుంది. తాజాగా అమెరికా- ఐర్లాండ్‌ మ్యాచ్‌ వర్షం కారణంగా రద్దు కావడంతో సూపర్‌-8 రేసు నుంచి పూర్తిగా నిష్క్రమించింది.ఇలాంటి ఫలితాలకు ఎవరు కారణం?ఈ నేపథ్యంలో పాకిస్తాన్‌ మాజీ క్రికెటర్లు బాబర్‌ బృందం, సెలక్టర్ల తీరును తప్పుబడుతున్నారు. ప్రపంచకప్‌ టోర్నీకి పూర్తిస్థాయిలో సన్నద్ధం కాకపోవడం వల్లే భారీ మూల్యం చెల్లించారని విమర్శిస్తున్నారు.ఈ నేపథ్యంలో మిస్బా ఉల్‌ హక్‌ పాక్‌ మిడిలార్డర్‌ బ్యాటర్ల తీరును తూర్పారబట్టాడు. ‘‘మిడిలార్డర్‌, లోయర్‌ ఆర్డర్‌లో బ్యాటింగ్‌ చేయగల ఆటగాళ్లే లేరు.గత మూడు ప్రపంచకప్‌ టోర్నీల్లో.. 4, 5, 6 స్థానాల్లో ఎవరు బ్యాటింగ్‌ చేస్తారనే ప్రశ్న తలెత్తింది. అయినా ఆ సమస్యకు పరిష్కారం కనుగొనలేకపోయారు.అందరూ టాపార్డర్‌లోనే బ్యాటింగ్‌ చేస్తామంటే.. 4, 5, 6 స్థానాల్లో ఆడేది ఎవరు? బాబర్ ఆజం, ఇఫ్తికార్‌ అహ్మద్‌ వంటి అత్యుత్తమ ప్లేయర్లు జట్టులో ఉన్నా స్థాయికి తగ్గట్లు రాణించలేకపోతున్నారు.జట్టు ఇలా పతనమవడానికి ఎవరిని బాధ్యులను చేయాలి? ఇలాంటి ఫలితాలకు ఎవరు కారణం?’’ అంటూ మిస్బా ఉల్‌ హక్‌ ఆగ్రహం వ్యక్తం చేశాడు.టీ20 ప్రపంచకప్‌-2024లో పాకిస్తాన్‌ మిడిలార్డర్‌ బ్యాటర్లు సాధించిన పరుగులు👉ఫఖర్‌ జమాన్‌- అమెరికా మీద- 11 (7) ఇండియా మీద- 13 (8), కెనడా మీద 4 (6).👉ఇఫ్తికార్‌ అహ్మద్‌- అమెరికా మీద 18 (14), ఇండియా మీద 5 (9).👉ఆజం ఖాన్‌- అమెరికాతో మ్యాచ్‌లో గోల్డెన్‌ డక్‌👉ఇమాద్ వసీం- ఇండియా మీద 15 (23).👉షాదాబ్‌ ఖాన్‌- అమెరికా మీద 40 (25), ఇండియా మీద 4 (7).చదవండి: T20 WC 2024- SA Vs Nepal: నరాలు తెగే ఉత్కంఠ.. ఆఖరి బంతికి!

టీ20 ప్రపంచకప్‌-2024లో పాకిస్తాన్‌ ప్రయాణం ముగిసింది. పేలవ ప్రదర్శనతో వరుస పరాజయాలతో చతికిలపడ్డ బాబర్‌ ఆజం బృందాన్ని దురదృష్టం కూడా వెంటాడింది.అమెరికా- ఐర్లాండ్‌ మధ్య మ్యాచ్‌ వర్షం కారణంగా రద్దు కావడంతో పాకిస్తాన్‌ సూపర్‌-8 రేసు నుంచి నిష్క్రమించింది. గతేడాది రన్నరప్‌గా నిలిచిన ఈ జట్టు ఈసారి కనీసం సెమీస్‌ కూడా చేరుకుండానే ఇంటిబాట పట్టింది.మరోవైపు.. గ్రూప్‌-ఏ టాపర్‌గా సూపర్‌-8లో అడుగుపెట్టిన టీమిండియాతో పాటు అమెరికా కూడా తదుపరి దశకు అర్హత సాధించింది.బాబర్‌ ఆజంకు మరో చేదు అనుభవంగతేడాది భారత్‌ వేదికగా జరిగిన వన్డే వరల్డ్‌కప్‌లోనూ పాకిస్తాన్‌ చెత్త ప్రదర్శన కనబరిచిన విషయం తెలిసిందే. సెమీ ఫైనల్‌ కూడా చేరుకుండానే ఐసీసీ టోర్నీ నుంచి నిష్క్రమించింది. ఈ క్రమంలో అతడు జట్టు ఓటములకు బాధ్యత వహిస్తూ మూడు ఫార్మాట్ల కెప్టెన్సీ నుంచి వైదొలిగాడు.ఆ తర్వాత బాబర్‌ ఆజం స్థానంలో టెస్టులకు షాన్‌ మసూద్‌, టీ20లకు షాహిన్‌ ఆఫ్రిది కెప్టెన్లుగా నియమితులయ్యారు. అయితే, వీరి సారథ్యంలో ఘోర పరాజయాలు.. అదే విధంగా పాకిస్తాన్‌ క్రికెట్‌ బోర్డులో మార్పుల అనంతరం.. బాబర్‌ ఆజం మళ్లీ పరిమిత ఓవర్ల కెప్టెన్‌గా ఎంపికయ్యాడు.ఆ సిరీస్‌లో వైట్‌వాష్‌టీ20 ప్రపంచకప్‌-2024 టోర్నీకి ముందు పీసీబీ అతడి పునర్నియామకానికి సంబంధించి ప్రకటన విడుదల చేసింది. వన్డే, టీ20 జట్లకు సారథిగా ప్రకటించింది. అయితే, బాబర్‌ కెప్టెన్సీలో తొలుత ఇంగ్లండ్‌తో సిరీస్‌ ఆడిన పాకిస్తాన్‌ వైట్‌వాష్‌(2-0)కు గురికాగా.. వరల్డ్‌కప్‌ టోర్నీలో పరాజయాల పరంపర కొనసాగింది.అమెరికా చేతిలో చిత్తుగ్రూప్‌-ఏలో టీమిండియా, ఐర్లాండ్‌, కెనడా, అమెరికాలతో పాటు ఉన్న పాకిస్తాన్‌.. తొలుత అమెరికా(సూపర్‌ ఓవర్‌ ద్వారా ఫలితం), అనంతరం టీమిండియా చేతిలో ఓటమిపాలైంది. తద్వారా సూపర్‌-8 అవకాశాలను సంక్లిష్టం చేసుకుంది.మరోవైపు.. ఆతిథ్య అమెరికా తొలుత కెనడా.. తర్వాత పాకిస్తాన్‌ను ఓడించి మెరుగైన స్థితిలో నిలిచింది. ఈ క్రమంలో కెనడాపై విజయం సాధించిన పాకిస్తాన్‌.. అమెరికా- ఐర్లాండ్‌ మ్యాచ్‌ ఫలితంపై ఆశలు పెట్టుకోగా అది కాస్తా వర్షం వల్ల రద్దైంది.ఒక మ్యాచ్‌ మిగిలి ఉండగానే అవుట్‌ఫలితంగా అమెరికా ఖాతాలో ఐదు పాయింట్లు చేరగా.. కేవలం రెండు పాయింట్లే కలిగి ఉన్న పాక్‌.. తమకు ఐర్లాండ్‌తో మిగిలిన మ్యాచ్‌లోనూ గెలిచినా లాభం లేకుండా పోయింది. ఐరిష్‌ జట్టుపై పాక్‌ గెలిచినా నాలుగు పాయింట్లే అవుతాయి కాబట్టి.. అమెరికాపై పైచేయి సాధించలేదు. దీంతో అమెరికా సూపర్‌-8కు చేరగా.. బాబర్‌ బృందం గ్రూప్‌ దశ కూడా దాటలేక నిష్క్రమించింది. చదవండి: T20 WC: అతడిని వదిలేశారు... కివీస్‌కు తగినశాస్తి: మాజీ క్రికెటర్‌ ఫైర్‌

అమెరికాపై టీమిండియా విజయం నేపథ్యంలో పాకిస్తాన్‌ సంతోషంలో మునిగిపోయింది. సూపర్‌-8 దశకు చేరుకునే క్రమంలో తమ ఆశలు పదిలం కావడంతో ఆనందంతో ఉబ్బితబ్బిబ్బవుతోంది.టీ20 ప్రపంచకప్‌-2024 ఆరంభంలో పాకిస్తాన్‌ వరుసగా రెండు మ్యాచ్‌లు ఓడిపోయిన విషయం తెలిసిందే. గ్రూప్‌-ఏలో ఉన్న అమెరికా, టీమిండియా చేతిలో చిత్తైన బాబర్‌ ఆజం బృందం... కెనడాపై గెలుపుతో ఊపిరి పీల్చుకుంది.అయితే, సూపర్‌-8లో అడుగుపెట్టాలంటే అమెరికాతో పోటీ పడాల్సిన పరిస్థితి. అప్పటికే మొనాంక్‌ పటేల్‌ సేన రెండు విజయాలు సాధించి.. పాకిస్తాన్‌ కంటే మెరుగైన స్థితిలో ఉండటమే ఇందుకు కారణం.మొన్న ఏడిపించి... ఇపుడేమో శుభవార్తఇలాంటి దశలో టీమిండియా- అమెరికా మ్యాచ్‌ ఫలితంపై పాక్‌ ఆశలు పెట్టుకుంది. ఈ మ్యాచ్‌లో రోహిత్‌ సేన అమెరికాను ఓడిస్తే పాక్‌ సూపర్‌-8కు చేరవయ్యే అవకాశం ఉంటుంది. అందుకు తగ్గట్లుగానే భారత జట్టు బుధవారం నాటి మ్యాచ్‌లో అమెరికాను ఏడు వికెట్ల తేడాతో ఓడించింది.దీంతో పాయింట్ల పరంగా అమెరికా కంటే వెనుకబడి ఉన్నా.. రన్‌రేటు పరంగా ఆ జట్టు కంటే మెరుగైన స్థితిలోకి వెళ్లింది పాక్‌ జట్టు. ఈ క్రమంలో తదుపరి ఐర్లాండ్‌తో మ్యాచ్‌లో తాము గెలవడం.. అమెరికా ఓడటం జరిగితే పాక్‌ సూపర్‌-8లో అడుగుపెట్టే అవకాశం ముంగిట నిలిచింది. కాగా గత మ్యాచ్‌లో భారత్‌ పాక్‌ను ఓడించిన విషయం తెలిసిందే.పాకిస్తాన్‌ సూపర్‌-8కు చేరాలంటే..గ్రూప్‌-ఏలో ఉన్న టీమిండియా ఇప్పటికే మూడు విజయాలతో(ఆరు పాయింట్లు) టాపర్‌గా నిలిచి సూపర్‌-8కు చేరుకుంది.రెండో స్థానం కోసం అమెరికా, పాకిస్తాన్‌ పోటీ పడుతున్నాయి. ఈ రెండు జట్లు ఇప్పటికే గ్రూప్‌ దశలో మూడేసి మ్యాచ్‌లు ఆడాయి.అమెరికా రెండు విజయాలు(4 పాయింట్లు) సాధించగా.. పాకిస్తాన్‌ ఒకటి గెలిచింది(2 పాయింట్లు). అయితే, టీమిండియా చేతిలో ఓటమి తర్వాత నెట్‌ రన్‌రేటు పరంగా అమెరికా(+0.127) పాక్‌ కంటే (+0.191) కాస్త వెనుకబడింది.ఈ నేపథ్యంలో లీగ్‌ దశలో తమకు మిగిలిన ఆఖరి మ్యాచ్‌లో గెలిచిన జట్టు నేరుగా సూపర్‌-8కు చేరుతుంది. అయితే, రెండూ తమ తమ మ్యాచ్‌లలో గెలిస్తే అప్పుడు నెట్‌ రన్‌రేటు కీలకంగా మారుతుంది. ఇక ఆఖరి మ్యాచ్‌లలో అమెరికా, పాకిస్తాన్‌ల ప్రత్యర్థి ఐర్లాండ్‌ కావడం విశేషం. ఈ రెండు జట్లలో ఏది సూపర్‌-8 చేరాలన్నా ఐర్లాండ్‌ ఆట తీరుపైనే ఆధారపడి ఉంది.చదవండి: Rohit Sharma: ఇక్కడ గెలవడం అంత తేలికేమీ కాదు.. క్రెడిట్‌ వాళ్లకే

టీ20 ప్రపంచకప్‌-2024లో పాకిస్తాన్‌ జట్టు ఎట్టకేలకు బోణీ కొట్టింది. కెనడాతో తప్పక గెలవాల్సిన మ్యాచ్‌లో గట్టెక్కి ఊపిరి పీల్చుకుంది. ఏడు వికెట్ల తేడాతో ప్రత్యర్థిని ఓడించి సూపర్‌-8 ఆశలను సజీవం చేసుకుంది.ఈ నేపథ్యంలో పాకిస్తాన్‌ కెప్టెన్‌ బాబర్‌ ఆజం తమ జట్టు ప్రదర్శన పట్ల సంతృప్తి వ్యక్తం చేశాడు. అయితే, రన్‌రేటు పరంగా వేగంగా లక్ష్యాన్ని ఛేదించాలని భావించినా.. పిచ్‌ స్వభావం కారణంగా వీలుపడలేదని విచారం వ్యక్తం చేశాడు.గ్రూప్‌-ఏలో భాగమైన పాకిస్తాన్‌- కెనడాల మధ్య మంగళవారం రాత్రి మ్యాచ్‌ జరిగింది. న్యూయార్క్‌ వేదికగా టాస్‌ గెలిచిన పాక్‌ తొలుత బౌలింగ్‌ ఎంచుకుంది. కెనడా ఓపెనర్‌ ఆరోన్‌ జాన్సన్‌(44 బంతుల్లో 52) అర్థ శతకంతో మెరవగా.. మిగతా వాళ్లలో ఇద్దరు మినహా మిగతా వాళ్లంతా కనీసం పది పరుగుల మార్కు కూడా అందుకోలేకపోయారు.ఫలితంగా నిర్ణీత 20 ఓవర్లలో ఏడు వికెట్లు నష్టపోయి కెనడా కేవలం 106 పరుగులు మాత్రమే చేయగలిగింది. పాకిస్తాన్‌ బౌలర్లలో హ్యారిస్‌ రవూఫ్‌, ఆమిర్‌ రెండేసి వికెట్లు పడగొట్టగా.. షాహిన్‌ ఆఫ్రిది, నసీం షా ఒక్కో వికెట్‌ దక్కించుకున్నారు.ఇక లక్ష్యం చిన్నదే అయినా.. దానిని ఛేదించడానికి పాకిస్తాన్‌ కష్టపడాల్సి వచ్చింది. బ్యాటింగ్‌కు అంతగా అనుకూలించని పిచ్‌పై పాక్‌ బ్యాటర్లు ఆచితూచి ఆడుతూ వికెట్‌ పడకుండా జాగ్రత్తగా ఆడారు.ఓపెనర్‌ మహ్మద్‌ రిజ్వాన్‌ హాఫ్‌ సెంచరీ(53 బంతుల్లో 53) చేయగా.. బాబర్‌ ఆజం(33 బంతుల్లో 33) పరుగులు చేశాడు. మిగత వాళ్లలో సయీమ్‌ ఆయుబ్‌ 6, ఫఖర్‌ జమాన్‌4, ఉస్మాన్‌ ఖాన్‌ 2(నాటౌట్‌) పరుగులు మాత్రమే చేయగలిగారు. ఈ క్రమంలో 17.3 ఓవర్లలో మూడు వికెట్ల నష్టానికి పాక్‌ 107 పరుగులు చేయగలిగింది.ఇక గ్రూప్‌-ఏలో ఉన్న పాక్‌ ఇప్పటికే వరుసగా యూఎస్‌ఏ, టీమిండియా చేతిలో ఓడిపోయిన విషయం తెలిసిందే. అయితే, తాజా విజయంతో పాక్‌ ఖాతాలో రెండు పాయింట్లు చేరినా.. యూఎస్‌ఏ(4 పాయింట్లు) కంటే వెనుకబడే ఉంది.నిజానికి కెనడాతో మ్యాచ్‌లో పాక్‌ లక్ష్యాన్ని 14 ఓవర్లలోనే పూర్తి చేస్తే సూపర్‌-8 దశకు చేరే క్రమంలో యూఎస్‌ఏకు గట్టి పోటీ ఇచ్చి ఉండేది. ఇక పాక్‌ అవకాశాలు మెరుగుపడాలంటే తదుపరి ఐర్లాండ్‌తో మ్యాచ్‌లో గెలవడంతో పాటు.. గ్రూప్‌-‘ఏ’లోని ఇతర జట్ల ఫలితాలపై ఆధారపడాల్సి ఉంటుంది.ఈ నేపథ్యంలో కెనడాపై విజయానంతరం బాబర్‌ ఆజం మాట్లాడుతూ.. ‘‘మాకు ఈ గెలుపు అత్యసవరం. మా వాళ్లు అద్భుతంగా బౌలింగ్‌ చేశారు.తొలి ఆరు ఓవర్లలో మేము అనుకున్న లక్ష్యాన్ని సాధించాం. అయితే, యూఎస్‌ఏ కంటే నెట్‌ రన్‌రేటు పరంగా మెరుగుపడాలనే ఆలోచనతోనే ముందుకు సాగాము. నిజానికి 14 ఓవర్లలోనే లక్ష్యాన్ని ఛేదించాల్సింది. కానీ పిచ్‌ అందుకు సహకరించలేదు’’ అని పేర్కొన్నాడు. తదుపరి మ్యాచ్‌లో మెరుగైన ప్రదర్శనతో టోర్నీలో ముందుసాగుతామని బాబర్‌ ఆజం ఈ సందర్భంగా పేర్కొన్నాడు.గ్రూప్‌-ఏ పాయింట్ల పట్టిక ఇలా..ఇండియా- 2(ఆడినవి)- 2(గెలిచినవి) - 0(ఓడినవి) - 4(పాయింట్లు) - +1.455(నెట్‌ రన్‌రేటు)యూఎస్‌ఏ- 2(ఆడినవి)- 2(గెలిచినవి)0(ఓడినవి)- 4(పాయింట్లు)- +0.626(నెట్‌ రన్‌రేటు)పాకిస్తాన్‌- 3(ఆడినవి)- 1(గెలిచినవి)- 2(ఓడినవి)- 2(పాయింట్లు) - +0.191(నెట్‌ రన్‌రేటు)కెనడా- 3(ఆడినవి) - 1(గెలిచినవి)- 2(ఓడినవి)- 2(పాయింట్లు)- -0.493(నెట్‌ రన్‌రేటు)ఐర్లాండ్‌- 2(ఆడినవి)- 0(గెలిచినవి)- 2(ఓడినవి)- 0(పాయింట్లు)- -1.712(నెట్‌ రన్‌రేటు) View this post on Instagram A post shared by ICC (@icc)

