దాదాపు దశాబ్ద కాలానికి పైగా ఫుట్‌బాల్‌ ప్రపంచంలో మకుటం లేని మహారాజులుగా వెలుగొందుతున్నారు పోర్చుగల్‌ దిగ్గజం క్రిస్టియానో రొనాల్డో(Cristiano Ronaldo)- అర్జెంటీనా లెజెండ్‌ లియోనల్‌ మెస్సీ(Lionel Messi). అద్భుతమైన ఆట తీరుతో ఆకట్టుకునే ఈ ఇద్దరికీ ప్రపంచ వ్యాప్తంగా కోట్లాది మంది అభిమానులు ఉన్నారు. అయితే, ఈ వీళ్లిద్దరిలో ఎవరు గొప్ప అన్న చర్చ ఎప్పుడూ ఆసక్తికరమే.ఈ విషయంపై రొనాల్డో స్వయంగా స్పందించాడు. చాలా మంది మెస్సీకే గ్రేటెస్ట్‌ ఆఫ్‌ ఆల్‌ టైమ్‌(GOAT) బిరుదు ఇచ్చేందుకు మొగ్గుచూపవచ్చని అభిప్రాయపడ్డాడు. అయితే, తాను మాత్రం పరిపూర్ణ ఫుట్‌బాలర్‌ని అని పేర్కొన్న రొనాల్డో.. ఫుట్‌బాల్‌ చరిత్రలో తన కంటే గొప్ప ఆటగాడు లేడని అనడం విశేషం.నేనే ‘కంప్లీట్‌ ప్లేయర్‌’స్పానిష్‌ మీడియా అవుట్‌లెట్‌ లాసెక్టా టీవీకి తాజాగా ఇచ్చిన ఇంటర్వ్యూలో క్రిస్టియానో రొనాల్డో మాట్లాడుతూ.. ‘‘నాలాగా ప్రపంచంలో పరిపూర్ణమైన ఫుట్‌బాలర్‌ మరెవరూ లేరని అనుకుంటా. ఇప్పటి వరకు ఉన్న ఫుట్‌బాల్‌ ఆటగాళ్లందరిలో నేనే ‘కంప్లీట్‌ ప్లేయర్‌’. నేను అ‍న్ని రకాలుగా ఫుట్‌బాల్‌ ఆడగలను. చాలా మంది మెస్సీ, మారడోనా లేదంటే.. పీలే పేరు చెప్తారేమో!చరిత్రలోనే అత్యుత్తమ ఆటగాడినివాళ్ల అభిప్రాయాన్ని నేను గౌరవిస్తాను. ఏదేమైనా మోస్ట్‌ కంప్లీట్‌ ప్లేయర్‌ మాత్రం నేనే! ఫుట్‌బాల్‌ చరిత్రలోనే నేను అత్యుత్తమ ఆటగాడిని. నా కంటే మెరుగ్గా ఆడే ఫుట్‌బాలర్‌ను ఇంత వరకూ చూడలేదు. ఇవి నా మనస్ఫూర్తిగా చెబుతున్న మాటలు’’ అని పేర్కొన్నాడు.అదే విధంగా మెస్సీతో తన అనుబంధం గురించి చెబుతూ.. ‘‘మెస్సీతో నాకు ఎప్పుడూ ఎలాంటి సమస్యా లేదు. గత పదిహేనేళ్లుగా మేము అవార్డులు పంచుకుంటున్నాం. మా మాధ్య ఎలాంటి గొడవలు లేవు. అంతా సవ్యంగానే ఉంది.తనకోసం నేను ఆంగ్లాన్ని తర్జుమా చేసిన సందర్భాలు ఉన్నాయి. అప్పట్లో భలే సరదాగా ఉండేవాళ్లం. ఇక ఆటగాళ్లుగా మేము ప్రత్యర్థులమే కదా. తను తన క్లబ్‌కి, నేను నా క్లబ్‌కి మద్దతుగా ఉంటాం. జాతీయ జట్ల విషయంలోనూ అంతే. అయితే, ఆటతీరు ఎలా ఉందన్న అంశంపై పరస్పరం చర్చించుకుంటూ.. ఫీడ్‌బ్యాక్‌ తీసుకుంటాం. మా మధ్య ఎల్లప్పుడూ ఆరోగ్యకరమైన పోటీయే ఉంటుంది’’ అని రొనాల్డో తెలిపాడు.కాగా 2002లో పోర్చుగీస్‌ క్లబ్‌ స్పోర్టింగ్‌ జీపీ తరఫున ప్రొఫెషనల్‌ ఫుట్‌బాలర్‌గా ఎంట్రీ ఇచ్చిన రొనాల్డో.. క్లబ్‌, అంతర్జాతీయ స్థాయిలో కలిపి ఓవరాల్‌గా 923 గోల్స్‌తో టాప్‌ గోల్‌స్కోరర్‌గా కొనసాగుతున్నాడు. తన సుదీర్ఘ కెరీర్‌లో ఎన్నో రికార్డులు సాధించిన రొనాల్డోకు ఫిఫా వరల్డ్‌కప్‌ మాత్రం అందని ద్రాక్షగా మిగిలిపోయింది. 648 మిలియన్ల మంది ఫాలోవర్లుఅయితే, ఈ విషయంలో మెస్సీదే పైచేయి. కెప్టెన్‌గా అర్జెంటీనాకు ప్రపంచకప్‌ అందించిన ఘనత అతడికి దక్కింది. ఇక సోషల్‌ మీడియా ప్లాట్‌ఫామ్స్‌ ఫాలోవర్ల విషయంలోనూ రొనాల్డో- మెస్సీ మధ్య పోటీ ఉంది. అయితే, ఇందులో పోర్చుగీస్‌ ఆటగాడిదే ఆధిపత్యం. ప్రపంచంలోనే అత్యధిక ఫాలోవర్లు రొనాల్డోకు ఉన్నారు. ఇన్‌స్టాగ్రామ్‌లో అతడికి ఏకంగా 648 మిలియన్ల మంది ఫాలోవర్లు ఉండగా.. మెస్సీకి 504 మిలియన్ల ఫాలోవర్లు ఉన్నారు.చదవండి: CT 2025: సమయం మించిపోలేదు.. అతడిని జట్టులోకి తీసుకోండి: అశ్విన్‌

జ్యూరిక్‌: ప్రపంచ ఫుట్‌బాల్‌ సమాఖ్య (ఫిఫా) పురుషుల టీమ్‌ ర్యాంకింగ్స్‌లో విశ్వవిజేత అర్జెంటీనా జట్టు వరుసగా రెండో ఏడాదిని నంబర్‌వన్‌ ర్యాంక్‌తో ముగించింది. గురువారం విడుదల చేసిన తాజా ర్యాంకింగ్స్‌లో మెస్సీ నాయకత్వంలోని అర్జెంటీనా జట్టు 1867.25 పాయింట్లతో టాప్‌ ర్యాంక్‌లోనే కొనసాగుతోంది. ఈ ఏడాది అర్జెంటీనా జట్టు కోపా అమెరికా కప్‌ టైటిల్‌ సాధించింది.ఇక ర్యాంకింగ్స్‌లో ఫ్రాన్స్‌ రెండో స్థానంలో, స్పెయిన్‌ మూడో స్థానంలో ఉన్నాయి. గత నవంబర్‌లో విడుదల చేసిన ర్యాంకింగ్స్‌ నుంచి ఇప్పటి వరకు అంతర్జాతీయ స్థాయిలో తక్కువ మ్యాచ్‌లు జరగడంతో ర్యాంకింగ్స్‌లో పెద్దగా మార్పులు లేవు.ఇందులో ఇంగ్లండ్, బ్రెజిల్, పోర్చుగల్, నెదర్లాండ్స్, బెల్జియం, ఇటలీ, జర్మనీ వరుసగా నాలుగు నుంచి 10వ ర్యాంక్‌ వరకు కొనసాగుతున్నాయి.ఈ ఏడాది అన్ని జట్లకంటే ఎక్కువ మ్యాచ్‌లు ఆడిన అంగోలా జట్టు 32 స్థానాలు ఎగబాకి 85వ ర్యాంక్‌లో నిలిచింది. భారత జట్టు ఒక స్థానం మెరుగుపర్చుకొని 126వ ర్యాంక్‌లో ఉంది. తదుపరి ర్యాంకింగ్స్‌ను వచ్చే ఏడాది ఏప్రిల్‌లో విడుదల చేస్తారు.

తిరువనంతపురం: అంతా అనుకున్నట్లు జరిగితే... భారత క్రీడాభిమానులు, కేరళ ఫుట్‌బాల్‌ ప్రేమికులు ప్రపంచ చాంపియన్‌ అర్జెంటీనా జట్టు ఆటగాళ్ల విన్యాసాలు ప్రత్యక్షంగా చూస్తారు. రెండు అంతర్జాతీయ స్నేహపూర్వక మ్యాచ్‌లు ఆడేందుకు... స్టార్‌ స్ట్రయికర్‌ లియోనెల్‌ మెస్సీ సారథ్యంలోని అర్జెంటీనా జట్టు వచ్చే ఏడాది కేరళకు రానుందని ఆ రాష్ట్ర క్రీడా శాఖ మంత్రి అబ్దుల్‌ రహమాన్‌ బుధవారం ప్రకటించారు. ఈ మ్యాచ్‌లను కేరళ రాష్ట్ర ప్రభుత్వమే నిర్వహిస్తుందని... వేదికతో పాటు, ప్రత్యర్థి జట్లు ఎవరనే విషయాన్ని త్వరలోనే వెల్లడిస్తామని ఆయన చెప్పారు. ప్రస్తుతానికైతే ఖతర్, జపాన్‌ జట్లను ఆహ్వానించాలనే ఆలోచన ఉందని ఆయన వివరించారు. ‘ఫుట్‌బాల్‌ స్టార్‌ మెస్సీతో కూడిన ప్రపంచ నంబర్‌వన్‌ ఫుట్‌బాల్‌ జట్టు అర్జెంటీనా వచ్చే ఏడాది కేరళకు రానుంది. ఆ జట్టు ఇక్కడ రెండు మ్యాచ్‌లు ఆడనుంది. దీనిపై అర్జెంటీనా ఫుట్‌బాల్‌ సంఘంతో కలిసి త్వరలోనే సంయుక్త ప్రకటన విడుదల చేస్తాం’ అని రహమాన్‌ పేర్కొన్నారు. ఇటీవల స్పెయిన్‌ పర్యటన సందర్భంగా అర్జెంటీనా జాతీయ జట్టును ఆహ్వానించినట్లు ఆయన తెలిపారు. దీనికి ఆ జట్టు నుంచి సానుకూల స్పందన వచ్చిందని... త్వరలోనే దీనిపై మరింత స్పష్టత వస్తుందని అన్నారు. మ్యాచ్‌కు సంబంధించిన ఏర్పాట్లు, భద్రత తదితర అంశాలను ప్రభుత్వమే పర్యవేక్షిస్తుందని మంత్రి చెప్పారు. అయితే తమ షెడ్యూల్‌ ప్రకారం అర్జెంటీనా ఫుట్‌బాల్‌ సంఘమే భారత పర్యటనకు సంబంధించిన తేదీలను వెల్లడించనుందని పేర్కొన్నారు. అర్జెంటీనా ఆడనున్న మ్యాచ్‌ను ప్రత్యక్షంగా 50 వేల మంది అభిమానులు చూసేలా ఏర్పాటు చేస్తామని మంత్రి వెల్లడించారు. ఈ ప్రతిష్టాత్మక మ్యాచ్‌ను నిర్వహించే శక్తి సామర్థ్యాలు కేరళ ప్రభుత్వానికి ఉన్నాయని రహమాన్‌ పేర్కొన్నారు. రెండు మ్యాచ్‌ల నిర్వహణకు రూ. 100 కోట్లు ఖర్చు అవుతుందని, ఈ మొత్తాన్ని స్పాన్సర్ల ద్వారా సమకూరుస్తామని ఆయన తెలిపారు.

బొగోటా (కొలంబియా): ప్రస్తుత ప్రపంచ చాంపియన్‌ అర్జెంటీనా జట్టుకు 2026 ప్రపంచకప్‌ క్వాలిఫయింగ్‌ టోర్నీలో షాక్‌ తగిలింది. 2022లో విశ్వవిజేతగా నిలిచిన అర్జెంటీనా... దక్షిణ అమెరికా వరల్డ్‌కప్‌ క్వాలిఫయర్‌లో కొలంబియా చేతిలో ఓడింది. బుధవారం జరిగిన పోరులో కొలంబియా 2–1 గోల్స్‌ తేడాతో అర్జెంటీనాపై గెలిచింది. కొలంబియా తరఫున యెర్సన్‌ మస్క్యూరా (25వ నిమిషంలో), జేమ్స్‌ రోడ్రిగ్జ్‌ (60వ నిమిషంలో) చెరో గోల్‌ చేయగా... అర్జెంటీనా తరఫున నికోలస్‌ (48వ నిమిషంలో) ఏకైక గోల్‌ సాధించాడు. అర్జెంటీనా స్టార్‌ స్ట్రయికర్‌ మెస్సీ గాయంతో ఈ మ్యాచ్‌కు దూరంగా ఉన్నాడు. ఈ అర్హత టోర్నీలో ఎనిమిది మ్యాచ్‌లు పూర్తయ్యేసరికి అర్జెంటీనా 18 పాయింట్లతో అగ్రస్థానంలో కొనసాగుతోంది. దక్షిణ అమెరికా క్వాలిఫయింగ్‌ టోరీ్నలో తొలి 6 స్థానాల్లో నిలిచిన జట్లు 2026 ప్రపంచకప్‌ నకు అర్హత సాధించనున్నాయి.

పారిస్‌: దిగ్గజాలు లియోనెల్‌ మెస్సీ (అర్జెంటీనా), క్రిస్టియానో రొనాల్డో (పోర్చుగల్‌) లేకుండానే ఫుట్‌బాల్‌లో ప్రతిష్టాత్మక పురస్కారంగా భావించే ‘బాలన్‌ డోర్‌’ 2024 అవార్డీల నామినీల జాబితా తయారైంది. యూరోపియన్‌ ఫుట్‌బాల్‌ లీగ్‌లో అత్యుత్తమ ప్రతిభ కనబర్చిన ప్లేయర్లకు ప్రతి ఏటా అందించే ఈ అవార్డును ఇప్పటి వరకు 37 ఏళ్ల మెస్సీ 8 సార్లు అందుకోగా... రొనాల్డో ఐదుసార్లు దక్కించుకున్నాడు. ఈ ఏడాది అక్టోబర్‌ 28న ‘బాలన్‌ డోర్‌’ అవార్డులను ప్రదానం చేయనుండగా... దీని కోసం కుదించిన 30 మంది ప్లేయర్ల జాబితాను ప్రకటించారు. ఇందులో మెస్సీ, రొనాల్డోకు చోటు దక్కలేదు. ఫ్రాన్స్‌ స్ట్రయికర్‌ ఎంబాపె, ఇంగ్లండ్‌ స్టార్‌ హ్యారీ కేన్, స్పెయిన్‌ యువ స్ట్రయికర్‌ లామినె తదితరులు ఈ జాబితాలో ఉన్నారు. మెస్సీ, రొనాల్డో రేసులో లేకపోవడం 2003 తర్వాత ఇదే తొలిసారి. 2006లో మొదటిసారి ‘బాలన్‌ డోర్‌’ పురస్కారానికి నామినేట్‌ అయిన మెస్సీ... 2009లో తొలి అవార్డు దక్కించుకున్నాడు. మరోవైపు 2004లో మొదటిసారి నామినేట్‌ అయిన రొనాల్డో... ఐదుసార్లు అవార్డు అందుకున్నాడు. కాగా యూరోపియన్‌ లీగ్‌ల్లో ప్రదర్శన ఆధారంగానే ఈ పురస్కారాన్ని అందించడం ఆనవాయితీ. ప్రస్తుతం మెస్సీ అమెరికా లీగ్‌లలో... రొనాల్డో సౌదీ అరేబియాలోని అల్‌–నాసర్‌ క్లబ్‌కు ప్రాతినిధ్యం వహిస్తున్నందుకే వీరిద్దరిని బాలన్‌ డోర్‌ అవార్డుకు నామినేట్‌ చేయలేదు.

బ్యూనస్‌ ఎయిర్స్‌: అర్జెంటీనా ఫుట్‌బాల్‌ సూపర్‌స్టార్, 2022 ప్రపంచకప్‌ విజయసారథి లయోనల్‌ మెస్సీ గాయంతో ఫుట్‌బాల్‌ ప్రపంచకప్‌ క్వాలిఫయర్స్‌కు దూరమయ్యాడు. వచ్చేనెలలో రెండు క్వాలిఫయింగ్‌ మ్యాచ్‌ల్లో తలపడే అర్జెంటీనా జట్టును కోచ్‌ లయోనల్‌ స్కాలొని మంగళవారం ప్రకటించారు. మొత్తం 28 మంది సభ్యులతో క్వాలిఫయింగ్‌ పోటీలకు అర్జెంటీనా జట్టు సిద్ధమైంది. అయితే 37 ఏళ్ల మెస్సీ కుడి కాలి చీలమండ గాయంతో బాధపడుతున్నాడు. ఈ నేపథ్యంలో అతను... సెప్టెంబర్‌ 5న చిలీతో, 10న కొలంబియాతో జరిగే రెండు మ్యాచ్‌లకు దూరమయ్యాడు. ప్రపంచకప్‌ చాంపియన్‌ అర్జెంటీనా దక్షిణ అమెరికా క్వాలిఫయింగ్‌ రౌండ్‌లో ఆధిక్యంలో కొనసాగుతోంది. ఇప్పటివరకు 6 మ్యాచ్‌లాడిన అర్జెంటీనా ఖాతాలో 15 పాయింట్లున్నాయి.

కోపా అమెరికా కప్‌-2024 ఛాంపియన్స్‌గా అర్జెంటీనా నిలిచింది. ఫైనల్లో 1-0 తేడాతో కొలంబియాను ఓడించిన అర్జెంటీనా వరుసగా రెండో సారి కోపా అమెరికా కప్‌ విజేతగా నిలిచింది. ఆఖరి వరకు ఉత్కంఠ భరితంగా సాగిన ఈ మ్యాచ్‌లో సబ్‌స్టిట్యూట్‌ స్ట్రైకర్‌ లౌటారో సంచలన గోల్‌తో అర్జెంటీనాను ఛాంపియన్స్‌గా నిలిపాడు. కాగా ఇది అర్జెంటీనా ఫుట్‌బాల్‌ స్టార్‌, కెప్టెన్‌ లియోనెల్ మెస్సీకి వరుసగా మూడో అంతర్జాతీయ ట్రోఫీ కావడం గమనార్హం. ఓవరాల్‌గా మెస్సీకి తన కెరీర్‌లో ఇది 45వ ట్రోఫీ. ఈ క్రమంలో మెస్సీ ఓ వరల్డ్‌ రికార్డును తన ఖాతాలో వేసుకున్నాడు. వరల్డ్‌లో అత్యధిక ట్రోఫీలు గెలుచుకున్న ఫుట్‌బాల్‌ ప్లేయర్‌గా మెస్సీ నిలిచాడు. ఇప్పటివరకు ఈ రికార్డు బ్రెజిల్‌ ఫుట్‌బాల్‌ దిగ్గజం డాని అల్వెస్(44) పేరిట ఉండేది. తాజా విజయంతో అల్వెస్‌ ఆల్‌టైమ్‌ రికార్డును మెస్సీ బ్రేక్‌ చేశాడు. మెస్సీ కెరీర్‌లో ఫిఫా వరల్డ్‌ కప్‌ టైటిల్‌, రెండు కోపా అమెరికా టైటిల్స్‌, ఫైనలిసిమా ట్రోఫీ, 39 క్లబ్‌ టైటిల్స్‌ ఉన్నాయి. ఇందులో ఎక్కువ భాగం బార్సిలోనా క్లబ్‌ నుంచి వచ్చినవే కావడం గమనార్హం. కాగా మెస్సీకి ఇదే ఆఖరి కోపా అమెరికా ఫుట్‌బాల్‌ కప్‌. అయితే ఫైనల్‌ మ్యాచ్‌లో మెస్సీ గాయపడ్డాడు.దీంతో మ్యాచ్‌ మధ్యలోనే మైదానం నుంచి మెస్సీ వైదొలిగాడు. ఈ క్రమంలో డగౌట్‌లో మెస్సీ కన్నీటి పర్యంతమయ్యాడు. మెస్సీ మైదానంలో లేనప్పటకి తన సహచరులు మాత్రం అద్భుత విజయాన్ని గిఫ్ట్‌గా ఇచ్చారు. 🇦🇷 Lionel Messi, most decorated player with 45 titles including one more Copa América from tonight! ✨ pic.twitter.com/SXwpgGBesh— Fabrizio Romano (@FabrizioRomano) July 15, 2024

కోపా అమెరికా ఫుట్‌ బాల్‌ టోర్నీ-2024 విజేతగా అర్జెంటీనా నిలిచింది. భారత కాలమానం ప్రకారం సోమవారం ఉదయం జరిగిన ఫైనల్లో కొలంబియాను 1-0 తేడాతో ఓడించిన అర్జెంటీనా.. 16వ సారి కోపా అమెరికా కప్‌ టైటిల్‌ను సొంతం చేసుకుంది.ఈ మ్యాచ్‌ ఆఖరివరకు ఉత్కంఠ భరితంగా సాగింది. నిర్ణీత సమయంలో మ్యాచ్‌ ఫలితం తేలకపోవడంతో 30 నిమిషాలు ఆదనపు సమయం కేటాయించారు. ఎక్స్‌ట్రా సమయం కూడా ముగుస్తుండడంతో ఈ మ్యాచ్‌ పెనాల్టీ షుట్‌ అవుట్‌కు దారి తీస్తుందని అంతా భావించారు. సరిగ్గా ఇదే సమయంలో అర్జెంటీనా సబ్‌స్టిట్యూట్‌ స్ట్రైకర్‌ లౌటారో మార్టినెజ్‌ అద్భుతం చేశాడు. 112వ నిమిషంలో గోల్‌ కొట్టిన మార్టినెజ్‌.. తన జట్టుకు చిరస్మరణీయ విజయాన్ని అందించాడు. మిగిలిన 8 నిమిషాల్లో కొలంబియా గోల్‌ సాధించకపోవడంతో అర్జెంటీనా టైటిల్‌ను ఎగరేసుకుపోయింది.🏆🇦🇷 ARGENTINA ARE COPA AMÉRICA CHAMPIONS!Argentina have beaten Colombia 1-0 thanks to Lautaro Martínez’s goal.🏆 Copa America 2021🏆 Finalissima 2022🏆 World Cup 2022🏆 Copa America 2024Insane job by this group of players and Lionel Scaloni. 👏🏻✨ pic.twitter.com/v0GOvHv9PS— Fabrizio Romano (@FabrizioRomano) July 15, 2024 కాగా అర్జెంటీనా ఫుట్‌బాల్‌ స్టార్‌, కెప్టెన్‌ లియోనెల్‌ మెస్సీకి ఇదే ఆఖరి కోపా అమెరికా కప్‌ కావడం గమనార్హం. దీంతో అతడికి తన సహచరులు అద్భుతమైన విజయంతో విడ్కోలు పలికారు. ఈ మ్యాచ్‌లో గాయపడిన మెస్సీ మ్యాచ్‌ మధ్యలోనే మైదానాన్ని వీడాడు. అనంతరం కన్నీరు పెట్టుకున్నాడు. అయితే ఇప్ప్పుడు తన జట్టు విజయం సాధించడంతో మెస్సీఆనందంలో మునిగి తేలుతున్నాడు. Angel di Maria unsung hero of the match Played his last game in Argentina hersey what a player #ARGvsCOL pic.twitter.com/hnu42h3ekZ— Harshit 🇮🇳 (@krharshit771) July 15, 2024

Update: కోపా అమెరికా ఫుట్‌ బాల్‌ టోర్నీ-2024 విజేతగా అర్జెంటీనా నిలిచింది. భారత కాలమానం ప్రకారం సోమవారం ఉదయం జరిగిన ఫైనల్లో కొలంబియాను 1-0 తేడాతో ఓడించిన అర్జెంటీనా.. 16వ సారి కోపా అమెరికా కప్‌ టైటిల్‌ను సొంతం చేసుకుంది.అర్జెంటీనా ఫుట్‌బాల్‌ స్టార్‌, కెప్టెన్‌ లియోనెల్‌ మెస్సీ కన్నీరు పెట్టుకున్నాడు. కోపా అమెరికా ఫుట్‌ బాల్‌ టోర్నీలో భాగంగా కొలంబియాతో జరుగుతున్న ఫైనల్లో మెస్సీ గాయపడ్డాడు. మ్యాచ్‌ 36వ నిమిషంలో మెస్సీ చీలమండ(పాదం)కు గాయమైంది. దీంతో అతడు తీవ్రమైన నొప్పితో మైదానంలో కింద పడిపోయాడు. ఆ తర్వాత ఫిజియో వచ్చి చికిత్స అందించాడు. కొంచెం కూడా ఉపశమనం లభించలేదు. అయినప్పటకి మెస్సీ మైదానాన్ని వీడకుండా తన ఆటను కొనసాగించాడు. మ్యాచ్ హాఫ్-టైమ్ తర్వాత కూడా స్కోర్‌లేకుండా పోవడంతో తీవ్రమైన నొప్పిని భరిస్తూనే మెస్సీ తన కంటిన్యూ చేశాడు. అయితే నొప్పి మరింత తీవ్రం కావడంతో మ్యాచ్‌ 66వ నిమిషంలో మెస్సీ గాయం కారణంగా మైదానం నుండి బయటకు వెళ్లిపోయాడు. ఈ క్రమంలో డగౌట్‌లో కూర్చోన్న మెస్సీ తీవ్ర భావోద్వేగానికి లోనయ్యాడు. తన కెరీర్‌లో చివరి కోపా అమెరికా ఫుట్‌బాల్‌ మ్యాచ్‌ ఆడుతున్న ఈ అర్జెంటీనా స్టార్‌ వెక్కి వెక్కి ఏడ్చాడు. అయితే అభిమానులు మాత్రం అతడికి మద్దతుగా నిలిచారు. మెస్సీ, మెస్సీ అంటూ జేజేలు కొట్టారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. కాగా నిర్ణీత సమయం ముగిసే సరికి ఇరు జట్లు గోల్స్‌ సాధించలేకపోయాయి.ప్రస్తుతం 25 నిమిషాలు ఎక్స్‌ట్రా సమయం కేటాయించారు. అదనపు సమయంలో 15 నిమిషాలు ముగిసినప్పటకి ఇరు జట్లు గోల్స్‌ సాధించడంలో విఫలమయ్యా. ఆఖరి 10 నిమిషాల్లో గోల్స్‌ రాకపోతే ఈ మ్యాచ్‌ ఫలితాన్ని పెనాల్టీ షూట్‌ అవుట్‌లో తేల్చే అవకాశముంది. Messi is in tears as he is subbed off due to injury 💔 pic.twitter.com/t0l3OLLuWf— FOX Soccer (@FOXSoccer) July 15, 2024

కోపా అమెరికా కప్‌ 2024లో డిఫెండింగ్‌ ఛాంపియన్‌ అర్జెంటీనా ఫైనల్లోకి ప్రవేశించింది. ఇవాళ (జులై 10) జరిగిన తొలి సెమీఫైనల్లో ఆ జట్టు.. కెనడాపై 2-0 గోల్స్‌ తేడాతో విజయం సాధించింది. తొలి అర్ద భాగం 23వ నిమిషంలో అల్వరెజ్‌.. రెండో అర్ద భాగం 51వ నిమిషంలో మెస్సీ గోల్స్‌ సాధించారు. రేపు జరుగబోయే రెండో సెమీఫైనల్లో ఉరుగ్వే, కొలంబియా తలపడనున్నాయి. ఈ మ్యాచ్‌లో గెలిచిన జట్టు జులై 15న జరిగే ఫైనల్లో అర్జెంటీనాతో అమీతుమీ తేల్చుకుంటుంది.

భారత ఫుట్‌బాల్‌ దిగ్గజం సునిల్‌ ఛెత్రి సంచలన ప్రకటన చేశాడు. అంతర్జాతీయ కెరీర్‌కు వీడ్కోలు పలుకుతున్నట్లు వెల్లడించాడు. ఈ మేరకు తొమ్మిది నిమిషాల నిడివితో కూడిన వీడియో సందేశం ద్వారా గురువారం ఈ విషయాన్ని అభిమానులతో పంచుకున్నాడు. ఫిఫా వరల్డ్‌కప్‌ క్వాలిఫికేషన్‌ పోటీలో భాగంగా కువైట్‌తో జూన్‌ 6న జరిగే మ్యాచ్‌ తన కెరీర్‌లో చివరిదని సునిల్‌ ఛెత్రి తెలిపాడు. ‘‘గత 19 ఏళ్ల కాలంలో విధి నిర్వహణ, ఒత్తిడి.. సంతోషాలు.. ఇలా ఎన్నో భావోద్వేగాలను నెమరువేసుకుంటూనే వచ్చాను. దేశం కోసం నేను ఇన్ని మ్యాచ్‌లు ఆడతానని అస్సలు ఊహించలేదు. మంచో.. చెడో.. గత రెండున్నర నెలలుగా ఈ విషయం గురించి ఆలోచిస్తున్నా. ఈ అనుభూతి నాకు కొత్తగా ఉంది. కువైట్‌తో ఆడే మ్యాచ్‌ నా చివరి మ్యాచ్‌ అవుతుంది’’ అని సునిల్‌ ఛెత్రి భావోద్వేగానికి లోనయ్యాడు.రొనాల్డో, మెస్సీ తర్వాత..1984, ఆగష్టు 3న సికింద్రాబాద్‌లో జన్మించిన సునిల్‌ ఛెత్రి.. ప్రఖ్యాత మోహన్‌ బగాన్‌ ‌ క్లబ్‌ తరఫున 2002లో తన ఫ్రొఫెషనల్‌ ఫుట్‌బాలర్‌గా కెరీర్‌ మొదలుపెట్టాడు.ఆ తర్వాత మూడేళ్లకు అంటే 2005లో పాకిస్తాన్‌తో మ్యాచ్‌ సందర్భంగా జూన్‌ 12న భారత జట్టు తరఫున అంతర్జాతీయ కెరీర్‌ ఆరంభించాడు. దాయాది జట్టుపై గోల్‌ కొట్టి ఖాతా తెరిచాడు. అనతికాలంలోనే భారత జట్టు కెప్టెన్‌గా ఎదిగాడు.మొత్తంగా తన ఇంటర్నేషనల్‌ కెరీర్‌లో సునిల్‌ ఛెత్రి 150 మ్యాచ్‌లలో 94 గోల్స్ సాధించాడు. ప్రస్తుతం యాక్టివ్‌గా ఉన్న ఫుట్‌బాలర్లలో క్రిస్టియానో రొనాల్డో(పోర్చుగీస్‌), లియోనల్‌ మెస్సీ(అర్జెంటీనా) తర్వాత ఛెత్రినే అంతర్జాతీయ స్థాయిలో అత్యధిక గోల్స్‌ సాధించిన ఆటగాడిగా ఉండటం విశేషం.‌ ‌ అందుకున్న పురస్కారాలు👉అర్జున అవార్డు👉పద్మశ్రీ👉ఖేల్‌రత్న👉ఏఐఎఫ్‌ఎఫ్‌ వార్షిక అత్యుత్తమ ఆటగాడిగా ఏడుసార్లు అవార్డు👉మూడుసార్లు ఇండియన్‌ ప్లేయర్‌ ఆఫ్‌ ద ఇయర్‌ అవార్డు👉శాఫ్‌ చాంపియన్‌షిప్‌లో నాలుగు సార్లు ప్లేయర్‌ ఆఫ్‌ ద టోర్నీచదవండి: Sunil Chhetri Life Story In Telugu: సికింద్రాబాద్‌లో పుట్టిన ఛెత్రీ.. కుటుంబ నేపథ్యం ఇదే! కెప్టెన్‌ ఫెంటాస్టిక్‌గా ఘనతలు

క్రిస్టియానో రొనాల్డో.. పోర్చుగల్‌ ఫుట్‌బాల్‌ చరిత్రలో సువర్ణాక్షరాలతో తన పేరును లిఖించుకున్న మేటి ఆటగాడు. అంతర్జాతీయ స్థాయిలో లెక్కకు మిక్కిలి గోల్స్‌.. ఏకంగా ఐదు ప్రతిష్టాత్మక​ బాలన్‌ డి ఓర్‌ అవార్డులు.  ఎన్నో చాంపియన్‌ లీగ్‌ మెడల్స్‌! మూడు దేశాల్లో క్లబ్‌ టైటిల్స్‌ గెలిచిన ఫుట్‌బాలర్‌..అయితే, ఒక్కసారైనా ప్రపంచకప్‌ గెలవాలన్న రొనాల్డో కల మాత్రం నెరవేరలేదు.  సమకాలీకుడు, తనకు పోటీగా ఉన్న ఏకైక ఆటగాడు, అర్జెంటీనా లియోనల్‌ మెస్సీ వరల్డ్‌కప్‌ ట్రోఫీని ముద్దాడుతుంటే చూస్తూ భావోద్వేగానికి గురికావడం తప్ప ఏమీ చేయలేని పరిస్థితిలో ఉండిపోయాడీ పోర్చుగల్‌ స్టార్‌. ఒకరకంగా మెస్సీతో జరిగిన పోటాపోటీలో తాను ఓడిపోయాననే బాధతోనే మెగా టోర్నీ నుంచి నిష్క్రమించాడు. ఆట పరంగా రొనాల్డో, మెస్సీల మధ్య స్నేహపూర్వక శత్రుత్వం ఉన్నా.. బయట మాత్రం వారిద్దరు గుడ్‌ ఫ్రెండ్స్‌! బాలన్‌ డి ఓర్‌ అవార్డు-2017 ఫంక్షన్‌ సందర్భంగా రొనాల్డో తల్లి డొలోర్స్‌ అవెరో ఈ విషయాన్ని వెల్లడించారు. మెస్సీ ఉన్నత వ్యక్తిత్వం కలవాడని పేర్కొంటూ.. తన మనవడు క్రిస్టియానో రొనాల్డో జూనియర్‌కు తండ్రి ఆట కంటే మెస్సీ ఆట అంటేనే ఎక్కువ ఇష్టం అని తెలిపారు. అందుకు తగ్గట్లుగానే జూనియర్‌ రొనాల్డో ఆ వేదికపై మెస్సీని చూడగానే ఆనందంతో పొంగిపోయాడు. అయితే, అక్కడున్నది నిజంగా మెస్సీ కాదనే భావనలో ఉన్న జూనియర్‌ తన తండ్రి చెప్పినా ఆ విషయాన్ని నమ్మలేకపోయాడు. రొనాల్డో తన కుమారుడికి మెస్సీని చూపిస్తూ.. ‘‘అక్కడున్నది ఎవరు? అక్కడ సూట్‌ వేసుకుని నిల్చుని ఉన్న వ్యక్తి ఎవరు?’’ అని ప్రశ్నించాడు. అంతలోనే మెస్సీ వచ్చి జూనియర్‌ రొనాల్డోను హగ్‌ చేసుకుని.. ముద్దు కూడా పెట్టి.. ‘‘నువ్వ బాగానే ఉన్నావు కదా?’’ అని ఆప్యాయంగా పలకరించాడు. When Cristiano Jr. meets Lionel Messi. pic.twitter.com/ydixmN2SyK — Historic Vids (@historyinmemes) March 3, 2024 తాను చూస్తున్నది నిజమని అప్పటికీ నమ్మలేకపోయిన జూనియర్‌ రొనాల్డోను తండ్రి మళ్లీ దగ్గరకు తీసుకోగా.. మెస్సీ సైతం చిరునవ్వులు చిందించాడు. ఈ ఘటన జరిగినపుడు జూనియర్‌ రొనాల్డోకు సుమారుగా ఆరేళ్ల వయసు ఉంటుంది. ఇక తండ్రిని కాదని.. మెస్సీనే తన రోల్‌మోడల్‌ అని చెప్పిన ఆ పిల్లాడు ఇప్పుడు ఓ జట్టును చాంపియన్‌గా నిలిపే స్థాయికి చేరాడు. అండర్‌ 13 లీగ్‌ ట్రోఫీలో అల్‌ నసర్‌ టీమ్‌కు కెప్టెన్‌గా వ్యవహరించి ట్రోఫీని ముద్దాడాడు. ఈ నేపథ్యంలో రొనాల్డో- మెస్సీ అనుబంధం... జూనియర్‌ రొనాల్డో టైటిల్‌ విన్నింగ్‌ మూమెంట్స్‌కు సంబంధించిన క్షణాలు నెట్టింట వైరల్‌గా మారాయి. మీరూ ఓ లుక్కేయండి! View this post on Instagram A post shared by 433 (@433)

స్టార్‌ ఫుట్‌బాలర్‌ క్రిస్టియానో రొనాల్డోకు భారీ షాక్‌ తగిలింది. మెస్సీ ఫ్యాన్స్‌ పట్ల అసభ్యకరంగా ప్రవర్తించినందుకు గాను ఇతనిపై ఓ మ్యాచ్‌ నిషేధం పడింది. వివరాల్లోకి వెళితే.. పోర్చుగల్‌ స్టార్‌ ఫుట్‌బాలర్‌ అయిన రొనాల్డో సౌదీ అరేబియా క్లబ్‌ అయిన అల్‌ నస్ర్‌కు ప్రాతినిథ్యం వహిస్తున్నాడు. స్థానికంగా జరిగే ప్రో లీగ్‌లో భాగంగా అల్‌ నస్ర్‌.. రియాద్‌ క్లబ్‌ అయిన అల్‌ షబాబ్‌తో తలపడింది. ఈ మ్యాచ్‌ సందర్భంగా రొనాల్డో.. మెస్సీ ఫ్యాన్స్‌ పట్ల అసభ్యకరంగా ప్రవర్తించాడు. 🚨🚨🚨🚨🚨🚨🚨🚨🚨🚨🚨🚨🚨 تصرف كارثي جديد من كريستيانو رونالدو ضد جمهور الشباب بعد نهاية اللقاء! 😳😳😳😳😳 pic.twitter.com/Tzt632I20p — نواف الآسيوي 🇸🇦 (@football_ll55) February 25, 2024 మెస్సీ అభిమానులను టార్గెట్‌ చేస్తూ జుగుప్సాకరమైన సంజ్ఞలు చేశాడు. రొనాల్డో ప్రవర్తనను సీరియస్‌గా తీసుకున్న లీగ్‌ నిర్వహకులు అతనిపై ఓ మ్యాచ్‌ నిషేధం విధించారు. అలాగే జరిమానా కింద 20000 సౌదీ రియాల్స్‌ కట్టాల్సిందిగా ఆదేశించారు. రొనాల్డో వికృత ప్రవర్తనకు సంబంధించిన వీడియో ప్రస్తుతం నెట్టింట వైరలవుతుంది. ఈ ఉదంతంపై రొనాల్డో తాజాగా స్పందించాడు. యూరప్‌ దేశాల్లో ఇది కామనేనని సమర్ధించుకున్నాడు. కాగా, అల్ న‌స్ర్‌ క్ల‌బ్ రెండున్నర సంవత్సరాల కాలానికి గాను రొనాల్డోతో రూ. 4400 కోట్ల‌ మొత్తానికి ఒప్పందం కుదుర్చుకుంది.

ఇద్దరు ఫుట్‌బాల్‌ దిగ్గజాలు ప్రాతినిథ్యం వహిస్తున్న క్లబ్‌ల మధ్య నిన్న ఫెండ్లీ మ్యాచ్‌ జరిగింది. రియాద్‌లో జరిగిన ఈ మ్యాచ్‌లో అర్జెంటీనా స్టార్‌ లియోనల్‌ మెస్సీ, పోర్చుగల్‌ ఐకాన్‌ క్రిస్టియానో  రొనాల్డో ప్రాతినిథ్యం వహిస్తున్న ఇంటర్‌ మయామీ (అమెరికా), అల్‌ నస్ర్‌ (సౌదీ అరేబియా) జట్లు పోటీపడ్డాయి. ఈ మ్యాచ్‌లో రొనాల్డో జట్టు అల్‌ నస్ర్‌.. మెస్సీ జట్టు ఇంటర్‌ మయామీపై 6-0 గోల్స్‌ తేడాతో విజయం సాధించింది. Messi at full time pic.twitter.com/zvsmiuJqir — Messi Media (@LeoMessiMedia) February 1, 2024 The reaction of Ronaldo and Messi after Al Nassr third goal. https://t.co/DAhcNfTd7Z — CristianoXtra (@CristianoXtra_) February 1, 2024 గాయం కారణంగా క్రిస్టియానో రొనాల్డో ఈ మ్యాచ్‌ మొత్తంలో పాల్గొనలేదు. మెస్సీ మాత్రం కాసేపు అభిమానులను అలరించాడు. సమయ పరిమితి నిబంధన కారణంగా మెస్సీ గేమ్‌ చివర్లో కొద్ది నిమిషాలు మైదానంలో కనిపించాడు. రొనాల్డో, మెస్సీ ఆడకపోయినప్పటికీ ప్రపంచవ్యాప్తంగా ఉ‍న్న ఫుట్‌బాల్‌ అభిమానులు ఈ మ్యాచ్‌ను ఎంతో ఆసక్తిగా తిలకించాడు. Puskas award 🏅 Goal of the year already🎖️ "Aymeric Laporte " 👑#InterMiami #AlNassr#Ronaldo #Messi #Goal pic.twitter.com/XFW1DJwd5p — Mehran Sofi (@sadistic3232) February 1, 2024 రొనాల్డో స్టాండ్స్‌లో కూర్చొని మ్యాచ్‌ను వీక్షించాడు. మ్యాచ్‌ జరుగుతున్న సమయంలో రొనాల్డో, మెస్సీ ముఖాల్లోని హావభావాలకు సంబంధించిన వీడియోలు, ఫోటోలు నెట్టింట హల్‌చల్‌ చేస్తున్నాయి. తమ ఆరాథ్య ఆటగాళ్లు మ్యాచ్‌ ఆడకపోయినా ఈ మ్యాచ్‌ను కొన్ని కోట్ల మంది తిలకించారు. ఈ మ్యాచ్‌లో అల్‌ నస్ర్‌ ఆటగాడు, బ్రెజిల్‌కు చెందిన టలిస్క హ్యాట్రిక్‌ గోల్స్‌ సాధించగా.. టెల్లెస్‌, ఆక్టేవియో, లాపోర్టే తలో గోల్‌ కొట్టారు.  Turki Sheikh reminding Lionel Messi his team is losing 6-0 to Cristiano Ronaldo's Al-Nassr. Unbelievable reaction 🤯🤯🤯 #AlNassrvsInterMiamiCF pic.twitter.com/Zy3lw33piq — Farid Khan (@_FaridKhan) February 2, 2024

అర్జెంటీనా సూపర్‌స్టార్‌ మెస్సీ 2023 సంవత్సరానికిగాను పురుషుల విభాగంలో ‘ఫిఫా బెస్ట్‌ ప్లేయర్‌’గా నిలిచాడు. మెస్సీకి నార్వే ఫార్వర్డ్‌ ఎర్లింగ్‌ హాలాండ్‌ నుంచి గట్టి పోటీ ఎదురైంది. ఇద్దరు 48 పాయింట్లతో సమఉజ్జీగా నిలిచినప్పటికీ కెప్టెన్ల ప్యానెల్‌ నుంచి ఎర్లింగ్‌ కంటే మెస్సీకే ఎక్కువ ఓట్లు రావడంతో ‘ఫిఫా’ మెస్సీనే ఎంపిక చేసింది. మెస్సీ ఈ అవార్డును రికార్డు స్థాయిలో మూడోసారి (2019, 2022, 2023) గెలుచుకున్నాడు. మెస్సీ గతేడాది బాలన్‌ డి ఓర్‌ అవార్డు కూడా గెలుచుకున్నాడు. ఈ ప్రతిష్టాత్మక అవార్డును కూడా మెస్సీ రికార్డు స్థాయిలో ఎనిమిది సార్లు కైవసం చేసుకున్నాడు. మెస్సీ ఫిఫా’ అత్యుత్తమ ప్లేయర్‌ అవార్డు గెలుచుకున్న అనంతరం మరో ఫుట్‌బాల్‌ దిగ్గజం క్రిస్టియానో రొనాల్డో అతనికి శుభాకాంక్షలు తెలిపాడు. రొనాల్డో 2023 ఫిఫా అత్యుత్తమ ప్లేయర్‌ అవార్డు రేసులో లేకపోవడం విశేషం. కాగా, లీగ్‌లతో బిజీగా ఉండటంతో మెస్సీ అవార్డు ప్రధానోత్సవ వేడుకకు హాజరుకాలేదు. 

క్రికెట్‌ దిగ్గజం​ విరాట్‌ కోహ్లి ప్రతిష్టాత్మక ప్యూబిటీ అథ్లెట్‌ ఆఫ్‌ ద ఇయర్‌ 2023 అవార్డు కైవసం చేసుకున్నాడు. ప్యూబిటీ అనేది ప్రపంచంలోని అతిపెద్ద ఇన్‌స్టాగ్రామ్ పేజీలలో (35 మిలియన్ల ఫాలోవర్స్‌) ఒకటి. ఈ అవార్డు కోసం హోరాహోరీగా సాగిన పోరులో కోహ్లి.. ఫుట్‌బాల్‌ లెజెండ్‌ లియోనల్‌ మెస్సీని 78-22 శాతం ఓట్లతో ఓడించాడు. మెస్సీకి ప్రపంచవ్యాప్తంగా ఫ్యాన్స్‌ ఉన్నప్పటికీ కోహ్లి క్రేజ్‌ ముందు అతను నిలబడలేకపోయాడు. It's Kohli vs Messi in the final voting for the "Athlete of the year" award in one of the biggest sports pages on Instagram - Pubity Sport. pic.twitter.com/gcyLSPbywA — Johns. (@CricCrazyJohns) December 30, 2023 ప్రపంచం​ మొత్తం మెస్సీ మేనియా నడుస్తున్నప్పటికీ క్రికెట్‌ అభిమానులు మాత్రం ఏకపక్షంగా కోహ్లికి ఓట్లు వేసి గెలిపించారు. ఈ అవార్డు కోసం కోహ్లి, మెస్సీతో పాటు నోవాక్ జకోవిచ్, పాట్ కమిన్స్, లెబ్రాన్ జేమ్స్, ఎర్లింగ్ హాలాండ్, క్రిస్టియానో రొనాల్డో, మాక్స్ వెర్స్టాపెన్, మైఖేల్ జోర్డాన్ తదితరులు పోటీపడ్డారు. కాగా, 2023లో వివిధ క్రీడల్లో అత్యుత్తమ ప్రదర్శన కనబర్చిన ఆటగాళ్ల మధ్య ఈ పోటీని నిర్వహించగా.. ఫైనల్‌ రౌండ్‌ పోరు కోహ్లి, మెస్సీ మధ్య సాగింది. కోహ్లి ఈ ఏడాది ఆధ్యాంతం పరుగుల వరద పారించి పలు ప్రపంచ రికార్డులు కొల్లగొట్టగా.. మెస్సీ ఏడాది పొడువునా గోల్స్‌ వర్షం​ కురిపించడంతో పాటు తన జట్టుకు పలు అపురూపమైన విజయాలు అందించాడు.   

క్రీడారంగానికి సంబంధించిన ఓ ప్రతిష్టాత్మక అవార్డు కోసం ఇద్దరు దిగ్గజాలు పోటీపడుతున్నారు. ప్యూబిటీ అథ్లెట్‌ ఆఫ్‌ ద ఇయర్‌ 2023 అవార్డు కోసం క్రికెట్‌ GOAT విరాట్‌ కోహ్లి.. ఫుట్‌బాల్‌ లెజెండ్‌ లియోనల్‌ మెస్సీతో అమీతుమీకి సిద్దమయ్యాడు. ఈ అవార్డు కోసం కోహ్లి-మెస్సీ మధ్య పోటీ నువ్వా నేనా అన్నట్లుగా సాగుతుంది. ఇద్దరూ ఈ ఏడాది తమతమ క్రీడా విభాగాల్లో అత్యుత్తమంగా రాణించి అవార్డు రేసులో నిలిచారు. కోహ్లి ఈ ఏడాది ఆధ్యాంతం పరుగుల వరద పారించగా.. మెస్సీ ఏడాది పొడువునా గోల్స్‌ వర్షం​ కురిపించాడు.  Virat Kohli Vs Lionel Messi Final for 'Pubity Athlete of the Year' award. pic.twitter.com/w4zm4MJmt3— Mufaddal Vohra (@mufaddal_vohra) December 30, 2023 ప్యూబిటీ అథ్లెట్‌ ఆఫ్‌ ద ఇయర్‌ 2023 అవార్డు కోసం కోహ్లీ, మెస్సీతో పాటు వివిధ క్రీడలకు చెందిన వందల మంది స్టార్ క్రీడాకారులు పోటీ పడగా.. చివరిగా రేసులో ఈ ఇద్దరే మిగిలారు. మెస్సీ, కోహ్లితో పాటు ఈ అవార్డు కోసం మరో దిగ్గజ ఫుట్‌బాలర్‌ క్రిస్టియానో రొనాల్డో, బాక్సింగ్‌ దిగ్గజం మహమ్మద్ అలీ, బాస్కెట్‌బాల్‌ లెజెండ్‌ మైఖేల్ జోర్డాన్ పోటీపడ్డారు. త్వరలో మెస్సీ, కోహ్లిలలో ఒకరిని ఓటింగ్ ద్వారా విజేతగా ప్రకటిస్తారు.

ఫుట్‌బాల్‌ దిగ్గజం, అర్జెంటీనా కెప్టెన్‌ లియోనల్‌ మెస్సీ క్రేజ్‌ గురించి ప్రత్యేకించి చెప్పనక్కర్లేదు. విశ్వవ్యాప్తంగా ఈ స్టార్‌ ఫుట్‌బాలర్‌కు కోట్ల సంఖ్యలో అభిమానులు ఉన్నారు. మెస్సీ ప్రపంచంలో ఏ మూలలో ఫుట్‌బాల్‌ ఆడినా ఇసకేస్తే రాలనంత మంది జనాలు స్టేడియాలకు తరలి వస్తారు. అతను ధరించే బ్రాండ్‌లు, అతని ఎండార్స్‌మెంట్ల రేంజ్‌ వేరే లెవెల్లో ఉంటుంది.  తాజాగా మెస్సీ ధరించిన జెర్సీలను ఆన్‌లైన్‌లో వేలానికి పెట్టగా కళ్లు బైర్లు కమ్మే మొత్తానికి అవి అమ్ముడుపోయాయి. గతేడాది ఖతర్‌ వేదికగా జరిగిన ఫుట్‌ బాల్‌ ప్రపంచకప్‌లో మెస్సీ ధరించిన ఆరు జెర్సీలను న్యూయార్క్‌లో ఆన్‌లైన్‌ వేలానికి పెట్టగా.. ఓ అజ్ఞాత అభిమాని ఏకంగా 78 లక్షల డాలర్లకు (రూ. 64 కోట్ల 86 లక్షలు) ఆ ఆరు జెర్సీలను సొంతం చేసుకున్నాడు. ఇంత పెద్ద మొత్తంలో ఓ వ్యక్తి ధరించిన జెర్సీలు అమ్ముడుపోవడం క్రీడల చరిత్రలో ఇదే మొదటిసారి అయ్యుంటుందని మార్కెట్‌ విశ్లేషకులు అభిప్రాయపడుతున్నారు. కాగా, మెస్సీ సారథ్యంలోని అర్జెంటీనా 2022 ప్రపంచకప్‌ ఫైనల్లో ఫ్రాన్స్‌ను ఓడించి, మూడోసారి ప్రపంచ కప్‌ను కైవసం చేసుకుంది. ఫైనల్లో మెస్సీ రెండు గోల్స్‌ సాధించి అర్జెంటీనాను ఒంటిచేత్తో గెలిపించాడు.    

రియో డి జనీరో: ఫుట్‌బాల్‌ ప్రపంచకప్‌–2026 దక్షిణ అమెరికా జోన్‌ క్వాలిఫయింగ్‌ పోటీల్లో ఐదుసార్లు విశ్వవిజేత బ్రెజిల్‌ జట్టుకు పరాజయం   ఎదురైంది. మెస్సీ సారథ్యంలోని ప్రస్తుత ప్రపంచ చాంపియన్‌ అర్జెంటీనా 1–0 గోల్‌ తేడాతో బ్రెజిల్‌ జట్టును ఓడించింది. ఆట 63వ నిమిషంలో నికోలస్‌ ఒటామెండి హెడర్‌ షాట్‌తో గోల్‌ సాధించి అర్జెంటీనా విజయంలో కీలకపాత్ర పోషించాడు. స్వదేశంలో ప్రపంచకప్‌ క్వాలిఫయింగ్‌ మ్యాచ్‌లో బ్రెజిల్‌ జట్టు ఓడిపోవడం ఇదే తొలిసారి. 

దిగ్గజ ఫుట్‌బాలర్‌, ఇంటర్‌ మయామీ స్టార్‌, అర్జెంటీనా కెప్టెన్‌ లియోనల్‌ మెస్సీ (36) మరోసారి ప్రతిష్టాత్మక బాలన్‌ డి'ఓర్ అవార్డు గెలుచుకున్నాడు. 2023 సంవత్సరానికి గాను మెస్సీని ఈ అవార్డు వరించింది. మెస్సీ ఈ అవార్డును రికార్డు స్థాయి ఎనిమిదోసారి కైవసం చేసుకోవడం విశేషం. మెస్సీ తర్వాత ఈ అవార్డును అత్యధికంగా క్రిస్టియానో రొనాల్డో (5) దక్కించుకున్నాడు. The moment when 🐐 was announced as the #BallonDor winner. - Lionel Messi, the icon!pic.twitter.com/QNZOmBgeMe — Mufaddal Vohra (@mufaddal_vohra) October 30, 2023 2009లో తొలిసారి బాలన్‌ డి'ఓర్ సొంతం చేసుకున్న లియో.. 2010, 2011, 2012, 2015, 2019, 2021, 2023 సంవత్సరాల్లో ఈ అవార్డును చేజిక్కించుకున్నాడు. ఈ ఏడాది బాలన్‌ డి'ఓర్ కోసం నార్వే ఆటగాడు, మాంచెస్టర్‌ సిటీ స్ట్రయికర్‌ ఎర్లింగ్‌ హాలాండ్‌ మెస్సీతో పోటీపడ్డాడు. అయినా అవార్డు దిగ్గజ ఫుట్‌బాలర్‌నే వరించింది. పారిస్‌ వేదికగా జరిగిన అవార్డుల ప్రధానోత్సవంలో మరో దిగ్గజ ఫుట్‌బాలర్‌ డేవిడ్‌ బెక్‌హమ్‌ మెస్సీకి అవార్డు అందించాడు. కాగా, లియో గతేడాది అర్జెంటీనాకు వరల్డ్‌కప్‌ అందించిన విషయం తెలిసిందే.  మహిళల విభాగంలో ఎయిటనా బొన్‌మాటి.. మహిళల విభాగంలో బాలన్‌ డి'ఓర్ అవార్డును స్పెయిన్‌ ఫుట్‌బాలర్‌, బార్సిలోనా సెంట్రల్‌ మిడ్‌ ఫీల్డర్‌ ఎయిటనా బొన్‌మాటి దక్కించుకుంది. ఎయిటనా ఈ అవార్డుకు తొలిసారి ఎంపికైంది. ఎయిటనా 2023 మహిళల ఫుట్‌బాల్‌ ప్రపంచకప్‌ గెలిచిన స్పెయిన్‌ జట్టులో సభ్యురాలు. 

పీఎస్‌జీని వీడి డేవిడ్‌ బెక్‌హమ్‌ ఇంటర్‌ మయామీ క్లబ్‌లో చేరిన ఫుట్‌బాల్‌ దిగ్గజం​ లియోనల్‌ మెస్సీ.. ఈ అమెరికన్‌ క్లబ్‌ తరఫున తన గోల్స్‌ పరంపరను కొనసాగిస్తున్నాడు. లీగ్స్‌ కప్‌లో భాగంగా ఫిలడెల్ఫియా యూనియన్‌తో జరిగిన మ్యాచ్‌లో మెస్సీ ఓ కళ్లు చెదిరే గోల్‌తో మెరిశాడు.  What can't he do?! 🐐 Make it NINE goals in six games for Leo Messi. pic.twitter.com/HLf3zBFTmV — Major League Soccer (@MLS) August 15, 2023 మ్యాచ్‌ 20వ నిమిషంలో పెనాల్టీ ఏరియా బయట 36 గజాల దూరం నుంచి మెస్సీ చేసిన గోల్ అందరినీ ఆశ్చర్యానికి గురి చేసింది. ఈ మ్యాచ్‌లో మయామీ ఆటగాళ్లు మార్టినెజ్‌, జోర్డీ అల్బా, డేవిడ్‌ రూయిజ్‌ కూడా గోల్స్‌ చేసినప్పటికీ.. మెస్సీ చేసిన గోలే మ్యాచ్‌ మొత్తానికి హైలైట్‌గా నిలిచింది. మెస్సీ కెరీర్‌లో ఇది సెకండ్ లాంగెస్ట్ గోల్ కావడం విశేషం. ఈ గోల్‌తో మెస్సీ ఇంటర్ మియామీ తరఫున తన గోల్స్‌ సంఖ్యను 9కి పెంచుకున్నాడు. ఈ వీడియో ప్రస్తుతం నెట్టింట వైరలవుతుంది. మెస్సీ, మార్టినెజ్‌, జోర్డీ, రూయిజ్‌ గోల్స్‌ చేయడంతో మయామీ.. ఫిలడెల్ఫియాపై 4-1 గోల్స్‌ తేడాతో గెలుపొంది, లీగ్స్‌ కప్‌ ఫైనల్స్‌కు చేరింది. ఫిలడెల్ఫియా తరఫున అలెజాండ్రో బెడోయా ఏకైక గోల్‌ చేశాడు. కాగా, మెస్సీ ఇంటర్‌ మయామీ తరఫున బరిలోకి దిగిన ప్రతి మ్యాచ్‌లోనూ గోల్‌ చేశాడు. మాయమీ తరఫున ఇప్పటివరకు 6 మ్యాచ్‌లు ఆడిన మెస్సీ మొత్తం 9 గోల్స్‌ చేశాడు. తద్వారా మయామీ తరఫున ఆరు మ్యాచ్‌ల తర్వాత అత్యధిక గోల్స్‌ చేసిన ఆటగాళ్ల జాబితాలో మూడో స్థానానికి ఎగబాకాడు. మెస్సీకి ముందు గొంజాలో హిగ్వేన్ (29), లియోనార్డో కంపానా (16) ఉన్నారు. 

Virat Kohli: టీమిండియా స్టార్‌ క్రికెటర్‌, రన్‌మెషీన్‌ విరాట్‌ కోహ్లి.. ఆటలోనే కాదు సోషల్‌ మీడియాలోనూ రికార్డుల వేట కొనసాగిస్తున్నాడు. ఇప్పటికే అంతర్జాతీయ క్రికెట్‌లో 76 సెంచరీలు పూర్తి చేసుకున్న కోహ్లికి ఉన్న అభిమానగణం గురించి ప్రత్యేకంగా చెప్పాల్సిన పనిలేదు. ఓ రేంజ్‌ ఆదాయం అందరు సెలబ్రిటీల మాదిరే.. ఫ్యాన్స్‌తో అనుసంధానమయ్యేందుకు వీలుగా కింగ్‌.. ట్విటర్‌, ఇన్‌స్టాగ్రామ్‌ వంటి సామాజిక మాధ్యమాలను వినియోగించుకుంటున్నాడు. మరి మిగతా వాళ్లకంటే వందల రెట్లలో ఫాలోవర్లు కలిగి ఉన్న కోహ్లికి ఈ మీడియాల ద్వారా కూడా వచ్చే ఆదాయం కూడా అదే రేంజ్‌లో ఉంది. వ్యక్తిగత పోస్టులతో పాటు వ్యక్తిగత అప్‌డేట్లతో అభిమానులను అలరించే ఈ స్టార్‌ బ్యాటర్‌కు యాడ్స్‌ ద్వారా ఒక్కో పోస్టుకు సమకూరుతున్న మొత్తం తెలిస్తే కళ్లు తేలేయాల్సిందే! రికార్డుల రారాజు విరాట్‌ కోహ్లికి ఇన్‌స్టాగ్రామ్‌లో 256 మిలియన్లకు పైగా ఫాలోవర్లు ఉన్నారు. ఈ క్రమంలో అతడు షేర్‌ చేసే ఒక్కో పోస్టుకు పదకొండున్నర కోట్ల మేర ఆదాయం లభిస్తున్నట్లు తాజా నివేదికలు వెల్లడిస్తున్నాయి. నిజంగా షాకింగ్‌గా ఉంది ఈ విషయం గురించి హోపర్‌ హెచ్‌క్యూ కో- ఫౌండర్‌ మైక్‌ బండార్‌ మాట్లాడుతూ.. ‘‘ఏడాదికేడాది ఈ రేంజ్‌లో ఒక్కో పోస్టుకు ఆదాయం పెరుగుతూ ఉండటం షాకింగ్‌గా ఉంది. ముఖ్యంగా స్పోర్ట్స్‌ స్టార్స్‌ మిగతా వాళ్లకు ఎవరికీ అందనంత ఎత్తులో ఉన్నారు. రొనాల్డో, మెస్సీలు మాత్రమే కాదు.. సామాన్యులను కూడా కోటీశ్వరులను చేసేందుకు సోషల్‌ మీడియా ఉపయోపడటం విశేషం’’అని పేర్కొన్నారు.  ఇక రొనాల్డో, మెస్సీ కాగా ప్రపంచవ్యాప్తంగా ఇన్‌స్టా ద్వారా ఒక పోస్టుకు అత్యధిక ఆదాయం ఆర్జిస్తున్న వ్యక్తుల జాబితాలో కోహ్లి 20వ స్థానం(ఇండియాలో నంబర్‌ 1)లో ఉన్నాడు. ఇక ఫుట్‌బాల్‌ స్టార్లు క్రిస్టియానో రొనాల్డో, లియోనల్‌ మెస్సీ వరుసగా ఒక్కో పోస్టుకు రూ. 26.75 కోట్లు, 21.49 కోట్ల రూపాయలు వసూలు చేస్తూ టాప్‌-2లో కొనసాగుతున్నారు. చదవండి: అయ్యో.. అంబటి రాయుడులాగే అతడి కెరీర్‌ కూడా అర్ధంతరంగానే! తిరిగి వస్తే అంతే!  

అర్జెంటీనా ఫుట్‌బాల్‌ స్టార్‌ ఆటగాడు లియోనల్‌ మెస్సీ ఇంటర్‌ మియామి క్లబ్‌లో మంచి ముహూర్తంలో జాయిన్‌ అయినట్లున్నాడు. ఇప్పటివరకు ఇంటర్‌ మియామి క్లబ్‌ తరపున ఆడిన మూడు మ్యాచ్‌ల్లోనూ మెస్సీ గోల్స్‌తో మెరిశాడు. అందులో రెండు మ్యాచ్‌ల్లో డబుల్‌ గోల్స్‌ కొట్టి అభిమానులను అలరించాడు. తాజాగా గురువారం తెల్లవారుజామున(భారత కాలామాన ప్రకారం) ఓర్లాండో సిటీ క్లబ్‌తో జరిగిన మ్యాచ్‌లో ఇంటర్‌ మియామి 3-1తేడాతో ఘన విజయాన్ని అందుకుంది. ఉరుములు, మెరుపుల కారణంగా మ్యాచ్‌ 95 నిమిషాలు ఆలస్యంగా ప్రారంభమైంది. అయితే మ్యాచ్‌ ఆలస్యమైనప్పటికి మెస్సీ మాత్రం గోల్‌ కొట్టడంలో పెద్దగా టైం తీసుకోలేదు. ఆట 7వ నిమిషంలోనే మెస్సీ తన జట్టుకు తొలి గోల్‌ అందించాడు. అయితే ఓర్లాండో సిటీ ఆట 11వ నిమిషంలో గోల్‌ కొట్టి సోర్కును సమం చేసింది. అక్కడి నుంచి తొలి హాఫ్‌ ముగిసేవరకు మరో గోల్‌ నమోదు కాలేదు. రెండో హాఫ్‌ మొదలైన కాసేపటికి ఆట 51వ నిమిషంలో జోసెఫ్‌ మార్టినేజ్‌ పెనాల్టీని గోల్‌గా మలిచాడు. ఇక ఆట 72వ నిమిషంలో మెస్సీ మరో గోల్‌ కొట్టి జట్టును 3-1తో స్పష్టమైన ఆధిక్యంలోకి తీసుకెళ్లాడు. ఆ తర్వాత నిర్ణీత సమయంలోగా ఓర్లాండో మరో గోల్‌ కొట్టలేకపోవడంతో ఇంటర్‌ మియామి విజయాన్ని నమోదు చేసింది. కాగా మెస్సీ రెండు గోల్స్‌ కొట్టిన సందర్భంలో మ్యాచ్‌కు హాజరైన అతని భార్య ఆంటోనెలా రోకుజో స్టాండ్స్‌లో సెలబ్రేట్‌ చేసుకోవడం వైరల్‌గా మారింది. జెర్సీ అమ్మకాల్లో దిగ్గజాలను అధిగమించిన మెస్సీ.. కాగా మెస్సీ మరొక అరుదైన రికార్డును తన ఖాతాలో వేసుకున్నాడు. గోల్స్‌తో రికార్డులు కొట్టడమే కాదు తాజాగా మెస్సీకి చెందిన జెర్సీ అమ్మకాల్లోనూ రికార్డులను కొల్లగొట్టాడు. 24 గంటల వ్యవధిలో మెస్సీ ఇంటర్‌ మియామి జెర్సీలు రికార్డు స్థాయిలో అమ్ముడయ్యాయి. ఈ క్రమంలో జెర్సీ అమ్మకాల విషయంలో క్రిస్టియానో రొనాల్డో, టామ్‌ బ్రాడీ, ఎన్‌బీఏ దిగ్గజం లెబ్రన్‌ జేమ్స్‌లను మెస్సీ అధిగమించాడు. 2021లో రొనాల్డో మాంచెస్టర్‌ యునైటెడ్‌ తరపున, 2020లో టాంపా బే బుక్కానీర్స్‌లో టామ్‌ బ్రాడీ జాయిన్‌ అయిన సమయంలో.. 2018 లో ఎల్‌ఏ లేకర్స్‌ తరపున లెబ్రన్‌ జేమ్స్‌ జాయిన్‌ అయినప్పుడు వారి జెర్సీలు రికార్డు స్థాయిలో అమ్ముడయ్యాయి.  MESSI X ROBERT TAYLOR BANGERS ONLY 🤯🤯 Taylor puts Messi in with the chip to give us the early lead over Orlando City.#MIAvORL | 📺#MLSSeasonPass on @AppleTV pic.twitter.com/kvb8Lmcccj — Inter Miami CF (@InterMiamiCF) August 3, 2023 చదవండి: క్రికెట్‌కు గుడ్‌బై చెప్పిన టీమిండియా మిడిలార్డర్‌ బ్యాటర్‌ 100 మీటర్ల రేసు పరువు తీసింది.. చరిత్రలోనే అత్యంత చెత్త అథ్లెట్‌

టీమిండియా స్టార్‌ విరాట్‌ కోహ్లి, దక్షిణాఫ్రికా దిగ్గజం ఏబీ డివిలియర్స్‌ ఐపీఎల్‌లో ఆర్‌సీబీకి పదేళ్ల పాటు కలిసి ఆడారు. ఆర్‌సీబీ టైటిల్‌ కొట్టడంలో విఫలమైనప్పటికి ఈ జోడి మాత్రం తమ ఆటతో అభిమానులను అలరించారు. డివిలియర్స్‌ ఆటకు రిటైర్మెంట్‌ ప్రకటించినా ఆర్‌సీబీని మాత్రం వదల్లేదు. ఐపీఎల్‌ సీజన్‌ ప్రారంభమైన ప్రతీసారి ఆర్‌సీబీకి ఆల్‌ ది బెస్ట్‌ చెబుతూ ఒక సందేశాన్ని విడుదల చేయడం మిస్టర్‌ 360కి అలవాటు.  పదేళ్ల పాటు ఒకే జట్టుకు కలిసి ఆడిన కోహ్లి, డివిలియర్స్‌లు మంచి మిత్రులన్న సంగతి ప్రత్యేకంగా చెప్పనవసరం లేదు.  తాజాగా వెస్టిండీస్‌తో ముగిసిన రెండో టెస్టులో(కోహ్లికి 500వ అంతర్జాతీయ మ్యాచ్‌) సెంచరీతో మెరిసిన కోహ్లిపై ద‌క్షిణాఫ్రికా మాజీ కెప్టెన్ ఏబీ డివిలియ‌ర్స్ ప్ర‌శంస‌లు కురిపించాడు. కోహ్లీ ప్ర‌పంచంలోని గొప్ప క్రీడాకారుల్లో ఒక‌డ‌ని అత‌ను అన్నాడు. గెల‌వాల‌నే క‌సి.. ప్ర‌తిసారి స్కోర్ చేయాల‌నే ఆక‌లి గొప్ప ఆట‌గాళ్లలో క‌నిపించే ల‌క్షణాలని.. అవ‌న్నీ విరాట్‌లో పుష్క‌లంగా ఉన్నాయ‌ని డివిలియ‌ర్స్ తెలిపాడు. ''గోల్ఫ్ దిగ్గ‌జం టైగ‌ర్ వుడ్స్, ఫుట్‌బాల్ లెజెండ్స్‌ క్రిస్టియానో రొనాల్డో, లియోన‌ల్ మెస్సీ, టెన్నిస్ ఆల్ టైమ్ గ్రేట్ ప్లేయ‌ర్లు రోజ‌ర్ ఫెద‌ర‌ర్, ర‌ఫెల్ నాద‌ల్, నొవాక్ జ‌కోవిచ్‌.. వీళ్లంతా గెల‌వాల‌నే క‌సితో ఆడ‌తారు. వీళ్ల‌లో పోరాట స్ఫూర్తి అమోఘం. పోటీ ఏదైనా ప్ర‌తిసారి చాంపియ‌న్ అవ్వాల‌నుకుంటారు. విరాట్ కోహ్లీ కూడా అచ్చం వీళ్ల‌లానే ప్ర‌వ‌ర్తిస్తాడు. అంతేకాదు అత‌డి హృదయం చాలా అంద‌మైన‌ది'' అని డివిలియ‌ర్స్ చెప్పుకొచ్చాడు. ప‌దేళ్లు ఒకే జ‌ట్టుకు మిస్ట‌ర్ 360 క్రికెట‌ర్‌గా డివిలియ‌ర్స్ అభిమానుల మ‌న‌సులో చిర‌స్థాయిగా నిలిచిపోయాడు. మెరుపు బ్యాటింగ్‌తో ప్ర‌త్య‌ర్థుల‌ను వ‌ణికించిన ఈ ద‌క్షిణాఫ్రికా మాజీ కెప్టెన్ క్రికెట్‌పై చెర‌గ‌ని ముద్ర వేశాడు. 2018లో అంత‌ర్జాతీయ క్రికెట్‌కు వీడ్కోలు ప‌లికిన అత‌ను ఆ త‌ర్వాత‌ ఇండియ‌న్ ప్రీమియ‌ర్ లీగ్‌లో త‌న విధ్వంస‌క ఇన్నింగ్స్‌ల‌తో ఫ్యాన్స్‌ను అల‌రించాడు. చదవండి: ICC T20 WC 2024: టి20 ప్రపంచకప్‌ 2024కు పపువా న్యూ గినియా అర్హత Kuldeep Yadav: సంచలన స్పెల్‌! కానీ నీకే ఎందుకిలా? కుల్దీప్‌ యాదవ్‌ కామెంట్స్‌ వైరల్‌

అర్జెంటీనా స్టార్‌ లియోనల్‌ మెస్సీ తన సూపర్‌ ఫామ్‌ను కొనసాగిస్తున్నాడు. ఇటీవలే ఇంటర్‌ మియామి క్లబ్‌ తరపున అరంగేట్రం చేసిన తొలి మ్యాచ్‌లో సబ్‌స్టిట్యూట్‌గా వచ్చిన మెస్సీ అదనపు సమయంలో వచ్చిన ఫ్రీకిక్‌ను గోల్‌గా మలిచి థ్రిల్లింగ్‌ విజయాన్ని అందించాడు. ఇది మరువకముందే మరోసారి ఇంటర్‌ మియామి క్లబ్‌ తరపున అదరగొట్టాడు. బుధవారం తెల్లవారుజామున(భారత కాలామాన ప్రకారం) అట్లాంటా యునైటెడ్‌తో జరిగిన మ్యాచ్‌లో ఇంటర్‌ మియామి క్లబ్‌ 4-0తో ఘన విజయాన్ని అందుకుంది. తొలి మ్యాచ్‌లో సింగిల్‌ గోల్‌తో మెరిసిన మెస్సీ ఈసారి మాత్రం డబుల్‌ గోల్స్‌తో పాటు ఒక అసిస్ట్‌ చేసి జట్టు విజయంలో కీలకపాత్ర పోషించాడు. ఆట ఎనిమిదో నిమిషంలో సెర్జియో బస్‌క్వెట్స్‌ నుంచి పాస్‌ అందుకున్న మెస్సీ బంతిని గోల్‌పోస్ట్‌లోకి తరలించి ఇంటర్‌ మియామి క్లబ్‌ ఖాతా తెరిచాడు. ఆ తర్వాత 22వ నిమిషంలో మరో గోల్‌తో మెరిసిన మెస్సీ మ్యాచ్‌లో రెండో గోల్ నమోదు చేశాడు. ఇక ఆట 53వ నిమిషంలో రాబర్ట్‌ టేలర్‌కు మెస్సీ అసిస్ట్‌ అందించగా.. అది గోల్‌గా వెళ్లడంతో ఇంటర్‌ మియామి 3-0తో భారీ ఆధిక్యంలోకి వెళ్లిపోయింది. ఇక 84వ నిమిషంలో క్రిస్టోఫర్‌ మెక్‌వే గోల్‌ కొట్టడంతో 4-0తో ఇంటర్‌ మియామి స్పష్టమైన విజయాన్ని అందుకుంది.  ఇక మ్యాచ్‌ చివర్లో 12 నిమిషాలు ఉందనగా ఇంటర్‌ మియామి క్లబ్‌ మెస్సీని వెనక్కి పిలిచింది. మొత్తం గేమ్‌ ఆడించడానికి రిస్క్‌ తీసుకోలేమని తెలిపింది. దీంతో మెస్సీ మైదానం నుంచి వెళ్లిపోయే సమయంలో ఒక ఆసక్తికర ఘటన చోటుచేసుకుంది. మ్యాచ్‌కు అభిమానులు పోటెత్తారు. అయితే కేవలం మెస్సీ ఆటను చూడడానికే తాము వచ్చామని.. అతను ఆడకపోతే మేం ఇక్కడ ఉండడం వ్యర్థమంటూ.. మెస్సీ మైదానం వీడగానే చాలా మంది అభిమానులు స్టేడియం నుంచి వెళ్లిపోయారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇది గమనించిన మెస్సీ మ్యాచ్‌ అనంతరం ఫ్యాన్స్‌ను ఉద్దేశించి.. ''నాకోసం మ్యాచ్‌ చూసేందుకు వచ్చిన అభిమానులకు కృతజ్ఞతలు.. కానీ ఇలా మ్యాచ్‌ మధ్యలో మీరు వెళ్లిపోవడం నాకు నచ్చలేదు.. ఇలాంటివి వద్దు.. మీ అభిమానానికి థాంక్స్‌'' అంటూ పేర్కొన్నాడు. من مغادرة الجماهير بعد خروج الأسطورة ميسي🏟️ pic.twitter.com/RdW11m84Iu — Messi Xtra (@M30Xtra) July 26, 2023 That Busquets > Messi link up play 😍 Lionel Messi makes it two goals in two gamespic.twitter.com/MYRNwukH0N — 101 Great Goals (@101greatgoals) July 25, 2023 LIONEL MESSI WITH HIS SECOND GOAL OF THE MATCH FOR INTER MIAMI! Via MLS.pic.twitter.com/itYUdcED4h — Roy Nemer (@RoyNemer) July 26, 2023 చదవండి: FIFA World Cup: ప్రపంచకప్‌లో ఆడిన అతిపిన్న వయస్కురాలిగా.. Asian Games 2023: హర్మన్‌పై వేటు.. ఆసియా గేమ్స్‌లో జట్టును నడిపించేది ఎవరు?

