శ్రీలంకతో టెస్టు సిరీస్ తర్వాత చీఫ్ సెలెక్టర్ అజిత్ అగార్కర్ భవితవ్యంపై బీసీసీఐ కీలక నిర్ణయం తీసుకోనున్నట్లు తెలుస్తోంది. సెప్టెంబర్‌తో అగార్కర్ పదవీకాలం ముగియనున్న నేపథ్యంలోనే అతడిని కొనసాగించాలా లేక వేరేవారికి అవకాశమివ్వాలా అనే దానిపై బీసీసీఐ ఒక నిర్ణయానికి రానుంది. అయితే 2027 వన్డే ప్రపంచకప్ వరకు అగార్కర్‌ను కొనసాగించాలనే అంశం కూడా బీసీసీఐ పరిశీలనలో ఉన్నట్లు తెలుస్తోంది. జూలై 2023లో అగార్కర్ బాధ్యతలు తీసుకున్న తర్వాత కొన్ని కీలక నిర్ణయాలు అతడిని వివాదంలోకి నెట్టేశాయి. ముఖ్యంగా రోహిత్ శర్మ కెప్టెన్సీ నుంచి తొలగించడంలో అగార్కర్ తెర వెనుక ప్రధాన పాత్ర పోషించాడనే వార్త అప్పట్లో బాగా వైరలయ్యింది. అంతేకాదు ఇం‍గ్లండ్‌తో జులైలో జరిగిన వన్డే సిరీస్‌ తర్వాత రోహిత్‌ను జట్టు నుంచి తప్పించే ఆలోచన ఉందని సెలెక్టర్లు అతడికి తెలిపినట్లు నివేదిక పేర్కొంది. అయితే బీసీసీఐ కార్యదర్శి దేవజిత్‌ సైకియా మాత్రం రోహిత్‌ జట్టు ప్రణాళికల్లో ఉన్నంతకాలం దేశానికి ప్రాతినిధ్యం వహిస్తూనే ఉంటాడని వ్యాఖ్యానించారు.2027 వన్డే ప్రపంచకప్‌ను దృష్టిలో పెట్టుకుని రోహిత్‌ భవిష్యత్తును ప్రతి సిరీస్‌ తర్వాత సమీక్షించాలని బీసీసీఐ కోరుకుంటున్నట్లు సమాచారం. అయితే సైకియా చేసిన వ్యాఖ్యలు సెలెక్టర్లకు అసంతృప్తి కలిగించినట్లు నివేదిక వెల్లడించింది. ఈ నేపథ్యంలో అగార్కర్‌తో జరగనున్న సమావేశం ప్రాధాన్యం సంతరించుకుంది. సెలక్షన్‌ కమిటీ పనితీరు, భవిష్యత్‌ ప్రణాళికలతో పాటు రోహిత్‌ అంశం కూడా చర్చకు వచ్చే అవకాశం ఉంది.ఇక బీసీసీఐ చీఫ్ సెలెక్టర్ పదవీకాలం పొడిగింపు సందర్భాలు చాలా తక్కువ. గతంలో శివసుందర్ దాస్‌, ఎస్‌. శరత్‌, సుబ్రోతో బెనర్జీ, అజయ్ రాత్రా సహా మిగిలినవాళ్లంతా తన పదవీ కాలం ముగియగానే బయటికి వెళ్లిపోయారు. కానీ అగర్కార్ సెలెక్టర్‌గా వచ్చిన తర్వాత అతడు మంచి ఫలితాలు సాధించాడు. అతడి సెలెక్షన్ పర్యవేక్షణలో టీమిండియా నాలుగు ఐసీసీ టోర్నమెంట్ ఫైనల్స్ చేరడంతో పాటు వాటిలో మూడు టైటిల్స్‌ను అందుకుంది. జట్టులో మార్పులు కూడా ఫలితాలు ఇవ్వడంతో బీసీసీఐ సెలెక్షన్ కమిటీ అగార్కర్‌కు మద్దతు ఇచ్చింది. మధ్యలో రోహిత్ శర్మ విషయంలో బీసీసీఐతో అభిప్రాయబేధాలు వచ్చినప్పటికీ, ఇవేవీ పట్టించుకోకుండా అగార్కర్ పదవీకాలాన్ని పొడిగించే యోచనలో ఉంది. అంతకముందు 2022 టీ20 ప్రపంచకప్ సమయంలో టీమిండియా చీఫ్ సెలెక్టర్‌గా ఉన్న చేతన్ శర్మపై విమర్శలు వచ్చాయి. ఇక 2019 వన్డే ప్రపంచకప్ సమయంలోనూ భారత్ ఫైనల్ చేరడంలో విఫలం కావడంతో అప్పటి సెలెక్టర్ ఎంఎస్‌కే ప్రసాద్‌పై అటు బీసీసీఐ, ఇటు అభిమానుల నుంచి కూడా పెద్ద ఎత్తున విమర్శలు వచ్చాయి. మరి అగార్కర్‌పై విశ్వాసముంచి బీసీసీఐ అతడి పదవిని పొడిగిస్తుందా? తొలగిస్తుందా అనేది వచ్చే నెలతో తేలిపోనుంది.Read: సైక్లింగ్‌లో విషాదం.. ప్రాణం తీసిన అజాగ్రత్త!

చలో.. బాల్‌ కే సాత్‌ ఆమ్‌ బీ మిలేగి.. (బంతితో పాటు మామిడికాయ కూడా దొరుకుతుంది వెళ్లు!)) ...గల్లీ క్రికెట్‌ మ్యాచ్‌లో భారత క్రికెట్‌ దిగ్గజం సౌరభ్‌ గంగూలీ సరదా కామెంట్‌ ఇది. గంగూలీ ఏమిటి? గల్లీ క్రికెట్‌ ఆడడం ఏమిటి? అనుకుంటున్నారా? ఔను, నిజమే. ఇప్పుడు ఇదే ట్రెండ్‌ కూడా! ఆటగాళ్లు దీనికి పెట్టుకున్న ‘కౌంటీ’. ఇంతకూ కౌంటీ ఎలా ఆడతారో తెలుసా?సాక్షి, హైదరాబాద్‌: ‘గల్లీ క్రికెట్‌..’! ఇప్పుడు కొత్త స్పోర్ట్స్‌ ట్రెండ్‌గా మారుతోంది. ఐపీఎల్‌ స్థాయిలో అలరిస్తోంది. కార్పొరేట్‌ ఉద్యోగులు, యువత, సోషల్‌ మీడియా ఇన్‌ఫ్లుయెన్సర్లు, సినీ ప్రముఖులు, మాజీ క్రికెటర్లు సైతం ఇందులో పాల్గొంటున్నారు. ఒక ఓవర్‌లో ఇన్ని పరుగులు చేయాలి.. అని, లేదా ఇన్నిసార్లు ఔట్‌ అయితే బ్యాటర్‌ ఇన్నింగ్స్‌ ముగిసినట్లని పోటీ పెట్టుకుని ఆడుతూ మరింత మజా జోడిస్తున్నారు. ముంబై వంటి ప్రధాన నగరాల్లో అయితే అంతర్జాతీయ క్రికెటర్లూ సరదాగా పాల్గొంటుండడం విశేషం. ఎలా ఆడతారు? సాధారణ క్రికెట్‌నే కౌంటీలో కాస్త భిన్నమైన తీరులో ఆడతారు. ఇందులో ఎక్కువగా ఆటగాళ్ల మధ్య పోటీ ఉంటుంది. తక్కువ బంతుల్లో ఎక్కువ పరుగులు (ఉదాహరణకు 6 బంతుల్లో 20) చేయాల్సి ఉంటుంది. ఈ క్రమంలో బ్యాట్స్‌మన్‌ భారీ షాట్‌లు కొడుతుంటారు. గంగూలీ ఇలానే దూరంగా మామిడి చెట్లలోకి షాట్‌ కొట్టి, బంతితో పాటు మామిడి కాయలూ తెచ్చుకోమన్నాడు. ఇక కౌంటీలో బ్యాట్స్‌మెన్‌కు చాన్స్‌లు కూడా ఉంటాయి. నిర్దిష్ట టార్గెట్‌ను అవతలి వారు చేజ్‌ చేయాలి. ఇంకో విషయం ఏమంటే, పోటీ ఇద్దరి మధ్యే అయినా ఫీల్డర్లు ఎక్కువమందే ఉంటారు. కొందరికి కౌంటీ క్రికెట్‌లో వ్యాపార అవకాశాలు కనిపించాయి. దీంతో స్టార్టప్‌లు రంగంలోకి దిగి స్పోర్ట్స్‌ కమ్యూనిటీలతో ప్రొఫెషనల్‌గా మార్చాయి. టెన్నిస్‌ బాల్‌ టోరీ్నలు, ఆన్‌లైన్‌ రిజి్రస్టేషన్, లైవ్‌ స్కోరింగ్, యూట్యూబ్‌ లైవ్‌ స్ట్రీమింగ్, ప్రైజ్‌ మనీ, టీమ్‌ వేలం జత చేయడంతో అసలైన క్రికెట్‌ మ్యాచ్‌లకు దీటుగా ఇవి యువతను ఆకర్షిస్తున్నాయి. వయా...సోషల్‌ మీడియా దశాబ్దాల క్రితమే పరిచయం ఉన్నా గల్లీ క్రికెట్‌ మరింత పాపులర్‌ కావడానికి సోషల్‌ మీడియా ప్రధాన కారణంగా చెప్పవచ్చు. షార్ట్‌లు, రీల్స్‌తో వీడియోలు కోట్లాది వ్యూస్‌ సాధిస్తున్నాయి. గల్లీ క్రికెట్‌తో సినీ, క్రీడారంగ సెలబ్రిటీలకూ చిన్ననాటి జ్ఞాపకాలు ఉంటాయి. దీంతో వారూ హోదా మరిచి వీధుల్లోకి వచ్చేస్తున్నారు. హైదరాబాద్‌లో టెన్నిస్‌ బాల్‌ క్రికెట్‌ టోర్నమెంట్లు, బాక్స్‌ క్రికెట్‌ ఎరీనాలు, కార్పొరేట్‌ క్రికెట్‌ లీగ్‌లు, గేటెడ్‌ కమ్యూనిటీ, అపార్ట్‌మెంట్‌ ప్రీమియర్‌ లీగ్‌లు పెరుగుతున్నాయి. గచి్చ»ౌలి, మాదాపూర్, కొండాపూర్, కూకట్‌పల్లి, మల్కాజిగిరి, కొంపల్లి వంటి ప్రాంతాల్లో యువత, ఐటీ ఉద్యోగులు వీకెండ్‌ మ్యాచ్‌లు ఆడుతున్నారు. నగరంలోనూ గల్లీ క్రికెట్‌ బ్రాండెడ్‌ లీగ్‌లు ప్రారంభమయ్యే అవకాశం ఉంది.

సాధార‌ణంగా 100 బంతుల్లో 86 ప‌రుగుల టార్గెట్ అంటే సునాయాసంగా ఊదిపారేయచ్చు. కానీ వెల్ష్ ఫైర్ జ‌ట్టు మాత్రం ఆ చిన్న టార్గెట్‌ను అందుకోవ‌డానికి నానా తంటాలు ప‌డింది. చివ‌ర‌కు ఎలాగోలా 3 వికెట్ల తేడాతో గెలిచి గట్టెక్కింది. హండ్రెడ్ వుమెన్స్ కాంపిటీష‌న్‌లో మాంచెస్ట‌ర్ సూప‌ర్‌జెయింట్స్‌పై వెల్ష్‌ఫైర్ క‌ష్ట‌ప‌డి విజ‌యాన్ని అందుకుంది. తొలుత బ్యాటింగ్ చేసిన మాంచెస్ట‌ర్ సూప‌ర్ జెయింట్స్ నిర్ణీత 100 బంతుల్లో 9 వికెట్ల న‌ష్టానికి 85 ప‌రుగులు చేసింది. రియానా మెక్‌డొనాల్డ్ (18), స్మృతి మంధాన (15) ప‌ర్వాలేద‌నిపించారు. మిగిలిన బ్యాట‌ర్ల‌లో ఎవ‌రు పెద్ద‌గా రాణించ‌లేదు. వెల్ష్ ఫైర్ బౌల‌ర్ల‌లో ఒర్లా ప్రెండెగాస్ట్ 4 వికెట్ల‌తో చెల‌రేగ‌గా, హెథ‌ర్ గ్ర‌హ‌మ్ 2 వికెట్లు ప‌డగొట్టింది. అనంత‌రం ల‌క్ష్య ఛేద‌న‌లో వెల్ష్‌పైర్ కూడా పూర్తిగా త‌డ‌బ‌డిన‌ప్ప‌టికీ మ‌రో 9 బంతులు మిగిలి ఉండ‌గా 7 వికెట్లు కోల్పోయి విజ‌యాన్ని సాధించింది. అయితే ఒక ద‌శ‌లో వ‌రుస విరామాల్లో వికెట్లు కోల్పోయిన వెల్ష్‌ఫైర్‌ను హెథ‌ర్ గ్రాహం (16 నాటౌట్‌) అజేయంగా నిలిచి జ‌ట్టును గెలిపించింది. ఓపెన‌ర్లు జార్జియా వోల్ (16), సారా బ్రైస్ (16) రాణించారు. మాంచెస్ట‌ర్ బౌల‌ర్ల‌లో సోఫీ ఎసెల్‌స్టోన్ 3 వికెట్లు తీయ‌గా, రెబెక్కా టైస‌న్, మాడీ విల్ల‌ర్స్‌, కేథ‌రిన్ బ్రైస్ త‌లా ఒక వికెట్ తీశారు.కాగా వెల్ష్‌ఫైర్‌కు ఇది ఆరు మ్యాచ్‌ల్లో మూడో విజ‌యం కాగా, మాంచెస్ట‌ర్ సూప‌ర్‌జెయింట్స్‌కు రెండో ప‌రాజ‌యం. 14 పాయింట్ల‌తో మాంచెస్ట‌ర్ జెయింట్స్ మూడో స్థానంలో ఉండ‌గా, వెల్ష్‌ఫైర్ 12 పాయింట్ల‌తో నాలుగో స్థానంలో కొన‌సాగుతోంది.Read: ఇంగ్లండ్ బ్యాటింగ్ కోచ్‌గా ఆసీస్ దిగ్గ‌జం!