టీ20 ప్రపంచకప్‌-2024లో పాకిస్తాన్‌ కెప్టెన్‌ బాబర్‌ ఆజం అంచనాలు అందుకోలేకపోతున్నాడు. సారథిగా, బ్యాటర్‌గా స్థాయికి తగ్గ ప్రదర్శన చేయలేక విమర్శల పాలవుతున్నాడు.అమెరికా వేదికగా జరుగుతున్న ఈ మెగా టోర్నీలో పాక్‌ జట్టు ఇంత వరకు బోణీ కొట్టకపోవడంతో సూపర్‌-8 అవకాశాలు కూడా సంక్లిష​ంగా మారిన విషయం తెలిసిందే. తొలి మ్యాచ్‌లో అనూహ్య రీతిలో ఆతిథ్య యూఎస్‌ఏ చేతిలో ఓటమి పాలైంది పాకిస్తాన్‌.ఆ తర్వాతి మ్యాచ్‌లో చిరకాల ప్రత్యర్థి టీమిండియాతో మ్యాచ్‌లోనూ బాబర్‌ బృందానికి మరోసారి పరాభవం తప్పలేదు. న్యూయార్క్‌లో ఆదివారం నాటి ఈ మ్యాచ్‌లో భారత్‌ చేతిలో ఆరు పరుగుల తేడాతో ఓడిన పాకిస్తాన్‌.. గ్రూప్‌-ఏ పాయింట్ల పట్టికలో మూడో స్థానానికి పడిపోయింది.యూఎస్‌ఏతో పోటీపడాల్సిన దుస్థితిసూపర్‌-8 దశకు అర్హత సాధించాలంటే పసికూన యూఎస్‌ఏతో పోటీపడాల్సిన స్థితిలో నిలిచింది. ఇక బాబర్‌ ఆజం వ్యక్తిగత ప్రదర్శన విషయానికొస్తే.. ప్రపంచంలోని మేటి బ్యాటర్లలో ఒకడిగా పేరొందిన ఈ రైట్‌హ్యాండర్‌ ఈ ఐసీసీ ఈవెంట్‌ తాజా ఎడిషన్‌లో పెద్దగా ప్రభావం చూపలేకపోతున్నాడు.యూఎస్‌ఏతో మ్యాచ్‌లో 44 పరుగులు చేయగా.. భారత్‌పై కేవలం 13 పరుగులకే బాబర్‌ పరిమితమయ్యాడు. ఈ నేపథ్యంలో బాబర్‌ ఆజం కెప్టెన్సీ, బ్యాటింగ్‌ తీరుపై మాజీ క్రికెటర్లు విమర్శనాస్త్రాలు ఎక్కుపెడుతున్నారు.ఈ క్రమంలో మాజీ కెప్టెన్‌ షోయబ్‌ మాలిక్‌ బాబర్‌ ఆజంను ఉద్దేశించి కీలక వ్యాఖ్యలు చేశాడు. బాబర్‌ వెంటనే కెప్టెన్సీ నుంచి తప్పుకోవాలని విజ్ఞప్తి చేశాడు.ప్లీజ్‌ బాబర్‌.. కెప్టెన్సీ వదిలేసెయ్‌!‘‘చాలా కాలం నుంచి నేను ఇదే మాట చెప్తున్నా. ప్లీజ్‌ బాబర్‌.. కెప్టెన్సీ వదిలేసెయ్‌! నువ్వొక క్లాస్‌ ప్లేయర్‌వి. నీలోని క్లాస్‌ మాత్రమే చూపించు.అదనపు బాధ్యతలు, భారం నెత్తిన పెట్టుకోనట్లయితే ఇంకా ఎంతో బాగా ఆడగలవు. ఒకవేళ బాబర్‌ గనుక కెప్టెన్సీకి దూరంగా ఉన్నట్లయితే కచ్చితంగా అతడికి మంచే జరుగుతుంది’’ అని మాజీ ఆల్‌రౌండర్‌ షోయబ్‌ మాలిక్‌ బాబర్‌కు సూచించాడు.బ్యాటింగ్‌, కెప్టెన్సీ మధ్య ఊగిసలాడవద్దని.. ఆటగాడిగా ఉండేందుకే మొగ్గుచూపాలని అతడికి విజ్ఞప్తి చేశాడు షోయబ్‌ మాలిక్‌. కాగా వన్డే వరల్డ్‌కప్‌-2023లో కనీసం సెమీ ఫైనల్‌ కూడా చేరకుండానే పాకిస్తాన్‌ నిష్క్రమించిన విషయం తెలిసిందే.ఇటీవలే కెప్టెన్‌గా మరోసారి బాధ్యతలుభారత్‌ వేదికగా ఎదురైన ఈ పరాభవానికి బాధ్యత వహిస్తూ ఈ మెగా టోర్నీ అనంతరం బాబర్‌ ఆజం కెప్టెన్సీ పదవికి రాజీనామా చేశాడు. అయితే, అనేక పరిణామాల అనంతరం తిరిగి పాక్‌ వన్డే, టీ20 జట్ల సారథిగా ఇటీవలే పునర్నియమితుడయ్యాడు. ఇక కొత్తగా బాబర్‌ నాయకత్వంలో ఇంగ్లండ్‌తో సిరీస్‌లో 2-0తో ఓటమిపాలైన పాకిస్తాన్‌.. ప్రపంచకప్‌-2024 ఈవెంట్లోనూ తన పరాజయాలు కొనసాగిస్తోంది.చదవండి: నువ్వేమీ గిల్‌క్రిస్ట్‌ కాదు.. జస్ట్‌ బంగ్లాదేశ్‌ ప్లేయర్‌వి: సెహ్వాగ్‌

టీ20 ప్రపంచకప్‌-2024లో టీమిండియా చేతిలో ఓటమి నేపథ్యంలో పాకిస్తాన్‌పై విమర్శల పర్వం కొనసాగుతోంది. మెగా టోర్నీకి జట్టు ఎంపిక మొదలు.. బాబర్‌ ఆజం కెప్టెన్సీ, వ్యక్తిగత ప్రదర్శన వరకు ఏ ఒక్కటి సరిగ్గా లేదంటూ ఆ దేశ మాజీ క్రికెటర్లు మండిపడుతున్నారు.పాకిస్తాన్‌ క్రికెట్‌ బోర్డు మాజీ చైర్మన్‌ రమీజ్‌ రాజా సహా వసీం అక్రం, కమ్రన్‌ అక్మల్‌, సలీం మాలిక్‌ తదితరులు భారత్‌తో మ్యాచ్‌లో పాక్‌ ఆట తీరును తీవ్ర స్థాయిలో విమర్శించారు. తాజాగా మాజీ కెప్టెన్‌ షాహిద్‌ ఆఫ్రిది కూడా ఈ జాబితాలో చేరాడు. ప్రపంచకప్‌ టోర్నీకి ముందు పాకిస్తాన్‌‌ కెప్టెన్‌గా తిరిగి నియమితుడైన‌ బాబర్‌ ఆజంపై అతడు విమర్శలు ఎక్కుపెట్టాడు.‘‘కెప్టెన్‌ అనే వాడు జట్టును ఒకే తాటి మీదకు తెస్తాడు. జట్టును నాశనం చేయగల.. లేదంటే నిర్మించగల శక్తి అతడికి ఉంటుంది. ఈ వరల్డ్‌కప్‌ టోర్నీ ముగిసిన తర్వాత నేను ఈ విషయంపై ఇంకాస్త స్పష్టంగా మాట్లాడతాను’’ అని షాహిద్‌ ఆఫ్రిది పేర్కొన్నాడు.అదే విధంగా తన అల్లుడు షాహిన్‌ ఆఫ్రిది కెరీర్‌లోని ఎత్తుపళ్లాల గురించి ప్రస్తావన రాగా.. ‘‘అతడితో నాకున్న బంధుత్వం కారణంగా.. నేను నా కూతురికి, అతడికి అనుకూలంగా మాట్లాడుతున్నానని చాలా మంది అనుకుంటారు.నిజానికి నేను ఎప్పుడూ అలా మాట్లాడను. ఒకవేళ నా కూతురైనా.. అల్లుడైనా తప్పు చేస్తే తప్పు చేశారనే చెప్తాను. అంతేతప్ప వెనకేసుకురాను’’ అంటూ షాహిద్‌ ఆఫ్రిది ట్రోల్స్‌కు గట్టి కౌంటర్‌ ఇచ్చాడు.కాగా భారత్‌ వేదికగా జరిగిన వన్డే వరల్డ్‌కప్‌-2023లో పాకిస్తాన్‌ కనీసం సెమీస్‌ కూడా చేరుకుండానే ఇంటిబాట పట్టిన విషయం తెలిసిందే. ఈ క్రమంలో జట్టు ఓటములకు నైతిక బాధ్యత వహిస్తూ బాబర్‌ ఆజం కెప్టెన్సీ నుంచి తప్పుకొన్నాడు.ఫలితంగా పాకిస్తాన్‌ టీ20 కెప్టెన్సీ పదవి ప్రధాన పేసర్‌ షాహిన్‌ ఆఫ్రిదిని వరించింది. అయితే, అతడి సారథ్యంలో న్యూజిలాండ్‌ పర్యటనకు వెళ్లిన పాకిస్తాన్‌ ఐదు మ్యాచ్‌ల టీ20 సిరీస్‌ను 0-4తో కోల్పోయింది.ఈ క్రమంలో పాకిస్తాన్‌ క్రికెట్‌ బోర్డు యాజమాన్యంలో పలు మార్పుల అనంతరం బాబర్‌ ఆజం తిరిగి వన్డే, టీ20 కెప్టెన్‌గా నియమితుడయ్యాడు. అతడి నాయకత్వంలో వరల్డ్‌కప్‌నకు ముందు ఇంగ్లండ్‌తో టీ20 సిరీస్‌ ఆడిన పాకిస్తాన్‌ 0-2తో ఓడిపోయింది.ఇక వరల్డ్‌కప్‌-2024లోనూ బాబర్‌ బృందం పరాజయాల పరంపర కొనసాగుతోంది. తమ తొలి మ్యాచ్‌లో యూఎస్‌ఏ చేతిలో ఓడిన పాకిస్తాన్‌.. రెండో మ్యాచ్‌లో భారత్‌ చేతిలోనూ పరాజయం పాలైంది. గ్రూపు దశలో మిలిగిన రెండు మ్యాచ్‌లలో గెలిస్తేనే ఈ టోర్నీలో పాక్‌ ముందడుగు వేయగలుగుతుంది. ఈ నేపథ్యంలో జట్టులో ఐక్యత లేనందువల్లే ఈ పరిస్థితి అంటూ షాహిద్‌ ఆఫ్రిది బాబర్‌ ఆజంను టార్గెట్‌ చేయడం గమనార్హం.చదవండి: Ind vs Pak: కావాలనే బంతులు వృథా చేశాడు: పాక్‌ మాజీ కెప్టెన్‌ ఫైర్‌

దాయాదులు టీమిండియా- పాకిస్తాన్‌ మ్యాచ్‌ అంటే క్రికెట్‌ ప్రేమికులకు పండుగే. చిరకాల ప్రత్యర్థులు నువ్వా- నేనా అన్నట్లు పోటీపడితే చూడాలని కోరుకుంటారు ఇరు దేశాల అభిమానులు. తామూ ఈ జాబితాలో భాగమే అంటున్నారు ఢిల్లీ పోలీసులు.టోర్నీ ఏదైనా భారత్‌- పాక్‌ మ్యాచ్ అంటే తమకూ ఆసక్తేనని.. ఈ మ్యాచ్‌లో టీమిండియా గెలవడం అసలైన మజా అందిస్తుందని పేర్కొంటున్నారు. ఈ క్రమంలో రోహిత్‌ సేన చేతిలో మరోసారి పరాభవం పాలైన పాకిస్తాన్‌ క్రికెట్‌ జట్టును దారుణంగా ట్రోల్‌ చేసింది ఢిల్లీ పోలీస్‌ విభాగం.కాగా టీ20 ప్రపంచకప్‌-2024లో భాగంగా పాకిస్తాన్‌తో తలపడ్డ టీమిండియా ఆరు పరుగుల తేడాతో గెలుపొందిన విషయం తెలిసిందే. న్యూయార్క్‌లోని నసావూ కౌంటీ ఇంటర్నేషనల్‌ స్టేడియంలో జరిగిన ఆదివారం జరిగిన మ్యాచ్‌లో భారత్‌ 119 పరుగులకు ఆలౌట్‌ అయింది.అయితే, లక్ష్య ఛేదనలో పాకిస్తాన్‌కు భారత బౌలర్లు చుక్కలు చూపించారు. ఈ క్రమంలో 113 పరుగులకే పాక్‌ కథ ముగియగా.. టీమిండియా జయకేతనం ఎగురవేసింది. అంతేకాదు టీ20 ప్రపంచకప్‌ చరిత్రలో ఒకే ప్రత్యర్థిపై అత్యధికసార్లు(7) గెలుపొందిన తొలి జట్టుగా నిలిచింది.ఇక భారత్‌- పాక్‌ మ్యాచ్‌ అంటే గెలుపోటములు మాత్రమే కాదు.. భావోద్వేగాల సమాహారం అన్న విషయం తెలిసిందే. ఈ నేపథ్యంలో ఢిల్లీ పోలీస్‌ విభాగం తమ ఎక్స్‌ ఖాతాలో న్యూయార్క్‌ పోలీసులను ఉద్దేశించి ఆసక్తికర ట్వీట్‌ చేసింది.‘‘హే.. న్యూయార్క్‌ సిటీ పోలీస్‌. మాకు రెండు పెద్ద పెద్ద శబ్దాలు వినిపించాయి. ఒకటి.. ‘ఇండియా.. ఇండియా!’.. రెండోది.. బహుశా టీవీలు పగిలిన శబ్దం అనుకుంటా. నిజమో కాదో కాస్త చెప్తారా?’’ అంటూ ఢిల్లీ పోలీస్‌ విభాగం చమత్కరించింది. ఈ ట్వీట్‌ వైరల్‌గా మారింది.ఇప్పటికే ఈ టోర్నీలో పసికూన యూఎస్‌ఏ చేతిలో ఓటమిపాలైన పాకిస్తాన్‌.. తాజాగా టీమిండియా చేతిలోనూ ఓడిపోవడంతో సొంత అభిమానుల నుంచే విమర్శలు ఎదుర్కొంటోంది. ఈ నేపథ్యంలో బాబర్‌ బృందంపై ఆగ్రహం వ్యక్తం చేస్తూ తమ కోపాన్ని వెళ్లగక్కుతున్నారు.Hey, @NYPDnewsWe heard two loud noises. One is "Indiaaa..India!", and another is probably of broken televisions. Can you please confirm?#INDvsPAK#INDvPAK#T20WorldCup— Delhi Police (@DelhiPolice) June 9, 2024

‘‘టీమిండియా విజయంలో క్రెడిట్‌ మొత్తం పాకిస్తాన్‌కే ఇవ్వాలి. ఓడిపోవడానికి అత్యుత్తమంగా ‌ప్రయత్నించారు. ఇంతకంటే గొప్పగా వాళ్ల గురించి చెప్పడానికి ఏమీ లేదు.పాకిస్తాన్‌ మిడిలార్డర్‌ను గమనించారా? మిమ్మల్ని ఎవరూ షాట్లు ఆడమని అడుగలేదు. కనీసం చెత్త షాట్లు ఆడకుండా ఉంటే చాలని మాత్రమే కోరుకున్నాం.కానీ మీరదే చేశారు. సులువుగా గెలవాల్సిన మ్యాచ్‌ను ప్రత్యర్థికి అప్పగించేశారు. విజయం చేరువగా వచ్చినా.. మాకొద్దే వద్దు అన్నట్లు వెనక్కి నెట్టేశారు. ఇది నిజంగా షాకింగ్‌గా.. సర్‌ప్రైజ్‌గా ఉంది’’ అని పాకిస్తాన్‌ దిగ్గజ ఫాస్ట్‌బౌలర్‌ షోయబ్‌ అక్తర్‌ బాబర్‌ ఆజం బృందంపై విరుచుకుపడ్డాడు.కాగా టీ20 ప్రపంచకప్‌-2024లో భాగంగా భారత్‌- పాకిస్తాన్‌ మధ్య ఆదివారం మ్యాచ్‌ జరిగిన విషయం తెలిసిందే. న్యూయార్క్‌ వేదికగా తలపడ్డ దాయాదుల పోరు ఆద్యంతం ఆసక్తి రేపింది.తొలుత అద్భుత బౌలింగ్‌తో టీమిండియాను 119 పరుగులకే కట్టడిచేయగలిగిన పాకిస్తాన్‌.. లక్ష్య ఛేదనలో మాత్రం చేతులెత్తేసింది. విజయానికి ఆరు పరుగుల దూరంలో నిలిచి మరోసారి టీమిండియా చేతిలో భంగపాటుకు గురైంది. నిజానికి ఏ ఒక్క బ్యాటర్‌ కాసేపు ఓపికగా నిలబడినా ఫలితం వేరేలా ఉండేదేమో!అయితే, టీమిండియా ప్రధాన పేసర్‌ జస్‌ప్రీత్‌ బుమ్రా, ఆల్‌రౌండర్‌ హార్దిక్‌ పాండ్యా ధాటికి పరుగులు రాబట్టలేక చతికిల పడ్డ పాక్‌ బ్యాటర్లు.. ఓటమిని చేజేతులా ఆహ్వానించారు. ఈ నేపథ్యంలో రావల్పిండి ఎక్స్‌ప్రెస్‌ షోయబ్‌ అక్తర్‌ ఈ మేరకు వ్యాఖ్యలు చేశాడు.కాగా టీమిండియాతో మ్యాచ్‌లో ఓపెనర్‌ మహ్మద్‌ రిజ్వాన్‌ 31 పరుగులతో పాక్‌ ఇన్నింగ్స్‌లో టాప్‌ స్కోరర్‌గా నిలిచాడు. మిగతా వాళ్లలో వరుసగా బాబర్‌ ఆజం 13, ఉస్మాన్‌ ఖాన్‌ 13, ఫఖర్‌ జమాన్‌ 13, ఇమాద్‌ వసీం 15, షాబాద్‌ ఖాన్‌ 4, ఇఫ్తికార్‌ అహ్మద్‌ 5, షాహిన్‌ ఆఫ్రిది 0*, నసీం షా 10* పరుగులు చేశారు.చదవండి: Ind vs Pak: కావాలనే బంతులు వృథా చేశాడు: పాక్‌ మాజీ కెప్టెన్‌ ఫైర్‌

