world record

ఫుట్‌బాల్ ఆట‌లో త‌న్నులాట సాధార‌ణ‌మే. కానీ ఈ ఆట చ‌రిత్ర‌లో మునుపెన్న‌డూ జ‌ర‌గ‌ని ఒక సంఘ‌ట‌న‌కు బ్రెజిల్‌లో జ‌రిగిన అండ‌ర్‌-20 ఫుట్‌బాల్ మ్యాచ్ వేదిక‌గా మారింది. ఏకంగా 51 మందికి రెడ్‌కార్డు జారీ చేయ‌డంతో ప్ర‌పంచ రికార్డు బ‌ద్ద‌ల‌య్యింది. గ‌తంలో 2011లో అర్జెంటీనాలో క్లేపోల్‌, విక్టోరియా అరేనాస్ మ‌ధ్య జ‌రిగిన మ్యాచ్‌లో 36 రెడ్‌కార్డులు జారీ చేయ‌డ‌మే ఇప్ప‌టివ‌ర‌కు రికార్డుగా ఉంది. తాజాగా ఆ రికార్డు తుడిచిపెట్టుకుపోయింది.అస‌లేం జ‌రిగిందంటే?మినాస్ గెరైస్‌లోని ఎస్టాడియో పార్క్ డో సాబియా స్టేడియంలో ఆతిథ్య ఉబెర్లాండియా, మ‌మోర్ మ‌ధ్య అండ‌ర్‌-20 కాంపియోనాటో మైనిరో (సెకండ్ డివిజన్) సెమీ-ఫైనల్ మ్యాచ్ జ‌రిగింది. తొలి అర్థ‌భాగం ముగిసేస‌రికి మ‌మోర్ జ‌ట్టు 2-1తో ఆధిక్యంలో నిలిచింది. ఇక రెండో అర్థ‌భాగం మొద‌లైన 54వ నిమిషంలో మ‌రో గోల్‌కొట్టిన మ‌మోర్ 3-1తో ఆధిక్యంలోకి దూసుకెళ్ల‌డంతో మైదానంలో ఉద్రిక్త‌త‌లు చెల‌రేగాయి. మ‌మోర్ మూడో గోల్ చేసిన వెంట‌నే, ఆ జ‌ట్టు ఫార్వార్డ్ ఆట‌గాడు డేవి.. ఉబెర్లాండియా రిజ‌ర్వ్ ఆట‌గాళ్ల‌ను, సిబ్బందిని రెచ్చ‌గొట్టే ప్ర‌య‌త్నంలో ప్ర‌త్య‌ర్థి బెంచ్‌వైపు దూసుకురావ‌డంతో గొడ‌వ మొద‌లైంది. దీంతో ఆగ్ర‌హించిన ఉబెర్లాండియా గోల్ కీప‌ర్‌, కోచ్ సెర్గియో.. డేవిని ఇలా ఎందుకు చేస్తున్నావంటూ నిల‌దీయ‌డంతో, గొడ‌వ ముదిరింది. ఇరుజ‌ట్ల ఆట‌గాళ్లు, సిబ్బంది, సాంకేతిక సిబ్బంది, బోర్డు స‌భ్యులు ఇలా దాదాపు 60 మంది మైదానంలోకి దూసుకురావ‌డంతో క్ష‌ణాల్లో వాతావ‌ర‌ణం ఉద్రిక్తంగా మారిపోయింది. చివ‌ర‌కు కొట్టుకునేందుకు త‌యార‌వ్వ‌డంతో వారిని విడ‌దీసేందుకు 40 నిమిషాలకు పైగా ప‌ట్టింది. ప‌రిస్థితి చేయి దాట‌డంతో పోలీసుల‌ను స్టేడియానికి పిలిపించారు. నివేదిక ప్ర‌కారం ఘ‌ర్ష‌ణ‌లో పాల్గొన్న ఆరుగురు బాల్ బాయ్స్ మ‌మోర్ సిబ్బందిని వ‌స్తువులు, కుర్చీలు, స్ట్రెచ‌ర్‌ల‌తో దాడికి చేసిన‌ట్లు తెలుస్తోంది. పోలీసులు, సైనిక బ‌ల‌గాలు వ‌చ్చి ప‌రిస్థితిని అదుపులోకి తెచ్చాకా, రిఫ‌రీ ఇరుజ‌ట్ల‌పై చ‌ర్య‌లు తీసుకున్నాడు. మైదానంలో హింస చెల‌రేగ‌డానికి కార‌ణ‌మైన వారితో సహా మొత్తం 51 మందికి రెడ్‌కార్డ్ చూపించ‌డం జ‌రిగింది. ఇందులో 43 మంది ఆట‌గాళ్లు, 8 మంది స‌హాయ‌క సిబ్బంది, ఇద్ద‌రు బోర్డు స‌భ్యులు రెడ్‌కార్డుకు గుర‌య్యారు. ఈ క్రమంలో, ఒకే ఫుట్‌బాల్ గేమ్‌లో అత్యధిక మందిని రెడ్‌కార్డు చూపించి మైదానం నుంచి పంపించివేయ‌డంతో గతంలో ఉన్న (36 మందికి రెడ్‌కార్డు) గిన్నిస్ ప్రపంచ రికార్డు బ‌ద్ద‌ల‌య్యింది.GUINNESS WORLD RECORD HAS BEEN BROKEN IN BRAZIL IN A FOOTBALL GAME. A Guinness World Record was broken for the number of red cards in a single game, the Minas Gerais Under-20 Championship clash between Uberlândia and Mamoré saw 51 sendings off, including 43 players and eight members of coaching staff 🤯🟥 A mass brawl that began in the 54th minute saw the referee break a record that had stood since 2011 for the most expulsions in a single fixture, according to reports from O Tempo 😭 The referee's report indicated that the chaos wasn't limited to the players. Six ball boys reportedly participated in the aggression, throwing punches, kicks, and objects at players and members of the Mamoré coaching staff. Stretchers and chairs were also used in the fighting that took close to 40 minutes to subside, while local military police were forced to attend to assess the vandalism inside the stadium after the air had cooled 🇧🇷— Peter O.U (@Parisdreams_emp) November 4, 2026ఇదీ చదవండి: 'మాట‌ల్లేవ్‌.. అత‌డి భ‌విష్య‌త్తు తొలి మ్యాచ్‌లోనే చెప్పేశా'ఎంత వెతికినా దొర‌క‌లేదు.. పాపం కోహ్లి!

టెస్టు క్రికెట్ చరిత్ర‌లో ఇంగ్లండ్ స్టార్ క్రికెట‌ర్ జో రూట్‌ ప్ర‌స్తుతం రెండో టాప్ స్కోర‌ర్‌గా కొన‌సాగుతున్నాడు. అతడు ఇప్ప‌టివ‌ర‌కు 169 టెస్టుల్లో 309 ఇన్నింగ్స్‌లు ఆడి 14,278 ప‌రుగులు సాధించాడు. టెస్టు క్రికెట్‌లో అత్య‌ధిక ప‌రుగుల రికార్డు భార‌త క్రికెట్ దిగ్గ‌జం స‌చిన్ టెండూల్క‌ర్ పేరిట ఉంద‌న్న విష‌యం ప్ర‌త్యేకంగా చెప్ప‌న‌వ‌స‌రం లేదు. స‌చిన్ టెండూల్క‌ర్ త‌న టెస్టు కెరీర్‌లో 200 టెస్టులాడి 329 ఇన్నింగ్స్‌ల్లో 15,921 ప‌రుగులు సాధించాడు. అయితే స‌చిన్ రికార్డును బ‌ద్ద‌లుకొట్టేందుకు రూట్ కేవ‌లం 1,643 ప‌రుగుల దూరంలో ఉన్నాడు. ఈ నేప‌థ్యంలో రెడ్డిట్‌లో జరిగిన 'ఆస్క్ మీ ఎనీథింగ్' సెషన్‌లో అభిమానులతో ముచ్చటించిన సచిన్‌కు.. త్వ‌ర‌లోనే టెస్టుల్లో మీ పేరిట ఉన్న‌ అత్య‌ధిక ప‌రుగుల రికార్డును రూట్ బ‌ద్ద‌లుకొట్టేలా ఉన్నాడు. దీనిపై మీ స్పంద‌నేంటి? అని ప్ర‌శ్నించారు. రూట్‌ను ప్ర‌శంస‌ల‌తో ముంచెత్తిన స‌చిన్ మాట్లాడుతూ.. "నేను రూట్‌ను ఎప్పుడూ గొప్ప ఆటగాడిగానే భావిస్తాను. అతను తన తొలి టెస్ట్ మ్యాచ్ ఆడినప్పుడే భవిష్యత్తులో ఒక పెద్ద స్టార్ అవుతాడని నాకు స్పష్టంగా అర్థమైంది. ఇక రూట్ గురించి మాట్లాడుకోవ‌డానికి కొత్త‌గా ఏం లేదు. నా రికార్డు బ‌ద్ద‌లవుతుందంటే బాధ క‌న్నా సంతోష‌మే ఎక్కువగా అనిపిస్తుంది. టీమిండియా ప్లేయ‌ర్లు కాకుండా నాకిష్ట‌మైన విదేశీ క్రికెట‌ర్ల‌లో జోరూట్‌, హ్యారీ బ్రూక్‌, స్టీవ్ స్మిత్ ఉంటారు. ఈ ముగ్గురు టెస్టు క్రికెట్ సంప్ర‌దాయాన్ని కాపాడుతూ వ‌స్తున్నారు.'' అని చెప్పుకొచ్చాడు.2012లో నాగ్‌పూర్‌లో భారత్‌తో జరిగిన మ్యాచ్‌తో రూట్ టెస్టుల్లో అరంగేట్రం చేశాడు. ఆ మ్యాచ్‌లో సచిన్ కూడా భారత జట్టులో సభ్యుడిగా ఉన్నాడు. ఆ మ్యాచ్‌లో రూట్ మొదటి ఇన్నింగ్స్‌లో 73 పరుగులు చేశాడు. ఇక రెండో ఇన్నింగ్స్‌లో 20 ప‌రుగుల‌తో నాటౌట్‌గా నిలిచాడు. ఆ మ్యాచ్ డ్రాగా ముగిసింది.ఇక, వన్డే అంతర్జాతీయ ఫార్మాట్‌లో మార్పులు తీసుకురావాలనే తన పాత సూచనను సచిన్ మరోసారి పునరుద్ఘాటించాడు. 50 ఓవర్ల మ్యాచ్‌ను ఒక్కో జట్టుకు 25 ఓవర్ల చొప్పున రెండు వేర్వేరు ఇన్నింగ్స్‌లుగా విభజించాలని సూచించాడు. "నా సూచన చాలా సులభం. 50 ఓవర్లను రెండు 25 ఓవర్ల ఇన్నింగ్స్‌లుగా విభజించాలి.కానీ, మొత్తం 50 ఓవర్లకు 10 వికెట్లు అలాగే ఉంచాలి. ఒకే బంతిని ఉపయోగించాలి. దీనివల్ల బ్యాట్, బాల్ మధ్య పోటీ స‌మంగా ఉంటుంది. మంచు ప్రభావం వల్ల ఒకే జట్టుకు అనుకూలంగా మారే పరిస్థితి ఉండదు. బౌలర్లు కనుమరుగు కాకముందే మనం ఏదైనా చేయాలి" అని సచిన్ తన ప్రతిపాదనను వివరించాడు. ఈ మార్పుతో ఆట రెండు జట్లకు సమతుల్యంగా మారుతుందని అభిప్రాయపడ్డాడు.ఇదీ చ‌ద‌వండి: ఎంత వెతికినా దొర‌క‌లేదు.. పాపం కోహ్లి!చివరి బంతికి హైడ్రామా.. సూపర్ ఓవర్ అనుకునే లోపే..!

టీమిండియా స్టార్ విరాట్ కోహ్లి మ‌రో ప్ర‌పంచ రికార్డును త‌న పేరిట లిఖించుకున్నాడు. వ‌న్డే క్రికెట్‌లో మూడో స్దానంలో బ్యాటింగ్ చేస్తూ 13,000 పరుగులు పూర్తి చేసిన మొద‌టి బ్యాట‌ర్‌గా కోహ్లి సరికొత్త రికార్డు సృష్టించాడు. ఆక్లాండ్ వేదిక‌గా న్యూజిలాండ్‌తో జ‌రుగుతున్న తొలి వ‌న్డేలో 12 ప‌రుగుల వ్య‌క్తిగ‌త స్కోర్ వ‌ద్ద విరాట్ ఈ ఫీట్ సాధించాడు. కోహ్లి కంటే ముందు ఏ బ్యాటర్ కూడా మూడో స్దానంలో బ్యాటింగ్ చేస్తూ ఈ రికార్డు సాధించలేకపోయారు. ఈ జాబితాలో కోహ్లి తర్వాత స్ధానంలో ఆస్ట్రేలియా మాజీ కెప్టెన్‌ రికీ పాంటింగ్‌(12,662) ఉన్నాడు.మూడో స్థానంలో అత్యధిక పరుగులు చేసిన టాప్-5 బ్యాటర్లువిరాట్ కోహ్లి(భారత్‌)-13,000*రికీ పాంటింగ్ (ఆస్ట్రేలియా)- 12,662కుమార సంగక్కర(శ్రీలంక‌)-9,747జాక్వెస్ క‌ల్లిస్‌(సౌతాఫ్రికా)- 7,774కేన్ విలియ‌మ్స్‌(న్యూజిలాండ్‌)-6,504కాగా నంబ‌ర్ 3 స్దానంలో బ్యాటింగ్‌కు వచ్చి ఎన్నో చారిత్ర‌త్మ‌క రికార్డుల‌ను అందుకున్నాడు. ఏకంగా 48 వన్డే సెంచరీలు సాధించి ఆ స్థానానికి తిరుగులేని రాజుగా నిలిచాడు. వ‌న్డేల్లో అత్య‌ధిక ప‌రుగులు చేసిన జాబితాలో విరాట్ (15,109) రెండో స్ధానంలో కొన‌సాగుతున్నాడు.చదవండి: రోహిత్‌ శర్మ అత్యంత చెత్త రికార్డు.. వన్డే కెరీర్‌లో ఇదే తొలిసారి

పుణే: ఉత్తరాఖండ్‌ బ్యాటర్‌ ప్రేమ రావత్‌ మహిళల టి20ల్లో కొత్త ఘనతను నమోదు చేసింది. కేవలం 14 బంతుల్లోనే ఆమె అర్ధ సెంచరీ సాధించింది. బీసీసీఐ మహిళల దేశవాళీ టి20 టోర్నీలో భాగంగా హైదరాబాద్‌తో జరిగిన మ్యాచ్‌లో ప్రేమ 14 బంతుల్లో 6 ఫోర్లు, 4 సిక్సర్లతో 50 పరుగులు చేసి అజేయంగా నిలిచింది. గతంలో పాక్‌ క్రికెటర్‌ ఫాతిమా సనా 15 బంతుల్లో చేసిన అర్ధ సెంచరీ రికార్డును ప్రేమ బద్దలుకొట్టింది. మరో భారత క్రికెటర్‌ రాఘ్వీ బిష్త్‌ (50 బంతుల్లో 72 నాటౌట్‌; 5 ఫోర్లు, 4 సిక్స్‌లు) కూడా హాఫ్‌ సెంచరీ చేయడంతో ఉత్తరాఖండ్‌ 20 ఓవర్లలో 2 వికెట్లకు 187 పరుగులు చేసింది. అనంతరం హైదరాబాద్‌ 20 ఓవర్లలో 8 వికెట్లకు 98 పరుగులకే పరిమితమై 89 పరుగుల తేడాతో పరాజయంపాలైంది.

టీమిండియా ఫాస్ట్ బౌల‌ర్ అర్ష‌దీప్ సింగ్ అంత‌ర్జాతీయ టీ20 క్రికెట్‌లో మ‌రో అరుదైన ఫీట్ సాధించాడు. టీ20ఐల్లో తొలి ప‌వ‌ర్ ప్లేలో (0-6 ఓవ‌ర్లు) అత్య‌ధిక వికెట్లు ప‌డ‌గొట్టిన బౌల‌ర్ల జాబితాలో అర్ష‌దీప్ చోటు సంపాదించాడు. ఇప్ప‌టివ‌ర‌కు అర్ష‌దీప్ తొలి ప‌వ‌ర్ ప్లేలో 65 వికెట్లు తీశాడు. తద్వారా న్యూజిలాండ్ మాజీ బౌల‌ర్ టిమ్ సౌథీ (65 వికెట్లు)తో క‌లిసి సంయుక్తంగా తొలి స్థానంలో నిలిచాడు. అర్ష‌దీప్‌ మ‌రో వికెట్ సాధిస్తే, తొలి ప‌వ‌ర్ ప్లేలో అత్య‌ధిక వికెట్లు తీసిన బౌల‌ర్‌గా అర్ష‌దీప్ ప్ర‌పంచ రికార్డు సాధించ‌నున్నాడు. డిసెంబ‌ర్‌లో లంక‌తో టీ20 సిరీస్ జ‌ర‌గ‌నున్న నేప‌థ్యంలో అర్ష‌దీప్ ఈ ఫీట్‌ను ఆ సిరీస్‌లో అందుకునే అవ‌కాశ‌ముంది.టీ20ఐల్లో 0-6 ఓవ‌ర్ల‌లో అత్య‌ధిక వికెట్లు తీసిన బౌల‌ర్లు:👉అర్ష‌దీప్ సింగ్ (టీమిండియా)- 65 వికెట్లు 👉టిమ్ సౌథీ (న్యూజిలాండ్‌)- 65 వికెట్లు👉బ్లెసింగ్ ముజ‌ర‌బానీ (జింబాబ్వే)- 62 వికెట్లు👉రిచ‌ర్డ్ న‌ర‌వా (జింబాబ్వే)- 62 వికెట్లు👉షాహిన్ అఫ్రిది (పాకిస్తాన్‌)- 60 వికెట్లు👉ఇక అర్ష‌దీప్.. న్యూజిలాండ్‌తో నాలుగో టీ20 సంద‌ర్భంగా టీ20ల్లో 150 వికెట్ల మైలురాయిని అందుకున్న విష‌యం తెలిసిందే. టీమిండియా త‌ర‌ఫున అంత‌ర్జాతీయ టీ20ల్లో 150 వికెట్ల మార్క్ అందుకున్న తొలి బౌల‌ర్‌గా అర్ష‌దీప్‌ రికార్డుల‌కెక్కాడు.న్యూజిలాండ్‌తో జ‌రిగిన ఐదు మ్యాచ్‌ల టీ20 సిరీస్‌ను భార‌త్ 3-2తో కైవ‌సం చేసుకుంది. ఆదివారం జ‌రిగిన చివ‌రి టీ20లో న్యూజిలాండ్ 7 వికెట్ల తేడాతో భార‌త్‌పై విజ‌యం సాధించింది. తొలుత బ్యాటింగ్ చేసిన భార‌త్ 20 ఓవ‌ర్ల‌లో 8 వికెట్ల న‌ష్టానికి 191 ప‌రుగులు చేసింది. ఇషాన్ కిష‌న్ (61), శ్రేయ‌స్ అయ్య‌ర్ (50) అర్థ‌సెంచ‌రీలు చేయ‌గా, న‌మ‌న్ ధీర్ (33) మెరిశాడు. అనంత‌రం బ్యాటింగ్ చేసిన న్యూజిలాండ్ 18 ఓవ‌ర్ల‌లో 3 వికెట్లు కోల్పోయి 195 ప‌రుగులు చేసి విజయాన్ని అందుకుంది. ఓపెన‌ర్ టిమ్ సీఫెర్ట్ (93) సెంచ‌రీ చేజార్చుకోగా, గ్లెన్ ఫిలిప్స్ (65 నాటౌట్‌) జ‌ట్టును గెలిపించాడు. ఇరుజ‌ట్ల మ‌ధ్య తొలి వ‌న్డే బుధ‌వారం ఆక్లాండ్ వేదిక‌గా జ‌ర‌గ‌నుంది.ఇదీ చదవండి: ‘వీళ్లిద్దరూ ఉన్నంతకాలం అతడికి అవకాశమివ్వరు!’వ‌న్డే సిరీస్ ముంగిట‌ న్యూజిలాండ్‌కు భారీ షాక్

సొంత‌గ‌డ్డ‌పై ఆస్ట్రేలియాను 2-1 తేడాతో చిత్తు చేసిన సౌతాఫ్రికా టెస్టు సిరీస్‌ను సొంతం చేసుకొని డ‌బ్ల్యూటీసీ ప‌ట్టిక‌లో రెండో స్థానానికి దూసుకెళ్లింది. ఈ నేప‌థ్యంలో సౌతాఫ్రికా కెప్టెన్ టెంబా బ‌వుమా అరుదైన ఫీట్‌తో చ‌రిత్ర సృష్టించాడు. కెప్టెన్‌గా బాధ్య‌త‌లు చేప‌ట్టిన‌ప్ప‌టి నుంచి బ‌వుమా 15 టెస్టుల్లో 13 విజ‌యాలు, ఒక డ్రా అందుకొని, ఒక్క మ్యాచ్‌లో మాత్ర‌మే ఓట‌మి చ‌విచూశాడు. బ‌వుమా విజ‌యాల శాతం (86.66 శాతం) ఉండ‌డం విశేషం. త‌ద్వారా డ‌బ్ల్యూటీసీ సైకిల్‌లో టెస్టు కెప్టెన్‌గా అత్య‌ధిక విజ‌యాలు అందుకున్న జాబితాలో బ‌వుమా ఐదో స్థానానికి చేరుకున్నాడు. ఈ క్ర‌మంలో రోహిత్ శ‌ర్మ (12 విజ‌యాలు) రికార్డును బ‌ద్ద‌లుకొట్టి అత‌డిని అధిగ‌మించాడు. ఈ జాబితాలో ఆస్ట్రేలియా కెప్టెన్‌ పాట్ క‌మిన్స్ (26 విజ‌యాలు), బెన్ స్టోక్స్ (21 విజ‌యాలు), జో రూట్ (15 విజ‌యాలు), కోహ్లి (14 విజ‌యాలు) బ‌వుమా కంటే ముందున్నారు.అయితే అత్య‌ధిక విజ‌య శాత‌మున్న కెప్టెన్ల ప‌రంగా మాత్రం బ‌వుమా అగ్ర‌స్థానంలో నిలిచాడు. బువుమా 15 మ్యాచ్‌ల్లో 13 విజ‌యాల‌తో 86.66 శాతం స‌క్సెస్‌రేటు క‌లిగి ఉన్నాడు. బ‌వుమా త‌ర్వాత క‌మిన్స్ (60.46 శాతం) రెండో స్థానంలో, కోహ్లి (63.63 శాతం) మూడో స్థానంలో కొన‌సాగుతున్నాడు.ఇక ఆస్ట్రేలియా కెప్టెన్ పాట్ క‌మిన్స్‌పై బవుమాకు ఇది మూడో విజ‌యం. గ‌తంలో 2025 డ‌బ్ల్యూటీసీ ఫైన‌ల్‌తో పాటు ఈ సిరీస్‌లో రెండు విజ‌యాలు సాధించిన బ‌వుమా.. క‌మిన్స్‌పై అత్య‌ధిక టెస్టు విజ‌యాలు సాధించిన కెప్టెన్‌గా తొలి స్థానంలో కొన‌సాగుతున్నాడు. ఈ జాబితాలో రోహిత్ శ‌ర్మ (6 మ్యాచ్‌ల్లో రెండు విజ‌యాలు), స్టోక్స్ (6 మ్యాచ్‌ల్లో రెండు విజ‌యాలు) సంయుక్తంగా రెండో స్థానంలో ఉన్నారు. ఇక బుమ్రా, క‌రుణ‌ర‌త్నేలు (రెండు మ్యాచ్‌ల్లో ఒక్కో విజ‌యం) మూడో స్థానంలో కొన‌సాగుతున్నారు.ఇదీ చదవండి: రెండు విజయాలతో మొత్తం తారుమారు.. డబ్ల్యూటీసీలో మార్పులు!

కేప్‌టౌన్ వేదిక‌గా ఆస్ట్రేలియాతో జ‌రుగుతున్న మూడో టెస్టులో సౌతాఫ్రికా గెలుస్తుందా? ఓడుతుందా అన్న‌ది చివ‌రిరోజు ఆట‌లో తేలిపోనుంది. నాలుగో రోజు ఆట ముగిసే స‌మ‌యానికి సౌతాఫ్రికా రెండో ఇన్నింగ్స్‌లో 387 ప‌రుగుల‌కు ఆలౌటైంది. లోయ‌ర్ ఆర్డ‌ర్‌లో రియాన్ రికిల్‌ట‌న్ (219 బంతుల్లో 101; 12 ఫోర్లు), వియాన్ ముల్డ‌ర్ (221 బంతుల్లో 115; 10 ఫోర్లు, 4 సిక్స‌ర్లు) శ‌త‌కాల‌తో చెల‌రేగ‌డంతో సౌతాఫ్రికా కోలుకుంది. ఈ ఇద్దరు కలిసి ఏడో వికెట్‌కు 318 బంతుల్లో 154 పరుగులు జోడించారు.మిగ‌తా బ్యాట‌ర్ల‌లో మార్కస్ అకెర్‌మ‌న్ (62) అర్థ‌శ‌త‌కం సాధించ‌గా, మాథ్యూ బ్రీట్జ్‌కే (43) ప‌ర్వాలేద‌నిపించాడు. ఆసీస్ బౌల‌ర్ల‌లో మిచెల్ స్టార్క్ మూడు వికెట్లు తీయ‌గా, క‌మిన్స్‌, లియోన్ చెరో రెండు వికెట్లు ప‌డ‌గొట్టారు. ఇవాళ ఆట‌కు చివ‌రి రోజు కాగా.. ఆస్ట్రేలియా ముంగిట సౌతాఫ్రికా 288 ప‌రుగుల ల‌క్ష్యాన్ని ఉంచింది. గ‌తంలో 2002లో ఇదే కేప్‌టౌన్ వేదిక‌గా జ‌రిగిన టెస్టులో సౌతాఫ్రికా నిర్దేశించిన 331 ప‌రుగుల ల‌క్ష్యాన్ని ఆసీస్ ఛేదించ‌డం విశేషం. త‌న‌కు అచ్చొచ్చిన మైదానంలో 288 ప‌రుగుల టార్గెట్‌ను ఆసీస్ ఛేదిస్తుందా లేక స‌ఫారీ బౌల‌ర్ల ధాటి చ‌తికిల‌ప‌డుతుందా అన్న‌ది చూడాలి.ఇక సెంచ‌రీల‌తో చెల‌రేగిన వియాన్ ముల్డ‌ర్‌, రియాన్ రికిల్‌ట‌న్ స‌రికొత్త ఫీట్ న‌మోదు చేశారు. టెస్టు ఇన్నింగ్స్‌లో సౌతాఫ్రికా త‌ర‌ఫున‌ ఆరు లేదా ఆ త‌ర్వాతి స్థానాల్లో బ్యాటింగ్‌కు వ‌చ్చి సెంచ‌రీలు బాదిన జాబితాలో ఈ జోడీ చోటు ద‌క్కించుకుంది.గ‌తంలో 1955లో మాంచెస్ట‌ర్ వేదిక‌గా ఇంగ్లండ్‌తో టెస్టులో జాన్ వైట్ (113), పాల్ విన్‌స్లో (108) సెంచ‌రీలు సాధించ‌గా; 1997లో కేప్‌టౌన్ వేదిక‌గా భార‌త్‌తో టెస్టులో బ్రియాన్ మెక్‌మిల‌న్ (103 నాటౌట్‌), లాన్స్ క్లూసెన‌ర్ (102 నాటౌట్‌); 2013లో గెబెర్హా వేదిక‌గా న్యూజిలాండ్‌తో టెస్టులో ఫాప్ డుప్లెసిస్ (137), డీన్ ఎల్గ‌ర్ (103 నాటౌట్‌); తాజాగా రికిల్‌ట‌న్, వియాన్ ముల్డ‌ర్ ద్వయం ఈ ఫీట్ సాధించారు.🇿🇦 SOUTH AFRICA vs AUSTRALIA | 3RD TEST | DAY 4 Australia looked firmly in control. A 100-run first-innings lead, South Africa struggling at 40/4. It seemed like the visitors were heading towards a comfortable victory. But South Africa had other plans! Ryan Rickelton (101) and Wiaan Mulder (115) turned the entire game around with a magnificent 154-run partnership. South Africa fought back to post 387, setting Australia a target of 288. And suddenly, what looked like Australia’s match is now wide open! One day. Two outstanding centuries. A completely different contest. 288 to win. 10 wickets in hand. No clear favourite. One final day to decide everything! 🔥 #SAvAUS #TestCricket #Cricket— GameDayDesk (@GameDayDesk) October 31, 2026ఇదీ చదవండి: లంక‌ను చావుదెబ్బ తీసిన స్కాట్లాండ్‌జైస్వాల్ డకౌట్‌.. మరోసారి మెరిసిన పడిక్కల్‌

అక్లాండ్ వేదికగా న్యూజిలాండ్‌తో జరుగుతున్న నాలుగో టీ20లో టీమిండియా స్టార్ పేసర్ అర్ష్‌దీప్ సింగ్ పలు అరుదైన రికార్డులను తన ఖాతాలో వేసుకున్నాడు. ఈ మ్యాచ్‌లో 4 ఓవర్లు బౌలింగ్ చేసిన అర్ష్‌దీప్ 38 పరుగులిచ్చి ఒక వికెట్ పడగొట్టాడు. తద్వారా ఒక క్యాలెండర్ ఈయర్‌లో టీ20ల్లో ఐసీసీ ఫుల్ మెంబర్ టీమ్ తరపున అత్యధిక వికెట్లు పడగొట్టిన బౌలర్‌గా అర్ష్‌దీప్ వరల్డ్ రికార్డు సృష్టించాడు.ఈ ఏడాది అర్ష్‌దీప్ ఇప్పటివరకు 40 వికెట్లు పడగొట్టాడు. ఇంతకుముందు ఈ రికార్డు ఐర్లాండ్ పేసర్ జోష్ లిటిల్ పేరిట ఉండేది. 2022 క్యాలెండర్ ఇయర్‌లో జోష్ లిటిల్ 39 వికెట్లు తీశాడు. తాజా మ్యాచ్‌తో లిటిల్ ఆల్‌టైమ్ రికార్డును ఈ పంజాబ్ పేసర్ బ్రేక్ చేశాడు.అదేవిధంగా అర్ష్‌దీప్ మరో అరుదైన రికార్డును తన పేరిట లిఖించుకున్నాడు. అంతర్జాతీయ టీ20ల్లో 150 వికెట్ల మైలురాయిని అందుకున్న తొలి భారత బౌలర్‌గా అర్ష్‌దీప్ రికార్డులకెక్కాడు. 103 మ్యాచ్‌ల్లో అతడు ఈ ఫీట్‌ను నమోదు చేశాడు. అయితే అత్యంత వేగంగా ఈ ఫీట్‌ను అందుకున్న మూడో బౌలర్‌గా అర్ష్‌దీప్(2143 బంతులు) నిలిచాడు. ఈ జాబితాలో శ్రీలంక స్పిన్నర్ వనిందు హసరంగా(2035) అగ్రస్దానంలో ఉన్నాడు.ఒక క్యాలెండర్ ఈయర్‌లో అత్యధిక టీ20 వికెట్లు పడగొట్టిన బౌలర్లు40 అర్షదీప్ సింగ్ (2026)39 జోష్ లిటిల్ (2022)38 వనిందు హసరంగ (2024)37 భువనేశ్వర్ కుమార్ (2022)అత్యంత తక్కువ బంతుల్లో 150 వికెట్లు అందుకున్న ప్లేయర్లు వీరే2035 వనిందు హసరంగా2098 రషీద్ ఖాన్2143 అర్ష్‌దీప్ సింగ్2320 ఎహ్సాన్ ఖాన్చదవండి: సికందర్‌ రజా ప్రపంచ రికార్డు.. సరికొత్త చరిత్ర

అఫ్గానిస్తాన్ స్టార్ బౌల‌ర్ ర‌షీద్ ఖాన్ అంత‌ర్జాతీయ టీ20 క్రికెట్‌లో చ‌రిత్ర సృష్టించాడు. జింబాబ్వేతో జ‌రిగిన రెండో టీ20లో వికెట్ తీయ‌డం ద్వారా అంత‌ర్జాతీయ టీ20ల్లో 200 వికెట్ల మైలురాయిని చేరుకున్నాడు. ఈ క్ర‌మంలో టీ20 క్రికెట్‌లో 200 వికెట్ల మార్క్ చేరుకున్న తొలి క్రికెట‌ర్‌గా ర‌షీద్ ఖాన్ ప్రపంచ రికార్డు సాధించాడు.120 ఇన్నింగ్స్‌ల్లో ర‌షీద్ ఈ మైలురాయిని అందుకోవ‌డం విశేషం. అత‌డి ఖాతాలో రెండు ఐదు వికెట్ల హాల్స్ ఉండ‌గా.. టీ20ల్లో (5/3) బెస్ట్ ఫిగ‌ర్స్ న‌మోదు చేశాడు. అంతేకాదు అత్యంత వేగంగా 200 వికెట్ల మార్క్‌ను అందుకున్న ఏకైక క్రికెట‌ర్‌గానూ ర‌షీద్ చ‌రిత్ర‌కెక్కాడు.అంత‌ర్జాతీయ టీ20 క్రికెట్‌లో అత్య‌ధిక వికెట్లు తీసిన ఆట‌గాళ్లు:👉ర‌షీద్ ఖాన్ (అఫ్గానిస్తాన్‌)- 120 ఇన్నింగ్స్‌ల్లో 200 వికెట్లు 👉ఆదిల్ ర‌షీద్ (ఇంగ్లండ్)- 146 ఇన్నింగ్స్‌ల్లో 171 వికెట్లు👉ఎహ్స‌న్ ఖాన్ (హాంకాంగ్ )- 116 ఇన్నింగ్స్‌ల్లో 165 వికెట్లు👉ఇష్ సోదీ (న్యూజిలాండ్ )-135 ఇన్నింగ్స్‌ల్లో 165 వికెట్లు👉టిమ్ సౌథీ (న్యూజిలాండ్‌)- 123 ఇన్నింగ్స్‌ల్లో 164 వికెట్లుA HISTORY-MAKING MOMENT! 👑 WICKET NO. 2️⃣0️⃣0️⃣ IN T20I CRICKET! 🔥 @rashidkhan_19 etches his name in the history books and becomes the first-ever player in the world to reach 200 wickets in men’s T20I cricket! 👏 #AfghanAtalan | #AFGvZIM | #GloriousNationVictoriousTeam https://t.co/GZiDGEv9n2— Afghanistan Cricket Board (@ACBofficials) October 29, 2026ఓవ‌రాల్ టీ20 క్రికెట్‌లోనూ ర‌షీద్ ఖాన్ లీడింగ్ వికెట్ టేక‌ర్‌గా కొన‌సాగుతున్నాడు. 551 మ్యాచ్‌ల్లో ర‌షీద్ ఖాన్ 742 వికెట్ల‌తో అగ్ర‌స్థానంలో ఉండ‌గా, విండీస్ స్పిన్న‌ర్ సునీల్ న‌రైన్ 617 మ్యాచ్‌ల్లో 658 వికెట్ల‌తో రెండో స్థానంలో, విండీస్ ఆల్‌రౌండ‌ర్ డ్వేన్ బ్రావో 582 మ్యాచ్‌ల్లో 631 వికెట్లతో మూడో స్థానంలో కొన‌సాగుతున్నారు. వీరి త‌ర్వాత ఇమ్రాన్ తాహిర్ (సౌతాఫ్రికా) 593 వికెట్లు, ఆండ్రీ ర‌సెల్‌(వెస్టిండీస్‌) 540 వికెట్లు నాలుగు, ఐదు స్థానాల్లో ఉన్నారు.మ్యాచ్ విషయానికొస్తే.. షార్జా వేదిక‌గా జ‌రిగిన రెండో టీ20 మ్యాచ్‌లో అఫ్గానిస్తాన్ 19 ప‌రుగుల తేడాతో జింబాబ్వేను చిత్తు చేసింది. మొద‌ట బ్యాటింగ్ చేసిన అఫ్గానిస్తాన్ నిర్ణీత 20 ఓవ‌ర్ల‌లో 7 వికెట్ల న‌ష్టానికి 221 ప‌రుగులు చేసింది. అజ్మ‌తుల్లా ఒమ‌ర్‌జ‌య్ (50 బంతుల్లో 116; 5 ఫోర్లు, 12 సిక్స‌ర్లు) వీరోచిత శ‌త‌కంతో చెల‌రేగ‌గా.. ఇయాస్ అహ్మ‌ద్ (27 బంతుల్లో 52) అర్థ‌సెంచ‌రీ, ఆఖ‌ర్లో ర‌షీద్ ఖాన్ (6 బంతుల్లో 25 నాటౌట్‌; 4 సిక్స‌ర్లు) విధ్వంసం సృష్టించాడు. జింబాబ్వే బౌల‌ర్ల‌లో కుంద‌య్ మ‌టిగిము, బ్రాడ్ ఎవ‌న్స్‌లు చెరో 2 వికెట్లు ప‌డ‌గొట్టారు. అనంత‌రం ఛేద‌న‌లో జింబాబ్వే 20 ఓవ‌ర్ల‌లో 5 వికెట్ల న‌ష్టానికి 202 ప‌రుగుల‌కు ప‌రిమిత‌మైంది. కెప్టెన్ సికంద‌ర్ ర‌జా (56 బంతుల్లో 106 నాటౌట్‌, 5 ఫోర్లు, 9 సిక్స‌ర్లు) అజేయ సెంచ‌రీ సాధించ‌గా, తఫాద్జ్వా త్సిగా (31 నాటౌట్‌) మిన‌హా మిగ‌తావారు రాణించ‌డంలో విఫ‌ల‌మ‌య్యారు. ఆఫ్గ‌న్ బౌల‌ర్ల‌లో అబ్దుల్లా అహ్మ‌ద్‌జ‌య్ రెండు వికెట్లు తీయ‌గా, ఫ‌రీద్ అహ్మ‌ద్‌, అజ్మ‌తుల్లా, ర‌షీద్‌ఖాన్‌లు త‌లా ఒక వికెట్ ప‌డ‌గొట్టారు.ఇదీ చదవండి: జింబాబ్వేను శ‌త‌క్కొట్టిన ఆఫ్గన్‌ బ్యాట‌ర్‌.. టీ20 సిరీస్‌ కైవసం

టీమిండియా స్టార్ పేసర్ అర్ష్‌దీప్ సింగ్ అంతర్జాతీయ టీ20 క్రికెట్‌లో ప్రపంచ రికార్డు నెలకొల్పాడు. న్యూజిలాండ్‌తో నిన్న జరిగిన మూడో టీ20లో ఒక వికెట్ పడగొట్టిన అతడు.. ఓ క్యాలెండర్ ఇయర్‌లో (టెస్టు హోదా కలిగిన దేశాల బౌలర్లలో) అత్యధిక వికెట్లు తీసిన బౌలర్‌గా ఐర్లాండ్ పేసర్ జాషువ లిటిల్‌తో కలిసి అగ్రస్థానంలో నిలిచాడు.2022లో లిటిల్ 39 వికెట్లు పడగొట్టగా.. అర్షదీప్‌ ఈ ఏడాది 30 మ్యాచ్‌ల్లో అన్నే వికెట్లు సాధించాడు. అర్షదీప్‌ ఈ ఏడాది మరిన్ని మ్యాచ్‌లు ఆడే అవకాశం ఉండటంతో సోలోగా ఈ ప్రపంచ రికార్డును సొంతం చేసుకోవచ్చు.న్యూజిలాండ్‌తో మూడో టీ20లో అర్ష్‌దీప్ నాలుగు ఓవర్లలో 33 పరుగులిచ్చి ఒక వికెట్ తీశాడు. ఈ మ్యాచ్‌లో భారత్ ఆరు వికెట్ల తేడాతో విజయం సాధించి ఐదు మ్యాచ్‌ల సిరీస్‌ను మరో రెండు మ్యాచ్‌లు మిగిలుండగానే కైవసం చేసుకుంది.150 వికెట్ల మైలురాయికి అడుగు దూరంలో..2022లో అంతర్జాతీయ టీ20ల్లో అరంగేట్రం చేసిన అర్ష్‌దీప్.. ఇప్పటివరకు 102 మ్యాచ్‌ల్లో 149 వికెట్లు తీశాడు. మరో వికెట్ తీస్తే 150 వికెట్ల మైలురాయిని చేరుకుంటాడు. ఇప్పటికే ఈ ఫార్మాట్‌లో అత్యధిక వికెట్లు తీసిన భారత బౌలర్‌గా కొనసాగుతున్నాడు.అభిషేక్ శర్మ విధ్వంసం.. భారత్ విజయంమూడో టీ20లో న్యూజిలాండ్ నిర్దేశించిన 199 పరుగుల లక్ష్యాన్ని భారత్ కేవలం 13.2 ఓవర్లలోనే ఛేదించింది. అభిషేక్ శర్మ 38 బంతుల్లో 113 పరుగులు చేసి భారత్‌ను ఒంటిచేత్తో గెలిపించాడు. చిచ్చరపిడుగు వైభవ్ సూర్యవంశీ 18 బంతుల్లో 45 పరుగులు చేసి ఆకట్టుకున్నాడు.ఇదీ చదవండి: అభిషేక్‌ విధ్వంసకర సెంచరీ, వైభవ్‌ ధనాధన్‌.. కివీస్‌ చిత్తు

ముక్కోణ‌పు వ‌న్డే సిరీస్‌లో భాగంగా ఆదివారం ఇంగ్లండ్‌తో జ‌రిగిన వ‌న్డే మ్యాచ్‌లో పాకిస్తాన్ వికెట్ తేడాతో సంచ‌ల‌న విజ‌యం సాధించిన సంగ‌తి తెలిసిందే. ఎనిమిదో స్థానంలో బ్యాటింగ్‌కు వ‌చ్చిన షాదాబ్ ఖాన్ వీరోచిత సెంచ‌రీతో జ‌ట్టును గెలిపించ‌డ‌మే గాక ప్ర‌పంచ రికార్డును బ‌ద్ద‌లుకొట్టాడు. మ్యాచ్‌లో 96 బంతులెదుర్కొన్న షాదాబ్ ఖాన్ 113 ప‌రుగుల‌తో నాటౌట్‌గా నిలిచాడు. అత‌డి ఇన్నింగ్స్‌లో 13 ఫోర్లు, 5 సిక్స‌ర్లు ఉన్నాయి. ఈ నేప‌థ్యంలో ఎనిమిది లేదా ఆ త‌ర్వాతి స్థానాల్లో బ్యాటింగ్‌కు వ‌చ్చి అంతర్జాతీయ వ‌న్డేల్లో అత్య‌ధిక స్కోరు న‌మోదు చేసిన తొలి బ్యాట‌ర్‌గా షాదాబ్ ఖాన్ నిలిచాడు. గ‌తంలో ఐర్లాండ్ బ్యాట‌ర్ సిమీ సింగ్ (100 నాటౌట్ వ‌ర్సెస్ సౌతాఫ్రికా) పేరిట ఉన్న రికార్డును షాదాబ్ త‌న పేరిట లిఖించుకున్నాడు. ఈ క్ర‌మంలో షాదాబ్ ఖాన్‌ చివరి వికెట్‌కు హరీస్‌ రవూఫ్‌ (7 నాటౌట్‌)తో కలిసి 80 బంతుల్లో 89 పరుగులు జోడించాడు. వన్డే క్రికెట్‌ చరిత్రలో విజయవంతమైన ఛేదనల్లో చివరి వికెట్‌కు ఇదే అతిపెద్ద భాగస్వామ్యంగా రికార్డులకెక్కింది. టాస్‌ ఓడి మొదట బ్యాటింగ్‌కు దిగిన ఇంగ్లండ్‌ 46.4 ఓవర్లలో 241 పరుగులకు ఆలౌటైంది. బెన్‌ డకెట్‌ (111 బంతుల్లో 105; 10 ఫోర్లు, 2 సిక్స్‌లు) సెంచరీతో కదంతొక్కగా... స్యామ్‌ కరన్‌ (42; 5 ఫోర్లు), అట్కిన్సన్‌ (36 నాటౌట్‌; 3 సిక్స్‌లు) ఫర్వాలేదనిపించారు. పాక్‌ బౌలర్లలో కెప్టెన్‌ షాహీన్‌ షా అఫ్రిది 4 వికెట్లు పడగొట్టగా... రజాఉల్లా, అరాఫత్‌ చెరో రెండు వికెట్లు తీశారు. అనంతరం లక్ష్యఛేదనలో పాకిస్తాన్‌ 47.1 ఓవర్లలో 9 వికెట్ల నష్టానికి 243 పరుగులు చేసి గెలిచింది. ఒక దశలో 154/9తో ఓటమి అంచున నిలిచిన జట్టును ‘ప్లేయర్‌ ఆఫ్‌ ద మ్యాచ్‌’ షాదాబ్‌ ఖాన్‌ (96 బంతుల్లో 113 నాటౌట్‌; 13 ఫోర్లు, 5 సిక్స్‌లు) అజేయ శతకంతో విజయతీరాలకు చేర్చాడు. ఇంగ్లండ్ బౌల‌ర్ల‌లో జేమీ ఓవ‌ర్ట‌న్ మూడు వికెట్లు తీయ‌గా, లియామ్ డాస‌న్‌, గ‌స్ అకిన్‌స‌న్‌లు చెరో 2 వికెట్లు ప‌డ‌గొట్టారు. వ‌న్డే ట్రై సిరీస్‌లో ఆడిన మూడు మ్యాచ్‌ల్లోనూ విజయాలు సాధించిన పాకిస్తాన్‌ ఫైనల్‌కు దూసుకెళ్లగా... వరుసగా మూడో పరాజయంతో ఇంగ్లండ్‌ ఫైనల్‌ రేసుకు దూరమైంది. తదుపరి మ్యాచ్‌లో మంగళవారం శ్రీలంకతో పాకిస్తాన్‌ ఆడుతుంది.Pakistan pull victory from the jaws of defeat against England thanks to Shadab Khan's sensational hundred 🔥 Details ➡️ https://t.co/aeu0dFPM57 https://t.co/kfO7fxS542— ICC (@ICC) October 25, 2026 Haris Rauf hits the winning runs as Pakistan snatch victory from the jaws of defeat! #PAKvENG https://t.co/PXdNqnEEEk— Cricinfo (@cricinfo) October 25, 2026A inng to remember for life time and what a stage to bring maiden 💯 character shown by @76Shadabkhan excellent from @HarisRauf14 from other end congratulations @TheRealPCB for reaching into the final🫡 https://t.co/zSkxIeEIm1— Aamir Jamal (@iaamirjamal) October 25, 2026ఇదీ చదవండి: న్యూజిలాండ్‌-ఏతో టెస్టు.. సెంచ‌రీతో చెల‌రేగిన ప‌డిక్క‌ల్‌షాన్‌దార్‌ షాదాబ్‌

క్రైస్ట్‌చర్చ్‌ వేదికగా న్యూజిలాండ్‌తో జరిగిన రెండో టీ20లో భారత్‌ 4 వికెట్ల తేడాతో ఉత్కంఠ విజయం సాధించిన విజయం తెలిసిందే. ఈ గెలుపుతో టీమిండియా ఓ చారిత్రక మైలురాయిని అందుకుంది. అంతర్జాతీయ టీ20ల్లో 200 విజయాలు నమోదు చేసిన తొలి జట్టుగా చరిత్ర సృష్టించింది. నిన్నటి మ్యాచ్‌తో కలిపి 300 మ్యాచ్‌లు ఆడిన భారత్‌ ఈ ఘనత సాధించింది.ICC SPECIAL POSTER FOR 200 WINS IN T20Is FOR INDIA 🇮🇳🔥 https://t.co/4SmCw9Uvry— Johns. (@CricCrazyJohns) October 25, 2026ఈ రికార్డుకు సంబంధించి భారత్‌ దరిదాపుల్లో కూడా ఏ జట్టూ లేదు. 176 విజయాలతో పాక్‌ రెండో స్థానంలో ఉంది. న్యూజిలాండ్‌ 135, సౌతాఫ్రికా 129, ఇంగ్లండ్‌ 128, ఆస్ట్రేలియా 127, వెస్టిండీస్‌ 111, శ్రీలంక 105, ఉగాండ 101, ఆఫ్ఘనిస్తాన్‌ 99 విజయాలతో వరుస స్థానాల్లో ఉన్నాయి.2006లో టీ20లు ఆడటం మొదలుపెట్టిన టీమిండియా 300 మ్యాచ్‌ల్లో 200 విజయాలు, 83 అపజయాలు తన ఖాతాలో వేసుకుంది. 7 మ్యాచ్‌లు టై కాగా.. పదింట ఫలితాలు రాలేదు. భారత్‌కు అత్యధిక టీ20 విజయాలు అందించిన కెప్టెన్‌గా రోహిత్‌ శర్మ (50) చలామణి అవుతున్నాడు. అతని తర్వాతి స్థానాల్లో ఎంఎస్‌ ధోని, సూర్యకుమార్‌యాదవ్‌ ఉన్నారు. వీరిద్దరు భారత్‌కు తలో 42 విజయాలు అందించారు.కాగా, నరాలు తెగే ఉత్కంఠ నడుమ సాగిన నిన్నటి టీ20లో తిలక్‌ వర్మ, నితీశ్‌ కుమార్‌ రెడ్డి అద్భుతంగా ఆడి భారత్‌కు చిరస్మరణీయ విజయాన్ని అందించారు. ఈ జోడీ గెలవడం​ కష్టమనుకున్న మ్యాచ్‌లో భారత్‌ను గెలిపించింది. ఈ గెలుపుతో భారత్‌ ఐదు మ్యాచ్‌ల సిరీస్‌లో 2-0 ఆధిక్యంలోకి దూసుకెళ్లింది. మూడో టీ20 అక్టోబర్‌ 27న జరుగనుంది. ఇదీ చదవండి: చెత్త రికార్డు.. జెమీమా సరసన మంధన

టీమిండియా యువ ఓపెన‌ర్ అభిషేక్ శ‌ర్మ త‌న రికార్డుల వేట‌ను కొన‌సాగిస్తున్నాడు. క్రైస్ట్‌చ‌ర్చ్ వేదిక‌గా న్యూజిలాండ్‌తో జ‌రుగుతున్న రెండో టీ20లో అభిషేక్ శ‌ర్మ మ‌రో అరుదైన రికార్డును త‌న పేరిట లిఖించుకున్నాడు. ఒకే క్యాలెండర్ ఈయర్‌లో అంత‌ర్జాతీయ టీ20ల్లో 1000 ప‌రుగులు చేసిన తొలి భార‌త ఓపెన‌ర్‌గా అభిషేక్ నిలిచాడు.ఓవ‌రాల్‌గా భారత్ తరఫున ఈ అరుదైన ఘనత సాధించిన మూడో ఆటగాడిగా శ‌ర్మ రికార్డులకెక్కాడు. అత‌కంటేముందు సూర్యకుమార్ యాదవ్ (2022లో 1,164 పరుగులు), ఇషాన్ కిషన్ (2026లో 1,159 పరుగులు) ఈ ఫీట్ సాధించారు. ఇక ఓవ‌రాల్‌గా వ‌ర‌ల్డ్ టీ20 క్రికెట్ చ‌రిత్ర‌లో ఈ ఘ‌న‌త సాధించిన 8వ బ్యాటర్‌గా అభిషేక్ నిలిచాడు.తొలి ప్లేయర్‌గా రికార్డు..అదేవిధంగా అంత‌ర్జాతీయ టీ20ల్లో పవర్‌ప్లేలో 100 సిక్సర్లు కొట్టిన మొదటి బ్యాటర్‌గా అభిషేక్ శర్మ వ‌ర‌ల్డ్ రికార్డు సృష్టించాడు. అభిషేక్ కంటే ముందు ఏ బ్యాటర్ కూడా ఈ ఘనతను అందుకోలేకపోయారు. దిగ్గజ ప్లేయర్లు రోహిత్ శర్మ, మార్టిన్ గప్టిల్ వరుసగా 98, 97 సిక్సర్ల వద్దే ఆగిపోయారు. కాగా ఈ మ్యాచ్‌లో అభిషేక్ 21 బంతుల్లో 3 ఫోర్లు, ఒక సిక్సర్‌తో 27 పరుగులు చేసి ఔటయ్యాడు.అంతర్జాతీయ టీ20 క్రికెట్‌లో పవర్‌ప్లేలో అత్యధిక సిక్సర్లు కొట్టిన ప్లేయర్లు100* - అభిషేక్ శర్మ98 - రోహిత్ శర్మ 97 - మార్టిన్ గప్టిల్94 - పాల్ స్టిర్లింగ్87 - క్వింటన్ డి కాక్చదవండి: NZ vs INS: వారెవ్వా.. సూపర్‌మేన్‌లా! నీలాంటి ప్లేయ‌ర్ క్రికెట్ హిస్ట‌రీలోనే లేడు!

భారత సంతతికి చెందిన బ్రిటన్ చెస్ క్రీడాకారిణి బోధన శివానందన్ సరికొత్త చరిత్ర సృష్టించింది. 11 ఏళ్ల వయసులోనే బోధన ఇంటర్నేషనల్ మాస్టర్ (IM) హోదా పొందింది. తద్వారా అత్యంత పిన్న వయస్కురాలిగా ఐఎమ్ హోదా పొంది రికార్డులకెక్కిన బోధన శివానందన్ పనిలో పనిగా 38 ఏళ్ల రికార్డును కూడా బద్దలుకొట్టింది. గతంలో జుడిట్ పోల్గర్ (1988లో) పేరిట ఈ రికార్డు ఉండేది."యూరోపియన్ ఉమెన్స్ చెస్ క్లబ్ కప్ 2026లో ఫైనల్ రౌండ్‌లో విజయం సాధించి ఇంటర్నేషనల్ మాస్టర్‌గా నిలిచిన 11 ఏళ్ల బోధన శివానందన్‌కు అభినందనలు. బోధన 'షీ ప్లేస్ టు విన్ లయొనెస్సెస్' తరఫున బోర్డ్ 1లో 7కి 5.5 స్కోరు సాధించి అద్భుతమైన ప్రదర్శన కనబరిచింది. తద్వారా IM టైటిల్ గెలుచుకున్న చరిత్రలోనే అతి పిన్న వయస్కురాలైన మహిళా క్రీడాకారిణిగా నిలిచింది" అని యూరోపియన్ చెస్ యూనియన్ రాసుకొచ్చింది.ఓవరాల్ జాబితాలో బోధన ఏడో స్థానంలో నిలిచింది. భారత్‌కు చెందిన గ్రాండ్‌మాస్టర్లు ఆర్ ప్రజ్ఞానంద, దొమ్మరాజు గుకేష్, ఉజ్బెకిస్థాన్‌కు చెందిన నోడిర్బెక్ అబ్దుసత్తోరోవ్, అర్జెంటీనాకు చెందిన ఫౌస్టినో ఓరో, టర్కీకి చెందిన యాగిజ్ కాన్ ఎర్డోగ్మస్ , రష్యాకు చెందిన రోమన్ షోగ్డ్జీవ్ ఉన్నారు.బోధన తల్లిదండ్రులు తమిళనాడులోని తిరుచ్చి జిల్లాకు చెందినవారు. ఉపాధి నిమిత్తం 2007లో యూకేకి వలస వెళ్లగా.. లండన్‌లో జన్మించిన బోధన ఐదేళ్ల వయసులోనే చెస్ బోర్డుతో పరిచయం ఏర్పరచుకుంది. ఆ తర్వాత క్రమంగా ఆటపై మక్కువ పెంచుకుని అంచెలంచెలుగా ఎదిగింది. తన అతితక్కువ కెరీర్‌లో ఉమెన్ ఇంటర్నేషనల్ మాస్టర్ (WIM), ఉమెన్ ఫైడ్ మాస్టర్ (WFM) వంటి రికార్డులతో పాటు, గ్రాండ్‌మాస్టర్‌ను ఓడించిన అతి పిన్న వయస్కురాలిగానూ బోధన గుర్తింపు తెచ్చుకుంది.Congratulations to 11-year-old Bodhana Sivanandan 🏴󠁧󠁢󠁥󠁮󠁧󠁿 on becoming an International Master with a final-round win at the European Women’s Chess Club Cup 2026! 👏 Bodhana delivered a fantastic performance, scoring 5.5/7 on Board 1 for She Plays to Win Lionesses 🏴󠁧󠁢󠁥󠁮󠁧󠁿, making her the youngest female player in history to earn the IM title!— European Chess Union (@ECUonline) October 23, 2026 A huge congratulations to Sivanandan Bodhana on becoming the World's youngest Female player to achieve the International Master title! At the age of just 11 years, 7 months and 16 days, Bodhana scored her final IM norm at the European Chess Club Cup for Women. What a feat! https://t.co/V4e1y8BFcA— ChessBase India (@ChessbaseIndia) October 23, 2026ఇదీ చదవండి: న్యూజిలాండ్‌తో రెండో టీ20.. టీమిండియాలోకి కుమార్ కుషాగ్రముంబై ఇండియ‌న్స్ హెడ్‌కోచ్‌గా పొలార్డ్‌

టీమిండియా యువ‌ ఓపెన‌ర్ అభిషేక్ శ‌ర్మ మ‌రో వ‌ర‌ల్డ్ రికార్డును త‌న పేరిట లిఖించుకున్నాడు. అంత‌ర్జాతీయ టీ20 క్రికెట్‌లో ఆడిన తొలి బంతికే అత్య‌ధికసార్లు సిక్స‌ర్ బాదిన ప్లేయ‌ర్‌గా అభిషేక్ చ‌రిత్ర సృష్టించాడు. క్రైస్ట్‌చర్చ్ వేదికగా న్యూజిలాండ్‌తో జరుగుతున్న తొలి టీ20లో సిక్సర్‌తో తన పరుగుల ఖాతా తెరిచిన అభిషేక్.. ఈ అరుదైన ఫీట్‌ను సొంతం చేసుకున్నాడు.ఈ పంజాబ్ బ్యాటర్ ఇప్పటివరకు తను ఆడిన తొలి బంతికే 7 సిక్సర్లు బాదాడు. ఇంతకుముందు ఈ రికార్డు అఫ్గానిస్తాన్ ప్లేయర్‌ షఫికుల్లా షిన్వారీ(6) పేరిట ఉండేది. తాజా మ్యాచ్‌తో షిన్వారీ ఆల్‌టైమ్ రికార్డును అభిషేక్ బ్రేక్ చేశాడు.కాగా పొట్టి క్రికెట్‌లో అభిషేక్ తన సూపర్ ఫామ్‌ను కొనసాగిస్తున్నాడు. ఈ మ్యాచ్‌లో కూడా కేవలం 12 బంతుల్లో 29 పరుగులు చేసి భారత్‌కు శుభారంభం అందించాడు. అంత‌కుముందు విండీస్ సిరీస్‌లో కూడా అభిషేక్ సత్తాచాటాడు.ఫిలిప్స్ విధ్వంసంఇక ఈ మ్యాచ్‌లో తొలుత బ్యాటింగ్ చేసిన న్యూజిలాండ్ 4 వికెట్ల నష్టానికి 225 పరుగుల భారీ స్కోర్‌ సాధించింది. కివీస్ బ్యాట‌ర్ల‌లో గ్లెన్‌ ఫిలిప్స్‌ (36 బంతుల్లో 8 ఫోర్లు, 3 సిక్స్‌లతో 82 నాటౌట్‌) టాస్ స్కోర‌ర్‌గా నిల‌వ‌గా.. ఫిన్‌ అలెన్‌ (24 బంతుల్లో 5 ఫోర్లు, 2 సిక్స్‌లతో 45), బెవాన్‌ జాకబ్స్‌ (16 బంతుల్లో 31) రాణించారు. భార‌త బౌల‌ర్ల‌లో అర్ష్‌దీప్‌ సింగ్‌, మయాంక్‌ యాదవ్‌, అక్షర్‌ పటేల్‌ తలా ఒక వికెట్‌ పడగొట్టారు. ల‌క్ష్య చేధ‌న‌లో భార‌త బ్యాట‌ర్లు కూడా దూకుడుగా ఆడుతున్నారు. సంజూ శాంస‌న్ కేవ‌లం 23 బంతుల్లోనే త‌న హాఫ్ సెంచ‌రీ మార్క్‌ను పూర్తి చేసుకున్నాడు.చదవండి: IND vs NZ: రీఎంట్రీలో భువ‌నేశ్వ‌ర్ కుమార్ చెత్త రికార్డు

టీమిండియా వెటరన్‌ పేసర్‌ భువనేశ్వర్‌ కుమార్‌ నాలుగేళ్ల తర్వాత అంతర్జాతీయ క్రికెట్‌లోకి పునరాగమనం చేసి ప్రపంచ రికార్డు సృష్టించాడు. న్యూజిలాండ్‌తో తొలి టీ20లో భాగంగా పవర్‌ప్లేలో అత్యధిక డాట్‌ బాల్స్‌ వేసిన బౌలర్‌గా నిలిచాడు. ఈ క్రమంలో న్యూజిలాండ్‌ మాజీ పేసర్‌ టిమ్‌ సౌథీ రికార్డును అధిగమించాడు.క్రైస్ట్‌చర్చ్‌లోని హాగ్లీ ఓవల్‌లో జరుగుతున్న మ్యాచ్‌లో భారత్‌ టాస్‌ గెలిచి బౌలింగ్‌ ఎంచుకుంది. తొలి ఓవర్‌ వేసిన భువనేశ్వర్‌ కేవలం నాలుగు పరుగులే ఇచ్చి మూడు డాట్‌ బాల్స్‌ వేశాడు. దీంతో పూర్తి సభ్య దేశాల బౌలర్లలో టీ20 అంతర్జాతీయ మ్యాచ్‌ల పవర్‌ప్లేలో అత్యధిక డాట్‌ బాల్స్‌ వేసిన బౌలర్‌గా రికార్డు నెలకొల్పాడు.టీ20 పవర్‌ప్లేల్లో అత్యధిక డాట్‌ బాల్స్‌ వేసిన బౌలర్లు:- భువనేశ్వర్‌ కుమార్‌ – 680- టిమ్‌ సౌథీ – 679- రిచర్డ్‌ నగరవా – 674- షాహీన్‌ అఫ్రిది – 625- బ్లెస్సింగ్‌ ముజరబానీ – 614- అర్ష్‌దీప్‌ సింగ్‌ – 576- జస్‌ప్రీత్‌ బుమ్రా – 569మ్యాచ్‌ విషయానికొస్తే.. తొలుత బ్యాటింగ్‌ చేస్తున్న న్యూజిలాండ్‌ 7 ఓవర్లు ముగిసే సరికి వికెట్‌ నష్టానికి 72 పరుగులు చేసింది. మయాంక్‌ యాదవ్‌ బౌలింగ్‌లో సంజూ శాంసన్‌కు క్యాచ్‌ ఇచ్చి టిమ్‌ సీఫర్ట్‌ (24) ఔట్‌ కాగా.. ఫిన్‌ అలెన్‌ (38), డారిల్‌ మిచెల్‌ (8) క్రీజ్‌లో ఉన్నారు.ఇదీ చదవండి: టీమిండియా బౌలింగ్‌.. తుది జట్టులో స్టార్‌ బౌలర్‌

టీ20 ఫార్మాట్‌లో భారత మహిళల జట్టు ఓపెనర్ షఫాలీ వర్మ తన సూపర్ ఫామ్‌ను కొనసాగిస్తోంది. ఆదివారం రాయ్‌పూర్ వేదికగా జింబాబ్వేతో జరిగిన రెండో టీ20లో షఫాలీ విధ్వంసం సృష్టించింది. 103 ప‌రుగుల స్వ‌ల్ప ల‌క్ష్య చేధ‌న‌లో షఫాలీ ఆకాశ‌మే హ‌ద్దుగా చెలరేగిపోయింది. ఈ డాషింగ్‌ ఓపెనర్ కేవలం 25 బంతుల్లో 6 ఫోర్లు, 4 సిక్స్‌లతో 55 పరుగులు చేసి ఔటైంది.షఫాలీ ప్రపంచ రికార్డుఈ క్రమంలో 22 ఏళ్ల షఫాలీ ఓ అరుదైన రికార్డును తన పేరిట లిఖించుకుంది. ఒక క్యాలెండర్ ఇయర్‌లో మహిళల టీ20 అంతర్జాతీయ క్రికెట్‌లో అత్యధిక సార్లు 50 ప్లస్ స్కోర్లు సాధించిన బ్యాటర్‌గా ప్రపంచ రికార్డు నెలకొల్పింది. ఇప్పటివరకు షఫాలీ ఈ ఏడాది టీ20ల్లో 9 సార్లు ఏభైకి పైగా పరుగులు సాధించింది. ఇంతకుముందు ఈ రికార్డు భారత కెప్టెన్ స్మృతి మంధాన పేరిట ఉండేది. . 2024లో మంధాన 8 సార్లు 50 ప్లస్ స్కోర్లు సాధించింది. ఇప్పుడు తాజా ఇన్నింగ్స్‌తో మంధాన ఆల్‌టైమ్ రికార్డును బ్రేక్ చేసింది.ఒకే క్యాలెండర్ ఇయర్‌లో అత్యధిక 50+ స్కోర్లు చేసిన మహిళా ప్లేయర్లు:షఫాలీ వర్మ (భారత్) – 9 సార్లు (2026) స్మృతి మంధాన (భారత్) – 8 సార్లు (2024) నతాషా మైల్స్ (హాంగ్‌కాంగ్) – 8 సార్లు (2026) మిథాలీ రాజ్ (భారత్) – 7 సార్లు (2018)ఇక ఈ మ్యాచ్‌లో షఫాలీతో పాటు కెప్టెన్ మంధాన(47 నాటౌట్‌) కూడా చెలరేగింది. దీంతో 103 పరుగుల లక్ష్యాన్ని భారత్ కేవలం ఒక్క వికెట్ మాత్రమే కోల్పోయి 8.5 ఓవర్లలో ఊదిపడేసింది. ఈ విజయంతో మూడు మ్యాచ్‌ల సిరీస్‌ను మరో టీ20 మిగిలుండగానే 2-0 తేడాతో టీమిండియా సొంతం చేసుకుంది.

చిన్నప్పుడు కాగితంతో పడవలు, విమానాలు చేసి ఆడుకున్న రోజులు గుర్తున్నాయా? అలాంటి సరదా పనితోనే ప్రపంచ రికార్డు సృష్టించవచ్చని నిరూపించారు అమెరికాకు చెందిన డేవిడ్‌ రష్‌. కేవలం గంట వ్యవధిలో 415 కాగితం విమానాలు మడిచి ఎగరేసి గిన్నిస్‌ రికార్డులో చోటు సంపాదించారు!కాగితం పడవలు, విమానం చేయటం చిన్నప్పుడు ఆట! కాని, అదే కాగితం విమానాలు కొన్ని వందలు చేస్తే... గిన్నిస్‌ రికార్డు! డేవిడ్‌ రష్‌ గంటలో 415 విమానాలు మడిచి ఎగరేశారు! బోయిస్‌లోని వైఎంసీఏ రాకెట్‌బాల్‌ కోర్టు ఈ వింత రికార్డుకు వేదికైంది.అయితే ఒక్కో విమానం మడిస్తే సరిపోదు. గిన్నిస్‌ రూల్స్‌ ప్రకారం ప్రతి విమానానికీ కచ్చితంగా ఏడు మడతలు ఉండాలి. పైగా మడిచిన విమానం నిర్దేశించిన దూరం ఎగరాలి! అందుకే రష్‌కు సాయం చేసేందుకు ప్రత్యేక టీమ్‌ కూడా రంగంలోకి దిగింది. ఒకరు కాగితాలు అందిస్తే, ఇంకొకరు తయారైన విమానాలను తీసుకెళ్లారు. మరొకరు అవి నిర్దేశించిన దూరం ఎగిరాయో లేదో పరిశీలించారు.అలా కేవలం 60 నిమిషాల్లో 415 విమానాలు! అంటే ఒక్కో విమానానికి సగటున 8.67 సెకన్లు! ఇప్పటికే 200కు పైగా గిన్నిస్‌ రికార్డులు తన ఖాతాలో వేసుకున్న రష్‌ ఇక్కడితో ఆగడం లేదు. విమానం మడిచి, ఎగరేయడానికి ప్రస్తుతం ఉన్న 4.54 సెకన్ల రికార్డుపై కూడా కన్నేశారు. త్వరలోనే దాన్నీ బద్దలు కొడతానని రష్‌ చెప్పారు.ఇదీ చదవండి: పాదాల దుర్వాసన... 10ఏళ్ల న్యాయపోరాటం! కోర్టు ఏం చెప్పిందంటే?

భార‌త మహిళా స్టార్ బ్యాట‌ర్‌ స్మృతి మంధాన కెప్టెన్‌గా తొలి అగ్నిప‌రీక్ష‌ను ఎదుర్కోనుంది. రేప‌టి నుంచి భార‌త్‌, జింబాబ్వే మ‌ధ్య మూడు మ్యాచ్‌ల టీ20 సిరీస్ జ‌ర‌గ‌నుంది. హ‌ర్మ‌న్‌ప్రీత్ కెప్టెన్సీ బాధ్య‌త‌ల నుంచి వైదొలిగిన త‌ర్వాత పూర్తిస్థాయి కెప్టెన్‌గా మంధాన‌కు ఇదే తొలి టీ20 సిరీస్ కానుంది. ఈ నేప‌థ్యంలో కెప్టెన్‌గా త‌న తొలి మ్యాచ్‌లోనే భార‌త్‌ను గెలిపించాల‌నే ప‌ట్టుద‌ల‌తో ఉంది. మ‌హిళ‌ల ప్రీమియ‌ర్ లీగ్ (డ‌బ్ల్యూపీఎల్‌)లో ఇప్ప‌టికే రాయ‌ల్ చాలెంజ‌ర్స్ బెంగ‌ళూరు జ‌ట్టుకు కెప్టెన్‌గా వ్య‌వ‌హ‌రిస్తున్న స్మృతి మంధాన రెండుసార్లు టైటిల్‌ను అందుకోవ‌డం విశేషం. మ‌రి పూర్తిస్థాయి కెప్టెన్‌గా మంధాన తొలి టీ20 సిరీస్ విజ‌యాన్ని అందుకుంటుందో లేదో చూడాలి.ఈ నేప‌థ్యంలోనే కెప్టెన్ క‌మ్‌ బ్యాట‌ర్‌గా ఉన్న స్మృతి మంధానను ఒక ప్ర‌పంచ రికార్డు ఊరిస్తోంది. మంధాన మ‌రో 133 ప‌రుగులు సాధిస్తే అంత‌ర్జాతీయ టీ20 క్రికెట్‌లో 5వేల ప‌రుగులు పూర్తి చేసుకోనుంది. తద్వారా ఈ ఘ‌న‌త సాధించిన తొలి మ‌హిళా బ్యాట‌ర్‌గా మంధాన ప్ర‌పంచ రికార్డు అందుకోనుంది. ఇప్ప‌టివ‌ర‌కు మంధాన 179 మ్యాచ్‌ల్లో 127.5 స్ట్రైక్‌రేట్‌తో 4,867 ప‌రుగులు చేసింది. ఆమె ఖాతాలో రెండు సెంచ‌రీలు, 37 అర్థ‌సెంచ‌రీలు ఉన్నాయి. ప్ర‌స్తుతం మంధాన ఉన్న ఫామ్ దృష్ట్యా ఈ సిరీస్‌లోనే ఆమె 5వేల ప‌రుగుల మార్క్‌ను దాట‌డం ఖాయంగా క‌నిపిస్తోంది. ఇక మ‌హిళ‌ల అంత‌ర్జాతీయ టీ20 క్రికెట్‌లో మంధాన త‌ర్వాత అత్య‌ధిక ప‌రుగులు చేసిన క్రికెట‌ర్ల జాబితాలో న్యూజిలాండ్ బ్యాట‌ర్ సుజీ బేట్స్ (4,758 ప‌రుగులు*) రెండో స్థానంలో ఉండ‌గా, మాజీ కెప్టెన్‌ హ‌ర్మ‌న్‌ప్రీత్ కౌర్ (4,327 ప‌రుగులు*), శ్రీలంక కెప్టెన్ చ‌మేరి ఆట‌ప‌ట్టు (4,282 ప‌రుగులు*) మూడు, నాలుగు స్థానాల్లో కొన‌సాగుతున్నారు.ఇరుజ‌ట్ల మ‌ధ్య మూడు టీ20 మ్యాచ్‌లు వ‌రుస‌గా అక్టోబ‌ర్ 16, 18, 20వ తేదీల్లో జ‌ర‌గ‌నున్నాయి. ఈ మ్యాచ్‌ల‌కు రాయ్‌పూర్ ఆతిథ్య‌మివ్వ‌నుంది. ఆ త‌ర్వాత వ‌డోద‌ర వేదిక‌గా అక్టోబ‌ర్ 23, 25, 28 తేదీల మ‌ధ్య మూడు మ్యాచ్‌ల వ‌న్డే సిరీస్ జ‌ర‌గ‌నుంది. ఇక భార‌త్, జింబాబ్వే మ‌ధ్య ఇదే తొలి ద్వైపాక్షిక సిరీస్ కావ‌డం విశేషం.Taking charge to 𝙪𝙨𝙝𝙚𝙧 𝙞𝙣 𝙖 𝙣𝙚𝙬 𝙚𝙧𝙖 ✨🫡 🎥 Soak in Smriti Mandhana's 1️⃣st day in training as #TeamIndia Captain 🇮🇳 #INDvZIM | @mandhana_smriti | @mflone_ https://t.co/EMLJrJmISS— BCCI Women (@BCCIWomen) October 13, 2026ఇదీ చదవండి: ఆసీస్‌తో రెండో టెస్టుకు సౌతాఫ్రికా జ‌ట్టు ప్ర‌క‌ట‌న‌; అత‌డిపై వేటు!'అవార్డులతో ల‌గేజీ బ‌రువైపోయింది.. మోసుకెళ్ల‌డం క‌ష్ట‌మే!'

ఉప్ప‌ల్ వేదిక‌గా వెస్టిండీస్‌తో జ‌రిగిన మ్యాచ్‌లో అభిషేక్ శ‌ర్మ నిరాశ‌ప‌రిచాడు. త‌న‌కు క‌లిసొచ్చే రాజీవ్ గాంధీ అంతర్జాతీయ క్రికెట్ స్టేడియంలో అభిషేక్ ఈసారి మెరుపులు మెరిపించ‌లేక‌పోయాడు. 24 బంతులు ఎదుర్కొన్న అభిషేక్ కేవ‌లం 29 ప‌రుగులు మాత్ర‌మే చేసి ఔట‌య్యాడు.అయితే అభిషేక్ నామ‌మాత్ర‌పు స్కోర్ సాధించిన‌ప్ప‌టికి ఓ అరుదైన రికార్డును త‌న పేరిట లిఖించుకున్నాడు. అంత‌ర్జాతీయ టీ20 క్రికెట్‌లో ఒకే క్యాలెండ‌ర్ ఈయ‌ర్‌లో ఫుల్ మెంబ‌ర్ టీమ్ త‌ర‌పున ఆడుతూ అత్య‌ధిక సిక్స‌ర్లు బాదిన ప్లేయ‌ర్‌గా అభిషేక్ నిలిచాడు.సూర్యకుమార్ యాదవ్ ఆల్‌టైమ్ రికార్డు బ్రేక్ష‌మీర్ స్ప్రింగ‌ర్ బౌలింగ్‌లో సిక్స‌ర్ బాద‌డంతో అభిషేక్ ఈ ఫీట్‌ను త‌న ఖాతాలో వేసుకున్నాడు. ఈ ఏడాదిలో అత‌డికి ఇది 69వ సిక్స‌ర్‌. ఇంత‌కుముందు ఈ రికార్డు టీమిండియా మాజీ కెప్టెన్‌ సూర్య‌కుమార్ యాద‌వ్ పేరిట ఉండేది. 2022లో సూర్యకుమార్ మొత్తం 68 సిక్సర్లు బాదగా, తాజా ఇన్నింగ్స్‌తో అభిషేక్ ఆ రికార్డును బ్రేక్ చేసి అగ్రస్థానానికి దూసుకెళ్లాడు.షాయ్ హోప్ వీరోచిత శతకం.. భార‌త్ ఓట‌మిఇక ఈ మ్యాచ్‌లో తొలుత బ్యాటింగ్ చేసిన వెస్టిండీస్ నిర్ణీత 20 ఓవర్లలో 3 వికెట్ల నష్టానికి 247 పరుగుల భారీ స్కోర్ సాధించింది. విండీస్ కెప్టెన్ షాయ్ హోప్ వీరోచిత శ‌త‌కంతో చెల‌రేగాడు. హోప్ కేవలం 50 బంతుల్లోనే 102 పరుగులతో అజేయంగా నిలిచాడు. అత‌డితో పాటు షెర్ఫేన్ రూథర్‌ఫోర్డ్ 26 బంతుల్లో 49 పరుగులతో మెరుపు ఇన్నింగ్స్ ఆడాడు.వీరిద్దరూ నాలుగో వికెట్‌కు కేవలం 43 బంతుల్లోనే 91 పరుగుల భాగస్వామ్యాన్ని నెలకొల్పారు. అనంత‌రం ఈ భారీ ల‌క్ష్యంతో బరిలోకి దిగిన భార‌త్ 223 ప‌రుగులు మాత్ర‌మే చేసి ఓట‌మి పాలైంది. భారత బ్యాటర్లలో సంజూ శాంసన్‌ (56) టాప్‌ స్కోరర్‌గా నిలవగా.. తిలక్‌ వర్మ (43), నితీశ్‌ కుమార్‌ రెడ్డి (41) గెలుపు కోసం తమ వంతు ప్రయత్నం చేశారు.చదవండి: IND vs WI: ఉప్పల్‌ 'హోప్‌' పాలు...

