YS Jagan Mohan Reddy

పచ్చ నేతల అరాచకాలపై దునుమాడుతుంటే.. అభిమానుల్లో కసి రెండింతలైంది.. ఖాకీల కుతంత్రాలపై నిప్పులు చెరుగుతుంటే.. పార్టీ నేతల కళ్లల్లో ఎరుపొచ్చింది... ‘మీకు తోడుగా ఈ అన్న ఉన్నాడ’న్నప్పుడు.. కార్యకర్తల ఒంటి నిండా ధైర్యం వచ్చింది... ‘మీ మీద చేయి వేస్తే..నా మీద వేసినట్లే..’ అన్నప్పుడు అభిమానుల గుండె ఉప్పొంగింది.. ‘పోలింగ్‌ రోజు నేనుంటా.. ఎవరొస్తారో..ఎంతమంది వస్తారో అన్యాయం చేస్తారా... రాండి’ అని సవాల్‌ విసురుతుంటే.. అభిమానగణంలో ఉత్సాహం ఉరకలెత్తింది.. ‘కష్టకాలంలో తోడుగా ఉన్న మీకు రుణపడి ఉంటా’ అన్నప్పుడు.. పులివెందుల నేల భావోద్వేగంతో తడిసి ముద్దయ్యింది.. ‘మా జగన్‌.. మా నాయకుడు’ అని ఈలలతో.. చప్పట్లతో ఆ ప్రాంతం మార్మోగింది.పులివెందుల పర్యటనలో భాగంగా మంగళవారం వైఎస్సార్‌సీపీ అధినేత వైఎస్‌ జగన్‌ కార్యకర్తల సమావేశంలో చేసిన ప్రసంగం ఆద్యంతం ఉత్సాహంగా సాగింది. కూటమి ప్రభుత్వం ప్రజాస్వామ్యాన్ని పాతరేసిన తీరును వివరిస్తుంటే...ప్రతి ఒక్కరి మనసుల్లో ఆలోచన కలిగించింది. పార్టీ కార్యకర్తలకు నిండు భరోసా కలిగింది. జననాయకుడిగా పులివెందుల గడ్డ నుంచే ‘పోరు’కు సై అంటూ సవాల్‌ విసరడంతో అభిమానగణం మురిసిపోయింది. కుట్రలు తిప్పికొడదాంసాక్షి కడప : ‘స్థానిక ఎన్నికల్లో చంద్రబాబు ప్రభుత్వం చేస్తున్న దారుణాలకు అంతేలేదు. ఎన్నికలకు నోటిఫికేషన్‌ ఇచ్చి నామినేషన్లు వేయకుండా అడ్డుకోవడం....రౌడీయిజం, గుండాయిజం చేస్తూ వైఎస్సార్‌ సీపీ అభ్యర్థుల చేతుల్లోని నామినేషన్‌ పత్రాలు చించివేస్తూ వికృత చేష్టలు చేశారు.. నామినేషన్‌ కేంద్రం వద్ద బారికేడ్లు దాటుకుని ముందుకు వెళితే పోలీసులు అడుగడుగునా ఇబ్బందులు సృష్టించారు. చివరికి కేంద్రాలకు వెళ్లినా లోపల రిటర్నింగ్‌ అధికారులు కూడా నామినేషన్‌ విషయంలో తేడాలు చూపించారు. ఇలాంటి దారుణమైన పరిస్థితి ఎప్పుడూ చూడలేదు. ఎన్నికల సందర్భంగా అక్కడో, ఎక్కడో పోలింగ్‌ కేంద్రాల్లో రిగ్గింగ్‌ చేసుకున్నట్లు విన్నాం. కానీ, నామినేషన్లే వేయనీయకుండా అడ్డుపడటం ఇప్పుడు చూస్తున్నాం.. నామినేషన్‌ కాకుండా సెలెక్షన్‌ అని పెట్టుకుంటే బాగుండేది. అప్పుడు ఎవరిని కావాలంటే వారిని సెలెక్ట్‌ చేసుకోవచ్చు.. ప్రజాస్వామ్యంలో ప్రజల హక్కులకు రక్షణ లేకుండా పోతోంది’ అని వైఎస్సార్‌ కాంగ్రెస్‌ పార్టీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి తీవ్ర ఆగ్రహం వ్యక్తం చేశారు. మంగళవారం ఆయన పులివెందులలో మాట్లాడుతూ నామినేషన్స్‌ వేయనీయకుండా అడ్డుకునే బదులు నేరుగా నామినేట్‌ చేసుకుంటే పోతుంది కదా అని సీఎం చంద్రబాబు తీరును ఎద్దేవా చేశారు. పరిస్థితి ఇలాగే కొనసాగితే ప్రజల ఆస్తిపాస్తులకు రక్షణ ఉండదని ఇప్పటికైనా ప్రజలు ఏకతాటిపై నిలిచి హక్కుల కోసం పోరాటం చేసేందుకు కలిసి రావాలని జగన్‌ పిలుపునిచ్చారు. వైఎస్సార్‌ సీపీ అభ్యర్థులను గెలిపించండి.. జిల్లాలో జరగనున్న స్థానిక సంస్థల ఎన్నికల్లో వైఎస్సార్‌ కాంగ్రెస్‌ పార్టీ అభ్యర్థులను అఖండ మెజారీ్టతో గెలిపించాలని మాజీ సీఎం వైఎస్‌ జగన్‌మోహన్‌రెడ్డి ప్రజలను కోరారు. అందుకు సంబంధించి మంగళవారం పులివెందులలోని వైఎస్సార్‌ ఆడిటోరియంలో కడప ఎంపీ వైఎస్‌ అవినాష్‌రెడ్డి, మున్సిపల్‌ ఇన్‌ఛార్జిలు చవ్యా దుష్యంత్‌రెడ్డి, వైఎస్‌ మనోహర్‌రెడ్డి, మున్సిపల్‌ చైర్మన్‌ అభ్యర్థి వైఎస్‌ ప్రమీలమ్మ, తొండూరు మండల ఇన్‌ఛార్జి వైఎస్‌ మధురెడ్డిలతో కలిసి తొలుత పులివెందుల మున్సిపల్‌ వైఎస్సార్‌ సీపీ అభ్యర్థులు, కార్యకర్తలతో సమావేశమయ్యారు. ఈ సందర్భంగా పోటీ లో ఉన్న అభ్యర్థులతోపాటు వైఎస్సార్‌ సీపీ మున్సిపల్‌ చైర్మన్‌ అభ్యర్థి వైఎస్‌ ప్రమీలమ్మ, కడప మేయర్‌ అభ్యర్థి బండి దీప్తిరెడ్డితోపాటు కార్పొరేటర్‌ అభ్యర్థులు, జిల్లాలోని జెడ్పీటీసీ, ఎంపీటీసీ స్థానాలకు బరిలో ఉన్న వైఎస్సార్‌ సీపీ అభ్యర్థులందరినీ గెలిపించాలని కోరారు. నామినేషన్లు వేయడం కోసం అభ్యర్థులు పడిన కష్టాలు తెలుసు... ఎన్నికలతోపాటు కౌంటింగ్‌ సందర్భంలోనూ టీడీపీ నేతలు ఇబ్బందులు పెడతారని తెలిసినా పోరాటం చేస్తున్న అందరికీ అభినందనలు తెలిపారు. గుండె ధైర్యంతో అడుగు ముందుకు వేయడమే మన కర్తవ్యమని హితబోధ చేశారు. కార్యకర్తలతో మమేకం వైఎస్‌ జగన్‌ జిల్లా పర్యటనలో భాగంగా తొలిరోజు బిజీబిజీగా గడిపారు. బెంగళూరు నుంచి నేరుగా పులివెందులకు చేరుకున్నప్పటి నుంచి ఆడిటోరియం మొదలుకొని క్యాంపు కార్యాలయం వరకు రోజంతా ప్రజలతోనే గడిపారు. ఆడిటోరియంలో పులివెందుల మున్సిపల్‌ వైఎస్సార్‌ కాంగ్రెస్‌పార్టీ శ్రేణులతోపాటు అభ్యర్థులతో నిర్వహించిన సమావేశంలో పాల్గొన్నారు. తర్వాత మధ్యాహ్నం వరకు కార్యాలయంలో ఉన్న వైఎస్‌ జగన్‌ సాయంత్రం కడప కార్పొరేషన్‌కు చెందిన వైఎస్సార్‌ సీపీ అభ్యర్థులు, మాజీ కార్పొరేటర్లు, వైఎస్సార్‌సీపీ నాయకులతో మాట్లాడారు. ∙ఎన్నికల సందర్భంగా టీడీపీ గుండాల దాడిలో గాయపడిన కార్యకర్తలతోనూ మాట్లాడి ధైర్యం నింపారు. నేతలతో ఆత్మీయ పలకరింపు వైఎస్‌ జగన్‌మోహన్‌రెడ్డిని మంగళవారం పలువురు వైఎస్సార్‌ సీపీ నేతలు కలిసి చర్చించారు. పులివెందులలోని హెలిప్యాడ్, వైఎస్సార్‌ ఆడిటోరియం, క్యాంపు కార్యాలయంలో అనేక మంది పార్టీ నాయకులు వచ్చి కలిశారు. కార్యక్రమంలో కడప ఎంపీ వైఎస్‌ అవినాష్‌రెడ్డితోపాటు పార్టీ రాష్ట్ర అధికార ప్రతినిధి రాచమల్లు శివప్రసాద్‌రెడ్డి, పార్టీ జిల్లా అధ్యక్షులు పి.రవీంద్రనాథ్‌రెడ్డి, మాజీ డిప్యూటీ సీఎం ఎస్‌బీ అంజద్‌బాషా, ఆర్టీసీ మాజీ చైర్మన్‌ దుగ్గాయపల్లె మల్లికార్జున రెడ్డి, సీఈసీ సభ్యుడు కె.సురేష్‌బాబు, మాజీ మేయర్‌ పాకా సురేష్‌కుమార్, కడప మేయర్‌ అభ్యర్థి బండి దీప్తిరెడ్డి, మాజీ ఎమ్మెల్యే రఘురామిరెడ్డి, ఎమ్మెల్సీలు ఎంవీ రామచంద్రారెడ్డి, రమేష్‌ యాదవ్, పి.రామసుబ్బారెడ్డి, పులివెందుల మున్సిపల్‌ మాజీ చైర్మన్లు రుక్మిణిదేవి, వరప్రసాద్, మార్కెట్‌యార్డు మాజీ చైర్మన్‌ చిన్నప్ప, రెడ్యం వెంకటసుబ్బారెడ్డి తదితరులు పాల్గొన్నారు. పరామర్శపులివెందులలో మున్సిపల్‌ ఎన్నికల నామినేషన్‌ సందర్భంలో జరిగిన పోలీసుల దాడుల్లో గాయపడిన పులివెందుల మున్సిపల్‌ మాజీ వైస్‌ చైర్మన్‌ హఫీజ్‌ను మంగళవారం ఫోన్‌లో వైఎస్‌ జగన్‌ పరామర్శించారు. ధైర్యంగా ఉండాలని.. పార్టీ అండగా ఉంటుందని తెలియజేశారు.

