Police

సాక్షి ప్రతినిధి, కడప: పులివెందులలో పోలీసుల కేసులే ఆయుధాలుగా మారాయి. వైఎస్సార్‌సీపీ నేతలే లక్ష్యమయ్యారు. స్థానిక సంస్థల ఎన్నికల వేళ పులి­వెందులలో చోటుచేసుకుంటున్న పరిణామాలు తీవ్ర రాజకీయ దుమారం రేపుతున్నాయి. నామినేషన్లు దాఖలు చేసేందుకు వచ్చిన అభ్యర్థులకు అడ్డంకులు.. ఆ తర్వాత ఘర్షణ.. వెంటనే రెండు క్రిమినల్‌ కేసుల నమోదు.. ఇప్పుడు వందలాది మంది నాయ­కులను అరెస్టు చేసేందుకు పోలీసుల సన్నాహాలు.. వరుసగా చోటుచేసుకుంటున్న ఈ పరిణామాలు స్థానిక ఎన్నికల బరిలో వైఎస్సార్‌సీపీ నాయకులు లేకుండా చేయాలన్న కుట్రలో భాగమన్న ఆరోపణలకు బలం చేకూరుస్తున్నాయి. ప్రజా మద్దతుతో రాజ­కీయంగా ఎదుర్కోవాల్సిన ప్రత్యర్థులను కేసుల ద్వారా కట్టడి చేయడం ప్రజాస్వామ్య స్ఫూర్తికే విరుద్ధం. పులివెందులలో పోలీసు యంత్రాంగం తీరు, నమోదు చేసిన కేసుల స్వరూపం, అరెస్టుల సన్నాహాలు ఇప్పుడు చర్చనీయాంశాలుగా మారాయి. నామినేషన్ల వేళ అడ్డంకులు.. ఘర్షణకు బీజం! శనివారం మధ్యాహ్నం 1.30 సమయానికి వైఎస్సార్‌­సీపీ అభ్యర్థులు నామినేషన్లు దాఖలు చేసేందుకు పోలీసులు గడువు ఇచ్చారు. ఆ సమయానికి అభ్య­ర్థులు నామినేషన్‌ కేంద్రాలకు వెళ్లగా, ఇప్పుడు కాదు.. మరుసటి రోజు రావాలంటూ అడ్డుకున్నా­రని వైఎస్సార్‌సీపీ వర్గాలు పేర్కొంటున్నాయి. గడువు ఇచ్చిన తర్వాత అదే సమయానికి వచ్చిన అభ్యర్థులను అడ్డుకోవడం ఉద్రిక్తతలకు దారితీసింది. నామినేషన్ల ప్రక్రియను సజా­వుగా నిర్వహించాల్సిన అధికారులే అడ్డంకులు సృష్టిస్తే అభ్యర్థులకు న్యాయం ఎక్కడ దక్కుతుంది? ఏకే–47తో కాల్పులు.. ముగ్గురికి గాయాలు! పోలీసుల ఏకపక్ష చర్యలతో పరిస్థితి ఉద్రిక్తంగా మారిందని వైఎస్సార్‌సీపీ నేతలు పేర్కొంటున్నారు. ఎంపీ వైఎస్‌ అవినాష్‌రెడ్డి నేతృత్వంలో శాంతియుతం­గా నిరసన చేపట్టగా పోలీసుల నుంచి రాళ్ల దాడి, టియర్‌ గ్యాస్‌ ప్రయోగం, ఏకే–47తో కా­ల్పులు జరిగాయని పేర్కొంటున్నారు. ఈ ఘటన­లో ముగ్గురికి గాయాలైనట్లు సమాచారం. చట్టాన్ని అ­మ­లు చేయాల్సిన పోలీసులే బలప్రయోగానికి దిగారు. పోలీసుల ఫిర్యాదులతో రెండు కేసులు అనంతరం పోలీసుల ఫిర్యాదుల ఆధారంగా రెండు కేసులు నమోదయ్యాయి. సీఐ నాగార్జున ఫిర్యాదుతో నమోదు చేసిన కేసులో బండి రాఘవరెడ్డితో పాటు సుమారు 60 మంది పేర్లను నిందితులుగా చే­ర్చినట్లు సమాచారం. మరోవైపు సీఐ పురుషోత్తంరాజు ఫిర్యా­దుతో మరో కేసు నమోదైంది. రెండు కేసుల్లోనూ కొందరు వ్యక్తులు ఉమ్మడిగా ఉండగా, మరికొందరిని అదనంగా చేర్చినట్లు తెలుస్తోంది. ఒకే ఘటనపై రెండు కేసులు నమోదు కావడం, వాటిలో నిందితుల జాబితాలు విస్తరించడం ఇప్పుడు కీలకంగా మారింది. ప్రతి కేసులోని ఆరోపణలు, వ్యక్తుల పాత్ర, అందు­బాటులో ఉన్న ఆధారాలు పారదర్శకంగా పరిశీ­లిం­చాల్సిన అవసరం ఉంది. అయితే ఈ కేసులనే ఆధారంగా చేసుకుని పెద్దఎత్తున వైఎస్సార్‌సీపీ నాయకులను అరెస్టు చేసే చర్యలు మొదలైతే, అవి ఎన్నికలపై చూపే ప్రభావం తీవ్రంగా ఉంటుంది. 900 మంది నేతలే లక్ష్యంగా అరెస్టుల వేట! రెండు కేసుల పరిధిని విస్తరించి సుమారు 900 మంది వైఎస్సార్‌సీపీ క్రియాశీలక నాయకులను నిందితులుగా చేర్చేందుకు సన్నాహాలు జరుగుతున్నాయి. నియోజకవర్గవ్యాప్తంగా మూడు పోలీసు బృందాలతో నాయకులను అదుపులోకి తీసుకునేందుకు ప్రయ­త్నాలు ముమ్మరమయ్యాయి. నాన్‌ బెయిలబుల్‌ కేసుల్లో అరెస్టు చేస్తే నాయకులు నామినేషన్లు దాఖలు చేసే అవకాశాన్ని కోల్పోతారన్నదే ఈ చర్యల వెనుక ఉద్దేశమని వైఎస్సార్‌సీపీ వర్గాలు అభ్యంతరం వ్యక్తం చేస్తున్నాయి. ఎన్నికల సమయంలో అభ్యర్థులు, పార్టీ నాయకులు అందుబాటులో లేకుండా పోతే ప్రచారం, నామినేషన్లు, స్థానిక ఎన్నికల నిర్వహణపై ప్రభావం పడుతుంది. వైఎస్‌ కుటుంబానికి పులివెందుల అండ పులివెందుల పేరు చెప్పగానే వైఎస్‌ కుటుంబమే గుర్తొస్తుంది. 1978 నుంచి ఇప్పటివరకు ఈ ప్రాంతంలో వైఎస్‌ కుటుంబం ప్రజా మద్దతుతో రాజకీయంగా ఆధిపత్యం కొనసాగిస్తోంది. ఇద్దరు ముఖ్యమంత్రులను ఇచ్చిన నియోజకవర్గం. ఈ నియోజకవర్గంలో స్థానిక ఎన్నికల్లో ఆధిపత్యం సాధించేందుకు టీడీపీ నేతలు అడ్డదారులు ఎంచుకున్నారని వైఎస్సార్‌సీపీ వర్గాలు ఆరోపిస్తున్నాయి. స్పాన్సర్డ్‌ హింసకు పోలీసులే అండగా?ప్రజలకు రక్షణ కల్పించాల్సిన పోలీసులే రాజకీయ అధికారానికి అనుకూలంగా వ్యవహరిస్తే, ప్రజాస్వామ్య వ్యవస్థలో చట్టబద్ధమైన పోటీకి ముప్పు ఏర్పడుతుంది. నామినేషన్ల ప్రక్రియలో అడ్డంకులు, ఘర్షణ అనంతరం కేసులు, పెద్దఎత్తున అరెస్టుల సన్నాహాలుౄఈ పరిణామాలన్నీ కలిపి చూస్తే పులివెందులలో ఎన్నికల ప్రక్రియపై తీవ్ర సందేహాలు వ్యక్తమవుతున్నాయి. పోలీసుల చర్యలు స్వతంత్రంగా సాగడం లేదు. రాజకీయ ప్రయోజనాలకు అనుగుణంగా వినియోగిస్తున్నారు.

‘పోలీసు బలగం అని పిలిచే సంఘటిత ముఠా నేర చరిత్రతో సరితూగగల చట్ట వ్యతిరేక సమూహం ఈ దేశంలో మరొకటి లేదు...’ అన్నారు 1961లో అప్పటి అలహాబాద్‌ హైకోర్టు న్యాయమూర్తి జస్టిస్‌ ఆనంద్‌ నారాయణ్‌ ముల్లా. ఒక తీర్పులో ఆయన చేసిన ఈ వ్యాఖ్యానం ఎంతో కటువైనదిగా అనిపించినా, దాన్ని నిజం చేయడానికి అహర్నిశలూ ‘శ్రమించే’ పోలీసు అధికారులకు మన దేశంలో అప్పుడూ ఇప్పుడూ కొదవలేదు.ఆంధ్రప్రదేశ్‌లో మున్సిపాలిటీ, నగర పంచాయతీలకు మొదలైన నామినేషన్ల ఘట్టాన్ని చూస్తున్నవారంతా నివ్వెరపోతున్నారు. నామినేషన్ల దాఖలురోజే ఇంత చేటు హింసా అని ముక్కున వేలేసుకుంటున్నారు. వైఎస్సార్‌ కాంగ్రెస్‌ కార్యకర్తలపై, నాయకులపై సాగించిన గూండాయిజం ఒకనాటి బిహార్‌ను తలదన్నేలా ఉంది. గూండాల దాడుల్లో, పోలీసుల లాఠీచార్జిలో వేలాదిమంది నెత్తురోడటం, రోదించటం, నామినేషన్‌ వేయనివ్వ మంటూ అభ్యర్థులుగా వచ్చినవారు పోలీసుల కాళ్లు పట్టుకున్నా కనికరించకపోవటం చూస్తే మనం ప్రజాస్వామ్యంలో ఉన్నామా... సైనిక పాలనలో బతుకీడుస్తున్నామా అన్న సందేహం తలెత్తుతుంది. మహిళలపైకి లంఘించి నామినేçషన్‌ పత్రాలు లాక్కొని ధ్వంసం చేయటం, వారి దుస్తులు చించడం, నెత్తురోడేలా కొట్టడం ఊహకందని దృశ్యాలు. అంతేనా... బయట పోలీసుల్నీ, గూండాల దాడులనూ దాటుకుని నామినేషన్లు అందించటానికిపోతే అధికారులు నిర్జీవమైన బొమ్మల్లా ఉండిపోయారు. ఒకరిద్దరు ఆత్మగౌరవం గలవారు తప్పనిసరై స్వీకరిస్తే అక్కడే ఉన్న టీడీపీ మూకలు వాటిని చించి పోగులు పెట్టాయి.పుంగనూరులో ఏకంగా వైఎస్సార్‌ కాంగ్రెస్‌ లోక్‌సభా పక్షనేత మిథున్‌రెడ్డిపై హత్యాయత్నం చేశారు. చివరకు బాధితులపైనే కేసులు. ఇంకా రాయచోటి, తిరుపతి, ధర్మవరం, కడప, దాచేపల్లి, గుత్తి, గురజాల, దర్శి తదితర 96 ప్రాంతాల్లో టీడీపీ మూకలు రెచ్చిపోయి విధ్వంసం సృష్టిస్తుంటే... పోలీసులు ప్రేక్షక పాత్ర వహించారు. వైఎస్సార్‌ కాంగ్రెస్‌ను నిలువరించటం ఆ ముఠాలకు అసాధ్యం అనుకున్నప్పుడు తామే రంగంలోకి దిగారు. జస్టిస్‌ ముల్లా వ్యాఖ్యానానికి ఇప్పటికీ సమకాలీనత ఉన్నదని నిరూపించారు. పలుచోట్ల వాహనాలకు వారే దగ్గరుండి నిప్పెట్టించారు. పులివెందులలో ఒకడు ఏకే–47తో కాల్పులకు దిగాడు. భేష్‌... ఈవీఎంలలో మాయజేసి అర్ధరాత్రి వరకూ ఓట్ల కైంకర్యం, జాబితాల్లో ఓటర్లను మాయం చేయటంవంటి విద్యలు నేర్చినవారు ఇప్పుడు నామినేషన్ల దాఖలును సైతం దండనార్హమైన నేరంగా పరిగణించటం మొదలెట్టారు! ఏపీ సీఎం చంద్రబాబు ఏనాడూ సాహసించి తనకై తాను స్థానిక ఎన్నికలు జరిపించింది లేదు. ఒకే ఒక్కసారి న్యాయస్థానంతో చీవాట్లు తిని జరపకతప్పలేదు. ఆ బాపతు మనిషి ఈసారి అయిష్టంగానే సిద్ధపడ్డారు. చివరకు ఈ దుశ్శాసన పర్వానికి తెరలేపారు. సకల వ్యవస్థలూ చేష్టలుడిగి చోద్యంచూడటం గమనిస్తే జస్టిస్‌ ముల్లా వ్యాఖ్యానాన్ని మరింత విస్తరించి చదువుకోవాల్సిన దుఃస్థితి దాపురించిందనుకోవాలి. ఏకపక్షంగా వార్డుల విభజన, రిజర్వేషన్ల ఖరారు, ఆదరాబాదరాగా ఎన్నికల షెడ్యూల్‌ ప్రకటన, నామినేషన్లకు మూడు రోజులే గడువు, అటుపై అరాచకాలు, స్క్రూటినీ పేరుతో తిరస్కరణలు, అంగీకరించినవాటిని సైతం బుట్టదాఖలా చేయడం... ఈ అరాచకానికి అంతం ఎక్కడ!దృఢంగా వ్యవహరించలేనప్పుడూ, నోరు పెగలనప్పుడూ బాధ్యతాయుత పదవుల జోలికిపోకూడదు. ప్రపంచమంతా నాలుగురోజులుగా ఈ హింసాకాండ చూస్తున్నా రాష్ట్ర ఎన్నికల సంఘం చీఫ్‌ పునేఠకు జిల్లా కలెక్టర్ల నివేదికలు కావాలట! ప్రత్యక్ష ప్రసారాలు చూసి కలెక్టర్లను బదిలీ చేసి, పరిస్థితిని దారికి తేవాల్సిన అధికారి నీళ్లు నమలడం సిగ్గుచేటు కాదా? ‘పోయేది ఎస్‌ఈసీ పరువే...’ అని వైఎస్సార్‌ కాంగ్రెస్‌ అధినేత, మాజీ సీఎం వైఎస్‌ జగన్‌మోహన్‌ రెడ్డి హెచ్చరించినా పునేఠలో కదలిక రాలేదు. ఈమాత్రందానికి లక్షల్లో జీతాలెందుకు... ఎన్నికల పేరుతో కోట్ల రూపాయల ఖర్చెందుకు? ఈ హింసంతా దేనికి? ఈ దండగమారి నాటకం ఎన్నాళ్లు? కొన్ని రోజులక్రితం తాము చాలా పైపైకి పోయామని దొంగ సర్వేను ప్రకటించిన బాబే... ఓటమి ఖాయమన్న భయంతో ఇంత అరాచకం సాగిస్తుంటే వ్యవస్థలన్నీ సాగిలబడటం విచారకరం... ఘోరం.

బాలీవుడ్ నటుడు టైగర్ ష్రాష్‌ఫై హత్యాయత్నం ఘటన దిగ్భ్రాంతి రేపింది. ముంబైలోని జుహూ ప్రాంతంలో జరిగిన ఈ కాల్పుల ఈ ఘటనకు పోలీసులు ప్రాథమిక వివరాలను వెల్లడించారు. కాల్పుల ఘటనలో దుండగులు మొత్తం 7 రౌండ్లు కాల్పులు జరపగా, ఘటనా స్థలంలో రెండు పూర్తి కార్ట్రిడ్జ్‌లు (Full cartridges), 5 ఖాళీ షెల్స్‌ను స్వాధీనం చేసుకున్నట్టు పోలీసులు వెల్లడించారు.అయితే ఆయుధం సరిగ్గా పోవడంవల్లే ఆయనకు పెద్ద ప్రమాదం తప్పినట్టు భావిస్తున్నారు. సీసీటీవీ ఫుటేజీ ప్రకారం ఒక దుండగుడు టైగర్ ష్రాఫ్ బీఎండబ్ల్యూ కారుపై వరుసగా కాల్పులు జరుపుతుండగా, నటుడు కూర్చున్న ప్యాసింజర్ వైపు ఉన్న రెండవ దుండగుడు తన తుపాకీని కాల్చడానికి ఇబ్బంది పడ్డాడు. అతను తుపాకీని రెండు చేతులతో మారుస్తూ కాల్చడానికి ప్రయత్నించినప్పటికీ షాట్ పేలలేదు. ఈ నేపథ్యంలో తుపాకీ జామ్ అయి ఉంటుందని పోలీసులు భావిస్తున్నారు. ఈ దాడిలో టర్కీలో తయారైన 'జిగానా' (Zigana) పిస్టల్‌ను ఉపయోగించారా అనే కోణంలోనూ దర్యాప్తు చేస్తున్నారు. ఈ కార్ట్రిడ్జ్‌లు 7.62 మి.మీ కాలిబర్‌కు చెందినవి. ఒక దుండగుడి తుపాకీలో సాంకేతిక లోపం తలెత్తడం వల్ల పూర్తిగా ఉన్న కార్ట్రిడ్జ్ బయటపడి ఉంటుందని పోలీసులు అనుమానిస్తున్నారు.ముంబై పోలీసుల సమాచారంతో రాజస్థాన్‌లోని కోటాలో రాజస్థాన్ యాంటీ గ్యాంగ్‌స్టర్ టాస్క్ ఫోర్స్, కోటా సిటీ పోలీసులు సంయుక్తంగా జరిపిన ఆపరేషన్‌లో ముగ్గురు నిందితులను అదుపులోకి తీసుకున్నారు.వీరిలో ఒక మైనర్‌ కూడా ఉన్నాడు. పుణె-జైపూర్ సూపర్‌ఫాస్ట్ ఎక్స్‌ప్రెస్‌లో కోటా చేరుకున్న హర్యానాకు చెందిన 17 ఏళ్ల బాలుడు, రెహాన్, అలాగే బిహార్‌కు చెందిన హ్రితిక్ కుమార్‌లను అరెస్ట్ చేశారు. మహారాష్ట్ర-గుజరాత్ సరిహద్దు ప్రాంతానికి చెందిన ఒకరితో పాటు మరో ఇద్దరిని కూడా అదుపులోకి తీసుకున్నారు. నిందితులపై హత్యాయత్నం కింద కేసు నమోదు చేసి, దర్యాప్తును ముంబై క్రైమ్ బ్రాంచ్‌కు బదిలీ చేశారు. ఇదీ చదవండి: టీవీకేకు రూ.13.3 కోట్ల విరాళాలు, 99 శాతం ఆ ఇద్దరి నుంచే!కాగా ఆదివారం సాయంత్రం ముంబైలోని జుహూలో ఫుట్‌బాల్ మ్యాచ్ ముగించుకుని కారులో వెళుతున్న 36 ఏళ్ల టైగర్ ష్రాఫ్‌పై దుండగులు కాల్పులు జరిపారు. ఈ ఘటనలో టైగర్ ష్రాఫ్ తృటిలో ప్రాణాలతో బయటపడ్డారు. అయితే ఆయన డ్రైవర్ ఫిర్దౌస్, ఆటో డ్రైవర్ చౌహాన్ గాయపడ్డారు. ఈ దాడిని మహారాష్ట్ర ముఖ్యమంత్రి దేవేంద్ర ఫడ్నవీస్ తీవ్రంగా ఖండించారు. బాధ్యులైన వారిపై కఠిన చర్యలు తప్పవని హచ్చరించారు. అయితే ఈ కాల్పులకు లారెన్స్ బిష్ణోయ్ గ్యాంగ్ బాధ్యత వహించింది. అంతేకాకుండా బాలీవుడ్ నటుడు సల్మాన్ ఖాన్‌తో పనిచేస్తున్న వారికి గ్యాంగ్ నుండి హెచ్చరికలు జారీ అయ్యాయి.ఇదీ చదవండి: నీటి బుడగ జీవితం గురించి బోధిస్తుండగానే ప్రాణం పోయింది!

న్యూఢిల్లీ: ఓట్ల జాబితా ప్రత్యేక సమగ్ర సవరణ(ఎస్‌ఐఆర్‌) ఆందోళనల వేళ దేశవ్యాప్తంగా ఉద్యమించిన మహిళలపై పలు చోట్ల పోలీసులు జరిపిన లైంగిక వేధింపులు, అనుచిత ఘటనలపై తీవ్ర అభ్యంతరం వ్యక్తంచేస్తూ శనివారం దేశ రాజధానిలో మహిళా, విద్యార్థి సంఘాలు నిరసనబాటపట్టాయి. మహిళా ఉద్యమకారులతో అసభ్యకరంగా ప్రవర్తించిన, అనుచితంగా తాగి వేధించిన పోలీసులపై శాఖాపరంగా కఠిన చర్యలు తీసుకోవాలని డిమాండ్‌చేస్తూ మహిళా, విద్యార్థి సంఘాలు ఢిల్లీ గురుద్వారా బంగ్లా సాహిబ్‌ నుంచి పోలీస్‌ ప్రధాన కార్యాలయానికి ర్యాలీ ఆరంభించాయి. ఆలిండియా డెమొక్రటిక్‌ ఉమెన్‌ అసోసియేషన్, నేషనల్‌ ఫెడరేషన్‌ ఆఫ్‌ ఇండియన్‌ ఉమెన్, ఆలిండియా ప్రోగ్రెసివ్‌ ఉమెన్‌ అసోసియేషన్, ఆలిండియా మహిళా సాంస్కృతిక్‌ సంఘటన్, కలెక్టివ్, ఆలిండియా ఫెమినిస్ట్‌ అలయన్స్, ప్రగతిశీల మహిళా సంఘటన్, పురోగామి మహిళా సంఘటన్‌ తదితర మహిళా సంఘాలతోపాటు విద్యార్థి సంఘాల సభ్యులు ఈ ర్యాలీలో పెద్దసంఖ్యలో పాల్గొన్నారు. ‘మమ్మల్ని భయపెట్టగలరేమో మౌనంగా ఉంచలేరు’, ‘దోపిడీ, అణచివేతల నుంచి విముక్తి’, ‘పోలీసుల జులుం నశించాలి’, ‘లింగవివక్ష అంతంకావాలి’ అనే నినాదాలతో ర్యాలీ మార్మోగిపోయింది. జూలై 20న మొదలైన ఎస్‌ఐఆర్‌ ఉపసంహరణ, సీఈసీ జ్ఞానేశ్‌ రాజీనామా డిమాండ్‌ ఉద్యమాల్లో పాల్గొన్న మహిళలు, విద్యార్థినులతో పోలీసుల అనుచిత ప్రవర్తన తాలూకు వీడియోలు, ఫొటోలు, బాధితుల వాంగ్మూలాల తాలుకు వివరాలను పోలీస్‌ ఉన్నతాధికారులకు అందజేసేందుకు బయల్దేరగా మార్గమధ్యంలోనే బారీకేడ్లతో అడ్డుకున్నారు. దీంతో మహిళా సంఘాల నేతలు, స్త్రీవాదులు అదనపు డెప్యూటీ కమిషనర్‌ జగ్‌దేవ్‌ను కలిసి తమ నిరసన తెలిపారు. రోడ్లపై ఉద్యమిస్తున్న మహిళలను నిర్బంధంలోకి తీసుకుంటూ బస్సులో అసభ్యకరంగా తాకారని, నిర్బంధ కేంద్రాల్లోనూ లైంగిక వేధింపులకు పాల్పడ్డారని ఫిర్యాదుచేశారు. అసిస్టెంట్‌ కమిషనర్‌ ర్యాంక్‌ పోలీస్‌ అధికారి తనను అత్యంత అసభ్యకరంగా తాకాడని యువ మహిళా పాత్రికేయురాలు ఆరోపించారు. ఈ విషయమై ఘటన జరిగినప్పుడే ఫిర్యాదుచేయబోతే అరెస్ట్‌చేసి ఆమె మీద తిరిగి పోలీస్‌లు కేసు పెట్టారని మహిళా నేతలు వివరించారు. ‘‘మహిళలు ఉద్యమపంథా నుంచి, రాజకీయాల నుంచి పూర్తిగా పక్కకు తప్పుకోవాలనే ఉద్దేశంతో పోలీసులు మాపై దారుణాలకు పాల్పడుతున్నారు. మా గొంతు విన్పించకుండా చేస్తున్నారు’’అని అన్నారు.

సాక్షి,అమరావతి: రాష్ట్రంలో స్థానిక సంస్థల ఎన్నికల ప్రక్రియ తీవ్ర అధికార దుర్వినియోగానికి, రాక్షస పాలనకు నిదర్శనంగా మారిందని వైఎస్సార్‌సీపీ స్టేట్‌ కోఆర్డినేటర్‌ సజ్జల రామకృష్ణారెడ్డి ధ్వజమెత్తారు. రాష్ట్రంలో జరుగుతున్నది స్థానిక సంస్థల ఎన్నికలు ఎంతమాత్రం కాదని, ముందస్తు ప్రణాళికతో చంద్రబాబు నడిపిస్తున్న ఒక ఆర్గనైజ్డ్‌ క్రైమ్‌ అని ఆయన విమర్శించారు. శనివారం తాడేపల్లిలోని వైఎస్సార్‌సీపీ కేంద్ర కార్యాలయంలో ఆయన మీడియాతో మాట్లాడుతూ ఏమన్నారంటే.. 44 లక్షల దొంగ ఓట్లతో ఎన్నికల డ్రామా ‘15 లక్షల మంది మృతుల ఓట్లతో పాటు మరో 29 లక్షల బోగస్, డూప్లికేట్‌ ఓట్లు.. ఇలా మొత్తం 44 లక్షల అనుమానాస్పద ఓట్లు జాబితాలో ఉన్నాయి. త్వరలో సర్‌ ప్రక్రియ ముగుస్తున్న తరుణంలో ఇంత హడావుడిగా లేని ఓట్లతో ఎన్నికలు జరపాల్సిన అవసరం ప్రభుత్వానికి ఎందుకొచ్చింది? కేవలం 12 రోజు­ల్లోనే మొత్తం తంతు ముగించేలా కుట్ర పన్నారు. చిట్టచివరి నిమిషంలో రిజర్వేషన్లు ప్రకటించి ఎవరూ సిద్ధం కాకుండా చేశారు. అధికారంలో ఉన్న అడ్వాంటేజ్‌తో ప్రతిపక్షానికి అసలు అవకాశమే లేకుండా షెడ్యూల్‌ ఖరారు చేసుకున్నారు.ప్రతిపక్ష అభ్యర్థులు కనీసం నామినేషన్లు కూడా వేయకుండా పోలీసుల అండతో ప్రభుత్వం భౌతిక దాడులకు తెగబడుతోంది. రెడ్‌బుక్‌ రాజ్యాంగం పేరుతో పోలీసు వ్యవస్థను ఒక మాఫియాలా మార్చే­శారు. ఎన్నికల సంఘం పూర్తిగా డమ్మీగా మారిపోయింది. మేము వెళ్లి ఎస్‌ఈసీకి ఆధారా­లతో సహా ఫిర్యాదు చేస్తే వారు దాన్ని డీజీపీకి పంపిస్తున్నారు. డీజీపీ వాటిని బుట్టదాఖలు చేస్తు­న్నారు. చట్టాన్ని అతిక్రమించి కిరాయి సైనికుల్లా వ్యవహరిస్తున్న ప్రతి అధికారి పేరునూ రాసిపెట్టుకుంటున్నాం. ఎవరినీ వదిలిపెట్టే ప్రసక్తే లేదు. నామినేషన్ల పర్వంలోనే అక్రమాలకు కుట్ర దేశంలో ఎక్కడా లేనివిధంగా నామినేషన్లకు రోజు­కు కేవలం నాలుగు గంటలు (ఉదయం 11 నుంచి మధ్యాహ్నం 3 గంటల వరకు) మాత్రమే సమ­యం ఇచ్చారు. ఆ నాలుగు గంటల్లో కూడా వైఎస్సార్‌సీపీ అభ్యర్థులు నామినేషన్లు వేయడానికి వస్తే భౌతికంగా అడ్డుకుంటున్నారు. నామినేషన్‌ కేంద్రాలను ప్రధాన కార్యాలయాల్లో కాకుండా, సీసీ కెమెరాలు కూడా లేని సందుగొందుల్లోని చిన్న పాఠ­శాలల్లో పెట్టారు. అక్కడ టీడీపీ గూండాలు వందల సంఖ్యలో తిష్టవేసి ఉంటే పోలీసులు వారికి రక్షణగా నిలుస్తున్నారు. వైఎస్సార్‌సీపీ అభ్యర్థులు పత్రాలు పట్టుకుని వెళ్తే పోలీసులే బలవంతంగా బయటకు నెట్టేస్తున్నారు. కూటమి ప్రభుత్వానికి నిజంగా చిత్తశుద్ధి, తమ పాల­న­పై ధైర్యం ఉంటే ప్రతిపక్ష అభ్యర్థులను స్వేచ్ఛగా నామినేషన్లు వేయనిచ్చి, ఎన్నికల బరిలో ప్రజా తీర్పును ఆహ్వానించాలని సజ్జల డిమాండ్‌ చేశారు. గెలుపు ధీమా లేకే సర్కార్‌ అరాచకాలకు తెరలేపిందని విమర్శించారు. అధికార పార్టీ ఎన్ని దాడులు చేసినా, తప్పుడు కేసులు పెట్టినా వైఎస్సార్‌సీపీ శ్రేణులు భయపడే ప్రసక్తే లేదు’ అని స్పష్టం చేశారు.

సాక్షి, అమరావతి: ప్రజాక్షేత్రంలో ఓటుతో నెగ్గలే­మ­ని స్పష్టమైపోవడంతో చంద్రబాబు కూటమి ఖాకీ­ల­నే కవచంగా చేసుకుంది. నామినేషన్లు దాఖలు చే­సేందుకు వస్తున్న వైఎస్సార్‌సీపీ అభ్యర్థులు, నేత­లపై పచ్చ గూండాలు రాళ్లు, కర్రలతో విరుచుకు­పడితే.. వారికి పోలీసులే అండగా నిలుస్తున్నారు. పోలీసులే విపక్ష అభ్యర్థుల నామినేషన్‌ పత్రాలను చించేస్తున్నారు. కాల్పులకూ దిగుతున్నారు. పైపె­చ్చు.. దాడులు చేసిన వారిని వదిలేసి, నామినే­షన్లు వేయాల్సిన ప్రతిపక్ష నేతలపైనే కేసులు, అరె­స్టులు, నోటీసులు, హౌస్‌ అరెస్టులతో విరుచు­కుప­డింది. మున్సిపల్‌ ఎన్నికల్లో ప్రజల తీర్పు బ్యా­లెట్‌ బాక్సు దాకా చేరకూడదన్నదే ఈ దౌర్జన్య­కాండ వెనుక అసలు లక్ష్యమని స్పష్టమవుతోంది.హామీల మోసమే ఈ భయానికి మూలంఎన్నికల ముందు సూపర్‌ సిక్స్‌ అంటూ ఊరూ­వా­డా ఊదరగొట్టిన చంద్రబాబు అండ్‌ కో.. అధికా­రంలోకి వచ్చాక ఆ హామీలను బుట్టదాఖలు చేశా­రు. ఈ పరిస్థితుల్లో జరుగుతున్న స్థానిక సంస్థల ఎన్నికల్లో ప్రజలు చంద్రబాబుకి గట్టి బు­ద్ధి చెప్పేందుకు సిద్ధంగా ఉన్నారు. దీంతో సజా­వుగా ఎన్ని­కలు జరిగితే మున్సిపల్, జెడ్పీ సహా గ్రామ సర్పంచి పదవులు కూడా దక్కవన్న భయంతోనే ఓటు దాకా రానివ్వకుండా నామినే­ష­న్‌ దశ­లోనే ప్రతి­పక్షం గొంతు నొక్కేందుకు చంద్ర­బాబు అన్ని అడ్డ­దా­రులు తొక్కుతున్నారు. ఉద్దే­శ­పూ­ర్వకంగా అల్ల­ర్లు సృష్టించి, ఆ నెపాన్ని వైఎ­స్సార్‌సీపీ మీదకు నె­ట్టే­యడం, తద్వారా ఎన్నికల ప్రచారంలో హామీ­ల అమలు, పాలన వైఫల్యాలపై చర్చ జ­ర­గకుండా ప్రజల దృష్టిని మళ్లించడం కూడా చంద్రబాబు పన్నాగమని విశ్లేషకులు చెబుతున్నారు.అంచెలంచెలుగా కుట్రఅధికార యంత్రాంగాన్ని అడ్డుపెట్టుకుని ఎన్నికల­ను ఏకపక్షం చేసుకునేందుకు కూటమి పెద్దలు పక్కా పథకం రచించారు. దాన్ని దశలవారీగా అమ­లు చేస్తున్నట్లు స్పష్టంగా కనిపిస్తోంది. ఎన్ని­కల షెడ్యూల్‌ రాకముందే ప్రతిపక్ష నేతలపై రౌడీ­షీట్లు, ప్రివెంటివ్‌ బాండ్ల పేరుతో స్టేషన్లకు పిలిపించి సంతకాలు తీసుకున్నారు. అభ్యర్థులపై ఎక్కడె­క్కడ కేసులున్నాయో చెప్పకుండా జాప్యం చేస్తు­న్నారు. 15 రోజులుగా నామినేషన్లకు జతపరచా­ల్సిన సర్టిఫికెట్లు ఇవ్వడంలేదు. మరోపక్క వైఎస్సా­ర్‌సీపీ అభ్యర్థులకు బెదిరింపు ఫోన్లు చేస్తున్నారు. పోటీ చేస్తే చంపేస్తామని హెచ్చరిస్తున్నారు. ఇక శుక్రవారం మున్సిపల్‌ ఎన్నికల నామినేషన్లు మొ­ద­లవగానే ప్రత్యక్ష దాడులకే దిగారు. నామినేషన్‌ కేంద్రం వరకు రాకుండా వైఎస్సార్‌సీపీ అభ్యర్థు­లు, నాయకులపై దాడులు చేస్తున్నారు. నామినే­ష­న్‌ కేంద్రానికి చేరితే పత్రాలు చించేస్తున్నారు. అ­వీ దాటితే రిటర్నింగ్‌ అధికారులు నామినేషన్లు తీసు­కోవడానికే నిరాకరిస్తున్నారు. ఇప్పుడు చివరి అ­స్త్రంగా పోలీసులే రంగంలోకి దిగారు. తొ­లి­రోజు పుంగనూరు, రాయచోటిలో మొదలైన దౌర్జ­న్యం రెండో రోజు కడప, పులివెందుల, తిరుప­తి, రాజంపేట, ఆళ్లగడ్డ, పల్నాడు దాకా విస్తరించింది. ఒకే రో­జు ఇన్ని చోట్ల ఒకే తరహాలో దాడులు, దౌర్జ­న్యా­లు జరిగాయంటే ఇది యాదృచ్ఛికం కాదన్నది సు­స్పష్టం. కరకట్ట క్యాంపు ఆఫీసు నుంచి వచ్చిన ఆ­దే­శాల మేరకు సాగుతున్న వ్యవస్థీకృత దండయాత్రే అని విశ్లేషకులు చెబుతున్నారు.ఎంపీలకే రక్షణ లేని రాజ్యంతొలిరోజు నామినేషన్ల ఘట్టంలో లోక్‌సభలో వైఎ­స్సా­ర్‌సీపీ పక్షనేత మిథున్‌రెడ్డి, మాజీ ఎమ్మెల్యే గడికోట శ్రీకాంత్‌రెడ్డిపై హత్యాయత్నాలు చేసిన టీడీ­పీ మూకలు.. రెండో రోజు తిరుపతి ఎంపీ గురుమూర్తి చేతిలోంచే నామినేషన్‌ పత్రాలను లాక్కెళ్లారు. ఒక డీఎస్పీయే ఎంపీ చేతుల్లోని పత్రా­లను టీడీపీ నేతలకు అప్పగించారంటే పోలీసులు అధికార పార్టీ కోసం ఎలా పనిచేస్తున్నారో అర్థం చేసుకోవచ్చు. ఎదురొడ్డి నిలిచిన ప్రతిపక్షంఇన్ని దాడులు, బెదిరింపులు, అరెస్టుల మధ్య కూ­డా వైఎస్సార్‌సీపీ శ్రేణులు వెనక్కి తగ్గడంలేదు. టీడీపీ కాలకేయులు దాడులు, దౌ­ర్జ­న్యా­లతో రెచ్చి­పోయినా, పోలీసులు వారికి రక్షకు­లుగా మారి అడ­్డగో­లుగా వ్యవహరిస్తున్నా రాష్ట్ర­వ్యాప్తంగా ఎక్క­డా వైఎస్సార్‌సీపీ అభ్యర్థులు నా­మి­నేషన్లు వేయ­డానికి వెనుకంజ వేయడం లేదు. వైఎస్సార్‌­సీపీకి ప్రజల్లో ఉన్న మద్దతుతో ప్రాణాల­కు తెగించి పో­టీకి సిద్ధమవుతున్నారు. ఈ మద్దతే కూటమి పెద్ద­లను కలవరపెడు­తోంది. అందుకే దాడుల తీవ్ర­తను పెంచు­తున్నారు. ప్రజలను నానా రకాలుగా మో­సం చే­స్తూ, ఎన్నికల్లో పోరాడి గెలిచే సత్తా లేని ప్రభుత్వం ఖాకీల అండతో దౌర్జన్యాలకు తెగబడుతోంది. దాడి టీడీపీది.. కేసులు వైఎస్సార్‌సీపీపైనటీడీపీ గూండాలు విచ్చలవిడిగా దాడులు చేస్తుంటే.. కేసులు మాత్రం బాధితులైన వైఎ­స్సార్‌సీపీ నేతలపైనే పెడుతున్నారు. పుంగ­నూరులో దాడికి గురైన ఎంపీ మిథున్‌రెడ్డి­పైనే పోలీసులు అక్రమ కేసులు నమోదు చేశారు. కడపలో వైఎస్సార్‌సీపీ జిల్లా అధ్య­క్షుడు రవీంద్రనాథ్‌రెడ్డి, ఇన్‌ఛార్జి అంజాద్‌ బాషాను అదుపులోకి తీసుకున్నారు. కడప ఎంపీ అవినాష్‌రెడ్డికి నోటీసులు ఇచ్చారు. ప­ల్నా­డులో వైఎస్సార్‌సీపీ అభ్యర్థులంతా ఒకే­సారి నామి­నేషన్లు వేయాలని సిద్ధమ­వ­డంతో శుక్రవారం అర్ధరాత్రి మాజీ ఎమ్మెల్యే­లు పిన్నె­ల్లి రామకృష్ణా­రెడ్డి, కాసు మహేష్‌రెడ్డి­ల­ను హౌస్‌ అరెస్ట్‌ చేశారు. అభ్యర్థులందరినీ పోలీ­సులే బలవంతంగా ఎత్తు­కెళ్లి దాచే­య­డం ప్ర­జాస్వా­మ్యానికే సిగ్గుచేటని విశ్లే­షకులు వ్యా­ఖ్యాని­స్తున్నారు. పోలీసులు చట్టానికి కా­కుండా అధికార పార్టీకి కాపలా కాస్తున్నారన­డా­నికి మున్సిపల్‌ ఎన్నికల నామినేషన్ల ఘట్ట­మే నిదర్శనంగా కనిపిస్తోంది. నామినేషన్‌ కేంద్రాల దగ్గర సీసీ కెమె­రా­లు పెట్టాలని హై­కో­ర్టు ఆదేశించినా అటువంటి చర్యలేమీ లేవు.

ఆంధ్రప్రదేశ్‌లో ప్రజాస్వామ్యానికి అర్థం మారిపోయింది.. నారాసుర పాలనలో ఎన్నికల ప్రక్రియ అపహాస్యం అయ్యింది.. హత్యా యత్నాలు, దాడులు, దౌర్జన్యాలు, బెదిరింపులు, అక్రమ అరెస్టులు, గృహ నిర్బంధాల మధ్య నామినేషన్‌ వేయొద్దంటూ అడుగడుగునా బెదిరింపులు.. హెచ్చరికలు.. పోలీసులే పచ్చ మూకలను దగ్గరుండి ప్రోత్సహిస్తున్న దుస్థితి.. కాదు కూడదని ఎవరైనా లోపలికెళ్తే మూకుమ్మడి దాడులు.. నామినేషన్‌ పత్రాలు చింపివేత.. అధికారుల వద్ద నుంచి పత్రాలను లాక్కెళ్లి పోవడం.. ఆటవిక పాలన కూడా ఇంత దారుణంగా ఉండదన్నట్లు దౌర్జన్యాలు.. కర్రలు, కత్తులు, రాడ్లు, రాళ్ల దాడులతో రౌడీ మూకలు పేట్రేగిపోతుంటే ఎన్నికల కమిషన్‌ గుడ్లప్పగించి చూడటం మినహా ఏమీ చేయలేక పోతోంది. టీడీపీ రౌడీల దౌర్జన్యాలు, కుట్రలు, కుతంత్రాలు చూసి కాలకేయులు, తాలిబన్లు, దుర్యోధన, దుశ్శాసనులు సైతం సిగ్గు పడే పరిస్థితి దాపురించింది. పోలీసింగ్‌పై ఉన్న గౌరవం పాతాళానికి పడిపోయింది.సాక్షి, అమరావతి: హత్యాయత్నాలు, దాడులు, దౌర్జన్యాలు, బెదిరింపులు, అక్రమ అరెస్టులు, గృహ నిర్బంధాలతో మున్సిపల్‌ ఎన్నికల నామినేషన్ల రెండవ రోజు కూడా అరాచకపర్వం కొనసాగింది. నారా సుర డైరెక్షన్‌లో కాలకేయులను మించి చెలరేగిపోయిన ఎల్లో మూకల ఆగడాలతో రాష్ట్రంలో అనేక ప్రాంతాల్లో తీవ్ర ఉద్రిక్తత చోటు చేసుకుంది. వెన్నుపోటు పార్టీకి పోలీసులు సైతం వెన్నుదన్నుగా నిలవడంతో ప్రజాస్వామ్యం ఖూనీ అయ్యింది. జంగిల్‌రాజ్‌ పాలనలో ఎల్లో రౌడీలు కత్తులు, వేట కొడవళ్లు, రాడ్లు, కర్రలు, పెట్రోల్‌ బాటిల్స్‌తో పేట్రేగిపోవడంతో రాష్ట్రం యావత్తు నివ్వెరపోయింది. అనేక జిల్లాల్లో తాలిబన్లకు మించి రెచ్చిపోయిన పచ్చ మూక భౌతిక దాడులకు దిగింది. పల్నాడు జిల్లా గురజాల, పిడుగురాళ్లలో పోలీసులు అర్థరాత్రి వేళ వైఎస్సార్‌సీపీ నాయకుల ఇళ్లకు వెళ్లి అభ్యర్థులను ఎత్తుకుపోయారు. గురజాల ఎమ్మెల్యే యరపతినేని శ్రీనివాసరావు డైరెక్షన్‌లో నామినేషన్‌ దాఖలు చేసేందుకు వెళ్లే వైఎస్సార్‌ సీపీ అభ్యర్థు«లపై ఎలాంటి కేసులు లేనప్పటికీ గురజాల, దాచేపల్లి, పిడుగురాళ్ల సీఐలు మురళి, ఖాజావలి, వెంకట్రావులు పోలీస్‌ వ్యవస్థకే మచ్చ తెల్చేలా పసుపు చొక్కాలు వేసుకొని మరీ ఊడిగం చేస్తున్నారు.మునుపెన్నడూ లేని విధంగా వైఎస్సార్‌సీపీ మున్సిపల్‌ చైర్మన్‌న్‌అభ్యర్థులపై అక్రమ కేసులు నమోదు చేసి బెదిరింపులకు దిగుతున్నారు. అధికార పగ్గాలు చేపట్టి రెండున్నరేళ్లు దాటినా ప్రజలకు ఏం చేశామో చెప్పుకోలేక ఓట్ల కోసం వెళితే చీదరింపులు తప్పవని గ్రహించి.. పిడుగురాళ్ల, గురజాల, దాచేపల్లిలో దౌర్జన్యకాండ సృష్టించారు. వైఎస్సార్‌సీపీ అభ్యర్థుల నామినేషన్‌ నేపథ్యంలో మాజీ ఎమ్మెల్యే కాసు మహేష్‌రెడ్డిని గృహ నిర్బంధం చేశారు. గురజాల నగర పంచాయతీ చైర్మన్‌ అభ్యర్థి పోలు వీరారెడ్డితోపాటు వైఎస్సార్‌సీపీ నేతలు యనుమల మురళీధర్‌రెడ్డి, కొమ్మినేని వెంకటేశ్వర్లను టౌన్‌ సీఐ మురళి మాట్లాడాలని పిలిపించి ప్రైవేట్‌ వాహనంలో మారుమూల ప్రాంతానికి తరలించారు. పిడుగురాళ్ల సీనియర్‌ నేత, సర్పంచ్‌ చల్లా శివారెడ్డిని అర్ధరాత్రి 1.30 గంటలకు అదుపులోకి తీసుకున్నారు. నామినేషన్‌ వేసేందుకు సిద్ధమైన గుర్రం అప్పిరెడ్డి, నంద్యాల బాబు, కందుకూరు శీను, ఈర్ల శివ, మంద ఆనంద్, వేముల కిరణ్, ఓర్సు దుర్గాప్రసాద్, అల్లు పిచ్చిరెడ్డి, మంద సుధీర్, కణాల శ్రీనివాసరెడ్డిలను సైతం అదుపులోకి తీసుకున్నారు. దాచేపల్లి మున్సిపల్‌ మాజీ చైర్మన్‌ కొప్పుల సాంబయ్య ఆధ్వర్యంలో నామినేషన్లకు వెళ్తున్న అభ్యర్థులను పోలీసులు అడ్డుకున్నారు. కేంద్రం వద్ద టీడీపీ కార్యకర్తలు రాళ్లు, కర్రలతో మోహరించడంతో తీవ్ర ఉద్రిక్తత నెలకొంది. ఈ దౌర్జన్యకాండను నిరసిస్తూ వైఎస్సార్‌సీపీ నేతలు రోడ్డుపై బైఠాయించారు.పచ్చ నేతలకు దన్నుగా పోలీసులుదాచేపల్లి నగర పంచాయతీ వైఎస్సార్‌సీపీ చైర్మన్‌న్‌అభ్యర్థి కొప్పుల రవి శుక్రవారం నామినేషన్‌ వేయడానికి సిద్ధం కాగా, గురువారం రాత్రే బలవంతంగా ఎత్తుకెళ్లి అక్రమ కేసు పెట్టి జైలులో నిర్బంధించారు. ఆయన కుటుంబ సభ్యులు, వార్డు కౌన్సిలర్లుగా పోటీచేసే వైఎస్సార్‌సీపీ నేతలు శనివారం నామినేషన్‌న్‌దాఖలు చేసేందుకు వెళుతుంటే సీఐ ఖాజావలి నేతృత్వంలో అడ్డుకొని వెళ్లటానికి వీలులేదని హెచ్చరికలు చేశారు. కొంత సమయం తర్వాత రెండో విడత నామినేషన్‌ వేసేందుకు వెళ్లే మహిళల చేతుల్లో ఉన్న నామినేషన్‌ పత్రాలను పచ్చ గూండాలు లాక్కొని చింపివేశారు. అక్కడున్న పోలీసులు అడ్డుకోకుండా ప్రేక్షక పాత్ర వహించారు. దీంతో కోపోద్రిక్తులైన వైఎస్సార్‌సీపీ నేతలు, మహిళలు అక్కడే బైఠాయించి ఆందోళన చేపట్టారు. గురజాల నగర పంచాయతీ చైర్మన్‌ అభ్యర్థి పోలు వీరారెడ్డి శనివారం ఉదయం నామినేషన్‌ వేసేందుకు సిద్ధమైనట్లు తెలుసుకున్న గురజాల సీఐ మురళి శుక్రవారం రాత్రే ఆయన్ను బలవంతంగా ఎత్తుకెళ్లారు. అతనితో పాటు వైఎస్సార్‌సీపీ రాష్ట్ర కార్యదర్శి, పెదకూరపాడు నియోజకవర్గ పరిశీలకులు ఎనుముల మురళీధర్‌రెడ్డి, మాచర్ల నియోజకవర్గ పరిశీలకుడు కొమ్మినేని వెంకటేశ్వర్లును నాగార్జునసాగర్‌ పోలీసుస్టేషన్‌కు తరలించి అక్కడ అక్రమంగా నిర్బంధించారు. దీనిపై గురజాల మాజీ ఎమ్మెల్యే కాసు మహేష్‌రెడ్డి హైకోర్టులో హెబియస్‌ కార్పస్‌ రిట్‌ పిటిషన్‌ దాఖలు చేశారు. దీంతో ఏం చేయాలో పాలుపోని పోలీసులు ప్రివెంటీవ్‌ అరెస్టు అంటూ బైండోవర్‌ చేసి శనివారం రాత్రి గురజాల తహసీల్దారు ఎదుట హాజరు పరిచారు. పిడుగురాళ్ల మున్సిపల్‌ ఎన్నికల్లో సైతం వైఎస్సార్‌సీపీ నుంచి ఒక్క అభ్యర్థి కూడా నామినేష¯Œన్‌ వేయడానికి వీలు లేదని పచ్చ గూండాలు బహిరంగంగా హెచ్చరికలు చేశారు. నామినేషన్‌ వేస్తే చంపుతామని బెదిరించారు. మీడియా కూడా రావడానికి వీలు లేదని ఆంక్షలు విధించారు. ఘర్షణలకు పాల్పడాలనే ఉద్దేశ్యంతో నామినేషన్‌ కేంద్రాల సమీపంలో టీడీపీ గూండాలు రాళ్ల గుట్టలు సిద్ధం చేసుకున్నారు. కడపలో ఏకే–47తో పోలీస్‌ కాల్పులు వైఎస్సార్‌ కడప జిల్లాలో ఎల్లో మూక కత్తులు, కర్రలతో దాడులకు దిగింది. వైఎస్సార్‌సీపీ అభ్యర్థులు నామినేషన్లు వేయనీయకుండా అడ్డుకుంది. పచ్చ మూక ఆగడాలను అడ్డుకోవాల్సిన పోలీసులు వైఎస్సార్‌సీపీ నేతలను లక్ష్యంగా చేసుకుని రాళ్లు రువ్వడం, గాలిలోకి ఏకే–47తో కాల్పులు జరపడం దారుణం. వైఎస్సార్‌సీపీ ముఖ్య నేతలను గృహ నిర్బంధం చేశారు. మేయర్‌ అభ్యర్థి బండి దీప్తిరెడ్డి నివాసానికి వెళ్లి 163 సెక్షన్‌ కింద నోటీసులు ఇచ్చారు. పులివెందులలో వైఎస్సార్‌సీపీ నాయకుడి చికెన్‌ సెంటర్‌కు పచ్చమూక నిప్పు పెట్టింది. ఘటనా స్థలాన్ని ఎంపీ వైఎస్‌ అవినాష్‌రెడ్డి పరిశీలించడంతో ఆయనకు పోలీసులు 144 సెక్షన్‌ నోటీసులు జారీ చేశారు.కడపలో జిల్లా పార్టీ కార్యాలయం వద్ద మాజీ కార్పొరేటర్‌ కుమారుడు మురాద్‌పై కత్తితో దాడి చేశారు. కోటిరెడ్డి కాలేజీ వద్ద అభ్యర్థి త్యాగరాజుపై దాడి చేసి నామినేషన్‌ పత్రాలను చించివేశారు. కమలాపురం ఇన్‌చార్జి నరేన్‌రెడ్డిని అదుపులోకి తీసుకుని కడపకు తరలించారు. కడపలో వైఎస్సార్‌సీపీ అభ్యర్థి శ్యాంసన్‌పై పచ్చ మూకలు దాడి చేయడంతో ఆయన కోమాలోకి వెళ్లాడు. బద్వేలు టీడీపీ ఇన్‌చార్జి సూర్యనారాయణరెడ్డి తన అనుచరవర్గంతో దౌర్జన్యానికి పాల్పడ్డాడు. నామినేషన్‌ కౌంటర్‌లోకి ప్రవేశించి పోలీసులు, అధికారుల ఎదుటే ఇద్దరు వైఎస్సార్‌సీపీ అభ్యర్థులపై దాడి చేశాడు. దాఖలు చేసిన నామినేషన్‌ పత్రాలన్నింటినీ ఎత్తుకెళ్లిపోయాడు. 14వ వార్డు వైఎస్సార్‌సీపీ అభ్యర్థి షేక్‌మాబుచాన్‌ చేతిలోని నామినేషన్‌ పత్రాలను లాక్కున్నాడు. వైఎస్సార్‌సీపీ శ్రేణులను బూతులు తిడితూ మూడు పర్యాయాలు దాడికి పాల్పడ్డాడు. మైదుకూరులో ఎమ్మెల్యే పుట్టా సుధాకర్‌ యాదవ్‌ సాక్షిగా పచ్చ మూక దౌర్జన్యకాండకు దిగింది. నామినేషన్‌ వేసేందుకు వచ్చిన వైఎస్సార్‌సీపీ అభ్యర్థులు 17 మంది చేతుల్లోని నామినేషన్‌ పత్రాలను దౌర్జన్యంగా లాక్కొని చించివేశారు. ‘ఏయ్‌ ఎవర్రా నామినేషన్‌ వేసేది.. లాక్కోండి రా.. చించండి రా.. అంటూ మైదుకూరు ప్రభుత్వ ఆస్పత్రి అభివృద్ధి కమిటీ మాజీ సభ్యుడు పొలిమేర అమర్‌నాథ్‌రెడ్డి రెచ్చిపోయారు. వైఎస్సార్‌సీపీ జిల్లా ప్రధాన కార్యదర్శి పల్లపోతుల కిరణ్మయి తదితరుల చేతుల్లో ఉన్న నామినేషన్‌ పత్రాలను చింపేసి గాల్లోకి విసిరేశారు. 22వ వార్డుకు నామినేషన్‌ వేసేందుకు వచ్చిన వైఎస్సార్‌సీపీ అభ్యర్థి కరిడి నాగాంజలి దేవి, ఆమె భర్త రమణమూర్తిపై దౌర్జన్యానికి దిగారు. అధికారుల వద్ద ఉన్న నామినేషన్‌ పత్రాలను సైతం లాక్కొని వెళ్లారు. పులివెందులలో కాల్పులు జరుపుతున్న పోలీసులు మహిళలను తిట్టి.. గోళ్లతో రక్కి..కమలాపురం మున్సిపాలిటీ ఎన్నికల్లో వైఎస్సార్‌సీపీ అభ్యర్థులు నామినేషన్లు వేయకుండా పచ్చగూండాలు అడ్డుకున్నారు. శనివారం వైఎస్సార్‌సీపీ చైర్‌పర్సన్‌ అభ్యర్థి మారుజోళ్ల కవిత నామినేషన్‌ వేసేందుకు మరో నలుగురు మహిళలతో కలసి కేంద్రానికి వెళ్లారు. మద్యం మత్తులో ఉన్న పచ్చ రౌడీలు మహిళలను మధ్యలోనే ఆపేసి వారి వద్ద ఉన్న నామినేషన్‌ పత్రాలను లాక్కొని చించివేశారు. బూతులు తిడుతూ అసభ్యంగా ప్రవర్తించారు.రౌడీమూక వారిపై దాడి చేసి గోళ్లతో రక్కడంతో లక్ష్మి అనే మహిళకు గొంతు కింద రక్త గాయాలయ్యాయి. నామినేషన్‌ కేంద్రానికి వెళ్లకుండా వెనక్కి పంపించివేశారు. ఘటనను చిత్రీకరిస్తున్న సాక్షి టీవీ రిపోర్టర్‌ కరుమూరి జయచంద్రపై భౌతిక దాడికి పాల్పడ్డారు. సెల్‌ఫోన్లు లాక్కున్నారు. ఇంత జరిగితే పోలీసులు మాత్రం వైఎస్సార్‌సీపీ నేతలు రెడ్యం వెంకట సుబ్బారెడ్డి, రాజుపాళెం సుబ్బారెడ్డి, వెంకటేశ్వర్‌రెడ్డి తదితరులను అరెస్ట్‌ చేసి పోలీస్‌ స్టేషన్‌కు తరలించారు.రాయచోటిలో రెండో రోజూ కొనసాగిన దౌర్జన్యకాండరాయచోటిలో పచ్చ గూండాల హింసాకాండ శనివారం కూడా కొనసాగింది. నామినేషన్‌ కార్యక్రమానికి సిద్ధమవుతున్న మున్సిపల్‌ చైర్మన్‌ వైఎస్సార్‌సీపీ అభ్యర్థి జిన్నా మహమ్మద్‌ షరీఫ్‌పై ఎల్లో రౌడీలు దాడికి తెగబడ్డారు. రాయచోటి పట్టణం, మదనపల్లి మార్గంలోని ఓ ప్రైవేటు హోటల్‌ నుంచి నామినేషన్‌ కార్యక్రమానికి సిద్దమవుతున్న వేళ ఆ హోటల్‌ను చుట్టుముట్టారు. ప్రాంగణంలో ఉన్న జిన్నా షరీఫ్‌ కారును ధ్వంసం చేశారు. కాగా, రామాపురం, లక్కిరెడ్డిపల్లి మార్గాల ద్వారా మాజీ ఎమ్మెల్యే గడికోట శ్రీకాంత్‌రెడ్డిని రాయచోటిలోకి రానివ్వకుండా అడ్డుకునే ప్రయత్నం చేశారు. చుట్టూ ఉన్న రహదారులపై వందలాది మంది రౌడీలు కట్టెలు, రాడ్లు పట్టుకొని స్వైర విహారం చేశారు.ఎమ్మెల్యే ఆకేపాటి ఇంటి కిటికీ అద్దాలు, కుర్చీలు ధ్వంసంరాజంపేటలో వైఎస్సార్‌సీపీ నేతలపై రాళ్ల వర్షం కురిపించి మారణాయుధాలతో హత్యాయత్నాలకు తెగబడ్డారు. నామినేషన్‌ వేసి బయటకు వచ్చే సమయంలో పచ్చ గూండాలు వైఎస్సార్‌సీపీ అభ్యర్థులను అడ్డుకొని వారికి అధికారులు ఇచ్చిన రిసిప్ట్, చెక్‌లిస్ట్‌ పేపర్‌లను చించేశారు. నూనెవారిపల్లె రోడ్డులోని వైఎస్సార్‌సీపీ కార్యాలయం(ఆకేపాటి భవన్‌) నుంచి పార్టీకి చెందిన అభ్యర్థులు నామినేషన్‌ వేసేందుకు వస్తున్నారని తెలుసుకున్న రౌడీలు ఎమ్మెల్యే ఆకేపాటి అమరనాథరెడ్డి ఇంటిపైకి దాడి చేసేందుకు మూకుమ్మడిగా బయలు దేరారు. పథకం ప్రకారం ఆకేపాటి భవన్‌పై దాడికి తెగబడ్డారు. కిటికీ అద్దాలు, కుర్చీలను ధ్వంసం చేశారు. ఇంటి బయట ఉన్న ఎమ్మెల్యే అమరనాథరెడ్డి సోదరుడు ఆకేపాటి అనీల్‌కుమార్‌రెడ్డికి చెందిన కారు ధ్వంసం చేశారు. పచ్చమూక అక్కడ ఉన్న వైఎస్సార్‌సీపీ నేత గుండు మల్లికార్జునరెడ్డి, పార్టీ ఛైర్మన్‌ అభ్యర్థి రేష్మ తాత కాలేషాతో పాటు మరికొంత మందిపై మారణాయుధాలతో దాడి చేసి హత్యాయత్నానికి పాల్పడింది. దీంతో మల్లికార్జునరెడ్డి, కాలేషా, ముస్తాఫాల తలలపై బలమైన గాయాలయ్యాయి. వైఎస్సార్‌సీపీ తరఫున మున్సిపల్‌ ఛైర్మన్‌ అభ్యర్థి నడిగడ్డ రేష్మా నామినేషన్‌ వేసి బయటకు వెళుతున్నప్పుడు టీడీపీ మూకలు ఒక్కసారిగా ఆమెను చుట్టుముట్టి దాడికి యత్నించారు. దీంతో పక్కనే ఉన్న రేష్మా తండ్రి నడిగడ్డ ఇమాములు అడ్డుకునేందుకు ప్రయత్నించడంతో అతనిపై దాడి చేసి దారుణంగా కొట్టారు. రాజంపేట 9వ వార్డు అభ్యర్థి ఎస్‌ఎం నయాజ్, ఆయన సతీమణి షాజిదా వద్ద ఉన్న నామినేషన్‌ పత్రాలను పచ్చపార్టీ నేత సుహైల్‌ఖాన్‌ వర్గీయులు లాక్కెళ్లారు. దీంతో నయాజ్, ఆయన సతీమణి రోడ్డుపై బైఠాయించి నిరసన తెలిపారు.దౌర్జన్యం చేసిన వారిని వదిలి.. భూమనపై కేసుతిరుపతిలో ప్రజా ప్రతినిధులపైన సైతం దౌర్జన్యపర్వం కొనసాగింది. తిరుపతి కార్పొరేషన్‌ వైఎస్సార్‌సీపీ మేయర్‌ అభ్యర్థి వాసు యాదవ్‌ నామినేషన్‌ వేస్తున్న తరుణంలో తోడుగా వెళ్లిన ఎంపీ మద్దెల గురుమూర్తి, ఎమ్మెల్సీ సిపాయి సుబ్రహ్మణ్యంలను పచ్చ మూకలు, పోలీసులు అడ్డుకున్నారు. పోలీసుల సమక్షంలోనే ఎల్లో గ్యాంగ్‌ వైఎస్సార్‌సీపీ అభ్యర్థుల నామినేషన్‌ పత్రాలు చించివేశారు. మరోవైపు పోలీసుల విధులకు ఆటంకం కలిగించారనే నెపంతో మాజీ ఎమ్మెల్యే భూమన కరుణాకర్‌రెడ్డి, భూమన అభినయ్‌రెడ్డిలపై ఈస్ట్‌ పోలీస్‌ స్టేషన్‌లో కేసులు నమోదు చేశారు.దుస్తులు చించి.. బూతులు తిట్టి..తిరుపతిలో నామినేషన్‌ వేసేందుకు వెళ్లిన వైఎస్సార్‌సీపీ అభ్యర్థులు మవిత, పావనీలను పచ్చ గ్యాంగ్‌ అడ్డుకుని దుస్తులు చించి.. జుట్టు పట్టు­కుని కొట్డడంతో ఆ మహిళలు కన్నీరుమున్నీరుగా విలపించా­రు. 12, 15 వార్డుల నామినేషన్‌ కేంద్రాల వద్ద ఆ మహిళా అభ్యర్థులపై విచక్షణా రహితంగా దాడి చేసినా పోలీసులు చూసీ చూడనట్టే వ్యవహరించారు. 36వ వార్డు అభ్యర్థి ఇమామ్‌పై కూడా పచ్చ బ్యా­చ్‌ దాడి చేసింది. 7వ డివిజన్‌ అభ్యర్థి మల్లం రవిపై దాడి చేసిన టీడీ­పీ మూ­కలను వదిలేసి, బాధితుడినే పోలీసులు అదుపులోకి తీసుకున్నారు.దర్శిలో దాడులకు తెగబడ్డ పచ్చమూక ప్రకాశం జిల్లా దర్శిలో నామినేషన్లు వేస్తున్న వారిపై దాడులకు తెగబడి పత్రాలను లాక్కుని చించివేశారు. ఘటనను చిత్రీకరిస్తున్న సాక్షి విలేకరి కొణతం సురేష్‌పై కడియాల రమేష్, కర్ణా శ్రీను, మరో 30 మంది దాడి చేశారు. వైఎస్సార్‌సీపీ శ్రేణులే లక్ష్యంగా కత్తులతో రణరంగం సృష్టించారు. స్థానిక ఎమ్మెల్యే శివప్రసాద్‌రెడ్డిని గడియారం స్తంభం సెంటర్‌ వద్ద పోలీసులు అడ్డుకున్నారు. పోలీసులతో పాటు వెళ్తున్న వారిని కూడా పచ్చగూండాలు అడ్డుకుని దాడులకు తెగబడ్డారు. వైఎస్సార్‌సీపీ నేత వెంకటరెడ్డిపై దాడి చేస్తుండగా, కాపాడేందుకు వెళ్తున్న వైఎస్సార్‌సీపీ నేతలపై ఖాకీలు లాఠీలు ఝుళిపించారు. దర్శిలో పోలీసుల ఎదుటే నామినేషన్‌ పత్రాలు చించివేస్తున్న టీడీపీ నేతలు తాడిపత్రి రూరల్‌ సీఐ ఓవరాక్షన్‌అనంతపురం జిల్లా తాడిపత్రి రూరల్‌ సీఐ నారాయణరెడ్డి ఓవరాక్షన్‌ చేశారు. నామినేషన్‌ వేసేందుకు వచ్చిన వైఎస్సార్‌సీపీ రాష్ట్ర పబ్లిసిటీ వింగ్‌ కార్యదర్శి కేశవరెడ్డిని, పార్టీ సీనియర్‌ నేత పేరం అమర్‌నాథరెడ్డిని బలవంతంగా వెనక్కు పంపించారు. టీడీపీ నేత జేసీ ప్రభాకర్‌రెడ్డి కనుసన్నల్లో పనిచేస్తున్న సీఐ నారాయణరెడ్డి, తాడిపత్రి పోలీసులు వైఎస్సార్‌సీపీకి చెందిన నామినేషన్లు అడ్డుకునేందుకు సహకరించారు. అనంతపురంలో వైఎస్సార్‌సీపీ నేత కేశవరెడ్డిని నామినేషన్‌ వేయనీకుండా వెనక్కు పంపుతున్న పోలీసులు కర్నూలు జిల్లా నంద్యాలలో విజయ డెయిరీ చైర్మన్‌ ఎస్వీ జగన్మోహన్‌రెడ్డిని ఆళ్లగడ్డలోని బంధువు అంత్యక్రియలకు వెళ్లకుండా పోలీసులు నిర్బంధించారు. నెల్లూరు కార్పొరేషన్‌ మేయర్‌ అభ్యర్థి ఆనం విజయ్‌కుమార్‌రెడ్డి నామినేషన్‌ వేయకుండా బెదిరింపులకు పాల్ప­డ్డారు. వైఎస్సార్‌సీపీ కార్పొరేటర్‌ అభ్యర్థులపై అక్రమ కేసులు బనాయించారు.