అర్జెంటీనా ఫుట్‌బాల్‌  స్టార్‌ లియోనల్‌ మెస్సీ ఇటీవలే ఇంటర్‌ మియామి క్లబ్‌ తరపున తొలి గోల్‌ నమోదు చేసిన సంగతి తెలిసిందే. 75 గజాల దూరం నుంచి బంతిని గోల్‌పోస్ట్‌లోకి తరలించిన మెస్సీ అరంగేట్రం మ్యాచ్‌లో ఫ్రీకిక్‌ను గోల్‌గా మలిచిన తొలి ఆటగాడిగా చరిత్రకెక్కాడు. అంతేకాదు అదనపు సమయంలో ఇంటర్‌ మియామి క్లబ్‌కు గోల్‌ అందించి 2-1 తేడాతో గెలవడంలో కీలకపాత్ర వహించాడు. కాగా మెస్సీకి ఇది 808వ గోల్‌ కావడం విశేషం. ఇక ఆల్‌టైమ్‌ గ్రెటెస్ట్‌ ప్లేయర్లను G.O.A.Tగా అభివర్ణిస్తుంటారు. ఈ సందర్భంగా మెస్సీపై అభిమానంతో GOAT అనే పదాన్ని చిప్స్‌(తినేవి) తయారు చేసే లేస్‌(Lays Chips) కంపెనీ మెస్సీ గోల్‌ను వినూత్నరీతిలో సెలబ్రేట్‌ చేసింది. మెస్సీ తన కెరీర్లో 808వ గోల్ చేసిన తర్వాత అవే 808 మేకలతో మెస్సీ రూపం వచ్చేలో ఓ అద్భుతమైన ఫొటోను క్రియేట్ చేసింది. దీనికి సంబంధించిన వీడియో సోషల్‌ మీడియాలో వైరల్ అవుతోంది. నలుపు, తెలుపు రంగుల్లో ఉన్న 808 మేకలతో మెస్సీ రూపాన్ని క్రియేట్ చేసింది. మెస్సీకి ట్రిబ్యూట్ అందిస్తూనే లేస్ తన చిప్స్ యాడ్‌ను రూపొందించింది. ఇందులో గ్రేటెస్ట్ ఆఫ్ ఆల్ టైమ్ (G.O.A.T)కు అర్థం వచ్చేలా.. మేకలతో ట్రిబ్యూట్ ఇవ్వడం విశేషం. ఈ వీడియోలో 808 మేకలను సరిగ్గా మెస్సీ ముఖం వచ్చేలా నిల్చోబెట్టారు. పైన యాంగిల్‌ నుంచి చూస్తే మెస్సీ ముఖం స్పష్టంగా కనిస్తోంది. +1 🐐 for the 808th goal for the G.O.A.T #Messi #GoatsForGoals pic.twitter.com/LUviACWR4p — LAY'S (@LAYS) July 22, 2023 చదవండి: Cricketer Minnu Mani: భారత క్రికెటర్‌కు అరుదైన గౌరవం..  కోహ్లి టాప్‌ అనుకుంటే పప్పులో కాలేసినట్లే..

ఏడుసార్లు బాలన్ డి'ఓర్ విజేత, అర్జెంటీనా స్టార్‌ ఫుట్‌బాలర్‌ లియోనెల్ మెస్సీ ఇంటర్ మియామీ కొత్త కెప్టెన్‌గా ఎంపికయ్యాడు. ఈ నెల ప్రారంభంలో పీఎస్‌జీ నుంచి ఇంటర్‌ మియామికి మారిన మెస్సీ, మెక్సికన్ క్లబ్ క్రూజ్ అజుల్‌తో జరిగిన మ్యాచ్‌తో మియామి తరఫున అరంగేట్రం చేశాడు. కేవలం ఒక్క మ్యాచ్‌ ఆడగానే మెస్సీని కెప్టెన్‌ను చేసేశారు మియామి క్లబ్‌ నిర్వహకులు. ఈ విషయాన్ని మియామి క్లబ్‌ మేనేజర్‌ టాటా మార్టినో సోమవారం ప్రకటించారు. మెస్సీ మియామికి ఆడిన తొలి మ్యాచ్‌లోనే గోల్‌ కొట్టాడు. క్రూజ్ అజుల్‌తో జరిగిన మ్యాచ్‌లో మెస్సీ 25 గజాల దూరం నుండి ఫ్రీకిక్‌ గోల్‌ కొట్టి, తన జట్టును 2-1తో గెలిపించాడు. 54వ నిమిషంలో సబ్‌స్టిట్యూట్‌గా బరిలోకి దిగిన మెస్సీ ఈ గోల్‌ కొట్టాడు. కాగా, మెస్సీ.. అమెరికన్‌ ప్రొఫెషనల్‌ సాకర్‌ క్లబ్‌ అయిన ఇంటర్‌ మయామి క్లబ్‌తో 2025 సీజన్‌ పూర్తయ్యే వరకు ఆడేందుకు ఇటీవలే ఒప్పందం కుదుర్చుకున్నాడు. ఈ ఒప్పందం విలువ సీజన్‌కు రూ. 492 కోట్లు (60 మిలియన్‌ డాలర్లు) అని క్లబ్‌ వర్గాలు వెల్లడించాయి. మియామి ఆఫర్‌కు ముందు మెస్సీకి సౌదీ క్లబ్‌ అల్‌ హిలాల్‌, బార్సిలోనా క్లబ్‌ల నుంచి భారీ మొత్తంలో ఆఫర్లు వచ్చినా వాటిని తిరస్కరించాడు. మెస్సీకి మియామి క్లబ్‌పై ఉన్న ఆసక్తిని చూసి యాజమాన్యం కేవలం ఒక్క మ్యాచ్‌ ఆడగానే కెప్టెన్సీ కట్టబెట్టింది. బుధవారం (జులై 26) నుంచి ప్రారంభంకాబోయే లీగ్స్‌ కప్‌లో మెస్సీ మియామి నూతన సారధిగా బాధ్యతలు చేపడతాడు. ఈ లీగ్‌లో మియామి తమ తొలి మ్యాచ్‌లో ఆట్లాంటా యునైటెడ్‌తో తలపడుతుంది.

అర్జెంటీనా ఫుట్‌బాల్‌ స్టార్‌ లియోనల్‌ మెస్సీ ఏ క్లబ్‌కు ఆడినా తన జోరును చూపిస్తూనే ఉన్నాడు. అంతర్జాతీయ మ్యాచ్‌ నుంచి క్లబ్‌ మ్యాచ్‌ దాకా గోల్స్‌ కొడుతూనే ఉన్నాడు. ఇటీవలే పీఎస్‌జీ నుంచి ఇంటర్‌ మియామి(Inter Miami FC)కి రికార్డు ధరకు వెళ్లిన మెస్సీ క్లబ్‌ తరపున ఆడిన తొలి మ్యాచ్‌లోనే అదరగొట్టాడు. లీగ్స్‌ కప్‌ ప్లేలో భాగంగా డీఆర్వీ పీఎన్‌కే స్టేడియం వేదికగా శనివారం తెల్లవారుజామున(భారత కాలామాన ప్రకారం) ఇంటర్‌ మియామి, క్రజ్‌ అజుల్‌ మధ్య జరిగిన మ్యాచ్‌లో మెస్సీ గోల్‌తో మెరిశాడు. మ్యాచ్‌ అదనపు సమయం(ఆట 94వ నిమిషం)లో లభించిన ఫ్రీకిక్‌ను సద్వినియోగం చేసుకున్న మెస్సీ బంతిని నేరుగా గోల్‌పోస్ట్‌లోకి పంపించాడు. దీంతో ఇంటర్‌ మియామి జట్టు క్రజ్‌ అజుల్‌పై 2-1 తేడాతో విజయం సాధించింది. కాగా మ్యాచ్‌కు 22వేల మంది ప్రేక్షకులు హాజరయ్యారు. మెస్సీని చూడడానికే వచ్చిన అభిమానులకు ఆట ముగిసే సమయానికి నిరాశే మిగిలింది. మెస్సీ గోల్‌ చూడకుండానే వెళ్లిపోతామేమోనని ఫీలయ్యారు. కానీ 94వ నిమిషంలో లభించిన ఫ్రీకిక్‌ను మెస్సీ గోల్‌గా మలచడంతో స్టేడియం మొత్తం మెస్సీ నామస్మరణతో మార్మోగిపోయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక ఒక క్లబ్‌ తరపున అరేంగేట్రం​ మ్యాచ్‌లో ఫ్రీకిక్‌ను గోల్‌గా మలిచిన తొలి ఆటగాడిగా మెస్సీ రికార్డులకెక్కాడు. అమెరికన్‌ ప్రొఫెషనల్‌ సాకర్‌ క్లబ్‌ అయిన ఇంటర్‌ మయామి క్లబ్‌తో 2025 సీజన్‌ పూర్తయ్యే వరకు ఆడేందుకు మెస్సీ ఇటీవలే ఒప్పందం కుదుర్చుకున్నాడు. ఈ ఒప్పందం విలువ సీజన్‌కు రూ. 492 కోట్లు (60 మిలియన్‌ డాలర్లు) అని క్లబ్‌ వర్గాలు వెల్లడించాయి.  LIONEL ANDRÉS MESSI IS NOT HUMAN. pic.twitter.com/2mBDI41mLy — Major League Soccer (@MLS) July 22, 2023 చదవండి: దురదృష్టవంతుల లిస్ట్‌లో బెయిర్‌ స్టో.. ఏడో క్రికెటర్‌గా #Jadeja: ఔటయ్యింది ఒక బంతికి.. చూపించింది వేరే బంతిని

ఫోర్ట్‌ లాడెర్‌డేల్‌ (ఫ్లోరిడా): అర్జెంటీనా ఫుట్‌బాల్‌ సూపర్‌స్టార్‌ లయోనల్‌ మెస్సీ కొత్త గూటికి చేరాడు. అమెరికన్‌ ప్రొఫెషనల్‌ సాకర్‌ క్లబ్‌ అయిన ‘ఇంటర్‌ మయామి’ జట్టుతో ఆడేందుకు సోమవారం ఇక్కడికి వచ్చాడు. ఈ క్లబ్‌కు చెందిన స్టేడియంలో అతను ‘10 నంబర్‌ జెర్సీ’తో ప్రవేశించగానే క్లబ్‌ సహ యజమాని, ఇంగ్లండ్‌ సాకర్‌ స్టార్, మాజీ కెప్టెన్‌  బెక్‌హామ్‌ ఆలింగనం చేసుకొని అభిమానుల హర్షధ్వానాల మధ్య స్వాగతం పలికాడు. 2025 సీజన్‌ పూర్తయ్యే వరకు ఇంటర్‌ మయామితో ఆడేందుకు మెస్సీ ఒప్పందం కుదుర్చుకున్నాడు. ఈ ఒప్పందం విలువ సీజన్‌కు రూ. 492 కోట్లు (60 మిలియన్‌ డాలర్లు) అని క్లబ్‌ వర్గాలు వెల్లడించాయి.  View this post on Instagram A post shared by ESPN FC (@espnfc) చదవండి: Asian Games 2023: ఆసియా క్రీడల్లో ఆడనివ్వండి

5 అడుగుల 9 అంగుళాలు.. మొహంపై చెరగని చిరునవ్వు.. 18 ఏళ్లుగా తన ఆటతో అభిమానులను అలరిస్తూనే వస్తున్నాడు.. మారడోనా తర్వాత అర్జెంటీనా ఫుట్‌బాల్‌ అభిమానులకు ఆరాధ్య దైవంగా మారిపోయాడు.. ఈ తరంలో ఫుట్‌బాల్‌లో క్రిస్టియానో రొనాల్డోతో పోటీ పడుతున్న అతను ఒక మెట్టుపైనే ఉన్నాడు.అతనే అర్జెంటీనా గ్రేట్‌ లియోనల్‌ మెస్సీ. లియోనల్‌ మెస్సీ.. ఫుట్‌బాల్‌ కెరీర్‌లో చూడాల్సినవన్నీ చూశాడు. పసిఫిక్‌ దేశాల్లో ప్రతిష్టాత్మకంగా భావించే కోపా అమెరికా కప్‌ను 2021లో అర్జెంటీనాకు అందించాడు. ఇక ఇంతకాలం వెలితిగా ఉన్న ఫిఫా వరల్డ్‌కప్‌ను కూడా గతేడాది ఒడిసిపట్టాడు. వరల్డ్‌కప్‌ సాధించిన తర్వాత ఆటకు గుడ్‌బై చెప్తాడని అంతా భావించారు. కానీ మెస్సీ అలా చేయలేదు. తనలో శక్తి ఉన్నంతవరకు ఆడతానని.. ఇక ఆడలేను అన్నప్పుడు రిటైర్‌ అవుతానని మెస్సీ స్వయంగా పేర్కొన్నాడు. ఆల్‌టైమ్‌ గ్రేట్‌గా అభివర్ణిస్తున్న లియోనల్‌ మెస్సీ ఇవాళ(జూన్‌ 24న) 36వ పుట్టిన రోజు జరుపుకుంటున్నాడు. మరి కెరీర్‌లో ఎంత ఎత్తకు ఎదిగినా ఒదిగిన శిఖరంలా కనిపించే మెస్సీకి గుండె లోతుల్లోనుంచి చెబుతున్న ఒక్క మాట.. Happy Birthday Lionel Messi.. విచిత్రమైన డెబ్యూ.. ఏ ఆటగాడైనా తన అరంగేట్రంలో అదరగొట్టాలని భావించడం సహజం. కానీ మెస్సీ విషయంలో కాస్త భిన్నం. 2005లో అర్జెంటీనా తరపున హంగేరీతో జరిగిన మ్యాచ్‌ ద్వారా అంతర్జాతీయ ఫుట్‌బాల్‌లో అరంగేట్రం చేశాడు. అది కూడా ఒక సబ్‌స్టిట్యూట్‌ ప్లేయర్‌గా. అయితే తొలి మ్యాచ్‌లోనే మెస్సీకి వింత అనుభవం ఎదురైంది. హంగేరీ ఆటగాడు మెస్సీ జెర్సీని పట్టుకొని లాగడంతో .. మెస్సీ మోచేతి సదరు ఆటగాడికి బలంగా తాకింది. దీంతో  రిఫరీ మెస్సీకి రెడ్‌కార్డ్‌ చూపించాడు. కేవలం 47 సెకన్ల పాటు మాత్రమే గ్రౌండ్‌లో ఉన్న మెస్సీ అనూహ్య రీతిలో మైదానం వీడాల్సి వచ్చింది. అంతుచిక్కని వ్యాధి.. మెస్సీకి 11 సంవత్సరాల వయస్సు ఉన్నప్పుడు.. గ్రోత్ హార్మోన్ లోపం (GHD) ఉన్నట్లు నిర్ధారణ అయింది. దీంతో మెస్సీ జీవితంలో ఫుట్‌బాల్‌ ఆటగాడు కాలేడని వైద్యులు ప్రకటించారు. అయితే మెస్సీకి చికిత్స చేయించేందుకు అప్పట్లోనే నెలకు 900 డాలర్లు ఖర్చు అయ్యేది. మెస్సీ కుటుంబానికి ఆర్థిక స్థోమత అంతంత మాత్రమే కావడంతో మెస్సీ చికిత్సకు కష్టంగా మారింది. దీంతో మెస్సీ తండ్రితో ఉన్న అనుబంధం కారణంగా బార్సిలోనా ఫుట్‌బాల్‌ క్లబ్‌ రంగంలోకి దిగింది. మెస్సీ కుటుంబానికి అండగా నిలబడిన బార్సిలోనా మెస్సీతో పాటు కుటుంబాన్ని మొత్తం స్పెయిన్‌కు తరలించి మెస్సీకి చికిత్స చేయించడం విశేషం. అలా 11 ఏళ్ల వయసులోనే మెస్సీ బార్సిలోనాకు రుణపడిపోయాడు. ఆ తర్వాత చాలా ఏళ్ల పాటు బార్సిలోనా క్లబ్‌కు ప్రాతినిధ్యం వహించాడు.  ఆల్‌టైమ్‌ గ్రేట్‌గా గుర్తింపు.. 2005లో అంతర్జాతీయ ఫుట్‌బాల్‌లో అరంగేట్రం చేసిన లియోనల్‌ మెస్సీ అర్జెంటీనా తరపున 175 మ్యాచ్‌ల్లో 103 గోల్స్‌ చేశాడు. అర్జెంటీనా తరపున అత్యధిక గోల్స్‌ చేసిన ఆటగాడిగా.. ఫుట్‌బాల్‌ ప్రపంచంలో రెండో ఆటగాడిగా రికార్డులకెక్కాడు. తన కెరీర్‌లో ఎక్కువగా బార్సిలోనా క్లబ్‌కు ఆడిన మెస్సీ 778 మ్యాచ్‌ల్లో 672 గోల్స్‌.. పారిస్‌ సెయింట్‌ జెర్మన్‌ క్లబ్‌ తరపున 75 మ్యాచ్‌ల్లో 32 గోల్స్‌.. ఓవరాల్‌గా అంతర్జాతీయ, ప్రైవేటు ఫుట్‌బాల్‌ క్లబ్స్‌ కలిపి 1028 మ్యాచ్‌లాడి 807 గోల్స్‌తో అత్యధిక గోల్స్‌ కొట్టిన జాబితాలో రెండో స్థానంలో ఉన్నాడు. Happy Birthday Thalaivaaa😘🐐❤️#LeoMessi #Messi𓃵 #Messi #LionelMessi #HappyBirthdayMessi pic.twitter.com/NY7CR1WQrD — Chikadhee 🇦🇷 ™ (@Chickadhi) June 23, 2023 Happy 36th birthday GOAT 🐐#LionelAndresMessi. Happy Birthday Leo 🦁 Hoping for another Ballon d'Or in October. 🤗🤗#Messi #Leo #Messi36 #Messi𓃵 #MessiBirthday #LionelMessi pic.twitter.com/pSwzXxD0Hs — Fukkard (@Fukkard) June 24, 2023 #GOAT𓃵 #Messi𓃵 📸🙌🏻🐐🎂 pic.twitter.com/chrslX3wvd — sameer ᴩᴀᴛʜᴀɴ 👑🦁 (@sameerp07528955) June 24, 2023

భారత ఫుట్‌బాల్‌ స్టార్‌ సునీల్‌ ఛెత్రి అంతర్జాతీయ గోల్స్‌ పరంగా మరో ఘనత సాధించాడు. అంతర్జాతీయ ఫుట్‌బాల్‌లో అత్యధిక గోల్స్‌ చేసిన క్రీడాకారుల జాబితాలో నాలుగో స్థానానికి ఎగబాకాడు. భారత జట్టు తరఫున 138వ మ్యాచ్‌ ఆడిన సునీల్‌ ఛెత్రి 90 గోల్స్‌ చేశాడు. ఇక టాప్‌–3లో క్రిస్టియానో రొనాల్డో (పోర్చుగల్‌–123 గోల్స్‌), అలీ దాయి (ఇరాన్‌–109 గోల్స్‌), మెస్సీ (అర్జెంటీనా–103 గోల్స్‌) ఉన్నారు.2005లో జూన్‌ 12న భారత సీనియర్‌ జట్టు తరఫున అరంగేట్రం చేసిన 38 ఏళ్ల సునీల్‌ ఛెత్రి తొలి గోల్‌ కూడా పాకిస్తాన్‌ జట్టుపైనే రావడం విశేషం. దక్షిణాసియా ఫుట్‌బాల్‌ చాంపియన్‌షిప్‌లో డిఫెండింగ్‌ చాంపియన్‌ భారత జట్టు భారీ విజయంతో శుభారంభం చేసింది. పాకిస్తాన్‌ జట్టుతో బుధవారం జరిగిన గ్రూప్‌ ‘ఎ’ తొలి మ్యాచ్‌లో భారత్‌ 4–0 గోల్స్‌ తేడాతో  ఘనవిజయం నమోదు చేసింది. కెప్టెన్‌ సునీల్‌ ఛెత్రి (10వ, 16వ, 74వ ని.లో) మూడు గోల్స్‌తో ‘హ్యాట్రిక్‌’ సాధించగా... మరో గోల్‌ను ఉదాంత సింగ్‌ (81వ ని.లో) అందించాడు. 1952 తర్వాత భారత ఫుట్‌బాల్‌ వరుసగా ఏడు మ్యాచ్‌ల్లో ప్రత్యర్థి జట్టుకు ఒక్క గోల్‌ కూడా ఇవ్వకపోవడం ఇదే ప్రథమం. శనివారం తమ తదుపరి మ్యాచ్‌లో నేపాల్‌తో భారత్‌ ఆడుతుంది.  IND vs PAK sees RED in the first half 🤯 India vs Pakistan is never fully complete without the fireworks and heated emotions 💥#INDvPAKonFanCode #SAFFChampionship2023 pic.twitter.com/xJLZTmcrp5 — FanCode (@FanCode) June 21, 2023 A perfectly placed Penalty by Sunil Chhetri and he gets his hattrick😍😍 pic.twitter.com/i2knCtsiH8 — Shanu 🇦🇷 (@secureboy23) June 21, 2023

లియోనల్‌ మెస్సీకి విశ్వవ్యాప్తంగా అభిమానులున్నారు. అతను ఒక మ్యాచ్‌ ఆడితే కోట్లలో వీక్షిస్తారు. అలాంటి మెస్సీ మన దేశానికి వచ్చి ఒక ఫ్రెండ్లీ మ్యాచ్‌ ఆడుతానంటే భారత్‌ వద్దనడం ఆశ్చర్యం కలిగించింది. అర్జెంటీనా ప్రస్తుతం ఫుటబాల్‌లో చాంపియన్‌ అన్న సంగతి తెలిసిందే. గతేడాది డిసెంబర్‌లో ఖతర్‌ వేదికగా జరిగిన ఫిఫా వరల్డ్‌కప్‌లో మెస్సీ సేన ఫ్రాన్స్‌పై ఫూటౌట్‌లో 4-2తో విజయం సాధించి మూడోసారి వరల్డ్‌కప్‌ గెలుచుకుంది. అన్నీ తానై నడిపించిన మెస్సీ అర్జెంటీనాకు కప్‌ అందించి 36 సంవత్సరాల నిరీక్షణకు తెరదించాడు. ఇలాంటి మేటి చాంపియన్‌ టీమ్‌ వచ్చి ఫ్రెండ్లీ మ్యాచ్‌లు ఆడతామంటే ఫుట్‌బాల్‌ అభివృద్ధి కోరే ఏ దేశమైనా ఎగిరి గంతేస్తుంది. ఎర్రతివాచీ పరిచి మరీ ఆహ్వానిస్తుంది. కానీ జనాభాలో చైనాను మించిన భారత్‌ మాత్రం తమ ఫుట్‌బాల్‌ అబిమానులకు నిరాశ కలిగించే నిర్ణయంతో అర్జెంటీనా వస్తనంటే వద్దన్నది. అర్జెంటీనా జట్టు అయినా.. ఆ జట్టు ఆటగాళ్లయినా మోస్ట్‌ వాల్యుబుల్‌ ప్లేయర్స్‌. అలాంటి జట్టు అప్పియరెన్స్‌ ఫీజుగా 50 లక్షల డాలర్లు(రూ.40 కోట్లు) ఇస్తే చాలు అందుబాటులో ఉన్న జూన్‌ 12 నుంచి 20వ తేదీల్లో భారత్‌ వేదికపై ఒక మ్యాచ్‌ ఆడి వెళతామంది. కానీ అఖిల భారత ఫుట్‌బాల్‌ సమాఖ్య(AIFF) అంత మొత్తం ఇవ్వలేం అనేసరికి మెస్సీ టీమ్‌ జూన్‌ 15న బీజింగ్‌లో ఆస్ట్రేలియాతో ఫ్రెండ్లీ మ్యాచ్‌ ఆడింది. మనకంటే చిన్నదేశం ఇండోనేషియా వాళ్లు అడిగినంత ఫీజులో ఏ లోటు లేకుండా చెల్లించి జకార్తాలో 19న అర్జెంటీనాతో మ్యాచ్‌ ఆడి తమ కోరికను నెరవేర్చుకుంది. అభివృద్ది చెందుతున్న దేశాల జాబితాలో ఉన్న మన భారత్‌ మాత్రం రూ. 40 కోట్లు ఇచ్చుకోలేక అర్జెంటీనాతో మ్యాచ్‌ ఆడేందుకు నిరాకరించడం విస్మయం కలిగించే అంశం. చదవండి: #LionelMessi: ఆపడం ఎవరి తరం.. కెరీర్‌లోనే అత్యంత ఫాస్టెస్ట్‌ గోల్‌

అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ మంచి దూకుడు మీద ఉన్నాడు. గతేడాది ఖతర్‌ వేదికగా జరిగిన ఫిఫా వరల్డ్‌కప్‌ గెలిచినప్పటి నుంచి మెస్సీలో ఉత్సాహం మాత్రం తగ్గడం లేదు. పైగ రోజురోజుకు మెస్సీ క్రేజ్‌ పెరుగుతూనే ఉంది. అతని జోరు.. ఫిట్‌నెస్‌ చూస్తుంటే మరో ఫిఫా వరల్డ్‌కప్‌ ఆడేలా కనపిస్తున్నాడు. తాజాగా గురువారం బీజింగ్‌ వేదికగా అర్జెంటీనా, ఆస్ట్రేలియా అంతర్జాతీయ ఫ్రెండ్లీ మ్యాచ్‌ ఆడాయి. ఈ మ్యాచ్‌లో మెస్సీ తన అంతర్జాతీయ కెరీర్‌లోనే అత్యంత ఫాస్టెస్ట్‌ గోల్‌ నమోదు చేశాడు. ఆట మొదలైన నిమిషం 19 సెకన్ల వ్యవధిలోనే మెస్సీ అర్జెంటీనాకు గోల్‌ అందించాడు. మెస్సీ కెరీర్‌లో ఇదే అత్యంత ఫాస్టెస్ట్‌ గోల్‌ అని చెప్పొచ్చు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక గత ఏడు మ్యాచ్‌ల్లో అర్జెంటీనా తరపున మెస్సీకి ఇది ఏడో గోల్‌ కాగా.. ఓవరాల్‌గా ఈ ఏడాది 13 మ్యాచ్‌ల్లో 17 గోల్స్‌ చేసిన మెస్సీ.. 5 అసిస్ట్‌లు అందించాడు. ఇక మ్యాచ్‌ విషయానికి వస్తే అర్జెంటీనా ఆస్ట్రేలియాపై 2-0 తేడాతో విజయాన్ని అందుకుంది. మ్యాచ్‌ ఆరంభంలోనే మెస్సీ గోల్‌ అందించగా.. ఆట 68వ నిమిషంలో జెర్మన్‌ పెజెల్లా జట్టుకు రెండో గోల్‌ అందించాడు. Leo Messi. After one minute. Of course ☄️ (via @CBSSportsGolazo)pic.twitter.com/r5UknzrZvB — B/R Football (@brfootball) June 15, 2023 చదవండి: ఐపీఎల్‌ బంధం ముగిసే.. మేజర్‌ లీగ్‌ క్రికెట్‌లో మొదలు  

ప్రపంచంలోనే అతి పెద్ద ఫుట్‌బాల్‌ క్లబ్‌లలో ఫ్రాన్స్‌కు చెందిన పారిస్‌ సెయింట్‌ జెర్మన్‌ క్లబ్‌ ఒకటి. రియల్‌ మాడ్రిడ్‌, ఎఫ్‌సీ బార్సిలోనా, మాంచెస్టర్‌ యునైటెడ్‌ తర్వాత అత్యంత క్రేజు సంపాదించుకున్న క్లబ్‌లలో సెయింట్‌ జెర్మన్‌ క్లబ్‌ అగ్రస్ధానంలో ఉంటుంది. ఈ క్లబ్‌ తరపున ఆడాలని ప్రతీ ఆటగాడు కలలు కంటాడు. అయితే దాదాపు 52 ఏళ్ల చరిత్ర కలిగిన పారిస్‌ సెయింట్‌ జెర్మన్‌ (పీఎస్‌జీ) క్లబ్‌లో ప్రస్తుతం ఏదో జరుగుతోంది. వరసగా స్టార్‌ ఆటగాళ్లు ఈ చారిత్రత్మక క్లబ్‌ను వీడుతున్నారు. ఇప్పటికే పీఎస్‌జీ క్లబ్‌కు అర్జెంటీనా స్టార్ ప్లేయ‌ర్ లియోన‌ల్ మెస్సీ, సెర్జియో రామోస్ గుడ్‌బై చెప్పగా.. తాజాగా ఫ్రాన్స్‌ యువ సంచలనం కైలియన్ ఎంబాపే కూడా పీఎస్‌జీతో తన బంధాన్ని తెంచుకున్నాడు. పీఎస్‌జీతో తన కాంట్రాక్ట్‌ను పొడిగించడం లేదని ఎంబాపే ప్రకటించాడు. ఇక క్లబ్‌ నుంచి బయటకు వచ్చిన ఎంబాపే కీలక వాఖ్యలు చేశాడు. ఫ్రాన్స్‌లో మెస్సీకీ తగినంత గౌరవం దక్కలేదని, అందుకే అతడు తన కాంట్రాక్ట్‌ను పొడిగించలేదని ఎంబాపే తెలిపాడు. ఎంబాపే చేసిన వాఖ్యలు ఇప్పుడు సంచలనంగా మారాయి. ఇక పీఎస్‌జీ క్లబ్‌ నుంచి బయటకు వచ్చిన మెస్సీ అమెరికాకు చెందిన‌ మియామి క్లబ్‌ తరపున ఆడేందుకు ఆసక్తిచూపుతున్నట్లు తెలుస్తోంది. అదే విధంగా ఎంబాపే రియల్‌ మాడ్రిడ్‌ క్లబ్‌తో ఒప్పందం కుదుర్చుకోనేందుకు సిద్దంగా ఉన్నట్లు వార్తలు వినిపిస్తున్నాయి. కాగా మెస్సీ త‌ప్పుకోవ‌డంతో పీఎస్‌జీ క్లబ్‌ను ఇన్‌స్టాగ్రామ్‌లో ఫాలో అయ్యేవాళ్ల సంఖ్య భారీగా త‌గ్గింది. 10 ల‌క్షల మంది ఫాలోవ‌ర్లు ఆ క్ల‌బ్‌ను వీడారు. మెస్సీ ఉన్నప్పుడు పీఎస్‌జీ క్లబ్‌ ఫాలోవ‌ర్ల సంఖ్య 69.9 మిలియ‌న్లు(6.9 కోట్లు). ప్రస్తుతం ఆ సంఖ్య 68.5 మిలియ‌న్(6.8కోట్లు)కి చేరింది. చదవండి: IND vs WI: విండీస్ టూర్ తో ఎంట్రీ ఇవ్వబోతున్న ప్లేయర్లెవరు? జైశ్వాల్‌తో సహా

అర్జెంటీనా ఫుట్‌బాల్‌ స్టార్‌ లియోనల్‌ మెస్సీకి చైనాలో చేదు అనుభవం ఎదురైంది. పాస్‌పోర్ట్‌ విషయంలో జరిగిన చిన్న పొరపాటు కారణంగా బీజింగ్‌ ఎయిర్‌పోర్ట్‌లో పోలీసులు మెస్సీని అడ్డుకోవడం ఆందోళన కలిగించింది. విషయంలోకి వెళితే.. ఈ గురువారం(జూన్‌ 15న) బీజింగ్‌ వేదికగా ఆస్ట్రేలియాతో అర్జెంటీనా అంతర్జాతీయ ఫ్రెండ్లీ మ్యాచ్‌ ఆడనుంది. ఈ మ్యాచ్‌ కోసం జూన్‌ 10న మెస్సీ చైనాలోని బీజింగ్‌ ఎయిర్‌పోర్ట్‌లో అడుగుపెట్టాడు.   అయితే పాస్‌పోర్ట్‌ చెక్‌ చేసిన పోలీసులు మెస్సీని అడ్డుకున్నారు. మెస్సీకి చైనా వీసా లేదని, అప్లై కూడా చేసుకోలేదని వివరించారు. అయితే తన దగ్గరున్న స్పానిష్‌, అర్జెంటీనా పాస్‌పోర్టును అందజేసిన మెస్సీ.. తైవాన్‌లాగే చైనాలో కూడా తనకు ఫ్రీ ఎంట్రీ ఉంటుందని భావించానని తెలిపాడు. కానీ చైనాలోకి రావాలంటే వీసా ఉండాల్సిందేనని, వెంటనే అప్లై చేసుకోవాలని.. తైవాన్ రూల్‌ వర్తించదని పోలీసులు వెల్లడించారు. అయితే అధికారులు చొరవ తీసుకొని అప్పటికప్పుడు ఎమర్జెన్సీ కింద వీసా అందించి సమస్యను పరిష్కరించారు. దీంతో పోలీసులకు మెస్సీ కృతజ్ఞతలు చెప్పి అక్కడి నుంచి వెళ్లిపోయాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. కాగా జూన్‌ 15న ఆస్ట్రేలియాతో మ్యాచ్‌ అనంతరం జట్టుతో కలిసి ఇండోనేషియా వెళ్లనున్న మెస్సీ జూన్‌ 19న ఇండోనేషియాతో ఫ్రెండ్లీ మ్యాచ్‌ ఆడనున్నాడు. ఇక గతేడాది డిసెంబర్‌లో జరిగిన ఫిఫా వరల్డ్‌కప్‌లో అర్జెంటీనా విశ్వవిజేతగా నిలిచిన సంగతి తెలిసిందే. అన్నీ తానై జట్టును నడిపించిన మెస్సీ ఏడు గోల్స్‌తో గోల్డెన్‌ బాల్‌ అవార్డు కూడా అందుకున్నాడు. 36 ఏళ్ల నిరీక్షణకు తెరదించుతూ అర్జెంటీనా మూడోసారి వరల్డ్‌కప్‌ గెలవడంలో మెస్సీ కీలకపాత్ర పోషించాడు.

పారిస్‌: గత ఏడాది అంతర్జాతీయ క్రీడా వేదికపై తమదైన ముద్ర వేసిన ఫుట్‌బాల్‌ స్టార్‌ లియోనెల్‌ మెస్సీ (అర్జెంటీనా), మహిళా అథ్లెట్‌ షెల్లీ ఆన్‌ ఫ్రేజర్‌ (జమైకా)లకు ప్రతిష్టాత్మక లారియస్‌ గ్లోబల్‌ స్పోర్ట్స్‌ అవార్డులు లభించాయి. 2022 సంవత్సరానికిగాను పురుషుల విభాగంలో ఉత్తమ క్రీడాకారుడిగా మెస్సీ... మహిళల విభాగంలో ఉత్తమ క్రీడాకారిణిగా షెల్లీ ఎంపికయ్యారు. మెస్సీ సారథ్యంలో గత ఏడాది అర్జెంటీనా జట్టు 36 ఏళ్ల సుదీర్ఘ నిరీక్షణకు తెరదించుతూ ఫుట్‌బాల్‌ ప్రపంచకప్‌ టైటిల్‌ను మూడోసారి సొంతం చేసుకుంది. ఈ టోర్నీలో మెస్సీ ఏడు గోల్స్‌ చేయడంతోపాటు సహచరులు మూడు గోల్స్‌ చేయడానికి సహాయపడ్డాడు. ఈ మెగా ఈవెంట్‌లో ఉత్తమ ప్లేయర్‌గా నిలిచి ‘గోల్డెన్‌ బాల్‌’ పురస్కారాన్ని కూడా దక్కించుకున్నాడు. లారియస్‌ అవార్డు రావడం మెస్సీకిది రెండోసారి. 2020లోనూ మెస్సీకి ఈ పురస్కారం దక్కింది. మరోవైపు షెల్లీ ఆన్‌ ఫ్రేజర్‌ 100 మీటర్ల విభాగంలో ఐదోసారి ప్రపంచ అథ్లెటిక్స్‌ చాంపియన్‌షిప్‌లో స్వర్ణ పతకాన్ని సాధించింది. ఓవరాల్‌గా షెల్లీ మూడు ఒలింపిక్స్‌ పసిడి పతకాలను, పది ప్రపంచ చాంపియన్‌షిప్‌ బంగారు పతకాలను గెల్చుకుంది. స్పెయిన్‌ టెన్నిస్‌ యువతార కార్లోస్‌ అల్‌కరాజ్‌కు ‘బ్రేక్‌త్రూ ఆఫ్‌ ద ఇయర్‌’ అవార్డు లభించింది. గత ఏడాది అల్‌కరాజ్‌ యూఎస్‌ ఓపెన్‌ గ్రాండ్‌స్లామ్‌ టోర్నీలో విజేతగా నిలువడంతోపాటు ప్రపంచ  నంబర్‌వన్‌ ర్యాంక్‌ను అందుకున్నాడు. 1999    నుంచి లారియస్‌ గ్లోబల్‌ స్పోర్ట్స్‌ అవార్డులను అందజేస్తున్నారు.   సౌదీ లీగ్‌లో మెస్సీ!  పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డో బాటలోనే మెస్సీ నడవనున్నాడు. ప్రస్తుతం ఫ్రాన్స్‌లో పారిస్‌ సెయింట్‌ జెర్మయిన్‌ (పీఎస్‌జీ) క్లబ్‌కు ఆడుతున్న మెస్సీ ఈ సీజన్‌ తర్వాత పీఎస్‌జీని వీడి రొనాల్డో ఆడుతున్న సౌదీ అరేబియా లీగ్‌లో అడుగు పెట్టనున్నాడు. ఇప్పటికే సౌదీ అరేబియా లీగ్‌లోని ఒక క్లబ్‌ మెస్సీతో కళ్లు చెదిరే మొత్తానికి ఒప్పందం చేసుకుందని సమాచారం.  ఇది కూడా చదవండి: పతకానికి అడుగు దూరంలో.. తాష్కెంట్‌: ప్రపంచ పురుషుల బాక్సింగ్‌ చాంపియన్‌షిప్‌లో ఇద్దరు భారత బాక్సర్లు నిశాంత్‌ దేవ్‌ (71 కేజీలు), దీపక్‌ భోరియా (51 కేజీలు) పతకం ఖరారు చేసుకోవడానికి మరో విజయం దూరంలో ఉన్నారు. మంగళవారం జరిగిన ప్రిక్వార్టర్‌ ఫైనల్‌ బౌట్‌లలో దీపక్‌ 5–0తో జాంగ్‌ జియామావో (చైనా)పై గెలుపొందగా... నిశాంత్‌ దేవ్‌ పంచ్‌ల ధాటికి అతని ప్రత్యర్థి ఫొకాహా నిదాల్‌ (పాలస్తీనా) చేతులెత్తేశాడు. నిశాంత్‌ పంచ్‌ పవర్‌కు తొలి రౌండ్‌లోనే ఫొకాహా రింగ్‌లో రెండుసార్లు కూలబడ్డాడు. దాంతో రిఫరీ బౌట్‌ను నిలిపివేసి నిశాంత్‌ను విజేతగా ప్రకటించాడు. మరోవైపు భారత్‌కే చెందిన సచిన్‌ సివాచ్‌ (54 కేజీలు), ఆకాశ్‌ సాంగ్వాన్‌ (67 కేజీలు)ల పోరాటం ప్రిక్వార్టర్‌ ఫైనల్లో ముగిసింది. సచిన్‌ 0–5తో సాబిర్‌ ఖాన్‌ (కజకిస్తాన్‌) చేతిలో, ఆకాశ్‌ 0–5తో దులాత్‌ (కజకిస్తాన్‌) చేతిలో ఓడిపోయారు.      

ఫిఫా ఫుట్‌బాల్‌ ర్యాంకింగ్స్‌లో అర్జెంటీనా ఆరేళ్ల తర్వాత మళ్లీ అగ్రస్థానాన్ని అధిరోహించింది. ఇటీవలే పనామా, కురాకోతో జరిగిన ఫ్రెండ్లీ మ్యాచ్‌లలో విజయాలు అందుకున్న అర్జెంటీనా 1840. 93 పాయింట్లతో నెంబర్‌వన్‌ స్థానాన్ని ఆక్రమించింది. ఫిఫా ర్యాంకింగ్స్‌లో మె​స్సీ సేన ఆరేళ్ల తర్వాత అగ్రస్థానంలో నిలవడం విశేషం. ఇక  గతేడాది డిసెంబర్‌లో ఖతార్‌ వేదికగా జరిగిన ఫిఫా వరల్డ్‌కప్‌లో అర్జెంటీనా విజేతగా నిలిచిన సంగతి తెలిసిందే. ఫైనల్‌లో ఫ్రాన్స్‌ను పెనాల్టీ షటౌట్‌లో 4-2తో ఓడించి మూడోసారి విజేతగా నిలిచింది. అన్నీ తానై జట్టును నడిపించిన మెస్సీ తన కోరికను నెరవేర్చుకోవడంతో పాటు అర్జెంటీనా 36 ఏళ్ల నిరీక్షణకు తెరదించాడు. ఇక ఫిఫా వరల్డ్‌కప్‌ రన్నరప్‌గా నిలిచిన ఫ్రాన్స్‌ 1838.45 పాయింట్లతో రెండో స్థానంలో ఉంది. యుఇఎఫ్‌ఎ యూరో క్వాలిఫైయింగ్‌లో భాగంగా ఫ్రాన్స్‌.. నెదర్లాండ్స్‌, రిపబ్లిక్‌ ఆఫ్‌ ఐర్లాండ్‌లను ఓడించి ర్యాంకింగ్స్‌లో రెండో స్థానానికి దూసుకొచ్చింది. ఇక ఏడాది కాలంగా నెంబర్‌ వన్‌ స్థానంలో ఉన్న బ్రెజిల్‌.. ఫిఫా వరల్డ్‌కప్‌లో మొరాకో చేతిలో 2-1తో ఓడింది. ఆ తర్వాత బ్రెజిల్‌ ఆశించినంతగా ఆడలేక 1834.21 పాయింట్లతో మూడో స్థానానికి పడిపోయింది. ఇక బెల్జియం 1792. 53 పాయింట్లతో నాలుగో స్థానంలో ఉండగా.. ఇంగ్లండ్‌ 1792.43 పాయింట్లతో ఐదో స్థానంలో నిలిచింది. నెదర్లాండ్స్‌ 1731. 23 పాయింట్లతో ఆరో స్థానంలో ఉండగా.. యూరోప్‌ దేశాలైన క్రొయేషియా, ఇటలీ, పోర్చుగల్‌, స్పెయిన్‌ ఆరు నుంచి పది స్థానాల్లో నిలిచాయి. 🇦🇷🏆 World champions ✅  🇦🇷🥇 Top of the #FIFARanking ✅ — FIFA World Cup (@FIFAWorldCup) April 6, 2023

అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ మంగళవారం మరో అరుదైన మైలురాయిని అందుకున్నాడు. అర్జెంటీనా తరపున వందో అంతర్జాతీయ గోల్‌ సాధించాడు. కురాకోతో జరిగిన ఫ్రెండ్లీ మ్యాచ్‌లో అర్జెంటీనా 7-0తో రికార్డు విజయాన్ని అందుకుంది. మ్యాచ్‌లో మెస్సీ హ్యాట్రిక్‌ గోల్స్‌ నమోదు చేశాడు. ఆట 20, 33, 37వ నిమిషాల్లో మెస్సీ గోల్స్‌ చేసి హ్యాట్రిక్‌తో పాటు వందో గోల్స్‌ సాధించాడు. ప్రస్తుతం మెస్సీ  ఖాతాలో 102 గోల్స్‌ ఉన్నాయి. అంతర్జాతీయ ఫుట్‌బాల్‌లో అత్యధిక గోల్స్‌ కొట్టిన ఆటగాళ్ల జాబితాలో మెస్సీ(174 మ్యాచ్‌ల్లో 102 గోల్స్‌) మూడో స్థానంలో కొనసాగుతున్నాడు. తొలి స్థానంలో క్రిస్టియానో రొనాల్డో- పోర్చుగల్‌(198 మ్యాచ్‌ల్లో 122 గోల్స్‌) ఉండగా.. రెండో స్థానంలో అలీ దాయి- ఇరాన్‌(148 మ్యాచ్‌ల్లో 109 గోల్స్‌) ఉన్నాడు. ఇక మ్యాచ్‌ విషయానికి వస్తే.. మెస్సీ మూడు గోల్స్‌ చేయగా.. నికోలస్‌ గొంజాలెజ్‌(ఆట 23వ నిమిషం), ఎంజో ఫెర్నాండేజ్‌(ఆట 35వ నిమిషం), ఏంజెల్‌ డి మారియా(ఆట 78వ నిమిషం), గొంజాలో మాంటెల్‌(ఆట 87వ నిమిషం)లో గోల్స్‌ చేయడంతో అర్జెంటీనా 7-0 తేడాతో కురాకోను చిత్తుగా ఓడించింది. కాగా మెస్సీకి అర్జెంటీనా తరపున ఇది ఏడో అంతర్జాతీయ హ్యాట్రిక్‌ గోల్స్‌ కావడం విశేషం.  MESSI WHAT A CRAZY HALF, ENJOY THE GOALS!!!! 🐐🐐🐐 pic.twitter.com/f9nwKcoUeS — mx ⭐️⭐️⭐️ (@MessiMX30iiii) March 29, 2023

మెస్సీ సారధ్యంలోని అర్జెంటీనా జట్టు ఫిఫా వరల్డ్‌కప్‌ సాధించి ఇప్పటికి మూడు నెలలు కావొస్తుంది. కానీ ఇంకా అది ఒడవని ముచ్చటలాగానే కనిపిస్తుంది. ఎందుకంటే మూడు నెలలైనా ఇంకా మెస్సీ నామస్మరణ మారుమోగుతూనే ఉంది.  వరల్డ్‌కప్‌ సాధించినప్పటి నుంచి మెస్సీకి ఏదో ఒక చోట గౌరవ సత్కారాలు జరుగుతూనే ఉన్నాయి. తాజాగా సౌత్‌ అమెరికన్‌ ఫుట్‌బాల్‌ గవర్నింగ్‌ కౌన్సిల్‌ మెస్సీకి అరుదైన గౌరవంతో సత్కరించింది. సౌత్‌ అమెరికన్‌ ఫుట్‌బాల్‌ హెడ్‌క్వార్టర్స్‌ అయిన కాన్‌మిబోల్‌లోని మ్యూజియంలో అతని మైనపు విగ్రహాన్ని ఆవిష్కరించింది. అర్జెంటీనాకు ఫిఫా వరల్డ్‌కప్‌ను అందించినందుకు గానూ ఈ గౌరవం ఇచ్చినట్లు గవర్నింగ్‌ కౌన్సిల్‌ పేర్కొంది. కాగా ఫుట్‌బాల్‌లో దిగ్గజాలుగా పేరు పొందిన డీగో మారడోనా, పీలే తర్వాత కాన్‌మిబోల్‌ మ్యూజియంలో ఈ గౌరవం అందుకున్న మూడో ఆటగాడిగా మెస్సీ రికార్డుకెక్కాడు. ఇక గతేడాది డిసెంబర్‌లో ఫ్రాన్స్‌పై పెనాల్టీ షూటౌట్‌లో విజయం సాధించిన అర్జెంటీనా 36 ఏళ్ల తర్వాత మూడోసారి ట్రోఫీని కైవసం చేసుకుంది. టోర్నీ ఆద్యంతం అంతా తానై నడిపించిన మెస్సీ ఏడు గోల్స్‌ కొట్టి గోల్డెన్‌ బాల్‌ అవార్డును సొంతం చేసుకున్నాడు. ఇటీవలే బ్యూనస్‌ ఎయిర్స్‌లో పనామాతో జరిగిన ఫ్రెండ్లీ మ్యాచ్‌లో అర్జెంటీనా జట్టు 2-0తో విజయం సాధించింది. ఈ మ్యాచ్‌లో మెస్సీ ఒక గోల్‌ చేశాడు. ఇది మెస్సీకి 800వ గోల్‌ కావడం విశేషం. ఇక అర్జెంటీనా తరపున 99వ గోల్స్‌ సాధించిన మెస్సీ వందో గోల్‌కు ఒక్క అడుగు దూరంలో ఉన్నాడు. Statue for the best player in history. #Messi 🐐🇦🇷pic.twitter.com/BrW2XqShh8 — Leo #Messi 🐐 (@LeoCuccittini_) March 27, 2023 చదవండి: దుమ్మురేపిన రొనాల్డో.. పోర్చుగల్‌ ఖాతాలో రెండో విజయం  

ప్రస్తుత ఫుట్‌బాల్‌ తరంలో లియోనల్‌ మెస్సీ, క్రిస్టియానో రొనాల్డో ఎవరికి వారే సాటి. వ్యక్తిగతంగా ఎన్నో రికార్డులు అందుకున్న ఈ ఇద్దరు సమానంగానే కనిపించినా మెస్సీ ఒక మెట్టు పైన ఉంటాడు. అందుకు కారణం గతేడాది డిసెంబర్‌లో జరిగిన ఫిఫా వరల్డ్‌కప్‌లో అర్జెంటీనాను విజేతగా నిలపడమే. అన్నీ తానై జట్టును నడిపించిన మెస్సీ అత్యధిక గోల్స్‌ చేసి 36 ఏళ్ల నిరీక్షణకు తెరదించుతూ అర్జెంటీనాకు మూడోసారి టైటిల్‌ అందించాడు. ఈ దెబ్బతో రొనాల్డో కాస్త వెనుకబడినట్లుగా అనిపించాడు. అయితే వ్యక్తిగతంగా చూస్తే మాత్రం ఇద్దరు పోటాపోటీగా ఉంటారు. ఒక రికార్డు రొనాల్డో బద్దలు కొట్టాడంటే వెంటనే మెస్సీ తన పేరిట ఒక రికార్డును లిఖించుకోవడం చూస్తూనే ఉంటాం. తాజాగా రొనాల్డో దేశం తరపున అత్యధిక మ్యాచ్‌లు ఆడిన తొలి ఆటగాడిగా చరిత్ర సృష్టించాడు. అయితే నీ వెనుకే నేను వస్తా అంటూ మెస్సీ కూడా తన కెరీర్‌లో 800వ గోల్‌ సాధించి కొత్త రికార్డు అందుకున్నాడు. బ్రూనస్‌ ఎయిర్స్‌ వేదికగా గురువారం అర్జెంటీనా, పనామాల మధ్య ఫ్రెండ్లీ మ్యాచ్‌ జరిగింది. ఈ మ్యాచ్‌లో మెస్సీ సేన 2-0 తేడాతో విజయం సాధించింది. ఆట 89వ నిమిషంలో అ‍ర్జెంటీనాకు లభించిన ఫ్రీకిక్‌ను మెస్సీ తనదైన శైలిలో గోల్‌గా మలిచాడు. దీంతో తన కెరీర్‌లో 800వ గోల్‌ పూర్తి చేసుకున్న మెస్సీ అర్జెంటీనా తరపున 99వ గోల్‌ సాధించాడు. వంద గోల్స్‌ మార్క్‌ను చేరుకోవడానికి మెస్సీ ఇక్క అడుగు దూరంలో మాత్రమే ఉన్నాడు. ఇక క్లబ్స్‌ తరపున 701 గోల్స్‌ చేసిన మెస్సీ ఓవరాల్‌గా 800 గోల్స్‌తో కొనసాగుతున్నాడు.  గతేడాది డిసెంబర్‌లో ఖతర్‌ వేదికగా జరిగిన ఫిఫా వరల్డ్‌కప్‌లో విజేతగా నిలిచిన జట్టుతోనే అర్జెంటీనా బరిలోకి దిగడం విశేషం. Lionel Messi with an incredible free-kick 🇦🇷 We are witnessing greatness once again 🐐 pic.twitter.com/QBPUO7B9LY — SPORTbible (@sportbible) March 24, 2023 చదవండి: ఫుట్‌బాల్‌లో సంచలనం.. చారిత్రాత్మక గోల్

అర్జెంటీనా ఫుట్‌బాల్‌ స్టార్‌ లియోనల్‌ మెస్సీకి చేదు అనుభవం ఎదురైంది. రెస్టారెంట్‌ నుంచి ఇంటికి వెళ్లే క్రమంలో ఒకేసారి అభిమానులు మీద పడడంతో ఆయన కాస్త ఉక్కిరిబిక్కిరికి గురయ్యాడు. అయితే ఆ తర్వాత బౌన్సర్స్‌ వారిని చెదరగొట్టడంతో మెస్సీ అక్కడి నుంచి వెళ్లిపోయాడు. విషయంలోకి వెళితే.. సోమవారం రాత్రి మెస్సీ భార్య, పిల్లలతో కలిసి అర్జెంటీనా రాజధాని బ్యూనస్‌ ఎయిర్స్‌లోని డాన్‌ జూలియో రెస్టారెంట్‌కు వచ్చాడు. తనకిష్టమైన ఫుడ్‌ను తిని అక్కడి నుంచి బయలుదేరాలనుకున్నాడు. అయితే అప్పటికే మెస్సీ వచ్చిన విషయాన్ని తెలుసుకున్న అభిమానులు రెస్టారెంట్‌ బయట గూమిగూడారు. రెస్టారెంట్‌ నుంచి కారిడార్‌లోకి వచ్చిన మెస్సీ వారికి అభివాదం చేశాడు. ఈలోగా బయటకు వచ్చిన మెస్సీని అభిమానులు ఒక్కసారిగా చుట్టుముట్టారు. దీంతో ఉక్కిరిబిక్కిరికి గురైన మెస్సీ భయపడి రెస్టారెంట్‌ లోపలికి వచ్చేశాడు. ఆ తర్వాత లోకల్‌ పోలీసులు అక్కడికి చేరుకొని అభిమానులను చెదరగొట్టారు. ఆ తర్వాత పోలీసుల సాయంతో మెస్సీ అక్కడి నుంచి వెళ్లిపోయాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది.  అయితే మెస్సీ ప్రాతినిధ్యం వహిస్తున్న పారిస్‌ సెయింట్‌ జెర్మెన్‌(పీఎస్‌జీ) వరుస ఓటములు చవిచూస్తుంది. తాజాగా పార్క్‌ డెస్‌-ప్రిన్సెస్‌ టోర్నీలో రెనెస్‌తో మ్యాచ్‌లో 2-0తో ఓటమి పాలయ్యింది. దీనికి తోడు పీఎస్‌జీ మేనేజర్‌తో మెస్సీకి గొడవలు ఉన్నాయంటూ.. త్వరలోనే మెస్సీ పారిస్‌ సెయింట్‌ జెర్మెన్‌ క్లబ్‌ను వీడనున్నట్లు వార్తలు వస్తున్నాయి.  Lionel Messi leaving the restaurant. Rock star. Via @M30Xtra.pic.twitter.com/sxHStBX1kQ — Roy Nemer (@RoyNemer) March 21, 2023 చదవండి: కఠిన ప్రశ్న.. పుజారాను నమ్ముకుంటే అంతే! ఫ్రాన్స్‌ ఫుట్‌బాల్‌ టీమ్‌ నూతన కెప్టెన్‌గా ఎంబాపె

అర్జెంటీనా ఫుట్‌బాల్‌ స్టార్‌ లియోనల్‌ మెస్సీ త్వరలోనే పారిస​్‌ సెయింట్‌ జెర్మెన్‌(PSG Club) వీడనున్నట్లు వార్తలు వస్తున్నాయి. పీఎస్‌జీ క్లబ్‌ మేనేజర్‌ క్రిస్టొఫీ గాల్టియర్‌తో గొడవలే ఇందుకు కారణమని తెలుస్తోంది. మేనేజర్‌తో గొడవ కారణంగా మెస్సీ పీఎస్‌జీ క్లబ్‌ కొనసాగేందుకు ఇష్టంగా లేడని.. త్వరలోనే తెగదెంపులు చేసుకునే అవకాశం ఉందని డెయిలీ మెయిల్‌ తన కథనంలో పేర్కొంది. శనివారం పీఎస్‌జీ  క్లబ్‌ నిర్వహించిన ట్రెయినింగ్‌ సెషన్‌కు మెస్సీ హాజరుకాలేదని.. గాల్టియర్‌తో పొసగకనే మెస్సీ తన హాటల్‌ రూంకే పరిమితమయ్యాడని తెలిపింది.  మేనేజర్‌తో మెస్సీకి పొసగడం లేదన్న వార్తలు నిజమేనని మెస్సీ తండ్రి పేర్కొనడంతో ఈ వార్తలకు మరింత ఊతమిచ్చినట్లయింది. కాగా మెస్సీ 2021లో పీఎస్‌జీతో రెండేళ్ల కాలానికి ఒప్పందం కుదుర్చుకున్నాడు. ఈ ఏడాది జూన్‌తో మెస్సీకి పీఎస్‌జీతో కాంట్రాక్ట్‌ ముగియనుంది. మేనేజర్‌తో గొడవ కారణంగా మెస్సీ తన కాంట్రాక్ట్‌ను రెన్యువల్‌ చేసుకుంటాడా లేక బయటికి వస్తాడా అనేది ఆసక్తికంగా మారింది. అంతకముందు 2004 నుంచి 2021 వరకు 17 ఏళ్ల పాటు మెస్సీ స్పానిష్‌ క్లబ్‌ బార్సిలోనాకు ఆడాడు. ఒకవేళ పీఎస్‌జీ నుంచి బయటికి వస్తే మెస్సీ కచ్చితంగా మళ్లీ బార్సిలోనా గూటికే చేరే అవకాశం ఉంది. అయితే మెస్సీ పీఎస్‌జీ వీడనున్నట్లు వస్తున్న వార్తలకు మరో కారణం ఉంది. ఫ్రాన్స్‌ స్టార్‌ కైలియన్‌ ఎంబాపెతో మెస్సీ రిలేషన్‌ అంతగా బాగా లేదని.. ఇద్దరు స్టార్స్‌ ఒకేచోట ఇమడలేకపోతున్నారంటూ సమాచారం. ఖతర్‌ వేదికగా ముగిసిన ఫిఫా వరల్డ్‌కప్‌ తర్వాత వీరిద్దరి మధ్య రిలేషిన్‌షిప్‌ దెబ్బ తిందంటూ ప్రచారం జరుగుతోంది. అయితే పీఎస్‌జీలోకి వచ్చిన తర్వాత మెస్సీ ప్రయాణం అనుకున్నంత గొప్పగా ఏమి సాగడం లేదు. దీంతో అతను బయటికి రావడానికి ఇది కూడా ఒక కారణమని కొంతమంది తమ అభిప్రాయం వ్యక్తం చేశారు. I'm sorry but Messi is definitely bigger than PSG https://t.co/wASmdHD9hz — Liam (@ThatWasMessi) March 18, 2023 చదవండి: ప్రపంచ పొట్టి బాడీబిల్డర్‌ వివాహం.. వీడియో వైరల్‌ వయసు పెరిగినా వన్నె తగ్గలేదు..

యూఈఎఫ్‌ఏ ఛాంపియన్స్‌ లీగ్‌లో మెస్సీ సారధ్యంలోని పీఎస్‌జీ కథ ముగిసింది. గురువారం తెల్లవారుజామున డిఫెండింగ్‌ ఛాంపియన్‌ బెయర్న్‌ మ్యునిచ్‌తో జరిగిన రౌండ్‌ ఆఫ్‌ 16 మ్యాచ్‌లో పీఎస్‌జీ 2-0 తేడాతో ఓటమి పాలై నాకౌట్‌ అయింది. బెయర్న్‌ మ్యునిచ్‌ తరపున ఎరిక్‌ మాక్సిమ్‌ మోటింగ్‌(61వ నిమిషం), సెర్గి గ్నార్బీ(89వ నిమిషం)లో గోల్స్‌ చేశారు. కాగా బెయర్న్‌ మ్యునిచ్‌ యూఈఎఫ్‌ఏ లీగ్‌లో క్వార్టర్స్‌ చేయడం ఇది పదమూడోసారి కావడం విశేషం. కాగా 2020లో ఇదే బెయర్న్‌ మ్యునిజ్‌.. అప్పటి పీఎస్‌జీని ఫైనల్లో ఓడించి విజేతగా నిలిచింది. అయితే మ్యాచ్‌ ముగిసిన అనంతరం బెయర్న్‌ మ్యునిచ్‌ కెప్టెన్‌.. జర్మనీ స్టార్‌ ఫుట్‌బాలర్‌ థామస్‌ ముల్లర్‌ మెస్సీపై ఆసక్తికర వ్యాఖ్యలు చేశాడు. మెస్సీని ఒకవైపు మెచ్చుకుంటేనే మరోవైపు అవమానించాడు. ''మెస్సీ ఒక రియలిస్టిక్‌ ఆటగాడు.. మ్యాచ్‌ గెలవడం కోసం ఎంత దూరమైనా వెళ్తాడు. అర్జెంటీనా స్టార్‌గా అతను ఎన్నో ఘనతలు సాధించాడు. అతనంటే నాకు గౌరవం.. కానీ పారిస్‌ జెయింట్స్‌ లాంటి ఫుట్‌బాల్‌ క్లబ్స్‌ తరపున మాత్రం మెస్సీ సమస్యలు ఎదుర్కొంటున్నాడు. క్లబ్స్‌లో తన రియలిస్టిక్‌ ఆటను చూడలేకపోతున్నాం. దేశం తరపున మాత్రమే మెస్సీ కెప్టెన్‌గా పనికొస్తాడు.. క్లబ్స్‌ తరపున కెప్టెన్‌గా పనికిరాడు. ఈ ఒక్క విషయంలో క్రిస్టియానో రొనాల్డోతో మెస్సీని పోల్చవచ్చని.. మెస్సీ లాగే రొనాల్డో కూడా ఇటీవలే కాలంలో కెప్టెన్‌గా విఫలమవుతున్నాడనే విషయం గుర్తుపెట్టుకోవాలి.'' అంటూ తెలిపాడు. Thomas Müller: "Against Messi, things always go well at all levels in terms of results. At club level, Cristiano Ronaldo was our problem when he was at Real Madrid. But I have the greatest respect for Messi's World Cup performance" [@georg_holzner] pic.twitter.com/duZ94DgZxw — Bayern & Germany (@iMiaSanMia) March 9, 2023 చదవండి: మెస్సీని భయపెట్టిన అజ్ఞాత వ్యక్తి

అర్జెంటీనా లియోనల్‌ మెస్సీని ఒక అభిమాని భయపెట్టాడు. ప్రస్తుతం మెస్సీ పారిస్‌ సెయింట్‌ జెర్మెన్‌(పీఎస్‌జీ) తరపున యూఈఎఫ్‌ఏ ఛాంపియన్స్‌ లీగ్‌(UEFA)లో ఆడుతున్నాడు. రౌండ్‌ ఆఫ్‌ 16లో భాగంగా బెయర్న్‌ మ్యునిచ్‌తో మ్యాచ్‌ జరిగింది.  కాగా లైవ్‌ మ్యాచ్‌ జరుగుతున్న సమయంలో ఎవరు ఊహించని రీతిలో గ్రౌండ్‌లోకి దూసుకొచ్చిన ఒక వ్యక్తి మెస్సీని పట్టుకోబోయాడు. అయితే మెస్సీ చాకచక్యంగా వ్యవహరించడంతో ఆ వ్యక్తి పట్టు తప్పి కింద పడిపోయాడు. ఇది గమనించిన సిబ్బంది రంగప్రవేశం చేసి అతన్ని బయటకు తీసుకెళ్లారు. కానీ అజ్ఞాతవ్యక్తి చర్య మెస్సీని భయపెట్టినట్లుగా అతని ఎక్స్‌ప్రెషన్‌ ఉంది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక ఆద్యంతం థ్రిల్లింగ్‌గా సాగిన మ్యాచ్‌లో బెయర్న్‌ మ్యునిచ్‌  2-0 తేడాతో పీఎస్‌జీ జట్టుపై విజయం సాధించి క్వార్టర్స్‌కు దూసుకెళ్లింది. ఎరిక్‌ మాక్సిమ్‌ మోటింగ్‌(61వ నిమిషం), సెర్గి గ్నార్బీ(89వ నిమిషం)లో గోల్స్‌ చేశారు. కాగా బెయర్న్‌ మ్యునిచ్‌ యూఈఎఫ్‌ఏలో క్వార్టర్స్‌ చేయడం ఇది పదమూడోసారి కావడం విశేషం. A pitch invader tried to slide tackle Messi after the game yesterday 😳 But Messi just side-stepped the tackle and kept walking on 😂 This man used to dribble past Ramos, Pepe, Vidic and Van Dijk. What was the fan thinking 😭😭💀pic.twitter.com/FsBySjTJBO — IG: TheFootballRealm (@theftblrealm) March 9, 2023 చదవండి: PSL 2023: ఫఖర్‌ జమాన్‌ వీరవిహారం.. డిఫెండింగ్‌ ఛాంపియన్స్‌ జోరు

గతేడాది డిసెంబర్‌లో ఖతర్‌ వేదికగా జరిగిన ఫిఫా వరల్డ్‌కప్‌లో అర్జెంటీనా విశ్వవిజేతగా నిలిచిన సంగతి తెలిసిందే. అన్నీ తానై జట్టును నడిపించిన మెస్సీ జట్టు కప్‌ కొట్టడంలో కీలకపాత్ర పోషించాడు. గురువారం ఫిఫా వరల్డ్‌కప్‌ సాధించిన అర్జెంటీనా జట్టుతో పాటు సపోర్ట్‌ స్టాఫ్‌కు కలిపి మొత్తంగా 35 గోల్డ్‌ ఐఫోన్స్‌ ఆర్డర్‌ ఇచ్చి అందరిని ఆశ్చర్యానికి గురి చేశాడు. ఈ దెబ్బకు మెస్సీపై ఉన్న క్రేజ్‌ మరింత పెరిగింది. అంతేకాదు ఫిఫా వరల్డ్‌కప్‌ అందుకున్నప్పటి నుంచి మెస్సీ ఖాతాలో అవార్డులు వచ్చి చేరుతూనే ఉన్నాయి. అయితే తాజాగా ఈ అర్జెంటీనా ఫుట్‌బాల్‌ స్టార్‌కు బెదిరింపులు రావడం కలకలం రేపింది. మెస్సీని లక్ష్యంగా చేసుకొని గుర్తుతెలియని దుండగులు బెదిరింపులకు దిగినట్లు తెలుస్తోంది. అర్జెంటీనాలోని రోసారియో నగరంలో మెస్సీ భార్య కుటుంబానికి చెందిన ఒక సూపర్‌ మార్కెట్‌పై అర్థరాత్రి వేళ కాల్పులు జరిపారు. 14 రౌండ్ల బులెట్లు పేల్చినట్లు సమాచారం. అనంతరం ''మెస్సీ.. నీకోసం ఎదురుచూస్తున్నాం'' అని నేలపై రాసి వెళ్లారు.  రోసారియో నగర మేయర్‌ పాబ్లో జావ్కిన్‌ ఒక మాదకద్రవ్యాల డీలర్‌. అతను మిమ్మల్ని జాగ్రత్తగా చూసుకోలేడు అని కూడా పేర్కొన్నారు. దీనిపై నగర్‌ మేయర్‌ జావ్కిన్‌ స్పందించాడు. దాడి జరిగింది నిజమేనని ఆయన ధ్రువీకరించారు. స్థానికంగా గందరగోళం సృష్టించడమే లక్ష్యంగా ఈ దాడి చేసినట్లు భావిస్తున్నామన్నారు. ప్రపంచానికి మెస్సీపై ఉన్న క్రేజ్‌ను క్యాష్‌ చేసుకోవాలనే కొంతమంది దుండగులు ఇలాంటి దాడులకు పాల్పడుతున్నారని పేర్కొన్నారు. మెస్సీ పేరు వాడుకుంటే పాపులర్‌ కావొచ్చన్న ఉద్దేశంతో ఇలా చేసి ఉండొచ్చన్నారు. కొంతకాలంగా ఇలాంటి దాడులు వరుసగా జరుగతున్నాయన్నారు. పోలీసులు సైతం ప్రజల దృష్టిని ఆకర్షించేందుకే ఇలాంటివి చేస్తున్నారన్నారు. కాగా రొసారియో నగరం మెస్సీ స్వస్థలం. అయితే కొన్నేళ్లుగా రొసారియో నగరం మాదకద్రవ్యాల అక్రమ రవాణాకు అడ్డాగా మారిపోయింది. 2022లో రొసారియో నగరంలో 287 హత్యలు జరగడం సంచలనం రేపింది. చదవండి: మెస్సీనా మజాకా.. జట్టు కోసం గోల్డ్‌-ఐఫోన్స్‌ మళ్లీ ఓడిన ఎంబాపె.. మెస్సీదే పైచేయి

మెస్సీ సారధ్యంలోని అర్జెంటీనా జట్టు ఫిఫా వరల్డ్‌కప్‌ సాధించి దాదాపు మూడు నెలలు కావొస్తుంది. అయితే ఇప్పటికి ఫుట్‌బాల్‌ అభిమానులు మెస్సీ మాయ నుంచి బయటికి రాలేకపోతున్నారు. అన్నీ తానై నడిపించిన మెస్సీ ఫిఫా వరల్డ్‌కప్‌ అందుకోవాలనే తన కలతో పాటు 36 ఏళ్ల అర్జెంటీనా నిరీక్షణకు తెరదించాడు. అందుకే ఫిఫా చరిత్రలోనే అర్జెంటీనా, ఫ్రాన్స్‌ల మధ్య జరిగిన ఫిఫా వరల్డ్‌కప్‌ 2022 ఫైనల్‌ అత్యధిక మంది వీక్షించిన మ్యాచ్‌గా నిలిచిపోయింది.  ఫైనల్లో గోల్స్‌ కొట్టి గోల్డెన్‌ బాల్‌ అవార్డు సొంతం చేసుకున్న మెస్సీ ఇప్పటికే ఫిఫా మెన్స్‌ అత్యుత్తమ ఆటగాడిగా అవార్డు కూడా అందుకున్నాడు. తాజాగా మెస్సీ చేసిన ఒక పని అభిమానులను ఆశ్చర్యంలో ముంచెత్తింది. అదేంటో తెలుసా.. ఫిఫా వరల్డ్‌కప్‌ అందుకున్న అర్జెంటీనా టీమ్‌, స్టాఫ్ కోసం  మెస్సీ రూ. 1.73 కోట్ల విలువైన 35 గోల్డ్ ఐఫోన్‌ల‌ను ఆర్డర్ చేయడం విశేషం. స్పెష‌ల్‌గా తయారయిన ఈ గోల్డ్ ఐఫోన్లపై ఆట‌గాడి పేర్లు, జెర్సీ నెంబ‌ర్లు, అర్జెంటీనా లోగోను ముద్రించారు. ఈ ఐఫోన్లు వారాంతంలో మెస్సీ అపార్ట్‌మెంట్‌కు చేరుకున్నాయ‌ని స‌మాచారం. ఫిఫా వ‌ర‌ల్డ్ కప్ అర్జెంటీనా సొంతం కావ‌డంతో ఈ వేడుక‌ను గ్రాండ్‌గా సెల‌బ్రేట్ చేసుకోవాల‌ని ఆట‌గాళ్లకు ప్రత్యేక‌మైన బ‌హుమ‌తులు అందించాల‌ని మెస్సీ భావిస్తున్నాడు. ఎంటర్‌ప్రెన్యూర్ బ‌న్ లైన్స్‌తో క‌లిసి మెస్సీ డివైజ్‌ల డిజైన్‌ను రూపొందించినట్లు ది సన్‌ పత్రిక కథనం ప్రచురించింది. టీం స‌భ్యుల‌కు, స‌పోర్ట్ స్టాఫ్‌కు మెస్సీ గోల్డ్ ఐఫోన్‌గా ఐఫోన్-14ను ఎంచుకున్నారు. ఫోన్ డిజైన్‌తో పాటు ఐఫోన్లను మెస్సీ రిసీవ్ చేసుకున్న ఫొటోను ఐ-డిజైన్ గోల్డ్ అధికారిక ఇన్‌స్టాగ్రాం ఖాతా వెల్లడించింది. ఫిఫా వరల్డ్‌కప్‌ గెలుపొందిన మెస్సీ బృందంతో పాటు స్టాఫ్ కోసం 35 గోల్డ్ ఐఫోన్లను డెలివ‌రీ చేయ‌డం గౌర‌వంగా భావిస్తున్నామ‌ని క్యాప్షన్‌ జత చేసింది. ఫిఫా ప్రపంచకప్ నెగ్గిన అర్జెంటీనా జట్టు: ఎమి మార్టినెజ్, ఫ్రాంకో అర్మానీ, గెరోనిమో రుల్లి, మార్కోస్ అకునా, జువాన్ ఫోయ్త్, లిసాండ్రో మార్టినెజ్, నికోలస్ టాగ్లియాఫికో, క్రిస్టియన్ రొమెరో, నికోలస్ ఒటామెండి, నహుయెల్ మోలినా, గొంజాలో మోంటియెల్, లెగో జర్మన్ పర్జెల్, ఆంరో జర్మన్ పర్జెల్, రోడ్రి పెజ్జెల్లా, డి పాల్, అలెక్సిస్ మాక్ అలిస్టర్, ఎంజో ఫెర్నాండెజ్, ఎక్సిక్వియెల్ పలాసియోస్, గైడో రోడ్రిగ్జ్, లియోనెల్ మెస్సీ, లౌటరో మార్టినెజ్, పాలో డైబాలా, ఏంజెల్ కొరియా, జూలియన్ అల్వారెజ్, థియాగో అల్మడ, అలెజాండ్రో గోమెజ్ View this post on Instagram A post shared by 𝗜𝗗𝗘𝗦𝗜𝗚𝗡 𝗚𝗢𝗟𝗗 (@idesigngold) View this post on Instagram A post shared by 𝘽𝙚𝙣𝙟𝙖𝙢𝙞𝙣 𝙇𝙮𝙤𝙣𝙨 (@benlyons1111) చదవండి: అదే రెండున్నర రోజులు.. సీన్‌ మాత్రం రివర్స్‌! స్టన్నింగ్‌ క్యాచ్‌.. అడ్డంగా దొరికిపోయిన శ్రేయాస్‌

పారిస్‌: తన అద్భుత ప్రతిభతో 36 ఏళ్ల సుదీర్ఘ విరామం తర్వాత అర్జెంటీనా జట్టును మళ్లీ ప్రపంచ చాంపియన్‌గా నిలబెట్టిన లియోనెల్‌ మెస్సీ 2022 ప్రపంచ ఉత్తమ ఫుట్‌బాలర్‌గా ఎంపికయ్యాడు. గత ఏడాది ఖతర్‌ ఆతిథ్యమిచ్చిన ప్రపంచకప్‌ ఫైనల్లో కెప్టెన్ మెస్సీ నేతృత్వంలోని అర్జెంటీనా పెనాల్టీ షూటౌట్‌లో ఫ్రాన్స్‌ను ఓడించి 1986 తర్వాత మళ్లీ జగజ్జేతగా నిలిచింది. ఈ టోర్నీలో మెస్సీ ఏడు గోల్స్‌ చేశాడు. ప్రపంచ ఉత్తమ ఫుట్‌బాలర్‌ అవార్డు కోసం మెస్సీ, కిలియాన్‌ ఎంబాపె (ఫ్రాన్స్‌), కరీమ్‌ బెంజెమా (ఫ్రాన్స్‌) పోటీపడ్డారు. జాతీయ జట్ల కెప్టెన్‌లు, కోచ్‌లు, ఎంపిక చేసిన జర్నలిస్ట్‌లు, ప్రపంచ ఫుట్‌బాల్‌ సమాఖ్యలో సభ్యత్వం ఉన్న 211 దేశాల ప్రతినిధులు ఓటింగ్‌లో పాల్గొన్నారు. ఓటింగ్‌లో మెస్సీకి 52 పాయింట్లు రాగా... ఎంబాపెకు 44 పాయింట్లు, కరీమ్‌ బెంజెమాకు 34 పాయింట్లు వచ్చాయి. గత 14 ఏళ్లలో మెస్సీ ఏడోసారి ప్రపంచ ఉత్తమ ఫుట్‌బాలర్‌ అవార్డు గెల్చుకోవడం విశేషం. ఉత్తమ కోచ్‌గా అర్జెంటీనాకు  ప్రపంచ టైటిల్‌ దక్కడంలో కీలకపాత్ర పోషించిన లియోనెల్‌ స్కలోని ఎంపికయ్యాడు. మహిళల విభాగంలో ప్రపంచ ఉత్తమ క్రీడాకారిణి అవార్డు స్పెయిన్‌కు  చెందిన అలెక్సియా పుటెలాస్‌కు లభించింది.  

