WC Qualifiers: కొలంబియా సంచలనం.. అర్జెంటీనాకు షాక్‌

బొగోటా (కొలంబియా): ప్రస్తుత ప్రపంచ చాంపియన్‌ అర్జెంటీనా జట్టుకు 2026 ప్రపంచకప్‌ క్వాలిఫయింగ్‌ టోర్నీలో షాక్‌ తగిలింది. 2022లో విశ్వవిజేతగా నిలిచిన అర్జెంటీనా... దక్షిణ అమెరికా వరల్డ్‌కప్‌ క్వాలిఫయర్‌లో కొలంబియా చేతిలో ఓడింది. బుధవారం జరిగిన పోరులో కొలంబియా 2–1 గోల్స్‌ తేడాతో అర్జెంటీనాపై గెలిచింది. కొలంబియా తరఫున యెర్సన్‌ మస్క్యూరా (25వ నిమిషంలో), జేమ్స్‌ రోడ్రిగ్జ్‌ (60వ నిమిషంలో) చెరో గోల్‌ చేయగా... అర్జెంటీనా తరఫున నికోలస్‌ (48వ నిమిషంలో) ఏకైక గోల్‌ సాధించాడు. 

అర్జెంటీనా స్టార్‌ స్ట్రయికర్‌ మెస్సీ గాయంతో ఈ మ్యాచ్‌కు దూరంగా ఉన్నాడు. ఈ అర్హత టోర్నీలో ఎనిమిది మ్యాచ్‌లు పూర్తయ్యేసరికి అర్జెంటీనా 18 పాయింట్లతో అగ్రస్థానంలో కొనసాగుతోంది. దక్షిణ అమెరికా క్వాలిఫయింగ్‌ టోరీ్నలో తొలి 6 స్థానాల్లో నిలిచిన జట్లు 2026 ప్రపంచకప్‌ నకు అర్హత సాధించనున్నాయి.