West Godavari District News

పెనుమంట్ర: పెనుమంట్ర మండలంలోని గోస్తనీ మురుగు కాలువ, జీఅండ్‌వీ కెనాల్‌ పరీవాహక ప్రాంతంలోని ఎనిమిది గ్రామాల ప్రజలు 12 రోజులుగా వరద నీటిలోనే కొట్టుమిట్టాడుతున్నారు. ప్రభుత్వం పునరావాస కేంద్రాలు ఏర్పాటు చేయకపోవడంతో ముఖ్యంగా పెనుమంట్ర, సోమరాజు ఇల్లిందలపర్రు, మాముడూరు గ్రామ ప్రజలు బయటకు వెళ్లే దారిలేక దుర్గంధ వాతావరణంలో కాలం గడుపుతున్నారు. పెనుమంట్రలో క్షత్రియ యూత్‌, పిరమిడ్‌ ధ్యాన కేంద్రం మహిళా సంఘం ఆధ్వర్యంలో రోజూ 700 మంది పైగా బాధితులకు రెండు పూ టలా భోజనం అందిస్తున్నారు. ఎస్‌.ఇల్లిందలపర్రులో మాజీ ఎంపీపీ కర్రి వెంకట్‌ నారాయణరెడ్డి (వాసు రెడ్డి) ఆధ్వర్యంలో 300 మందికి పైగా బాధితులకు భోజనాలు వండి పెడతున్నారు. ముంపులోనే ఆలయాలు : నత్తారామేశ్వరంలోని రామలింగేశ్వర స్వామి, జుత్తిగలోని సోమేశ్వర స్వామి ఆలయాలు పూర్తిగా జల దిగ్బంధంలోనే ఉన్నాయి. నీరంతా నల్లగా మారి దుర్వాసన వస్తున్నా.. పురోహితులు వెళ్లి నైవేద్యాలు సమర్పిస్తున్నారు. వరద నీరు ఎక్కడికక్కడే నిలిచిపోవడంతో ఆయా గ్రామాల్లో పారిశుద్ధ్యం పూర్తిగా క్షీణించింది. మురుగు, పంట కాలువలు కూడా కలుషిత నీటితో పొంగి పొర్లుతున్నాయి. వరిచేలు నీటిలోనే కుళ్లిపోయి దుర్గాసన వెదజల్లుతున్నాయి. పరిస్థితి ఇంత దారుణంగా ఉన్నా ఈ ఎనిమిది గ్రామాల్లో ప్రభుత్వ యంత్రాంగం ఎటువంటి చర్యలు చేపట్టకపోవడంతో బాధితులు, రైతులు ఆందోళనకు గురవుతున్నారు. ప్రభుత్వం తెల్లరేషన్‌ కార్డుదారులకు 10 కిలోల బియ్యంతో సరిపెట్టిందని అంటున్నారు. మొక్కుబడిగా ప్రథమ చికిత్స కేంద్రాల ఏర్పాటు చేసినా పూర్తిస్థాయిలో మందులు లేకపోవడంతో వృద్ధులు, ప్లిలలు ప్రైవేట్‌ ఆస్పత్రులకు వెళ్లడానికి వ్యయప్రయాసలు పడుతున్నారు. గోస్తనీ కాలువ నీటితో పరిసర ప్రాంతాలు దుర్గంధంగా మారాయి.ఎస్‌.ఇల్లిందలపర్రులో తణుకు ప్రధాన రహదారిపై వరద నీరుపెనుమంట్రలో మార్టేరు–తాడేపల్లిగూడెం స్టేట్‌ హైవేపై ముంపుజుత్తిగలో కంచి కామాక్షి అమ్మవారి ఆలయంలో.. పెనుమంట్ర రాజీవ్‌ కాలనీలో పునరావాస కేంద్రం పెనుమంట్రలో అంబేడ్కర్‌నగర్‌ ఎస్సీ కాలనీ జల దిగ్బంధంలోనే పెనుమంట్ర, ఎస్‌.ఇల్లిందలపర్రు పట్టించుకోని అధికార యంత్రాంగం దాతల సహకారంతో బాధితులకు భోజన ఏర్పాట్లు

జంగారెడ్డిగూడెం(బుట్టాయగూడెం) : గుర్వాయిగూడెం శ్రీ మద్ది ఆంజనేయస్వామి దేవస్థానంలో కార్తీక మాస ఉత్సవాల్లో భాగంగా శుక్రవారం ఉదయం 108 బంగారు తమలపాకులతో అష్టోత్తర పూజను ఘనంగా నిర్వహించారు. ఆలయ అర్చకులు, వేద పండితులు, ఋత్వికుల ఆధ్వర్యంలో ఈ ప్రత్యేక పూజా కార్యక్రమం శాస్త్రోక్తంగా సాగింది. ఈ కార్యక్రమంలో భక్తులు అధిక సంఖ్యలో పాల్గొని స్వామివారిని దర్శించుకున్నట్లు ఆలయ అసిస్టెంట్‌ కమిషనర్‌ మరియు కార్యనిర్వహణాధికారిణి ఆర్‌వీ చందన తెలిపారు. పోలవరం రూరల్‌: పోలవరం ప్రాజెక్టు దిగువ కాపర్‌ డ్యామ్‌ సమీపంలో రహదారిపై మొసలి సంచరించింది. అక్కడ పని చేస్తున్న లారీ డ్రైవర్లు దీన్ని ఫోటోలు, వీడియోలు తీసి సామాజిక మాధ్యమాల్లో పెట్టడంతో ఈ విషయం వెలుగులోకి వచ్చింది. కాపర్‌ డ్యామ్‌ దిగువన గోదావరి సహజ ప్రవాహం కొనసాగుతుండటంతో, ఎగువ ప్రాంతాల నుంచి ఇటీవల వచ్చిన వరదలకు ఈ మొసలి కొట్టుకువచ్చి మెరక ప్రాంతానికి చేరుకుని ఉంటుందని భావిస్తున్నారు. పాపికొండల అభయారణ్య ప్రాంతంలో రాళ్ల మధ్య మొసళ్ల సంతతి ఉందని అటవీశాఖ అధికారులు తెలిపారు ఏలూరు (ఆర్‌ఆర్‌పేట) /దెందులూరు : విధి నిర్వహణలో ఉన్న కండక్టర్లు, డ్రైవర్లు ఇతర సిబ్బందిపై దాడి చేయడం శిక్షార్హమైన నేరమని, అటువంటి ఘటనలకు పాల్పడితే కఠిన చర్యలు ఉంటాయని జిల్లా ప్రజా రవాణా అధికారి షేక్‌ షబ్నం స్పష్టం చేశారు. ఏలూరు–భీమవరం సర్వీసు బస్సులో గురువారం రాత్రి ప్రయాణిస్తున్న విద్యార్థిని లగేజ్‌ క్యారియర్‌లో ఉంచిన బ్యాగ్‌ నుంచి వస్తువులు కిందపడుతుండటంతో.. బ్యాగును కింద పెట్టుకోవాలని కండక్టర్ల శ్రీలక్ష్మి సూచించారు. ఈ విషయమై ఇద్దరి మధ్య వాగ్వివాదం జరిగి, సహనం కోల్పోయిన విద్యార్థిని వి.మాధవిలత కండక్టర్‌పై దాడి చేయడంతో ఆమె కన్ను కింద గాయమై కళ్లజోడు కిందపడిపోయింది. ఈ ఘటనపై వన్‌టౌన్‌ పోలీస్‌ స్టేషన్‌లో ఫిర్యాదు చేయగా పోలీసులు ఎఫ్‌ఐఆర్‌ నమోదు చేశారు. ఆర్టీసీ సిబ్బందిపై దాడులకు పాల్పడితే ఎంతటివారైనా ఉపేక్షించేది లేదని హెచ్చరించారు. అత్తిలి: దివ్యాంగ క్రికెట్‌ క్రీడాకారులకు మరింత గుర్తింపు, ప్రోత్సాహం, మెరుగైన అవకాశాలు కల్పించాలని ఆంధ్ర క్రికెట్‌ అసోసియేషన్‌ డిఫరెంట్లీ ఏబుల్డ్‌ క్రికెట్‌ కమిటీ సభ్యుడు యడ్లపల్లి సూర్యనారాయణ, డీసీసీఐ సౌత్‌ ఇండియా కోఆర్డినేటర్‌ మధుసూదన్‌ నాయక్‌ కోరారు. ఈ మేరకు శుక్రవారం విజయవాడలోని శాప్‌ కార్యాలయంలో ఆ సంస్థ వైస్‌ చైర్మన్‌, మేనేజింగ్‌ డైరెక్టర్‌ భరణిని కలిసి వారు విజ్ఞప్తి చేశారు. ఈ సందర్భంగా యడ్లపల్లి సూర్యనారాయణ మాట్లాడుతూ ప్రస్తుతం శాప్‌ పారాఒలింపిక్స్‌ స్పోర్ట్స్‌ పాలసీలో రెండో కేటగిరీలో ఉన్న దివ్యాంగ క్రికెట్‌ను మొదటి కేటగిరీలోకి మార్చాలని కోరారు. దీనిపై భరణి సానుకూలంగా స్పందిస్తూ, దివ్యాంగ క్రీడాకారులకు 3 శాతం స్పోర్ట్స్‌ కోటా ద్వారా తగిన ప్రయోజనాలు అందేలా చైర్మన్‌ రవినాయుడుతో చర్చించి తగిన చర్యలు తీసుకుంటామని హామీ ఇచ్చినట్లు తెలిపారు. తణుకు అర్బన్‌: ప్రేమ పేరుతో నమ్మించి మైనర్‌ బాలికపై లైంగిక దాడికి పాల్పడిన ఘటన తణుకులో వెలుగుచూసింది. తణుకు పట్టణ ఎస్సై సీహెచ్‌వీ సత్యనారాయణ తెలిపిన వివరాల ప్రకారం పైడిపర్రుకు చెందిన పంజా వెంకట దుర్గారావు గత ఏడాది జనవరిలో జరిగిన ఒక ఫేర్‌వెల్‌ పార్టీలో బాలికకు పరిచయమయ్యాడు. ఇన్‌స్ట్రాగామ్‌ ద్వారా మరింత దగ్గరై, ప్రేమిస్తున్నానని నమ్మించి హోటల్‌ రూమ్‌కు తీసుకువెళ్లి లైంగిక దాడికి పాల్పడ్డాడు. అంతేకాకుండా బాలిక వద్ద ఉన్న బంగారు వస్తువులను తీసుకుని మోసం చేశాడు. ఇంట్లో ఈ విషయం బయటపడటంతో బాధితుల ఫిర్యాదు మేరకు పోలీసులు నిందితుడిపై పోక్సో చట్టం కింద కేసు నమోదు చేశారు.

భీమవరం: అమ్మాయిలకు పోక్సో చట్టం రక్షణగా ఉంటుందని భీమవరం ప్రిన్సిపల్‌ సివిల్‌ జడ్జి (జూనియర్‌ డివిజన్‌) సి.రమ్య అన్నారు. మండల న్యాయ సేవా సంస్థ ఆధ్వర్యంలో సురక్షిత బాల్యం–బాలల రక్షణ ఉద్యమం అనే నినాదంతో పోక్సో తదితర చట్టాలపై స్థానిక చింతలపాటి బాపిరాజు స్మారకోన్నత పాఠశాలలో శుక్రవారం న్యాయ అవగాహన సదస్సు నిర్వహించారు. పోక్సో చట్టం కింద కేసు నమోదై నిరూపణ జరిగితే కఠిన శిక్షలు ఉంటాయని లైంగిక వేధింపులను ధైర్యంగా ఎదుర్కొని తల్లిదండ్రులకు, ఉపాధ్యాయులకు సమాచారం ఇవ్వాలన్నారు. అలాగే టోల్‌ ఫ్రీ నంబర్లు 1098, 112, 100 ద్వారా పోలీసులకు సమాచారమివ్వాలని సూచించారు. ప్యానల్‌ న్యాయవాదులు బి.అంబేడ్కర్‌, పి.వెంకటరమణ, డీవీ ఉష, కె.సుబ్బరాజు, హెచ్‌ఎం బి. శ్రీనివాసరావు తదితరులు పాల్గొన్నారు. కాళ్ల: పెదమిరంలోని అనధికార లేఅవుట్లను జాయింట్‌ కలెక్టర్‌ కేఆర్‌ కల్పశ్రీ శుక్రవారం పరిశీలించారు. లేఅవుట్లకు సంబంధించిన అనుమతులు, ప్రభుత్వ నిబంధనలు, నిర్దేశిత ప్రమాణాలను క్షుణ్ణంగా తనిఖీ చేశారు. లేఅవుట్ల ఏర్పాటుకు సంబంధించి తీసుకున్న అనుమతులు, సంబంధిత రికార్డులు, భూముల వివరాలు, నిబంధనల అమలు తీరుపై అడిగి తెలుసుకున్నారు. లేఅవుట్లలో నిర్దేశించిన నిబంధనలు, ప్రమాణాలు తప్పనిసరిగా పాటించేలా చర్యలు తీసుకోవాలన్నారు . భూములకు సంబంధించిన రికార్డులు పక్కాగా, వాస్తవ వివరాలకు అనుగుణంగా ఉండాలని స్పష్టం చేశారు. భీమవరం(ప్రకాశం చౌక్‌): జనగణన–2027 ప్రక్రియను సమర్థవంతంగా, పారదర్శకంగా నిర్వహించేందుకు అధికారులు సమగ్ర అవగాహన కలిగి ఉండాలని కలెక్టర్‌ సీహెచ్‌ నాగరాణి తెలిపారు. శుక్రవారం కలెక్టరేట్‌లో రెండో దశ జన గణన నిర్వహణపై అధికారులకు శిక్షణ ఇచ్చారు. ఈ సందర్భంగా కలెక్టర్‌ మాట్లాడుతూ 2027 జనవరి 10 నుంచి 24 వరకు ప్రజలు స్వయంగా వివరాలు నమోదు చేసుకునే అవకాశం ఉందన్నారు. అలాగే ఇంటింటా జనాభా గణన (రెండో దశ) 2027 జనవరి 25 నుంచి ఫిబ్రవరి 28 వరకు నిర్వహిస్తామన్నారు. శిక్షణలో పొందిన అంశాలను క్షేత్రస్థాయిలో పొరపాట్లకు తావులేకుండా అమలు చేయాలని సూచించారు. జేసీ కేఆర్‌ కల్పశ్రీ, జనగణన సమన్వయకర్త డాక్టర్‌ జగన్నాథ్‌ మాజీ, జిల్లా జనగణన అధికారి బి.భాగ్యప్ప తదితరులు పాల్గొన్నారు. ఆకివీడు: మండలంలో తు పాను, వరద బాధితులను ఆదుకునేందుకు చర్యలు చేపట్టామని తహసీల్దార్‌ దర్శి వంశీ తెలిపారు. ‘నల్లగా మారి.. దుర్గంధంతో నిండి..’ శీర్షికన ‘సాక్షి’లో శుక్రవారం ప్రచురించిన కథనానికి ఆయన స్పందించి ఆయా ప్రాంతాల్లో బాధితుల గుర్తింపు చర్యల్ని చేపట్టారు. వారం రోజులుగా మండలంలోని పలు ప్రాంతాల్లో ముంపునకు గురైన బాధితులు 532 మందికి 25 కేజీల బియ్యం, కేజీ కందిపప్పు, లీటరు మంచినూనె, బంగాళ దుంపలు, ఉల్లిపాయలు, పంచదార చొప్పున అందజేశామన్నారు. మండలంలో పెరిగిన ముంపు దృష్టా ఆయా ప్రాంతాల్లోని బాధితులను గుర్తించామని, మరో 378 మంది బాఽధితులకు సహాయం అందజేసేందుకు కలెక్టర్‌కు నివేదించామన్నారు. త్వరలోనే వారికీ నిత్యావసర సరుకులు అందిస్తామన్నారు.

శాసనమండలి చైర్మన్‌ నివాసంలో సమాలోచనలు భీమవరం: జిల్లాలో మున్సిపల్‌ ఎన్నికల్లో పోటీకి వైఎస్సార్‌సీపీ దూకుడు పెంచింది. ఇటీవల జరిగిన జెడ్పీటీసీ, ఎంపీటీసీ ఎన్నికల్లో కూటమి నాయకుల ప్రలోభాలు, పెద్ద మొత్తంలో డబ్బులు ఖర్చు చేసినా వైఎస్సార్‌సీపీకి భారీగా ఓట్లు రావడంతో ఈనెల 26 జరిగే మలి విడత మున్సిపల్‌ ఎన్నికలకు అభ్యర్థులను సిద్ధం చేస్తున్నారు. దీనిలో భాగంగా భీమవరం మున్సిపల్‌ ఎన్నికల్లో వార్డు కౌన్సిలర్లు, చైర్మపర్సన్‌ అభ్యర్థి ఎంపికకు సంబంధించి పార్టీ నాయకులు శుక్రవారం శాసనమండలి చైర్మన్‌ కొయ్యే మోషేన్‌రాజు నివాసం వద్ద సమావేశమయ్యారు. వన్‌టౌన్‌ పరిధిలోని 25 వార్డు కౌన్సిలర్లను ఎంపిక చేసేందుకు పార్టీ నియోజకవర్గ సమన్వయకర్త చినమిల్లి వెంకటరాయుడు, పార్టీ రాష్ట్ర కార్యదర్శులు ఏఎస్‌ రాజు, వేండ్ర వెంకటస్వామి, ఎస్‌ఈసీ సభ్యుడు మేడిది జాన్సన్‌ తదితరులు మోషేన్‌రాజుతో సంప్రదింపులు జరిపారు. ఈ సంద ర్భంగా వెంకటరాయుడు మాట్లాడుతూ మున్సిప ల్‌ ఎన్నికల్లో పార్టీ అభ్యర్థుల విజయమే లక్ష్యంగా పార్టీ శ్రేణులంతా కష్టించి పనిచేయాలన్నారు. కూ టమి ప్రభుత్వంపై ప్రజల్లో తీవ్ర వ్యతిరేకత ఉన్నందున ఎన్నికల్లో హామీలిచ్చి అమలుచేయని అంశాలను ప్రజల దృష్టికి తీసుకురావడంతోపాటు వైఎస్సార్‌సీపీ ప్రభుత్వంలో అమలుచేసిన సంక్షేమ, అభివృద్ధి కార్యక్రమాలను వివరించాలని సూచించారు. జిల్లా మహిళా అధ్యక్షురాలు కోడే విజయలక్ష్మి, పార్టీ బీసీ సెల్‌ రాష్ట్ర కార్యదర్శి కోడే యుగంధర్‌, నాయకులు కామన నాగేశ్వరరావు, గాదిరాజు రామరాజు, ఇంటి సత్యనారాయణ, చిరుగుపాటి సందీప్‌, కరీముల్లా బాషా, గుంటి ప్రభు, పేరిచర్ల సత్యనారాయణరాజు, బండి శక్తేశ్వరసాంబమూర్తి, వాసర్ల ముత్యాలరావు, జంగం మాణిక్యాలరావు తదితరులు పాల్గొన్నారు.

● పశ్చిమ మన్యంలో కలకలం ● పశువులపై దాడి.. అధికారుల అప్రమత్తం బుట్టాయగూడెం: పశ్చిమ ఏజెన్సీ ప్రాంతంలో పెద్ద పులి సంచారం మరోమారు కలవరపరుస్తోంది. జీలుగుమిల్లి మండలం కామయ్యపాలెం బీట్‌లోని జిళ్లెళ్లగూడెంలో శుక్రవారం వేకువజామున కె.వెంకటేష్‌ అనే రైతుకు చెందిన ఆవుపై దాడి చేసి పులి చంపిందనే సమాచారం తీవ్ర ఆందోళన కలిగించింది. రెండు రోజుల క్రితం వేలేరుపాడు మండలంలో కొంతూరు, నాగవరంలో సంచరించి అక్కడ ఒక ఆవు, రెండు లేగ దూడలపై దాడి చేసిన పెద్ద పులి, అక్కడ నుంచి తెలంగాణ ప్రాంతంలోనికి వెళ్లినట్లు అధికారులు చెబుతున్నారు. ఈ క్రమంలో గురువారం అశ్వారావుపేట మండలం గుమ్మడిపల్లి అటవీ ప్రాంతంలో ఉన్నట్టు పులికి అమర్చిన రేడియో టాలీ ట్రాకర్‌ సిగ్నల్‌ ద్వారా అటవీశాఖ అధికారులు గుర్తించారు. అయితే తెల్లవారే సరికి జిల్లాలోని జీలుగుమిల్లి మండలంలో ప్రవేశించి, ఆవుపై దాడి చేసి అదే ప్రాంతంలో మాటేసినట్టు తెలిసింది. రాత్రి సమయంలో పులి కదలికలు ప్రారంభమయ్యే అవకాశం ఉన్నందున అటవీ శాఖ అధికారులు గట్టి నిఘా ఏర్పాటుచేశారు. పులి అదే ప్రాంతంలో ఉంటుందా? లేక బుట్టాయగూడెం మండలం వైపు వస్తుందా అని అధికారులు అంచనా వేస్తున్నారు. ప్రజలకు తప్పని భయాందోళనలు పులి సంచారం, పశువులపై దాడులతో పశ్చిమ ఏజెన్సీ ప్రజలు భయపడుతున్నారు.

మాయమైన పాతయేరు ఆకివీడు గుమ్ములూరు రోడ్డు నుంచి చినకాపవరం డ్రెయిన్‌ వరకు మురుగునీటి పారుదల నిమిత్తం ఏర్పాటు చేసిన పాతయేరు కనుమరుగవుతోంది. 8లో uశనివారం శ్రీ 14 శ్రీ నవంబర్‌ శ్రీ 2026సాక్షి, భీమవరం: పుష్కర కాలం తర్వాత జిల్లాలోని భీమవరం, తణుకు, తాడేపల్లిగూడెం, పాలకొల్లు పురపాలక సంఘాల్లో పుర పోరుకు రంగం సిద్ధమైంది. శనివారం నుంచి నామినేషన్ల ప్రక్రియ మొదలుకానుంది. 16 వరకు నామినేషన్లు దాఖలుకు గడువుండగా సప్తమి కలిసిరావడంతో ఆ రోజున అధిక శాతం నామినేషన్లు వేయనున్నారు. ఇదిలా ఉండగా కూటమి పక్షాల్లో వార్డుల పంచాయితీ ఇంకా కొలిక్కిరాలేదు. నామినేషన్లకు ఏర్పాట్లు : ఎన్నికలు జరుగుతున్న నాలుగు మున్సిపాల్టీల్లో నామినేషన్ల స్వీకరణకు అధికారులు ఏర్పాట్లు చేశారు. చైర్మన్‌, వార్డు అభ్యర్థుల కోసం వేర్వేరుగా ప్రత్యేక కౌంటర్లను ఏర్పాటుచేశారు. ఉదయం 11 గంటల నుంచి మధ్యాహ్నం 3 గంటల వరకు నామినేషన్లు స్వీకరించనున్నారు. 17న నామినేషన్ల పరిశీలన, 19న ఉపసంహరణ, 26న పోలింగ్‌, 30న కౌంటింగ్‌ జరుగనున్నాయి. నాలుగు మున్సిపాలిటీల పరిధిలో మొత్తం 188 వార్డులకు పోలింగ్‌ కోసం 443 పోలింగ్‌ కేంద్రాలు, 3,050 మంది సిబ్బందిని ఏర్పాటుచేసినట్టు కలెక్టర్‌ సీహెచ్‌ నాగరాణి తెలిపారు. ప్రజాస్వామ్య ప్రక్రియలో ప్రతి ఓటు ఎంతో విలువైనదని, అర్హులైన ఓటర్లంతా తమ ఓటు హక్కును స్వేచ్ఛగా, నిర్భయంగా వినియోగించుకోవాలని కోరారు. తేలని వార్డులు : కూటమిలో వార్డుల సర్దుబాటు ఇంకా కొలిక్కిరాలేదు. భీమవరం, తాడేపల్లిగూడెం చైర్మన్‌ స్థానాలను జనసేన, తణుకు, పాలకొల్లు టీడీపీ పంచుకున్నాయి. అయితే టీడీపీ, జనసేన, బీజేపీలో ఎవరికెన్ని వార్డులు, ఏ వార్డులు ఎవరు తీసుకోవాలనే విషయమై కూటమి పక్షాలు తీవ్ర తర్జనభర్జనలు పడుతున్నాయి. శుక్రవారం రాత్రికి వార్డుల సర్దుబాటు పూర్తికాలేదని సమాచారం. మరోపక్క గతంలో వార్డు కౌన్సిలర్లుగా పనిచేసిన పలువురు మాజీలు ప్రస్తుత ఎన్నికల్లో బరిలో దిగేందుకు సన్నాహాలు చేసుకుంటున్నారు. కొత్తగా బరిలోకి దిగే ఆశావహులు ఓటర్లు, సామాజిక, ఆర్థికపరమైన అంశాలను భేరీజు వేసుకుంటూ తమకు అనుకూల వార్డులపై కన్నేశారు. సప్తమి పూట మంచిదని.. నామినేషన్ల స్వీకరణకు మూడు రోజుల సమయం మాత్రమే ఉండటంతో ఆశావహులు ముహూర్తాల వేటలో పడ్డారు. 16న సప్తమి తిథి అత్యంత బలమైనదిగా, కలిసివచ్చే రోజుగా పంచాంగకర్తలు సూచిస్తున్నారు. అధిక శాతం మంది అభ్యర్థులు ఆ రోజే నామినేషన్లు దాఖలు చేసేందుకు సన్నాహాలు చేసుకుంటున్నారు. ఏలూరు రూరల్‌ పోణంగి గ్రామంలో వృద్ధురాలి హత్య కేసును వన్‌టౌన్‌ సర్కిల్‌ పోలీసులు ఛేదించారు. నిందితుడైన యువకుడిని అరెస్ట్‌ చేశారు. 8లో u భీమవరం: భీమవరంలో చైర్‌పర్సన్‌ పదవి జనరల్‌ మహిళకు రిజర్వు కాగా 52 వార్డులకు గాను ఎస్టీలకు ఒకటి, ఎస్సీ మహిళలకు రెండు, ఎస్సీ జనరల్‌కు మూడు, బీసీ మహిళలకు 10, బీసీ జనరల్‌కు 10, జనరల్‌ మహిళలకు 14, జనరల్‌ కేటగిరీకి 12 రిజర్వు చేశారు. తణుకు: తణుకులో చైర్మన్‌ పదవి జనరల్‌కు రిజర్వు అయ్యింది. 44 వార్డులకు ఎస్టీ జనరల్‌కు ఒకటి, ఎస్సీ మహిళలకు రెండు, ఎస్టీ జనరల్‌కు మూడు, బీసీ మహిళలకు ఎనిమిది, బీసీ జనరల్‌కు ఎనిమిది, జనరల్‌ మహిళలకు 12, జనరల్‌కు 10 రిజర్వయ్యాయి. తాడేపల్లిగూడెం: తాడేపల్లిగూడెంలో చైర్మన్‌ పదవి జనరల్‌కు రిజర్వు కాగా 48 వార్డులకు ఎస్టీ జనరల్‌కు ఒకటి, ఎస్సీ మహిళలకు మూడు, ఎస్సీ జనరల్‌కు మూడు, బీసీ మహిళలకు ఎనిమిది, బీసీ జనరల్‌కు తొమ్మిది, జనరల్‌ మహిళలకు 13, జనరల్‌కు 11 వార్డులు రిజర్వయ్యాయి. పాలకొల్లు: పాలకొల్లులో చైర్‌పర్సన్‌ బీసీ మహిళకు రిజర్వు కాగా 44 వార్డులకు ఎస్టీ జనరల్‌కు ఒకటి, ఎస్సీ మహిళలకు మూడు, ఎస్సీ జనరల్‌కు నాలుగు, బీసీ మహిళలకు ఏడు, బీసీ జనరల్‌కు ఏడు, జనరల్‌ మహిళలకు 12, జనరల్‌కు 10 వార్డులు రిజర్వు చేశారు. జిల్లాలో 393 పంచాయతీలు, 4,206 వార్డులకు గాను తొలి విడతలో నరసాపురం రెవెన్యూ డివిజన్‌లోని నరసాపురం, మొగల్తూరు, ఆచంట, పెనుమంట్ర, పెనుగొండ, మండలాల్లో 90 పంచాయతీలు, 1,006 వార్డులకు ఎన్నికలు జరుగుతున్నాయి. అందుకోసం 15 నుంచి 17 వరకు నామినేషన్ల స్వీకరణ మొదలు కానుంది. 18న పరిశీలన, 20న అభ్యంతరాల స్వీకరణ, 21న ఉపసంహరణ అనంతరం నవంబరు 26 ఉదయం 7 గంటల నుంచి మధ్యాహ్నం 1 గంట వరకు 1,062 పోలింగ్‌ స్టేషన్లలో ఎన్నికలు జరుగనున్నాయి. అనంతరం అదేరోజు మధ్యాహ్నం నుంచి ఓట్లు లెక్కింపు చేపట్టి ఫలితాలు వెల్లడించనున్నారు. నేటి నుంచి నామినేషన్లు భీమవరం, తణుకు, తాడేపల్లిగూడెం, పాలకొల్లులో మున్సిపల్‌ ఎన్నికలు 16 వరకు నామినేషన్లకు గడువు గెలుపు గుర్రాల వేటలో రాజకీయ పక్షాలు కూటమిలో తేలని పంచాయితీలు ఏఐ సృష్టించిన చిత్రం

తణుకు అర్బన్‌: మున్సిపల్‌ ఎన్నికలకు సంబంధించి అభ్యర్థుల ఎంపికలో తణుకు టీడీపీ అధిష్టానానికి సొంత గూట్లోనే కుంపట్లు రాజుకున్నాయి. అభ్యర్థుల ఎంపిక కోసం నిర్వహించిన ప్రజాభిప్రాయ సేకరణలో భాగంగా వచ్చిన ఐవీఆర్‌ఎస్‌ కాల్స్‌ వ్యవహారం ముఖ్య నేతల్లో చిచ్చురేపింది. తణుకు మున్సిపల్‌ చైర్మన్‌ రిజర్వేషన్‌ జనరల్‌ కాగా ముఖ్య నేతలు ఆశావహులుగా ఉన్నారు. ముఖ్యంగా ఆరుగురు నేతలు రేస్‌లో ఉండగా కేవలం ముగ్గురు పేర్లు మాత్రమే ఐవీఆర్‌ఎస్‌ కాల్స్‌లో ప్రజాభిప్రాయ సేకరణకు అడుగుతుండటంతో మిగిలిన వారికి చిర్రెత్తుకొచ్చింది. రెండు రోజులుగా ఐవీఆర్‌ఎస్‌ కాల్స్‌లో టీడీపీ చైర్మన్‌ అభ్యర్థులుగా బసవ వీవీఎస్‌ రామకృష్ణ, వంటెద్దు వీర వెంకట సురేంద్రకుమార్‌, కలగర వెంకటకృష్ణల పేర్లు మాత్రమే ప్రజాభిప్రాయం అడుగుతుండటం వివాదాస్పదమైంది. దీంతో తణుకులో ప్రజాప్రతినిధిని కలిసిన మిగిలిన ఆశావహులు తమ పేర్లు ఎందుకు లేవంటూ నిలదీయడం రసాభాసగా మారింది. బీసీ వర్గానికి చెందిన ముఖ్యనేత తన పేరు ఎందుకు పెట్టలేదని నిలదీయగా, జనరల్‌ కేటగిరీలో బీసీ వర్గానికి అవకాశం లేదనే సమాధానంతో చిర్రెత్తుకొచ్చిన సదరు బీసీ నేత బీసీలైన మమ్మల్ని ఓట్లకు మాత్రమే వాడుకుంటారా అంటూ లేచి వెళ్లిపోయారు. నిలదీసిన వైనం తమ నేత పేరుకు ఎందుకు ప్రాధాన్యమివ్వలేదని, చైర్మన్‌ అభ్యర్థిగా ప్రకటించాలంటూ పట్టణానికి చెందిన టీడీపీ ముఖ్య నేతకు చెందిన అభిమానులు ప్రజాప్రతినిధిని నిలదీశారు. ఓ సమయంలో తీవ్రంగా వాగ్వాదానికి చోటుచేసుకున్నట్టుగా సమాచారం. సదరు ముఖ్య నేతకు తణుకు పట్టణ మొట్టమొదటి టీడీపీ కుటుంబం పెద్దల మద్దతు మెండుగా ఉండటంతో ఈ ఎన్నికల్లో టీడీపీ పరిస్థితి ఏంటో తేలాల్సి ఉంది. ఈ కారణంగా రేసులో ఉన్న టీడీపీ నేతలు రెబెల్స్‌గా దిగుతారా లేదంటే తమపై చిన్నచూపు చూస్తున్నారనే నెపంతో వ్యతిరేకతతో రివర్స్‌ ఓటు వేస్తారా అనేది వేచి చూడాలి. ఐవీఆర్‌ఎస్‌ షో ప్రజాభిప్రాయ సేకరణ కోసం టీడీపీ నిర్వహించిన ఐవీఆర్‌ఎస్‌ కాల్స్‌ అంతా ట్రాష్‌ అని, ఇప్పటికే తణుకు అధిష్టానం ఒకరిని సిద్ధం చేసిందని వారికే సీటు ఇస్తుందనే విషయం పట్టణంలో చర్చనీయాంశంగా మారింది. కేవలం రేసులో ఉన్న వారిని సంతృప్తిపరిచి తమ చేతుల్లో ఏమీ లేదంటూ కూటమి అధిష్టానం నిర్ణయం మేరకే అభ్యర్థి ఎంపిక జరిగినట్టుగా కలరింగ్‌ ఇచ్చేందుకేననే చర్చ కూడా సాగుతోంది. అభ్యర్థి ఎంపిక ప్రకటన తర్వాత ఆశావహల పయనం ఎటు ఉంటుందో వేచి చూడాల్సిందే. ప్రజాభిప్రాయ సేకరణలో తమ పేర్లు ఎందుకు లేవని నిలదీత బీసీలను ఓట్లకే వాడుకుంటారా అని ముఖ్యనేత మండిపాటు రసాభాసగా మారిన పంచాయితీ ఎదురు తిరిగిన వారిపై తీవ్రంగా మండిపడ్డ ప్రజాప్రతినిధి

భీమవరం : రాష్ట్రంలో స్థానిక సంస్థల ఎన్నికల్లో ధనప్రవాహం చర్చనీయాంశంగా మారింది. కూటమి ప్రభుత్వం ఎన్నికలను అత్యంత ఖరీదైన వ్యవహారంగా మార్చివేసిందని, రూ.కోట్లు ఖర్చు చేసే స్థోమత ఉంటేనే బరిలోకి దిగాలంటూ టీడీపీ, జనసేన, బీజేపీ స్థానిక అగ్రనాయకులు షరతులు విధిస్తున్నారని రాజకీయ వర్గాల్లో ప్రచారం జరుగుతోంది. దీంతో ఏళ్ల తరబడి పార్టీ జెండాలు మోస్తూ ప్రజాసేవ చేయాలని ఆశిస్తున్న చోటామోటా నాయకులు దిక్కుతోచని స్థితిలో పడ్డారు. భీమవరం చైర్మన్‌ పీఠానికి రూ. 15 కోట్ల బేరం? జిల్లా కేంద్రమైన భీమవరం మున్సిపాలిటీలో 52 వార్డులు, సుమారు 1,45,737 మంది ఓటర్లు ఉన్నారు. ఈ పీఠం జనరల్‌ మహిళకు రిజర్వ్‌ కావడం, పొత్తులో భాగంగా జనసేనకు దక్కడంతో ఆ పార్టీలో రాజకీయ వేడి రాజుకుంది. ఎన్నికల ఖర్చు సుమారు రూ. 20 కోట్ల వరకు అవుతుందని నియోజకవర్గ ముఖ్య నేతలు అంచనా వేస్తున్నారు. ముందుగా రూ. 15 కోట్లు తమ వద్ద డిపాజిట్‌ చేస్తేనే చైర్మన్‌ అభ్యర్థిత్వాన్ని పరిశీలిస్తామని తేల్చి చెప్పినట్లు సమాచారం. ఈ భారీ డిమాండ్‌తో కొందరు వెనుకడుగు వేయగా, ఒకరిద్దరు ఆశావహులు తమ ఆస్తులను అమ్మి, తాకట్టు పెట్టి సొమ్ము సిద్ధం చేసుకున్నట్లు పట్టణంలో జోరుగా ప్రచారం సాగుతోంది. ఇక కౌన్సిలర్‌ పదవి ఆశించే వారు సైతం వార్డుకు కనీసం రూ. 30 లక్షల పైబడి ఖర్చు చేయాల్సిన పరిస్థితి నెలకొందని అంటున్నారు. జనసేనలో అసమ్మతి పార్టీ కోసం కష్టపడి, ఆర్థికంగా ఖర్చు చేసిన పాత వారిని కాదని, ఇప్పటివరకు పార్టీతో సంబంధం లేని కొత్త వారికి పెద్దలు మక్కువ చూపడంపై జనసేన శ్రేణుల్లో అసమ్మతి చెలరేగుతోంది. మరోవైపు, భీమవరం చైర్మన్‌ పీఠం సంప్రదాయంగా తమకే దక్కుతోందని, ఈసారి కూడా ఆ పదవిని తమకే కేటాయించాలని కాపు సామాజికవర్గ నేతలు పట్టుబడుతున్నట్లు తెలుస్తోంది. కూటమిలో గుబులు ఆస్తులమ్ముకుంటున్న కూటమిలోని ఆశావహులు రూ. 15 కోట్ల డిపాజిట్‌ చేస్తేనే చైర్మన్‌ టికెట్‌ ! సర్పంచ్‌ పదవికి రెండు ఎకరాలు పంచాయతీకి ఇస్తానన్న నాయకుడు జిల్లాలోని 20 మండలాల్లోని 407 గ్రామ పంచాయతీలకు నవంబర్‌, డిసెంబర్‌ నెలల్లో మూడు విడతల్లో ఎన్నికలు జరగనున్నాయి. అలాగే ఏడేళ్ల విరామం తర్వాత భీమవరం, పాలకొల్లు, తణుకు, తాడేపల్లిగూడెం మున్సిపాలిటీలకు నవంబర్‌లో ఎన్నికలు నిర్వహిస్తుండటంతో వైఎస్సార్‌సీపీ, టీడీపీ, జనసేన ఆశావహులు ముమ్మర ప్రయత్నాలు చేస్తున్నారు. పార్టీలకు అతీతంగా జరగాల్సిన పంచాయతీ ఎన్నికల్లోనూ పట్టు సాధించేందుకు కూటమి నేతలు సర్పంచ్‌ పదవులకు వేలంపాటలు నిర్వహిస్తున్నట్లు ఆరోపణలు వినిపిస్తున్నాయి. నరసాపురం నియోజకవర్గ పరిధిలోని తీరప్రాంత గ్రామాల్లో ఇప్పటికే నాలుగైదు చోట్ల వేలంపాటలు జరిగినట్లు సమాచారం. భీమవరం నియోజకవర్గంలోని ఓ గ్రామంలో తనను ఏకగ్రీవంగా ఎన్నుకుంటే పంచాయతీకి రెండెకరాల పొలం రాసిస్తానని ఓ నాయకుడు బహిరంగంగా ప్రకటించగా, మరికొందరు గ్రామాభివృద్ధికి రూ. కోట్ల సొంత నిధులు ఇస్తామంటూ ముందుకు వస్తున్నారు. అభివృద్ధి, సంక్షేమమే ఎజెండా అని పైకి చెబుతున్నా, క్షేత్రస్థాయిలో భారీగా డబ్బు పంపిణీ చేస్తే తప్ప గెలుపు సాధ్యం కాదని కూటమి పెద్దలు భావిస్తుండటంతో ఈ ఎన్నికలు సామాన్య నాయకులకు అందని ద్రాక్షగా మారాయనే గుసగుసలు వినిపిస్తున్నాయి.

జంగారెడ్డిగూడెం(బుట్టాయగూడెం): రెండు వేర్వేరు చెక్‌ బౌన్స్‌ కేసుల్లో ఒకే వ్యక్తికి జైలు శిక్ష, జరిమానా విధిస్తూ జంగారెడ్డిగూడెం జ్యుడిషియల్‌ ఫస్ట్‌ క్లాస్‌ మేజిస్ట్రేట్‌ ఈ. అన్నామణి శుక్రవారం తీర్పు వెలువరించారు. జక్కుల రమేష్‌ అనే వ్యక్తికి ఈ రెండు కేసుల్లో మూడేసి నెలల సాధారణ జైలు శిక్ష, రూ.10 వేల చొప్పున జరిమానా విధించారు. అలాగే బాధితులకు మొత్తం రూ.12.50 లక్షల పరిహారం చెల్లించాలని ఆదేశించారు. 2019లో నెగోషియబుల్‌ ఇన్‌స్ట్రుమెంట్స్‌ యాక్ట్‌ సెక్షన్‌ 138 కింద బెజవాడ కేశవులు దాఖలు చేసిన కేసులో నిందితుడికి మూడు నెలల జైలు శిక్ష, రూ.10 వేల జరిమానాతో పాటు కేశవులుకు రూ.5 లక్షల పరిహారం చెల్లించాలని తీర్పు చెప్పారు. అదేవిధంగా 2019లోనే డాక్టర్‌ కోట సుబ్బారావు దాఖలు చేసిన మరో చెక్‌ బౌన్స్‌ కేసులోనూ రమేష్‌కు మూడు నెలల జైలు శిక్ష, రూ.10 వేల జరిమానా విధించి, సుబ్బారావుకు రూ.7.50 లక్షల పరిహారం చెల్లించాలని పేర్కొన్నారు. ఈ కేసుల్లో ఫిర్యాదుదారుల తరఫున సీనియర్‌ న్యాయవాదులు బుడిగిన నాగేంద్ర కుమార్‌, కామన సత్యం వాదనలు వినిపించారు. చింతలపూడి: మండలంలోని ఫాతిమాపురంలో శుక్రవారం తెల్లవారుజామున చోరీ ఘటన చోటు చేసుకుంది. గ్రామంలోని వేలాంగణి మాత స్వరూపం వద్ద ఉన్న కానుకల పెట్టె తాళాలను గుర్తుతెలియని దుండగులు పదునైన ఆయుధాలతో పగలగొట్టి, భక్తులు సమర్పించిన నగదును అపహరించారు. ఉదయం ప్రార్థనల నిమిత్తం వచ్చిన గ్రామస్తులు పగిలి ఉన్న పెట్టెను గమనించి నిర్వాహకులకు సమాచారం అందించారు. ఘటనపై నిర్వాహకులు పోలీసులకు ఫిర్యాదు చేశారు. గ్రామంలో రాత్రి వేళల్లో పోలీసు గస్తీని పెంచి, నిందితులను తక్షణమే గుర్తించి కఠినంగా శిక్షించాలని స్థానికులు కోరుతున్నారు. దేవరపల్లి: దొంగతనం కేసులో ఇద్దరు నిందితులకు న్యాయస్థానం జైలు శిక్ష విధించింది. ఎస్సై ఆంజనేయబాబు తెలిపిన వివరాల ప్రకారం నల్లజర్ల మండలం దూబచర్లలోని సెల్‌ఫోన్‌ షాపులో 2018లో జంగారెడ్డిగూడేనికి చెందిన పోలవరపు నాగ దుర్గాప్రసాద్‌, తాడేపల్లి చిట్టిబాబు దొంగతనానికి పాల్పడ్డారు. దీనిపై అప్పట్లో నల్లజర్ల పోలీస్‌ స్టేషన్‌లో కేసు నమోదైంది. నేరం రుజువు కావడంతో తాడేపల్లిగూడెం ఫస్ట్‌ అదనపు జ్యుడీషియల్‌ ఫస్ట్‌ క్లాస్‌ మెజిస్ట్రేట్‌ కె.లలితాదేవి శుక్రవారం నిందితులకు 6 నెలల జైలు శిక్ష, రూ.2 వేల చొప్పున జరిమానా విధించారు. ఏలూరు (ఆర్‌ఆర్‌పేట): స్థానిక జిల్లా కేంద్ర గ్రంథాలయంలో 59వ జాతీయ గ్రంథాలయ వారోత్సవాలను శనివారం నుంచి 20వ తేదీ వరకు నిర్వహించనున్నట్టు జిల్లా గ్రంథాలయ సంస్థకార్యదర్శి ఎం శేఖర్‌ బాబు శుక్రవారం ఒక ప్రకటనలో తెలిపారు. వారోత్సవాల్లో భాగంగా విద్యార్థులకు వివిధ అంశాల్లో పోటీలు నిర్వహిస్తామని, సాహిత్య సదస్సులు, సాంస్కృతిక, కళా ప్రదర్శనలు, పుస్తక ప్రదర్శనలు, కవి సమ్మేళనాలు, వివిధ అంశాలపై అవగాహన సదస్సులు ఏర్పాటు చేశామని పేర్కొన్నారు. 20న జరిగే ముగింపు కార్యక్రమంలో పోటీల్లో విజేతలకు బహుమతులు అందిస్తామని స్పష్టం చేశారు.

ద్వారకాతిరుమల : శ్రీవారి క్షేత్రంలో చినవెంకన్న తెప్పోత్సవానికి ఏర్పాట్లు శరవేగంగా జరుగుతున్నాయి. ఇందులో భాగంగా శ్రీవారి పుష్కరిణి (నృసింహ సాగరం) సర్వాంగ సుందరంగా ముస్తాబవుతోంది. క్షీరాబ్ధి ద్వాదశి పర్వదినాన్ని పురస్కరించుకుని ఈ నెల 21న రాత్రి స్వామివారి తెప్పోత్సవాన్ని వైభవంగా నిర్వహించేందుకు దేవస్థానం చర్యలు చేపట్టింది. పుష్కరిణి గట్లపై విద్యుద్దీపాలంకరణ పనులు చురుగ్గా సాగుతుండగా, బోరు నీటితో పుష్కరిణిని నింపుతున్నారు. ఉత్సవం రోజు రాత్రి స్వామివారు ఉభయ దేవేరులతో కలిసి తొళక్క వాహనంపై పురవీధుల్లో ఊరేగి, రాత్రి 8 గంటలకు పుష్కరిణి వద్దకు చేరుకుంటారని, అనంతరం తెప్పోత్సవం ప్రారంభమవుతుందని ఆలయ ఈఓ వేండ్ర త్రినాథరావు తెలిపారు. ఈ వేడుకలో భక్తులు పెద్ద ఎత్తున పాల్గొనాలని ఆయన కోరారు.

పదకొండు రోజులుగా మురుగు నీటిలో నడుస్తూ, ముక్కుపుటాలు అదిరిపోయే దుర్గంధం మధ్య స్థానిక ప్రజలు నరకయాతన అనుభవిస్తున్నారు. అధికారులు మొక్కుబడిగా ఒక్కసారి బ్లీచింగ్‌ పౌడర్‌ చల్లి చేతులు దులుపుకోగా, మండల స్థాయి అధికారులు కనీసం కన్నెత్తి కూడా చూడలేదని స్థానికులు మండిపడుతున్నారు. గత తుపాను కారణంగా నీట మునిగిన లోతట్టు ప్రాంతాల్లో ఇప్పటికీ వర్షపు, మురుగు నీరు నిలిచి ఉందంటే అధికారుల పనితీరు ఎలా ఉందో అర్థం చేసుకోవచ్చు. నిల్వ ఉన్న నీరు తీవ్ర దుర్గంధం వెదజల్లుతుండటంతో ప్రజలు ఇళ్ల తలుపులు వేసుకుని బిక్కుబిక్కుమంటూ కాలం వెళ్లదీస్తున్నారు. వెలివర్రు, చెరుకువాడ, యండగండి, వాండ్రం తదితర గ్రామాల్లోని పలు కాలనీలు ఇంకా ముంపులోనే ఉన్నాయి. పాఠశాల విద్యార్థులు, మహిళలు, కూలీలు తప్పనిసరి పరిస్థితుల్లో ఇదే మురుగు నీటిలో నడుచుకుంటూ పాఠశాలలకు, పనులకు వెళ్తున్నారు. ఫలితంగా ఇప్పటికే పలువురికి కాళ్లకు చర్మవ్యాధులు సోకి తీవ్ర ఇబ్బందులు పడుతున్నారు. – ఉండి

ఏలూరు టౌన్‌: ఏలూరు రూరల్‌ పోణంగి గ్రామంలో వృద్ధురాలి హత్య కేసును వన్‌టౌన్‌ సర్కిల్‌ పోలీసులు ఛేదించారు. ఏలూరు వన్‌టౌన్‌ సీఐ కె.రామకృష్ణ, ఏలూరు రూరల్‌ ఎస్సై వి.వెంకటేశ్వరరావు వివరాల ప్రకారం పాతమాలపల్లి జెండా సెంటర్‌కు చెందిన సిగిరెడ్డి మరియమ్మ అలియాస్‌ కుంటమ్మ (66) ఒంటరిగా నివసిస్తోంది. గత నెల 22న తలపై తీవ్ర గాయాలతో ఏలూరు జీజీహెచ్‌లో చికిత్స పొందుతూ ఆమె మృతి చెందింది. తొలుత అనుమానాస్పద మృతిగా కేసు నమోదు చేసిన పోలీసులు, పోస్టుమార్టం నివేదిక ఆధారంగా హత్యగా నిర్ధారించారు. అయితే మరియమ్మ వద్ద డబ్బులు ఉన్నాయని తెలుసుకున్న అదే ప్రాంతానికి చెందిన గూడపాటి అజయ్‌ గత నెల 21న అర్ధరాత్రి ఆమె ఇంటిలోకి ప్రవేశించి దొంగతనానికి ప్రయత్నించాడు. వృద్ధురాలు నిద్రలేచి కేకలు వేయడంతో, తనను గుర్తుపడుతుందనే భయంతో ఇంటిలోని సిమెంట్‌ ఇటుక రాయితో ఆమె తలపై బలంగా కొట్టాడు. తీవ్ర గాయాలపాలైన ఆమె ఆసుపత్రిలో చికిత్స పొందుతూ మృతి చెందింది. నిందితుడు అజయ్‌ను శుక్రవారం అరెస్టు చేసినట్లు తెలిపారు. ఈ కేసును ఛేదించిన పోలీసు అధికారులను ఏలూరు డీఎస్పీ డి. శ్రావణ్‌కుమార్‌ అభినందించారు.

పెదవేగి: స్థానిక డాక్టర్‌ బి.ఆర్‌. అంబేద్కర్‌ గురుకులంలో శనివారం నుంచి రెండు రోజులపాటు ఆంధ్రప్రదేశ్‌ స్కూల్‌ గేమ్స్‌ ఫెడరేషన్‌ అండర్‌–19 అంతర్‌ జిల్లాల అథ్లెటిక్స్‌ ఛాంపియన్‌షిప్‌ పోటీలు జరగనున్నట్లు స్కూల్‌ గేమ్స్‌ ఫెడరేషన్‌ ఏలూరు జిల్లా కార్యదర్శి కే. జయరాజు తెలిపారు. శుక్రవారం ఆయన విలేకరులతో మాట్లాడుతూ.. ఈ పోటీలకు విద్యాశాఖ రీజనల్‌ జాయింట్‌ డైరెక్టర్‌ శేఖర్‌బాబు ముఖ్య అతిథిగా విచ్చేయనున్నారని, ఏర్పాట్లన్నీ పూర్తి చేశామని వెల్లడించారు తణుకు అర్బన్‌: రాష్ట్రస్థాయి చదరంగం పోటీల్లో తణుకుకు చెందిన 2వ తరగతి విద్యార్థిని జి. హన్వి ప్రతిభ చాటి జాతీయ స్థాయికి ఎంపికై ంది. ఇటీవల తాడేపల్లిగూడెంలో మాస్టర్‌ చెస్‌ అకాడమీ ఆధ్వర్యంలో నిర్వహించిన రాష్ట్రస్థాయి పోటీల్లో ఆమె రెండో స్థానంలో నిలిచింది. దీని ద్వారా వచ్చే ఏడాది జనవరిలో జరిగే జాతీయ స్థాయి చదరంగం పోటీలకు అర్హత సాధించినట్లు తల్లి మమతా యాదవ్‌ తెలిపారు. పోటీలకు సిద్ధమైన ఆటస్థలం

● మునిగిపోతున్న వందలాది ఎకరాల ఆయకట్టు ● పట్టించుకోని అధికారులు, ప్రజాప్రతినిధులు ఆకివీడు: స్థానిక గుమ్ములూరు రోడ్డు నుంచి చినకాపవరం డ్రెయిన్‌ వరకు మురుగునీటి పారుదల నిమిత్తం ఏర్పాటు చేసిన ‘పాతయేరు’ కాలువ కనుమరుగవుతోంది. గత 30 ఏళ్లుగా ఈ కాలువను పట్టించుకోకపోవడంతో, సరిహద్దు రైతులు ఆక్రమించుకుని కాలువను కుచించుకుపోయేలా చేశారు. ఫలితంగా ఏటా మాదివాడ ఆయుకట్టు ముంపునకు గురై, వందలాది ఎకరాల్లో చేతికి అందివచ్చిన పంట నీటిపాలవుతోంది. భారీ వర్షాలకే కాదు, సాధారణ దుక్కి వర్షానికి కూడా పొలాలు నీట మునుగుతున్నాయని రైతులు ఆవేదన వ్యక్తం చేస్తున్నారు. అధికారులు, ప్రజాప్రతినిధుల నిర్లక్ష్యంతో తాము లక్షలాది రూపాయల పెట్టుబడులు నష్టపోవాల్సి వస్తోందని రైతులు వాపోతున్నారు. రికార్డుల్లో ఉన్న పాతయేరు అధికారుల దృష్టిలో ఉందో లేదో కూడా తెలియని దుస్థితి నెలకొంది. ప్రజాప్రతినిధులు సైతం దీని తవ్వకాలపై దృష్టి పెట్టకపోవడంతో ఆయుకట్టు రైతులు నిండా మునుగుతున్నారు. మాదివాడ ఆయుకట్టు భూముల నుంచి వచ్చే వ్యర్థ, వర్షపు నీరు పాతయేరు గుండా చినకాపవరం డ్రెయిన్‌లో కలిసి, అక్కడి నుంచి ఉప్పుటేరు ద్వారా సముద్రంలోకి వెళ్లాలి. కానీ ప్రస్తుతం ఆ పరిస్థితి లేకపోవడంతో ముంపునీరు చేలల్లోనే తిష్టవేస్తోంది. దీంతో వరి పంట పండాల్సిన చోట కలువపువ్వుల పంట పండుతోందని రైతులు ఎద్దేవా చేస్తున్నారు. ఈ ప్రాంతంలోని కొండయ్య చెరువు, గాలిబ్‌ చెరువులకు కూడా ఇదే డ్రెయిన్‌ అవుట్‌లెట్‌గా ఉందని వారు గుర్తుచేస్తున్నారు. అడుగడుగునా ఆక్రమణలే.. పాతయేరు గుమ్ములూరు రోడ్డు నుంచి ప్రారంభమై ఆకివీడులోని చినకాపవరం డ్రెయిన్‌లో కలుస్తుంది. అయితే, కాలువ ప్రారంభంలోనే తీవ్ర ఆక్రమణకు గురైంది. ఆ ప్రాంతంలో డ్రెయిన్‌ను ఆక్రమించి ఏకంగా చెరువు తవ్వారని రైతులు వాపోతున్నారు. కాలువ వెంబడి ఉన్న సరిహద్దు భూముల యజమానులు చేసిన ఆక్రమణల కారణంగా ఇది కాస్తా కుంచించుకుపోయి, మురుగునీటి ప్రవాహానికి తీవ్ర ఆటంకం కలుగుతోంది. అధికారులు వదిలివేసినా, ప్రజాప్రతినిధులు పట్టించుకోకపోయినా ప్రకృతి మాత్రం తన పని తాను చేసుకుపోతోంది. కాలువ ఉన్నా లేకున్నా ముంపునీరు మాత్రం నేరుగా పొలాలపైకి చొచ్చుకొస్తోంది. ఇప్పటికై నా అధికారులు, ప్రజాప్రతినిధులు స్పందించి పాతయేరు తవ్వకం పనులు యుద్ధప్రాతిపదికన చేపట్టి, వందలాది ఎకరాల రైతులను ఆదుకోవాలని వేడుకుంటున్నారు.

● 40 మంది నిరుపేదల నుంచి రూ.కోటికి పైగా వసూలు ● విజయవాడ, ఏలూరుకు చెందిన ఇద్దరి అరెస్ట్‌ అజిత్‌సింగ్‌నగర్‌ (విజయవాడసెంట్రల్‌): సొంతింటి కల నెరవేరుస్తామని ఇద్దరు కేటుగాళ్లు 40 మంది నుంచి కోటి పైగా వసూలు చేసి నిలువునా ముంచారు. ఈ ఘటన ఆలస్యంగా వెలుగులోకి వచ్చింది. అజిత్‌సింగ్‌నగర్‌ డంపింగ్‌ యార్డ్‌ వెంబడి ఉన్న జేఎన్‌ఎన్యూఆర్‌ఎం అపార్ట్‌మెంట్స్‌లో బ్లాక్‌ నెంబర్‌ 44 ఎఫ్‌ఎఫ్‌ వన్‌లో కొల్లూరు నాగూర్‌బీ తన భర్త, ఇద్దరు కుమార్తెలతో ఎనిమిదేళ్ల నుంచి నివసిస్తోంది. అదే ప్రాంతానికి చెందిన దివ్యాంగుడు పుట్టపు సత్యనారాయణ అలియాస్‌ సతీష్‌ తాను సీఆర్డీఏలో పని చేస్తున్నానని, డంపింగ్‌ యార్డ్‌లో ఖాళీగా ఉన్న అపార్ట్‌మెంట్లలో తక్కువ ధరకే ఫ్లాట్‌ ఇప్పిస్తానని నమ్మించాడు. మాటలు నమ్మిన నాగూర్‌బీ 2019లో సత్యనారాయణకు రూ.3.20 లక్షలు, అతని మేనల్లుడు అల్లంపల్లి సాయిదుర్గామహేష్‌ అలియాస్‌ సాయికు మరో రూ.4.60 లక్షలు చొప్పున రూ.7.80 లక్షలు చెల్లించింది. 15 రోజుల తర్వాత సత్యనారాయణ పీఎంఏవై ఇల్లు పేరుతో దొంగ పట్టా కాగితాలను నాగూర్‌బీకి ఇచ్చాడు. ఫింగర్‌ ప్రింట్స్‌ పేరుతో బురిడీ సత్యనారాయణ ఇచ్చిన పట్టాలు నకిలీవని తెలియక నాగూర్‌బీ కుటుంబ సభ్యులు తమ స్నేహితులు, బంధువులకు చెప్పడంతో మరి కొందరు ఫ్లాట్ల కోసం రూ.కోటికి పైగా చెల్లించారు. వారికి అనుమానం రాకుండా సత్యనారాయణ ఈకేవైసీ చేయాలని రెండుసార్లు వారి ఫింగర్‌ ప్రింట్స్‌ తీసుకుని మభ్యపెడుతున్నాడు. ఈ ఏడాది ఆగస్టులో నాగూర్‌బీ, మరి కొందరు తమకు ఇచ్చిన డాక్యుమెంట్‌లో నంబరు ఫ్లాట్‌ వద్దకు వెళ్లగా వేరే ఎవరో ఉంటున్నారని, వారికి గతంలోనే ప్రభుత్వం మంజూరు చేసినట్లు తెలుసుకున్నారు. సత్యనారాయణ అతని మేనల్లుడు సాయిదుర్గ మహేష్‌ మోసం చేసినట్లు గ్రహించి అజిత్‌సింగ్‌నగర్‌ పోలీసులకు ఫిర్యాదు చేశారు. దీంతో సీఐ దాడి చంద్రశేఖర్‌ దర్యాప్తు చేసి, 40 మందికి పైగా బాధితులు మోసపోయినట్లుగా పోలీసులు గుర్తించారు. పుట్టపు సత్యనారాయణ, సాయిదుర్గామహేష్‌ను గురువారం రాత్రి ఎస్సై శోభనాద్రి అరెస్ట్‌ చేసి వారి వద్ద మూడు సెల్‌ ఫోన్లు, కారును స్వాధీనం చేసుకున్నారు. నిందితులను జ్యుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టులో హాజరుపరచగా 14 రోజుల రిమాండ్‌ విధించింది. అల్లంపల్లి సాయి దుర్గా మహేష్‌ పుట్టపు సత్యనారాయణ

● చించినాడ వంతెనపై నాసిరకం మరమ్మతులు ● కొన్ని నెలలకే గోతులమయం చించినాడ గోదావరి వంతెనపై దెబ్బతిన్న రోడ్డు, తారు కొట్టుకుపోవడంతో బయటపడిన శ్లాబుయలమంచిలి: చించినాడ వశిష్ట గోదావరి వంతెన మరమ్మతుల పేరిట అధికారులు, కాంట్రాక్టర్లు కలిసి పక్కాగా నాణ్యతకు తిలోదకాలు ఇచ్చారనే విమర్శలు వెల్లువెత్తుతున్నాయి. దాదాపు ఏడాది పాటు రాకపోకలు బంద్‌ చేసి, రూ.కోట్లు వెచ్చించినా చివరకు నాసిరకం పనులతో సరిపెట్టారని వాహనదారులు మండిపడుతున్నారు. అక్రమాల కంపు.. అధికారుల నిర్లక్ష్యం ఏడాది కాలం పాటు చుట్టూ తిరిగి వెళ్తూ ప్రజలు పడ్డ అవస్థలు అన్నీ ఇన్నీ కావు. అంత ఓపిక పడితే చివరికి వేసింది నాసిరకం తారు రోడ్డేనని తేలిపోయింది. రూ.కోట్లు కుమ్మరించి చేసిన పనులు కనీసం కొన్ని నెలలు కూడా తట్టుకోలేకపోయాయి. వంతెనపై భారీ గోతులు పడి వాహనదారుల ప్రాణాలతో చెలగాటమాడుతున్నాయి. అధికారులు నిద్రపోతున్నారా? పనులు జరుగుతున్నప్పుడు కనీస పర్యవేక్షణ లేకుండా నాసిరకం మెటీరియల్‌ వాడుతుంటే అధికారులు ఏం చేస్తున్నారనే ప్రశ్నలు వెల్లువెత్తుతున్నాయి. నిధులు పంచుకోవడంలో ఉన్న శ్రద్ధ.. రోడ్డు నాణ్యతపై ఏమైందని జనం నిలదీస్తున్నారు. నిధుల అక్రమ మళ్లింపు, కాంట్రాక్టర్ల నిర్లక్ష్యంపై తక్షణమే ఉన్నతస్థాయి విచారణ జరిపించాలని, నాసిరకం పనులకు బాధ్యులైన అధికారులను సస్పెండ్‌ చేయడంతో పా టు కాంట్రాక్ట్‌ సంస్థను బ్లాక్‌ లిస్ట్‌లో పెట్టాలని ప్రజలు డిమాండ్‌ చేస్తున్నారు. వెంటనే వంతెనపై నాణ్యమైన రీ–సర్ఫేసింగ్‌ పనులు చేపట్టి ప్రమాదాలు జరగకుండా చూడాలని కోరుతున్నారు.

● కాలుష్య కాసారంలా వెంకయ్య వయ్యేరు ● కుళ్లిన వ్యర్థాలు, మురుగునీరు ప్రవాహం ● ముంపు ప్రాంతాల్లో అందని సాయం ఆకివీడు/కాళ్ల: ఎగువ ప్రాంతాలకు మురుగు కాలువగా, దిగువ ప్రాంతాలకు సాగునీటి కాలువగా ఉన్న వెంకయ్య వయ్యేరు పంట కాలువ పూర్తిగా కలుషితమై మురుగు కూపంగా మారింది. ఎగువ నుంచి వచ్చే మురుగునీటికి, దిగువ ప్రాంతాల ముంపునీరు తోడవడంతో కాలువలోని నీరంతా నల్లగా మారి తీవ్ర దుర్వాసన వెదజల్లుతోంది. పది రోజులుగా అల్పపీడనం, మురసు తుపాను భారీ వర్షాల ప్రభావంతో కురిసిన భారీ వర్షాలకు వరి సహా ఇతర పంటలన్నీ నీటమునిగి కుళ్లిపోయాయి. తొలుత దువ్వ లాకుల వద్ద నుంచి వచ్చిన ఎర్రకాలువ నీరు బురదమయంగా ప్రవహించగా, రెండు రోజులకే మురుగునీరు కాలువలను ముంచెత్తింది. ఫలితంగా గ్రామాల్లోకి, పంట పొలాల్లోకి ఈ కుళ్లిన నీరు చేరింది. ఇప్పుడు మంచినీటి చెరువుల్లోకి కూ డా మురుగునీరు కలిసే ప్రమాదం ఏర్పడటంతో ప్రజలు బెంబేలెత్తిపోతున్నారు. అంటువ్యాధులు ప్రబలే అవకాశం ఉందని ఆందోళన చెందుతున్నారు. గ్రామాల్లో నిలిచిన మురుగునీటి వద్ద బ్లీచింగ్‌ చల్లి పారిశుధ్య చర్యలు చేపట్టినప్పటికీ, కుళ్లిన కంపు ఏ మాత్రం తగ్గడం లేదు. నీరు కిందకు దిగదు.. ముంపు వదలదు : వారం రోజులుగా ముంపునీరు అంగుళం కూడా తగ్గకపోవడంతో దిగువ ప్రాంతాల పరిస్థితి అధ్వానంగా మారింది. నీరు పల్లమెరుగు అనే సామెత ఇక్కడ తలకిందులైంది. ఆకివీడు, కాళ్ల మండల్లాలోని పలు మీడియం, మైనర్‌ డ్రెయిన్లు పూడుకుపోవడంతో పాటు, ప్రధానమైన చినకాపవరం డ్రెయిన్‌ ఆక్రమణలకు గురై కుచించుకుపోయింది. దీంతో ఎగువ నుంచి వచ్చిన వరద నీరు బయటకు వెళ్లే దారిలేక గ్రామాల్లోనే తిష్టవేసింది. పల్లపు ప్రాంతాల ప్రజలు ముంపునీటిలోనే మగ్గిపోతున్నారు. సహాయం కనుమరుగు ముంపు ప్రాంతాల్లో ప్రభుత్వ సహాయం అందక ప్రజలు తీవ్ర ఇబ్బందులు పడుతున్నారు. కూలి పనులు లేక, చేతిలో చిల్లిగవ్వ లేక, కనీసం బయటకు వెళ్లి సరుకులు కొనుగోలు చేయలేని దుస్థితి నెలకొంది. కేవలం పది కిలోల బియ్యం ఇచ్చి ప్రభుత్వం చేతులు దులుపుకుందని, నేటికీ నిత్యావసర సరుకులు సరఫరా చేయలేదని బాధితులు వాపోతున్నారు. పాలు, మంచినీళ్లు కూడా దొరకడం లేదని, మురుగునీటిలో తిరగడం వల్ల శరీరంపై, కాళ్లకు దురదలు, చర్మ వ్యాధులు వస్తున్నాయని ఆవేదన వ్యక్తం చేస్తున్నారు. తక్షణమే నిత్యావసరాలు, కూరగాయలు, పాలు, తాగునీరు సరఫరా చేసి ఆదుకోవాలని వారు మొరపెట్టుకుంటున్నారు.

తాడేపల్లిగూడెం: ఎంపీటీసీ, జెడ్పీటీసీ ఎన్నికల్లో అన్యాయం జరిగింది వైఎస్సార్‌సీపీకి అయితే.. కూటమి నాయకుల హైడ్రామాలేంటని వైఎస్సార్‌సీపీ నియోజకవర్గ కన్వీనర్‌ వడ్డి రఘురాం ప్రశ్నించారు. పట్టణంలోని పార్టీ క్యాంపు కార్యాలయంలో గురువారం ఆయన విలేకరులతో మాట్లాడుతూ కౌంటింగ్‌లో కూటమి నాయకులు ఇష్టారీతిన వ్యవహరించారని మండిపడ్డారు. కౌంటింగ్‌ హాలులోకి కూటమి నాయకుల ఫోన్లను అనుమతించిన అధికారులు వైఎస్సార్‌సీపీ ఏజెంట్ల ఫోన్లను అనుమతించకపోవడంలో ఆంతర్యమేంటన్నారు. వెంకట్రామన్నగూడెం ఎంపీటీసీ స్థానంలో టీడీపీ అభ్యర్థి ఓటమిపై కూటమి నాయకులు రోజుకో సమావేశం పెట్టి హైడ్రామాలు ఆడుతున్నారని విమర్శించారు. స్థానిక జనసేన ఎమ్మెల్యే కుమారుడికి చెందిన విద్యాసంస్థ బస్సుల్లో బ్యాలెట్‌ బాక్సులను తరలించారని, దీంతో వైఎస్సార్‌సీపీ ఏజెంట్లు స్ట్రాంగ్‌ రూమ్‌ వరకు వెళ్లి బ్యాలెట్‌ బాక్సులకు సీల్‌ వేసే వరకు ఉండాల్సిన పరిస్థితి వచ్చిందన్నారు. కడియద్దలో తమ అభ్యర్థి గెలిస్తే.. జనసేన అభ్యర్థి గెలుపుకోసం రీ కౌంటింగ్‌ చేయించారని, వీటికి సంబంధించిన సీసీ పుటేజ్‌లు రప్పించాలని రఘురాం డిమాండ్‌ చేశారు. జగన్నాథపురం–2 స్థానంలో వైఎస్సార్‌సీపీ అభ్యర్థి గెలిస్తే రీకౌంటింగ్‌ చేయించారని ఇది సరైన విధానమేనా అని ప్రశ్నించారు. వెంకట్రామన్నగూడెం టీడీపీ ఎంపీటీసీ అభ్యర్థి పరిమి రవికుమార్‌ కౌంటింగ్‌ హాల్‌లో ఫోన్‌ మాట్లాడారని, ఆర్వోతో కూడా ఫోన్‌ మాట్లాడించారని, అధికారు లు దీనికి సమాధానం చెప్పాలన్నారు. తహసీల్దార్‌, పోలీసులు టీడీపీకి అనుకూలంగా వ్యవహరించలేదని, వారిని సస్పెండ్‌ చేయాలని టీడీపీ కన్వీనర్‌ వలవల బాబ్జీ అంటున్నారని, ఆ మాత్రం దానికి ఎన్నికలు నిర్వహించడం ఎందుకన్నారు. కూటమి లో మూడు పార్టీలు కలిసి పోటీ చేసినా వైఎస్సార్‌సీపీ దడ పుట్టించిందన్నారు. ఒంటరిగా పోటీ చేసే ధైర్యం కూటమి పార్టీలకు ఉందా అని రఘురాం ప్రశ్నించారు. ప్రజల్లో గెలిచా.. కుట్రలో ఓడిపోయా.. వైఎస్సార్‌సీపీ కడియద్ద ఎంపీటీసీగా బరిలో నిలిచి కూటమి కుట్రలో ఓడిపోయానని కొండపల్లి నాగలక్ష్మి ఆవేదన వ్యక్తం చేశారు. ఒక ఓటుతో తాను గె లిచినట్టు అధికారులు చెప్పి.. రీకౌంటింగ్‌ పేరుతో ఫలితాన్ని జనసేనకు అనుకూలంగా మార్చారని ఆరోపించారు. దీనిపై అభ్యంతరం వ్యక్తం చేసినా అధికారులు పరిగణనలోకి తీసుకోలేదని, కన్నీళ్లు పెట్టుకుని వేడుకున్నా పట్టించుకోలేదన్నారు. అయి నా తనకు ప్రజల్లో గెలిచాననే సంతృప్తి ఉందన్నా రు. వెంకట్రామన్నగూడెం కౌంటింగ్‌ ప్రక్రియ గు రించి పోలింగ్‌ ఏజెంట్‌ పోలిమోను శ్రీనివాసు వివరించారు. పెంటపాడు, గూడెం మండలంలో ఎంపీటీసీ. జెడ్పీటీసీ ఎన్నికలు జరిగిన తీరు గురించి కై గాల శ్రీనివాసు, చిట్టూరి బాపన్న మాట్లాడారు. నాయకులు గుండుమోగుల బలుసులరావు, వీర్ల గోవిందు, కై గాల శ్రీనివాసు, చిట్టూరి బాపన్న, మద్దుకూరి మెహెర్‌ప్రసాద్‌ తదితరులు పాల్గొన్నారు. వైఎస్సార్‌సీపీ తరపున గెలిచిన ఎంపీటీసీలను అభినందించారు. ‘పరిషత్‌’ కౌంటింగ్‌లో వైఎస్సార్‌సీపీకి అన్యాయం కౌంటింగ్‌ వీడియోలు బహిర్గతం చేయాలి వైఎస్సార్‌సీపీ తాడేపల్లిగూడెం కన్వీనర్‌ వడ్డి రఘురాం డిమాండ్‌

ఏలూరులో అర్ధరాత్రి ఘాతుకం పాతకక్షల నేపథ్యంలో దుండగులు అర్ధరాత్రి వేళ ఓ ఇంటిపై పెట్రోల్‌ బాటిళ్లతో దాడి చేసిన ఘటన ఏలూరులో కలకలం రేపింది. 8లో uఏలూరు (టూటౌన్‌): గిరిజన, గ్రామీణ మహిళల ఆర్థిక స్వావలంబనకు కృషిచేస్తున్నట్టు రాష్ట్ర ప్రధాన ముఖ్య అటవీ సంరక్షణాధికారి డాక్టర్‌ పీవీ చలపతిరావు అన్నారు. గురువారం ఏలూ రు అటవీ డివిజన్‌ పరిధిలో ఆయన పర్యటించారు. ఏలూరు డివిజన్‌ కార్యాలయ సముదాయంలో నూతనంగా నిర్మించిన కాన్ఫరెన్స్‌ హాల్‌తో పాటు అభివృద్ధి సదుపాయాలను ప్రారంభించారు. కన్నాపురం రేంజ్‌ పరిధిలోని ముంజులూరు బీసీ–111 ప్రాంతాన్ని సందర్శించారు. వెదురు ఆధారిత జీవనోపాధిని పెంపొందించేందుకు పలు అంశాలపై కీలక చర్చలు జరిపి అధికారులకు ఆదేశాలు జారీ చేశారు. అనంతరం ప్రకాశరావుపాలెం నగరవనం ప్రాజెక్టును సందర్శించారు. మొక్కల నాటే కార్యక్రమంలో పాల్గొని నగరవనం అభివృద్ధి పనుల పురోగతిపై సంతృప్తి వ్యక్తం చే శారు. జిల్లాస్థాయిలో కార్తీక వనమహోత్సవం, వనభోజనాల కార్యక్రమాలను నిర్వహించాలని ఆదేశించారు. రాజమండ్రి సర్కిల్‌ ముఖ్య అటవీ సంరక్షణాధికారి జ్యోతి తుల్లిమెల్లి, జిల్లా అటవీ అధికారి పీవీ సందీప్‌ రెడ్డి, ఏపీఎఫ్డీసీ డివిజనల్‌ మేనేజర్‌ ఎ.సత్యకళ, జంగారెడ్డిగూడెం, కన్నాపురం, ఏలూరు రేంజ్‌ అధికారులు తదితరులు ఉన్నారు.