అర్జెంటీనా ఫుట్‌బాల్‌ స్టార్‌ లియోనల్‌ మెస్సీ ఫిఫా మెన్స్‌ బెస్ట్‌ ప్లేయర్‌ అవార్డును కొల్లగొట్టాడు. భారత కాలామాన ప్రకారం మంగళవారం తెల్లవారుజామున పారిస్‌ వేదికగా ఫెడరేషన్‌ ఇంటర్నేషనల్‌ ది ఫుట్‌బాల్‌ అసోసియేషన్‌(FIFA) నిర్వహించిన బెస్ట్‌ ఫిఫా ఫుట్‌బాల్‌ అవార్డ్స్‌లో మెస్సీ ఈ అవార్డు అందుకున్నాడు. గతేడాది  డిసెంబర్‌లో జరిగిన ఫిఫా వరల్డ్‌కప్‌లో అర్జెంటీనాను మెస్సీ విశ్వవిజేతగా నిలిపిన సంగతి తెలిసిందే. 36 సంవత్సరాల అర్జెంటీనా అభిమానుల నిరీక్షణకు తెరదించిన మెస్సీ వరల్డ్‌కప్‌ అందుకోవాలన్న తన చిరకాల కోరికను కూడా నెరవేర్చుకున్నాడు. ఇక గతేడాది జరిగిన ఫిఫా వరల్డ్‌కప్‌ ఫైనల్లో అర్జెంటీనా, ఫ్రాన్స్‌ కొదమసింహాల్లా తలపడ్డాయి. మెస్సీ రెండు గోల్స్‌తో మెరవగా.. ఎంబాపె ఏకంగా హ్యాట్రిక్‌ గోల్స్‌తో సంచలన ప్రదర్శన నమోదు చేశాడు. ఆఖరి వరకు ఉత్కంఠగా సాగిన మ్యాచ్‌ 3-3తో డ్రా కావడంతో పెనాల్టీ షూటౌట్‌కు దారి తీసింది. ఇక పెనాల్టీ షూటౌట్‌లో అర్జెంటీనా 4-2 తేడాతో ఫ్రాన్స్‌ను మట్టికరిపించి విశ్వవిజేతగా నిలిచింది. మ్యాచ్‌ ఓడినా ఎంబాపె మాత్రం తన ప్రదర్శనతో అభిమానుల హృదయాలను దోచుకున్నాడు. ఇప్పటికే పలు అవార్డులు అందుకున్న మెస్సీ తాజాగా ఫిఫా మెన్స్‌ బెస్ట్‌ ప్లేయర్‌ అవార్డు సొంతం చేసుకున్నాడు. ఈ అవార్డు కోసం మెస్సీతో పాటు ఫ్రాన్స్‌ ఫుట్‌బాల్‌ స్టార్స్‌ కైలియన్‌ ఎంబాపె, కరీమ్‌ బెంజెమాలు పోటీ పడ్డారు. అయితే మెస్సీని దాటి అవార్డు అందుకోవడంలో ఈ ఇద్దరు విఫలమయ్యారు.  2021 ఆగస్టు 8 నుంచి 18 డిసెంబర్‌ 2022 వరకు మెన్స్‌ ఫుట్‌బాల్‌లో ఔట్‌స్టాండింగ్‌ ప్రదర్శన ఇచ్చిన ఆటగాళ్ల జాబితాను ఎంపిక చేశారు. ఈ జాబితాలో మెస్సీ 52 పాయింట్లతో టాప్‌ ర్యాంక్‌ కైవసం చేసుకోగా.. కైలియన్‌ ఎంబాపె 44 పాయింట్లతో రెండో స్థానం, కరీమ్‌ బెంజెమా 34 పాయింట్లతో మూడోస్థానంలో నిలిచాడు. కాగా మెస్సీ ఫిఫా మెన్స్‌ బెస్ట్‌ ప్లేయర్‌ అవార్డు గెలుచుకోవడం ఇది ఏడోసారి కావడం విశేషం. ఇంతకముందు వరుసగా 2009, 2010, 2011, 2012, 2015, 2019.. తాజాగా 2023లో మరోసారి అవార్డును గెలుచుకున్నాడు. ఉత్తమ FIFA ఉమెన్స్ ప్లేయర్ విజేత: అలెక్సియా పుటెల్లాస్ ఉత్తమ FIFA పురుషుల కోచ్ విజేత: లియోనెల్ స్కలోని ఉత్తమ FIFA మహిళా కోచ్ విజేత: సరీనా విగ్మాన్ ఉత్తమ FIFA పురుషుల గోల్ కీపర్ విజేత: ఎమిలియానో మార్టినెజ్ ఉత్తమ FIFA మహిళా గోల్ కీపర్ విజేత: మేరీ ఇయర్ప్స్ (ఫొటో గ్యాలరీ కోసం ఇక్కడ క్లిక్ చేయండి) MESSI IS THE WINNER OF THE BEST AWARD ❤️🐐 pic.twitter.com/4pJhMoVCI6 — Messi Media (@LeoMessiMedia) February 27, 2023

భారత ప్రధాని నరేంద్ర మోదీకి అర్జెంటీనా ఫుట్‌బాల్‌ స్టార్‌ లియోనల్‌ మెస్సీ జెర్సీ గిఫ్ట్‌గా రావడం ఆసక్తి కలిగించింది. అర్జెంటీనాకు చెందిన వైపీఎఫ్‌ అనే పెట్రోలియన్‌ అండ్‌ గ్యాస్‌ కార్పోరేషన్‌ సంస్థ బెంగళూరులో జరుగుతున్న ఇండియా ఎనర్జీ వారోత్సవాలకు హాజరయ్యింది. సంస్థ అధ్యక్షుడు పాబ్లో గొంజాలెజ్‌ ప్రధాని మోదీకి మంగళవారం మెస్సీ జెర్సీని అందజేశారు. ఈ సందర్భంగా ఇద్దరు కలిసి ఫోటోలకు ఫోజిచ్చారు. దీనికి సంబంధించిన ఫోటోలు సోషల్‌ మీడియాలో వైరల్‌గా మారాయి. ఇక గతేడాది డిసెంబర్‌లో జరిగిన ఫిఫా వరల్డ్‌కప్‌లో అర్జెంటీనా విజేతగా నిలిచిన సంగతి తెలిసిందే. మెస్సీ సారధ్యంలోని అర్జెంటీనా ఫైనల్లో ఫ్రాన్స్‌ను షూటౌట్‌లో 4-2తో మట్టికరిపించి జగజ్జేతగా అవతరించింది. మారడోనా తర్వాత దిగ్గజ ఆటగాడిగా పేరు పొందిన మెస్సీ ఫిపా వరల్డ్‌కప్‌ను అందుకోవాలన్న తన కలను సాకారం చేసుకోవడంతో పాటు అర్జెంటీనా 36 ఏళ్ల నిరీక్షణకు తెరదించాడు. ప్రపంచవ్యాప్తంగా ఉన్న ఫుట్‌బాల్‌ అభిమానులు మెస్సీ ఘనతను పొగడ్తలతో ముంచెత్తారు. భారత ప్రధాని నరేంద్ర మోదీ కూడా మెస్సీని ప్రశంసించిన జాబితాలో ఉన్నారు. 

ఫుట్‌బాల్‌లో లియోనల్‌ మెస్సీది ప్రత్యేక స్థానం. మైదానంలో తన ఆటతో అభిమానులను మాయ చేయగల సత్తా అతని సొంతం. గతేడాది ఫిఫా వరల్డ్‌కప్‌లో అర్జెంటీనాను అన్నీ తానై నడిపించిన మెస్సీ జట్టును విశ్వవిజేతగా నిలిపాడు. మారడోనా తర్వాత దిగ్గజ ఆటగాడిగా గుర్తింపు పొందిన మెస్సీ ఎట్టకేలకు తన ఫిఫా వరల్డ్‌కప్‌ కలను సాకారం చేసుకున్నాడు. అలాంటి మెస్సీనే తెలివిగా బోల్తా కొట్టించాడు మెజీషియన్‌. కార్డ్‌ ట్రిక్‌ ప్లేతో తన మ్యాజిక్‌ను చూపించి మెస్సీనే మెస్మరైజ్‌ చేశాడు. విషయంలోకి వెళితే.. ప్రస్తుతం మెస్సీ పారిస్‌ సెయింట్‌ జెర్మన్‌(పీఎస్‌జీ) క్లబ్‌కు ప్రాతినిధ్యం వహిస్తున్న సంగతి తెలిసిందే.  గురువారం రాత్రి పీఎస్‌జీ ప్లేయర్స్‌కు పారిస్‌లో ఒక పార్టీ నిర్వహించారు. ఈ పార్టీకి మెస్సీ సహా ఇతర పీఎస్‌జీ ప్లేయర్లు హాజరయ్యారు. ఇదే పార్టీకి జూలిస్‌ డెయిన్‌ అనే మెజీషియన్‌ కూడా వచ్చాడు. మెస్సీ దగ్గరికి వచ్చి కార్డ్‌ ట్రిక్‌ ప్లే మ్యాజిక్‌ షో చూపిస్తానన్నాడు. మెస్సీని ఒక కార్డు సెలెక్ట్‌ చేసుకోవాలని.. కానీ అది ఏ కార్డు అనేది తనకు చూపించొద్దన్నాడు. అలా మెస్సీ ఏస్‌(A) కార్డును సెలెక్ట్‌ చేసుకున్నాడు. ఆ తర్వాత తన మ్యాజిక్‌ ట్రిక్‌తో మెస్సీ ఏంచుకున్న కార్డును మెజీషియన్‌ కరెక్టుగా చూపించడంతో పాటు అర్థం కాని భాషలో మాట్లాడాడు. ఆ సమయంలో మెస్సీ భార్య ఆంటోనెల్లా కూడా అక్కడే ఉంది. ఇంగ్లీష్‌లో ఎలా చెప్పాలో తెలియక మెజీషియన్‌ పడుతున్న కష్టాన్ని చూసి మెస్సీ నవ్వుకున్నాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మెస్సీ ఫిఫా వరల్డ్‌కప్‌ అందించిన తర్వాత ఆటకు రిటైర్మెంట్‌ ఇస్తాడని అంతా భావించారు. కానీ మరికొన్ని రోజులు తన ఆటను కొనసాగిస్తానని మెస్సీ మనసులో మాటను చెప్పాడు. కానీ గత రెండురోజులుగా మెస్సీ త్వరలోనే రిటైర్‌ అవ్వనున్నట్లు వార్తలు వస్తున్నాయి. అందుకు అనుగుణంగా మెస్సీ కూడా అర్జెంటీనా జెర్సీని పట్టుకొని.. 'ఇక ముగిసింది' అన్నట్లుగా హింట్‌ ఇవ్వడం అనుమానాలకు తావిస్తోంది. 35 ఏళ్ల మెస్సీ.. లీగ్‌-1లో భాగంగా మోంట్‌పిల్లీర్‌తో మ్యాచ్‌లో గోల్‌ చేయగా.. 3-1తో పీఎస్‌జీ విజయం సాధించింది. View this post on Instagram A post shared by Julius Dein (@juliusdein) చదవండి: వాళ్లిద్దరు నిజంగా కలిశారా..? గిల్‌పై ఇషాన్‌ కిషన్‌ ఆగ్రహం.. ఏం పట్టనట్లుగా చహల్‌

Lionel Messi- Cristiano Ronaldo: క్రిస్టియానో రొనాల్డో- లియోనల్‌ మెస్సీ.. ఈ ఇద్దరు ఫుట్‌బాల్‌ దిగ్గజాల మధ్య రికార్డుల పోటీ నువ్వా- నేనా అన్నట్లుగా ఉంటుందన్న సంగతి ప్రత్యేకంగా చెప్పనక్కర్లేదు. దశాబ్దకాలంగా సాకర్‌ ప్రపంచంలో తమదైన ముద్ర వేస్తున్న ఈ ఇద్దరు లెజెండ్స్‌లో.. మెస్సీ ఫిఫా ప్రపంచకప్‌-2022 ట్రోఫీని ముద్దాడి ఓ మెట్టు పైన నిలిచాడు. మరోవైపు.. పోర్చుగల్‌ స్టార్‌ రొనాల్టోకు మాత్రం వరల్డ్‌కప్‌ టైటిల్‌ అందని ద్రాక్షగా మిగిలిపోయింది. ఖతర్‌ టోర్నీలో అర్జెంటీనా సూపర్‌స్టార్‌ మెస్సీ అద్భుతాలు చేయగా.. రొనాల్డో మాత్రం అవమానకర రీతిలో ఈవెంట్‌ నుంచి నిష్క్రమించాల్సిన పరిస్థితి తలెత్తిన విషయం తెలిసిందే. రొనాల్డో రికార్డు బద్దలు ఈ క్రమంలో రొనాల్డోకు సాధ్యం కాని పలు రికార్డులు తన ఖాతాలో వేసుకున్న లియోనల్‌ మెస్సీ.. ఈ పోర్చుగల్‌ స్టార్‌ పేరిట ఉన్న మరో రికార్డును బద్దలు కొట్టాడు. టాప్‌-5 యూరోపియన్‌ లీగ్‌లలో అత్యధిక గోల్స్‌ చేసిన ఆటగాడిగా నిలిచాడు. మొత్తంగా 697 గోల్స్‌తో రొనాల్డోను అధిగమించాడు మెస్సీ. ఫ్రెంచ్‌ లీగ్‌లో భాగంగా పారిస్‌ సెయింట్‌ జర్మనీ(పీఎస్‌జీ), మాంట్‌పిల్లర్‌ మ్యాచ్‌ సందర్భంగా మెస్సీ ఈ ఫీట్‌ నమోదు చేశాడు. పీఎస్‌జీకి ప్రాతినిథ్యం వహించిన ఈ అర్జెంటీనా లెజెండ్‌.. ఈ మ్యాచ్‌లో గోల్‌ ద్వారా రొనాల్డోను వెనక్కినెట్టాడు. క్లబ్‌ కెరీర్‌లో మొత్తంగా 697 గోల్స్‌ చేసి టాప్‌లో నిలిచాడు.  ఇక ఇందులో ఈ సీజన్‌లో పీఎస్‌జీ తరఫున చేసిన గోల్స్‌ 13. మరోవైపు.. రొనాల్డో ఇప్పటి వరకు రియల్‌ మాడ్రిడ్‌ తరఫున 450, మాంచెస్టర్‌ యునైటెడ్‌ తరఫున 145, జువెంటస్‌ తరఫున 101 గోల్స్‌తో కలిపి మొత్తంగా 696 గోల్స్‌ సాధించాడు. ఇదిలా ఉంటే.. మాంట్‌పిల్లర్‌తో మ్యాచ్‌కు ముందు మెస్సీ మాట్లాడుతూ తన రిటైర్మెంట్‌పై సంకేతాలు ఇచ్చాడు.  కోరుకున్నవన్నీ దక్కాయి.. ఇకపై ‘‘జాతీయ జట్టు తరఫున నేనైతే సాధించాలని అనుకున్నానో ఆ కల నెరవేరింది. వ్యక్తిగతంగా.. వృత్తిగతంగా నేను కోరుకున్నవన్నీ నాకు లభించాయి. శిఖరాగ్రంలో ఉన్నపుడే కెరీర్‌ను ముగించడమే మిగిలి ఉంది. నేను ఫుట్‌బాల్‌ ఆడటం మొదలుపెట్టినపుడు ఇక్కడి దాకా వస్తానని అస్సలు ఊహించలేదు. కెరీర్‌లో అత్యుత్తమ స్థాయికి చేరుకున్నాను. ప్రస్తుతం నా జీవితంలో ఎలాంటి అసంతృప్తి లేదు. మేము 2021లో కోపా అమెరికా, 2022లో వరల్డ్‌కప్‌ గెలిచాము. ఇంతకంటే సాధించాల్సిందేమీ లేదు’’అని మెస్సీ అర్బన్‌ప్లేతో వ్యాఖ్యానించాడు. ఇదిలా ఉంటే రొనాల్డో ప్రస్తుతం సౌదీ అరేబియా ఫుట్‌బాల్‌ క్లబ్‌ అల్‌ నసర్‌ మ్యాచ్‌లతో బిజీగా ఉన్నాడు. చదవండి: Shubman Gill Century: అప్పుడు 7, 11.. ఇప్పుడేమో ఏకంగా 126.. ప్రతి మ్యాచ్‌కు సచిన్‌ రావాల్సిందే! IND vs NZ: 'తీవ్రంగా నిరాశపరిచాడు.. స్పిన్నర్లను ఎదుర్కోవడం నేర్చుకోవాలి’ What a Goal by the World Champion Lionel Messi. 🔥🐐 pic.twitter.com/yPJmqUgZda — x3a6y 🇦🇪 (@x3a6y) February 1, 2023

అర్జెంటీనా స్టార్‌ లియోనల్‌ మెస్సీ తన కెరీర్‌లో లోటుగా ఉన్న ఫిఫా వరల్డ్‌కప్‌ను గతేడాది అందుకున్న సంగతి తెలిసిందే. నాలుగుసార్లు ఫిఫా వరల్డ్‌కప్‌ను అందుకోవడంలో విఫలమైన మెస్సీ ఐదో ప్రయత్నంలో మాత్రం సక్సెస్‌ అయ్యాడు. జట్టును అంతా తానై నడిపించిన మెస్సీ.. కీలకమైన ఫైనల్లో ఫ్రాన్స్‌పై షూటౌట్‌ ద్వారా విజేతగా నిలిపాడు. ఫైనల్లో మూడు గోల్స్‌ చేసి విజయంలో కీలకపాత్ర పోషించిన మెస్సీ టోర్నీలో మొత్తంగా ఏడు గోల్స్‌ కొట్టి గోల్డెన్‌ బాల్‌ అవార్డును గెలుచుకున్నాడు. ఇదిలా ఉంటే వరల్డ్‌ కప్‌ ముగిసిన 45రోజులు కావొస్తున్న వేళ మెస్సీ ఫిఫా వరల్డ్‌కప్‌లో జరిగిన ఒక సంఘటనపై స్పందించాడు. అదేంటంటే.. నెదర్లాండ్స్‌తో క్వార్టర్‌ఫైనల్‌ మ్యాచ్‌ సందర్భంగా డచ్‌ బాస్‌ లూయిస్‌ వాన్‌గాల్‌తో పాటు స్ట్రైకర్‌ వౌట్‌ వెగ్రోస్ట్‌లను హేళన చేస్తున్నట్లుగా తన రెండు చేతులను చెవుల మధ్య పెట్టి కోపంగా చూస్తూ ఫోజివ్వడం సంచలనం కలిగించింది. సౌమ్య హృదయడనుకున్న మెస్సీ నుంచి ఇలాంటి ఎక్స్‌ప్రెషన్‌ వస్తుందని ఎవరు ఊహించలేదు. అందుకే మెస్సీని కొంతమంది తప్పుబట్టారు. అప్పుడే దీనిపై స్పందించిన మెస్సీ..''గేమ్‌లో భాగంగా కంట్రోల్‌ తప్పాను..  ఆ సమయంలో అలా వచ్చేసింది'' అంటూ వివరణ ఇచ్చాడు. తాజాగా మరోసారి ఇదే అంశంపై స్పందిస్తూ మరింత క్లారిటీ ఇచ్చాడు. ''నెదర్లాండ్స్‌తో మ్యాచ్‌లో అలా ప్రవర్తించడం తప్పే. నేను చేసింది నాకే నచ్చలేదు. అయితే దానిని మనసులో పెట్టుకొని ముందుకెళ్లడం నాకు సాధ్యం కాదు. అందుకే ఆరోజే ఏదో అనుకోకుండా జరిగిందని వివరణ ఇచ్చకున్నాడు. మ్యాచ్‌ అన్నాకా హైటెన్షన్‌ ఉండడం సహాజం. ఆ టెన్షన్‌లో ఒక్కోసారి మనం సహనం కోల్పోతాం. నాకు కూడా అదే జరిగింది. ఇక నేను అందుకున్న ఫిఫా వరల్డ్‌కప్‌ ట్రోఫీని దిగ్గజం మారడోనా చెంతకు చేర్చాను'' అంటూ వెల్లడించాడు.  Lionel Messi on his celebration vs. Netherlands: "It came out naturally. My team mates told me what van Gaal said before the match. I don't like to leave that image, but it just came out. There was a lot of nervousness." Via @urbanaplayfm. 🇦🇷 pic.twitter.com/DT2w3sAo1D — Roy Nemer (@RoyNemer) January 30, 2023 చదవండి: విషాదం: ప్రపంచ ఛాంపియన్‌.. మంచు కింద సజీవ సమాధి

పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డోకు సొంత అభిమానుల మధ్య అవమానం ఎదురైంది. మాంచెస్టర్‌ యునైటెడ్‌ క్లబ్‌తో తెగదెంపులు చేసుకున్న రొనాల్డో సౌదీ అరేబియా ఫుట్‌బాల్‌ క్లబ్‌ అల్‌ నసర్‌తో భారీ విలువకు ఒప్పందం చేసుకున్న సంగతి తెలిసిందే. అల్‌ నసర్‌ తరపున రొనాల్డో ఇప్పటివరకు రెండు మ్యాచ్‌లు ఆడాడు. ఇందులో పారిస​్‌ సెయింట్స్‌ జర్మన్‌(పీఎస్‌జీ)తో ఫ్రెండ్లీ మ్యాచ్‌ కూడా ఉంది. ఆ మ్యాచ్‌లో మెస్సీని డామినేట్‌ చేసిన రొనాల్డో మ్యాన్‌ ఆఫ్‌ ది మ్యాచ్‌గా ఎంపికయ్యాడు. కానీ మ్యాచ్‌లో మాత్రం రొనాల్డో అల్‌ నసర్‌ ఓడిపోయింది. తాజాగా రొనాల్డో జట్టు మరో ఓటమిని మూటగట్టుకుంది. సౌదీ సూపర్‌కప్‌లో భాగంగా గురువారం అర్థరాత్రి రియాద్‌ వేదికగా అల్‌ ఇత్తిహద్‌, అల్‌ నసర్‌ల మధ్య లీగ్‌ మ్యాచ్‌ జరిగింది. ఈ మ్యాచ్‌లో అల్‌ ఇత్తిహద్‌ 3-1 తేడాతో అల్‌ నసర్‌ జట్టును చిత్తు చేసింది. 90 నిమిషాల పాటు ఆడిన రొనాల్డో ఒక్క గోల్‌ కూడా కొట్టలేకపోయాడు. కాగా లీగ్‌లో ఇది రెండో ఓటమి కావడంతో సౌదీ సూపర్‌ కప్‌ నుంచి అల్‌ నసర్‌ జట్టు నిష్క్రమించింది. కాగా రొనాల్డో వచ్చిన తర్వాత అల్‌ నసర్‌ కు ఇదే మేజర్‌ కప్‌. కానీ కప్‌ కొట్టకుండానే ఇంటిబాట పట్టింది. ఇక మ్యాచ్‌లో తన ఆటతో నిరాశపరిచిన రొనాల్డోను అభిమానులు అవమానించారు. మ్యాచ్‌ ముగిశాకా పెవిలియన్‌కు వస్తున్న సమయంలో రొనాల్డోనూ చూస్తూ మెస్సీ.. మెస్సీ అంటూ పెద్ద గొంతుతో అరిచారు. ఇది గమనించిన రొనాల్డో ఏలా స్పందించాలో తెలియక సైలెంట్‌గా అక్కడి నుంచి వెళ్లిపోయాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక రొనాల్డో నేతృత్వంలోని అల్‌ నసర్‌ క్లబ్‌ అల్‌ ఫెచ్‌కు ప్రయాణం కానుంది. ఫిబ్రవరి మూడు నుంచి ప్రారంభం కానున్న సౌదీ ప్రో లీగ్‌లో ఆడనుంది. حسرة النجم العالمي ( كرستيانو رونالدو ) بعد الخسارة من #الاتحاد #الاتحاد_النصر pic.twitter.com/zp0g8Uey7l — علاء سعيد (@alaa_saeed88) January 26, 2023 చదవండి: జడేజా రాణించినా.. జట్టు మాత్రం ఓటమి '22 ఏళ్ల పరిచయం.. కచ్చితంగా తప్పు చేసి ఉండడు'

లియోనల్‌ మెస్సీ, క్రిస్టియానో రొనాల్డో.. ఫుట్‌బాల్‌లో ఎవరికి వారే సాటి. అయితే మెస్సీ ఇటీవలే అర్జెంటీనాకు ఫిఫా వరల్డ్‌కప్‌ అందించి రొనాల్డో కంటే ఒక మెట్టు పైనే ఉ‍న్నాడు. మరో వరల్డ్‌కప్‌ జరిగేందుకు నాలుగేళ్ల సమయం ఉంది. వచ్చే వరల్డ్‌కప్‌లో ఈ ఇద్దరు ఆడుతారా లేదా అనేది ఆసక్తికరమే.  ఈ విషయం పక్కనబెడితే.. మెస్సీ, రొనాల్డోలు ఒకే ఫుట్‌బాల్‌ క్లబ్‌కు ఆడిన సందర్భాలకంటే ప్రత్యర్థులుగా తలపడిన సందర్భమే ప్రేక్షకులకు ఎక్కువ మజాను అందిస్తుంది. తాజాగా ఫిఫా వరల్డ్‌కప్‌ ముగిసిన తర్వాత ఈ ఇద్దరు ప్రత్యర్థులుగా మరోసారి తలపడ్డారు. దీనికి ఒక ఫ్రెండ్లీ మ్యాచ్‌ వేదికైంది. ఇటీవలే వివాదాస్పద రీతిలో మాంచెస్టర్‌ యునైటెడ్‌ను వీడిన క్రిస్టియానో రొనాల్డో.. సౌదీ అరేబియా ఫుట్‌బాల్‌ క్లబ్‌ అయిన అల్‌-నసర్‌తో భారీ ఒప్పందం కుదుర్చుకున్న సంగతి తెలిసిందే. ఇక మెస్సీ, నెయ్‌మర్‌, కైలియన్‌ ఎంబాపెలు పారిస్‌ సెయింట్స్‌ జర్మన్‌(పీఎస్‌జీ)కి ఆడుతున్నారు. సౌదీ అరేబియా రాజధాని రియాద్‌లోని కింగ్‌ ఫహద్‌ స్టేడియం వేదికగా మ్యాచ్‌ జరిగింది. మ్యాచ్‌లో మెస్సీ నేతృత్వంలోని ఆల్‌స్టార్స్‌ ఎలెవన్‌ జట్టు 5-4తో గెలుపొందింది.  కాగా మ్యాచ్‌ మధ్యలో మెస్సీ రొనాల్డోవైపు ఒక లుక్‌ ఇచ్చాడు. కానీ రొనాల్డో మాత్రం మెస్సీని పట్టించుకోనట్లుగానే వ్యవహరించాడు.   ఆ సమయంలో మెస్సీ ఇచ్చిన ఎక్స్‌ప్రెషన్‌ సోషల్‌ మీడియాలో వైరల్‌గా మారింది. మెస్సీ ఇచ్చిన ఒక్క చూపు సోషల్‌ మీడియాను షేక్‌ చేసింది. అయితే ఇదంతా కేవలం కామెడీ కోసం మాత్రమే అని తర్వాత అర్థమైంది. మ్యాచ్‌ ముగిసిన అనంతరం ఇద్దరు ఒకరినొకరు హగ్‌ చేసుకున్న వీడియో బయటికి వచ్చింది.ఇక మ్యాచ్‌ ముగిసిన అనంతరం రొనాల్డో సోషల్‌ మీడియా వేదికగా ఒక పోస్టు పెట్టాడు. ''కొంత మంది పాత స్నేహితులను కలుసుకోవడం సంతోషంగా అనిపించింది.'' అంటూ కామెంట్‌ చేశాడు. Love someone who looks at you like Messi looks at Cristiano Ronaldo 🥂#CR7𓃵 pic.twitter.com/d4Z5Q5hZAq — Sarah (@_m__sara) January 19, 2023 చదవండి: 24 ఏళ్లపాటు కోమాలోనే.. కన్నుమూసిన సైక్లిస్ట్‌ బోల్ట్‌కు చేదు అనుభవం.. అకౌంట్‌ నుంచి 97 కోట్లు మాయం

Brazil Legend Pele: బ్రెజిల్‌ ఫుట్‌బాల్‌ దిగ్గజం పీలే(82) ఇకలేరు. అభిమానులను విషాదంలోకి నెట్టి తాను దివికేగారు. ‘‘నాకేం కాలేదని.. త్వరలోనే తిరిగి వస్తా’’నంటూ కొన్ని రోజుల క్రితం స్వయంగా ప్రకటించిన పీలే.. గురువారం అర్ధరాత్రి తర్వాత కానరాని లోకాలకు వెళ్లిపోయారు. పెద్ద పేగు కాన్సర్‌కు బలైపోయిన ఈ లెజెండ్‌ మరణాన్ని అభిమానులు జీర్ణించుకోలేకపోతున్నారు. ఫుట్‌బాల్‌ స్టార్ల నివాళులు ఈ నేపథ్యంలో సోషల్‌ మీడియా వేదికగా ఆయన కుటుంబానికి సంతాపం ప్రకటిస్తున్నారు. ఇక ఫిఫా వరల్డ్‌కప్‌-2022 విజేత అర్జెంటీనా కెప్టెన్‌ లియోనల్‌ మెస్సీ సహా రన్నరప్‌ ఫ్రాన్స్‌ సారథి కైలియన్‌ ఎంబాపే, పోర్చుగల్‌ స్టార్‌ క్రిస్టియానో రొనాల్డో, బ్రెజిల్‌ స్టార్‌ ప్లేయర్‌ నేమార్‌ తదితరులు పీలేను గుర్తు చేసుకుంటూ భావోద్వేగానికి లోనయ్యారు. ఈ దిగ్గజ ఆటగాడితో తమ జ్ఞాపకాలు పంచుకుంటూ ఆయన ఆత్మకు శాంతి చేకూరాలని ప్రార్థించారు. ‘‘పీలే ఆత్మకు శాంతి కలగాలి’’ అని మెస్సీ పీలేతో దిగిన ఫొటోలను పంచుకున్నాడు.  నేమార్‌ ఎమోషనల్‌ నోట్‌ ‘‘పీలే రాకముందు.. 10 అనేది కేవలం ఓ సంఖ్య మాత్రమే అన్న ఈ వాక్యాన్ని ఎక్కడో చదివాను. ఇదెంతో అందమైనదే అయినా.. అసంపూర్ణమైనదని నేను భావిస్తా.  నిజానికి పీలే రాక మునుపు ఫుట్‌బాల్‌ అనేది కేవలం ఒక ఆట మాత్రమే.  ఆయన వచ్చిన తర్వాత ఈ క్రీడను ఓ కళగా మార్చారు. ఎంతో మంది నిస్సహాయులకు.. ముఖ్యంగా నల్లజాతీయుల గొంతుకగా మారారు. బ్రెజిల్‌ దిక్సూచిలా పనిచేశారు. ఆయన నేతృత్వంలో సాకర్‌, బ్రెజిల్‌ ఒక్కటిగా వెలుగొందాయి.  ఇంతటి గొప్ప సేవలు అందించిన కింగ్‌కు ధన్యవాదాలు! ఆయన భౌతికంగా ఈ లోకం నుంచి వెళ్లిపోవచ్చు. కానీ ఆయన చేసిన అద్భుతాల తాలుకు జ్ఞాపకాలు ఎప్పటికీ అలాగే ఉంటాయి. పీలే చిరస్మరణీయుడు’’ అంటూ నేమార్‌ ఉద్వేగపూరిత నోట్‌ రాశాడు. కిరీటం ధరించిన పీలే ఫొటోను షేర్‌ చేస్తూ ‘కింగ్‌’ పట్ల అభిమానం చాటుకున్నాడు. ఎంబాపే, రొనాల్డో ఉద్వేగం ఫుట్‌బాల్‌ రారాజు భౌతికంగా దూరమయ్యాడు అంతే! ఆయన సాధించిన విజయాలు మాత్రం ఎల్లప్పటికీ శాశ్వతం. నీ ఆత్మకు శాంతి చేకూరాలి కింగ్‌ అని ఎంబాపే ట్వీట్‌ చేశాడు. ఇక పోర్చుగల్‌ స్టార్‌ క్రిస్టియానో రొనాల్డో కోట్లాది మందికి పీలే స్ఫూర్తిదాయకమని, ఆయన పేరు చిరస్థాయిగా నిలిచిపోతుందంటూ ఉద్వేగానికి లోనయ్యాడు. పీలే లేరన్న విషయాన్ని ఫుట్‌బాల్‌ లోకం జీర్ణించుకోలేకపోతోందని, ఆయన కుటుంబానికి ప్రగాభ సానుభూతి తెలియజేశాడు.  అల్విదా కింగ్‌  ఫుట్‌బాల్‌ పేరు వినగానే ఠక్కున గుర్తొచ్చే ఆటగాళ్లలో పీలే ముందు వరుసలో ఉంటారనడంలో అతిశయోక్తి కాదు. మూడుసార్లు ప్రపంచకప్‌ గెలిచిన జట్టులో సభ్యుడిగా ఉన్న ఏకైక ప్లేయర్‌గా ఆయన ఘనత సాధించారు. 1958, 1962, 1970లలో బ్రెజిల్‌ ప్రపంచకప్‌ గెలవడంలో పీలే ముఖ్యపాత్ర పోషించి బ్రెజిల్‌ ముఖచిత్రంగా మారారు.  అంతా స్టార్‌ ప్లేయర్లు ఉన్న జట్టులో.. 17 ఏళ్ల వయసులో తొలి ప్రపంచకప్‌లో ఆడిన ఆయన.. మరో 12 ఏళ్ల తర్వాత ఎవరికీ అందనంత ఎత్తుకి ఎదిగారు. దిగ్గజ ఆటగాడిగా గుర్తింపు పొందారు. కాగా కెరీర్‌ మొత్తంలో నాలుగు ఫిఫా ప్రపంచకప్‌లు ఆడిన పీలే మొత్తం 12 గోల్స్‌ సాధించారు. 10 నంబర్‌ జెర్సీ ధరించే ఆయన.. ఆ సంఖ్యకు వన్నె తెచ్చారు.  (ఫొటో గ్యాలరీ కోసం ఇక్కడ క్లిక్ చేయండి) View this post on Instagram A post shared by NJ 🇧🇷 (@neymarjr) View this post on Instagram A post shared by Cristiano Ronaldo (@cristiano) The king of football has left us but his legacy will never be forgotten. RIP KING 💔👑… pic.twitter.com/F55PrcM2Ud — Kylian Mbappé (@KMbappe) December 29, 2022 View this post on Instagram A post shared by Leo Messi (@leomessi)

ఫిఫా వరల్డ్‌కప్‌ కోసం ఖతార్‌లో మెస్సీ బస చేసిన హోటల్‌ రూమ్‌ను ఓ మ్యూజియంగా మార్చాలని ఖతార్‌ యూనివర్సిటీ నిర్ణయించడం ఆసక్తి రేపింది. దోహాలో మెస్సీతోపాటు అర్జెంటీనా స్ట్రైకర్‌ సెర్గియో ఆగెరో ఒకే హోటల్ రూమ్‌లో ఉన్నారు.  మెస్సీ గౌరవానికి సూచకంగా ఇక నుంచి ఆ రూమ్‌ను ఎవరికీ ఇవ్వకూడదని అధికారులు నిర్ణయం తీసుకున్నారు. అందులో మెస్సీకి సంబంధించిన వస్తువులతో ఓ చిన్న మ్యూజియాన్ని ఏర్పాటు చేయనున్నట్లు ఒక న్యూస్‌ ఏజెన్సీకి వెల్లడించారు. ఈ మ్యూజియాన్ని విద్యార్థులు, టూరిస్టులు సందర్శించే అవకాశం కల్పించారు. "అర్జెంటీనా టీమ్‌ ప్లేయర్‌ లియోనెల్‌ మెస్సీ బస చేసిన హోటల్‌ రూమ్‌ను అలాగే ఉంచుతాం. ఈ రూమ్‌కు కేవలం సందర్శకులకు మాత్రమే అవకాశం కల్పిస్తాం. ఆ హోటల్‌ రూమ్‌ ఇక భవిష్యత్తులో మరెవరికీ కేటాయించం. మెస్సీకి చెందిన వస్తువులు విద్యార్థులు, భవిష్యత్తు తరాలకు ఓ పాఠంగా నిలుస్తాయి. అతడు వరల్డ్‌కప్‌ సందర్భంగా సాధించిన ఘనతలేంటో వారికి తెలుస్తాయి" అని ఖతార్‌ యూనివర్సిటీ డైరెక్టర్‌ హిత్మి అల్‌ హిత్మి చెప్పారు. ఖతర్‌ వేదికగా జరిగిన ఫిపా వరల్డ్‌కప్‌ ముగిసి దాదాపు పది రోజులు కావొస్తోంది. డిసెంబర్‌ 18న జరిగిన ఫైనల్లో ఫ్రాన్స్‌పై అర్జెంటీనా పెనాల్టీ షూటౌట్‌లో 4-2 తేడాతో నెగ్గి విశ్వవిజేతగా నిలిచింది. అర్జెంటీనా సూపర్‌స్టార్‌ లియోనల్‌ మెస్సీ తన 17 ఏళ్ల కలను నెరవేర్చుకోవడంతో పాటు ముచ్చటగా మూడోసారి ఫిఫా టైటిల్‌ను అందించాడు. ఫిఫా ప్రపంచకప్‌ ఫైనల్‌ మెస్సీకి చివరిదని అంతా భావించారు. అయితే అర్జెంటీనా విజేతగా నిలిచిన తర్వాత మనుసు మార్చుకున్న మెస్సీ కొంతకాలం కొనసాగాలని నిర్ణయించుకున్నాడు.  అయితే అర్జెంటీనా మూడోసారి ఫిఫా వరల్డ్‌కప్‌ నెగ్గడంతో ఆ దేశంలో సంబరాలు అంబరాన్నంటాయి. మెస్సీ సేనకు ఘనస్వాగతం లభించింది. ఒపెన్‌ టాప్‌ బస్సులో రాజధాని బ్రూనస్‌ ఎయిర్స్‌ వీధుల్లో తిరగాలని ప్రయత్నించినప్పటికి ఇసుక వేస్తే రాలనంత జనం రావడంతో ఆటగాళ్లను ప్రత్యేక హెలికాప్టర్‌లో తమ స్వస్థలాలకు తరలించారు. మారడోనా లిగసీని కంటిన్యూ చేస్తూ మళ్లీ 36 ఏళ్ల తర్వాత అర్జెంటీనాకు కప్‌ అందించిన మెస్సీ హీరోగా మారిపోయాడు.    Here's a quick tour of La Albiceleste's base camp at Qatar University! The room where the Argentinian captain, Lionel Messi, stayed in during the World Cup will also be turned into a mini museum soon!#Qatar #ARG #Argentina #Qatar2022 #FIFAWorldCup #LaAlbiceleste #LionelMessi pic.twitter.com/0UsdkBvcdX — The Peninsula Qatar (@PeninsulaQatar) December 27, 2022 చదవండి: పది రోజులైనా కిక్కు దిగలేదు.. చుట్టుముట్టేశారు

ఖతర్‌ వేదికగా ఫిపా వరల్డ్‌కప్‌ ముగిసి దాదాపు పది రోజులు కావొస్తోంది. డిసెంబర్‌ 18న జరిగిన ఫైనల్లో ఫ్రాన్స్‌పై అర్జెంటీనా పెనాల్టీ షూటౌట్‌లో 4-2 తేడాతో నెగ్గి విశ్వవిజేతగా నిలిచింది. అర్జెంటీనా సూపర్‌స్టార్‌ లియోనల్‌ మెస్సీ తన 17 ఏళ్ల కలను నెరవేర్చుకోవడంతో పాటు ముచ్చటగా మూడోసారి ఫిఫా టైటిల్‌ను అందించాడు. ఫిఫా ప్రపంచకప్‌ ఫైనల్‌ మెస్సీకి చివరిదని అంతా భావించారు. అయితే అర్జెంటీనా విజేతగా నిలిచిన తర్వాత మనుసు మార్చుకున్న మెస్సీ కొంతకాలం కొనసాగాలని నిర్ణయించుకున్నాడు.  అయితే అర్జెంటీనా మూడోసారి ఫిఫా వరల్డ్‌కప్‌ నెగ్గడంతో ఆ దేశంలో సంబరాలు అంబరాన్నంటాయి. మెస్సీ సేనకు ఘనస్వాగతం లభించింది. ఒపెన్‌ టాప్‌ బస్సులో రాజధాని బ్రూనస్‌ ఎయిర్స్‌ వీధుల్లో తిరగాలని ప్రయత్నించినప్పటికి ఇసుక వేస్తే రాలనంత జనం రావడంతో ఆటగాళ్లను ప్రత్యేక హెలికాప్టర్‌లో తమ స్వస్థలాలకు తరలించారు. మారడోనా లిగసీని కంటిన్యూ చేస్తూ మళ్లీ 36 ఏళ్ల తర్వాత అర్జెంటీనాకు కప్‌ అందించిన మెస్సీ హీరోగా మారిపోయాడు.    అయితే పది రోజులయినా అతనిపై మోజు తగ్గలేదునుకుంటా అభిమానులకు. తాజాగా మెస్సీ తన కోడలు 15వ పుట్టినరోజు వేడుకలకని తన హోమ్‌టౌన్‌ నుంచి బయలుదేరాడు. అయితే ఈ విషయం తెలుసుకున్న అభిమానులు మెస్సీని చుట్టుముట్టారు. దాదాపు అరగంట పాటు మెస్సీ కారును చుట్టుముట్టిన అభిమానులు అతనితో ఫోటోలు దిగేందుకు ప్రయత్నించారు. అయితే మెస్సీ కూడా వారితో దురుసుగా ప్రవర్తించకుండా కూల్‌గా సర్దిచెప్పి అక్కడినుంచి వెళ్లిపోయారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మెస్సీ పారిస్‌ సెయింట్‌ జెర్మెన్‌ క్లబ్‌కు ప్రాతినిధ్యం వహిస్తున్న సంగతి తెలిసిందే. అయితే వచ్చే వారం పీఎస్‌జీ క్లబ్‌లో మెస్సీ జాయిన్‌ అయ్యే అవకాశం ఉందని పీఎస్‌జీ హెడ్‌కోచ్‌ క్రిస్టోప్‌ గాల్టియర్‌ పేర్కొన్నాడు. ఫిపా వరల్డ్‌కప్‌ ఫైనల్‌ సందర్భంగా అర్జెంటీనాకు వణికించిన ఫ్రాన్స్‌ స్టార్‌ కైలియన్‌ ఎంబాపె సహా బ్రెజిల్‌ స్టార్‌ నెయ్‌మర్‌ కూడా పీఎస్‌జీలో ఉన్నారు. El que anda tranquilo por Rosario es Lionel Messi 😅 NUESTRO CAMPEÓN DEL MUNDO 😍🇦🇷🏆 pic.twitter.com/jJuC2ToeZ1 — TNT Sports Argentina (@TNTSportsAR) December 28, 2022 చదవండి: ధోని కూతురుకు మెస్సీ అరుదైన కానుక

అర్జెంటీనా ఫుట్‌బాల్‌ స్టార్‌ లియోనల్‌ మెస్సీకి విశ్వవ్యాప్తంగా అభిమానులున్నారు. ఇటీవలే ఫిఫా వరల్డ్‌కప్‌ గెలిచిన తర్వాత ఆ అభిమానం మరింత రెట్టింపైంది. ఖతర్‌ వేదికగా జరిగిన సాకర్‌ సమరంలో ఎలాగైనా మెస్సీ కప్‌ గెలవాలని అర్జెంటీనా అభిమానులే కాదు విశ్వవ్యాప్తంగా ఉన్న ఫ్యాన్స్‌ బలంగా కోరుకున్నారు. అందుకు తగ్గట్టే మెస్సీ తన కలను నెరవేర్చుకోవడమే గాక అర్జెంటీనాకు ముచ్చటగా మూడోసారి ఫిఫా టైటిల్‌ను అందించాడు. మరి అలాంటి మెస్సీని ఆరాధించని వాళ్లు ఎవరు ఉంటారు చెప్పండి. తాజాగా ఆ జాబితాలో టీమిండియా మాజీ క్రికెటర్‌ ఎంఎస్‌ ధోని కూడా ఉన్నాడు.క్రికెట్ తో పాటు ఫుట్ బాల్ తనకెంతో ఇష్టమైన ఆట అంటూ ధోని గతంలోనూ చాలాసార్లు చెప్పాడు. క్రికెటర్‌ కాకపోయుంటే గోల్‌కీపర్‌ అయ్యేవాడినని చాలా సందర్భాల్లో చెప్పుకొచ్చాడు ధోని. ఇక తండ్రిలాగే జీవాకు ఫుట్ బాల్ ఆటంటే చాలా ఇష్టం. అర్జెంటీనా ఆటగాడు లియోనల్ మెస్సీ ఆటను తండ్రితో కలిసి చూస్తుంటుంది. ఈ క్రమంలోనే మెస్సీపై అభిమానం పెంచుకుంది.  ఈ నేపథ్యంలోనే  మెస్సీ.. తన అభిమాని అయిన ధోని కూతురు జీవా ధోనికి గిఫ్ట్ పంపించాడు. తన జెర్సీపై ఆటోగ్రాఫ్ చేసి జీవాకు పంపించాడు. అభిమాన ఆటగాడి నుంచి అందిన కానుకను చూసుకుంటూ జీవా ధోని మురిసిపోయింది. ఆ జెర్సీ వేసుకుని తీసుకున్న ఫొటోను ఇన్ స్టాలో అప్ లోడ్ చేసింది. ఈ ఫొటోలో జెర్సీపై..'' పారా జివా(జీవా కోసం)'' అంటూ మెస్సీ చేసిన సంతకం కనిపిస్తోంది. View this post on Instagram A post shared by ZIVA SINGH DHONI (@ziva_singh_dhoni) చదవండి: అందుకే అత్యుత్సాహం పనికి రాదంటారు..

ఖతర్‌ వేదికగా ముగిసిన ఫిఫా వరల్డ్‌కప్‌ను అర్జెంటీనా నెగ్గిన సంగతి తెలిసిందే. జట్టును అన్నీ తానై నడిపించిన మెస్సీ ట్రోఫీ గెలవడంతో పాటు తన 17 ఏళ్ల కలను కూడా నెరవేర్చుకున్నాడు. ఈసారి ఫిఫా వరల్డ్‌కప్‌లో మెస్సీ ఏడు గోల్స్‌ చేయడమే గాక బెస్ట్‌ ఫుట్‌బాలర్‌గా గోల్డెన్‌ బాల్‌ అవార్డు కూడా అందుకున్నాడు. ఇక ఫిఫా టైటిల్‌ అందుకునే క్రమంలో మెస్సీ ఒక నల్లకోటు ధరించి వచ్చాడు. ఆ నల్లకోటును అరబ్‌ దేశాల్లో 'బిష్త్‌' అని పిలుస్తారు. ఎవరైనా గొప్ప పని సాధిస్తే కృతజ్ఞతగా వారిని గౌరవిస్తూ బిస్ట్‌ను అందిస్తారు.  ఈ నేపథ్యంలోనే మెస్సీ ధరించిన బిష్త్‌(నల్లకోటు)ను ఖతర్‌ రాజు షేక్ త‌మిమ్ బిన్ హ‌మ‌ద్ అల్ థానీ అందించారు. ట్రోఫీ అందుకోవడానికి ముందు  మెస్సీకి ఆ న‌ల్ల‌ని కోటు తొడిగారు. ఆ నల్లని కోటు ధ‌ర అక్షరాలా 10 ల‌క్ష‌ల డాల‌ర్లు. మరి అంత విలువైన కోటును మెస్సీ బహుకరించింది మాత్రం ఒమ‌న్‌కు చెందిన అహ్మ‌ద్ అల్ బ‌ర్వానీ అనే పార్ల‌మెంట్ స‌భ్యుడు. తాజాగా మెస్సీ ధరించిన బిస్ట్‌ వెనక్కి ఇవ్వాలంటూ మరొక ట్వీట్‌ చేశాడు అహ్మద్‌ అల్‌ బర్వానీ. ఆ ట్వీట్‌లో ఏముందంటే.. ''ఖ‌త‌ర్ సుల్తాన్ త‌ర‌ఫున వ‌ర‌ల్డ్ క‌ప్ ట్రోఫీ నెగ్గినందుకు నేను శుభాకాంక్ష‌లు తెలుపుతున్నా. బంగారం, నలుపు రంగులో ఉన్న అర‌బిక్ బిష్త్ శౌర్యానికి, తెలివితేట‌ల‌కు ప్ర‌తీక‌. అయితే మెస్సీ ఇప్పుడు దానిని తిరిగి ఇస్తే అతనికి నేను మిలియన్‌ డాలర్‌(రూ. 8.2 కోట్లు) ఆఫర్‌గా ఇస్తాను. ఎందుకంటే బిష్త్‌ అనేది మా సంప్రదాయానికి ప్రతీక. మెస్సీ సాధించిన గొప్పతనానికి గుర్తుగా ఆ బిష్త్‌ను తొడిగాం. మా దేశంలో ఉంటేనే ఆ బిష్త్‌కు గౌరవం ఉంటుంది. అందుకే మెస్సీ బిష్త్‌ తిరిగి ఇచ్చేయాలనే ఈ ఆఫర్‌ ఇస్తున్నా అంటూ తెలిపాడు. మొత్తానికి లియోనల్‌ మెస్సీ ఫిఫా వరల్డ్‌కప్‌ అందుకోవడం ఏమోగానీ ఎటునుంచి చూసినా అతనికి డబ్బులు కుప్పలుతెప్పలుగా వచ్చి పడుతున్నాయి. నిజంగా మెస్సీ అదృష్టవంతుడు.  ఇప్పుడు తాను ధరించిన బిష్త్‌(నల్లకోటు)కు కూడా అంత ధర ఆఫర్‌ చేయడం మాములు విషయం కాదనే చెప్పొచ్చు. صديقي ميسي.. من #سلطنة_عمان أبارك لكم فوزكم بـ #كأس_العالم_قطر_2022 أبهرني الأمير @TamimBinHamad وهو يُلبسك #البشت_العربي ،رمز الشهامة والحكمة.#ميسي أعرض عليك مليون دولار أميركي نظير أن تعطيني ذلك #البشت#Messi𓃵 I'm offering you a million $ to give me that bisht@TeamMessi pic.twitter.com/45BlVdl6Fh — أحـمَـد الـبـَروانـي (@AhmedSAlbarwani) December 20, 2022 చదవండి: మెస్సీ ధరించిన నల్లకోటు ధర ఎంతంటే?

ఫిఫా వ‌ర‌ల్డ్ క‌ప్ ముగిసి వారం కావొస్తున్నా.. ఆ కిక్‌ నుంచి మాత్రం ఫుట్‌బాల్‌ అభిమానులు బయటపడలేకపోతున్నారు. దీనికి ప్రధాన కారణం అర్జెంటీనా సూపర్‌స్టార్‌ లియోనల్‌ మెస్సీ. జట్టును అన్నీ తానై నడిపించడమే గాక కీలకమైన ఫైనల్లో రెండు గోల్స్‌ చేసి అర్జెంటీనాను మూడోసారి విశ్వవిజేతగా నిలబెట్టాడు. పనిలో పనిగా ఫిఫా టైటిల్‌ అందుకోవాలన్న తన కలను నెరవేర్చుకున్నాడు. ఆ క్షణం నుంచి మెస్సీ మాయలో పడిపోయిన అభిమానులు అతని జపమే చేస్తున్నారు. ట్రోఫీతో స్వదేశంలో అడుగుపెట్టిన మెస్సీకి ఘనస్వాగతం లభించింది. ఇసుక వేస్తే రాలనంతో జనంతో రాజధాని బ్యూనస్ ఎయిర్స్ వీధులు నిండిపోయాయి. ముందుకు కదల్లేని పరిస్థితిలో మెస్సీ బృంధాన్ని హెలికాప్టర్‌ సాయంతో వారి స్వస్థలాలకు తరలించాల్సి వచ్చింది. అలా మెస్సీకి తన స్వస్థలంలోనూ జనం నీరాజనం పట్టారు.  ఇక ఫైన‌ల్లో విజ‌యం త‌ర్వాత అర్జెంటీనా కెప్టెన్ లియోన‌ల్ మెస్సీ నల్లకోటు ధరించి ఫిఫా టైటిల్‌ అందుకున్న సంగతి తెలిసిందే. మెస్సీ ధరించిన నల్లకోటు సెలబ్రేషన్స్‌లో ప్రత్యేక ఆకర్షణగా నిలిచింది. ఆ కోటు ధర తెలిస్తే షాక్‌ తినడం గ్యారంటీ. అంతలా ఆ కోటులో ఏముందనుకుంటున్నారా. బంగారు వర్ణంతో తయారు చేయడమే ఆ కోటు స్పెషాలిటీ. ట్రోఫీ అందుకునే ముందు ఖ‌త‌ర్ రాజు షేక్ త‌మిమ్ బిన్ హ‌మ‌ద్ అల్ థానీ మెస్సీకి ఆ న‌ల్ల‌ని కోటు తొడిగారు. ఆ నల్లని కోటు ధ‌ర అక్షరాలా 10 ల‌క్ష‌ల డాల‌ర్లు. మరి అంత విలువైన కోటును మెస్సీకి ఎవ‌రు బ‌హూక‌రించారో తెలుసా.. ఒమ‌న్‌కు చెందిన అహ్మ‌ద్ అల్ బ‌ర్వానీ అనే పార్ల‌మెంట్ స‌భ్యుడు. ''ఖ‌త‌ర్ సుల్తాన్ త‌ర‌ఫున వ‌ర‌ల్డ్ క‌ప్ ట్రోఫీ నెగ్గినందుకు నేను శుభాకాంక్ష‌లు తెలుపుతున్నా. బంగారం, నలుపు రంగులో ఉన్న అర‌బిక్ బిష్త్ శౌర్యానికి, తెలివితేట‌ల‌కు ప్ర‌తీక‌. అందుకు నీకు 10 ల‌క్ష‌ల డాల‌ర్లు ఇస్తున్నాను'' అంటూ అహ్మ‌ద్‌ ట్వీట్ చేశాడు. అర‌బ్ దేశాల్లో మ‌గ‌వాళ్లు పెళ్లిళ్లు, మ‌త‌ప‌ర‌మైన పండుగ‌ల వేళ అలాంటి కోటు వేసుకుంటారు. ఇక హోరాహోరీగా జ‌రిగిన ఫైన‌ల్లో అర్జెంటీనా పెనాల్టీ షూటౌట్‌లో 4-2తో ఫ్రాన్స్‌పై విజ‌యం సాధించింది. దాంతో, 32 ఏళ్ల త‌ర్వాత అర్జెంటీనా మ‌ళ్లీ వ‌రల్డ్ ఛాంపియ‌న్‌గా నిలిచింది. 2014 ఫైన‌ల్లో మెస్సీ కెప్టెన్సీలోని అర్జెంటీనా జర్మ‌నీపై ఓడిపోవ‌డంతో క‌ప్ చేజారింది. కానీ ఈ సారి మాత్రం ఆ చాన్స్‌ను మిస్‌ చేసుకోని మెస్సీ ఫిఫా టైటిల్‌ను ఒడిసిపట్టాడు. చదవండి: 'మానసిక వేదనకు గురయ్యా'.. సొంత బోర్డుపై ఆగ్రహం మెస్సీ మాయలో పట్టించుకోలేదు.. పొరపాటా లేక కావాలనేనా?

అర్జెంటీనా సెంట్రల్‌ బ్యాంక్‌ సంచలన నిర్ణయం తీసుకుంది. 36 ఏళ్ల తర్వాత తమ దేశానికి ఫుట్‌బాల్‌ ప్రపంచకప్‌ అందించిన లియోనల్‌ మెస్సీ (అర్జెంటీనా కెప్టెన్‌) ఫోటోను తమ దేశ 1000 పెసో (అర్జెంటీనా కరెన్సీ) నోట్లపై ముద్రించేం‍దుకు ప్రపోజల్‌ పంపిందని తెలుస్తోంది. ఈ విషయాన్ని ఆ దేశ ప్రముఖ దినపత్రిక (ఎల్‌ ఫినాన్సియరో) ఓ ప్రత్యేక కథనం ద్వారా వెల్లడించింది. ఫిఫా వరల్డ్‌కప్‌ 2022 విజయానికి గుర్తుగా అర్జెంటీనా సెంట్రల్‌ బ్యాంక్‌ ఈ నిర్ణయం తీసుకున్నట్లు పేర్కొంది. ఫ్రాన్స్‌తో ఫైనల్‌ మ్యాచ్‌కు ముందే బ్యాంక్‌ అధికారులు ఇందుకు సంబంధించిన ప్రక్రియను మొదలుపెట్టినట్లు వివరించింది. అయితే, ఈ ప్రచారం అవాస్తవమని ఆ దేశ ఇతర దినపత్రికలు కొట్టిపారేశాయి. కాగా, అర్జెంటీనా 1978లో తొలిసారి వరల్డ్‌కప్‌ గెలిచినప్పుడు ఆ దేశ ప్రభుత్వం నాటి ఫుట్‌బాల్‌ ఆటగాళ్లతో కూడిన కొన్ని స్మారక నాణేలను విడుదల చేసింది. తాజాగా సెంట్రల్‌ బ్యాంక్‌ ఆఫ్‌ అర్జెంటీనా ప్రతిపాదనతో మెస్సీ ఫోటోను కూడా ఆ దేశ కరెన్సీపై ముద్రించాలని విశ్వవ్యాప్తంగా ఉన్న మెస్సీ ఫ్యాన్స్‌ డిమాండ్‌ చేస్తున్నారు.  కాగా, డిసెంబర్‌ 18న ఫ్రాన్స్‌తో జరిగిన ఫిఫా ప్రపంచకప్‌-2022 ఫైనల్లో అర్జెంటీనా.. ఫ్రాన్స్‌పై 4-2 గోల్స్‌ తేడాతో జయకేతనం ఎగురవేసి, మూడోసారి జగజ్జేతగా అవతరించిన విషయం తెలిసిందే. ఈ మ్యాచ్‌లో మెస్సీ 2 గోల్స్‌ చేసి అర్జెంటీనా విజయంలో కీలకపాత్ర పోషించాడు. 

FIFA World Cup 2022- Lionel Messi: ఒక్క అడుగు.. ఆ ఒకే ఒక్క అడుగు పడితే.. ఆ క్రీడాకారుడి జీవితం పరిపూర్ణమైనట్లే! ‍తన కీర్తి కిరీటంలో మరో కలికితురాయి చేరినట్లే! దేశాలకు అతీతంగా ప్రపంచమంతా అతడి గెలుపును కాంక్షించింది.. అందరి ఆశలు ఫలించాయి.. ఎట్టకేలకు ఫైనల్లో తమ జట్టును విజేతగా నిలిపి అతడు ప్రపంచకప్‌ ట్రోఫీని ముద్దాడాడు!  ఈ అపురూప దృశ్యాలను ఇన్‌స్టాలో పంచుకుంటూ భావోద్వేగానికి గురయ్యాడు. ‘‘ఎన్నో ఏళ్లుగా నేను కంటున్న కల నెరవేరింది.. ఈ గెలుపు కోసం నేనెంతగానో తపించి పోయాను.. ఇప్పటికీ దీనిని నేను నమ్మలేకపోతున్నాను.. ఈ ప్రయాణంలో నాకు మద్దతుగా నిలిచిన నా కుటుంబం, ప్రతి ఒక్క అభిమానికి పేరుపేరునా ధన్యవాదాలు.  నేను ఇది సాధించగలనని నమ్మిన వాళ్లకు థాంక్స్‌. అర్జెంటీనా వాళ్లు ఐక్యంగా ముందుకు సాగితే సాధించలేనిది ఏదీ ఉండదని మరోసారి నిరూపితమైంది. జట్టు సమిష్టి కృషి వల్లే ఇది సాధ్యమైంది. అర్జెంటీనా కల ఇలా నెరవేరింది’’ అని ఉద్వేగపూరిత నోట్‌ రాశాడు. కోట్లాది మంది ఈ పోస్టును లైక్‌ చేశారు. ఇప్పటి వరకు 68.8 మిలియన్లకు పైగా లైకులు కొట్టారు. 1.8 మిలియన్లకు పైగా కామెంట్లు వచ్చాయి. ఇంకా ఈ సంఖ్య పెరుగుతూనే ఉంది. ది ఎగ్‌ రికార్డు బద్దలు ఈ క్రమంలో అతడి ఖాతాలో మరో అరుదైన రికార్డు నమోదైంది. ‘ది ఎగ్‌’ పేరిట ఉన్న ఉన్న రికార్డును బద్దలు కొడుతూ.. అతడు చేసిన పోస్టు ఇన్‌స్టాగ్రామ్‌లో అత్యధిక లైకులు పొందిన పోస్ట్‌గా నిలిచింది.  అవును.. ఫుట్‌బాల్‌ స్టార్‌, రికార్డుల రారాజు లియోనల్‌ మెస్సీనే ఈ అరుదైన ఫీట్‌ నమోదు చేశాడు. 2019 జనవరి 4న పోస్ట్‌ చేసిన ‘ది ఎగ్‌’కు ఇన్‌స్టాలో  ఇప్పటి వరకు 56 మిలియన్‌ లైకులు రాగా.. మెస్సీ ఆ రికార్డును బ్రేక్‌ చేశాడు. దీంతో మరోసారి అతడి పేరు సోషల్‌ మీడియాలో ట్రెండ్‌ అవుతోంది. మెస్సీ మాయ.. ప్రపంచమంతా సంబరం ఫిఫా ప్రపంచకప్‌- 2022ను మెస్సీ వరల్డ్‌కప్‌గా భావించిన తరుణంలో ఫ్రాన్స్‌తో ఆఖరి పోరులో అతడు మరోసారి తన మ్యాజిక్‌తో మెరిసిన విషయం తెలిసిందే. ఫుట్‌బాల్‌ దిగ్గజం డిగో మారడోనా వారసత్వాన్ని కొనసాగిస్తూ.. అర్జెంటీనాకు మూడో వరల్డ్‌కప్‌ను అందించాడు. ఈ ఈవెంట్‌లో మొత్తంగా ఏడు గోల్స్‌తో పాటు మూడు అసిస్ట్‌లు చేసిన మెస్సీ గోల్డెన్‌ బాల్‌ అవార్డును అందుకున్నాడు. ఈ నేపథ్యంలో ప్రపంచమంతా మెస్సీ విజయాన్ని సెలబ్రేట్‌ చేసుకుంది. ఇక అతడి స్వదేశం అర్జెంటీనాలో సంబరాలు అంబరాన్నంటాయి. సెలబ్రేషన్స్‌ కొనసాగుతూనే ఉన్నాయి.  చదవండి: Ajinkya Rahane: డబుల్‌ సెంచరీతో చెలరేగిన రహానే.. రెండో ద్విశతకం! టీమిండియాలో చోటు ఖాయమంటూ..  Lionel Messi: వరల్డ్‌కప్‌ కొట్టిన ఒక్కరోజు వ్యవధిలో మరో అరుదైన ఘనత View this post on Instagram A post shared by Leo Messi (@leomessi)

బ్యూనస్‌ ఎయిర్స్‌: ‘థ్యాంక్యూ చాంపియన్స్‌’... అర్జెంటీనా రాజధాని బ్యూనస్‌ ఎయిర్స్‌లో మంగళవారం ప్రతీ రోడ్డుపై, ప్రతీ వీధిలో కనిపించిన బ్యానర్లు ఇవి. విశ్వవిజేతగా నిలిచిన తర్వాత స్వదేశం తిరిగొచ్చిన ప్రపంచకప్‌ హీరోలు అక్కడి ఫ్యాన్స్‌ వీరాభిమానంలో తడిసి ముద్దయ్యారు. మంగళవారం తెల్లవారుజామున 3 గంటలకు విమానం దిగినప్పటి నుంచి రోజంతా ఆటగాళ్లు, అభిమానుల సంబరాలకు విరామం లేకుండా పోయింది. 36 ఏళ్ల తర్వాత అర్జెంటీనా వరల్డ్‌కప్‌ గెలుచుకున్న ఘనతను దేశంలో ప్రతీ ఒక్కరూ వేడుకగా జరుపుకోవాలనే ఉద్దేశంతో మంగళవారం ఆ దేశంలో జాతీయ సెలవు దినంగా ప్రకటించారు. దాంతో సంబరాల ఆనందం రెట్టింపైంది. ఓపెన్‌ టాప్‌ బస్సులో ఆటగాళ్లంతా అభివాదం చేస్తూ ముందుకు సాగారు. దారి మొత్తం ట్రోఫీని మెస్సీ తన చేతుల్లో ఉంచుకొని ప్రదర్శిస్తుండగా, సహచరులు నృత్యాలతో ఉత్సాహపరిచారు. భారీ సంఖ్య లో ఉన్న అభిమానుల మధ్య నుంచి ప్రపంచకప్‌లో అర్జెంటీనా జట్టు అధికారిక గీతంగా మారిపోయిన ముకాకోస్‌... ముకాకోస్‌ను ఆలాపిస్తూ ఫ్యాన్స్‌ మరింత జోష్‌ నింపారు. ముందుగా విమానాశ్ర యం వద్ద, ఆ తర్వాత అర్జెంటీనా ఫుట్‌బాల్‌ సమాఖ్య అధికారిక కార్యాలయం వద్ద, ఆపై లక్షలాది జనం మధ్య ప్రతిష్టాత్మక ‘ఒబెలిస్క్‌ స్క్వేర్‌’ వద్ద అంబరాన్నంటేలా ఈ సంబరాలు కొనసాగాయి. చదవండి: Lionel Messi: వరల్డ్‌కప్‌ను పక్కలో పెట్టుకుని పడుకున్న మెస్సీ.. వైరల్‌ ఫోటో

ఫుట్‌బాల్‌ ప్రపంచకప్‌ గెలవాలన్న తన చిరకాల కోరికను ఆఖరి ప్రయత్నంలో నెరవేర్చుకోవడంతో పాటు అర్జెంటీనాను మూడోసారి జగజ్జేతగా నిలిపిన గ్రేటెస్ట్‌ ఆఫ్‌ ఆల్‌ టైమ్‌ (GOAT), అర్జెంటీనా కెప్టెన్‌ లియోనల్‌ మెస్సీకి సంబంధించిన ఓ ఫోటో ప్రస్తుతం సోషల్‌మీడియాలో వైరలవుతోంది. ఫిఫా వరల్డ్‌కప్‌-2022 గెలిచాక ఖతార్‌ నుంచి జట్టుతో పాటు స్వదేశానికి చేరుకున్న మెస్సీ.. తన 17 ఏళ్ల కెరీర్‌లో వరల్డ్‌కప్‌ గెలుపుకున్న ప్రాధాన్యత ఏంటో ప్రపంచానికి మరోసారి రుజువు చేశాడు. వరల్డ్‌కప్‌ గెలిచి రెండు రోజు పూర్తయ్యాక కూడా ఆ మూడ్‌లోనుంచి ఇంకా బయటికి రాని మెస్సీ.. పడుకున్నప్పుడు కూడా ట్రోఫీని తన పక్కలోనే పెట్టుకుని వరల్డ్‌కప్‌ టైటిల్‌పై తనకున్న మమకారాన్ని చాటుకున్నాడు. మెస్సీ.. వరల్డ్‌కప్‌ ట్రోఫీపై చేయి వేసుకుని పడుకున్న ఫోటో ప్రస్తుతం సోషల్‌మీడియాలో వైరలవుతోంది. ఈ ఫోటోను మెస్సీ స్వయంగా తన ఇన్‌స్టాగ్రామ్‌ ఖాతాలో పోస్ట్‌ చేశాడు. ఈ పిక్‌ను చూసిన మెస్సీ అభిమానులు.. తమ ఆరాధ్య ఫుట్‌బాలర్‌ వరల్డ్‌కప్‌ను పక్కలో పెట్టుకుని పడుకోవడాన్ని చూసి మురిసిపోతున్నారు. దిగ్గజ ఆటగాడికి ఆట పట్ల ఉన్న ప్రేమకు ఇది నిదర్శనమని కామెంట్లు చేస్తున్నారు. మెస్సీ.. వరల్డ్‌కప్‌ ట్రోఫీని తన బిడ్డల కంటే అధికంగా ప్రేమిస్తున్నాడనడానికి ఇది నిదర్శమని అంటున్నారు. ఈ పోస్ట్‌ 3 కోట్లకు పైగా లైక్స్‌ సాధించడం విశేషం. కాగా, డిసెంబర్‌ 18న జరిగిన ఫిఫా వరల్డ్‌కప్‌-2022 ఫైనల్లో అర్జెంటీనా 4-2 గోల్స్‌ తేడాతో ఫ్రాన్స్‌ను ఓడించి ఛాంపియన్‌గా అవతరించిన విషయం తెలిసిందే. ఈ మ్యాచ్‌లో మెస్సీ 2 గోల్స్‌ చేయడంతో పాటు మరో గోల్స్‌ సాధించడంలో డి మారియాకు తోడ్పడ్డారు.  ఇదిలా ఉంటే, వరల్డ్‌కప్‌ గెలిచిన అనంతరం మెస్సీ ఇన్‌స్టాలో చేసిన ఓ పోస్ట్‌ వరల్డ్‌ రికార్డు సృష్టించిన విషయం తెలిసిందే. ఈ పోస్ట్‌కు రికార్డు స్థాయిలో 6 కోట్లకు పైగా లైక్స్‌ వచ్చాయి. గతంలో ఇన్‌స్టాలో అత్యధిక లైక్స్‌ వచ్చిన రికార్డు పోర్చుగల్‌ స్టార్‌ క్రిస్టియానో రొనాల్డో పేరిట ఉండేది. తాజాగా మెస్సీ.. రొనాల్డో రికార్డును బద్దలు కొట్టాడు. 