పంజాబ్ కింగ్స్ ఆల్‌రౌండ‌ర్ శశాంక్ సింగ్ సంచ‌ల‌న నిర్ణ‌యం తీసుకున్నాడు. 2026-27 దేశ‌వాళీ సీజ‌న్ ప్రారంభానికి ముందు శ‌శాంక్ సింగ్ ఛ‌త్తీస్‌గ‌డ్ నుంచి పాండిచ్చేరికి వెళ్లాల‌ని నిర్ణ‌యించుకున్నాడు. గాయాల‌తో ఇబ్బంది ప‌డుతున్న త‌న‌కు క‌ష్ట‌కాలంలో మ‌ద్ద‌తుగా నిల‌వాల్సిన ఛ‌త్తీస్‌గ‌ఢ్‌ స్టేట్ క్రికెట్ సంఘ్ (సీఎస్‌సీఎస్‌) త‌న‌ను ప‌క్క‌న‌బెట్టింద‌ని, క‌నీసం వివ‌ర‌ణ ఇచ్చుకునే స‌మ‌యం కూడా త‌న‌కు ఇవ్వ‌లేద‌ని శ‌శాంక్ సింగ్ వాపోయాడు. ఇప్ప‌టికే పాండిచ్చేరికి ఆడేందుకు తాను ఛ‌త్తీస్‌గ‌ఢ్ క్రికెట్ బోర్డు నుంచి నో అబ్జ‌క్ష‌న్ స‌ర్టిఫికెట్ (ఎన్‌వోసీ) కూడా తీసుకున్న‌ట్లు 34 ఏళ్ల శ‌శాంక్ పేర్కొన్నాడు. ఒక మీడియాకు ఇచ్చిన ఇంట‌ర్వ్యూలో శ‌శాంక్ సింగ్ మాట్లాడుతూ.. 'అవును నేను ఛ‌త్తీస్‌గ‌ఢ్‌ను వీడుతున్నా. ఇప్ప‌టికే సీఎస్‌సీఎస్ నుంచి ఎన్‌వోసీ కూడా తీసుకున్నా. ఈ సీజ‌న్ నుంచి పాండిచ్చేరికి ఆడ‌బోతున్నా. గ‌త సీజ‌న్‌లో భుజం, చేతి వేలి గాయాల‌తో తీవ్ర ఇబ్బంది ఎదుర్కొన్నా. కానీ ఛ‌త్తీస్‌గ‌ఢ్ స్టేట్ క్రికెట్ సంఘ్ మాత్రం నాకు ఏ ద‌శ‌లోనూ మ‌ద్దతుగా నిల‌బ‌డ‌లేదు. గాయాల నుంచి కోలుకున్నప్పటికీ, ఛత్తీస్‌గఢ్ క్రికెట్ ప్రీమియర్ లీగ్ ఆటగాళ్ల జాబితా నుంచి న‌న్ను అకార‌ణంగా తప్పించారు. అలాగే ప్రీ-సీజన్ శిక్షణా శిబిరం కోసం బెంగళూరు వెళ్లిన జట్టు నుంచి కూడా న‌న్ను తొలగించారు. ఎందుకు నా పేరు తొల‌గించార‌ని అడిగితే బోర్డు నుంచి ఎలాంటి స‌మాధానం రాలేదు. అయితే నేను కేవ‌లం ఐపీఎల్‌ ఫ్రాంచైజీ క్రికెట్ మాత్ర‌మే ఆడేందుకు ఆస‌క్తి చూపుతున్న‌ట్లు వ‌చ్చిన వార్త‌లు కూడా అవాస్త‌వం. అలా అనుకుంటే ఇప్ప‌టిదాకా ఛ‌త్తీస్‌గ‌ఢ్‌కు ఎందుకు ఆడుతాను? 2023-24 సీజ‌న్‌లో బెస్ట్ ఆల్‌రౌండ‌ర్ అవార్డు (లాలా అమ‌ర్‌నాథ్ అవార్డు) ల‌భించిన‌ప్ప‌డు, బీసీసీఐ న‌న్ను ఉత్త‌మ వైట్‌బాల్ ఆల్‌రౌండ‌ర్‌గా ప్ర‌క‌టించిన‌ప్పుడు ఛత్తీస్‌గఢ్ ఈ క్రెడిట్‌ను త‌మ ఖాతాలోకి చేర్చుకున్న విష‌యం మ‌రిచిపోయిందా?’ అని శ‌శాంక్‌ ప్రశ్నించాడు.ఇక దేశ‌వాళీలో ముఖ్యంగా వైట్‌బాల్ క్రికెట్‌లో శ‌శాంక్ సింగ్‌కు మంచి రికార్డు ఉంది. 2024-25 విజ‌య్ హ‌జారే ట్రోఫీలో 450 ప‌రుగులు చేయ‌డంతో పాటు 11 వికెట్లు తీశాడు. ఆ సీజ‌న్‌లో స‌య్య‌ద్ ముస్తాక్ అలీ ట్రోఫీలోనూ ఏడు మ్యాచ్‌ల్లో 188 ర‌న్స్ సాధించాడు. అదే ఫామ్‌ను ఐపీఎల్ 2025 సీజ‌న్‌లోనూ కంటిన్యూ చేశాడు. ఆ సీజ‌న్‌లో పంజాబ్ కింగ్స్ ఫైన‌ల్ చేర‌డంలో శ‌శాంక్ సింగ్ కీల‌క‌పాత్ర పోషించాడు. 350 ప‌రుగులు చేసిన శశాంక్ సింగ్ ఆర్సీబీతో జ‌రిగిన ఫైన‌ల్లో 30 బంతుల్లోనే 61 ప‌రుగుల అజేయ ఇన్నింగ్స్ ఆడాడు. అయితే దేశ‌వాళీ క్రికెట్‌లో మెరుగైన అవ‌కాశాల కోసం 2018లో ముంబై నుంచి త‌న సొంత రాష్ట్రం ఛ‌త్తీస్‌గ‌ఢ్‌కు మారాడు. తాజాగా వివాదాస్ప‌ద రీతిలో ఛ‌త్తీస్‌గ‌ఢ్‌ను వీడిన శ‌శాంక్ సింగ్ పాండిచ్చేరి జ‌ట్టులో చేరడం ద్వారా కెరీర్‌లో కొత్త ప్రారంభాన్ని ఆశిస్తున్న‌ట్లు శ‌శాంక్ సింగ్ తెలిపాడు.Read: 16 ఏళ్లకే ప్రపంచ రికార్డు.. ఎవరీ నీల్‌ పటేల్‌?

టీమిండియా మాజీ క్రికెటర్ వసీం జాఫర్ వైభవ్ సూర్యవంశీపై సంచలన వ్యాఖ్యలు చేశాడు. ఇంగ్లండ్‌తో జరిగిన టీ20 సిరీస్‌లో 15 ఏళ్ల వైభవ్ సూర్యవంశీ పెద్దగా ఆకట్టుకోలేకపోయాడు. అతడికి వచ్చిన హైప్‌ను దృష్టిలో పెట్టుకొని సీనియర్ జట్టుకు ఎంపిక చేయడాన్ని తప్పుబట్టాడు. వైభవ్ చేత అంత త్వరగా అంతర్జాతీయ అరంగేట్రం చేయించాల్సింది కాదని అభిప్రాయపడ్డాడు. కేవలం మీడియా సృష్టించిన హైప్, ప్రజల్లోని ఎమోషన్స్ చూసి సెలెక్టర్లు తొందరపడ్డారని పేర్కొన్నాడు.ఐర్లాండ్‌తో టీ20 సిరీస్‌కు అవకాశం లభించని వైభవ్‌కు ఇంగ్లండ్ పర్యటనలో రెండో టీ20లో అవకాశం దక్కింది. మొదటి మ్యాచ్ ఆడిన సంజు శాంసన్‌ను రెండో మ్యాచ్‌లో పక్కన పెట్టి అతడి స్థానంలో వైభవ్‌కు అవకాశం ఇచ్చారు. అయితే వరుసగా మూడు మ్యాచ్‌ల్లో వైభవ్ కేవలం 14, 13, 15 పరుగులు మాత్రమే చేసి నిరాశపరిచాడు. దీంతో ఐదో టీ20 మ్యాచ్‌లో అతన్ని పక్కన పెట్టి మళ్లీ శాంసన్‌ను జట్టులోకి తీసుకున్నారు. ఈ ప్రయోగాలపై స్పందించిన వసీం జాఫర్.. అసలు శాంసన్ ఫామ్‌లో లేడనే బలమైన నమ్మకం ఉంటే తప్ప ఇలాంటి మార్పులు చేయకూడదని హితవు పలికాడు. సంజు శాంసన్ లాంటి మ్యాచ్ విన్నర్‌కు జట్టులో క్రమబద్ధమైన అవకాశాలు కల్పించాల్సిన అవసరం ఉందని పేర్కొన్నాడు. వైభవ్ సూర్యవంశీ ఇంకా చాలా చిన్న వయస్కుడని, అతనికి ఇంకా చాలా సమయం ఉందని జాఫర్ గుర్తుచేశాడు. అంతర్జాతీయ మ్యాచ్‌లు ఆడే ముందే కేవలం టీమ్‌తో ప్రయాణిస్తూ, వెలుపల నుండి ఆటను గమనిస్తూ అతను ఎంతో నేర్చుకోవచ్చని సూచించాడు. 2026 టీ20 ప్రపంచకప్‌ను టీమిండియా గెలవడంలో కీలకపాత్ర పోషించిన శాంసన్‌ను కేవలం వైభవ్‌ కోసం పక్కనబెట్టి అతడిని బలిపశువును చేయడం సరైన చర్య కాదన్నాడు.కేవలం మీడియాలో వస్తున్న వార్తల ప్రభావంతో కంగారుగా జట్టులోకి తెచ్చి ఒత్తిడి పెంచడం పద్ధతి కాదన్నాడు. తదుపరి జింబాబ్వే టూర్ కోసం వైభవ్‌ను ఎంపిక చేసి, కేవలం ఒకే ఫార్మాట్ ఆడే సంజు శాంసన్‌ను పక్కన పెట్టడం తనను ఎంతగానో ఆశ్చర్యపరిచిందని వసీం జాఫర్ తెలిపాడు.చదవండి: సెమీస్‌ సమరం.. ఎవరి బలమెంత?

సాక్షి, హైదరాబాద్‌: టిజి20 లీగ్‌లో సీవీ మిలింద్‌ ఆల్‌రౌండ్‌ ప్రదర్శనతో చెలరేగడంతో ఖమ్మం ఏసెస్‌ జట్టు మూడో విజయం నమోదు చేసుకుంది. శనివారం ఉప్పల్‌ వేదికగా జరిగిన మ్యాచ్‌లో ఖమ్మం జట్టు 5 వికెట్ల తేడాతో రంగారెడ్డి రైజర్స్‌పై గెలుపొందింది. మొదట రంగారెడ్డి నిర్ణీత 20 ఓవర్లలో 9 వికెట్ల నష్టానికి 147 పరుగులు చేసింది.ఆదిత్య జవ్వాజి (37 బంతుల్లో 43; 1 ఫోర్, 3 సిక్స్‌లు), ప్రకాశ్‌ రెడ్డి (25 బంతుల్లో 36; 5 ఫోర్లు, 1 సిక్స్‌) రాణించారు. ఖమ్మం జట్టు సారథి మిలింద్‌ 34 పరుగులిచ్చి 3 వికెట్లు పడగొట్టాడు. అనంతరం లక్ష్యఛేదనలో 17.1 ఓవర్లలో 5 వికెట్లు కోల్పోయి 150 పరుగులుచేసింది. హిమతేజ (28 బంతుల్లో 45; 4 ఫోర్లు, 3 సిక్స్‌లు), మికిల్‌ జైస్వాల్‌ (22 బంతుల్లో 30; 3 ఫోర్లు), మిలింద్‌ (21 బంతుల్లో 29 నాటౌట్‌; 4 ఫోర్లు) సత్తాచాటడంతో ఖమ్మం సునాయాసంగా గెలుపొందింది. మరో మ్యాచ్‌లో హైదరాబాద్‌ ఈ చాంపియన్స్‌ జట్టు 7 వికెట్ల తేడాతో కరీంనగర్‌ డైమండ్స్‌పై గెలుపొందింది.

12 ఏళ్ల 284 రోజుల వయసులో తొలి రంజీ ట్రోఫీ మ్యాచ్‌... ఈ మైలురాయితోనే అందరి దృష్టినీ ఆకర్షించిన వైభవ్‌ సూర్యవంశీ సరిగ్గా రెండున్నరేళ్ల తర్వాత భారత సీనియర్‌ జట్టు ఆటగాడిగా అంతర్జాతీయ క్రికెట్‌లోకి అడుగు పెట్టాడు. ఈ మధ్య కాలంలో అతను చూపించిన ఎన్నో అద్భుత ప్రదర్శనలు, సంచలన ఇన్నింగ్స్‌లు చర్చనీయాంశంగా నిలిచాయి.తక్కువ వయసుకు సంబంధించి వరుసగా ఎన్నో ఫీట్‌లు నమోదు చేయడం ఒక ఘనత కాగా... వయసుతో సంబంధం లేకుండా అతని విధ్వంసక బ్యాటింగ్‌తో ప్రతీసారి అందరినీ అలరించడం వైభవ్‌ ప్రత్యేకతగా నిలిచింది. అలవోకగా సిక్సర్లు బాదే అతని నైపుణ్యం అందరితో ఔరా అనిపించేలా చేసింది. ఆ్రస్టేలియా అండర్‌–19 జట్టుతో జరిగిన మ్యాచ్‌లో 58 బంతుల్లోనే సెంచరీ సాధించిన (13 ఏళ్ల 187 రోజుల్లో) కొద్ది రోజులకే ఐపీఎల్‌ వేలంలో రాజస్తాన్‌ రాయల్స్‌ రూ.1.10 కోట్లకు అతడిని ఎంచుకుంది.2025 ఐపీఎల్‌లో 14 ఏళ్ల 23 రోజుల వయసులో ఐపీఎల్‌ ఆడిన అత్యంత పిన్న వయస్కుడిగా నిలిచిన వైభవ్‌... తాను ఐపీఎల్‌లో ఆడిన తొలి బంతినే సిక్స్‌గా మలచి రాబోయే రోజులపై సంకేతం ఇచ్చాడు. ఆ తర్వాత తనపై ఉంచిన నమ్మకాన్ని నిలబెట్టుకుంటూ 35 బంతుల్లోనే సెంచరీ బాది సత్తా చూపించాడు.అండర్‌–19 జట్టు సభ్యుడిగా ఇంగ్లండ్‌పై 52 బంతుల్లో సెంచరీ, ఆ తర్వాత ఆసియా కప్‌లో యూఏఈపై 95 బంతుల్లో 171 పరుగులు, విజయ్‌హజారే ట్రోఫీలో 36 బంతుల్లో సెంచరీ, ఇంగ్లండ్‌పై అండర్‌–19 ప్రపంచ కప్‌ ఫైనల్లో 80 బంతుల్లో 15 ఫోర్లు, 15 సిక్స్‌లతో 175, ఇండియా ‘ఎ’ తరఫున శ్రీలంకపై 29 బంతుల్లో 94 పరుగులు... ఇలా వరుసగా వచ్చిన అద్భుత ప్రదర్శనలు అతని స్థాయిని పెంచుతూ వచ్చాయి. ఇక ఐపీఎల్‌–2026లో అతని విశ్వరూపం కనిపించింది. ఏకంగా 237.30 స్ట్రైక్‌రేట్‌తో చేసిన 776 పరుగులు వైభవ్‌ను శిఖరానికి చేర్చాయి. ఇందులో 63 ఫోర్లు, రికార్డు స్థాయిలో 72 సిక్సర్లు ఉండటం విశేషం.ఇక అప్పటినుంచి అతను భారత జట్టుకు ఆడటమే మిగిలింది అని అందరికీ అర్థమైంది. అంచనాలకు అనుగుణంగా అతనికి అవకాశం దక్కాలని అంతా కోరుకున్నారు. ఐర్లాండ్‌తో తొలి రెండు మ్యాచ్‌లకు, ఆ తర్వాత ఇంగ్లండ్‌తో తొలి టి20కి తుది జట్టులో చోటు లభించకపోవడం అభిమానులను తీవ్ర నిరాశకు గురి చేసింది. ఎట్టకేలకు అందరూ ఎంతగానో ఎదురు చూసిన క్షణం శనివారం వచి్చంది. ఈ మ్యాచ్‌లోనూ తనదైన శైలిలో ఆర్చర్‌ బౌలింగ్‌లో ఫైన్‌లెగ్‌ దిశగా, టంగ్‌ బౌలింగ్‌ మిడ్‌వికెట్‌ మీదుగా వైభవ్‌ కొట్టిన రెండు సిక్సర్లు హైలైట్‌గా నిలిచాయి. తొలి మ్యాచ్‌లో భారీ స్కోరు చేయకపోయినా... భారత క్రికెట్‌లో అతని వైభవానికి పునాది పడినట్లే.'ఆర్చర్‌ బౌలింగ్‌లో తాను ఆడిన తొలి బంతినే వైభవ్‌ సిక్స్‌ కొట్టాడు. అతని ‘తొలి బంతి’ బాధితుల జాబితాలో ట్రెంట్‌ బౌల్ట్, ప్యాట్‌ కమిన్స్, లుంగీ ఎన్‌గిడి, జస్‌ప్రీత్‌ బుమ్రాలాంటి స్టార్లు ఉండటం విశేషం.'

‘బ్లాక్‌ సండే’ ఎఫెక్ట్‌తో విచారంలో ఉన్న భారత క్రికెట్‌ అభిమానులకు ఓ శుభవార్త. లాస్‌ ఏంజెలెస్‌ ఒలింపిక్స్‌-2028లో భారత పురుషుల, మహిళల క్రికెట్‌ జట్లు పాల్గొనేందుకు మార్గం సుగమమైనట్లే కనిపిస్తోంది. కాగా దాదాపు శతాబ్దకాలం తర్వాత విశ్వక్రీడల్లో క్రికెట్‌ను చేరుస్తున్నట్లు నిర్వాహకులు ప్రకటించిన సంగతి తెలిసిందే.ఆరు జట్ల చొప్పునఈ క్రమంలో 2028 లాస్‌ ఏంజెలిస్‌ ఒలింపిక్స్‌ సందర్భంగా క్రికెట్‌ రీఎంట్రీ ఇవ్వనుంది. ఈ నేపథ్యంలో జట్ల ఎంపిక, అర్హతకు సంబంధించి అంతర్జాతీయ ఒలింపిక్‌ సంఘం (IOC) తాజాగా విధివిధానాలు రూపొందించినట్లు సమాచారం. టీ20 ఫార్మాట్లో నిర్వహించే ఈవెంట్లో పురుషుల, మహిళల క్రికెట్‌ నుంచి ఆరేసి జట్లు పాల్గొంటాయి.అర్హత ఏమిటి?ఇందులో డిసెంబరు 31, 2026 నాటికి ఉన్న అత్యుత్తమ ర్యాంకింగ్‌ కలిగిన నాలుగు జట్లను (ఖండాల వారీగా) ఎంపిక చేస్తారు. ప్రస్తుతం పురుషుల క్రికెట్‌లో ఇండియా, ఇంగ్లండ్‌, ఆస్ట్రేలియా, సౌతాఫ్రికా అత్యుత్తమంగా మొదటి నాలుగు స్థానాల్లో ఉన్నాయి. కాబట్టి ఈ జట్ల అర్హత లాంఛనమే.ఇక ఆతిథ్య అమెరికా మాత్రం ర్యాంకింగ్స్‌లో కనీసం టాప్‌-15లో ఉంటేనే అర్హత సాధిస్తుంది. మిగిలిన ఒక స్థానం కోసం.. టాప్‌-8లో ఉన్న జట్లు ఫైనల్‌ ఒలింపిక్‌ గ్లోబల్‌ క్వాలిఫికేషన్‌ టోర్నమెంట్లో తలపడతాయి.పురుషుల క్రికెట్‌ సంగతి ఇలా ఉంటే.. మహిళల క్రికెట్‌లో మాత్రం టీ20 ప్రపంచకప్‌-2026లో ప్రదర్శన ఆధారంగా అర్హ త సాధిస్తాయని తెలుస్తోంది. హయ్యస్ట్‌ ర్యాంకింగ్‌ ఉన్న జాతీయ ఒలింపిక్‌ కమిటీల నుంచి నాలుగు జట్లు అర్హత పొందుతాయి. ఆతిథ్య అమెరికా టాప్‌-15 ర్యాంకింగ్స్‌లో ఉంటేనే క్వాలిఫై అవుతుంది. ఇక మరొక్క స్థానం కోసం టాప్‌-8లో ఉన్న జట్లు ఫైనల్‌ ఒలింపిక్‌ గ్లోబల్‌ క్వాలిఫికేషన్‌ టోర్నమెంట్లో తలపడతాయి.బ్లాక్‌ సండేభారత క్రికెట్‌ చరిత్రలో ఆదివారం (జూన్‌ 28, 2026) చేదు జ్ఞాపక​ంగా మిగిలిపోనుంది. పసికూన ఐర్లాండ్‌ చేతిలో టీ20 ప్రపంచకప్‌-2026 చాంపియన్‌ టీమిండియా ఘోర పరాభవం పాలైంది. రెండో టీ20లో ఒక్క పరుగు తేడాతో ఓడి.. సిరీస్‌లో 0-2తో క్లీన్‌స్వీప్‌ అయింది. తొలిసారి ఐరిష్‌ జట్టు చేతిలో ఇంతటి ఘోర అవమానం చవిచూసింది.మరోవైపు.. భారత మహిళల జట్టు ఐసీసీ టీ20 ప్రపంచకప్‌-2026 టోర్నీలో సెమీస్‌ చేరాలంటే తప్పక గెలవాల్సిన మ్యాచ్‌లో.. ఆస్ట్రేలియా చేతిలో ఆరు వికెట్ల తేడాతో ఓటమిపాలైంది. దీంతో టోర్నీ నుంచి నిష్క్రమించింది. కాగా గత పర్యాయంలోనూ భారత్‌ సెమీ ఫైనల్‌ చేరకుండానే ఇంటిబాట పట్టింది. ఈసారి కూడా అదే ఫలితం పునరావృతమైంది.