ఇదీ.. అభివృద్ధి... వైఎస్సార్‌ సీపీ హయాంలోపులివెందుల అభివృద్ధి నింగినంటింది. తరాలు చెప్పుకునేలా .. జనాలు హర్షించేలా వైఎస్‌ జగన్‌ పాలన సాగించారు.‘విద్య’కు కోట్ల రూపాయలతో అక్షరాభిషేకం చేశారు. వైద్యానికి కొత్త ‘ఊపిరి’ పోశారు. ప్రజలకు ఆహ్లాదాన్ని అందించారు..ప్రయాణికులకు సౌకర్యాన్ని పంచారు..బనానా ఇంటిగ్రేటెడ్‌ ప్యాక్‌ హౌస్‌తో రైతులకు నేస్తంగా నిలిచారు. అంతర్జాతీయ ప్రమాణాలతో స్టేడియం నిర్మాణానికి శ్రీకారం చుట్టి క్రీడాకారులకు దోస్త్‌గా మారారు.. పుట్టిన గడ్డ రుణం తీర్చుకోవడానికి ప్రగతిని ‘పట్టా’ లెక్కించారు. పేదల సొంతింటి కల సాకారం చేస్తూ అక్కచెల్లెమ్మలకు ‘పట్టా’భిషేకం చేశారు.పులివెందుల చరిత్రలోనే ‘నవ’శకానికి నాంది పలికారు. – పులివెందుల ∙‘పచ్చ’పాలకుల దుర్బుద్ధి! కూటమి ప్రభుత్వ రాకతో పులివెందుల ప్రగతి చక్రం ఆగింది. అభివృద్ధి చేయకపోగా వైఎస్సార్‌ సీపీ చేసిన అభివృద్ధిపైనా టీడీపీ ప్రభుత్వం కక్షగట్టింది. అరటి రైతుల కోసం వైఎస్సార్‌ సీపీ కోట్ల రూపాయలతో బనానా ఇంటిగ్రేటెడ్‌ ప్యాక్‌ హౌస్‌ నిర్మిస్తే వినియోగంలోకి తీసుకురావడానికి కూటమి నేతలకు చిత్తశుద్ధి కరువైంది. క్రికెట్‌ స్టేడి యం నిర్మాణానికి ‘ఆట’ంకాలు కలిగిస్తోంది. అంతేనా.. అడుగడుగునా విష సంస్కృతికి తెర తీసింది. ప్రత్యర్థుల పై దాడులకు దిగుతూ.. వాహనాలు కాలుస్తూ రౌడీయిజానికి బీజం వేస్తోంది. వైఎస్సార్‌సీపీ చేసిన అభివృద్ధిని కొనసాగించే చిత్తశుద్ధి లేక.. దుర్బుద్ధిని ప్రదర్శిస్తోంది.

సాక్షి, అమరావతి: అర్నబ్‌ తుపాను తీవ్ర రూపం దాల్చి తీరానికి సమీపంలో ఉన్న నేపథ్యంలో రాష్ట్ర ప్రజలందరూ అప్రమత్తంగా ఉండాలని మాజీ సీఎం వైఎస్‌ జగన్‌ విజ్ఞప్తి చేశారు. ముఖ్యంగా తీర ప్రాంత జిల్లాల ప్రజలు మరింత జాగ్రత్తగా ఉండాలన్నారు. వాతావరణ శాఖ హెచ్చరికలను ఎప్పటికప్పుడు గమనిస్తూ, సూచనలను తప్పనిసరిగా పాటించాలని కోరారు. తుపాను ప్రభావంతో భారీ వర్షాలు, ఈదురుగాలులు వీస్తున్నందున, వరదలు సంభవించే ప్రమా­దం ఉన్నందున ప్రజలందరూ సురక్షిత ప్రాంతాల్లో ఉండాలన్నారు. సముద్రతీర ప్రాంతాలు, లోతట్టు ప్రాంతాలు, నదులు, వాగులు, వంకల పరీవాహక ప్రాంతాల్లో నివసించే ప్రజలు అత్యంత అప్రమత్తంగా ఉండాలని సూచించారు. తుపాను కారణంగా ప్రాణాపాయం జరగకుండా ప్రజల రక్షణకు ప్రభుత్వం అత్యంత ప్రాధాన్యత ఇవ్వాలన్నారు. తుపాను తీరం దాటిన తర్వాత సహాయక చర్యలు చేపట్టడం మాత్రమే కాకుండా, ముందస్తు జాగ్రత్తల ద్వారా ప్రాణ, ఆస్తి నష్టాలను సాధ్యమైనంత వరకు నివారించేందుకు చర్యలు తీసుకోవాలని తెలిపారు. పునరావాస కేంద్రాల ఏర్పాటు, వాటిలో ఆహారం, తాగునీరు, మందులు, విద్యుత్, పారిశుధ్యం వంటి మౌలిక సదుపాయాలకు ఎలాంటి కొరత లేకుండా చూడాలని చెప్పారు. గర్భిణులు, బాలింతలు, చిన్నపిల్లలు, వృద్ధులు, దీర్ఘకాలిక వ్యాధులతో బాధ పడుతున్న వారి కోసం ప్రత్యేక ఏర్పాట్లు చేయాలని సూచించారు. అత్యవసర పరిస్థితుల్లో ప్రజలకు వైద్యసేవలు అందించేందుకు ఆస్పత్రులను, అంబులెన్సులను సిద్ధంగా ఉంచాలని, తుపాను ప్రభావిత ప్రాంతాల్లో విద్యుత్, తాగునీరు, కమ్యూనికేషన్‌ వ్యవస్థలు దెబ్బతింటే, వెంటనే పునరుద్ధరించేలా సిబ్బందిని, అవసరమైన సామగ్రిని అందుబాటులో ఉంచాలని కోరారు. తుపాను కారణ­ంగా రైతులు, మత్స్యకారులు, ఆక్వా రైతులు తీవ్రంగా నష్టపోయే ప్రమాదం ఉందని, రైతులకు అవసరమైన సహాయం అందించడానికి ప్రభుత్వం సిద్ధంగా ఉండాలన్నారు. తుపాను అనంతరం పంటలు, ఆక్వా సాగు, ఇళ్లు, ఇతర ఆస్తులకు జరిగిన నష్టాన్ని వేగంగా అంచనా వేసి, బాధితులకు సకాలంలో పరిహారం అందించేందుకు సన్నద్ధం కావాలని చెప్పారు. మోంథా తుపానుకు సంబంధించి ఇప్పటి వరకు రైతులకు ఇన్‌పుట్‌ సబ్సిడీ కింద ఒక్క రూపాయి కూడా అందజేయలేదని, ఆ డబ్బును వెంటనే విడుదల చేయాలని డిమాండ్‌ చేశారు. వైఎస్సార్‌సీపీ నేతలు, కార్యకర్తలు తుపా­ను ప్రభావిత ప్రాంతాల్లో ప్రజలకు అండగా నిలవాలని పిలుపునిచ్చారు. ఈ మేరకు మంగళవారం వైఎస్సార్‌సీపీ కేంద్ర కార్యాలయం ఓ ప్రకటన విడుదల చేసింది.