ఖతర్‌ వేదికగా ముగిసిన ఫిఫా వరల్డ్‌కప్‌లో మెస్సీ నేతృత్వంలోని అర్జెంటీనా విజేతగా నిలిచిన సంగతి తెలిసిందే. ఆద్యంతం ఉత్కంఠగా సాగిన ఫైనల్లో ఫ్రాన్స్‌ను పెనాల్టీ షూటౌట్‌లో 4-2 తేడాతో చిత్తు చేసిన అర్జెంటీనా ముచ్చటగా మూడోసారి వరల్డ్‌కప్‌ను ఎగురేసుకుపోయింది. అర్జెంటీనా కప్పు కొట్టగానే స్టేడియం మొత్తం మెస్సీ నామస్మరణతో ఊగిపోయింది. అయితే ఈ గ్యాప్‌లోనే ఒక యువతి నగ్న ప్రదర్శన చేయడం హల్‌చల్‌గా మారింది. అయితే మెస్సీ మాయలో దీనిని ఎవరు పెద్దగా పట్టించుకోలేదు కానీ లేకుంటే పెద్ద వివాదం అయ్యుండేది.  విషయంలోకి వెళితే.. ఫ్రాన్స్‌పై విజయం సాధించాకా అర్జెంటీనా అభిమానులు దేశ జెండాలతో సంబరాలు చేసుకున్నారు. ఇంతలో ఒక అర్జెంటీనా అభిమానుల గుంపులో ఒక యువతి టాప్‌లెస్‌గా దర్శనమిచ్చింది. జెండాల మధ్యలో నిలబడిన యువతి చాతి భాగం కనిపించేలా నగ్న ప్రదర్శన చేసింది. ఆమె చర్యతో ఆశ్చర్యపోయిన మిగతావారు.. ఇక్కడే ఉంటే ఆమె ప్రాణాలకు ప్రమాదమని.. ఎస్కార్ట్‌ సాయంతో అక్కడి నుంచి పంపించేశారు. అయితే ఫైనల్‌ ముగిసిన ఒకరోజు తర్వాత ఈ ఫోటోలు బయటికి రావడంతో పెద్దగా దుమారం జరగలేదు. అయితే యువతి చర్యను తప్పుబట్టిన ఖతర్‌ అధికారులు ఆమె ఎక్కడ ఉన్నా నోటీసులు ఇస్తామని.. దానికి బదులు ఇవ్వాల్సిందేనని పేర్కొన్నారు. మెస్సీ బృందం గెలిచిన సంతోషంలో పొరపాటున అలా చేసిందో లేక కావాలనో తెలియదు కానీ తన అందాల ప్రదర్శనతో ఆమె పక్కన నిల్చున్న వారి మతులు మాత్రం పోగొట్టింది.  చదవండి: వరల్డ్‌కప్‌ కొట్టిన ఒక్కరోజు వ్యవధిలో మరో అరుదైన ఘనత నిండా పాతికేళ్లు లేవు.. ప్రపంచమే సలాం కొట్టింది; ఎవరీ ఎంబాపె

అర్జెంటీనా సూపర్‌స్టార్‌ లియోనల్‌ మెస్సీ ప్రస్తుతం ఫిఫా వరల్డ్‌కప్‌ టైటిల్‌ సాధించానన్న ఆనందంలో మునిగి తేలుతున్నాడు. మెస్సీ సంతోషం ఇప్పట్లో ముగిసేలా కనిపించడం లేదు. ఆదివారం ఫ్రాన్స్‌తో జరిగిన ఫైనల్లో పెనాల్టీ షూటౌట్‌లో 4-2 తేడాతో గెలిచిన అర్జెంటీనా టైటిల్‌ విజేతగా నిలిచింది. 16 ఏళ్ల నిరీక్షణ.. 36 ఏళ్ల అర్జెంటీనా కలను తీర్చాడు కాబట్టే మెస్సీ అంత సంతోషంగా ఉన్నాడు. ఫుట్‌బాల్‌ దిగ్గజం డీగో మారడోనా తర్వాత ఆ లిగసీని కంటిన్యూ చేస్తూ ఎట్టకేలకు అర్జెంటీనాకు మూడో వరల్డ్‌కప్‌ను అందించాడు. ఈ వరల్డ్‌కప్‌లో అన్నీ తానై జట్టును నడిపించిన మెస్సీ ఏడు గోల్స్‌తో పాటు మూడు అసిస్ట్‌లు చేసి ప్లేయర్‌ ఆఫ్‌ ది టోర్నమెంట్‌గా గోల్డెన్‌ బాల్‌ అవార్డు సొంతం చేసుకున్నాడు. తాజాగా ఫిఫా వరల్డ్‌కప్‌ కొట్టిన ఒక్కరోజు వ్యవధిలోనే మెస్సీ మరో అరుదైన ఘనత సాధించాడు. ఇన్‌స్టాగ్రామ్‌లో మెస్సీ 400 మిలియన్‌ ఫాలోవర్స్‌ను సంపాదించించాడు. దీంతో క్రిస్టియానో రొనాల్డో తర్వాత ఇన్‌స్టాగ్రామ్‌లో అత్యధిక ఫాలోవర్స్‌ కలిగిన సెలబ్రిటీగా మెస్సీ రెండో స్థానానికి చేరుకున్నాడు. ఇక రొనాల్డో 517 మిలియన్‌ ఫాలోవర్స్‌తో ఎవరికి అందనంత ఎత్తులో ఉన్నాడు. అంతేకాదు 500 మిలియన్‌ కన్నా ఎక్కువ ఫాలోవర్స్‌ కలిగిన తొలి వ్యక్తిగా పోర్చుగల్‌ స్టార్‌ క్రిస్టియానో రొనాల్డో కొత్త చరిత్ర సృష్టించాడు. View this post on Instagram A post shared by Leo Messi (@leomessi) చదవండి: నిండా పాతికేళ్లు లేవు.. ప్రపంచమే సలాం కొట్టింది; ఎవరీ ఎంబాపె నిరీక్షణ ముగిసింది.. మెస్సీ సాధించాడు

మూడున్నర దశాబ్ధాల అర్జెంటీనా నిరీక్షణ ఫలించింది. ఆదివారం అంత్యంత ఉత్కంఠభరితంగా సాగిన ఫైనల్లో 4-2 తేడాతో  డిఫెండింగ్‌ చాంపియన్‌ ఫ్రాన్స్‌ను ఓడిస్తూ అర్జెంటీనా ఫిఫా వరల్డ్‌ కప్‌ను గెలుచుకుంది. జగజ్జేతగా మెస్సీ బృందం నిలిచింది.  అలాంటి ఫుట్‌బాల్‌ మైదానంలో మెస్సీ కొదమ సింహంలా పోటీ పడుతుంటే స్టేడియంలో ప్రేక్షకులే కాదు, ప్రపంచం మొత్తాన్ని ఉగిపోయేలా చేసింది. అలాంటి ఫుట్‌బాల్‌ లెజెండ్‌లో వే(ఆ)టగాడే కాదు ఓ మంచి బిజినెస్‌ మ్యాన్‌ కూడా ఉన్నాడు.      ఫోర్బ్స్‌ కథనం ప్రకారం..  ►మెస్సీ గతేడాది ఆశ్చర్యంగా 75 మిలియన్లు సంపాదించాడు. ఈ సంపాదన భూమ్మిద ఉన్న ఇతర ఆటగాళ్ల కంటే ఎక్కువ  ►ఫుట్‌ బాల్‌ టీమ్‌ పారిస్ సెయింట్-జర్మైన్ ఎఫ్‌సీ ఇచ్చే జీతం మాత్రమే సంవత్సరానికి  35 మిలియన్లు. అంటే మెస్సీ వారానికి  738,000 డాలర్లు , రోజుకు 105,000 , గంటకు 8,790 సంపాదిస్తారు. ►గత వేసవిలో అర్జెంటీనా ఫ్రెంచ్ జట్టు కోసం సైన్‌ చేసిన మెస్సీ ఏకంగా 25 మిలియన్లు సంపాదించారు.   రోజర్‌ ఫెదర్‌తో సమానంగా ►గతేడాది మెస్సీ ఆఫ్ ఫీల్డ్ సంపాదన 55 మిలియన్లు ఉండగా..టెన్నిస్ ఐకాన్ రోజర్ ఫెదరర్, ఎన్‌బీఏ సూపర్ స్టార్ లెబ్రాన్ జేమ్స్ మాత్రమే ఎక్కువ సంపాదించిన వారి జాబితాలో అగ్రస్థానంలో ఉన్నారు. ►క్రిప్టోకరెన్సీ ఫ్యాన్ టోకెన్ ప్లాట్‌ఫారమ్ సోషియోస్‌తో సంవత్సరానికి  20 మిలియన్ల భాగస్వామ్యంతో పాటు, 35 ఏళ్ల ఎండార్స్‌మెంట్ పోర్ట్‌ఫోలియోలో అడిడాస్, బడ్‌వైజర్,పెప్సికోతో ఒప్పందాలు ఉన్నాయి. ►గత జూన్‌లో, హార్డ్ రాక్ ఇంటర్నేషనల్ మొట్టమొదటి అథ్లెట్ బ్రాండ్ అంబాసిడర్‌గా అవతరించాడు.   1 బిలియన్‌ కంటే ఎక్కువే ఫోర్బ్స్ ప్రకారం, మెస్సీ ఆటగాడిగా, ఇతర బిజినెస్‌లలో రాణిస్తూ 1.15 బిలియన్ల కంటే ఎక్కువ సంపాదించారు.  ప్రస్తుతం  లెబ్రాన్ జేమ్స్, క్రిస్టియానో ​​రొనాల్డో, టైగర్ వుడ్స్ మాత్రమే సంపాదనలో ముందంజలో ఉన్నారు. పైన పేర్కొన్న వారి కంటే  రోజర్ ఫెదరర్, ఫ్లాయిడ్ మేవెదర్ మాత్రమే కెరీర్ సంపాదనలో  1 బిలియన్ డాలర్లు అంతకంటే ఎక్కువ సంపాదించారు.  కార్లంటే మహా ఇష్టం మెస్సీ సంపాదనలో సగ భాగం కార్లను కొనుగోలు చేసేందుకు ఇష్టపడుతున్నట్లు నివేదికలు చెబుతున్నాయి. ఇప్పటి వరకు మెస్సీ వద్ద 2 మిలియన్ల ధర పలికే  పగని జోండా ట్రైకలర్, ఫెరారీ ఎఫ్‌4 30 స్పైడర్, డాడ్జ్ ఛార్జర్ ఎస్‌ఆర్‌టీ8, మసెరటి గ్రాన్ టురిస్మో వంటి లగ్జరీ కార్లు ఉన్నాయి. 2016 అర్జెంటీనాలో  37 మిలియన్లకు 1957 ఫెరారీ 335 స్పోర్ట్ స్పైడర్ స్కాగ్లియెట్టి అనే ఖరీదైన కారును కొనుగోలు చేసినట్లు పుకారు వచ్చింది. అయితే, ఇదే నా కొత్త కారు అంటూ బొమ్మ కారును పట్టుకొని ఆ పుకార్లకు చెక్‌ పెట్టారు.   విలాసవంత మైన భవనాలు  మెస్సీ ఆస్తులలో అత్యంత విలాసవంతమైనది బార్సిలోనా శివార్లలో 7 మిలియన్ల భవనం. నో-ఫ్లై జోన్ సబర్బ్‌లో ఉన్న భవనంలో స్విమ్మింగ్‌ పూల్‌, ఇండోర్ జిమ్, థియేటర్, స్పా ఉన్నాయి.      ఫుట్‌బాల్ పిచ్ కూడా  మెస్సీకి ఇంద్ర భవనాన్ని తలపించాలే ఎకో-హౌస్ ఉంది. అర్జెంటీనాలోని తన సొంత పట్టణం రోసారియోలో ఒక భవనం, ఫ్లోరిడాలోని సెయింట్ ఐల్స్ బీచ్‌లోని ఒక విలాసవంతమైన కండోమినియంలు ఉన్నాయి. ఇందుకోసం గతేడాది 7.3 మిలియన్లు చెల్లించాడు. 2017 నుండి మెజెస్టిక్ హోటల్ గ్రూప్ నిర్వహించే  ఇబిజా, మజోర్కా, బార్సిలోనాలో రిసార్ట్‌లతో పాటు , ఎంఐఎం పేరుతో ఉన్న హోటల్ చైన్‌లు సైతం మెస్సీకి చెందినవే.  2021లో మెస్సీ వింటర్‌ సీజన్‌లో విడిది కోసం అరన్ వ్యాలీలో పైరినీస్ నడిబొడ్డున రిసార్ట్‌ను ప్రారంభించారు. ఫోర్బ్స్ ప్రకారం..ఫోర్ స్టార్ హోటల్‌లో 141 గదులు ఉన్నాయి. స్పా, ఇండోర్ స్విమ్మింగ్ పూల్, ఫిట్‌నెస్ సెంటర్, మౌంటెన్‌ గైడ్‌ సేవలు అందుబాటులో ఉన్నాయి.   బాల్కనీ పెద్దగా ఉందని  మెస్సీ 2017లో 35 మిలియన్లు పెట్టి ఓ భవనాన్ని కొనుగోలు చేశారు. అయితే ఆ భవనంలో బాల్కనీ పెద్దగా ఉందని.. మొత్తాన్ని కూల్చేయించారు. కారణంగా బాల్కనీలను తీసివేయడానికి,  తగ్గించడానికి ఏదైనా ప్రయత్నం చేసినా హోటల్ కూలిపోయే అవకాశం ఉంది. అందుకే ఆ సమస్యకు పరిష్కారం చూపించలేక మొత్తం పడగొట్టాల్సి వచ్చింది 15 మిలియన్ల ప్రైవేట్‌ జెట్‌ మెస్సీకి గల్ఫ్‌స్ట్రీమ్ వీ అనే ప్రైవేట్‌ ఉంది. అందులో  రెండు కిచెన్‌లు, బాత్‌రూమ్‌లు ఉన్నాయి. గరిష్టంగా పదహారు మంది ప్రయాణికులు సేద తీరే సౌకర్యాలు ఉన్నాయి.   దానంలో కలియుగ కర్ణుడు 2007లో యునిసెఫ్ భాగస్వామ్యంతో లియోనెల్ మెస్సీ ఫౌండేషన్ ప్రారంభమైంది.ఆ ఫౌండేషన్‌ ప్రపంచవ్యాప్తంగా పోషకాహార లోపంతో బలహీనంగా ఉన్న పిల్లలకు సహాయం చేస్తుంది. యునిసెఫ్ ప్రకారం..2017లో మెస్సీ సిరియాలో 1,600 మంది అనాథ పిల్లలకు తరగతి గదులను నిర్మించడంలో ఫౌండేషన్‌కు సహాయం చేయడానికి తన సొంత డబ్బును విరాళంగా ఇచ్చారు. 2019లో కెన్యా పౌరులకు ఆహారం, నీటిని అందించడానికి ఫౌండేషన్ $218,000 విరాళంగా అందించింది.   చివరిగా కండోమినియం అంటే?  అమ్మకం కోసం ఒక పెద్ద ఆస్తిని ఒకే యూనిట్‌లుగా విభజించినప్పుడు దానిని కండోమినియం కాంప్లెక్స్‌గా సూచిస్తారు.  (ఫొటో గ్యాలరీ కోసం ఇక్కడ క్లిక్ చేయండి)

ఫుట్‌బాల్‌ లెజెండ్‌, గ్రేటెస్ట్‌ ఆఫ్‌ టైమ్‌ (GOAT), అర్జెంటీనా కెప్టెన్‌ లియోనల్‌ మెస్సీపై అభిమానం ఎల్లలు దాటుతోంది. విశ్వం నలుమూలల్లో ఉన్న ఫుట్‌బాల్‌ ఫ్యాన్స్‌ మెస్సీ నామస్మరణతో భూమ్యాకాశాలను మార్మోగిస్తున్నారు. మెస్సీ హార్డ్‌కోర్‌ ఫ్యాన్స్‌ అయితే భూమి, ఆకాశాలతో పాటు నడి సంద్రంలోనూ తమ ఆరాధ్య ఫుట్‌బాలర్‌పై అభిమానాన్ని చాటుకుంటున్నారు. కేరళకు చెందిన మెస్సీ వీరాభిమానులు.. ఫిఫా వరల్డ్‌కప్‌-2022లో అర్జెంటీనా ఫైనల్‌కు చేరితే మెస్సీ కటౌట్‌ను సముద్ర గర్భంలో ప్రతిష్టింపజేస్తామని శపథం చేసి, ఆ ప్రకారమే చేశారు. మెస్సీకి చెందిన భారీ కటౌట్‌ను వారు పడవలో తీసుకెళ్లి అరేబియా సముద్రంలో 100 అడుగుల లోతులో దిబ్బల మధ్య ప్రతిష్టింపజేశారు. దీనికి సంబంధించిన వీడియో సోషల్‌మీడియాలో వైరలవుతోంది.  View this post on Instagram A post shared by Mohammed Swadikh (@lakshadweep_vlogger_) కాగా, సెమీస్‌లో క్రొయేషియాపై 3-0 గోల్స్‌ తేడాతో జయకేతనం ఎగురవేసి దర్జాగా ఫైనల్‌కు చేరిన అర్జెంటీనా.. నిన్న (డిసెంబర్‌ 18) జరిగిన ఫైనల్లో ఫ్రాన్స్‌ను 4-2 గోల్స్‌ తేడాతో ఓడించి జగజ్జేతగా ఆవిర్భవించింది. హోరాహోరీగా సాగిన ఫైనల్లో నిర్ణీత సమయంతో పాటు 30 నిమిషాల అదనపు సమయం తర్వాత కూడా ఫలితం తేలకపోవడంతో (3-3) మ్యాచ్‌ పెనాల్టీ షూటౌట్‌కు దారి తీసింది. షూటౌట్‌లో మెస్సీ సేన 4 గోల్స్‌ కొట్టగా.. ఫ్రాన్స్‌ 2 గోల్స్‌కే పరిమితం కావడంతో అర్జెంటీనా మూడోసారి వరల్డ్‌ ఛాంపియన్‌గా (1978, 1986, 2022) అవతరించింది. నిర్ణీత సమయంలో ఆర్జెంటీనా తరఫున మెస్సీ 2 గోల్స్‌, ఏంజెల్‌ డి మారియ ఒక గోల్‌ సాధించగా.. ఫ్రాన్స్‌ తరఫున కైలియన్‌ ఎంబపే హ్యాట్రిక్‌ గోల్స్‌తో అదరగొట్టాడు.   

క్రికెట్‌ దిగ్గజం సచిన్‌ టెండూల్కర్‌, ఫుట్‌బాల్‌ ఆల్‌టైమ్‌ గ్రేట్‌ లియోనల్‌ మెస్సీ వరల్డ్‌కప్‌ జర్నీ నమ్మశక్యం కాని రీతిలో ఒకేలా కొనసాగడం క్రీడాభిమానులను సంభ్రమాశ్చర్యాలకు గురి చేస్తుంది. ఈ ఇద్దరు దిగ్గజాలు తమ కెరీర్‌లో తొలి వరల్డ్‌కప్‌ సాధించే క్రమంలో చాలా విషయాల్లో దగ్గరి పోలికలు (దాదాపు ఒకేలా) కలిగి ఉన్నారు. Sports has paid its due to the GOATS 🐐#CricketTwitter #fifaworldcup2022 pic.twitter.com/vQJ3AguTf3 — Sportskeeda (@Sportskeeda) December 18, 2022 10 నంబర్‌ జెర్సీ ధరించే ఈ ఇద్దరు లెజెండ్స్‌.. తమ కెరీర్‌లో చివరి వరల్డ్‌కప్‌ ఆడుతున్నామని ముందే ప్రకటించి మరీ తమ జట్లను జగజ్జేతలుగా నిలిపారు. గ్రేటెస్ట్‌ ఆఫ్‌ ఆల్‌ టైమ్‌ (GOAT)గా కీర్తించబడే సచిన్‌, మెస్సీ వారివారి వరల్డ్‌కప్‌ జర్నీలో 8 ఏళ్ల క్రితం చివరిసారి ఛాంపియన్‌గా నిలిచే అవకాశాన్ని తృటిలో చేజార్చుకున్నారు.  #OnThisDay In 23/3/2003 Australia Defeated India in WC final 💔 Sachin Tendulkar Received M.O.S Award for his 673 runs & 2 wickets In 2003WC Most runs in a WC tournament 673 - Sachin (2003)* 659 - Hayden (2007) 648 - Rohit (2019) 647 - Warner (2019) pic.twitter.com/7kj56s1Rod — 𝑺𝒉𝒆𝒃𝒂𝒔 (@Shebas_10dulkar) March 23, 2022 సచిన్‌ ప్రాతినిధ్యం వహించిన టీమిండియా 2003 వన్డే వరల్డ్‌కప్‌ ఫైనల్‌ దాకా చేరి, తుది సమరంలో ఆస్ట్రేలియా చేతిలో ఓటమిపాలై రన్నరప్‌తో సరిపెట్టుకుంది. సరిగ్గా 8 సంవత్సరాల తర్వాత టీమిండియా 2011లో వన్డే వరల్డ్‌కప్‌ను ముద్దాడింది. మెస్సీ విషయంలో ఇలానే జరిగింది. One of my most distinct memories from reporting on the 2014 World Cup was Messi’s dejected face staring at the trophy after losing the final to Germany. Good to see him finally be able to lift it at his last tournament pic.twitter.com/8tLoDyTQOp — Citizen of Paldea (@westcoastrepz) December 18, 2022 2014 ఫిఫా వరల్డ్‌కప్‌ ఫైనల్లో మెస్సీ ప్రాతినిధ్యం వహించిన అర్జెంటీనా.. జర్మనీ చేతిలో ఓటమిపాలై ఛాంపియన్‌షిప్‌కు అడుగు దూరంలో నిలిచిపోయింది. అయితే సరిగ్గా 8 ఏళ్ల తర్వాత సచిన్‌ విషయంలో జరిగినట్టే మెస్సీ విషయంలోనూ జరిగింది. 2022 ఫిఫా వరల్డ్‌కప్‌ ఫైనల్లో ఫ్రాన్స్‌ను ఓడించి మెస్సీ సారధ్యంలోని అర్జెంటీనా జగజ్జేతగా అవతరించింది.  June 25, 1983: The iconic image of Kapil Dev holding the World Cup Trophy at Lord’s is a watershed moment in Indian cricket history. It changed cricket in India. This win inspired the next generation to achieve the impossible & dream BIG pic.twitter.com/hoyEobpuwL — Mohammad Kaif (@MohammadKaif) June 25, 2020 #WorldCupFinal with Argentina playing are so exhilarating because - they are vulnerable! Remember 1986... pic.twitter.com/Vy6dJ5zyc3 — Dibyendu Nandi (@ydnad0) December 19, 2022 యాదృచ్చికంగా ఈ ఇద్దరు ప్రాతినిధ్యం వహించే జట్లు చివరిసారిగా వరల్డ్‌కప్‌ను 1980ల్లోనే నెగ్గాయి. లెజెండ్‌ కపిల్‌ దేవ్‌ సారధ్యంలో భారత్‌ 1983లో వన్డే వరల్డ్‌కప్‌ కైవసం చేసుకోగా.. 80వ దశకంలోనే (1986లో) ఫుట్‌బాల్‌ మాంత్రికుడు డీగో మారడోనా నేతృత్వంలో అర్జెంటీనా వరల్డ్‌ ఛాంపియన్‌గా నిలిచింది.   30 Mar 2011 - India beat their arch-rivals Pakistan in semifinal of 2011 WC. Sachin Tendulkar's 85 proved to be a match-winning knock for India. He was awarded player of the match for 3rd time against Pakistan in World Cup tournament. He is always Man of big tournaments 🙏🙏 pic.twitter.com/O8d6WtQjHO — Sachinist (@Sachinist) March 30, 2021 ఇవే కాక సచిన్‌, మెస్సీ తమతమ వరల్డ్‌కప్‌ జర్నీలను సంబంధించి మరిన్ని విషయాల్లో పోలికలు కలిగి ఉన్నారు. సచిన్‌ 2011 వరల్డ్‌కప్‌లో అత్యధిక పరుగులు (9 మ్యాచ్‌ల్లో 482 పరుగులు) చేసిన భారత ఆటగాడిగా నిలువగా.. మెస్సీ 2022 ఫిఫా వరల్డ్‌కప్‌లో అత్యధిక గోల్స్‌ (7 గోల్స్‌) సాధించిన అర్జెంటీనా ఆటగాడిగా రికార్డుల్లోకెక్కాడు. Messi wins man of the match against Croatia. (Yeah he's won it again... 4th this World Cup, he's insane.) pic.twitter.com/1suL2E1K9X — K.Shah  (@kshitijshah23) December 13, 2022 అలాగే ఈ ఇద్దరు దిగ్గజాలు తమ ప్రపంచకప్‌ ప్రయాణంలో సెమీఫైనల్‌ మ్యాచ్‌ల్లో మ్యాన్‌ ఆఫ్‌ ద మ్యాచ్‌ అవార్డులు గెలుచుకున్నారు. సచిన్‌.. పాకిస్తాన్‌తో జరిగిన సెమీస్‌లో 85 పరుగుల మ్యాచ్‌ విన్నింగ్‌ ఇన్నింగ్స్‌ ఆడి ఈ అవార్డుకు ఎంపిక కాగా.. క్రొయేషియాతో జరిగిన సెమీస్‌లో మెస్సీ ఒక గోల్‌ సాధించడంతో పాటు మరో రెండు గోల్స్‌ కొట్టడంలో జూలియన్‌ అల్వారెజ్‌కు సహకరించి ప్లేయర్‌ ఆఫ్‌ ద మ్యాచ్‌ అవార్డును సొంతం చేసుకున్నాడు. Leo Messi. The living legend just secured his legacy. 1,003 games. 793 goals. 7 Ballon d’Or wins. 1 World Cup. Messi just completed the set. If you’re still debating who TBE is, it’s time to rest your case. He is him. Game over. pic.twitter.com/Lsfvep2bef — VERSUS (@vsrsus) December 18, 2022 వీటితో పాటు తమ చిరకాల కోరిక నెరవేరిన అనంతరం ఈ ఇద్దరు దిగ్గజాలను సహచర సభ్యులు యాదృచ్చికంగా ఒకేలా సత్కరించారు. ప్రపంచకప్‌ నెగ్గిన అనంతరం ఈ ఇద్దరిని సహచరులు భుజాలపై ఎక్కించుకుని స్టేడియం మొత్తం ఊరేగించారు.  Sachin Tendulkar top-scored for 🇮🇳 with 482 runs in their victorious 2011 @cricketworldcup campaign 🏆 Vote to help his ‘Carried on the shoulders of a nation’ moment enter the final round of Laureus Sporting Moment: https://t.co/tqBHY3AyDB#OneFamily @sachin_rt pic.twitter.com/nD3OGSDuF2 — Mumbai Indians (@mipaltan) February 1, 2020 Parallels between FIFA WC 2022 and Cricket World Cup 2011. GOATs (?) of respective sports without the World Cup trying to win it in the last try and doing it. They both lost in the final 8 years before. 2003 vs Australia for Sachin & 2014 vs Germany for Messi pic.twitter.com/yJ4oqf8ceq — NYY (@adi_nyy) December 18, 2022

FIFA WC 2022 Winner Lionel Messi Comments: ‘‘ఈ టైటిల్‌తో నా కెరీర్‌ ముగించాలని ఆశపడ్డాను. ఇంతకు మించి నేను కోరుకునేది ఏదీ లేదు. ఇలా ట్రోఫీ సాధించి కెరీర్‌కు వీడ్కోలు పలకడం చాలా బాగుంటుంది కదా! దీని తర్వాత సాధించాల్సింది ఇంకేముంది? కోపా అమెరికా.. ఇప్పుడు వరల్డ్‌కప్‌.. కెరీర్‌ చరమాంకంలో నాకు లభించాయి.  సాకర్‌ అంటే నాకు పిచ్చి ప్రేమ. జాతీయ జట్టుకు ఆడటాన్ని నేను ఎల్లప్పుడూ ఆస్వాదిస్తాను. వరల్డ్‌ చాంపియన్‌గా మరో రెండు లేదా అంతకంటే ఎక్కువ మ్యాచ్‌లు ఆడాలనుకుంటున్నా’’ అంటూ అర్జెంటీనా స్టార్‌, ప్రపంచకప్‌ విజేత లియోనల్‌ మెస్సీ అభిమానులకు శుభవార్త చెప్పాడు. తాను ఇప్పుడే రిటైర్‌ కాబోవడం లేదని స్పష్టం చేశాడు. కాగా ఖతర్‌ వేదికగా ఆదివారం జరిగిన ఫిఫా వరల్డ్‌కప్‌-2022 ఫైనల్లో ఫ్రాన్స్‌ను ఓడించి అర్జెంటీనా ట్రోఫీని కైవసం చేసుకుంది. దీంతో మేజర్‌ టైటిల్‌తో కెరీర్‌ ముగించాలనుకున్న మెస్సీ ఆశ నెరవేరినట్లయింది. అయితే,  తమ జట్టు ఫైనల్‌ చేరిన సందర్భంగా అర్జెంటీనా తరపున చివరి మ్యాచ్‌ ఆడబోతున్నానని మెస్సీ ప్రకటించిన విషయం తెలిసిందే. కానీ, తాజా వ్యాఖ్యలతో తాను మరికొంత కాలం ఆడతానని అతడు స్పష్టం చేశాడు. ఈ మేరకు ఫైనల్లో గెలిచిన అనంతరం మెస్సీ మాట్లాడుతూ.. ‘‘ఈ రోజు కోసం నేను ఎంతగా ఎదురుచూశానో నాకే తెలుసు. ఆ దేవుడు ఏదో ఒకనాడు నాకు ఈ బహుమతి ఇస్తాడని కూడా తెలుసు. ఇక్కడిదాకా చేరుకోవడానికి చాలా కాలం పట్టింది.  మేమెంతగానో కష్టపడ్డాం. కఠిన శ్రమకోర్చాం. ఎట్టకేలకు సాధించాం. వరల్డ్‌ చాంపియన్‌గా మరిన్ని మ్యాచ్‌లు ఆడతా’’ అని పేర్కొన్నాడు. అదే విధంగా ఇన్‌స్టా వేదికగా ఫొటోలు పంచుకుంటూ ఈ ప్రయాణంలో తనకు సహకరించిన ప్రతి ఒక్కరికి ధన్యవాదాలు చెబుతూ మెస్సీ భావోద్వేగపూరిత నోట్‌ షేర్‌ చేశాడు. ప్రస్తుతం ఈ పోస్టు వైరల్‌ అవుతోంది. చదవండి: Messi- Ronaldo: మెస్సీ సాధించాడు.. ఘనంగా ‘ముగింపు’! మరి రొనాల్డో సంగతి? ఆరోజు ‘అవమానకర’ రీతిలో.. Rohit Sharma: ‘సెంచరీ వీరుడు గిల్‌ బెంచ్‌కే పరిమితం! రెండో టెస్టులో ఓపెనర్లుగా వాళ్లిద్దరే!’ View this post on Instagram A post shared by Leo Messi (@leomessi) var request = 'https://www.sakshi.com/knowwidget/kwstr_5091503545.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

Lionel Messi- Cristiano Ronaldo: ఏడుసార్లు ప్రపంచ అత్యుత్తమ ఫుట్‌బాల్‌ ఆటగాడిగా ‘బాలన్‌ డీర్‌’ అవార్డు... ప్రతిష్టాత్మక క్లబ్‌ బార్సిలోనా తరఫున ఏకంగా 35 టైటిల్స్‌లో భాగం... ఏ లీగ్‌లోకి వెళ్లినా అత్యధిక గోల్స్‌ సాధించిన ఆటగాడిగా ఘనత... లెక్కలేనన్ని రికార్డులు, అపార ధనార్జన... అపరిమిత సంఖ్యలో అతని నామం జపించే అభిమానులు... మెస్సీ గురించి ఇది ఒక చిన్న ఉపోద్ఘాతం మాత్రమే. ఫుట్‌బాల్‌ మైదానంలో అతను చూపించిన మాయకు ప్రపంచం దాసోహమంది... ఆల్‌టైమ్‌ గ్రేట్‌లలో ఒకడిగా  గొప్పగా కీర్తించింది... కానీ...కానీ... అదొక్కటి మాత్రం లోటుగా ఉండిపోయింది. మెస్సీ ప్రస్తావన వచ్చినప్పుడల్లా వరల్డ్‌ కప్‌ మాత్రం గెలవలేదే అనే ఒక భావన... 2006లో అడుగు పెట్టిన నాటి నుంచి 2018 వరకు నాలుగు టోర్నీలు ముగిసిపోయాయి. కానీ ట్రోఫీ కోరిక మాత్రం తీరలేదు. 2014లో అతి చేరువగా ఫైనల్‌కు వచ్చినా, పేలవ ఆటతో పరాభవమే ఎదురైంది. రొనాల్డోతో ప్రతీసారి పోలిక వరల్డ్‌ కప్‌ లేకపోయినంత మాత్రాన అతని గొప్పతనం తగ్గదు... కానీ అది కూడా ఉంటే బాగుంటుందనే ఒక భావన సగటు ఫ్యాన్స్‌లో బలంగా నాటుకుపోయింది. అతని సమకాలీకుడు, సమఉజ్జీ క్రిస్టియానో రొనాల్డోతో ప్రతీసారి ఆటలో పోలిక... కానీ ఇప్పుడు మెస్సీ వరల్డ్‌ కప్‌ విన్నర్‌ కూడా... ఈ విజయంతో అతను రొనాల్డోను అధిగమించేశాడు... అర్జెంటీనా ఫుట్‌బాల్‌ అంటే మారడోనానే పర్యాయపదం... 1986లో అతను ఒంటి చేత్తో (కాలితో) తమ టీమ్‌ను విశ్వవిజేతగా నిలిపిన క్షణం ఆ దేశపు అభిమానులు మరచిపోలేదు. అంతటివాడు అనిపించుకోవాలంటే వరల్డ్‌ కప్‌ గెలవాల్సిందే అన్నట్లుగా ఆ దేశం మెస్సీకి ఒక అలిఖిత ఆదేశం ఇచ్చేసింది! ఎట్టకేలకు అతను ఆ సవాల్‌ను స్వీకరించాడు... తొలి మ్యాచ్‌లో సౌదీ అరేబియా చేతిలో పరాజయం ఎదురైన తర్వాత తమను లెక్కలోంచే తీసేసిన జట్లకు సరైన రీతిలో సమాధానమిచ్చాడు. మైదానం అంతటా, అన్నింటా తానై అటు గోల్స్‌ చేస్తూ, అటు గోల్స్‌ చేసేందుకు సహకరిస్తూ టీమ్‌ను నడిపించాడు. ప్రపంచ కప్‌ చరిత్రలో గ్రూప్‌ దశలో, ప్రిక్వార్టర్స్, క్వార్టర్‌ ఫైనల్లో, సెమీస్‌లో, ఫైనల్లో గోల్‌ చేసిన ఏకైక ఆటగాడు కావడంతో పాటు జట్టును శిఖరాన నిలిపాడు. శాశ్వత కీర్తిని అందుకుంటూ అర్జెంటీనా ప్రజలకు అభివాదం చేశాడు. చివరగా...మెస్సీ భావోద్వేగాలు చూస్తుంటే సచిన్‌ టెండూల్కర్‌ లాంటి దిగ్గజం కూడా తన కెరీర్‌లో అన్నీ సాధించిన తర్వాత లోటుగా ఉన్న క్రికెట్‌ ప్రపంచకప్‌ను ఆరో ప్రయత్నంలో అందుకోవడం, అతడిని సహచరులు భుజాలపై ఎత్తుకొని మైదానంలో తిరిగిన ఘటన మీ కళ్ల ముందు నిలిచిందా! -సాక్షి, క్రీడా విభాగం. మరి రొనాల్డో సంగతి?! గ్రేటెస్ట్‌ ఆఫ్‌ ఆల్‌ టైమ్‌(GOAT).. ప్రస్తుత తరంలో మేటి ఫుట్‌బాల్‌ ఆటగాడు ఎవరు అంటే.. ఠక్కున గుర్తుకు వచ్చే రెండు పేర్లు లియోనల్‌ మెస్సీ, క్రిస్టియానో రొనాల్డో.. అన్నిటిలోనూ పోటాపోటీ.. అయితే, మెస్సీ ఖాతాలో ఇప్పుడు వరల్డ్‌కప్‌ టైటిల్‌ ఉంది. 37 ఏళ్ల రొనాల్డోకు ఇక ప్రపంచకప్‌ ట్రోఫీ గెలిచే అవకాశమే లేదు.  నిజానికి, ఖతర్‌ ఈవెంట్లో మొదటి మ్యాచ్‌లోనే సౌదీ అరేబియా వంటి చిన్న జట్టు చేతిలో ఓటమి పాలైనా ఏమాత్రం కుంగిపోక.. ఒక్కో మ్యాచ్‌ గెలుస్తూ జట్టును ఫైనల్‌ వరకు తీసుకువచ్చాడు మెస్సీ. నాయకుడిగా, ఆటగాడిగా తన అపార అనుభవాన్ని ఉపయోగించుకుంటూ జట్టును ఆఖరి మెట్టు వరకు తీసుకువచ్చాడు. ఉత్కంఠభరిత ఫైనల్లోనూ చిరునవ్వు చెదరనీయక ఎట్టకేలకు ట్రోఫీ ముద్దాడి విజయదరహాసం చేశాడు. కానీ రొనాల్డోకు ఈ మెగా టోర్నీకి ముందే ఎదురుదెబ్బలు తగిలాయి. యునైటెడ్‌ మాంచెస్టర్‌తో బంధం తెగిపోవడం సహా కీలక ప్రి క్వార్టర్స్‌లో జట్టులో చోటు కోల్పోవడం వంటి పరిణామాలు జరిగాయి. పోర్చుగల్‌ సెమీస్‌ చేరాలంటే తప్పక గెలవాల్సిన మ్యాచ్‌లోనూ అతడు ఆలస్యంగా బరిలోకి దిగాడు. ఈ నేపథ్యంలో రొనాల్డో ప్రవర్తన వల్లే కోచ్‌ అతడిని కావాలనే పక్కనపెట్టాడనే వార్తలు వినిపించాయి. ఏదేమైనా మెస్సీ తన హుందాతనంతో ఘనంగా ప్రపంచకప్‌ టోర్నీకి వీడ్కోలు పలికితే.. రొనాల్డో మాత్రం అవమానకర రీతిలో నిష్క్రమించినట్లయింది. దీంతో ఇద్దరూ సమఉజ్జీలే అయినా మెస్సీ.. రొనాల్డో కంటే ఓ మెట్టు పైకి చేరాడంటూ ఫుట్‌బాల్‌ అభిమానులు అంటున్నారు. చదవండి: Mbappe- Messi: మెస్సీ విజయానికి అర్హుడే! కానీ నువ్వు ఓటమికి అర్హుడివి కాదు! గర్వపడేలా చేశావు.. Rohit Sharma: ‘సెంచరీ వీరుడు గిల్‌ బెంచ్‌కే పరిమితం! రెండో టెస్టులో ఓపెనర్లుగా వాళ్లిద్దరే!’ Cristiano Ronaldo: వద్దనుకుంటే పుట్టిన బిడ్డ! ఎంతటి మొనగాడివైతేనేం! ఎన్ని రికార్డులు ఉన్నా ఏం లాభం? మరీ ఇలా... పర్లేదులే! var request = 'https://www.sakshi.com/knowwidget/kwstr_5101504615.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

Kylian mbappe Beats Messi Win Award: ‘‘మెస్సీ ఈ విజయానికి నూటికి నూరుపాళ్లు అర్హుడే.. అయితే, ఎంబాపే మాత్రం ఓటమికి అర్హుడు కాదు’’... ఆదివారం నాటి ఫిఫా వరల్డ్‌కప్‌-2022 ఫైనల్‌ మ్యాచ్‌ ఆద్యంతం చూసిన సగటు అభిమాని కనీసం ఒక్కసారైనా మనసులో ఈ మాట అనుకుని ఉంటాడనడంలో సందేహం లేదు. మ్యాచ్‌ మొదటి అర్ధ భాగంలో ఒక్క గోల్‌ కూడా చేయలేకపోయిన ఫ్రాన్స్‌.. విజయం అంచుల దాకా వెళ్లే వరకు అర్జెంటీనాకు ముచ్చెమటలు పట్టించిందంటే అదంతా కెప్టెన్‌ కైలియన్‌ ఎంబాపే చలవే! అప్పటి దాకా ఏమాత్రం ప్రభావం చూపలేకపోయిన ఎంబాపె.. రెండో అర్ధ భాగంలో ఒక్కసారిగా విజృంభించాడు. 97 సెకన్ల వ్యవధిలో చకచకా రెండు గోల్స్‌ చేసి అర్జెంటీనాకు షాక్‌ ఇచ్చి... అభిమానుల గుండె వేగం పెంచాడు. ఈ క్రమంలో స్కోరు సమం(2-2) చేసిన ఫ్రాన్స్‌ జోరు పెరిగింది. అర్జెంటీనా గోల్‌పోస్ట్‌ను పదే పదే అటాక్‌ చేసింది. హోరాహోరీ పోరు.. దీంతో నిర్ణీత సమయం ముగిసేలోపు ఇరు జట్ల స్కోరు సమంగా ఉండటంతో అదనపు సమయం కేటాయించారు. అప్పటికే గోల్‌తో మెరిసిన మెస్సీ మరోసారి మ్యాజిక్‌ రిపీట్‌ చేశాడు.. గోల్‌ కొట్టి అర్జెంటీనాను ముందుకు తీసుకువెళ్లాడు. తన చిరకాల కలను నెరవేర్చుకునే దిశగా ముందడుగు వేశాడు. కానీ, ఓటమిని అంగీకరించేందుకు ఏమాత్రం సిద్ధంగా లేని ఎంబాపె తమకు దక్కిన పెనాల్టీ కిక్‌ను గోల్‌గా మలిచి ప్రేక్షకులు ఉత్కంఠతో మునివేళ్ల మీద నిల్చునేలా చేశాడు. అదనపు సమయం ముగిసే సరికి కూడా 3-3తో అర్జెంటీనా- ఫ్రాన్స్‌ సమంగా నిలవడంతో పెనాల్టీ షూటౌట్‌ తప్పలేదు.  అయితే, షూటౌట్‌లో అర్జెంటీనా 3–2తో ఆధిక్యంలో ఉన్న సమయంలో పెనాల్టీ తీసుకున్న గొంజాలో మోంటీల్‌ విజయవంతంగా గోల్‌ కొట్టడంతో ఎంబాపె బృం‍దం ఆశలు ఆవిరయ్యాయి. ఫ్రాన్స్‌ను 4-2తో ఓడించి మెస్సీ సేన వరల్డ్‌ చాంపియన్‌గా అవతరించింది.  అంచనాలు తలకిందులు చేసి ఇక ఈ మ్యాచ్‌లో గెలుపుతో ప్రపంచకప్‌ సాధించాలన్న 35 ఏళ్ల మెస్సీ ఆశయం నెరవేరగా.. డిఫెండింగ్‌ చాంపియన్‌గా బరిలోకి దిగిన ఫ్రాన్స్‌ను మరోసారి విజేతగా నిలపాలన్న 23 ఏళ్ల ఎంబాపె కల చెదిరిపోయింది. నిజానికి ఆరంభంలోనే పట్టు సాధించిన అర్జెంటీనా సులువుగా విజయం సాధిస్తుందని అంతా భావించినా.. ఆ అంచనాలు తలకిందులు చేశాడు ఎంబాపె. మెస్సీని వెనక్కినెట్టి... ఏదేమైనా తాను అనుకున్న ఫలితం రాబట్టలేకపోయినా ఫైనల్‌లో హ్యాట్రిక్‌ గోల్స్‌ మెరిసిన ఎంబాపె.. మెస్సీతో పాటు తానూ హీరోనే అనిపించుకున్నాడు. ఈ ఎడిషన్‌లో 8 గోల్స్‌ చేసి మెస్సీని దాటుకుని గోల్డెన్‌ బూట్‌ అవార్డు గెలుచుకున్నాడు. ఈ నేపథ్యంలో మెస్సీ విజయాన్ని సెలబ్రేట్‌ చేసుకుంటూనే.. ఫైనల్‌ మ్యాచ్‌ను చిరస్థాయిగా నిలిచిపోయేలా తన ఆట తీరుతో అలరించిన ఎంబాపె ఆట తీరుపై ప్రశంసల జల్లు కురిపిస్తున్నారు సాకర్‌ అభిమానులు. ‘గ్రేటెస్ట్‌ ఆఫ్‌ ఆల్‌  టైమ్‌(GOAT) మెస్సీనే.. అయినా నువ్వేమీ తక్కువ కాదు ఎంబాపె.  మెస్సీ ట్రోఫీ గెలిచి మా హృదయాలు పులకింపజేశాడు.. నువ్వు కూడా నీ పోరాటపటిమతో మా మనసులు గెలిచావు’’ అంటూ సోషల్‌ మీడియా వేదికగా అతడిని అభినందిస్తున్నారు. ఇక మ్యాచ్‌ ముగిసిన తర్వాత దిగాలుగా కూర్చున్న ఎంబాపె వద్దకు ఫ్రాన్స్‌ అధ్యక్షుడు ఇమాన్యుయేల్‌ మాక్రాన్‌ వచ్చి అతడిని ఓదార్చే ప్రయత్నం చేశారు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి. ఇవి చూసిన నెటిజన్లు.. ‘‘బాధపడకు మిత్రమా.. మెస్సీ ఒక్కడే కాదు నువ్వు కూడా విజేతవే!’’ అంటూ ఎంబాపెకు విషెస్‌ తెలియజేస్తున్నారు. చదవండి: FIFA WC 2022: విజేతకు రూ. 347 కోట్లు.. మిగతా జట్ల ప్రైజ్‌మనీ, అవార్డులు, ఇతర విశేషాలు KL Rahul: అంత సులువేమీ కాదు.. కష్టపడ్డాం.. గెలిచాం! కాస్త రిలాక్సైన తర్వాతే.. Won our hearts #mbappe 💙🐐 pic.twitter.com/I1SAhvFPvH — Eddy Kenzo (@eddykenzoficial) December 19, 2022 What. A. Player. #mbappe pic.twitter.com/gavhNfdKrB — Piers Morgan (@piersmorgan) December 18, 2022 Mbappé is next Ronaldo, Messi whoever you support now. Only a few people support you in the journey. But when you get success they all will cheer you up. #ArgentinaVsFrance #Mbappe #WorldCupFinal pic.twitter.com/hhVjk9GuNz — Navin Depan (@DepanNavin) December 19, 2022 #EmmanuelMacron @KMbappe #Mbappe Well played and Congratulations for Golden Boot. French President @EmmanuelMacron consoled Mbappe, this shows how this country and president support and love their team. pic.twitter.com/iFlvwk4BhG — Neo007 (@neo007navin) December 18, 2022 var request = 'https://www.sakshi.com/knowwidget/kwstr_5091503545.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

FIFA World Cup Qatar 2022: దాదాపు నెల రోజులుగా ఖతర్‌ వేదికగా సాగిన సాకర్‌ సమరం ముగిసింది. ఫిఫా వరల్డ్‌కప్‌-2022 ఫైనల్లో ఫ్రాన్స్‌ను ఓడించిన అర్జెంటీనా జగజ్జేతగా నిలిచింది. స్టార్‌ ఫుట్‌బాలర్‌ లియోనల్‌ మెస్సీ సారథ్యంలో విజేతగా నిలిచి ముచ్చటగా మూడోసారి ట్రోఫీని కైవసం చేసుకుంది. ఈ నేపథ్యంలో వరల్డ్‌కప్‌-2022 అవార్డులు, విజేత, రన్నరప్‌, లీగ్‌ దశలో నిష్క్రమించిన జట్లకు దక్కిన ప్రైజ్‌మనీ సహా ఇతర విశేషాలు తెలుసుకుందాం!  వరల్డ్‌కప్‌–2022 అవార్డులు  గోల్డెన్‌ బాల్‌ (బెస్ట్‌ ప్లేయర్‌)  లియోనల్‌ మెస్సీ (7 గోల్స్‌)- అర్జెంటీనా  గోల్డెన్‌ బూట్‌ (టాప్‌ స్కోరర్‌)  కైలియన్‌ ఎంబాపె- 8 గోల్స్‌- ఫ్రాన్స్‌ గోల్డెన్‌ గ్లౌవ్‌ (బెస్ట్‌ గోల్‌కీపర్‌)  మార్టినెజ్‌ (అర్జెంటీనా; 34 సార్లు గోల్స్‌ నిలువరించాడు)  బెస్ట్‌ యంగ్‌ ప్లేయర్‌  ఎంజో ఫెర్నాండెజ్‌ (అర్జెంటీనా)  మ్యాన్‌ ఆఫ్‌ ద ఫైనల్‌  లియోనల్‌ మెస్సీ  ఫెయిర్‌ ప్లే అవార్డు  ఇంగ్లండ్‌   ప్రపంచకప్‌ విశేషాలు  ►172- ప్రపంచకప్‌లో నమోదైన మొత్తం గోల్స్‌. ఒకే టోర్నీలో ఇవే అత్యధికం. 1998, 2014 ప్రపంచకప్‌లలో 171 గోల్స్‌ చొప్పున నమోదయ్యాయి.   ►64- జరిగిన మ్యాచ్‌లు  ►217-ఎల్లో కార్డులు  ►3- రెడ్‌ కార్డులు  ►16- టోర్నీలో అత్యధిక గోల్స్‌ చేసిన జట్టు (ఫ్రాన్స్‌)  ►8- ఒకే మ్యాచ్‌లో నమోదైన అత్యధిక గోల్స్‌      (ఇంగ్లండ్‌ 6, ఇరాన్‌ 2)  ►2- టోర్నీలో నమోదైన సెల్ఫ్‌ గోల్స్‌  ►2- టోర్నీలో నమోదైన ‘హ్యాట్రిక్‌’లు (ఎంబాపె, గొం​కాలో రామోస్‌)  ఎవరికెంత వచ్చాయంటే...  ►విజేత: అర్జెంటీనా - 4 కోట్ల 20 లక్షల డాలర్లు (రూ. 347 కోట్లు)  ►రన్నరప్‌: ఫ్రాన్స్‌ -3 కోట్ల డాలర్లు (రూ. 248 కోట్లు)  ►మూడో స్థానం: క్రొయేషియా -2 కోట్ల 70 లక్షల డాలర్లు (రూ. 223 కోట్లు)  ►నాలుగో స్థానం: మొరాకో -2 కోట్ల 50 లక్షల డాలర్లు (రూ. 206 కోట్లు)  ►క్వార్టర్‌ ఫైనల్స్‌లో ఓడిన జట్లకు (4) -కోటీ 70 లక్షల డాలర్ల చొప్పున (రూ. 140 కోట్ల చొప్పున)  ►ప్రిక్వార్టర్‌ ఫైనల్స్‌లో ఓడిన జట్లకు (8) -కోటీ 30 లక్షల డాలర్ల చొప్పున (రూ. 107 కోట్ల చొప్పున)  ►గ్రూప్‌ లీగ్‌ దశలో నిష్క్రమించిన జట్లకు (16) -90 లక్షల డాలర్ల చొప్పున (రూ. 74 కోట్ల చొప్పున)    చదవండి: FIFA WC 2022: వారెవ్వా అర్జెంటీనా.. మూడోసారి, మూడో స్థానం, మూడో జట్టు.. పాపం ఫ్రాన్స్‌! Lionel Messi: మెస్సీ నామసర్మణతో మారుమ్రోగిన అర్జెంటీనా.. కోల్‌కతాలోనూ సంబరాలు var request = 'https://www.sakshi.com/knowwidget/kwstr_5101504615.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

FIFA WC Qatar  2022 World Champions Argentina: ఫిఫా ప్రపంచకప్‌ గెలవాలన్న అర్జెంటీనా 36 ఏళ్ల నిరీక్షణకు ఆదివారం(డిసెంబరు 18) తెరపడింది. ఖతర్‌ వేదికగా ఫ్రాన్స్‌తో జరిగిన హోరాహోరీ పోరులో మెస్సీ బృం‍దం విజయం సాధించడంతో కల సాకారమైంది. మేటి ఆటగాడు మెస్సీకి ఘనమైన వీడ్కోలు లభించడంతో పాటు మూడోసారి ట్రోఫీని గెలిచిన ఘనతను అర్జెంటీనా తన ఖాతాలో వేసుకుంది.  కాగా అదనపు సమయంలోనూ 3-3తో ఇరు జట్లు సమంగా ఉన్న వేళ.. పెనాల్టీ షూటౌట్‌ ద్వారా వరల్డ్‌కప్‌-2022 ఫైనల్‌ ఫలితం తేలిన విషయం తెలిసిందే. 4-2తో అర్జెంటీనా పైచేయి సాధించి విశ్వ విజేతగా అవతరించింది. మరి ఈ మ్యాచ్‌ ద్వారా అర్జెంటీనా సాధించిన రికార్డులపై ఓ లుక్కేయండి!  మూడోసారి ►ప్రపంచకప్‌ ఫుట్‌బాల్‌ టైటిల్‌ సాధించడం అర్జెంటీనాకిది మూడోసారి. గతంలో ఆ జట్టు 1978, 1986లలో సాధించింది. మూడో స్థానం ►ప్రపంచకప్‌ను అత్యధిక సార్లు గెలిచిన జట్ల జాబితాలో అర్జెంటీనా మూడో స్థానానికి చేరుకుంది. బ్రెజిల్‌ (5 సార్లు) టాప్‌ ర్యాంక్‌లో, జర్మనీ (4 సార్లు), ఇటలీ (4 సార్లు) సంయుక్తంగా రెండో ర్యాంక్‌లో ఉన్నాయి.   మూడో జట్టు ►‘షూటౌట్‌’ ద్వారా ప్రపంచకప్‌ నెగ్గిన మూడో జట్టు అర్జెంటీనా. గతంలో బ్రెజిల్‌ (1994లో), ఇటలీ (2006లో) ఈ ఘనత సాధించాయి. అత్యధికంగా ఆరుసార్లు ప్రపంచకప్‌లో ‘షూటౌట్‌’లలో మ్యాచ్‌లు గెలిచిన జట్టుగా అర్జెంటీనా గుర్తింపు పొందింది.  పాపం ఫ్రాన్స్‌ ►డిఫెండింగ్‌ చాంపియన్‌ తదుపరి టోర్నీ ఫైనల్లో ఓడిపోవడం ఇది మూడోసారి. గతంలో అర్జెంటీనా (1990లో), బ్రెజిల్‌ (1998లో) జట్లకు ఇలాంటి ఫలితమే ఎదురైంది. ఇప్పుడు ఫ్రాన్స్‌ వంతు! చదవండి: Lionel Messi: మెస్సీ నామసర్మణతో మారుమ్రోగిన అర్జెంటీనా.. కోల్‌కతాలోనూ సంబరాలు IND VS BAN 1st Test: విరాట్‌ కోహ్లి ఖాతాలో మరో రికార్డు Make way for the 👑 #FIFAWorldCup #Qatar2022 — FIFA World Cup (@FIFAWorldCup) December 19, 2022

FIFA WC 2022 World Champions Argentina- Lionel Messi: ఫిఫా వరల్డ్‌కప్‌ ఫైనల్‌ మ్యాచ్‌... కీలక సమయంలో స్ట్రైకర్‌ ఎంబాపె గోల్స్‌ కొట్టడం ఫ్రాన్స్‌ అభిమానులకు కన్నుల పండువగా ఉన్నా.. మెస్సీ నామస్మరణలో మునిగిపోయిన మిగతా ప్రపంచానికి మాత్రం మింగుడుపడలేదు. ప్రపంచంలోనే మేటి ఆటగాడిగా పేరొందిన లియోనల్‌ మెస్సీకి అంత సులువుగా గెలుపు అందనిస్తానా అన్న చందంగా.. అదనపు సమయంలోనూ అతడు కొట్టిన గోల్‌ ఫ్యాన్స్‌ గుండెదడ పెంచింది.  అయితే, అందరూ కోరుకున్నట్టుగా ఎట్టకేలకు పెనాల్టీ షూటౌట్‌లో అర్జెంటీనా పైచేయి సాధించింది. 4-2తో ఫ్రాన్స్‌ను ఓడించింది. తద్వారా 36 ఏళ్ల తర్వాత ట్రోఫీని అందుకోవడమే గాకుండా మెస్సీ కీర్తికిరీటంలో ప్రపంచకప్‌ అనే కలికితురాయిని చేర్చింది. దీంతో మెస్సీ అభిమానుల సంతోషానికి అవధుల్లేకుండా పోయాయి.  మెస్సీ ట్రోఫీని ముద్దాడిన క్షణాలు చూసి వారందరి కళ్లు చెమర్చాయి. కలను సాకారం చేసుకున్న ఈ దిగ్గజ ఆటగాడి భావోద్వేగాలను ప్రతిబింబించేలా ఆనంద భాష్పాలు రాలుస్తూ.. కేరింతలు కొడుతూ అతడి విజయాన్ని ఆస్వాదించారు. కేవలం అర్జెంటీనాలోనే మాత్రమే కాదు.. మెస్సీని అభిమానించే ప్రతీ దేశంలోనూ సంబరాలు అంబరాన్నంటాయి.  స్వర్గంలో ఉన్నట్లుంది అంటూ మెస్సీ స్వదేశంలో విజయాన్ని సెలబ్రేట్‌ చేసుకోగా.. ఫుట్‌బాల్‌ క్రీడను అభిమానించే భారత్‌లోని పశ్చిమ బెంగాల్‌లోనూ క్రాకర్లు పేలుస్తూ, మెస్సీ గెలుపును సెలబ్రేట్‌ చేసుకున్నారు. కోల్‌కతా వీధుల్లో డాన్సుల చేస్తూ సందడి చేశారు. ఇందుకు సంబంధించిన వీడియోలు సోషల్‌ మీడియాలో వైరల్‌గా మారాయి.  మెస్సీ నామసర్మణతో సామాజిక మాధ్యమాలు హోరెత్తిపోతున్నాయి. దీంతో అతడి పేరు ట్రెండింగ్‌లోకి వచ్చింది. చదవండి: FIFA World Cup Qatar 2022: అర్జెంటీనా గర్జన.. జగజ్జేతగా మెస్సీ బృందం ఫొటో గ్యాలరీ కోసం ఇక్కడ క్లిక్‌ చేయండి #Argentina fans in one part of the city are celebrating with Jumma Chumma De De! #Kolkata’s colour scheme is anyways similar to #Argentina! #Messi𓃵 #Messi #LionelMessi𓃵 #LionelMessi #FIFAWorldCup #WorldCup pic.twitter.com/kMLXRgg9ZD — Saurabh Gupta(Micky) (@MickyGupta84) December 18, 2022 Make way for the 👑 #FIFAWorldCup #Qatar2022 — FIFA World Cup (@FIFAWorldCup) December 19, 2022

ఏమా ఆట... ఎంతటి అద్భుత ప్రదర్శన... ఒకరు ఎక్కువ కాదు, ఒకరు తక్కువ కాదు... ప్రపంచకప్‌ ఫైనల్‌ అంటే ఇలా ఉంటుంది... కాదు, కాదు.. ఇంత గొప్పగా, ఇలాగే ఉంటుంది అనిపించేలా సాగిన ఆట... మైదానంలో ఆటగాళ్లు కొదమసింహాల్లా పోటీపడుతుంటే... స్టేడియంలో 90 వేల మంది ప్రేక్షకులే కాదు, ప్రపంచం మొత్తం ఊగిపోయింది... ఫైనల్లో ఆడుతున్న జట్లు మాత్రమే కాదు... ఏ జట్టుతో సంబంధం లేకపోయినా, రెప్పార్పకుండా చూసిన వీరాభిమానుల సంఖ్యకు లెక్కే లేదు... ఆట ఆరంభంలో అర్జెంటీనా దూకుడు చూస్తే మ్యాచ్‌ ఏకపక్షమే అనిపించింది... ఒకసారి కాదు, రెండుసార్లు కాదు... పదే పదే అటాక్‌ మంత్రంగా ఆ జట్టు ప్రత్యర్థి గోల్‌పోస్ట్‌పై దాడులు చేసింది... రెండు గోల్స్‌ ఆధిక్యం సాధించాక మెస్సీ మాయలో ఊగిపోతున్న అర్జెంటీనా అభిమానులు సంబరాలు షురూ చేసేశారు... తొలి అర్ధ భాగం చూస్తే అసలు ఫ్రాన్స్‌ ఫైనల్‌ చేరిన జట్టేనా అనిపించింది... స్టార్‌ ఆటగాళ్ల జాడే కనిపించలేదు. రెండో అర్ధభాగంలో కూడా కూడా అర్జెంటీనా తగ్గలేదు... మొత్తం 67 నిమిషాల ఆట సాగినా... ఒక్క షాట్‌ కూడా గోల్‌ పోస్ట్‌పై కొట్టలేకపోయింది. అప్పుడొచ్చాడు ఎంబాపె... అప్పటి వరకు కనీసం పాస్‌లు కూడా అందుకోలేకపోయిన ఈ సంచలన ఆటగాడు తనేంటో చూపించాడు... 97 సెకన్ల వ్యవధిలో రెండు గోల్స్‌ చేసేసి అర్జెంటీనాను ఒక్కసారిగా అచేతనంగా మార్చాడు. ఆపై తమదే ఆట అన్నట్లుగా ఫ్రాన్స్‌ దూసుకుపోగా, మెస్సీ సేన నిస్సహాయంగా కనిపించింది... స్కోరు సమం చేయడం సంగతేమో కానీ డిఫెన్స్‌తో తమ గోల్‌పోస్ట్‌ను కాపాడుకోవడమే అర్జెంటీనాకు కనాకష్టంగా మారింది. నిర్ణీత సమయం ముగిసింది... ఇంజ్యూరీ టైమ్‌ కూడా అయిపోయింది. స్కోర్లు సమంగానే ఉన్నాయి. అప్పుడు అదనపు సమయం తప్పలేదు. మళ్లీ మెస్సీపైనే గెలుపు భారం పడింది... తన కోసం, తన దేశం కోసం అన్నట్లుగా ఒక్కసారిగా శక్తి పుంజుకున్న మెస్సీ మరో గోల్‌తో ముందంజలో నిలిపి విజయధ్వానం చేశాడు... అయితే అది కొద్ది క్షణాలకే పరిమితమైంది... ఎంబాపె మళ్లీ మ్యాజిక్‌ ప్రదర్శించడంతో స్కోరు మళ్లీ సమమైంది. దాంతో ఫలితం పెనాల్టీ ‘షూటౌట్‌’కు వెళ్లింది.   ‘అర్జెంటీనా జట్టు గెలవాలని ప్రపంచం మొత్తం కోరుకుంటోంది. మా దేశంలో కూడా అలాంటివారు ఉన్నారు’... ఫైనల్‌కు ముందు ఫ్రాన్స్‌ కోచ్‌ డెషాంప్స్‌ చేసిన వ్యాఖ్య ఇది. సగటు ఫుట్‌బాల్‌ అభిమాని దృష్టిలో ఇది నిజంగా నిజం... అందుకు ఒకే ఒక్క కారణం లయోనల్‌ మెస్సీ... ప్రపంచవ్యాప్తంగా అతడిని అభిమానించే వారెందరో అతను వరల్డ్‌కప్‌ను అందుకోవాలని కోరుకున్నారు. వారంతా ఫైనల్‌ రోజు అర్జెంటీనా అభిమానులుగా మారిపోయారు... అందుకే మెస్సీ కొట్టిన ప్రతీ గోల్‌ వారిని ఆనందంతో ముంచెత్తితే... ఎంబాపె ఆట చూస్తుంటే ఎక్కడో గుండెల్లో అలజడి... ఎక్కడ అతను మ్యాచ్‌ను లాగేసుకుంటాడేమోనని ఆందోళన... కానీ అందరి కల నెరవేరింది... ఐదో ప్రపంచకప్‌ ప్రయత్నంలో మెస్సీ తన టీమ్‌ను విశ్వవిజేతగా నిలిపాడు. ఆ ఒక్క లోటును అధిగమించి ఆల్‌టైమ్‌ గ్రేట్‌గా నిలిచాడు. సంవత్సరం క్రితం దివికేగిన డీగో మారడోనా పైనుంచి ఆశీర్వదించినట్లుగా 36 ఏళ్ల తర్వాత అర్జెంటీనా చాంపియన్‌గా మారింది.   దోహా: గొంజాలో మోంటీల్‌... కొన్ని క్షణాల ముందు అర్జెంటీనా 3–2తో ఆధిక్యంలో ఉండి గెలుపు ఖాయమనుకుంటున్న దశలో అప్రయత్నంగానే మోచేతికి బంతికి తగిలించాడు... దాంతో ఫ్రాన్స్‌కు పెనాల్టీ కిక్‌ దక్కి స్కోరు సమమైంది. సబ్‌స్టిట్యూట్‌గా కొన్ని నిమిషాల క్రితమే మైదానంలోకి దిగి ఒక్క పొరపాటుతో విలన్‌గా మారిపోయాడు... కానీ మరికొన్ని నిమిషాల తర్వాత అతనే హీరోగా నిలిచాడు. షూటౌట్‌లో అర్జెంటీనా ఓడి ఉంటే తన తప్పిదపు భారాన్ని అతను జీవితకాలం మోయాల్సి వచ్చేదేమో... షూటౌట్‌లో అర్జెంటీనా 3–2తో ఉండగా మోంటీల్‌ పెనాల్టీ తీసుకున్నాడు... అతను కొట్టిన కిక్‌ ఫ్రాన్స్‌ గోల్‌ కీపర్‌ లోరిస్‌ను దాటి నెట్‌లో పడింది! అంతే... అర్జెంటీనా బృందం    విజయ గర్జన చేసింది... కన్నీళ్లతో మోంటీల్‌ భావోద్వేగభరితమయ్యాడు.   ఆదివారం జరిగిన ఫుట్‌బాల్‌ ప్రపంచకప్‌ ఫైనల్లో అర్జెంటీనా 4–2 (షూటౌట్‌లో) తేడాతో డిఫెండింగ్‌ చాంపియన్‌ ఫ్రాన్స్‌ను ఓడించింది. నిర్ణీత సమయం, అదనపు సమయం కలిపి ఇరు జట్లు 3–3తో సమంగా నిలవగా, షూటౌట్‌లో ఫలితం తేలింది. అర్జెంటీనా తరఫున కెప్టెన్‌ మెస్సీ (23వ నిమిషం, 108వ నిమిషం), మరియా (36వ నిమిషం) గోల్స్‌ చేయగా... ఫ్రాన్స్‌ తరఫున       ఎంబాపె ఒక్కడే (80వ నిమిషం, 81వ నిమిషం, 118వ నిమిషం) మూడు గోల్స్‌తో హ్యాట్రిక్‌ నమోదు చేశాడు.   హోరాహోరీ... విజిల్‌ మోగిన దగ్గరి నుంచి అర్జెంటీనా ఆధిపత్యమే సాగింది. వరుసగా ప్రత్యర్థి గోల్‌పోస్ట్‌పై జట్టు దాడులు చేస్తూ పోయింది. అదే జోరులో ఫలితం రాబట్టింది. పెనాల్టీ ఏరియాలో ఫ్రాన్స్‌ వింగర్‌ ఉస్మాన్‌ డెంబెలెను దాటి అర్జెంటీనా ఆటగాడు డి మరియా బంతితో దూసుకుపోయాడు. అతడిని నిలువరించే క్రమంలో ఉస్మాన్‌ వెనకనుంచి మరియాను తోసేశాడు. దాంతో మరో మాట లేకుండా రిఫరీ అర్జెంటీనాకు పెనాల్టీ ప్రకటించాడు. మెస్సీ ప్రశాంతంగా ఎడమ కాలితో కుడి వైపు చివరకు కిక్‌ కొట్టగా, మరోవైపు దూకిన గోల్‌ కీపర్‌ హ్యూగో లోరిస్‌ బంతిని ఆపడంలో పూర్తిగా విఫలమయ్యాడు. ఆ తర్వాత మెస్సీ, అల్వారెజ్‌ అద్భుత సమన్వయంతో పాస్‌లు ఇచ్చుకుంటూ దూసుకుపోయారు. బంతి అలిస్టర్‌కు చేరగా, అతడి నుంచి పాస్‌ అందుకున్న మరియా అద్భుత గోల్‌గా మలిచాడు. తొలి అర్ధభాగంలో అసలు ఫ్రాన్స్‌ ఆటగాళ్లు ఏం చేస్తున్నారో కూడా అర్థం కాని పరిస్థితి. పాస్‌లు సరిగా అందుకోలేకపోగా, కదలికల్లో కూడా వేగం లోపించింది.  రెండో అర్ధభాగంలో కూడా అర్జెంటీనా ఆట చూస్తే తామే వెనుకబడి ఉన్నామా అన్నట్లు అనిపించింది. మళ్లీ మళ్లీ అదే దూకుడుతో వారు ప్రత్యర్థిపై చెలరేగారు. అయితే నికోల్స్‌ పొరపాటుతో ఫ్రాన్స్‌కు పెనాల్టీ దక్కింది. దీనిని గోల్‌గా మలచిన ఎంబాపె తర్వాతి నిమిషంలో అద్భుత ఆటతో ఫీల్డ్‌ గోల్‌ నమోదు చేశాడు. మెస్సీ సేన బేలగా చూస్తూ ఉండిపోయింది. ఆ తర్వాత మాత్రం అర్జెంటీనా కాస్త తేరుకుంది. దాంతో అదనపు సమయం మొత్తం పోటాపోటీగా సాగింది. మెస్సీ, ఎంబాపె ఇద్దరూ తమ అత్యుత్తమ ఆటను ప్రదర్శిస్తూ చెరో గోల్‌తో మళ్లీ మ్యాచ్‌లో జీవం పోశారు. చివరకు పెనాల్టీ షూటౌట్‌ విశ్వవిజేతను తేల్చింది.   –సాక్షి క్రీడా విభాగం         

ఖతర్‌ వేదికగా జరిగిన ఫిఫా వరల్డ్‌కప్‌ను అర్జెంటీనా కైవసం చేసుకుంది. ఆదివారం ఫ్రాన్స్‌తో జరిగిన ఫైనల్లో అర్జెంటీనా పెనాల్టీ షూటౌట్‌లో 4-2 తేడాతో ఫ్రాన్స్‌ను మట్టికరిపించి మూడోసారి ఫిఫా టైటిల్‌ను సొంతం చేసుకుంది. ఇక అర్జెంటీనాకు తొలి రెండు వరల్డ్‌కప్‌లు సాధించడానికి కేవలం ఎనిమిది సంవత్సరాలు మాత్రమే పడితే.. మూడో టైటిల్‌ సాధించడానికి మాత్రం 36 సంవత్సరాల ఎదురుచూపులు తప్పలేదు.  అర్జెంటీనా 1978లో తొలిసారి ఫిఫా వరల్డ్‌‍కప్‌ను సాధించింది. అప్పట్లో నెదర్లాండ్స్‌తో జరిగిన ఫైనల్లో 3-1 తేడాతో నెగ్గిన అర్జెంటీనా విశ్వవిజేతగా నిలిచింది. తొలి వరల్డ్‌కప్‌లో అర్జెంటీనా నెగ్గడంలో మారియో కెంపెస్‌ది కీలకపాత్ర. ఇక 1986లో అర్జెంటీనా రెండోసారి ఫిఫా వరల్డ్‌కప్‌ నెగ్గిన సమయంలో డీగో మారడోనా అన్నీ తానై జట్టును  నడిపించాడు.  జర్మనీతో జరిగిన ఫైనల్లో అర్జెంటీనా 3-2 తేడాతో ఓడించి రెండోసారి విజేతగా అవతరించింది. ఇక మారడోనా తర్వాత అంతటి పేరును సంపాదించిన మెస్సీ నేతృత్వంలోని అర్జెంటీనా ముచ్చటగా మూడోసారి ఫిఫా వరల్డ్‌కప్‌ను సాధించింది. 2022లో ఫిఫా వరల్డ్‌కప్‌ ట్రోఫీని అందుకుంది. ఈతరం గొప్ప ఆటగాళ్లలో టాప్‌ పొజీషన్‌లో ఉన్న మెస్సీ తన కెరీర్‌లో ఎన్నో టైటిల్స్‌ సాధించినప్పటికి ఫిఫా వరల్డ్‌కప్‌ లేదన్న లోటు అలాగే మిగిలిపోయింది. తాజాగా మెస్సీ తన కలను నెరవేర్చుకున్నాడు. అన్నీ తానై జట్టును నడిపించిన మెస్సీ.. అర్జెంటీనా తరపున చివరి మ్యాచ్‌ ఆడడం.. తన చివరి మ్యాచ్‌లోనే ప్రతిష్టాత్మక ఫిఫా వరల్డ్‌కప్‌ టైటిల్‌ కొట్టడం అతనికి ఘనమైన వీడ్కోలు అని చెప్పొచ్చు. ఇక ఫుట్‌బాల్‌ బతికున్నంతవరకు మెస్సీ పేరు చిరస్థాయిగా నిలిచిపోతుందనడంలో సందేహం లేదు. The third nation to win a #FIFAWorldCup Final on penalties 🔥 Watch the 🤯 penalty shoot-out from #FRAARG 📽️#Qatar2022 #WorldsGreatestShow #FIFAWConJioCinema #FIFAWConSports18 pic.twitter.com/OwAIjHdqi7 — JioCinema (@JioCinema) December 18, 2022