సాక్షి ప్రతినిధి, కడప: వైఎస్సార్‌ కడప జిల్లాలో పట్టపగలే ప్రజాస్వామ్యం ఖూనీ అయింది. ప్రభుత్వ దన్నుతో టీడీపీ గూండాలు రెచ్చిపోయారు. పోలీసులే పచ్చ ముసుగు వేసుకుని దాడులకు పాల్పడ్డారు. వైఎస్సార్‌సీపీ నేతల వాహనాలను పోలీసులే ధ్వంసం చేయడం విస్తుగొలిపింది. ఆపై వైఎస్సార్‌సీపీ శ్రేణులను చెల్లాచెదురు చేయాలనే లక్ష్యంతో టియర్‌ గ్యాస్‌ ప్రయోగించడంతోపాటు గాల్లోకి కాల్పులు జరిపారు. నామినేషన్‌ వేసేందుకు వస్తున్న కౌన్సిలర్‌ అభ్యర్థులను అడ్డుకున్నారు. ఎంపీ వైఎస్‌ అవినాష్‌రెడ్డి సహా నేతలెవ్వరినీ పోలీసులు లోపలికి అనుమతించలేదు. శనివారం సమయం ముగిసే వరకు నామినేషన్‌ సెంటర్‌లోకి వైఎస్సార్‌సీపీ అభ్యర్థులను పంపకుండా దౌర్జన్యంగా వ్యవహరించారు. పోలీసులే స్వ­యంగా వైఎస్సార్‌సీపీ నేతలపైకి రాళ్లు రువ్వారు. మరొక వైపు ఏకే 47తో కాల్పులకు దిగారు. నామినేషన్‌ సెంటర్‌ దగ్గర టీడీపీ గూండాలు మోహరించినా వారిని కట్టడి చేయలేదు. పైగా వైఎస్సార్‌సీపీ నేతలు, కార్యకర్తలపై మాత్రం ప్రతాపం చూపించారు. వైఎస్సార్‌సీపీ నేతలు, కార్యకర్తలపై ప్రత్యక్ష దాడులు చేసినా పోలీసులు పట్టించుకోవడం లేదు. బీఎన్‌ఎస్‌ సెక్షన్‌ 163 అమలు టీడీపీ రౌడీలకు వర్తించ లేదు. వందల సంఖ్యలో రౌడీ మూకలు తిష్ట వేసి.. నామినేషన్లు వేసేందుకు వస్తున్న వైఎస్సార్‌సీపీ అభ్యర్థులపై విరుచుకుపడ్డారు. జిల్లాలోని వేంపల్లె, చక్రాయపేట, సింహాద్రిపురం మండలాల నుంచి భారీగా తరలివచ్చిన టీడీపీ మూకలు విచ్చలవిడిగా దౌర్జన్యాలకు పాల్పడ్డారు. పోలీసుల దాష్టీకానికి నిరసనగా పులివెందులలో ఎంపీ వైఎస్‌ అవినాశ్‌రెడ్డి, వైఎస్సార్‌సీపీ నేతలు రోడ్డుపై ధర్నాకు దిగారు. పోలీసుల అండతో రెచ్చిపోయిన పచ్చ మూకలురెండవ రోజు మున్సిపల్‌ నామినేషన్ల సందర్భంగా జిల్లావ్యాప్తంగా పచ్చ మూక చెలరేగిపోయింది. కడప కోటిరెడ్డి కాలేజీ వద్ద వైఎస్సార్‌సీపీ అభ్యర్థి త్యాగరాజుపై దాడి చేసి నామినేషన్‌ పత్రాలు చించివేశారు. కమలాపురం ఎమ్మెల్యే పుత్తా కృష్ణచైతన్యరెడ్డి తిష్టవేసి.. నామినేషన్లు వేయకుండా అనుచరుల ద్వారా అడ్డగించారు. మైదుకూరు ఎమ్మెల్యే సుధాకర్‌ యాదవ్‌ నామినేషన్ల కేంద్రంలోకి వెళ్లి అప్పటికే దాఖలు చేసిన నామినేషన్‌ పేపర్లు చించేశారు. బద్వేల్‌ ఇన్‌ఛార్జి సూర్యనారాయణరెడ్డి సైతం నామినేషన్ల కేంద్రం నుంచి అప్పటికే దాఖ­లు చేసిన నామినేషన్‌ పత్రాలు ఎత్తుకెళ్లారు. యర్రగుంట్లలో ఎమ్మెల్యే ఆదినారాయణరెడ్డి సోదరుడి కుమారుడు రాజేష్‌ కర్రలు పట్టుకొని నామినేషన్లు వేయకుండా అడ్డుకున్నారు. రాజంపేట ఎమ్మెల్యే ఆకేపాటి అమర్‌నాథరెడ్డి ఇంటిపై పచ్చమూకలు దాడి చేశాయి. అక్కడ ఉన్న వైఎస్సార్‌సీపీ కార్యకర్తలను విచక్షణా రహితంగా కొట్టారు. కాపు కాసి అడ్డుకున్న పోలీసులు శనివారం ఉదయం నుంచే జిల్లా పోలీసు యంత్రాంగం వ్యూహాత్మకంగా వైఎస్సార్‌సీపీ నేతల్ని కట్టడి చేసింది. హౌస్‌ అరెస్టు చేస్తున్నట్లు నోటీసులు జారీ చేశారు. పార్టీ జిల్లా అధ్యక్షుడు పోచంరెడ్డి రవీంద్రనాథ్‌రెడ్డిని పార్టీ కార్యాలయంలో దిగ్బంధించారు. మాజీ మంత్రి ఎస్‌బీ అంజాద్‌బాషా, ఎమ్మెల్సీ రామచంద్రారెడ్డి, మాజీ మేయర్‌ సురేష్‌­బాబు, పాకా సురేష్‌లను గృహ నిర్బంధం చేశారు. వైఎస్సార్‌సీపీ నేతలెవ్వరూ నామినేషన్ల కార్యాలయాలకు వెళ్లకుండా పోలీసులు కాపు కాశారు. ఆపై టీడీపీ నేతల్ని విచ్చలవిడిగా అనుమతించి, వారి ద్వారా పోలీసులే దగ్గరుండీ అరాచకం సృష్టించారు. నామినేషన్లు వేయడానికి వస్తున్న వారిపై పచ్చ మూక దాడులకు పాల్పడుతుంటే.. పోలీసులు ఆపినట్లుగా నటించడం ఆరంభించారు. ఆ తర్వాత అయినా నామినేషన్‌కు అనుమతించారా.. అంటే అదీ లేదు. వైఎస్సార్‌సీపీ నేతలను పోలీసులే వెనక్కి పంపించేశారు. కడపలోని గాంధీనగర్‌ హైస్కూల్‌ వద్ద వైఎస్సార్‌సీపీ అభ్యర్థి శ్యాంసన్‌ నామినేషన్‌ వేసేందుకు వెళ్తుండగా టీడీపీ నేత లోమడ మోహన్‌రెడ్డి అడ్డగించారు. ఆపై టీడీపీ శ్రేణులు ఇష్టానుసారం దాడి చేయడంతో శ్యాంసన్‌ అక్కడే పడిపోయారు. అడ్డుగా నిలిచి మహిళలు ఆయన ప్రాణాలు కాపాడారు. అనంతరం శ్యాంసన్‌ కోలుకుని.. బారికేడ్లు దాటి, నామినేషన్‌ వేసేందుకు వెళ్తుండగా ఎస్‌ఐ రాజరాజేశ్వరరెడ్డి అడ్డగించారు. ఈలోపు మళ్లీ పచ్చ గూండాలు దాడికి దిగారు. ఇలా ఎక్కడికక్కడ పోలీసులే వ్యూహాత్మకంగా అడ్డుగా నిలవడం ద్వారా ప్రజాస్వామ్యాన్ని ఖూనీ చేశారు.మీడియా ప్రతినిధులపైనా దాడులునామినేషన్లు ఘట్టం సందర్భంగా వైఎస్సార్‌ కడప జిల్లాలో మీడియా ప్రతినిధులకు సైతం వేధింపులు తప్పలేదు. రాజంపేటలో సాక్షి టీవీ జర్నలిస్టు రవిని నిర్బంధించారు. బద్వేలులో టీడీపీ రౌడీలు సాక్షి విలేకరి ఫోన్‌ లాక్కున్నారు. కమలాపురంలో సాక్షి విలేకరిపై టీడీపీ రౌడీలు దౌర్జన్యం చేశారు. పులివెందులలో దాడి ఘటనలను చిత్రీకరిస్తున్న జర్నలిస్టులపై టీడీపీ గూండాలు బీరు బాటిళ్లతో దాడి చేశారు. టీవి9, 10టీవీ, 6టీవి రిపోర్టర్ల తలలు పగలగొట్టారు. టీడీపీ గూండాల దాడిలో జర్నలిస్టులకు తీవ్రగాయాలైనా, పోలీసులు చూస్తుండిపోయారు. టీడీపీ గూండాలను కనీసం నిలువరించకపోవడం గమనార్హం.ఫిర్యాదు చేసినా స్పందన కరువుజిల్లా కేంద్రం కడపలో, పులివెందులలో పచ్చమూకలు విచ్చలవిడిగా దౌర్జన్యం చేస్తుండటంపై ఎప్పటికప్పుడు ఫిర్యాదు చేస్తున్నా ఎస్పీ నచికేత్‌ విశ్వనాథ్, కలెక్టర్‌ డాక్టర్‌ శ్రీధర్‌ నుంచి ఏమాత్రం స్పందన లేదని వైఎస్సార్‌సీపీ నేతలు వాపోయారు. ఓవైపు 144 సెక్షన్‌ అమలులో ఉంది.. నామినేషన్లు నిక్షేపంగా వేసుకోవచ్చని కలెక్టర్‌ ప్రకటన జారీ చేస్తారు.. మరో వైపు క్షేత్రస్థాయిలో పోలీసులే అడ్డుగా నిలిచి నామినేషన్లు వేయకుండా అడ్డుకుంటున్నారు.. ఏమిటీ పరిస్థితి.. ఇలా ఎప్పుడూ జరగలేదు.. అని నేతలు ఆగ్రహం వ్యక్తం చేశారు.వైఎస్సార్‌సీపీ నేతమురాద్‌కు కత్తిపోటుమాజీ ఇన్‌ఛార్జి మేయర్‌ ముంతాజ్‌బేగం కుమారుడు డాక్టర్‌ మురాద్‌ తన తల్లితో నామినేషన్‌ వేయించేందుకు కాగితాలపెంట నామినేషన్‌ కేంద్రానికి వెళ్తుండగా వెనుక వైపు నుంచి వచ్చిన టీడీపీ గూండాలు కత్తితో పొడిచి పారిపోయారు. పోలీసులు చూస్తుండగానే ఈ ఘటన చోటుచేసుకుంది. నామినేషన్ల అడ్డగింతపై కడపలో అంబేద్కర్‌ విగ్రహం వద్ద మేయర్‌ అభ్యర్థి బండి దీప్తిరెడ్డి మౌన దీక్ష చేపట్టారు. ప్రజాస్వామ్యాన్ని ఖూనీ చేస్తున్నారంటూ కూటమి ప్రభుత్వంపై మండిపడ్డారు. ‘నామినేషన్‌ పత్రాలు చింపివేయడం.. అభ్యర్థులను అడ్డుకోవడం ప్రజాస్వామ్యమా? రక్షణ కల్పించాల్సిన పోలీసులే పచ్చ మూకలకు అండగా నిలుస్తారా? అధికార పార్టీకి ఒక న్యాయం.. ప్రతిపక్షానికి మరో న్యాయమా?’ అని మండిపడ్డారు. వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనాథ్‌ రెడ్డి, మాజీ డిప్యూటీ సీఎం అంజాద్‌ బాషా, పలువురు పార్టీ నేతలు దీక్షలో పాల్లొని సంఘీభావం తెలిపారు.

సాక్షి, హైదరాబాద్: రామంతాపూర్‌లో జ్యువెలరీ వ్యాపారి కిడ్నాప్ కేసులో పోలీసులు విజయవంతమయ్యారు. తీవ్ర సంచలనాత్మక కేసులో 10 మంది సభ్యుల ముఠాను చిక్కడ‌పల్లి పోలీసులు,సికింద్రాబాద్ జోన్ టాస్క్ ఫోర్స్ పోలీసులు సంయుక్తంగా చాకచక్యంగా ఈ రోజు (శనివారం) అరెస్ట్ చేశారు. నిందితుల వద్ద నుంచి (రూ. కోటి ఏడు లక్షల) నగదు, 118.26 గ్రాముల బంగారు ఆభరణాలు, 5 వాహనాలు (3 కార్లు, 2 ద్విచక్రవాహనాలు) 9 మొబైల్ ఫోన్లను స్వాధీనం చేసుకున్నారు. అరెస్టైన నిందితుల్లో పలువురికి గతంలో కిడ్నాప్, దోపిడీ, చీటింగ్ వంటి తీవ్రమైన నేర చరిత్ర ఉన్నట్లు పేర్కొన్నారు. ఏం జరిగింది?రామంతాపూర్‌లో జ్యువెలరీ వ్యాపారం నిర్వహించే కె. శ్రీనివాసరావు (53) అనే వ్యక్తి 05.10. 2026న షాపుకు వెళ్తూ కనిపించకుండా పోయారు. కుటుంబ సభ్యుల ఫిర్యాదు మేరకు చిక్కడ్‌పల్లి పోలీసులు 'మ్యాన్ మిస్సింగ్' (Cr. No. 298/2026) కింద కేసు నమోదు చేసి దర్యాప్తు ప్రారంభించారు. దర్యాప్తులో విస్తుపోయే విషయాలు వెలుగులోకి వచ్చాయి. బొడుప్పల్ హేమానగర్‌లోని ఒక రియల్ ఎస్టేట్ వెంచర్‌కు సంబంధించి బాధితుడు శ్రీనివాసరావుకు ప్రధాన సూత్రధారి A1 దుమావత్ శ్రీకాంత్‌కు మధ్య పాత కక్షలు ఉన్నాయి. ఆ వెంచర్ AGPని తన పేరిట రాయించుకోవడంతో పాటు భారీగా డబ్బు గుంజాలని A1 శ్రీకాంత్ ఆగస్టు 2026లో A2 సురేష్, A3 శ్రీనివాస్ రెడ్డిలతో కలిసి కిడ్నాప్ కుట్ర పన్నాడు.ప్లాన్ ప్రకారం, గోల్నాక ఫ్లైఓవర్ వద్ద పోలీసులుగా నటించి వ్యాపారి శ్రీనివాసరావును బలవంతంగా అపహరించారు. కళ్లకు గంతలు కట్టి అజ్ఞాత ప్రాంతానికి తరలించారు. మొదట రూ. 15 కోట్లు డిమాండ్ చేసి, చివరికి కుటుంబ సభ్యుల నుంచి రూ. 1.30 కోట్లు రాన్సమ్ (పరిహారం) వసూలు చేసిన తర్వాత బాధితుడిని వదిలేశారు. పోలీసుల నిఘా నుంచి తప్పించుకునేందుకు నకిలీ నంబర్ ప్లేట్లు కలిగిన వాహనాలు ఉపయోగిస్తూ, పదే పదే వాహనాలు మార్చారు. అయినప్పటీకీ పోలీసులు విజయవంతంగా ఈ కేసును ఛేదించారు.ఈ ఆపరేషన్‌ను సికింద్రాబాద్ జోన్ డీసీపీ రక్షిత కృష్ణ మూర్తి, టాస్క్ ఫోర్స్ డీసీపీ శ్రీ వైభవ్ గైక్వాడ్, అడిషనల్ డీసీపీ . నరసయ్య, చిక్కడ‌పల్లి ఎసీపీ . రణవీర్ రెడ్డి గారి పర్యవేక్షణలో చిక్కడ్‌పల్లి సీఐ ఎల్. మధుబాబు, టాస్క్ ఫోర్స్ ఇన్స్పెక్టర్ రాజశేఖర్, కాచిగూడ డిఐ రాఘవేంద్ర, చిక్కడ్‌పల్లి డీఎస్ఐ కరీంతో పాటు ఇతర సిబ్బంది కలిసి ఈ ఆపరేషన్‌ను విజయవంతంగా పూర్తి చేశారు.సంచలనాత్మకమైన ఈ కిడ్నాప్ కేసును తక్కువ సమయంలో ఛేదించి, రూ. కోటికి పైగా నికర నగదుతో పాటు నిందితులను పట్టుకున్న అధికారులను, సిబ్బందిని హైదరాబాద్ నగర పోలీస్ కమిషనర్ ప్రత్యేకంగా అభినందించి, పురస్కారాలు ప్రకటించారు.ఇదీ చదవండి: జూనియర్ జడ్జ్‌గా ఎంపికైన శ్రీవల్లి

సాక్షి, వైఎస్సార్‌ జిల్లా: వైఎస్సార్‌సీపీ నేతలు, కార్యకర్తలపై పోలీసులు దాష్టీకం ప్రదర్శించారు. వైఎస్సార్‌సీపీ నేతల వాహనాలు ధ్వంసం చేసిన పోలీసులు.. టీయర్‌ గ్యాస్‌ ప్రయోగించడంతో పాటు గాల్లోకి కాల్పులు జరిపారు. నామినేషన్‌ వేసేందుకు వైఎస్సార్‌సీపీ కౌన్సిలర్లు రాగా.. వారిని అడ్డుకున్నారు. ఎంపీ అవినాష్‌ సహా నేతలను పోలీసులు అడ్డుకున్నారు.నామినేషన్‌ వేయకుండా కూటమి కుట్రలకు పాల్పడుతోంది. పోలీసులను అడ్డుపెట్టుకుని వైఎస్సార్‌సీపీ నేతలపై లాఠీచార్జ్‌, టియర్‌ గ్యాస్‌ ప్రయోగాలకు దిగింది. పులివెందులలో హైటెన్షన్‌ వాతావరణం నెలకొంది. సమయం ముగిసే వరకు నామినేషన్‌ సెంటర్‌లోకి వైఎస్సార్‌సీపీ అభ్యర్థులను పంపకుండా కుతంత్రాలు చేస్తున్నారు. వైఎస్సార్‌సీపీ నేతలపైకి రాళ్లు రువ్వుతున్నారు పోలీసులు. మరొకవైపు ఏకే 47తో కాల్పులకు దిగారు పోలీసులు.నామినేషన్‌ సెంటర్‌ దగ్గర టీడీపీ గూండాలు మోహరించారు. వైఎస్సార్‌సీపీ అభ్యర్థులపై దాడి చేసేందుకు టీడీపీ గూండాలు యత్నించారు. టీడీపీ గూండాలను మాత్రం అడ్డుకోని పోలీసులు.. వైఎస్సార్‌సీపీ నేతలు, కార్యర్తలపై ప్రతాపం చూపించారు. వైఎస్సార్‌సీపీ శ్రేణులనే లక్ష్యంగా చేసుకుని పోలీసులు రాళ్లు విసరడం, కాల్పులు జరపడం వంటి చర్యలకు దిగారు. పోలీసుల దాష్టీకానికి నిరసనగా వైఎస్సార్‌సీపీ నేతలు ధర్నాకు దిగారు. ఇదీ చదవండి: ఎంపీ చేతుల్లోంచి నామినేషన్‌ పేపర్లు లాక్కుని..

సాక్షి, అమరావతి: చంద్రబాబు సర్కారు రెడ్‌బుక్‌ రాజ్యాంగంలో ఖాకీల కర్కశత్వానికి బలైపోయిన తన కుమారుడి కోసం ఓ తల్లి చేసిన న్యాయ పోరాటం ఫలించింది. కనీసం బూడిద కూడా దొరకుండా తన కుమారుడిని అత్యంత అమానవీయంగా కస్టడీలో దారుణంగా హింసించి చంపేసిన ఘటనపై ఆ తల్లి మొరను హైకోర్టు ఆలకించింది. తన కుమారుడు గాదె సాయికృష్ణ కస్టోడియల్‌ డెత్‌పై సీబీఐ దర్యాప్తునకు ఆదేశించాలని వేడుకుంటూ మృతుడి తల్లి విజయలక్ష్మి దాఖలు చేసిన అనుబంధ పిటిషన్‌ను హైకోర్టు అనుమతించింది. సాయికృష్ణ కస్టోడియల్‌ డెత్‌పై రాష్ట్ర పోలీసులు నిష్పాక్షికంగా దర్యాప్తు చేసే అవకాశం లేనే లేదని తేల్చి చెప్పింది. సిట్‌ విశ్వసనీయతను కూడా తాము శంకిస్తున్నామని స్పష్టం చేసింది. ఈ నేపథ్యంలో ఈ కేసులో దర్యాప్తు చేయాలని సీబీఐని హైకోర్టు ఆదేశించింది. సాయికృష్ణ కస్టడీ మరణానికి సంబంధించి తక్షణమే కేసు నమోదు చేసేలా చూడాలని సీబీఐ డైరెక్టర్‌ను ఆదేశించింది. ఈ దర్యాప్తును సీబీఐకి చెందిన ఒక సీనియర్‌ అధికారికి అప్పగించాలని ఆదేశించింది. దర్యాప్తును వీలైనంత త్వరగా పూర్తి చేయాలంది. సాయికృష్ణ కస్టోడియల్‌ డెత్‌కు బాధ్యులైన అధికారులను గుర్తించడంతోపాటు సాయికృష్ణ తల్లికి రూ.25 లక్షలను నష్టపరిహారంగా చెల్లించాలని చంద్రబాబు సర్కార్‌ను ఆదేశించింది. నేటి నుంచి నాలుగు వారాల్లో ఆ మొత్తాన్ని ఆమె ఖాతాలో జమ చేసి తీరాలని తేల్చి చెప్పింది. సాయికృష్ణ కస్టోడియల్‌ డెత్‌కు సంబంధించిన అన్ని రికార్డులను ప్రత్యేక మెసెంజర్‌ ద్వారా సీబీఐ డైరెక్టర్‌కు అందచేయాలని డీజీపీని ఆదేశించింది. సాయికృష్ణ కస్టోడియల్‌ డెత్‌కు కారణమైన అధికారులపై సర్వీసు నిబంధనల ప్రకారం శాఖాపరమైన చర్యలు కూడా తీసుకోవాలని ప్రభుత్వాన్ని ఆదేశించింది. ఈ మేరకు న్యాయమూర్తులు జస్టిస్‌ రవినాథ్‌ తిల్హరీ, జస్టిస్‌ ఆలపాటి గిరిధర్‌ ధర్మాసనం శుక్రవారం 89 పేజీల సంచలన తీర్పు వెలువరించింది.పోలీసులు చట్ట ఉల్లంఘనలకు పాల్పడ్డారు..‘కోర్టుకు సమర్పించిన రికార్డుల్లోని ఆధారాలు, ఇప్పటివరకు జరిగిన దర్యాప్తు ప్రకారం.. మృతుడు సాయికృష్ణని 06.05.2026 ఉదయం సుమారు 7 గంటలకు టాస్క్‌ఫోర్స్‌ పోలీసులు కృష్ణలంక పోలీస్‌ స్టేషన్‌కు తీసుకొచ్చారు. మొదట స్టేషన్‌ సెంట్రీకి, ఆ తర్వాత అతడిని మొబైల్‌ ఫోన్‌తో సహా కృష్ణలంక పోలీస్‌ స్టేషన్‌ ఎస్‌హెచ్‌ఓకి అప్పగించారు. అతడిని అదుపులోకి తీసుకోవడం చట్టబద్ధమైనదే అయినప్పటికీ, బీఎన్‌ఎస్‌ఎస్‌ చట్టం కింద నిర్దేశించిన వ్యవధి లోపు సంబంధిత మేజిస్ట్రేట్‌ ముందు హాజరుపరచడం లేదు. అదే సమయంలో అతడిని కస్టడీ నుంచి విడుదల కూడా చేయలేదు. తద్వారా పోలీసులు చట్ట ఉల్లంఘనలకు పాల్పడినట్లు ప్రాథమిక విచారణలో వెల్లడైంది’ అని ధర్మాసనం పేర్కొంది.పోలీసుల దారుణ హింస వల్లే చనిపోయాడు...‘అంతేకాకుండా విచారణ సమయంలో సేకరించిన మౌఖిక, డాక్యుమెంటరీ, డిజిటల్‌ ఆధారాల ప్రకారం మృతుడు చట్టం అనుమతించిన పరిమితికి మించి పోలీసు కస్టడీలో ఉన్నాడు. ఇందుకు ప్రాథమిక ఆధారాలున్నాయి. కస్టడీలో సాయికృష్ణపై హింస జరిగిందని, తద్వారా అతడికి స్పష్టంగా కనిపించే గాయాలయ్యాయని తేలింది. అతడు చివరిసారిగా కృష్ణలంక పోలీస్‌ స్టేషన్‌లో సజీవంగా కనిపించాడు. కస్టడీలో దారుణ హింస కారణంగా తీవ్రమైన గాయాల పాలై మరణించాడు. విచారణలో తేలిన విషయమేమిటంటే.. 19.06.2026న కృష్ణలంక పోలీస్‌ స్టేషన్‌ నుంచి స్వాధీనం చేసుకున్న ఎన్‌వీఆర్‌ ప్రాథమిక ఫోరెన్సిక్‌ పరిశీలనలో సాయికృష్ణ కస్టడీలో ఉన్న కీలక సమయానికి సంబంధించిన సీసీటీవీ ఫుటేజ్‌తో పాటు, దానికి ముందు ఉన్న 18 నెలల ఫుటేజ్‌ కూడా అందుబాటులో లేదని తేలింది. ఇది ఎలక్ట్రానిక్‌ సాక్ష్యాలను తారుమారు చేయడం లేదా పూర్తిగా నాశనం చేయడాన్ని స్పష్టంగా సూచిస్తోంది.’ అని ధర్మాసనం తేల్చింది.మృతదేహం గురించి కూడా సిట్‌ తెలుసుకోలేకపోయింది..‘08.05.2026 నుంచి 26.05.2026 మధ్య కాలంలో చికిత్స పొందుతూ మరణించిన వ్యక్తులు, గుర్తుతెలియని శవాలకు సంబంధించిన వివరాలను ప్రైవేటు ఆసుపత్రుల రికార్డులతో సహా క్షుణ్ణంగా తనిఖీ చేశారు. అయితే, ఈ తనిఖీల వల్ల సాయికృష్ణ మృతదేహాన్ని గుర్తించడానికి, స్వాధీనం చేసుకోవ­డానికి ఎలాంటి సమాచారం లభించలేదు. ఈ కోర్టుకు సిట్‌ సమర్పించిన స్టేటస్‌ రిపోర్ట్‌లోని 14వ పేరా ప్రకారం సాక్షుల విచారణలో భాగంగా సాయికృష్ణకు లాకప్‌లో చికిత్స అందించిన ఓ ఆర్‌ఎంపీ డాక్టర్‌ను విచారించారు. 08.05.2026న అతను కృష్ణలంక పోలీస్‌ స్టేషన్‌ లో సాయికృష్ణను పరీక్షించారు. అతని శరీరంపై అనేక చోట్ల గాయాలు, వాపులు ఉన్నట్లు గుర్తించారు. పోలీసు సిబ్బంది తనపై దాడి చేసినట్లు మృతుడు స్వయంగా తనకు వెల్లడించారని ఆ డాక్టర్‌ దర్యాప్తు అధికారులకు చెప్పారు’ అని తీర్పులో ధర్మాసనం ప్రస్తావించింది.ఆధారాలన్నీ కస్టోడియల్‌ డెత్‌గా నిర్ధారిస్తున్నాయి...‘మృతుడి కస్టడీ, అతడి శారీరక స్థితి, ఆ తర్వాత వేరొక వ్యక్తి అతడి మొబైల్‌ ఫోన్‌ను ఉపయోగించేలా పోలీసులు చేయడం... నేరం జరిగిన గది రూపు రేఖలు మార్చే ప్రయత్నాలు లాంటి కీలక అంశాలను, సాంకేతిక, మెడికల్, ఎలక్ట్రానిక్, ఫోరెన్సిక్‌ ఆధారాల ద్వారా ధ్రువీకరించారు. మృతుడి కుటుంబాన్ని ప్రభావితం చేయడానికి చేసిన ప్రయత్నాలను కూడా ఇవి ప్రాథమికంగా రుజువు చేస్తున్నాయి. వీటన్నింటి ఆధారంగా సాయికృష్ణది పోలీసుల కస్టడీలో జరిగిన మరణంగా తేలింది.అంతే కాదు అతడి మృతదేహం లేదా దాని అవశేషాలు ఇంకా లభించలేదని కూడా నిర్ధారణ అయింది. కోర్టు ముందున్న ఆధారాలు.. సాయికృష్ణ కస్టడీ హింసకు గురయ్యాడని, పోలీసు కస్టడీలోనే మరణం సంభవించిందని, మృతదేహాన్ని కూడా మాయం చేశారని స్పష్టంగా నిరూపిస్తున్నాయి. సాయికృష్ణను అదుపులోకి తీసుకున్న తర్వాత ఆ సమాచారాన్ని పిటిషనర్‌ విజయలక్ష్మీకి తెలియజేయ­లేదు. ఇది రాజ్యాంగంలోని అధికరణ 22(1), (2) కింద సాయికృష్ణకు లభించిన ప్రాథమిక హక్కును హ­రించడమే’ అని ధర్మాసనం తన తీర్పులో పేర్కొంది.సీబీఐ దర్యాప్తునకు ఆదేశించదగ్గ అసాధారణ పరిస్థితులున్నాయి...‘ఈ కేసులో సీబీఐ దర్యాప్తు ఆదేశించడానికి తగ్గ అసాధారణ పరిస్థితులు ఉన్నాయి. వాటి విషయంలో మేం సంతృప్తి చెందాం. ఇది కస్టడీ హింస, కస్టడీ మరణానికి సంబంధించిన కేసు. ఈ కేసులో పోలీసు అధికారులపై తీవ్రమైన ఆరోపణలున్నాయి. పిటిషనర్‌ విజయలక్ష్మీ (సాయికృష్ణ తల్లి) హైకోర్టును ఆశ్రయించిన తర్వాత మాత్రమే ప్రభుత్వం సిట్‌ను ఏర్పాటు చేసింది. సిట్‌ సమర్పించిన నివేదిక ప్రకారం.. ఒరిజినల్‌ సీసీటీవీ హార్డ్‌ డిస్క్‌లను తొలగించి వాటి స్థానంలో వేరే హార్డ్‌ డిస్క్‌లను ఉంచినట్లు స్పష్టమవుతోంది. సాయికృష్ణను అదుపులోకి తీసుకో­వడం, కస్టడీలో హింసించడం, తద్వారా అతడి మరణం, అనంతరం మృతదేహాన్ని మాయడం చేయ­డానికి సంబంధించిన సాక్ష్యాలను నాశనం చేయడం, మాయం చేసే ఉద్దేశంతోనే హార్డ్‌డిస్క్‌ల మార్పిడి జరిగింది. సాయికృష్ణ జీవించి ఉన్నప్పుడే పరారైనట్లు చిత్రీకరించేందుకు, నేరం జరిగిన గది రూపురేఖలను మార్చడానికి, మృతుడి కుటుంబ సభ్యులను ప్రభా­వితం చేయడానికి కూడా ప్రయత్నాలు జరిగాయి. సిట్‌ దర్యాప్తు పక్షపాతంగా ఉండే అవకాశం ఉండటంతో బాధితుడి కుటుంబంలో, సమాజంలో పలు అనుమానాలు కలుగుతాయి. విరుద్ధ ప్రయోజనాలు ఉన్నందున రాష్ట్ర పోలీసుల చేతుల్లో నిష్పాక్షికమైన విచారణ జరగడం అసాధ్యం. ఈ నేపథ్యంలో సిట్‌ విశ్వసనీయతను శంకించాల్సి వస్తోంది’ అని ధర్మాసనం తన తీర్పులో ప్రముఖంగా పేర్కొంది.కస్టడీ మరణాల్లో సీబీఐ దర్యాప్తునకు ఆదేశించడం కోర్టుల బాధ్యత...‘తగిన కేసులలో ప్రత్యేకించి పోలీసు కస్టడీలో.. ప్రాథమిక హక్కుల ఉల్లంఘన, కస్టడీ హింస, పోలీసు సిబ్బంది నిర్లక్ష్యం వల్ల సంభవించే కస్టడీ మరణాల వంటి కేసులలో సీబీఐ విచారణకు ఆదేశించే అధికారం, పరిధి, రాజ్యాంగపరమైన విధి, బాధ్యత ఈ కోర్టుకు ఉంది. ఈ కేసులో ఉన్నతాధికారుల పాత్ర కూడా విస్మరించలేం. బాధితుడి ప్రయోజనాలతో పాటు దర్యాప్తుపై విశ్వాసాన్ని, నమ్మకాన్ని పెంపొందించడం. చట్టబద్ధమైన పాలనను కాపాడటమే సీబీఐ దర్యాప్తునకు ఆదేశాలివ్వడం వెనక ఉన్న ముఖ్య ఉద్దేశం. తద్వారా నిష్పాక్షిక, పక్షపాతరహిత దర్యాప్తు సాధ్యమవుతుంది. నిష్పాక్షిక విచారణ పొందే హక్కు రాజ్యాంగం ప్రసాదించింది. నిష్పాక్షిక విచారణలో నిష్పాక్షిక దర్యాప్తు కూడా ఒక భాగం. న్యాయస్థానం ఎల్లప్పుడూ సత్యం, న్యాయం కోసం జరిగే అన్వేషణలో భాగస్వామిగా ఉండాలి. న్యాయ వ్యవస్థ సార్వభౌమత్వాన్ని, గౌరవాన్ని కాపాడటానికి, ప్రజల్లో విశ్వాసాన్ని నింపడానికి, ఆ నమ్మకాన్ని నిలబెట్టడానికి ఇది అత్యంత ఆవశ్యకం’ అని ధర్మాసనం తేల్చి చెప్పింది.నిష్పాక్షిక దర్యాప్తు బాధితుల హక్కు...‘అధికరణ 226 కింద కోర్టుకున్న అధికారం అత్యంత అసాధారణమైనది. ఇందులో ఎలాంటి సందేహం లేదు. కాబట్టి ఈ రకమైన అధికారాన్ని ఉపయోగించడంలో గణనీయమైన స్వీయ నియంత్రణ ఉండాలి. సీబీఐ దర్యాప్తునకు ఆదేశించడం అనేది చాలా అరుదుగా, జాగ్రత్తగా, కేవలం అసాధారణ పరిస్థితులలో మాత్రమే జరగాలి. పక్షపాతం లేని, నిష్పాక్షిక దర్యాప్తు పొందే ప్రాథమిక హక్కు బాధితులకు ఉంది. తీవ్రమైన నేరం జరిగిందనేందుకు ప్రాథమిక ఆధారాలు సంతృప్తికరంగా ఉన్నప్పుడు సీబీఐ దర్యాప్తునకు ఆదేశాలివ్వొచ్చు’ అని హైకోర్టు పేర్కొంది.చార్జిషీట్‌ దాఖలు సీబీఐ దర్యాప్తునకు అడ్డంకి కాదు..‘సిట్‌ ఇప్పటికే ఏర్పాటైందని, పారదర్శకతతో కూడిన సమగ్ర దర్యాప్తు జరిపిందని, దానిని ప్రశ్నించడానికి లేదని ప్రభుత్వ ప్రత్యేక న్యాయవాది చెబుతున్నారు. అందుబాటులో ఉన్న ఆధారాల ఆధారంగా ఛార్జిషీట్‌ కూడా దాఖలు చేశామని, అందువల్ల సీబీఐ దర్యాప్తు అవసరం లేదని వాదిస్తున్నారు. అయితే తగిన కేసుల్లో సీబీఐ దర్యాప్తునకు ఆదేశించడానికి ఛార్జిషీట్‌ దాఖలు ఎంత మాత్రం అడ్డంకి కాదు. నిష్పాక్షిక దర్యాప్తుపై ప్రజలకున్న నమ్మకాన్ని, విశ్వాసాన్ని నిలబెట్టడానికి, తద్వారా ప్రజాస్వామ్య విలువలను నిలబెట్టడానికి, చట్టబద్ధమైన పాలనను కాపాడ­టానికి సీబీఐ దర్యాప్తునకు ఆదేశాలివ్వొచ్చు’ అని ధర్మాసనం తన తీర్పులో స్పష్టం చేసింది.పోలీసులపైనే ఆరోపణలున్నాయి.. అందుకే సీబీఐ దర్యాప్తు అనివార్యం...‘రుబాబుద్దీన్‌ షేక్‌ కేసులో ఛార్జిషీట్‌ సమర్పించినప్పటికీ నేరానికి పాల్పడింది ఏ మూడో వ్యక్తి కాకుండా స్వయంగా పోలీసు సిబ్బందే అనే అంశాన్ని పరిగణనలోకి తీసుకుని సీబీఐ దర్యాప్తునకు ఆదేశించడం జరిగింది. ‘న్యాయం జరగడం మాత్రమే కాక, న్యాయం జరిగినట్లు స్పష్టంగా కనిపించాలి’ అనే సూత్రానికి కట్టుబడి ఈ నిర్ణయం తీసుకున్నారు. నేరారోపణలు ప్రభుత్వాధికారులపైనే ఉన్నప్పుడు.. బాధితులతో పాటు ప్రజల్లో కూడా విశ్వాసాన్ని నింపడానికి, సీబీఐ దర్యాప్తునకు ఆదేశించడమే సరైన చర్య అవుతుంది. వీటన్నింటి దృష్ట్యా సాయికృష్ణ కస్టోడియల్‌ డెత్‌పై సీబీఐ దర్యాప్తునకు ఆదేశించడం అనివార్యం’ అని జస్టిస్‌ రవినాథ్‌ తిల్హరీ ధర్మాసనం పేర్కొంది.పౌరుల హక్కులను ప్రభుత్వాధికారులు హరిస్తే.. పరిహారం ఇవ్వాల్సిందే‘రాజ్యాంగం ద్వారా పౌరులకు సంక్రమించిన ప్రాథమిక హక్కులను ప్రభుత్వాధికారులు హరించినప్పుడు, దానికి పరిహారం చెల్లించమని ప్రభుత్వాన్ని ఆదేశించడమే సరైన, సమర్థవంతమైన పరిష్కారం. కస్టడీ మరణం, కస్టడీ హింస లేదా రాజ్యాంగ హక్కుల ఉల్లంఘన నిరూపితమైన సందర్భాలలో ఈ కోర్టు అధికరణ 226 కింద విచారణ జరిపి పరిహారం మంజూరు చేయవచ్చు. ప్రాథమిక హక్కులు ఖైదీకి కూడా అందుబాటు­లోనే ఉంటాయి. ఆ హక్కులను ఎవరూ రద్దు చేయలేరు. శిక్ష అనుభవిస్తున్న లేదా విచారణలో ఉన్న ఖైదీ ఎవరైనా సరే జైలులో ఉంచినంత మాత్రాన వారు తమ ప్రాథమిక హక్కులను కోల్పోరు. పోలీసు కస్టడీలో ఉన్న నిందితుడిని కూడా అతని ప్రాథమిక హక్కుల నుండి వేరు చేయలేరు. అటువంటి వ్యక్తి అసాధారణ మరణా­నికి గురైతే అతని కుటుంబీకులకు పరిహారం అందించాలి. కస్టడీ హింస లేదా మరణానికి గురైన బాధితుడు ఒక నేరంలో నిందితుడైనంత మాత్రాన అతని కుటుంబానికి పరిహారం నిరాకరించలేరు. ఇటీవల లహ్రా బాయి తామ్రే వర్సెస్‌ ఛత్తీస్‌గఢ్‌ రాష్ట్రం కేసులో కస్టడీ మరణం సంభవించినందున తాత్కాలిక ఉపశమనంగా రూ. 25 లక్షల పరిహారాన్ని ఇవ్వాలని సుప్రీంకోర్టు ఆదేశించింది. అదే తీర్పును మేం ఇక్కడ కూడా అనుసరిస్తున్నాం’ అని ధర్మాసనం స్పష్టం చేసింది.‘‘రాష్ట్ర పోలీసుల చేతుల్లో నిష్పాక్షికమైన విచారణ జరగడం అసాధ్యం.. సిట్‌ విశ్వసనీయతను శంకించాల్సి వస్తోంది..’’‘‘కస్టడీలో జరిగే హింస, వేధింపులు, లాకప్‌లలో సంభవించే మరణాలు చట్టబద్ధమైన పాలనకు తీవ్ర విఘాతం కలిగిస్తాయి. ఇది ఎంతో ఆందోళన కలిగించే విషయం. పౌరులను కాపాడవలసిన పోలీసు సిబ్బందే వేటగాళ్లుగా మారి ఇటువంటి చర్యలకు పాల్పడటం పరిస్థితి తీవ్రతను మరింత పెంచుతోంది’’‘‘కస్టడీ వేధింపులు అనేవి మానవ ఆత్మగౌరవానికి బహిరంగ విఘాతమే కాదు తీవ్రమైన అవమానం కూడా. అది వ్యక్తిత్వాన్ని నాశనం చేస్తుంది. గౌరవానికి భంగం కలిగితే మానవ నాగరికత ఒక అడుగు దిగజారినట్లే (డి.కె. బసు కేసు తీర్పును పునరుద్ఘాటిస్తూ..)’’ – సాయికృష్ణ కేసులో హైకోర్టు వ్యాఖ్యలుసాయికృష్ణ కేసులో హైకోర్టు తీర్పు బాబు సర్కారుకు చెంపపెట్టు» సీబీఐ విచారణను స్వాగతించిన వైఎస్సార్‌సీపీ అధ్యక్షుడు వైఎస్‌ జగన్‌ » తన ప్రభుత్వ బాధ్యత నుంచి సీఎం చంద్రబాబు తప్పించుకోలేరు » డీజీపీ, విజయవాడ పోలీస్‌ కమిషనర్‌ పాత్రపైనా విచారణ జరగాలి »బాధ్యులందరికీ శిక్ష పడే వరకు బాధిత కుటుంబానికి అండగా ఉంటాం సాక్షి, అమరావతి: విజయవాడలో పోలీస్‌ లాకప్‌డెత్‌కు గురైన గాదె సాయికృష్ణ కేసును సీబీఐకి అప్పగించడంతో పాటు నాలుగు వారాల్లోగా ఆయన తల్లికి రూ.25 లక్షల పరిహారం చెల్లించాలని చంద్రబాబు సర్కారును ఆదేశిస్తూ హైకోర్టు ఇచ్చిన తీర్పును వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి స్వాగతించారు. ఈ తీర్పు చంద్రబాబు నాయుడు ప్రభుత్వానికి ఒక చెంపపెట్టు అని పేర్కొన్నారు. రాజధానిలో పోలీసులు అత్యంత హేయమైన నేరానికి పాల్పడ్డారని, పోలీసు కస్టడీలో ఒక వ్యక్తి ప్రాణాలు కోల్పోయినా కనీస పశ్చాత్తాపం కూడా లేకపోవడం అత్యంత దారుణమన్నారు. ఈ మేరకు తన ఎక్స్‌ ఖాతాలో శుక్రవారం వైఎస్‌ జగన్‌ ట్వీట్‌ చేశారు. అందులో ఆయన ఇంకా ఏమన్నారంటే..చంద్రబాబు ప్రభుత్వం సమాధానం చెప్పాలి..ఈ కేసులో సీబీఐ విచారణ జరిపించాలని.. డీజీపీ, విజయవాడ పోలీస్‌ కమిషనర్‌తో సహా ఉన్నతాధికారుల పాత్రపై సమగ్ర దర్యాప్తు చేపట్టాలని మేం మొదటి నుంచీ డిమాండ్‌ చేస్తూనే ఉన్నాం. ఎంత ఉన్నత పదవిలో ఉన్నా, ఎంతటి రాజకీయ అండదండలు ఉన్నా చట్టానికి ఎవరూ అతీతులు కారన్న విషయాన్ని గుర్తించాలి. ఈ కేసులో స్వతంత్ర దర్యాప్తు జరిగేలా చూడాల్సిన చంద్రబాబు.. అందుకు విరుద్ధంగా రాష్ట్ర ప్రభుత్వ నియంత్రణలో ఉండే ప్రత్యేక దర్యాప్తు బృందం (సిట్‌) ఏర్పాటు చేసి కేసును తొక్కి పెట్టేందుకు ప్రయత్నించారు. దర్యాప్తులో జరిగిన లోపాలకు, ఉన్నతాధికారుల పాత్రను సమగ్రంగా పరిశీలించడంలో విఫలమైనందుకు చంద్రబాబు ప్రభుత్వం సమాధానం చెప్పాల్సిందే. ఈ వైఫల్యాల కారణంగానే ఇవాళ సీబీఐ విచారణ అవసరం ఏర్పడింది. విచారణ ఎదుర్కోవాల్సిన వారిని కాపాడేందుకు ‘సిట్‌’ ఏర్పాటు ఒక సాకుగా మారకూడదు.వాస్తవాలు వెలికి తీయాలి..సాయికృష్ణ కేసులో పూర్తి వాస్తవాలను సీబీఐ వెలికి తీయాలి. ఎవరి బాధ్యత ఏమిటో నిగ్గు తేల్చాలి. ఎంతటి ఉన్నత పదవిలో ఉన్నవారైనా సరే.. ఈ నేరంలో ప్రమేయం ఉన్న ప్రతి ఒక్కరినీ చట్టం ముందు నిలబెట్టి న్యాయం జరిగేలా చూడాలి. తన ప్రభుత్వ బాధ్యత నుంచి చంద్రబాబు తప్పించుకోలేరు. సాయికృష్ణ తల్లికి తన కుమారుడి మరణం వెనుక ఉన్న పూర్తి వాస్తవాలు తెలియాలి. బాధ్యులపై చర్యలు తీసుకోవాలి. ఆమెకు న్యా­యం జరగాలి. సాయికృష్ణ కుటుంబానికి న్యా­యం జరిగే వరకు మేం అండగా నిలబడతాం.

ఎన్డీయే కూటమి ఏలుబడిలో ఆంధ్రప్రదేశ్‌ చిత్రహింసల కొలిమిగా మారిన నేపథ్యంలో మొన్న మే నెలలో పోలీసు యమకింకరుల చేతుల్లోబడి మాయమైన 25 ఏళ్ల యువకుడు గాదె సాయికృష్ణ అదృశ్యం కేసును సీబీఐకి అప్పగిస్తూ రాష్ట్ర హైకోర్టు శుక్రవారం ఇచ్చిన ఆదేశం హర్షించదగింది. దీంతోపాటు సాయికృష్ణ తల్లి విజయలక్ష్మికి నాలుగు వారాల్లోపు రూ. 25 లక్షల పరిహారం చెల్లించాలని కూడా ధర్మాసనం ఆదేశించింది. కాపుల మద్దతు పుష్కలంగా ఉన్నదని చెప్పుకునే జనసేనతో కలిసి ప్రభుత్వాన్ని నడుపుతూ అదే కులానికి చెందిన యువకుణ్ణి విజయవాడ కృష్ణలంక పోలీసులు లాకప్‌లో కొట్టి చంపి, బూడిద కూడా మిగలకుండా చేశారంటే వారి బరితెగింపు ఏ స్థాయిలో ఉందో అర్థం చేసుకోవచ్చు. తన కుమారుణ్ణి మొన్న మే నెల మొదటి వారంలో అదుపులోకి తీసుకుని పోలీస్‌స్టేషన్లో తీవ్రంగా హింసిస్తున్నారని తెలిసి, రోజుల తరబడి తల్లి స్టేషన్‌ చుట్టూ తిరిగారు. పోలీసు అధికారుల కాళ్లావేళ్లా పడ్డారు. ఈ క్రమంలో ఒకరోజు సాయికృష్ణ ఆర్తనాదాలు వినబడి పరుగున వెనక్కివెళ్లి విలపించారు. అయినా వాళ్లు కనికరించలేదు. ‘కనీసం బూడిదైనా ఇస్తే అంత్యక్రియలు చేసుకుంటాం...’ అని అడిగినా జవాబిచ్చే దిక్కులేదు. చివరకు సీబీఐ దర్యాప్తు కోరుతూ ఆమె హైకోర్టును ఆశ్రయిస్తే... ఆ తల్లిని ఏమార్చటానికి కోర్టు వెలుపల ఎన్ని ప్రయత్నాలు జరిగాయో జనమంతా చూశారు. ఏపీ పోలీసులకేమైంది? కొట్టి చంపి, శవాన్ని మాయం చేసేంత అపరాధం ఆ యువకుడు ఏం చేశాడు? చట్టప్రకారం అరెస్టు చేసిన వారిని 24 గంటల్లో సమీప మేజిస్ట్రేట్‌ కోర్టులో హాజరుపరచాలి. కానీ బాబు ఏలుబడిలో ఇది సక్రమంగా అమలైంది లేదు. ప్రతిపక్ష వైఎస్సార్‌ కాంగ్రెస్‌ కార్యకర్తలపైనా, నాయకులపైనా అక్రమ కేసులు పెట్టిఅరెస్టు చేయడం, రోజుల తరబడి అక్రమ నిర్బంధంలో ఉంచటం, బెయిలొస్తే వేరే కేసులో తిరిగి నిర్బంధంలోకి తీసుకోవటం రివాజుగా మారింది. చివరకు కూటమి పాలన అవకతవకలపై పోస్టులు పెట్టే సాధారణ జనాన్ని కూడా వదలడం లేదు. వేలమందిగూండాలనూ, రౌడీలనూ వైఎస్సార్‌ కాంగ్రెస్‌ నాయకుల ఇళ్లపై దాడులకు పంపడం, చేయాల్సిన విధ్వంసమంతా పూర్తయ్యాక పోలీసులు బాధితులనే అరెస్టుచేయడంబాబు తీసుకొచ్చిన దుష్ట సంప్రదాయం. ఈ వాతావరణమే పోలీసులకు ధైర్యాన్నిచ్చింది. తమను అడిగేవాడు లేడని విర్రవీగే స్థాయికి చేర్చింది. వాస్తవానికి పోలీసు ఆగడాలకు బలైంది సాయికృష్ణ మాత్రమే కాదు... వారి చిత్రహింసలకు తాళలేక తనువు చాలిస్తున్నానంటూ దళిత యువకుడు క్రాంతికుమార్‌ వీడియోలో ప్రకటించి మరీ ఆత్మహత్య చేసుకున్నాడు. అంతకుముందూ, ఆ తర్వాతా గంగమ్మ, తిరుపతమ్మ అనే మహిళల్ని సైతం లాకప్‌లో కొట్టి చంపినట్టు ఆరోపణలొచ్చాయి. మరో మహిళ కళావతి కూడా వీరి వేధింపులవల్లే ఆత్మహత్య చేసుకున్నదని కథనాలు వచ్చాయి. ఇలా పలువురు మరణించిన సందర్భాలున్న నేపథ్యంలో కేవలం సాయికృష్ణ అదృశ్యంపై సీబీఐ దర్యాప్తు చేస్తే సరిపోదు. మిగిలిన కేసుల్ని సైతం ఈ దర్యాప్తు పరిధిలోకి చేర్చాలి. అప్పుడు మాత్రమే ఈ ధోరణి కాస్తయినా తగ్గుతుంది. నారా వారి ఏలుబడి ముందూ మునుపూ కూడా ఇలాగే ఉంది. ఉమ్మడి ఆంధ్ర ప్రదేశ్‌లో నక్సలైట్లను అణచే పేరిట తెలంగాణ పల్లెల్లో యువకుల్ని మాయం చేయటం, ఎన్‌కౌంటర్లలో హతమార్చటం, చట్టబద్ధమైన ఉద్యమాలపై కత్తిగట్టి ప్రైవేటు ముఠాల్ని ప్రోత్సహించి హత్యలు చేయించటం ఆ కాలంలో నిత్యకృత్యం. ఈ ప్రతీకార వాతావరణంలోనే అలిపిరి దగ్గర చంద్రబాబుపై హత్యాయత్నం జరిగింది. చిత్రమేమంటే దీనివల్ల సానుభూతి వెల్లువెత్తుతుందని భ్రమించి ఎన్నికలకు పోతే జనం టీడీపీని మాత్రమే కాదు... జాతీయ స్థాయిలో టోకున ఎన్డీయే కూటమిని చిత్తుగా ఓడించారు. ‘పీడకు పిశాచం తోడైనట్టు...’ ఇప్పుడు కొడుకు చేతికందిరావటంతో ఆ అరాచకాలు మరిన్నిరెట్లు పెరిగాయి. వైఎస్సార్‌ కాంగ్రెస్‌ ఎంపీ గురుమూర్తి ఈ కేసుకు సంబంధించిదాఖలు చేసిన పిటిషన్‌పై విచారణ సందర్భంగా సుప్రీంకోర్టు గత నెలలో ఆందోళన వ్యక్తం చేసింది. సీబీఐ దర్యాప్తు వేగవంతంగా పూర్తయి దోషులకు కఠిన శిక్షలు పడితేనేఈ మాదిరి అరాచకాలు ఆగుతాయి.

సాక్షి, పల్నాడు జిల్లా: స్థానిక సంస్థల ఎన్నికల్లో కూటమి కుట్రలు ప్రారంభమయ్యాయి. దాచేపల్లి వైఎస్సార్‌సీపీ అభ్యర్థి కొప్పుల రవిని తెల్లవారుజామున పోలీసులు బలవంతంగా తీసుకెళ్లారు. వైఎస్సార్‌సీపీ తరఫున నగర పంచాయతీకి నామినేషన్ వేయడానికి కొప్పుల రవి సిద్ధమవ్వగా.. రవికుమార్‌ను అక్రమంగా నిర్బంధించారు. మా అపార్ట్‌మెంట్‌లో మద్యం పెట్టి తన కుమారుడిని పోలీసులు తీసుకెళ్లారని తండ్రి సాంబయ్య తెలిపారు.. రవి కుమార్‌ను పోలీసులు ఎక్కడికి తీసుకెళ్లారోనని కుటుంబసభ్యుల్లో ఆందోళన నెలకొంది.ఈ క్రమంలో దాచేపల్లి పోలీస్ స్టేషన్‌కి వెళ్లిన మాజీ ఎమ్మెల్యే కాసు మహేష్ రెడ్డి.. ఎందుకు రవిని అరెస్ట్ చేశారంటూ ప్రశ్నించారు. వైఎస్సార్‌సీపీ అభ్యర్థి కొప్పుల రవిని తెల్లవారుజామున పోలీసులు తీసుకొచ్చారు. కార్ పార్కింగ్ ప్లేస్‌లో పోలీసులు మద్యం బాటిళ్లు పెట్టి రవిని అన్యాయంగా పోలీసులు తీసుకువెళ్లారు. నామినేషన్ వేసే అభ్యర్థులకు భద్రత కల్పించాలన్న పిటిషన్ హైకోర్టులో ఇవాళ విచారణకు ఉంది. ఎమ్మెల్యే యరపతినేని శ్రీనివాసరావు బెదిరించి భయపెట్టి ఏకగ్రీవాలు చేయాలనుకుంటున్నారు. అక్రమంగా కేసులు పెట్టిన పోలీసులపైన ప్రైవేట్ కేసులు వేస్తాం. ప్రజాస్వామ్య పద్ధతిలో నిరసన తెలుపుతాం’’ అని కాసు మహేష్‌రెడ్డి తెలిపారు.ఇదీ చదవండి: సమరానికి ముందే ఉక్కుపాదం

రాష్ట్రంలో చంద్రబాబు ప్రభుత్వం ఉంది. ఇప్పుడు మీరు స్థానిక ఎన్నికల్లో గెలిచి సాధించేది ఏముంది. అధికారపార్టీకి పోటీగా నిలిచి అనవసరంగా ఇబ్బందులు కొనితెచ్చుకోవద్దు. మంచిగా చెబుతున్నాను వినండి. మర్యాదగా పోటీ ఆలోచన విరమించుకోండి. నా మాట వినకపోతే తర్వాత పర్యవసానాలు మీరు తట్టుకోలేరు. – ఇది రైల్వేకోడూరు రూరల్‌ సీఐ శ్రీనివాసులు బెదిరింపుసాక్షి, అమరావతి: స్థానిక ఎన్నికలు దగ్గరపడుతుండడంతో ముఖ్యమంత్రి చంద్రబాబు డైరెక్షన్‌లో పోలీసుల ఓవరాక్షన్‌ రోజురోజుకూ పెరుగుతోంది. ఎలాగైనా గెలవాలన్న దుగ్థతో అధికారపార్టీ నేతల కనుసన్నల్లో వైఎస్సార్‌సీపీ శ్రేణులపై బెదిరింపుల పర్వానికి తెరలేపారు. కొందరు పోలీసులు మరీ అడ్డగోలుగా పేట్రేగిపోతున్నారు. ఇందులో భాగంగానే పల్నాడు, గుంటూరు, చిత్తూరు, అనంతపురం, కర్నూలు తదితర జిల్లాల్లో పోలీస్‌ బాస్‌ల నుంచి సీఐ, ఎస్సై వరకు రంగంలోకి దించింది. వైఎస్సార్‌సీపీ అభ్యర్థులుగా బరిలోకి దిగాలనుకుంటున్న ఆశావహుల వివరాలు నిఘా వర్గాల ద్వారా సేకరిస్తున్నారు. వారిపై ఏమైనా పాత కేసులు ఉన్నాయేమో చూస్తున్నారు. లేదంటే కొత్త కేసులు పెడతామంటూ బెదిరిస్తున్నారు. పోలీస్‌ స్టేషన్లకు పిలిచి బైండోవర్ల పేరుతో వేధింపులకు పాల్పడుతున్నారు. ‘ఎన్నికల్లో పోటీ చేసి అనవసరంగా సమస్యలు ఎందుకు తెచ్చుకుంటారు?’, ‘కేసుల్లో ఇరుక్కుంటే ఇబ్బందులు పడతారు’ అంటూ హెచ్చరిస్తున్నారు. అన్ని జిల్లాల్లోనూ బైండోవర్ల ఉచ్చు? » విజయనగరం జిల్లాలో ఏకంగా 20 వేల మందిని బైండోవర్‌ చేసినట్టు ఎస్పీ ఏఆర్‌ దామోదర్‌ గురువారం ప్రకటించారు. బైండోవర్‌ కేసుల్లో ఉన్న వారిపై ప్రత్యేక నిఘా పెట్టామన్నారు. బైండోవర్‌ కేసుల్లో ఒక్కొక్కరి దగ్గర రూ.2లక్షల నుంచి రూ.3లక్షల వరకు సొంత పూచీకత్తు తీసుకున్నామన్నారు. » తిరుపతి జిల్లా రైల్వే కోడూరు నియోజకవర్గంలో కూటమి నేతల కుటిల పన్నాగంతో చరిత్రలో ఎన్నడూ లేని విధంగా బైండోవర్‌లు చేయడం చర్చనీయాంశంగా మారింది. ముఖ్యంగా నియోజకవర్గంలో మొత్తం బైండోవర్‌ కేసుల్లో అత్యధికంగా వైఎస్సార్‌సీపీ నాయకులపై నమోదు చేస్తున్నారన్న ఆరోపణలు ఉన్నాయి. పుల్లంపేటలో 80, ఓబులవారిపల్లిలో 121, పెనగలూరులో 70, చిట్వేలిలో 190, కోడూరులో 120 వరకు బైండోవర్‌ కేసులు నమోదు చేసినట్టు తెల్సింది. ఇప్పటికే నియోజకవర్గంలో లక్కిరెడ్డిరాజారెడ్డి, పలిగల రాజశేఖర్, జనార్ధన్, మల్లికార్జున, మహేష్, పోలిమహేంద్రరెడ్డి, సయ్యద్‌ ముస్తాక్, మల్లురామక్రిష్ణారెడ్డి తదితరులపై నమోదు చేసారు. ఇంకా నాయకులు, కార్యకర్తలను పోలీసులు స్టేషన్‌కు అధార్‌ కార్డులు తీసుకొని రమ్మంటున్నారు. » జీవీఎంసీ ఎన్నికల నేపథ్యంలో విశాఖ పశ్చిమ నియోజకవర్గంలో అధికార పక్షం పోలీసుల ద్వారా బెదిరింపుల పర్వం తీవ్రరూపం దాల్చినట్లు ఆరోపణలు వినిపిస్తున్నాయి. కార్పొరే­టర్‌గా పోటీ చేయాలనుకుంటున్న వైఎస్సార్‌సీపీకి చెందిన ఓ బలమైన అభ్యర్థిని లక్ష్యంగా చేసుకుని, నియోజకవర్గ ఎమ్మెల్యే పీఏ గోపాలపట్నం పోలీస్‌స్టేషన్‌ వేదికగా బెదిరింపులకు దిగారు. సదరు అభ్యర్థికి చెందిన వ్యాపారాలపై ఆంక్షలు విధిస్తామని, వాటిని దెబ్బతీస్తామని హెచ్చరిస్తూ ఎన్నికల బరి నుంచి తప్పుకోవాలంటూ తీవ్ర ఒత్తిడి తెస్తున్నారనే ఆరోపణలు వెల్లువెత్తుతున్నాయి. అంతేకాకుండా, మరికొందరు అభ్యర్థులను సైతం ఎన్నికల్లో పోటీ చేయకుండా అడ్డుకునేందుకు బెదిరింపులకు పాల్పడుతున్నట్లు సమాచారం. » పల్నాడు జిల్లాలో మాచర్ల, గురజాల, దాచేపల్లి, పిగుడురాళ్ల, నరసరావుపేట, వినుకొండ, చిలకలూరిపేట, సత్తెనపల్లి, పెదకూరపాడు ప్రాంతాల్లో రెండు రోజుల్లోనే ఏకంగా 1,688మందిపై బైండోవర్‌ కేసులు పెట్టారు. వారిలో దాదాపు 60శాతం వరకు వైఎస్సార్‌సీపీ శ్రే­ణులు, సానుభూతిపరులే కావడం గమనార్హం. » గుంటూరు జిల్లాలో రెండు రోజుల్లో 290మందిని బైండోవర్‌ చేశారు. వైఎస్సార్‌సీపీ శ్రేణులను పోలీస్‌ స్టేషన్‌కు పిలిచి బైండోవర్‌ కేసులు పెడతామంటూ బెదిరిస్తున్నారు. » తిరుపతి జిల్లాలో వైఎస్సార్‌సీపీ నాయకులు, కార్యకర్తలపై పోలీసులు పలు బైండోవర్‌ కేసులు నమోదు చేశారు. వైఎస్సార్‌సీపీ యువజన విభాగం రాష్ట్ర కార్యదర్శి మల్లం రవికుమార్, పార్టీ కార్యకర్తలు మూర్తి ప్రేమ్‌కుమార్, పి.మస్తాన్‌ తదితరులపై ఎటువంటి కారణాలు లేకుండా పోలీసులు కేసులు నమోదు చేయడం గమనార్హం. »నంద్యాల జిల్లా పాణ్యంలో 38మందిని, అన్నమయ్య జిల్లా పీలేరులో 133మందిని బైండోవర్‌ చేశారు. » కాకినాడ జిల్లా పెద్దాపురం పట్టణంలో వైఎస్సార్‌సీపీ నేతలు, కార్యకర్తలపై బైండోవర్‌ కేసుల నమోదుకు రంగం సిద్ధం చేస్తున్నారు. ఈ మేరకు పలువురు నాయకులు, కార్యకర్తలకు పోలీస్‌స్టేషన్ల నుంచి పిలుపులు వచ్చాయి. గతంలో మీపై అనేక ఫిర్యాదులు ఉన్నాయి.. తక్షణమే స్టేషన్‌కు వచ్చి బైండోవర్‌ కావాలని బుధవారం పిలుపులు రావడంపై వైఎస్సార్‌సీపీ నేతలు ఆగ్రహం వ్యక్తం చేస్తున్నారు. అక్రమ కేసులు బనాయిస్తే ఊరుకునేది లేదని పోలీసుల తీరుపై మండిపడుతున్నారు. వైఎస్సార్‌సీపీ పెద్దాపురం నియోజకవర్గ కో ఆర్డినేటర్‌ దవులూరి దొరబాబు ఈ విషయాన్ని డీఎస్పీ ఏబీజీ తిలక్‌ దృష్టికి తీసుకెళ్లారు. » శ్రీకాకుళం జిల్లాలో బైండోవర్‌ కేసుల నమోదు చేస్తున్నట్టు ఎస్పీ కేవీ మహేశ్వరరెడ్డి గురువారం ప్రకటించారు. వజ్రపుకొత్తూరు మండలంలోని 37 పంచాయతీల్లో 393 మందిపై బైండోవర్‌ కేసులు నమోదు చేసినట్లు వజ్రపుకొత్తూరు ఇన్‌చార్జి ఎస్‌ఐ అప్పలరెడ్డి తెలిపారు. హిరమండలంలో 55 మందిపై బైండోవర్‌ కేసులు నమోదయ్యాయి. » వైఎస్సార్‌ కడప జిల్లాలో రెండు రోజుల నుంచి పోలీసులు బైండోవర్లను ప్రారంభించారు. కడప కార్పొరేషన్‌తోపాటు, జిల్లా వ్యాప్తంగా ఆరు మున్సిపాలిటీలు, రెండు మేజర్‌ పంచాయతీలు, 39 మండలాల పరిధిలో పోలీసు యంత్రాంగం బైండోవర్లు చేస్తున్నారు. కడప నగర కార్పొరేషన్‌ పరిధిలో దాదాపు 110 మందిని బైండోవర్‌ చేస్తే వారిలో కేవలం 85 మంది వైఎస్సార్‌సీపీ కార్యకర్తలు, సానుభూతిపరులు కావడం గమనార్హం. కడప జిల్లా వ్యాప్తంగా దాదాపు 350 మందిని బైండోవర్‌ చేస్తే వారిలో ఏకంగా 290 మంది వైఎస్సార్‌సీపీ శ్రేణులు, సానుభూతి పార్టీల వారు ఉన్నారు. పిడుగురాళ్ల.. ‘నో డ్యూ’ ఇవ్వకుండా వేధింపులు పల్నాడు జిల్లా పిడుగురాళ్ల మున్సిపాలిటీలో వైఎస్సార్‌సీపీ తరఫున పోటీ చేయాలనుకునే అభ్యర్థులకు నో డ్యూ సర్టిఫికెట్లు జారీ చేయడంలో అధికారులు పాక్షపాత ధోరణి అవలంబిస్తున్నారు. వైఎస్సార్‌సీపీ అభ్యర్థులకు ఇవ్వకుండా ఇబ్బందులు పెడుతున్న అధికారులు అదే అధికారపక్షం అభ్యర్థులకు ఆగమేఘాలపై ఇచ్చి పంపిస్తున్నారు. వైఎస్సార్‌సీపీ అభ్యర్థులను ఉదయం నుంచి మున్సిపల్‌ కార్యాలయం చుట్టూ తిప్పుతూ, సాయంత్రం వరకు వేచి ఉండేలా చేసి, చివరకు మరుసటి రోజు రావాలని చెబుతున్నారు. పెడన.. భయపెట్టి తప్పించారు.... కృష్ణాజిల్లా పెడన పట్టణంలోని 18వ వార్డు ఎస్టీ జనరల్‌కు రిజర్వేషన్‌ కావడంతో వైఎస్సార్‌సీపీ నాయకులు ఒక ప్రైవేటు ఉద్యోగిని అభ్యర్థిగా రంగంలోకి దించారు. విద్యావంతుడు, స్థానికంగా మంచి పేరున్న వ్యక్తి కావడంతో పాటు వైఎస్సార్‌సీపీ అంటే అభిమానంతో బరిలో నిలబడేందుకు ఆ కుటుంబం సిద్ధమైంది. తాను కాకపోయినా తన భార్యనైనా నిలబెట్టడానికి ఆసక్తి చూపారు. వీరిద్దరిలో ఎవరు నిలబడినా సీటు వైఎస్సార్‌సీపీ విజయం సాధిస్తుందని భావించిన అధికార పార్టీ నాయకులు సదరు అభ్యర్థిని పరోక్షంగా తాను ఉద్యోగం చేస్తున్న సంస్థలోని ఉన్నతస్థాయి వ్యక్తులతో హెచ్చరించినట్లుగా సమాచారం. దీంతో ఈ గొడవలు తనకెందుకని భావించి ఆయన విషయాన్ని వైఎస్సార్‌సీపీ నేతల దృష్టికి తీసుకువచ్చి, పోటీ నుంచి తప్పుకుంటున్నట్లు తెలియజేశారు. యథేచ్ఛగా కోడ్‌ ఉల్లంఘనలు..స్థానిక ఎన్నికల కోడ్‌ను అధికారపక్షం యథేచ్చగా ఉల్లంఘిస్తోంది. చిత్తూరు జిల్లా కుప్పం మున్సిపాలిటీ పరిధిలో అధికార పార్టీ నేతల ఫ్లెక్సీలు ఏర్పాటు చేసినట్లు, ఎన్నికల కోడ్‌ అమల్లో ఉన్నప్పటికీ అధికారులు పట్టించుకోవడం లేదని ఆరోపణలు వచ్చాయి. విజయనగరం రైతు బజారులో చంద్రబాబు ఫొటోతో బియ్యం విక్రయాలు జరుగుతున్నాయని, ఆయన చిత్రంతోనే అమ్మకాలు చేయాలంటూ అధికారులు ఆదేశించినట్లు విమర్శలు వ్యక్తమయ్యాయి. గుంటూరు నగర వ్యాప్తంగా టీడీపీ నేతల ఫ్లెక్సీలు, ఎమ్మెల్యేతో పాటు మేయర్‌ పదవిని ఆశిస్తున్న నేతల ప్రచార చిత్రాలు కనిపిస్తున్నాయి. వాటిపై మున్సిపల్‌ అధికారులు చర్యలు తీసుకోవడం లేదు.‘‘కర్నూలులోని శ్రీరాంనగర్‌లో నివాసం ఉంటున్న వైఎస్సార్‌సీపీ సోషల్‌ మీడియా కార్యకర్త ప్రశాంత్, పెయింటర్‌ చిట్టిబాబు, ఎలక్ట్రీషియన్‌ నూర్‌ అహ్మద్‌లను పోలీసులు టార్గెట్‌ చేశారు. వైఎస్సార్‌సీపీ సానుభూతిపరులు కావడమే వారు చేసిన నేరం. తెల్లవారు జామున వాళ్ల ఇళ్లలోకి చొరబడి తనిఖీల పేరుతో భయాందోళనలకు గురిచేశారు. బీరువాలు తెరిచి సామాన్లు చిందరవందరగా పడేశారు.’’తాడిపత్రి.. జేసీ అనుచరుల దాష్టీకం...తాడిపత్రి మున్సిపాలిటీ ఎన్నికల్లో పోటీచేస్తే నీ భర్తను చంపేస్తామంటూ వైఎస్సార్‌సీపీ కౌన్సిలర్‌ అభ్యర్థి సాయిజ్యోతిని టీడీపీ నేత జేసీ అనుచరుడు రఘు, రౌడీలతో కలిసి ఇంటికి వెళ్లి మరి బెదిరింపులకు దిగాడు. తాడిపత్రి పట్టణంలోని నగరంలోని శాస్త్రినగర్‌లో ఉంటున్న వైఎస్సార్‌సీపీ నేత మడ్డిపల్లి వేణుగోపాల్‌రెడ్డి, తన భార్య సాయిజ్యోతితో 31వ వార్డు కౌన్సిలర్‌ అభ్యర్థిగా నామినేషన్‌ వేసేందుకు సిద్ధమయ్యారు. విషయం తెలుసుకున్న జేసీ అనుచరుడు రఘు 25మంది పచ్చమూకతో వేణుగోపాల్‌రెడ్డి ఇంటికి వెళ్లి హల్‌చల్‌ చేస్తూ భయాందోళనలు రేకెత్తించారు. ఈ ఘటన వేణుగోపాల్‌రెడ్డి ఇంటికి అమర్చిన సీసీ కెమెరాలో రికార్డు అయ్యింది. ఆ దృశ్యాలు సామాజిక మాధ్యమాల్లో వైరల్‌ కావడం గమనార్హం. అయినా పోలీసులు స్పందించకపోవడంతో బాధితులు మాజీ ఎమ్మెల్యే కేతిరెడ్డి పెద్దారెడ్డి దృష్టికి తీసుకెళ్లడంతో ఆయన ఎస్పీ జగదీష్‌కు చెప్పినట్టు తెల్సింది. జిల్లా ఎస్పీ సూచనతో బాధితులు స్థానిక పోలీసులకు ఫిర్యాదు చేశారు. రాయచోటి... ‘బలైపోతావ్‌’ అంటూ మంత్రి బెదిరింపులు.. అన్నమయ్య జిల్లా రాయచోటిలో వైఎస్సార్‌సీపీ ఆశావహులను లక్ష్యంగా చేసుకుని మంత్రి రాంప్రసాద్‌రెడ్డి బెదిరింపులకు దిగారు. గౌస్‌ అనే మైనారిటీ నాయకుడికి ఫోన్‌ చేసి ఎన్నికల్లో పోటీ చేసి ఇబ్బందులు తెచ్చుకోవద్దని, బలైపోతావంటూ మంత్రి చేసిన హెచ్చరికల ఫోన్‌కాల్‌ వైరల్‌ అవుతోంది. ‘రిక్వెస్ట్‌ అనుకుంటారో.. బెదిరింపు అనుకుంటారో.. ఇంకేమనుకుంటారో మీ ఇష్టం’, ‘మీరు బలిపశువులు కావద్దు’ అంటూ హెచ్చరించడం గమనార్హం. ఈ ఎన్నిక తనకు ప్రతిష్టాత్మకమని, ఎవరూ పోటీకి దిగవద్దని, ఇంకా రెండున్నరేళ్లు తమ ప్రభుత్వమే ఉంటుందని మంత్రి భయపెట్టేలా మాట్లాడడం శోచనీయం. రాయచోటిలోని వివిధ వార్డుల్లో పోటీ చేయాలనుకునే ఆశావహులకు మంత్రి ఇదే మాదిరిగా ఫోన్‌ కాల్స్‌ చేసి బెదిరిస్తున్నారు.