శురకవారం శ్రీ 13 శ్రీ నవంబర్‌ శ్రీ 2026సాక్షిప్రతినిధి, ఏలూరు: ఉమ్మడి పశ్చిమలో మళ్లీ మున్సిపల్‌ ఎన్నికల నగారా మోగింది. పుష్కర కాలం తర్వాత నూతన పశ్చిమలో నాలుగు మున్సిపాల్టీలకు ఎన్నికలు జరుగనున్నాయి. అలాగే ఏలూరు జిల్లాలో నూతనంగా ఏర్పాటైన చింతలపూడి నగర పంచాయతీకి తొలి ఎన్నికలకు ఎన్నికల సంఘం షెడ్యూల్‌ విడుదల చేసింది. ఉమ్మడి పశ్చిమలో పంచాయతీ ఎన్నికలతో పాటే ఈ మున్సిపాల్టీ ఎన్నికలు కూడా నిర్వహించనున్నట్టు ప్రకటించారు. మున్సిపల్‌ ఎన్నికలకు ఈనెల 14 నుంచి నామినేషన్లు స్వీకరిస్తారు. విలీన వ్యవహారం తేలక.. పశ్చిమగోదావరిలోని తణుకు, తాడేపల్లిగూడెం, భీమవరం, పాలకొల్లు మున్సిపాల్టీల్లో 12 ఏళ్ల తర్వాత ఎన్నికలు జరుగనున్నాయి. నాలుగు మున్సిపాల్టీల్లో కలిపి 16 విలీన గ్రామాల వ్యవహారంపై కోర్టు కేసులు దాఖలు కావడంతో ఎన్నికలు 2019 నుంచి వాయిదా పడుతూ వచ్చాయి. చివరిగా 2014–19 కాలంలో పాలకవర్గం పనిచేసింది. అప్పటినుంచి అంటే ఏడేళ్ల పాటు ప్రత్యేక అధికారుల పాలన సాగింది. వాస్తవానికి గత నెలలో జరిగిన మున్సిపల్‌ ఎన్నికల షెడ్యూల్‌లోనే ఇక్కడ కూడా ఎన్నికలు జరగాల్సి ఉన్నా వార్డుల పెంపు, ఇతర కారణాలతో వాయిదా పడగా చివరకు గురువారం ఎన్నికల షెడ్యూల్‌ను ప్రకటించారు. వార్డుల విభజనతో.. చింతలపూడి నగర పంచాయతీలో గతంలో 20 వార్డులకుగాను ఇప్పుడు 23 వార్డులు, చైర్‌పర్సన్‌కు మొదటి సారి ఎన్నిక జరుగుతుంది. తణుకులో 34 వార్డులను 44కు, తాడేపల్లిగూడెంలో 35 వార్డులకు 48కు, భీమవరంలో 38 వార్డులకు 52కు, పాలకొల్లులో 35 వార్డులకు 44 వార్డులకు పెరిగాయి. మున్సిపాలిటీలు: భీమవరం, పాలకొల్లు, తణుకు, తాడేపల్లిగూడెం నగర పంచాయతీ: చింతలపూడి నామినేషన్ల స్వీకరణ : ఈనెల 14, 15, 16 నామినేషన్ల పరిశీలన : 17న నామినేషన్ల ఉపసంహరణ : 19 వరకు తుది అభ్యర్థుల ప్రకటన : 19న పోలింగ్‌ : 26న కౌంటింగ్‌: 30న మున్సిపాలిటీ వార్డులు భీమవరం 52 పాలకొల్లు 44 తణుకు 44 తాడేపల్లిగూడెం 48 చింతలపూడి 23 (నగర పంచాయతీ) మొదటి విడత పంచాయతీ ఎన్నికలకు షెడ్యూల్‌ విడుదలైంది. నామినేషన్లు ఈ నెల 15 నుంచి 17 వరకు స్వీకరించి, 18న పరిశీలన, 21న నామినేషన్ల ఉపసంహరణ అనంతరం 26న పోలింగ్‌ నిర్వహించనున్నారు. జిల్లాలో 544 పంచాయతీల్లో 5,696 వార్డు మెంబర్ల ఎన్నికల కోసం 5,821 పోలింగ్‌స్టేషన్లు ఖరారు చేశారు. మొదటి దశలో బుట్టాయగూడెం, జంగారెడ్డిగూడెం, జీలుగుమిల్లి, కామవరపుకోట, కొయ్యలగూడెం, కుక్కునూరు, పోలవరం, వేలేరుపాడు, టి.నర్సాపురం, చింతలపూడి, లింగపాలెం మండలాల్లోని 177 పంచాయతీలు, 1,896 వార్డు మెంబర్లకు ఎన్నికలు జరగనున్నాయి. వీటి కోసం 1,933 పోలింగ్‌ స్టేషన్లు ఏర్పాటుచేశారు. 26న ఎన్నికలు నిర్వహించి అదే రోజు కౌంటింగ్‌ పూర్తి చేసి ఫలితాలు వెల్లడించనున్నారు. పశ్చిమగోదావరిలోని 20 మండలాల్లో 393 పంచాయతీలు, 4,206 వార్డులకు 4,382 పోలింగ్‌ కేంద్రాల ద్వారా ఎన్నికలు నిర్వహించనున్నారు. మొదటి విడతలో ఆచంట, మొగల్తూరు, నర్సాపురం, పెనుమంట్ర, పెనుగొండ మండలాల్లోని 90 పంచాయతీలు 1,006 వార్డుల్లో ఎన్నికలకు 1,062 పోలింగ్‌ కేంద్రాలను ఏర్పాటు చేశారు. మోగిన సైరన్‌ 2014 తర్వాత నాలుగు మున్సిపాల్టీల్లో ఎన్నికలు విలీన గ్రామాల కేసులతో ఏడేళ్లుగా ప్రత్యేక పాలన నగర పంచాయతీగా చింతలపూడికి తొలి ఎన్నికలు 14 నుంచి నామినేషన్ల స్వీకరణ 26న పోలింగ్‌.. 30న కౌంటింగ్‌ తొలి విడత పంచాయతీ పోరుకూ ఏర్పాట్లు ఫొటో: ఏఐ సృష్టించిన చిత్రం

భీమవరం అర్బన్‌: అన్ని రంగాల్లో రాణిస్తున్న మహిళలకు పురుషులతో సమాన అవకాశాలు కల్పించాలని భీమవరం సివిల్‌ జడ్జి ఎం.సుధారాణి అన్నారు. యనమదుర్రులోని సీతా పాలిటెక్నిక్‌ కళాశాలలో గురువారం మండల న్యాయ విజ్ఞాన సదస్సు నిర్వహించారు. ము ఖ్య అతిథిగా ఆమె మాట్లాడుతూ మహిళలు వద్ద నుంచి కట్నం తీసుకోమని పురుషులు సంకల్పం చేయాలన్నారు. భారత రాజ్యాంగంలో మహిళలకు అనేక చట్టాలు అండగా ఉన్నాయన్నారు. పెండింగ్‌ కేసులను రాజీ చేసుకోవడానికి ప్రభుత్వం లోక్‌ అదాలత్‌ నిర్వహిస్తోందని, సద్వినియోగం చేసుకోవాలన్నారు. అనంతరం పలు చట్టాలపై అవగాహన కల్పించారు. బార్‌ అసోసియేషన్‌ అధ్యక్షుడు యేలేటి న్యూటన్‌, ప్రిన్సిపాల్‌ సీహెచ్‌ రామకృష్ణ, ప్యానల్‌ న్యాయవాదులు పి.అంబేడ్కర్‌, కె.సుబ్బరాజు, రూరల్‌ ఏఎస్‌ఐ వైవీ సత్యనారాయణ, పారా లీగల్‌ వలంటీర్లు పాల్గొన్నారు. భీమవరం (ప్రకాశంచౌక్‌): న్యూమోనియా నివారణపై ప్రజల్లో విస్తృత అవగాహన కల్పించాలని కలెక్టర్‌ సీహెచ్‌ నాగరాణి ఆదేశించారు. గురువారం నుంచి వచ్చే ఫిబ్రవరి 28 వరకు నిర్వహించనున్న న్యుమోనియా నివారణ అవగాహన కార్యక్రమాల పోస్టర్లను కలెక్టరేట్‌లో ఆవిష్కరించారు. న్యుమోనియా నివారణతో బాల్యానికి భరోసా కల్పించవచ్చని, చిన్నపిల్లలను వ్యాధి బారిన పడకుండా తల్లిదండ్రులు జాగ్రత్తలు తీసుకోవాలని సూచించారు. డీఎంహెచ్‌ఓ ఎం.రవిబాబు, డాక్టర్‌ దేవసుధాలక్ష్మి, వైద్యులు పాల్గొన్నారు. భీమవరం (ప్రకాశంచౌక్‌): జిల్లాలో మాతృ, శిశు మరణాలను సంపూర్ణంగా నివారించడమే లక్ష్యంగా పనిచేయాలని కలెక్టర్‌ సీహెచ్‌ నాగరాణి అన్నారు. గురువారం కలెక్టరేట్‌లో వైద్యారోగ్య శాఖ ఆధ్వర్యంలో జూలై, ఆగస్టు నెలల్లో సంభవించిన మాత, శిశు మరణాలపై సంబంధిత కమిటీ సభ్యులతో సమావేశం నిర్వహించారు. మరణాలకు గల కారణాలు, పునరావృతం కాకుండా తీసుకోవాల్సిన చర్యలపై సమీక్షించారు. ప్రతి తల్లి, ప్రతి శిశువు ఆరోగ్యంగా ఉండేలా వైద్యులు, వైద్య సిబ్బంది ప్రత్యేక శ్రద్ధ చూపాలని సూచించారు. డీఎంహెచ్‌ఓ డాక్టర్‌ ఎం.రాంబాబు, డీసీహెచ్‌ఎస్‌ డాక్టర్‌ పి.సూర్యనారాయణ, చిన్నపిల్లల వైద్య నిపుణురాలు జి. మౌనిక, గైనకాలజిస్టులు తదితరులు పాల్గొన్నారు. లింగ నిర్ధారణ నేరం కలెక్టరేట్‌లో పీసీ, పీఏడీటీ చట్టం అమలుపై సమావేశం నిర్వహించారు. కలెక్టర్‌ మాట్లాడుతూ లింగ నిర్ధారణ పరీక్షలు నేరమని, కఠిన చర్యలు తప్పవని అన్నారు. తాడేపల్లిగూడెం రూరల్‌: జిల్లాలో ధాన్యం కొ నుగోలు కేంద్రాలు రైతులకు అందుబాటులో ఉంచుతామని జాయింట్‌ కలెక్టర్‌ కేఆర్‌ కల్పశ్రీ అన్నారు. గురువారం కుంచనపల్లిలో ధాన్యం కొనుగోలు కేంద్రాన్ని ఆర్డీఓ ఎం.సూర్యారావుతో కలిసి ఆమె ప్రారంభించారు. ఈ సందర్భంగా ఆమె మాట్లాడుతూ రైతులు ధాన్యాన్ని ప్రభుత్వ కొనుగోలు కేంద్రాల్లో విక్రయించి గిట్టుబాటు ధర పొందాలన్నారు. ఇటీవల కురిసిన వర్షాలకు రంగు మారిన ధాన్యం, 33 శాతం కన్నా ఎక్కువ దెబ్బతిన్న ధాన్యాన్ని నిబంధనల ప్రకారం పరిశీలించి కొనుగోలు చేస్తామన్నారు. అనంతరం తుపాను ప్రభావంతో నీట మునిగిన పంట నష్టం అంచనాలను పరిశీలించారు. వ్యవసాయ శాఖ జేడీ సునీత, డీఎస్‌ఓ సరోజిని, తహసీల్దార్‌ ఎం.సునీల్‌కుమార్‌, ఇన్‌చార్జి ఏడీఏ నారాయణరావు ఉన్నారు.

● పాతకక్షలతో ఇంటిపై దాడి ● పెట్రోల్‌ బాటిళ్లతో ఇంటికి నిప్పు ● స్థానికుల సహకారంతో మంటలు అదుపు ● త్రుటిలో తప్పిన ప్రమాదం ఏలూరు టౌన్‌ : పాతకక్షల నేపథ్యంలో దుండగులు అర్ధరాత్రి వేళ ఓ ఇంటిని దహనం చేసేందుకు ఇంటిపై పెట్రోల్‌ బాటిళ్లతో దాడి చేశారు. స్థానికులు సకాలంలో స్పందించి మంటలు ఆర్పివేయడంతో త్రుటిలో పెను ప్రమాదం, ప్రాణనష్టం తప్పింది. ఏలూరు నగరంలో ఈ ఘటన కలకలం రేపింది. పోలీసులు తెలిపిన వివరాల ప్రకారం.. ఏలూరు నగరంలోని తంగెళ్ళమూడి కబాడీకాలనీకి చెందిన మేరుకు ధనలక్ష్మి (45) తన ఇంటివద్దే చిన్న కిరాణా దుకాణం నడుపుకుంటూ కుటుంబాన్ని పోషిస్తోంది. ఆమెకు ఇద్దరు పిల్లలు ఉన్నారు. అదే కాలనీకి చెందిన కాశీ సత్యనారాయణ, లంకపేటకు చెందిన దేవా, కాశీ శ్యామ్‌, పెదపూడి నాని, గెడ్డం వెంకటేష్‌ అనే వ్యక్తులతో ధనలక్ష్మి కుటుంబానికి గతంలో కొన్ని వివాదాలు ఉన్నాయి. ఈ నేపథ్యంలోనే ఈనెల 10వ తేదీ మధ్యాహ్నం 2:30 గంటల సమయంలో కాశీ సత్యనారాయణ.. ధనలక్ష్మి పెద్ద కుమారుడు సాయితేజకు ఫోన్‌ చేసి చంపేస్తానని తీవ్రస్థాయిలో బెదిరించాడు. ఆ కక్షలతోనే ఈనెల 11న రాత్రి 11:30 గంటల సమయంలో ధనలక్ష్మి కుటుంబ సభ్యులంతా గాఢనిద్రలో ఉండగా దుండగులు ఇంటిలోకి పెట్రోల్‌ బాటిళ్లు విసిరారు. ఒక్కసారిగా మంటలు చెలరేగి కిరాణా కొట్టులోని రిఫ్రిజిరేటర్‌తోపాటు పలు వస్తువులు పూర్తిగా దగ్దమయ్యాయి. మంటలను గమనించిన స్థానికులు వెంటనే అప్రమత్తమై వాటిని ఆర్పివేయడంతో పెను ప్రమాదం తప్పింది. తన కుమారుడిని బెదిరించిన కాశీ సత్యనారాయణ, దేవా, శ్యామ్‌, నాని, వెంకటేష్‌ తదితరులే ఈ ఘాతుకానికి పాల్పడి ఉంటారని అనుమానిస్తూ బాధితురాలు పోలీసులకు ఫిర్యాదు చేశారు. ఏలూరు టూటౌన్‌ పోలీసులు కేసు నమోదు చేసి, డాగ్‌ స్క్వాడ్‌ సాయంతో నిందితుల కోసం ముమ్మరంగా దర్యాప్తు చేపట్టారు.

ద్వారకాతిరుమల : కార్తీకమాసం.. ఆధ్యాత్మిక చింతనకు, భక్తిభావానికి ప్రతీక. ఈ పవిత్ర మాసంలో మాలధారణ చేసి, నియమనిష్టలతో దీక్ష సాగిస్తున్న స్వాములకు ఉచిత అన్నప్రసాదం అందిస్తూ ద్వారకాతిరుమలకు చెందిన చేబోలు రాజేష్‌ స్వామి సేవలో తరిస్తున్నారు. తాను స్వయంగా అయ్యప్ప దీక్షలో ఉంటూనే, తోటి దీక్షాధారులకు భిక్ష ఏర్పాటు చేయాలన్న సంకల్పంతో ఈ నిత్య అన్నదాన కార్యక్రమానికి శ్రీకారం చుట్టారు. కార్తీకమాసాన్ని పురస్కరించుకుని ఈ నెల 9న ప్రారంభమైన ఈ కార్యక్రమం మాసాంతం వరకు కొనసాగనుంది. క్షేత్రంలోని యాదవ కల్యాణ మండపం వెనుక ఉన్న విశాలమైన షెడ్డులో ప్రతిరోజూ వందలాది మంది స్వాములకు ఆత్మీయంగా భిక్ష అందిస్తున్నారు. ఎంతమంది స్వాములకై నా స్వాగతం ప్రతిరోజూ మధ్యాహ్నం 12 గంటలకు ప్రారంభమయ్యే ఈ భిక్ష కార్యక్రమంలో పాల్గొనే మాలధారుల సంఖ్య రోజురోజుకూ పెరుగుతోంది. ప్రస్తుతం నిత్యం 100 నుంచి 150 మంది వరకు భిక్ష స్వీకరిస్తున్నారు. ఎంతమంది స్వాములు వచ్చినా లోటులేకుండా భిక్ష ఏర్పాటు చేస్తామని రాజేష్‌ స్వామి చెబుతున్నారు. కేవలం అయ్యప్ప మాలధారులే కాకుండా.. భవానీ, శివ, గోవింద మాలధారులతోపాటు ఇతర దీక్షాధారులకూ ఈ అవకాశం కల్పిస్తున్నారు. ఎంతో రుచికరమైన వంటకాలతో భిక్ష అందిస్తున్నారు. స్వాములు ముందుగా అక్కడ కొలువైన అయ్యప్ప స్వామిని దర్శించుకుని పూజలు నిర్వహిస్తున్నారు. హారతులిచ్చి, భజనలు చేస్తూ స్వామి నామస్మరణలో మునిగితేలుతున్నారు. ద్వారకాతిరుమలలో నిత్యం మాలధారులకు ఉచిత భిక్ష రోజూ 100 నుంచి 150 మంది స్వాములు భిక్ష స్వీకరణ ఎంతమంది వచ్చినా ఏర్పాటు చేస్తామంటున్న రాజేష్‌ స్వామి కార్తీకమాసం ఆఖరి వరకు కొనసాగనున్న కార్యక్రమం మాలధారణ సమయంలో నియమనిష్టలతో పాటు భక్తిభావాన్ని పెంపొందించుకోవడం ఎంతో ముఖ్యం. ఇక్కడికి వచ్చి అయ్యప్ప స్వామిని దర్శించుకుని, భజనలు, సంకీర్తనల్లో పాల్గొన్న అనంతరం భిక్ష స్వీకరించడం, వివిధ ప్రాంతాల మాలధారులు ఒకచోట చేరి ఆధ్యాత్మిక భావాలను పంచుకోవడం చాలా సంతోషంగా ఉంది. – బల్లా మునేశ్వరరావు, గోవింద దీక్షాదారుడు, గుండుగొలనుకుంటస్వాములకు ఉచిత భిక్ష వితరణ కార్యక్రమం అభినందనీయం. దూర ప్రాంతాల నుంచి క్షేత్రానికి వచ్చే దీక్షాధారులకు ఇది ఎంతో ఉపయుక్తంగా ఉంది. పూజలు, భజనలు నిర్వహించిన అనంతరం భిక్షను స్వీకరించడం మంచి ఆధ్యాత్మిక అనుభూతిని ఇస్తోంది. రాజేష్‌ స్వామి సేవా దృక్పథం ఇతరులకు ఆదర్శంగా నిలుస్తుంది. – తుమ్మల సంతోష్‌, అయ్యప్ప దీక్షాదారుడు, దొరసానిపాడు కార్తీకమాసంలో దీక్ష సాగిస్తున్న స్వాములకు సేవ చేసే అవకాశం రావడం నా పూర్వజన్మ సుకృతం. స్వాములకు భిక్ష ఏర్పాటు చేయడం ద్వారా నాకు ఎంతో ఆత్మసంతృప్తి కలుగుతోంది. అయ్యప్ప, భవానీ, శివ, గోవింద తదితర మాలధారులందరూ ఈ పవిత్ర అవకాశాన్ని సద్వినియోగం చేసుకోవాలి. – చేబోలు రాజేష్‌ స్వామి, ద్వారకాతిరుమల

వరుస తుపాన్లు రైతులను అన్నిరకాలుగా కోలుకోలేని దెబ్బతీశాయి. వరి పంట చేతికి వచ్చే సమయంలో ముంపు నీటిలో మునిగి కుళ్లిపోవడంతో కనీసం పెట్టుబడులు కూడా వచ్చే అవకాశం లేకుండా పోయింది. గడ్డి కుళ్లిపోవడంతో పశువుల పోషణకు దారి కన్పించడం లేదు. ఇప్పటికే పెరిగిన పశువుల దాణా ఖర్చులకు తోడు ఎండుగడ్డి కొరత ఏర్పడితే పశువులను ఎలా మేపాలో తెలియని పరిస్థితి నెలకొంది. – పంజా శేషగిరిబాబు, రైతు, ముగ్గుళ్ల, గణపవరం మండలం పాడి పశువులను పెంచే రైతులు ప్రత్యామ్నాయంగా పచ్చగడ్డిని మేతగా ఎక్కువగా ఉపయోగించాలి. భారీ వర్షాల కారణంగా అనేక ప్రాంతాల్లో పచ్చగడ్డి దెబ్బతిన్నప్పటికీ, త్వరితగతిన పచ్చగడ్డి మళ్లీ సిద్ధమయ్యే అవకాశం ఉన్నందున రైతులు దానిని వినియోగించుకోవాలి. అలాగే, తుపాను ప్రభావిత ప్రాంతాల్లో ప్రభుత్వం ఉచితంగా అందిస్తున్న పశువుల దాణాను రైతులు సక్రమంగా వినియోగించుకోవాలి. – డాక్టర్‌ ఆర్‌.కోటిలింగరాజు, పశుసంవర్ధక శాఖ జిల్లా జాయింట్‌ డైరెక్టర్‌, భీమవరం భీమవరం : వరుస తుపాన్ల కారణంగా జిల్లాలో అన్నదాతలతోపాటు పాడిరైతులు కూడా తీవ్రంగా నష్టపోయారు. నీట మునిగిన పంటచేలు కుళ్లిపోవడంతో వరిగడ్డికి తీవ్ర కొరత ఏర్పడి, పశువుల పోషణ భారంగా మారుతోందని రైతులు ఆందోళన వ్యక్తం చేస్తున్నారు. గత కొన్నేళ్లుగా పశువుల దాణా ఖర్చులు, ఇతర పెట్టుబడులు గణనీయంగా పెరిగిపోవడంతో పాడి పశువుల పోషణ కష్టంగా మారింది. వరి కోత యంత్రాల వినియోగం పెరగడంతో ఎండుగడ్డి ఉత్పత్తి తగ్గింది. యంత్రాలు గడ్డిని ముక్కలు ముక్కలుగా చేయడం వల్ల వాటిని గడ్డి వాములుగా వేసుకోవడానికి వీలు లేకుండా పోయింది. మరోవైపు పచ్చగడ్డి పెంచడానికి ఖాళీ భూములు అందుబాటులో లేకపోవడం రైతులకు మరింత ఇబ్బందికరంగా మారింది. జిల్లాలో 2 లక్షల పశువుల పెంపకం జిల్లాలో సుమారు 2 లక్షల పశువులు ఉండగా, దాదాపు 25 వేల వరకు మేకలు, గొర్రెలను కూడా పెంచుతున్నారు. సాధారణంగా ఒక గేదె లేదా ఆవుకు రోజుకు సుమారు 18 కిలోల గడ్డి అవసరమవుతుందని అంచనా. ఇటీవల వచ్చిన అర్నబ్‌, మురసు తుపాన్ల కారణంగా జిల్లాలో సుమారు 2 లక్షల ఎకరాల్లో వరి పంట దెబ్బతిన్నట్లు అధికారుల లెక్కలు చెబుతున్నాయి. సార్వా సీజన్‌లో జిల్లా వ్యాప్తంగా దాదాపు 2.20 లక్షల ఎకరాల్లో సాగు చేయగా.. మెరక ప్రాంతాలు మినహా మిగిలిన పంటంతా ముంపుబారిన పడింది. వర్షపు నీటిలో మునిగిన వరి పంట 15 రోజులు గడిచినా బయటకు వెళ్లకుండా నిలవడంతో పూర్తిగా కుళ్లిపోయిందని రైతులు ఆవేదన వ్యక్తం చేస్తున్నారు. పంటతో పాటు గడ్డి కూడా కుళ్లిపోవడంతో పశువులకు ఎండుగడ్డి కొరత తలెత్తింది. దీనికి తోడు గతంలో రైతులు నిల్వ చేసుకున్న గడ్డివాములు సైతం వర్షపు నీటిలో మునిగి కుళ్లిపోయాయని వాపోతున్నారు. పచ్చగడ్డి కోసం తప్పని పాట్లు పాడి పశువులను పెంచే రైతులు ఎండుగడ్డితో పాటు ఎక్కువగా పచ్చగడ్డిని మేపుతుంటారు. పచ్చగడ్డి మేపడం వల్ల పాల ఉత్పత్తి పెరగడంతోపాటు పాలలో వెన్నశాతం కూడా పెరుగుతుంది. అయితే, ముంపు కారణంగా చేలగట్లు, పుంతల్లో నీరు నిలిచిపోయి పచ్చగడ్డి సైతం కుళ్లిపోయింది. అక్కడక్కడా మిగిలి ఉన్నా.. మురుగునీటి దుర్వాసన కారణంగా పశువులు వాటిని తినడం లేదని రైతులు చెబుతున్నారు. అరకొరగానే ప్రభుత్వ సహాయం తుపాన్ల ప్రభావిత ప్రాంతాల్లో పాడి రైతులకు ప్రభుత్వపరంగా పశువుల దాణా ఉచితంగా పంపిణీ చేస్తున్నప్పటికీ, అది అరకొరగానే అందుతోందని రైతులు వాపోతున్నారు. నరసాపురం నియోజకవర్గం మొత్తానికి కేవలం 85 టన్నుల దాణా మాత్రమే పంపిణీ చేశారని, ప్రభుత్వం ఇచ్చే ఈ సాయం కేవలం వారానికి కూడా సరిపోదని చెబుతున్నారు. ఎండుగడ్డి, పచ్చగడ్డి లేకుండా కేవలం దాణాతో మాత్రమే పశువులను పోషించడం చాలా కష్టమని ఆందోళన వ్యక్తం చేస్తున్నారు. పశువుల దాణా ధరలు పెరిగిన నేపథ్యంలో పాల ధరలను కూడా పెంచాల్సి వస్తుందని, అదే జరిగితే సామాన్య ప్రజలపై తీవ్ర ప్రభావం పడుతుందని పేర్కొంటున్నారు. పాడి గేదెలు తుపాన్ల దెబ్బతో పశుగ్రాసం కొరత పంట చేలు కుళ్లిపోవడంతో లభించని వరిగడ్డి పచ్చగడ్డికీ గండమే పెరిగిన దాణా ధరలతో పాడి రైతులు సతమతం

తణుకు అర్బన్‌: యువతి అదృశ్యంపై కేసు నమోదు చేసినట్లు తణుకు రూరల్‌ ఎస్సై నాళం శ్రీనివాసరావు తెలిపారు. తణుకు మండలం పైడిపర్రుకు చెందిన ధవళ సుహాశ్రీ (19) కనిపించడంలేదని తల్లి హేమప్రభ ఇచ్చిన ఫిర్యాదు మేరకు దర్యాప్తు చేస్తున్నట్లు చెప్పారు. రెండు నెలల క్రితమే సుహాశ్రీకి విజయవాడ వాస్తవ్యుడితో వివాహం కాగా ఈనెల 11వ తేదీ రాత్రి 9 గంటల సమయంలో అత్తవారి ఇంటికి వెళ్తున్నట్లుగా చెప్పి ఇంటి నుంచి బయలుదేరి వెళ్లిందని, అప్పటి నుంచి ఫోన్‌ స్విచ్‌ ఆఫ్‌ వస్తుండడంతో బంధువులు, స్నేహితులను ఆరా తీసి చివరకు ఫిర్యాదుచేసినట్లుగా ఎస్సై వివరించారు. దెందులూరు : సోమవరప్పాడు జాతీయ రహదారి బ్రిడ్జి కింద గురువారం జరిగిన రోడ్డు ప్రమాదంలో ఓ ద్విచక్ర వాహనం పూర్తిగా దగ్ధమైంది. పెదవేగి మండలం లక్ష్మీపురం గ్రామానికి చెందిన రేషన్‌ డీలర్‌ మేక మోహన వెంకట సుబ్రహ్మణ్యేశ్వరరావు ఏలూరులో పని ముగించుకుని ద్విచక్ర వాహనంపై తిరిగి వస్తుండగా, ఆశ్రమం ఆసుపత్రి వైపు నుంచి సర్వీస్‌ రోడ్డులోకి అతివేగంగా, నిర్లక్ష్యంగా వచ్చిన కారు ఆయన బైక్‌ను ఢీకొట్టింది. ఈ ప్రమాదంలో ద్విచక్ర వాహన ఇంధన ట్యాంకుకు రంధ్రం పడటంతో ఒక్కసారిగా మంటలు వ్యాపించి, వాహనం పూర్తిగా కాలిపోయింది. సమాచారం అందుకున్న ఏలూరు అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేశారు. ప్రమాదంలో స్వల్ప గాయాలైన బాధితుడిని చికిత్స నిమిత్తం ఏలూరు ప్రభుత్వ ఆసుపత్రికి తరలించారు. ప్రమాదానికి కారణమైన కారు వివరాలను సేకరిస్తున్నట్లు పోలీసులు తెలిపారు. సీసీ టీవీ పుటేజ్‌ ఆధారంగా పోలీసులు దర్యాప్తును వేగవంతం చేశారు. ఏలూరు (ఆర్‌ఆర్‌పేట): రాష్ట్రస్థాయి స్కూల్‌ గేమ్స్‌ సైక్లింగ్‌ పోటీల్లో పాల్గొనే అండర్‌ 17, అండర్‌ 14 జిల్లా బాలబాలికల జట్ల ఎంపికలు ఈ నెల 14వ తేదీన నిర్వహించన్నుట్టు జిల్లా విద్యాశాఖాధికారి ఎం. వెంకట లక్ష్మమ్మ ఒక ప్రకటనలో తెలిపారు. ఈ ఎంపికలు జంగారెడ్డిగూడెం జిల్లా పరిషత్‌బాలుర ఉన్నత పాఠశాలలో జరుగుతాయని తెలిపారు. జిల్లాలోని పాఠశాలల ప్రధానోపాధ్యాయులు, పీడీలు, పీఈటీలు సంబంధిత క్రీడాకారులకు సమాచారం అందించి నిర్ణీత తేదీలో అవసరమైన క్రీడా సామగ్రి, పాఠశాల ధ్రువీకరణ పత్రాలతో హాజరయ్యేలా చూడాలని ఆదేశించారు. బుట్టాయగూడెం : ఏజెన్సీ ప్రాంతాల్లో కురిసిన భారీ వర్షానికి గుబ్బల మంగమ్మ తల్లి జల్లేరు జలాశయంలోకి భారీగా వరదనీరు వచ్చి చేరింది. కొండలపై కురిసిన వర్షాల కారణంగా బుట్టాయగూడెం మండలం దొరమామిడి సమీపంలోని ఈ ప్రాజెక్టులోకి నీటి ప్రవాహం పెరిగింది. జలాశయంలోకి నిరంతరం చేరుతున్న నీటిని నియంత్రించేందుకు గురువారం రాత్రి ఇరిగేషన్‌ అధికారులు రెండు గేట్లు ఎత్తి, స్పిల్‌ వే ద్వారా 300 క్యూసెక్కుల నీటిని దిగువకు విడుదల చేశారు. ఈ ప్రాజెక్టు పూర్తిస్థాయి నీటిమట్టం 217.80 మీటర్లు కాగా, ప్రస్తుతం నీటిమట్టం 217.15 మీటర్లుగా ఉంది. అలాగే జలాశయానికి ప్రస్తుత ఇన్‌ఫ్లో 29 క్యూసెక్కులుగా ఉన్నట్లు ఎంఐ ఏఈ సురేష్‌ తెలిపారు. కుక్కునూరు: మండలంలో గురువారం సాయంత్రం జరిగిన రోడ్డు ప్రమాదంలో ఓ వ్యక్తి మృతి చెందాడు. వివరాల ప్రకారం.. వెంకటాపురం ఎస్సీ కాలనీకి చెందిన గండూరి తిరుమలరావు (26) బైక్‌పై వెళ్తుండగా గ్రామ సమీపంలో మరో ద్విచక్ర వాహనం ఢీకొట్టింది. దీంతో రోడ్డుపై పడిపోయిన అతడిపై అటుగా వెళ్తున్న లారీ వెళ్లడంతో తీవ్ర గాయాలయ్యాయి. స్థానికులు తిరుమలరావును 108 వాహనంలో బూర్గంపాడు ప్రభుత్వ ఆసుపత్రికి తరలించగా చికిత్స పొందుతూ మృతి చెందాడు. అలాగే ఇదే గ్రామానికి చెందిన కొండా నరేష్‌ (25) వేలేరు సమీపంలోని కిన్నెరసాని వంతెన వద్ద బైక్‌ అదుపుతప్పి కిందపడటంతో తలకు తీవ్ర గాయాలయ్యాయి. అతడిని ఆసుపత్రికి తరలించగా పరిస్థితి విషమంగా ఉన్నట్లు సమాచారం.

● ఢీకొన్న రెండు లారీలు ● ఓ లారీ డ్రైవర్‌ మృతి దెందులూరు : స్థానిక దెందులూరు శివారులోని గుండేరు వాగు సమీపంలో 16వ జాతీయ రహదారిపై గురువారం ఉదయం 6 గంటల సమయంలో ఘోర రోడ్డు ప్రమాదం జరిగింది. ఏలూరు నుంచి రాజమండ్రి వైపు వెళ్తున్న పుల్లల లారీని, అదే దిశలో వెనుక నుంచి వచ్చిన మరో పుల్లల లారీ అతివేగం, నిర్లక్ష్యంతో బలంగా ఢీకొట్టింది. ఈ ప్రమాదంలో వెనుక వస్తున్న లారీ డ్రైవర్‌, ప్రకాశం జిల్లా ఒంగోలు మండలం కరపడి గ్రామానికి చెందిన దేవరపల్లి వెంకటేశ్వర్లు తీవ్రంగా గాయపడి అక్కడికక్కడే మృతి చెందాడు. సమాచారం అందుకున్న దెందులూరు పోలీసులు వెంటనే సంఘటనా స్థలానికి చేరుకుని వివరాలు సేకరించారు. ఈ ఘటనపై కేసు నమోదు చేసి దర్యాప్తు చేపడుతున్నట్లు పోలీసులు తెలిపారు.

నూజివీడు: ఎల్‌నినో సాకుతో నిత్యావసర సరుకులను అధిక ధరలకు విక్రయిస్తే చట్టపరంగా కఠిన కేసులు నమోదు చేస్తామని రీజనల్‌ విజిలెన్స్‌ అండ్‌ ఎన్‌ఫోర్స్‌మెంట్‌ అధికారి కే. నాగేశ్వరరావు హెచ్చరించారు. నూజివీడు పట్టణంలో నిత్యావసర వస్తువులను విక్రయించే పలు దుకాణాలను ఆయన బుధవారం అధికారుల బృందంతో కలిసి ఆకస్మికంగా తనిఖీ చేశారు. ఈ తనిఖీల్లో భాగంగా బియ్యం సంచులపై గరిష్ట చిల్లర ధర వివరాలను స్టిక్కర్లతో అతికించడం, ప్యాకింగ్‌ లైసెన్స్‌ లేకపోవడం, ఉండవలసిన బరువు కంటే తక్కువ తూగడం, అలాగే బియ్యం సంచులపై తయారీదారుడు లేదా ప్యాకర్‌ చిరునామా వివరాలు ముద్రించకపోవడం వంటి నిబంధనల ఉల్లంఘనలను అధికారులు గుర్తించారు. ఈ మేరకు శ్రీ లలిత దత్త మార్ట్‌పై ఒక కేసు, శ్రీ రామ ట్రేడర్స్‌పై నాలుగు కేసులు నమోదు చేశారు. తనిఖీల్లో విజిలెన్స్‌ అండ్‌ ఎన్‌ఫోర్స్‌మెంట్‌ డీఎస్పీ సింగులూరి వెంకటేశ్వరరావు, ఏఓ జీ మీరయ్య, ఇన్‌స్పెక్టర్‌ ఆఫ్‌ పోలీస్‌ డి.ప్రసాద్‌ కుమార్‌, ఏజీపీ శ్రీధర్‌, తూనికలు కొలతల శాఖ అధికారి జీ వెంకట ప్రసాద్‌ తదితరులు పాల్గొన్నారు.

భీమవరం: తుపాను బాధితులను ఆదుకోవడంలో ప్రభుత్వం ఘోరంగా విఫలమైందని వైఎస్సార్‌సీపీ భీమవరం నియోజకవర్గ సమన్వయకర్త చినమిల్లి వెంకటరాయుడు ధ్వజమెత్తారు. బుధవారం పట్టణంలో వరద ముంపునకు గురైన మెంటేవారితోటలో పర్యటించి బాధితులను పరామర్శించారు. ఈ సందర్భంగా ఆయన మాట్లాడుతూ వరుస తుపాన్లతో పట్టణంలో పలు ప్రాంతాలు ముంపునకు గురై 15 రోజులు దాటినా మురుగునీరు బయటకు వెళ్లకపోవడంతో ప్రజలు ఇబ్బంది పడుతున్నారన్నారు. దుర్వాసన, అపారిశుద్ధ్యంతో రోగాల బారిన పడుతున్నారని, దోమలతో అవస్థలు పడుతున్నారని ఆవేదన వ్యక్తం చేశారు. యనమదుర్రు కాలువ పొంగడంతో పలు వీధుల్లో ఇళ్లలోకి నీరు చేరిందని, కూటమి ప్రజాప్రతినిధులు మొక్కబడిగా పర్యటించడం తప్ప బాధితులకు ఒనగూరిన ప్రయోజనం ఏమీ లేదని విమర్శించారు. ముంపు నీరు బయటకు వెళ్లేందుకు పటిష్ట ఏర్పాట్లు చేయలేదన్నారు. అలాగే కుళాయి నీరు కలుషితమవుతున్నా అధికారులు పట్టించుకోవడం లేదని అన్నారు. తాగడానికి నీరు, కంటి నిండా నిద్ర కరువై ప్రజలు అల్లాడుతున్నారని వాపోయారు. పార్టీ మహిళ జిల్లా అధ్యక్షురాలు కోడే విజయలక్షి, పార్టీ బీసీ సెల్‌ రాష్ట్ర కార్యదర్శి కోడే యుగంధర్‌ మాట్లాడుతూ 15 రోజులుగా మెంటేవారితోటలోని పలు కాలనీల ప్రజలు మురుగు నీటిలోనే మగ్గిపోతున్నారని, చెత్త పేరుకుపోయినా అధికారులు కన్నెత్తి చూడటం లేదన్నారు. ముంపు ప్రాంతాల్లో ట్యాంకర్ల ద్వారా తాగునీరు సరఫరా చేయాలని, బ్లీచింగ్‌ చల్లించి దోమల నివారణకు చర్యలు తీసుకోవాలని డిమాండ్‌ చేశారు. నాయకులు కామన నాగేశ్వరరావు, గాదిరాజు రామరాజు, ఇంటి సత్యనారాయణ, గుంటి ప్రభు, జంగం మాణిక్యాలరావు, నక్క అశోక్‌, రాజేంద్ర, వెంకట్‌ నాయుడు తదితరులు ఉన్నారు.

ఇటీవల భారీ వర్షాలకు తణుకు కేశవస్వామి ఆలయం వద్ద 150 ఏళ్లకు పైనే వయసున్న రావిచెట్టు కూలిపోయింది. చరిత్ర కలిగిన ఈ భారీ వృక్షాన్ని సంరక్షించుకోవాలనే ఆలోచన చేశారు మున్సిపల్‌ కమిషనర్‌ టి.రామ్‌కుమార్‌. పట్టణంలోని నెస్ట్‌ కన్జర్వేషన్‌ సొసైటీ సభ్యులతో చర్చించారు. చెట్టు కొమ్మలు తొలగించి మాను భాగాన్ని జాగ్రత్తగా వేళ్లతో పట్టణంలోని ఎన్‌టీఆర్‌ పార్కుకు తరలించారు. వేళ్లకు రూటెక్స్‌, కాఫర్‌ సల్ఫేట్‌, ఇతర ఫెర్టిలైజర్స్‌తో విజయవంతంగా రీ ప్లాంటేషన్‌ చేయించారు. సజ్జాపురంలో ఎన్నో ఏళ్ల వయసున్న గానుగ చెట్టును కూడా ఇలా బొమ్మల పార్కులో రీలొకేట్‌ చేశారు. పట్టణంలో నేలకొరిగిన మరిన్ని చెట్లకు జీవం పోసి విపత్తుతో నష్టపోయిన పచ్చదనాన్ని పునరుద్ధరించే ప్రయత్నం చేస్తున్నారు. సాక్షి, భీమవరం/తణుకు అర్బన్‌: అర్నబ్‌ తుపానుకు జిల్లాలో నరసాపురం, భీమవరం, పాలకొల్లు, తణుకు తదితర నియోజకవర్గాల్లో ఆరు వేలకు పైనే చెట్లు పడిపోయాయి. రాకపోకలకు వీలుగా రోడ్లకు అడ్డంగా పడిపోయిన వాటిని యుద్ధప్రాతిపదికన తొలగించారు. చాలాచోట్ల కాలువ గట్లు, ఖాళీ ప్రదేశాల్లో నేలకొరిగిన చెట్లు ఇంకా దాదాపు అలానే ఉన్నాయి. వీటిలో ఏళ్లనాటి చెట్లు ఎన్నో. ఒక పెద్ద వృక్షం పెరగడానికి దశాబ్దాల సమయం పడుతుంది. అలాంటి చెట్టును తొలగించడం కంటే, బతికేందుకు అవకాశం ఉన్న వాటిని గుర్తించి పరిరక్షిస్తే పక్షులకు ఆవాసం, ప్రజలకు నీడ, పర్యావరణానికి మేలు జరుగుతుందని నిపుణులు అంటున్నారు. స్థానిక సంస్థలు, ఉద్యానశాఖ ఆ దిశగా అడుగులు వేయాలని సూచిస్తున్నారు. వినూత్న ఒరవడి చెట్లు పడిపోయినప్పుడు వాటిని తొలగించడానికి భిన్నంగా తణుకులో నేలకొరిగిన చెట్లను మరోచోట నాటి మళ్లీ ప్రాణం పోసే ప్రయత్నం అందరిని ఆకట్టుకుంటోంది. కోవిడ్‌ సమయంలో తూర్పుగోదావరి జిల్లా మండపేట మున్సిపల్‌ కమిషనర్‌గా రామ్‌కుమార్‌ పనిచేశారు. ‘టీం సురక్ష’ పేరిట స్థానిక యువతతో వైద్యశిబిరాల నిర్వహణ, బాధితులకు సేవా కార్యక్రమాల ద్వారా ప్రభుత్వం నుంచి ప్రశంసలు అందుకున్నారు. అదే తరహాలో నెస్ట్‌ కన్జర్వేషన్‌ సొసైటీ సభ్యులు, ప్రజలతో కలిసి నేలకొరిగిన చెట్లకు జీవం పోసే కార్యక్రమానికి శ్రీకారం చుట్టారు. కమిషనర్‌ సహకారంతో ఇప్పటికే రెండు భారీ వృక్షాలను రీలొకేట్‌ చేయగా మరో 25కు పైగా వృక్షాలను రీలొకేట్‌కు చర్యలు తీసుకుంటున్నట్టు నెస్ట్‌ కన్జర్వేషన్‌ సొసైటీ సభ్యులు బి.భార్గవి, ఎం.దుర్గాసాయి, కె.లీలాకృష్ణ తెలిపారు. చెట్టు పడిపోతే నరికేయడం ఒక్కటే మార్గం కాదని, వాటిని సంరక్షించే దారి చూడాలంటున్నారు. ఇటీవల పడిపోయిన చెట్లను గమనించినప్పుడు చుట్టూ కాంక్రీట్‌ నిర్మాణాలు ఉన్నచోట వేర్లు బలహీనంగా ఉన్నట్టు తెలిపారు. సిమెంట్‌ దిమ్మలు, కాంక్రీట్‌ నిర్మాణాలు చేసేటప్పుడు చెట్లకు మూడు అడుగుల దూరం ఉండేట్టు చూడాలని సూచిస్తున్నారు. జిల్లాలో ఎక్కడైనా పడిపోయిన వృక్షాల రీలొకేట్‌కు తమ స్వచ్ఛంద సంస్థ సహకారం అందిస్తుందని తెలిపారు. వృక్షో రక్షతి రక్షితః నేలకొరిగిన వృక్షాలను తిరిగి నిలబెడుతూ.. చెట్లకు ఊపిరి పోసే పనిలో నెస్ట్‌ కన్జర్వేషన్‌ సొసైటీ కమిషనర్‌ చొరవ.. తణుకులో వినూత్న ఒరవడి అర్నబ్‌తో జిల్లాలో నేలకొరిగిన ఆరు వేల చెట్లు చెట్టు నేలకొరిగినంత మాత్రాన వాటి జీవితం ముగిసినట్టు కాదు. తగిన జాగ్రత్తలతో అనువైన చోట నాటి సంరక్షిస్తే మరలా జీవం పోసుకుని చిగురుస్తాయి. అర్నబ్‌ తుపాను ప్రభావంతో తణుకులో చాలాచోట్ల చెట్లు పడిపోయాయి. వాటిలో వీలైనన్ని చెట్లను సంరక్షించాలనే ప్రయత్నం చేస్తున్నాం. – టి.రామ్‌కుమార్‌, మున్సిపల్‌ కమిషనర్‌, తణుకు పర్యావరణ పరిరక్షణ ధ్యేయంగా మా సంస్థ పనిచేస్తుంది. తణుకు మున్సిపాల్టీ సహకారంతో పట్టణంలో పడిపోయిన చెట్లను కాపాడుకునే కార్యక్రమం చేస్తున్నాం. జిల్లాలో ఎక్కడైనా ఈ విధంగా రీ ప్లాంటేషన్‌ చేయాలనుకువారు మమ్మల్ని సంప్రదిస్తే మా సంస్థ అవసరమైన సహకారం అందిస్తుంది. – ఎం.మణికంఠ (మనీష్‌), నెస్ట్‌ కన్జర్వేషన్‌ సొసైటీ ఫౌండర్‌, ప్రెసిడెంట్‌, తణుకు

భీమవరం: గ్రామ పంచాయతీ ఎన్నికల్లో ఉ పాధ్యాయులకు ఎన్నికల విధులను వారి పనిచేస్తున్న మండలాలు లేదా సమీప మండలాల్లోనే కేటాయించాలని ఆంధ్రప్రదేశ్‌ టీచర్స్‌ ఫెడరేషన్‌ జిల్లా శాఖ అధ్యక్ష ,ప్రధాన కార్యదర్శులు జి.ప్రకాశం, బీవీ నారాయణ బుధవా రం డీపీఓకు వినతిపత్రం అందజేశారు. పరిషత్‌ ఎన్నికల్లో టీచర్లకు సుదూర ప్రాంతాల్లో విధులు కేటాయించడంతో ఇబ్బందులు పడ్డారన్నారు. అలాగే అనారోగ్య బాధితులు, బాలింతలు, గ ర్భిణులు, దివ్యాంగులకు ఎన్నికల విధుల ను ంచి మినహాయింపు ఇవ్వాలని కోరారు. జిల్లా ఉపాధ్యక్షుడు లంక రాజు, భీమవరం మండల ప్రధాన కార్యదర్శి పి.పీటర్‌, తాడేపల్లిగూడెం మండల అధ్యక్షుడు నాగరత్నాలు, కార్యదర్శి సన్నీ తదితరులు పాల్గొన్నారు. భీమవరం: తుపాన్ల కారణంగా పంట నష్టపోయిన కౌలు రైతులను ఆదుకోవాలని ఏపీ కౌలు రైతుల సంఘం డిమాండ్‌ చేసింది. ఈ మేరకు బుధవారం కలెక్టరేట్‌లో జిల్లా వ్యవసాయ అధి కారి పి.సునీతకు వినతిపత్రం అందజేశారు. అ నంతరం సంఘం జిల్లా ప్రధాన కార్యదర్శి మా మిడిశెట్టి రామాంజనేయులు మాట్లాడుతూ జి ల్లాలో 90 శాతం వరి దెబ్బతినగా.. జిల్లాలో 80 శాతం మంది కౌలు రైతులే ఉన్నారన్నారు. ఇప్పటికే ఎకరాలకు రూ.30 వేల వరకు పెట్టుబడి పెట్టి నష్టపోయారన్నారు. ఈ క్రాప్‌ బుకింగ్‌లో ఎడిట్‌ ఆప్షన్‌ ఇచ్చి కౌలురైతుల పేరున పంట నష్టం నమోదు చేయాలని కోరారు. సూ ర్నీడి వెంకటేశ్వరరావు పాల్గొన్నారు. తణుకు అర్బన్‌: ‘శివాలయాలకు దారేది మహాప్రభో’ శీర్షికన ‘సాక్షి’లో బుఽ దవారం ప్రచురించిన కథనానికి అధికారులు స్పందించారు. తణుకు పాతవూరు శివాలయంలో పే రుకున్న మురుగునీటిని మోటార్లతో తోడించి శుభ్రం చేయించే పనులు చేపట్టారు. అలాగే సజ్జాపురం శివాలయ రోడ్డును శుభ్రం చేయించారు. దీనిపై స్థానికులు, భక్తులు హర్షం వ్యక్తం చేశారు. భీమవరం: జిల్లాలో తుపాన్ల ప్రభావంతో వరి పంటకు తీవ్ర నష్టం వాటిల్లిదని కలెక్టర్‌ సీహెచ్‌ నాగరాణి అన్నారు. బుధవారం కలెక్టరేట్‌లో వ్యవసాయ, ప్రణాళిక, బీమా సంస్థల అధికారులతో ఆమె సమీక్షించారు. రానున్న రబీ సీజన్‌కు వరి విత్తనాల లభ్యత, సేకరణపై ముందస్తు ప్రణాళికతో చర్యలు చేపట్టాలన్నారు. వ్యవసాయశాఖ కమిషనర్‌ కార్యాలయం జాయింట్‌ డైరెక్టర్‌ ఆఫ్‌ అగ్రికల్చర్‌ (సస్యరక్షణ) ఎం.విజయభారతి, మార్టేరు వ్యవసాయ పరిశోధనాస్థానం శాస్త్రవేత్తలు డాక్టర్‌ ఎం.మల్లికార్జునరావు, డాక్టర్‌ ఎం. గిరిజారాణి, డాక్టర్‌ బీవీ రమణ తుపాను ప్రభావిత పంట పొలాలను క్షేత్రస్థాయిలో సందర్శించిన పరిస్థితులను వివరించారు. తుపాను ప్రభావంతో జిల్లాలో 1,98,043 ఎకరాల్లో పంట నష్టం జరిగినట్టు అంచనా వేశారు. వాణిజ్య పన్నుల వసూళ్లపై.. జిల్లాలో వాణిజ్య పన్నులను వేగంగా వసూలు చేసేందుకు సమన్వయంతో పనిచేయాలని కలెక్టర్‌ ఆదేశించారు. వీడియో కాన్ఫరెన్స్‌ హాల్‌ నుంచి సమీక్షించారు. ఈవీఎం గోడౌన్‌ తనిఖీ భీమవరం (ప్రకాశంచౌక్‌): స్థానిక పీపీ రో డ్డులోని ఏపీ స్టేట్‌ వేర్‌ హౌసింగ్‌ కార్పొరేషన్‌ గోడౌన్స్‌లో భద్రపరిచిన ఈవీఎం యంత్రాలను కలెక్టర్‌ నాగరాణి తనిఖీ చేశారు.

పెనుమంట్ర: పెనుగొండ మండలం ములపర్రు పంచాయతీ పరిధిలోని పితానివారిపాలెంలో శెట్టిబలిజ కులానికి చెందిన వైఎస్సార్‌సీపీ వర్గీయులమైన తమను కుల బహిష్కరణ చేసినట్టు గ్రామంలో మైకుల ద్వారా ప్రచారం చేయడంతో పాటు తమపై యాసిడ్‌, కత్తులతో దాడి చేయడానికి ప్రయత్నిస్తున్నారంటూ.. వారి నుంచి రక్షణ కల్పించాలని కోరుతూ బుధవారం బాధితులు పితాని తాతయ్య, పితాని వీర వెంకట సత్యనారాయణ, పితాని సుబ్రమణ్యం అనే వ్యక్తులు పెనుగొండ పోలీస్‌స్టేషన్‌లో ఫిర్యాదు చేశారు. అనంతరం ఫిర్యాదు కాపీలను ఆచంట మండలం తూర్పుపాలెంలోని వైఎస్సార్‌ సీపీ కార్యాలయంలో విలేకరులకు అందజేశారు. తమ ఆడపడుచులను, తోబుట్టువులను కూడా ఇళ్లకు రాకుండా నిర్బంధించడమే కాకుండా కాఫీ హోటల్స్‌, కిరాణా, కూరగాయల దుకాణాల వద్ద తమకు సరుకులు ఇవ్వొద్దని ఆంక్షలు విధిస్తున్నారని ఆ ఫిర్యాదులో పేర్కొన్నారు. తమను కుల బహిష్కరణ చేసినట్టు ప్రకటించిన 15 మంది వ్యక్తులపై చర్యలు తీసుకోవాలని కోరుతూ వారి పేర్లను కూడా ఆ ఫిర్యాదులో వివరించారు. బాధితులకు శ్రీరంగనాథరాజు అండ కుల బహిష్కరణ బాధితులైన 10 కుటుంబాలకు వైఎస్సార్‌సీపీ పీఏసీ సభ్యుడు, మాజీ మంత్రి చె రుకువాడ శ్రీ రంగనాథరాజు అండగా నిలిచారు. క్యాంపు కార్యాలయానికి వచ్చిన బాధితులను ఓ దార్చి అండగా నిలవడంతో పాటు గురువారం ఆ గ్రామానికి వెళ్లి గ్రామ పెద్దలతో మాట్లాడతానని చెప్పారు. అలాగే బాధితులకు రక్షణ కల్పించాలని పెనుగొండ పోలీసులను కోరారు.

● నిండా ముంచిన వరుస తుపాన్లు ● నేటికీ నీటిలోనే వరి చేలు ● పొంచి ఉన్న మరో తుపాను తాడేపల్లిగూడెం రూరల్‌: వరుస తుపాన్లు తాడేపల్లిగూడెం మండలంలో ఊరూ చేలను ముంచేశాయి. ఎర్రకాలువ పరీవాహక ప్రాంతాల్లోని చేలన్నీ రోజుల తరబడి నీటిలోనే మునిగి చివికిపోతు న్నాయి. పలువురు రైతులు మరింత పెట్టుబడులు పెట్టలేక నీటిలోనే పంటను వదిలేసుకునే పరిస్థితి కనిపిస్తోంది. దీంతో నందమూరు, ఆరుళ్ల, మారంపల్లి, జగన్నాథపురం గ్రామాల్లోని వరి చేలు నీటిలోనే దర్శనమిస్తున్నాయి. రోజుల తరబడి నీటిలోనే తడిసి ఉండటంతో పంట పాడైన పరిస్థితి. వీ టితో పాటు కూరగాయలు, ఉద్యాన పంటలు నీట మునిగాయి. కూరగాయల పంటలైతే పూర్తిగా పాడయ్యాయని రైతులు వాపోతున్నారు. దాదాపు 20 వేల నుంచి 22 వేల ఎకరాల్లో వరి పంట పాడైనట్లు ప్రాథమిక అంచనా. విత్తనాల కోసం పడిగాపులు అర్నాబ్‌, మురసు తుపాన్ల బారిన పడినా రైతులు ఆశ వదులుకోక నీట మునిగిన వరి పంటను దుక్కిలో దున్ని తిరిగి సాగు చేపట్టేందుకు సిద్ధమవుతున్నారు. ఈ క్రమంలో రైతు వారీగా కూడా విత్తనాల కోసం తీవ్ర ప్రయత్నాలు చేస్తున్నారు. మరో తుపాను హెచ్చరిక ఇప్పటికే నిండా మునిగిన రైతులను ఈనెల 13 నుంచి అక్నవ్‌ తుపాను హెచ్చరికలు మరింత కలవరపరుస్తున్నాయి. ఇప్పటికే తాడేపల్లిగూడెం రూరల్‌ మండలం జలదిగ్బంధంలో మునిగింది. మరో తుపాను వస్తే ఎలా ఉంటుందోనని రైతులు, ప్రజ లు ఆందోళన వ్యక్తం చేస్తున్నారు. నందమూరులో నాలుగెకరాలు కౌలుకు తీసుకొని వరి సాగు చేశాను. అర్నబ్‌, మురసు తుపాన్లతో చేతికొచ్చిన పంట నీటి పాలైంది. అంతే కాకుండా ఇందుకోసం పెట్టిన పెట్టుబడులు రూ.1.20 లక్షలు తిరిగి రాని పరిస్థితి. సాగుకు అలవాటు పడిన ప్రాణం కావడంతో తిరిగి సాగు చేసేందుకు సిద్ధమవుతున్నాం. విత్తనాలు, పెట్టుబడులు కోసం పడిగాపులు పడుతున్నాం. – గెడ్డం చినవెంకట్రావు, కౌలు రైతు, నందమూరు, తాడేపల్లిగూడెం మండలం

● తాడేపల్లిగూడెం జనసేన నాయకుల వెల్లడి ● కూటమిలో తారాస్థాయికి విభేదాలు తాడేపల్లిగూడెం: తాడేపల్లిగూడెం కూటమిలో విభేదాలు తారాస్థాయికి చేరాయి. రానున్న మున్సిపల్‌ ఎన్నికల్లో కూటమి నుంచి జనసేన ఇక్కడ బయటకొచ్చి పట్టణంలోని 48 వార్డుల్లో పోటీ చేసి గెలుస్తామని టీడీపీ నాయకులకు బుధవారం జరిగిన జనసేన పార్టీ సమావేశంలో నాయకులు బహిరంగ హెచ్చరికలు చేశారు. దీంతో కొంత కాలంగా ప్రచ్చన్న యుద్ధంలా సాగుతున్న కూటమి రభస నేరుగా రోడ్డు మీదకు వచ్చి బహిరంగ సవాళ్ల స్థాయికి చేరింది. ఎమ్మెల్యే బొలిశెట్టి శ్రీనివాస్‌కు జెడ్పీ మాజీ చైర్మన్‌ ముళ్లపూడి బాపిరాజు, టీడీపీ నియోజకవర్గ కన్వీనర్‌ వలవల బాబ్జీలు క్షమాపణలు చెప్పాలని, లేదంటే జనసేన బలం ఏంటో చూపిస్తామని పరోక్ష హెచ్చరికలు చేశారు. వెంకట్రామన్నగూడెం టీడీపీ ఎంపీటీసీ పరిమి రవికుమార్‌ ఓడిపోతే ఎమ్మెల్యేది బాధ్యతా అని ప్రశ్నించారు. టీడీపీ నియోజకవర్గ కన్వీనర్‌ బాబ్జీకి కేడర్‌ను నడిపే దమ్ముందా.. కేడర్‌ను కూర్చోపెట్టి రవి విజయం గురించి చర్చించారా.. రవికి మద్దతుగా ప్రచారానికి వెళ్లారా.. ఆయన కూడా ఎమ్మెల్యే గురించి మాట్లాడతారా అని మండిపడ్డారు. ముళ్లపూడి బాపిరాజుకు తాడేపల్లిగూడెంతో సంబంధం ఏంటని ప్రశ్నించారు. పరిమి ఓటమికి ఏఆర్‌ఓ స్థా యిలో దళిత తహసీల్దార్‌ కారణమంటూ టీడీపీ నా యకులు ఇష్టమొచ్చినట్టు మాట్లాడారని.. పార్టీల కతీతంగా దళితులంతా ఏకమై టీడీపీ నాయకులకు బుద్ధి చెబుతామని హెచ్చరించారు. ఫ్రెండ్లీ కాంటెస్టు అని టీడీపీ నేత బాబ్జీ చెబుతున్నారు.. అదేం కాదు కూటమి నుంచి బయటకు వచ్చి పట్టణంలో మొత్తం వార్డుల్లో జనసేన పోటీ చేసి సత్తా చూపిస్తుందని అల్టిమేటం ఇచ్చారు. ఎంపీటీసీ ఫలితాల తర్వాత కూటమిలో సెగలు ఎగసిపడుతున్నాయి. నాయకులు మిడిసిపడుతున్నారు. మొత్తం మీద బీజేపీ మినహా టీడీపీ, జనసేన బాహాబాహీ అనే స్థాయికి చేరుకోవడం తాడేపల్లి గూడెం నియో జకవర్గంలో హాట్‌ టాపిక్‌గా ఉంది.

భీమవరం : ఖేలో ఇండియా యూత్‌ గేమ్స్‌ రాష్ట్రస్థాయి మల్లఖంబ్‌ ఎంపికలను భీమవరం పట్టణంలోని ఎస్‌సీహెచ్‌బీఆర్‌ఎం హైస్కూల్‌లో నిర్వహించారు. ఇందులో భాగంగా అండర్‌–18 బాలురు, బాలికలకు పోల్‌, రోప్‌, హ్యాంగింగ్‌ మల్లఖంబ్‌ పోటీలు జరిగాయి. ఈ పోటీలకు పశ్చిమ, తూర్పుగోదావరి జిల్లాలతో పాటు డాక్టర్‌ బీఆర్‌ అంబేడ్కర్‌ కోనసీమ, విశాఖపట్నం జిల్లాల నుంచి 36 మంది క్రీడాకారులు పాల్గొన్నారు. ఎంపికై న క్రీడాకారులు తెలంగాణ రాష్ట్రంలో డిసెంబర్‌ 11 నుంచి 22 వరకు జరిగే జాతీయస్థాయి ఖేలో ఇండియా మల్లఖంబ్‌ పోటీల్లో ఆంధ్రప్రదేశ్‌ తరఫున ప్రాతినిధ్యం వహిస్తారని జిల్లా స్పోర్ట్స్‌ డెవలప్‌మెంట్‌ ఆఫీసర్‌ నూతక్కి మోహన్‌దాస్‌ బుధవారం వెల్లడించారు. ఈ కార్యక్రమంలో శేఖర్‌రాజు, రామభద్రిరాజు రిఫరీలుగా వ్యవహరించగా, ఎస్‌జీఎఫ్‌ అబ్జర్వర్‌ పరశురామ్‌ తదితరులు పాల్గొన్నారు. ఎంపికై న క్రీడాకారుల వివరాలు బాలుర విభాగం : కె.తనుజ్‌, జె.సతీష్‌, ఎ.లక్ష్మణ్‌ (తూర్పుగోదావరి); పి.రోహిత్‌, పి. గోపికృష్ణ కుమార్‌ (పశ్చిమగోదావరి), ఎస్‌.చైతన్య (విశాఖ). స్టాండ్‌బైలు : ఎ.రాము (తూర్పుగోదావరి), ఆర్‌.చందు, హర్ష రామ్‌ (విశాఖ). బాలికల విభాగం : ఆర్‌.మనీషా, వి.తనుశ్రీప్రభ, ఎ.భువనచంద్రిక, ఐ.విద్యుల్లత (పశ్చిమగోదావరి), కె.దేవి (తూర్పుగోదావరి), లక్ష్మీవినీల (విశాఖ). స్టాండ్‌బైలు : ఎన్‌.ప్రశాంతి, ఎం.వైష్ణవి (పశ్చిమగోదావరి); కె.హరిణి (విశాఖ).

ఏలూరు టౌన్‌ : ఏలూరు పరిసర ప్రాంతాల్లో రోడ్డు ప్రమాదాల నివారణే లక్ష్యంగా జిల్లా ఎస్పీ కొమ్మి ప్రతాప్‌ శివకిషోర్‌ ప్రత్యేక శ్రద్ధ వహించారు. ఇటీవల 16 ఏళ్ల బాలిక బస్సు ప్రమాదంలో మరణించడంపై తీవ్రంగా స్పందించిన ఆయన, విద్యార్థుల సురక్షిత ప్రయాణంపై క్షేత్రస్థాయిలో పర్యటించి అధికారులతో సమీక్షించారు. ఈ సందర్భంగా ఎస్పీ మాట్లాడుతూ.. విద్యాసంస్థలకు దూర ప్రాంతాల నుంచి వస్తున్న విద్యార్థుల రవాణాపై అధికారులతో సమగ్రంగా చర్చించామన్నారు. విద్యార్థులను తరలించేందుకు అధిక సంఖ్యలో బస్సులు ఏర్పాటు చేయడంతో పాటు, వాహనాల కండిషన్‌, డ్రైవర్ల బాధ్యతాయుత డ్రైవింగ్‌, వేగ నియంత్రణ, బస్సులు ఆపే ప్రదేశాలపై ప్రత్యేక దృష్టి సారించాలని సూచించారు. నగరంలో తరచూ ప్రమాదాలు జరిగే ప్రాంతాలను గుర్తించి లోపాలను సరిదిద్దాలని, విద్యార్థులు రోడ్డు దాటేటప్పుడు తగిన జాగ్రత్తలు తీసుకోవాలని ఆదేశించారు. ప్రభుత్వ శాఖలన్నీ సమన్వయంతో పనిచేసి రోడ్డు ప్రమాదాలను నివారించాలని పిలుపునిచ్చారు. ఈ కార్యక్రమంలో ఆర్‌టీసీ డిపో మేనేజర్‌ వాణి, డీటీసీ ఎస్‌కే కరీం, డీఎస్పీ శ్రావణ్‌కుమార్‌, సీఐలు కోటేశ్వరరావు, లక్ష్మణరావు, ఆర్‌అండ్‌బీ డీఈ శ్రీకర్‌, సీఆర్‌ఆర్‌ ఇంజనీరింగ్‌ కళాశాల ప్రిన్సిపల్‌, టీడీఆర్‌బీ అధికారులు పాల్గొన్నారు.

ద్వారకాతిరుమల : పరమేశ్వరుడి కృపకు పాత్రులయ్యేందుకు భక్తులు ఎంచుకునే అత్యున్నత ఆధ్యాత్మిక మార్గమే శివదీక్ష. ఇహలోక బంధాలను వీడి, కఠోర నిష్టతో సాగే ఈ సాధన వల్ల సకల దోషాలు తొలగి, ముక్తి లభిస్తుందని భక్తుల ప్రగాఢ విశ్వాసం. పవిత్ర కార్తీకమాస పర్వదినాలను పురస్కరించుకుని ద్వారకాతిరుమల క్షేత్రంలో పరమశివుడి నామస్మరణ మిన్నంటుతోంది. గత పదిహేనేళ్లుగా ఇక్కడ ఈ ఆధ్యాత్మిక సంప్రదాయం నిరాటంకంగా కొనసాగుతోంది. ఏటేటా దీక్షాపరుల సంఖ్య గణనీయంగా పెరుగుతుండగా, ఈ ఏడాది ఒక్క ద్వారకాతిరుమలలోనే 30 మందికి పైగా భక్తులు శివమాల ధరించారు. మండల, అర్ధమండల దీక్షలు భక్తుల వీలును బట్టి ఈ దీక్షలను 41 రోజులు (మండలం), 21 రోజులు (అర్ధమండలం), 11 రోజుల పాటు స్వీకరిస్తున్నారు. ఇప్పటికే గత నెల 26న మండల దీక్ష ప్రారంభం కాగా, బుధవారం పలువురు భక్తులు అర్ధమండల దీక్షను స్వీకరించారు. మరికొందరు ఈ నెల 16న మాలధారణ చేసేందుకు సిద్ధమవుతున్నారు. శివమాల ధరించిన స్వాములు అత్యంత క్రమశిక్షణతో కూడిన ఆధ్యాత్మిక జీవనాన్ని గడుపుతున్నారు. రుద్రాక్షమాల, నుదుట విభూతి రేఖలు, కాషాయ/గోధుమ రంగు వస్త్రాలతో శివస్వరూపులుగా మారుతున్నారు. ద్వారకాతిరుమల శివస్వాములు ఏటా ఒక్కో ద్వాదశ జ్యోతిర్లింగ క్షేత్రాన్ని దర్శించుకుని ఇరుముడులు సమర్పించడం ఆనవాయితీగా పెట్టుకున్నారు. ఇందులో భాగంగా కార్తీకమాస ముగింపును పురస్కరించుకుని డిసెంబర్‌ 5న క్షేత్రపాలకుడైన శ్రీ భ్రమరాంబ సమేత మల్లేశ్వరస్వామి ఆలయంలో ఇరుముడులు కట్టుకోనున్నారు. అనంతరం మహారాష్ట్రలోని జ్యోతిర్లింగ క్షేత్రమైన భీమశంకర్‌కు తరలివెళ్లి, డిసెంబర్‌ 8 లేదా 9వ తేదీల్లో ఆ మహాదేవుడికి ఇరుముడులు సమర్పించనున్నారు. క్షేత్రంలో అర్ధ మండల దీక్షలు ప్రారంభం ద్వారకాతిరుమలలో పెరుగుతున్న దీక్షాపరుల సంఖ్య డిసెంబర్‌ 5న ఇరుముడులతో భీమశంకర్‌ క్షేత్రానికి పయనం

ఇసుక తిన్నెలపై ప్రయాణికుల కోసం ఏర్పాటు చేసిన కాటేజీలు బుట్టాయగూడెం : కార్తీకమాసంలో ప్రజలు ఆధ్యాత్మికతోపాటు పర్యాటకానికి కూడా ఎక్కువ ఆసక్తి చూపుతారు. పిక్‌నిక్‌ల పేరుతో వివిధ ప్రాంతాలకు వెళ్లాడానికి సన్నద్ధమవుతారు. ఈ నేపథ్యంలో జిల్లాలోని అందమైన, ఆహ్లాదకరమైన ప్రదేశాలపై ఒక లుక్కేద్దాం. పశ్చిమ ఏజెన్సీ అటవీ అందాలు పశ్చిమ ఏజెన్సీ ప్రాంతంలోని అడవి అందాలు చూపరులను కనువిందు చేస్తున్నాయి. జాలువారుతున్న జలపాతాలు, కొండలను తాకుతున్న మేఘాలు, ప్రకృతి రమణీయ దృశ్యాలు మనసును దోచుకుంటున్నాయి. జల్లేరు జలాశయం, ముంజులూరులోని ఏనుగుతోగు జలపాతం, గుబ్బల మంగమ్మ సన్నిధి, పోగొండ రిజర్వాయర్‌తో పాటు అటవీ ప్రాంతంలోని పలు ప్రదేశాలు అద్భుతమైన పిక్‌నిక్‌ స్పాట్‌లుగా ఉన్నాయి. ఆహ్లాదకరం.. గోదావరి విహారం కార్తీకమాసంలో పాపికొండల విహారానికి పర్యాటకులు భారీగా తరలివస్తుంటారు. ముఖ్యంగా శని, ఆదివారాల్లో ఉమ్మడి రాష్ట్రంతో పాటు తెలంగాణ ప్రాంతం నుంచి యాత్రికుల తాకిడి ఎక్కువగా ఉంటుంది. ఇటీవల తుపాను కారణంగా కురిసిన వర్షాలకు గోదావరి ఉధృతంగా ప్రవహించడంతో బోటు ప్రయాణాలను పర్యాటక శాఖ నిలిపివేసింది. ప్రస్తుతం వరద తగ్గుముఖం పట్టడంతో అధికారులు తిరిగి బోటు ప్రయాణాలకు అనుమతిచ్చారు. దేవీపట్నం మండలం గండి పోచమ్మ ఘాట్‌ నుంచి పాపికొండలకు 12 బోట్లను అందుబాటులో ఉంచినట్లు అధికారులు తెలిపారు. గుబ్బల మంగమ్మ తల్లి గుడి చుట్టూ పచ్చని కొండలు, ఆహ్లాదకరమైన వాతావరణం, గలగల పారే సెలయేళ్ల సవ్వట్ల నడుమ గుహలో కొలువైన గుబ్బల మంగమ్మ తల్లి దర్శనం భక్తులను మైమరిపిస్తుంది. బుట్టాయగూడెం మండలం కామవరం సమీపంలోని అందమైన అడవిలో వెలసిన ఈ అమ్మవారిని దర్శించుకునేందుకు ఆంధ్ర, తెలంగాణ ప్రాంతాల నుంచి వేల సంఖ్యలో భక్తులు వస్తుంటారు. గోదావరి నదిపై ప్రయాణిస్తున్న బోటు పట్టిసీమ శివ క్షేత్రం పాపికొండల విహారయాత్రలో పలు పర్యాటక ప్రాంతాలను సందర్శించవచ్చు. ఇసుక తిన్నెలపై కొలువైన పోలవరం మండలం పట్టిసీమ వీరభద్రస్వామి, మహానందీశ్వర స్వామి ఆలయాలు, దేవీపట్నం మండలంలోని గండి పోచమ్మ గుడి, బ్రిటిష్‌ కాలపు పోలీస్‌ స్టేషన్‌, 11వ శతాబ్దం నాటి ఉమాచోడేశ్వర స్వామి ఆలయం, కొరుటూరులో అటవీ శాఖ ఆధ్వర్యంలో నిర్మించిన కాటేజీలు, పేరంటాలపల్లి ఆశ్రమాన్ని దర్శించి అక్కడ శివుడిని పూజించవచ్చు. ఆంధ్రుల జీవనాడిగా మారనున్న పోలవరం ప్రాజెక్టు ఒక చక్కని పర్యాటక కేంద్రంగా మారుతోంది. ప్రాజెక్టును పూర్తిస్థాయిలో టూరిస్ట్‌ హబ్‌గా అభివృద్ధి చేస్తే ప్రపంచ స్థాయి పర్యాటకులను ఆకర్షించవచ్చని ప్రకృతి ప్రేమికులు పేర్కొంటున్నారు. కనువిందు చేయనున్న ఏజెన్సీ అందాలు గోదావరి నదిపై ప్రారంభమైన బోటు ప్రయాణాలు యాత్రికుల కోసం పర్యాటక శాఖ ఆధ్వర్యంలో సౌకర్యాలు

● పురోగతి లేని పంచలోహ విగ్రహం చోరీ కేసు ● విగ్రహం అపహరణకు గురై రెండేళ్లు దాటినా ఆచూకీ తెలియని వైనం ఆగిరిపల్లి : రాష్ట్రంలోని ప్రసిద్ధ పుణ్యక్షేత్రమైన శ్రీ శోభనాచల వ్యాఘ్ర లక్ష్మీనరసింహస్వామి వారి ఆలయంలో వెయ్యి సంవత్సరాల పురాతన పంచలోహ విగ్రహం చోరీకి గురై రెండేళ్లు దాటినా, నేటికీ ఆచూకీ లభించకపోవడంతో భక్తులలో తీవ్ర కలవరం నెలకొంది. రెండేళ్ల క్రితం ఎగువ కొండపై ఉన్న స్వయంభూ లక్ష్మీనరసింహస్వామి వారి ఆలయంలోకి చొరబడిన దుండగులు తలుపులు పగలగొట్టి, అత్యంత ప్రాచీనమైన పంచలోహ విగ్రహాన్ని అపహరించుకుపోయారు. ఈ ఘటన అప్పట్లో సంచలనం సృష్టించింది. నిందితులను పట్టుకుని విగ్రహాన్ని స్వాధీనం చేసుకుంటామని పోలీసులు ప్రకటించినప్పటికీ, ఇంతవరకు ఎలాంటి స్పష్టమైన పురోగతి లేకపోవడంపై భక్తులు ఆగ్రహం వ్యక్తం చేస్తున్నారు. ఎస్సైలు మారినా పురోగతి శూన్యం సాక్షాత్తూ మంత్రి కొలుసు పార్థసారథి ప్రాతినిధ్యం వహిస్తున్న నియోజకవర్గంలోని ప్రసిద్ధ క్షేత్రంలోనే ఈ ఘటన జరగడం చర్చనీయాంశమైంది. చోరీ జరిగిన తొలిరోజుల్లో హడావుడి చేసిన పోలీసులు, ఆ తర్వాత దర్యాప్తును వేగవంతం చేయకపోవడంపై భక్తులు మండిపడుతున్నారు. ఇప్పటివరకు ఆగిరిపల్లి పోలీస్‌స్టేషన్‌లో ముగ్గురు ఎస్సైలు మారినా కేసులో మాత్రం ఎలాంటి పురోగతి లేదని ఆరోపిస్తున్నారు. ప్రధాన కార్యక్రమాలకు ఆటంకం ఈ నెల 19 నుంచి ఆలయంలో కార్తీకమాస వార్షిక బ్రహ్మోత్సవాలు ప్రారంభంకానున్న నేపథ్యంలో, చోరీకి గురైన పంచలోహ విగ్రహాన్ని వెలికితీయాలని భక్తులు కోరుతున్నారు. విగ్రహం లేకపోవడంతో స్వామివారి ప్రధాన కార్యక్రమాలు నిర్వహించలేకపోతున్నామని భక్తులు ఆవేదన వ్యక్తం చేస్తున్నారు. ఇటీవల బాధ్యతలు చేపట్టిన ఎస్సై సురేష్‌ ఈ కేసుపై ప్రత్యేక దృష్టి సారించి దర్యాప్తును వేగవంతం చేయాలని విజ్ఞప్తి చేస్తున్నారు. మంత్రి కొలుసు పార్థసారథి, జిల్లా పోలీసు ఉన్నతాధికారులు జోక్యం చేసుకుని ప్రత్యేక బృందాన్ని ఏర్పాటు చేసి, విగ్రహ ఆచూకీ కనిపెట్టి తిరిగి ఆలయానికి చేర్చాలని భక్తులు డిమాండ్‌ చేస్తున్నారు.