అర్జెంటీనా సూపర్‌స్టార్‌ లియోనల్‌ మెస్సీ నిరీక్షణ ఫలించింది. మారడోనా లిగసీని ఈతరంలో కంటిన్యూ చేస్తూ ఫుట్‌బాల్‌లో అడుగుపెట్టిన మెస్సీ కెరీర్‌లో ఎన్నో టైటిల్స్‌, అవార్డులు కొల్లగొట్టాడు. అయినా కానీ ఫిఫా వరల్డ్‌కప్‌ కొట్టలేదన్న లోటు మాత్రం అలానే ఉండిపోయింది. 2014లో ఫిఫా వరల్డ్‌కప్‌ మెస్సీ చేతిలోకి వచ్చినట్లే వచ్చి చేజారిపోయింది. అయితే ఈసారి మాత్రం మెస్సీనే వరించింది. ఫిఫా వరల్డ్‌కప్‌ ఫైనల్‌.. అర్జెంటీనా తరపున చివరి మ్యాచ్‌ అని ప్రకటించిన మెస్సీ టైటిల్‌తో తన అంతర్జాతీయ కెరీర్‌కు వీడ్కోలు పలికాడు. మారడోనా తర్వాత తనను ఎందుకంత ఆరాధిస్తారనేది మెస్సీ మరోసారి నిరూపించాడు. ఇక మెస్సీ గెలవడం కోసమే ఈసారి ఫిపా వరల్డ్‌కప్‌ జరిగిందా అన్న అనుమానం రాకమానదు.  సౌదీ అరేబియాతో ఓటమి అర్జెంటీనాను పూర్తిగా మార్చివేసింది. ఆ ఓటమితో కుంగిపోని మెస్సీ అన్నీ తానై జట్టును నడిపించాడు. అక్కడి నుంచి మొదలైన మెస్సీ మాయాజాలం ఫైనల్‌ వరకు అజరామరంగా కొనసాగింది. జట్టు తరపున అత్యధిక గోల్స్‌ కొట్టడమే కాదు అత్యధిక అసిస్ట్‌లు చేసి విజయాల్లో కీలకపాత్ర పోషించాడు.  ఇక 2005లో అంతర్జాతీయ ఫుట్‌బాల్‌లో అడుగుపెట్టిన మెస్సీ 17 ఏళ్ల తర్వాత తన ఫిఫా వరల్డ్‌కప్‌ అందుకోవాలన్న కలను నిజం చేసుకున్నాడు. అంతేకాదు డీగో మారడోనా తర్వాత అర్జెంటీనాకు కప్‌ను అందించి మెస్సీ చరిత్ర సృష్టించాడు. ఫలితంగా తన వరల్డ్‌కప్‌ కలతో పాటు అర్జెంటీనా 36 ఏళ్ల నిరీక్షణకు ముగింపు పలికాడు. ఇక ఇప్పుడు మెస్సీ ఒక చరిత్ర. ఇన్నాళ్లు అర్జెంటీనా సూపర్‌స్టార్‌గా అభివర్ణించిన మెస్సీని ఇకపై దిగ్గజం అని పిలవాల్సిందే.. కాదు కాదు అలా పిలిపించుకోవడానికి అన్ని అర్హతలు సాధించాడు. ఈ తరానికి మెస్సీనే గోట్‌(GOAT) అని ఒప్పుకోవాల్సిందే. మెస్సీతో రొనాల్డోను పోల్చడం ఇకపై ఆపేస్తారేమో చూడాలి. ఇక ఖతర్‌ వేదికగా జరిగిన ఫిఫా వరల్డ్‌కప్‌ను అర్జెంటీనా కైవసం చేసుకుంది. ఆదివారం ఫ్రాన్స్‌తో జరిగిన ఉత్కంఠభరిత మ్యాచ్‌లో అర్జెంటీనా పెనాల్టీ షూటౌట్‌ ద్వారా ఫలితం అందుకుంది. నిర్ణీత, అదనపు సమయం ముగిసేలోగా ఇరుజట్లు 3-3తో సమంగా ఉండడంతో మ్యాచ్‌ పెనాల్టీ షూటౌట్‌కు దారి తీసింది. పెనాల్టీ షూటౌట్‌లో మెస్సీ సేన నాలుగు గోల్స్‌ కొట్టగా.. ఫ్రాన్స్‌ రెండో గోల్స్‌​కు మాత్రమే పరిమితమైంది. దీంతో ఫిఫా వరల్డ్‌కప్‌ 2022 విజేతగా అర్జెంటీనా అవతరించింది.2014లో ఆఖరి మెట్టుపై బోల్తా పడిన మెస్సీ సేన ఈసారి మాత్రం కప్పును ఒడిసిపట్టుకుంది. 🏆🏆🏆 The greatest coronation in the history of the #WorldsGreatestShow 💯#Messi guides @Argentina to their third #FIFAWorldCup title 🐐#ARGFRA #ArgentinavsFrance #Qatar2022 #FIFAWConJioCinema #FIFAWConSports18 pic.twitter.com/Tb6KfWndXa — JioCinema (@JioCinema) December 18, 2022 🎶 𝙈𝙐𝘾𝙃𝘼𝘼𝘼𝘾𝙃𝙊𝙊𝙊𝙎 🎶 pic.twitter.com/TVVt04TVMW — FIFA World Cup (@FIFAWorldCup) December 18, 2022 Lionel Messi with his mum after the game 🥰pic.twitter.com/mvIKQRYfXt — SPORTbible (@sportbible) December 18, 2022 The third nation to win a #FIFAWorldCup Final on penalties 🔥 Watch the 🤯 penalty shoot-out from #FRAARG 📽️#Qatar2022 #WorldsGreatestShow #FIFAWConJioCinema #FIFAWConSports18 pic.twitter.com/OwAIjHdqi7 — JioCinema (@JioCinema) December 18, 2022

వారెవ్వా ఏమి మ్యాచ్‌.. రెండు సింహాలు తలపడితే ఎవరిది పైచేయి అని చెప్పడం కష్టం. అచ్చం అలాంటిదే ఖతర్‌ వేదికగ జరిగిన ఫిఫా వరల్డ్‌కప్‌ ఫైనల్‌లో చోటుచేసుకుంది. మ్యాచ్‌లో క్షణక్షణానికి ఆధిక్యం చేతులు మారుతూ వచ్చింది. మ్యాచ్‌లో మెస్సీ సేన గోల్‌ కొట్టిన ప్రతీసారి తానున్నానంటూ ఎంబాపె దూసుకొచ్చాడు. ఒకరకంగా అర్జెంటీనాకు ఎంబాపె కొరకరాని కొయ్యగా తయరయ్యాడని చెప్పొచ్చు. ఆట 78వ నిమిషం వరకు కూడా మ్యాచ్‌ అర్జెంటీనా వైపే ఉంది. కానీ ఇక్కడే మ్యాచ్‌ అనూహ్య మలుపు తీసుకుంది. ఫ్రాన్స్‌ సూపర్‌ స్టార్‌ కైలియన్‌ ఎంబాపె ఆట 80వ నిమిషంలో పెనాల్టీ కిక్‌ను గోల్‌గా మలిచాడు. ఆ తర్వాత 81వ నిమిషంలో మరో గోల్‌ కొట్టడంతో ఒక్కసారిగా ఫ్రాన్స్‌ 2-2తో స్కోరును సమం చేసింది. నిర్ణీత సమయం ముగియడం.. ఆ తర్వాత మరో 30 నిమిషాల పాటు అదనపు సమయం కేటాయించారు. ఈసారి కూడా 3-3తో సమంగా నిలవడంతో మ్యాచ్‌ పెనాల్టీ షూటౌట్‌కు దారి తీసింది. పెనాల్టీ షూటౌట్‌లో మెస్సీ సేన నాలుగు గోల్స్‌ కొట్టగా.. ఫ్రాన్స్‌ రెండో గోల్స్‌​కు మాత్రమే పరిమితమైంది. దీంతో ఫిఫా వరల్డ్‌కప్‌ 2022 విజేతగా అర్జెంటీనా అవతరించింది. ఇక అర్జెంటీనా ఫిఫా ఛాంపియన్స్‌ కావడం ఇది మూడోసారి. ఇంతకముందు 1978, 1986లో విజేతగా నిలిచిన అర్జెంటీనా మళ్లీ 36 సంవత్సరాల నిరీక్షణ తర్వాత మెస్సీ నేతృత్వంలోని అర్జెంటీనా విజయం సాధించింది. Only the SECOND player ever to score hat-trick in a #FIFAWorldCup Final 👑 Will @KMbappe lead @FrenchTeam to successive 🏆?🤯 Watch the penalty shootout, LIVE on #JioCinema & #Sports18 📺📲#ARGFRA #Qatar2022 #WorldsGreatestShow #FIFAWConJioCinema #FIFAWConSports18 pic.twitter.com/iu1FuY3bxA — JioCinema (@JioCinema) December 18, 2022

Updates.. ► మెస్సీ మాయ.. అర్జెంటీనాదే వరల్డ్‌కప్‌  వారెవ్వా ఏమి మ్యాచ్‌.. క్షణక్షణానికి ఆధిక్యం చేతులు మారుతూ వచ్చింది. మెస్సీ గోల్‌ కొట్టిన ప్రతీసారి తానున్నానంటూ ఎంబాపె దూసుకొచ్చాడు. నిర్ణీత సమయం ముగిసింది.. అదనపు సమయం ముగిసేలోగా ఇరుజట్లు 2-2తో సమంగా నిలిచాయి. అయితే ఆ తర్వాత మరో 30 నిమిషాలు అదనపు సమయం కేటాయించారు. ఈసారి కూడా 3-3తో సమంగా నిలవడంతో మ్యాచ్‌ పెనాల్టీ షూటౌట్‌కు దారి తీసింది. పెనాల్టీ షూటౌట్‌లో మెస్సీ సేన నాలుగు గోల్స్‌ కొట్టగా.. ఫ్రాన్స్‌ రెండో గోల్స్‌​కు మాత్రమే కొట్టగలిగింది. దీంతో అర్జెంటీనా విశ్వవిజేతగా అవతరించింది.  The third nation to win a #FIFAWorldCup Final on penalties 🔥 Watch the 🤯 penalty shoot-out from #FRAARG 📽️#Qatar2022 #WorldsGreatestShow #FIFAWConJioCinema #FIFAWConSports18 pic.twitter.com/OwAIjHdqi7 — JioCinema (@JioCinema) December 18, 2022 #FIFAWorldCupFinal | Argentina celebrates after #FIFAWorldCup win 🔗 https://t.co/s26S2Q2R9Q Watch 🇦🇷 🆚 🇫🇷 LIVE on #JioCinema & @Sports18 📺📲#ArgentinaVsFrance #ARGFRA #Qatar2022 #FIFAWConJioCinema #FIFAWConSports18 pic.twitter.com/RHqWLAS2sH — Moneycontrol (@moneycontrolcom) December 18, 2022 ► ఫ్రాన్స్‌, అ‍ర్జెంటీనా మధ్య జరుగుతున్న ఫైనల్‌ మ్యాచ్‌ క్షణక్షణానికి చేతులు మారుతుంది. ఆట అదనపు సమయం 108 వ నిమిషంలో మెస్సీ గోల్‌ కొట్టి అర్జెంటీనాను ఆధిక్యంలోకి తెచ్చాడు. అయితే కొద్దిసేపటికే ఫ్రాన్స్‌కు లభించిన పెనాల్టీ కిక్‌ను ఎంబాపె మరోసారి సద్వినియోగం చేసుకున్నాడు. ఆట 118 వ నిమిషంలో పెనాల్టీ కిక్‌ను ఎంబాపె గోల్‌గా మలిచాడు. దీంతో ఇరుజట్ల స్కోర్లు మరోసారి సమం అయ్యాయి. ► అర్జెంటీనా, ఫ్రాన్స్‌ మధ్య జరుగుతున్న ఫిఫా వరల్డ్‌కప్‌ ఫైనల్‌ ఉత్కంఠగా కొనసాగుతుంది. నిర్ణీత సమయం ముగిసేలోగా ఇరుజట్లు 2-2తో సమంగా నిలిచాయి. అదనపు సమయంలోనూ ఎలాంటి గోల్స్‌ నమోదు కాలేదు. అయితే మరోసారి 30 నిమిషాలు అదనపు సమయం ఇచ్చారు. అందులోనూ ఫలితం రాకపోతే అప్పుడు పెనాల్టీ షూటౌట్‌ ద్వారా ఫలితం తేల్చనున్నారు. ► ఫ్రాన్స్‌ సూపర్‌స్టార్‌ కైలియన్‌ ఎంబాపె నిమిషం వ్యవధిలో మ్యాచ్‌ను మలుపు తిప్పాడు. ఆట 80వ నిమిషంలో తొలుత పెనాల్టీని గోల్‌గా మలిచిన ఎంబాపె.. మలి నిమిషం సహచర ఆటగాడు ఇచ్చిన పాస్‌ను చక్కగా వినియోగించుకున్న ఎంబాపె సూపర్‌ గోల్‌తో మెరిశాడు. దీంతో 2-2తో మ్యాచ్‌ను సమం చేసింది. ఫిఫా వరల్డ్‌కప్‌ కొట్టడానికి అర్జెంటీనా అడుగు దూరంలో ఉంది. తొలి అర్థభాగం ముగిసేసరికి ఫ్రాన్స్‌పై స్పష్టమైన ఆధిక్యం కనబరిచిన మెస్సీ బృందం 2-0తో ఆధిక్యంలో నిలిచింది. ఈ వరల్డ్‌కప్‌లో అర్జెంటీనాను అన్నీ తానై నడిపిస్తున్న మెస్సీ కీలకమైన ఫైనల్లో మరోసారి గోల్‌తో మెరిశాడు. ఆట 23వ నిమిషంలో అర్జెంటీనాకు లభించిన పెనాల్టీ కిక్‌ను మెస్సీ సద్వినియోగం చేసుకున్నాడు.  ఫ్రాన్స్‌ గోల్‌ కీపర్‌ను బోల్తా కొట్టిస్తూ సూపర్‌ గోల్‌తో మెరిసి ఈ వరల్డ్‌కప్‌లో తన గోల్స్‌ సంఖ్యను ఆరుకు పెంచుకున్నాడు. ఇక ఆట 36వ నిమిషంలో ఏంజెల్‌ డి మారియా మరో గోల్‌తో మెరవడంతో అర్జెంటీనా ఖాతాలో రెండో గోల్‌ వచ్చి చేరింది. ఇక రెండో అర్థభాగంలో ఫ్రాన్స్‌ను నిలువరిస్తే చాలు అర్జెంటీనాతో పాటు మెస్సీ కల నెరవేరినట్లే. Lusail witnesses the @Oficial7DiMaria MANIA 💥 The man for the BIG OCCASION with a splendid finish ⭐ Keep watching the #FIFAWorldCup Final ➡ LIVE on #JioCinema & #Sports18 📺📲#ARGFRA #ArgentinaVsFrance #Qatar2022 #FIFAWConJioCinema #FIFAWConSports18 pic.twitter.com/1S9SNBnsjq — JioCinema (@JioCinema) December 18, 2022 BIG BIG step towards the 🏆 dream 🙌🏻#Messi scores his 6️⃣th goal of #Qatar2022 & no better time than this 🔥 Can the @FrenchTeam strike back? Find out LIVE on #JioCinema & #Sports18 📺📲#ARGFRA #FIFAWorldCup #FIFAWConJioCinema #FIFAWConSports18 pic.twitter.com/Io6fyc2uRm — JioCinema (@JioCinema) December 18, 2022

ఖతర్‌ వేదికగా అర్జెంటీనా, ఫ్రాన్స్‌ మధ్య జరుగుతున్న ఫిఫా వరల్డ్‌కప్‌ ఫైనల్‌ పోరు ఆసక్తికరంగా సాగుతుంది. తొలి అర్థభాగంలోనే రెండు గోల్స్‌ సాధించిన అర్జెంటీనా ఫ్రాన్స్‌పై స్పష్టమైన ఆధిక్యం సాధించింది. ఈ వరల్డ్‌కప్‌లో అర్జెంటీనాను అన్నీ తానై నడిపిస్తున్న మెస్సీ కీలకమైన ఫైనల్లో మరోసారి గోల్‌తో మెరిశాడు. ఆట 36వ నిమిషంలో ఏంజెల్‌ డి మారియా మరో గోల్‌తో మెరవడంతో తొలి అర్థభాగం ముగిసేసరికి అర్జెంటీనా 2-0తో ఆధిక్యంలో నిలిచింది. ఇక పెనాల్టీలు కొట్టడంలో తనకు తానే సాటి అని మెస్సీ మరోసారి నిరూపించుకున్నాడు. ఆట 23వ నిమిషంలో ఫ్రాన్స్‌ గోల్‌కీపర్‌ను బోల్తా కొట్టిస్తూ మెస్సీ కొట్టిన పెనాల్టీ అద్భుతమనే చెప్పాలి. అయితే పెనాల్టీ కొట్టడానికి ముందు మెస్సీ కాస్త ఎమోషనల్‌ అయ్యాడు. మెస్సీ ఎందుకు ఎమోషనల్‌ అయ్యాడనేది ప్రత్యేకంగా చెప్పనవసరం లేదు. ఫిపా వరల్డ్‌కప్‌ ఫైనల్‌ అర్జెంటీనా తరపున చివరి మ్యాచ్‌ అని మెస్సీ ఇప్పటికే ప్రకటించిన సంగతి తెలిసిందే. ఫైనల్లో ఓడితే కప్‌ లేకుండానే మెస్సీ కెరీర్‌ ముగుస్తుంది. అందుకే పెనాల్టీ కొట్టడానికి ముందు అంత ఎమోషనల్‌ అయ్యాడు. ఇక పెనాల్టీని గోల్‌గా మలిచిన తర్వాత మెస్సీ సంతోషానికి అవదులు లేకుండా పోయాయి. ఇక అర్జెంటీనాకు గోల్‌ వచ్చిన తర్వాత స్టేడియం మొత్తం మెస్సీ నామస్మరణతో మార్మోగిపోయింది. BIG BIG step towards the 🏆 dream 🙌🏻#Messi scores his 6️⃣th goal of #Qatar2022 & no better time than this 🔥 Can the @FrenchTeam strike back? Find out LIVE on #JioCinema & #Sports18 📺📲#ARGFRA #FIFAWorldCup #FIFAWConJioCinema #FIFAWConSports18 pic.twitter.com/Io6fyc2uRm — JioCinema (@JioCinema) December 18, 2022

లియోనల్‌ మెస్సీ.. ప్రస్తుతం ఎవరి నోట విన్నా ఇదే పేరు. ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనా ఫైనల్‌ చేరినప్పటి నుంచి మెస్సీ జపం మరింత ఎక్కువైంది. ఈసారి ఫైనల్‌ మ్యాచ్‌ కేవలం మెస్సీ కోసమే చూస్తున్నవారు కోట్లలో ఉన్నారు. తన ఆటతీరుతో కోట్ల మంది అభిమానుల హృదయాలను గెలుచుకున్న మెస్సీకి ఇదే చివరి వరల్డ్‌కప్‌ కానుంది. అంతేకాదు ఫిఫా వరల్డ్‌కప్‌ ఫైనల్‌.. మెస్సీకి అర్జెంటీనా తరపున చివరి మ్యాచ్‌ కానుంది. అందుకే అభిమానులు ఈ మ్యాచ్‌ను ప్రతిష్టాత్మకంగా తీసుకుంటున్నారు. ఫైనల్‌ చేరిన మరో జట్టు ఫ్రాన్స్‌ అభిమానుల్లో మెజారిటి మెస్సీ సేన వరల్డ్‌కప్‌ గెలవాలని బలంగా కోరుకుంటుండడం విశేషం. మరి మెస్సీ అందరి అంచనాలను అందుకొని అర్జెంటీనాకు కప్‌ అందించి తన కలను నెరవేర్చుకుంటాడా లేదా అనేది మరికొద్ది గంటల్లో తేలిపోనుంది. మరోవైపు ఫ్రాన్స్‌ కూడా డిఫెండింగ్‌ ఛాంపియన్‌ హోదాలో బలంగా కనిపిస్తుంది. కైలియన్‌ ఎంబాపె ఆ జట్టుకు పెద్ద బలం. వరుసగా రెండో ఫిఫా వరల్డ్‌కప్‌ నెగ్గి బ్రెజిల్‌, ఇటలీ సరసన నిలవాలని ఫ్రాన్స్‌ భావిస్తోంది. ఇదిలా ఉంటే టైటిల్‌కు ఒక్క అడుగు దూరంలో ఉన్న మెస్సీని ఆరు రికార్డులు ఊరిస్తున్నాయి. తన కెరీర్‌లోనే అ‍త్యున్నత ఫామ్‌ను కనబరుస్తున్న మెస్సీ ఈ వరల్డ్‌కప్‌లో ఇప్పటివరకు ఐదు గోల్స్‌ చేశాడు. ప్రీ క్వార్టర్స్‌లో ఆస్ట్రేలియాతో మ్యాచ్‌ మెస్సీకి 1000వ మ్యాచ్‌. తాజాఆ ఫైనల్‌ మ్యాచ్‌ ఆడితే ఒక రికార్డు.. గోల్‌ కొడితే మరొక రికార్డు.. ఇలా అన్ని రికార్డులు ఒక్క మ్యాచ్‌తోనే ముడిపడి ఉన్నాయి. మరి మెస్సీని ఊరిస్తున్న ఆ ఆరు రికార్డులు ఏంటనేది ఇప్పుడు పరిశీలిద్దాం. వరల్డ్‌కప్‌లో అత్యధిక విజయాలు సాధించిన ఆటగాడిగా.. ఫిఫా వరల్డ్‌కప్స్‌లో మెస్సీ ఒక ఆటగాడిగా ఇప్పటివరకు 16 విజయాలు అందుకున్నాడు. ఒకవేళ ఫైనల్‌లో అర్జెంటీనా నెగ్గితే మెస్సీ ఖాతాలో 17వ విజయం అవుతుంది. ఈ నేపథ్యంలో ఫిఫా వరల్డ్‌కప్స్‌లో అత్యధిక మ్యాచ్‌ల్లో విజయాలు అందుకున్న ఆటగాడిగా మెస్సీ.. జర్మనీ లెజెండరీ ప్లేయర్‌ మిరాస్లోవ్‌ క్లోస్‌ సరసన నిలవనున్నాడు. మిరాస్లోవ్‌ క్లోస్‌ తన కెరీర్‌లో ఫిఫా వరల్డ్‌కప్స్‌లో 17 విజయాలు అందుకున్నాడు. అత్యధిక మ్యాచ్‌ల్లో పాల్గొన్న ఆటగాడిగా.. ఫ్రాన్స్‌తో జరగనున్న ఫైనల్‌ మ్యాచ్‌ మెస్సీకి ఫిఫా వరల్డ్‌కప్స్‌లో 26వ మ్యాచ్‌ కానుంది. ఈ నేపథ్యంలో జర్మనీ ఆటగాడు లోథర్‌ మాథ్యూస్‌ రికార్డును మెస్సీ బద్దలు కొట్టనున్నాడు. లోథర్‌ మాథ్యూస్‌ ఫిఫా వరల్డ​్‌కప్స్‌లో జర్మనీ తరపున 25 మ్యాచ్‌లు ఆడాడు. తాజాగా ఫ్రాన్స్‌తో ఫైనల్‌ మ్యాచ్‌ ద్వారా మెస్సీ.. ఫిఫా వరల్డ​్‌కప్స్‌లో అత్యధిక మ్యాచ్‌లు ఆడిన ఆటగాడిగా నిలవనున్నాడు. వరల్డ్‌కప్‌లో అత్యధిక నిమిషాలు ఆడిన ఆటగాడిగా.. ఫిఫా వరల్డ​్‌కప్స్‌ చరిత్రలో అత్యధిక నిమిషాలు మ్యాచ్‌లో గడిపిన ఆటగాడిగా ఇటలీ దిగ్గజం పాలో మల్దినీ తొలి స్థానంలో ఉన్నాడు. పాలో మల్దిని 2217 నిమిషాల పాటు మైదానంలో గడిపాడు. ఇక మెస్సీ ఇప్పటివరకు 2197 నిమిషాలతో రెండో స్థానంలో ఉన్నాడు మెస్సీకి, పాలో మల్దినీకి మధ్య వ్యత్యాసం కేవలం 23 నిమిషాలు మాత్రమే ఉంది. తాజాగా ఫ్రాన్స్‌తో జరగనున్న ఫైనల్లో మెస్సీ ఈ రికార్డును కూడా బద్దలు కొట్టే అవకాశం ఉంది. అత్యధిక అసిస్ట్‌లు చేసిన ఆటగాడిగా.. మెస్సీ ఇప్పటివరకు ఫిఫా వరల్డ్‌కప్స్‌లో తొమ్మిది అసిస్ట్‌లు చేశాడు. ప్రస్తుతం బ్రెజిల్‌ దిగ్గజం పీలే పది అసిస్ట్‌లతో తొలి స్థానంలో ఉన్నాడు. ఒకవేళ ఫ్రాన్స్‌తో ఫైనల్లో మెస్సీ ఇతర ఆటగాళ్లు గోల్స్‌ చేయడంలో రెండు అసిస్ట్‌ ఇవ్వగలిగితే పీలే రికార్డు బ్రేక్‌ చేసి తాను మొదటి స్థానంలో నిలిచే అవకాశం ఉంది. మల్టిపుల్‌ గోల్డెన్‌ బాల్‌ అవార్డ్స్‌.. 2014 ఫిఫా వరల్డ్‌కప్‌లో మెస్సీ తొలిసారి గోల్డెన్‌ బాల్‌ అవార్డు గెలుచుకున్నాడు. ఒక వరల్డ్‌కప్‌లో బెస్ట్‌ ఆల్‌రౌండ్‌ ప్రదర్శన చేసిన ఆటగాడికి గోల్డెన్‌ బాల్‌ అవార్డు అందిస్తారు. ఈసారి వరల్డ్‌కప్‌లోనూ మెస్సీ సూపర్‌ ఫామ్‌లో ఉండడం అతనికి గోల్డెన్‌ బాల్‌ దక్కే అవకాశం ఉంది. ఒకవేళ మెస్సీ గోల్డెన్‌ బాల్‌ గెలుచుకుంటే.. ఫిఫా టోర్నీ చరిత్రలో రెండుసార్లు గోల్డెన్‌ బాల్‌ గెలుచుకున్న తొలి ప్లేయర్‌గా మెస్సీ చరిత్ర సృష్టించనున్నాడు. అయితే ఈ అవార్డు కోసం మెస్సీతో ఫ్రాన్స్‌ సూపర్‌స్టార్‌ ఎంబాపె పోటీలో ఉన్నాడు. ఏకకాలంలో గోల్డెన్‌ బాల్‌, గోల్డెన్‌ బూట్‌ అందుకునే అవకాశం.. ఫిఫా వరల్డ్‌కప్స్‌లో అత్యధిక గోల్‌ చేసిన ఆటగాడికి ఇచ్చే అవార్డు గోల్డెన్‌ బూట్‌. ఈసారి ఈ అవార్డుకు మెస్సీతో పాటు ఫ్రాన్స్‌ సూపర్‌ స్టార్‌ కైలియన్‌ ఎంబాపె కూడా పోటీ పడుతున్నాడు. ఇద్దరు చెరో ఐదు గోల్స్‌తో ఉన్నారు. ఇక ఫైనల్లో వీరిద్దరిలో ఎవరు ఎక్కువ గోల్స్‌ చేస్తే వారికే గోల్డెన్‌ బూట్‌ దక్కుతుంది. ఇక ఏకకాలంలో గోల్డెన్‌ బూట్‌తో పాటు గోల్డెన్‌ బాల్‌ అవార్డు దక్కించుకునే అవకాశం మెస్సీతో పాటు ఎంబాపెకు ఉంది. మెస్సీ లేదా ఎంబాపెలలో ఎవరు దక్కించుకున్నా ఫిఫా చరిత్రలో ఎనిమిదో ఆటగాడిగా చరిత్రకెక్కనున్నారు. ఇంతకముందు లియోనిదాస్‌ సిల్వా(1938), గారించా(1962), రొనాల్డో(1998), పాలో రోసి(1982), సాల్వటోర్‌ సిలాచి(1990), మారియో కెంప్‌(1978) ఏకకాలంలో గోల్డెన్‌ బాల్‌, గోల్డెన్‌ బూట్‌ అవార్డును కొల్లగొట్టారు.  అత్యధిక గోల్స్‌ కాంట్రిబ్యూషన్స్‌.. మెస్సీ ఇంతవరకు ఫిఫా వరల్డ్‌కప్స్‌లో 20 గోల్స్‌ కాంట్రిబ్యూషన్‌లో పాల్గొన్నాడు. ఇందులో పదకొండు గోల్స్‌తో పాటు తొమ్మిది అసిస్ట్‌లు ఉన్నాయి. బ్రెజిల్‌ దిగ్గజం పీలే 22 గోల్స్‌ కాంట్రిబ్యూషన్‌తో(12 గోల్స్‌, 10 అసిస్ట్‌లు) తొలి స్థానంలో ఉన్నాడు. ఇవాళ ఫ్రాన్స్‌తో జరిగే ఫైనల్‌ ద్వారా మెస్సీ.. పీలే రికార్డును సమం చేయడమో లేక బద్దలు కొట్టే అవకాశం ఉంది. చదవండి: FIFA WC Final: ప్రైజ్‌మనీ.. విన్నర్‌కు ఎంత ; రన్నరప్‌కు ఎంత? చివరిసారిగా అందాల ప్రదర్శన.. లుకా మోడ్రిక్‌ కోసం

ప్రపంచవ్యాప్తంగా కోట్లాది మంది ఎదురుచూస్తున్న ఫిఫా వరల్డ్‌కప్‌ ఫైనల్‌ మరికొద్ది గంటల్లో ప్రారంభం కానుంది. డిఫెండింగ్‌ చాంపియన్‌ ఫ్రాన్స్‌తో.. మెస్సీ నేతృత్వంలోని అర్జెంటీనా అమితుమీ తేల్చుకోనుంది. వరుసగా రెండోసారి వరల్డ్‌కప్‌ సాధించి ఇటలీ, బ్రెజిల్‌ సరసన నిలవాలని ఫ్రాన్స్‌ అనుకుంటే.. అర్జెంటీనా మాత్రం మెస్సీ కోసమైన టైటిల్‌ గెలవాల్సిన అవసరం ఉంది. అన్నీ తానై జట్టును నడిపిస్తున్న మెస్సీనే జట్టుకు పెద్ద బలం. ఫిఫా వరల్డ్‌కప్‌ ఫైనల్‌.. మెస్సీకి అర్జెంటీనా తరపున చివరి మ్యాచ్‌ కానున్న సంగతి తెలిసిందే. అందుకే ఫైనల్లో గెలిచి మెస్సీకి కప్‌ అందించి ఘనమైన వీడ్కోలు ఇ‍వ్వాలని అర్జెంటీనా కోరుకుంటుంది.  ఈ సంగతి పక్కనబెడితే.. ఫిఫా ఛాంపియన్స్‌గా నిలిచే జట్టు ఎంత ప్రైజ్‌మనీ అందుకుంటుంది.. అదే విధంగా రన్నరప్‌గా నిలిచే జట్టు ఎంత సొంతం చేసుకుంటుదనేది ఆసక్తికరంగా మారింది. ఇప్పటికే మూడోస్థానం కోసం జరిగిన ప్లే ఆఫ్‌ మ్యాచ్‌లో మొరాకోపై గెలిచిన క్రొయేషియా రూ. 225 కోట్ల ప్రైజ్‌మనీ సొంతం చేసుకుంది. ఇక నాలుగో స్థానంలో నిలిచిన మొరాకో జట్టు రూ.206 కోట్లు అందుకుంది. మూడో ప్లేస్‌లో ఉన్న జట్టుకే పెద్ద మొత్తం వచ్చిందంటే.. ఇక తొలి రెండు స్థానాల్లో నిలిచిన రెండు జట్లకు కళ్లు చెదిరే మొత్తం లభించడం గ్యారంటీ. ఇక ఫిఫా వరల్డ్‌కప్‌ 2022 టైటిల్‌ విజేత రూ.368 కోట్ల ప్రైజ్‌మనీ కొల్లగొట్టనుంది. అదే సమయంలో రన్నరప్‌గా నిలిచిన జట్టు రూ. 249 కోట్లు సొంతం చేసుకోనుంది. ఇక క్వార్టర్‌పైనల్స్‌లో వెనుదిరిగిన బ్రెజిల్‌,నెదర్లాండ్స్‌, పోర్చుగల్‌, ఇంగ్లండ్‌లకు రూ.141 కోట్ల ప్రైజ్‌మనీ దక్కనుంది. రౌండ్‌ ఆఫ్‌ 16లో వెనుదిరిగిన అమెరికా, జపాన్‌, స్పెయిన్‌, సెనెగల్‌, పోలాండ్‌, ఆస్ట్రేలియా, స్విట్జర్లాండ్‌, సౌత్‌ కొరియాలకు రూ.107 కోట్ల ప్రైజ్‌మనీ అందనుంది. ఇక లీగ్‌ దశలో వెనుదిరిగిన జట్లకు రూ. 75 కోట్ల ప్రైజ్‌మనీ సొంతం చేసుకోనున్నాయి. చదవండి: చివరిసారిగా అందాల ప్రదర్శన.. లుకా మోడ్రిక్‌ కోసం 'మెస్సీ కల నెరవేరాలి.. అప్పుడే మనస్పూర్తిగా నవ్వగలను'

దోహా: ఎనిమిదేళ్ల క్రితం ప్రపంచకప్‌ అందినట్టే అంది చేజారిన క్షణం ఇప్పటికీ అర్జెంటీనా కెప్టెన్‌ లయనెల్‌ మెస్సీకి గుర్తుండే ఉంటుంది. ఎనిమిదేళ్ల తర్వాత ప్రపంచకప్‌ను ముద్దాడే అవకాశం మళ్లీ మెస్సీ ముంగిట వచ్చింది. ఈరోజు జరిగే ప్రపంచకప్‌ ఫైనల్‌ తన అంతర్జాతీయ కెరీర్‌లో అర్జెంటీనా తరఫున చివరి మ్యాచ్‌ కాబోతుందని ఇప్పటికే ప్రకటించిన 35 ఏళ్ల మెస్సీ ఈ తుది సమరాన్ని చిరస్మరణీయం చేసుకోవాలని పట్టుదలతో ఉన్నాడు. పేరుకు అర్జెంటీనా–ఫ్రాన్స్‌ జట్ల మధ్య సాకర్‌ ప్రపంచకప్‌ ఫైనల్‌ అంటున్నా... దీనిని మెస్సీ, ఫ్రాన్స్‌ మధ్య పోరుగానే అభివర్ణించాల్సి ఉంటుంది. తటస్థ అభిమానులందరూ అర్జెంటీనా గెలిచి మెస్సీ తన కెరీర్‌ను ఘనంగా ముగించాలని కోరుకుంటున్నా... అత్యంత పటిష్టంగా ఉన్న ఫ్రాన్స్‌ మెస్సీ కల కలగానే మిగిలిపోవాలనే లక్ష్యంతో పోరాటం చేస్తుందనడంలో ఎలాంటి సందేహం అక్కర్లేదు.   అంతా తానై... టైటిల్‌ ఫేవరెట్స్‌లో ఒకటిగా ఖతర్‌కు వచ్చిన అర్జెంటీనాకు తొలి మ్యాచ్‌లో సౌదీ అరేబియా చేతిలో అనూహ్య ఓటమి ఎదురైంది. దాంతో మెస్సీపైనే కాకుండా అర్జెంటీనా జట్టు సత్తాపై అందరికీ సందేహం కలిగింది. అయితే కెప్టెన్‌గా మెస్సీ రెండో మ్యాచ్‌ నుంచి అంతా తానై జట్టును ముందుండి నడిపించాడు. మెరుపు కదలికలతో ప్రత్యర్థి డిఫెండర్లను బోల్తా కొట్టిస్తూ ఐదు గోల్స్‌ చేయడంతోపాటు సహచరులు గోల్స్‌ చేయడానికి తోడ్పడ్డాడు. ముఖ్యంగా క్రొయేషియాతో జరిగిన సెమీఫైనల్లో మెస్సీ విశ్వరూపం ప్రదర్శించాడు. ఆ మ్యాచ్‌లో మెస్సీ మ్యాజిక్‌తోనే అర్జెంటీనా మూడో గోల్‌ చేయగలిగింది. క్రొయేషియా డిఫెండర్‌ గ్వార్డియోల్‌ ఎంత వెంటపడ్డా మెస్సీ తన పాదరసంలాంటి కదలికలతో అతడిని తప్పిస్తూ సహచరుడు అల్వారెజ్‌కు అందించిన పాస్, క్షణాల్లో నమోదైన గోల్‌ను ఎప్పటికీ మర్చిపోలేము. అయితే ఫ్రాన్స్‌తో జరిగే ఫైనల్‌ను అర్జెంటీనా కెప్టెన్‌ మెస్సీతోపాటు అతడి సహచరులు తేలిగ్గా తీసుకునే అవకాశం లేదు. ఏమాత్రం నిర్లక్ష్యంగా ఆడినా తమ నుంచి ట్రోఫీ మరోసారి చేజారిపోతుందని అర్జెంటీనాకు తెలుసు. మెస్సీతోపాటు ఈ టోర్నీలో నాలుగు గోల్స్‌ చేసిన అల్వారెజ్, ఎంజెల్‌ డి మారియా, రోడ్రిగో డి పాల్, ఎంజో ఫెర్నాండెజ్, గోల్‌కీపర్‌ మార్టినెజ్‌ రాణించాల్సి ఉంటుంది. ఈ నేపథ్యంలో అర్జెంటీనా ఆద్యంతం పకడ్బందీగా ఆడి ట్రోఫీని అందుకుంటుందా లేక ఆఖరి మెట్టుపై తడబడి నాలుగోసారి ట్రోఫీని చేజార్చుకుంటుందో మరికొన్ని గంటల్లో తేలిపోతుంది.   ఎంబాపె ఒక్కడే కాదు... అర్జెంటీనా విజయావకాశాలు మెస్సీ ఆటపై ఆధారపడి ఉండగా... ఫ్రాన్స్‌ మాత్రం ఒకరిద్దరిపై ఆధారపడకుండా సమష్టి ఆటతో ఫైనల్‌కు చేరుకుంది. 23 ఏళ్ల కిలియాన్‌ ఎంబాపె ఐదు గోల్స్‌తో అదరగొట్టగా... 36 ఏళ్ల ఒలివియర్‌ జిరూడ్‌ నాలుగు గోల్స్‌తో మెరిపించాడు. థియో హెర్నాండెజ్, చువమెని, రాన్‌డల్, రాబియోట్‌ ఒక్కో గోల్‌ చేయగా... గ్రీజ్‌మన్‌ గోల్స్‌ చేయకున్నా సహచరులు గోల్స్‌ చేయడానికి తోడ్పడ్డాడు. గోల్‌కీపర్, కెప్టెన్‌ హుగో లోరిస్‌ ఏకంగా 53 సార్లు గోల్స్‌ కాకుండా అడ్డుగోడలా నిలబడ్డాడు. 1998లో తొలిసారి విశ్వవిజేతగా నిలిచిన ఫ్రాన్స్‌ జట్టులో సభ్యుడిగా ఉన్న దీదీర్‌ డెషాంప్స్‌... కోచ్‌గా మారి 2018లో ఫ్రాన్స్‌కు రెండోసారి ప్రపంచ కప్‌ను అందించాడు. ఈ నేపథ్యంలో అత్యంత పటిష్టంగా కనిపిస్తున్న ఫ్రాన్స్‌ జట్టుకు మరోసారి గెలవాలంటే ఎలా ఆడాలో తెలుసు కాబట్టి నేటి ఆఖరి సమరం రంజుగా సాగుతుందని కచ్చితంగా చెప్పవచ్చు.    6: అర్జెంటీనాకిది ఆరో ప్రపంచకప్‌ ఫైనల్‌. 1978, 1986లలో విజేతగా నిలిచిన అర్జెంటీనా 1930, 1990, 2014లలో రన్నరప్‌గా నిలిచింది. నేటి ఫైనల్లో అర్జెంటీనా ఓడిపోతే అత్యధిక సార్లు ఫైనల్లో ఓడిపోయిన జట్టుగా జర్మనీ (4 సార్లు) పేరిట ఉన్న రికార్డును సమం చేస్తుంది. 4: ఫ్రాన్స్‌ జట్టుకిది నాలుగో ప్రపంచకప్‌ ఫైనల్‌. 1998, 2018లలో టైటిల్‌ నెగ్గిన ఫ్రాన్స్‌ 2006లో రన్నరప్‌గా నిలిచింది.   3: నేటి ఫైనల్లో ఫ్రాన్స్‌ గెలిస్తే ఇటలీ (1930, 1934), బ్రెజిల్‌ (1958, 1962) జట్ల తర్వాత వరుసగా రెండుసార్లు ప్రపంచకప్‌ గెలిచిన మూడోజట్టుగా చరిత్ర సృష్టిస్తుంది. 4: ప్రపంచకప్‌ చరిత్రలో ఫ్రాన్స్, అర్జెంటీనా జట్ల మధ్య జరగనున్న నాలుగో మ్యాచ్‌ ఇది. 1930లో అర్జెంటీనా 1–0తో... 1978లో అర్జెంటీనా 2–1తో ఫ్రాన్స్‌పై గెలిచింది. 2018 ప్రిక్వార్టర్‌ ఫైనల్లో ఫ్రాన్స్‌ 4–3తో అర్జెంటీనాను ఓడించింది.   10: దక్షిణ అమెరికా జట్లతో జరిగిన గత 10 ప్రపంచకప్‌ మ్యాచ్‌ల్లో ఫ్రాన్స్‌ ఓడిపోలేదు. ఆరు మ్యాచ్‌ల్లో గెలిచి, నాలుగు మ్యాచ్‌లను ‘డ్రా’ చేసుకుంది. చివరిసారి దక్షిణ అమెరికా జట్టు చేతిలో ఫ్రాన్స్‌ ఓడిపోవడం 1978లో (అర్జెంటీనా చేతిలో 1–2తో) జరిగింది. 11: దక్షిణ అమెరికా, యూరోప్‌ ఖండాలకు చెందిన దేశాల మధ్య జరగనున్న 11వ ప్రపంచకప్‌ ఫైనల్‌ మ్యాచ్‌ ఇది. ఏడుసార్లు దక్షిణ అమెరికా జట్లకు టైటిల్‌ లభించగా... మూడుసార్లు యూరోప్‌ జట్ల ఖాతాలో టైటిల్‌ చేరింది.    

ఖతర్‌ వేదికగా జరుగుతున్న ఫిఫా వరల్డ్‌కప్‌ తుది అంకానికి చేరుకుంది. డిసెంబర్‌ 18న(ఆదివారం) అర్జెంటీనా, ఫ్రాన్స్‌ మధ్య తుది సమరం జరగనుంది. టైటిల్‌ సాధించి మెస్సీ తన కలను నెరవేర్చుకుంటాడా లేక డిఫెండింగ్‌ ఛాంపియన్‌ ఫ్రాన్స్‌ వరుసగా రెండోసారి వరల్డ్‌కప్‌ను నిలబెట్టుకుంటుందా అనేది చూడాలి. ఇక అర్జెంటీనా జట్టును మెస్సీ అన్ని తానై నడిపిస్తున్నాడు. కెరీర్‌లోనే అత్యున్నత ఫామ్‌లో ఉన్న మెస్సీ ఈ వరల్డ్‌కప్‌లో ఇప్పటివరకు ఐదుగోల్స్‌ కొట్టి గోల్డెన్‌ బైట్‌ అవార్డు రేసులో ఉన్నాడు. అయితే మెస్సీ ఇంత సక్సెస్‌ కావడం వెనుక ఒక​ వ్యక్తి ఉన్నాడు అదెవరో తెలుసా.. లియోనల్‌ స్కలోని. అర్జెంటీనా కోచ్‌గా లియోనల్‌ స్కలోని జట్టును అద్బుతంగా నడిపిస్తున్నాడు. కోచ్‌గా మంచి ఆఫర్స్‌ వచ్చినప్పటికి మెస్సీ సారధ్యంలోని అర్జెంటీనా ఎలాగైనా ఫిఫా వరల్డ్‌కప్‌ కొట్టాలని ఆశపడుతున్నాడు. స్కలోని తన కలను నెరవేర్చుకునే పనిలోనే ఉన్నాడు. ఇక ఫ్రాన్స్‌తో జరిగే ఆఖరి సమరంలో గెలిచి అర్జెంటీనాను విశ్వవిజేతగా నిలవాలని కోరుకుంటున్నాడు. గతేడాది మెస్సీ సేన కోపా అమెరికా కప్‌ కొట్టడంలోనూ లియోనల్‌ స్కలోనీ కీలకపాత్ర పోషించాడు. అయితే స్కలోని గురించి తాజాగా ఒక ఆసక్తికర విషయం బయటపడింది. అదేంటంటే.. అర్జెంటీనా ఒక్కో అడుగు వేస్తూ ఫైనల్‌కు చేరుకున్న సందర్భంలో స్కలోని ఒక్కసారి కూడా నవ్వలేదట. ఇక క్రొయేషియాతో జరిగిన సెమీఫైనల్లో మెస్సీ ఆటకు ఎవరైనా ఫిదా అవ్వాల్సిందే. ఒక గోల్‌ కొట్టడమే గాక.. మూడు అసిస్ట్‌లు అందించి మరో రెండు గోల్స్‌ కొట్టడంలో మెస్సీదే కీలకపాత్ర. మెస్సీ అంటే ఎంతో అభిమానం చూపించే స్కలోని.. అతను అంత బాగా ఆడుతున్నా ఒక్కసారి కూడా నవ్వలేదు. అయితే మ్యాచ్‌ గెలిచిన తర్వాత మెస్సీని హగ్‌ చేసుకొని స్కలోని ఏడ్చేశాడు. అయితే స్కలోని నవ్వకపోవడం వెనుక ఒక కారణం ఉంది.  అర్జెంటీనా టైటిల్‌ కొట్టే వరకు తాను నవ్వలేనని లియోనల్‌ స్కలోని పేర్కొన్నాడు. తాను నవ్వితే అర్జెంటీనా ఎక్కడా ఓడిపోయి ఇంటికి వస్తుందేమోనని భయపడ్డాడు. మెస్సీ బృందం కప్‌ అందుకోవాలనే కోరిక నెరవేరిన తర్వాతే తాను మనస్పూర్తిగా నవ్వగలను అంటూ స్కలోని తన మనసులోని మాటను బయటపెట్టాడు. చదవండి: దిగ్గజాలకే సాధ్యం కాలేదు.. మెస్సీ ముంగిట అరుదైన రికార్డు FIFA: అర్జెంటీనాదే వరల్డ్‌కప్‌.. గత రికార్డులు ఏం చెబుతున్నాయంటే!

ఖతర్‌ వేదికగా జరుగుతున్న ఫిఫా వరల్డ్‌కప్‌ ఆఖరి అంకానికి చేరుకుంది. డిసెంబర్‌ 18న అర్జెంటీనా, ఫ్రాన్స్‌ మధ్య జరగనున్నఫైనల్‌తో మెగా టోర్నీ ముగియనుంది. ఈ నేపథ్యంలో ఫుట్‌బాల్‌ అభిమానుల కళ్లన్నీ అర్జెంటీనా సూపర్‌స్టార్‌ లియోనల్‌ మెస్సీపైనే నెలకొన్నాయి. తన కెరీర్‌లో అత్యున్నత ఫామ్‌లో ఉన్న మెస్సీ ఫిఫా వరల్డ్‌కప్‌ ఫైనల్‌ తన దేశం తరపున చివరి మ్యాచ్‌ అని ఇప్పటికే ప్రకటించాడు. అంతేకాదు ఈసారి వరల్డ్‌కప్‌లో ఐదు గోల్స్‌ కొట్టడమే గాక సూపర్‌ అసిస్ట్స్‌తోనూ జట్టు విజయాల్లో కీలకపాత్ర పోషించాడు. మారడోనా తర్వాత ఆ లిగసీని కంటిన్యూ చేస్తున్న మెస్సీ ఎలాగైన ఫిఫా వరల్డకప్‌ కొట్టాలని కోరుకుందాం.  అయితే అర్జెంటీనా ఫైనల్‌ చేరిన క్రమంలో భారత్‌కు చెందిన ఎస్‌బీఐ (స్టేట్‌ బ్యాంక్‌ ఆఫ్‌ ఇండియా)కు చెందిన పాస్‌బుక్‌ ట్విట్టర్‌ ట్రెండింగ్‌ లిస్టులో నిలిచింది. అదేంటి అర్జెంటీనాతో ఎస్‌బీఐ పాక్‌బుక్‌కు సంబంధం ఏంటని ఆశ్చర్యపోతున్నారా. ట్రెండింగ్‌లో నిలవడానికి  కారణం ఏంటంటే అర్జెంటీనా, ఎస్‌బీఐ పాస్‌ బుక్‌ రంగు ఒకటి కావడమే. అర్జెంటీనా జెర్సీ లైట్‌ బ్లూ, వైట్‌ కలర్స్‌తో నిలువు చెక్స్‌తో ఉంటుంది. ఇక ఎస్‌బీఐ పాస్‌బుక్‌ అవే కలర్స్‌తో అడ్డంగా ఉంటుంది. దీనిని దృష్టిలో ఉంచుకొని భారత్‌కు చెందిన ఫుట్‌బాల్‌ ఫ్యాన్స్‌ ఎస్‌బీఐ పాస్‌బుక్‌ను సోషల్‌ మీడియాలో షేర్‌ చేసి #Win Argentina హ్యాష్‌టాగ్‌ను జత చేశారు. ఇక ఫైనల్‌ మ్యాచ్‌ నేపథ్యంలో ప్రస్తుతం ఎస్‌బీఐ పాస్‌బుక్‌ ఫొటోలు ట్విటర్‌లో వైరల్‌గా మారింది.  SBI's lunch time = Argentina's Whole Match https://t.co/u2kt12FyRX — Harshad (@_anxious_one) December 15, 2022 Reason why Indians support Argentina Indians feel if Argentina loose they will loose all their money 😉#India #FIFAWorldCup #GOAT𓃵 #FIFAWorldCupQatar2022 #Argentina #WorldCup2022 #WorldCup #finale #mumbai #Delhi #Kerala #TamilNadu #Karnataka #Bengaluru #SBI #Bank pic.twitter.com/CTi7TW5X3Y — We want United India 🇮🇳 (@_IndiaIndia) December 15, 2022 State Bank of India (SBI) is also supporting Argentina 😆#FIFA #FIFAWorldCupQatar2022 #FIFAWorldCup2022 #ArgentinaVsFrance #Argentina @TheOfficialSBI pic.twitter.com/4gRYXItziq — Maghfoor Ahmad (@maghfoormalkana) December 15, 2022 చదవండి: Lionel Messi: దిగ్గజాలకే సాధ్యం కాలేదు.. మెస్సీ ముంగిట అరుదైన రికార్డు

అర్జెంటీనా సూపర్‌స్టార్‌ లియోనల్‌ మెస్సీ ఫిఫా వరల్డ్‌కప్‌ టైటిల్‌ కలను నెరవేర్చుకుంటాడా?.. ఇప్పుడు సగటు ఫిఫా అభిమాని మదిలో మెదులుతున్న ప్రశ్న. వీటన్నింటికి సమాధానం మరో రెండు రోజుల్లో దొరుకుతుంది. అప్పటివరకు ఓపికగా ఎదురుచూడాల్సిందే. డిసెంబర్‌ 18న ఫ్రాన్స్‌, అర్జెంటీనా మధ్య ఫిఫా వరల్డ్‌కప్‌ 2022 ఫైనల్‌ జరగనుంది. దాదాపు నెలరోజులుగా అభిమానులను ఉర్రూతలూగిస్తున్న సాకర్‌ సమరానికి ఈ మ్యాచ్‌తో తెరపడనుంది. మరి మెస్సీ టైటిల్‌ కొట్టాలన్న తన కలను నెరవేర్చుకుంటాడా లేదా అన్నది వేచి చూడాలి. అయితే ఇదే ఫైనల్‌ మ్యాచ్‌లో మెస్సీ ముంగిట మరో అరుదైన రికార్డు ఎదురుచూస్తుంది. ఈ వరల్డ్‌కప్‌లో మెస్సీ ఇప్పటివరకు ఐదు గోల్స్‌ కొట్టాడు. ఎక్కువ గోల్స్‌ ఎవరికి కొడితే వారికి గోల్డెన్‌ బూట్‌ అవార్డు ఇస్తారు. ఈ అవార్డు రేసులో మెస్సీతో పాటు కైలియన్‌ ఎంబాపె పోటీ పడుతున్నాడు. అయితే మెస్సీకి మాత్రమే సాధ్యమయ్యే మరో రికార్డు ఎదురుచూస్తుంది. అదేంటంటే వరల్డ్‌కప్‌లో ఎక్కువ గోల్స్‌ కొట్టడంతో పాటు ఎక్కువ అసిస్ట్‌లు ఇచ్చిన ఆటగాడిగా నిలిచే అవకాశం మెస్సీ ముంగిట ఉంది.  ఒకవేళ ఫ్రాన్స్‌తో జరిగే ఫైనల్లో గోల్స్‌తో పాటు అసిస్ట్‌ చేస్తే మాత్రం అత్యధిక గోల్స్‌తో పాటు అత్యధిక అసిస్ట్‌లు చేసిన తొలి ఆటగాడిగా మెస్సీ చరిత్ర సృష్టించనున్నాడు. ఇప్పటివరకు మెస్సీ ఆరు మ్యాచ్‌లు కలిపి 570 నిమిషాలు ఆడి మూడు అసిస్ట్‌లు చేశాడు. ఈ జాబితాలో ప్రస్తుతం నాలుగో స్థానంలో ఉన్నప్పటికి అతని కంటే ముందున్న వారిలో ఫ్రాన్స్‌ స్టార్‌ ఆంటోని గ్రీజ్‌మెన్‌(467 నిమిషాలు, ఆరు మ్యాచ్‌లు, మూడు అసిస్ట్‌లు) మాత్రమే పోటీలో ఉన్నాడు. అయితే అతను ఒక్క గోల్‌ కూడా చేయలేదు. ఒకవేళ మెస్సీ ఒక్క అసిస్ట్‌ ఎక్కువగా చేస్తే మాత్రం.. అటు ఒక ఫిఫా వరల్డ్‌కప్‌లో అత్యధిక గోల్స్‌, అత్యధిక అసిస్ట్‌తో గోల్డెన్‌ బూట్‌ గెలిచిన తొలి ఆటగాడిగా మెస్సీ చరిత్రలో నిలిచిపోతాడు. ఇంతకముందు 2010లో జర్మనీ ఫుట్‌బాల్‌ స్టార్‌ థామస్‌ ముల్లర్‌కు ఈ అవకాశం వచ్చింది. అత్యధిక గోల్స్‌తో ముల్లర్‌ గోల్డెన్‌ బూట్‌ అవార్డు దక్కించుకున్నాడు. కానీ అసిస్ట్స్‌ విషయంలో మాత్రం కాకా(బ్రెజిల్‌ ‍స్టార్‌) వెనకాలే ఉండిపోయాడు. ఇక అర్జెంటీనా దిగ్గజం డీగో మారడోనా 1986 ఫిఫా వరల్డ్‌కప్‌లో ఐదు గోల్స్‌తో పాటు ఐదు అసిస్ట్స్‌ చేసి టాపర్‌గా ఉన్నప్పటికి.. అప్పటి ఇంగ్లండ్‌ స్ట్రైకర్‌ గారి లినేకర్‌ ఆరు గోల్స్‌తో గోల్డెన్ బూట్‌ అవార్డు కొల్లగొట్టాడు. చదవండి: FIFA: అర్జెంటీనాదే వరల్డ్‌కప్‌.. గత రికార్డులు ఏం చెబుతున్నాయంటే!

ఫిఫా ప్రపంచకప్‌-2022 తుది సమరానికి మరో 48 గంటల్లో తేరలేవనుంది. ఖాతార్‌ వేదికగా ఫైనల్లో  అర్జెంటీనా, ఫ్రాన్స్‌ జట్లు అమీతుమీ తేల్చుకోవడానికి ఉవ్విళ్లూరుతున్నాయి. అయితే కీలకమైన ఫైనల్‌కు ముందు అర్జెంటీనాకు బిగ్‌ షాక్‌ తగిలే అవకాశం ఉంది. అర్జెంటీనా కెప్టెన్‌ లియోనెల్ మెస్సీ ఫ్రాన్స్‌తో ఫైనల్‌ మ్యాచ్‌కు దూరం కానున్నట్లు వార్తలు వినిపిస్తున్నాయి. సెమీఫైనల్లో క్రొయేషియాతో మ్యాచ్‌ సందర్భంగా మెస్సీ తొడ కండరాల గాయంతో బాధపడినట్లు సమాచారం. ఈ క్రమంలో అతడు గురువారం జరిగిన తమ జట్టు ప్రాక్టీస్‌ సెషన్‌కు దూరంగా ఉన్నట్లు అంతర్జాతీయ మీడియా వర్గాలు వెల్లడించాయి. కాగా మెస్సీ మాత్రమే కాకుండా స్టార్‌ ఆటగాడు పాపు గోమెజ్ కూడా చీలమండ గాయంతో బాధపడుతున్నట్లు తెలుస్తోంది. ఫైనల్‌ మ్యాచ్‌కు అతడి అందుబాటుపై కూడా సందిగ్ధం నెలకొంది.  కాగా ఫ్రాన్స్‌తో జరిగే ఫైనల్‌ మ్యాచ్‌ మెస్సీకి ఆఖరి అంతర్జాతీయ మ్యాచ్‌ కానుంది. ఫైనల్లో గెలిచి ఫిఫా వరల్డ్‌కప్‌తో తన అంతర్జాతీయ కెరీర్‌ను ఘనంగా ముగించాలని భావిస్తున్నాడు. చదవండి: Lionel Messi: మెస్సీతో ఇంటర్య్వూ; ఫిఫా ఫైనల్‌.. చివరి మ్యాచ్‌ అని తట్టుకోలేక

అర్జెంటీనా సూపర్‌స్టార్‌ లియోనల్‌ మెస్సీ తన దేశం తరపున ఆఖరి మ్యాచ్‌ ఆడేందుకు సిద్ధమయ్యాడు. ఖతర్‌ వేదికగా జరుగుతున్న ఫిఫా వరల్డ్‌కప్‌లో ఫ్రాన్స్‌తో జరిగే ఫైనల్‌ మ్యాచ్‌ మెస్సీకి ఆఖరిది కానుంది. ఈ విషయాన్ని సెమీస్‌లో క్రొయేషియాపై విజయం అనంతరం మెస్సీనే స్వయంగా ప్రకటించాడు. మెస్సీ నిర్ణయాన్ని అభిమానులు జీర్ణించుకోలేకపోతున్నారు. తమ ఆరాధ్య దైవం ఆఖరి మ్యాచ్‌ ఆడుతున్న నేపథ్యంలో ఎలాగైనా ఫైనల్లో గెలిచి ఫిఫా వరల్డ్‌కప్‌తో అంతర్జాతీయ కెరీర్‌ను ముగిస్తే బాగుంటుందని అభిప్రాయపడుతున్నారు. ఇందుకోసం అర్జెంటీనా సహా ఫిఫా అభిమానులు మెస్సీ టైటిల్‌ గెలవాలని పూజలు చేస్తున్నారు. మరి మెస్సీ టైటిల్‌ కొట్టి తన కలను నెరవేర్చుకుంటాడా లేదా అనేది మరో రెండు రోజుల్లో తెలియనుంది.ఈ విషయం పక్కనబెడితే.. క్రొయేషియాతో మ్యాచ్‌ అనంతరం మెస్సీని ఇంటర్య్వూ చేసిన అర్జెంటీనాకు చెందిన మహిళ రిపోర్టర్‌ కన్నీటిపర్యంతం అయింది. రిపోర్టర్‌ ఎమోషన్‌కు చలించిపోయిన మెస్సీ చిరునవ్వుతో ఆమెను ఓదార్చాడు.  మ్యాచ్‌ విజయం అనంతరం మెస్సీని ఇంటర్య్వూ చేసింది. ''నా దృష్టిలో ఇది ప్రశ్న కాదు.. అర్జెంటీనా ఫిఫా వరల్డ్‌కప్‌ ఫైనల్లో అడుగుపెట్టింది. ఈ ఆదివారం(డిసెంబర్‌ 18న) ఫైనల్‌ ఆడబోతున్నాం. ఒక అర్జెంటీనా వ్యక్తిగా కప్పు మనమే గెలవాలని అందరితో పాటు నేను కోరుకుంటన్నా. కానీ దేశం తరపున మీకు ఇది చివరి మ్యాచ్‌ అని తెలిసినప్పటి నుంచి ఆ విషయాన్ని జీర్ణించుకోలేకపోతున్నా. కానీ ఒక్కటి మాత్రం చెప్పగలను. రిజల్ట్‌తో మాకు సంబంధం లేదు. అది ఎలా అయినా రానీ మీరు మాత్రం మా గుండెల్లో చిరస్థాయిగా నిలిచిపోతారు. అర్జెంటీనాలో చిన్న పిల్లాడిని అడిగినా మెస్సీ గురించి ఎంతో గొప్పగా చెప్తుంటారు. అలాంటిది మన జట్టు ఇవాళ ఫైనల్‌కు అడుగుపెట్టడంలో మీది కీలకపాత్ర కావడం మాకు సంతోషకరం. ఇప్పటికి ఇది నిజమా.. కలా అనేది తెలుసుకోలేకపోతున్నాం. ఫుట్‌బాల్‌కు మీరు చేసిన సేవలు ఎన్నటికి మరువం. మారడోనా లీగసీని కంటిన్యూ చేస్తూ ఫుట్‌బాల్‌లో ఎనలేని కీర్తి ప్రతిష్టలు సాధించారు. మిమ్మల్ని బీట్‌ చేయడం ఎవరి తరం కాదు. మాలాంటి వాళ్లకు మెస్సీ ఒక స్పూర్తి.. ఒక అర్జెంటీనా మహిళను అయినందుకు గర్వపడుతున్నా థాంక్యూ మెస్సీ'' అంటూ ఎమోషనల్‌ అయింది. ఇదంతా ఓపికతో విన్న మెస్సీ చిరునవ్వుతో మెరిశాడు. అనంతరం రిపోర్టర్‌ను దగ్గరికి తీసుకొని ఆమెను ఓదార్చాడు. మీతో సహా అర్జెంటీనా ప్రజలు నాపై పెట్టుకున్న నమ్మకాన్ని నిజం చేయడానికి ప్రయత్నిస్తా. ఫిఫా వరల్డ్‌కప్‌ టైటిల్‌ గెలిచేందుకు సర్వశక్తులు ఒడ్డుతాం. ఈసారి వరల్డ్‌కప్‌లో మా జర్నీ అంత ఈజీగా సాగలేదు. క్లిష్ట పరిస్థితులను దాటుకొని ఫైనల్‌కు చేరుకున్నాం. మరొక అడుగు పూర్తి చేస్తే సక్సెస్‌ అయినట్లే. మీ అభిమానానికి థాంక్స్‌ అంటూ పేర్కొన్నాడు. ఇక మెస్సీ ఫిఫా వరల్డ్‌కప్‌ అనంతరం అంతర్జాతీయ కెరీర్‌కు గుడ్‌బై చెప్పనున్నట్లు ఇప్పటికే ప్రకటించాడు. 2005 నుంచి అర్జెంటీనా సీనియర్‌ జట్టుకు ఆడుతున్న మెస్సీ 171 మ్యాచ్‌లు ఆడి 96 గోల్స్‌ సాధించాడు.ప్రపంచకప్‌ చరిత్రలో అత్యధిక గోల్స్‌ చేసిన అర్జెంటీనా ప్లేయర్‌గా మెస్సీ నిలిచాడు. బటిస్టుటా (10 గోల్స్‌) పేరిట ఉన్న రికార్డును మెస్సీ (11 గోల్స్‌) సవరించాడు. ఈ టోర్నీ చరిత్రలో అత్యధిక గోల్స్‌ చేసిన ప్లేయర్ల జాబితాలో మెస్సీ సంయుక్తంగా ఆరో స్థానానికి చేరుకున్నాడు. మిరోస్లావ్‌ క్లోజ్‌ (16), రొనాల్డో నజారియో (15), గెర్డ్‌ ముల్లర్‌ (14) తొలి మూడు స్థానాల్లో ఉన్నారు.  😭 pic.twitter.com/iYhhMAWSwB — Emma 📊 (@emmaiarussi) December 13, 2022 చదవండి: FIFA: గాయంతో అన్న దూరం.. తమ్ముడు అదరగొడుతున్నాడు Kylian Mbappe: 'బాధపడకు మిత్రమా.. ఓడినా చరిత్ర సృష్టించారు'

ఫిఫా ప్రపంచకప్‌-2022 తుది అంకానికి చేరుకుంది. ఆదివారం జరగనున్న ఫైనల్‌ పోరులో అర్జెంటీనా, ఫ్రాన్స్‌ జట్లు అమీతుమీ తేల్చుకోవడానికి సిద్దమయ్యాయి. తొలి సెమీఫైనల్లో క్రోయోషియాను ఓడించి అర్జెంటీనా ఫైనల్లో అడుగుపెట్టగా.. రెండో సెమీఫైనల్లో మొరాకోను చిత్తు చేసిన ఫ్రాన్స్‌ చివరి పోరుకు సిద్దమైంది. ఈ నేపథ్యంలో.. గోల్డెన్ బూట్ అవార్డు రేసు ఆసక్తికరంగా మారింది. గోల్డెన్‌ బూట్‌ అవార్డు ఎవరికి ఇస్తారు? ఫిఫా ప్రపంచకప్‌లో అత్యధిక గోల్స్‌ చేసిన ఆటగాడికి గోల్డెన్‌ బూట్‌ అవార్డు  ఇస్తారు. ఈ అవార్డును 1982 వరల్డ్‌కప్‌ నుంచి ఇవ్వడం ప్రారంభించారు. తొలుత ఈ అవార్డును గోల్డెన్‌ షూగా పిలిచేవారు. అయితే 2010లో దీన్ని గోల్డెన్ బూట్ అవార్డుగా మార్చారు.  ఫుట్‌బాల్ రారాజు ఎవరో? ప్రస్తుత ప్రపంచకప్‌ గోల్డెన్ బూట్ రేసులో అర్జెంటీనా దిగ్గజం లియోనెల్ మెస్సీ, ఫ్రాన్స్‌ యువ సంచలనం కైలియన్ ఎంబాపె చెరో 5 గోల్స్‌తో సమంగా ముందంజలో ఉన్నారు. ఈ ‍క్రమంలో ఆదివారం జరగనున్న ఫైనల్లో ఫుట్‌బాల్ రారాజు ఎవరో తేలిపోనుంది.  అయితే వీరికి ఫ్రాన్స్‌ దిగ్గజ ఆటగాడు ఒలివర్ గిరౌడ్, అర్జెంటీనా ప్లేయర్‌ జూలియన్ అల్వారెజ్ నుంచి కూడా గట్టి పోటీ ఎదురుయ్యే అవకాశం ఉంది. గోల్డన్‌ బూట్‌ పోటీలో వీరిద్దరూ కూడా చెరో 4 గోల్స్‌తో  రెండో స్థానంలో ఉన్నారు. గోల్డెన్‌ బూట్‌ టైబ్రేకర్స్‌ అంటే? ఫైనల్ ముగిసే సమయానికి ఇద్దరు లేదా అంతకంటే ఎక్కువ మంది ఆటగాళ్లు అత్యధిక గోల్స్‌తో సమంగా నిలిస్తే దాన్ని గోల్డెన్‌ బూట్‌ టైబ్రేకర్స్‌ అంటారు. ఈ సమయంలో ఎవరైతే అత్యధిక అసిస్ట్‌లు, తక్కువ నిమిషాలు ఆడి ఉంటారో వారిని విజేతగా నిర్ణయిస్తారు. గోల్‌ చేసే స్కోరర్‌కు బంతిని పాస్ చేయడం లేదా క్రాస్ చేయడం చేస్తే  ఆటగాడి ఖాతాలో అసిస్ట్ చేరుతుంది. కాగా  అసిస్ట్‌ల ప్రకారం అయితే 3 అసిస్ట్‌లతో మెస్సీ ముందంజలో ఉండగా.. మబప్పే రెండు అసిస్ట్‌లతో రెండో స్థానంలో నిలిచాడు. ఇక నిమిషాల ప్రకారం అయితే ఎంబాపె (477).. మెస్సీ (570) కంటే ముందు ఉన్నాడు. గోల్డెన్ బాల్‌ రేసులో.. ఫిఫా ప్రపంచకప్‌ టోర్నీ ఆసాంతం అద్భుతమైన ప్రదర్శన కనబరిచిన ఆటగాడికి గోల్డెన్ బాల్ అవార్డు లభిస్తుంది. ఈ పోటీలో లియోనెల్ మెస్సీ, కైలియన్ ఎంబాపె , లుకా మోడ్రిక్ వంటి స్టార్‌ ఆటగాళ్లు ఉన్నారు. చదవండి: FIFA WC2022: ఫ్రాన్స్‌ చేతిలో చిత్తు.. బ్రస్సెల్స్‌లో మొరాకో అభిమానుల విధ్వంసం

అంతా తానై జట్టును ముందుడి నడిపిస్తున్న లయెనెల్‌ మెస్సీ తన ‘ప్రపంచకప్‌’ కలను నిజం చేసుకోవడానికి మరో విజయం దూరంలో నిలిచాడు. నాలుగేళ్ల క్రితం ప్రపంచకప్‌లో లీగ్‌ మ్యాచ్‌లో మెస్సీ కెప్టెన్సీలోనే అర్జెంటీనా 0–3తో క్రొయేషియా చేతిలో దారుణంగా ఓడిపోయింది. నాలుగేళ్ల తర్వాత మెస్సీ సారథ్యంలోనే క్రొయేషియాపై అర్జెంటీనా 3–0తో ప్రతీకార విజయం సాధించింది. ఆనాడు అంతగా ప్రభావం చూపని మెస్సీ ఈసారి మాత్రం విశ్వరూపమే ప్రదర్శించాడు. మైదానం మొత్తం పాదరసంలా కదులుతూ క్రొయేషియా డిఫెండర్లకు చుక్కలు చూపించాడు. ఒక గోల్‌ చేయడంతోపాటు తనను ఆరాధ్యంగా భావించే 22 ఏళ్ల జూలియన్‌ అల్వారెజ్‌కు రెండు గోల్స్‌ చేయడానికి సహకరించాడు. ఫలితంగా అర్జెంటీనా ఆరోసారి ప్రపంచకప్‌ టోర్నీలో ఫైనల్లోకి దూసుకెళ్లింది. 1986లో చివరిసారి విశ్వవిజేతగా నిలిచిన అర్జెంటీనా మళ్లీ జగజ్జేత కావడానికి గెలుపు దూరంలో ఉంది.    దోహా: గతంలో ఫుట్‌బాల్‌ ప్రపంచకప్‌లో సెమీఫైనల్‌ చేరిన ఐదుసార్లూ ఫైనల్‌ బెర్త్‌ను ఖరారు చేసుకున్న అర్జెంటీనా అదే ఆనవాయితీని కొనసాగించింది. ఆరోసారి ఈ మెగా ఈవెంట్‌లో సెమీఫైనల్‌ ఆడిన మెస్సీ నాయకత్వంలోని అర్జెంటీనా అద్భుత ఆటతీరుతో క్రొయేషియా అడ్డంకిని అధిగమించి దర్జాగా ఆరోసారి టైటిల్‌ పోరుకు అర్హత సాధించింది. 88,966 మంది ప్రేక్షకులతో కిక్కిరిసిన లుసైల్‌ స్టేడియంలో మంగళవారం అర్ధరాత్రి దాటాక జరిగిన తొలి సెమీఫైనల్లో అర్జెంటీనా 3–0 గోల్స్‌ తేడాతో గత ప్రపంచకప్‌ రన్నరప్‌ క్రొయేషియా జట్టును చిత్తుగా ఓడించింది. అర్జెంటీనా తరఫున కెప్టెన్‌ మెస్సీ (34వ ని.లో) ఒక గోల్‌ చేయగా... జూలియన్‌ అల్వారెజ్‌ (39వ, 69వ ని.లో) రెండు గోల్స్‌ సాధించాడు. డిఫెండింగ్‌ చాంపియన్‌ ఫ్రాన్స్, మొరాకోజట్ల మధ్య రెండో సెమీఫైనల్‌ మ్యాచ్‌ విజేతతో ఈనెల 18న జరిగే ఫైనల్లో అర్జెంటీనా తలపడుతుంది. అర్జెంటీనా 1978, 1986లలో ప్రపంచ చాంపియన్‌గా... 1930, 1990, 2014లలో రన్నరప్‌గా నిలిచింది.   పక్కా ప్రణాళికతో... నాకౌట్‌ మ్యాచ్‌ల్లో రక్షణాత్మకంగా ఆడుతూ ప్రత్యర్థికి గోల్స్‌ ఇవ్వకుండా చివర్లో షూటౌట్‌లో విజయం సాధించడం క్రొయేషియా అలవాటుగా మార్చుకుంది. ఆరంభంలోనే గోల్స్‌ చేసి క్రొయేషియాను ఒత్తిడికి నెట్టాలనే వ్యూహంతో అర్జెంటీనా ఈ మ్యాచ్‌లో ఆరంభం నుంచే దూకుడుగా ఆడింది. ఈ వ్యూహం ఫలితాన్నిచ్చింది. ఆట 34వ నిమిషంలో ‘డి’ ఏరియాలో అల్వారెజ్‌ను క్రొయేషియా గోల్‌కీపర్‌ లివకోవిచ్‌ మొరటుగా అడ్డుకోవడంతో రిఫరీ అర్జెంటీనాకు పెనాల్టీ కిక్‌ను ప్రకటించాడు. మెస్సీ ఎడమ కాలితో కొట్టిన షాట్‌ బుల్లెట్‌ వేగంతో క్రొయేషియా గోల్‌పోస్ట్‌లోనికి వెళ్లింది. అర్జెంటీనా 1–0తో ఆధిక్యం సంపాదించింది. ఐదు నిమిషాల తర్వాత అర్జెంటీనా ఖాతాలో రెండో గోల్‌ చేరింది. మధ్య భాగంలో ఉన్న మెస్సీ బంతిని అల్వారెజ్‌కు పాస్‌ ఇవ్వగా అతను వాయువేగంతో క్రొయేషియా డిఫెండర్లను బోల్తా కొట్టిస్తూ ‘డి’ ఏరియాలోకి వచ్చాడు. అదే జోరులో గోల్‌కీపర్‌ను తప్పిస్తూ బంతిని లక్ష్యానికి చేర్చాడు. విరామ సమయానికి అర్జెంటీనా 2–0తో ముందంజలో నిలిచింది.   తక్కువ అంచనా వేయకుండా... నెదర్లాండ్స్‌తో జరిగిన క్వార్టర్‌ ఫైనల్లో అర్జెంటీనా 2–0తో ఆధిక్యంలో నిలిచినా చివర్లో తడబడి రెండు గోల్స్‌ సమర్పించుకొని చివరకు షూటౌట్‌లో నెగ్గి ఊపిరి పీల్చుకుంది. ప్రమాదకరమైన క్రొయేషియా జట్టుకు అలాంటి అవకాశం ఇవ్వకూడదనే ఉద్దేశంతో అర్జెంటీనా రెండో అర్ధభాగంలోనూ జాగ్రత్తగా ఆడింది. బంతి ఎక్కువ శాతం క్రొయేషియా ఆటగాళ్ల ఆధీనంలో ఉన్నప్పటికీ వారిని ‘డి’ ఏరియా వరకు రానివ్వకుండా చేయడంలో అర్జెంటీనా డిఫెండర్లు సఫలమయ్యారు. మ్యాచ్‌ మొత్తంలో క్రొయేషియా కేవలం రెండుసార్లు మాత్రమే అర్జెంటీనా గోల్‌పోస్ట్‌ లక్ష్యంగా షాట్‌లు కొట్టడం గమనార్హం. క్రొయేషియా కెప్టెన్‌ లుకా మోడ్రిచ్, పెరిసిచ్, బ్రోజోవిచ్, కొవాసిచ్‌లను అర్జెంటీనా డిఫెండర్లు సమర్థంగా నిలువరించారు.   వారెవ్వా.. ఏమి గోల్‌..... ఆట 57వ నిమిషంలో అర్జెంటీనా ఖాతాలో మూడో గోల్‌ చేరేదే కానీ మెస్సీ కొట్టిన షాట్‌ను గోల్‌పోస్ట్‌ ముందు గోల్‌కీపర్‌ లివకోవిచ్‌ అడ్డుకున్నాడు. ఆ తర్వాత 69వ నిమిషంలో అద్భుతమే జరిగింది. తనదైన రోజున తానెంత ప్రమాదకర ప్లేయర్‌నో మెస్సీ నిరూపించాడు. కుడి వైపున బంతి అందుకున్న మెస్సీ పాదరసంలా కదులుతూ ముందుకు వెళ్లగా... అతని వెంబడే క్రొయేషియా డిఫెండర్‌ జోస్కో గ్వార్డియోల్‌ పరుగెత్తాడు. గ్వార్డియోల్‌ అన్ని రకాలుగా మెస్సీని నిలువరించాలని చూసినా... ఈ అర్జెంటీనా స్టార్‌ మాత్రం కనువిందులాంటి డ్రిబ్లింగ్‌తో అలరించాడు. చివరకు గోల్‌లైన్‌ అంచుల్లోంచి గ్వార్డియోల్‌ కాళ్ల సందులోంచి బంతిని మెస్సీ క్రాస్‌ పాస్‌ ఇవ్వగా... అక్కడే ఉన్న అల్వారెజ్‌ నేర్పుతో బంతిని లక్ష్యానికి చేర్చాడు. ఇదంతా క్షణాల్లో జరిగిపోయింది. ఈ గోల్‌ను కళ్లారా చూసిన వారందరూ మెస్సీ మ్యాజిక్‌కు ఫిదా అయిపోవడమే కాకుండా ఈ గోల్‌ను చిరకాలం గుర్తుంచుకుంటారు. అర్జెంటీనా ఆధిక్యం 3–0కు పెరగడంతో క్రొయేషియా విజయంపై ఆశలు వదులుకుంది. మరోవైపు అర్జెంటీనా చివరి వరకు దూకుడును కొనసాగిస్తూ ఫైనల్‌ బెర్త్‌ను ఖరారు చేసుకుంది.   ఫైనల్‌ మ్యాచ్‌లో చివరిసారిగా... ఆదివారం జరిగే ఫైనల్‌ మ్యాచ్‌ తనకు చివరి వరల్డ్‌కప్‌ అవుతుందని అర్జెంటీనా కెప్టెన్‌ మెస్సీ అధికారికంగా ప్రకటించాడు. 2006 నుంచి వరుసగా ఐదు ప్రపంచకప్‌లు ఆడిన మెస్సీ, తన ఆఖరి పోరులో గెలిచి చరిత్రకెక్కాలని పట్టుదలగా ఉన్నాడు. ‘నా ప్రపంచకప్‌ ప్రయాణాన్ని ముగించబోతున్నాను. నా చివరి మ్యాచ్‌గా ఫైనల్‌ ఆడే అవకాశం రావడం సంతోషంగా ఉంది. మరోసారి వరల్డ్‌కప్‌ అంటే చాలా దూరంలో ఉంది. నేను అప్పటి వరకు ఆడలేనని తెలుసు. వరల్డ్‌కప్‌లో వేర్వేరు రికార్డులు నా దరిచేరడం మంచిదే. కానీ అన్నింటికంటే ముఖ్యం జట్టుగా మా లక్ష్యం ఏమిటనేది. అది సాధిస్తేనే అంతా అద్భుతంగా ఉంటుంది. దానికి ఒక్క అడుగు దూరంలో ఉన్నాం. ఎంతో కష్టపడి ఈ దశకు వచ్చాం. ట్రోఫీ గెలిచేందుకు శాయశక్తులా ప్రయత్నిస్తాం’ అని 35 ఏళ్ల మెస్సీ వ్యాఖ్యానించాడు. 2005 నుంచి అర్జెంటీనా సీనియర్‌ జట్టుకు ఆడుతున్న మెస్సీ 171 మ్యాచ్‌లు ఆడి 96 గోల్స్‌ సాధించాడు. 1: ప్రపంచకప్‌ చరిత్రలో అత్యధిక గోల్స్‌ చేసిన అర్జెంటీనా ప్లేయర్‌గా మెస్సీ నిలిచాడు. బటిస్టుటా (10 గోల్స్‌) పేరిట ఉన్న రికార్డును మెస్సీ (11 గోల్స్‌) సవరించాడు. ఈ టోర్నీ చరిత్రలో అత్యధిక గోల్స్‌ చేసిన ప్లేయర్ల జాబితాలో మెస్సీ సంయుక్తంగా ఆరో స్థానానికి చేరుకున్నాడు. మిరోస్లావ్‌ క్లోజ్‌ (16), రొనాల్డో నజారియో (15), గెర్డ్‌ ముల్లర్‌ (14) తొలి మూడు స్థానాల్లో ఉన్నారు.   2: ప్రపంచకప్‌లో తొలి లీగ్‌ మ్యాచ్‌లో ఓడిన తర్వాత ఫైనల్‌ చేరడం అర్జెంటీనాకిది రెండోసారి. 1990లోనూ అర్జెంటీనా తొలి మ్యాచ్‌లో కామెరూన్‌ చేతిలో ఓడిపోయి ఫైనల్‌ చేరి రన్నరప్‌గా నిలిచింది. 1982లో పశ్చిమ జర్మనీ... 1994లో ఇటలీ... 2010లో స్పెయిన్‌ కూడా ఈ ఘనత సాధించాయి. జర్మనీ, ఇటలీ రన్నరప్‌గా నిలువగా... స్పెయిన్‌ మాత్రం టైటిల్‌ సాధించింది.  2: జర్మనీ తర్వాత ప్రపంచకప్‌ సెమీఫైనల్లో రెండుసార్లు మూడు అంతకంటే ఎక్కువ గోల్స్‌ తేడాతో గెలిచిన రెండో జట్టుగా అర్జెంటీనా నిలిచింది. 3: వరుసగా ఐదో ప్రపంచకప్‌ ఆడుతున్న మెస్సీ గత నాలుగు ప్రపంచకప్‌లలో నాకౌట్‌ మ్యాచ్‌ల్లో ఒక్క గోల్‌ కూడా చేయలేదు. ఈసారి మాత్రం ఏకంగా మూడు గోల్స్‌ చేశాడు. 5: ఒకే ప్రపంచకప్‌లో ఐదు గోల్స్‌ చేసిన పెద్ద వయస్కుడిగా మెస్సీ (35 ఏళ్లు) ఘనత సాధించాడు. 6: ప్రపంచకప్‌లో అర్జెంటీనా ఫైనల్‌ చేరడం ఇది ఆరోసారి. జర్మనీ అత్యధికంగా 8 సార్లు ఫైనల్‌ చేరింది. బ్రెజిల్, ఇటలీ (6 సార్లు చొప్పున) సరసన అర్జెంటీనా నిలిచింది.   16: ఈ ఏడాది అర్జెంటీనా తరఫున మెస్సీ చేసిన గోల్స్‌. తన కెరీర్‌లో జాతీయ జట్టుకు ఒకే సంవత్సరం ఇన్ని గోల్స్‌ అందించడం ఇదే ప్రథమం.   25: ఇప్పటి వరకు ప్రపంచకప్‌ టోర్నీ చరిత్రలో మెస్సీ ఆడిన మ్యాచ్‌లు. లోథర్‌ మథియాస్‌ (జర్మనీ–25 మ్యాచ్‌లు) పేరిట ఉన్న రికార్డును మెస్సీ సమం చేశాడు. ఫైనల్లోనూ మెస్సీ బరిలోకి దిగితే ఈ మెగా టోర్నీ చరిత్రలో అత్యధిక మ్యాచ్‌లు (26) ఆడిన ప్లేయర్‌గా రికార్డు నెలకొల్పుతాడు. 