మహబూబ్ నగర్ జిల్లా: కొడుకు సాధించిన విజయాన్ని చూసి తండ్రి కళ్లలో ఆనందబాష్పాలు.. ఆ కన్నీటి వెనుక తన కోసం తండ్రి పడిన కష్టం, చేసిన త్యాగాన్ని గుర్తించిన కుమారుడి హృదయం.. వెరసి అందరి మనసులనూ కదిలించిన అపురూప దృశ్యమిది. డీఎస్పీగా శిక్షణ పూర్తి చేసుకుని విధుల్లో చేరేందుకు సిద్ధమైన ఓ యువ అధికారి.. తన తండ్రి తలపై తన ఖాకీ టోపీని పెట్టి, తన విజయాన్ని ఆయనకు అంకితం చేశాడు. ‘నాన్నా.. ఈ హోదా నాది కావచ్చు.. కానీ దీని వెనుక ఉన్న కష్టం నీది. నా కోసం నువ్వు చేసిన త్యాగాలే నన్ను ఈ స్థాయికి చేర్చాయి. ఈ కిరీటానికి అసలైన అర్హుడివి నువ్వే’ అన్నట్టుగా తండ్రి తలపై టోపీని ఉంచి తన కృతజ్ఞతను చాటుకున్నాడు. కొడుకు సాధించిన విజయాన్ని చూసి ఆనందంతో భావోద్వేగానికి గురైన తండ్రిని హత్తుకున్న ఆ క్షణం.. అక్కడున్న వారందరినీ కదిలించింది. నవాబుపేట మండలం కొల్లూరు గ్రామంలోని సత్రోనిపల్లితండాకు చెందిన చెందర్‌నాయక్‌ కుమారుడు అరుణ్‌కుమార్‌ సోమవారం డీఎస్పీ శిక్షణను పూర్తి చేసుకుని విధుల్లో చేరేందుకు సిద్ధమయ్యాడు. ఈ సందర్భంగా నిర్వహించిన కార్యక్రమంలో తన విజయానికి కారకుడైన తండ్రికి అరుణ్‌కుమార్‌ ఇచ్చిన గౌరవం అందరినీ ఆకట్టుకుంది. సాధారణంగా తల్లిదండ్రులు తమ పిల్లల విజయాలను చూసి గర్వపడతారు. కానీ, తన విజయానికి వెనుక ఉన్న తండ్రి శ్రమను గుర్తించి, ఆ విజయాన్ని ఆయనకే అంకితం చేయడం అరుణ్‌కుమార్‌ గొప్ప మనసుకు నిదర్శనంగా నిలిచింది. కొడుకు తలపై మెరవాల్సిన ఖాకీ టోపీ.. క్షణకాలం తండ్రి తలపై కిరీటమైంది. ఆ టోపీ కేవలం ఓ హోదాకు గుర్తు కాదు.. కొడుకు భవిష్యత్తు కోసం తండ్రి చేసిన త్యాగాలకు దక్కిన గౌరవం.ఇదీ చదవండి: కొత్త కోడలికి 25 రకాల బతుకమ్మలతో వాయినం

హైదరాబాద్‌: అంతర్జాతీయ బాలికా దినోత్సవం సందర్భంగా జలవిహార్‌ వేదికగా ఆదివారం షీ పవర్‌ ఫౌండేషన్‌ ఆధ్వర్యంలో మహిళా భద్రతా బైక్‌ ర్యాలీ నిర్వహించారు. మంత్రులు జూపల్లి కృష్ణారావు, పొన్నం ప్రభాకర్‌ ర్యాలీని ప్రారంభించారు. బైక్‌ ర్యాలీ ఇందిరాగాంధీ చౌరస్తా నుంచి తిరిగి జలవిహార్‌ వరకు సాగింది. నగరానికి చెందిన మహిళా రైడర్లతో పాటు నేపాల్, భూటాన్, దేశంలోని వివిధ రాష్ట్రాల నుంచి మహిళా సూపర్‌ బైకర్లు, స్కూటీ రైడర్లు, మహిళా పోలీసులు ఉత్సాహంగా పాల్గొన్నారు. ఈ సందర్బంగా మంత్రులు జూపల్లి, పొన్నం మాట్లాడుతూ.. మహిళలు అన్ని రంగాల్లోనూ ముందంజ వేస్తున్నారని కొనియాడారు. కార్యక్రమంలో డీసీపీ శిల్పవల్లి, షీ పవర్‌ ఫౌండర్‌ మహేష్‌ గుప్తా తదితరులు పాల్గొన్నారు. ఆ్రఫ్టాల్‌ ఉమెన్‌ అన్న పదం నచ్చక.. 2013లో ఆ్రఫ్టాల్‌ ఉమెన్‌ అన్న ఒక్క మాట నాకు నచ్చక చాలెంజింగ్‌గా తీసుకున్నా. మొదట్లో బుల్లెట్‌ బండి నడుపుతున్నప్పుడు వేస్ట్‌ అన్నారు. పంజాగుట్ట పీఎస్‌లో పని చేస్తుండగా 5జీ బుల్లెట్‌ బైక్‌ తీసుకున్నా. 60 రోజుల పాటు నేను ఒక్కదాన్నే రాత్రి వేళ పెట్రోలింగ్‌ చేశా. ఆల్‌ ఇండియా చాలెంజింగ్‌ ఉమెన్‌ అవార్డు అందుకున్నా. షార్ట్‌పుట్‌లో జాతీయ, అంతర్జాతీయ అవార్డులతో పాటు రెండు డాక్టరేట్లు సాధించాను. వెపన్‌ షూటింగ్‌లో గోల్ట్‌మెడల్‌ అందుకున్నా. – శ్యామల, బేగంపేట్‌ ట్రాఫిక్‌ ఎస్‌ఐ

సాక్షి, ఆదిలాబాద్‌ : క్రిప్టో కరెన్సీ పేరుతో వందలమందిని మోసం చేసిన అంతరాష్ట్ర నిందితులను పోలీసులు ఈ రోజు (ఆదివారం) అరెస్టు చేశారు. ఐటీసీ గ్లోబల్ పేరుతో నకిలీ వెబ్‌సైట్ సృష్టించి అందులో పెట్టుబడి పెడితే రెండేళ్లలో పెట్టుబడులు రెట్టింపు అవుతాయని ప్రజలను మోసం చేశారని పోలీసులు తెలిపారు. మోసంపోంజీ స్కీమ్, మల్టీ లెవల్ మార్కెటింగ్ ద్వారా వందలాది మందికి టోకరా వేశారని తెలంగాణ, ఆంధ్రప్రదేశ్ రాష్ట్రాల్లో 300 నుంచి 500 మంది బాధితులు ఉన్నట్లు పోలీసులు అనుమానిస్తున్నారు.ఆదిలాబాద్ వన్ టౌన్ పరిధిలో ఐదుగురి నుంచి సుమారు రూ.30 లక్షలు వసూలు చేశారని ఈ సంస్థ బాధితులు ముఖ్యంగా వరంగల్, కరీంనగర్, నిజామాబాద్, ఆదిలాబాద్‌తో పాటు ఆంధ్రప్రదేశ్‌లోనూ బాధితులు ఉన్నట్లు తెలిపారు. జూమ్ మీటింగ్‌లు, హోటళ్లలో సమావేశాలతో ప్రజలకు వల వేశారని రూ. కోట్లలో మోసం జరిగినట్లు పోలీసులు అనుమానిస్తున్నారు. ఈ నేపథ్యంలో ఆరుగురిపై కేసు నమోదు చేయగా వారిలో ఇద్దరిని అరెస్ట్ చేశారు. వారికి సంబంధించిన ఆస్తులు ఫ్రీజ్ చేయడంతో పాటు సెల్‌ఫోన్లు స్వాధీనం చేసుకున్నారు.ఇదీ చదవండి: మిర్యాలగూడలో అగ్నిప్రమాదం

సాక్షి, న్యూఢిల్లీ: ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌ రాజీనామా డిమాండ్‌తో చేపట్టిన నిరసన కార్యక్రమానికి వెళ్లకుండా పోలీసులు తనను అడ్డుకుని, అక్రమంగా నిర్బంధించారంటూ కాక్రోచ్‌ జనతా పార్టీ (సీజేపీ) న్యాయ విభాగం అధిపతి రత్నా సింగ్‌ ఢిల్లీ కోర్టును ఆశ్రయించారు. నిర్బంధించిన పోలీసులపై ఎఫ్‌ఐఆర్‌ నమోదు చేయాలని శనివారం సాకేత్‌ చీఫ్‌ మెట్రోపాలిటన్‌ మేజి్రస్టేట్‌ కోర్టులో పిటిషన్‌ వేశారు. శనివారం మరో ఇద్దరు న్యాయవాదులతో కలిసి సుప్రీంకోర్టు వైపు వెళ్తుండగా తనను ఇంటి వెలుపలే పోలీసులు అడ్డుకున్నారని రత్నా సింగ్‌ తెలిపారు. రెండు కార్లను అడ్డంగా నిలిపి తన వాహనం ముందుకు వెళ్లకుండా చేశారని, ఇందుకు సంబంధించిన వీడియోను పరిశీలించాలని కోరారు. తన ప్రాథమిక హక్కులకు, వ్యక్తిగత స్వేచ్ఛకు పోలీసులు భంగం కలిగించారని ఆరోపించారు. తన ప్రాణాలకు ముప్పు ఉందని ఆమె ఆందోళన వ్యక్తం చేశారు. ఈ వ్యవహారంపై విచారణ జరిపించాలని అభ్యరి్థంచారు.

సాక్షి, అమరావతి: కేంద్ర ఎన్నికల ప్రధాన అధికారి (సీఈసీ) జ్ఞానేష్‌కుమార్‌ రాజీనామా చేయాలని, ఎస్‌ఐఆర్‌ ప్రక్రియను నిలిపివేయాలని, ఓటు హక్కును పరిరక్షించాలని కోరుతూ కమ్యూనిస్టు, కాంగ్రెస్‌ పార్టీలు శనివారం విజయవాడలో నిర్వహించిన లోక్‌భవన్‌ ముట్టడి కార్యక్రమాన్ని కట్టడి చేసేందుకు పోలీసులు తమ ప్రతాపం చూపించారు. ఈ కార్యక్రమానికి అనుమతిలేదంటూ శుక్రవారం అర్థరాత్రి నుంచే విజయవాడ, తాడేపల్లి, ఎన్టీఆర్, గుంటూరు జిల్లాల్లోని వామపక్ష నేతలను పోలీసులు గృహ నిర్బంధం చేశారు. లోక్‌భవన్‌కు వెళ్లే అన్ని దారులను బారికేడ్లు, ఇనుప కంచెలతో మూసివేశారు. లెనిన్‌ సెంటర్, సీపీఎం, సీపీఐ రాష్ట్ర కార్యాలయాలను పోలీసులు దిగ్బంధించారు. వందలాది మంది పోలీసులు మోహరించి పెద్ద సంఖ్యలో వాహనాలు తీసుకొచ్చి అరెస్టులు చేశారు. దీంతో.. ఢిల్లీలోని జంతర్‌ మంతర్‌ వద్ద జరుగుతున్న ఉద్యమానికి మద్దతుగా వామపక్షాలు, కాంగ్రెస్, ఇతర ప్రజాసంఘాలు చేపట్టిన ‘ఛలో లోక్‌భవన్‌’ కార్యక్రమంతో విజయవాడ నగరంలో ఉద్రిక్త వాతావరణం నెలకొంది. పోలీసుల దాడిలో విద్యార్థి సంఘాల కార్యకర్తలు ముగ్గురు గాయపడి ఆసుపత్రిపాలయ్యారు. వీరిని పోలీసులు కనీసం ఆసుపత్రికి కూడా తీసుకెళ్లలేదు. గాయపడ్డ వారిలో తూర్పుగోదావరి జిల్లా ఎస్‌ఎఫ్‌ఐ అధ్యక్షురాలు జ్యోతి çస్పృహ తప్పిపడిపోగా.. పశ్చిమ గోదావరి జిల్లా ఎస్‌ఎఫ్‌ఐ నాయకుడు వంశీ, ఏలూరు జిల్లా కార్యకర్త మాధవ్‌ను పోలీసులు గుండెపై తన్నటం, తోపులాటలో గాయపడ్డారు. వేర్వేరు పోలీసుస్టేషన్లకు నేతల తరలింపు.. ఇక విజయవాడ లెనిన్‌ సెంటర్‌లో ఆందోళనకు దిగిన సీపీఎం రాష్ట్ర కార్యదర్శి వి. శ్రీనివాసరావు, రాష్ట్ర కార్యదర్శివర్గ సభ్యులు సీహెచ్‌ బాబూరావు, వి. ఉమామహేశ్వరరావు, వి. రాంభూపాల్, సీపీఐ రాష్ట్ర కార్యదర్శివర్గ సభ్యులు అక్కినేని వనజ, దోనేపూడి శంకర్, సీపీఐ ఎంఎల్‌ న్యూడెమోక్రసీ నాయకులు పి. ప్రసాద్, చిట్టిపాటి వెంకటేశ్వర్లు, సీపీఐఎంఎల్‌ న్యూడెమోక్రసీ నాయకులు ఎం.రామకృష్ణ, ఎంసీపీఐయు నాయకులు ఖాదర్‌బాషా, ఎస్‌యుసీఐసీ నాయకులు కె. సుధీర్, కాంగ్రెస్‌ ఏపీ ఇన్‌చార్జి వి.మోహన్, ఆ పార్టీ నేతలు గిడుగు రుద్ర­రాజులతోపాటు పలువురు నాయకులు, కార్య­కర్తలను పోలీసులు అరెస్టుచేశారు. వీరందరినీ ఇబ్రహీంపట్నం, భవానీపురం, కొత్తపేట టూటౌన్, సింగ్‌నగర్, నున్న, సత్యనారాయణపురం, కృష్ణలంక పోలీసుస్టేషన్లకు తరలించారు. కార్యక్రమానికి మాజీమంత్రి, రైతు నాయకుడు వడ్డే శోభానాద్రీశ్వరరావు మద్దతు తెలిపారు. ఇదిలా ఉండగా కృష్ణా జిల్లా గన్నవరం మండలం కేసరపల్లి శివారు ఎస్‌ఎల్‌ విల్లాస్‌లో ఏపీసీసీ అధ్యక్షురాలు షర్మిలను పోలీసులు హౌస్‌ అరెస్ట్‌ చేశారు. సీఈసీకి వ్యతిరేకంగా కాంగ్రెస్‌ చేపట్టిన చలో లోక్‌భవన్‌ నేపథ్యంలో ఆమెను నిర్బంధించారు.

సాక్షి, హైదరాబాద్‌: వారు పోలీసు ఉన్నతాధికారులు...రాజేంద్రనగర్‌లోని ప్రొ.జయశంకర్‌ తెలంగాణ వ్యవసాయ విశ్వవిద్యాలయంలోని ఆఫీస్‌ క్వార్టర్లలో నివాసముంటున్నారు. ఏకంగా ఎనిమిదేళ్లుగా నలుగురు ఐపీఎస్‌లు వాటిని వినియోగిస్తున్నారు. ప్రభుత్వం నుంచి నిబంధనల ప్రకారం హెచ్‌ఆర్‌ఏ పొందుతున్నప్పటికీ వర్సిటీకి చిల్లిగవ్వ కూడా అద్దె చెల్లించడం లేదు. కరెంట్‌ బిల్లులు, వాటర్‌ బిల్లులు కూడా బకాయిపడ్డారు. ఇతర జిల్లాలకు బదిలీపై వెళ్లినా కూడా ఇక్కడ క్వార్టర్లు ఖాళీ చేయకుండా గడుపుతున్నారు.వీటిని వీకెండ్‌ హోమ్స్‌గా, కుటుంబ, బంధువుల విలాసాల కోసం వినియోగిస్తుండటం గమనార్హం. వీటిల్లో సన్‌ప్రీత్‌ సింగ్, సైబరాబాద్‌ జాయింట్‌ కమిషనర్, ట్రాఫిక్‌ (ప్రొఫెసర్‌ క్వార్టర్‌ నం–బీ2), సునీల్‌ దత్తు, కమిషనర్, ఖమ్మం (యూనివర్సిటీ ఆఫీసర్స్‌ క్వార్టర్‌ నం–2), ఆర్‌ జగదీశ్వర్‌ రెడ్డి, ఎస్పీ, ట్రాన్స్‌కో (యూనివర్సిటీ ఆఫీసర్స్‌ క్వార్టర్‌ నం–3), పీ సాయి చైతన్య, కమిషనర్, నిజామాబాద్‌ (టైప్‌ 6–2) ఉంటున్నారు.కాగా, కొడంగల్‌ ప్రాంతంలో బాలికల వ్యవసాయ కాలేజీ, వసతి గృహాల కోసం భవనాలు అద్దెకు దొరక్కపోవడంతో సీఎం ఆదేశాలతో వర్సిటీలోనే వారికి సౌకర్యం కల్పించాలని తాజాగా అధికారులు నిర్ణయించారు. దీంతో క్వార్టర్స్‌లో నివాసముంటున్న నలుగురు ఐపీఎస్‌లకు నోటీసులు ఇచ్చినా ఖాళీ చేయకపోవడం, స్పందించకపోవడంతో ప్రస్తుతం ఈ విషయం తీవ్ర చర్చనీయాంశమైంది. వీరికెందుకు కేటాయించారో...అంతుచిక్కని రహస్యం? తెలంగాణ రాష్ట్రం ఏర్పడిన తర్వాత అప్పటి వీసీ డాక్టర్‌ వీ.ప్రవీణ్‌ రావు వర్సిటీలో డీన్, డైరెక్టర్‌ పోస్ట్‌లను భర్తీ చేయలేదు. దీంతో ఆయా ఆఫీసర్ల క్వార్టర్స్‌ ఖాళీగా ఉన్నాయి. దీంతో 2018–19 సమయంలో ఐపీఎస్‌లు అడిగారో లేక తన సొంత నిర్ణయమో తెలియదు గానీ నలుగురు పోలీసు అధికారులకు వర్సిటీ ఆఫీసర్ల క్వార్టర్స్‌ను కేటాయించారు. ఆ తర్వాత డాక్టర్‌ ఎస్‌.రఘునందన్‌ రెడ్డి ఇన్‌చార్జీ వీసీగా ఉన్న 2022 సమయంలో ఈ నలుగురితో సహా మరో ఇద్దరికి క్వార్టర్స్‌ను కేటాయించారు. ఆయా అధికారులు ఈ క్వార్టర్స్‌ వర్సిటీ అనుమతులు లేకుండా లోపలి గోడలను కూల్చేసి పనివాళ్ల కోసం ప్రత్యేక గదులను నిర్మించారు. ఓ ఆఫీసర్‌ అయితే ఏకంగా రూ.20–30 లక్షలు ఖర్చు చేసి సొంతింటి లాగా ఇంటీరియర్‌ చేయించుకోవడం కొసమెరుపు. 2022 అక్టోబర్‌లో ప్రొఫెసర్‌ అల్దాస్‌ జానయ్య వీసీగా నియమితులైన తర్వాత కొన్నేళ్లుగా ఖాళీగా ఉన్న డీన్, డైరెక్టర్‌ పోస్ట్‌లను భర్తీ చేశారు. దీంతో ఆయా ఆఫీసర్లకు క్వార్టర్స్‌ కేటాయించక తప్పని పరిస్థితి ఏర్పడింది. క్వార్టర్స్‌లో నివాసముంటున్న అధికారులకు ఖాళీ చేయాలని కోరుతూ నోటీసులు అందజేశారు. దీంతో ఇద్దరు అధికారులు క్వార్టర్స్‌ను ఖాళీ చేశారు కానీ, మిగిలిన నలుగురు ఐపీఎస్‌లు ఇప్పటికీ ఖాళీ చేయలేదు. ఇప్పుడేం జరిగింది? ఇటీవల వర్సిటీ నిజామాబాద్, కొడంగల్, హుజూర్‌నగర్‌ వ్యవసాయ కళాశాలలకు అడ్మిషన్లు జరిగాయి. అయితే నిజామాబాద్, హుజూర్‌నగర్‌ కాలేజీల కోసం ఆయా ప్రాంతాల్లోనే అద్దె భవనాలలో కాలేజీ, వసతి గృహాలను నడుపుతున్నారు. కొడంగల్‌ ప్రాంతంలో బాలికల వ్యవసాయ కాలేజీ, వసతి గృహాల కోసం భవనాలు అద్దెకు దొరక్కపోవడంతో ఈ విషయాన్ని వర్సిటీ ఉన్నతాధికారులు సీఎం దృష్టికి తీసుకెళ్లారు.దీంతో సీఎం రేవంత్‌ రెడ్డి రాజేంద్రనగర్‌లోని వర్సిటీలోనే కొడంగల్‌ వ్యవసాయ కళాశాలను నడపాల్సిందిగా ఆదేశించారు. ప్రస్తుతం ఇక్కడ్నుంచే నడుస్తున్న ఈ కళాశాలలో విద్యారి్థనుల వసతికి తీవ్ర కొరత ఏర్పడింది. వర్సిటీ పరిధిలోని అతిథి గృహాలన్నింటినీ వసతి గృహాలుగా మార్చినప్పటికీ కొరత తీరకపోవడంతో ఐపీఎస్‌ అధికారుల గుప్పిట్లో ఉన్న స్టాఫ్‌ క్వార్టర్లను కేటాయించాలని నిర్ణయించారు. దీంతో సత్వరమే క్వార్టర్స్‌ను ఖాళీ చేయాలని కోరుతూ నలుగురు ఐపీఎస్‌లకు నోటీసులు పంపించారు. కానీ, సదరు అధికారులు నోటీసులను ఏమాత్రం పట్టించుకోకుండా మిన్నకుండిపోయారు.రోడ్ల మీద ఉండాల్సిన దౌర్భాగ్యం వస్తుందిఈనెల 26న 70 మంది విద్యార్థి­నులు హాస్టల్లో చేరేందుకు వారికి అలాట్‌మెంట్‌ లెటర్లు జారీ చేశాం. ఈలోగా క్వార్టర్స్‌ ఖాళీ చేయాలని నలుగురు ఐపీఎస్‌లకు ఫైనల్‌ నోటీసులు ఇచ్చాం. ఈ విషయమై డీజీపీ, ప్రభుత్వ ప్రిన్సిపల్‌ సెక్రటరీలకు పలుమార్లు లేఖలు రాసినా అధికారుల్లో ఎలాంటి చలనం లేదు. విద్యార్థినులు వచ్చేలోగా అధికారులు క్వార్టర్స్‌ ఖాళీ చేయకపోతే బాలికలకు రోడ్ల మీద, చెట్ల కింద వసతి ఏర్పాటు చేయాల్సిన దౌర్భాగ్య పరిస్థితి దాపరిస్తుంది. – ప్రొఫెసర్‌ జానయ్య, వీసీ, పీజేటీఏయూ

సాక్షి, హైదరాబాద్: హైదరాబాద్ నగర సైబర్ క్రైమ్ పోలీసులు 2026 సెప్టెంబర్‌లో నమోదైన పలు నేషనల్ సైబర్ క్రైమ్ రిపోర్టింగ్ పోర్టల్ (ఎన్‌సీఆర్‌పీ) ఫిర్యాదులపై స్పందించి మొత్తం 83 ఎఫ్‌ఐఆర్‌లు నమోదు చేశారు. దేశవ్యాప్తంగా 9 రాష్ట్రాల్లో ప్రత్యేక ఆపరేషన్లు నిర్వహించి 23 కేసులకు సంబంధించి 35 మంది అంతర్రాష్ట్ర నిందితులను అరెస్ట్ చేశారు. ఇందులో తెలంగాణ నుంచి 10, ఏపీ నుంచి 9, మహారాష్ట్ర నుంచి 6, కేరళ, యూపీల నుంచి ముగ్గురు చొప్పున ఉండగా, బిహార్, హర్యానా, రాజస్థాన్, పంజాబ్‌ల నుంచి ఒక్కొక్కరు ఉన్నారు. నిందితుల బ్యాంక్ ఖాతాల్లో నిలిపివేసిన మొత్తం రూ. 88,48,134 రూపాయలను బాధితులకు అందించారు.నిందితుల నేరాల స్వభావాన్ని పరిశీలిస్తే.. సోషల్ మీడియా నేరాల్లో 9 మంది, ఇన్వెస్ట్‌మెంట్ ఫ్రాడ్‌లో 7, డిజిటల్ అరెస్ట్ కేసుల్లో 6, ట్రేడింగ్ మోసాల్లో 5 మందితో పాటు ప్రకటనలు, గుర్తింపు చౌర్యం, జాబ్ ఫ్రాడ్ తదితర మోసాలకు పాల్పడిన వారు ఉన్నారు. ఈ నెలలో మొత్తం 38 మోసపూరిత కేసుల్లో బాధితులు ₹17.34 కోట్ల మేర నష్టపోగా, పోలీసులు రూ. 88.48 లక్షలను వెనక్కి ఇప్పించారు. మరోవైపు జోనల్ సైబర్ సెల్స్ పరిధిలో 381 ఎఫ్‌ఐఆర్‌లు నమోదు చేసి 11 మందిని అరెస్ట్ చేయడంతో పాటు రూ. 67.54 లక్షలను బాధితులకు రీఫండ్ చేయించారు. ప్రధానంగా మధురానగర్‌కు చెందిన ఓ మహిళను డిజిటల్ అరెస్ట్ పేరుతో బెదిరించి రూ. 6.60 లక్షలు కాజేసిన పూణే నిందితుడు శుభమ్ మోహన్ లొండేను పోలీసులు అరెస్ట్ చేశారు.సైబర్ పెట్రోల్ విభాగం డిజిటల్ నిఘా ద్వారా మైనర్లను అసభ్యకరంగా చూపుతూ మానిటైజేషన్ పొందుతున్న 140 సోషల్ మీడియా ఖాతాలను, పాత నాణాలు, బెట్టింగ్ పేరిట నడుస్తున్న పేజీలను గుర్తించి తొలగించేలా చర్యలు తీసుకుంది. అలాగే ఆన్‌లైన్ గేమింగ్, అక్రమ బెట్టింగ్, నకిలీ ఇన్వెస్ట్‌మెంట్ సైట్లను ప్రచారం చేస్తున్న 1,457 ప్రొఫైల్స్, 2,603 పెయిడ్ ప్రకటనలను నిలిపివేసి 9 ఎఫ్‌ఐఆర్‌లు నమోదు చేశారు. గణేష్ నిమజ్జనం వేళ సోషల్ మీడియాలో న్యూసెన్స్ సృష్టించిన వారిపై 6 ఎఫ్‌ఐఆర్‌లు నమోదయ్యాయి. అటు 'సి-మిత్ర' విభాగం ద్వారా 1,928 కాల్స్ చేసి బాధితులకు అండగా నిలవడమే కాకుండా 307 జీరో ఎఫ్‌ఐఆర్‌లను నమోదు చేశారు. కేంద్ర హోంశాఖ, I4C ఆధ్వర్యంలోని 'మనీ రిస్టోరేషన్ మోడ్యూల్' (MRM), 'గ్రీవెన్స్ రెడ్రెసల్ మెకానిజం' (GRM) పోర్టళ్ల ద్వారా నిధుల రికవరీ, ఖాతాల పునరుద్ధరణ ప్రక్రియను వేగవంతం చేస్తున్నారు.ఈ సందర్భంగా నగర అదనపు పోలీస్ కమిషనర్ (క్రైమ్స్ & సిట్‌) ఎమ్ శ్రీనివాసులు, ఐపీఎస్ ప్రజలకు పలు కీలక హెచ్చరికలు జారీ చేశారు. ప్రభుత్వ ఉన్నతాధికారుల పేరిట వచ్చే నకిలీ సందేశాలు, అధిక లాభాలు ఆశజూపే టెలిగ్రామ్/వాట్సాప్ ఇన్వెస్ట్‌మెంట్ గ్రూపులు, అనుమానాస్పద ఏపీకే ఫైళ్లు, హనీ ట్రాప్/సెక్స్‌టార్షన్ వలల పట్ల అప్రమత్తంగా ఉండాలని సూచించారు. దేశ చట్టంలో 'డిజిటల్ అరెస్ట్' అనే విధానమే లేదని, సీబీఐ, ఈడీ, పోలీసు, నార్కోటిక్స్ లేదా ఫెడెక్స్ పేరిట వచ్చే బెదిరింపు వీడియో కాల్స్‌ను నమ్మి భయపడవద్దని తెలిపారు. ఎవరైనా సైబర్ మోసానికి గురైతే తక్షణమే 1930 హెల్ప్‌లైన్ నంబర్‌కు లేదా www.cybercrime.gov.in పోర్టల్ ద్వారా ఫిర్యాదు చేయాలని ఆయన కోరారు.

నిరసనకారులను అదుపులోకి తీసుకునే క్రమంలో పోలీసులు దూకుడుగా వ్యవహరించే దృశ్యాలు తరచూ కనిపిస్తుంటాయి. అంతెందుకు మన దేశంలోనూ మొన్నీమధ్య సీజేపీ, నిన్న ఈసీ వ్యతిరేక ఆందోళనల్లోనూ పోలీసులు–నిరసనకారుల మధ్య ఉద్రిక్తతలు చోటుచేసుకున్నాయి. ఇలాంటి సమయంలో ఫ్రాన్స్‌లో చోటుచేసుకున్న ఓ ఘటన ఇప్పుడు సోషల్‌ మీడియాలో వైరల్‌గా మారింది.ఫ్రాన్స్‌లో విద్యార్థుల ఆందోళనలు ఉధృతమవుతున్న వేళ.. సెయింట్‌-డెనిస్‌ మేయర్‌ బల్లి బగయోకో పోలీసులకు, విద్యార్థులకు మధ్యలో నిలబడ్డారు. మంగళవారం పారిస్‌లో జరిగిన మార్చ్‌లో పోలీసులు విద్యార్థులపైకి దూసుకెళ్లేందుకు ప్రయత్నించగా.. ఆయన వారిని అడ్డుకుంటూ ‘స్టాప్‌.. స్టాప్‌’ అంటూ గట్టిగా అరిచారు. విద్యార్థులకు రక్షణగా నిలిచిన ఆయన దృశ్యాలు సోషల్‌ మీడియాలో వైరల్‌గా మారాయి.‘నా పిల్లల లాంటివాళ్లు’తాను విద్యార్థులకు మద్దతుగా నిలవడం తన బాధ్యతగా భావించానని బగయోకో చెప్పారు. “వీధుల్లో ఉన్న హైస్కూల్‌ విద్యార్థులు నా పిల్లల లాంటివాళ్లు. వారి పక్షాన నిలబడటం నా బాధ్యత” అని పేర్కొన్నారు. పోలీసులు విద్యార్థులపైకి దూసుకెళ్లాలని నిర్ణయించుకున్నారని.. వారిలో చాలామంది పోలీసులపై ఎలాంటి దూకుడు ప్రదర్శించలేదని ఆయన అన్నారు. చివరకు పోలీసులు విద్యార్థులతో పాటు తనపైనా టియర్‌ గ్యాస్‌ ప్రయోగించారని తెలిపారు.This has to be the video of the year. Bally Bagayoko who is the mayor of French city Saint-Denis shouts at police to “Stop!” and protects the student protesters. https://t.co/XyXc7AUz6d— Power to the People ☭🕊 (@ProudSocialist) October 6, 2026అయితే పోలీసులు శాంతిభద్రతల పరిరక్షణ కోసం పనిచేస్తుంటారని.. నిరసనకారులను నియంత్రించడం కూడా వారి విధుల్లో భాగమేననే అభిప్రాయాలు వ్యక్తమవుతున్నాయి. ఈ క్రమంలో పోలీసులు తమ విధులు నిర్వర్తించకుండా అడ్డుకోవడం కూడా సరైన విధానం కాదనే చర్చ సాగుతోంది. మేయర్‌ ఉద్దేశం విద్యార్థులకు రక్షణ కల్పించడమే అయినప్పటికీ.. పోలీసుల విధుల్లో జోక్యం చేసుకోవడంపై భిన్నాభిప్రాయాలు వ్యక్తమవుతున్నాయి.బల్లి బగయోకో ఎవరు?బల్లి బగయోకో (52) మాలీ మూలాలున్న కుటుంబంలో జన్మించి సెయింట్‌-డెనిస్‌లో పెరిగారు. రవాణా సంస్థ ఆర్‌ఏటీపీలో ఉద్యోగిగా పనిచేస్తూనే.. బాస్కెట్‌బాల్‌ కోచ్‌గా, సామాజిక కార్యకర్తగా స్థానికంగా గుర్తింపు తెచ్చుకున్నారు. 2001లో రాజకీయాల్లోకి వచ్చిన ఆయన.. డిప్యూటీ మేయర్‌, ప్రాంతీయ రాజకీయ నేతగా పనిచేశారు. 2026 మార్చిలో జరిగిన మున్సిపల్‌ ఎన్నికల్లో 50.77 శాతం ఓట్లతో సెయింట్‌-డెనిస్‌ మేయర్‌గా ఎన్నికయ్యారు. వామపక్ష పార్టీ ‘లా ఫ్రాన్స్‌ ఇన్‌సూమిస్‌’ (LFI)కు చెందిన బగయోకో.. విద్య, సామాజిక సమానత్వం వంటి అంశాలపై గళమెత్తుతున్నారు. ఆయనకు నలుగురు పిల్లలు.రెండు వారాలుగా ఆందోళనలుఫ్రాన్స్‌లో రెండు వారాలకు పైగా విద్యార్థుల నిరసనలు కొనసాగుతున్నాయి. కిక్కిరిసిన, సౌకర్యాలు లేని తరగతి గదులు, ఉపాధ్యాయుల కొరత, విద్యలో అసమాన అవకాశాలను నిరసిస్తూ విద్యార్థులు ఆందోళనకు దిగారు. ఈ నిరసనలు పలు ప్రాంతాలకు విస్తరించడంతో వేలాది మందిని పోలీసులు అరెస్టు చేశారు. మరోవైపు పాఠశాలల ధ్వంసం, పోలీసులపై దాడుల వంటి ఘటనలు కూడా చోటుచేసుకున్నాయని అధికారులు చెబుతున్నారు.15 ఏళ్ల విద్యార్థి చేయి పోవడంతో..నిరసనల సమయంలో 15 ఏళ్ల విద్యార్థి చేయి కోల్పోయిన ఘటన పోలీసుల చర్యలపై తీవ్ర విమర్శలకు దారితీసింది. లెన్స్‌ నగరంలో పోలీసుల గ్రెనేడ్‌ పేలడంతో బాలుడి చేయి తెగిపోయింది. దీంతో విద్యార్థుల నిరసనల్లో స్టన్‌ గ్రెనేడ్ల వినియోగాన్ని ఫ్రాన్స్‌ ప్రభుత్వం తాత్కాలికంగా నిలిపివేసింది. ఈ ఘటనపై పోలీసుల దర్యాప్తు కూడా కొనసాగుతోంది.డిమాండ్లపై ప్రభుత్వం స్పందనమరోవైపు విద్యార్థుల డిమాండ్లను పరిశీలించి అక్టోబర్‌ చివరినాటికి ప్రతిపాదనలు వెల్లడిస్తామని ఫ్రాన్స్‌ ప్రధాని సెబాస్టియన్‌ లెకోర్ను తెలిపారు. అయితే నిరసనలు మాత్రం కొనసాగుతున్నాయి. విద్యార్థులకు మద్దతుగా నిలిచిన మేయర్‌ బగయోకో వీడియో ఇప్పుడు ఈ ఆందోళనల్లో పోలీసుల తీరుపై జరుగుతున్న చర్చకు మరింత ప్రాధాన్యం తెచ్చింది.ఇదీ చదవండి: రాహుల్‌ గాంధీ ధర్నాలో పోలీసులపై దాడి!

కృష్ణాజిల్లా: పెద్దలను ఎదిరించి ప్రేమ వివాహం చేసుకున్న ఓ ప్రేమజంట రక్షణ కోసం బుధవారం గన్నవరం పోలీసులను ఆశ్రయించింది. వివరాలిలా ఉన్నాయి. మండలంలోని బీబీ గూడెం గ్రామానికి చెందిన సాయిల సందీప్, జ్యోత్స్న రెండేళ్లుగా ప్రేమించుకుంటున్నారు. ఈ విషయం తెలుసుకున్న జ్యోత్స్న తండ్రి రంగారావు నెల రోజుల క్రితం పచ్చడి బండతో సందీప్‌పై దాడి చేశాడు. తలకు తీవ్ర గాయాలైన అతడికి పిన్నమనేని సిద్ధార్ధ ఆస్పత్రిలో బ్రెయిన్‌ సర్జరీ చేశారు. అనంతరం కోలుకున్న సందీప్‌ బుధవారం ఉంగుటూరు మండలం పెద్ద అవుటపల్లిలోని బ్రదర్‌ జోసఫ్‌ తంబి పుణ్యక్షేత్రంలో జ్యోత్స్నను వివాహం చేసుకున్నాడు. అనంతరం రక్షణ కోసం ఇద్దరూ పోలీసులను ఆశ్రయించారు. ఇదీ చదవండి: నా మొగుడు మగాడు కాదు.. పెళ్లి తర్వాత నిజం తెలిసింది!

ఆంధ్రప్రదేశ్‌: పండుగ వేళ బాణాసంచా అక్రమ నిల్వలకు అడ్డుకట్ట వేసేందుకు పోలీసులు తనిఖీలు ముమ్మరం చేశారు. ఈ క్రమంలో కర్నూలు జిల్లాలో అనుమతులు లేకుండా నిల్వ ఉంచిన భారీ టపాసుల డంప్‌ను పోలీసులు స్వాధీనం చేసుకున్నారు.పోలీసులకు అందిన సమాచారంతో ఎమ్మిగనూరు ప్రాంతంలో తనిఖీలు చేపట్టగా, అక్కడ ఎలాంటి అనుమతులు లేకుండా నిల్వ ఉంచిన 240 బాణాసంచా బాక్సులను గుర్తించారు. దీంతో వాటిని పోలీసులు సీజ్‌ చేశారు.అయితే, ఇంత పెద్ద మొత్తంలో బాణాసంచాను అనుమతులు లేకుండా ఎందుకు నిల్వ ఉంచారు? అనే కోణంలో పోలీసులు దర్యాప్తు చేస్తున్నారు. స్వాధీనం చేసుకున్న టపాసుల విలువ సుమారు రూ.10 లక్షలు ఉంటుందని అంచనా వేశారు. అలాగే అక్రమ నిల్వ, విక్రయాల వెనుక ఎవరున్నారు? అనే వివరాలను పోలీసులు ఆరా తీస్తున్నారు.ఇదీ చదవండి: శంషాబాద్‌ ఎయిర్‌పోర్ట్‌లో బంగారం పట్టివేత.. ప్రయాణికుడి పక్కా ప్లాన్‌!

ఢిల్లీ: ఇండియా బ్లాక్ ఎంపీలు ఎన్నికల సంఘం కార్యాలయం వైపు చేపట్టనున్న ర్యాలీ నేపథ్యంలో దేశ రాజధాని ఢిల్లీలో పోలీసులు భద్రతను కట్టుదిట్టం చేశారు. కేంద్ర ఢిల్లీలోని పలు ప్రాంతాల్లో బ్యారికేడ్లు ఏర్పాటు చేసి రహదారులపై రాకపోకలను నియంత్రిస్తున్నారు. జంతర్‌మంతర్‌, పార్లమెంట్‌ స్ట్రీట్‌, కేంద్ర ప్రభుత్వ కార్యాలయాల పరిసరాల్లో భారీగా పోలీసు బలగాలను మోహరించారు.ర్యాలీ నేపథ్యంలో కొన్ని ప్రాంతాల్లో మొబైల్ ఇంటర్నెట్ సేవలకు అంతరాయం ఏర్పడినట్లు సమాచారం. గత నిరసనల సమయంలోనూ జంతర్‌మంతర్‌, పరిసర ప్రాంతాల్లో ఇంటర్నెట్ సేవలను నిలిపివేసినట్లు అధికారులు వెల్లడించారు. దీంతో కేంద్ర ఢిల్లీలో మొబైల్ డేటా పనిచేయకపోవడంతో ప్రజలు, మీడియా ప్రతినిధులు ఇబ్బందులు ఎదుర్కొంటున్నారు.ఇదిలా ఉండగా, కేంద్ర ఢిల్లీలోని పలు ప్రధాన రహదారులను బ్యారికేడ్లతో మూసివేసి, వాహనాల రాకపోకలను మళ్లిస్తున్నారు. జంతర్‌మంతర్‌, పార్లమెంట్‌ స్ట్రీట్‌, జనపథ్‌ తదితర ప్రాంతాల్లో బహుళస్థాయి బ్యారికేడింగ్‌ ఏర్పాటు చేసినట్లు సమాచారం. నిరసనకారులు నిర్ణీత ప్రాంతాలకు చేరకుండా పోలీసులు ప్రత్యేక చర్యలు చేపట్టారు.నిరసనలను కవర్‌ చేసే జర్నలిస్టులకు ఢిల్లీ పోలీసులు ప్రత్యేక మార్గదర్శకాలు జారీ చేశారు. మీడియా ప్రతినిధులు పీఐబీ, డీఐపీ అక్రిడిటేషన్‌ కార్డును తప్పనిసరిగా వెంట ఉంచుకోవాలని, దాన్ని స్పష్టంగా కనిపించేలా ధరించాలని సూచించారు. దూరం నుంచి నిరసనలు కవర్ చేయాలని పోలీసులు ఆదేశాలు జారీ చేశారు.ఇదీ చదవండి: ‘దోమలుకండి.. బొద్దింకలు కాదు’.. పోస్టర్ల హల్‌చల్‌!

సాక్షి, అమరావతి: రాష్ట్రంలో నాలుగు కొత్త పోలీస్‌ కమిషనరేట్లకు ప్రభుత్వం ఆమోదం తెలిపినప్పటికీ వాటి ఏర్పాటు, నిర్వహణలో సవాళ్లు తప్పవని పోలీస్‌ వర్గాలు అభిప్రాయపడుతున్నాయి. ఆ వర్గాల అభిప్రాయం ప్రకారం రాష్ట్రంలో ఏర్పాటు చేయనున్న గుంటూరు, తిరుపతి, కర్నూలు, రాజమహేంద్రవరంలో కొత్త కమిషనరేట్లకు ప్రధానంగా సిబ్బంది కొరత, నిధుల సమస్య అవరోధంగా మారనుంది. ఈ కమిషనరేట్లకు సంబంధించి ఐజీ, డీఐజీ స్థాయి అధికారులకు పోలీస్‌ కమిషనర్లుగా బాధ్యతలు అప్పగించాలని ప్రభుత్వం నిర్ణయించింది. భారతీయ నాగరిక సురక్షా సంహిత (బీఎన్‌ఎస్‌ఎస్‌) సెక్షన్‌ 14 (6) ప్రకారం పోలీస్‌ కమిషనర్‌లకు ఎగ్జిక్యూటివ్‌ మేజిస్టీరియల్‌ అధికారాలు కల్పించాలని నిర్ణయించింది. వాటి పరిధిలో ప్రస్తుతం ఉన్న సిబ్బందినే పునర్వ్యవస్థీకరించాలని నిర్ణయం తీసుకోవడంతోపాటు మౌలిక వసతులు, నిర్వహణకు నిధులు కేటాయింపు అంశాలను పరిగణనలోకి తీసుకోకపోవడంతో ఖాకీలకు విధులు కత్తిమీద సాముగా మారే ప్రమాదం ఉందని పలువురు భావిస్తున్నారు. సిబ్బందిపై తీవ్ర పని ఒత్తిడి కొత్త కమిషనరేట్లలో ప్రత్యేక నేర పరిశోధన విభాగాలు, ట్రాఫిక్‌ విభాగాలు, మహిళా పోలీస్‌ స్టేషన్లు, కమాండ్‌ కంట్రోల్‌ సెంటర్లు, ఐటీ విభాగాలు, క్లూస్‌ టీమ్‌లు, వేలిముద్రల విభాగాలను ఏర్పాటు చేయాలని నిర్ణయించారు. అయితే వీటికి అవసరమైన అదనపు పోస్టుల మంజూరు ప్రతిపాదన లేదు. ప్రస్తుతం ఉన్న పోలీసు సిబ్బందిని కొత్త విభాగాలకు కేటాయించి సర్ధుబాటు చేయాలని ప్రతిపాదించారు. అలాంటప్పుడు పోలీస్‌ స్టేషన్లలో రోజువారీ విధులు, పెట్రోలింగ్, నేరాల దర్యాప్తు, కోర్టు విధులు, బందోబస్తు వంటి బాధ్యతలను నిర్వర్తించేందుకు తగినంత మంది అందుబాటులో లేక... ప్రస్తుత సిబ్బంది తీవ్ర ఒత్తిడితో ఇబ్బందులు పడాల్సిన పరిస్థితి వస్తుంది. ప్రత్యేక విభాగాలకు సిబ్బందిని కేటాయించడంతోపాటు సాధారణ పోలీసింగ్‌ సామర్థ్యం తగ్గకుండా చూడటం కొత్త కమిషనరేట్ల ముందున్న ప్రధాన సవాలు. అదనపు నిధులు లేకుండా ఆధునికీకరణ ఎలా? కొత్త కమిషనరేట్ల ఏర్పాటుకు అదనపు ఆర్థిక భారం ఉండదని ప్రతిపాదనల్లో పేర్కొన్నారు. ప్రస్తుతం ఉన్న బడ్జెట్‌ కేటాయింపులతోనే పరిపాలనా మార్పులు చేపట్టాలని సూచించారు. అదనపు నిధులు లేకుండా కమిషనరేట్ల ఆధునికీకరణ ఎలా? అనేది ప్రశ్నార్థకంగా మారింది. కమాండ్‌ కంట్రోల్‌ సెంటర్లు, ఐటీ విభాగాలు, నేర పరిశోధనకు అవసరమైన సాంకేతిక సదుపాయాలను ఏ విధంగా సమకూరుస్తారనే వివరాలు ప్రతిపాదనల్లో స్పష్టంగా లేకపోవడం శోచనీయం. ఇప్పటికే అందుబాటులో ఉన్న సదుపాయాలను వినియోగించడం ద్వారా ఎంతవరకు అవసరాలను తీర్చవచ్చు? కొత్తగా అవసరమయ్యే పరికరాలు, శిక్షణ, నిర్వహణ వ్యయాలకు ఏ బడ్జెట్‌ నుంచి నిధులు కేటాయిస్తారు? వంటి అంశాలపై ప్రభుత్వం స్పష్టత ఇవ్వాల్సి ఉంది. కర్నూలులో సైబర్‌ నేరాల ఉధృతి కట్టడి ఎలా? కొత్త కమిషనరేట్ల ఏర్పాటుకు సమర్పించిన నివేదికలో కర్నూలు సైబర్‌ నేరాల గణాంకాలు ప్రత్యేకంగా నిలుస్తున్నాయి. 2022లో 118 సైబర్‌ కేసులు మాత్రమే నమోదుకాగా, 2025 నాటికి ఈ సంఖ్య ఏకంగా 2,729కు చేరింది. ఇంత భారీ స్థాయిలో సైబర్‌ కేసులు పెరుగుతున్న నేపథ్యంలో ప్రత్యేక దర్యాప్తు విభాగాలు, సాంకేతిక నిపుణులు, డిజిటల్‌ ఫోరెన్సిక్‌ సదుపాయాల ప్రస్తావన లేకుండానే కర్నూలు కమిషనరేట్‌ పరిధిలో మొత్తం 38 పోలీస్‌ స్టేషన్లు ఉండేలా ప్రతిపాదనలు ఖరారు చేయడం గమనార్హం. తిరుమల నుంచి శ్రీసిటీ వరకు విభిన్న సవాళ్లు తిరుపతి కమిషనరేట్‌ పరిధిలో నాలుగు జోన్లను ఏర్పాటు చేయనున్నారు. ప్రతిపాదన ప్రకారం మొత్తం 49 పోలీస్‌ స్టేషన్లు ఉంటాయి. తిరుమల భక్తుల భద్రత, తిరుపతి నగర ట్రాఫిక్, రేణిగుంట విమానాశ్రయం, శ్రీసిటీ పారిశ్రామిక ప్రాంతం వంటి విభిన్న అవసరాలను ఒకే కమిషనరేట్‌ పరిధిలో సమన్వయం చేయడం అత్యంత క్లిష్టంగా మారనుంది. 2025లో ఈ ప్రాంతంలో 10,094 ఎఫ్‌ఐఆర్‌లు నమోదయ్యాయి. మహిళలపై నేరాలు 725 కేసులు, రోడ్డు ప్రమాదాలు 1,196 కేసులు నమోదైనట్లు పోలీస్‌ నివేదికలో వెల్లడించడం గమనార్హం.రాజధాని ప్రత్యేక జోన్‌గా భద్రతా బలగాలేవి? గుంటూరు కమిషనరేట్‌లో అమరావతి రాజధాని ప్రాంతానికి ప్రత్యేక జోన్‌ ఏర్పాటు చేయనున్నారు. గుంటూరు నగరం, గ్రామీణ ప్రాంతం, అమరావతి, తెనాలి కేంద్రాలుగా నాలుగు జోన్లు ఉంటాయి. గుంటూరు ప్రతిపాదిత కమిషనరేట్‌ పరిధిలో 2025లో 11,214 ఎఫ్‌ఐఆర్‌లు నమోదయ్యాయి. హత్య కేసులు 2022లో 37 ఉండగా 2025లో 55కు పెరిగాయి. ఆర్థిక నేరాలు 2024లో 49 ఉండగా 2025లో 207కు పెరిగాయి.ఈ నేపథ్యంలో భద్రతా బలగాల కొరతపై చర్చ సాగుతోంది. రాజమహేంద్రవరం పరిధిలో రోడ్డు ప్రమాదాలపై దృష్టి ఏది? రాజమహేంద్రవరం కమిషనరేట్‌ పరిధిలో మూడు జోన్లు ఏర్పాటు చేయనున్నారు. ప్రతిపాదనల్లో మొత్తం 30 పోలీసు స్టేషన్లను చేర్చారు. కొవ్వూరు, నిడదవోలు, అనపర్తి, మండపేట తదితర ప్రాంతాలు ఈ వ్యవస్థ పరిధిలో ఉంటాయి. 2025లో ఈ ప్రాంతంలో 7,685 ఎఫ్‌ఐఆర్‌లు, 802 మహిళలపై నేరాల కేసులు, 914 రోడ్డు ప్రమాదాల కేసులు నమోదయ్యాయి. రాజమహేంద్రవరం పరిధిలో ఎక్కువగా జరిగే రోడ్డు ప్రమాదాల నివారణపై ప్రత్యేక దృష్టి పెట్టాలనే అంశాన్ని విస్మరించారు.

పాట్నా: అమ్మానాన్నల ముద్దుల గారాల పట్టి ఆ చిన్నారి. కానీ ఆ పసిపాపను చూసి ఆ దేవుడికి కన్ను కుట్టిందేమో! మహాలక్ష్మిలా వెలుగులు నింపాల్సిన ఆ ఇంట ఇప్పుడు తీరని విషాదాన్ని మిగిల్చింది. పుట్టినప్పుడే తండ్రిని కోల్పోయిన ఆ చిన్నారి, ఇప్పుడు కన్నతల్లిని కూడా దూరం చేసుకుంది. కుటుంబ కలహాల నేపథ్యంలో ఓ కసాయి భర్త తన భార్యను కర్రతో దారుణంగా కొట్టి చంపాడు.అయితే ఆ రాక్షస కాండ కళ్ల ముందే జరిగినా, ఆ చిన్నారికి తన కన్నతల్లి ఇకలేదనే నిజం క్షణంలో అర్థం కాలేదు. ప్రాణం కోల్పోయి రక్తపు మడుగులో విగతజీవిగా పడి ఉన్న తల్లి శవం చుట్టూ ‘అమ్మా.. అమ్మా’ అంటూ తచ్చాడింది. ఒంటరిగా భయంతో గుక్కబెట్టి ఏడ్చింది. చివరికి ఏడుపు ఆపలేక అలసిపోయింది. ఆకలిని మరిచిపోవాలని బొమ్మలతో ఆడుకుంది.తల్లి భౌతికకాయం వద్ద ఏమీ ఎరుగని అమాయకత్వంతో ఆ పాప బొమ్మలతో ఆడుకుంటూ కూర్చున్న దృశ్యం చూసే ప్రతి ఒక్కరి గుండెనూ పిండేస్తోంది. గుండెలను కదిలించే ఈ విషాద ఘటన బీహార్‌లోని వైశాలి జిల్లాలో వెలుగు చూసింది.అసలేం జరిగిందంటే వైశాలి జిల్లా బిదుపూర్ పోలీస్ స్టేషన్ పరిధిలోని మధురాపూర్ ఆరవ వార్డులో ఈ దారుణం జరిగింది. సుజిత్ పాశ్వాన్ అనే వ్యక్తి తన 22 ఏళ్ల భార్య ఆశా దేవిని కర్రతో దారుణంగా కొట్టి ప్రాణాలు తీశాడు. హత్య తర్వాత నిందితుడు, అతని కుటుంబ సభ్యులంతా పరారయ్యారు. ఆ సమయంలో ఇంట్లో ఐదేళ్ల చిన్నారి అన్షిక మాత్రమే ఉంది.నాన్న అమ్మను ఎందుకు కొట్టాడో ఆ పసిదానికి తెలియలేదు. నిద్ర పుచ్చాల్సిన అమ్మ ఎంత తడుతున్నా ఎందుకు లేవడం లేదో అర్థం కాలేదు. ఇంట్లో అర్ధరాత్రి ఒక్కతే బిక్కు బిక్కుమంటూ గడిపింది. ఆకలేసింది, లేపుతుంటే అమ్మ నిద్రలేవడం లేదు. ఆకలిని తట్టుకోలేక గుక్కపెట్టి ఏడ్చింది. ఆకలి మరచిపోయేందుకు తల్లి శవం చుట్టూ బొమ్మలతో ఆడుకుంటూ అలాగే నిద్రపోయింది.రెండో పెళ్లి.. పిల్లల కలహాలే కారణం మృతురాలు ఆశా దేవి, నిందితుడు సుజిత్ పాశ్వాన్‌లది రెండో వివాహం. సుజిత్ మొదటి భార్య అనారోగ్యంతో చనిపోగా.. ఆమె ద్వారా ఇద్దరు పిల్లలు ఉన్నారు. అలాగే ఆశా దేవి మొదటి భర్త కూడా చనిపోవడంతో ఆమెకు ఐదేళ్ల కూతురు అన్షిక ఉంది. పెళ్లి సమయంలోనే ఇరు కుటుంబాలకు పిల్లల విషయం తెలుసని, అయితే కొన్నాళ్ల తర్వాత పిల్లల పెంపకం విషయంలో తరచూ గొడవలు జరిగేవని కుటుంబసభ్యులు తెలిపారు.నన్ను ఇక్కడి నుంచి తీసుకెళ్లండి ఆశా దేవి తల్లి తన కుమార్తె మరణాన్ని తలుచుకుంటూ గుండెలవిసేలా రోదించింది. పెళ్లయిన ఆరు నెలల వరకు అంతా బాగానే ఉంది. ఆ తర్వాత అల్లుడి ప్రవర్తన మారిపోయింది. రోజూ నా కూతురిని చిత్రహింసలకు గురిచేసేవాడు. కనీసం ఐదు రోజుల నుంచి ఆ పసి దానికి సరిగా తిండి కూడా పెట్టలేదు. నిన్న రాత్రి 9 గంటలకు ఆశా ఫోన్‌ చేసి..‘అమ్మా, నన్ను ఇక్కడి నుంచి తీసుకెళ్లండి.. లేదంటే వీళ్లు నన్ను ప్రాణాలతో ఉంచరు’ అని కన్నీరు మున్నీరుగా ఏడ్చింది. ఉదయం వస్తామని చెప్పాం. కానీ, ఇంతలోనే ఈ దారుణం జరుగుతుందని అనుకోలేదు అంటూ తల్లడిల్లింది. సమాచారం అందుకున్న బిదుపూర్ ఎస్‌హెచ్‌ఓ రవిప్రకాష్ తన సిబ్బందితో కలిసి వెంటనే ఘటనా స్థలానికి చేరుకున్నారు. కేసు దర్యాప్తు ప్రారంభించారు. అన్షిక నుంచి కేసు వివరాల్ని రాబట్టేందుకు ప్రయత్నించారు. ఇందులో భాగంగా అన్షిక తన తండ్రి.. తల్లిని కర్రతో కొట్టాడని చెప్పింది. అంకుల్‌.. అంకుల్‌. రాత్రి మేం అన్నం తిన్నాం. తిన్న తర్వాత.. అమ్మని.. నాన్న (కర్ర వైపు చూపిస్తూ )దానితో కొట్టాడు. వెళ్లిపోయాడు. రాత్రి నాకు ఆకలేసింది. అమ్మని నిద్ర లేపుతుంటే లేవలేదు. ఈ బొమ్మలతో ఆడుకున్నాంటూ చెప్పిన అమాయక మాటలు చూపరులను కంటతడి పెట్టించాయి. క్లూస్ టీమ్ సహాయంతో సేకరించిన కీలక ఆధారాలను బట్టి దర్యాప్తు వేగవంతం చేశారు. మృతదేహాన్ని పోస్టుమార్టం నిమిత్తం హాజీపూర్ సదర్ ఆసుపత్రికి తరలించారు. ఇదీ చదవండి : ఒక్కసారిగా 9వేల అడుగుల కిందకు దిగిన మరో విమానం

న్యూఢిల్లీ: జంతర్‌మంతర్‌లో చీఫ్‌ ఎలక్షన్‌ కమిషనర్‌ జ్ఞానేశ్‌ కుమార్‌కు వ్యతిరేకంగా నిరసనలు కొనసాగుతున్నాయి. విధులు నిర్వహిస్తున్న పలువురు ఢిల్లీ పోలీసు సిబ్బంది నేమ్‌ట్యాగ్‌లు ధరించకుండా కనిపించారు. జులై 20న జరిగిన ఘర్షణల తర్వాత కొందరు పోలీసుల గుర్తింపును సామాజిక మాధ్యమాల్లో బయటపెట్టి లక్ష్యంగా చేసుకున్న ఘటనల నేపథ్యంలో ఈ చర్య తీసుకున్నట్లు పోలీసు వర్గాలు తెలిపాయి.పోలీసుల కుటుంబ సభ్యులను కూడా ఆన్‌లైన్‌ వివాదాల్లోకి లాగే అవకాశం ఉందన్న ఆందోళనలు ఉన్నాయని పేర్కొన్నాయి. గతంలో జంతర్‌మంతర్‌ నిరసనల్లో విధులు నిర్వహించిన కొందరు పోలీసుల వివరాలు సామాజిక మాధ్యమాల్లో ప్రచారంలోకి వచ్చాయని అధికారులు తెలిపారు. పోలీసుల కుటుంబ సభ్యులను సైతం స్నేహితులు, సామాజిక వర్గాలు, సహోద్యోగుల ద్వారా ప్రస్తావించడంతో పాటు సామాజిక మాధ్యమాల్లో మీమ్స్‌ ద్వారా లక్ష్యంగా చేసుకున్నట్లు కొందరు అధికారులు సమీక్ష సమావేశాల్లో ఉన్నతాధికారుల దృష్టికి తీసుకెళ్లినట్లు ఓ పోలీసు అధికారి తెలిపారు.ఈసారి క్షేత్రస్థాయిలో విధులు నిర్వహించిన పలువురు జూనియర్‌ సిబ్బందికి నేమ్‌ట్యాగ్‌లు లేకుండానే పనిచేసేందుకు అనుమతించినట్లు సమాచారం. అయితే ప్రజలు సులభంగా గుర్తుపట్టే సీనియర్‌ ఐపీఎస్‌ అధికారులు మాత్రం తమ నేమ్‌ట్యాగ్‌లు కొనసాగించినట్లు అధికారులు తెలిపారు. పెద్ద నిరసనల్లో కొంతమంది సిబ్బంది ప్రత్యేక గుర్తింపు లేదా నిఘా విభాగాలకు చెందినవారని, వారి విధుల స్వభావం కారణంగా సాధారణంగా సాధారణ దుస్తుల్లో పనిచేస్తారని పోలీసులు వివరించారు.అయితే నేమ్‌ట్యాగ్‌లు లేకపోవడంపై నిరసనకారులు, రాజకీయ నాయకుల నుంచి విమర్శలు వచ్చాయి. పోలీసుల జవాబుదారీతనం దెబ్బతినే అవకాశం ఉందని వారు ఆరోపించారు. జంతర్‌మంతర్‌లో నిరసన సందర్భంగా అదుపులోకి తీసుకున్న సీపీఐ రాజ్యసభ సభ్యుడు పి.సంతోష్‌ కుమార్‌ కేంద్ర హోంమంత్రి అమిత్‌ షాకు లేఖ రాశారు.పోలీసుల చర్యలపై విచారణ జరపాలని కోరుతూ.. సుప్రీంకోర్టు డీకే బసు కేసులో ఇచ్చిన ఆదేశాలు, ఢిల్లీ పోలీసు స్టాండింగ్‌ ఆర్డర్‌ నంబర్‌ 51 ప్రకారం పోలీసులకు స్పష్టంగా కనిపించే గుర్తింపు, నేమ్‌ప్లేట్లు ఉండాలని పేర్కొన్నారు. జ్ఞానేశ్‌ కుమార్‌ రాజీనామా చేయాలంటూ జరుగుతున్న తాజా నిరసనల నేపథ్యంలో ఈ అంశం ప్రాధాన్యం సంతరించుకుంది. ఆదివారం జరిగిన ఆందోళనల్లో సుమారు 110 మందిని అదుపులోకి తీసుకున్నట్లు, 15 మంది పోలీసు సిబ్బంది గాయపడినట్లు పోలీసు వర్గాలు తెలిపాయి.