తణుకు అర్బన్‌ : ఆంధ్రప్రదేశ్‌ రోలర్‌ స్కేటింగ్‌ అసోసియేషన్‌ (ఏపీఆర్‌ఎస్‌ఏ) ఆధ్వర్యంలో 38వ అంతర్‌ జిల్లాల రోలర్‌, ఇన్‌లైన్‌ హాకీ ఛాంపియన్‌షిప్‌ పోటీలు స్థానిక మాంటిస్సోరీ పాఠశాల క్రీడా ప్రాంగణంలో బుధవారం ఉత్సాహంగా కొనసాగాయి. అసోసియేషన్‌ సెక్రటరీ థామస్‌ పర్యవేక్షణలో నిర్వహించిన ఈ పోటీల్లో క్రీడాకారులు తమ ప్రతిభను చాటుతున్నారు. వివిధ జిల్లాల నుంచి 250 మందికి పైగా క్రీడాకారులు ఈ పోటీల్లో పాల్గొన్నారు. టైనీటాట్స్‌, కేడెట్‌, సబ్‌ జూనియర్స్‌, జూనియర్స్‌, సీనియర్స్‌ విభాగాల్లో బాలురు, బాలికలు హోరాహోరీగా తలపడ్డారు. ఈ కార్యక్రమంలో పాఠశాల డైరెక్టర్‌ అనపర్తి ప్రకాశరావు, ఎగ్జిక్యూటివ్‌ డైరెక్టర్‌ ఎ.జ్ఞానమంజరి, అడ్మినిస్ట్రేటివ్‌ ఆఫీసర్‌ బి.నాగేంద్ర ఫణి సిద్ధు తదితరులు పాల్గొన్నారు. భీమవరం : విజయవాడ డివిజనల్‌ రైల్వే వినియోగదారుల సంప్రదింపుల కమిటీ (డీఆర్‌యూసీసీ) సభ్యుడిగా పట్టణానికి చెందిన వనమా దుర్గాప్రసాద్‌ (శ్రీకాంత్‌) నియమితులయ్యారు. ఈ సందర్భంగా శ్రీకాంత్‌ మాట్లాడుతూ భారతీయ రైల్వే దేశవ్యాప్తంగా ప్రయాణికుల కోసం అనేక సదుపాయాలను అందుబాటులోకి తెస్తోందని పేర్కొన్నారు. తనను డీఆర్‌యూసీసీ సభ్యుడిగా నియమించినందుకు డివిజనల్‌ రైల్వే మేనేజర్‌, సీనియర్‌ డివిజనల్‌ కమర్షియల్‌ మేనేజర్‌, ఇతర రైల్వే ఉన్నతాధికారులకు ఆయన కృతజ్ఞతలు తెలిపారు. ఏలూరు (టూటౌన్‌) : సమాజంలో బాలలకు సురక్షితమైన భవిష్యత్తు అందించడమే లక్ష్యంగా పోక్సో చట్టం, గుడ్‌ టచ్‌, బ్యాడ్‌ టచ్‌, భద్రత, మానవ అక్రమ రవాణా నిరోధక చట్టాలపై జిల్లా న్యాయసేవాధికార సంస్థ కార్యదర్శి ఎం. శ్రీలక్ష్మి అవగాహన కల్పించారు. బుధవారం వట్లూరులోని సిద్ధార్థ క్వెస్ట్‌ పాఠశాలలో నిర్వహించిన న్యాయ అవగాహన సదస్సులో ఆమె మాట్లాడారు. ఈనెల 14న బాలల దినోత్సవాన్ని పురస్కరించుకుని విద్యార్థులకు బాలల భద్రతపై అవగాహన కల్పిస్తున్నట్లు తెలిపారు. సమాజం బాల్య వివాహాలకు దూరంగా ఉండాలని, బాల్య వివాహాలు జరిపితే చట్టరీత్యా కఠిన శిక్షలు తప్పవని హెచ్చరించారు. ఈ కార్యక్రమంలో ప్యానెల్‌ న్యాయవాది పీవీఎన్‌ మునేశ్వర రావు, సామాజిక కార్యకర్త వై.యామిని లలితా శ్రీ, పాఠశాల ప్రధానోపాధ్యాయురాలు సుజాత తదితరులు పాల్గొన్నారు. భీమడోలు : పూళ్ల పంచాయతీ శివారు ఎంఎంపురంలో జరిగిన రోడ్డు ప్రమాదంలో ఓ యువకుడికి తీవ్ర గాయాలయ్యాయి. ప్రస్తుతం అతను విజయవాడ ఎన్‌ఆర్‌ఐ ఆసుపత్రిలో చికిత్స పొందుతున్నాడు. ఆసుపత్రి నుంచి అందిన సమాచారం మేరకు భీమడోలు పోలీసులు బుధవారం కేసు నమోదు చేశారు. భీమడోలు ఎస్సై ఎస్‌కే మదీనా బాషా తెలిపిన వివరాల ప్రకారం.. ఈ నెల 8వ తేదీ దీపావళి రోజున ఎంఎంపురంలో కండవల్లి సెలంరాజా మంచినీరు తెచ్చుకునేందుకు బైక్‌పై వెళ్తుండగా, ఎదురుగా మరో వ్యక్తి రాంగ్‌ రూట్‌లో అతివేగంగా వచ్చి ఢీకొట్టాడు. ఈ ప్రమాదంలో తీవ్రంగా గాయపడిన సెలంరాజాను మెరుగైన చికిత్స కోసం విజయవాడ ఎన్‌ఆర్‌ఐ ఆసుపత్రికి తరలించారు. ఆసుపత్రి నుంచి అందిన మెడికో లీగల్‌ కేస్‌ (ఎంఎల్‌సీ) సమాచారం ఆధారంగా కేసు నమోదు చేసి దర్యాప్తు చేస్తున్నట్లు ఎస్సై తెలిపారు. భీమవరం: స్థానిక హోటల్‌ ఆనంద ఇన్‌లో రీజినల్‌ ఆఫీస్‌ ఆధ్వర్యంలో యూనియన్‌ బ్యాంక్‌ 108వ వ్యవస్థాపక దినోత్సవం ఘనంగా నిర్వహించారు. ఈ వేడుకలకు జిల్లా కలెక్టర్‌ చదలవాడ నాగరాణి ముఖ్య అతిథిగా హాజరయ్యారు. దేశసేవ భావనతో బ్యాంకు ఉద్యోగులు జాతీయ రక్షణ నిధికి రూ. 11.17 కోట్లు విరాళంగా అందజేయడం అభినందనీయమని కలెక్టర్‌ కొనియాడారు. వ్యాపార లావాదేవీలను సులభతరం చేసేందుకు నూతన సేవలను ప్రారంభించినట్లు బ్యాంకు ఎండీ, సీఈఓ అశీష్‌ పాండే తెలిపారు. దేశవ్యాప్తంగా బ్యాంకింగ్‌ సేవలను విస్తరించడంలో భాగంగా ఈశాన్య ప్రాంతంలో 25, సాధారణ వ్యాపార శాఖలు 51, యువ శాఖలు 16, స్టార్టప్‌ శాఖలు 9, అగ్రి వాల్యూ చైన్‌ ఫైనాన్స్‌ శాఖలతో కలిపి మొత్తం 108 కొత్త శాఖలను ప్రారంభిస్తున్నట్లు ఆయన ప్రకటించారు. ఈ కార్యక్రమంలో ఎగ్జిక్యూటివ్‌ డైరెక్టర్లు, సీనియర్‌ అధికారులు, ఉద్యోగులు, ఖాతాదారులు పాల్గొన్నారు.

జంగారెడ్డిగూడెం (బుట్టాయగూడెం): జంగారెడ్డిగూడెం మండలం గుర్వాయిగూడెం సమీపంలోని మద్ది ఆంజనేయస్వామి దేవస్థానంలో బుధవారం కార్తీకమాసం మొదటి బుధవారం రోజున లక్ష గులాబీ పూలతో లక్ష పుష్పార్చన కార్యక్రమాన్ని ఆలయ అర్చకులు, వేద పండితులు, సాత్వికుల ఆధ్వర్యంలో అత్యంత వైభవంగా నిర్వహించారు. అలాగే 250 మంది భక్తులు మద్ది ఆంజనేయస్వామివారి దీక్షలు తీసుకున్నట్లు ఆలయ అసిస్టెంట్‌ కమిషనర్‌, కార్యనిర్వహణ అధికారిణి ఆర్‌వి చందన తెలిపారు. భీమవరం : ఉమ్మడి పశ్చిమగోదావరి జిల్లా అండర్‌–14 క్రికెట్‌ జట్టు కెప్టెన్‌గా స్థానిక విశ్వకవి స్కూల్‌ విద్యార్థి నంబూరి కార్తీక్‌ వర్మ ఎంపికయ్యాడు. ఈ నెల 12 నుంచి 17 వరకు గుంటూరు జిల్లా పేరేచర్ల, పిచ్చుకుటగుంటలో నిర్వహించే అంతర్‌ జిల్లాల క్రికెట్‌ పోటీల్లో కార్తీక్‌ వర్మ నాయకత్వంలోని ఉమ్మడి పశ్చిమ గోదావరి జిల్లా జట్టు.. కృష్ణ, గుంటూరు, ప్రకాశం జిల్లాల జట్లతో తలపడుతుందని డీఎన్నార్‌ అకాడమీ క్రికెట్‌ కోచ్‌ శ్రీనివాస్‌ తెలిపారు.

భీమవరం (ప్రకాశం చౌక్‌): పట్టణంలో విజిలెన్సు, పౌర సరఫరా, తూనికలు, కొలతల శాఖల అధికారులు సంయుక్తంగా బియ్యం దుకాణాల్లో ఆకస్మిక తనిఖీలు నిర్వహించారు. బియ్యం అధిక ధరలకు విక్రయించడం, సంచులపై ముద్రించిన ఎమ్మార్పీ ధరలను అక్రమంగా మార్చడం, తయారీదారు లేదా ప్యాకర్‌ వివరాల చిరునామా ముద్రించకపోవడాన్ని అధికారులు గుర్తించారు. నిబంధనలు ఉల్లంఘించిన మూడు దుకాణాలపై తూనికలు, కొలతల చట్టం ప్రకారం మొత్తం 6 కేసులు నమోదు చేసినట్లు అధికారులు తెలిపారు. శ్రీ రాధాకృష్ణ ట్రేడర్స్‌పై 2 కేసులు, శ్రీ మహాలక్ష్మి రైస్‌ అండ్‌ జనరల్‌ స్టోర్స్‌పై 2 కేసులు, లక్ష్మీ వెంకట గాయత్రీ ట్రేడర్స్‌పై 2 కేసులు నమోదు చేశారు. ఈ సందర్భంగా రీజినల్‌ విజిలెన్స్‌ అండ్‌ ఎన్‌ఫోర్స్‌మెంట్‌ అధికారి కె. నాగేశ్వరరావు మాట్లాడుతూ నిత్యావసర సరుకులైన బియ్యం, పప్పులు, కూరగాయలను ఎవరైనా అధిక ధరలకు విక్రయిస్తే వారిపై కఠిన చర్యలు తప్పవని హెచ్చరించారు. తనిఖీల్లో విజిలెన్స్‌ డీఎస్పీ సింగులూరి వెంకటేశ్వరరావు, జి. మీరయ్య, తూనికలు కొలతల అధికారి వెంకటరమణ తదితరులు పాల్గొన్నారు. ఏలూరు (ఆర్‌ఆర్‌పేట): నగరంలోని సీఆర్‌ రెడ్డి కళాశాల ఫిజికల్‌ డైరెక్టర్‌ ఎండీ కరీముల్లాకు అరుదైన గౌరవం లభించింది. ఆదికవి నన్నయ యూనివర్సిటీ హాకీ జట్టు సెలెక్టర్‌గా యూనివర్సిటీ అధికారులు ఆయనను ఆహ్వానించారు. దీంతో పాటు, యూనివర్సిటీ పరిధిలో జరిగే అంతర్‌ కళాశాలల హాకీ టోర్నమెంట్‌ నిర్వహణ బాధ్యతలను కూడా ఆయనకు అప్పగించారు. తమ కళాశాలకు పేరు తెచ్చిన కరీముల్లాను కళాశాల కరస్పాండెంట్‌ కేఎస్‌ విష్ణుమోహన్‌, ప్రిన్సిపాల్‌ రత్నాకర్‌ తదితరులు ప్రత్యేకంగా అభినందించారు.

ఏలూరు (టూటౌన్‌): ఏలూరు అటవీ డివిజన్‌ కార్యాలయంలో రాష్ట్ర అటవీ అమరవీరుల సంస్మరణ దినోత్సవం మంగళవారం ఘనంగా నిర్వహించారు. ముఖ్య అతిథిగా విచ్చేసిన జిల్లా అటవీ అధికారి పీవీ సందీప్‌ రెడ్డి ఇతర అధికారులతో కలిసి అమరవీరుల స్మారక ఫలకం వద్ద ఘనంగా నివాళులర్పించి, రెండు నిమిషాలు మౌనం పాటించారు. ఈ సందర్భంగా ఆయన మాట్లాడుతూ అటవీ సంపదను, వన్యప్రాణులను కాపాడటంలో ప్రాణాలర్పించిన వీర జవాన్ల త్యాగాలు శాఖలోని ప్రతి ఒక్కరికీ నిత్య స్ఫూర్తిదాయకమన్నారు. అమరుల ఆశయాలకు అనుగుణంగా భావితరాలకు పచ్చని ప్రకృతిని అందించేందుకు అందరూ అంకితభావంతో పునరంకితం కావాలని పిలుపునిచ్చారు. అనంతరం సిబ్బంది అటవీ, వన్యప్రాణి రక్షణ ప్రతిజ్ఞ చేశారు. పర్యావరణ పరిరక్షణపై ప్రజల్లో చైతన్యం కల్పించేందుకు అధికారులు, సిబ్బంది అమరవీరుల సంస్మరణ బ్యానర్లతో అవగాహన ర్యాలీ నిర్వహించారు. ఈ కార్యక్రమంలో పలువురు అటవీ శాఖ అధికారులు, సిబ్బంది పెద్ద సంఖ్యలో పాల్గొన్నారు.

తాడేపల్లిగూడెం (టీఓసీ): ఉద్యాన పంటల సాగుకు తేనెటీగల పెంపకం అత్యంత ముఖ్యమని, నాణ్యమైన తేనె ఉత్పత్తి ద్వారా రైతులు అదనపు ఆదాయం పొందవచ్చని డాక్టర్‌ వైఎస్‌ఆర్‌ ఉద్యాన విశ్వవిద్యాలయం ఉపకులపతి డాక్టర్‌ కట్టుపల్లి ధనుంజయరావు తెలిపారు. వెంకట్రామన్నగూడెం కృషి విజ్ఞాన కేంద్రం ద్వారా శాసీ్త్రయ పద్ధతిలో తేనెటీగల పెంపకంపై నిర్వహించనున్న వారం రోజుల ఉచిత శిక్షణ కార్యక్రమాల షెడ్యూల్‌ను మంగళవారం ఆయన విడుదల చేశారు. నవంబర్‌ నుంచి వచ్చే ఏడాది మార్చి వరకు ఈ శిక్షణ కార్యక్రమాలు జరుగుతాయని తెలిపారు. మొదటి బ్యాచ్‌: నవంబర్‌ 16 నుండి 22 వరకు, రెండో బ్యాచ్‌: డిసెంబర్‌ 14 నుండి 20 వరకు, మూడో బ్యాచ్‌: ఫిబ్రవరి 1 నుండి 13 వరకు శిక్షణ ఉంటుందని తెలిపారు. ప్రతి బ్యాచ్‌లో 25 మందికి శాసీ్త్రయ పద్ధతిలో శిక్షణనిచ్చి, ఉచితంగా భోజన వసతులు కల్పిస్తామని, ఉద్యాన రైతులకు ప్రాధాన్యత ఉంటుందని తెలిపారు. అలాగే 24 రకాల పరికరాలు, తేనెటీగల పెట్టెలను రాయితీపై అందిస్తామని వివరించారు. ఆసక్తి ఉన్న వారు ఆధార్‌ కార్డు, ఫోన్‌ నంబరు, పాస్‌పోర్ట్‌ సైజు ఫొటోతో రిజిస్ట్రేషన్‌ చేసుకోవాలని కోరారు. మరిన్ని వివరాలకు సీనియర్‌ శాస్త్రవేత్త డాక్టర్‌ సీహెచ్‌. కిరణ్‌కుమార్‌ (73826 33692), శాస్త్రవేత్త డాక్టర్‌ కె. అర్చన (95024 35151) నంబర్లను సంప్రదించాలని పేర్కొన్నారు.

భీమవరం: జిల్లాలో దాళ్వా సీజన్‌కు అవసరమైన వరి విత్తనాలను సిద్ధం చేసి, ఈ నెల 15లోపు నారుమళ్లు ఏర్పాటు చేసేలా చర్యలు తీసుకోవాలని కలెక్టర్‌ చదలవాడ నాగరాణి వ్యవసాయ శాఖ అధికారులను ఆదేశించారు. మంగళవారం కలెక్టరేట్‌లో వ్యవసాయ, ఇరిగేషన్‌ శాఖ అధికారులతో నిర్వహించిన సమీక్ష సమావేశంలో ఆమె మాట్లాడారు. అర్నబ్‌ తుపాను ప్రభావంతో జిల్లాలో సార్వా వరి పంట పూర్తిగా దెబ్బతిని రైతులు తీవ్రంగా నష్టపోయారని తెలిపారు. ఈ తరుణంలో దాళ్వా సీజన్‌లో రైతులకు అవసరమైన విత్తనాలను అందుబాటులో ఉంచి, ప్రధానంగా ఎంటీయు–1120 రకం విత్తనాలను సరఫరా చేయాలని సూచించారు. తుపానుకు దెబ్బతిన్న వరి పంటలకు సంబంధించి క్రాప్‌ కటింగ్‌ ప్రయోగాలను వేగవంతంగా పూర్తి చేసి, రైతులకు పంటల బీమా సౌకర్యం కల్పించాలన్నారు. జిల్లాలో మొత్తం 254 గ్రామాల్లో క్రాప్‌ కటింగ్‌ ప్రయోగాలు నిర్వహించాల్సి ఉండగా, ఇప్పటివరకు 18 గ్రామాల్లో మాత్రమే పూర్తయ్యాయని పేర్కొన్నారు. ఈ సమావేశంలో జాయింట్‌ కలెక్టర్‌ కే.ఆర్‌. కల్పశ్రీ, జిల్లా రెవెన్యూ అధికారి పి. గ్లోరియా, జిల్లా వ్యవసాయ శాఖ అధికారి పి. సునీత, సీపీఓ శివపార్వతి తదితరులు పాల్గొన్నారు. భీమవరం: రాష్ట్రంలో స్థానిక సంస్థల ఎన్నికల సందర్భంగా కూటమి ప్రభుత్వ అరాచకాలు, ప్రజాస్వామ్య వ్యతిరేక చర్యలను నిరసిస్తూ సీపీఐ, సీపీఎం ఆధ్వర్యంలో బుధవారం రాష్ట్రవ్యాప్తంగా నిరసన కార్యక్రమాలు చేపట్టనున్నట్లు సీపీఐ జిల్లా కార్యదర్శి కోనాల భీమారావు మంగళవారం ప్రకటనలో తెలిపారు. జిల్లాలోని అన్ని పట్టణ, మండల కేంద్రాల్లో ఈ నిరసనలు నిర్వహించాలని ఆయన పార్టీ శ్రేణులకు పిలుపునిచ్చారు. ప్రజాస్వామ్య విలువలను, ఎన్నికల ప్రక్రియలో ప్రజల స్వేచ్ఛాయుత భాగస్వామ్యాన్ని పరిరక్షించేందుకు వామపక్షాలు తలపెట్టిన ఈ నిరసనల్లో పార్టీ నాయకులు, కార్యకర్తలు పెద్ద సంఖ్యలో పాల్గొని విజయవంతం చేయాలని కోరారు. ఏలూరు (టూటౌన్‌): కొల్లేరు వన్యప్రాణి అభయారణ్యం సరిహద్దుల హేతుబద్ధీకరణ, జిరాయితీ, డి–ఫారం భూములు తదితర అంశాలపై సుప్రీంకోర్టు నియమించిన కేంద్ర సాధికార కమిటీ కోరిన అదనపు సమాచారాన్ని వారం రోజుల్లోగా సమర్పించాలని పర్యావరణ, అటవీ శాఖ ప్రిన్సిపల్‌ సెక్రటరీ కాంతీలాల్‌ దండే అధికారులను ఆదేశించారు. కలెక్టరేట్‌లోని గౌతమీ సమావేశ మందిరంలో కలెక్టర్‌ కె.వెట్రిసెల్వి, అటవీశాఖ ప్రత్యేక కార్యదర్శి దివాన్‌ మైదీన్‌, ప్రిన్సిపల్‌ చీఫ్‌ కన్జర్వేటర్‌ ఆఫ్‌ ఫారెస్ట్‌ డాక్టర్‌ పి.వి. చలపతిరావు, అటవీ శాఖ చీఫ్‌ కన్జర్వేటర్‌ జ్యోతిలతో కలిసి ఆయన మంగళవారం సాయంత్రం సమీక్ష నిర్వహించారు. ఈ సందర్భంగా ఆయన మాట్లాడుతూ కొల్లేరు అభయారణ్య పరిధిలో వన్యప్రాణి సంరక్షణ చట్టం అమలు, జిరాయితీ, డి–ఫారం భూముల సమస్యల పరిష్కారం, పునరావాస కార్యక్రమాలపై రూపొందించిన ప్రతిపాదనలను సుప్రీంకోర్టు సాధికార కమిటీకి సమర్పించామన్నారు. కమిటీ పరిశీలన అనంతరం కోరిన అదనపు సమాచారాన్ని, మ్యాప్‌లను త్వరగా అందజేయాలని ఆదేశించారు. ఈ సమావేశంలో ఏలూరు, పశ్చిమ గోదావరి జిల్లాల జాయింట్‌ కలెక్టర్లు డాక్టర్‌ ఎం.జె. అభిషేక్‌ గౌడ, కే.ఆర్‌. కల్పశ్రీ, డీఎఫ్‌ఓలు సందీప్‌ రెడ్డి, త్రిమూర్తులు రెడ్డి, ఆర్డీఓ లక్ష్మీప్రసన్న, డీపీఓ మల్లికార్జునరావు, ట్రాన్స్‌కో ఎస్‌ఈ కే.ఎం. అంబేడ్కర్‌ తదితరులు పాల్గొన్నారు. ఏలూరు (ఆర్‌ఆర్‌పేట): జాతీయ స్థాయిలో త్వరలో జరగనున్న సివిల్‌ సర్వీసెస్‌ పురుషుల ఫుట్‌బాల్‌ పోటీల్లో పాల్గొనే రాష్ట్ర జట్టును మంగళవారం స్థానిక అల్లూరి సీతారామరాజు స్టేడియంలో ఎంపిక చేశారు. శాప్‌ ఆదేశాల మేరకు నిర్వహించిన ఎంపికలకు 30 మంది క్రీడాకారులు హాజరుకాగా, వారిలో 22 మందితో ప్రధాన జట్టును, మరో ఇద్దరిని స్టాండ్‌బై క్రీడాకారులుగా ఎంపిక చేశారు.

భీమవరం (ప్రకాశం చౌక్‌): పవిత్ర కార్తీక మాసోత్సవాలు భీమవరం పంచారామ క్షేత్రం శ్రీఉమా సోమేశ్వర జనార్దన స్వామి దేవస్థానంలో మంగళవారం తెల్లవారుజాము నుంచే ఘనంగా ప్రారంభమయ్యాయి. ప్రధాన అర్చకులు స్వామివారికి మహన్యాసపూర్వక రుద్రాభిషేకాలు నిర్విరామంగా నిర్వహించారు. భక్తులు పెద్ద సంఖ్యలో తరలివచ్చి స్వామివార్లను దర్శించుకుని ప్రత్యేక పూజలు నిర్వహించారు. మరో ప్రముఖ శివక్షేత్రమైన శ్రీ భీమేశ్వర స్వామివారి ఆలయంలోనూ ప్రత్యేక పూజలు, అభిషేకాలు నిర్వహించారు. ఆర్జేసీ త్రినాథరావు పర్యవేక్షణ దేవాదాయ శాఖ రాజమహేంద్రవరం రీజనల్‌ జాయింట్‌ కమిషనర్‌ వేండ్ర త్రినాథరావు ఉమా సోమేశ్వర జనార్దన స్వామి దేవస్థానంలోని ఏర్పాట్లు, ప్రత్యేక క్యూలైన్లను పరిశీలించారు. కార్తీక మాసంలో భక్తులకు ఎలాంటి అసౌకర్యం కలగకుండా అన్ని ఏర్పాట్లు పక్కాగా ఉండాలని అధికారులను ఆదేశించారు. కార్తీక సోమవారాల్లో సుమారు 30 వేల నుంచి 70 వేల మంది వరకు భక్తులు తరలివచ్చే అవకాశం ఉన్నందున, అందుకు తగిన ఏర్పాట్లు చేయాలని సూచించారు. దాతల సహకారంతో అన్నదాన ప్రసాద వితరణ కార్యక్రమం నిర్వహిస్తున్నట్లు తెలిపారు. క్షీరారామంలో... పాలకొల్లు సెంట్రల్‌: క్షీరారామలింగేశ్వరస్వామి ఆలయంలో మంగళవారం తెల్లవారుజాము నుంచి కార్తీకమాస పూజలు ప్రారంభమయ్యాయి. తెల్లవారుజామున 4 గంటలకే ఆలయాన్ని తెరువగా అప్పటికే క్యూలైన్లలో వేచి ఉన్న భక్తులు కాలువలో స్నానాలు ఆచరించి, అక్కడ కార్తీక దీపాలు వదిలి ఆలయానికి చేరుకున్నారు. స్వామివారిని దర్శించుకుని ఆలయంలో దీపాలు వెలిగించారు. పాడ్యమి తిథి పురస్కరించుకుని సోమవారం రాత్రే ఆకాశదీపాలను వెలిగించారు. కార్తీక మాస దీక్షాపరులు మహన్యాసపూర్వక అభిషేకాలు చేయించుకున్నారు. దూర ప్రాంతాల నుంచి వచ్చే భక్తుల సౌకర్యార్థం నిత్యాన్నదానాన్ని ప్రారంభించారు. ఈ కార్యక్రమంలో ఆలయ చైర్మన్‌ మీసాల రామచంద్రరావు, ఈవో రాపాక శ్రీనివాస్‌, ట్రస్ట్‌ బోర్డు సభ్యులు పాల్గొన్నారు.

● గణపవరం బొబ్బిలి వంతెనపై ఢీకొన్న మోటార్‌సైకిళ్లు ● ఒకరి మృతి, మరో ఇద్దరికి గాయాలు గణపవరం: కూలిపనికి వెళ్లి తిరిగి ఇంటికి వస్తున్న ఒక వ్యక్తి రోడ్డు ప్రమాదంలో ప్రాణాలు కోల్పోయాడు. మంగళవారం మధ్యాహ్నం గణపవరం బొబ్బిలి వంతెనపై రెండు మోటార్‌సైకిళ్లు ఢీకొన్న ఘటనలో ఒక వ్యక్తి మృతి చెందరగా మరో ఇద్దరు తీవ్రంగా గాయపడ్డారు. గణపవరం ఎస్సై ఆకుల మణికుమార్‌ తెలిపిన వివరాల ప్రకారం నిడమర్రు మండలం ఛానమిల్లి గ్రామానికి చెందిన నక్కా మావుళ్లు మరికొందరితో కలిసి గణపవరం గాంధీనగర్‌లోని రొయ్యల చెరువుల వద్దకు కూలిపనికి వెళ్లాడు. పని ముగించుకుని మధ్యాహ్నం అదే గ్రామానికి చెందిన గండికోట ప్రభుదాస్‌తో కలిసి మోటార్‌సైకిల్‌పై ఇంటికి బయలుదేరాడు. వీరు ప్రయాణిస్తున్న బైక్‌ సరిగ్గా గణపవరం బొబ్బిలి వంతెనపైకి వచ్చేసరికి, ఎదురుగా అతివేగంగా, నిర్లక్ష్యంగా స్పోర్ట్స్‌ మోటార్‌సైకిల్‌పై వచ్చిన బండి ప్రేమ్‌కుమార్‌ అనే యువకుడు వీరు వెళ్తున్న బైక్‌ను బలంగా ఢీకొట్టాడు. ఈ ప్రమాదంలో మోటార్‌సైకిల్‌ నడుపుతున్న మావుళ్లు ఎగిరి రోడ్డుపై పడటంతో.. తలకు తీవ్రగాయాలై అక్కడికక్కడే మృతి చెందాడు. బైక్‌ వెనుక కూర్చున్న ప్రభుదాస్‌కు, అలాగే ఎదురుగా వచ్చి ఢీకొన్న ప్రేమ్‌కుమార్‌కూడా గాయాలయ్యాయి. స్థానికులు క్షతగాత్రులను గణపవరం పీహెచ్‌సీకి తరలించగా, అప్పటికే మావుళ్లు మృతి చెందినట్లు వైద్యులు ధృవీకరించారు. మెరుగైన వైద్యం కోసం గాయపడిన ప్రభుదాస్‌ను భీమవరం ఆసుపత్రికి, ప్రేమ్‌కుమార్‌ను తాడేపల్లిగూడెం ఆసుపత్రికి తరలించారు. మృతుడి భార్య యశోద ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై మణికుమార్‌ తెలిపారు. మృతుడు మావుళ్లుకు ఇంటర్‌ చదువుతున్న కుమార్తె, 8వ తరగతి చదువుతున్న కుమారుడు ఉన్నారు. తండ్రి మరణవార్త విన్న పిల్లలు పాఠశాలల నుంచి వచ్చి, నిర్జీవంగా పడి ఉన్న తండ్రి మృతదేహాన్ని చూసి బోరున విలపించడం చూపరులను కలచివేసింది.

● ఎంపీటీసీ ఫలితాల తర్వాత రగులుతున్న విభేదాలు ● తాడేపల్లిగూడెం మున్సిపల్‌ ఎన్నికల్లో ఫ్రెండ్లీ ఫైట్‌కు సిద్ధమని వలవల బాబ్జీ స్పష్టీకరణ తాడేపల్లిగూడెం: వెంకట్రామన్నగూడెం ఎంపీటీసీ స్థానంలో ఇండిపెండెంట్‌ అభ్యర్థి పత్సా రామచంద్రయ్య విజయం సాధించడంతో తాడేపల్లిగూడెం నియోజకవర్గ కూటమిలో అంతర్గత విభేదాలు తీవ్రరూపం దాల్చాయి. కూటమి నేతల మధ్య అసమ్మతి సెగలు కార్చిచ్చులా వ్యాపిస్తున్నాయి. నాయకులు పరస్పర ఆరోపణలు, విశ్లేషణల్లో మునిగిపోయారు. అధికారుల తీరుపై ఆగ్రహం ఎంపీటీసీ ఎన్నికల వ్యవహారంలో తాడేపల్లిగూడెం తహసీల్దార్‌, రూరల్‌ ఎస్సైల పాత్రపై ఆరోపణలు వస్తున్నాయని, సదరు ఇద్దరు అధికారులను వెంటనే సస్పెండ్‌ చేయాలని కోరుతూ జిల్లా అధ్యక్షుడి ద్వారా టీడీపీ అధిష్టానానికి ఫిర్యాదు చేయనున్నట్లు నియోజకవర్గ టీడీపీ కన్వీనర్‌ వలవల బాబ్జి తెలిపారు. కూటమిలో ఉన్నప్పటికీ పదవుల పంపకంలో తమకు తీవ్ర అన్యాయం జరిగిందని ఆయన ఆవేదన వ్యక్తం చేశారు. ఎంపీటీసీ, జెడ్పీటీసీ సీట్ల కేటాయింపులోనూ టీడీపీ ప్రాతినిధ్యానికి విలువ లేకుండా పోయిందని ఆగ్రహం వ్యక్తం చేశారు. మున్సిపాలిటీలో ఫ్రెండ్లీ పోటీకి సై కూటమిలో ఎదురవుతున్న అవమానాలను ఇకపై భరించలేమని, రాబోయే మున్సిపల్‌ ఎన్నికల్లో ఫ్రెండ్లీ ఫైట్‌కై నా సిద్ధపడతామని టీడీపీ జిల్లా అధ్యక్షుడు రామరాజు ముందు బాబ్జి స్పష్టం చేసినట్లు సమాచారం. ఈ క్రమంలో మాజీ కౌన్సిలర్‌ గొర్రెల శ్రీధర్‌ను టీడీపీ మద్దతుతో స్వతంత్ర అభ్యర్థిగా బరిలోకి దింపేందుకు సమాయత్తమవుతున్నారు. ఈ పరిణామాలతో నియోజకవర్గ రాజకీయం తీవ్ర ఉత్కంఠకు దారితీసింది. నాకేమీ సంబంధం లేదు: ఎమ్మెల్యే బొలిశెట్టి వెంకట్రామన్నగూడెం ఎంపీటీసీ ఫలితంపై ఎమ్మెల్యే బొలిశెట్టి శ్రీనివాస్‌ స్పందిస్తూ.. ఎమ్మెల్యే చెప్పినంత మాత్రాన ఎన్నికల కమిషన్‌ వింటుందా? కూటమి ధర్మం ప్రకారమే సీటు కేటాయించాం. నేను ఒక్క పోలింగ్‌ బూత్‌లోకి కూడా వెళ్లలేదు. ఈ ఫలితాలతో నాకు ఎలాంటి సంబంధం లేదు అని స్పష్టం చేశారు. దీనివల్ల కూటమికి ఎటువంటి ఢోకా ఉండదని, అధిష్టానం తీసుకునే నిర్ణయాల ప్రాతిపదికన కూటమి ముందుకు సాగుతుందని వ్యాఖ్యానించారు. స్థానిక ఎన్నికల ఫలితాలను విశ్లేషించుకుని రాబోయే ఎన్నికల్లో తగిన జాగ్రత్తలు తీసుకుంటామని ఆయన వెల్లడించారు. అయితే నియోజకవర్గంలో కూటమి పరిస్థితి ప్రస్తుతం నివురుగప్పిన నిప్పులా మారినట్లు రాజకీయ వర్గాల్లో చర్చ జరుగుతోంది.

తుపాను పంజా అర్నబ్‌, మురసు వరుస తుపానుల దెబ్బకు ఆటపాక పక్షుల కేంద్రం కళావిహీనంగా మారింది. చెరువు చుట్టూ గట్లు కోతకు గురయ్యాయి. 8లో u‘‘బీమా ప్రీమియం చెల్లించిన రైతులకు మాత్రమే పంటల బీమా పథకం కింద నష్టపరిహారం అందుతుంది. ప్రీమియం చెల్లించి పంటల బీమా చేసుకున్న రైతులను అభినందిస్తున్నాను’’ – ఇటీవల నరసాపురం పర్యటనలో చంద్రబాబు. ఏడాదైనా మోంథా తుపాను ఇన్సూరెన్స్‌, ఇన్‌పుట్‌ సబ్సిడీ ఇంకా ఇవ్వలేదని రైతులు చెప్పగా సమాధానం దాటవేస్తూ ముందుకు సాగిపోయారు. పాలకొల్లు పంచారామక్షేత్రమైన శ్రీ క్షీరారామలింగేశ్వరస్వామి ఆలయంలో కార్తీకమాస ఏర్పాట్లపై అధికారులు నిర్లక్ష్యం వహిస్తున్నారు. 8లో uబుధవారం శ్రీ 11 శ్రీ నవంబర్‌ శ్రీ 2026సాక్షి, భీమవరం: జిల్లాలోని 87 వేల హెక్టార్ల ఖరీఫ్‌ ఆయకట్టుకు సాగు చివరిలో వచ్చిన అర్నబ్‌, మురసు తుపానులు కర్షకులను కోలుకోలేని దెబ్బతీశాయి. గత నెల 28వ తేదీ మొదలు రెండు వారాలుగా 71,333 హెక్టార్లలోని పంట నేలకొరిగి నీటిలోనే ఉంది. మరోపక్క బంగాళాఖాతంలో అల్పపీడనం బెంబేలెత్తిస్తోంది. బలపడితే ఆక్వాన్‌ తుపానుగా మారనుంది. నిండా ముంచిన చంద్రబాబు సర్కారు: విపత్తులతో పంటకు నష్టం జరిగితే పంటల బీమా ఆదుకుంటుంది. ప్రీమియం సొమ్ములో 1.5 శాతం రైతు చెల్లిస్తే, 0.5 శాతం ప్రభుత్వం చెల్లించేది. అవగాహన లేక చాలామంది క్రాప్‌ ఇన్సూరెన్స్‌ చేయించక నష్టపోయేవారు. ఈ పరిస్థితుల్లో మాజీ సీఎం వైఎస్‌ జగన్‌మోహన్‌రెడ్డి ఉచిత పంటల బీమా పథకం అమలు చేశారు. ఈ క్రాఫ్‌ ప్రామాణికంగా సాగు విస్తీర్ణం అంతటికి ప్రభుత్వమే ప్రీమియం చెల్లించడం వల్ల ప్రతి ఎకరాకూ బీమా వర్తించేది. పంట నష్టం జరిగితే రైతులతో పాటు కౌలు రైతులకు పరిహారం అందేది. ఉచిత పంటల బీమాను చంద్రబాబు సర్కారు ఎత్తివేయడంతో రైతులే ప్రీమియం చెల్లించాల్సి వస్తోంది. ప్రస్తుత ఖరీఫ్‌లో కేవలం 34,143 హెక్టార్లకు మాత్రమే 64,109 మంది రైతులు క్రాఫ్‌ ఇన్సూరెన్స్‌ చేయించుకోగా మిగిలిన ఆయకట్టుకు బీమా లేదు. గత ఖరీఫ్‌లో మోంథా తుపానుతో 9,200 వేల హెక్టార్లలో పంట నష్టం వాటిల్లితే ఏడాదైనా రూ. 23 కోట్లు ఇన్‌పుట్‌ సబ్సిడీ, క్రాఫ్‌ ఇన్సూరెన్స్‌ను చంద్రబాబు ప్రభుత్వం ఇవ్వలేదని రైతులు విమర్శిస్తున్నారు. ఆందోళనలో రైతులు : ఇప్పటికే జిల్లాలోని 71,333 హెక్టార్లలో పంట నష్టం జరిగినట్టు ప్రాథమిక అంచనా. మరోవైపు బంగాళాఖాతంలో అల్పపీడనం ఏర్పడటం ఆందోళన కలిగిస్తోంది. ఇంకా యనమదుర్రు, ఎర్రకాలువ, ఉప్పుటేరు, గోస్తని తదితర డ్రెయిన్లు పొంగిప్రవహిస్తూ తాడేపల్లిగూడెం, పెంటపాడు, తణుకు, అత్తిలి, ఇరగవరం, పాలకోడేరు, నరసాపురం, భీమవరం రూరల్‌, పెనుమంట్ర తదితర చోట్ల పొలాల్లో ముంపునీరు లాగకపోవడంతో పూర్తిస్థాయిలో పంట నష్టం సర్వే మొదలుకాలేదు. ప్రస్తుతం పంట కోత దశకు చేరుకుంది. హెక్టారుకు రూ. 70 వేలు వరకు రైతులు పెట్టుబడి పెట్టారు. చాలాచోట్ల రెండు వారాలుగా పంట నీట మునిగి ఉండటంతో వరిపైరు కుళ్లిపోయి కోతకు పనికిరాదంటున్నారు. నేలనంటిన చోట మొలకలు వస్తుండటం, రంగుమారడం తదితర నష్టం జరిగి పెట్టుబడులు దక్కవని వాపోతున్నారు. ఈ దశలో మరో తుపాను వస్తే మొత్తం తుడుచుపెట్టుకు పోతుందని ఆందోళన చెందుతున్నారు. అండగా నిలిచిన వైఎస్సార్‌సీపీ ప్రభుత్వం: జగన్‌ హయాంలో విపత్తులు వచ్చినప్పుడు నెల రోజులలోపే ఇన్‌ఫుట్‌ సబ్సిడీ అందజేసి అండగా నిలిచారు. ఆయన హయాంలో జిల్లాలోని 1,09,556 మంది రైతులకు రూ. 103.44 కోట్లు ఇన్‌ఫుట్‌ సబ్సిడీని అందజేశారు. బీమా పరిహారంగా 1,14,011 మంది రైతులకు రూ. 217.64 కోట్లు అందించి ఆదుకున్నారు.పాలకోడేరులో పదిరోజులుగా నీటిలో మునిగి కుళ్లిపోతున్న వరి పంట తాడేపల్లిగూడెంలో కోతకుపనికిరాకుండా కుళ్లిపోయిన వరి పంట సంవత్సరం రైతులు ప్రభుత్వ సాయం 2019 509 రూ. 25.17 లక్షలు 2020 79,430 రూ. 56.89 కోట్లు 2021 27,935 రూ. 19.87 కోట్లు 2022 1,378 రూ. 90.56 లక్షలు 2023 304 రూ. 23.5 లక్షలు 2024 30459 రూ. 25.24 కోట్లు ఆందోళన కలిగిస్తున్న మరో అల్పపీడనం అర్నబ్‌, మురసుతో జిల్లాలో 71 వేల హెక్టార్లలోని పంటకు నష్టం 39 శాతం ఆయకట్టుకు మాత్రమే క్రాప్‌ ఇన్సూరెన్స్‌ ఏడాదైనా అందని మోంథా పరిహారం, ఇన్‌పుట్‌ సబ్సిడీ ఉచిత పంటల బీమా, ఇన్‌పుట్‌ సబ్సిడీలతో రైతులకు అండగా నిలిచిన జగన్‌ ఆరు ఎకరాల్లో కౌలు సాగుచేస్తున్నాను. రూ. 1.8 లక్షలు వరకు పెట్టుబడులయ్యాయి. తుపాన్లు వల్ల పంట మొత్తం నీళ్లలో మునిగి కుళ్లిపోతోంది. గతేడాది మోంథా తుపాను ఇన్‌పుట్‌ సబ్సిడీ కూడా అందలేదు. ప్రీమియం చెల్లించలేదని పంటల బీమా రాదంటున్నారు. – రాయుడు రమణ, కౌలురైతు, ఆరుళ్ల మూడు ఎకరాల్లో తొలకరి సాగుచేశాను. 150 బస్తాల దిగుబడి వస్తుందని ఆశించాం. ఇంతలోనే వరుసగాా రెండు తుపానులు విరుచుకుపడి ముంచేశాయి. మళ్లీ ఇప్పుడు మరో తుపాను అంటున్నారు. ఏమి చేయాలో పాలుపోవడం లేదు. ముంపుతో ఇప్పటికే చేలు సముద్రాన్ని తలపిస్తున్నాయి. – తోలేటి వెంకటేశ్వరరావు, రైతు, తిరుపతిపురం

పెద్ద పులి చేతిలో హతమైన పశువులు వేలేరుపాడు: కుక్కునూరు అటవీ రేంజ్‌ పరిధిలోని వేలేరుపాడు మండలంలో పెద్దపులి సంచారం మరోసారి ప్రజలను భయాందోళనకు గురిచేస్తోంది. మంగళవారం కొత్తూరు, నార్లవరం గ్రామాల పరిసర ప్రాంతాల్లో పులి సంచరిస్తున్నట్లు అటవీ అధికారులు గుర్తించారు. సోమవారం తెల్లవారుజామున కొత్తూరు గ్రామానికి చెందిన కరటం బ్రహ్మయ్యకు చెందిన ఒక ఆవు, రెండు లేగదూడలను పులి హతమార్చింది. అనంతరం అక్కడి నుంచి గుళ్ళమడుగు, తెల్లిపల్లి అటవీ ప్రాంతంలోని గుట్టల వైపు వెళ్లినట్లు అధికారులు తెలిపారు. దీంతో చుట్టుపక్కల గ్రామాల ప్రజలు బిక్కుబిక్కుమంటూ గడుపుతున్నారు. పులి కదలికలను రేడియో కాలర్‌ సిగ్నల్‌ ద్వారా రెండు అటవీ బృందాలు నిరంతరం పర్యవేక్షిస్తున్నాయి. గ్రామాల్లో ప్రజలను అప్రమత్తం చేస్తున్నామని, పశువులను అడవులకు పంపవద్దని, రాత్రి సమయాల్లో బయటికి తిరగవద్దని, ఎటు వెళ్లినా గుంపులుగా ఉండాలని అధికారులు హెచ్చరించారు.

కై కలూరు: అర్నబ్‌, మురసు వరుస తుపానుల దెబ్బకు ఆటపాక పక్షుల కేంద్రం కళావిహీనంగా మారింది. చెరువు చుట్టూ గట్లు కోతకు గురయ్యాయి. ఈదురు గాలులకు పర్యావరణ కేంద్రం రేకులు విరిగిపడ్డాయి. షికారు బోటు పైకప్పు ఊడిపడింది. పక్షుల కేంద్రం ప్రారంభంలో ఉన్న పెలికాన్‌ ప్యారడైజ్‌ ఇనుప బోర్డు కుప్పకూలింది. రాత్రి సమయంలో ఈ ఘటన జరగడంతో పెనుముప్పు తప్పింది. ఇటీవల పక్షుల విహార చెరువు గట్లకు మరమ్మతులు చేసి, మట్టి కోతకు గురికాకుండా వెదురు తడికలను ఏర్పాటు చేశారు. తుపానుల వల్ల అవి కూడా పూర్తిగా దెబ్బతిన్నాయి. బోటు షికారు నిలిపివేత పక్షి ప్రేమికుల స్వర్గధామంగా పేరుగడించిన ఆటపాక పక్షుల కేంద్రం చెరువు 287 ఎకరాల్లో విస్తరించి ఉంది. స్వదేశీ, విదేశీ పక్షుల విడిది కోసం అటవీశాఖ చెరువులో కృత్రిమ ఇనుప స్టాండ్లను ఏర్పాటు చేసింది. తుపానుల తాకిడికి కొన్ని ఇనుప స్టాండ్లు నేలకూలాయి. ప్రధానంగా టికెట్టు కౌంటరు నుంచి ఈఈసీ కేంద్రం వాచ్‌టవర్‌ వరకు నీరు చేరింది. తుపానుల నేపథ్యంలో బోటు షికారును నిలిపివేశారు. ఇతర ప్రాంతాల నుంచి పక్షుల కేంద్రం వీక్షణకు వస్తున్న పర్యాటకులు నిరాశగా వెనుతిరుగుతున్నారు. కొంపముంచుతున్న పోల్‌రాజ్‌ డ్రెయిన్‌ ఆటపాక పక్షుల కేంద్రం చెరువు సమీపంలో నాగరాజు కాల్వగా పిలిచే పోల్‌రాజ్‌ డ్రెయిన్‌ ఉంది. ప్రతిఏటా వరదల సమయంలో ఇది ఉధృతంగా ప్రవహిస్తోంది. పక్షుల కేంద్రం గట్టు డ్రెయిన్‌ నీటి ప్రవాహానికి కోతకు గురవుతోంది. ఒక్కసారిగా చెరువులోకి నీరు చేరడంతో గట్లు దెబ్బతింటున్నాయి. ప్రతిఏటా చెరువు ఎండిపోవడం, వరదల సమయంలో గట్లు దెబ్బతినడం జరుగుతోందని, పూర్తిస్థాయిలో గట్లను పటిష్టపరచాలని పక్షి ప్రేమికులు కోరుతున్నారు. అనువైన సమయంలో అడ్డంకులు ప్రతిఏటా శీతాకాలంలో విదేశాల నుంచి అరుదైన పక్షులు ఆటపాక పక్షుల కేంద్రానికి వలస వస్తాయి. సంతానోత్పత్తి జరుపుకొని మార్చిలో ఇవి స్వస్థలాలకు తరలివెళతాయి. ప్రస్తుతం విదేశీ పక్షులతో ఆటపాక కేంద్రం కళకళలాడుతోంది. పర్యాటకులకు ఇదే అనువైన కాలం. ఇటువంటి సమయంలో వరుస తుపానుల వల్ల కేంద్రం దెబ్బతింది. పూర్తిస్థాయిలో చెరువు గట్లకు మరమ్మతులు చేయాలని అటవీ అధికారులు ప్రణాళికలు రూపొందించినప్పటికీ, అవి అమలకు నోచుకోలేదు. తక్షణమే ఆటపాక పక్షుల కేంద్రాన్ని మరమ్మతు చేయాలని ప్రజలు కోరుతున్నారు. కోతకు గురైన చెరువు గట్లు గాలులకు ఊడిపడిన ప్రారంభ బోర్డు, రేకులు నిలిచిన బోటు షికారు నిరాశగా వెనుతిరుగుతున్న పర్యాటకులు

ఏలూరు (ఆర్‌ఆర్‌పేట): స్థానిక సంస్థల ఎన్నికల ప్రకటన వెలువడిన నాటి నుంచే వివాదాలు, ఆరోపణలు చుట్టుముట్టాయి. విధుల కేటాయింపులో అధికారులు తీవ్ర పక్షపాత ధోరణి ప్రదర్శించారని పలువురు సిబ్బంది బాహటంగానే విమర్శించారు. కింది స్థాయి అధికారులను రిటర్నింగ్‌ అధికారులుగా, పోలింగ్‌ అధికారులుగా నియమించి... వారికంటే ఉన్నత స్థానాల్లో పనిచేస్తున్న వారిని వారికి సహాయకులుగా కేటాయించి ఉద్దేశపూర్వకంగా అవమానించారని పలువురు ఆవేదన వ్యక్తం చేశారు. అధికారుల అభ్యంతరాలను పట్టించుకోకుండానే ఎన్నికల ప్రక్రియ, ఆపై ఏలూరు కార్పొరేషన్‌తో పాటు జిల్లాలోని పలు మున్సిపాలిటీల కౌంటింగ్‌ తంతును ముగించేశారు. తాజాగా ఎన్నికల విధుల్లో పాల్గొన్న ఏపీఓలు, ఓపీఓలకు ప్రభుత్వం చెల్లించాల్సిన పారితోషికంలో తీవ్రంగా కోత విధించడంతో ఉద్యోగ, ఉపాధ్యాయ వర్గాల నుంచి తీవ్ర ఆగ్రహావేశాలు వ్యక్తమవుతున్నాయి. ఉత్తర్వులు ఒకలా... చెల్లింపులు మరోలా ఎన్నికల విధుల్లో పాల్గొనే సిబ్బంది పారితోషికానికి సంబంధించి ప్రభుత్వం స్పష్టమైన జీఓను విడుదల చేసింది. ప్రిసైడింగ్‌ అధికారి / కౌంటింగ్‌ సూపర్‌ వైజర్‌ / మైక్రో అబ్జర్వర్‌కు రూ.2,000 స్టేజ్‌–1 ఆర్‌ఓ / పోలింగ్‌ ఆఫీసర్‌కు రూ.1,600, జోనల్‌, రూట్‌, సెక్టోరల్‌ ఆఫీసర్లకు రూ.1,500, ఆఫీస్‌ సబార్డినేట్‌కు రూ.1,400, కౌంటింగ్‌ అసిస్టెంట్‌కు రూ.1,350, స్టేజ్‌–1 ఏఆర్‌ఓ / స్టేజ్‌–2 ఆర్‌ఓకు రూ.1,000గా నిర్ణయించారు. అయితే ఏలూరు జిల్లాలో ఈ అధికారిక ఉత్తర్వులను అధికారులు పూర్తిగా పక్కనబెట్టారని సిబ్బంది ఆరోపిస్తున్నారు. ముఖ్యంగా ఏపీఓలు, ఓపీఓలుగా వ్యవహరించిన ఉపాధ్యాయులకు చెల్లింపుల విషయంలో నిబంధనలను బేఖాతరు చేశారని మండిపడుతున్నారు. రూ. 1,600కి సంతకాలు : ఏలూరు జిల్లాలోని 10 మండలాల్లో మాత్రమే ప్రభుత్వ ఉత్తర్వుల ప్రకారం పూర్తి స్థాయిలో చెల్లింపులు జరిగాయి. మిగిలిన 17 మండలాల్లో ఎన్నికల సిబ్బందికి తీవ్ర అన్యాయం జరిగిందనే విమర్శలు వెల్లువెత్తుతున్నాయి. కొన్ని మండలాల్లో రూ.1,600 పారితోషికానికి గాను కేవలం రూ.800 మాత్రమే చెల్లించారు. మరికొన్ని మండలాల్లో రూ.1,600 ఇచ్చినట్లు సంతకాలు తీసుకుని, చేతికి మాత్రం రూ.800 మాత్రమే ఇచ్చారని సిబ్బంది తెలిపారు. చెల్లింపుల్లో జరిగిన అన్యాయాన్ని ప్రశ్నించగా, ఉన్నతాధికారులు చెప్పిన మొత్తాన్నే ఇస్తున్నాం అని సిబ్బందికి సమాధానమిచ్చారు. దీంతో చేసేదేమీ లేక కొందరు ఇచ్చిన మొత్తాన్ని తీసుకెళ్లగా, మరికొందరు నిరసనగా ఆ మొత్తాన్ని తీసుకోవడానికి నిరాకరించారు. ఈ అక్రమాలపై ఏలూరు జిల్లా ఉపాధ్యాయ సంఘాల సమాఖ్య (ఫ్యాప్టో) నాయకులు జిల్లా కలెక్టర్‌ కార్యాలయంలో ఫిర్యాదు చేసి, సమస్యను తక్షణమే పరిష్కరించాలని డిమాండ్‌ చేశారు.ఎన్నికలను ప్రశాంత వాతావరణంలో, సజావుగా నిర్వహించడంలో ఏపీఓలు, ఓపీఓలు, ఆర్‌ఓలు కీలక పాత్ర పోషించారు. పారదర్శకంగా పనిచేసిన సిబ్బందికి అధికారులు ఇచ్చే మర్యాద ఇదేనా? ప్రభుత్వం అధికారికంగా ప్రకటించిన పారితోషికంలో కోత విధించడం వెనుక ఎవరి హస్తముందో విచారణ జరిపి తగిన చర్యలు తీసుకోవాలి. – జి.మోహన్‌, ఫ్యాప్టో జిల్లా ౖచైర్మన్‌ జిల్లాలోని కొన్ని మండలాల్లో పూర్తి పారితోషికం ఇచ్చి, మరికొన్ని మండలాల్లో సగం మాత్రమే ఎందుకు చెల్లించారు? జిల్లా ఎన్నికల అధికారి ఆదేశాలు ఉంటే చెల్లింపులు అన్ని మండలాల్లో ఒకేలా ఉండాలి. అలా జరగలేదంటే మండల స్థాయి అధికారులే అక్రమాలకు పాల్పడినట్లు అర్థమవుతోంది. కలెక్టర్‌ దీనిపై విచారణ జరిపి, మిగిలిన మొత్తాన్ని అందరికీ చెల్లించేలా చర్యలు తీసుకోవాలి. – తాళ్లూరి రామారావు, ఏపీటీఎఫ్‌ జిల్లా ప్రధాన కార్యదర్శి ప్రభుత్వం చెప్పింది రూ. 1600, చేతికి ఇచ్చింది రూ. 800 రూ. 1600 ఇచ్చినట్టు సంతకాలు మిగిలిన మొత్తం ఏమైందనే ప్రశ్నలు కలెక్టర్‌కు ఫిర్యాదు చేసిన ఉపాధ్యాయ సంఘాల నాయకులు

పాలకొల్లు సెంట్రల్‌: పాలకొల్లు పంచారామక్షేత్రమైన శ్రీ క్షీరారామలింగేశ్వరస్వామి ఆలయంలో కార్తీకమాసం, మహాశివరాత్రి పర్వదినాలకు వేలాదిగా భక్తులు తరలివస్తుండటంతో, సాధారణంగా ఉత్సవాలకు ముందే జిల్లా కలెక్టర్‌, ఆర్డీవో, దేవదాయ శాఖ ఉన్నతాధికారులు ఆలయాన్ని సందర్శించి ఏర్పాట్లను సమీక్షించి, భక్తులకు కల్పిస్తున్న వసతులపై విలేకరులకు వివరాలు వెల్లడిస్తుంటారు. అయితే, ఈ ఏడాది ఎన్నికల బిజీ కారణంగా కలెక్టర్‌, ఆర్డీవోలు ముందస్తు పర్యవేక్షణకు రాలేకపోగా, దేవదాయ శాఖ అధికారులు కూడా కార్తీకమాసం ప్రారంభమైన తర్వాతే రావడం గమనార్హం. మంగళవారం దేవదాయ శాఖ రాజమహేంద్రవరం రీజనల్‌ జాయింట్‌ కమిషనర్‌ వేండ్ర త్రినాథరావు ఆలయాన్ని సందర్శించి, క్యూలైన్లు, కార్తీకమాస అన్నదాన కార్యక్రమ స్థలాన్ని పరిశీలించి ఏర్పాట్లపై సంతృప్తి వ్యక్తం చేసి వెళ్లిపోయినట్లు ఆలయ అధికారులు తెలిపారు. అయితే నిత్యాన్నదానం దేవస్థానం నిర్వహిస్తోందా లేక దాతల సహకారంతో నడుస్తోందా అనే వివరాలపై స్పష్టత కరవైంది. ఉన్నతాధికారులు సంతృప్తి చెందడమే కాకుండా, ఈ నెల రోజుల పాటు భక్తులు కూడా ఎంతవరకు సంతృప్తి చెందుతారో వేచి చూడాల్సిందే. ఈ పర్యవేక్షణ కార్యక్రమంలో జిల్లా ఏసీ వి. వెంకటేశ్వరరావు, వివిధ ఆలయాల ఈవోలు వేణు, అరుణ్‌కుమార్‌, శంకరం, ఆర్‌. రంగరాజన్‌, అరసవల్లి శ్రీనివాసు, ఎ. శ్రీనివాసు, పెదగోపురం ఈవో రాపాక శ్రీనివాసరావు, చైర్మన్‌ మీసాల రామచంద్రరావు, ట్రస్ట్‌ బోర్డు సభ్యులు తదితరులు పాల్గొన్నారు.

సాక్షి, భీమవరం: జిల్లాలోని 393 పంచాయతీలు, 4,206 వార్డుల్లో మూడు దశల్లో పంచాయతీ ఎన్నికలకు కసరత్తు మొదలైంది. ఈనెల 15నుంచి ఎన్నికల ప్రక్రియ మొదలుకానుంది. తొలి దశలో తాడేపల్లిగూడెం డివిజన్‌, తర్వాత నరసాపురం, చివరిగా భీమవరం డివిజన్‌లో ఎన్నికలు జరుగనున్నాయి. 192 మహిళలకు.. 201 పురుషులకు.. జిల్లాలో 409 పంచాయతీలకు భీమవరం, తణుకు, తాడేపల్లిగూడెం, పాలకొల్లు మున్సిపాల్టీల్లో విలీనానికి వ్యతిరేకంగా 16 పంచాయతీలు దాఖలు చేసిన కేసులను ఇటీవల హైకోర్టు కొట్టివేసిన విషయం విదితమే. మిగిలిన వాటిలో 192 పంచాయతీలను మహిళలకు, 201 పంచాయతీలను పురుషులకు రిజర్వు చేశారు. ఎస్సీలకు 71 (మహిళలకు 31, జనరల్‌కు 40), బీసీలకు 120 (మహిళలకు 57, జనరల్‌కు 63), జనరల్‌ కేటగిరీకి 201 (మహిళలకు 104, జనరల్‌కు 98) పంచాయతీలు రిజర్వు చేశారు. వార్డులను 50 శాతం మహిళలకు, 50 శాతం పురుషులకు కేటాయించారు. మూడు దశల్లో.. మొదటి విడతకు ఈనెల 13న, రెండో విడతకు 16న, మూడో విడతకు 19న నోటిఫికేషన్‌ విడుదల కానుంది. 26న తొలి విడత, 29న రెండో, డిసెంబరు 2న మూడో విడత పోలింగ్‌ నిర్వహిస్తారు. ఉదయం 7 గంటల నుంచి మధ్యాహ్నం 1 గంట వరకు పోలింగ్‌, అనంతరం రెండు గంటల నుంచి ఓట్లు లెక్కింపు చేపట్టి ఫలితాలను వెల్లడిస్తారు. మొత్తంగా 10,42,937 మంది ఓటర్లుకు 4,382 పోలింగ్‌ కేంద్రాలను ఏర్పాటు చేస్తున్నారు. సమన్వయంతో పనిచేయాలి : జిల్లాలో పంచాయతీ ఎన్నికలను ప్రశాంత వాతావరణంలో, పారదర్శకంగా, నిష్పక్షపాతంగా నిర్వహించేందుకు అన్ని శాఖల అధికారులు సమన్వయంతో ఏర్పాట్లు చేపట్టాలని కలెక్టర్‌ సీహెచ్‌ నాగరాణి సూచించారు. పంచాయతీ ఎన్నికల నిర్వహణపై సోమవారం కలెక్టరేట్‌లో అధికారులతో సమీక్షించారు. జిల్లాలో మొదటి విడతలో 1,548, రెండో విడతలో 1,568, మూడో విడతలో 1,266 కలిపి మొత్తం 4,382 పోలింగ్‌ కేంద్రాలను ఏర్పాటు చేస్తున్నట్టు చెప్పారు. మొదటి విడత ఎన్నికలకు సుమారు 5,038 మంది, రెండో విడతకు సుమారు 5,056, మూడో విడతకు సుమారు 4,036 మంది కలిపి దాదాప 14,130 మంది సిబ్బంది అవసరం ఉంటుందన్నారు. ఎస్పీ అద్నాన్‌ నయీం అస్మి, జేసీ కేఆర్‌ కల్పశ్రీ, డీఆర్వో పి.గ్లోరీ, ఆర్డీఓలు కేఆర్‌ ప్రవీణ్‌కుమార్‌రెడ్డి, దాసిరాజు, ఎం.సూర్యారావు, డీపీఓ పి.విజయ భాస్కర్‌, అధికారులు పాల్గొన్నారు. జిల్లాలో 393 పంచాయతీలు, 4,206 వార్డులకు ఎన్నికలు 4,382 పోలింగ్‌ కేంద్రాల ఏర్పాటు ఈనెల 26 నుంచి డిసెంబర్‌ 2 వరకు ఎన్నికలు మూడు దశల్లో నిర్వహణ

తాడేపల్లిగూడెం రూరల్‌: వరద బాధితులకు అవసరమైన సహాయ సహకారాలు అందేలా చర్యలు తీసుకోవాలని జిల్లా జాయింట్‌ కలెక్టర్‌ కేఆర్‌ కల్పశ్రీ అధికారులను ఆదేశించారు. సోమవారం మండలంలోని నందమూరులో వరద బాధితులను పరామర్శించి, రేషన్‌ నిల్వలను ఆమె పరిశీలించారు. ఈ సందర్భంగా వరద కారణంగా నీట మునిగిన ఇళ్లను పరిశీలించిన జేసీ కల్పశ్రీ, బాధిత కుటుంబాలతో మాట్లాడి వారి ఇబ్బందులను అడిగి తెలుసుకున్నారు. తొలుత రేషన్‌ దుకాణాన్ని తనిఖీ చేసి, అక్కడి నిల్వలు, రేషన్‌ పంపిణీ తీరును పరిశీలించారు. కార్యక్రమంలో ఆమె వెంట తహసీల్దార్‌ ఎం. సునీల్‌కుమార్‌ ఉన్నారు. నరసాపురం: బాలికల క్రికెట్‌లో రాణిస్తున్న విద్యార్థిని తరుమాని శరణ్య జాతీయ అండర్‌–17 క్రికెట్‌ జట్టుకు ఎంపికై ంది. ఈ విషయాన్ని శ్రీ గౌతమి స్కూల్‌ కరస్పాండెంట్‌ చినిమిల్లి దుర్గాప్రసాద్‌ తెలిపారు. గోదావరి జిల్లాల నుంచి జాతీయ జట్టుకు ఎంపికై న తొలి క్రీడాకారిణి శరణ్యనే అని పేర్కొన్నారు. ఇది మనందరికీ గర్వకారణమని చెప్పారు. ఈ సందర్భంగా శరణ్యను అభినందించడంతోపాటు, భవిష్యత్‌లో ఆమెకు అన్ని విధాలా సహకరిస్తామని హామీనిచ్చారు. తణుకు అర్బన్‌: ఆంధ్రప్రదేశ్‌ రోలర్‌ స్కేటింగ్‌ అసోసియేషన్‌ (ఏపీఆర్‌ఎస్‌ఏ) ఆధ్వర్యంలో 38వ అంతర్‌ జిల్లా రోలర్‌, ఇన్‌లైన్‌ హాకీ చాంపియన్‌షిప్‌ పోటీలను తణుకులోని మాంటిస్సోరీ పాఠశాలలో నిర్వహించనున్నట్లు అసోసియేషన్‌ ప్రతినిధులు తెలిపారు. మంగళవారం నుంచి ఈ నెల 12వ తేదీ ఈ పోటీలు జరుగుతాయన్నారు. పాఠశాల డైరెక్టర్‌ అనపర్తి ప్రకాశరావు మాట్లాడుతూ పోటీలను తమ పాఠశాలలో నిర్వహించడం గర్వకారణమని పేర్కొన్నారు. ఈ టోర్నమెంట్‌కు వివిధ జిల్లాల నుంచి 250 మందికి పైగా క్రీడాకారులు హాజరవుతున్నట్లు తెలిపారు. బోట్‌క్లబ్‌ (కాకినాడ సిటీ): శాసన మండలి ఉమ్మడి ఉభయ గోదావరి జిల్లాల ఉపాధ్యాయ నియోజకవర్గ ఎన్నికలకు సంబంధించి ఇప్పటి వరకూ 14 వేల దరఖాస్తులు వచ్చాయని జిల్లా రెవెన్యూ అధికారి (డీఆర్‌వో) తిప్పేనాయక్‌ తెలిపారు. కలెక్టరేట్‌లో సోమవారం ఏర్పాటు చేసిన విలేకర్ల సమావేశంలో ఆయన మాట్లాడారు. కాకినాడ జిల్లాలో 3,349, కోనసీమ జిల్లాలో 1,499, తూర్పు గోదావరి జిల్లాలో 2,747, పశ్చిమ గోదావరి జిల్లాలో 2,986, ఏలూరు జిల్లాలో 2,370, పోలవరం జిల్లాలో 1,061 చొప్పున దరఖాస్తుల డేటా ఎంట్రీ పూర్తయ్యిందన్నారు. ఇంకా దాదాపు 2 వేల దరఖాస్తుల పరిశీలన, డేటా ఎంట్రీ పూర్తి కావాల్సి ఉందని చెప్పారు. వీటితో దరఖాస్తుల సంఖ్య 16 వేలు దాటే అవకాశముందని వెల్లడించారు. అర్హత కలిగిన ఉపాధ్యాయుల పేర్లను ఓటరు జాబితాలో నమోదు చేస్తామని డీఆర్‌ఓ చెప్పారు. ఇద్దరు మహిళలకు తీవ్ర గాయాలు ద్వారకాతిరుమల: చినవెంకన్న దర్శనార్థం స్కూటీపై వెళుతున్న ఇద్దరు మహిళలు రోడ్డుపై ఉన్న గుంతలోపడి తీవ్ర గాయాలపాలయ్యారు. స్థానికుల కథనం ప్రకారం. ఏలూరుకు చెందిన ఎం.పద్మ, ఎం.రాజేశ్వరి స్కూటీపై సోమవారం రాత్రి ద్వారకాతిరుమల క్షేత్రానికి వెళుతున్నారు. స్థానిక నిమ్మకాయల మార్కెట్‌ యార్డు వద్దకు వచ్చేసరికి రోడ్డుపై ఉన్న గుంతలో స్కూటీ పడటంతో అదుపుతప్పి వారు రోడ్డుపై పడిపోయారు. వారికి తీవ్ర గాయాలయ్యాయి. కామవరపుకోట 108 ఆంబులెన్స్‌లో క్షతగాత్రులను భీమడోలు ప్రభుత్వ ఆస్పత్రికి తరలించారు. మనస్తాపంతో వ్యక్తి ఆత్మహత్య ఉండి: మనస్తాపంతో ఓ వ్యక్తి మృతి చెందాడు. పోలీసులు తెలిపిన వివరాల ప్రకారం ఉండి మండలం ఎన్నార్పీ అగ్రహారం బీసీ కాలనీకి చెందిన కింజంగి సాయిరాం (38) మద్యానికి బానిసై పనికి కూడా వెళ్లడం లేదు. దీనిపై తరచూ భార్యభర్తల మధ్య గొడవలు జరుగుతున్నాయి. ఈ నేపథ్యంలో ఈ నెల 7వ తేదీ రాత్రి భార్యతో మరోసారి గొడవపడ్డాడు. దీంతో మనస్తాపానికి గురైన అతడు కూల్‌డ్రింక్‌లో పురుగుల మందు కలుపుకుని తాగి ఆత్మహత్యకు పాల్పడ్డాడు. గమనించిన కుటుంబ సభ్యులు అతడిని భీమవరం ప్రభుత్వాసుపత్రికి తరలించారు. అక్కడ చికిత్స పొందుతూ సోమవారం తెల్లవారుజామున మృతి చెందాడు. దీనిపై ఆసుపత్రి నుంచి అందిన సమాచారం మేరకు హెడ్‌ కానిస్టేబుల్‌ ఏసయ్య కేసు నమోదు చేశారు.