సాక్షి, హైదరాబాద్‌: గ్రామీణ ప్రాంతాల్లో సరైన అవకాశాలు లేక మరుగున పడిపోతున్న ప్రతిభాపాటవాలను వెలికితీసి, వారికి సరైన శిక్షణనిచ్చి ప్రపంచానికి పరిచయం చేయడమే మా ప్రభుత్వ ప్రధాన లక్ష్యం. భవిష్యత్తులో ఒలింపిక్స్ బరిలో తెలంగాణ క్రీడాకారులు పతకాలు సాధించేలా, అంతర్జాతీయ ప్రమాణాలతో కూడిన సరికొత్త 'స్పోర్ట్స్ యూనివర్సిటీ'ని త్వరలోనే ఏర్పాటు చేయబోతున్నాం" అని రాష్ట్ర ఉపముఖ్యమంత్రి మల్లు భట్టి విక్రమార్క ప్రకటించారు.​ఉప్పల్ స్టేడియం వేదికగా అత్యంత వైభవంగా ప్రారంభమైన 'టీజీ 20 క్రికెట్ లీగ్' మెగా టోర్నమెంట్‌కు డిప్యూటీ సీఎం ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ.. రాష్ట్రంలో క్రీడల అభివృద్ధికి, క్రీడాకారుల ఉజ్వల భవిష్యత్తుకు ఈ లీగ్ ఒక బలమైన పునాది కాబోతోందని ఆశాభావం వ్యక్తం చేశారు.​"గతంలో క్రికెట్ అంటే కేవలం నగరాలకే పరిమితమనే భావన ఉండేది. కానీ, ఆ పరిస్థితులను మారుస్తూ మొదటిసారిగా మా ప్రభుత్వం ప్రతి జిల్లా నుంచి క్రీడాకారుల నైపుణ్యాన్ని గుర్తించింది. జిల్లాల వారీగా జట్లను (టీమ్‌లను) ఎంపిక చేసి గ్రామీణ యువతకు ఈ మెగా వేదికను కల్పించాం. ముఖ్యమంత్రి రేవంత్ రెడ్డి నేతృత్వంలోని ప్రజా ప్రభుత్వం క్రీడలను పెద్దపీట వేస్తూ, క్రీడాకారులను ప్రోత్సహించేందుకు కట్టుబడి ఉంది" అని భట్టి విక్రమార్క తెలిపారు.​గతంలో ప్రపంచ ప్రఖ్యాతి గాంచిన ఫుట్‌బాల్ స్టార్ 'మెస్సి' ఆడిన ఈ ఉప్పల్ స్టేడియం సాక్షిగా.. హైదరాబాద్ నగరంలో ప్రపంచ స్థాయి వసతులు, అన్ని హంగులతో కూడిన స్పోర్ట్స్ యూనివర్సిటీ రాబోతోందని డిప్యూటీ సీఎం వెల్లడించారు. ఒలింపిక్స్ స్థాయి శిక్షణ ఇచ్చేలా తెలంగాణలో ఒక బలమైన క్రీడా వ్యవస్థను నిర్మిస్తున్నట్లు పేర్కొన్నారు.​మొత్తం 21 రోజుల పాటు సాగనున్న ఈ 'టీజీ 20 క్రికెట్' హంగామా.. రాష్ట్రంలోని క్రీడాభిమానులకు ఒక పెద్ద పండుగ వాతావరణాన్ని తీసుకురానుంది. ఈ టోర్నీ విజయవంతం కావడానికి రాష్ట్ర ప్రభుత్వం అన్ని రకాల సహాయ సహకారాలు అందిస్తుందని భట్టి విక్రమార్క స్పష్టం చేశారు.

సాక్షి ప్రతినిధి, కడప: కడప గడపలో క్రికెట్‌ క్రీడాభిమానులకు కన్నుల పండుగ కానుంది. ఆంధ్ర క్రికెట్‌ అసోసియేషన్‌ (ఏసీఏ) ఆధ్వర్యంలో నిర్వహిస్తోన్న ప్రతిష్టాత్మక ‘ఆంధ్ర ప్రీమియర్‌ లీగ్‌ (ఏపీఎల్‌) 2026’ రెండో దశ మ్యాచ్‌లు బుధవారం (జూన్‌ 17) నుంచి తొలిసారిగా జిల్లా కేంద్రంలో ప్రారంభం కానున్నాయి. స్థానిక వైఎస్‌ రాజారెడ్డి క్రికెట్‌ స్టేడియంలో ఐదు రోజుల పాటు మొత్తం 9 మ్యాచ్‌లను నిర్వహించనున్నారు. అంతర్జాతీయ ప్రమాణాలతో నూతనంగా ఏర్పాటు చేసిన ఫ్లడ్‌లైట్స్‌ వెలుగుల్లో ఈ టీ–20 పోరు సాగనుండటంతో జిల్లా వ్యాప్తంగా క్రీడాభిమానులల్లో పండుగ వాతావరణం ఏర్పడింది. రూ.7 కోట్లతో ఆధునిక వసతులు ఏపీఎల్‌ మ్యాచ్‌ల నిర్వహణ కోసం ఏసీఏ ప్రతిష్టాత్మకంగా ఏర్పాట్లు చేసింది. హనుమ విహారి, నితీష్‌ కుమార్‌ రెడ్డి, కేఎస్‌ భరత్‌, రికీ భుయ్‌ వంటి స్టార్‌ ఆటగాళ్లు తమ ప్రతిభను చాటడానికి ఇప్పటికే కడపలో అడుగుపెట్టారు.ఏడు జట్ల హోరాహోరీ.. రోజుకు రెండు మ్యాచ్‌లుఈ టోర్నమెంట్‌లో 7 జట్లు తలపడనున్నాయి. ప్రతి రోజూ రెండు మ్యాచ్‌లు జరగనుండగా, మొదటి మ్యాచ్‌ మధ్యాహ్నం 2:00 గంటలకు, రెండో మ్యాచ్‌ సాయంత్రం 6:00 గంటలకు ప్రారంభం కానున్నాయి. సాయంత్రం మ్యాచ్‌లు ఫ్లడ్‌లైట్ల వెలుతురులో హై–వోల్టేజ్‌ ఎంటర్‌టైన్‌మెంట్‌ను పంచనున్నాయి.ఊరూరా విస్తృత ప్రచారం.. పాఠశాలల ప్లాన్‌!కడపలో ఏపీఎల్‌ నిర్వహణపై ఏసీఏ సోషల్‌ మీడియా ద్వారా విస్తృత ప్రచారం చేపట్టింది. ఈ టోర్నీ కోసం విడుదల చేసిన ప్రత్యేక సాంగ్స్‌ సోషల్‌ మీడియాలో బాగా వైరల్‌ అయ్యాయి. మరోవైపు జిల్లా వ్యాప్తంగా భారీ హోర్డింగ్స్‌, బెలూన్స్‌ ద్వారా ఏపీఎల్‌పై పెద్ద ఎత్తున ప్రచారం కల్పించారు. ప్రైవేటు, రెసిడెన్షియల్‌ పాఠశాలల విద్యార్థులకు ఈ క్రికెట్‌ మ్యాచ్‌లు చూపించాలనుకుంటుండటంతో ఏపీఎల్‌ పండగలా మారింది.చక్కటి వసతులు.. ప్రేక్షకులకు ఉచిత ప్రవేశం!కడపలో మ్యాచ్‌లు వీక్షించేందుకు వచ్చే క్రీడాభిమానులకు స్టేడియంలో ఎటువంటి ఇబ్బందులు కలగకుండా చక్కటి వసతులు సమకూర్చినట్లు ఏసీఏ ఇన్‌ఫ్రాస్ట్రక్షర్‌ డెవెలప్‌మెంట్‌ కమిటీ సభ్యుడు భరత్‌రెడ్డి, జిల్లా క్రికెట్‌ అసోషియేషన్‌ అధ్యక్ష, కార్యదర్శులు మునికుమార్‌రెడ్డి, రెడ్డిప్రసాద్‌లు తెలిపారు.ఆంధ్ర ప్రీమియర్‌ లీగ్‌ 2026 ప్లేఆఫ్స్‌ (టాప్‌–4 స్థానాల) రేసు ప్రస్తుతం చాలా ఆసక్తికరంగా మారింది. లీగ్‌ దశలో ప్రతి జట్టు మొత్తం 6 మ్యాచ్‌లు ఆడాల్సి ఉంటుంది. ఇప్పటివరకు జరిగిన మ్యాచ్‌ల ఆధారంగా ఏడు జట్ల ప్లేఆఫ్స్‌ అర్హత అవకాశాలు క్రింది విధంగా ఉన్నాయి. క్యాపిటల్‌ అమరావతి రాయల్స్‌/భీమవరం బుల్స్‌ ఈ రెండు జట్లు తలా 6 పాయింట్లతో టేబుల్‌లో మొదటి రెండు స్థానాల్లో ఉన్నాయి.అర్హత సమీకరణం: అమరావతి రాయల్స్‌ ఆడిన 3 మ్యాచ్‌లూ గెలిచి అజేయంగా ఉంది. వీరు కడప లెగ్‌లో ఆడబోయే 3 మ్యాచ్‌లలో కేవలం ఒక్క మ్యాచ్‌ గెలిచినా ప్లేఆఫ్స్‌ సీటు ఖరారవుతుంది. భీమవరం బు ల్స్‌ ఒక్క విజయం సాధిస్తే సేఫ్‌ జోన్‌లో ఉంటుంది. కాకినాడ కింగ్స్‌/విజయవాడ సన్‌షైనర్స్‌ ఈ రెండు జట్లు తలా 4 మ్యాచ్‌లు ఆడి, 2 విజయాలతో 4 పాయింట్లు సాధించాయి.అర్హత సమీకరణం: ఈ జట్లకు ఇంకా రెండేసి మ్యాచ్‌లు మిగిలి ఉన్నాయి. ప్లేఆఫ్స్‌ చేరాలంటే కడప దశలో వీరు ఆడబోయే రెండు మ్యాచ్‌లలో కనీసం ఒకటైనా భారీ రన్‌ రేట్‌తో గెలవాల్సి ఉంటుంది. ఒకవేళ రెండూ గెలిస్తే ఎలాంటి సమీకరణాలతో పనిలేకుండా నేరుగా క్వాలిఫై అవుతారు. సింహాద్రి వైజాగ్‌ లయన్స్‌/తుంగభద్ర వారియర్స్‌ ఈ రెండు జట్లు కేవలం ఒక్కో విజయం (2 పాయింట్లు)తో ఐదు, ఆరో స్థానాల్లో ఉన్నాయి.అర్హత సమీకరణం: వీరికింకా మూడు మ్యాచ్‌లు మిగిలి ఉన్నాయి. రేసులో నిలవాలంటే కడప గడ్డపై ఆడబోయే 3 మ్యాచ్‌లలో కనీసం 2 మ్యాచ్‌లు కచ్చితంగా గెలవాలి. నెట్‌ రన్‌ రేట్‌ చాలా మైనస్‌లో ఉన్నందున భారీ విజయాలు అవసరం.రాయల్స్‌ ఆఫ్‌ రాయలసీమఆడిన 3 మ్యాచ్‌లలోనూ ఓడిపోయి సున్నా పాయింట్లతో పట్టికలో ఆఖరి స్థానంలో నిలిచింది.అర్హత సమీకరణం: రాయలసీమ జట్టు ప్లేఆఫ్స్‌ చేరాలంటే ఇకపై అద్భుతం జరగాలి. కడపలో వారు ఆడబోయే మిగిలిన 3 మ్యాచ్‌లలోనూ భారీ తేడాతో విజయం సాధించడంతో పాటు, విజయవాడ, కాకినాడ జట్లు తమ మిగిలిన మ్యాచ్‌లలో ఓడిపోవాలని ప్రార్థించాలి.కెప్టెన్‌: నితీష్‌ కుమార్‌ రెడ్డి..ప్రధాన ఆటగాళ్లు: పి.వి.సత్యనారాయణ రాజు, హేమంత్‌ రెడ్డి, రేవంత్‌ రెడ్డి కల్లూరు, టి.వి.సాయి శ్రవణ్‌, మునీష్‌ వర్మ భూపతిరాజు, బైలపూడి యశ్వంత్‌, ధీరజ్‌ కుమార్‌ మైచర్ల, భువనేశ్వర్‌ రావు, రవికిరణ్‌ మోపాడ, వంశీ కృష్ణ తన్నేరు, గిరీష్‌ కుమార్‌ రెడ్డి, సతీష్‌ నోదగాల.కెప్టెన్‌ : అశ్విన్‌ హెబ్బార్‌ప్రధాన ఆటగాళ్లు: జి. సాయి వెంకట సుమిత్‌, జహీర్‌ అబ్బాస్‌, ఎమ్‌.అభినవ్‌, ఎ.లలిత్‌ మోహన్‌, తేజస్వి పిన్నింటి, విజయ్‌ ఆకుల.కెప్టెన్‌: కె.ఎస్‌.భరత్‌ప్రధాన ఆటగాళ్లు: పిన్నింటి తప స్వి, గొలమారు మనీష్‌, మిత్తా లేఖాజ్‌ రెడ్డి, కె.పి.సాయి రాహు ల్‌, మిద్దె అంజనేయులు, కె.సుదర్శన్‌, షేక్‌ కమరుద్దీన్‌, అభిషేక్‌ ఎమ్‌. రెడ్డి.కెప్టెన్‌: షేక్‌ రషీద్‌ప్రధాన ఆటగాళ్లు: జె. సాకేత్‌ రామ్‌, ఎస్‌.ధ్రువ కుమార్‌ రెడ్డి, తేజ రెడ్డి ఎర్రగుడి, సాయి పూర్ణ తేజ గరిమెళ్ల, వంశీ కృష్ణ మామిడి, వాసు యెడ్ల, ఎన్‌. మాధవ్‌.