స్థానిక ఎన్నికల్లో అంతులేని అక్రమాలు, దౌర్జన్యాలు, ఏకంగా నామినేషన్ల కేంద్రాలనే రిగ్గింగ్‌ చేస్తున్న దుస్థితి. వైఎస్సార్‌సీపీ అభ్యర్థులను నామినేషన్‌ వేయనివ్వడం లేదు. అభ్యర్థుల చేతిలోని నామినేషన్‌ పత్రాలు లాక్కుని చింపేస్తున్నారు. చివరకు ఆర్‌వో చేతుల్లోని పత్రాలు కూడా లాక్కుంటున్నారు. అయినా ఆర్‌ఓలు ఫిర్యాదు చేయడం లేదు. ఇదంతా పోలీసుల సమక్షంలోనే జరుగుతున్నా కళ్లు మూసుకున్నారు. ఇన్ని జరుగుతున్నా ఎస్‌ఈసీ అస్సలు పట్టించుకోవడం లేదు. చంద్రబాబు కుట్రలో అందరూ భాగస్వాములవుతున్నారు. మా టైమ్‌ తప్పక వస్తుంది.. అప్పుడు వడ్డీతో సహా చెల్లిస్తాం. విపక్షం నామినేషన్లు వేయకుండానే ఎన్నికలు ఏకగ్రీవం అంటూ నిస్సిగ్గుగా ప్రచారం.. ఆపై ఎల్లో మీడియాలో జోరుగా కథనాల పర్వం.. పోటీలో ఎవరూ లేకుండా చేసి గెల్చామంటూ సంబరాలు చేసుకోవడానికి మీకు ఏ మాత్రం సిగ్గు, బుద్ధి, జ్ఞానం ఉన్నాయా? అసలు స్థానిక ఎన్నికంటే మీకెందుకంత భయం? అలాంటప్పుడు ఎన్నికల నిర్వహణ డ్రామా ఎందుకు? ఇన్ని దారుణాలు చేస్తున్నందుకు సిగ్గు పడాలి. రేపు పులివెందులలో పోలింగ్‌ రోజు నేను ఇక్కడే ఉంటాను. ప్రతి అభ్యర్థికి, కార్యకర్తకు అండగా నిలబడతాను. దమ్ముంటే అక్రమాలు చేసి చూపండి. ఇప్పుడు మీరు మా పార్టీ కార్యకర్తలను వేధిస్తున్నారు. వారిపై పడుతున్న ప్రతి దెబ్బ నా మీద పడుతున్నట్లే. ఇప్పుడు మీ టైమ్‌ నడుస్తోంది. అందుకే రెచ్చి పోతున్నారు. రేపు మా టైమ్‌ వచ్చినప్పుడు అక్రమాలకు పాల్పడ్డ వారిని వదిలే ప్రసక్తే లేదు. ఎక్కడ ఉన్నా తీసుకొచ్చి చట్టం ముందు నిలబెడతాం. పోలీసులు, అధికారులు ఇకనైనా వైఖరి మార్చుకొండి. మీరు సేవ చేయాల్సింది చంద్రబాబుకు కాదు. భారత రాజ్యాంగానికి లోబడి పని చేయండి. ఈ వ్యవస్థను గౌరవిస్తూ, మీ బాధ్యతలు నెరవేర్చండి. – వైఎస్‌ జగన్‌సాక్షి ప్రతినిధి, కడప: స్థానిక సంస్థల ఎన్నికల్లో వెన్నుపోటు పార్టీ కూటమి ప్రభుత్వం ఇకపై అక్రమాలకు పాల్పడితే.. పులివెందులలో కొడితే గూబ గుయ్యిమంటుందని.. అది రాష్ట్రమంతా వినిపిస్తుందని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్రంగా హెచ్చరించారు. మీ వెంట నేనున్నాను.. తిరగబడండని పార్టీ శ్రేణులు, ప్రజలకు పిలుపునిచ్చారు. మున్సిపల్‌ పోలింగ్‌ రోజున తాను పులివెందులలో ఉంటానని.. వెన్నుపోటు పార్టీ కూటమి ప్రభుత్వానికి దమ్ముంటే, అక్రమాలు చేసి చూపాలని సవాల్‌ విసిరారు. ‘స్థానిక ఎన్నికల్లో ఓటింగ్‌కు ముందు రోజు రాత్రి నేను ఇక్కడికే వస్తాను. ఓటింగ్‌ రోజున మీ జగన్‌ కూడా బూత్‌లోకి వెళ్లి ఓటు వేస్తాడు. అయినా అన్యాయం చేయడానికి ముందుకు వస్తారా.. రండి. స్లీవ్‌ (చొక్కా చేతులు) ఎట్లాగూ మడిచాం. ఎంత మంది వస్తారో రండి. గట్టిగా తగులుదాం. నిలబడి మేమేంటో చూపిస్తాం’ అని హెచ్చరించారు. ప్రజాస్వామ్యంలో ఎవరు మంచి చేశారో వారికే ప్రజలు తోడుగా నిలబడతారన్న సంకేతాన్ని కచ్చితంగా పంపిస్తామన్నారు. వైఎస్సార్‌ జిల్లా పులివెందులలోని భాకరాపురం క్యాంప్‌ కార్యాలయంలో మంగళవారం నియోజకవర్గ స్థాయి పార్టీ అభ్యర్థులు, పార్టీ నాయకులు, కార్యకర్తల సమావేశంలో ఆయన మాట్లాడారు. రాష్ట్రంలో జరుగుతున్న స్థానిక సంస్థల ఎన్నికల్లో కౌరవుల కుట్రలు కనిపిస్తున్నాయని చెప్పారు. శకునిలా చంద్రబాబు విసిరిన మాయా పాచికలు కూడా స్పష్టంగా కనబడుతున్నాయని.. ప్రజాస్వామ్యాన్ని కాపాడాల్సిన వారే దాన్ని ఖూనీ చేస్తున్నారని మండిపడ్డారు. స్థానిక ఎన్నికల్లో అంతులేని అక్రమాలు, దౌర్జన్యాలు సాగిస్తున్నారని నిప్పులు చెరిగారు. ఏకంగా నామినేషన్ల పర్వంలోనే చంద్రబాబు రిగ్గింగ్‌కు పాల్పడుతున్నారని, యథేచ్ఛగా నామినేషన్‌ కేంద్రాలను ఆక్రమించి, వైఎస్సార్‌సీపీ అభ్యర్థులను నామినేషన్‌ వేయనివ్వలేదని ధ్వజమెత్తారు. అభ్యర్థుల చేతిలోని నామినేషన్‌ పత్రాలు లాక్కుని చింపేస్తున్నారని, చివరకు ఆర్‌ఓ చేతుల్లోని పత్రాలు కూడా లాక్కుంటున్నారని, అయినా వారు ఎక్కడా ఫిర్యాదు చేయడం లేదని ఆగ్రహం వ్యక్తం చేశారు. ఇవన్నీ పోలీసుల సమక్షంలోనే జరుగుతున్నా, వారు చోద్యం చూస్తున్నారన్నారు. రాష్ట్రంలో ఇంత జరుగుతున్నా రాష్ట్ర ఎన్నికల కమిషన్‌ (ఎస్‌ఈసీ) అస్సలు పట్టించుకోవడం లేదని ఆక్షేపించారు. ఇప్పుడు అన్యాయంగా తమ పార్టీ అభ్యర్థులు, కార్యకర్తలు, నాయకులను వేధిస్తున్నారని.. వారిపై పడుతున్న ప్రతి దెబ్బ తనపైనే పడుతోందని, భవిష్యత్తులో తమ టైమ్‌ వచ్చినప్పుడు వడ్డీతో సహా బదులిస్తామని స్పష్టం చేశారు. ఇప్పుడు తప్పు చేస్తున్న ఎవ్వరినీ విడిచిపెట్టబోమని, వారు ఎక్కడున్నా.. చివరకు రిటైర్‌ అయినా సరే తీసుకొచ్చి చట్టం ముందు నిలబెడతామని చెప్పారు. చేసిన తప్పుకు శిక్ష తప్పదని హెచ్చరించారు ఈ సమావేశంలో వైఎస్‌ జగన్‌ ఇంకా ఏం మాట్లాడారంటే.. శకుని పాచికల్లా చంద్రబాబు రాజకీయం నిజంగా ఈ రోజు ఎన్నికలు జరుగుతున్న తీరు చూస్తుంటే, మహాభారతంలో కౌరవుల కుతంత్రాలన్నీ కనిపిస్తున్నాయి. చంద్రబాబులో శకుని క్యారెక్టర్‌ కనిపిస్తుంది. ఆ రోజు ఏ రకంగా అయితే శకుని మాయా