Lionel Messi- Antonella Roccuzzo Love Story: ఒక్క అడుగు.. ఒకే ఒక్క అడుగు.. ఆ ఒక్కటి దాటేస్తే చాలు ప్రపంచకప్‌ విజేతగా నిలవాలన్న స్టార్‌ ఫుట్‌బాలర్‌ లియోనల్‌ మెస్సీ చిరకాల స్వప్నం నెరవేరుతుంది. ఆదివారం (డిసెంబరు 18) నాటి ఫైనల్లో గెలిచి తన కీర్తికిరీటంలో వరల్డ్‌కప్‌ టైటిల్‌ అనే కలికితురాయి చేర్చుకున్నాడు. ఖతర్‌లో క్రొయేషియాతో జరిగిన తొలి సెమీ ఫైనల్లో అర్జెంటీనా విజయం ద్వారా ఈ మేరకు అడుగులు పడిన విషయం తెలిసిందే. మెస్సీ, జూలియన్‌ అల్వారెజ్‌ అద్భుత గోల్స్‌ చేయడంతో క్రొయేషియాను 3-0తో మట్టికరిపించిన అర్జెంటీనా ఆరోసారి ఫిఫా ప్రపంచకప్‌ ఫైనల్లో అడుగుపెట్టింది. దీంతో అర్జెంటీనాలో సంబరాలు అంబరాన్నంటాయి. వీధులన్నీ జనసంద్రమయ్యాయి. మెస్సీ బృంద నామస్మరణతో మారుమ్రోగిపోయాయి.  ఈ విజయంతో మెస్సీ సహా అతడి అభిమానులు సంతోషంలో మునిగిపోగా.. అతడి కుటుంబం సైతం తమదైన శైలిలో సెలబ్రేట్‌ చేసుకుంది. ముఖ్యంగా తమ ముగ్గురు పిల్లలతో ఈ మ్యాచ్‌కు హాజరైన మెస్సీ సతీమణి ఆంటోనీలా రొకుజో ఆనందానికి అవధుల్లేకుండా పోయాయి.  ముగ్గురు కొడుకులతో కలిసి చిరునవ్వులు చిందిస్తూ ఫొటోలకు ఫోజులిచ్చిన ఆమె.. ఇన్‌స్టా వేదికగా వాటిని పంచుకుంటూ మెస్సీపై ప్రేమను చాటుకుంది. ‘‘ఇప్పుడు నా పరిస్థితి ఎలా ఉందో మీకు చెప్పలేను. ఎందుకంటే చెప్పినా కూడా మీకు అర్థం కాదు. లెట్స్‌ గో అర్జెంటీనా.. లెట్స్‌ గో మెస్సీ’’ అంటూ ఆంటోనీలా ఆనందంతో ఉబ్బితబ్బిబ్బైంది. View this post on Instagram A post shared by Antonela Roccuzzo (@antonelaroccuzzo) మెస్సీ వ్యక్తిగత జీవితం, కుటుంబానికి సంబంధించిన ఈ ఫొటోలు నిమిషాల్లోనే వైరల్‌గా మారాయి. దీంతో ఆంటోనీలా రొకజో గురించి నెటిజన్లు ఆరా తీయడం మొదలుపెట్టారు. ఈ నేపథ్యంలో ఇంతకీ ఆంటోనీలా ఎవరు? మెస్సీకి ఎలా పరిచయం? వీరి ప్రేమకథ ఎలా మొదలైంది? మెస్సీ విజయాల్లో ఆమె పాత్ర? తదితర విషయాలు తెలుసుకుందాం! PC:  Antonela Roccuzzo Instagram ఇద్దరిదీ ఒకే ఊరు.. ఐదేళ్ల వయసు నుంచే.. ఆంటోనీలా స్వస్థలం రొసారియో. అర్జెంటీనాలోని మూడో అతిపెద్ద పట్టణం. మెస్సీ జన్మించింది కూడా ఇక్కడే! వీళ్లిద్దరు చిన్ననాటి స్నేహితులు. ఐదేళ్ల వయసు ఉన్నప్పటి నుంచే కలిసి ఆడుకునేవారట. ఆంటోనీలా కజిన్‌ లుకాస్‌ స్కాగ్లియా మెస్సీకి చిన్ననాటి స్నేహితుడు. కాగా లుకాస్‌ కూడా ఫుట్‌బాలరే! కామన్‌ ఫ్రెండ్‌ ద్వారా మిడ్‌ఫీల్డర్‌గా గుర్తింపు దక్కించుకున్న అతడు కొన్నాళ్లు కోచ్‌గానూ వ్యవహరించాడు. అలా కామన్‌ ఫ్రెండ్‌ లుకాస్‌ ద్వారా చేరువైన మెస్సీ, ఆంటోనీలాల స్నేహం వయసుతో పాటు పెరుగుతూ వచ్చింది. ఈ క్రమంలో సహజీవనం చేసిన ఈ జంట.. బార్సిలోనా, అర్జెంటీనా జట్ల తరఫున మెస్సీ అరంగేట్రం జరిగిన మూడేళ్లకు అంటే 2008లో తామిద్దరం రిలేషన్‌షిప్‌లో ఉన్నట్లు ప్రకటించింది. అతడికి ఆట అంటే ప్రాణం.. మరి ఆమెకు? ఆంటోనీలా హ్యుమానిటీస్‌, సోషల్‌ సైన్సెస్‌ విభాగంలో బ్యాచిలర్‌ డిగ్రీ చదివింది. డెంటల్‌ సైన్స్‌లో పోస్ట్‌ గ్రాడ్యుయేషన్‌ పూర్తి చేసింది. మెస్సీ బార్సిలోనాకు ఆడుతున్న సమయంలో అతడికి మరింత చేరువైన ఆమె.. ప్రస్తుతం మోడల్‌గా కెరీర్‌ కొనసాగిస్తోంది. పిల్లల పెంపకంలో కీలక పాత్ర పోషిస్తూ మెస్సీ కెరీర్‌లో విజయవంతంగా ముందుకు సాగేలా ప్రోత్సహిస్తోంది. PC:  Antonela Roccuzzo Instagram 2017లో వివాహం.. ముగ్గురు కొడుకులు ఇద్దరు కొడుకులు జన్మించిన తర్వాత మెస్సీ- ఆంటోనీలా పెళ్లి చేసుకున్నారు. 2017లో అంగరంగ వైభవంగా వీరి వివాహం జరిగింది. కాగా పెళ్లైన ఏడాదికి ఈ జంటకు మరో కుమారుడు సీరో జన్మించాడు. తియాగో(2012), మాటియో(2015)లకు తమ్ముడు వచ్చాడు. విశేషమేంటంటే.. మెస్సీ ముగ్గురు కుమారులు కూడా ఫుట్‌బాల్‌కు వీరాభిమానులు. తల్లితో కలిసి తండ్రి ఆడే మ్యాచ్‌లు చూసేందుకు వెళ్లడం వీరికి అలవాటు. ప్రస్తుతం వీరు ఖతర్‌లో ఉన్నారు. మెస్సీకి సంబంధించిన ప్రతీ మ్యాచ్‌ను చూస్తూ ఎంజాయ్‌ చేస్తున్నారు. ఇక మెస్సీ పెద్ద కుమారుడు తియాగో తండ్రి అడుగుజాడల్లోనే నడుస్తున్నాడు. ఆటలో ఓనమాలు నేర్చుకుంటున్న జూనియర్‌ మెస్సీ.. తండ్రిలాగే స్టార్‌ ఫుట్‌బాలర్‌ ఎదగాలనే పట్టుదలతో ఉన్నాడు. చదవండి: Rishabh Pant: బంగ్లాతో టెస్టు.. రిషభ్‌ పంత్‌ అరుదైన రికార్డు! రెండో భారత వికెట్‌ కీపర్‌గా..   Ranji Trophy 2022-23: తండ్రికి తగ్గ తనయుడు అనిపించుకున్న అర్జున్‌ టెండూల్కర్‌.. తొలి మ్యాచ్‌లోనే సెంచరీ

ఫిఫా వరల్డ్‌కప్స్‌లో అర్జెంటీనా జట్టు ఆరోసారి ఫైనల్లో అడుగుపెట్టింది. మెస్సీ నేతృత్వంలోని అర్జెంటీనా ఎలాగైనా టైటిల్‌ కొట్టాలని ఉవ్విళ్లూరుతుంది. కేవలం ఒక్క అడుగు దూరంలో ఉన్న మెస్సీ సేన తమ కలను సాకారం చేసుకుంటుందా లేదా అనేది చూడాలి. ఇదిలా ఉంటే.. మంగళవారం రాత్రి క్రొయేషియాతో జరిగిన సెమీఫైనల్లో అర్జెంటీనా 3-0 గోల్స్‌ తేడాతో ఘనవిజయం సాధించింది. అర్జెంటీనా తరపున మెస్సీ( ఆట 34వ నిమిషం), జులియన్‌ అల్వరేజ్‌(ఆట 39, 69వ నిమిషంలో) గోల్స్‌ చేశారు. కీలకమైన సెమీఫైనల్లో ఈ ఇద్దరు మంచి ఫైర్‌తో ఆడారు. అయితే అల్వరేజ్‌ గోల్స్‌ చేయడం వెనుక మెస్సీ పరోక్షంగా సహాయపడ్డాడు. మెస్సీ ఇచ్చిన పాస్‌లను గోల్‌ మలిచి అల్వరేజ్‌ సక్సెస్‌ కావడమే గాక జట్టును విజయం దిశగా నడిపించాడు. అయితే తాజాగా ట్విటర్‌లో మెస్సీతో అల్వరేజ్‌ దిగిన ఒక ఫోటో వైరల్‌గా మారింది. పదేళ్ల క్రితం అల్వరేజ్‌ 12 ఏళ్ల వయసులో మెస్సీ కోసం నిరీక్షించి మరీ అతనితో ఫోటో దిగాడు. కట్‌చేస్తే ఇప్పుడు మెస్సీతో కలిసి దేశానికి ప్రాతినిధ్యం వహిస్తున్నాడు. 40 ఏళ్ల తర్వాత అర్జెంటీనా(1986 ఫిఫా వరల్డ్‌కప్‌ విజేత) కలను నిజం చేయాలని చూస్తున్న మెస్సీకి అల్వరేజ్‌ తనవంతు సహాయం అందిస్తున్నాడు. మొత్తానికి 10 ఏళ్ల వయసులో మెస్సీ కోసం నిరీక్షించిన అల్వరేజ్‌.. తాజాగా మెస్సీతో కలిసి ఆటను పంచుకోవడం అభిమానులకు కన్నులపండువగా ఉంది. 10 years ago: asking Leo Messi for a pic as big fan, dreaming of World Cup one day… Tonight: Julián Álvarez from Calchín scores in World Cup semifinal. 🕷️🇦🇷 #Qatar2022 pic.twitter.com/DhwozBijJu — Fabrizio Romano (@FabrizioRomano) December 13, 2022 చదవండి: రిటైర్మెంట్‌పై మెస్సీ సంచలన నిర్ణయం అల్విదా 'లుకా మోడ్రిక్‌'.. నాయకుడంటే నీలాగే

అర్జెంటీనా సూపర్‌‍స్టార్‌ లియోనల్‌ మెస్సీ తన రిటైర్మెంట్‌పై సంచలన ప్రకటన చేశాడు. ఖతర్‌ వేదికగా జరగనున్న ఫిఫా వరల్డ్‌కప్‌ ఫైనల్‌ మ్యాచ్‌ అర్జెంటీనా తరపున చివరిదని స్పష్టం చేశాడు. మెస్సీకి ఇదే చివరి ప్రపంచకప్‌ అని ఊహాగానాలు వ్యక్తమయిన వేళ మెస్సీ తన మనసులోని మాటను బయటపెట్టాడు.  మంగళవారం అర్థరాత్రి దాటాకా క్రొయేషియాతో జరిగిన సెమీఫైనల్లో అర్జెంటీనా 3-0 తేడాతో ఘన విజయం సాధించింది. మ్యాచ్‌లో పెనాల్టీ కిక్‌ను గోల్‌గా మలిచి అర్జెంటీనాకు తొలి గోల్‌ అందించాడు. ఇక ఫిఫా వరల్డ్‌కప్‌లో మెస్సీకి ఇది నాలుగో గోల్‌. మిగతా రెండు గోల్స్‌ అల్వరేజ్‌​ చేసినప్పటికి ఆ రెండింటిలోనూ మెస్సీదే ముఖ్యపాత్ర అన్న విషయం మరువద్దు. ఇక మొరాకో, ఫ్రాన్స్‌లలో గెలిచే జట్టుతో డిసెంబర్‌ 18న జరిగే ఫైనల్లో అర్జెంటీనా అమితుమీ తేల్చుకోనుంది.  ఈ సందర్భంగా మీడియాతో మాట్లాడుతూ... ''అర్జెంటీనా ఫైనల్స్ కు చేరడం సంతోషంగా ఉంది. ఫైనల్స్ లో చివరి మ్యాచ్ ను ఆడటం ద్వారా  ఫుట్ బాల్ ప్రపంచకప్ ప్రయాణానికి ముగింపు పలకబోతున్నా.మరో ప్రపంచకప్ కు చాలా సంవత్సరాలు పడుతుందని... అప్పటి వరకు ఇలాగే ఆడేంత సత్తా ఉంటుందని అనుకోవడం లేదు. ఈసారి అర్జెంటీనాకు ఫిఫా వరల్డ్‌కప్‌ టైటిల్‌ అందించి ప్రపంచకప్ ప్రయాణాన్ని ముగించడమే ది బెస్ట్ అంటూ చెప్పుకొచ్చాడు. ఫుట్‌బాల్‌లో అరంగేట్రం చేసిన కొన్నాళ్లకే మారడోనా వారసుడిగా పేరు సంపాదించిన మెస్సీ తన కెరీర్‌లోనే ఎన్నో టైటిల్స్‌, రికార్డులు, అవార్డులు అందుకున్నాడు. అయితే మెస్సీకి ఫిఫా వరల్డ్‌కప్ మాత్రం‌ అందని దాక్ష్రలా ఉంది. 2014లో ఆ అవకాశం వచ్చినప్పటికి అర్జెంటీనా చివరి మెట్టుపై బోల్తా పడింది. మరి ఈసారైనా ఫైనల్లో విజయం సాధించి ఫిఫా వరల్డ్‌కప్‌ టైటిల్‌తో అంతర్జాతీయ కెరీర్‌కు గుడ్‌బై చెప్పాలని చూస్తున్న మెస్సీ కల నెరవేరాలని కోరుకుందాం. చదవండి: అల్విదా 'లుకా మోడ్రిక్‌'.. నాయకుడంటే నీలాగే Luka Modric: 'ఈ వరల్డ్‌కప్‌ మెస్సీదే.. కచ్చితంగా కొడతాడు' దెబ్బకు దెబ్బ తీశారు.. లెక్క సరిచేసిన మెస్సీ

ఖతర్‌ వేదికగా జరుగుతున్న ఫిఫా వరల్డ్‌కప్‌లో మెస్సీ బృందం ఫైనల్లో అడుగుపెట్టింది. మంగళవారం అర్థరాత్రి క్రొయేషియాతో జరిగిన సెమీఫైనల్లో 3-0తో అర్జెంటీనా ఘన విజయం సాధించింది. కీలకమైన నాకౌట్స్‌లో బ్రెజిల్‌, జపాన్‌ లాంటి మేటి జట్లకు షాకిచ్చి సెమీఫైనల్లో అడుగుపెట్టింది. అయితే క్రొయేషియా.. అర్జెంటీనాతో జరిగిన సెమీస్‌లో మాత్రం తోకముడిచింది. మెస్సీ బృందం క్లాస్‌ ఆటతీరుకు ఆ జట్టు వద్ద సమాధానం లేకుండా పోయింది. కనీస పోటీ కూడా ఇవ్వలేక చతికిలపడిన లుకా మోడ్రిక్‌ బృందం సెమీస్‌లో ఓడి ఇంటిబాట పట్టింది. అయితే అర్జెంటీనా మాత్రం క్రొయేషియాపై తమ ప్రతీకారం తీర్చుకుంది. 2018 ఫిఫా వరల్డ్‌కప్‌లో అర్జెంటీనా, క్రొయేషియాలు ఒకే గ్రూప్‌లో ఉన్నాయి. లీగ్‌ దశలో క్రొయేషియా 3-0తో అర్జెంటీనాకు షాక్‌ ఇచ్చింది. అప్పటి మ్యాచ్‌లో లుకా మోడ్రిక్‌ సహా మరో ఇద్దరు ఆటగాళ్లు కలిసి మూడు గోల్స్‌ కొట్టగా.. మెస్సీ సేన మాత్రం ఒక్క గోల్‌ కూడా కొట్టలేకపోయింది. ఆ తర్వాత అర్జెంటీనా ప్రీక్వార్టర్స్‌లో ఫ్రాన్స్‌ చేతిలో ఓడి ఇంటిబాట పట్టింది. 2018 ఫిఫా వరల్డ్‌కప్‌: అర్జెంటీనాపై గెలుపు.. క్రొయేషియా సంబరాలు సరిగ్గా నాలుగేళ్ల తర్వాత 2022 ఫిఫా వరల్డ్‌కప్‌లో అర్జెంటీనా క్రొయేషియాను కీలక నాకౌట్‌ దశలో ఓడించి ప్రతీకారం తీర్చుకున్నట్లయింది. యాదృశ్చికంగా అర్జెంటీనా కూడా 3-0 తేడాతోనే క్రొయేషియాను మట్టికరిపించింది. ఈసారి మెస్సీ ఒక గోల్‌ కొట్టగా.. అల్వరేజ్‌ రెండో గోల్స్‌ నమోదు చేశాడు. అలా 2018 ఓటమికి దెబ్బకు దెబ్బ తీసిన మెస్సీ బృందం లెక్కను సరిచేసింది. చదవండి: Luka Modric: 'ఈ వరల్డ్‌కప్‌ మెస్సీదే.. కచ్చితంగా కొడతాడు' 3️⃣ strikes that powered #Messi𓃵 & Co.'s dream of reaching #Qatar2022 final 👏 Watch all the goals from #ARGCRO & stay tuned to the #WorldsGreatestShow on #JioCinema & #Sports18 📺📲#FIFAWorldCup #FIFAWConJioCinema #FIFAWConSports18 pic.twitter.com/gUWKbJGbJl — JioCinema (@JioCinema) December 13, 2022

ఖతర్‌ వేదికగా జరుగుతున్న ఫిఫా వరల్డ్‌కప్‌లో క్రొయేషియా కథ ముగిసింది. గతేడాది రన్నరప్‌గా నిలిచిన క్రొయేషియా ఈసారి అదే ఆటతీరుతో ఆకట్టుకుంటూ సెమీఫైనల్‌ వరకు దూసుకొచ్చింది. కానీ సెమీస్‌లో అర్జెంటీనా లాంటి పటిష్టమైన జట్టు ముందు క్రొయేషియా తలవంచింది. మెస్సీ ఆటను కళ్లార్పకుండా చూసిన ఆ జట్టు అతని ఆటకు ఫిదా అయింది. మొత్తానికి 0-3 తేడాతో అర్జెంటీనా చేతిలో పరాజయం పాలై ఇంటిదారి పట్టింది. క్రొయేషియాను అన్నీ తానై నడిపించిన కెప్టెన్‌ లుకా మోడ్రిక్‌కు ఫిఫా వరల్డ్‌కప్‌ను అందించి ఘనంగా వీడ్కోలు పలకాలనుకున్న జట్టుకు నిరాశే ఎదురైంది. అయినప్పటికి 2014లో గ్రూప్‌ దశలోనే వెనుదిరిగిన క్రొయేషియాను గాడిలో పెట్టి.. వరుసగా రెండు ప్రపంచకప్‌ల్లో నాకౌట్‌ దశకు తీసుకురావడంలో లుకా మోడ్రిక్‌ది కీలకపాత్ర. తన కెరీర్‌లో వరల్డ్‌కప్‌ లేదన్న మాటే కానీ అతని ఆటతీరుతో కోట్లాది మంది అభిమానుల హృదయాలను గెలుచుకొని ఫిఫా వరల్డ్‌కప్‌ను ముగించాడు. మ్యాచ్‌ అనంతరం లుకా మోడ్రిక్‌ మాట్లాడుతూ మెస్సీపై ఆసక్తికర వ్యాఖ్యలు చేశాడు. ''ఈరోజు మ్యాచ్‌ అర్జెంటీనాదే. ముఖ్యంగా మెస్సీ అన్నీ తానై జట్టును నడిపిస్తున్న తీరు అద్భుతం. మ్యాచ్‌లో రిఫరీ అర్జెంటీనాకు పెనాల్టీ ఇవ్వడం నాకు నచ్చలేదు. అది తప్పిస్తే ఎలాంటి పొరపాట్లు జరగలేదు. ఫిఫా వరల్డ్‌కప్‌ టైటిల్‌తో కెరీర్‌ను ముగిద్దామనుకున్నా.. ఇప్పుడు అది లేకుండానే వెళ్లిపోతున్నా. ఈసారి మెస్సీదే వరల్డ్‌కప్‌.. టైటిల్‌ కచ్చితంగా కొడతాడన్న నమ్మకం నాకుంది. ఒక దిగ్గజ ప్లేయర్‌ ఈ ఘనత సాధించి ఆటకు వీడ్కోలు పలికితే అంతకన్నా సంతోషం మరొకటి ఉండదు. అర్జెంటీనా జట్టులో నాకు మెస్సీ ఒక్కడే కనిపిస్తున్నాడు. మిగతావాళ్లు బాగా ఆడుతున్నప్పటికి మెస్సీనే నా ఫెవరెట్‌. ఆల్‌ ది బెస్ట్‌ అర్జెంటీనా అండ్‌ మెస్సీ.'' అంటూ పేర్కొన్నాడు. 🎙️ Luka Modrić: “I hope Lionel Messi wins this World Cup, he is the best player in history and he deserves it.” 🇭🇷🤝🇦🇷#FIFAWorldCup pic.twitter.com/w3VEGdXnDd — Football Tweet ⚽ (@Football__Tweet) December 13, 2022 చదవండి: ఆదిలోనే సౌదీ చేతిలో ఓటమి! ఎట్టకేలకు ఇలా.. మెస్సీ పోస్ట్‌ వైరల్‌

FIFA World Cup 2022- Argentina Vs Croatia- Lionel Messi- Final: ‘‘కొన్నిసార్లు పరిస్థితులు మాకు అనుకూలించకపోవచ్చు.  అయితే, మా జట్టు ఉత్తమమైనది. ఎప్పుడు ఎలా ఆడాలో..  క్లిష్ట పరిస్థితులను ఎలా ఎదుర్కోవాలో మాకు తెలుసు. ఓటములను దాటుకుని ఎలా ముందుకు సాగాలో తెలుసు. ప్రతి మ్యాచ్‌ మాకు ఎంతో ముఖ్యమైనదే’’ అని అర్జెంటీనా ఫుట్‌బాల్‌ జట్టు కెప్టెన్‌ లియోనల్‌ మెస్సీ అన్నాడు.  జట్టు వరల్డ్‌కప్‌ ఫైనల్‌ చేరిన తరుణంలో సహచర ఆటగాళ్లను అభినందిస్తూ ప్రశంసలు కురిపించాడు. ఫిఫా ప్రపంచకప్‌-2022 తొలి సెమీ ఫైనల్లో క్రొయేషియాతో తలపడ్డ అర్జెంటీనా 3-0తో ప్రత్యర్థిని చిత్తు చేసింది. తద్వారా ఈ ఎడిషన్‌లో ఫైనల్‌ చేరిన తొలి జట్టుగా నిలిచింది. 34వ నిమిషంలో మెస్సీ గోల్‌కు తోడు.. జూలియన్‌ అల్వారెజ్‌ రెండు గోల్స్‌ సాధించడంతో అర్జెంటీనా విజయం ఖరారైంది. ఒక్క గోల్‌ కూడా చేయలేకపోయిన మోడ్రిచ్‌ బృందం నిరాశగా టోర్నీ నుంచి నిష్క్రమించింది. ఇంకొక్క అడుగు ఈ నేపథ్యంలో ప్రపంచకప్‌ ట్రోఫీని ముద్దాడేందుకు ఒక అడుగు దూరంలో ఉన్న మెస్సీ మాట్లాడుతూ.. ఈ విజయాన్ని తాను పూర్తిగా ఆస్వాదిస్తున్నానంటూ హర్షం వ్యక్తం చేశాడు.  ‘‘ఈ రోజు మా ఆట తీరు గొప్పగా ఉంది. పూర్తి స్థాయిలో సన్నద్ధమైన తర్వాతే మైదానంలో దిగాము.  మా ప్రణాళికలను పక్కాగా అమలు చేశాం. మా జట్టులో ఉన్న వాళ్లంతా ఇంటెలిజింట్లే’’ అంటూ మెస్సీ సహచర ఆటగాళ్లను కొనియాడాడు.  అదే విధంగా.. ‘‘చివరి అంకానికి చేరుకున్నాం!!! మమ్మల్ని నమ్మిన వాళ్లందరికీ ధన్యవాదాలు’’ అంటూ ఇన్‌స్టా వేదికగా మ్యాచ్‌కు సంబంధించి ఫొటోలు పంచుకున్నాడు. కోటిన్నరకు పైగా లైకులతో ఈ ఫొటోలు సోషల్‌ మీడియాలో వైరల్‌గా మారాయి.  ఆరంభంలోనే సౌదీ చేతిలో ఓటమి! కాగా ఆదివారం నాటి ఫైనల్లో గనుక అర్జెంటీనా గెలిస్తే మెస్సీ ఖాతాలో వరల్డ్‌కప్‌ టైటిల్‌ చేరుతుంది. ఇక కోపా అమెరికా 2021 విజేతగా నిలవడంతో పాటు వరల్డ్‌కప్‌ ఆరంభానికి ముందు 36 మ్యాచ్‌లలో ఓటమన్నదే తెలియని అర్జెంటీనాకు సౌదీ అరేబియా షాకిచ్చిన విషయం తెలిసిందే. 51వ ర్యాంకర్‌ అయిన సౌదీ.. మెస్సీ బృందాన్ని 2-1తో ఓడించి గట్టి షాకిచ్చింది. దీంతో ఫిఫా వరల్డ్‌కప్‌-2022లో తమ తొలి మ్యాచ్‌లోనే అర్జెంటీనాకు చేదు అనుభవం ఎదురైంది. అయితే, ఆ తర్వాత అవాతంరాలన్నీ అధిగమిస్తూ ఒక్కో మెట్టు ఎక్కిన మెస్సీ బృందం ఫైనల్‌ వరకు చేరుకుంది.  చదవండి: FIFA WC 2022 Final: ఫైనల్‌ చేరాం చాలు.. మమ్మల్ని ఎవరూ ఆపలేరు! అంబరాన్నింటిన సంబరాలు ENG Vs PAK: ఓటమి బాధలో ఉన్న పాకిస్తాన్‌కు మరో భారీ షాక్‌.. View this post on Instagram A post shared by Leo Messi (@leomessi)

FIFA World Cup 2022- Argentina Vs Croatia- Lionel Messi- Final: అర్జెంటీనా ఫిఫా ప్రపంచకప్‌ ఫైనల్‌కు చేరిన నేపథ్యంలో ఆ దేశ ప్రజల సంబరాలు అంబరాన్నంటాయి. రాజధాని బ్యూనో ఎయిర్స్‌ వీధులు మొత్తం జనసంద్రంతో నిండిపోయాయి. కాగా అర్జెంటీనా కెప్టెన్‌, స్టార్‌ ఫుట్‌బాలర్‌ లియోనల్‌ మెస్సీ వరల్డ్‌కప్‌ కల నెరవేరే క్రమంలో ముందడుగు పడింది.  ఖతర్‌ వేదికగా జరిగిన మొదటి సెమీ ఫైనల్లో క్రొయేషియాను ఓడించిన అర్జెంటీనా ఆరోసారి ఫైనల్‌కు చేరుకుంది. ఈ తరుణంలో వేలాది మంది అర్జెంటీనా ప్రజలు తమ జాతీయత ప్రతిబింబించేలా లేత నీలం, తెలుపు రంగుల కలయికతో ఉన్న  జెండాలు ప్రదర్శిస్తూ ఆనందంతో గంతులు వేశారు. మెస్సీ బృందం అందుకున్న చిరస్మరణీయి విజయాన్ని సెలబ్రేట్‌ చేసుకుంటూ కేరింతలు కొట్టారు.   ఈ సందర్భంగా రాయిటర్స్‌తో అభిమానులు మాట్లాడుతూ.. ‘‘ఫైనల్‌ వరకు చేరడమే అత్యుత్తమం. ఆ తర్వాత ఏం జరిగినా పర్లేదు. ఈ సంతోషాన్ని వర్ణించేందుకు మాటలు చాలవు. మమ్మల్ని ఎవరూ ఆపలేరు. మా ఆనందానికి పట్టపగ్గాల్లేవు.  అర్జెంటీనా ప్రజలంతా సంతోషంతో ఉక్కిరిబిక్కిరి అవుతున్నారు’’ అంటూ హర్షం వ్యక్తం చేశారు. కాగా సమకాలీన ఫుట్‌బాలర్లలో ఎవరికీ సాధ్యం కాని విధంగా అద్బుతమైన రికార్డులు సాధించిన మెస్సీ ఖాతాలో ఒక్క వరల్డ్‌కప్‌ ట్రోఫీ కూడా లేదు.  అంతేకాదు 35 ఏళ్ల మెస్సీకి ఇదే ఆఖరి ప్రపంచకప్‌ టోర్నీ కానుందన్న తరుణంలో అర్జెంటీనా ఫైనల్‌ చేరడం సంతోషాలను రెట్టింపు చేసింది. ఇక రెండో సెమీ ఫైనల్లో ఫ్రాన్స్‌- మొరాకో తలపడనున్నాయి. ఈ మ్యాచ్‌లో గెలిచిన జట్టుతో ఆదివారం ఫైనల్లో అర్జెంటీనా తలపడనుంది. చదవండి: Ind Vs Ban: టాస్‌ గెలిచి బ్యాటింగ్‌ ఎంచుకున్న భారత్‌.. తుది జట్లు ఇవే Sanju Samson: రెచ్చిపోయిన సంజూ శాంసన్‌.. 4 ఫోర్లు, 7 సిక్సర్లతో..!   var request = 'https://www.sakshi.com/knowwidget/kwstr_5091503545.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

FIFA World Cup 2022- Argentina Vs Croatia- Lionel Messi: ప్రపంచకప్‌ గెలవాలన్న చిరకాల కల నెరవేర్చుకునే దిశగా దూసుకెళ్తున్నాడు మేటి ఫుట్‌బాల్‌ ఆటగాడు లియోనల్‌ మెస్సీ. కెరీర్‌లో ఇంతవరకు అందని ద్రాక్షగా ఉన్న వరల్డ్‌కప్‌ ట్రోఫీని ముద్దాడేందుకు ఒక్క అడుగుదూరంలో నిలిచాడు. ఫిఫా ప్రపంచకప్‌-2022లో భాగంగా ఖతర్‌ వేదికగా క్రొయేషియాతో జరిగిన తొలి సెమీ ఫైనల్లో మెస్సీ బృందం ఘన విజయం సాధించింది. ఫైనల్‌ చేరాలన్న క్రొయేషియా ఆశలపై నీళ్లు చల్లుతూ 3-0తో చిత్తు చేసింది. తద్వారా 2014 తర్వాత తొలిసారి ఫైనల్లో అడుగుపెట్టింది. ఇక మంగళవారం అర్ధరాత్రి తర్వాత జరిగిన ఈ మ్యాచ్‌లో అద్భుతమైన గోల్‌తో మెరిశాడు అర్జెంటీనా కెప్టెన్‌ మెస్సీ. క్రొయేషియాతో మ్యాచ్‌లో తొలి అర్ధభాగంలో లభించిన పెనాల్టీ కిక్‌కు గోల్‌గా మలిచిన ఈ స్టార్‌ ఫుట్‌బాలర్‌ అరుదైన రికార్డును తన ఖాతాలో వేసుకున్నాడు. ఈ ప్రపంచకప్‌ టోర్నీలో అతడికి ఇది ఐదో గోల్‌. మొత్తంగా ఈ మెగా ఈవెంట్‌లో 11వది.  తద్వారా అర్జెంటీనా తరఫున ప్రపంచకప్‌ చరిత్రలో అత్యధిక గోల్స్‌ సాధించిన ఆటగాడిగా రికార్డులకెక్కాడు. దిగ్గజ ఫుట్‌బాలర్‌ డిగో మారడోనా సహా గాబ్రియెల్‌ బటిస్టుటా, గిల్మెరో స్టబిలేను దాటుకుని అగ్రస్థానంలో నిలిచాడు. ఫిఫా ప్రపంచకప్‌లో అర్జెంటీనా తరఫున అత్యధిక గోల్స్‌ సాధించిన ఆటగాళ్లు లియోనల్‌ మెస్సీ- 11(25 మ్యాచ్‌లు) గాబ్రియెల్‌ బటిస్టుటా- 10(12 మ్యాచ్‌లు) గిల్మెరో స్టబిలే- 8 (4 మ్యాచ్‌లు) డిగో మారడోనా- 8 (21 మ్యాచ్‌లు) మారియో కెంప్స్‌- 6 (18 మ్యాచ్‌లు) తనే మొదటివాడు ఇక ఈ రికార్డుతో మరో ఫీట్‌ను కూడా నమోదు చేశాడు మెస్సీ. ఒక వరల్డ్‌కప్‌ టోర్నీలో 5 గోల్స్‌ సాధించిన అత్యధిక వయస్కుడిగా నిలిచాడు 35 ఏళ్ల మెస్సీ.  చదవండి: Cristiano Ronaldo: వద్దనుకుంటే పుట్టిన బిడ్డ! ఎంతటి మొనగాడివైతేనేం! ఎన్ని రికార్డులు ఉన్నా ఏం లాభం? మరీ ఇలా... పర్లేదులే!

ఖతర్‌ వేదికగా జరుగుతున్న ఫిఫా వరల్డ్‌కప్‌లో లియోనల్‌ మెస్సీ అన్నీ తానై అర్జెంటీనాను సెమీస్‌కు చేర్చాడు. ఇప్పటివరకు నాలుగు గోల్స్‌ కొట్టిన మెస్సీ.. కీలక సెమీఫైనల్లో ఏం చేస్తాడో చూడాలి. 35 ఏళ్ల మెస్సీకి ఇదే చివరి ఫిఫా వరల్డ్‌కప్‌ అని భావిస్తున్న తరుణంలో ఎలాగైనా టైటిల్‌ అందుకోవాలని అర్జెంటీనా ఉవ్విళ్లూరుతుంది. ఇవాళ క్రొయేషియాతో జరిగే సెమీఫైనల్లో ఓడితే మాత్రం అర్జెంటీనాతో పాటు మెస్సీ కథ కూడా ముగిసినట్లే. ఈ నేపథ్యంలో క్రొయేషియాపై మెస్సీ బృందం ఎలాగైనా గెలవాలని అభిమానులు బలంగా కోరుకుంటున్నారు. ఇక ఫిఫా వరల్డ్‌కప్‌ అనంతరం మెస్సీ ఆటకు గుడ్‌బై చెప్పనున్నట్లు వార్తలు వస్తున్నాయి. ఎలాగు 35 ఏ‍ళ్లు వచ్చాయి కాబట్టి ఇక మెస్సీ తర్వాతి ఫిఫా వరల్డ్‌కప్‌ ఆడడం కష్టమేనని చాలా మంది అభిప్రాయపడుతున్నారు. అయితే అర్జెంటీనా కోచ్‌ లియోనల్‌ స్కలోని మాత్రం మెస్సీ రిటైర్‌మెంట్‌పై ఆసక్తికర వ్యాఖ్యలు చేశాడు. ''ఫిఫా వరల్డ్‌కప్‌ తర్వాత మెస్సీ కొనసాగుతాడా లేదా అనేది వేచి చూడాల్సిందే. కానీ ఈ క్షణంలో మాత్రం మెస్సీ ఆటను బాగా ఎంజాయ్‌ చేస్తున్నాం. సంతోషంగా ఉన్న సమయంలో మెస్సీ రిటైర్‌మెంట్‌పై అనవసర చర్చ ఎందుకు చెప్పండి. ప్రస్తుతం మెస్సీ అటు కెప్టెన్‌గా.. ఆటగాడిగా తన బాధ్యతను సమర్థంగా నిర్వహిస్తున్నాడు. ఈ వరల్డ్‌కప్‌ను మెస్సీ బాగా ఎంజాయ్‌ చేస్తున్నాడు.. అతని ఆటను చూసి మనం కూడా ఎంజాయ్‌ చేద్దాం. అర్జెంటీనా విజేతగా నిలిస్తే చూడాలని మెస్సీ కలలు కంటున్నాడు. ఆ కల నిజం అవ్వాలని కోరుకుందాం.'' అంటూ ముగించాడు. చదవండి: Cristiano Ronaldo: కోచ్‌ కాదు.. నోటి ‍మాటలే శాపంగా మారాయా?

అంతర్జాతీయ ఫుట్‌బాల్‌ సమాఖ్య (ఫిఫా) అన్నంత పని చేసింది. వరల్డ్‌కప్‌-2022లో భాగంగా నెదర్లాండ్స్‌తో జరిగిన క్వార్టర్‌ ఫైనల్లో హద్దు మీరి ప్రవర్తించిన అర్జెంటీనా ఆటగాళ్లపై వేటు వేసింది. మార్కోస్‌ అకునా, గొంజాలో మాంటియల్‌పై ఫిఫా ఓ మ్యాచ్‌ సస్పెన్షన్‌ విధించింది. ఫిఫా ఇచ్చిన ఈ ఊహించని షాక్‌తో అర్జెంటీనా ఖంగుతింది. డిసెంబర్‌ 14న క్రొయేషియాతో జరుగబోయే కీలక సెమీస్‌ మ్యాచ్‌లో ఈ ఇద్దరు ఆటగాళ్లు లేకపోవడం ఆ జట్టు విజయావకాశాలపై తప్పక ప్రభావం చూపుతుందని విశ్లేషకులు భావిస్తున్నారు. మరోవైపు ఫిఫా.. అర్జెంటీనా కెప్టెన్‌ మెస్సీపై ఎలాంటి చర్యలు తీసుకోకపోవడంతో ఆ జట్టు అభిమానులు ఊపిరిపీల్చుకున్నారు. Gonzalo Montiel and Marcos Acuña will not be able to play the semifinals due to suspension. pic.twitter.com/PGoqnT8wzF — Abubakar Ahmad Mulawa (@Mulawa99) December 10, 2022 కాగా, డచ్‌ టీమ్‌తో డిసెంబర్‌ 10న జరిగిన హోరాహోరీ క్వార్టర్స్‌ సమరంలో అర్జెంటీనా ఆటగాళ్లు ఓవరాక్షన్‌ చేయడంతో రిఫరీ అంటోనియో మాథ్యూ ఏకంగా 16 సార్లు ఎల్లో కార్డ్ (ఆటగాళ్లకు మందలింపులో భాగంగా ఎల్లో కార్డులను చూపుతారు) చూపించాడు. ఇందులో భాగంగానే ఫిఫా.. ఇద్దరు అర్జెంటీనా ఆటగాళ్లపై ఒక మ్యాచ్‌ సస్పెన్షన్‌ వేటు వేసింది.  ఇదిలా ఉంటే, తొలి సెమీఫైనల్లో క్రితం వరల్డ్‌కప్‌ రన్నరప్‌ క్రొయేషియా.. అర్జెంటీనా ఢీకొంటుంటే.. డిసెంబర్‌ 15న జరిగే రెండో సెమీఫైనల్లో డిఫెండింగ్‌ ఛాంపియన్‌ ఫ్రాన్స్‌.. క్వార్టర్స్‌లో పోర్చుగల్‌కు షాకిచ్చిన మొరాకో తలపడుతుంది. ఈ రెండు సెమీస్‌లో విన్నర్లు.. డిసెంబర్‌ 18వ తేదీన జరిగే తుది సమరంలో అమీతుమీ తేల్చుకుంటాయి. 

ఫుట్‌బాల్‌ ప్రపంచకప్‌-2022 తొలి మ్యాచ్‌లో సౌదీ అరేబియా చేతిలో ఓటమి అనంతరం వరుస విజయాలతో దూసుకుపోతున్న అర్జెంటీనాకు అంతర్జాతీయ ఫుట్‌బాల్‌ సమాఖ్య (ఫిఫా) భారీ షాకిచ్చింది. నిన్న (డిసెంబర్‌ 10) నెదర్లాండ్స్‌తో జరిగిన క్వార్టర్‌ ఫైనల్లో మెస్సీ అండ్‌ టీమ్‌ చేసిన ఓవరాక్షన్‌ను సీరియస్‌గా తీసుకున్న ఫిఫా.. వారిపై క్రమశిక్షణ చర్యలను ప్రారంభించింది. ఇందులో భాగంగా అర్జెంటీనా ఫుట్‌బాల్‌ సమాఖ్యపై డిసిప్లినరీ కేసులను నమోదు చేసింది. దీని ప్రభావం డిసెంబర్‌ 14న క్రొయేషియాతో జరిగే సెమీఫైనల్‌ మ్యాచ్‌పై పడే అవకాశం ఉంది. ఫుట్‌బాల్‌ గవర్నింగ్‌ బాడీ.. అర్జెంటీనా క్రమశిక్షణారాహిత్యానికి కెప్టెన్‌ మెస్సీని బాధ్యున్ని చేస్తే క్రొయేషియాతో జరిగే సెమీఫైనల్‌ మ్యాచ్‌లో అతనిపై వేటు పడే అవకాశం ఉంది. మెస్సీతో పాటు ఆ జట్టు గోల్‌కీపర్‌, మరికొంత మంది ఆటగాళ్లపై కూడా ఫిఫా నిషేధం విధించవచ్చు. ఇదే జరిగితే అర్జెంటీనాకు భారీ షాక్‌ తగిలినట్టే. సెమీస్‌లో మెస్సీ, గోల్‌కీపర్‌ ఎమిలియానో మార్టినెజ్‌ బరిలోకి దిగకపోతే అర్జెంటీనా ఓటమిపాలైనా ఆశ్చర్యపోనక్కర్లేదని సాకర్‌ అభిమానులు భావిస్తున్నారు. సెమీఫైనల్లో మెస్సీ ఆడకుండా అడ్డుకుంటే ఫిఫా అంతు చూస్తామని అర్జెంటీనా ఫ్యాన్స్‌ హెచ్చరిస్తున్నారు. ఈ ఉత్కంఠ పరిస్థితుల నేపథ్యంలో ఫిఫా ఎలాంటి సంచలన నిర్ణయాలు తీసుకుంటుందో వేచి చూడాల్సి ఉంది. కాగా, నిన్న డచ్‌ టీమ్‌తో ఉత్కంఠభరితంగా సాగిన క్వార్టర్స్ ఫైనల్లో అర్జెంటీనా 4-3 (2-2)  తేడాతో గెలుపొంది సెమీస్‌కు అర్హత సాధించిన విషయం తెలిసిందే. హోరాహోరీగా సాగిన ఈ సమరంలో రిఫరీ అంటోనియో మాథ్యూ ఏకంగా 18 సార్లు ఎల్లో కార్డ్ (ఆటగాళ్లకు మందలింపులో భాగంగా  ఎల్లో కార్డులను చూపుతారు) చూపించగా, ఇందులో అర్జెంటీనా ఆటగాళ్లే 16 సార్లు బాధ్యులయ్యారు. క్వార్టర్‌ ఫైనల్లో మ్యాన్‌ ఆఫ్‌ ది మ్యాచ్‌గా నిలిచిన మెస్సీ పోస్ట్‌మ్యాచ్‌ ఇంటర్య్వులోడీ అంశంపై స్పందిస్తూ..  రిఫరీ, నెదర్లాండ్‌ స్ట్రైకర్‌ వౌట్ వెఘోర్స్ట్, డచ్‌ కోచ్‌ లుయిస్‌ వాన్‌ గాల్‌పై వివాదాస్పద వ్యాఖ్యలు చేశాడు.  ఇదిలా ఉంటే, డిసెంబర్‌ 14న జరిగే తొలి సెమీఫైనల్లో క్రితం వరల్డ్‌కప్‌లో రన్నరప్‌ క్రొయేషియా-అర్జెంటీనా జట్లు తలపడుతుంటే.. డిసెంబర్‌ 15న జరిగే రెండో సెమీఫైనల్లో డిఫెండింగ్‌ ఛాంపియన్‌ ఫ్రాన్స్‌.. క్వార్టర్స్‌లో పోర్చుగల్‌కు షాకిచ్చిన మొరాకో తలపడనున్నాయి. ఈ రెండు సెమీస్‌లో విన్నర్లు.. డిసెంబర్‌ 18వ తేదీన జరిగే తుది సమరంలో అమీతుమీ తేల్చుకుంటాయి. 

ఖతర్‌ వేదికగా జరుగుతున్న ఫిఫా వరల్డ్‌కప్‌లో శుక్రవారం అర్జెంటీనా, నెదర్లాండ్స్‌ మధ్య జరిగిన క్వార్టర్‌ ఫైనల్‌ మ్యాచ్‌ ఆద్యంతం ఉత్కంఠ రేపింది. ఆటలో ఉత్కంఠ అనుకుంటే పొరపాటే.. ఇరుజట్ల ఆటగాళ్ల మధ్య భావోద్వేగాలు తారాస్థాయికి వెళ్లాయి. మ్యాచ్‌లో స్పెయిన్‌ రిఫరీ ఆంటోనియో మిగ్యుల్ మాటే లాహోజ్ అందరికంటే ఎక్కువ బిజీగా కనిపించాడు. ఎందుకంటే మ్యాచ్‌లో ఆటగాళ్లకు 13 సార్లు ఎల్లో కార్డులు, ఏడుసార్లు రెడ్‌కార్డులు జారీ చేశాడు. తొలి హాఫ్‌లో పెద్దగా ఏం జరగలేదు.. కానీ రెండో అర్థభాగంలో మాత్రం ఇరుజట్ల ఆటగాళ్లు ఒకరినొకరు దూషించుకుంటూ గేమ్‌ను కొనసాగించారు. ఇక మ్యాచ్‌లో మెస్సీ పెనాల్టీని గోల్‌గా మలిచి అర్జెంటీనాను 2-0 ఆధిక్యంలోకి తీసుకెళ్లాడు. ఆ తర్వాత రెండో అర్థభాగంలో నెదర్లాండ్స్‌ స్టార్‌ వౌట్ వెఘోర్స్ట్ రెండు గోల్స్‌ కొట్టి స్కోరును సమం చేశాడు. ఆ తర్వాత నిర్ణీత సమయం ముగిసేలోగా ఇరుజట్లు మరో గోల్‌ కొట్టకపోవడంతో 2-2తో మ్యాచ్‌ డ్రాగా ముగియడం.. పెనాల్టీ షూటౌట్‌లో అర్జెంటీనా 4-3 తేడాతో నెదర్లాండ్స్‌ను ఓడించి సెమీస్‌లో అడుగుపెట్టింది. ఇక మ్యాన్‌ ఆఫ్‌ ది మ్యాచ్‌గా నిలిచిన మెస్సీ పోస్ట్‌మ్యాచ్‌ ఇంటర్య్వు ఇస్తూ నెదర్లాండ్‌ స్ట్రైకర్‌ వౌట్ వెఘోర్స్ట్ పై ఆగ్రహం వ్యక్తం చేశాడు. ఇంటర్య్వూ ఇచ్చేటప్పుడు వౌట్‌ మెస్సీకి ఎదురుగా వచ్చాడు. దీంతో కోపంతో..'' ఏం చూస్తున్నావ్‌.. నీ పని చూసుకో స్టుపిడ్‌'' అంటూ స్పానిష్‌ భాషలో పేర్కొన్నాడు. మ్యాచ్‌లో నెదర్లాండ్స్‌ ఆటగాళ్లతో జరిగిన ఇబ్బందిని మనసులో పెట్టుకొని మెస్సీ ఆగ్రహం వ్యక్తం చేసినట్లు తెలుస్తోంది. అంతేకాదు డచ్‌ మేనేజర్‌.. కోచ్‌ లుయిస్‌ వాన్‌ గాల్‌తోనూ మెస్సీ గొడవపడ్డాడు. అతనికి కూడా మెస్సీ కౌంటర్‌ ఇచ్చాడు. ''ఈరోజు మ్యాచ్‌లో నెదర్లాండ్స్‌ ఆటతీరు చూశాకా వారికి గౌరవం ఇ‍వ్వాలనిపించలేదు. ముఖ్యంగా లుయిస్‌ వాన్‌ గాల్‌ తీరు అస్సలు నచ్చలేదు. కోచ్‌ పాత్రలో ఉండి ఆయన నడుచుకున్న తీరు చిరాకు తెప్పించింది.'' అంటూ చెప్పుకొచ్చాడు.  ఇక డిసెంబర్‌ 14న జరగనున్న తొలి సెమీఫైనల్లో క్రొయేషియాతో అర్జెంటీనా అమితుమీ తేల్చుకోనుంది. ఈ వరల్డ్‌కప్‌ మెస్సీకి ఆఖరుదని వార్తలు వస్తున్న నేపథ్యంలో అర్జెంటీనాను విజేతగా నిలపాలని జట్టు సహచరులు భావిస్తున్నారు. ఇక బ్రెజిల్‌తో జరిగిన మరో క్వార్టర్‌ ఫైనల్‌ పోరులో క్రొయేషియా 4-2తో(పెనాల్టీ షూటౌట్‌) ద్వారా విజయం సాధించింది. నిర్ణీత సమయంలోగా 1-1తో సమంగా నిలవడంతో పెనాల్టీ షూటౌట్‌ అనివార్యమైంది.   QUE MIRAS BOBO JAJAJAJAJAJAJAA BASADO MI CAPITÁN pic.twitter.com/yoFUNu9eCO — La Scaloneta 🇦🇷 (@LaScaloneta) December 9, 2022 Messi had to show Louis van Gaal his place! 🗣️ pic.twitter.com/j7ri3s07ij — Leo Messi 🔟 (@WeAreMessi) December 10, 2022 చదవండి: వెక్కి వెక్కి ఏడ్చిన నెయ్‌మర్‌.. కథ ముగిసినట్లే!

అర్జెంటీనా స్టార్‌ ఫుట్‌బాలర్‌ లియోనెల్ మెస్సీ మరో ఘనత సాధించాడు.  ఫిఫా వరల్డ్‌కప్స్‌లో అర్జెంటీనా తరపున అత్యధిక గోల్స్‌ కొట్టిన ఆటగాడిగా గాబ్రియేల్‌ బాటిస్టుటాతో మెస్సీ సమంగా నిలిచాడు. ఫిఫా వరల్డ్‌కప్‌లో శుక్రవారం అర్థరాత్రి నెదర్లాండ్స్‌తో జరిగిన క్వార్టర్‌ ఫైనల్‌ మ్యాచ్‌లో మెస్సీ ఈ రికార్డు అందుకున్నాడు. డచ్‌తో మ్యాచ్‌ సందర్భంగా ఆట 73వ నిమిషంలో తనకు అచ్చొచ్చిన పెనాల్టీ ద్వారా మెస్సీ అర్జెంటీనాకు గోల్‌ అందించాడు. A Legend Messi...What A Penalty Shoot... Stunned.#LionelMessi #Messi #ARG#Qatar #NetherlandsArgentina pic.twitter.com/fBl8EoKMNe — Swapnil (@musaleswapnil) December 9, 2022 ఈ వరల్డ్‌కప్‌లో మెస్సీకి ఇది నాలుగో గోల్‌ కాగా..  ఓవరాల్‌గా 10వ గోల్‌ కావడం విశేషం.  ఇక​ అర్జెంటీనా దిగ్గజం గాబ్రియేల్ బాటిస్టుటా 1994-2002 మధ్య 12 ప్రపంచకప్‌ మ్యాచ్‌ల్లో మొత్తంగా 10 గోల్స్ చేశాడు.  ఈ క్రమంలోనే తాజాగా మెస్సీ 10వ గోల్‌ సాధించి గాబ్రియేల్‌ను 24 మ్యాచ్‌ల్లో సమం చేశాడు.  కాగా ఇదే వరల్డ్‌కప్‌లో అర్జెంటీనా స్టార్ మెస్సీ సౌదీ అరేబియా, మెక్సికో, ఆస్ట్రేలియాపై ఒక్కో గోల్ చేశాడు. దీంతో మెస్సీ అర్జెంటీనా తరపున 170 మ్యాచ్‌ల్లో 95 గోల్స్‌ నమోదు చేశాడు.

ఫిపా ప్రపంచకప్‌-2022 సెమీ ఫైనల్లో అర్జెంటీనా అడుగుపెట్టింది. ఈ మెగా టోర్నీలో భాగంగా శుక్రవారం అర్ధరాత్రి నెదర్లాండ్స్‌తో జరిగిన క్వార్టర్‌ ఫైనల్లో అద్భుతమైన విజయం సాధించిన మెస్సీ బృందం తమ సెమీస్‌ బెర్త్‌ను ఖారారు చేసుకుంది. ఆఖరి వరకు ఉత్కంఠ భరితంగా సాగిన ఈ మ్యాచ్‌లో..  మెస్సీ అసాధార‌ణ ఆట‌తీరును ప్రదర్శించాడు. మ్యాచ్‌ ఫస్ట్‌హాప్‌లో అద్భుతమైన కిక్‌తో మెస్సీ తొలి గోల్‌ను తన జట్టుకు అందించాడు. దీంతో తొలి అర్ధబాగం ముగిసే సరికి అర్జెంటీనా 1-0 ఆధిక్యంలో నిలిచింది. అనంతరం సెకెండ్‌ హాఫ్‌లో మెస్సీ అసిస్ట్ సహాయంతో మరో గోల్‌ను సాధించాడు. దీంతో అర్జెంటీనా 2-0 ఆధిక్యంలో నిలిచింది. అయితే సెకెండ్‌ హాఫ్‌లో ఆనూహ్యంగా పుంజుకున్న నెద‌ర్లాండ్స్ రెండు గోల్స్ చేసి స్కోరును స‌మం చేసింది. దీంతో మ్యాచ్‌ రిఫరీ ఇరు జట్లకు అదనపు సమయం కెటాయించాడు. అయితే అదనపు సమయంలో ఇరు జట్లు గోల్‌ను సాధించలేకపోయాయి.  ఈ క్రమంలో ఫలితాన్ని తేల్చేందుకు మ్యాచ్‌ రిఫరీ పెనాల్టీ షూటౌట్‌ను ఎంచుకున్నారు. ఇక పెనాల్టీ షూటౌట్‌లో 4-3 తేడాతో విజయం సాధించిన అర్జెంటీనా సెమీఫైనల్‌కు చేరుకుంది. కాగా  పెనాల్టీ షూటౌట్‌లోనూ మెస్సీ అద్భుతమైన గోల్‌ సాధించాడు. ఇక డిసెంబర్‌ 14న క్రోయేషియాతో సెమీఫైనల్లో అర్జెంటీనా తలపడనుంది. చదవండి: FIFA WC: కల చెదిరింది.. హృదయం ముక్కలైంది! గుండెకోత మిగిల్చారు.. అయినా!

17 రోజులలో 56 మ్యాచ్‌లు...ఎన్నో ఉత్కంఠ మలుపులు, ఎన్నో ఉద్వేగభరిత క్షణాలు... 32తో మొదలైన సమరం ఇప్పుడు 8 జట్లకు చేరింది. లెక్కకు మిక్కిలి ఖర్చుతో ఆతిథ్యం ఇచ్చినా ఒక్క మ్యాచ్‌ గెలవలేని ఖతర్‌ నిరాశపర్చగా... అర్జెంటీనాకు షాక్‌ ఇచ్చినా ముందంజ వేయలేని సౌదీ అరేబియా, నాలుగు సార్లు చాంపియన్‌ జర్మనీ నిష్క్రమణ తొలి రౌండ్‌లో హైలైట్‌గా నిలిచాయి. నాకౌట్‌ పోరులో రెండు మ్యాచ్‌లలో పెనాల్టీల ద్వారా ఫలితం తేలగా... క్రొయేషియా గోల్‌ కీపర్‌ ఆట, మొరాకో సంచలన ప్రదర్శన అభిమానులు మరచిపోలేరు. క్వార్టర్స్‌ సమరానికి వెళ్లే ముందు ఇప్పటి వరకు సాగిన ఆటను చూస్తే... ఎన్నో ఏళ్లుగా అర్జెంటీనా తరఫున లయోనల్‌ మెస్సీ అద్భుతాలు చేసి ఉండవచ్చు. కానీ ఈ వరల్డ్‌ కప్‌తో ఆ జట్టులో కూడా కొత్త హీరోలు పుట్టుకొచ్చారు. అలెక్సిన్‌ మ్యాక్, ఎన్జో ఫెర్నాండెజ్, జూలియాన్‌ అల్వారెజ్‌ కీలక సమయాల్లో మెరుపు ప్రదర్శనతో జట్టును క్వార్టర్స్‌కు చేర్చారు. కొరియాతో జరిగిన మ్యాచ్‌లో బ్రెజిల్‌ జోరు ప్రపంచ ఫుట్‌బాల్‌ అభిమానులను మంత్రముగ్ధులను చేసింది. ముఖ్యంగా మొదటి అర్ధ భాగంలో ఆటను చూస్తే 1982 తర్వాత ఈ తరహా దూకుడు చూడలేదని కొందరు మాజీ బ్రెజిల్‌ ఆటగాళ్లే చెప్పారంటే అతిశయోక్తి లేదు. ఎందుకంటే ఆ నాలుగు గోల్స్‌ అద్భుతంగా, ఒకదానిని మించి మరొకటి ఉన్నాయి. రిచర్లిసన్‌ రూపంలో మరో స్టార్‌ ఉదయించాడు. టీమ్‌ తరఫున మూడు గోల్స్‌ చేసిన రిచర్ల్‌సన్‌... రొనాల్డో రిటైర్మెంట్‌ తర్వాత తమకు ‘9వ నంబర్‌ జెర్సీ’ రూపంలో లభించిన వరమని బ్రెజిల్‌ అభిమానులు చెబుతున్నారు.   యువ ఆటగాళ్ల జోరు...  గత వరల్డ్‌కప్‌లో రన్నరప్‌గా నిలిచిన క్రొయేషియా ఈ సారి యువ ఆటగాళ్ల ప్రదర్శనతో చెలరేగింది. 2018 టోర్నీలో ల్యూకా మోడ్రిక్‌ ఒంటి చేత్తో జట్టును ఫైనల్‌ చేర్చగా...ఈ సారి అతనికి తోడు మరికొందరు జూనియర్లు జత కలిశారు. అటాకింగ్‌లో మార్కో లివాజా ఆకట్టుకోగా, జోస్కో గ్వార్డియల్‌కు ‘ప్రపంచంలోనే అత్యుత్తమ సెంట్రల్‌ డిఫెండర్‌’ అంటూ ప్రశంసలు కురుస్తున్నాయి. అతని కోసం యూరోపియన్‌ క్లబ్‌లు భారీ మొత్తం చెల్లించేందుకు సిద్ధమైనట్లు సమాచారం. గోల్‌ కీపర్‌ డొమినిక్‌ లివకోవిక్‌ కూడా పెనాల్టీ సేవింగ్‌ స్పెషలిస్ట్‌గా గుర్తింపు తెచ్చుకున్నాడు. జపాన్‌తో మ్యాచ్‌లో ఇది కనిపించింది. కైల్‌ ఎంబాపె ఈ వరల్డ్‌ కప్‌లో ఫ్రాన్స్‌ను ముందుండి నడిపిస్తున్నాడు. 5 గోల్స్‌ సాధించిన అతను 2 గోల్స్‌లో సహకారం అందించాడు. అతని ప్రదర్శన ఆల్‌టైమ్‌ గ్రేట్‌లలో ఒకడిగా నిలిపేలా కనిపిస్తోంది. 1986 ప్రపంచకప్‌లో మారడోనా తరహాలో జట్టులోని ఒకే ఆటగాడు ప్రభావం చూపించిన తీరుతో విశ్లేషకులు ఇప్పుడు ఎంబాపె ఆటను పోలుస్తున్నారు. ఉస్మాన్‌ ఎంబెలె ఈ టోర్నీలో సత్తా చాటిన మరో ఫ్రాన్స్‌ ఆటగాడు.   మొరాకో మెరుపులు...  ప్రపంచకప్‌ మొత్తానికి హైలైట్‌గా నిలిచే ప్రదర్శన మొరాకోదే. అనూహ్యమైన ఆటతో దూసుకొచ్చి తొలిసారి ఈ మెగా టోర్నీలో ఆ జట్టు క్వార్టర్స్‌ చేరింది. దుర్బేధ్యమైన డిఫెన్స్‌తోనే టీమ్‌ ముందంజ వేయగలిగింది. ఆడిన నాలుగు మ్యాచ్‌లలో కలిపి ఆ జట్టు ఒకే ఒక గోల్‌ ఇచ్చింది. అదీ సెల్ఫ్‌ గోల్‌ మాత్రమే!  2018లో అత్యధిక గోల్స్‌ చేసిన బెల్జియం, రన్నరప్‌ క్రొయేషియాతో పాటు ప్రిక్వార్టర్స్‌లో 2010 చాంపియన్‌ స్పెయిన్‌ను చిత్తు చేసిన తీరు అసమానం.ఇంగ్లండ్‌ జట్టులో సమష్టితత్వం బాగా కనిపించింది. జట్టు ఇప్పటి వరకు మొత్తం 12 గోల్స్‌ స్కోర్‌ చేయగా, వాటిని ఏడుగురు వేర్వేరు ఆటగాళ్లు సాధించారు. గత వరల్డ్‌ కప్‌లో ఒక్క హ్యారీ కేన్‌ మాత్రమే 6 గోల్స్‌ చేయగా, ఈ సారి అతను ఒకే ఒక గోల్‌ చేసినా... జట్టు మాత్రం దూసుకుపోతోంది.   పోర్చుగల్‌ జట్టు ప్రిక్వార్టర్‌ ఫైనల్లో చూపిన ప్రదర్శనతో ‘వన్‌ మ్యాన్‌ షో’కు తెర పడినట్లయింది. స్విట్జర్లాండ్‌పై 6–1తో విజయం వరల్డ్‌కప్‌ చరిత్రలోనే ఆ జట్టు అత్యుత్తమ ప్రదర్శన. తమ స్టార్‌ క్రిస్టియానో రొనాల్డోను పక్కన పెట్టి టీమ్‌ చూపిన తెగువ మంచి ఫలితాన్ని ఇచ్చింది. గొన్సాలో రామోస్‌ రూపంలో కొత్త స్టార్‌ ఉద్భవించాడు. ప్రిక్వార్టర్‌ మ్యాచ్‌లో చేసిన హ్యాట్రిక్‌తో అతను క్లబ్‌ ఫుట్‌బాల్‌లో ఒక్కసారిగా హాట్‌ స్టార్‌గా మారిపోయాడు. జొవా ఫెలిక్స్, బెర్నార్డో సిల్వ కూడా సత్తా చాటి పోర్చుగల్‌ టైటిల్‌ ఆశలు పెంచారు.         - సాక్షి క్రీడా విభాగం     ఐదు సార్లు విజేత అయిన బ్రెజిల్‌ ఈ సారి కూడా ఫేవరెట్‌గానే ఉంది. క్వార్టర్స్‌ పోరులో ఆ జట్టు గత టోర్నీ రన్నరప్‌ క్రొయేషియాను ఎదుర్కొంటుంది. ఇరు జట్లు వరల్డ్‌కప్‌లో మూడో సారి తలపడనుండగా, నాకౌట్‌ దశలో తలపడటం ఇదే తొలిసారి. గత రెండు మ్యాచ్‌లలో కూడా బ్రెజిల్‌ (1–0తో 2006లో, 3–1తో 2014లో) విజేతగా నిలిచింది. కోచ్‌ టిటె నాయకత్వంలో అటాకింగ్‌నే నమ్ముకొని బ్రెజిల్‌ ఫలితాలు సాధించింది. ఇప్పటి వరకు సత్తా చాటిన ఆటగాళ్లతో పాటు స్టార్‌ ప్లేయర్‌ నెమార్, అలెక్‌ సాండ్రో కూడా రాణిస్తే బ్రెజిల్‌కు తిరుగుండదు. క్రొయేషియా రికార్డును బట్టి చూస్తే ఫామ్‌లో ఉన్న బ్రెజిల్‌ను నిలువరించడం అంత సులువు కాదు. అయితే ఈ వరల్డ్‌కప్‌లో సంచలనాలకు లోటేమీ లేదు. మోడ్రిక్, కొవాసిక్‌తో పాటు బ్రొజోవిక్‌ ప్రదర్శనపై జట్టు ఆధారపడుతోంది.      మరో మూడు మ్యాచ్‌లలో విజయం సాధిస్తే  ఆల్‌టైమ్‌ గ్రేట్‌లలో ఒకడైన మెస్సీ పేరు చిరస్థాయిగా నిలిచిపోతుంది. ఫుట్‌బాల్‌ ప్రపంచంలో అన్నీ సాధించిన మెస్సీకి వరల్డ్‌ కప్‌ మాత్రం ఇంకా కలే. తన ఐదో ప్రయత్నంలోనైనా దీనిని సాధించాలని అతను పట్టుదలగా ఉన్నాడు. అయితే ఈ సారి అంతే స్థాయిలో రాణిస్తున్న అల్వారెజ్‌పై కూడా జట్టు బాగా ఆధారపడుతోంది. వ్యూహం ప్రకారం చూస్తే నెదర్లాండ్స్‌ ఒక్క మెస్సీని నిలువరిస్తే సరిపోదు. మరో వైపునుంచి అల్వారెజ్‌ దూసుకుపోగలడు. మూడు సార్లు రన్నరప్‌గా నిలిచిన నెదర్లాండ్స్‌ కోచ్‌ వాన్‌ గాల్‌ నేతృత్వంలో ఒక్కసారిగా పటిష్టంగా మారింది. అతని కోచింగ్‌లో డచ్‌ బృందం 19 మ్యాచ్‌లలో ఒక్కటి ఓడిపోలేదు. ఫ్రెంకీ డో జోంగ్, డెన్జెల్‌ డంఫ్రైస్‌ కీలక ఆటగాళ్లు. ఇరు జట్ల మధ్య వరల్డ్‌కప్‌లో 5 మ్యాచ్‌లు జరగ్గా...అర్జెంటీనా 3, నెదర్లాండ్స్‌ 1 గెలిచాయి. మరో మ్యాచ్‌ డ్రా అయింది.     