టీ20 ప్రపంచకప్‌లో దాయాది పాకిస్తాన్‌పై టీమిండియా మరోసారి పైచేయి సాధించింది. చిరకాల ప్రత్యర్థిపై ఆధిపత్యాన్ని చాటుకుంటూ మెగా ఈవెంట్‌లో బాబర్‌ ఆజం బృందాన్ని ఓడించింది. తద్వారా వరల్డ్‌కప్‌-2024లో వరుసగా రెండో విజయం నమోదు చేసి గ్రూప్‌-ఏలో అగ్రస్థానం నిలబెట్టుకుంది.ఇక ఆఖరి బంతి వరకు నరాలు తెగే ఉత్కంఠ రేపిన ఈ మ్యాచ్‌లో ఆరు పరుగుల స్వల్ప తేడాతో ఓడిన పాకిస్తాన్‌కు మరోసారి భంగపాటు తప్పలేదు. ఈ నేపథ్యంలో పాక్‌ కెప్టెన్‌ బాబర్‌ ఆజం ఓటమిపై స్పందించాడు.మా ఓటమికి ప్రధాన కారణం అదేటీమిండియా చేతిలో పరాజయానికి బ్యాటింగ్‌ వైఫల్యమే ప్రధాన కారణమని పేర్కొన్నాడు. ‘‘మేము అద్భుతంగా బౌలింగ్‌ చేశాం. కానీ లక్ష్య ఛేదనలో వరుసగా వికెట్లు కోల్పోవడం.. ఎక్కువగా డాట్‌ బాల్స్‌ కావడంతో వెనుకబడ్డాం.స్ట్రైక్‌ రొటేట్‌ చేస్తూ నెమ్మదిగా పరుగులు రాబట్టాలనే ప్రయత్నం విఫలమైంది. తొలి ఆరు ఓవర్లలోనే వీలైనన్ని ఎక్కువ పరుగులు చేయాలని భావించాం.కానీ.. తొలి వికెట్‌ పడిన తర్వాత నుంచి మళ్లీ కోలుకోలేకపోయాం. నిజానికి పిచ్‌ బాగానే ఉంది. బంతి బ్యాట్‌ మీదకు వస్తోంది. వికెట్‌ కాస్త స్లోగా.. అదనపు బౌన్స్‌కు అనుకూలించింది.వారి నుంచి ఎక్కువగా ఆశించకూడదుఅయినా.. పరుగుల కోసం టెయిలెండర్ల మీద ఆధారపడటం.. వారి నుంచి ఎక్కువగా ఆశించడం కూడా సరైంది కాదు’’ అని బాబర్‌ ఆజం తమ ఓటమికి గల కారణాలు విశ్లేషించాడు.న్యూయార్క్‌ వేదికగా జరిగిన ఈ మ్యాచ్‌లో టీమిండియాను 119 పరుగులకే ఆలౌట్‌ చేసిన పాకిస్తాన్‌.. లక్ష్య ఛేదనలో 113 పరుగులకే పరిమితమైంది. ఫలితంగా ఆరు పరుగుల తేడాతో ఓడింది. పాక్‌ ఆటగాళ్లలో ఓపెనర్‌ మహ్మద్‌ రిజ్వాన్‌ 31 పరుగులతో టాప్‌ స్కోరర్‌గా నిలిచాడు.మిగిలిన వాళ్లలో వరుసగా బాబర్‌ ఆజం 13, ఉస్మాన్‌ ఖాన్‌ 13, ఫఖర్‌ జమాన్‌ 13, ఇమాద్‌ వసీం 15, షాబాద్‌ ఖాన్‌ 4, ఇఫ్తికార్‌ అహ్మద్‌ 5, షాహిన్‌ ఆఫ్రిది 0*, నసీం షా 10* పరుగులు సాధించారు.ఇంకో రెండు గెలిస్తేనేకాగా గ్రూప్‌-ఏలో భాగమైన పాకిస్తాన్‌ వరుసగా రెండు మ్యాచ్‌లు ఓడిన విషయం తెలిసిందే. టీ20 ప్రపంచకప్‌-2024లో తమ తొలి మ్యాచ్‌లో యూఎస్‌ఏ చేతిలో అనూహ్య రీతిలో పరాజయం పాలైన బాబర్‌ బృందం.. తాజాగా ఆదివారం నాటి మ్యాచ్‌లో భారత్‌ చేతిలోనూ ఓడిపోయింది.ఈ క్రమంలో మిగిలిన రెండు మ్యాచ్‌లలో గెలిస్తేనే పాక్‌ ఈ టోర్నీలో ముందుకు సాగుతుంది. ఈ నేపథ్యంలో బాబర్‌ ఆజం మాట్లాడుతూ.. ‘‘మా ఆట తీరులో లోపాలేమిటో కూర్చుని చర్చిస్తాం. ఇంకో రెండు మ్యాచ్‌లు మిగిలి ఉన్నాయి.వాటిలో కచ్చితంగా విజయం సాధించాల్సిందే. ఆ దిశగా ప్రణాళికలు సిద్ధం చేసుకుంటాం’’ అని తెలిపాడు. కాగా పాకిస్తాన్‌ తదుపరి జూన్‌ 11న కెనడా, జూన్‌ 16న ఐర్లాండ్‌తో తలపడనుంది.చదవండి: టీ20 ప్రపంచకప్‌ 2024లో తొలి వికెట్‌ డౌన్‌ View this post on Instagram A post shared by ICC (@icc)

టీ20 వరల్డ్‌కప్‌ 2024లో భాగంగా న్యూయార్క్‌ వేదికగా పాకిస్తాన్‌తో జరిగిన ఉత్కంఠ సమరంలో టీమిండియా 6 పరుగుల తేడాతో విజయం సాధించింది. వరుణుడు ఆటంకాల నడుమ ఆలస్యంగా మొదలైన ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌.. పాక్‌ పేసర్ల ధాటికి 19 ఓవర్లలో 119 పరుగులకు ఆలౌటైంది.పాక్‌ బౌలర్లలో నసీం షా, హరీస్‌ రౌఫ్‌ తలో 3 వికెట్లు, మొహమ్మద్‌ ఆమిర్‌ 2, షాహిన్‌ అఫ్రిది ఓ వికెట్‌ పడగొట్టి టీమిండియా పతనాన్ని శాశించారు. భారత ఇన్నింగ్స్‌లో రిషబ్‌ పంత్‌ (31 బంతుల్లో 42; 6 ఫోర్లు) మినహా అందరూ దారుణంగా విఫలమయ్యారు. రోహిత్‌ శర్మ (12 బంతుల్లో 12; ఫోర్‌, సిక్స్‌), అక్షర్‌ పటేల్‌ (18 బంతుల్లో 20; 2 ఫోర్లు, సిక్స్‌) రెండంకెల స్కోర్‌ చేయగా.. విరాట్‌ కోహ్లి (3 బంతుల్లో 4; ఫోర్‌), సూర్యకుమార్‌ యాదవ్‌ (8 బంతుల్లో 7; ఫోర్‌), శివమ్‌ దూబే (9 బంతుల్లో 3), హార్దిక్‌ పాండ్యా (12 బంతుల్లో 12; ఫోర్‌), రవీంద్ర జడేజా (0), అర్ష్‌దీప్‌ సింగ్‌ (13 బంతుల్లో 9; ఫోర్‌), బుమ్రా (0) సింగిల్‌ డిజిట్‌ స్కోర్లకు పరిమితమయ్యారు.120 పరుగుల స్వల్ప లక్ష్యాన్ని ఛేదించేందుకు బరిలోకి దిగిన పాక్‌.. భారత బౌలర్లు కట్టుదిట్టంగా బౌలింగ్‌ చేయడంతో నిర్ణీత ఓవర్లలో 7 వికెట్ల నష్టానికి 113 పరుగులకే పరిమితమై ఓటమిపాలైంది. బుమ్రా (4-0-14-3), హార్దిక్‌ (4-0-24-2), సిరాజ్‌ (4-0-19-0), అర్ష్‌దీప్‌ సింగ్‌ (4-0-31-1), అక్షర్‌ పటేల్‌ (2-0-11-1) అద్భుతంగా బౌలింగ్‌ చేశారు. పాక్‌ గెలవాలంటే ఆఖరి ఓవర్‌లో 18 పరుగులు చేయాల్సి ఉండగా.. అర్ష్‌దీప్‌ అద్భుతంగా బౌలింగ్‌ చేసి 11 పరుగులు మాత్రమే ఇచ్చాడు. అంతకుముందు ఓవర్‌లో బుమ్రా మ్యాజిక్‌ చేసి కేవలం 3 పరుగులు మాత్రమే ఇచ్చి ఓ వికెట్‌ పడగొట్టాడు. ఈ గెలుపుతో భారత్‌ ప్రపంచకప్‌ టోర్నీల్లో పాక్‌పై తమ రికార్డును 7-1కి మరింత మెరుగుపర్చుకుంది. పాక్‌ ఇన్నింగ్స్‌లో మొహ​మ్మద్‌ రిజ్వాన్‌ (31) ఒక్కడే చెప్పుకోదగ్గ స్కోర్‌ చేశాడు. ఈ ఓటమితో పాక్‌ సూపర్‌ 8 అవకాశాలను సంక్లిష్టం చేసుకుంది.

టీ20 వరల్డ్‌కప్‌ 2024లో భాగంగా న్యూయార్క్‌ వేదికగా టీమిండియాతో ఇవాళ (జూన్‌ 9) జరుగుతున్న మ్యాచ్‌లో పాకిస్తాన్‌ టాస్‌ గెలిచి తొలుత బౌలింగ్‌ ఎంచుకుంది. తేలికపాటి జల్లులు, ఔట్‌ ఫీల్డ్‌ తడిగా ఉన్న కారణంగా టాస్‌ అరగంట ఆలస్యమైంది. ఈ మ్యాచ్‌లో భారత్‌ గత మ్యాచ్‌లో ఆడిన జట్టునే యధాతథంగా బరిలోకి దించగా.. పాక్‌ గత మ్యాచ్‌లో ఆడిన జట్టులో ఓ మార్పు చేసింది. పాక్‌ వికెట్‌కీపర్‌ బ్యాటర్‌ ఆజం ఖాన్‌కు పక్కన పెట్టి ఇమాద్‌ వసీంను తుది జట్టులోకి తీసుకుంది. తుది జట్లు..భారత్: రోహిత్ శర్మ(కెప్టెన్‌), విరాట్ కోహ్లీ, రిషబ్ పంత్(వికెట్‌కీపర్‌), సూర్యకుమార్ యాదవ్, శివమ్ దూబే, హార్దిక్ పాండ్యా, రవీంద్ర జడేజా, అక్షర్ పటేల్, జస్ప్రీత్ బుమ్రా, మహ్మద్ సిరాజ్, అర్ష్‌దీప్ సింగ్పాకిస్తాన్: మహ్మద్ రిజ్వాన్ (వికెట్‌కీపర్‌), బాబర్ ఆజం (కెప్టెన్‌), ఉస్మాన్ ఖాన్, ఫఖర్ జమాన్, షాదాబ్ ఖాన్, ఇఫ్తికర్ అహ్మద్, ఇమాద్ వసీం, షాహీన్ అఫ్రిది, హరీస్ రవూఫ్, నసీమ్ షా, మహ్మద్ అమీర్

టీ20 వరల్డ్‌కప్‌ 2024లో భారత్‌-పాకిస్తాన్‌ మెగా సమరానికి ముందు పాకిస్తాన్‌ మాజీ ఆటగాడు డానిష్‌ కనేరియా సంచలన వ్యాఖ్యలు చేశాడు. సొంత జట్టు సారధి బాబర్‌ ఆజమ్‌పై దుమ్మెతి​పోశాడు. విరాట్‌తో బాబర్‌కు పోలిక ఏంటని షాకింగ్‌ కామెంట్స్‌ చేశాడు. బాబర్‌ విరాట్‌ కాలిగోటికి కూడా సమానం కాదని పరుష పదజాలాన్ని వాడాడు. బాబర్‌ సెంచరీ చేసిన ప్రతిసారి పాక్‌ అభిమానులు అతన్ని విరాట్‌తో పోలుస్తారని.. ఇది ఎంత మాత్రం కరెక్ట్‌ కాదని అభిప్రాయపడ్డాడు. బాబర్‌ను విరాట్‌తో పోలిస్తే అస్సలు ఒప్పుకోనని అన్నాడు. 16 ఏళ్ల కెరీర్‌లో విరాట్‌ 80 సెంచరీల సాయంతో దాదాపు 27000 పరుగులు చేస్తే.. బాబర్‌ తన తొమ్మిదేళ్ల కెరీర్‌లో 31 సెంచరీల సాయంతో 13000 పైచిలుకు పరుగులు మాత్రమే చేశాడని గుర్తు చేశాడు.ప్రస్తుత వరల్డ్‌కప్‌లో యూఎస్‌ఏపై బాబర్‌ ఆడిన ఇన్నింగ్స్‌పై తీవ్రస్థాయిలో ధ్వజమెత్తాడు. పసికూనల బౌలింగ్‌లోనే తేలిపోయిన బాబర్‌కు విరాట్‌తో పోటీపడే అర్హత ఎక్కడ ఉందని నిలదీశాడు. సాధారణ యూఎస్‌ఏ బౌలర్లను ఎదుర్కోలేక చతికిలబడిన బాబర్‌.. ప్రపంచ స్థాయి బౌలర్లను ఏరకంగా ఎదుర్కొంటాడని ప్రశ్నించాడు. యూఎస్‌ఏతో మ్యాచ్‌లో బాబర్‌ ఆడిన ఇన్నింగ్సే పాక్‌ ఓటమికి ప్రధాన కారణమని దుమ్మెత్తిపోశాడు. 44 పరుగులు చేసేందుకు 43 బంతులు తీసుకున్న బాబర్‌.. విరాట్‌తో సరిసమానమైన ప్లేయర్‌ అయ్యుంటే చివరి వరకు క్రీజ్‌లో నిలబడి పాక్‌ను గెలిపించేవాడని అన్నాడు. నేటి మెగా సమరంలో భారత్‌.. పాక్‌ను చిత్తు చేయడం ఖాయమని ఘంటాపథంగా తెలిపాడు. పొట్టి ప్రపంచకప్‌ టోర్నీల్లో పాక్‌పై భారత్‌ డామినేషన్‌ (6-1) కొనసాగుతుందని జోస్యం చెప్పాడు. ప్రపంచకప్‌ లాంటి మెగా టోర్నీలో పోటీపడే ప్రతిసారి బౌలింగే తమ ప్రధాన బలమని జబ్బలు చరుచుకునే పాక్‌.. అదే బౌలింగ్‌ కారణంగా యూఎస్‌ఏ చేతిలో ఓడిందని అభిప్రాయపడ్డాడు. ప్రముఖ వార్త సంస్థకు ఇచ్చిన ఇంటర్వ్యూలో కనేరియా ఈ మేరకు వ్యాఖ్యానించాడు.కాగా, ప్రస్తుతం జరుగుతున్న టీ20 వరల్డ్‌కప్‌లో పాక్‌ తామాడిన తొలి మ్యాచ్‌లో పసికూన యూఎస్‌ఏ చేతిలో చావుదెబ్బ తిన్న విషయం తెలిసిందే. మరోవైపు టీమిండియా.. తమ తొలి మ్యాచ్‌లో ఐర్లాండ్‌ను మట్టికరిపించి గెలుపు జోష్‌లో ఉంది. భారత్‌, పాక్‌లు ఇవాళ (జూన్‌ 9) న్యూయార్క్‌ వేదికగా అమీతుమీకి సిద్దమయ్యాయి. భారతకాలమానం ప్రకారం ఈ మ్యాచ్‌ ఇవాళ రాత్రి 8 గంటలకు ప్రారంభమవుతుంది. ఈ మ్యాచ్‌కు వేదిక అయిన న్యూయార్క్‌లో మ్యాచ్‌ సమయానికి వర్షం పడే అవకాశం ఉందని తెలుస్తుంది. మరోవైపు న్యూయార్క్‌ మైదానంలోని పిచ్‌ ఇరు జట్లను కలవరపెడుతుంది. ఈ పిచ్‌ ఎవరికీ అంతుచిక్కని విధంగా స్పందిస్తూ ఇరు జట్ల ఆటగాళ్లకు కంటి మీద కునుకు లేకుండా చేస్తుంది.