కిటికీ అంచున వేలాడుతూ ఓ పసిప్రాణం.. తొమ్మిది నిమిషాల పాటు కొనసాగిన ఉత్కంఠ.. ఇక కిందపడిపోతుందనుకుని అంతా కళ్లు మూసుకున్న టైంలో.. అనూహ్యంగా ఓ భారతీయుడు ఆమె ప్రాణం కాపాడాడు. లండన్‌లో జరిగిన ఈ ఉత్కంఠభరిత ఘటనకు సంబంధించిన వీడియో ఇప్పుడు సోషల్‌ మీడియాలో వైరల్‌గా మారింది.తూర్పు లండన్‌లోని ఇల్‌ఫోర్డ్‌ హైరోడ్‌ ప్రాంతంలో మంగళవారం మద్యాహ్నా సమయంలో.. ఓ భవనం కిటికీ అంచుపై మూడేళ్ల చిన్నారి ప్రమాదకరంగా వేలాడుతూ కనిపించింది. ఆమె ఎప్పుడు కిందపడిపోతుందోనన్న భయంతో స్థానికులు ఆందోళన చెందారు. వెంటనే అక్కడికి చేరుకున్న పోలీసు అధికారి, స్థానిక రెస్టారెంట్‌ మేనేజర్‌ మొహమ్మద్‌ జెసిల్‌ చిన్నారిని రక్షించేందుకు ప్రయత్నించారు.చిన్నారి పట్టును కోల్పోతున్న సమయంలో ఓ వ్యక్తి నిచ్చెన తీసుకొచ్చి సహాయం చేశాడు. అయితే పరిస్థితి అదుపు తప్పడంతో చిన్నారి కిందకు జారిపోయింది. అదే సమయంలో అప్రమత్తంగా ఉన్న జెసిల్‌ అనే భారతీయ వ్యక్తి.. ఆమెను అద్భుతంగా అందుకుని ప్రాణాలు కాపాడాడు. పక్కనే ఉన్న పోలీసు అధికారి కూడా అతడికి సహకరించడంతో ప్రమాదం తప్పింది. దీంతో అక్కడున్న వారంతా ఊపిరి పీల్చుకున్నారు.ఈ ఘటనపై స్పందించిన జెసిల్‌.. తాను భారతదేశంలో క్రికెట్‌ ఆడిన అనుభవమే ఆ సమయంలో ఉపయోగపడిందని చెప్పారు. "ఆ క్షణంలో ఎక్కువగా ఆలోచించలేదు. ఓ తండ్రిగా అలా ముందుకు వెళ్లాను. క్రికెట్‌ ఆడిన అనుభవం వల్ల క్యాచ్‌పై దృష్టి పెట్టగలిగాను" అని తెలిపారు. ఇక చిన్నారి తండ్రి స్పందిస్తూ.. తన కుమార్తెను కాపాడిన జెసిల్‌, పోలీసు అధికారిని నిజమైన హీరోలుగా అభివర్ణించారు. ప్రమాదంలో చిన్నారికి ఎలాంటి గాయాలు కాలేదని.. ఆమె తిరిగి పాఠశాలకు కూడా వెళ్లిందని తెలిపారు.లండన్‌ మెట్రోపాలిటన్‌ పోలీసులు వెల్లడించిన వివరాల ప్రకారం, తక్కువ టైంలోనే రెస్క్యూ ఆపరేషన్‌ ముగిందని ప్రకటించారు. మనోడు పాల్గొన్న ఈ రెస్క్యూ ఆపరేషన్‌ ఇప్పుడు సోషల్‌ మీడియాలో వైరల్‌ అవుతోంది. ఆ వీడియో మీరూ చూసేయండి.. A tense situation in Ilford today ended safely after a young child was found in danger at a window and was quickly rescued through the combined efforts of a police officer and a member of the public. pic.twitter.com/4fmasluJj3— Harry Sawyer (@HSawyer11526) June 11, 2026

యాదగిరిగుట్ట: భారత్‌ అండర్‌ –19 క్రికెట్‌ జట్టుకు రాజాపేట మండల కేంద్రానికి చెందిన యువకుడు ఉట్కూరి యష్‌వీర్‌గౌడ్‌ ఎంపికయ్యాడు. జూలై 1వ తేదీ నుంచి శ్రీలంకతో జరిగే మూడు వన్‌డేల సిరీస్‌కు భారత్‌ అండర్‌ 19 క్రికెట్‌ టీమ్‌ను బీసీసీఐ గురువారం ప్రకటించింది. ఈ జట్టులో యష్‌వీర్‌గౌడ్‌ ఉన్నాడు.యష్‌వీర్‌గౌడ్‌ ప్రస్తుతం తన కుటుంబ సభ్యులతో కలిసి అంబర్‌పేట్‌లో ఉంటున్నాడు. రెండేళ్లుగా అండర్‌ –19 హైదరాబాద్‌ టీమ్‌లో ఆయన ఆడుతున్నాడు. ఇటీవల కాలంలో బెంగళూర్‌లో బీసీసీఐ ఇచ్చిన శిక్షణలో పాల్గొని ఆకర్షించాడు. దీంతో బీసీసీఐ యష్‌వీర్‌గౌడ్‌ను శ్రీలంకతో జరిగే మూడు వన్‌డేల సిరీస్‌కు బౌలింగ్‌ ఆల్‌రౌండర్‌గా ఎంపిక చేసింది.మరో రెండు రోజుల్లో భారత్‌ అండర్‌–19 జట్టుతో కలిసి బెంగళూర్‌ నుంచి శ్రీలంక పర్యటనకు వెళ్లనున్నట్లు ఆయన తల్లిదండ్రులు ఉట్కూరి రాజ్‌కుమార్, వాణి, బాబాయ్‌ దీపక్‌కుమార్‌ గురువారం సాక్షికి తెలిపారు. భారత్‌ అండర్‌–19 జట్టుకు యష్‌వీర్‌ గౌడ్‌ ఎంపిక కావడం రాజాపేటకే కాదు, తెలంగాణకే గర్వకారణమని కుటుంబ సభ్యులు సంతోషం వ్యక్తం చేశారు.

15 ఏళ్ల వయసులోనే ఐపీఎల్ 2026లో అద్భుత ప్రదర్శన కనపరిచి.. అందరినీ ఆకట్టుకున్న వైభవ్ సూర్యవంశీ గురించి ప్రత్యేకంగా పరిచయం అవసరం లేదు. అయితే.. ఇతడు ఐపీఎల్‌ కాంట్రాక్టులు, ఎండార్స్‌మెంట్స్, స్పాన్సర్‌షిప్‌ డీల్స్‌ ద్వారా సుమారు రూ.7 కోట్ల వరకు ఆర్జించినట్లు సమాచారం. ఇంత చిన్న వయసులో అతనకి వస్తున్న భారీ ఆదాయానికి పన్నులు ఎవరు కట్టాలి? అనేది చాలామంది తెలుసుకోవాల్సిన ప్రశ్న. దీనికి సమాధానం ఈ కథనంలో తెలుసుకుందాం.ఆదాయపు పన్ను చట్టం ప్రకారం.. మైనర్ పిల్లల (18 సంవత్సరాల కంటే తక్కువ వయసున్నవారు) ఆదాయానికి డైరెక్ట్ ట్యాక్స్ అంటూ ఉండదు. కాబట్టి.. వీరి ఆదాయాన్ని తల్లిదండ్రుల ఆదాయంగానే పరిగణిస్తారు. పిల్లలు సంపాదించినప్పటికీ.. దానికి సంబంధించిన ట్యాక్స్ తల్లిదండ్రులు చెల్లించాలన్నమాట.సెక్షన్ 99 ప్రకారం (మునుపటి సెక్షన్ 64(1A) స్థానంలో), మైనర్ ఆదాయం.. తల్లిదండ్రులలో ఎవరి మొత్తం ఆదాయం ఎక్కువగా ఉంటుందో, వారి ఆదాయంతో కలిపి లెక్కిస్తారు. తల్లిదండ్రులు విడిపోయిన సందర్భంలో.. పిల్లలను చూసుకునే తల్లి లేదా దండ్రి ఆదాయంలో అది కలుస్తుంది. దీంతో పిల్లల పేరుతో పెట్టుబడులు పెట్టినా, వాటి ద్వారా వచ్చిన వడ్డీ లేదా ఇతర లాభాలు సాధారణంగా తల్లిదండ్రుల పన్ను పరిధిలోకి వస్తాయి.అయితే.. ఈ నియమానికి ఒక ముఖ్యమైన మినహాయింపు ఉంది. పిల్లలు తన సొంత ప్రతిభ, నైపుణ్యం, కృషి లేదా ప్రత్యేక జ్ఞానం ద్వారా సంపాదిస్తే, ఆ ఆదాయం తల్లిదండ్రుల ఆదాయంలో కలపరు. ఈ కారణం చేతనే.. వైభవ్ సూర్యవంశీ వంటి క్రీడాకారుల ఆదాయానికి నేరుగా వారి పేరుతోనే పన్ను విధించడం జరుగుతుంది.ఇదీ చదవండి: బంగారం పెట్టుబడులపై ఆంక్షలు.. HDFC కీలక నిర్ణయం!ఈ నిబంధన కేవలం క్రీడాకారులకు మాత్రమే కాకుండా.. యూట్యూబర్లు, సోషల్ మీడియా క్రియేటర్లు, బాల నటులు, ఈస్పోర్ట్స్ ప్లేయర్లకు కూడా వర్తిస్తుంది. పిల్ల తన సొంత ప్రతిభతో సంపాదిస్తే.. ఆ ఆదాయం అతని లేదా ఆమె పేరుతోనే పన్ను విధించడం జరుగుతుంది. పిల్లల 18 సంవత్సరాలు పూర్తయితే నియమాలు మారిపోతాయి. అప్పుడు అతను లేదా ఆమె స్వతంత్రంగా పన్ను చెల్లింపుదారుడిగా మారి, తన ఆదాయానికి తానే బాధ్యత వహించాలి.

విరాట్ కోహ్లీ ఐపీఎల్ ఫైనల్‌లో మరోసారి తన స్థిరమైన ఆటతీరుతో అద్భుత ప్రదర్శన చేశారు. 42 బంతుల్లో 75 పరుగులు (నాటౌట్) చేసి ఆర్‌సీబీ విజయానికి కీలక పాత్ర పోషించారు. అతని ఆట శైలి కేవలం భారీ షాట్లపై కాకుండా, సరైన టెక్నిక్, సహనం, క్రమశిక్షణపై ఆధారపడుతుందని అతని కోచ్ వ్యాఖ్యానించారు. కోహ్లీ అంటే కేవలం క్రికెట్ మాత్రమే కాదు. ఆయన కెరీర్ క్రీడల్లో మాత్రమే కాకుండా.. ముఖ్యంగా పెట్టుబడుల విషయంలో కూడా విలువైన పాఠాలు నేర్పుతుంది. ఈ కథనంలో ఆ విషయాలను వివరంగా తెలుసుకుందాం.➤ఒకటి.. కోహ్లీ విజయానికి కారణం అతని స్థిరత్వం, క్రమశిక్షణ. ఒక్క అద్భుతమైన ఇన్నింగ్స్ కాదు, సంవత్సరాల తరబడి నిరంతర ప్రదర్శనే అతన్ని గొప్ప ఆటగాడిగా నిలబెట్టింది. అదే విధంగా.. పెట్టుబడుల్లో కూడా ఒకేసారి పెద్ద లాభాలు ఆశించడం కంటే, సిస్టమాటిక్ ఇన్వెస్ట్‌మెంట్ (SIP) వంటి విధానంతో నిరంతరంగా పెట్టుబడి పెట్టడం ఎక్కువ లాభాన్ని ఇస్తుంది.➤రెండవది, తక్కువ వయస్సులోనే ప్రారంభించడం. కోహ్లీ 19 ఏళ్ల వయస్సులోనే ఐపీఎల్‌లో ప్రవేశించారు. ఇది అతనికి అనుభవం, తప్పిదాల నుంచి నేర్చుకునే అవకాశం కల్పించింది. పెట్టుబడుల్లో కూడా ముందుగా ప్రారంభిస్తే చక్రవడ్డీ ద్వారా ఎక్కువ సంపద సృష్టించుకోవచ్చు.➤మూడవది, డైవర్సిఫికేషన్ (పెట్టుబడుల విభజన). కోహ్లీ కేవలం ఒక రంగంలోనే కాకుండా స్పోర్ట్స్, టెక్, రియల్ ఎస్టేట్ వంటి అనేక రంగాల్లో పెట్టుబడులు పెట్టాడు. అలాగే పెట్టుబడిదారులు కూడా షేర్లు, బాండ్లు, బంగారం వంటి విభిన్న ఆస్తుల్లో పెట్టుబడి పెట్టాలి.➤నాలుగవది, ఒత్తిడిలో కూడా ప్రశాంతంగా ఉండడం. క్రికెట్‌లో ఒత్తిడి పరిస్థితుల్లో కూడా కోహ్లీ స్థిరంగా ఆడతాడు. అలాగే మార్కెట్ పతనాలు వచ్చినప్పుడు భయపడకుండా దీర్ఘకాల లక్ష్యాలపై దృష్టి పెట్టాలి.➤చివరగా.. వయస్సు, అవసరాల ప్రకారం వ్యూహం మార్చుకోవడం. కోహ్లీ ఇప్పుడు కొన్ని ఫార్మాట్లకు మాత్రమే ఆడుతున్నాడు. అలాగే పెట్టుబడిదారులు కూడా రిటైర్మెంట్ దగ్గరపడే కొద్దీ రిస్క్ తగ్గించి సురక్షిత పెట్టుబడులపై దృష్టి పెట్టాలి.Note: పెట్టుబడుల విషయంలో ప్రతి ఒక్కరు జాగ్రత్తగా ఉండాలి. అవసరమైతే నిపుణుల సలహా తీసుకోవాలి. ఇన్వెస్ట్‌మెంట్ విషయంలో సరైన నిర్ణయం తీసుకోకపోతే ఆర్థికంగా ఇబ్బందులు ఎదుర్కోవాల్సి వస్తుంది. తప్పకుండా ఈ విషయాన్ని గుర్తుంచుకోవాలి.ఇదీ చదవండి: జాబ్ అంత ఈజీ కాదు.. అమెజాన్ మాజీ ఉద్యోగి ఆవేదన!

ఆస్ట్రేలియాతో జ‌రుగుతున్న వ‌న్డే సిరీస్‌లో పాకిస్తాన్ శుభారంభం చేసింది. శ‌నివారం రావ‌ల్పిండి వేదిక‌గా తొలి వ‌న్డేలో పాకిస్తాన్ 5 వికెట్ల తేడాతో విజ‌యం సాధించి 1000వ వ‌న్డేను మ‌ధురానుభూతిగా మ‌ల్చుకుంది. మ్యాచ్‌లో హాఫ్ సెంచ‌రీతో మెరిసిన బాబ‌ర్ ఆజంకు అవ‌మానం జ‌రిగింది. పాక్ వెయ్యి వ‌న్డేలు పూర్తి చేసుకున్న క్ర‌మంలో ఆ జ‌ట్టు మాజీ క్రికెట‌ర్ మ‌హ్మ‌ద్ యూస‌ఫ్ జ‌ట్టులో ఉండే నాలుగు స్లాట్లకు (బ్యాట‌ర్‌, బౌల‌ర్‌, ఆల్‌రౌండ‌ర్‌, వికెట్ కీప‌ర్‌) సంబంధించి అత్యుత్త‌మ ఆట‌గాళ్ల‌ను ఎంపిక చేశాడు. ఈ జాబితాలో బాబ‌ర్ ఆజంకు చోటు ద‌క్క‌లేదు. 1992 వ‌న్డే వ‌ర‌ల్డ్‌క‌ప్ సాధించిన పాక్ జ‌ట్టుకు నాయ‌క‌త్వం వ‌హించిన ఇమ్రాన్‌ఖాన్‌ను కెప్టెన్‌, ఆల్‌రౌండ‌ర్ స్లాట్‌కు ఎంపిక చేశాడు. ఇక బ్యాట‌ర్‌గా బాబ‌ర్ ఆజం కాకుండా స‌యీద్ అన్వ‌ర్‌ను ఎంపిక చేశాడు. వికెట్ కీప‌ర్‌గా ర‌షీద్ ల‌తీఫ్‌ను, ఫాస్ట్ బౌల‌ర్ కోటాలో వ‌సీమ్ అక్ర‌మ్‌ను, స్పిన్న‌ర్ కోటాలో స‌క్లెయిన్ ముస్తాక్‌ను ఎంపిక చేశాడు. ఇక మ్యాచ్ విష‌యానికొస్తే తొలుత బ్యాటింగ్ చేసిన ఆస్ట్రేలియా 44.1 ఓవ‌ర్ల‌లో 200 ప‌రుగుల‌కు ఆలౌటైంది. మాట్ రెన్‌షా (61), మాథ్యూ షార్ట్ (55) అర్థ‌సెంచ‌రీలు సాధించారు. అరాఫ‌త్ మిన్హాస్ 5 వికెట్లు ప‌డ‌గొట్ట‌గా, అబ్రార్ అహ్మ‌ద్ 2 వికెట్లు తీశాడు. అనంత‌రం పాకిస్తాన్ 42.3 ఓవ‌ర్ల‌లో 5 వికెట్లు కోల్పోయి 202 ప‌రుగులు చేసి విజ‌యాన్ని అందుకుంది. బాబ‌ర్ ఆజం (69), గాజీ గోరి (65) హాఫ్ సెంచ‌రీల‌తో జ‌ట్టును గెలిపించారు. ఆసీస్ బౌల‌ర్ల‌లో నాథన్ ఎల్లిస్ 2 వికెట్లు తీయ‌గా, మాథ్యూ కునెమ‌న్‌, త‌న్వీర్ సంగా, మార్న‌స్ ల‌బుషేన్ త‌లా ఒక వికెట్ తీశారు.చదవండి: ఐపీఎల్ ఫైన‌ల్లో వైభ‌వ్ సూర్య‌వంశీ!

ఐపీఎల్‌ కెప్టెన్సీ నుంచి తప్పుకున్న పంత్‌ బాటలో ముంబై సారథి హార్దిక్‌ పాండ్యా కూడా నాయకత్వానికి గుడ్‌బై చెప్పే సూచనలు కనిపిస్తున్నాయి. ‘మానసికంగా తీవ్రంగా అలసిపోయిన’ హార్దిక్‌ ఈ బాధ్యతల బరువునుంచి తప్పించుకోవాలని భావిస్తున్నట్లు సమాచారం.లక్నో తరహాలోనే ముంబై కూడా 4 మ్యాచ్‌ల్లో గెలిచి, 10 మ్యాచ్‌ల్లో ఓడింది. అయితే స్వల్పంగా మెరుగైన రన్‌రేట్‌ ఉండటంతో 9వ స్థానంతో ముగించింది. ముంబై ‘ప్లే ఆఫ్స్‌’ అవకాశాలు కోల్పోయిన రోజే తాను కెప్టెన్సీ వదిలేయాలని భావిస్తున్న విషయాన్ని హార్దిక్‌ టీమ్‌ యాజమాన్యంతో చర్చించినట్లు తెలుస్తోంది. ఈ సీజన్‌లో 10 మ్యాచ్‌లు ఆడిన పాండ్యా గాయం కారణంగా 4 మ్యాచ్‌లకు దూరమయ్యాడు. అతని సారథ్యంలో 2024లో చివరి స్థానంలో నిలిచిన ముంబై... గత ఏడాది ‘ప్లే ఆఫ్స్‌’కు అర్హత సాధించి మూడో స్థానంతో ముగించింది.