ఖతర్‌ వేదికగా జరుగుతున్న ఫిఫా వరల్డ్‌కప్‌లో మ్యాచ్‌లు తుది అంకానికి చేరుకుంటున్నాయి. మంగళవారం పోర్చుగల్‌, స్విట్జర్లాండ్‌.. మొరాకో, స్పెయిన్‌లు చివరి ప్రీ క్వార్టర్స్‌ మ్యాచ్‌లు ఆడనున్నాయి.  దీంతో ప్రీక్వార్టర్స్‌ దశ ముగియనుంది. ఇక క్వార్టర్‌ ఫైనల్లో ఎవరు ఎవరితో తలపడబోతున్నారనే విషయంపై ఒక క్లారిటీ వచ్చేసింది. ఇదిలా ఉంటే ఈసారి ఫెవరెట్స్‌లో ఒకటిగా బరిలోకి దిగిన అర్జెంటీనా క్వార్టర్స్‌కు దూసుకెళ్లింది. మెస్సీకి ఇదే చివరి ప్రపంచకప్‌ అని ఊహాగానాలు వస్తున్న వేళ కచ్చితంగా టైటిల్‌ కొట్టాలనే దృడ సంకల్పంతో అర్జెంటీనా ముందుకు సాగుతుంది. డిసెంబర్‌ 10న జరిగే క్వార్టర్‌ ఫైనల్స్‌లో నెదర్లాండ్స్‌తో అమితుమీ తేల్చుకోనుంది. ఇక మెస్సీ ఈ వరల్డ్‌కప్‌లో ఇప్పటివరకు మూడు గోల్స్‌ నమోదు చేశాడు. ఓవరాల్‌గా ఫిఫా వరల్డ్‌కప్స్‌లో తొమ్మిది గోల్స్‌ కొట్టాడు. ఇక మెస్సీ ఫిఫా వరల్డ్‌కప్‌ గెలిచే అవకాశాలు ఉన్న నాలుగు జట్ల పేర్లను రివీల్‌ చేశాడు. మెస్సీ ఏంచుకున్న నాలుగు జట్లలో అర్జెంటీనాతో పాటు బ్రెజిల్‌, ఫ్రాన్స్‌, స్పెయిన్‌లు ఉన్నాయి. ''నేను ఆడుతుంది అర్జెంటీనాకు కావడంతో మా జట్టు తొలి ఫెవరెట్‌ అని చెప్పలేను. అర్జెంటీనా ఎప్పుడూ బెస్ట్‌ టీమ్స్‌లో ఒకటిగా ఉంటుంది. మేము బెస్ట్‌ టీమ్స్‌లో ఒకటని మాకు తెలిసినా.. దానిని ఫీల్డ్‌లో నిరూపించుకోవాల్సి వచ్చింది. ఇప్పుడు ఆస్ట్రేలియాతో దానిని మరోసారి నిరూపించుకున్నాం. మాకంటే బ్రెజిల్‌, ఫ్రాన్స్‌, స్పెయిన్‌లు బాగా ఆడుతున్నాయి. కామెరూన్‌ చేతుల్లో ఓడినా బ్రెజిల్‌ కూడా బాగా ఆడుతోంది. ఇప్పటికీ ఫేవరెట్స్‌లో ఒకటి. ఫ్రాన్స్‌ కూడా బాగానే ఉంది. జపాన్‌ చేతుల్లో ఓడినా స్పెయిన్‌నూ తక్కువ అంచనా వేయలేం. వాళ్లు ఏం చేయాలో వాళ్లకు బాగా తెలుసు. వాళ్ల నుంచి బాల్‌ను దూరంగా తీసుకెళ్లడం కష్టం. స్పెయిన్‌ టీమ్‌ బాల్‌ను ఎక్కువ సేపు తమ నియంత్రణలో ఉంచుకుంటారు. వాళ్లను ఓడించడం కష్టం" అని పేర్కొన్నాడు. చదవండి: FIFA: మ్యాచ్‌ సమయంలో మెస్సీ ఎందుకు నడుస్తాడో తెలుసా?     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

అర్జెంటీనా స్టార్‌ లియోనల్‌ మెస్సీ తన కెరీర్‌లో చివరి ఫిఫా వరల్డ్‌కప్‌ ఆడుతున్నాడని చాలామంది భావిస్తున్నారు. 35 ఏళ్ల వయసులో ఉన్న మెస్సీ మరో వరల్డ్‌కప్‌ ఆడడం అనుమానమే. అందుకే కెరీర్‌లో ఎన్నో మైలురాళ్లను, రికార్డులను అందుకున్నప్పటికి ఫిఫా వరల్డ్‌కప్‌ ట్రోఫీ అందుకోలేదన్న కోరిక మెస్సీకి బలంగా ఉంది. ఈసారి ఎలాగైనా అర్జెంటీనాను విజేతగా నిలిపి తన కోరికను నెరవేర్చుకోవడంతో పాటు హ్యాపీ మూమెంట్‌తో ఆటకు వీడ్కోలు పలకాలని మెస్సీ భావిస్తున్నాడు. అందుకు తగ్గట్టుగానే మెస్సీ ప్రయాణం కొనసాగుతుంది. తొలి మ్యాచ్‌లో సౌదీ అరేబియా చేతిలో ఓటమి మినహా.. క్వార్టర్‌ ఫైనల్స్‌ వరకు అంతా సాఫీగానే సాగుతూ వచ్చింది. ఇప్పటివరకు మెస్సీ మూడు గోల్స్‌ కొట్టి జట్టు విజయాల్లో కీలకపాత్ర పోషించాడు. అయితే ప్రస్తుతం నాకౌట్‌ దశ జరుగుతుండడంతో ప్రతీ మ్యాచ్ కీలకమే.. అర్జెంటీనా ఓడితే మాత్రం ఇంటిబాట పట్టడమే కాదు మెస్సీ కెరీర్‌ కూడా ముగిసినట్లే. డిసెంబర్‌ 10న బలమైన నెదర్లాండ్స్‌తో అర్జెంటీనా క్వార్టర్‌ ఫైనల్‌ పోరులో తలపడనుంది. ఆ మ్యాచ్‌లో మెస్సీ సేన విజయం సాధించి సెమీస్‌కు దూసుకెళ్లాలని బలంగా కోరుకుందాం. ఖతర్‌ వేదికగా జరుగుతున్న ఫిఫా వరల్డ్‌కప్‌లో భాగంగా లియోనల్‌ మెస్సీ గురించి ఒక ఆసక్తికర విషయం వెలుగులోకి వచ్చింది. ఫుట్‌బాల్‌ అంటే బంతిని తమ ఆధీనంలో ఉంచుకునేందుకు ఆటగాళ్లు పరిగెత్తుతూనే ఉండాలి.. అయితే మెస్సీ మాత్రం బంతి తన ఆధీనంలో లేనప్పుడు పరిగెత్తడం కంటే ఎక్కువగా నడవడం చేస్తుంటాడని ఒక వెబ్‌సైట్‌ తన సర్వేలో పేర్కొంది. ఫిఫా వరల్డ్‌కప్‌లో భాగంగా గ్రూప్‌ దశలో మ్యాచ్‌ సమయంలో గ్రౌండ్‌లో ఎక్కువగా నడిచిన టాప్‌-10 ఆటగాళ్ల లిస్ట్‌ రూపొందించారు. ఈ లిస్ట్‌లో మెస్సీ మూడుసార్లు చోటు దక్కించుకోవడం విశేషం. మెక్సికోతో మ్యాచ్‌లో మెస్సీ అత్యధికంగా 4998 మీటర్లు దూరం నడిచాడు. ఆ తర్వాత పోలాండ్‌తో మ్యాచ్‌లో 4736 మీటర్ల దూరం, సౌదీ అరేబియాతో మ్యాచ్‌లో 4627 మీటర్ల దూరం నడిచాడు. ఓవరాల్‌ జాబితాలో రెండు, ఐదు, తొమ్మిదో స్థానాలు కలిపి మొత్తంగా మూడుసార్లు మెస్సీ చోటు దక్కించుకున్నాడు. ఇక తొలి స్థానంలో పోలాండ్‌ కెప్టెన్‌ రాబర్ట్‌ లెవాన్‌డోస్కీ ఉన్నాడు. సౌదీ అరేబియాతో మ్యాచ్‌లో రాబర్ట్‌ 5202 మీటర్ల దూరం నడిచాడు. ఆ తర్వాత అర్జెంటీనాతో మ్యాచ్‌లో 4829 మీటర్ల దూరం నడిచిన లెవాన్‌డోస్కీ జాబితాలో నాలుగో స్థానంలో నిలిచి రెండోసారి చోటు సంపాదించాడు. మెస్సీ ఎందుకు నడుస్తాడో తెలుసా? మరి మ్యాచ్‌లో మెస్సీ పరిగెత్తడం కంటే ఎక్కువగా నడుస్తాడనే దానిపై సందేహం వచ్చింది. ఈ ప్రశ్నకు మెస్సీ మాజీ మేనేజర్‌ పెప్‌ గార్డియోలా సమాధానం ఇచ్చాడు. ''మెస్సీ నడవడంలోనే పరిగెత్తడం చేస్తుంటాడు. అతను గేమ్‌లో ఎంతలా ఇన్వాల్వ్‌ అయితాడనేదానికి అతని నడకే ఒక ఉదాహరణ. మెస్సీ కావాలని అలా నడవడు. మ్యాచ్‌ ప్రారంభమైన తర్వాత కనీసం ఒక పది నిమిషాల పాటు గ్రౌండ్‌ మొత్తం నడుస్తూనే తన జట్టు ఆటగాళ్ల కదలికలను.. ప్రత్యర్థి ఆటగాళ్లు ఎలా ఆడుతున్నారనే దానిపై ఒక కన్ను వేస్తాడు. గ్రౌండ్‌ పరిసరాలను మొత్తం తన కంట్రోల్‌లోకి తెచ్చుకోవడానికే ఈ ప్రయత్నం. ఆ తర్వాత తలను ఎడమ, కుడి.. ఇలా 360 డిగ్రీస్‌లో తిప్పుతూ ఆటగాడి కదలికలను.. వారు కొట్టే షాట్స్‌ను అంచనా వేయడం అతనికి అలవాటు.  ఇక అంతా బాగుంది అనుకొని అప్పుడు తనలోని ఆటను బయటికి తీయడం చేస్తుంటాడు. మెస్సీ సక్సెస్‌కు ఇదీ ఒక కారణం అని చెప్పొచ్చు. అంతేకాని ఏదైనా సమస్య కారణంగా మెస్సీ పరిగెత్తడం లేదని.. నడకకే ఎక్కువ ప్రాధాన్యమిస్తున్నాడని అనుకుంటే మాత్రం పొరబడ్డట్లే. మెస్సీలో ఉన్న ప్రత్యేకత ఇదే.'' అంటూ చెప్పుకొచ్చాడు. Here is a video of Pep Guardiola explaining why Messi seems to “just walk around the pitch” when he doesn’t have the ball: pic.twitter.com/sEBQ4Juufh — ⚡️ (@Radmanx23) July 8, 2021 Tell us something we don't know 😂 pic.twitter.com/YbZLH1g8LE — M•A•J (@Ultra_Suristic) December 3, 2022 చదవండి: ఎంత కష్టం.. ఒకే ఒక్క వికెట్‌ కోసం చకోర పక్షుల్లా FIFA WC: మహా తుంటరోడు.. తండ్రి లక్షణాలు ఒక్కటీ రాలేదు!

అర్జెంటీనా స్టార్‌ లియోనల్‌ మెస్సీ గురించి ప్రత్యేకంగా చెప్పనవసరం లేదు. విశ్వవ్యాప్తంగా మెస్సీకి యమా క్రేజ్‌ ఉంది. క్రిస్టియానో రొనాల్డోతో సమానంగా ఫ్యాన్‌ బేస్‌ కలిగిన మెస్సీ చివరి వరల్డ్‌కప్‌ ఆడుతున్నాడంటూ వార్తలు వస్తున్నాయి. ఈసారి ఎలాగైనా జట్టుకు ఫిఫా టైటిల్‌ అందించాలనే లక్ష్యంతోనే మెస్సీ బరిలోకి దిగినట్లుగా అనిపిస్తుంది. ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనాను మెస్సీ క్వార్టర్‌ ఫైనల్స్‌కు చేర్చాడు. మరో మూడు అడుగులు దాటితే కప్‌ అర్జెంటీనా సొంతం అవుతుంది. అయితే నాకౌట్‌ దశ కావడంతో ఒక్క మ్యాచ్‌ ఓడినా ఇంటిబాట పట్టాల్సిందే. ఈ స్థితిలో మెస్సీ ఎలా జట్టును ముందుకు తీసుకెళ్తాడనేది ఆసక్తికరంగా మారింది. ఈ వరల్డ్‌కప్‌లో మూడు గోల్స్‌ సాధించిన మెస్సీ ఓవరాల్‌గా ఫిఫా వరల్డ్‌కప్స్‌లో తొమ్మిది గోల్స్‌ నమోదు చేశాడు. ఈ విషయం పక్కనబెడితే.. ఆటలో మెస్సీ రారాజు మాత్రమే కాదు.. ప్రశాంతతకు మారుపేరు. మ్యాచ్‌ సమయంలో అతను సహనం కోల్పోయింది చాలా తక్కువసార్లు అని చెప్పొచ్చు. అయితే మెస్సీ కొడుకు మాత్రం అల్లరిలో కింగ్‌లా కనిపిస్తున్నాడు. శనివారం అర్థరాత్రి ఆస్ట్రేలియాతో జరిగిన ప్రీక్వార్టర్స్‌ మ్యాచ్‌కు మెస్సీ భార్య అంటోనిలా రొక్కుజో తన కుమారుడితో హాజరయ్యింది. మ్యాచ్‌లో 35వ నిమిషంలో మెస్సీ గోల్‌ చేసినప్పుడు కొడుకుతో కలిసి సంతోషాన్ని పంచుకున్న అంటోనిలా మెస్సీకి ప్లైయింగ్‌ కిస్‌ ఇచ్చింది. అయితే ఆ తర్వాత కాసేపటికే మెస్సీ కొడుకు తనలోని తుంటరితనాన్ని బయటికి తీశాడు.  నోటిలో ఉన్న చూయింగ్‌ గమ్‌ను బయటకు తీసి తన ఎదురుగా ఫ్యాన్స్‌పైకి విసిరేశాడు. ఈ చర్యతో షాక్‌ తిన్నా వాళ్లు వెనక్కి తిరిగి చూడగా.. చేసింది మెస్సీ కొడుకని తెలుసుకొని ఏమీ అనలేకపోయారు. అయితే తల్లి అంటోనిలా రొక్కుజో మాత్రం కొడుక్కి చివాట్లు పెట్టింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఈ వీడియో చూసిన అభిమానులు.. ఫన్నీ కామెంట్స్‌తో రెచ్చిపోయారు. ''మెస్సీ వారసుడు అంటున్నారు.. అతని లక్షణాలు ఒక్కటి కూడా రాలేదు. ఈ పిల్లాడి వల్ల చాలా ముప్పు.. వెంటనే స్కూల్‌కు పంపించేయండి.. వాళ్ల నాన్న కనిపించేసరికి అతనిపై వేద్దామనుకున్నాడు.. కానీ మిస్‌ అయిపోయింది..'' అంటూ పేర్కొన్నారు. ఇక ప్రీక్వార్టర్స్‌లో ఆస్ట్రేలియాను 2-1 తేడాతో ఓడించిన మెస్సీ బృందం డిసెంబర్‌ 10న జరగనున్న క్వార్టర్‌ ఫైనల్లో నెదర్లాండ్స్‌తో తలపడనుంది. ఇక ఆస్ట్రేలియాతో మ్యాచ్‌ మెస్సీ కెరీర్‌లో 1000వ మ్యాచ్‌. ఈ మ్యాచ్‌లో గోల్‌ చేసిన మెస్సీ దిగ్గజం మారడోనా రికార్డును బద్దలు కొట్టాడు. Bro who pissed Messi's son Mateo off this much?? 😭😭 pic.twitter.com/GvK0snj7vY — mx (@MessiMX30iiii) December 4, 2022 చదవండి: 60 ఏళ్ల రికార్డు బద్దలుకొట్టిన ఫ్రాన్స్‌ ఫుట్‌బాలర్‌     var request = 'https://www.sakshi.com/knowwidget/kwstr_5091503545.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ చరిత్ర సృష్టించాడు. ఫిఫా వరల్డ్‌కప్స్‌లో అర్జెంటీనా తరపున అత్యధిక గోల్స్‌ కొట్టిన జాబితాలో మెస్సీ రెండో స్థానానికి చేరుకున్నాడు. ఈ నేపథ్యంలో దిగ్గజం మారడోనా రికార్డును మెస్సీ బద్దలు కొట్టాడు.  ఖతర్‌ వేదికగా జరుగుతున్న ఫిఫా వరల్డ్‌కప్‌లో రౌండ్‌ ఆఫ్‌ 16 పోరులో ఆస్ట్రేలియాతో మ్యాచ్‌లో మెస్సీ ఈ ఫీట్‌ అందుకున్నాడు. ఆట 35వ నిమిషంలో బాటమ్‌ లెఫ్ట్‌ కార్నర్‌ నుంచి గోల్‌ కొట్టిన మెస్సీ ఈ వరల్డ్‌కప్‌లో మూడో గోల్‌ సాధించాడు. ఓవరాల్‌గా ఫిఫా వరల్డ్‌కప్స్‌లో 23వ మ్యాచ్‌ ఆడుతున్న మెస్సీకి ఇది 9వ గోల్‌ కావడం విశేషం. ఈ క్రమంలో ఫిఫా వరల్డ్‌కప్స్‌లో మారడోనా చేసిన 8 గోల్స్‌(21 మ్యాచ్‌లు)ను మెస్సీ అధిగమించాడు.  అర్జెంటీనా తరపున ఫిఫా వరల్డ్‌కప్స్‌లో అత్యధిక గోల్స్‌ కొట్టిన ఆటగాడిగా ఆ దేశ దిగ్గజం గాబ్రియెల్‌ బటిస్టుటా 12 మ్యాచ్‌ల్లో 10 గోల్స్‌ చేశాడు. ఇక మెస్సీ మరో అరుదైన ఘనత కూడా సాధించాడు. మెస్సీకి ఇది 1000వ మ్యాచ్‌ కావడం విశేషం. ఓవరాల్‌గా 789 గోల్స్‌ కొట్టాడు. ఇక ఫిఫా వరల్డ్‌కప్‌లో అర్జెంటీనా క్వార్టర్‌ ఫైనల్స్‌లో డిసెంబర్‌ 10న నెదర్లాండ్స్‌తో తలపడనుంది. Cannot quantify #Messi magic with numbers but it's worth a shot 😬 📹 The 🔢 behind that 🤌🏻 ⚽ Watch the @Argentina star LIVE at the #WorldsGreatestShow 👉🏻 #JioCinema & #Sports18 📺📲#Qatar2022 #FIFAWorldCup #FIFAWConJioCinema #FIFAWConSports18 pic.twitter.com/yT6jywFK6f — JioCinema (@JioCinema) December 4, 2022 Scoring beautiful goals & surpassing legends, one at a time ❤️#Messi now has more #FIFAWorldCup goals (9) than legendary Diego Maradona (8) 👏 Watch him dazzle at the #WorldsGreatestShow, LIVE on #JioCinema & #Sports18 📺📲#Qatar2022 #FIFAWConJioCinema #FIFAWConSports18 pic.twitter.com/BO6rcDUhvs — JioCinema (@JioCinema) December 4, 2022

ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనా క్వార్టర్‌ ఫైనల్స్‌కు దూసుకెళ్లింది. రౌండ్‌ ఆఫ్‌ 16కు చేరిన జట్లు నాకౌట్‌ దశ కావడంతో గెలిచిన జట్టు ముందుకు.. ఓడిన జట్టు ఇంటికి చేరుతుంది. ఈ దశలో శనివారం అర్థరాత్రి దాటిన తర్వాత ఆస్ట్రేలియాతో జరిగిన రౌండ్‌ ఆఫ్‌ 16లో మెస్సీ బృందం 2-0తో విజయం సాధించింది. గత మ్యాచ్‌లో గోల్‌ చేయడంలో విఫలమైన మెస్సీ ఈ మ్యాచ్‌లో మాత్రం కీలక దశలో మెరిశాడు. ఆట 35వ నిమిషంలో లెఫ్ట్‌ కార్నర్‌ నుంచి గోల్‌ కొట్టడంతో అర్జెంటీనా బోణీ చేసింది. ఆ తర్వాత తొలి హాఫ్‌టైమ్‌ ముగిసేసరికి అర్జెంటీనా 1-0  ఆధిక్యంలో నిలిచింది. ఇక రెండో అర్థభాగం మొదలయిన కాసేపటికే ఆట 57వ నిమిషంలో ఆస్ట్రేలియా గోల్‌ కీపర్‌ మాథ్‌యూ రేయాన్‌ను బోల్తా కొట్టిస్తూ సింపుల్‌ గోల్‌ చేయడంతో అర్జెంటీనా ఆధిక్యం 2-0కు పెరిగింది.  ఆ తర్వాత ఆట 77వ నిమిషంలో ఆస్ట్రేలియా ఆటగాడు ఫెర్నాండేజ్‌ సెల్ఫ్‌గోల్‌ చేయడంతో ఆధిక్యం 2-1కి తగ్గింది. అయితే ఆ తర్వాత పలుమార్లు ఇరుజట్లు గోల్‌పోస్ట్‌పై దాడులు చేయడంతో ఉత్కంఠ పెరిగింది. చివరకు అర్జెంటీనా 2-1తో విజయం సాధించి క్వార్టర్స్‌లో అడుగుపెట్టింది. ఇక మెస్సీకి తన కెరీర్‌లో ఇది 1000వ మ్యాచ్‌ కావడం విశేషం. ఇక ఫిఫా వరల్డ్‌కప్‌లో అర్జెంటీనా డిసెంబర్‌ 10న జరిగే క్వార్టర్‌ ఫైనల్స్‌లో నెదర్లాండ్స్‌తో తలపడనుంది. • Messi's 🤌🏻 placement 🎯 • Alvarez's alertness 🚨 • Goodwin with a glimmer of hope 🙏 Watch all the 3️⃣ goals from #ARGAUS & keep watching the #FIFAWorldCup on #JioCinema & #Sports18 📺📲#Qatar2022 #WorldsGreatestShow #FIFAWConJioCinema #FIFAWConSports18 pic.twitter.com/3gOHiOknZq — JioCinema (@JioCinema) December 3, 2022 చదవండి: చరిత్ర సృష్టించిన మెస్సీ.. మారడోనా రికార్డు బద్దలు FIFA WC: అరబ్‌ గడ్డపై అందాల ప్రదర్శన.. చిక్కుల్లో సుందరి

ఫుట్‌బాల్‌లో జెర్సీ నెంబర్‌ 10కి యమా క్రేజ్‌ ఉంది. దిగ్గజం డీగో మారడోనా ఇదే నెంబర్‌ జెర్సీతో ఆడి అర్జెంటీనాను విశ్వ విజేతగా నిలిపాడు. అలా మారడోనా జెర్సీ నెంబర్‌ 10కి ఒక లీగసీని సెట్‌ చేసి పెట్టాడు. ఇప్పుడు ఆ లెగసీని తన శిష్యుడైన లియోనల్‌ మెస్సీ కంటిన్యూ చేస్తున్నాడు. అయితే జెర్సీ నెంబర్‌ 10కి అంత క్రేజ్‌ రావడానికి మారడోనా, మెస్సీలు కాదు.. వీళ్లకంటే ముందే ఆ జెర్సీని ధరించిన మరో అర్జెంటీనా ఆటగాడు ఉన్నాడు. అతనే మారియో కెంపెస్‌. 1978లో అర్జెంటీనా ఫిఫా వరల్డ్‌కప్‌ విజేతగా నిలవడంలో కెంపెస్‌ పాత్ర కీలకం. ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనా రౌండ్‌ ఆఫ్‌ 16కు చేరుకుంది. మెస్సీకి ఇదే చివరి వరల్డ్‌కప్‌ అని అంతా భావిస్తున్న తరుణంలో అర్జెంటీనాను విజేతగా నిలిపితే చూడాలనుకుంటున్నారు. అయితే మారడోనా, మెస్సీ కంటే ముందే అదే అర్జెంటీనా నుంచి ఒక ఆటగాడు జెర్సీ నెంబర్‌ 10ని ధరించాడు. ఆ జెర్సీని ధరించడమే కాదు.. అర్జెంటీనాను తొలిసారి ఫిఫా వరల్డ్‌ చాంపియన్స్‌గా(1978) నిలిపాడు. అతనే మారియో కెంపెస్‌.  1978 ఫిఫా వరల్డ్‌కప్‌లో అర్జెంటీనా విజేతగా నిలిచిందంటే మారియో కెంపెస్‌ ప్రధాన కారణం. ఆ టోర్నీలో మొత్తం ఆరు గోల్స్‌ చేసిన మారియో టాప్‌ స్కోరర్‌గా నిలిచి గోల్డెన్‌ బూట్‌, గోల్డెన్‌ బాల్‌ అవార్డులను దక్కించుకున్నాడు. ఫుట్‌బాల్‌ చరిత్రలో ఈ ఘనత సాధించిన మూడో ఆటగాడిగా మారియో కెంపెస్‌ నిలిచాడు. ఇక మారియో కెంపెస్‌ చేసిన ఆరు గోల్స్‌లో అన్ని జంట గోల్స్‌ కావడం విశేషం.  వీటిలో కీలకమైన సెకండ్‌ రౌండ్‌, ఫైనల్స్‌ మ్యాచ్‌లు ఉన్నాయి. అప్పటి వరల్డ్‌కప్‌లో నాకౌట్‌ దశ లేదు. తొలి రౌండ్‌, రెండో రౌండ్‌.. ఆ తర్వాత ఫైనల్‌ నిర్వహించారు. ఇక రెండో రౌండ్‌లో గెలిచి టాప్‌లో నిలిచిన రెండు జట్లు నేరుగా ఫైనల్లో అడుగుపెడతాయి. తొలి రౌండ్‌లో మారియో కెంపెస్‌ అంతగా ప్రభావం చూపలేదు. అయితే రెండో రౌండ్‌  నుంచి మాత్రం అతని మాయాజాలం మొదలైంది. రెండో రౌండ్‌లో పోలాండ్‌, పెరూతో మ్యాచ్‌ల్లో నాలుగు గోల్స్‌ చేసిన మారియో జట్టు ఫైనల్‌ చేరడంలో కీలకపాత్ర పోషించాడు. ఇక నెదర్లాండ్స్‌తో జరిగిన ఫైనల్లోనూ మారియో కెంపెస్‌ మరోసారి మెరిశాడు. ఆట 38వ నిమిషంలో డచ్‌ గోల్‌ కీపర్‌ను బోల్తా కొట్టిస్తూ 12 మీటర్ల దూరం నుంచి అద్బుత గోల్‌ సాధించాడు. ఆ తర్వాత ఆట అదనపు సమయంలో 105 నిమిషంలో మరో గోల్‌ చూసి జట్టు స్కోరును రెండుకు పెంచాడు. మరోవైపు నెదర్లాండ్స్‌ ఒక గోల్‌కే పరిమితం కావడంతో అర్జెంటీనా 2-1 తేడాతో మ్యాచ్‌ను గెలిచి తొలిసారి విశ్వవిజేతగా అవతరించింది. అలా మారియో కెంపెస్‌ పేరు మార్మోగిపోయింది. అప్పటినుంచే జెర్సీ నెంబర్‌ 10కి క్రేజ్‌ వచ్చింది. ఆ తర్వాత ఇదే జెర్సీని మారడోనా ధరించడం.. 1986లో అర్జెంటీనాను విజేతగా నిలపడం జరిగిపోయాయి. ఇక ఇప్పుడు వీరిద్దరి ట్రెండ్‌ను కొనసాగిసున్న మెస్సీ తన ప్రపంచకప్‌ కలను తీర్చుకుంటాడో లేదో చూడాలి. ఇక అర్జెంటీనా రౌండ్‌ ఆఫ్‌-16లో డిసెంబర్‌ 4న ఆస్ట్రేలియాతో తలపడనుంది.

అద్భుతాలు అరుదుగా జరుగుతాయంటారు. తాజాగా ఖతర్‌ వేదికగా జరుగుతున్న ఫిఫా వరల్డ్‌కప్‌లోనూ ఇలాంటిదే చోటుచేసుకుంది. విషయంలోకి వెళితే.. బుధవారం అర్థరాత్రి దాటిన తర్వాత అర్జెంటీనా, పోలాండ్‌ మధ్య మ్యాచ్‌ జరిగింది. ఈ మ్యాచ్‌లో అర్జెంటీనా 2-0 తేడాతో పోలాండ్‌ను ఓడించి ప్రీక్వార్టర్స్‌కు చేరుకుంది. మ్యాచ్‌లో ఓటమి పాలైన రాబర్ట్‌ లెండోవాస్కీ నేతృత్వంలోని పోలాండ్‌ కూడా రౌండ్‌ ఆఫ్‌ 16కు అర్హత సాధించింది. ఈ విషయం పక్కనబెడితే.. అర్జెంటీనా మ్యాచ్‌లో చేసిన రెండు గోల్స్‌లో ఒకటి జట్టు మిడ్‌ఫీల్డర్‌ అలెక్సిస్‌ మెక్‌ అలిస్టర్‌ చేశాడు. ఆట 46వ నిమిషంలో అర్జెంటీనాకు గోల్‌ అందించాడు. ఈ సందర్భంగా జట్టు కెప్టెన్‌ లియోనల్‌ మెస్సీ తనకు వచ్చిన మ్యాన్‌ ఆఫ్‌ ది మ్యాచ్‌ అవార్డును అలిస్టర్‌కు ఇచ్చేశాడు. దీని వెనుక ఒక కారణం ఉంది. అలెక్సిస్‌ మాక్‌ అలిస్టర్‌ తండ్రి కార్లోస్‌ మాక్‌ అలిస్టర్‌ కూడా ఫుట్‌బాలర్‌గా జట్టుకు సేవలందించాడు. కార్లోస్‌ దిగ్గజం మారడోనాతో కలిసి అర్జెంటీనాతో పాటు బోకా జూనియర్స్‌కు ప్రాతినిధ్యం వహించడం విశేషం. మారడోనాతో కలిసి తండ్రి కార్లోస్‌ అలిస్టర్‌ ఆడితే.. ఇప్పటితరం గొప్ప ఆటగాళ్లలో ఒకడైన లియోనల్‌ మెస్సీతో కలిసి కొడుకు అలెక్సిస్‌ మాక్‌ అలిస్టర్‌ వేదికను పంచుకున్నాడు. అందుకే మెస్సీ అలెక్సిస్‌ తండ్రిపై ఉన్న గౌరవంతో అతనికి వచ్చిన అవార్డును అలెక్సిస్‌కు అందించాడు. ఇదే విషయమై అలెక్సిస్‌ మాక్‌ అలిస్టర్‌ స్పందింస్తూ.. ఇది ఎప్పటికి మరిచిపోలేనిది. నా తండ్రి దిగ్గజం మారడోనాతో కలిసి ఆడడం ఒక ఎత్తయితే.. ఇప్పుడు నా ఆరాధ్య దైవం మెస్సీతో కలిసి ఆడడం మరిచిపోలేని అనుభూతి. అతను నాకు ట్రైనింగ్‌ ఇస్తున్న తీరుకు ఫిదా అయ్యా. అంటూ చెప్పుకొచ్చాడు. ఇక ప్రీక్వార్టర్స్‌కు చేరుకున్న అర్జెంటీనా డిసెంబర్‌ 4న ఆస్ట్రేలియాతో ఆడనుంది. అటు పోలాండ్‌ డిపెండింగ్‌ చాంపియన్‌ ఫ్రాన్స్‌తో అమితుమీ తేల్చుకోనుంది. చదవండి: Lionel Messi: 'పైనున్న మారడోనా సంతోషపడి ఉంటాడు'

ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనా రౌండ్‌ ఆఫ్‌-16‍కు అర్హత సాధించిన సంగతి తెలిసిందే. బుధవారం అర్థరాత్రి దాటిన తర్వాత పోలాండ్‌తో జరిగిన మ్యాచ్‌లో మెస్సీ బృందం 2-0 తేడాతో ఓడించింది. ప్రీక్వార్టర్స్‌ చేరాలంటే కచ్చితంగా నెగ్గాల్సిన మ్యాచ్‌లో అర్జెంటీనా సమిష్టి ప్రదర్శనతో ఆకట్టుకుంది. అయితే మ్యాచ్‌లో కచ్చితంగా గోల్‌ చేస్తాడనుకున్న మెస్సీ విఫలమైనప్పటికి అర్జెంటీనా మిడ్‌ ఫీల్డర్‌ అలెక్సిస్‌ అలిస్టర్‌(ఆట 46వ నిమిషంలో), ఫార్వార్డ్‌ ప్లేయర్‌ జులియన్‌ అల్వరేజ్‌(ఆట 67వ నిమిషంలో) గోల్‌ అందించి జట్టుకు విజయాన్ని అందించారు. ఇక మ్యాచ్‌ విజయం అనంతరం మెస్సీ మాట్లాడుతూ.. ''ఈరోజు మా ప్రదర్శన చూసి పైనున్న మారడోనా సంతోషపడి ఉంటాడు. ఎందుకంటే మారడోనా నాపై ఎక్కువ ప్రేమను చూపించేవాడు. నాకు అన్నీ అనుకూలంగా జరుగుతున్నాయంటే ఆయనే ఎక్కువ సంతోషపడేవాడు. ఇక తొలి మ్యాచ్‌లో సౌదీ అరేబియా చేతిలో ఓడిపోయి పూర్తిగా ఒత్తిడిలో ఉన్న మేము వరుస రెండు మ్యాచ్‌ల్లో విజయాలు సాధించడం మా ఆటపై నమ్మకాన్ని పెంచింది. ఓటమి బాధ నుంచి ఎలా బయటపడాలో ముందు నాకు తెలియదు.. ఇప్పుడు నేర్చుకున్నా. ఇక రికార్డులు కూడా నా వెంట రావడం సంతోషంగా ఉంది.'' అంటూ చెప్పుకొచ్చాడు.  ఇక స్టార్‌ ఫుట్‌బాలర్‌గా ప్రపంచవ్యాప్తంగా కోట్లాది మంది అభిమానులను సంపాదించుకున్న లియోనల్‌ మెస్సీకి ఇది 999వ మ్యాచ్‌. అంతేకాదు.. ఫిఫా వరల్డ్‌కప్‌ టోర్నీలో 22వది. ఈ క్రమంలో అర్జెంటీనా దిగ్గజం డిగో మారడోనా ఉన్న పేరిట రికార్డును మెస్సీ బద్దలు కొట్టాడు. ఫిఫా వరల్డ్‌కప్స్‌లో అర్జెంటీనా తరపున అత్యధిక మ్యాచ్‌లు ఆడిన ఆటగాడిగా నిలిచాడు. పెనాల్టీ కిక్‌లను కొట్టడంలో మెస్సీకి మంచి రికార్డు ఉంది. ఇప్పటివరకు 39సార్లు మాత్రమే పెనాల్టీని గోల్‌గా మలచడంలో విఫలమయ్యాడు. పోలాండ్‌తో మ్యాచ్‌లో తొలి అర్ధభాగంలో లభించిన పెనాల్టీని మెస్సీ గోల్‌ పోస్ట్‌లోకి తరలించడంతో విఫలమయ్యాడు. దీంతో అభిమానులు కాస్త నిరాశకు గురయ్యారు. ఇదే సమయంలో పెనాల్టీని గోల్‌గా మలచడంలో ఫెయిల్‌ అయిన మెస్సీ తనపై తానే అసహనం వ్యక్తం చేశాడు. ✌️😎✌️ - mood across #ARG after qualifying for #Qatar2022 Round of 16 Watch both the strikes from @Argentina's 2-0 win in #POLARG & follow #FIFAWorldCup, LIVE on #JioCinema & #Sports18 📺📲#WorldsGreatestShow #FIFAWConJioCinema #FIFAWConSports18 pic.twitter.com/X5c5ILcAAT — JioCinema (@JioCinema) November 30, 2022 చదవండి: FIFA WC: రికార్డు బద్దలు కొట్టినా.. మెస్సీ అభిమానులకు తప్పని నిరాశ!     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

FIFA World Cup 2022: ఫిఫా వరల్డ్‌కప్‌-2022 టోర్నీలో అర్జెంటీనా ముందడుగు వేసింది. మెస్సీ సారథ్యంలోని అర్జెంటీనా జట్టు పోలాండ్‌ను 2-0తో మట్టికరిపించింది. గ్రూప్‌- సీ టాపర్‌గా నాకౌట్‌ బెర్తును ఖరారు చేసుకుంది. ఈ క్రమంలో రౌండ్‌ ఆఫ్‌ 16లో భాగంగా అర్జెంటీనా తమ తదుపరి మ్యాచ్‌లో ఆస్ట్రేలియాతో పోటీపడనుంది. ఆ రెండు గోల్స్‌ దోహా వేదికగా బుధవారం అర్ధరాత్రి దాటిన తర్వాత జరిగిన మ్యాచ్‌లో గ్రూప్‌-సీలో భాగమైన అర్జెంటీనా- పోలాండ్‌ తలపడ్డాయి. ఈ క్రమంలో తొలి అర్ధభాగం గోల్‌ లేకుండానే ముగిసింది. అయితే, సెకండాఫ్‌లో అలెక్సిస్‌ మాక్‌ అలిస్టర్‌, జూలియన్‌ అల్వరెజ్‌ గోల్స్‌ సాధించడంతో మెస్సీ బృందం విజయం ఖరారైంది.  ఇదిలా ఉంటే గ్రూప్‌-సీలోని మరో మ్యాచ్‌లో మెక్సికో సౌదీ అరేబియాను 2-1తో ఓడించింది.  ఈ నేపథ్యంలో గెలిచిన ఆరు పాయింట్లతో అర్జెంటీనా గ్రూప్‌- సీ టాపర్‌గా నాకౌట్‌కు చేరగా.. రెండో స్థానంలో ఉన్న పోలాండ్‌ ఓడినప్పటికీ ప్రిక్వార్టర్స్‌కు అర్హత సాధించింది. తదుపరి మ్యాచ్‌లో అర్జెంటీనా- ఆస్ట్రేలియాను, పోలాండ్‌- డిపెండింగ్‌ చాంపియన్‌ ఫ్రాన్స్‌ను ఎదుర్కోనున్నాయి. రికార్డు బద్దలు కొట్టినా.. స్టార్‌ ఫుట్‌బాలర్‌గా ప్రపంచవ్యాప్తంగా కోట్లాది మంది అభిమానులను సంపాదించుకున్న లియోనల్‌ మెస్సీకి ఇది 999వ మ్యాచ్‌. అంతేకాదు.. ఫిఫా వరల్డ్‌కప్‌ టోర్నీలో 22వది. ఈ క్రమంలో అర్జెంటీనా దిగ్గజం డిగో మారడోనా ఉన్న పేరిట రికార్డును మెస్సీ బద్దలు కొట్టాడు. ఫిఫా వరల్డ్‌కప్స్‌లో అర్జెంటీనా తరపున అత్యధిక మ్యాచ్‌లు ఆడిన ఆటగాడిగా నిలిచాడు. ఆ ఒక్క లోటు మాత్రం.. ఇదిలా ఉంటే.. వరల్డ్‌కప్‌ ఈవెంట్‌లో మెస్సీ ఇప్పటి వరకు ఎనిమిది గోల్స్‌ చేశాడు. ఫిఫా వరల్డ్‌కప్‌-2022లో సౌదీ అరేబియాతో మ్యాచ్‌లో గోల్‌ కొట్టిన మెస్సీ.. మెక్సికోతో మ్యాచ్‌లో అద్భుతమైన గోల్‌తో మెరిశాడు. అయితే, తాజా మ్యాచ్‌లో మాత్రం అతడు గోల్‌ సాధించలేకపోయాడు. పోలాండ్‌తో మ్యాచ్‌లో తొలి అర్ధభాగంలో లభించిన పెనాల్టీని గోల్‌గా మలచలేకపోయాడు. దీంతో అభిమానులు కాస్త నిరాశకు గురయ్యారు. అయితే, మ్యాచ్‌లో విజయం సాధించడం ద్వారా నాకౌట్‌కు చేరుకోవడంతో ఈ లోటు తీరినట్లయింది. చదవండి: Ind Vs NZ: 12 బంతుల తేడాతో టీమిండియాకు తప్పిన పరాజయం! ఎలాగంటే.. FIFA WC 2022: అమెరికా ఆరోసారి.. ఆస్ట్రేలియా 2006 తర్వాత ఇదే తొలిసారి! 🙌 See you both in the Round of 16! 🫶@Argentina | @LaczyNasPilka | #FIFAWorldCup pic.twitter.com/iu1vuwkH75 — FIFA World Cup (@FIFAWorldCup) November 30, 2022 var request = 'https://www.sakshi.com/knowwidget/kwstr_5091503545.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఖతర్‌ వేదికగా జరుగుతున్న ఫిఫా వరల్డ్‌కప్‌లో సౌదీ అరేబియాతో జరిగిన తొలి మ్యాచ్‌లో ఓడి అర్జెంటీనా అందరికి షాక్‌ ఇచ్చింది. అయితే మెక్సికోతో జరిగిన రెండో మ్యాచ్‌లో మాత్రం అద్భుత విజయంతో అర్జెంటీనా ప్రి క్వార్టర్స్‌ ఆశలను సజీవంగా ఉంచుకుంది. తాజాగా బుధవారం అర్థరాత్రి దాటిన తర్వాత మెస్సీ బృందం పోలాండ్‌తో కీలక మ్యాచ్‌ ఆడనుంది. ఈ మ్యాచ్‌లో గెలిస్తే నేరుగా ఎవరితో సంబంధం లేకుండా నేరుగా ప్రిక్వార్టర్స్‌ చేరుతుంది.. ఓడితే మాత్రం ఇతర జట్ల ఫలితాలపై ఆధారపడాల్సి ఉన్నప్పటికి అర్జెంటీనా ఇంటికి వెళ్లే అవకాశాలు ఎక్కువగా ఉన్నాయి. ఈ నేపథ్యంలో మెస్సీ మరోసారి మెరవాల్సిన సమయం ఆసన్నమైంది. సౌదీ అరేబియాతో మ్యాచ్‌లో గోల్‌తో మెరిసినప్పటికి జట్టు ఓటమి పాలయింది. ఇక మెక్సికోతో రెండో మ్యాచ్‌లో మాత్రం మెస్సీ తనకు మాత్రమే సాధ్యమైన గోల్‌ కొట్టి అర్జెంటీనాను విజయం వైపు నడిపించాడు.   ఇక పోలాండ్‌తో మ్యాచ్‌ సందర్భంగా మెస్సీ ముందు మూడు అరుదైన రికార్డులు ఎదురుచూస్తున్నాయి. వీటిలో రెండు రికార్డులు మాత్రం మ్యాచ్‌లో బరిలోకి దిగితే వస్తాయి.. మరొక రికార్డు మాత్రం మెస్సీ కొట్టే గోల్స్‌పై ఆధారపడి ఉంది. అవేంటో ఒకసారి పరిశీలిద్దాం. ► పోలాండ్‌తో మ్యాచ్‌ మెస్సీకి తన ఫుట్‌బాల్‌ కెరీర్‌లో 999వది కావడం విశేషం. ► ఇక ఫిఫా వరల్డ్‌కప్స్‌లో అర్జెంటీనా తరపున అత్యధిక మ్యాచ్‌లు ఆడిన ఆటగాడిగా నిలవనున్నాడు. పోలాండ్‌తో మ్యాచ్‌ మెస్సీకి ఫిఫా వరల్డ్‌కప్స్‌లో 22వది. దీంతో మారడోనా(21 మ్యాచ్‌లు)ను అధిగమించి మెస్సీ తొలి స్థానంలో నిలవనున్నాడు. ► ఫిఫా వరల్డ్‌కప్స్‌లో మెస్సీ ఇప్పటివరకు ఎనిమిది గోల్స్‌ చేశాడు. మారడోనాతో సమానంగా ఉన్న మెస్సీ మరొక రెండు గోల్స్‌ చేస్తే అత్యధిక గోల్స్‌ కొట్టిన ఆటగాడిగా తొలి స్థానంలో నిలుస్తాడు. ఇప్పటివరకు అర్జెంటీనా దిగ్గజం గాబ్రియెల్‌ బటిస్టువా 10 గోల్స్‌తో తొలి స్థానంలో ఉన్నాడు. ఈ మ్యాచ్‌లో మెస్సీ రెండు గోల్స్‌ చేస్తే గాబ్రియెల్‌ సరసన.. మూడు గోల్స్‌ చేస్తే అర్జెంటీనా తరపున ఫిఫా ప్రపంచకప్‌లలో అత్యధిక గోల్స్‌ కొట్టిన ఆటగాడిగా తొలి స్థానంలో నిలవనున్నాడు.   చదవండి: FIFA WC: దేశాల మధ్య మాత్రమే యుద్ధం.. ఆటగాళ్లకు కాదు     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

తొలి మ్యాచ్‌లో సౌదీ అరేబియా చేతిలో ఎదురైన అనూహ్య ఓటమి నుంచి అర్జెంటీనా వెంటనే తేరుకుంది. ప్రపంచకప్‌ ఫుట్‌బాల్‌ టోర్నీ లో నాకౌట్‌ దశకు అర్హత పొందే అవకాశాలు సజీవంగా ఉండాలంటే కచ్చితంగా గెలవాల్సిన మ్యాచ్‌లో ఈ మాజీ చాంపియన్‌ జట్టు సమష్టి ప్రదర్శనతో రాణించింది. తనదైన రోజున ఎంతటి మేటి జట్టునైనా ఓడించే సత్తాగల మెక్సికోను ఏమాత్రం తేలిగ్గా తీసుకోకుండా ఆడిన అర్జెంటీనా రెండు గోల్స్‌ తేడాతో విజయం సాధించి ఊపిరి పీల్చుకుంది. పోలాండ్‌తో జరిగే చివరి మ్యాచ్‌లో అర్జెంటీనా గెలిస్తే ఎలాంటి సమీకరణాలతో సంబంధం లేకుండా ప్రిక్వార్టర్‌ ఫైనల్‌కు అర్హత సాధిస్తుంది. ఒకవేళ మ్యాచ్‌ను ‘డ్రా’ చేసుకుంటే సౌదీ అరేబియా–మెక్సికో మ్యాచ్‌ ఫలితంపై అర్జెంటీనా జట్టు నాకౌట్‌ అవకాశాలు ఆధారపడి ఉంటాయి. పోలాండ్‌ చేతిలో ఓడితే మాత్రం అర్జెంటీనా లీగ్‌ దశలోనే ఇంటిముఖం పడుతుంది.    దోహా: టైటిల్‌ ఫేవరెట్స్‌లో ఒక జట్టుగా ఖతర్‌కు వచ్చిన అర్జెంటీనా తొలి మ్యాచ్‌లో సౌదీ అరేబియా చేతిలో ఓడిపోవడంతో అందరూ ఆశ్చర్యపోయారు. కానీ తొలి మ్యాచ్‌లో ఎదురైన పరాభవం నుంచి తేరుకున్న అర్జెంటీనా రెండో మ్యాచ్‌లో స్థాయికి తగ్గట్టు ఆడింది. గ్రూప్‌ ‘సి’లో భాగంగా మెక్సికోతో భారత కాలమానం ప్రకారం శనివారం అర్ధరాత్రి దాటాక జరిగిన మ్యాచ్‌లో అర్జెంటీనా 2–0 గోల్స్‌ తేడాతో విజయం సాధించింది. ఆట 64వ నిమిషంలో కెప్టెన్‌ లయనెల్‌ మెస్సీ గోల్‌తో 1–0తో ఆధిక్యంలోకి వెళ్లిన అర్జెంటీనా... 87వ నిమిషంలో ఎంజో ఫెర్నాండెజ్‌ గోల్‌తో విజయాన్ని ఖాయం చేసుకుంది. నాకౌట్‌ చేరే అవకాశాలు సజీవంగా ఉండాలంటే తప్పనిసరిగా గెలవాల్సిన మ్యాచ్‌లో అర్జెంటీనా జాగ్రత్తగా ఆడింది. మరోవైపు మెక్సికో ఫార్వర్డ్‌ అలెక్సిక్‌ వెగా అవకాశం వచ్చినపుడల్లా అర్జెంటీనా రక్షణ శ్రేణి ఆటగాళ్లకు ఇబ్బంది పెట్టాడు. 45వ నిమిషంలో వెగా కొట్టిన షాట్‌ను అర్జెంటీనా గోల్‌కీపర్‌ సమర్థంగా అడ్డుకున్నాడు. రెండో అర్ధభాగంలో అర్జెంటీనా ఆటగాళ్లు తమ దాడుల్లో పదును పెంచారు. చివరకు 64వ నిమిషంలో కుడివైపు నుంచి డిమారియా ఇచ్చిన పాస్‌ను అందుకున్న మెస్సీ 25 గజాల దూరం నుంచి షాట్‌ కొట్టగా మెక్సికో గోల్‌కీపర్‌ డైవ్‌ చేసినా బంతిని గోల్‌పోస్ట్‌లోనికి పోకుండా అడ్డుకోలేకపోయాడు. దాంతో అర్జెంటీనా బోణీ కొట్టింది. ఖాతా తెరిచిన ఉత్సాహంతో అర్జెంటీనా మరింత జోరు పెంచింది. మెస్సీ అందించిన పాస్‌ను ఎంజో ఫెర్నాండెజ్‌ అందుకొని షాట్‌ కొట్టగా బంతి మెక్సికో గోల్‌పోస్ట్‌లోనికి వెళ్లింది. దాంతో ప్రపంచకప్‌ చరిత్రలో అర్జెంటీనా చేతిలో మెక్సికోకు నాలుగో ఓటమి ఎదురైంది. ప్రపంచకప్‌లో నేడు కామెరూన్‌ X సెర్బియా మధ్యాహ్నం గం. 3:30 నుంచి    దక్షిణ కొరియా X ఘనా సాయంత్రం గం. 6:30 నుంచి    బ్రెజిల్‌ X స్విట్జర్లాండ్‌ రాత్రి గం. 9:30 నుంచి పోర్చుగల్‌ X ఉరుగ్వే అర్ధరాత్రి గం. 12:30 నుంచి స్పోర్ట్స్‌ 18, జియో సినిమా చానెల్స్‌లో ప్రత్యక్ష ప్రసారం  

ఖతర్‌ వేదికగా జరుగుతున్న ఫిఫా వరల్డ్‌కప్‌లో శనివారం అర్థరాత్రి దాటిన తర్వాత మెక్సికోతో జరిగిన మ్యాచ్‌లో అర్జెంటీనా అద్భుత విజయం సాధించింది. ఈ విజయం తర్వాత వారి డ్రెస్సింగ్‌ రూమ్‌లో సంబరాలు ఘనంగా జరిగాయి. జట్టు మేనేజర్‌ సమా ఆటగాళ్లంతా ఒకరినొకరు అభినందించుకుంటూ సెలబ్రేట్‌ చేసుకున్నారు. ఇక వేడుకల్లో సెంటర్‌ ఆఫ్‌ అట్రాక్షన్‌గా మెస్సీనే నిలిచాడు. షర్ట్‌ విప్పి రచ్చ చేసిన మెస్సీ తన సంతోషాన్ని పంచుకున్నాడు. దీనిని ఇన్‌స్టాగ్రామ్‌లో షేర్‌ చేయగా వీడియో వైరల్‌గా మారింది. ఈ సంతోషం వెనుక ఒక కారణం ఉంది. సౌదీ అరేబియా చేతిలో అనూహ్యంగా ఓటమి పాలైన అర్జెంటీనా ప్రి క్వార్టర్స్‌ ఆశలు సజీవంగా ఉండాలంటే మెక్సికోతో మ్యాచ్‌లో కచ్చితంగా గెలవాల్సిందే. అందుకే కీలక మ్యాచ్‌లో మెస్సీ బృందం తమ జూలు విదిల్చింది. జట్టు కెప్టెన్‌గా మెస్సీ అన్నీ తానై జట్టును ముందుండి నడిపించాడు. అయితే ఆటలో 67వ నిమిషం వరకు కూడా ఒక్క గోల్‌ నమోదు కాలేదు.  ఈ నేపథ్యంలోనే మెస్సీ తనకు మత్రమే సాధ్యమైన గోల్‌తో మెరిసి అర్జెంటీనాకు తొలి గోల్‌ అందించాడు. ఆ తర్వాత ఆట 87వ నిమిషంలో ఎంజో ఫెర్నాండేజ్‌ రెండో గోల్‌ కొట్టడంతో అర్జెంటీనా 2-0తో ఆధిక్యంలోకి వెళ్లింది. ఇక నిర్ణీత సమయంలో సౌదీ అరేబియా గోల్‌ కొట్టడంలో విఫలం కావడంతో అర్జెంటీనా విజేతగా నిలిచింది. View this post on Instagram A post shared by 433 (@433) చదవండి: ఒక్క మ్యాచ్‌కే పక్కనబెట్టారు.. సౌత్‌ ప్లేయర్ అనేగా వివక్ష FIFA WC: నువ్వయ్యా అసలు సిసలైన అభిమానివి!

ఫిఫా వరల్డ్‌కప్‌లో అర్జెంటీనాకు టైటిల్‌ అందించడమే లక్ష్యంగా పెట్టుకున్న లియోనల్‌ మెస్సీ ఆ దిశగా అడుగులేస్తున్నాడు. తొలి మ్యాచ్‌లో తాను గోల్‌ చేసినప్పటికి సౌదీ అరేబియా చేతిలో చిత్తవ్వడం మెస్సీ బాధించింది. ఈ ఓటమిని జీర్ణించుకోలేక కన్నీటి పర్యంతం అయ్యాడు. అయితే తొలి మ్యాచ్‌ ఓటమికి కుంగిపోకుండా మరుసటి మ్యాచ్‌లో మెస్సీ అంతా తానై నడిపించాడు. శనివారం అర్థరాత్రి దాటిన తర్వాత మెక్సికోతో జరిగిన మ్యాచ్‌లో అర్జెంటీనా 2-0 తేడాతో విజయం సాధించింది. తొలి అర్థభాగంలో గోల్‌ రాకపోయేసరికి మ్యాచ్‌ డ్రా అవుతుందా అని అభిమానులు భయపడ్డారు. కానీ మెస్సీ ఆ అవకాశం ఇవ్వలేదు. ఆట 62వ నిమిషంలో మెస్సీ కళ్లు చెదిరే గోల్‌తో మెరిశాడు. తన సహచర ఆటగాడు అందించిన పాస్‌ను చక్కగా వినియోగించుకున్న మెస్సీ ఎలాంటి పొరపాటు చేయడకుండా లో స్ట్రైక్‌తో బంతిని గోల్‌పోస్ట్‌లోకి పంపించాడు. అలా అర్జెంటీనాకు తొలి గోల్‌ లభించింది. ఆ తర్వాత 82వ నిమిషంలో ఫెర్నాండేజ్‌ మరో గోల్‌ కొట్టడంతో అర్జెంటీనా 2-0తో విజయం సాధించింది. ఏది ఏమైనా మెస్సీ కొట్టిన గోల్‌ జట్టుకు దైర్యాన్ని ఇవ్వడంతో పాటు విజయం దిశగా నడిపించింది. ఈ క్రమంలోనే మెస్సీ అర్జెంటీనా దిగ్గజం డీగో మారడోనా రికార్డును సమం చేశాడు. ఫిఫా వరల్డ్‌కప్స్‌లో మెస్సీ 8 గోల్స్‌ చేశాడు. 1982, 1986, 1990,1994లో మారడోనా ఈ గోల్స్‌ చేశాడు. తాజాగా మెస్సీ మారడోనా గోల్స్‌ రికార్డును సమం చేశాడు. ఇక ఫిఫా వరల్డ్‌కప్స్‌లో అర్జెంటీనా తరపున అత్యధిక గోల్స్‌ రికార్డు దిగ్గజం గాబ్రియెల్‌ బటిస్టుటా పేరిట ఉంది. గాబ్రియెల్‌ మొత్తంగా 10 గోల్స్‌ కొట్టాడు. గాబ్రియెల్‌ రికార్డును బద్దలు కొట్టేందుకు మెస్సీ కేవలం మూడు గోల్స్‌ దూరంలో మాత్రమే ఉన్నాడు. ఇక అర్జెంటీనా తరపున ఫిఫా వరల్డ్‌కప్‌లో 21వ మ్యాచ్‌ ఆడుతున్న మెస్సీ ఎక్కువ మ్యాచ్‌లు ఆడిన ఆటగాడిగా రికార్డులకెక్కాడు. ఇక 2014లో రన్నరప్‌గా నిలిచిన అర్జెంటీనా జట్టులో మెస్సీ సభ్యుడిగా ఉన్నాడు. తాజాగా కెప్టెన్‌గా జట్టును ముందుండి నడిపిస్తున్నాడు. తనకు ఇదే చివరి వరల్డ్‌కప్‌ అని ఊహిస్తున్న దశలో మెస్సీ ఎలాగైనా ఫిఫా వరల్డ్‌కప్‌ను సాధించి తన కలను సాకారం చేసుకోవాలని అభిమానులు కోరుకుంటున్నారు. ఇక అర్జెంటీనా 1978, 1986 ఫిఫా వరల్డకప్స్‌లో విజేతగా నిలిచిన సంగతి తెలిసిందే. Cometh the ⌛ Cometh the 🐐 💯 ▶ Relive Messi's heroics against #ElTri that kept @Argentina in the #FIFAWorldCup 🙌 Keep watching the #WorldsGreatestShow, only on #JioCinema & @Sports18 📲📺#Qatar2022 #FIFAWConJioCinema #FIFAWConSports18 pic.twitter.com/KQHjSrSDTY — JioCinema (@JioCinema) November 27, 2022 చదవండి: మెస్సీ గురి అదిరింది.. అర్జెంటీనా ప్రీక్వార్టర్స్‌ ఆశలు సజీవం     var request = 'https://www.sakshi.com/knowwidget/kwstr_5101504615.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

ఖతర్‌ వేదికగా జరుగుతున్న ఫిఫా వరల్డ్‌కప్‌లో అర్జెంటీనా తన ప్రి క్వార్టర్స్‌ ఆశలను సజీవంగా ఉంచుకుంది. కచ్చితంగా గెలవాల్సిన మ్యాచ్‌లో అర్జెంటీనా జూలు విదిల్చింది. గ్రూప్‌-సిలో భాగంగా శనివారం అర్థరాత్రి దాటిన తర్వాత మెక్సికోతో జరిగిన మ్యాచ్‌లో 2-0 తేడాతో అర్జెంటీనా ఘన విజయం సాధించింది. తొలి అర్థభాగంలో ఇరుజట్లు ఒక్క గోల్‌ కూడా చేయలేకపోయాయి. అయితే రెండో అర్థభాగంలో మాత్రం అర్జెంటీనా మెక్సికోపై అటాకింగ్‌ గేమ్‌ ఆడి ఫలితాలను సాధించింది. ముందు ఆట 64వ నిమిషంలో లియోనల్‌ మెస్సీ జట్టుకు తొలి గోల్‌ అందించగా.. ఆ తర్వాత ఆట 87వ నిమిషంలో ఎంజో ఫెర్నాండేజ్‌ రెండో గోల్‌ కొట్టాడు. ఇక మెస్సీకి ఈ ప్రపంచకప్‌లో ఇది రెండో గోల్‌ కావడం విశేషం. సౌదీ అరేబియాతో మ్యాచ్‌లోనూ మెస్సీ ఫెనాల్టీని గోల్‌గా మలిచిన సంగతి తెలిసిందే. తొలి మ్యాచ్‌లో ఓటమి పాలైనప్పటికి మెక్సికోపై విజయంతో అర్జెంటీనా ప్రిక్వార్టర్స్‌ ఆశలు సజీవంగా ఉన్నాయి. Cometh the ⌛ Cometh the 🐐 💯 ▶ Relive Messi's heroics against #ElTri that kept @Argentina in the #FIFAWorldCup 🙌 Keep watching the #WorldsGreatestShow, only on #JioCinema & @Sports18 📲📺#Qatar2022 #FIFAWConJioCinema #FIFAWConSports18 pic.twitter.com/KQHjSrSDTY — JioCinema (@JioCinema) November 27, 2022

అభిమానానికి ఒక రేంజ్‌ ఉంటుంది. అది క్రికెట్‌ లేదా ఫుట్‌బాల్‌ కావొచ్చు. తనకు ఇష్టమైన ఆటగాడు బరిలోకి దిగాడంటే అతని ఆటను ప్రత్యక్షంగా చూడాలని చాలా మంది అభిమానులు అనుకుంటారు. అందుకోసం ఎంత రిస్క్‌ అయినా భరిస్తారు. తాజాగా మెస్సీపై ఉన్న వీరాభిమానం ఒక భారతీయ మహిళను ఖతర్‌లో జరుగుతున్న ఫిఫా వరల్డ్‌కప్‌ దాకా తీసుకొచ్చింది. ఆమె ఒక్కతే రాలేదు.. కూడా తన ఐదుగురు పిల్లలను వెంటబెట్టుకొని మహీంద్రా ఎస్‌యూవీ కారులో ఖతర్‌కు చేరుకుంది. విషయంలోకి వెళితే.. కేరళకు చెందిన 35 ఏళ్ల నాజీ నౌషీకి మెస్సీకి వీరాభిమాని. మెస్సీకి ఇదే చివరి వరల్డ్‌కప్‌ అని అందరూ ఊహించుకుంటున్న వేళ నాజీ ఎలాగైనా మెస్సీ ఆటను దగ్గరి నుంచి చూడాలనుకుంది. అయితే ఆమె ఐదుగురు పిల్లలకు తల్లి. వారి బాగోగులు చూసుకోవాల్సిన బాధ్యత ఆమెపై ఉంది. దీంతో తన పిల్లలను వెంటబెట్టుకొని ఎస్‌యూవీ కారులో తన ప్రయాణం ప్రారంభించింది. ముంబై చేరుకొని అక్కడి నుంచి విమానంలో యూఏఈకి చేరుకుంది. తన ఎస్‌యూవీ కారును యూఏఈకి షిప్పింగ్‌ చేసింది. అలా అక్టోబర్‌ 15న కేరళ నుంచి బయలుదేరిన నౌషీ మొత్తానికి ఖతర్‌కు చేరుకుంది. అయితే మధ్యలో దుబాయ్‌లోని ప్రఖ్యాత బూర్జ్‌ ఖలీఫా చూడడానికి ఎస్‌యూవీ కారులో వెళ్లిన నౌషీకి ఖలీజ్‌ టైమ్స్‌ విలేకరి ఒకరు ఎదురుపడ్డాడు. ఐదుగురు పిల్లలతో కలిసి ఒంటరిగా ప్రయాణం చేయడం గమనించిన సదరు విలేకరి నౌషీ గురించి ఆరా తీశాడు. ఆ ప్రయత్నంలోనే నౌషీ మెస్సీపై ఉన్న అభిమానమే నన్ను ఖతర్‌ దాకా తీసుకొచ్చింది అంటూ చెప్పుకొచ్చింది. ఇక మెస్సీ సారధ్యంలోని అర్జెంటీనా జట్టుకు తొలి మ్యాచ్‌లో సౌదీ అరేబియా ఊహించని షాక్‌ ఇచ్చింది. 2-1 తేడాతో అర్జెంటీనాను చిత్తు చేసింది. ఈ ఓటమిపై స్పందించిన నౌషీ.. ఈసారి కచ్చితంగా కప్‌ అర్జెంటీనాదే.. దురదృష్టవశాత్తూ తొలి మ్యాచ్‌లో ఓడిపోయాం. కానీ మెక్సికోతో మ్యాచ్‌లో మెస్సీ సేనదే విజయం. కేవలం మెస్సీ ఆట కోసమే పిల్లలతో కలిసి ఇంతదూరం వచ్చా. తినడానికి సరిపడా సరుకులు బండిలో ఉన్నాయి. ఖతర్‌ ఫుడ్‌కు దూరంగా ఉండాలనేది నా ఆలోచన. వీలైనంత వరకు మా వెంట తెచ్చుకున్న ఆహారాన్ని వండుకొని తినడానికి ప్రయత్నిస్తాం అంటూ ముగించింది.  ఇది చూసిన కొందరు ఫుట్‌బాల్‌ ఫ్యాన్స్‌.. నీ ఓపికకు సలాం తల్లి.. ఒక ఆటగాడిపై అభిమానంతో అతని ఆటను చూసేందుకు దేశాలను దాటి వెళ్లడం నిజంగా గొప్ప విషయం. నీకోసమైనా మెస్సీ సేన టైటిల్‌ గెలవాలని బలంగా కోరుకుంటున్నాము అంటూ కామెంట్‌ చేశారు. Naaji noushi pic.twitter.com/KXieon2wum — Noufaltirur (@NoufalKunnath4) November 21, 2022

ఖతర్‌ వేదికగా మొదలైన ఫిఫా వరల్డ్‌కప్‌లో అర్జెంటీనాకు సౌదీ అరేబియా కోలుకోలేని షాక్‌ ఇచ్చింది. టోర్నీ ఫేవరెట్‌గా బరిలోకి దిగిన మెస్సీ అర్జెంటీనా 1-2 తేడాతో సౌదీ అరేబియా చేతిలో పరాజయం మూటగట్టుకుంది. ఒక్క ఓటమి అంతా తారుమారు చేస్తుందనడానికి ఇదే నిదర్శనం. అందునా అర్జెంటీనా స్టార్‌ లియోనల్‌ మెస్సీకి ఇదే చివరి వరల్డ్‌‍కప్‌ అని అభిమానులు భావిస్తున్న వేళ ఆ జట్టు కప్‌ కొడితే బాగుంటుందని కోరుకుంటున్నారు. కానీ అసలు కథ వేరేలా ఉంది. ఇలా తొలి మ్యాచ్‌లో ఓడి వరల్డ్‌కప్‌  కొట్టిన సందర్భం ఒకసారి మాత్రమే చోటుచేసుకుంది. అది 2010 ఫిఫా వరల్డ్‌కప్‌లో. అప్పుడు ఛాంపియన్‌గా నిలిచిన స్పెయిన్‌ ఇలాగే తొలి మ్యాచ్‌లో ఓడి ఆ తర్వాత ఫుంజుకొని అద్భుత ఆటతీరుతో విశ్వవిజేతగా అవతరించింది. ఇప్పుడు అర్జెంటీనా గ్రూప్‌ సి నుంచి కనీసం రౌండ్‌ ఆఫ్‌ 16 స్టేజ్‌కు చేరాలన్నా కూడా చెమటోడ్చాల్సిందే.  అయితే ఆ జట్టు అదృష్టం కొద్దీ.. ఆ తర్వాత గ్రూప్‌ సిలో జరిగిన పోలాండ్‌, మెక్సికో మ్యాచ్‌ గోల్‌ లేకుండానే డ్రాగా ముగిసింది. దీంతో ఆ టీమ్స్‌ ఒక్కో పాయింట్ పంచుకున్నాయి. ప్రస్తుతం గ్రూప్‌ సిలో మూడు పాయింట్లతో సౌదీ అరేబియా టాప్‌లో ఉంది. ఆ తర్వాత మెక్సికో, పోలాండ్ ఉన్నాయి. అర్జెంటీనా పాయింట్లు లేకుండా చివరిస్థానంలో ఉంది. అర్జెంటీనా ఇతర టీమ్స్‌పై ఆధార పడకుండా ప్రీక్వార్టర్స్‌ చేరాలంటే ఆడాల్సిన రెండు మ్యాచ్‌లలోనూ కచ్చితంగా గెలవాలి. అలా గెలిస్తే ఆ టీమ్‌ ఖాతాలో ఆరు పాయింట్లు ఉంటాయి. అంటే తన తర్వాతి మ్యాచ్‌లలో మెక్సికో, పోలాండ్‌లను అర్జెంటీనా ఓడించాల్సి ఉంటుంది. ఇక సౌదీ అరేబియాను అటు మెక్సికో, ఇటు పోలాండ్‌ ఓడించాల్సి ఉంటుంది. అప్పుడు ఆ రెండు టీమ్స్‌ నాలుగు పాయింట్లతో ఉండగా.. అర్జెంటీనా ఆరు పాయింట్లతో టాప్‌లో నిలిచి క్వాలిఫై అవుతుంది. ఒకవేళ అర్జెంటీనా ఒక మ్యాచ్‌ గెలిచి, మరో మ్యాచ్ డ్రా చేసుకున్నా.. నాలుగు పాయింట్లతో ప్రీక్వార్టర్స్‌కు వెళ్లొచ్చు.  కానీ మిగతా జట్ల ఫలితాలు వచ్చేవరకు ఎదురు చూడాల్సిందే. ఇక అర్జెంటీనా తన తర్వాతి మ్యాచ్‌లో మెక్సికోతో తలపడనుంది. ఈ మ్యాచ్‌ శనివారం అర్ధరాత్రి 12.30 గంటలకు జరగనుంది. ఆడాల్సిన రెండు మ్యాచ్‌లలో ఒక్కటి ఓడినా అర్జెంటీనాకు ప్రీక్వార్టర్స్‌ అవకాశాలు కష్టమవుతాయి. చదవండి: ఇదేనా ఆటతీరు.. మెరుపుల్లేవ్‌!