సాక్షి, విజయవాడ: సామూహిక రాయబారం పేరుతో విజయవాడ పంచాయతీ కమిషనర్‌ కార్యాలయం వద్ద ఫీల్డ్‌ అసిస్టెంట్లు ధర్నాకు దిగారు. పెండింగ్‌ బకాయిలు విడుదల చేయాలని, వేతనాలు పెంచాలని, ఉద్యోగ భద్రత కల్పించాలని ప్రధాన డిమాండ్లతో రాష్ట్రవ్యాప్తంగా వివిధ ప్రాంతాల నుంచి ఫీల్డ్‌ అసిస్టెంట్లు పెద్ద సంఖ్యలో విజయవాడకు తరలివస్తున్నారు. దీంతో పంచాయతీ కమిషనర్‌ కార్యాలయం పరిసరాల్లో ఉద్రిక్త వాతావరణం నెలకొంది.తమ సమస్యలను ప్రభుత్వం దృష్టికి తీసుకెళ్లేందుకు సామూహికంగా తరలివచ్చిన ఫీల్డ్‌ అసిస్టెంట్లు కార్యాలయం వద్ద ధర్నా చేపట్టేందుకు సిద్ధమయ్యారు. పెండింగ్‌లో ఉన్న బకాయిలను వెంటనే చెల్లించాలని, తమ వేతనాలను పెంచాలని వారు కోరుతున్నారు. అలాగే ఉద్యోగ భద్రతకు సంబంధించి స్పష్టమైన హామీ ఇవ్వాలని డిమాండ్‌ చేస్తున్నారు.రాష్ట్రంలోని వివిధ జిల్లాలు, ప్రాంతాల నుంచి ఫీల్డ్‌ అసిస్టెంట్లు విజయవాడకు చేరుకుంటుండటంతో కార్యాలయం పరిసరాల్లో సందడి నెలకొంది. పెద్ద సంఖ్యలో ఆందోళనకారులు ఒకే చోటకు చేరడంతో పోలీసులు అప్రమత్తమయ్యారు. పంచాయతీ కమిషనర్‌ కార్యాలయం వద్ద భారీగా పోలీసు బలగాలను మోహరించారు.ధర్నాకు అనుమతులు, ఆందోళనకారుల రాకపోకలు, కార్యాలయం వద్ద పరిస్థితిని పోలీసులు పర్యవేక్షిస్తున్నారు. ఎలాంటి అవాంఛనీయ ఘటనలు చోటుచేసుకోకుండా ముందస్తు చర్యలు చేపట్టారు. మరోవైపు తమ డిమాండ్లపై ప్రభుత్వం స్పందించే వరకు ఆందోళన కొనసాగిస్తామని ఫీల్డ్‌ అసిస్టెంట్లు చెబుతున్నారు.పెండింగ్‌ బకాయిల విడుదల, వేతనాల పెంపు, ఉద్యోగ భద్రత.. మూడు ప్రధాన డిమాండ్లతో ఫీల్డ్‌ అసిస్టెంట్లు పెద్ద ఎత్తున విజయవాడకు చేరుకోవడంతో పంచాయతీ కమిషనర్‌ కార్యాలయం వద్ద పరిస్థితి ఉత్కంఠగా మారింది. పోలీసుల భారీ మోహరింపుతో అక్కడ హైటెన్షన్‌ వాతావరణం కనిపిస్తోంది.ఇదీ చదవండి: బుర్రిపాలెంలో అసత్య హరి‘చంద్రుడు’

ద్వారకానగర్‌: విశాఖపట్నం కేంద్రంగా వెలుగులోకి వచ్చిన ‘క్యూవీఎస్‌ఈ’ (క్వాంట్‌ వెస్ట్‌ స్టాక్‌ ఎక్స్‌ఛేంజ్) నకిలీ ఆన్‌లైన్‌ ట్రేడింగ్‌ యాప్‌ కుంభకోణం తెలుగు రాష్ట్రాల్లో తీవ్ర కలకలం రేపుతోంది. అయితే ఈ దారుణానికి పాల్పడిన సైబర్‌ నేరగాళ్లకు కొమ్ముకాస్తూ కమీషన్ల కక్కుర్తితో ప్రజలను నిండా ముంచింది స్వయంగా రక్షణ కల్పించాల్సిన పోలీస్‌ అధికారులు, బాధ్యతాయుత స్థానాల్లో ఉన్న ఆర్టీసీ అధికారులేనన్న వార్తలు ఇప్పుడు చర్చనీయాంశంగా మారాయి. సదరు అధికారులు మోసపూరిత నెట్‌వర్క్‌లో పెట్టుబడులు పెట్టాలంటూ ప్రోత్సహించినట్లు తెలుస్తోంది. కెన్యా నుంచి ఆపరేట్‌ అవు­తున్నట్లుగా భావిస్తున్న ఈ సైబర్‌ ముఠా తెలు­గు రాష్ట్రాల్లో సామాన్య ప్రజల నుంచి రూ. 100 కోట్ల వరకు డిపాజిట్ల రూపంలో కొల్లగొట్టింది. లక్షల సంపాదనే లక్ష్యంగా అధికారుల అక్రమంఅందుతున్న సమాచారం ప్రకారం ఒక ఎస్‌ఐ తన హోదాను అడ్డుపెట్టుకుని దాదాపు 200 మందిని ఈ చైన్‌ మార్కెటింగ్‌ వలలోకి లాగారు. ద్వారకానగర్, కంచరపాలెం, త్రీ టౌన్‌ పోలీస్‌ స్టేషన్ల పరిధిలోని పలువురు అధికారులు, కానిస్టేబుళ్లు ఈ యాప్‌ను ప్రమోట్‌ చేశారు. ఒకరిని చేర్పిస్తే వచ్చే డైరెక్ట్‌ కమీషన్‌తో పాటు, కింద ఎక్కువ మంది చేరే కొద్దీ ’గోల్డ్‌ మెంబర్‌’, ’మెగా మెంబర్‌’ స్థాయిలకు ఎదిగి నెలకు లక్షలాది రూపాయల అక్రమ ఆదాయం పొందారు. ఒక పోలీస్‌ అధికారి కేవలం కమీషన్ల రూపంలోనే ఏకంగా రూ. 80 లక్షల వరకు పొందారు.డ్యూటీ వేళల్లో స్టేషన్‌లో ఉండాల్సిన సదరు అధికారులు, రోజంతా ఫోన్లలో యాప్‌లను పరిశీలించడం, బాధితులను పెట్టుబడులు పెట్టమ­ని ప్రోత్సహించడానికే ఎక్కువ సమయం కేటా­యించారు. కొందరు పోలీసు అధికారులు ఒకవైపు ట్రేడింగ్‌ యాప్‌ ద్వారా కోట్లు దండుకుంటూనే, మరోవైపు తమ పరిధిలోని స్పా సెంటర్లు, బార్లు, రెస్టారెంట్లు, మద్యం దుకాణాల నుంచి బెదిరింపులకు పాల్పడి భారీగా మామూళ్లు వసూలు చేసినట్లు ఆరోపణలు వెల్లువెత్తుతున్నాయి. ఇక ఉత్తరాంధ్రకు చెందిన ఓ ఆర్టీసీ డైరెక్టర్‌ స్థాయి అధికారి ఈ యాప్‌లో ‘మెగా మెంబర్‌’ హోదా సాధించే స్థాయికి వెళ్లి, తమ శాఖలో పనిచేసే సిబ్బందిని, కింది స్థాయి ఉద్యోగులను ఈ యాప్‌లోకి భారీగా చేర్పించారు. విజయనగరం నుంచి విజయవాడ వరకు ఉన్న ఆర్టీసీ ఉద్యోగులను టార్గెట్‌ చేసి కోట్ల రూపాయలు డిపాజిట్లు చేయించారు. ఈ క్రమంలో సదరు ఆర్టీసీ అధికారికి రూ. కోటి వరకు కేవలం కమీషన్‌ రూపంలోనే దక్కినట్లు తెలుస్తోంది.రాజకీయ జోక్యం ఆరోపణలుద్వారకానగర్‌ పరిధిలో నమోదైన ఓ దోపిడీ కేసుకు, ఈ క్యూవీఎస్‌ఈ యాప్‌ మోసానికి సంబంధం ఉండగా, పట్టుబడిన ప్రధాన నిందితుడిని కూటమికి చెందిన ఓ సీనియర్‌ ఎమ్మెల్యే ఆదేశాలతో పోలీసులు రాత్రికి రాత్రే తప్పించారనే వార్తలు స్థానికంగా సంచలనం సృష్టిస్తున్నాయి. ఇక ఈ మొత్తం వ్యవహారంపై ఫిర్యాదు చేయడానికి వెళితే పోలీసులు తమపైనే ఎదురు కేసులు పెట్టి వేధిస్తారేమోనన్న భయంతో చాలామంది బాధితులు ఫిర్యాదు చేసేందుకు ముందుకు రాలేకపోతున్నారు. రూ. లక్ష డిపాజిట్‌కు నెలకు రూ.20,000!సామాన్యులు తమ కష్టార్జితాన్ని, పొదుపు చేసుకున్న సొమ్మును ఈ నకిలీ యాప్‌లో కుమ్మరించడానికి ప్రధానంగా రెండు కారణాలు ఉన్నాయి» రూ. లక్ష డిపాజిట్‌ చేస్తే నెల రోజుల్లో రూ. 20,000 లాభం ఇస్తామని సైబర్‌ నేరగాళ్లు ఎర వేశారు. యాప్‌లో డబ్బులు చెల్లిస్తే అవి డాలర్లలోకి మారి క్రెడిట్‌ అవుతాయని నమ్మించారు. మొద­టి కొన్ని రోజులు చిన్న మొత్తంలో విత్‌డ్రాలు ఇచ్చి నమ్మకం కలిగించడంతో, చాలామంది తమ బంగారాన్ని బ్యాంకుల్లో తాకట్టు పెట్టి, అప్పులు తెచ్చి మరీ రూ. లక్షల్లో పెట్టుబడులు పెట్టారు.» ఇక రెండవది సమాజంలో హోదా ఉన్న పోలీసులు, ఆర్టీసీ అధికారులు స్వయంగా వచ్చి ‘మేము కూడా పెట్టాం, మాకు లాభాలు వస్తున్నాయి’ అని చెప్పడంతో సామాన్యులు, బంధువులు, స్నేహితులు కళ్లు మూసుకుని ఈ బోనులో చిక్కుకున్నారు.» ఆగస్టు, సెప్టెంబర్‌లలో ఈ యాప్‌ అసలు రంగు బయటపడింది. బాధితులు తమ డబ్బును విత్‌డ్రా చేసుకోవడానికి ప్రయత్నించగా, అకౌంట్లను నేరగాళ్లు బ్లాక్‌ చేశారు. బ్లాక్‌ అయిన ఖాతాలను అన్‌బ్లాక్‌ చేయాలంటే ‘మరింత డబ్బు చెల్లించాలి’ అని డిమాండ్‌ చేస్తూ అదనంగా దండుకున్నారు. చివరకు యాప్‌తో పాటు వెబ్‌సైట్‌ను పూర్తిగా మూసివేసి, కస్టమర్‌ కేర్‌ నంబర్లను స్విచ్‌ ఆఫ్‌ చేసి సైబర్‌ నేరగాళ్లు పరారయ్యారు. » తమ డబ్బులు రాకపోవడంతో ఆందోళనకు గురైన బాధితులు నిలదీయడం ప్రారంభించడంతో వారిని ఈ నెట్‌వర్క్‌లో చేర్పించిన అధికారులు సమాధానం చెప్పలేక సిక్‌ లీవ్‌ల పేరుతో ఫోన్లు స్విచ్‌ ఆఫ్‌ చేసి అజ్ఞాతంలోకి వెళ్లినట్లు తెలుస్తోంది.

సాక్షి, హైదరాబాద్‌: బాలీవుడ్‌ నటీ జాన్వీకపూర్‌ మార్ఫింగ్‌ వీడియోపై హైదరాబాద్‌ పోలీసులు సీరియసయ్యారు. ఈ నేపథ్యంలో ఈ వీడియో వ్యవహారంపై కేసు నమోదు చేశారు. ఇటువంటి పనులు చేస్తే తీవ్రపరిణామాలుంటాయని హెచ్చరించారు. కాగా ప్రస్తుతం సోషల్‌ మీడియాలో ఎక్కడ చూసినా ‘చుట్టమల్లే’(దేవర సినిమా) పాట సెగ కనిపిస్తోంది. ఏఐ ద్వారా అత్యంత నీచంగా ఎడిట్‌ చేసిన ఈ వీడియోని కొంతమంది సోషల్‌ మీడియాలో షేర్‌ చేస్తున్నారు. దీనిపై ఎన్టీఆర్‌తో పాటు హీరోయిన్ జాన్వీ కపూర్‌ స్పందించారు.చుట్టమల్లే పాటను ఏఐ టెక్నాలజీతో అసభ్యకరంగా మార్ఫింగ్ చేయడంపై హీరోయిన్ జాన్వీ కపూర్ తీవ్రంగా స్పందించారు. ఇలాంటి నకిలీ వీడియోలను క్రియేట్ చేయడం, షేర్ చేయడం ఏఐ దుర్వినియోగమేనని తెలిపారు.ఇలాంటి చేష్టలకు పాల్పడిన వారిపై తప్పకుండా తీవ్రమైన చట్టపరమైన చర్యలు ఉంటాయని ఆమె గట్టిగా హెచ్చరించారు. ఈమేరకు ట్విటర్‌లో పోస్ట్‌ చేశారు.కాగా ఇప్పటికే ఈ ఏఐ వీడియోపై మ్యాన్ ఆఫ్ మాసెస్ ఎన్టీఆర్ రియాక్ట్ అయ్యారు. ఇలాంటి దుశ్చర్యకు పాల్పడిన వారిని వదిలిపెట్టేది లేదని హెచ్చరించారు. ఇప్పుడు ఈ వివాదం పై హీరోయిన్ జాన్వీ కపూర్ సైతం స్పందించింది. ఏఐ టెక్నాలజీని ఇలా దుర్వినియోగం చేయడం కలవరపాటుకు గురిచేస్తోందని తీవ్ర అసహనం వ్యక్తం చేశారద్నె‌ఫైఫైరవుతున్న నెటిజన్లు ఇలాంటి చర్యల వల్ల సెలబ్రిటీల వ్యక్తిగత ప్రతిష్ట, గౌరవానికి తీవ్ర భంగం వాటిల్లుతోందని అభిమానులు మండిపడుతున్నారు. క్రియేటివిటీ పేరుతో నటీనటులు చేయని పనులను చేసినట్లుగా ఏఐ ద్వారా చూపించడం క్షమించరాని నేరమని మండిపడుతున్నారు. టెక్నాలజీని కొత్త ప్రయోగాలకు, విజ్ఞానానికి ఉపయోగించాలని సెలబ్రెటీల వ్యక్తిత్వాన్ని దిగజార్చడానికి కాదని హితవు పలుకుతున్నారు. బాధ్యులైన వారిని తక్షణమే గుర్తించి అరెస్ట్ చేసి జైలుకు పంపాలని పెద్ద ఎత్తున డిమాండ్లు వెల్లువెత్తుతున్నాయి.

సాక్షి,చెన్నై: ప్రజలకు రక్షణగా నిలవాల్సిన ఖాకీలే అక్రమాలకు పాల్పడితే శిక్ష ఏ స్థాయిలో ఉంటుందో తమిళనాడు ప్రభుత్వ తాజా చర్యలు మరోసారి నిరూపించాయి. లంచం డిమాండ్ చేయడం, డిజిటల్ రూపంలోనూ వసూలు చేయడం వంటి ఆరోపణలపై తమిళనాడు వ్యాప్తంగా ఐదుగురు పోలీసులపై కఠినమైన శాఖాపరమైన చర్యలు తీసుకోవడం రాష్ట్రంలో చర్చాంశనీయంగా మారింది. సీఎం సి. జోసెఫ్ విజయ్ నేతృత్వంలోని ప్రభుత్వం రాష్ట్రంలో అవినీతిని ఏమాత్రం సహించేది లేదనే స్పష్టమైన సంకేతాలను ఈ ఘటన ద్వారా పంపింది.తిరునెల్వేలి, చెన్నై పరిసర ప్రాంతాలలో జరిగిన వేర్వేరు ఘటనల్లో పోలీసులు రూ.1,000 నుంచి రూ.10,000 వరకు లంచాలు డిమాండ్ చేసినట్లు ఆరోపణలు వచ్చాయి. సాంకేతికతను సామాన్యులకు మేలు చేసేందుకు కాకుండా, అవినీతికి అడ్డుపెట్టుకోవాలని చూసిన కిందిస్థాయి సిబ్బందికి సీఎం విజయ్ ప్రభుత్వం గట్టి షాక్ ఇచ్చింది.వాహన తనిఖీల సమయంలో ద్విచక్ర వాహనదారుడిని రూ.1,000 డిమాండ్ చేసిన హెడ్ కానిస్టేబుల్ సోర్ణరాజ్, నగదు లేకపోవడంతో నేరుగా తన జీపే నంబర్‌కు డబ్బులు వేయించుకున్నట్లు విచారణలో తేలింది. ఈ దారుణానికి పాల్పడిన ఆయన్ను తక్షణమే సస్పెండ్ చేశారు.దొంగిలించబడిన ద్విచక్ర వాహనాన్ని బాధితునికి అప్పగించేందుకు ఎస్‌ఐ శివరాజ్, కానిస్టేబుల్ వివేక్ కలిసి జీ-పే ద్వారా రూ.10,000 వసూలు చేశారు. ఈ ఆరోపణలు రుజువు కావడంతో ఇద్దరినీ సస్పెండింగ్ వేటు పడింది. లంచం డిమాండ్ చేసిన ఎస్‌ఐపై విజిలెన్స్ విచారణ జరిపించి వెంటనే సస్పెండ్ చేయించారు. గతంలో అన్నానగర్ స్టేషన్‌లో పనిచేస్తున్న సమయంలో లంచం తీసుకున్నట్లు తేలిన ఎస్‌ఐ మరీశ్వరన్‌ను ఏకంగా సర్వీసు నుంచే తొలగిస్తూ అత్యంత కఠినమైన నిర్ణయం తీసుకున్నారు.సీఎం విజయ్ పాలనా దక్షతకు ఇదే నిదర్శనంతమిళనాడులో శాంతిభద్రతల పరిరక్షణతో పాటు పోలీస్ శాఖలో ప్రక్షాళన దిశగా ముఖ్యమంత్రి సి. జోసెఫ్ విజయ్ తీసుకుంటున్న నిర్ణయాలు ప్రజల నుంచి ప్రశంసలు అందుకుంటున్నాయి. అధికారంలోకి వచ్చిన నాటి నుంచి అవినీతి రహిత పాలనే ధ్యేయంగా అడుగులు వేస్తున్న సీఎం విజయ్, చిన్నస్థాయి అవినీతిని కూడా ఉపేక్షించేది లేదని ఈ చర్యల ద్వారా నిరూపించారు.పోలీసు వ్యవస్థలో బాధ్యతాయుతమైన పారదర్శకతను తీసుకురావడంలోనూ, ప్రజలకు సత్వర న్యాయం అందించడంలోనూ సీఎం విజయ్ అమలు చేస్తున్న కఠినమైన నిబంధనలు అభినందనీయం. అక్రమాలకు పాల్పడే ఎంతటి వారైనా చట్టం ముందు సమానులేనని, ప్రభుత్వ యంత్రాంగంలో అవినీతికి తావులేదని ఈ ఘటన నిరూపిస్తోంది. ఇదీ చదవండి : శభాష్‌ వేల్‌ మురగన్‌

సాక్షి, అమరావతి: రాష్ట్రంలో రెడ్‌బుక్‌ రాజ్యాంగం అమలులో భాగంగా ప్రజల హక్కులను, స్వేచ్ఛను హరిస్తూ సివిల్‌ వివాదాల్లో జోక్యం చేసుకుంటూ ఇష్టారీతిన చెలరేగిపోతున్న పోలీసులపై హైకోర్టు తీవ్రస్థాయిలో మండిపడింది. చట్ట పరిధి దాటి సివిల్‌ వివాదాల్లో జోక్యం చేసుకుంటే పర్యవసానాలు తీవ్రంగా ఉంటాయని హెచ్చరించింది. ప్రజ­ల సంక్షేమమే అత్యున్నత చట్టమనే విష­యాన్ని పోలీసులు గ్రహించాలంది. ప్రజల ప్రాణాలు, వ్యక్తిగత స్వేచ్ఛ, హక్కులు, శాంతి భద్రతలను రక్షించడానికే పోలీసులున్నారని హైకోర్టు గుర్తు చేసింది. అంతే తప్ప ప్రజలపై అధికారం చలాయించడానికి కాదని తేల్చి చెప్పింది.తాము ప్రజల కంటే పైస్థాయిలో ఉన్నామన్న రీతిలో పోలీసులు వ్యవహరించడానికి వీల్లేదని స్పష్టం చేసింది. పౌరులపై నియంత్రణలేని అధికారాన్ని పోలీసులు చలాయించలేరని తెలిపింది. రాజ్యాంగ సూత్రాలకు సంరక్షకులుగా పోలీసులు వ్యవహరించాలని హైకోర్టు హితవు పలికింది. సివిల్‌ వివాదాల్లో జోక్యం చేసుకునే అధికారం చట్టం పోలీసులకు ఇవ్వలేదని పునరుద్ఘాటించింది. ఈ మేరకు హైకోర్టు న్యాయమూర్తి జస్టిస్‌ కుంచెం మహేశ్వరరావు ఇటీవల కీలక తీర్పు వెలువరించారు. సివిల్‌ కోర్టుల్లో పెండింగ్‌లో ఉన్న తమ సివిల్‌ వివాదాల్లో పోలీసులు అకారణంగా జోక్యం చేసుకుంటున్నారని, పోలీస్‌స్టేషన్‌కు పిలిపిస్తూ వివాదాలను పరిష్కరించుకోవాలని బెదిరిస్తున్నారంటూ రాష్ట్రవ్యాప్తంగా పలు జిల్లాలకు చెందిన పౌరులు హైకోర్టును ఆశ్రయించారు. సివిల్‌ వివాదాల్లో జోక్యం చేసుకోకుండా పోలీసులను నిరోధించాలని కోరుతూ పలు పిటిషన్లు దాఖలు చేశారు. వీటిని విచారించిన న్యాయమూర్తి, సివిల్‌ వివాదాల్లో పోలీసుల జోక్యంపై గత ఏడాది అక్టోబర్‌ 24న డీజీపీ జారీ చేసిన మార్గదర్శకాలను అనుసరించాలని పోలీసులను తన తీర్పులో ఆదేశించారు.స్వాతంత్య్రం వచ్చినా వలసవాద పోలీస్‌ వ్యవస్థ మారలేదు‘ప్రసిద్ధ న్యాయ శాస్త్రవేత్త ఉపేంద్ర భక్షి చెప్పినట్లు.. దేశానికి స్వాతంత్య్రం వచ్చినా కూడా వలసవాద పోలీస్‌ వ్యవస్థ మాత్రం అంతం కాలేదు. కేవలం యజమానులు మాత్రమే మారారు. స్వాతంత్య్రం వచ్చినప్పటికీ పోలీసుల నిర్మాణం, పద్ధతులు, చట్టపరమైన విధానాలు ఎక్కువగా 1861 నాటి పోలీస్‌ చట్టం ఆధారంగానే కొనసాగాయి. ఈ వ్యవస్థ పౌర సేవా దృక్పథం కంటే, శాంతి భద్రతలను కాపాడటం, జనాలను నియంత్రించడం, పాలకుల ప్రయోజనాలను రక్షించడం కోసమే ప్రధానంగా రూపుదిద్దుకుంది.అందువల్ల, బ్రిటిష్‌ పాలకుల స్థానంలో ఎన్నికైన భారత ప్రభుత్వం వచ్చినప్పటికీ, పోలీసుల ప్రాథమిక సంస్థాగత స్వరూపంలో పెద్దగా మార్పు రాలేదు. ఈ నేపథ్యంలో ఆధునిక భారతదేశ ప్రయోజనాల దృష్ట్యా, వలసవాద పోలీస్‌ వ్యవస్థ.. ప్రజలే కేంద్రంగా సాగే ప్రజాస్వామ్య పోలీసింగ్‌ (డెమోక్రటిక్‌ పోలీసింగ్‌)గా మారాలి. ఇందుకు అందరూ సహకరించాలి. అంటే పోలీసులు చట్ట పరిమితులకు లోబడి అధికారాలను ఉపయోగించడం, రాజ్యాంగ, ప్రజాస్వామ్య సంస్థలకు జవాబుదారీగా ఉండటం, పౌరుల చట్టపరమైన హక్కుల పరిరక్షణకు కట్టుబడి ఉండటం వంటి దిశలో చర్యలు ఉండాలి’పరిధి లేని వ్యవహారాల్లో జోక్యం సమాజానికి మంచిదికాదు ‘పోలీసులు చట్టబద్ధమైన అధికార పరిధి లేకుండా పౌరుల హక్కులలో జోక్యం చేసుకుంటే, అది మొత్తం సమాజంపైనే కాకుండా పోలీసుల వి«ధి నిర్వహణపై కూడా తీవ్రమైన ప్రభావాలను చూపుతుంది. ఓ పోలీస్‌స్టేషన్‌కు చెందిన స్టేషన్‌ హౌస్‌ ఆఫీసర్, ఆయన సిబ్బంది, తమకు ఎలాంటి అధికార పరిధి లేకపోయినా, కేవలం తమ ఇష్టానుసారంగా సివిల్‌ వివాదాలను పరిష్కరించడానికి ప్రయత్నిస్తే, అది సమస్యలను మరింత జఠిలం చేస్తుంది. ఈ రకమైన పోలీసుల ప్రవర్తన చివరికి శాంతిభద్రతల సమస్యకు దారి తీస్తుంది. పోలీసులు చట్టబద్ధమైన పోలీసింగ్‌ విధులను సమర్థవంతంగా నిర్వర్తించకుండా అడ్డుకుంటుంది. ఇది సమాజ శ్రేయ­స్సుకైనా, లేదా పోలీస్‌శాఖ హితానికైనా ఏమాత్రం మంచిది కాదు. స్వేచ్ఛను ప్రభావితం చేసే కార్యనిర్వాహక విచక్షణ అధికారాన్ని అడ్డూ అదుపు లేకుండా వాడకూడదు. ఆ అధికారం తార్కిక, హేతుబద్ధ కార­ణాలు, క్షేత్రస్థాయి వాస్తవ పరిస్థితులపై ఆధారపడి ఉండాలి. అంతే తప్ప, అస్పష్టమైన లేదా అర్థంలేని స్వీయ నిర్ణయాలపై ఆధారపడి పోలీసుల అధికారాలు ఉండకూడదు’– జస్టిస్‌ కుంచెం మహేశ్వరరావు తీర్పు

కాకినాడ రూరల్‌: సంచలనం సృష్టించిన ఏఈ నూకరాజు కుటుంబం ఆత్మహత్య, ఆయన అల్లుడు జగదీశ్వరరెడ్డి హత్య కేసులో ప్రధాన నిందితుడు షేక్‌ సాదిక్‌ ఖాన్‌ తన కస్టడీ విచారణ సందర్భంగా పోలీసులనే బెదిరించినట్లు తెలుస్తోంది. రెండు రోజుల పోలీస్‌ కస్టడీకి కోర్టు అను­మ­తించిన నేపథ్యంలో వరుసగా రెండవరోజు శుక్ర­వారం కూడా సాధిక్‌ను కాకినాడ జిల్లా సర్పవరం పోలీసులు విచారించారు. వీఆర్వోలు, సాధిక్‌ న్యాయ­వాది సమక్షంలో సీఐ సీహెచ్‌ ప్రకాష్‌ ఈ విచారణ చేపట్టారు. తాము జరిపిన విచారణ ప్రాతిపదికన తొలి రోజు సుమారు 25 ప్రశ్నలు వేసిన పోలీసులు, రెండో రోజు శుక్రవారం 80 పైబడి ప్రశ్నలు సంధించారు. ‘విచారణ పేరుతో వేధిస్తున్నట్టు కోర్టుకు చెబుతా. న్యాయస్థానంలో తేల్చుకుంటా’ అంటూ ఈ సందర్భంగా సాధిక్‌ పోలీసులను హెచ్చరించాడని, పలు ప్రశ్నలకు దాటవేత ధోరణిని ప్రదర్శించాడని సమాచా­రం. సాధిక్‌ ఖాన్‌ రెండు రోజుల కస్టడీ శనివారం ఉద­యంతో ముగియనుంది. ఉదయం కాకినాడ ప్రభుత్వ ఆస్పత్రిలో వైద్య పరీక్షల అనంతరం, మేజిస్ట్రేట్‌ ముందు హాజరు­పరచనున్నారు. అనంతరం రాజమండ్రి సెంట్రల్‌ జైలులో తిరిగి అప్పగించనున్నారు. స్లోపాయిజన్‌ ఇచ్చినట్లు అంగీకారం!పోలీసుల విచారణలో జగదీశ్వరరెడ్డికి స్లో పాయిజన్‌ ఇచ్చినట్టు సాధిక్‌ అంగీకరించినట్లు సమాచారం. హైదరాబాద్‌కు చెందిన ముగ్గురి నుంచి స్లో పాయిజన్, పొటాషియం సైనైడ్‌ కొనుగోలు చేసినట్టు పోలీసులు గుర్తించారు. వారిలో సైనైడ్‌ విక్రయించిన ఇబ్రహీం అనే వ్యక్తిని శుక్రవారం సాధిక్‌ ముందు కూర్చోబెట్టి ప్రశ్నలు సంధించారు. ఫోన్‌పేలో దాదాపు రూ.60 వేల లావాదేవీలు, స్క్రీన్‌షాట్ల ఆధారాలతో విచారించగా స్లో పాయిజన్‌ మాత్రమే ఇచ్చామని, సైనైడ్‌ వినియోగించలేదని సాధిక్‌ చెప్పినట్లు తెలిసింది. కాకినాడలో ఇంట్లో, సర్పవరం జంక్షన్‌ ఆస్పత్రిలో జగదీశ్వరరెడ్డికి పలుమార్లు స్లో పాయిజన్‌ ఇచ్చినట్టు అంగీకరించినట్లు సమాచారం. కాగా నెపాన్ని మొత్తం సౌజన్యపై నెట్టే ప్రయత్నం చేసినట్లు తెలిసింది.హత్యకు ‘ఏఐ’ సాయం జగదీశ్వరరెడ్డిని హత్య చేసేందుకు సాధిక్‌ ఖాన్‌ చాట్‌జీపీటీలో విషప్రయోగంపై శోధించినట్టు పోలీ­సులు గుర్తించారు.థాలియం సల్ఫేట్, పొటాషియం సైనేడ్‌ వినియోగం, మోతాదులపై సమాచారం తెలుసు­కున్నట్టు విచారణలో వెల్లడైంది. దీనిప్రకారం సౌజన్యను భర్తకు దూరం చేసి పెళ్లి చేసుకోవడంతో పాటు రూ.25 కోట్ల ఆస్తిని దక్కించుకునేందుకు సాధిక్‌ పథకం వేశాడు. ఆమెను బెదిరించడంతో పాటు మతం మారితే పెళ్లి చేసుకుంటానని నమ్మించాడు. జగదీశ్వరరెడ్డి జూలై 2న మృతి చెందగా, ఒకదశలో సౌజన్యపై ఉప్పాడ వద్ద హత్యాయత్నం జరిగినట్టు పోలీసులు గుర్తించారు. నూకరాజు కుటుంబ ఆత్మహత్యలకు రెండు రోజుల ముందు, ఆగస్టు 14న సౌజన్య చేత ఆమె బంగారాన్ని రూ.40 లక్షలకు కుదవపెట్టించి అప్పులు తీర్చినట్టు విచారణలో వెల్లడైంది.జగదీశ్వరరెడ్డి కుటుంబ సభ్యులకు కార్ల అప్పగింతనూకరాజు అల్లుడు జగదీశ్వరరెడ్డికి చెందిన ఖరీదైన ఆడీ, బెంజ్, సఫారీ, ఎస్‌యూవీ వంటి నాలుగు ఖరీదైన కార్లను ఆయన తండ్రి భాస్కరరెడ్డి, సోదరి కరుణలకు పోలీసులు గురువారం రాత్రి అప్పగించారు. కార్లపై ఈఎంఐలు ఇబ్బందికరంగా మారాయని, కార్లు అప్పగించాలని జగదీశ్వరరెడ్డి కుటుంబ సభ్యులు చేసిన అభ్యర్థన మేరకు వాటిని అప్పగించారు. సాధిక్‌ ఖాన్‌ ప్రొ షూటింగ్‌ అకాడమీలో సీజ్‌ చేసిన రైఫిళ్ళలో శిక్షణ కోసం సొంతంగా కొనుగోలు చేసుకున్న విద్యార్థులకు పోలీసులు అప్పగించారు. ఇదీ చదవండి: ‘మంచి షూస్‌ కొనిస్తా.. వచ్చే ఏడాది పరిగెత్తు’..

లక్నో: ఉత్తరప్రదేశ్‌లో వేర్వేరు నేరపూరిత కేసుల్లో ప్రమేయం ఉన్న ఇద్దరు దుండగులను పోలీసులు ఎన్‌కౌంటర్ చేశారు. 24 గంటల వ్యవధిలో రెండు ఎన్‌కౌంటర్లు చేసి, నేరస్థులకు గట్టి హెచ్చరిక చేశారు. మొదటి ఎదురుకాల్పుల ఘటన మీరట్‌లో చోటుచేసుకోగా, మహిళ హత్య కేసులో వాంటెడ్‌గా ఉన్న నిందితుడిని పోలీసులు ఎన్‌కౌంటర్ అనంతరం అరెస్ట్ చేశారు. మరోవైపు లలిత్‌పూర్‌లో ఐదేళ్ల చిన్నారిపై అత్యాచారానికి పాల్పడిన కేసులో నిందితుడు పోలీసుల దాడిలో గాయపడ్డాడు. రెండు ఘటనల్లోనూ నిందితుల కాళ్లకు బుల్లెట్లు తగిలాయి.మీరట్‌‌లోని హస్తినాపూర్ ప్రాంతంలో అక్టోబర్ 2 రాత్రి మవానా సరిహద్దు వద్ద పోలీస్ బృందం తనిఖీలు నిర్వహిస్తోంది. ఆ సమయంలో కరీంపూర్ వైపు నుంచి ఇద్దరు అనుమానిత దుండగులు రావడం కనిపించింది. పోలీసులు వారిని ఆపేందుకు ప్రయత్నించగా, నిందితులు ఒకచోట దాక్కుని పోలీస్ బృందంపై కాల్పులు జరిపారు. పోలీసులు ఆత్మరక్షణ కోసం ఎదురుకాల్పులు జరపగా, శుభమ్ అలియాస్ బార్వి అనే నిందితుడి రెండు కాళ్లకు బుల్లెట్లు తగిలాయి.మవానా సీఓ పంకజ్ లవానియా తెలిపిన వివరాల ప్రకారం, విచారణలో నిందితుడు సెప్టెంబర్ 13న ఒక మహిళను హత్య చేసి, ఆమె పట్టీలు, చెవిదుద్దులు, మొబైల్ ఫోన్‌ను ఎత్తుకెళ్లినట్లు అంగీకరించాడు. పోలీసులు నిందితుడి నుంచి ఆ మహిళకు చెందిన పట్టీలు, మొబైల్ ఫోన్‌ను స్వాధీనం చేసుకున్నారు. ఈ కేసులో రెండో నిందితుడి పాత్రపై కూడా విచారణ కొనసాగుతోంది.రెండో ఘటన లలిత్‌పూర్‌లో జరిగింది. ఐదేళ్ల చిన్నారిపై అత్యాచారానికి పాల్పడిన కేసులో నిందితుడు సుఖ్‌లాల్ సహరియాను పోలీసులు ఎదురుకాల్పుల అనంతరం అరెస్ట్ చేశారు. తాల్‌బెహట్ కొత్వాలి పరిధిలోని పవా గ్రామ సమీపంలో గల అటవీ ప్రాంతంలో పోలీస్ బృందం నిందితుడిని చుట్టుముట్టింది. పోలీసుల సమాచారం ప్రకారం, ఈ క్రమంలో జరిగిన ఎదురుకాల్పుల్లో నిందితుడి కాలికి బుల్లెట్ తగిలింది. గాయపడిన నిందితుడిని జిల్లా మెడికల్ కాలేజీకి తరలించారు. అతని వద్ద నుంచి ఒక నాటు తుపాకీ, సజీవ తూటాలను స్వాధీనం చేసుకున్నట్లు పోలీసులు తెలిపారు. ఈ రెండు ఘటనలపై పోలీసులు తదుపరి చట్టపరమైన చర్యలు కొనసాగిస్తున్నారు.ఇదీ చదవండి: హెలికాప్టర్ నుంచి రేషన్ ప్యాకెట్లు పడి వృద్ధుడు మృతి

తమిళనాడు: వేలూరు జిల్లా వరదలాంబట్టు గ్రామానికి చెందిన మోహన్‌బాబు ఇతను గత నాలుగు సంవత్సరాలుగా హోసూరులో ఉంటూ ప్రైవేటు కంపెనీలో పనిచేస్తున్నాడు. ఇతనికి హోసూరు సిప్‌కాడు ప్రాంతానికి చెందిన బానుమతిలకు పరిచయం ఏర్పడి ప్రేమగా మారింది. ఈ విషయాన్ని తెలుసుకున్న భానుమతి కుటుంబ సభ్యులు ఖండించినట్లు తెలుస్తోంది. అయినప్పటకీ ఇద్దరూ రెండు రోజుల క్రితం ఇద్దరూ ఇంటి నుంచి బయటకు వచ్చి వేలూరు సమీపంలోని కోడివూరు గ్రామంలోని మునీశ్వర ఆలయంలో వివాహం చేసుకున్నారు. బుధవారం సాయంత్రం వేపంకుప్పం పోలీసులను ఆశ్రయించి తమ వివాహానికి పెద్దల నుంచి హాని ఉందని తమకు రక్షణ కల్పించాలని కోరారు. దీంతో పోలీసులు ఇద్దరి కుటుంబ సభ్యులను రప్పించి చర్చలు జరిపారు. ఆ సమయంలో యువతి తల్లి కుమార్తె కాలుపై పడి కన్నీరు పెట్టి తనతో పాటు రావాలని వేడుకుంది. అయినప్పటికీ ప్రియుడితో వెలుతానని యువతి తేల్చి చెప్పింది. దీంతో పోలీసులు ఇరువైపు బంధువులతో చర్చించి సర్దిచెప్పి పంపించారు. ఇదీ చదవండి: ఆటోడ్రైవర్‌తో వివాహేతర సంబంధం చివరికి..!

సాక్షి, అమరావతి: విజయవాడ కాపు యువకుడు గాదే సాయికృష్ణను లాకప్‌ డెత్‌ చేసినట్టే తననూ పోలీసులు అంతమొందించాలని చూస్తున్నారని, వారి నుంచి తనకు రక్షణ కల్పించాలని అన్నమయ్య జిల్లా గాలివీడు మండలం గుర్రంవాండ్లపల్లెకు చెందిన చర్చి పాస్టర్‌ బి.సంపత్‌కుమార్‌ ఆందోళనవ్యక్తం చేశారు. ఇదే విషయమై ఇటీవల డీజీపీ హరీష్‌కుమార్‌ గుప్తాకు ఫిర్యాదు చేసిన సంపత్‌కుమార్‌ తాజాగా హోంమంత్రి వంగలపూడి అనితకు ఫిర్యాదు చేసినా ఫలితంలేదని ఆవేదన వ్యక్తం చేశారు. అవినీతిపై కంప్లైంట్‌ చేశానని రాయచోటి పోలీసులు కక్ష సాధింపు చర్యలు ఆపకపోవడంతో అజ్ఞాతంలోకి వెళ్లిపోయినట్టు ‘సాక్షి’కి గురువారం ఫోన్‌లో మొరపెట్టుకున్నారు.రాయచోటి సీఐ వెంకటాచలపతి అవినీతిపై 2025 ఏప్రిల్‌ 28న కలెక్టర్, ఎస్పీకి ఫిర్యాదు చేశానని సంపత్‌కుమార్‌ పేర్కొన్నారు. ఈ ఫిర్యాదు మీడియాలో ప్రసారం కావడంతో తనపై పోలీసులు కక్ష పెంచుకున్నారని, అప్పటి నుంచి తనపై వరుసగా ఐదు కేసులు పెట్టారని హోంమంత్రి, డీజీపీలకు ఇచ్చిన ఫిర్యాదులో వివరించారు. తనపై పెట్టిన ఒక కేసులో అక్రమంగా అరెస్టు చేశారని, 90రోజులపాటు రిమాండ్‌లో ఉండి బెయిల్‌పై విడుదలయ్యానని తెలిపారు. అయినప్పటికీ తనపై పోలీసుల కక్ష సాధింపులు ఆపకపోవడంతో హైకోర్టును ఆశ్రయించానని వివరించారు. గత నెల 26 తెల్లవారుజామున 3.30గంటలకు మగ పోలీసులు తన ఇంటికి వచ్చి సోదాలు చేశారని, ఆ సమయంలో తాను లేకపోవడంతో వృద్ధురాలైన తన తల్లి శాంతమ్మ, భార్యను భయాందోళనలకు గురిచేశారని ఆరోపించారు. హోంమంత్రి, డీజీపీ స్పందించి తనపై నమోదైన కేసులన్నింటిపైనా రాయచోటి పోలీసులకు సంబంధం లేని ఇతర జిల్లా పోలీస్‌ అధికారితో స్వతంత్ర విచారణ జరిపించాలని, పోలీసుల నుంచి తనకు రక్షణ కల్పించాలని సంపత్‌కుమార్‌ కోరుతున్నారు.

సాక్షి ప్రతినిధి, న్యూఢిల్లీ: పోలీసుస్టేషన్‌లో సామాన్య పౌరులను చట్టవిరుద్ధంగా నిర్బంధించి, వేధింపులకు గురిచేసిన ఘటనలపై అలహాబాద్‌ హైకోర్టు తీవ్ర ఆగ్రహం వ్యక్తం చేసింది. చట్టాన్ని అతిక్రమించే పోలీసు అధికారులకు చెంపపెట్టు వంటి రెండు తీర్పులు ఇచ్చింది. ఒక కేసులో రెండేళ్ల పసిపాపతోసహా పలువురు కుటుంబసభ్యులను అలాగే మరోకేసులో నిందితుడి సోదరుడిని అక్రమంగా నిర్బంధించడంపై నిప్పులు చెరిగింది. పోలీసులపై చర్యలు తీసుకోవాలని ఉత్తరప్రదేశ్‌ ప్రభుత్వాన్ని ఆదేశించింది. జస్టిస్‌ అతుల్‌ శ్రీధరన్, జస్టిస్‌ దివేష్‌ చంద్ర సమంత్‌లతో కూడిన ధర్మాసనం ఈ మేరకు సంచలన తీర్పులు వెలువరించింది. 10 రోజులు నిర్బంధం ఉత్తరప్రదేశ్‌లోని డియోరియో జిల్లా గౌరీబజార్‌ పోలీసుస్టేషన్‌ పరిధిలో జరిగిన ఒక హత్య కేసుకు సంబంధించి విచారణ సాకుతో పోలీసులు నిబంధనల ఉల్లంఘనకు పాల్పడ్డారు. నిందితుల బంధువులైన నందిని గౌర్, ఆమె రెండేళ్ల పసిపాప సహా ముగ్గురు మహిళలను పోలీసులు ఈ ఏడాది ఏప్రిల్‌ 13 నుంచి 23వ తేదీ వరకూ పది రోజుల పాటు పోలీసు స్టేషన్‌లోనే నిర్బంధించారు.ఎలాంటి అరెస్టు చూపలేదు. 24 గంటల్లోగా మేజిస్ట్రేట్‌ ముందు హాజరుపరచాల్సి ఉన్నా ఆ నిబంధనలన్నింటినీ తుంగలోకి తొక్కారు. ఈ దారుణ ఘటనపై బాధితులు హైకోర్టులో హెబియస్‌ కార్పస్‌ పిటిషన్‌ దాఖలు చేశారు. ఈ కేసులో మహేంద్ర గౌర్‌ అనే మరో బాధితుడు కూడా పిటిషన్‌ దాఖలు చేశారు. తనను అదుపులోకి తీసుకున్న పోలీసులు 48 గంటలకుపైగా నిర్బంధించారని, తీవ్రంగా కొట్టారని, రూ.25 వేలు వసూలు చేసి తనను వదిలిపెట్టారని కోర్టులో వాదనలు వినిపించారు. సీసీటీవీ ఆధారాలు మాయం... ఈ కేసులో విచారణ సందర్భంగా అప్పటి స్టేషన్‌ హౌస్‌ ఆఫీసర్‌ (ఎస్‌హెచ్‌వో) డాక్టర్‌ మహేంద్ర కుమార్‌ కోర్టుకు హాజరయ్యారు. పిటిషనర్లు పోలీసుస్టేషన్‌లో ఉన్న సమయంలో సీసీ టీవీ కెమెరాలు పనిచేయలేదని, సాంకేతిక లోపం తలెత్తిందని చెప్పుకొచ్చారు. దీంతో ధర్మాసనం... ఈ కేసులో డియోరియో సూపరింటెండెంట్‌ ఆఫ్‌ పోలీసు (ఎస్‌పీ) సమర్పించిన నివేదికను పరిశీలించింది.సీసీ కెమెరాల డేటా కేవలం పిటిషనర్లు పోలీసుస్టేషన్‌లో ఉన్న సమయాల్లోనే కట్‌ అవ్వడం లేదా రికార్డు కాకపోవడంపై సందేహం వ్యక్తం చేసింది. పోలీసులు తమ అక్రమాలను కప్పిపుచ్చుకోవడానికి సీసీటీవీ ఫుటేజ్‌ను తొలగించి ఉంటారని ధర్మాసనం అభిప్రాయపడింది. ‘‘సీసీ టీవీ అందుబాటులో లేకపోవడం, స్టేషన్‌ రికార్డుల్లో ఎలాంటి నమోదు లేకపోవడం వల్ల పిటిషనర్లు చెప్పిన అక్రమ నిర్బంధ ఆరోపణలు నిజమేనని కోర్టు నిర్ధారణకు వస్తోంది’’ అని వ్యాఖ్యానించింది. ఎస్‌హెచ్‌వో డాక్టర్‌ మహేంద్ర కుమార్‌ ప్రవర్తనపై కోర్టు వ్యక్తం చేసిన తీవ్ర అసంతృప్తిని ఆయన సర్వీస్‌ రికార్డులో నమోదు చేయాలని ఆదేశించింది.సీసీ కెమెరాలపై సుప్రీం తీర్పు శిరోధార్యం పోలీసుస్టేషన్లలో సీసీ 24 గంటలూ పనిచేసేలా చూడాలి. ఒకవేళ పనిచేయకపోతే జనరల్‌ డైరీలో నమోదుతో పాటు ఉన్నతాధికారులకు వెంటనే సమాచారం ఇవ్వాలని పరమ్‌వీర్‌ సింగ్‌ సైనీ కేసులో సుప్రీంకోర్టు ఇచ్చిన మార్గదర్శకాలను తూచా తప్పకుండా పాటించాలి.అక్రమ నిర్బంధానికి పరిహారం పది రోజుల పాటు అక్రమ నిర్బంధంలో ఉన్న ముగ్గురు పిటిషనర్లకు రూ.20వేల చొప్పున, రెండ్రోజుల నిర్బంధంలో ఉన్న మహేంద్ర గౌర్‌కు రూ.5 వేలు నష్టపరిహారాన్ని ప్రభుత్వం చెల్లించాలి. ఈ పరిహారం సొమ్మును బాధ్యులైన పోలీసు అధికారుల జీతాల నుంచే రికవరీ చేయాలి.ఇది వ్యక్తి స్వేచ్ఛను హరించడమే.. ⇒ నిందితుడికోసం అతడి సోదరుడిని ఎలా నిర్బంధిస్తారు? ⇒ మరోకేసులోనూ హైకోర్టు ఆగ్రహం ఇదిలాఉండగా, నిందితుడిని లొంగిపోయేలా ఒత్తిడి చేసేందుకు అతడి కుటుంబంలోని అమాయక వ్యక్తిని పోలీసులు జూన్‌ 23 నుంచి 26వ తేదీ వరకూ నాలుగు రోజుల పాటు నిర్బంధించిన మరో కేసులో కూడా జస్టిస్‌ అతుల్‌ శ్రీధరన్, జస్టిస్‌ దివేష్‌ చంద్ర సమంత్‌లతో కూడిన ధర్మాసనం పోలీసులపై తీవ్ర ఆగ్రహం వ్యక్తంచేసింది. అలాంటి నిర్బంధం వ్యక్తి స్వేచ్ఛను చట్టవిరుద్ధంగా హరించడమేనని పేర్కొంది.అక్రమంగా నిర్బంధించిన వ్యక్తికి పరిహారం పొందే హక్కు ఉంటుందని స్పష్టంచేసింది. ప్రయాగ్‌రాజ్‌లోని జార్జ్‌టౌన్‌ పోలీస్‌స్టేషన్‌లో తనను అక్రమంగా నిర్బంధించారంటూ అరవింద్‌ కుమార్‌ యాదవ్‌ దాఖలు చేసిన హెబియస్‌ కార్పస్‌ పిటిషన్‌ను విచారించిన ధర్మాసనం ఈ మేరకు తీర్పు ఇచ్చింది. అరవింద్‌ కుమార్‌కు రూ.40 వేల పరిహారం చెల్లించాలని రాష్ట్ర ప్రభుత్వాన్ని ఆదేశించింది. ఆయనను అక్రమంగా నిర్బంధించడంలో బాధ్యులైన పోలీసు సిబ్బంది జీతాల నుంచి ఈ మొత్తాన్ని రాష్ట్ర ప్రభుత్వం తగిన నిష్పత్తిలో వసూలు చేయాలని స్పష్టం చేసింది. సీసీటీవీ ఫుటేజీ, మొబైల్‌ కాల్‌ డీటెయిల్‌ రికార్డు (సీడీఆర్‌) ద్వారా పోలీసుల దారుణాలను హైకోర్టు గుర్తించింది.

కొచ్చి: దేశవ్యాప్తంగా మడ్-రేసింగ్ (Mud-racing)లో ప్రత్యేక గుర్తింపు తెచ్చుకున్న ప్రముఖ బైక్ రేసర్, పోలీసు అధికారి జీమోన్ ఆంటోనీ (44) కన్నుమూశారు. కొచ్చిలోని కలమస్సేరి సమీపంలోని మంజుమ్మెల్ ప్రాంతానికి చెందిన ఆయన, కలమస్సేరి పోలీస్ స్టేషన్‌లో సీనియర్ సివిల్ పోలీస్ ఆఫీసర్‌‌గా బాధ్యతలు నిర్వర్తిస్తున్నారు. కేరళ పోలీస్ విభాగం నుంచి మడ్-రేసింగ్‌లో పాల్గొన్న ఏకైక రేసర్‌గా ఆయన పేరొందారు.రేసింగ్ రంగంలోకి ప్రవేశంజీమోన్ ఆంటోనీ తన 18వ ఏట నుంచే రేసింగ్ కెరీర్‌ను ప్రారంభించారు. ఆ వయసులో ఒక సొంత బైక్ తీసుకోవాలన్న ఆసక్తితో, ప్రముఖ రేసర్ బిను జాన్ సలహా మేరకు ఆయన ‘యామహా RX 135’ బైక్‌ను కొనుగోలు చేశారు. ఆ పరిణామం ఆయన జీవితంలో కీలక మలుపుగా మారింది. అనంతరం బిను జాన్ వద్దే ప్రత్యేక శిక్షణ తీసుకున్న జీమోన్, ప్రొఫెషనల్ బైక్ రేసర్‌గా మారారు. కెరీర్‌లో భాగంగా దేశవ్యాప్తంగా 100కు పైగా ప్రముఖ పోటీలలో పాల్గొని, అనేక రేసుల్లో విజేతగా నిలిచారు.సాధించిన విజయాలు, ఛాంపియన్‌షిప్‌లుఆయన జాతీయ స్థాయిలో ఎన్నో ప్రతిష్టాత్మక టైటిళ్లను గెలుచుకున్నారు. మధ్యప్రదేశ్‌లోని ఇండోర్, తమిళనాడులోని కోయంబత్తూర్ వేదికలుగా జరిగిన ‘ఎంఆర్‌ఎఫ్‌ 2-వీలర్ నేషనల్ ర్యాలీ ఛాంపియన్‌షిప్’లను ఆయన కైవసం చేసుకున్నారు. గోవాలో నిర్వహించిన ‘రాయల్ ఎన్‌ఫీల్డ్ రైడర్ మేనియా 2019’ టైటిల్‌తో పాటు తమిళనాడులోని ఈరోడ్‌లో జరిగిన ‘ఎంఆర్‌ఎఫ్‌ 2-వీలర్ నేషనల్ స్ప్రింట్ ర్యాలీ ఛాంపియన్‌షిప్’ను కూడా గెలిచారు. అంతేకాకుండా, 2022లో ‘ఎప్‌ఎంఎసస్సీఐ నేషనల్ ర్యాలీ స్ప్రింట్ ఛాంపియన్‌’గా నిలిచి రేసింగ్ చరిత్రలో తనదైన ముద్ర వేశారు.ఇదీ చదవండి: ‘వర్క్‌ ఫ్రమ్‌ ఫారెస్ట్‌’.. మూడు రోజులకు రూ.14 వేలు!

బెంగళూరు: ఎస్‌ఐనంటూ దర్జాగా వసూళ్లకు, మోసాలకు పాల్పడుతున్న కిలాడీని చిక్కమగళూరు జిల్లా పోలీసులు అరెస్ట్‌ చేశారు. వివరాలు.. రామనగరకు చెందిన నివేదితా గౌడ చిక్కమగళూరు నగరంలో కెఫెను నడుపుతోంది. కెఫెకు వచ్చే మహిళలు, యువతులతో పరిచయం పెంచుకుంది. తాను బెంగళూరు రాజగోపాలనగర పోలీసుస్టేషన్‌లో ఎస్‌ఐ అని, సెలవు పెట్టి చిక్కమగళూరుకు వచ్చి కెఫెను నడుపుతున్నట్లు నమ్మించింది. పోలీసు కటింగ్‌ చేయించుకుని, యూనిఫారం కూడా ధరించి ఫోటోలు పంపేది. టూర్‌కు వెళ్లాలని ట్రావెల్స్‌లో విలాసవంతమైన కార్లను బాడుగకు తీసుకొని గుట్టుగా అమ్మేసి డబ్బులు జల్సా చేసేది. అవసరం ఉందంటూ తెలిసినవారి నుంచి భారీ మొత్తంలో డబ్బులు, బంగారు నగలు కూడా తీసుకుంది. బాధితుల ఫిర్యాదుతోచివరకు మోసపోయిన 20 మంది చిక్క పోలీసులకు ఫిర్యాదు చేయడంతో ఆమె బండారం గుట్టురట్టయింది. 25 మందికి కోట్ల రూపాయలు టోకరా వేసినట్లు విచారణలో బయటపడింది. ఆమె మొబైల్‌ ఫోన్‌లో వేరువేరు పేర్లతో 3 ఆధార్‌ కార్డులు బయట పడ్డాయి. రాష్ట్రంలోని వివిధ జిల్లాలలో మోసాలకు పాల్పడినట్లు, ఆ డబ్బులు, బంగారాన్ని తన ప్రియుడు దేవ్‌కు ఇచ్చినట్లు విచారణలో తెలిసింది. ఆమె ప్రియుని కోసం గాలింపు చేపట్టారు. ఇదీ చదవండి: Asian Games Cricket: సెమీ ఫైనల్లో వైభవ్‌ సూర్యవంశీ మెరుపులు

సాక్షి, అమరావతి: తెలుగుదేశం పార్టీ ప్రధాన కార్యాలయంపై దాడి చేశారన్న ఆరోపణలు ఎదుర్కొంటున్న వారిపై రౌడీషీట్లు తెరవాలంటూ జారీ చేసిన ప్రొసీడింగ్స్‌ను ఎలా సమర్థించుకుంటారని హైకోర్టు బుధవారం పోలీసులను ప్రశ్నించింది. విజయవాడ పోలీస్‌ కమిషనర్‌ రాజశేఖర్‌బాబు జారీ చేసిన ఈ ఉత్తర్వులు ఎలా చెల్లుబాటు అవుతాయని నిలదీసింది. ఈ వ్యవహారంలో పూర్తి వివరాలను తమ ముందుంచాలని స్పష్టం చేసింది. తదుపరి విచారణను అక్టోబర్‌ 4కి వాయిదా వేసింది. ఈ మేరకు న్యాయమూర్తి జస్టిస్‌ కుంచెం మహేశ్వరరావు ఉత్తర్వులు జారీ చేశారు. కమిషనర్‌ ప్రొసీడింగ్స్‌ను సవాలు చేస్తూ విజయవాడకు చెందిన బచ్చు మురళీకృష్ణ మరికొందరు మంగళవారం హైకోర్టులో పిటిషన్లు దాఖలు చేసిన విషయం తెలిసిందే. ఈ వ్యాజ్యాలపై బుధవారం జస్టిస్‌ మహేశ్వరరావు విచారణ జరిపారు. పిటిషనర్ల తరఫున సీనియర్‌ న్యాయవాదులు ఎస్‌.శ్రీరామ్, వేలూరు మహేశ్వరరెడ్డి తొలుత వాదనలు వినిపిస్తూ రాజకీయ కక్ష సాధింపు చర్యల్లో భాగంగా పిటిషనర్లపై రౌడీషీట్లు తెరుస్తున్నారని, ఇది రాజ్యాంగ విరుద్ధమని తెలిపారు. వాదనల్లో మరిన్ని ముఖ్యాంశాలు⇒ రౌడీషీట్లు ఎప్పుడు తెరవాలి.. ఎలా తెరవాలి.. అన్న విషయాలను పోలీస్‌ స్టాండింగ్‌ ఆర్డర్స్‌ స్పష్టంగా చెబుతున్నాయి. ⇒ ఎవరిపైన అయితే రౌడీషీట్‌ తెరవాలని అనుకుంటున్నారో ఆ వ్యక్తిపై ఉన్న కేసుల వివరా­లు, వాటి స్వభావం, ఆ వ్యక్తి పదే పదే నేరాలు చేస్తున్నారా? ప్రజాశాంతికి భంగం కలిగిస్తున్నా­రా? వంటి వివరాలతో స్థానిక పోలీసులు ఉన్న­తాధికారులకు ప్రతిపాదనలు పంపుతారు. ⇒ అయితే ప్రస్తుత కేసులో మాత్రం అందుకు వి­రుద్ధంగా, కమిషనరే నేరుగా ఆదేశాలు ఇచ్చా­రు. ఇది పోలీస్‌ స్టాండింగ్‌ ఆర్డర్స్‌కు విరుద్ధం. ⇒ కేవలం తెలుగుదేశం పార్టీ కార్యాలయంపై దా­డి చేశారన్న ఆరోపణలతో రౌడీషీట్లు తెర­వడం దారుణం. ⇒ పిటిషనర్లకు ఎలాంటి నేర చరిత్ర లేదు. పదే పదే నేరాలు చేశారన్న ఆరోపణలు కూడా లేవు.

ఆంధ్రప్రదేశ్‌: ప్రమాదవశాత్తు రైలు కిందపడబోయిన ఓ ప్రయాణికుడిని సకాలంలో ఓ కానిస్టేబుల్‌ పక్కకు లాగి ప్రాణాలు కాపాడాడు. వివరాల్లోకి వెళితే... అనంతపురంలోని భైరవనగర్‌ నివాసి రవి బండలు కొట్టి కుటుంబాన్ని పోషించుకునేవాడు. తిరుపతికి వెళ్లేందుకు సిద్ధమైన ఆయన మంగళవారం ఉదయం 9.40 గంటలకు అనంతపురం రైల్వే స్టేషన్‌కు చేరుకున్నాడు. అప్పటికే గుంతకల్లు నుంచి తిరుపతికి వెళ్లే ప్యాసింజర్‌ (57404) రైలు ప్లాట్‌ఫాం విడుస్తోంది.గమనించిన రవి పరుగున వెళ్లి కదిలే రైలులో ఎక్కేందుకు ప్రయత్నించి అదుపు తప్పాడు. అదే సమయంలో చేతికి అందిన కంపార్ట్‌మెంట్‌ తలుపు హ్యాండిల్‌ పట్టుకుని కిందకు వేలాడుతూ ఉండగా రైలు వేగం అందుకుంది. అదే సమయంలో తన ఉన్నతాధికారిని (ఎస్‌ఐ)ని రైల్వే స్టేషన్‌లో వదిలేందుకు వచ్చిన ట్రాఫిక్‌ కానిస్టేబుల్‌ సురేంద్రకుమార్‌ వెంటనే స్పందించి, పరుగున వెళ్లి రవిని పక్కకు లాగేందుకు ప్రయత్నించాడు.అయితే భయంతో తలుపు హ్యాండిల్‌ను రవి గట్టిగా పట్టుకోవడంతో సురేంద్రకుమార్‌ పరిస్థితి కూడా కాసేపు సంక్లిష్టంలో పడింది. చివరకు తన ప్రాణాన్ని కూడా లెక్కచేయకుండా సురేంద్రకుమార్‌ రైలు పక్కనే పరుగు తీస్తూ రవిని ప్లాట్‌ఫాం పైకి లాగేశాడు. చిన్నపాటి గాయాలతో ప్రాణాపాయం నుంచి రవి బయటపడ్డాడు. ఈ దృశ్యాన్ని చూసిన పలువురు కానిస్టేబుల్‌ సురేంద్రకుమార్‌ను అభినందనలతో ముంచెత్తారు.ఇదీ చదవండి: రష్యాలో మావాళ్లు.. రక్షించండి!

హైదరాబాద్‌: ఐదుగురు నకిలీ వైద్యులు మంగళవారం పోలీసులకు పట్టుబడ్డారు. మల్లాపూర్‌ పరిధిలో ముగ్గురు, రాంగోపాల్‌పేట, మేడిపల్లిలో ఒకరి చొప్పున పోలీసులు అరెస్టు చేశారు. ఎలాంటి వైద్య విద్యార్హతలు, రిజిస్ట్రేషన్‌, అనుమతులు లేకుండా సేవలు అందిస్తున్న నకిలీ వైద్యుల వద్దకు పోలీసులు రోగుల రూపంలో వెళ్లారు. వైద్యవిధానాన్ని పరిశీలించి రెడ్‌ హ్యాండెడ్‌గా పట్టుకున్నారు. మల్లాపూర్‌ చండీయానగర్‌లో నవోదయ ఫస్ట్‌ ఎయిడ్‌ సెంటర్‌ పేరుతో చిక్సిత అందిస్తున్న ఇస్మాయిల్, వెంకటరమణ కాలనీలో రుదీక్ష మెడికల్‌ జనరల్‌ స్టోర్‌ పేరుతో గంగుల సాయితేజ, సూర్యనగర్‌లో వెంకటేశ్వర ఫస్ట్‌ఎయిడ్‌ సెంటర్‌ పేరుతో వైద్యసేవలు అందిస్తున్న పూల శ్రీనివాస్‌ను అదుపులోకి తీసుకుని కేసు నమోదు చేసి నమోదు చేసి దర్యాప్తు చేస్తున్నట్లు ఎస్‌ఐ మైబెల్లి తెలిపారు.గోపాలపురం పోలీస్‌ స్టేషన్‌ పరిధిలో ‘మైసమ్మ ఫస్ట్‌ ఎయిడ్‌ క్లినిక్‌’ పేరుతో క్లినిక్‌ నిర్వహిస్తున్న కేశవరావు అనే వ్యక్తిని పోలీసులు గుర్తించారు. క్లినిక్‌ వద్ద రిజిస్ట్రేషన్‌‌ నంబర్‌ పేరుతో వివరాలు ప్రదర్శించినప్పటికీ, పోలీసులు తనిఖీ చేసిన సమయంలో సరైన అనుమతులు, పత్రాలు చూపించలేదని సమాచారం. మల్కాజిగిరి ఎస్‌ఓటీ పోలీసులు క్లినిక్‌పై దాడి చేసి కేశవరావును అదుపులోకి తీసుకున్నారు. కాగా, బోడుప్పల్‌ బొల్లిగూడెం శ్రీసాయి నగర్‌ శ్రీలక్ష‍్మీనర్సిహ క్లినిక్‌ నిర్వహిస్తున్న బోడ శ్యాంసుందర్‌ను పోలీసులు అరెస్టు చేశారు.ఇదీ చదవండి: నేను ముందు వెళ్తున్నాను.. తాను ఉదయం వెళ్తుందని చెప్పి...