చెమ్స్‌ఫోర్డ్‌: టి20 వరల్డ్‌ కప్‌కు ముందు సన్నాహకంగా ఇంగ్లండ్‌తోనే 3 టి20 మ్యాచ్‌ల సిరీస్‌కు భారత మహిళల జట్టు సిద్ధమైంది. నేడు జరిగే తొలి మ్యాచ్‌లో ఇంగ్లండ్‌తో హర్మన్‌ప్రీత్‌ కౌర్‌ బృందం తలపడుతుంది.ప్రస్తుతం వన్డే వరల్డ్‌ చాంపియన్‌ అయిన మన జట్టు టి20ల్లో కూడా సత్తా చాటాలని పట్టుదలగా ఉన్న నేపథ్యంలో ఇంగ్లండ్‌ గడ్డపై మ్యాచ్‌ ప్రాక్టీస్‌ కీలకం కానుంది. ఏడాది క్రితం ఇక్కడే ఇంగ్లండ్‌పై భారత్‌ టి20 సిరీస్‌ నెగ్గింది. ప్రస్తుతం అంతర్జాతీయ టి20ల్లో అత్యధిక పరుగుల జాబితాలో రెండో స్థానంలో ఉన్న స్మృతి మంధానతో పాటు షఫాలీ వర్మ, జెమీమా, రిచా దూకుడుగా ఆడటంపై జట్టు విజయావకాశాలు ఉన్నాయి.బౌలింగ్‌లో రేణుకా సింగ్, క్రాంతి, అరుంధతి రూపంలో ముగ్గురు పేసర్లు ఉండగా, శ్రీచరణిపై స్పిన్‌ భారం నిలిచింది. కెపె్టన్‌ చార్లీ డీన్‌తో పాటు సీనియర్లు సోఫియా డంక్లీ, హీతర్‌ నైట్, ఎమీ జోన్స్, సోఫీ ఎకెల్‌స్టోన్‌ల ప్రదర్శనపై ఇంగ్లండ్‌ ఆధారపడుతోంది. మరో 9 పరుగులు సాధిస్తే హర్మన్‌ప్రీత్‌ అంతర్జాతీయ టి20ల్లో 4 వేల పరుగులు పూర్తి చేసుకుంటుంది.

ఐపీఎల్ చివరకొచ్చేసింది. ఫ్లే ఆఫ్ మ్యాచుల్లో ఎవరు గెలుస్తారు? ఫైనల్స్‌కి ఎవరొస్తారనే టెన్షన్ క్రికెట్ అభిమానుల్లో గట్టిగా ఉంది. ఇప్పుడు సదరు క్రికెట్ ప్రేమికుల కోసమా అన్నట్లు దిగ్గజ సచిన్ టెండూల్కర్ బయోపిక్‌ని ఓటీటీలో తెలుగులోనూ స్ట్రీమింగ్ చేసేందుకు సిద్ధమైపోయారు. ఈ మేరకు అధికారిక ప్రకటన కూడా చేశారు. ఇంతకీ ఈ మూవీ సంగతేంటి? ఎందులోకి రానుంది?(ఇదీ చదవండి: కళ్లు తెరిపించే కోర్ట్ రూమ్ సినిమా.. ఓటీటీ తెలుగు రివ్యూ)సచిన్ టెండూల్కర్ జీవితం, క్రికెట్ జర్నీ ఆధారంగా తీసిన డాక్యుమెంటరీ 'సచిన్ : ఏ బిలియన్ డ్రీమ్స్'. 2017లో థియేటర్లలో రిలీజైన ఇది ప్రపంచవ్యాప్తంగా క్రికెట్ అభిమానుల్ని ఆకట్టుకుంటుంది. జేమ్స్ ఎర్స్కిన్ దర్శకత్వం వహించిన ఈ డాక్యుమెంటరీలో సచిన్ క్రీడా జర్నీతో పాటు 2011లో టీమిండియా వన్డే వరల్డ్ కప్ సాధించిన క్షణాలు, క్రికెట్ గాడ్ స్పీచ్, రేర్ వీడియోస్, మ్యాచ్ ఫుటేజ్‌తో పాటు భారతీయ క్రికెట్ చరిత్రలోని కీలక ఘట్టాలను ఇందులో చూపించారు.ఇదివరకే హిందీ వెర్షన్ అమెజాన్ ప్రైమ్, ఆపిల్ టీవీ ఓటీటీల్లో అందుబాటులో ఉండగా.. ఇప్పుడు తెలుగు, తమిళ వెర్షన్లని ఆహా ఓటీటీలోకి తీసుకురానున్నారు. గురువారం(మే 28) నుంచి తెలుగులో, శుక్రవారం(మే 29) నుంచి తమిళంలో స్ట్రీమింగ్ చేయబోతున్నారు.(ఇదీ చదవండి: ఓటీటీలోకి వచ్చిన తెలుగు సినిమా.. ఏడాదిన్నరకు స్ట్రీమింగ్)

ఐపీఎల్ (IPL) సీజన్‌ను ఆసరాగా చేసుకుని భారతీయ క్రికెట్ అభిమానులను పెద్ద ఎత్తున ముంచేస్తున్న ఒక భారీ అక్రమ బెట్టింగ్ నెట్‌వర్క్‌ను ప్రముఖ సైబర్ ఇంటెలిజెన్స్ సంస్థ 'క్లౌడ్‌సెక్' (CloudSEK) బట్టబయలు చేసింది. క్లోన్-స్క్రిప్ట్ ప్లాట్‌ఫారమ్‌లు, ఆర్టిఫిషియల్ ఇంటెలిజెన్స్ (AI) డీప్‌ఫేక్స్, హ్యాక్ చేసిన ప్రభుత్వ వెబ్‌సైట్లు, మనీ లాండరింగ్ నెట్‌వర్క్‌ల సహాయంతో ఈ ముఠా ఇంతటి భారీ దోపిడీకి పాల్పడుతున్నట్లు సంస్థ తన తాజా పరిశోధనలో వెల్లడించింది.గత వారమే ఐపీఎల్ వీక్షకులను లక్ష్యంగా చేసుకుని నడుస్తున్న నకిలీ స్ట్రీమింగ్ ప్లాట్‌ఫారమ్‌లను గుర్తించిన క్లౌడ్‌సెక్, తాజాగా ఈ అక్రమ బెట్టింగ్ ఎకానమీ వెనుక ఉన్న చీకటి ప్రపంచాన్ని పూర్తిగా మ్యాప్ చేసింది.పరిశోధనలో తేలిన దిగ్భ్రాంతికర నిజాలు1,200కు పైగా నకిలీ డొమైన్లు: ప్రస్తుత ఐపీఎల్ సీజన్‌లో అక్రమ బెట్టింగ్ ప్లాట్‌ఫారమ్‌లను ప్రోత్సహించడానికి 1,200 కంటే ఎక్కువ వెబ్‌సైట్ డొమైన్లు యాక్టివ్‌గా పనిచేస్తున్నట్లు క్లౌడ్‌సెక్ గుర్తించింది.ఒక్క బ్యాకెండ్.. 25 వెబ్‌సైట్లు: పరిశోధకులు ఒక అక్రమ ప్లాట్‌ఫారమ్ అడ్మిన్ ప్యానెల్‌ను యాక్సెస్ చేయగా, కేవలం ఒకే ఒక్క బ్యాకెండ్ సిస్టమ్ నుండి 25కు పైగా వేర్వేరు బెట్టింగ్ వెబ్‌సైట్లను నడుపుతున్నట్లు తేలింది. దీని ద్వారా యూజర్ల డిపాజిట్లు, బెట్టింగులు, విత్‌డ్రా రిక్వెస్ట్‌లను నిందితులు పూర్తిగా నియంత్రిస్తున్నారు.రూ. 4.65 కోట్ల విత్‌డ్రా నిరాకరణ: మే 2025 నుండి మే 2026 మధ్య కాలంలో, ఈ ఒక్క ప్లాట్‌ఫారమ్‌లోనే వినియోగదారులు చేసుకున్న 9,300 లకు పైగా డబ్బు విత్‌డ్రా రిక్వెస్ట్‌లను ఏజెంట్లు ఉద్దేశపూర్వకంగా తిరస్కరించారు. ఇది సాంకేతిక లోపం కాదు, కేవలం ఒకే ఒక్క క్లిక్‌తో యూజర్ల సొమ్మును నొక్కేసే ప్రక్రియ. దీని విలువ సుమారు రూ.4.65 కోట్లు ఉంటుందని అంచనా.మనీ మ్యూల్ నెట్‌వర్క్: నిందితులు బిజినెస్ పేరుతో రిజిస్టర్ అయిన కొన్ని బ్యాంక్ ఖాతాలను ఉపయోగిస్తున్నారు. యూజర్లు డిపాజిట్ చేసే డబ్బును ఈ ఖాతాల ద్వారా ఇతర చోట్లకు మళ్లించి, అసలు సూత్రధారులు ఎవరో దొరకకుండా జాగ్రత్తపడుతున్నారు.క్రికెటర్ల పేరిట డీప్‌ఫేక్ వీడియోలు: భారతీయ క్రికెటర్లు, ప్రముఖ కంటెంట్ క్రియేటర్ల ముఖాలను, వాయిస్‌లను ఏఐ (AI) డీప్‌ఫేక్ టూల్స్ ద్వారా క్లోన్ చేసి.. వారు ఈ బెట్టింగ్ యాప్స్‌ను ప్రమోట్ చేస్తున్నట్లు నకిలీ వీడియోలను సృష్టిస్తున్నారు. వీటిని ఇన్‌స్టాగ్రామ్ రీల్స్, టెలిగ్రామ్ ఛానల్స్‌లో విపరీతంగా ప్రచారం చేస్తున్నారు.ప్రభుత్వ వెబ్‌సైట్ల హ్యాకింగ్: ప్రజల్లో నమ్మకాన్ని చూరగొనడానికి పలు భారతీయ ప్రభుత్వ అధికారిక వెబ్‌సైట్లను (.gov.in) కూడా హ్యాక్ చేసి, వాటిలో ఈ అక్రమ బెట్టింగ్ లింకులను (Backlinks) చొప్పించారు. గూగుల్ సెర్చ్‌లో ప్రభుత్వ సైట్లకు ఉండే గుర్తింపును వాడుకుని యూజర్లను బురిడీ కొట్టిస్తున్నారు.ఐపీఎల్ బెట్టింగ్ వ్యసనంలో పడి సామాన్యులు భారీగా నష్టపోవడమే కాకుండా, ఆ తర్వాత వారిని టార్గెట్ చేస్తూ నకిలీ లోన్ యాప్‌ల ద్వారా కూడా వేధింపులకు గురిచేస్తున్నట్లు క్లౌడ్‌సెక్ నివేదిక స్పష్టం చేసింది. క్రికెట్ అభిమానులు ఇలాంటి అనధికారిక, అక్రమ బెట్టింగ్ సైట్‌లకు దూరంగా ఉండాలని సైబర్ నిపుణులు హెచ్చరిస్తున్నారు.

సిల్హెట్‌: బ్యాటర్ల జోరుకు బౌలర్ల సహకారం తోడవడంతో... పాకిస్తాన్‌పై టెస్టు సిరీస్‌ క్లీన్‌స్వీప్‌ చేసేందుకు బంగ్లాదేశ్‌ సిద్ధమైంది. రెండు మ్యాచ్‌ల సిరీస్‌లో భాగంగా తొలి టెస్టులో పరాజయం పాలైన పాకిస్తాన్‌... రెండో మ్యాచ్‌లో కాస్త పోరాడినా ప్రస్తుతం పరాజయం అంచునే ఉంది. 437 పరుగుల లక్ష్యఛేదనలో నాలుగో రోజు రెండో ఇన్నింగ్స్‌ కొనసాగించిన పాకిస్తాన్‌... మంగళవారం ఆట ముగిసే సమయానికి 86 ఓవర్లలో 7 వికెట్లు కోల్పోయి 316 పరుగులు చేసింది. సిరీస్‌ సమం చేయాలంటే... బుధవారం చివరి రోజు చేతిలో మూడు వికెట్లు ఉన్న పాకిస్తాన్‌ ఇంకా 121 పరుగులు చేయాల్సి ఉంది. సల్మాన్‌ ఆఘా (102 బంతుల్లో 71; 6 ఫోర్లు, 1 సిక్స్‌), వికెట్‌ కీపర్‌ మొహమ్మద్‌ రిజ్వాన్‌ (134 బంతుల్లో 75 బ్యాటింగ్‌; 8 ఫోర్లు), కెపె్టన్‌ షాన్‌ మసూద్‌ (116 బంతుల్లో 71; 8 ఫోర్లు) అర్ధశతకాలతో మెరిశారు. ఓపెనర్లు అజాన్‌ అవైస్‌ (21), అబ్దుల్లా ఫజల్‌ (6) ఎక్కువసేపు నిలవలేకపోడంతో ఛేదనలో పాకిస్తాన్‌కు శుభారంభం దక్కలేదు. 41/2తో కష్టాల్లో పడ్డ జట్టును బాబర్‌ ఆజమ్‌ (52 బంతుల్లో 47; 4 ఫోర్లు, 1 సిక్స్‌)తో కలిసి షాన్‌ మసూద్‌ కాపాడే ప్రయత్నం చేశాడు. మూడో వికెట్‌కు 92 పరుగులు జోడించిన అనంతరం బాబర్‌ అవుట్‌ కాగా... ఆ తర్వాత వెంటవెంటనే వికెట్లు పడ్డాయి. సౌద్‌ షకీల్‌ (6) విఫలమయ్యాడు. దీంతో ఒకదశలో 133/2తో పటిష్టంగా ఉన్న పాకిస్తాన్‌ కాసేపటికి 162/5తో కష్టాల్లో పడింది. ఇక పాక్‌ పని అయిపోయినట్లే అనుకుంటున్న దశలో సల్మాన్, రిజ్వాన్‌ చక్కటి పోరాటం కనబర్చారు. బంగ్లా బౌలర్లను సమర్ధవంతంగా ఎదుర్కొన్న ఈ జంట ఆరో వికెట్‌కు 134 పరుగులు జోడించింది. దీంతో కోలుకున్న పాకిస్తాన్‌ 296/5తో మ్యాచ్‌ను ముగించే స్థితికి చేరింది. అయితే పట్టు వదలకుండా ప్రయత్నించిన బంగ్లా బౌలర్‌ తైజుల్‌ ఇస్లాం చివర్లో సల్మాన్‌తో పాటు హసన్‌ అలీ (0)ని తన వరుస ఓవర్లలో పెవిలియన్‌కు పంపాడు. నేడు ఆటకు చివరి రోజు కాగా... రిజ్వాన్‌తో పాటు సాజిద్‌ ఖాన్‌ (8 బ్యాటింగ్‌; 2 ఫోర్లు) క్రీజులో ఉన్నాడు. బంగ్లా బౌలర్లలో ఎడమ చేతివాటం స్పిన్నర్‌ తైజుల్‌ ఇస్లాం 4, నహీద్‌ రాణా రెండు వికెట్లు పడగొట్టారు. అంతకుముందు బంగ్లాదేశ్‌ తొలి ఇన్నింగ్స్‌లో 278 పరుగులు చేయగా... పాకిస్తాన్‌ 232 పరుగులకే పరిమితమైంది. రెండో ఇన్నింగ్స్‌లో 390 పరుగులు చేసిన బంగ్లాదేశ్‌... పాక్‌ ముందు రికార్డు లక్ష్యాన్ని నిలిపింది.

ఇంగ్లండ్ దిగ్గజ క్రికెటర్, మాజీ టెస్టు కెప్టెన్‌ మైక్ స్మిత్ (92) కన్నుమూశారు. అనారోగ్య సమస్యలతో బాధపడుతున్న మైక్ స్మిత్ (ఎంజేకే స్మిత్‌) ఇంట్లోనే తుదిశ్వాస విడిచినట్లు వార్విక్‌షైర్ సోమవారం ఒక ప్రకటన విడుదల చేసింది. ఇంగ్లండ్ మేటి బ్యాటర్‌గా గుర్తింపు పొందిన మైక్‌స్మిత్ 50 టెస్టులు ఆడాడు. ఇందులో 25 టెస్టులకు ఇంగ్లండ్ జట్టుకు కెప్టెన్‌గా వ్యవహరించాడు. 1958లో న్యూజిలాండ్‌తో జరిగిన టెస్టు ద్వారా అంతర్జాతీయ క్రికెట్‌లో అరంగేట్రం చేసిన మైక్ స్మిత్ 1972లో ఆస్ట్రేలియాతో చివరి టెస్టు మ్యాచ్ ఆడాడు. 50 మ్యాచ్‌ల్లో 2,278 ప‌రుగులు చేసిన మైక్ స్మిత్ మూడు సెంచరీలు సాధించాడు. ఇక ఫస్ట్‌క్లాస్ కెరీర్‌లో 637 మ్యాచ్‌లాడి 40వేలకు పైగా పరుగులు సాధించిన మైక్ స్మిత్ 72 సెంచరీలు బాదాడు. అంతేకాదు 1991 నుంచి 2003 మ‌ధ్య వార్విక్‌షైర్ కౌంటీ బోర్డు చైర్మ‌న్‌గా వ్య‌వ‌హ‌రించారు. ఆయ‌న ప‌ద‌విలో ఉన్న స‌మ‌యంలోనే వార్విక్‌షైర్ కౌంటీల్లో చాలా టైటిల్స్ సాధించింది. మైక్ స్మిత్ కుమారుడు నీల్ స్మిత్ అప్పటి జ‌ట్టులో స‌భ్యుడిగా ఉన్నాడు. క్రికెట‌ర్‌గానే గాక ర‌గ్బీ ప్లేయ‌ర్‌గానూ మైక్ స్మిత్ గుర్తింపు పొందాడు. 1956లో వేల్స్‌తో జ‌రిగిన ర‌గ్బీ మ్యాచ్‌లో ఇంగ్లండ్ త‌ర‌ఫున క్యాప్ అందుకున్నాడు. ఇక మైక్ స్మిత్ మ‌ర‌ణంపై వార్విక్‌షైర్ నివాళి అర్పించింది. కౌంటీ చాంపియ‌న్‌షిప్‌లో భాగంగా గ్లామోర్గాన్‌తో మ్యాచ్‌కు ముందు వార్విక్‌షైర్ మైక్ స్మిత్ మృతి ప‌ట్ల రెండు నిమిషాలు మౌనం పాటించింది.చదవండి: బంగ్లా బ్యాట‌ర్ చ‌రిత్ర‌.. పాక్‌కు క్లీన్‌స్వీప్‌ గండం!