పాచికలు వేసి, తనకు అనుకూలంగా జూదాన్ని మల్చుకున్నాడో, సరిగ్గా ఈరోజు చంద్రబాబు అదే పని చేస్తూ అధికారాన్ని తనకు అనుకూలంగా మార్చుకుంటూ దుర్వినియోగం చేస్తున్నారు. ఆ రోజు ఆ సభలో పక్కనే ఉన్న వాళ్లంతా అలా చూస్తూ ఉండిపోయి.. శకునికి, దుర్యోధనుడికి సహకరించినట్లే.. ఈ రోజు పోలీసులు, అధికారగణం చంద్రబాబుకు పూర్తిగా సహకరిస్తోంది. ఎస్‌ఈసీ, పోలీస్‌ అధికారులు, మిగిలిన అధికారులు ఏ మాత్రం స్పందించరు. వ్యవస్థలన్నీ పూర్తిగా నీరు గారి తానా అంటే తందానా అంటూ చంద్రబాబునాయుడుకు సపోర్ట్‌ చేస్తున్న పరిస్థితి కనిపిస్తోంది. ప్రజాస్వామ్యాన్ని పరిరక్షించాల్సిన వారే ఖూనీ చేస్తున్న పరిస్థితి చూసినప్పుడు బాధ అనిపిస్తుంది. భావితరాలకు మనం ఎలాంటి లీడర్లను ఇవ్వబోతున్నాం.. ఎలాంటి మెసేజ్‌ ఇవ్వబోతున్నాం అన్నది ఈరోజు చంద్రబాబు పాపంలో భాగస్తులైన ప్రతి అధికారి, ప్రతి పోలీసు, ఎస్‌ఈసీ, ప్రతి వ్యవస్థ ఆలోచించాలి. నామినేషన్ల పర్వంలోనే రిగ్గింగ్‌ గతంలో పోలింగ్‌ బూత్‌లు స్వా«దీనం చేసుకుని రిగ్గింగ్‌ చేయడం చూశాం. ఇప్పుడు ఏకంగా నామినేషన్ల పర్వంలోనే రిగ్గింగ్‌ చూస్తున్నాం. ఇలా ఇంత వరకు బహుశా దేశ చరిత్రలో ఎప్పుడూ జరిగి ఉండదు. నామినేషన్‌ సెంటర్లను ఆక్రమించుకోవడం అన్నది ఇంత వరకు దేశంలోనే ఎక్కడా చూసి ఉండం. ఇప్పుడు మన రాష్ట్రంలో చంద్రబాబునాయుడు సీఎంగా ఉండగా, ఆ పరిస్థితి చూస్తున్నాం. ప్రజాస్వామ్యం ఎంత దరిద్రంగా ఉందో చెప్పడానికి నిదర్శనాలు ఇవి. పోటీయే లేకుండా గెల్చామంటూ సంబరాలా! మామూలుగా ఎక్కడ పోటీ జరిగినా, అందరూ పాల్గొంటారు. అప్పుడు గెలిచి, నేను గెలిచానని గర్వంగా కాలర్‌ ఎగరేసుకొని చెప్పుకునే పరిస్థితి చూస్తాం. కానీ ఇవాళ పోటీలో మిగిలిన ప్లేయర్లను ఎవ్వరినీ రానివ్వకుండా, వారికి ఆడే అవకాశం ఇవ్వకుండా, వారిని తప్పించి.. ఆ తర్వాత మేమే గెలిచామంటూ సంకలు గుద్దుకుంటున్నారు. ఇలాంటి వాళ్లను బహుశా ఎక్కడా చూసి ఉండం. పోటీ అంటే నువ్వు తలపడు.. నేనూ తలపడుతా.. ప్రజలు ఎవరికి ఓటు వేయాలనుకుంటే వారికే వేస్తారు. ప్రజలు ఒకవేళ నీకు ఓటు వేస్తే నువ్వు సంతోషపడు. నాకు ఓటు వేస్తే, నేను సంతోషపడతా.. దాన్ని పోటీ అంటారు. సిగ్గు, బుద్ధి, జ్ఞానం ఉన్నాయా? ఇవాళ అసలు పోటీ అనేది ఉండదు. అటువైపున పోటీ పడే మనిషి ఉండకూడదు. అలాంటి పోటీ లేకుండా గెలిచి, గెలిచాము అని చెప్పి, ఆ రౌడీయిజాన్ని, ఆ దౌర్జన్యాన్ని ఈ మాదిరిగా బ్యానర్లుగా రాస్తున్నారు. ‘‘17 పట్టణ స్థానిక సంస్థల్లో మొత్తం కూటమి ఖాతాల్లోకి’’ అని రాశారు. ఈ మాదిరిగా వాళ్ల పేపర్లలో వాళ్లు గొప్పగా ఏదో చేసినట్టుగా రాసుకుంటారు. ౖచైర్‌ప­ర్సన్‌ ఎన్నికల్లో తెలుగుదేశం పారీ్టకి 15, జనసేనకు ఒకటి, బీజేపీకి ఒకటి. అన్నీ ఏకగ్రీవం అట! మొత్తం వార్డుల్లో 21.08 శాతం, డివిజన్లలో 12.58 శాతం ఏకగ్రీవం అట! జగన్‌ సొంత జిల్లాలో కూటమి ఖాతాల్లోకి ఆరు పురపాలక సంఘాలట! నగర పంచాయతీలు కూడానట! మాజీ మంత్రి పెద్దిరెడ్డి అడ్డాలో తెలుగుదేశం జెండా అట! ఇవి వాళ్ల కరపత్రం ఈనాడులో వార్తలు. సిగ్గు, బుద్ధి, జ్ఞానం ఉన్న వాళ్లు ఎవరైనా ఈ మాదిరిగా ఎన్నికలు జరిపించి, ఇలా ఎన్నికల్లో గెలిచామని చెప్పి సంకలు గుద్దుకుంటారా.. అంటే, వాళ్లకన్నా తెలివి లేనోళ్లు ఈ ప్రపంచ చరిత్రలో ఎవరైనా ఉంటారా అని అడుగుతున్నా. అసలు మీకు ఎన్నికలంటే ఎందుకు భయం? ఎన్నికల్లో పోటీ పెట్టించడానికి ఎందుకు భయపడుతున్నారని చంద్రబాబునాయుడును, ఆయనకు వత్తాసు పలుకుతున్న ఇలాంటి దిక్కుమాలిన పేపర్లు, దిక్కుమాలిన టీవీలు, ఇలాంటి వాళ్లందరినీ అడుగుతున్నాను. అందుకు కారణం ఒక్కటే. సూపర్‌ సికుŠుస్ల లేవు, సూపర్‌ సెవెన్లు లేవు. గత ఎన్నికలప్పుడు ఇంటింటికీ పంచిన బాండ్లను ఎవరూ మర్చిపోలేదు. ప్రజలంతా ఆ బాండ్లు చూపించి తెలుగుదేశం పార్టీని నిలదీసే పరిస్థితి వచ్చింది. అదే చర్చ ప్రతి ఇంట్లో జరుగుతోంది. ఏకంగా 143 హామీలు ఇచ్చి, దాదాపు మూడేళ్లు అవుతుంటే వాటిని బోడి సున్నా చేశారు. అందుకే ఈరోజు ప్రజల దగ్గరికి వెళ్లే ముఖం లేక, ఎన్నికల్లో పోటీకి నిలబడే ధైర్యం లేక, మాయా పాచికలతో చంద్రబాబు శకుని రాజకీయం చేస్తున్నారు. ఇలా జరుగుతుంటే సిగ్గనిపించడం లేదా? మీ వల్ల అందరికన్నా ఎక్కువగా నష్టపోయింది ఎవరో తెలుసా.. అని చంద్రబాబు, ఈ దౌర్భాగ్యపు పేపర్లు, టీవీ ఛానళ్లు నడుపుతున్న వారిని అడుగుతున్నా.. 