విజయవాడ లీగల్‌: న్యాయవాదుల పట్ల పోలీసుల వైఖరిని నిరసిస్తూ బెజవాడ బార్‌ అసోసియేషన్‌ పిలు­పు మేరకు మంగళవారం చేపట్టిన ప్రదర్శన ఉద్రిక్తతకు దారితీసింది. ఒకదశలో న్యాయవాదులపై లాఠీ­చార్జ్‌ చేశారు. మహిళా న్యాయవాదులను అడ్డుకునే క్రమంలో వారిని తాకరానిచోట్ల అభ్యంతరకరంగా తాకారు. దీంతో పోలీసుల తీరును నిరసిస్తూ న్యా­యవాదులు రాష్ట్రవ్యాప్తంగా రెండురోజుల పాటు వి­ధుల బహిష్కరణకు పిలుపునిచ్చారు. డీఎస్సీ స్పోర్ట్స్‌ కోటాలో చోటుచేసుకున్న అక్రమాలకు వ్యతిరేకంగా గళమెత్తిన న్యాయవాదులపై పోలీసులు రౌడీషిట్‌ తెరి­చే ప్రయత్నాలను నిరసిస్తూ విజయవాడలో న్యాయవాదులు మంగళవారం కోర్టులను బహిష్కరించి నిరసన ప్రదర్శనకు సిద్ధమయ్యారు. కోర్టుల ప్రాంగణం నుంచి అంబేడ్కర్‌ స్మృతివనం వరకు ప్రదర్శనగా బయలుదేరగా పోలీసులు అడ్డుకున్నారు. బారికేడ్లు పెట్టి న్యాయవాదులను ముందుకు వెళ్లకుండా నిలువరించగా.. వాటిని తోసుకుని న్యాయవాదులు ముందుకెళ్లారు. దీంతో పోలీసులు, న్యాయవాదుల మధ్య తోపులాట జరిగింది. ఈ దశలో న్యాయవాది దుస్తు­లు చినిగిపోయాయి. మహిళా న్యాయవాదులను సైతం పోలీసులు తోసివేశారు. న్యాయవాది ఒగ్గు గవాస్కర్‌పై అక్రమంగా రౌడీషిట్‌ తెరిచేందుకు ఎఫ్‌ఐఆర్‌ నమోదు చేయడాన్ని, న్యాయవాదులపై అక్రమ కేసులు బనాయించడాన్ని ఆపాలని న్యాయవాదులంతా డిమాండ్‌ చేశారు. వివిధ రాష్ట్రాల్లో అమలవుతున్న అడ్వొకేట్‌ ప్రొటెక్షన్‌ యాక్ట్‌ ఇక్కడా ఆమలు చేయాలని కోరారు. అక్రమ కేసులు బనాయించడం అన్యాయం బెజవాడ బార్‌ అసోసియేషన్‌ అధ్యక్షుడు లక్ష్మీనారా­యణ మాట్లాడుతూ.. న్యాయవాదులపై అక్రమ కేసులు బనాయించడం అన్యాయమన్నారు. క్రిమినల్‌ రికార్డు లేని న్యాయవాదులపై నోటీసులు కూడా జారీ చేయకుండా రౌడీషిట్లు తెరుస్తామని పోలీస్‌ కమిషనర్‌ రాజశేఖర్‌బాబు ప్రకటించడం విడ్డూరంగా ఉందన్నారు. నగరంలో పోలీసులు చట్టాన్ని తమ చేతుల్లోకి తీసుకుని కక్షపూరితంగా వ్యవహరిస్తున్నారని మండిపడ్డారు. తప్పుడు కేసులను తక్షణమే ఉపసంహరించుకోవాలని డిమాండ్‌ చేశారు. మహిళా న్యాయవాదులను మహిళా పోలీసులు లేకుండానే అసభ్యంగా తాకడం, వారిని తోసేయడం వంటి అనాగరిక చర్యలను ఖండిస్తున్నామన్నారు. నేడు, రేపు విధుల బహిష్కరణపోలీసుల వైఖరిని నిరసిస్తూ రా్రష్తవ్యాప్తంగా ఉన్న అన్ని కోర్టుల్లో న్యాయవాదులంతా బుధ, గురువారా­లలో స్వచ్ఛందంగా విధులను బహిష్కరిస్తు న్న­­ట్టు బెజవాడ బార్‌ అసోసియేషన్‌ ప్రకటించింది. బెజవాడ కోర్టు కాంప్లెక్స్‌లో అనధికారికంగా ఉంటున్న పోలీసు రూములు, ఏపీపీ రూములకు తాళా­లు వేయనున్నట్టు తెలిపింది. కోర్టు కాంప్లెక్స్‌లోని­సీసీ కెమెరాల యాక్సెస్‌ను సూర్యారావుపేట పోలీసు­స్టేషన్‌ నుంచి తొలగించాలనే తీర్మానానికి న్యా­య­వా­దులంతా సంపూర్ణ మద్దతు ప్రకటించారు.

సాక్షి, న్యూఢిల్లీ: ఢిల్లీలో ఆగస్ట్‌ 4వ తేదీన 16 ఏళ్ల బాలికపై బస్సులో అత్యాచారం జరిగిన కేసులో పోలీసులు ఛార్జ్‌షిట్‌ దాఖలు చేశారు. మరో నిర్భయ ఘటనగా సంచలనం రేపిన ఈ కేసులో ఇద్దరు నిందితులపై అభియోగాలకు సంబంధించి పోలీసులు కీలక ఆధారాలను సేకరించినట్లు సమాచారం. కశ్మీర్‌ గేట్‌ పోలీస్‌స్టేషన్‌ పోలీసులు సమర్పించిన 398 పేజీల ఛార్జ్‌షిట్‌ను పరిశీలించిన న్యాయస్థానం గత వారం కేసు విచారణకు అంగీకరించినట్లు తెలిసింది. 11వ తరగతి చదివే బాధితురాలు యూపీలోని ఫరీదాబాద్‌లో బస్సెక్కింది. నోయిడాలో దిగాల్సి ఉంది.అయితే, ఆమె తెలియక సుమారు 10 కిలోమీటర్లు ముందుగానే బస్సు దిగింది. పొరపాటు తెలుసుకుని, లిఫ్టు కోసం అటుగా వస్తున్న ప్రైవేట్‌ ట్రావెల్స్‌కు చెందిన మరో బస్సును ఆపింది. అందులోని వారు ఆమెను ఎక్కించుకున్నారు. బస్సులో ప్రయాణికులెవరూ లేకపోవడాన్ని గమనించిన ఆమె కిందికి దిగేందుకు ప్రయత్నించగా కండక్టర్‌ బలవంతంగా అడ్డుకున్నాడు. అనంతరం, బస్సు ముందుకు వెళ్తుండగానే ఆమెపై డ్రైవర్, కండక్టర్‌ అఘాయిత్యానికి పాల్పడ్డారు. దాదాపు 40 కిలోమీటర్ల ప్రయాణం అనంతరం ఢిల్లీ కశ్మీరీ గేట్‌ ప్రాంతంలో బాలికను వదిలివేసి వెళ్లిపోయారు. బాధితురాలు కశ్మీర్‌ గేట్‌ పోలీసులకు ఫిర్యాదు చేసింది. నాలుగు గంటల్లోనే నిందితుల అరెస్ట్‌ సీసీటీవీ ఫుటేజీ సాయంతో పోలీసులు ఆ బస్సు ఆచూకీని తెలుసుకున్నారు. తిమార్‌పూర్‌లోని పార్కింగ్‌ ప్రాంతంలో ఉన్న ఆ బస్సును గుర్తించారు. డ్రైవర్‌ కుల్దీప్‌ (39), కండక్టర్‌ సందీప్‌ (26)లను అరెస్ట్‌ చేశారు. వీరిద్దరూ యూపీలోని కాన్పూర్‌ వాసులు. ఫిర్యాదు అందిన 4 గంటల్లోనే నిందితులను అదుపులోకి తీసుకున్నట్లు ఛార్జిషీట్‌లో పేర్కొన్నారు. ప్రయాణ సమయంలో భద్రత, నిబంధనల అమలుకు సంబంధించిన తనిఖీలకు సంబంధించిన అధికారులెవరూ బస్సును ఆపలేదని తెలిపారు. అదే సమయంలో బస్సుపై సుమారు రూ. 63 వేల 11 ట్రాఫిక్‌ చలాన్లు పెండింగ్‌లో ఉన్నట్లు వెల్లడైంది. అతివేగానికి సంబంధించిన వాటిలో ఏడు చలాన్లు జూలైలోనే జారీ అయినవని పోలీసులు పేర్కొన్నారు.ఆధారాలు ఫోరెన్సిక్‌ సైన్స్‌ ల్యాబోరేటరీకి ప్రైవేట్‌ ట్రావెల్స్‌ నిర్వాహకులు డ్రైవర్, కండక్టర్‌ను నియమించే సమయంలో పోలీస్‌ వెరిఫికేషన్‌ నిర్వహించలేదని కూడా పోలీసులు గుర్తించారు. బస్సులోని సీసీటీవీ కెమెరా కూడా పనిచేయడం లేదని, కిటికీలకు భారీ తెరలు ఉండటంతో బయట నుంచి లోపలి పరిస్థితులు కనిపించని విధంగా ఉన్నట్లు గుర్తించారు. బస్సులో జీపీఎస్, వాహన ట్రాకింగ్‌ వ్యవస్థలు, అత్యవసర సమయంలో ప్రయాణికులు వినియోగించే పానిక్‌ బటన్లు వంటి భద్రతా వ్యవస్థలు ఉన్నాయా? ఉంటే అవి ఘటన సమయంలో పనిచేస్తున్నాయా? అనే అంశాలనూ పోలీసులు పరిశీలించారు. దర్యాప్తులో సేకరించిన వీర్యం, వెంట్రుకల వంటి జీవ సంబంధిత నమూనాలను ఫోరెన్సిక్‌ సైన్స్‌ ల్యాబోరేటరీకి పంపించారు. కేసు విచారణకు సిద్ధమవుతున్న నేపథ్యంలో ఫోరెన్సిక్‌ నివేదికను త్వరగా అందించాలని పోలీసులు కోరినట్లు సమాచారం.

న్యూఢిల్లీ: నిందితుడు పోలీసుల మందు ఇచ్చిన వాంగ్మూలం ఆధారంగా జాతీయ భద్రతా చట్టం కింద అతడిని అదుపులోకి తీసుకోవడం కుదరదని సుప్రీంకోర్టు మంగళవారం స్పష్టం చేసింది. ముందస్తు అరెస్ట్‌ అనేది అసాధారణ పరిస్థితుల్లో మాత్రమే తీసుకోవాల్సిన చర్యని తెలిపింది. 2024 నాటి సంభల్‌ మత ఘర్షణల కేసులో ఉత్తర ప్రదేశ్‌ పోలీసులు ముల్లా అఫ్రోజ్‌ అనే వ్యక్తిని జాతీయ భద్రతా చట్టం కింద ముందస్తు అరెస్ట్‌ చేయడం చెల్లదని జస్టిస్‌ దీపాంకర్‌ దత్తా, జస్టిస్‌ శీల్‌ నాగూల బెంచ్‌ స్పష్టం చేసింది. అక్రమ ఆదేశాలు జారీ చేసినందుకుగాను ఉత్తర ప్రదేశ్‌ ప్రభుత్వం పది లక్షల రూపాయల జరిమానా చెల్లాంచాలని న్యాయమూర్తులు తీర్పునిచ్చారు.ముందస్తు అరెస్ట్‌ తీసుకునే ముందు అంతటి అసాధారణ పరిస్థితి ఉందా? అన్నది పోలీసులు నిర్ణయించుకోవాలని, ఆచితూచి వ్యవహరించాలని తెలిపింది. ఇతర సాక్ష్యాలు, ఆధారాలేవీ లేని పరిస్థితుల్లో నేరాంగీకర వాంగ్మూలాన్ని విశ్వసించదగ్గ సాక్ష్యంగా పరిగణించలేమని బెంచ్‌ తెలిపింది. సాక్ష్యంగా పరిగణించలేని అంశం ఆధారంగా ముందస్తు అరెస్టు ఆదేశాలు జారీ చేయడం సరికాదని తెలిపింది. ఒకవేళ పోలీసులు నేరాంగీకర వాంగ్మూలంతోపాటు ఇతర సాక్ష్యాధారాలపై ఆధారపడి ఉంటే వాటి ఆధారంగా ఆ ముందస్తు అరెస్ట్‌ చెల్లుతుందా? లేదా? అన్నది న్యాయస్థానం నిర్ణయించాలని వివరించింది.ముల్లా అఫ్రోజ్‌ విషయంలో పోలీసులు తనను బెదిరంచి, హింసించి వాంగ్మూలం తీసుకున్నారని చెబుతున్నారని వ్యాఖ్యా నిస్తూ బెంచ్‌ పలీసుల ఆదేశాలను కొట్టివేసింది. అఫ్రోజ్‌పై 2025 అక్టోబరు 13న జాతీయ భద్రతా చట్టం కేసు మోపారని, అయితే అప్పటికే అతడిపై మోపిన అన్ని కేసుల్లోనూ బెయిల్‌ లభించిందని బెంచ్‌ గుర్తించింది. అటువంటి పరిస్థితుల్లో అతడిని మళ్లీ జాతీయ భద్రతా చట్టం కింద మందస్తు అదుపులోకి తీసుకోవడం శిక్షించడమే అవుతుందని తెలిపింది.అందుబాటులో ఉన్న సాక్ష్యాధారాలన్నింటినీ పరిగణలోకి తీసుకున్న తరువాత ముల్లా అఫ్రోజ్‌పై జారీ అయిన ముందస్తు అరెస్ట్‌ ఉత్తర్వులు అక్రమం, చట్టవిరుద్ధమని తెలిపింది. ఈ కేసులో తీర్పునిచ్చే సందర్భంలో జస్టిస్‌ దీపాంకర్‌ దత్తా 27 వ జన్మదినానికి నాలుగు రోజుల ముందు మరణించిన తన లీగల్‌ గుమాస్తాకు నివాళులు అరి్పంచారు. 2024 నవంబరులో షాహీ జామా మసీదు సరేర్వకు న్యాయస్థానం ఆదేశించినప్పుడు సంభల్‌లో ఉద్రిక్త పరిస్థితులు ఏర్పడ్డాయి. స్థానికులు భద్రతాధికారులతో ఘర్షణకు దిగారు. ఈ గొడవల్లో నలుగు మరణించగా.. చాలామంది గాయపడ్డారు.

శ్రీనగర్: జమ్మూకశ్మీర్‌ కతువా జిల్లాలో తీవ్ర కలకలం రేగింది. తోటి జవాన్లపై సీఐఎస్‌ఎఫ్‌ సిబ్బంది విచక్షణారహితంగా కాల్పులకు తెగబడ్డారు. ఈ ఘటనలో ఓ అధికారి సహా నలుగురు సహచరులు ప్రాణాలు కోల్పోయారు.స్థానికుల సమాచారం మేరకు.. కతువా జిల్లా బసోహ్లిలోని మష్కా గ్రామంలో రావి నదికి ఉపనది సేవా నదిపై సేవా పవర్ ప్రాజెక్ట్ వద్ద సీఐఎస్‌ఎఫ్ యూనిట్ ఉంది. ఇక్కడ విధులు నిర్వర్తిస్తున్న సిబ్బంది మధ్య వాగ్వాదం చోటుచేసుకుంది. ఈ వివాదం తర్వాత మంగళవారం సాయంత్రం 6:40 గంటల ప్రాంతంలో ఈ దారుణ ఘటన జరిగినట్లు తెలుస్తోంది. నిందితుడిగా భావిస్తున్న హెడ్ కానిస్టేబుల్ అవదేశ్ కుమార్ సింగ్ కార్యాలయ ప్రాంగణంలోకి ప్రవేశించి, తనకు కేటాయించిన ఏకే-47 రైఫిల్‌తో సహచర సిబ్బందిపై విచక్షణారహితంగా కాల్పులు జరిపినట్లు ఆరోపణలు ఉన్నాయి. ఆ సమయంలో అతని వద్ద 150 రౌండ్ల మందుగుండు సామగ్రి ఉన్నట్లు సీఐఎస్‌ఎఫ్ వెల్లడించింది. ఈ కాల్పుల ఘటనలో మృతి చెందిన వారిని అసిస్టెంట్ కమాండెంట్ అంకిత్ కుమార్ పాండే, సబ్-ఇన్‌స్పెక్టర్ లక్ష్మణ్ సింగ్, కానిస్టేబుల్ రఫీక్ అహ్మద్, కానిస్టేబుల్ సందీప్ కుమార్‌గా గుర్తించారు.కాల్పుల్లో తీవ్రంగా గాయపడిన నలుగురు సిబ్బందిని చికిత్స నిమిత్తం సమీపంలోని హిమాచల్ ప్రదేశ్‌లోని ఎన్‌హెచ్‌పిసి ఆసుపత్రికి తరలించగా, అప్పటికే వారు మృతి చెందినట్లు వైద్యులు ధృవీకరించారు. సమాచారం అందుకున్న వెంటనే పోలీసులు సంఘటనా స్థలానికి చేరుకుని ఆ ప్రాంతాన్ని తమ ఆధీనంలోకి తీసుకున్నారు. నిందితుడు అవదేశ్ కుమార్ సింగ్‌ను అదుపులోకి తీసుకుని అరెస్టు చేశారు. ఈ కాల్పుల ఘటనకు అసలు కారణాలు ఏమిటనే దానిపై అధికారులు దర్యాప్తు ముమ్మరం చేశారు.

హైదరాబాద్‌: ప్రేమ పేరుతో బాలికను మోసం చేశాడు. ఆమెను బెదిరించి లైంగిక దాడికి పాల్పడ్డాడు. ప్రస్తుతం బాధితురాలు నాలుగు నెలల గర్భవతి. అఘాయిత్యానికి ఒడిగట్టిన యువకుడిపై బేగంపేట పోలీసులు కేసు నమోదు చేశారు. హైటెక్‌ సిటీలోని ఓ సెలూన్‌లో పని చేస్తున్న సమయంలో బాలికకు ఫరీద్‌ (20) అనే యువకుడితో పరిచయమైంది.కొంత కాలం వీరు ప్రేమలో ఉన్నారు. 2024 డిసెంబర్‌లో విడిపోయారు. 2025 డిసెంబర్‌ నుంచి ఫరీద్‌ బాధితురాలికి ఫొటోలు, సందేశాలు పంపించి కలుసుకోవాలని ఒత్తిడి చేశాడు. ఈ ఏడాది ఫిబ్రవరిలో రసూల్‌పురా మెట్రోస్టేషన్‌ నుంచి క్యాబ్‌లో బాలికను తీసుకువెళ్లి స్నేహితుడి ఇంట్లో బెదిరించి లైంగిక దాడికి పాల్పడ్డాడు. ఘటనను ఫోన్‌లో చిత్రీకరించి, విషయం ఎవరికైనా చెబితే ఫొటోలు, వీడియోలు సోషల్‌ మీడియాలో పెడతానంటూ బెదిరించాడు.గత ఏప్రిల్‌లోనూ సికింద్రాబాద్‌ రైల్వేస్టేషన్‌ సమీపంలోని ఓ గదిలోకి తీసుకువెళ్లి బెదిరింపులకు పాల్పడ్డాడు. ఈ నెల 8న బాలిక అనారోగ్యం బారిన పడటంతో ఆస్పత్రికి తీసుకువెళ్లగా వైద్య పరీక్షల్లో ఆమె నాలుగు నెలల గర్భవతి అని తేలింది. ఈ ఘటనపై విచారణ జరిపి నిందితుడిపై చట్టపరమైన చర్యలు తీసుకోవాలని బాలిక తల్లి పోలీసులను ఆశ్రయించారు. కేసు దర్యాప్తులో ఉంది.ఇదీ చదవండి: మద్యం మత్తులో నేవీ ఉద్యోగి కారుతో హల్‌చల్‌! ఆపినా ఆగకుండా..

చెన్నై: తమిళనాడులో సినిమాను తలపించేలా సాహసోపేతమైన ఘటన చోటుచేసుకుంది. నిషిద్ధ గుట్కాను అక్రమంగా తరలిస్తున్న స్మగ్లర్లను పట్టుకునేందుకు ఓ హెడ్ కానిస్టేబుల్ ప్రాణాలను సైతం లెక్కచేయకుండా వేగంగా వెళ్తున్న కారు పైకప్పుపై వేలాడుతూ సుమారు 40 కిలోమీటర్ల దూరం ప్రయాణించారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.తమిళనాడు కోయంబత్తూరు సమీపంలోని విళంపరిచి ప్రాంతంలో కోవిల్‌పాళయం పోలీస్ స్టేషన్‌కు చెందిన పోలీసులు సాధారణ వాహన తనిఖీలు నిర్వహిస్తున్నారు. ఆ సమయంలో కర్ణాటక రిజిస్ట్రేషన్ నంబరుతో ఉన్న ఓ కారును ఆపి తనిఖీ చేయగా, దాని వెనుక భాగంలో నిషిద్ధ గుట్కా, ఇతర పొగాకు ఉత్పత్తులు ఉన్నట్లు గుర్తించారు.కారు వెనుక ఉన్న పొగాకు ఉత్పత్తులను పరిశీలించేందుకు ఎస్సై ముందుకు వెళ్లగా, కారులో ఉన్న ముగ్గురు నిందితులు పోలీసులను నెట్టేసి, కారుతో పరారయ్యేందుకు ప్రయత్నించారు. నిందితులు కారును వేగంగా పోనిస్తుండగా అప్రమత్తమైన హెడ్ కానిస్టేబుల్ వేల్మురుగన్ వెంటనే కారు పైకప్పుపైకి దూకి గట్టిగా పట్టుకున్నారు.కారు వేగంగా వెళ్తున్నప్పటికీ వేల్మురుగన్ ప్రమాదకర రీతిలో కారు పైకప్పుపైనే వేలాడుతూ ప్రయాణించారు. కోయంబత్తూరు సరిహద్దుల మీదుగా సాగిన ఈ కారు ఓ టోల్ ప్లాజా వద్దకు రాగా, డ్రైవర్ ఫాస్టాగ్‌ ద్వారా టోల్ చెల్లించి అక్కడి నుంచి హైవేపై మరింత వేగంగా దూసుకెళ్లాడు. ఈ దృశ్యాన్ని దారిలో వెళ్తున్న వాహనదారులు తమ మొబైల్ ఫోన్లలో రికార్డ్ చేశారు.ఈ ఘటనపై సమాచారం అందుకున్న సమీప తిరుపూర్ జిల్లా పోలీసులు, ఆంబులెన్స్ సిబ్బంది అప్రమత్తమయ్యారు. పోలీసులు, ఆంబులెన్సులు కారును నలువైపుల నుంచి చుట్టుముట్టి సుమారు 40 కిలోమీటర్ల దూరం తర్వాత అవినాశి రోడ్డులో ఆ కారును అడ్డుకున్నారు.కారు నిలిపివేయగానే అందులో ఉన్న నిందితుల్లో ఒకరిని వెంటనే అదుపులోకి తీసుకోగా, మరో ఇద్దరు పరారయ్యారు. అయితే గాలింపు చర్యలు చేపట్టిన పోలీసులు ఆ ఇద్దరిని కూడా పట్టుకున్నారు. నిందితులను రాజస్థాన్‌కు చెందిన బాಬು ధార (27), రాజేష్ (23), సురేష్‌లుగా గుర్తించారు. బెంగుళూరు నుంచి కోయంబత్తూరుకు ఈ నిషిద్ధ పొగాకు ఉత్పత్తులను అక్రమంగా సరఫరా చేస్తున్నట్లు విచారణలో తేలింది.కారు పైకప్పుపై ప్రాణాలకు తెగించి ప్రయాణించి స్మగ్లర్లను పట్టుకోవడంలో కీలక పాత్ర పోషించిన హెడ్ కానిస్టేబుల్ వేల్మురుగన్ ధైర్యసాహసాలను ప్రజలు, ఉన్నతాధికారులు ప్రశంసిస్తున్నారు. Headconstable Velmurugan of Kovilpalayam police station in #Coimbatore clung onto the roof rails of an SUV for about 40 km as three men from Rajasthan tried escape from the police with over 250 kg of gutkha. The video was shot by the crew of an NHAI ambulance. @THChennai pic.twitter.com/7pAt9m4ZVd— Wilson Thomas (@wilson__thomas) September 27, 2026ఇదీ చదవండి : ప్రముఖ సోషల్‌ మీడియా ఇన్‌ఫ్లుయెన్సర్ నిధి ఆత్మహత్య

జలంధర్‌: పంజాబ్‌లోని జలంధర్‌లో గల లవ్లీ ప్రొఫెషనల్ యూనివర్సిటీలో శనివారం అర్ధరాత్రి సుమారు 2 వేల మంది విద్యార్థులు ఆందోళనకు దిగారు. ఓ విద్యార్థినిపై అత్యాచారం జరిగిందని, అనంతరం ఆమె ఆత్మహత్య చేసుకుందని సామాజిక మాధ్యమాల్లో ప్రచారం జరగడంతో ఈ నిరసనలు మొదలయ్యాయి. అయితే ఈ ఆరోపణలకు ఇప్పటివరకు ఎలాంటి ఆధారాలు లభించలేదని, పోలీసులకు ఎలాంటి ఫిర్యాదు కూడా అందలేదని ఎస్‌ఎస్‌పీ గౌరవ్ తూరా తెలిపారు.విద్యార్థులు గర్ల్స్ హాస్టల్ సమీపంలో ఆందోళన ప్రారంభించి అనంతరం క్యాంపస్‌లో విధ్వంసానికి పాల్పడ్డారు. కిటికీల అద్దాలు పగులగొట్టి, ఇటుకలు, కుండీలు విసిరారు. కొన్ని భవనాలకు నిప్పు పెట్టారు. జాతీయ రహదారిని కూడా కొంతసేపు దిగ్బంధించారు. ప్రస్తుతం పరిస్థితి అదుపులోకి వచ్చిందని పోలీసులు తెలిపారు.వైరల్ సందేశం ఆధారంగానే విద్యార్థుల్లో ఆగ్రహం చెలరేగిందని పోలీసులు పేర్కొన్నారు. కొందరు విద్యార్థులు ఆత్మహత్య జరిగిందని, మరికొందరు అత్యాచారం జరిగిందని పేర్కొన్నారని తెలిపారు. అయితే ఇప్పటివరకు ఘటనను నిర్ధారించే ఆధారాలు ఏవీ లభించలేదని స్పష్టం చేశారు. మరోవైపు యూనివర్సిటీ ఆస్తులకు భారీగా నష్టం కలిగించిన ఘటనపై పోలీసులు దృష్టి సారించారు.ఇదీ చదవండి: బిగ్‌బాస్ నటి బరితెగింపు.. వైద్యునిపై దాడి, కారు అపహరణ

నిడదవోలు: తూర్పుగోదావరి జిల్లా ఉండ్రాజవరం సెంటర్‌లో ఏర్పాటు చేసిన దివంగత వంగవీటి మోహనరంగా విగ్రహం తొలగింపును ప్రశ్నించిన కాపులపై పోలీసులు రెచ్చిపోయారు. విచక్షణారహితంగా లాఠీచార్జ్‌ జరిపి పలువురిని అదుపులోనికి తీసుకున్నారు. తొలుత రంగా కుమార్తె ఆశాకిరణ్‌ ఉండ్రాజవరంలో రంగా విగ్రహం ఏర్పాటు చేసిన ప్రాంతాన్ని శనివారం పరిశీలించారు. రెండు రోజులుగా చోటుచేసుకున్న ఘటనలను ఆశాకిరణ్‌కు చెబుతూ భారీ ఎత్తున కాపులు గుమిగూడారు. ఆ సమయంలో కొవ్వూరు డీఎస్పీ డి.దేవకుమార్, నిడదవోలు సీఐ పీవీజీ తిలక్‌ పోలీస్‌ సిబ్బందితో అక్కడకు వచ్చి శాంతిభద్రతల సమస్యలు తలెత్తుతాయని అక్కడి నుంచి వెళ్లిపోవాలంటూ ఆశాకిరణ్‌పై దౌర్జన్యానికి దిగారు. ఈ క్రమంలో తీవ్ర వాగ్వాదం, ఘర్షణ వాతా­వరణం చోటుచేసుకుంది. ఈ నేపథ్యంలో పోలీసులు లాఠీచార్జ్‌ చేశారు. ఆశాకిరణ్‌ ఇద్దరు బాడీగార్డులతో పాటు నలుగురిని వ్యాన్‌లో ఎక్కించుకుని పెరవలి పోలీస్‌ స్టేషన్‌కు తరలించారు. దీనిపై ఆశాకిరణ్‌ తీవ్ర నిరసన వ్యక్తం చేస్తూ రోడ్డుపై బైఠాయించి కాపులతో పాటు ధర్నాకు దిగారు. కొవ్వూరు ఆర్డీవో ఆనందరావు, తహసీల్దార్‌ పీఎన్‌డీ ప్రసాద్‌లు ఆశాకిరణ్‌తో చర్చించి ఆమెను శాంతింపజేసే ప్రయత్నం చేశారు. అనంతరం ఆమె మీడియాతో మాట్లాడుతూ ‘పేద, బడుగు, బలహీన వర్గాల కోసం రంగా ప్రాణం ఇచ్చారని, ఆయన విగ్రహాల ఏర్పాటును ఎవరైనా అడ్డుకునేందుకు ప్రయత్నిస్తే ఖబడ్దార్‌.. అంటూ హెచ్చరించారు. కాగా, విగ్రహాన్ని తొలగించి, దిమ్మను ధ్వంసం చేసిన ప్రదేశంలోనే రంగా విగ్రహాన్ని ఏర్పా­టు చేసేందుకు తన ఇంటి ముందు ఉన్న స్థలాన్ని ఇచ్చేందుకు ఆయన అభిమాని కోటిపల్లి తాతారావు ముందుకొచ్చారు. దీంతో అక్కడే విగ్రహం ఏర్పాటు చేసేందుకు రంగా అభిమానులు అంగీకరించారు.

కాకినాడ: రైల్వే రక్షక దళం (ఆర్‌పీఎఫ్‌) పోలీసులు ఓ యువకుడిని రైల్వే ట్రాక్‌పై కొట్టుకుంటూ నడిపించుకుని తీసుకెళ్లిన ఘటన విమర్శలకు దారి తీసింది. వివరాలివీ.. ల్యాప్‌టాప్‌లు దొంగిలిస్తున్నాడనే ఆరోపణలపై ఆ యువకుడిని సామర్లకోట రైల్వే స్టేషన్‌లో ఆర్‌పీఎఫ్‌ సిబ్బంది శుక్రవారం పట్టుకున్నారు. అతడిని స్టేషన్‌లో రైల్వే ట్రాక్‌పై కొట్టుకుంటూ నడిపించుకుని తీసుకెళ్లి, ప్రభుత్వ రైల్వే పోలీసుల(జీఆర్‌పీ)కి అప్పగించారు. ప్లాట్‌ఫారంపై అందరూ చూస్తూండగానే ఈ సంఘటన జరిగింది. దీనికి సంబంధించిన వీడియో సామాజిక మాధ్యమాల్లో రావడం చర్చనీయాంశంగా మారింది. తమ కళ్ల ముందే ఆ యువకుడిని ఆవిధంగా తరలించడంపై ప్రయాణికుల నుంచి పెద్ద ఎత్తున విమర్శలు వచ్చాయి. ఏ తప్పు చేసినప్పటికీ ఆ యువకుడిని ఇలా ట్రాక్‌పై నడిపిస్తూ, కొట్టడం సరికాదని ప్రయాణికులు అంటున్నారు. సామాన్య ప్రయాణికులు ట్రాక్‌పై నడిస్తే రూ.500 జరిమానా వేసిన ఆర్‌పీఎఫ్, ఇప్పుడు తామే ట్రాక్‌పై ఓ వ్యక్తిని ఈడ్చుకుంటూ తీసుకెళ్లడాన్ని పలువురు తప్పు పట్టారు. ఇది ప్రయాణికుల భద్రత నిబంధనలకు విరుద్ధమని, ఆ సమయంలో రైలు వస్తే ప్రమాదం జరిగే అవకాశం ఉంటుందని అంటున్నారు. ల్యాప్‌టాప్‌లు దొంగిలిస్తున్న యువకుడిని అదుపులో తీసుకున్నామని, దీనిపై విచారణ కొనసాగుతుందని రైల్వే పోలీసులు చెప్పారు.ఇదీ చదవండి: వియత్నాం పర్యటనకు ఇంగ్లిష్‌ టీచర్‌ శిరీష

మోకోక్‌చుంగ్: నాగాలాండ్‌లో కల్తీ మద్యం తీవ్ర విషాదాన్ని మిగిల్చింది. కల్తీ చేసిన మద్యం తాగి.. రెండు జిల్లాల్లో రెండు రోజుల్లో 19 మంది మృతి చెందారు. ఈ ఘటనలపై పోలీసులు ప్రత్యేక దర్యాప్తు బృందాన్ని ఏర్పాటు చేసి, మద్యం సరఫరా దారులను పట్టుకునే పనిలో పడ్డారు. 3,000 మద్యం బాటిళ్లను స్వాధీనం చేసుకున్నారు. పోలీసులు తెలిపిన వివరాల వివరాల ప్రకారం.. మోకోక్‌చుంగ్ జిల్లాలో 8 మంది, ట్యూన్‌సాంగ్ జిల్లాలో 11 మంది కల్తీ మద్యం తాగిన తర్వాత మృతి చెందారు. ఈ మరణాలు గత రెండు రోజుల్లో చోటుచేసుకున్నాయి. మృతులకు సంబంధించిన పూర్తి వివరాలను అధికారులు సేకరిస్తున్నారు.ఈ ఘటనపై అదనపు ఎస్పీ ఐ బుంగ్‌లాంగ్ చాంగ్ నేతృత్వంలో ప్రత్యేక దర్యాప్తు బృందాన్ని ఏర్పాటు చేసినట్లు సీనియర్ ఎస్పీ వెసుప్రా కెజో తెలిపారు. కల్తీ మద్యం ఎక్కడి నుంచి వచ్చింది? ఎవరు సరఫరా చేశారు? అనే అంశాలపై అధికారులు దర్యాప్తు చేస్తున్నారు. సరఫరా వ్యవస్థకు సంబంధించిన కొన్ని ఆధారాలు లభించాయని, అయితే ఇప్పుడే పూర్తి వివరాలు వెల్లడించడం తొందరపాటు అవుతుందని పోలీసులు తెలిపారు.మరణాలకు అసలు కారణాన్ని నిర్ధారించేందుకు మద్యం నమూనాలను గౌహతికి పంపించారు. అక్కడ ఫోరెన్సిక్ పరీక్షలు నిర్వహించనున్నారు. పరీక్షల నివేదికలు వచ్చిన తర్వాత మృతుల మరణాలకు కల్తీ మద్యం కారణమైందా అనే అంశంపై మరింత స్పష్టత వచ్చే అవకాశం ఉంది. మరణాల నేపథ్యంలో నాగాలాండ్ పోలీసులు పలు ప్రాంతాల్లో దాడులు నిర్వహించారు. ఈ కేసుకు సంబంధించి ఇప్పటివరకు 19 మందిని అరెస్టు చేసినట్లు అధికారులు తెలిపారు. దాదాపు 3,000 మద్యం బాటిళ్లను కూడా స్వాధీనం చేసుకున్నారు. మద్యం ఎక్కడి నుంచి వచ్చింది, దాని వెనుక ఉన్న సరఫరా నెట్‌వర్క్ ఏమిటన్న దానిపై దర్యాప్తు కొనసాగుతోంది.నాగాలాండ్‌లో 1990 నుంచి మద్యనిషేధ చట్టం అమల్లో ఉన్నప్పటికీ ఈ ఘటన చోటుచేసుకోవడం గమనార్హం. గుర్తుతెలియని, లేబుల్ లేని లేదా అనుమానాస్పద మద్యాన్ని ఎట్టి పరిస్థితుల్లోనూ సేవించవద్దని పోలీసులు ప్రజలను హెచ్చరించారు. మద్యం సేవించిన తర్వాత తల తిరగడం, చూపు మసకబారడం, శ్వాస తీసుకోవడంలో ఇబ్బంది లేదా స్పృహ కోల్పోవడం వంటి లక్షణాలు కనిపిస్తే వెంటనే వైద్యుని సహాయం తీసుకోవాలని సూచించారు.

శ్రీకాకుళం క్రైమ్‌ : ఒకటి కాదు రెండు కాదు దాదాపు 110 చోరీల కు పాల్పడిన వున్నా రాంబాబు మళ్లీ జిల్లా పోలీసు లకు పట్టుబట్టాడు. ఇతడి స్వస్థలం విజయనగరం జిల్లా చీపురుపల్లి. విజయవాడ సిటీ, కృష్ణా, విశాఖ పట్నం సిటీ, అనకాపల్లి, విజయనగరంలోనే కాక మన జిల్లాలో ఇతనిపై ఇప్పటికే 110 చోరీలకు సంబంధించి పాత కేసులు నమోదై ఉన్నాయి. జి.సిగ డాంకు చెందిన గిడిజాల కోటేశ్వరరావుతో కలసి 32 చోరీల్లో 112 తులాల బంగారాన్ని దోచేసి గత ఏడాది జనవరి 18న జేఆర్‌ పురం సీఐ ఎం.అవ తారం బృందానికి పట్టుబడి జైలుకు వెళ్లాడు. తాజాగా జిల్లాలో మరో 10 చోరీ కేసుల్లో పాల్గొని అదే సీఐ అవతారం బృందానికి శుక్రవారం పట్టుబడటంతో అరెస్ట య్యి కటకటాల పాలయ్యాడు. నిందితుడైన రాంబాబు నుంచి రూ. 41,50,000లు విలువ చేసే 1.29 కిలోల వెండి, 300 గ్రాముల బంగారం, రూ. 2,62,000 నగదు పోలీసులు స్వా«దీనం చేసుకున్నారు. జిల్లా కేంద్రంలోని గూనపాలెం సమీప సబ్‌డివిజనల్‌ కార్యాలయంలో డీఎస్పీ సీహెచ్‌ వివేకా నంద దీనికి సంబంధించిన వివరాలను విలేకరులకు వెల్లడించారు. వివరాల్లోకి వెళ్తే.. ఈ ఏడాది ఆగస్టు 28న జి.సిగడాంకు చెందిన టంకాల సత్యనారాయణ తన భార్యతో కలసి బంధువుల ఫంక్షన్‌కు విజయవాడ వెళ్లగా ఆయన ఇంటిలో చోరీ జరిగింది. సీఐ ఎం.అవతారం దర్యాప్తు చేపట్టి ఈనెల 24న జి.సిగడాం మండలం నడిమివలస జంక్షన్‌ వద్ద ఎస్‌ఐ అప్పలసూరి, సిబ్బందికి రాంబాబు చిక్కడంతో అదుపులోకి తీసుకున్నారు. సీఐ అవతారం విచారణ చేయగా అనేక విషయాలు బయటపడ్డాయి. రాంబాబు రూటే సెపరేటు.. పగటి పూట తాళం వేసిన ఇళ్లను రాంబాబు టార్గెట్‌ చేస్తాడు. ఇంటి వద్ద దాచే తాళాలనే తీసి ఇంట్లోకి చొరబడతాడు. ఇంట్లో వారికి అనుమానం రాకుండా ఒకటి రెండు వస్తువులకు మించి చోరీ చేయడు. ఇంటి దొంగ చేసిన పనిగా క్రియేట్‌ చేసి వారిలో వారే కొట్టుకునేటట్లు చేస్తాడు. ఎక్కడా వేలి ముద్రలు పడకుండా జాగ్రత్త పడతాడు. క్రికెట్‌ మోసానికి గురై.. ఇంటర్‌ వరకు చదివిన రాంబాబుకు మొబైల్‌ అప్లికేషన్లు, హార్డ్‌వేర్‌ వంటి సాంకేతిక పరిజ్ఞానంలో ప్రావీణ్యముంది. చిన్నప్పటినుంచి క్రికెట్‌పై మక్కువ ఉండటంతో విజయవాడలో తన అత్తగారింటి వద్దనున్నప్పుడు అక్కడి కోచ్‌ వద్ద మెలకువలు నేర్చుకున్నాడు. రంజీ జట్టు ఎంపిక విషయంలో కోచ్‌ మోసం చేయడంతో తట్టుకోలేక వ్యసనాల బాట పట్టాడు. క్రికెట్‌ బెట్టింగ్‌ కోసం డబ్బులు దుబారాగా ఖర్చుపెట్టేవాడు. చోరీ చేసిన ఆభరణాలను తన తల్లికి ఆరోగ్యం బాగోలేదని అబద్ధాలు చెప్పి స్నేహితులకు చెప్పి వారి ద్వారా బ్యాంకుల్లోనూ, ఫైనాన్స్‌ కంపెనీల్లో తాకట్టుపెట్టి డబ్బును పొందేవాడు. జైలుకు వెళ్లడం.. బెయిల్‌పై రావడం 2018 జనవరి 18న కోటేశ్వరరావుతో కలిసి పట్టు బడి అరెస్టై జైలుకు వెళ్లిన రాంబాబు బెయిల్‌పై విడుదలైన కొన్ని నెలలకే విజయవాడ సిటీ పరిధి లో జరిగిన చోరీల కేసులో పట్టుబడి జైలుకు వెళ్లా డు. మళ్లీ బెయిల్‌పై విడుదలై విశాఖపట్నం జిల్లా ఆనందపురంలో చోరీల కేసులో జైలుకు వెళ్లాడు. అక్కడా బెయిల్‌ పొంది విజయనగరం బొబ్బిలి పోలీసులకు చోరీల కేసులో పట్టుబడి చివరిసారిగా జైలుకెళ్లాడు. ఈ ఏడాది జులైలో విడుదలైన రాంబాబు మళ్లీ చోరీల బాట పట్టి సీఐ అవతారం సమక్షంలోని జె.ఆర్‌.పురం, సిగడాం పోలీసులకు పట్టుబడ్డాడని, నిందితున్ని రిమాండ్‌కు తరలిస్తున్నామ ని డీఎస్పీ వివేకానంద వెల్లడించారు.

సాక్షి, అమరావతి : రెడ్‌బుక్‌ పాలనలో రాత్రివేళ కూడా పౌరుల ప్రశాంతతను దెబ్బతీసేలా చంద్రబాబు ప్రభుత్వం పోలీసులను అడ్డుపెట్టుకుని భయాందోళనలు సృష్టిస్తోంది. గురువారం రాత్రి విజయవాడ తదితర ప్రాంతాల్లో పోలీసులను పురిగొల్పి అక్రమ కేసులు, అరెస్టులు, నోటీసులతో రెడ్‌బుక్‌ పాలనకు నిదర్శనంగా నిలిచింది. డీఎస్సీ అక్రమాలపై సీబీఐ విచారణ చేయాలని, నైతిక బాధ్యత వహిస్తూ మంత్రి పదవికి లోకేశ్‌ రాజీనామా చేయాలని వైఎస్సార్‌సీపీ ఆధ్వర్యంలో యువత, విద్యార్థులు ఈ నెల 21న విజయవాడలోని స్పోర్ట్స్‌ అథారిటీ ఆప్‌ ఆంధ్రప్రదేశ్‌(శాప్‌) కార్యాలయం వద్ద ఆందోళన చేపట్టిన విషయం తెల్సిందే.శాంతియుతంగా ఆందోళన నిర్వహిస్తున్న వారిపై లోకేశ్‌ యువగళం రౌడీ దళం దాడికి దిగింది. పోలీసుల వద్ద నుంచి లాఠీలు లాక్కొని దాడులు చేయడం పట్ల సర్వత్రా విమర్శలు వ్యక్తమయ్యాయి. అదే రోజున ఆందోళలను భగ్నం చేయడానికి విఫలయత్నం చేసిన పోలీసులు అడుగడుగునా వైఎస్సార్‌సీపీ శ్రేణులను అడ్డుకున్నారు. హౌస్‌ అరెస్టులు చేయడంతో పాటు పలువురిని పోలీస్‌ స్టేషన్‌కు తరలించి నిర్బంధించారు.అయినా చంద్రబాబు ఉక్రోశం చల్లారక.. ఐదేళ్ల క్రితం జరిగిన టీడీపీ కార్యాలయం వద్ద చోటుచేసుకున్న ఘటనను సాకుగా చూపి 51 మందిపై రౌడీషీట్లు తెరవాలని నిర్ణయించారు. ప్రజా వ్యతిరేకతకు భయపడి ఆ ప్రయత్నం నుంచి వెనక్కుతగ్గి.. మరో రీతిలో వేధించేందుకు కుతంత్రం రచించారు. ఈ క్రమంలో శాప్‌ కార్యాలయం వద్ద ఆందోళన జరిగిన నాలుగు రోజులకు వీడియో ఫుటేజి ద్వారా 260 మందిని గుర్తించినట్టు పోలీసులు తీరుబడిగా రెడ్‌బుక్‌ టెర్రర్‌లో మరో అంకానికి తెరలేపారు. వారందరిపైనా కేసులు నమోదు చేసే ప్రక్రియను చేపట్టారు. ఈ నేపథ్యంలో గురువారం రాత్రి పలువురు ఇళ్లకు వెళ్లి పోలీసులు హల్‌చల్‌ చేశారు. చంద్రబాబు, లోకేశ్‌లను సంతృప్తి పరచడానికి పోలీసులు వేధింపు చర్యలకు దిగడంపై విమర్శలు వెల్లువెత్తుతున్నాయి.ఖాకీల అత్యుత్సాహం ⇒ డీఎస్సీ అక్రమాలపై నిరసన తెలిపిన వైఎస్సార్‌సీపీ శ్రేణులపై పోలీసులు వ్యవహరించిన తీరు తీవ్ర విమర్శలకు తావిస్తోంది. శాంతియుత నిరసన తెలపడం నేరమన్నట్లుగా వ్యవహరిస్తూ నాలుగు రోజుల తర్వాత అక్రమ కేసులు, అరెస్టులు అంటూ వేధింపులకు దిగడం దారుణమని ప్రజలు తప్పుబడుతున్నారు. ప్రజాస్వామ్యాన్ని ఖూనీ చేస్తున్నట్టు ఉందని మండిపడుతున్నారు. ⇒ మహిళలు అని కూడా చూడకుండా గురువారం రాత్రి విజయవాడ నగర మాజీ మేయర్, వైఎస్సార్‌సీపీ మహిళా నేత రాయన భాగ్యలక్ష్మి ఇంటికి వెళ్లిన పోలీసులు.. అరెస్టు చేయడానికి వచ్చామని చెప్పారు. నగర మొదటి పౌరురాలిగా సేవలు అందించిన తన పట్ల పోలీసుల తీరు బాగోలేదని, మహిళ పట్ల పోలీసులు వ్యవహరించే తీరు ఇదేనా.. అని ఆమె ఘాటుగా ప్రశ్నించారు. దీంతో పోలీసులు కేసుకు సంబంధించిన నోటీసును అందించి వెనుదిరిగారు. ⇒ మరో మహిళా నేత పసుపులేటి వెంకటేశ్వరమ్మ ఇంటికి వెళ్లిన పోలీసులు.. అరెస్టు చేసేందుకు వచ్చినట్టు చెప్పడంతో ఆమె సైతం తీవ్రంగా మండిపడ్డారు. దీంతో శుక్రవారం ఉదయం 11 గంటలకు పోలీస్‌ స్టేషన్‌కు రావాలని నోటీసు ఇచ్చి వెళ్లారు. ⇒ విజయవాడ సెంట్రల్‌ నియోజకవర్గంలో మైనారిటీ వర్గానికి చెందిన న్యాయవాది సుభానీని సింగ్‌నగర్‌ పోలీసులు తీసుకెళ్లారు. 64వ డివిజన్‌ మాజీ కార్పొరేటర్‌ యర్రగోళ్ల శ్రీరామయాదవ్‌ను కూడా తీసుకెళ్లారు. అమిత్‌ను టాస్క్ ఫోర్స్‌ పోలీసులు, గెల్లిపోగు రాజును సూర్యారావుపేట పోలీసులు, వలీని సింగ్‌నగర్‌ పోలీసులు రాత్రివేళ తీసుకెళ్లడంతో వారి కుటుంబ సభ్యులు ఆందోళన చెందుతున్నారు. ఒక్క విజయవాడలోనే సుమారు 70 మంది వైఎస్సార్‌సీపీ నాయకులు, కార్యకర్తల ఇళ్లకు వెళ్లిన పోలీసులు.. అరెస్టులు అంటూ భయాందోళనలు సృష్టించారు. ⇒ నందిగామ నియోజకవర్గానికి చెందిన పలువురు నేతలను గురువారం రాత్రి విజయవాడ పోలీసులు తీసుకెళ్లారు. కంచికచర్ల వైఎస్సార్‌సీపీ నగర అధ్యక్షుడు వేమా సురే‹Ù, నందిగామకు చెందిన బెజవాడ రాజశేఖర్‌ను మాచవరం పోలీసులు తీసుకెళ్లడంతో వారి కుటుంబ సభ్యులు ఆవేదన వ్యక్తం చేస్తున్నారు. ఇంకా పలువురు నేతలపై కేసులు ఉన్నాయని, అరెస్టు చేస్తామని పోలీసులు హెచ్చరించినట్లు చెబుతున్నారు. డీఎస్సీ స్కామ్‌పై శాంతియుత నిరసన తెలిపితే అక్రమ కేసులు, అరెస్టులతో పోలీసులు టెర్రర్‌ రేపడాన్ని ప్రజలు తప్పుబడుతున్నారు.

సాక్షి, తిరుపతి జిల్లా: చంద్రగిరి నియోజకవర్గం పరిధిలో టీడీపీ కార్యకర్తలు బరితెగించారు. ఏకంగా పోలీస్‌స్టేషన్‌లోనే పోలీసులకే వార్నింగ్‌ ఇచ్చిన టీడీపీ కార్యకర్తలు.. తిరుపతి రూరల్‌ పోలీస్‌స్టేషన్‌లో వీరంగం సృష్టించారు. పోలీసులకు ఎమ్మెల్యే పులివర్తి నాని అనుచరులు వార్నింగ్‌ ఇస్తూ రచ్చ రచ్చ చేశారు. ఈ నెల 20న తిరుపతి రూరల్‌ పోలీస్‌స్టేషన్‌లో ఈ ఘటన జరగ్గా.. పోలీసులకు టీడీపీ కార్యకర్తలు వార్నింగ్‌ ఇస్తున్న దృశ్యాలు సోషల్‌ మీడియాలో వైరల్‌గా మారాయి.టీడీపీ నేత చిట్టి రాయల్‌ అనుచరుడు గిరి, చిట్టి రాయల్‌ తల్లి హేమలత వీరంగం సృష్టించారు. తమవాళ్లను ఎందుకు అదుపులోకి తీసుకున్నారంటూ పోలీసులపై బెదిరింపులకు దిగారు. తాను ఎమ్మెల్యే పులివర్తి అనుచరుడునంటూ వీరంగం సృష్టించిన గిరి.. లోకేష్‌తో చెప్పి అందరినీ సస్పెండ్‌ చేయిస్తానని పోలీసులకు వార్నింగ్‌ ఇచ్చాడు. వీడియో తీస్తున్న ఓ పోలీసును కొట్టడానికి టీడీపీ కార్యకర్త గిరి దూసుకెళ్లాడు. చంద్రబాబుకు చెప్పిన భయపడేది లేదంటూ గిరి రెచ్చిపోయారు.ఇదీ చదవండి: కడుపు మండి.. జనసేన నేతపై గన్‌తో దాడి

సాక్షి, హైదరాబాద్‌: తన తాజా సినిమా ప్యారడైజ్‌ ప్రీమియర్‌ షోను ఆర్టీసీ క్రాస్‌రోడ్స్‌లో అభిమానులతో కలిసి చూడాలన్న హీరో నాని విజ్ఞప్తికి నగర పోలీసులు నో చెప్పారు. శుక్రవారం శోభాయాత్ర నేపథ్యంలో ఆ షోకు బందోబస్తు కల్పించలేమని బుధవారం స్పష్టం చేశారు. ఆర్టీసీ క్రాస్‌రోడ్స్‌ థియేటర్‌లో ప్రేక్షకులతో కలిసి సినిమా చూడాలని ఉందని నాని బుధవారం ఉదయం సీఎం రేవంత్‌రెడ్డిని ‘ఎక్స్‌’ద్వారా అభ్యర్థించారు. దీనిపై స్పందించిన సీఎం, స్థానిక పోలీసుస్టేషన్‌లో అధికారికంగా దరఖాస్తు చేసుకోవాలని సూచించారు. ఈ మేరకు డీజీపీనీ ఆయన ట్యాగ్‌ చేశారు. డీజీపీ నగరంలో గణేశ్‌ నిమజ్జన వేడుకలు ముమ్మరంగా జరుగుతుండటం వల్ల ఆర్టీసీ క్రాస్‌రోడ్స్‌ పరిసర ప్రాంతాల్లో విపరీతమైన రద్దీ ఉండే అవకాశం ఉందని సమాధానం ఇస్తూ నగర కొత్వాల్‌ సజ్జనర్‌ను ట్యాగ్‌ చేశారు. పూర్వాపరాలను పరిశీలించిన నగర పోలీసులు ప్రీమియర్‌ షో చూడటానికి ఆర్టీసీ క్రాస్‌రోడ్స్‌ రావడానికి నానికి అనుమతివ్వలేదు. ‘ది ప్యారడైజ్‌’ మూవీ రివ్యూ అండ్‌ రేటింగ్‌

లక్నో: ఉత్తరప్రదేశ్‌లోని బరేలీ జిల్లాలో ఓ బాలికపై అత్యాచారం జరగడంతో గ్రామ పంచాయతీలో పరిష్కరించేందుకు ప్రయత్నించారు. 16 ఏళ్ల బాలిక, మైనర్ బాలుడి కుటుంబాలపై ఒత్తిడి తెచ్చి రాజీకి అంగీకరించేలా చేశారని, బాలికకు 18 ఏళ్లు నిండిన తర్వాత ఆమెను అదే బాలుడికి ఇచ్చి వివాహం చేయాలని పంచాయతీ నిర్ణయించినట్లు సమాచారం. మరోవైపు, బాలిక కుటుంబం ఇచ్చిన ఫిర్యాదు ఆధారంగా పోలీసులు కేసు నమోదు చేసి దర్యాప్తు కొనసాగిస్తున్నారు.బాలిక కుటుంబం పోలీసులను ఆశ్రయించిన తర్వాత గ్రామ పంచాయతీ సమావేశం నిర్వహించినట్లు తెలుస్తోంది. చట్టపరమైన చర్యలు తీసుకోకుండా ఇరు కుటుంబాలు రాజీకి రావాలని ఒత్తిడి చేసినట్లు ఆరోపణలు ఉన్నాయి. సోమవారం బాలిక, బాలుడికి రోకా, తిలక్ కార్యక్రమాలు కూడా నిర్వహించారు. బాలికకు 18 ఏళ్లు నిండిన తర్వాత వివాహం జరిపించాలని పంచాయతీ నిర్ణయించింది.బాలిక తల్లి పోలీసులకు ఇచ్చిన ఫిర్యాదు ప్రకారం.. అదే గ్రామానికి చెందిన ఆ బాలుడు సుమారు ఏడాది క్రితం తన కుమార్తెను బెదిరించి అభ్యంతరకర ఫొటోలు తీసుకున్నాడు. వాటిని బయటపెడతానని బెదిరిస్తూ దాదాపు ఏడాది పాటు ఆమెను లైంగికంగా వేధించాడు. భయంతో ఉన్న బాలికను కుటుంబ సభ్యులు ప్రశ్నించడంతో ఆమె జరిగిన విషయాన్ని వెల్లడించింది. అనంతరం కుటుంబ సభ్యులు బాలుడి ఇంటికి వెళ్లగా అక్కడ కూడా బెదిరింపులు ఎదురయ్యాయని ఫిర్యాదులో పేర్కొన్నారు. దీంతో షీష్‌గఢ్ పోలీస్ స్టేషన్‌లో ఫిర్యాదు చేశారు.బాలికపై అత్యాచారానికి సంబంధించిన సమాచారం అందడంతో కేసు నమోదు చేసినట్లు బరేలీ పోలీసులు తెలిపారు. బాలికను వైద్య పరీక్షలకు పంపించామని, నిందితుడైన బాలుడిని అదుపులోకి తీసుకుని విచారిస్తున్నామని చెప్పారు. బరేలీ పోలీసు అధికారి అరుణ్ కుమార్ సింగ్ తదుపరి చర్యలు కొనసాగుతున్నాయని తెలిపారు. ఇరు కుటుంబాలు రాజీకి అంగీకరించినట్లు చెబుతున్నప్పటికీ, అసలు ఫిర్యాదు ఆధారంగా పోలీసుల దర్యాప్తు కొనసాగుతోంది. ఈ వ్యవహారంలో గ్రామ పంచాయతీ జోక్యం, కుటుంబాలపై జరిగినట్లు ఆరోపిస్తున్న ఒత్తిడిపై కూడా ఇప్పుడు దృష్టి నెలకొంది.

సాక్షి టాస్క్ ఫోర్స్ : చంద్రబాబు పాలనలో సామాన్యు­లు, దళితులపై పోలీసుల ఆగడాలు ఆగడంలేదు. ఇప్పటికే పోలీసుల దాష్టీకానికి పలువురు బలై పోగా, కొందరు ఆత్మహత్యలకు పాల్పడ్డారు. ప్రభుత్వాన్ని ప్రశ్నిస్తే చాలు వారిపై లాఠీలు కరాళ నృత్యం చేస్తున్నాయి. తాజాగా దళిత యువకుడు, వైఎస్సార్‌సీపీ సోషల్‌ మీడియా భాకరాపేట ఇన్‌ఛార్జి నాగేంద్రను పోలీసులు తీవ్రంగా కొట్టి హింసించారు. ఈ దారుణంపై స్థానికులు, ప్రజా సంఘాలు, దళిత సంఘాలు మండిపడుతున్నాయి. బాధితుడి కథనం ప్రకారం.. ఆదివారం తిరుపతి జిల్లా చంద్రగిరి నియోజకవర్గం భాకరాపేటలో గణేష్‌ నిమజ్జనం సందర్భంగా ఏర్పాటు చేసిన డీజే శబ్దాలకి నాగేంద్ర స్నేహితుడు ఫిట్స్‌ వచ్చి పడిపోయాడు. వెంటనే అతన్ని నాగేంద్ర ఆసుపత్రికి తీసుకెళ్లాడు. ఆస్పత్రి నుంచి తిరిగి వచ్చి ఎందుకంత సౌండ్‌ పెట్టారని నిర్వాహకులను అడగడంతో మాటామాటా పెరిగి పోలీసుల సమక్షంలోనే ఘర్షణ జరిగింది. పోలీసులు సర్దిచెప్పి పంపేశారు. బుధవారం మధ్యాహ్నం నాగేంద్రకు పోలీసు స్టేషన్‌ నుంచి ఫోన్‌ చేసి ఎస్సై కృష్ణయ్య పిలుస్తున్నారని చెప్పారు.నాగేంద్ర పోలీసు స్టేషన్‌కు వెళ్లగానే ఎస్సై అతని సెల్‌ ఫోన్‌ని లాక్కున్నారు. ఆ వెంటనే రూమ్‌లోకి ఈడ్చుకెళ్లి చావబాదారు. ఎందుకు కొడుతున్నారని నాగేంద్ర అడగడంతో లాఠీతో మరింత తీవ్రంగా కొట్టారు. ఇలా దళిత యువకుడిని అకారణంగా హింసిండాన్ని దళిత సంఘాలు ఖండించాయి. కేవలం డీజే సౌండ్‌ తగ్గించమన్నందుకే కొట్టడం పోలీసుల దమన కాండకు నిదర్శనమని, ఈ వ్యవహారంపై ఉన్నతాధికారులు సమగ్ర విచారణ జరిపించి, దళిత యువకుడిని హింసించిన పోలీసులపై కఠిన చర్యలు తీసుకోవాలని స్థానికులు డిమాండ్‌ చేస్తున్నారు.‘స్టేట్‌మెంట్‌’తో దిద్దుబాటు యత్నం? కాగా, ఈ ఘటన వెలుగులోకి వచ్చిన అనంతరం పరిస్థితిని చక్కదిద్దుకునే ప్రయత్నంలో భాగంగా బాధితుడిపై ఒత్తిడి తెచ్చి, పోలీసులకు అనుకూలంగా మాట్లాడేలా స్టేట్‌మెంట్‌ రికార్డు చేయించారన్న ఆరోపణలు వినిపిస్తున్నాయి. బాధితుడి నుంచి తీసుకున్న స్టేట్‌మెంట్‌ స్వచ్ఛందంగానే ఇచ్చారా? లేక పోలీసుల ఒత్తిడితో రికార్డు చేశారా? అనే అంశంపైనా ఉన్నతాధికారులు విచారణ చేయాలని పలువురు డిమాండ్‌ చేస్తున్నారు.

కొరియోగ్రాఫర్ జానీమాస్టర్‌ భార్య సుమలత పోలీసులను ఆశ్రయించారు. తనపై కొందరు డ్యాన్సర్లు దాడికి పాల్పడ్డారంటూ ఆరోపిస్తూ బంజారాహిల్ పోలీసులకు ఫిర్యాదు చేశారు. రఘు మాస్టర్ తరఫున లేడీ డాన్సర్స్ తనను కొట్టారని ఫిర్యాదులో పేర్కొంది. అయితే మినిట్స్ బుక్ విషయంలో గొడవ మొదలైనట్లు తెలుస్తోంది. సుమలత దౌర్జన్యంగా మినిట్స్ బుక్ లాక్కోవడంతో అడ్డుకున్నామని రఘు మాస్టర్ వర్గం లేడీ డాన్సర్స్ చెబుతున్నారు. ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది.కాగా.. ఇవాళ ఫిల్మ్ ఫెడరేషన్‌ సంచలన నిర్ణయం తీసుకుంది. సుమలత కార్యవర్గాన్ని పూర్తిగా రద్దు చేసింది. ఆమెకు మెజారిటీ డ్యాన్సర్స్ మద్దతు లేకపోవడంతో సుమలత వర్గాన్ని తొలగించారు. దీంతో తెలుగు సినీ డ్యాన్సర్స్ అసోసియేషన్ అధ్యక్షురాలిగా సుమలత తన పదవిని కోల్పోయింది. ఈ నిర్ణయంతో మళ్లీ ఎన్నికలు జరగనున్నాయి.సుమలత, రఘు మాస్టర్ సభ్యులతో ఫిల్మ్ ఫెడరేషన్ సమావేశమైంది. ఈ మీటింగ్‌కు మొత్తం 225 మంది డాన్సర్స్ హాజరయ్యారు. ఈ భేటీలో సుమలతకు కేవలం 11 మంది మాత్రమే మద్దతుగా నిలిచారు. రఘు మాస్టర్‌కు 214 మంది మద్దతు ప్రకటించడంతో సుమలత కార్యవర్గాన్ని రద్దు చేస్తూ నిర్ణయం తీసుకున్నారు. వచ్చేనెల అక్టోబర్‌ 11న డాన్సర్స్ అసోసియేషన్ ఎన్నికలు నిర్వహిస్తామని సమావేశంలో వెల్లడించారు.

బెంగళూరు: మండ్యలో మహిళా ఎస్‌ఐ సవితా పాటిల్‌కి చెంపదెబ్బ కొట్టిన కేసులో తుమకూరు రూరల్‌ ఎమ్మెల్యే సురేష్‌గౌడ కుమార్తె ఐశ్వర్య బేషరతుగా క్షమాపణ చెప్పింది. ఆగస్టు 12న ఆమె స్థానిక ఆలయంలో దర్శనం కోసం రాగా, ఎస్‌ఐ సవితా నిలిపేయడంతో గొడవ జరిగి చెంపమీద కొట్టడం, తిరిగి ఎస్‌ఐ ఆమెను చెంప దెబ్బ కొట్టడం తెలిసిందే. ఇరువురూ కేసులు కూడా పెట్టుకున్నారు. ఎస్‌ఐ క్యాతనహళ్లి పోలీస్‌ స్టేషన్‌లో ఫిర్యాదు చేస్తూ, కోర్టులో కూడా కేసు వేశారు. ఐశ్వర్య బెయిల్‌ కోసం దరఖాస్తు చేసుకోగా, జడ్జి అంగీకరించలేదు. మీరు క్షమాపణలు చెప్పాలని ఆదేశించడంతో ఈ మేరకు ఐశ్వర్య ఓ వీడియోలో క్షమాపణలు కోరింది.ఇదీ చదవండి: Gachibowli: క్యాబ్‌ ఎక్కుతుండగా... ముద్దుపెట్టిన సెక్యూరిటీ గార్డు

బ్రసిల్లా: బ్రెజిల్‌లో సంచలనం సృష్టించిన సీరియల్ కిల్లర్ జోర్లాన్ లోప్స్ డా సిల్వా (33)ను పోలీసులు అరెస్ట్ చేశారు. సుమారు 16 హత్యలకు పాల్పడినట్లు ఆరోపణలు ఎదుర్కొంటున్న ఈ నిందితుడు, పోలీసుల నుంచి తప్పించుకునేందుకు అడవుల్లో గుడారాలు వేసుకుని తలదాచుకున్నాడు. స్థానికంగా ఇతని సన్నని దేహదారుడ్యం కారణంగా అందరూ ఇతన్ని మస్కిటో (దోమ) అని పిలిచేవారు.బ్రెజిల్ ఈశాన్య రాష్ట్రమైన పారైబాలోని ములుంగు ప్రాంతంలో సెప్టెంబర్ 13న పోలీసులు రెండు రోజుల పాటు తీవ్రంగా గాలించి ఇతన్ని పట్టుకున్నారు. పోలీసుల నుంచి తప్పించుకునేందుకు ఈ కిల్లర్ విచిత్రమైన వేషధారణ మార్చుకున్నాడు. నలుపు, తెలుపు చారల డ్రెస్, విగ్గు, గోళ్లకు నెయిల్ పాలిష్ వేసుకుని మహిళలా వేషం మార్చాడు. అంతేకాకుండా ఎవరికి చెందినదో తెలియని ఒక చిన్న పసికందును ఎత్తుకుని పారిపోవడానికి ప్రయత్నిస్తుండగా పోలీసులు అతన్ని అడ్డగించి అరెస్ట్ చేశారు.దట్టమైన అడవుల్లోని తాత్కాలిక గుడారాల్లో జీవించడం వల్ల ఇతను సంవత్సరాలుగా పోలీసులకు చిక్కకుండా తప్పించుకోగలిగాడు. గత మూడు నెలల్లో ములుంగు ప్రాంతంలో జరిగిన హత్యలతో ఇతనికి సంబంధం ఉన్నట్లు పోలీసులు గుర్తించారు. పబ్లిక్ స్క్వేర్‌లో 18 ఏళ్ల యువకుడిని కాల్చి చంపిన సంఘటన తర్వాతే పోలీసులు ఈ సీరియల్ కిల్లర్‌కు, ఇతర నేరాలకు మధ్య సంబంధాన్ని గుర్తించారు. విచారణలో భాగంగా తాను కేవలం నేరస్థులనే లక్ష్యంగా చేసుకున్నానని కిల్లర్ చెప్పినప్పటికీ, దర్యాప్తులో మాత్రం అమాయకులను కూడా హత్య చేసినట్లు తేలిందని ఇన్వెస్టిగేటర్ డగ్లస్ గర్సియా తెలిపారు. ఇతను తన 13 ఏళ్ల వయసులోనే మొదటి హత్య చేసినట్లు పోలీసుల విచారణలో అంగీకరించాడు.ప్రస్తుతం పోలీసులు ఈ కేసును మరింత లోతుగా దర్యాప్తు చేస్తున్నారు. ఈ కిల్లర్‌తో సంబంధం ఉన్న మరికొన్ని పాత కేసులను కూడా తిరిగి తెరిచేందుకు సన్నాహాలు చేస్తున్నారు. నిందితుడి వద్ద దొరికిన శిశువు ఎవరిదనే కోణంలోనూ అధికారులు ఆరా తీస్తున్నారు.