పాకిస్తాన్‌ టీ20 జట్టు కెప్టెన్‌ సాహిబ్‌జాదా ఫర్హాన్‌ సరికొత్త రికార్డు నెలకొల్పాడు. ఐసీసీ సభ్య దేశాల జట్ల మధ్య మూడు మ్యాచ్‌ల ద్వైపాక్షిక టీ20 సిరీస్‌లో అత్యధిక పరుగులు సాధించిన క్రికెటర్‌గా నిలిచాడు.ఈ క్రమంలో టీమిండియా విధ్వంసకర వీరుడు అభిషేక్‌ శర్మ పేరిట ఉన్న ప్రపంచ రికార్డును ఫర్హాన్‌ బద్దలు కొట్టాడు. కాగా మూడు టీ20, రెండు టెస్టు మ్యాచ్‌లు ఆడేందుకు శ్రీలంక పాకిస్తాన్‌ పర్యటనకు వెళ్లింది. ఇందులో భాగంగా తొలుత రావల్పిండి వేదికగా టీ20 సిరీస్‌ మొదలైంది.హ్యాట్రిక్‌ హాఫ్‌ సెంచరీలుమొదటి రెండు టీ20లలో ఆతిథ్య పాకిస్తాన్‌ గెలవగా.. మంగళవారం రాత్రి జరిగిన నామమాత్రపు మూడో మ్యాచ్‌లో శ్రీలంక ఎనిమిది వికెట్ల తేడాతో గెలిచి క్లీన్‌స్వీప్‌ గండం నుంచి తప్పించుకుంది. ఇదిలా ఉంటే.. శ్రీలంకతో టీ20 సిరీస్‌లో పాక్‌ కెప్టెన్‌, ఓపెనింగ్‌ బ్యాటర్‌ సాహిబ్‌జాదా ఫర్హాన్‌ వరుసగా 53 బంతుల్లో 89, 44 బంతుల్లో 73, 47 బంతుల్లో 76 పరుగులు సాధించాడు.అభిషేక్‌ శర్మ వరల్డ్‌ రికార్డు బ్రేక్‌ఈ మేరకు హ్యాట్రిక్‌ హాఫ్‌ సెంచరీలు బాదిన ఫర్హాన్‌.. మొత్తంగా మూడు మ్యాచ్‌లలో కలిపి 238 పరుగులు సాధించాడు. తద్వారా ఐసీసీ ఫుల్‌ మెంబర్ల దేశాలకు చెందిన జట్ల మధ్య మూడు మ్యాచ్‌ల ద్వైపాక్షిక సిరీస్‌లో అత్యధిక పరుగులు చేసిన ఆటగాడిగా నిలిచాడు. గతంలో ఈ రికార్డు టీమిండియా ఓపెనర్‌ అభిషేక్‌ శర్మ పేరిట ఉండేది. ఇటీవల అఫ్గానిస్తాన్‌తో స్వదేశంలో జరిగిన టీ20 సిరీస్‌లో ఈ లెఫ్టాండర్‌ బ్యాటర్‌.. 229 పరుగులు సాధించాడు. తాజాగా ఫర్హాన్‌ ఈ రికార్డును బద్దలు కొట్టాడు.పురుషుల టీ20 క్రికెట్‌లో ఐసీసీ ఫుల్‌ మెంబర్‌ జట్ల మధ్య మూడు మ్యాచ్‌ల ద్వైపాక్షిక సిరీస్‌లో అత్యధిక పరుగులు చేసిన ఆటగాళ్లు👉సాహిబ్‌జాదా ఫర్హాన్‌ (పాకిస్తాన్‌)- శ్రీలంక మీద.. 2026లో 238 పరుగులు👉అభిషేక్‌ శర్మ (ఇండియా)- అఫ్గానిస్తాన్‌ మీద... 2026లో 229 పరుగులు👉కొలిన్‌ మున్రో (న్యూజిలాండ్‌)- వెస్టిండీస్‌ మీద... 2023-24లో 223 పరుగులు👉డేవిడ్‌ వార్నర్‌ (ఆస్ట్రేలియా)- శ్రీలంక మీద... 2019లో 217 పరుగులు👉హజ్రతుల్లా జజాయ్‌ (అఫ్గానిస్తాన్‌)- ఐర్లాండ్‌ మీద... 2019లో 204 పరుగులు. చదవండి: టీ20 చరిత్రలో మునుపెన్నడూ చూడని రనౌట్‌!.. స్పందించిన తిలక్‌ వర్మ

ఆస్ట్రేలియా స్టార్ బ్యాటర్ మ్యాట్ రెన్‌షా టెస్టు క్రికెట్ పునరాగమనాన్ని ఘనంగా చాటుకున్నాడు. డర్బన్ వేదికగా సౌతాఫ్రికాతో జరిగిన తొలి టెస్టులో రెన్‌షా అద్భుతమైన ఆల్‌రౌండ్ ప్రదర్శనతో అదరగొట్టాడు. తొలి ఇన్నింగ్స్‌లో భారీ సెంచరీతో కదం తొక్కిన రెన్‌షా(190).. రెండో ఇన్నింగ్స్‌లో 82 పరుగులు చేశాడు. మొత్తంగా రెండు ఇన్నింగ్స్‌లు కలిపి 272 పరుగులు చేశాడు. అంతేకాకుండా బౌలింగ్‌లో కూడా రెండు వికెట్టు పడగొట్టాడు. తద్వారా రెన్‌షా ఓ అరుదైన రికార్డును తన పేరిట లిఖించుకున్నాడు.చరిత్ర సృష్టించిన రెన్‌షాదక్షిణాఫ్రికా గడ్డపై ఒక టెస్టు మ్యాచ్‌లో 250కి పైగా పరుగులు చేసి, 2 లేదా అంతకంటే ఎక్కువ వికెట్లు పడగొట్టిన తొలి ఆటగాడిగా (స్వదేశీ లేదా విదేశీ) రికార్డులకెక్కాడు. ఇప్పటివరకు టెస్టు క్రికెట్ చరిత్రలో ఏ ఆటగాడూ ఈ ఫీట్‌ను సాధించలేకపోయారు.ఇంతకుముందు ప్రోటీస్ దిగ్గజ ఆల్‌రౌండర్ జాక్ కాలిస్ 2012లో ఇదే డర్బన్ వేదికగా శ్రీలంకతో జరిగిన టెస్టులో 224 పరుగులు చేసి 3 వికెట్లు పడగొట్టాడు. కాలిస్ మూడు వికెట్లు తీసినప్పటికీ, 250 పరుగుల మార్క్‌ను మాత్రం చేరుకోలేకపోయాడు. ఆ రికార్డును ఇప్పుడు రెన్‌షా బ్రేక్ చేశాడు.ఆసీస్ ఘన విజయంఇక మ్యాచ్ విషయానికి వస్తే.. దక్షిణాఫ్రికాపై ఆ్రస్టేలియా 214 పరుగుల తేడాతో గెలుపొందింది. 421 పరుగుల భారీ లక్ష్యఛేదనలో ఓవర్‌నైట్‌ స్కోరు 102/4తో మంగళవారం చివరి రోజు రెండో ఇన్నింగ్స్‌ కొనసాగించిన సఫారీ జట్టు చివరకు 86.5 ఓవర్లలో 206 పరుగులకు ఆలౌటైంది. మార్క్‌రమ్‌ (75; 10 ఫోర్లు) అర్ధశతకంతో రాణించాడు. ఆస్ట్రేలియా బౌలర్లలో జోష్‌ హాజల్‌వుడ్‌ 49 పరుగులే ఇచ్చి 6 వికెట్లతో అదరగొట్టాడు.సుదీర్ఘ ఫార్మాట్‌లో అతడికిదే అత్యుత్తమ ప్రదర్శన. చివరి రోజు మిగిలిన ఆరు వికెట్లలో హాజల్‌వుడ్‌ నాలుగు వికెట్లు పడగొట్టాడు. రెన్‌షాకు 2 వికెట్లు దక్కాయి. అంతకుముందు ఆ్రస్టేలియా తొలి ఇన్నింగ్స్‌లో 390 పరుగులు చేయగా... దక్షిణాఫ్రికా 284 పరుగులకు పరిమితమైంది. ఆసీస్‌ 314/6 వద్ద రెండో ఇన్నింగ్స్‌ డిక్లేర్‌ చేసి ప్రత్యర్థికి 421 పరుగుల లక్ష్యాన్ని నిర్దేశించింది.చదవండి: చరిత్ర సృష్టించిన లిట్టన్‌ దాస్‌.. ప్రపంచంలోనే తొలి క్రికెటర్‌

వెస్టిండీస్‌ పురుషుల క్రికెట్‌ జట్టు టీ20ల్లో సరికొత్త చరిత్ర సృష్టించింది. అంతర్జాతీయ పొట్టి ఫార్మాట్‌లో 2000 సిక్సర్లు కొట్టిన తొలి జట్టుగా ప్రపంచ రికార్డు నెలకొల్పింది. నిన్న భారత్‌తో జరిగిన మ్యాచ్‌లో ఈ ఘనత సాధించింది. ఈ మ్యాచ్‌ విండీస్‌ ఆటగాళ్లు 13 సిక్సర్లు బాదాడు. దీంతో అంతర్జాతీయ టీ20ల్లో వారి సిక్సర్ల సంఖ్య 2010కి చేరింది.ఈ రికార్డుకు సంబంధించి విండీస్‌ తర్వాతి స్థానంలో భారత్‌ ఉంది. నిన్నటి మ్యాచ్‌తో కలుపుకుని భారత్‌ 1997 సిక్సర్లు బాదింది. టీమిండియా మరో 3 సిక్సర్లు బాదితే అంతర్జాతీయ టీ20ల్లో 2000 సిక్సర్ల మార్కును తాకిన రెండో జట్టుగా రికార్డుల్లోకెక్కనుంది. ఈ జాబితాలో విండీస్‌, భారత్‌ తర్వాతి స్థానాల్లో న్యూజిలాండ్‌ (1585), పాకిస్తాన్‌ (1500), సౌతాఫ్రికా (1407), ఇంగ్లండ్‌ (1406) ఉన్నాయి.నిన్నటి మ్యాచ్‌ విషయానికొస్తే.. విండీస్‌పై భారత్‌ 14 పరుగుల తేడాతో గెలుపొంది, ఐదు మ్యాచ్‌ల సిరీస్‌లో 2-1 ఆధిక్యంలోకి వెళ్లింది. ఈ మ్యాచ్‌లో తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 223 పరుగులకు ఆలౌట్‌ కాగా.. విండీస్‌ 20 ఓవర్లలో 7 వికెట్ల నష్టానికి 209 పరుగులకే పరిమితమైంది. భారత్‌ గెలుపులో అభిషేక్‌ శర్మ (30 బంతుల్లో 69; 6 ఫోర్లు, 5 సిక్సర్లు) కీలకపాత్ర పోషించాడు. నాలుగో టీ20 అక్టోబర్‌ 14న హైదరాబాద్‌లో జరుగనుంది. ఇదీ చదవండి: టీ20 చ‌రిత్ర‌లో మునుపెన్న‌డూ చూడ‌ని ర‌నౌట్‌!

ఆసీస్‌ స్టార్‌ బ్యాటర్‌ స్టీవ్‌ స్మిత్‌ ఫీల్డింగ్‌లో ఓ భారీ రికార్డు తన పేరిట లిఖించుకున్నాడు. టెస్ట్‌ క్రికెట్‌లో అత్యధిక క్యాచ్‌లు అందుకున్న నాన్‌ వికెట్‌కీపర్‌ ప్లేయర్‌గా జో రూట్‌ పేరిట ఉండిన ప్రపంచ రికార్డును బద్దలు కొట్టాడు. సౌతాఫ్రికాతో జరుగుతున్న టెస్ట్‌ మ్యాచ్‌లో స్టీవ్‌ ఈ ఘనత సాధించాడు.సౌతాఫ్రికా తొలి ఇన్నింగ్స్‌లో రెండు క్యాచ్‌లు అందుకోవడంతో స్టీవ్‌ క్యాచ్‌ల సంఖ్య 221కు చేరింది. ప్రస్తుతం రూట్‌ ఖాతాలో 220 క్యాచ్‌లు ఉన్నాయి. రూట్‌ 220 క్యాచ్‌లను 169 టెస్ట్‌ల్లో అందుకోగా.. స్టీవ్‌ కేవలం​ 126 మ్యాచ్‌ల్లో రూట్‌ రికార్డును అధిగమించాడు. ఈ జాబితాలో స్టీవ్‌, రూట్‌ తర్వాతి స్థానాల్లో టీమిండియా దిగ్గజం రాహుల్‌ ద్రవిడ్‌ (164 మ్యాచ్‌ల్లో 210 క్యాచ్‌లు), శ్రీలంక దిగ్గజం​ మహేళ జయవర్దనే (149), సౌతాఫ్రికా దిగ్గజ ఆల్‌రౌండర్‌ జాక్‌ కల్లిస్‌ (166) ఉన్నారు.ఇదే మ్యాచ్‌లో స్టీవ్‌ బ్యాటింగ్‌లోనూ మరో ఘనత సాధించాడు. తన దేశం తరఫున అత్యధిక టెస్ట్‌ పరుగులు సాధించిన బ్యాటర్ల జాబితాలో స్టీవ్‌ వా (10927)ను అధిగమించి మూడో స్థానానికి చేరాడు. ఈ మ్యాచ్‌ తొలి ఇన్నింగ్స్‌లో 25 పరుగులు చేసిన స్టీవ్‌ తన టెస్ట్‌ పరుగుల సంఖ్యను 10945కు పెంచుకున్నాడు.మ్యాచ్‌ విషయానికొస్తే.. మ్యాట్‌ రెన్షా (190) వీరోచిత శతకం బాదడంతో తొలుత బ్యాటింగ్‌ చేసిన ఆస్ట్రేలియా 390 పరుగులు చేసింది. రెన్షాకు కమిన్స్‌ (43), లియోన్‌ (27), లబూషేన్‌ (37), స్టీవ్‌ స్మిత్‌ (25) సహకరించారు. సౌతాఫ్రికా బౌలర్లలో ముల్దర్‌ 4, యాన్సెన్‌ 3, నోర్జే 2, హార్మర్‌ ఓ వికెట్‌ పడగొట్టారు.అనంతరం తొలి ఇన్నింగ్స్‌ ప్రారంభించిన సౌతాఫ్రికా మూడో రోజు లంచ్‌ విరామం సమయానికి 4 వికెట్ల నష్టానికి 115 పరుగులు చేసింది. మార్క్రమ్‌ (37), రికెల్టన్‌ (0), బెడింగ్హమ్‌ (49), బవుమా (3) ఔట్‌ కాగా... స్టబ్స్‌ (14), ముల్దర్‌ (7) క్రీజ్‌లో ఉన్నారు. ఆసీస్‌ బౌలర్లలో స్టార్క​్‌, హాజిల్‌వుడ్‌, కమిన్స్‌, లియోన్‌కు తలో వికెట్‌ దక్కింది. ​ఇదీ చదవండి: సౌతాఫ్రికాతో టెస్టు.. ఆసీస్‌ బౌలర్‌ ప్రపంచ రికార్డు

డర్బన్ వేదికగా సౌతాఫ్రికాతో జరుగుతున్న తొలి టెస్టులో ఆస్ట్రేలియా స్టార్ స్పిన్నర్ నాథన్ లియోన్ ప్రపంచ రికార్డుతో మెరిశాడు. టెస్టుల్లో పదో నెంబర్‌లో బ్యాటింగ్‌కు వచ్చి వెయ్యి పరుగుల మైలురాయిని చేరుకున్న తొలి బ్యాటర్‌గా నాథన్ లియోన్ రికార్డులకెక్కాడు. 98 ఇన్నింగ్స్‌ల్లో లియోన్ ఈ ఘనత సాధించాడు. గతంలో పదో నెంబర్‌లో బ్యాటింగ్‌కు వచ్చి టెస్టుల్లో అత్యధిక పరుగులు చేసిన జాబితాలో ఇంగ్లండ్ మాజీ బౌలర్ స్టువర్ట్ బ్రాడ్ (825 పరుగులు)దే అత్యుత్తమంగా ఉండేది. తాజాగా నాథన్ లియోన్ 1000 పరుగుల మార్క్ దాటి ఎవరికీ అందనంత ఎత్తులో నిలిచాడు.పదో నెంబర్‌లో వచ్చి టెస్టుల్లో అత్యధిక పరుగులు చేసిన ప్లేయర్లు👉నాథన్ లియోన్ -1019 పరుగులు👉స్టువర్ట్ బ్రాడ్ 825 పరుగులు👉నీల్ వాగ్నర్‌- 594 పరుగులు👉డేల్ స్టెయిన్- 568 పరుగులు👉టిమ్ సౌథీ- 511 పరుగులు👉వకార్ యూనిస్- 496 పరుగులు👉బిషన్ బేడీ- 470 పరుగులుఓవరాల్‌గా నాథన్ లియోన్ 143 టెస్టుల్లో 1705 పరుగులు సాధించాడు. అత్యధిక స్కోరు 47గా ఉంది. ఇక తన స్పిన్ బౌలింగ్‌తో 571 వికెట్లు ఖాతాలో వేసుకున్నాడు.ఇక మ్యాచ్‌లో 27 పరుగులు చేసిన నాథన్ లియోన్ మాట్ రెన్‌షాకు తనవంతు సహకారం అందించాడు. ఈ నేపథ్యంలోనే ఈ ఇద్దరు కలిసి తొమ్మిదో వికెట్‌కు రికార్డు స్థాయిలో 134 పరుగులు జోడించారు. తద్వారా సౌతాఫ్రికాపై టెస్టు‍ల్లో తొమ్మిదో వికెట్‌కు ఈ జోడి నెలకొల్పిన 134 పరుగుల భాగస్వామ్యం అత్యుత్తమంగా నిలిచింది.దక్షిణాఫ్రికా గడ్డపై టెస్టుల్లో 9వ వికెట్‌కు అత్యధిక భాగస్వామ్యాలు:👉195 - మార్క్ బౌచర్ & పాట్ సిమ్‌కాక్స్ (దక్షిణాఫ్రికా) వర్సెస్‌ పాకిస్తాన్, జోహన్నెస్‌బర్గ్, 1998👉134 - నాథన్ లియోన్, మాట్ రెన్‌షా (ఆస్ట్రేలియా) వర్సెస్‌ దక్షిణాఫ్రికా, డర్బన్, 2026*👉106 - జేమ్స్ అండర్సన్, గ్రేమ్ స్వాన్ (ఇంగ్లాండ్) వర్సెస్‌ దక్షిణాఫ్రికా, సెంచూరియన్, 2009టెస్టుల్లో ఆస్ట్రేలియా తరఫున 9వ వికెట్‌కు అత్యధిక భాగస్వామ్యాలు:👉154 - జాక్ బ్లాక్‌హామ్, సిడ్ గ్రెగొరీ వర్సెస్ ఇంగ్లాండ్, సిడ్నీ, 1894👉134 - నాథన్ లియోన్, మాట్ రెన్‌షా వర్సెస్‌ దక్షిణాఫ్రికా, డర్బన్, 2026*👉133 - జాసన్ గిల్లెస్పీ , స్టీవ్ వా వర్సెస్ భారత్‌, కోల్‌కతా, 2001మ్యాచ్ విషయానికొస్తే, మాట్ రెన్‌షా (190) వీరోచిత పోరాటంతో ఆస్ట్రేలియా తొలి ఇన్నిం‍గ్స్‌లో 390 పరుగులకు ఆలౌటైంది. ఒక దశలో 124 పరుగులకే ఆరు వికెట్లు కోల్పోయిన దశలో కమిన్స్‌, రెన్‌షాలు ఆసీస్ ఇన్నింగ్స్‌ను నిలబెట్టారు. ఈ ఇద్దరు ఏడో వికెట్‌కు 84 పరుగులు జోడించారు. అనంతరం టెయిలెండర్లతో కలిసి వీరోచిత పోరాటం చేసిన రెన్‌షా పది పరుగుల తేడాతో డబుల్ సెంచరీని చేజార్చుకున్నాడు. దక్షిణాఫ్రికా తమ తొలి ఇన్నింగ్స్‌లో వికెట్ నష్టానికి 59 పరుగులు చేసింది. బెడింగ్‌హమ్ (30), మార్కరమ్ (28) క్రీజులో ఉన్నారు.Nathan Lyon becomes the first-ever player to score 1000 Test runs at No.10 position. Most runs at No.10 1019 - NATHAN LYON🇦🇺 825 - Stuart Broad🏴󠁧󠁢󠁥󠁮󠁧󠁿 594 - Neil Wagner🇳🇿 568 - Dale Steyn🇿🇦 511 - Tim Southee🇳🇿 496 - Waqar Younis🇵🇰 470 - Bishen Bedi🇮🇳 #SAvAUS https://t.co/aDbPgxYavX— Kausthub Gudipati (@kaustats) October 10, 2026ఇదీ చదవండి: భార‌త్‌తో వ‌న్డే సిరీస్‌.. ప్ర‌త్యేక జెర్సీ ధరించనున్న కివీస్ ఆట‌గాళ్లు!చరిత్ర సృష్టించిన బంగ్లాదేశ్‌ బౌలర్‌

రాంచీ వేదికగా టీమిండియాతో జరిగిన రెండో టీ20లో 6 వికెట్ల తేడాతో వెస్టిండీస్ సంచలన విజయం సాధించింది. ఆతిథ్య భారత్ నిర్దేశించిన 250 పరుగుల భారీ లక్ష్యాన్ని విండీస్ కేవలం 4 వికెట్లు మాత్రమే కోల్పోయి 18.3 ఓవర్లలోనే ఊదిపడేసింది. కెప్టెన్ షాయ్ హోప్(45 బంతుల్లో 6 ఫోర్లు, 9 సిక్సర్లతో అద్భుత సెంచరీతో అజేయంగా నిలిచి మ్యాచ్‌ను ముగించాడు.అతడితో పాటు రూథర్‌ఫోర్డ్‌(37 బంతుల్లో 84), రొమారియో షెపర్డ్(34) కీల‌క ఇన్నింగ్స్‌లు ఆడారు. అయితే కొండంత లక్ష్యంతో బరిలోకి దిగిన విండీస్ 58 ప‌రుగుల‌కే 3 వికెట్లు కోల్పోయి పీక‌ల్లోతు క‌ష్టాల్లో ప‌డింది. ఈ స‌మ‌యంలో హోప్‌, రూథ‌ర్‌ఫోర్డ్ భార‌త బౌల‌ర్ల‌పై ఎదురు దాడికి దిగారు. రాంచీ మైదానంలో సిక్స‌ర్ల వ‌ర్షం కురిపించారు. టీమిండియా చెత్త ఫీల్డింగ్ కూడా వారికి క‌లిసిసొచ్చింది. రూథ‌ర్‌ఫోర్డ్ అవుటైన‌ప్ప‌టీ హోప్ మాత్రం ఏ మాత్రం వెన‌క్కి త‌గ్గ‌లేదు. ఆరో స్ధానంలో బ్యాటింగ్‌కు వ‌చ్చిన షెప‌ర్డ్‌తో క‌లిసి జ‌ట్టును విజ‌య తీరాల‌కు చేర్చాడు. భార‌త బౌల‌ర్లు దారుణంగా విఫ‌ల‌మ‌య్యారు. ఈ అద్భుత విజ‌యంతో వెస్టిండీస్ ప‌లు అరుదైన రికార్డుల‌ను తమ‌ పేరిట లిఖించుకుంది.విండీస్ సాధించిన రికార్డులు ఇవే..👉టీ20ల్లో టీమిండియాపై అత్య‌ధిక ల‌క్ష్యాన్ని చేధించిన జ‌ట్టుగా వెస్టిండీస్ చ‌రిత్ర సృష్టించింది. అంతకుముందు ఈ రికార్డు ఆస్ట్రేలియా పేరిట ఉండేది. 2023 నవంబర్‌లో భారత్‌పై ఆస్ట్రేలియా 223 పరుగులు ఛేజ్ చేసింది. ఇప్పుడు ఆ రికార్డును విండీస్ బ్రేక్ చేసింది.👉అదేవిధంగా టీ20 ఫార్మాట్‌లో విండీస్‌కు ఇదే అత్యధిక పరుగుల చేధన. గతంలో 2015లో జోహన్నెస్‌బర్గ్‌లో సౌతాఫ్రికాపై ఛేదించిన త‌మ‌ 232 పరుగుల రికార్డును కరేబియన్ జట్టు దాటేసింది.👉టీ20ల్లో ఇది రెండో అతి పెద్ద చేధ‌న కావ‌డం విశేషం. ఈ జాబితాలో సౌతాఫ్రికా అగ్ర‌స్ధానంలో ఉంది. 2023లో వెస్టిండీస్‌పై దక్షిణాఫ్రికా జట్టు 259 పరుగుల లక్ష్యాన్ని ఛేదించింది.చదవండి: వెస్టిండీస్‌ 'షై'నింగ్‌

రాంచీ వేదిక‌గా టీమిండియాతో జ‌రిగిన రెండో టీ20 మ్యాచ్‌లో వెస్టిండీస్ ఆరు వికెట్ల తేడాతో సంచ‌ల‌న విజ‌యాన్ని సాధించింది. భార‌త్ విధించిన 250 ప‌రుగుల భారీ ల‌క్ష్యాన్ని విండీస్ 18.3 ఓవ‌ర్లలోనే ఛేదించ‌డం విశేషం. కెప్టెన్ షెయ్ హోప్ (45 బంతుల్లో 102 నాటౌట్‌, 6 ఫోర్లు, 9 సిక్స‌ర్లు) ఆకాశ‌మే హ‌ద్దుగా చెల‌రేగాడు. హోప్‌కు తోడు రూథ‌ర్‌ఫోర్డ్ (37 బంతుల్లో 84, 7 ఫోర్లు, 7 సిక్స‌ర్లు) విధ్వంసం సృష్టించ‌గా, ఆఖ‌ర్లో రొమారియో షెప‌ర్డ్ (13 బంతుల్లో 34 నాటౌట్‌, 3 ఫోర్లు, 3 సిక్స‌ర్లు) మెరుపులు తోడ‌య్యాయి. భార‌త బౌల‌ర్ల‌లో మ‌యాంక్ యాద‌వ్ 3 వికెట్లు తీయ‌గా, కుల్దీప్ యాద‌వ్ ఒక వికెట్ ప‌డ‌గొట్టాడు. అంతకముందు టీమిండియా నిర్ణీత 20 ఓవర్లలో 5 వికెట్ల నష్టానికి 249 పరుగుల భారీ స్కోరు చేసింది. గత నాలుగు మ్యాచ్‌ల్లో సింగిల్ డిజిట్‌కే పరిమితమైన ఓపెనర్ సంజూ శాంసన్ (41 బంతుల్లో 82, 9 ఫోర్లు, 4 సిక్సర్లు) భారీ ఇన్నింగ్స్‌తో అలరించగా, ఇషాన్ కిషన్ (22 బంతుల్లో 43, 6 ఫోర్లు, 2 సిక్సర్లు) దనాధన్ ఆటతీరును ప్రదర్శించాడు. చివర్లో శ్రేయస్ అయ్యర్ (17 బంతుల్లో 40; 3 ఫోర్లు, 3 సిక్సర్లు) గత మ్యాచ్ ఫామ్‌ను కంటిన్యూ చేయగా, తిలక్ వర్మ (18 బంతుల్లో 44 నాటౌట్‌; 3 ఫోర్లు, 3 సిక్సర్లు) ఆకట్టుకున్నాడు. విండీస్ బౌలర్లలో రోస్టన్ చేజ్ మూడు వికెట్లు తీయగా, షమర్ స్ప్రింగర్ రెండు వికెట్లు తీశాడు. దీంతో ఐదు మ్యాచ్‌ల టీ20 సిరీస్‌లో ఇరుజట్లు 1-1తో సమంగా నిలిచాయి. ఇరుజట్ల మధ్య మూడో టీ20 ఆదివారం జరగనుంది.👉తద్వారా వెస్టిండీస్ తమ టీ20 చరిత్రలోనే అత్యధిక పరుగుల టార్గెట్‌ను విజయవంతంగా ఛేదించి ప్రపంచ రికార్డు నెలకొల్పింది. గ‌తంలో 2015లో ద‌క్షిణాఫ్రికా విధించిన 236 ప‌రుగుల ల‌క్ష్యాన్ని 19.2 ఓవ‌ర్ల‌లో ఆరు వికెట్లు కోల్పోయి ఛేదించ‌డ‌మే ఇప్ప‌టివ‌ర‌కు ఆ జ‌ట్టుకు అత్యుత్త‌మంగా ఉండేది. తాజాగా టీమిండియాపై 250 ప‌రుగుల టార్గెట్‌ను ఛేదించి ప్ర‌పంచ రికార్డు నెల‌కొల్పింది. 2024లో ఇంగ్లండ్ విధించిన 221 ప‌రుగుల టార్గెట్‌ను 5 వికెట్లు కోల్పోయి 19 ఓవ‌ర్ల‌లోనే ఛేదించింది. 👉ఇక 2016లో ముంబై వేదిక‌గా టీమిండియా విధించిన‌ 196 ప‌రుగుల ల‌క్ష్యాన్ని వెస్టిండీస్ 19.4 ఓవ‌ర్ల‌లో మూడు వికెట్లు కోల్పోయి అందుకుంది. 2017లో కింగ్‌స్ట‌న్ వేదిక‌గా భార‌త్ విధించిన 194 ప‌రుగుల ల‌క్ష్యాన్ని 18.3 ఓవ‌ర్లలో ఒక వికెట్ మాత్ర‌మే కోల్పోయి ఛేధించ‌డం విశేషం. 👉 ఇక అంతర్జాతీయ టీ20 క్రికెట్‌లో చేజింగ్‌లో వెస్టిండీస్‌ ఛేదించిన 250 పరుగుల లక్ష్యం రెండో అత్యుత్తమం. 2023లో ఇదే వెస్టిండీస్‌పై సౌతాఫ్రికా 259 పరుగుల లక్ష్యాన్ని 4 వికెట్లు కోల్పోయి ఛేదించడం ఇప్పటికీ ప్రపంచ రికార్డుగానే ఉంది.Brilliant knocks from Shai Hope and Sherfane Rutherford guide West Indies home in the 2nd T20I in Ranchi. We move to Indore for the 3rd T20I. Scorecard ▶️ https://t.co/mZlyaWZsoe #TeamIndia | #INDvWI | @mflone_ https://t.co/Inp7I7R259— BCCI (@BCCI) October 9, 2026ఇదీ చదవండి: చ‌రిత్ర సృష్టించిన తిల‌క్ వ‌ర్మ‌..

ల‌క్నో వేదికగా వెస్టిండీస్‌తో జ‌రిగిన తొలి టీ20లో టీమిండియా 8 వికెట్ల తేడాతో ఘ‌న విజ‌యాన్ని అందుకుంది. భార‌త కెప్టెన్ శ్రేయ‌స్ అయ్య‌ర్ అజేయ సెంచ‌రీతో జ‌ట్టును గెలిపించిన సంగ‌తి తెలిసిందే. ఈ నేప‌థ్యంలో కెప్టెన్‌గా శ్రేయ‌స్ అయ్య‌ర్ టీ20ల్లో అరుదైన ఫీట్‌తో చరిత్ర సృష్టించాడు. చేజింగ్‌లో సెంచ‌రీ చేసిన తొలి భార‌త కెప్టెన్‌గా ఎవరికీ సాధ్యం కాని రికార్డును తన పేరిట లిఖించుకున్నాడు. గ‌తంలో ఇదే వెస్టిండీస్‌పై విరాట్ కోహ్లి చేజింగ్‌లో చేసిన 94 ప‌రుగుల అజేయ ఇన్నింగ్స్ ఇప్ప‌టివ‌ర‌కు అత్యుత్త‌మ స్కోరుగా ఉంది. తాజాగా కోహ్లి రికార్డును బ్రేక్ చేసిన‌ శ్రేయ‌స్ చ‌రిత్ర సృష్టించాడు. ఇక ఓవ‌రాల్‌గా చూసుకుంటే టీ20ల్లో భార‌త కెప్టెన్‌గా సెంచ‌రీ చేసిన మూడో ఆట‌గాడిగా శ్రేయ‌స్ నిలిచాడు. రోహిత్ శ‌ర్మ కెప్టెన్ హోదాలో మూడుసార్లు శ‌త‌కాలు బాద‌గా, సూర్య‌కుమార్ యాద‌వ్ ఒక‌సారి సెంచ‌రీ సాధించాడు. తాజాగా వీరి స‌ర‌స‌న శ్రేయ‌స్ అయ్య‌ర్ చోటు సంపాదించాడు.👉ఇక టీ20 క్రికెట్‌లో ఛేద‌నలో భార‌త్ త‌ర‌ఫున సెంచ‌రీ చేసిన నాలుగో ఆట‌గాడిగా శ్రేయ‌స్ అయ్య‌ర్ రికార్డులకెక్కాడు. గ‌తంలో సూర్య‌కుమార్ (117) ఒక‌సారి, కేఎల్ రాహుల్ (110 నాటౌట్‌, 101 నాటౌట్‌) రెండుసార్లు, రోహిత్ శ‌ర్మ (100 నాటౌట్‌) ఒక‌సారి సెంచ‌రీలు చేశారు.👉వెస్టిండీస్‌పై టీ20ల్లో సెంచరీ చేసిన మూడో క్రికెట‌ర్‌గా శ్రేయ‌స్ అయ్య‌ర్ నిలిచాడు. గ‌తంలో రోహిత్ శ‌ర్మ (111 నాటౌట్‌, 2018లో), కేఎల్ రాహుల్ (110 నాటౌట్‌, 2016లో) శ‌త‌కాలు సాధించారు.ఇక మ్యాచ్ విష‌యానికొస్తే తొలుత బ్యాటింగ్ చేసిన వెస్టిండీస్ 19.1 ఓవ‌ర్ల‌లో 171 ప‌రుగుల‌కు ఆలౌటైంది. రూథ‌ర్‌పోర్డ్ (56), కెప్టెన్ హోప్ (52) అర్థ‌సెంచ‌రీల‌తో చెల‌రేగారు. భార‌త బౌల‌ర్ల‌లో న‌మ‌న్ ధీర్ మూడు వికెట్ల‌తో స‌త్తా చాట‌గా, అక్ష‌ర్ ప‌టేల్‌, కుల్దీప్ యాద‌వ్ చెరో 2 వికెట్లు ప‌డ‌గొట్టారు. అనంత‌రం భార‌త జ‌ట్టు 14.4 ఓవ‌ర్ల‌లోనే 2 వికెట్లు మాత్ర‌మే కోల్పోయి 172 ప‌రుగులు చేసి విజ‌యాన్ని సాధించింది. శ్రేయ‌స్ అయ్య‌ర్ (43 బంతుల్లో 102 నాటౌట్‌), ఇషాన్ కిష‌న్ (37 నాటౌట్‌) జ‌ట్టును గెలిపించారు. విండీస్ బౌల‌ర్ల‌లో అకిల్ హొసెన్, రోస్ట‌న్ చేజ్‌లు చెరొక వికెట్ తీశారు.ఇదీ చదవండి: శ్రేయస్‌ సెంచరీ మెరుపులు

వెస్టిండీస్‌తో జ‌రుగుతున్న మూడో వ‌న్డేలో టీమిండియా భారీ స్కోరు చేసింది. కేఎల్ రాహుల్ (129 నాటౌట్‌) విధ్వంస‌క‌ర సెంచ‌రీకి తోడు రోహిత్ శ‌ర్మ (92) రాణించ‌డంతో భార‌త జ‌ట్టు 351 ప‌రుగుల భారీ స్కోరు చేసింది. ఈ నేప‌థ్యంలో వ‌న్డే క్రికెట్‌లో టీమిండియా అరుదైన రికార్డు నెల‌కొల్పింది. వన్డే చ‌రిత్ర‌లో టీమిండియా 350 ప్ల‌స్ స్కోరు సాధించ‌డం ఇది 45వ సారి. సౌతాఫ్రికా 36 సార్లు 350 ప్ల‌స్ స్కోర్లు సాధించి రెండో స్థానంలో ఉండ‌గా, తొలి స్థానంలో ఉన్న భార‌త్‌కు.. రెండో ప్లేస్‌లో ఉన్న ద‌క్షిణాఫ్రికాకు మ‌ధ్య 11 వ్య‌త్యాస‌ముంది. దీంతో భార‌త జ‌ట్టు ఎవ‌రికీ అంద‌నంత ఎత్తులో కొన‌సాగుతుంది. ఇక భార‌త్‌, ఆస్ట్రేలియా త‌ర్వాత ఆస్ట్రేలియా 31సార్లు 350 ప్ల‌స్ స్కోర్లు చేయ‌గా, ఇంగ్లండ్ 29 సార్లు, న్యూజిలాండ్ 18 సార్లు చొప్పున వ‌న్డేల్లో 350 ప్ల‌స్ స్కోరు చేశాయి.దీంతోపాటు టీమిండియా మ‌రో రికార్డు కూడా సాధించింది. విండీస్‌తో వ‌న్డే సిరీస్‌లో మూడు మ్యాచ్‌లు క‌లిపి 45 సిక్స‌ర్లు కొట్టారు. త‌ద్వారా ఒక ద్వైపాక్షిక సిరీస్‌లో అత్య‌ధిక సిక్స‌ర్లు బాదిన జ‌ట్ల జాబితాలో టీమిండియా ఇంగ్లండ్‌తో క‌లిపి సంయుక్తంగా మూడో స్థానంలో కొన‌సాగుతుంది. భార‌త్‌, ఇంగ్లండ్ కంటే ముందు ఆస్ట్రేలియా (66 సిక్స‌ర్లు వ‌ర్సెస్ టీమిండియా, 2013లో), వెస్టిండీస్ (66 సిక్స‌ర్లు వ‌ర్సెస్ ఇంగ్లండ్‌, 2019లో) సంయుక్తంగా తొలి స్థానంలో కొన‌సాగుతున్నాయి. ఇక సౌతాఫ్రికా (55 సిక్స‌ర్లు వ‌ర్సెస్ ఆస్ట్రేలియా, 2023లో) రెండో స్థానంలో కొన‌సాగుతుంది.ఇదీ చదవండి: రాహుల్‌ సెంచరీ, దంచికొట్టిన రోహిత్‌.. విండీస్‌ టార్గెట్‌ 352 రన్స్‌

సౌతాఫ్రికా యువ సంచలనం లుహాన్‌-డ్రే ప్రిటోరియస్‌ పురుషుల టీ20 క్రికెట్‌లో సరికొత్త చరిత్ర సృష్టించాడు. కేవలం 79 బంతుల్లోనే అజేయ 188 పరుగులు చేసి, టీ20ల్లో అత్యధిక వ్యక్తిగత స్కోరు చేసిన బ్యాటర్‌ అవతరించాడు. ఈ క్రమంలో విండీస్‌ దిగ్గజం క్రిస్‌ గేల్‌ పేరిట 13 ఏళ్లుగా ఉన్న ప్రపంచ రికార్డును బద్దలు కొట్టాడు. గేల్‌ 2013 ఐపీఎల్‌లో రాయల్‌ ఛాలెంజర్స్‌ బెంగళూరు తరఫున పుణే వారియర్స్‌ ఇండియాపై అజేయంగా 175 పరుగులు చేశాడు. 20 ఏళ్ల ప్రిటోరియస్‌ CSA టీ20 ఛాలెంజ్‌లో ఈ రికార్డును నెలకొల్పాడు. ఈ టోర్నీలో టైటాన్స్‌కు ఆడుతున్న అతడు.. నిన్న నైట్స్‌తో జరిగిన మ్యాచ్‌లో ఈ ఫీట్‌ను సాధించాడు. 24 బంతుల్లోనే అర్ధశతకం పూర్తి చేసిన ప్రిటోరియస్‌.. కేవలం 40 బంతుల్లో సెంచరీ సాధించాడు. ఆ తర్వాత మరింత వేగం పెంచి 58 బంతుల్లో 150 పరుగుల మార్క్‌ను అందుకున్నాడు. చివరికి 79 బంతుల్లో 15 ఫోర్లు, 13 సిక్సర్ల సాయంతో 188 పరుగులతో నాటౌట్‌గా నిలిచాడు. అతని స్ట్రైక్‌రేట్‌ ఏకంగా 237.97గా నమోదైంది. ఈ ఇన్నింగ్స్‌లో ప్రిటోరియస్‌ మరో 12 పరుగులు చేసుంటే టీ20ల్లో డబుల్‌ సెంచరీ చేసిన తొలి బ్యాటర్‌ మరో చరిత్ర సృష్టించేవాడు.ప్రిటోరియస్‌ రికార్డు శతకంతో కదంతొక్కడంతో తొలుత బ్యాటింగ్‌ చేసిన టైటాన్స్‌ నిర్ణీత 20 ఓవర్లలో 3 వికెట్ల నష్టానికి 267 పరుగుల భారీ స్కోర్‌ చేసింది. అనంతరం​ లక్ష్య ఛేదనలో నైట్స్‌ పూర్తిగా చేతులెత్తేసింది. డొనొవన్‌ ఫెరియెరా, జూనియర్‌ డాలా తలో 3, తబ్రేజ్‌ షంషి 2, గాలీమ్‌, ఈథన్‌ బాష్‌ తలో వికెట్‌ తీసి నైట్స్‌ ఇన్నింగ్స్‌ను కుప్పకూల్చారు (17.2 ఓవర్లలో 143 ఆలౌట్‌).ఇదీ చదవండి: విండీస్‌తో మూడో వన్డే.. భారీ రికార్డులపై కన్నేసిన గిల్‌

గౌహ‌తి వేదిక‌గా భార‌త్‌, వెస్టిండీస్ మ‌ధ్య జ‌రిగిన రెండో వ‌న్డేలో ఇరుజ‌ట్ల బ్యాట‌ర్లు రికార్డులను ఊచ‌కోత కోశారు. కేవ‌లం రికార్డుల కోస‌మే ఆడుతున్నారా అనేంత‌లా బ్యాట‌ర్లు విధ్వంసం సృష్టించారు. తొలుత భార‌త బౌల‌ర్లను విండీస్ చిత‌క్కొట్టింది. ఆకాశ‌మే హ‌ద్దుగా చెల‌రేగి ఫోర్లు, సిక్స‌ర్ల వ‌ర్షం కురిపించారు. ఈ క్ర‌మంలో ఆ జ‌ట్టు నుంచి ముగ్గురు బ్యాట‌ర్లు.. క్యాంప్‌బెల్‌, షెయ్ హోప్‌, అమీర్ జంగాలు శ‌త‌కాల‌తో చెల‌రేగారు. అస‌లే సొంత‌గ‌డ్డ‌పై ఆడుతున్న టీమిండియా.. భారీ ల‌క్ష్య ఛేద‌న క‌ళ్ల ముందు క‌నిపిస్తున్నప్ప‌టికీ, విండీస్ బౌల‌ర్ల‌ను ఊచ‌కోత కోశారు. ఈ క్ర‌మంలో ఓపెన‌ర్లు శుబ్‌మ‌న్ గిల్, రోహిత్ శ‌ర్మ‌లు విధ్వంస‌కర సెంచ‌రీల‌తో చెల‌రేగారు. అయితే గిల్ ఒక అడుగు ముందుకేసి త‌న సెంచ‌రీని కాస్త డ‌బుల్ సెంచ‌రీగా మ‌లిచాడు. ఈ నేప‌థ్యంలోనే వ‌న్డే క్రికెట్ చ‌రిత్ర‌లోనే ఒక అద్భుతం చోటుచేసుకుంది. ఒకే వ‌న్డే మ్యాచ్‌లో ఐదుగురు బ్యాట‌ర్లు సెంచ‌రీలు చేయ‌డం ఇదే తొలిసారి. టెస్టుల్లో ఇలాంటి ఫీట్లు స‌ర్వ సాధార‌ణం. అయితే అంతర్జాతీయంగా వన్డేల్లో మాత్రం ఇలా ఒకే మ్యాచ్‌లో ఐదుగురు బ్యాటర్లు సెంచరీలు చేయడం మాత్రం ఇదే తొలిసారి. ఓవరాల్‌గా లిస్ట్-ఎ క్రికెట్‌లో మాత్రం రెండోసారి. తొలిసారి 2025లో రాజ్‌కోట్ వేదికగా బరోడా, హైదరాబాద్ మధ్య జరిగిన మ్యాచ్‌లో ఐదుగురు బ్యాటర్లు శతకాలతో మెరిశారు.ఇదీ చదవండి: గిల్ డబుల్ సెంచరీ, రోహిత్ సెంచరీ.. టీమిండియా రికార్డు ఛేదన

గౌహ‌తి వేదిక‌గా టీమిండియాతో జ‌రుగుతున్న రెండో వ‌న్డేలో వెస్టిండీస్ ఓపెన‌ర్ జాన్ క్యాంప్‌బెల్ విధ్వంస‌క‌ర సెంచ‌రీతో చరిత్ర సృష్టించాడు. 65 బంతుల్లోనే శ‌త‌కం మార్క్ అందుకున్న క్యాంప్‌బెల్ విండీస్‌ తరఫున భార‌త్‌పై వ‌న్డేల్లో ఫాస్టెస్ట్ సెంచ‌రీ సాధించిన తొలి బ్యాట‌ర్‌గా నిలిచాడు. గ‌తంలో 1999లో సింగ‌పూర్ వేదిక‌గా జ‌రిగిన వ‌న్డేలో రికార్డో పావెల్ 72 బంతుల్లో శ‌త‌కం సాధించ‌గా, 2002లో విజ‌య‌వాడ వేదిక‌గా జ‌రిగిన మ్యాచ్‌లో మార్లోన్ శామ్యూల్స్ 73 బంతుల్లో, 2018లో గౌహ‌తి వేదిక‌గా షిమ్రోన్ హెట్‌మైర్ 74 బంతుల్లో సెంచ‌రీ మార్క్‌ను అందుకున్నారు. అంతేకాదు వ‌న్డే క్రికెట్‌లో వెస్టిండీస్ త‌ర‌ఫున ఫాస్టెస్ట్ సెంచ‌రీ సాధించిన బ్యాట‌ర్ల జాబితాలోనూ క్యాంప్‌బెల్ చోటు ద‌క్కించుకున్నాడు. 65 బంతుల్లో సెంచ‌రీ బాదిన క్యాంప్‌బెల్ జాబితాలో ఐదో స్థానంలో నిలిచాడు. తొలి స్థానంలో బ్రియాన్ లారా (45 బంతుల్లోనే) కొన‌సాగుతున్నాడు.వన్డేల్లో విండీస్‌ తరఫున ఫాస్టెస్ట్ సెంచరీలు (బంతుల వారీగా)45 – బ్రియాన్ లారా వ‌ర్సెస్‌ బంగ్లాదేశ్, ఢాకా, 199955 – క్రిస్ గేల్ వర్సెస్ ఇంగ్లండ్, సెయింట్ జార్జెస్, 201961 – ఎవిన్ లూయిస్ వ‌ర్సెస్‌ శ్రీలంక, క్యాండీ, 202463 – నికోలస్ పూరన్ వ‌ర్సెస్‌ నెదర్లాండ్స్, హరారే, 202365 – జాన్ క్యాంప్‌బెల్ వ‌ర్సెస్‌ భారత్, గౌహతి, 202666 – షెయ్ హోప్ వ‌ర్సెస్‌ న్యూజిలాండ్, నేపియర్, 2025అయితే సెంచ‌రీ బాదిన మ‌రుస‌టి ఓవ‌ర్లోనే బ్రార్‌ బౌలింగ్‌లో షాట్‌కు యత్నించిన క్యాంప్‌బెల్‌.. న‌మ‌న్‌ధిర్‌కు క్యాచ్‌ ఇచ్చి వెనుదిరిగాడు. తొలి వ‌న్డేలో ఓట‌మి చ‌విచూసిన వెస్టిండీస్ రెండో వ‌న్డేను దూకుడుగా ఆరంభించింది. ముఖ్యంగా క్యాంప్‌బెల్ భార‌త బౌల‌ర్లపై విరుచుకుప‌డ్డాడు. అత‌డి ధాటికి వెస్టిండీస్ 25 ఓవ‌ర్ల‌లోనే 200 ప‌రుగుల మార్క్‌ చేరువకు వచ్చింది. మ‌రో ఓపెన‌ర్ కీస్ కార్టీ 9 ప‌రుగుల‌కే వెనుదిరగ్గా, కెప్టెన్ షెయ్ హోప్ అర్థ‌సెంచ‌రీతో మెరిశాడు. ప్ర‌స్తుతం వెస్టిండీస్ 25 ఓవ‌ర్లలో రెండు వికెట్ల న‌ష్టానికి 198 ప‌రుగులు చేసింది.ఇదీ చదవండి: భార‌త స్పిన్న‌ర్ ఆరు వికెట్ల ప్ర‌ద‌ర్శ‌న‌.. ఆసీస్ 176 ఆలౌట్‌

భారత యువ క్రికెటర్‌ లక్ష్య రాజేశ్‌ రాయ్‌చందాని సరికొత్త చరిత్ర సృష్టించాడు. యూత్‌ టెస్టుల్లో ఆస్ట్రేలియాపై ఇంత వరకు ఏ బ్యాటర్‌కూ సాధ్యం కాని అత్యంత అరుదైన ఘనత సాధించాడు. మూడు అనధికారిక వన్డేలు, రెండు అనధికారిక టెస్టులు ఆడేందుకు ఆసీస్‌ అండర్‌-19 జట్టు భారత పర్యటనకు వచ్చింది. ఇందులో భాగంగా లక్ష్య కెప్టెన్సీలో వన్డే సిరీస్‌ను యువ భారత్‌ 3-0తో క్లీన్‌స్వీప్‌ చేసింది.217 పరుగులకే ఆలౌట్‌ఈ క్రమంలో ఇరుజట్ల మధ్య రాజ్‌కోట్‌ వేదికగా ఆదివారం తొలి యూత్‌ టెస్టు మొదలైంది. టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుని.. తొలి ఇన్నింగ్స్‌లో 217 పరుగులకే ఆలౌట్‌ అయింది. బ్లేక్‌ క్యాటిల్‌ సెంచరీ (102) చేయగా.. జేడ్‌ హాలిక్‌ (59) అర్ధ శతకంతో ఆకట్టుకున్నాడు. భారత బౌలర్లలో ఇషాన్‌ ఓమ్‌ ఐదు వికెట్లతో చెలరేగి ఆసీస్‌ బ్యాటింగ్‌ ఆర్డర్‌ పతనాన్ని శాసించాడు.అనంతరం తమ మొదటి ఇన్నింగ్స్‌ ఆరంభించిన భారత అండర్‌-19 జట్టు.. మంగళవారం నాటి మూడో రోజు ఆటలో భాగంగా 494 పరుగుల భారీ స్కోరు చేసి ఆలౌట్‌ అయింది. ఇందులో ఓపెనర్‌ లక్ష్య రాయ్‌చందానిదే కీలక పాత్ర.డబుల్‌ సెంచరీతో దుమ్ములేపిన లక్ష్యఆసీస్‌తో తొలి యూత్‌ టెస్టులో లక్ష్య.. ద్విశతకంతో కదంతొక్కాడు. ఈ కుడిచేతివాటం బ్యాటర్‌ మొత్తంగా 281 బంతులు ఎదుర్కొని 240 పరుగులు సాధించాడు. అతడి ఇన్నింగ్స్‌లో 24 ఫోర్లు, నాలుగు సిక్సర్లు ఉన్నాయి. ప్రపంచ రికార్డుఈ క్రమంలోనే ఆసీస్‌పై యూత్‌ టెస్టుల్లో డబుల్‌ సెంచరీ చేసిన తొలి ఆటగాడిగా లక్ష్య ప్రపంచ రికార్డు సాధించాడు. గతంలో పాకిస్తాన్‌ ఆటగాడు ఆస్ట్రేలియతో యూత్‌ టెస్టుల్లో ఓ ఇన్నింగ్స్‌లో అత్యధికంగా 175 పరుగులు చేసి.. అత్యధిక వ్యక్తిగత స్కోరు సాధించిన ఆటగాడిగా నిలిచాడు. లక్ష్య ఈ రికార్డును తాజాగా బద్దలు కొట్టాడు. కాగా ఈ మ్యాచ్‌లో లక్ష్య థియో సింగోస్‌ బౌలింగ్‌లో ఎలి బ్రేయిన్‌కు క్యాచ్‌ ఇవ్వడంతో లక్ష్య పెవిలియన్‌ చేరాల్సి వచ్చింది.మరో ఘనతఇక ఓవరాల్‌గా యూత్‌ టెస్టుల్లో అత్యధిక రెండో వ్యక్తిగత స్కోరు సాధించిన భారత ఆటగాడినూ లక్ష్య నిలిచాడు. 2018లో శ్రీలంకతో యూత్‌ టెస్టులో భారత ఆటగాడు పవన్‌ షా 282 పరుగులు చేసి ఈ జాబితాలో అగ్రస్థానంలో కొనసాగుతున్నాడు.ఇదిలా ఉంటే.. లక్ష్యతో పాటు కెప్టెన్‌ యశ్‌వర్దన్‌ చౌహాన్‌ (54), మోహిత్‌ ఉల్వా (92) రాణించారు. ఈ క్రమంలో తొలి ఇన్నింగ్స్‌లో 494 పరుగులకు ఆలౌట్‌ అయిన భారత్‌.. ఆసీస్‌ కంటే 227 పరుగుల భారీ ఆధిక్యం సంపాదించింది.చదవండి: Asian Games Cricket: మరో చిన్న జట్టుకు అన్యాయం

తిరువనంతపురం వేదిక‌గా వెస్టిండీస్‌తో జ‌రిగిన తొలి వ‌న్డే మ్యాచ్‌లో టీమిండియా ర‌న్‌మెషిన్ విరాట్ కోహ్లి మ‌రో మైలురాయిని చేరుకున్నాడు. 61 ప‌రుగుల వ్య‌క్తిగ‌త స్కోరు వ‌ద్ద కోహ్లి వ‌న్డేల్లో 15వేల ప‌రుగులు పూర్తి చేసుకున్నాడు. 15 వేల ప‌రుగులు పూర్తి చేసేందుకు కోహ్లికి 303 ఇన్నింగ్స్‌లు అవ‌స‌ర‌మ‌య్యాయి. త‌ద్వారా అంత‌ర్జాతీయ వ‌న్డేల్లో అత్యంత వేగంగా 15వేల ర‌న్స్ పూర్తి చేసిన తొలి క్రికెట‌ర్‌గా కోహ్లి నిలిచాడు. గ‌తంలో ఈ రికార్డు భారత క్రికెట్ దిగ్గజం సచిన్ టెండూల్కర్ (377 ఇన్నింగ్స్‌లు) పేరిట ఉంది. ఈ నేప‌థ్యంలో 15వేల పరుగుల మైలురాయి చేరుకునే క్రమంలో స‌చిన్ రికార్డును బ‌ద్ద‌లు కొట్టిన కోహ్లి ప్రపంచ రికార్డు సాధించాడు. అయితే వన్డే క్రికెట్‌లో అత్యధిక పరుగుల రికార్డు మాత్రం ఇప్పటికీ సచిన్ (18,426) పేరిటే ఉంది. సచిన్‌ అగ్రస్థానంలో కొనసాగుతుండ‌గా, కోహ్లి అత‌డిని అనుస‌రిస్తున్నాడు. లంక దిగ్గజ బ్యాటర్‌ కుమార సంగక్కర (14,234 పరుగులు) మూడో స్థానంలో, రికీ పాంటింగ్‌ (13,704 పరుగులు) నాలుగు, సనత్‌ జయసూర్య (13,430 పరుగులు) ఐదో స్థానంలో కొనసాగుతున్నారు.కాగా సచిన్ 34 ఏళ్ల 66 రోజుల వయసులో సచిన్ 15వేల పరుగులు పూర్తి చేస్తే, కోహ్లి 37 ఏళ్ల 326 రోజుల వయసులో 15వేల మార్క్ అందుకున్నాడు. అయితే ఇన్నింగ్సల్ పరంగా చూసుకుంటే సచిన్‌కు 377 ఇన్నింగ్స్‌లు అవసరమవ్వగా, కోహ్లి కేవలం 303 ఇన్నింగ్స్‌ల్లోనే ఈ ఫీట్ సాధించాడు. ఇక బంతుల పరంగా సచిన్ 17,528 బంతులు అవసరమవ్వగా.. కోహ్లికి 15,950 బంతులు అవసరమయ్యాయి.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026 Fastest to 1⃣5⃣0⃣0⃣0⃣ ODI runs ✅Congratulations to Virat Kohli on becoming the second player to achieve the feat after Sachin Tendulkar 👏👏Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/CMhAIOXQhR— BCCI (@BCCI) September 27, 2026ఇదీ చదవండి: ఐదు వికెట్లతో చెలరేగిన భారత బౌలర్‌.. ఆసీస్‌ 217 ఆలౌట్‌

ఉప్పు అంటే కూరలో చిటికెడు, మిరియాలు అంటే సూప్‌లో కాస్తంత! కానీ అమెరికాలోని లిండా షుల్జ్‌కు మాత్రం ఇవే ప్రపంచ రికార్డుకు కావాల్సినంత సరుకు! 67 ఏళ్ల లిండా ఉప్పు, మిరియాల ప్యాకెట్లను ఎక్కడున్నా వెతికి పట్టుకుని దాచేస్తారు. అలా దాచుకుంటూ పోయి ఏకంగా ప్రపంచ రికార్డునే తన వంటింటి షెల్ఫ్‌పైకి తెచ్చుకున్నారు!ఇప్పటివరకు 754 జంటలను పోగేశారు. దీంతో అతిపెద్ద ఉప్పు మిరియాల ప్యాకెట్ల సేకరణగా గిన్నిస్‌ రికార్డును మరోసారి సొంతం చేసుకున్నారు. అంటే మనం రెస్టరెంట్‌లో భోజనం అయిపోయాక టేబుల్‌పై మిగిలిన చిన్న ప్యాకెట్‌ను పట్టించుకోకుండా వదిలేస్తే లిండా మాత్రం వాటితోనే రికార్డు సాధించారు. ఈ రికార్డు లిండాకు కొత్తేమీ కాదు.2024లో 494 జంటలతో తొలిసారి రికార్డు సాధించిన ఆమెను, మరుసటి ఏడాది 594 జంటలతో సలాక్నిబ్‌ సోనీ మోలినా దాటేశారు. కానీ లిండా అక్కడితో ఆగలేదు. మళ్లీ ప్యాకెట్ల వేట మొదలుపెట్టి ఈసారి 754 జంటలతో రికార్డును తిరిగి పట్టేశారు! ఆమె సేకరణలో ఎన్నో రకాల డిజైన్లు, ప్రత్యేక ప్యాకెట్లు ఉన్నాయి. అయితే లిండాకు అన్నింటికంటే ఇష్టమైనవి హవాయియన్‌ ఎయిర్‌లైన్స్‌కు చెందిన హవాయియన్‌ షర్ట్‌ డిజైన్‌ నట. మొదట సరదాగా మొదలైన హాబీ... చివరికి గిన్నిస్‌ రికార్డుగా మారింది.ఇదీ చదవండి: ఆకాశం నుంచి.. వెండితెర పైకి!

ఆసియా క్రీడ‌ల్లో పాల్గొంటున్న ఒమ‌న్ క్రికెట్ జ‌ట్టు స‌రికొత్త ఫీట్‌ న‌మోదు చేసింది. ఆట ప‌రంగా పెద్దగా ఆక‌ట్టుకోలేక‌పోయిన‌ప్ప‌టికీ, జ‌ట్టు కూర్పు ప‌రంగా మాత్రం ఒక గ‌మ్మ‌త్తైన విష‌యం బ‌య‌టికి వ‌చ్చింది. ఒమ‌న్ జట్టులో తొమ్మిది మంది ఆట‌గాళ్ల‌కు ఒకే ఇంటిపేరు ఉండ‌డం ఇక్క‌డ చెప్పుకోద‌గ్గ విష‌యం. ఒమ‌న్ తుది జ‌ట్టులోని ప‌ద‌కొండు మందిలో ఒకే ఇంటిపేరున్న‌ ఏడుగురు ఆట‌గాళ్లు మ్యాచ్‌లో ఆడడం మ‌రో విశేషం.శుక్ర‌వారం హాంకాంగ్‌తో జ‌రిగిన మ్యాచ్ కోసం.. సుఫ్యాన్ మ‌హ‌మూద్ కెప్టెన్‌గా వ్య‌వ‌హ‌రించిన జ‌ట్టులో మ‌హ‌మ్మ‌ద్ అల్ బ‌లూషి, షుఐబ్ అల్ బ‌లూషి, జుబైర్ అల్ బ‌లూషి, వ‌హీద్ అల్ బ‌లూషి, ఈసా అల్ బ‌లూషి, న‌వీద్ అల్ బ‌లూషి, ఫారిస్ అల్ బ‌లూషి మ్యాచ్ ఆడారు. వీరితో పాటు బెంచ్‌పై ఉన్న వ‌సీం, ఖైస్‌ల ఇంటిపేరు కూడా అల్ బ‌లూషినే కావ‌డం గ‌మ‌నార్హం.ఒమ‌న్ జ‌ట్టు త‌ర‌ఫున అల్ బ‌లూషి పేరున్న‌ న‌లుగురు ఓపెనింగ్ నుంచి నాలుగో స్థానం వ‌ర‌కు బ్యాటింగ్‌కు రావ‌డం విశేషం. మ‌హ‌మ్మ‌ద్ అల్ బ‌లూషి, ఐబ్ అల్ బ‌లూషి ఓపెన‌ర్లుగా రాగా.. జుబైద్ అల్ బ‌లూషి, వ‌హీద్ అల్ బ‌లూషి మూడు, నాలుగు స్థానాల్లో వ‌చ్చారు. క్రికెట్ చ‌రిత్ర‌లో ఇలా ఒకే ఇంటిపేరున్న న‌లుగురు ఆట‌గాళ్లు వ‌రుస‌గా తొలి నాలుగు స్థానాల్లో బ్యాటింగ్‌కు రావ‌డం ఇదే మొద‌టిసారి.మ్యాచ్ విష‌యానికొస్తే తొలుత బ్యాటింగ్ చేసిన హాంకాంగ్ నిర్ణీత 20 ఓవ‌ర్ల‌లో 8 వికెట్ల న‌ష్టానికి 121 ప‌రుగులు చేసింది. ముహ‌మ్మ‌ద్ హ‌ఫీజ్ (33), బాబ‌ర్ హ‌య‌త్ (23) రాణించారు. ఒమ‌న్ బౌల‌ర్ల‌లో మొహ‌మ్మ‌ద్ అల్ బ‌లూషి 3 వికెట్లు తీశాడు. అనంత‌రం ఒమ‌న్ జ‌ట్టు 20 ఓవ‌ర్ల‌లో 6 వికెట్ల న‌ష్టానికి 80 ప‌రుగుల‌కే ప‌రిమిత‌మైంది. సుఫ్యాన్ మెహ్మూద్ (26) టాప్ స్కోర‌ర్‌. ఆయుశ్ శుక్లా మూడు వికెట్ల‌తో రాణించాడు.ఇదీ చదవండి: క‌లిసొచ్చిన శ‌నివారం.. 30 పతకాల మార్క్ దాటిన భారత్‌

వెస్టిండీస్‌తో తొలి వ‌న్డే సంద‌ర్భంగా టీమిండియా సీనియ‌ర్ బ్యాట‌ర్ రోహిత్ శ‌ర్మను ప్ర‌పంచ రికార్డు ఊరిస్తోంది. రేపు తిరువ‌నం త‌పురంలోని గ్రీన్‌ఫీల్డ్ స్టేడియం వేదిక‌గా ఇరుజ‌ట్ల మ‌ధ్య తొలి వ‌న్డే మ్యాచ్‌ జ‌ర‌గ‌నుంది. శుక్ర‌వారం జ‌రిగిన టీమిండియా ఇంట్రాస్వ్కాడ్ మ్యాచ్‌లో సూప‌ర్ ఫామ్ క‌న‌బ‌రిచిన రోహిత్ అదే ఆట‌ను విండీస్‌తో తొలి వ‌న్డేలోనూ ప్ర‌ద‌ర్శించాల‌ని ప‌ట్టుద‌ల‌తో ఉన్నాడు. రోహిత్ శ‌ర్మ ప్ర‌స్తుతం వ‌న్డే క్రికెట్‌లో భారత్‌ తరఫున అత్య‌ధిక ప‌రుగులు చేసిన జాబితాలో మూడో స్థానంలో కొన‌సాగుతున్నాడు. ఇప్ప‌టివ‌ర‌కు రోహిత్ 288 వ‌న్డే మ్యాచ్‌లాడి 11,895 ప‌రుగులు సాధించాడు. ఇందులో 34 సెంచ‌రీలు, 62 హాఫ్ సెంచ‌రీలున్నాయి. వ‌న్డేల్లో 12వేల ప‌రుగుల మైలురాయిని అందుకునేందుకు రోహిత్‌కు మ‌రో 105 ప‌రుగులు అవ‌స‌రం. ఇంగ్లండ్‌తో వ‌న్డే సిరీస్ సంద‌ర్భంగా ఆఖ‌రి వ‌న్డేలో సూప‌ర్‌సెంచ‌రీతో మెరిసిన హిట్‌మ్యాన్‌.. బ్యాటింగ్‌కు అనుకూలంగా ఉండే తిరువ‌నంత‌పురంలోనూ శ‌త‌కం సాధించాల‌ని భావిస్తున్నాడు. రోహిత్ ఫామ్‌లో ఉంటే ఇదేమీ పెద్ద విష‌యం కాదు. తొలి వ‌న్డేలో ఈ మైలురాయిని అందుకోలేన‌ప్ప‌టికీ, వ‌న్డే సిరీస్ ముగిసేలోపే 12వేల మార్కును చేరుకోవ‌డం ఖాయం.దీంతో పాటు రోహిత్ శ‌ర్మ‌ను మ‌రో రికార్డు కూడా ఊరిస్తోంది. అదేంటంటే, మ‌రో 135 ప‌రుగులు చేస్తే వ‌న్డేల్లో ఓపెన‌ర్‌గా 10వేల ప‌రుగుల మార్క్‌ను అందుకుంటాడు. త‌ద్వారా వన్డేల్లో ఓపెన‌ర్‌గా ప‌దివేల ప‌రుగుల మార్క్ అందుకున్న నాలుగో బ్యాట‌ర్‌గా, భార‌త్ త‌ర‌ఫున రెండో బ్యాట‌ర్‌గా నిల‌వ‌నున్నాడు. స‌చిన్ టెండూల్క‌ర్ ఈ ఫీట్ సాధించిన తొలి భార‌త ప్లేయ‌ర్‌గా కొన‌సాగుతున్నాడు.ఇక వెస్టిండీస్‌పై కూడా వ‌న్డేల్లో రోహిత్ శ‌ర్మ‌కు మంచి రికార్డే ఉంది. ఇప్ప‌టివ‌ర‌కు విండీస్‌తో 37 వ‌న్డేలు ఆడిన రోహిత్ 1,613 ప‌రుగులు చేశాడు. ఇందులో మూడు సెంచ‌రీలు, 12 హాఫ్ సెంచ‌రీలున్నాయి.ఇదీ చదవండి: ఓట‌మి బాధ‌లో ఉన్న ఆసీస్‌కు షాక్‌.. స్వ‌దేశానికి స్టార్ ఆట‌గాడు!

బీజింగ్‌: నాలుగంటే నాలుగే సెకన్లు... ఇంత తక్కువ సయయంలో రూబిక్‌ క్యూబ్‌పైని రంగులు సరి చేసి ఆరేళ్ల చైనా బాలిక లియాన్‌ యూంగ్జీ సరికొత్త రికార్డు సృష్టించింది. ఈ క్రమంలోనే ఈ అమ్మాయి ఈ నెల మొదట్లో నెలకొల్పిన రికార్డును బద్దలు కొట్టడం విశేషం. చైనాలోని వూహాన్‌ నగరంలో వరల్డ్‌ క్యూబ్‌ అసోసియేషన్‌ సర్టిఫై చేసిన పోటీల్లో లియాన్‌ ముందు 4.52 సెకన్లతో రూబిక్‌ క్యూబ్‌ను పరిష్కరించింది. ఆ తరువాత గాంగ్‌జౌలో జరిగిన ఇంకో పోటీలో మరింత తక్కువ సమయం అంటే 4.27 సెకన్లలోనే పూర్తి చేసిందని చైనా అధికారిక ప్రసార సంస్థ సీసీటీవీ తెలిపింది. A six-year-old Chinese girl has set a new women's world record by solving Rubik’s cubes at an average pace of just over four seconds per cube.It was the second time in three days Lian Yunzhi set a new record, having first done with an average time of 4.52 seconds. pic.twitter.com/8q0sdaCm29— ABC News (@ABC) September 23, 2026 రూబిక్‌ క్యూబ్‌ను పరిష్కరించడంలో సగటున 4.5 సెకన్ల కంటే తక్కువ సమయం మాత్రమే తీసుకున్న మొదటి స్పీడ్‌ క్యూబర్‌ లియాన్‌ అని తెలిపింది. వూహాన్‌ పోటీల్లో తలకు ఎర్రటి పట్టీ కట్టుకుని చిట్టి చేతులతో రూబిక్‌ క్యూబ్‌ను పట్టుకున్న లియాన్‌ను చూస్తే చాలా సీరియస్‌గా కనిపించింది కానీ.. ఒకానొక ప్రయత్నంలో 3.54 సెకన్లలోనే క్యూబ్‌ను పరిష్కరించడంతో ఆ బాలిక పెదవులపై చిరునవ్వు తొణికిస లాడింది. నాలుగేళ్ల వయసుండగానే లియాన్‌ రూబిక్‌ క్యూబ్‌ను పరిష్కరించడం మొదలుపెట్టిందని, తొలినాళ్లలో ఇందుకు 90 సెకన్ల సమయం పట్టేదని సీసీటీవీ తెలిపింది. రోజూ రెండు మూడు గంటలపాటు ప్రాక్టీస్‌ చేస్తూ, సుమారు 1300 ఫార్ములాలపై లియాన్‌ పట్టు సాధించినట్లు సీసీటీవీ తెలిపింది. గతంలో పోటీల్లో పాల్గొనేందుకు సంశయించిన లియాన్‌ ఇప్పుడు చాలా ధీమాగా కనిపిస్తోందని తల్లి లిన్‌ యాంగ్జీ తెలిపారు. లియాన్‌కు మంచి శిక్షణ ఇప్పించేందుకు తల్లిదండ్రులు ఆమెను షాంఘైకి కూడా తీసుకెళ్లారట. ఇదీ చదవండి: సీఈసీ జ్ఞానేష్‌ కుమార్‌ జైలుకెళ్లాల్సిందే : సంజయ్ రౌత్ ఆగ్రహం

చెస్టర్‌-లీ-స్ట్రీట్ వేదికగా శ్రీలంకతో జరుగుతున్న తొలి వన్డే మ్యాచ్‌లో ఇంగ్లండ్ సీనియర్ బ్యాటర్ జో రూట్ మరో రికార్డు సాధించాడు. మ్యాచ్‌లో 52 బంతుల్లో 44 పరుగులు సాధించిన రూట్ అంతర్జాతీయ క్రికెట్‌లో అన్ని ఫార్మాట్లు కలిపి 23 వేల పరుగుల మార్క్ అందుకున్న ఎనిమిదో బ్యాటర్‌గా నిలిచాడు.అయితే తక్కువ ఇన్నింగ్స్‌ల్లో ఈ ఘనత సాధించిన రెండో బ్యాటర్‌గా రూట్ రికార్డులకెక్కాడు. 521 ఇన్నింగ్స్‌ల్లో రూట్ 23వేల పరుగుల మార్క్‌ను అందుకోగా, కోహ్లి 490 ఇన్నింగ్స్‌ల్లో ఈ ఫీట్ సాధించి తొలి స్థానంలో ఉన్నాడు. ఇక సచిన్ టెండూల్కర్ (522 ఇన్నింగ్స్‌లు), మూడో స్థానంలో కొనసాగుతున్నాడు. ఆ తర్వాత రికీ పాంటింగ్ (544 ఇన్నింగ్స్‌లు), జాక్ కలిస్ (551 ఇన్నింగ్స్‌లు), కుమార సంగక్కర (568 ఇన్నింగ్స్‌లు) వరుసగా నాలుగు, ఐదు, ఆరు స్థానాల్లో కొనసాగుతున్నారు. రాహుల్ ద్రవిడ్ (576 ఇన్నింగ్స్‌లు), జయవర్దనే (645 ఇన్నింగ్స్‌లు) ఏడు, ఎనిమిది స్థానాల్లో ఉన్నారు. రూట్ 20 పరుగుల వ్యక్తిగత స్కోరు వద్ద ఈ మైలురాయిని చేరుకున్నాడు.ఇక ఓవరాల్‌గా రూట్ ఇప్పటివరకు 169 టెస్టుల్లో 14, 278 పరుగులు (41 సెంచరీలు), 193 వన్డేల్లో 7,849 పరుగులు (20 సెంచరీలు), 32 టీ20ల్లో 893 పరుగులు సాధించాడు. టెస్టు క్రికెట్‌లో ఇంగ్లండ్ త‌ర‌ఫున ఆల్‌టైమ్ స్కోర‌ర్‌గా కొన‌సాగుతున్నాడు. ఇక ఓవ‌రాల్ జాబితాలో అత్య‌ధిక ప‌రుగులు చేసిన బ్యాట‌ర్ల జాబితాలోనూ రూట్ రెండో స్థానంలో కొనసాగుతున్నాడు. ఈ మ‌ధ్య కాలంలో రూట్ సూప‌ర్ ఫామ్ క‌న‌బ‌రుస్తున్నాడు. 2026లో 20 ఇన్నింగ్స్‌ల్లో 1020 ప‌రుగులు సాధించిన రూట్ ఖాతాలో రెండు సెంచ‌రీలు, ఎనిమిది హాప్ సెంచ‌రీలున్నాయి. ఇక మ్యాచ్ విష‌యానికొస్తే టాస్ గెలిచి బ్యాటింగ్ ఎంచుకున్న ఇంగ్లండ్ 30 ఓవ‌ర్లు ముగిసేస‌రికి 3 వికెట్ల న‌ష్టానికి 172 ప‌రుగులు చేసింది. కెప్టెన్ బ్రూక్ (58), జోస్ బ‌ట్ల‌ర్ (22) క్రీజులో ఉన్నారు.ఇదీ చదవండి: ‘శ్రీ చరణి ఒక అద్భుతం.. భారత జట్టుకు అభినందనలు’

సానో అంత‌ర్జాతీయ క్రికెట్ మైదానం వేదిక‌గా జ‌పాన్‌తో జ‌రిగిన చారిత్రతక మ్యాచ్‌లో టీమిండియా కెప్టెన్ శ్రేయ‌స్ అయ్య‌ర్ ఓ అరుదైన ఘ‌న‌త సాధించాడు. వర్షం ఆటంకం కలిగించడంతో అంపైర్లు ఈ మ్యాచ్‌ను ఇరు జట్లకు 5 ఓవర్ల చొప్పున కుదించారు. ఈ క్రమంలో టాస్ గెలిచిన అయ్యర్ ఎలాంటి సంకోచం లేకుండా బ్యాటింగ్ ఎంచుకున్నాడు.తద్వారా 5 ఓవర్ల టీ20 మ్యాచ్‌లో టాస్ గెలిచి తొలి బ్యాటింగ్ ఎంచుకున్న మొదటి ఐసీసీ ఫుల్ టైమ్ జ‌ట్టు కెప్టెన్‌గా అయ్యర్ నిలిచాడు. ఇక మ్యాచ్ విష‌యానికి వ‌స్తే.. చివ‌రి ఉత్కంఠ భ‌రితంగా సాగిన ఈ పోరులో 2 ప‌రుగుల తేడాతో టీమిండియా విజ‌యం సాధించింది. ఈ గెలుపుతో భార‌త్‌ అంతర్జాతీయ టీ20ల్లో 200వ విజయాన్ని నమోదు చేసుకుంది. తొలుత బ్యాటింగ్ చేసిన భారత్ నిర్ణీత 5 ఓవర్లలో 4 వికెట్ల నష్టానికి 32 పరుగులు మాత్రమే చేయగలిగింది. అభిషేక్ శర్మ (0) గోల్డెన్ డ‌కౌట్‌గా కాగా.. ఇషాన్ కిషన్ (3), సంజూ శాంసన్ (9)లు దారుణంగా విఫలమయ్యారు. కెప్టెన్ అయ్యర్ (16) కాస్త ఫర్వాలేదనిపించడంతో ఆ మాత్రం స్కోరైనా మెన్ ఇన్ బ్లూ సాధించ‌గ‌ల్గింది. అనంత‌రం 33 పరుగుల స్వల్ప లక్ష్యంతో బరిలోకి దిగిన జపాన్ చివ‌రి వ‌ర‌కు పోరాడి ఓట‌మి పాలైంది. నిర్ణీత ఓవ‌ర్ల‌లో 3 వికెట్ల నష్టానికి 30 ర‌న్స్ చేసి విజ‌యానికి రెండు ప‌రుగుల దూరంలో నిలిచిపోయింది. వాషింగ్టన్ సుందర్ రెండు వికెట్లు తీయ‌గా.. అక్ష‌ర్ ప‌టేల్ క‌ట్టుదిట్టంగా బౌలింగ్ చేశాడు.చదవండి: IND vs JPN: చుక్కలు చూపించిన జపాన్‌ బౌలర్లు.. టీమిండియా అత్యంత చెత్త రికార్డు

హరారే స్పోర్ట్స్ క్లబ్ వేదికగా ఆస్ట్రేలియాతో జరిగిన మూడో వన్డేలో జింబాబ్వే వెటరన్ బ్యాటర్, మాజీ కెప్టెన్ క్రెయిగ్ ఎర్విన్ అద్భుత హాఫ్ సెంచరీతో రాణించాడు. ఐదో స్థానంలో మైదానంలోకి దిగిన ఎర్విన్ వేగంగా ఆడుతూ స్కోరు బోర్డును పరిగెత్తించాడు. మొత్తంగా 79 బంతుల్లో 59 పరుగులు చేసి ఔటయ్యాడు.ఈ అద్భుత ఇన్నింగ్స్‌తో ఎర్విన్ వన్డే క్రికెట్‌లో ఒక ప్రపంచ రికార్డును తన పేరిట లిఖించుకున్నాడు. ఐసీసీ పూర్తి స్థాయి సభ్యత్వం ఉన్న జట్ల తరఫున వన్డేల్లో హాఫ్ సెంచరీ సాధించిన అత్యంత పెద్ద వయస్కుడిగా ఎర్విన్ చరిత్ర సృష్టించాడు. 41 సంవత్సరాల 32 రోజుల వయస్సులో ఎర్విన్ ఈ ఫీట్ సాధించాడు. ఇంతకుముందు ఈ రికార్డు అఫ్గానిస్తాన్ సీనియర్ ఆల్ రౌండర్ మహమ్మద్ నబీ పేరిట ఉండేది. నబీ 40 ఏళ్ల 286 రోజుల వయసులో ఈ ఘనత సాధించగా, తాజాగా ఎర్విన్ దానిని అధిగమించాడు.వన్డేల్లో హాఫ్ సెంచరీ చేసిన అత్యంత పెద్ద వయస్కులు వీరేక్రెగ్ ఎర్విన్ (జింబాబ్వే): 41 ఏళ్ల 32 రోజులు (వర్సెస్ ఆస్ట్రేలియా, 2026)మహ్మద్ నబీ (అఫ్గానిస్థాన్): 40 ఏళ్ల 286 రోజులు (వర్సెస్ బంగ్లాదేశ్, 2025)మిస్బా ఉల్ హక్ (పాకిస్థాన్): 40 ఏళ్ల 283 రోజులు (వర్సెస్ దక్షిణాఫ్రికా, 2015)జియోఫ్రీ బాయ్‌కాట్ (ఇంగ్లండ్): 40 ఏళ్ల 226 రోజులు (వర్సెస్ ఆస్ట్రేలియా, 1981)క్లైవ్ లాయిడ్ (వెస్టిండీస్): 40 ఏళ్ల 155 రోజులు (వర్సెస్ శ్రీలంక, 1985)చరిత్రలో తొలిసారి!ఈ మ్యాచ్‌లో ఎర్విన్ రికార్డుతో పాటు మరొక అరుదైన రికార్డు నమోదైంది. జింబాబ్వే తుది జట్టులో క్రెగ్ ఎర్విన్, సికందర్ రజా, బ్రెండన్ టేలర్, గ్రేమ్ క్రీమర్ రూపంలో ఏకంగా నలుగురు 40 ఏళ్లు పైబడిన ఆటగాళ్లు బరిలోకి దిగారు. వన్డే క్రికెట్ చరిత్రలోనే ఒక జట్టు తరఫున ఒకే మ్యాచ్‌లో నలుగురు 40 ప్లస్‌ ఏళ్ల ప్లేయర్లు ఆడటం ఇదే తొలిసారి. కాగా ఈ మ్యాచ్‌లో తొలుత బ్యాటింగ్ చేసిన జింబాబ్వే 50 ఓవర్లలో 8 వికెట్ల నష్టానికి 271 పరుగులు చేసింది.చదవండి: IND vs WI: విండీస్ టీమ్‌లో మరో పూరన్.. ఈ కొత్త 'పూరన్' మామూలోడు కాదు!