సాక్షి, హైద‌రాబాద్‌: తెలంగాణ యువ క్రికెటర్లకు అంతర్జాతీయ స్థాయిలో రాణించే అవకాశాలు కల్పించడమే లక్ష్యంగా తెలంగాణ ప్రీమియర్ లీగ్ (టీపీఎల్) నిర్వహిస్తున్న‌ట్లు మాజీ క్రికెట‌ర్‌ అంబటి రాయుడు తెలిపారు. ఈ కార్య‌క్ర‌మంలో హైద‌రాబాద్ క్రికెట్ అసోసియేషన్ (హెచ్‌సీఏ) సెక్రటరీ మన్నె జీవన్ రెడ్డి, ఆపరేషన్స్ హెడ్ అంబటి రాయుడు, సీఈఓ ఇంతియాజ్ అలీ త‌దిత‌రులు పాల్గొన్నారు. సోమ‌వారం ఉప్ప‌ల్‌లోని రాజీవ్‌గాంధీ అంత‌ర్జాతీయ స్టేడియంలో నిర్వ‌హించిన ప్రెస్‌మీట్‌లో టీపీఎల్ వివరాల‌ను వెల్ల‌డించారు. హెచ్‌సీఏ సెక్ర‌ట‌రీ మ‌న్నె జీవ‌న్‌రెడ్డి మాట్లాడుతూ.. యువ ఆటగాళ్లకు సరైన వేదిక కల్పించడం ద్వారా భవిష్యత్తులో జాతీయ, అంతర్జాతీయ స్థాయిలో ఎదిగే అవకాశాలు పెరుగుతాయని పేర్కొన్నారు. ఎలాంటి రాజకీయ ప్రభావం లేకుండా పూర్తిగా పారదర్శక విధానంలో పది మంది మాజీ క్రికెటర్లతో సెలెక్షన్ కమిటీని ఏర్పాటు చేసినట్లు హెచ్‌సీఏ సెక్రటరీ మన్నె జీవన్ రెడ్డి వెల్లడించారు. వచ్చే నెలలో నిర్వహించనున్న తెలంగాణ ప్రీమియర్ లీగ్ కోసం రాష్ట్రవ్యాప్తంగా సుమారు మూడు వేల మంది ప్రతిభావంతులైన క్రికెటర్లను గుర్తించి ఎంపిక చేయడమే లక్ష్యంగా కృషి చేస్తున్నామని తెలిపారు. ఎంపిక ప్రక్రియలో ఎటువంటి అవకతవకలకు తావులేకుండా ప్రత్యేక చర్యలు తీసుకుంటున్నామని చెప్పారు. ఆపరేషన్స్ హెడ్ అంబటి రాయుడు మాట్లాడుతూ.. ఆటగాళ్ల ఎంపికలో ఆర్టిఫిషియల్ ఇంటెలిజెన్స్ (ఏఐ) విధానాన్ని ప్రవేశపెట్టామని తెలిపారు. దీని ద్వారా నిజమైన ప్రతిభ కలిగిన ఆటగాళ్లను గుర్తించే అవకాశం ఉంటుందని చెప్పారు. ప్రతి ఎంపిక ప్రక్రియను వీడియో రికార్డింగ్ ద్వారా పర్యవేక్షిస్తామని, సెలెక్షన్కు సంబంధించిన ఫిజికల్ రికార్డులను కూడా సిద్ధం చేస్తున్నామని వెల్లడించారు. యువ ఆటగాళ్లకు అవకాశాలు కల్పించడంలో ఐపీఎల్ కీలక పాత్ర పోషించిందని పేర్కొన్న అంబటి రాయుడు, అదే తరహాలో హెచ్.సీఏ ఆధ్వర్యంలో కూడా పారదర్శకంగా లీగ్ లు నిర్వహిస్తామని తెలిపారు. ఓపెన్ ట్రయల్స్, లీగ్ మ్యాచ్ ల నిర్వహణను మరింత విస్తృతంగా చేపడుతున్నామని, ప్రతి నిర్ణయం నిష్పక్షపాతంగా ఉండేలా చర్యలు తీసుకుంటున్నామని స్పష్టం చేశారు. రాబోయే లీగ్ లకు సంబంధించిన తుది నిర్ణయాలను సెలెక్షన్ కమిటీ తీసుకుంటుందని, ఆటగాళ్లు, అంపైర్ల నియామక ప్రక్రియ కూడా ఇప్పటికే ప్రారంభించామని నిర్వాహకులు వెల్లడించారు.

శివాజీనగర: బెంగళూరు చిన్నస్వామి స్టేడియంలో 7, 8 వేల సీట్లు స్పాన్సర్లు, ఇతరులకు ఇవ్వాల్సి ఉంటుంది. అది వర్క్‌ఔట్‌ కాదని ఐపీఎల్‌ ఫైనల్‌ మ్యాచ్‌ను మార్చినట్లు తెలిసింది అని హోం మంత్రి జీ.పరమేశ్వర్‌ తెలిపారు. ఐపీఎల్‌ ఫైనల్స్‌ను గుజరాత్‌లోని అహ్మదాబాద్‌కు మార్చడంపై గురువారం నగరంలో స్పందిస్తూ, మ్యాచ్‌కు భద్రత గురించి ఎలాంటి ఫిర్యాదు రాలేదు. ఇప్పటికి 5 మ్యాచ్‌లు ఇక్కడ జరిగాయని చెప్పారు. చిన్నస్వామిలో 33 వేల సీట్లు ఉన్నాయి. 7– 8 వేల సీట్ల (టికెట్లు)ను స్పాన్సర్లు తదితరులకు ఇవ్వాల్సి ఉంటుంది. 25 వేలు సీట్లు నిర్వాహకులకు మిగులుతాయి, ఇది గిట్టుబాటు కాదని స్టేడియాన్ని మార్చారని నాకు తెలిసిందన్నారు. ఎమ్మెల్యేల ఉచిత టికెట్లకు, దీనికి సంబంధం లేన్నారు. నాలుగు పాస్‌లు ఇస్తే ఏమవుతుంది? అని ప్రశ్నించారు. వినతి మేరకు సస్పెన్షన్‌ రద్దు ఐపీఎస్‌ రామచంద్రరావు సస్పెన్షన్‌ రద్దుపై స్పందిస్తూ, సీఎం అనుమతి తీసుకొని రద్దు చేశారు, ఈ నెలాఖరులో ఆయన రిటైరవుతారు, పెన్షన్‌ సెటిల్మెంటు తదితరాలు ఉన్నాయని, సస్పెన్షన్‌ ఎత్తేయాలని రామచంద్రరావు సీఎంకు విన్నవించారు, కావాలంటే తరువాత విచారణను కొనసాగించవచ్చని అభ్యరి్థంచారు అని తెలిపారు.

ఐపీఎల్ 2026 సీజ‌న్‌లో కేకేఆర్ వ‌రుసగా నాలుగో విజ‌యాన్ని అందుకుంది. శుక్ర‌వారం ఢిల్లీ వేదిక‌గా జ‌రిగిన మ్యాచ్‌లో కేకేఆర్ ఢిల్లీ క్యాపిట‌ల్స్‌పై 8 వికెట్ల తేడాతో విజ‌యాన్ని అందుకుంది. ఢిల్లీ విధించిన‌ 143 ప‌రుగుల ల‌క్ష్యాన్ని కేకేఆర్ 14.2 ఓవ‌ర్ల‌లో కేవ‌లం రెండు వికెట్లు మాత్ర‌మే కోల్పోయి ఛేదించింది. ఫిన్ అలెన్ (47 బంతుల్లోనే 100 నాటౌట్‌) అజేయ సెంచ‌రీ సాధించి జ‌ట్టు విజ‌యంలో కీల‌క పాత్ర పోషించాడు. కామ‌రున్ గ్రీన్ 33 ప‌రుగుల‌తో నాటౌట్‌గా నిలిచాడు. ఢిల్లీ బౌల‌ర్ల‌లో అక్ష‌ర్ ప‌టేల్ ఒక్క వికెట్ తీశాడు. అంత‌క‌ముందు కేకేఆర్ బౌల‌ర్లు క‌ట్టుదిట్టంగా బౌలింగ్ చేయ‌డంతో ఢిల్లీ క్యాపిట‌ల్స్ 20 ఓవ‌ర్ల‌లో 8 వికెట్ల న‌ష్టానికి 142 ప‌రుగులు చేసింది.ఫిన్ అలెన్ హాఫ్ సెంచరీ.. లక్ష్యానికి చేరువగా కేకేఆర్‌ఐపీఎల్ 19వ సీజన్‌లో ఫిన్ అలెన్ తొలిసారి తన ప్రభావం చూపిస్తుండడంతో కేకేఆర్ లక్ష్యానికి చేరువగా వస్తోంది.143 పరుగుల లక్ష్యంతో బరిలోకి దిగిన కేకేఆర్ ప్రస్తుతం 12 ఓవర్లు ముగిసేసరికి రెండు వికెట్లు కోల్పోయి 104 పరుగులు చేసింది. ఫిన్ అలెన్ (61), గ్రీన్‌ (29) పరుగులతో ఆడుతున్నారు.ఏడు ఓవర్లు ముగిసేసరికి కేకేఆర్ 2 వికెట్ల నష్టానికి 56 పరుగులు చేసింది. ఫిన్ అలెన్ (32), కామెరున్ గ్రీన్ (10) పరుగులతో ఆడుతున్నారు.రెండో వికెట్ కోల్పోయిన కేకేఆర్‌143 ప‌రుగుల ల‌క్ష్యంతో బ‌రిలోకి దిగిన కేకేఆర్ రెండో వికెట్ కోల్పోయింది. అక్ష‌ర్‌ప‌టేల్ బౌలింగ్‌లో అంగ్‌క్రిష్ ర‌ఘువంశీ (1) క్లీన్‌బౌల్డ్‌గా వెనుదిరిగాడు. అంత‌క‌ముందు 13 ప‌రుగులు చేసిన కెప్టెన్ ర‌హానే ర‌నౌటయ్యాడు. 4 ఓవ‌ర్లు ముగిసేస‌రికి కేకేఆర్ 2 వికెట్ల న‌ష్టానికి 32 ప‌రుగులు చేసింది.కేకేఆర్‌ లక్ష్యం 143 పరుగులు..కేకేఆర్‌తో జరుగుతున్న ​‍మ్యాచ్‌లో ఢిల్లీ క్యాపిటల్స్ బ్యాటింగ్‌లో దారుణంగా విఫలమైంది. కేకేఆర్ బౌలర్ల కట్టుదిట్టమైన బంతులకు ఢిల్లీ క్యాపిటల్స్ 20 ఓవర్లలో 8 వికెట్ల నష్టానికి 142 పరుగులు చేసింది. ఓపెనర్ పాతుమ్ నిస్సాంక (50) అర్థసెంచరీతో రాణించగా.. చివర్లో అశుతోశ్ శర్మ (39) మినహా మిగతా బ్యాటర్లు పెద్దగా ఆకట్టుకోలేకపోయారు. కేకేఆర్ బౌలర్లలో అనుకుల్ రాయ్‌, కార్తిక్ త్యాగి చెరో 2 వికెట్లు పడగొట్టగా, వైభవ్ అరోరా, సునీల్ నరైన్‌, గ్రీన్ తలా ఒక వికెట్ తీశారు.ఆరో వికెట్ కోల్పోయిన ఢిల్లీఅక్ష‌ర్ ప‌టేల్ (11) రూపంలో ఢిల్లీ క్యాపిట‌ల్స్ 128 ప‌రుగుల వ‌ద్ద‌ ఆరో వికెట్ కోల్పోయింది.18 ఓవర్లలో ఢిల్లీ 126/518 ఓవ‌ర్లు ముగిసేస‌రికి ఢిల్లీ క్యాపిట‌ల్స్ 5 వికెట్ల న‌ష్టానికి 126 ప‌రుగులు చేసింది. అశుతోశ్ శ‌ర్మ (28), అక్ష‌ర్ ప‌టేల్ (10) ప‌రుగుల‌తో ఆడుతున్నారు.ఒకే ఓవర్లో రెండు వికెట్లుపదో ఓవర్‌ రెండో బంతికి నిస్సాంకను అవుట్‌ చేసిన అనుకుల్‌ రాయ్‌.. ఐదో బంతికి స్టబ్స్‌(2)ను బౌల్డ్‌ చేశాడు. దీంతో ఢిల్లీ ఐదో వికెట్‌ కోల్పోయింది.నాలుగో వికెట్‌ డౌన్‌10.2అనుకుల్‌ రాయ్‌ బౌలింగ్‌లో నిస్సాంక స్టంపౌట్‌. 29 బంతుల్లో 50 పరుగుల చేసి నిష్క్రమించిన నిస్సాంక. క్రీజులోకి అక్షర్‌ పటేల్‌. ఢిల్లీ స్కోరు: 89-4(10.4). స్టబ్స్‌ రెండు పరుగులతో ఉన్నాడు.మూడో వికెట్‌ కోల్పోయిన ఢిల్లీసునిల్‌ నరైన్‌ బౌలింగ్‌లో రోవ్‌మన్‌ పావెల్‌కు క్యాచ్‌ ఇచ్చి అవుటైన సమీర్‌ రిజ్వి (3). క్రీజులోకి ట్రిస్టన్‌ స్టబ్స్‌ స్కోరు: 80-3 (10).రెండో వికెట్ డౌన్‌8 ప‌రుగులు చేసిన నితీశ్ రానా కామెరున్ గ్రీన్ బౌలింగ్‌లో సునీల్ న‌రైన్‌కు క్యాచ్ ఇచ్చి వెనుదిరగ‌డంతో 74 ప‌రుగుల వ‌ద్ద ఢిల్లీ క్యాపిట‌ల్స్ రెండో వికెట్ కోల్పోయింది. నిస్సాంక 43 ప‌రుగుల‌తో ఆడుతున్నాడు.తొలి వికెట్ కోల్పోయిన ఢిల్లీ క్యాపిటల్స్‌కేకేఆర్‌తో జరుగుతున్న మ్యాచ్‌లో ఢిల్లీ ‍క్యాపిటల్స్ కేఎల్ రాహుల్ (23) రూపంలో తొలి వికెట్ వికెట్ కోల్పోయింది. కార్తిక్ త్యాగి బౌలింగ్‌లో భారీ షాట్ ఆడే యత్నంలో బ్యాట్ ఎడ్జ్‌కు తగిలిన బంతి గాల్లోకి లేచింది. మిడాన్‌లో ఉన్న కామెరున్ గ్రీన్ ఎలాంటి తప్పు చేయకుండా క్యాచ్ అందుకున్నాడు. ఆరు ఓవర్లు ముగిసేసరికి ఢిల్లీ వికెట్ నష్టానికి 55 పరుగులు చేసింది. నిస్సాంక 31 పరుగులతో ఆడుతున్నాడు.4 ఓవర్లు ముగిసేసరికి ఢిల్లీ క్యాపిటల్స్ వికెట్ నష్టపోకుండా 39 పరుగులు చేసింది. నిస్సాంక (25) పరుగులతో ధాటిగా ఆడుతుండగా, కేఎల్ రాహుల్ (14) అతడికి సహకరిస్తున్నాడు.టాస్‌ నెగ్గిన కేకేఆర్‌టాస్ గెలిచిన కేకేఆర్ బౌలింగ్ ఎంచుకుంది. ఇరు జట్లు ఎలాంటి మార్పు లేకుండానే మ్యాచ్‌లో బరిలోకి దిగుతున్నాయి. ముఖాముఖి పోరులో ఇరుజ‌ట్లు 34 సార్లు త‌ల‌పడ్డాయి. ఇందులో ఢిల్లీ క్యాపిట‌ల్స్ 19 సార్లు, 15 సార్లు కేకేఆర్ గెలిచింది. ఇక అరుణ్‌జైట్లీ స్టేడియంలో కేకేఆర్ 6 సార్లు, ఢిల్లీ 5 సార్లు విజయం సాధించాయి.తుది జట్లు:కోల్‌కతా నైట్ రైడర్స్: అజింక్య రహానే(సి), అంగ్క్రిష్ రఘువంశీ(w), కామెరాన్ గ్రీన్, రోవ్‌మన్ పావెల్, మనీష్ పాండే, రింకూ సింగ్, సునీల్ నరైన్, అనుకుల్ రాయ్, కార్తీక్ త్యాగి, వైభవ్ అరోరా, వరుణ్ చకరవర్తిఢిల్లీ క్యాపిటల్స్: పాతుమ్ నిస్సాంక, కేఎల్ రాహుల్(w), నితీష్ రాణా, సమీర్ రిజ్వీ, ట్రిస్టన్ స్టబ్స్, అక్షర్ పటేల్(సి), అశుతోష్ శర్మ, విప్రజ్ నిగమ్, మిచెల్ స్టార్క్, లుంగి ఎన్గిడి, ముఖేష్ కుమార్కోల్‌కతా నైట్ రైడర్స్ ఇంపాక్ట్ సబ్‌లు: రమణదీప్ సింగ్, ఫిన్ అలెన్, తేజస్వి దహియా, నవదీప్ సైనీ, టిమ్ సీఫెర్ట్ఢిల్లీ క్యాపిటల్స్ ఇంపాక్ట్ సబ్‌లు: కరుణ్ నాయర్, కుల్దీప్ యాదవ్, టి నటరాజన్, అభిషేక్ పోరెల్, డేవిడ్ మిల్లర్🚨Toss update from Delhi🚨@kkriders won the toss and elected to bowl first against @DelhiCapitals Updates ▶️ https://t.co/NaWLphmJKY#TATAIPL | #KhelBindaas | #DCvKKR pic.twitter.com/Nd38qv8r3f— IndianPremierLeague (@IPL) May 8, 2026