సాక్షి, చెన్నై: చెన్నైలో సంచలనం సృష్టించిన ఎస్‌ఐ రాజ్‌ అనుమానాస్పద మృతి కేసుకు సంబంధించి విస్మయాన్ని కలిగించే నిజాలు వెలుగులోకి వచ్చాయి. ఆత్మహత్య చేసుకున్నాడని భావించిన ఈ ఘటన వెనుక భార్య, ఆమె ప్రియుని ఘాతుకమే ప్రధాన కారణమని పోలీసుల దర్యాప్తులో తేలింది. చెన్నై నుంగంబాక్కంకు చెందిన రాజ్‌ (58) పుదుపేట ఆర్మ్‌డ్‌ ఫోర్స్‌ మోటార్‌ విభాగంలో సబ్‌–ఇన్‌స్పెక్టర్‌గా పనిచేస్తున్నారు. ఆయనకు భార్య సెల్వ రాణి, ఇద్దరు కుమార్తెలు, ఒక కుమారుడు ఉన్నారు. నాలుగు రోజులుగా రాజ్‌ సెలవులో ఉన్నారు. ఆదివారం మధ్యాహ్నం రాజ్‌ ఇంటి మొదటి అంతస్తులో నిద్రిస్తున్న సమయంలో ఒక్కసారిగా ఇంట్లో నుంచి దట్టమైన పొగలు వచ్చాయి. శరీరం అంతా మంటలతో రాజ్‌ కేకలు వేయడంతో, సెల్వ రాణి చుట్టుపక్కల వారి సహాయంతో ఆయనను కిల్‌పాక్కం ప్రభుత్వ ఆసుపత్రికి తరలించగా అప్పటికే మరణించారు. తొలుత రాజ్‌ పోక్సో కేసులో చిక్కుకున్నాడని, ఆ మనస్తాపంతోనే ఆత్మహత్య చేసుకున్నాడని అంతా భావించారు. దర్యాప్తులో భాగంగా పోలీసులు ఇంటి సమీపంలోని సీసీటీవీ కెమెరాలను పరిశీలించగా.. ఘటన జరిగిన సమయంలో ఒక యువకుడు తన ముఖాన్ని దాచుకుంటూ హడావుడిగా ఇంటి నుండి బయటకు పారిపోతున్న దృశ్యాలు రికార్డయ్యాయి. దీనిపై పోలీసులు సెల్వరాణిని తమదైన శైలిలో ప్రశ్నించడంతో మొత్తం వ్యవహారం బయటపడింది. సెల్వరాణికి గతంలోనే వివాహమై, మొదటి భర్తకు దూరమయ్యాక రాజ్‌ను రెండో వివాహం చేసుకుంది. వీరిద్దరికి వయసులో 26 ఏళ్ల వ్యత్యాసం ఉంది. ఆహారంలో నిద్ర మాత్రలు కలిపి..అయితే గత మూడు నెలలుగా సెల్వరాణి సెల్‌ఫోన్‌లో ఎక్కువ సమయం గడపడాన్ని రాజ్‌ గమనించి ప్రశ్నించాడు. ఈ విషయమై దంపతుల మధ్య తరచూ గొడవలు జరుగుతుండేవి. దీంతో ఆగ్రహించిన సెల్వరాణి తన ప్రియుడు దేవాను ఇంటికి రప్పించి, రాజ్‌కు నిద్ర మాత్రలు కలిపిన ఆహారం తినిపించింది. గాఢ నిద్రలో ఉన్న రాజ్‌పై పెట్రోల్‌ పోసి సజీవ దహనం చేసి ఆత్మాహుతి చేసుకున్నట్టుగా నాటకం రచించినట్టు విచారణలో తేలింది. ఈ ఘటనకు సంబంధించి సెల్వ రాణిని అరెస్ట్‌ చేయగా, పరారీలో ఉన్న ప్రియుడి కోసం గాలిస్తున్నారు. ఇదీ చదవండి: సాంబారు గిన్నెలో పడి మహిళ మృతి

క్వీన్స్‌లాండ్‌: ఆస్ట్రేలియాలోని క్వీన్స్‌లాండ్‌లో తేనెటీగల భారీ చోరీ కలకలం రేపుతోంది. అథర్టన్ టేబుల్‌ల్యాండ్స్ ప్రాంతంలోని 41 వాణిజ్య తేనెటీగల గూళ్ల నుంచి తేనెటీగలు, వాటి సంతానాన్ని దుండగులు ఎత్తుకెళ్లినట్లు పోలీసులు తెలిపారు. ఆ తేనెటీగల విలువ 20 వేల ఆస్ట్రేలియన్ డాలర్లు(రూ. 13,61,400)కు పైగా ఉంటుందని అధికారులు చెబుతున్నారు. తేనెటీగల పెంపకం పరిశ్రమపై అవగాహన ఉన్న వ్యక్తులే ఈ చోరీకి పాల్పడి ఉండొచ్చనే అనుమానాలు వ్యక్తమవుతున్నాయి.41 గూళ్లను టార్గెట్ చేసిన దొంగలుకెయిర్న్స్‌కు పశ్చిమాన ఉన్న అథర్టన్ టేబుల్‌ల్యాండ్స్‌లోని పలు ప్రాంతాల్లో ఈ చోరీ జరిగింది. వాణిజ్య తేనెటీగల పెంపకందారుడు జాక్ లాటన్‌కు చెందిన 41 గూళ్ల నుంచి తేనెటీగలు, వాటి సంతానాన్ని తీసుకెళ్లినట్లు గుర్తించారు. ఒక్కో గూడులో సుమారు 15 వేల తేనెటీగలు ఉంటాయని లాటన్ తెలిపారు. మొత్తం మీద దాదాపు 8 లక్షల తేనెటీగలు చోరీ అయినట్లు ఆయన చెప్పారు.ప్రత్యేక పరికరాలతో చోరీదొంగలు మొత్తం తేనెటీగల గూళ్లను ఎత్తుకెళ్లలేదు. వాటిలోని తేనెటీగలు ఉన్న ఫ్రేమ్‌లను మాత్రమే తీసి తమ సొంత పెట్టెల్లోకి మార్చినట్లు అధికారులు చెబుతున్నారు. తేనెటీగలు సంతానోత్పత్తి చేసే బ్రూడ్ బాక్స్‌లను కూడా తీసుకెళ్లారు. ఈ పని చేయడానికి ప్రత్యేక పరికరాలు, తేనెటీగల పెంపకంపై నైపుణ్యం అవసరమని పోలీసులు భావిస్తున్నారు.తేనెను మాత్రం వదిలేశారుఈ చోరీలో ఆసక్తికరమైన విషయం ఏమిటంటే.. దొంగలు గూళ్లలోని తేనెను మాత్రం తీసుకెళ్లలేదు. తేనెటీగలున్న ఫ్రేమ్‌లను తమ పెట్టెల్లోకి మార్చుకుని, అసలు గూళ్లను మళ్లీ యథాతథంగా అమర్చారు. దీంతో గూళ్ల యజమానులకు వెంటనే చోరీ జరిగిన విషయం తెలియకుండా జాగ్రత్త పడ్డారని వాటిని నిర్వహించే టామ్ బిడ్నర్ తెలిపారు.పరాగసంపర్క ఒప్పందాలపైనా ప్రభావంఈ ఘటనతో తేనెటీగలను మాత్రమే కాకుండా వాటి ద్వారా అందించే పరాగసంపర్క సేవల ఒప్పందాలను కూడా కోల్పోయే పరిస్థితి ఏర్పడిందని పెంపకందారులు ఆందోళన చెందుతున్నారు. ఇప్పటికే వర్రోవా మైట్ అనే పరాన్నజీవి కారణంగా క్వీన్స్‌లాండ్ తేనెటీగల పరిశ్రమ ఇబ్బందులు ఎదుర్కొంటోంది. ఈ సమయంలో చోరీ ఘటన తమకు మరింత నష్టాన్ని కలిగించిందని బిడ్నర్ పేర్కొన్నారు.పరిశ్రమలోని వ్యక్తులపైనే అనుమానంమరీబా రూరల్ అండ్ స్టాక్ క్రైమ్ స్క్వాడ్ ఈ కేసును దర్యాప్తు చేస్తోంది. గతంలోనూ తేనెటీగల చోరీలు జరిగినప్పటికీ, ఇదే అతిపెద్ద ఘటన అని బిడ్నర్ తెలిపారు. పలు ప్రాంతాల్లోని గూళ్లను లక్ష్యంగా చేసుకోవడం, ప్రత్యేక పరికరాలను ఉపయోగించడం వంటి అంశాల ఆధారంగా నిందితులు తేనెటీగల పెంపకం పరిశ్రమకు చెందినవారై ఉండొచ్చని ఆయన అనుమానం వ్యక్తం చేశారు. అయితే ఇప్పటివరకు పోలీసులు నిందితులను గుర్తించలేదు. ఇదీ చదవండి: నెహ్రూ నుంచి జైట్లీ వరకు.. డీయూఎస్‌యూ సంచలన చరిత్ర!

విజయవాడ లీగల్‌: రాష్ట్రంలో సంచలనం సృష్టించిన కృష్ణలంకకు చెందిన కాపు యువకుడు గాదె సాయికృష్ణను పోలీసులు అక్రమంగా నిర్బంధించి, తీవ్రంగా కొట్టడం వల్లే మరణించాడని సిట్‌ నిర్ధారించింది. సాయికృష్ణ కస్టోడియల్‌ డెత్‌ కేసులో సిట్‌ అధికారులు సోమవారం 2వ అదనపు జ్యుడీ­షియల్‌ ఫస్ట్‌క్లాస్‌ మేజిస్ట్రేట్ న్యాయస్థానంలో చార్జి­షీటు దాఖలు చేశారు. కృష్ణలంక మాజీ సర్కిల్‌ ఇన్‌స్పెక్టర్‌ ఎస్‌ఎస్‌వీవీ నాగరాజుతో పాటు మొత్తం ఏడుగురు నిందితులపై తీవ్ర ఆరోపణలను నమో­దు చేశారు. పోలీసుల దాడిలోనే సాయికృష్ణ మరణించాడని చార్జిషీటులో పేర్కొన్నారు. సాయికృష్ణ మిస్సింగ్‌ నుంచి మరణం వరకు చోటుచేసుకున్న పరిణామాలను ఇందులో స్పష్టంగా వివరించారు. సాయికృష్ణ తల్లి విజయలక్ష్మి ఆరోపణల తరువాత కృష్ణలంక పోలీసులు వ్యవహరించిన తీరు కూడా చార్జిషిటులో పేర్కొన్నారు. సిట్‌ విచారణాధికారి స్వయంగా హాజరై న్యాయస్థానంలో చార్జిషీటు దాఖలు చేశారు. నాగరాజే ప్రధాన నిందితుడు ఈ కేసులో ప్రధాన నిందితుడు అప్పటి సీఐ నాగరాజు ఆదేశాల మేరకు ఇతర నిందితులు సాక్ష్యా­­లను తారుమారు చేయడంలో ముఖ్యపాత్ర వహించారని పేర్కొన్నారు. నాగరాజు స్నేహి­తుడు, రియల్‌ ఎస్టేట్‌ వ్యాపారి, ఏ–4 నిందితుడు గులివిందుల సురేష్‌ రాణిగారితోటలో పాడుబడ్డ భవనంలో గాదె సాయికృష్ణను చూసినట్టు సురేష్‌ రిమాండ్‌ రిపోర్టులో సిట్‌ అధికారులు పేర్కొన్న సంగతి తెలిసిందే. సాయికృష్ణ మృతదేహాన్ని స్వర్గపురికి తరలించి, అనంతరం రహస్యంగా దహనం చేశారని పేర్కొన్నారు. మృతదేహాన్ని తరలించిన రెండు వాహనాలను సీజ్‌ చేసినట్టు తెలిపారు. శ్మశాన­వాటికలో సాయికృష్ణను దహనం చేసిన ప్రదేశా­న్ని గుర్తించినట్టు చార్జిషీటులో పొందుపరిచారు. సాయికృష్ణ హత్య కేసులో ఇప్పటివరకు పోలీసులు ఏడుగురి ప్రమేయం ఉన్నట్టు పేర్కొంటూ వారి అరెస్టు, కస్టడీలోని అంశాలు, అందుకు సంబంధించిన ఫోరెన్సిక్‌ ఆధారాలు, సాక్షుల వాంగ్మూలాలు, సాంకేతిక ఆధారాలతో చార్జిషిటును విచారణాధికారి న్యాయస్థానంలో సమర్పించారు. పోలీసు స్టేషన్‌లోని సీసీటీవీ ఫుటేజీ, హార్డ్‌ డిస్క్ లను డిలీట్‌ చేశారని, అలాగే సాయికృష్ణ కస్టడీలో ఉన్నప్పుడు తీసుకున్న ఫొటోలను ఫోన్ల నుంచి తొలగించారని సిట్‌ ఆధారాలను సమర్పించింది. సాయికృష్ణ పోలీసు కస్టడీ నుంచి తప్పించుకుని గోవా పారిపోయాడనే తప్పుడు కథనాన్ని సృష్టించేందుకు అతని మొబైల్‌ ఫోన్‌ను గోవా పంపించి డ్రామా ఆడారని దర్యాప్తులో తేలింది. బెయిల్‌పై విచారణ వాయిదా సాయికృష్ణ అదృశ్యం కేసులో రిమాండ్‌లో ఉన్న ఏ–7 నిందితుడు వెంకటరాజు తరఫున న్యాయవాది జి.సాంబశివరావు బెయిల్‌ పిటిషన్‌ దాఖలు చేసిన విషయం విదితమే. న్యాయమూర్తి సెలవులో ఉన్నందున బెయిల్‌ పిటిషన్‌పై ఇరుపక్షాల విచారణ నిమిత్తం 8వ అదనపు జిల్లా కోర్టు న్యాయమూర్తి ఈనెల 23వ తేదీకి వాయిదా వేశారు.

పాకిస్థాన్‌ మాజీ ప్రధాని ఇమ్రాన్‌ ఖాన్‌ సోదరీమణులు ముగ్గురిని పంజాబ్‌ పోలీసులు అరెస్ట్‌ చేశారు. ఇమ్రాన్‌ ఖాన్‌ పార్టీ పాకిస్థాన్‌ తెహ్రీక్‌-ఇ-ఇన్సాఫ్‌ (పీటీఐ) సెప్టెంబర్‌ 27న నిరసనకు పిలుపునిచ్చిన నేపథ్యంలో ఈ అరెస్టులు జరిగాయి. ఇమ్రాన్‌ సోదరీమణులు అలీమా ఖాన్‌, డాక్టర్‌ ఉజ్మా ఖాన్‌, నరీన్‌ ఖాన్‌లను లాహోర్‌లోని కోట్‌ లఖ్‌పత్‌ జైలుకు తరలించినట్లు పార్టీ వర్గాలు తెలిపాయి.పీటీఐ ప్రతినిధి జుల్‌ఫీ బుఖారీ తెలిపిన వివరాల ప్రకారం.. పంజాబ్‌ పోలీసులు అలీమా ఖాన్‌ ఇంటిపై దాడి చేసి, ఇమ్రాన్‌ మరో ఇద్దరు సోదరీమణులతో పాటు ఆయన మేనల్లుళ్లు, వారి పిల్లలను అదుపులోకి తీసుకున్నారు. అయితే పిల్లలను తర్వాత విడుదల చేసినట్లు పీటీఐ సమాచార కార్యదర్శి షేక్‌ వక్వాస్‌ అక్రమ్‌ తెలిపారు. ముగ్గురు సోదరీమణులను కోట్‌ లఖ్‌పత్‌ జైలుకు పంపినట్లు ఆయన చెప్పారు.లాహోర్‌ డిప్యూటీ కమిషనర్‌ రెండు వేర్వేరు ఉత్తర్వులు జారీ చేశారు. పంజాబ్‌ ప్రావిన్స్‌లో అమల్లో ఉన్న ప్రజా శాంతి పరిరక్షణ చట్టం కింద ముగ్గురు సోదరీమణులను 30 రోజుల పాటు నిర్బంధించేందుకు ఈ ఉత్తర్వులు ఇచ్చినట్లు ఏఎఫ్‌పీ చూసిన వాటి ప్రతుల్లో పేర్కొంది. ఈ వ్యవహారంపై పంజాబ్‌ పోలీసులు స్పందించలేదు.ఇమ్రాన్‌ ఖాన్‌ పార్టీ సెప్టెంబర్‌ 27న నిరసన చేపట్టనున్నట్లు ప్రకటించింది. అయితే ఈ నిరసనకు పిలుపు చట్టవిరుద్ధమని పాకిస్థాన్‌ సమాచార మంత్రి అత్తావుల్లా తరార్‌ అన్నారు. “వారు రహదారులను దిగ్బంధించి, ప్రజల జీవితాలకు అంతరాయం కలిగించేందుకు మేము అనుమతించం” అని ఆయన పేర్కొన్నారు.ఇమ్రాన్‌ ఖాన్‌ 2023 నుంచి జైలులో ఉన్నారు. గత ఏడాది చివర్లో అవినీతి ఆరోపణల కేసులో ఆయనకు, ఆయన భార్యకు 17 ఏళ్ల జైలు శిక్ష విధించారు. అయితే ఈ ఆరోపణలను ఇద్దరూ తిరస్కరించారు. 2018 నుంచి 2022 వరకు పాకిస్థాన్‌ ప్రధానిగా పనిచేసిన ఇమ్రాన్‌ ఖాన్‌.. అవిశ్వాస తీర్మానంతో పదవి కోల్పోయారు.

సాక్షి, విజయవాడ: కూటమి ప్రభుత్వంలో పోలీసులు దౌర్జన్యం నానాటికీ పెరిగిపోతుంది. ఈ రోజు (సోమవారం) విజయవాడ శాప్‌ కార్యాలయం వద్ద శాంతియుతంగా నిరసన చేస్తున్న వైఎస్సార్సీపీ నేతలను పోలీసులు అక్రమంగా అరెస్టు చేశారు. దీంతో పోలీసులు తీరుపై వైఎస్సార్సీపీ మండిపడింది. నేతలను తక్షణమే విడుదల చేయాలని ప్రకటన విడుదల చేసింది.రాష్ట్ర యువజన విభాగం అధ్యక్షుడు జక్కంపూడి రాజా, మచిలీపట్నం ఇంఛార్జ్‌.. వేర్నికిట్టు, అధికార ప్రతినిధి నాగార్జున యాదవ్, రాష్ట్ర ప్రధాన కార్యదర్శి సొంగ సందీప్ లతో పాటు మరి కొంతమంది నేతలను పోలీసులు అక్రమంగా అరెస్ట్ చేశారు. వారిని నాలుగు గంటలుగా కృష్ణలంక పీఎస్‌లో నిర్భందించారు. దీంతో వైఎస్సార్సీపీ ఈ నేతలు ఈ అక్రమ నిర్భందాన్ని ఖండించారు.వైఎస్సార్సీపీ నేతల అరెస్టుపై మాజీ ఎంపీ నందిగాం సురేష్‌ మండిపడ్డారు. అరెస్టు చేసిన తమ నేతలను వెంటనే విడుదల చేయాలని కృష్ణలంక పోలీస్ స్టేషన్ వద్ద ఆందోళన చేపట్టారు. శాంతియుతంగా నిరసన చేస్తుంటే నిరసన తెలియజేయకుండానే.. అరెస్టులు చేసి ఇబ్బందులకు గురిచేస్తున్నారని నిరనసలో టీడీపీ గుండాలు పోలీసులతో కలిసి దాడులు చేస్తున్నారని ఆవేదన వ్యక్తం చేశారు. ప్రశ్నించిన వారి గొంతు నొక్కటం దాడులు చేయించడం మంచిది పద్ధతి కాదని ప్రభుత్వాన్ని హెచ్చరించారు.

సాక్షి, హైదరాబాద్‌: వినాయక నిమజ్జన వేడుకల నిర్వహణ విషయమై ట్యాంక్‌బండ్‌పై ఉద్రిక్తత నెలకొంది. నిమజ్జనానికి ఏర్పాట్లు చేయాలని డిమాండ్‌ చేస్తూ గణేష్‌ ఉత్సవ సమితి సభ్యులు ఆందోళనకు దిగడంతో పోలీసులు, ఉత్సవ సమితి సభ్యుల మధ్య వాగ్వాదం, తోపులాట చోటుచేసుకుంది.ట్యాంక్‌బండ్‌పై వినాయక నిమజ్జన వేడుకలు నిర్వహించాలని గణేష్‌ ఉత్సవ సమితి సభ్యులు డిమాండ్‌ చేశారు. అలాగే, జీహెచ్‌ఎంసీ ఏర్పాట్లు చేయని పక్షంలో తామే ఏర్పాట్లు చేసుకుంటామని ప్రకటించారు. ఈ క్రమంలో ట్యాంక్‌బండ్‌పై ఏర్పాటు చేసిన బారికేడ్లను ఉత్సవ కమిటీ సభ్యులు తొలగించేందుకు ప్రయత్నించగా పోలీసులు వారిని అడ్డుకున్నారు. దీంతో ఇరువర్గాల మధ్య వాగ్వాదం జరిగింది. అనంతరం ఉత్సవ సమితి సభ్యులు ట్యాంక్‌బండ్‌పై బైఠాయించి నిరసన తెలిపారు. ట్యాంక్‌బండ్‌పైనే వినాయక నిమజ్జన వేడుకలు నిర్వహించేందుకు అనుమతి ఇవ్వాలని ఉత్సవ సమితి సభ్యులు డిమాండ్‌ చేశారు. ఈ సందర్భంగా హుస్సేన్‌సాగర్‌లో గణేష్‌ నిమజ్జనానికి అవసరమైన ఏర్పాట్లు తామే చేసుకుంటామని భాగ్యనగర్‌ గణేష్‌ ఉత్సవ సమితి ప్రధాన కార్యదర్శి రావినూతల శశిధర్‌ తెలిపారు. పొల్యూషన్‌ కంట్రోల్‌ బోర్డు, జీహెచ్‌ఎంసీ అధికారుల వైఫల్యం కారణంగానే నిమజ్జన ఏర్పాట్ల విషయంలో ఇబ్బందులు తలెత్తుతున్నాయని ఆయన అన్నారు. అలాగే, 2001లో ప్లాస్టర్‌ ఆఫ్‌ పారిస్‌ విగ్రహాలను ఏర్పాటు చేయాలని ప్రభుత్వమే ఉత్తర్వులు ఇచ్చిందని పేర్కొన్నారు. హిందూ పండగలు వచ్చిన ప్రతిసారీ ఏదో ఒక కారణంతో నిమజ్జనంపై ఆంక్షలు విధించే ప్రయత్నం జరుగుతోందని ఆరోపించారు. హుస్సేన్‌సాగర్‌లో ప్రజల విశ్వాసాలు, సంప్రదాయాలకు అనుగుణంగానే గణేష్‌ నిమజ్జనం కొనసాగుతుందని తెలిపారు.అయితే, తమిళనాడులో జల్లికట్టుపై ప్రజల విశ్వాసాలను కాపాడిన తరహాలోనే హైదరాబాద్‌ గణేష్‌ భక్తుల విశ్వాసాలను కూడా ప్రభుత్వం గౌరవించి పరిరక్షించాలని రావినూతల కోరారు. భక్తుల మనోభావాలకు అనుగుణంగా నిమజ్జన కార్యక్రమానికి అవసరమైన ఏర్పాట్లు చేయాలని ఆయన సూచించారు.ఇదీ చదవండి: ఇది కాంగ్రెస్‌ తెచ్చిన కరువు

సాక్షి, కృష్ణా జిల్లా: డీఎస్సీ అక్రమాలపై సీబీఐ విచారణ జరిపించాలని డిమాండ్‌ చేస్తూ వైఎస్సార్‌సీపీ రేపు(సోమవారం) నిర్వహించనున్న ర్యాలీపై పోలీసులు ఆంక్షలు విధిస్తున్నారు. నిరసన ర్యాలీకు అనుమతి లేదంటూ పోలీసులు నోటిసులు జారీ చేశారు. ఇవాళ పెనమలూరు వైఎస్సార్‌సీపీ ఇంఛార్జి దేవభక్తుని చక్రవర్తికి పోలీసులు నోటీసులు ఇచ్చారు. డీఎస్సీ నిరసనలో పాల్గొంటే చట్ట ప్రకారం చర్యలు తీసుకుంటామంటూ నోటీసుల్లో పేర్కొన్నారు.కాగా, నిరసన ర్యాలీకి అనుమతి లేదంటూ ఆ పార్టీ ఎన్టీఆర్‌ జిల్లా అధ్యక్షుడు దేవినేని అవినాష్‌కు శనివారం మాచవరం ఎస్‌ఐ యోగేష్‌ నోటీసు అందించారు. విజయవాడలో ఎలాంటి ర్యాలీకి అనుమతి లేదని సెంట్రల్‌ ఏసీపీ పేరుతో ఆ నోటీసును అందజేశారు. ర్యాలీ చేస్తే చట్టప్రకారం చర్యలు తీసుకుంటామని పేర్కొన్నారు. కూటమి పార్టీలకు మద్దతుగా చేసే ర్యాలీలకు అనుమతించే పోలీసులు, ప్రతిపక్షాల ర్యాలీలపై ఉక్కుపాదం మోపడాన్ని ప్రజలు తీవ్రంగా ఖండిస్తున్నారు.ఇదీ చదవండి: భేతాళ కేసులో ‘స్క్రిప్టెడ్‌ సాక్ష్యం’!

సాక్షి, విజయవాడ: వైఎస్సార్‌సీపీ నిరసన ర్యాలీపై పోలీసుల ఆంక్షలు విధించారు. డీఎస్సీ అక్రమాలపై సీబీఐ విచారణ కోరుతూ 21న వైఎస్సార్‌సీపీ ర్యాలీ నిర్వహించతలపెట్టింది. నిరసన ర్యాలీకి అనుమతి లేదంటూ పోలీసులు నోటీసులు జారీ చేశారు.ఎన్టీఆర్‌ జిల్లా వైఎస్సార్‌సీపీ అధ్యక్షులు దేవినేని అవినాష్‌కు మాచవరం పోలీసులు నోటీసులు ఇచ్చారు. విజయవాడలో ఎలాంటి ర్యాలీకి అనుమతి లేదని పోలీసులు అంటున్నారు. ర్యాలీలు చేపడితే చర్యలు తీసుకుంటామంటూ పోలీసులు నోటీసుల్లో పేర్కొన్నారు.ఇదీ చదవండి: విశాఖలో నీటి కొరత ఉందని ఒప్పుకున్న చంద్రబాబు

తెలంగాణ: నిజామాబాద్‌ జిల్లా పోలీస్‌ హెడ్‌క్వార్టర్స్‌లో తీవ్ర విషాదం చోటుచేసుకుంది. హోంగార్డు ఆర్‌ఐగా విధులు నిర్వహిస్తున్న సతీష్‌.. సర్వీస్‌ రివాల్వర్‌తో కాల్చుకుని ఆత్మహత్యకు పాల్పడ్డారు. హెడ్‌క్వార్టర్స్‌లోనే ఆయన ఈ తీవ్ర నిర్ణయం తీసుకున్నట్లు తెలుస్తోంది. దీంతో పోలీసు శాఖలో తీవ్ర విషాదం నెలకొంది. సమాచారం అందుకున్న పోలీసులు సంఘటనా స్థలానికి చేరుకుని వివరాలు సేకరించారు.సతీష్‌ ఆత్మహత్యకు గల కారణాలు ఇంకా పూర్తిగా తెలియాల్సి ఉంది. అయితే, ప్రాథమికంగా ఆర్థిక ఇబ్బందుల కారణంగానే ఆయన ఈ నిర్ణయం తీసుకున్నట్లు పోలీసులు భావిస్తున్నారు. అసలు కారణమేంటనేది దర్యాప్తు పూర్తయిన తర్వాత స్పష్టమయ్యే అవకాశం ఉంది. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.ఇదీ చదవండి: వైషు అమ్మ–హరిబాబు కేసులో ఇవేం ట్విస్టులు!

జనగామ జిల్లా: గతంలో ఎస్‌ఐ ఉద్యోగ వేట ఫలించలేదు. ఈసారి అయినా వస్తుందో.. రాదోనని మనస్తాపానికి గురైన ఓ యువకుడు ఇంట్లోనే ఉరి వేసుకుని ఆత్మహత్య చేసుకున్నాడు. ఈ ఘటన జనగామ జిల్లా చిల్పూరు మండలం శ్రీపతిపల్లి గ్రామంలో గురువారం చోటుచేసుకుంది. ఎస్‌ఐ సిరిపురం నవీన్‌కుమార్, మృతుడి మేనమామ భరత్‌ తెలిపిన వివరాల ప్రకారం.. ప్రభాకర్‌–స్వరూప దంపతులకు ముగ్గురు కుమారులు, కూతురు ఉంది. తండ్రి ప్రభాకర్‌ మహారాష్ట్రలో ఓ రైల్వే కాంట్రాక్టర్‌ వద్ద పనిచేస్తున్నాడు. కుటుంబ సభ్యులందరూ అక్కడే ఉంటున్నారు. అతని రెండో కుమారుడు పొడిశెట్లి సాయి (26)కి పోలీస్‌ ఉద్యోగం అంటే మక్కువ. గతంలో పరీక్ష రాయగా కొద్ది మార్కులతో రాలేదు. నోటిఫికేషన్‌ విడుదల కాగా, మళ్లీ ప్రిపేర్‌ కావడానికి ఇటీవల స్వగ్రామానికి వచ్చి మేనమామ భరత్‌ వద్ద ఉంటున్నాడు. మూడు రోజుల నుంచి స్నేహితుల వద్ద ఈసారైనా తాను పాస్‌ అయితే ఇంట్లో అమ్మనాన్నల కష్టాలు తీరుతాయని, కానీ, జాబు వచ్చే నమ్మకం లేదంటూ బాధ పడుతుండేవాడు. గురువారం ఉదయం నుంచే స్నేహితులందరినీ కలిసిన సాయి.. ఓ సూసైడ్‌ నోట్‌ రాసి అందరికి వాట్సాప్‌లో పంపాడు. అనంతరం ఇంట్లోనే ఉరి వేసుకొని ఆత్మహత్య చేసుకున్నాడు. వాట్సాప్‌ చూసిన స్నేహితులు హుటాహుటిన అతని ఇంటికి చేరుకొని చూసేసరికే మృతి చెందాడు. మృతుడి మేనమామ ఫిర్యాదు మేరకు కేసు నమోదు చేసుకున్నట్లు ఎస్‌ఐ నవీన్‌కుమార్‌ తెలిపారు. పోలీసులు స్వా«దీనం చేసుకున్న సూసైడ్‌ నోట్‌లో ‘నా చావుకు ఎవరూ బాధ్యులు కారు.. నేనే బాధ్యుడిని. అమ్మ బాపు నా వల్ల ముందు ముందు మీరు బాధ పడకూడదు. నేను మీకు భారం కావొద్దు అనే ఆలోచనతో ఈ నిర్ణయం తీసుకుంటున్నా’అని ఉంది.

సాక్షి, అమరావతి: అంతర్జాతీయ స్థాయిలో రాష్ట్రం పరువు పోతున్నా ఖాతరు చేయకుండా గుంటూరు పోలీసులు మరింత బరి తెగిస్తున్నారు! ప్రఖ్యాత దర్యాప్తు సంస్థ ఫెడరల్‌ బ్యూరో ఆఫ్‌ ఇన్వెస్టిగేషన్‌ (ఎఫ్‌బీఐ) పేరును దుర్వినియోగం చేయడానికి ఏమాత్రం సిగ్గు పడటంలేదు. ఎక్స్‌ ఖాతాల్లో వందలాది పోస్టుల తొలగింపే లక్ష్యంగా ఎఫ్‌బీఐ పేరుతో దొంగ ఫిర్యాదులు చేస్తున్న గుంటూరు పోలీసుల నిర్వాకం గురువారం మరొకటి వెలుగులోకి వచ్చింది. ప్రముఖ జర్నలిస్ట్, ది న్యూస్‌ మినిట్‌ ప్రధాన సంపాదకురాలు ధన్య రాజేంద్రన్‌ ఎక్స్‌ ఖాతాపై గుంటూరు పోలీసులు చేసిన ఫిర్యాదులో ఎఫ్‌బీఐగా పేర్కొనడం మరోసారి జాతీయ స్థాయిలో తీవ్ర దుమారం రేపుతోంది.దేశవ్యాప్తంగా మరోసారి చర్చకు తెరతీసిన గుంటూరు పోలీసుల ఎఫ్‌బీఐ అవతారం నవ్వులపాలు చేసింది. రిటైర్డ్‌ ఐఏఎస్‌ పీవీ రమేష్‌తోపాటు దేశవ్యాప్తంగా సీనియర్‌ జర్నలిస్టులు, మేధావులు దీనిపై ప్రశ్నల వర్షం కురిపిస్తున్నారు. విమర్శిస్తే టేక్‌డౌన్‌ ఫిర్యాదులా?... పోలీసుల పని ఇదేనా? అంటూ నిలదీస్తున్నారు. గుంటూరులో ఎఫ్‌బీఐ ఎప్పుడు పెట్టారంటూ వ్యంగ్యాస్త్రాలు సంధిస్తు­న్నారు. వార్త రాస్తే నేరమా? అంటూ మండిపడుతున్నారు.గుంటూరుకు సంబంధించిన ఓ ఘటనపై ధన్య రాజేంద్రన్‌ పెట్టిన పోస్టును తొలగించాలంటూ పోలీసులు ఎఫ్‌బీఐ పేరుతో ‘ఎక్స్‌’కు ఫిర్యాదు చేశారన్న వార్త వెలుగులోకి రావడంతో.. ఇది కేవలం ఒక పోస్టు వ్యవహారం కాదని, ఏపీ పోలీసులు తమ అధికారాన్ని సామాజిక మాధ్యమాలపై ఎలా దుర్వినియోగం చేస్తున్నారో చెప్పేందుకు అద్దం పడుతోందని విమర్శలు వెల్లువెత్తుతున్నాయి. ప్రజల భద్రత, శాంతి భద్రతల పరిరక్షణ విధులు నిర్వర్తించాల్సిన పోలీసులు సామాజిక మాధ్యమాల్లో విమర్శలను ఎదుర్కోలేక నకిలీ పేర్లతో ఫిర్యాదు చేయటాన్ని తీవ్రంగా తప్పుబడుతున్నారు.ఒక్క పోస్టు.. దేశవ్యాప్త చర్చ..గుంటూరు పోలీసులు ఎఫ్‌బీఐగా మారారా..? అంటూ బెంగళూరుకు చెందిన జర్నలిస్ట్‌ ధన్య రాజేంద్రన్‌ పెట్టిన పోస్టు దేశవ్యాప్తంగా పెద్ద ఎత్తున చర్చకు దారితీసింది. తన ఖాతాలోని ఓ పోస్టుపై గుంటూరు అర్బన్‌ ఎస్పీ మెయిల్‌ నుంచి సీఐ ఏవీ బ్రహ్మం పేరుతో ఎక్స్‌కు చేసిన ఫిర్యాదులో వాస్తవాలను మరుగునపరిచి అమెరికాకు చెందిన ఎఫ్‌బీఐగా పేర్కొనడంపై ఆమె తీవ్ర అభ్యంతరం వ్యక్తం చేశారు. ఈమేరకు గుంటూరు పోలీసుల ఫిర్యాదును ట్యాగ్‌ చేస్తూ ధన్య రాజేంద్రన్‌ పోస్టు పెట్టారు.ది న్యూస్‌ మినిట్‌ ప్రధాన సంపాదకురాలిగా ధన్య రాజేంద్రన్‌ చమేలి దేవి జైన్‌ అవార్డు, రెడ్‌ ఇంక్‌ జర్నలిస్ట్‌ ఆఫ్‌ ది ఇయర్‌ పురస్కారాలు అందుకున్నారు. 3.37 లక్షల మంది ఫాలోవర్లు ఉన్న ఆమె ఎక్స్‌ ఖాతాలో ఏపీ పోలీసులపై పెట్టిన పోస్టు దేశవ్యాప్తంగా చర్చకు దారితీసింది. ఈ అంశంపై దేశవ్యాప్తంగా పలువురు జర్నలిస్టులు, మాజీ అధికారులు ఘాటుగా స్పందించారు. ‘ఇదేనా మీ పని?’ఏపీ పోలీస్‌ 100ను ట్యాగ్‌ చేస్తూ సీనియర్‌ జర్నలిస్ట్‌ ధన్య రాజేంద్రన్‌ ఘాటుగా స్పందించారు. ‘‘హాయ్‌ ఏపీ పోలీస్‌ 100.. ఇదేనా మీ పని? కథనాలను తొలగించాలని అభ్యర్థనలు పంపడమా? అదీ ఒక సాధారణ స్థాయి టీడీపీ వ్యక్తికి సంబంధించిన విషయంపై? సిగ్గుచేటు.. దానికి బదులుగా నిజంగా ప్రజలకు సహాయపడేందుకు మీ సమయాన్ని వెచ్చించండి’’ అని సూచిస్తూ, గుంటూరు పోలీసులు ఎఫ్‌బీఐ పేరుతో చేసిన ఫిర్యాదును పోస్టు చేశారు. అసమ్మతిని తెలిపే పోస్టులను భారత చట్టాల ఉల్లంఘనలుగా పేర్కొంటూ ఎక్స్‌కు ఫిర్యాదులు చేస్తున్నారని ఆమె ఆరోపించారు. ఫిర్యాదు అందిన కంటెంట్‌ను కేవలం భారత్‌లోనే తొలగించేలా చర్యలు కోరుతున్నారని చెప్పారు. ఈ నేపథ్యంలోనే ‘ఎఫ్‌బీఐ–గుంటూరు’ అంటూ వ్యంగ్యంగా వ్యాఖ్యానించారు. మహిళా కమిషన్‌ చైర్‌పర్సన్‌కు ఘాటుగా బదులిచ్చిన ధన్య రాజేంద్రన్‌గుంటూరులో ఓ మహిళ వస్త్రాపహరణ ఘటనకు సంబంధించిన వీడియోను సామాజిక మాధ్యమాల నుంచి తొలగించాలని బాధిత మహిళ, ఆమె కుమారుడిని కలిసినప్పుడు విజ్ఞప్తి చేసినట్లు ఏపీ మహిళా కమిషన్‌ చైర్‌పర్సన్‌ రాయపాటి శైలజ పేర్కొన్నారు. ఈ అంశాన్ని ప్రస్తావిస్తూ ఆమె చేసిన పోస్టుపై ధన్య రాజేంద్రన్‌ ఘాటుగా బదులి­చ్చారు.‘‘నేను ఎలాంటి వీడియో పోస్ట్‌ చేయలేదు. ఆ కథనంలో కూడా ఎటువంటి వీడియో లేదు. ఇలాంటి ఘటనల గురించి మేం వార్తలు రాయకూడదని మీరు అంటున్నారా? లైంగిక హింసకు గురైన బాధితులందరూ తమ గురించి వార్తలు వచ్చేటప్పుడు గౌరవం దక్కాలని కోరుకుంటారు. ఆ విషయంలో మేం ఎప్పుడూ రాజీ పడం’’ అని ఆమె స్పష్టం చేశారు.‘మీడియాను వేధించడమే పనిగా పెట్టుకున్నారా?’ధన్య రాజేంద్రన్‌ పోస్టును ట్యాగ్‌ చేస్తూ సీనియర్‌ జర్నలిస్టు చిత్రా సుబ్రమణ్యం ఏపీ పోలీసుల తీరును ప్రశ్నించారు. మీడియాను వేధించేందుకు ఏపీ పోలీస్‌ 100 ఎప్పటి నుంచి నిర్ణయించుకుందని ఆగ్రహం వ్యక్తం చేశారు. జర్నలిస్టులు, ప్రతిపక్షాలకు టేక్‌డౌన్‌ నోటీసులు పంపుతున్నారంటూ విమర్శించారు.ఎఫ్‌బీఐగా నటిస్తూ ఫిర్యాదు ఎందుకు?’మాజీ ఐఏఎస్‌ అధికారి పీవీ రమేష్‌ ఈ వ్యవహారంపై ఘాటుగా స్పందించారు. ధన్య రాజేంద్రన్‌ పోస్టును ట్యాగ్‌ చేస్తూ..‘‘గుంటూరు అర్బన్‌ ఎస్పీ ఎందుకు ఎఫ్‌బీఐగా నటిస్తూ సీనియర్‌ జర్నలిస్టు ధన్య రాజేంద్రన్‌ ఖాతాను తొలగించాలని ఫిర్యాదు చేశారు?’’ అని ప్రశ్నించారు. ఈ చర్యను ‘స్పష్టమైన నేరపూరిత దుష్ప్రవర్తన’గా అభివర్ణించిన ఆయన.. బాధ్యులైన అధికారులపై కఠిన చర్యలు తీసుకోవా­ల్సిన అవసరం ఉందన్నారు. గుంటూరు పోలీసులు ఎఫ్‌బీఐ పేరుతో చేస్తున్న చర్యలకు సీఎం, హోంమంత్రి, మంత్రి నారా లోకేశ్, డీజీపీ, ఎఫ్‌బీఐ డైరెక్టర్‌ కాష్‌ పటేల్‌ అనుమతి ఉందా? అని సంబంధిత ఖాతాలను హ్యాష్‌ ట్యాగ్‌ చేస్తూ ప్రశ్నించారు. ‘వాస్తవాలు చెబితే టేక్‌డౌన్‌ నోటీసులా?’ఆల్ట్‌ న్యూస్‌ సహ వ్యవస్థాపకుడు, ఫ్యాక్ట్‌ చెక్కర్‌ మ­హ్మద్‌ జుబేర్‌ కూడా ఈ అంశంపై ఘాటుగా స్పంది­ం­చారు. ‘జర్నలిస్టులకు, ప్రతిపక్షాలకు టేక్‌డౌన్‌ నోటీ­æ­సులను ఏపీ పోలీసులు ఎందుకు పంపుతు­న్నా­రు? హల్లో.. ఏపీ డీజీపీ, నారా లోకేశ్‌.. వాస్త­వా­లు చెప్పి­నందుకు ఏపీ పోలీసులు ఎక్స్‌ ద్వా­రా టేక్‌­డౌన్‌ నోటీ­సు­­ల­తో ఎందుకు బెదిరిస్తు­న్నారు?’’ అని ప్రశ్నించా­రు.‘ఇది చాలా విచిత్రంగా ఉంది’ది సౌత్‌ ఫస్ట్‌ డాట్‌కామ్‌ ఎడిటర్, సీనియర్‌ జర్నలిస్టు అనుష రవి సూద్‌ కూడా ధన్య రాజేంద్రన్‌ పోస్టును ట్యాగ్‌ చేస్తూ స్పందించారు. ఆమె పెట్టిన పోస్టును తొలగించాలని ఏపీ పోలీసులు ఎక్స్‌కు ఫిర్యాదు చేశారన్నారు. ఆంధ్రప్రదేశ్‌ పోలీసులు మరోసారి ఎఫ్‌బీఐగా వ్యవహరి­స్తున్నారని వ్యాఖ్యానించారు. ఆంధ్రప్రదేశ్‌ పోలీసులు ఇలాంటి పద్ధతులను ఎందుకు ఆశ్రయిస్తున్నారని ప్రశ్నించారు. ఇది చాలా విచిత్రంగా ఉందంటూ వ్యాఖ్యానించారు.టేక్‌డౌన్‌ ఫిర్యాదులపై స్పష్టత ఏదీ?చంద్రబాబు సర్కారు ఆదేశాలతో చెలరేగిపోతున్న ఏపీ పోలీసుల తీరుపై విమర్శలు వెల్లువెత్తుతున్నాయి. జర్నలిస్టులు, మాజీ అధికారులు, సామాజిక కార్యకర్తల పోస్టులకు సంబంధించి పోలీసులు ఎక్స్‌కు చేసిన ఫిర్యాదుల స్వభావం, వాటికి ఆధారంగా చూపిన చట్టపరమైన నిబంధనలు, తొలగించాలని కోరిన కంటెంట్‌ వివరాలపై స్పష్టత ఇవ్వాల్సిన అవసరం ఉందన్న అభిప్రాయాలు వ్యక్తమవుతున్నాయి. విమర్శలను అణచి­వేయడానికే చంద్రబాబు సర్కారు ఇలాంటి చర్యలకు దిగుతున్నట్లు మరోసారి స్పష్టమైందని పరిశీలకులు పేర్కొంటున్నారు.

మైన్‌పురి: ఉత్తరప్రదేశ్‌లోని మైన్‌పురిలో ఓ విచిత్ర ఘటన చోటుచేసుకుంది. ఐదుగురు పిల్లల తల్లి తన అల్లుడితో సన్నిహిత సంబంధం కొనసాగిస్తోందన్న ఆరోపణలు కుటుంబంలో కలకలం రేపాయి. ఖర్గ్‌జిత్ నగర్‌లో ఈ ఘటన వెలుగుచూసింది. విషయం కుటుంబ సభ్యులకు తెలియడంతో పిల్లలు తీవ్రంగా వ్యతిరేకించి గొడవకు దిగారు. చివరకు పోలీసులు కల్పించుకుని పరిస్థితిని అదుపులోకి తీసుకొచ్చారు.ఘిరూర్ పోలీస్ స్టేషన్ పరిధిలో నివసించే ఆ మహిళకు, కురావలి పోలీస్ స్టేషన్ పరిధిలోని సోనాయ్ అశోక్‌పూర్ గ్రామానికి చెందిన ఆమె అల్లుడికి మధ్య సంబంధం ఉన్నట్లు కుటుంబ సభ్యులు ఆరోపించారు. వారిద్దరూ ఒకరికొకరు దగ్గరయ్యారని, కలిసి జీవించడంపై కూడా చర్చించుకున్నారని తెలిపారు. ఈ విషయం పిల్లలకు తెలియడంతో వారు తల్లి నిర్ణయాన్ని వ్యతిరేకించారు.గొడవ జరుగుతోందన్న సమాచారంతో పోలీసులు ఖర్గ్‌జిత్ నగర్‌కు చేరుకున్నారు. అక్కడున్న వారితో మాట్లాడి వివరాలు సేకరించారు. మహిళతో పాటు ఆమె అల్లుడిని కూడా పోలీసులు ప్రశ్నించినట్లు సమాచారం. వారిద్దరి మధ్య సంబంధం ఏమిటి? కుటుంబ సభ్యులు చేసిన ఆరోపణల్లో వాస్తవం ఎంత ఉందనే అంశాలపై దర్యాప్తు కొనసాగుతోంది. దర్యాప్తు పూర్తయిన తర్వాతే అసలు విషయం స్పష్టమవుతుందని అధికారులు చెబుతున్నారు.అలీగఢ్‌లోనూ ఈ తరహా ఘటన2025 ఏప్రిల్‌లో అలీగఢ్‌లోని మద్రక్ ప్రాంతంలోనూ ఇలాంటి ఘటన వెలుగుచూసింది. ఓ యువతికి వివాహం జరగాల్సి ఉండగా, ఆమె తల్లి అనిత తన కాబోయే అల్లుడు రాహుల్‌తో సన్నిహితంగా ఉంటోందని కుటుంబ సభ్యులు ఆరోపించారు. ఇద్దరూ తరచూ ఫోన్‌లో మాట్లాడుకునేవారని తెలిపారు. అనంతరం అనిత ఇంటి నుంచి నగదు, నగలు తీసుకుని రాహుల్‌తో వెళ్లిపోయిందని కుటుంబ సభ్యులు పోలీసులకు ఫిర్యాదు చేశారు. పోలీసులు వారిద్దరినీ అదుపులోకి తీసుకుని విచారించారు. తన ఇష్టప్రకారమే రాహుల్‌తో వెళ్లానని అనిత పేర్కొన్నది.ఇదీ చదవండి: పురస్కారాల ఎంపిక విధానంపై అనంత్‌ నాగ్‌ కీలక వ్యాఖ్యలు

రోడ్డు దాటేట‌ప్పుడు ట్రాఫిక్ నియ‌మాల‌ను క‌చ్చితంగా పాటించాల‌ని అబుదాబి పోలీసులు వాహ‌దారుల‌కు, పాదాచారుల‌కు హెచ్చరించారు. ర‌హ‌దారి భ‌ద్ర‌త‌ను నిర్ధారించే చ‌ర్య‌ల్లో భాగంగా, సోష‌ల్ మీడియాలో పోలీసులు అవ‌గాహ‌న సందేశాన్ని విడుద‌ల చేశారు. నిర్ధేశిత ప్రాంతాల్లో ఉండే జీబ్రా క్రాసింగ్‌లను పాదాచారుల‌ను ఉప‌యోగించకుంటే వారికి ఇక‌నుంచి జ‌రిమానా విధిస్తామ‌ని పేర్కొన్నారు. యూఏఈ వ్యాప్తంగా, ట్రాఫిక్ సిగ్నళ్లను పాటించని లేదా నిర్దేశిత ప్రాంతానికి వెళ్లకుండా రోడ్లు దాటే పాదచారులకు 400 దిర్హమ్‌ల‌(భార‌త కరెన్సీలో రూ. 10వేలు) జరిమానా విధించబడుతుంది. ఇటువంటి ప్రవర్తనను అరికట్టి, సురక్షితమైన వాటిని ప్రోత్సహించడానికి ఎమిరేట్స్‌లోని అధికారులు అనేక హెచ్చరికలు జారీ చేశారు.రోడ్లపై నడిచే పాదచారుల పట్ల జాగ్రత్తగా ఉండాలని, సిగ్న‌ళ్లు కూడళ్ల వద్ద వేగాన్ని తగ్గించాలని వాహ‌న‌దారుల‌కు హెచ్చ‌రిక‌లు జారీ చేశారు. ఇక పాదాచారుల‌ను ఉద్దేశించి పోలీసులు మాట్లాడుతూ.. నిర్దేశించిన క్రాస్‌వాక్‌లు, వంతెనలు, సొరంగాలను ఉపయోగించాలి. ముఖ్యంగా పాదాచారులు ట్రాఫిక్ లైట్ సంకేతాలను అనుసరించండి.#فيديو | دعت #شرطة_أبوظبي السائقين والمشاة على أهمية الالتزام بقواعد السلامة المرورية، محذرة من مخاطر عبور الطرق من الأماكن غير المخصصة لما قد يسببه من حوادث دهس، وناشدت السائقين إلى توخي الحيطة والانتباه للمشاة وخفض السرعة بالقرب من مناطق العبور، فيما حثّت المشاة على استخدام… pic.twitter.com/B4Dalb7Fae— شرطة أبوظبي (@ADPoliceHQ) September 16, 2026

సాక్షి, విజయవాడ: ఉద్యోగాలు ఇప్పిస్తామని, వీసాలు రెన్యూవల్‌ చేయిస్తామని నమ్మబలికి నిరుద్యోగులను మోసం చేసిన కేసులో అరెస్టయిన యూట్యూబర్, నందూస్‌ వరల్డ్‌ చానల్‌ నిర్వాహకురాలు రమా నందన పోలీసుల ఎదుట నోరు విప్పడం లేదు. రెండుసార్లు విచారించినా పురోగతి కనిపించలేదు. ఈ నెల 8న తొలిసారి ఇబ్రహీంపట్నం పీఎస్‌లో విచారణ జరిపారు.నిన్న(మంగళవారం) మరోమారు అర్ధగంట పాటు మాత్రమే విచారణకు రమానందన హాజరయ్యారు. రమానందన నుంచి పోలీసులు వాస్తవాలను రాబట్టలేకపోయారు. తూతూమంత్రంగానే పోలీసులు రమానందనను విచారిస్తున్నారంటూ బాధితులు ఆరోపిస్తున్నారు. రమా నందన మంగళవారం గుట్టుచప్పుడు కాకుండా ఎన్టీఆర్‌ జిల్లా ఇబ్రహీంపట్నం పోలీసుల ఎదుట విచారణకు హాజరయ్యారు.వీసా స్కామ్‌లో ఈ నెల ఎనిమిదో తేదీన ఆమె విచారణకు హాజరైన సమయంలో ఈ నెల 16న మరో సారి విచారణకు హాజరు కావాలని పోలీసులు ఆదేశించారు. దీంతో ఆమె ఒకరోజు ముందుగానే వచ్చి వెళ్లిపోయింది. ఏపీలోని వివిధ జిల్లాలకు చెందిన బాధితులతో పాటు ఇతర రాష్ట్రాలకు చెందిన బాధితులు ఇబ్రహీంపట్నం వచ్చేందుకు సిద్ధమవడంతో ఒకరోజు ముందుగానే ఆమె హాజరైనట్లు తెలుస్తోంది. మీడియా, బాధితుల కంట పడకుండా పోలీసులు ఆమెకు సహకరిస్తున్నారనే అనుమానాలు వ్యక్తమవుతున్నాయి.ఇదీ చదవండి: ‘రమానందన తన భర్తను దాచేసేది’

న్యూఢిల్లీ: సోషల్ మీడియా ప్లాట్‌ఫామ్‌లపై కేంద్ర ప్రభుత్వం చేపడుతున్న కఠిన చర్యల నేపథ్యంలో ప్రముఖ సోషల్ మీడియా దిగ్గజం ‘మెటా’ కీలక నిర్ణయం తీసుకుంది. చిన్నారుల లైంగిక వేధింపులకు సంబంధించిన కేసులను నేరుగా పోలీసులకు సమాచారం అందించేందుకు అంగీకరించినట్లు ప్రభుత్వ వర్గాలు వెల్లడించాయి.దేశంలో సోషల్ మీడియా సంస్థలు కార్యకలాపాలు నిర్వహించాలంటే చిన్నారుల ఆన్‌లైన్ భద్రత ప్రాథమిక సూత్రమని, ఇందులో ఎలాంటి రాజీ లేదని కేంద్ర ప్రభుత్వం స్పష్టం చేసింది. ఇటీవల మెటా యాజమాన్యంలోని ప్లాట్‌ఫామ్‌లలో చిన్నారుల లైంగిక వేధింపులు, దోపిడీకి సంబంధించిన కంటెంట్, ప్రకటనలు వస్తున్నట్లు వార్తలు రావడంతో కేంద్రం, జాతీయ బాలల హక్కుల పరిరక్షణ కమిషన్ తీవ్రంగా స్పందించాయి. ఈ నేపథ్యంలోనే ప్రభుత్వం డిజిటల్ ప్లాట్‌ఫామ్‌లపై ఉక్కుపాదం మోపుతోంది.చిన్నారుల భద్రతకు సంబంధించిన విషయాలు, ముఖ్యంగా లైంగిక వేధింపుల కేసుల వివరాలను ఇకపై భారతీయ చట్ట అమలు సంస్థలకు అందించేందుకు మెటా అంగీకరించింది. ఆన్‌లైన్‌లో పిల్లల భద్రత అనేది ఏ సోషల్ మీడియా సంస్థకైనా అత్యంత ప్రాథమిక, అనివార్యమైన సూత్రమని ప్రభుత్వం తేల్చిచెప్పింది.ప్లాట్‌ఫామ్‌లలో హానికరమైన సమాచారాన్ని ముందస్తుగా గుర్తించి, ఎప్పటికప్పుడు తొలగించేందుకు చర్యలు తీసుకోని సంస్థలపై కఠిన చర్యలు ఉంటాయని కేంద్రం హెచ్చరించింది. సోషల్ మీడియా వేదికలను పిల్లలకు పూర్తిగా సురక్షితంగా మార్చే దిశగా మెటా తీసుకున్న ఈ నిర్ణయం ఒక కీలకమైన తొలి అడుగుగా నిపుణులు అభిప్రాయపడుతున్నారు.ఇతర సోషల్ మీడియా ప్లాట్‌ఫామ్‌లు కూడా పిల్లల భద్రత కోసం ముందస్తు రక్షణ చర్యలు చేపట్టేలా ప్రభుత్వం నిరంతరం చర్చలు జరుపుతోంది.

నాగోజు సత్యనారాయణపోలీస్, ఎస్పీఎఫ్, అగ్నిమాపక, జైళ్లశాఖల్లో పోస్టుల భర్తీ ప్రక్రియను అత్యంత పకడ్బందీగా, పారదర్శకంగా చేపడుతున్నట్టు తెలంగాణ రాష్ట్ర స్థాయి పోలీస్‌ నియామక మండలి (టీఎస్‌ఎల్పీఆర్బీ) చైర్మన్‌ వీవీ శ్రీనివాసరావు తెలిపారు. ఎలాంటి అవకతవకలకు తావులేకుండా సాంకేతికతను వినియోగిస్తున్నట్టు పేర్కొన్నారు. ఎస్సీల్లో గ్రూపుల వారీగా రిజర్వేషన్లను మొట్టమొదటిసారిగా పోలీస్‌ రిక్రూట్‌మెంట్‌లో అమలు చేస్తున్నట్టు వెల్లడించారు. పోలీస్‌ ఉద్యోగాలకు పోటీపడుతున్న దరఖాస్తుదారుల్లో ప్రతి నలుగురిలో ఒకరు మహిళా అభ్యర్థే అని తెలిపారు. మహిళా కోటాలోనూ పోటీ పెరిగిందన్నారు. ఇటీవల 7,437 పోస్టుల భర్తీకి నోటిఫికేషన్‌ విడుదలైన విషయం తెలిసిందే.దరఖాస్తులు స్వీకరణ ప్రక్రియ కొనసాగుతోంది. బోర్డు ఈ నెల 16 వరకు దరఖాస్తులకు గడువు పెంచింది. ఈ నేపథ్యంలో పోలీస్‌ నియామక ప్రక్రియ, సిలబస్, పరీక్ష విధానం, సాంకేతికత వినియోగం తదితర అంశాలపై ‘సాక్షి’కి ఇచ్చిన ప్రత్యేక ఇంటర్వ్యూలో వీవీ శ్రీనివాసరావు ఆ వివరాలు వెల్లడించారు. ఇటీవల ప్రశ్నపత్రాల లీకేజీ ఘటనలు జరుగుతున్న దృష్ట్యా ఎలాంటి జాగ్రత్తలు తీసుకుంటున్నారు ?పోలీస్‌ ఉద్యోగాల ఎంపికలో రెండు దశల్లో రాత పరీక్షలు ఉంటాయి. లీకేజీకి ఆస్కారం లేకుండా గత రిక్రూట్‌మెంట్‌ల కంటే మరింత పకడ్బందీగా జాగ్రత్తలు తీసుకుంటున్నాం. పారదర్శకత విషయంలో 40 ఏళ్లుగా పోలీస్‌ రిక్రూట్‌మెంట్‌ బోర్డుకు ప్రత్యేక చరిత్ర ఉంది. ఇతర రాష్ట్రాల రిక్రూట్‌మెంట్‌ బోర్డులు సైతం మన విధానాలు అనుసరిస్తున్నాయి. పేపర్‌ లీకేజీని అరికట్టేందుకు ఏం చర్యలు తీసుకుంటామన్నది గోప్యత పాటించాల్సిన అవసరం ఉంది కాబట్టి ఈ అంశంపై ఇంతకంటే లోతుగా వివరాలు చెప్పడం సరికాదు. ఈసారి సిలబస్‌లో ఏమైనా మార్పులు చేశారా?మారుతున్న పరిస్థితులకు తగ్గట్టుగా 2022 రిక్రూట్‌మెంట్‌లోనే సిలబస్‌లో మార్పులు చేశాం. ఈ రిక్రూట్‌మెంట్‌కు సంబంధించి సిలబస్‌లో ఎలాంటి పెనుమార్పులు లేవు. ఈ నోటిఫికేషన్‌లో ఆధార్‌ అథెంటికేషన్‌ తీసుకోవడానికి కారణం ?పోలీస్‌ రిక్రూట్‌మెంట్‌ ప్రిలిమ్స్, దేహదారుఢ్య పరీక్షలు, మెయిన్స్‌ ఎగ్జామ్‌. ఇలా మూడు అంచెల్లో చేయాల్సి ఉంది. ఒక అభ్యర్థి బదులు నకిలీ అభ్యర్థి రాకుండా నిరోధించేందుకు ఫేషియల్‌ రికగ్నైజేషన్‌ కోసం ఈసారి దేశంలోనే తొలిసారి తెలంగాణ పోలీస్‌ రిక్రూట్‌మెంట్‌ బోర్డు ఆధార్‌ అథెంటికేషన్‌ను వాడబోతోంది. ఈసారి అన్ని పోస్టులకు కలిపి ఎంత మంది దరఖాస్తు చేసే అవకాశముంది? ఇటీవల చేసిన పోలీస్‌ టెరిటరీల పునర్విభజనపై ప్రెసిడెన్షియల్‌ ఆర్డర్‌ రాని కారణంగా హైదరాబాద్, సైబరాబాద్, మల్కాజ్‌గిరి, యాదాద్రి భువనగిరి పరిధిలో ఖాళీలను ఈ నోటిఫికేషన్‌లో చేర్చలేదు. అందుకే గత రిక్రూట్‌మెంట్‌తో పోలిస్తే ఈసారి దాదాపు 40 నుంచి 50 శాతం పోస్టులు ఈ నియామక ప్రక్రియ పరిధిలోకి రాలేదు. గతంతో పోలిస్తే కొన్ని విభాగాలు సైతం తగ్గాయి. కాబట్టి ఈసారి సుమారు నాలుగు లక్షల మంది దరఖాస్తు చేయొచ్చని అంచనా వేస్తున్నాం. ఈ నోటిఫికేషన్‌లో కీలకమైన మార్పులేంటి?అగ్నిమాపక శాఖ, స్పెషల్‌ ప్రొటెక్షన్‌ ఫోర్స్‌లో మొట్టమొదటిసారి అన్ని పోస్టుల్లో మహిళలకు 33 శాతం రిజర్వేషన్‌ అమలు చేస్తున్నాం. ఈ రెండు శాఖల్లో ఇప్పటి వరకు మహిళా ఉద్యోగులు లేరు. అభ్యర్థుల గరిష్ట వయోపరిమితి పెంపు మరో కీలక అంశం. కానిస్టేబుల్‌కు 34 ఏళ్లు, ఎస్‌ఐకు 37 ఏళ్ల వరకు దరఖాస్తు అర్హత వచ్చింది. ప్రిలిమినరీ పరీక్షలో ఎస్సీ, ఎస్టీలకు క్వాలిఫై మార్కునే హోంగార్డులకు వర్తింపజేస్తూ మరో కీలక నిర్ణయం ఉంది. పోలీస్‌ ఉద్యోగాలు ఇప్పిస్తామని డబ్బులు వసూలు చేసేవారి విషయంలో ఎలాంటి చర్యలు తీసుకుంటున్నారు ?పోలీస్‌ నియామకాల్లో ఎలాంటి అక్రమాలకు తావులేదు. అభ్యర్థి వారీగా అన్ని దశల్లో వివరాలు వారికి పీడీఎఫ్‌ రూపంలో అందజేస్తాం. దళారులను నమ్మి మోసపోవద్దని అభ్యర్థులకు సూచిస్తున్నాం. పోలీస్‌ ఉద్యోగాలిస్తామని మోసగించే దళారులు, మోసగాళ్లను పట్టించినవారికి రూ.5 లక్షల నగదు బహుమతి బోర్డు తరఫున ఇస్తామని ప్రకటిస్తున్నాను.గత రిక్రూట్‌మెంట్‌తో పోలిస్తే పీఎంఈ, పీఈటీ పరీక్షల్లో ఏమైనా మార్పులు చేశారా? ఫిజికల్‌ టెస్ట్‌లో పారదర్శకతకు సాంకేతిక పరిజ్ఞానం వాడుతున్నారా?గత రిక్రూట్‌మెంట్‌తో పోలిస్తే శారీరక కొలతల పరీక్షలు (పీఎంటీ), శారీరక దారుఢ్య పరీక్షలు (పీఈటీ)ల్లో ఎలాంటి మార్పులు లేవు. దేహ దారుఢ్య పరీక్షల్లో ఎలాంటి అవకతవకలకు తావులేకుండా మైదానంలోకి వెళ్లే ముందే అభ్యర్థుల చేతికి రిస్ట్‌ బ్యాండ్‌ వేస్తాం. ఆ అభ్యర్థి ఎక్కడ ఉన్నా, అతడి వివరాలు నమోదవుతాయి. ఒకరి బదులు మరొకరు ఈవెంట్స్‌లో పాల్గొనలేరు. పరుగుపందెంలో కచ్చితమైన సమయం గుర్తించేలా ఆర్‌ఎఫ్‌ఐడీ (రేడియో ఫ్రీక్వెన్సీ ఐడెంటిఫికేషన్‌) సాంకేతికత, ఎత్తును కొలిచేందుకు డిజిటల్‌ మెజర్‌మెంట్‌తోపాటు టేప్‌ వాడడం. ఈ మొత్తం ప్రక్రియ నమోదుకు సీసీటీవీ కెమెరాల వినియోగం..ఇలా అవకాశమున్న అన్ని అంశాల్లో సాంకేతికత వినియోగం పెంచాం.పరిగెట్టు.. జాబ్‌ కొట్టు..పోలీసు ఉద్యోగాల నోటిఫికేషన్‌ వెలువడటంతో పాటు, వయో పరిమితి పెంచడంతో నల్లగొండ నాగార్జున కళాశాల మైదానంలో తెల్లవారు జామున రన్నింగ్, లాంగ్‌ జంప్‌ ప్రాక్టీస్‌ చేస్తున్న అభ్యర్థులు– సాక్షి స్టాఫ్‌ ఫొటోగ్రాఫర్, నల్లగొండ