శ్రీలంకను క్లీన్‌స్వీప్ చేసిన ఇంగ్లండ్ తాజాగా ఐసీసీ టీ20 ర్యాంకింగ్స్‌లో నంబ‌ర్‌వ‌న్ స్థానాన్ని అధిరోహించింది. ఈ నేప‌థ్యంలో ఇప్ప‌టిదాకా నంబ‌ర్‌వ‌న్ ర్యాంకులో ఉన్న టీమిండియా రెండో స్థానానికి ప‌డిపోయింది. ఇరుజ‌ట్ల మ‌ధ్య పాయింట్ల రేటింగ్ మ‌ధ్య వ్య‌త్యాసం లేక‌పోయిన‌ప్ప‌టికీ, మ్యాచ్ ప‌రంగా టీమిండియా (61)తో పోలిస్తే ఇంగ్లండ్ 41 మ్యాచ్‌లు ఆడింది. ఆస్ట్రేలియా, న్యూజీలాండ్‌, సౌతాఫ్రికాలు వ‌రుస‌గా మూడు, నాలుగు, స్థానాల్లో కొన‌సాగుతున్నాయి.👉ఇక మ్యాచ్‌లో అజేయ అర్థ‌సెంచ‌రీతో జ‌ట్టును గెలిపించిన జోస్ బ‌ట్ల‌ర్ అరుదైన ఫీట్ సాధించాడు. టీ20ల్లో అత్య‌ధిక అర్థ‌సెంచ‌రీలు సాధించిన బ్యాట‌ర్ల జాబితాలో బ‌ట్ల‌ర్ నాలుగో స్థానానికి చేరుకున్నాడు. తాజా అర్థ‌సెంచ‌రీతో బ‌ట్ల‌ర్ ఖాతాలో 32 హాఫ్ సెంచ‌రీలున్నాయి. బ‌ట్ల‌ర్ కంటే ముందు బాబ‌ర్ ఆజం (42 అర్థ‌సెంచ‌రీలు), విరాట్ కోహ్లి (39 అర్థ‌సెంచ‌రీలు), రోహిత్ శ‌ర్మ (37 అర్థ‌సెంచ‌రీలు) తొలి మూడు స్థానాల్లో ఉన్నారు.👉ఇక మూడు మ్యాచ్‌ల టీ20 సిరీస్‌లో అత్య‌ధిక ప‌రుగులు చేసిన రెండో బ్యాట‌ర్‌గా బ‌ట్ల‌ర్ నిలిచాడు. లంక‌తో టీ20 సిరీస్‌లో బ‌ట్ల‌ర్ 171 ప‌రుగులు సాధించాడు. సౌతాఫ్రికాపై 173 ప‌రుగులతో డేవిడ్ మ‌ల‌న్‌.. బ‌ట్ల‌ర్ కంటే ముందున్నాడు. ఇక కెప్టెన్ హ్యారీ బ్రూక్ (170 ప‌రుగులు) మూడో స్థానంలో కొన‌సాగుతున్నాడు.👉ఇక మ్యాచ్ విష‌యానికొస్తే శ‌నివారం జ‌రిగిన చివ‌రి టీ20లో ఇంగ్లండ్ 8 వికెట్ల తేడాతో లంక‌పై విజ‌యం సాధించింది. ఫ‌లితంగా ఇంగ్లండ్ 3-0తో సిరీస్‌ను క్లీన్‌స్వీప్ చేసింది. తొలుత బ్యాటింగ్ చేసిన శ్రీలంక 18.5 ఓవ‌ర్ల‌లో 124 ప‌రుగుల‌కు ఆలౌటైంది. పాతుమ్ నిస్సాంక (36), క‌మిందు మెండిస్ (35) ప‌ర్వాలేద‌నిపించారు. ఇంగ్లండ్ బౌల‌ర్ల‌లో సొన్ని బేక‌ర్, జోఫ్రా ఆర్చ‌ర్, విల్ జాక్స్ త‌లా రెండు వికెట్లు ప‌డ‌గొట్టారు. అనంత‌రం ఇంగ్లండ్ 9.4 ఓవ‌ర్ల‌లో రెండు వికెట్లు కోల్పోయి ల‌క్ష్యాన్ని అందుకుంది. ఓపెన‌ర్ జాస్ బ‌ట్ల‌ర్ (32 బంతుల్లో 62 నాటౌట్‌) అజేయ అర్థ‌సెంచ‌రీతో విధ్వంసం సృష్టించగా, కెప్టెన్ హ్యారీ బ్రూక్ (33) రాణించాడు. లంక బౌల‌ర్ల‌లో త‌రిందు ర‌త్నాయ‌కే ఒక వికెట్ తీశాడు. ఇరుజ‌ట్ల మ‌ధ్య తొలి వ‌న్డే మ్యాచ్ మంగ‌ళ‌వారం జ‌ర‌గ‌నుంది.ఇదీ చదవండి: బ‌ట్ల‌ర్ విధ్వంసం.. ఇంగ్లండ్ చేతిలో శ్రీలంక వైట్‌వాష్‌

కార్డిఫ్ వేదికగా శ్రీలంకతో జరిగిన రెండో టీ20 మ్యాచ్‌లో ఇంగ్లండ్‌ బ్యాటర్‌ జోస్ బట్లర్ ప్రపంచ రికార్డు సాధించాడు. టీ20 క్రికెట్‌లో 15వేల పరుగులు చేసిన తొలి ప్లేయర్‌గా బట్లర్ నిలిచాడు. కీర‌న్ పొలార్డ్ (14,999 ర‌న్స్‌) రెండో స్థానంలో, అలెక్స్ హేల్స్ (14, 581 ప‌రుగులు) మూడో స్థానంలో ఉన్నాడు. దీంతో పాటు బ‌ట్ల‌ర్ మ‌రో రికార్డును కూడా త‌న పేరిట లిఖించుకున్నాడు. అంత‌ర్జాతీయ టీ20ల్లో అత్య‌ధిక ప‌రుగులు చేసిన బ్యాట‌ర్ల జాబితాలో బ‌ట్ల‌ర్ రెండో స్థానానికి చేరుకున్నాడు. మ్యాచ్‌లో 30 ప‌రుగులు సాధించిన బ‌ట్ల‌ర్ 162 ఇన్నింగ్స్‌ల్లో 4,322 ప‌రుగులు చేశాడు.మ్యాచ్ విష‌యానికొస్తే ఇంగ్లండ్ 6 వికెట్ల తేడాతో శ్రీలంక‌పై విజయం సాధించింది. తొలుత బ్యాటింగ్ చేసిన శ్రీలంక ఇంగ్లండ్ బౌలర్ల ధాటికి 20 ఓవర్లలో 9 వికెట్ల నష్టానికి 145 పరుగులకు పరిమితమైంది. ఓపెనర్ పాతుమ్ నిస్సాంక (37) టాప్ స్కోరర్‌గా నిలవగా, చరిత్ అసలంక (31) పర్వాలేదనిపించాడు. ఇంగ్లండ్ బౌలర్లలో లియామ్ డాసన్ 3 వికెట్లు తీయగా, జేమీ ఓవర్టన్‌, జోఫ్రా ఆర్చర్ చెరో 2 వికెట్లు పడగొట్టారు. PC: ECB Twitterఅనంతరం బ్యాటింగ్ చేసిన ఇంగ్లండ్ 12.1 ఓవర్లలోనే 4 వికెట్లు కోల్పోయి 146 పరుగులు చేసి గెలుపొందింది. టామ్ బాంటన్ (24 బంతుల్లో 52 నాటౌట్‌) అజేయ అర్థసెంచరీతో జట్టు విజయంలో కీలకపాత్ర పోషించగా, జోస్ బట్లర్ (30), కెప్టెన్ హ్యారీ బ్రూక్ (23) రాణించారు. లంక బౌలర్లలో చమీర, హసరంగ, మలింగ, రత్నాయకే తలా ఒక వికెట్ తీశారు. ఫలితంగా మరో మ్యాచ్ మిగిలి ఉండగానే 2-0తో సిరీస్ కైవసం చేసుకున్న ఇంగ్లండ్ క్లీన్‌స్వీప్‌పై దృష్టి సారించగా, లంక మాత్రం చివరి మ్యాచ్‌లోనైనా గెలిచి పరువు కాపాడుకోవాలని చూస్తోంది. ఇరుజట్ల మధ్య మూడో​ టీ20 రేపు మాంచెస్టర్ వేదికగా జరగనుంది. టీ20ల్లో శ్రీలంకపై ఇంగ్లండ్‌కు ఇది వరుసగా 14వ విజయం కాగా, కెప్టెన్‌గా బ్రూక్‌కు 25 మ్యాచ్‌ల్లో 22వ విజయం కావడం విశేషం.ఇదీ చదవండి: విదేశీ విద్యార్థులకు షాకిచ్చిన ఆస్ట్రేలియా ప్రభుత్వం!

టీమిండియా వికెట్ కీప‌ర్ ఇషాన్ కిష‌న్ అఫ్గానిస్తాన్‌తో జ‌రిగిన రెండో టీ20 మ్యాచ్‌లో ప్ర‌పంచ రికార్డు సాధించాడు. ఒక క్యాలెండ‌ర్ ఇయర్‌లో భార‌త్ త‌ర‌ఫున టీ20ల్లో అత్య‌ధిక ప‌రుగులు చేసిన జాబితాలో ఇషాన్ కిష‌న్ రెండో స్థానంలో నిలిచాడు. 2026 ఏడాదిలో ఇషాన్ కిష‌న్ 173.2 స్ట్రైక్‌రేట్‌తో 892 ప‌రుగులు సాధించాడు. తొలి స్థానంలో సూర్య‌కుమార్ యాద‌వ్ (2022లో 187.43 స్ట్రైక్‌రేట్‌తో 1164 ప‌రుగులు) కొన‌సాగుతున్నాడు. ఇక 2025లో అభిషేక్ శ‌ర్మ 193.46 స్ట్రైక్‌రేట్‌తో 859 ప‌రుగులు సాధించి మూడో స్థానంలో ఉన్నాడు. ఈ ముగ్గురి త‌ర్వాత విరాట్ కోహ్లి (2022లో 781 ప‌రుగులు), సూర్య‌కుమార్ యాద‌వ్ (2023లో 733 ప‌రుగులు) నాలుగు, ఐదు స్థానాల్లో ఉన్నారు.ఇక మ్యాచ్ విష‌యానికొస్తే.. రెండో టీ20లో టీమిండియా 7 వికెట్ల తేడాతో ఘ‌న విజ‌యాన్ని అందుకుంది. అఫ్గానిస్తాన్ విధించిన 160 ప‌రుగుల ల‌క్ష్యాన్ని టీమిండియా 14.4 ఓవ‌ర్ల‌లో 3 వికెట్లు కోల్పోయి అందుకుంది. సంజూ శాంస‌న్ (57) అర్థ‌సెంచ‌రీతో రాణించ‌గా, అభిషేక్ శ‌ర్మ (39), ఇషాన్ కిష‌న్ (34 నాటౌట్‌) రాణించారు. చివ‌ర్లో తిల‌క్ వ‌ర్మ (15 నాటౌట్‌) జ‌ట్టును గెలిపించాడు. ర‌షీద్ ఖాన్ 3 వికెట్లు తీశాడు. అంతకముందు తొలుత బ్యాటింగ్ చేసిన అఫ్గానిస్తాన్ 20 ఓవర్లలో 8 వికెట్ల నష్టానికి 159 పరుగులు చేసింది. కెప్టెన్ ఇబ్రహీం జద్రన్ (37) టాప్ స్కోరర్‌గా నిలిచాడు. భారత బౌలర్లలో నితీశ్‌కుమార్ రెడ్డి మూడు వికెట్లు తీయగా, అర్ష్‌దీప్ సింగ్ 2 వికెట్లు, బుమ్రా, అక్షర్ పటేల్‌, బిష్ణోయిలు తలా ఒక వికెట్ పడగొట్టారు. ఇరుజట్ల మధ్య చివరి టీ20 గురువారం ఇదే స్టేడియం వేదికగా జరగనుంది.Most runs for India in a calendar year in T20Is :1164 - Suryakumar Yadav in 2022 (SR: 187.43)892 - Ishan Kishan in 2026 (SR: 173.2)*WHAT A COMEBACK FOR ISHAN KISHAN 🔥 pic.twitter.com/8Cds0c4w5a— Vipin Tiwari (@Vipintiwari952) September 15, 2026ఇదీ చ‌ద‌వండి: యూపీఐ చార్జీలు.. ఏటా 84 వేల కోట్ల ఆదాయం!శాంసన్‌ మెరుపులు.. రెండో టీ20లో టీమిండియా ఘన విజయం

భారత టీ20 జట్టు కెప్టెన్‌ శ్రేయస్‌ అయ్యర్‌ వరల్డ్‌ రికార్డు నెలకొల్పాడు. అంతర్జాతీయ టీ20 కెప్టెన్‌గా మొదటి 12 మ్యాచ్‌ల్లో అత్యధిక సార్లు (11) టాస్‌ గెలిచిన కెప్టెన్‌గా చరిత్ర సృష్టించాడు. ఆఫ్ఘనిస్తాన్‌తో రెండో టీ20లో టాస్‌ గెలవడంతో ఈ ఘనత సాధించాడు. ఖతార్ కెప్టెన్ మిర్జా బేగ్ (10), ఫిలిప్పీన్స్ కెప్టెన్ హెన్రీ టైలర్‌ (10)ను అధిగమించి సోలోగా ఈ రికార్డును సొంతం చేసుకున్నాడు.ఐసీసీ పూర్తి సభ్య దేశాల కెప్టెన్లను పరిశీలిస్తే.. ఇంగ్లండ్ మాజీ కెప్టెన్ ఇయాన్ మోర్గాన్, బంగ్లాదేశ్ మాజీ కెప్టెన్ మహ్మదుల్లా తమ తొలి 12 టీ20ల్లో తొమ్మిది సార్లు టాస్ గెలిచారు. శ్రేయస్‌ వీరికి అందనంత ఎత్తులో ఉన్నాడు. విరాట్ కోహ్లీ, లిటన్ దాస్, షై హోప్ వంటి ప్రముఖ కెప్టెన్లు తమ తొలి 12 టీ20ల్లో కేవలం రెండేసి టాస్ విజయాలు మాత్రమే సాధించి ఈ జాబితాలో అట్టడుగు స్థానాల్లో ఉన్నారు.మ్యాచ్‌ విషయానికొస్తే.. శ్రేయస్‌ టాస్‌ గెలిచి తొలుత బౌలింగ్‌ ఎంచుకున్నాడు. ఈ మ్యాచ్‌ కోసం భారత్‌ ఓ మార్పు చేయగా.. ఆఫ్ఘనిస్తాన్‌ తొలి మ్యాచ్‌లో ఆడిన జట్టుతోనే బరిలోకి దిగింది. వరుణ్‌ చక్రవర్తి గాయపడటంతో అతడి స్థానంలో రవి బిష్ణోయ్‌ జట్టులోకి వచ్చాడు. మూడు మ్యాచ్‌ల ఈ సిరీస్‌లో తొలి మ్యాచ్‌ గెలిచిన భారత్‌ 1-0 ఆధిక్యంలో కొనసాగుతుంది.3 వికెట్లు కోల్పోయిన ఆఫ్ఘనిస్తాన్‌ శ్రేయస్‌ అయ్యర్‌ ఆహ్వానం మేరకు తొలుత బ్యాటింగ్‌కు దిగిన ఆఫ్ఘనిస్తాన్‌ 9.2 ఓవర్లలో 59 పరుగులకే 3 వికెట్లు కోల్పోయింది. అర్షదీప్‌ సింగ్‌, రవి బిష్ణోయ్‌, నితీశ్‌ కుమార్‌ రెడ్డి తలో వికెట్‌ తీశారు. ఆఫ్ఘన్‌ బ్యాటర్లలో కెప్టెన్‌ ఇబ్రహీం​ జద్రాన్‌ 37, రహ్మానుల్లా గుర్బాజ్‌ 0, సెదిఖుల్లా అటల్‌ 12 పరుగులు చేసి ఔట్‌ కాగా.. గుల్బదిన్‌ నైబ్‌ (7) క్రీజ్‌లో ఉన్నాడు. ఇదీ చదవండి: సచిన్‌ వరల్డ్‌ రికార్డును బద్దలు కొట్టిన జింబాబ్వే ప్లేయర్‌

జింబాబ్వే వెటరన్‌ ప్లేయర్‌ బ్రెండన్‌ టేలర్‌, దిగ్గజ బ్యాటర్‌ సచిన్‌ టెండూల్కర్‌ పేరిట ఉండిన ఓ భారీ ప్రపంచ రికార్డు బద్దలు కొట్టాడు. వన్డే క్రికెట్‌లో సుదీర్ఘ కెరీర్‌ కొనసాగించిన ఆటగాడిగా టేలర్‌ అవతరించాడు. సచిన్‌ తన వన్డే కెరీర్‌ను 22 ఏళ్ల 91 రోజుల పాటు కొనసాగించగా.. టేలర్‌ 22 ఏళ్ల 148 రోజుల తర్వాత కూడా తన వన్డే కెరీర్‌ను కొనసాగిస్తున్నాడు. ఆస్ట్రేలియాతో ఇవాళ జరుగుతున్న మ్యాచ్‌లో బరిలోకి దిగడం ద్వారా టేలర్‌ ఈ ఘనత సాధించాడు.40 ఏళ్ల టేలర్‌ 2004 ఏప్రిల్‌ 20న శ్రీలంకతో జరిగిన మ్యాచ్‌తో వన్డే అరంగేట్రం చేశాడు. వికెట్‌కీపర్‌ బ్యాటర్‌ అయిన టేలర్‌ ఇప్పటివరకు 207 వన్డేలు ఆడి 11 సెంచరీలు, 39 అర్ద సెంచరీల సాయంతో 6704 పరుగులు చేశాడు. జింబాబ్వే తరఫున అత్యధిక వన్డే సెంచరీలు చేసిన బ్యాటర్‌గా కూడా టేలర్‌ కొనసాగుతున్నాడు.అత్యంత సుదీర్ఘ వన్డే కెరీర్లుబ్రెండన్ టేలర్ – 22 ఏళ్ల 148 రోజులుసచిన్ టెండూల్కర్ – 22 ఏళ్ల 91 రోజులుసనత్ జయసూర్య – 21 ఏళ్ల 184 రోజులుజావెద్ మియాందాద్ – 20 ఏళ్ల 272 రోజులుసీన్ విలియమ్స్ – 20 ఏళ్ల 187 రోజులుక్రిస్ గేల్ – 19 ఏళ్ల 337 రోజులుషోయబ్ మాలిక్ – 19 ఏళ్ల 245 రోజులురోహిత్ శర్మ – 19 ఏళ్ల 21 రోజులుఅరవింద డి సిల్వా – 18 ఏళ్ల 352 రోజులురోహిత్ శర్మకు అవకాశం ఉందా..?ఈ జాబితాలో ప్రస్తుతం ఆడుతున్న భారత ఆటగాడిగా రోహిత్ శర్మ మాత్రమే ఉన్నాడు. అతడి వన్డే కెరీర్‌ వ్యవధి 19 ఏళ్ల 21 రోజులు. అయితే టేలర్‌ రికార్డును అందుకోవడం రోహిత్‌కు అంత సులభం కాదు.రోహిత్‌ ప్రస్తుతం 39 ఏళ్ల వయసులో ఉన్నాడు. వన్డే జట్టులో అతడి స్థానం, 2027 వన్డే ప్రపంచకప్‌ వరకు ఉంటుందో లేదో గ్యారెంటీ లేదు. ఒకవేళ ఆ ప్రపంచకప్‌ ఆడినా.. అది టీమిండియా తరఫున అతడి చివరి ప్రపంచకప్‌ అయ్యే అవకాశం ఉంది. అందువల్ల టేలర్‌ నెలకొల్పిన ఈ సుదీర్ఘ వన్డే కెరీర్‌ రికార్డును బద్దలు కొట్టడం రోహిత్‌కు సాధ్యం కాకపోవచ్చు. ఇదీ చదవండి: చరిత్ర సృష్టించిన టీమిండియా బౌలర్‌

సౌతాఫ్రికా యువ ఓపెనర్‌ జోర్డన్‌ హెర్మన్‌ చరిత్ర సృష్టించాడు. వన్డే అరంగేట్రంలోనే ప్రపంచ రికార్డు సమం చేశాడు. నమీబియాతో ఇవాళ జరుగుతున్న తొలి వన్డేలో 24 ఏళ్ల హెర్మన్ భారీ సెంచరీతో కదంతొక్కాడు. తద్వారా తన దేశానికే చెందిన సహచర ఆటగాడు మాథ్యూ బ్రీట్జ్కీతో కలిసి వన్డే అరంగేట్రంలో అత్యధిక స్కోర్‌ చేసిన ఆటగాడిగా నిలిచాడు.ఈ మ్యాచ్‌లో హెర్మన్‌ 126 బంతుల్లో 150 పరుగులు (17 ఫోర్లు, 3 సిక్సర్లు) చేయగా.. బ్రీట్జ్కీ 2025 ఫిబ్రవరి 10న న్యూజిలాండ్‌తో లాహోర్‌లో జరిగిన తన వన్డే అరంగేట్రంలో 148 బంతుల్లో 150 పరుగులు చేశాడు. వన్డే అరంగేట్రంలో బ్రీట్జ్కీ, హెర్మన్‌ మినహా ఎవరూ 150 పరుగుల మార్కును తాకలేదు. ఈ ఘనత సాధించిన ఇద్దరూ సౌతాఫ్రికన్లే కావడం విశేషం.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌కు దిగిన సౌతాఫ్రికా భారీ స్కోర్‌ దిశగా సాగుతోంది. 27 పరుగులకే ఓపెనర్‌ కానర్‌ ఎస్టర్‌హుయిజన్ (10) వికెట్‌ కోల్పోయినప్పటికీ.. మరో ఓపెనర్‌ అయిన హెర్మన్‌, టోనీ డి జోర్జి (72) కలిసి భారీ స్కోర్‌కు బలమైన పునాది వేశాడు. వీరిద్దరూ రెండో వికెట్‌కు 166 బంతుల్లో 190 పరుగులు జోడించారు. అయితే వీరిద్దరూ ఔటైన తర్వాత సౌతాఫ్రికా స్కోర్‌ కాస్త నెమ్మదించింది. స్వల్ప వ్యవధిలోనే ఆ జట్టు నాలుగు వికెట్లు కోల్పోవడంతో కాస్త తడబాటుకు లోనైంది. అయినా 47వ ఓవర్‌లో 300 పరుగుల మార్కును క్రాస్‌ చేసింది. 46.4 ఓవర్ల తర్వాత ఆ జట్టు స్కోర్‌ 302-5గా ఉంది. జేసన్‌ స్మిత్‌ (4), కార్బిన్‌ బాష్‌ (7) క్రీజ్‌లో ఉన్నారు. నమీబియా పేసర్‌ రూబెన్‌ ట్రంపల్‌మన్‌ 4 వికెట్లతో సత్తా చాటాడు.కాగా, మూడు మ్యాచ్‌ల వన్డే సిరీస్‌ కోసం సౌతాఫ్రికా నమీబియాలో పర్యటిస్తుంది. ఈ పర్యటనలో భాగంగా జరుగుతున్న తొలి వన్డేనే ఇది. దీనికి ముందు నమీబియాలోనే జరిగిన టీ20 ట్రై సిరీస్‌లో సౌతాఫ్రికా విజేతగా నిలిచిన విషయం తెలిసిందే.చదవండి: వైభవ్ సూర్యవంశీకి షాక్

మ‌హిళ‌ల ఆసియా క‌ప్ టోర్నీలో భాగంగా భార‌త జ‌ట్టు వ‌రుస విజ‌యాల‌తో దూసుకెళ్తోంది. ఇప్ప‌టికే న‌మీబియా, హాంకాంగ్‌ల‌పై గెలుపుతో హ‌ర్మన్ సేన సెమీస్‌కు దూసుకెళ్లింది. శ‌నివారం చిర‌కాల ప్ర‌త్య‌ర్థి పాకిస్తాన్‌తో త‌ల‌ప‌డనుంది. ఈ మ్యాచ్‌లోనూ గెలిచి అజేయంగా సెమీస్‌లో అడుగుపెట్టాల‌ని భార‌త మ‌హిళ‌ల జ‌ట్టు భావిస్తోంది. గురువారం రాత్రి హాంకాంగ్ వుమెన్‌తో జ‌రిగిన మ్యాచ్‌లో భార‌త జ‌ట్టు ప‌లు రికార్డుల‌ను బద్దలుకొట్టింది. ఈ నేప‌థ్యంలోనే తెలుగు క్రికెట‌ర్ శ్రీ చ‌ర‌ణి అంత‌ర్జాతీయ మ‌హిళ‌ల టీ20 క్రికెట్‌లో ఒక అరుదైన ఫీట్ సాధించింది. ఒక క్యాలెండ‌ర్ ఇయ‌ర్‌లో భార‌త్ త‌ర‌ఫున అత్య‌ధిక వికెట్లు ప‌డ‌గొట్టిన రెండో బౌల‌ర్‌గా శ్రీ చ‌ర‌ణి నిలిచింది. ఈ ఏడాది ఇప్ప‌టివ‌ర‌కు శ్రీ చ‌ర‌ణి 31 వికెట్లు ప‌డ‌గొట్టింది. Photo Credit: BCCI Twitterత‌ద్వారా ఒక క్యాలెండ‌ర్ ఇయ‌ర్‌లో భార‌త్ త‌ర‌ఫున‌ అత్య‌ధిక వికెట్లు తీసిన బౌల‌ర్ల జాబితాలో శ్రీ చ‌ర‌ణి రెండో స్థానంలో నిలిచింది. తొలి స్థానంలో పూన‌మ్ యాద‌వ్ (2018లో 35 వికెట్లు), ఆల్‌రౌండ‌ర్ దీప్తి శ‌ర్మ (2024లో 30 వికెట్లు, 2022లో 29 వికెట్లు) మూడు, నాలుగు స్థానాల‌ను ఆక్ర‌మించింది. 2024లో రాధా యాద‌వ్ 29 వికెట్లు తీసి ఐదో స్థానంలో కొన‌సాగుతోంది. అయితే ఈ ఏడాది క్యాలెండ‌ర్ ఇయ‌ర్ ఇంకా ముగియ‌క‌పోవ‌డంతో శ్రీ చ‌ర‌ణి అత్య‌ధిక వికెట్లు ప‌డ‌గొట్టిన జాబితాలో త్వ‌ర‌లోనే టాప్ స్థానానికి చేరుకునే అవ‌కాశ‌ముంది.Photo Credit: BCCI Twitter👉137- మ‌హిళ‌ల టీ20 క్రికెట్‌లో ప‌రుగుల ప‌రంగా హాంకాంగ్‌పై భార‌త జ‌ట్టుకు రెండో అతి పెద్ద విష‌యం. గ‌తంలో 2018 ఆసియా క‌ప్‌లో మ‌లేషియా వుమెన్స్‌పై 142 ప‌రుగుల రికార్డు విజ‌యాన్ని అందుకుంది.👉మ‌హిళ‌ల‌ ఆసియా క‌ప్ టీ20 చ‌రిత్ర‌లో హాంకాంగ్‌పై భార‌త్ సాధించిన 137 ప‌రుగుల విజ‌యం నాలుగో అతిపెద్ద‌ది. తొలి స్థానంలో పాకిస్తాన్ వుమెన్స్ 147 ప‌రుగుల తేడాతో మ‌లేషియా వుమెన్స్‌పై విజయం సాధించ‌గా, రెండో స్థానంలో శ్రీలంక వుమెన్స్ (144 ప‌రుగులు వ‌ర్సెస్ మ‌లేషియా) కొన‌సాగుతుండ‌గా, ఇండియా వుమెన్ (142 ప‌రుగులు వ‌ర్సెస్ మ‌లేషియా) మూడో స్థానంలో కొనసాగుతున్నారు.మ్యాచ్ విష‌యానికొస్తే తొలుత బ్యాటింగ్ చేసిన ఇండియా వుమెన్ నిర్ణీత 20 ఓవ‌ర్ల‌లో 5 వికెట్ల న‌ష్టానికి 193 ప‌రుగులు చేసింది. ఓపెన‌ర్ స్మృతి మంధ‌న (64 బంతుల్లో 124) సెంచ‌రీ సాధించింది. అనంత‌రం భార‌త బౌల‌ర్ల ధాటికి హాంకాంగ్ వుమెన్స్ 16.2 ఓవ‌ర్ల‌లో 56 ప‌రుగుల‌కు ఆలౌట‌య్యారు. దీప్తి శ‌ర్మ మూడు వికెట్లు తీయ‌గా, నంద‌ని శ‌ర్మ‌, శ్రీ చ‌ర‌ణి, ప్రేమా రావ‌త్‌లు త‌లా 2 వికెట్లు ప‌డ‌గొట్టారు. చదవండి: లంక బ్యాట‌ర్ శివ‌తాండ‌వం.. 39 బంతుల్లోనే సెంచ‌రీ

వెస్టిండీస్ హార్డ్ హిట్ట‌ర్ షిమ్రోన్ హెట్‌మైర్ క‌రీబియ‌న్ ప్రీమియ‌ర్ లీగ్ (సీపీఎల్ 2026)లో ప్ర‌పంచ రికార్డు నెల‌కొల్పాడు. సీపీఎల్‌లో గ‌యానా అమెజాన్ వారియ‌ర్స్‌కు ప్రాతినిధ్యం వ‌హిస్తున్న హెట్‌మైర్ ట్రిన్‌బాగో నైట్‌రైడ‌ర్స్‌పై 40 బంతుల్లోనే విధ్వంస‌కర సెంచ‌రీ బాదాడు. 43 బంతుల్లో 111 ప‌రుగుల‌తో అజేయంగా నిలిచిన హెట్‌మైర్ ఖాతాలో 8 ఫోర్లు, 9 సిక్స‌ర్లు ఉన్నాయి. 40 బంతుల్లోనే శ‌త‌కం మార్క్ అందుకున్న హెట్‌మైర్ సీపీఎల్ చ‌రిత్ర‌లో ఫాస్టెస్ట్ సెంచ‌రీ సాధించిన మూడో ఆట‌గాడిగా రికార్డులకెక్కాడు. గ‌తంలో ఆండ్రీ ర‌సెల్ (40 బంతుల్లో), టిమ్ సీఫెర్ట్ (40 బంతుల్లో) ఈ ఫీట్ సాధించ‌గా.. తాజాగా హెట్‌మైర్ కూడా 40 బంతుల్లోనే సెంచ‌రీ సాధించి వారితో క‌లిసి సంయుక్తంగా తొలి స్థానంలో ఉన్నాడు.Photo Credit: CPL Twitterషెయ్ హోప్ 41 బంతుల్లో సెంచ‌రీ మార్క్ అందుకొని రెండో స్థానంలో ఉండ‌గా, 42 బంతుల్లో శ‌త‌కం సాధించిన ర‌సెల్ మూడో స్థానంలో కొన‌సాగుతున్నాడు. ఇక హెట్‌మైర్ సాధించిన 111 ప‌రుగుల్లో 86 ర‌న్స్ బౌండ‌రీలు, సిక్స‌ర్ల రూపంలోనే రావ‌డం విశేషం. మ్యాచ్ విష‌యానికొస్తే వ‌ర్షం అంత‌రాయంతో 16 ఓవ‌ర్ల‌కు కుదించిన మ్యాచ్‌లో తొలుత బ్యాటింగ్ చేసిన గ‌యానా వారియ‌ర్స్ 5 వికెట్ల న‌ష్టానికి 185 ప‌రుగులు చేసింది. హెట్‌మైర్ (111 నాటౌట్‌)తో పాటు షెప‌ర్డ్ (7 బంతుల్లో 22 నాటౌట్‌) విధ్వంసం సృష్టించాడు. నైట్‌రైడ‌ర్స్ బౌల‌ర్ల‌లో ఉస్మాన్ తారిఖ్‌, అకిల్ హొసెన్‌, సునీల్ న‌రైన్‌, లాహిరు కుమారాలు త‌లా ఒక వికెట్ ప‌డ‌గొట్టారు. అనంత‌రం ట్రిన్‌బాగో నైట్‌రైడ‌ర్స్ చివ‌రి దాకా పోరాడిన‌ప్ప‌టికీ 16 ఓవ‌ర్ల‌లో 7 వికెట్ల న‌ష్టానికి 172 ప‌రుగులకు ప‌రిమిత‌మై 9 ర‌న్స్‌తో ఓట‌మి చ‌వి చూసింది. అలెక్స్ హేల్స్ (55), కెప్టెన్ నికోల‌స్ పూర‌న్ (43) రాణించారు. గ‌యానా బౌల‌ర్ల‌లో మ‌హ్మ‌ద్ న‌బీ మూడు వికెట్లు ప‌డ‌గొట్టాడు.ఐపీఎల్‌ 2026 సీజన్‌లో విఫలంఐపీఎల్ 2026 సీజ‌న్‌లో రాజ‌స్తాన్ రాయ‌ల్స్‌కు ప్రాతినిధ్యం వ‌హించిన హెట్‌మైర్ పెద్ద‌గా ఆక‌ట్టుకోలేక‌పోయాడు. ఏడు ఇన్నింగ్స్‌లు క‌లిపి కేవ‌లం 78 ప‌రుగులే సాధించిన హెట్‌మైర్ అత్య‌ధిక స్కోరు 22గా ఉంది. ఆ త‌ర్వాత మేజ‌ర్ లీగ్ క్రికెట్ (ఎంఎల్‌సీ) టోర్నీలోనూ హెట్‌మైర్ వైఫ‌ల్యం కొన‌సాగింది. 10 ఇన్నింగ్స్‌ల్లో 164 ప‌రుగులు చేసిన హెట్‌మైర్ ఒక్క మ్యాచ్‌లో మాత్రమే (33 బంతుల్లో 79 ప‌రుగులు) ఆక‌ట్టుకున్నాడు. ఆ త‌ర్వాత శ్రీలంక‌తో జ‌రిగిన టీ20 సిరీస్‌లో పర్వాలేద‌నిపించాడు. మూడు మ్యాచ్‌లు కలిపి 85 ప‌రుగులు సాధించాడు. అయితే సీపీఎల్‌లో మాత్రం హెట్‌మైర్ త‌న పూర్వ ఫామ్‌ను అందుకున్నాడు. ప్ర‌స్తుతం నాలుగు మ్యాచ్‌ల్లోనే 248 స్ట్రైక్‌రేట్‌తో 186 ప‌రుగులు సాధించాడు. TAKE. A. BOW! 👏Shimron Hetmyer records the joint-fastest CPL century! 🇹🇹 x 🇬🇾#CPL26 #TKRvGAW #CricketPlayedLouder #BiggestPartyInSport #RepublicBank pic.twitter.com/Wcc9PTEbRg— CPL T20 (@CPL) September 1, 2026- 105(61)* by Tim Siefert vs Trinbago.- 111(43)* by Shimron Hetmyer vs Trinbago.2ND HUNDRED SCORED AGAINST TRINBAGO IN CPL 2026..!! 🥶#CPL | #Cricket pic.twitter.com/uEKmc21xm6— Rana Ahmad. (@AhmadRana056) September 1, 2026చదవండి: ముంబై ఇండియన్స్‌ కెప్టెన్‌గా తిలక్‌ వర్మ!

భారత క్రికెట్ దిగ్గజం సచిన్ టెండూల్కర్ అంతర్జాతీయ క్రికెట్‌లో వంద సెంచరీలు (అన్ని ఫార్మాట్లు) సాధించిన ఏకైక క్రికెటర్‌గా చరిత్ర సృష్టించాడు. అయితే సచిన్‌కు నెర్వస్ నైంటీస్ ఫోబియా ఉండేది. ఈ కారణంగా సచిన్ చాలాసార్లు సెంచరీలు చేజార్చుకున్నాడు. ఒకవేళ సచిన్‌కు 90 ఫోబియా లేకపోయుంటే అతడి ఖాతాలో 150 సెంచరీలు ఉన్నా ఆశ్చర్యపోనవసరం లేదు. తాజాగా చిన్న వయసులోనే క్రికెట్‌లో అడుగుపెట్టి సచిన్ రికార్డును బద్దలుకొట్టిన వైభవ్ సూర్యవంశీని కూడా 90 ఫోబియా చుట్టుముట్టేసింది. ఈ మధ్యకాలంలో వైభవ్ తొంభైల్లో చాలాసార్లు ఔటయ్యాడు.ఇటీవలి కాలంలో ఐపీఎల్ నుంచి దేశవాళీ టోర్నీలు, అనధికారిక మ్యాచ్‌లు చూసుకుంటే వైభవ్ వరుసగా 93 (38 బంతుల్లో), 97 (29 బంతుల్లో), 96 (47 బంతుల్లో), తాజాగా దులీప్ ట్రోఫీలో 92 పరుగుల వద్ద సెంచరీలకు అతి సమీపంలోకి వచ్చి అవుట్ అయ్యాడు. ఇలా ఇప్పటికే నాలుగు సెంచరీలను చేజార్చుకున్నాడు.ఏమిటీ నెర్వస్ నైంటీస్‌?90 ఫోబియాను క్రికెట్ పరిభాషలో "నెర్వస్ నైంటీస్" (Nervous Nineties) అని పిలుస్తారు. ఒక బ్యాటర్ సెంచరీ (100 పరుగులు) మైలురాయికి చేరుకునే ముందు, 90 నుండి 99 పరుగుల మధ్య ఒత్తిడికి గురై అవుట్ అవ్వడాన్ని ఇది సూచిస్తుంది. సాధారణంగా బ్యాటర్లు 90ల్లోకి రాగానే సెంచరీ కోసం కాస్త నెమ్మదిగా ఆడతారు. ఈ తరుణంలో అనవసర ఒత్తిడికి లోనయ్యి వికెట్‌ను ఇచ్చేసుకుంటారు. సచిన్ తన కెరీర్‌లో చాలాసార్లు ఈ నెర్వస్ నైంటీస్‌ను ఎదుర్కొన్నాడు. తాజాగా వైభవ్‌ను కూడా నెర్వస్ నైంటీస్ ఫోబియా చుట్టుముట్టినట్లుగా అనిపిస్తోంది.ఇక మ్యాచ్ విష‌యానికొస్తే రెండో రోజు ఆట ముగిసే స‌మ‌యానికి సెంట్ర‌ల్ జోన్ త‌మ రెండో ఇన్నింగ్స్‌లో 20 ఓవ‌ర్ల‌లో 3 వికెట్ల న‌ష్టానికి 43 ప‌రుగులు చేసింది. ర‌జ‌త్ ప‌టీదార్ (5), ఆర్య‌న్ పాండే (4) క్రీజులో కొన‌సాగుతున్నారు. ప్ర‌స్తుతం సెంట్ర‌ల్ జోన్ 43 ప‌రుగుల ఆధిక్యంలో ఉంది. అంత‌క‌ముందు ఈస్ట్‌జోన్ త‌మ తొలి ఇన్నింగ్స్‌లో 266 ప‌రుగుల‌కు ఆలౌట్ కాగా, తొలి ఇన్నింగ్స్‌లో సెంట్ర‌ల్ జోన్ కూడా 266 ప‌రుగుల‌కే ఆలౌటైంది.HEARTBREAKING MOMENT FOR VAIBHAV SOORYAVANSHI !💔Vaibhav Suryavanshi missed his maiden century in the Duleep Trophy by just 8 runs. - Just look at the reaction of Vaibhav Suryavanshi 😭😭 pic.twitter.com/BYA3KPUSc3— lndian Sports Network (@IS_Netwrk29) August 31, 2026Read: దుమ్మురేపుతున్న షమీ.. ప్రొఫెషనల్‌ క్రికెట్‌లో అరుదైన ఫీట్‌

ఆసియా క‌ప్ టోర్నీలో భాగంగా థాయ్‌లాండ్ వుమెన్‌తో మ్యాచ్‌లో టీమిండియా స్టార్ ఓపెనర్ స్మృతి మంధన ప్రపంచ రికార్డు నెలకొల్పింది. మహిళల అంతర్జాతీయ క్రికెట్‌లో అన్ని ఫార్మాట్లు కలిపి అత్యధిక పరుగులు చేసిన జాబితాలో మంధన రెండో స్థానానికి చేరుకుంది. మ్యాచ్‌లో 14 పరుగుల వ్యక్తిగత స్కోరు వద్ద సుజీ బేట్స్ (10,740 పరుగులు)ను అధిగమించింది. ప్రస్తుతం మంధన మూడు ఫార్మాట్లు కలిపి 10,750 పరుగులతో రెండో స్థానంలో కొనసాగుతోంది. ఇక తొలి స్థానంలో భారత దిగ్గజం మిథాలీరాజ్ (10,868 పరుగులు) ఉండగా, సుజీ బేట్స్ మూడో స్థానంలో ఉంది. చార్లెట్ ఎడ్‌వర్డ్స్ (10, 273 పరుగులు), స్టెఫానీ టేలర్ (10,007 పరుగులు) నాలుగు, ఐదో స్థానాల్లో కొనసాగుతున్నారు.దుబాయ్ వేదిక‌గా జ‌రుగుతున్న మ్యాచ్‌లో టాస్ గెలిచిన థాయ్‌లాండ్ వుమెన్స్ బౌలింగ్ ఎంచుకుంది. ఇక భార‌త్ త‌ర‌ఫున ప్ర‌తీక్ రావ‌ల్ టీ20ల్లో అరంగేట్రం చేసింది. ఈ సంద‌ర్భంగా కెప్టెన్ హ‌ర్మ‌న్‌ప్రీత్ కౌర్ చేతుల మీదుగా ప్ర‌తీక రావ‌ల్ క్యాప్‌ను అందుకుంది. గాయంతో జెమీమా దూరం కావ‌డంతో ఆమె స్థానంలో ప్రతీక రావల్‌కు అవ‌కాశం వ‌చ్చిన‌ట్లు హ‌ర్మ‌న్‌ప్రీత్ తెలిపింది.Read: టాస్ గెలిచిన థాయ్‌లాండ్‌.. ప్ర‌తీక రావ‌ల్ అరంగేట్రం

ఇంగ్లండ్‌తో జ‌రిగిన తొలి టెస్టులో ఇన్నింగ్స్ ప‌రాజ‌యం చ‌విచూసిన పాకిస్తాన్ జ‌ట్టు ఒక చెత్త రికార్డును త‌న పేరిట లిఖించుకుంది. మ్యాచ్‌లో రెండు ఇన్నింగ్స్‌ల్లోనూ పాకిస్తాన్ సున్నా ప‌రుగు వ‌ద్దే తొలి వికెట్‌ను కోల్పోవడం గ‌మ‌నార్హం. తొలి ఇన్నింగ్స్‌లో ఓలి రాబిన్‌స‌న్ బౌలింగ్‌లో అజ‌న్ అవైస్ డ‌కౌట్ కాగా, రెండో ఇన్నింగ్స్‌లో ఆర్చ‌ర్ బౌలింగ్‌లో ఇమామ్‌-ఉల్‌-హ‌క్ సున్నా ప‌రుగుల వ‌ద్ద ఔట‌య్యాడు. ఈ క్ర‌మంలో 149 ఏళ్ల టెస్టు క్రికెట్ చ‌రిత్ర‌లో ఒక టెస్టులో రెండు ఇన్నింగ్స్‌ల్లోనూ సున్నా ప‌రుగుల వ‌ద్ద తొలి వికెట్‌ను కోల్పోవ‌డం పాక్‌కు ఇది ఏడోసారి. ఈ నేప‌థ్యంలో అత్య‌ధిక సార్లు సున్నా ప‌రుగుల వ‌ద్ద వికెట్ కోల్పోయిన చెత్త జ‌ట్టుగా పాకిస్తాన్ నిలిచింది. పాక్ త‌ర్వాత ఇంగ్లండ్ (5 సార్లు), ఆస్ట్రేలియా (4 సార్లు), భార‌త్ (రెండు సార్లు), న్యూజిలాండ్ ఒక‌సారి ఈ ఫీట్‌ను న‌మోదు చేశాయి.ఇక ఇంగ్లండ్ చేతిలో పాక్ ఓట‌మి వ‌ల్ల డ‌బ్ల్యూటీసీ పాయింట్ల ప‌ట్టిక‌లో పెద్ద‌గా మార్పు లేక‌పోయిన‌ప్ప‌టికీ, భార‌త్‌కు మాత్రం క‌లిసొచ్చిందని చెప్పొచ్చు. ఇంగ్లాండ్ చేతిలో ఓట‌మితో డ‌బ్ల్యూటీసీ సైకిల్‌లో ఆడిన ఏడు మ్యాచ్‌ల్లో పాకిస్తాన్‌కు ఇది ఐదో ఓట‌మి. కేవలం 19.05 శాతం పాయింట్లతో పాక్‌ 9వ స్థానానికి దిగజారింది. దీంతో వెస్టిండీస్ (20.83 శాతం పాయింట్లు) 8వ స్థానంలో నిలవగా, పాక్‌పై విజయంతో ఇంగ్లాండ్ 29.76 శాతం పాయింట్లతో ఏడో స్థానంలో కొనసాగుతోంది. అయితే ఇరు జట్లు ఇప్పటికే డ‌బ్ల్యూటీసీ ఫైనల్ రేసు నుంచి నిష్క్రమించాయి. మరోవైపు ఆస్ట్రేలియా 77.78 శాతం పాయింట్లతో పాయింట్ల పట్టికలో అగ్రస్థానంలో ఉండగా, సౌతాఫ్రికా (75 శాతం), న్యూజిలాండ్ (72.22 శాతం) తదుపరి స్థానాల్లో ఉన్నాయి. ప్రస్తుతం భారత్ 53.33 శాతం పాయింట్లతో 5వ స్థానంలో, బంగ్లాదేశ్ 66.67 శాతం పాయింట్లతో 4వ స్థానంలో ఉన్నాయి. శ్రీలంకపై జరుగుతున్న టెస్టు సిరీస్‌లో భార‌త్ రెండో మ్యాచ్‌లోనూ గెలిచి, అటు ఆస్ట్రేలియాతో జరుగుతున్న రెండో టెస్టులో బంగ్లాదేశ్ ఓడిపోతే, భారత్ 57.57 శాతం పాయింట్లతో నాలుగో స్థానానికి చేరుకోవ‌డంతో ఫైన‌ల్ రేసుకు మ‌రింత ద‌గ్గ‌ర‌యిన‌ట్లవుతుంది.ఇక హెడ్డింగే వేదిక‌గా జ‌రిగిన టెస్టులో ఇంగ్లండ్ ఇన్నింగ్స్ 103 ప‌రుగుల తేడాతో పాక్‌ను మ‌ట్టిక‌రిపించింది. తొలి ఇన్నింగ్స్‌లో పాకిస్తాన్‌ 171 ప‌రుగుల‌కు ఆలౌట్ కాగా, ఇంగ్లండ్ త‌మ తొలి ఇన్నింగ్స్‌లో 409 ప‌రుగుల‌కు ఆలౌట్ కావ‌డంతో తొలి ఇన్నింగ్స్‌లో 238 ప‌రుగుల ఆధిక్యం సాధించింది. అయితే రెండో ఇన్నింగ్స్‌లో పాకిస్తాన్ 135 ప‌రుగుల‌కే కుప్ప‌కూలింది.జోఫ్రా ఆర్చర్, ఒల్లీ రాబిన్సన్, జోష్ టంగ్, గుస్ అట్కిన్సన్ల ధాటికి పాకిస్థాన్ బ్యాటర్లు నిలవలేకపోయారు. రాబిన్సన్, టంగ్‌లు చెరో 8 వికెట్లు పడగొట్టి ఇంగ్లాండ్ విజ‌యంలో కీలక పాత్ర పోషించారు. త‌ద్వారా రెండు టెస్టు మ్యాచ్‌ల సిరీస్‌లో ఇంగ్లండ్ 1-0తో ఆధిక్యంలో నిలిచింది. ఇరుజ‌ట్ల మ‌ధ్య రెండో టెస్టు ఆగ‌స్టు 27నుంచి లార్డ్స్ వేదిక‌గా జ‌ర‌గ‌నుంది.Read: స్టార్క్‌ దెబ్బకు బంగ్లాదేశ్‌ విలవిల.. 149 ఏళ్లలో ఇదే తొలిసారి

ఆసీస్ గడ్డపై తొలి టెస్టులో చారిత్రక విజయాన్ని నమోదు చేసిన బంగ్లాదేశ్ మాకే వేదికగా జరుగుతున్న రెండో టెస్టులో మాత్రం పీకల్లోతు కష్టాల్లో కూరుకుపోయింది. తొలి టెస్టులో అనూహ్య ఓటమిని చవిచూసిన ఆస్ట్రేలియా ఈ మ్యాచ్‌లో మాత్రం నంబర్‌వన్ ఆటను ప్రదర్శిస్తోంది. మిచెల్ స్టార్క్(6-4-5-5) బంతితో నిప్పులు చెరగడంతో బంగ్లా బ్యాటర్లు విలవిల్లాడిపోయారు. ఫలితంగా బంగ్లాదేశ్ 21 పరుగులకే ఆరు వికెట్లు కోల్పోయింది. ఇందులో స్టార్క్ ఖాతాలో ఐదు వికెట్లు ఉండ‌గా, క‌మిన్స్‌కు ఒక వికెట్ ద‌క్కింది. ఈ క్ర‌మంలోనే స్టార్క్ 149 టెస్టు క్రికెట్ చ‌రిత్ర‌ను తిర‌గ‌రాశాడు. అదేంటంటే, టెస్టు మ్యాచ్‌లో తొలి ఓవ‌ర్ తొలి బంతికే వికెట్ తీయ‌డం స్టార్క్‌కు ఇది నాలుగో సారి. గ‌తంలో క‌రుణ‌ర‌త్నే (2016లో), రోరీ బ‌ర్న్స్ (2021లో), జైస్వాల్ (2024లో) తొలి బంతికే ఔట్ చేశాడు. వెస్టిండీస్ బౌల‌ర్ పెడ్రో కొలిన్స్ కూడా టెస్టుల్లో మూడుసార్లు తొలి ఓవ‌ర్ తొలి బంతికే వికెట్ తీశాడు. తాజా ఫీట్‌తో కొలిన్స్‌ను అధిగ‌మించిన స్టార్క్ తొలి స్థానంలో నిలిచాడు. దీంతో పాటు టెస్టుల్లో తొలి ఓవ‌ర్‌లో స్టార్క్ వికెట్ తీయ‌డం ఇది 28వ సారి కావ‌డం విశేషం.ఇక స్టార్క్ త‌న తొలి నాలుగు ఓవ‌ర్ల‌లో ఓవ‌ర్‌కు ఒక వికెట్ చొప్పున తీశాడు. కేవ‌లం 22 బంతుల్లోనే స్టార్క్ ఐదు వికెట్ల మార్క్‌ను అందుకున్నాడు. ఈ క్ర‌మంలో స్టార్క్ రెండోసారి టెస్టుల్లో అత్యంత వేగంగా ఐదు వికెట్ల హాల్ సాధించాడు. గ‌తంలో స్టార్క్ 2025లో వెస్టిండీస్‌తో టెస్టులో 15 బంతుల వ్య‌వ‌ధిలోనే ఐదు వికెట్ల మార్క్ అందుకోవ‌డం విశేషం. స్టార్క్ త‌ర్వాత ఎరిన్ టోష‌క్ (1947లో భార‌త్‌పై), స్టువ‌ర్ట్ బ్రాడ్ (2015లో ఆసీస్‌పై), స్కాట్ బోలండ్ (2021లో ఇంగ్లండ్‌పై)లు 19 బంతుల వ్య‌వ‌ధిలో ఐదు వికెట్ల హాల్ న‌మోదు చేసి రెండు, మూడు, నాలుగు స్థానాల్లో నిలిచారు.ఇక టాస్ గెలిచిన క‌మిన్స్ బంగ్లాదేశ్‌కు బ్యాటింగ్‌కు ఆహ్వానించాడు. కాసేప‌టికే పిచ్ ప‌రిస్థితి ఏంట‌న్న‌ది బంగ్లాకు పూర్తిగా అర్ధ‌మైంది. స్టార్క్ నిప్పులు చెరిగే బంతుల‌కు తోడు క‌మిన్స్‌, హాజిల్‌వుడ్‌లు చెరో ఎండ్ నుంచి త‌మ పేస్ అటాకింగ్‌తో ఇబ్బంది పెట్ట‌డంతో బంగ్లాదేశ్ కోలుకోలేక‌పోయింది. లంచ్ విరామ స‌మయానికి బంగ్లాదేశ్ 23 ఓవర్లలో 6 వికెట్ల నష్టానికి 35 పరుగులతో ఆడుతోంది. హ‌స‌న్ మ‌హ్ముద్ (8), మెహ‌దీ హ‌స‌న్ (11) క్రీజులో ఉన్నారు.FIRST BALL OF THE TEST MITCHELL STARC HAS DONE IT AGAIN! #PlayoftheDay | @NRMAInsurance | #AUSvBAN pic.twitter.com/DzLjzE60un— cricket.com.au (@cricketcomau) August 22, 2026 6⃣-4⃣-5⃣-5⃣Mayhem from Mitchell Starc in his first spell today 🤯🔥#AUSvsBAN pic.twitter.com/k9jVe6aYGK— Cricbuzz (@cricbuzz) August 22, 2026Read: మళ్లీ దెబ్బేసిన పతిరగే.. నీర‌జ్ చోప్రాకు ర‌జ‌తం

పాకిస్తాన్‌తో జ‌రుగుతున్న తొలి టెస్టులో ఇంగ్లండ్ కెప్టెన్ జో రూట్ ప్ర‌పంచ రికార్డుతో మెరిశాడు. మ్యాచ్‌లో హాఫ్ సెంచ‌రీ (66 ప‌రుగులు) సాధించిన రూట్ టెస్టు క్రికెట్‌లో అత్య‌ధిక హాఫ్ సెంచరీలు చేసిన జాబితాలో స‌చిన్‌తో (200 టెస్టుల్లో 68 అర్ధ‌శ‌తకాలు) క‌లిసి రూట్ (167 టెస్టుల్లోనే) సంయుక్తంగా తొలి స్థానంలో నిలిచాడు. మ‌రో అర్ధ‌సెంచ‌రీ సాధిస్తే రూట్ టెస్టుల్లో అత్య‌ధిక ఫిఫ్టీలు సాధించిన ఆట‌గాడిగా రికార్డులకెక్క‌నున్నాడు. అంతేకాదు టెస్టుల్లో అత్య‌ధిక ప‌రుగులు సాధించిన జాబితాలోనూ రూట్ ప్ర‌స్తుతం రెండో స్థానంలో ఉండ‌గా, సచిన్ 15,921 ప‌రుగుల‌తో తొలి స్థానంలో కొన‌సాగుతు న్నాడు. ఇప్పుడున్న ఫామ్ దృష్ట్యా రూట్‌కు స‌చిన్ రికార్డును బ‌ద్ద‌లు కొట్ట‌డం పెద్ద క‌ష్ట‌మేమీ కాదు. ఈత‌రం ఫ్యాబ్‌-4లో (కోహ్లి, స్మిత్‌, రూట్‌, కేన్ విలియ‌మ్స‌న్‌) ఇద్ద‌రు ఇప్ప‌టికే రిటైర‌వ్వ‌గా.. రూట్‌, స్మిత్ మాత్ర‌మే యాక్టివ్‌గా ఉన్నారు.టెస్టు కెప్టెన్‌గా మ‌రో రికార్డుదీంతో పాటు రూట్ టెస్టుల్లో మ‌రో రికార్డు కూడా అందుకున్నాడు. టెస్టు కెప్టెన్‌గా అత్య‌ధిక సెంచ‌రీలు సాధించిన జాబితాలో రూట్ (42 ఫిఫ్టీలు) ఐదో స్థానానికి చేరుకున్నాడు. తొలి స్థానంలో సౌతాఫ్రికా మాజీ కెప్టెన్ గ్రేమి స్మిత్ (61), ఆసీస్ దిగ్గ‌జాలు రికీ పాంటింగ్ (54), అలెన్ బోర్డ‌ర్ (51) రెండు, మూడు స్థానాల్లో ఉండ‌గా, పాక్ మాజీ బ్యాట‌ర్ మిస్బా ఉల్ హ‌క్ (43 ఫిఫ్టీలు) నాలుగో స్థానంలో కొన‌సాగుతున్నాడు.ఇక రూట్ స‌హా న‌లుగురు ఇంగ్లండ్ బ్యాట‌ర్లు అర్ధ‌శ‌త‌కాల‌తో చెల‌రేగ‌డంతో ఇంగ్లండ్ రెండో రోజు ఆట ముగిసే సమయానికి 8 వికెట్ల నష్టానికి 366 పరుగులు సాధించింది. రాబిన్‌సన్, జోఫ్రా ఆర్చర్‌లు క్రీజులో ఉన్నారు. హ్యారీ బ్రూక్ (91) తృటిలో సెంచ‌రీ చేజార్చుకోగా, జోర్డాన్ కాక్స్ (73), జో రూట్ (66), డాన్ లారెన్స్ (51) ఫిఫ్టీలు సాధించారు. పాక్ బౌల‌ర్లలో అలీ ఉస్మాన్ 5 వికెట్లు తీయ‌గా, మొహ‌మ్మ‌ద్ అబ్బాస్‌, ఖుర్ర‌మ్‌, మొహ‌మ్మ‌ద్ అలీ త‌లా ఒక వికెట్ ప‌డ‌గొట్టారు. ప్ర‌స్తుతం ఇంగ్లండ్ తొలి ఇన్నింగ్స్‌లో 195 ప‌రుగుల ఆధిక్యంలో కొన‌సాగుతోంది. అంత‌క‌ముందు పాకిస్తాన్ తొలి ఇన్నింగ్స్‌లో 191 ప‌రుగుల‌కు ఆలౌటైంది.Joe Root 66(112) Vs Pakistan | 1st Test, 2026 - Leeds | Ball By Ball Highlights pic.twitter.com/gbkZ20BOwC— PctMedia (@PctMediaa) August 20, 2026Most fifties in Test cricket:Joe Root - 68*. Sachin Tendulkar- 68. pic.twitter.com/dScWCVxvSn— Mufaddal Vohra (@mufaddal_vohra) August 20, 2026

భారత యువ ఓపెనర్ యశస్వి జైస్వాల్ టెస్ట్ క్రికెట్లో ఒక అరుదైన ఫీట్ సాధించాడు. బ‌హుశా జైస్వాల్ సాధించిన ఫీట్ ఎవ‌రికీ సాధ్యం కాలేద‌నుకుంటా. ఇప్ప‌టివ‌ర‌కు జైస్వాల్ త‌న కెరీర్‌లో 29 టెస్టు మ్యాచ్‌లు ఆడితే అవ‌న్నీ వివిధ వేదిక‌ల్లోనే ఆడ‌డం విశేషం. మాములుగా ఒక ఆట‌గాడు వేర్వేరు వేదిక‌ల్లోనే మ్యాచ్‌లు ఆడిన‌ప్ప‌టికీ, కొన్నిసార్లు ఒకే మైదానంలో మ్యాచ్‌లు ఆడ‌డం చూస్తుంటాం.కానీ జైస్వాల్ విష‌యంలో మాత్రం లెక్క మారింది. అత‌డు ఆడిన 29 టెస్టుల‌కు సంబంధించిన వేదిక‌లు మ‌ళ్లీ రిపీట్ కాక‌పోవ‌మే ఇక్కడ గమనించాల్సిన విషయం. ఈ నేప‌థ్యంలో జైస్వాల్ ఫీట్ టెస్టు క్రికెట్‌లో అరుదైన ఘ‌ట‌న‌గా నిలిచిపోనుంది. ఇక‌ శ్రీలంకతో జరిగే రెండు టెస్టుల సిరీస్‌లోని తొలి మ్యాచ్ ద్వారా అతను తన 30వ టెస్టు మ్యాచ్‌ను గాలే వేదికగా ఆడబోతున్నాడు. గాలేలో జైస్వాల్‌కు ఇదే తొలి మ్యాచ్ కావడంతో, ఈ 30వ మ్యాచ్ ద్వారా కూడా అతని వేదికల వైవిధ్యం సజీవంగా కొనసాగనుంది. ఇక శ్రీలంక ఎలెవెన్‌తో జ‌రిగిన వార్మ‌ప్ మ్యాచ్‌లో అర్ధ‌సెంచ‌రీ చేయ‌డం ద్వారా జైస్వాల్ ట‌చ్‌లోకి వ‌చ్చిన‌ట్లు అనిపిస్తోంది. ఇప్పటివరకు జైస్వాల్ 29 టెస్టుల్లో 48.75 సగటుతో మొత్తం 2,535 పరుగులు చేశాడు. ఇందులో 7 శతకాలు, 13 అర్ధ శతకాలు ఉన్నాయి. అతని అత్యధిక వ్యక్తిగత స్కోరు 214 పరుగులు కాగా, కెరీర్లో రెండు డ‌బుల్ సెంచ‌రీలు కూడా సాధించాడు.2023లో టెస్టుల్లోకి అరంగేట్రం చేసిన జైస్వాల్ అఫ్గానిస్థాన్‌తో చివరి టెస్టు ఆడాడు. పరిమిత ఓవర్ల ఫార్మాట్లలో కూడా అవకాశాలు పొందినప్పటికీ, టెస్టుల్లో మాత్రం భారత జట్టుకు రెగ్యులర్ ఓపెనర్ గా మారాడు. ఇక శ్రీలంక‌తో టెస్టు సిరీస్‌లో భాగంగా గాలే వేదిక‌గా ఆగస్టు 15 నుంచి 19 వరకు తొలి టెస్టు, ఆగస్టు 23 నుంచి 27 వరకు కొలంబో వేదిక‌గా రెండో టెస్ట్ జరగనున్నాయి. మొత్తంగా ప్రపంచ క్రికెట్‌లో వరుసగా 30 మ్యాచ్‌లు వేర్వేరు స్టేడియాల్లో ఆడిన ఏకైక ఆటగాడిగా జైస్వాల్ సరికొత్త చరిత్ర సృష్టించబోతున్నాడు.చదవండి: ‘కెప్టెన్‌గా ఫెయిలైనా ఫిట్‌నెస్‌కు కొత్త అర్ధం చెప్పాడు’

చైనా, జ‌పాన్ త‌ర‌హాలో భార‌త్‌లో మిక్స్‌డ్‌ మార్ష‌ల్ ఆర్ట్స్ (MMA)కు పెద్ద‌గా ప్రాధాన్య‌త లేదు. కానీ కాల‌క్ర‌మేణా భార‌త్‌లో కూడా ఎంఎంఏకు ఆద‌ర‌ణ పెరుగుతున్న‌ట్లుగా అనిపిస్తోంది. తాజాగా పంజాబ్‌కు చెందిన ఐదేళ్ల ఫ‌తే సింగ్ గిల్, వ‌ర‌ల్డ్ మార్ష‌ల్ ఆర్ట్ గేమ్స్ 2026లో స్కేట్స్‌పై గ‌ట్కాలో స్వ‌ర్ణం గెలిచి ఔరా అనిపించాడు. తద్వారా ఎంఎంఏలో చాంపియ‌న్‌గా నిలిచిన‌ అతి పిన్న వ‌య‌స్కుడిగా ఫ‌తే సింగ్ చ‌రిత్ర సృష్టించాడు. థాయ్‌లాండ్‌లోని ప‌ట్టాయా వేదిక‌గా జ‌రిగిన వ‌ర‌ల్డ్ మార్ష‌ల్ ఆర్ట్ గేమ్స్‌లో ఫ‌తే సింగ్‌ స్కేట్‌పై గ‌ట్కాలో స్వ‌ర్ణం సాధించి దేశానికి గ‌ర్వ‌కార‌ణంగా నిలిచాడు. పంజాబ్‌లోని అమృత్‌స‌ర్‌కు చెందిన ఐదేళ్ల ఫ‌తే సింగ్ గిల్‌, సిక్కుల సంప్ర‌దాయ‌మైన క‌త్తి యుద్ధ‌క‌ళ‌ను స్కేట్స్‌పై ప్ర‌ద‌ర్శించిన మొద‌టి బాలుడిగా రికార్డుల‌కెక్కాడు. గ‌తంలో అంత‌ర్జాతీయ వేదిక‌ల‌పై త‌న ఖ‌డ్గ విన్యాసాల‌ను ప్ర‌ద‌ర్శించిన ఫ‌తే సింగ్ తాజాగా మార్ష‌ల్ ఆర్ట్స్‌లో త‌న ప్రావీణ్యం ప్ర‌ద‌ర్శించి దేశానికి ప‌త‌కం తేవ‌డం గొప్ప విష‌యం. ఇక ఫ‌తే సింగ్ ఖ‌డ్గ విన్యాస క‌ళ అత‌డి రెండేళ్ల వ‌య‌సులోనే ప్రారంభ‌మైంది. ఖ‌డ్గం ప‌ట్టుకునే విధానం, అత‌డి చేతి క‌ద‌లిక‌లే ఇవాళ ఫ‌తేసింగ్‌ను ప్ర‌త్యేకంగా నిల‌బెట్టాయి. కేవ‌లం మూడున్న‌రేళ్ల వ‌య‌సులోనే ఫ‌తేసింగ్ యూరోప్‌లో వ‌ర‌ల్డ్ గ్రాండ్ ప్రిక్స్ ఫిట్ కిడ్‌తో పాటు మిస్ట‌ర్ యూనివ‌ర్స‌ల్ ఫిట్ కిడ్ టైటిళ్ల‌ను కొల్ల‌గొట్టి ఆశ్చ‌ర్య‌ప‌రిచాడు.Fateh Singh Gill: Meet India's 5-Year-Old World Martial Arts Championhttps://t.co/Y5gRJIWKVg pic.twitter.com/bGyBDSxsnZ— NDTV Sports (@Sports_NDTV) August 10, 2026Read: ‘అందమైన భార్య పక్కనుండగా ఇదేం పాడుపని’

హండ్రెడ్ మెన్స్ కాంపిటీష‌న్‌లో మాంచెస్ట‌ర్ సూప‌ర్‌జెయింట్స్ కెప్టెన్ జోస్ బ‌ట్ల‌ర్ ప్ర‌పంచ రికార్డు నెల‌కొల్పాడు. ఓల్డ్ ట్రాఫోర్డ్ వేదికగా వెల్ష్‌ఫైర్‌తో జ‌రిగిన మ్యాచ్‌లో బ‌ట్ల‌ర్ 20 బంతుల్లో 51 ప‌రుగుల‌తో అజేయంగా నిలిచి టీ20 క్రికెట్ చ‌రిత్ర‌లో అత్య‌ధిక ప‌రుగులు (491 ఇన్నింగ్స్‌ల్లో 14,833 ప‌రుగులు) చేసిన బ్యాట‌ర్‌గా బ‌ట్ల‌ర్ చ‌రిత్ర సృష్టించాడు. ఈ క్ర‌మంలో ఇప్ప‌టివ‌ర‌కు టీ20 క్రికెట్ చ‌రిత్ర‌లో వెస్టిండీస్ మాజీ కెప్టెన్ కీర‌న్ పొలార్డ్ పేరిట ఉన్న అత్య‌ధిక ప‌రుగుల (14,803 ప‌రుగులు)రికార్డు బ‌ట్ల‌ర్ బ‌ద్ద‌లు కొట్టాడు. బ‌ట్ల‌ర్‌, పొలార్డ్ త‌ర్వాత విండీస్ హార్డ్ హిట్ట‌ర్, మాజీ ఆట‌గాడు క్రిస్ గేల్ (14, 562 ప‌రుగులు) మూడో స్థానంలో కొన‌సాగుతున్నాడు.ఇక మ్యాచ్ విష‌యానికొస్తే.. వెల్ష్‌ఫైర్‌పై మాంచెస్ట‌ర్ సూప‌ర్‌జెయింట్స్ 9 వికెట్ల తేడాతో ఘ‌న విజ‌యాన్ని అందుకుంది. వెల్ష్‌ఫైర్ విధించిన 156 ప‌రుగుల టార్గెట్‌ను మాంచెస్ట‌ర్ జెయింట్స్‌ మ‌రో 31 బంతులు మిగిలి ఉండ‌గానే ఛేదించింది. ఓపెన‌ర్ టిమ్ సీఫెర్ట్ (36 బంతుల్లో 62 నాటౌట్‌), బ‌ట్ల‌ర్ (20 బంతుల్లో 51 నాటౌట్‌) ధాటిగా ఆడి జ‌ట్టును విజ‌య‌తీరాల‌కు చేర్చారు. మ‌రో ఓపెన‌ర్ పాల్ వాల్ట‌ర్ (18 బంతుల్లో 37) రాణించాడు. అంత‌క‌ముందు వెల్ష్ ఫైర్ 100 బంతుల్లో 4 వికెట్ల న‌ష్టానికి 155 ప‌రుగులు చేసింది. ఓపెన‌ర్ మాథ్యూ షార్ట్ (47 బంతుల్లో 71) విధ్వంసం సృష్టించ‌గా, మ‌రో ఓపెన‌ర్ ఫిలిప్ సాల్ట్ (48) రాణించాడు. మాంచెస్ట‌ర్ బౌల‌ర్ల‌లో గ‌స్ అకిన్‌స‌న్ 2 వికెట్లు తీయ‌గా, జోష్ టంగ్‌, పాల్ వాల్ట‌ర్ చెరొక వికెట్ తీశారు. మెరుపు ఇన్నింగ్స్ ఆడిన టిమ్ సీఫెర్ట్ 'ప్లేయ‌ర్ ఆఫ్ ది మ్యాచ్‌'గా నిలిచాడు.మార్కరమ్ స్థానంలో కెప్టెన్‌గాఇక మాంచెస్టర్ రెగ్యులర్ కెప్టెన్ ఐడెన్ మార్కరమ్ వ్యక్తిగత కారణాలతో టోర్నీ నుంచి వైదొలగడంతో బట్లర్ తొలిసారి జట్టు కెప్టెన్‌గా బాధ్యతలు చేపట్టాడు. కెప్టెన్‌గా తొలి మ్యాచ్లోనే విజయాన్ని సాధించాడు. ఇప్పటికే సౌతాఫ్రికా వెళ్లిపోయిన మార్కరమ్ మిగతా టోర్నీకి దూరమవ్వడంతో బట్లర్ జట్టును నడిపించనున్నాడు. ఇక బట్లర్ బ్యాటర్‌గా హం‍డ్రెడ్ టోర్నీలో అదరగొడుతున్నాడు. ఈ వికెట్ కీపర్ ఇప్పటివరకు ఆడిన ఆరు మ్యాచ్‌ల్లో 92.3 స్ట్రైక్ రేట్‌తో 277 పరుగులు సాధించాడు. ఇక మార్కరమ్ స్థానంలో మైకెల్ బ్రాస్‌వెల్‌ను తీసుకున్నట్లు మాంచెస్టర్ ఫ్రాంచైజీ ప్రకటించింది. #JosButtler leaves the bowlers stunned 💥He has now surpassed #KieronPollard to become the leading run scorer in T20 history! 🙌#TheHundred 2026 👉 Welsh Fire vs Manchester Super Giants | LIVE NOW! pic.twitter.com/AO9Q7O9TbK— Star Sports (@StarSportsIndia) August 5, 2026 Record breaker 📈👑 @josbuttler Congratulations to Jos Buttler on becoming the all-time leading run scorer in T20 cricket. ⚡️ #StrikeTogether pic.twitter.com/FMuMEetTzL— Lancashire Cricket (@lancscricket) August 5, 2026 There’s a new king of T20 batting 👑Jos Buttler surpasses Kieron Pollard’s 14,803 runs to become the leading run-scorer in T20 history ✨ pic.twitter.com/QlAYAFwKFU— Cricinfo (@cricinfo) August 5, 2026Read: నా ఫెవ‌రేట్ కోచ్ అతడే.. గంభీర్ మాత్రం కాదు: ష‌మీ

వెస్టిండీస్ క్రికెట‌ర్ జ‌స్టిన్ గ్రీవ్స్ టెస్టు క్రికెట్‌లో అరుదైన రికార్డు సాధించాడు. పాకిస్తాన్‌తో జ‌రుగుతున్న టెస్టు మ్యాచ్‌లో బౌలింగ్‌లో ఒక్క ప‌రుగు ఇవ్వ‌కుండా 5 వికెట్లు తీసిన తొలి బౌల‌ర్‌గా జ‌స్టిన్ గ్రీవ్స్ రికార్డుల‌కెక్కాడు. గ్రీవ్స్ త‌న తొలి ఆరు ఓవ‌ర్ల‌లో 27 ప‌రుగులు ఇచ్చి ఒక్క వికెట్ కూడా తీయ‌లేక‌పోయాడు. అయితే మ‌లి విడ‌త బౌలింగ్‌కు వ‌చ్చిన గ్రీవ్స్ తాను వేసిన వ‌రుస 5 ఓవ‌ర్ల‌లో ఓవ‌ర్‌కు ఒక్కో వికెట్ చొప్పున ఐదు వికెట్లు తీశాడు. ఈ క్ర‌మంలోనే ఆ ఐదు ఓవ‌ర్ల‌లో ఒక్క ప‌రుగు కూడా ఇవ్వ‌కుండా మెయిడెన్లు న‌మోదు చేయ‌డం విశేషం. టెస్టు క్రికెట్ చ‌రిత్ర‌లో 5 వికెట్లు తీసే క్ర‌మంలో ఒక్క ప‌రుగు ఇవ్వ‌కుండా ఈ ఘ‌న‌త సాధించిన తొలి క్రికెట‌ర్‌గా జ‌స్టిన్ గ్రీవ్స్ నిలిచాడు. ఒక ద‌శ‌లో మ్యాచ్ పాకిస్తాన్‌వైపు మొaగ్గు చూపింద‌ని అంతా భావించ‌గా, రెండో స్పెల్ బౌలింగ్‌కు వ‌చ్చిన జ‌స్టిన్ గ్రీవ్స్ త‌న అద్భుత బౌలింగ్‌తో మ్యాచ్‌ను పూర్తిగా తిప్పేశాడు. మూడో రోజు ఆట ప్రారంభంలో 3 వికెట్ల న‌ష్టానికి 244 ప‌రుగుల‌తో మంచి ప‌ట్టు సాధించిన పాకిస్తాన్‌కు గ్రీవ్స్ చుక్కలు చూపించాడు. త‌న వ‌రుస ఐదు ఓవ‌ర్ల‌లో పాక్ బ్యాట‌ర్లు షాన్ మ‌సూద్‌, మ‌హ్మ‌ద్ రిజ్వాన్‌, అలీ ఉస్మాన్‌, ఆమిర్ జ‌మాల్‌, మ‌హ్మ‌ద్ అబ్బాస్‌లను పెవిలియ‌న్ చేర్చాడు. జ‌స్టిన్ గ్రీవ్స్‌కు టెస్టుల్లో ఇదే తొలి ఐదు వికెట్లు ప్ర‌ద‌ర్శ‌న కావ‌డం విశేషం. గ్రీవ్స్ దెబ్బ‌కు భారీ స్కోరు చేస్తుంద‌నుకున్న పాకిస్తాన్ 282 ప‌రుగుల‌కు ఆలౌటైంది. మూడు వికెట్ల న‌ష్టానికి 244 ప‌రుగుల‌తో పటిష్టంగా క‌నిపించిన పాక్ త‌న చివ‌రి ఏడు వికెట్లను 38 ప‌రుగుల‌తో చేజార్చుకోవ‌డం విశేషం. మూడోరోజు ఆట ముగిసే స‌మ‌యానికి వెస్టిండీస్ రెండో ఇన్నింగ్స్‌లో 7 వికెట్ల న‌ష్టానికి 126 ప‌రుగులు చేసింది. కీమ‌ర్ రోచ్ (5), ష‌మ‌ర్ జోసెఫ్ (22) క్రీజులో ఉన్నారు. ప్ర‌స్తుతం విండీస్ 155 ప‌రుగుల ఆధిక్యంలో ఉంది. బౌలింగ్‌కు బాగా అనుకూలిస్తున్న పిచ్‌పై విజ‌యం ఎవ‌రిద‌నేది ఆస‌క్తిగా మారింది. 🚨Justin Greaves claims his maiden five-wicket haul in Test cricket. 🇼🇸Figures: 11 overs, 5/27- Pakistan: 267/9 (72 overs), trail by 44 runs. pic.twitter.com/eiZDyVLSiz— Talha Nawaz (@TalhaDigital007) July 27, 2026An unbelievable spell of fast bowling from West Indies seamer Justin Greaves that netted five consecutive wicket maidens in the first #WTC27 Test 💥More 👉 https://t.co/7XajvpaQ4g pic.twitter.com/aM1vcGFKDq— ICC (@ICC) July 28, 2026Read: రేపు టెస్టు జట్టు ప్రకటన.. బుమ్రా ఆడకపోతే అతడికే చాన్స్‌!