టీ20 వ‌ర‌ల్డ్‌క‌ప్‌-2024లో పాకిస్తాన్‌కు ఊహించ‌ని షాక్ త‌గిలింది. ఈ మెగా టోర్నీలో భాగంగా గురువారం ఆతిథ్య అమెరికాతో జ‌రిగిన లీగ్ మ్యాచ్‌లో పాకిస్తాన్ అనూహ్యంగా ఓట‌మి పాలైంది. ఈ మ్యాచ్‌లో జ‌ట్లు స‌మంగా పోరాడ‌న‌ప్ప‌ట‌కి.. సూప‌ర్ ఓవ‌ర్‌లో మాత్రం విజ‌యం యూఎస్ఎనే వ‌రించింది.తొలుత బ్యాటింగ్‌ చేసిన పాక్‌ 20 ఓవర్లలో 159/7 స్కోరు చేయగా.. అనంతరం లక్ష్య ఛేదనలో యూఎస్‌ఏ కూడా 159/3 స్కోరుతో నిలిచింది. దీంతో మ్యాచ్ సూప‌ర్ ఓవ‌ర్‌కు వెళ్లింది.పాక్ కొంప‌ముంచిన అమీర్‌..ఇక పాకిస్తాన్ త‌ర‌పున సూప‌ర్ ఓవ‌ర్ వేసే బాధ్య‌త‌ను సీనియ‌ర్ పేస‌ర్ మ‌హ్మ‌ద్ అమీర్‌కు కెప్టెన్ బాబ‌ర్ ఆజం అప్ప‌గించాడు. బాబ‌ర్ ఆజం న‌మ్మ‌కాన్ని అమీర్ వ‌మ్ము చేశాడు. సూప‌ర్ ఓవ‌ర్ వేసిన అమీర్ ఏకంగా 18 ప‌రుగులు స‌మ‌ర్పించుకున్నాడు. ఏడు పరుగులు వైడ్ల రూపంలోనే రావడం గమనార్హం. అనంత‌రం 19 ప‌రుగుల ల‌క్ష్య చేధ‌న‌లో పాక్‌ కేవ‌లం 13 ప‌రుగులు మాత్ర‌మే చేసింది. ఇక పాక్ ఓట‌మికి ప‌రోక్షంగా కార‌ణ‌మైన మ‌హ్మ‌ద్ అమీర్‌ను ఆ జ‌ట్టు అభిమానులు దారుణంగా ట్రోలు చేస్తున్నారు. అమీర్ కంటే అఫ్రిదికి బౌలింగ్ బౌలింగ్ ఇచ్చి ఉంటే బాగుండేది అని నెటిజ‌న్లు అభిప్రాయ‌ప‌డుతున్నారు.

పాకిస్తాన్ కెప్టెన్ బాబ‌ర్ ఆజం అరుదైన ఘ‌నత సాధించాడు. అంత‌ర్జాతీయ టీ20ల్లో అత్య‌ధిక ప‌రుగులు చేసిన ఆట‌గాడిగా బాబ‌ర్ చ‌రిత్ర సృష్టించాడు. టీ20 వరల్డ్‌కప్‌-2024లో భాగంగా డల్లాస్ వేదికగా యూఎస్‌ఎతో జరిగిన మ్యాచ్‌లో 16 పరుగుల వ్యక్తిగత స్కోర్ వద్ద బాబర్‌.. ఈ అరుదైన ఘనతను తన ఖాతాలో వేసుకున్నాడు. ఇప్పటివరకు 120 టీ20 మ్యాచ్‌లు ఆడిన ఆజం 4067 పరుగులు సాధించాడు. ఇక ఇంతకుముందు ఈ రికార్డు టీమిండియా స్టార్ బ్యాటర్ విరాట్ కోహ్లి పేరిట ఉండేది. విరాట్ 117 టీ20 మ్యాచ్‌ల్లో 4037 పరుగులు చేశాడు. తాజా మ్యాచ్‌తో కోహ్లిని బాబర్ అధిగమించాడు. ఈ అరుదైన ఘనత సాధించిన జాబితాలో బాబర్ ఆజం, విరాట్ కోహ్లి తర్వాత రోహిత్ శర్మ(4026) మూడో స్ధానంలో నిలిచాడు. ఇక మ్యాచ్ విషయానికి వస్తే.. పాకిస్తాన్‌కు అమెరికా ఊహించని షాకిచ్చింది. సూపర్ ఓవర్‌లో పాకిస్తాన్‌పై అమెరికా విజయం సాధించింది.

టీ20 వ‌ర‌ల్డ్‌క‌ప్‌-2024లో పాకిస్తాన్‌కు ఘోర ప‌రాభావం ఎదురైంది. ఈ మెగా టోర్నీలో భాగంగా డల్లాస్ వేదిక‌గా అమెరికాతో జ‌రిగిన మ్యాచ్‌లో పాకిస్తాన్ ఓట‌మి పాలైంది. ఈ మ్యాచ్‌లో ఇరు జ‌ట్లు స‌మంగా పోరాడ‌న‌ప్ప‌టికి.. సూప‌ర్ ఓవ‌ర్‌లో మాత్రం పాక్‌కు భంగ‌పాటు త‌ప్ప‌లేదు. సూపర్ ఓవర్‌లో తొలుత బ్యాటింగ్ చేసిన‌ అమెరికా 18 పరుగులు చేయగా, పాకిస్తాన్‌ 13 మాత్రమే చేసి ఓటమిపాలైంది. ఈ మ్యాచ్‌లో తొలుత బ్యాటింగ్ చేసిన పాకిస్తాన్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 159 ప‌రుగులు చేసింది. 30 ప‌రుగుల‌కే 3 వికెట్లు కోల్పోయి క‌ష్టాల్లో ప‌డిన పాక్‌ను కెప్టెన్ బాబ‌ర్ ఆజం(44), షాదాబ్ ఖాన్‌(40) ప‌రుగుల‌తో ఆదుకున్నారు. అమెరికా బౌల‌ర్ల‌లో నాస్తుష్‌ కెన్‌జిగే 3 వికెట్లు పడగొట్టగా, సౌరభ్‌ నేత్రావల్కర్‌ 2 వికెట్లు తీశాడు.అనంత‌రం బ్యాటింగ్ దిగిన యూఎస్ఎ నిర్ణీత 20 ఓవ‌ర్లలో కూడా 3 వికెట్లు కోల్పోయి 159 ప‌రుగులు చేసింది. దీంతో మ్యాచ్ ఫ‌లితం సూప‌ర్ ఓవ‌ర్‌లో నిర్ణ‌యించాల్సి వ‌చ్చింది. ఇక ఈ ఓట‌మిపై మ్యాచ్ అనంత‌రం పాకిస్తాన్ కెప్టెన్ బాబ‌ర్ ఆజం స్పందించాడు. బ్యాటింగ్‌, బౌలింగ్ అన్ని విభాగాల్లో విఫలమయ్యామని బాబర్ తెలిపాడు."తొలుత బ్యాటింగ్ పరంగా విఫలమయ్యాం. పవర్ ప్లేను సద్వినియోగం చేసుకోలేపోయాము. వరుస క్రమంలో వికెట్లు కోల్పోవడం మమ్మల్ని దెబ్బతీసింది. ఏ మ్యాచ్‌లోనైనా గెలవాలంటే భాగస్వామ్యాలు చాలా కీలకం. ఈ మ్యాచ్‌లో మేము అది చేయలేకపోయాం.మరోవైపు బంతితో కూడా మేము నిరాశపరిచాం. మా స్పిన్నర్లు కూడా మిడిల్ ఓవర్లలో వికెట్లు తీయలేదు. ఇలా అన్ని విభాగాల్లో విఫలమైనందన ఓటమి చవిచూడాల్సి వచ్చింది. ఇక యూఎస్ఎ చాలా కష్టపడింది. కాబట్టి వారికి క్రెడిట్ ఇవ్వాలనకుంటున్నాను. వారు బ్యాటింగ్‌, బౌలింగ్‌, ఫీల్డింగ్ మూడు విభాగాల్లో మా కంటే మెరుగ్గా ఆడారని" పోస్ట్‌మ్యాచ్ ప్రేజంటేష‌న్‌లో బాబ‌ర్ పేర్కొన్నాడు.

టీ20 వరల్డ్‌కప్‌-2024లో పాకిస్తాన్‌తో తొలి మ్యాచ్‌కు సిద్దమైంది. ఈ మెగా టోర్నీలో భాగంగా డల్లాస్‌ వేదికగా యూఎస్‌ఎతో పాకిస్తాన్‌ తలపడుతోంది. ఈ మ్యాచ్‌లో టాస్‌ గెలిచిన యూఎస్‌ఎ తొలుత బౌలింగ్‌ ఎంచుకుంది. యూఎస్‌ఎ తమ తొలి మ్యాచ్‌ ఆడిన జట్టుతోననే ఈ మ్యాచ్‌లో బరిలోకి దిగింది. మరోవైపు పాకిస్తాన్‌ ఏకంగా నలుగురు పేసర్లతో బరిలోకి దిగింది. ఇక పాకిస్తాన్‌కు ఇదే తొలి మ్యాచ్‌ కాగా.. యూఎస్‌ఎ జట్టు మాత్రం తమ మొదటి మ్యాచ్‌లో కెనడాపై అద్బుత విజయం సాధించింది.తుది జట్లుపాకిస్తాన్‌: బాబర్ ఆజం(కెప్టెన్‌), మహ్మద్ రిజ్వాన్(వికెట్‌ కీపర్‌), ఉస్మాన్ ఖాన్, ఫఖర్ జమాన్, ఆజం ఖాన్, ఇఫ్తీకర్ అహ్మద్, షాదాబ్ ఖాన్, షాహీన్ అఫ్రిది, నసీమ్ షా, మహ్మద్ అమీర్, హరీస్ రవూఫ్యునైటెడ్ స్టేట్స్ : స్టీవెన్ టేలర్, మోనాంక్ పటేల్ (కెప్టెన్‌/ వికెట్‌ కీపర్‌), ఆండ్రీస్ గౌస్, ఆరోన్ జోన్స్, నితీష్ కుమార్, కోరీ అండర్సన్, హర్మీత్ సింగ్, జస్దీప్ సింగ్, నోస్తుష్ కెంజిగే, సౌరభ్ నేత్రవల్కర్, అలీ ఖాన్

టీ20 వరల్డ్‌కప్‌-2024లో పాకిస్తాన్‌ తొలి మ్యాచ్‌కు సిద్దమవుతోంది. ఈ మెగా టోర్నీలో భాగంగా గురువారం(జూన్‌ 6)న డల్లాస్‌ వేదికగా యూనైటడ్‌ స్టేట్స్‌ ఆఫ్‌ అమెరికాతో తలపడనుంది. ఈ మ్యాచ్‌కు ముందు పాకిస్తాన్‌కు ఊహించని షాక్‌ తగిలింది. స్టార్‌ ఆల్‌రౌండర్‌ ఇమాద్‌ వసీం గాయం కారణంగా అమెరికాతో మ్యాచ్‌కు దూరమయ్యాడు. వసీం ప్రస్తుతం ప్రక్కటెముకల నొప్పితో బాధపడుతున్నాడు. అతడు కోలుకోవడానికి వారం రోజుల సమయం పట్టనున్నట్లు తెలుస్తోంది. "ఈ క్రమంలోనే వసీం తమ తొలి మ్యాచ్‌కు దూరమయ్యాడు. ఈ విషయాన్ని పాకిస్థాన్ కెప్టెన్ బాబర్ ఆజం ధృవీకరించాడు. ఇమాద్‌ వసీం ప్రస్తుతం ప్రక్కటెముకల నొప్పితో బాధపడుతున్నాడు. అతడు మా తొలి మ్యాచ్‌కు దూరం కానున్నాడు. టోర్నీలో మిగిలిన మ్యాచ్‌లకు అతడు అందుబాటులో ఉంటాడని ఆశిస్తున్నానని" ప్రీ మ్యాచ్‌ కాన్ఫరెన్స్‌లో ఆజం పేర్కొన్నాడు. కాగా వసీం తన రిటైర్మెంట్‌ను వెనక్కి తీసుకుని పాకిస్తాన్‌ తరపున రీఎంట్రీ ఇచ్చిన సంగతి తెలిసిందే.పాకిస్తాన్‌ తుది జట్టు(అంచనా)మహ్మద్ రిజ్వాన్ (వికెట్ కీపర్), సయీమ్ అయూబ్‌, బాబర్ ఆజం (కెప్టెన్), ఫఖర్ జమాన్, ఆజం ఖాన్, ఇఫ్తికర్ అహ్మద్, షాదాబ్ ఖాన్, ఉస్మాన్ ఖాన్ , షాహీన్ అఫ్రిది, మహ్మద్ అమీర్, నసీమ్ షా.

వన్డే వరల్డ్‌కప్‌-2023లో కనీసం సెమీస్‌ కూడా చేరకుండానే నిష్క్రమించిన పాకిస్తాన్‌ .. టీ20 ఫార్మాట్లో మాత్రం సత్తా చాటాలని ఉవ్విళ్లూరుతోంది. ఎనిమిదో ఎడిషన్‌లో రన్నరప్‌తో సరిపెట్టుకున్న బాబర్‌ ఆజం బృందం.. ఈసారి తమ తలరాతను మార్చుకోవాలని పట్టుదలగా ఉంది.అయితే, టీ20 ప్రపంచకప్‌-2024కు ముందు పాక్‌కు అన్నీ ఎదురుదెబ్బలే తగిలాయి. బాబర్‌ స్థానంలో షాహిన్‌ ఆఫ్రిది టీ20 కెప్టెన్‌గా రావడం.. ఈ క్రమంలో న్యూజిలాండ్‌తో​ సిరీస్‌లో 5-0తో వైట్‌వాష్‌ కావడం.. ఆ తర్వాత బాబర్‌ తిరిగి పగ్గాలు చేపట్టడం వంటి పరిణామాలు చోటు చేసుకున్నాయి.ఇదిలా ఉంటే.. పాక్‌ ఆటగాళ్ల ఫిట్‌నెస్‌పై విమర్శలు వెల్లువెత్తడంతో మిలిటరీ టైప్‌ ట్రెయినింగ్‌ రూపంలో పాక్‌ క్రికెట్‌ బోర్డు ప్రక్షాళన చర్యలు చేపట్టింది. ఈ క్రమంలో మెగా టోర్నీ సన్నాహకాల్లో భాగంగా ఇంగ్లండ్‌తో ఇటీవల జరిగిన టీ20 సిరీస్‌లో కూడా పాక్ చిత్తుగా ఓడిపోయింది.దమ్ముంటే ఈసారి వరల్డ్‌కప్‌ సాధించుఈ నేపథ్యంలో పాకిస్తాన్‌ మాజీ క్రికెటర్‌ అహ్మద్‌ షెహజాద్‌ బాబర్‌ ఆజంను ఉద్దేశించి ఘాటు విమర్శలు చేశాడు. దమ్ముంటే ఈసారి వరల్డ్‌కప్‌ గెలిచి చూపించాలంటూ సవాల్‌ విసిరాడు.ఈ మేరకు.. ‘‘పాకిస్తాన్‌ క్రికెటర్ల క్రమశిక్షణ గురించి మాట్లాడాలంటే తెల్లారిపోతుంది. మనం ఎవరికీ ఎలాంటి సలహాలు ఇవ్వకూడదు.అయితే, క్రికెట్‌ గురించి మాత్రం మాట్లాడొచ్చు కదా! జట్టులో కీలకమైన ఆటగాడిగా ఉన్నపుడు, నా కంటే ఎవరూ ఎక్కువ కాదనే భావనలో మునిగిపోయినపుడు.. వరల్డ్‌కప్‌ గెలిచి చూపించాలి.ఇప్పటికే ఐదు టోర్నమెంట్లు ఆడినా.. మీలో మార్పు రాకపోతే ఎలా?’’ అంటూ ఓ టాక్‌ షోలో మాజీ బ్యాటర్‌ అహ్మద్‌ షెహజాద్‌ బాబర్‌ ఆజంపై పరోక్షంగా సెటైర్లు వేశాడు. కాగా అమెరికా- వెస్టిండీస్‌ వేదికగా జరుగుతున్న వరల్డ్‌కప్‌-2024లో పాక్‌ జట్టు టీమిండియా, ఐర్లాండ్‌, కెనడా, యూఎస్‌ఏతో పాటు గ్రూప్‌-ఏలో ఉంది. జూన్‌ 6న యూఎస్‌ఏతో తమ తొలి మ్యాచ్‌ ఆడనుంది. ప్రపంచకప్‌-2024: పాకిస్తాన్‌ జట్టుబాబర్ ఆజం(కెప్టెన్), అబ్రార్ అహ్మద్, ఆజం ఖాన్, ఫఖర్ జమాన్, హారిస్ రవూఫ్, ఇఫ్తికర్ అహ్మద్, ఇమాద్ వసీం, మహ్మద్ అబ్బాస్ అఫ్రిది, మహ్మద్ అమీర్, మహ్మద్ రిజ్వాన్, నసీమ్ షా, సయీమ్ అయూబ్, షాదాబ్ ఖాన్, షాహీన్ షా అఫ్రిది, ఉస్మాన్ ఖాన్.చదవండి: T20 WC 2024: ఈసారి ట్రోఫీ మాదే: సౌతాఫ్రికా కెప్టెన్‌

టీ20 వరల్డ్‌కప్‌-2024కు పాకిస్తాన్‌ సన్నద్దమవుతోంది. ఈ మెగా టోర్నీ ఆరంభానికి ముందు ఇంగ్లండ్‌ చేతిలో సిరీస్‌ ఓటమి చవిచూసిన పాక్‌.. తమ లోపాలను సరిదిద్దుకునే దిశగా అడుగులు వేస్తోంది. ఇప్పటికే న్యూయార్క్‌ చేరుకున్న పాకిస్తాన్‌ ప్రాక్టీస్‌లో బీజీబీజీగా ఉంది.ఈ మెగా ఈవెంట్‌లో పాకిస్తాన్‌ తమ తొలి మ్యాచ్‌లో డల్లాస్‌ వేదికగా అమెరికాతో తలపడనుంది. ఇక ఇది ఇలా ఉండగా పాకిస్తాన్‌ కెప్టెన్‌ బాబర్‌ ఆజం.. న్యూయర్క్‌లోని ఓ హోటల్‌లో భారత క్రికెట్‌ దిగ్గజం సునీల్ గవాస్కర్‌ కలిశాడు.హోటల్‌లోని డైనింగ్ ఏరియాలో అనుకోకుండా ఒకరికొకరు ఎదురయ్యారు. ఈ క్రమంలో ఒకరికొకరు ఆప్యాయంగా పలకరించారు. ఇందుకు సంబంధించిన వీడియోను పీసీసీ ఎక్స్‌లో షేర్‌ చేసింది. కాగా ఈ మెగా టోర్నీకి సంబంధించి కామెంటరీ ప్యానల్‌లో గవాస్కర్‌ సభ్యునిగా ఉన్న సంగతి తెలిసిందే. ఇక టీ20 వరల్డ్‌కప్‌-2024 సందడి షురూ అయింది. ఆదివారం(జూన్‌ 2) అమెరికా-కెనడా మ్యాచ్‌తో ఈ మెగా టోర్నీకి తెరలేచింది. తొలి మ్యాచ్‌లో కెనడాపై 7 వికెట్ల తేడాతో యూఎస్‌ఎ ఘన విజయం సాధించింది. Babar Azam interacts with cricketing icon Sunil Gavaskar 🤝🏏#T20WorldCup pic.twitter.com/YZMRkDBXWV— Pakistan Cricket (@TheRealPCB) June 1, 2024