50 శాతం రిజర్వేషన్‌ ప్రకారం, ఈ ఎన్నికల్లో సగానికి పైగా సీట్లలో పోటీ చేసేది నా అక్కచెల్లెమ్మలే. నామినేషన్‌ వేయడానికి వస్తున్నారంటే గౌరవిస్తూ సంతోషించాలి. కానీ, అందుకు భిన్నంగా వారిని నడి రోడ్డు మీద అడ్డుకుంటున్నారు. చెక్‌ పోస్టులు పెడుతున్నారు. ఆ చెక్‌ పోస్టు దాటి, దాదాపు కిలోమీటర్‌ దూరంలో ఉన్న ఆర్వో కేంద్రానికి వారు రావాల్సి వస్తోంది. అభ్యర్థినితో పాటు, కేవలం ముగ్గురిని మాత్రమే అనుమతిస్తున్నారు. దీంతో మధ్యలో దాదాపు నాలుగు చోట్ల టీడీపీ గూండాలు అక్కచెల్లెమ్మల మీద దాడులు చేయడం, చీరలు లాగడం, అగౌరవంగా వ్యవహరించడం, చివరికి ఆ నామినేషన్‌ పత్రాలను చించేయడం చేస్తున్నారు. ఈ అడ్డంకులూ దాటుకుని నామినేషన్‌ కేంద్రంలోకి వెళితే.. అప్పటికే అక్కడ టీడీపీ గూండాలు ఆక్రమించి తిష్ట వేసి ఉంటారు. ఇలా జరుగుతుంటే నీకు సిగ్గనిపించడం లేదా.. చంద్రబాబూ. మా ప్రభుత్వ హయాంలో అక్కచెల్లెమ్మలు ఎలా ఉన్నారంటే.. నా అక్కచెల్లెమ్మల ముఖంలో చిరునవ్వు ఉండాలని, వారు సంతోషంగా ఉంటే, ఆ కుటుంబాలు బాగుంటాయని చెప్పి తపన, తాపత్రయ పడ్డ ప్రభుత్వం వైఎస్సార్‌ కాంగ్రెస్‌ పార్టీ ప్రభుత్వం. వారి కోసం ఆసరా, చేయూత, ఓబీసీ నేస్తం, కాపు నేస్తం, ఇంకా పొదుపు సంఘాల అక్కచెల్లెమ్మల కోసం సున్నా వడ్డీ, అక్కచెల్లెమ్మల పిల్లలైన నా మేనల్లుళ్లు, మేనకోడళ్ల కోసం అమ్మఒడి, విద్యా దీవెన, వసతి దీవెన పథకాలు తీసుకొచ్చాం. తద్వారా ఆయా పథకాల నగదును నా అక్కచెల్లెమ్మల కుటుంబాల ఖాతాల్లో జమ చేశాం. దేశ చరిత్రలో ఎక్కడా లేని విధంగా ఏకంగా 31 లక్షల ఇళ్ల పట్టాలు, 21 లక్షల ఇళ్లు అక్కచెల్లెమ్మల పేరిట రిజిస్ట్రేషన్‌ చేయించి, కట్టించి ఇచ్చే బృహత్తర కార్యక్రమం కూడా చేపట్టాం. అక్కచెల్లెమ్మలను చేయి పట్టుకొని నడిపించడమే కాకుండా, వారు ఆర్థికంగా, రాజకీయంగా, సామాజికంగా కూడా ఎదగాలని చెప్పి.. నామినేటెడ్‌ పదవుల్లో, నామినేటెడ్‌ కాంట్రాక్టుల్లో ఏకంగా 50% రిజర్వే­షన్‌ ఇస్తూ చట్టం చేసి మరీ అమలు చేశాం. అలాంటి అక్కచెల్లెమ్మల గౌరవాన్ని ఈరోజు నిర్దాక్షిణ్యంగా మంట గలుపుతున్నాడు ఈ పెద్ద మనిషి చంద్రబాబునాయుడు. 80 ఏళ్ల వయసులో చేస్తున్న ఇలాంటి దౌర్భా­గ్యకర పనులకు ఆయన సిగ్గుతో తల దించుకోవాలి. నిజంగా పోటీ మధ్య ఎన్నికలు జరిగితే ఎవరు ప్రజలకు మంచి చేశారనేది తెలుస్తుంది. అప్పుడు ఆ గెలుపునకు ఒక సంతో­షం అనేది ఉంటుంది. కానీ, ఈ రోజు అలా జరగడం లేదు. పులివెందులలో మరీ దారుణం పులివెందులలో జరిగిన ఈ ఘటనలు వింటే గుండె తరుక్కుపోతుంది. 40 వార్డులున్న పులివెందులలో కేవలం 20 వార్డుల్లో మాత్రమే నామినేషన్లు వేయనిచ్చారు. అంటే, మనం నిజంగా ప్రజాస్వామ్యంలో ఉన్నామా? లేదా? అని ఈ పాలకులంతా సిగ్గుతో తల దించుకోవాలి. ఇదే నియోజకవర్గంలో ఏడు జెడ్పిటీసి స్థానాలకు గాను నాలుగింటిలో మాత్రమే పోటీ జరుగుతోంది. ఒక స్థానంలో దగ్గరుండి తెలుగుదేశం పార్టీ ఇన్‌చార్జ్‌ క్యాండిడేట్‌ భార్య దగ్గరుండి వైఎస్సార్‌సీపీ అభ్యర్థి నామినేషన్‌ చింపేశారు. మరో వైపు స్క్రూటినీ పేరిట రెండు నామినేషన్లు రిజెక్ట్‌ చేసిన పరిస్థితి కనిపిస్తోంది. ఇంకో వైపు పోలీసులే స్వయంగా అడ్డుకోవడం దారుణం. అక్టోబరు 17న, మన కౌన్సిలర్లు నామినేషన్‌ వేయడానికి అక్కడికి వెళ్తే, పరిస్థితి ఉద్రిక్తంగా ఉంది కాబట్టి, మధ్యాహ్నం రావాలని పోలీçసులు తిప్పి పంపించారు. మధ్యాహ్నం దాకా వేచి చూసి, 1 గంటకు నామినేషన్లు వేయడానికి వెళ్తే అదే పోలీసులు మళ్లీ అడ్డుకోవడం అన్నది ఎప్పుడూ చూడలేదు. పైగా నామినేషన్లు వేయడానికి వీలు లేదని హుకుం జారీ చేశారు. దీంతో ఎంపీ అవినాష్‌, దుష్యంత్‌ ఏం చెప్పారంటే.. ‘అయ్యా మేము ఇక్కడే ఉంటాం. మా పార్టీ కౌన్సిలర్‌ అభ్యర్థులంతా మూడు వాహనాల్లో ఎక్కుతారు. అప్పుడు మీరే స్వయంగా వారిని తీసుకుపోయి, మీరే దగ్గరుండి నామినేషన్లు వేయించండి’ అని విజ్ఞప్తి చేశారు. ఇందుకు కూడా పోలీసులు ససేమిరా అనడంతో, మా పార్టీ నాయకులు ఇదెక్కడి న్యాయమని ప్రశ్నించారు. పైగా మానవత్వం అన్నది పూర్తిగా మర్చిపోయి లాఠీఛార్జ్‌ చేశారు. ఏకే–47తో ఏకంగా 37 రౌండ్లు కాల్పులు జరిపారు. దాంతో ఇద్దరి కాళ్లు, తొడల్లోకి గుండ్లు దూసుకుపోయాయి. నిజంగా ఇలాంటి ఘటనల గురించి నాడు స్వాతంత్య్ర పోరాట సమయంలోనే విన్నాం. పులివెందులలో పోలీసులు కేవలం కాల్పులతోనే ఆగిపోలేదు. 20 స్టన్‌ షెల్స్, 40 స్మోక్‌ షెల్స్‌ కూడా ప్రయోగించారు. ఇంకా ఏడు హ్యాండ్‌ గ్రెనేడ్స్‌ కూడా ఉపయోగించారు. అసలు మా పార్టీ అభ్యర్థులు చేసిన తప్పేమిటి? అంతæ బల ప్రయోగం ఎందుకు చేశారు? కేవలం నామినేషన్లు వేయడానికి రావడమే మా అభ్యర్థులు చేసిన తప్పా? అని చంద్రబాబునాయుడును గట్టిగా నిలదీస్తున్నా. కాల్పులతో అడ్డుకున్న పోలీసులనూ అడుగుతున్నా. 924 మందిపై హత్యాయత్నం కేసులా!? ఎన్నికల్లో పోటీ చేయడానికే ఇంతగా భయపడుతున్నప్పుడు మీరు అసలు ఎన్నికలు ఎందుకు పెట్టారు? అన్ని నామినేషన్‌ పద్ధతిలో మీరే నింపుకోవచ్చు కదా? అందుకు చంద్రబాబునాయుడు సిగ్గు పడాల్సిన పరిస్థితి. పులివెందులలో దౌర్జన్యాలు ఇంకా అక్కడితో ఆగిపోలేదు. ఆయా ఘటనల్లో బాధితులైన వారిలో 924 మంది మీద ఏకంగా హత్యాయత్నం సెక్షన్‌–307 కింద కేసు నమోదు చేశారు. అంటే పోలీసులను చంపడానికి వీరంతా ప్రయత్నించారట! తొండి.. దౌర్జన్యం.. అన్యాయం నిజానికి మమ్మల్ని చంపడానికి నువ్వు తుపాకులు కాల్చావు. ఏకంగా 37 రౌండ్లు కాల్చారు. బాంబులు విసిరారు. దాంతో మా వాళ్లకి గాయాలయ్యాయి. ఇన్ని పనులు చేసిన మీరు, తిరిగి మా వాళ్లు 924 మందిపై హత్యాయత్నం కేసులు పెట్టడం అత్యంత హేయం. నిజం చెప్పాలంటే వారంతా ఈ ఎన్నికల్లో కనిపించకుండా ఉండడమే మీ లక్ష్యం. అదే మీ కుట్ర. అందుకే అంత దారుణంగా కేసులు పెట్టారు. తొండి తొండి.. అని చిన్న పిల్లలు ఆడుకుంటున్నప్పుడు అంటుంటారు. మరి ఇది కూడా తొండి కాకపోతే మరేమిటి? తొండి ఒక్కటే కాదు.. అడుగడు­గునా దౌర్జన్యం, అన్యాయం. నిజంగా సుప్రీంకోర్టు ఆదేశాలు ఇచ్చినా కూడా చంద్రబాబులో మార్పు రాలేదు. ఎస్‌ఈసీలో మార్పు రాలేదు. కలెక్టర్లలో మార్పు రాలేదు. ఇలాంటి అధికారులు ఇలాగే కొనసాగుతుంటే, ఎన్నికలు సజావుగా జరుగుతాయా? నీవు ఎన్నికలు నిర్వహిస్తున్నావా? లేక నామినేషన్‌ పద్ధతిలో ఎన్నికలకు పోతున్నావా? చంద్రబాబు గుండెపై చెయ్యి వేసుకొని సమాధానం చెప్పాలి. కడప జిల్లాలో 39 మంది జెడ్పిటీసీలు పోటీ చేయాల్సి ఉంటే, వాటిలో ఏకంగా 17 చోట్ల పోటీ లేకుండా చేశారు. 