సాక్షి టాస్క్ ఫోర్స్‌: తిరుపతి రుయా ఆస్పత్రి వద్ద స్టైపెండ్‌ కోసం నిరసన తెలుపుతున్న పారా మెడికల్‌ విద్యార్థులపై పోలీసులు ఒక్కసారిగా విరుచుకుపడ్డారు. శనివారం ఉదయం నిరసనలో భాగంగా పారామెడికల్‌ విద్యార్థులు తిరుపతి రుయా ఆసుపత్రి ధర్నా శిబిరం నుంచి అలిపిరి వరకు నిరసన ర్యాలీ చేపట్టారు. వీరికి మద్దతుగా తిరుపతి జిల్లా ఎస్‌ఎఫ్‌ఐ కమిటీ ర్యాలీలో పాల్గొంది. అలిపిరి సర్కిల్‌ వద్ద అప్పటికే పెద్ద సంఖ్యలో మోహరించి ఉన్న పోలీసులు విద్యార్థుల ర్యాలీని అడ్డుకునే ప్రయత్నం చేశారు. శాంతియుతంగా న్యాయమైన డిమాండ్లపై ధర్నా చేస్తున్న తమను అడ్డుకోవడం ఏమిటని విద్యార్థులు పోలీసులను నిలదీశారు. దీంతో అలిపిరి వద్ద ఒక్కసారిగా ఉద్రిక్త పరిస్థితులు నెలకొన్నాయి. విచక్షణ కోల్పోయిన పోలీసులు నిరసన తెలుపుతున్న విద్యార్థులను అరెస్ట్‌ చేసేందుకు ప్రయత్నించారు. ఏం తప్పు చేశాం.. ఎందుకు అరెస్ట్‌ చేస్తారని విద్యార్థులు పెద్ద సంఖ్యలో అడ్డుపడటంతో ఆగ్రహించిన పోలీసులు పశువులను ఈడ్చినట్లు విద్యార్థులను ఈడ్చుకెళ్లారు. జుట్టుపట్టి ఈడ్చుకుంటూ.... పారామెడికల్‌ విద్యార్థుల సమస్యలపై నిరసన తెలుపుతున్న తమపై పోలీసులు దారుణంగా ప్రవర్తించారని ఎస్‌ఎఫ్‌ఐ జిల్లా అధ్యక్ష, కార్యదర్శులు పవిత్ర, అక్బర్‌ ఆగ్రహం వ్యక్తం చేశారు. రుయా ఆసుపత్రి సర్కిల్‌ నుంచి అలిపిరి వరకు ర్యాలీ చేస్తుండగా, పోలీసులు అడ్డుకుని ఎస్‌ఎఫ్‌ఐ జిల్లా నాయకురాలు సునీతను జుట్టుపట్టి ఈడ్చుకెళ్లి అరెస్ట్‌ చేశారని ఆరోపించారు. ఇంత దారుణంగా విద్యార్థులపైన, విద్యార్థి నాయకులపైనా పోలీసులు ప్రవర్తించడం గతంలో ఎన్నడూ లేదని ఆవేదన వ్యక్తం చేశారు. జరిగిన ఘటనకు సంబం«ధించి వీడియోలు బయటకు వెళితే కేసులు పెడతామంటూ బెదిరింపులకు దిగుతున్నారని వాపోయారు. భయభ్రాంతులతో పరుగులు పెట్టిన విద్యార్థినులు అలిపిరి వద్ద జరిగిన సంఘటనతో స్థానిక ప్రజలు, ఆ ప్రాంతంలో ఉన్న భక్తులు ఒక్కసారిగా భయభ్రాంతులకు గురయ్యారు. నిరసన తెలుపుతున్న విద్యార్థులపై పోలీసులు వ్యవహరించిన తీరును వారు ప్రత్యక్షంగా చూసి ఆందోళన చెందారు. విద్యార్థులు వదలండి అంటూ కేకలు పెడుతున్నా వినకుండా అత్యంత క్రూరంగా లాగడంతో నిరసన తెలుపుతున్న విద్యార్థినులలో కొందరు భయభ్రాంతులకు లోనై రుయా ఆసుపత్రి వైపు పరుగులు పెట్టారు. విద్యార్థులపై దౌర్జన్యం దారుణం శాంతియుతంగా ప్రదర్శన నిర్వహించి తిరిగి వస్తున్న విద్యార్థినులపై పోలీసులు విరుచుకు­పడటాన్ని తీవ్రంగా ఖండిస్తున్నట్లు సీపీఎం రాష్ట్ర కమిటీ పేర్కొంది. ఈ మేరకు ఆ పార్టీ రాష్ట్ర కార్యదర్శి శ్రీనివాసరావు శనివారం ఒక ప్రకటన విడుదలచేశారు. ఎస్‌ఎఫ్‌ఐ జిల్లా నాయకురాలు సునీతను జుట్టుపట్టుకుని ఈడ్చుకెళ్లడాన్ని తీవ్రంగా ఖండిస్తున్నామని, విద్యార్థి నాయకులు, విద్యార్థులపై పెట్టిన అక్రమ కేసులను తక్షనం ఎత్తివేయాలని సీపీఎం జిల్లా కార్యదర్శి వందవాసి నాగరాజు డిమాండ్‌ చేశారు. సమస్యలపై గళమెత్తిన విద్యార్థులపై తిరుపతి పోలీసులు వ్యవహరించిన తీరు అమానుషమని ఐద్వా తిరుపతి జిల్లా ప్రధాన కార్యదర్శి సాయిలక్ష్మి పేర్కొన్నారు. కాగా తిరుపతి గరుడ సర్కిల్‌ వద్ద జరిగిన ఘటన అనుకోకుండా జరిగిందని, విద్యార్థిని చేయి పట్టుకుని లాగే క్రమంలో అనుకోకుండా జుట్టు కూడా చేతికి చిక్కినట్లు ఫొటోలో కనిపిస్తోందని ఏఎస్పీ రవిమనోహరా చారి అన్నారు. అయినప్పటికీ ఏఎస్సై లక్ష్మీకుమారిని వీఆర్‌కు పంపించినట్లు ఆయన తెలిపారు. హక్కుగా రావాల్సిన స్టైపెండ్‌ అడిగితే అమానుషంగా దాడిచేస్తారా హక్కుగా రావాల్సిన స్టైపెండ్‌ చెల్లించాలని, తమ చదువులు సజావుగా కొనసాగేందుకు ప్రభుత్వం చర్యలు తీసుకోవాలని కోరుతూ తిరుపతిలోని అలిపిరి వద్ద నిరసన చేపట్టిన పారామెడికల్‌ విద్యార్థులపై పోలీసులు చేసిన దాడి అమానుషం. దీన్ని తీవ్రంగా ఖండిస్తున్నాం. విద్యార్థినులను జుట్టు పట్టుకుని నడిరోడ్డుపై ఈడ్చుకెళ్లడం దారుణం. ప్రభుత్వం వెంటనే స్పందించి వారి సమస్యలను పరిష్కరించాలి. – డాక్టర్‌ మద్దిల గురుమూర్తి, తిరుపతి ఎంపీ

పుణె: సోషల్ మీడియా ఇన్ఫ్లుయెన్సర్, ప్రముఖ సివిక్ యాక్టివిస్ట్ సంతోష్ పండిట్ అరెస్ట్ ఉదంతం మహారాష్ట్రలో తీవ్ర చర్చనీయాంశమైంది. మహరాష్ట్ర మంత్రి చంద్రకాంత్ పాటిల్, మహిళా కార్పొరేటర్‌పై అనుచిత వ్యాఖ్యలు చేశారన్న ఫిర్యాదుల నేపథ్యంలో పుణె పోలీసులు ఆయన్ని అరెస్ట్ చేశారు. సెప్టెంబర్ 3 తెల్లవారు జామున సుమారు ఒంటి గంట ప్రాంతంలో పుణె పోలీసులు కొత్రుడ్‌లోని ఆయన నివాసానికి వెళ్లి అదుపులోకి తీసుకున్నారు. పలు సెక్షన్ల కింద కేసులు నమోదు చేశారు.పోలీసు కస్టడీ ముగిసిన తర్వాత సంతోష్ పండిట్‌ను కోర్టులో హాజరుపరచగా, విచారణ జరిపిన న్యాయస్థానం ఆయనకు 14 రోజులు జ్యుడీషియల్ కస్టడీ విధించింది. పుణె నగరంలో రోడ్ల దుస్థితి, ప్రమాదకర గుంతలు, వీఐపీ ట్రాఫిక్ నిబంధనల ఉల్లంఘనలపై వినూత్న రీతిలో నిరసనలు తెలుపుతూ సంతోష్ పండిట్‌కు సోషల్ మీడియాలో భారీ ఫాలోయింగ్ ఏర్పడింది. రాజకీయ నాయకులను, అధికారులను ప్రశ్నిస్తూ ఆయన చేసిన వీడియోలు వైరల్ అయిన వేళ, పోలీసులు అర్ధరాత్రి సమయంలో ఆయనను అరెస్ట్ చేయడం పట్ల సోషల్ మీడియాలో పెద్ద ఎత్తున విమర్శలు, చర్చలు వెల్లువెత్తాయి. ప్రజా సమస్యలను ఎత్తిచూపుతున్న ఆయన గొంతును అణచివేసేందుకే ఈ అరెస్ట్ జరిగిందంటూ ఆయన మద్దతుదారులు ఆరోపిస్తుండగా.. చట్ట వ్యతిరేక, దూషణపూరిత వ్యాఖ్యలు చేయడం వల్లే చర్యలు తీసుకున్నట్లు పోలీసులు స్పష్టం చేశారు.Pune civic activist Santosh Pandit was reportedly detained at midnight after complaints over videos criticizing potholes, civic issues, VIP culture, and politicians.FT- Muskan Lodhi#TheCSRJournal #PuneNews #CivicActivism #FreeSpeech pic.twitter.com/uWVDfSNeQS— The CSR Journal (@thecsrjournal) September 7, 2026

సాక్షి, హైదరాబాద్‌: బొల్లారం ఆయుధాల చోరీ కేసులో కీలక పరిణామం చోటు చేసుకుంది. మహబూబ్‌నగర్‌లోలో రిటైర్డ్‌ ఆర్మీ అధికారి ఇంట్లో ఆయుధాలు స్వాధీనం చేసుకున్నారు. హైదరాబాద్‌ శివారు ప్రాంతంలో రిటైర్డ్‌ అధికారి నివాసం ఉంటున్నారు. బుల్లెట్స్‌ ఇచ్చే అమ్నేషన్‌ సెక్షన్‌ ఇంచార్జి సహకారంతో చోరీ చేశారు. ఈ కేసుల కేసులో నలుగురిని పోలీసులు అరెస్ట్‌ చేశారు. చోరీ కేసు వివరాలను డీజీపీ సీవీ ఆనంద్‌ మీడియాకు తెలిపారు.‘‘గత నెల ఆగస్టు 30న తెల్లవారుజామున మద్రాస్ రెజిమెంట్ ఆయుధ గారంలో జరిగిన చోరీ కేసును చేధించాం. మద్రాస్ రెజిమెంట్ ఆర్మీ ఆయుధగారంలో కొన్ని ఆయుధాలు ఆ రోజు దొంగిలించబడ్డాయి. 30వ తేదీ ఉదయం ఆర్మీ ఉద్యోగి వినోద్ కుమార్ తాళాలు పగలగొట్టి ఉన్న విషయం గుర్తించి ఆర్మీ అధికారులను అప్రమత్తం చేశాడు. ఆ తర్వాత బ్రిగేడియర్ ఇచ్చిన పిర్యాదు మేరకు కేసు నమోదు చేశారు. ఏడు పిస్టళ్లతో పాటు నాలుగు ఏకే 203, ఒక ఇన్సాస్ నైట్ విజన్ బైనాక్యులర్ చోరీకి గురయ్యాయి. రెండో బిల్డింగ్‌ నుంచి మందగుండు ఉన్న బాక్సులు మిస్ అయ్యాయి...ఉమ్మడిగా మల్కాజిగిరి పోలీసులు, మిలిటరీ ఇంటెలిజెన్స్, సిటీ టాస్క్ ఫోర్స్ పోలీసులు సంయుక్తంగా దర్యాప్తు చేశారు. మొదటి దశలో ఇన్‌సైడర్ వ్యక్తులు తప్ప బయట వ్యక్తులు చోరీ చేసే అవకాశం లేదు అని నిర్ధారణకు వచ్చాము. సులువుగా కేసు క్లోజ్ అవుతుందనుకున్నాం.. కానీ కాలేదు. అనుమానితులను ప్రశ్నిస్తే ఎలాంటి లీడ్ దొరకలేదు. అనుమానితులను ప్రశ్నిస్తే ఎలాంటి లీడ్ దొరకలేదు. ఆయుధ గారానికి ఎవరెవరికి అనుమతి ఉంది. వారిని లిస్ట్ ఔట్ చేశాము. ముందుగా పది మందినీ గుర్తించాము. ఆయుధగారం వద్దకు ఆరుగురు సభ్యుల మూవ్మెంట్ కంటిన్యుగా ఉంటుంది. వారిని షార్ట్ లిస్ట్ చేసి విచారించారు...ఏడుగురు ఎలక్ట్రిషియన్, ప్లంబర్.. పనిష్మెంట్ పై వెళ్లిన 36 మందిని కూడా గుర్తించాం. లీవ్‌లో వెళ్లిన 54 మందిని గుర్తించి విచారించాము. సర్వీస్‌లో ఇండిసిప్లిన్ కారణంగా విధులకు దూరంగా ఉన్న ఏడుగురును కూడా విచారించాము. కోపంతో ఎవరైనా ఇలా చేశారా అనే కోణంలో అని దర్యాప్తు చేశాము. వారం రోజులు భిన్న కోణాల్లో క్రాస్ వెరిఫికేషన్ చేశాము. డ్రగ్ మాఫియా కనెక్షన్ యాగిల్‌లో దర్యాప్తు చేశాము.. స్పై నెట్‌వర్క్ కోణంలో కూడా విచారణ చేశాము. బృందాలుగా ఏర్పడి సీసీటీవీ డాగ్ స్క్వాడ్ ఫింగర్ ప్రింట్. మొబైల్ సిగ్నల్స్ ఈ కేసు దర్యాప్తు చేశారు. ముందుగా ఇద్దర్ని మెయిన్ సస్పెక్ట్‌గా భావించాం.. ఆయుధగారంలో ఇంఛార్జ్‌ వినోద్ కుమార్ శ్రీరామ్ ప్రసాద్ అనుమానితులుగా భావించి విచారించాం...ఇద్దర్ని విచారించిన కూడా ఎటువంటి క్లూ దొరకలేదు.. ఇదే క్రమంలో ఏడుగురు పెన్షన్ అవుట్ పర్సన్స్‌లో ఇద్దర్ని విచారించాం. ప్రకాశం జిల్లాను చెందిన ఓ హవల్దార్తో పాటు, మల్లేష్ అనే మరో హవల్దార్ విచారించారు. జూన్ ముప్పై తేదీన మల్లేష్‌ను హెల్త్, ఇన్ డిసిప్లిమరీ కారణంగా తీసేసారు. మల్లేష్ కంటోన్మెంట్ పక్కనే ఉన్న బాలాజీ నగర్‌లో ఉంటాడు అతనిపై అనుమానం రావడంతో అన్ని కోణంలో చెక్ చేశాము. ఏడో తేదీ మల్లేష్‌ను నాగర్ కర్నూల్‌లో ప్రశ్నించాము. ఆ సమయంలో సరిగా స్పందించలేదు. దీంతో అనుమానం పెరిగింది. అతని మొబైల్‌ను తీసుకుని అతన్ని నాగర్ కర్నూలు పోలీసులకు వాచ్‌లో పెట్టమని అడిగాము. మొబైల్‌లో చెక్ చేయగా వాట్సాప్ కాల్ లాగ్, చాట్లు అన్ని క్లియర్ చేసే ఉంది. విచారణలో అతను సమాధానం ఇచ్చే తీరు కూడా సస్పెక్ట్ అనిపించింది. అందుకే అతన్ని 8, 9 తేదీలలో విచారణకు రమ్మని చెప్పాము. అతని విచారణకు రాకుండా తప్పించుకున్నాడు.. ఆ తర్వాత భార్యకు కేసు తీవ్రత వివరించాం...ఆమె అతన్ని పదవ తేదీన విచారణకు తీసుకువస్తానని చెప్పింది. విచారణకు వచ్చే క్రమంలో భార్య అతన్ని గట్టిగా నిలదీసింది. దీంతో మల్లేష్ భార్య ముందు నిజం ఒప్పుకున్నాడు. దీంతో వారు మాకు సమాచారం ఇచ్చారు. అనంతరం మల్లేష్ నుండి వెపన్స్ రికవరీ చేశారు. 30వ తేదీ రాత్రి ఆయుధగారం వద్ద అతని కదలికలు ఉన్నాయి. 28, 29న ఆయుధాల చోరీ కోసం అతను రెక్కీ చేసాడు. సీసీటీవీ రాత్రి పూట పని చేయదని అతనికి తెలుసు. 30 నుండి రాత్రి బాలాజీ నగర్ నుండి కార్గిల్ గేట్ గుండా లోపలికి వచ్చాడు. ఆయుధ గారంలో తాళం పగల గొట్టి ఆయుధాలను ఒక్కొకటి తీసుకు చీకటి ఉన్న ప్రాంతంలో పెట్టాడు. మందగుండు ఉన్న గది దగ్గకు వెళ్ళి గంట సేపు శ్రమించి తాళం పగల గొట్టాడు. తాళం పగల గొట్టి మందగుండి సామాగ్రి తీసుకుని వెళ్ళాడు. ..దాదాపు గంట పాటు లోపలే ఉండి మందుగుండు సామగ్రిని ఆయుధాలను స్కూటీ లో పెట్టుకుని రెండు కిలోమీటర్ దూరంలో టెంపుల్ దగ్గర పెట్టాడు. మళ్ళీ వెనక్కి వచ్చి మ్యాగజీన్ కవర్ కోసం మళ్ళీ తిరిగి వెళ్ళాడు. అక్కడే ఉన్న ఆర్మీ జవాన్ అతని ప్రశ్నించగా తాను మద్రాస్ రెజిమెంట్ అని చెప్పాడు. ఆ తర్వాత మ్యాగజీన్లను బ్యాగ్‌లో పెట్టుకుని బాలాజీ నగర్‌లో ఉన్న ఇంటికి నాలుగు గంటల ముప్పై నాలుగు నిమిషాలకు వెళ్ళాడు. తిరిగి ఇంటి నుండి గుడి వద్దకు కారులో వచ్చి అక్కడ నుండి ఆయుధాలు తీసుకుని అక్కడ అచ్చంపేట వైపు వెళ్ళాడు...ఓఆర్ఆర్, సాగర్ హైవే, బొంగులూరు గేట్ వైపు వెళ్ళాడు. సీసీటీవీలు ఉంటాయి శ్రీశైలం హైవేను అవాయిడ్ చేశాడు. దిండి దగ్గర వెహికల్లో ఎక్కించుకుని పేమెంట్ తీసుకుని ఎవిడెన్స్ క్రియేట్ చేసాడు. ఉదయం పది గంటలకు అచ్చంపేట చేరుకున్నాడు. అక్కడే సొంత ఇంటి ముందు గడ్డివాము లాంటి ప్రాంతంలో మట్టి తీసి కప్పేశాడు. మళ్లీ ఐదు ఆరు రోజుల తర్వాత వాటిని తీసి పదరా గ్రామానికి షిఫ్ట్ చేశాడు. ఎనిమిదవ తేదీన మళ్ళీ ఆయుధాలను ఇంటికి తీసుకు వెళ్ళాడు. దీని తర్వాత పదవ తేదీ భార్య హైదరాబాద్ తీసుకుని వస్తున్న క్రమంలో నిజం ఒప్పుకుంటాడు. దీంతో కేసు కొలిక్కి వచ్చింది.. పది రోజుల పాటు కేసు ఆందోళన కలిగించింది’’ అని డీజీపీ సీవీ ఆనంద్‌ పేర్కొన్నారు.

కేపీహెచ్‌బీ అంటేనే రాత్రివేళల్లో అసాంఘిక కార్యకలాపాలకు అడ్డాగా మారిందన్న చర్చ కొంతకాలంగా కనిపిస్తోంది. సోషల్‌ మీడియాలోనూ దీనిపై జరిగే చర్చ చాలామందికి తెలిసే ఉంటుంది. తాజాగా ఇలాంటి కార్యకలాపాలకు చెక్‌ పెట్టేందుకు పోలీసులు రంగంలోకి దిగారు. రాత్రివేళల్లో రోడ్డుపై వెళ్లేవారిని ఆకర్షిస్తూ హల్‌చల్‌ చేస్తున్న పలువురిని కేపీహెచ్‌బీ సెక్టార్‌ ఎస్‌ఐ మౌనిక లాఠీతో తరిమికొట్టారు.కేపీహెచ్‌బీ ఫోర్త్‌ ఫేజ్‌ సరీ్వస్‌ రోడ్డు సమీపంలో కొన్ని రోజులుగా ట్రాన్స్‌జెండర్‌లు రాత్రి వేళల్లో ఆగడాలకు పాల్పడుతున్నారు. ఇటీవల వీరిని ఇన్‌స్పెక్టర్‌ విజయ్‌కుమార్‌ ఠాణాకు పిలిపించి హెచ్చరించారు. అయినా మార్పు రాలేదు. చెట్ల పొదల వద్ద రాత్రి వేళల్లో రోడ్డుపై వెళ్లేవారిని ఆకర్షిస్తూ హల్‌చల్‌ సృష్టిస్తున్నారు. విషయం తెలుసుకున్న సెక్టార్‌ ఎస్‌ఐ మౌనిక బుధవారం రాత్రి కారులో వచ్చి లాఠీ తీసుకుని చెట్ల పొదల్లోకి రావడంతో ట్రాన్స్‌జెండర్లు పరుగులు పెట్టారు. ఎస్‌ఐ ధైర్యంగా వెళ్లి ట్రాన్స్‌జెండర్లను తరిమి కొట్టడంపై స్థానికులు హర్షం వ్యక్తం చేస్తున్నారు. రోడ్ల పక్కన అసాంఘిక కార్యకలాపాలకు పాల్పడుతున్న వారిపై పోలీసులకు సమాచారం ఇవ్వాలని స్థానికులకు ఆమె సూచించారు. పలువురు ట్రాన్స్‌జెండర్లపై కేసులు నమోదు చేశారు.ఇప్పటికే హెచ్చరించినా తీరు మార్చుకోకపోవడంతో పోలీసులు ఈసారి కఠినంగా వ్యవహరించినట్లు తెలుస్తోంది. రోడ్ల పక్కన, నిర్మానుష్య ప్రాంతాల్లో అసాంఘిక కార్యకలాపాలు జరుగుతున్నట్లు గుర్తిస్తే వెంటనే పోలీసులకు సమాచారం ఇవ్వాలని ఎస్‌ఐ మౌనిక స్థానికులకు సూచించారు.At this point, KPHB is starting to look less like a residential area and more like Hyderabad’s unofficial red-light district.⁰How the hell did this happen? 🤦‍♀️ pic.twitter.com/ISCRPcCXl1— Shika Reddy (@Shika_Reddy) September 10, 2026

లక్నో: ప్రముఖ వ్యాపారి వినీత్‌ మనోచా హత్య కేసులో కోడలు షాలు(30) దారుణాలు ఒక్కొక్కటిగా వెలుగులోకి వస్తున్నాయి. సుఫారీ గ్యాంగ్‌ మనోచాను కత్తితో పొడుస్తున్న సమయంలో కోడలు షాలు బాలీవుడ్‌ ఓల్డ్‌ క్లాసిక్‌ పాటలకు డ్యాన్స్‌ చేస్తున్నట్లు తేలింది. సంబంధిత దృశ్యాలు వెలుగులోకి రాగా.. పోలీసులు విచారణలో కోడలు షాలు సైతం అంగీకరించింది. ఉత్తరప్రదేశ్‌ కాన్పూర్‌లో సంచలనం సృష్టించిన ప్రముఖ వ్యాపారి వినీత్ మీనోచా హత్య కేసుకు సంబంధించి విస్తుపోయే నిజాలు వెలుగులోకి వచ్చాయి. రూ.40 కోట్లకు పైగా టర్నోవర్ ఉన్న కుటుంబ వ్యాపారంలో తగిన స్వేచ్ఛ లేకపోవడం, చిన్న ఖర్చులకు కూడా మామను అడగాల్సి రావడం, ఇంట్లో సీసీటీవీల ద్వారా తన కదలికలపై నిరంతరం నిఘా పెట్టడంపై కోడలు షాలు తీవ్ర కక్ష పెంచుకుంది. అర్ధరాత్రి వరకు పార్టీలకు వెళ్లనివ్వకపోవడం, ఆలస్యంగా రావడాన్ని ప్రశ్నించడమే ఈ దారుణానికి ప్రధాన కారణమని తేలింది.పోలీసులు నిందితుల కాల్ డీటెయిల్ రికార్డ్స్‌ పరిశీలించగా షాకింగ్ విషయాలు తెలిశాయి. హత్యకు ముందు కేవలం 21 రోజుల్లో మాజీ పనిమనిషి విశాల్ గౌతమ్‌తో కుటుంబ సభ్యులు విపరీతంగా సంప్రదింపులు జరిపారు. కోడలు షాలు సుమారు 30 సార్లు, ఆమె భర్త సుబ్రత్ సుమారు 300 సార్లు విశాల్‌తో ఫోన్లో మాట్లాడారు. మొత్తం కలిపి ఈ సంఖ్య 330కి చేరింది. హత్య జరిగిన రోజు ఒక్కరోజే ఉదయం నుంచి రాత్రి వరకు షాలు, విశాల్ మధ్య ఏకంగా 14 సార్లు ఫోన్ కాల్స్ మాట్లాడినట్లు పోలీసులు గుర్తించారు.జూలై 28న ఆలస్యంగా ఇంటికి వచ్చిన షాలు మామతో గొడవ పడిన తర్వాతే ఈ హత్యకు ప్లాన్ వేసింది. మాజీ పనిమనిషి విశాల్‌ గౌతమ్‌కు రూ.6 లక్షలకు సుపారీ ఇచ్చి, ముందుగా రూ.2 లక్షలు చెల్లించి డూప్లికేట్ తాళం చెవిని అందజేసింది. పథకం ప్రకారం హత్యకు గురైన రోజు షాలు, ఆమె భర్త తమ బిడ్డతో కలిసి కాన్పూర్‌లోని కాస్మోజిన్ లాంజ్‌లో జరిగిన పార్టీకి వెళ్లారు.అక్కడ షాలు తన స్నేహితులతో కలిసి బాలీవుడ్ పాటలకు స్టెప్పులెస్తోంది. మరోవైపు మామను ఎలా హత్య చేయాలో నిందితులకు గైడెన్సీ ఇచ్చింది. సరిగ్గా అదే సమయంలో విశాల్, మరో నిందితుడు రాజ్ కిషోర్‌ మందులు ఇవ్వడానికి వచ్చామంటూ సెక్యూరిటీ గార్డ్‌ను నమ్మి లోపలికి వెళ్లారు. 63 ఏళ్ల వినీత్ మీనోచాను కత్తితో పొడిచి చంపారు.పోలీసుల అరెస్టుఅర్ధరాత్రి 3 గంటలకు షాలు దంపతులు ఇంటికి తిరిగి వచ్చేసరికి వినీత్ మీనోచా రక్తపు మడుగులో పడి ఉన్నారు. సీసీటీవీ ఫుటేజ్‌లు, కాల్‌డేటా ఆధారంగా దర్యాప్తు వేగవంతం చేసిన పోలీసులు, ఎన్‌కౌంటర్ తర్వాత నిందితులు విశాల్, రాజ్‌ కిషోర్‌లతో పాటు సూత్రధారైన కోడలు షాలును అరెస్టు చేశారు. మొదట అమాయకురాలిగా నటించినప్పటికీ, పోలీసుల విచారణలో షాలు తన నేరాన్ని అంగీకరించింది.

తెలంగాణ: రాష్ట్రంలో పోలీస్ ఉద్యోగాల కోసం ఎదురుచూస్తున్న అభ్యర్థులకు ప్రభుత్వం గుడ్‌న్యూస్ చెప్పింది. కానిస్టేబుల్ పోస్టులకు గరిష్ఠ వయోపరిమితిని మరో మూడేళ్లు పెంచుతూ ఉత్తర్వులు జారీ చేసింది. ఇప్పటికే ఇచ్చిన ఏడేళ్ల వయోపరిమితి సడలింపునకు అదనంగా మరో మూడేళ్లు పెంచడంతో మొత్తం పదేళ్ల వరకు వయోపరిమితి సడలింపు అందుబాటులోకి వచ్చింది.తెలంగాణ స్టేట్ లెవల్ పోలీస్ రిక్రూట్‌మెంట్ బోర్డు చేపట్టే నియామకాలకు ఈ సడలింపు వర్తించనుంది. పోలీస్ శాఖతో పాటు ఫైర్ సర్వీసెస్, జైళ్ల శాఖ, స్పెషల్ ప్రొటెక్షన్ ఫోర్స్ (SPF)లోని కానిస్టేబుల్ పోస్టులకు ఇది వర్తించనుంది. అలాగే, కానిస్టేబుల్‌తో సమాన హోదా కలిగిన ఇతర పోస్టులకు కూడా ఈ అదనపు వయోపరిమితి సడలింపు వర్తిస్తుందని ప్రభుత్వం స్పష్టం చేసింది.దీంతో వయోపరిమితి కారణంగా ఇప్పటివరకు పోలీస్ ఉద్యోగాలకు దూరమైన పలువురు అభ్యర్థులకు మరోసారి అవకాశం లభించనుంది. ముఖ్యంగా గత కొంతకాలంగా పోలీస్ నియామకాల కోసం ఎదురుచూస్తున్న అభ్యర్థులకు ఈ నిర్ణయం ఊరటనివ్వగా, రాబోయే నియామకాల్లో అర్హత కలిగిన మరికొందరు అభ్యర్థులు పోటీ పడేందుకు అవకాశం ఏర్పడింది.అయితే ఈ అదనపు మూడేళ్ల సడలింపుకు కొన్ని మినహాయింపులు ఉన్నాయి. పోలీస్ శాఖలోని పీసీ డ్రైవర్ పోస్టులకు ఈ సడలింపు చెల్లదని ప్రభుత్వం స్పష్టం చేసింది. దాంతో డ్రైవర్ పోస్టులకు దరఖాస్తు చేసుకునే అభ్యర్థులు ఆయా పోస్టులకు సంబంధించిన వయోపరిమితి నిబంధనలను ప్రత్యేకంగా పరిశీలించాలి.ఈ వయోపరిమితి పెంపునకు సంబంధించి తెలంగాణ ప్రభుత్వం సెప్టెంబర్ 9, 2026న ప్రభుత్వ ప్రధాన కార్యదర్శి సంజయ్ జాజు ఈ ఉత్తర్వులను జారీ చేశారు. ఇప్పటికే అమల్లో ఉన్న ఏడేళ్ల సడలింపునకు మరో మూడేళ్లు కలపడంతో మొత్తం పదేళ్ల వరకు సడలింపు లభించనుంది.దీంతో ప్రభుత్వం తీసుకున్న ఈ నిర్ణయం పోలీస్, ఫైర్, జైళ్లు, ఎస్‌పీఎఫ్‌ విభాగాల్లో కానిస్టేబుల్, సమాన హోదా పోస్టులకు సిద్ధమవుతున్న అభ్యర్థులకు ప్రయోజనం చేకూర్చనుంది. దరఖాస్తు చేసే ముందు అధికారిక నోటిఫికేషన్‌లో పేర్కొన్న వయస్సు, విద్యార్హతలు, శారీరక ప్రమాణాలు, ఇతర అర్హతలను అభ్యర్థులు తప్పనిసరిగా పరిశీలించాలని ప్రభుత్వం సూచించింది.ఇవి కూడా చదవండి: ఇందిరమ్మ టవర్స్‌ డిపాజిట్‌ వాపస్‌

లక్నో: ఉత్తరప్రదేశ్‌లోని గోరఖ్‌పూర్‌, దీనదయాళ్ ఉపాధ్యాయ గోరఖ్‌పూర్ విశ్వవిద్యాలయంలో ఉద్రిక్త పరిస్థితులు నెలకొన్నాయి. గత 2 వారాలుగా పలు సమస్యలపై ఆందోళన చేస్తున్న విద్యార్థులు అధికారులతో తీవ్ర వాగ్వాదానికి దిగారు.ఈ ఘటనకు సంబంధించిన వీడియో సామాజిక మాధ్యమాల్లో వైరల్‌గా మారింది. అందులో ఓ పోలీసు అధికారి నిరసన చేస్తున్న విద్యార్థులను తీవ్రంగా హెచ్చరిస్తూ కనిపించారు. క్యాంపస్‌లో అదనపు పోలీసు బలగాలను మోహరిస్తానని ఆయన హెచ్చరించారు.“ఇంకా బలగాన్ని రప్పిస్తాను.. మీరంతా సల్లబడేటట్టు చేస్తా. మేము గోరఖ్‌పూర్ పోలీసులమని గుర్తుంచుకోండి” అని పోలీసు అధికారి హెచ్చరించినట్లు వీడియోలో వినిపిస్తోంది. వీడియోలో పోలీసు అధికారి చేయి పైకెత్తి పిడికిలి బిగిస్తూ ఆగ్రహంగా మాట్లాడటం కనిపించింది. విద్యార్థులతో ఆయన వాగ్వాదానికి దిగిన సమయంలో కొన్ని అసభ్య పదాలు కూడా వినిపించాయి.ఈ ఘటనపై గోరఖ్‌పూర్ పోలీసులు ప్రకటన విడుదల చేశారు. బహిష్కరణకు గురైన కొందరు విద్యార్థులు విశ్వవిద్యాలయ ప్రాక్టర్‌తో సమావేశమైన సమయంలో పరిస్థితి అదుపు తప్పిందని పోలీసులు తెలిపారు. కొంతమంది విద్యార్థులు ఆగ్రహానికి గురై ప్రాక్టర్‌పై దాడి చేసేందుకు ప్రయత్నించారని పోలీసులు పేర్కొన్నారు.అక్కడ విధుల్లో ఉన్న పోలీసు సిబ్బంది వెంటనే జోక్యం చేసుకుని ప్రాక్టర్‌ను సురక్షితంగా బయటకు తీసుకెళ్లారని తెలిపారు. పరిస్థితిని అదుపులోకి తీసుకున్నామని చెప్పారు. ఈ ఘటనపై దర్యాప్తు కొనసాగుతోందని, అవసరమైన చట్టపరమైన చర్యలు తీసుకుంటున్నామని గోరఖ్‌పూర్ పోలీసులు తెలిపారు.పోలీసు అధికారి వ్యవహారంపై ప్రతిపక్షాల నుంచి విమర్శలు వచ్చాయి. నిరసన చేస్తున్న వారు విద్యార్థులని, నేరస్థులు కాదని గుర్తుంచుకుని సంయమనం పాటించాలని సమాజ్‌వాదీ పార్టీ అధినేత అఖిలేశ్ యాదవ్ అన్నారు.విద్యార్థుల నిరసనలు ఎందుకు?విశ్వవిద్యాలయంలో అవకతవకలు జరుగుతున్నాయనే ఆరోపణలతో విద్యార్థుల ఆందోళన తీవ్రతరమైంది. ఆగస్టు 25 నుంచి విద్యార్థులు క్యాంపస్‌లో నిరసన చేస్తున్నారు. 4 రోజుల క్రితం వారు నిరాహార దీక్ష కూడా ప్రారంభించారు. విశ్వవిద్యాలయ పరీక్షల నిర్వహణ సంస్థకు సంబంధించిన ఆర్థిక అవకతవకలపై విచారణ జరపాలని విద్యార్థులు డిమాండ్ చేస్తున్నారు. డిగ్రీలు, మార్కుల పట్టాలు తీసుకునేందుకు కూడా విద్యార్థుల నుంచి రుసుములు వసూలు చేస్తున్నారని వారు ఆరోపించారు. విద్యార్థి సంఘం ఎన్నికలు నిర్వహించకపోయినా విద్యార్థుల నుంచి విద్యార్థి సంఘం రుసుము వసూలు చేస్తున్నారని వారు ఆరోపించారు. వెంటనే ఎన్నికలు నిర్వహించాలని డిమాండ్ చేశారు. వసతి గృహాల్లో మెరుగైన భోజనం, ప్రాథమిక సదుపాయాలు కల్పించాలని విద్యార్థులు కోరుతున్నారు. ప్రధానమంత్రి ఉషా పథకం కింద విశ్వవిద్యాలయంలో చేపడుతున్న పనుల కేటాయింపులో పారదర్శకత ఉండాలని వారు డిమాండ్ చేశారు. బహిష్కరించిన విద్యార్థులను తిరిగి చేర్చుకోవాలని కూడా కోరుతున్నారు. తమ డిమాండ్లు నెరవేరే వరకు ఆందోళన కొనసాగుతుందని విద్యార్థులు స్పష్టం చేశారు.Chaos at Gorakhpur University as students on hunger strike erupt in protest.A Sub-Inspector arrives on the spot and threatens students: I’ll call so much force that I’ll cool you down. This is Gorakhpur Police.@myogiadityanath It’s 2026, and students are still being threatened… pic.twitter.com/pcL3h3LqUx— Voice of Hindus (@Voiceofhindus) September 9, 2026

థాయ్‌లాండ్‌ తూర్పు ప్రాంతంలోని ఓ పాఠశాల భవనంలో బుధవారం ఓ కిండర్‌గార్టెన్‌ టీచర్‌ను ఓ దుండగుడు కాల్చి చంపినట్లు అధికారులు తెలిపారు. పాఠశాలలో ఉన్న 44 మంది పిల్లలతో పాటు మరో ముగ్గురు టీచర్లను సురక్షితంగా బయటకు తరలించారు.ఈ దాడి చోన్‌బురి ప్రావిన్స్‌లోని నాంగ్‌ప్లాలై మున్సిపల్‌ కిండర్‌గార్టెన్‌లో ఉదయం 11 గంటల సమయంలో జరిగింది. బ్యాంకాక్‌కు ఆగ్నేయంగా సుమారు 150 కిలోమీటర్ల దూరంలో ఈ ప్రాంతం ఉంది. దాడిలో ఏ విద్యార్థికీ గాయాలు కాలేదని చోన్‌బురి ప్రావిన్షియల్‌ ప్రభుత్వం తెలిపింది.ఇటీవల మృతి చెందిన ఓ మహిళ భర్తగా భావిస్తున్న నిందితుడు కాల్పుల అనంతరం అక్కడి నుంచి పారిపోయాడు. పోలీసులు అతను ఉంటున్న ప్రాంతాన్ని చుట్టుముట్టారు. ఈ ఘటన అనంతరం పాఠశాలను మూసివేయాలని ఆదేశించారు. విద్యార్థులు, సిబ్బందికి మానసిక ఆరోగ్య నిపుణుల సహాయం అందించాలని చోన్‌బురి గవర్నర్‌ నరిట్‌ నిరమైవోంగ్‌ ఆదేశించారు.గతంలోనూ కాల్పులుఆగస్టులో 14 ఏళ్ల విద్యార్థి తన హైస్కూల్‌, నివాస ప్రాంతంలో కాల్పులు జరిపి 8 మందిని చంపి, 20 మందికి పైగా గాయపరిచాడు. ఘటన తర్వాత థాయ్‌లాండ్‌లో పాఠశాలల భద్రత, తుపాకీ హింసపై ఆందోళనలు పెరిగాయి. ఆ విద్యార్థి ఆత్మహత్య చేసుకున్నట్లు తెలుస్తోంది. ఈ నెల ప్రారంభంలో కాంఫెంగ్‌ ఫెట్‌ ప్రావిన్స్‌లో మరో 14 ఏళ్ల బాలుడిని పాఠశాలలో పలు రౌండ్లు కాల్పులు జరిపిన కేసులో అరెస్టు చేశారు. ఆ ఘటనలో ఎవరూ గాయపడలేదు.తుపాకులపై మరింత కఠిన నియంత్రణలు విధించాలనే డిమాండ్లు పెరుగుతున్నాయి. కొత్త తుపాకుల కొనుగోలు అనుమతులను నిలిపివేయడంతో పాటు ఇప్పటికే ఉన్న అనుమతులను సమీక్షించాలని థాయ్‌లాండ్‌ ప్రభుత్వం ఆదేశించింది. ఆసియాలో తుపాకుల యాజమాన్య రేటు అత్యధికంగా ఉన్న దేశాల్లో థాయ్‌లాండ్‌ ఒకటి.

కాకినాడ క్రైం: నిరుద్యోగ గుండెలపై ఖాకీ­లు దమనకాండ సాగించారు. ఉద్యోగాలివ్వమని అడిగిన పాపానికి ఉగ్రవాదుల్లా చూశారు. రాత్రంతా కాళరాత్రి కళ్లకుకట్టారు. మంగళవారం తెల్లవారుజామున నిద్రలో ఉండగా పోలీస్‌ శిక్షణ పొందుతున్న నిరుద్యోగుల హాస్టళ్లలోకి ముష్కర మూకలు తెగబడినట్టు పోలీసులు గుంపులుగా దూసుకొచ్చా­రు. తలుపులు కొట్టి, బలవంతంగా నెట్టి భయభ్రాంతులకు గురిచేశారు. ఎవడ్రా ఇక్కడ నిరసనలో పా­ల్గొన్నదని కళ్లెర్రజేశారు. నిరుద్యోగులపైనా, వారంతా చదువుతున్న విద్యా­సంస్థ యాజమాన్యంపైనా కేసులు నమోదు చేశారు. భవిష్యత్‌ను నాశనం చే­స్తాం.. ఖబడ్దార్‌.. అంటూ హెచ్చరించి మరీ వెళ్లారు. అసలేం జరిగింది... రాష్ట్ర వ్యాప్త పిలుపులో భాగంగా పోలీస్‌ నిరుద్యోగులంతా ఏకమయ్యారు. దశల వారీగా వివిధ జిల్లాల్లో చేపడుతున్నట్టుగానే రాష్ట్రంలో ఖాళీగా ఉన్న పోలీసు ఉద్యోగాలన్నీ భర్తీచేయాలని, తక్షణం ఉద్యోగ ప్రకటన విడుదల చేయాలనే డిమాండ్లతో సోమవారం కాకినాడలో భారీ నిరసన చేపట్టారు. శారదాదేవి జంక్షన్‌కు సోమ­వారం ఉదయం సుమారు 1,000 మంది నిరుద్యోగులు చేరుకుని అక్కడి నుంచి భానుగుడి కూడలి వరకు నిరుద్యోగ భృతి కాదు.. ఉద్యోగాలు కావాలని డిమాండ్‌ చేస్తూ సీఎం బాబు, ఉప ముఖ్యమంత్రి పవన్‌ కళ్యాణ్, హోంమంత్రి అనితల తీరును నిరసించారు. 12 వేలకుపైగా ఖాళీలు ఉంటే కేవలం 1500కు అటుఇటుగా పోస్టులు విడుదల చేస్తారన్న విషయం తెలియవచ్చిందని, అదే జరిగితే తమ భవిష్యత్‌ ప్రశ్నార్థకమవుతుందని ఆవేదన వెళ్లగక్కారు. నోటిఫికేషన్లు ఇవ్వడం ఆలస్యమవుతుండడం వల్ల వ­యోపరిమితి మినహాయింపునివ్వాలని డిమాండ్‌ చేశారు. భానుగుడి వరకు భారీ ప్రదర్శనగా వెళ్లి అక్కడి నుంచి కలెక్టరేట్‌ ఆవరణను చేరుకొని ధర్నా చేపట్టారు., పాలకుల విధానాలకు వ్యతిరేకంగా నినాదాలు చేశారు. అణగదొక్కాలని హుకుంసోమవారం కాకినాడలో జరిగిన నిరసన ప్రదర్శన జిల్లా పోలీస్‌ శాఖకు సవాల్‌ విసిరినట్టయింది. రాష్ట్రంలో మరెక్కడా జరగనంత ఉధృతంగా కాకినాడలో ఈ నిరసన జరగడంతో పోలీసులే కంగుతిన్నారు. ఇది పాలకులకు ఆగ్రహం తెప్పించింది. దీంతో ప్రభుత్వం జిల్లా పోలీసుల తలంటింది. తక్షణం ఆందోళన చేసిన వారిని అణగదొక్కాలని, మళ్లీ నిరసన చేపట్టాలంటే భయపడేలా చేయాలని హుకుం జారీచేసింది. దీంతో పోలీసులు పేట్రేగిపోయారు. పైశాచికత్వానికి పదునుపెట్టారు. నిరుద్యోగులు, వారు శిక్షణ తీసుకుంటున్న సంస్థలపై సోమవారం రాత్రి నుంచి మంగళవారం తెల్లవారుజాము వరకు తమ ప్రతాపాన్ని చూపించారు. హాస్టళ్లలోకి చొరబడి భయానక వాతావరణం సృష్టించారు. రాత్రంతా ప్రత్యక్ష నరకం.. సోమవారం రాత్రి నుంచే పోలీసులు హాస్టళ్లపై దాడులు చేపట్టారు. విద్యుత్‌ నగర్‌లో ఉన్న శ్యామ్‌ ఇన్‌స్టిట్యూట్‌కి వెళ్లే దారులన్నింటిలోనూ పోలీసులు మోహరించి తమ జీపులను నిలిపారు. అటుగా వెళుతున్న విద్యార్థులు ప్రతి ఒక్కరినీ ఆపి ఆరా తీశారు. గుర్తింపు కార్డులను పరిశీలించి వ్యక్తిగత ఆరాలూ తీశారు. ఎందుకని ప్రశ్నిస్తే తాట­తీ­స్తామని హెచ్చరించారు. రాత్రి అంతా ఇన్‌స్టిట్యూ­ట్‌ చుట్టూ, అలాగే అక్కడి విద్యార్థులు ఉంటున్న హాస్టళ్ల చుట్టూ కలియదిరిగారు. మఫ్టీలో మాయ చేసి, సెల్‌ఫోన్‌ కెమెరాలతో అటుగా వెళుతున్న ప్రతి ఒక్కరి కదలికలను రికార్డు చేశారు. కర్ఫ్యూ వాతావరణాన్నే సృష్టించారు. కాళరాత్రిని కళ్లకు కట్టారు. తెల్లవారుజామున హాస్టళ్లలోకి చొరబడ్డా­రు. తలుపులు బాదుతూ, నెడుతూ నిరుద్యోగులను భయభ్రాంతులకు గురిచేశారు. ఆడా మగా తేడా లేకుండా విచక్షణ కోల్పోయి ప్రవర్తించారు. మహిళా అభ్యర్థులు నైట్‌ డ్రెస్‌లలో ఉండగానే పోలీసులు ఫొటోలు తీశారని బాధితులు ఆవేదన వ్యక్తం చేశారు. ఆధార్‌ సహా గుర్తింపు కార్డుల ఫొటోలు తీసుకున్నారని పేర్కొన్నారు, వ్యక్తిగత అంశాలనూ ప్రశ్నించి వెకిలిచేష్టలతో నరకం చూ­పారని ఆగ్రహం వ్యక్తం చేశారు. ఇలాంటి నిరసనల్లో పాల్గొంటే భవిష్యత్‌ నాశనం చేస్తామని హెచ్చరించి వెళ్లారని విమర్శించారు. ఈలోపు శ్యామ్‌ ఇన్‌స్టిట్యూట్‌ అధినేత గుంటూరి శ్యామ్‌ అక్కడికి వచ్చి తనిఖీలకు అనుమతులు ఉన్నా­యా అని ప్రశ్నిస్తే, అవసరం లేదని పోలీసులు మరింత చెలరేగిపోయారు. నలుగురిపై కేసులు నమోదు.. ఉద్యోగ ప్రకటన పేరుతో శ్యామ్‌ ఇన్‌స్టిట్యూట్‌ అధినేత శ్యామ్‌ నిరుద్యోగులను రెచ్చగొట్టి రోడ్డెక్కించారని, ఇందులో ఎస్‌ఎఫ్‌ఐ, డీవైఎఫ్‌ఐ నే­త­లు భాగమయ్యారని పోలీసులు ఆరోపించారు. ఈ నేపథ్యంలో గుంటూరి శ్యామ్‌తో పాటు డీవై­ఎఫ్‌ఐ జిల్లా నాయకుడు తొట్టిపూడి రాజా, ఎస్‌ఎఫ్‌ఐ జిల్లా ఉపాధ్యక్షుడు మదిన గంగా సూరిబాబు, డీవైఎఫ్‌ఐ రాష్ట్ర కమిటీ సభ్యుడు రాజేష్ ­లపై కేసులు నమోదు చేసినట్టు కాకినాడ త్రీటౌన్‌ సీఐ సత్యనారాయణ తెలిపారు. మొత్తం ఏడు సెక్షన్ల కింద కేసులు నమోదు చేసినట్టు వివరించారు. శ్యామ్‌ ఇన్‌స్టిట్యూట్‌ అధినేత కన్నీటి పర్యంతం తమ సంస్థ హాస్టల్లో ఉన్న వి­ద్యార్థులు, నిరుద్యోగులపై పో­లీసులు దాడులు చేయడంపై శ్యామ్‌ ఇన్‌స్టిట్యూట్‌ అధినేత గుంటూరి శ్యామ్‌ ఆవేదన వ్యక్తం చేశారు. ధర్నాకు తమ సంస్థకు సంబంధం లేదన్నా.. పోలీసులు వినలేదని కన్నీటిపర్యంతమయ్యారు. చెబితే విని నిరసనలు చేయడానికి నిరుద్యోగులు చిన్నపిల్లలేం కాదని, డిగ్రీలు, పీజీలు చదివిన వారని, ఎంతోకాలంగా శిక్షణ పొందినా ఉద్యోగం రాలేదనే ఆవేదనతోనే నిరసన బాట పట్టి ఉంటారని పేర్కొన్నారు. ఇప్పుడు అత్యుత్సాహం ప్రదర్శించిన పోలీసులూ ఒక్కప్పుడు ఉద్యోగాల కోసం వేదన పడ్డవారేనని గుర్తుంచుకోవాలని హితవుపలికారు. జి­ల్లా­లో ఏ నేరం జరిగినా తమ సంస్థలో శిక్షణ పొందుతున్న నిరుద్యోగుల మీదకే నెట్టడం వారి భవితను కాలరాయడమేనని ఆవేదన వ్యక్తంచేశారు. తప్పు చేస్తున్న వారు ఉంటే చట్టప్రకారం చర్యలు తీసుకోవాలని, కక్ష సాధింపు చర్యలు మా­నుకోవాలని కోరారు. పోలీసులు సోమవారం మధ్యా­హ్నం తమ విద్యార్థులను పోలీసుస్టేషన్‌కు పిలిచి విచారణ పేరుతో రాత్రి వరకు ఉంచారని, మళ్లీ తెల్లవారుజామున దాడులకు తెగబడ్డారని ఆక్రోశించారు. తమ సంస్థలో శిక్షణ పూర్తిచేసుకున్న వారు ఒకే గదిలో ఇద్దరు, ముగ్గురు ఉంటూ తినీతినక కష్టాలు పడుతున్నారని వారి వేదన చూడలేక సీఎం చంద్రబాబును కలిసి పోలీసు శాఖలో ఉద్యోగాలు పెంచాలని కోరానని గుర్తుచేశారు. అనుమతిలేకుండా ర్యాలీ నిరుద్యోగులను రెచ్చగొ­ట్టి దురుద్దేశంతో రోడ్డెక్కించారు. శ్యామ్‌ ఇన్‌స్టిట్యూట్‌లో ఉన్న సెంట్రల్‌ మైక్‌లో నిరసనల సమాచారం పంచుకున్నారు. ఈ విషయం అధినేత శ్యామ్‌కు తెలిసే జరిగింది. నిరుద్యోగులపై కేసులేవీ పెట్టలేదు. శ్యామ్‌ సహా మరో ముగ్గురు ఎస్‌ఎఫ్‌ఐ, డీవైఎఫ్‌ఐ నాయకులపై కేసులు నమోదు చేశాం. పోలీసుల అనుమతి తీసుకోకుండానే ర్యాలీ నిర్వహించారు. స్వాతంత్య్ర దినోత్సవం నాడూ డిప్యూటీ సీఎం కారును శ్యామ్‌ ఇన్‌స్టిట్యూట్‌లో శిక్షణ పొందుతున్న అభ్యర్థులు అడ్డుకోబోయారు, అలాగే, పలు నేరాల్లో కూడా కొందరు భాగమవుతున్నారు. వీటి వెనుక నిజానిజాలు తెలుసుకునేందుకే హాస్టళ్లలో తనిఖీలు నిర్వహించాం. మేం ఎవరినీ ఉగ్రవాదుల్లా పరిగణించలేదు, నిబంధనలకు లోబడే తనిఖీలు చేశాం. – మహంతి కిషోర్‌కుమార్, ఇన్‌చార్జి ఎస్పీ, అదనపు ఎస్పీ, కాకినాడ జిల్లా

హైదరాబాద్‌: తెలంగాణ పోలీస్‌ శాఖలో 17 మంది డీఎస్పీ స్థాయి అధికారులకు బదిలీలు, పోస్టింగ్‌లు కల్పిస్తూ డీజీపీ సి.వి.ఆనంద్‌ ఉత్తర్వులు జారీ చేశారు. పోలీస్‌ ఎస్టాబ్లిష్‌మెంట్‌ బోర్డు సిఫారసుల మేరకు ఈ ఉత్తర్వులు వెలువడ్డాయి. బదిలీ అయిన అధికారులను వెంటనే రిలీవ్‌ చేసి, వారికి కేటాయించిన కొత్త స్థానాల్లో విధుల్లో చేరేలా చర్యలు తీసుకోవాలని సంబంధిత యూనిట్‌ అధికారులను డీజీపీ ఆదేశించారు.అధికారులు ఎవరెవరు.. ఎక్కడికి బదిలీ అయ్యారంటే..?1. కె. బాలకృష్ణారెడ్డి – వెయిటింగ్‌లో ఉన్న ఆయనను మల్కాజిగిరి సైబర్‌ క్రైమ్స్‌ ఏసీపీగా నియమించారు.2. ఎస్‌.జి. శివశంకర్‌ – ప్రస్తుతం మల్కాజిగిరి సైబర్‌ క్రైమ్స్‌ ఏసీపీగా ఉన్న ఆయనను బదిలీ చేసి హైదరాబాద్‌ డీజీపీ కార్యాలయంలో రిపోర్టు చేయాలని ఆదేశించారు.3. ఎస్‌కే అబ్దుల్‌ రహ్మాన్‌ – వెయిటింగ్‌లో ఉన్న ఆయనకు జయశంకర్‌ భూపాలపల్లి డీసీఆర్‌బీ డీఎస్పీగా పోస్టింగ్‌ ఇచ్చారు.4. ఏ. రవికుమార్‌ – వెయిటింగ్‌లో ఉన్న ఆయనను జగిత్యాల డీసీఆర్‌బీ డీఎస్పీగా నియమించారు.5. బి. నందిరామ్‌ నాయక్‌ – వెయిటింగ్‌లో ఉన్న ఆయనకు హైదరాబాద్‌ డీజీపీ కార్యాలయంలోని డీజీ కంట్రోల్‌ రూమ్‌ డీఎస్పీగా బాధ్యతలు అప్పగించారు.6. బి. సోమ్నారాయణ్‌ సింగ్‌ – వెయిటింగ్‌లో ఉన్న ఆయనను తెలంగాణ పోలీస్‌ అకాడమీ (టీజీపీఏ) డీఎస్పీగా నియమించారు.7. జె. వెంకటేశ్వర్‌రావు – వెయిటింగ్‌లో ఉన్న ఆయనకు మెదక్‌ డీసీఆర్‌బీ డీఎస్పీగా పోస్టింగ్‌ ఇచ్చారు.8. బి. కిషన్‌కుమార్‌ – వెయిటింగ్‌లో ఉన్న ఆయనను హైదరాబాద్‌ సెక్రటేరియట్‌ సెక్యూరిటీ ఏసీపీగా నియమించారు.9. ఎల్‌. రమేష్‌కుమార్‌ – వెయిటింగ్‌లో ఉన్న ఆయనకు హైదరాబాద్‌ సిటీ సీటీసీ ఏసీపీగా పోస్టింగ్‌ ఇచ్చారు.10. ఎన్‌. శ్రీనివాస్‌రెడ్డి – వెయిటింగ్‌లో ఉన్న ఆయనను సంగారెడ్డి డీసీఆర్‌బీ డీఎస్పీగా నియమించారు.11. కాదేరు వెంకట్‌రెడ్డి – వెయిటింగ్‌లో ఉన్న ఆయనకు తెలంగాణ పోలీస్‌ అకాడమీ (టీజీపీఏ) డీఎస్పీగా పోస్టింగ్‌ ఇచ్చారు.12. కొమల్ల సుబ్బరామిరెడ్డి – వెయిటింగ్‌లో ఉన్న ఆయనను హైదరాబాద్‌ సిటీ సీసీఎస్‌ అండ్‌ డీడీ ఏసీపీగా నియమించారు.13. ఎస్‌. సుదర్శన్‌ – వెయిటింగ్‌లో ఉన్న ఆయనకు హైదరాబాద్‌ సిటీ సీసీఎస్‌ అండ్‌ డీడీ ఏసీపీగా పోస్టింగ్‌ ఇచ్చారు.14. ఎన్‌. శంకర్‌ – వెయిటింగ్‌లో ఉన్న ఆయనను హైదరాబాద్‌ సెక్రటేరియట్‌ సెక్యూరిటీ ఏసీపీగా నియమించారు.15. పి. విజయ్‌కుమార్‌ – వెయిటింగ్‌లో ఉన్న ఆయనకు వెస్ట్‌జోన్‌ రోడ్‌ సేఫ్టీ డీఎస్పీగా పోస్టింగ్‌ ఇచ్చారు.16. కె. భాస్కర్‌ – ప్రస్తుతం రాజన్న సిరిసిల్ల డీసీఆర్‌బీ డీఎస్పీగా పనిచేస్తున్న ఆయనను బదిలీ చేసి తెలంగాణ పోలీస్‌ అకాడమీ (టీజీపీఏ) డీఎస్పీగా నియమించారు.17. ఎం. వెంకట నర్సయ్య – ప్రస్తుతం ఆదిలాబాద్‌ డీసీఆర్‌బీ డీఎస్పీగా పనిచేస్తున్న ఆయనను బదిలీ చేసి సీఐడీ డీఎస్పీగా నియమించారు.

ముంబై: కోరుకున్న విద్యాసంస్థలో ప్రవేశం లభించకపోవడంతో ఓ 17 ఏళ్ల విద్యార్థి ఆత్మహత్య చేసుకున్నాడు. మహారాష్ట్రలోని థానే నగరం, ఘోడ్బందర్‌ రోడ్డులోని హీరానందాని ఎస్టేట్‌లో ఈ ఘటన చోటుచేసుకుంది. కోల్‌కతాలోని ఇండియన్ ఇన్‌స్టిట్యూట్ ఆఫ్ ఇంజినీరింగ్ సైన్స్ అండ్ టెక్నాలజీ, షిబ్‌పూర్‌లో బీఎస్-ఎంఎస్ డ్యుయల్‌ డిగ్రీ చదవాలని అతడు అనుకున్నాడు. ఆ బాలుడు ఇటీవల 12వ తరగతి పరీక్షలు పూర్తి చేసి 95.7% మార్కులు సాధించాడు. అయితే ప్రవేశ పరీక్షలో 10,474 ర్యాంకు రావడంతో తాను కోరుకున్న విద్యాసంస్థలో సీటు పొందలేకపోయాడు.కుటుంబానికి మెసేజ్‌ పంపిన బాలుడుపోలీసులు తెలిపిన వివరాల ప్రకారం.. సెప్టెంబర్ 4న రాత్రి 7.30 గంటల సమయంలో సైకిల్ తొక్కేందుకు వెళ్తున్నానని కుటుంబ సభ్యులకు చెప్పి బాలుడు ఇంటి నుంచి బయటకు వెళ్లాడు. సుమారు 45 నిమిషాల తర్వాత తాను ఆత్మహత్య చేసుకోవాలని భావిస్తున్నట్లు కుటుంబ వాట్సాప్ గ్రూపులో సందేశం పెట్టాడు.కుటుంబ సభ్యులు ఆ సందేశాన్ని గమనించి అతడిని సంప్రదించేందుకు ప్రయత్నించారు. అతడి ఫోన్ స్విచ్ ఆఫ్‌లో ఉండటంతో కాసర్‌వడవలి పోలీసులకు సమాచారం అందించారు. పోలీసులు, కుటుంబ సభ్యులు నివాస సముదాయం పరిసరాల్లో బాలుడి కోసం గాలింపు చేపట్టారు.అయితే కుటుంబ సభ్యులు, పోలీసులు జోక్యం చేసుకునేలోపే నివాస భవనంలోని 22వ అంతస్తు నుంచి బాలుడు కిందకు దూకాడు. తీవ్ర గాయాలతో అపార్ట్‌మెంట్ సమీపంలోని ఫుట్‌పాత్‌పై బాలుడు పడి ఉన్నట్లు తర్వాత గుర్తించారు. పోలీసులు, కుటుంబ సభ్యులు అతడిని థానే సివిల్ ఆసుపత్రికి తరలించారు.ఆసుపత్రికి తీసుకువచ్చే సమయానికే బాలుడు మృతి చెందినట్లు వైద్యులు ప్రకటించారు. తాను కోరుకున్న విద్యాసంస్థలో ప్రవేశం పొందలేకపోవడం వల్ల బాలుడు తీవ్ర విద్యాపరమైన ఒత్తిడికి గురయ్యాడని కుటుంబ సభ్యులు భావిస్తున్నట్లు అధికారులు తెలిపారు.

చీరాల: షెడ్యూల్‌ ట్రైబ్‌ (ఎస్టీ) వర్గానికి చెందిన వృద్ధురా­­లిౖ­పె చీరాల టూటౌన్‌ సీఐ శశికుమార్‌ రెచ్చిపోయారు. అసభ్య పదజాలంతో దుర్భాషలాడారు. దీనికి సబంధించిన వీడియో సోషల్‌ మీడియాలో వైరల్‌ కావడంతో సీఐ తీరుపై సర్వత్రా ఆగ్రహం వ్యక్తమవుతోంది. చీరాల మండలం ఈపూరుపాలెం గ్రామ పంచాయతీ పరిధిలోని ఆదినారాయణపురానికి చెందిన డెబ్బై ఏళ్ల మట్రా జాలమ్మ భర్త 20 ఏళ్ల కిందట మృతిచెందాడు. ఆమె కూతురు వద్దనే ఉంటూ ఇళ్లలో పాచిపని చేసుకుంటూ జీవనం సాగిస్తోంది. ఆదివారం ఉదయం ఆదినా­రాయణపురంలో కార్డన్‌ సెర్చ్‌ను పోలీసులు నిర్వహించారు. ఆ సమయంలో టూటౌన్‌ సీఐ శశికుమార్‌ తనిఖీలు చేస్తూ జాలమ్మ ఇంటికి వచ్చారు. ఉన్నట్టుండి సీఐ వృద్ధురాలిపై అసభ్య పదజాలం లంకించుకున్నారు. నోటికొ­చ్చినట్టు దుర్భాషలాడారు. లాఠీ ఎత్తి కొట్టినంత పనిచే­శారు. ఇంటిలోకి వెళ్లి వంటగది తలుపును కాలితో తన్ని ఖాకీ క్రౌర్యం ప్రదర్శించారు. ఈ వ్యవహారం అంతా అక్క­డున్న సీసీ కెమెరాలో రికార్డు అయింది. ఈ వీడియో ప్రస్తుతం సోషల్‌ మీడియాలో వైరల్‌ అవుతోంది. దీంతో నెటిజన్లు సీఐ తీరును తప్పుబడుతున్నారు. ఎరుకుల హక్కుల పోరాట సమితి నాయకులు, ప్రజాసంఘాల నాయకులు బాధితురాలిని పరామర్శించారు. ఘటనపై సోమవారం జిల్లా అడిషనల్‌ ఎస్పీ సుధాకర్‌కు వినతి­పత్రం అందజేశారు. ఘటనపై స్పందించిన ఎస్పీ బి.ఉమామహేశ్వర్‌ విచారణ చేసి నివేదిక సమర్పించాలని చీరాల డీఎస్పీ ఎండీ మోయిన్‌ను ఆదేశించినట్లు సమా­చారం. ఇదిలా ఉంటే చీరాల సబ్‌ డివిజన్‌లో పోలీసుల వ్యవహార శైలిపై గతంలోనూ విమర్శలు వినిపించాయి. వేటపాలెం ఎస్‌ఐ ఓ చేనేత కార్మికుడితో దురుసుగా మాట్లాడిన వీడియో అప్పట్లో చర్చనీయాంశమైంది. జిల్లా ఎస్పీ విచారణ: ఈ ఘటనపై జిల్లా ఎస్పీ బి.ఉమామ­హేశ్వర్‌ స్పందించారు. సీఐ నిర్వహించిన తనిఖీల్లో భాగంగా పేరం విజయ్, కార్తీక్‌ అనే ఇద్దరిపై క్రిమినల్, నాటుసారా, గంజాయి అమ్మకం కేసులు ఉన్నాయని, వారి ఇల్లు, పరిసరాలను తనిఖీ చేయడానికి సీఐ అక్కడకు వెళ్లారన్నారు. అందుకు ఆ ఇంట్లో ఉన్న వృద్ధురాలు తనిఖీలకు సహకరించకపోవడం వల్ల సీఐ దురుసుగా ప్రవర్తించారని, ఈ ఘటనపై విచారణకు ఆదేశించినట్లు తెలిపారు. నివేదిక వచ్చిన అనంతరం శాఖాపరమైన చర్యలు తీసుకుంటామన్నారు.ఇదేనా.. ఫ్రెండ్లీ పోలీస్‌ గుండా సురేంద్రసాక్షి,అమరావతి: మాది ఫ్రెండ్లీ పోలీస్‌ కాన్సెప్ట్‌ అని మాట్లాడే వెన్నుపోటు పార్టీ కూటమి ప్రభుత్వం, ఆచరణలో మాత్రం రెడ్‌ బుక్‌ రాజ్యాంగాన్ని అమలు చేస్తోందని వైఎస్సార్‌సీపీ గిరిజన విభాగం (మైదాన ప్రాంతం)రాష్ట్ర అధ్యక్షుడు గుండా సురేంద్ర ధ్వజమెత్తారు. చివరికి వృద్ధ మహిళలను కూడా పోలీసులు వదలటం లేదని సోమవారం ఓ ప్రకటనలో మండిపడ్డారు. ఈ వీడియోపై పోలీసు ఉన్నతాధికారులు స్పందించి విచారణ జరపాలని, ఆ పోలీస్‌ అధికారిపై చట్టపరమైన చర్యలతో పాటు, శాశ్వతంగా ఉద్యోగం నుంచి తొలగించాలని డిమాండ్‌ చేశారు. ఈ ఘటనపై సీఎం చంద్రబాబు, హోం మంత్రి అనిత, డీజీపీ తక్షణమే స్పందించాలని, లేని పక్షంలో వైఎస్సార్‌సీపీ గిరిజన విభాగం తీవ్ర స్థాయిలో ఉద్యమిస్తుందని సురేంద్ర హెచ్చరించారు.

బోట్‌క్లబ్‌ (కాకినాడ సిటీ): పోలీసు అభ్యర్థులు కాకినాడలో కదంతొక్కారు. బాబూ.. జాబ్‌ ఎక్కడ అంటూ సర్కారును నిలదీశారు. మెగా పోలీస్‌ నోటిఫికేషన్‌ వెంటనే విడుదల చేయాలని డిమాండ్‌ చేశారు. ప్రభుత్వం స్పందించకుంటే ఢిల్లీ జెన్‌జీ ఉద్యమ తరహాలో మహోద్యమం తప్పదని హెచ్చరించారు. పోలీసు ఉద్యోగాల కోసం శిక్షణ తీసుకుంటున్న నిరుద్యోగులు సోమవారం యువజన, విద్యార్థి సంఘాల ఆధ్వర్యంలో కాకినాడలో భారీ నిరసన ర్యాలీ నిర్వహించారు. శారదా దేవి గుడి సర్కిల్‌కు చేరుకుని, ప్లకార్డులు ప్రదర్శిస్తూ ప్రభుత్వానికి వ్యతిరేకంగా నినాదాలు చేశారు. అక్కడి నుంచి కలెక్టరేట్‌ వర­కు ప్రదర్శన నిర్వహించారు. కొడుకు లోకేశ్‌కు మంత్రి పదవి కట్టబెట్టిన చంద్రబాబూ.. మాకు జాబ్‌ ఎక్కడ అంటూ నిలదీశారు. తక్షణం మెగా పోలీసు నోటిఫికేషన్‌ విడుదల చేయా­లి అంటూ దిక్కులు పిక్కటిల్లేలా నినా­దాలు చేశారు. డీవైఎఫ్‌ఐ, ఎస్‌ఎఫ్‌­ఐ ఆధ్వర్యాన కలెక్టరేట్‌ వద్ద ధర్నా నిర్వహించారు. ఈ సందర్భంగా ఆయా సంఘాల నాయకులు మాట్లాడుతూ రాష్ట్రంలోని ఖాళీ పోస్టులు భర్తీ చేయకుండా సర్కారు తాత్సా­రం చేస్తోందని ధ్వజమెత్తారు. వయోపరిమితిపైనా అభ్యర్థులకు అనుకూలంగా నిర్ణయం తీసుకోవాల­ని డిమాండ్‌ చేశారు. ప్రతి సంవత్సరం జాబ్‌ క్యా­లెండర్‌ ప్రకటిస్తామంటూ ఎన్నికల ప్రచార సభల్లో చంద్రబాబు హామీలు ఇచ్చారని, కానీ ఈ రెండేళ్లలో ఒక్క నోటిఫికేషన్‌ కూడా ఇవ్వలేదని దుమ్మెత్తిపోశారు. పీజీలు, డిగ్రీ­లు చదువుకున్న తాము నిరుద్యోగులుగా మిగిలిపోతుంటే.. ఇంటర్‌ ఫెయిలైనవారూ ఈ ప్రభుత్వంలో మంత్రులుగా పనిచేస్తున్నారని ఎద్దేవా చేశారు. సర్కారు తక్షణం స్పందించకుంటే రాష్ట్రంలో నిరుద్యోగ సమస్యపై ఢిల్లీలో జెన్‌జీ చేపట్టిన ఉద్యమ తరహా పోరాట స్ఫూర్తితో చలో విజయవాడ పేరుతో మహోద్యమాన్ని చేపడతామని హె­చ్చరించారు. అనంతరం కలెక్టర్‌ హరేంధిర ప్రసాద్‌కు వినతిపత్రం సమర్పించారు. కార్యక్రమంలో డీవైఎఫ్‌ఐ రా­ష్ట్ర కమిటీ సభ్యులు రాంబాబు, రాజేష్, ఎస్‌ఎఫ్‌ఐ రాష్ట్ర ఉపాధ్యక్షుడు ఎం. గంగా సూరి­బాబు, అధిక సంఖ్యలో నిరుద్యోగులు పాల్గొన్నారు.