వరల్డ్‌క్రికెట్‌లో భారత్‌-పాకిస్తాన్‌ మ్యాచ్‌కు ఉన్న క్రేజు గురించి ప్రత్యేకంగా చెప్పాల్సిన అవసరం లేదు. ఇరు దేశాల మద్య నెలకొన్న రాజకీయ ఉద్రిక్తల మధ్య.. గత కొన్నేళ్ల నుంచి ఈ రెండు జట్లు కేవలం ఐసీసీ టోర్నీల్లో మాత్రం తలపడతునున్నాయి.దీంతో చిరకాల ప్రత్యర్ధిలు ఎప్పుడెప్పుడూ తలపడతారా అని ఇరు దేశాల అభిమానులు వెయ్యి కళ్లతో ఎదురుచూస్తుంటారు. వారి నిరీక్షణ ఫలించే సమయం అసన్నమైంది. టీ20 వరల్డ్‌కప్‌-2024లో భాగంగా జూన్‌ 9న న్యూయర్క్‌ వేదికగా పాక్‌-భారత్ జట్లు అమీతుమీ తెల్చుకోనున్నాయి. ఈ హైవోల్టేజ్‌ మ్యాచ్‌కు ముందు పాకిస్తాన్‌ కెప్టెన్‌ బాబర్‌ ఆజం ఆసక్తికర వ్యాఖ్యలు చేశాడు. ప్రపంచ వ్యాప్తంగా భారత్‌-పాకిస్తాన్‌ మ్యాచ్‌కు క్రేజ్‌ ఉందని బాబర్‌ తెలిపాడు."భారత్‌-పాకిస్తాన్‌ మ్యాచ్‌ ఎల్లప్పుడూ ప్రత్యేకమే. ఈ రెండు జట్లు తలపడతున్నాయంటే అందరి దృష్టి ఆ మ్యాచ్‌పైనే ఉంటాయి. ప్రపంచంలో నలుమూలులా ఈ మ్యాచ్‌ గురించి మాట్లాడుకుంటారు. ఈ మ్యాచ్‌ అంటే చాలు ఇరు జట్ల ఆటగాళ్లలో తెలియని ఉత్సాహం, తెలియని ఉత్సాహం వచ్చేస్తాయి. ప్రతీ ఒక్క ఆటగాడు తమ జట్టును ఎలాగైనా గెలిపించేందుకు సర్వశక్తులా ప్రయత్నిస్తారు. అందుకే భారత్‌-పాక్‌ మ్యాచ్‌ జరిగే రోజు కోసం అతృతగా ఎదురుచూస్తారు. అంతే ఒత్తడి ఇరు జట్లపైనే కూడా ఉంటుంది. కానీ మేము ఏకగ్రాతను కోల్పోకుండా ప్రశాంతంగా ఆడేందుకు ప్రయత్నిస్తాముని" పీసీబీ పాడ్‌కాస్ట్‌కు ఇచ్చిన ఇంటర్వ్యూలో బాబర్‌ పేర్కొన్నాడు.

టీ20 ప్రపంచకప్‌-2024 ఆరంభానికి ముందు పాకిస్తాన్‌ క్రికెట్‌ జట్టుకు చేదు అనుభవం ఎదురైంది. ఇంగ్లండ్‌తో జరిగిన నాలుగు మ్యాచ్‌ల టీ20 సిరీస్‌లో 2-0తో ఓటమిపాలైంది. రెండు మ్యాచ్‌లు వర్షం కారణంగా రద్దు కాగా.. మిగిలిన రెండింటిలో బట్లర్‌ బృందం చేతిలో ఓడి సిరీస్‌ను చేజార్చుకుంది.కాగా వన్డే ప్రపంచకప్‌-2023లో కనీసం సెమీస్‌ కూడా చేరకుండానే పాకిస్తాన్‌ నిష్క్రమించడంతో తీవ్రస్థాయిలో విమర్శలు వెల్లువెత్తాయి. ఈ క్రమంలో కెప్టెన్‌ బాబర్‌ ఆజం నైతిక బాధ్యత వహిస్తూ రాజీనామా చేశాడు.ఫలితంగా అతడి స్థానంలో టీ20లకు పేసర్‌ షాహిన్‌ ఆఫ్రిది, టెస్టులకు షాన్‌ మసూద్‌ను కెప్టెన్లుగా నియమించింది అప్పటి పాక్‌ క్రికెట్‌ బోర్డు. అయితే, వీరిద్దరి సారథ్యంలో పాక్‌ ఆస్ట్రేలియా(టెస్టు), న్యూజిలాండ్‌(టీ20) వైట్‌వాష్‌కు గురైంది.తిరిగి కెప్టెన్‌గామరోవైపు.. పాకిస్తాన్‌ క్రికెట్‌ బోర్డులోనూ ఎప్పటికప్పుడు మార్పులు చోటుచేసుకున్నాయి. ఈ క్రమంలో వన్డే, టీ20లకు బాబర్‌ ఆజం తిరిగి కెప్టెన్‌గా నియమితుడయ్యాడు. ప్రపంచకప్‌-2024లోనూ జట్టును ముందుండి నడిపించనున్నాడు.అయితే, అంతకంటే మందు మెగా టోర్నీ సన్నాహకాల్లో భాగంగా ఇంగ్లండ్‌ చేతిలో పాక్‌ ఇలా పరాభావానికి గురైంది. ఈ నేపథ్యంలో పీసీబీ మాజీ చైర్మన్‌ రమీజ్‌ రాజా మేనేజ్‌మెంట్‌ తీరుపై మండిపడ్డాడు. ప్రయోగాలకు పోయి జట్టును సర్వనాశనం చేశారంటూ తీవ్రస్థాయిలో విమర్శించాడు.ఇప్పటికే జట్టును సర్వనాశనం చేసేశారు‘‘ఇప్పటికైనా ప్రయోగాలు ఆపండి. సరైన కూర్పుతో జట్టును బరిలోకి దించండి. స్ట్రైక్‌రేటు అనే ఫోబియా నుంచి బయటపడండి. ఎందుకంటే మన దగ్గర ఇప్పుడు అంతగా దంచికొట్టే ఆటగాళ్లు లేరు.ఇప్పటికే జట్టును సర్వనాశనం చేసేశారు. అత్యుత్తమ ఓపెనింగ్‌ జోడీ(బాబర్‌ ఆజం- మహ్మద్‌ రిజ్వాన్‌)ను విడదీశారు. మిడిలార్డర్‌లో ఎవరిని ఆడించాలో మీకే స్పష్టత లేదు.ఇద్దరు వికెట్‌ కీపర్లు ఎందుకు?ఆల్‌రౌండర్లందరినీ తెచ్చి మిడిలార్డర్‌లో కుక్కేశారు. ఇద్దరు వికెట్‌ కీపర్లు తుదిజట్టులో ఆడుతున్నారు. ఫాస్ట్‌ బౌలర్లను తరచూ మారుస్తున్నారు. మీ స్పిన్నర్లు బంతిని ఏమాత్రం స్పిన్‌ చేయడం లేదు.వాళ్లలో అసలు ఆత్మవిశ్వాసం కనబడటం లేదు. తుదిజట్టు నుంచి ఇమాద్‌ వసీం(స్పిన్నర్‌)ను ఎందుకు తప్పించారు?.. మిగతా వాళ్ల స్థానాల విషయంలోనూ క్లారిటీ లేదు. ఏదేమైనా టీ20 ప్రపంచకప్‌ వంటి మెగా ఈవెంట్‌కు ముందు జట్టును మొత్తం భ్రష్టుపట్టించారు’’ అని మాజీ బ్యాటర్‌ రమీజ్‌ రాజా పాక్‌ బోర్డు తీరును తూర్పారబట్టాడు.కాగా కివీస్‌తో టీ20 సిరీస్‌ సందర్భంగా సయీమ్‌ ఆయుబ్‌ను ఓపెనర్‌గా ప్రమోట్‌ చేసిన పీసీబీ.. బాబర్‌ను వన్‌డౌన్‌లో ఆడించింది. 21 ఏళ్ల ఆయుబ్‌ న్యూజిలాండ్‌తో సిరీస్‌లో నాలుగు మ్యాచ్‌లు ఆడి కేవలం 52 పరుగులు చేశాడు. కాగా టీ20లలో పాక్‌ అత్యుత్తమ ఓపెనింగ్‌ జోడీగా బాబర్‌- రిజ్వాన్‌ రికార్డులు సృష్టించిన విషయం తెలిసిందే. గత టీ20 ప్రపంచకప్‌-2022లో 105 పరుగుల భాగస్వామ్యం నమోదు చేశారు. ఇక ఈ ఏడాది వరల్డ్‌కప్‌లో పాకిస్తాన్‌ జూన్‌ 6న యూఎస్‌ఏతో తమ తొలి మ్యాచ్‌ ఆడనుంది. ఆ తర్వాత చిరకాల ప్రత్యర్థి టీమిండియాను జూన్‌ 9న ఢీకొట్టనుంది.చదవండి: రోహిత్‌, విరాట్‌ భార్యలను గమనిస్తేనే తెలిసిపోతుంది: గంగూలీ

ఇంగ్లండ్‌తో జరిగిన నాలుగో టీ20 సందర్భంగా పాకిస్తాన్‌ కెప్టెన్‌ బాబర్‌ ఆజమ్‌ అరుదైన మైలురాయిని అందుకున్నాడు. ఈ మ్యాచ్‌లో 36 పరుగులు చేసిన బాబర్‌.. 13 పరుగుల వ్యక్తిగత స్కోర్‌ వద్ద 4000 పరుగుల మైలురాయిని అధిగమించాడు. ప్రపంచ క్రికెట్‌లో కేవలం ఇద్దరే ఇద్దరు ఈ మైలురాయిని తాకారు. బాబర్‌కు ముందు విరాట్‌ కోహ్లి మాత్రమే 4000 టీ20 పరుగులు పూర్తి చేసుకున్నాడు. టీ20ల్లో అత్యధిక పరుగులు చేసిన ఆటగాళ్ల జాబితాలో విరాట్‌ టాప్‌లో ఉండగా.. బాబర్‌ రెండో స్థానంలో నిలిచాడు. విరాట్‌ 117 మ్యాచ్‌ల్లో 4037 పరుగులు చేయగా.. బాబర్‌ 119 టీ20ల్లో 4023 పరుగులు చేశాడు. ఈ జాబితాలో విరాట్‌, బాబర్‌ తర్వాత టీమిండియా కెప్టెన్‌ రోహిత్‌ శర్మ ఉన్నాడు. హిట్‌మ్యాన్‌ 151 టీ20ల్లో 3974 పరుగులు చేసి మూడో స్థానంలో నిలిచాడు. ప్రస్తుత తరం ఆటగాళ్లలో విరాట్‌, బాబర్‌, రోహిత్‌ తర్వాత పాల్‌ స్టిర్లింగ్‌ (3589), మహ్మద్‌ రిజ్వాన్‌ (3203), జోస్‌ బట్లర్‌ (3050), కేన్‌ విలియమ్సన్‌ (2547) టాప్‌-10లో ఉన్నారు.ఇదిలా ఉంటే, టీ20 వరల్డ్‌కప్‌కు ముందు పాకిస్తాన్‌కు ఇంగ్లండ్‌ చేతిలో ఘోర పరాభవం ఎదురైంది. ఓవల్‌ వేదికగా నిన్న జరిగిన నాలుగో టీ20లో పాక్‌ 7 వికెట్ల తేడాతో ఇంగ్లండ్‌ చేతిలో చిత్తుగా ఓడింది. ఫలితంగా ఇంగ్లండ్‌ నాలుగు మ్యాచ్‌ల సిరీస్‌ను 2-0 తేడాతో కైవసం చేసుకుంది.ఈ మ్యాచ్‌లో తొలుత బ్యాటింగ్‌ చేసిన పాక్‌ 19.5 ఓవర్లలో 157 పరుగులకు ఆలౌటైంది. ఆదిల్‌ రషీద్‌ (4-0-27-2), లివింగ్‌స్టోన్‌ (3-1-17-2), మార్క్‌ వుడ్‌ (4-0-35-2) పాక్‌ను దెబ్బకొట్టారు. పాక్‌ ఇన్నింగ్స్‌లో బాబర్‌ ఆజమ్‌ (36), ఉస్మాన్‌ ఖాన్‌ (38) ఓ మోస్తరుగా రాణించగా.. మొహమ్మద్‌ రిజ్వాన్‌ (23), ఇఫ్తికార్‌ అహ్మద్‌ (21), నసీం షా (16) రెండంకెల స్కోర్లు చేయగలిగారు.అనంతరం 158 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్‌.. ఓపెనర్లు ఫిలిప్‌ సాల్ట్‌ (45), జోస్‌ బట్లర్‌ (39) దూకుడుగా ఆడటంతో 15.3 ఓవర్లలో 3 వికెట్లు మాత్రమే కోల్పోయి విజయతీరాలకు చేరింది. విల్‌ జాక్స్‌ (20), జానీ బెయిర్‌స్టో (28 నాటౌట్‌), హ్యారీ బ్రూక్‌ (17 నాటౌట్‌) ఇంగ్లండ్‌ గెలుపుకు తమవంతు సహకారాన్నందించారు. పాక్‌ బౌలర్లలో హరీస్‌ రౌఫ్‌కు మూడు వికెట్లు దక్కాయి.

ఐర్లాండ్‌తో తొలి టీ20లో ఓట‌మికి పాకిస్తాన్ బ‌ద‌లు తీర్చుకుంది. డ‌బ్లిన్ వేదిక‌గా ఐర్లాండ్‌తో జ‌రిగిన రెండో టీ20లో 7 వికెట్ల తేడాతో పాకిస్తాన్ ఘ‌న విజ‌యం సాధించింది. 194 ప‌రుగుల ల‌క్ష్యాన్ని పాకిస్తాన్ కేవ‌లం 3 వికెట్లు మాత్ర‌మే 16.5 ఓవ‌ర్ల‌లో చేధించింది.పాక్ బ్యాట‌ర్ల‌లో మ‌హ్మ‌ద్ రిజ్వాన్‌(75), ఫ‌ఖార్ జ‌మాన్‌(78) హాఫ్ సెంచ‌రీల‌తో చెల‌రేగారు. అంత‌కుముందు బ్యాటింగ్ చేసిన ఐర్లాండ్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 193 ప‌రుగులు చేసింది.ఐరీష్ బ్యాట‌ర్ల‌లో లారెన్ ట‌క్క‌ర్‌(51), టాక్టెర్‌(32) ప‌రుగుల‌తో రాణించాడు. పాక్ బౌల‌ర్ల‌లో షాహీన్ అఫ్రిది 3 వికెట్లు ప‌డ‌గొట్ట‌గా.. అమీర్‌, న‌సీం షా త‌లా వికెట్ సాధించారు.బాబ‌ర్ ఆజం వ‌ర‌ల్డ్ రికార్డు..ఇక మ్యాచ్‌లో పాకిస్తాన్ కెప్టెన్ బాబ‌ర్ ఆజం అరుదైన ఘ‌న‌త సాధించాడు. టీ20ల్లో అత్య‌ధిక మ్యాచ్‌ల్లో విజ‌యం సాధించిన కెప్టెన్‌గా బాబ‌ర్ రికార్డుల‌కెక్కాడు. బాబ‌ర్ సార‌థ్యంలో ఇప్ప‌టివ‌ర‌కు పాకిస్తాన్ 45 మ్యాచ్‌ల్లో విజ‌యం సాధించింది. ఇంత‌కుముందు ఈ రికార్డు ఉగాండా కెప్టెన్ బ్రియాన్ మసాబా పేరిట ఉండేది. బ్రియాన్ మసాబా కెప్టెన్‌గా ఉగాండాకు 44 టీ20లు విజ‌యాలు అందించాడు. తాజా విజ‌యంతో మ‌సాబా రికార్డును బాబ‌ర్ బ్రేక్ చేశాడు. ఈ జాబితాలో వీరిద్ద‌రి త‌ర్వాత ఇంగ్లండ్ మాజీ కెప్టెన్ ఇయాన్ మోర్గాన్ (42), మోర్గాన్ (42), ఆఫ్ఘనిస్థాన్ మాజీ సార‌థి అస్గర్ ఆఫ్ఘన్ (42), భార‌త మాజీ కెప్టెన్‌ ఎంఎస్ ధోనీ (41), రోహిత్ శర్మ (41) ఉన్నారు.