ప్రపంచ స్క్వాష్‌ జూనియర్‌ చాంపియన్‌షిప్‌లో భారత స్టార్‌ అనాహత్‌ సింగ్ ఫైన‌ల్‌కు దూసుకెళ్లింది. శ‌నివారం జ‌రిగిన సెమీఫైనల్లో అనాహ‌త్ 3-1 (11-3, 8-11, 11-4, 11-6) తేడాతో మూడో సీడ్‌ బార్బ్‌ సమెహ్‌ (ఈజిప్ట్)పై విజ‌యాన్ని అందుకుంది. త‌ద్వారా 21 ఏళ్ల త‌ర్వాత ప్ర‌పంచ స్క్వాష్ జూనియ‌ర్ చాంపియ‌న్‌షిప్ ఫైన‌ల్ చేరిన రెండో క్రీడాకారిణిగా అనాహ‌త్ సింగ్ రికార్డుల‌కెక్కింది. 2005లో జోష్నా చినప్ప ఈ టోర్నీలో ఫైన‌ల్ చేరిన తొలి క్రీడాకారిణిగా నిలిచింది. ఫైన‌ల్ బెర్తు ఖ‌రారు చేసుకున్న అనాహ‌త్ ప్ర‌పంచ స్క్వాష్ చాంపియ‌న్‌షిప్‌లో వరుసగా రెండో ఏడాది కూడా పతకాన్ని ఖరారు చేసుకుంది. తద్వారా ఈ చాంపియన్‌షిప్‌ చరిత్రలో రెండు పతకాలు నెగ్గిన తొలి భారతీయ స్క్వాష్‌ ప్లేయర్‌గా రికార్డు నెలకొల్ప‌నుంది. గతేడాది కైరోలో జరిగిన ప్రపంచ జూనియర్‌ చాంపియన్‌షిప్‌లో అనాహత్‌ సెమీఫైనల్లో ఓడిపోయి కాంస్యాన్ని సాధించింది. మ్యాచ్ విష‌యానికొస్తే నాలుగు గేమ్‌ల పాటు జ‌రిగిన మ్యాచ్‌లో అనాహ‌త్ తొలి గేమ్‌ను 11-3తో గెలుచుకోగా, రెండో గేమ్‌ను మాత్రం ప్ర‌త్య‌ర్థికి కోల్పోయింది. అయితే ఆ త‌ర్వాత వ‌రుస‌గా మూడు, నాలుగు గేముల్లో విజృంభించిన అనాహ‌త్ గేమ్‌ల‌తో పాటు మ్యాచ్‌ను కూడా కైవ‌సం చేసుకుంది. మ్యాచ్ విజ‌యం అనంత‌రం అనాహ‌త్ మాట్లాడుతూ.. ‘ఈ ప్ర‌ద‌ర్శ‌న ప‌ట్ల చాలా సంతోషంగా ఉన్నా. బ్రిటీష్ జూనియ‌ర్ ఓపెన్‌లో ఇదే బార్బ్‌ను ఎదుర్కొన్నా, అప్పుడు ప‌రిస్థితులు నాకు క‌ఠినంగా ఉన్నాయి. కానీ ఈసారి ఆ త‌ప్పిదం చేయ‌కూడ‌ద‌ని మొద‌టి నుంచి గెలుపు కోస‌మే ప్ర‌య‌త్నించాను. అయితే క్వార్ట‌ర్స్‌లో న‌మోదు చేసిన ప్ర‌ద‌ర్శ‌నను ఇక్కడ పున‌రావృతం చేయ‌డంలో విఫ‌ల‌మైన‌ప్ప‌టికీ సెమీస్‌లో విజ‌యం నాకు సంతృప్తినిచ్చింది. ఫైన‌ల్లో అడుగుపెట్ట‌డం ద్వారా నా త‌ల్లిదండ్రుల‌ను, కోచ్‌ల‌ను హ్యాపీ చేయ‌గ‌లిగాను. కానీ ఫైన‌ల్ గెలిస్తేనే నాకు ముగింపు’ అని చెప్పుకొచ్చింది. ANAHAT SINGH STORMS INTO THE FINALS OF JUNIOR WORLD C’SHIP 🏆🤩India’s Anahat defeated Barb Sameh of Egypt 🇪🇬 3-1 (11-3, 8-11, 11-4, 11-6) in the Semi Final!She became the second ever Indian to reach into the World Junior C’ship Final ✅WELL DONE! 🔥 pic.twitter.com/2wEfv2sDAK— The Khel India (@TheKhelIndia) July 25, 2026Read: రెండో టీ20కి భారత తుదిజ‌ట్టు అంచ‌నా.. అతడిపై వేటు!

ప్ర‌తిష్టాత్మ‌క లార్డ్స్ వేదిక‌గా ఇంగ్లండ్ మ‌హిళ‌ల‌తో జ‌రుగుతున్న ఏకైక టెస్టు మ్యాచ్‌లో హ‌ర్మ‌న్ సేన విజ‌యానికి చేరువ‌లో ఉంది. 457 ప‌రుగుల భారీ ల‌క్ష్యాన్ని ఛేదించే క్ర‌మంలో ఇంగ్లండ్ జ‌ట్టు ప్ర‌స్తుతం 130 ప‌రుగుల‌కే ఆరు వికెట్లు కోల్పోయి ఓట‌మి దిశ‌గా ప‌య‌నిస్తోంది. ఏదైనా అద్భుతం జ‌రిగితే త‌ప్ప భార‌త జ‌ట్టు గెలుపు లాంఛ‌న‌మే కానుంది. ఈ నేప‌థ్యంలో భార‌త వికెట్ కీప‌ర్ య‌స్తిక భాటియా లార్డ్స్ స్టేడియంలో అరుదైన రికార్డు సాధించింది. మ్యాచ్‌లో రెండో ఇన్నింగ్స్‌లో (113; 14 ఫోర్లు) సూప‌ర్ సెంచ‌రీ సాధించిన య‌స్తిక భాటియా లార్డ్స్ మైదానంలో సెంచ‌రీ చేసిన తొలి మ‌హిళా క్రికెట‌ర్‌గా రికార్డులకెక్కింది. సెంచ‌రీతో లార్డ్స్ స్టేడియంలోని బ్యాటింగ్ హాన‌ర్స్ బోర్డులో య‌స్తిక త‌న పేరును లిఖించుకుంది. లార్డ్స్ స్టేడియంలో మహిళల క్రికెట్‌లో ఇదే తొలి టెస్టు కావడంతో ఇప్పటివరకు భారత క్రికెటర్‌ స్మృతి మంధాన సాధించిన 83 పరుగులే అత్యుత్తమంగా ఉండేది. తాజాగా యస్తికా ఆ రికార్డును సవరించింది. ఇక ఓవ‌రాల్‌గా భారత క్రికెట్‌లో (పురుషులు, మ‌హిళ‌లు) క‌లిపి లార్డ్స్ మైదానంలో టెస్టుల్లో ఇప్ప‌టివ‌ర‌కు 11 మంది ప్లేయ‌ర్లు శ‌త‌కాలు సాధించారు.లార్డ్స్ మైదానంలో సెంచ‌రీ చేసిన భార‌త క్రికెట‌ర్ల జాబితా👉వినూ మ‌న్క‌డ్ (184 ప‌రుగులు, 1952)👉గుండ‌ప్ప విశ్వ‌నాథ్ (113 ప‌రుగులు, 1979)👉దిలీప్ వెంగ్‌స‌ర్కార్ (103 ప‌రుగులు 1979లో; 157 ప‌రుగులు 1982లో; 126 నాటౌట్ 1986లో)👉ర‌విశాస్త్రి (100 నాటౌట్‌, 1990)👉మహ్మ‌ద్ అజారుద్దీన్ (121, 1990)👉సౌర‌వ్‌ గంగూలీ (131, 1996)👉అజిత్ అగార్క‌ర్ (109 నాటౌట్‌, 2002)👉రాహుల్ ద్ర‌విడ్ (103 నాటౌట్‌, 2011)👉అజింక్య ర‌హానే (103, 2014)👉కేఎల్ రాహుల్ (129, 2025)👉య‌స్తిక భాటియా (105, 2026) A maiden Test hundred for Yastika Bhatia at the Home of Cricket.👏🏻👏🏻Watch #ENGWvINDW LIVE on #SonyLIV & #SonySportsNetwork 📺🔥 pic.twitter.com/PaKcZzu6rn— Sony LIV (@SonyLIV) July 12, 2026 History at the Home of Cricket. Yastika Bhatia becomes the first woman ever to score a Test century at Lord’s.The first woman. Ever.And with that, her name goes straight onto the Lord’s Honours Board.What a place to score your maiden Test hundred. 👏 pic.twitter.com/wBA7mOsjRd— CofCricket (@CofCricket) July 12, 2026చదవండి: ఇంగ్లండ్ టెస్టు హెడ్‌కోచ్‌గా రాహుల్ ద్రవిడ్‌!

యుద్ధాల్లో పాల్గొనే వీరులు సింహనాదాలు చేసేవారని పురాణాల్లో చదువుకున్నాం. అడవిలోని సింహం గర్జిస్తే, ఆ గర్జన ఏకంగా ఐదు కిలోమీటర్ల దూరం వరకు వినిపిస్తుంది. అడవి అడవంతా ప్రతిధ్వనిస్తుంది. సింహగర్జన శబ్దం 114 డెసిబల్స్‌ ఉంటుంది. సింహగర్జనను మించిన శబ్దంతో పెనుకేక పెట్టి ఆస్ట్రేలియన్‌ పెద్దమనిషి ఒకరు గిన్నిస్‌ రికార్డు బద్దలు కొట్టాడు. ఆస్ట్రేలియాలోని కాన్‌బెర్రాకు చెందిన జోసెఫ్‌ మెక్‌గ్రాల్‌ బేటప్‌ అనే 58 ఏళ్ల వ్యక్తి ‘నౌ’ అని పెనుకేక పెట్టాడు.ఆ కేక శబ్దం 122.4 డెసిబల్స్‌. అతడి కేకకు దెబ్బకు గిన్నిస్‌ రికార్డు బద్దలైంది. అంతకు ముందు 1994లో నార్త్‌ ఐర్లండ్‌ టీచర్‌ అనాలీసా ఫ్లాంగన్‌ ఇలాగే పెనుకేక పెట్టింది. ఆ శబ్దం 121.7 డెసిబల్స్‌గా నమోదై గిన్నిస్‌ రికార్డుకెక్కింది. ఇన్నాళ్లకు జోసెఫ్‌ పెట్టిన పెనుకేక ఆ రికార్డును అధిగమించింది. రికార్డు బద్దలు కొట్టాలనే ఉద్దేశంతో జోసెఫ్‌ అంత పెద్ద పెనుకేక వేశాడు గాని, ఆ తర్వాత కొద్దిరోజులు అతడి గొంతు బొంగురుపోయింది.

లార్డ్స్ వేదిక‌గా ఇంగ్లండ్‌తో జ‌రుగుతున్న ఏకైక టెస్టు మ్యాచ్‌లో భార‌త మ‌హిళ‌ల జ‌ట్టు వైస్ కెప్టెన్ స్మృతి మంధాన హాఫ్ సెంచ‌రీతో మెరిసింది. లార్డ్స్ వేదిక‌గా మ‌హిళ‌ల క్రికెట్‌లో ఇదే తొలి టెస్టు కావ‌డంతో మంధాన అరుదైన ఫీట్ సాధించింది. లార్డ్స్ వేదిక‌లో అర్ధ‌సెంచ‌రీ సాధించిన తొలి క్రికెట‌ర్‌గా మంధాన రికార్డుల‌కెక్కింది. 50 బంతుల్లో ఫిఫ్టీ సాధించిందిన మంధాన ఇన్నింగ్స్‌లో 9 ఫోర్లు, ఒక సిక్స‌ర్ ఉన్నాయి. అంతేకాదు మంధాన త‌న ఫిఫ్టీతో మ‌రో రికార్డు కూడా అందుకుంది. టెస్టు క్రికెట్‌లో ఫాస్టెస్ట్ ఫిఫ్టీ సాధించిన మ‌హిళా క్రికెట‌ర్ల జాబితాలో మంధాన చోటు ద‌క్కించుకుంది. గ‌తంలో 2021లో ఆస్ట్రేలియాతో టెస్టులో 51 బంతుల్లో ఫిఫ్టీ మార్క్ సాధించిన మంధాన ఇంగ్లండ్‌తో టెస్టులో 50 బంతుల్లో ఆ మార్క్‌ను చేరుకుంది. భార‌త క్రికెట‌ర్ల‌లో ఫాస్టెస్ట్ ఫిఫ్టీ సాధించిన మూడో క్రికెట‌ర్‌గా నిలిచింది. మంధాన కంటే ముందు సంగీతా డాబిర్ (1995లో ఇంగ్లండ్‌తో మ్యాచ్‌లో 42 బంతులు), శుభా స‌తీశ్ (2023లో ఇంగ్లండ్‌తో మ్యాచ్‌లో 49 బంతుల్లో) తొలి రెండు స్థానాల్లో ఉన్నారు. ఓవ‌రాల్‌గా చూసుకుంటే మంధాన ఐదో స్థానంలో ఉంది. తొలి స్థానంలో సంగీతా డాబిర్ ఉండ‌గా, ఇంగ్లండ్‌కు చెందిన న‌ట్ సివ‌ర్ బ్రంట్ (46 బంతులు, 48 బంతులు) రెండుసార్లు ఈ ఫీట్ అందుకోగా, శుభా స‌తీశ్ నాలుగో స్థానంలో ఉంది. మ్యాచ్ విష‌యానికొస్తే టాస్ ఓడి బ్యాటింగ్‌కు దిగిన భార‌త జ‌ట్టు 25 ఓవ‌ర్లు ముగిసేస‌రికి 3 వికెట్ల న‌ష్టానికి 123 ప‌రుగులు చేసింది. మంధాన (56), హ‌ర్మ‌న్‌ప్రీత్ (15) ప‌రుగుల‌తో క్రీజులో ఉన్నారు. First Test FIFTY in women's cricket at Lord's 🏟️And it's none other than #TeamIndia vice-captain Smriti Mandhana 👏👏Updates ▶️ https://t.co/O1rEau8j8n#ENGvIND pic.twitter.com/Z2oaM5vqsz— BCCI Women (@BCCIWomen) July 10, 2026చదవండి: చెప్పి మరీ ఔట్ చేశాడు.. వైభవ్‌కు ఆర్చర్ స్ట్రోక్‌!

ఇంగ్లండ్‌ గడ్డపై గత రెండు టీ20 సిరీస్‌లను సొంతం చేసుకున్న టీమిండియా ఈసారి మాత్రం తేలిపోయింది. బ్రిస్టల్‌ వేదికగా గురువారం ఇంగ్లండ్‌ జట్టుతో జరిగిన నాలుగో టీ20 మ్యాచ్‌లో భారత్‌ ఇంగ్లండ్‌ చేతిలో ఏకంగా 9 వికెట్ల తేడాతో ఓడిపోయింది. ఫలితంగా ఐదు మ్యాచ్‌ల సిరీస్‌ను మరో మ్యాచ్‌ మిగిలి ఉండగానే భారత జట్టు 0–3తో కోల్పోయింది. సిరీస్‌లోని తొలి మ్యాచ్‌ వర్షం వల్ల రద్దు కాగా... తర్వాతి మూడు మ్యాచ్‌ల్లో భారత జట్టుకు ఓటమి ఎదురైంది. దీంతో కెప్టెన్‌గా పగ్గాలు చేపట్టిన శ్రేయస్‌ అయ్యర్‌కు తీవ్ర నిరాశే మిగిలింది.అయితే, ఇంగ్లండ్‌తో నాలుగో టీ20లో వ్యక్తిగతంగా మాత్రం శ్రేయస్‌ అయ్యర్‌ మంచి ప్రదర్శన కనబరిచాడు. నాలుగో స్థానంలో బ్యాటింగ్‌కు వచ్చిన ఈ కుడిచేతి వాటం బ్యాటర్‌.. 49 బంతులు ఎదుర్కొని నాలుగు ఫోర్లు, ఐదు సిక్సర్ల సాయంతో 80 పరుగులతో అజేయంగా నిలిచాడు.డివిలియర్స్‌ ప్రపంచ రికార్డు బద్దలుఈ క్రమంలోనే శ్రేయస్‌ అయ్యర్‌.. సౌతాఫ్రికా దిగ్గజం ఏబీ డివిలియర్స్‌ పేరిట ఉన్న ప్రపంచ రికార్డును బద్దలు కొట్టాడు. ఇంగ్లండ్‌ గడ్డ మీద కెప్టెన్‌ హోదాలో ద్వైపాక్షిక టీ20 సిరీస్‌లో అత్యధిక పరుగులు సాధించిన క్రికెటర్‌గా చరిత్రకెక్కాడు.కాగా ఇంగ్లండ్‌తో సిరీస్‌లో భాగంగా తొలి టీ20లో శ్రేయస్‌ అయ్యర్‌ 47 బంతుల్లో 68 పరుగులు సాధించాడు. ఇక రెండో టీ20లో 37 పరుగులు చేసిన కెప్టెన్‌ సాబ్‌.. మూడో టీ20లో మాత్రం ఐదు పరుగులకే అవుటయ్యాడు. తాజాగా నాలుగో టీ20లో 80 పరుగులతో సత్తా చాటి.. ఇప్పటికి మొత్తంగా 190 పరుగులు పూర్తి చేసుకున్నాడు.ఇంగ్లండ్‌ గడ్డపై ద్వైపాక్షిక టీ20 సిరీస్‌లో కెప్టెన్‌ హోదాలో అత్యధిక పరుగులు చేసిన కెప్టెన్లు👉శ్రేయస్‌ అయ్యర్‌ (ఇండియా)- 2026లో నాలుగు మ్యాచ్‌లలో కలిపి 190 పరుగులు (రెండు అర్ధ శతకాలు)👉ఏబీ డివిలియర్స్‌ (సౌతాఫ్రికా)- 2017లో మూడు మ్యాచ్‌లలో కలిపి 146 పరుగులు (ఒక అర్ధ శతకం)👉ఆరోన్‌ ఫించ్‌ (ఆస్ట్రేలియా)- 2020లో మూడు మ్యాచ్‌లలో కలిపి 125 పరుగులు👉జోస్‌ బట్లర్‌ (ఇంగ్లండ్‌)- 2024లో రెండు మ్యాచ్‌లలో కలిపి 123 పరుగులు (రెండు అర్థ శతకాలు)👉బాబర్‌ ఆజం (పాకిస్తాన్‌)- 2021లో మూడు మ్యాచ్‌లలో కలిపి 118 పరుగులు (ఒక అర్ధ శతకం)కోహ్లి రికార్డు సమంఇదిలా ఉంటే.. ఇంగ్లండ్‌ గడ్డ మీద టీ20 సిరీస్‌లో ఒక ఇన్నింగ్స్‌లో అత్యధిక పరుగులు సాధించిన భారత కెప్టెన్‌గానూ శ్రేయస్‌ అయ్యర్‌ నిలిచాడు. అదే విధంగా ఇంగ్లండ్‌ జట్టుపై అత్యధిక వ్యక్తిగత టీ20 స్కోరు నమోదు చేసిన కెప్టెన్‌గా విరాట్‌ కోహ్లి (80 నాటౌట్‌) రికార్డును కూడా శ్రేయస్‌ సమం చేశాడు. కాగా ఐర్లాండ్‌ పర్యటనతో టీమిండియా టీ20 కెప్టెన్‌గా బాధ్యతలు చేపట్టిన శ్రేయస్‌ అయ్యర్‌కు తొలి ప్రయత్నంలోనే చేదు అనుభవం మిగిలింది. కనీవినీ ఎరుగని రీతిలో ఐరిష్‌ జట్టు చేతిలో టీమిండియా 2-0తో వైట్‌వాష్‌ అయింది. తాజాగా ఇంగ్లండ్‌కు సిరీస్‌ను చేజార్చుకుంది.చదవండి: ఆఖరి బంతికి సింగిల్‌... భారత్‌కు షాకిచ్చిన శ్రీలంక

తేనె అంటే చాలామందికి ఇష్టం. కానీ, జర్మనీకి చెందిన ఆండ్రే ఆర్టోల్ఫ్‌ మాత్రం పిచ్చి! ఎంతంటే, ఒక నిమిషంలో ఏకంగా కిలోకు పైగా తేనె తినేసేంత.అవును, ప్రపంచ రికార్డు కోసం బకెట్‌ నిండా తేనె ముందు పెట్టుకుని కేవలం 60 సెకన్లలోనే 1,273 గ్రాముల తేనెను గుటకలేసేశాడు. అంటే దాదాపు ఒక పెద్ద తేనె సీసా మొత్తాన్ని నిమిషంలో ఖాళీ చేశాడు. నీళ్లు తాగినట్టు తేనె తాగడం అంత ఈజీ కాదు. అది చిక్కగా ఉండటంతో గొంతులోకి వెళ్లడమే పెద్ద టాస్క్‌.అయినా ఆండ్రే మాత్రం స్పూన్‌ తర్వాత స్పూన్‌ వేగంగా తింటూ కొత్త ప్రపంచ రికార్డును తన ఖాతాలో వేసుకున్నాడు. వైరల్‌ అవుతోన్న అతని వీడియో చూస్తే ‘ఇంత తేనె ఎలా తిన్నాడు?‘ అనిపించక మానదు. అయితే ఇది ఒక్కరోజులో వచ్చిన విజయం కాదు. విచిత్రమైన తినే చాలెంజ్‌లలో ఇప్పటికే అనుభవం ఉన్న ఆండ్రే, తన వేగం, పట్టుదలతో మరోసారి ప్రపంచాన్ని ఆశ్చర్యపరచాడు.

ఐర్లాండ్‌తో జ‌రుగుతున్న తొలి టీ20 మ్యాచ్‌లో టీమిండియా ఓపెన‌ర్ అభిషేక్ శ‌ర్మ అరుదైన రికార్డులు సాధించాడు. ఈ మ్యాచ్‌లో అభిషేక్ శ‌ర్మ 19 బంతుల్లోనే అర్ధ‌శ‌తకం మార్క్ అందుకోవ‌డం ద్వారా ప‌లు రికార్డుల‌ను స‌వ‌రించాడు. ఆ రికార్డులు ఏంటనేవి ఒకసారి పరిశీలిద్దాం.👉అంత‌ర్జాతీయ టీ20 మ్యాచ్‌లో 20 లేదా అంత‌కంటే త‌క్కువ బంతుల్లో అర్ధ‌సెంచ‌రీ చేయ‌డం అభిషేక్ శ‌ర్మ‌కు ఇది ఐదోసారి కావ‌డం విశేషం. టీ20 క్రికెట్‌లో ఒక ఫుల్ మెంబ‌ర్ టీమ్ త‌ర‌ఫునఅత్య‌ధిక సార్లు తక్కువ‌ బంతుల్లో ఫిఫ్టీ సాధించిన బ్యాట‌ర్‌గా అభిషేక్ శ‌ర్మ రికార్డుల‌కెక్కాడు.👉ఐర్లాండ్‌పై అత్యంత త‌క్కువ బంతుల్లో ఫిఫ్టీ సాధించిన మూడో బ్యాట‌ర్‌గా అభిషేక్ నిలిచాడు. గ‌తంలో 2014లో స్టీఫెన్ మైబ‌ర్గ్ 17 బంతుల్లో హాఫ్ సెంచ‌రీ సాధించ‌గా, 2023లో బంగ్లాదేశ్ బ్యాట‌ర్ లిట‌న్ దాస్ 18 బంతుల్లో, తాజాగా అభిషేక్ 19 బంతుల్లో, 2025లో ఆస్ట్రేలియా బ్యాట‌ర్ ఫిల్ సాల్ట్ 20 బంతుల్లో ఫిఫ్టీ సాధించాడు.👉టీమిండియా త‌ర‌ఫున టీ20ల్లో త‌క్కువ బంతుల్లో వెయ్యి ప‌రుగులు పూర్తి చేసిన తొలి బ్యాట‌ర్‌గా అభిషేక్ నిలిచాడు. అభిషేక్ శ‌ర్మ వెయ్యి ప‌రుగులు పూర్తి చేసుకునేందుకు 528 బంతులు తీసుకున్నాడు. గ‌తంలో సూర్య‌కుమార్ యాద‌వ్ (573 బంతులు), శివ‌మ్ దూబే (648 బంతులు), సంజూ శాంస‌న్‌, హార్దిక్ పాండ్యా (679 బంతులు) త‌ర్వాతి స్థానాల్లో ఉన్నారు.

ఫిఫా ప్ర‌పంచ‌క‌ప్‌లో పోర్చుగ‌ల్ జ‌ట్టు తొలి విజ‌యాన్ని అందుకుంది. గ్రూప్ 'కె'లో భాగంగా కాంగో జట్టుతో జరిగిన తొలి మ్యాచ్‌ను 1-1తో 'డ్రా' చేసుకున్న పోర్చుగల్ మంగళవారం ఉజ్బెకిస్తాన్ జట్టుతో జరిగిన రెండో లీగ్ మ్యాచ్‌లో 5-0తో గెలుపొందింది. కెప్టెన్ క్రిస్టియానో రొనాల్డో (ఆట 6వ, 38వ నిమిషంలో) రెండు గోల్స్ చేయగా.... నూనో మెండెస్ (17వ నిమిషంలో), రాఫెల్ బియో (87వ నిమిషంలో) ఒక్కో గోల్ సాధించారు. ఉజ్బెకిస్తాన్ ప్లేయర్ ఖుసనోవ్ 60వ నిమిషంలో రెండు గోల్స్ సెల్ఫ్ గోల్ చేయ‌డంతో అవి పోర్చుగ‌ల్ ఖాతాలోకి వెళ్లిపోయాయి. ఇక తొలి మ్యాచ్‌లో విఫ‌ల‌మైన రొనాల్డో ఈ మ్యాచ్‌లో మాత్రం ఆరంభం నుంచే దుమ్మురేపాడు. మైదానంలో పాద‌ర‌సంలా క‌దిలిన రొనాల్డో డ‌బుల్ గోల్స్‌తో మెరిశాడు. ఈ నేప‌థ్యంలో క్రిస్టియానో రొనాల్డో 60 ఏళ్ల రికార్డు బ‌ద్ద‌లు కొట్టాడు. పోర్చుగ‌ల్ త‌ర‌ఫున ఫిఫాలో అత్య‌ధిక గోల్స్ చేసిన రికార్డు ఆ జ‌ట్టు దిగ్గ‌జం, బ్లాక్ పాంథ‌ర్ అని పిలుచుకునే యూసేబియో పేరిట ఉంది. యూసేబియో 1966 ఫిఫా ప్ర‌పంచ‌క‌ప్‌లో తొమ్మిది గోల్స్ కొట్ట‌డం విశేషం. ప్రపంచవ్యాప్తంగా "బ్లాక్ పాంథర్"గా ప్రసిద్ధి చెందిన యూసేబియో, కేవలం ఆరు మ్యాచ్‌ల్లోనే ఆ ఘనతను సాధించాడు. వాటిలో ఆరు గోల్స్‌ను లివ‌ర్‌పూల్‌లోని గూడిసన్ పార్క్ సాధించాడు. అతని తొమ్మిది గోల్స్‌లో నాలుగు పెనాల్టీ స్పాట్ నుండి రాగా, మిగిలిన ఐదు ఓపెన్ ప్లే నుంచి వచ్చాయి. ఆ టోర్నీలో పోర్చుగ‌ల్ మూడో స్థానంలో నిలిచింది. 60 ఏళ్ల‌గా ఏ పోర్చుగీసు ఆట‌గాడికి సాధ్యం కాని రికార్డును రొనాల్డో తాజాగా హ్యూస్ట‌న్‌లో బ‌ద్ద‌లుకొట్టాడు. అయితే యూసేబియో ఒకే టోర్నీలో తొమ్మిది గోల్స్ కొడితే.. రొనాల్డో ఆరు ఫిఫా ప్ర‌పంచ‌క‌ప్‌లు క‌లిపి 10 గోల్స్ కొట్ట‌డం గ‌మ‌నార్హం. అంతేకాదు ఈ మ్యాచ్‌లో గోల్‌ చేయడం ద్వారా వరుసగా ఆరు ప్రపంచకప్పుల్లో 2006 (1), 2010 (1), 2014 (1), 2018 (4), 2022 (1), 2026 (2) గోల్ చేసిన ఏకైక ప్లేయర్ రొనాల్డో కొత్త రికార్డు సృష్టించాడు. ప్రపంచకప్ మ్యాచ్‌ల్లో రెండు గోల్స్ చేసిన అతిపెద్ద వయస్కుడిగానూ రొనాల్డో (41 ఏళ్ల 138 రోజులు) రికార్డు సృష్టించాడు.Cristiano Ronaldo has now scored more World Cup goals for Portugal than any other player:◉ 10 - Cristiano Ronaldo ◎ 9 - Eusebio ◎ 4 - Pauleta Eusebio’s record had stood for 60 YEARS. 👀 pic.twitter.com/iru5UykaFE— Squawka (@Squawka) June 23, 2026Read: మునివేళ్లపై నిలబెట్టిన మ్యాచ్‌.. అల్జీరియా సంచలన విజయం

ప్రపంచవ్యాప్తంగా ప్రస్తుతం ఫిఫా క్రేజ్ నడుస్తోంది. ఏ దేశం చూసినా ఫుట్‌బాల్ మత్తులోనే తేలియాడుతోంది. గోల్స్ వర్షంలో అభిమానులు తడిసి ముద్దవుతున్న వేళ ఫిఫా ప్రపంచకప్ 2026 టోర్నీ కొత్త చరిత్ర సృష్టించింది. ఫిఫా చరిత్రలో 68 ఏళ్ల తర్వాత అత్యంత వేగంగా 100 గోల్స్ నమోదైన ఎడిషన్‌గా 2026 ఫిఫా టోర్నీ నిలిచింది. 1958 ఫిఫా ప్ర‌పంచ‌క‌ప్‌లో 32 లేదా 33 మ్యాచ్‌ల్లో వంద గోల్స్ న‌మోదైన‌ట్లు రికార్డుల్లో ఉంది.ఈసారి ఫిఫా ప్రపంచకప్‌లో 33 మ్యాచ్‌ల్లోనే 100 గోల్స్ మైలురాయిని చేరుకోవడం విశేషం. కాగా ప్రపంచకప్‌లో ఈసారి తొలి గోల్‌ను సౌతాఫ్రికాతో మ్యాచ్‌లో మెక్సికో ఆటగాడు జూలియన్ క్వినోనెస్ నమోదు చేయగా.. వందో గోల్‌ను నెదర్లాండ్స్ స్టార్ ఆటగాడు కోడీ గాకో కొట్టాడు. స్వీడన్‌తో మ్యాచ్‌లో కోడీ గోల్ కొట్టడం ద్వారా టోర్నీలో వందో గోల్ వచ్చింది. ఈ మ్యాచ్‌లో నెదర్లాండ్స్ 5-1 తేడాతో స్వీడన్‌ను చిత్తు చేసింది. కాగా ఫిఫా చరిత్రలో 33 మ్యాచ్‌ల్లో వంద గోల్స్ చేరుకోవడమనేది సరికొత్త రికార్డుగా పేర్కొనవచ్చు. గతంలో 1982, 2014 ప్రపంచకప్పుల్లో వంద గోల్స్ చేరడానికి 36 మ్యాచ్‌లు, 1978, 1994 టోర్నీల్లో 38 మ్యాచ్‌లు అవసరమయ్యాయి.అయితే 1954లో స్విట్జర్లాండ్ వేదికగా జరిగిన ఫిఫా ప్రపంచకప్‌లో మాత్రం కేవలం 20 మ్యాచ్‌ల్లోనే 100 గోల్స్ నమోదవ్వడం ఇప్పటికీ ఆల్‌టైమ్‌ రికార్డుగా ఉంది. ఈ రికార్డును అందుకోవడం ఇప్పట్లో కష్టతరమే. అంతేకాదు నెదర్లాండ్స్ జట్టు కూడా మరో అరుదైన ఘనత సాధించింది. ఫిఫా ప్రపంచకప్ చరిత్రలో 100 గోల్స్ క్లబ్‌లో చేరిన ఎనిమిదో దేశంగా నెదర్లాండ్స్ నిలిచింది. స్వీడన్‌తో మ్యాచ్‌లో బ్రియాన్ బ్రోబ్బే రెండు గోల్స్ సాధించగా.. అతని రెండో గోల్ నెదర్లాండ్‌కు ఫిఫా ప్రపంచకప్లలో 100వ గోల్‌గా నిలిచిపోయింది. మొత్తం మీద అమెరికా, కెనడా, మెక్సికో సంయుక్తంగా ఆతిథ్యమిస్తోన్న ఫిఫా ప్రపంచకప్ టోర్నీలో 48 దేశాలు పాల్గొంటున్నాయి. Read: ఫిఫాలో 1000వ మ్యాచ్‌.. జపాన్‌ గర్జనకు ట్యునీషియా చిత్తు

ముక్కోణపు వన్డే సిరీస్‌లో భాగంగా శ్రీలంక-ఏతో జరుగుతున్న ఫైనల్‌ మ్యాచ్‌లో వైభవ్‌ సూర్యవంశీ ఆకాశమే హద్దుగా చెలరేగుతున్నాడు. ఈ నేపథ్యంలో వైభవ్‌ సూర్యవంశీ 11 బంతుల్లోనే అర్ధసెంచరీ మార్క్‌ సాధించి ప్రపంచ రికార్డు సాధించాడు. లీగ్‌ దశలో లంక- ఏ ఆటగాళ్లతో గొడవను పర్సనల్‌గా తీసుకున్న వైభవ్‌ మ్యాచ్‌ ఆరంభం నుంచే లంక బౌలర్లను చీల్చి చెండాడుతూ ఫోర్లు, సిక్సర్లతో చెలరేగాడు. గతంలో లిస్ట్-ఏ క్రికెట్‌లో 2005లో శ్రీలంక క్రికెట‌ర్ కౌష‌ల్య వీర‌ర‌త్నే 12 బంతుల్లో ఫిఫ్టీ మార్క్ సాధించాడు. తాజాగా ఆ రికార్డును బ‌ద్ద‌లు కొట్టిన వైభ‌వ్ లిస్ట్‌-ఏ క్రికెట్‌లో అతి త‌క్కువ బంతుల్లో ఫిఫ్టీ సాధించిన తొలి ఆట‌గాడిగా రికార్డుల‌కెక్కాడు.అంతేకాదు వన్డే ఫార్మాట్‌లోనూ సౌతాఫ్రికా దిగ్గ‌జం ఏబీ డివిలియ‌ర్స్ రికార్డును వైభ‌వ్ సూర్య‌వంశీ బ‌ద్ద‌లు కొట్టాడు. ఏబీ డివిలియర్స్ 2015లో వెస్టిండీస్‌తో జ‌రిగిన వ‌న్డే మ్యాచ్‌లో 16 బంతుల్లోనే అర్ధ‌సెంచ‌రీ సాధించాడు. వెస్టిండీస్ బ్యాట‌ర్ మాథ్యూ ఫోర్డ్ కూడా 2025లో ఐర్లాండ్‌తో వ‌న్డేలో 16 బంతుల్లోనే ఫిఫ్టీ మార్క్ సాధించాడు. అయితే వైభ‌వ్ సూర్య‌వంశీ ఫాస్టెస్ట్ ఫిఫ్టీ మార్క్ అందుకున్న‌ది అన‌ధికారిక వ‌న్డే మ్యాచ్ కావ‌డంతో అంత‌ర్జాతీయంగా ఫాస్టెస్ట్ ఫిఫ్టీ రికార్డు మాత్రం ఏబీ డివిలియ‌ర్స్‌, మాథ్యూ ఫోర్డ్ పేరిటే ఉంది. ఇక టీ20 క్రికెట్‌లో యువ‌రాజ్ సింగ్ 12 బంతుల్లో సాధించిన ఫిఫ్టీ రికార్డు ఇప్ప‌టికీ ప‌దిలంగా ఉంది. అయితే క్రికెట్ చ‌రిత్ర‌లో ఏ ఫార్మాట్‌లోనైనా వైభ‌వ్ సూర్య‌వంశీ (11 బంతుల్లో 50 ప‌రుగులు)దే అత్యుత్త‌మం కావ‌డం విశేషం. 10 FOURS & 8 SIXES IN JUST 29 BALLS FOR VAIBHAV SOORYAVANSHI IN TRI SERIES FINAL 🥶🔥pic.twitter.com/3x16I9ONwb— Johns. (@CricCrazyJohns) June 21, 2026India A's Vaibhav Sooryavanshi smashed the fastest-ever List A fifty, reaching the milestone in just 11 balls against Sri Lanka A in the Tri-Series final. pic.twitter.com/vnzipNcZ6U— Sri Lanka Tweet 🇱🇰 (@SriLankaTweet) June 21, 2026 HEARTBREAK FOR VAIBHAV SOORYAVANSHI. 💔- 94 (29) with 10 fours and 8 sixes in the Tri-Series Final against Sri Lanka. Vaibhav absolutely ruled the Final and answered everyone who were doubting him. 🫡15 YEAR OLD IS SHOWING THE WORLD HIS SLAYING POWERS. 🇮🇳 pic.twitter.com/vk4RX8hFb6— Mufaddal Vohra (@mufaddal_vohra) June 21, 2026Read: టీ20 ప్ర‌పంచ‌క‌ప్ నుంచి పాకిస్తాన్ నిష్క్ర‌మ‌ణ‌

ప్రపంచ క్రికెట్‌లో పెను సంచలనంగా మారిన 15 ఏళ్ల భారత బుడ్డోడు వైభవ్‌ సూర్యవంశీ తాజాగా మరోసారి వార్తల్లో నిలిచాడు. వైభవ్‌ తొలిసారి భారత సీనియర్‌ జట్టుకు ఎంపికై సరికొత్త పలు రికార్డులు నెలకొల్పాడు. త్వరలో జరుగబోయే ఐర్లాండ్‌, ఇంగ్లండ్‌ టీ20 సిరీస్‌లతో పాటు ఆసియా క్రీడలకు ఎంపిక చేసిన మూడు భారత జట్లలో ఈ బిహారి బుడ్డోడు చోటు దక్కించుకున్నాడు.తద్వారా అత్యంత పిన్న వయస్సులో భారత సీనియర్‌ జట్టుకు ఎంపికైన ఆటగాడిగా రికార్డు నెలకొల్పాడు. ఈ క్రమంలో క్రికెట్‌ దిగ్గజం సచిన్‌ టెండూల్కర్‌ పేరటి 37 ఏళ్ల పాటు ఉండిన ఆల్‌టైమ్‌ రికార్డును బద్దలు కొట్టాడు. సచిన్‌ 1989లో పదహారేళ్ల 205 రోజుల వయసులో పాకిస్తాన్‌ మీద అరంగేట్రం చేయగా.. వైభవ్‌ కేవలం పదిహేనేళ్ల 71 రోజుల వయసులోనే టీమిండియాకు ఎంపికయ్యాడు. జూన్‌ 26 నుంచి ఐర్లాండ్‌తో జరుగబోయే సిరీస్‌లో వైభవ్‌ అరంగేట్రం చేయడం దాదాపుగా ఖరారైంది. ఈ లెక్కన పదిహేనేళ్ల 91 రోజుల వయసులో వైభవ్‌ టీమిండియా అరంగేట్రం చేయడం కూడా ఖరారైనట్లే.ఈ క్రమంలో వైభవ్‌ మరో చారిత్రక రికార్డు నెలకొల్పడం కూడా ఖాయమైంది. అత్యంత చిన్న వయసులో టీ20 అరంగేట్రం చేయనున్న ఐసీసీ ఫుల్‌ మెంబర్‌ జట్ల సభ్యుడిగా వైభవ్‌ చరిత్ర సృష్టించనున్నాడు. ప్రస్తుతం ఈ రికార్డు ఆఫ్ఘనిస్తాన్‌ ఆటగాడు ముజీబ్‌ ఉర్‌ రెహ్మాన్‌ పేరిట ఉంది. ముజీబ్‌ 2018లో 16 ఏళ్ల 314 రోజుల వయసులో టీ20 అరంగేట్రం చేశాడు. త్వరలో (15 ఏళ్ల 91 రోజులు) వైభవ్‌ ముజీబ్‌ రికార్డును బద్దలు కొట్టి సరికొత్త చరిత్ర సృష్టిస్తాడు. ఓవరాల్‌గా అత్యంత చిన్న వయసులో అంతర్జాతీయ టీ20 అరంగేట్రం​ చేసిన ఆటగాడి రికార్డు రొమేనియాకు చెందిన ఎం ఘెరసిమ్‌ పేరిట ఉంది. ఇతను 2020లో 14 ఏళ్ల 16 రోజుల వయసులో అంతర్జాతీయ టీ20 అరంగేట్రం చేశాడు.

భారత మహిళా క్రికెట్‌ జట్టు కెప్టెన్‌ హర్మన్‌ప్రీత్‌ సరికొత్త చరిత్ర సృష్టించింది. అంతర్జాతీయ మహిళా క్రికెట్‌లో ఇంత వరకు ఏ ప్లేయర్‌కూ సాధ్యం కాని అరుదైన ఘనత సాధించింది. టీమిండియా తరఫున 2009లో అరంగేట్రం చేసింది హర్మన్‌.అంచెలంచెలుగా ఎదిగి కెప్టెన్‌ స్థాయికి చేరుకున్న హర్మన్‌.. మహిళా క్రికెట్‌లో భారత్‌కు మొట్టమొదటి వన్డే వరల్డ్‌కప్‌ అందించింది. స్వదేశంలో గతేడాది జరిగిన మెగా టోర్నీలో జట్టును చాంపియన్‌గా నిలిపి.. దిగ్గజ కెప్టెన్ల సరసన చేరింది.ఇంగ్లండ్‌ పర్యటనలో..ఇటీవలే పద్మశ్రీ అవార్డు అందుకున్న 37 ఏళ్ల హర్మన్‌ ప్రస్తుతం ఇంగ్లండ్‌ పర్యటనలో ఉంది. ఆతిథ్య జట్టు తొలి టీ20కి దూరమైన ఆమె.. రెండో మ్యాచ్‌ నుంచి జట్టుతో చేరింది. అయితే, హర్మన్‌ సారథ్యంలో రెండో టీ20తో పాటు.. తాజాగా మూడో టీ20లోనూ ఓటమిపాలైంది.సిరీస్‌ ఇంగ్లండ్‌దేటాంటన్‌ వేదికగా మంగళవారం నాటి మ్యాచ్‌లో టాస్‌ ఓడి తొలుత బ్యాటింగ్‌కు దిగిన భారత్‌.. నిర్ణీత 20 ఓవర్లలో ఐదు వికెట్ల నష్టానికి 180 పరుగులు చేసింది. అయితే, ఇంగ్లండ్‌ కేవలం 18.3 ఓవర్లలో కేవలం నాలుగు వికెట్లు నష్టపోయి లక్ష్యాన్ని ఛేదించింది. ఈ మ్యాచ్‌లో హర్మన్‌ 40 బంతులు ఎదుర్కొని 56 పరుగులతో అజేయంగా నిలిచింది. ఇక ఈ విజయంతో ఇంగ్లండ్‌ టీ20 సిరీస్‌ను 2-1తో కైవసం చేసుకుంది.చరిత్ర సృష్టించిన టీమిండియా కెప్టెన్‌కాగా హర్మన్‌ అంతర్జాతీయ కెరీర్‌లో ఇది 368వ మ్యాచ్‌. తద్వారా మహిళల క్రికెట్‌లో అత్యధిక ఇంటర్నేషనల్‌ మ్యాచ్‌లు ఆడిన ప్లేయర్‌గా హర్మన్‌ ప్రపంచ రికార్డు సాధించింది. కాగా గతంలో ఈ రికార్డు న్యూజిలాండ్‌ స్టార్‌ సుజీ బేట్స్‌ పేరిట ఉండేది. ఆమె తన కెరీర్‌లో 367 మ్యాచ్‌లు ఆడింది.ఇక టీ20 ప్రపంచకప్‌-2026 తర్వాత సుజీ బేట్స్‌ రిటైర్‌ కానుండగా.. హర్మన్‌ప్రీత్‌ కౌర్‌ రిటైర్మెంట్‌ గురించి ఎలాంటి సంకేతాలు ఇవ్వలేదు. తద్వారా మరికొన్ని మ్యాచ్‌లలో పాల్గొని.. అత్యధిక మ్యాచ్‌లు ఆడిన ప్లేయర్‌గా హర్మన్‌ తన పేరును సుస్థిరం చేసుకునే అవకాశం లేకపోలేదు.మహిళల క్రికెట్‌లో అత్యధిక అంతర్జాతీయ మ్యాచ్‌లు ఆడిన ప్లేయర్లు🏏హర్మన్‌ప్రీత్‌ కౌర్‌ (భారత్‌)- 368🏏సుజీ బేట్స్‌ (న్యూజిలాండ్‌)- 367🏏ఎలిస్‌ పెర్రీ (ఆస్ట్రేలియా)- 357🏏మిథాలీ రాజ్‌ (భారత్‌)- 333🏏సోఫీ డివైన్‌ (న్యూజిలాండ్‌)- 313.చదవండి: కెప్టెన్‌గా శ్రేయస్‌.. భువీ రీఎంట్రీ!

మాంట్రియల్‌: టీనేజ్‌ వయసులో తాను సాధిస్తున్న విజయాలు గాలివాటమేమీ కాదని మెర్సిడెస్‌ జట్టు డ్రైవర్‌ కిమీ ఆంటోనెల్లి నిరూపించాడు. ఫార్ములావన్‌–2026 సీజన్‌లో వరుసగా నాలుగో విజయంతో ప్రపంచ రికార్డు నెలకొల్పాడు. భారత కాలమానం ప్రకారం ఆదివారం అర్ధరాత్రి దాటాక జరిగిన సీజన్‌ ఐదో రేసు కెనడియన్‌ గ్రాండ్‌ప్రిలో 19 ఏళ్ల ఆంటోనెల్లి విజేతగా నిలిచాడు. నిర్ణీత 68 ల్యాప్‌లను ఈ ఇటలీ డ్రైవర్‌ అందరికంటే వేగంగా, అందరికంటే ముందుగా 1 గంట 28 నిమిషాల 15.758 సెకన్లలో ముగించి అగ్రస్థానాన్ని సొంతం చేసుకున్నాడు. తద్వారా 76 ఏళ్ల ఫార్ములావన్‌ చరిత్రలో తమ కెరీర్‌ ప్రారంభంలో నాలుగు వరుస రేసుల్లో టైటిల్‌ సాధించిన తొలి డ్రైవర్‌గా ఆంటోనెల్లి గుర్తింపు పొందాడు. ఈ సీజన్‌లోని తొలి రేసు ఆ్రస్టేలియన్‌ గ్రాండ్‌ప్రిలో మెర్సిడెస్‌ జట్టుకే చెందిన జార్జి రసెల్‌ టైటిల్‌ నెగ్గగా... చైనా, జపాన్, మయామి, కెనడియన్‌ గ్రాండ్‌ప్రిలలో ఆంటోనెల్లి విజేతగా నిలిచాడు. 1983లో డామన్‌ హిల్‌ (హంగేరి, బెల్జియం, ఇటలీ గ్రాండ్‌ప్రి)... 1998లో మికా హాకినెన్‌ (చైనా, జపాన్, మయామి గ్రాండ్‌ప్రి) మాత్రమే తమ కెరీర్‌లో బరిలోకి దిగిన మూడు వరుస రేసుల్లో గెలుపొందారు. ఇక ఫార్ములావన్‌లో వరుసగా నాలుగు లేదా అంతకంటే ఎక్కువ రేసుల్లో గెలిచిన 16వ డ్రైవర్‌గా ఆంటోనెల్లి ఘనత వహించాడు. గతంలో వెర్‌స్టాపెన్‌ (వరుసగా 10; 2023లో), సెబాస్టియన్‌ వెటెల్‌ (వరుసగా 9; 2013లో), అల్బోర్టో అస్కారి (వరుసగా 7; 1953లో), మైకేల్‌ షుమాకర్‌ (వరుసగా 7; 2004లో), నికో రోస్‌బర్గ్‌ (వరుసగా 7; 2016లో), జాక్‌ బ్రాబమ్‌ (వరుసగా 5; 1960లో), జిమ్‌ క్లార్క్‌ (వరుసగా 5; 1965లో), నైజెల్‌ మాన్సెల్‌ (వరుసగా 5; 1992లో), లూయిస్‌ హామిల్టన్‌ (వరుసగా 5; 2014లో), జోచెన్‌ రింట్‌ (వరుసగా 4; 1966లో), అయిర్టన్‌ సెనా (వరుసగా 4; 1991లో), అలైన్‌ ప్రాస్ట్‌ (వరుసగా 4; 1993లో), డామన్‌ హిల్‌ (వరుసగా 4; 1995లో), ఫెర్నాండో అలోన్సో (వరుసగా 4; 2006లో), జెన్సన్‌ బటన్‌ (వరుసగా 4; 2009లో) ఈ జాబితాలో ఉన్నారు. ఈ జాబితాలోనే వరుసగా నాలుగు రేసుల్లో ఒకటికంటే ఎక్కువసార్లు గెలిచిన వాళ్లు కూడా ఉన్నారు. స్ప్రింట్‌ రేసులో సహచరుడు జార్జి రసెల్‌ను ఢీకొట్టిన ఆంటోనెల్లి ప్రధాన రేసులో మాత్రం దూసుకుపోయాడు. రెండో స్థానం నుంచి రేసును ఆరంభించిన ఆంటోనెల్లికి ‘పోల్‌ పొజిషన్‌’ సాధించిన సహచరుడు రసెల్‌తో గట్టిపోటీనే ఎదురైంది. తొలి 30 ల్యాపుల్లో వీరిద్దరి మధ్య ఆధిక్యం దోబూచులాడింది. చివరకు 38వ ల్యాప్‌లో ఇంజిన్‌లో సమస్య కారణంగా రసెల్‌ రేసు నుంచి వైదొలగగా>... అటునుంచి ఆంటోనెల్లి వెనుదిరిగి చూడలేదు. ఏకంగా పది సెకన్ల ఆధిక్యంతో ఆంటోనెల్లి టైటిల్‌ సాధించాడు. కేవలం నలుగురు డ్రైవర్లే నిర్ణీత 68 ల్యాప్‌లను పూర్తి చేయగా... 12 మంది డ్రైవర్లు ఒక ల్యాప్‌ తక్కువ చేశారు. మిగతా ఆరుగురు డ్రైవర్లు రేసు మధ్యలో నుంచి తప్పుకున్నారు. 22 రేసుల ఈ సీజన్‌లో ఐదు రేసులు ముగిశాక ఆంటోనెల్లి 131 పాయింట్లతో అగ్రస్థానంలో ఉన్నాడు. 88 పాయింట్లతో రసెల్‌ రెండో స్థానంలో, 75 పాయింట్లతో లెక్‌లెర్క్‌ మూడో స్థానంలో ఉన్నారు. సీజన్‌లోని తదుపరి రేసు మొనాకో గ్రాండ్‌ప్రి జూన్‌ 7వ తేదీన జరుగుతుంది.

అంతర్జాతీయ టీ20 ఫార్మాట్‌లో సరికొత్త ప్రపంచ రికార్డు నమోదైంది. క్రొయేషియా ఆల్‌రౌండర్‌ కనోర్‌ కరోల్‌ పేరు పొట్టి క్రికెట్‌ చరిత్ర పుటల్లోకి ఎక్కింది. ఆడిన తొలి మూడు అంతర్జాతీయ టీ20లలో అత్యధిక పరుగులు సాధించిన క్రికెటర్‌గా 23 ఏళ్ల కరోల్‌ నిలిచాడు.అరంగేట్రంలోనే మెరుపులు..టీ20 ప్రపంచకప్‌-2028 రీజినల్‌ యూరోప్‌ క్వాలిఫయర్‌-‘ఎ’లో భాగంగా కనోర్‌ కరోల్ (Connor Carroll).. ఫ్రాన్స్‌తో మ్యాచ్‌ సందర్భంగా క్రొయేషియా తరఫున అరంగేట్రం చేశాడు. తొలి మ్యాచ్‌లోనే ఈ లెఫ్టాండర్‌ బ్యాటర్‌ 34 బంతుల్లో 71 పరుగులతో దుమ్ములేపాడు. అయితే, ఈ మ్యాచ్‌లో క్రొయేషియా ఓడిపోయింది.విధ్వంసకర భారీ శతకంఇక తన రెండో మ్యాచ్‌లో స్విట్జర్లాండ్‌పై కరోల్‌ ఆకాశమే హద్దుగా చెలరేగి... భారీ శతకం సాధించాడు. కేవలం 72 బంతుల్లోనే 150 పరుగులు రాబట్టాడు. ఇందులో 10 సిక్సర్లు, 13 ఫోర్లు ఉన్నాయి. కరోల్‌ విధ్వంసకర ఇన్నింగ్స్‌ కారణంగా క్రొయేషియా 199 పరుగులు చేయగలిగింది.లక్ష్య ఛేదనకు దిగిన స్విట్జర్లాండ్‌ క్రొయేషియా చేతిలో 16 పరుగుల తేడాతో ఓడిపోయింది. ఆఫ్‌ స్పిన్నర్‌ అయిన కరోల్‌ ఈ మ్యాచ్‌ సందర్భంగా తన తొలి అంతర్జాతీయ వికెట్‌ కూడా తీశాడు. తాజాగా తన మూడో మ్యాచ్‌లో భాగంగా జెర్సీ జట్టుపై 31 బంతుల్లో 74 పరుగులు సాధించాడు.ప్రపంచ రికార్డుకానీ జెర్సీ (ఐలాండ్‌) విధించిన 280 పరుగుల లక్ష్యాన్ని ఛేదించడంలో క్రొయేషియా విఫలమైంది. అయితే, ఈ మ్యాచ్‌ సందర్భంగా కరోల్‌ మాత్రం ప్రపంచ రికార్డు సాధించాడు. ఆడిన తొలి మూడు అంతర్జాతీయ టీ20లలో కలిపి అత్యధికంగా 295 పరుగులు (సగటు 147.50, స్ట్రైక్‌రేటు 215.32) రాబట్టిన క్రికెటర్‌గా చరిత్రకెక్కాడు.అంతకు ముందు ఈ రికార్డు ఫ్రాన్స్‌కు చెందిన గుస్తవ్‌ మెకాన్‌ పేరిట ఉండేది. అతడు తన దేశం తరఫున తొలి మూడు టీ20లలో కలిపి 286 పరుగులు సాధించాడు. తాజాగా కనోర్‌ కరోల్‌ గుస్తవ్‌ను అధిగమించాడు. చదవండి: IPL 2026: చరిత్ర సృష్టించిన శుబ్‌మన్‌ గిల్‌.. 19 ఏళ్లలో ఒకే ఒక్కడు

చెన్నై సూపర్‌ కింగ్స్‌తో మ్యాచ్‌లో గుజరాత్‌ టైటాన్స్‌ ఓపెనర్లు శుబ్‌మన్‌ గిల్‌, సాయి సుదర్శన్‌ అద్భుత ప్రదర్శన కనబరిచారు. ఐపీఎల్‌-2026లో భాగంగా గురువారం నాటి ఈ పోరులో వీరిద్దరు అర్ధ శతకాలతో రాణించారు.కెప్టెన్‌ గిల్‌ 37 బంతుల్లో ఏడు ఫోర్లు, మూడు సిక్సర్ల సాయంతో 64 పరుగులు చేయగా.. సాయి సుదర్శన్‌ 53 బంతులు ఎదుర్కొని 84 పరుగులు సాధించాడు. అతడి ఇన్నింగ్స్‌లో ఏడు ఫోర్లు, నాలుగు సిక్సర్లు ఉన్నాయి.74 బంతుల్లో 125 పరుగులుఇక చెన్నైతో మ్యాచ్‌లో సాయి- గిల్‌ కలిసి తొలి వికెట్‌కు 74 బంతుల్లో 125 పరుగులు జోడించారు. తద్వారా ఐపీఎల్‌ చరిత్రలోనే అత్యంత అరుదైన ఘనత సాధించారు. సన్‌రైజర్స్‌ హైదరాబాద్‌ ఓపెనర్లు అభిషేక్‌ శర్మ- ట్రవిస్‌ హెడ్‌ పేరిట ఉన్న రికార్డు బద్దలు కొట్టారు.ఐపీఎల్‌లో అత్యధికసార్లు వంద పరుగులకు పైగా భాగస్వామ్యం నెలకొల్పిన ఓపెనింగ్‌ జోడీగా సాయి సుదర్శన్‌- శుబ్‌మన్‌ గిల్‌ నిలిచారు. అంతేకాదు.. పాకిస్తాన్‌ బ్యాటర్లు బాబర్‌ ఆజం- మహ్మద్‌ రిజ్వాన్‌ పేరిట ఉన్న ప్రపంచ రికార్డు సమం చేశారు. టీ20 క్రికెట్‌లో అత్యధికసార్లు వందకు పైగా పరుగులు జోడీగా నిలిచారు.ఐపీఎల్‌లో అత్యధికసార్లు 100కు పైగా పరుగుల భాగస్వామ్యం నెలకొల్పిన ఓపెనింగ్‌ జోడీలు👉సాయి సుదర్శన్‌- శుబ్‌మన్‌ గిల్‌ (గుజరాత్‌ టైటాన్స్‌)- ఏడుసార్లు👉అభిషేక్‌ శర్మ- ట్రవిస్‌ హెడ్‌ (సన్‌రైజర్స్‌ హైదరాబాద్‌)- ఆరుసార్లు👉శిఖర్‌ ధావన్‌- డేవిడ్‌ వార్నర్‌ (సన్‌రైజర్స్‌ హైదరాబాద్‌)- ఆరుసార్లు👉జానీ బెయిర్‌ స్టో- డేవిడ్‌ వార్నర్‌ (సన్‌రైజర్స్‌ హైదరాబాద్‌)ఐదుసార్లు👉ఫాఫ్‌ డుప్లెసిస్‌- విరాట్‌ కోహ్లి (రాయల్‌ చాలెంజర్స్‌ బెంగళూరు) ఐదుసార్లుటీ20 క్రికెట్‌లో అత్యధికంగా పదిసార్లు 100కు పైగా పరుగులు జోడించిన జంటలు👉బాబర్‌ ఆజం- మహ్మద్‌ రిజ్వాన్‌ (పాకిస్తాన్‌- కరాచీ కింగ్స్‌)👉ఏబీ డివిల్లియర్స్‌- విరాట్‌ కోహ్లి (రాయల్‌ చాలెంజర్స్‌ బెంగళూరు)👉క్రిస్‌ గేల్‌- విరాట్‌ కోహ్లి (రాయల్‌ చాలెంజర్స్‌ బెంగళూరు)👉సాయి సుదర్శన్‌- శుబ్‌మన్‌ గిల్‌ (గుజరాత్‌ టైటాన్స్‌)మ్యాచ్‌ విషయానికొస్తే.. చెన్నైతో మ్యాచ్‌లో గుజరాత్‌ ఓపెనర్లు కెప్టెన్‌ శుబ్‌మన్‌ గిల్‌ (37 బంతుల్లో 64), సాయి సుదర్శన్‌ (53 బంతుల్లో 84) అర్ధ శతకాలతో రాణించారు. వీరికి తోడు వన్‌డౌన్‌ బ్యాటర్‌ జోస్‌ బట్లర్‌ మెరుపు హాఫ్‌ సెంచరీ (27 బంతుల్లో 57 నాటౌట్‌)తో ఆకట్టుకున్నాడు. ఫలితంగా నిర్ణీత 20 ఓవర్లలో గుజరాత్‌ నాలుగు వికెట్ల నష్టానికి 229 పరుగులు చేసింది.చదవండి: మా చేతిలో పాక్‌ ఓటమి బాధించింది: బంగ్లాదేశ్‌ కోచ్‌6️⃣th fifty in TATA IPL 2026 for Shubman Gill! 👏GT skipper’s consistent run continues as he brings up his second-fastest fifty in the league! #TATAIPL Race to Playoffs 2026 👉 #GTvCSK | LIVE NOW https://t.co/BgI4AiRKkW pic.twitter.com/9aqFJiS8UL— Star Sports (@StarSportsIndia) May 21, 2026

గుజరాత్‌ టైటాన్స్‌ ఓపెనర్‌ సాయి సుదర్శన్‌ సరికొత్త చరిత్ర సృష్టించాడు. టీ20 ఫార్మాట్లో మూడు వేల పరుగుల మైలురాయిని చేరుకున్నాడు. ఈ క్రమంలో ఆస్ట్రేలియా మాజీ క్రికెటర్‌ షాన్‌ మార్ష్‌ పేరిట ఉన్న ఆల్‌టైమ్‌ రికార్డును సాయి బద్దలు కొట్టాడు.ఐపీఎల్‌-2026లో భాగంగా కోల్‌కతా నైట్‌ రైడర్స్‌- గుజరాత్‌ టైటాన్స్‌ మధ్య శనివారం మ్యాచ్‌ జరిగిన సంగతి తెలిసిందే. ఈడెన్‌ గార్డెన్స్‌ వేదికగా టాస్‌ గెలిచిన గుజరాత్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన కోల్‌కతా నిర్ణీత 20 ఓవర్లలో కేవలం రెండు వికెట్లు నష్టపోయి 247 పరుగుల మేర భారీ స్కోరు సాధించింది.మూడు అర్ధ శతకాలులక్ష్య ఛేదనలో గుజరాత్‌ ఓపెనర్లు సాయి సుదర్శన్‌, కెప్టెన్‌ శుబ్‌మన్‌ గిల్‌ మెరుగ్గా రాణించారు. సాయి 28 బంతుల్లో 6 ఫోర్లు, 3 సిక్సర్ల సాయంతో 53 పరుగులతో అజేయంగా నిలవగా.. గిల్‌ 49 బంతుల్లో 85 పరుగులు చేశాడు. మిగతావారిలో జోస్‌ బట్లర్‌ 35 బంతుల్లో 57 పరుగులు రాబట్టగలిగాడు.The 𝗦 in Effortle𝘀𝘀 stands for 𝗦hubman Gill and 𝗦ai Sudharsan 🤌Updates ▶️ https://t.co/m8jevRTt29#TATAIPL | #KhelBindaas | #KKRvGT pic.twitter.com/pLTiOLMZUU— IndianPremierLeague (@IPL) May 16, 2026అయితే, ఈ ముగ్గురి హాఫ్‌ సెంచరీలు గుజరాత్‌ను నిలబెట్టలేకపోయాయి. 20 ఓవర్లలో నాలుగు వికెట్ల నష్టానికి 218 పరుగులకే పరిమితమైన గుజరాత్‌.. 29 పరుగుల తేడాతో ఓటమిపాలైంది. ఇదిలా ఉంటే.. ఈ మ్యాచ్‌ సందర్భంగా సాయి సుదర్శన్‌ పొట్టి క్రికెట్‌లో మూడు వేల పరుగులు పూర్తి చేసుకున్నాడు.అతి తక్కువ ఇన్నింగ్స్‌లోనేఈ క్రమంలో అత్యంత వేగంగా.. అంటే అతి తక్కువ ఇన్నింగ్స్‌లోనే టీ20 ఫార్మాట్లో ఈ మైలురాయిని చేరుకున్న క్రికెటర్‌ సాయి సుదర్శన్‌ చరిత్రకెక్కాడు. అంతకు ముందు ఆసీస్‌ స్టార్‌ షాన్‌ మార్ష్‌ 85 ఇన్నింగ్స్‌లో ఈ ఘనత సాధించగా.. సాయి సుదర్శన్‌ కేవలం 78 ఇన్నింగ్స్‌లోనే ఈ ఫీట్‌ అందుకోవడం విశేషం.టీ20 ఫార్మాట్లో ఫాస్టెస్ట్‌ 3000 రన్స్‌ సాధించిన టాప్‌-5 క్రికెటర్లు👉సాయి సుదర్శన్‌ (ఇండియా)- 78 ఇన్నింగ్స్‌లో👉షాన్‌ మార్ష్‌ (ఆస్ట్రేలియా)- 85 ఇన్నింగ్స్‌లో👉డిఆర్సీ షార్ట్‌ (ఆస్ట్రేలియా)- 86 ఇన్నింగ్స్‌లో👉డెవాన్‌ కాన్వే (న్యూజిలాండ్‌)- 86 ఇన్నింగ్స్‌లో👉క్రిస్‌ గేల్‌ (వెస్టిండీస్‌)- 87 ఇన్నింగ్స్‌లోసాయి సుదర్శన్‌ టీ20 ఫార్మాట్‌ రికార్డు ఇదీఐపీఎల్‌లో గుజరాత్‌ తరఫున ఇప్పటికి 53 మ్యాచ్‌లలో కలిపి సాయి సుదర్శన్‌ 2347 పరుగులు సాధించాడు. తమిళనాడు తరఫున దేశీ టీ20 టోర్నీలో 25 మ్యాచ్‌లలో 670 పరుగులు చేశాడు. ఇక టీమిండియా తరఫున ఒక మ్యాచ్‌ ఆడినప్పటికీ పరుగులేమీ రాబట్టలేకపోయాడు.చదవండి: సెలక్టర్లు చెప్పినా నేను ద్రవిడ్‌ను జట్టు నుంచి తప్పించలేదు: గంగూలీ

ఓ చిచ్చర పిడుగు అనితర సాధ్యమైన ఘనత సాధించాడు. గుక్కతిప్పుకోకుండా వేగవంతంగా పాడే శివతాండవ స్త్రోత్రాన్ని ఓ చిన్నారి యోగాసనంలో రాజుగా పిలిచే శీర్షాసనంలో పఠించి అందర్నీ ఆశ్చర్యపరిచాడు. ఉచ్ఛ్వాశ నిశ్వాసాలపై నియంత్రణ సాగిస్తూ..కష్టతరమైన ఈ స్త్రోత్రాన్ని పఠించడం విశేషం. ఎవరా చిచ్చరపిడుగు అంటే..కర్ణాటకలోని సిర్సికి చెందిన ఎనిమిదేళ్ల ఓం ఈ రికార్డు నెలకొల్పాడు. సంస్కృత పదాలతో ఉండే శివతాండవ స్త్రోత్రాన్ని పఠించడానికి అపారమైన అంకితభావం, సాధన అవసరం. కానీ ఈ చిన్నారి ఓం గోడ ఆధారంగా చేసుకుని శీర్షాసనం వేసి చేతలు ఆధారం లేకుండా నమస్కరిస్తూ..అలవోకగా శివతాండవ స్త్రోత్రాన్ని పఠించి ప్రపంచ రికార్డు సృష్టించాడు. అంత చిన్న వయసులో అపారమైన ఏకాగ్రత, బ్యాలెన్సింగ్‌, క్రమశిక్షణపై ఉన్న పట్టు అందర్నీ అమితంగా ఆకర్షించింది. ప్రపంచ రికార్డు ప్రకారం.. చిన్నారి ఓం ఫిబ్రవరి 15న 3 నిమిషాల 47 సెకన్లలో ఈ ప్రదర్శనను పూర్తి చేశాడు. ఇక్కడ యోగాసనాల్లో అత్యంత కష్టమైన కఠినమైన ఆసనాన్ని కొనసాగిస్తూనే లయబద్ధంగా సంస్కృత పఠనాన్ని నిరంతరాయంగా కొనసాగించడం అత్యంత సవాలు. కానీ ఈ రెండింటిని అలవోకగా బ్యాలెన్స్‌ చేయలంటే సదరు వ్యక్తికి శ్వాస నియంత్రణ, శారీరక స్థిరత్వం, మానసిక ఏకాగ్రత అపారంగా ఉండాల్సిందే. కానీ ఈ ఆ చిన్నారి ఓం అంత చిన్న వయసులోనే వాటన్నింటిపై పట్టు సాధించి ఆ సవాలుని తక్కువ సమయంలోనే దిగ్విజయంగా పూర్తి చేసి ప్రపంచ రికార్డు నెలకొల్పడం విశేషం. View this post on Instagram A post shared by Boldsky (@boldskyliving) (చదవండి: ఒత్తిడి లేకుండా వందేళ్లు బతకాలంటే..! అక్కడికి వెళ్లాల్సిందే)

ఐపీఎల్ 2026 సీజ‌న్‌లో కేకేఆర్ ఓపెన‌ర్ ఫిన్ అలెన్ త‌న విలువేంటో తొలిసారి చూపించాడు. శుక్ర‌వారం ఢిల్లీ క్యాపిట‌ల్స్‌తో జ‌రిగిన మ్యాచ్‌లో కేకేఆర్ ఓపెన‌ర్ శ‌త‌కంతో చెల‌రేగాడు. 47 బంతుల్లోనే సెంచ‌రీ మార్క్ అందుకున్న ఫిన్ అలెన్ సుడిగాలి ఇన్నింగ్స్ ధాటికి కేకేఆర్ 143 ప‌రుగుల ల‌క్ష్యాన్ని కేవ‌లం 14.2 ఓవ‌ర్ల‌లోనే ఛేదించ‌డం విశేషం. ఈ నేప‌థ్యంలోనే ఫిన్ అలెన్ ప‌లు రికార్డుల‌ను త‌న పేరిట లిఖించుకున్నాడు.👉 2026 క్యాలెండ‌ర్ ఇయ‌ర్‌లో మూడు సెంచ‌రీలు బాదిన తొలి న్యూజిలాండ్ క్రికెట‌ర్‌గా ఫిన్ అలెన్ నిలిచాడు. ఈ ఏడాదిలో బీబీఎల్‌లో పెర్త్ స్కార్చ‌ర్స్ త‌ర‌ఫున 53 బంతుల్లో 101 ప‌రుగులు చేశాడు. ఇక 2026 టీ20 ప్ర‌పంచ‌క‌ప్‌లో న్యూజిలాండ్ త‌ర‌ఫున 33 బంతుల్లోనే సెంచ‌రీ మార్కును అందుకోవ‌డం విశేషం. తాజాగా ఐపీఎల్‌లో ఢిల్లీ క్యాపిట‌ల్స్‌తో మ్యాచ్‌లో 47 బంతుల్లో శ‌త‌కం సాధించాడు.👉 ఐపీఎల్‌లో న్యూజిలాండ్ త‌ర‌ఫున సెంచ‌రీ సాధించిన రెండో బ్యాట‌ర్‌గా ఫిన్ అలెన్ నిలిచాడు. ఫిన్ అలెన్ కంటే ముందు బ్రెండ‌న్ మెక్‌క‌ల్ల‌మ్ ఈ ఫీట్ సాధించాడు. మెక్‌క‌ల్ల‌మ్ ఐపీఎల్‌లో రెండుసార్లు సెంచ‌రీ మార్క్ చేరుకున్నాడు. మెక్‌క‌ల్ల‌మ్‌ కేకేఆర్ త‌ర‌ఫున తొలి శ‌త‌కం, సీఎస్‌కే త‌ర‌ఫున రెండో శత‌కాన్ని అందుకున్నాడు.👉 ఢిల్లీతో మ్యాచ్‌లో సెంచ‌రీ బాదిన ఫిన్ అలెన్ పేస‌ర్ల బౌలింగ్‌లో 16 బంతుల్లో 27 ప‌రుగులు రాబ‌ట్టాడు. అదే స‌మ‌యంలో స్పిన్న‌ర్ల బౌలింగ్‌లో 31 బంతుల్లోనే 73 ప‌రుగులు సాధించ‌డం విశేషం. త‌ద్వారా ఐపీఎల్‌లో స్పిన్న‌ర్ల బౌలింగ్‌లో అత్య‌ధిక ప‌రుగులు సాధించిన బ్యాట‌ర్ల జాబితాలో ఫిన్ అలెన్ సంయుక్తంగా మూడో స్థానంలో ఉన్నాడు.👉 ఐపీఎల్‌లో కేకేఆర్‌ త‌ర‌ఫున ఒకే ఇన్నింగ్స్‌లో అత్య‌ధిక సిక్స‌ర్లు బాదిన జాబితాలో ఫిన్ అలెన్ (10 సిక్స‌ర్లు) మూడో స్థానంలో ఉన్నాడు. రెండో స్థానంలో ఆండ్రీ ర‌సెల్ (11 సిక్స‌ర్లు వ‌ర్సెస్ సీఎస్‌కే, 2018), తొలి స్థానంలో బ్రెండ‌న్ మెక్‌క‌ల్ల‌మ్ (13 సిక్స‌ర్లు వ‌ర్సెస్ ఆర్సీబీ, 2008) కొనసాగుతున్నాడు.👉 ఐపీఎల్‌లో కేకేఆర్ త‌ర‌ఫున ఫిన్ అలెన్‌ది నాలుగో సెంచ‌రీ. గ‌తంలో మెక్‌క‌ల్ల‌మ్ (158 నాటౌట్‌), వెంక‌టేశ్ అయ్య‌ర్ (104), సునీల్ న‌రైన్ (109) సెంచ‌రీలు సాధించారు.👉 ఇదే మ్యాచ్‌లో ఢిల్లీ క్యాపిట‌ల్స్ అత్యంత చెత్త రికార్డును మూట‌గ‌ట్టుకుంది. ఈ సీజ‌న్‌లో అరుణ్‌జైట్లీ స్టేడియంలో ఢిల్లీకి ఇది వరుస‌గా ఐదో ఓట‌మి కావ‌డం గ‌మనార్హం. గతంలో 2013 నుంచి 2015 మ‌ధ్య ఢిల్లీ క్యాపిట‌ల్స్ వ‌రుస‌గా తొమ్మిది మ్యాచ్‌ల్లో ప‌రాజ‌యం చ‌విచూసింది.A 47-ball ton with the last 55 runs coming in only 16 balls 🤯Finn Allen finishes with 100* in a successful run chase of 143 🔥🔥Scorecard ▶️ https://t.co/NaWLphmJKY#TATAIPL | #KhelBindaas | #DCvKKR | @KKRiders pic.twitter.com/6Ze0sQosQB— IndianPremierLeague (@IPL) May 8, 2026చదవండి: ఫిన్ అలెన్ సెంచ‌రీ.. ఢిల్లీపై కేకేఆర్‌ విజయం

ఐపీఎల్ 2026 సీజ‌న్‌లో ముంబై ఇండియ‌న్స్ దారుణ ప్ర‌ద‌ర్శ‌న క‌న‌బ‌రుస్తోంది. ఆడిన 9 మ్యాచ్‌ల్లో ఏడు ప‌రాజ‌యాల‌తో ప్లేఆఫ్ ఆశ‌ల‌ను దాదాపు గ‌ల్లంతు చేసుకుంది. శ‌నివారం చెన్నై సూప‌ర్‌కింగ్స్ (సీఎస్‌కే)తో జ‌రిగిన మ్యాచ్‌లో ముంబై ఇండియ‌న్స్ 8 వికెట్ల తేడాతో చిత్తుగా ఓడిపోయింది. అయితే ఓడిన‌ప్ప‌టికీ ముంబై ఇండియ‌న్స్ ప్ర‌పంచ రికార్డును న‌మోదు చేయ‌డం విశేషం. టీ20 క్రికెట్ చరిత్రలో 50 వేల పరుగులు పూర్తి చేసిన మొట్టమొదటి జట్టుగా ముంబై ఇండియన్స్ చ‌రిత్ర‌ సృష్టించింది. సీఎస్‌కేతో మ్యాచ్‌లో ఈ అరుదైన దృశ్యం చోటుచేసుకుంది. 50వేల ప‌రుగుల మైలురాయిని అందుకోవ‌డానికి ముంబై ఇండియ‌న్స్‌కు 114 ప‌రుగులు అవ‌స‌రం కాగా.. ఇన్నింగ్స్ 15వ ఓవ‌ర్లో ఆ మైలురాయిని అందుకుంది. ముంబై ఇండియన్స్‌కు ఇది 308వ టీ20 మ్యాచ్. ఇందులో 286 ఐపీఎల్ మ్యాచ్‌లు కాగా.. మ‌రో 22 మ్యాచ్‌లు ఛాంపియన్స్ లీగ్‌వి ఉన్నాయి. ఇక‌ టీ20ల్లో అత్యధిక పరుగులు చేసిన జట్ల జాబితాలో ముంబై తర్వాత ఇంగ్లండ్‌కు చెందిన సోమర్‌సెట్‌ (48,244 పరుగులు), రాయల్ ఛాలెంజర్స్ బెంగళూరు (47,304 పరుగులు), చెన్నై సూపర్ కింగ్స్ (46,438 పరుగులు) తర్వాతి స్థానాల్లో కొన‌సాగుతున్నాయి. ముంబై తరఫున అత్యధిక పరుగులు చేసిన బ్యాటర్లలో రోహిత్ శర్మ (6,286 పరుగులు) అగ్రస్థానంలో ఉండగా, సూర్యకుమార్ యాదవ్ (3,933), కీరన్ పొలార్డ్ (3,915) తర్వాతి స్థానాల్లో నిలిచారు. ప్ర‌పంచ రికార్డు సాధించిన‌ప్ప‌టికీ మ్యాచ్ ఫ‌లితం మాత్రం ముంబై ఇండియ‌న్స్‌కు చేదు అనుభ‌వం మిగిల్చింది. మ్యాచ్‌లో తొలుత బ్యాటింగ్ చేసిన ముంబై ఇండియ‌న్స్ 20 ఓవ‌ర్ల‌లో 7 వికెట్ల న‌ష్టానికి 159 ప‌రుగులు చేసింది. న‌మ‌న్ ధిర్ (57) అర్థ‌సెంచ‌రీతో రాణించాడు. రికెల్‌ట‌న్ (37), సూర్య‌కుమార్ (21) ప‌ర్వాలేద‌నిపించారు. అన్షుల్ కంబోజ్ 3 వికెట్లు తీయ‌గా, నూర్ అహ్మ‌ద్ 2 వికెట్లు ప‌డ‌గొట్టాడు. అనంత‌రం బ్యాటింగ్ చేసిన చెన్నై సూప‌ర్‌కింగ్స్ 18.1 ఓవ‌ర్ల‌లో 2 వికెట్ల నష్టానికి 160 ప‌రుగులు చేసి విజ‌యాన్ని అందుకుంది. కెప్టెన్ రుతురాజ్ గైక్వాడ్ (67 నాటౌట్‌), కార్తిక్ శ‌ర్మ (54 నాటౌట్‌) సీఎస్‌కేను గెలిపించారు. సీజ‌న్‌లో చెన్నై సూప‌ర్‌కింగ్స్‌కు ఇది నాలుగో విజ‌యం కాగా.. ముంబైకి ఇది ఏడో ఓట‌మి. దీంతో ముంబై ప్లేఆఫ్ అవ‌కాశాలు మ‌రింత క్లిష్టం చేసుకుంది. పాయింట్ల ప‌ట్టిక‌లో సీఎస్‌కే 8 పాయింట్ల‌తో ఆరో స్థానంలో ఉండ‌గా.. ముంబై ఇండియ‌న్స్ 4 పాయింట్ల‌తో తొమ్మిదో స్థానంలో కొన‌సాగుతోంది.చదవండి: ఇంపాక్ట్‌ నిబంధనపై బీసీసీఐ కీలక నిర్ణయం!