ఆస్ట్రేలియా క్రికెట్‌ జట్టు మరోసారి పాకిస్తాన్‌ పర్యటనకు సిద్ధమైంది. మే-జూన్ నెలల్లో జరిగే ఈ పర్యటనలో మూడు మ్యాచ్‌ల వన్డే సిరీస్ జరుగనుంది. ఈ సిరీస్‌కు సంబంధించిన షెడ్యూల్‌ ఇవాళ విడుదలైంది.తొలి వన్డే మే 30న రావల్సిండిలో జరుగనుండగా.. మిగతా వన్డేలు జూన్‌ 2, 4 తేదీల్లో లాహోర్‌లోని గడాఫీ స్టేడియంలో జరుగనున్నాయి. ఈ సిరీస్‌ కోసం ఆస్ట్రేలియా మే 23న ఇస్లామాబాద్ చేరుకోనుంది.స్టార్ ఆటగాళ్లపై సందేహాలుపాక్‌ సిరీస్‌ ఐపీఎల్‌ ముగింపు సమయానికి ప్రారంభమవుతుండటంతో ఆసీస్‌ ఆటగాళ్ల లభ్యతపై సందేహాలు నెలకొన్నాయి. కెప్టెన్‌ పాట్‌ కమిన్స్‌ సహా పలువురు సీనియర్ ఆటగాళ్ల అందుబాటుపై స్పష్టత లేదు.ప్రపంచకప్‌కు ముందు టీ20 సిరీస్‌ఆస్ట్రేలియా జట్టు ఈ ఏడాది జనవరిలో, టీ20 ప్రపంచకప్‌కు ముందు కూడా పాకిస్తాన్‌లో పర్యటించింది. ఆ పర్యటనలో 3 మ్యాచ్‌ల టీ20 సిరీస్‌ ఆడింది. ఆ సిరీస్‌ను పాక్‌ 3-0 తేడాతో క్లీన్‌ స్వీప్‌ చేయడం విశేషం.బంగ్లాదేశ్ చేతిలో ఓటమిఇటీవల పాక్‌ బంగ్లాదేశ్ చేతిలో 2-1 తేడాతో వన్డే సిరీస్ కోల్పోయింది. ఈ సిరీస్‌ కోసం పాక్‌ బంగ్లాదేశ్‌ పర్యటనకు వెళ్లింది.రేపటి నుంచి టెస్ట్‌ సిరీస్‌ప్రస్తుతం పాక్‌ జట్టు రెండు మ్యాచ్‌ల టెస్ట్‌ సిరీస్‌ కోసం బంగ్లాదేశ్‌లో పర్యటిస్తుంది. తొలి టెస్ట్‌ ఢాకా వేదికగా రేపటి నుండి ప్రారంభం కానుంది. రెండో టెస్ట్‌ సిల్హెట్‌ వేదికగా మే 16 నుండి మొదలవుతుంది.తర్వాత బంగ్లాదేశ్ టూర్పాకిస్తాన్ సిరీస్ అనంతరం ఆస్ట్రేలియా జట్టు జూన్ 9 నుంచి బంగ్లాదేశ్‌ పర్యటనకు వెళ్లనుంది. ఈ పర్యటనలో 3 వన్డేలు, 3 టీ20 మ్యాచ్‌ల సిరీస్‌లు జరుగనున్నాయి.

సాక్షి, హైదరాబాద్‌: వేసవి సెలవుల్లో స్విమ్మింగ్, బాస్కెట్‌ బాల్‌ లాంటి క్రీడలు నేర్చుకోవడానికి హైదరాబాద్‌లో సమ్మర్‌ క్యాంపుల బాటపట్టే విద్యార్థులపై జీహెచ్‌ఎంసీ తోపాటు సైబరాబాద్, మల్కాజిగిరి మున్సిపల్‌ కార్పొ రేషన్లు చార్జీల భారం మోపాయి. కోర్‌ అర్బన్‌ రీజియన్‌ (క్యూర్‌) పరిధిలోని స్టేడియాలు, ప్లేగ్రౌండ్లలో సమ్మర్‌ కోచింగ్‌లకు యూజర్‌ ఫీజులు పెంచాయి. గతంలో బేస్‌బాల్, బాక్సింగ్, బాల్‌ బ్యాడ్మింటన్, బాస్కెట్‌బాల్‌ వంటివి ఆడుకోవడానికి రూ. 50గా ఉన్న నెలవారీ ఫీజును రూ. 200 చేశాయి. సైక్లింగ్, క్యారమ్స్, చెస్, ఫెన్సింగ్, ఫుట్‌బాల్, జిమ్నాస్టిక్స్, హ్యాండ్‌బాల్, హాకీ, జూడో, కబడ్డీ, కరాటే, క్రికెట్, కిక్‌ బాక్సింగ్, తైక్వాండో, టెన్నికాయిట్‌ తదితర ఇన్‌డోర్‌/ఔట్‌డోర్‌ గేమ్స్‌పైనా ఫీజులు పెంచాయి.క్రికెట్‌ ఫీజును రూ. 100 నుంచి రూ. 400కు పెంచగా జిమ్‌ ఫీజు రూ. 200 నుంచి రూ. 400కు, లాన్‌ టెన్నిస్‌ (క్లే) ఫీజు రూ. 450 నుంచి రూ. 1,500కు పెంచేశాయి. వాటన్నింటికీ ఏడాదికి రిజిస్ట్రేషన్‌ ఫీజు రూ.100గా నిర్ణయించాయి. ఈ మేరకు ఆయా కార్పొరేషన్ల స్టాండింగ్‌ కమిటీలు ఫీజుల పెంపునకు ఆమోదం తెలిపాయి. అయితే సమ్మర్‌ క్యాంపుల్లో 16 ఏళ్లలోపు విద్యార్థులకు ఈ ఫీజుల్లో 50 శాతం రాయితీ ఇచ్చాయి. పాఠశాల విద్యార్థులకూ భారం: పాఠశాలల విద్యార్థులు ప్లేగ్రౌండ్లు బుక్‌ చేసుకోవడంపైనా ఫీజుల భారం పెరిగింది. రిజిస్ట్రేషన్‌ ఫీజు రూ. 500 నుంచి రూ. 1,000కి పెరగడంతోపాటు విస్తీర్ణాన్ని బట్టి గ్రౌండ్ల ఫీజులు పెరిగాయి. 500 చదరపు మీటర్ల విస్తీర్ణమున్న ప్లేగ్రౌండ్‌ను ఒక విద్యా సంవత్సరంలో 11 నెలల్లో 75 గంటలపాటు వినియోగించుకోవడానికి రూ. 10 వేలుగా ఉన్న ఫీజును మూడు రేట్లతో రూ. 15 వేలు చేశారు. అదే గ్రౌండ్‌ను 150 గంటలు వాడేందుకు రూ. 20 వేలుగా ఉన్న ఫీజును రూ. 30 వేలకు పెంచారు.వెయ్యి చదరపు మీటర్ల గ్రౌండ్‌ను 11 నెలల్లో 150 గంటలు వాడుకోవడానికి రూ. 40 వేలుగా ఉన్న ఫీజును రూ. 60 వేలు చేశారు. మరోవైపు వ్యక్తులు లేదా కార్పొరేట్‌ సంస్థలు ఉదయం 10 గంటల నుంచి మధ్యాహ్నం ఒంటి గంట వరకు ఒకపూట ఆయా గ్రౌండ్లను వినియోగించుకునేందుకు ప్రస్తుతమున్న రూ. 4 వేల ఫీజును రూ. 6 వేలకు, రోజు ఫీజు (ఉదయం 10 నుంచి సాయంత్రం 4 గంటల వరకు) రూ. 7,500 నుంచి రూ. 11,000కు పెంచారు. వాలీబాల్‌ కోర్టు ఒకపూట ఫీజును రూ. 4 వేల నుంచి రూ. 6 వేలకు, క్రికెట్‌ నెట్‌ ఫీజును రూ. 100 నుంచి రూ. 200కు, బాస్కెట్‌బాల్‌ కోర్టు రోజు ఫీజును రూ. 7500 నుంచి రూ. 11,000కు పెంచారు.

లాస్‌ ఏంజెలిస్‌: ఒలింపిక్స్‌లో 128 సంవత్సరాల తర్వాత క్రికెట్‌ పునరాగమనం చేస్తుండగా ఇప్పుడు ఈ మెగా ఈవెంట్‌లో మ్యాచ్‌లు నిర్వహించే ప్రధాన వేదిక ఖరారైంది. 2028 లాస్‌ ఏంజెలిస్‌ ఒలింపిక్స్‌లో క్రికెట్‌ కూడా భాగంగా ఉంది. ఈ నేపథ్యంలో కాలిఫోర్నియాలోని ‘పొమోనా’లో కొత్తగా నిర్మిస్తున్న మైదానాన్ని క్రికెట్‌ ప్రధాన వేదికగా నిర్ణయించారు. ఈ మైదానం ఐపీఎల్‌ టీమ్‌ కోల్‌కతా నైట్‌రైడర్స్‌ యాజమాన్యానికి చెందినది కావడం విశేషం. అమెరికాలో 2023 సీజన్‌ నుంచి నిర్వహిస్తున్న మేజర్‌ లీగ్‌ క్రికెట్‌ (ఎంఎల్‌సీ)లో లాస్‌ ఏంజెలిస్‌ నైట్‌రైడర్స్‌ జట్టు కూడా ఉంది. ఈ టోర్నీలో తమ ‘హోం’ గ్రౌండ్‌ కోసం నైట్‌రైడర్స్‌ ఈ స్టేడియాన్ని నిర్మిస్తోంది. దీనికి సంబంధించిన శంకుస్థాపన కార్యక్రమం బుధవారం జరిగింది. వచ్చే రెండేళ్లలో మైదానం నిర్మాణం పూర్తి చేసుకొని ఒలింపిక్స్‌లో క్రికెట్‌ మ్యాచ్‌ల నిర్వహణకు సిద్ధమవుతుంది. ఈ శంకుస్థాపన కార్యక్రమంలో క్రికెట్‌ పురోగతి కొత్త మైలురాయిగా నిలుస్తుందని అంతర్జాతీయ క్రికెట్‌ మండలి (ఐసీసీ) చైర్మన్‌ జై షా అన్నారు. ‘అంతర్జాతీయ క్రీడగా క్రికెట్‌ విస్తరించే క్రమంలో ఇది మరో కొత్త మలుపు. ఒలింపిక్స్‌లో పాల్గొని ఆట స్థాయిని పెంచడమే మా లక్ష్యం. ఒలింపిక్స్‌లో క్రికెట్‌ పునరాగమనానికి సంబంధించి ఈ స్టేడియం నిర్మాణం కొత్త మైలురాయి. ఒలింపిక్స్‌లో ఈ మైదానం ప్రధాన ఆకర్షణగా నిలుస్తుందని మా విశ్వాసం’ అని ఆయన చెప్పారు. శంకుస్థాపన కార్యక్రమంలో ఐసీసీ చీఫ్‌ ఎగ్జిక్యూటివ్‌ సంజోగ్‌ గుప్తా, నైట్‌రైడర్స్‌ సీఈఓ వెంకీ మైసూర్, పొమోనా నగర మేయర్‌ టిమ్‌ సాండోవల్‌ పాల్గొన్నారు.