పాకిస్తాన్‌ కెప్టెన్‌ బాబర్‌ ఆజం సరికొత్త చరిత్ర సృష్టించాడు. టీ20 ఫార్మాట్లో ఇంత వరకు ఏ క్రికెటర్‌కూ సాధ్యం కాని ఘనత సాధించాడు. కాగా మూడు మ్యాచ్‌ల టీ20 సిరీస్‌ ఆడేందుకు పాకిస్తాన్‌ ఐర్లాండ్‌ పర్యటనకు వెళ్లింది. ఇందులో భాగంగా ఇరుజట్ల మధ్య శుక్రవారం తొలి మ్యాచ్‌ జరిగింది. డబ్లిన్‌లో జరిగిన ఈ టీ20లో టాస్‌ గెలిచిన ఐర్లాండ్‌ తొలుత బౌలింగ్‌ ఎంచుకుంది.ఈ క్రమంలో బ్యాటింగ్‌కు దిగిన పాకిస్తాన్‌ నిర్ణీత 20 ఓవర్లలో ఆరు వికెట్లు నష్టపోయి 182 పరుగులు చేసింది. ఓపెనర్‌ సయీం ఆయుబ్‌(29 బంతుల్లో 45)తో పాటు బాబర్‌ ఆజం(43 బంతుల్లో 57), ఇఫ్తికర్‌ అహ్మద్‌(15 బంతుల్లో 37*) రాణించారు.ఒక బంతి మిగిలి ఉండగానేఅయితే, పాక్‌ విధించిన లక్ష్యాన్ని ఐర్లాండ్‌ అనూహ్య రీతిలో ఛేదించింది. ఓపెనర్‌ ఆండ్రు బల్బిర్నీ(55 బంతుల్లో 77), హ్యారీ టెక్టర్‌(27 బంతుల్లో 36), జార్జ్‌ డాక్రెల్‌(12 బంతుల్లో 24) దుమ్ములేపడంతో ఒక బంతి మిగిలి ఉండగానే విజయ ఢంకా మోగించింది.ఐదు వికెట్ల తేడాతో పాకిస్తాన్‌ను చిత్తు చేసి సొంతగడ్డపై జయభేరి మోగించింది. సిరీస్‌లో 1-0తో ఆధిక్యం సాధించింది ఐర్లాండ్‌. దీంతో పాకిస్తాన్‌కు పరాభవం ఎదురైనా.. బాబర్‌ ఆజం మాత్రం వ్యక్తిగతంగా ఓ అరుదైన రికార్డు సాధించాడు.పిన్న వయస్కుడిగా బాబర్‌ ప్రపంచ రికార్డుపొట్టి ఫార్మాల్లో అత్యంత వేగంగా వందకు పైగా 50 ప్లస్‌ స్కోర్లు సాధించిన అత్యంత పిన్న వయస్కుడిగా 29 ఏళ్ల బాబర్‌ ఆజం నిలిచాడు. ఓవరాల్‌గా ఈ జాబితాలో డేవిడ్‌ వార్నర్‌ అగ్రస్థానంలో ఉండగా.. క్రిస్‌ గేల్‌, విరాట్‌ కోహ్లి బాబర్‌ కంటే ముందున్నారు.ఇదిలా ఉంటే.. అంతర్జాతీయ టీ20లలో బాబర్‌ ఆజం 50కి పైగా పరుగులు సాధించడం ఇది 38వసారి. తద్వారా విరాట్‌ కోహ్లి రికార్డును అతడు సమం చేశాడు.టీ20లలో వందకు పైగా 50 ప్లస్‌ స్కోర్లు సాధించిన టాప్‌-5 ఆటగాళ్లు👉1. డేవిడ్‌ వార్నర్‌ (ఆస్ట్రేలియా)- 377 మ్యాచ్‌లలో- 12,232 పరుగులు- 110(8 సెంచరీలు, 102 అర్ధ శతకాలు)👉2. క్రిస్‌ గేల్‌(వెస్టిండీస్‌)- 463 మ్యాచ్‌లలో- 14,562 పరుగులు- 110(22 సెంచరీలు, 88 అర్ధ శతకాలు)👉3.విరాట్‌ కోహ్లి(ఇండియా)- 388 మ్యాచ్‌లలో- 12,628 పరుగులు- 105(9 సెంచరీలు, 96 అర్ధ శతకాలు)👉4. బాబర్‌ ఆజం(పాకిస్తాన్‌)- 296 మ్యాచ్‌లు- 10,677 పరుగులు- 100(11 సెంచరీలు, 89 అర్ధ శతకాలు)👉5. జోస్‌ బట్లర్‌(ఇంగ్లండ్‌)- 413 మ్యాచ్‌లు- 11,484 పరుగులు- 88(8 సెంచరీలు, 80 అర్ధ శతకాలు).చదవండి: Rohit Sharma: అది నా ఇల్లు.. కానీ ఇదే లాస్ట్‌: రోహిత్‌ శర్మ కామెంట్స్‌ వైరల్‌IRELAND BEAT PAKISTAN!!! What an incredible series opener we've just witnessed! A historic victory for @cricketireland 🇮🇪👏👏👏..#IREvPAKonFanCode #IREvPAK #FanCode pic.twitter.com/prvSBt37L5— FanCode (@FanCode) May 10, 2024

పాకిస్తాన్ క్రికెట్ జ‌ట్టుకు ప‌సికూన ఐర్లాండ్ ఊహించ‌ని షాకిచ్చింది. డ‌బ్లిన్ వేదికగా పాకిస్తాన్‌తో జ‌రిగిన తొలి టీ20లో 5 వికెట్ల తేడాతో ఐర్లాండ్ ఘ‌న విజ‌యం సాధించింది. దీంతో మూడు టీ20ల సిరీస్‌లో 1-0 ఆధిక్యంలోకి ఐర్లాండ్ దూసుకెళ్లింది. ఈ మ్యాచ్‌లో తొలుత బ్యాటింగ్ చేసిన పాకిస్తాన్ నిర్ణీత 20 ఓవ‌ర్ల‌లో 6 వికెట్ల న‌ష్టానికి 182 ప‌రుగుల భారీ స్కోర్ సాధించింది. పాక్ బ్యాట‌ర్ల‌లో కెప్టెన్ బాబ‌ర్ ఆజం(57) ప‌రుగుల‌తో టాప్ స్కోర‌ర్‌గా నిల‌వ‌గా.. ఓపెన‌ర్ అయూబ్‌(45), ఇఫ్తిక‌ర్ ఆహ్మ‌ద్‌(37 నాటౌట్‌) ప‌రుగుల‌తో రాణించారు. ఐరీష్ బౌల‌ర్ల‌లో క్రెగ్‌ యంగ్ రెండు వికెట్లు, డెలానీ,అడైర్ త‌లా వికెట్ సాధించారు. అనంత‌రం 183 ప‌రుగుల ల‌క్ష్యాన్ని ఐర్లాండ్ 5 వికెట్లు కోల్పోయి 19.5 ఓవ‌ర్ల‌లో చేధించింది. ఐర్లాండ్ బ్యాట‌ర్ల‌లో ఓపెన‌ర్ బ‌ల్బ‌ర్నీ(77) ప‌రుగుల‌తో అద్బుత‌మైన ఇన్నింగ్స్ ఆడాడు.ఆఖ‌రిలో కాంఫ్‌హెర్‌(15), డెలానీ(10) ఆజేయంగా నిలిచి త‌మ జ‌ట్టుకు చారిత్ర‌త్మ‌క విజ‌యాన్ని అందించారు. పాక్ బౌల‌ర్ల‌లో అబ్బాస్ అఫ్రిది రెండు వికెట్లు ప‌డ‌గొట్ట‌గా, షాహీన్ అఫ్రిది, వ‌సీం త‌లా వికెట్ సాధించారు. Babar Azam is a cursed captain #IREvPAK IRELAND PROVE TO BE TOOO MIGHTY FOR 🇵🇰 😪💀 MOYE MOYE pic.twitter.com/LBNvtAd0Q6— Shehryar Sajid Khan (@Sskwrites) May 10, 2024IRELAND BEAT PAKISTAN!!! What an incredible series opener we've just witnessed! A historic victory for @cricketireland 🇮🇪👏👏👏..#IREvPAKonFanCode #IREvPAK #FanCode pic.twitter.com/prvSBt37L5— FanCode (@FanCode) May 10, 2024

న్యూజిలాండ్‌తో ఆఖరి టీ20లో పాకిస్తాన్‌ గట్టెక్కింది. తొమ్మిది పరుగుల స్వల్ప తేడాతో గెలుపొంది సిరీస్‌ను సమం చేసుకుంది. కాగా ఐదు మ్యాచ్‌ల టీ20 సిరీస్‌ కోసం కివీస్‌ జట్టు పాక్‌ పర్యటనకు వెళ్లింది.బాబర్‌ ఆజం కెప్టెన్‌గా తిరిగి పగ్గాలు చేపట్టిన తర్వాత పాకిస్తాన్‌కు ఇదే తొలి సిరీస్‌. అది కూడా సొంతగడ్డపై జరుగుతుండటంతో భారీ అంచనాలు నెలకొన్నాయి.ఈ క్రమంలో తొలి టీ20 వర్షం కారణంగా రద్దు కాగా.. రెండో మ్యాచ్‌లో ఆతిథ్య పాక్ విజయం సాధించింది. ఆ మరుసటి మ్యాచ్‌లో ఏడు వికెట్ల తేడాతో పాక్‌ను చిత్తు చేసిన కివీస్‌.. నాలుగో టీ20లో 4 పరుగుల తేడాతో గెలిచి షాకిచ్చింది. ఈ నేపథ్యంలో ఆతిథ్య జట్టు 1-2తో వెనుకబడింది. కివీస్‌ ద్వితీయ శ్రేణి జట్టు చేతిలో వరుసగా రెండు మ్యాచ్‌లలో ఓడిపోవడంతో బాబర్‌ ఆజం బృందంపై విమర్శలు వెల్లువెత్తాయి. ఈ క్రమంలో చావోరేవో తేల్చుకోవాల్సిన ఆఖరి టీ20లో పాక్‌ గెలుపొందింది. తద్వారా సిరీస్‌ను 2-2తో సమం చేయగలిగింది.లాహోర్‌లో టాస్‌ ఓడిన పాక్‌.. న్యూజిలాండ్‌ ఆహ్వానం మేరకు తొలుత బ్యాటింగ్‌ చేసింది. బాబర్ ఆజం(44 బంతుల్లో 69), ఉస్మాన్‌ ఖాన్‌(24 బంతుల్లో 31), ఫఖర్‌ జమాన్‌(33 బంతుల్లో 43), షాబాద్‌ ఖాన్‌(5 బంతుల్లో 15 నాటౌట్‌) రాణించారు.ఫలితంగా నిర్ణీత 20 ఓవర్లలో పాకిస్తాన్‌ ఐదు వికెట్ల నష్టానికి 178 పరుగులు చేసింది. లక్ష్య ఛేదనలో కివీస్‌ తడబడింది. ఓపెనర్‌ టిమ్‌ సెఫార్ట్‌ (33 బంతుల్లో 52), జోష్‌ క్లార్క్‌సన్‌(26 బంతుల్లో 38 నాటౌట్‌) మాత్రమే మెరుగ్గా ఆడారు.మిగతా వాళ్లంతా చేతులెత్తేయడంతో 19.2 ఓవర్లలో 169 పరుగులకే ఆలౌట్‌ అయింది. దీంతో తొమ్మిది పరుగుల తేడాతో పాక్‌ విజయం సాధించింది. నాలుగు వికెట్లతో రాణించిన షాహిన్‌ ఆఫ్రిదికి ప్లేయర్‌ ఆఫ్‌ ది మ్యాచ్‌ అవార్డుతో పాటు.. ప్లేయర్‌ ఆఫ్‌ ది సిరీస్‌ అవార్డు కూడా దక్కింది. Scenes in Lahore following the fifth T20I as the series is squared 🏆🤝#PAKvNZ | #AaTenuMatchDikhawan pic.twitter.com/pBm4SmQi7j— Pakistan Cricket (@TheRealPCB) April 27, 2024

సొంతగడ్డపై పాకిస్తాన్‌కు మరో చేదు అనుభవం ఎదురైంది. న్యూజిలాండ్‌తో నాలుగో టీ20లో స్వల్ప తేడాతో బాబర్‌ ఆజం బృందం ఓడిపోయింది. తద్వారా ఐదు మ్యాచ్‌ల సిరీస్‌లో కివీస్‌ 2-1తో పాక్‌పై పైచేయి సాధించింది.కాగా బాబర్‌ ఆజం కెప్టెన్‌గా తిరిగి పగ్గాలు చేపట్టిన తర్వాత పాకిస్తాన్‌ తొలుత స్వదేశంలో న్యూజిలాండ్‌తో ఐదు మ్యాచ్‌ల సిరీస్‌ ఆడుతోంది. ఇందులో తొలి టీ20 వర్షార్పణం కాగా.. రెండో మ్యాచ్‌లో పాక్‌ గెలిచింది.అయితే, మరుసటి మ్యాచ్‌లో ఏడు వికెట్ల తేడాతో పాక్‌ను చిత్తు చేసిన కివీస్‌.. తాజాగా గురువారం నాటి మ్యాచ్‌లో 4 పరుగుల తేడాతో గెలిచి షాకిచ్చింది. లాహోర్‌లోని గడాఫీ స్టేడియంలో జరిగిన ఈ మ్యాచ్‌లో టాస్‌ గెలిచిన పాక్‌ తొలుత బౌలింగ్‌ ఎంచుకుంది.ఈ క్రమంలో బ్యాటింగ్‌కు దిగిన న్యూజిలాండ్‌ నిర్ణీత 20 ఓవర్లలో ఏడు వికెట్ల నష్టానికి 178 పరుగులు చేసింది. ఓపెనర్లు టిమ్‌ రాబిన్సన్‌(36 బంతుల్లో 51), టామ్‌ బ్లండెల్‌ (15 బంతుల్లో 28), వన్‌డౌన్‌ బ్యాటర్‌ ఫాక్స్‌క్రాఫ్ట్‌(26 బంతుల్లో 34), కెప్టెన్‌ మిచెల్‌ బ్రాస్‌వెల్‌(20 బంతుల్లో 27) రాణించారు.పాక్‌ బౌలర్లలో అబ్బాస్‌ ఆఫ్రిది అత్యధికంగా మూడు వికెట్లు తీయగా.. ఆమిర్‌, ఉసామా మిర్‌, ఇఫ్తికర్‌ అహ్మద్‌, మహ్మద్‌ ఆమిర్‌, జమాన్‌ ఖాన్‌ ఒక్కో వికెట్‌ దక్కించుకున్నారు.ఇక లక్ష్య ఛేదనలో పాక్‌ ఆరంభంలోనే సయీమ్‌ ఆయుబ్‌(20), బాబర్‌ ఆజం(5), ఉస్మాన్‌ ఖాన్‌(16) వికెట్లు కోల్పోయింది. అయితే, ఫఖర్‌ జమాన్‌ పట్టుదలగా నిలబడి 45 బంతుల్లో 61 పరుగులతో ఇన్నింగ్స్‌ చక్కదిద్దాడు.ఇఫ్తికర్‌ అహ్మద్‌(20 బంతుల్లో 23), ఇమాద్‌ వసీం(11 బంతుల్లో 22 నాటౌట్‌) పోరాడాడు. కానీ ఆఖరి బంతికి పాక్‌ విజయానికి ఆరు పరుగులు అవసరం కాగా.. క్రీజులో ఉన్న ఇమాద్‌ వసీం జెమ్మీ నీషం బౌలింగ్‌లో ఒక్క పరుగు మాత్రమే తీయగలిగాడు. ఫలితంగా నాలుగు పరుగుల తేడాతో పాక్‌ ఓటమిపాలైంది. దీంతో లాహోర్‌ ప్రేక్షకుల హృదయాలు ముక్కలయ్యాయి. ఇందుకు సంబంధించిన ఫొటోలు, వీడియోలు నెట్టింట వైరల్‌ అవుతున్నాయి. కాగా ఈ మ్యాచ్‌లో మూడు కీలక వికెట్లు తీసి కివీస్‌ గెలుపులో కీలక పాత్ర పోషించిన 22 ఏళ్ల పేసర్‌ విలియం రూర్కీకి ప్లేయర్‌ఆఫ్‌ ది మ్యాచ్‌ అవార్డు దక్కింది.

‍పాకిస్తాన్‌ స్టార్‌ క్రికెటర్‌ బాబర్‌ ఆజంకు ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు. వన్డేల్లో సుదీర్ఘకాలం పాటు నంబర్‌ వన్‌ ర్యాంకులో కొనసాగిన ఈ కుడిచేతి వాటం బ్యాటర్‌.. ఇటీవలే తిరిగి పరిమిత ఓవర్ల కెప్టెన్‌గా పునర్నియమితుడయ్యాడు.ఇక బాబర్‌ ఆజంకు తరచూ ఎదురయ్యే ప్రశ్నల్లో పెళ్లి గురించి తప్పక ప్రస్తావన ఉంటుంది. వరల్డ్‌క్లాస్‌ క్రికెటర్‌గా ఎదిగిన 29 ఏళ్ల ఈ మోస్ట్‌ ఎలిజబుల్ బ్యాచిలర్‌ ఎవరిని పెళ్లాడబోతున్నాడన్న అంశంపై గాసిప్‌రాయుళ్లు కథనాలు అల్లేస్తుంటారు కూడా! ఈ విషయమై పాకిస్తాన్‌కు చెందిన ఓ నటికి చేదు అనుభవం ఎదురైంది. బాబర్‌ ఫ్యాన్స్‌ దెబ్బకు ఆమె అకౌంట్‌ను కాసేపు ప్రైవేట్‌ అకౌంట్‌గా మార్చుకోవాల్సి వచ్చింది. నజీష్‌ జహంగీర్‌ అనే బుల్లితెర నటికి ఇన్‌స్టాగ్రామ్‌లో 12 లక్షలకు పైగా ఫాలోవర్లు ఉన్నారు.ఈ క్రమంలో ఓ అభిమాని ఆమెను.. ‘‘బాబర్‌ ఆజం మిమ్మల్ని పెళ్లి చేసుకోవాలనుకుంటున్నాన’’ని అడిగితే ఏం చెప్తారు? అని అడిగాడు. ఇందుకు బదులుగా.. ‘‘సారీ చెప్తాను’’ అంటూ సున్నితంగా తిరస్కరిస్తాననే అర్థంలో సమాధానమిచ్చింది. ఇందుకు సంబంధించిన స్క్రీన్‌షాట్‌ను ఆమె తన ఇన్‌స్టాస్టోరీలో పోస్ట్‌ చేసిందన్న వార్త వైరల్‌ అయింది.అంతేకాదు.. ‘‘బాబర్‌ మాకు సోదరుడి వంటి వాడు. కానీ అతడి అభిమానులు ఇలా నెగిటివిటీ ప్రచారం చేస్తూ ఇబ్బంది పెడుతున్నారు’’ అని నజీష్‌ ఆగ్రహం వ్యక్తం చేసిందన్నట్లు మరో ఇన్‌స్టా స్టోరీ కూడా తెరమీదకు వచ్చింది.ఈ క్రమంలో బాబర్‌ ఫ్యాన్స్‌ ఆమెను పెద్ద ఎత్తున ట్రోల్‌ చేయగా.. వేధింపులను తట్టుకోలేక నజీష్‌ తన అకౌంట్‌ను సోమవారం కాసేపు ప్రైవేట్‌గా పెట్టినట్లు సామా టీవీ వెల్లడించింది. అయితే, మరుసటి రోజే ఆమె మళ్లీ తన అకౌంట్‌ను పబ్లిక్‌ చేసేసింది. కాగా వన్డే వరల్డ్‌కప్‌-2023 వైఫల్యం తర్వాత బాబర్‌ ఆజం పాక్‌ కెప్టెన్‌గా వైదొలిగాడు.దీంతో అతడి స్థానంలో టెస్టులకు షాన్‌ మసూద్‌, టీ20లకు షాహిన్‌ ఆఫ్రిది కెప్టెన్‌గా ఎంపికయ్యారు. అయితే, వీరి సారథ్యంలో జట్టు ఘోర వైఫల్యాలు చవిచూసింది. ఈ నేపథ్యంలో షాహిన్‌పై వేటు వేసిన పాక్‌ బోర్డు.. పగ్గాలను తిరిగి బాబర్‌ ఆజంకు అప్పగించింది. షాన్‌ మసూద్‌ను మాత్రం టెస్టుల సారథిగా కొనసాగిస్తోంది. ఇక మళ్లీ కెప్టెన్‌గా బాధ్యతలు చేపట్టిన తర్వాత బాబర్‌ సొంతగడ్డపై న్యూజిలాండ్‌తో ఐదు మ్యాచ్‌ల టీ20 సిరీస్‌తో బిజీ అయ్యాడు. వర్షం కారణంగా తొలి టీ20 రద్దు కాగా.. రెండో మ్యాచ్‌లో న్యూజిలాండ్‌ గెలిచింది. ఇరుజట్ల మధ్య గురువారం నాలుగో టీ20 జరుగనుంది.