పాకిస్తాన్‌ స్టార్‌ బ్యాటర్‌ బాబర్‌ ఆజం సరికొత్త చరిత్ర సృష్టించాడు. టీ20 క్రికెట్‌లో ఇంత వరకు ఏ ఆటగాడికీ సాధ్యం కాని అరుదైన ఘనత సాధించాడు. కాగా గత కొంతకాలంగా ఫామ్‌లేమితో విమర్శల పాలైన బాబర్‌.. ప్రస్తుతం పాకిస్తాన్‌ సూపర్‌ లీగ్‌ (PSL)తో బిజీగా ఉన్నాడు.బాబర్‌ ఆజం శతకంపెషావర్‌ జల్మీ జట్టుకు కెప్టెన్‌గా ఉన్న బాబర్‌ (Babar Azam).. ఇటీవలే ఫామ్‌లోకి వచ్చాడు. తాజాగా ఇస్లామాబాద్‌ యునైటెడ్‌తో జరిగిన క్వాలిఫయర్‌ మ్యాచ్‌లో అతడు అదరగొట్టాడు. కరాచీ వేదికగా మంగళవారం జరిగిన మ్యాచ్‌లో ఓపెనర్‌గా వచ్చిన బాబర్‌ ఆజం శతక్కొట్టాడు. ఈ కుడిచేతి వాటం బ్యాటర్‌ మొత్తంగా 59 బంతుల్లో 12 ఫోర్లు, 4 సిక్సర్ల సాయంతో 103 పరుగులు సాధించాడు.151 పరుగులకే ఆలౌట్‌బాబర్‌ ఇన్నింగ్స్‌ కారణంగా పెషావర్‌ జల్మీ నిర్ణీత 20 ఓవర్లలో ఏడు వికెట్ల నష్టానికి 221 పరుగులు సాధించింది. అనంతరం లక్ష్య ఛేదనకు దిగిన ఇస్లామాబాద్‌ యునైటెడ్‌ 151 పరుగులకే ఆలౌట్‌ అయింది. ఫైనల్‌కు పెషావర్‌ఫలితంగా 70 పరుగుల భారీ తేడాతో గెలుపొందిన పెషావర్‌ జల్మీ ఫైనల్‌కు దూసుకువెళ్లింది. ఈ మ్యాచ్‌లో పెషావర్‌ కెప్టెన్‌ బాబర్‌ ఆజంకు ప్లేయర్‌ ఆఫ్‌ ది మ్యాచ్‌ అవార్డు దక్కింది.కాగా పీఎస్‌ఎల్‌ తాజా సీజన్‌లో బాబర్‌ ఆజంకు ఇది రెండో సెంచరీ. ఈ క్రమంలోనే అతడు సౌతాఫ్రికా వెటరన్‌ స్టార్‌ ఫాఫ్‌ డుప్లెసిస్‌ పేరిట ఉన్న ప్రపంచ రికార్డు బద్దలు కొట్టాడు. టీ20 క్రికెట్‌లో కెప్టెన్‌ హోదాలో అత్యధిక సెంచరీలు సాధించిన క్రికెటర్‌గా బాబర్‌ ఆజం చరిత్ర సృష్టించాడు.టీ20 క్రికెట్‌లో కెప్టెన్‌ హోదాలో అత్యధిక సెంచరీలు సాధించిన ఆటగాళ్లు👉బాబర్‌ ఆజం (పాకిస్తాన్‌)- తొమ్మిది సెంచరీలు👉ఫాఫ్‌ డుప్లెసిస్‌ (సౌతాఫ్రికా)- ఎనిమిది సెంచరీలు👉మైకేల్‌ క్లింగెర్‌ (ఆస్ట్రేలియా)- ఏడు సెంచరీలు👉విరాట్‌ కోహ్లి (భారత్‌)- ఐదు సెంచరీలు👉జేమ్స్‌ విన్స్‌ (ఇంగ్లండ్‌)- ఐదు సెంచరీలు.చదవండి: అదే మా కొంపముంచింది.. అతడు మాత్రం అద్భుతం: శ్రేయస్‌

లండన్‌: ప్రతిష్టాత్మక లండన్‌ మారథాన్‌ రేసులో కెన్యా అథ్లెట్‌ సెబాస్టియన్‌ సావీ అద్భుతం చేశాడు. నిర్ణీత 42.195 కిలోమీటర్ల దూరాన్ని 1 గంట 59 నిమిషాల 30 సెకన్లలో పూర్తి చేసి కొత్త ప్రపంచ రికార్డు సృష్టించాడు. అంతేకాకుండా మారథాన్‌ రేసును 2 గంటల్లోపు ముగించిన తొలి అథ్లెట్‌గా సెబాస్టియన్‌ గుర్తింపు పొందాడు. ఇదే రేసులో రెండో స్థానంలో నిలిచిన యోమిఫ్‌ కెజెల్చా (ఇథియోపియా) 1 గంట 59 నిమిషాల 41 సెకన్లలో గమ్యానికి చేరాడు. తద్వారా 2 గంటల్లో మారథాన్‌ పూర్తి చేసిన రెండో అథ్లెట్‌గా నిలిచాడు. జేకబ్‌ కిప్లిమో (ఉగాండా) 2 గంటల 28 సెకన్లలో రేసును ముగించి మూడో స్థానంలో నిలిచాడు. సెబాస్టియన్, కెజెల్చా, కిప్లియో ఒకేరోజు ప్రపంచ రికార్డును బద్దలు కొట్టడం విశేషం. 2023 నుంచి కెల్విన్‌ కిప్టుమ్‌ పేరిట ఉన్న మారథాన్‌ ప్రపంచ రికార్డును (2 గంటల 35 సెకన్లు; చికాగో మారథాన్‌) ఆదివారం ఈ ముగ్గురూ సవరించారు.

అంతర్జాతీయ టీ20 క్రికెట్‌లో ఊహకందని ఓ అద్భుతం జరిగింది. మహిళల విభాగంలో ఓ బౌలర్‌ ఏకంగా 9 వికెట్లు తీసి, సరికొత్త ప్రపంచ రికార్డు నెలకొల్పింది. కలహరి మహిళల టీ20 టోర్నీ-2026లో భాగంగా లెసోథోతో జరిగిన మ్యాచ్‌లో బ్రెజిల్‌ బౌలర్‌ లారా కార్డోసో ఈ చారిత్రక ఫీట్‌ సాధించింది. ఈ మ్యాచ్‌లో 3 ఓవర్లు వేసిన ఆమె.. కేవలం 4 పరుగులు మాత్రమే ఇచ్చి, ఓ హ్యాట్రిక్‌ సహా 9 వికెట్లు పడగొట్టింది. ఫలితంగా 203 పరుగుల భారీ లక్ష్య ఛేదనకు దిగిన లెసోథో జట్టు 13 పరుగులకే ఆలౌటై (6.2 ఓవర్లలో), 190 పరుగుల భారీ తేడాతో ఘోర పరాజయంపాలైంది.అంతర్జాతీయ టీ20 క్రికెట్‌లో లారా కార్డోసో నమోదు చేసిన ఈ గణాంకాలు (3-0-4-9) ఏ విభాగంలో (పురుషులు, మహిళల) అయినా అత్యుత్తమంగా నిలిచిపోనున్నాయి. గతంలో అంతర్జాతీయ టీ20ల్లో అత్యుత్తమ బౌలింగ్‌ గణాంకాలు భూటాన్‌ బౌలర్‌ సోనమ్‌ యెషే పేరిట ఉండేవి. గతేడాది డిసెంబర్‌లో మయన్మార్‌తో జరిగిన అంతర్జాతీయ టీ20 మ్యాచ్‌లో యెషే కేవలం 7 పరుగులిచ్చి 8 వికెట్లు తీశాడు.

అత్యంత పిన్న వయస్సులోనే చదరంగంలో ప్రపంచ రికార్డు సాధించిన బాలుడిగా కొండా శ్రేయాన్ష్ మురళీ కృష్ణ పటేల్ నిలిచాడు. రెండు సంవత్సరాల 11 నెలల వయసులో ఈ ఘనత సాధించాడు. రాయ్ చెస్ అకాడమీ ఆధ్వర్యంలో నిర్వహించిన కార్యక్రమంలో రెండు అసాధారణ రికార్డులను నెలకొల్పి వరల్డ్ బుక్ ఆఫ్ రికార్డ్స్ (లండన్) స్థానం సాధించిన కొండా శ్రేయాన్ష్ కృష్ణ పటేల్ నిలిచాడు. 15 నిమిషాల 52 సెకండ్స్ లలో 93 బ్యాక్ ర్యాంక్ చెక్ మేట్స్ ను పరిష్కరించడంతో పాటు, 1 గంట 9 నిమిషాల 9 సెకండ్స్ లలో 21 చెస్ బోర్డ్ లను అమర్చి రెండు ప్రపంచ రికార్డులను సాధించి చరిత్ర సృష్టించాడు.జూబ్లీహిల్స్‌లోని ఎమ్మెల్యేస్ అండ్ ఎంపీస్ కాలనీ కల్చరల్ సెంటర్లో మంగళవారం వేడుకగా ఈ కార్యక్రమం జరిగింది. ముఖ్య అతిథిగా డిప్యూటీ సీఎం భట్టి విక్రమార్క అటవీ, దేవాదాయ శాఖ మంత్రి కొండా సురేఖ, క్రీడాశాఖ మంత్రి వాకిటి శ్రీహరి హాజరయ్యారు.శ్రేయాన్ష్ కృష్ణ పటేల్ ప్రపంచ రికార్డ్ సాధించి, భరతమాత ముద్దు బిడ్డగా, అపార మేధస్సు కలిగిన స్వామి వివేకానందునిగా అవతరించాడని మంత్రి వాకిటి శ్రీహరి ప్రశంసించారు. మరోవైపు.. తన మనవడి ప్రతిభను చూసి మంత్రి సురేఖ మురిసిపోయారు. ఈ సందర్భంగా మంత్రి సురేఖ, శ్రీయాన్ష్ తల్లి కొండా సుస్మిత పటేల్ ఉద్వేగంతో ఆనంద భాష్పాలు రాల్చారు.కాగా రాయ్ చెస్ అకాడమీ తరఫున క్రీడా శాఖ మంత్రి వాకిటి శ్రీహరి కొండా శ్రేయాన్ష్ పటేల్‌కు ట్రోఫీలు, సర్టిఫికెట్ లను ప్రదానం చేశారు. త్వరలో వరల్డ్ బుక్ ఆఫ్ లండన్ ద్వారా బ్రిటిష్ పార్లమెంట్లో సత్కారంతో పాటు సర్టిఫికెట్‌ను శ్రేయాన్ష్ కృష్ణ పటేల్ పొందనున్నాడు.

న్యూజిలాండ్‌ క్రికెటర్‌ అమేలియా కెర్‌ సరికొత్త చరిత్ర సృష్టించింది. మహిళల వన్డే క్రికెట్‌లో అత్యధిక వ్యక్తిగత స్కోరు సాధించిన నాన్‌- ఓపెనర్‌ బ్యాటర్‌గా ప్రపంచ రికార్డు సాధించింది. కాగా సౌతాఫ్రికా మహిళా జట్టుతో స్వదేశంలో న్యూజిలాండ్‌ వైట్‌బాల్‌ సిరీస్‌లు ఆడుతోంది.ఇందులో భాగంగా తొలుత టీ20 సిరీస్‌ జరుగగా ఆతిథ్య న్యూజిలాండ్‌ 4-1 తేడాతో సౌతాఫ్రికాను చిత్తు చేసింది. ఇక ఇరుజట్ల మధ్య వన్డే సిరీస్‌లో తొలి మ్యాచ్‌లో సౌతాఫ్రికా గెలవగా.. వెల్లింగ్‌టన్‌ వేదికగా బుధవారం రెండో వన్డే జరిగింది.346 పరుగులుటాస్‌ ఓడి తొలుత బ్యాటింగ్‌ చేసిన సఫారీ జట్టు నిర్ణీత 50 ఓవర్లలో 6 వికెట్ల నష్టానికి 346 పరుగులు చేసింది. కెప్టెన్‌ వాల్వర్ట్‌ (69; 8 ఫోర్లు, 1 సిక్స్‌), అనికె బాష్‌ (91; 12 ఫోర్లు), ట్రియాన్‌ (25 బంతుల్లో 52 నాటౌట్‌; 5 ఫోర్లు, 3 సిక్స్‌లు) హాఫ్‌సెంచరీలతో రాణించారు. అనంతరం ఛేదనలో న్యూజిలాండ్‌ 49.4 ఓవర్లలో 8 వికెట్లు కోల్పోయి 350 పరుగులు చేసి.. రెండు వికెట్ల తేడాతో గెలిచింది. మహిళల వన్డే క్రికెట్‌లో ఇదే అత్యధిక ఛేదన కావడం విశేషం.139 బంతుల్లో 179 పరుగులతో అజేయంగాగతేడాది ఆస్ట్రేలియాపై టీమిండియా ఛేజ్‌ చేసిన 339 పరుగుల స్కోరు రెండో స్థానానికి చేరింది. ‘ప్లేయర్‌ ఆఫ్‌ ద మ్యాచ్‌’, కివీస్‌ సారథి అమేలియా కెర్‌ (Amelia Kerr) ఆకాశమే హద్దుగా చెలరేగింది. వన్‌డౌన్‌లో బ్యాటింగ్‌ చేసిన ఆమె మొత్తంగా 139 బంతుల్లో 179 పరుగులతో అజేయంగా నిలిచింది.కెర్‌ ఇన్నింగ్స్‌లో 23 ఫోర్లు, 1 సిక్స్‌ ఉండటం విశేషం. ఇలా కెప్టెన్‌ ఇన్నింగ్స్‌తో కెర్‌ న్యూజిలాండ్‌ను విజయతీరాలకు చేర్చగా... ఆమెకు ఇసాబెల్లా (68;11 ఫోర్లు) చక్కటి సహకారం అందించింది. సఫారీ బౌలర్లలో ఖాకా 3 వికెట్లు పడగొట్టింది. తొలి మ్యాచ్‌లో దక్షిణాఫ్రికా విజయం సాధించగా... ప్రస్తుతం సిరీస్‌ 1–1తో సమమైంది.అమేలియా కెర్‌ ప్రపంచ రికార్డుసౌతాఫ్రికాతో రెండో వన్డే సందర్భంగా అమేలియా కెర్‌ 179 పరుగులతో అజేయంగా నిలవడం ద్వారా.. మహిళల వన్డే చరిత్రలో అత్యధిక వ్యక్తిగత స్కోరు సాధించిన నాన్‌- ఓపెనింగ్‌ ప్లేయర్‌గా రికార్డు సాధించింది. ఇంతకు ముందు ఈ రికార్డు శ్రీలంక దిగ్గజం చమరి ఆటపట్టు పేరిట ఉండేది.బ్రిస్టల్‌ వేదికగా 2017లో ఆస్ట్రేలియాతో జరిగిన మ్యాచ్‌లో ఆటపట్టు 178 పరుగులతో అజేయంగా నిలిచింది. తాజాగా ఆమె కంటే ఒక్క పరుగు ఎక్కువ చేసిన అమేలియా కెర్‌.. ఆటపట్టును అధిగమించింది. ఈ జాబితాలో టీమిండియా కెప్టెన్‌ హర్మన్‌ప్రీత్‌ కౌర్‌ (171), న్యూజిలాండ్‌ స్టార్లు సుజీ బేట్స్‌ (168), బీఎమ్‌ హైల్డే (157) కెర్‌, ఆటపట్టు తర్వాతి స్థానాల్లో నిలిచారు.చదవండి: నాకైతే భయం వేస్తోంది: వైభవ్‌ సూర్యవంశీపై పాక్‌ మాజీ క్రికెటర్ల వ్యాఖ్యలు

న్యూజిలాండ్ మ‌హిళ‌ల జ‌ట్టు కెప్టెన్ అమేలియా కెర్ అరుదైన రికార్డు సాధించింది. అంత‌ర్జాతీయ టీ20 క్రికెట్‌లో అమేలియా కెర్ వ‌రుస‌గా పదోసారి 30కి పైగా పరుగులు సాధించ‌డం విశేషం. సౌతాఫ్రికా మ‌హిళ‌ల‌తో జ‌రిగిన నాలుగో టీ20 మ్యాచ్ సంద‌ర్భంగా అమేలియా ఈ ప్రపంచ రికార్డును అందుకుంది. ఈ నేప‌థ్యంలోనే పురుషుల,మ‌హిళ‌ల క్రికెట్‌లోనూ ఎవ‌రికీ సాధ్యం కాని రికార్డు కూడా అమేలియా కెర్ తాజాగా త‌న పేరిట లిఖించుకుంది. గ‌తంలో అమేలియా కెర్ సహా శ్రీలంక‌కు చెందిన చ‌మేరి ఆట‌ప‌ట్టు, రోమానియాకు చెందిన రెబెక్కా బ్లేక్‌లు 9 సార్లు వ‌రుస‌గా 30కి పైగా స్కోర్లు సాధించారు.తాజాగా వీరిని వెన‌క్కినెట్టిన అమేలియా కెర్‌ అగ్ర‌స్థానంలో నిలిచింది. పురుషుల క్రికెట్‌లో రోహిత్ శ‌ర్మ (భార‌త్‌), అభిషేక్ శ‌ర్మ (భార‌త్‌), మ‌హ్మ‌ద్ రిజ్వాన్ (పాకిస్థాన్‌), హ్రిస్టో లాకోవ్‌లు వ‌రుస‌గా ఏడుసార్లు 30కి పైగా స్కోర్లు సాధించారు. ఇదే మ్యాచ్‌లో మరో కివీస్‌ బ్యాటర్‌ సోఫీ డివైన్ కూడా అరుదైన రికార్డు సాధించింది. మ్యాచ్‌లో 34 బంతుల్లో 64 ప‌రుగులు చేసిన సోఫీ డివైన్.. ద‌క్షిణాఫ్రికా జ‌ట్టుపై 10సార్లు 50 ప్ల‌స్ స్కోర్లు సాధించిన బ్యాట‌ర్‌గా నిలిచింది. గ‌తంలో బాబ‌ర్ ఆజ‌మ్ (వ‌ర్సెస్ న్యూజిలాండ్‌), స్మృతి మంధాన (వ‌ర్సెస్ ఇంగ్లండ్‌), బెత్‌ మూనీ (వ‌ర్సెస్ భార‌త్‌) తొమ్మిదేసి సార్లు 50 ప్ల‌స్ స్కోర్లు సాధించారు. మ్యాచ్ విష‌యానికి వ‌స్తే ఐదు మ్యాచ్‌ల టీ20 సిరీస్‌లో భాగంగా ఆదివారం సౌతాఫ్రికాతో జ‌రిగిన నాలుగో టీ20లో న్యూజిలాండ్ మ‌హిళ‌ల జ‌ట్టు 6 వికెట్ల తేడాతో విజ‌యం సాధించింది. మ‌రో మ్యాచ్ మిగిలి ఉండ‌గానే కివీస్ 3-1తో సిరీస్ కైవ‌సం చేసుకుంది. తొలుత బ్యాటింగ్ చేసిన సౌతాఫ్రికా మ‌హిళ‌ల జ‌ట్టు 20 ఓవ‌ర్ల‌లో 6 వికెట్ల న‌ష్టానికి 159 ప‌రుగులు చేసింది. అనంత‌రం కివీస్ మ‌హిళ‌లు 18.3 ఓవ‌ర్ల‌లోనే 4 వికెట్లు మాత్ర‌మే కోల్పోయి 160 ప‌రుగులు చేసి విజ‌యాన్ని అందుకుంది. జెస్ కెర్ ప్లేయ‌ర్ ఆఫ్ మ్యాచ్ అవార్డు గెలుచుకుంది. నామ‌మాత్ర‌మైన ఐదో టీ20 బుధ‌వారం జ‌ర‌గ‌నుంది.చదవండి: IPL 2026: అభిమానుల కన్నీటిపర్యంతం!

సాధారణ పరిస్థితుల్లో మారథాన్‌ చేయడమే కష్టం. అలాంటిది ప్రపంచంలోనే అత్యంత లోతైన భూగర్భంలో మారథాన్‌ అంటే..సవాలు ఏ రేంజ్‌లో ఉంటుందో చెప్పాల్సిన పనిలేదు. అలాంటి భయానక పరిస్థితులను తట్టుకుని విజయవంతంగా అత్యంత లోతైన భూగర్భంలో మారథాన్‌ చేసి ప్రపంచ రికార్డు సృష్టించి.. అరుదైన ఘనతను రన్నర్‌ నమోదు చేశారు . ఈ అసాధారణ మారథాన​ అక్టోబర్ 25, 2025న స్వీడన్‌లోని గార్పెన్‌బర్గ్‌లో జరిగింది.తలకు హెడ్‌ల్యాంప్‌లు ధరించి షూలేస్‌లను గట్టిగా కట్టి ..రన్నర్లు అత్యంత లోతైన భూమి లోపల ఈ ప్రత్యేకమైన రేసుని పూర్తి చేశారు. భూమి ఉపరితలం నుంచి సుమారు 1,118.56 మీటర్లు (3,669 అడుగుల 10 అంగుళాలు) లోతులో జరిగిన సర్టిఫైడ్ మారథాన్‌లో దాదాపు 18 దేశాల నుంచి యాభైఐదు మంది రన్నర్లు పాల్గొన్నారు. ఇక్కడ వాతావరణం వేడిగా, తేమగా, కొద్దిగా దుమ్ముతో కూడినది. ఇక ఈ రేసు జరిగిన లోతుని గురించి చెప్పాలంటే..ఈ భూగర్భ స్థాయి ప్రపంచంలోనే అత్యంత ఎత్తైన ఏంజెల్ జలపాతం, స్కాట్లాండ్‌లోని UKలోని ఎత్తైన పర్వతం బెన్ నెవిస్ కిందగా ఎంతో లోతు ఉంటుందో అంత లోతైనదిగా గుర్తించారు. ఈ మారథాన్‌ని బికమింగ్‌ఎక్స్ (యూకే), ఐసిఎంఎం (యూకే), బోలిడెన్ (స్వీడన్) సంయుక్తంగా నిర్వహించాయి. ఈ మారథాన్‌తో దాదాపు రూ. 8 కోట్ల డబ్బుని సేకరించారు. వీటిని దాతృత్వ కార్యక్రమాలకు వినియోగించనున్నారు. ఈ మారథాన్‌ రైసుతో మరో ప్రపంచ రికార్డుని కూడా నమోదు చేశారు. అదేంటంటే ఈ రన్నర్లు లోతైన భూగర్భ మారథాన్‌ దూరం వచ్చేసి 1,082.30 మీటర్ల (3,550 అడుగుల 10 అంగుళాలు) రన్‌ చేసి మరో రికార్డుని క్రియేట్‌ చేశారు. ఈ మేరకు ఈ మారథాన్‌ని నిర్వహించిన బికమింగ్‌ఎక్స్ సహ వ్యవస్థాపకుడు బేర్ గ్రిల్స్‌ మాట్లాడుతూ..వందల మీటర్ల భూగర్భంలో మారథాన్‌ను నిర్వహించడం అసాధారణమైన ఘనత అని, అయినప్పటికీ అది సాధ్యమయ్యే పరిధిలో ఉండేలా చూసుకోవడం చాలా అవసరమని పేర్కొన్నారు. సాధారణ పరిస్థితుల్లో కూడా మారథాన్ సహజంగానే కష్టమైనది, అలాంటి కఠినమైన వాతావరణంలో ఈ మారథాన్‌ రేసులో పాల్గొనడం అనేది తీవ్రమైన ఒత్తిడి అధిగమించే సవాలుగా పేర్కొన్నారు.(చదవండి: అదే అసలైన కాన్ఫిడెన్స్..!)

ఫస్ట్‌ క్లాస్‌ క్రికెట్‌లో పెను సంచలనం నమోదైంది. 254 ఏళ్ల చరిత్రలో ఎవరికీ సాధ్యం కాని రికార్డును న్యూజిలాండ్‌ పేసర్‌ బ్రెట్‌ రాండెల్‌ సాధించాడు. న్యూజిలాండ్‌లోని ప్లంకెట్ షీల్డ్ టోర్నీలో సెంట్రల్ డిస్ట్రిక్ట్స్ ఆడే బ్రెట్ రాండెల్.. నార్తర్న్ డిస్ట్రిక్ట్స్‌తో జరుగుతున్న మ్యాచ్‌లో ఐదు బంతుల్లో ఐదు వికెట్లు తీసి సరికొత్త చరిత్ర సృష్టించాడు. ఫస్ట్‌ క్లాస్‌ క్రికెట్‌ చరిత్రలో ఇప్పటివరకు ఏ బౌలర్‌ ఈ ఫీట్‌ను సాధించలేదు.ఈ మ్యాచ్‌లో రాండెల్‌ వరుసగా ఆరు బంతుల్లో ఆరు వికెట్లు సాధించలేకపోయినా, ఎనిమిది బంతుల్లో ఆరు వికెట్లు తీసి మరో రికార్డు సృష్టించాడు. మొత్తంగా 11 ఓవర్లలో 25 పరుగులకు 7 వికెట్లు తీసి తన కెరీర్‌లో అత్యుత్తమ గణాంకాలు నమోదు చేశాడు. రాండెల్‌ ధాటికి నార్తర్న్ డిస్ట్రిక్ట్స్ తొలి ఇన్నింగ్స్‌లో 82 పరుగులకే ఆలౌటైంది. రాండెల్‌ ధాటికి 4-0గా ఉన్న నార్తర్న్ డిస్ట్రిక్ట్స్ స్కోర్‌ స్వల్ప వ్యవధిలో 11-7కి చేరింది.గతంలోనూ ఉన్నా..!ఐదు బంతుల్లో ఐదు వికెట్లు తీసిన ఉదంతాలు గతంలో ఉన్నా.. ఫస్ట్‌క్లాస్‌ క్రికెట్‌లో నమోదు కావడం మాత్రం ఇదే మొదటిసారి. 2021లో జరిగిన ఓ టీ20 మ్యాచ్‌లో ఐర్లాండ్‌ బౌలర్‌ కర్టిస్‌ క్యాంఫర్‌ ఈ రేర్‌ ఫీట్‌ను సాధించాడు. 2024లో జింబాబ్వే మహిళా క్రికెటర్ కెలిస్ న్ద్లోవు ఓ అండర్‌-19 మ్యాచ్‌లో ఐదు బంతుల్లో ఐదు వికెట్లు తీశారు. కాగా, తాజా ఉదంతంలో ఐదు బంతుల్లో ఐదు వికెట్లు తీసిన రాండెల్‌కు ఈ మ్యాచ్‌లో ఆడే అవకాశం అనుకోకుండా వచ్చింది. సీనియర్ బౌలర్లు గాయాల కారణంగా అందుబాటులో లేకపోవడంతో రాండెల్‌ తుది జట్టులోకి వచ్చాడు. ఆ అవకాశాన్ని ఆయన చరిత్రాత్మక ప్రదర్శనగా మార్చి, ఫస్ట్ క్లాస్ క్రికెట్‌లో కొత్త అధ్యాయాన్ని లిఖించాడు.

వెస్టిండీస్‌తో సూపర్‌-8 మ్యాచ్‌లో టీమిండియా అదరగొట్టింది. ఐదు వికెట్ల తేడాతో విండీస్‌ను ఓడించి టీ20 ప్రపంచకప్‌-2026 టోర్నీ సెమీ ఫైనల్లో అడుగుపెట్టింది. ఈ క్రమంలో పాకిస్తాన్‌ పేరిట ఉన్న ప్రపంచ రికార్డును భారత జట్టు సమం చేసింది.సౌతాఫ్రికా చేతిలో చిత్తుగా ఓడిశ్రీలంకతో కలిసి వరల్డ్‌కప్‌ టోర్నీకి ఆతిథ్యం ఇస్తున్న డిఫెండింగ్‌ చాంపియన్‌ భారత్‌.. లీగ్‌ దశలో అజేయంగా నిలిచిన విషయం తెలిసిందే. అయితే, సూపర్‌-8 దశలో తొలి మ్యాచ్‌లోనే సౌతాఫ్రికా చేతిలో చిత్తుగా ఓడిన టీమిండియా సెమీస్‌ అవకాశాలను సంక్లిష్టం చేసుకుంది.వరుస విజయాలతో సెమీస్‌కుఅయితే, తదుపరి మ్యాచ్‌లో జింబాబ్వే (IND vs ZIM)ను భారీ తేడాతో ఓడించి సెమీ ఫైనల్‌ రేసులో ముందుకు వచ్చిన భారత్‌.. ఆదివారం నాటి మ్యాచ్‌లో వెస్టిండీస్‌ (IND vs WI)ను చిత్తు చేసి బెర్తును ఖరారు చేసుకుంది. కోల్‌కతాలోని ఈడెన్‌ గార్డెన్స్‌ వేదికగా టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన విండీస్‌ జట్టు నిర్ణీత 20 ఓవర్లలో నాలుగు వికెట్ల నష్టానికి 195 పరుగులు సాధించింది.విండీస్‌ బ్యాటర్లలో రోవ్‌మన్‌ పావెల్‌ (19 బంతుల్లో 34), జేసన్‌ హోల్డర్‌ (22 బంతుల్లో 37) అజేయ ఇన్నింగ్స్‌తో అలరించగా.. ఓపెనర్‌ రోస్టన్‌ ఛేజ్‌ (25 బంతుల్లో 40) టాప్‌ రన్‌ స్కోరర్‌గా నిలిచాడు. భారత బౌలర్లలో జస్‌ప్రీత్‌ బుమ్రా రెండు వికెట్లు తీయగా.. హార్దిక్‌ పాండ్యా, వరుణ్‌ చక్రవర్తి చెరో వికెట్‌ తమ ఖాతాలో వేసుకున్నారు.సంజూ స్పెషల్‌ఇక లక్ష్య ఛేదనలో భారత్‌ ఆరంభంలో తడబడినా ఓపెనర్‌ సంజూ శాంసన్‌ (Sanju Samson) జట్టును విజయతీరాలకు చేర్చాడు. 50 బంతుల్లో 12 ఫోర్లు, 4 సిక్సర్ల సాయంతో 97 పరుగులతో అజేయంగా నిలిచి గెలుపును ఖరారు చేశాడు. ఈ మ్యాచ్‌లో వెస్టిండీస్‌పై ఐదు వికెట్ల తేడాతో గెలిచిన భారత్‌ సెమీ ఫైనల్‌లో అడుగుపెట్టింది.Man on a mission! 🚀Sanju Samson looks in sublime touch as he bring up his fifty! 🙌ICC Men’s #T20WorldCup, SUPER 8, #INDvWI | LIVE NOW ➡️ https://t.co/Y26WH6p8dS pic.twitter.com/yrCOStYeaF— Star Sports (@StarSportsIndia) March 1, 2026పాక్‌ ప్రపంచ రికార్డు సమంకాగా టీమిండియా టీ20 ప్రపంచకప్‌ టోర్నీలో సెమీస్‌ చేరడం ఇది ఆరోసారి. తద్వారా పాకిస్తాన్‌ పేరిట ఉన్న ప్రపంచ రికార్డును భారత్‌ సమం చేసింది. ఇక ఇదే ఎడిషన్‌లో అందరి కంటే ముందే సెమీస్‌ బెర్తు ఖరారు చేసుకున్న ఇంగ్లండ్‌ సైతం ఆరోసారి సెమీ ఫైనల్లో అడుగుపెట్టి.. పాక్‌, భారత్‌ సరసన నిలిచింది. ఇక గురువారం నాటిమ్యాచ్‌లో ఫైనల్‌ బెర్తు కోసం టీమిండియా ఇంగ్లండ్‌ మధ్యమ్యాచ్‌ జరుగుతుంది. ఇందుకు ముంబై వేదిక.టీ20 ప్రపంచకప్‌ టోర్నీలో అత్యధికసార్లు సెమీ ఫైనల్‌ చేరిన జట్లు ఇవే👉పాకిస్తాన్‌- ఆరుసార్లు (2007, 2009, 2010, 2012, 2021, 2022)👉టీమిండియా- ఆరుసార్లు (2007, 2014, 2016, 2022, 2024, 2026)👉ఇంగ్లండ్‌- ఆరుసార్లు (2010, 2016, 2021, 2022, 2024, 2026చదవండి: ఇది సరిపోతుందా బాస్‌!.. విమర్శలకు సంజూ ’స్టైల్‌’ కౌంటర్‌

సౌతాఫ్రికా స్టార్‌ క్రికెటర్‌ క్వింటన్‌ డికాక్‌ సరికొత్త చరిత్ర సృష్టించాడు. టీ20 ప్రపంచకప్‌ టోర్నమెంట్లో ఇంత వరకు ఏ ఆటగాడికీ సాధ్యం కాని ఘనత సాధించాడు. ఈ క్రమంలో భారత దిగ్గజ కెప్టెన్‌ మహేంద్ర సింగ్‌ ధోని పేరిట ఉన్న ప్రపంచ రికార్డును ఈ వికెట్‌ కీపర్‌ బ్యాటర్‌ బద్దలు కొట్టాడు.టీ20 ప్రపంచకప్‌-2026 టోర్నీలో భాగంగా శనివారం నాటి మ్యాచ్‌లో సౌతాఫ్రికా న్యూజిలాండ్‌తో తలపడింది. అహ్మదాబాద్‌లోని నరేంద్ర మోదీ స్టేడియంలో టాస్‌ గెలిచిన సఫారీ జట్టు తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన కివీస్‌.. నిర్ణీత 20 ఓవర్లలో ఏడు వికెట్ల నష్టానికి 175 పరుగులు సాధించింది.యాన్సెన్‌ నాలుగు వికెట్లతో చెలరేగగా.. ప్రొటిస్‌ బౌలర్లలో మార్కో యాన్సెన్‌ (Marco Jansen) నాలుగు వికెట్లతో చెలరేగగా.. ఎంగిడి, కేశవ్‌ మహరాజ్‌, బాష్‌ తలా ఒక వికెట్‌ దక్కించుకున్నారు. మరోవైపు.. వికెట్‌ కీపర్‌ క్వింటన్‌ డికాక్‌ (Quinton de Kock) కివీస్‌ ఓపెనర్‌ టిమ్‌ సీఫర్ట్‌ (13) ఇచ్చిన క్యాచ్‌ను అందుకున్నాడు.ధోని వరల్డ్‌ రికార్డు బద్దలుఈ క్రమంలో టీ20 వరల్డ్‌కప్‌ టోర్నీలో అత్యధిక డిస్మిసల్స్‌లో భాగమైన వికెట్‌ కీపర్‌గా డికాక్‌ చరిత్రకెక్కాడు. ఇంతకుముందు ఈ రికార్డు ధోని పేరిట ఉండేది. టీ20 ప్రపంచకప్‌ ఈవెంట్లో ధోని 32 ఇన్నింగ్స్‌లో 32 డిస్మిసల్స్‌లో భాగం కాగా.. డికాక్‌ 30 ఇన్నింగ్స్‌లోనే 33 సార్లు ప్రత్యర్థి బ్యాటర్‌ అవుట్‌ కావడంలో తన వంతు పాత్ర పోషించాడు.ఇదిలా ఉంటే.. కివీస్‌ విధించిన నామమాత్రపు లక్ష్యంతో ఛేదనకు దిగిన సౌతాఫ్రికా 17.1 ఓవర్లలో కేవలం మూడు వికెట్లు నష్టపోయి 178 పరుగులు సాధించింది. తద్వారా న్యూజిలాండ్‌పై ఏడు వికెట్ల తేడాతో ఘన విజయం సాధించింది. కెప్టెన్‌, ఓపెనింగ్‌ బ్యాటర్‌ ఐడెన్‌ మార్క్రమ్‌ మెరుపు, అజేయ అర్ధ శతకం (44 బంతుల్లో 86)తో రాణించి గెలుపులో కీలక పాత్ర పోషించాడు. ఇక మరో ఓపెనర్‌ డికాక్‌ మాత్రం (14 బంతుల్లో 20) నిరాశపరిచాడు.Aiden Markram goes big over long-on for his third six of the innings! 💥The Proteas have started strong, racing past the 50-run mark in under 4 overs.ICC Men’s #T20WorldCup | #NZvSA | LIVE NOW 👉https://t.co/QWNvn10eTj pic.twitter.com/Fz1rZvafPE— Star Sports (@StarSportsIndia) February 14, 2026టీ20 ప్రపంచకప్‌ టోర్నీలో అత్యధిక డిస్మిసల్స్‌లో భాగమైన వికెట్‌ కీపర్లు👉క్వింటన్‌ డికాక్‌ (సౌతాఫ్రికా)- 33 డిస్మిసల్స్‌👉ఎంఎస్‌ ధోని (ఇండియా)- 32 డిస్మిసల్స్‌👉కమ్రాన్‌ అక్మల్‌ (పాకిస్తాన్‌)- 30 డిస్మిసల్స్‌👉దినేశ్‌ రామ్‌దిన్‌ (వెస్టిండీస్‌)- 27 డిస్మిసల్స్‌.చదవండి: IND vs PAK: అతడి ఆటకు మేము లొంగిపోము: సూర్య

టీ20 ప్రపంచకప్-2026 టోర్నీ‌లో న్యూజిలాండ్‌ రికార్డు విజయం సాధించింది. చెన్నై వేదికగా మంగళవారం యునైటెడ్‌ అరబ్‌ ఎమిరేట్స్‌ (UAE)తో తలపడింది కివీస్‌. చిదంబరం స్టేడియంలో జరిగిన గ్రూప్‌ ‘డి’ మ్యాచ్‌లోయూఏఈని ఏకంగా పది వికెట్ల తేడాతో చిత్తుగా ఓడించింది. ఓపెనర్లు సత్తా చాటడంతో న్యూజిలాండ్‌కు ఈ విజయం సాధ్యమైంది. వరల్డ్‌కప్‌ టోర్నీ తాజా ఎడిషన్‌ తొలి పోరులో అఫ్గనిస్తాన్‌ను ఓడించిన న్యూజిలాండ్‌కు ఇది వరుసగా రెండో గెలుపు కావడం విశేషం. తద్వారా సూపర్‌ ఎయిట్‌కు కివీస్‌ మరింత చేరువైంది.77 బంతుల్లోనే 107 పరుగులుకాగా న్యూజిలాండ్‌తో మంగళవారం నాటి మ్యాచ్‌లో టాస్‌ గెలిచి ముందుగా బ్యాటింగ్‌కు దిగింది యూఏఈ. నిర్ణీత 20 ఓవర్లలో 6 వికెట్ల నష్టానికి 173 పరుగులు చేసింది. కెప్టెన్‌‌ ముహమ్మద్‌ వసీమ్‌ (45 బంతుల్లో 66 నాటౌట్‌; 4 ఫోర్లు, 3 సిక్స్‌లు), అలీషాన్‌ షరఫు (47 బంతుల్లో 55; 5 ఫోర్లు, 2 సిక్స్‌లు) అర్ధ సెంచరీలు సాధించారు. వీరిద్దరు రెండో వికెట్‌కు 77 బంతుల్లోనే 107 పరుగులు జోడించారు.మిగతా వాళ్లంతా నామమాత్రపు స్కోర్లకే పరిమితమయ్యారు. ఇక కివీస్‌ బౌలర్లలో మాట్‌ హెన్రీకి 2 వికెట్లు తీయగా.. జేకబ్‌ డఫీ, లాకీ ఫెర్గూసన్‌, కెప్టెన్‌ మిచెల్‌ సాంట్నర్‌, గ్లెన్‌ ఫిలిప్స్‌ తలా ఒక వికెట్‌ పడగొట్టారు. ప్రపంచ రికార్డు అనంతరం న్యూజిలాండ్‌ 15.2 ఓవర్లలో వికెట్‌ నష్టపోకుండా 175 పరుగులు సాధించింది. ఓపెనర్లు ‘ప్లేయర్‌ ఆఫ్‌ ద మ్యాచ్‌’ టిమ్‌ సీఫెర్ట్‌, ఫిన్‌ అలెన్‌ ప్రత్యర్థి బౌలర్లకు చుక్కలు చూపించారు.సీఫెర్ట్‌ 42 బంతుల్లో 12 ఫోర్లు, 3 సిక్స్‌లు బాది 89 పరుగులు.. అలెన్‌ 50 బంతుల్లో 5 ఫోర్లు, 5 సిక్స్‌ల సాయంతో 84 రన్స్‌తో అజేయంగా నిలిచారు. ప్రత్యర్థికి ఏ దశలోనూ అవకాశం ఇవ్వకుండా ఆకాశమే హద్దుగా చెలరేగిపోయారు.తద్వారా తొలి వికెట్‌కు 92 బంతుల్లోనే 175 పరుగులు జత చేసి చరిత్ర సృష్టించారు. టీ20 ప్రపంచకప్‌ టోర్నీలో ఏ వికెట్‌కైనా అత్యధిక స్కోరు సాధించిన జోడీగా సీఫెర్ట్‌- అలెన్‌ ప్రపంచ రికార్డు సాధించారు. తమ అద్భుత ప్రదర్శనతో మరో 27 బంతులు మిగిలి ఉండగానే యూఏఈపై జట్టుకు విజయం అందించారు.టీ20 ప్రపంచకప్‌లో అత్యధిక భాగస్వామ్యం (ఏ వికెట్‌కైనా)🏏టిమ్‌ సీఫెర్ట్‌- ఫిన్‌ అలెన్‌ (న్యూజిలాండ్‌): 2026లో యూఏఈ మీద 175 నాటౌట్‌🏏జోస్‌ బట్లర్- అలెక్స్‌ హేల్స్‌ (ఇంగ్లండ్‌): 2022లో టీమిండియా మీద 170 నాటౌట్‌🏏క్వింటన్‌ డికాక్‌- రిలీ రొసోవ్‌ (సౌతాఫ్రికా): 2022లో బంగ్లాదేశ్‌ మీద 168 🏏మహేళ జయవర్దనే- కుమార్‌ సంగక్కర (శ్రీలంక): 2010లో వెస్టిండీస్‌ మీద 166🏏ఇబ్రహీం జద్రాన్‌- రహ్మనుల్లా గుర్బాజ్‌ (అఫ్గనిస్తాన్‌): 2024లో ఉగాండా మీద 154న్యూజిలాండ్‌ వర్సెస్‌ యూఏఈ స్కోర్లు👉యూఏఈ: 173/6(20)👉న్యూజిలాండ్‌: 175/0(15.2)👉ఫలితం: యూఏఈపై పది వికెట్ల తేడాతో న్యూజిలాండ్‌ జయభేరి.చదవండి: T20 WC: టీమిండియాకు భారీ షాక్‌!.. ఈసారి..Absolute carnage 🔥New Zealand shatter records with the highest partnership and the highest successful chase without losing any wickets in ICC Men’s T20 World Cup history. 🇳🇿ICC Men’s #T20WorldCup | #PAKvUSA | LIVE NOW 👉 https://t.co/97PRnnpgoP pic.twitter.com/KjichpPvP0— Star Sports (@StarSportsIndia) February 10, 2026

సాక్షి, హైద‌రాబాద్‌: పదేళ్ల బాలిక వేసిన పెయింటింగ్‌ విశ్వగురు వరల్డ్‌ రికార్డు సాధించింది. నిజాంపేట్‌ సద్గురు ది స్కూల్‌ ఆఫ్‌ ఆర్ట్స్‌లో పెయింటింగ్‌లో శిక్షణ పొందిన విశ్వేశ్వరరెడ్డి, అరుణ దంపతుల కుమార్తె ప్రవ్య ఆదిత్రి నాలుగు అడుగుల ఎత్తు, ఐదు అడుగుల వెడల్పు మొత్తం 20 అడుగుల కాన్వాస్‌పై కేవలం 12.44 నిమిషాల్లో శివుడి పెయింటింగ్‌ (Lord Shiva Painting) వేసి ఆదివారం ఈ రికార్డును సొంతం చేసుకుంది.బంజారాహిల్స్‌ ప్రసాద్‌ ఫిలిం ల్యాబ్స్‌లో హైకోర్టు న్యాయమూర్తి జస్టిస్‌ టి.మాధవిదేవి, రిటైర్డ్‌ ఎస్పీ ఎస్‌ఎం రత్న, డాక్టర్‌ గుండ్లూరు సురేంద్రబాబు, డాక్టర్‌ మల్లిక్‌ సింగరాజు, డాక్టర్‌ విజయభాస్కర్, విశ్వగురు వరల్డ్‌ రికార్డు ఫౌండర్‌ సీఈఓ డాక్టర్‌ సత్యవోలు రాంబాబు, డైరెక్టర్‌ పూజిత, డాక్టర్‌ ఎంఆర్‌ఎస్‌ రాజు సమక్షంలో అతి తక్కువ సమయంలో శివుడి పెయింటింగ్‌ వేసి ఆశ్చర్యపరిచింది. ఆమె ప్రతిభను తిలకించిన అతిథులు సన్మానించి అభినందనలు తెలిపారు. చ‌ద‌వండి: నో ఫోన్ చాలెంజ్‌.. 2 వారాల్లోనే అనూహ్య మార్పు

ఐర్లాండ్‌ క్రికెట్‌ జట్టు కెప్టెన్‌ పాల్‌ స్టిర్లింగ్‌ సరికొత్త చరిత్ర సృష్టించాడు. టీమిండియా బ్యాటింగ్‌ దిగ్గజం రోహిత్‌ శర్మ పేరిట ఉన్న అరుదైన టీ20 ప్రపంచ రికార్డును అతడు బద్దలు కొట్టాడు. యునైటెడ్‌ అరబ్‌ ఎమిరేట్స్‌ (UAE)తో తొలి టీ20 సందర్భంగా స్టిర్లింగ్‌ ఈ ఘనత సాధించాడు. ఇంతకీ ఆ రికార్డు ఏమిటంటారా?!టీ20 ప్రపంచకప్‌-2026 సన్నాహకాల్లో భాగంగా రెండు మ్యాచ్‌లు ఆడేందుకు ఐర్లాండ్‌ జట్టు.. యూఏఈ పర్యటనకు వెళ్లింది. ఇరుజట్ల మధ్య రెండు మ్యాచ్‌ల సిరీస్‌లో భాగంగా.. గురువారం తొలి టీ20 జరిగింది. దుబాయ్‌ వేదికగా టాస్‌ గెలిచిన ఐర్లాండ్‌ తొలుత బ్యాటింగ్‌ చేసింది.మెరుపు ఇన్నింగ్స్‌ఓపెనర్లలో కెప్టెన్‌ పాల్‌ స్టిర్లింగ్‌ (8) విఫలం కాగా.. రాస్‌ అడేర్‌ (39) మెరుగ్గా రాణించాడు. మిగిలిన వారిలో వికెట్‌ కీపర్‌ బ్యాటర్‌ లోర్కాన్‌ టకర్‌ (25 బంతుల్లో 38), కర్టిస్‌ కాంఫర్‌ (25) ఫర్వాలేదనిపించగా.. బెంజమిన్‌ కలిజ్‌ (12 బంతుల్లో 26 నాటౌట్‌), జార్జ్‌ డాక్రేల్‌ (10 బంతుల్లో 22 నాటౌట్‌) మెరుపు ఇన్నింగ్స్‌తో ఆకట్టుకున్నారు.ఫలితంగా నిర్ణీత 20 ఓవర్లలో ఐర్లాండ్‌ ఆరు వికెట్ల నష్టానికి 178 పరుగులు సాధించింది. యూఏఈ బౌలర్లలో జునైద్‌ సిద్దిఖి, హైదర్‌ అలీ చెరో రెండు.. ముహమ్మద్‌ అర్ఫాన్‌ ఒక వికెట్‌ దక్కించుకున్నారు. ఇక లక్ష్య ఛేదనలో 19.5 ఓవర్లలో 121 పరుగులకే యూఏఈ ఆలౌట్‌ అయింది.57 పరుగుల తేడాతో విజయం ఐర్లాండ్‌ బౌలర్లు మాథ్యూ హాంప్రేస్‌, గరేత్‌ డెలాని తలా మూడు వికెట్లు పడగొట్టి యూఏఈ బ్యాటింగ్‌ ఆర్డర్‌ను కుదేలు చేయగా.. బారీ మెకార్తి రెండు వికెట్లు పడగొట్టాడు. జార్జ్‌ డాక్రేల్‌, మార్క్‌ అడేర్‌ చెరో వికెట్‌ తమ ఖాతాలో వేసుకున్నారు. ఈ క్రమంలో తొలి టీ20లో ఐర్లాండ్‌ 57 పరుగుల తేడాతో విజయం సాధించి 1-0తో సిరీస్‌లో ఆధిక్యంలో నిలిచింది.ఇక పాల్‌ స్టిర్లింగ్‌కు అంతర్జాతీయ స్థాయిలో ఇది 160వ టీ20 మ్యాచ్‌ కావడం విశేషం. తద్వారా ఇప్పటి వరకు ఇంటర్నేషనల్‌ పొట్టి ఫార్మాట్లో.. అత్యధిక మ్యాచ్‌లు ఆడిన ఆటగాడిగా.. భారత మాజీ కెప్టెన్‌ రోహిత్‌ శర్మ (Rohit Sharma) పేరిట ఉన్న ఆల్‌టైమ్‌ రికార్డును స్టిర్లింగ్‌ బద్దలు కొట్టాడు. కాగా 2024లో టీమిండియాకు టీ20 వరల్డ్‌కప్‌ అందించిన తర్వాత అంతర్జాతయ టీ20లకు రోహిత్‌ వీడ్కోలు పలికిన సంగతి తెలిసిందే.అంతర్జాతీయ స్థాయిలో అత్యధిక టీ20 మ్యాచ్‌లు ఆడిన క్రికెటర్లుపాల్‌ స్టిర్లింగ్‌ (ఐర్లాండ్‌): 2009- 2026*- 160 మ్యాచ్‌లురోహిత్‌ శర్మ (ఇండియా): 2007-2024- 159 మ్యాచ్‌లుజార్జ్‌ డాక్రేల్‌ (ఐర్లాండ్‌): 2010-2026*- 153 మ్యాచ్‌లుమహ్మద్‌ నబీ (అఫ్గనిస్తాన్‌): 2010-2026- 148 మ్యాచ్‌లుజోస్‌ బట్లర్‌ (ఇంగ్లండ్‌): 2011-2025- 144 మ్యాచ్‌లు.చదవండి: Kohli Instagram Deactivate: ఇన్‌స్టాకు గుడ్‌బై ?.. కంగారుపడ్డ విరాట్‌ కోహ్లి ఫ్యాన్స్‌!

పట్టుమని పాతికేళ్లు లేవు.. కోట్లాది మంది అభిమానులు అతని సొంతం!. అన్నింట్లోనూ తలదూర్చడం.. తనకు సంబంధం లేని విషయాల్లో వేలు పెట్టడం అతని స్టైల్‌. ఆ ప్రయత్నంలో చేసే స్టంట్లు ‘భలే గమ్మత్తు’గా అనిపిస్తాయి. నవ్వులు పూయిస్తాయి. విమర్శలతో పాటు ట్రోలింగ్‌కు దారి తీస్తాయి. ఒక్కోసారి అతన్ని చూస్తే ‘పాపం’ అనిపిస్తుంది. అయితే అంతిమంగా ఆ చేష్టలే అతనికి ఆల్‌రౌండర్‌ గుర్తింపు తెచ్చి పెట్టాయి. డారెన్‌ జాసన్‌ వాట్కిన్స్‌ జూనియర్‌ ఈ పేరు ఎవరికీ తెలియకపోవచ్చు. కానీ, ఐషోస్పీడ్‌.. ఇంటర్నెట్‌ ప్రపంచంలో అందునా యువతకు సుపరిచితుడే.ఇంటర్నెట్‌ సెలబ్రిటీ, ప్రముఖ కంటెంట్‌ క్రియేటర్‌ అయిన ఐషోస్పీడ్‌(21).. అరుదైన ఫీట్‌ సాధించాడు. యూట్యూబ్‌లో అతని సబ్‌స్క్రైబర్ల సంఖ్య 48 మిలియన్‌లు దాటింది. తద్వారా ప్రపంచంలో అత్యధిక సబ్‌స్క్రయిబర్స్‌ లిస్ట్‌లో(వ్యక్తిగతంగా) రెండో స్థానంలో కొనసాగుతున్నాడు. ప్రస్తుతం స్పీడ్‌ “Speed Does Africa Tour”లో భాగంగా 28 రోజులపాటు ఆఫ్రికా టూర్‌లో ఉన్నాడు. జనవరి 11వ తేదీన కెన్యాలో అడుగుపెట్టిన అతనికి సాదర స్వాగతంతో పాటు 3.6 లక్షల కొత్త అభిమానులు వచ్చి చేరారు. అదీ ఒక్కరోజులోనే.స్పీడ్‌ కెన్యాలో అడుగుపెట్టిన వెంటనే లైవ్‌ స్ట్రీమింగ్‌ ప్రారంభించాడు. విమానాశ్రయం నుంచి వీధుల వరకు అతని వెంట అభిమానులు చేరుకున్నారు. ఒకేసారి 2 లక్షల మంది లైవ్‌లో వీక్షించడం యూట్యూబర్‌ చరిత్రలోనే అతిపెద్ద రికార్డులలో ఒకటిగా నిలిచింది. అదే రోజు X (ట్విటర్‌) ఫ్లాట్‌ఫారమ్‌లో 1.42 లక్షల సార్లు అతని పేరు ప్రస్తావించబడింది. ఇది కూడా ఓ రికార్డే.ఈ టూర్‌లో ఐస్పీడ్‌ కెనా అధ్యక్షుడు విలియం రూటోను కలిశాడు. “జాంబో, ఐషోస్పీడ్‌, కెన్యాకు స్వాగతం. కెన్యా ఒక దేశం మాత్రమే కాదు, ఇది ఒక అనుభూతి” అంటూ ఆత్మీయంగా పలకరించారు. టూరిజం మంత్రి రెబెక్కా మియానో కూడా అతడ్ని కలిశారు. అటుపై ఒలింపిక్‌ జావెలిన్‌ చాంపియన్‌ జూలియస్‌ యేగోను కలిశాడు. సఫారీ ర్యాలీలో కారులో ప్రయాణిస్తూ అభిమానులను ఉత్సాహపరిచాడు. నైరోబీ ప్రసిద్ధ మటాటు కల్చర్‌ను ఆస్వాదించాడు. నైరోబీ నేషనల్‌ మార్కెట్‌తో పాటు కెన్యట్టా మార్కెట్‌, ఉహురు పార్క్‌ను సందర్శించాడు. చివరగా.. హెలికాప్టర్‌ రైడ్‌లో నగరాన్ని వీక్షించి.. నిర్మాణంలో ఉన్న తలంతా స్టేడియం (రైలా ఒడింగా)ను వీక్షించాడు.Soooon 🔜He will Meet Aliens in 2027 😂#ishowspeed #ishowspeedinkenyapic.twitter.com/4GdF7a16DP— Barath (@barathcharlie23) January 11, 2026ఎవడీ స్పీడు!ఐషోస్పీడ్ అసలు పేరు డారెన్ జాసన్ వాట్కిన్స్ జూనియర్ (Darren Jason Watkins Jr). అమెరికాలోని ఓహియో రాష్ట్రం సిన్సినాటి నగరానికి చెందినోడు. యూట్యూబర్‌గానే కాకుండా.. లైవ్‌స్ట్రీమర్, రాపర్. ఫుట్‌బాలర్‌, రెజ్లర్‌.. ఇలా అన్ని రంగాల టచ్‌తో పాపులారిటీ సంపాదించుకుంటున్నాడు. క్రిస్టియానో రొనాల్డోకు వీడొక వీరాభిమాని. అందుకే ఫుట్‌బాల్‌కి సంబంధించిన కంటెంట్‌తో ఇంకా ఎక్కువ గుర్తింపు పొందాడు. అదే సమయంలో.. లైవ్‌ స్ట్రీమింగ్‌లో ప్రవర్తన, వివాదాస్పద వ్యాఖ్యలతోనూ విమర్శలు ఎదుర్కొన్న సందర్భాలు ఉన్నాయి. తల్లి లేకుండా పెరిగిన స్పీడు.. టీనేజ్‌ వయసులోనే యూట్యూబర్‌ అవతారం ఎత్తాడు. ఆ సమయంలో విరామం లేకుండా లైవ్‌ స్ట్రీమింగులు చేయడం.. తక్కువ ఆదాయం, విమర్శలతో మానసికంగా కుంగిపోయాడు. అయితే నేలకు కొట్టిన బంతిలా.. మళ్లీ అంతెత్తుకు ఎదిగాడు. స్పీడ్‌లోని ఎనర్జీ, హాస్యభరితమైన లైవ్‌స్ట్రీమ్స్‌ వల్ల అతనికి ఫ్యాన్స్‌ తయారవుతుంటారు. అలా అతగాడి పాపులారిటీని తమ దేశ టూరిజాన్ని పెంచుకునేందుకు వివిధ దేశాలు ప్రయత్నిస్తుంటాయి. తాను చేసే పనులు, చాలెంజ్‌లలో ఎన్నో దూల వేషాలు వేస్తూ.. మీమ్స్‌ రూపంలో సోషల్‌ మీడియాలో ఆదరణ దక్కించుకున్నాడు.. ఇలా ఈ స్పీడుగాడు భారత్‌లోనూ అభిమానుల్ని సంపాదించుకున్నాడు. Speed asking chat is this (Gandhi Ji) Virat Kohli grandpa .?😭😂😂#ishowspeed #ishowspeedinIndia@ishowspeedsui #ViratKohli @imVkohli pic.twitter.com/z6l7zsRpjW— abbhhiiiiiiii (@abbhhiiiiiii) October 12, 2023గతంలో 2023లో ఐషోస్పీడ్‌ భారత్‌కు వచ్చాడు. ఆ టైంలో ధోనీ, కోహ్లీ జెర్సీలు వేసుకుని ముంబై వీధుల్లో సందడి చేయడంతో క్రికెట్‌ ఆడాడు. ఆటోలో తిరిగాడు. ప్రముఖ సింగర్‌ దలేర్‌ మెహందీని కలిసి ర్యాప్‌ చేశాడు. మరోసారి వచ్చే ప్రయత్నం చేశాడు కానీ కుదరలేదు. ఈ ఏడాదిలో కచ్చితంగా అతను భారత్‌కు వచ్చే అవకాశం ఉంది.ప్రపంచంలో అత్యధిక ఫాలోవర్స్‌ ఉన్న వ్యక్తిగత యూట్యూబర్‌ MrBeast (జిమ్మీ డొనాల్డ్సన్). ఇతనికి 459 మిలియన్లకు పైగా సబ్‌స్క్రైబర్లు ఉన్నారు. ఆ తర్వాతి స్థానంలో టీ సిరీస్‌, కోకోమిలన్‌ చానెల్స్‌ ఉన్నాయి. అయితే వ్యక్తిగత జాబితాలో మాత్రం మిస్టర్‌బీస్ట్‌ తర్వాత ఐషోస్పీడ్‌లే యూట్యూబ్‌ టాప్‌లో ఉన్నాడు.

టీమిండియా దిగ్గజ బ్యాటర్‌, రికార్డుల రారాజు విరాట్‌ కోహ్లి 2025వ సంవత్సరం చివరి రోజు కూడా ఓ ప్రపంచ రికార్డు నెలకొల్పాడు. ఈ ఏడాది చివరి రోజు విడుదలైన ఐసీసీ వన్డే ర్యాంకింగ్స్‌లో రెండు స్థానాలు మెరుగుపర్చుకొని, రెండో స్థానానికి ఎగబాకిన విరాట్‌.. చరిత్రలో అత్యధిక సార్లు (10) టాప్‌-2లో (ఐసీసీ వన్డే ర్యాంకింగ్స్‌లో) సంవత్సరాన్ని ముగించిన ఆటగాడిగా చరిత్ర సృష్టించాడు.నేటికి ముందు ఈ రికార్డును విరాట్‌ మరో దిగ్గజ బ్యాటర్‌, విండీస్‌ యోధుడు వివ్‌ రిచర్డ్స్‌ (9), సౌతాఫ్రికా లెజండరీ ఆల్‌రౌండర్‌ షాన్‌ పొల్లాక్‌తో (9) కలిసి షేర్‌ చేసుకున్నాడు. తాజాగా సింగిల్‌గా ఈ ప్రపంచ రికార్డును కబ్జా చేశాడు.ఐసీసీ వన్డే ర్యాంకింగ్స్‌లో వరుసగా 2017, 2018, 2019, 2020 సంవత్సరాలను టాప్-1 బ్యాటర్‌గా ముగించిన విరాట్‌.. 2013, 2014, 2015, 2016, 2021, 2025 సంవత్సరాలను రెండో నంబర్‌ బ్యాటర్‌గా ముగించాడు. డిసెంబర్‌ నెలలో సౌతాఫ్రికాతో జరిగిన మూడు మ్యాచ్‌ల వన్డే సిరీస్‌లో రెండు శతకాలు, ఓ అర్ధశతకం సాయంతో 302 పరుగులు చేసిన విరాట్‌.. ఐసీసీ వన్డే బ్యాటర్ల ర్యాంకింగ్స్‌లో రెండో స్థానానికి ఎగబాకాడు. 2025ను నంబర్‌ వన్‌ బ్యాటర్‌గా ముగించిన ఆటగాడు మరో భారత దిగ్గజం రోహిత్‌ శర్మ కావడం మరో విశేషం. రోహిత్‌కు విరాట్‌కు రేటింగ్‌ పాయింట్ల పరంగా కేవలం 8 పాయింట్ల వ్యత్యాసం మాత్రమే ఉంది. రోహిత్‌ ఖాతాలో 781 పాయింట్లు ఉండగా.. విరాట్‌ ఖాతాలో 773 పాయింట్లు ఉన్నాయి.ఈ ఏడాదే టెస్ట్‌లకు, అంతకుముందు ఏడాది టీ20లకు రిటైర్మెంట్‌ ప్రకటించి వన్డేల్లో మాత్రమే కొనసాగుతున్న విరాట్‌.. వన్డేల్లో ఈ ఏడాది అద్భుత ప్రదర్శనలు కనబర్చాడు. 13 మ్యాచ్‌ల్లో 3 శతకాల సాయంతో 651 పరుగులు చేశాడు. ఇందులో ఛాంపియన్స్‌ ట్రోఫీ ఫైనల్లో పాక్‌పై శతకం ప్రత్యేకంగా నిలిచిపోతుంది.

పొట్టి క్రికెట్‌లో పెను సంచలనం నమోదైంది. ఈ ఫార్మాట్‌ చరిత్రలో తొలిసారి ఓ బౌలర్‌ 8 వికెట్ల ప్రదర్శన నమోదు చేశాడు. ఇప్పటివరకు ఈ ఫార్మాట్‌లో అత్యుత్తమంగా 7 వికెట్ల ప్రదర్శనలు మాత్రమే నమోదయ్యాయి.తాజాగా మయన్మార్‌తో జరిగిన అంతర్జాతీయ టీ20లో భూటాన్‌ బౌలర్‌ సోనమ్‌ ఎషే (22 ఏళ్ల లెఫ్డ్‌ ఆర్మ్‌ స్పిన్నర్‌) 8 వికెట్ల చారిత్రక ఫీట్‌ను సాధించాడు. ఈ మ్యాచ్‌లో సోనమ్‌ 4 ఓవర్లలో కేవలం 7 పరుగులిచ్చి (ఓ మెయిడిన్‌) ఏకంగా 8 వికెట్లు పడగొట్టాడు. సోనమ్‌ నమోదు చేసిన ఈ గణాంకాలు యుగయుగాలు గుర్తుండిపోతాయి.ఎషే చారిత్రక ప్రదర్శన కారణంగా ఈ మ్యాచ్‌లో మయన్మార్‌పై భూటాన్‌ 82 పరుగుల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన భూటాన్‌ 127 పరుగులు చేసింది. అనంతరం 128 పరుగుల ఛేదనలో మయన్మార్‌ 9.2 ఓవర్లలో 45 పరుగులకే ఆలౌటైంది. ఈ గెలుపుతో భూటాన్‌ 5 మ్యాచ్‌ల సిరీస్‌ను 3-0 తేడాతో కైవసం​ చేసుకుంది.పొట్టి క్రికెట్‌లో అత్యుత్తమ గణాంకాలు..సోనమ్‌ ఎషే (భూటాన్‌)- మయన్మార్‌పై 4-1-7-8శ్యాజ్రుల్‌ ఇద్రుస్‌ (మలేషినా)- చైనాపై 4-1-8-7అలీ దావూద్‌ (బహ్రెయిన్‌)- భూటాన్‌పై 4-0-19-7హర్ష భరద్వాజ్‌ (సింగపూర్‌)- మంగోలియాపై 4-2-3-6పీటర్‌ అహో (నైజీరియా)- సియెర్రా లియోన్‌పై 3.4-1-5-6దీపక్‌ చాహర్‌ (భారత్‌)- బంగ్లాదేశ్‌పై 3.2-0-7-6చదవండి: న్యూజిలాండ్‌ సిరీస్‌కు ముందే 'మరోసారి' రంగంలోకి దిగనున్న విరాట్‌ కోహ్లి

ఎప్పటికప్పుడు అద్భుతాలు సృష్టిస్తున్న చైనా.. మరో వరల్డ్ రికార్డ్ క్రియేట్ చేసింది. కేవలం రెండు సెకన్లలోనే గంటకు 700 కి.మీ వేగవంతమయ్యే మాగ్లెవ్ (Maglev) రైలు ఈ రికార్డ్ సృష్టించింది. దీనికి సంబంధించిన వీడియో కూడా సోషల్ మీడియాలో వైరల్ అవుతోంది.సోషల్ మీడియాలో వైరల్ అవుతున్న వీడియోలో.. చాలామంది ట్రైన్ రాకకోసం వేచి చూస్తున్నారు. అంతేలోనే మెరుపుతీగలా ట్రైన్ వెళ్లిపోయింది. అక్కడున్నవారంతా.. ఒక్కసారిగా అవాక్కయ్యారు. చూడటానికి ఇది ఒక సైన్స్ ఫిక్షన్ సినిమాలోని దృశ్యంలా కనిపిస్తుంది.అత్యంత వేగవంతమైన సూపర్‌కండక్టింగ్ ఎలక్ట్రిక్ మాగ్లెవ్ రైలును విజయవంతంగా టెస్ట్ చేశారు. 700 కిమీ వేగంతో వెళ్లినప్పటికీ.. రైలును సురక్షితంగా స్టాప్ చేశారు. ఈ టెస్ట్ చైనాలోని నేషనల్ యూనివర్సిటీ ఆఫ్ డిఫెన్స్ టెక్నాలజీ పరిశోధకులు నిర్వహించారు.🇨🇳China leads the future!🇨🇳🚄China set a global record by accelerating a ton-scale test maglev to 700 kilometers per hour in just two seconds.Dedicated to maglev research for 10 years, the Chinese technicians have overcome core technical challenges. pic.twitter.com/F1Mv8dUZvc— Shen Shiwei 沈诗伟 (@shen_shiwei) December 25, 2025మాగ్లెవ్ ట్రైన్స్.. సాధారణ పట్టాలపై నడవవు. బదులుగా ఇందులోని సూపర్ కండక్టింగ్ అయస్కాంతాలు రైలును ఎత్తి, పట్టాలను తాకకుండానే ముందుకు నెట్టివేస్తాయి. దీనివల్ల వేగం ఎక్కువగా ఉంటుంది. కాబట్టి వీటిని భవిష్యత్తులో వాక్యూమ్ సీల్డ్ ట్యూబ్‌ల ద్వారా ప్రయాణించేలా చేయనున్నారు.ప్రపంచంలో అత్యంత వేగవంతమైన మాగ్లెవ్ ట్రైన్ ప్రాజెక్టు కోసం చైనా యూనివర్సిటీ బృదం పదేళ్లుగా కృషి చేస్తున్నారు. 2025 జనవరిలో టెస్ట్ చేసినప్పుడు ఇది గంటకు 648 కి.మీ. గరిష్ట వేగాన్ని చేరుకుంది. ఇప్పుడు తాజాగా జరిపిన టెస్టులో 700 కిమీ వరకు వేగవంతం అయింది. అదే యూనివర్సిటీ.. మూడు దశాబ్దాల క్రితం దేశంలో మొట్టమొదటి మనుషులతో కూడిన సింగిల్-బోగీ మాగ్లెవ్ రైలును అభివృద్ధి చేసింది.🚄🇯🇵 Le train japonais Maglev L0 ne se contente pas d’être rapide : il redéfinit littéralement la notion de vitesse dans le transport moderne.Grâce à la lévitation magnétique, il flotte au-dessus de son rail, éliminant toute friction et lui permettant d’atteindre plus de 600… pic.twitter.com/hnV4VnZ3Ro— Le Contemplateur (@LeContempIateur) December 4, 2025

విజ‌య్ హ‌జారే ట్రోఫీ 2025-26లో టీమిండియా స్టార్‌, ఢిల్లీ బాయ్ విరాట్ కోహ్లి అదరగొడుతున్నాడు. దాదాపు 15 ఏళ్ల తర్వాత ఈ దేశవాళీ వన్డే టోర్నీలో ఆడుతున్న కోహ్లి.. అద్భుత ప్రదర్శనలతో దూసుకుపోతున్నాడు. తొలి మ్యాచ్‌లో ఆంధ్రప్రదేశ్‌పై విధ్వంసకర సెంచరీతో చెలరేగిన కోహ్లి.. ఇప్పుడు రెండో మ్యాచ్‌లో గుజరాత్‌పై మ్యాచ్ విన్నింగ్ నాక్ ఆడాడు. 61 బంతుల్లో 13 ఫోర్లు, ఒక సిక్సర్ సాయంతో 77 పరుగులు చేశాడు.ఈ క్రమంలో కింగ్ కోహ్లి ఓ అరుదైన రికార్డును తన పేరిట లిఖించుకున్నాడు. లిస్ట్‌-ఎ క్రికెట్‌లో అత్యధిక యావరేజ్ కలిగిన బ్యాటర్‌గా చరిత్ర సృష్టించాడు. లిస్ట్-ఏ క్రికెట్‌లో కోహ్లి ఇప్పటివరకు 57.87 సగటుతో 16,207 పరుగులు చేశాడు. ఇంతకుముందు ఈ వరల్డ్ రికార్డు ఆస్ట్రేలియా దిగ్గజం మైఖేల్ బెవాన్ పేరిట ఉండేది. బెవాన్ తన లిస్ట్‌-ఎ కెరీర్‌లో 57.86 సగటుతో 15,103 పరుగులు చేశాడు. తాజా హాఫ్ సెంచరీ బెవాన్ ఆల్‌టైమ్ రికార్డును కింగ్ బ్రేక్ చేశాడు.లిస్ట్ ఎ క్రికెట్‌లో అత్యధిక సగటు సాధించిన బ్యాటర్లు వీరే1. విరాట్ కోహ్లి (భారత్‌): 57.87- 16,207 పరుగులు2. మైఖేల్ బెవాన్ (ఆస్ట్రేలియా): 57.86- 15,103 పరుగులు3. సామ్ హైన్ (ఇంగ్లండ్): 57.76- 3004 పరుగులు4. ఛతేశ్వర్ పుజారా (భారత్‌): 57.01-5759 పరుగులు5. రుతురాజ్ గైక్వాడ్ (భారత్‌): 56.68- 4648 పరుగులుఇక మ్యాచ్‌ విషయానికి వస్తే.. గుజరాత్‌పై 7 వికెట్ల తేడాతో ఢిల్లీ విజయం సాధించింది. తొలుత బ్యాటింగ్‌ చేసిన ఢిల్లీ నిర్ణీత 50 ఓవర్లలో 9 వికెట్ల నష్టానికి 254 పరుగులు చేసింది. ఢిల్లీ బ్యాటర్లలో కోహ్లితో పాటు కెప్టెన్‌ రిషబ్‌ పంత్‌(70) హాఫ్‌ సెంచరీతో మెరిశాడు. గుజరాత్‌ బౌలర్లలో విశాల్‌ జైశ్వాల్‌ 4 వికెట్లు పడగొట్టగా..రవి బిష్ణోయ్‌ రెండు వికెట్లు సాధించాడు. అనంతరం 255 పరుగుల లక్ష్య చేధనలో గుజరాత్‌ 47.4 ఓవర్లలో 247 పరుగులకు ఆలౌటైంది. గుజరాత్‌ బ్యాటర్లలో ఆర్య దేశాయ్‌(57) టాప్‌ స్కోరర్‌గా నిలవగా.. సౌరవ్‌ చౌహన్‌(49), ఉర్విల్‌ పటేల్‌(31) ఫర్వాలేదన్పించారు. ఢిల్లీ బౌలర్లలో ప్రిన్స్ యాదవ్‌ మూడు, ఇషాంత్‌ శర్మ, అర్పిత్‌ రాణా తలా రెండు వికెట్లు సాధించాడు. హాఫ్‌ సెంచరీతో సత్తాచాటిన విరాట్‌ కోహ్లికి ప్లేయర్‌ ఆఫ్‌ది మ్యాచ్‌ అవార్డు దక్కింది.

ఇంగ్లండ్‌ యువ బ్యాటర్‌ హ్యారీ బ్రూక్‌ (Harry Brook) చరిత్ర సృష్టించాడు. టెస్ట్‌ క్రికెట్‌లో అతి తక్కువ బంతుల్లో 3000 పరుగుల మైలురాయిని తాకిన బ్యాటర్‌గా సరికొత్త ప్రపంచ రికార్డు నెలకొల్పాడు. ఈ క్రమంలో ఆడమ్‌ గిల్‌క్రిస్ట్‌ పేరిట ఉండిన వరల్డ్‌ రికార్డును బద్దలు కొట్టాడు.గిల్‌క్రిస్ట్‌కు 3000 పరుగులు పూర్తి చేసేందుకు 3610 బంతులు అవసరం కాగా.. బ్రూక్‌ కేవలం​ 3468 బంతుల్లోనే ఈ మైలురాయిని తాకాడు. ఈ విభాగంలో బ్రూక్‌, గిల్‌క్రిస్ట్‌ తర్వాతి స్థానాల్లో డేవిడ్‌ వార్నర్‌ (4047), రిషబ్‌ పంత్‌ (4095), వీరేంద్ర సెహ్వాగ్‌ (4129) ఉన్నారు. మెల్‌బోర్న్‌ వేదికగా ఆస్ట్రేలియాతో జరుగుతున్న నాలుగో యాషెస్‌ టెస్ట్‌ తొలి రోజు బ్రూక్‌ ఈ ఘనత సాధించాడు.ఇన్నింగ్స్‌ల పరంగా చూస్తే.. టెస్ట్‌ల్లో అత్యంత వేగంగా 3000 పరుగుల మైలురాయిని తాకిన ఆటగాళ్ల జాబితాలో బ్రూక్‌ తన దేశానికే చెందిన డెన్నిస్‌ కాంప్టన్‌తో కలిసి సంయుక్తంగా 11వ స్థానంలో నిలిచాడు. బ్రూక్‌, కాంప్టన్‌ ఇద్దరూ 57వ ఇన్నింగ్స్‌లోనే ఈ మైలురాయిని తాకారు. ఈ విభాగంలో డాన్‌ బ్రాడ్‌మన్‌ టాప్‌ ప్లేస్‌లో ఉన్నాడు. ఈ దిగ్గజం కేవలం 33 ఇన్నింగ్స్‌ల్లోనే ఈ ఘనత సాధించాడు.ఇప్పటివరకు 34 టెస్ట్‌లు ఆడిన బ్రూక్‌ 54.18 సగటున, 10 సెంచరీలు, 14 హాఫ్‌ సెంచరీల సాయంతో 3034 పరుగులు చేశాడు. ఇందులో డబుల్‌, ట్రిపుల్‌ సెంచరీలు కూడా ఉన్నాయి.మ్యాచ్‌ విషయానికొస్తే.. మెల్‌బోర్న్‌ వేదికగా ఆస్ట్రేలియా, ఇంగ్లండ్‌ మధ్య ఇవాళ (డిసెంబర్‌ 26) యాషెస్‌ సిరీస్‌ 2025-26 నాలుగో టెస్ట్‌ (బాక్సింగ్‌ డే టెస్ట్‌) ప్రారంభమైంది. ఈ మ్యాచ్‌ తొలి రోజే 20 వికెట్లు కుప్పకూలాయి. టాస్‌ గెలిచి తొలుత బౌలింగ్‌ ఎంచుకున్న ఇంగ్లండ్‌.. ఆస్ట్రేలియాను 152 పరుగులకే ఆలౌట్‌ చేసింది. జోష్‌ టంగ్‌ (11.2-2-45-5), అట్కిన్సన్‌ (14-4-28-2), బ్రైడన్‌ కార్స్‌ (12-3-42-1), స్టోక్స్‌ (8-1-25-1) ఆసీస్‌ను దెబ్బకొట్టారు.ఇంగ్లండ్‌ ఇన్నింగ్స్‌లో ఎనిమిదో నంబర్‌ ఆటగాడు మైఖేల్‌ నెసర్‌ (35) టాప్‌ స్కోరర్‌ కాగా.. హెడ్‌ (12), జేక్‌ వెదరాల్డ్‌ (10), ఉస్మాన్‌ ఖ్వాజా (29), అలెక్స్‌ క్యారీ (20), కెమరూన్‌ గ్రీన్‌ (17) అతి కష్టం మీద రెండంకెల స్కోర్లు చేశారు. లబూషేన్‌ (6), కెప్టెన్‌ స్టీవ్‌ స్మిత్‌ (9), స్టార్క్‌ (1) సింగిల్‌ డిజిట్‌ స్కోర్లకు పరిమితం కాగా.. బోలాండ్‌ డకౌటయ్యాడు.అనంతరం ఇంగ్లండ్‌ సైతం ప్రత్యర్థి బౌలర్ల ధాటికి స్వల్ప స్కోర్‌కే కుప్పకూలింది. నెసర్‌ 4, బోలాండ్‌ 3, స్టార్క్‌ 2, గ్రీన్‌ ఓ వికెట్‌ తీసి ఇంగ్లండ్‌ను 110 పరుగులకే ఆలౌట్‌ చేశారు. ఇంగ్లండ్‌ ఇన్నింగ్స్‌లో హ్యారీ బ్రూక్‌ (41), అట్కిన్సన్‌ (28), స్టోక్స్‌ (16) మాత్రమే రెండంకెల స్కోర్లు చేయగా.. జాక్‌ క్రాలే (5), డకెట్‌ (2), బేతెల్‌ (1), జేమీ స్మిత్‌ (2), విల్‌ జాక్స్‌ (5), కార్స్‌ (4) సింగిల్‌ డిజిట్‌ స్కోర్లకే పరిమితమయ్యారు. రూట్‌ డకౌటయ్యాడు.కీలకమైన 42 పరుగుల తొలి ఇన్నింగ్స్‌ ఆధిక్యంతో రెండో ఇన్నింగ్స్‌ ప్రారంభించిన ఆసీస్‌ తొలి రోజు ఆట ముగిసే సమయానికి వికెట్‌ నష్టపోకుండా 4 పరుగులు చేసి, 46 పరుగుల ఆధిక్యంలో కొనసాగుతుంది.కాగా, ఐదు మ్యాచ్‌ల ఈ యాషెస్‌ సిరీస్‌ను ఆస్ట్రేలియా ఇదివరకే కైవసం చేసుకున్న విషయం తెలిసిందే. తొలి మూడు టెస్ట్‌ల్లో గెలిచిన ఆ జట్టు ప్రస్తుతం 3-0 ఆధిక్యంలో కొనసాగుతుంది.