6 చోట్ల నామినేషన్లు వేయనివ్వలేదు. మరో 11 చోట్ల, అర్ధరాత్రి దాటాక స్రూ్కటినీ పేరుతో నామినేషన్లు తిరస్కరించారు. అలా 39 చోట్లలో 17 చోట్ల అసలు ఎన్నిక లేకుండా, పోటీ లేకుండా చేసి, కడప జెడ్పీ స్థానాన్ని గెల్చుకున్నామని రేపు చెప్పుకుంటారు. అందుకు మీకు సిగ్గు ఉండాలి. రేపు ఆస్తులు లాగేసుకుంటారు ఈరోజు ఈ వెన్నుపోటు పార్టీ, వెన్నుపోటు పార్టీ నాయకుడు చేస్తున్న రాజకీయాల ద్వారా మన హక్కులు లాగేసుకున్నారు. పోలీసులు, అధికారుల సమక్షంలోనే నామినేషన్‌ పత్రాలను చింపేశారు. ఇలాగే చూస్తూ ఊరకుంటే రేప్పొద్దున మీ ఆస్తి పత్రాలను ఇదే మాదిరిగా వీళ్లు లాక్కుంటారు. వీళ్లే ఆ పత్రాలను చింపేస్తారు. ఇక ఆ ఆస్తి మీది కాదు.. మాది అని చెప్పే రోజు కూడా త్వరలోనే వస్తుంది. పులివెందుల నుంచి మొదలయ్యే ఈ ఆలోచనను రాష్ట్రంలో ఉన్న ప్రతి ఒక్కరూ ఆలోచించాల్సిన అవసరం ఉంది. రేపు మనం సబ్‌ రిజిస్ట్రార్‌ ఆఫీసుకు వెళితే అక్కడ వాళ్లే మన పేపర్లు చింపేసి, ఇక ఈ ఆస్తి నీది కాదు.. నాది అని చెప్పే పరిస్థితి త్వరలోనే వస్తుంది. కాబట్టి దీని గురించి ప్రతి ఒక్కరూ ఆలోచించాలని కోరుతున్నా’ అని వైఎస్‌ జగన్‌ అన్నారు. ఈ కార్యక్రమంలో కడప ఎంపీ వైఎస్‌ అవినాష్‌రెడ్డి, ప్రొద్దుటూరు మాజీ ఎమ్మెల్యే రాచమల్లు ప్రసాదరెడ్డి, పులివెందుల మున్సిపల్‌ చైర్‌పర్సన్‌ అభ్యర్థి వైఎస్‌ ప్రమీలమ్మ, ఇన్‌ఛార్జి వైఎస్‌ మనోహరరెడ్డి, నేతలు వైఎస్‌ మధురెడ్డి, చవ్వా దుష్యంత్‌రెడ్డి పాల్గొన్నారు. తిరగబడండి.. మీ అన్న తోడుగా ఉంటాడు మన హక్కులను మనం కాపాడుకోకపోతే, మన హక్కులు మనకు ఎప్పటికీ దక్కకుండా పోతాయన్న విషయాన్ని గుర్తు పెట్టుకోండి. అందుకే అందరినీ ఒక్కటే కోరుతున్నా. తిరగబడండి.. మీ అన్న మీకు తోడుగా ఉంటాడని గట్టిగా చెబుతున్నా. పులివెందులలో మీరు కొట్టే దెబ్బకు కూటమి గూబ గుయ్యిమనాలి. అది రాష్ట్రమంతా వినిపించాలి. ఎందుకంటే, ఇక్కడ చాలా దారుణంగా వ్యవహరించారు. ఇక్కడి మున్సిపాలిటీలో మనం కేవలం 29 స్థానాల్లోనే ఉండేలా చేశారు. అదే వారు మాత్రం మొత్తం స్థానాల్లో పోటీ చేస్తున్నారు. అలాగే జెడ్పీటీసీల్లో వారు మొత్తం ఏడు చోట్ల పోటీ చేస్తుంటే, మనం నాలుగింటిలోనే పోటీకి దిగుతున్నాం. అంతగా తొండి, అన్యాయం, దౌర్జన్యం చేస్తున్నారు. చూస్తుండగానే రెండున్నర ఏళ్లు గడిచిపోయాయి. కళ్లు మూసుకుని తెరిచేలోగా మరో రెండేళ్లు. వచ్చే సంవత్సరం సెపె్టంబర్‌లో నా పాదయాత్ర ప్రారంభం అవుతుంది. ఆ తర్వాత ఏడాదికి ఈ ప్రభుత్వం పూర్తిగా తుడిచిపెట్టుకుపోబోతుంది. ఇది నేను గట్టిగా చెబుతున్నా. తనకు ఆహ్వానం పలకడానికి వచ్చిన కార్యకర్తలకు అభివాదం చేస్తున్న వైఎస్‌ జగన్‌మోహన్‌రెడ్డి ఆ చేయి నా మీద వేసినట్లే పులివెందులలో ప్రతి పోలీస్‌ అధికారికి, అధికారికి చెబుతున్నా. పులివెందులలో మా వాళ్ల మీద చెయ్యి వేశారంటే దానర్థం, మీరు నా మీద చేయి వేసినట్లే. అదే గట్టిగా చెబుతున్నాను. ఈ రోజు టైమ్‌ మీది. మా మీద చేయి వేస్తున్నారు. రేపు మా టైమ్‌ వస్తుంది. అప్పుడు వడ్డీతో సహా చెల్లిస్తాం. అన్యాయం చేసిన ఏ అధికారిని వదిలిపెట్టబోం. ఇప్పుడు అన్యాయం చేసిన, చేస్తున్న ఏ అధికారి ఎక్కడికీ పోలేడు. ఒకవేళ రిటైర్‌ అయిపోయి ఉన్నా కూడా తీసుకొస్తాం. చంద్రబాబునాయుడుకు కూడా గట్టిగా చెబుతున్నా. ప్రతి పోలీస్‌ అధికారికి, ప్రతి అధికారికి చెబుతున్నా. మీరు డ్యూటీ చేస్తోంది మీ టోపీ మీద ఉన్న మూడు సింహాల కోసం అని ఒకసారి గుర్తు చేసుకోండి. మీరు డ్యూటీ చేస్తోంది భారత రాజ్యాంగ వ్యవస్థ కోసం అని కూడా గుర్తు పెట్టుకోండి. మనం ప్రజాస్వామ్యంలో ఉన్నాం. ప్రజాస్వామ్యంలో ప్రజలను గౌరవించలేని పరిస్థితికి వస్తే, రక్షకులుగా ఉండాల్సిన వారే దౌర్జన్యం చేస్తే, ఇక రక్షించే వాడు ఎవడు? అని ఒకసారి ఆలోచించండి. ఇప్పటికైనా సమయం మించి పోలేదు. మీలో మార్పు రావాలి. ఆ మార్పు తెచ్చుకొని మీరు అడుగులు ముందుకు వేయండి.