స్వ‌దేశంలో న్యూజిలాండ్‌తో టీ20 సిరీస్‌కు 17 మంది స‌భ్యుల‌తో కూడిన త‌మ జ‌ట్టును పాకిస్తాన్ క్రికెట్ బోర్డు ప్ర‌క‌టించింది. రిటైర్మెంట్ నిర్ణ‌యాన్ని వెనుక్కి తీసుకున్న పేస‌ర్ మ‌హ్మ‌ద్ అమీర్‌,  ఆల్‌రౌండ‌ర్‌ ఇమాద్ వ‌సీంకు ఈ జ‌ట్టులో చోటు ద‌క్కింది. వీరిద్ద‌రితో పాటు యువ ఆట‌గాడు ఉస్మాన్ ఖాన్,  అన్‌క్యాప్డ్ మిడిల్ ఆర్డర్ బ్యాటర్ ముహమ్మద్ ఇర్ఫాన్ ఖాన్ కూడా ఈ జ‌ట్టులో చోటు ద‌క్కించుకున్నారు.  అదే విధంగా ఈ సిరీస్‌తో బాబ‌ర్ ఆజం మ‌ళ్లీ పాకిస్తాన్ టీ20 కెప్టెన్‌గా బాధ్య‌త‌లు చేప‌ట్ట‌నున్నాడు.  మ‌రోవైపు పాకిస్తాన్ సూపర్ లీగ్‌లో అద్భుత‌మైన ప్ర‌ద‌ర్శ‌న క‌న‌బ‌రిచిన యువ ఓపెన‌ర్ సైమ్‌ అయూబ్‌ను సైతం సెల‌క్ట‌ర్లు ఎంపిక చేశారు. ఇక మ‌హ్మ‌ద్ అమీర్ పాకిస్తాన్ త‌ర‌పున చివ‌ర‌గా 2020లో ఆడాడు.  ఆ త‌ర్వాత బోర్డుతో విభేదాల కార‌ణంగా అంత‌ర్జాతీయ క్రికెట్‌కు అమీర్ రిటైర్మెంట్ ప్ర‌క‌టించాడు. అయితే  ఇప్పుడు బోర్డు కొత్త చైర్మెన్ మొహ్సిన్ నఖ్వీ సూచ‌న‌ల మెర‌కు అమీర్ త‌న రిటైర్మెంట్ నిర్ణ‌యాన్ని వెన‌క్కి తీసుకున్నాడు. మ‌రోవైపు ఇమాద్ వ‌సీం కూడా గ‌తేడాది అంత‌ర్జాతీయ క్రికెట్‌కు విడ్కోలు ప‌లికాడు. కానీ పీసీబీ అధికారులతో చర్చలు జ‌రిపి త‌న నిర్ణ‌యాన్ని మార్చుకున్నాడు. ఈ క్ర‌మంలోనే వీరిద్ద‌రికి వ‌హాబ్ రియాజ్ నేతృత్వంలోని సెలక్షన్ కమిటీ ఎంపిక చేసింది. ఏప్రిల్ 18 నుంచి రావల్పిండి వేదికగా జరగనున్న తొలి టీ20తో ఈ సిరీస్ ప్రారంభం కానుంది. కివీస్‌తో టీ20ల‌కు పాక్ జ‌ట్టు బాబర్ ఆజం (కెప్టెన్), అబ్రార్ అహ్మద్, ఆజం ఖాన్ (వికెట్ కీప‌ర్‌), ఫఖర్ జమాన్, ఇఫ్తికర్ అహ్మద్, ఇమాద్ వసీం, మహ్మద్ అబ్బాస్ అఫ్రిది, మహ్మద్ రిజ్వాన్ (వికెట్ కీప‌ర్‌), మహ్మద్ అమీర్, ముహమ్మద్ ఇర్ఫాన్ ఖాన్, నసీమ్ షా, సైమ్ అయూబ్, షాదాబ్ ఖాన్, షాహీన్ షా ఆఫ్రిది, ఉసామా మీర్, ఉస్మాన్ ఖాన్, జమాన్ ఖాన్ నాన్ ట్రావెలింగ్ రిజర్వ్‌లు: హసీబుల్లా, మొహమ్మద్ అలీ, మొహమ్మద్ వాసిం జూనియర్, సాహిబ్జాదా ఫర్హాన్ మరియు సల్మాన్ అలీ అఘా  

టీ20 వ‌ర‌ల్డ్‌క‌ప్‌-2024కు పాకిస్తాన్ క్రికెట్ జ‌ట్టు అన్ని విధాల స‌న్న‌ద్ద‌మ‌వుతోంది. అంతేకంటే ముందు వ‌ర‌ల్డ్‌క‌ప్ స‌న్న‌హాకాల్లో భాగంగా స్వ‌దేశంలో న్యూజిలాండ్‌తో ఐదు మ్యాచ్‌ల‌  టీ20 సిరీస్‌లో పాక్ త‌ల‌ప‌డ‌నుంది. టీ20 వ‌ర‌ల్డ్‌క‌ప్ నేప‌థ్యంలో  ఆట‌గాళ్ల ఫిట్‌నెస్‌పై పాకిస్తాన్ క్రికెట్ బోర్డు ప్ర‌ధానంగా దృష్టిసారించింది.  ఈ క్ర‌మంలో తమ జాతీయ జట్టు సభ్యులందరికీ పాకిస్థాన్ సైన్యంతో పీసీబీ కఠిన శిక్షణ ఇప్పిస్తోంది. కాకుల్ ఆర్మీ క్యాంపులో పాకిస్తాన్ ఆట‌గాళ్లు తీవ్రంగా శ్ర‌మిస్తున్నారు. అదే విధంగా టీ20ల్లో పాకిస్తాన్ జ‌ట్టు కెప్టెన్‌గా బాబ‌ర్ ఆజం మ‌ళ్లీ బాధ్య‌త‌లు చేప‌ట్టాడు. ఏప్రిల్ 18 నుంచి న్యూజిలాండ్‌తో జ‌ర‌గ‌నున్న టీ20 సిరీస్‌తో బాబ‌ర్ మ‌ళ్లీ పాక్ జ‌ట్టుకు సార‌థ్యం వ‌హించ‌నున్నాడు. ఇక తిరిగి పాక్ కెప్టెన్సీ బాధ్య‌త‌లు చేప‌ట్టిన బాబ‌ర్ ఆజం ఓ పోడ్‌కాస్ట్‌కు ఇంట‌ర్వ్యూ ఇచ్చాడు. ఈ క్ర‌మంలో  పోడ్‌కాస్ట్ హోస్ట్ నుంచి బాబ‌ర్‌కు ఓ ప్ర‌శ్న ఎదురైంది.  "టీ20 మ్యాచ్ సెకెండ్ ఇన్నింగ్స్‌లో కేవ‌లం ఒక్క ఓవ‌ర్ మాత్రమే మిగిలి ఉంది. ప్ర‌త్య‌ర్ధి జ‌ట్టు విజ‌యానికి చివ‌రి ఓవ‌ర్‌లో 10 ప‌రుగులు కావాలి. మీ వ‌ద్ద రెండు బౌలింగ్ ఆప్ష‌న్ ఉన్నాయి. ఒక‌రు నసీమ్ షా, మ‌రొక‌రు జస్ప్రీత్ బుమ్రా. అటువంటి అప్పుడు 10 పరుగులను కాపాడుకోవడానికి మీరు ఎవ‌రికి బౌలింగ్ ఇస్తార‌న్న" ప్ర‌శ్న హోస్ట్ అడిగాడు. బాబ‌ర్ ఏమీ ఆలోచించ‌కుండా న‌సీం షా పేరును చెప్పాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. ఇది చూసిన భార‌త‌ అభిమానులు బుమ్రా వరల్డ్‌ క్లాస్‌ బౌలరని, నసీం షాకు అంత సీను లేదని కామెంట్లు చేస్తున్నారు.

మరో రెండు నెలల్లో టి20 ప్రపంచకప్‌ జరగనున్న నేపథ్యంలో... పాకిస్తాన్‌ క్రికెట్‌ జట్టు వన్డే, టి20 జట్లకు కెప్టెన్ గా మళ్లీ బాబర్‌ ఆజమ్‌ను నియమించారు. గత ఏడాది వన్డే ప్రపంచకప్‌లో పాక్‌ జట్టు విఫలమయ్యాక బాబర్‌ కెప్టెన్సీ కోల్పోయాడు. టి20 జట్టుకు షాహీన్‌ అఫ్రిదిని, టెస్టు జట్టుకు షాన్‌ మసూద్‌ను కెపె్టన్‌లుగా నియమించారు. ఇటీవల న్యూజిలాండ్‌తో జరిగిన టి20 సిరీస్‌ను పాక్‌ జట్టు 1–4తో చేజార్చుకుంది. దాంతో సెలెక్టర్లు కెప్టెన్సీ విషయంలో బాబర్‌ వైపు మొగ్గారు. 

PCB Announces Babar Azam appointed as white-ball captain: పాకిస్తాన్‌ పరిమిత ఓవర్ల కెప్టెన్‌గా స్టార్‌ బ్యాటర్‌ బాబర్‌ ఆజం పునర్నియమితుడయ్యాడు. వన్డే, టీ20 జట్ల సారథిగా మరోసారి పగ్గాలు చేపట్టనున్నాడు. ఈ మేరకు పాకిస్తాన్‌ క్రికెట్‌ బోర్డు అధికారిక ప్రకటన విడుదల చేసింది. సెలక్షన్‌ కమిటీ ఏకగ్రీవ తీర్మానం మేరకు బాబర్‌ ఆజంను తిరిగి కెప్టెన్‌గా నియమించినట్లు తెలిపింది. సెమీస్‌ కూడా చేరకుండా నిష్క్రమించడంతో కాగా వన్డే ప్రపంచకప్‌-2023లో పాకిస్తాన్‌ దారుణ వైఫల్యం నేపథ్యంలో బాబర్‌ ఆజం కెప్టెన్సీపై విమర్శలు వెల్లువెత్తిన విషయం తెలిసిందే. భారత్‌ వేదికగా జరిగిన ఈ మెగా టోర్నీలో బ్యాటర్‌గానూ స్థాయికి తగ్గ ప్రదర్శన చేయకపోవడంతో.. బాబర్‌ సారథ్య బాధ్యతల నుంచి తప్పుకోవాలంటూ మాజీ క్రికెటర్లు సూచించారు. అప్పటి పీసీబీ పెద్దలు సైతం బాబర్‌ ఆజంకు మద్దతుగా నిలవకపోవడంతో అతడు కెప్టెన్‌గా తప్పుకొన్నాడు. అతడి స్థానంలో టీ20లకు కెప్టెన్‌గా ప్రధాన పేసర్‌ షాహిన్‌ ఆఫ్రిది, టెస్టులకు షాన్‌ మసూద్‌లను సారథులుగా ఎంపిక చేశారు. ఘోర పరాజయాలు ఈ క్రమంలో షాన్‌ మసూద్‌ నేతృత్వంలో ఆస్ట్రేలియా పర్యటనకు వెళ్లిన పాక్‌.. కంగారూల చేతిలో టెస్టు సిరీస్‌లో 3-0తో వైట్‌వాష్‌కు గురైంది. అదే విధంగా షాహిన్‌ సారథ్యంలో న్యూజిలాండ్‌ పర్యటనలో టీ20 సిరీస్‌లో 4-1తో చిత్తుగా ఓడింది. ఈ నేపథ్యంలో పీసీబీ నిర్ణయాలపై విమర్శలు వచ్చాయి. ఆఫ్రిదిపై వేటు.. మసూద్‌ కొనసాగింపు! ఇక షాహిన్‌ ఆఫ్రిది పాకిస్తాన్‌ సూపర్‌ లీగ్‌లోనూ పూర్తిగా నిరాశపరిచాడు. ఈ క్రమంలో పీసీబీ చీఫ్‌గా కొత్తగా బాధ్యతలు చేపట్టిన మొహ్సిన్‌ నఖ్వీ కీలక నిర్ణయం తీసుకున్నాడు. సెలక్షన్‌ కమిటీ సిఫారసు మేరకు బాబర్‌ ఆజంను వన్డే, టీ20ల కెప్టెన్‌గా ఎంపిక చేసినట్లు ప్రకటించాడు. అయితే, టెస్టులకు మాత్రం షాన్‌ మసూద్‌నే సారథిగా కొనసాగించనున్నట్లు తెలుస్తోంది. కాగా పాకిస్తాన్‌ జట్టు తదుపరి ఏప్రిల్‌ 18 నుంచి స్వదేశంలో న్యూజిలాండ్‌తో మూడు మ్యాచ్‌ల టీ20 సిరీస్‌ ఆడనుంది. ఈ సిరీస్‌తో బాబర్‌ ఆజం నాయకుడిగా తన ప్రస్థానాన్ని తిరిగి మొదలుపెట్టనున్నాడు.  చదవండి: #Mayank Yadav: ఐపీఎల్‌లో ఫాస్టెస్ట్ డెలివరీ.. ఎవరీ మయాంక్ యాదవ్‌? Babar Azam appointed as white-ball captain Following unanimous recommendation from the PCB’s selection committee, Chairman PCB Mohsin Naqvi has appointed Babar Azam as white-ball (ODI and T20I) captain of the Pakistan men's cricket team. pic.twitter.com/ad4KLJYRMK — Pakistan Cricket (@TheRealPCB) March 31, 2024

పాకిస్తాన్ క్రికెట్ జట్టు టీ20 కెప్టెన్సీ నుంచి షాహీన్ షా ఆఫ్రిది తప్పుకోనున్నట్లు తెలుస్తోంది. తన కెప్టెన్సీలో ఘోర ప్రదర్శనకు నైతిక బాధ్యత బాధ్యత వహిస్తూ అఫ్రిది తన పదవి నుంచి తప్పుకోవాలని భావిస్తున్నట్లు సమాచారం. అంతేకాకుండా అఫ్రిదికి, పాకిస్తాన్ క్రికెట్ బోర్డ్ (పిసిబి) ఛైర్మన్ మొహ్సిన్ నఖ్వీ ,జాతీయ సెలెక్టర్ల మధ్య పెద్దగా కమ్యూనికేషన్ కూడా లేనిట్లు వార్తలు వినిపిస్తున్నాయి.  దీంతో పీసీబీ తీరు పట్ల అఫ్రిది ఆంసృప్తితో ఉన్నట్లు పలురిపోర్ట్‌లు పేర్కొంటున్నాయి. ఈ క్రమంలోనే పాకిస్తాన్ కెప్టెన్సీకి గుడ్‌బై చెప్పి సాధారణ ఆటగాడిగా కొనసాగాలని షాహీన్ నిర్ణయించుకున్నట్లు వినికిడి. పాకిస్తాన్ కెప్టెన్ గా మళ్లీ బాబర్ ఆజాం పగ్గాలు చేపట్టనున్నట్లు సమాచారం.  వచ్చేనెల 18నుంచి స్వదేశంలో న్యూజిలాండ్‌తో జరిగే ఐదు మ్యాచ్‌ల టీ20 సిరీస్‌తో బాబర్‌ తిరిగి కెప్టెన్‌గా బాధ్యతలు చేపట్టనున్నట్టు పీసీబీ వర్గాలు వెల్లడించాయి.  కాగా గత ఏడాది భారత్‌లో జరిగిన వన్డే వరల్డ్‌కప్‌లో జట్టు దారుణ వైఫల్యం తర్వాత మూడు ఫార్మాట్లలో ఆజమ్‌ కెప్టెన్సీపై వేటు పడింది. ఆ తర్వాత టీ20 కెప్టెన్‌గా షాహీన్ షా అఫ్రిది, టెస్టు కెప్టెన్‌గా షాన్ మసూద్‌ను పీసీబీ నియమించింది. కానీ వీరిద్దరూ తమ మార్క్ చూపిచండంలో విఫలమయ్యారు. మసూద్ సారధ్యంలో ఆస్ట్రేలియాతో టెస్టు సిరీస్‌ను పాక్ కోల్పోగా.. షాహీన్ కెప్టెన్సీలో​ న్యూజిలాండ్‌పై పాకిస్తాన్ 4-1 సిరీస్ ఓటమిని చవిచూసింది.   