● దువ్వ, అత్తిలి మండలాలను వీడని వరద ● ప్రజలకు తప్పని ఇబ్బందులు తణుకు అర్బన్‌: వరుస తుపాన్ల కారణంగా తణుకు మండలం దువ్వ గ్రామంలో వయ్యేరు కాలువ ఉగ్రరూపం దాల్చిన విషయం తెలిసిందే. తాజాగా వరద నీటి ప్రవాహం కొంతమేర తగ్గినా, గ్రామాలు మాత్రం ఇంకా ముంపులోనే ఉన్నాయి. ఎర్రకాలువ ఉధృతి కారణంగా ప్రమాద స్థాయిని మించి వరద నీరు వయ్యేరులోకి రావడంతో సమీపంలోని రహదారులపైకి నీరు చేరింది. దీంతో వ్యవసాయ క్షేత్రాలు గోదావరి నదిని తలపిస్తున్నాయి. దువ్వ గ్రామ పొలాల నుంచి జాతీయ రహదారిపైకి వరదనీరు చొచ్చుకురావడంతో ఒక సమయంలో రవాణా ప్రమాదకరంగా మారింది. సోమవారం నీటి ప్రవాహం తగ్గడంతో వాహనాల రాకపోకలకు పెద్దగా ఇబ్బందులు ఎదురుకాలేదు. వయ్యేరు గట్టును ఆనుకుని నివసించే పేదల గుడిసెలు ఇప్పుడిప్పుడే బయటపడుతున్నాయి. ముంపులోనే దువ్వ గ్రామం... దువ్వ గ్రామంలో వరి చేలు ఇప్పటికీ పూర్తిగా మునిగి ఉండగా, కొన్ని రహదారులు మనుషులు మునిగే స్థాయిలో ఉన్నాయని గ్రామస్తులు ఆరోపిస్తున్నారు. దువ్వ ప్రధాన రహదారి సమీపంలోని వీధులు ఇంకా ముంపులోనే ఉన్నాయి. ముఖ్యంగా దువ్వ నుంచి వరిఘేడుకు వెళ్లే ప్రధాన రహదారిలో గౌడ రామాలయం ప్రాంత వీధులు ఇంకా నీట మునిగి ఉండటం ఆందోళనకరంగా మారింది. చిన్న పిల్లలు మునిగిపోయే స్థాయిలో వరద నీరు నిల్వ ఉన్నా అధికారులు ఎటువంటి చర్యలు తీసుకోలేదని స్థానికులు వాపోతున్నారు. దువ్వ జిల్లా పరిషత్‌ ఉన్నత పాఠశాల పూర్తిగా నీటిలో చిక్కుకుపోగా, వీధుల్లో మురుగునీరు రోడ్లపైనే తిష్టవేసింది. వయ్యేరు సామర్థ్యానికి మించి వరద నీరు రావడం దువ్వ గ్రామస్తులకు కంటి మీద కునుకు లేకుండా చేసింది. కేవలం 16 వేల క్యూసెక్కుల సామర్థ్యం ఉన్న వయ్యేరు రెగ్యులేటర్‌కు, ఈనెల 7వ తేదీ వరకు ఎగువ ప్రాంతాల నుంచి 22 వేలకు పైగా క్యూసెక్కుల వరద నీరు రావడంతో గ్రామస్తులు, భయాందోళనల మధ్య కాలం గడిపారు. ప్రస్తుతం సోమవారం 17 వేల క్యూసెక్కుల నీటి ప్రవాహం వెళ్తున్నట్లు జలవనరుల శాఖ అధికారులు తెలిపారు. వరద ముంపులో వరిఘేడు, తిరుపతిపురం గ్రామాలు అత్తిలి: యనమదుర్రు డ్రెయిన్‌ ఉధృత ప్రవాహానికి అత్తిలి మండలం వరిఘేడు, తిరుపతిపురం గ్రామాలను వరదనీరు ముంచెత్తడంతో ఆయా ప్రాంతాల మధ్య రాకపోకలు నిలిచిపోయాయి. యనమదుర్రు డ్రెయిన్‌ నీటిమట్టం కొంచెం మేర తగ్గినప్పటికీ, ఆరుదలకోడు అవుట్‌ఫాల్‌ స్లూయిజ్‌ గేట్లు మూసిఉండటంతో ఎగువ ప్రాంతాల నుంచి వచ్చిన వరదనీరు ఆరుదలకోడు డ్రెయిన్‌ ద్వారా గ్రామాలను ముంచెత్తింది. వరిఘేడు, తిరుపతిపురం గ్రామాల్లోని పల్లపు ప్రాంతాలు నీట మునగడంతో ప్రజలు నానా అవస్థలు పడుతున్నారు. వరిఘేడు వెళ్లే ప్రధాన రహదారులపై వరదనీరు ఉధృతంగా ప్రవహించడంతో రాకపోకలు నిలిచిపోయాయి. తిరుపతిపురం, రామచంద్రాపురం గ్రామాల్లోనూ రోడ్లపై నీరు ప్రవహించడంతో ప్రజలు తీవ్ర ఇక్కట్లు పడుతున్నారు. ఇళ్లలోకి నీరు వచ్చి చేరడంతో పలు కుటుంబాలు సురక్షిత ప్రాంతాలకు తరలివెళ్లాయి. ఇటువంటి తీవ్రమైన వరద 2005లో సంభవించిందని, మళ్లీ ఇప్పుడే వచ్చిందని గ్రామస్తులు పేర్కొంటున్నారు. యనమదుర్రు డ్రెయిన్‌కు ఎగువ ప్రాంతం నుంచి వస్తున్న వరదనీరు తగ్గడానికి మరో రెండు రోజులు పడుతుందని, అప్పటి వరకు ఈ రెండు గ్రామాలు ముంపు నుంచి బయటపడే పరిస్థితి లేదని తెలుస్తోంది. మరోవైపు పశువులకు తగినంత పశుగ్రాసం దొరకక రైతులు నానా తంటాలు పడుతున్నారు. ప్రస్తుతం తిరుపతిపురం, వరిఘేడు, బల్లిపాడు, గుమ్మంపాడు, ఈడూరు ఆయుకట్టు ప్రాంతాలు సముద్రాన్ని తలపిస్తున్నాయి.

వైఎస్సార్‌సీపీ కన్వీనర్‌ యోగీంద్రకుమార్‌ ధ్వజం ఉండి: పూర్తిస్థాయిలో ముంపునకు గురైన యండగండి గ్రామంలో పునరావాసం ఎందుకు కల్పించడం లేదంటూ వైఎస్సార్‌సీపీ ఉండి నియోజకవర్గ కన్వీనర్‌ మంతెన యోగీంద్రకుమార్‌ (బాబు) మండిపడ్డారు. సోమవారం గ్రామంలో ముంపు ప్రాంతాల్లో ఆయన పర్యటించి బాధితులను పరామర్శించారు. ఈ సందర్భంగా ఆయన మాట్లాడుతూ ఐదు రోజుల నుంచి గ్రామం ముంపులోనే ఉన్నా ప్రభు త్వం బాధితులకు ఎందుకు పునరావాసరం కల్పించలేదన్నారు. ప్రజా సంక్షేమం కంటే కూటమి ప్రభుత్వానికి రాజకీయాలు, ఎన్నికలే ముఖ్యమని విమర్శించారు. లోతట్టు ప్రాంతాల ప్రజలకు వెంటనే పునరావాసం కల్పించాలని, పూర్తిస్థాయిలో ఆహారం అందించాలని డిమాండ్‌ చేశారు. రోజుకు ఒక ట్యాంకర్‌ మాత్రమే తాగునీరు అందిస్తుండటంతో వందలాది మంది తాగునీటి కోసం అల్లాడుతున్నారని ఆవేదన వ్యక్తం చేశారు. గతేడాది కూడా యండగండి గ్రామం ఇలానే ముంపునకు గురైందని, ప్రభుత్వం ముంపు నివారణ చర్యలపై దృష్టి సారించడం లేదని విమర్శించారు. వేసవిలో సరైన చర్యలు చేపట్టి ఉండి కాలువ, యనమదుర్రు గట్లు బలోపేతం చేస్తే ఈ పరిస్థితి వచ్చేది కాదన్నారు. గట్లను వెంటనే బలోపేతం చేయాలని లేకుంటే వచ్చే వేసవిలో తామే గట్లు బలోపేతం చేసే కార్యక్రమాన్ని చేపడతామని యోగీంద్రబాబు అన్నారు. గ్రామ పెద్దలు ఏనుగుపల్లి సుబ్బరాజు, జోదుల రాజీవ్‌, గ్రామస్తులు దిడ్ల ప్రేమ్‌కుమార్‌, ఎలకపాటి కృష్ణసింగ్‌, వర్ధనపు చిన్న తదితరులు ఉన్నారు.

ఏలూరు (ఆర్‌ఆర్‌పేట): వచ్చే డిసెంబర్‌ 11 నుంచి 22 వరకు తెలంగాణలో జాతీయ స్థాయి ఖేలో ఇండియా యూత్‌ గేమ్స్‌ జరుగనున్నాయి. ఈ పోటీల్లో పాల్గొనే ఆంధ్రప్రదేశ్‌ జట్ల ఎంపిక కోసం ఈ నెల 10న రాష్ట్ర స్థాయి సెలక్షన్లు నిర్వహించనున్నట్లు జిల్లా క్రీడాభివృద్ధి అధికారి ఎస్‌ఏ అజీజ్‌ ఒక ప్రకటనలో తెలిపారు. ఈ ఎంపికలు పలు ప్రాంతాల్లో జరగనున్నాయి. కాకినాడలో ఖో–ఖో బాలుర విభాగం, గుంటూరులో కబడ్డీ 70 కేజీల విభాగం, భీమవరంలో మల్లకంబ్‌ బాలురు, బాలికల విభాగం ఎంపికలు నిర్వహించనున్నట్లు ఆయన పేర్కొన్నారు. ఆసక్తి గల ఏలూరు జిల్లా క్రీడాకారులు ఈ నెల 10వ తేదీ ఉదయం 8:30 గంటలకు పైన తెలిపిన సంబంధిత కేంద్రాల్లో హాజరు కావాలని సూచించారు. 2009 జనవరి 1వ తేదీ తర్వాత జన్మించిన వారు మాత్రమే ఈ ఎంపికలకు అర్హులని స్పష్టం చేశారు. వివరాలకు కాకినాడ జిల్లా క్రీడా అభివృద్ధి అధికారి 87126 22568, గుంటూరు జిల్లా క్రీడా అభివృద్ధి అధికారి 81431 43222, భీమవరం జిల్లా క్రీడా అభివృద్ధి అధికారి 96405 03679 నెంబర్లలో సంప్రదించాలన్నారు. జంగారెడ్డిగూడెం(బుట్టాయగూడెం): బావను బావమరిది హత్య చేసిన ఘటన జంగారెడ్డిగూడెం మండలంలోని మైసన్నగూడెంలో చోటుచేసుకుంది. ఎస్సై ఎన్‌వీ ప్రసాద్‌ తెలిపిన వివరాలు ఇవి. మైసన్నగూడెంకు చెందిన బషీర్‌ (40) మద్యానికి బానిసై తన భార్య గౌసియాభేగంను గత కొంతకాలంగా హింసిస్తున్నాడు. ఇది మంచి పద్ధతి కాదని గౌషియాభేగం అన్న సుభాని తన బావ బషీర్‌ను పలుమార్లు హెచ్చరించాడు. అయినా తీరు మార్చకోకపోగా సోమవారం కూడా మద్యం సేవించి వచ్చిన బషీర్‌ తన భార్యను హింసించడంతో కోపోద్రిక్తుడైన బావమరిది సుభాని చాకుతో బషీర్‌పై దాడి చేశాడు. తీవ్ర గాయాలపాలైన బషీర్‌ను జంగారెడ్డిగూడెం ఏరియా ఆసుపత్రికి తరలిస్తుండగా, మృతిచెందినట్లు ఎస్సై ఎన్‌వీ ప్రసాద్‌ తెలిపారు. మృతునికి ఇద్దరు సంతానం కాగా, ఈ ఘటనపై కేసు నమోదు చేసి సీఐ ఎంవీ సుభాష్‌ దర్యాప్తు చేస్తున్నారు.

ఏలూరు (ఆర్‌ఆర్‌పేట): ఏలూరు నగరపాలక సంస్థ ఎన్నికల కౌంటింగ్‌ ప్రక్రియలో పలు అవకతవకలు చోటుచేసుకున్నాయని వైఎస్సార్‌సీపీ ఏలూరు నియోజకవర్గ కన్వీనర్‌ మామిళ్లపల్లి జయప్రకాష్‌, మేయర్‌ అభ్యర్థి గంటా మోహనరావు ఆరోపించారు. సోమవారం నగరంలోని పార్టీ కార్యాలయంలో విలేకరులతో మాట్లాడుతూ కౌంటింగ్‌ ప్రక్రియలో పారదర్శకత లోపించిందని, అధికారుల వ్యవహార శైలి అనుమానాలకు తావిస్తోందన్నారు. ఎన్నికల కౌంటింగ్‌ సమయంలో జరిగిన పరిణామాలపై తీవ్ర అభ్యంతరం వ్యక్తం చేశారు. రాష్ట్ర ఎన్నికల సంఘం, మున్సిపల్‌ కమిషనర్‌ భానుప్రతాప్‌, కూ టమి నాయకులు కుమ్మకై ్క కౌంటింగ్‌ సమయంలో ఓట్ల కట్టలను మార్చారని ఆరోపించారు. ఎన్నికల ఫలితాల విషయంలో తమకు అనుమానాలు ఉన్నాయని, వాటిని నివృత్తి చేసేందుకు రీకౌంటింగ్‌ నిర్వహించాలని పలుమార్లు కోరినా అధికారులు పట్టించుకోలేదని ఆవేదన వ్యక్తం చేశారు. ప్రజాస్వామ్యబద్ధంగా జరిగిన ఎన్నికల్లో ప్రతి ఓటుకు విలువ ఉండాలని, ఓట్ల లెక్కింపులో ఎలాంటి పొరపాట్లకు తావులేకుండా పారదర్శకంగా వ్యవహరించాల్సిన బాధ్యత అధికారులపై ఉందన్నారు. కౌంటింగ్‌లో అవకతవకలపై న్యాయపోరాటానికి దిగామని, ఇప్పటికే కోర్టును ఆశ్రయించినట్టు వెల్లడించారు. న్యాయస్థానం ఇచ్చే తీర్పు కోసం ఎదురుచూస్తున్నామని, తమకు న్యాయం జరుగుతుందనే నమ్మకం ఉందన్నారు. అలాగే 52వ డివిజన్‌కు సంబంధించి కుంచుమర్తి అనురాధను ఎన్నికల్లో పోటీ చేయకుండా ఆమె భర్త మున్సిపల్‌ ఉద్యోగి అనే కారణంతో అనర్హురాలిగా ప్రకటించడం అన్యాయమని అన్నా రు. ఈ వ్యవహారంపై కూడా న్యాయస్థానాన్ని ఆశ్రయించామని, త్వరలోనే తమకు అనుకూలమైన తీర్పు వస్తుందని ఆశాభావం వ్యక్తం చేశారు. ప్రజలకు వాస్తవాలు తెలియాల్సిన అవసరం ఉందని, న్యాయపరంగా తమ పోరాటాన్ని కొనసాగిస్తామని స్పష్టం చేశారు. నగర అధ్యక్షుడు గుడిదేశి శ్రీనివాసరావు, జక్కుల బెనర్జీ, మున్నుల జాన్‌ గురునాథ్‌, నెరుసు చిరంజీవులు, కిలాడి దుర్గారావు, జుజ్జువరపు విజయనిర్మల, కిలాడి దుర్గారావు, ఇనపనూరి జగదీష్‌, దాసరి రమేష్‌, స్టాలిన్‌, జేవియర్‌, పత్తిపాటి తంబి, వేగి ప్రసాద్‌, బుద్దాల రాము, తుమరాడ స్రవంతి పాల్గొన్నారు. వైఎస్సార్‌సీపీ కన్వీనర్‌ జయప్రకాష్‌

కొయ్యలగూడెం: ఏకర్‌ షీల్డ్‌ వినియోగం వలన పొగాకు రైతులకు ఎంతో ప్రయోజనం చేకూరుతుందని సీటీఆర్‌ఐ శాస్త్రవేత్తల బృందం పేర్కొంది. సోమవారం జరిగిన పొగాకు వేలంలో, షెడ్యూల్డ్‌ కులాల సబ్‌ప్లాన్‌ కార్యక్రమంలో భాగంగా ఎస్సీ పొగాకు రైతులకు ప్రోత్సాహకంగా ఏకర్‌ షీల్డ్‌ అనే గ్రోత్‌ ప్రమోటర్‌ను ఉచితంగా పంపిణీ చేశారు. ఈ సందర్భంగా సీటీఆర్‌ఐ శాస్త్రవేత్త డాక్టర్‌ పూర్ణబిందు, సీనియర్‌ శాస్త్రవేత్త డాక్టర్‌ కిరణ్‌కుమార్‌ మాట్లాడుతూ ఏకర్‌ షీల్డ్‌ రసాయనాన్ని వాడటం వల్ల పొగాకు మొక్కలో కణాల దృఢత్వం పెరిగి, రోగ నిరోధక శక్తితో పాటు ఆకు బరువు కూడా పెరుగుతుందని తెలిపారు. తద్వారా 10 నుంచి 12 శాతం వరకు దిగుబడి పెరిగే అవకాశం ఉందని వారు స్పష్టం చేశారు. ఈ కార్యక్రమానికి పొగాకు బోర్డు ప్రాంతీయ అధికారి జె. సురేంద్రకుమార్‌ ముఖ్య అతిథిగా హాజరయ్యారు. కొయ్యలగూడెం పొగాకు వేలం నిర్వహణాధికారి శివకుమార్‌, రైతు సంఘం అధ్యక్షుడు కాకర్ల వివేకానందతో పాటు ఉత్తర తేలికపాటి నేలల పరిధిలోని ఐదు వేలం కేంద్రాల నుంచి రైతులు ఈ కార్యక్రమంలో పాల్గొన్నారు.

● ఎదురెదురుగా బైకులు ఢీ.. వ్యక్తి మృతి ● మరొకరికి తీవ్ర గాయాలు ద్వారకాతిరుమల: దీపావళి పండుగ రోజున జరిగిన రోడ్డు ప్రమాదం ఓ కుటుంబంలో విషాదం నింపింది. ఎదురెదురుగా రెండు ద్విచక్ర వాహనాలు ఢీకొన్న ఘటనలో ఓ వ్యక్తి మృతి చెందగా, మరొకరు తీవ్రంగా గాయపడ్డారు. ఈ ఘటన మండలంలోని దొరసానిపాడు గ్రామ శివారులో ఆదివారం మధ్యాహ్నం చోటుచేసుకుంది. వివరాలు ప్రకారం. తాడేపల్లిగూడెంకు చెందిన పాతల అశోక్‌, అదే గ్రామానికి చెందిన తన స్నేహితుడు గొర్రెల కృష్ణప్రసాద్‌ (47)తో కలిసి ఆదివారం మధ్యాహ్నం 2.50 గంటలకు మోటార్‌సైకిల్‌పై కామవరపుకోట నుంచి ద్వారకాతిరుమల వైపునకు వెళుతున్నారు. కృష్ణప్రసాద్‌ బైక్‌ నడుపుతుండగా అశోక్‌ వెనుక కూర్చున్నాడు. ఈ క్రమంలో దొరసానిపాడు గ్రామ శివారుకు చేరుకోగానే ద్వారకాతిరుమల నుంచి కామవరపుకోట వైపునకు మోటార్‌సైకిల్‌పై వెళుతున్న జువ్వా నాగేంద్ర అతివేగంగా, నిర్లక్ష్యంగా వచ్చి వీరి బైక్‌ను ఎదురుగా ఢీకొట్టాడు. ఈ ప్రమాదంలో కృష్ణప్రసాద్‌, నాగేంద్రలకు తీవ్ర గాయాలుకాగా అశోక్‌ స్వల్ప గాయాలతో బయటపడ్డాడు. క్షతగాత్రులను 108 అంబులెన్స్‌లో ఏలూరులోని ఆశ్రం ఆస్పత్రికి తరలించగా, చికిత్స పొందుతూ కృష్ణప్రసాద్‌ అదే రోజు సాయంత్రం 4.26 గంటలకు మృతి చెందాడు. నాగేంద్ర ఏలూరు ప్రభుత్వాస్పత్రిలో చికిత్స పొందుతున్నాడు. అశోక్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఏఎస్సై ఎస్‌కే అమీర్‌ తెలిపారు.

ఏలూరు (ఆర్‌ఆర్‌పేట): జిల్లాలో ఇటీవల నిర్వహించిన ఎంపీటీసీ, జడ్పీటీసీ ఎన్నికల విధుల్లో పాల్గొన్న సిబ్బంది పారితోషికంలో జరిగిన వ్యత్యాసాలను సవరించాలని కోరుతూ ఫ్యాప్టో నాయకులు మంగళవారం జిల్లా కలెక్టరేట్‌లో వినతిపత్రం సమర్పించారు. ప్రభుత్వ నిబంధనల ప్రకారం పీఓకు రూ.2,000, ఏపీఓకు రూ.1,600, ఇతర అధికారులకు రూ.1,350 చొప్పున చెల్లించాల్సి ఉండగా.. కొన్ని మండలాల్లో రూట్‌ ఆఫీసర్ల ద్వారా తక్కువగా చెల్లించినట్లు తమ దృష్టికి వచ్చిందని తెలిపారు. సుమారు 10 మండలాల్లో మాత్రమే నిబంధనల ప్రకారం చెల్లింపులు జరిగినట్లు తెలుస్తోందని, దీనిపై సమగ్ర విచారణ జరిపించి అర్హులైన సిబ్బందికి మిగిలిన మొత్తాన్ని వెంటనే చెల్లించాలని కోరారు. అలాగే కౌంటింగ్‌ సూపర్‌వైజర్లకు రావాల్సిన రూ.2,000 బదులుగా కొన్నిచోట్ల కేవలం రూ.1,000 మాత్రమే చెల్లించారని, దీనిపై తగిన ఆదేశాలు జారీ చేయాలని విజ్ఞప్తి చేశారు. వసతులపై డిమాండ్‌ ఇదేసమయంలో ఉపాధ్యాయుల నియామకాలు, వసతులపై పలు డిమాండ్లు వినిపించారు. స్టేజ్‌–1, 2 అధికారుల నియామకంలో పదో తరగతి బోధించే ఉపాధ్యాయులకు మినహాయింపు ఇవ్వాలని, గ్రామ పంచాయతీ ఎన్నికల్లో స్టేజ్‌–2 అధికారులుగా అనుభవజ్ఞులైన సీనియర్‌ ఉపాధ్యాయులను నియమించాలని కోరారు. గత ఎన్నికల్లో డిస్ట్రిబ్యూషన్‌ కేంద్రాల వద్ద నాణ్యమైన భోజనం, తాగునీరు అందక సిబ్బంది తీవ్ర ఇబ్బందులు పడ్డారని పేర్కొంటూ.. రాబోయే గ్రామ పంచాయతీ ఎన్నికల్లో అన్ని కేంద్రాల వద్ద పరిశుభ్రమైన వాతావరణంతో కూడిన మెరుగైన వసతులు కల్పించేలా ముందస్తు చర్యలు తీసుకోవాలని కలెక్టర్‌ను ఫ్యాప్టో నాయకులు కోరారు.

ద్వారకాతిరుమల: అజ్ఞానాంధకారాన్ని పారద్రోలి జ్ఞానజ్యోతులను వెలిగించే దీపావళి పర్వదినం.. ఆధ్యాత్మిక శోభతో అలరారింది. మిరుమిట్లు గొలిపే బాణసంచా వెలుగులు.. మంగళవాయిద్యాల మధురనాదాలు.. వేదమంత్రాల పఠనాల నడుమ ఉభయ దేవేరులతో కొలువుదీరిన శ్రీవారు క్షేత్ర పురవీధుల్లో విహరించి భక్తులకు కనువిందు చేశారు. ద్వారకాతిరుమల క్షేత్రంలో ప్రతి ఏటా సంప్రదాయబద్ధంగా నిర్వహించే దీపావళి ఉత్సవాన్ని పర్వదిన తిథిలో తగులు, మిగులు కారణంగా దేవస్థానం అధికారులు సోమవారం రాత్రి అత్యంత వైభవంగా జరిపారు. తొలుత దేవస్థానం సిబ్బంది ఆలయ ప్రాంగణాన్ని దీపాలతో సర్వాంగసుందరంగా అలంకరించారు. అనంతరం అర్చకులు స్వామి, అమ్మవార్లను తోళక్క వాహనంపై ఆశీనులను చేసి, వివిధ రకాల పుష్పాలతో విశేషంగా అలంకరించి శాస్త్రోక్తంగా పూజలు, హారతులు సమర్పించారు. ఆ తరువాత వేదపండితుల మంత్రోచ్చరణలు.. మేళతాళాలు.. మంగళవాయిద్యాల నడుమ స్వామివారి వాహనం ప్రధాన రాజగోపురం మీదుగా క్షేత్ర పురవీధులకు బయలుదేరింది. ఈ సందర్భంగా ప్రధాన మెట్ల మార్గంలో దేవస్థానం సిబ్బంది భారీ ఎత్తున బాణసంచా కాల్చి వేడుకకు మరింత శోభను చేకూర్చారు. అనంతరం పాదుకా మండపం వద్ద దేవస్థానం ఈఓ వేండ్ర త్రినాథరావు దంపతులు స్వామి, అమ్మవార్లకు ప్రత్యేక పూజలు నిర్వహించారు. క్షేత్ర పురవీధుల్లో స్వామివారి వాహనం ముందుకు సాగుతుండగా భక్తులు పెద్ద ఎత్తున బాణసంచా కాల్చుతూ తమ భక్తిప్రపత్తులను చాటుకున్నారు. బాణసంచా వెలుగుల్లో దేదీప్యమానంగా దర్శనమిచ్చిన చినవెంకన్న

మంగళవారం శ్రీ 10 శ్రీ నవంబర్‌ శ్రీ 2026సాక్షి, భీమవరం: సూపర్‌సిక్స్‌ హామీలకు ఎగనామం, పాలన వైఫల్యంతో చంద్రబాబు సర్కారుపై ప్రజల్లో వ్యతిరేకత, వైఎస్సార్‌సీపీకి పెరుగుతున్న జనాదరణ స్థానిక పరిషత్‌ ఎన్నికలు స్పష్టం చేస్తున్నాయి. ఓటమి భయంతో వైఎస్సార్‌సీపీ అభ్యర్థులపై ఎన్ని కుట్రలు చేసిన, రూ.కోట్లు ఖర్చుపెట్టి ఓటర్లకు ప్రలోభాలు ఎరవేసినా పలుచోట్ల పరాభవం, ఊహించని స్థాయిలో వైఎస్సార్‌సీపీ నుంచి గట్టిపోటీ ఎదురుకావడం కూటమిని కలవరపరుస్తోంది. కూటమి వైఫల్యాలతో.. కూటమి ప్రభుత్వం ఏర్పడి అప్పుడే రెండున్నరేళ్లు గడుస్తోంది. సూపర్‌సిక్స్‌లోని ఆడబిడ్డ నిధి, నిరుద్యోగభృతి, అలాగే ఎస్సీ, ఎస్టీ, బీసీ, మైనార్టీలకు 50 ఏళ్లకే పింఛన్‌, డ్వాక్రా మహిళలకు సున్నా వడ్డీ రాయితీ హామీలు ఇప్పటివరకు పత్తాలేవు. పేదలకు సెంటు స్థలం పంపిణీ చేయలేదు. కొత్త పింఛన్‌ ఒక్కటీ ఇవ్వలేదు. గృహనిర్మాణ సాయం మంజూరు చేసిందిలేదు. సంక్షేమం పడకేసింది. రోడ్లు అభివృద్ధి ప్యాచీ వర్కులతో సరిపెట్టారు. మరోపక్కనిత్యావసరాల ధరలు భగ్గుమంటున్నాయి. బియ్యం 26 కిలోల బస్తా రికార్డు స్థాయిలో రూ.2,200 దాటిపోయింది. పప్పులు, నూనెల ధరలూ ఆకాశన్నంటుతుండగా వీటి ప్రభావం పరిషత్‌ ఎన్నికల్లో కనిపించింది. దిమ్మతిరిగే ఫలితాలు జిల్లాలో 20 జెడ్పీటీసీ, 340 ఎంపీటీసీ స్థానాలకు ఎన్నికలు జరిగ్గా 36 ఎంపీటీసీ స్థానాల్లో వైఎస్సార్‌సీపీ అభ్యర్థులు గెలుపొందారు. జెడ్పీటీసీ స్థానాల్లో కూటమి పక్షాల ఆధిక్యత గతంతో పోలిస్తే పలుచోట్ల భారీగా తగ్గింది. ఆ మేరకు వైఎస్సార్‌సీపీకి పోలింగ్‌ శాతం పెరిగింది. ఎంపీటీసీ స్థానాలను కూటమి చాలాచోట్ల కేవలం ఒకటి నుంచి వందలోపు వ్యత్యాసంతో గెలుపొందడం గమనార్హం. ఉదాహరణకు పాలకొల్లు రూరల్‌ జిన్నూరు–1లో నాలుగు ఓట్లు, ఆగర్రులో ఐదు, చించినాడలో తొమ్మిది, తాడేపల్లిగూడెం నియోజకవర్గం కడియద్దలో కేవలం ఒకే ఒక్క ఓటు, కొండేపాడులో ఐదు ఓట్లు, పెనుమంట్ర మండలం మార్టేరు–2లో ఆరు ఓట్లు మాత్రమే మెజార్టీ వచ్చింది. రీకౌంటింగ్‌ పేరిట తాడేపల్లిగూడెం రూరల్‌ కడియద్ద, పెనుమంట్ర మండలం ముళ్లపూడి తదితర చోట్ల కౌంటింగ్‌లో కూటమికి అనుకూలంగా అక్రమాలు జరిగాయన్న ఆరోపణలు ఉన్నాయి. పారదర్శకంగా ఎన్నికలు జరిగి ఉంటే మెజార్టీ స్థానాల్లో వైఎస్సార్‌సీపీ గెలుపొందేదని పార్టీ నేతలు అంటున్నారు. కూటమి ప్రభుత్వాన్ని ప్రజలు నమ్మడం లేదు. పరిషత్‌ ఫలితాల్లో ఈ విషయం స్పష్టమవుతోంది. 41 స్థానాలకు ఎనిమిది స్థానాల్లో గెలుపొందాం. స్వల్ప వ్యత్యాసంతో తొమ్మిది ఎంపీటీసీ స్థానాలను కోల్పోయాం. అన్నిచోట్లా గట్టిపోటీ ఇచ్చాం. కూటమి నాయకులు, అధికారులు కుమ్మకై నా వైఎస్సార్‌సీపీ కార్యకర్తలు సమష్టిగా పనిచేసి ఎక్కడికక్కడ దీటైన పోటీ ఇచ్చారు. నియోజకవర్గంలో కూటమికి పోలింగ్‌ శాతం గణనీయంగా తగ్గిన విషయాన్ని గణాంకాలు స్పష్టం చేస్తున్నాయి. – వడ్డి రఘురాంనాయుడు, వైఎస్సార్‌సీపీ తాడేపల్లిగూడెం కో–ఆర్డినేటర్‌ వైఫల్యాలు సుస్పష్టం పాలనలో విఫలం.. సూపర్‌సిక్స్‌ హామీలకు ఎగనామం స్థానిక ఎన్నికల్లో కూటమికి ఎదురుదెబ్బ అసెంబ్లీ ఎన్నికలతో పోలిస్తే గణనీయంగా తగ్గిన ఓట్ల శాతం పారని ప్రలోభాలు, అధికార బలం బొటాబొటీగా కూటమి గెలుపు వైఎస్సార్‌సీపీకి పెరిగిన ఆదరణ అసెంబ్లీ ఎన్నికల్లో కూటమికి తాడేపల్లిగూడెం రూరల్‌లో 17,500, పెంటపాడులో 14 వేలు ఓట్లతో రెండుచోట్ల కలిపి 31,500 మెజార్టీ వచ్చింది. జెడ్పీటీసీ ఎన్నికలకు వచ్చేసరికి తాడేపల్లిగూడెం రూరల్‌లో 10,828, పెంటపాడులో 11,077 ఓట్లతో మొత్తం 21,905 ఓట్లు మెజార్టీ రావడం గమనార్హం. సాధారణ ఎన్నికలతో పోలిస్తే 9,595 ఓట్ల మెజార్టీ తగ్గింది ఆ మేరకు వైఎస్సార్‌సీపీకి పోలింగ్‌ శాతం పెరిగింది. వైఎస్సార్‌సీపీ ఓటు బ్యాంకు గణనీయంగా పెరిగినట్టు గణాంకాలు చెబుతున్నాయి. నరసాపురం రూరల్‌లో సాధారణ ఎన్నికల్లో కూటమికి 15,689 ఓట్ల మెజార్టీ రాగా ప్రస్తుత జెడ్పీటీసీ ఎన్నికల్లో 9,230 ఓట్లకు తగ్గింది. యలమంచిలి మండలంలో అసెంబ్లీ ఎన్నికల్లో కూటమికి దాదాపు 19 వేలకు పైగా మెజార్టీ రాగా జెడ్పీటీసీ ఎన్నికల్లో 15,416కు తగ్గింది.

నరసాపురం: న్యాయసేవాధికారి సంస్థ సేవలు సద్వినియోగం చేసుకోవాలని నరసాపురం ప్రిన్సిపల్‌ జూనియర్‌ సివిల్‌ జడ్జి ఆర్‌.వరలక్ష్మి సూచించారు. న్యాయసేవాధికార సంస్థ ఆవిర్భావ దినోత్సవం సందర్భంగా సోమవారం కోర్టు వద్ద నిర్వహించిన అవగాహన సదస్సుల్లో ఆమె మాట్లాడారు. సమన్యాయం, ఉచి త న్యాయం, సత్వర న్యాయం ఉద్దేశంతో 1987లో న్యాయసేవాధికార సంస్థ ఏర్పడిందన్నారు. కేసుల సత్వర పరిష్కారం కోసం మండల న్యాయసేవాధికార సంస్థ నిర్వహిస్తున్న లోక్‌ అదాలత్‌లను కక్షిదారులు సద్వినియోగం చేసుకోవాలన్నారు. నరసాపురం బార్‌ అసోసియేషన్‌ అధ్యక్షుడు నిడమోలు జ్ఞానానంద్‌ అధ్యక్షత వహించగా అదనపు జూనియర్‌ సివిల్‌ జడ్జి ఎస్‌.రాజ్యలక్ష్మి, ఆర్డీఓ దాసి రాజు, డీఎస్పీ ఎం.సుధాకర్‌ మాట్లాడారు. భీమవరం (ప్రకాశంచౌక్‌): భారీ వర్షాలు, వరదలతో జిల్లాలో ముంపు బాధిత ప్రజలకు తక్షణ సాయం అందించాలని కలెక్టర్‌ సీహెచ్‌ నాగరాణి ఆదేశించారు. సోమవారం కలెక్టరేట్‌లో అధికారులతో సమీక్షించారు. ఎర్రకాలువ, యనమదుర్రు డ్రెయిన్‌ వరదతో ముంపునకు గురైన గ్రామాల్లో యుద్ధప్రాతిపదికన సహాయ చర్యలు చేపట్టాలన్నారు. బాధితులకు ఎలాంటి ఇబ్బందులు కలగకుండా క్షేత్రస్థాయిలో ప ర్యవేక్షిస్తూ, సహాయక చర్యలు చేపట్టాలని స్ప ష్టం చేశారు. జేసీ కేఆర్‌ కల్పశ్రీ, డీఆర్వో పి.గ్లోరియా, ఆర్డీఓలు పాల్గొన్నారు. తాళాలు బద్దలు కొట్టి ఓట్ల లెక్కింపు సాక్షి టాస్క్‌ఫోర్స్‌: కౌంటింగ్‌ కేంద్రంలో ఎన్నికల అధికారుల నిర్లక్ష్యం చర్చనీయాంశంగా మారింది. ఇరగవరం మండలం జెడ్పీటీసీ, ఎంపీటీసీ బ్యాలెట్‌ బాక్సులను తాడేపల్లిగూడెంలోని నన్నయ వర్సిటీలోని రెండో అంతస్తులోని ఓ గదిలో భద్రపరిచారు. గదికి వేసిన తాళాల బాధ్యతను ఏఆర్వోగా వ్యవహరించిన ఇరగవరం ఎంపీడీఓ ఎ.శ్రీనివాస్‌కు అప్పగించారు. అయితే ఈనెల 7న ఓట్ల లెక్కింపు సమయంలో ఎంపీడీఓ తాళాలు తీసుకురాకపోవడంతో ఆర్వో సత్యనారాయణ అన్ని పార్టీల నాయకులను పిలిపించి వారి సమక్షంలో గది తాళాలు బద్దలు కొట్టించారు. అనంతరం బ్యాలెట్‌ బాక్సులను కౌంటింగ్‌ కేంద్రంలోకి తీసుకువెళ్లారు. దీంతో లెక్కింపు ప్రక్రియ అర గంటకు పైగా ఆలస్యమైంది. తణుకు నియోజకవర్గంలో ఇరగవరం ఫలితాలు ఆలస్యంగా వచ్చాయి. దీంతో అభ్యర్థులు , కౌంటింగ్‌ ఏజెంట్లు, నాయకులు అసహనానికి గురయ్యారు. దీనిపై ఆర్వోను వివరణ కోరగా ఏఆర్వోగా ఉన్న ఎంపీడీఓ శ్రీనివాస్‌ తాళాల విషయంలో గందరగోళానికి గురవడంతో సంబంధిత తాళాలు తీసుకురాలేకపోయారని, దీంతో తాళం బద్దలు కొట్టాల్సి వచ్చిందని చెప్పారు. ఈ ఘటనపై ఉన్నతాధికారులు సమగ్ర విచారణ జరిపి, బాధ్యులపై చర్యలు తీసుకోవాలని పలువురు నాయకులు కోరుతున్నారు. పోలవరం రూరల్‌: అఖండ గోదావరి మధ్యలోని పట్టిసం శివక్షేత్రాన్ని దర్శించే భక్తుల సౌకర్యార్థం నది దాటేందుకు ప్రత్యేక పంటును ఏ ర్పాటుచేశారు. కార్తీక మాసం ప్రారంభం కా వడంతో అధిక సంఖ్యలో భక్తులు భద్రకాళీ సమేత వీరేశ్వరస్వామి దర్శనానికి వస్తుంటా రు. ఇటీవల భారీ వర్షాలతో గోదావరిలో వర ద తగ్గుతూ పెరుగుతూ ఉంది. లాంచీల్లో త క్కువ మందిని మాత్రమే క్షేత్రానికి తరలించేవారు. పంటు ఏర్పాటుతో ఎక్కువ మందిని తరలించే అవకాశం ఉంటుంది. దీంతో ఇక్కడ లాంచీ స్థానంలో పంటును ఏర్పాటు చేశారు. ఏలూరు (ఆర్‌ఆర్‌పేట): వచ్చే మార్చిలో జరిగే 10వ తరగతి పబ్లిక్‌ పరీక్షలకు ఫీజుల చెల్లింపు షెడ్యూల్‌ విడుదలైనట్టు ఏలూరు డీఈఓ ఎం. వెంకట లక్ష్మమ్మ ప్రకటనలో తెలిపారు. ముందుగా హెచ్‌ఎంలు యూడైస్‌ వెబ్‌సైట్‌లో విద్యార్థుల వివరాలను నవీకరించి సరిచూసుకోవాలని సూచించారు. అనంతరం ఎటువంటి ఆలస్య రుసుం లేకుండా ఈనెల 11 నుంచి 25 వరకు, రూ.50 ఆలస్య రుసుంతో ఈనెల 26 నుంచి డిసెంబర్‌ 2 వరకు, రూ.200 రుసుంతో డిసెంబర్‌ 3 నుంచి 9 వరకు ఫీజులు చెల్లించవచ్చని డీఈఓ పేర్కొన్నారు.

పండుగ పూట విషాదం దీపావళి పండుగ రోజున ఎదురెదురుగా రెండు ద్విచక్ర వాహనాలు ఢీకొన్న ఘటనలో ఓ వ్యక్తి మృతి చెందగా, మరొకరు తీవ్రంగా గాయపడ్డారు. 8లో uవైఎస్సార్‌సీపీ జిల్లా అధ్యక్షుడు ప్రసాదరాజు భీమవరం: కూటమి పార్టీ నాయకులు అధికార బలంలో స్థానిక సంస్థల ఎన్నికల్లో ఓటర్లను ఎన్ని విధాలుగా ప్రలోభపెట్టి నా, ఎన్నికల్లో ఇచ్చిన హామీలను నెరవేర్చని కూటమి ప్రభుత్వంపై వ్యతిరేకతను ప్రజలు స్పష్టంగా కనబర్చారని వైఎస్సార్‌సీపీ జిల్లా అధ్యక్షుడు ముదునూరి ప్రసాదరాజు అన్నారు. సోమవారం స్థానిక పార్టీ జిల్లా కార్యాలయంలో విలేకరుల సమావేశంలో ఆయన మాట్లాడుతూ.. జిల్లాలో జరిగిన మున్సిపల్‌, జెడ్పీటీసీ, ఎంపీటీసీ ఎన్నికల్లో వైఎస్సార్‌సీపీ శ్రేణులు విజయమే లక్ష్యంగా పనిచేశారన్నారు. జిల్లాలోని నరసాపురం, ఆకివీడు మున్సిపల్‌ ఎన్నికలతోపాటు 20 జెడ్పీటీసీ, 336 ఎంపీటీసీ స్థానాల్లో కూటమి నాయకులకు వైఎస్సార్‌సీపీ అభ్యర్థులు దీటుగా పోటీ ఇచ్చారన్నారు. కూటమి నాయకుల బెదిరింపులు, ఒత్తిళ్లకు లొంగకుండా ప్రజల పక్షాన నిలిచి పోరాటం చేశారన్నారు. వైఎస్సార్‌సీపీకి అండగా నిలిచి 36 ఎంపీటీసీలు, 9 కౌన్సిలర్‌ స్థానాలను గెలిపించిన ప్రజలకు ఆయన కృతజ్ఞతలు తెలిపారు. కూటమి వైఫల్యాలను గుర్తించిన ప్రజలు ఓటుతో వైఎస్సార్‌సీపీకి మద్దతు పలికారన్నారు. రానున్న అసెంబ్లీ ఎన్నికల నాటికి ప్రభుత్వంపై వ్యతిరేకత మరింత పెరిగి వైఎస్సార్‌సీపీ అధికారంలోనికి రావడానికి ఇప్పటి ఎన్నికలు శుభసూచకమన్నారు. ఈ సమావేశంలో పార్టీ భీమవరం పట్టణ అధ్యక్షుడు గాదిరాజు రామరాజు పాల్గొన్నారు.

సాక్షి, భీమవరం : పరిషత్‌ ఎన్నికల్లో విజయం కోసం కౌంటింగ్‌లోనూ కూటమి కుట్ర రాజకీయాలు చేసింది. రూ.కోట్లు కుమ్మరించి మద్యాన్ని ఏరులై పారించినా ప్రజల్లో వ్యతిరేకత ముందు పాచికలు పారక అధికార బలంతో పలుచోట్ల ఫలితాలను తారుమారు చేసింది. ఎన్ని పన్నాగాలు పన్నినా విపక్ష వైఎస్సార్‌సీపీకి ప్రజలు అండగా నిలిచారు. 36 ఎంపీటీసీ స్థానాల్లో విజయాన్ని అందించారు. కుట్రలు చేధించుకుని.. స్థానిక సంస్థల్లో ఓటమి భయంతో గతంలో ఎన్నడూలేని విష సంస్కృతికి కూటమి బీజం వేసింది. నామినేషన్ల ఉపసంహరణకు విపక్ష వైఎస్సార్‌సీపీ అభ్యర్థులపై అన్ని అస్త్రాలను ప్రయోగించింది. వారి వేధింపులకు సంబంధించిన వీడియోలు సోషల్‌ మీడియాలో హల్‌చల్‌ చేశాయి. పోలింగ్‌కు ముందు ఓటర్లను ప్రలోభాలకు గురిచేసేందుకు విచ్చలవిడిగా రూ.కోట్లల్లో డబ్బు ఖర్చుచేశారు. మద్యాన్ని ఏరులై పారించారు. అయినా జిల్లాలో 36 స్థానాల్లో వైఎస్సార్‌సీపీ అభ్యర్థులు విజయకేతనం ఎగురవేశారు. టీడీపీ పొలిట్‌ బ్యూరో సభ్యుడు, ఆ పార్టీ జిల్లా అధ్యక్షుడు మంతెన రామరాజు స్వగ్రామమైన ఉండి నియోజకవర్గం కలవపూడిలో ఎంపీటీసీ సభ్యురాలిగా వైఎస్సార్‌సీపీ అభ్యర్థి బొడ్డు దుర్గ 91 ఓట్ల మెజార్టీతో గెలుపొందడం గమనార్హం. కూటమికి గట్టిపోటీ కూటమికి జిల్లాలో చాలాచోట్ల గట్టిపోటీ ఎదురైంది. మంత్రి నిమ్మల రామానాయుడు సొంత నియోజకవర్గం పాలకొల్లులోని జిన్నూరు–1లో నాలుగు, ఆగర్రులో ఐదు, చించినాడలో తొమ్మిది, తాడేపల్లిగూడెం నియోజకవర్గం కడియద్దలో కేవలం ఒకే ఒక్క ఓటు, కొండేపాడులో ఐదు ఓట్లు, పెనుమంట్ర మండలం మార్టేరు–2 ఆరు ఓట్లు.. ఇలా మెజార్టీ స్థానాల్లో కూటమి అభ్యర్థులు వంద లోపు ఆధిక్యంతో గెలుపొందడం వైఎస్సార్‌సీపీ నుంచి వారికి ఎదురైన గట్టి పోటీ, ప్రజల్లోని వ్యతిరేకతకు నిదర్శనమని పలువురు అంటున్నారు. ఫలితం తారుమారు తాడేపల్లిగూడెం రూరల్‌ కడియద్ద ఎంపీటీసీ స్థానంలో వైఎస్సార్‌సీపీ అభ్యర్థి కొండపల్లి నాగలక్ష్మికి ఒక్క ఓటు ఆధిక్యత వచ్చింది. కూటమి నాయకులు అభ్యంతరం తెలపడంతో రీకౌంటింగ్‌ నిర్వహించారు. అప్పుడు ఒక్క ఓటు మెజార్టీ రావడంతో ఫలితం ప్రకటించకుండా కూటమి నాయకులు అ డ్డుపడటంతో ఉద్రిక్త పరిస్థితి తలెత్తింది. మరలా పరిశీలనలో ఒక్క ఓటు ఆధిక్యతతో కూటమి అభ్యర్థి గెలుపొందినట్టు అధికారులు ప్రకటించడం గమనార్హం. ఈ విషయమై వైఎస్సార్‌సీపీ అభ్యర్థి, పార్టీ నాయకులు ఆందోళనకు దిగగా పోలీసులు బయటకు పంపించివేశారు. పెనుమంట్ర మండలం మల్లిపూడిలో వైఎస్సార్‌సీపీ, కూటమి అభ్యర్థికి సమానంగా రావడంతో విజేతను ప్రకటించేందుకు టాస్‌ వేయాలని అధికారులు నిర్ణయించారు. కూట మి రీకౌంటింగ్‌కు పట్టుబట్టడంతో వైఎస్సార్‌సీపీ అభ్యర్థి కొడమంచిలి సరోజనికి పోలైన ఓట్లలో ఒకటి చిరిగినట్టుగా చూపించి కూటమి అభ్యర్థి విజేతగా ప్రకటించడం గమనార్హం. ఫలితాలను తారుమారు చేస్తూ కౌంటింగ్‌లోనూ కూటమి కుట్రలు గట్టిపోటీనిచ్చిన వైఎస్సార్‌సీపీ 36 ఎంపీటీసీ స్థానాల్లో వైఎస్సార్‌సీపీ విజయం మెజార్టీ స్థానాల్లో బొటాబొటీ ఆధిక్యంతో కూటమి గెలుపు రాత్రి 11 గంటలు దాటినా కొనసాగిన కౌంటింగ్‌ పాలకొల్లు రూరల్‌ లంకలకోడేరు–2 వైఎస్సార్‌సీపీ ఎంపీటీసీ అభ్యర్థి ఇంజే సువార్త 18 ఓట్ల మెజార్టీతో గెలుపొందారు. కూటమి నాయకులు పట్టుబట్టడంతో రీకౌంటింగ్‌ చేశారు. ఆధిక్యం 9 ఓట్లకు తగ్గించగా మళ్లీ రీకౌంటింగ్‌ నిర్వహించాలని కూటమి పక్షం పట్టుబట్టింది. అంతకంటే తక్కువ ఓట్లుతో కూటమి అభ్యర్థులు గెలుపొందిన స్థానాల్లో రీ కౌంటింగ్‌లు చేయకుండా వైఎస్సార్‌సీపీ అభ్యర్థి గెలిచిన చోట రెండోసారి రీకౌంటింగ్‌ ఎలా చేస్తారని మీడియా ప్రశ్నించడంతో అధికారులు వెనక్కి తగ్గారు. చివరకు ఇంజే సువార్త గెలుపొందినట్టు ప్రకటించారు. తాడేపల్లిగూడెం రూరల్‌ వెంకట్రామన్నగూడెం ఎంపీటీసీ స్థానంలో తాము గెలిచినట్టుగా కూటమి నాయకులు కేరింతలు కొట్టడంతో వైఎస్సార్‌సీపీ అభ్యర్థి పత్సా రామచంద్రయ్య అనుమానం వ్యక్తంచేశారు. ఇన్‌వాలిడ్‌ ఓట్లను కూటమి అభ్యర్థికి కలిపినట్టు ఫిర్యాదు చేశారు. వైఎస్సార్‌సీపీ నియోజకవర్గ కో–ఆర్డినేటర్‌ వడ్డి రఘురాంనాయుడు ఈ విషయాన్ని ఉన్నతాధికారుల దృష్టికి తీసుకువెళ్లడంతో రీ కౌంటింగ్‌ నిర్వహించారు. అందులో వైఎస్సార్‌సీపీ అభ్యర్థి ఆధిక్యతలో ఉన్నారు. కూటమి అభ్యర్థి అభ్యంతరం తెలపడంతో అభ్యర్థులిద్దరూ నేరుగా మరోసారి బాలెట్‌ పత్రాలను పరిశీలించే అవకాశాన్ని ఎన్నికల అధికారులు ఇచ్చారు. చివరకు వైఎస్సార్‌సీపీ అభ్యర్థి గెలుపొందారు. జగన్నాథపురం–2 వైఎస్సార్‌సీపీ అభ్యర్థి రా తాల సూరిబాబు 36 ఓట్లతో గెలుపొందగా కూటమి నేతలు పట్టుబట్టగా రీ కౌంటింగ్‌లో నూ విజయం ఆయన్నే వరించింది.

భీమవరం : భీమవరం పట్టణానికి యనమదుర్రు కాలువ ముంపు ముప్పు తొలగలేదు. కాలువ గట్లు వెంబడి నీరు ప్రవహించడంతో బలహీనంగా ఉన్న చోట్ల ఇసుక బస్తాలతో పటిష్ట పర్చే చర్యలు చేపట్టారు. ప్రధానంగా పట్టణంలోని మెంటేవారితోట, దుర్గాపురం, యనమదుర్రు రోడ్డులోని గంగానమ్మగుడి ఏరియాల్లోని పల్లపు ప్రాంతాల్లో నివాసాల వద్దకు నీరు చేరడంతో ఆయిల్‌ ఇంజన్స్‌, విద్యుత్‌ మోటార్లతో నీటిని బయటకు తోడుతున్నారు. అలాగే ప్రభుత్వ ఏరియా ఆసుపత్రి ప్రాంతంలో రోడ్డుపై నీరు నిలిచిపోవడంతో ఆయిల్‌ ఇంజన్‌తో తోడుతున్నారు. యనమదుర్రు రోడ్డులోని యనమదుర్రు కాలువపై నిర్మించిన వంతెన వద్ద గట్టు బలహీనంగా ఉండటంతో ఇసుక బస్తాలతో పటిష్టం చేస్తున్నారు. మెంటవారితోటలో పలు వీధులు జలమయమయ్యాయి. హిందూ శ్మశాన వాటిక వద్ద ఇళ్లలోకి నీరు చేరడంతో బకెట్లతో బయటకు తోడుకుంటున్నారు. కాలువల నిండా ప్లాస్టిక్‌ వ్యర్థాలే.. ముంపు నీరు కారణంగా పట్టణంలోని కాలువలు, డ్రెయిన్లు పొంగి ప్రవహిస్తున్నాయి. అయితే పలు ప్రాంతాల్లో కాలువలు, డ్రెయిన్లు ప్లాస్టిక్‌ వ్యర్థాలు, చెత్తతో నిండిపోవడంతో నీటి ప్రవాహానికి ఆటంకం కలుగుతోంది. మెంటేవారితోట ప్రాంతంలోని లక్ష్మీటాకీస్‌ ఏరియాలోని రైల్వే అండర్‌పాస్‌లో నీరు నిలిచిపోవడంతో ఇటుగా రాకపోకలు నిలిచిపోయాయి. యనమదుర్రు కాలువలలో నీటి ప్రవాహం రోజురోజుకూ పెరుగుతోందని పట్టణవాసులు ఆందోళన చెందుతున్నారు. మురుగునీటి ఇబ్బందులతోపాటు దుర్గంధం వెదజల్లి ముక్కు మూసుకుని వెళ్లాల్సి వస్తోందని మున్సిపల్‌ అధికారులు ముంపు ప్రాంతాల్లో బ్లీచింగ్‌ జల్లి అంటువ్యాధులు ప్రబలకుండా చర్యలు తీసుకోవాలని కోరుతున్నారు.

ఆకివీడు: స్థానిక ఎస్‌–టర్నింగ్‌ సమీపంలో సచివాలయం వెనుక ఉన్న తాళ్లకొట్టు గోడౌన్‌లో అగ్నిప్రమాదం చోటుచేసుకుంది. వివరాల ప్రకారం లక్కంశెట్టి హరిబాబుకు చెందిన తాళ్లకొట్టు గోడౌన్‌లో శనివారం సాయంత్రం మంటలు ఎగసిపడ్డాయి. స్థానికులు గుర్తించి వెంటనే అగ్నిమాపక కేంద్రానికి సమాచారం అందించారు. అప్పటికే గోడౌన్‌లోని వస్తువులు దగ్ధం కావడంతో తీవ్రస్థాయిలో దట్టమైన పొగ కమ్ముకుంది. అగ్నిమాపక సిబ్బంది ఘటనా స్థలానికి చేరుకుని తీవ్రంగా శ్రమించి మంటలను అదుపులోకి తెచ్చారు. ఈ ప్రమాదంలో సుమారు ఐదు లక్షల రూపాయల విలువైన వస్తువులు కాలి బూడిదయ్యాయి. ప్రమాదానికి గల కారణాలపై అగ్నిమాపక అధికారులు దర్యాప్తు చేస్తున్నారు.

తణుకు అర్బన్‌: తణుకు మండలం దువ్వ రెగ్యులేటర్‌ వద్ద వరద నీటి ప్రవాహం ఇంకా ప్రమాద ఘంటికలు మోగిస్తూనే ఉంది. ఎగువ ప్రాంతాల నుంచి ఎర్రకాలువ ద్వారా వయ్యేరులోకి వస్తున్న నీటి ప్రవాహ తాకిడి కొనసాగుతుండడంతో దువ్వ రెగ్యులేటర్‌ ఇప్పటికీ ప్రమాదకర పరిస్థితుల్లోనే ఉంది. భారీగా వస్తున్న వరద నీటిని నాలుగు గేట్లు ఎత్తి దిగువకు వదిలిపెడుతున్నప్పటికీ, నీటిమట్టం తగ్గడం లేదు. రెగ్యులేటర్‌ సామర్థ్యం 15 అడుగులు కాగా, ప్రస్తుతం ఏకంగా 32.5 అడుగుల ఎత్తులో నీరు ప్రవహిస్తుండడం ఆందోళన కలిగిస్తోంది. గ్రామస్తుల భయాందోళన శుక్రవారం 22,600 క్యూసెక్కులుగా ఉన్న ప్రవాహం, నేడు స్వల్పంగా తగ్గి 22 వేల క్యూసెక్కులకు చేరిందని జలవనరుల శాఖ అధికారులు తెలిపారు. అయినప్పటికీ రెగ్యులేటర్‌ వద్ద పరిస్థితులు చూస్తుంటే ఏదైనా ఉపద్రవం ముంచుకొస్తుందేమోనని గ్రామస్తులు భయాందోళన వ్యక్తం చేస్తున్నారు. వయ్యేరుకు గండి పడే అవకాశాలు ఉన్నాయంటూ ఆందోళన చెందుతున్నారు. అయితే, వర్షాలు తగ్గుముఖం పట్టడంతో వయ్యేరులో నీటి ప్రవాహం సాధారణ స్థితికి రావడానికి మరో రెండు రోజులు పడుతుందని అధికారులు అంచనా వేస్తున్నారు. జాతీయ రహదారిపైకి చొచ్చుకొచ్చిన వరద నీరు దువ్వ గ్రామ పరిధిలో తాడేపల్లిగూడెం నుంచి తణుకు వైపు వచ్చే జాతీయ రహదారి కొంతమేర నీట మునిగింది. దీంతో వాహనదారులు తీవ్ర ఇబ్బందులు పడుతుండగా, కిలోమీటర్ల మేర ట్రాఫిక్‌ నిలిచిపోయింది. తణుకు నుంచి తాడేపల్లిగూడెం వైపు వెళ్లే రహదారిలోని జిల్లా పరిషత్‌ హైస్కూలు వద్ద రోడ్డుపై భారీగా నీరు ప్రవహిస్తుండటంతో రాకపోకలకు తీవ్ర అంతరాయం ఏర్పడింది. గ్రామస్తులు సైతం బయటకు రాలేక, నిత్యావసరాలు, ఇతర సామాగ్రి అందక అవస్థలు పడుతున్నారు. దువ్వకు పోటెత్తుతున్న వరద నీరు భయాందోళనలో గ్రామస్తులు దువ్వ జాతీయ రహదారిని ముంచేసిన వరద రాకపోకలకు అంతరాయం

● రూ.18.73 లక్షల సొమ్ము గుర్తింపు, అక్రమాస్తులపై నిఘా ● ఏలూరు ఏసీబీ డీఎస్పీ జీవీ కృష్ణారావు వెల్లడి ఏలూరు టౌన్‌: ఏలూరు కాలుష్య నియంత్రణ మండలి ఎన్విరాన్‌మెంట్‌ ఇంజనీర్‌ ఏ. సీతారామచంద్రమూర్తి ఇంట్లో ఏసీబీ అధికారులు సోదాలు నిర్వహించారు. ఆయన వద్ద ఏమైనా అక్రమాస్తులు ఉన్నాయా అనే కోణంలో దర్యాప్తు చేస్తున్నట్లు ఏలూరు రేంజ్‌ ఏసీబీ డీఎస్పీ జీవీ కృష్ణారావు తెలిపారు. ఏలూరు నవాబ్‌పేట కాలనీకి చెందిన మత్తే బాబి అనే వ్యక్తి ద్వారకాతిరుమల మండలం తిమ్మాపురం గ్రామంలో వేర్‌హౌస్‌ (గోడౌన్‌) నిర్మాణం కోసం నిరభ్యంతర పత్రం (ఎన్‌వోసీ) కోరుతూ దరఖాస్తు చేసుకున్నారు. ఎన్‌వోసీ మంజూరు చేయడానికి పొల్యూషన్‌ కంట్రోల్‌ బోర్డు ఎన్విరాన్‌మెంట్‌ ఇంజనీర్‌ సీతారామచంద్రమూర్తి లంచం డిమాండ్‌ చేశారు. తొలుత రూ. లక్ష డిమాండ్‌ చేయగా, చివరకు రూ.30 వేలు లంచం తీసుకుంటూ శుక్రవారం ఏలూరులోని పొల్యూషన్‌ కంట్రోల్‌ బోర్డు కార్యాలయంలో ఆయన ఏసీబీ అధికారులకు రెడ్‌హ్యాండెడ్‌గా పట్టుబడ్డారు. ఈ నేపథ్యంలోనే కాలుష్య నియంత్రణ మండలి అధికారి ఇంట్లో మధ్యవర్తుల సమక్షంలో ఏసీబీ అధికారులు సోదాలు చేపట్టారు. ఈ తనిఖీల్లో రూ. 18,73,500 అనధికార నగదుతో పాటు 11 కాసుల బంగారు ఆభరణాలను స్వాధీనం చేసుకున్నట్లు ఏలూరు రేంజ్‌ ఏసీబీ డీఎస్పీ కృష్ణారావు వెల్లడించారు.

పెంటపాడు: అర్నబ్‌, మురసు తుపాన్ల ప్రభావంతో కురిసిన భారీ వర్షాలకు ఇంకా నేటికీ కొన్ని కాలనీలు ముంపునీటిలోనే ఉన్నాయి. కొండేపాడు, రామచంద్రపురం ఉమామహేశ్వరం, గ్రామాల్లోని యనమదుర్రు డ్రెయిన్‌ పొంగిపారడంతో కాలనీలలోకి నీరు చేరి ప్రజలు తీవ్ర ఇబ్బందులు పడుతున్నారు. కొండేపాడులో ఇటీవల కూటమి ప్రభుత్వం నూతనంగా నిర్మించిన డ్రెయినేజీ వ్యవస్థ సక్రమంగా పనిచేయకపోవడంతో మురుగునీరు రహదారులపై నిలిచిపోయింది. రామచంద్రపురం ఎస్సీపేటలో నాలుగు రహదారులు నీట మునిగాయి. శనివారం నాటికి కూడా వరదనీరు తగ్గకపోవడంతో నివాసితులు ఇళ్ల నుంచి బయటకు రాలేకపోతున్నారు. తుపాను బాధితులకు ప్రభుత్వం కార్డుకు పది కేజీల చొప్పున బియ్యం అందించాల్సి ఉండగా, ఇప్పటివరకు మండలంలో కనీసం 40 శాతం మందికి కూడా ఉచిత బియ్యం అందలేదు. కేవలం కొందరికి మాత్రమే బియ్యం ఇచ్చి చేతులు దులుపుకొంది. మరోవైపు అధికారులు, కూటమి నాయకులు ఎన్నికల హడావుడిలో నిమగ్నమై ఆ గ్రామాల వైపు కన్నెత్తి కూడా చూడలేదని అక్కడి ప్రజలు ఆవేదన వ్యక్తం చేస్తున్నారు. తక్షణమే అధికారులు స్పందించి తగిన చర్యలు తీసుకోవాలని కోరుతున్నారు.

జంగారెడ్డిగూడెం(బుట్టాయగూడెం): గురవాయిగూడెం మద్ది ఆంజనేయస్వామి ఆలయంలో శనివారం విశేష పూజలు నిర్వహించారు. ఆలయ ముఖ మండపంలో అర్చకులు, వేద పండితుల ఆధ్వర్యంలో స్వామివారికి పంచామృత అభిషేకాలు జరిపారు. భక్తులు అధిక సంఖ్యలో తరలివచ్చి స్వామివారిని దర్శించారు. వివిధ పూజలు, సేవల ద్వారా ఆలయానికి రూ.1,11,960 ఆదాయం లభించినట్లు అధికారులు తెలిపారు. నిత్యాన్నదాన సత్రంలో సుమారు 2,457 మంది అన్నప్రసాదాన్ని స్వీకరించినట్లు ఆలయ అసిసెంట్‌ కమిషనర్‌ ఆర్‌వీ చందన వెల్లడించారు.

నాలుగు ఓట్లతో వైఎస్సార్‌సీపీ వెంక్రటామన్నగూడెం అభ్యర్థి విజయం తాడేపల్లిగూడెం: తాడేపల్లిగూడెంలో నన్నయ వర్సిటీలో జరిగిన ఎంపీటీసీ కౌంటింగ్‌ ప్రక్రియలో వెంకట్రామన్నగూడెం, జగ్గన్నపేట ఎంపీటీసీ అభ్యర్థి విష యంలో హైడ్రామా సాగించారు. ఇన్‌వాలీడ్‌ ఓట్ల బండిల్‌ను ఒక ఉద్యోగి టీడీపీ అభ్యర్థి పరిమి రవికుమార్‌ ఓట్లలో కలిపారు. ఎంపీపీ అభ్యర్థిగా ఉన్న రవి కి వత్తాసు పలికిన ఉద్యోగి బండారం బయట కు పొక్కింది. దీంతో వైఎస్సార్‌సీపీ ఎంపీటీసీ అభ్యర్థి పత్సా రామచంద్రయ్య అభ్యంతరం వ్యక్తం చేశారు. రీ కౌంటింగ్‌ అనంతరం రామచంద్రయ్య ఐదు ఓట్ల ఆధిక్యంలోకి వచ్చారు. అయినా అధికారులు విజేతగా ప్రకటించకుండా నిబంధనలు, మార్గదర్శకాలు అంటూ జా ప్యం చేశారు. పరిశీలకులు, జాయింట్‌ కలెక్టర్‌ కు ఫిర్యాదులు వెళ్లడంతో ఆమె కౌంటింగ్‌ కేంద్రానికి వచ్చారు. తర్వాత ఈ వ్యవహారంపై ఇద్దరు అభ్యర్థుల వాదనలను అధికారులు వి న్నారు. అనంతరం అభ్యర్థులు నేరుగా పత్రాల ను మరోమారు పరిశీలించుకొనేందుకు అవకా శం ఇచ్చారు. ఇదే తరుణంలో నిబంధనలకు వి రుద్ధంగా భవన నిర్మాణ కార్మికులు, ఇతర కార్మికుల కార్పొరేషన్‌ చైర్మన్‌ వలవల బాబ్జీ కౌంటింగ్‌ కేంద్రంలోకి వచ్చారు. ఆయన్ను పోలీసులు అనుమతించడంపై విమర్శలు వచ్చాయి. బాబ్జీ వచ్చి వెళ్లిన తర్వాత పత్రాల పరిశీలనలో అధికారుల వైఖరి మారినట్టుగానూ విమర్శలు వ చ్చాయి. విషయం తెలిసిన తాడేపల్లిగూడెం ని యోజకవర్గ వైఎస్సార్‌సీపీ కన్వీనర్‌ వడ్డి రఘు రాం కేంద్రానికి చేరుకుని జేసీ పోలింగ్‌ అధికారులు, పోలీసులతో మాట్లాడారు. ఫలితాలను తారుమారు చేయాలని చూస్తే ఆందోళనలను చవిచూడాల్సి వస్తుందని, సామరస్యంగా పరిష్కరించాలని కోరారు. చివరకు వైఎస్సార్‌సీపీ అభ్యర్థి రామచంద్రయ్య నాలుగు ఓట్లతో గెలిచినట్టు అధికారులు ప్రకటించారు.

జిల్లాలోని 20 జెడ్పీటీసీ, 340 ఎంపీటీసీ స్థానాలకు జరిగిన ఎన్నికలకు సంబంధించి శనివారం భీమవరం ఎస్‌ఆర్‌కేఆర్‌, నరసాపురం వైఎన్‌ కళాశాల, తాడేపల్లిగూడెంలోని ఆదికవి నన్నయ విశ్వవిద్యాలయంలో కౌంటింగ్‌ నిర్వహించారు. ఉదయం 8 గంటలకు మొదలైన ఓట్ల లెక్కింపు ప్రక్రియ రాత్రి వరకు కొనసాగింది. మూడు కేంద్రాల్లోను మొత్తం 230 టేబుళ్లపై ఓట్లు లెక్కింపు చేశారు. జెడ్పీటీసీలకు సంబంధించి 1,830 పోస్టల్‌ బ్యాలెట్‌ ఓట్లకు 160 ఓట్లు చెల్లనివి కాగా మిగిలిన వాటిలో వైఎస్సార్‌సీపీకి 442, కూటమి పక్షాలకు 1,156, కాంగ్రెస్‌కు 31, సీపీఐ (ఎం)కు 61, స్వతంత్రులకు ఆరు, బీఎస్‌పీకీ ఐదు, నోటాకు 23 ఓట్లు పోలయ్యాయి. బ్యాలెట్‌ బాక్సులను తెరిచి జెడ్పీటీసీ, ఎంపీటీసీ అభ్యర్థులకు పోలైన ఓట్లను వేరుచేసిన అనంతరం వాటిని కట్టలు కట్టి కౌంటింగ్‌ ప్రారంభించే సరికి 11 గంటల సమయం దాటిపోయింది. 12 గంటల తర్వాత నుంచి ఫలితాలు వెలువడటం మొదలైంది.

భీమవరం : క్రీడాకారులను ప్రోత్సహించడానికి కాస్మోపాలిటన్‌ క్లబ్‌ కృషి అభినందనీయమని కలెక్టర్‌ సీహెచ్‌ నాగరాణి అన్నారు. పట్టణంలోని కాస్మోపాలిటన్‌ క్లబ్‌లో ఏఐటీఏ మెన్‌, ఉమెన్‌ జాతీయస్థాయి టెన్నిస్‌ టోర్నీ విజేతలకు శనివారం బహుమతులు అందజేశారు. ముఖ్య అతిథిగా కలెక్టర్‌ నాగరాణి హా జరై మాట్లాడుతూ క్రీడల నిర్వహణకు అందిస్తున్న ప్రోత్సాహం స్ఫూర్తిదాయకమన్నారు. కాస్మోపాలిటన్‌ క్లబ్‌ ఆధ్వర్యంలో మరిన్ని క్రీడా పోటీలు నిర్వహించాలని ఆకాంక్షించారు. కా స్మోపాలిటన్‌ క్లబ్‌ అధ్యక్షుడు సీహెచ్‌ రామభద్రిరాజు, టోర్నమెంట్‌ కమిటీ చైర్మన్‌ యు.కృష్ణప్రసాద్‌, వైస్‌ చైర్మన్‌ టి.కృష్ణబాబు, బీహెచ్‌ సుబ్బరాజు తదితరులు పాల్గొన్నారు. విజేతలు వీరే.. పురుషుల సింగిల్స్‌లో డి.శ్రీకర్‌, మహిళల సింగిల్స్‌లో హర్షిణి నాగరాజ్‌, మెన్స్‌ డబుల్స్‌లో ఐ.ప్రసాద్‌–పరితోష్‌ పవార్‌, ఉమెన్స్‌ డబుల్స్‌లో జనని రమేష్‌–హర్షిణి నాగరాజ్‌ విజేతలుగా నిలిచారు. తాడేపల్లిగూడెం (టీఓసీ) : పెదతాడేపల్లికి చెందిన ఆలపాటి విజయ్‌ షైనీ ఐఎన్‌ఐ సెట్‌లో ఆలిండియా 52వ ర్యాంక్‌ సాధించా రు. న్యూఢిల్లీలోని ఏఐఐఎంఎస్‌తో పాటు దేశంలోని వైద్య విద్యాసంస్థల్లో ఎండీ, ఎంఎస్‌, ఎండీఎస్‌, డీఎం వంటి వైద్య కోర్సుల్లో ప్రవేశాల కోసం నిర్వహించే ఐఎన్‌ఐ సెట్‌ నిర్వహిస్తారు. జీఎస్‌ఎల్‌ మెడికల్‌ కళాశాలలో ప్రభుత్వ కోటా సీటు సాధించడం సంతోషంగా ఉందని షైనీ అన్నారు. పెంటపాడు : తమ పాఠశాల విద్యార్థిని సీహెచ్‌ శ్రీవిద్య రాష్ట్రస్థాయి వాలీబాల్‌ పోటీలకు ఎంపికై నట్టు పెంటపాడు బేసిక్‌ స్కూల్‌ హెచ్‌ఎం దాట్ల పద్మజ తెలిపారు. శనివారం పాఠశాలలో జరిగిన కార్యక్రమంలో విద్యార్థినిని అభినందించారు. ఈనెల 13న కోనసీమ జిల్లాలో జరిగే రాష్ట్రస్థాయి టోర్నమెంట్‌లో ప్రాతినిధ్యం వహిస్తుందని, శ్రీవిద్యను, పీడీ పోశియ్యను అభినందించారు. ఎంఈఓలు టీవీ రామకృష్ణ, ఎం.శ్రీనివాస్‌ కూడా వీరిని అభినందించారు. తాడేపల్లిగూడెం: తాడేపల్లిగూడెం, తణుకు మండలాల్లోని ఎర్రకాలువ, యనమదుర్రు వరద నీరు రెండు రోజుల్లో తగ్గుముఖం పడుతుందని శెట్టిపేట ఇరిగేషన్‌ ఈఈ రమేష్‌బాబు తెలిపారు. తాడేపల్లిగూడెం ఆర్డీఓ ఎం.సూర్యారావుతో కలిసి శనివారం ఆయన విలేకరులతో మాట్లాడారు. నందమూరు అక్విడెక్ట్‌ నుంచి 40 వేల క్యూసెక్కుల వరద సాఫీగా వెళ్లే అవకాశం ఉందన్నారు. 2018లో మాత్రమే 40 వేల క్యూసెక్కుల వరద రాగా.. ఇప్పుడు 96 వేల క్యూసెక్కుల వరద నీరు వచ్చిందన్నారు. నందమూరు అక్విడెక్ట్టుకు ముందు నాలుగు, యనమదుర్రు డ్రెయిన్‌కు మూడు గండ్లు పడటంతో వరద పొలాలు, గ్రామాలను ముంచెత్తిందన్నారు. కొంగు వారిగూడెం నుంచి నందమూరు ఆక్విడెక్టు వరకు వరద చేరడానికి 12 గంటల వరకు సమయం పడుతుందని, ఫ్లాష్‌ ఫ్లడ్స్‌తో ఒక్కసారిగా వరదనీరు ముంచెత్తిందన్నారు. ప్రస్తు తం నందమూరు అక్విడెక్ట్‌ వద్ద 38.4 అడుగు ల నీటిమట్టం ఉందన్నారు. శెట్టిపేటకు ఎగువన కొవ్వాడ కాలువకు గండ్లు పడటంతో వెస్ట్రన్‌ కెనాల్‌, యనమదుర్రు కాలువలను నీటి మట్టం నిర్వహణలో చాలా జాగ్రత్తలు తీసుకోవాల్సి వస్తుందన్నారు. బుట్టాయగూడెం: భారీ వర్షాలతో ఏజెన్సీ ప్రాంతంలోని జల్లేరు జలాశయంలోకి వరద నీరు వచ్చి చేరుతోంది. శనివారం రాత్రి 10 గంటలకు స్పిల్‌ వే ద్వారా 300 క్యూసెక్కుల నీటిని దిగువకు విడుదల చేశారు.జలాశయం పూర్తిస్థాయి నీటిమట్టం 217.80 మీటర్లు కాగా.. ప్రస్తుతం 217 మీటర్లకు చేరుకుంది. జలాశయంలోకి ప్రస్తుతం 208 క్యూసెక్కుల ఇన్‌ఫ్లో ఉండగా అప్రమత్తమైన అధికారులు గేట్లను ఎత్తి నీటిని విడుదల చేస్తున్నారు. దిగువ ప్రాంతాల ప్రజలు, రైతులు అప్రమత్తంగా ఉండాలని హెచ్చరించారు. వాగులు, వంకలు దాటే ప్రయత్నం చేయవద్దని నీటిపారుదల శాఖ అధికారి సురేష్‌ హెచ్చరించారు.