భారత వికెట్‌ కీపర్‌ బ్యాటర్‌ ఇషాన్‌ కిషన్‌ సూపర్‌ ఫామ్‌లో ఉన్నాడు. ఇటీవల దేశీ టీ20 టోర్నీ సయ్యద్‌ ముస్తాక్‌ అలీ ట్రోఫీ-2025లో 500కు పైచిలుకు పరుగులతో సత్తా చాటిన జార్ఖండ్‌ డైనమైట్‌.. జట్టుకు తొలి టైటిల్‌ అందించాడు. కెప్టెన్‌గా, బ్యాటర్‌గా అదరగొట్టి.. ఏకంగా టీ20 ప్రపంచకప్‌ కోసం ఎంపిక చేసిన భారత జట్టులో చోటు దక్కించున్నాడు.టీమిండియా సెలక్టర్ల నమ్మకాన్ని నిజం చేస్తూ.. తాజాగా దేశీ వన్డే విజయ్‌ హజారే వన్డే టోర్నమెంట్‌ తొలి మ్యాచ్‌లోనూ ఇషాన్‌ కిషన్‌ (Ishan Kishan) సెంచరీతో కదంతొక్కాడు. ఎలైట్‌ గ్రూప్‌ ‘ఎ’లో భాగంగా అహ్మదాబాద్‌ వేదికగా కర్ణాటక (Karnataka vs Jharkhand)తో జరిగిన మ్యాచ్‌లో కెప్టెన్‌ ఇషాన్‌ 39 బంతుల్లో 7 ఫోర్లు, 14 సిక్స్‌ల సాయంతో 125 పరుగులు చేశాడు. ఇషాన్‌ కిషన్‌ వరల్డ్‌ రికార్డుఈ క్రమంలో అతడు 33 బంతుల్లోనే సెంచరీ పూర్తి చేసుకొని లిస్ట్‌ ‘ఎ’ క్రికెట్‌లో భారత్‌ తరఫున రెండో వేగవంతమైన సెంచరీ చేసిన ప్లేయర్‌గా నిలిచాడు. అదే విధంగా ఓ ప్రపంచ రికార్డును కూడా ఇషాన్‌ కిషన్‌ ఈ సందర్భంగా తన ఖాతాలో వేసుకున్నాడు. లిస్ట్‌-ఎ క్రికెట్‌లో ఫాస్టెస్ట్‌ సెంచరీ నమోదు చేసిన వికెట్‌ కీపర్‌ బ్యాటర్‌గా ఇషాన్‌ కిషన్‌ చరిత్ర సృష్టించాడు. గతంలో శ్రీలంక వికెట్‌ కీపర్‌ బ్యాటర్‌ సందున్‌ వీరక్కడి 39 బంతుల్లో శతక్కొట్టగా.. తాజాగా ఈ రికార్డును ఇషాన్‌ సవరించాడు. తద్వారా ప్రపంచంలోనే లిస్ట్‌-ఎ క్రికెట్‌లో వేగవంతమైన సెంచరీ సాధించిన వికెట్‌ కీపర్‌ బ్యాటర్‌గా నిలిచాడు.లిస్ట్‌-ఎ క్రికెట్‌లో ఫాస్టెస్ట్‌ సెంచరీలు నమోదు చేసిన వికెట్‌ కీపర్‌ బ్యాటర్లు👉ఇషాన్‌ కిషన్‌- 33 బంతుల్లో- 2025లో జార్ఖండ్‌ తరఫున కర్ణాటక మీద👉సందున్‌ వీరక్కడి- 39 బంతుల్లో- 2019లో సిన్హలీస్‌ స్పోర్ట్స్‌ క్లబ్‌ తరఫున బదురేలియా స్పోర్ట్స్‌ క్లబ్‌ మీద👉ఉర్విల్‌ పటేల్‌- 41 బంతుల్లో- 2023లో గుజరాత్‌ తరఫున అరుణాచల్‌ ప్రదేశ్‌ మీద👉మార్క్‌ బౌచర్‌- 44 బంతుల్లో- 2006లో సౌతాఫ్రికా తరఫున జింబాబ్వే మీద.ఇషాన్‌ దంచి కొట్టినాఇదిలా ఉంటే.. కర్ణాటకతో మ్యాచ్‌లో ఇషాన్‌ దంచి కొట్టినా ఈ మ్యాచ్‌లో జార్ఖండ్‌ పరాజయం పాలైంది. డిఫెండింగ్‌ చాంపియన్‌ కర్ణాటక 5 వికెట్ల తేడాతో జార్ఖండ్‌ను ఓడించింది. మొదట బ్యాటింగ్‌ చేసిన జార్ఖండ్‌ నిర్ణీత 50 ఓవర్లలో 9 వికెట్ల నష్టానికి 412 పరుగులు చేసింది. విరాట్‌ సింగ్‌ (68 బంతుల్లో 88; 8 ఫోర్లు, 4 సిక్స్‌లు), కుమార్‌ కుషాగ్ర (47 బంతుల్లో 63; 3 ఫోర్లు, 5 సిక్స్‌లు) హాఫ్‌సెంచరీలతో ఆకట్టుకున్నారు. కర్ణాటక బౌలర్లు ఏకంగా 47 ఎక్స్‌ట్రాలు సమర్పించుకోవడంతో జార్ఖండ్‌ జట్టు భారీ స్కోరు చేయగలిగింది. అభిలాష్‌ శెట్టి 4 వికెట్లు పడగొట్టాడు.పడిక్కల్‌ భారీ సెంచరీతోఅనంతరం లక్ష్యఛేదనలో కర్ణాటక 47.3 ఓవర్లలో 5 వికెట్లకు 413 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ దేవదత్‌ పడిక్కల్‌ (118 బంతుల్లో 147; 10 ఫోర్లు, 7 సిక్స్‌లు) భారీ సెంచరీతో జట్టు విజయంలో కీలక పాత్ర పోషించాడు. కెప్టెన్‌ మయాంక్‌ అగర్వాల్‌ (34 బంతుల్లో 54; 10 ఫోర్లు), అభినవ్‌ మనోహర్‌ (32 బంతుల్లో 56 నాటౌట్‌; 8 ఫోర్లు, 1 సిక్స్‌) అర్ధశతకాలు సాధించగా... ధ్రువ్‌ ప్రభాకర్‌ (22 బంతుల్లో 40 నాటౌట్‌; 6 ఫోర్లు, 1 సిక్స్‌), క్రిష్ణన్‌ శ్రీజిత్‌ (38), కరుణ్‌ నాయర్‌ (29), రవిచంద్రన్‌ స్మరణ్‌ (27) తలా కొన్ని పరుగులు చేశారు. జార్ఖండ్‌ బౌలర్లలో సౌరభ్‌ శేఖర్, ఉత్కర్ష్‌ సింగ్‌ చెరో రెండు వికెట్లు పడగొట్టారు.

దేశవాళీ వన్డే టోర్నమెంట్‌ విజయ్‌ హజారే ట్రోఫీ 2025-26 ఆరంభ మ్యాచ్‌లోనే అద్భుతం జరిగింది. లిస్ట్‌-ఎ క్రికెట్‌లో (వన్డే) అత్యధికస్కోరు సాధించిన జట్టుగా బిహార్‌ ప్రపంచ రికార్డు నమోదు చేసింది. ప్లేట్‌ గ్రూప్‌లో భాగంగా అరుణాచల్‌ ప్రదేశ్‌తో బుధవారం నాటి మ్యాచ్‌లో ఏకంగా 574 పరుగులు సాధించి ఈ ఫీట్‌ అందుకుంది.విధ్వంసకర సెంచరీలుచాలా సందర్భాల్లో టెస్టు ఇన్నింగ్స్‌లోనూ సాధ్యంకాని రీతిలో ఈ మేరు అత్యంత భారీ స్కోరు సాధించి.. బిహార్‌ సరికొత్త చరిత్ర లిఖించింది. కెప్టెన్‌ సకీబుల్‌ గనీ, వైస్‌ కెప్టెన్‌ వైభవ్‌ సూర్యవంశీ అద్భుతమైన విధ్వంసకర శతకాల కారణంగానే ఇది సాధ్యమైంది. రాంచి వేదికగా టాస్‌ గెలిచిన బిహార్‌ జట్టు తొలుత బ్యాటింగ్‌ ఎంచుకుంది. ఓపెనర్లలో మంగళ్‌ మహ్‌రౌర్‌ (33) ఫర్వాలేదనిపించగా.. వైభవ్‌ సూర్యవంశీ 36 బంతుల్లోనే శతక్కొట్టాడు. మొత్తంగా 84 బంతులు ఎదుర్కొని 16 ఫోర్లు, 15 సిక్స్‌ల సాయంతో 190 పరుగులు చేసి.. డబుల్‌ సెంచరీ జస్ట్‌ మిస్సయ్యాడు.ఆ ఇద్దరూ శతొక్కొట్టేశారు!వన్‌డౌన్లో వచ్చిన పీయూశ్‌ సింగ్‌ సైతం అర్ధ శతకం (77)తో మెరవగా.. నాలుగో స్థానంలో ఆడిన వికెట్‌ కీపర్‌ బ్యాటర్‌ ఆయుశ్‌ లొహరుకా అద్భుత శతకం (56 బంతుల్లో 116) సాధించాడు. ఇక ఐదో నంబర్‌ బ్యాటర్‌గా వచ్చిన కెప్టెన్‌ సకీబుల్‌ గని కేవలం 32 బంతుల్లోనే శతక్కొట్టి.. వైభవ్‌ రికార్డును బ్రేక్‌ చేశాడు. లిస్ట్‌-ఎ క్రికెట్‌లో ఫాస్టెస్ట్‌ సెంచరీ చేసిన భారత బ్యాటర్‌గా చరిత్రకెక్కాడు.అరుణాచల్‌ ప్రదేశ్‌తో మ్యాచ్‌లో మొత్తంగా 40 బంతుల్లో 10 ఫోర్లు, 12 సిక్సర్లు బాదిన గని.. 128 పరుగులతో అజేయంగా నిలిచాడు. ఆఖర్లో బిపిన్‌ సౌరభ్‌ (1), ఆకాశ్‌ రాజ్‌ (8) విఫలం కాగా.. సూరజ్‌ కశ్యప్‌ మూడు పరుగులతో.. గనీతో కలిసి అజేయంగా నిలిచాడు. ఫలితంగా నిర్ణీత 50 ఓవర్లలో బిహార్‌ ఆరు వికెట్ల నష్టానికి ఏకంగా 574 పరుగులు స్కోరు చేసింది.ఏ జట్టుకైనా ఇదే అత్యధిక స్కోరుకాగా లిస్ట్‌-ఎ క్రికెట్‌లో ఏ జట్టుకైనా ఇదే అత్యధిక స్కోరు కావడం విశేషం. అంతకు ముందు ఈ రికార్డు తమిళనాడు పేరిట ఉండేది. విజయ్‌ హజారే ట్రోఫీ 2022 సీజన్లో తమిళనాడు జట్టు.. అరుణాచల్‌ ప్రదేశ్‌తో మ్యాచ్‌లోనే రెండు వికెట్ల నష్టానికి 506 పరుగులు సాధించింది. తాజాగా వరల్డ్‌ రికార్డును బిహార్‌ తిరగరాసింది.లిస్ట్‌-ఎ క్రికెట్‌లో అత్యధిక స్కోర్లు సాధించిన జట్లు👉బిహార్‌- అరుణాచల్‌ ప్రదేశ్‌ మీద 2025లో 574/6👉తమిళనాడు- అరుణాచల్‌ ప్రదేశ్‌ మీద 2022లో 506/2👉ఇంగ్లండ్‌- నెదర్లాండ్స్‌ మీద 2022లో 498/4👉సర్రే- గ్లౌసెస్టర్‌షైర్‌ మీద 2007లో 496/4 👉ఇంగ్లండ్‌- ఆస్ట్రేలియా మీద 2018లో 481/6.చదవండి: IND vs NZ: కివీస్‌ జట్ల ప్రకటన.. గాయాల వల్ల కీల​క ప్లేయర్లు దూరం

అంతర్జాతీయ టీ20ల్లో సరికొత్త చరిత్ర సృష్టించబడింది. ఓ బౌలర్‌ ఒకే ఓవర్‌లో హ్యాట్రిక్‌ సహా ఐదు వికెట్లు తీశాడు. అంతర్జాతీయ టీ20ల చరిత్రలో ఇలాంటి ఫీట్‌ నమోదు కావడం ఇదే తొలిసారి. గతంలో గరిష్టంగా ఓ ఓవర్‌లో నాలుగు వికెట్ల ఫీట్‌ నమోదైంది. శ్రీలంక మాజీ పేసర్‌ లసిత్ మలింగ 2019లో న్యూజిలాండ్‌పై నాలుగు బంతుల్లో నాలుగు వికెట్లు తీశాడు.ఓవరాల్‌గా (అంతర్జాతీయం, దేశవాలీ, ప్రైవేట్‌ టీ20 లీగ్‌లు) చూస్తే.. ఓ ఓవర్‌లో ఐదు వికెట్ల ఘనత ఇదివరకే రెండు సార్లు నమోదైంది. దేశవాలీ టీ20 మ్యాచ్‌ల్లో బంగ్లాదేశ్‌కు చెందిన అల్-అమిన్ హొసైన్, కర్ణాటకకు చెందిన అభిమన్యు మిథున్ ఈ ఘనత సాధించారు.చరిత్ర సృష్టించిన గెడే ప్రియందనాఅంతర్జాతీయ టీ20ల్లో ఒకే ఓవర్‌లో, అందులోనూ తన తొలి ఓవర్‌లోనే ఐదు వికెట్లు తీసిన తొలి బౌలర్‌గా (పురుషులు లేదా మహిళలు) ఇండొనేషియాకు చెందిన గెడే ప్రియందనా చరిత్ర సృష్టించాడు. బాలి వేదికగా కాంబోడియాతో జరిగిన మ్యాచ్‌లో ప్రియందనా ఈ చారిత్రక ఘనత సాధించాడు.ఇండోనేషియా నిర్దేశించిన 168 పరుగుల లక్ష్యాన్ని కాంబోడియా చేధించే క్రమంలో ఈ ఫీట్‌ నమోదైంది. కాంబోడియా స్కోర్‌ 15 ఓవర్లలో 106/5 వద్ద ఉండగా.. మీడియం పేసర్‌ అయిన ప్రియందనా ఒక్కసారిగా చెలరేగిపోయాడు. 16వ ఓవర్‌ తొలి మూడు బంతుల్లో వరుసగా షా అబ్రార్ హుస్సేన్, నర్మల్జిత్ సింగ్, చాంతోయున్ రథనక్‌లను ఔట్ చేసి హ్యాట్రిక్ సాధించాడు. ఆతర్వాత నాలుగో బంతికి పరుగులేమీ రాకపోగా.. ఐదు, ఆరు బంతుల్లో మాంగ్దారా సోక్, పెల్ వెన్నక్‌లను ఔట్ చేసి ఐదు వికెట్లు పూర్తి చేశాడు. ఈ ఓవర్‌లో ఒక్క రన్ (వైడ్) మాత్రమే వచ్చింది. ప్రియందనా ఉన్నపళంగా కాంబోడియా ఇన్నింగ్స్‌ను కుప్పకూల్చడంతో ఇండోనేషియా 60 పరుగుల తేడాతో ఘన విజయం సాధించింది. అంతకుముందు ధర్మ కేసుమా విధ్వంసకర శతకంతో (68 బంతుల్లో 110 నాటౌట్‌) చెలరేగడంతో ఇండోనేషియా నిర్ణీత 20 ఓవర్లలో 167 పరుగులు చేసింది.

నైరోబీ: కెన్యా పర్యావరణ ఉద్యమకారిణి ట్రంఫెనా ముతోని ప్రపంచ రికార్డు సృష్టించారు. నిద్రాహారాలు మాని 72 గంటలపాటు ఒక చెట్టును కౌగిలించుకుని ఉండిపోయారు. గతంలో 48 గంటల పాటు చెట్టును కౌగిలించుకుని తాను సృష్టించిన రికార్డును తానే బద్దలు కొట్టారు. నౌరీ పట్టణంలోని ఓ ప్రభుత్వ కార్యాలయ ప్రాంగణంలో చెట్టును ఆమె ఇందుకు ఎంచుకున్నారు. అడవుల నరికివేత, మృగాల హత్యలకు నిరసనగా, యువతకు పర్యావరణ సంరక్షణ విలువను తెలపడానికి ఆమె ఈ కార్యక్రమం చేపట్టారు. ఆమె నిరసనకు సోషల్‌ మీడియాలో పెద్ద ఎత్తున స్పందన వచి్చంది. చాలా మంది ఆమెకు మద్దతుగా నిలిచారు. ఒకానొక దశలో ఆమె నిద్రలోకి జారుకోగా.. మద్దతుదారులు మేల్కొలిపారు. కొందరైతే గిన్నిస్‌ వరల్డ్‌ రికార్డ్స్‌ పరిశీలకులకు ఆమె ఫీజు చెల్లించడానికి ముందుకొచ్చారు. ఈ సమయంలో ఆమె నలుపు, ఆకుపచ్చ, ఎరుపు, నీలం రంగుల్లో ఉన్న ఊలు టీషర్ట్‌ను ధరించారు. నలుపు ఆఫ్రికన్‌ శక్తని, ఆకుపచ్చ అడవులకు, ఆశకు ప్రతిరూమని, ఇక ఎరుపు ప్రతిఘటనకు, నీలం నీటికి గుర్తని.. చెప్పారు. వాతావరణ మార్పులు, అడవుల నరికివేత వల్ల కలిగే ప్రమాదం గురించి అవగాహన పెంచడమే తన నిరసన లక్ష్యమని చెప్పారు. తక్కువ కార్బన్‌ ఉద్గారాలను విడుదల చేసే తమ దేశాలు.. వాతావరణ మార్పుల వల్ల కలిగే ప్రభావాలను ఎక్కువగా ఎదుర్కోవాల్సి వస్తోందని ఆఫ్రికన్‌ దేశాలు ఆరోపిస్తున్నాయి.

పాట్నా: బిహార్‌ ముఖ్యమంత్రి నితీష్‌కుమార్‌ మరో ఘనత సాధించారు. పదోసారి ముఖ్యమంత్రిగా ప్రమాణ స్వీకారం చేసిన ఆయనను లండన్‌లోని ‘వరల్డ్‌ బుక్‌ ఆఫ్‌ రికార్డ్స్‌’గుర్తించింది. ఈ విషయాన్ని జనతాదళ్‌ యునైటెడ్‌ (జేడీయూ) నేషనల్‌ వర్కింగ్‌ ప్రెసిడెంట్‌ సంజయ్‌ ఝా పంచుకున్నారు. ‘పదోసారి ముఖ్యమంత్రిగా ప్రమాణ స్వీకారం చేసిన ముఖ్యమంత్రి నితీ‹ష్‌ కుమార్‌ సాధించిన మైలురాయిని లండన్‌లోని వరల్డ్‌ బుక్‌ ఆఫ్‌ రికార్డ్స్‌ గుర్తించిది. ఈ విషయాన్ని పంచుకోవడం ఆనందంగా, గర్వంగా ఉంది. దేశ ప్రజాస్వామ్యంలో ఇదో అరుదైన ఘనత’అని ఆయన సామాజిక మాధ్యమం ఎక్స్‌లో అభివర్ణించారు. ఆయన అచంచల ప్రజాసేవ, స్థిరమైన పాలన, బిహార్‌ ప్రజలు ఆయనపై ఉంచిన విశ్వాసానానికి ఇది ప్రతిబింబమని ఝా కొనియాడారు.

ఐర్లాండ్‌తో నిన్న జరిగిన టీ20 మ్యాచ్‌లో బంగ్లాదేశ్‌ ఆటగాడు తంజిద్‌ హసన్‌ తమీమ్‌ (Tanzid Hasan Tamim) అత్యంత అరుదైన రికార్డు సాధించాడు. ఈ మ్యాచ్‌లో అతను ఏకంగా ఐదు క్యాచ్‌లు పట్టాడు. అంతర్జాతీయ పొట్టి క్రికెట్‌ చరిత్రలో ఓ ఫీల్డర్‌ (నాన్‌ వికెట్‌కీపర్‌) ఇన్ని క్యాచ్‌లు పట్టడంతో ఇది కేవలం మూడోసారి మాత్రమే. టెస్ట్‌ క్రికెట్‌ ఆడే దేశాల పరంగా చూస్తే.. ఈ ఘనత సాధించిన తొలి క్రికెటర్‌ తంజిదే. మిగతా ఇద్దరు నాన్‌ టెస్ట్‌ ప్లేయింగ్‌ దేశాలకు చెందిన వారు. మాల్దీవ్స్‌కు వెదగే మలిండ, స్వీడన్‌కు చెందిన సెదిక్‌ సహక్‌ ఆ మిగతా ఇద్దరు.ఐర్లాండ్‌తో మ్యాచ్‌లో తంజిద్‌ డాక్రెల్‌, డెలానీ, మార్క్‌ అదైర్‌, హంఫ్రేస్‌, బెంజమిన్‌ వైట్‌ క్యాచ్‌లు పట్టాడు. ఈ మ్యాచ్‌లో తంజిద్‌ క్యాచ్‌ పట్టడమే కాకుండా బ్యాటింగ్‌లోనూ రాణించి అజేయ అర్ద సెంచరీ చేశాడు. ఫలితంగా బంగ్లాదేశ్‌ను ఒంటిచేత్తో గెలిపించాడు.ఈ మ్యాచ్‌లో తొలుత బ్యాటింగ్‌ చేసిన ఐర్లాండ్‌ 117 పరుగులకే కుప్పకూలగా.. అనంతరం బంగ్లాదేశ్‌ సునాయాసంగా విజయతీరాలకు చేరింది. తద్వారా మ్యాచ్‌తో పాటు సిరీస్‌ కూడా కైవసం చేసుకుంది. ఐదు క్యాచ్‌లతో పాటు అజేయ అర్ద సెంచరీ చేసిన తంజిద్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. కాగా, 3 మ్యాచ్‌ల ఈ సిరీస్‌లో ఐర్లాండ్‌ తొలి మ్యాచ్‌ గెలువగా.. బంగ్లాదేశ్‌ వరుసగా రెండు, మూడు మ్యాచ్‌లు గెలిచి 2-1 తేడాతో సిరీస్‌ కైవసం చేసుకుంది.

న్యూఢిల్లీ: భారత బధిర షూటర్, తెలంగాణకు చెందిన ధనుశ్‌ శ్రీకాంత్‌ డెఫ్‌ ఒలింపిక్స్‌లో ప్రపంచ రికార్డుతో పసిడి పతకం నిలబెట్టుకున్నాడు. టోక్యోలో ఆదివారం జరిగిన పురుషుల 10 మీటర్ల ఎయిర్‌ రైఫిల్‌ ఈవెంట్‌లో 23 ఏళ్ల ధనుశ్‌ శ్రీకాంత్‌ 252.2 ప్రపంచ రికార్డు స్కోరుతో అగ్ర స్థానంలో నిలిచాడు. ఈ క్రమంలో గతంలో అతనే నెలకొలి్పన 251.7 స్కోరును తాజా బధిరుల ఒలింపిక్స్‌లో అధిగమించాడు. ఇదే ఈవెంట్‌లో పోటీపడిన భారత సహచరుడు మొహమ్మద్‌ ముర్తజా వానియా 250.1 స్కోరుతో రెండో స్థానంలో నిలిచాడు. దీంతో ముర్తజా రజత పతకంతో సరిపెట్టుకోగా... దక్షిణ కొరియా బధిర షూటర్‌ బెక్‌ సెంగ్‌హక్‌ (223.6) కాంస్యం నెగ్గాడు. హైదరాబాద్‌కు చెందిన శ్రీకాంత్‌ ఒలింపిక్‌ పతక విజేత గగన్‌ నారంగ్‌కు చెందిన ‘గన్‌ ఫర్‌ గ్లోరీ’ అకాడమీలో శిక్షణ పొందుతున్నాడు. ముందుగా 630.6 స్కోరుతో శ్రీకాంత్‌ ఫైనల్స్‌కు అర్హత సాధించగా, ముర్తజా (626.3) కూడా మెరుగైన స్కోరుతో తుది పోరుకు చేరుకున్నాడు. 2022లో కాక్సియస్‌ డొ సుల్‌ (బ్రెజిల్‌)లో జరిగిన డెఫ్‌ ఒలింపిక్స్‌లో ధనుశ్‌ శ్రీకాంత్‌ వ్యక్తిగత, మిక్స్‌డ్‌ టీమ్‌ ఈవెంట్లలో బంగారు పతకాలు సాధించాడు. మహిళల 10 మీటర్ల ఎయిర్‌ రైఫిల్‌ ఈవెంట్‌లో మహిత్‌ సంధు బంగారు పతకం గెలుచుకుంది. ఆమె 250.5 స్కోరుతో రజతం గెలుచుకోగా, సహచర షూటర్‌ కోమల్‌ వాఘ్‌మారె (228.3) కాంస్యంతో సరిపెట్టుకుంది. రూ.1.20 కోట్ల నజరానా... డెఫ్‌ ఒలింపిక్స్‌లో స్వర్ణం గెలుచుకున్న రాష్ట్ర షూటర్‌కు తెలంగాణ ప్రభుత్వం భారీ నజరానాను ప్రకటించింది. శ్రీకాంత్‌కు రూ. 1 కోటి 20 లక్షల నగదు బహుమతిని అందజేయనున్నట్లు క్రీడా శాఖ మంత్రి వాకిటి శ్రీహరి వెల్లడించారు. హన్మకొండ జిల్లా కేంద్రంలోని జవహర్‌లాల్‌ నెహ్రూ స్టేడియంలో కొత్తగా ఏర్పాటు చేసిన తెలంగాణ స్పోర్ట్స్‌ స్కూల్‌ను మంత్రి ఆదివారం ప్రారంభించారు. ఈ సందర్భంగా శ్రీకాంత్‌ ఘనత గురించి సమాచారం తెలుసుకున్న శ్రీహరి ఈ ప్రకటన చేశారు.

పాకిస్తాన్ స్టార్ పేసర్ షాహీన్ షా అఫ్రిది (Shaheen Afridi) ఓ వరల్డ్ రికార్డును తన పేరిట లిఖించుకున్నాడు. అంతర్జాతీయ టీ20ల్లో మొదటి ఓవర్‌లో అత్యధిక వికెట్లు పడగొట్టిన బౌలర్‌గా షాహీన్ చరిత్ర సృష్టించాడు. ఈ స్పీడ్ స్టార్ ఇప్పటివరకు టీ20ల్లో తొలి ఓవర్‌లో మొత్తంగా 24 వికెట్లు పడగొట్టాడు.లహోర్ వేదికగా సౌతాఫ్రికాతో మూడో టీ20లో మొదటి ఓవర్‌లో డికాక్‌, ప్రిటోరియస్‌ను ఔట్ చేసిన అఫ్రిది.. ఈ అరుదైన ఫీట్‌ను తన ఖాతాలో వేసుకున్నాడు. ఇంతకుముందు ఈ రికార్డు ఒమన్ పేసర్ బిలాల్ ఖాన్ పేరిట ఉండేది. బిలాల్ మొదటి ఓవర్‌లో బంతితో రంగంలోకి దిగి ఓవరాల్‌గా 22 వికెట్లు పడగొట్టాడు. తాజా మ్యాచ్‌తో బిలాల్‌ను అఫ్రిది అధిగమించాడు.కాగా ఈ సిరీస్ డిసైడర్ అయిన మూడో టీ20లో టాస్ గెలిచి పాక్ తొలుత బౌలింగ్ ఎంచుకుంది. అఫ్రిది మొదటి ఓవర్లలోనే రెండు వికెట్లు పడగొట్టి పాక్‌కు శుభారంభం అందించాడు. అతడితో పాటు స్పిన్నర్లు ఉస్మాన్ తరీఖ్‌, నవాజ్ తలా వికెట్ సాధించారు. దీంతో ప్రోటీస్ 9 ఓవర్లు ముగిసేసరికి 4 వికెట్లు కోల్పోయి కేవలం 45 పరుగులు మాత్రమే చేసింది.తుది జట్లుపాకిస్థాన్ (ప్లేయింగ్ XI): సయీమ్ అయూబ్, సాహిబ్జాదా ఫర్హాన్(వికెట్ కీపర్‌), బాబర్ ఆజం, సల్మాన్ అఘా(కెప్టెన్‌), ఉస్మాన్ ఖాన్, హసన్ నవాజ్, మహ్మద్ నవాజ్, ఫహీమ్ అష్రఫ్, షాహీన్ అఫ్రిది, సల్మాన్ మీర్జా, ఉస్మాన్ తారిఖ్దక్షిణాఫ్రికా (ప్లేయింగ్ XI): రీజా హెండ్రిక్స్, క్వింటన్ డి కాక్(వికెట్ కీపర్‌), లువాన్-డ్రే ప్రిటోరియస్, డెవాల్డ్ బ్రెవిస్, మాథ్యూ బ్రీట్జ్కే, డోనోవన్ ఫెరీరా(కెప్టెన్‌), జార్జ్ లిండే, కార్బిన్ బాష్, ఆండిల్ సిమెలన్, లిజాడ్ విలియమ్స్, ఒట్నీల్ బార్ట్‌మన్

సౌతాఫ్రికాతో రెండో టీ20లో పాకిస్తాన్‌ (PAK vs SA 2nd T20) ఘన విజయం సాధించింది. లాహోర్‌ వేదికగా సఫారీ జట్టును ఏకంగా తొమ్మిది వికెట్ల తేడాతో మట్టికరిపించింది. తద్వారా తొలి టీ20లో ఎదురైన పరాభవానికి ప్రతీకారం తీర్చుకుని సిరీస్‌ను 1-1తో సమం చేసింది.ప్రపంచ రికార్డు బద్దలుఈ మ్యాచ్‌ సందర్భంగా పాక్‌ మాజీ కెప్టెన్‌, స్టార్‌ బ్యాటర్‌ బాబర్‌ ఆజం (Babar Azam) సరికొత్త చరిత్ర సృష్టించాడు. అంతర్జాతీయ పొట్టి ఫార్మాట్లో అత్యధిక పరుగుల వీరుడిగా ఉన్న టీమిండియా దిగ్గజ బ్యాటర్‌ రోహిత్‌ శర్మ (Rohit Sharma) ప్రపంచ రికార్డు బద్దలు కొట్టాడు. టీ20 క్రికెట్‌లో హయ్యస్ట్‌ రన్‌ స్కోరర్‌గా బాబర్‌ నిలిచాడు.బాబర్‌ డకౌట్‌వరుస వైఫల్యాల నేపథ్యంలో పాక్‌ కెప్టెన్సీ కోల్పోయిన బాబర్‌ ఆజం.. చాన్నాళ్ల పాటు టీ20 జట్టులోనూ స్థానం దక్కించుకోలేకపోయాడు. ఎట్టకేలకు స్వదేశంలో సౌతాఫ్రికాతో టీ20 సిరీస్‌ సందర్భంగా సెలక్టర్లు అతడిని కరుణించారు. అయితే, రావల్పిండి వేదికగా సఫారీలతో తొలి టీ20లో బాబర్‌ డకౌట్‌ అయి పూర్తిగా నిరాశపరిచాడు.ఇందుకు తోడు ఈ మ్యాచ్‌లో పాక్‌ 55 పరుగుల తేడాతో చిత్తుగా ఓడింది. ఈ నేపథ్యంలో బాబర్‌పై తీవ్ర విమర్శలు వచ్చాయి. అతడిని జట్టు నుంచి తప్పించాలనే డిమాండ్లు పెరిగాయి. అయితే, తాజాగా శుక్రవారం నాటి మ్యాచ్‌లో పాక్‌ మెరుగైన ప్రదర్శన కనబరిచింది.110 పరుగులకు ఆలౌట్‌లాహోర్‌ వేదికగా టాస్‌ గెలిచిన పాకిస్తాన్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన సౌతాఫ్రికాను 19.2 ఓవర్లలో 110 పరుగులకు ఆలౌట్‌ చేసింది. ప్రధాన ఆటగాళ్లు లేకుండానే బరిలోకి దిగిన ప్రొటిస్‌ జట్టు టాపార్డర్‌ పాక్‌ బౌలర్ల ధాటికి కుదేలైంది.రీజా హెండ్రిక్స్‌ డకౌట్‌ కాగా.. క్వింటన్‌ డికాక్‌ (7), టోనీ డి జోర్జి (7) పూర్తిగా విఫలమయ్యారు. యువ బ్యాటర్‌ డెవాల్డ్‌ బ్రెవిస్‌ 25 పరుగులతో ప్రొటిస్‌ ఇన్నింగ్స్‌లో టాప్‌ రన్‌ స్కోరర్‌గా నిలిచాడు. మిగిలిన వారిలో కెప్టెన్‌ డొనోవాన్‌ ఫెరీరా (15), కార్బిన్‌ బాష్‌ (11), ఒట్‌నీల్‌ బార్ట్‌మన్‌ (12) మాత్రమే డబుల్‌ డిజిట్‌ స్కోర్లు చేశారు.పాక్‌ బౌలర్లలో ఫాహీమ్‌ ఆష్రఫ్‌ నాలుగు వికెట్లు తీయగా.. సల్మాన్‌ మీర్జా మూడు, నసీం షా రెండు, అబ్రార్‌ అహ్మద్‌ ఒక వికెట్‌ దక్కించుకున్నాడు. అనంతరం స్వల్ప లక్ష్యంతో బరిలోకి దిగిన పాక్‌.. 13.1 ఓవర్లలో వికెట్‌ నష్టానికి 112 పరుగులు చేసి.. తొమ్మిది వికెట్ల తేడాతో గెలిచింది.సయీమ్‌ ఆయుబ్‌ విధ్వంసకర అర్ధ శతకంఓపెనర్‌ సాహిబ్‌జాదా ఫర్హాన్‌ (28) ఓ మోస్తరుగా రాణించగా.. సయీమ్‌ ఆయుబ్‌ విధ్వంసకర అర్ధ శతకం (38 బంతుల్లో 71) సాధించాడు. అతడికి తోడుగా బాబర్‌ ఆజం 18 బంతుల్లో ఒక ఫోర్‌ సాయంతో 11 పరుగులు చేసి అజేయంగా నిలిచాడు. ఈ క్రమంలోనే బాబర్‌ అంతర్జాతీయ టీ20 ఫార్మాట్లో అత్యధిక పరుగుల వీరుడిగా రోహిత్‌ శర్మను అధిగమించాడు. కాగా టీ20 ప్రపంచకప్‌-2024లో భారత్‌ను చాంపియన్‌గా నిలిపిన తర్వాత రోహిత్‌ శర్మ అంతర్జాతీయ పొట్టి ఫార్మాట్‌కు వీడ్కోలు పలికిన విషయం తెలిసిందే.అంతర్జాతీయ టీ20లలో అత్యధిక పరుగుల వీరులు (టాప్‌-5)🏏బాబర్‌ ఆజం (పాకిస్తాన్‌)- 130* మ్యాచ్‌లలో 4234 పరుగులు🏏రోహిత్‌ శర్మ (ఇండియా)- 159 మ్యాచ్‌లలో 4231 పరుగులు🏏విరాట్ కోహ్లి (ఇండియా)- 125 మ్యాచ్‌లలో 4188 పరుగులు🏏జోస్‌ బట్లర్‌ (ఇంగ్లండ్‌)- 144 మ్యాచ్‌లలో 3869 పరుగులు🏏పాల్‌ స్టిర్లింగ్‌ (ఐర్లాండ్‌)- 153 మ్యాచ్‌లలో 3710 పరుగులు.చదవండి: అతడే మా ఓటమిని శాసించాడు.. అభిషేక్ మాత్రం అద్భుతం: భారత కెప్టెన్‌

ఒకేసారి రెండు స్కిల్స్‌ని ప్రదర్శించడం మాటలు కాదు. అది కూడా సంగీతాన్ని, స్మిమ్మింగ్‌ని మిళితం చేస్తూ..ప్రదర్శించడానికి ఎంతో ప్రాక్టీస్‌ ఉండాల్సిందే. లేదంటే నీటిలో తేలుతూ..సంగీత వాయిద్యా పరికరాలను వాయించడం అంత సులువు కాదు. అదికూడా రివర్స్‌(బ్యాక్‌ స్టోక్‌)తో ఈత కొడుతూ వాయిద్యడం అంత ఈజీ కాదు. కానీ ఈ యువకుడు ఆ అసాధారణ ప్రతిభను ప్రదర్శించి రికార్డు సృష్టించాడు. ఈ ఘనతను సృష్టించింది బహుముఖ ప్రజ్ఞాశాలి అయిన మ్యూజిక్‌ టీచర్‌ రూబెన్‌ జాసన్‌ మచాడో. మంగళూరులోని సెయింట్ అలోసియస్ కాలేజ్‌ స్విమ్మింగ్ పూల్‌లో 700 మీటర్లకు పైగా వెనుకకు(బ్యాక్‌స్ట్రోక్) ఈత కొడుతూ ఫ్లూట్ వాయిస్తూ ఈ 30 ఏళ్ల సంగీతకారుడు ఒక ప్రత్యేకమైన ప్రపంచ రికార్డును క్రియేట్‌ చేశాడు. ఉదయం పదిగంటలకు బ్యాక్‌స్ట్రోక్‌ ప్రదర్శనను ప్రారంభించి..150 మీటర్లు వరకు ఈత కొడితే చాలన్నుకున్నాడట. కానీ అనుహ్యంగా 700 మీటర్ల వరకు ఈత కొట్టి గోల్డెన్ బుక్ ఆఫ్ వరల్డ్ రికార్డ్స్‌(GBWR)లకెక్కాడు. ఈ మేరకు GBWR రూబెన్‌కి అధికారిక సర్టిఫికేట్‌ను అందజేసింది. తన తండ్రి సూచన మేరకు ఈ వినూత్న రికార్డుని ప్రయత్నించానని చెబుతున్నాడు రూబెన్‌ జాసన్‌ఎవరీ రూబెన్‌ జాసన్‌..నేషనల్ ఇన్‌స్టిట్యూట్ ఆఫ్ వాటర్ సేఫ్టీ (NIWS) ధృవీకరించిన లైఫ్‌ సేవర్‌ రూబెన్‌కు హిందూస్తానీ, వెస్ట్రన్‌ ఫ్లూట్‌ రెండింటిలోనూ ప్రావీణ్యం ఉంది. అలాగే సాక్సోఫోన్‌, గిటార్‌, వంటి ఇతర వాయిద్యాలను వాయించడంలో దిట్ట. ఇక ఆయన బాలీవుడ్‌, శాండల్‌వుడ్‌, కోస్టల్‌ చిత్రాలలో పలు పాటలకు సంగీతం సమకూర్చారు. అంతేగాదు భారతదేశం అంతటా అనేక ప్రతిష్టాత్మక కార్యక్రమాలలో ప్రదర్శనలు ఇచ్చారు కూడా. ఆయన 2016 వరల్డ్ కల్చర్ ఫెస్టివల్‌లో కూడా పాల్గొన్నాడు. ఇక రూబెన్‌కు ఈ ఫ్లూట్‌ ప్రదర్శనలో సుమారు 15 ఏళ్లకు పైగా అనుభవం ఉండటం విశేషం. (చదవండి: ఎవరీ అయ్యలసోమయూజుల లలిత..? 'స్పెషల్ కేసు'గా ఆ మినహాయింపు..)

విద్యానగర్‌(కరీంనగర్‌): కలియుగ దైవం శ్రీనివాసుడి నామ థ్యేయంతో ఒకటైన శ్రీనివాసులందరిది సమాజ సేవే లక్ష్యం కావాలని చిలుకూరు బాలాజీ శ్రీసుందరేశ్వర స్వామి ఆలయ ప్రధానార్చకులు, ధర్మసంస్ధాపన అధ్యక్షులు రామదాసి ఆత్మరాం సురేశ్‌శర్మ అన్నారు. ఆదివారం కరీంనగర్‌లోని పీవీఆర్‌ ప్లాజాలో శ్రీనివాస మిత్రుల ద్వితీయ వార్షికోత్సవం జరిగింది. ఈ కార్యక్రమంలో పాల్గొన్న ఆయన మాట్లాడుతూ.. తిరుమల కొండపై కొలువైన కలియుగ దైవం శ్రీనివాసుడిపై భక్తి విశ్వాసాలను పెంచుకున్న ఉమ్మడి రాష్ట్రంలోని ఆయన భక్తులు.. తమ పిల్లలకు ఆయన పేరు పెట్టుకుని వారిలో ఆ దేవదేవుడిని నిత్యం దర్శిస్తున్నారని తెలిపారు. శ్రీనివాసులందరూ దైవకార్యాలతోపాటు సామాజిక సేవలో భాగస్వామ్యం కావాలని పిలుపునిచ్చారు. కార్యక్రమంలో శ్రీనివాసుల సేవా సంస్థ రాష్ట్ర అధ్యక్షుడు వూట్కూరు శ్రీనివాస్‌ రెడ్డి, ఎలగందుల శ్రీనివాస్, వండర్‌ బుక్‌ ఆఫ్‌ వరల్డ్‌ రికార్డ్‌ తెలంగాణ డైరెక్టర్‌ మడుపు రాంప్రకాశ్, రాష్ట్రవ్యాప్తంగా వివిధ జిల్లాల నుంచి తరలివచ్చిన శ్రీనివాస్‌ నామధ్యేయులు పాల్గొన్నారు. తలసేమియా బాధితుల కోసం ఏర్పాటు చేసిన మెగా రక్తదాన శిబిరంలో శ్రీనివాసులు రక్తదానం చేశారు.వాట్సాప్‌ గ్రూపుతో ముందుకు..తొలిసారిగా 2023 అక్టోబర్‌ 29న మనమంతా శ్రీనివాసులమే పేరుతో వుట్కూరి శ్రీనివాస్‌రెడ్డి వాట్సాప్‌ గ్రూపు ఏర్పాటు చేశారు. ప్రస్తుతం 28 వాట్సాప్‌ గ్రూపుల్లో శ్రీనివాసుల సంఖ్య 23వేలకు చేరింది. గతేడాది అక్టోబర్‌ 27న కరీంనగర్‌లోని టీటీడీ కల్యాణ మండపంలో తొలి వార్షికోత్సవం నిర్వహించగా.. 760 మంది హాజరయ్యారు. ద్వితీయ వార్షికోత్సవానికి శ్రీనివాసులు పెద్ద ఎత్తున హాజరుకావడంతోపాటు వండర్‌ బుక్‌ వరల్డ్‌ రికార్డు సాధించారు.ఏకనామం సదాప్రీతిఏకనామం.. సదా ప్రీతి అనే నినాదంతో ముందుకెళ్తున్నాం. ఒకే భావజాలంతో శ్రీవారి సేవకు అంకితమవుతాం. ఇప్పటికే 23వేల మంది సభ్యుల ఐక్యత, భక్తి తత్పరత ఎంతోమందికి ఆదర్శప్రాయంగా నిలుస్తున్నాం. ఆ శ్రీనివాసుని చల్లని దీవెనలు అన్నివే«ళలా అందరిపై ఉండాలని కోరుకుంటాను. – నంది శ్రీనివాస్, అధ్యక్షులు సాహితీ గౌతమి, కరీంనగర్‌పూర్వ జన్మ సుకృతంపూర్వ జన్మలో చేసుకున్న అదృష్టం కావచ్చు ఈ జన్మలో మా తల్లిదండ్రులు ఏడుకొండల వాడి పేరు మాకు పెట్టారు. ఆ పేరు సార్థకం చేసుకుంటూ.. సేవా కార్యక్రమాల్లో భాగం పంచుకుంటున్నాం. శ్రీనివాస్‌ పేరు ఉన్నవారందరం ఒక చోట, ఒకే వేదికపై కలుసుకోవడం చాలా సంతోషంగా ఉంది. – గాండ్ల శ్రీనివాస్, న్యాయవాది, శ్రీనివాసుల సేవా సంస్థ లీగల్‌ ఆడ్వైజర్, కరీంనగర్‌ఒకే వేదికపై కలవడం ఆనందంగా ఉందిలక్ష్మీనివాసుడైన శ్రీనివాసుడి పేరు మాకు ఉండడం అదృష్టం. ఇంత మంది శ్రీనివాసులు ఒకే వేదిక మీద కలువడం అద్భుతంగా ఉంది. శ్రీనివాస్‌ పేరు తలిస్తేనే అధ్యాత్మికత ఉట్టిపడుతుంది. అలాంటి మహాత్మ్యం మరో పేరులో లేదు. అలాంటి పేరు మాకు ఉండడం చాలా సంతోషంగా ఉంది. -కన్నోజు శ్రీనివాస్, ఇనుగుర్తి శ్రీనివాస్, జగిత్యాలపేరు ప్రాధాన్యం తెలపడానికిఒకప్పుడు ప్రతి ఇంట్లో ఒక్కరిద్దరికి శ్రీనివాస్‌ పేరు పెట్టేవారు. ప్రస్తుతం కొత్తకొత్త పేర్లు పెట్టుకుంటున్నారు. శ్రీనివాస్‌ పేరు ప్రాధాన్యాన్ని నేటి తరం వారికి తెలియజేయాలనే ఉద్దేశంతో మనమంతా శ్రీనివాసులం అనే వాట్సాప్‌ గ్రూపు ఏర్పాటు చేశాను. శ్రీనివాస్‌ పేరున్న అందరినీ ఒకటి చేస్తున్నా. – వూట్కూరి శ్రీనివాస్‌ రెడ్డి, శ్రీనివాసుల సేవా సంస్ధ అధ్యక్షులుకలియుగ దైవం పేరుకలియుగ దైవం శ్రీనివాసుడంటే అందరికీ భక్తి, నమ్మకం. అ నమ్మకంతోనే మా తల్లిదండ్రులు ఆయన పేరును మాకు పెట్టి పిలుచుకుంటున్నారు. ఆయన ఆశీస్సులు ఉంటే అంతామంచి జరుగుతుందనే నమ్మకం. శ్రీనివాస్‌ పేరున్న ప్రతి ఒక్కరి విశ్వాసం, ఆయన పేరు మాకు ఉండడం మా అదృష్టం. – పల్లెర్ల శ్రీనివాస్, బాలాజీ అన్నపూర్ణ సేవా సమితి,కరీంనగర్‌మాది పేరు బంధంకలియుగ ప్రత్యక్ష దైవం శ్రీని వాసుడు. ఆయన పేరును కు టుంబసభ్యులు మాకు పెట్ట డం అదృష్టంగా భావిస్తాను. శ్రీనివాసులందరిదీ దైవబంధం. ఆ శ్రీనివాసుడు ఏమీ ఆశించకుండా తన భక్తులను అనుగ్రహిస్తాడో అదే విధంగా మేమందరం కూడా సామాజిక సేవలో నడువాలన్నదే ధ్యేయం. – ఎలగందుల శ్రీనివాస్, వాసుదేవ హాస్పిటల్, కరీంనగర్‌

సిడ్నీ క్రికెట్ గ్రౌండ్ (SCG) వేదికగా శనివారం ఆస్ట్రేలియాతో జరిగిన మూడో వన్డేలో టీమిండియా ఓపెనర్ రోహిత్ శర్మ శతక్కొట్టాడు. 237 పరుగుల లక్ష్య చేధనలో ఆసీస్ బౌలర్లను హిట్‌మ్యాన్ ఉతికారేశాడు. మరో సీనియర్ ప్లేయర్ విరాట్ కోహ్లితో కలిసి భారత జట్టును వైట్ వాష్ నుంచి గట్టెక్కించాడు.రోహిత్ ఓవరాల్‌గా 125 బంతులు ఎదుర్కొని 13 ఫోర్లు, 3 సిక్స్‌లతో 121 పరుగులు చేసి ఆజేయంగా నిలిచాడు. అతడితో పాటు కోహ్లి (74నాటౌట్‌; 81 బంతుల్లో 7 ఫోర్లు) హాఫ్ సెంచరీతో మెరిశాడు. ఫలితంగా టీమిండియా లక్ష్యాన్ని 38.3 ఓవర్లలోనే ఒకే వికెట్ కోల్పోయి ఛేదించింది. ఇక ప్లేయర్ ఆఫ్‌ది మ్యాచ్‌, సిరీస్‌గా నిలిచిన రోహిత్ పలు వరల్డ్ రికార్డులను తన పేరిట లిఖించుకున్నాడు.రోహిత్‌ శర్మ సాధించిన రికార్డులు ఇవే..👉సేనా(సౌతాఫ్రికా, ఇంగ్లండ్‌, న్యూజిలాం‍డ్‌, ఆస్ట్రేలియా) దేశాల్లో వన్డేల్లో అత్యధిక సిక్స్‌లు బాదిన విదేశీ ఆటగాడిగా రోహిత్ నిలిచాడు. రోహిత్ ఇప్పటివరకు సేనా దేశాల్లో 95 సిక్స్‌లు బాదాడు. ఇంతకుముందు ఈ రి​కార్డు విండీస్ దిగ్గజం క్రిస్ గేల్‌(92) పేరిట ఉండేది. ఈ మ్యాచ్‌లో 3 సిక్స్‌లు బాదిన రోహిత్.. గేల్ ఆల్‌టైమ్ రికార్డును బ్రేక్ చేశాడు.👉21వ శతాబ్దంలో ఆస్ట్రేలియాపై వన్డే సెంచరీ చేసిన అతి పెద్ద వయష్కుడిగా రోహిత్ నిలిచాడు.38 ఏళ్ల 178 రోజులు వయస్సులో ఈ ఫీట్ సాధించాడు. ఇప్పటివరకు ఈ రికార్డు శ్రీలంక లెజెండ్ కుమార సంగక్కర(37 సంవత్సరాలు, 132 రోజులు) పేరిట ఉండేది.👉వన్డే చరిత్రలో లేటు వయసులో ప్లేయర్ ఆఫ్ ది సిరీస్ అవార్డు గెలుచుకున్న భారత ఆటగాడిగా రోహిత్ నిలిచాడు👉ఆస్ట్రేలియాలో అత్యధిక వన్డే సెంచరీలు (6) చేసిన విదేశీ బ్యాటర్‌గా రోహిత్‌ రికార్డు సృష్టించాడు. ఈ క్రమంలో విరాట్ కోహ్లి (5), కుమార సంగక్కర (5)లను హిట్‌మ్యాన్‌ అధిగమించాడు. 👉ఆస్ట్రేలియా గడ్డపై వన్డేల్లో రెండుసార్లు ప్లేయర్ ఆఫ్‌ ది సిరీస్‌ అవార్డు అందుకున్న తొలి భారత బ్యాటర్‌గా రోహిత్‌ రికార్డులకెక్కాడు.చదవండి: థాంక్యూ ఆస్ట్రేలియా.. ఇదే మా చివరి మ్యాచ్‌!? రోహిత్‌, కోహ్లి ఎమోషనల్

వెస్టిండీస్‌ క్రికెట్‌ జట్టు (West Indies) సరికొత్త సంప్రదాయానికి తెరలేపింది. ఓ వన్డే మ్యాచ్‌లో తొలి ఐదుగురితో స్పిన్‌ బౌలింగ్‌ వేయించిన తొలి జట్టుగా చరిత్ర సృష్టించింది. వన్డే క్రికెట్‌లో ఇప్పటివరకు ఇలాంటి ఘటన చోటు చేసుకోలేదు.తొలి నలుగురితో స్పిన్‌ బౌలింగ్‌ చేయించిన దాఖలాలు (ఐదు సందర్భాల్లో) ఉన్నా, అవి అసోసియేట్‌ దేశాల క్రికెట్‌లో జరిగాయి. ఓ ఫుల్‌ మెంబర్‌ జట్టు తొలి ఐదుగురి బౌలర్లతో స్పిన్‌ వేయించడం మాత్రం వన్డే క్రికెట్‌ చరిత్రలో ఇదే మొదటిసారి.ఢాకా వేదికగా బంగ్లాదేశ్‌తో జరుగుతున్న రెండో వన్డేలో (Bangladesh Vs West Indies) ఈ అరుదైన ఘటన చోటు చేసుకుంది. విండీస్‌ కెప్టెన్‌ రోస్టన్‌ ఛేజ్‌ తొలుత బౌలింగ్‌ చేస్తూ.. ఐదుగురు స్పిన్నర్లను ప్రయోగించాడు. రెండు ఎండ్ల నుంచి స్పిన్నర్లతోనే దాడి ప్రారంభించాడు. ఇలా జరగడం కూడా వన్డే క్రికెట్‌ చరిత్రలో ఐదోసారి మాత్రమే.గత మూడు ఘటనలు ఇదే వేదికగా జరిగాయి. మూడు సందర్భాల్లో కూడా బంగ్లాదేశే ఈ ప్రయోగాన్ని చేసింది. న్యూజిలాండ్‌ జట్టు వన్డే క్రికెట్‌లో తొలిసారి ఈ ప్రయోగాన్ని చేసిన జట్టుగా నిలిచింది. 2017లో సౌతాఫ్రికాతో జరిగిన మ్యాచ్‌లో ఆ జట్టు రెండు ఎండ్ల నుంచి స్పిన్నర్లతో (జీతన్‌ పటేల్‌, సాంట్నర్‌) బౌలింగ్‌ ప్రారంభించింది.మ్యాచ్‌ విషయానికొస్తే.. ఢాకాలోని షేర్‌ ఏ బంగ్లా నేషనల్‌ స్టేడియం స్పిన్నర్లకు స్వర్గధామంగా ఉంటుంది. ఇవాళ (అక్టోబర్‌ 21) జరుగుతున్న మ్యాచ్‌కు సంబంధించిన పిచ్‌ కూడా అలాగే ఉంది. దీంతో తొలుత బౌలింగ్‌ చేయాల్సి వచ్చిన విండీస్‌ కేవలం స్పిన్నర్లతోనే బరిలోకి దిగింది.అకీల్‌ హోసేన్‌, రోస్టన్‌ ఛేజ్‌తో బౌలింగ్‌ అటాక్‌ను ప్రారంభించిన విండీస్‌.. ఆతర్వాత కూడా స్పిన్నర్లనే (ఖారీ పియెర్రీ, గుడకేశ్‌ మోటీ, అలిక్‌ అథనాజ్‌) కొనసాగించింది. అంచనాలకు తగ్గట్టుగానే విండీస్‌ స్పిన్నర్లు​ చెలరేగిపోయారు.ఆతిథ్య జట్టును 213 పరుగులకే (7 వికెట్ల నష్టానికి) పరిమితం చేశారు. మోటీ 3, అకీల్‌ హోసేన్‌, అలిక్‌ అథనాజ్‌ తలో 2 వికెట్లు తీశారు. బంగ్లా ఇన్నింగ్స్‌లో 45 పరుగులు చేసిన సౌమ్య సర్కార్‌ టాప్‌ స్కోరర్‌గా నిలిచాడు. ఆఖర్లో రిషద్‌ హొసేన్‌ (39 నాటౌట్‌) సుడిగాలి ఇన్నింగ్స్‌ ఆడి తన జట్టుకు గౌరవప్రదమైన స్కోర్‌ అందించాడు.విండీస్‌ ప్రపంచ రికార్డురెండు వైపుల నుంచి బౌలింగ్‌ అటాక్‌ను స్పిన్నర్లతోనే ప్రారంభించి, ఆతర్వాత కూడా మరో ముగ్గురు స్పిన్నర్లనే కొనసాగించి, ఓ వన్డే మ్యాచ్‌లో తొలి ఐదుగురు బౌలర్లతో స్పిన్‌ వేయించిన తొలి జట్టుగా చరిత్ర సృష్టించిన వెస్టిండీస్‌ మరో ప్రపంచ రికార్డు కూడా నెలకొల్పింది. వన్డే క్రికెట్‌ చరిత్రలో 50 ఓవర్లు స్పిన్నర్లతోనే వేయించిన తొలి జట్టుగా సరికొత్త చరిత్ర సృష్టించింది.కాగా, 3 వన్డేలు, 3 టీ20ల సిరీస్‌ల కోసం విండీస్‌ జట్టు బంగ్లాదేశ్‌లో పర్యటిస్తుంది. ఈ పర్యటనలో భాగంగా జరిగిన తొలి వన్డేలో ఆతిథ్య జట్టు 74 పరుగుల తేడాతో విండీస్‌ను చిత్తు చేసింది. చదవండి: పాపం సర్ఫరాజ్‌ ఖాన్‌.. ఎందుకిలా..?

బెంగళూరు: తమ ప్రభుత్వం చేపట్టిన పథకానికి ‘లండన్ బుక్ ఆఫ్ వరల్డ్ రికార్డ్స్’ నుంచి సర్టిఫికెట్ అందిందని గొప్పగా ప్రకటించిన కర్ణాటక సీఎం ఇప్పుడు నవ్వులపాలవుతున్నారు. ఆ సర్టిఫికెట్‌ నకిలీదని తేలిన దరిమిలా సోషల్‌ మీడియాలో నెటిజన్లు ఆయనపై విమర్శలు ఎక్కుపెడుతున్నారు.కర్ణాటక కాంగ్రెస్ ముఖ్యమంత్రి సిద్ధరామయ్య ఇటీవల.. రాష్ట్రంలోని మహిళలకు ‘శక్తి యోజన’పేరుతో ఉచిత బస్సు ప్రయాణ పథకాన్ని ప్రారంభించామని, ఈ నేపధ్యంలో మహిళలు అత్యధికంగా ఉచితంగా బస్సు ప్రయాణాలు చేశారని తెలిపారు. దీనిని ప్రపంచ రికార్డుగా ‘లండన్ బుక్ ఆఫ్ వరల్డ్ రికార్డ్స్’ గుర్తించిందని ప్రకటించారు. కర్ణాటక రెండు చరిత్రాత్మక రికార్డులతో ప్రపంచ వేదికపైకి ప్రవేశించిందని పేర్కొన్నారు.‘శక్తి యోజన’ పథకం కింద మహిళలు మొత్తంగా 564.10 కోట్ల ఉచిత ప్రయాణాలు చేశారని, ఇది మహిళల రోజువారీ ప్రయాణాలలో కొత్త రికార్డు అని సిద్దరామయ్య తన ‘ఎక్స్‌’ ఖాతాలో పేర్కొన్నారు. దీనికితోడు కర్ణాటక రాష్ట్ర రవాణా సంస్థ 1997 నుంచి ఇప్పటివరకూ 464 జాతీయ, అంతర్జాతీయ అవార్డులను అందుకుందని చెబుతూ, రెండు సర్టిఫికెట్ల ఫొటో కాపీలను షేర్‌ చేశారు.ఈ రెండు సర్టిఫికెట్లపై లండన్ బుక్ ఆఫ్ వరల్డ్ రికార్డ్స్, ఇంటర్నేషనల్ ప్రెసిడెంట్(ఇండియా)డాక్టర్ అవినాష్ డి. సకుండే, యూరోపియన్ యూనియన్ హెడ్(క్రొయేషియా)డాక్టర్ ఇవాన్ గచినాల సంతకాలున్నాయి. A BIG embarrassment for Congress.Yesterday, no less than Karnataka CM Siddaramaiah proudly claimed that two state schemes were recognised by the London Book of Records.Turns out — it’s FAKE. Someone literally conned the Congress! 😂The so-called “certificate” is full of… pic.twitter.com/N0NPu3OUji— Amit Malviya (@amitmalviya) October 17, 2025ఈ సర్టిఫికెట్లను గమనించిన ప్రతిపక్ష పార్టీలు ఇది కేవలం ప్రచార స్టంట్ అని ఆరోపించాయి. కాంగ్రెస్ ప్రభుత్వం ఉచిత పథకాలకు అధికంగా ఖర్చు చేస్తోందని, రాష్ట్రంలోని నాలుగు రవాణా సంస్థలు మొత్తం రూ.6,330 కోట్ల అప్పును కలిగి ఉన్నాయని, ప్రస్తుతం ఆర్థిక సంక్షోభాన్ని ఎదుర్కొంటున్నాయని తెలిపాయి. కాగా ‘లండన్ బుక్ ఆఫ్ వరల్డ్ రికార్డ్స్’ బ్రిటన్‌లో నమోదైన ఒక ప్రైవేట్ సంస్థ. ఈ సంస్థ అధికారికంగా 2025, జూలై 15న మూతపడింది. అవినాష్ ధనంజయ్ సకుండే 2024, జూన్ 28న ఈ సంస్థ డైరెక్టర్‌గా నియమితులయ్యారు. లండన్ బుక్ ఆఫ్ వరల్డ్ రికార్డ్స్ ఇప్పుడు మనుగడలో లేదు. దీంతో కర్ణాటక ప్రభుత్వం చూపిస్తున్న సర్టిఫికెట్లు చెల్లనివని నిరూపితమయ్యాయి. బీజేపీ నేత అమిత్‌ మాలవియ కర్నాటక ప్రభుత్వం చూపిస్తున్న సర్టిఫికెట్లు ఫేర్‌ అంటూ ఆధారాలతో సహా షేర్‌ చేసిన పోస్టు ఇప్పుడు వైరల్‌గా మారింది. దీంతో నెటిజన్లు సీఎం సిద్దరామయ్యపై విమర్శనాస్త్రాలు సంధిస్తున్నారు.ఇది కూడా చదవండి: Pakistan: శుభాకాంక్షలకు ‘ఏఐ’.. ప్రధానిపై నెటిజన్ల ఆగ్రహం

మహారాష్ట్ర బ్యాటర్‌ కిరణ్‌ నవ్‌గిరే(Kiran Navgire) మహిళల టి20 క్రికెట్‌లో కొత్త ప్రపంచ రికార్డు సృష్టించింది. బీసీసీఐ సీనియర్‌ మహిళల టి20 ట్రోఫీ (ఎలైట్‌)లో భాగంగా పంజాబ్‌తో జరిగిన మ్యాచ్‌లో కిరణ్‌ 34 బంతుల్లోనే సెంచరీ నమోదు చేసింది. దీంతో మహిళల టీ20 క్రికెట్‌లో ఫాస్టెస్ట్ సెంచరీ చేసిన బ్యాటర్‌గా నవ్‌గిరే నిలిచింది.ఇంతకుముందు ఈ రికార్డు న్యూజిలాండ్‌ ప్లేయర్‌ సోఫీ డివైన్ పేరిట ఉండేది. డివైన్ సూప‌ర్ స్మాష్ టీ20 లీగ్ 2021లో 36 బంతుల్లో శ‌త‌క్కొట్టింది. తాజా ఇన్నింగ్స్‌లో డివైన్ ఆల్‌టైమ్ రికార్డును న‌వ్‌గిరే బ్రేక్ చేసింది.శుక్రవారం జరిగిన ఈ మ్యాచ్‌లో కిరణ్‌ మొత్తం 35 బంతుల్లో 14 ఫోర్లు, 7 సిక్సర్లతో 106 పరుగులు చేసి అజేయంగా నిలిచింది. అంతకుముందు పంజాబ్‌ 20 ఓవర్లలో 6 వికెట్లకు 110 పరుగులు చేయగా... కిరణ్‌ విధ్వంసంతో మహారాష్ట్ర 8 ఓవర్లలోనే వికెట్‌ నష్టానికి 113 పరుగులు సాధించింది.కిరణ్‌ మినహా ఇతర బ్యాటర్లు ఈశ్వరి 1, ముక్త 6 పరుగులు మాత్రమే చేశారు! మహిళల టి20ల్లో 300కు పైగా స్ట్రయిక్‌ రేట్‌తో నమోదైన సెంచరీ (302.86) ఇదొక్కటే కావడం విశేషం. 31 ఏళ్ల కిరణ్‌ నవ్‌గిరే 2022లో భారత్‌ తరఫున 6 టి20లు ఆడి 17 పరుగులు మాత్రమే చేయడంతో జట్టులో స్థానం కోల్పోయింది.చదవండి: పాకిస్తాన్‌ టీమ్‌కు ​కొత్త కెప్టెన్‌!?

ఎవ్వరికైనా పేరు మహా అయితే ఓ నాలుగైదు పేర్లతో పెట్టుకుంటారేమో. అది కూడా అప్లికేషన్స్‌లో రాయడం అంత ఈజీ కాదు కూడా. అలాంటిది ఈ వ్యక్తి ఎంత పెద్ద పేరు పెట్టుకున్నాడో వింటే విస్తుపోతారు. అందులో ఎన్ని పదాలు ఉన్నాయో చూస్తే మతిపోతుంది. ఇలా కూడా పేరు పెట్టుకుంటారా అన్నంత వెరైటీగా పేరు పెట్టుకుని రికార్డు క్రియేట్‌ చేశాడు. అందరూ రకరకాల ఫీట్లతో కష్టపడి రికార్డు బద్దులు కొడితే..ఈ వ్యక్తి మాత్రం తన పేరుతోనే రికార్డులు ఎక్కాడు. వాటే క్రియేటివిటీ అనాలా..లేక అతని ఆలోచనకు సలాం కొట్టాలో తెలియదు గానీ..ప్రస్తుతం ఇతడి పేరు మాత్రం అత్యంత హాట్‌టాపిక్‌గా మారి వార్తల్లో నిలిచింది. అతడే న్యూజిలాండ్‌కు చెందిన లారెన్స్‌. మాములుగా కొందరికి వంశపారంపర్య పేర్లే, ప్లస్‌ సెంటిమెంట్‌లు, ఆచారాలో కొందిరి పేర్లు ఎంత పొడవుగా ఉంటాయో తెలిసిందే. కానీ లారెన్స్‌ వాళ్లందర్నీ వెనక్కి నెట్టేలా ఎంత పెద్ద పేరు పెట్టుకున్నాడంటే..అధికారులే అభ్యంతరం చెప్పే రేంజ్‌లో పెట్టుకున్నాడు. చట్టబద్ధంగా ఆ పేరు మార్పుని పొంది వార్తల్లో నిలవడమే కాదు గిన్నిస్‌ వరల్డ్‌ రికార్డు( Guinness World Records)లకెక్కాడు. ఇంతకీ ఈ వ్యక్తి పేరులో ఎన్న పదాలు ఉంటాయో తెలుసా..ఏకంగా 2,253 ప్రత్యేక పదాలు ఉన్నాయి. నిజానికి ఇంత పెద్ద పేర్లు ప్రస్తుత ఇంటర్నెట్‌ యుగంలో ఉపయోగించడం చాలా కష్టం. ఎందుకంటే..రాతపూర్వకంగా కాకుండా ఆన్‌లైన్‌లోనే దేనికైనా దరఖాస్తూ చేయాల్సిన పరిస్థితి. అందులోనూ ఇంత పెద్ద పేరుని టైప్‌ చేయడం ఇంకా కష్టం. పైగా అక్కడ అంత స్పేస్‌ కూడా ఉండదు. అలాగే పలకాలన్నా కూడా 20 నిమిషాలు పడుతుందట.అయితే లారెన్స్‌ ఎక్కడ తగ్గలేదు అంత పెద్ద పేరు టైప్‌ చేసేలా వందల డాలర్ల ఖర్చు చేశాడు. అంతేగాదు జిల్లా కోర్టు ఇంత పెద్ద పేరుని పెట్టుకోవడాన్ని తిరస్కరిస్తే..హైకోర్టుకి అప్పీల్‌ చేసుకుని మరి న్యాయం పోరాటం చేశాడు. చివరికి కోర్టు అతడికి అనూకూలంగా తీర్పు ఇవ్వడమే కాదు..ఏకంగా చట్టంలోనే సంస్కరణలు చేసి.. రెండు చట్టాలను మార్చింది కూడా. పేరు మార్పు చేసుకోవడమే కాదు చట్ట బద్ధం చేసుకునేలా పోరాడటం అంటే మాటలు కాదు కదా..!.(చదవండి: Karwa Chauth: భార్య కోసం బ్రిటిష్ వ్యక్తి కర్వా చౌత్ ఉపవాసం..! పాపం చంద్రుడి దర్శనం కోసం..)

వెస్టిండీస్‌తో ఢిల్లీ వేదిక‌గా జ‌రుగుతున్న రెండో టెస్టులో టీమిండియా జోరు కొన‌సాగుతోంది. రెండో రోజు ఆట‌లోనూ ప‌ర్యాట‌క జ‌ట్టుపై భార‌త్ ఆధిప‌త్యం చెలాయించింది. 318/2 ఓవర్‌నైట్‌ స్కోరుతో రెండో రోజు ఆటను ప్రారంభించిన భారత జ​ట్టుకు ఆదిలోనే భారీ షాక్ తగిలింది. డబుల్ సెంచరీకి చేరువలో ఉన్న యశస్వి జైశ్వాల్ అనుహ్యంగా రనౌటై తన వికెట్‌ను కోల్పోయాడు.ఆ తర్వాత క్రీజులోకి వచ్చిన యువ ఆటగాళ్లు నితీష్ కుమార్‌, ధ్రువ్ జురెల్‌ కెప్టెన్ గిల్‌తో కలిసి స్కోరు బోర్డును పరుగులు పెట్టించారు. దీంతో భారత్‌ 134.2 ఓవర్లలో 5 వికెట్లకు 518 పరుగుల భారీస్కోరు వద్ద తొలి ఇన్నింగ్స్‌ను డిక్లేర్‌ చేసింది. యశస్వి జైశ్వాల్ (177), శుభ్‌మన్ గిల్(129) భారీ శతకాలతో కదం తొక్కగా..నితీశ్‌ (54 బంతుల్లో 43; 4 ఫోర్లు, 2 సిక్స్‌లు), జురేల్‌ (79 బంతుల్లో 44; 5 ఫోర్లు), సాయిసుదర్శన్‌(87) రాణించారు. అనంతరం బ్యాటింగ్‌కు దిగిన వెస్టిండీస్‌ తొలి ఇన్నింగ్స్‌లో 43 ఓవర్లలో 4 వికెట్ల నష్టానికి 140 పరుగులు చేసింది.భారత్ సరికొత్త రికార్డు..అయితే తొలి ఇన్నింగ్స్‌లో బ్యాటింగ్‌లో విశ్వరూపం ప్రదర్శించిన భారత జట్టు ఓ అరుదైన రికార్డును తమ పేరిట లిఖించుకుంది. గత 65 ఏళ్లలో వెస్టిండీస్‌తో టెస్ట్ మ్యాచ్‌లో తొలి ఐదు వికెట్లకు వరుసగా 50 ప్లస్ భాగస్వామ్యాలను నమోదు చేసిన జట్టుగా టీమిండియా నిలిచింది. టాప్-5 బ్యాటర్లు యశస్వి జైస్వాల్, కేఎల్ రాహుల్, సాయి సుదర్శన్, శుభ్‌మన్ గిల్, నితీష్ కుమార్ రెడ్డి, ధృవ్ జురెల్ వరుసగా ఐదు వికెట్లకు ఏభైకి పైగా పార్ట్‌నర్‌షిప్స్‌ నెలకొల్పారు. తొలి వికెట్‌కు రాహుల్-జైస్వాల్ 58, రెండో వికెట్‌కు జైస్వాల్-సాయి సుదర్శన్ 193, మూడో వికెట్‌కు జైస్వాల్-శుభ్‌మన్ గిల్ 69, నాలుగో వికెట్‌కు శుభ్‌మన్ గిల్-నితీష్ కుమార్ రెడ్డి 91, ఐదో వికెట్‌కు శుభ్‌మన్ గిల్-ధ్రువ్ జురెల్ 102 పరుగుల భాగస్వామ్యాలను నమోదు చేశారు.అప్పుడు ఆసీస్‌.. ఇప్పుడు భారత్‌1960లో గబ్బా వేదికగా వెస్టిండీస్‌తో జరిగిన అరుదైన టై టెస్ట్‌లో ఆస్ట్రేలియా తొలి ఐదు వికెట్లకు ఏభైకి పైగా పార్ట్‌నర్‌షిప్స్‌ను నెలకొల్పింది. మళ్లీ ఇప్పుడు ఇన్నాళ్లకు భారత్ ఈ ఫీట్ సాధించింది.మూడో సారి..టెస్ట్ క్రికెట్ చరిత్రలో భారత్ ఈ ఘనతను సాధించడం ఇది మూడోసారి. 1993లో ముంబైలో ఇంగ్లండ్‌, 2023లో అహ్మదాబాద్ వేదికగా ఆసీస్‌తో జరిగిన టెస్టు మ్యాచ్‌లో భారత్ ఈ ఫీట్ సాధించింది. కానీ విండీస్‌పై మాత్రం ఇదే తొలిసారి.చదవండి: టీ20 క్రికెట్‌లో పెను సంచలనం.. సౌతాఫ్రికాను చిత్తు చేసిన నమీబియా

ఫ్రెంచ్ సైక్లిస్ట్, టిక్‌టాక్‌ స్టార్‌ అరోలియాన్‌ ఫాంట్‌నోయ్‌ అరుదైన వరల్డ్‌ రికార్డును సొంతం చేసుకున్నారు. మెట్ల మార్గం గుండా సైకిల్‌పై ఈఫిల్‌ టవర్‌ను 12 నిమిషాల్లో ఎక్కి సరికొత్త రికార్డు నెలకొల్పాడు. 686 మెట్లు ఉన్న ఈఫిల్‌ టవర్‌ను 12 నిమిషాల 30 సెకన్లలో సైకిల్‌పై ఎక్కారు, అది కూడా ఎక్కడా కాలు కిందపెట్టకుండా ఈఫిల్‌ టవర్‌ను ఇలా ఎక్కడంతో వరల్డ్‌ రికార్డు సృష్టించాడు. దాంతో 2002లో హ్యూగ్స్‌ రిచర్డ్‌ నెలకొల్పిన రికార్డు తెరమరుగైంది. గతంలో రిచర్డ్‌ 19 నిమిషాల వ్యవధిలో ఈఫిల్‌ టవర్‌ను సైకిల్‌పై ఎక్కితే.. ఇప్పుడు దాన్ని ఏడు నిమిషాలు ముందుగాను ఫాంట్‌నోయ్‌ చేరుకుని నూతన అధ్యాయాన్ని లిఖించాడు. తన తదుపరి లక్ష్యం దుబాయ్‌లో ఉన్న ప్రపంచంలోనే అత్యంత ఎత్తైన భవనం బూర్జ్‌ ఖలీఫాను ఎక్కి రికార్డు నెలకొల్పడేనని పేర్కొన్నాడు.అయితే ఈఫిల్‌ టవర్‌ను ఎక్కి రికార్డు నెలకొల్పడంపై ఫాంట్‌నోయ్‌ మాట్లాడుతూ.. ‘ ఇది మూడు-నాలుగేళ్ల క్రితమే చేయాలనుకున్నానని, కొన్ని ప్రత్యేక పరిస్థితుల్లో వేచి చూడక తప్పలేదన్నాడు. ఒకవైపు కోవిడ్‌ మహమ్మారి ప్రపంచాన్ని కలవర పెట్టడం, మరొకవైపు ఈఫిల్‌ టవర్‌ పనులు జరుగుతూ ఉండటం, మరొకవైపు ఒలింపిక్స్‌ గేమ్స్‌ వీటన్ని కారణంగా సుదీర్ఘ నిరీక్షణ తప్పలేదన్నాడు.