FIFA World Cup 2022: ఫిఫా ప్రపంచకప్‌-2022లో ప్రపంచ 51వ ర్యాంక్‌ సౌదీ అరేబియాపై ఎవరికీ ఎలాంటి ఆశలు, అంచనాలు లేవు... టోర్నీలో ఆడుతున్న జట్లలో ఒక్క ఘనా మాత్రమే ఆ జట్టుకంటే తక్కువ ర్యాంక్‌లో ఉంది. అలాంటి సౌదీ ఏకంగా అర్జెంటీనా వంటి మేటి జట్టుపై గెలుపొందింది. మాజీ చాంపియన్‌ను ఓడించడం ద్వారా ఈ ఘనత సాధించిన తొలి ఆసియా జట్టుగా గుర్తింపు పొందింది. అంచనాలు తలకిందులు చేసి నీరాజనాలు అందుకుంటోంది. మరి గతంలోనూ ప్రపంచకప్‌ ఈవెంట్‌లో ఇలాంటి సంచలనాలు నమోదయ్యాయి. ఆ జాబితాపై ఓ లుక్కేద్దామా! స్పెయిన్‌ 2–3 నైజీరియా (1998) నైజీరియా కి ఇది రెండో ప్రపంచకప్‌ మాత్రమే. ఈ ఓటమితో తర్వాతి రెండు మ్యాచ్‌లు గెలిచినా... స్పెయిన్‌ రౌండ్‌ దశలోనే నిష్క్ర మించింది.   ఈస్ట్‌ జర్మనీ 1–0 వెస్ట్‌ జర్మనీ (1974) వెస్ట్‌ జర్మనీ అప్పటికే ఒకసారి చాంపియన్‌ కాగా, ఈస్ట్‌ జర్మనీ తొలిసారి వరల్డ్‌ కప్‌ ఆడింది.   బ్రెజిల్‌ 1–2 నార్వే (1998) నార్వేకు ప్రపంచకప్‌లో ఇది రెండో విజయం మాత్రమే. టోర్నీ లో తొలి రెండు మ్యాచ్‌లు గెలిచిన బ్రెజిల్‌ తర్వాతి మ్యాచ్‌లో అనూహ్యంగా ఓడింది.  దక్షిణ కొరియా 2–1 ఇటలీ (2002) ఇది ప్రిక్వార్టర్‌ ఫైనల్‌ మ్యాచ్‌. మూడుసార్లు విజేత ఇటలీ ఇంటిదారి పట్టింది.   వెస్ట్‌ జర్మనీ 1–2 అల్జీరియా (1982) రెండు సార్లు అప్పటికే విజేత అయిన జట్టుపై వరల్డ్‌ కప్‌లోనే తొలి మ్యాచ్‌ ఆడిన జట్టు గెలిచింది.   ఇటలీ 0–1 దక్షిణ కొరియా (1966) తొలి వరల్డ్‌ కప్‌ ఆడిన కొరియా ఈ విజయంతో రెండు సార్లు విజేత ఇటలీని రౌండ్‌ దశలోనే నిష్క్రమించేలా చేసింది.   ఇటలీ 0–1 కోస్టారికా (2014) ఈ ఓటమితో ఇటలీ ఆట తొలి రౌండ్‌లోనే ముగిసింది.  అర్జెంటీనా 0–1 కామెరూన్‌ (1990) మారడోనా నాయకత్వంలోని డిఫెండింగ్‌ చాంపియన్, రెండో వరల్డ్‌ కప్‌ ఆడుతున్న టీమ్‌ చేతిలో ఓడింది.   ఫ్రాన్స్‌ 0–1 సెనెగల్‌ (2002) డిఫెండింగ్‌ చాంపియన్‌గా బరిలోకి దిగిన ఫ్రాన్స్‌ జట్టును, తొలి వరల్డ్‌ కప్‌ మ్యాచ్‌ ఆడిన సెనెగల్‌     ఓడించింది. దాంతో ఫ్రాన్స్‌ రౌండ్‌ దశలోనే నిష్క్రమించింది.  చదవండి: అర్జెంటీనాపై గెలుపుతో సౌదీలో సంబరాలు.. బుధవారం సెలవు ప్రకటన

ఖతర్‌ వేదికగా ఫిఫా వరల్డ్‌కప్‌లో భాగంగా మంగళవారం సౌదీ అరేబియాతో మ్యాచ్‌లో ఓటమితో అర్జెంటీనా జైత్రయాత్రకు బ్రేక్‌ పడింది. సౌదీ అరేబియా పటిష్టమైన డిఫెన్స్‌కు తోకముడిచిన మెస్సీ బృందం 1-2 తేడాతో ఓటమి పాలైంది. అర్జెంటీనా మ్యాచ్‌ ఓడిపోగానే స్టాండ్స్‌లో ఉన్న ఆ దేశ అభిమానులు కన్నీరుమున్నీరయ్యారు. ఎందుకంటే ది గ్రేట్‌ మెస్సీకి ఇదే చివరి ఫిఫా వరల్డ్‌కప్‌ కావడం. దీంతో పాటు తొలి మ్యాచ్‌లోనే ఓటమి ఏ జట్టుకు శుభసూచకం కాదని గతంలో వచ్చిన ఫలితాలు సూచిస్తున్నాయి. అందుకే ఫ్యాన్స్‌ అంతలా బాధపడిపోయారు. కాగా సౌదీతో మ్యాచ్‌కు ముందు అర్జెంటీనా వరుసగా 36 మ్యాచ్‌ల్లో ఓటమి ఎరుగని జట్టుగా నిలిచింది. ఇందులో 25 విజయాలు ఉండగా.. 11 మ్యాచ్‌లు డ్రా అయ్యాయి. చివరగా 2019 కోపా అమెరికా కప్‌ సెమీఫైనల్లో బ్రెజిల్‌ చేతిలో ఓడిన అర్జెంటీనా ఆ తర్వాత వరుసగా 36 మ్యాచ్‌ల్లో ఒక్క మ్యాచ్‌ కూడా ఓడిపోకపోవడం విశేషం.  ఈ 36 మ్యాచ్‌ల్లో ప్రెండ్లీ మ్యాచ్‌లు, 2021 కోపా అమెరికా కప్‌తో పాటు 2022 ఫిఫా వరల్డ్‌కప్‌ క్వాలిఫయింగ్‌ మ్యాచ్‌లు కూడా ఉన్నాయి. ఇందులో 2021 కోపా అమెరికా కప్‌ను మెస్సీ సారధ్యంలోని అర్జెంటీనానే గెలుచుకోవడం విశేషం. అయితే తాజాగా ఫిఫా వరల్డ్‌కప్‌లో సౌదీ అరేబియా చేతిలో ఓటమితో అంతా తారుమారైంది. ఇప్పటివరకు ఇటలీ జట్టు వరుసగా 37 మ్యాచ్‌ల్లో ఓటమి ఎరుగని జట్టుగా తొలి స్థానంలో ఉంది. అక్టోబర్‌ 2018 నుంచి అక్టోబర్‌ 2021 వరకు రెండేళ్ల పాటు ఇటలీకి 37 మ్యాచ్‌ల్లో ఓటమి అనేదే లేదు. ఈ ప్రపంచకప్‌లో అర్జెంటీనా ఇటలీ రికార్డును బద్దలు కొడుతుందని అంతా భావించారు. కానీ మెస్సీ బృందానికి ఆ అవకాశాన్ని సౌదీ అరేబియా దూరం చేసింది. THE UNTHINKABLE HAS HAPPENED 🤯🤯🤯@SaudiNT_EN have ENDED @Argentina's 36-match unbeaten run 👏#WorldsGreatestShow #FIFAWorldCupQatar2022 #FIFAWorldCup #FIFAWConJioCinema #FIFAWConSports18 pic.twitter.com/2cSIrfDB23 — JioCinema (@JioCinema) November 22, 2022 చదవండి: FIFA WC: అర్జెంటీనాకు షాకిచ్చిన సౌదీ అరేబియా

ఖతర్‌ వేదికగా జరుగుతున్న ఫిఫా వరల్డ్‌కప్‌లో పెను సంచలనం నమోదైంది. టోర్నీలో ఫేవరెట్‌గా బరిలోకి దిగిన అర్జెంటీనాకు సౌదీ అరేబియా గట్టి షాక్‌ ఇచ్చింది. గ్రూప్‌-సిలో భాగంగా మంగళవారం జరిగిన మ్యాచ్‌లో సౌదీ అరేబియా 2-1 తేడాతో అర్జెంటీనాపై  సంచలన విజయం సాధించింది. ఆట మొదలైన 9వ నిమిషంలో పెనాల్టీ కిక్‌ను సద్వినియోగం చేసుకున్న మెస్సీ గోల్‌గా మలిచి అర్జెంటీనాకు ఆధిక్యం అందించాడు. తొలి హాఫ్‌టైమ్‌లో పూర్తి ఆధిపత్యం చూపించిన అర్జెంటీనా రెండో అర్థభాగంలో మాత్రం సౌదీ అరేబియా పోరాటానికి తోక ముడిచింది. రెండో అర్థభాగం మొదలైన కాసేపటికే ఆట 47వ నిమిషంలో అల్‌ షెహ్రీ గోల్‌ చేయడంతో సౌదీ అరేబియా 1-1తో సమం చేసింది. ఇ​​క ఆట 57వ నిమిషంలో సలీమ్‌ అల్‌ దవాసరి అద్భుత గోల్‌ కొట్టాడు. పటిష్టమైన అర్జెంటీనా డిఫెన్స్‌ను చేధించుకొని టాప్‌ రైట్‌ కార్నర్‌ ఎండ్‌ నుంచి అద్భుత గోల్‌ కొట్టాడు. దీంతో సౌదీ అరేబియా 2-1తో ఆధిక్యంలోకి వెళ్లింది. ఇక్కడినుంచి అర్జెంటీనా పదేపదే సౌదీ అరేబియా గోల్‌ పోస్టుపై దాడి చేసినప్పటికి సఫలం కాలేకపోయింది. నిర్ణీత సమయం ముగిసేనాటికి 2-1తో సౌదీ అరేబియా ఆధిక్యంలో ఉంది. మరో 12 నిమిషాలు అదనపు సమయం కేటాయించినప్పటికి అర్జెంటీనా వచ్చిన అవకాశాలను జారవిడుచుకొని ఓటమి పాలైంది.  FULL-TIME | #ARGKSA @SaudiNT_EN pull off the first big upset of #FIFAWorldCupQatar2022 🤯 Presented by - @Mahindra_Auto #WorldsGreatestShow #FIFAWorldCup #FIFAWConJioCinema #FIFAWConSports18 pic.twitter.com/AsMAGzIcw4 — JioCinema (@JioCinema) November 22, 2022 చదవండి: మెస్సీతో మాములుగా ఉండదు మరి..

ఖతర్‌ వేదికగా జరుగుతున్న ఫిఫా వరల్డ్‌‍కప్‌లో అర్జెంటీనా స్టార్‌ ఆటగాడు లియోనల్‌ మెస్సీ తొలి మ్యాచ్‌లోనే గోల్‌తో మెరిశాడు. మంగళవారం గ్రూప్‌-సిలో సౌదీ అరేబియాతో మ్యాచ్‌లో మెస్సీ సూపర్‌ గోల్‌ చేశాడు. పెనాల్టీ కిక్‌లో తననెందుకు కింగ్‌ అంటారనేది మెస్సీ మరోసారి నిరూపించాడు. ఆట 9వ నిమిషంలో సౌదీ అరేబియా ఆటగాడి తప్పిదంతో అర్జెంటీనాకు పెనాల్టీ వచ్చింది. దీనిని మెస్సీ చక్కగా వినియోగించుకున్నాడు. పెనాల్టీ కిక్‌ను గోల్‌గా మలచడంలో మెస్సీని మించినవారు లేరు. గోల్‌పోస్ట్‌కు 12 యార్డుల దూరంలో నిల్చున్న మెస్సీ ఏ మాత్రం తడబాటు లేకుండా బంతిని గోల్‌పోస్ట్‌లోకి పంపించి అర్జెంటీనాకు ఈ ప్రపంచకప్‌లో తొలి గోల్‌ అందించాడు. తద్వారా అర్జెంటీనా 1-0తో ఆధిక్యంలోకి దూసుకెళ్లింది. ఇక నాలుగు ఫిఫా వరల్డ్‌‍కప్స్‌లో గోల్స్‌ చేసిన తొలి అర్జెంటీనా ఆటగాడిగా మెస్సీ చరిత్ర సృష్టించాడు. 2006, 2014, 2018, 2022లో మెస్సీ గోల్స్‌ కొట్టాడు.ఇక మ్యాచ్‌లో హాఫ్‌ టైమ్‌ ముగిసేసరికి అర్జెంటీనా 1-0తో సౌదీ అరేబియాపై ఆధిక్యంలో నిలిచింది.   ✅ 2006 ✅ 2014 ✅ 2018 ✅ 2022 Messi becomes the first Argentinian to score in four World Cups! ✨#FIFAWorldCup | #Qatar2022 pic.twitter.com/lKzewHhVkV — FIFA World Cup (@FIFAWorldCup) November 22, 2022 చదవండి: ఖతర్‌లో వరల్డ్‌కప్‌.. కేరళలో తన్నుకున్న అభిమానులు

లియోనల్‌ మెస్సీ.. క్రిస్టియానో రొనాల్డో.. ప్రపంచానికి పరిచయం అక్కర్లేని పేర్లు. ఆటలో ఎంత పేరు సంపాదించారో అభిమానంలోనూ అంతే. వీరిద్దరి గురించి ఫుట్‌బాల్‌ తెలియనివాళ్లకు కూడా ఎంతో కొంత తెలిసే ఉంటుంది. ఒకరు అర్జెంటీనా తరపున స్టార్‌గా వెలుగుతుంటే.. మరొకరు పోర్చుగల్‌ తరపున తన హవా కొనసాగిస్తున్నాడు. గోల్స్‌ విషయంలో ఒకరితో ఒకరు పోటీ పడుతూ ఆటలో శత్రువులుగా ఉన్న వీళ్లకి బయట మాత్రం మంచి స్నేహం ఉంది. అయితే ఇద్దరికి తీరని కల ఒకటి ఉంది. అదే ఫిఫా వరల్డ్‌కప్‌. ఫుట్‌బాల్‌లో స్టార్లుగా వెలుగొందుతున్న వీళ్ల ఖాతాలో ఒక్క ఫిఫా టైటిల్‌ కూడా లేదు.  అందుకే నవంబర్‌ 20 నుంచి ప్రారంభం కానున్న ఫిఫా వరల్డ్‌కప్‌ ట్రోఫీని ఎలాగైనా తమ జట్టుకే అందించాలని ఈ ఇద్దరు ఉవ్విళ్లూరుతున్నారు. ఇక అభిమానులు కూడా అర్జెంటీనా, పోర్చుగల్‌ మధ్య ఫైనల్‌ మ్యాచ్‌ జరిగితే బాగుంటుందని.. మెస్సీ, రొనాల్డో ఎదురుపడితే ఆ మజానే వేరుగా ఉంటుందని కామెంట్‌ చేశారు. ఈ నేపథ్యంలోనే క్రిస్టియానో రొనాల్డో తన చిరకాల మిత్రుడు మెస్సీపై ఆసక్తికర వ్యాఖ్యలు చేశాడు. మెస్సీ నాకు ఎప్పటికి మంచి మిత్రుడే.. వేరే దేశాలకు ఆడుతున్నా మా స్నేహం మాత్రం ఎప్పటిలాగే ఉంటుందని శుక్రవారం పియర్స్‌ మోర్గాన్‌కు ఇచ్చిన ఇంటర్య్వూలో పేర్కొన్నాడు.  "మెస్సీ ఒక అద్భుతమైన ప్లేయర్‌. అతన్ని చూస్తుంటే ఓ మ్యాజిక్‌లా అనిపిస్తుంది. ఓ వ్యక్తిగా మేము ఇద్దరం 16 ఏళ్లుగా ఫుట్‌బాల్‌ ఫీల్డ్‌ను పంచుకుంటున్నాం. ఒక్కసారి ఊహించుకోండి 16 ఏళ్లు. అందుకే అతనితో మంచి రిలేషన్‌షిప్‌ ఉంది. అతడు నా ఫ్రెండ్‌ అని చెప్పను. ఫ్రెండ్‌ అంటే ఇంటికి వస్తాడు. ఫోన్‌లో మాట్లాడుకుంటూ ఉంటారు. అతడు ఫ్రెండ్‌ కాదు కానీ టీమ్‌ మేట్‌లాంటి వాడు. మెస్సీ నా గురించి మాట్లాడే తీరు చూస్తే ఎప్పుడూ అతన్ని గౌరవిస్తాను. అంతెందుకు అతని భార్య లేదా నా భార్య అయినా కూడా వాళ్లు కూడా ఒకరినొకరు గౌరవించుకుంటారు. వాళ్లు అర్జెంటీనాకు చెందిన వాళ్లు. నా గర్ల్‌ఫ్రెండ్‌ది కూడా అర్జెంటీనాయే. మెస్సీ గురించి ఏం చెబుతాం? గొప్ప వ్యక్తి. ఫుట్‌బాల్‌ను నాకంటే గొప్పగా ఆడతాడు" అంటూ తెలిపాడు. ఇక ఫిఫా వరల్డ్‌కప్‌లో అర్జెంటీనా.. సౌదీ అరేబియా, మెక్సికో, పోలాండ్‌లతో కలిసి గ్రూప్‌-సిలో ఉం‌ది. మరోవైపు పోర్చుగల్‌ మాత్రం ఉరుగ్వే, ఘనా, సౌత్‌ కొరియాలతో కలిసి గ్రూప్ హెచ్‌లో ఉంది. గ్రూప్‌ దశలో ఈ రెండుజట్లు తలపడే అవకాశం లేదు. నాకౌట్‌ దశలో మాత్రం ఎదురపడే చాన్స్‌ ఉంది. అయితే ఈ రెండు టీమ్స్‌ ఫైనల్‌ చేరి.. అక్కడ మెస్సీ, రొనాల్డో ముఖాముఖి తలపడితే చూడాలనుకుంటున్నట్లు ఫుట్‌బాల్‌ ఫ్యాన్స్‌ గట్టిగా కోరుకుంటున్నారు. చదవండి: FIFA: అందాల విందు కష్టమే.. అసభ్యకర దుస్తులు ధరిస్తే జైలుకే 'పగవాడికి కూడా ఈ కష్టం రాకూడదు'

అర్జెంటీనా ఫుట్‌బాల్‌ స్టార్‌ లియోనల్‌ మెస్సీకి విశ్వవ్యాప్తంగా అభిమానులు ఉన్నారు. ఇండియాలోనూ మెస్సీకి వీరాభిమానులు చాలా మందే. కేవలం మెస్సీ ఆటను చూడడం కోసమే చాలా మంది భారత అభిమానులు ఖతార్‌ చేరుకున్నారు.  మాములుగానే మెస్సీ ఎక్కడికైనా వస్తున్నాడంటే అక్కడ వాలిపోయే అభిమానులు తమ ఆరాధ్య ఆటగాడి కోసం గంటల కొద్దీ నిరీక్షించడం చూస్తూనే ఉంటాం. మరి అలాంటిది ప్రతిష్టాత్మక​ ఫిఫా వరల్డ్‌కప్‌ ఆడేందుకు జట్టుతో కలిసి ఖతార్‌కు వస్తున్నాడంటే ఇక ఆ నిరీక్షణ ఎలా ఉంటుందో ప్రత్యేకంగా చెప్పనవసరం లేదు. తాజాగా మెస్సీ బృందం ఖతార్‌లో అడుగుపెట్టింది. అయితే అక్కడ ఉన్న వందల మంది అభిమానుల్లో భారతీయులే ఎక్కువగా ఉండడం విశేషం. మెస్సీ బస్సు నుంచి దిగగానే ఇండియన్స్‌ పెద్ద ఎత్తున డ్రమ్స్‌ వాయించి అతనికి గ్రాండ్‌ వెల్‌కమ్‌ ఇచ్చారు. ఇది చూసిన మెస్సీ మొహం సంతోషంతో వెలిగిపోయింది. తనకోసం కొన్ని గంటల నుంచి నిరీక్షిస్తున్నారన్న సంగతి తెలుసుకున్నాకా వారిపై ప్రేమ మరింత పెరిగిన మెస్సీ ముద్దుల వర్షం కురిపించాడు. ఇక గురువారం తెల్లవారుజామునే అర్జెంటీనా జట్టు దుబాయ్‌ నుంచి ఖతార్‌కు చేరుకుంది. అంతకముందు బుధవారం రాత్రి యూఏఈతో జరిగిన చివరి వార్మప్‌ మ్యాచ్‌లో అర్జెంటీనా 5-0తో విజయాన్ని అందుకుంది. ఒక గోల్‌ చేసిన మెస్సీ తన 91వ అంతర్జాతీయ గోల్‌ను అందుకున్నాడు.ఇక గ్రూప్‌-సీలో ఉన్న అర్జెంటీనా తన తొలి మ్యాచ్‌ను వచ్చే మంగళవారం సౌదీ అరేబియాతో ఆడనుంది. కాగా ఇదే గ్రూప్‌లో అర్జెంటీనా, సౌదీ అరేబియాలతో పాటు మెక్సికో, పొలాండ్‌లు కూడా ఉన్నాయి.  మెస్సీకి బహుశా ఇదే చివరి ఫిఫా వరల్డ్‌కప్‌ అయ్యే అవకాశం ఉంది. మెస్సీ వయస్సు ప్రస్తుతం 35 ఏళ్లు. మరో సాకర్‌ సమరం జరగడానికి నాలుగేళ్లు పడుతుంది. అప్పటివరకు మెస్సీ ఆడడం కష్టమే. అందుకే మెస్సీ ఈసారి ఎలాగైనా అర్జెంటీనాను విశ్వవిజేతగా నిలపడమే లక్ష్యంగా పెట్టుకున్నాడు. 1986లో డీగో మారడోనా నేతృత​ంలో ఫుట్‌బాల్‌ ప్రపంచ చాంపియన్స్‌గా నిలిచిన అర్జెంటీనా మరోసారి విజేత కాలేకపోయింది. Argentina fans in Qatar 🎉🤩#QatarWorldCup2022 pic.twitter.com/LNJlWHpK3j — shukran 👤 (@mury515) November 16, 2022 చదవండి: ఫిఫా వరల్డ్‌కప్‌ ట్రోఫీ ఎలా తయారు చేస్తారో తెలుసా?

భారత్‌లో ఫుట్‌బాల్‌ క్రీడకు అంతగా ప్రాధాన్యం లేదు. ఫుట్‌బాల్‌ కంటే క్రికెట్‌కే ఎక్కువ క్రేజ్‌ ఉన్న దేశంలో గోవా, బెంగాల్‌, కేరళ సహా ఈశాన్య రాష్ట్రాల్లో మాత్రం ఫుట్‌బాల్‌కే విపరీతమైన ఆదరణ ఉంటుంది. భారత ఫుట్‌బాల్‌ జట్టులో ఆడే ఆటగాళ్లలో కూడా  ఈ రాష్ట్రాలకు చెందినవారే ఎక్కువ. కానీ మనకు తెలియకుండానే మన దేశంలో ఫుట్‌బాల్‌కు విపరీతమైన ఆదరణ ఉన్న ప్రాంతం మరొకటి ఉంది. అదే మహారాష్ట్రలోని కొల్హాపూర్‌ సిటీ.  నవంబర్‌ 20 నుంచి ఖతార్‌ వేదికగా ఫిఫా వరల్డ్‌కప్‌ ప్రారంభం కానున్న నేపథ్యంలో భారత్‌లో ఫుట్‌బాల్‌కు ఎంత ఆదరణ ఉంది అని ఒక సంస్థ నిర్వహించిన సర్వేలో తెలియని కొన్ని ఆసక్తికర విశేషాలు బయటపడ్డాయి. గత 30 ఏళ్లుగా కొల్హాపూర్‌ సిటీలో ఫుట్‌బాల్‌కు ఉన్న క్రేజ్‌.. అక్కడి ప్రజలు ఆ ఆటపై పెట్టుకున్న ప్రేమ ఎంతనేది బయటకొచ్చింది. కొల్హాపూర్‌ సిటీలో నివసించే ప్రజలు క్రికెట్‌ కంటే ఫుట్‌బాల్‌నే ఎక్కువగా ప్రేమిస్తారు. అందుకు సాక్ష్యం ఆ సిటీలో ఉన్న గోడలపై స్టార్‌ ఫుట్‌బాలర్స్‌ పెయింటింగ్స్‌. ప్రతీ వీధిలోనూ ఒక్కో ఫుట్‌బాలర్‌ మనకు కనిపిస్తాడు. మెస్సీ నుంచి రొనాల్డో వరకు.. మారడోనా నుంచి పీలే దాకా.. ఇలా మనకు కావాల్సిన ఆటగాళ్ల చిత్రాలన్ని పెయింటింగ్స్‌ రూపంలో ఉంటాయి. అయితే  అర్జెంటీనా, బ్రెజిల్‌కు చెందిన ఫుట్‌బాల్‌ ఆటగాళ్లను ఇక్కడ కాస్త ఎక్కువగా ఆదరిస్తారు. ఇటీవలే కోపా అమెరికా కప్‌లో బ్రెజిల్‌ను అర్జెంటీనా చిత్తు చేసి విజేతగా నిలిచినప్పుడు కొల్హాపూర్‌లో పెద్ద జాతర జరిగింది. ఖాన్‌బోడా తలీమ్‌ అనే గ్రూప్‌ ఈ వేడుకల్లో పెద్దన్న పాత్ర పోషిస్తుంది. బ్లూ, వైట్‌ ఫ్లాగ్స్‌గా విడిపోయి ఫుట్‌బాల్‌ మ్యాచ్‌లు నిర్వహించారు. సాహూ అనే ఫుట్‌బాల్‌ మైదానం ఉంటుంది. 30వేల సామర్థ్యంతో సీటింగ్‌ కెపాసిటీ ఉండడం విశేషం. ఇక గణేష్‌ నవరాత్రుల సందర్భంగా కొల్హాపూర్‌ ఫుట్‌బాల్‌ ఫెస్టివ్‌ సీజన్‌ మొదలై.. దాదాపు రెండు నెలలు అంటే దీపావళి వరకు ఈ టోర్నీ సాగుతుంది. టోర్నీలో విజేతగా నిలిచిన జట్టును గౌరవంగా చూస్తారు. ఆ సిటీలో తిరిగే ప్రతీ వ్యక్తి తమ వాహనాలపై పీటీఎమ్‌ స్టిక్కర్‌ అంటించుకొని తిరుగుతారు. ఇలా ఫుట్‌బాల్‌పై తమకున్న పిచ్చి ప్రేమను చూపిస్తుంటారు. ఇదంతా పక్కనబెడితే.. విజయ్‌ హజారే ట్రోఫీలో భాగంగా దగ్గర్లోని శివాజీ స్టేడియంలో నిర్వహించిన క్రికెట్‌ మ్యాచ్‌కు పట్టుమని వంద మంది కూడా రాలేదు. కానీ అదే రోజు పక్కనే ఉన్న ఫుట్‌బాల్‌ స్టేడియంలో ప్రాక్టీస్‌ క్లబ్‌, శివాజీ మండల్‌ మధ్య నిర్వహించిన ఫుట్‌బాల్‌ మ్యాచ్‌కు వేల సంఖ్యలో ప్రేక్షకులు హాజరవ్వడం విశేషం. అందుకే ఇకపై భారత్‌లో ఫుట్‌బాల్‌ అనగానే కేరళ, బెంగాల్‌, గోవా లాంటి రాష్ట్రాలే కాదు కొల్హాపూర్‌ సిటీ కూడా గుర్తుకురావాల్సిందే. చదవండి: '2009 తర్వాత మైదానాలన్నీ వెడ్డింగ్‌ హాల్స్‌గా మారాయి' పూర్వ వైభవంపై జర్మనీ దృష్టి

న్యూఢిల్లీ: ఎడ్‌టెక్‌ కంపెనీ బైజూస్‌ ఎడ్యుకేషన్‌ ఫర్‌ ఆల్‌ (ఈఎఫ్‌ఏ) కార్యక్రమానికి అంతర్జాతీయ ప్రచారకర్తగా ఫుట్‌బాల్‌ స్టార్‌ లియోనెల్‌ మెస్సీ నియమితులయ్యారు. అందరికీ సమానంగా విద్యను అందించాలన్న  ఆశయాన్ని ప్రచారం చేయడానికి ఆయనతో ఒప్పందం చేసుకున్నట్టు కంపెనీ ప్రకటించింది.  గ్లోబల్ అంబాసిడర్‌గా ఫుట్‌బాల్‌ స్టార్‌ ఆటగాడు లియోనెల్ మెస్సీతో కలిసి పనిచేయడం గర్వంగానూ, ఆనందగానూ ఉందని బైజూస్‌ సహ వ్యవస్థాపకురాలు దివ్య గోకుల్‌నాథ్  వ్యాఖ్యానించారు.  ప్రస్తుతం తాము దాదాపు 5.5 మిలియన్ల మంది పిల్లలకు సాధికారత కల్పిస్తోంది. మానవ సామర్థ్యాన్ని పెంపొందించే శక్తికి లియోనెల్ మెస్సీని  ప్రతినిధులు మరెవ్వరూ ఉండరని పేర్కొన్నారు. ప్రపంచవ్యాప్తంగా ఫుట్‌బాల్‌కు దాదాపు 3.5 బిలియన్ల మందిఫ్యాన్స్‌ ద్వారా విదేశాల్లో చేరాలని కంపెనీ యోచిస్తోంది. కాగా సోషల్‌ మీడియాలో  లియోనెల్ మెస్సీ ఫాలోయర్ల  సంఖ్య దాదాపు 450 మిలియన్ల మంది ఉండటం విశేషం.

నవంబర్‌ 20 నుంచి ఫిఫా వ‌ర‌ల్డ్ క‌ప్ మొద‌లుకానుండ‌డంతో ప్రపంచ‌వ్యాప్తంగా ఫుట్‌బాల్ ఫీవ‌ర్ మొద‌లైంది. కేర‌ళ‌లో కొంద‌రు అభిమానులు అర్జెంటీనా ఫుట్‌బాల్ స్టార్స్ మీద త‌మ అభిమానాన్ని ప్రపంచానికి తెలియ‌జేసేందుకు వెరైటీగా ఆలోచించారు. 30 అడుగుల ఎత్తైన లియొనెల్ మెస్సీ క‌టౌట్‌ ఏర్పాటు చేశారు. కోజికోడ్ జిల్లాలోని పుల్లవూర్‌కు చెందిన కొంద‌రు యువ‌కులు అర్జెంటీనా ఫ్యాన్స్ అసోసియేష‌న్‌గా ఏర్పడ్డారు. ఫిఫా వ‌ర‌ల్డ్ క‌ప్‌లో త‌మ ఫేవ‌రెట్ టీం, ఫేవ‌రెట్ అట‌గాడికి మ‌ద్దతుగా వాళ్లు కురున్‌గ‌ట్టు క‌డవు న‌ది మ‌ధ్యలో మెస్సీ క‌ట‌వుట్ పెట్టారు. ‘త్వరలో ప్రారంభం కానున్న ఫిఫా వ‌ర‌ల్డ్ క‌ప్ ఈవెంట్‌ని మ‌రింత స్పెష‌ల్‌గా మార్చాల‌నుకున్నాం. అందుకోసం మెస్సీ నిలువెత్తు క‌టౌట్ పెట్టాం’ అని పేర్కొన్నారు. రోడ్డు మీదుగా మెస్సీ క‌టౌట్‌ని తీసుకొస్తున్న ఫొటోలు, వీడియోల్ని రిజ్వాన్ అనే యూజ‌ర్ ట్విటర్‌లో పెట్టాడు. ప్రస్తుతం దీనికి సంబంధించిన వీడియో సోషల్‌ మీడియాలో వైరల్‌గా మారింది. pic.twitter.com/QYpJa7jqBK — LDF Supporters (@LDFSupporters) November 1, 2022 En Pullavoor, un pequeño pueblo de la India, pusieron una gigantografía de Messi en medio del río. pic.twitter.com/nwOZWjACxb — FOX Sports Argentina (@FOXSportsArg) October 31, 2022 చదవండి: పాక్‌కు మరోసారి టీమిండియానే దిక్కు

అర్జెంటీనా ఫుట్‌బాల్‌ స్టార్‌ లియోనల్‌ మెస్సీ గురించి ప్రత్యేకంగా పరిచయం అవసరం లేదు. ఈ దశాబ్దంలో అ‍త్యున్నత ఫుట్‌బాలర్స్‌లో ఒకడిగా పేరు తెచ్చుకున్న మెస్సీకి విశ్వవ్యాప్తంగా అభిమానులున్నారు. మెస్సీని దగ్గరి నుంచి చూసినా చాలానుకుంటారు అతని అభిమానులు. మరి అలాంటిది ఒక వీరాభిమానికి తన ఆరాధ్య దైవాన్ని ఇంటర్య్వూ చేసే అవకాశం వస్తే వదులుకుంటాడా. కచ్చితంగా కాదనడు. మెస్సీని ఇంటర్య్వూ చేసే అవకాశాన్ని సద్వినియోగం చేసుకున్న ఒక జర్నలిస్ట్‌ కన్నీటిపర్యంతం అయ్యాడు. తన ఆరాధ్య దైవం మెస్సీని ఇంటర్య్వూ చేయడం నా జీవత కల అని.. ఇంత తొందరగా ఆ అవకాశం వస్తుందని ఊహించలేదు.. అందుకే ఈ కన్నీళ్లు. థ్యాంక్స్‌ టూ ఆల్‌'' అంటూ సదరు జర్నలిస్ట్‌ చెప్పుకొచ్చాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక ఇంటర్య్వూలో భాగంగా మెస్సీని చాలా ప్రశ్నలు అడిగాడు. వాటన్నింటికి మెస్సీ ఓపికతో సమాధానమిచ్చాడు. ';'ముఖ్యంగా వచ్చే నెలలో జరగనున్న ఫిఫా వరల్డ్‌కప్‌లో అర్జెంటీనాకు ఎలాంటి అవకాశాలున్నాయి''.. ''కెప్టెన్‌గా ఈసారైనా జట్టుకు ట్రోఫీని అందిస్తారా''.. ''మిమ్మల్ని ఇంటర్య్వూ చేయడం నా డ్రీమ్‌'' అన్న ప్రశ్నలు మెస్సీకి ఎదురయ్యాయి. మెస్సీ స్పందిస్తూ.. ''థాంక్యూ.. ఇలాంటి ఇంటర్య్వూలు ఇచ్చినప్పుడు ఎంతో ఉత్సాహంగా ఉంటా. ముఖ్యంగా నన్ను ఆరాధించే నీలాంటి అభిమానులు స్వయంగా ఇంటర్య్వూ చేస్తే ఇంకా సంతోషంగా ఉంటుంది. మీరు చూపించే ప్రేమకు కృతజ్ఞతతో ఉంటా. ఇక ఫిఫా వరల్డ్‌కప్‌లో మా జట్టుకు అవకాశాలున్నాయి. శక్తి మేరకు కష్టపడతా. నేనొక్కడిని ఆడితే సరిపోదు.. జట్టు సమిష్టి కృషి కూడా అవసరం'' అంటూ పేర్కొన్నాడు. వీలైతే మీరు ఒకసారి ఇంటర్య్వూ వీడియోపై లుక్కేయండి. Agradecido con la vida de poder haber cumplido uno de mis máximos sueños. Gracias Leo por tu calidez y sencillez. Sos muy grande. Y gracias a todos los que se emocionaron igual que yo y me acompañaron en este maravilloso viaje. Te quiero, Leo! ❤️🙏🙌❤️ pic.twitter.com/Nd6tUsXkdD — Pablo Giralt (@giraltpablo) October 21, 2022 చదవండి: స్టన్నింగ్‌ క్యాచ్‌.. స్ప్రింగులేమైనా ఉన్నాయా!

రన్‌ మెషీన్‌ విరాట్‌ కోహ్లికి సోషల్‌మీడియాలో ఉన్న క్రేజ్‌ గురించి ప్రత్యేకించి చెప్పాల్సిన అవసరం లేదు. ట్విటర్‌, ఇన్‌స్టాగ్రామ్‌ లాంటి మాధ్యమాల్లో కోట్ల సంఖ్యలో ఫాలోవర్లు కలిగిన అతను.. వీటి ద్వారా అదే స్థాయిలో ధనార్జన కూడా చేస్తున్నాడు. ముఖ్యంగా ఇన్‌స్టాగ్రామ్‌ ద్వారా కోహ్లి సంపాదిస్తున్నదెంతో తెలిస్తే కళ్లు బైర్లు కమ్మాల్సిందే. అతను ఇన్‌స్టాగ్రామ్‌లో పెట్టే ఒక్కో పోస్ట్‌కు దాదాపు 9 కోట్ల రూపాయలు అర్జిస్తున్నాడంటే నమ్మితీరాల్సిందే. Virat Kohli at No.3 in the world. He was the 3rd highest earning celebrity in 2021 on Instagram. He had earned 302.47 Crores. pic.twitter.com/CVce5YbE1D — CricketMAN2 (@ImTanujSingh) October 15, 2022 తాజాగా అతను ఇన్‌స్టా ద్వారా అత్యధికంగా సంపాదించే సెలబ్రిటీల జాబితాలో మూడో స్థానానికి ఎగబాకాడు. 2021లో ఇన్‌స్టా ద్వారా అతను 36.6 మిలియన్‌ డాలర్లు అర్జించాడు. ఈ జాబితాలో స్టార్‌ ఫుట్‌బాలర్లు క్రిస్టియానో రొనాల్డో (85.2 మిలియన్‌ డాలర్లు), లియోనల్‌ మెస్సీ (71.9) తొలి రెండు స్థానాల్లో ఉన్నారు. ప్రస్తుతం కోహ్లికి ఇన్‌స్టాగ్రామ్‌లో 211 మిలియన్ల ఫాలోవర్లు ఉన్నారు. ఇన్‌స్టాలో అత్యధిక మంది ఫాలోవర్లు ఉన్న వారి జాబితాలో అతనిది 14వ స్థానం. ఈ జాబితా టాప్‌ 25లో ఆసియా ఖండం నుంచి కోహ్లి ఒక్కడే ఉండటం విశేషం.  రొనాల్డో ఒక్క పోస్ట్‌కు 19 కోట్లు.. ఇన్‌స్టాలో 44 కో​ట్ల మంది ఫాలోవర్లు కలిగిన ఫుట్‌బాల్‌ దిగ్గజం క్రిస్టియానో రొనాల్డో.. తాను పెట్టే ఒక్కో పోస్ట్‌ ద్వారా ఏకంగా 19 కోట్లు అర్జిస్తున్నాడు. ఇది కోహ్లి ఒక్కో పోస్ట్‌ ద్వారా అర్జిస్తున్న సంపాదన కంటే రెండింతలు ఎక్కవ. మరో ఫుట్‌బాల్‌ దిగ్గజం మెస్సీ కూడా ఒక్కో పోస్ట్‌ ద్వారా 15 కోట్లు సంపాదిస్తున్నాడు.  

ఆల్‌టైమ్‌ గ్రేట్స్‌లో ఒకడిగా పిలువబడే అర్జెంటీనా స్టార్‌ ఫుట్‌బాలర్‌ లియోనల్‌ మెస్సీ సంచలన ప్రకటన చేశాడు. 35 ఏళ్ల మెస్సీ నిన్న తన రిటైర్మెంట్‌ తేదీని ప్రకటించి ఫుట్‌బాల్‌ ప్రేమికులకు ఊహించని షాకిచ్చాడు. వచ్చే నెల ఖతర్ వేదికగా జరిగే ప్రపంచకప్ తనకు చివరి అంతర్జాతీయ టోర్నీ అవుతుందని స్పష్టం చేశాడు. కెరీర్‌లో ఇప్పటివరకు నాలుగు వరల్డ్‌కప్‌ టోర్నీలు ఆడిన మెస్సీ.. తన జట్టును ఒక్కసారి కూడా ఛాంపియన్‌గా నిలబెట్టలేకపోయాడు.  ఈ నేపథ్యంలో తన చివరి వరల్డ్‌కప్‌ను ఎంతో ప్రతిష్టాత్మకంగా తీసుకుంటున్న మెస్సీ.. అర్జెంటీనాను జగజ్జేతగా నిలబెట్టాలని పట్టుదలగా ఉన్నాడు. అయితే తన చివరి టోర్నీ బరిలోకి దిగే ముందు ఆందోళన, ఒత్తిడికి గురవుతున్నట్లు పేర్కొన్నాడు. ప్రపంచకప్‌ బరిలో నిలిచే జట్లతో పోలిస్తే.. అర్జెంటీనాకు గెలుపు అవకాశాలు కాస్త తక్కువేనని ఇదే సందర్భంగా బాంబు పేల్చాడు. క్లబ్‌ స్థాయి టోర్నీలతో పోలిస్తే ప్రపంచకప్‌ మ్యాచ్‌లు చాలా కఠినంగా ఉంటాయని, అందుకే ఎంతటి జట్టునైనా ఫేవరెట్‌గా పరిగణించలేమని అభిప్రాయపడ్డాడు.  కాగా, 1978, 1986 ప్రపంచకప్‌లలో ఛాంపియన్‌గా నిలిచిన అర్జెంటీనా.. ఆతర్వాత తన స్థాయికి తగ్గ ప్రదర్శన కనబర్చనప్పటికీ ఇటీవలికాలంలో మాత్రం అద్భుతంగా రాణిస్తుంది. గత 35 మ్యాచ్‌ల్లో ఓటమి అన్నదే ఎరుగకుండా వరుస విజయాలతో దూసుకుపోతుంది. 2021 కోపా అమెరికా కప్‌ ఫైనల్‌లో ఆతిథ్య బ్రెజిల్‌కు షాకిచ్చి ఛాంపియన్‌గా అవతరించినప్పటి నుంచి అర్జెంటీనా విజయయాత్ర కొనసాగుతుంది. వరల్డ్‌కప్‌ హాట్‌ ఫేవరెట్లలో ముందు వరుసలో ఉన్న తన జట్టును ఫేవరెట్‌గా పరిగణించలేమని మెస్సీ అభిప్రాయపడటం ప్రస్తుతం క్రీడా వర్గాల్లో చర్చనీయాంశంగా మారింది. ఇదిలా ఉంటే, వచ్చే నెల (నవంబర్‌) 22న గ్రూప్-సిలో సౌదీ అరేబియాతో పోరుతో అర్జెంటీనా ప్రపంచకప్‌లో తన ప్రస్థానాన్ని ప్రారంభిస్తుంది. ఈ జట్టు ఆ తర్వాత మెక్సికో, పోలండ్‌తో తలపడుతుంది.  

ప్రపంచానికి క్రిస్టియానో రొనాల్డో, లియోనల్‌ మెస్సీ పరిచయం అక్కర్లేని పేర్లు. ఫుట్‌బాల్‌ క్రీడలో ఈ ఇద్దరు ఎవరికి వారే సాటి. ఆటలోనూ.. పాపులారిటీ విషయంలోనూ ఒకరితో ఒకరు పోటీ పడుతూ ముందుకు దూసుకెళ్తున్నారు. అయితే భారత జాతీయ ఫుట్‌బాల్‌ జట్టు కెప్టెన్‌ సునీల్‌ ఛెత్రి(Sunil Chhetri)పై ఫిఫా(FIFA) డాక్యుమెంటరీ రూపొందించడం ప్రపంచాన్ని ఆశ్చర్యపరిచినా మన దేశం మాత్రం గర్వపడేలా చేసింది. రొనాల్డో, మెస్సీల లాగా సునీల్‌ ఛెత్రి ఫిఫా వరల్డ్‌కప్‌లు ఆడింది లేదు.. ప్రధాన ఫుట్‌బాల్‌ క్లబ్స్‌కు కూడా పెద్దగా ప్రాతినిధ్యం వహించింది లేదు. మరి ఫిఫా ఎందుకు సునీల్‌ ఛెత్రి డాక్యుమెంటరీ రూపొందించాలనుకుంది. పాపులారిటీ విషయంలో ఈ భారత కెప్టెన్‌ మెస్సీ, రొనాల్డోలతో సరితూగకపోవచ్చు కానీ.. గోల్స్‌ విషయంలో మాత్రం వారి వెనకాలే ఉన్నాడు. ఇప్పటివరకు అంతర్జాతీయ ఫుట్‌బాల్‌లో అత్యధిక గోల్స్‌ రికార్డు పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డో పేరిట ఉంది. రొనాల్డో 117 గోల్స్‌తో అగ్రస్థానంలో ఉండగా.. తర్వాతి స్థానంలో అర్జెంటీనా స్టార్‌ మెస్సీ 90 గోల్స్‌తో రెండో స్థానంలో ఉన్నాడు. ఇక మూడో స్థానంలో భారత కెప్టెన్‌ సునీల్‌ ఛెత్రి ఉన్నాడు. సునీల్ 131 మ్యాచ్‌ల్లో 84 గోల్స్‌ చేశాడు. సునీల్‌ ఛెత్రి రొనాల్డో, మెస్సీలాగా ప్రపంచకప్‌లు ఆడకపోవచ్చు.. కానీ అతని ఆటతీరుతో ఒక స్టార్‌గా గుర్తింపు పొందాడు. ఈ ఒక్క కారణంతోనే ఫిఫా సునీల్‌ ఛెత్రిపై డాక్యుమెంటరీ తీయాలని అనుకుంది. ఎవరికి తెలియని సునీల్‌ ఛెత్రి పేరును డాక్యుమెంటరీ ద్వారా ప్రపంచానికి పరిచయం చేసే బాధ్యతను స్వయంగా ఫిఫా తీసుకుంది. భారతదేశం నుంచి ఫుట్‌బాల్‌లో హీరోగా వెలుగొందుతున్న సునీల్ ఛెత్రి లాంటి స్ట్రైకర్ ఎలా ఉద్భవించాడు.. అతని ఆటతీరును పరిచయం చేస్తూ డాక్యుమెంటరీ కొనసాగుతుంది. ఈ డాక్యుమెంటరీకి కెప్టెన్‌ ఫెంటాస్టిక్‌(Captain Fantastic Series) అని పేరు పెట్టిన ఫిఫా ఇటీవలే మొదటి సీజన్ విడుదల చేసింది. అంతా ఊహించినట్లుగానే 'కెప్టెన్‌ ఫెంటాస్టిక్‌ సిరీస్‌' డాక్యుమెంటరీ సూపర్‌హిట్‌ అయింది. అయితే కొన్నాళ్ల క్రితం సునీల్‌ ఛెత్రిపై ఫిఫా ఒక డాక్యుమెంటరీ రూపొందించనుందంటూ వార్తలు వచ్చాయి. అయితే మొదట ఛెత్రి, అతని కుటుంబ సభ్యులు ఈ విషయాన్ని నమ్మలేదు. ఎందుకంటే ఫిఫా ఒక ఆటగాడిపై డాక్యుమెంటరీ రూపొందింస్తుందంటే కచ్చితంగా గొప్ప ఆటగాడు అయి ఉండాలి. ప్రపంచకప్ గెలిచిన జట్టులోని ఆటగాళ్లు లేదా ఫుట్‌బాల్‌లో గొప్ప ఆట ఆడిన ఆటగాళ్లపై మాత్రమే ఫిఫా డాక్యుమెంటరీలు రూపొందిస్తుంది. ఈ విషయంలో సునీల్‌ ఛెత్రి చాలా దూరంలో ఉన్నాడు. ప్రతి నాలుగేళ్లకోసారి ఉపఖండంలో జరిగే ఆసియా కప్‌లో మాత్రమే సునీల్‌ ఛెత్రి ఆడేవాడు. ఫుట్‌బాల్‌లో అడుగుపెట్టినప్పటి నుంచి గోల్స్ చేస్తూ ప్రపంచ ఫుట్‌బాల్ స్టార్ల జాబితాలోకి అడుగుపెట్టిన సునీల్ ఎదుగుదల కథను ఫిఫా ప్రపం‍చానికి పరిచయం చేయాలనుకుంది. ఈ నేపథ్యంలోనే భారత్‌ ఫుట్‌బాల్‌ కెప్టెన్‌ సునీల్ ఛెత్రిపై డాక్యుమెంటరీ మొదలుపెట్టింది. You know all about Ronaldo and Messi, now get the definitive story of the third highest scoring active men's international. Sunil Chhetri | Captain Fantastic is available on FIFA+ now 🇮🇳 — FIFA World Cup (@FIFAWorldCup) September 27, 2022

అర్జెంటీనా ఫుట్‌బాల్‌ స్టార్‌ లియోనల్‌ మెస్సీ తొలిసారి ప్రతిష్టాత్మక ''బాలన్‌ డీ ఓర్‌'' అవార్డుకు నామినేట్‌ కాలేకపోయాడు. అవార్డుకు సంబంధించి 30 మంది జాబితాను ప్రకటించగా.. మెస్సీ నామినేషన్‌కు కూడా అర్హత సాధించకపోవడం ఇదే తొలిసారి. మెస్సీ బార్సిలోనా నుంచి పారిస్‌ సెయింట్‌-జెర్మన్‌(పీఎస్‌జీ) తరపున మొదటి సీజన్‌ ఆడుతున్న సంగతి తెలిసిందే. ఏడుసార్లు అవార్డు అందుకున్న మెస్సీ ప్రాంచైజీ మారిన ఏడాది వ్యవధిలోనే బాలన్‌ డీ ఓర్‌కు నామినేట్‌ కాకపోవడం ఆసక్తి కలిగించింది. ఇక మెస్సీతో పాటు సహచర పీఎస్‌జీ ఆటగాడు.. బ్రెజిల్‌ స్టార్‌ నెయమర్‌ కూడా నామినేట్‌ అవడంలో విఫలమయ్యాడు. కాగా ప్రతిష్టాత్మక​ బాలిన్‌ డీ ఓర్‌ అవార్డుకు మొత్తం 30 మంది నామినేట్‌ కాగా.. వారిలో ఐదుసార్లు అవార్డు విజేత క్రిస్టియానో రొనాల్డో సహా మహ్మద​ సాలా, రాబర్ట్‌ లెవాండోస్కీ, కిలియన్‌ బేపీ, ఎర్లింగ్‌ హాలండ్‌, కరీమ్‌ బెంజెమా, సాదియో మానే, కెవిన్‌ డిబ్రుయోన్‌, హారీ కేన్‌ తదితరులు ఉన్నారు. కాగా అక్టోబర్‌ 17న ప్రతిష్టాత్మక బాలన్‌ డీ ఓర్‌ అవార్డు విజేతను ప్రకటించనున్నారు.  కాగా గతేడాది పొలాండ్‌ స్ట్రైకర్‌ రాబర్ట్‌ లెవాండోస్కీతో టగ్‌ ఆఫ్‌ ఫైట్‌ ఎదురయినప్పటికి తొలి స్థానంలో నిలిచి ఏడోసారి అవార్డును ఎగురేసుకుపోయాడు. ఈసారి మాత్రం పీఎస్‌జీకి ఆడుతూ మెస్సీ తీవ్రంగా నిరాశ పరుస్తున్నాడు. కాగా 2005 నుంచి చూసుకుంటే మెస్సీ ఇప్పటివరకు ఏడుసార్లు బాలన్‌ డీ ఓర్‌ అవార్డును దక్కించుకొని చరిత్ర సృష్టించాడు. 2005 నుంచి వరుసగా నామినేట్‌ అవుతూ వచ్చిన మెస్సీ.. 2007, 2009, 2010, 2011, 2012, 2019, 2021లో ఏడుసార్లు అవార్డును గెలవడం విశేషం. ఇక 1956 నుంచి ఫ్రాన్స్‌ ఫుట్‌బాల్‌ మ్యాగజైన్‌.. అత్యుత్తమ ప్రదర్శన కనబరిచిన ఆటగాడికి బాలన్‌ డీ ఓర్‌ పేరిట పురస్కారం ఇస్తూ వస్తుంది. ఇక 2018 నుంచి మహిళల విభాగంలోనూ ఈ అవార్డు అందిస్తుంది. చదవండి: The Great Khali: 'ది గ్రేట్‌ ఖలీ' కన్నీటి పర్యంతం.. అంతుచిక్కని ప్రశ్నలా! Ashes Series:139 ఏళ్ల యాషెస్‌ చరిత్రకు తొలిసారి దెబ్బ పడనుందా!

టీమిండియా స్టార్‌ విరాట్‌ కోహ్లి ఫామ్‌ కోల్పోయి సతమతమవుతున్న సంగతి తెలిసిందే. కనీసం 50 పరుగులు చేయడానికి కూడా నానా తంటాలు పడుతున్న కోహ్లిని రెస్ట్‌ పేరుతో బీసీసీఐ విండీస్‌ టూర్‌కు పక్కనబెట్టింది. కోహ్లి 71వ శతకం కోసం అభిమానులు దాదాపు నాలుగేళ్లుగా కళ్లు కాయలుకాచేలా ఎదురుచూస్తూనే ఉన్నారు. పరుగుల యంత్రంగా పేరు పొందిన కోహ్లి ప్రస్తుతం ఆటలో మెరవకున్నా.. సోషల్‌ మీడియాలో మాత్రం దుమ్మురేపుతున్నాడు. కెప్టెన్సీతో పాటే ఫామ్‌ కూడా కోల్పోయాడంటూ విమర్శలు ఎదుర్కొంటున్న కోహ్లికి ఇన్‌స్టాగ్రామ్‌లో క్రేజ్‌ మాములుగా లేదు. బీసీసీఐ కాంట్రాక్ట్, ఐపీఎల్, ఎండార్స్‌మెంట్స్ ద్వారానే గాక సోషల్ మీడియా ద్వారా కూడా కోట్లల్లో సంపాదిస్తున్నాడు. తాజాగా  హోపర్క్‌ డాట్‌కామ్‌(hopperhq.com) చేపట్టిన సర్వేలో ఇన్‌స్టాగ్రామ్‌ ద్వారా అత్యధికంగా సంపాదిస్తున్న జాబితాలో ఆసియా ఖండం నుంచి కోహ్లి తొలి స్థానంలో నిలిచాడు. ఆటలో కింగ్‌ అని పేరున్న కోహ్లి ఇన్‌స్టాలోనూ కింగ్‌గా మారిపోయాడని దీన్నిబట్టే అర్థం చేసుకోవచ్చు. ఇక కోహ్లి ఇన్‌స్టాగ్రామ్‌లో పెట్టే ఒక్క పోస్టుకు సంపాదిస్తున్న మొత్తం ($1,088,000) అంటే మన భారత కరెన్సీలో దాదాపు రూ. 8 కోట్ల 69 లక్షలు. ఇక కోహ్లీకి ఇన్‌స్టాగ్రామ్ లో 20 కోట్ల (200,703,169)కు పైగా ఫాలోవర్స్ ఉన్నారు. అంటే కోహ్లీ పెట్టే ఒక్క పోస్టు వాళ్లందరికీ చేరాల్సిందే. వాళ్ల నుంచి ఇతరులకు షేర్ అవుతుంది. అందుకే ఇన్‌స్టాగ్రామ్‌ కూడా కోహ్లి డబ్బులు బాగానే మూటజెప్పుతుంది.  ఇన్‌స్టాగ్రామ్ లో అత్యధిక మంది ఫాలోవర్లు ఉన్నవారి జాబితాలో కోహ్లీ 14వ స్థానంలో ఉన్నాడు. అదీగాక ఈ జాబితాలో టాప్-25లో ఉన్న సెలబ్రిటీలలో ఆసియా ఖండం నుంచి కోహ్లీ ఒక్కడే ఉండటం గమనార్హం.  ఈ జాబితాలో ఫుట్‌బాల్‌ దిగ్గజం క్రిస్టియానో రొనాల్డో 44 కోట్ల (442,267,575) ఫాలోవర్లతో అగ్రస్థానంలో ఉన్నాడు.  రొనాల్డో పెట్టే ఒక్క పోస్టుకు $2,397,000 పొందుతున్నాడు. అంటే కోహ్లీ కంటే రెండింతలు (సుమారుగా 18 కోట్లు)  ఎక్కువ.  మరో ఫుట్‌బాల్‌ స్టార్ లియోనల్ మెస్సీ కూడా ఒక్క పోస్టు ద్వారా $1,777,000 ఆదాయం పొందుతున్నట్లు సర్వేలో తేలింది. చదవండి: బీసీసీఐ కొత్త పంథా.. ఆటగాళ్లకే కాదు అంపైర్లకు ప్రమోషన్‌ సరిగ్గా ఇదే రోజు.. విండీస్‌ గడ్డ మీద కోహ్లి డబుల్‌ సెంచరీ! అరుదైన రికార్డు

ప్రస్తుత ఫుట్‌బాల్‌ అనగానే గుర్తుకువచ్చేది ఇద్దరు. ఒకరు అర్జెంటీనా స్టార్‌ లియోనల్‌ మెస్సీ.. పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డో. సమకాలీనంలో ఈ ఇద్దరు ఎవరికి వారే గొప్ప ఆటగాళ్లు. ఇద్దరిలో ఎవరు గ్రేటెస్ట్‌ ఆల్‌ ఆఫ్‌ టైమ్‌(GOAT) అని అడిగితే మాత్రం చెప్పడం కాస్త కష్టమే. ఎందుకంటే మెస్సీకి ఎంత అభిమాన గణం ఉంటుందో.. అంతే అభిమానం రొనాల్డోకు ఉంటుంది. ఇద్దరిలో ఎవరు గొప్ప అనే విషయం పక్కనబెడితే.. ఇవాళ అర్జెంటీనా దిగ్గజం లియోనల్‌ మెస్సీ 35వ పుట్టినరోజు జరుపుకుంటున్నాడు. మెస్సీ సాధించిన రికార్డులు.. ట్రోపీలు.. రివార్డులు లెక్కలేనన్ని. వాటి గురించి ఇది వరకు చాలా సందర్భాల్లో చెప్పుకున్నాం. మరి మెస్సీ గురించి మనకు తెలియని ఒక ఐదు ఆసక్తికర విషయాలను తెలుసుకుందాం. మెస్సీ ఆడిన తొలి ఫుట్‌బాల్‌ క్లబ్‌.. మెస్సీని ఆరాధించే ఏ అభిమాని అయినా సరే అతను ఆడిన తొలి ఫుట్‌బాల్‌ క్లబ్‌ న్యూవెల్స్‌ ఓల్డ్‌ బాయ్స్‌(ఎన్‌వోబీ) క్లబ్‌ అని ఇట్టే చెబుతారు. కానీ మెస్సీ ఆడిన తొలి ఫుట్‌బాల్‌ క్లబ్‌ అది కాదు. ఎందుకంటే ఏ ఆటగాడైనా సరే.. అందరూ ఆరాధించే స్థాయికి చేరుకున్నాడంటే మొదటి భీజం గట్టిగా ఉండాలి. ఆ విషయంలో మెస్సీ సరైన అడుగు వేశాడు. ఐదేళ్ల వయసులోనే ఫుట్‌బాల్‌పై మమకారం పెంచుకున్న మెస్సీ ఆడిన తొలి ఫుట్‌బాల్‌ క్లబ్‌ ఏంటో తెలుసా.. గ్రండోలీ క్లబ్‌. అర్జెంటీనాలో ఉన్న ఈ చిన్న ఫుట్‌బాల్‌ క్లబ్‌ను నడిపింది స్వయంగా మెస్సీ తండ్రినే కావడం విశేషం. అలా చిన్న వయసులోనే మెస్సీ ఇంట్లో నుంచే మంచి ప్రోత్సాహం లభించింది. 1992-95 వరకు తండ్రి క్లబ్‌కే ఆడిన మెస్సీ ఆ తర్వాత న్యువెల్స్‌ ఓల్డ్‌ బాయ్స్‌(ఎన్‌వోబీ) క్లబ్‌కు మారి పూర్తి స్థాయి ఫుట్‌బాలర్‌గా కెరీర్‌ను ఆరంభించాడు. అంతుపట్టని రోగం.. బార్సిలోనా అండగా మెస్సీకి 11 సంవత్సరాల వయస్సు ఉన్నప్పుడు.. గ్రోత్ హార్మోన్ లోపం (GHD) ఉన్నట్లు నిర్ధారణ అయింది. దీంతో మెస్సీ జీవితంలో ఫుట్‌బాల్‌ ఆటగాడు కాలేడని వైద్యులు ప్రకటించారు. అయితే మెస్సీకి చికిత్స చేయించేందుకు అప్పట్లోనే నెలకు 900 డాలర్లు ఖర్చు అయ్యేది. మెస్సీ కుటుంబానికి ఆర్థిక స్థోమత అంతంత మాత్రమే కావడంతో మెస్సీ చికిత్సకు కష్టంగా మారింది. దీంతో మెస్సీ తండ్రితో ఉన్న అనుబంధం కారణంగా బార్సిలోనా ఫుట్‌బాల్‌ క్లబ్‌ రంగంలోకి దిగింది. మెస్సీ కుటుంబానికి అండగా నిలబడిన బార్సిలోనా మెస్సీతో పాటు కుటుంబాన్ని మొత్తం స్పెయిన్‌కు తరలించి మెస్సీకి చికిత్స చేయించడం విశేషం. అలా 11 ఏళ్ల వయసులోనే మెస్సీ బార్సిలోనాకు రుణపడిపోయాడు. ఆ తర్వాత చాలా ఏళ్ల పాటు బార్సిలోనా క్లబ్‌కు ప్రాతినిధ్యం వహించాడు.  పేపర్‌ నాప్కిన్‌పై తొలి ఒప్పంద సంతకం  2000 సంవత్సరంలో గ్రోత్‌ హార్మోన్‌ లోపం(GHD) చికిత్స కోసం మెస్సీని బార్సిలోనా  క్లబ్‌ తమ వెంట తీసుకెళ్లింది. అంతేగాక మెస్సీని క్లబ్‌లోకి తీసుకుంటున్నట్లు చెప్పినప్పటికి ఎలాంటి అధికారిక కాంట్రాక్టును అందజేయలేదు. అయితే అప్పటికే బార్సిలోనా స్కౌట్ కార్లెస్ రెక్సాచ్ ఆటగాళ్ల శిక్షణ కోసం అర్జెంటీనాలో రొసారియోలో ఉన్నారు. అక్కడే తొలిసారి మెస్సీని చూసిన కార్లెస్‌ అతని నైపుణ్యానికి ఫిదా అయ్యాడు. బార్సిలోనాతో ఎలాంటి కాంట్రాక్ట్‌ లేదని తెలియడంతో వెంటనే ఒక కాగితంపై ఒప్పంద పత్రాన్ని రాసి అందించాడు. దీనిని సంతోషంగా అంగీకరించిన మెస్సీ అతని కుటుంబంతో స్పెయిన్‌కు వెళ్లే ముందు ఒప్పంద పత్రంపై సంతకం చేశాడు. ఇది అప్పట్లో వివాదానికి దారి తీసినప్పటికి కొన్నిరోజుల్లోనే బార్సిలోనా మెస్సీతో అధికారిక ఒప్పందం చేసుకుంది. మెస్సీ కొట్టిన తొలి హ్యాట్రిక్‌ మెస్సీ ఇన్నేళ్ల కెరీర్‌లో ఎన్నోసార్లు హ్యాట్రిక్‌ గోల్స్‌ నమోదు చేశాడు. మరి మెస్సీ మొదటిసారి హ్యాట్రిక్‌ గోల్‌ నమోదు చేసింది ఎప్పుడో తెలుసా.? 19 ఏళ్ల వయసులో ఎల్‌ క్లాసియో తరపున రియల్‌ మాడ్రిడ్‌తో జరిగిన మ్యాచ్‌లో మెస్సీ మూడు గోల్స్‌తో మెరిశాడు. మెస్సీ కొట్టిన హ్యాట్రిక్‌ గోల్స్‌తో మ్యాచ్‌ 3-3తో డ్రాగా ముగియడం విశేషం.  విచిత్రమైన డెబ్యూ.. ఏ ఆటగాడైనా తన అరంగేట్రంలో అదరగొట్టాలని భావించడం సహజం. కానీ మెస్సీ విషయంలో కాస్త భిన్నం. 2005లో అర్జెంటీనా తరపున హంగేరీతో జరిగిన మ్యాచ్‌ ద్వారా అంతర్జాతీయ ఫుట్‌బాల్‌లో అరంగేట్రం చేశాడు. అది కూడా ఒక సబ్‌స్టిట్యూట్‌ ప్లేయర్‌గా. అయితే తొలి మ్యాచ్‌లోనే మెస్సీకి వింత అనుభవం ఎదురైంది. హంగేరీ ఆటగాడు మెస్సీ జెర్సీని పట్టుకొని లాగడంతో .. మెస్సీ మోచేతి సదరు ఆటగాడికి బలంగా తాకింది. దీంతో  రిఫరీ మెస్సీకి రెడ్‌కార్డ్‌ చూపించాడు. కేవలం 47 సెకన్ల పాటు మాత్రమే గ్రౌండ్‌లో ఉన్న మెస్సీ అనూహ్య రీతిలో మైదానం వీడాల్సి వచ్చింది. G⚽AL OF THE DAY 🎂 Happy birthday, Leo pic.twitter.com/yYLeTjw3Va — FC Barcelona (@FCBarcelona) June 24, 2022

ఫుట్‌బాల్‌ స్టార్‌.. భారత ఫుట్‌బాల్‌ జట్టు కెప్టెన్‌ సునీల్‌ ఛెత్రీ అరుదైన ఘనత సాధించాడు. ఏఎప్‌సీ ఆసియా కప్‌ క్వాలిఫయర్స్‌లో భాగంగా హాంకాంగ్‌తో జరిగిన మ్యాచ్‌లో సునీల్‌ ఛెత్రీ ఆట 45వ నిమిషంలో గోల్‌తో మెరిశాడు. ఈ గోల్‌ సునీల్‌ ఛెత్రీకి 84వ అంతర్జాతీయ గోల్‌ కావడం విశేషం. ఈ నేపథ్యంలోనే హంగేరీ ఫుట్‌బాల్‌ దిగ్గజం ఫెరెన్క్ పుస్కాస్‌తో సమానంగా టాప్‌-5లో నిలిచాడు. పుస్కాస్‌ కూడా హంగేరీ తరపున 84 అంతర్జాతీయ గోల్స్‌ కొట్టాడు. ఇక టాప్‌ ఫోర్‌లో పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డో(117 గోల్స్‌),  ఇరాన్‌ స్టార్‌ అలీ దాయి (109 గోల్స్‌) రెండో స్థానంలో.. మొఖ్తర్ దహరి (89 గోల్స్‌) మూడో స్థానంలో.. అర్జెంటీనా ఫుట్‌బాల్‌ స్టార్‌ లియోనల్‌ మెస్సీ 86 గోల్స్‌తో నాలుగో స్థానంలో ఉన్నాడు. ఇక మెస్సీకి, సునీల్‌ ఛెత్రీకి మధ్య గోల్స్‌ వ్యత్యాసం రెండు మాత్రమే ఉండడం విశేషం. అంతర్జాతీయంగా ఎక్కువ గోల్స్‌ కొట్టిన టాప్‌-10 జాబితాలో రొనాల్డో, మెస్సీ, సునీల్‌ ఛెత్రీ, అలీ మొబ్‌కూత్‌(80 గోల్స్‌, యూఏఈ) మాత్రమే  ప్రస్తుతం ఆడుతున్నారు. ఇక ఆసియా కప్ గ్రూప్-డి క్వాలిఫయర్స్‌లో భాగంగా హంగ్‌కాంగ్‌తో జరిగిన మ్యాచ్‌లో 4-0 తేడాతో ఘన విజయం అందుకుంది టీమిండియా. ఈ విజయంతో టేబుల్ టాపర్‌గా ఆసియా కప్ 2023 టోర్నీలో ఆడనుంది. ఈ మ్యాచ్‌కి ముందు టేబుల్ టాపర్‌గా ఉన్న హాంకాంగ్‌పై ఆది నుంచి భారత్‌ ఎదురుదాడికి దిగింది. ఆట రెండో నిమిషంలోనే గోల్ సాధించి, హంగ్‌ కాంగ్‌ని ఒత్తిడిలోకి నెట్టేసింది. ఆట ప్రారంభమైన రెండో నిమిషంలో అన్వర్ ఆలీ గోల్ సాధించి, భారత జట్టుకి 1-0 ఆధిక్యం అందించాడు. తొలి సగం ముగుస్తుందనగా ఆట 45వ నిమిషంలో భారత కెప్టెన్‌ సునీల్‌ ఛెత్రీ గోల్‌ చేసి టీమిండియాను 2-0 ఆధిక్యంలో నిలిపాడు. ఆ తర్వాత హాంకాంగ్‌ గోల్ చేసేందుకు చేసిన ప్రయత్నాలను తిప్పి కొట్టిన భారత జట్టు.. ఆట 85వ నిమిషంలో మూడో గోల్ చేసింది. మన్వీర్ సింగ్ గోల్‌తో టీమిండియా ఆధిక్యం 3-0కి దూసుకెళ్లింది. నిర్ణీత సమయం అనంతరం ఇచ్చిన అదనపు సమయంలో ఆట 90+3వ నిమిషంలో ఇషాన్ పండిట గోల్ సాధించడంతో భారత జట్టు 4-0 తేడాతో తిరుగులేని విజయాన్ని అందుకుంది.   చదవండి: Asian Cup 2023: భారత ఫుట్‌బాల్‌ జట్టు కొత్త చరిత్ర.. వరుసగా రెండోసారి

అర్జెంటీనా స్టార్‌ ఫుట్‌బాలర్‌ లియోనల్‌ మెస్సీకి ఫ్యాన్‌ ఫాలోయింగ్‌ మాములుగా ఉండదు. క్రికెట్‌ కంటే ఫుట్‌బాల్‌ను విపరీతంగా ఇష్టపడే అభిమానులు ఎక్కువగా ఉంటారు. ప్రస్తుతం ఫుట్‌బాల్‌ స్టార్‌ క్రిస్టియానో రొనాల్డోతో పోటీపడుతున్న మెస్సీ.. తన ఫాలోయింగ్‌ను అంతకంతకూ పెంచుకుంటూ ఎనలేని క్రేజ్‌ సంపాదించాడు. ఆటలో చురుకుగా కనిపించే మెస్సీ బయట కూడా అంతే చలాకీగా ఉంటాడు. తనను కలుసుకోవడానికి ఒక అభిమాని ఎంత దూరం నుంచి వచ్చినా.. తప్పక వారిని కలిసి సంతోషం కలిగేలా చేసేవాడు. అలాంటి మెస్సీని అందమైన యువతులు ఇష్టపడడం మాములే. అలాంటి కోవకే చెందింది బ్రెజిలియన్‌ మోడల్‌ సుజీ కోర్టేజ్.  సుజీ కోర్టేజ్‌.. మెస్సీకి వీరాభిమాని. అతని ఆటను చూసేందుకు చాలాసార్లు ఫుట్‌బాల్‌ స్టేడియంలోకి వెళ్లింది. అతని ఆటోగ్రాఫ్‌ కోసం ఎంతో ప్రయత్నించి ఒక సందర్భంలో సక్సెస్‌ అయింది. అయితే ఆమె స్వయానా మోడల్‌ కావడంతో కొన్ని రెచ్చగొట్టే చిత్రాలను ఇన్‌స్టాలో పోస్ట్‌ చేసి మెస్సీ ఆగ్రహాన్ని చవిచూసింది. అంతేకాదు స్వయంగా మెస్సీ, అతని భార్య ఆంటోనెల్లా రోకుజోలు సుజీ కోర్టేజ్‌ అకౌంట్‌ను సోషల్‌ మీడియాలో బ్లాక్‌ చేశారు.  సుజీ కోర్టెజ్‌.. మెస్సీకి వీరాభిమాని మాత్రమే కాదు. మంచి అథ్లెట్‌, మోడల్‌, టీవీ హోస్ట్‌ ఇలా చాలా రంగాల్లో ముఖ్యపాత్ర పోషించింది. తన టాలెంట్‌తో 2015లో ''మిస్‌ బుమ్‌బుమ్‌'' విన్నర్‌గానూ నిలిచింది. సుజీ కోర్టెజ్‌కు ఇన్‌స్టాగ్రామ్‌లో 58వేల మంది ఫాలోవర్లు ఉన్నారు. అంతేకాదు ఇటీవలే ప్లేబాయ్‌ మ్యాగజైన్‌ కవర్‌పై మెరిసింది. 2015లో మిస్‌ బుమ్‌బుమ్‌ టైటిల్‌ గెలిచిన తర్వాత 2016 రియో ఒలింపిక్స్‌లో అంబాసిడర్‌గా వ్యవహరించడం విశేషం. చదవండి: జిడ్డు ఇన్నింగ్స్‌కు 47 ఏళ్లు.. కోపంతో లంచ్‌ బాక్స్‌ విసిరేసిన క్రికెట్‌ అభిమాని వేల కోట్లు వద్దనుకున్నాడు.. బిలీనియర్‌ అయ్యే చాన్స్‌ మిస్‌

టీమిండియా మాజీ కెప్టెన్‌, స్టార్‌ బ్యాటర్‌ విరాట్‌ కోహ్లికి రికార్డులేమీ కొత్తకాదు. అయితే, ఈసారి ఆటలో కాకుండా సోషల్‌ మీడియా ప్లాట్‌ఫామ్‌ ఇన్‌స్టాగ్రామ్‌లో సరికొత్త రికార్డు సృష్టించాడు. ఇన్‌స్టాలో 200 మిలియన్ల ఫాలోవర్లను సంపాదించుకున్న మొదటి భారతీయ వ్యక్తిగా చరిత్రకెక్కాడు ఈ రాయల్‌ చాలెంజర్స్‌ బెంగళూరు ఆటగాడు. అదే విధంగా ఫొటో, వీడియో బ్లాగింగ్‌ ప్లాట్‌ఫామ్‌ ఇన్‌స్టాగ్రామ్‌లో అత్యధిక మంది ఫాలోవర్లు ఉన్న క్రీడాకారుల జాబితాలో కోహ్లి మూడో స్థానంలో నిలిచాడు. స్టార్‌ ఫుట్‌బాలర్లు క్రిస్టియానో రొనాల్డో 451 మిలియన్లు, లియోనల్‌ మెస్సీ 334 ఫాలోవర్లతో కోహ్లి కంటే ముందున్నారు.‌ ఈ సందర్భంగా..‘‘ 200 మిలియన్ల మంది! నాకు మద్దతుగా నిలుస్తున్న ఇన్‌స్టా ఫ్యామిలీకి ధన్యవాదాలు’’ అంటూ ఫాలోవర్లను ఉద్దేశించి కోహ్లి ఓ వీడియో షేర్‌ చేశాడు. ఇందుకు స్పందించిన అభిమానులు.. ‘‘కంగ్రాట్స్‌ భాయ్‌.. మా గుండెల్లో నీ స్థానం ఎప్పుడూ పదిలం.. నువ్వు ఎల్లప్పుడూ మాకు కింగ్‌ కోహ్లివే’’ అంటూ ఆనందం వ్యక్తం చేస్తున్నారు. కాగా టీ20 ప్రపంచకప్‌ 2021 తర్వాత టీమిండియా పొట్టి ఫార్మాట్‌ సారథ్య బాధ్యతల నుంచి వైదొలిగిన కోహ్లిని... ఆ తర్వాత బీసీసీఐ వన్డే కెప్టెన్సీ నుంచి తప్పించింది. ఇక దక్షిణాఫ్రికా పర్యటనలో భారత్‌ ఘోర పరాజయం నేపథ్యంలో టెస్టు సారథ్య బాధ్యతల నుంచి కోహ్లి తప్పుకొన్నాడు. ఈ క్రమంలో రోహిత్‌ శర్మకు కెప్టెన్సీ దక్కగా.. కోహ్లి ఆటగాడిగా కొనసాగుతున్నాడు. గత కొన్ని రోజులుగా ఫామ్‌లేమితో స్థాయికి తగ్గట్లు రాణించలేకపోతున్నా అభిమాన గణాన్ని మాత్రం పెంచుకుంటూనే పోతున్నాడు ఈ ‘రన్‌ మెషీన్‌’! ఇక 177 మిలియన్ల మంది ఫాలోవర్లు ఉన్న సమయంలో కోహ్లి ఒక్కో పోస్టుకు 5 కోట్ల రూపాయల మేర ఆర్జిస్తున్నాడంటూ విశ్లేషకులు అంచనాలు వేసిన విషయం తెలిసిందే. చదవండి: ‘వారి విలువేమిటో బాగా తెలుసు’.. టీమిండియా టాప్‌–3పై ద్రవిడ్‌ వ్యాఖ్య View this post on Instagram A post shared by Virat Kohli (@virat.kohli) View this post on Instagram A post shared by Cristiano Ronaldo (@cristiano) View this post on Instagram A post shared by Leo Messi (@leomessi)