● అదుపుతప్పి మురుగు కాలువలోకి.. ● 15 మంది సురక్షితం.. ఒకరికి అస్వస్థత తణుకు అర్బన్‌ : విద్యార్థులతో వెళ్తున్న ఆటో అదుపుతప్పి మురుగు కాలువలోకి బోల్తా కొట్టిన ఘటన మండలంలోని కొమరవరంలో శనివారం సాయంత్రం చోటుచేసుకుంది. వివరాలిలా ఉన్నాయి.. తణుకులో ఒక ప్రైవేటు పాఠశాల నుంచి విద్యార్థులను తీసుకువెళ్తున్న ఆటో కొమరవరం వంతెన ప్రాంతంలోని వనుమలమ్మ ఆలయ సమీపంలో అదుపుతప్పి మురుగు కాలువలో బోల్తా కొట్టింది. ఆటోలో ఉన్న 16 మంది విద్యార్థుల్లో 15 మంది సురక్షితంగా బ యటపడ్డారు. 6వ తరగతి చదువుతున్న యర్రాయిచెరువుకు చెందిన బాలుడు కె.శ్రీధర్‌ అస్వస్థత కాగా తణుకు జిల్లా కేంద్ర ఆస్పత్రికి అక్కడి నుంచి మెరుగైన వైద్యం కోసం ప్రైవేటు ఆస్పత్రికి తరలించారు. బాలుడు నాలుక కరచుకోవడంతోపాటు కాలువలోని నీరు తాగడంతో ఇబ్బందిగా ఉన్నట్టు తెలుస్తోంది. యర్రాయిచెరువుకు చెందిన ఆటో డ్రైవర్‌ కట్టా ఆంజనేయులు స్వల్ప గాయాలతో తణుకు జిల్లా కేంద్ర ఆస్పత్రిలో చికిత్స పొందుతున్నారు. రోడ్డుపై ఆకస్మాత్తుగా కుక్క అడ్డు రావడంతో ఆటో అదుపుతప్పినట్టు డ్రైవర్‌ చెబుతున్నారు. పిల్లలంతా కొమరవరం, యర్రాయిచెరువుకు చెందిన వారుగా తెలిసింది. సకాలంలో స్పందించిన స్థానికులు ప్రమాదం జరిగిన వెంటనే పిల్లల అరుపులతో ఆ ప్రాంతం గందరగోళంగా మారింది. స్థానికులు హుటాహుటిన స్పందించి మురుగు కాలువలోకి దిగి 16 మంది పిల్లలను బయటకు తీశారు. ప్రమాద సమయంలో స్థానికులు అందుబాటులో ఉండటంతో పెనుప్రమాదం తప్పింది. విషయం తెలిసిన పిల్లల తల్లిదండ్రులు తీవ్ర ఆందోళన చెందగా.. ఎవరికీ ఏమీ కాకపోవడంతో ఊపిరిపీల్చుకున్నారు. ప్రమాదంపై ఫిర్యాదు అందలేదని రూరల్‌ పోలీసులు తెలిపారు.

● బాణసంచా దుకాణాల వద్ద నిబంధనలు పాటించాల్సిందే ● అగ్నిమాపకశాఖాధికారుల ఆదేశంభీమవరం: దీపావళి పండుగ వేళ బాణసంచా విక్రయాలకు ఉమ్మడి పశ్చిమ గోదావరి జిల్లా వ్యాప్తంగా ఏర్పాట్లు వేగవంతమవుతున్నాయి. ధరలు పెరిగినప్పటికీ పండుగ ఉత్సాహంలో బాణసంచా కాల్చేందుకు యువత, పిల్లలు ఆసక్తి చూపుతున్నారు. ఈ నేపథ్యంలో జిల్లాలోని భీమవరం, పాలకొల్లు, నరసాపురం, తణుకు, తాడేపల్లిగూడెం, ఆచంట తదితర ప్రాంతాల్లో తాత్కాలిక బాణసంచా దుకాణాల ఏర్పాటుకు పెద్ద ఎత్తున దరఖాస్తులు వచ్చాయి. ముఖ్యంగా భీమవరం పట్టణంలోని బైపాస్‌ రోడ్డులో ఉన్న జీవీఆర్‌ ప్రభుత్వ జూనియర్‌ కళాశాల ప్రాంగణంలో దాదాపు 30 దుకాణాల వరకు ఏర్పాటు చేస్తున్నారు. ఒకే చోట పెద్ద సంఖ్యలో షాపులు వెలుస్తుండటంతో అగ్నిప్రమాదాలు జరగకుండా ముందస్తు జాగ్రత్తలు పాటించాలని రాష్ట్ర విపత్తు స్పందన, అగ్నిమాపక సేవల శాఖ అధికారులు స్పష్టం చేస్తున్నారు. పాటించాల్సిన నిబంధనలివే ● దుకాణాలను గుడారాలు లేదా మండే స్వభావం కలిగిన వస్తువులతో నిర్మించకూడదు. ఒక దుకాణానికి మరొక దుకాణానికి మధ్య కనీసం 3 మీటర్ల ఖాళీ స్థలం ఉండాలి. ● షాపుల్లో నూనె దీపాలు, గ్యాస్‌ దీపాలు ఉపయోగించకూడదు. కొనుగోలుదారుల కోసం దుకాణాల వద్ద బాణసంచాను కాల్చి పరీక్షించే (టెస్టింగ్‌) ప్రయోగాలు ఎట్టి పరిస్థితుల్లోనూ చేయనివ్వకూడదు. ● తక్కువ పేలుడు స్వభావం కలిగిన ప్రమాణీకృత బాణసంచాను మాత్రమే విక్రయించాలి. స్థానికంగా తయారు చేసిన తారాజువ్వలు, చిచ్చుబుడ్లు, తాటాకు టపాకాయలు, నార బాంబులతో పాటు గన్‌ పౌడర్‌, నైట్రేట్‌, క్లోరేట్‌, అల్యూమినియం మిశ్రమంతో కూడిన ప్రమాదకర మందుగుండు అమ్మకాలను పూర్తిగా నిషేధించారు. ● ప్రమాదం సంభవిస్తే అగ్నిమాపక వాహనం సులువుగా వచ్చి వెళ్లేలా రవాణా సదుపాయం ఉండాలి. ప్రతి దుకాణం వద్ద 9 లీటర్ల సామర్థ్యం కలిగిన నాలుగు ఫైర్‌ బకెట్లను ఏర్పాటు చేసి, రెండింటిలో పొడి ఇసుకను, రెండింటిలో నీటిని సిద్ధంగా ఉంచుకోవాలి. ● దుకాణాల సమీపంలో పొగతాగడాన్ని పూర్తిగా నిషేధించాలి. స్థానిక ఫైర్‌ స్టేషన్‌ ఫోన్‌ నంబర్‌తో పాటు అగ్నిమాపక శాఖ టోల్‌ ఫ్రీ నంబర్‌ 101, పోలీసు శాఖ టోల్‌ ఫ్రీ నంబర్‌ 100 లతో కూడిన ప్రదర్శన బోర్డులను అందరికీ కనిపించేలా తప్పనిసరిగా ఏర్పాటు చేయాలి. బాణసంచా విక్రయదారులు ప్రభుత్వం నిర్దేశించిన నిబంధనలను తప్పనిసరిగా పాటించాలి. వ్యాపారులకు బాణసంచా తయారీకి ఎలాంటి అనుమతులు లేవు. కాబట్టి అనుమతి పొందిన సంస్థల నుంచి తెచ్చిన బాణసంచాను మాత్రమే అమ్మాలి. 18 ఏళ్లలోపు పిల్లలకు విక్రయించకూడదు. నిబంధనలను అతిక్రమించే వారిపై చట్టపరమైన కఠిన చర్యలు తీసుకుంటాం. – కె. శ్రీనివాసరావు, జిల్లా విపత్తు స్పందన, అగ్నిమాపకాధికారి, భీమవరం

తణుకు అర్బన్‌ : ఎర్రకాలువ ఉగ్రరూపం దాల్చడంతో వస్తున్న భారీ వరద నీటి తాకిడికి తణుకు మండలం దువ్వ వయ్యేరు తీవ్రంగా వణికిపోతోంది. దువ్వతోపాటు కోనాల, ముద్దాపురం గ్రామాల్లో వరద తీవ్రత ఏ స్థాయిలో ఉంటుందోనని ప్రజలు భయాందోళన చెందుతున్నారు. ముఖ్యంగా దువ్వ రెగ్యులేటర్‌ పరిస్థితి ప్రమాదకరంగా మారింది. రెగ్యులేటర్‌ సామర్థ్య ఎత్తు 15 అడుగులు కాగా, ఇప్పటికే ఆ నీటిమట్టం దాటిపోవడంతో ఉన్న నాలుగు గేట్లను ఎత్తివేశారు. 16,500 క్యూసెక్కుల సామర్థ్యం ఉన్న ఈ రెగ్యులేటర్‌ గుండా ప్రస్తుతం 22,600 క్యూసెక్కుల వరద నీరు ప్రవహిస్తోంది. దీంతో బ్రిటిస్‌ కాలంలో నిర్మించిన ఈ రెగ్యులేటర్‌ ఏమవుతుందోనని గ్రామస్తులు, అధికారులు ఆందోళన చెందుతున్నారు. గతంలో 23 వేల క్యూసెక్కుల ప్రవాహం వచ్చినప్పటికీ, నాటితో పోలిస్తే ఇప్పుడు రెగ్యులేటర్‌లో నాణ్యత దెబ్బతిందనే వాదనలు వినిపిస్తున్నాయి. ఇది ధ్వంసమైతే దువ్వతోపాటు పలు గ్రామాల్లోని ఇళ్లు జలమయమయ్యే ప్రమాదం పొంచి ఉంది. ముంపు బారిన గ్రామాలు.. రోడ్డున పడ్డ కుటుంబాలు ఎర్రకాలువ ఉధృతికి పలుచోట్ల గండ్లు పడటంతో తాడేపల్లిగూడెం మండలంలోని నందమూరు, మారంపల్లి, ఆరుళ్లు.. తణుకు మండలం దువ్వ, కోనాల, ముద్దాపురం గ్రామాల్లోకి వరద నీరు చేరి పంట పొలాలు మునిగిపోయాయి. దువ్వ వయ్యేరును ఆనుకుని గుడిసెలు వేసుకుని నివసించే 50కి పైగా నిరుపేద కుటుంబాలు రోడ్డున పడ్డాయి. గుడిసెల్లోకి నీరు చేరడంతో వారంతా రోడ్డు పక్కనే గుడారాలు వేసుకుని తలదాచుకుంటున్నారు. ఎగువన కొంగువారిగూడెం జలాశయం నుంచి వేలాది క్యూసెక్కుల నీటిని దిగువకు విడుదల చేస్తుండటంతో ఈ పరిస్థితి తలెత్తింది. అయితే శనివారం సాయంత్రం నాటికి వరద ప్రవాహం తగ్గుముఖం పట్టవచ్చని జలవనరుల శాఖ అధికారులు చెబుతున్నారు. భీమవరానికి పొంచి ఉన్న ముంపు ముప్పు భీమవరం : పట్టణ మధ్య నుంచి ప్రవహిస్తున్న యనమదుర్రు కాలువ ప్రవాహం ఉధృతి పెరగడంతో పట్టణ వాసుల్లో ముంపు భయం పట్టుకుంది. గత పది రోజులుగా అర్నబ్‌, మురసు తుపాన్ల కారణంగా కురిసిన భారీ వర్షాలకు పట్టణంలోని పలు పల్లపు ప్రాంతాలు జలమయమై ప్రజలు తీవ్ర ఇబ్బట్లు పడ్డారు. ప్రస్తుతం వర్షాలు తగ్గినప్పటికీ యనమదుర్రు కాలువలో నీటి మట్టం రోజురోజుకూ పెరుగుతుండటంతో అధికారులు రెండో ప్రమాద హెచ్చరిక జారీ చేశారు. పల్లపు ప్రాంతాల ప్రజలను అప్రమత్తం చేసి, పునరావాస కేంద్రాలను ఏర్పాటు చేశారు. దుర్గాపురం, మెంటేవారితోటలో తీవ్ర ఇబ్బందులు కాలువలో నీటి ప్రవాహం తీవ్రం కావడంతో మెంటేవారితోట, దుర్గాపురం ప్రాంతాల్లో నీరు ఎగదన్ని ఇళ్లలోకి చేరింది. మెంటేవారితోటలోని మిరామియా కోడు మురుగునీరు యనమదుర్రు కాలువలో కలవాల్సి ఉండగా, కాలువ ఉధృతి కారణంగా గట్టుపై నుంచి మురుగునీరు ప్రవహిస్తోంది. దీంతో కోడు ఇరువైపులా ఉన్న రోడ్లు జలమయమై ప్రజలు నానా ఇబ్బందులు పడుతున్నారు. దుర్గాపురంలోనూ డ్రెయినేజీలు ఎగదన్ని ఇళ్ల మధ్య నీరు నిలిచిపోయింది. పలుచోట్ల ఆయిల్‌ ఇంజిన్ల ద్వారా నీటిని కాలువలోకి తోడుతున్నప్పటికీ మురుగు సమస్య పూర్తిగా తొలగలేదు. గండ్లు పడే ప్రమాదంపై ఆందోళన ప్రస్తుత నీటి ఉధృతికి యనమదుర్రు కాలువ గట్లు అంచుల వరకు నీరు ప్రవహిస్తోంది. ప్రవాహం మరింత పెరిగితే గట్లు తెగిపోయే ప్రమాదముందని, దీనివల్ల పట్టణానికి పెనుముప్పు వాటిల్లుతుందని ప్రజలు ఆందోళన వ్యక్తం చేస్తున్నారు. వరద నీటికి రోడ్డు, పంట పొలాలు ఏకమైన దృశ్యందువ్వలో ప్రమాదకరంగా నీటి ప్రవాహంతో వయ్యేరుఉధృతంగా ప్రవహిస్తున్న యనమదుర్రు కాలువ మిరామియా కోడు పొంగుతుండంతో రోడ్డుపై ప్రవహిస్తున్న నీరు ఎర్రకాలువ ప్రవాహ తీవ్రతకు సమీప గ్రామాల్లో గుబులు ప్రమాదకర స్థాయిలో దువ్వ రెగ్యులేటర్‌ సామర్థ్యానికి మించి వరద నీటి ప్రవాహం

తాడేపల్లిగూడెం రూరల్‌: యాంటీ మైక్రోబయాల్‌ రెసిస్టెన్స్‌ అనేది భారతీయ ఆరోగ్య రంగానికి పెను సవాలుగా మారిందని జాతీయ ఫార్మసీ కౌన్సిల్‌ ప్రెసిడెంట్‌ డాక్టర్‌ మెంతు కుమార్‌ ఎం.పాటిల్‌ అన్నారు. శుక్రవారం మండలంలోని పెదతాడేపల్లి వాసవి ఇంజనీరింగ్‌ కళాశాలలో ప్రపంచ ఫార్మాసిస్ట్‌ దినోత్సవం, జాతీయ ఫార్మసీ వారోత్సవాలు ఘనంగా నిర్వహించారు. ఈ సందర్భంగా ఆయన మాట్లాడుతూ వైద్య రంగంలో వైద్యులతో పాటు ఫార్మాసిస్ట్‌ల పాత్ర కూడా అత్యంత కీలకమైనదన్నారు. ప్రజలు వ్యాధుల నివారణకు అవగాహన లేకుండా అనవసరంగా మందులు వాడుతున్నారని, వారిలో చైతన్యం నింపి యాంటీబయోటిక్‌ వాడకాన్ని తగ్గించేలా చూడాల్సిన బాధ్యత ఫార్మాసిస్ట్‌లపై ఉందన్నారు. ప్రతి ఫార్మసీ విద్యా సంస్థ కనీసం 10 పరిశ్రమలతో అవగాహన ఒప్పందం కుదుర్చుకునేలా చేయడం ఫార్మసీ కౌన్సిల్‌ లక్ష్యమని తెలిపారు. ఈ కార్యక్రమంలో జాతీయ ఫార్మసీ కౌన్సిల్‌ ఐసీటీ అధ్యక్షుడు డాక్టర్‌ పి. సత్యమూర్తి, పిసిఐ సెంట్రల్‌ కమిటీ సభ్యుడు డాక్టర్‌ ఎస్‌.ఎల్‌.ఎన్‌. ప్రసాద్‌రెడ్డి, ఆంధ్రప్రదేశ్‌ మెడికల్‌ కౌన్సిల్‌ అధ్యక్షుడు డి. శ్రీహరిరావు, కెమిస్ట్‌ అండ్‌ డ్రగ్గిస్ట్‌ అసోసియేషన్‌ అధ్యక్షుడు పి.వి. రత్నం ప్రసంగించారు. అనంతరం విద్యార్థుల సాంస్కృతిక ప్రదర్శనలు అలరించగా, వివిధ పోటీల విజేతలకు బహుమతులు ప్రదానం చేశారు. కార్యక్రమంలో కళాశాల పాలకవర్గ అధ్యక్షుడు గ్రంధి సత్యనారాయణ, కార్యదర్శి చలంచర్ల సుబ్బారావు, టెక్నికల్‌ డైరెక్టర్‌ చక్కా అప్పారావు తదితరులు పాల్గొన్నారు.

బుట్టాయగూడెం : ఏజెన్సీలోని గిరిజన గ్రామాల్లో శుక్రవారం మధ్యాహ్నం భారీ వర్షం దంచికొట్టింది. ఇటీవల శ్రీమురసుశ్రీ తుఫాను ప్రభావంతో కురిసిన వర్షాలకు నేలంతా ఇప్పటికే తడిసి ముద్దవ్వడంతో, శుక్రవారం కురిసిన వర్షానికి వాగులు, పిల్ల కాలువలు పొంగిపొర్లాయి. కొండ ప్రాంతాల్లో కురిసిన భారీ వర్షానికి గుబ్బలమంగమ్మతల్లి జల్లేరు జలాశయంలోకి నిరంతరం వరద నీరు వచ్చి చేరుతోంది. నీటిమట్టం పెరుగుతుండటంతో ఇరిగేషన్‌ అధికారులు రెండు గేట్లు ఎత్తి, స్లూయిజ్‌ ద్వారా 300 క్యూసెక్కుల నీటిని దిగువకు విడుదల చేసినట్లు ఏఈ సురేష్‌ తెలిపారు. ఈ జలాశయం పూర్తి సామర్థ్యం 217.80 మీటర్లు కాగా, ప్రస్తుతం 216.95 మీటర్ల నీటిమట్టం నమోదైంది. ప్రాజెక్టులోకి 208 క్యూసెక్కుల ఇన్‌–ఫ్లో వస్తుండగా, ఔట్‌–ఫ్లో 300 క్యూసెక్కులుగా ఉందన్నారు. మరోవైపు పొగొండ రిజర్వాయర్‌కు కూడా భారీగా వరద రావడం వల్ల స్పిల్‌వే ద్వారా నీరు వెలుపలకు ప్రవహిస్తోంది. అలాగే జంగారెడ్డిగూడెం మండలం కొంగువారిగూడెంలోని కేకేఎం ఎర్రకాలువ జలాశయానికి వరద నీరు పోటెత్తుతోంది. ఈ ప్రాజెక్టు పూర్తి నీటి సామర్థ్యం 83.50 మీటర్లు కాగా, ప్రస్తుతం నీటిమట్టం 82.90 మీటర్లకు చేరినట్లు ఇరిగేషన్‌ అధికారులు వెల్లడించారు. జలాశయాల్లోకి భారీగా చేరిన వరద నీరు

తాడేపల్లిగూడెం (టీఓసీ): తుపాను ప్రభావిత ఉద్యాన పంటల రక్షణకు తీసుకోవాల్సిన జాగ్రత్తలు తెలియజేస్తూ శుక్రవారం డాక్టర్‌ వైఎస్‌ఆర్‌ ఉద్యాన విశ్వవిద్యాలయంలో వీసీ డాక్టర్‌ కట్టుపల్లి ధనుంజయరావు ఆధ్వర్యంలో కరపత్రాలు విడుదల చేశారు. ఆయన మాట్లాడుతూ రెండు తుపాన్లు కారణంగా వివిధ రకాల ఉద్యాన పంటలకు వాటిల్లుతున్న నష్టాన్ని కనీస స్థాయికి తగ్గించేందుకు ప్రత్యేక కార్యచరణను చేపట్టామన్నారు. జిల్లాలోనితోటలను, ఉద్యాన పంటలను క్షేత్రస్థాయిలో సందర్శించి, రైతులకు ధైర్యం చెబుతూ అవసరమైన సలహాలు, సూచనలు ఇస్తున్నట్టు చెప్పారు. ఉద్యాన పంటల వారీగా తీసుకోవాల్సిన జాగ్రత్తలతో కూ డిన ప్రత్యేక అవగాహన కరపత్రాలను విడుదల చే స్తున్నట్టు చెప్పారు. రిజిస్ట్రార్‌ ఎం.మాధవి, పరిశోధన సంచాలకుడు ఎస్‌.సూర్యకుమారి, విస్తరణ సంచాలకుడు డీవీ స్వామి, ఈ.కరుణశ్రీ, దొరాజీ, పరాత్పరావు, శాస్త్రవేత్తలు పాల్గొన్నారు.

నరసాపురం: సముద్ర సంగమ ప్రాంతానికి, బంగాళాఖానికి చేరువలో ఉన్న నరసాపురం గోదావరిలో అపార మత్స్యసంపద ఉంది. రోజూ రూ.కోట్ల విలువ చేసే మత్స్య సంపద ఇక్కడ గోదావరిలో లభ్యమవుతోంది. అయితే కొన్ని నెలలుగా గోదావరిలో మత్స్య సంపద కాలుష్యం కారణంగా మృతువాత పడుతోంది. నరసాపురంలోని పొన్నపల్లి నుంచి మండలంలో రాజుల్లంక వరకూ గోదావరి పొడవునా చేపలు చచ్చిపోయి తేలుతున్నాయి. పట్టణ పరిధిలో ఇటు వైపు, మండల పరిధిలో రాజుల్లంక వద్ద రెండు చోట్లా సీఎం చంద్రబాబు బంధువులకు చెందిన రెండు పెద్ద రొయ్యల ప్రాసెస్‌ యూనిట్లు ఉన్నాయి. ఈ కంపెనీలకు చెందిన విషతుల్యమైన వ్యర్థాలు నేరుగా, కొన్ని సందర్భాల్లో ట్యాంకర్ల ద్వారా తీసుకువచ్చి గోదావరిలో కలుపుతుండటంతో నదీ జలాలు కలుషితమై చేపలు చనిపోతున్నాయని మత్స్యకార సంఘాల నాయకులు ఆందోళన వ్యక్తం చేస్తున్నారు. చర్యలు చేపట్టాలంటూ అధికారులకు ఫిర్యాదులు చేసినా ఫలితం శూన్యం గోదావరిలో గుడ్లు, చేపలు మృత్యువాత పడుతున్నాయని, కొన్ని రకాల చేపల పునరుత్పత్తికి ప్రమాదమని శాస్త్రవేత్తలు సైతం ఆందోళన వ్యక్తం చేస్తున్నారు. గోదావరి తీరంలో కొట్లాట సుమారు 40 మంది ఈనెల 4న గోదావరి గట్టున డబ్బా వేట సాగిస్తుండగా పొన్నపల్లి, మాధవాయిపాలెం ప్రాంతాలకు చెందిన మత్స్యకారులు అడ్డుకున్నారు. దీంతో ఇరువర్గాల మధ్య గలాటా జరిగింది. ఈ సందర్భంలో అక్కడకు టీడీపీ నేత, రాష్ట్ర మత్స్యకార అభివృద్ధి కార్పొరేషన్‌ చైర్మన్‌ కొల్లు పెద్దిరాజు వచ్చారు. పట్టణ పోలీసులు చేరుకుని లాఠీచార్జ్జీ చేశారు. పెద్దరాజు పోలీసులను పిలిపించి తమను గాయాలయ్యేలా కొట్టించారని మత్స్యకార యువకులు ఆరోపిస్తున్నారు. ఇదిలా ఉండగా ఘర్షణ విషయం తెలిసి పోలీసులు వచ్చారని, తనకేమీ సంబంధం లేదని పెద్దిరాజు అంటున్నారు. న్యాయం కోసం పోరాడదాం రొయ్యల కంపెనీల కాలుష్యం, డబ్బా వేటను వెనకేసుకొస్తున్న టీడీపీ మత్స్యకార నేత వ్యవహారంపై పోరాటం చేద్దామని మత్స్యకార నాయకులు నిర్ణయించారు. శుక్రవారం పొన్నపల్లి రామాలయంలో సమావేశం కాగా.. వీరిలో టీడీపీ, జనసేన నాయకులు కూడా ఉన్నారు. జిల్లా అధికారులకు మరో మారు విన్నవిద్దామని, ముఖ్యమంత్రి వద్దకు వెళ్లి న్యాయం అడుగుదామని చెప్పారు. సమస్య పరిష్కారం కాని పక్షంలో రోడ్కెక్కి ఆందోళనలు చేద్దా మని పిలుపునిచ్చారు. మత్స్యకార నేత లు పీతల ప్రసాద్‌, పొన్నాల నాగబాబు, వనమాల శ్రీను, కోలా కృష్ణ, కొప్పాడి కనకరాజు పాల్గొన్నారు. గోదావరి నదిలో కాలుష్యంతో చనిపోయిన చేపలు పొన్నపల్లిలో రామాలయం వద్ద సమావేశమైన మత్స్యకార నాయకులు గోదావరిలోకి చంద్రబాబు బంధువుల రొయ్యల కంపెనీల వ్యర్థాలు మృత్యువాత పడుతున్న చేపలు, రొయ్యలు కొత్తగా అనధికార డబ్బా వేటపై ముదురుతున్న వివాదం ఆందోళనలకు మత్స్యకార నాయకుల నిర్ణయం అధికార కూటమి మత్స్యకార నాయకులే తిరుగుబాటు ఇటీవల గోదావరిలో చైనా తరహా డబ్బా వేట కల్చర్‌ మొదలవ్వడం చర్చనీయాంశంగా మారింది. వాటర్‌ క్యాన్‌ లాంటి ప్లాస్టిక్‌ డబ్బాలకు రంధ్రాలు పెట్టి, కొత్త తరహా ముల్లులు అమరుస్తారు. ఈ డబ్బాల్లో మైనా పిండి ముద్దలను ఉంచి గాలం మాదిరిగా తాడుకట్టి గోదావరిలో వదులుతారు. ఈ డబ్బాల్లోకి మూడు కిలోల వరకూ బరువు ఉండే చేపలు వచ్చి చిక్కుతాయి. చైనాలో ఈ తరహా వేట ప్రాచుర్యంలో ఉందని చెబుతున్నారు. ఇటీవల గోదావరి గట్టు వెంబడి రోజంతా వందలాది మంది ఈ తరహా వేట సాగిస్తున్నారు. వీరిలో మత్స్యకారులతో పాటు ఇతర సామాజిక వర్గాల వారు కూడా ఉంటున్నారు. వాస్తవానికి గోదావరిలో వేట మత్స్యకార సొసైటీల్లో సభ్యత్వం ఉన్న బోట్లు, వలలు ఉన్న వారు మాత్రమే చేయాలి. ఓ వైపు చేపలు మృత్యువాత.. మరోవైపు డబ్బావేటతో తమ ఉపాధి దెబ్బతింటోందని మత్స్యకారులు ఆందోళన వ్యక్తం చేస్తున్నారు.

అత్తిలి: దివ్యాంగుల క్రికెట్‌ అసోసియేషన్‌ ఆఫ్‌ ఆంధ్రప్రదేశ్‌ 2వ వార్షిక సర్వసభ్య సమావేశం శుక్రవారం అత్తిలిలో అసోసియేషన్‌ కార్యదర్శి యడ్లపల్లి సూర్యనారాయణ అధ్యక్షతన నిర్వ హించారు. ఈ సమావేశంలో రాష్ట్ర, జిల్లా స్థాయి సంఘాల రిజిస్ట్రేషన్‌, క్రీడాకారుల వివరాల అప్‌డేట్‌, గత ఏడాది క్రీడా కార్యక్రమాల సమీక్ష, రాబోయే వార్షిక క్రీడా క్యాలెండర్‌ రూపకల్పన, సౌత్‌ జోన్‌ టోర్నమెంట్ల నిర్వహణ తదితర అంశాలపై సుదీర్ఘంగా చర్చించారు. అలాగే అండర్‌–19 క్రీడాకారులను గుర్తించి ప్రోత్సహించడం, బాలికా క్రీడాకారులకు ప్రత్యేక ప్రోత్సాహం అందించడం వంటి అంశాలపై కీలక నిర్ణయాలు తీసుకున్నారు. ఈ సమావేశంలో 2026–27 సంవత్సరానికి వివిధ కమిటీలు బాధ్యతలను నియమించారు. గేమ్‌ డెవలప్‌మెంట్‌ ఆపరేషనన్స్‌ డైరెక్టర్‌గా సుగాలి మధుసూదన్‌నాయక్‌, టోర్నమెంట్‌ ప్రోగ్రామింగ్‌, సీఎస్‌ఆర్‌ యాక్టివిటీస్‌ డైరెక్టర్‌గా గాధంశెట్టి తేజ, సెలక్షన్‌ కమిటీ చైర్మన్‌గా జి.కై లాష్‌, లాజిస్టిక్స్‌ కమిటీ చైర్మన్‌గా కన్నూరి సురేష్‌, అంపైరింగ్‌ కమిటీ చైర్మన్‌గా రాజపుట్‌ నాగేంద్రసింగ్‌, స్కోరర్‌ కమిటీ చైర్మన్‌గా దాసం దుర్గారావు ఎన్నికయ్యారు. జోనల్‌ కోఆర్డినేటర్లుగా సౌత్‌ జోన్‌కు రామాంజుల నాయక్‌, సెంట్రల్‌ జోన్‌కు సుబ్బయ్య, నార్త్‌ జోన్‌కు బి.రామృష్ణ, సలహాదారులుగా యడ్లపల్లి అయ్యప్పస్వామి, శరకణం పద్మారావు, మైపాల శ్రీనివాసు, అసోసియేషన్‌ మీడియా ఇన్‌చార్జిగా సిరిపురపు శ్రీహరి, అంబుడ్స్‌మన్‌ ఎథిక్స్‌ ఆఫీసర్‌గా అనుకుల రమేష్‌ తదితరులు ఎన్నికయ్యారు.

భీమవరం: మహిళలకు అన్ని రంగాల్లో సమాన అవకాశాలు కల్పించాలని భీమవరం సివిల్‌ జడ్జి ఎం.సుధారాణి అన్నారు. మండల న్యాయ సేవా సంస్ధ ఆధ్వర్యంలో భీమవరం సీత పాలిటెక్నిక్‌ కళాశాలలో శుక్రవారం న్యాయ అవగాహన సదస్సు నిర్వహించారు. ముఖ్య అతిథిగా ఆమె మాట్లాడుతూ మహిళలు కట్నం ఇవ్వకుండా పెళ్లి చేసుకుంటామని సంకల్పం చేయాలని, మహిళలకు భారత రాజ్యాంగం ఇచ్చిన ప్రత్యేక చట్టాలు రక్షణగా ఉన్నాయన్నారు. పెండింగ్‌ కేసులను రాజీ చేసుకునేందుకు ప్రత్యేక శిక్షణ పొందిన న్యాయవాదులను మధ్యవర్తులుగా ని యమించారన్నారు. బార్‌ అసోసియేషన్‌ అధ్యక్షుడు యేలేటి న్యూటన్‌, కళాశాల ప్రిన్సిపాల్‌ సీహెచ్‌ రామకృష్ణ, ప్యానల్‌ న్యాయవాదులు, పారా లీగల్‌ వలంటీర్లు పాల్గొన్నారు. తణుకు అర్బన్‌: మండలంలోని దువ్వ గ్రామంలో వయ్యేరు ముంపు ప్రాంతంలో శుక్రవారం డీఎంహెచ్‌ఓ ఎం.రవిబాబు పర్యటించారు. ముంపు బాధితుల ఆరోగ్య సమాచారిన్న అడి గి తెలుసుకున్నారు. నివాసితులంతా ఆరోగ్యంపై జాగ్రత్తలు పాటించాలని, మురుగునీటి సమీపంలో నివసిస్తున్న వారంతా కాచి చల్లార్చిన నీటిని తాగడం, వేడిగా ఉన్న ఆహారం భుజించాలని సూచించారు. ఇప్పటికే గ్రామంలో మూడు వైద్య శిబిరాలు ఏర్పాటుచేశామని, ఆరు వైద్య బృందాలతో ముంపు ప్రాంతంలో ఇంటింటా సర్వే చేయిస్తున్నట్టు చెప్పారు. ముఖ్యంగా దోమకాటుకు గురవకుండా దోమ తెరలు వినియోగించాలని చెప్పారు. వైద్యాధికారి సాయి గిరిధర్‌రెడ్డి, డాక్టర్‌ సాయి భవాని, వైద్య సిబ్బంది ఉన్నారు. భీమవరం: స్థానిక కాస్మో పాలిటన్‌ క్లబ్‌లో జాతీయస్థాయి టెన్నిస్‌ పోటీలు ఉత్సాహంగా సాగుతున్నాయి. క్లబ్‌ అధ్యక్ష, కార్యదర్శులు సీహెచ్‌ రామభద్రిరాజు, బీహెచ్‌ సుబ్బరాజు, టోర్నమెంట్‌ చైర్మన్‌ యు.కృష్ణ ప్రసాద్‌, వైస్‌ చైర్మన్‌ టి.కృష్ణబాబు పర్యవేక్షిస్తున్నారు. శుక్రవారం సింగిల్స్‌ పురుషుల విభాగంలో డి.శ్రీకర్‌, జి.నాశిక్‌రెడ్డి, మయాంద్‌ తివారి, పి.శాండిల్య, మ హిళల విభాగంలో దండు లక్ష్మి సిరి, ఎం.ప్రశాంతి ముండే, డి.నిర్మల్‌ ఫెర్నాండో, హర్షిణి నాగరాజ్‌ విజేతలుగా నిలిచారు. మహిళల డబుల్స్‌ విభాగంలో జోయల్‌ నికోల్‌–అర్జాన్‌ ఖోరాకివాలా సత్తాచాటారు. మొగల్రాజపురం(విజయవాడ తూర్పు): హైదరాబాద్‌లో జరిగే 7వ ఖేలో ఇండియా యూత్‌ గేమ్స్‌–2026 జాతీయ క్రీడా పోటీల్లో ఆంధ్రప్రదేశ్‌ తరఫున ప్రాతినిధ్యం వహించేందుకు అండర్‌–18 రాష్ట్ర క్రీడాకారుల ఎంపికలను ఈ నెల 10న నిర్వహించనున్నామని శాప్‌ ప్రతినిధులు ప్రకటనలో తెలిపారు. పశ్చిమగోదావరి జిల్లా భీమవరంలోని ఎస్‌సీహెచ్‌ఆర్‌ఎం హై స్కూల్‌ ఆవరణలో బాలబాలికలకు మల్లఖంబ్‌ సెలెక్షన్స్‌ నిర్వహిస్తామన్నారు. ఉదయం 9 గంటల నుంచి సెలెక్షన్స్‌ ప్రారంభమవుతాయని, 01.01.2009 తేదీ తర్వాత జన్మించిన క్రీడాకారులు మాత్రమే అర్హులన్నారు. మరిన్ని వివరాలకు సెల్‌ 99082 67811లో సంప్రదించాలని ఆయన కోరారు. వీరవాసరం: అర్నబ్‌ తుపాను కారణంగా వా యిదా పడిన స్కూల్‌గేమ్స్‌ అండర్‌–14, 17 బాలబాలికల రైఫిల్‌ షూటింగ్‌ ఉమ్మడి పశ్చిమగోదావరి జిల్లా జట్ల ఎంపికలు ఈనెల 8న భీమవరంలోని చింతలపాటి బాపిరాజు ము న్సిపల్‌ హైస్కూల్‌లో నిర్వహించనున్నారు. ఈ మేరకు జిల్లా స్కూల్‌గేమ్స్‌ కార్యదర్శులు గు త్తుల నర్మద, మహమ్మద్‌ ఖుద్ధుస్‌ ప్రకటన వి డుదల చేశారు. క్రీడాకారులు ఉదయం 10 గంటలకు రిపోర్ట్‌ చేయాలని సూచించారు.

జంగారెడ్డిగూడెం (బుట్టాయగూడెం) : జపాన్‌లో జరిగిన ఆసియా పారా గేమ్స్‌ స్విమ్మింగ్‌ పోటీల్లో మూడు పతకాలు సాధించిన జంగారెడ్డిగూడెం వాసి, ఇంటర్నేషనల్‌ స్విమ్మర్‌ రవికార్తీక్‌ బుడిగినకు అరుదైన గౌరవం లభించింది. సీనియర్‌ న్యాయవాది బుడిగిన నాగేంద్రకుమార్‌ తనయుడైన కార్తీక్‌.. దేశ ప్రధాని నుంచి ప్రత్యేక ఆహ్వానం అందుకొని ఢిల్లీలో మోదీని అధికారికంగా కలుసుకున్నారు. ఈ సందర్భంగా ప్రధాని నరేంద్ర మోదీ ఆయనతో ముచ్చటించి, విజయాల విశేషాలను అడిగి తెలుసుకున్నారు. భవిష్యత్తులో జరిగే ఒలింపిక్స్‌, ప్రపంచ ఛాంపియన్‌షిప్‌ వంటి అంతర్జాతీయ పోటీల్లోనూ ఇలాగే రాణించి దేశానికి మరింత పేరు ప్రఖ్యాతులు తీసుకురావాలని ఆకాంక్షూస్తూ శుభాకాంక్షలు తెలిపారు. భీమవరం: పట్టణంలోని ఓ ఇంట్లో హల్‌చల్‌ చేస్తున్న రెండు పునుగుపిల్లులను శుక్రవారం అటవీశాఖ అధికారులు పట్టుకున్నారు. స్థానిక పోలీసు బొమ్మ సెంటర్‌లోని ఎన్‌.సర్వారాయుడు నివాసంలో కొంతకాలంగా ఇవి సంచరిస్తున్నాయి. కుటుంబ సభ్యుల ఫిర్యాదు మేరకు రంగంలోకి దిగిన ప్రత్యేక బృందం.. శుక్రవారం ఆ రెండు పిల్లులను పట్టుకుని బోనులో బంధించింది. వాటిని సురక్షితంగా అడవిలో వదులుతామని అధికారులు తెలిపారు. జంగారెడ్డిగూడెం(బుట్టాయగూడెం): జంగారెడ్డిగూడెం మండలం వేగవరం సమీపంలోని జల్లేరు ఎర్రకాలువలో మత్స్యకారుల వలకు సుమారు 20 కిలోల బరువైన భారీ చేప చిక్కింది. అసాధారణ పరిమాణంలో ఉన్న ఈ చేప స్థానికంగా అందరి దృష్టిని విపరీతంగా ఆకర్షించింది. వేగవరం గ్రామానికి చెందిన కొబ్బరికాయల వ్యాపారి, రైతు గంటికూటి చిన్న దీనిని రూ. 7 వేలకు కొనుగోలు చేశారు. ఎర్రకాలువలో ఇంతటి భారీ సైజులో చేప లభించడంపై స్థానికులు, మత్స్యకారులు ఆసక్తిగా చర్చించుకుంటున్నారు.

శనివారం శ్రీ 7 శ్రీ నవంబర్‌ శ్రీ 2026సాక్షి, భీమవరం: జిల్లా, మండల పరిషత్‌ ఓట్ల లె క్కింపునకు సర్వం సిద్ధమైంది. భీమవరం రెవెన్యూ డివిజన్‌ పరిధిలోని జెడ్పీటీసీ, ఎంపీటీసీ స్థానాలకు ఎస్‌ఆర్‌కేఆర్‌ కళాశాల, నరసాపురం రెవెన్యూ డివిజన్‌లోని వాటికి వైఎన్‌ కళాశాల, తాడేపల్లిగూడెం డివిజన్‌లోని వాటికి ఆదికవి నన్నయ విశ్వవిద్యాలయంలో ఓట్లు లెక్కించనున్నారు. ఈ మేరకు మూడు కేంద్రాల్లో మొత్తం 219 టేబుళ్లను అధికారులు ఏర్పాటుచేశారు. మూడు కేంద్రాల్లో.. బ్యాలెట్‌ బాక్సులు భద్రపరిచిన భీమవరం ఎస్‌ఆర్‌కేఆర్‌, నరసాపురం వైఎన్‌ కళాశాల, తాడేపల్లిగూడెం ఆదికవి నన్నయ్య యూనివర్సిటీల్లో మండలాల వారీగా ఓట్లు లెక్కింపు కోసం అధికారులు ఏర్పాట్లు చేశారు. జిల్లాలో 20 మండలాలకు గాను మూడు కేంద్రాల్లోను మొత్తం 219 టేబుళ్లను ఏర్పాటుచేశారు. ఒక్కో మండలానికి పోలింగ్‌ కేంద్రాలు, ఓటర్ల సంఖ్యను బట్టి ఆరు నుంచి 22 వరకు టేబుళ్లను ఏర్పాటుచేశారు. ఆచంట, ఆకివీడు మండలాలకు ఆరు చొప్పున టేబుళ్లు ఏర్పాటుచేయగా, యలమంచిలి, పాలకొల్లు, పాలకోడేరు, వీరవాసరం మండలాలకు ఏడు చొప్పున, తణుకు, పోడూరు, పెనుమంట్ర, పెనుగొండ, కాళ్ల మండలాలకు పది చొప్పున, ఉండి మండలానికి 11, పెంటపాడు, నరసాపురం, మొగల్తూరు, ఇరగవరం, గణపవరం మండలాలకు 12 టేబుళ్లు చొప్పున, అత్తిలి, భీమవరం మండలాలకు 18 చొప్పున, తాడేపల్లిగూడెం రూరల్‌కు 22 టేబుళ్లను ఏర్పాటుచేశారు. టేబుల్‌కు ఒక కౌంటింగ్‌ సూపర్‌వైజర్‌ (సీఎస్‌) చొప్పున 219 మందిని నియమించారు. మొత్తం 671 మంది కౌంటింగ్‌ అసిస్టెంట్లను నియమించగా టేబుల్‌కు ముగ్గురు నుంచి నలుగురు విధులు నిర్వర్తించనున్నారు. రిజర్వులో సీఎస్‌లు 45 మంది, కౌంటింగ్‌ అసిస్టెంట్లు 140 మంది ఉన్నారు. జిల్లాలోని 20 జెడ్పీటీసీ, 340 ఎంపీటీసీ స్థానాలకు గురువారం పోలింగ్‌ పూర్తయిన విషయం విదితమే. జిల్లాలో 5,20,713 మంది పురుషులు, 5,32,203 మహిళలు, 11 మంది ఇతరులు కలిపి మొత్తం 10,52,927 మంది ఓటర్లకు గాను 69.73 పోలింగ్‌ శాతంతో 7,34,155 మంది ఓటుహక్కును వినియోగించుకున్నారు. వీరిలో 3,65,443 మంది పురుషులు, 3,68,708 మంది మహిళలు, ఇతరులు నలుగురు ఉన్నారు. పోలింగ్‌ అనంతరం భీమవరం డివిజన్‌లోని బ్యాలెట్‌ బాక్సులను ఎస్‌ఆర్‌కేఆర్‌ కళాశాల, నరసాపురం డివిజన్‌లోని వాటిని వైఎన్‌ కళాశాలకు, తాడేపల్లిగూడెం డివిజన్‌లోని బాక్సులను ఆదికవి నన్నయ్య యూనివర్సిటీలో ఏర్పాటుచేసిన స్ట్రాంగ్‌ రూమ్‌లకు తరలించారు. తేలనున్న భవితవ్యం భీమవరం, నరసాపురం, తాడేపల్లిగూడెంలో కౌంటింగ్‌ ఉదయం 8 గంటల నుంచి ఓట్ల లెక్కింపు మూడు కేంద్రాల్లో 219 టేబుళ్లు ముందు ఎంపీటీసీ, తర్వాత జెడ్పీటీసీ సభ్యుల ఫలితాలు తొలుత పోస్టల్‌ బ్యాలెట్‌ ఓట్లతో కౌంటింగ్‌ ప్రారంభమవుతుంది. తర్వాత బ్యాలెట్‌ బాక్సుల్లోని ఓట్లను బయటకుతీసి జెడ్పీటీసీ, ఎంపీటీసీ అభ్యర్థులకు పోలైన ఓట్లను ఓట్లను వేరు చేస్తారు. ఒక్కో దశలో ఎంపీటీసీ అభ్యర్థులకు పోలైన ఓట్లు లెక్కించిన అనంతరం జెడ్పీటీసీ అభ్యర్థుల ఓట్లను లెక్కిస్తారు. మధ్యాహ్నం 11 నుంచి 12 గంటల సమయానికి తొలి ఫలితం వెలువడుతుందని భావిస్తున్నారు.

భీమవరం: భీమవరం మున్సిపల్‌ ఎన్నికల్లో వైఎస్సార్‌సీపీ అభ్యర్థులను గెలిపించడానికి పార్టీ నాయకులు, కార్యకర్తలు శక్తివంచన లేకుండా కృషి చేయాలని ఆ పార్టీ భీమవరం నియోజకవర్గ సమన్వయకర్త చినమిల్లి వెంకటరాయుడు అన్నారు. శుక్రవారం పట్టణంలోని పార్టీ కార్యాలయంలో ఏర్పాటుచేసిన ముఖ్య నాయకుల సమావేశంలో మాట్లాడారు. పట్టణంలోని 52 వార్డుల్లో బలమైన అభ్యర్థులను బరిలో నిలిపి వారి గెలుపు కోసం నిరంతరం పాటుపడాలన్నారు. పట్టణవాసులు పలు సమస్యలతో ఇబ్బందులు పడుతున్నారని, కూటమి ప్రభుత్వం అధికారంలోకి వచ్చి రెండున్నరేళ్లు గడిచినా అభివృద్ధి లేకపోగా కనీసం సౌకర్యాలు కూడా కొరవడటంతో ప్రజలంతా విసిగిపోయారన్నారు. ఈ తరుణంలో వైఎస్సార్‌సీపీ అభ్యర్థులు అధికారంలోనికి వస్తే సమస్యల పరిష్కారానికి ప్రాధాన్యమిస్తామంటూ ప్రజలకు వి వరించాలని సూచించారు. పార్టీ నరసాపురం పార్ల మెంట్‌ సమన్వయకర్త గూడూరి ఉమాబాల, పార్టీ టౌన్‌ ప్రెసిడెంట్‌ గాదిరాజు రామరాజు, రాష్ట్ర బీసీ సెల్‌ సెక్రటరీ కోడే యుగంధర్‌, స్టేట్‌ లీగల్‌ సెల్‌ సెక్రటరీ బడుగు అశోక్‌, నాయకులు కరీముల్లా బాషా, గోపిశెట్టి సుబ్బారావు, మల్లుల శ్రీనివాస్‌, సాల శ్రీను, గంటా రాహుల్‌, పెచ్చేటి ప్రసాద్‌, కనుమూరి విజయదుర్గ తదితరులు పాల్గొన్నారు.

తాడేపల్లిగూడెం రూరల్‌: వరద ముంపు గ్రామాల్లోని వరద బాధితులకు ముందుగా పునరావాసం కల్పించాలని వైఎస్సార్‌సీపీ తాడేపల్లిగూడెం నియోజకవర్గ కన్వీనర్‌ వడ్డి రఘురాం నాయుడు ప్రభుత్వాన్ని డిమాండ్‌ చేశారు. ఎర్రకాలువ ప్రభావిత ప్రాంతాలైన మండలంలోని మారంపల్లి, నందమూరు గ్రామాల్లో శుక్రవారం పర్యటించి, వరద బాధితులకు పాలు, అల్పాహారం అందజేశారు. ఈ సందర్భంగా బాధిత కుటుంబాలను పరామర్శించి వారి సమస్యలను అడిగి తెలుసుకున్నారు. అనంతరం ఆయన మాట్లాడుతూ ఎర్రకాలువ ఉధృతికి రాత్రికి రాత్రే నందమూరు, మారంపల్లి గ్రామాలు వరద ముంపునకు గురయ్యాయని, ఇళ్లల్లోకి వరద నీరు చేరిందన్నారు. వరద బాధితులకు అవసరమైన తాగునీరు, ఆహారం, ఇతర నిత్యావసర స రుకులను అందించాలన్నారు. వరద తగ్గిన తర్వాత అవసరమైన మందులు, వైద్య శిబిరాలు ఏర్పాటు చేయాలని డిమాండ్‌ చేశారు. వరద వల్ల గృహోపకరణాలు, ఇతర ఆస్తులు నష్టపోయిన బాధిత కు టుంబాలను ప్రభుత్వం గుర్తించి పరిహారం అందించాలన్నారు. ప్రతి కుటుంబానికి న్యాయం జరిగేలా చర్యలు తీసుకోవాలన్నారు. రెండు గ్రామాల వరద బాధితులకు అండగా నిలుస్తూ వారి సమస్యలు పరిష్కరించేందుకు ప్రభుత్వం తక్షణమే స్పందించాలని డిమాండ్‌ చేశారు. పార్టీ నాయకులు గొర్రెల శ్రీనివాస వట్టి బుజ్జి, కొవ్వూరి ప్రేమ్‌ కిరణ్‌రెడ్డి, లంకా రాజశేఖర్‌, కోనేటి దానయ్య, మాకరాజు సతీష్‌ తదితరులు ఉన్నారు. వైఎస్సార్‌సీపీ కన్వీనర్‌ రఘురాం

చింతలపూడి: మురసు తుపాను ప్రభావంతో కురిసిన భారీ వర్షాలు సరిహద్దు ప్రాంతాల్లో తీవ్ర నష్టాన్ని మిగిల్చాయి. ఎగువన ఉన్న తెలంగాణ ప్రాంతం నుంచి భారీగా వరద నీరు పోటెత్తడంతో శివపురం – చిన్నంపేట గ్రామాల మధ్య ఉన్న ప్రధాన వంతెన కోతకు గురైంది. ఖమ్మం జిల్లా సత్తుపల్లి మండలంలోని బేతుపల్లి చెరువు అలుగు పారి దాదాపు 18 వేల క్యూసెక్కుల మేర వరద నీరు ఉధతంగా ప్రవహించడంతో ఈ వంతెన వద్ద ప్రమాదకర పరిస్థితులు నెలకొన్నాయి. వరద పోటెత్తిన సమయంలో అప్రమత్తమైన అధికారులు ఎలాంటి ప్రాణనష్టం జరగకుండా ముందుజాగ్రత్త చర్యగా రెండు రోజుల పాటు రాకపోకలను పూర్తిగా నిలిపివేశారు. ప్రస్తుతం వరద ప్రవాహం తగ్గుముఖం పట్టడంతో క్షేత్రస్థాయిలో పరిశీలించిన అధికారులు, వంతెన సమీప భాగం తీవ్రంగా దెబ్బతిన్నట్లు గుర్తించారు. ఈ మార్గంలో రాకపోకలు స్తంభించడంతో గత మూడు రోజులుగా రెండు జిల్లాల పరిధిలోని ప్రజలు తీవ్ర ఇబ్బందులు ఎదుర్కొంటున్నారు. నిత్యావసరాలు, అత్యవసర వైద్య సేవల కోసం కిలోమీటర్ల మేర ప్రత్యామ్నాయ మార్గాల్లో చుట్టూ తిరిగి ప్రయాణించాల్సి వస్తోంది. అధికారులు వెంటనే స్పందించి యుద్ధప్రాతిపదికన మరమ్మతు పనులు పూర్తి చేసి, రాకపోకలను త్వరితగతిన పునరుద్ధరించాలని స్థానికులు, ప్రయాణికులు కోరుతున్నారు.

‘అప్పు ఎట్లా తీర్చాలో తెలియట్లేదు.. పంట మొత్తం పోయింది, ఇప్పుడు బతుకు ఎట్లా’ అంటూ రైతులు కన్నీరు పెడుతున్నారు. ఆరుగాలం కష్టించి పండించిన పంట భారీ వర్షంతో తుడిచిపెట్టుకుపోయి నష్టాన్ని మిగిల్చింది. వరుస తుపానులు చేతికొచ్చే పంటను అమాంతం ముంచేశాయి. దీంతో పుట్టెడు దుఃఖంలో నీట మునిగిన వరి కంకులను అష్టకష్టాలు పడుతూ గట్లుపైకి చేరుస్తున్నారు కర్షకులు. వరి నేలకొరిగి, నీటిలో మునిగి ముద్దయిపోవడం చూసి తట్టుకోలేక పంటను కాపాడుకునేందుకు నానాపాట్లు పడుతున్న దృశ్యాలు కనిపిస్తున్నాయి. పాలకోడేరు మండలం మోగల్లులోని గుత్తలవారిపాలెంలో వరి చేలు వద్ద కనిపిస్తున్న దృశ్యాలివి. పంట నష్టంపై ప్రభుత్వం తక్షణమే సర్వే చేయించి, పరిహారం ఇచ్చి ఆదుకోవాలని రైతులు కోరుతున్నారు. – పాలకోడేరు

భీమవరం (ప్రకాశంచౌక్‌): జిల్లాలో మున్సిపల్‌, జెడ్పీటీసీ, ఎంపీటీసీ ఎన్నికలను ప్రశాంత వాతావరణంలో నిర్వహించామని, అలాగే పంచాయతీ ఎ న్నికల నిర్వహణకు సహకరించాలని కలెక్టర్‌ సీహెచ్‌ నాగరాణి కోరారు. శుక్రవారం కలెక్టరేట్‌లో జిల్లా ఎస్పీ అద్నాన్‌ నయీం అస్మితో కలిసి రాజకీయ పార్టీల ప్రతినిధులతో సమావేశం నిర్వహించారు. ఈనెల 13న పంచాయతీ ఎన్నికలకు నోటిఫికేషన్‌ విడుదల కానుందన్నారు. శనివారం జెడ్పీటీసీ, ఎంపీటీసీ ఎన్నికల ఓట్ల లెక్కింపు ప్రక్రియ చేపడతామని, ఈ మేరకు ఏర్పాట్లు పూర్తయ్యాయన్నారు. ఫలి తాల విడుదల అనంతరం బాణసంచా కాల్చడం, భారీ విజయోత్సవ ర్యాలీలకు అనుమతి లేదని స్పష్టం చేశారు. శాంతిభద్రతలకు విఘాతం కలగకుండా బాధ్యతాయుతంగా వ్యవహరించాలని సూచించారు. జిల్లాలో రెండు తుపాన్లు, భారీ వర్షాలు, వరదల కారణంగా సవాళ్లు ఎదురైనా అధికారులు సమర్థవంతంగా ఎన్నికల విధులు నిర్వహించారన్నారు. అత్తిలి, కాశిపాడు, ఉయ్యూరు, నందమూరిగరువు, దువ్వ, తణుకు తదితర ప్రాంతాల్లో వరద పరిస్థితులు తలెత్తాయన్నారు. డీఆర్వో పి.గ్లోరియా, కేఆర్‌సీ డిప్యూటీ కలెక్టర్‌ పి.ప్రభాకర్‌, ఎలక్షన్‌ సూపరింటెండెంట్‌ శేఖర్‌, పార్టీల ప్రతినిధులు పి.రత్నరాజు, కృష్ణమురళి, బీవీవీ సత్యనారాయణమూర్తి, రామరాజు, జైశివ, ఎం.శ్యాంబాబు తదితరులు పాల్గొన్నారు.

పాలకోడేరు : మోగల్లులో గౌడ సంఘం నాయకులు గురువారం వైఎస్సార్‌సీపీలో చేరారు. పార్టీ ఉండి నియోజకవర్గ ఇన్‌చార్జి మంతెన యోగీంద్ర కుమార్‌ (మంతెన బాబు) ఆధ్వర్యంలో గౌడ సంఘానికి చెందిన పెద్ది సిద్ధయ్య తదితరులు పార్టీ కండువా కప్పుకుని వైఎస్సార్‌సీపీలో చేరారు. వారికి మంతెన బాబు పార్టీ కండువాలు కప్పి సాదరంగా ఆహ్వానించారు. ఈ సందర్భంగా సిద్ధయ్య మాట్లాడుతూ.. కూటమి పార్టీల పాలన కంటే గత వైఎస్సార్‌సీపీ పాలనే మెరుగ్గా ఉందని భావించే తాము పార్టీలోకి చేరినట్లు తెలిపారు. మళ్లీ వైఎస్సార్‌సీపీ అధికారంలోకి వస్తేనే అన్ని వర్గాల ప్రజలు అభివృద్ధి, సంక్షేమ ఫలాలను పొందగలుగుతారని ఆశాభావం వ్యక్తం చేశారు. ఈ కార్యక్రమంలో ఎంపీటీసీ అభ్యర్థులు జాలే సునీత, కామన బులిరాజు, దొడ్డా విసు, మాజీ ఉపసర్పంచ్‌ పెన్మత్స సీతారామరాజు, శ్రీను రాజు, మద్దుల మౌళి, జాలే సుమంత్‌, బలే చిట్టిబాబు, ఆకుల బుజ్జి, ఆకుల రంగా, దొడ్డా రంగారావు, కె. విజయ్‌ ప్రతాప్‌, చేబోలు సత్యనారాయణ, బేతాళ యేసు, బుంగా యోహాను, కోరుకొల్లు దాసు, గరికి దాసు, ఇర్రింకి వెంకన్న, కోణాల ప్రకాష్‌, రంజాల వెంకట్‌, యాడంగి వెంకటేష్‌తో పాటు పలువురు పార్టీ నాయకులు, కార్యకర్తలు పాల్గొన్నారు.

పెనుగొండ: వరుసగా వచ్చిన ఆర్నబ్‌, మురసు తుపాన్ల ప్రభావం వలన గోదావరి జిల్లాలో వివిధ పంటలు ముంపుకు గురైనాయి. తుపాన్ల తాకిడితో దెబ్బతిన్న వివిధ పంటలలో చేపట్టవలసిన యాజమాన్య మెలకువలపై ఆచార్య ఎన్‌. జి. రంగ వ్యవసాయ విశ్వవిద్యాలయం, ఏరువాక కేంద్రం కోఆర్డినేటర్‌ డా. మానుకొండ శ్రీనివాస్‌ పలు సూచనలు చేశారు. ఆయన గోదావరి జిల్లాల్లో నీటి మునిగిన వరిచేలను మార్టేరు వరి పరిశోధన స్థానం ఏడీఆర్‌ డాక్టర్‌ సీహెచ్‌ శ్రీనివాస్‌, వరి ప్రధాన శాస్త్రవేత్త డాక్టర్‌ ఎం గిరిజారాణి, రాజమండ్రి వ్యవసాయ కళాశాల అసోసియేట్‌ డీన్‌ డాక్టర్‌ కేవీ రమణమూర్తిలతో కలిసి పరిశీలించారు. వరి రకాల పరిస్థితి అర్నబ్‌ తుపాను ప్రభావంతో గోదావరి జిల్లాల్లో వేలాది హెక్టార్లలో పంటలు దెబ్బతిన్నాయి. ముఖ్యంగా వరి పంటలో స్వర్ణ, సంపద స్వర్ణ రకాలు పాలు పోసుకునే దశ నుంచి గింజ గట్టిపడే దశలో నేలకు ఒరిగి నీట మునిగాయి. సస్యరక్షణ చర్యలు చేపడుతుండగా తరువాత వచ్చిన మురుసు తుపానుతో అప్పటికే పడిపోయిన చేలు మళ్లీ నీట మునిగాయి. దీనితో వర్షాలకు తడిసి పంట పూర్తిగా పాడై కుళ్లిపోయే ప్రమాదం ఏర్పడింది. అలాగే, ప్రస్తుతం ఈనిక దశ, పాలు పోసుకునే దశలో ఉన్న ఎంటీయూ 1318, పీఎల్‌ఏ 1100 తదితర రకాలలో ధాన్యం రంగు మారడం, పొల్లు గింజల శాతం పెరిగే అవకాశం ఉంది. గింజ గట్టిపడిన తడిచిన ధాన్యంలో తేమ శాతాన్ని బట్టి నూక శాతం కూడా పెరిగే అవకాశం ఎక్కువగా ఉంది. తీవ్రంగా దెబ్బతిన్న చేలల్లో తీసుకోవాల్సిన చర్యలు ఎక్కువ రోజులు నీట మునిగిన చేలు.. చేను పడిపోయి వారం రోజులకు పైగా నీట మునిగితే మొక్కలు కుళ్లిపోతాయి. గడ్డి వేగంగా కుళ్లడానికి వేస్ట్‌ డికంపోజర్‌ వాడాలి. రాబోయే దాళ్వా సీజన్‌లో ఎంటీయూ 1121, సన్నగింజ రకం ఎంటీయూ 1282, ఎంటీయూ 1426, ఎగుమతికి అనువైన ఎంటీయూ 1293, ఎంటీయూ 1290 రకాలను సాగు చేసుకోవడం మంచిది. పాక్షికంగా పడిపోయిన లేదా 3 రోజుల్లోపు నీట మునిగిన పొలాలు నిలబడి ఉన్న వరి చేన్లలో నిద్రావస్థ లేని బీపీటీ 5204, పీఎల్‌ఏ 1100 వంటి రకాలలో కంకిపైనే మొలక వచ్చే అవకాశం ఉంది. నిరంతర వర్షాల వల్ల గింజలోని నిద్రావస్థ తొలగి, ఎంటీయూ 1318 వంటి నిలబడి ఉన్న, పడిపోయిన చేలల్లో కూడా మొలకలు వచ్చే అవకాశం ఉంది. కోత దశలో నిలిచిన లేదా పడిపోయిన పంట కంకిలో మొలకలు కనిపిస్తే, ముందుగా నీటిని బయటకు తీసివేయాలి. ఆ తర్వాత 5 శాతం ఉప్పు ద్రావణాన్ని (50 గ్రాముల కల్లు ఉప్పు లీటరు నీటికి కలిపి) పిచికారీ చేయాలి. ఇది గింజలు మొలకెత్తడాన్ని, రంగు మారడాన్ని తగ్గిస్తుంది. ఏరువాక కేంద్రం కో ఆర్డినేటర్‌ డాక్టర్‌ మానుకొండ సూచనలు

జంగారెడ్డిగూడెం (బుట్టాయగూడెం): సొంతూరికి వెళ్లి ఓటు హక్కు వినియోగించుకునేందుకు బయలుదేరిన ఓ మహిళకు ఆర్టీసీ బస్సు ప్రయాణంలో చేదు అనుభవం ఎదురైంది. గుర్తుతెలియని వ్యక్తులు ఆమె బ్యాగులో ఉన్న సుమారు 10 కాసుల బంగారు ఆభరణాలు, రూ.1,500 నగదు చోరీ చేసిన ఘటన జంగారెడ్డిగూడెంలో చోటుచేసుకుంది. బాధితురాలి వివరాల ప్రకారం.. ఏలూరులో నివాసముంటున్న ప్రణామి అనిల తన స్వగ్రామమైన వేగవరంలో జరిగే స్థానిక సంస్థల ఎన్నికల్లో ఓటు వేసేందుకు బస్సులో బయలుదేరారు. ప్రయాణ భద్రతను దృష్టిలో ఉంచుకుని, తన వద్ద ఉన్న రెండు బంగారు గొలుసులు, రెండు గాజులు, చెవిదిద్దులు, నగదును ఓ పర్సులో పెట్టి హ్యాండ్‌బ్యాగులో భద్రపరుచుకున్నారు. ఏలూరు నుంచి జంగారెడ్డిగూడెం బస్టాండ్‌కు చేరుకున్న అనంతరం, అక్కడి నుంచి తాడేపల్లిగూడెం వెళ్లే మరో బస్సు ఎక్కారు. పాత బస్టాండ్‌ స్టాప్‌ వద్ద దిగేందుకు సిద్ధమవుతుండగా, హ్యాండ్‌బ్యాగు జిప్పు తెరిచి ఉండటాన్ని ఆమె గమనించారు. అనుమానం వచ్చి లోపలికి చూసేసరికి, బంగారు ఆభరణాలు, నగదు ఉన్న పర్సు కనిపించకపోవడంతో ఒక్కసారిగా ఆందోళనకు గురయ్యారు. వెంటనే ఈ విషయాన్ని బస్సు కండక్టర్‌, డ్రైవర్ల దృష్టికి తీసుకెళ్లగా.. వారు డయల్‌ 100 ద్వారా పోలీసులకు సమాచారం అందించారు. పోలీసుల సూచన మేరకు ప్రయాణికులతో ఉన్న ఆ బస్సును నేరుగా జంగారెడ్డిగూడెం పోలీస్‌ స్టేషన్‌కు తరలించారు. బాధితురాలి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

భీమవరం: పట్టణంలోని కాస్మో పాలిటెన్‌ క్లబ్‌లో నిర్వహిస్తున్న జాతీయస్థాయి టెన్నిస్‌ పోటీలు హోరాహోరీగా సాగుతున్నాయని క్లబ్‌ అధ్యక్ష కార్యదర్శులు సీహెచ్‌ రామభద్రిరాజు, బీహెచ్‌ సుబ్బరాజు, టోర్నమెంట్‌ చైర్మన్‌ యు.కృష్ణప్రసాద్‌, వైస్‌ చైర్మన్‌ టి.కృష్ణబాబు తెలిపారు. గురువారం జరిగిన పోటీల్లో సింగిల్స్‌ విభాగంలో పురుషుల విభాగంలో జయప్రకాష్‌, పి.శాండిల్య, వి.ధీరజ్‌రెడ్డి, బి.నాశిక్‌రెడ్డి, ఐ ప్రసాద్‌, మయాంద్‌ తివారి, పి.ధర్మలింగం విజేతలుగా నిలిచారు. మహిళా విభాగంలో డి.లక్ష్మిసిరి, ఎం.పార్థసారథి అరుణ్‌, కె.లలితా విజయభాస్కర్‌రెడ్డి, నిర్మల్‌ ఫెర్నాండో, హర్షిణి నాగరాజ్‌, లక్ష్మి గౌడ విజయం సాధించారు. డబుల్స్‌ పురుషుల విభాగంలో అమిత్‌ మూంద్‌– వాన్ష్‌ నందాల్‌, అచ్యుత్‌ మంతెన– నీరజ్‌ దంతులూరి, బద్రినారాయణన్‌– శ్రీకర్‌, మహిళా విభాగంలో నైనికా నరేందర్‌రెడ్డి– ఐ పూజా జోడి గెలుపొందింది. యలమంచిలి: మండలంలోని ఆర్యపేట గ్రామానికి చెందిన ఈదా దావీదు (52) గురువారం ఓటు వేసేందుకు పోలింగ్‌ కేంద్రానికి వెళుతూ మార్గమధ్యలో గుండెపోటుకు గురయ్యాడు. వెంటనే ఆయన్ను స్థానికులు పాలకొల్లు ప్రభుత్వ ఆసుపత్రికి తరలించగా అప్పటికే మృతి చెందినట్లు వైద్యులు ధ్రువీకరించారు. దీంతో గ్రామంలో విషాదఛాయలు అలముకున్నాయి. మృతుడు అవివాహితుడు.

తాడేపల్లిగూడెం రూరల్‌ : మొన్న అర్నబ్‌... నిన్న మురసు తుపాను తాడేపల్లిగూడెం మండలంలోని ఊళ్లను, చేలను వరదమయం చేశాయి. అర్నబ్‌ తుపానును మించి మురసు ప్రభావంతో వర్షాలు విస్తృతంగా కురవడంతో డ్రెయిన్లు, చెరువులు ఉధృతంగా ప్రవహిస్తున్నాయి. చెరువులు ఉప్పొంగడంతో రహదారులు కొట్టుకుపోయాయి. మండలంలోని కడియద్దలో చెరువు ఉప్పొంగడం, కొమ్ముగూడెం వద్ద ప్రధాన రహదారిపై నీటిని పక్కకు మళ్లించడంతో రాకపోకలు పూర్తిగా స్తంభించాయి. దీంతో ప్రజలు ప్రత్యామ్నాయ మార్గాల గుండా రాకపోకలు సాగించగా, ఆటోలు సైతం వెళ్లలేని పరిస్థితి నెలకొంది. పంటలు నీటిపాలు ఎర్ర కాలువ ఉధృతికి వీరంపాలెం శైవక్షేత్రం మునిగిపోయింది. ఆలయ పరిసరాలు ఎర్ర కాలువ వరద నీటిలో చిక్కుకున్నాయి. కొబ్బరి, పామాయిల్‌ తోటల్లోకి వర్షపు నీరు చేరింది. అర్నబ్‌ తుపాను ధాటికి నీట మునిగిన వరి చేలు తేరుకోకముందే, మురసు తుపాను ప్రభావంతో మళ్లీ నీట మునిగాయి. కాలువ పరీవాహక ప్రాంతాల్లోని చేలన్నీ రోజుల తరబడి నీటిలోనే నాని చివికిపోతున్నాయి. ఎల్‌–నినో ధాటికి వర్షాలు లేక ఇబ్బందిపడిన రైతాంగం, ఆశలు వదులుకోకుండా సాగు చేపట్టగా... అక్టోబరు, నవంబరు నెలల్లో వచ్చిన రెండు తుపాన్ల ధాటికి చేతికొచ్చిన పంట నీటపాలైందని రైతులు లబోదిబోమంటున్నారు. పలువురు రైతులు మరింత పెట్టుబడి పెట్టలేక, నీటిలోనే పంటను వదిలేసే దుస్థితి నెలకొంది. గ్రామాల్లోకి చేరిన వరద నీరు మండలంలోని నందమూరు, జగన్నాథపురం గ్రామాల్లోకి ఎర్ర కాలువ వరద నీరు చేరింది. జగన్నాథపురం – మాధవరం ప్రధాన రహదారిపైకి నీరు రావడంతో రాకపోకలు నిలిచిపోయాయి. నందమూరు అక్విడెక్ట్‌ వద్ద గురువారం సాయంత్రం 5 గంటల సమయానికి 38.5 అడుగుల మేర వరద నీరు చేరింది. దీంతో ఆరుళ్ల, కొత్తూరు, మారంపల్లి, మాధవరం గ్రామాల్లోకి కూడా వరద నీరు చేరే అవకాశం ఉందని తెలుస్తోంది. అర్నబ్‌ తుపాను సమయంలో నందమూరు అక్విడెక్ట్‌ వద్ద గుర్రపుడెక్కను తొలగించి ఉంటే ప్రస్తుతం ఈ పరిస్థితి ఉండేది కాదని స్థానికులు వాపోతున్నారు. అధికారుల నిర్లక్ష్యం వల్లే ఎర్ర కాలువ పరీవాహక గ్రామాలు ముంపు బారిన పడ్డాయని ఆరోపిస్తున్నారు. ముంపు ప్రాంతమైన నందమూరులోని పలువురిని అధికారులు పునరావాస కేంద్రానికి తరలించారు. జగన్నాథపురం – మాధవరం రహదారి పక్కన ఉన్న యానాదులు ప్రత్యామ్నాయ ప్రదేశాల్లో తలదాచుకుంటున్నారు. మరో తుపాను హెచ్చరిక అర్నబ్‌, మురసు తుపాన్ల ఉధృతికి తాడేపల్లిగూడెం మండలం అతలాకుతలమైంది. దీనికి తోడు మరో తుపాను హెచ్చరికలతో అటు రైతులు, ఇటు ప్రజలు బెంబేలెత్తిపోతున్నారు. ఇప్పటికే తాడేపల్లిగూడెం గ్రామీణ మండలం జలదిగ్బంధంలో చిక్కుకోగా, మరో తుపాను వస్తే పరిస్థితి ఏంటని అంతా ఆందోళన వ్యక్తున్నారు. ఉధృతంగా ప్రవహిస్తున్న డ్రెయిన్లు పొంగిపొర్లుతున్న చెరువులు గ్రామాలకు స్తంభించిన రాకపోకలు వరి చేల్లో వరద నీరు ఎర్రగంగ ఉగ్రరూపం

పాలకొల్లు సెంట్రల్‌: వైద్యుడు, మాజీ ఎమ్మెల్యే డాక్టర్‌ త్సవటపల్లి సత్యనారాయణమూర్తి (డాక్టర్‌ బాబ్జీ) అంత్యక్రియలు ప్రభుత్వ లాంఛనాలతో నిర్వహించారు. గురువారం ఉదయం 11 గంటలకు ప్రారంభమైన అంతిమయాత్ర పట్టణ ప్రధాన రహదారి గుండా కొనసాగింది. పట్టణంలోని హిందూ శ్మశానవాటికలో పోలీసులు గాల్లోకి మూడు రౌండ్లు కాల్పులు జరిపిన అనంతరం అంత్యక్రియలు నిర్వహించారు. డాక్టర్‌ బాబ్జీ మనవడు (కుమారుడి కుమారుడు) తలకొరివి పెట్టారు. ఈ సందర్భంగా చాంబర్‌ ఆఫ్‌ కామర్స్‌ మార్కెట్‌కు సెలవు ప్రకటించగా, మరికొందరు స్వచ్ఛందంగా తమ వ్యాపార సంస్థలను మూసివేశారు. పట్టణ పరిసర ప్రాంతాలు, జిల్లా నలుమూలల నుంచి ఆయన అభిమానులు వేలాదిగా వచ్చి అంతిమయాత్రలో పాల్గొన్నారు. మంత్రి నిమ్మలతో పాటు డాక్టర్‌ బాబ్జీ ఆసుపత్రిలో పనిచేసిన నర్సులు సైతం ఆయన పార్థివదేహాన్ని మోస్తూ శ్మశానవాటికకు చేరుకున్నారు. అంతిమయాత్రలో ఆయన పాడె మోసేందుకు జనం పోటీపడడం గమనార్హం.