మనకు పోరాటాలు కొత్త కాదు ⇒ ప్రతిపక్షంలో ఉన్నప్పుడు ఇవన్నీ మనకు కొత్త కాదని గుర్తు చేస్తున్నా. మన పార్టీ పుట్టింది ప్రతిపక్షంలోనే. మన పార్టీ నడిచింది కష్టాల్లోనే. కానీ ఎన్ని కష్టాలు పెట్టినా, ఎన్ని రకాలుగా ఇబ్బంది పెట్టినా చివరికి జరి­గింది ఏమిటి? కొంచెం ఆలస్యమైనా మనం సీఎం సీట్లో కూర్చున్నాం. ఈ విషయాన్ని కచ్చితంగా గుర్తు పెట్టుకోండి. ఆ రోజు జగన్‌ తప్పకుండా మంచి చేస్తాడు అన్న నమ్మకంతో మనల్ని గెలిపించారు. మనం ముఖ్యమంత్రి స్థానంలో కూర్చున్నాం. ⇒ ఈ రోజు జగన్‌ చేసిన మంచి ప్రతి ఇంట్లో బతికే ఉంది. అందుకే చంద్రబాబునాయుడు పాలన, జగన్‌ పాలన మధ్య తేడాపై ప్రతి ఇంట్లో ఈ రోజు చర్చ జరుగుతోంది. అందుకే ఈసారి ప్రజలు ఓటు వేస్తే చంద్రబాబునాయుడుకు సింగిల్‌ డిజిట్‌ కూడా రాని పరి­స్థితి వచ్చింది. రెండు సంవత్సరాలు కాస్త ఓపి­క పట్టండి. ఆ తర్వాత వచ్చేది జగన్‌ 2.0 అన్నది మాత్రం గుర్తు పెట్టుకోండి. జగన్‌ 2.0 లో జగన్‌ ఒకటైతే.. పార్టీ కార్యకర్త రెండు అని గుర్తు పెట్టుకోండి. మీ ద్వారానే ప్రజలకు మంచి చేస్తాను. మీ సంక్షేమం నా లక్ష్యం. మీ సమ­స్యలు నా సమస్యగా భావించి మీకు తోడుగా ఉంటాను. ⇒ మీ మీద దెబ్బ పడితే మీ అన్న ఊర్కే చూస్తూ ఉండిపోడు. పులివెందుల ప్రజలు ఎప్పుడూ, నాన్న చనిపోయిన తర్వాత కూడా నా కుటుంబ సభ్యులుగానే అండగా నిలబడ్డారు. నాకు కష్టం వచ్చినా, దుఃఖం వచ్చినా.. ఎవరి భుజానైనా నేను కన్నీళ్లు పెట్టుకోవాలని అంటే అది పులివెందుల ప్రజలే. మీరు నన్ను గెలిపించారు కాబట్టే ఈ రాష్ట్రానికి నేను ముఖ్యమంత్రి కాగలిగాను. ⇒ మీ బిడ్డకు మీరు ఇలాగే తోడుగా నిలబడండి. ప్రజాస్వామ్యాన్ని కాపాడుకునే కార్యక్రమానికి పులివెందుల నుంచే బీజం వేస్తాం. ఇక్కడి నుంచి పడే బీజం రేప్పొద్దున ఒక చెట్టుగా మారి చంద్రబాబునాయుడు కుటిల రాజకీయాన్ని కూకటి వేళ్లతో సహా పెకిలించి వేస్తుంది. ⇒ ఇప్పుడు జరుగుతున్న ఎన్నికల ప్రక్రియలో దెబ్బలు తగిలిన వాళ్లు, కష్టాలు అనుభవించిన వాళ్లు, అన్నింటికీ ధైర్యంగా నిలబడ్డ నా అక్కచెల్లెమ్మలు, అన్నదమ్ములు, మరీ ముఖ్యంగా ఈ నియోజకవర్గం, మున్సిపాలిటీకి సంబంధించిన అందరికీ కృతజ్ఞతలు.

సాక్షి ప్రతినిధి, కడప: వైఎస్సార్‌ కాంగ్రెస్‌ పార్టీ అధ్య­క్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పులివెందులలో మంగళవారం సాయంత్రం కడప నగర పాలక సంస్థకు చెందిన పార్టీ నేతలు, ప్రజా­ప్రతినిధులతో సమావేశమయ్యారు. కడప కార్పొరే­షన్‌ ఎన్నికల నేపథ్యంలో తాజా రాజకీయ పరిణా­మాలు, ఎన్నికల సన్నాహాలు, నామినేషన్ల సంద­ర్భంగా చోటుచేసుకున్న ఘటనలపై సమీక్షించారు. పార్టీ నేతలకు దిశా నిర్దేశం చేశారు. నామినేషన్ల దా­ఖలు సందర్భంగా టీడీపీ నేతలు, కార్యకర్తలు చేసిన దాడులు, బెదిరింపులపై ఆరా తీశారు. ఎదురైన ఆటంకాలు, పార్టీ అభ్యర్థులు ఎదుర్కొన్న ఇబ్బందు­లపై చర్చించారు.ఈ సందర్భంగా మాట్లాడుతూ.. అధికార బలంతో ప్రతిపక్షాలను అణచి వేయాలని చూడటం ప్రజాస్వామ్య స్ఫూర్తికి విరుద్ధమన్నారు. ఎన్నికల్లో ప్రజల తీర్పే అంతిమమని.. దాడులు, బెదిరింపులతో ప్రజాస్వామ్య ప్రక్రియను అడ్డుకోలే­రని స్పష్టం చేశారు. దాడులు, బెదిరింపులపై నిష్పక్ష­పాత విచారణ జరిపించాలని, బాధ్యులపై చట్టపర­మైన చర్యలు తీసుకోవాలని డిమాండ్‌ చేశారు. ఎన్ని దాడులు చేసినా వెనక్కు తగ్గకుండా ధైర్యంగా పోరా­డి ఎన్నికల బరిలో నిలిచిన పార్టీ నాయకులు, కార్య­కర్తలను ఆయన అభినందించారు. పార్టీ శ్రేణులు ఆత్మస్థైర్యంతో ముందుకు సాగాలని సూచించారు. నేతలు, కార్యకర్తలు ఐక్యంగా, సమన్వయంతో పని చేసి మేయర్‌ అభ్యర్థి బండి దీప్తిరెడ్డి గెలుపునకు కృషి చేయాలని పిలుపునిచ్చారు. ఎన్నికల ప్రక్రియ పారదర్శకంగా, నిష్పక్షపాతంగా జరిగేలా అధికారు­లు చర్యలు తీసుకోవాలని, అభ్యర్థులకు తగిన భద్రత కల్పించాలని కోరారు. సమస్యలు వింటూ.. ఆప్యాయంగా పలకరిస్తూవైఎస్‌ జగన్‌ పులివెందుల పర్యటనలో భాగంగా మంగళవారం భాకరాపురంలోని తన క్యాంపు కా­ర్యాలయంలో ప్రజా దర్బార్‌ నిర్వహించారు. వివిధ ప్రాంతాల నుంచి వచ్చిన ప్రజలు, పార్టీ నాయకు­లు, కార్యకర్తలు, అభిమానులు పెద్ద సంఖ్యలో ఆయన్ను కలిశారు. రాజకీయాల పరంగా, వ్యక్తిగత సమస్యలు, స్థానికంగా ఎదుర్కొంటున్న ఇబ్బందులను ఆయన దృష్టికి తీసుకువచ్చారు. ప్రతి ఒక్కరినీ వైఎస్‌ జగన్‌ ఆప్యాయంగా పలకరిస్తూ, వారి సమస్యలను ఓపికగా విని.. యోగ క్షేమాలను అడిగి తెలుసుకున్నారు. ఎవరూ అధైర్య పడొద్దని, ఎలాంటి కష్టాలు ఎదురైనా సోదరుడిలా ఎల్లప్పు­డూ అండగా ఉంటానని భరోసా ఇచ్చారు. ప్రజలకు ఎలాంటి ఇబ్బందులు ఎదురైనా వైఎస్సార్‌ కాంగ్రెస్‌ పార్టీ అండగా ఉంటుందని, పార్టీ తరఫున అవసర­మైన సహాయ, సహకారాలు అందిస్తామని స్పష్టం చేశారు. ప్రజల నుంచి వచ్చిన వినతులు, విజ్ఞప్తు­లపై సంబంధిత పార్టీ నాయకులతో చర్చించిన జగన్‌.. ఆయా సమస్యల పరిష్కారానికి అవసర­మైన చర్యలపై దృష్టి సారించాలని సూచించారు. ఆయా కార్యక్రమాల్లో కడప ఎంపీ వైఎస్‌ అవినాష్‌­రెడ్డి, వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనాథ్‌రెడ్డి, మాజీ ఉప ముఖ్యమంత్రి అంజాద్‌­బాషా, ఎమ్మెల్సీలు రామసుబ్బారెడ్డి, రామచంద్రారెడ్డి, రమేష్‌ యాదవ్, మేయర్‌ అభ్యర్థి బండి దీప్తిరెడ్డి, మాజీ మేయర్లు కొత్తమద్ది సురేష్‌బాబు, పాకా సురేష్, మాజీ ఎమ్మెల్యే రఘురామిరెడ్డి తదితరులు పాల్గొన్నారు.