పాకిస్తాన్‌ క్రికెట్‌ బోర్డు తీరును ఆ దేశ మాజీ కెప్టెన్‌ షాహిద్‌ ఆఫ్రిది విమర్శించాడు. బోర్డు పెద్దలు మారినప్పుడల్లా వారికి అనుగుణంగా నిర్ణయాలు మారిపోతూ ఉంటాయని.. తమ క్రికెట్‌ వ్యవస్థలో ఉన్న అతిపెద్ద సమస్య ఇదేనని పేర్కొన్నాడు. కాగా పీసీబీ యాజమాన్యం తరచూ మారుతున్న విషయం తెలిసిందే. ప్రధాని షాబాజ్‌ జోక్యం నేపథ్యంలో రమీజ్‌ రాజాను అధ్యక్షుడిగా తప్పించి.. నజమ్‌ సేథీని తాత్కాలిక చైర్మన్‌గా నియమించారు. అనంతరం నజమ్‌ సేథీ కూడా వైదొలగడంతో.. అతడి స్థానంలో జకా అష్రాఫ్‌ బాధ్యతలు చేపట్టాడు. అతడు కూడా రాజీనామా చేయడంతో సుప్రీం కోర్టు న్యాయవాది షా ఖవార్‌ నియమితులయ్యారు. తాత్కాలిక చైర్మన్‌గా బాధ్యతలు చేపట్టిన ఆయన పీసీబీ ఎన్నికలు ముగిసే వరకు ఈ పదవిలో కొనసాగుతారని ప్రకటించారు. అనంతరం ఎలక్షన్‌లో గెలిచిన మొహ్సిన్‌ నఖ్వీ పీసీబీ బాస్‌ అయ్యాడు. ఇదిలా ఉంటే..  వన్డే వరల్డ్‌కప్‌-2023లో కనీసం సెమీస్‌ కూడా చేరుకుండా పాకిస్తాన్‌ నిష్క్రమించడంతో కెప్టెన్‌ బాబర్‌ ఆజంపై వేటు వేశారు. అతడి స్థానంలో టెస్టు కెప్టెన్‌గా షాన్‌ మసూద్‌, టీ20 కెప్టెన్‌గా షాహిన్‌ ఆఫ్రిదిని నియమించారు. అయితే, వీరిద్దరి సారథ్యంలో తొలి సిరీస్‌లలోనే పాకిస్తాన్‌ ఘోర పరాజయాలు మూటగట్టుకుంది. ఈ క్రమంలో కొత్త సెలక్షన్‌ కమిటీ బాబర్‌ ఆజంను తిరిగి కెప్టెన్‌ చేయాలనే యోచనలో ఉన్నట్లు వార్తలు వినిపిస్తున్నాయి. ముఖ్యంగా టీ20లకు షాహిన్‌ ఆఫ్రిదిని తప్పించి బాబర్‌తో భర్తీ చేయాలని భావిస్తున్నట్లు సమాచారం. ఈ విషయాలపై స్పందించిన షాహిద్‌ ఆఫ్రిది.. తన అల్లుడు షాహిన్‌ ఆఫ్రిదికి అండగా నిలిచాడు. ‘‘ఒకరిని కెప్టెన్‌గా నియమించినపుడు తనను తాను నిరూపించుకునేందుకు కొంత సమయం కూడా ఇవ్వాలి. అంతేగానీ కొత్త వాళ్లు రాగానే మళ్లీ మార్పులు చేస్తాం అంటే.. సమస్యలు కొనితెచ్చుకున్నట్లే అవుతుంది. ఒక ఆటగాడిని సారథిని చేసి వెంటనే తొలగించాలనుకుంటున్నారంటే ఆ నిర్ణయం తప్పుడైది ఉండాలి. లేదంటే మళ్లీ మార్చాలనుకున్న నిర్ణయమైన సరైంది కాకపోయి ఉండాలి’’ అని పీసీబీ తీరును విమర్శించాడు. తన అల్లుడు షాహిన్‌కు మరికొంత సమయం ఇవ్వాలని ఈ సందర్భంగా ఆఫ్రిది అభిప్రాయపడ్డాడు. 

పాకిస్తాన్‌ మాజీ కెప్టెన్‌ బాబర్‌ ఆజం, స్టార్‌ వికెట్‌ కీపర్‌ బ్యాటర్‌ మహ్మద్‌ రిజ్వాన్‌లకు మరోసారి ఘోర అవమానం ఎదురైంది. ఇంగ్లండ్‌ ఫ్రాంచైజీ క్రికెట్‌ టోర్నీ ది హండ్రెడ్ లీగ్‌లో వరుసగా మూడోసారి ఈ పాక్‌ స్టార్‌ క్రికెటర్లు అమ్ముడుపోలేదు. ది హండ్రెడ్‌ లీగ్‌ 2024 సీజన్‌ డ్రాఫ్ట్‌లో బాబర్‌ ఆజం, మహ్మద్‌ రిజ్వాన్‌లను సొంతం చేసుకోవడానికి ఏ ప్రాంఛైజీ ఆసక్తి చూపలేదు. వీరితో పాటు ఆసీస్‌ స్టార్‌ ఓపెనర్‌ డేవిడ్‌ వార్నర్‌, ఇంగ్లండ్‌ ఆటగాడు జాసన్‌ రాయ్‌, ఆసీస్‌ యువ సంచలనం టిమ్‌ డేవిడ్‌లు సైతం అమ్ముడు పోలేదు. అయితే ఈ డ్రాఫ్ట్‌లో బాబర్‌, రిజ్వాన్‌ను ఎవరూ పట్టించుకో పోయినప్పటికి.. తమ సహాచర ఆటగాళ్లు షాహీన్ అఫ్రిది, నసీం షా, ఇమాద్‌ వసీం మాత్రం అమ్ముడుపోయారు. షాహీన్ ఆఫ్రిదీని  లక్ష పౌండ్ల(పాకిస్తాన్ కరెన్సీలో 3 కోట్ల 48 లక్షల రూపాయలు)కు వెల్ష్ ఫైర్ ప్రాంచైజీ సొంతం చేసుకుంది. గత సీజన్‌లో కూడా షాహీన్.. వెల్ష్ ఫైర్ ప్రాంచైజీకే ప్రాతినిథ్యం వహించాడు. ఇమాద్ వసీంను ట్రెంట్ రాకెట్స్‌, నసీం షాను బర్మింగ్‌హామ్ ఫీనిక్స్ దక్కించుకుంది. కాగా ఈ ‍ డ్రాప్ట్‌లో వెస్టిండీస్‌ ఆటగాళ్లకు బారీ డిమాండ్‌ నెలకొంది. నికోలస్‌ పూరన్‌, ఆండ్రీ రస్సెల్, హెట్‌మైర్‌ వంటి విండీస్‌ ఆటగాళ్లు తొలి రౌండ్‌లోనే అమ్ముడుపోయారు. పూరన్‌ను నార్తర్న్ సూపర్ఛార్జర్స్‌ సెలక్ట్‌ చేసుకోగా.. ఆండ్రీ రస్సెల్, షిమ్రాన్ హెట్మెయర్ లండన్ స్పిరిట్‌కు ఆడనున్నారు. వీరితో పాటు విండీస్‌ మాజీ కెప్టెన్‌  కీరన్ పొలార్డ్ సదరన్ బ్రేవ్‌ జట్టుకు, రోవ్‌మాన్ పావెల్ ట్రెంట్ రాకెట్స్‌ ఫ్రాంచైజీకి ప్రాతినిథ్యం వహించనున్నారు. మరోవైపు మహిళల ది హండ్రెడ్‌ లీగ్‌ డ్రాప్ట్‌లో భారత కెప్టెన్‌ హర్మన్‌ ప్రీత్‌ కౌర్‌ను ఏ ఫ్రాంచైజీ కొనుగోలు చేయలేదు. అయితే భారత స్టార్‌ క్రికెటర్లు స్మృతి మంధాన, రిచ్‌ ఘోష్‌లను మాత్రం ఈ డ్రాప్ట్‌లో ఎంపికయ్యారు. మంధానను సదరన్ బ్రేవ్ సొంతం చేసుకోగా.. రిచా ఘోష్‌ను బర్మింగ్‌హామ్ ఫీనిక్స్ ఎంపిక చేసింది.

రెండు నెలల పాటు క్రికెట్‌ అభిమానులను అలరించిన పాకిస్తాన్‌ సూపర్‌ లీగ్‌ 2024 సీజన్‌కు ఎండ్‌ కార్డ్‌ పడింది. ఈ ఏడాది పీఎస్‌ఎల్‌ ఛాంపియన్స్‌గా ఇస్లామాబాద్‌ యునైటడ్‌ నిలిచింది. సోమవారం జరిగిన ఫైనల్లో ముల్తాన్‌ సూల్తాన్స్‌ను 2 వికెట్ల తేడాతో ఓడించిన ఇస్లామాబాద్‌.. మూడో సారి ఛాంపియన్స్‌గా అవతరించింది. ఇక ఇది ఇలా ఉండగా.. ఈ ఏడాది సీజన్‌లో పెషెవర్‌ జెల్మీ టైటిల్‌ సాధించకపోయినప్పటికి ఆ జట్టు కెప్టెన్‌, పాకిస్తాన్‌ స్టార్‌ బాబర్‌ ఆజం మాత్రం అరుదైన ఘనతను సాధించాడు. పాకిస్తాన్ సూపర్ లీగ్‌లో మూడు సార్లు హనీఫ్ మొహమ్మద్ క్యాప్‌ సొంతం చేసుకున్న మొదటి క్రికెటర్‌గా బాబర్‌ రికార్డులకెక్కాడు. పీఎస్‌ఎల్‌ సీజన్‌లో అత్యధిక పరుగులు చేసిన ఆటగాడికి హనీఫ్ మొహమ్మద్ క్యాప్‌(గ్రీన్‌ ​క్యాప్‌)ను అందిస్తారు. ఇప్పుడు వరకు మూడు పీఎస్‌ఎల్‌ సీజన్లలో లీడింగ్‌ రన్‌ స్కోరర్‌గా బాబర్‌ నిలిచాడు. 2020 సీజన్‌లో 473 పరుగులతో లీడింగ్‌ రన్ స్కోరర్‌గా నిలిచిన బాబర్‌.. ఆ తర్వాత 2021 సీజన్‌లోనూ 554 పరుగులతో గ్రీన్‌ క్యాప్‌ను తన వద్దే ఉంచుకున్నాడు. ఇప్పుడు పీఎస్‌ఎల్‌-2024లోనూ 569 పరుగులతో టాప్‌ రన్‌స్కోరర్‌గా నిలిచాడు. 11 మ్యాచ్‌ల్లో 569 పరుగులు చేశాడు. అందులో 5 ఫిప్టీలతో పాటు ఓ సెంచరీ కూడా ఉంది.  

పాకిస్తాన్‌ సూపర్‌ లీగ్‌-2024 లీగ్‌ ఫైనల్లో ఇస్లామాబాద్ యునైటెడ్‌ అడుగుపెట్టింది. శనివారం జరిగిన ఎలిమినేటర్‌ మ్యాచ్‌లో పెషావర్ జల్మీపై 5 వికెట్ల తేడాతో విజయం సాధించిన ఇస్లామాబాద్‌ ఫైనల్‌ బెర్త్‌ను ఖారారు చేసుకుంది.  అయితే ఈ మ్యాచ్‌లో ఇస్లామాబాద్ కెప్టెన్‌ షాదాబ్‌ ఖాన్‌ సంచలన క్యాచ్‌తో మెరిశాడు. అద్బుతమైన క్యాచ్‌తో పెషావర్ జల్మీ కెప్టెన్‌ బాబర్‌ ఆజంను పెవిలియన్‌కు పంపాడు. పెషావర్‌ ఇన్నింగ్స్‌ 8 ఓవర్‌ వేసిన నసీమ్‌ షా 4వ బంతిని బాబర్‌కు ఫుల్‌ లెంగ్త్‌ డెలివరీగా సంధించాడు. బాబర్‌ కొంచెం రూమ్‌ తీసుకుని మిడ్ ఆఫ్ మీదగా భారీ షాట్‌ ఆడటానికి ప్రయత్నించాడు. ఈ క్రమంలో మిడ్‌ ఆఫ్‌లో ఉన్న షాదాబ్‌ ఖాన్‌.. ఒక్కసారిగా గాల్లోకి ఎగురుతూ బంతిని అందుకున్నాడు. ఇది చూసిన బాబర్‌ షాక్ అయ్యాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. A bird, a plane? No, it's SUPERMAN SHADAB KHAN 😱#HBLPSL9 | #KhulKeKhel | #PZvIU pic.twitter.com/PZFbd2ZNHV — PakistanSuperLeague (@thePSLt20) March 16, 2024

పాకిస్తాన్‌ సూపర్‌ లీగ్‌-2024లో పెషావర్ జల్మీ కథ ముగిసింది. ఈ లీగ్‌లో భాగంగా ఇస్లామాబాద్ యునైటెడ్‌తో జరిగిన ఎలిమినేటర్‌లో 5 వికెట్ల తేడాతో పెషావర్‌ ఓటమి పాలైంది. దీంతో ఈ లీగ్‌ నుంచి బాబర్‌ ఆజం సారథ్యంలోని పెషావర్‌ ఇంటిముఖం పట్టింది. ఈ మ్యాచ్‌లో తొలుత బ్యాటింగ్‌ చేసిన పెషావర్‌ నిర్ణీత 20 ఓవర్లలో 5 వికెట్ల నష్టానికి 185 పరుగుల భారీ స్కోర్‌ సాధించింది. జల్మీ బ్యాటర్లలో సైమ్‌ అయూబ్‌(44 బంతుల్లో 73,6 ఫోర్లు, 4 సిక్స్‌లు) పరుగులతో టాప్‌ స్కోరర్‌గా నిలిచాడు. అతడితో పాటు మహ్మద్‌ హ్యారిస్‌(40) పరుగులతో రాణించాడు. ఇస్లామాబాద్ బౌలర్లలో నసీం షా 3 వికెట్లు పడగొట్టగా.. మెకాయ్‌, షాదాబ్‌ ఖాన్‌ తలా వికెట్‌ సాధించారు. అనంతరం 186 పరుగుల లక్ష్యంతో బరిలోకి దిగిన ఇస్లామాబాద్‌ 19 ఓవర్లలో 5 వికెట్లు కోల్పోయి ఛేదించింది. ఇస్లామాబాద్‌ బ్యాటర్లలో మిడిలార్డర్‌ బ్యాటర్లు ఇమాద్‌ వసీం(59 నాటౌట్‌), హైదర్‌ అలీ(52 నాటౌట్‌) పరుగులతో కీలక ఇన్నింగ్స్‌లు ఆడారు.  పెషావర్‌ బౌలర్లలో అయూబ్‌ రెండు వికెట్లు పడగొట్టగా.. వుడ్‌, ముమ్టాజ్, కుర్రామ్‌ తలా వికెట్‌ సాధించారు. ఇక  మార్చి 18న కరాచీ వేదికగా జరగనున్న ఫైనల్లో ముల్తాన్‌ సుల్తాన్స్‌తో ఇస్లామాబాద్‌ యూనైటడ్‌ తలపడనుంది.

పాకిస్తాన్‌ సూపర్‌ లీగ్‌ చివరి దశకు చేరింది. లీగ్‌ దశలో మరో మ్యాచ్‌ మాత్రమే మిగిలి ఉంది. ప్లే ఆఫ్స్‌ బెర్తులు ఇదివరకే ఖరారయ్యాయి. పెషావర్‌ జల్మీ, ముల్తాన్‌ సుల్తాన్స్‌, ఇస్లామాబాద్‌ యునైటెడ్‌, క్వెట్టా గ్లాడియేటర్స్‌ ఇదివరకే ప్లే ఆఫ్స్‌ బెర్తులు ఖరారు చేసుకోగా.. కరాచీ కింగ్స్‌, లాహోర్‌ ఖలందర్స్‌ లీగ్‌ నుంచి ఎలిమినేట్‌ అయ్యాయి. నిన్న జరిగిన నామమాత్రపు లీగ్‌ మ్యాచ్‌లో పెషావర్‌ జల్మీ.. కరాచీ కింగ్స్‌ను 2 పరుగుల తేడాతో ఓడించింది. తొలుత బ్యాటింగ్‌ చేసిన పెషావర్‌.. కెప్టెన్‌ బాబర్‌ ఆజమ్‌ (51) మరోసారి చెలరేగడంతో 20 ఓవర్లలో 6 వికెట్లు కోల్పోయి 147 పరుగులు చేసింది. బాబర్‌కు ఇది వరుసగా మూడో హాఫ్‌ సెంచరీ కావడం విశేషం. పెషావర్‌ ఇన్నింగ్స్‌లో రోవ్‌మన్‌ పావెల్‌ (30) ఓ మోస్తరుగా రాణించాడు. కరాచీ బౌలర్లు డేనియల్‌ సామ్స్‌, జహీద్‌ మహమూద్‌, ఆరాఫత్‌, హసన్‌ అలీ తలో వికెట్‌ పడగొట్టారు. అనంతరం నామమాత్రపు లక్ష్య ఛేదనకు దిగిన కరాచీ.. పెషావర్‌ బౌలర్ల  దెబ్బకు చేతులెత్తేసింది. ఆ జట్టు నిర్ణీత ఓవర్లు పూర్తయ్యేసరికి లక్ష్యానికి 3 పరుగుల దూరంలో నిలిచిపోయింది. నవీన్‌ ఉల్‌ హాక్‌ తన కోటా 4 ఓవర్లలో ఓ మెయిడిన్‌తో పాటు 2 వికెట్లు పడగొట్టగా.. వుడ్‌, ఆమెర్‌ జమాల్‌, సైమ్‌ అయూబ్‌ పొదుపుగా బౌలింగ్‌ చేసి తలో వికెట్‌ పడగొట్టారు. టిమ్‌ సీఫర్ట్‌ (41), ఇర్ఫాన్‌ ఖాన్‌ (39 నాటౌట్‌) ఓ మోస్తరుగా రాణించినా కరాచీని గెలిపించలేకపోయారు.