దెందులూరు: పెదవేగి మండలం రామసింగవరంలో జరుగుతున్న ఎంపీటీసీ ఎన్నికలలో ఉద్రిక్తత చోటుచేసుకుంది. గ్రామంలో దొంగ ఓట్లు వేస్తున్నారని, వైఎస్సార్‌సీపీ నాయకులు, కార్యకర్తలపై దాడులకు యత్నిస్తున్నారనే సమాచారం అందడంతో దెందులూరు మాజీ ఎమ్మెల్యే కొఠారు అబ్బయ్య చౌదరి వెంటనే అప్రమత్తమై గ్రామానికి చేరుకున్నారు. ఎలాంటి బెదిరింపులకు, ఒత్తిళ్లకు భయపడకుండా వైఎస్సార్‌సీపీ శ్రేణులకు ఆయన అండగా నిలిచారు. ప్రజాస్వామ్య పరిరక్షణ కోసం అక్కడి పరిస్థితులను స్వయంగా పరిశీలించి, నాయకులు, కార్యకర్తలు, అభిమానులకు ధైర్యం చెప్పారు. ఈ కార్యక్రమంలో వైఎస్సార్‌సీపీకి చెందిన వివిధ విభాగాల నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు. కొయ్యలగూడెం: వరద తాకిడితో జరిగిన పంట నష్టాన్ని అంచనా వేసేందుకు జిల్లా వ్యవసాయ శాఖ అధికారి ఎస్‌కే హబీబ్‌ బాషా గురువారం మండలంలో పర్యటించి పొంగుటూరు, కన్నాయిగూడెం గ్రామాల్లో దెబ్బతిన్న పంటచేలను పరిశీలించారు. ప్రాథమిక అంచనా ప్రకారం వరి 1,069 ఎకరాలు, మినుము 107 ఎకరాలు, పొగాకు 206 ఎకరాలు, వేరుశనగ 40 ఎకరాల చొప్పున పంట నష్టం వాటిల్లినట్లు ఆయన తెలిపారు. నష్టపోయిన ప్రతి రైతూ పరిహారం పొందేలా తగిన చర్యలు తీసుకోవాలని మండల వ్యవసాయ అధికారి కేవీఎన్‌ పోశారావును ఆదేశించారు. మరోవైపు, గోదాముల్లోని వర్జీనియా పొగాకు బేళ్లు ముంపునకు గురికావడంతో, తడిసిన బేళ్లను సంరక్షించుకోవడానికి రైతులు నానా అగచాట్లు పడుతున్నారు. దిప్పకాయలపాడు సమీపంలోని పొగాకు తోటలు వరద ప్రవాహానికి పూర్తిగా కొట్టుకుపోయాయి. నూజివీడు: పోలింగ్‌ స్టేషన్‌ వద్ద గొడవపడుతున్న ఇద్దరిని విడదీయబోయిన వ్యక్తిపై కత్తితో దాడి చేసిన సంఘటన గురువారం నూజివీడు మండలం తూర్పుదిగవల్లిలో చోటుచేసుకుంది. గ్రామంలోని పోలింగ్‌ స్టేషన్‌ ఆవరణలో జనం ఎక్కువగా ఉండటంతో ఇరువర్గాల నాయకులు మధ్యాహ్నం 3 గంటల సమయంలో అందరినీ బయటకు పంపించివేశారు. అయితే, తుమ్మేటి రత్నారావు (42) అక్కడే ఉండటంతో ఇస్సాయేలు అనే వ్యక్తి బయటకు రావేంటి అని ప్రశ్నించడంతో ఇద్దరి మధ్య వాగ్వివాదం చెలరేగింది. వారు రోడ్డుపైకి వచ్చి గొడవపడుతుండగా.. అదే గ్రామానికి చెందిన ఆటో డ్రైవర్‌ రొంపిచర్ల సీతయ్య (24) వారిని విడదీసేందుకు ప్రయత్నించాడు. ఈ క్రమంలో రత్నారావు కుమారుడు వరుణ్‌తేజ తన చేతిలోని కీ–చైన్‌ చాకుతో సీతయ్య మెడ ఎడమ భాగంలో కోయడంతో తీవ్రగాయమైంది. గమనించిన స్థానికులు క్షతగాత్రుడిని వెంటనే నూజివీడు ఏరియా ఆసుపత్రికి తరలించగా, వైద్యులు చికిత్స అందించారు. భీమవరం: స్థానిక డీఎన్‌ఆర్‌ కాలేజ్‌ ఆఫ్‌ ఇంజనీరింగ్‌ అండ్‌ టెక్నాలజీకి చెందిన 80 మంది ఎన్‌ఎస్‌ఎస్‌ వాలంటీర్లు గురువారం ఎన్‌ఎస్‌ఎస్‌ ప్రోగ్రామ్‌ ఆఫీసర్‌ వి.ప్రవీణ్‌ ఆధ్వర్యంలో వీరవాసరం మండలంలో జరిగిన జెడ్పీటీసి, ఎంపీటీసీ ఎన్నికల విధుల్లో పాల్గొని విశేష సేవలందించారు. పోలింగ్‌ కేంద్రాల వద్ద ఎన్నికల సిబ్బందికి అవసరమైన సహాయ సహకారాలు అందించడంతో పాటు, వెబ్‌కాస్టింగ్‌ విధుల్లోనూ వారు చురుకుగా పాల్గొన్నారు. ప్రజాస్వామ్య వ్యవస్థలో ఎన్నికల నిర్వహణకు సహకరించడం ద్వారా విద్యార్థులు తమ సామాజిక బాధ్యతను చాటుకున్నారు. ఈ సందర్భంగా కళాశాల సెక్రటరీ అండ్‌ కరస్పాండెంట్‌ గాదిరాజు సత్యనారాయణరాజు (బాబు), వైస్‌ ప్రెసిడెంట్‌ గోకరాజు పాండురంగరాజు, ప్రిన్సిపాల్‌ డాక్టర్‌ బీవీఎస్‌ వర్మ.. వాలంటీర్ల సేవలను అభినందించారు.

చింతలపూడి: స్థానికంగా కురుస్తున్న వర్షాలతో పాటు, ఖమ్మం జిల్లాలో పడుతున్న భారీ వర్షాల కారణంగా తమ్మిలేరు రిజర్వాయర్‌ పూర్తి స్థాయి నీటిమట్టానికి చేరుకుంది. దీంతో తమ్మిలేరు ఉధృతంగా ప్రవహిస్తోంది. గురువారం అధికారులు ప్రాజెక్టు మూడు గేట్ల ద్వారా 5,000 క్యూసెక్కుల నీటిని దిగువకు విడుదల చేశారు. ప్రస్తుతం తమ్మిలేరు ప్రాజెక్టు నీటిమట్టం 350 అడుగులకు, గోనెలవాగు బేసిన్‌ నీటిమట్టం 340 అడుగులకు చేరుకున్నాయి. ఖమ్మం జిల్లా సత్తుపల్లి మండలం బేతుపల్లి అలుగు పైనుంచి నీరు ప్రవహిస్తుండటంతో, గంటకు 10 వేల క్యూసెక్కుల నీరు ఆంధ్రా కాల్వ ద్వారా ప్రాజెక్టులోకి వస్తోందని ఏఈ లాజర్‌బాబు తెలిపారు. ముఖ్యంగా శివపురం, చిన్నంపేట గ్రామాల మధ్య తమ్మిలేరు కాల్వపై నిర్మించిన కాజ్‌వేపై నీరు ప్రవహిస్తుండటంతో రాకపోకలకు తీవ్ర ఆటంకం ఏర్పడింది. ఈ ప్రమాదకర పరిస్థితిని అంచనా వేసిన జిల్లా అధికారులు, కాజ్‌వే వద్ద తగిన భద్రతా చర్యలు చేపట్టారు. ప్రజలు వాగు వద్దకు వెళ్లకుండా రెవెన్యూ సిబ్బందిని ఏర్పాటు చేశారు. ప్రాజెక్టులో 350 అడుగుల వరకు నీటిని నిల్వ చేసుకోవచ్చని అధికారులు తెలిపారు. గోనెలవాగులోకి నీరు నింపడానికి వీలుగా ప్రాజెక్టు గేట్లను సాయంత్రానికి మూసివేశామని, వరద పరిస్థితిని బట్టి మళ్లీ గేట్లు తెరిచి నీటిని దిగువకు విడుదల చేస్తామని వెల్లడించారు. చాట్రాయి: ఖమ్మం జిల్లా సత్తుపల్లి మండలం బేతుపల్లి చెరువుకు అకస్మాత్తుగా వచ్చిన వరద నీరు తమ్మిలేరు రిజర్వాయర్‌కు చేరుతోంది. దీంతో చిన్నంపేట వద్ద తమ్మిలేరు వాగు పొంగి ప్రవహించడంతో ఇరువైపులా ఉన్న శివపురం, చిన్నంపేట గ్రామాల్లోకి వరద నీరు చేరింది. సీకే పాడు ఛానల్‌ ద్వారా కోటపాడు, చిన్నంపేట చెరువులకు భారీగా వరద నీరు చేరుతోంది. ఈ రాత్రికల్లా గోనెల వాగు పూర్తి నీటిమట్టానికి చేరుకునే అవకాశం ఉందని టీఆర్‌పీ అధికారులు చెబుతున్నారు. రిజర్వాయర్‌ పూర్తి నీటిమట్టానికి చేరడంతో ఆయకట్టులో రబీ సాగుకు ఎలాంటి ఢోకా ఉండదని రైతులు ఆశాభావం వ్యక్తం చేస్తున్నారు.

తణుకు అర్బన్‌: తణుకులో గోస్తనీ కాలువ నీటిమట్టం పెరిగి రహదారులపైకి వస్తున్న పరిస్థితుల్లో ముందస్తు జాగ్రత్తలు చేపట్టాలని కలెక్టర్‌ సీహెచ్‌ నాగరాణి ఆదేశించారు. పట్టణ పరిధిలో ముంపు ప్రాంతాలను గురువారం ఆమె పరిశీలించారు. ఆంధ్రా సుగర్స్‌ ఎదురుగా కాలువ ఉధృతంగా ఉండడంతోపాటు రోడ్డుపైకి నీరు వస్తుండటంతో ఆమె ప్రత్యేకంగా పరిశీలించారు. ప్రజలకు ఇబ్బందులు కలగకుండా పటిష్ట చర్యలు తీసుకోవాలని, ఎప్పటికప్పుడు ఉన్నతాధికారులకు నివేదించాలన్నారు. అనంతరం నియోజకవర్గంలోని పలు గ్రామాల్లో ఎంపీటీసీ, జెడ్పీటీసీ ఎన్నికల పోలింగ్‌ కేంద్రాలను ఆమె పరిశీలించారు. మున్సిపల్‌ కమిషనర్‌ టి.రామ్‌కుమార్‌, తహసీల్దార్‌ దండు అశోక్‌వర్మ ఉన్నారు. తాడేపల్లిగూడెం రూరల్‌: మండలంలో పరిషత్‌ ఎన్నికలు పారదర్శకంగా, ప్రశాంతంగా ముగిసినట్టు ఎన్నికల వ్యయ పరిశీలకుడు మహమ్మద్‌ అబ్ధుల్‌ రాహుప్‌ షేక్‌ అన్నారు. పెదతాడేపల్లి, వెంకట్రామన్నగూడెంలో పోలింగ్‌ కేంద్రాలను ఆయన తనిఖీ చేసి ఓటింగ్‌ తీరును పరిశీలించారు. అలాగే వెబ్‌ కాస్టింగ్‌ విధానాన్ని పరిశీలించారు. రిటర్నింగ్‌ అఽధికారి ఏవీ సూరిబాబు, ఎంపీడీఓ వి.చంద్రశేఖర్‌ తదితరులు ఉన్నారు. కౌంటింగ్‌కు 22 టేబుళ్లు నన్నయ్య వర్సిటీ క్యాంపస్‌లో ఏర్పాటు చేసిన కౌంటింగ్‌ కేంద్రాన్ని వ్యయ పరిశీలకుడు పరిశీలించారు. తాడేపల్లిగూడెం డివిజన్‌ పరిధిలో ఓట్లను శనివారం లెక్కిస్తామని, ఈ మేరకు 22 టేబుల్స్‌ ఏర్పాటు చేశామని, ఒక్కో టేబుల్‌కు ఒక సూపర్‌వైజర్‌, ముగ్గురు సహాయక సిబ్బంది ఉంటారన్నారు. 11 టేబుల్స్‌ ఎంపీటీసీ, 11 టేబుల్స్‌ జెడ్పీటీసీల కౌటింగ్‌ ఉంటుందన్నారు. ప్రశాంత వాతావరణంలో కౌంటింగ్‌కు ఏర్పాట్లు పూర్తిచేశామన్నారు. భీమవరం: భీమవరంలోని ఎస్‌ఆర్‌ఆర్‌కేఆర్‌ కళాశాలలో ఎంపీటీసీ, జెడ్పీటీసీ ఎన్నికలకు సంబంధించి ఏర్పాటుచేసిన స్ట్రాంగ్‌ రూమ్‌లు, ఓట్ల లెక్కింపు హాళ్లు, భీమవరం డివిజన్‌కు సంబంధించిన రిసెప్షన్‌ కేంద్రాన్ని జిల్లా జాయింట్‌ కలెక్టర్‌ కేఆర్‌ కల్పశ్రీ పరిశీలించారు. ఎన్నికల సామగ్రి స్వీకరణ, పోలింగ్‌ అనంతరం బ్యాలెట్‌ బాక్సుల భద్రత, స్ట్రాంగ్‌ రూమ్‌లలో చేపట్టిన ఏర్పాట్లు, కౌంటింగ్‌ హాళ్లలో అవసరమైన మౌలిక సదుపాయాలను పరిశీలించారు. పటిష్టమైన భద్రతా ఏర్పాట్లు చేయాలని, ఎలాంటి ఇబ్బందులు తలెత్తకుండా ముందస్తు చర్యలు తీసుకోవాలని ఆదేశించారు. పాలకొల్లు సెంట్రల్‌: ఎ న్నికల పోలింగ్‌ విధులు ముగించుకుని వస్తుండగా హెడ్‌ కానిస్టేబుల్‌ మృతి చెందిన ఘటన పాలకొల్లులో చోటుచేసుకుంది. పట్టణ పోలీస్‌ స్టేషన్‌లో గెద్దాడ నమఃశివాయ (శివ) (61) హెడ్‌ కానిస్టేబుల్‌గా పనిచేస్తున్నారు. గురువా రం మండలంలోని చందపర్రు గ్రామంలో పో లింగ్‌ బూత్‌లో విధులు నిర్వహించారు. సా యంత్రం ఓటింగ్‌ పూర్తయిన తర్వాత బ్యాలెట్‌ బాక్స్‌లను స్థానిక ఎంపీడీఓ కార్యాలయంలో అప్పగించారు. కార్యాలయం నుంచి బయటకు వస్తూ స్పృహ తప్పి పడిపోగా సహచర ఉద్యో గులు పోలీస్‌ వాహనంలో స్థానిక ప్రైవేటు ఆస్పత్రికి తరలించారు. మార్గమధ్యలోనే మృతి చెందినట్లు వైద్యులు నిర్ధారించారు. శివ స్వ గ్రామం యలమంచిలి మండలంలో కాంబొట్లపాలెం. ఆయనకు భార్య, కుమారుడు, కుమా ర్తె ఉన్నారు. ఈనెల 21న కుమార్తె వివాహం పెట్టుకున్నారని, ఇంతలోనే ఇలా జరిగిందని సహచరులు ఆవేదన వ్యక్తం చేశారు. పట్టణ సీ ఐ కోలా రజనీకుమార్‌, ఎస్సై పృధ్వీ, పోలీసు సిబ్బంది సంతాపం తెలిపారు.

ఉండి: ఎన్నికల నిబంధనలను కూటమి నాయకులే కాదు అధికారులు కూడా పట్టించుకోవడం లేదు. ఇందుకు ఉదాహరణగా ఉండిలో పోలింగ్‌ బూత్‌ 40లో జరిగిన ఘటనే నిదర్శనం. గ్రామంలోని అంగన్‌వాడీ కేంద్రంలో ఈ పోలింగ్‌ కేంద్రాన్ని ఏర్పాటుచేశారు. ఇక్కడ పోషకాహారంపై అవగాహన కల్పిచేందుకు ప్రధాని, సీఎం, డిప్యూటీ సీఎం, కేంద్ర మంత్రి, విద్యాశాఖ మంత్రి, డిప్యూటీ స్పీకర్‌, రాజ్యసభ ఎంపీల ఫొటోలతో ఉన్న బ్యానర్‌ ఏర్పాటుచేశారు. పోలింగ్‌ కేంద్రంలో ఏర్పాట్లు చేసిన అధికారులు ఈ బ్యానర్‌ను తొలగించలేదు. ఈ పోలింగ్‌ కేంద్రాన్ని జాయింట్‌ కలెక్టర్‌ కల్పశ్రీ తనిఖీ చేసినా ఆమె కూడా బ్యానర్‌ను పరిశీలించలేదు. దీనికి తోడు అదే బ్యానర్‌పై అధికారులు పోలింగ్‌ ఆఫీసర్‌ అనే స్టిక్కర్‌ను కూడా అంటించడం గమనార్హం. దీనిపై ఓటర్లలో తీవ్ర చర్చ జరగడంతో విషయం తెలిసిన అధికారులు అప్పటికప్పుడు బ్యానర్‌ను తొలగించారు.

తుపాన్ల ప్రభావంతో పంటలు ముంపు బారిన పడగా.. చేపట్టాల్సిన యాజమాన్య మెలకువలను ఏరువాక కో–ఆర్డినేటర్‌ వివరించారు. IIలో uశుక్రవారం శ్రీ 6 శ్రీ నవంబర్‌ శ్రీ 2026సాక్షి, భీమవరం: జిల్లా, మండల ప్రజాపరిషత్‌ ఎన్నికలు ముగిశాయి. 69.73 శాతం పోలింగ్‌తో 7,34,155 మంది ఓటు హక్కును వినియోగించుకున్నారు. ఓటమి భయంతో కూటమి నేతలు ఎక్కడికక్కడ ప్రలోభాలకు తెరలేపారు. నిబంధనలకు విరుద్ధంగా పోలింగ్‌ స్టేషన్ల పరిధిలో తమ అభ్యర్థుకు ఓటు వేయాలంటూ ప్రచారాలు సాగించారు. పోలింగ్‌ కేంద్రాన్ని తమ ప్రాంతం నుంచి మార్చడాన్ని నిరసిస్తూ భీమవరం రూరల్‌ కోమటితిప్ప ప్రజలు ఎన్నికలను బహిష్కరించారు. జిల్లాలో 20 జెడ్పీటీసీ, 340 ఎంపీటీసీ స్థానాలకు గురువారం జిల్లావ్యాప్తంగా 1,244 పోలింగ్‌ కేంద్రాల్లో ఎన్నికలు జరిగాయి. ఉదయం 7 గంటల నుంచి పోలింగ్‌ ప్రారంభమైంది. భారీ వర్షాల నేపఽథ్యంలో నీటమునిగి ఓటర్లు వెళ్లడానికి వీలులేకుండా ఉన్న అత్తిలి, తణుకు, మొగల్తూరు, వీరవాసరం, పెనుమంట్ర తదితర మండలాల్లోని 43 పోలింగ్‌ స్టేషన్లను ప్రత్యామ్నాయ భవనాల్లోకి మార్చి పోలింగ్‌ నిర్వహించారు. జిల్లాలో 10,52,927 మంది ఓటర్లకు గాను 7,34,155 మంది ఓటుహక్కు వినియోగించుకున్నారు. వీరిలో పురుషులు 3,65,443 మంది, మహిళలు 3,68,708 మంది, ఇతరులు 4 మంది ఉన్నారు. 8 వేల మంది సిబ్బంది జిల్లాలో జెడ్పీటీసీ, ఎంపీటీసీ ఎన్నికలు అత్యంత ప్రశాంతంగా, పారదర్శకంగా నిర్వహించామని కలెక్టర్‌ చదలవాడ నాగరాణి తెలిపారు. పలు పోలింగ్‌ కేంద్రాల పరిశీలన అనంతరం భీమవరంలో మీడి యాతో మాట్లాడుతూ పీఓలు, ఏపీఓలు, రూట్‌ ఆఫీసర్లు, జోనల్‌ ఆఫీసర్లు, ఆర్‌ఓలతో కలిపి మొత్తం 8,000 మంది ఎన్నికల సిబ్బంది విధుల్లో పాల్గొన్నారన్నారు. పోలీసు శాఖకు సంబంధించి 942 మంది సిబ్బందిని నియమించామన్నారు. వీరిలో 19 స్ట్రైకింగ్‌ ఫోర్సులు, 13 రాపిడ్‌ స్ట్రైకింగ్‌ ఫోర్సులను ఏర్పాటు చేసినట్లు తెలిపారు. పాలకోడేరులోని పోలింగ్‌ కేంద్రాలను ఎస్పీ అద్నాన్‌ నయీం అస్మి పరిశీలించిన అనంతరం మీడియాతో మాట్లాడారు. పోలింగ్‌ మెటీరియల్‌ పంపిణీ కేంద్రాల వద్ద భద్రత నుంచి, ఓటింగ్‌ ప్రక్రియ ముగిసి బ్యాలెట్‌ పెట్టెలు సురక్షితంగా స్ట్రాంగ్‌ రూమ్‌లకు చేరే వరకు ప్రతి దశలోనూ పూర్తి స్థాయి రక్షణ కల్పిస్తున్నామని స్పష్టం చేశారు. వైఎస్సార్‌సీపీ నేతల పరిశీలన ఆచంట నియోజకవర్గంలో మాజీ మంత్రి చెరుకువాడ శ్రీరంగనాథరాజు, తాడేపల్లిగూడెంలో వైఎస్సార్‌సీపీ నియోజకవర్గ ఇన్‌చార్జి వడ్డి రఘురాంనాయుడు, భీమవరంలో ఎమ్మెల్సీ కవురు శ్రీనివాస్‌, నియోజకవర్గ ఇన్‌చార్జి చినమిల్లి వెంకటరాయుడు, ఉండిలో నియోజకవర్గ ఇన్‌చార్జి మంతెన యోగీంద్రబాబు పోలింగ్‌ సరళిని పరిశీలించారు. భీమవరం రూరల్‌ వెంకటతిప్ప గ్రామంలో 40 ఏళ్లుగా కొనసాగుతున్న పోలింగ్‌ బూత్‌ను కోమటితిప్పకు మార్చడాన్ని నిరసిస్తూ కోమటితిప్ప నార్త్‌ పంచాయతీ ప్రజలు ఎన్నికలను బహిష్కరించి నిరసనకు దిగారు. ఎమ్మెల్యే పులపర్తి రామాంజనేయులు వారి వద్దకు వచ్చి నచ్చచెప్పే ప్రయత్నం చేశారు. పోలింగ్‌ కేంద్రం సమస్యను పరిష్కరించేంత వరకు పోలింగ్‌లో పాల్గొనేది వారు స్పష్టం చేశారు. కేవలం కొందరి మెప్పు కోసం వందల మంది ఓటర్లను ఇబ్బంది పెడుతున్నారని స్థానికులు నిరనసన తెలిపారు. దాదాపు 357 మంది ఓటర్లు ఓటు వేయకుండా బహిష్కరించారు. ఓటర్లను ప్రలోభాలకు గురిచేస్తూ కూటమి నేతలు రూ.కోట్లల్లో నగదు ఖర్చుచేశారు. మద్యాన్ని ఏరులై పారించారు. కొన్నిచోట్ల ఓటుకు రూ.500 వరకు ఇవ్వగా, వైఎస్సార్‌సీపీ నుంచి గట్టి పోటీ ఉన్న చోట రూ.1,000కు పైనే పంచినట్టు సమాచారం. పురుషులకు మద్యం బాటిళ్లు, బిర్యాన్ని ప్యాకెట్లు అదనం. బుధవారం మొదలైన పంపకాలు గురువారం సాయంత్రం వరకు సాగాయి. పోలింగ్‌ కేంద్రాల వద్ద యథేచ్ఛగా కోడ్‌ ఉల్లంఘనలకు పాల్పడ్డారు. కూటమి ఎమ్మెల్యేలతో పాటు నాయకులు తమ అభ్యర్థులను గెలిపించాలంటూ పోలింగ్‌ కేంద్రాల పరిధిలోనే ప్రచారాలు సాగిస్తూ హల్‌చల్‌ చేశారు. పోరు ముగిసింది.. ఫలితం మిగిలింది జిల్లాలో ముగిసిన పరిషత్‌ పోలింగ్‌ 69.73 శాతం ఓటింగ్‌ నమోదు కూటమి నేతల బరితెగింపు రేపు భీమవరం, నరసాపురం, తాడేపల్లిగూడెంలలో కౌంటింగ్‌ కోమటితిప్పలో ఎన్నికల బహిష్కరణ జెడ్పీటీసీ స్థానాలు 20 పోటీలో అభ్యర్థులు 67 ఎంపీటీసీ స్థానాలు 340 పోటీలో అభ్యర్థులు 744 పోలింగ్‌ కేంద్రాలు 1,244 ఉ. 9 గంటలు 12.71 ఉ. 11 గంటలు 30.52 మ. 1 గంట 48.03 మ. 3 గంటలు 59.16 సా. 5 గంటలు 67.36 పోలింగ్‌ ముగిసే సరికి 69.73 పోలింగ్‌ అనంతరం భీమవరం రెవెన్యూ డివిజన్‌ పరిధిలో పోలింగ్‌ కేంద్రాల్లో గల బ్యాలెట్‌ బాక్సులను భీమవరంలోని ఎస్‌ఆర్‌కేఆర్‌ కళాశాల, నరసాపురం రెవెన్యూ డివిజన్‌లోని బాక్సులను నరసాపురంలోని వైఎన్‌ కళాశాల, తాడేపల్లిగూడెం రెవెన్యూ డివిజన్‌లోని బాక్సులను ఆదికవి నన్నయ విశ్వవిద్యాలయంలో ఏర్పాటుచేసిన స్ట్రాంగ్‌ రూమ్‌లకు తరలించారు. శనివారం ఆయా కేంద్రాల వద్దనే కౌంటింగ్‌ నిర్వహించనున్నారు. పోటీలో నిలిచిన 67 మంది జెడ్పీటీసీ, 744 మంది అభ్యర్థుల భవితవ్యం శనివారం తేలనుంది.

భీమవరం (ప్రకాశం చౌక్‌): అర్నబ్‌ తుపాను తీవ్ర ప్రభావంతో జిల్లాలో దెబ్బతిన్న విద్యుత్‌ వ్యవస్థను పునరుద్ధరించేందుకు యుద్ధప్రాతిపదికన పనులు చేపట్టామని ఏపీఎస్‌పీడీసీఎల్‌ చైర్మన్‌, మేనేజింగ్‌ డైరెక్టర్‌ శివశంకర్‌ లోతేటి తెలిపారు. గురువారం స్థానిక జిల్లాపరిషత్‌ కార్యాలయంలో విలేకరుల సమావేశంలో వివరాలు వెల్లడించారు. జిల్లాలో 98 సబ్‌స్టేషన్ల పరిధిలో పునరుద్ధరణ పనులు పూర్తయ్యాయన్నారు. ప్రభావితమైన 67 విద్యుత్‌ లైన్ల (33 కేవీ)లో 65 లైన్లను 475 (11 కేవీ) విద్యుత్‌ లైన్లలో 472 లైన్లను పునరుద్ధరించామన్నారు. మిగిలిన లైన్ల పనులు చివరి దశలో ఉన్నాయని పేర్కొన్నారు. 20 మండలాల్లోని 409 గ్రామాల్లో గృహ విద్యుత్‌ సరఫ రాను నూరు శాతం, 17,584 ప్రభావిత ఆక్వా విద్యుత్‌ సర్వీసులకు 14,595 సర్వీసులకు విద్యుత్‌ సరఫరా పునరుద్ధరించామన్నారు. జిల్లావ్యాప్తంగా 226 బృందాలకు చెందిన 3,254 మంది అధికారులు, సిబ్బంది పనుల్లో పాల్గొన్నారన్నారు. తుపాను కారణంగా విద్యుత్‌ రంగానికి ప్రాథమిక అంచనా ప్రకారం రూ.50.49 కోట్ల మేర నష్టం వాటిల్లిందన్నారు. ప్రజలు విద్యుత్‌ సమస్యల పరిష్కారానికి కాల్‌ సెంటర్లను ఏర్పాటుచేశామన్నారు. జిల్లా కాల్‌ సెంటర్‌–9490610152, భీమవరం డివిజన్‌–94931 77646, నరసాపురం డివిజన్‌–7382050943, తాడేపల్లిగూడెం డివిజన్‌– 9493177806 నంబర్లలో సంప్రదించాలన్నారు. కలెక్టర్‌ నాగరాణి, జేసీ కేఆర్‌ కల్పశ్రీ, విద్యుత్‌ శాఖ డైరెక్టర్‌ సూర్య ప్రకాష్‌, ఎస్‌ఈ పి.ఉషారాణి తదితరులు పాల్గొన్నారు.

భీమవరం అర్బన్‌: మండలంలోని కోమటితిప్ప నార్త్‌ పంచాయతీ పరిధిలోని వెంకటతిప్ప గ్రామంలో ఓటర్లు ఎన్నికలు బహిష్కరించారు. ఈ సందర్భంగా ఎమ్మెల్యే పులపర్తి రామాంజనేయులు (అంజిబాబు)కు నిరసన సెగ ఎదురైంది. కోమటితిప్ప నార్త్‌ పంచాయతీలో సుమారు 367 మంది, కోమటితిప్ప నార్త్‌లో సుమారు 150 మంది వరకు ఓటర్లు ఉన్నారు. అయితే ఎన్నికల అధికారులు ఎక్కువ ఓటర్లు కలిగిన వెంకటతిప్పలో పోలింగ్‌ స్టేషన్‌ నం.52 ఏర్పాటు చేయాల్సి ఉండగా రెండు కిలోమీటర్లు దూరంలోని కోమటితిప్ప నార్త్‌లో ఏర్పాటు చేయడంతో వెంకటతిప్ప గ్రామస్తులు ఎన్నికలను బహిష్కరించారు. పలువురు గ్రామస్తులు మాట్లాడుతూ 40 ఏళ్లుగా వెంకటతిప్పలో పోలింగ్‌ స్టేషన్‌ ఏర్పాటుచేసేవారని, ఇప్పుడు కొందరు స్వార్థం కోసం దూరంగా ఉన్న కోమటితిప్ప నార్త్‌లో పోలింగ్‌ స్టేషన్‌ను ఏర్పాటుచేశారని ఆవేదన వ్యక్తం చేశారు. వెంకటతిప్ప నుంచి సుమారు రెండు కిలోమీటర్ల దూరంలో రోడ్డు రాళ్లు మొనతాలాయని, వృద్ధులు, దివ్యాంగులు ఎలా వెళ్తారని ప్రశ్నించారు. సాయంత్రం 5 గంటలైనప్పటికీ వెంకటతిప్ప గ్రామస్తులు పోలింగ్‌లో పాల్గొనకపోవడం చర్చనీయాంశంగా మారింది. ఎమెల్యేకు నిరసన సెగ ఎమ్మెల్యే అంజిబాబు గ్రామస్తులను సముదాయించేందుకు ఇక్కడకు రాగా వారి నుంచి నిరసన సెగ ఎదురైంది. వచ్చే ఎన్నికల్లో ఇక్కడ పోలింగ్‌ బూత్‌ ఏర్పాటుచేస్తామని చెప్పినా గ్రామస్తులు ఒప్పుకోలేదు. దీంతో ఆయన వెనుదిరిగి వెళ్లిపోయారు. ఎమ్మెల్యే అంజిబాబుకు నిరసన సెగ 40 ఏళ్ల క్రితం గునుపూడి సౌత్‌ డ్రైన్‌ ఆవలి వైపు ఉన్న శ్రీరామపురం వెళ్లి ఓట్లు వేసేవాళ్లం. అప్పట్లో గ్రామస్తులంతా కష్టపడి మా గ్రామానికి పోలింగ్‌ బూత్‌ తెచ్చుకున్నాం. ఇప్పుడు కొంతమంది స్వార్థం కోసం రెండు కిలోమీటర్ల దూరంలో ఉన్న కోమటితిప్పలో పోలింగ్‌ బూత్‌ పెడితే ఎలా.. వృద్ధులు, దివ్యాంగులు ఎలా వెళ్లి ఓటేస్తారు. ప్రజాప్రతినిధులు, ఎన్నికల అధికారులకు ఈ విషయం తెలియదా? – నాగిడి ధర్మరాజు, మాజీ సర్పంచ్‌, కోమటితిప్ప నార్త్‌ వెంకటతిప్ప నుంచి కోమటితిప్ప నార్త్‌ సెంటర్‌ వరకు రెండు కిలోమీటర్ల మేర ఆర్‌అండ్‌బీ రోడ్డుపై రాళ్లు మొనతేలాయి. అలాగే భారీ వర్షాలతో రోడ్డు మునిగిపోయింది. ఎక్కువ ఓటర్లు ఉన్న చోట పోలింగ్‌ బూత్‌ ఏర్పాటుచేయాలి కాని ఓటర్లు లేని చోట పోలింగ్‌ బూత్‌ ఏర్పాటు చేయడమేంటి. చాలా మంది ఓటేసేందుకు రాలేదు. సమస్య పరిష్కరించేంత వరకు ఎన్నికలు బహిష్కరిస్తూనే ఉంటాం. – బొమ్మిడి బాబు రాజేంద్రప్రసాద్‌, మాజీ ఎంపీటీసీ, దెయ్యాలతిప్ప

ఏలూరు టౌన్‌: ముసురు తుపాను ప్రభావంతో కురిసిన భారీ వర్షాలకు ఏలూరు సర్వజన ఆసుపత్రికి (జీజీహెచ్‌) ప్రాంగణమంతా జలమయమైంది. ప్రధాన ద్వారం నుంచి పరీక్షా కేంద్రాల వరకు మురుగునీరు చేరడంతో రోగులు తీవ్ర ఇబ్బందులు పడుతున్నారు. ముఖ్యంగా అత్యంత సున్నితమైన బ్లడ్‌బ్యాంకులోకి కూడా మురుగునీరు చేరడం పట్ల ప్రజలు తీవ్ర ఆవేదన వ్యక్తం చేస్తున్నారు. ఆసుపత్రికి వైద్యం కోసం వస్తే రోగాలు నయం కావడమేమో గానీ, అపరిశుభ్ర వాతావరణం వల్ల లేనిపోని రోగాల బారిన పడాల్సి వస్తోందని ప్రజలు వాపోతున్నారు. ఆసుపత్రిలో సరైన డ్రెయినేజీ వ్యవస్థ లేకపోవడం వల్ల చిన్నపాటి వర్షానికే ముంపు సమస్య తలెత్తుతోంది. ఈ నేపథ్యంలో ఆసుపత్రిలోకి మురుగునీరు రాకుండా ప్రభుత్వం తక్షణ చర్యలు చేపట్టాలని, నూతన ఆసుపత్రి భవన నిర్మాణ పనులను వెంటనే వేగవంతం చేసి రోగుల ఇబ్బట్లు తొలగించాలని ప్రజలు కోరుతున్నారు.

● అస్తవ్యస్తంగా డ్రెయినేజీ వ్యవస్థ ● ప్రచార ఆర్భాటాలకే పాలకులు పరిమితం ● ప్రధాన, అంతర్గత డ్రెయినేజీలలో పూడికను యుద్ధప్రాతిపదికన తొలగించాలి. ● మురుగునీరు సజావుగా వెళ్లేందుకు అవుట్‌లెట్లను మెరుగుపరచాలి. ● డ్రెయినేజీలపై పక్కా కల్వర్టులను నిర్మించి, శాశ్వత పద్ధతిలో వ్యవస్థను ఆధునీకరించాలి. ● ఏటా వర్షాకాలనికే ముందే పూడికతీత పనులను పకడ్బందీగా నిర్వహించాలి. తాడేపల్లిగూడెం (టీఓసీ): ప్రచార ఆర్భాటాలకే పరిమితమవుతున్న పాలకులు పట్టణాభివృద్ధిని గాలికి వదిలేశారని స్థానికులు మండిపడుతున్నారు. గతంలో పురపాలక సంఘం పరిధిలో ఇరుకై న డ్రెయినేజీలలోనూ మ్యాన్యువల్‌గా, బాబ్‌కార్ట్‌ల ద్వారా సిల్ట్‌ను (పూడికను) వేగంగా తొలగించి మురుగునీటి పారుదల సక్రమంగా ఉండేలా చూసేవారు. కానీ నేడు ఆ పరిస్థితి లేదు. అధికారులు, పాలకులు తూతూమంత్రంగా కొన్ని ప్రాంతాల్లోనే పూడికతీత పనులు చేపట్టారు. తొలగించిన సిల్ట్‌ను సరైన సమయానికి తరలించకపోవడంతో, కొద్దిపాటి వర్షానికే అది తిరిగి డ్రెయినేజీల్లోకి చేరింది. ఇటీవల అర్నబ్‌, మురసు తుపాన్ల కారణంగా కురిసిన భారీ వర్షాలకు డ్రెయినేజీలు సక్రమంగా ఎక్కడికక్కడ రోడ్లపై నీరు నిలిచిపోయింది. పట్టణంలోని పాతూరు, హౌసింగ్‌బోర్డు, కడకట్ల, యాగర్లపల్లి, జువ్వలపాలెం తదితర శివారు ప్రాంతాలతో పాటు అన్ని ప్రాంతాల్లోనూ వర్షపు నీరు ఇళ్లలోకి చేరింది. దీంతో ప్రజలు రోడ్లపైకి వచ్చి ఇబ్బందులు పడాల్సి వచ్చింది. ముందస్తు జాగ్రత్తలు తీసుకోకపోవడం, తుపాను ప్రభావాన్ని అంచనా వేయడంలో యంత్రాంగం విఫలమవడమే దీనికి కారణమని ప్రజలు ఆగ్రహం వ్యక్తం చేస్తున్నారు. పట్టణాభివృద్ధి శూన్యం కూటమి ప్రభుత్వం ఏర్పడి రెండేళ్లు దాటుతున్నా, గత పాలకులపై విమర్శలు చేయడమే తప్ప పట్టణాభివృద్ధి శూన్యమని విమర్శలు వస్తున్నాయి. ‘మాటలు కోటలు దాటుతున్నాయి, చేతలు గడప దాటడం లేదు’ అన్నచందంగా ప్రజాప్రతినిధుల తీరు ఉంది. కచ్చా డ్రెయినేజీలు, ఇరుకై న కాలువలు, లోపభూయిష్టమైన కల్వర్టుల నిర్మాణం, ఆక్రమణలు, సిబ్బంది కొరత వంటి సమస్యలు విలయతాండవం చేస్తున్నాయి. తూతుమంత్రంగా మాత్రమే పారిశుధ్య పనులు చేయడం, నీరు పారేందుకు వీలుగా అవుట్‌ లెట్స్‌ శుభ్రం చేయలేకపోవడం, నిర్లక్ష్యానికి గురైన మాస్టర్‌ ప్లాన్‌ ప్రాజెక్టులు ప్రాణాల మీదకు తెస్తున్నాయి. డ్రెయినేజీల ఆధునీకరణపై అధికారుల ప్రకటనలు కాగితాలకే పరిమితమయ్యాయి. తాడేపల్లిగూడెం పట్టణంలో డ్రెయినేజీ వ్యవస్థ అధ్వానంగా ఉంది. ఏటా వర్షాకాలం రాకముందే డ్రెయినేజీ వ్యవస్థను ప్రక్షాళన చేయాలి. ప్రధాన, అంతర్గత డ్రెయినేజీలలో సిల్ట్‌ ముందుగానే తీయాలి. డ్రెయినేజీ బ్లాక్స్‌ను ఎప్పుటికప్పుడు తొలగించాలి. మురుగు నీరు బయిటకు పంపే విధంగా చేయాలి. – నౌషాద్‌ మొహిద్దీన్‌, వైఎస్సార్‌సీపీ జిల్లా మైనార్టీ సెల్‌ ప్రధాన కార్యదర్శి

నరసాపురం: దేశంలో ఎన్నికలంటే కోట్లు ఖర్చు చేయడం, ఓట్లు కొనుగోలు చేయడం పరిపాటిగా మారింది. నరసాపురం మున్సిపాలిటీ ఎన్నికల్లోనూ ఇదే పరిస్థితి కనిపించింది. అధికార పార్టీ అభ్యర్థి ఓట్లు, మద్యాన్ని ఏరులై పారించారనే ఆరోపణలు గుప్పుమన్నాయి. ప్రత్యర్థులు కోట్లు వెచ్చిస్తున్నప్పటికీ... 32వ వార్డు వైఎస్సార్‌సీపీ అభ్యర్థి కొబమంచిలి సంతోష్‌రాణి (30) మాత్రం కేవలం నామినేషన్‌ ఖర్చులు మినహా ఒక్క రూపాయి కూడా ఖర్చు చేయకుండా బరిలో నిలిచారు. ఆటో డ్రైవర్‌ అయిన ఆమె తండ్రి జయరాజు గతంలో ఇదే వార్డు కౌన్సిలర్‌గా పనిచేస్తూ మరణించారు. అప్పటి నుంచి వలంటీర్‌గా పనిచేస్తూ సంతోష్‌రాణి ప్రజలకు సేవలందించారు. ఎన్నికల ప్రచారంలో భాగంగా ఆమె ఇంటింటికీ తిరిగి, నా దగ్గర పంచడానికి డబ్బులు లేవు... నన్ను నమ్మి గెలిపిస్తే సేవ చేస్తాను అంటూ కన్నీళ్లతో ఓటర్లను అభ్యర్థించారు. డబ్బు రాజకీయాలను తిరస్కరించిన 32వ వార్డు ప్రజలు ఆమెను 26 ఓట్ల మెజారిటీతో గెలిపించారు. తాయిలాలకు లొంగకుండా ప్రజలు చూపిన ఈ విచక్షణ, ధన రాజకీయాలకు చెంపపెట్టు లాంటిదని రాజకీయ వర్గాలు ప్రశంసిస్తున్నాయి. నరసాపురం 32వ వార్డు వైఎస్సార్‌సీపీ అభ్యర్థి సంతోష్‌రాణి విజయగాథ

భీమవరం: పట్టణంలోని కాస్మోపాలిటన్‌ క్లబ్‌లో నిర్వహిస్తున్న జాతీయస్థాయి టెన్నిస్‌ పోటీలు హోరాహోరీగా సాగుతున్నాయి. బుధవారం జరిగిన పురుషుల విభాగం పోటీల్లో పి.ధర్మలింగం, అమిత్‌ మూంద్‌, డి.అఖిల్‌ కుమార్‌రెడ్డి, పి.శాండిల్య, జయప్రకాష్‌ విజేతలుగా నిలిచారు. మహిళల విభాగంలో హర్షిణి నాగరాజ్‌, జనని రమేష్‌, మృదుల పళనవేల్‌ గెలుపొందారు. ఈ వివరాలను క్లబ్‌ అధ్యక్ష, కార్యదర్శులు సీహెచ్‌ రామభద్రరాజు, బీహెచ్‌ సుబ్బరాజు, టోర్నమెంట్‌ చైర్మన్‌ యు.కృష్ణప్రసాద్‌, వైస్‌ చైర్మన్‌ టి.కృష్ణబాబు వెల్లడించారు. ఏలూరు కార్పొరేషన్‌ ఎన్నికలపై బీజేపీ ఆగ్రహం ఏలూరు (ఆర్‌ఆర్‌పేట): ఏలూరు నగరపాలక సంస్థకు ఇటీవల జరిగిన ఎన్నికల్లో టీడీపీ తన వెన్నుపోటు నైజాన్ని చాటుకుందని బీజేపీ నాయకులు మండిపడుతున్నారు. విషయానికొస్తే... ఏలూరు కార్పొరేషన్‌ ఎన్నికల్లో భాగంగా కూటమి పొత్తుల్లో భాగంగా బీజేపీకి నాలుగు డివిజన్లు కేటాయించారు. అందులో స్థానిక 42వ డివిజన్‌ బీజేపీకి దక్కగా, అక్కడి నుంచి ఆ పార్టీ సీనియర్‌ నాయకురాలు ఇల్లపకుర్తి కుసుమ కుమారి పోటీలో నిలిచారు. అయితే, ఆ స్థానం బీజేపీకి కేటాయించడాన్ని జీర్ణించుకోలేని స్థానిక టీడీపీ నాయకులు... తమ తరఫున ఒక మహిళను ఇండిపెండెంట్‌ అభ్యర్థిగా బరిలో దింపారని బీజేపీ నాయకులు మొదటి నుంచీ ఆరోపిస్తున్నారు. కూటమి ధర్మం ప్రకారం బీజేపీ అభ్యర్థి విజయానికి కృషి చేయాల్సిన టీడీపీ, జనసేన నాయకులు, అక్కడ స్వతంత్ర అభ్యర్థి గెలుపు కోసం పని చేశారని బీజేపీ నేతలు ఆవేదన వ్యక్తం చేస్తున్నారు. కౌంటింగ్‌ కేంద్రం వద్ద ఒక టీడీపీ నాయకుడు తాము బలపరిచిన ఇండిపెండెంట్‌ అభ్యర్థిని గెలిపించుకున్నామని బహిరంగంగానే మీడియా ఎదుట ప్రకటించడాన్ని వారు తప్పుపట్టారు. టీడీపీ నాయకులు తమ వెన్నుపోటు నైజాన్ని మరోసారి ప్రదర్శించారని దుమ్మెత్తిపోస్తున్నారు. ఈ విషయాన్ని తేలికగా తీసుకోబోమని, ఇప్పటికే ఈ అంశాన్ని బీజేపీ అధిష్టానం దృష్టికి తీసుకువెళ్లినట్లు వారు తెలిపారు. కూటమి అగ్రనాయకుల సమావేశంలోనూ ఈ అంశాన్ని లేవనెత్తి, సదరు టీడీపీ నేతపై చర్యలు తీసుకునేలా పోరాడతామని స్పష్టం చేశారు. పొత్తు ధర్మానికి తూట్లు పొడిచిన సదరు టీడీపీ నాయకులపై ఆ పార్టీ అధిష్టానం తక్షణమే చర్యలు తీసుకుని, పార్టీ నుంచి బహిష్కరించాలని బీజేపీ నాయకులు డిమాండ్‌ చేస్తున్నారు. టి.నరసాపురం: మండలంలోని అల్లంచర్ల యువకులు బుధవారం వైఎస్సార్‌సీపీ నాయకుడు బోళ్ళ రంగారావు ఆధ్వర్యంలో ఆ పార్టీలో చేరారు. వారికి వైఎస్సార్‌సీపీ స్టేట్‌ ఎగ్జిక్యూటివ్‌ కౌన్సిల్‌ మెంబర్‌, మాజీ జెడ్పీటీసీ సామంతపూడి సూరిబాబు, పార్టీ మండల నాయకుడు తుమ్మూరి శ్రీనివాసరెడ్డి పార్టీ కండువాలు కప్పి సాదరంగా ఆహ్వానించారు. కుప్పాల బాలాజీ, బండారి హరీష్‌, ఎల్లిబోయిన జగదీష్‌, అంకనబోయిన నాగబాబు, అంకనబోయిన కిషోర్‌ తదితరులు పార్టీలో చేరిన వారిలో ఉన్నారు.

ఏలూరు (ఆర్‌ఆర్‌పేట): రాష్ట్ర న్యాయ సేవాధికార సంస్థ ఆదేశాల మేరకు, ఉమ్మడి పశ్చిమగోదావరి జిల్లా ప్రధాన న్యాయమూర్తి ఎస్‌. శ్రీదేవి ఆధ్వర్యంలో ఈనెల 21న ఉమ్మడి జిల్లా వ్యాప్తంగా చెక్‌ బౌన్స్‌ కేసుల పరిష్కారానికి ప్రత్యేక లోక్‌ అదాలత్‌ నిర్వహిస్తున్నట్లు జిల్లా న్యాయ సేవాధికార సంస్థ కార్యదర్శి ఎన్‌. శ్రీలక్ష్మి తెలిపారు. బుధవారం జిల్లా న్యాయ సేవాధికార సంస్థ భవనంలో ఏర్పాటు చేసిన విలేకరుల సమావేశంలో ఆమె మాట్లాడారు. ఉమ్మడి పశ్చిమగోదావరి జిల్లా వ్యాప్తంగా 10 వేలకు పైగా చెక్‌ బౌన్స్‌ కేసులు పెండింగ్‌లో ఉన్నాయని వెల్లడించారు. ఈ కేసుల విచారణకు సుదీర్ఘ సమయం పడుతుంది కాబట్టి కక్షిదారులు సామరస్యంగా పరిష్కరించుకోవాలని సూచించారు. లోక్‌ అదాలత్‌ ద్వారా పూర్తయిన కేసులకు అప్పీలు ఉండదని, దీనివల్ల సమయం, డబ్బు ఆదా అవుతాయని పేర్కొన్నారు. కక్షిదారులు ఈ అవకాశాన్ని సద్వినియోగం చేసుకోవాలని కోరారు.

జిల్లా, మండల పరిషత్‌ ఎన్నికలు చివరి అంకానికి చేరుకున్నాయి. గురువారం ఉదయం ఏడు గంటల నుంచి సాయంత్రం ఐదు గంటల వరకు పోలింగ్‌ నిర్వహణకు సర్వం సిద్ధమైంది. జిల్లాల పునర్విభజన తర్వాత నూతన పశ్చిమ గోదావరి జిల్లాలో తొలిసారి పరిషత్‌ ఎన్నికలు జరుగుతున్నాయి. సాక్షి, భీమవరం: జిల్లా పరిధిలో మొత్తం 20 జెడ్పీటీసీ స్థానాలు ఉన్నాయి. 371 ఎంపీటీసీ స్థానాలకు 31 ఏకగ్రీవం కావడంతో మిగిలిన 340 స్థానాలకు ఎన్నికలు జరుగుతున్నాయి. పోలింగ్‌ నిర్వహణకు 1244 పోలింగ్‌ కేంద్రాలను ఏర్పాటు చేశారు. వీటిలో 396 పోలింగ్‌ కేంద్రాలు సమస్యాత్మక, అతి సమస్యాత్మక కేంద్రాలుగా గుర్తించారు. పోలింగ్‌ పర్యవేక్షణ నిమిత్తం 176 ప్రాంతాల్లో మైక్రో అబ్జర్వర్లను నియమించారు. ఎన్నికల సంఘం మార్గదర్శకాల మేరకు 50 శాతం పోలింగ్‌ కేంద్రాల్లో సీసీ కెమెరాల నిఘా, మిగిలిన వాటిలో లోకేషన్‌ వెబ్‌ కాస్టింగ్‌ ద్వారా పర్యవేక్షణకు చేయనున్నట్టు అధికారులు తెలిపారు. అదనంగా వీడియో గ్రాఫర్లను కూడా నియమించామన్నారు. దాదాపు 9400 మంది పోలింగ్‌ సిబ్బంది ఎన్నికల విధుల్లో పాల్గొంటున్నారు. వీరిలో 1,300 మంది ప్రిసైడింగ్‌ అధికారులు (పీఓ), 1,300 మంది అసిస్టెంట్‌ ప్రిసైడింగ్‌ అధికారులు (ఏపీఓ), 6,800 మంది ఇతర పోలింగ్‌ అధికారుల (ఓపీఓ)లను నియమించారు. ఎన్నికల విధులు, పోలింగ్‌ నిర్వహణ, బ్యాలెట్‌ పత్రాల వినియోగం తదితర అంశాలపై వీరికి శిక్షణ ఇచ్చారు. పోలింగ్‌ ప్రక్రియలో భాగంగా జెడ్పీటీసీ, ఎంపీటీసీ అభ్యర్థులకు ఓటు వేసేందుకు ఒక్కో ఓటరుకు పింక్‌, వైట్‌ కలర్‌లోని రెండు బ్యాలెట్‌లను అందజేస్తారు. మూడు చోట్ల స్ట్రాంగ్‌ రూమ్‌లు సాయంత్రం పోలింగ్‌ ముగిశాక బ్యాలెట్‌ బాక్సులను భద్రపరిచేందుకు రెవెన్యూ డివిజన్లు వారీగా స్ట్రాంగ్‌ రూమ్‌లను ఏర్పాటు చేశారు. అక్కడే 7న కౌంటింగ్‌ నిర్వహించనున్నారు. భీమవరం డివిజన్‌ పరిధిలోని బ్యాలెట్‌ బాక్సులను భీమవరంలోని ఎస్‌ఆర్‌కేఆర్‌ కళాశాల, నరసాపురం రెవెన్యూ డివిజన్‌లోని బాక్సులను నరసాపురంలోని వైఎన్‌ కళాశాల, తాడేపల్లిగూడెం రెవెన్యూ డివిజన్‌లోని బాక్సులను ఆదికవి నన్నయ విశ్వవిద్యాలయంలో స్ట్రాంగ్‌ రూమ్‌లను ఏర్పాటుచేశారు. వర్షాలతో తిప్పలు : మురసు తుపాను ప్రభావంతో బుధవారం ఎడతెరిపి లేకుండా కురిసిన వర్షాలతో ఎన్నికల విధులకు హాజరయ్యే సిబ్బంది తీవ్ర ఇబ్బందులు పడాల్సి వచ్చింది. జిల్లా అంతటా 315 సెం.మీ వర్షం కురిసింది. నరసాపురం, తాడేపల్లిగూడెం, మొగల్తూరు, పెనుమంట్ర, పాలకోడేరు తదితర చోట్ల 20 సెం.మీలకు పైబడి వర్షపాతం నమోదైంది. భారీ వర్షాల నేపథ్యంలో పోలింగ్‌ సామాగ్రిని తీసుకువెళ్లే నిమిత్తం భీమవరం, తాడేపల్లిగూడెం, నరసాపురం ప్రాంతాల్లో ఏర్పాటుచేసిన డిస్ట్రిబ్యూషన్‌ పాయింట్లకు చేరుకునేందుకు ఎన్నికల సిబ్బంది తీవ్ర ఇబ్బందులు పడాల్సి వచ్చింది. మరోపక్క ఉండిలోని జెడ్పీ హైస్కూల్‌, పెనుమంట్ర మండలం వెలగలవారిపాలెంలోని పాఠశాల, తదితర చోట్ల ఏర్పాటుచేసిన పోలింగ్‌ కేంద్రాల్లోకి ముంపునీరు చేరడంతో పీఎస్‌లను మరో చోటికి మార్చినట్టు అధికారులు ప్రకటించారు. ఏర్పాట్లు పూర్తి : జెడ్పీటీసీ, ఎంపీటీసీ ఎన్నికల నిర్వహణకు అన్ని ఏర్పాట్లు పూర్తిచేసినట్టు కలెక్టర్‌ చదలవాడ నాగరాణి తెలిపారు. భీమవరం ఎస్‌ఆర్‌కేఆర్‌, ఉండి మార్కెట్‌ యార్డులో ఏర్పాటుచేసిన డిస్ట్రిబ్యూషన్‌ సెంటర్‌, కౌంటింగ్‌ కేంద్రాలను బుధవారం పరిశీలించారు. అనంతరం మీడియాతో మాట్లాడుతూ పోలింగ్‌ కేంద్రాల్లో ఎటువంటి అవాంఛనీయ సంఘటనలు చోటుచేసుకోకుండా సీసీ కెమెరాలు, వీడియో కెమెరాల ద్వారా నిరంతర పర్యవేక్షణ చేపట్టనున్నట్లు వెల్లడించారు. జిల్లాలోని ఓటర్లందరూ ప్రజాస్వామ్య ప్రక్రియలో భాగస్వాములై ఎన్నికల్లో తమ అమూల్యమైన ఓటు హక్కును వినియోగించుకోవాలని కలెక్టర్‌ కోరారు. ఓటుకు వేళాయే ఉదయం 7 గంటల నుంచి సాయంత్రం 5 గంటల వరకు పోలింగ్‌ జిల్లావ్యాప్తంగా 10,52,927 మంది ఓటర్లు 1244 పోలింగ్‌ కేంద్రాలు భారీ వర్షాలతో పోలింగ్‌ సిబ్బంది అవస్థలు (ఏఐ సృష్టించిన చిత్రం) పురుషులు : 5,20,721 మహిళలు : 5,32,195 ట్రాన్స్‌ జెండర్లు : 11 మొత్తం ఓటర్లు : 10,52,927 పోలింగ్‌ కేంద్రాలు : 1,244 జెడ్పీటీసీ స్థానాలు 20 పోటీలోని అభ్యర్థులు 67ఎంపీటీసీ స్థానాలు 340పోటీలోని అభ్యర్థులు 744

భీమవరం: వరుసగా సంభవించిన అర్నబ్‌, మురసు తుపాన్ల ప్రభావంతో కురిసిన భారీ వర్షాలకు జిల్లాలోని డ్రెయిన్లు పొంగిపొర్లుతున్నాయి. దీంతో పంట పొలాలు జలమయమై పూర్తిగా నీటిలో తేలియాడుతున్నాయి. మంగళ, బుధవారాల్లో జిల్లాలోని 20 మండలాల పరిధిలో మొత్తం 3,155 మి.మీ. వర్షపాతం నమోదైంది. ముందుగా అర్నబ్‌ తుపానున్‌కు నేలకొరిగిన చేలు, ఆ తర్వాత వచ్చిన మురసు తుపాను వర్షాలకు పూర్తిగా నీటమునిగాయి. జిల్లావ్యాప్తంగా దాదాపు రెండు లక్షల ఎకరాల్లో పంట దెబ్బతిన్నట్లు వ్యవసాయ శాఖ ప్రాథమికంగా అంచనా వేసింది. ఎకరానికి రూ.30 వేల నష్టం : సార్వా సీజన్‌ ప్రారంభం నుంచి అనేక కష్టనష్టాలకోర్చి, ఎకరానికి దాదాపు రూ.30,000 వరకు పెట్టుబడి పెట్టి పంటను కాపాడుకున్నామని రైతులు తెలిపారు. తీరా పంట చేతికొచ్చే సమయంలో వరుస తుఫాన్లు ముంచెత్తడంతో తీవ్ర ఆందోళన వ్యక్తం చేస్తున్నారు. మురుగునీరు ఎగదన్నుతుండటంతో ఆందోళన సముద్రం పోటు కారణంగా మురుగునీరు వెనక్కి ఎగదన్నుతుండటంతో చేలలోని నీరు బయటకు పోయే పరిస్థితి లేకుండా పోయింది. వారం రోజుల వరకు నీరు ఇంకే అవకాశం లేకపోవడంతో పంట పూర్తిగా పాడైపోతుందని ఆవేదన వ్యక్తం చేస్తున్నారు. మరొకవైపు డ్రెయిన్లలో నీటిమట్టం ప్రమాదకరంగా పెరగడంతో గట్లు తెగి గ్రామాలపైకి నీరు వచ్చే ప్రమాదం ఉందని ప్రజలు భయాందోళన చెందుతున్నారు. అధికారులు వెంటనే స్పందించి డ్రెయిన్ల గట్లకు గండ్లు పడకుండా పటిష్టమైన రక్షణ చర్యలు చేపట్టాలని కోరుతున్నారు. ఉధృతంగా ప్రవహిస్తన్న యనమదుర్రు డ్రెయిన్‌ తాడేపల్లిగూడెంలో రోడ్డుపై ప్రవహిస్తున్న నీరు

శాసనమండలి చైర్మన్‌ కొయ్యే మోషేను రాజు భీమవరం: ఉమ్మడి ఆంధ్రప్రదేశ్‌ శాసన మండలి మాజీ చైర్మన్‌ డాక్టర్‌ అప్పనబోయిన చక్రపాణి మృతిపై ఏపీ శాసన మండలి చైర్మన్‌ కొయ్యే మోషేనురాజు సంతాపం వ్యక్తం చేశారు. ఆయన మరణం రాష్ట్రానికి, ముఖ్యంగా శాసన వ్యవస్థకు తీరని లోటని పేర్కొన్నారు. బుధవారం ఆయన స్థానిక విలేకరులతో మాట్లాడుతూ శాసన మండలి ఔన్నత్యాన్ని కాపాడటంలో చక్రపాణి అందించిన సేవలు చిరస్మరణీయమని కొనియాడారు. చక్రపాణి 2007 నుంచి 2011 వరకు, తిరిగి 2011 నుంచి 2017 వరకు రెండు పర్యాయాలు ఆంధ్రప్రదేశ్‌ శాసన మండలి చైర్మన్‌గా ఏకగ్రీవంగా ఎన్నికై సభను అత్యున్నత విలువలతో నడిపించారని గుర్తు చేశారు. గతంలో 1983 నుంచి 1985 వరకు మండలి డిప్యూటీ చైర్మన్‌గా, ప్రభుత్వ చీఫ్‌విప్‌గా కూడా సేవలందించారని తెలిపారు. కర్నూలు జిల్లా హుస్సేనాపురానికి చెందిన చక్రపాణి న్యాయశాస్త్రంలో పీహెచ్‌డీ సాధించిన విద్యావేత్త, మేధావి అని పేర్కొన్నారు. ఆంధ్ర జనతా దినపత్రిక సంపాదకుడిగా ప్రజా సమస్యలను వెలుగులోకి తీసుకురావడంతో పాటు రాజ్యాంగం, శాసన వ్యవస్థలకు సంబంధించి పలు విలువైన పుస్తకాలను రచించారని గుర్తు చేశారు. శాసన మండలి గౌరవాన్ని, ఔన్నత్యాన్ని కాపాడటంలో చక్రపాణి చూపిన మార్గం భవిష్యత్‌ తరాలకు ఆదర్శంగా నిలుస్తుందని మోషేను రాజు పేర్కొన్నారు. ఆయన ఆత్మకు శాంతి చేకూరాలని ప్రార్థించారు. భీమవరం (ప్రకాశంచౌక్‌): ఆసుపత్రికి వచ్చే రోగులను ఎంత శ్రద్ధగా చూసుకుంటామో, ఆస్పత్రి పరిసరాలను కూడా అంతే పరిశుభ్రంగా ఉంచుకోవాలని భీమవరం డీఎంఅండ్‌హెచ్‌ఓ రవిబాబు పేర్కొన్నారు. భీమవరం శివారు దుర్గాపురం యుపిహెచ్‌సి ఆసుపత్రిని ఆయన బుధవారం ఆకస్మికంగా తనిఖీ చేశారు. ఇటీవల వచ్చిన తుపాను ప్రభావంతో ఆస్పత్రి ఆవరణలో పడిపోయిన చెట్లను, కూలిపోయిన ప్రహారీ గోడను ఆయన పరిశీలించారు. అనంతరం ఆసుపత్రి రికార్డులు, ఓపి నమోదు, ల్యాబ్‌ పరీక్షల వివరాలను అడిగి తెలుసుకున్నారు. ప్రతి రోగి వివరాలను ఓపి రిజిస్టర్‌లో తప్పనిసరిగా నమోదు చేయాలని ఆదేశించారు. ఈ తనిఖీలో దుర్గాపురం యూపీహెచ్‌సీ వైద్యురాలు మాధురి, హెచ్‌వీ కుమారి, స్టాఫ్‌ నర్స్‌ జ్యోతి తదితరులు పాల్గొన్నారు. ద్వారకాతిరుమల: శ్రీవారి హుండీల లెక్కింపు బుధవారం స్థానిక ప్రమోద కల్యాణ మండపంలో పారదర్శకంగా నిర్వహించినట్లు ఆలయ ఈఓ వేండ్ర త్రినాథరావు తెలిపారు. ఏలూరు జిల్లా దేవాదాయశాఖ అధికారి కె.శ్రీనివాసు, ఆలయ ట్రస్ట్‌బోర్డు సభ్యులు, పోలీసుల పర్యవేక్షణలో ఈ లెక్కింపు నిర్వహించారు. గడిచిన 27 రోజులకు గాను స్వామివారికి నగదు రూపంలో రూ.2,52,47,879 ఆదాయం సమకూరింది. రోజుకు సగటున రూ.9,35,107 ఆదాయం వచ్చినట్లు ఈఓ వెల్లడించారు. నగదుతో పాటు కానుకల రూపంలో 127 గ్రాముల బంగారం, 3.466 కేజీల వెండి, భారీగా విదేశీ కరెన్సీ లభించాయి. చెల్లుబాటు కాని పాత రూ.2000, రూ.1000, రూ.500 నోట్ల రూపంలో రూ.8,500 వచ్చినట్లు పేర్కొన్నారు. బుట్టాయగూడెం: మురసు తుపాను కారణంగా ఎన్నికల కమిషన్‌ ఆదేశాల మేరకు నాలుగు మండలాల్లో గురువారం జరగాల్సిన ఎంపీటీసీ, జెడ్పీటీసీ ఎన్నికల పోలింగ్‌ 6వ తేదీకి వాయిదా పడింది. భారీ వర్షాల కారణంగా వేలేరుపాడు, బుట్టాయగూడెం, జీలుగుమిల్లి, పోలవరం మండలాలకు చెందిన రిటర్నింగ్‌ అధికారులు ఆయా మండలాల్లోని పరిస్థితులను కలెక్టర్‌ దృష్టికి తీసుకురావడంతో ఆమె రాష్ట్ర ఎన్నికల కమిషన్‌కు విషయాన్ని నివేదించారు. దీంతో బుట్టాయగూడెం, జీలుగుమిల్లి, వేలేరుపాడు, పోలవరం మండలాల్లో గురువారం జరగాల్సిన పోలింగ్‌ను శుక్రవారానికి మార్చుతున్నట్లు కమిషన్‌ తెలియజేసింది.

తాడేపల్లిగూడెం: విద్యార్థులు కేవలం తరగతి గది బోధనకే పరిమితం కాకుండా ఆధునిక సాంకేతిక పరిజ్ఞానంపై ప్రాయోగిక అవగాహన పెంపొందించుకోవాలని ఏపీ నిట్‌ డైరెక్టర్‌ డాక్టర్‌ కె.వి. కృష్ణారావు పిలుపునిచ్చారు. నిట్‌లో బుధవారం ప్రారంభమైన స్కిల్‌ స్పార్క్‌ 20 కార్యక్రమానికి ఆయన ముఖ్యఅతిథిగా హాజరై ప్రసంగించారు. మారుతున్న పరిశ్రమల అవసరాలకు అనుగుణంగా నైపుణ్యాలను మెరుగుపరుచుకోవాలన్నారు. ప్రాజెక్టుల రూపకల్పన, అమలులో ప్రత్యక్ష అనుభవం సాధిస్తే మెరుగైన అవకాశాలు లభిస్తాయని చెప్పారు. పుస్తక జ్ఞానంతో పాటు దానిని ఆచరణలో పెట్టే సామర్థ్యం, నూతన ఆవిష్కరణల వైపు అడుగులు వేసే దృక్పథం విద్యార్థులకు అత్యవసరమని పేర్కొన్నారు. ఇలాంటి శిక్షణ కార్యక్రమాలు విద్యార్థుల్లో సమస్య పరిష్కార నైపుణ్యాన్ని, ఆత్మవిశ్వాసాన్ని పెంపొందిస్తాయన్నారు. ఈ కార్యక్రమానికి ఎలక్ట్రికల్‌ ఇంజనీరింగ్‌ విభాగాధిపతి డాక్టర్‌ శ్రీఫణికృష్ణ సమన్వయకర్తగా వ్యవహరించగా.. రిజిస్ట్రార్‌ దినేష్‌ శంకరరెడ్డి, డీన్లు వి.సందీప్‌, ఎన్‌.జయరామ్‌, పి.శంకర్‌, అల్లంశెట్టి శ్రీకాంత్‌ తదితరులు పాల్గొన్నారు.

భీమవరం: జిల్లాలో గురువారం నిర్వహించే ఎంపీటీసీ, జెడ్పీటీసీ ఎన్నికలు ప్రశాంతంగా, పారదర్శకంగా నిర్వహించేందుకు పోలీసు యంత్రాంగం అన్ని భద్రతా ఏర్పాట్లు పూర్తి చేసిందని జిల్లా ఎస్పీ అద్నాన్‌ నయీం అస్మి తెలిపారు. బుధవారం ఆయన విలేకరులతో మాట్లాడుతూ ఎన్నికల బందోబస్తు కోసం జిల్లావ్యాప్తంగా 942 మంది పోలీసు అధికారులు, సిబ్బందిని మోహరించినట్లు వెల్లడించారు. మొత్తం 621 పోలింగ్‌ కేంద్రాలలో శాంతిభద్రతల పరిరక్షణ దృష్ట్యా 475 సాధారణ, 124 సమస్యాత్మక, 22 అత్యంత సమస్యాత్మక కేంద్రాలుగా వర్గీకరించినట్లు పేర్కొన్నారు. సమస్యాత్మక కేంద్రాలపై ప్రత్యేక నిఘా ఏర్పాటు చేశామన్నారు. పోలింగ్‌ మెటీరియల్‌ పంపిణీ కేంద్రాల వద్ద నుంచి, ఓటింగ్‌ ముగిసి బ్యాలెట్‌ పెట్టెలు స్ట్రాంగ్‌ రూమ్‌లకు చేరే వరకు ప్రతి దశలోనూ పూర్తి భద్రత కల్పిస్తున్నామని స్పష్టం చేశారు. అత్యవసర పరిస్థితులను ఎదుర్కొనేందుకు 122 రూట్‌ మొబైల్స్‌, 19 స్ట్రైకింగ్‌ ఫోర్స్‌, 13 స్పెషల్‌ స్ట్రైకింగ్‌ ఫోర్స్‌ బృందాలను రంగంలోకి దించామన్నారు. ఈ ప్రత్యేక బలగాలు గ్రామీణ ప్రాంతాల్లో నిరంతరం పెట్రోలింగ్‌ నిర్వహిస్తాయని తెలిపారు. ఎన్నికల నియమావళిని కఠినంగా అమలు చేయాలని, అక్రమంగా మద్యం, నగదు, బహుమతులు తరలించే వారిపై కన్నువేసి ఉంచాలని అధికారులను ఆదేశించారు. ప్రధాన రహదారుల్లో తనిఖీలు ముమ్మరం చేశామని, సోషల్‌ మీడియాలో విద్వేషపూరిత పోస్టులు, వదంతులు వ్యాప్తి చేసేవారిపై సైబర్‌ నిఘా ఉంచామని హెచ్చరించారు. శాంతిభద్రతలకు విఘాతం కలిగిస్తే కఠిన చర్యలు తప్పవన్నారు. ఓటర్లు ఎలాంటి భయాందోళనలు, ప్రలోభాలకు లొంగకుండా నిర్భయంగా ఓటు హక్కు వినియోగించుకోవాలని పిలుపునిచ్చారు. ఎస్పీ అద్నాన్‌ నయీం అస్మి

సీనియర్‌ నేత లంకల రాజేశ్వరరావు వైఎస్సార్‌సీపీలో చేరిక కుక్కునూరు: స్థానిక సంస్థల ఎన్నికల వేళ కుక్కునూరు మండలంలో తెలుగుదేశం పార్టీకి ఎదురుదెబ్బ తగిలింది. పార్టీ ఆవిర్భావం నుంచి టీడీపీ నాయకుడిగా, గ్రామ కన్వీనర్‌గా కొనసాగుతున్న సీనియర్‌ నాయకుడు లంకల రాజేశ్వరరావు(రాజు) మంగళవారం ఆ పార్టీని వీడి వైఎస్సార్‌ కాంగ్రెస్‌ పార్టీలో చేరారు. ఆయన వైఎస్సార్‌సీపీ తీర్థం పుచ్చుకోవడం స్థానిక రాజకీయాల్లో చర్చనీయాంశంగా మారింది. ఎన్నికల ప్రచారం కీలక దశకు చేరుకున్న సమయంలో సుదీర్ఘకాలం టీడీపీలో పనిచేసిన నాయకుడు పార్టీని వీడటం టీడీపీకి రాజకీయంగా ఇబ్బందికర పరిణామంగా భావిస్తున్నారు. ఈ సందర్భంగా వైఎస్సార్‌సీపీ సీనియర్‌ నాయకుడు కుచ్చర్లపాటి కృష్ణంరాజు, కుక్కునూరు ఎంపీటీసీ అభ్యర్థి రావు వినోద్‌ తదితరులు లంకల రాజేశ్వరరావుకు పార్టీ కండువా కప్పి సాదరంగా ఆహ్వానించారు. పార్టీ బలోపేతానికి ఆయన సేవలు ఉపయోగపడతాయని నాయకులు ఆశాభావం వ్యక్తం చేశారు.