ఆస్ట్రేలియా మహిళా క్రికెట్‌ జట్టు సరికొత్త చరిత్ర సృష్టించింది. వుమెన్‌ వన్డే క్రికెట్‌లో తొమ్మిదో వికెట్‌కు వందకు పైగా స్కోరు జతచేసిన తొలి జట్టుగా నిలిచింది. ప్రపంచంలో ఇంత వరకు ఏ మహిళా జట్టుకు సాధ్యం కాని ఘనత సాధించింది.ఐసీసీ మహిళల వన్డే వరల్డ్‌కప్‌-2025 (ICC Womens World Cup 2025)లో భాగంగా పాకిస్తాన్‌తో బుధవారం నాటి మ్యాచ్‌లో ఆసీస్‌ జట్టు ఈ ఫీట్‌ నమోదు చేసింది. ప్రపంచకప్‌ టోర్నీకి భారత్‌ ఆతిథ్యం ఇస్తుండగా.. పాక్‌ శ్రీలంక వేదికగా తమ మ్యాచ్‌లు ఆడుతోంది. ఇందులో భాగంగా ఆర్‌.ప్రేమదాస స్టేడియంలో ఆసీస్‌ (Aus W vs Pak W)తో తాజా మ్యాచ్‌లో టాస్‌ గెలిచిన పాక్‌.. తొలుత బౌలింగ్‌ చేసింది.టాపార్డర్‌ కుదేలైనా..అయితే, పాక్‌ బౌలర్ల ధాటికి ఆసీస్‌ టాపార్డర్‌ కుదేలైంది. ఓపెనర్లు కెప్టెన్‌ అలిసా హేలీ (20), ఫోబే లిచ్‌ఫీల్డ్‌ (10) నామమాత్రపు స్కోర్లకే పరిమితం కాగా.. వన్‌డౌన్‌లో వచ్చిన ఎలిస్‌ పెర్రీ 5 పరుగులకే నిష్క్రమించింది.మిగిలిన వాళ్లలో కిమ్‌ గార్త్‌ (11) తప్ప అంతా సింగిల్‌ డిజిట్‌ స్కోర్లకే పరిమితం కాగా.. నాలుగో స్థానంలో వచ్చిన బెత్‌ మూనీ, పదో స్థానంలో వచ్చిన అలనా కింగ్‌ సంచలన ఇన్నింగ్స్‌తో మెరిశారు. మూనీ సెంచరీ (114 బంతుల్లో 109)తో చెలరేగగా.. అలనా 49 బంతుల్లో 51 పరుగులతో నాటౌట్‌గా నిలిచింది.మూనీ- అలనా కలిసి తొమ్మిదో వికెట్‌కు 106 పరుగులు జోడించారు. తద్వారా మహిళల వన్డే క్రికెట్‌ చరిత్రలో తొమ్మిదో వికెట్‌కు అత్యధిక భాగస్వామ్యం నెలకొల్పిన జోడీగా ప్రపంచ రికార్డు సాధించారు.ప్రపంచంలోనే తొలి జట్టుగా..ఇక 76 పరుగులకే ఏడు వికెట్లు కోల్పోయిన వేళ.. మూనీ- అలనా రాణించడంతో ఆసీస్‌ నిర్ణీత 50 ఓవర్లలో తొమ్మిది వికెట్లు నష్టపోయి.. 222 పరుగులు స్కోరు చేయగలిగింది. కాగా మహిళల వన్డే చరిత్రలో ఏడు ఎక్కువ వికెట్లు పడిన తర్వాత అత్యధిక పరుగులు సాధించిన జట్టుగానూ ఆసీస్‌ నిలిచింది. ఏడో వికెట్‌ పడిన తర్వాత ఆసీస్‌ 145 పరుగులు సాధించి ఈ ఘనతను తన ఖాతాలో వేసుకుంది. ఆ రికార్డూ ఆసీస్‌ పేరు మీదేఐసీసీ పురుషుల వన్డే వరల్డ్‌కప్‌-2023లో భాగంగా అఫ్గనిస్తాన్‌తో మ్యాచ్‌లో ఆసీస్‌ 91 పరుగులకే ఏడు వికెట్ల నష్టపోయిన వేళ.. గ్లెన్‌ మాక్స్‌ వెల్‌, ప్యాట్‌ కమిన్స్‌ కలిసి అద్భుతం చేశారు. ఎనిమిదో వికెట్‌కు ఏకంగా 202 పరుగులు జోడించి ఈ ఘనత సాధించిన తొలి జట్టుగా ఆసీస్‌ను నిలిపారు.చదవండి: అగార్కర్‌కు అవమానకర ముగింపు తప్పదు: మాజీ క్రికెటర్‌ సంచలన వ్యాఖ్యలు

కోట్లాది మంది భక్తుల ఆరాధ్య దైవం శ్రీరాముని నగరమైన యోధ్య మరోసారి ప్రపంచ వేదికపై తనదైన ముద్ర వేసింది. దసరా నవరాత్రలు నేపధ్యంలో ఉత్తర ప్రదేశ్‌లోని అయోధ్య వేదికగా నిర్వహించిన రామ్‌లీలా (Ayodhya Ramlila ) ప్రపంచంలోనే అతిపెద్ద గొప్ప రామ్‌లీలాగా మారిందని ప్రభుత్వం ప్రకటించింది. ఈ డిజిటల్‌ విప్లవ యుగంలో, ఈ కార్యక్రమం భారతదేశానికే పరిమితం కాకుండా ప్రపంచ సాంస్కృతిక ఉత్సవంగా మారింది. ప్రకటనలో తెలిపిన వివరాల ప్రకారం...3–డీ సాంకేతికత ఆధునిక వేదిక అలంకరణ ఈ «ఆధ్యాత్మిక కార్యక్రమాన్ని మరింత ఆకర్షణీయంగా చేశాయి. ఎక్కువ సంఖ్యలో రామ భక్తులను చేరుకోవడానికి రామ్‌లీలా ప్రత్యక్ష ప్రసారం కోసం ఈ సంవత్సరం 10 కోట్ల రూపాయలకు పైగా ఖర్చు చేశారు. ఈ ప్రసారం, ఆరాధన, టాటా ప్లే, షెమరూ మీ, Vఐ యాప్, ఎయిర్‌టెల్, షెమరూ భక్తి యూట్యూబ్‌ ఛానల్, ఫేస్‌బుక్‌ పేజీలు ఇతర డిజిటల్‌ ప్లాట్‌ఫామ్‌ల వ్యాప్తంగా జరిగింది. అకేలే షెమరూ భక్తి యూట్యూబ్‌ ఛానెల్‌లో ఎనిమిది కోట్లకు పైగా ప్రజలు దీనిని వీక్షించారు. వేదికపైనే కాకుండా తెరపై కూడా, ఈ కార్యక్రమం కొత్త చరిత్రను సృష్టించింది. ఈ సంవత్సరం, రామ్‌లీలాను 50 కి పైగా దేశాలలో ఆన్‌లైన్‌లో ప్రసారం చేశారు మొత్తం 62 కోట్లకు పైగా రామభక్తులు వీక్షించారు.ఐదేళ్లలో నాలుగు రెట్లు పెరిగిన వీక్షకులు....అయోధ్యలోని రాంలీల ప్రతి సంవత్సరం డిజిటల్‌ వీక్షకుల పరంగా రికార్డులను సృష్టించడం గమనించదగ్గ విషయం. గూగుల్‌ డేటా ప్రకారం, 2020లో 16 కోట్ల మంది వీక్షకులు, 2021లో 20 కోట్ల మంది వీక్షకులు, 2022లో 25 కోట్ల మంది వీక్షకులు, 2023లో 40 కోట్ల మంది వీక్షకులు, 2024లో 41 కోట్ల మంది వీక్షకులు మరియు 2025లో 62 కోట్ల మంది వీక్షకులు దీనిని వీక్షించారు. ఈ అద్భుతాన్ని సాకారం చేయడంలో ఉత్తరప్రదేశ్‌ ప్రభుత్వం ముఖ్యమైన పాత్ర పోషించింది. గత 2020లో రామ్‌లీలాను అప్పటి పర్యాటక సాంçస్కృతిక శాఖ మంత్రి నీలకాంత్‌ తివారీ ప్రారంభించారు, ముఖ్యమంత్రి యోగి ఆదిత్యనాథ్‌ దీనిని ప్రపంచ స్థాయికి చేరుకోవడానికి మార్గం సుగమం చేశారు.దేశ దేశాలలో శ్రీరామ నామస్మరణ...రామ్‌లీలా సమితి వ్యవస్థాపకులు సుభాష్‌ మాలిక్‌ శుభం మాలిక్‌ ఈ కార్యక్రమాన్ని డిజిటల్‌ విప్లవానికి కేంద్రంగా మార్చారు. రామ్‌నగరి అయోధ్యలో ప్రదర్శించిన ఈ రామ్‌లీలా మొత్తం ప్రపంచపు రామ్‌లీలాగా మారింది. భారతదేశం, నేపాల్, శ్రీలంక, పాకిస్తాన్, బంగ్లాదేశ్, ఆఫ్ఘనిస్తాన్, భూటాన్, మయన్మార్, థాయిలాండ్, ఇండోనేషియా, మలేషియా, సింగపూర్, వియత్నాం, చైనా, జపాన్, దక్షిణ కొరియా, మంగోలియా, ఆస్ట్రేలియా, న్యూజిలాండ్, యుఎఇ, సౌదీ అరేబియా, ఖతార్, ఒమన్, బహ్రెయిన్, కువైట్, మారిషస్, ఫిజి, ట్రినిడాడ్, టొబాగో, కెన్యా, నైజీరియా, ఇంగ్లాండ్, ఫ్రాన్స్‌జర్మనీ, ఇటలీ, స్పెయిన్, నెదర్లాండ్స్, రష్యా, కెనడా, అమెరికా, బ్రెజిల్‌ వంటి దేశాలలో కోట్లాది మంది రామభక్తులు దీనిని వీక్షించారు.(Happy Divorce విడాకులను సెలబ్రేట్‌ చేసుకున్న తల్లీ కొడుకులు)అయోధ్యలోని రామ్‌లీలా శ్రీరాముని కథ కేవలం మతపరమైన ఆచారం మాత్రమే కాదని, ప్రపంచాన్ని కలిపే సాంస్కృతిక వారధి అని నిరూపించేలా యోగి సర్కార్‌ సహకారం డిజిటల్‌ టెక్నాలజీ సంగమం రామ్‌లీలాను ప్రపంచ వేదికపైకి తీసుకువచ్చాయి భారతీయ ఆధ్యాత్మిక వైభవం అంతర్జాతీయ విశేషంగా మారింది. చదవండి: నో అన్న గూగుల్‌లోనే కీలక పదవి.. ఎవరీ రాగిణీ?సినీ సందడి...శ్రీరాముని నగరమైన అయోధ్యలో జరిగిన గ్రాండ్‌ రామ్‌లీలా ఈ సంవత్సరం సినీ తారల సందడితో మరింత ప్రత్యేకంగా మారింది. మన దేశపు ప్రముఖ నటులు తమ అద్భుతమైన ప్రదర్శనలతో ఈ కార్యక్రమాన్ని చిరస్మరణీయంగా మార్చారు. ఢిల్లీ, ముంబై నుంచి 250 మందికి పైగా సినీ కళాకారులు ఈ రామ్‌లీలాకు హాజరై పలు రకాల ప్రదర్శనలు సమర్పించారు. ప్రముఖ నటి భాగ్యశ్రీ తల్లి సీతమ్మ పాత్రను పోషించి ప్రదర్శించింది. విందు దారా సింగ్‌ తన శక్తివంతమైన నటనతో హనుమంతుని పాత్రకు ప్రాణం పోశారు. ప్రతినాయక పాత్రలకు ప్రసిద్ధి చెందిన షాబాజ్‌ ఖాన్‌ రావణుడి పాత్రను పోషించారు. ప్రముఖ నటుడు అనిల్‌ ధావన్‌ విభీషణుడి పాత్రను పోషించారు. హాస్యనటుడు సునీల్‌ పాల్‌ నారదమునిగా ప్రేక్షకులను ఆకట్టుకున్నారు. దీనితో పాటు, మనోజ్‌ తివారీ, రవి కిషన్, రాకేష్‌ బేడి, రజా మురాద్, అష్రాని, అవతార్‌ గిల్, రీతు శివపురి, షీబా మరియు అరుణ్‌ బక్షి కూడా తమ తమ పాత్రలతో రామ్‌లీలాకు అభినయ వైభవాన్ని జోడించారు.అంతర్జాతీయ స్థాయిలో ఆకర్షణ కేంద్రంగా మారిన రాంలీలా సందర్భంగా ప్రత్యేక ప్రదర్శనలు ఇవ్వడం ద్వారా మిస్‌ యూనివర్స్‌ 2024చ 2025ల రాక కూడా ఈ ఈవెంట్‌ను కొత్త శిఖరాలకు చేర్చడంలో తమ వంతు పాత్ర పోషించింది.

ఊహించిన అద్భుతమే జరిగింది. పోల్‌ వాల్ట్‌లో మరోసారి ప్రపంచ రికార్డు బద్దలయింది. మారింది వేదిక మాత్రమే... ప్రపంచ రికార్డు సృష్టించిన వ్యక్తి మాత్రం మారలేదు... వరల్డ్‌ రికార్డు నెలకొల్పడం... మళ్లీ దానిని సవరించడం... తన ఖాతాలో పసిడి పతకం వేసుకోవడం... సమీప ప్రత్యర్థులను రెండో స్థానానికే పరిమితం చేయడం... పోల్‌ వాల్ట్‌ క్రీడాంశం పేరు చెబితే తనను తప్పనిసరిగా గుర్తు చేసుకునేలా రోజురోజుకూ రాటుదేలుతూ దూసుకుపోతున్న ఆ అథ్లెట్‌ ఎవరో కాదు... స్వీడన్‌ స్టార్‌ అర్మాండో డుప్లాంటిస్‌... బరిలో దిగితే ప్రపంచ రికార్డుపైనే గురి పెట్టే ఈ సూపర్‌ స్టార్‌ పోల్‌ వాల్టర్‌ సోమవారం టోక్యోలో మెరిశాడు. కళ్లు చెదిరే ప్రదర్శనతో తన ఖాతాలో 14వ ప్రపంచ రికార్డు వేసుకోవడంతోపాటు... ప్రపంచ చాంపియన్‌షిప్‌ చరిత్రలో వరుసగా మూడు స్వర్ణాలు సాధించి... ఈ క్రీడాంశంలో దిగ్గజం సెర్గీ బుబ్కా సరసన డుప్లాంటిస్‌ చేరాడు. టోక్యో: అథ్లెటిక్స్‌ అభిమానులందరూ ఆసక్తిగా ఎదురుచూసిన పురుషుల పోల్‌ వాల్ట్‌ ఈవెంట్‌లో ప్రపంచ, ఒలింపిక్‌ చాంపియన్‌ అర్మాండో డుప్లాంటిస్‌ అలరించాడు. సోమవారం జరిగిన ఫైనల్లో స్వీడన్‌కు చెందిన 25 ఏళ్ల డుప్లాంటిస్‌ కొత్త ప్రపంచ రికార్డు సృష్టించడంతోపాటు పసిడి పతకాన్ని కైవసం చేసుకున్నాడు. 6.30 మీటర్ల ఎత్తుకు ఎగిరిన డుప్లాంటిస్‌ తన కెరీర్‌లో 14వ సారి ప్రపంచ రికార్డును లిఖించాడు. గత నెలలో హంగేరి రాజధాని బుడాపెస్ట్‌లో జరిగిన మీట్‌లో 6.29 మీటర్లతో తానే నెలకొలి్పన ప్రపంచ రికార్డును డుప్లాంటిస్‌ సవరించాడు. విజేతగా నిలిచిన డుప్లాంటిస్‌కు 70 వేల డాలర్లు (రూ. 61 లక్షల 68 వేలు) ప్రైజ్‌మనీగా, ప్రపంచ రికార్డు సృష్టించినందుకు లక్ష డాలర్లు (రూ. 88 లక్షల 12 వేలు) బోనస్‌గా లభించాయి. 12 మంది పోటీపడ్డ ఫైనల్లో డుప్లాంటిస్‌ తన ఆరో ప్రయత్నంలో 6.15 మీటర్ల ఎత్తును అధిగమించి స్వర్ణ పతకాన్ని ఖాయం చేసుకున్నాడు. కరాలిస్‌ (గ్రీస్‌; 6 మీటర్లు) రజత పతకం నెగ్గగా... కురి్టస్‌ మార్షల్‌ (ఆ్రస్టేలియా; 5.95 మీటర్లు) కాంస్య పతకాన్ని దక్కించుకున్నాడు. పసిడి పతకం ఖాయమయ్యాక డుప్లాంటిస్‌ ప్రపంచ రికార్డుపై గురి పెట్టాడు. తొలి రెండు ప్రయత్నాల్లో 6.30 మీటర్ల ఎత్తును అధిగమించడంలో విఫలమైన డుప్లాంటిస్‌ మూడో ప్రయత్నంలో సఫలమై ప్రపంచ రికార్డును అందుకున్నాడు. డుప్లాంటిస్‌ కెరీర్‌లో ఇది వరుసగా 49వ విజయంకాగా... మేజర్‌ టోరీ్నల్లో ఐదో టైటిల్‌. టోక్యో ఒలింపిక్స్, పారిస్‌ ఒలింపిక్స్‌లో స్వర్ణ పతకాలు గెలిచిన డుప్లాంటిస్‌.. 2022 ప్రపంచ చాంపియన్‌íÙప్‌లో, 2023 ప్రపంచ చాంపియన్‌షిప్‌లో బంగారు పతకాలు సాధించాడు. తాజా విజయంతో డుప్లాంటిస్‌ ప్రపంచ చాంపియన్‌íÙప్‌లో ‘హ్యాట్రిక్‌’ స్వర్ణాలను సొంతం చేసుకున్నాడు. సెర్గీ బుబ్కా తర్వాత వరుసగా మూడు ప్రపంచ చాంపియన్‌íÙప్‌లలో బంగారు పతకాలు గెలిచిన రెండో పోల్‌ వాల్టర్‌గా డుప్లాంటిస్‌ గుర్తింపు పొందాడు. సెర్గీ బుబ్కా (సోవియట్‌ యూనియన్‌/ఉక్రెయిన్‌) వరుసగా ఆరు ప్రపంచ చాంపియన్‌íÙప్‌లలో (1983, 1987, 1991, 1993, 1995, 1997) స్వర్ణ పతకాలు సాధించాడు.

ఐస్లాండ్‌కు చెందిన ప్రఖ్యాత స్ట్రాంగ్‌మాన్‌ హాఫ్థోర్‌ బ్జోర్న్‌సన్‌ (Hafthor Bjornsson) మానవ శక్తికి కొత్త నిర్వచనం చెప్పాడు. బర్మింగ్హమ్‌లో జరిగిన 2025 వరల్డ్‌ డెడ్‌లిఫ్ట్‌ ఛాంపియన్షిప్‌లో ఊహకందని విధంగా 510 కిలో బరువు (1,124.4 పౌండ్లు) ఎత్తాడు. ఈ క్రమంలో తన పేరిటే ఉండిన ప్రపంచ రికార్డును (505 కిలోలు) తిరగరాశాడు. బ్జోర్న్‌సన్‌ 500 కిలోలకు పైగా డెడ్‌లిఫ్ట్‌ చేయడం ఇది మూడోసారి. 2020లో 501 కిలోలు, 2025 జులై 505 కిలోల బరువులు ఎత్తాడు. తాజా ఉదంతంతో బ్జోర్న్‌సన్‌ మానవ శక్తి సామర్థ్యానికి కొత్త ప్రమాణాన్ని స్థాపించాడు. అతని శ్రమ, పట్టుదల, శరీర సామర్థ్యం ప్రపంచానికి ప్రేరణగా నిలుస్తున్నాయి.510kg / 1124lbs DEADLIFT WORLD RECORD pic.twitter.com/WMKUqQvvzr— Hafþór J Björnsson (@ThorBjornsson_) September 6, 20252018లో వరల్డ్‌ స్ట్రాంగ్‌మాన్‌గా అవతరించిన బ్జోర్న్‌సన్‌.. ఆతర్వాత Arnold Strongman Classic, Europe’s Strongest Man పోటీలు గెలిచి, ఒకే సంవత్సరంలో ఈ ఘనతలు సాధించిన ఏకైక వ్యక్తిగా చరిత్రకెక్కాడు. 36 ఏళ్ల బ్జోర్న్‌సన్‌ తన కెరీర్‌లో 129కి పైగా ప్రపంచ రికార్డులు, 32 అంతర్జాతీయ టైటిళ్లు సాధించాడు. బ్జోర్న్‌సన్‌ Game of Thrones సినిమాలో “The Mountain” పాత్రతో ప్రపంచవ్యాప్తంగా గుర్తింపు పొందాడు.

యూఏఈ కెప్టెన్‌ ముహమ్మద్‌ వసీం అంతర్జాతీయ టీ20ల్లో ప్రపంచ రికార్డును తన పేరిట లిఖించుకున్నాడు. నిన్నటి దాకా టీమిండియా మాజీ టీ20 కెప్టెన్‌ రోహిత్‌ శర్మ పేరిట ఉన్న ఆ రికార్డును వసీం తన ఖాతాలో వేసుకున్నాడు. యూఏఈ టీ20 ట్రై సిరీస్‌లో భాగంగా ఆఫ్ఘనిస్తాన్‌తో నిన్న (సెప్టెంబర్‌ 1) జరిగిన మ్యాచ్‌లో 6 సిక్సర్లు బాదిన వసీం.. అంతర్జాతీయ టీ20ల్లో అత్యధిక సిక్సర్లు బాదిన కెప్టెన్‌గా అవతరించాడు. ఈ క్రమంలో రోహిత్‌ శర్మను వెనక్కు నెట్టాడు. రోహిత్‌ టీమిండియా కెప్టెన్‌గా 62 ఇన్నింగ్స్‌ల్లో 105 సిక్సర్లు బాదగా.. వసీం 54 ఇన్నింగ్స్‌ల్లోనే 110 సిక్సర్లు కొట్టాడు. ఈ జాబితా టాప్‌-4లో ఇంగ్లండ్‌ మాజీ కెప్టెన్‌ ఇయాన్‌ మోర్గాన్‌ (65 ఇన్నింగ్స్‌ల్లో 86 సిక్సర్లు), ఆసీస్‌ మాజీ కెప్టెన్‌ ఆరోన్‌ ఫించ్‌ (76 ఇన్నింగ్స్‌ల్లో 82 సిక్సర్లు) వసీం, రోహిత్‌ తర్వాతి స్థానాల్లో ఉన్నారు.మ్యాచ్‌ విషయానికొస్తే.. ఆఫ్ఘనిస్తాన్‌తో నిన్న జరిగిన మ్యాచ్‌లో ముహమ్మద్‌ వసీం​ మెరుపు అర్ద శతకంతో (37 బంతుల్లో 67; 4 ఫోర్లు, 6 సిక్సర్లు) విరుచుకుపడినా యూఏఈని గెలిపించలేకపోయాడు. అతనికి వికెట్‌కీపర్‌ రాహుల్‌ చోప్రా (35 బంతుల్లో 52 నాటౌట్; 3 ఫోర్లు, 3 సిక్సర్లు) కూడా సహకరించినా ప్రయోజనం లేకుండా పోయింది. మిగతా బ్యాటర్లలో ఒక్కరు కూడా రాణించకపోవడంతో ఆఫ్ఘనిస్తాన్‌ నిర్దేశించిన 189 పరుగుల లక్ష్యం యూఏఈకి చాలా భారీగా పరిగణించబడింది. రషీద్‌ ఖాన్‌ (4-0-21-3), షరాఫుద్దీన్‌ అష్రఫ్‌ (4-0-24-3) చెలరేగడంతో 150 పరుగులకే పరిమితమై, 38 పరుగుల తేడాతో పరాజయంపాలైంది.అంతకుముందు సెదీఖుల్లా అటల్‌ (40 బంతుల్లో 54), ఇబ్రహాం జద్రాన్‌ (40 బంతుల్లో 63), అజ్మతుల్లా (12 బంతుల్లో 20 నాటౌట్‌), కరీమ్‌ జనత్‌ (10 బంతుల్లో 23 నాటౌట్) రాణించడంతో ఆఫ్ఘనిస్తాన్‌ నిర్ణీత 20 ఓవర్లలో 4 వికెట్ల నష్టానికి 188 పరుగులు చేసింది.కాగా, ఆసియా కప్‌కు ముందు షార్జా వేదికగా జరుగుతున్న ముక్కోణపు టోర్నీలో యూఏఈ, ఆఫ్ఘనిస్తాన్‌తో పాటు పాకిస్తాన్‌ కూడా పాల్గొంటుంది. ఈ టోర్నీలో పాక్‌ వరుసగా రెండు విజయాలు (ఆఫ్ఘన్‌, యూఏఈ) సాధించగా.. ఆఫ్ఘనిస్తాన్‌ తాజా తొలి విజయం నమోదు చేసింది. యూఏఈ ఆడిన రెండు మ్యాచ్‌ల్లో ఓడి బోణీ కోసం ఎదురుచూస్తుంది. ఇవాళ పాక్‌, ఆఫ్ఘనిస్తాన్‌ మరోసారి తలపడనున్నాయి.

జార్ఘండ్‌కు చెందిన 21 ఏళ్ల మానిషి తన తొలి దులీప్‌ ట్రోఫీ మ్యాచ్‌లోనే ప్రపంచ రికార్డు సమం చేశాడు. లెఫ్ట్‌ ఆర్మ్‌ ఆర్థోడాక్స్‌ స్పిన్నర్‌ అయిన అతడు.. తాజాగా జరిగిన మ్యాచ్‌లో (దులీప్‌ ట్రోఫీ మొదటి క్వార్టర్‌ ఫైనల్‌) ఈస్ట్‌ జోన్‌కు ప్రాతినిథ్యం వహిస్తూ.. నార్త్‌ జోన్‌పై 6 వికెట్లు (తొలి ఇన్నింగ్స్‌లో) తీశాడు.మానిషి తీసిన ఈ 6 వికెట్లు ఎల్బీడబ్ల్యూ రూపంలో రావడం విశేషం. ఈ కారణంగానే అతని పేరిట ప్రపంచ రికార్డు నమోదైంది. ఫస్ట్‌ క్లాస్‌ క్రికెట్‌ చరిత్రలో మానిషికి ముందు కేవలం ఐదుగురు మాత్రమే ఓ ఇన్నింగ్స్‌లో ఆరుగురిని ఎల్బీడబ్ల్యూ చేశారు. వీరిలో భారతీయులు ఒక్కరు కూడా లేరు.దీంతో ఈ ఘనత సాధించిన తొలి భారత బౌలర్‌గా మానిషి చరిత్ర సృష్టించాడు. అలాగే మార్క్‌ ఇలాట్‌ (1995), చమింద వాస్‌ (2005), తబిష్‌ ఖాన్‌ (2012), ఓలీ రాబిన్సన్‌ (2021), క్రిస్‌ రైట్‌తో (2021) కలిసి ప్రపంచ రికార్డును పంచుకున్నాడు. ఇలాట్‌, వాస్‌, తబిష్‌ ఖాన్‌, రాబిన్సన్‌, క్రిస్‌ రైట్‌ కూడా మానిషిలాగే ఒకే ఇన్నింగ్స్‌లో ఆరుగురిని ఎల్బీడబ్ల్యూ చేశారు.మానిషి ఈ మ్యాచ్‌లో శుభమ్‌ ఖజురియా, అంకిత్‌ కుమార్‌, యశ్‌ ధుల్‌, కన్హయ్య వధవాన్‌, ఆకిబ్‌ నబీ, హర్షిత్‌ రాణాను ఎల్బీడబ్ల్యూ చేశాడు. మానిషి తొలి ఇన్నింగ్స్‌లో ఆరు వికెట్లతో (22.2-2-111-6) చెలరేగినా రెండో ఇన్నింగ్స్‌లో (34-3-166-0) తేలిపోయాడు. ఈ మ్యాచ్‌లో నార్త్‌ జోన్‌ తొలి ఇన్నింగ్స్‌ లీడ్‌ ఆధారంగా సెమీస్‌కు అర్హత సాధించింది.జంషెడ్‌పూర్‌లో జన్మించిన మానిషికి ఇది తొలి దులీప్‌ ట్రోఫీ మ్యాచే అయినప్పటికీ.. ఇదివరకే 9 ఫస్ట్‌ క్లాస్‌ మ్యాచ్‌లు ఆడాడు. 2023-24 రంజీ సీజన్‌లో అతను అత్యుత్తమంగా (22 వికెట్లు) రాణించాడు. మానిషి 2019లో భారత అండర్‌-19 జట్టుకు ప్రాతినిథ్యం వహించాడు. సౌతాఫ్రికాతో జరిగిన ఓ మ్యాచ్‌లో అతను ఐదు వికెట్ల ప్రదర్శన సహా 7 వికెట్లు తీశాడు. తాజా ప్రదర్శన తర్వాత మానిషిపై ఐపీఎల్‌ ఫ్రాంచైజీలు దృష్టి సారించవచ్చు.

వెస్టిండీస్‌ క్రికెట్‌ దిగ్గజం కీరన్‌ పొలార్డ్‌ (Kieron Pollard) సరికొత్త చరిత్ర సృష్టించాడు. పొట్టి ఫార్మాట్లో ఆల్‌టైమ్‌ ప్రపంచ రికార్డు (T20 World Record) నెలకొల్పాడు. టీ20లలో పద్నాలుగు వేలకు పైగా పరుగులు చేయడంతో పాటు.. మూడు వందల వికెట్లు తీసిన తొలి క్రికెటర్‌గా చరిత్ర సృష్టించాడు.నైట్‌ రైడర్స్‌కు పొలార్డ్‌ ప్రాతినిథ్యంకరేబియన్‌ ప్రీమియర్‌ లీగ్‌ (CPL)-2025లో భాగంగా బార్బడోస్‌ రాయల్స్‌తో శనివారం ఉదయం జరిగిన మ్యాచ్‌ సందర్భంగా.. పొలార్డ్‌ ఈ ఫీట్‌ అందుకున్నాడు. కాగా 2022లోనే ఐపీఎల్‌కు వీడ్కోలు పలికిన ఈ ఆల్‌రౌండర్‌.. సీపీఎల్‌లో మాత్రం కొనసాగుతున్నాడు. ఈ సీజన్‌లో.. కోల్‌కతా నైట్‌ రైడర్స్‌ సిస్టర్‌ ఫ్రాంఛైజీ ట్రిన్‌బాగో నైట్‌ రైడర్స్‌కు పొలార్డ్‌ ప్రాతినిథ్యం వహిస్తున్నాడు.రాయల్స్‌@ 178 పరుగులుఈ క్రమంలో ట్రినిడాడ్‌ వేదికగా.. బార్బడోస్‌ రాయల్స్‌తో నైట్‌ రైడర్స్‌ శనివారం తలపడింది. టాస్‌ గెలిచిన రైట్‌ రైడర్స్‌ తొలుత బౌలింగ్‌ చేసింది. బ్యాటింగ్‌కు దిగిన బార్బడోస్‌ నిర్ణీత 20 ఓవర్లలో ఆరు వికెట్ల నష్టానికి 178 పరుగులు సాధించింది. షెర్ఫానే రూథర్‌ఫర్డ్‌ (22 బంతుల్లో 45), కదీమ్‌ అలినే (41), కెప్టెన్‌ రోవ్‌మన్‌ పావెల్‌ (15 బంతుల్లో 31) కారణంగా ఈ మేర గౌరవప్రదమైన స్కోరు చేసింది.మున్రో, పూరన్‌ ధనాధన్‌నైట్‌ రైడర్స్‌ బౌలర్లలో ఆండ్రీ రసెల్‌ మూడు వికెట్లు తీయగా.. ఆమిర్‌ రెండు, అలీఖాన్‌ ఒక వికెట్‌ దక్కించుకున్నారు. ఇక లక్ష్య ఛేదనకు దిగిన నైట్‌ రైడర్స్‌ 17.5 ఓవర్లలో మూడు వికెట్లు నష్టపోయి పనిపూర్తి చేసింది. ఓపెనర్‌ కొలిన్‌ మున్రో (44 బంతుల్లో 67) ధనాధన్‌ దంచికొట్టగా.. మరో ఓపెనర్‌ అలెక్స్‌ హేల్స్‌ (19), వన్‌డౌన్‌ బ్యాటర్‌ కేసీ కార్టీ (1) మాత్రం విఫలమయ్యారు.ఇక నికోలస్‌ పూరన్‌ (40 బంతుల్లో 65 నాటౌట్‌) కెప్టెన్‌ ఇన్నింగ్స్‌తో రాణించగా.. పొలార్డ్‌ (9 బంతుల్లో 19 నాటౌట్‌) కూడా వేగంగా ఆడాడు. ఈ క్రమంలో 17.5 ఓవర్లలో 179 పరుగులు చేసిన ట్రిన్‌బాగో నైట్‌రైడర్స్‌ ఏడు వికెట్ల తేడాతో విజయం సాధించింది.చరిత్ర సృష్టించిన పొలార్డ్‌ఇక ఈ మ్యాచ్‌ సందర్భంగా బ్యాటింగ్‌ ఆల్‌రౌండర్‌ కీరన్‌ పొలార్డ్‌ టీ20 ఫార్మాట్లో 14 వేల పరుగుల మైలురాయిని తాకాడు. అంతేకాదు.. అతడి ఖాతాలో 332 టీ20 వికెట్లు కూడా ఉన్నాయి. ప్రపంచంలో ఈ ఘనత సాధించిన ఏకైక క్రికెటర్‌ పొలార్డ్‌ కావడం విశేషం.అత్యధిక పరుగుల వీరుడు గేల్‌మొత్తంగా ఇప్పటి వరకు 712 టీ20 మ్యాచ్‌లు ఆడిన పొలార్డ్‌ ఈ మేర పరుగులు, వికెట్లు రాబట్టాడు. ఇదిలా ఉంటే.. పొట్టి ఫార్మాట్లో 14 వేల మైలురాయిని చేరుకున్న తొలి బ్యాటర్‌గా యూనివర్సల్‌ బాస్‌ క్రిస్‌ గేల్‌ నిలిచాడు.వికెట్ల ధీరుడు ఎవరంటేమొత్తంగా 22 శతకాలు, 88 ఫిఫ్టీల సాయంతో గేల్‌ 14562 పరుగులు సాధించి.. టీ20 క్రికెట్‌లో అత్యధిక రన్‌స్కోరర్‌గా రికార్డులకెక్కాడు. పొలార్డ్‌ గేల్‌ కంటే ప్రస్తుతం 563 పరుగుల దూరంలో ఉన్నాడు. మరోవైపు.. పొట్టి ఫార్మాట్లో 488 మ్యాచ్‌లలో కలిపి 661 వికెట్లు తీసిన అఫ్గనిస్తాన్‌ స్పిన్‌ దిగ్గజం రషీద్‌ ఖాన్‌ హయ్యస్ట్‌ వికెట్‌ టేకర్‌గా కొనసాగుతున్నాడు.చదవండి: 'నా కెరీర్‌లో సెహ్వాగ్ త్యాగం మరువలేనిది.. ఎప్పుడూ రుణపడి ఉంటా'

అంతర్జాతీయ క్రికెట్‌లో అత్యధిక పరుగుల వీరుడిగా, శతక శతకాల ధీరుడిగా టీమిండియా దిగ్గజం సచిన్‌ టెండుల్కర్‌ (Sachin Tendulkar) చరిత్ర చిరస్మరణీయం. భారత్‌ తరఫున 200 టెస్టుల్లో 51 శతకాల సాయంతో ఈ కుడిచేతి వాటం బ్యాటర్‌.. 15921 పరుగులు సాధించాడు.అదే విధంగా.. 463 వన్డేల్లో 49 సెంచరీలు బాది 18426 పరుగులు చేశాడు. ఒక అంతర్జాతీయ స్థాయిలో ఒకే ఒక్క టీ20 మ్యాచ్‌ ఆడిన సచిన్‌.. పది పరుగులు మాత్రమే చేశాడు. ఇలా మొత్తంగా మూడు ఫార్మాట్లలో కలిపి సచిన్‌ 34,357 పరుగులు సాధించాడు.సచిన్‌ను దాటేసిన కోహ్లి.. ప్రపంచ రికార్డుకు చేరువైన రూట్‌ఇక వన్డే శతకాల విషయంలో టీమిండియా లెజెండ్‌ విరాట్‌ కోహ్లి (Virat Kohli- 51) సచిన్‌ను దాటేసి.. అత్యధిక సెంచరీల వీరుడిగా అవతరించాడు. మరోవైపు.. టెస్టుల్లో అత్యధిక పరుగుల వీరుల జాబితాలో ఇంగ్లండ్‌ దిగ్గజం జో రూట్‌ (Joe Root) సచిన్‌కు చేరువయ్యాడు. ఇటీవల టీమిండియాతో ఆండర్సన్‌- టెండుల్కర్‌ ట్రోఫీ సందర్భంగా రూట్‌ ఈ ఫీట్‌ సాధించాడు.రూట్‌.. సచిన్‌ను అధిగమిస్తాడా?!ఇంగ్లండ్‌ తరఫున 13379 పరుగులు సాధించిన రూట్‌.. సచిన్‌ టెండుల్కర్‌ కంటే ప్రస్తుతం 2378 పరుగులు మాత్రమే వెనుబడి ఉన్నాడు. 34 ఏళ్ల ఈ కుడిచేతి వాటం బ్యాటర్‌ ప్రస్తుతం సూపర్‌ ఫామ్‌లో ఉన్నాడు. మరికొన్నేళ్ల పాటు టెస్టుల్లో కొనసాగల సత్తా అతడికి ఉంది. మరి రూట్‌.. సచిన్‌ను అధిగమిస్తాడా?!అతడొక గొప్ప టెస్టు ప్లేయర్‌.. క్రికెట్‌ వర్గాల్లో తరచూ నడిచే ఈ చర్చ నేపథ్యంలో సచిన్‌ టెండుల్కర్‌ రూట్‌పై తాజాగా ప్రశంసలు కురిపించాడు. అతడొక గొప్ప టెస్టు ప్లేయర్‌ అని కొనియాడాడు. రెడిట్‌లో ‘ఆస్క్‌ మీ ఎనీథింగ్‌’ సెషన్‌లో భాగంగా సచిన్‌ అభిమానులతో ముచ్చటించాడు. ఈ సందర్భంగా.. ‘‘జో రూట్‌పై మీకు కలిగిన తొలి అభిప్రాయం ఏమిటి? .. అతడు ఇప్పుడు టెస్టుల్లో 13000 పరుగుల మార్కు దాటేశాడు.మీ తర్వాతి స్థానంలో ఉన్నాడు కదా!. దీనిపై మీ అభిప్రాయం ఏమిటి?’’ అనే ప్రశ్న ఎదురైంది.ఇందుకు బదులిస్తూ.. ‘‘టెస్టుల్లో 13 వేల పరుగుల మైలురాయిని దాటడం గొప్ప విజయం. అతడు ఇంకా ఆడుతూనే ఉన్నాడు. అద్భుత ఫామ్‌లో ఉన్నాడు. 2012లో నాగ్‌పూర్‌లో ఇంగ్లండ్‌తో మ్యాచ్‌ సందర్భంగా అతడిని తొలిసారి చూశాను.చూడగానే కెప్టెన్‌ అవుతాడని చెప్పానుఅదే రూట్‌కు అరంగేట్ర మ్యాచ్‌. తన ఆట తీరును చూసిన తర్వాత.. ‘మీరు ఇంగ్లండ్‌కు కాబోయే కెప్టెన్‌ను చూస్తున్నారు’ అని నా సహచర ఆటగాళ్లతో చెప్పాను. అలాగే జరిగింది. అతడు ఇంగ్లండ్‌ టెస్టు జట్టు సారథి అయ్యాడు. అతడు వికెట్‌ను అంచనా వేసే తీరు.. స్ట్రైక్‌ రొటేట్‌ చేసే విధానం నన్ను ఆకట్టుకుంటాయి. అతడు గొప్ప టెస్టు ప్లేయర్‌ అవుతాడని అప్పుడే ఊహించాను’’ అని సచిన్‌ టెండుల్కర్‌ బదులిచ్చాడు.టెస్టుల్లో అత్యధిక పరుగుల వీరులు: టాప్‌-5🏏సచిన్‌ టెండుల్కర్‌ (ఇండియా)- 15921 పరుగులు🏏జో రూట్‌ (ఇంగ్లండ్‌)- 13379* పరుగులు🏏రిక్కీ పాంటింగ్‌ (ఆస్ట్రేలియా)- 13378 పరుగులు🏏జాక్వెస్‌ కలిస్‌ (సౌతాఫ్రికా)- 13289 పరుగులు🏏రాహుల్‌ ద్రవిడ్‌ (ఇండియా)- 13288 పరుగులు.చదవండి: అతడు కనీసం 100 టెస్టులు ఆడాల్సింది: భారత మాజీ క్రికెటర్‌

సౌతాఫ్రికా స్టార్‌ మాథ్యూ బ్రీట్జ్కే (Matthew Breetzke) వన్డేల్లో పరుగుల ప్రవాహం కొనసాగిస్తున్నాడు. ఆడిన తొలి మూడు వన్డేల్లో అద్భుత రీతిలో చెలరేగిన ఈ కుడిచేతి వాటం బ్యాటర్‌.. తాజాగా ఆస్ట్రేలియాతో రెండో మ్యాచ్‌లోనూ దుమ్ములేపాడు.ఇరవై మూడు పరుగులకే రెండు వికెట్లు కోల్పోయి సౌతాఫ్రికా కష్టాల్లో ఉన్న వేళ.. నాలుగో స్థానంలో బరిలోకి దిగిన బ్రీట్జ్కే ధనాధన్‌ దంచికొట్టాడు. ట్రిస్టన్‌ స్టబ్స్‌ (Trisran Stubbs- 74)తో కలిసి ఆకాశమే హద్దుగా చెలరేగాడు. కేవలం 78 బంతుల్లోనే ఎనిమిది ఫోర్లు, రెండు సిక్సర్ల సాయంతో 88 పరుగులు సాధించాడు. అయితే, నాథన్‌ ఎల్లిస్‌ ట్రాప్‌లో పడిన బ్రీట్జ్కే.. వికెట్‌ కీపర్‌ అలెక్స్‌ క్యారీకి క్యాచ్‌ ఇచ్చి పెవిలియన్‌ చేరాడు.ప్రపంచంలోనే తొలి ప్లేయర్‌గాఏదేమైనా అద్భుత మెరుపు శతకంతో ఆకట్టుకున్న బ్రీట్జ్కే ఈ సందర్భంగా అరుదైన ప్రపంచ రికార్డును సాధించాడు. వన్డేల్లో ఆడిన తొలి నాలుగు మ్యాచ్‌లలో 50 ప్లస్‌ స్కోర్లు సాధించిన ఏకైక ఆటగాడిగా చరిత్ర సృష్టించాడు.నవజ్యోత్‌ సింగ్‌ కూడా సాధించినా..ఇంతకు ముందు టీమిండియా మాజీ క్రికెటర్‌ నవజ్యోత్‌ సింగ్‌ సిద్ధు తొలి నాలుగు వన్డే ఇన్నింగ్స్‌లో ఈ ఘనత సాధించాడు. ఇందుకు అతడికి ఐదు మ్యాచ్‌లు అవసరమైతే.. బ్రీట్జ్కే మాత్రం నాలుగు వన్డేల్లోనే ఈ ఘనత అందుకున్నాడు.కాగా 1987 ప్రపంచకప్‌ సందర్భంగా సిద్ధు ఆస్ట్రేలియా మీద 73, న్యూజిలాండ్‌ మీద 75, ఆస్ట్రేలియా మీద 51, జింబాబ్వే మీద 55 పరుగులు సాధించాడు. అయితే, మధ్యలో మూడో వన్డేను అతడు మిస్సయ్యాడు.అరంగేట్రంలోనే అత్యధిక స్కోరుమరోవైపు.. న్యూజిలాండ్‌తో మ్యాచ్‌ సందర్భంగా 2025లో వన్డేల్లో అడుగుపెట్టిన 26 ఏళ్ల మాథ్యూ బ్రీట్జ్కే.. అరంగేట్రంలోనే భారీ సెంచరీ సాధించాడు. పాకిస్తాన్‌ వేదికగా జరిగిన ట్రై సిరీస్‌లో కివీస్‌ జట్టుతో మ్యాచ్‌లో ఓపెనర్‌గా వచ్చి.. 148 బంతుల్లోనే 150 పరుగులు సాధించాడు. తద్వారా వన్డే అరంగేట్రంలోనే అత్యధిక స్కోరు సాధించిన ఆటగాడిగా చరిత్రకెక్కాడు.అనంతరం పాకిస్తాన్‌తో వన్డేలో 83 పరుగులు చేశాడు బ్రీట్జ్కే. తాజాగా ఆస్ట్రేలియాతో వన్డే సిరీస్‌లో తొలి మ్యాచ్‌లో 57 పరుగులు సాధించిన బ్రీట్జ్కే.. రెండో వన్డేల్లో 88 పరుగులు చేశాడు. తద్వారా ఆడిన తొలి నాలుగు వన్డేల్లో 96.67 సగటుతో 378 పరుగులు సాధించాడు బ్రీట్జ్కే.సౌతాఫ్రికా ఆలౌట్‌ఇక మ్యాచ్‌ విషయానికొస్తే.. ఆస్ట్రేలియాతో రెండో వన్డేలో సౌతాఫ్రికా 49.1 ఓవర్లలో 277 పరుగులు చేసి ఆలౌట్‌ అయింది. ఓపెనర్లు రియాన్‌ రికెల్టన్‌ (8), కెప్టెన్‌ ఐడెన్‌ మార్క్రమ్‌ (0) విఫలం కాగా.. వన్‌డౌన్‌ బ్యాటర్‌ టోనీ డి జోర్జీ (38) ఫర్వాలేదనిపించాడు.మాథ్యూ బ్రీట్జ్కే (88) టాప్‌ రన్‌ స్కోరర్‌గా నిలవగా.. ట్రిస్టన్‌ స్టబ్స్‌ (74) కూడా రాణించాడు. మిగిలిన వారిలో వియాన్‌ ముల్దర్‌ 26, కేశవ్‌ మహరాజ్‌ 22* ఫర్వాలేదనిపించారు. ఇక ఆసీస్‌ బౌలర్లలో ఆడం జంపా మూడు వికెట్లు తీయగా.. జేవియర్‌ బార్ట్‌లెట్‌, మార్నస్‌ లబుషేన్‌, నాథన్‌ ఎల్లిస్‌ రెండేసి వికెట్లు కూల్చారు. జోష్‌ హాజిల్‌వుడ్‌కు ఒక వికెట్‌ దక్కింది.బవుమాకు రెస్ట్‌మూడు టీ20, మూడు వన్డేలు ఆడేందుకు ఆస్ట్రేలియాకు వచ్చిన సౌతాఫ్రికా.. టీ20 సిరీస్‌లో ఆసీస్‌ చేతిలో 2-1తో ఓడిపోయింది. తొలి వన్డేలో టెంబా బవుమా సారథ్యంలో 98 పరుగుల తేడాతో గెలిచిన ప్రొటిస్‌ జట్టు.. 1-0తో ఆధిక్యంలో నిలిచింది. అయితే, రెండో టెస్టుకు బవుమా విశ్రాంతి తీసుకోగా.. మార్క్రమ్‌ సారథిగా వ్యవహరిస్తున్నాడు. చదవండి: Asia Cup 2025: మెగా టోర్నీకి ముందు సంజూ శాంసన్‌ కీలక నిర్ణయం!

భీమవరం టాకీస్‌ పతాకంపై ఇప్పటికే 114 చిత్రాలను నిర్మించిన తుమ్మలపల్లి రామసత్యనారాయణ ఒకేసారి 15 చిత్రాలకు శ్రీకారం చుట్టారు. శుక్రవారం హైదరాబాద్‌లో ఈ పదిహేను సినిమాల ప్రారంభోత్సవం వైభవంగా జరిగింది. ‘జస్టిస్‌ ధర్మ’ చిత్రానికి యండమూరి వీరేంద్రనాథ్‌ దర్శకత్వం వహించనుండగా, ‘నాగపంచమి’కి ఓం సాయిప్రకాశ్, ‘నా పేరు పవన్‌ కల్యాణ్‌’కి జేకే భారవి, ‘టాపర్‌’కి ఉదయ్‌ భాస్కర్, ‘కేపీహెచ్‌బీ కాలనీ’కి తల్లాడ సాయికృష్ణ, ‘పోలీస్‌ సింహం’కి సంగకుమార్, ‘అవంతిక–2’కి శ్రీరాజ్‌ బళ్లా, ‘యండమూరి కథలు’కి రవి బసర, ‘బి.సి’ (బ్లాక్‌ కమాండో)కి మోహన్‌ కాంత్, ‘హనీ కిడ్స్‌’కి హర్ష, ‘సావాసం’కి ఏకరి సత్యనారాయణ, ‘డార్క్‌ స్టోరీస్‌’కి కృష్ణ కార్తీక్, ‘మనల్ని ఎవడ్రా ఆపేది’కి బి. శ్రీనివాసరావు, ‘ది ఫైనల్‌ కాల్‌’కి ప్రణయ్‌ రాజ్‌ వంగరి, ‘అవతారం’ సినిమాకి డా. సతీష్‌ దర్శకత్వం వహించనున్నారు. తుమ్మలపల్లి రామసత్యనారాయణ మాట్లాడుతూ– ‘‘2025, ఆగస్టు 15న కొబ్బరికాయలు కొట్టిన ఈ 15 చిత్రాలను 2026 ఆగస్టు 15కి పూర్తి చేసేలా సన్నాహాలు చేస్తున్నాం. దేశవ్యాప్తంగా పేరొందిన 9 సంస్థలు ఈ ప్రారంభోత్సవాన్ని వరల్డ్‌ రికార్డ్‌ బుక్స్‌లో నమోదు చేశాయి’’ అని చెప్పారు.

బుడాపెస్ట్‌: ప్రపంచ రికార్డులను బద్దలు కొట్టడం అలవాటుగా మార్చుకున్న స్వీడన్‌ విఖ్యాత పోల్‌వాల్టర్‌ మోండో డుప్లాంటిస్‌ మరోసారి అదరగొట్టాడు. ఇస్తవాన్‌ గ్యులాయ్‌ స్మారక అథ్లెటిక్స్‌ మీట్‌లో 25 ఏళ్ల డుప్లాంటిస్‌ 13వసారి ప్రపంచ రికార్డు నెలకొల్పాడు. ప్రస్తుత ప్రపంచ, ఒలింపిక్‌ చాంపియన్‌ అయిన డుప్లాంటిస్‌ రెండో ప్రయత్నంలో 6.29 మీటర్ల ఎత్తుకు ఎగిరి విజేతగా నిలిచాడు. ఈ క్రమంలో గత జూన్‌లో 6.28 మీటర్లతో స్టాక్‌హోమ్‌ డైమండ్‌ లీగ్‌ మీట్‌ సందర్భంగా నెలకొల్పిన ప్రపంచ రికార్డును డుప్లాంటిస్‌ సవరించాడు. ఐదేళ్ల క్రితం పోలాండ్‌లో జరిగిన మీట్‌లో డుప్లాంటిస్‌ 6.17 మీటర్ల ఎత్తుకు ఎగిరి తొలిసారి ప్రపంచ రికార్డు సృష్టించాడు. 6.16 మీటర్లతో రెనాడ్‌ లావిలెని (ఫ్రాన్స్‌) పేరిట ఉన్న వరల్డ్‌ రికార్డును డుప్లాంటిస్‌ తిరగరాశాడు. అప్పటి నుంచి డుప్లాంటిస్‌ వెనుదిరిగి చూడలేదు. 2020లో రెండోసారి... 2022లో మూడుసార్లు... 2023లో రెండుసార్లు... 2024లో మూడుసార్లు... 2025లో మూడుసార్లు అతను ప్రపంచ రికార్డులు నెలకొల్పాడు. 2020 టోక్యో ఒలింపిక్స్‌... 2024 పారిస్‌ ఒలింపిక్స్‌...2022 ప్రపంచ చాంపియన్‌షిప్, 2023 ప్రపంచ చాంపియన్‌షిప్‌లలో స్వర్ణ పతకాలు నెగ్గిన డుప్లాంటిస్‌ గత నాలుగేళ్లుగా డైమండ్‌ లీగ్‌లో విజేతగా నిలుస్తున్నాడు. 2022, 2024, 2025లలో జరిగిన ప్రపంచ ఇండోర్‌ చాంపియన్‌షిప్‌ పోటీల్లోనూ ఈ స్వీడన్‌ స్టార్‌ బంగారు పతకాలు గెలిచాడు. పురుషుల, మహిళల పోల్‌వాల్ట్‌ విభాగాల్లో అత్యధికసార్లు ప్రపంచ రికార్డులు సృష్టించిన ఘనత సెర్గీ బుబ్కా (ఉక్రెయిన్‌), ఎలీనా ఇసిన్‌బయేవా (రష్యా)ల పేరిట ఉంది. వీరిద్దరూ 17 సార్లు చొప్పున ప్రపంచ రికార్డులు సృష్టించారు. ఇదే జోరు కొనసాగిస్తే డుప్లాంటిస్‌ ఏడాదిలోపు వీరిద్దరిని అధిగమించే అవకాశాలున్నాయి.

డార్విన్ వేదికగా ఆస్ట్రేలియాతో జరిగిన తొలి టీ20లో సౌతాఫ్రికా యువ పేస‌ర్ క్వేనా మఫాకా అద్బుత‌మైన ప్ర‌ద‌ర్శ‌న క‌న‌బ‌రిచాడు. 19 ఏళ్ల మ‌ఫాకా త‌న పేస్ బౌలింగ్‌తో ప్ర‌త్య‌ర్ధి బ్యాట‌ర్ల‌ను బెంబెలెత్తించాడు. టిమ్ డేవిడ్, మిచెల్ ఓవెన్, బెన్ డ్వార్షుయిస్, జంపాల‌ను యువ సంచ‌ల‌నం పెవిలియ‌న్‌కు పంపాడు.మఫాకా మొత్తంగా త‌న నాలుగు ఓవ‌ర్ల కోటాలో కేవ‌లం 20 ప‌రుగులు మాత్ర‌మే 4 వికెట్ల‌ను ప‌డగొట్టాడు. ఈ క్ర‌మంలో స‌ఫారీ స్పీడ్ స్టార్ ఓ వ‌ర‌ల్డ్ రికార్డును త‌న పేరిట లిఖించుకున్నాడు.తొలి ప్లేయర్‌గా.. అంత‌ర్జాతీయ టీ20ల్లో పూర్తి స‌భ్య దేశాల‌(టెస్టు హోదా క‌లిగిన జ‌ట్లు) నుంచి నాలుగు వికెట్ల హాల్ సాధించిన అతి పిన్న వయస్కుడిగా మ‌ఫాకా చ‌రిత్ర సృష్టించాడు. మఫాకా కేవలం 19 సంవత్సరాల 124 రోజుల వయస్సులో ఈ ఫీట్ సాధించాడు.ఇంతకుముందు ఈ రికార్డు దక్షిణాఫ్రికా మాజీ బౌలర్ వేన్ పార్నెల్ పేరిట ఉండేది. పార్నెల్ 2009లో వెస్టిండీస్‌పై 19 సంవత్సరాల 318 రోజుల వయస్సులో ఫోర్ వికెట్ల హాల్ సాధించాడు. తాజా మ్యాచ్‌తో పార్నెల్ ఆల్‌టైమ్ రికార్డును మఫాకా బ్రేక్ చేశాడు.అదేవిధంగా టీ20ల్లో ఆస్ట్రేలియాపై అత్యుత్తమ గణాంకాలు నమోదు చేసిన సఫారీ బౌలర్‌గా కూడా మఫాకా నిలిచాడు. ఇంతకుముందు రికార్డు కైల్‌ అబాట్‌, తహీర్‌, వైస్‌ పేరిట ఉండేది. వీరిముగ్గురూ కూడా ఆస్ట్రేలియాతో టీ20 మ్యాచ్‌లో 21 పరుగులిచ్చి 3 వికెట్లు తీశారు. తాజా మ్యాచ్‌తో ఈ త్రయాన్ని మఫాకా అధిగమించాడు. కాగా తొలి టీ20లో​ ఆస్ట్రేలియా చేతిలో 17 పరుగుల తేడాతో సౌతాఫ్రికా ఓటమిపాలైంది.చదవండి: ఆసియాక‌ప్ గెలిచేది ఆ జ‌ట్టే: సౌరవ్‌ గంగూలీ

సింగపూర్‌: ప్రపంచ స్విమ్మింగ్‌ చాంపియన్‌షిప్‌లో కొత్త ప్రపంచ రికార్డు నమోదైంది. ఫ్రాన్స్‌ స్టార్‌ స్విమ్మర్‌ లియోన్‌ మర్చండ్‌ పురుషుల 200 మీటర్ల వ్యక్తిగత మెడ్లీ విభాగంలో కొత్త ప్రపంచ రికార్డు సృష్టించాడు. బుధవారం జరిగిన 200 మీటర్ల వ్యక్తిగత మెడ్లీ సెమీఫైనల్‌ ఈవెంట్‌ను 23 ఏళ్ల మర్చండ్‌ 1 నిమిషం 52.61 సెకన్లలో ముగించాడు. ఈ క్రమంలో 14 ఏళ్లుగా అమెరికా మేటి స్విమ్మర్‌ ర్యాన్‌ లోచ్టె (1ని:54 సెకన్లు) పేరిట ఉన్న ప్రపంచ రికార్డును మర్చండ్‌ బద్దలు కొట్టాడు. సెమీఫైనల్లో తొలుత 50 మీటర్లను (బటర్‌ఫ్లయ్‌ స్టయిల్‌) 24.10 సెకన్లలో పూర్తి చేసిన మర్చండ్‌... తదుపరి 50 మీటర్లను (బ్యాక్‌స్ట్రోక్‌ స్టయిల్‌) 28.40 సెకన్లలో ముగించాడు. తర్వాత 50 మీటర్లను (బ్రెస్ట్‌స్ట్రోక్‌ స్టయిల్‌) 32.13 సెకన్లలో... చివరి 50 మీటర్లను (ఫ్రీస్టయిల్‌) 28.06 సెకన్లలో పూర్తి చేసి అగ్రస్థానంలో నిలిచి ఫైనల్‌కు అర్హత సాధించాడు. ఈరోజు జరిగే ఫైనల్లో మర్చండ్‌ తన పేరిట నమోదైన కొత్త ప్రపంచ రికార్డును మళ్లీ సవరించే అవకాశాలు ఉన్నాయి. కొత్త ప్రపంచ రికార్డు సృష్టించిన లియోన్‌ మర్చండ్‌కు 30 వేల డాలర్లు (రూ. 26 లక్షల 28 వేలు) ప్రైజ్‌మనీగా లభించాయి. గత ఏడాది స్వదేశంలో జరిగిన పారిస్‌ ఒలింపిక్స్‌లో మర్చండ్‌ నాలుగు స్వర్ణాలు, ఒక కాంస్యంతో కలిపి ఐదు పతకాలు సాధించి అదరగొట్టాడు. గత రెండు ప్రపంచ చాంపియన్‌íÙప్‌లలో (2022, 2023) మర్చండ్‌ 200, 400 మీటర్ల వ్యక్తిగత మెడ్లీలో స్వర్ణ పతకాలు సాధించాడు.

టీ20 క్రికెట్‌లో ఫిన్‌లాండ్ స్టార్ ఫాస్ట్ బౌల‌ర్ మ‌హేష్ తంబే స‌రికొత్త చ‌రిత్ర సృష్టించాడు. టీ20ల్లో అత్యంతవేగంగా ఫైవ్ వికెట్ల హాల్‌ను సాధించిన బౌలర్‌గా వరల్డ్ రికార్డు సాధించాడు. మంగళవారం ఎస్టోనియన్ జాతీయ క్రికెట్ గ్రౌండ్ వేదికగా ఎస్టోనియాతో జరిగిన మూడో టీ20 తంబే ఈ ఫీట్ నమోదు చేశాడు.ఈ మ్యాచ్‌లో మహేష్‌ కేవలం 8 బంతుల్లోనే 5 వికెట్ల ఘనత సాధించాడు. ఎస్టోనియా బ్యాటర్లు స్టెఫాన్ గూచ్, సాహిల్ చౌహాన్, ముహమ్మద్ ఉస్మాన్, రూపమ్ బారువా, ప్రణయ్ ఘీవాలా వికెట్లను పడగొట్టి తంబే ఈ ఘనతను తన పేరిట లిఖించుకున్నాడు. ఇంతకుముందు ఈ రికార్డు బహ్రెయిన్ ఆటగాడు జునైద్ అజీజ్ పేరిట ఉండేది. అజీజ్ 2022లో జర్మనీపై 10 బంతుల్లో ఫైవ్ వికెట్ హాల్ నమోదు చేశాడు. తాజా మ్యాచ్‌తో అజీజ్ అల్‌టైమ్ రికార్డును తంబే బ్రేక్ చేశాడు. ఇక మ్యాచ్ విషయానికి వస్తే.. ఎస్టోనియాపై 5 వికెట్ల తేడాతో ఫిన్లాండ్ విజ‌యం సాధించింది. దీంతో మూడు టీ20ల సిరీస్‌ను 2-1తో ఫిన్లాండ్ సొంతం చేసుకుంది.ఈ మ్యాచ్‌లో మొద‌ట బ్యాటింగ్ చేసిన ఎస్టోనియా 19.4 ఓవ‌ర్ల‌లో 141 ప‌రుగుల‌కే ఆలౌటైంది. ఓపెనర్లు స్టెఫాన్ గూచ్(22),హబీబ్ ఖాన్(23) తొలి వికెట్‌కు అర్ధ సెంచరీ భాగ‌స్వామ్యాన్ని నెల‌కొల్పారు. కానీ ఆఖ‌రిలో వ‌రుస‌క్ర‌మంలో వికెట్లు కోల్పోవ‌డంతో ఎస్టోనియా నామ‌మాత్ర‌పు స్కోర్‌కే ప‌రిమితమైంది. అనంత‌రం 142 ప‌రుగుల ల‌క్ష్యాన్ని ఫిన్లాండ్ కేవ‌లం 5 వికెట్లు మాత్ర‌మే కోల్పోయి 18.1 ఓవ‌ర్ల‌లో చేధించింది. ఫిన్లాండ్ ఓపెన‌ర్ అర్వింద్ మోహ‌న్‌(67) టాప్ స్కోర‌ర్‌గా నిలిచాడు.

సెయింట్స్ కిట్స్ వేదిక‌గా వెస్టిండీస్‌తో జ‌రిగిన ఐదో టీ20లో ఆస్ట్రేలియా ఘ‌న విజ‌యం సాధించింది. తద్వారా ఐదు మ్యాచ్‌ల సిరీస్‌ను 5-0 తేడాతో కంగారులు వైట్‌వాష్ చేశారు. ఈ మ్యాచ్‌లో బ్యాటింగ్‌, బౌలింగ్‌లో ఆస్ట్రేలియా అద‌ర‌గొట్టింది.తొలుత బ్యాటింగ్ చేసిన విండీస్ 19.4 ఓవ‌ర్ల‌లో 170 ప‌రుగుల‌కు ఆలౌటైంది. విండీస్ బ్యాట‌ర్ల‌లో షిమ్రాన్ హెట్‌మైర్‌(31 బంతుల్లో 3 ఫోర్లు, 3 సిక్స్‌లతో 52) టాప్‌ స్కోరర్‌గా నిలిచాడు. ఆసీస్‌ బౌలర్లలో ద్వార్షుయిస్ మూడు వికెట్లు పడగొట్టగా.. నాథన్‌ ఎల్లీస్ రెండు వికెట్లు సాధించారు.ఆ త‌ర్వాత 171 ల‌క్ష్యాన్ని ఆస్ట్రేలియా 7 వికెట్లు కోల్పోయి 17 ఓవర్లలోనే చేధించింది. ఆసీస్ ఆల్‌రౌండ‌ర్లు కామెరాన్ గ్రీన్, మిచెల్ ఓవ‌న్ మ‌రోసారి బ్యాట్‌, బంతితో మ్యాజిక్ చేశారు. ఈ విజ‌యంతో ఆసీస్ జ‌ట్టు ప‌లు అరుదైన రికార్డుల‌ను త‌మ పేరిట లిఖించుకుంది.ఆసీస్ వ‌ర‌ల్డ్ రికార్డు..ఐదు మ్యాచ్‌ల టీ20 సిరీస్‌లో టెస్టు హోదా క‌లిగిన జ‌ట్టును 5-0 తేడాతో వైట్‌వాష్ చేసిన టీమ్‌గా ఆస్ట్రేలిచా వ‌ర‌ల్డ్ రికార్డు నెల‌కొల్పింది. ఇప్ప‌టివ‌ర‌కు ఏ జ‌ట్టు కూడా ఈ ఫీట్ సాధించ‌లేదు. అంత‌కుముందు మూడు మ్యాచ్‌ల టెస్టు సిరీస్‌ను కూడా ఆస్ట్రేలియా వైట్‌వాష్ చేసింది.అదేవిధంగా ఒక విదేశీ టూర్‌లో వ‌రుస‌గా అత్య‌ధిక మ్యాచ్‌లు గెలిచిన రెండో జ‌ట్టుగా ఆస్ట్రేలియా నిలిచింది. విండీస్ ప‌ర్య‌ట‌న‌లో ఆసీస్ మూడు టెస్టుల‌, ఐదు టీ20లు క‌లిపి మొత్తం 8 మ్యాచ్‌ల‌లో ఆతిథ్య జ‌ట్టును ఓడించింది. ఈ జాబితాలో భార‌త జట్టు అగ్ర‌స్ధానంలో ఉంది. 2017లో శ్రీలంక ప‌ర్య‌ట‌నలో టీమిండియా వ‌రుస‌గా 9 విజ‌యాలు సాధించింది.చదవండి: గిల్‌పై విమర్శలు.. గంభీర్‌ కౌంటర్‌!.. పంత్‌ను ఎంత పొగిడినా తక్కువే!

సాధారణంగా ఏడో నెల్లోనే శిశువులు పుట్టడం గురించి వినే ఉంటాం. వాళ్లను ప్రి మెచ్యూర్‌ బేబీలుగా పిలుస్తుంటారనే విషయం తెలిసిందే. సాధారణంగా 32 నుంచి 37 వారాల మధ్య పుడితే ప్రిమెచ్యూర్‌ అంటారు. అదే 28 నుంచి 32 వారాల మధ్య అయితే వెరీ ప్రిమెచ్యూర్‌ అంటారు. ఇవేమి కాకుండా అంతకు మించి.. 28 వారాలకు ముందుగానే ప్రసవించిన శిశువుని ఎక్స్‌ట్రీమ్ ప్రిమెమెచ్యూర్‌ బేబి అంటారు. ఇలాంటి శిశువులు చాల రకాల ఆరోగ్య సమస్యలను ఎదుర్కొంటారు. వాళ్లని కాపాడటం వైద్యులకు అత్యంత సవాలుగా ఉంటుంది. అలా పుట్టి బతికి బట్టకట్టి రికార్డు నెలకొల్పి సెలబ్రిటీ హోదాను అందుకున్నాడు ఈ వండర్‌ కిడ్‌. అంతకుమునుపు ఉన్న శిశువు పేరిట రికార్డుని ఒక్క రోజు తేడాతో బ్రేక్‌ చేసీ ఈ ఘనతను అందుకున్నాడు. అమెరికాలోని అయోవా నగరంలో ఈ అరుదైన ఘటన చోటు చేసుకుంది. అయోవ నగరంలో జూలై 05, 2024లో మోలీ, రాండాల్ కీన్ అనే దంపతులకు నాష్ కీన్ అనే మగ శిశువు జన్మించాడు. ప్రసవ తేదీకి ముందుగా 133 రోజులు అంటే సుమారు 19 వారాల ముందు జన్మించాడు. తల్లిదండ్రుల సైతం అతడి అనూహ్య జననానికి నివ్వెరపోయారు. తమ బిడ్డ బతుకుతాడా లేదా అన్న ఆశ నిరాశల మధ్య తల్లడిల్లిపోయారు తల్లిదండ్రులు. ఆ చిన్నారి పుట్టినప్పడు కేవల 10 ఔన్సులు బరువుతో జన్మించాడు. చెప్పాలంటే ద్రాక్షపండంతా పరిమాణం. నాష్‌ పొటాటోగా పిలిచే ఆ శిశువుకి అయోవా చిల్డ్రన్స్ హాస్పిటల్‌ నియోనాటల్‌ ఇంటెన్సివ్‌ కేర్‌లో ఉంచి అత్యంత జాగ్రత్తగా చికిత్స అందించింది. అక్కడే ఆరు నెలల వైద్య సంరక్షణలో ఉన్నాడు. పాపం ఆ తల్లిదండ్రలు తమ బిడ్డ తమకు దక్కుతాడా లేదా అన్న భయంతో కాలం వెళ్లదీశారు. ఎట్టకేలకు వారి నిరీక్షణ ఫలించి వారి బిడ్డ బతికిబట్టకట్టడమే గాక ఈ ఏడాది తొలిపుట్టిన రోజు జరుపుకున్నాడు. అప్పటి వరకు ఆ శిశువు ఆస్పత్రిలో మానిటర్లు, వైర్లు మధ్యే గడిపాడు. ఈ చిన్నారి నాష్‌ 20 వారాల ప్రినేటల్‌ చెకప్‌ అనంతరం డెలివరీ చెయ్యక తప్పని పరిస్థితి ఏర్పడిందని నాటి చేదు అనుభవాన్ని గుర్తుచేసుకుంది తల్లి మోలీ. అలా మొత్తం ఆరు నెలల చికిత్స అనంతరం 2025 జనవరి ప్రారంభంలో ఇంటికి వెళ్లేందుకు అనుమతి లభించినట్లు తెలిపారామె. అప్పటి నుంచి క్రమంగా పుంజుకుంటుం సాధారణ చిన్నారిలా రూపుదిద్దుకున్నాడని అన్నారు. అయినప్పటికీ..ఆ శిశువుకి ప్రత్యేక వైద్య సహాయం తప్పనిసరి. ఎందుకంటే అతనకు ఇంకా ఆక్సిజన్‌ తీసుకుంటున్నాడు, స్వల్ప వినికిడి సమస్య, ఫీడింగ్‌ ట్యూబ్‌ ఉంది. ప్రతి నెల ప్రత్యేక వైద్య డేకేర్‌కి వెళ్లి చికిత్స తీసుకుంటుంటాడు. "అసలు ఇలా ఇంతముందు జన్మించాడే అనే ఆ రోజు తల్లడిల్లా. బహుశా అదే వాడికి సెలబ్రిటీ హోదాని అచ్చి అందరి ఆశీర్వాదం పొందేలా చేసిందని భావోద్వేగంగా చెబుతోంది". ఆ చిన్నారి తల్లి. కాగా, 2020లో అలబామాలో 21 వారాల్లో జన్మించి ఒక చిన్నారి గిన్నిస్‌ రికార్డులకి ఎక్కగా..దాన్ని కేవలం ఒక్క రోజు తేడాతో ఈ చిన్నారి నాష్‌ బ్రేక్‌ చేసి రికార్డునే తిరగరాశాడు. (చదవండి: ప్రపంచంలోనే అతిపెద్ద సోలార్‌ కిచెన్‌ మనదేశంలోనే..! రోజుకి ఏకంగా..)

మాడ్రిడ్‌: ఆర్చరీ ప్రపంచకప్‌ స్టేజ్‌–4 టోర్నమెంట్‌లో భారత జోడీ వెన్నం జ్యోతి సురేఖ–రిషభ్‌ యాదవ్‌ కొత్త ప్రపంచ రికార్డు సృష్టించింది. కాంపౌండ్‌ విభాగం క్వాలిఫయింగ్‌ మిక్స్‌డ్‌ టీమ్‌ ఈవెంట్‌లో జ్యోతి సురేఖ (ఆంధ్రప్రదేశ్‌), రిషభ్‌ యాదవ్‌ (హరియాణా) ద్వయం 1431 పాయింట్లు స్కోరు చేసింది. తద్వారా 2023 యూరోపియన్‌ గేమ్స్‌లో 1429 పాయింట్లతో టాంజా జెలెన్‌థియెన్‌–మథియాస్‌ ఫులర్టన్‌ (డెన్మార్క్‌) నెలకొల్పిన ప్రపంచ రికార్డును సురేఖ–రిషభ్‌ ద్వయం బద్దలు కొట్టింది. మహిళల క్వాలిఫయింగ్‌లో జ్యోతి సురేఖ 715 పాయింట్లు ... పురుషుల క్వాలిఫయింగ్‌లో రిషభ్‌ 716 పాయింట్లు సాధించి అగ్రస్థానంలో నిలిచారు. ఫైనల్లో సురేఖ బృందం జ్యోతి సురేఖ, పర్ణీత్‌ కౌర్, ప్రీతికలతో కూడిన భారత మహిళల జట్టు కాంపౌండ్‌ టీమ్‌ విభాగంలో ఫైనల్లోకి దూసుకెళ్లింది. క్వాలిఫయింగ్‌లో భారత జట్టు 2116 పాయింట్లతో అగ్రస్థానంలో నిలిచి నేరుగా క్వార్టర్‌ ఫైనల్‌కు ‘బై’ పొందింది. క్వార్టర్‌ ఫైనల్లో సురేఖ బృందం 235–226తో ఎల్‌ సాల్వడోర్‌ జట్టుపై... సెమీఫైనల్లో 230–226తో ఇండోనేసియాపై గెలిచింది.

యుజీన్‌ (అమెరికా): మిడిల్‌ డిస్టెన్స్‌ రన్నింగ్‌లో తమకు తిరుగులేదని కెన్యా మహిళా అథ్లెట్లు మరోసారి నిరూపించుకున్నారు. డైమండ్‌ లీగ్‌లో భాగంగా అమెరికాలోని యుజీన్‌లో జరిగిన ప్రిఫోంటెయిన్‌ క్లాసిక్‌ మీట్‌లో ఇద్దరు కెన్యా మహిళా అథెట్లు రెండు ప్రపంచ రికార్డులను బద్దలు కొట్టారు. మూడుసార్లు ఒలింపిక్‌ చాంపియన్‌ ఫెయిత్‌ కిపియేగాన్‌ 1500 మీటర్ల విభాగంలో... పారిస్‌ ఒలింపిక్స్‌లో రెండు స్వర్ణాలు గెలిచిన బిట్రెస్‌ చెబెట్‌ 5000 మీటర్లలో కొత్త ప్రపంచ రికార్డులు సృష్టించారు. 31 ఏళ్ల కిపియేగాన్‌ 1500 మీటర్ల దూరాన్ని 3 నిమిషాల 48.68 సెకన్లలో పూర్తి చేసి విజేతగా నిలిచింది.ఈ క్రమంలో గత ఏడాది పారిస్‌ ఒలింపిక్స్‌లో 3 నిమిషాల 49.04 సెకన్లతో తానే నెలకొల్పిన ప్రపంచ రికార్డును కిపియేగాన్‌ తిరగరాసింది. కిపియేగాన్‌ 2016 రియో, 2020 టోక్యో, 2024 పారిస్‌ ఒలింపిక్స్‌లో స్వర్ణ పతకాలు గెలిచి 1500 మీటర్ల విభాగంలో తన ఆధిపత్యాన్ని చాటుకుంది. మరోవైపు 5000 మీటర్ల దూరాన్ని 25 ఏళ్ల బిట్రెస్‌ చెబెట్‌ 13 నిమిషాల 58.06 సెకన్లలో ముగించి తన పేరిట కొత్త ప్రపంచ రికార్డును లిఖించుకుంది.5000 మీటర్ల దూరాన్ని 14 నిమిషాల్లోపు పూర్తి చేసిన తొలి మహిళా అథ్లెట్‌గా గుర్తింపు పొందిన చెబెట్‌... రెండేళ్ల క్రితం ప్రిఫోంటెయిన్‌ క్లాసిక్‌ మీట్‌లో 14 నిమిషాల 00.21 సెకన్లతో గుడాఫ్‌ సెగె (ఇథియోపియా) సృష్టించిన ప్రపంచ రికార్డును సవరించింది. గత ఏడాది పారిస్‌ ఒలింపిక్స్‌లో చెబెట్‌ 5000, 10,000 మీటర్ల విభాగాల్లో స్వర్ణ పతకాలు నెగ్గి విశ్వ క్రీడల్లో అరుదైన ‘డబుల్‌’ సాధించిన మూడో అథ్లెట్‌గా గుర్తింపు పొందింది.