ఐపీఎల్‌లో అభిషేక్‌ మళ్లీ విధ్వంసం సృష్టించాడు. తనకే సాధ్యమైన రీతిలో ఫోర్లు, సిక్సర్లతో విరుచుకుపడిన అతను సెంచరీతో ఉప్పల్‌ మైదానంలో ఉప్పెన సృష్టించాడు. బౌండరీలతోనే సరిగ్గా 100 పరుగులు రాబట్టిన అభిషేక్‌కు క్లాసెన్, ఇషాన్‌ కిషన్, హెడ్‌ కూడా అండగా నిలవడంతో హైదరాబాద్‌ భారీ స్కోరుతో ప్రత్యర్థికి సవాల్‌ విసిరింది. అయితే ఢిల్లీ బ్యాటింగ్‌ ఏమాత్రం రైజర్స్‌కు సరితూగలేకపోయింది. ఏ దశలోనూ కావాల్సిన దూకుడును ప్రదర్శించని క్యాపిటల్స్‌ లక్ష్యానికి చాలా దూరంలో నిలిచిపోయింది. సమష్టి బౌలింగ్‌తో రైజర్స్‌ ఢిల్లీని పడగొట్టి వరుసగా మూడో విజయాన్ని అందుకుంది. సాక్షి, హైదరాబాద్‌: సొంతగడ్డపై సన్‌రైజర్స్‌ హైదరాబాద్‌ హ్యట్రిక్‌ విజయాన్ని నమోదు చేసింది. మంగళవారం ఉప్పల్‌ స్టేడియంలో దాదాపు ఏకపక్షంగా సాగిన మ్యాచ్‌లో రైజర్స్‌ 47 పరుగుల తేడాతో ఢిల్లీ క్యాపిటల్స్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన హైదరాబాద్‌ 20 ఓవర్లలో 2 వికెట్ల నష్టానికి 242 పరుగులు చేసింది. ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (68 బంతుల్లో 135 నాటౌట్‌; 10 ఫోర్లు, 10 సిక్స్‌లు) ఐపీఎల్‌లో తన రెండో సెంచరీతో చెలరేగగా... హెన్రిచ్‌ క్లాసెన్‌ (13 బంతుల్లో 37 నాటౌట్‌; 3 ఫోర్లు, 3 సిక్స్‌లు), ట్రవిస్‌ హెడ్‌ (26 బంతుల్లో 37; 2 ఫోర్లు, 2 సిక్స్‌లు) రాణించారు. అనంతరం ఢిల్లీ 20 ఓవర్లలో 9 వికెట్లకు 195 పరుగులు సాధించింది. నితీశ్‌ రాణా (30 బంతుల్లో 57; 7 ఫోర్లు, 3 సిక్స్‌లు) అర్ధ సెంచరీ చేయగా... సమీర్‌ రిజ్వీ (28 బంతుల్లో 41; 2 ఫోర్లు, 2 సిక్స్‌లు), కేఎల్‌ రాహుల్‌ (23 బంతుల్లో 37; 1 ఫోర్, 3 సిక్స్‌లు) ఫర్వాలేదనిపించారు. సన్‌రైజర్స్‌ బౌలర్‌ ఇషాన్‌ మలింగకు 4 వికెట్లు దక్కాయి. THE HUNDRED CELEBRATION BY ABHISHEK SHARMA. 🔥- Proud father and Kavya Maran cheering. ❤️ pic.twitter.com/pbBYLZViiL— Mufaddal Vohra (@mufaddal_vohra) April 21, 2026భారీ భాగస్వామ్యాలు... తొలి నాలుగు ఓవర్లలో 6 ఫోర్లతో 36 పరుగులు రాబట్టిన రైజర్స్‌ ఇన్నింగ్స్‌ నితీశ్‌ రాణా వేసిన ఐదో ఓవర్‌తో ఊపందుకుంది. ఈ ఓవర్లో అభిషేక్, హెడ్‌ కలిసి 3 సిక్స్‌లు బాదడంతో 20 పరుగులు వచ్చాయి. పవర్‌ప్లేలో టీమ్‌ 67 పరుగులు సాధించింది. అనంతరం 25 బంతుల్లో అభిõÙక్‌ అర్ధసెంచరీ పూర్తి కాగా, అక్షర్‌ ఓవర్లో భారీ షాట్‌కు ప్రయత్నించి హెడ్‌ వెనుదిరిగాడు. అయితే మరోవైపు అభిషేక్‌ దూకుడు కొనసాగగా, ఇషాన్‌ కిషన్‌ (13 బంతుల్లో 25; 2 ఫోర్లు, 1 సిక్స్‌) కూడా తన ధాటిని ప్రదర్శించాడు. వీరిద్దరు కలిసి కుల్దీప్‌ ఓవర్లో 2 ఫోర్లు, 2 సిక్స్‌లతో 22 పరుగులు రాబట్టారు. 86 పరుగుల వద్ద డీప్‌ బ్యాక్‌వర్డ్‌లెగ్‌లో రాణా క్యాచ్‌ వదిలేయడంతో బతికిపోయిన అభిషేక్‌ శర్మ... రాణా ఓవర్లో వరుసగా 6, 6, 4 బాదాడు. ఈ క్రమంలో 47 బంతుల్లో అతని సెంచరీ పూర్తయింది. అయితే అదే ఓవర్లో దురదృష్టవశాత్తూ రిటర్న్‌లో బౌలర్‌ చేతికి తగిలిన బంతి నాన్‌స్ట్రయికింగ్‌ స్టంప్స్‌ను పడగొట్టడంతో కిషన్‌ రనౌటయ్యాడు. అయితే చివరి ఐదు ఓవర్లలో అభిషేక్‌ ను ఆపడంలో ఢిల్లీ సఫలం అయింది. ఈ 30 బంతుల్లో 17 బంతులు ఆడిన అభిషేక్‌ 2 ఫోర్లతో 20 పరుగులు మాత్రమే చేయగలిగాడు. మరోవైపు ఉన్న క్లాసెన్‌ మాత్రం తనదైన శైలిలో చెలరేగడంతో భారీ స్కోరు సాధ్యమైంది. ఎన్‌గిడి ఓవర్లో రెండు వరుస సిక్స్‌లు కొట్టిన అతను... ముకేశ్‌ వేసిన చివరి ఓవర్లో 2 ఫోర్లు, సిక్స్‌ కొట్టాడు. మిల్లర్‌ విఫలం... ఈ మ్యాచ్‌తోనే ఐపీఎల్‌లో అడుగు పెట్టిన పేసర్‌ మదుషంక చక్కటి బౌలింగ్‌ ప్రదర్శన కనబర్చాడు. తన 3 ఓవర్ల తొలి స్పెల్‌లో 24 పరుగులే ఇచి్చన అతను నిసాంక (8) వికెట్‌ తీశాడు. మరోవైపు నితీశ్‌ రెడ్డి వేసిన రెండు ఓవర్లలో రాణా, రాహుల్‌ కలిసి 2 సిక్స్‌లు, 3 ఫోర్లతో 29 పరుగులు రాబట్టడంతో పవర్‌ప్లే ముగిసేసరికి స్కోరు 59 పరుగులకు చేరింది. శివాంగ్‌ ఓవర్లో వరుసగా 6, 6, 4 కొట్టిన రాణా 27 బంతుల్లో అర్ధ సెంచరీ పూర్తి చేసుకున్నాడు. అయితే రాహుల్‌ను సాకిబ్‌ వెనక్కి పంపించగా, తర్వాతి ఓవర్లో మలింగ వరుస బంతుల్లో రాణా, మిల్లర్‌ (0)లను అవుట్‌ చేయడంతో రైజర్స్‌ పైచేయి సాధించింది. ఆ తర్వాత రిజ్వీ, ట్రిస్టన్‌ స్టబ్స్‌ (16 బంతుల్లో 27; 3 ఫోర్లు, 1 సిక్స్‌) కలిసి పోరాడినా లాభం లేకపోయింది. 26 బంతుల్లో 77 పరుగులు చేయాల్సిన దశలో స్టబ్స్‌ అవుట్‌ కావడంతో ఢిల్లీ గెలుపు దారులు మూసుకుపోయాయి. స్కోరు వివరాలుసన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (నాటౌట్‌) 135; హెడ్‌ (సి) రిజ్వీ (బి) అక్షర్‌ 37; ఇషాన్‌ కిషన్‌ (రనౌట్‌) 25; క్లాసెన్‌ (నాటౌట్‌) 37; ఎక్స్‌ట్రాలు 8; మొత్తం (20 ఓవర్లలో 2 వికెట్లకు) 242. వికెట్ల పతనం: 1–97, 2–176. బౌలింగ్‌: ముకేశ్‌ కుమార్‌ 4–0–53–0, నితీశ్‌ రాణా 4–0–55–0, ఎన్‌గిడి 4–0–41–0, అక్షర్‌ పటేల్‌ 2–0–23–1, కుల్దీప్‌ 2–0–30–0, నటరాజన్‌ 4–0–40–0. ఢిల్లీ క్యాపిటల్స్‌ ఇన్నింగ్స్‌: నిసాంక (సి) (సబ్‌) లివింగ్‌స్టోన్‌ (బి) మదుషంక 8; రాహుల్‌ (సి) అభిషేక్‌ (బి) సాకిబ్‌ 37; నితీశ్‌ రాణా (సి) అభిషేక్‌ (బి) మలింగ 57; రిజ్వీ (సి) మదుషంక (బి) దూబే 41; మిల్లర్‌ (బి) మలింగ 0; స్టబ్స్‌ (సి) సాకిబ్‌ (బి) మలింగ 27; అశుతోష్‌ (సి) అనికేత్‌ (బి) మలింగ 14; అక్షర్‌ (సి) నితీశ్‌ (బి) దూబే 2; కుల్దీప్‌ (నాటౌట్‌) 1; ఎన్‌గిడి (సి) మదుషంక (బి) దూబే 0; ఎక్స్‌ట్రాలు 8; మొత్తం (20 ఓవర్లలో 9 వికెట్లకు) 195. వికెట్ల పతనం: 1–21, 2–107, 3–107, 4–107, 5–166, 6–186, 7–192, 8–195, 9–195. బౌలింగ్‌: మదుషంక 4–0–36–1, నితీశ్‌ రెడ్డి 4–0–57–0, ఇషాన్‌ మలింగ 4–0–32–4, సాకిబ్‌ 4–0–29–1, శివాంగ్‌ 2–0–28–0, హర్‌‡్ష దూబే 2–0–12–3.

ఐపీఎల్ 2026 సీజన్‌లో లక్నో సూపర్‌జెయింట్స్‌తో మ్యాచ్‌లో పంజాబ్ కింగ్స్ విధ్వంసకర బ్యాటింగ్‌తో రెచ్చిపోయింది. ఓపెనర్ ప్రియాన్ష్ ఆర్య, వన్‌డౌన్ బ్యాటర్ కూపర్ కన్నోలి లక్నో బౌలర్లకు చుక్కలు చూపించారు. ప్రియాన్ష్ ఆర్య 37 బంతుల్లో 93 పరుగులు చేయగా, కూపర్ 47 బంతుల్లో 87 పరుగులు చేశాడు. అయితే ఇన్నింగ్స్ 13వ ఓవర్ వేసిన మార్కరమ్‌కు ఈ ఇద్దరు పీడకలను మిగిల్చారు. 13వ ఓవర్ స్ట్రైకింగ్ తీసుకున్న కూపర్ కన్నోలి మార్కరమ్‌ మొదటి బంతిని సిక్సర్‌గా మలిచాడు. రెండో బంతిని ఈసారి లాంగాన్ దిశగా సిక్సర్ కొట్టిన కన్నోలి మూడో బంతిని కూడా సిక్సర్‌గా మలిచాడు. ఆ తర్వాతి బంతిని వైడ్ వేయగా, నాలుగో బంతికి కూపర్ సింగిల్ తీయడంతో ప్రియాన్ష్ స్ట్రైక్‌లోకి వచ్చాడు. ఇక ప్రియాన్ష్ కూడా చివరి రెండు బంతులకు సిక్సర్లు కొట్టాడు. దీంతో ఆ ఓవర్లో మొత్తం 5 సిక్సర్లు, వైడ్ సహా సింగిల్ మొత్తం 32 పరుగులు వచ్చాయి. ఈ నేపథ్యంలో మార్కరమ్ ఒక చెత్త రికార్డును తన పేరిట మూటగట్టుకున్నాడు. లక్నో తరఫున ఒకే ఓవర్‌లో అత్యధిక పరుగులు సమర్పించుకున్న బౌలర్‌గా మార్కరమ్ నిలిచాడు. గతంలో ఈ రికార్డు రవి బిష్ణోయ్ పేరిట ఉంది. 2022లో ఆర్సీబీతో జరిగిన ఎలిమినేటర్ మ్యాచ్‌లో రవి బిష్ణోయ్ 27 పరుగులు సమర్పించుకున్నాడు.ఇక 2026 సీజ‌న్‌లో ఒకే ఓవ‌ర్‌లో అత్య‌ధిక ప‌రుగులు స‌మ‌ర్పించుకున్న బౌల‌ర్ కూడా మార్క‌ర‌మ్ మాత్ర‌మే. ఈ సీజ‌న్‌లోనూ ఇదే మోస్ట్ ఎక్స్‌పెన్సివ్ ఓవ‌ర్ అని చెప్పొచ్చు. 2025 సీజ‌న్‌లో ఖ‌లీల్ అహ్మ‌ద్ (సీఎస్‌కే) ఆర్సీబీతో మ్యాచ్‌లో 33 ప‌రుగులు, మొయిన్ అలీ (కేకేఆర్‌) రాజ‌స్తాన్‌తో మ్యాచ్‌లో 32 ప‌రుగులు స‌మ‌ర్పించుకున్నారు.3️⃣2️⃣ runs of pure destruction 💥🎥 Relive this carnage 👉 https://t.co/EpOcpY1lLb#TATAIPL | #KhelBindaas | #PBKSvLSG | @PunjabKingsIPL pic.twitter.com/eI5tuleNYM— IndianPremierLeague (@IPL) April 19, 2026చదవండి: 'క్యాచ్‌లు జార‌విడ‌వ‌డం మా కొంప‌ముంచింది’

ఐపీఎల్ సందడి మామూలుగా ఉండదు. ఇక సన్ రైజర్స్ హైదరాబాద్‌ మ్యాచ్‌ అంటే తెలుగువారికి పూనకాలే. అది కూడా హైదరాబాద్‌లో మ్యాచ్ జరిగితే ఆ జోష్ ఎలా ఉంటుంది. అంతేకాకుండా టీమిండియా దిగ్గజం ఎంఎస్ ధోని ఉన్న సీఎస్‌కే టీమ్‌తో మ్యాచ్ అంటే క్రేజ్ వేరే లెవెల్. ఈ క్రేజీ మ్యాచ్‌కు ఉప్పల్ స్టేడియం వేదికగా నిలిచింది. శనివారం ఉప్పల్ ‍స్టేడియంలో జరిగిన మ్యాచ్‌లో ఎస్‌ఆర్‌హెచ్‌ వర్సెస్‌ సీఎస్కే తలపడగా.. హైదరాబాద్‌ గ్రాండ్ విక్టరీ కొట్టింది.అయితే ఈ మ్యాచ్‌లో తెలుగు సాంగ్స్ క్రికెట్‌ ప్రియులను ఊర్రూతలుగించాయి. ముఖ్యంగా నాని మూవీ ప్యారడైజ్ సాంగ్‌ స్డేడియాన్ని ఊపేసింది. ఈ మ్యాచ్‌ మధ్యలో పొట్టు పొట్టు ఆకలుంది.. ఆయా షేర్ అనే పాటను ప్లే చేశారు. ఈ పాటకు ఫ్యాన్స్‌కు ఏకంగా పూనకాలతో ఊగిపోయారు. దీనికి సంబంధించిన వీడియోను ప్యారడైజ్ టీమ్‌ సోషల్ మీడియాలో షేర్ చేసింది. ఉప్పల్ రోర్స్ విత్ ఆయా షేర్ మానియా అంటూ వీడియోను పంచుకుంది. ఈ పోస్ట్‌ నెట్టింట వైరల్‌గా మారింది. ఈ సాంగ్ ఇప్పటికే యూట్యూబ్‌లో కేవలం తెలుగులోనే వంద మిలియన్లకు పైగా వ్యూస్‌తో దూసుకెళ్తోంది. కాగా.. నాని హీరోగా వస్తోన్న ఈ మూవీకి శ్రీకాంత్ ఓదెల దర్శకత్వం వహిస్తున్నారు. గతంలో వీరిద్దరి కాంబోలో వచ్చిన దసరా సూపర్‌హిట్‌గా నిలిచింది. మరోసారి వీరిద్దరు కలిసి మాస్ యాక్షన్ ఎంటర్‌టైనర్‌తో ప్రేక్షకుల ముందుకు రానున్నారు. ఈ సినిమా ప్రపంచవ్యాప్తంగా ఆగస్టు 21న రిలీజ్ కానుంది. Nannu peekuthava...Jumbalikay aayasher 💥💥Uppal Stadium roars with #AayaSher mania🧡 pic.twitter.com/T9WIePBKzN— THE PARADISE (@TheParadiseOffl) April 18, 2026

రాజ‌స్తాన్ రాయ‌ల్స్ జ‌ట్టు మేనేజ‌ర్ రోమి భింద‌ర్ డ‌గౌట్‌లో ఫోన్ వాడ‌డంపై బీసీసీఐ క‌ఠిన చ‌ర్య‌లు తీసుకుంది. ఐపీఎల్ నిబంధ‌న‌లు ఉల్లంఘించినందుకు గాను రోమి భింద‌ర్‌కు రూ. ల‌క్ష జ‌రిమానా విధిస్తూ నిర్ణ‌యం తీసుకుంది. అయితే అత‌డిపై నిషేధం కూడా ప‌డుతుంద‌ని వార్త‌లు వ‌చ్చినప్ప‌టికీ బీసీసీఐ మాత్రం రోమి భింద‌ర్‌కు జ‌రిమానాతో స‌రిపెట్టింది. ఈ విష‌యాన్ని బీసీసీఐ ప్ర‌ధాన కార్య‌ద‌ర్శి దేవ‌జిత్ సైకియా వెల్ల‌డించాడు. ఐపీఎల్‌లో జ‌ట్టు మేనేజ‌ర్‌లు మొబైల్ ఫోన్‌లు ఉప‌యోగిం చ‌డానికి అనుమ‌తి ఉన్న‌ప్ప‌టికీ మ్యాచ్ జ‌రిగే స‌మ‌యంలో ఫోన్ వాడడం నిషేధమ‌ని ఆయ‌న తెలిపారు. అయితే డ్రెస్సింగ్ రూమ్‌లో ఉన్న‌ప్పుడు మాత్రం జ‌ట్టు మేనేజ‌ర్లు ఫోన్ వాడేందుకు అనుమ‌తి ఉందన్నారు. ఈ విష‌యంలో రోమి భింద‌ర్‌కు షోకాస్ నోటీసు కూడా జారీ చేశామ‌ని, కానీ నోటీసుపై అత‌డు ఇచ్చిన వివ‌ర‌ణ‌పై యాంటీ క‌ర‌ప్ష‌న్ యూనిట్ అసంతృప్తి వ్య‌క్తం చేసింద‌ని పేర్కొన్నారు. అయితే రోమి భింద‌ర్‌కు మొద‌టి ఉల్లంఘ‌న కాబ‌ట్టి, నిబంధ‌న‌ల ప్ర‌కారం అత‌డికి రూ. ల‌క్ష జ‌రిమానాతో స‌రిపెడుతున్న‌ట్లు చెప్పారు. భ‌విష్య‌త్తులో ఇలాంటి పొర‌పాట్లు జ‌ర‌గ‌కుండా జాగ్ర‌త్త‌గా ఉండాల‌ని హెచ్చ‌రించిన‌ట్లు తెలిపారు. ఈ ఘ‌ట‌నను అంద‌రూ గుణ‌పాఠంగా తీసుకోవాల‌ని, ఆట దెబ్బ‌తిన‌కుండా ప్ర‌తీ ఒక్క‌రు నియ‌మ నిబంధ‌న‌లు పాటించాల‌ని తాము విజ్ఞ‌ప్తి చేస్తున్న‌ట్లు పేర్కొన్నారు. ఏప్రిల్ 10న గౌహ‌తి వేదిక‌గా రాజ‌స్తాన్ రాయ‌ల్స్‌, రాయ‌ల్ చాలెంజ‌ర్స్ బెంగ‌ళూరు జ‌ట్లు త‌ల‌ప‌డ్డాయి.రాజ‌స్తాన్ ఇన్నింగ్స్ 11వ ఓవ‌ర్‌లో రోమి భింద‌ర్ డ‌గౌట్‌లో కూర్చొని మొబైల్ ఫోన్ వాడుతూ కెమెరాల‌కు చిక్కాడు. ఆ స‌మ‌యంలో రాజ‌స్తాన్ ఓపెన‌ర్ వైభ‌వ్ సూర్య‌వంశీ కూడా అత‌డి ప‌క్క‌నే కూర్చొని ఫోన్ చూడ‌డం వివాదానికి దారి తీసింది. అయితే ఈ చ‌ర్య‌తో వైభ‌వ్ సూర్య‌వంశీకి సంబంధం లేక‌పోవ‌డంతో, అత‌డిని కేవ‌లం హెచ్చ‌రిక‌తోనే స‌రిపెట్టిన‌ట్లు బీసీసీఐ తెలిపింది. ఇక ఐపీఎల్ 2026 సీజ‌న్‌లో వ‌రుస విజ‌యాల‌తో జోరు మీదున్న రాజ‌స్తాన్ రాయ‌ల్స్‌కు స‌న్‌రైజ‌ర్స్ బ్రేకులు వేసింది. మ్యాచ్‌లో హైద‌రాబాద్ 57 ప‌రుగుల తేడాతో విజ‌యాన్ని అందుకుంది. రాజ‌స్తాన్ రాయ‌ల్స్ త‌న త‌ర్వాతి మ్యాచ్‌ను ఆదివారం కేకేఆర్‌తో ఆడ‌నుంది.చదవండి: ముఖం చాటేసిన పాండ్యా.. ఏడుపొక్కటే త‌క్కువ‌!