వైఎస్సార్‌సీపీ బీసీ సెల్‌ రాష్ట్ర వర్కింగ్‌ ప్రెసిడెంట్‌ నౌడు వెంకటరమణ దెందులూరు: రాష్ట్రవ్యాప్తంగా స్థానిక సంస్థల ఎన్నికల ప్రక్రియలో భాగంగా జరిగిన అవాంఛనీయ సంఘటనలపై ఎన్నికల కమిషన్‌, రాష్ట్రస్థాయి అధికారులు పటిష్టమైన చర్యలు తీసుకోవాలని వైఎస్సార్‌సీపీ బీసీ సెల్‌ రాష్ట్ర వర్కింగ్‌ ప్రెసిడెంట్‌ నౌడు వెంకటరమణ డిమాండ్‌ చేశారు. మంగళవారం ఆయన విలేకరులతో మాట్లాడుతూ.. నామినేషన్ల దాఖలు సమయంలో అభ్యర్థుల నుంచి పత్రాలు లాక్కొని, దౌర్జన్యాలకు పాల్పడి, వాటిని చించివేయడం ప్రజాస్వామ్యానికే మాయనిమచ్చ అన్నారు. ఈ దాడులకు గురైన వారిలో అధికంగా బీసీ అభ్యర్థులు ఉండటం తీవ్రంగా ఆందోళన చెందాల్సిన విషయమన్నారు. బీసీ వర్గాలపై దాడులా? నామినేషన్ల ఘట్టం సమయంలో 144 సెక్షన్‌ అమల్లో ఉన్నప్పటికీ.. వందల మంది గుంపులుగా ఎలా వచ్చారు? పోలీసు అధికారులు వారిని లోపలికి ఎలా అనుమతించారు? ఎన్నికల అధికారులు ఏం చేస్తున్నారంటూ ఆయన ప్రశ్నించారు. సీసీ కెమెరాలు ఉన్నప్పటికీ బీసీ వర్గాల అభ్యర్థులపై దాడులు చేసి, నామినేషన్‌ పత్రాలు చింపివేయడాన్ని రాష్ట్రంలోని బీసీ వర్గాలన్నీ గమనిస్తున్నాయని హెచ్చరించారు. బీసీ వర్గాలపై దాడులు చేసి, వారిని రాజకీయంగా, సామాజికంగా కించపరిస్తే భవిష్యత్తులో తీవ్ర పరిణామాలు ఎదుర్కోవాల్సి వస్తుందని కూటమి ప్రభుత్వాన్ని హెచ్చరించారు. అధికారం ఉందనే అహంకారంతో.. అధికారం ఉందనే అహంకారంతో నామినేషన్లకు వచ్చిన వారిపై దౌర్జన్యం చేసి పత్రాలు చింపివేయడం ఏ సంస్కృతికి నిదర్శనమని నిలదీశారు. ఎంపీటీసీ, జెడ్పీటీసీ పోలింగ్‌, కౌంటింగ్‌ ప్రక్రియల్లో ఎటువంటి దాడులు, దౌర్జన్యాలు, రిగ్గింగ్‌లు జరగకుండా ఎన్నికల అధికారులు పటిష్ట చర్యలు తీసుకోవాలని.. సీసీ కెమెరాల ద్వారా నిరంతరం పర్యవేక్షించాలని ఆయన డిమాండ్‌ చేశారు. తాడేపల్లిగూడెం మున్సిపల్‌ ఎన్నికల నేపథ్యంలో పట్టణంలో నామినేషన్ల స్వీకరణ కేంద్రాలను భద్రతా కారణాలరీత్యా మూడింటికే పరిమితం చేసినట్లు మునిసిపల్‌ కమిషనర్‌ ఎం. ఏసుబాబు తెలిపారు. మంగళవారం మునిసిపల్‌ కార్యాలయంలో ఎన్నికల ముందస్తు సమీక్ష నిర్వహించారు. రెండు రోజుల్లో ఎన్నికల షెడ్యూలు వచ్చే అవకాశం ఉందని, షెడ్యూలు వచ్చాక చేపట్టాల్సిన చర్యలపై ఆర్డీఓ సూర్యారావు, డీఎస్పీ నరసింహమూర్తి, మునిసిపల్‌ అధికారులతో చర్చించినట్లు చెప్పారు. గతంలో నామినేషన్‌ల స్వీకరణకు మునిసిపల్‌ కార్యాలయం, ఇండోర్‌ స్టేడియం, బీఆర్‌ మార్కెట్‌, శేష్‌మహల్‌ వెనుక సచివాలయాలను అనుకున్నామన్నారు. భద్రతా కారణాల దృష్ట్యా శేష్‌మహల్‌ వెనుక కేంద్రాన్ని రద్దు చేసి, మునిసిపల్‌ కార్యాలయంలోనే అదనపు ఏర్పాట్లు చేసినట్లు తెలిపారు. సమావేశంలో నామినేషన్ల కేంద్రాలు, చెక్‌పోస్టులు, డిస్ట్రిబ్యూషన్‌, రిసీవింగ్‌, స్ట్రాంగ్‌ రూమ్‌లు, కౌంటింగ్‌ కేంద్రాల ఏర్పాట్లు, శాంతిభద్రతల పరిరక్షణపై సమీక్షించారు. అసిస్టెంట్‌ కమిషనర్‌ డి. భవానీబాబు, ఎంఈ వెంకటరమణ, ఏసీపీ సీతారాం, మేనేజర్‌ ప్రసాదరావు, టీపీఓ జగదీశ్వరరావు తదితరులు పాల్గొన్నారు. భీమడోలు: స్థానిక సంస్థల ఎన్నికల నేపథ్యంలో ఎలాంటి అవాంఛనీయ సంఘటనలకు తావు లేకుండా ప్రశాంత వాతావరణంలో ఎన్నికలు నిర్వహించేందుకు అధికారులు ముందస్తు చర్యలు చేపట్టారు. ఇందులో భాగంగా భీమడోలు ఎకై ్సజ్‌ శాఖ పరిధిలోని మద్యం దుకాణాలను మంగళవారం సాయంత్రం రెండు రోజుల ముందే సీజ్‌ చేశారు. ఈనెల 5న పోలింగ్‌ జరగనున్న నేపథ్యంలో ఈ ఆదేశాలు జారీ అయ్యాయి. దీనితో భీమడోలు, ఉంగుటూరు, ద్వారకాతిరుమల, నిడమర్రు మండలాల్లోని 23 బ్రాందీ షాపులు మూతపడ్డాయి. పోలింగ్‌ ప్రక్రియ ముగిసిన అనంతరం గురువారం సాయంత్రం 5 గంటలకు దుకాణాలు తెరుచుకుంటాయి. అలాగే ఈనెల 7న శనివారం కౌంటింగ్‌ ఉండటంతో, దానికి ముందురోజు 6వ తేదీ సాయంత్రం 5 గంటలకే షాపులను మళ్లీ మూసివేస్తారు. కౌంటింగ్‌ ముగిసిన వెంటనే మద్యం దుకాణాలు యథావిధిగా పనిచేస్తాయని అధికారులు తెలిపారు. ఎన్నికల నియమావళిలో భాగంగా విధించిన ఈ ఆంక్షలను అందరూ తప్పనిసరిగా పాటించాలని అధికారులు సూచించారు.

ముంచేసిన మురసు ● భారీ వర్షాలతో దిక్కుతోచని రైతులు ● ఇప్పటికే అర్నబ్‌తో 71,333 హెక్టార్లలో నేలకొరిగిన పంట ● పొలాల్లోని ముంపునీరు లాగకుండానే మురసు తుపాను దాడి ● పొట్ట, పాలుపోసుకునే దశల్లో కుళ్లిపోతున్న వరి ● పెట్టుబడులు కూడా రావని వాపోతున్న రైతులు సాక్షి, భీమవరం: అర్నబ్‌ తుపాను దెబ్బ నుంచి రైతులు ఇంకా కోలుకోలేదు.. పొలాల్లో ముంపు నీరు లాగలేదు.. క్షేత్రస్థాయిలో పంట నష్టం సర్వే మొదలుకాలేదు.. పూర్తిస్థాయిలో విద్యుత్‌ పునరుద్ధరణ జరగలేదు.. అంతలోనే మురసు తుపాను చివరి ఆశలపై నీళ్లు కుమ్మరిస్తోంది. ఎడతెరపి లేని వర్షాలతో కంటిమీద కునుకులేకుండా చేస్తోంది.. పొట్ట, పాలుపోసుకునే దశలో వరి పైరు కుళ్లిపోతుండటం కలవరపరుస్తోంది. ఎడతెరపి లేని వాన : మురసు తుపాను ప్రభావంతో జిల్లా అంతటా కుండపోతగా వర్షాలు కురుస్తున్నాయి. సోమవారం రాత్రి నుంచి మంగళవారం ఉదయానికి జిల్లాలో 151 సెం.మీ, ఉదయం నుంచి మధ్యాహ్నం 12 గంటల సమయానికి 84 సెం.మీ వర్షం కురిసింది. అత్యధికంగా భీమవరం, పాలకొల్లు, నరసాపురం, మొగల్తూరు, పాలకోడేరు, పెనుగొండ తదితర చోట్ల 14 సెం.మీ పైబడి వర్షపాతం నమోదైంది. ఎడతెరపి లేని వర్షాలతో జనజీవనం స్తంభించింది. లోతట్టు ప్రాంతాలు జలమయ్యాయి. భీమవరంలో భారీ వర్షం జిల్లా కేంద్రం భీమవరంలో భారీ వర్షంతో కాలనీలు జలమయమయ్యాయి. పట్టణంలోని హౌసింగ్‌ బోర్డు కాలనీ, చినరంగనిపాలెం, ఇండస్ట్రీయల్‌ ఏరియా తదితర చోట్ల మోకాలులోతు నీటితో రాకపోకలకు ప్రజలు తీవ్ర అగచాట్లు పడాల్సి వచ్చింది. భారీ వర్షాల నేపఽథ్యంలో విద్యార్థుల భద్రత దృష్ట్యా మంగళవారం ప్రభుత్వ, ప్రైవేట్‌ పాఠశాలలు, కళాశాలలకు కలెక్టర్‌ సీహెచ్‌ నాగరాణి సెలవు ప్రకటించారు. చివరి ఆశలపై నీళ్లు జిల్లాలోని 87 వేల హెక్టార్లలో రైతులు ఖరీఫ్‌ సాగు చేశారు. తాడేపల్లిగూడెం ప్రాంతంలో వరి కోతలు మొదలయ్యాయి. అధిక శాతం విస్తీర్ణంలో పాలుపోసుకునే దశ నుంచి గింజ గట్టిపడే దశలో ఉంది. ఇప్పటికే ఎకరాకు రూ.25 వేలు నుంచి రూ.30 వేల వరకు పెట్టుబడులు పెట్టారు. మరో పది రోజుల్లో జిల్లా అంతటా వరికోతలు మొదలుకానున్నాయి. ఈ తరుణంలో గత నెల 27న రాత్రి నరసాపురం వద్ద తీరాన్ని తాకిన అర్నబ్‌ తుపాను వరి పంటకు అపార నష్టం కలుగజేసింది. ఈదురుగాలులు, భారీ వర్షాలు జిల్లాలోని 303 గ్రామాల పరిధిలో 1,02,939 మంది రైతులకు చెందిన 71,333 హెక్టార్లలో వరి పంట నేలకొరిగినట్టు వ్యవసాయ అధికారులు ప్రాథమికంగా అంచనా వేశారు. పొలాల్లో ముంపు నీరు లాగక పూర్తిస్థాయిలో పంట నష్టం సర్వే చేపడతామన్నారు. కొంచెం తెరిపివ్వడంతో పొలాల్లో పంటను కాపాడుకునే పనిలో రైతులు నిమగ్నమయ్యారు. ముంపు నీటిని బయటకు పంపేందుకు బాటలు చేసుకోవడం, నేలనంటిని చేల ను పైకి నిలబెట్టి కట్టలుగా కట్టుకోవడం చేశారు. ఇంతలోనే మురసు రూపంలో వచ్చిన మరో తుపాను మిగిలిన ఆశలను మొత్తం తుడిచిపెట్టేస్తోంది. భారీ వర్షాలతో వరి గింజల్లో తాలు శాతం పెరిగి దిగుబడులు తగ్గిపోతాయని రైతులు వాపోతున్నారు. పైరు నేలనంటడంతో వరికోత యంత్రాల ద్వారా కోయడం సాధ్యం కాదని, కూలీలతో ద్వారా కోయిస్తే చాలా ఖర్చవుతుందని ఆవేదన వ్యక్తం చేస్తున్నారు. ప్రభుత్వం పరిహారం, ఇన్‌పుట్‌ సబ్సిడీ అందించాలని, తడిసిన, రంగు మారిన ధాన్యాన్ని మద్దతు ధరకు కొనుగోలు చేసి ఆదుకోవాలని కోరుతున్నారు. సగం ఆయకట్టుకు బీమా సాయం లేనట్టే : పంటల బీమా చెల్లించిన వారికే బీమా పరిహారం అందుతుందని ఇటీవల నరసాపురం పర్యటనలో సీఎం చంద్రబాబు స్పష్టం చేశారు. ప్రస్తుత ఖరీఫ్‌ పంటకు సంబంధించి జిల్లాలో 34,143 హెక్టార్లకు మాత్రమే 64,109 మంది రైతులు క్రాప్‌ ఇన్సూరెన్స్‌ చేయించుకున్నారు. మిగిలిన ఆయకట్టుకు బీమా లేదు. ఈ ఆయకట్టులోని రైతులకు నష్టపరిహారం అందక తీవ్రంగా నష్టపోవాల్సి వస్తుంది. పాలకొల్లు బస్టాండ్‌లో వర్షం నీరు భీమవరంలో వర్షం నీటిలోనే రాకపోకలు గత వైఎస్సార్‌సీపీ ప్రభుత్వం ఉచిత పంటల బీమా పథకాన్ని అందజేసి రైతులు చెల్లించాల్సిన ప్రీమియం వాటాను ప్రభుత్వమే చెల్లించేది. విపత్తుల సమయంలో ఏ సీజన్‌లో నష్టం జరిగితే అదే సీజన్‌లో బీమా పరిహారం, ఇన్‌పుట్‌ సబ్సిడీ అందించి అండగా నిలిచేది. గత ప్రభుత్వంలో 1,09,556 మంది రైతులకు ఇన్‌పుట్‌ సబ్సిడీగా రూ.103.44 కోట్లు, బీమా పరిహారంగా 1,14,011 మంది రైతులకు రూ.217.64 కోట్లు అందించి ఆదుకున్నారు. కాగా చంద్రబాబు ప్రభుత్వం ఉచిత పంటల బీమాను రద్దు చేసింది. గత ఖరీఫ్‌లో మోంథా తుపానుతో జిల్లాలోని 9,201 హెక్టార్లలో పంట నష్టం వాటిల్లగా రూ.23 కోట్ల ఇన్‌పుట్‌ సబ్సిడీ, బీమా పరిహారాన్ని ఇప్పటికీ అందించకపోవడం గమనార్హం. భీమవరం: జిల్లాలో సోమవారం రాత్రి నుంచి మంగళవారం మధ్యాహ్నం వరకు సగటున 123 మి.మీ. వర్షం కురిసినట్టు సమాచారశాఖ ప్రకనటలో తెలిపింది. అత్యధికంగా నరసాపురంలో 263.6 మి.మీ. నమోదు కాగా.. మండలాల వారీగా తాడేపల్లిగూడెంలో 107.2, పెంటపాడులో 112.6, తణుకులో 68.6, అత్తిలిలో 132.6, గణపవరంలో 112, ఆకివీడులో 103.2, ఉండిలో 153.4, పాలకోడేరులో 183.2, పెనుమంట్రలో 94.6, ఇరగవరంలో 95, పెనుగొండలో 82.4, ఆచంటలో 94.6, పోడూరులో 98.4, వీరవాసరంలో 185.2, కాళ్లలో 101.2, మొగల్తూరులో 149.2, భీమవరంలో 172.4, పాలకొల్లులో 228.1, యలమంచిలిలో 114.6 మి.మీ. వర్షపాతం నమోదైంది.

స్థానిక ఎన్నికల ఘట్టం పతాక స్థాయికి చేరింది. నామినేషన్ల వేసిన నాటినుంచి అభ్యర్థులు ఇంటింటికి తిరిగి తమను గెలిపించాలని కోరుతూ ఓట్లు అభ్యర్థించారు. అర్నబ్‌, మురుసు తుపానులు అడగడుగునా ఆటంకం కలిగించినా, వాటిని లెక్కచేయకుండా జోరువానలోనూ ప్రచారం కొనసాగించారు. తొలినుంచి వైఎస్సార్‌ సీపీ అభ్యర్థులు ప్రచారంలో ముందంజలోనే నిలిచారు. ఈ నెల 5వ తేదీన జరగనున్న పోలింగ్‌లో విలువైన ఓట్లు ఫ్యాన్‌ గుర్తుకు వేసి వైఎస్సార్‌ సీపీని గెలిపించాలని విజ్ఞప్తి చేశారు. మంగళవారం ప్రచార పర్వానికి ముగింపు పలికారు. – సాక్షి నెట్‌వర్క్‌

సాక్షి, భీమవరం: పరిషత్‌ పోరులో ప్రచార పర్వానికి తెరపడింది. కొద్దిరోజులుగా హోరెత్తిన మైకులు మంగళవారం సాయంత్రం ఐదు గంటల నుంచి మూగబోయాయి. గురువారం ఉదయం ఏడు గంటల నుంచి సాయంత్రం ఐదు గంటల వరకు పోలింగ్‌ నిర్వహణకు సర్వం సిద్ధమైంది. జిల్లాలోని జెడ్పీ, మండల పరిషత్‌ పాలకవర్గాల ఏర్పాటుకు గత నెల 19న ఎన్నికల సంఘం నోటిఫికేషన్‌ విడుదల చేసింది. అక్టోబర్‌ 21 నుంచి 23 వరకు నామినేషన్ల స్వీకరణ, అక్టోబర్‌ 24న పరిశీలన, అక్టోబరు 27 వరకు ఉపసంహరణ గడువు, నవంబరు 3న పోలింగ్‌, 5న కౌంటింగ్‌కు షెడ్యూల్‌ విడుదల చేశారు. అయితే 3న మున్సిపల్‌ ఎన్నికల కౌంటింగ్‌ నేపథ్యంలో 5న పరిషత్‌ పోలింగ్‌, 7న కౌంటింగ్‌కు ఈసీ రీషెడ్యూల్‌ చేసింది. పశ్చిమగోదావరి జిల్లాలో 20 జెడ్పీటీసీ స్థానాలకు గాను వైఎస్సార్‌సీపీ, కూటమి, కాంగ్రెస్‌ తదితర 67 మంది పోటీలో ఉన్నారు. 371 ఎంపీటీసీ స్థానాలకు గాను ఉండి నియోజకవర్గంలో 27, తణుకు నియోజకవర్గంలో నాలుగు స్థానాలు ఏకగ్రీవం కావడంతో మిగిలిన 340 స్థానాలకు ఆయా పార్టీలు, స్వతంత్రులు కలిపి 744 మంది బరిలో నిలిచారు. మొత్తం 10,52,927 మంది ఓటర్లకు 5,20,721 మంది పురుషుల, 5,32,195 మంది మహిళలు, 11 మంది ట్రాన్స్‌ జెండర్లు ఓటుహక్కును వినియోగించుకోనున్నారు. ఇందుకోసం 1,244 పోలింగ్‌ కేంద్రాలను ఏర్పాటుచేశారు. వీటిలో 396 పోలింగ్‌ కేంద్రాలు సమస్యాత్మక, అతి సమస్యాత్మక కేంద్రాలుగా గుర్తించి ప్రత్యేక భద్రతా చర్యలు చేపట్టారు. ఎన్నికల విధుల్లో పాల్గొనే సిబ్బందికి పోలింగ్‌ నిర్వహణ, బ్యాలెట్‌ పత్రాల వినియోగం తదితర అంశాలపై శిక్షణ పూర్తిచేశారు. 5న జరిగే పోలింగ్‌, 7న జరిగే కౌంటింగ్‌ కోసం సర్వం సిద్ధం చేసినట్టు కలెక్టర్‌ చదలవాడ నాగరాణి మంగళవారం మీడియాకు తెలిపారు. ప్రశాంత వాతావరణంలో ప్రజలు ఓటు హక్కును వినియోగించుకునే విధంగా చర్యలు తీసుకున్నామన్నారు. ముగిసిన ప్రచారం గత కొద్దిరోజులుగా హోరెత్తిస్తున్న మైకులు మూగబోగా, ప్రశాంత వాతావరణం నెలకొంది. మంగళవారం సాయంత్రంతో ముగించాల్సి ఉండటంతో చివరి రోజున భారీ ఎత్తున ర్యాలీలు నిర్వహించేందుకు అభ్యర్థులు చేసుకున్న ఏర్పాట్లకు మురసు తుపాను తీవ్ర ఆటంకం కలిగించింది. ప్రలోభాలకు తెర లేపారు పోలింగ్‌కు ఒక్క రోజు మాత్రమే వ్యవధి ఉండటంతో మంగళవారం రాత్రి నుంచి పలు గ్రామాల్లో కూటమి ప్రలోభాలకు తెరలేపింది. మున్సిపల్‌ ఎన్నికల్లో మాదిరి ఓటుకు రూ. 500 నుంచి రూ. వెయ్యి వరకు పంపిణీకి సన్నాహాలు చేస్తున్నారు. అభ్యర్థులు ఎవరికి వారు తమ అనుచరుల ద్వారా గుట్టుచప్పుడు కాకుండా పంపిణీకి శ్రీకారం చుడుతున్నారు. ఓటుకు నగదుతో పాటు, పురుషులకు మద్యం బాటిల్స్‌ ఇస్తుండగా, మహిళలకు చీరలు, అందజేస్తున్నట్టు తెలిసింది. ఏలూరు జిల్లాలో 26 జెడ్పీటీసీ, 442 ఎంపీటీసీ స్థానాలకు ఎన్నికలు జరుగనున్నాయి. 27 జెడ్పీటీసీ స్థానాలకు ఒకటి, 454 ఎంపీటీసీ స్థానాలకు 12 ఏకగ్రీవం అయ్యాయి. ముగిసిన జెడ్పీటీసీ, ఎంపీటీసీ ఎన్నికల ప్రచారం రేపు ఉదయం 7 నుంచి సాయంత్రం 5 గంటల వరకు పోలింగ్‌ పశ్చిమలో 20 జెడ్పీటీసీ, 340 ఎంపీటీసీ స్థానాలు ఏలూరు జిల్లాలో 26 జెడ్పీటీసీ, 442 ఎంపీటీసీ స్థానాలకు ఎన్నికలు

నరసాపురం: ప్రజల్లో ఆదరణ, ప్రజాసేవలో నిబద్ధత ఉంటే.. అధికారం, ధన ప్రవాహం ఏమీ పనిచేయవని నిరూపించారు నరసాపురం మున్సిపాలిటీలో 6వ వార్డు నుంచి వైఎస్సార్‌సీపీ తరఫున పోటీ చేసిన పతివాడ మార్కండేయులు. బీజేపీ అభ్యర్థి, న్యాయవాది మోచర్ల సత్యకృష్ణపై 222 ఓట్ల మెజార్టీతో గెలుపొందారు. గతంలో 2005లో నరసాపురం మున్సిపల్‌ చైర్మన్‌ స్థానాన్ని పొత్తుల్లో భాగంగా బీజేపీ చేజిక్కుంచుకుని గెలుపొందింది. ఆ తర్వాత పట్టణంలో కనీసం వార్డు కౌన్సిలర్‌గా కూడా ఆ పార్టీ నుంచి ప్రాతినిధ్యం లేదు. అయితే ఈసారి ఎలాగైనా బీజేపీ అభ్యర్థిని కౌన్సిల్‌కు పంపాలని కేంద్రమంత్రి శ్రీనివాసవర్మ కంకణం కట్టుకున్నారు. దీంతో మార్కండేయులను ఓడించి బీజేపీకి పట్టం కట్టాలని స్వయంగా కేంద్రమంత్రి వర్మ వార్డులో ఇంటింటా ప్రచారం చేశారు. అయితే మార్కండేయులకు వార్డు ప్రజలతో ఉన్న సంబంధాలు, చేసిన సేవల ముందు కేంద్ర మంత్రి ప్రయత్నాలు ఫలించలేదు. అండ బలం, అర్థ బలం ఆయన గెలుపును ఆపలేకపోయాయి. గత కౌన్సిల్‌లో మార్కండేయులు సతీమణి పద్మ వైఎస్సార్‌సీపీ కౌన్సిలర్‌గా పనిచేశారు. ఇప్పుడు మార్కండేయులు గెలుపు పట్టణంలో హాట్‌ టాఫిక్‌గా మారింది.

● పార్టీ జిల్లా అధ్యక్షుడు డీఎన్నార్‌ ● మురసు తుపానులోనూ ముమ్మర ప్రచారం కై కలూరు: హామీల అమలుకు కేరాఫ్‌ అడ్రస్‌గా వైఎస్సార్‌సీపీ నిలుస్తుందనే నమ్మకం ప్రజల్లో ఇప్పటికీ చెరిగిపోలేదని, ఓట్లు రూపంలో అభ్యర్థుల విజయానికి కారణమవుతోందని వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే దూలం నాగేశ్వరరావు(డీఎన్నార్‌) ఆశాభావం వ్యక్తం చేశారు. మురసు తుపానుతో జోరు వర్షం, అందునా జెట్పీటీసీ, ఎంపీటసీల ప్రచారపర్వానికి చివరి రోజు కావడంతో మంగళవారం సుడిగాలి పర్యటన చేశారు. ఉదయం నుంచి ఆచవరం, శ్యామలాంబపురం, తామరకొల్లు, వరహాపట్నం, గోపవరం, గోనెపాడు, ఆటపాక, కై కలూరులో అభ్యర్థులతో కలసి ప్రచారం చేశారు. పలు గ్రామాల్లో ఆయన మాట్లాడుతూ మాజీ ముఖ్యమంత్రి వైఎస్‌ జగన్‌మోహన్‌రెడ్డిని పప్పుబెల్లంలా బటన్‌ నొక్కుతున్నారని కూటమి నేతలు హేళన చేశారన్నారు. ఆయన పేదల సంక్షేమానికి ఎంత కృషి చేశారో ఇప్పుడు ప్రజలకు అర్థమవుతోందన్నారు. నేడు సామాన్య, మద్యతరగతి ప్రజలు నిత్యవసర సరుకుల ధరలను చూసి గుండెలు బాదుకుంటున్నారన్నారు. తిరిగి వైఎస్సార్‌సీపీ పాలన కావాలని కోరుకుంటున్నారన్నారు. వైఎస్సార్‌సీపీ అభ్యర్థులను అఖండ మెజారిటీతో గెలిపించాలని కోరారు. జెట్పీటీసీ అభ్యర్థి జయమంగళ కాసులు మాట్లాడుతూ సేవ చేయాలనే ఉద్దేశంతో ముందుకు వచ్చామని రెండు ఓట్లు ఫ్యాన్‌ గుర్తుకు వేయాలని అభ్యర్థించారు. అనేక గ్రామాల్లో డాక్టర్‌ బీఆర్‌.అంబేడ్కర్‌ విగ్రహాలకు నివాళి అర్పించారు. పలు చోట్లు మహిళలు డీఎన్నార్‌కు హారతలు పట్టారు. యువత సైతం ఏ మాత్రం వెనకంజ వేయకుండా జోరున వర్షంలో బైక్‌ ర్యాలీ నిర్వహించారు. కార్యక్రమాల్లో ఎంపీటీసీ అభ్యర్థులు గొల్లేరు పార్వతీ, మీగడ వెంకట సత్యనారాయణ, గంగుల ఆంజనేయులు, భట్రాజు రాజేష్‌, పడాల వెంకటరెడ్డి, సింగంశెట్టి రాంబాబు(రాము), పాలపర్తి సంధ్యారాణి, బోడిచర్ల దిలీప్‌కుమార్‌, బిరుదుగడ్డ లాజరు, మారగాని తేజస్వీ శ్యామలా, ఖైరున్నీసాభేగం, పెద్దింటి అరుణ, సుంకర లత, నాయకులు అల్లూరి మంగారావు, చవలి రజనీకాంత్‌, బండి ప్రసాద్‌, పంజా రామారావు, ఈదా మురళీ, కన్నా రమేష్‌, సన్నిది కృష్ణ, ఈదా లక్ష్మణ్‌, బుర్ల నాగరాజు, మాడపాటి చింతయ్య, బోడావుల వెంకటస్వామి, చేవేటి ఏసుబాబు, సమయం అంజి, గాలిబ్‌బాబు, బుర్ల పోతురాజు, బోడావుల వడ్డికాసులు, చొప్పర్ల రాము, బుర్ల కిరణ్‌, ఉలిసి శ్రీను, పెద్దిరాజు, సుంకర శివ తదితరులు పాల్గొన్నారు.

ద్వారకాతిరుమల: ప్రముఖ పుణ్యక్షేత్రమైన ద్వారకాతిరుమల చినవెంకన్నకు గుంటూరుకు చెందిన భక్తురాలు వెలగలేటి సత్యవతి మంగళవారం సుమారు రూ. 11.63 లక్షలు విలువైన బంగారు, వెండి కానుకలను సమర్పించారు. దివంగత వెలగలేటి దుర్గాదేవి జ్ఞాపకార్థం దాత కుటుంబసభ్యులు ఆలయ ఈఓ వేండ్ర త్రినాథరావుకు ఈ కానుకలను అందజేశారు. లక్ష్మీదేవి రూపులు, ముత్యాలు, ఎరుపు, తెలుపు, పచ్చ రాళ్లతో డిజైన్‌ చేసిన సుమారు రూ.10.85 లక్షలు విలువైన 72 గ్రాముల బరువు గల రెండు పేటల బంగారు లక్ష్మీదేవి మెట్ల హారంతో పాటు, అష్టలక్ష్ముల రూపాలతో సుమారు రూ. 78 వేలు వెచ్చించి తయారు చేయించిన 340 గ్రాముల బరువు గల నగిషీ వెండి చెంబును స్వామివారికి సమర్పించారు. ఈ సందర్భంగా దాత కుటుంబాన్ని ఈఓ ప్రత్యేకంగా అభినందించి, సంబంధిత రసీదును అందజేశారు. అనంతరం వారికి ఆలయ మర్యాదలతో స్వామివారి ప్రత్యేక దర్శనం కల్పించి, ప్రసాదాలను అందించారు. 72 గ్రాముల బంగారు హారం, 340 గ్రాముల వెండి చెంబు అందజేత

ఉంగుటూరు,: మండలంలోని గోపీనాథపట్నం గ్రామంలో వైఎస్సార్‌ సీపీ నాయకుడు చేకూరి శ్రీనివాసరాజు (నాగబాబు) ఆధ్వర్యంలో వివిధ పార్టీలకు చెందిన యువకులు భారీగా వైఎస్సార్‌ కాంగ్రెస్‌ పార్టీలో చేరారు. తిరుమల తిరుపతి దేవస్థానం (టీటీడీ) ధర్మకర్తల మండలి మాజీ సభ్యుడు గాదిరాజు సుబ్బరాజు, స్థానిక పారిశ్రామికవేత్త ఏగేసిన గోవిందరాజు సమక్షంలో వీరందరూ పార్టీ కండువాలు కప్పుకుని వైఎస్సార్‌సీపీ తీర్థం పుచ్చుకున్నారు. జొన్నాడ ఆంజనేయులు, పెండ్రాల యేసు, గంట ఆంజనేయులు, నేరెళ్ల సురేంద్ర, పెండ్రాల శాంతరాజు, పెండ్రాల ప్రసన్నకుమార్‌, బొబ్బిలి లక్ష్మయ్య, పుచ్చకాయల సురేషు, గంటా శ్రీనివాసు, గంట కంచిరాజు, గ్రంధి శ్రీనివాసరావు, జొన్నాడ యేసు, పెండ్ర వెంకన్న, హాలుగంటి కిషోర్‌, ఏడుకొండలు తదితరులు వైఎస్సార్‌సీపీలో చేరారు. పార్టీలోకి చేరిన యువతను సుబ్బరాజు సాదరంగా ఆహ్వానించి, అభినందనలు తెలిపారు. ఈ కార్యక్రమంలో స్థానిక మాజీ సర్పంచి పుచ్చకాయల విష్ణుమూర్తి, బేరా పెద్దిరాజు తదితర వైఎస్సార్‌సీపీ నాయకులు, కార్యకర్తలు పెద్ద సంఖ్యలో పాల్గొన్నారు.

ఉండి: విద్యుత్‌ సమస్యలను పరిష్కరించి ఆక్వా సాగును కాపాడాలని కోరుతూ మండలంలోని చినపుల్లేరు గ్రామానికి చెందిన పలువురు ఆక్వా రైతులు ఉండిలోని 33/11 కేవీ విద్యుత్‌ సబ్‌స్టేషన్‌ వద్ద నిరసనకు దిగారు. ఈ సందర్భంగా వారు మాట్లాడుతూ.. గ్రామంలో లైన్‌మెన్‌ అందుబాటులో లేకపోవడం వల్ల తరచూ విద్యుత్‌ సరఫరాలో అంతరాయం కలుగుతోందని, దీనివల్ల ఆక్వా సాగులో తీవ్ర నష్టాలు చవిచూడాల్సి వస్తోందని ఆవేదన వ్యక్తం చేశారు. ట్రాన్స్‌ఫార్మర్ల వద్ద ఫ్యూజులు పోయినా లేదా ఇతర సాంకేతిక సమస్యలు తలెత్తినా, గ్రామానికి లైన్‌మెన్‌ లేకపోవడంతో ఎవరిని సంప్రదించాలో తెలియక తీవ్ర ఇబ్బందులు పడుతున్నామని తెలిపారు. జనరేటర్లపై ఆధారపడితే పెట్టుబడి భారం గ్రామ పరిధిలో విద్యుత్‌ సరఫరా నిలిచిపోయిన ప్రతిసారీ జనరేటర్లపై ఆధారపడి సాగు చేయాలంటే విపరీతమైన పెట్టుబడి భారం పడుతోందని వాపోయారు. తమ గ్రామానికి చెందిన లైన్‌మెన్‌ ఇతర మండలానికి బదిలీపై వెళ్లడంతో, ఆయన స్థానంలో వాండ్రం లైన్‌మెన్‌ను ఇన్‌చార్జ్‌గా నియమించారని చెప్పారు. అయితే తుపాను కారణంగా దెబ్బతిన్న విద్యుత్‌ లైన్లను పునరుద్ధరించే క్రమంలో ఆయన కూడా అందుబాటులో లేకపోవడంతో తాము మరింత ఇబ్బందులు ఎదుర్కొంటున్నామని రైతులు తెలిపారు. అందువల్ల తమ గ్రామానికి వెంటనే మరో లైన్‌మెన్‌ను ఇన్‌చార్జ్‌గా నియమించాలని కోరుతూ విద్యుత్‌ శాఖ ఏఈ పి.శ్రీనివాసరావును కలిసి వినతిపత్రం అందజేశారు. సమస్య పరిష్కారానికి హామీ రైతుల విజ్ఞప్తిపై ఏఈ శ్రీనివాసరావు స్పందిస్తూ.. చినపుల్లేరు లైన్‌మెన్‌ పదోన్నతిపై బదిలీ అయ్యారని, వెంటనే మరొకరిని ఇన్‌చార్జ్‌గా నియమిస్తామని హామీనిచ్చారు. గ్రామంలోని విద్యుత్‌ సమస్యలతో పాటు ఆక్వా రైతులు ఎదుర్కొంటున్న ఇబ్బందిని తక్షణమే పరిష్కరించేలా చర్యలు తీసుకుంటామని ఆయన తెలిపారు. ఈ కార్యక్రమంలో మాజీ ఉపసర్పంచ్‌, ఆక్వా రైతు బొర్రా సువర్ణరాజుతో పాటు పలువురు రైతులు పాల్గొన్నారు. లైన్‌మెన్‌ను వెంటనే నియమించాలని డిమాండ్‌

సాక్షి, భీమవరం: స్థానిక సంస్థల ఎన్నికల్లో కుట్ర రాజకీయాలకు తెరలేపిన కూటమి పక్షాలు ఊహించనట్టే పుర పోరులో విజయం సాధించాయి. నరసాపురం మున్సిపాల్టీ, ఆకివీడు నగర పంచాయతీలను గెలుపొందాయి. రెండు చోట్లా గట్టి పోటీనిచ్చిన వైఎస్సార్‌సీపీ అభ్యర్థులు ఆకివీడులో ఐదు, నరసాపురంలో నాలుగు వార్డులను కై వసం చేసుకున్నారు. జిల్లాలోని నరసాపురానికి సంబంధించి వైఎన్‌ కళాశాల, ఆకివీడుకు సంబంధించి జెడ్పీ ఉన్నత పాఠశాలలో మంగళవారం కౌంటింగ్‌ నిర్వహించారు. మున్సిపాల్టీలో 33,348 ఓట్లు పోల వ్వగా వైఎస్సార్‌సీపీ అభ్యర్థి కావలి రామసీతకు 7,511 ఓట్లు, జనసేన అభ్యర్థి కొత్తపల్లి శైలజకు 24,580 ఓట్లు, కాంగ్రెస్‌ పార్టీ అభ్యర్థి తణుకొండ సంతోషకుమారికి 262 ఓట్లు వచ్చాయి. నోటాకు 246 ఓట్లు రాగా, చెల్లని ఓట్లు 765 నమోద య్యాయి. చైర్‌పర్సన్‌గా కొత్తపల్లి శైలజ 17,069 ఓట్లతో విజయం సాధించారు. ఆకివీడులో పోలైన 19,689 ఓట్లలో వైఎస్సార్‌సీపీ అభ్యర్థి మన్నే లలితాదేవికి 4,720 ఓట్లు రాగా, టీడీపీ అభ్యర్థి నిలోఫర్‌ షేక్‌కు 14,477 ఓట్లు వచ్చాయి. చెల్లని ఓట్లు 359 నమోదు కాగా నోటాకు 133 ఓట్లు పోలయ్యాయి. చైర్‌పర్సన్‌గా షేక్‌ నీలోఫర్‌ 9,757 ఓట్లు ఆధిక్యతతో గెలుపొందారు. తొమ్మిది వార్డుల్లో వైఎస్సార్‌సీపీ రెండు చోట్ల తొమ్మిది వార్డుల్లో ప్రజలు వైఎస్సార్‌సీపీ కౌన్సిలర్‌ అభ్యర్థులకు పట్టం కట్టారు. ఆకివీడు పరిధిలో 11వ వార్డులో కుంచాడ బాబ్జ్జీ 199 ఓట్లు మెజార్టీతో గెలుపొందగా, 15వ వార్డు నుంచి మహమ్మద్‌ రియాజుద్దీన్‌ అలీ అహ్మద్‌ 158 ఓట్లు, 17వ వార్డు నుంచి మద్దా ఫ్రాన్సినా 64 ఓట్లు, 19వ వార్డు నుంచి మహమ్మద్‌ పెర్విన్‌ భాను మూడు ఓట్లు, 21వ వార్డు నుంచి దొడ్డ జగదీష్‌ 36 ఓట్లు ఆధిక్యతతో విజయం సాధించారు. 19వ వార్డులో స్వల్ప ఆధిక్యతపై కూటమి నేతలు రీకౌంటింగ్‌కు పట్టుబట్టడంతో అధికారులు మళ్లీ కౌంటింగ్‌ నిర్వహించి మూడు ఓట్లు ఆధిక్యతతో గెలుపొందినట్టు ప్రకటించారు. నరసాపురంలో 6వ వార్డు పతివాడ మార్కండేయులు 222 ఓట్లు, 14వ వార్డులో బూసరపు ప్రియదర్శిని 38 ఓట్లు, 19వ వార్డు నుంచి షేక్‌ యాకూబ్‌బీబీ 195 ఓట్లు, 32వ వార్డు నుంచి కొండమంచిలి సంతోషరాణి 26 ఓట్లు ఆధిక్యతతో గెలుపొందారు. కలెక్టర్‌ సీహెచ్‌ నాగరాణి, ఎస్పీ అద్నాన్‌ నయీం అస్మి కౌంటింగ్‌ను పర్యవేక్షించారు. నరసాపురంలో కౌంటింగ్‌ తీరును పరిశీలిస్తున్న కలెక్టర్‌ నాగరాణి ఓట్లు లెక్కిస్తున్న సిబ్బంది ఎమ్మెల్యే సర్వశక్తులు ఒడ్డినా పట్టునిలుపుకున్న వైఎస్సార్‌సీపీ అభ్యర్థి నరసాపురం: వైఎస్సార్‌సీపీ కీలక నేత, మాజీ మున్సిపల్‌ వైస్‌ చైర్మన్‌ షేక్‌ బులిమస్తాన్‌ ఎన్నికల్లో తడాఖా చూపించారు. తన సతీమణిని మూడోసారి కౌన్సిలర్‌గా గెలపించుకోవడం ద్వారా సత్తాచాటారు. 19వ వార్డులో ఆయన సతీమణి యాకూబీబీ రెండోసారి వైఎస్సార్‌సీపీ కౌన్సిలర్‌గా నిలబడగా.. ఓడించేందుకు కూటమి నేతలు నామినేషన్‌ పర్వం నుంచి పలు వ్యూహాలు అమలు చేశారు. పక్క వార్డుకు చెందిన మహిళతో జనసేన తరఫున నామినేషన్‌ వేయించి హడావుడి చేశారు. ఎమ్మెల్యే బొమ్మిడి నాయకర్‌ ఈ వార్డుపై ప్రత్యేక దృష్టి సారించి, అనుచరగణంతో విస్తృత ప్రచారం చేయించారు. ప్రలోభాల వల నుంచి బెదిరింపుల పర్వం వరకూ అన్ని ప్రయత్నాలు చేశారు. ఎలాగైనా ఓడించి తీరుతామని ఎమ్మెల్యే శపధం కూడా చేసినట్టు తెలిసింది. అయితే సుదీర్ఘ రాజకీయ అనుభవం ఉన్న బులిమస్తాన్‌ ఎమ్మెల్యే ప్రయత్నాలను సమర్థవంతంగా తిప్పికొట్టి తన భార్యను గెలిపించుకున్నారు. పోలింగ్‌ జరిగిన రోజు నుంచి ఈ వార్డు ఫలితం పట్టణంలో హాట్‌టాఫిక్‌గా మారింది. భారీగా పందాలు కూడా జరిగాయి. చివరకు బులిమస్తాన్‌ తన హవా మ రోసారి నిలుపుకున్నారు. తొలి నుంచి కాంగ్రెస్‌ పా ర్టీలో ఉన్న బులిమస్తాన్‌ వైఎస్సార్‌సీపీ ఆవిర్భావం నుంచి పార్టీలో క్రియాశీలకంగా వ్యవహరిస్తున్నారు. 1995, 2004లో బులిమస్తాన్‌ కాంగ్రెస్‌ తరఫున కౌన్సిలర్‌గా గెలుపొంది వైస్‌ చైర్మన్‌గా పనిచేశారు. 2009, 2014లో ఆయన భార్య వైఎస్సార్‌సీపీ నుంచి కౌన్సిలర్‌గా పనిచేశారు. గతంలో బులిమస్తాన్‌ అత్త బాజింబీబీ కాంగ్రెస్‌ తరఫున ఇదే వార్డు నుంచి ఎన్నికై వీసీగా పనిచేశారు. ప్రశాంతంగా ముగిసిన మున్సిపల్‌ ఎన్నికల కౌంటింగ్‌ జిల్లాలో రెండు చోట్ల కూటమి విజయం ఆకివీడులో ఐదు, నరసాపురంలో నాలుగు వార్డుల్లో వైఎస్సార్‌సీపీ గెలుపు గట్టి పోటీనిచ్చిన వైఎస్సార్‌సీపీ అభ్యర్థులు

భీమవరం: స్థానిక అల్లూరి సీతారామరాజు సాంస్కృతిక కేంద్రంలో మూడు రోజులుగా జరుగుతున్న రాష్ట్రస్థాయి చెకుముకి సైన్స్‌ సంబరాలు మంగళవారం ముగిశాయి. ముగింపు కార్యక్రమానికి జేవీవీ వ్యవస్థాపక అధ్యక్షుడు విఠపు బాలసుబ్రహ్మణ్యం, డీఈఓ అనిల్‌కుమార్‌ ముఖ్య అతిథులుగా విచ్చేసి మాట్లాడుతూ చెకుముకి సంబరాల్లో రెండు తెలుగు రాష్ట్రాల్లో పది లక్షల మంది విద్యార్థులు పాల్గొనడం అభినందనీయమన్నారు. అనంతరం విజేతలకు బహుమతులు అందించారు. ● ప్రభుత్వ పాఠశాలల విభాగం.. స్పేస్‌ సెంట్రల్‌ స్కూల్‌ (సూళ్లూరుపేట, తిరుపతి జిల్లా), పీఎంశ్రీ మోడల్‌ స్కూల్‌ (అయ్యప్ప నగర్‌, విజయనగరం), మారేడుమిల్లి జెడ్పీ హైస్కూ ల్‌ (పోలవరం జిల్లా) విద్యార్థులు మొదటి మూడుస్థానాల్లో నిలిచారు. ● ప్రైవేట్‌ పాఠశాలల విభాగం.. గుడ్‌ షెఫర్డ్‌ ఇంగ్లీష్‌ మీడియం స్కూల్‌ (నంద్యాల), అమరరాజా విద్యాలయ (కరకంబాడి, తిరుపతి), రాధ స్కూల్‌ ఆఫ్‌ లెర్నింగ్‌ (సమతారాం, అనంతపురం జిల్లా) విద్యార్థులు మొదటి మూడుస్థానాల్లో నిలిచారు. విజేతలకు ప్రశంసా పత్రాలు, మెమెంటోలు, సైన్స్‌కిట్‌లు అందజేశారు. సీసీఎంబీ చీఫ్‌ సైంటిస్ట్‌ డాక్టర్‌ వేగేశ్న రాధ, నిట్‌ వరంగల్‌ ప్రొఫెసర్‌ ఎ.రామచంద్రయ్య, ప్రొఫెసర్‌ కె.లక్ష్మారెడ్డి, పొత్తూరి బాపిరాజు, జేవీవీ రాష్ట్ర ప్రధాన కార్యదర్శి తవ్వా సురేష్‌, జిల్లా అధ్యక్ష ప్రధాన కార్యదర్శులు జామాను రామ లక్ష్మణరావు, మల్లుల శ్రీనివాస్‌ తదితరులు పాల్గొన్నారు. భీమవరం: జిల్లాలో తుపాను కారణంగా వర్షాలు కురుస్తున్న దృష్ట్యా, జెడ్పీటీసీ, ఎంపీటీసీ ఎన్నికల నేపథ్యంలో ప్రభుత్వ, ప్రైవేట్‌ పాఠశాలలు, కళాశాలలు, అంగన్‌వాడీ కేంద్రాలకు బుధవారం సెలవు ప్రకటించినట్టు కలెక్టర్‌ సీహెచ్‌ నాగరాణి తెలిపారు. అలాగే జెడ్పీటీసీ, ఎంపీటీసీ ఎన్నికల పోలింగ్‌ నేపథ్యంలో గురువారం ప్రభుత్వం పాఠశాలలకు సెలవు ప్రకటించామన్నారు. పాలకొల్లు సెంట్రల్‌: మురసు తుపాను ప్రభావంతో ప్రజలకు ఎలాంటి ఇబ్బందులు లేకుండా సమన్వయంతో పనిచేయాలని కలెక్టర్‌ సీహెచ్‌ నాగరాణి సూచించారు. మంగళవారం పట్టణంలో జలమయమైన లోతట్టు ప్రాంతాలను ఆమె పరిశీలించారు. ఈ సందర్భంగా కలెక్టర్‌ మాట్లాడుతూ అన్ని శాఖల అధికారులు సమ న్వయంతో సమస్యలను పరిష్కరించాలన్నారు. చెరువులు, జలాశయాలు, కాలువల వద్ద నీటి నిల్వ సామర్థ్యం, గట్ల పరిస్థితిని ఇరిగేషన్‌ అధికారులు పర్యవేక్షించాలన్నారు. ఇంకా వర్ష సూ చనలు ఉన్నందున ప్రజలు అప్రమత్తంగా ఉండాలన్నారు. వర్షం నీరు నిల్వ ఉండకుండా చూ డాలని మున్సిపల్‌ అధికారులకు సూచించారు. దగ్గులూరు గ్రామంలో తుపాను బాధితులకు నిత్యావసర సరుకుల పంపిణీ కార్యక్రమాన్ని పరిశీలించారు. తహసీల్దార్‌ యడ్ల దుర్గా కిషోర్‌, మున్సిపల్‌ కమిషనర్‌ దొడ్డా కిరణ్‌కుమార్‌, సీఐ కోలా రజనీకుమార్‌ ఉన్నారు. భీమవరం: జిల్లాలో స్థానిక సంస్థలు ఎన్నికలు సందర్భంగా మద్యం షాపులను మంగళవారం సాయంత్రం 5 గంటల నుంచి గురువారం సాయంత్రం 5 గంటల వరకు మూసివేస్తునట్లు జిల్లా ఎకై ్సజ్‌ అధికారి తెలిపారు. డ్రై డేలో భాగంగా మద్యం షాపులకు సీల్‌ వేసినట్లు చెప్పారు. ఏలూరు (ఆర్‌ఆర్‌పేట): చౌకధరల దుకాణాల్లో రేషన్‌ కార్డులకు మొబైల్‌ నంబర్‌ అనుసంధానం చేయకపోయినా లేదా కుటుంబ సభ్యుల ఈ–కేవైసీ ప్రక్రియ పూర్తికాకపోయినా సరుకుల పంపిణీ నిలిపివేయడానికి ప్రభుత్వం ఎ టువంటి ఆదేశాలు జారీ చేయలేదని ఏలూరు జిల్లా పౌరసరఫరాల శాఖ అధికారి శివరామమూర్తి ప్రకటనలో తెలిపారు.

చింతలపూడి: బొగ్గు గ్యాసిఫికేషన్‌ ప్రాజెక్టు విషయంలో ప్రభుత్వం మరోసారి పునరాలోచించాలని వైఎస్సార్‌సీపీ నియోజకవర్గ ఇన్‌చార్జి కంభం విజయరాజు డిమాండ్‌ చేశారు. చింతలపూడి మండలం పట్టాయిగూడెం గ్రామంలో సోమవారం రాత్రి పార్టీ నాయకులు శెట్టిపల్లి మోహన్‌బాబు, సయ్యద్‌ బాజీ ఆధ్వర్యంలో.. వైఎస్సార్‌సీపీ జెడ్పీటీసీ అభ్యర్థి భూక్యా రవికుమార్‌తో కలిసి విజయరాజు ఎన్నికల ప్రచారంలో పాల్గొన్నారు. ఈ సందర్భంగా ఆయన ప్రజలను ఉద్దేశించి మాట్లాడుతూ ప్రజాభిప్రాయం మేరకే యూసీజీ ప్రాజెక్టు విషయంలో ప్రభుత్వం ముందుకు వెళ్లాలని అన్నారు. స్థానిక సంస్థల ఎన్నికల్లో తమ అభ్యర్థులను గెలిపిస్తే, ఈ ప్రాజెక్టు విషయంలో ప్రభుత్వాన్ని గట్టిగా ప్రశ్నించడానికి అవకాశం ఉంటుందని విజ్ఞప్తి చేశారు. రాష్ట్రంలో నిత్యావసర వస్తువుల ధరలు రోజురోజుకూ ఆకాశాన్నంటుతుంటే, కూటమి ప్రభుత్వం వాటిని అదుపు చేయడంలో పూర్తిగా విఫలమైందని విమర్శించారు. వైఎస్‌ జగన్‌మోహన్‌రెడ్డి హయాంలో రూ.వెయ్యి ఉన్న 25 కేజీల బియ్యం బస్తా.. కూటమి హయాంలో రూ.2,350కి చేరిందని గుర్తుచేశారు. అధికారంలోకి వచ్చి రెండేళ్లు దాటినా ఒక్క కొత్త పెన్షన్‌ ఇవ్వలేదని, కనీసం కొత్త ఇల్లు కూడా కూటమి ప్రభుత్వం మంజూరు చేయలేదని ఆక్షేపించారు. ప్రజలు విజ్ఞతతో ఆలోచించి జెడ్పీటీసీ అభ్యర్థి భూక్యా రవికుమార్‌తో పాటు మండలంలోని వైఎస్సార్‌సీపీ ఎంపీటీసీ అభ్యర్థులను ఫ్యాన్‌ గుర్తుపై ఓటేసి భారీ మెజారిటీతో గెలిపించాలని కోరారు. ఈ ప్రచార కార్యక్రమంలో మాజీ జెడ్పీటీసీ మొలుగుమటి నీరజ సుధాకర్‌, మాజీ ఎంపీపీ డాక్టర్‌ రాంబాబు నాయక్‌, జిల్లా మున్సిపల్‌ విభాగం అధ్యక్షుడు బొడ్డు వెంకటేశ్వరరావు, మున్సిపల్‌ విభాగం రాష్ట్ర కార్యదర్శి ఏ.సుబ్బారావు, చింతలపూడి పట్టణ అధ్యక్షుడు కొప్పుల నాగేశ్వరరావు, మాజీ సర్పంచ్‌ యర్రంశెట్టి రామకృష్ణారావు, నియోజకవర్గ మహిళా విభాగం అధ్యక్షురాలు కే.చండీప్రియ, తదితర పార్టీ నాయకులు, కార్యకర్తలు పాల్గొన్నారు. వైఎస్సార్‌సీపీ చింతలపూడి నియోజకవర్గ ఇన్‌చార్జి విజయరాజు డిమాండ్‌

నరసాపురం: అర్నబ్‌ తుపాను నరసాపురం పట్టణంలో తీవ్ర నష్టాన్ని మిగిల్చి ఆరు రోజులు అవుతున్నా, ఇప్పటివరకు పూర్తిస్థాయిలో విద్యుత్‌ సరఫరా పునరుద్ధరించలేకపోయారని వైఎస్సార్‌సీపీ జిల్లా అధికార ప్రతినిధి ఏడిద కోటసత్యనారాయణ (వైకేఎస్‌) తీవ్ర ఆగ్రహం వ్యక్తం చేశారు. సోమవారం ఆయన విలేకరులతో మాట్లాడారు. పట్టణంలో చాలా ప్రాంతాలు నేటికీ అంధకారంలోనే ఉన్నాయని, కరెంట్‌ లేక ప్రజలు నానా ఇబ్బందులు పడుతున్నారని వైకేఎస్‌ పేర్కొన్నారు. ఇన్ని రోజులు గడిచినా విద్యుత్‌ సరఫరా పునరుద్ధరించలేకపోవడం సిగ్గుచేటని విమర్శించారు. మరోవైపు పట్టణంలో పారిశుద్ధ్యం పూర్తిగా క్షీణించిందని, రోడ్లపై చెత్తకుప్పలు పేరుకుపోయాయని ఆయన ఆందోళన వ్యక్తం చేశారు. రక్షిత మంచినీటి సరఫరా నిలిచిపోగా, కుళాయిల నుంచి ఏకంగా మురుగునీరు వస్తోందని మండిపడ్డారు. గతంలోనూ పట్టణం అనేకసార్లు తుపానుల తాకిడికి గురైందని, అయితే నాటి అధికార యంత్రాంగం ఎప్పుడూ ఇలా నిద్రావస్థలో ఉన్న దాఖలాలు లేవని స్పష్టం చేశారు.

భీమవరం: భీమవరం పట్టణంలో జాతీయస్థాయి టెన్నిస్‌ పోటీలు నిర్వహించడం అభినందనీయమని రిటైర్డ్‌ ఐఏఎస్‌ అధికారి సురేష్‌ చంద్ర మహా పాత్ర అన్నారు. సోమవారం పట్టణంలోని కాస్మోపాలిటెన్‌ క్లబ్‌లో నిర్వహిస్తున్న జాతీయస్థాయి టెన్నిస్‌ పోటీలను ఆయన ప్రారంభించారు. పోటీల్లో పురుషుల విభాగంలో ప్రజన్‌ ఆదురై, సునీల్‌ మాలిక్‌, గురునాథ్‌ దామే, వి.ధీరజ్‌రెడ్డి విజేతలుగా నిలిచారు. మహిళా విభాగంలో ప్రశాంతి అరుణ్‌ ముంధే, సీహెచ్‌.రేష్మ, బి.హృదేషి, ఎస్‌.చెవికారెడ్డి, డి.ఓమ్నా యాదవ్‌, కె.లలితా భాస్కర్‌రెడ్డి, ఎస్‌.ఆకృతి నారాయణ్‌ విజేతలుగా నిలిచారు. ఈ కార్యక్రమంలో క్లబ్‌ అధ్యక్ష కార్యదర్శులు సీహెచ్‌.రామభద్రరాజు, బీహెచ్‌.సుబ్బరాజు, టోర్నమెంట్‌ చైర్మన్‌ యు.కృష్ణప్రసాద్‌, వైస్‌ చైర్మన్‌ టి.కృష్ణబాబు, ఆర్గనైజింగ్‌ సెక్రటరీ యు.వర్మ, ఉపాధ్యక్షులు వి.రమేష్‌, ఎ.బి.బేగ్‌, ఆర్‌.సుబ్బరాజు, పి.కృష్ణవర్మ తదితరులు పాల్గొన్నారు. జంగారెడ్డిగూడెం(బుట్టాయగూడెం) : గురవాయిగూడెం మద్ది ఆంజనేయ స్వామి వారి దేవస్థానంలో హుండీల ఆదాయాన్ని సోమవారం లెక్కించినట్టు ఆలయ అసిస్టెంట్‌ కమిషనర్‌, ఈఓ ఆర్‌వీ చందన తెలిపారు. 52 రోజులకు గాను రూ.31,40,038, అన్నదానం హుండీ ద్వారా రూ.90,022 మొత్తం రూ. 32,30,060 ఆదాయం సమకూరిందన్నారు. వీటితో పాటు 249.085 గ్రాముల బంగారు కానుకలు కూడా వచ్చాయని పేర్కొన్నారు. జిల్లా దేవదాయ శాఖ అధికారి కూచిపూడి శ్రీనివాసు పర్యవేక్షించారు. బుట్టాయగూడెం: జీలుగుమిల్లి హైస్కూల్‌ సమీపంలో లారీ, ఆర్టీసీ బస్సు ఢీకొన్న ఘటనలో ముగ్గురికి స్వల్ప గాయాలయ్యాయి. స్థానికులు, బస్సు డ్రైవర్‌ తెలిపిన వివరాల ప్రకారం.. రాజమండ్రి నుంచి భద్రాచలం వైపు వెళ్తున్న ఆర్టీసీ బస్సును, అశ్వారావుపేట నుంచి జంగారెడ్డిగూడెం వస్తున్న లారీ ఢీకొట్టింది. ఈ ప్రమాదంలో రెండు వాహనాల ముందు భాగాలు దెబ్బతిన్నాయి. బస్సులో ప్రయాణిస్తున్న ముగ్గురికి స్వల్ప గాయాలయ్యాయి. లారీ డ్రైవర్‌ నిర్లక్ష్యంగా వాహనం నడపడం వల్లే ఈ ప్రమాదం జరిగినట్లు ఆర్టీసీ డ్రైవర్‌ తెలిపారు. గాయపడిన ముగ్గురు ప్రయాణికులను స్థానిక ప్రాథమిక ఆరోగ్య కేంద్రానికి తరలించి చికిత్స అందించారు. ప్రమాదంలో ఎలాంటి ప్రాణనష్టం జరగకపోవడంతో అందరూ ఊపిరి పీల్చుకున్నారు. పెంటపాడు: మండలంలోని పలు గ్రామాల్లో సామాన్లు, చిన్నపాటి వస్తువులు వంటి చిల్లర దొంగతనాలు చేసిన ముగ్గురిని సోమవారం అరెస్టు చేసినట్లు ఎస్సై కిరణ్‌కుమార్‌ తెలిపారు. ఒకే కుటుంబానికి చెందిన నాగమణి, కల్యాణ్‌, మహేష్‌లను అరెస్టు చేసి, వారి వద్ద నుంచి రూ.20 వేల విలువైన వస్తువులను స్వాధీనం చేసుకున్నట్లు ఆయన వెల్లడించారు. ఇరగవరం : కంతేరు గ్రామానికి చెందిన రంకిరెడ్డి తాతారావు (80) గత కొంతకాలంగా మతిస్థిమితం సరిగా లేక తిరుగుతున్నారు. ఈ నేపథ్యంలో గతనెల 29వ తేదీ తెల్లవారుజామున 4 గంటలకు ఇంటి నుంచి వెళ్లిపోయిన ఆయన, ఇప్పటివరకు తిరిగి రాలేదు. దీనిపై ఆయన కుమారుడు రంకిరెడ్డి ప్రసాద్‌ ఇచ్చిన ఫిర్యాదు మేరకు ఇరగవరం ఎస్సై ఎండీ నసీరుల్లా కేసు నమోదు చేసి దర్యాప్తు చేస్తున్నారు. కై కలూరు: వరుస దొంగతనాలతో కై కలూరు నియోజకవర్గ ప్రజలు బెంబేలెత్తిపోతున్నారు. ముదినేపల్లిలో అంతర్రాష్ట్ర దొంగల ముఠా చోరీ ఘటన మరవకముందే.. కై కలూరు ఎన్జీవోస్‌ కాలనీలో ఓ ఇంటిని దొంగలు సోమవారం దోచేశారు. టౌన్‌ పోలీసులు తెలిపిన వివరాల ప్రకారం.. కాలనీలోని ప్రకాశ్‌రావు ఇంట్లో కేశవరపు సత్యనారాయణమూర్తి కుటుంబంతో కలిసి నివసిస్తున్నారు. వారు ఆదివారం ఉదయం ఊరికి వెళ్లారు. సోమవారం ఇంటి తాళాలు పగలగొట్టి ఉండటాన్ని గమనించిన స్థానికులు యజమానికి ఫోన్‌ ద్వారా సమాచారం అందించారు. దీంతో సత్యనారాయణమూర్తి వచ్చి పరిశీలించగా.. రూ.63 వేలు విలువైన బంగారం, వెండి వస్తువులు చోరీకి గురైనట్లు గుర్తించారు. బాధితుడి ఫిర్యాదు మేరకు టౌన్‌ ఎస్సై కే.గణేష్‌వర్మ కేసు నమోదు చేసి దర్యాప్తు చేస్తున్నారు.

ఏలూరు (ఆర్‌ఆర్‌పేట), ఏలూరు టౌన్‌: బియ్యం సంచులపై ముద్రించిన గరిష్ట చిల్లర ధరను అక్రమంగా మార్చడం, చెరిపివేసి కొత్త ధరలను ముద్రించడం, అలాగే తయారీదారు లేదా ప్యాకర్‌ చిరునామా వివరాలు ముద్రించకపోవడం వంటి నిబంధనలు పాటించని నగరంలోని మూడు బియ్యం దుకాణాలపై అధికారులు 6 కేసులు నమోదు చేశారు. సోమవారం ఏలూరు రీజినల్‌ విజిలెన్స్‌ అండ్‌ ఎన్‌ఫోర్స్‌మెంట్‌ అధికారి కె. నాగేశ్వరరావు ఆధ్వర్యంలో తూనికలు–కొలతల శాఖ, పౌర సరఫరాల శాఖ అధికారులు నగరంలోని పలు బియ్యం దుకాణాల్లో ఆకస్మిక తనిఖీలు నిర్వహించారు. నిబంధనలను అతిక్రమించి బియ్యం విక్రయిస్తున్న సాంబశివ రైస్‌ డిపోపై 3 కేసులు, చంద్రశేఖర రైస్‌ మర్చంట్స్‌పై 2 కేసులు, శ్రీనివాస రైస్‌ ట్రేడర్స్‌పై 1 కేసు నమోదు చేసినట్లు అధికారులు తెలిపారు. రీజినల్‌ విజిలెన్స్‌ అధికారి నాగేశ్వరరావు మాట్లాడుతూ.. నిత్యావసర సరుకులైన బియ్యం, పప్పులు, ఇతర వస్తువులను అధిక ధరలకు విక్రయిస్తే కఠిన చర్యలు తీసుకుంటామని హెచ్చరించారు. తనిఖీల్లో విజిలెన్స్‌ డీఎస్పీ సింగులూరి వెంకటేశ్వరరావు, ఏఓ జి.మీరయ్య, తూనికలు–కొలతల శాఖ అధికారి సీహెచ్‌ వాసుదేవరావు, పౌర సరఫరాల శాఖ ఏఎస్‌ఓ వై.ప్రతాప్‌రెడ్డి తదితరులు పాల్గొన్నారు.

అత్తిలి: స్థానిక సంస్థల ఎన్నికలను సజావుగా, ప్రశాంతంగా పారదర్శకంగా నిర్వహించడమే ధ్యేయమని తాడేపల్లిగూడెం డీఎస్పీ బి.నరసింహారావు అన్నారు. మండలంలోని అత్తిలి, ఆరవల్లి గ్రా మాల్లో సోమవారం అత్తిలి ఎస్సై కేఎన్‌ విశ్వనాథ్‌ ఆ ధ్వర్యంలో ఫ్లాగ్‌మార్చ్‌ నిర్వహించారు. ఈ సందర్భంగా డీఎస్పీ నరసింహారావు మాట్లాడుతూ ప్ర జాస్వామ్య వ్యవస్థలో ఎన్నికలు స్వేచ్ఛాయుత వా తావరణంలో జరిగేందుకు అన్ని రాజకీయ పార్టీల నాయకులు, ప్రజాప్రతినిధులు, ప్రజలు సహకరించాలని, ఎన్నికల కోడ్‌ విధిగా పాటించాలన్నారు. చట్టాన్ని చేతిలోకి తీసుకోవడానికి ప్రయత్నించినా లేదా శాంతిభద్రతలకు భంగం కలిగించే కార్యకలాపాలకు పాల్పడినా ఉపేక్షించే ప్రసక్తే లేదని హెచ్చరించారు. ప్రజలంతా నిర్భయంగా ఓటేయాలని డీఎస్పీ నరసింహారావు కోరారు.

● పోలైన ఓట్లలో మహిళలవే అధికం ● ప్రభుత్వంపై వ్యతిరేకతే కారణమంటూ చర్చ భీమవరం: జిల్లాలోని నరసాపురం మున్సిపాలిటీ, ఆకివీడు నరగ పంచాయతీ ఎన్నికల్లో మహిళా ఓటర్లు ఎక్కువగా ఓటు హక్కును వినియోగించుకోవడం కూటమి పార్టీలపై ప్రతికూల ప్రభావం చూపుతుందనే చర్చ జరుగుతోంది. రెండు చోట్లా పోలైన ఓట్లులో మహిళలే అధికంగా ఉండటం చర్చకు దారితీసింది. 2024లో జరిగిన ఎన్నికల్లో కూటమి పార్టీలైన టీడీపీ, జనసేన, బీజేపీ నాయకులు పలు హామిలిచ్చారు. ముఖ్యంగా పేద మహిళలకు వాగ్దానాలు గుప్పించారు. ప్రధానంగా 18 ఏళ్లు నిండిన ప్రతి మహిళకూ నెలకు రూ.1,500 ఇస్తామని, 50 ఏళ్లు నిండిన బీసీలకు పింఛన్‌ సదుపాయం కల్పిస్తామని విస్తృతంగా ప్రచారం చేశారు. దీంతో తమకు ఏడాదికి రూ.18 వేలు ఆర్థిక సాయం అందుతుందనే ఆశతో పెద్ద సంఖ్యలో కూటమి అభ్యర్థులకు ఓట్లు వేశారు. మహిళా ఓట్లతో గద్దెనెక్కిన కూటమి ప్రభుత్వం ప్రధానమైన రెండు హామీలను గాలికి వదిలేసింది. తమకు నేరుగా లబ్ధి చేకూరకపోవడంతో మహిళలు ప్రభుత్వంపై గుర్రుగా ఉన్నారు. ముఖ్యంగా ప్రభుత్వ రెండున్నరేళ్ల పాలనలో మహిళలు ఆశించిన స్థాయిలో పథకాలు అమలు చేయలేదు. దీంతో తీవ్ర అసంతృప్తితో ఉన్నారు. ఈ తరుణంలో ము న్సిపల్‌ ఎన్నికల్లో పెద్ద సంఖ్యలో మహిళలు కూటమికి వ్యతిరేకంగా ఓట్లు వేశారంటూ పలువురు లెక్కలు గడుతున్నారు. నరసాపురం మున్సిపాల్టీలో మొత్తం 49,996 ఓట్లకుగాను 33,354 ఓట్లు పోల్‌ కాగా వాటిలో సుమారు 17,354 మహిళలు తమ ఓటు హక్కును వినియోగించుకున్నారు. ఆకివీడు నగర పంచాయతీలో 25,435 ఓట్లకుగాను 19,689 మంది ఓటర్ల తమ ఓటు హక్కును వినియోగించుకున్నారు. 13,817 మంది మహిళలకుగాను 10,237 మంది మహిళలు ఓటు వేయడం చర్చనీయాంశంగా మారింది. మహిళలు ఎవరికి పట్టం కడతారో వేచి చూడాలి మరి.

● ఓ వర్గం నేతలకు ఎమ్మెల్యే మద్దిపాటి వార్నింగ్‌ ● పార్టీలో విభేదాలు మరోసారి బట్టబయలు ద్వారకాతిరుమల: ఎన్నికల వేళ ప్రత్యర్థి పార్టీలపై విమర్శలు చేయాల్సిన ఎమ్మెల్యే.. సొంత పార్టీలోని ప్రత్యర్థి వర్గం నేతలను తోడేళ్లు, గుంటనక్కలతో పోలుస్తూ హెచ్చరికలు చేశారు. ‘వెన్నుపోటు పొడవొద్దు.. దొంగదెబ్బలు.. చీకటి దెబ్బలు తీయొద్దు’ అంటూ హుకుం జారీ చేశారు. అలాగే పరోక్ష హెచ్చరికలు కూడా చేశారు. గోపాలపురం ఎమ్మెల్యే మద్దిపాటి వెంకటరాజు ఆదివారం రాత్రి తిమ్మాపురంలో నిర్వహించిన ఎన్నికల ప్రచార సభలో చేసిన ఈ వ్యాఖ్యలు టీడీపీలోని అంతర్గత విభేదాలను మరోసారి బహిర్గతం చేశాయి. తిమ్మాపురంలో కొన్ని తోడేళ్లు ఉన్నాయంటూ ఎమ్మెల్యే వ్యాఖ్యానించడం గమనార్హం. చిన్నపాటి భేదాలు ఉన్నంత మాత్రాన ఎవరూ వెన్నుపోటు పొడవొద్దని అన్నారు. ‘పరిపాలించడం వచ్చు.. ప్రేమించడం వచ్చు.. అవసరమైతే రెండోది కూడా వచ్చు’ అంటూ చేసిన హెచ్చరిక వ్యాఖ్యలు సభలో చర్చకు దారితీశాయి. ఎంపీపీ అభ్యర్థిని తిమ్మాపురం గ్రామానికి చెందిన మహిళ కావడంతో.. ‘నిజానికి ఈపాటికే మీరు మీ ఊరును క్లీన్‌ స్వీప్‌ చేసేసి ఉండాల్సింది’ అంటూ ఎమ్మెల్యే వ్యాఖ్యానించడం చర్చనీయాంశమైంది. రెచ్చగొట్టేలా వ్యాఖ్యలు ఓ వర్గం నేతలను బహిరంగంగా తోడేళ్లు, గుంటనక్కలతో పోలుస్తూ చేసిన వ్యాఖ్యలు టీడీపీలోని విభేదాలను మరింత బహిర్గతం చేశాయన్న అభిప్రాయాలు వ్యక్తమవుతున్నాయి. ఈ వ్యాఖ్యలపై కొందరు నాయకులు తీవ్ర అసంతృప్తి వ్యక్తం చేస్తున్నట్లు తెలుస్తోంది. ఎన్నికల ప్రచార వేదికగా ఎమ్మెల్యే చేసిన ఈ హెచ్చరికలు టీడీపీ శ్రేణుల్లో హాట్‌టాపిక్‌గా మారాయి. ప్రస్తుత పరిస్థితుల్లో పార్టీ కోసం నిబద్ధతతో కష్టపడి పనిచేసినా తమకు తగిన గుర్తింపు, ఫలితం ఉండదని ప్రత్యర్థి వర్గం నేతల్లో చర్చ జరుగుతున్నట్లు సమాచారం.

జిల్లాలో ‘పరిషత్‌’ ఎన్నికల ప్రచారం జోరుగా సాగుతోంది. గ్రామాల్లో వైఎస్సార్‌సీపీ జెడ్పీటీసీ, ఎంపీటీసీ అభ్యర్థులు ఇంటింటా ప్రచారం ఉత్సాహంగా చేస్తున్నారు. గత వైఎస్సార్‌సీపీ ప్రభుత్వ హయాంలో చేపట్టిన అభివృద్ధి పనులు, గడప వద్దకే చేర్చిన సంక్షేమ కార్యక్రమాలను గుర్తుచేస్తున్నారు. మరోమారు అలాంటి సంక్షేమ పాలన రావాలంటే వైఎస్సార్‌సీపీ అభ్యర్థులకు ఓటేసి గెలిపించాలని అభ్యర్థిస్తున్నారు. కూటమి ప్రభుత్వ రెండున్నరేళ్ల పాలనలో ఎదుర్కొంటున్న కష్టనష్టాలను వివరిస్తూ ప్రచారంలో దూసుకుపోతున్నారు. ప్రచారం మంగళవారం సాయంత్రంతో ముగుస్తున్న నేపథ్యంలో సోమవారం జిల్లావ్యాప్తంగా ప్రచారాన్ని హోరెత్తించారు. – సాక్షి నెట్‌వర్క్‌

పెంటపాడు: రాచర్ల గ్రామంలో వైఎస్సార్‌సీపీ ప్రభుత్వ హయాంలో ఆయన వలంటీర్‌గా విస్తృత సేవలు అందించారు. జగనన్న ప్రవేశపెట్టిన ప్రతి పథకాన్ని 50 కుటుంబాలకు చేరవేశారు. ప్రతి నెలా పొద్దుపొడవక ముందే వృద్ధులు, వికలాంగులకు పింఛన్‌ సొమ్మును ఠంచన్‌గా, సక్రమంగా అందించి అవ్వాతాతల మనసులు గెలుచుకున్నారు. ఆ స్పూర్తితోనే నేడు గ్రామానికి మరింత సేవ చేయాలనే సంకల్పంతో ఎంపీటీసీ అభ్యర్థి చీర శివరామకృష్ణ బరిలో నిలిచారు. తాను గతంలో ప్రజలకు అందించిన సేవలే తనను గెలిపిస్తాయనే పూర్తి నమ్మకంతో ఆయన గ్రామంలో ముమ్మరంగా ఓట్లు అభ్యర్ధిస్తున్నారు. తణుకు అర్బన్‌: హత్యానేరానికి సంబంధించి తణుకు మండలం కొమరవరం గ్రామానికి చెందిన పాల శిరీషను అరెస్టు చేసినట్లు రూరల్‌ ఎస్సై నాళం శ్రీనివాసరావు తెలిపారు. వివాహేతర సంబంధం నేపథ్యంలో గత నెల 30వ తేదీ రాత్రి ఎదురింట్లో నివసిస్తున్న పాల నాగరాజు (44)పై శిరీష చాకుతో చేతి మణికట్టుపై దాడి చేయడంతో పాటు, రాయితో తలపై, నుదుటి భాగంలో తీవ్రంగా కొట్టింది. దీంతో నాగరాజు ప్రైవేటు ఆస్పత్రిలో చికిత్స పొందుతూ గత నెల 31న మృతి చెందారు. ఆస్పత్రిలో చికిత్స పొందుతున్న సమయంలో బాధితుడు నాగరాజు ఇచ్చిన వాంగ్మూలం ఆధారంగా పోలీసలు హత్యానేరం కింద కేసు నమోదు చేసి దర్యాప్తు చేపట్టారు. ఈ నెల 1వ తేదీన నిందితురాలిని అరెస్టు చేసి, జ్యుడీషియల్‌ కస్టడీ నిమిత్తం కోర్టులో హాజరుపరచగా.. న్యాయమూర్తి ఈ నెల 16వ తేదీ వరకు రిమాండ్‌ విధించినట్లు ఎస్సై వివరించారు. ఎస్పీ అద్నాన్‌ నయీమ్‌ అస్మీ పర్యవేక్షణలో డీఎస్పీ బి.నరసింహారావు, తణుకు రూరల్‌ సీఐ దేశంశెట్టి వెంకటేశ్వరరావు ఈ కేసును దర్యాప్తు చేసినట్లు ఆయన తెలిపారు.