భారత క్రికెటర్‌ రిచా ఘోష్‌ (Richa Ghosh) సరికొత్త చరిత్ర సృష్టించింది. మహిళల అంతర్జాతీయ టీ20 ఫార్మాట్లో అత్యధిక స్ట్రైక్‌రేటుతో వెయ్యి పరుగుల మైలురాయికి చేరుకున్న తొలి ప్లేయర్‌గా నిలిచింది. ఇంగ్లండ్‌తో రెండో టీ20 (England Women vs India Women) సందర్భంగా రిచా ఘోష్‌ ఈ ఘనత సాధించింది.కాగా భారత మహిళల క్రికెట్‌ జట్టు ఐదు టీ20లు, మూడు వన్డేలు ఆడేందుకు ఇంగ్లండ్‌లో పర్యటిస్తున్న విషయం తెలిసిందే. ఈ క్రమంలో నాటింగ్‌హామ్‌లో ఆతిథ్య జట్టును 97 పరుగుల తేడాతో చిత్తు చేసిన భారత్‌.. తాజాగా రెండో టీ20లోనూ అదరగొట్టింది.బ్రిస్టల్‌ వేదికగా మంగళవారం రాత్రి జరిగిన మ్యాచ్‌లో 24 పరుగుల తేడాతో నాట్‌ సీవర్‌-బ్రంట్‌ బృందాన్ని ఓడించింది. తద్వారా ఐదు మ్యాచ్‌ల సిరీస్‌లో 2-0తో ఆధిక్యం సంపాదించింది.దంచికొట్టిన అమన్‌జోత్‌, రిచాఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో నాలుగు వికెట్ల నష్టానికి 181 పరుగులు చేసింది. ఓపెనర్లు స్మృతి మంధాన (13), షెఫాలీ వర్మ (3) నిరాశపరిచినా.. వన్‌డౌన్‌ బ్యాటర్‌ జెమీమా రోడ్రిగ్స్‌ అద్భుత అర్ధ శతకం (41 బంతుల్లో 63)తో మెరిసింది.ఇక రెండో టీ20తో తిరిగి వచ్చిన కెప్టెన్‌ హర్మన్‌ప్రీత్‌ కౌర్‌ (1) తీవ్రంగా నిరాశపరచగా.. ‘ప్లేయర్‌ ఆఫ్‌ దిమ్యాచ్‌’ అమన్‌జోత్‌ కౌర్‌, వికెట్‌ కీపర్‌ బ్యాటర్‌ రిచా ఘోష్‌ దంచికొట్టారు. అమన్‌జోత్‌ 40 బంతుల్లో తొమ్మిది ఫోర్ల సాయంతో 63 పరుగులతో అజేయంగా నిలిచింది. మరోవైపు.. రిచా ఘోష్‌ 20 బంతుల్లో ఆరు ఫోర్ల సాయంతో 32 పరుగులతో నాటౌట్‌గా ఉంది.తొలి మహిళా క్రికెటర్‌గా ప్రపంచ రికార్డుఈ క్రమంలోనే రిచా అరుదైన రికార్డులు తన సొంతం చేసుకుంది. ఈ మ్యాచ్‌ సందర్భంగా వెయ్యి పరుగుల మార్కు అందుకున్న ఈ వికెట్‌ కీపర్‌ బ్యాటర్‌.. 140కి పైగా స్ట్రైక్‌రేటుతో ఈ ఘనత సాధించింది. తద్వారా మహిళల అంతర్జాతీయ పొట్టి ఫార్మాట్లో (T20 Format) ఈ ఫీట్‌ నమోదు చేసిన తొలి క్రికెటర్‌గా ప్రపంచ రికార్డు సాధించింది.ఫాస్టెస్ట్‌ 1000.. రెండో ప్లేయర్‌గాఅదే విధంగా.. ఇంటర్నేషనల్‌ టీ20 క్రికెట్‌లో బంతుల పరం (702)గా అత్యంత వేగంగా వెయ్యి పరుగులు పూర్తి చేసుకున్న రెండో మహిళా క్రికెటర్‌గానూ రిచా ఘోష్‌ నిలిచింది. అంతకుముందు ఐల్‌ ఆఫ్‌ మ్యాన్‌కు చెందిన లూసీ బార్నెట్‌ 700 బంతుల్లో ఈ ఘనత సాధించింది.కాగా పదహారేళ్ల వయసులో 2020లో రిచా టీమిండియా తరఫున టీ20లలో అరంగేట్రం చేసింది. ఇప్పటికి 64 మ్యాచ్‌లలో కలిపి 1029 పరుగులు సాధించింది. ఇందులో రెండు అర్ధ శతకాలు ఉన్నాయి. అంతేకాదు.. 21 ఏళ్ల రిచా 37 వన్డేల్లో 800, రెండు టెస్టు మ్యాచ్‌లలో కలిపి 151 పరుగులు సాధించింది.ఇంగ్లండ్‌ను మరోసారి ఓడించిన భారత్‌ఇక ఇంగ్లండ్‌తో రెండో టీ20 విషయానికొస్తే.. భారత్‌ విధించిన 182 లక్ష్యాన్ని ఛేదించడంలో ఆతిథ్య జట్టు విఫలమైంది. నిర్ణీత 20 ఓవర్లలో ఏడు వికెట్ల నష్టానికి 157 పరుగులు చేసిన ఇంగ్లండ్‌ 24 పరుగుల తేడాతో ఓటమిని చవిచూసింది. టామీ బీమౌంట్‌ హాఫ్‌ సెంచరీ (54) చేయగా.. మిగతా వారిలో ఎమీ జోన్స్‌ (32), సోఫీ ఎక్లిస్టోన్‌ (35) మాత్రమే చెప్పుకోదగ్గ స్కోర్లు చేశారు.భారత బౌలర్లలో శ్రీ చరణి రెండు వికెట్లు తీయగా.. దీప్తి శర్మ, అమన్‌జోత్‌ కౌర్‌ తలా ఒక వికెట్‌ దక్కించుకున్నారు. స్నేహ్‌ రాణా- రాధా యాదవ్‌, స్మృతి మంధాన- రిచా ఘోష్‌ జోడీలు రెండు రనౌట్లలో భాగమయ్యాయి.అత్యుత్తమ స్ట్రైక్‌రేటుతో మహిళల అంతర్జాతీయ టీ20 క్రికెట్‌లో వెయ్యి పరుగులు పూర్తి చేసుకున్న క్రికెటర్లు🏏రిచా ఘోష్‌ (ఇండియా)- 143.11 స్ట్రైక్‌రేటుతో 1029 రన్స్‌🏏లూసీ బార్నెట్‌ (ఐల్‌ ఆఫ్‌ మ్యాన్‌)- 139.69 స్ట్రైక్‌రేటుతో 1172 రన్స్‌🏏తాహిలా మెగ్రాత్‌ (ఆస్ట్రేలియా)- 132.94 స్ట్రైక్‌రేటుతో 132.94 రన్స్‌🏏క్లో టైరాన్‌ (సౌతాఫ్రికా)- 132.81 స్ట్రైక్‌రేటుతో 1283 రన్స్‌🏏అలీసా హేలీ (ఆస్ట్రేలియా)- 129.79 స్ట్రైక్‌రేటుతో 3208 రన్స్‌చదవండి: సెంచరీ, 6 వికెట్ల ప్రదర్శన.. ఇంగ్లండ్‌లో టీమిండియా యువ సంచలనం ఆల్‌రౌండ్‌ షో

లక్నో: భారతీయ విద్యార్థుల అంతరిక్ష పరిశోధనా సంస్థగా మొదలైన కలామ్‌ ల్యాబ్స్‌ తాజాగా దాదాపు 10 కిలోమీటర్ల ఎత్తుకు ఎగరగలిగే మానవ రహిత లోహవిహంగం(యూఏవీ)ని తయారుచేసి అందర్నీ సంభ్రమాశ్చర్యాలకు గురిచేసింది. ఈ యూఏవీ తాజాగా సముద్రమట్టానికి 9,790 మీటర్ల ఎత్తుకు చేరుకుని కొత్త ప్రపంచ రికార్డ్‌ను సృష్టించింది. రెక్కల వెడల్పు రెండు మీటర్లలోపు ఉన్న ఒక యూఏవీ ఇంతటి ఎత్తుకు ఎగరడం ఇదే తొలిసారి. అయితే ఈ రికార్డ్‌ను ఇంకా అధికారికంగా ధృవీకరించాల్సి ఉంది. వైమానికరంగంలో యువత ఘనతను చాటే ఉద్దేశ్యంతో అత్యంత అననుకూల వాతావరణ పరిస్థితులుండే హిమాల యాల్లో ఈ యూఏవీని ఎగరేయడం విశేషం. సము ద్రమట్టానికి 2,700 మీటర్ల ఎత్తులోని హిమాల యాల్లో దీనిని పరీక్షించారు. వైమానికరంగంలో చిన్నారులను ప్రోత్సహించాలనే లక్ష్యంగా ముగ్గురు బిట్స్‌ పిలానీ పూర్వవిద్యార్థులు ఈ కలామ్‌ ల్యాబ్స్‌ అంకుర సంస్థను స్థాపించారు. వాస్తవ ప్రపంచ సవాళ్లకు స్వయంగా విద్యార్థులే పరిష్కారాలు వెతకగలరని నిరూపించేందుకు ఈ సంస్థను ఏర్పాటుచేశామని వ్యవస్థాపకులు చెప్పారు.20 నుంచి మైనస్‌ 60 దాకాగాలి పీడనం ఎక్కువగా ఉండే వాతావరణంతోపాటు గాలిపీడనం తక్కువగా ఉండే పరిస్థితుల్లోనూ తమ యూఏవీ ఎగరగలదని నిరూపించేందుకు దీనిని + 20 డిగ్రీ సెల్సియస్‌ ఉష్ణోగ్రత ఉన్న ప్రదేశం నుంచి నింగిలోకి ఎగిరేశారు. గరిష్టంగా అది మైనస్‌ 60 డిగ్రీ సెల్సియస్‌ పరిస్థితుల్లోనూ ఆకాశంలో చక్కర్లు కొట్టడం విశేషం. అత్యంత ఎత్తులకు వెళ్లేకొలదీ గాలి పీడనం తగ్గి యూఏవీ గాల్లోనే స్థిరంగా ఉండటం కష్టమవుతుంది. గాలి కేవలం గంటకు 50 కిలోమీటర్ల వేగంతో వీస్తున్నా సరే ఈ యూఏవీ గాల్లో స్థిరత్వాన్ని సాధించడం గమనార్హం. దీని బరువు నాలుగు కేజీలలోపే. అత్యంత ఎత్తులో ఎగిరే, తక్కువ బరువైన డ్రోన్ల తయారీలో భారత్‌ స్వావలంభన దిశలో ఇలాంటి యూఏవీలు బాటలు వేయనున్నాయి. కంట్రోలర్‌ అవసరం లేకుండా స్వయంచాలితం(అటానమస్‌) గా ఈ యూఏవీ అంత ఎత్తులకు వెళ్లిరావడం విశేషం. ‘‘ భారత్‌లో నూతన ఆవిష్కరణలు ఎంతటి అసాధ్యాలనైనా సుసాధ్యం చేస్తాయనడానికి ఈ యూఏవీనే గీటురాయి’’ అని కలామ్‌ ల్యాబ్స్‌ ప్రధాన ఇంజనీర్‌ డాక్టర్‌ ప్రియా శర్మ చెప్పారు. వాతావరణ పీడనం 73 శాతం తగ్గిపోయినాసరే అటానమస్‌గా యూఏవీ పూర్తి సామర్థ్యంతో ఎగిరిందని ప్రియ వెల్లడించారు. స్ట్రాటోస్పియర్‌ ఆవరణ సమీపందాకా యూఏవీ వెళ్లివచ్చింది. మైనస్‌ 60 డిగ్రీ సెల్సియస్‌నూ ఇది తట్టుకుంది. అత్యంత తేలికైన వస్తువులు, తక్కువ ఇంధనాన్ని వాడుకునే ప్రొప ల్షన్, అధునాతన థర్మల్‌ వ్యవస్థల కారణంగానే యూఏవీ ప్రయోగం విజయవంతమైందిన ప్రియ చెప్పారు. మరో ఐదేళ్లలో భారత డ్రోన్‌ పరిశ్రమ 23 బిలియన్‌ డాలర్ల స్థాయికి చేరుతున్న ఈ తరుణంలో డ్రోన్ల రంగంలో నూతన ఆవిష్కరణల ఆవిశ్యత ఎంతైనా ఉందని ఆమె వ్యాఖ్యానించారు.

బంగ్లాదేశ్‌ స్టార్‌ క్రికెటర్‌ ముష్ఫికర్‌ రహీం (Mushfiqur Rahim) సరికొత్త చరిత్ర సృష్టించాడు. ఆస్ట్రేలియా స్టార్‌ ​ఆడం గిల్‌క్రిస్ట్‌ (Adam Gilchrist) పేరిట ఉన్న ప్రపంచ రికార్డును బద్దలు కొట్టాడు. అంతర్జాతీయ క్రికెట్‌లో ఒక్క బంతి కూడా వేయకుండానే అత్యధిక పరుగులు సాధించిన క్రికెటర్‌గా నిలిచాడు. శ్రీలంక (Ban Vs SL)తో జరుగుతున్న తొలి టెస్టు సందర్భంగా ఈ ఘనత సాధించాడు.రెండు టెస్టులు, మూడు వన్డేలు, మూడు టీ20 మ్యాచ్‌లు ఆడేందుకు బంగ్లాదేశ్‌ క్రికెట్‌ జట్టు శ్రీలంకలో పర్యటిస్తున్న విషయం తెలిసిందే. ఈ క్రమంలో ప్రపంచ టెస్టు చాంపియన్‌షిప్‌ 2025-27 సీజన్‌లో భాగంగా ఇరుజట్ల మధ్య మంగళవారం తొలి టెస్టు మొదలైంది. గాలే వేదికగా జరుగుతున్న ఈ మ్యాచ్‌లో టాస్‌ గెలిచిన బంగ్లాదేశ్‌ తొలుత బ్యాటింగ్‌ ఎంచుకుంది.ఓపెనర్లు షాద్‌మన్‌ ఇస్లాం (14), అనాముల్‌ హక్‌ (0) విఫలం కాగా.. వన్‌డౌన్‌ బ్యాటర్‌ మొమినుల్‌ హక్‌ (29) కూడా నిరాశపరిచాడు. దీంతో కష్టాల్లో చిక్కుకున్న జట్టును కెప్టెన్‌ నజ్ముల్‌ హుసేన్‌ షాంటో (148), ముష్ఫికర్‌ రహీం కలిసి గట్టెక్కించారు.కాగా తొలిరోజు ఆటలో భాగంగా 105 పరుగులు చేసిన ముష్ఫికర్‌ రహీం.. బుధవారం నాటి రెండో రోజు ఆట సందర్భంగా 150 పరుగుల మార్కును అధిగమించాడు. తొలి ఇన్నింగ్స్‌లో మొత్తంగా 350 బంతులు ఎదుర్కొని 163 పరుగులు సాధించాడు.ఈ క్రమంలో అంతర్జాతీయ క్రికెట్‌లో మూడు ఫార్మాట్లలో కలిపి ముష్ఫికర్‌ రహీం.. 15,502 పరుగులు పూర్తి చేసుకున్నాడు. తద్వారా ఇంటర్నేషనల్‌ క్రికెట్‌లో ఒక్క బాల్‌ కూడా బౌల్‌ చేయకుండానే అతడు ఈ మైలురాయిని చేరుకోవడం విశేషం. ఈ క్రమంలో ఒక్క బంతి కూడా వేయకుండానే అత్యధిక పరుగులు సాధించిన క్రికెటర్‌గా అతడు ప్రపంచ రికార్డు సాధించాడు.అంతకు ముందు ఈ రికార్డు ఆడం గిల్‌క్రిస్ట్‌ పేరిట ఉండేది. అతడు తన కెరీర్‌లో ఒక్క బంతి కూడా వేయకుండా 15,461 పరుగులు సాధించాడు.అంతర్జాతీయ క్రికెట్‌లో ఒక్క బంతి కూడా బౌల్‌ చేయకుండానే అత్యధిక పరుగులు సాధించిన క్రికెటర్లు వీరే1. ముష్ఫికర్‌ రహీం- బంగ్లాదేశ్‌- 15,502 రన్స్‌2. ఆడం గిల్‌క్రిస్ట్‌- ఆస్ట్రేలియా- 15461 రన్స్‌3. క్వింటన్‌ డికాక్‌- సౌతాఫ్రికా- 12,654 రన్స్‌4. జోస్‌ బట్లర్‌- ఇంగ్లండ్‌- 11,881 రన్స్‌5. జానీ బెయిర్‌స్టో- ఇంగ్లండ్‌- 11,581 రన్స్‌పటిష్ట స్థితిలోఇక బంగ్లాదేశ్‌ తరఫున టెస్టుల్లో అత్యధికసార్లు 150కి పైగా స్కోర్లు సాధించిన క్రికెటర్‌గానూ ముష్ఫికర్‌ రహీం కొనసాగుతున్నాడు. అతడు ఏడుసార్లు ఈ ఫీట్‌ నమోదు చేయగా.. మొమినుల్‌ హక్‌ మూడుసార్లు 150కి పైగా స్కోర్‌ చేసి రెండో స్థానంలో ఉన్నాడు.మ్యాచ్‌ విషయానికొస్తే.. షాంటో, ముష్ఫికర్‌లతో పాటు లిటన్‌ దాస్‌ (123 బంతుల్లో 90) కూడా రాణించడంతో బంగ్లాదేశ్‌ పటిష్ట స్థితిలో నిలిచింది. బుధవారం నాటి రెండో రోజు ఆట పూర్తయ్యేసరికి తొమ్మిది వికెట్ల నష్టానికి 484 పరుగులు సాధించింది.

వెస్టిండీస్‌తో మూడు వన్డేల సిరీస్‌ను ఇంగ్లండ్ విజ‌యంతో ఆరంభించింది. గురువారం ఎడ్జ్‌బాస్టన్ వేదిక‌గా తొలి వ‌న్డేలో 238 ప‌రుగుల తేడాతో వెస్టిండీస్‌ను ఇంగ్లండ్ చిత్తు చేసింది. ఈ మ్యాచ్‌లో ముందుగా బ్యాటింగ్ చేసిన ఇంగ్లండ్ నిర్ణీత 50 ఓవర్లలో 8 వికెట్లకు 400 పరుగులు చేసింది. బెన్ డ‌కెట్‌(60), జోరూట్(57), హ్యారీ బ్రూక్(58), జాకోబ్ బెతెల్(82) హాఫ్ సెంచరీలతో రాణించగా.. జేమీ స్మిత్(37), విల్ జాక్స్(39) మెరుపు ఇన్నింగ్స్‌లు ఆడారు. విండీస్‌ బౌలర్లలో జైడెన్ సీల్స్ నాలుగు వికెట్లు సాధించ‌గా.. అల్జారీ జోసెఫ్, జస్టిన్ గ్రీవ్స్ రెండేసి వికెట్లు పడగొట్టారు. అనంత‌రం భారీ ల‌క్ష్య చేధ‌నలో క‌రేబియ‌న్ జ‌ట్టు కేవ‌లం 162 ప‌రుగుల‌కే కుప్ప‌కూలింది.చ‌రిత్ర సృష్టించిన ఇంగ్లండ్‌..ఈ మ్యాచ్‌లో ఇంగ్లండ్ క్రికెట్ జట్టు ఓ అరుదైన రికార్డును తమ పేరిట లిఖించుకుంది. ఒక్క ప్లేయర్ కూడా సెంచరీ చేయకుండా వన్డేల్లో అత్యధిక స్కోరును న‌మోదు చేసిన తొలి జ‌ట్టుగా ఇంగ్లండ్‌ రికార్డులకెక్కింది. ఇంగ్లండ్ ఇన్నింగ్స్‌లో ఏ ఒక్క బ్యాట‌ర్ సెంచ‌రీ చేయ‌న‌ప్ప‌టికి.. టీమ్ స్కోర్ మాత్రం 400 ప‌రుగుల మార్క్‌ను అందుకుంది. ఇప్ప‌టివ‌ర‌కు ఈ రికార్డు ద‌క్షిణాఫ్రికా పేరిట ఉండేది. 2007లో పాకిస్తాన్‌తో జ‌రిగిన వ‌న్డే మ్యాచ్‌లో ఏ ఒక్క ప్లేయ‌ర్ కూడా సెంచ‌రీ చేయ‌కుండా సౌతాఫ్రికా 392 ప‌రుగులు చేసింది. తాజా మ్యాచ్‌తో స‌ఫారీల ఆల్‌టైమ్ రికార్డును ఇంగ్లీష్ జ‌ట్టు బ్రేక్ చేసింది. అదేవిధంగా వన్డే క్రికెట్ చరిత్రలోనే ఒకే ఇన్నింగ్స్‌లో ఏడుగురు బ్యాటర్లు 30 ప్లస్ రన్స్ చేయడం కూడా ఇదే తొలిసారి.చదవండి: నేను సాకులు చెప్ప‌ను.. యుద్దం ఇంకా ముగియ‌లేదు: శ్రేయస్‌ అయ్యర్‌

వయసుతో సంబంధం లేకుండా కొందరు అద్భుతాలు చేసి ఆశ్చర్యపరుస్తుంటారు. అదికూడా లేటు వయసులో సాహసోపేతమైన పనులు చేసి వయసు అనేది శరీరానికే గానీ మనసుకు కాదని చేతల్లో చూపిస్తుంటారు. వృద్ధాప్య దశలో పీజీలు, పీహెచ్‌డీలు చేస్తే..కొందరు మాత్రం ఆ వయసుకి సాధ్యవుతాయా..? అనేలా ఛాలెంజింగ్‌ సాహసాలకు పూనుకుని, రికార్డులు సృష్టిస్తారు. అలాంటి కోవకు చెందిందే ఈ 91 ఏళ్ల బామ్మ. ఈమె ఏం చేసిందో తెలిస్తే నోరెళ్లబెట్టడం ఖాయం. శాస్త్రవేత్తలక సైతం ఆమె చురుకైన యాక్టివిటీని చూసి కంగుతిన్నారు.ఇటలీకి చెందిన 91 ఏళ్ల ఎమ్మా మరియా మజ్జెంగా(Emma Maria Mazzenga) అనే బామ్మ 90 ప్లస్‌ 200 మీటర్ల రన్నింగ్‌ రేసులో ఊహకందని విధంగా ప్రపంచ రికార్డును సృష్టించింది. జస్ట్‌ ఒక్క నిమిషంలోపే రన్నింగ్‌ రేస్‌ని ముగించి అందర్నీ ఆశ్చర్యపరిచింది. నిజానికి ఆ వయసులో మరొకరి సాయం లేనిదే అడుగులు వేయలేరు. కానీ ఆమె మాత్రం చాలా వేగంగా పరుగులు తీయడం అందర్నీ ఆశ్చర్యచకితుల్ని చేసింది. పైగా ఎలాంటి ఆయాసం లేకుండా యువకుల మాదిరిగా అత్యంత ఉత్సాహంగా పరుగులు తీయడం అత్యంత షాకింగ్‌ విషయం. ఆమె తోటివారందరూ ఆయాసంతో ఆందోళపడుతుంటే..ఆమె మాత్రం చాలా ప్రశాంతంగా సునాయాసంగా లక్ష్యాన్ని చేరుకుంది. ఇది శాస్త్రవేత్తలను ఎంతగానో ఆకర్షించింది. ఈ వయసులో ఆ బామ్మ మజ్జెంగా ఇంత చురుగ్గా ఉండటానికి వెనుకున్న ఆరోగ్య రహస్యం ఏంటా అని ఆసక్తిని రేకత్తించింది. చివరికి అదేంటో సవివరంగా తెలుసుకున్నారు కూడా.ఇక్కడ బామ్మ 200 మీటర్ల పరుగును కేవల 51.47 సెకన్లలో పూర్తిచేసి, మునుపటి 90-ప్లస్ ప్రపంచ రికార్డును బ్రేక్‌ చేసింది. ఇంత వేగంగా చేయడానికి ఆమె శరీరం ధర్మం ఎలా సహకరిస్తుందో తెలుసుకునే పనిలో పడ్డారు శాస్త్రవేత్తలు. అందుకోసం ఆమెకు శారీరక కసరత్తులకు సంబంధించిన పలు పరీక్షలు నిర్వహించి మరీ ఆమె ఆరోగ్య రహస్యాన్ని తెలుసుకున్నారు. 90 ఏళ్ల వయసులో బామ్మను సూపర్‌ ఫిట్‌గా ఉండేలా చేసినవి..పుణుల అభిప్రాయం ప్రకారం బామ్మ మజ్జెంగా వండర్‌ ఉమెన్‌. అందుకు రెండే రెండు ప్రధాన అంశాలని చెబుతున్నారు. ఆమె కార్డియోస్పిరేటరీ ఫిట్‌నెస్‌లో ఆమె గుండె,ఊపిరితిత్తులు, రాలకు ఆక్సిజన్‌ను పంప్ చేసే విధానం 40 లేదా 50 ఏళ్ల వయసులో ఉన్న ఆరోగ్యవంతమైన మహిళతో సమానంగా ఉంటుందట.ఆమె కండరాలు ప్రత్యేకమైనవి మరియు తక్కువ బర్నింగ్‌ని కలిగి ఉంటాయి. అంటే ఎనర్జీని కోల్పోకుండా ఉండటంతో అలిసిపోతు. అందువల్లే ఆమె సుదురాలకు సులభంగా పరిగెత్తగలతు. ఆమెలో "చాలా ఎక్కువ శాతం" వేగవంతమైన సంకోచ ఫైబర్‌లు కూడా ఉన్నాయి, ఇవి శక్తివంతమైన శక్తిని ఉత్పత్తి చేస్తాయి. ఇవే ఆమె వేగవంతమైన కదిలికలకు కారణమని అన్నారు. ఈ ప్రత్యేకమైన లక్షణాలే ఈ 200 మీటర్ల రన్నింగ్‌ రేసులో అలవోకగా రికార్డు చేచేసందుకు దారితీసిందని చెబుతున్నారు డాక్టర్ మార్టా కొలోసియో.ఈ ప్రత్యేకమైన శరీరాకృతి ఎలా వచ్చిందంటే..ఆమె దశాబ్దాలుగా కష్టపడి పనిచేస్తోంది. అదే ఆమె శరీరానికి వరంగా మారింది1933లో జన్మించిన మజ్జెంగా మొదట విశ్వవిద్యాలయంలో తన ఫిట్‌నెస్ ప్రయాణాన్ని ప్రారంభించింది, 100, 200, 400 మరియు 800 మీటర్ల రేసుల్లో కూడా పోటీ పడింది. అప్పటి నుంచే ఆమె విజయపరంపర మొదలైంది. ఆరోజుల్లో రోమ్‌లో జరిగిన జాతీయ ఛాంపియన్‌షిప్‌లలో నాల్గవ స్థానంలో నిలిచింది.తన విజయాలకు బ్రేక్‌పడింది పెళ్లి, పిల్లలు అనే చెప్పొచ్చు. అలా ఆమె రెండు దశాబ్దలకు పైగా తన ఫిట్‌నెస్‌ కెరీర్‌కు దూరంగాఉంది. మళ్లీ తిరిగి 1986లో తన కెరీర్‌ రన్నింగ్‌ రేస్‌లోకి వచ్చింద. అంటే.. 50ల వయసులో తన పాత సహచరులతో పోటీ పడటం మొదలైంది. మళ్లీ పుంజుకోవడానికి చాలా ఖర్చు పెట్టాల్సి వచ్చినా..ఈ రన్నింగ్‌ రేసులో పాల్గొనడం చాలా సంతృప్తినిస్తుందని అంటోంది బామ్మ. అదే కారణం..ఒక రేసు ఇచ్చే కిక్కే వేరు అంటోంది. ప్రతి శిక్షణా సెషన్‌ తనకు మంచి జీవితకాల వ్యాయామ శిక్షణ, అసాధారణ పనితీరుని అందిస్తుందట. అందువల్లే తొమ్మిది పదుల వయసులో కూడా ఇంతలా యువ క్రీడాకారులతో సరితూగేలా పోటీపడగలను అంటోంది. కాగా, బామ్మ ఐదు ప్రపంచ రికార్డులు, తొమ్మిది యూరోపియన్ రికార్డులు, మాస్టర్ స్ప్రింటింగ్ విభాగంలో 28 ఉత్తమ ఇటాలియన్ పెర్ఫామెన్స్‌గా అవార్డులు గెలుచుకుంది. ఈ బామ్మ నేటి యువతరానికి ఎంతోస్ఫూర్తి కదూ..!.(చదవండి: పిల్లలకు చెప్పాల్సిన 'మాయాబజార్‌' పాఠాలు..!)

లండన్‌: ప్రతిష్టాత్మక లండన్‌ మారథాన్‌ రేసులో మహిళల విభాగంలో కొత్త ప్రపంచ రికార్డు నమోదైంది. ఆదివారం జరిగిన ఈ రేసులో ఇథియోపియాకు చెందిన టిగ్స్‌ట్‌ అసీఫా విజేతగా అవతరించింది. 42.195 కిలోమీటర్ల దూరాన్ని 28 ఏళ్ల అసీఫా 2 గంటల 15 నిమిషాల 50 సెకన్లలో పూర్తి చేసి అగ్రస్థానాన్ని అందుకుంది. ఈ క్రమంలో 2 గంటల 16 నిమిషాల 16 సెకన్లతో పెరెస్‌ జెప్‌చిర్‌చిర్‌ (కెన్యా) పేరిట ఉన్న ప్రపంచ రికార్డును అసీఫా బద్దలు కొట్టింది. గత ఏడాది లండన్‌ మారథాన్‌లోనే పెరెస్‌ జెప్‌చిర్‌చిర్‌ ఈ ప్రపంచ రికార్డును సృష్టించి స్వర్ణ పతకాన్ని సాధించగా... అసీఫా రెండో స్థానంలో నిలిచి రజత పతకం దక్కించుకుంది. ఈ సంవత్సరం పెరెస్‌ జెప్‌చిర్‌చిర్‌ లండన్‌ మారథాన్‌కు దూరం కాగా... అసీఫా అద్భుత ప్రదర్శనతో పసిడి పతకం సొంతం చేసుకోవడంపాటు ప్రపంచ రికార్డును లిఖించింది. జాయ్స్‌లిన్‌ జెప్‌కోస్గి (కెన్యా; 2గం:18ని:44 సెకన్లు) రజతం, సిఫాన్‌ హసన్‌ (నెదర్లాండ్స్‌; 2గం:19నిమిషాలు) కాంస్యం సాధించారు. గత ఏడాది పారిస్‌ ఒలింపిక్స్‌లో రజత పతకం నెగ్గిన అసీఫా 2022, 2023 బెర్లిన్‌ మారథాన్‌ రేసుల్లోనూ విజేతగా నిలిచింది. లండన్‌ మారథాన్‌ పురుషుల విభాగంలో సెబాస్టియన్‌ సావీ (కెన్యా) విజేతగా నిలిచాడు. సెబాస్టియన్‌ 42.195 కిలోమీటర్ల దూరాన్ని 2 గంటల 2 నిమిషాల 27 సెకన్లలో పూర్తి చేసి స్వర్ణ పతకాన్ని దక్కించుకున్నాడు. జేకబ్‌ కిప్లిమో (ఉగాండా; 2గం:3ని:37 సెకన్లు) రజతం, అలెగ్జాండర్‌ ముతిసో (కెన్యా; 2గం:4ని:20 సెకన్లు) కాంస్యం సాధించారు.

రామోనా (అమెరికా): పురుషుల అథ్లెటిక్స్‌ డిస్కస్‌ త్రో క్రీడాంశంలో కొత్త ప్రపంచ రికార్డు నమోదైంది. ఒక్లాహోమా త్రోస్‌ సిరీస్‌ వరల్డ్‌ అథ్లెటిక్స్‌ కాంటినెంటల్‌ టూర్‌ బ్రాంజ్‌ లెవెల్‌ మీట్‌లో లిథువేనియాకు చెందిన మికోలస్‌ అలెక్నా (Mykolas Alekna- 75.56 మీటర్లు) ఈ ఘనత సాధించాడు. స్వర్ణ పతకం గెలిచే క్రమంలో 22 ఏళ్ల అలెక్నా తన పేరిటే ఉన్న ప్రపంచ రికార్డును రెండుసార్లు తిరగ రాయడం విశేషం. గత ఏడాది ఇదే మీట్‌లో అలెక్నా డిస్క్‌ను 74.35 మీటర్ల దూరం విసిరి... 1986 నుంచి జుర్గెన్‌ షుల్ట్‌ (జర్మనీ; 74.08 మీటర్లు) పేరిట ఉన్న ప్రపంచ రికార్డును బద్దలు కొట్టాడు. 2024 పారిస్‌ ఒలింపిక్స్‌లో మికోలస్‌ రజత పతకం గెలిచాడు. భారత కాలమానం ప్రకారం ఆదివారం అర్ధరాత్రి దాటాక జరిగిన ఒక్లాహోమో మీట్‌లో అలెక్నా తొలి ప్రయత్నంలో డిస్క్‌ను 74.89 మీటర్ల దూరం విసిరి ప్రపంచ రికార్డును సవరించాడు. ఆ తర్వాత ఐదో ప్రయత్నంలో డిస్క్‌ను 75.56 మీటర్ల దూరం విసిరి మరో ప్రపంచ రికార్డు సృష్టించాడు. అంతేకాకుండా డిస్క్‌ను 75 మీటర్ల దూరం విసిరిన తొలి అథ్లెట్‌గా గుర్తింపు పొందాడు. తండ్రి బాటలోమికోలస్‌కు ఘనమైన క్రీడా కుటుంబ నేపథ్యం ఉంది. మికోలస్‌ తండ్రి వర్జిలియస్‌ అలెక్నా కూడా విఖ్యాత డిస్కస్‌ త్రోయర్‌ కావడం విశేషం. 6 అడుగుల 7 అంగుళాల ఎత్తు, 130 కేజీల బరువున్న వర్జిలియస్‌ 2000 సిడ్నీ ఒలింపిక్స్‌లో స్వర్ణం, 2004 ఏథెన్స్‌ ఒలింపిక్స్‌లో సర్ణం, 2008 బీజింగ్‌ ఒలింపిక్స్‌లో కాంస్యం సాధించాడు. 2003 పారిస్‌ ప్రపంచ చాంపియన్‌షిప్‌లో, 2005 హెల్సింకి ప్రపంచ చాంపియన్‌షిప్‌లో పసిడి పతకాలు నెగ్గిన వర్జిలియస్‌... 1997 ఏథెన్స్‌ ప్రపంచ చాంపియన్‌షిప్‌లో, 2001 ఎడ్మంటన్‌ ప్రపంచ చాంపియన్‌షిప్‌లో కాంస్య పతకాలు సొంతం చేసుకున్నాడు. ఓవరాల్‌గా తన కెరీర్‌లో వర్జిలియస్‌ 12 స్వర్ణాలు, 6 రజతాలు, 3 కాంస్యాలు గెలిచాడు. 2014లో రిటైర్మెంట్‌ ప్రకటించిన 53 ఏళ్ల వర్జిలియస్‌ రాజకీయాల్లో ప్రవేశించి లిథువేనియా పార్లమెంట్‌ సభ్యుడిగా ఎన్నికయ్యాడు.

స్టాక్‌హోమ్‌ (స్వీడన్‌): పురుషుల స్విమ్మింగ్‌ 400 మీటర్ల ఫ్రీస్టయిల్‌ విభాగంలో 16 ఏళ్లుగా చెక్కు చెదరకుండా ఉన్న ప్రపంచ రికార్డు బద్దలైంది. స్విమ్‌ ఓపెన్‌ స్టాక్‌హోమ్‌ టోర్నీలో జర్మనీకి చెందిన లుకాస్‌ మార్టిన్‌ ఈ విభాగంలో కొత్త ప్రపంచ రికార్డు సృష్టించాడు. పారిస్‌ ఒలింపిక్స్‌లో స్వర్ణ పతకం నెగ్గిన లుకాస్‌ మార్టిన్‌ 400 మీటర్లను 3 నిమిషాల 39.96 సెకన్లలో పూర్తి చేసి విజేతగా నిలిచాడు. ఈ క్రమంలో 2009 నుంచి పాల్‌ బీడెర్మన్‌ (3ని:40.07 సెకన్లు; జర్మనీ) పేరిట ఉన్న ప్రపంచ రికార్డును మార్టిన్‌ బద్దలు కొట్టాడు. 2009లో రోమ్‌లో జరిగిన ప్రపంచ చాంపియన్‌ షిప్‌లో ‘సూపర్‌ సూట్స్‌’ ధరించి బీడెర్మన్‌ ఈ రికార్డు నెలకొల్పాడు. 2010లో ప్రపంచ స్విమ్మింగ్‌ సమాఖ్య ‘సూపర్‌ సూట్స్‌’ను నిషేధించింది.

సాక్షి, పాడేరు: అందాల అరకులోయలో అద్భుతం ఆవిష్కృతమయింది. మహా సూర్యవందనాల్లో స్థానిక గిరిజన విద్యార్థులు సత్తాచాటారు. ప్రపంచ రికార్డ్‌ సొంతం చేసుకున్నారు. అరకు లోయ డిగ్రీ కళాశాల మైదానం ఈ ఘట్టానికి వేదికగా నిలిచింది. అల్లూరి సీతారామరాజు జిల్లా (Alluri Sitarama Raju district) అధికారులు, శిక్షకుల మూడు నెలల కష్టానికి ఫలితం లభించింది. ఐదు మండలాల పరిధిలోని గిరిజన విద్యాలయాలకు చెందిన 21,850 మంది విద్యార్థులు ఉత్సాహంగా 108 సూర్య నమస్కారాల కార్యక్రమంలో పాల్గొన్నారు. పతంజలి శ్రీనివాస్‌ శంఖం పూరించి యోగాసనాలను (Yoga Asanas) ప్రారంభించారు. ఒకే వేదికపై విద్యార్థులు 2 గంటల పాటు 108 సూర్య నమస్కారాలు చేయడంతో మైదానంలో ఆధ్యాత్మిక వాతావరణం శోభిల్లింది. ఈ యోగాసనాలను 200 మంది పీడీలు, ఉపాధ్యాయులు పర్యవేక్షించారు.లండన్‌కు చెందిన ప్రపంచ రికార్డుల యూనియన్‌ మేనేజర్‌ అలిస్‌ రేనాడ్, ఇతర ప్రతినిధులంతా 108 సూర్య నమస్కారాలను క్షుణ్ణంగా పరిశీలించారు. దృశ్యాలను తమ కెమెరాలలో బంధించారు. ఫ్లడ్‌లైట్ల వెలుగులో రాత్రి వరకు సూర్య నమస్కారాలు (surya namaskars) విజయవంతంగా కొనసాగాయి. అలిస్‌ రేనాడ్‌ సూర్య నమస్కారాల ప్రక్రియకు వరల్డ్‌ రికార్డును ప్రకటించారు. ఈ మేరకు ధ్రువపత్రాన్ని కలెక్టర్, జేసీలకు అందించారు. చ‌ద‌వండి: ఆంధ్రా అబ్బాయి, అమెరికా అమ్మాయి ల‌వ్‌స్టోరీ

పాకిస్తాన్‌తో మూడు వ‌న్డేల సిరీస్‌ను న్యూజిలాండ్ ఘ‌నంగా ఆరంభించింది. నేపియ‌ర్ వేదిక‌గా జ‌రిగిన తొలి వ‌న్డేలో పాక్‌పై 73 ప‌రుగుల తేడాతో కివీస్ విజ‌యం సాధించింది. ఈ మ్యాచ్‌లో న్యూజిలాండ్ ఆల్‌రౌండ‌ర్ మ‌హ్మ‌ద్ అబ్బాస్ అద్బుత‌మైన ప్ర‌ద‌ర్శ‌న క‌న‌బ‌రిచాడు. అరంగేట్ర మ్యాచ్‌లోనే అబ్బాస్ ఆల్‌రౌండ్ షోతో అద‌ర‌గొట్టాడు.తొలుత బ్యాటింగ్‌లో దుమ్ములేపిన‌ అబ్బాస్‌.. అనంతరం బౌలింగ్‌లో ఓ కీల‌క వికెట్ కూడా ప‌డ‌గొట్టాడు. ఆరో స్ధానంలో బ్యాటింగ్‌కు వ‌చ్చిన అబ్బాస్‌.. ప్ర‌త్య‌ర్ధి బౌల‌ర్ల‌పై విరుచుకుపడ్డాడు. కేవ‌లం 24 బంతుల్లోనే త‌న తొలి అంత‌ర్జాతీయ హాఫ్ సెంచ‌రీ మార్క్‌ను అందుకున్నాడు. ఓవ‌రాల్‌గా 26 బంతుల్లో 3 ఫోర్లు, 3 సిక్స్‌ల‌తో 52 ప‌రుగులు చేశాడు. ఈ క్ర‌మంలో అబ్బాస్ ఓ వ‌ర‌ల్డ్ రికార్డును త‌న పేరిట లిఖించుకున్నాడు.వ‌న్డే అరంగేట్రంలో అత్యంత వేగవంతమైన హాఫ్ సెంచ‌రీ చేసిన ఆట‌గాడిగా అబ్బాస్ రికార్డుల‌కెక్కాడు. ఇంత‌కుముందు ఈ రికార్డు టీమిండియా అల్‌రౌండ‌ర్ కృనాల్ పాండ్యా పేరిట ఉండేది. కృనాల్ పాండ్యా 2021లో ఇంగ్లండ్‌పై త‌న వ‌న్డే అరంగేట్రంలో 26 బంతుల్లో ఆర్ధ‌శ‌త‌కం సాధించాడు. తాజా మ్యాచ్‌లో 24 బంతుల్లో హాఫ్ సెంచ‌రీ చేసిన అబ్బాస్‌.. పాండ్యా ఆల్‌టైమ్ రికార్డును బ్రేక్ చేశాడు. కాగా కివీస్ త‌రుపన డెబ్యూచేసిన అబ్బాస్‌.. పాకిస్తాన్ మూలాలు ఉన్న ఆట‌గాడు కావ‌డం గ‌మ‌నార్హం.చాప్‌మ‌న్ సూప‌ర్ సెంచ‌రీ..ఇక ఈమ్యాచ్‌లో తొలుత బ్యాటింగ్ చేసిన న్యూజిలాండ్‌ నిర్ణీత 50 ఓవర్లలో 9 వికెట్ల నష్టానికి 344 పరుగులు చేసింది. న్యూజిలాండ్‌ బ్యాటర్లలో మార్క్‌ చాప్‌మన్‌ (111 బంతుల్లో 132; 13 ఫోర్లు, 6 సిక్సర్లు) సెంచ‌రీతో చెల‌రేగాడు. అత‌డితో న‌పా డారిల్‌ మిచెల్‌ (84 బంతుల్లో 76; 4 ఫోర్లు, 4 సిక్సర్లు) అర్ద సెంచరీతో రాణించాడు.పాక్ బౌల‌ర్ల‌లో ఇర్ఫాన్ ఖాన్ మూడు వికెట్లు ప‌డగొట్ట‌గా.. రౌఫ్, జావిద్ త‌లా రెండు వికెట్లు సాధించారు. అనంత‌రం బ్యాటింగ్‌కు దిగిన పాకిస్తాన్ 44.1 ఓవ‌ర్ల‌లో 271 ప‌రుగుల‌కు ఆలౌటైంది. పాక్ బ్యాట‌ర్ల‌లో బాబ‌ర్ ఆజం(76) టాప్ స్కోర‌ర్‌గా నిల‌వ‌గా.. మొహమ్మద్‌ రిజ్వాన్‌ (30), సల్మాన్‌ అఘా (58) ప‌ర్వాలేద‌న్పించారు. న్యూజిలాండ్ బౌల‌ర్ల‌లో నాథ‌న్ స్మిత్ నాలుగు వికెట్లు ప‌డ‌గొట్ట‌గా.. డ‌ఫీ రెండు, బ్రెస్‌వెల్ త‌లా వికెట్ సాధించారు.చ‌ద‌వండి: MI vs GT: 41 బంతుల్లో సెంచరీ చేశాడు.. అతడిని కొనసాగించండి!

న్యూజిలాండ్‌ ఓపెనర్‌ టిమ్‌ సీఫర్ట్‌ (Tim Seifert) సరికొత్త చరిత్ర సృష్టించాడు. పాకిస్తాన్‌తో ఐదో టీ20లో ఆకాశమే హద్దుగా చెలరేగి ప్రపంచ రికార్డు సాధించాడు. లక్ష్య ఛేదనలో అత్యధిక స్ట్రైక్‌ రేటుతో.. తొంభై పరుగుల మార్కు చేరుకున్న తొలి క్రికెటర్‌గా నిలిచాడు.ఇంగ్లండ్‌ పవర్‌ హిట్టర్‌ లియామ్‌ లివింగ్‌స్టోన్‌ (Liam Livingstone) పేరిట ఉన్న రికార్డును సీఫర్ట్‌ బద్దలు కొట్టి సీఫర్ట్‌ ఈ అరుదైన ఘనత సాధించాడు. కాగా ఐదు టీ20లు, మూడు వన్డేలు ఆడేందుకు పాకిస్తాన్‌ న్యూజిలాండ్‌లో పర్యటిస్తోంది. ఈ క్రమంలో తొలి, రెండు టీ20లలో కివీస్‌ గెలవగా.. మూడో మ్యాచ్‌లో పాకిస్తాన్‌ గెలిచింది. ఆ తర్వాత మళ్లీ పైచేయి సాధించిన న్యూజిలాండ్‌ మరో మ్యాచ్‌ మిగిలి ఉండగానే సిరీస్‌ కైవసం చేసుకుంది.ఈ క్రమంలో ఇరుజట్ల (New Zealand Vs Pakistan) మధ్య బుధవారం నామమాత్రపు ఐదో టీ20 జరిగింది. వెల్లింగ్‌టన్‌ వేదికగా టాస్‌ ఓడి మొదట బ్యాటింగ్‌కు దిగిన పాకిస్తాన్‌ నిర్ణీత 20 ఓవర్లలో 9 వికెట్ల నష్టానికి 128 పరుగులు చేసింది. కెప్టెన్‌ సల్మాన్‌ ఆఘా (39 బంతుల్లో 51; 6 ఫోర్లు, 1 సిక్స్‌) అర్ధసెంచరీ సాధించగా... షాదాబ్‌ ఖాన్‌ (28; 5 ఫోర్లు) ఫర్వాలేదనిపించాడు. హరీస్‌ (11), నవాజ్‌ (0), యూసుఫ్‌ (7), ఉస్మాన్‌ ఖాన్‌ (7), అబ్దుల్‌ సమద్‌ (4) విఫలమయ్యారు. న్యూజిలాండ్‌ బౌలర్లలో నీషమ్‌ 5 వికెట్లతో విజృంభించగా... జాకబ్‌ డఫీ 2 వికెట్లు తీశాడు.బాదుడే బాదుడు... స్వల్ప లక్ష్యఛేదనకు దిగిన న్యూజిలాండ్‌ తొలి ఓవర్‌ నుంచే పాక్‌ బౌలర్లపై ప్రతాపం చూపింది. తొలి ఓవర్‌లో ఓపెనర్‌ టిమ్‌ సీఫర్ట్‌ 4, 6, 6 కొడితే... రెండో ఓవర్‌లో అలెన్‌ 4, 4, 6 బాదాడు. మూడో ఓవర్‌లో సీఫర్ట్‌ 4, 6... నాలుగో ఓవర్లో ఇద్దరు కలిసి 3 ఫోర్లు కొట్టడంతో స్కోరు బోర్డు రాకెట్‌ వేగంతో దూసుకెళ్లింది. జహాందాద్‌ ఖాన్‌ వేసిన ఆరో ఓవర్‌లో సీఫెర్ట్‌ 6, 4, 6, 2, 6, 1 కొట్టడంతో 23 బంతుల్లోనే అతడి హాఫ్‌సెంచరీ పూర్తయింది. పాక్‌ యువ బౌలర్‌ ముఖీమ్‌ రెండు ఓవర్లలో 6 పరుగులే ఇచ్చి 2 వికెట్లు తీసినప్పటికీ... సీఫెర్ట్‌ జోరును మాత్రం అడ్డుకోలేకపోయాడు. షాదాబ్‌ వేసిన పదో ఓవర్‌లో 6, 6, 6, 6 కొట్టిన సీఫర్ట్‌ మ్యాచ్‌ను ముగించాడు. ఫలితంగా న్యూజిలాండ్‌ 10 ఓవర్లలో 2 వికెట్లు కోల్పోయి 131 పరుగులు చేసి గెలిచింది. తొలి బంతి నుంచే సీఫర్ట్‌ వీరవిహారం చేయగా... ఫిన్‌ అలెన్‌ (12 బంతుల్లో 27; 5 ఫోర్లు, 1 సిక్స్‌) ఉన్నంతసేపు ధాటిగా ఆడటం కలిసివచ్చింది. పాక్‌ బౌలర్లలో ముఖీమ్‌ 2 వికెట్లు తీశాడు. నీషమ్‌కు ‘ప్లేయర్‌ ఆఫ్‌ ద మ్యాచ్‌’, సీఫర్ట్‌కు ‘ప్లేయర్‌ ఆఫ్‌ ద సిరీస్‌’ అవార్డులు దక్కాయి.టిమ్‌ సీఫర్ట్‌ ప్రపంచ రికార్డుఇక ఈ మ్యాచ్‌లో టిమ్‌ సీఫర్ట్‌ మొత్తంగా 38 బంతుల్లో 97 పరుగులు సాధించి అజేయంగా నిలిచాడు. ఈ కుడిచేతి వాటం బ్యాటర్‌ ఇన్నింగ్స్‌లో ఆరు ఫోర్లతో పాటు ఏకంగా పది సిక్సర్లు ఉండగా.. స్ట్రైక్‌రేటు 255.26గా నమోదైంది.ఈ నేపథ్యంలో.. అంతర్జాతీయ టీ20 మ్యాచ్‌లో సెకండ్‌ ఇన్నింగ్స్‌లో బ్యాటింగ్‌కు దిగి.. అత్యధిక స్ట్రైక్‌రేటుతో తొంభైకి పైగా పరుగులు సాధించిన తొలి ఆటగాడిగా సీఫర్ట్‌ చరిత్రకెక్కాడు. అంతకుముందు ఈ రికార్డు ఇంగ్లండ్‌ స్టార్‌ లియామ్‌ లివింగ్‌స్టోన్‌ పేరిట ఉండేది. లివింగ్‌స్టోన్‌ 2021లో పాకిస్తాన్‌పై నాటింగ్‌హామ్‌ వేదికగా 239.53 స్ట్రైక్‌రేటుతో 103 పరుగులు సాధించాడు. ఇక అంతర్జాతీయ టీ20లలో 250కి పైగా స్ట్రైక్‌రేటుతో అత్యధిక స్కోరు సాధించిన ఆటగాడిగానూ సీఫర్ట్‌ చరిత్రపుటల్లో తన పేరును లిఖించుకోవడం మరో విశేషం.చదవండి: ‘అతడిని ఎనిమిదో స్థానంలో ఆడిస్తారా? ప్రపంచంలో ఎక్కడా ఇలా జరగదు’

లండన్‌: ప్రతిష్టాత్మక లండన్‌ మారథాన్‌ పరుగు ప్రపంచ రికార్డు కొల్లగొట్టనుంది. రికార్డు స్థాయిలో అథ్లెట్లు లండన్‌ మారథాన్‌ రేసును పూర్తి చేస్తారనే అంచనాలు అమాంతం పెరిగాయి. వచ్చే నెల 27న లండన్‌ నగరంలో జరిగే ఈ మారథాన్‌ (42.195 కిలోమీటర్లు) పరుగులో పోటీపడేందుకు ఇప్పటికే 8 లక్షల 40 వేల మందికిపైగా ఔత్సాహికులు తమ పేర్లను నమోదు చేసుకున్నారు. గతేడాది ఈ ఈవెంట్‌లో 5,78,304 రన్నర్లకంటే ఇది చాలా అధికం. పురుషులతో దీటుగా మహిళా రన్నర్లు ఆసక్తి చూపడం విశేషం. 8 లక్షల 40 వేల ఔత్సాహికుల్లో 49 శాతం మహిళలు ఉన్నారు. మరీ ముఖ్యంగా యువతుల సంఖ్య గణనీయంగా పెరిగింది. పేర్లు నమోదు చేసుకున్న వారిలో 20 ఏళ్ల నుంచి 29 ఏళ్ల వయస్సున్న యువతులు ఏకంగా 105 శాతం పెరగడం విశేషం! ఇప్పటివరకు పూర్తి మారథాన్‌ పరుగు దూరాన్ని 55,646 మంది పూర్తి చేశారు. గత నవంబర్‌లో న్యూయార్క్‌ మారథాన్‌లో ఈ రికార్డు నమోదైంది. అయితే ఈసారి సుమారు ఎనిమిదిన్నర లక్షల మంది బరిలో దిగడానికి ఆసక్తి చూపడంతో పూర్తి చేసేవారి సంఖ్య కూడా ఆ స్థాయిలోనే పెరుగుతుందని నిర్వాహకులు, విశ్లేషకులు భావిస్తున్నారు. ‘ఏప్రిల్‌ 27న జరిగే 45వ లండన్‌ మారథాన్‌ కొత్త మైలురాయికి చేరుకోబోతోంది. అత్యధిక సంఖ్యలో పరుగును పూర్తిచేసే రికార్డు సాకారం కానుంది. ఇదే జరిగితే ముమ్మాటికి మా మారథాన్‌ చరిత్ర పుటల్లోకి ఎక్కుతుంది’ అని లండన్‌ మారథాన్‌ ఈవెంట్స్‌ సీఈఓ హ్యూజ్‌ బ్రాషెర్‌ తెలిపారు. నగరంలోని గ్రీన్‌విచ్‌ నుంచి ద మాల్‌ వరకు సాగే 42.195 కిలోమీటర్ల దూరాన్ని ఈసారి 56 వేల పైచిలుకు మంది పూర్తి చేస్తారనే నమ్మకంతో ఉన్నట్లు చెప్పారు. 1981లో లండన్‌ మారథాన్‌ మొదలైంది. ఆ ఏడాది తొలి మారథాన్‌లో ఏకంగా 13 లక్షల మంది బరిలోకి దిగారు.

ముంబైలోని వాంఖ‌డే స్టేడియం వేదిక‌గా ఇంగ్లండ్‌తో జ‌రిగిన ఐదో టీ20లో భార‌త్ 150 ప‌రుగుల తేడాతో ఘ‌న విజ‌యం సాధించిన సంగ‌తి తెలిసిందే. ఈ మ్య‌చ్‌లో అభిషేక్ శ‌ర్మతో పాటు శివ‌మ్ దూబే(Shivam Dube) కూడా ఆల్‌రౌండ్ షోతో అద‌రగొట్టాడు. తొలుత బ్యాటింగ్‌లో మెరుపు ఇన్నింగ్స్‌ (13 బంతుల్లో 30 ప‌రుగులు) ఆడిన దూబే.. అనంత‌రం బౌలింగ్‌లో రెండు వికెట్ల‌తో స‌త్తాచాటాడు. ఫిల్ సాల్ట్‌, జాకబ్ బెత‌ల్ వంటి కీల‌క వికెట్లు ప‌డ‌గొట్టి భార‌త విజ‌యంలో త‌న‌వంతు పాత్ర పోషించాడు. ఈ క్ర‌మంలో దూబే ఓ అరుదైన రికార్డును త‌న ఖాతాలో వేసుకున్నాడు. దూబే వరల్డ్‌ రి​కార్డు..అంత‌ర్జాతీయ టీ20ల్లో వ‌రుస‌గా 30 విజయాలు సాధించిన జట్టులో భాగమైన తొలి క్రికెట‌ర్‌గా దూబే వ‌ర‌ల్డ్ రికార్డు సృష్టించాడు. దూబేకు భారత్ తరపున ఇది వరుసగా 30వ టీ20 విజయం కావడం గమనార్హం. దూబే తన కెరీర్‌లో టీమిండియా తరపున ఇప్పటివరకు 35 టీ20లు ఆడాడు. 2019లో ఢిల్లీ వేదికగా బంగ్లాదేశ్‌తో జరిగిన తొలి టీ20తో దూబే అంతర్జాతీయ క్రికెట్‌లోకి అడుగుపెట్టాడు.ఈ మ్యాచ్‌లో భారత్ 7 వికెట్ల తేడాతో ఓడిపోయింది. ఆ తర్వాత అతడి ఐదో టీ20లో సైతం బంగ్లాదేశ్‌లో భారత్ ఓటమి చవిచూసింది. అప్పటి నుంచి దూబే ఆడిన ఏ టీ20 మ్యాచ్‌లోనూ టీమిండియా పరాజయం పాలవ్వలేదు. వరుసగా భార‌త్ 30 మ్యాచ్‌ల్లోనూ విజ‌యం సాధించింది.ఈ అరుదైన ఫీట్ సాధించిన దూబేకు ఐపీఎల్ ఫ్రాంచైజీ చెన్నై సూప‌ర్ కింగ్స్ అభినంద‌నలు తెలిపింది. "దూబే ఆడితే భార‌త్ గెల‌వాల్సిందే. దూబే ఆడిన 30 మ్యాచ్‌ల్లోనూ భార‌త్ వ‌రుస‌గా విజ‌యం సాధిచిందని సీఎస్‌కే ఎక్స్‌లో రాసుకొచ్చింది.కాగా ఇంగ్లండ్‌తో టీ20లకు దూబేకు తొలుత భార‌త జ‌ట్టులో చోటు ద‌క్క‌లేదు. నితీశ్ కుమార్ రెడ్డి గాయ‌ప‌డ‌డంతో దూబే జ‌ట్టులోకి వ‌చ్చాడు. పుణే వేదికగా జ‌రిగిన నాలుగో టీ20తో తుది జ‌ట్టులోకి వ‌చ్చిన దూబే.. అద్భుత‌మైన హాఫ్ సెంచరీతో చెల‌రేగాడు. ఆ మ్యాచ్‌లో కంక‌ష‌న్‌కు గురికావ‌డంతో బౌలింగ్ చేసే అవకాశం రాలేదు.ఆఖరి టీ20లో మాత్రం తనకు వచ్చిన అవకాశాన్ని ఈ ముంబై ఆటగాడు అందిపుచ్చుకున్నాడు. కాగా టీ20 సిరీస్‌ ముగియడంతో దూబే ముంబై తరపున రంజీల్లో ఆడనున్నాడు. ఇక ఇది ఇలా ఉండగా.. భారత్‌-ఇంగ్లండ్‌​ మధ్య మూడు మ్యాచ్‌ల వన్డే సిరీస్‌ నాగ్‌పూర్‌ వేదికగా ఫిబ్రవరి 6 నుంచి ప్రారంభం కానుంది.జట్లుభారత్: రోహిత్ శర్మ, శుభ్‌మన్ గిల్, విరాట్ కోహ్లీ, శ్రేయస్ అయ్యర్, కేఎల్ రాహుల్, హార్దిక్ పాండ్యా, అక్షర్ పటేల్, వాషింగ్టన్ సుందర్, కుల్దీప్ యాదవ్, హర్షిత్ రాణా, జస్‌ప్రీత్ బుమ్రా, మహమ్మద్ షమీ, అర్ష్‌దీప్ సింగ్, యశస్వి జైస్వాల్, రిషభ్ పంత్, రవీంద్ర జడేజాఇంగ్లండ్: హ్యారీ బ్రూక్, బెన్ డకెట్, జోరూట్, జాకోబ్ బెతెల్, లియామ్ లివింగ్‌స్టోన్, బ్రైడన్ కార్స్, జేమీ ఓవర్టన్, జోస్ బట్లర్, జేమీ స్మిత్, ఫిలిప్ సాల్ట్, జోఫ్రా ఆర్చర్, గస్ అట్కిన్సన్, ఆదిల్ రషీద్, సకీబ్ మహ్మూద్, మార్క్ వుడ్.చదవండి: ఇంగ్లండ్‌తో తొలి వన్డే.. సచిన్‌ వరల్డ్‌ రికార్డుపై కన్నేసిన కోహ్లి

సోషల్‌ మీడియాలో ఒక పోస్ట్‌కు, లేదా ఒక వీడియోకు లేదా ఒక రీల్‌కు దక్కిన వ్యూస్‌, కామెంట్స్‌ ఆధారంగా దాని ప్రాధాన్యతను అంచనా వేస్తుంటాం సాధారణంగా. క్రియేట్‌ చేసినవాళ్లే ఆశ్చర్యపోయేలా మిలియన్ల వ్యూస్‌తో ప్రజాదరణ పొంది, రికార్డులను క్రియేట్‌ చేసే కొన్ని విశేషమైన వీడియోలను కూడా చూస్తుంటాం. ఇలా సరదాగా సృష్టించిన ఒక రీల్‌ రికార్డు దక్కించుకుంది. ప్రపంచంలో అత్యధికంగా చూసిన ఈ వైరల్ క్లిప్ నెట్టింట వైరల్‌గా మారింది. రండి.. ఆ రికార్డ్‌ స్టంట్‌ రీల్‌ కథాకమామిష్షు ఏంటో తెలుసుకుందాం.ఒకటీ రెండూ ఏకంగా 55.4 కోట్ల (554 మిలియన్ల) మంది ఆ రీల్‌ను వీక్షించారంటే మరి ప్రపంచ రికార్డు కాక మరేమిటి. అందుకే గిన్నిస్ వరల్డ్ రికార్డ్స్ లో చోటు దక్కించుకుంది. ఇంతకీ ఈ ఫీట్‌ సాధించింది ఎవరో తెలుసా? భారతదేశంలోని కేరళకు చెందిన ఫ్రీస్టైల్ ఫుట్‌బాల్ ఆటగాడు 21 ఏళ్ల ముహమ్మద్ రిజ్వాన్. ఈ స్టార్‌ ప్లేయర్‌ కంటెంట్ క్రియేటర్‌గా కూడా పాపులర్‌ అయ్యాడు. 2023 నవంబరులో ఈ రీల్‌ పోస్ట్ చేశాడు. అప్పటినుంచి ఇది వైరల్‌ అవుతూ రికార్డును కొట్టేసింది. మలప్పురంలోని కేరళంకుండు జలపాతం వద్ద చిత్రీకరించిన రీల్‌ను పోస్ట్ చేశాడు. ఈ రీల్‌లో ఒక జలపాతం వద్ద బంతిని బలంగా తంతాడు. దీంతో ఆ బంతి జలపాతం వెనుక ఉన్న రాళ్ల నుండి ఎగిరి పడుతుంది. అద్భుతమైన ఈ దృశ్యం చూసి రిజ్వాన్ కూడా ఆశ్చర్యపోయాడు. కేవలం క్రీడాకారులను మాత్రమే కాదు, కోట్లాదిమంది నెటిజనులను కూడా ఆకట్టుకుంది. అప్పటి నుండి, రీల్ ప్రజాదరణ పొందింది, 92 లక్షలకు పైగా (9.2 మిలియన్లు) లైక్‌లు మరియు 42,000 కంటే ఎక్కు లక్షల కొద్దీ లైక్స్‌, కామెంట్లను దక్కించుకుంది. ప్రపంచంలో అత్యధికంగా వీక్షించిన ఇన్‌స్టాగ్రామ్ రీల్‌తో అవార్డు కూడా పొందాడు. ఇదీ చదవండి: మార్కెట్లో విరివిగా పచ్చి బఠాణీ : పిల్లలుమెచ్చే, ఆరోగ్యకరమైన వంటకాలువిశేషం ఏమిటంటేఅతని రీల్ జర్మనీ, స్పెయిన్, ఫ్రాన్స్ జనాభా కంటే ఎక్కువ వీక్షణలను సాధించడం విశేషమే మరి. జర్మనీ, ఫ్రాన్స్ స్పెయిన్‌ల ఉమ్మడి జనాభా కంటే ఎక్కువ వ్యూస్‌ అంటూ నెటిజన్లను రిజ్వాన్‌ను పొగడ్తలతో ముంచెత్తారు.రిజ్వాన్‌ స్పందన“నేను దీన్ని ఎప్పుడూ ఊహించలేదు. ఇది స్నేహితులతో సరదాగా గడిపిన వీడియో. 10 నిమిషాల్లోనే, దీనికి 2లక్షలవీక్షణలు వచ్చాయి . నేను ఇంటికి చేరుకునే సమయానికి, అది మిలియన్‌కు చేరుకుంది.” అంటూ సంతోషాన్ని వ్యక్తం చేశాడు.గిన్నిస్ వరల్డ్ రికార్డ్స్ గుర్తింపురిజ్వాన్ అసాధారణ విజయాన్ని ఈ ఏడాది జనవరి 8న అధికారికంగా గుర్తించారు. దీనికి సంబంధించిన వీడియోను కూడా రిజ్వన్‌ షేర్ చేశాడు. అదే జలపాతం వద్ద, ఒక చేతిలో వరల్డ్ రికార్డ్ సర్టిఫికెట్‌ను, మరో చేతిలో ఫుట్‌బాల్‌ను పట్టుకుని, తనను ఆదరించిన అభిమానులకు కృతజ్ఞతలు తెలిపాడు. (బామ్మకు స్వీట్‌ సర్‌ప్రైజ్‌ : 20 లక్షలకు పైగా వ్యూస్‌) View this post on Instagram A post shared by muhammed riswan (@riswan_freestyle) కేవలం 21 సంవత్సరాల వయస్సులో, రిజ్వాన్ తన వైరల్ రీల్‌కు మాత్రమే కాకుండా తన అద్భుతమైన ఫ్రీస్టైల్ ఫుట్‌బాల్ నైపుణ్యాలకు కూడా ప్రపంచ సంచలన ఆటగాడు. ఆటలోని విన్యాసాలకు పరిమితం కాలేదు రిజ్వాన్‌ పర్వత శిఖరాలపై, కారు పైకప్పులపై మకా, నీటి అడుగున కూడా విన్యాసాలు చేయడం అతనికి వెన్నతో పెట్టిన విద్య. ఫుట్‌బాల్‌తో పాటు, రిజ్వాన్ రోజువారీ వస్తువులతో కూడా సృజనాత్మక నైపుణ్యాన్ని ప్రదర్శిస్తూ ప్రపంచవ్యాప్తంగా ప్రేక్షకులను ఆకట్టుకుంటున్నాడు.

సైకాలజీ స్టూడెంట్‌ ఇప్పుడు టీమిండియా తరఫున సత్తా చాటుతోంది. వచ్చిన అవకాశాలను సద్వినియోగం చేసుకుంటూ ఆకాశమే హద్దుగా దూసుకుపోతోంది. ఆరో ఇన్నింగ్స్‌లోనే ఏకంగా ప్రపంచ రికార్డును బద్దలు కొట్టింది. భారత మహిళా క్రికెట్‌ జట్టులోకి దూసుకువచ్చిన ఆ యువ కెరటం మరెవరో కాదు.. ప్రతీకా రావల్‌(Pratika Rawal).యువ ఓపెనర్‌ షఫాలీ వర్మ(Shafali Verma) వరుస వైఫల్యాల నేపథ్యంలో సెలక్టర్లు ప్రతీకా రావల్‌కు పిలుపునిచ్చారు. స్టార్‌ ఓపెనర్‌ స్మృతి మంధానతో కలిసి ఇన్నింగ్స్‌ ఆరంభిస్తున్న 24 ఏళ్ల ఈ ​కుడిచేతి వాటం బ్యాటర్‌.. గతేడాది డిసెంబరులో వెస్టిండీస్‌తో వన్డే సిరీస్‌ సందర్భంగా అరంగేట్రం చేసింది. ఈ క్రమంలో ఆడిన తొలి నాలుగు వన్డేల్లోనే రెండు అర్ధ శతకాలతో మెరిసింది.వరల్డ్‌ రికార్డు బద్దలుతాజాగా ఐర్లాండ్‌తో వన్డే సిరీస్‌(India Women Vs Ireland Women) జట్టులోనూ చోటు దక్కించుకున్న ప్రతీకా రావల్‌.. మూడు మ్యాచ్‌లలోనూ అదరగొట్టింది. తొలి వన్డేలో 89, రెండో వన్డేలో 67 పరుగులు సాధించిన ప్రతీకా.. బుధవారం నాటి మూడో వన్డేలో భారీ శతకంతో అదరగొట్టింది. మొత్తంగా 129 బంతులు ఎదుర్కొని 20 ఫోర్లు, ఒక సిక్సర్‌ సాయంతో 154 పరుగులు సాధించింది.ఈ క్రమంలో ప్రతీకా రావల్‌ ప్రపంచ రికార్డును బద్దలు కొట్టింది. మహిళల వన్డే క్రికెట్‌లో తొలి ఆరు ఇన్నింగ్స్‌లో అత్యధిక పరుగులు సాధించిన ప్లేయర్‌గా చరిత్ర సృష్టించింది. అంతకు ముందు ఈ రికార్డు ఇంగ్లండ్‌ క్రికెటర్‌ చార్లెట్‌ ఎడ్వర్డ్స్‌ పేరిట ఉండేది. ఇదిలా ఉంటే.. ప్రతీకా రావల్‌ భారత్‌ తరఫున మూడో అత్యధిక వ్యక్తిగత స్కోరు (154)ను సాధించింది. దీప్తి శర్మ (188), హర్మన్‌ప్రీత్‌ (171 నాటౌట్‌) ఆమెకంటే ముందున్నారు. మహిళల వన్డే క్రికెట్‌లో తొలి ఆరు ఇన్నింగ్స్‌లో అత్యధిక పరుగులు సాధించిన ప్లేయర్లు👉ప్రతీకా రావల్‌(ఇండియా)- 444 పరుగులు👉చార్లెట్‌ ఎడ్వర్డ్స్‌(ఇంగ్లండ్‌)- 434 పరుగులు👉నథాకన్‌ చాంథమ్‌(థాయ్‌లాండ్‌)- 322 పరుగులు👉ఎనిడ్‌ బేక్‌వెల్‌(ఇంగ్లండ్‌)- 316 పరుగులు👉నికోలే బోల్టన్‌(ఆస్ట్రేలియా)- 307 పరుగులు.అతిపెద్ద వన్డే విజయంరాజ్‌కోట్‌ వేదికగా ఐర్లాండ్‌తో మూడో వన్డేలో భారత ఓపెనర్లు ప్రతీక రావల్‌(154), స్మృతి మంధాన(135) శతకాలతో చెలరేగారు. వీరిద్దరికి తోడు రిచా ఘోష్‌ హాఫ్‌ సెంచరీ(59)తో రాణించింది. ఈ క్రమంలో భారత జట్టు 435 పరుగుల మేర రికార్డు స్కోరు సాధించింది. పురుషులు, మహిళల వన్డే క్రికెట్‌లో భారత్‌కు ఇదే అతిపెద్ద స్కోరు. ఓవరాల్‌గా మహిళల వన్డేల్లో ఇది నాలుగో అత్యధిక స్కోరు. టాప్‌–3 అత్యధిక స్కోర్లు న్యూజిలాండ్‌ (491/4; 2018లో ఐర్లాండ్‌పై; 455/5; 1997లో పాక్‌పై; 440/3; 2018లో ఐర్లాండ్‌పై) పేరిటే ఉండటం విశేషం.ఇక లక్ష్య ఛేదనలో ఐర్లాండ్‌ 131 పరుగులకే ఆలౌట్‌ అయింది. ఫలితంగా 304 పరుగులతో ఐర్లాండ్‌పై టీమిండియా జయభేరి మోగించింది. పరుగుల తేడా పరంగా భారత మహిళా జట్టుకిదే అతిపెద్ద విజయం. 2017లో భారత్‌ 249 పరుగుల తేడాతో ఐర్లాండ్‌నే ఓడించింది. ఇక ఈ గెలుపుతో 3–0తో వన్డే సిరీస్‌ను స్మృతి బృందం క్లీన్‌స్వీప్‌ చేసింది. అదే విధంగా.. భారత జట్టు ప్రత్యర్థిని క్లీన్‌స్వీప్‌ చేయడం ఇది 13వసారి. అత్యధికసార్లు ఈ ఘనత సాధించిన రికార్డు ఆస్ట్రేలియా (33 సార్లు) పేరిట ఉంది. ఇక.. ఐర్లాండ్‌తో ఇప్పటి వరకు ఆడిన 15 వన్డేల్లోనూ భారత జట్టే గెలవడం మరో విశేషం.చదవండి: ముంబై రంజీ జట్టుతో రోహిత్‌ శర్మ, యశస్వి ప్రాక్టీస్‌A post-series chat with the record-breaking opening duo! 😎From Maiden ODI century to Fastest ODI Hundred for India in women's cricket 💯Captain Smriti Mandhana and Pratika Rawal 𝙚𝙡𝙖𝙗𝙤𝙧𝙖𝙩𝙚 it all 😃👌 - By @mihirlee_58 #TeamIndia | #INDvIRE | @IDFCFIRSTBank pic.twitter.com/7c0xsYGaIo— BCCI Women (@BCCIWomen) January 16, 2025

టీమిండియా సీనియర్‌ బౌలర్‌ మహ్మద్‌ షమీ(Mohammed Shami) అరుదైన ప్రపంచ రికార్డు ముంగిట నిలిచాడు. ఇంగ్లండ్‌తో తొలి వన్డేలో గనుక అతడు రాణిస్తే.. మిచెల్‌ స్టార్క్‌ పేరిట ఉన్న అరుదైన ఘనతను తన ఖాతాలో వేసుకుంటాడు. కాగా వన్డే ప్రపంచకప్‌-2023లో షమీ అద్భుత ప్రదర్శన కనబరిచిన విషయం తెలిసిందే.కాస్త ఆలస్యంగా ఈ మెగా టోర్నీలో ఎంట్రీ ఇచ్చినా.. వికెట్ల వేటలో మాత్రం దూసుకుపోయాడు షమీ. సొంతగడ్డపై జరిగిన ఈ ఐసీసీ ఈవెంట్లో ఏకంగా 24 వికెట్లు కూల్చి.. లీడింగ్‌ వికెట్‌ టేకర్‌గా నిలిచాడు. అయితే, వరల్డ్‌కప్‌ మధ్యలోనే చీలమండ నొప్పి వేధించినా లెక్కచేయని షమీ.. టోర్నీ ముగిసిన తర్వాత మాత్రం శస్త్ర చికిత్స చేయించుకున్నాడు.ఇంగ్లండ్‌తో టీ20 సిరీస్‌కు ఎంపికఈ క్రమంలో బెంగళూరులోని జాతీయ క్రికెట్‌ అకాడమీలో పునరావాసం పొందిన షమీ.. పూర్తి ఫిట్‌నెస్‌ సాధించడానికి దాదాపు ఏడాది కాలం పట్టింది. అయితే, ఇప్పటి వరకు అతడు టీమిండియాలో పునరాగమనం చేయలేకపోయాడు. తొలుత దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ టోర్నీలో బెంగాల్‌ తరఫున బరిలోకి దిగిన ఈ పేస్‌ బౌలర్‌.. పదకొండు వికెట్లతో సత్తా చాటాడు.అనంతరం దేశవాళీ వన్డే టోర్నమెంట్‌ విజయ్‌ హజారే ట్రోఫీలోనూ ఆడి తన ఫిట్‌నెస్‌ను నిరూపించుకున్నాడు. ఈ క్రమంలో ఇంగ్లండ్‌తో టీ20 సిరీస్‌కు బీసీసీఐ ఎంపిక చేసిన జట్టులో షమీ స్థానం దక్కించుకున్నాడు. సొంతగడ్డపై జరిగే ఈ సిరీస్‌ సందర్భంగా అతడు రీఎంట్రీ ఇవ్వనున్నాడు. ఇక ఇంగ్లండ్‌తో వన్డేల్లోనూ షమీ చోటు దక్కించుకోవడం దాదాపు ఖాయమైంది.ఈ నేపథ్యంలో షమీని ఓ వరల్డ్‌ రికార్డు ఊరిస్తోంది. ఇంగ్లండ్‌తో మూడు వన్డేల సిరీస్‌లో భాగంగా తొలి మ్యాచ్‌లో అతడు ఐదు వికెట్లు తీస్తే చాలు.. ప్రపంచంలోనే అత్యంత వేగంగా వన్డేల్లో 200 వికెట్ల క్లబ్‌లో చేరిన మొదటి క్రికెటర్‌గా నిలుస్తాడు. ఇప్పటి వరకు ఈ రికార్డు ఆస్ట్రేలియా పేసర్‌ మిచెల్‌ స్టార్క్‌ పేరిట ఉంది.షమీ ఇప్పటికి 100 ఇన్నింగ్స్‌లోస్టార్క్‌ 102 ఇన్నింగ్స్‌లో 200 వికెట్ల మార్కును అందుకున్నాడు. అయితే, షమీ ఇప్పటికి 100 ఇన్నింగ్స్‌లో 195 వికెట్లు పడగొట్టాడు. కాబట్టి తదుపరి ఆడబోయే వన్డేలో షమీ ఐదు వికెట్లు తీశాడంటే.. స్టార్క్‌ వరల్డ్‌ రికార్డును అతడు బద్దలుకొడతాడు. ఇక భారత్‌ తరఫున అత్యంత వేగంగా వన్డేల్లో 200 వికెట్ల క్లబ్‌లో చేరిన బౌలర్‌గా.. టీమిండియా ప్రస్తుత చీఫ్‌ సెలక్టర్‌ అజిత్‌ అగార్కర్‌ కొనసాగుతున్నాడు. అతడు 133 ఇన్నింగ్స్‌లో ఈ ఫీట్‌ అందుకున్నాడు.కాగా టీమిండియా ఇంగ్లండ్‌తో జనవరి 22- ఫిబ్రవరి 2 వరకు ఐదు టీ20లు ఆడనుంది. అనంతరం.. ఇరుజట్ల మధ్య వన్డే సిరీస్‌ మొదలుకానుంది. ఫిబ్రవరి 6న నాగ్‌పూర్‌లో తొలి వన్డే, ఫిబ్రవరి 9న కటక్‌లో రెండో వన్డే, ఫిబ్రవరి 12న మూడో అహ్మదాబాద్‌లో మూడో వన్డే జరుగనున్నాయి.వన్డేల్లో అత్యంత వేగంగా 200 వికెట్ల క్లబ్‌లో చేరిన బౌలర్లు వీరే1. మిచెల్‌ స్టార్క్‌- 102 మ్యాచ్‌లలో2. సక్లెయిన్‌ ముస్తాక్‌- 104 మ్యాచ్‌లలో3. ట్రెంట్‌ బౌల్ట్‌- 107 మ్యాచ్‌లలో4. బ్రెట్‌ లీ- 112 మ్యాచ్‌లలో5. అలెన్‌ డొనాల్డ్‌- 117 మ్యాచ్‌లలో.చదవండి: భారత జట్టు ప్రకటన.. షమీ రీఎంట్రీ, సూపర్‌స్టార్‌పై వేటు!

కేప్‌టౌన్ వేదిక‌గా ద‌క్షిణాఫ్రికా(South Africa)తో జ‌రిగిన రెండో టెస్టులో 10 వికెట్ల తేడాతో పాకిస్తాన్ ఘోర ఓట‌మి చ‌విచూసింది. పాకిస్తాన్ నిర్ధేశించిన 58 ప‌రుగుల స్వ‌ల్ప ల‌క్ష్యాన్ని సౌతాఫ్రికా వికెట్‌ కోల్పోకుండా 7.1 ఓవర్లలో ఛేదించింది.దీంతో రెండు మ్యాచ్‌ల సిరీస్‌ను సౌతాఫ్రికా 2-0 తేడాతో క్లీన్ స్వీప్ చేసింది. కాగా ఈ మ్యాచ్ తొలి ఇన్నింగ్స్‌లో కేవ‌లం 194 ప‌రుగుల‌కే కుప్పకూలిన పాకిస్తాన్‌.. ఫాలో ఆన్‌(రెండో ఇన్నింగ్స్‌)లో మాత్రం అద్బుతమైన పోరాటం కనబరిచింది.421 పరుగుల లోటుతో ఫాలో ఆన్ ఆడిన పాకిస్తాన్ 478 పరుగుల భారీ స్కోర్ సాధించింది. షాన్ మసూద్ (145) సెంచరీ చేయగా.. బాబర్ ఆజాం (81) హాఫ్ సెంచరీతో రాణించాడు. మొదటి ఇన్నింగ్స్‌లో నామమాత్రపు స్కోర్‌కే పరిమితం కావడంతో పాక్ జట్టు సఫారీల ముందు మెరుగైన టార్గెట్‌ను ఉంచలేకపోయింది.దక్షిణాఫ్రికా తమ తొలి ఇన్నింగ్స్‌లో ఏకంగా 615 పరుగులు చేసింది. ప్రోటీస్ తొలి ఇన్నింగ్స్‌లో ర్యాన్ రికెల్టన్ (259) డబుల్ సెంచరీతో చెలరేగగా.. టెంబా బవుమా (106), కైల్ వెర్రెన్న్ (100) శతకాలతో మెరిశారు. పాక్ బౌలర్లు అబ్బాస్, సల్మాన్ అఘా మూడేసి వికెట్లు పడగొట్టారు.చరిత్ర సృష్టించిన పాక్‌..కాగా ఫాలో ఆన్‌లో ధీటుగా ఆడిన పాకిస్తాన్ ఓ అరుదైన రికార్డును తమ పేరిట లిఖించుకుంది. దక్షిణాఫ్రికా గడ్డపై ఫాల్ ఆన్‌లో అత్యధిక స్కోర్‌ సాధించిన జట్టుగా పాకిస్తాన్ చరిత్ర సృష్టించింది. ఇంతకముందు ఈ రికార్డు ఆస్ట్రేలియా పేరిట ఉండేది. 1902లో జోహన్నెస్‌బర్గ్ వేదికగా జరిగిన మ్యాచ్‌లో ఆస్ట్రేలియా ఫాలో ఆన్‌ ఆడి 372/7 పరుగులు చేసింది. ఇప్పటివరకు ఇదే అత్యధికం కాగా.. తాజా ‍మ్యాచ్‌తో 122 ఏళ్ల ఆస్ట్రేలియా రికార్డును పాకిస్తాన్ బ్రేక్ చేసింది. ఆస్ట్రేలియా (372/7) తర్వాత వెస్టిండీస్ (348/10), న్యూజిలాండ్ (342/10), శ్రీలంక (342/10) జట్లు ఉన్నాయి.చదవండి: Ind vs Eng: ఇంకెన్నాళ్లు ఇలా?.. ఇంగ్లండ్‌తో సిరీస్‌లలోనైనా ఆడిస్తారా?