కాన్పూర్‌: పోలీసు యూనిఫాం ధరించాలన్న కలతో కాన్పూర్‌లో ఇద్దరు కవల సోదరులు ఉద్యోగం సంపాదించేందుకు మోసానికి పాల్పడ్డారు. ఇద్దరి ముఖం ఒకేలా ఉండటాన్ని తమకు అనుకూలంగా ఉపయోగించుకోవాలని, ఒకే రకమైన దుస్తులు ధరించాలని, వైద్య పరీక్ష సమయంలో ఒకరి స్థానంలో మరొకరు హాజరుకావాలని ముందుగానే ప్రణాళిక వేసుకున్నారు. అయితే ముఖం ఒకేలా ఉన్నప్పటికీ వేలిముద్రలు, కంటి రెటీనా ఒకేలా ఉండవన్న విషయాన్ని వారు గుర్తించలేదు.ఉత్తరప్రదేశ్‌లోని కాన్పూర్‌ పోలీస్‌ లైన్‌లో జరుగుతున్న పోలీస్‌ నియామక శారీరక ప్రమాణాల పరీక్షలో ఈ ఘటన జరిగింది. ఆగ్రాకు చెందిన భూపేంద్ర రాత పరీక్షలో ఉత్తీర్ణత సాధించి, శారీరక కొలతల పరీక్షకు హాజరయ్యాడు. ఆగస్టు 29న నిర్వహించిన పరీక్షలో భూపేంద్ర ఎత్తు 166.4 సెంటీమీటర్లు, ఛాతీ కొలత 79 సెంటీమీటర్లుగా నమోదైంది. నియామకానికి నిర్దేశించిన ప్రమాణాల ప్రకారం ఎత్తు తక్కువగా ఉండటంతో అతడిని అనర్హుడిగా ప్రకటించారు.పోలీసు నియామక నిబంధనల ప్రకారం అభ్యర్థి తన వైద్య లేదా శారీరక పరీక్షపై అభ్యంతరం ఉంటే మరోసారి పరీక్ష నిర్వహించాలని అప్పీల్‌ చేసుకోవచ్చు. భూపేంద్ర కూడా మరోసారి కొలతలు తీసుకోవాలని దరఖాస్తు చేసుకున్నాడు. అక్కడి నుంచే కవల సోదరుల మోసం మొదలైంది.తొలిసారి 166.4.. రెండోసారి 169.6 సెంటీమీటర్లుమరోసారి వైద్య పరీక్ష నిర్వహించిన సమయంలో ఓ యువకుడు తానే భూపేంద్రనంటూ అధికారుల ముందు హాజరయ్యాడు. ఈ సారి అతడి ఎత్తు 169.6 సెంటీమీటర్లుగా నమోదైంది. అంటే తొలి పరీక్ష, రెండో పరీక్ష మధ్య 3.2 సెంటీమీటర్ల తేడా వచ్చింది. ఇంత పెద్ద తేడా కనిపించడంతో అధికారులకు అనుమానం వచ్చింది.అధికారులు ఫొటోలను సరిపోల్చారు. ఫొటోలో ముఖం దాదాపు ఒకేలా కనిపించింది. ఇద్దరి ముఖాలు ఒకేలా ఉండటంతో తొలిచూపులో విషయం బయటపడలేదు. అయితే అధికారుల అనుమానం మాత్రం తీరలేదు.దీంతో బయోమెట్రిక్‌ పరీక్ష నిర్వహించారు. కంటి రెటీనా, వేలిముద్రలు సరిపోలలేదు. దీంతో ఇద్దరు సోదరుల పథకం మొత్తం బయటపడింది. కఠినంగా విచారించడంతో వైద్య పరీక్షకు వచ్చిన యువకుడు భూపేంద్ర కాదని, అతడి కవల సోదరుడు భూపేశ్‌ అని తేలింది.ఎత్తు తక్కువని ముందే తెలుసుపోలీసులు తెలిపిన వివరాల ప్రకారం.. భూపేంద్ర తన ఎత్తు నియామక ప్రమాణాల కంటే తక్కువగా ఉందని ముందే తెలుసు. అందుకే తొలిసారి పరీక్షలో ఎత్తు తక్కువగా నమోదైతే, రెండోసారి వైద్య పరీక్ష సమయంలో తన స్థానంలో ఎక్కువ ఎత్తు ఉన్న భూపేశ్‌ను పంపించాలని ఇద్దరూ ముందుగానే ప్రణాళిక వేసుకున్నారు.తొలి పరీక్ష తర్వాత భూపేంద్ర తన సామాన్లు తీసుకుని ఇంటికి వెళ్తున్నట్లుగా అక్కడి నుంచి బయటకు వెళ్లాడు. కొంతసేపటి తర్వాత అతడి కవల సోదరుడు భూపేశ్‌ అదే రకమైన దుస్తులు, సామాన్లతో అక్కడికి వచ్చి మరోసారి ఎత్తు పరీక్ష నిర్వహించాలని కోరాడు.ఇద్దరి ముఖాలు ఒకేలా ఉండటంతో అధికారులకు తొలుత అనుమానం రాలేదు. అయితే ఎత్తులో 3 సెంటీమీటర్లకు పైగా తేడా రావడంతో విషయం అనుమానాస్పదంగా మారింది. రెండో పరీక్షలో ఎక్కువ ఎత్తు నమోదైన తర్వాత భూపేశ్‌ అక్కడి నుంచి బయటకు వెళ్లిపోవాలి. అనంతరం భూపేంద్ర తిరిగి తన స్థానాన్ని తీసుకోవాలి అనేది ఇద్దరి ప్రణాళిక.విచారణ తర్వాత ఇద్దరు సోదరుల అరెస్టువిచారణ అనంతరం ప్రాంగణం బయట ఉన్న భూపేంద్రను కూడా పోలీసులు పట్టుకున్నారు. ఇద్దరు సోదరులను అరెస్టు చేశారు. పోలీస్‌ లైన్‌ ఉప పరిశీలకుడు ఈశ్వర్‌ సింగ్‌ ఇచ్చిన ఫిర్యాదు ఆధారంగా ఇద్దరిపై కేసు నమోదు చేశారు. కోత్‌వాలీ ఇన్‌చార్జ్‌ అరుణ్‌ కుమార్‌ ద్వివేది తెలిపిన వివరాల ప్రకారం.. కవల సోదరులుగా ఉండటం, ముఖాలు ఒకేలా ఉండటాన్ని ఉపయోగించుకుని నియామక ప్రక్రియను మోసం చేసేందుకు ఇద్దరూ ప్రయత్నించారు. పోలీసులు ఇద్దరి వద్ద నుంచి 2 మొబైల్‌ ఫోన్లు, ఆధార్‌ కార్డులు, పాన్‌ కార్డులు, ఓటరు గుర్తింపు కార్డులు, ఏటీఎం కార్డులు సహా ఇతర పత్రాలను స్వాధీనం చేసుకున్నారు.

బ్రేకింగ్‌ న్యూస్‌... పత్రికల్లోను, టీవీ స్క్రీన్లపైన ఆ వార్త చూడగానే రాష్ట్రమంతా ఒక్కసారిగా ఉలిక్కిపడింది. ‘నగరంలో సంచలనం సృష్టించిన కిల్లర్స్‌ గ్యాంగ్‌ ఘాతుకం! నేరస్తుల గుండెల్లో సింహస్వప్నం అయిన ఇన్‌స్పెక్టర్‌ అభిమన్యు శత్రువుల దొంగచాటు కాల్పుల్లో మృతి! ఆయన మృతదేహంతో పరారైన కిల్లర్స్‌ గ్యాంగ్‌!’ఈ వార్త తెలిసిన వెంటనే అభిమన్యు అభిమానులు, ప్రజలు రోడ్ల మీదకు వచ్చి ఆందోళనలు చేశారు. అభిమన్యు మృతితో నగరంలో తీవ్ర ఉద్రిక్తత, ఆగ్రహం కట్టలు తెంచుకున్నాయి. ఈ కేసు తీవ్రతను గుర్తించిన ఉన్నతాధికారులు వెంటనే రంగంలోకి దిగారు.ఢిల్లీ నుంచి ప్రత్యేకంగా హుటాహుటిన డిటెక్టివ్‌ సిద్ధార్థ నగరానికి చేరుకున్నాడు. స్థానిక ఇన్‌ స్పెక్టర్‌ ప్రద్యుమ్నతో కలిసి అత్యవసర సమావేశం ఏర్పాటు చేశారు.‘కిల్లర్స్‌ గ్యాంగ్‌ని ప్రపంచంలో ఎక్కడ వున్నా వెతికి పట్టుకుని అంతం చేస్తాను’ అని ప్రద్యుమ్న సవాల్‌ చేశాడు. పోలీసులు కిల్లర్స్‌ గ్యాంగ్‌ ఆనవాళ్ల కోసం నగరాన్ని అణువణువు జల్లెడ పట్టడం ప్రారంభించారు. అదే సమయంలో బీహార్‌ గ్యాంగ్, హైదరాబాద్‌లోని గోకుల్‌ చాట్‌ తరహాలో గోల్కొండ పరిసర ప్రాంతాల్లో పెద్ద ఎత్తున బాంబు పేలుళ్లు సృష్టించడానికి ప్లాన్‌ చేసింది. అభిమన్యు మరణ వార్తతో పోలీసులు తలమునకలై ఉన్న సమయంలోనే, నగరంలోని పలు కీలక ప్రాంతాల్లో మారణహోమం సృష్టించాలనేది వారి కుట్ర.అదే సమయంలో రామ్‌పూర్‌లోని ఒక పాడుబడ్డ ఇంట్లో ఒక షాకింగ్‌ నిజం వెలుగులోకి వచ్చింది. అక్కడ ఇన్‌ స్పెక్టర్‌ అభిమన్యు చనిపోలేదని, కొనప్రాణాలతో ఉన్నాడనే విషయం తెలిసింది. అభిమన్యుని అడ్డుపెట్టుకుంటే తమ ప్లాన్‌ విజయవంతం అవుతుందని భావించిన బీహార్‌ గ్యాంగ్, కిల్లర్స్‌ గ్యాంగ్‌పై అనుకోని దాడిచేసి, అపస్మారక స్థితిలో ఉన్న అభిమన్యుని గోల్కొండ ప్రాంతానికి తరలించింది. బాంబులను నగరంలోని వివిధ ప్రాంతాలకు తరలించే సమయం ఆసన్నమైన తరుణంలో, డిటెక్టివ్‌ సిద్ధార్థ, ఇన్‌ స్పెక్టర్‌ ప్రద్యుమ్నలు నిఘా ద్వారా బీహార్‌ గ్యాంగ్‌ డెన్‌ ను గుర్తించి మెరుపు దాడి చేశారు. పోలీసుల రాకతో కంగారుపడిన ఉగ్రమూక, కొనప్రాణాలతో ఉన్న అభిమన్యుని బందీగా చేసుకుని, ‘ఇప్పుడే ఇతన్ని కడతేరుస్తాం’ అని హెచ్చరించింది.డిటెక్టివ్‌ సిద్ధార్థ చిరునవ్వుతో, ‘ఇన్‌ స్పెక్టర్‌ అభిమన్యుని ఎవరూ చంపలేరు. సమాజంలో నేరాలు, దేశద్రోహం జరుగుతున్నంత కాలం అభిమన్యు బ్రతికే ఉంటాడు!’ అన్నాడు.వెంటనే బీహార్‌ గ్యాంగ్‌ చీఫ్‌ ముక్తార్‌ మంచం మీద రక్తంతో ఉన్న అభిమన్యు తలకు రివాల్వర్‌ గురి పెట్టాడు. ‘కమాన్‌ షూట్‌’ అన్నాడు అప్పుడే అక్కడికి వచ్చిన ప్రద్యుమ్న.ముక్తార్‌ వేలు ట్రిగ్గర్‌ మీద బిగుసుకుంది.‘ఇంకా ఆలస్యం ఎందుకు ముక్తార్‌?’ అంటూ అభిమన్యు కళ్ళు తెరిచాడు. కన్నుమూసి తెరిచేలోగా అభిమన్యు కుడిచేతిలో ఉన్న పిడిబాకు ముక్తార్‌ కుడి అరచేతిలోకి దిగింది.∙∙ ‘ముక్తార్‌ నీ ఆట కట్టింది. నువ్వు నగరంలో విధ్వంసం సృష్టించడానికి బీహార్‌ నుంచి బయల్దేరావన్న సమాచారం రాగానే, నిన్ను వెతుక్కుంటూ వచ్చేలోగా జరిగే ప్రమాదాన్ని ఊహించి, నీ ఆలోచనలను డైవర్ట్‌ చేసి, నీ ద్వారానే ఇక్కడికి వచ్చేలా ప్లాన్‌ చేశాడు ఇన్‌స్పెక్టర్‌ అభిమన్యు.‘నిజానికి ఇక్కడ కిల్లర్స్‌ గ్యాంగ్‌ అంటూ వేరేగా ఏదీ లేదు. పోలీసులే ఆ గ్యాంగ్‌గా నటించారు. నగరంలో బాంబులతో విధ్వంసం సృష్టించాలనుకునే మీలాంటి దేశద్రోహుల ఆట కట్టించడానికి అభిమన్యు వేసిన మాస్టర్‌ ప్లాన్‌ ఇది’ చెప్పాడు ఇన్‌స్పెక్టర్‌ ప్రద్యుమ్న.అదే సమయంలో పోలీసులు ఆ స్థావరాన్ని చుట్టుముట్టారు. బీహార్‌ నుంచి హైదరాబాద్‌లోకి అడుగు పెట్టిన ఇరవై నాలుగు గంటల్లో బీహార్‌ గ్యాంగ్‌ను అరెస్ట్‌ చేశారు.∙∙ సీఎం ఛాంబర్‌..‘థాంక్యూ మిస్టర్‌ అభిమన్యు! నీ ప్రాణాలను పణంగా పెట్టి, చనిపోయినట్టు నాటకమాడి రాష్ట్రంలో కొన్ని వేల ప్రాణాలు కాపాడారు. రెండు రాష్ట్రాల ప్రజల్లో మీరంటే ఎంత అభిమానమో తెలిసింది. వాళ్ళ అభిమానాన్ని ఆపడం మా తరం కాలేదు. మీరు కనిపించాకే శాంతించారు’ మనస్పూర్తిగా అభినందించాడు ముఖ్యమంత్రి.‘ఈ అభిమన్యు ప్రాణాలు నావి కావు, నా ప్రజలవి’... అని చెప్పి, డిటెక్టివ్‌ సిద్ధార్థ వైపు, ప్రద్యుమ్న వైపు చూసి థాంక్యూ మై డియర్‌ ఫ్రెండ్స్‌’ అన్నాడు.‘మీ లాంటి పోలీస్‌ అధికారిని ఎవ్వరైనా ప్రేమించకుండా ఉండలేరు. మీ దిష్టి ఇలా పోయింది.’ ఢిల్లీకి బయలుదేరుతూ చెప్పాడు డిటెక్టివ్‌ సిద్ధార్థ.- శ్రీసుధామయిఇవీ చదవండి: తలుపు: ‘మన ఇల్లు ఇనప్పెట్టెలా భద్రం’.. నెలకే ఏమైంది?

గాంధీనగర్‌ : గుజరాత్‌ భావ్‌నగర్‌ ఎస్టీ బస్టాండ్‌లో జరిగిన హత్య కేసుకు సంబంధించి, పోలీసులు నిందితుడితో కలిసి క్రైమ్ సీన్‌ను రీకన్‌స్ట్రక్ట్ చేశారు. అయితే, ఈ సందర్భంగా చేసుకున్న ఘటన సోషల్‌ మీడియాలో వైరల్‌గా మారింది పోలీసుల వివరాల మేరకు.. భావ్‌నగర్ ఎస్టీ బస్ స్టాండ్ ప్రాంతంలో ఫైసల్ (అలియాస్ ఖాట్కి లఖాని), కాజల్‌బెన్ గత ఏడేళ్లుగా కలిసి నివసిస్తున్నారు. సెప్టెంబర్ 3వ తేదీన వీరిద్దరి మధ్య వివాదం చెలరేగింది. వివాహేతర సంబంధంందనే అనుమానంతో తలెత్తిన గొడవ కారణంగా ఫైసల్ తీవ్ర ఆగ్రహానికి గురయ్యాడు. బస్ స్టాండ్‌లోనే కాజల్‌బెన్‌ను కిందపడేసి, తలపై, శరీరంపై తీవ్రంగా కాళ్లతో తన్నుతూ, పిడిగుద్దులతో విచక్షణా రహితంగా దాడి చేశాడు. దీన్ని అడ్డుకోబోయిన రవి అనే వ్యక్తిపై కూడా ఫైసల్ దాడి చేసి గాయపరిచాడు.ఈ భయానక దాడి బస్ స్టాండ్‌లోని సీసీటీవీ కెమెరాల్లో రికార్డైంది. చుట్టూ జనం చూస్తున్నప్పటికీ దాదాపు నిమిషాల తరబడి ఈ దాడి కొనసాగడం గమనార్హం. తీవ్ర గాయాలపాలైన కాజల్‌బెన్‌ను ఆసుపత్రికి తరలించగా, చికిత్స పొందుతూ సెప్టెంబర్ 4న ఆమె మృతి చెందింది.మృతురాలి తల్లి ఫిర్యాదు మేరకు పోలీసులు ఫైసల్‌పై హత్య కేసు నమోదు చేసి అరెస్టు చేశారు. నిందితుడికి ఇదివరకే దోపిడీలు, శారీరక దాడులకు సంబంధించిన క్రిమినల్ రికార్డు కూడా ఉంది. ఈ హత్య కేసు దర్యాప్తులో భాగంగా పోలీసులు నిందితుడు ఫైసల్‌ను నేరుగా భావ్‌నగర్ ఎస్టీ బస్ స్టాండ్‌లోని ఘటనా స్థలానికి తీసుకువచ్చారు. అతను ఏ విధంగా మహిళపై దాడికి పాల్పడ్డాడో పోలీసులు అక్కడే పూసగుచ్చినట్లు రికన్‌స్ట్రక్ట్ చేసి పరిశీలించారు. ఈ క్రమంలో బస్ స్టాండ్ వద్ద ఉద్రిక్త వాతావరణం నెలకొంది. నిందితుడిని పోలీసులు చుట్టుముట్టి అక్కడికి తీసుకెళ్లగా, ఈ ఘటనకు సంబంధించిన వీడియోలు సోషల్ మీడియాలో వైరల్ అయ్యాయి. సంఘటన స్థలంలో నిందితుడిని పోలీసులు దండించిన తీరు కూడా ప్రస్తుతం చర్చనీయాంశంగా మారింది. ప్రస్తుతం పోలీసులు సీసీటీవీ ఫుటేజ్‌లు, ప్రత్యక్ష సాక్షుల వాంగ్మూలాలు, వైద్యం, పోస్ట్‌మార్టం నివేదికల ఆధారంగా దర్యాప్తును వేగవంతం చేశారు #BREAKING Bhavnagar Crime IncidentFaisal Khan was arrested by Gujarat Police after allegedly beating his live-in partner, Kajal Baraiya, to death in Bhavnagar. The assault, captured on CCTV, also injured her brother.#Bhavnagar #GujaratPolice @GujaratPolice @SPBhavnagar pic.twitter.com/VRyTmxTnZr— jarvis ☠️ (@Vishii14) September 5, 2026

నాగ్‌పూర్‌: అన్నం వడ‍్డించనందుకు ఓ మహిళను ఆమె భర్త కొట్టి చంపాడు. మహారాష్ట్రలోని నాగ్‌పూర్‌లో ఈ ఘటన చోటుచేసుకుంది. కృష్ణలాల్‌ (41) అనే నిందితుడిని పోలీసులు అరెస్టు చేశారు. అతడి భార్య యామిని మృతదేహానికి నిర్వహించిన పోస్టుమార్టం పరీక్షలో తీవ్ర గాయాలు ఉన్నట్లు తేలడంతో పోలీసులు అతడిని అరెస్టు చేశారు.సీనియర్‌ ఇన్‌స్పెక్టర్‌ హరేశ్‌ కల్సేకర్‌ మాట్లాడుతూ.. కృష్ణలాల్‌ పని ముగించుకుని ఇంటికి వచ్చి తన భార్య యామినిని భోజనం వడ్డించాలని అడిగాడని తెలిపారు. అయితే యామిని అందుకు నిరాకరించి, తాను డ్యాన్స్‌ క్లాస్‌కు వెళ్లాలనుకుంటున్నానని, భోజనం అతడే వడ్డించుకోవాలని చెప్పినట్లు తెలిపారు.దీంతో దంపతుల మధ్య మొదలైన విభేదం తొలుత వాగ్వాదానికి, ఆ తర్వాత భౌతిక ఘర్షణకు దారితీసినట్లు పోలీసులు తెలిపారు. గణేశ్‌ ఉత్సవాల నేపథ్యంలో రాత్రి 10 గంటల నుంచి అర్ధరాత్రి వరకు వారి ఫ్లాట్‌లో మహిళలకు డ్యాన్స్‌ ప్రాక్టీస్‌ సెషన్లు జరుగుతున్న సమయంలో ఈ ఘటన చోటుచేసుకుంది.ఘర్షణ సమయంలో ఆగ్రహానికి గురైన కృష్ణలాల్‌ యామినిపై తీవ్రంగా దాడి చేసినట్లు పోలీసులు తెలిపారు. ఆమె మెడ, పొత్తికడుపుపై లోతైన గాయాలయ్యాయి. ఆ గాయాలు ప్రాణాంతకంగా మారడంతో యామిని మృతి చెందింది.పోస్టుమార్టంతో అనుమానాలుయామిని మృతి తర్వాత పోలీసులు తొలుత అనుమానాస్పద మృతిగా కేసు నమోదు చేశారు. అయితే యామిని కుటుంబ సభ్యులకు ఏదో తప్పు జరిగిందనే అనుమానం కలిగింది. ఆమె మృతదేహానికి పోస్టుమార్టం పరీక్ష నిర్వహించాలని వారు పట్టుబట్టారు. పరీక్షలో తీవ్ర గాయాలు ఉన్నట్లు తేలడంతో పోలీసులు ఆమె భర్తను ప్రశ్నించి అదుపులోకి తీసుకున్నారు. దర్యాప్తులో యామినిని హత్య చేసినట్లు కృష్ణలాల్‌ అంగీకరించినట్లు పోలీసులు తెలిపారు. ఆ తర్వాత పోలీసులు అతడిని అరెస్టు చేసి హత్య కేసు నమోదు చేశారు. ఈ దంపతులకు ఇద్దరు కుమారులు ఉన్నారు. పెద్ద కుమారుడి వయసు 14 ఏళ్లు కాగా, చిన్న కుమారుడి వయసు 4 ఏళ్లు.

తమిళనాడు: గర్భిణి అని కూడా చూడకుండా ఓ యువతిని గొంతు నులిమి హత్య చేసి, సంచిలో పెట్టి బావిలో పడేసిన కేసులో నిందితుడిని పోలీసులు అరెస్ట్‌ చేశారు. వివరాలు.. సేలం జిల్లాలోని ఎడప్పాడి పక్కన కొంగనపురం సమీపంలోని వ్యవసాయ బావి నుంచి కొన్ని రోజుల క్రితం దుర్వాసన వెలువడింది. నీటిలో ఒక తెల్లటి సంచి తేలుతూ కనిపించింది. సమాచారం అందుకున్న కొంగనపురం పోలీసులు ఘటనా స్థలానికి చేరుకున్నారు.వారు బావిలో తేలుతున్న సంచిని బయటకు తీసి తెరిచారు. ఆ సంచిలో కుళ్లిపోయిన స్థితి ఓ యువతి మృతదేహం ఉంది. విచారణలో, కరుంగుళ్లవట్టం ప్రాంతానికి చెందిన పేరకౌండర్‌ కుమార్తె కోకిల (23) అని తెలిసింది. ఆమెని ఎందుకు హత్య చేశారనే దానిపై పోలీసులు దర్యాప్తు చేపట్టారు. కళాశాల చదువు పూర్తి చేసుకున్న కోకిల, పనికి వెళ్లకుండా ఇంట్లోనే ఉంటోంది. ఈ క్రమంలో ఆగస్టు 20వ తేదీన కోకిల తనకు తీవ్రమైన కడుపునొప్పిగా ఉందని కుటుంబ సభ్యులకు చెప్పింది. వెంటనే వారు సమీపంలోని ప్రభుత్వ ప్రాథమిక ఆరోగ్య కేంద్రానికి తీసుకువెళ్లారు. వైద్యులు ఆమెను పరీక్షించి 7 నెలల గర్భవతి అని వెల్లడించారు..ఈ విషయం తెలుసుకుని కోకిల కుటుంబం దిగ్భ్రాంతికి గురైంది. విచారించగా, పొరుగు గ్రామానికి చెందిన అమ్మసి (26) అనే వ్యక్తితో తనకు పరిచయం ఉందని కోకిల చెప్పింది. దీని తర్వాత, కోకిల కుటుంబం పోలీసులకు ఫిర్యాదు చేసింది. పోలీసులు అతడిని పిలిచి మాట్లాడారు. ఆ సమయంలో, గ్రామంలో ఒక పండుగ ఉందని, ఆ తర్వాత కోకిలను పెళ్లి చేసుకుంటానని అమ్మాసి చెప్పాడు. అప్పటి వరకు ఆమె అక్కడ ఉండడానికి వీలుగా కోకిలను తన ఇంటికి తీసుకువెళ్లాడని తెలుస్తుంది.ఇంతలో, కోకిల 31వ తేదీ నుంచి కనిపించడం లేదని అమ్మాసి, కోకిల కుటుంబానికి తెలియజేశాడు. అంతటా వెతికినా జాడ దొరకలేదు. కోకిల హత్యకు గురైందని, ఆమె మృతదేహం బావిలో తేలుతున్న ఒక సంచిలో లభ్యమైందని తెలిసింది.. కొంగనపురం పోలీసులు అమ్మాసిని అరెస్టు చేసి విచారణ చేపట్టారు. పెళ్లి విషయంలో జరిగిన గొడవ కారణంగా తాను దుపట్టాతో కోకిల గొంతు నులిమి చంపి, ఆమె మృతదేహాన్ని బావిలో పడేసినట్లు అమ్మాసి వెల్లడించాడు. ఈ మేరకు హత్య కేసు నమోదు చేసి అమ్మాసిని అరెస్టు చేశారు.

పోలీసుల కంటపడకుండా చాలాకాలంగా తప్పించుకు తిరుగుతున్న ఓ నిందితుడు.. పోలీసులు వెంటపడటంతో ఊహించని పని చేశాడు. ఏకంగా చెరువులోకి దిగి నీళ్ల కింద దాక్కున్నాడు. పోలీసులు వెనక్కి వెళ్లిపోతారని భావించాడు. కానీ.. పోలీసులు అంత ఈజీగా వదులుతారు. అతగాడి జాడను అవలీలగా పట్టేశారు. నీళ్లలోకి దిగి అతడిని పట్టుకున్నారు. కర్ణాటకలో జరిగిన ఈ వీడియో నెట్టింట వైరల్‌ అవుతోంది. శివమొగ్గ జిల్లా భద్రావతికి చెందిన దిలీప్‌ అలియాస్‌ కారియా (19)పై మొత్తం 16 క్రిమినల్‌ కేసులు ఉన్నాయి. వీటిలో రెండు హత్యాయత్నం కేసులు కూడా ఉన్నాయి. ఓ కేసులో కోర్టు విచారణలకు హాజరుకాకపోవడంతో అతడిపై మూడు సార్లు నాన్‌ బెయిలబుల్‌ వారెంట్లు జారీ అయ్యాయి. అయినప్పటికీ పోలీసులకు చిక్కకుండా తిరుగుతున్నాడు.ఈ క్రమంలో దిలీప్‌ భద్రావతి న్యూ టౌన్‌ పోలీస్‌ స్టేషన్‌ పరిధిలో ఉన్నాడన్న సమాచారం పోలీసులకు అందింది. వెంటనే పోలీసులు అతడి కోసం గాలింపు చేపట్టారు. పోలీసులు తనను పట్టుకునేందుకు వస్తున్నారని గమనించిన దిలీప్‌.. అక్కడి నుంచి పరుగులు తీశాడు. కొద్దిసేపటికి ఓ నీటి ప్రవాహం వద్దకు చేరుకుని.. ఎక్కడ దాక్కోవాలో తెలియక ఏకంగా నీళ్లలోకి దిగిపోయాడు.పోలీసులు చుట్టుపక్కల ఎంత వెతికినా తొలుత దిలీప్‌ కనిపించలేదు. దీంతో అతడు తప్పించుకున్నాడని భావించే పరిస్థితి ఏర్పడింది. కానీ పోలీసుల కంటికి నీళ్లలో కలుపు మొక్కలు కదలడం, నీటి అడుగు నుంచి గాలి బుడగలు పైకి రావడం కనిపించాయి. దీంతో అనుమానం వచ్చిన పోలీసులు ఆ ప్రాంతాన్ని జాగ్రత్తగా పరిశీలించారు.అంతే.. అసలు విషయం బయటపడింది. దిలీప్‌ నీళ్ల అడుగునే దాక్కుని ఉన్నాడు. వెంటనే ఎస్సై రమేశ్‌, పోలీస్‌ సిబ్బంది ప్రసన్న నీళ్లలోకి దిగి అతడిని బయటకు లాగారు. అక్కడికక్కడే చేతులకు బేడీలు వేసి ఒడ్డుకు తీసుకొచ్చారు. ఆ సమయంలో ఇలా దొరికిపోతానని ఊహించలేదు సర్‌!” అంటూ ఖాకీలతో ఆ దిలీప్‌ చమత్కరించాడు.Hide and Seek : Cops dive into a pond to nab a rowdy sheeter hiding under weeds in ShivamoggaPolice in Shivamogga district have arrested a rowdy sheeter who was hiding in a pond to evade arrest despite three non bailable warrants issued against him by the court.The accused,… pic.twitter.com/6K0DBzRTUA— Imran Khan (@KeypadGuerilla) September 4, 2026

న్యూఢిల్లీ: పోలీసు అధికారుల నుంచి సామాన్య ప్రజలు ఆశించే సంయమనం, కరుణ కనుమరుగవుతున్నట్లు కనిపిస్తోందని సుప్రీంకోర్టు న్యాయమూర్తి జస్టిస్‌ ఉజ్జల్‌ భూయాన్‌ చెప్పారు. ఢిల్లీలో జంతర్‌ మంతర్‌ వద్ద ఇటీవల జరిగిన విద్యార్థుల నిరసన సందర్భంగా పోలీసు సిబ్బంది నిరసనకారులపై దాడి చేశారన్న వార్తలపై ఆయన ఆందోళన వ్యక్తం చేశారు. శుక్రవారం ఢిల్లీలో మాజీ భద్రతా కార్యదర్శి యశోవర్దన్‌ ఆజాద్‌ రచించిన ‘పోలీసింగ్‌ ది రిపబ్లిక్‌’ పుస్తకావిష్కరణ కార్యక్రమంలో జస్టిస్‌ భూయాన్‌ మాట్లాడారు. ఇండియన్‌ పోలీస్‌ సర్వీస్‌(ఐపీఎస్‌)కు చెందిన యువ అధికారులు స్వయంగా నిరసనకారులపై దాడి చేయడం చూసినప్పుడు మనమంతా కలత చెందుతామని అన్నారు. ఇది చూడటానికి చాలా బాధాకరమైన విషయమని చెప్పారు. ప్రజల పట్ల పోలీసులు సంయమనం పాటిస్తే బాగుంటుందని అభిప్రాయపడ్డారు. అధిక బలప్రయోగం, మానవ హక్కుల ఉల్లంఘనకు పాల్పడకుండానే సమర్థవంతంగా విధులు నిర్వహించవచ్చని స్పష్టంచేశారు. వీధిలో విజిల్, లాఠీతో కనిపించే పోలీసు అధికారిని ప్రభుత్వ అధికారాన్ని, ఆధిపత్యాన్ని చెలాయించే వ్యక్తిగా చాలామంది సామాన్యులు భావిస్తుంటారని పేర్కొన్నారు. తమకు అన్యాయం జరిగిందని భావించినప్పుడు వారు పోలీసుల సహాయం కోరుతారని చెప్పారు. కాబట్టి పోలీసు వ్యవస్థ తమ విశ్వసనీయతను కాపాడుకోవడం అత్యంత ముఖ్యమని ఉద్ఘాటించారు. అధికారులే చట్టాన్ని ఉల్లంఘించేవారిగా మారితే.. దేశంలో కస్టోడియల్‌ హింస, మరణాల కేసులు పెరుగుతుండటంపై జస్టిస్‌ భూయాన్‌ స్పందించారు. ఇలాంటివి నాగరిక సమాజంలో అత్యంత దారుణమైన నేరాలుగా అభివరి్ణంచారు. చట్టబద్ధమైన పాలన సాగే సమాజంలో కస్టడీ మరణం అనేది అత్యంత దారుణమైన నేరాల్లో ఒకటి అని స్పష్టంచేశారు. విచారణ, ప్రశ్నించడం లేదా మరే ఇతర సందర్భంలోనైనా జరిగే హింస, క్రూరమైన, అమానుషమైన, అవమానకరమైన ప్రవర్తన ఏదైనా ఆర్టీకల్‌ 29 పరిధిలోకి వస్తుందని వివరించారు. ప్రభుత్వ అధికారులు చట్టాన్ని ఉల్లంఘించేవారిగా మారినప్పుడు అది చట్టరాహిత్యాన్ని ప్రోత్సహించవచ్చని నొక్కిచెప్పారు. ఏ నాగరిక దేశమూ దీనిని అనుమతించదని ఉద్ఘాటించారు. ఒక పోలీసు అధికారి అరెస్టు చేసినంత మాత్రాన పౌరుడు తన ప్రాథమిక హక్కులను కోల్పోతాడా? అని ప్రశ్నించారు. అలాగే అరెస్టు సమయంలో జీవించే హక్కును తాత్కాలికంగా నిలిపివేయవచ్చా? అనే ఒక మౌలిక ప్రశ్నను న్యాయస్థానం లేవనెత్తిందని పేర్కొన్నారు. దీనికి సమాధానం కచ్చితంగా ‘కాదు’ అనేదే కావాలని తేలి్చచెప్పారు. అరెస్టు, విచారణకు సంబంధించి డి.కె.బసు వర్సెస్‌ స్టేట్‌ ఆఫ్‌ వెస్ట్‌ బెంగాల్‌ కేసులో ఇచ్చిన తీర్పులో అనేక నిర్దేశాలను నిర్దేశించిందని అన్నారు. మానవ హక్కుల ఉల్లంఘనకు గురైన బాధితులకు నష్టపరిహారం చెల్లించాల్సిన అవసరాన్ని కూడా న్యాయస్థానం గుర్తించిందని జస్టిస్‌ భూయాన్‌ వివరించారు. న్యాయపరమైన ప్రక్రియకు వెలుపల జరిగే హత్యలు లేదా నకిలీ ఎన్‌కౌంటర్లను సుప్రీంకోర్టు తీవ్రంగా పరిగణించిందని తెలియజేశారు. ఎన్‌కౌంటర్‌ అనేది నేరపూరిత విధానమని, అది పోలీసింగ్‌లో భాగం కాకూడదని అభిప్రాయపడ్డారు. పోలీసు సంస్కరణల ఆవశ్యకతను ప్రస్తావించారు. అలాగే పోలీసుల పనితీరులో రాజకీయ జోక్యం వల్ల కలిగే ప్రమాదాల గురించి మాట్లాడారు.

సాక్షి ప్రతినిధి, గుంటూరు: దాదాపు మూడు నెలల కిందట మాయమైన బాలిక ఆచూకీ ఇప్పటివరకు దొరకలేదని చెబుతున్న పోలీసులు.. హైకోర్టు తీవ్ర ఆగ్రహం, హెచ్చరికల నేపథ్యంలో బాలికను, ఆమెను కిడ్నాప్‌ చేసిన వ్యక్తిని శుక్రవారం అదుపులోకి తీసుకున్నారు. వారిద్దరూ హరియాణా రాష్ట్రం కర్నాల్‌ నగరంలోని ఓ లాడ్జిలో ఉండగా సిట్‌ బృందం అదుపులోకి తీసుకున్నట్లు చెబుతున్నారు. వారిద్దరినీ గుంటూరు తీసుకు­వస్తున్నారు. మూడు నెలలుగా ఆచూకీ కనిపెట్టలేకపోయిన పోలీసులు.. సోమవారానికల్లా బాలిక ఆచూకీ కనిపెట్టి కోర్టులో హాజరు పరచాలని ఆదేశించిన 24 గంటల్లోనే అంత దూరంలో ఉన్న వారిని ఎలా పట్టుకోగలిగారన్న ప్రశ్నలు తలెత్తుతున్నాయి. ఇప్పటి వరకు వదిలేయడం వెనుక ఏమైనా కారణాలు ఉన్నాయా, దీని వెనుక ఉన్న పెద్దలు ఎవరు అన్న ప్రశ్నలు ఉత్పన్నమవుతున్నాయి. బాలికకు ఇన్‌స్టాగ్రామ్‌లో పరిచయమైన నిందితుడు షేక్‌ జాన్‌ సైదా అలియాస్‌ రబ్బాని అలియాస్‌ పండు ఆమెను జూన్‌ 9న తీసుకెళ్లిపోయాడు. ఆ సమయంలో బాలిక ఇంటి నుంచి 200 గ్రాముల బంగారం తీసుకెళ్లింది. ఆ బంగారంలో సగం వరకు అమ్మేసిన కిడ్నాపర్‌ సైదా మూడు నెలలపాటు విచ్చలవిడిగా ఖర్చు చేసినట్లు పోలీసులు చెబుతున్నారు. బాలిక అశ్లీల వీడియోలు, ఫొటోలు తన వద్ద ఉన్నాయని, తన వెంట రాకపోతే గ్రూపుల్లో షేర్‌ చేస్తానంటూ బెదిరించి బాలికను తీసుకెళ్లినట్లుగా ప్రాథమిక విచారణలో వెల్లడైనట్లు చెబుతున్నారు. షేక్‌ జాన్‌ సైదా సెల్‌ఫోన్‌ను స్వాదీనం చేసుకుని, అందులో బాలిక వీడియోలు, ఫొటోలు ఉన్నాయా అని పరిశీలిస్తున్నట్లు స­మా­చారం. నిందితుడిపై కిడ్నాప్, అత్యాచారం, పోక్సో సెక్షన్ల కింద కేసు నమోదు చేసి, పూర్తి విచారణ అనంతరం కోర్టులో హాజరు పరుస్తామని పోలీసులు చెబుతున్నారు. కిడ్నాపర్‌కు ఎవరెవరు సహకరించారనేది విచారణలో తేలుతుందని, దాన్ని బట్టి వారిపైనా కేసు నమోదు చేస్తామంటూ పోలీసులు చెబుతున్నారు. ఇప్పటివరకు ఎందుకు పట్టుకోలేదు? బాలిక కనిపించడం లేదంటూ ఆమె తండ్రి జూన్‌ 10న ఫిర్యాదు చేసినా గుంటూరు పట్టాభిపురం పోలీసులు పెద్దగా పట్టించుకోలేదు. అన్ని ఆధారాలు ఇచ్చినా, వారి ఖర్చులు భరించినా కాలం వెళ్లదీశారు. పైగా షేక్‌ సైదా చేతనైతే పట్టుకోవాలని పోలీసులకు సవాలు కూడా విసిరాడు. అతడి గురించి సమాచారం ఉన్నా పట్టుకొని తీసుకురావడంలో పోలీసులు ఘోరంగా విఫలమైనట్లు ఆరోపణలు ఉన్నాయి. చివరకు బాలిక తండ్రి హైకోర్టును ఆశ్రయించారు. హైకోర్టు గురువారం పోలీసులపై తీవ్రంగా ఆగ్రహం వ్యక్తం చేసింది. సోమ­వా­రా­నికల్లా బాలిక ఆచూకీ కనిపెట్టి, హాజరుపరచాలని గట్టిగా హెచ్చరించడంతో దిగివచ్చిన పోలీసులు వారిద్దరిని అదుపులోకి తీసుకున్నట్లు చెబుతున్నారు. పోలీసులకు అధికారపార్టీ నేతలు, ఉన్నతాధికారుల అండ? బాలిక కిడ్నాప్‌ కేసును ఛేదించడంలో మూడు నెలలుగా నిర్లక్ష్యం వహించిన పట్టాభిపురం పోలీసులపై చర్యలు తీసుకుంటారా లేక వదిలేస్తారా అన్న ప్రశ్నలు వినిపిస్తున్నాయి. బాలిక కిడ్నాప్‌పై స్పందించకపోవడం వెనుక పెద్ద తలకాయలే ఉంటాయన్న అనుమానాలున్నాయి. బాలిక తండ్రి పోలీసుల చుట్టూ తిరుగుతూ.. వారికి స్వయంగా కార్లు, ఫ్లైట్‌ టికెట్లు పెట్టి సహకరిస్తున్నా నిందితుడిని పట్టుకోకపోవడం వెనుక పెద్ద వ్యక్తులు ఉంటారని తేటతెల్లమవుతోంది. పట్టాభిపురం పోలీసులపై చర్యలు తీసుకోకుండా అధికార పార్టీ నేతలు, కొందరు ఉన్నతాధికారులు ప్రయత్నిస్తున్నట్లు సమాచారం.

గుంటూరు: కిడ్నాప్‌నకు గురైన పాలిష్‌ వ్యాపారి హత్య కేసులో బావమరిదే ప్రధాన సూత్రధారి అని తేలింది. కేసును తెనాలి రూరల్‌ పోలీసులు ఛేదించారు. బావ హత్యకు సుపారి ఇచ్చిన బావమరిదిని, కిరాయి ముఠాను అరెస్ట్‌ చేసినట్లు జిల్లా ఎస్పీ వకుల్‌ జిందాల్‌ తెలిపారు. జిల్లా పోలీస్‌ కార్యాలయంలో గురువారం జరిగిన మీడియా సమావేశంలో కేసు వివరాలను జిల్లా ఎస్పీ వెల్లడించారు. ఆయన కథనం ప్రకారం... తెనాలికి చెందిన చుక్క కోటినాగవీరయ్య (53) అలియాస్‌ నాగ మహేష్‌ పాలిష్‌ వ్యాపారం చేసేవాడు. అతనికి 2006లో విజయవాడ వాసి సంధ్యారాణితో పెళ్లై, ఇద్దరు పిల్లలు. అతనికి 35 ఏళ్ల అట్టలూరి దీప్తితో వివాహేతర సంబంధం ఏర్పడింది. దీంతో రెండేళ్లుగా సరిగా ఇంటికెళ్లడం లేదు. తెనాలి నందులపేటలో దీప్తితో కలిసి అద్దె ఇంట్లో ఉంటున్నాడు. గత నెల 29న అతను సాయంత్రం ఇంటి నుంచి వెళ్లగా, ఫోన్‌ స్విచ్ఛాఫ్‌ వచ్చింది. దీంతో దీప్తి వెతుకుంటూ 30న ఆటోనగర్‌ వెళ్తుండగా సోమసుందరపాలెం శివారులో స్కూటీ, చెప్పులు కనిపించాయి. దీనిపై తెనాలి గ్రామీణ పోలీసులకు ఫిర్యాదు చేయగా కేసు నమోదైంది. అతడిని కిడ్నాప్‌ చేసినట్లు గుర్తించారు. ప్రత్యేక బృందాలతో గాలించారు. విచారణలో విజయవాడ రాజీవ్‌నగర్‌లో ఉంటున్న నాగమహేష్‌ బావమరిది పగడాల రాజేష్‌ను అదుపులోకి తీసుకున్నామని అన్నారు. బావ హత్యకు బావమరిది కీలక సూత్రధారి అని గుర్తించామని చెప్పారు. బుధవారం రాత్రి రాజేష్‌ను, బాపట్ల జిల్లా భట్టిప్రోలు మండలం ఓలేరుకి చెందిన కొమరబత్తిని సందీప్, బుస్సా సంజయ్, కొప్పుల అపర్ణ అలియాస్‌ బుజ్జి, దేవరకొండ మారుతీవరప్రసాద్‌ అలియాస్‌ మారుతీని అరెస్ట్‌ చేశామన్నారు. ఇసుక క్వారీ వద్ద మృతదేహం నాగమహేష్‌ దీప్తితో సహజీవనం చేస్తూ, ఆస్తి మొత్తం ఆమెకు రాసిస్తాడని రాజేష్‌ కక్ష పెంచుకున్నాడు. ఆస్తిని తన సోదరి, ఆమె పిల్లల పేరిట రాయకపోవడంతో బావ హత్యకు పథకం రూపొందించాడు. సందీప్‌కు రూ.4 లక్షల సుపారీ ఇచ్చినట్లు దర్యాప్తులో వెల్లడైంది. సందీప్‌ తన అనుచరులతో తెనాలిలోని ఓ హోటల్‌లో పది రోజులు బస చేసి, నాగమహేష్‌ కదలికలపై రెక్కీ నిర్వహించాడు. గత నెల 29న సోమసుందరపాలెం వద్ద బైక్‌పై వెళ్తున్న అతన్ని గుంటూరు నుంచి అద్దెకు తెచ్చిన కారులో బలవంతంగా ఎక్కించుకెళ్లారు. తేలప్రోలు, అత్తోట, తుములూరు మీదుగా కరకట్టపై రేపల్లె వైపు వెళ్తూ కారులోనే గొంతు నులిమి హత్య చేసినట్లు దర్యాప్తులో తేలింది. సాంకేతిక ఆధారాలు, సీసీటీవీ ఫుటేజ్‌ ఆధారంగా దర్యాప్తు చేపట్టి నిందితులను గుర్తించారు. గురువారం ఓలేరు ఇసుక క్వారీ వద్ద మతదేహాన్ని గుర్తించారు. భట్టిప్రోలు తహసీల్దార్, అసిస్టెంట్‌ ప్రొఫెసర్‌ సమక్షంలో పోస్టుమార్టం నిర్వహించారు. కేసును ఛేదించిన తెనాలి డీఎస్పీ జనార్దన్, తెనాలి గ్రామీణ సర్కిల్‌ సీఐ నాయబ్‌ రసూల్, ఎస్‌ఐ ఆనంద్, కొల్లిపర పీఎస్‌ ఎస్‌ఐ ప్రసాద్, సిబ్బందిని జిల్లా ఎస్పీ అభినందించి ప్రశంసా పత్రాలు అందించారు. చదవండి: ‘దమ్ముంటే పట్టుకోరా షెకావత్‌’

సాక్షిప్రతినిధి, గుంటూరు: తమ చిన్నారిని రక్షించాల్సిన పోలీసులే నిర్లక్ష్యంగా వ్యవహరిస్తే ఎవరికి చెప్పుకోవాలో తెలియక ఆ తండ్రి మూడు నెలలుగా అధికారులు, అధికారపార్టీ నాయకులు అందరి చుట్టూ కాళ్లరిగేలా తిరిగి కూతురి ఆచూకీ కోసం హైకోర్టు మెట్లు ఎక్కిన సంఘటన అందరికీ తెలిసిందే. ప్రజల మాన, ధన, ప్రాణాలను కాపాడాల్సిన పోలీసులు ఆ బాధ్యతను మరిచిపోయి అధికార పార్టీ నేతల అడుగులకు మడుగులొత్తుతూ ప్రతిపక్ష పార్టీ నాయకులపై తప్పుడు కేసులు పెట్టి వేధించడం, సోషల్‌ మీడియా పోస్టులు పెట్టినవారిపై అత్యుత్సాహం చూపి అరెస్టు చేయడం వంటి వాటికి పరిమితమై పోయారు. లా అండ్‌ ఆర్డర్‌ గాలికొదిలేశారు. రక్షక భటులే భక్షకులుగా మారి జనాన్ని పీక్కుతింటూ పోలీసు శాఖ ప్రతిష్టను కొందరు అవినీతి ఖాకీలు దిగజారస్తున్నారు. గుంటూరు నగరంలో జరిగిన సంఘటనపై హైకోర్టు సీరియస్‌గా స్పందించి పోలీసులను చీవాట్లు పెట్టడంతో ఇప్పుడు హడావుడిగా సిట్‌ ఏర్పాటు చేసి వెతుకులాట ప్రారంభించారు. దీనికి సంబంధించిన వివరాల్లోకి వెళితే... మూడు నెలలు దాటుతున్నా ఆచూకీ లేదు గుంటూరు నగరానికి చెందిన పదో తరగతి చదువుతున్న ఓ మైనర్‌ బాలిక జూన్‌ 9వ తేదీన ఇంటికి రాకపోవడంతో ఆందోళనకు గురైన తండ్రి అదే రోజు సాయంత్రం నగరంలోని పట్టాభిపురం పోలీసుస్టేషన్‌లో ఫిర్యాదు చేశారు. మరుసటి రోజు అనగా జూన్‌ 10వ తేదీన కేసు నమోదు చేసిన పోలీసులు దర్యాప్తు ప్రారంభించారు. బాలికను గంజాయి తాగే ఓ యువకుడు (22 ఏళ్లు) కిడ్నాప్‌ చేశాడనే విషయం బయట పడడంతో తల్లిదండ్రులు కుప్పకూలిపోయారు. కిడ్నాపర్‌ నెల్లూరు మొబైల్‌ షాపులో మొబైల్‌ కొన్నట్లు సీసీ çటీవీ ఫుటేజీలో గమనించిన తండ్రి అతని మొబైల్‌ ఈఎంఐ నంబరుతో సహా పోలీసులకు అందించారు. అదే నెల 18వ తేదీన ఫోన్‌ ఆన్‌ చేసినట్లుగా పోలీసులు చెప్పడంతో తండ్రి కార్లు ఏర్పాటు చేసి ఓ ఎస్‌ఐ, నలుగురు కానిస్టేబుళ్లను తీసుకుని హుటాహుటిన కోయంబత్తూరు వెళ్లారు. 13 నుంచి 18వ తేదీ వరకు కోయంబత్తూరులోని లాడ్జిల్లో వారు బస చేసినట్లు ఆధారాలు కూడా దొరికాయి. అనంతరం కోయంబత్తూరు రైల్వేస్టేషన్‌లో తండ్రే ఆరీ్పఎఫ్‌ పోలీసులను కలిసి రైల్వేస్టేషన్‌ పుటేజీ పరిశీలించగా సికింద్రాబాద్‌ రైలు ఎక్కినట్లు గుర్తించారు. దీంతో కారుల్లో వెళితే ఆలస్యమవుతోందని భావించిన తండ్రి ఎస్‌ఐ, నలుగురు కానిస్టేబుళ్లకు తానే విమాన టికెట్లు కొనుగోలు చేసి సికింద్రాబాద్‌కు వచ్చారు. అక్కడ కిడ్నాపర్‌ మేనత్తను పట్టుకుని ప్రశ్నించగా, తన ఇంటికి వచ్చివెళ్లినట్లు అంగీకరించింది. ఆ తరువాత సెల్‌ స్విచ్‌ ఆఫ్‌ చేసిన నిందితుడు ఇప్పటివరకు ఎక్కడ ఉన్నాడో బాలికను ఎక్కడ దాచాడో తెలియని పరిస్థితి. మిస్సింగ్‌ కేసు నమోదు చేసి వదిలేశారు.. మైనర్‌ బాలికను గంజాయి తాగుతూ కత్తి పెట్టుకుని తిరిగే ఓ జులాయి కిడ్నాప్‌ చేశాడని జూన్‌ నెల 11వ తేదీన పోలీసులకు తెలిసినప్పటికీ మిస్సింగ్‌ కేసుగానే ఉంచి దర్యాప్తు చేశారే తప్ప, కనీసం కిడ్నాప్, పోక్సో చట్టం కింద సెక్షన్‌లు మార్పు చేయని పరిస్థితి. మైనర్‌ బాలికను కిడ్నాప్‌ చేసి తీసుకెళ్లిన నిందితుడు షేక్‌ జాన్‌ సైదా అలియాస్‌ రబ్బానీ అలియాస్‌ పండుగా పోలీసులు గుర్తించారు. అతనికి ఇన్‌స్ర్ట్రాగామ్‌లో 300 నుంచి 400 మంది వరకు కాంటాక్ట్‌ ఉన్నట్లు గుర్తించారు. వీరిలో కొందరిని పిలిచి విచారించిన పోలీసులు ఆతరువాత ఫోన్‌ స్విచ్‌ ఆఫ్‌ కావడంతో చేతులెత్తేశారు. పోలీసులు, బాలిక తండ్రి, వారి బంధువులు కోయంబత్తూరు, పాల్గాడ్, సికింద్రాబాద్‌ వంటి ప్రాంతాల్లో లాడ్జిల్లో వెతికారు. అయితే వీరి ఆచూకీ ముందుగానే ఎలా తెలుసుకున్నాడో తెలియదు గాని నిందితుడు వీరు అక్కడికి చేరుకునే రోజు లాడ్జిలు ఖాళీచేసి వెళ్లిపోతున్నాడు. అయితే పోలీసుల నిర్లక్ష్యంపై హైకోర్టు తీవ్ర స్థాయిలో మండిపడడం, ఘాటు వ్యాఖ్యలు చేయడంతో ఏం చేయాలో తెలియక హడావుడిగా గురువారం కిడ్నాప్, పోక్సో యాక్ట్‌ కింద కేసు మార్పు చేసి హైకోర్టుకు నివేదించేందుకు నానా తంటాలు పడ్డారు. ‘ఫోన్‌ ఆన్‌ చేస్తే తప్ప ఏం చేయలేమంటూ..’జూన్‌ 21వ తేదీన సికింద్రాబాద్‌లో వెతికిన పోలీసులు ఇక ఆ తరువాత నిందితుడి ఫోన్‌ ఆన్‌ చేస్తే తప్ప, తాము ఏమీ చేయలేమని చేతులెత్తేశారు. చిన్న చిన్న సోషల్‌ మీడియా కేసుల్లో రాష్ట్రాలు దాటి వెళ్లి అమాయకులను అర్ధరాత్రి పూట ఎత్తుకొస్తున్న పోలీసులకు ఓ మైనర్‌ బాలిక కిడ్నాప్‌ అయి మూడు నెలలు దాటుతున్నా చలనం లేదంటే పరిస్థితి ఎంత దారుణంగా ఉందో అర్ధం చేసుకోవచ్చు. అప్పటి నుంచి మూడు నెలలుగా పోలీసు అధికారులు, అధికార పార్టీ నేతల చుట్టూ తిరిగి విసిగిపోయిన బాలిక తండ్రి చివరకు హైకోర్టును ఆశ్రయించాడు. దీంతో పోలీసులపై హైకోర్టు సీరియస్‌ అయిన విషయం అందరికి తెలిసిందే. బాలిక ఇంటి నుంచి వెళుతూ లక్ష రూపాయల నగదు, బంగారం తీసుకెళ్లినట్లు సమాచారం.పోలీసులకు సవాల్‌ విసిరిన కిడ్నాపర్‌ పోలీసుల నిర్లక్ష్యాన్ని ఆసరాగా తీసుకున్న నిందితుడు సికింద్రాబాద్‌లో ఉండే తన మేనత్త ఫోన్‌ నుంచి జూలై 13వ తేదీన ఇన్‌స్టాగ్రామ్ ఓపెన్‌ చేసి ‘దమ్ముంటే పట్టుకోరా షెకావత్‌’ అంటూ పోలీసులకు సవాల్‌ విసిరాడు. అయినా పోలీసుల్లో చలనం లేకపోవడం దారుణమైన విషయం. చదవండి: బావ హత్యకు బావమరిదే సూత్రధారి

అప్పుడప్పుడు కొన్ని విచిత్రమైన సంఘటనలు జరుగుతుంటాయి. అటువంటిదే ఈ ఘటన కూడా. రోడ్డుపైకి వచ్చిన ఓ భారీ ఈము పక్షి.. ఓ పోలీస్‌ అధికారిని పరుగులు పెట్టించింది. ఈమును పట్టుకునేందుకు అధికారి చేసిన ప్రయత్నం కాసేపు సరదా ఛేజింగ్‌గా మారింది. ఆస్ట్రేలియాలో జరిగిన ఈ ఘటనకు సంబంధించిన వీడియో ఇప్పుడు సోషల్‌ మీడియాలో వైరల్‌గా మారింది.ఆస్ట్రేలియాలోని న్యూ సౌత్‌ వేల్స్‌లో నాష్‌డేల్‌ ప్రాంతంలో ఈ ఘటన చోటుచేసుకుంది. అయితే ఈము పక్షి రోడ్డుపైకి వచ్చి అటూ ఇటూ సంచరించడంతో వాహనాలకు ప్రమాదం జరిగే అవకాశం ఉందని స్థానికులు పోలీసులకు సమాచారం ఇచ్చారు.దీంతో సమాచారం అందుకున్న ఓ యువ పోలీస్‌ అధికారి అక్కడికి చేరుకున్నాడు. రోడ్డుపై నుంచి ఈమును పక్కకు పంపించేందుకు ప్రయత్నించగా.. అది ఆ అధికారిని పరుగులు పెట్టించింది. అధికారి ఎంత వేగంగా పరుగెత్తినా ఈము ఏమాత్రం దొరకకుండా ఉరకలు తీసింది. దీంతో అక్కడ కొద్దిసేపు సరదా ఛేజింగ్‌ కనిపించింది. ఎట్టకేలకు అధికారి ఆ పక్షిని రోడ్డుకు దూరంగా పంపించడంలో విజయవంతమయ్యాడు.అయితే, ఈ ఘటనకు సంబంధించిన వీడియోను న్యూ సౌత్‌ వేల్స్‌ పోలీసులు సోషల్‌ మీడియాలో ‘క్యాచ్‌ మీ ఇఫ్‌ యూ కెన్‌’ అని పేర్కొంటూ పోస్ట్‌ చేశారు. రోడ్డుపై ఈము ఉండటం వల్ల తీవ్రమైన ట్రాఫిక్‌ ప్రమాదం జరిగే అవకాశం ఉందని తెలిపారు. సాధారణంగా గ్రామీణ ప్రాంతాల్లో రోడ్డుపైకి వచ్చిన పశువులు, కంగారూలను పోలీసులు తరలిస్తుంటారు. అయితే ఈము కోసం ట్రాఫిక్‌ నిర్వహించాల్సి రావడం మాత్రం అరుదైన అనుభవమని అధికారులు పేర్కొన్నారు.ఈ వీడియోకు దాదాపు 90 వేల వ్యూస్‌ రావడంతో నెటిజన్లు కూడా ఆసక్తికరమైన కామెంట్లు చేశారు. ‘అది తిరిగి పోలీస్‌ను వెంటాడితే అసలు వేగం తెలుస్తుంది’ అంటూ కొందరు సరదాగా స్పందించారు. మరికొందరు ఈ ఘటనను 1932లో ఆస్ట్రేలియాలో జరిగిన ‘ఈము వార్‌’తో పోల్చారు. అప్పట్లో పంటలను నాశనం చేస్తున్న ఈములను నియంత్రించేందుకు సైన్యం చేసిన ప్రయత్నం పెద్దగా ఫలించకపోవడంతో ఆ ఘటన చరిత్రలో నిలిచిపోయిందని గుర్తుచేసుకున్నారు.అయితే, ఈ ఘటన సరదాగా కనిపించినప్పటికీ రోడ్డుపైకి వచ్చే పెద్ద జంతువులు వాహనదారులకు ప్రమాదకరంగా మారవచ్చు. అలాంటి పరిస్థితుల్లో డ్రైవర్లు వేగాన్ని తగ్గించి అప్రమత్తంగా ఉండాలి. పక్షులను, జంతువులను భయపెట్టకుండా దూరంగా వెళ్లి, అవసరమైతే పోలీసులకు సమాచారం ఇవ్వడం మంచిదని మరికొందరు వారి వారి అభిప్రాయాలను సోషల్‌మీడియా వేదికగా పంచుకున్నారు. View this post on Instagram A post shared by ABC News (@abcnews) ఇవి కూడా చదవండి: సన్యాసం కోసం..రూ. 47 కోట్ల కంపెనీ అమ్మకానికి!

సాక్షి, హైదరాబాద్‌: నగరంలో ట్రాఫిక్ నిబంధనల అమలును మరింత పటిష్టం చేసేందుకు కీలక అడుగు పడింది. 'సేవ్‌లైఫ్ ఫౌండేషన్' (SLF) హైదరాబాద్ ట్రాఫిక్ పోలీసులకు 15 అత్యాధునిక బ్రీత్ అనలైజర్లను అందజేసింది. 'వర్టిస్ ఇన్‌ఫ్రాస్ట్రక్చర్ ట్రస్ట్' మద్దతుతో నడుస్తున్న 'ప్రాజెక్ట్ సంజీవని'లో భాగంగా ఈ పరికరాలను పంపిణీ చేసినట్లు తెలిపింది. హైదరాబాద్ ట్రాఫిక్ పోలీస్ జాయింట్ కమిషనర్ (IPS) డి. జోయల్ డేవిస్, వర్టిస్ ఇన్‌ఫ్రాస్ట్రక్చర్ ట్రస్ట్ చీఫ్ ఆపరేటింగ్ ఆఫీసర్ జి.వి.ఎమ్. కిరణ్ బాబు సమక్షంలో ఈ కార్యక్రమం జరిగింది.ఈ హ్యాండోవర్ 'ప్రాజెక్ట్ సంజీవని'లో ఒక భాగం. ఇది దేశంలోనే మొదటి పూర్తి స్థాయి రోడ్డు ప్రమాదాల తక్షణ వైద్య సహాయం హైవే రెస్క్యూ ప్రోటోకాల్. తెలంగాణ ప్రభుత్వం, నేషనల్ హైవేస్ అథారిటీ ఆఫ్ ఇండియా సహకారంతో సేవ్‌లైఫ్ ఫౌండేషన్ ఈ పైలట్ ప్రాజెక్ట్‌ను అమలు చేస్తోంది. హైదరాబాద్ నుండి ఆదిలాబాద్ వరకు ఉన్న 251 కిలోమీటర్ల 'NH-44' కారిడార్‌లో దీనిని నిర్వహిస్తున్నారు. ప్రమాదాలు జరిగినప్పుడు అత్యవసర సేవలు అందించేందుకు 2026 ఏప్రిల్‌లో ఈ ప్రాజెక్ట్ ప్రారంభమైంది. ఇప్పుడు అందిన సరికొత్త బ్రీత్ అనలైజర్ల ద్వారా ప్రమాదాలు జరగకుండా ముందస్తుగా అడ్డుకునేందుకు, డ్రంక్ అండ్ డ్రైవ్ తనిఖీలను వేగంగా నిర్వహించేందుకు ట్రాఫిక్ పోలీసులకు వీలవుతుంది.మద్యం సేవించి వాహనాలు నడపడం వల్ల దేశవ్యాప్తంగా 2024లోనే 3,200 మందికి పైగా ప్రాణాలు కోల్పోయారు. ఈ కొత్త పరికరాల వల్ల స్పాట్‌లోనే వేగంగా, స్పష్టమైన ఆధారాలతో డ్రైవర్లను పరీక్షించే వీలుంటుంది. దీనివల్ల నిందితులపై చట్టపరమైన చర్యలు తీసుకోవడం సులువవుతుంది. ఈ ప్రాజెక్ట్‌ను తెలంగాణలోని ఇతర జాతీయ రహదారులతో పాటు దేశవ్యాప్తంగా విస్తరించాలని అధికారులు లక్ష్యంగా పెట్టుకున్నారు.ఈ సందర్భంగా హైదరాబాద్ ట్రాఫిక్ పోలీస్ జాయింట్ కమిషనర్ (IPS) డి. జోయల్ డేవిస్ మాట్లాడుతూ, నగరంలో రోడ్డు భద్రతను మెరుగుపరచడానికి మరియు ప్రజల ప్రాణాలను కాపాడటానికి ట్రాఫిక్ పోలీస్ విభాగం ఎల్లప్పుడూ కట్టుబడి ఉంటుందని చెప్పారు. రోడ్డుపై తమ అధికారులు ఎదుర్కొనే అతిపెద్ద సవాళ్లలో డ్రంక్ అండ్ డ్రైవ్ ఒకటి అని, దీనిపై కఠినమైన నిఘా ఉంచడం చాలా ముఖ్యమని పేర్కొన్నారు. 'ప్రాజెక్ట్ సంజీవని' కింద అందిన ఈ బ్రీత్ అనలైజర్లు తమ అధికారుల సామర్థ్యాన్ని మరింత పెంచుతాయని, మద్యం తాగి వాహనాలు నడిపే వారిని వేగంగా, కచ్చితత్వంతో పట్టుకోవడానికి ఇవి సహాయపడతాయని తెలిపారు. తమకు మద్దతుగా నిలిచిన సేవ్‌లైఫ్ ఫౌండేషన్ మరియు వర్టిస్ ఇన్‌ఫ్రాస్ట్రక్చర్ ట్రస్ట్‌కు ఆయన ధన్యవాదాలు తెలిపారు.

హైదరాబాద్‌: ఫోక్‌ డ్యాన్సర్‌ ఈశ్వర్‌సాయిపై నార్సింగి పోలీసులు కేసు నమోదు చేసిన విషయం ఆలస్యంగా వెలుగులోకి వచ్చింది. ఆయనపై డ్యాన్సర్‌ రమావత్‌ మాధురి రాథోడ్‌ ఫిర్యాదు చేయటంతో ఆగస్టు 22న కేసు నమోదు చేసినట్టు పోలీసులు తెలిపారు. ఈశ్వర్‌సాయి తనను ప్రేమించి పెళ్లి చేసుకుంటానని నమ్మించి మోసం చేశాడని ఆమె ఫిర్యాదులో పేర్కొంది. ‘బాసింగ బలాలే’ జానపద నృత్యంలో నటించి ఈశ్వర్‌సాయి పాపులర్‌ అయ్యారు. ఈశ్వర్‌ సాయిపై మాధురి రాథోడ్‌ చేసిన ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.