భీమవరం : అర్నబ్‌ తుపాను కారణంగా దెబ్బతిన్న విద్యుత్‌ వ్యవస్థ వారం రోజులు గడిచినా పూర్తిస్థాయిలో గాడిన పడలేదు. 24 గంటల్లో విద్యుత్‌ పునరుద్ధరిస్తామంటూ విద్యుత్‌శాఖ మంత్రి గొట్టిపాటి రవికుమార్‌ గొప్పగా ప్రకటించినా, ఆచరణలో అది శూన్యమని ప్రజలు తీవ్రంగా విమర్శిస్తున్నారు. జిల్లాలోని 409 గ్రామాల్లో తుపాను ధాటికి భీకర గాలులు వీయడంతోపాటు చెట్లు కూలి, వేలాది విద్యుత్‌ స్తంభాలు నేలకొరిగాయి. గత నెల 27వ తేదీ రాత్రి తుపాను సంభవించినా, నేటికీ అనేక గ్రామాల్లో విద్యుత్‌ సరఫరా పునరుద్ధరించకపోవడంతో తాగునీటికి సైతం ప్రజలు తీవ్ర ఇబ్బందులు పడుతున్నారు. అధికారుల తీరుపై విమర్శలు విద్యుత్‌ సరఫరా పునరుద్ధరణ కోసం జిల్లావ్యాప్తంగా సుమారు 1,550 మంది సిబ్బంది 125 బృందాలుగా ఏర్పడి.. నేలకూలిన స్తంభాల స్థానంలో కొత్తవాటిని నిలబెట్టి, తెగిపడిన తీగలను సరిచేసే పనిలో ఉన్నట్లు అధికారులు చెబుతున్నారు. అయితే, వీరిలో ఎక్కువమంది పనిచేయడం కంటే ఫొటోలు, వీడియోలు తీయించుకోవడానికే పరిమితమవుతున్నారనే విమర్శలు వెల్లువెత్తుతున్నాయి. కష్టపడి పనిచేసే విద్యుత్‌ సిబ్బంది కంటే, వారికి సూచనలు, సలహాలు ఇచ్చే అధికారులే ఎక్కువగా ఉన్నారని ఆయా గ్రామాల ప్రజలు వాపోతున్నారు. ఆదివారం నాటికి కేవలం 209 గ్రామాలకు మాత్రమే విద్యుత్‌ సరఫరా పూర్తిచేసినట్లు ఉన్నతాధికారులు ప్రకటించడం.. పునరుద్ధరణ పనుల అస్తవ్యస్త తీరును చెప్పకనే చెబుతోంది. టోల్‌ఫ్రీ నంబర్లు పనిచేయలేదు జిల్లాలోని పలుకుబడి గల ప్రజాప్రతినిధులు, రాజకీయ నాయకులు తమ ప్రాంతాల్లో వెంటనే విద్యుత్‌ సరఫరా పునరుద్ధరింపజేసుకోగలిగారని, పట్టించుకోని ప్రాంతాల్లో మాత్రం సోమవారం మధ్యాహ్నం వరకు విద్యుత్‌ లేకుండా పోయిందని విమర్శిస్తున్నారు. సమస్యల పరిష్కారానికి టోల్‌ఫ్రీ నంబర్లు, కంట్రోల్‌ రూమ్‌లు ఏర్పాటు చేసినట్లు ప్రచారం చేసినా, ఫోన్‌లు లిఫ్ట్‌ చేయకపోవడంతో తమ గోడు ఎవరికి చెప్పుకోవాలో తెలియక అవస్థలు పడుతున్నామని ప్రజలు ఆవేదన వ్యక్తం చేస్తున్నారు. నీటి ఎద్దడి, దోమల బెడద విద్యుత్‌ సరఫరా లేకపోవడంతో మంచినీటికి ప్రజలు పడుతున్న కష్టాలు వర్ణనాతీతం. గ్రామ పంచాయతీలు జనరేటర్లు, ఆయిల్‌ ఇంజిన్ల సహాయంతో తాగునీటిని సరఫరా చేస్తున్నప్పటికీ అది అరకొరగానే ఉంటోంది. ముఖ్యంగా గ్రామాల్లోని శివారు ప్రాంతాలకు నీటి సరఫరా సక్రమంగా అందడం లేదని ఆందోళన వ్యక్తం చేస్తున్నారు. తాగునీటి సమస్యతోపాటు దోమల బెడద విపరీతంగా పెరిగిందని, ఫ్యాన్‌లు లేక వృద్ధులు, చిన్నపిల్లలు అల్లాడిపోతున్నారని వాపోతున్నారు. ఇప్పటికై నా ప్రభుత్వం తక్షణమే స్పందించి, పూర్తిస్థాయిలో విద్యుత్‌ పునరుద్ధరణపై దృష్టి పెట్టాలని ప్రజలు కోరుతున్నారు. అర్నబ్‌ తుపానుతో వారం రోజలుగా అంధకారంలో గ్రామాలు పునరుద్ధరణ పనుల జాప్యంపై తీవ్ర విమర్శలు పనిచేయని కంట్రోల్‌ రూమ్‌ ఫోన్లు తాగునీరు, దోమల సమస్యతో ప్రజల ఇబ్బందులు

మంగళవారం శ్రీ 3 శ్రీ నవంబర్‌ శ్రీ 2026సాక్షి, భీమవరం: మున్సిపల్‌ ఎన్నికల ఓట్లు లెక్కింపునకు సర్వం సిద్ధమైంది. జిల్లాలో నరసాపురం మున్సిపాల్టీకి సంబంధించి నరసాపురంలోని వైఎన్‌ కళాశాల, ఆకివీడు నగర పంచాయతీకి ఆకివీడులోని జెడ్పీ హైస్కూల్‌లో ఓట్లు లెక్కింపు జరుగనుంది. మంగళవారం ఉదయం 8 గంటల కౌంటింగ్‌ మొదలుకానుండగా మ ధ్యాహ్నం 12 తర్వాత నుంచి ఫలితాలు వెల్లడవుతాయని భావిస్తున్నారు. పటిష్ట భద్రత : కౌంటింగ్‌ కేంద్రాల వద్ద అవాంఛనీయ సంఘటనలు చోటుచేసుకోకుండా కట్టుదిట్టమైన భద్రత ఏర్పాట్లుచేసినట్టు ఎస్పీ అద్నాన్‌ నయీం అస్మి తెలిపారు. కౌంటింగ్‌ అనంతరం శాంతిభద్రతల సమస్య తలెత్తకుండా అవసరమైన చర్యలు తీసుకున్నామన్నారు. ఏర్పాట్లు పూర్తి : నరసాపురం, ఆకివీడు మున్సిపల్‌ ఎన్నికల ఓట్ల లెక్కింపు ప్రక్రియకు అన్ని ఏర్పాట్లు చేశామని కలెక్టర్‌ సీహెచ్‌ నాగరాణి తెలిపారు. కలెక్టరేట్‌లో సోమవారం మీడియాతో మాట్లాడుతూ కౌంటింగ్‌ సిబ్బంది నియామకం, పోలీసు బందోబస్తు సహా అన్ని ముందస్తు చర్యలు పూర్తి చేశామన్నారు. ప్రశాంత వాతావరణంలో, పారదర్శకంగా నిర్వహించేందుకు పటిష్టమైన భద్రతా చర్యలు తీసుకున్నట్టు తెలిపారు. నరసాపురం.. నాలుగు రౌండ్లు పుర పోరులో భాగంగా ఆదివారం పోలింగ్‌ జరిగిన విష యం విదితమే. నరసాపురంలో 46,996 మంది ఓటర్లకు గాను 70.97 శాతంతో 33,543 మంది ఓటుహక్కును వినియోగించుకున్నారు. వీరిలో 16,030 మంది పురుషులు, 17,324 మంది మహిళలు ఉన్నారు. పోలింగ్‌ అనంతరం బ్యాలెట్‌ బాక్సులను వైఎన్‌ కళాశాలలోని స్ట్రాంగ్‌ రూంలో భద్రపరిచారు. 36 వార్డుల పరిధిలో మొత్తం 71 పోలింగ్‌ కేంద్రాలకు గాను 18 టేబుళ్లపై కౌంటింగ్‌ నిర్వహించనున్నారు. మొదట పోస్టల్‌ బ్యాలెట్‌ ఓట్ల లెక్కింపుతో ప్రక్రియ ప్రారంభమవుతుంది. అనంతరం బ్యాలెట్‌ బాక్సుల్లోని ఓట్లను బయటకుతీసి చైర్‌పర్సన్‌ అభ్యర్థులకు పోలైన ఓట్లను వేరు చేస్తారు. ఒక్కో దశలో కౌన్సిలర్లు అభ్యర్థులకు పోలైన ఓట్లను లెక్కించిన అనంతరం చైర్‌పర్సన్‌ అభ్యర్థుల ఓట్లను లెక్కిస్తారు. నాలుగు రౌండ్లలో లెక్కింపు పూర్తిచేస్తారు. మధ్యాహ్నం 12 గంటల తర్వాత తొలి ఫలితం వెలువడతాయని అంచనా. ఆకివీడు.. రెండు రౌండ్లు ఆకివీడులో 28 వార్డుల పరిధిలో 25,435 ఓటర్లకు 74.47 శాతం పోలింగ్‌తో 19,686 మంది ఓటు హక్కు వినియోగించుకున్నారు. వీరిలో పురుషులు 9,449 మంది, మహిళా ఓటర్లు 10,237 మంది ఉన్నారు. మొత్తం పోలింగ్‌ శాతం నమోదైనట్లు కలెక్టర్‌ వెల్లడించారు. పోలింగ్‌ అనంతరం బ్యాలెట్‌ బాక్సులను ఆకివీడు జెడ్పీ హైస్కూల్‌లోని స్ట్రాంగ్‌ రూంకు తరలించారు. 32 పోలింగ్‌ కేంద్రాలకు కౌంటింగ్‌ నిమిత్తం 16 టేబుళ్లను ఏర్పాటుచేశారు. రెండు రౌండ్లలో లెక్కింపు పూర్తిచేయనున్నారు. రెండుచోట్ల 300 మందికి పైగా కౌంటింగ్‌ సిబ్బంది విధుల్లో పాల్గొంటున్నారు. కౌంటింగ్‌ డే నరసాపురం వైఎన్‌ కళాశాల, ఆకివీడు జెడ్పీ హైస్కూల్‌లో కౌంటింగ్‌ ఉదయం 8 గంటల నుంచి ఓట్ల లెక్కింపు నరసాపురంలో 18, ఆకివీడులో 16 టేబుళ్లు ముందు కౌన్సిలర్లు, తర్వాత చైర్‌పర్సన్‌ ఫలితాలు 10 గంటల సమయానికి తొలి రౌండ్‌ వెల్లడి

వైఎస్సార్‌సీపీ జిల్లా అధ్యక్షుడు ముదునూరి ధ్వజం నరసాపురం రూరల్‌: కూటమి నాయకులు గత సార్వత్రిక ఎన్నికల్లో ఇచ్చిన హామీలను విస్మరించారని వైఎస్సార్‌సీపీ జిల్లా అధ్యక్షుడు ము దునూరి ప్రసాదరాజు విమర్శించారు. సోమవారం మండలంలోని లిఖితపూడి, సరిపల్లి, మల్లవరం పెదలంక, మల్లవరం గ్రామాల్లో పార్టీ జెడ్పీటీసీ, ఎంపీటీసీ అభ్యర్థుల విజయాన్ని కాంక్షిస్తూ భారీ బైక్‌ర్యాలీ, రోడ్‌ షో నిర్వహించారు. సరిపల్లి గ్రామం నుంచి సాగిన ర్యాలీ లిఖితపూడి, మల్లవరంలంక, మల్లవరం గ్రామాల మీదుగా సాగింది. అడుగడుగునా ప్రజలు బ్రహ్మరథం పట్టారు. మల్లవరంలోని వంగలదిబ్బ ప్రాంతంలో ప్రసాదరాజు విలేకరులతో మాట్లాడుతూ నిత్యావసర వస్తువుల ధరలు పెరిగిపోయి సామాన్యులు ఇబ్బంది పడుతుంటే.. ప్రకృతి వైపరీత్యాలను ఆపేస్తానంటూ సీఎం చంద్రబాబు ప్రగల్బాలు పలకడం హాస్యాస్పందమన్నారు. అర్నాబ్‌ తుపాను సంభవించి వారం రోజులు గడుస్తున్నా ఇప్పటికీ విద్యుత్‌ సరఫరాను పునరుద్ధరించలేదని విమర్శించారు. సంక్షేమం, అభివృద్ధి రెండింటికీ ప్రాధాన్యమిస్తూ పాలన సాగించిన పేదల పక్షపాతి మాజీ సీఎం వైఎస్‌ జగన్‌మోహన్‌రెడ్డి అని అన్నారు. అర్నబ్‌ తుపానుతో జిల్లాలో ప్రజ లు ముఖ్యంగా రైతులు దెబ్బతిన్నారని, ప్రభుత్వం వెంటనే బృందాలను రంగంలోకి దింపి నష్ట వివరాలు సేకరించాలని కోరారు. జెడ్పీటీసీ, ఎంపీటీసీ ఎన్నికల్లో ప్రజలంతా వైఎస్సార్‌సీపీ అభ్యర్థులకు ఓటేసి గెలిపించాలని కోరారు. కూటమి నాయకులు సూపర్‌సిక్స్‌ వంటి బూటకపు హామీలను ప్రజలను మోసం చేశారని మండిపడ్డారు. మాజీ జెడ్పీటీసీ బొక్కా రాధాకృష్ణ, దొంగ మురళీకృష్ణ, జెడ్పీటీసీ అభ్యర్థి యడ్లపల్లి ఉమాసుధ, ఎంపీటీసీ అభ్యర్థులు పులఖండం రామకృష్ణ, పెచ్చెట్టి లక్ష్మి, పులఖండం చిట్టిబాబు, చిన్నం వెంకట్‌, గమిడి మధుబాబు, బుడితి సుమన్‌, ఉంగరాల రమేష్‌ నాయుడు, డొక్కుమల్ల హెన్లీ, అడ్డాల నరసింహారావు, చినిమిల్లి చందు, గంటా విజయ్‌, బొక్కా త్రివేణి, మైల నరసింహం, పీతల రాజు, దేవగుప్త జగదీష్‌, బూసి చిట్టిబా బు, గూడూరు నాని తదితరులు పాల్గొన్నారు.

కొయ్యలగూడెం: యర్రంపేట పంచాయతీ తిమ్మనకుంట గ్రామానికి చెందిన టీడీపీ శ్రేణులు వైఎస్సార్‌సీపీలో చేరారు. మాజీ ఎంపీపీ గంజిమాల రామారావు వారికి పార్టీ కండువాలను కప్పి సాదరంగా ఆహ్వానించారు. గురుముచ్చు అంజి, మల్లాది యేసయ్య, గురుముచ్చు నాగేశ్వరరావు, టీడీపీ నాయకులు తమ అనుచరులతో కలిసి చేరారు. వీరు వైఎస్సార్‌సీపీలో చేరడం తన విజయానికి మరింత దోహదపడుతుందని వైఎస్సార్‌సీపీ ఎంపీటీసీ అభ్యర్థి (యర్రంపేట–2) చొక్కా లీలావతి పేర్కొన్నారు. ట్రేడ్‌ యూనియన్‌ మండల అధ్యక్షుడు సవల నాగేశ్వరరావు, శూలం అగ్గిరాజు, మరిడి శ్రీధర్‌ తదితరులు పాల్గొన్నారు. జనసేనను వీడి వైఎస్సార్‌ సీపీలో చేరిక పెనుమంట్ర: సోమరాజు ఇల్లిందలపర్రు జనసేన పార్టీ గ్రామ కమిటీ అధ్యక్షుడు గూడూరి నాగార్జున ఆ పార్టీని వీడి తన అనుచరులతో కలిసి సోమవారం వైఎస్సార్‌ సీపీలో చేరారు. మాజీ మంత్రి చెరుకువాడ శ్రీరంగనాథరాజు ఆశీస్సులతో మాజీ ఎంపీపీ, జెడ్పీటీసీ అభ్యర్థి కర్రి వెంకటనారాయణ రెడ్డి (వాసు రెడ్డి) సమక్షంలో ఆయన వైఎస్సార్‌ సీపీ తీర్థం పుచ్చుకున్నారు. చంద్రబాబు నాయకత్వంలోని కూటమి ప్రభుత్వ నిరంకుశ పాలన నిరసిస్తూ ఆయనకు మద్దతుగా నిలిచిన జనసేన పార్టీకి రాజీనామా చేస్తూ వైఎస్సార్‌ సీపీలో చేరినట్లు ఆయన ప్రకటించారు.

ఏలూరు టౌన్‌: ఏలూరు కార్పొరేషన్‌ ఎన్నికల్లో కూటమి నాయకులు, కార్యకర్తలు ఓటర్లను భయ భ్రాంతులకు గురిచేయటంతో పోలింగ్‌ శాతం తగ్గిందనీ.. ఓట్ల లెక్కింపులో వైఎస్సార్‌సీపీ మేయర్‌, అధిక సంఖ్యలో కార్పొరేటర్‌ అభ్యర్థుల గెలుపు ఖాయమని వైఎస్సార్‌సీపీ ఏలూరు సమన్వయకర్త మామిళ్లపల్లి జయప్రకాష్‌ అన్నారు. ఏలూరులోని పార్టీ కార్యాలయంలో సోమవారం విలేకరుల సమావేశంలో మాట్లాడుతూ నగరంలో ఎన్నికల నిబంధనలు ఉల్లంఘిస్తూ కొన్ని పోలింగ్‌ కేంద్రాల వద్ద ఓటర్లపై కూటమి నాయకులు, కార్యకర్తలు ఒత్తిడి తెచ్చారని ఆరోపించారు. ఎన్ని ఇబ్బందులు సృష్టించినా ప్రజలంతా వైఎస్సార్‌సీపీ అభ్యర్థులకు మద్దతుగా నిలిచారనీ అన్నారు. మేయర్‌తోపాటు అధిక సంఖ్యలో కార్పొరేటర్‌ స్థానాలు పార్టీ కై వసం చేసుకుంటామని ధీమా వ్యక్తం చేశారు. కూటమి నేతల ఇష్టారాజ్యం ఏలూరు కార్పొరేషన్‌ ఎన్నికల పోలింగ్‌లో ఎన్నికల ప్రవర్తనా నియమావళి పాటించకుండా, ఆంక్షలను లెక్కచేయకుండా కూటమి పార్టీలకు చెందిన కొందరు అభ్యర్థులు, పోలింగ్‌ ఏజెంట్లు, కార్యకర్తలు ఇష్టారాజ్యంగా నిబంధనలు ఉల్లంఘించారని సమన్వయకర్త జేపీ ఆరోపించారు. పోలింగ్‌ కేంద్రాల వద్ద ఓటర్లను భయభ్రాంతులకు గురిచేస్తూ తమపార్టీకే ఓట్లు వేయాలంటూ ఒత్తిడి చేశారని విమర్శించారు. అధికార బలం, ప్రలోభాలకు గురిచేస్తూ ప్రజాస్వామ్యాన్ని ఖూనీచేశారని ఆరోపించారు. నగరంలోని 38వ డివిజన్‌లో వైఎస్సార్‌సీపీ అభ్యర్థి గెలుస్తుందనే భయంతో టీడీపీ నాయకుల ప్రోద్బలంతో వైఎస్సార్‌సీపీ నాయకులు శ్రీను, డివిజన్‌ ఇన్‌చార్జి యక్కల నాని, కార్యకర్త బాషాపై దాడులు చేశారన్నారు. 40వ డివిజన్‌లో కూటమి అభ్యర్థి రాజేశ్వరరావు తమ పార్టీ నాయకురాలు రాణిని అసభ్యపదజాలంతో దూషించారనీ, మహిళలపై మీకున్న చిత్తశుద్ధి ఇదేనా అంటూ ప్రశ్నించారు. 55వ డివిజన్‌లో మాజీ డిప్యూటీ మేయర్‌ వందనాల దుర్గాభవానీ శ్రీనివాస్‌ తమ పార్టీ కార్యకర్తపై దాడి చేశారని సమన్వయకర్త జేపీ తెలిపారు. అలాగే ఆదివారం రాత్రి 10 గంటలకు తమ పార్టీ నాయకుడు వెంకట్‌పై ఏకంగా 50 మంది దాడి చేశారనీ, బాధితుడు ఏలూరు జీజీహెచ్‌లో చికిత్స పొందుతున్నాడన్నారు. వైఎస్సార్‌సీపీ నాయకులపై దాడులకు పాల్పడిన వారిపై చర్యలు తీసుకోవాలని జయప్రకాష్‌ డిమాండ్‌ చేశారు. మహిళలను అగౌరవపరుస్తూ.. బాధితురాలు రాణి మాట్లాడుతూ ఓటు వేసేందుకు తన తల్లి పోలింగ్‌ బూత్‌లోకి వెళ్లడంతో అక్కడ నిల్చుని ఉన్నాననీ, అదే సమయంలో డివిజన్‌ అభ్యర్థి రాజేశ్వరరావు తనను దుర్భాషలాడుతూ ఇష్టారాజ్యంగా వ్యవహరించారని ఆవేదన వ్యక్తం చేశారు. డబ్బు ఉందనే అహంభావంతో మహిళలతో అగౌరవంగా మాట్లాడటం సరైన పద్ధతి కాదన్నారు. మహిళ పట్ల అనుచితంగా వ్యాఖ్యలు చేయటం బాధాకరమని అన్నారు. పార్టీ నగర అధ్యక్షుడు గుడిదేశి శ్రీనివాసరావు, బీసీ సెల్‌ జిల్లా అధ్యక్షుడు నెరుసు చిరంజీవి, జిల్లా అధికార ప్రతినిధి మున్నుల జాన్‌గురునాథ్‌, కై కలూరు పరిశీలకుడు నూకపెయ్యి సుధీర్‌బాబు, రాష్ట్ర మహిళ ప్రధాన కార్యదర్శి తుమరాడ స్రవంతి, నగర మహిళ అధ్యక్షురాలు జిజ్జువరపు విజయనిర్మల తదితరులు పాల్గొన్నారు. పోలింగ్‌ శాతం తగ్గుదలకు కూటమి నేతలే కారణం వైఎస్సార్‌సీపీ అభ్యర్థుల గెలుపు ఖాయం ఏలూరు సమన్వయకర్త మామిళ్లపల్లి జయప్రకాష్‌

సాక్షి ప్రతినిధి, ఏలూరు: పుర పోరు తొలి అంకం ముగిసింది. జిల్లాలోని ఏలూరు నగరపాలక సంస్థతో పాటు జంగారెడ్డిగూడెం, నూజివీడు మున్సిపాల్టీల్లో ఆదివారం ఎన్నికలు ప్రశాంతంగా ముగిశాయి. మంగళవారం కౌంటింగ్‌ ప్రక్రియ నిర్వహించి ఫలితాలు వెల్లడించనున్నారు. ఉదయం 7 గంటలకు ప్రారంభమైన పోలింగ్‌ సాయంత్రం 5 గంటల వరకు కొనసాగింది. అత్యధికంగా నూజివీడులో, అత్యల్పంగా ఏలూరులో పోలింగ్‌ నమోదైంది. ఏలూరు కార్పొరేషన్‌ పరిధిలో అధికారిక లెక్కల ప్రకారం చివరి రెండు గంటల్లో 37 వేలకు పైగా ఓట్లు పోలైనట్టు ప్రకటించారు. జిల్లాలోని మూడు మున్సిపాల్టీల్లో 130 వార్డుల్లో 3,28,671 మంది ఓటర్లకుగాను 2,02,154 మంది ఓటు హక్కును వినియోగించుకున్నారు. ఏలూరులో స్వల్ప ఘర్షణలు మినహా.. ఏలూరు నగరంలో ఒకటి, రెండు చోట్ల స్వల్ప ఘర్షణలు మినహా ప్రశాంతంగానే పోలింగ్‌ ప్రక్రియ జరిగింది. ప్రధానంగా ఏలూరులో పోలింగ్‌ శాతం అత్యల్పంగా నమోదైంది. ఉదయం నుంచే మందకొడిగా పోలింగ్‌ కొనసాగింది. ఏలూరు నగరంలో 62 డివిజన్లలో 255 పోలింగ్‌ బూత్‌లను ఏర్పాటుచేశారు. అయితే ఉదయం 7 గంటల నుంచి మ ధ్యాహ్నం 3 గంటల వరకు సుమారు 8 గంటల పా టు 43 శాతం మాత్రమే పోలింగ్‌ నమోదైంది. ఇక జంగారెడ్డిగూడెంలో కూడా ఇంచుమించుగా ఇదే ప రిస్థితి కొనసాగింది. నూజివీడులో మాత్రమే 70 శా తానికిపైగా పోలింగ్‌ నమోదైంది. ఏలూరు నగరంలో 3 గంటల నుంచి 5 గంటల మధ్య 37,344 ఓట్లు పోలయ్యాయని, దీంతో 43.84 శాతం నుంచి 59.58కి పోలింగ్‌ చేరింది. ఉదయం నుంచి పోలింగ్‌ కేంద్రాల్లో ఎక్కడా జనం పెద్దగా కనిపించకపోవడం, భారీగా ఓటు హక్కు వినియోగించుకోవడానికి బా రులు తీరలేదు. సగటున వెయ్యి ఓట్లకు ఒక బూత్‌ను ఏలూరులో ఏర్పాటుచేశారు. 2,37,256 మండి ఓటర్లు ఉండగా వారిలో 1,41,506 మంది ఓటు హక్కు వినియోగించుకున్నారు. వీరిలో పురుషులు 67,919, మహిళలు 73,564, ఇతరులు 23 మంది ఓటు హక్కు వినియోగించుకున్నారు. జంగారెడ్డిగూడెంలో.. జంగారెడ్డిగూడెం మున్సిపాల్టీలో 32 వార్డులో 64 పోలింగ్‌ కేంద్రాల్లో 48,463 మంది ఓటర్లు ఉండగా వారిలో 29,591 మంది ఓటు హక్కు వినియోగించుకున్నారు. దీంతో 61.06 శాతం పోలింగ్‌ నమోదైంది. నూజివీడులో.. నూజివీడు మున్సిపాల్టీలో 36 వార్డులో 57 పోలింగ్‌ కేంద్రాల్లో 42,952 మంది ఓటర్లు ఉండగా వారిలో 31,055 మంది ఓటు హక్కు వినియోగించుకున్నారు. దీంతో 72.30 శాతం పోలింగ్‌ నమోదైంది. టీడీపీ నేతల దాడి ఏలూరు టౌన్‌: ఏలూరు నగరపాలక సంస్థ ఎన్నికల పోలింగ్‌ సందర్భంగా టీడీపీ మూకలు రెచ్చిపోయారు. నగరంలోని 55వ డివిజనల్‌లో వైఎస్సార్‌సీపీ నాయకుడు ప్రసాద్‌పై దాడికి తెగబడ్డారు. ఓడిపోతామనే భయంతో టీడీపీ కూటమి నేతల కనుసన్నల్లో దాడులు చేసినట్టు తెలిసింది. బాధితుడు ప్రసాద్‌ ఏలూరు జీజీహెచ్‌లో వైద్య చికిత్స పొందుతున్నారు. బాధితుడిని వైఎస్సార్‌సీపీ నియోజకవర్గ సమన్వయకర్త మామిళ్లపల్లి జయప్రకాష్‌ (జేపీ), మేయర్‌ అభ్యర్థి గంటా మోహనరావు, పార్టీ నాయకులు పరామర్శించి ధైర్యం చెప్పారు. తామంతా అండగా ఉంటామని భరోసా కల్పించారు. ఏలూరు కార్పొరేషన్‌లో చివరి రెండు గంటల్లో 15.74 శాతం పోలింగ్‌ మధ్యాహ్నం 3 గంటల వరకు 43.84 శాతం నూజివీడులో అత్యధికం, ఏలూరులో అత్యల్పం మందకొడిగా మున్సిపల్‌ పోలింగ్‌ జిల్లాలో 61.51 శాతం నమోదు ఓటర్లలో కనిపించని ఆసక్తి

పోలింగ్‌ శాతంనరసాపురంలోని పొన్నపల్లి పోలింగ్‌ కేంద్రం వద్ద ఓటర్లు సాక్షి, భీమవరం: ఓటర్లను ప్రలోభాలకు గురిచేసేందుకు రూ.కోట్లు కుమ్మరించిన కూటమి నేతలను షాక్‌కు గురిచేస్తూ పోలింగ్‌ మందకొడిగా సాగింది. చంద్రబాబు ప్రభుత్వంపై గూడుకట్టుకున్న వ్యతిరేకత పురపోరులో స్పష్టంగా కనిపించింది. ఉదయం మందకొడిగా మొదలైన పోలింగ్‌ మధ్యాహ్నం సమయానికి కాస్త పుంజుకుంది. మొత్తంగా నరసాపురం మున్సిపాల్టీలో 71.37 శాతం, ఆకివీడులో 74.47 శాతం పోలింగ్‌ మాత్రమే నమోదైంది. ఉదయం మందకొడిగా.. నరసాపురంలో 36 వార్డుల పరిధిలో 71, ఆకివీడులో 19 వార్డుల్లో 32 పోలింగ్‌ కేంద్రాలను ఏ ర్పాటుచేశారు. ఉదయం ఏడు గంటల నిర్ణీత సమయానికే పోలింగ్‌ ప్రక్రియ మొదలైంది. ఆదివారం సెలవురోజు కావడం, చర్చిల్లో ప్రార్ధన సమయం కావడంతో ఉదయం పోలింగ్‌ మందకొడిగా మొదలైంది. ఓటర్లు లేక పోలింగ్‌ కేంద్రాలు వెలవెలబోయాయి. 10 గంటల సమయం దాటాక పోలింగ్‌ కేంద్రాల వద్దకు ఓటర్ల రద్దీ మొదలైంది. సాయంత్రం పోలింగ్‌ ముగిసే సరికి నరసాపురంలో 46,996 మంది ఓట్లకు గాను 33,543 ఓట్లు, ఆకివీడులో 26,435 ఓట్లకు 19,687 ఓట్లు పోలయ్యాయి. తెగిపడిన నోట్ల కట్టలు కూటమి నేతలు ఓటమి భయంతో ఓటర్లను ప్రలోభాలకు గురిచేసేందుకు ఎన్నికల్లో విచ్చలవిడిగా రూ.కోట్లల్లో డబ్బు ఖర్చుచేశారు. మద్యాన్ని ఏరులై పారించారు. ప్రజల్లో వైఎస్సార్‌సీపీ అభ్యర్థులపై సానుకూలతకు జడిసి నరసాపురం, ఆకివీడులో కూటమి చైర్మన్‌, కౌన్సిలర్లు అభ్యర్థులు కలిపి ఓటుకు రూ.1,500 నుంచి రూ.4,000 వరకు నగదుతో పాటు కొందరు చీరలు, మరికొందరు రైస్‌కుక్కర్లు, వెండి భరిణెలు, ఇంటింటికీ బిర్యానీ ప్యాకెట్లు తదితర వాటిని పంపిణీ చేశారు. నరసాపురంలోని ఒక వార్డుల్లో కూటమి అభ్యర్థి, స్వతంత్య్ర అభ్యర్థి కలిపి వస్తు,ధన రూపంలో ఓటుకు రూ.10 వేలకు పైనే ముట్టచెప్పినట్టు తెలుస్తోంది. శనివారం రాత్రి మొదలైన పంపకాలు కొన్నిచోట్ల ఆదివారం సాయంత్రం పోలింగ్‌ ముగిసే వరకు కొనసాగడం గమనార్హం. ఆకివీడులోని ఒక వార్డులో కూటమి అభ్యర్థి ఓటమి భయంతో ఆదివారం మధ్యాహ్నం నుంచి కూడా మరోదపా అదనంగా ఓటుకు రూ.1,000 పంపిణీ చేసినట్టు సమాచారం. పెరిగిన నిత్యావసర వస్తువుల ధరలు, సూపర్‌సిక్స్‌ వంచనపై ప్రజల్లో కూటమి ప్రభుత్వం పట్ల వ్యతిరేకతను ప్రజలు క్రాస్‌ ఓటింగ్‌ రూపంలో చూపించినట్టు తెలుస్తోంది. చైర్‌పర్సన్‌ ఎన్నిక ప్రత్యక్ష విధానం కావడంతో చైర్‌పర్సన్‌, వార్డు కౌన్సిలర్‌ కోసం ఓటరుకు రెండు బ్యాలెట్‌లను ఇచ్చారు. చాలాచోట్ల అధికార కూటమి అభ్యర్థితో పాటు వైఎ స్సార్‌సీపీ అభ్యర్థికి చెరొక ఓటుగా క్రాస్‌ ఓటింగ్‌ జరిగిందన్న అభిప్రాయం వ్యక్తమవుతోంది. ఓటర్లను ప్రలోభాలకు గురిచేసేందుకు రూ. కోట్లు కుమ్మరించినా క్రాస్‌ ఓటింగ్‌ తమకు చేటు చేస్తుందన్న ఆందోళన కూటమి అభ్యర్థుల్లో గుబులు రేపుతోంది. నరసాపురంలో వైఎస్సార్‌సీపీ చైర్‌పర్సన్‌ అభ్యర్థి కావలి రమాసీత 25వ వార్డులో, ఆకివీడులో చైర్‌పర్సన్‌ అభ్యర్థి మన్నే లలితాదేవి 16వ వార్డులో ఓటుహక్కును వినియోగించుకున్నారు. వైఎస్సార్‌సీపీ జిల్లా అధ్యక్షుడు ముదునూరి ప్రసాదరాజు కుటుంబ సమేతంగా 6వ వార్డులో ఓటుహక్కును వినియోగించుకున్నారు. వైఎస్సార్‌సీపీ ఉండి నియోజకవర్గ కోఆర్డినేటర్‌ మంతెన యోగీంద్రకుమార్‌ (బాబు) ఆకివీడులోని పలు ప్రాంతాల్లో పర్యటించి పోలింగ్‌ సరళిని పరిశీలించారు. నరసాపురంలోని కస్తూరిబా గాంధీ ఉన్నత పాఠశాల, పురపాలక సంఘం ప్రాథమిక పాఠశాల తదితర ప్రాంతాల్లో ఏర్పాటు చేసిన పోలింగ్‌ కేంద్రాలను కలెక్టర్‌ సీహెచ్‌ నాగరాణి సందర్శించి పోలింగ్‌ సరళిని పరిశీలించారు. పోలింగ్‌ కేంద్రాల్లో ఓటర్లకు కల్పించిన సౌకర్యాలు, ఎన్నికల సిబ్బంది విధుల నిర్వహణ, పోలింగ్‌ ప్రక్రియ నిర్వహణ తీరును ఆమె పరిశీలించారు. ఓటర్లు ఎలాంటి ఇబ్బందులు లేకుండా తమ ఓటు హక్కును వినియోగించుకునేలా అవసరమైన ఏర్పాట్లు చేయాలని సంబంధిత అధికారులకు సూచించారు. ఎస్పీ అద్నాన్‌ నయీం అస్మి నరసాపురం, ఆకివీడులోని సమస్యాత్మక, అత్యంత సమస్యాత్మక పోలింగ్‌ కేంద్రాలను సందర్శించారు. అవాంఛనీయ సంఘటనలకు తావులేకుండా నిబంధనలను కఠినంగా అమలు చేయాలని, వృద్ధులు, దివ్యాంగులు ఇబ్బందులు పడకుండా ప్రత్యేక సదుపాయాలు కల్పించాలని ఆదేశించారు. పోలింగ్‌ కేంద్రాల పరిసరాల్లో 144 సెక్షనన్‌ను పకడ్బందీగా అమలు చేస్తూ, 500 మంది పోలీసు సిబ్బందితో కట్టుదిట్టమైన భద్రతా ఏర్పాట్లు చేసినట్లు ఎస్పీ వెల్లడించారు. మంగళవారం కౌంటింగ్‌ ప్రక్రియ సజావుగా సాగేందుకు అవసరమైన అన్ని ముందస్తు భద్రతా చర్యలను ఇప్పటికే పూర్తి చేసినట్లు తెలిపారు.

తణుకు అర్బన్‌: రానున్న మున్సిపల్‌ ఎన్నికలకు సంబంధించి మున్సిపల్‌ చైర్మన్‌, కౌన్సిలర్ల గెలుపే లక్ష్యంగా పార్టీ శ్రేణులు కష్టపడి పనిచేయాలని మాజీ మంత్రి కారుమూరి వెంకట నాగేశ్వరరావు సతీమణి లక్ష్మీకిరణ్‌ పిలుపునిచ్చారు. తణుకు వైఎస్సార్‌సీపీ కార్యాలయంలో ఆదివారం నిర్వహించిన పార్టీ ముఖ్యనేతల సమావేశంలో ఆమె మాట్లాడారు. ఎన్నికల్లో పార్టీ క్యాడర్‌ అంతా ఎటువంటి భయం లేకుండా పోరాడి నియోజకవర్గంలో పార్టీ అభ్యర్థులను గెలిపించాలని అన్నారు. ముఖ్యంగా మాజీ ముఖ్యమంత్రి వైఎస్‌ జగన్‌మోహన్‌రెడ్డి ప్రజలకు అందించిన సంక్షేమాన్ని ప్రజలకు గుర్తుచేయాలని, తణుకు నియోజకవర్గంలో వైఎస్సార్‌సీపీ హ యాంలోని ఐదేళ్ల కాలంలో చేసిన మంచిని ప్రజలకు తెలపాలని సూచించారు. ప్రజలకు ఇస్తానన్న హామీలతోపాటు పెరిగిన నిత్యావసర సరుకుల ధరలు వంటివి ప్రజల దృష్టికి తీసుకువెళ్లాలని సూచించారు. పార్టీ అధ్యక్షుడు వైఎస్‌ జగన్‌మోహన్‌రెడ్డి ఐదేళ్ల పాలనలో పేదలకు సంక్షేమాన్ని ఇంటి గుమ్మంలోకి తీసుకువెళ్లిన విధానాలను ప్రజలు మరచిపోరని స్పష్టం చేశారు. ము న్సిపల్‌ ఎన్నికలకు సంబంధించి కార్యాచరణపై పార్టీ నాయకులతో చర్చించారు. పార్టీ పట్ణణ అధ్యక్షుడు మారిశెట్టి శేషగిరి, లీగల్‌ సెల్‌ రాష్ట్ర అధికార ప్రతినిధి వెలగల సాయిబాబారెడ్డి, పంచాయతీరాజ్‌ వింగ్‌ రాష్ట్ర కార్యదర్శి వడ్లూరి సీతారాం, పార్టీ జిల్లా ఉపాధ్యక్షుడు యిండుగపల్లి బలరామకృష్ణ, మేధావుల ఫోరం రాష్ట్ర కార్యదర్శి చోడే గోపీకృష్ణ, ఎస్సీసెల్‌ రాష్ట్ర కార్యదర్శి పొట్ల సురేష్‌, సీనియర్‌ న్యాయవాది బలిజేపల్లి రవిశంకర్‌, పట్టణ మహిళాధ్యక్షురాలు నూకల కనకదుర్గ, ఝాన్సీ లారెన్స్‌, బెజ్జవరపు హేమశ్రీ, షేక్‌ ఫహీమా తదితరులు పాల్గొన్నారు.

భీమవరం : విజ్ఞానం ద్వారానే సమాజం అభివృద్ధి చెందుతుందని శాసనమండలి చైర్మన్‌ కొయ్యే మోషేన్‌రాజు అన్నారు. ఆదివారం స్థానిక అల్లూరి సీతారామరాజు సాంస్కృతిక కేంద్రంలో రాష్ట్రస్థాయి చెకుముకి సైన్స్‌ సంబరాలను ఆయన ప్రారంభించి మాట్లాడారు. ప్రజ ల్లో శాస్త్ర విజ్ఞానాన్ని ప్రచారం చేస్తున్న జన విజ్ఞాన వేదికను అభినందించారు. శాసీ్త్రయ దృక్పథాన్ని విద్యార్థులు అలవర్చుకోవాలని అన్నా రు. జన విజ్ఞాన వేదిక రాష్ట్ర అధ్యక్షులు కేఎస్‌ లక్ష్మణరావు, ఎమ్మెల్సీ బి.గోపిమూర్తి, వేగేశ్న రాధ, నక్కా వెంకటేశ్వర్లు, జిల్లా కన్వీనర్‌ రేపాక వెంకన్నబాబు తదితరులు పాల్గొన్నారు. పెనుగొండ : అర్నబ్‌ తుపాను వ్యవసాయ, ఉద్యాన పంటలకు తీవ్ర నష్టం వాటిల్లడంతో పాటు పంట పొలాల్లో నీరు నిలిచిపోయిన నేపథ్యంలో కేంద్ర బృందం ఆదివారం పెనుగొండ మండలంలో పర్యటించింది. వడలి గ్రామంలో పంట పొలాలను కేంద్ర బృందం పరిశీలించింది. పొలాల్లో నిలిచిపోయిన నీటిని, దెబ్బతిన్న పంటలను పరిశీలించి స్థానిక రైతులతో మా ట్లాడింది. క్షేత్రస్థాయిలో పంట నష్టాలను పరిశీలించి సంబంధిత వివరాలను సేకరించింది. అడిషనల్‌ కమిషనర్‌ రాహుల్‌కుమార్‌రెడ్డి, ఆర్డీఓ దాసి రాజు, జిల్లా వ్యవసాయ అధికారి సునీత, మండల వ్యవసాయ అధికారి పి.స్పందన, తహసీల్దార్‌ జి.అనిత కుమారి, ఎంపీడీఓ టి.సూర్యనారాయణమూర్తి ఉన్నారు. తుపాను నష్టాలపై సమీక్ష భీమవరం (ప్రకాశంచౌక్‌): స్థానిక కలెక్టరేట్‌లో ఏర్పాటుచేసిన అర్నబ్‌ తుపాను ఫొటో ప్రదర్శనను కేంద్ర బృంద సభ్యులు కలెక్టర్‌ సీహెచ్‌ నాగరాణితో కలిసి పరిశీలించారు. తుపాను ప్రభావం, జిల్లాలో జరిగిన నష్టం, సహాయక చర్యలు, పునరుద్ధరణకు సంబంధించిన ఫొటోలను చూపించి కలెక్టర్‌ కేంద్ర బృందానికి నష్టాన్ని వివరించారు. అనంతరం పవర్‌ పా యింట్‌ ప్రజెంటేషన్‌ ద్వారా జిల్లాలో వివిధ రంగాలకు జరిగిన నష్టం, బాధిత కుటుంబాల వివరాలు, జిల్లా యంత్రాంగం చేపట్టిన ముందస్తు చర్యలు, సహాయక కార్యక్రమాలు, పునరుద్ధరణ పనుల పురోగతిని కేంద్ర బృందానికి తెలియజేశారు. జిల్లాలో సుమారు 4,603 ఇళ్లు దెబ్బతిన్నాయని, 57,999 కుటుంబాలు ప్రభావితమయ్యాయన్నారు. మొత్తంగా 1,99,554 ఎకరాల వ్యవసాయ పంటలు దెబ్బతిన్నట్టు ప్రాథమిక నివేదికలో వెల్లడైందని వివరించారు. తాడేపల్లిగూడెం (రూరల్‌): స్థానిక సంస్థల ఎన్నికల నేపథ్యంలో శాంతి భద్రతల పరిరక్షణ, ప్ర జల్లో భద్రతా భావాన్ని పెంపొందించడం, ఎ న్నికలు ప్రశాంత వాతావరణంలో నిర్వహించేలా పోలీసులు ఫ్లాగ్‌మార్చ్‌ నిర్వహించారు. ఆదివారం తాడేపల్లిగూడెం రూరల్‌ పోలీస్‌స్టేషన్‌ పరిధిలోని జగన్నాథపురం, మాధవరం, కడియద్దలో సబ్‌ డివిజినల్‌ పోలీస్‌ ఆఫీసర్‌ (ఎస్‌డీపీఓ) నరసింహరావు ఆధ్వర్యంలో మా ర్చ్‌ జరిగింది. ఆయనతో పాటు సీఐ డి.శ్రీనివాస్‌రావు, ఎస్సై ఎస్‌.రవికుమార్‌, పోలీస్‌ సిబ్బంది పాల్గొన్నారు. ఎలాంటి అవాంఛనీయ సంఘటనలకు తావులేకుండా ప్రతి ఒక్కరూ ఎన్నికల నియమావళిని పాటించాలని, శాంతిభద్రతలకు విఘాతం కలిగించే చర్యలకు పాల్పడవద్దని ప్రజలకు సూచించారు. చట్టవ్యతిరేక కార్యకలాపాలకు పాల్పడే వారిపై చర్యలు తప్పవని హెచ్చరించారు. వీరవాసరం : పశ్చిమగోదావరి జిల్లా స్కూల్‌గేమ్స్‌ ఫెడరేషన్‌ ఆధ్వర్యంలో స్కూల్‌గేమ్స్‌ అండర్‌ 14, 17 బాలబాలికల రైఫిల్‌ షూటింగ్‌ జిల్లా జట్ల ఎంపికలు మంగళవారం భీమవరం చింతలపాటి బాపిరాజు మున్సిపల్‌ హైస్కూ ల్‌లో నిర్వహించనున్నట్టు స్కూల్‌గేమ్స్‌ కార్యదర్శులు గుత్తుల నర్మద, మహమ్మద్‌ ఖుద్ధుస్‌ ప్రకటనలో తెలిపారు. ఆసక్తి గల క్రీడాకారులు ఉదయం 10 గంటలకు రిపోర్ట్‌ చేయాలని వారు సూచించారు.

ఏలూరు (ఆర్‌ఆర్‌పేట): స్థానిక సంస్థల ఎన్నికల షెడ్యూలు విడుదలైన నాటి నుంచి కూటమి ప్రభుత్వం ఉపాధ్యాయులను తీవ్ర ఒత్తిడికి గురిచేస్తోంది. ఒకదాని తర్వాత ఒకటిగా విధులు కేటాయిస్తూ, చివరి నిమిషంలో వాటిని మారుస్తూ గందరగోళం సృష్టిస్తోంది. జిల్లాలో ఆదివారం జరిగిన నగరపాలక, పురపాలక ఎన్నికలకు విధులు కేటాయించిన ప్రభుత్వం.. అప్పటికప్పుడు ముందుగా నియమించిన ప్రాంతాలను కాకుండా, కొత్త ప్రాంతాలకు వెళ్లాలని ఆదేశించడంపై ఉపాధ్యాయ వర్గాల్లో విమర్శలు వ్యక్తమయ్యాయి. తాజాగా ఈ నెల 5న జిల్లావ్యాప్తంగా జరగనున్న జెడ్పీటీసీ, ఎంపీటీసీ ఎన్నికలకు సంబంధించి మరింత విచిత్రంగా విధులు కేటాయించి ఆందోళనను మరింత పెంచుతోంది. ఏలూరు నుంచి వేలేరుపాడు, కుక్కునూరుకు.. స్థానికంగా పనిచేసే ఉపాధ్యాయులకు వారి సొంత ప్రాంతాల్లో ఎన్నికల విధులు కేటాయించకూడదనే నిబంధనను సాకుగా చూపి, అలవికాని దూరాల్లో విధులు కేటాయించడం తీవ్ర చర్చనీయాంశమైంది. ఉపాధ్యాయులు పనిచేసే ప్రాంతానికి సమీపంలో విధులు వేయకూడదనే నిబంధన ఉన్నప్పటికీ.. పక్క మండలానికో లేదా ఆనుకుని ఉన్న మండలానికో కేటాయించవచ్చు. కానీ, ఏకంగా 150–200 కిలోమీటర్ల దూరానికి వెళ్లి విధులు నిర్వహించమంటే ఎలా సాధ్యమని ఉపాధ్యాయులు ప్రశ్నిస్తున్నారు. ఏలూరులో పనిచేసే ఉపాధ్యాయులకు సుమారు 150 కిలోమీటర్ల దూరంలోని కుక్కునూరు, వేలేరుపాడు మండలాలను కేటాయించారు. అలాగే, ఆ ప్రాంతాలకు చెందిన ఉపాధ్యాయులకు ఏలూరు దాటి కలిదిండి మండలానికి విధులకు వెళ్లాలని ఆదేశించడంపై అభ్యంతరం వ్యక్తమవుతోంది. జిల్లాలో మరో మూల ఉండే ముదినేపల్లి మండలం నుంచి చింతలపూడి దగ్గరిలోని టి.నరసాపురంలో విధులు కేటాయిస్తే తాము ఎలా వెళ్లగలమని నిలదీస్తున్నారు. కరువైన మానవీయ కోణం ప్రజాస్వామ్య పరిరక్షణ కోసం జరిగే ఎన్నికల విధులను నిర్వహించడం ఉపాధ్యాయులకు కష్టమేమీ కాదని, అయితే అధికారుల కేటాయింపుల్లో మానవీయ కోణం కరువైందని ఉపాధ్యాయ వర్గాలు ఆవేదన వ్యక్తం చేస్తున్నాయి. జిల్లాలో దీర్ఘకాలిక వ్యాధులతో బాధపడుతున్న వారు, మానసిక దివ్యాంగులైన పిల్లలను దగ్గరుండి చూసుకోవాల్సిన వారు, క్యాన్సర్‌ వంటి ప్రాణాంతక వ్యాధులతో బాధపడుతూ చికిత్స పొందుతున్న వారు ఇప్పటికే అధికారులకు విన్నవించుకున్నారు. అయినప్పటికీ వారి వినతులను తోసిరాజని, వ్యాధిగ్రస్తులకు సైతం దూర ప్రాంతాల్లో విధులు కేటాయించడంపై ఆగ్రహావేశాలు వ్యక్తమవుతున్నాయి. ప్రధానంగా కుటుంబ బాధ్యతలు నిర్వర్తించాల్సిన మహిళా ఉపాధ్యాయులకు కూడా 150 కిలోమీటర్ల దూరంలో విధులు కేటాయించడాన్ని వారు జీర్ణించుకోలేకపోతున్నారు. గగ్గోలు పెడుతున్న టీచర్లు అసాధ్యమైన రీతిలో ఎన్నికల విధులు కేటాయించడంతో ఉపాధ్యాయులు గగ్గోలు పెడుతున్నారు. దూర ప్రాంతాల్లో విధులు కేటాయించిన ఉపాధ్యాయులకు సోమవారమే ఆయా మండలాల్లో శిక్షణ కార్యక్రమాలు ఏర్పాటు చేశారు. శిక్షణ కోసం ఒకసారి, ఎన్నికల రోజు మరోసారి అంత దూరం ప్రయాణించడం దీర్ఘకాలిక వ్యాధిగ్రస్తులకు, మహిళలకు కష్టసాధ్యమని ఆందోళన వ్యక్తమవుతోంది. ఈ సమస్యపై మినహాయింపు పొందడానికి ఆదివారం సంబంధిత అధికారులెవరూ అందుబాటులో లేకపోవడంతో ఏం చేయాలో పాలుపోని పరిస్థితి నెలకొందని వాపోతున్నారు. ఆదివారం సెలవు దినం కావడం, అదే రోజు మున్సిపల్‌ ఎన్నికలు జరగడంతో తమ గోడును పట్టించుకునేవారే కరువయ్యారని ఆవేదన వ్యక్తం చేస్తున్నారు. కాబట్టి మానవతా దృక్పథంతో అధికారులు పునరాలోచించి, తమకు సమీపంలోని మండలాల్లో విధులు కేటాయించాలని ఉపాధ్యాయ సంఘాల నాయకులు డిమాండ్‌ చేస్తున్నారు. అధికారుల దిద్దుబాటు చర్య ఉపాధ్యాయ వర్గాల్లో తీవ్ర స్థాయిలో వ్యక్తమైన వ్యతిరేకతను దృష్టిలో పెట్టుకున్న అధికారులు దిద్దుబాటు చర్యలకు ఉపక్రమించారు. ఈ మేరకు తొలుత ఇచ్చిన ఉత్తర్వులను నిలుపుదల చేసినట్టు ఆదివారం రాత్రి ఉపాధ్యాయులకు మెసేజ్‌ల ద్వారా తెలిపారు. కంప్యూటర్‌ ఆధారిత ర్యాండమైజేషన్‌ చేయడం వల్ల ఇటువంటి పరిస్థితి తలెత్తిందని అధికారులు సన్నాయి నొక్కులు నొక్కినట్టు ఉపాధ్యాయులు చెప్పుకుంటున్నారు. అయితే సోమవారం ఉదయం జెడ్పీటీసీ, ఎంపీటీసీ ఎన్నికలకు సంబంధించి శిక్షణ కార్యక్రమం తప్పనిసరిగా నిర్వహించవలసి ఉన్నందున ఆదివారం అర్ధరాత్రికి ఉపాధ్యాయులకు కేటాయించిన మండలాలను మార్చి దగ్గరలోని మండలాలకు కేటాయించే అవకాశం ఉందని ఉపాధ్యాయ వర్గాల్లో చర్చ నడుస్తోంది. 150– 200 కిలోమీటర్ల దూరంలో ఎన్నికల విధులు దీర్ఘకాలిక వ్యాధిగ్రస్తులకూ మినహాయింపు లేదు గగ్గోలు పెడుతున్న టీచర్లు

కై కలూరు: అమ్మా.. పెద్దింట్లమ్మా.. నీ చల్లని దీవెనలు మాపై కురిపించమ్మా.. అంటూ భక్తులు కొల్లేటికోట పెద్దింట్లమ్మను ఆర్తీతో వేడుకున్నారు. సమీప జిల్లాల నుంచి ఆదివారం పెద్ద సంఖ్యలో తరలివచ్చిన భక్తులు పెద్దింట్లమ్మను దర్శించుకున్నారు. పవిత్ర కోనేరులో స్నానాలు ఆచరించి మొక్కులు తీర్చుకున్నారు. ఆలయ ఉప ప్రధాన అర్చకులు పేటేటి పరమేశ్వరశర్మ అమ్మకు పూజా కార్యక్రమాలు నిర్వహించారు. ఆదివారం ఒక్క రోజున ప్రత్యేక, అంతరాలయ దర్శనాలు, కేశఖండన, పెద్ద, చిన్న తీర్థాలు, లడ్డు ప్రసాదం, దేవస్థాన గదుల అద్దెలు, అమ్మవారి చిత్రపటాల విక్రయం, వాహన పూజలు, విరాళాల ద్వారా రూ.32,595 ఆదాయం లభించినట్లు ఆలయ ఈవో కూచిపూడి శ్రీనివాసు తెలిపారు. ముదినేపల్లి రూరల్‌: ప్రసిద్ధి చెందిన సింగరాయపాలెం–చేవూరుపాలెం సెంటర్‌లోని సుబ్రహ్మణ్యేశ్వర స్వామి ఆలయానికి ఆదివారం భక్తులు పోటెత్తారు. వివిధప్రాంతాల నుంచి అధిక సంఖ్యలో తరలివచ్చిన భక్తులు ఆలయంలోని స్వామి వారి పుట్టలో పాలుపోసి స్వామిని దర్శించుకున్నారు. మహిళలు పాలపొంగళ్లశాల వద్ద నైవేద్యాలు తయారుచేసి స్వామికి సమర్పించారు. నాగబంధాల వద్ద, గోకులంలోని గోవులకు మహిళలు పసుపు, కుంకుమలతో పూజలుచేశారు. భక్తులు అధిక సంఖ్యలో అన్నప్రసాదం స్వీకరించారు. ఏర్పాట్లను సహాయ కమిషనర్‌ ఆర్‌.గంగాఽశ్రీదేవి, చైర్మన్‌ బొంగు రవికుమార్‌, య సిబ్బంది పర్యవేక్షించారు. బుట్టాయగూడెం: మండలంలోని మారుమూల గ్రామమైన కామవరం సమీపంలో అటవీ ప్రాంతంలో కొలువైన గుబ్బల మంగమ్మ తల్లి గుడికి ఆదివారం భక్తులు పోటెత్తారు. తెల్లవారుజాము నుంచే అధిక సంఖ్యలో తరలివచ్చిన భక్తులు అమ్మవారిని దర్శించుకుని ప్రత్యేక పూజలు చేసి మొక్కులు చెల్లించుకున్నారు. ఉభయగోదావరి జిల్లాలతో పాటు కృష్ణా, తెలంగాణ రాష్ట్రాల్లోని పలు జిల్లాల నుంచి భక్తులు భారీ ఎత్తున తరలి వచ్చి అమ్మవారికి పూజలు చేశారు. తాడేపల్లిగూడెం (టీఓసీ): అన్నవరం శ్రీ వీరవెంకట సత్యనారాయణ స్వామి వారి దేవస్థానం రథం ఆదివారం తాడేపల్లిగూడెం పట్టణానికి విచ్చేసింది. ఈ సందర్భంగా భక్తులు రథానికి ఘన స్వాగతం పలికారు. కార్తీక మాసంలో నిర్వహించే వివిధ ధార్మిక కార్యక్రమాలు, ధర్మ ప్రచారంలో భాగంగా సత్యదీక్ష ప్రచారకర్త నల్లిమిల్లి కృష్ణబాబు భక్తులకు ఆహ్వాన పత్రికలు అందజేశారు. ఈ సందర్భంగా ఆయన మాట్లాడుతూ.. ఈనెల 4వ తేదీ నుంచి డిసెంబర్‌ 1వ తేదీ వరకు 27 రోజులు, 18 రోజులు, 9 రోజుల పాటు సత్యదీక్షలు నిర్వహించనున్నట్లు వెల్లడించి, ఆ వివరాలను భక్తులకు వివరించారు. ఈ కార్యక్రమంలో అర్చకులు కృష్ణ, రథసారథి గౌతమ్‌ తదితరులు పాల్గొన్నారు. భీమడోలు: కుటుంబ కలహాలు రక్తసంబంధాల మధ్య చిచ్చుపెట్టాయి. మద్యం మత్తులో జరిగిన గొడవలో అన్నదమ్ములు పరస్పరం దాడి చేసుకున్న సంఘటన పూళ్ల జంగం వీధిలో శనివారం రాత్రి చోటుచేసుకుంది. గ్రామానికి చెందిన జి. నాగసాయి, సురేష్‌ అన్నదమ్ములు. వీరిద్దరి మధ్య కుటుంబ కలహాల కారణంగా తరచూ గొడవలు జరుగుతుండేవి. ఈ క్రమంలో శనివారం రాత్రి ఇద్దరూ మద్యం సేవించి ఇంటికి వచ్చారు. ఆ సమయంలో అన్న గెట్టం నాగసాయి, వృద్ధురాలైన తన అమ్మమ్మ కసిరెడ్డి అమ్మాజీపై చాకుతో దాడి చేసి గాయపరిచాడు. దీంతో ఆగ్రహానికి గురైన తమ్ముడు జి. సురేష్‌.. అదే చాకుతో అన్న నాగసాయిపై తీవ్రంగా దాడి చేశాడు. ఈ దాడిలో నాగసాయి మెడ భాగంలో తీవ్ర గాయాలై, నరాలు తెగిపోయాయి. ఇంట్లో రక్తపు మడుగులో పడి ఉన్న నాగసాయి, అమ్మాజీలను చూసి స్థానికులు 108 సిబ్బందికి సమాచారం అందించారు. భీమడోలు 108 అంబులెన్స్‌ సిబ్బంది వెంటనే సంఘటనా స్థలానికి చేరుకుని క్షతగాత్రులకు ప్రథమ చికిత్స చేసి, మెరుగైన వైద్యం కోసం ఏలూరు ప్రభుత్వ ఆసుపత్రికి తరలించారు. ఈ దాడి ఘటనపై భీమడోలు పోలీసులు కేసు నమోదు చేసి దర్యాప్తు చేస్తున్నారు.

ద్వారకాతిరుమల: ప్రజాస్వామ్యాన్ని ఖూనీ చేయడం సీఎం చంద్రబాబు నాయుడికి కొత్తేమీ కాదని మాజీ హోం మంత్రి, వైఎస్సార్‌ సీపీ గోపాలపురం నియోజకవర్గ ఇన్‌చార్జి తానేటి వనిత విమర్శించారు. పులివెందుల మున్సిపల్‌ ఎన్నికల్లో టీడీపీ నేతలు వ్యవహరించిన తీరును నిరసిస్తూ ఆదివారం ద్వారకాతిరుమలలోని డాక్టర్‌ బీఆర్‌ అంబేడ్కర్‌ విగ్రహం వద్ద పార్టీ శ్రేణులతో కలిసి నిరసన తెలిపారు. మండలంలో జెడ్పీటీసీ, ఎంపీటీసీ ఎన్నికల ప్రచారంలో పాల్గొన్న ఆమె.. పులివెందులలో టీడీపీ వర్గీయులు రిగ్గింగ్‌కు పాల్పడటంపై తీవ్రంగా స్పందించారు. తొలుత అంబేడ్కర్‌ విగ్రహానికి పూలమాల వేసి నివాళులర్పించారు. రాజ్యాంగ స్ఫూర్తికి విరుద్ధం ఈ సందర్భంగా వనిత మాట్లాడుతూ.. స్థానిక సంస్థల ఎన్నికల్లో చంద్రబాబు రాజ్యాంగ స్ఫూర్తికి విరుద్ధంగా వ్యవహరిస్తూ అరాచకాలకు పాల్పడుతున్నారని విమర్శించారు. గెలుపే లక్ష్యంగా పెట్టుకున్న ఆయనకు నైతిక విలువలు, ప్రజాస్వామ్యబద్ధమైన విజయం పట్టడం లేదని మండిపడ్డారు. కూటమి ప్రభుత్వం అధికారంలోకి వచ్చి రెండేళ్ల నాలుగు నెలలు గడిచినా ప్రజలకు చేసిన మేలు ఏమీలేదని విమర్శించారు. స్థానిక సంస్థల ఎన్నికల్లో ప్రజల ముందుకు వెళ్లి తమ పాలన గురించి చెప్పుకోలేని పరిస్థితిలో కూటమి నేతలు ఉన్నారని ఆరోపించారు. అందుకే దొడ్డిదారిన గెలిచేందుకు ప్రయత్నాలు చేస్తున్నారని ధ్వజమెత్తారు. ప్రజలు అన్నింటినీ గమనిస్తున్నారని, ప్రజాక్షేత్రంలో వైఎస్సార్‌ సీపీ బలంగా ఉందనడానికి కూటమి నేతల వ్యవహారశైలే నిదర్శనమని అన్నారు. ఓటమి భయంతోనే.. కూటమి పాలనలో నిత్యావసర సరుకుల ధరలు విపరీతంగా పెరిగి సామాన్యులు జీవనం సాగించలేని పరిస్థితులు ఏర్పడ్డాయని వనిత పేర్కొన్నారు. సంక్షేమ పథకాలను సైతం ప్రజలకు అందించడం లేదని విమర్శించారు. ఈ నేపథ్యంలో ఓటమి భయంతోనే కూటమి నేతలు కుట్రలకు తెరతీస్తూ వైఎస్సార్‌ సీపీ శ్రేణులపై దౌర్జన్యాలు, దాడులకు పాల్పడుతున్నారని వనిత ఆరోపించారు. ఈ కార్యక్రమంలో వైఎస్సార్‌ సీపీ మండల కన్వీనర్‌ ప్రతాపనేని వాసు, పార్టీ తూర్పుగోదావరి జిల్లా ఉపాధ్యక్షుడు బొండాడ వెంకన్నబాబు, పెద్దిరెడ్డి జ్యోతి శ్రీనివాస్‌, పాకలపాటి త్యాగ భీమేశ్వరరావు, ఇమ్మడి నాగు, అచ్యుత ఏసుబాబు, పొనమాల ఉమామహేశ్వరరావు, పెద్దిరెడ్డి నాగేశ్వరరావు, రుద్ర శివాజీ, చిలుకూరి చంద్రం, ఉక్కుర్తి వెంకట్రావు, పొంగులేటి రమేష్‌, బొండాడ సాత్యకిరావు, మానుకొండ కన్నయ్య, పానకాలు, దూలపల్లి ప్రసాద్‌, పొంగులేటి నాగేశ్వరరావు, భోగరాజు సాయికృష్ణ తదితరులున్నారు. మాజీ హోం మంత్రి వనిత నిరసన

నూజివీడు: ఎన్నికల ఉత్కంఠ, పోలింగ్‌ హడావుడి క్షణాల్లో ఆ కుటుంబంలో తీరని విషాదం అలుముకుంది. నూజివీడు పట్టణంలోని 30వ వార్డు వైఎస్సార్‌సీపీ అభ్యర్థి కోటగిరి పూర్ణిమ భర్త సతీష్‌ (54) గుండెపోటుతో అకస్మాత్తుగా కన్నుమూశారు. మరో గంటలో పోలింగ్‌ ప్రారంభమవుతుందనగా, ఆదివారం ఉదయం 6 గంటల సమయంలో సతీష్‌ అకస్మాత్తుగా తీవ్ర అస్వస్థతకు గురయ్యారు. కుటుంబ సభ్యులు వెంటనే ఆయన్ను పట్టణంలోని ప్రైవేట్‌ ఆస్పత్రికి తరలించారు. అక్కడి వైద్యులు సతీష్‌ను పరీక్షించి పరిస్థితి విషమంగా ఉందని తెలపడంతో అక్కడి నుంచి ఆయన్ను ఏరియా ఆస్పత్రికి తరలించారు. అయితే అప్పటికే ఆయన ప్రాణాలు కోల్పోయినట్లు వైద్యులు నిర్ధారించారు. దీంతో నూజివీడు గాంధీనగర్‌ ప్రాంతంలో విషాదఛాయలు అలుముకున్నాయి. కాగా సతీష్‌ కుమారుడు అనూప్‌ అమెరికాలో ఉండటంతో అక్కడి నుంచి రాగానే అంత్యక్రియలు నిర్వహించనున్నట్టు సమాచారం. పెనుగొండ: మండలంలోని సిద్ధాంతం గ్రామంలో విద్యుదాఘాతానికి గురై ఓ గేదె మృతి చెందింది. గ్రామానికి చెందిన పాడి రైతు అంజూరి త్రిమూర్తులు తన గేదెను కాలువలో కడిగి పైకి తీసుకొస్తుండగా, తుప్పల్లో తెగిపడి ఉన్న విద్యుత్‌ తీగ తగలడంతో గేదె అక్కడికక్కడే మృతి చెందింది. మృతి చెందిన గేదె విలువ సుమారు రూ.లక్ష వరకు ఉంటుందని, దీంతో తాను తీవ్రంగా నష్టపోయానని రైతు ఆవేదన వ్యక్తం చేశారు. ఈ ప్రమాదంపై విద్యుత్‌ అధికారులకు, పశువైద్యాధికారి భానుతేజకు సమాచారం అందించినట్లు తెలిపారు. సమాచారం అందుకున్న పశువైద్యాధికారి ఘటన స్థలానికి చేరుకుని గేదెకు పోస్టుమార్టం నిర్వహించినట్లు పేర్కొన్నారు. పెంటపాడు: టీ కాచేసేందుకు గ్యాస్‌ పొయ్యి వెలిగించగా గ్యాస్‌ సిలిండర్‌ పేలి ఓ దంపతులకు తీవ్ర గాయాలయ్యాయి. పెంటపాడు ఎస్సై కిరణ్‌కుమార్‌ తెలిపిన వివరాల ప్రకారం... గ్రామానికి చెందిన కిలపర్తి ఎర్రయ్య, ధనలక్ష్మి దంపతులు వ్యవసాయ కూలీలుగా పనిచేస్తున్నారు. శనివారం అర్ధరాత్రి వారి కుమారుడు ఇంటికి రావడంతో, అతడి కోసం వేడి నీళ్లు పెట్టి టీ కాసేందుకు ఎర్రయ్య గ్యాస్‌ వెలిగించారు. ఆ సమయంలో ఒక్కసారిగా గ్యాస్‌ సిలిండర్‌ లీకై పెద్ద శబ్దంతో పేలింది. ఈ ప్రమాదంలో గ్యాస్‌కు సమీపంలో ఉన్న దంపతుల దుస్తులు పూర్తిగా కాలిపోయాయి. పేలుడు తీవ్రతకు ఇంటి తలుపులు, బాత్‌రూమ్‌ తలుపులు చెల్లాచెదురయ్యాయి. పెద్ద శబ్దం విని నిద్రలో నుంచి లేచి వచ్చిన స్థానికులు, బాధితులను వెంటనే గూడెం ఏరియా ఆసుపత్రికి తరలించారు. అక్కడ ప్రథమ చికిత్స అందించిన అనంతరం, వైద్యుల సూచన మేరకు మెరుగైన వైద్యం కోసం వారిని తణుకులోని ఒక ప్రైవేట్‌ ఆసుపత్రికి తరలించగా ప్రస్తుతం ఆ దంపతులు అక్కడ చికిత్స పొందుతున్నారు.

ద్వారకాతిరుమల: ఎన్నికల ప్రచారం అంటే ప్రజల మద్దతు కూడగట్టే ప్రయత్నం. కానీ ద్వారకాతిరుమల మండలం ఎం.నాగులపల్లిలో ఆదివారం రాత్రి చోటుచేసుకున్న పరిణామాలు రాజకీయ వాతావరణాన్ని వేడెక్కించాయి. వైఎస్సార్‌సీపీ ఎన్నికల ప్రచార వాహనం వద్ద టీడీపీ, జనసేన జెండాలను ఊపుతూ ఆ పార్టీల కార్యకర్తలు హడావుడి సృష్టించారు. అక్కడితో ఆగకుండా టీడీపీ జెండాలున్న బైక్‌లతో వైఎస్సార్‌సీపీ బైక్‌ ర్యాలీలో కలసి నినాదాలు చేస్తూ.. హంగామా చేసి, వాతావరణాన్ని ఉద్రిక్తంగా మార్చే ప్రయత్నం చేశారు. అయితే వైఎస్సార్‌సీపీ నాయకులు, కార్యకర్తలు సంయమనం పాటించడంతో ఎలాంటి ఘర్షణ చోటుచేసుకోలేదు. మాజీ హోం మంత్రి, వైఎస్సార్‌సీపీ గోపాలపురం నియోజకవర్గ ఇన్‌చార్జి తానేటి వనిత, ఆ పార్టీ జెడ్పీటీసీ అభ్యర్థి బుసనబోయిన విజయలక్ష్మి, ఎంపీటీసీ సభ్యుడు కట్టా చిరంజీవితో కలిసి గ్రామంలో ఎన్నికల ప్రచారం నిర్వహిస్తుండగా ఈ పరిణామాలు చోటుచేసుకున్నాయి. ప్రచార ర్యాలీలోకి ఇతర పార్టీల జెండాలతో కార్యకర్తలు ప్రవేశించడం, బైక్‌లతో హంగామా చేయడం వెనుక ఉద్దేశమేమిటన్న చర్చ స్థానికంగా మొదలైంది. ఇదే గ్రామంలో గోపాలపురం టీడీపీ ఎమ్మెల్యే మద్దిపాటి వెంకటరాజు ఎన్నికల ప్రచారానికి వస్తున్న తరుణంలో టీడీపీ, జనసేన కార్యకర్తలు గ్రామంలోకి చేరుకుని ఈ విధంగా వ్యవహరించారు. వీరి వ్యవహారశైలిపై స్థానికులు అసహనం వ్యక్తం చేశారు. రాజకీయ పోటీలో విమర్శలు, ప్రతి విమర్శలు సహజమే అయినా.. ప్రత్యర్థి పార్టీ ప్రచారంలోకి వెళ్లి హంగామా చేయడం, ఘర్షణకు దారితీసే పరిస్థితులను సృష్టించడం సమంజసం కాదన్న అభిప్రాయాలు వ్యక్తమయ్యాయి. ఎన్నికల వేళ ప్రతి రాజకీయ పార్టీ సంయమనం పాటించాల్సిన అవసరం ఉంది. ప్రచారం సందర్భంగా చోటుచేసుకునే ఇలాంటి పరిణామాలు కారణంగా గ్రామాల్లో శాంతిభద్రతలు లోపించే ప్రమాదం ఉందని, కూటమి నాయకులు, కార్యకర్తలు బాధ్యతాయుతంగా వ్యవహరించాలని స్థానిక ప్రజలు హితవు పలికారు. ఎం.నాగులపల్లిలో వైఎస్సార్‌సీపీ ర్యాలీలోకి టీడీపీ, జనసేన కార్యకర్తల ప్రవేశం జెండాలు ఊపుతూ.. బైక్‌లతో హంగామా గొడవలు పెట్టుకునేందుకు ప్రయత్నాలు వైఎస్సార్‌సీపీ శ్రేణుల సంయమనంతో తప్పిన ఉద్రిక్తత

ఉండి: అగ్ని ప్రమాదం సంభవించి గేదెల పాక దగ్ధం కావడంతో అందులో కట్టి ఉన్న ఆరు గేదెలు అక్కడికక్కడే మృతి చెందాయి. మండలంలోని వాండ్రం గ్రామానికి చెందిన మల్లుల శ్రీనివాస్‌ గ్రామ శివారులో కౌలు భూమిలో వ్యవసాయం చేస్తూ జీవనం సాగిస్తున్నాడు. పొలం గట్టుపై గేదెల పాక వేసి వాటిని మేపుకుంటూ జీవనోపాధి పొందుతున్నాడు. శనివారం సాయంత్రం 7:15 గంటల సమయంలో గేదెలను పాకలో కట్టేసి సమీప పొలం వద్దకు వెళ్లి కాసేపటి తర్వాత తిరిగి వచ్చి చూసేసరికి, ప్రమాదవశాత్తు చెలరేగిన మంటల్లో పాక కాలిపోయి, అందులోని ఆరు గేదెలు సజీవ దహనమయ్యాయి. వాటి విలువ సుమారు రూ.6.50 లక్షలు ఉంటుందని రైతు ఆవేదన వ్యక్తం చేశారు. రెవెన్యూ అధికారి మంతెన రాంప్రసాద్‌ రాజు, ఆర్‌ఐ కార్తీక్‌, వీఆర్వో సంఘటనా స్థలానికి చేరుకుని పరిశీలించారు. ప్రమాదానికి గల కారణాలు తెలియాల్సి ఉంది.