తాడేపల్లి : అర్నాబ్‌ తుపానుపై ప్రజలంతా అప్రమత్తంగా ఉండాలని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి సూచించారు. తుపాను ముప్పు నుంచి ప్రజలను కాపాడేందుకు ప్రభుత్వం అన్ని చర్యలు తీసుకోవాలన్నారు. ప్రజల ప్రాణాలను కాపాడటమే ప్రభుత్వం తొలి ప్రాధాన్యత కావాలన్నారు. సహాయక చర్యల్లో వైఎస్సార్‌సీపీ శ్రేణులు చురుగ్గా పాల్గొనాలని, తీర ‍ప్రాంత జిల్లాల ప్రజలు మరింత జాగ్రత్తగా ఉండాలన్నారు. వాతావరణ శాఖ హెచ్చరికలను ఎప్పటికప్పుడు గమనిస్తూ, వారు ఇచ్చే సూచనలు తప్పనిసరిగా పాటించాలన్నారు. తుపాను ప్రభావంతో భారీ వర్షాలు, ఈదురుగాలులు వీస్తున్నాయని, వరదలు సంభవించే ప్రమాదం ఉన్నందున ప్రజలందరూ సురక్షిత ప్రాంతాల్లో ఉండాలన్నారు. ముఖ్యంగా సముద్రతీర ప్రాంతాలు, లోతట్టు ప్రాంతాలు, నదులు, వాగులు, వంకల పరివాహక ప్రాంతాల్లో నివసించే ప్రజలు అత్యంత అప్రమత్తంగా ఉండాలన్నారు. తుపాను కారణంగా ప్రాణాపాయం జరగకుండా ప్రజల రక్షణకు అత్యంత ప్రాధాన్యత ఇవ్వాలన్నారు. తుపాను తీరం దాటిన తర్వాత సహాయక చర్యలు చేపట్టడం మాత్రమే కాకుండా, ముందస్తు జాగ్రత్తల ద్వారా ప్రాణ, ఆస్తి నష్టాలను సాధ్యమైనంత వరకు నివారించేందుకు ప్రభుత్వం అన్ని చర్యలు తీసుకోవాలన్నారు. పునరావాస కేంద్రాల ఏర్పాటు, వాటిలో ఆహారం, తాగునీరు, మందులు, విద్యుత్‌, పారిశుద్ధ్యం వంటి మౌలిక సదుపాయాలకు ఎలాంటి కొరత లేకుండా చూడాలన్నారు. ‘గర్భిణులు, బాలింతలు, చిన్నపిల్లలు, వృద్ధులు, దీర్ఘకాలిక వ్యాధులతో బాధపడుతున్నవారి కోసం ప్రత్యేక ఏర్పాట్లు చేయాలి. అత్యవసర పరిస్థితుల్లో ప్రజలకు వైద్యసేవలు అందించేందుకు ఆస్పత్రులను, అంబులెన్సులను సిద్ధంగా ఉంచాలి. తుపాను ప్రభావిత ప్రాంతాల్లో విద్యుత్‌, తాగునీరు, కమ్యూనికేషన్‌ వ్యవస్థలు దెబ్బతిన్నా..వెంటనే పునరుద్ధరించేలా సిబ్బందిని, అవసరమైన సామగ్రిని అందుబాటులో ఉంచాలి. తుపాను కారణంగా రైతులు, మత్స్యకారులు, ఆక్వా రైతులు తీవ్రంగా నష్టపోయే ప్రమాదం ఉంది. రైతులకు అవసరమైన సహాయం అందించడానికి ప్రభుత్వం సిద్ధంగా ఉండాలి.తుపాను అనంతరం రైతులకు జరిగిన నష్టాన్ని వేగంగా అంచనా వేసి..బాధితులకు సకాలంలో పరిహారం అందించేందుకు సన్నద్ధంగా ఉండాలి. మోంథా తుపానుకు సంబంధించి ఇప్పటివరకూ రైతులకు ఇన్‌పుట్‌ సబ్సిడీ కింద ఒక్క రూపాయి కూడా అందలేదు. ఆ డబ్బును వెంటనే విడుదలచేయాలి. వైయస్సార్‌ కాంగ్రెస్‌ పార్టీ నాయకులు, కార్యకర్తలు అంతా ప్రజలకు అండగా నిలవాలి. తుపాను ప్రభావిత ప్రాంతాల్లో ప్రజలకు అవసరమైన సహాయాన్ని అందించాలి’ అని వైఎస్‌ జగన్‌ స్పష్టం చేశారు. ఇదీ చదవండి:L ఈ రెండేళ్లు ఓపిక పట్టండి.. వచ్చేది జగన్‌ 2.0

వైఎస్సార్ జిల్లా: పులివెందుల మాజీ మున్సిపల్ వైస్ చైర్మన్ హఫీజ్‌ను వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి పరామర్శించారు. హఫీజ్‌కు ఫోన్ చేసి మాట్లాడారు. నామినేషన్ల రోజు జరిగిన పోలీసుల కాల్పుల్లో గాయపడి, ఆసుపత్రిలో చికిత్స పొందుతున్నారు హఫీజ్. ధైర్యంగా ఉండాలనీ, పార్టీ అండగా ఉంటుందని వైఎస్‌ జగన్‌ భరోసా ఇచ్చారు.ఎన్నికలపై కార్యకర్తలకు దిశానిర్దేశంకడప కార్పొరేషన్ నేతలతో వైఎస్ జగన్ భేటీ అయ్యారు. కార్పొరేషన్ ఎన్నికలపై కార్యకర్తలకు దిశానిర్దేశం చేశారు. నామినేషన్ సందర్భంగా జరిగిన దాడులు గురించి వివరాలు తెలుసుకున్నారు. మేయర్ అభ్యర్థి బండి దీప్తి రెడ్డి గెలుపునకు కృషి చేయాలని సూచించారు. ఎన్ని దాడులు చేసినా పోరాటంతో పోటీలో నిలిచారని వైఎస్‌ జగన్ అభినందించారు. భేటీలో కడప ఎంపీ వైఎస్ అవినాశ్‌ రెడ్డి, జిల్లా అధ్యక్షుడు రవీంద్రనాథ్ రెడ్డి, మాజీ డిప్యూటీ సీఎం అంజాద్ బాషా, ఎమ్మెల్సీలు రామచంద్రారెడ్డి, రమేష్ యాదవ్, మేయర్ అభ్యర్థి బండి దీప్తి రెడ్డి, మాజీ మేయర్లు సురేష్ బాబు, పాక సురేష్ పాల‍్గొన్నారు. ఇదీ చదవండి: ఈ రెండున్నరేళ్లలో ప్రజలపై వేసిన బండ చాలదా?: పేర్ని నాని

సాక్షి, వైఎస్సార్‌ జిల్లా: ‘‘మున్సిపల్‌ ఎన్నికల ఓటింగ్‌ రోజు నేను పులివెందుల వస్తా. అయినా మీరు అక్రమాలు చేయాలనుకున్నారో?. ఎంత మంది వస్తారో రండి. గట్టిగా తగులుదాం. ప్రజాస్వామ్యంలో ఎవరు మంచి చేశారో ప్రజలు వాళ్లకు మాత్రమే తోడుగా నిలబడతారనే సంకేతం కచ్చితంగా పంపిస్తాం’’ అంటూ టీడీపీ గూండాలను వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి హెచ్చరించారు.‘‘మీ మీద పడ్డ దెబ్బను మీ అన్న చూస్తూ ఊరుకోడు. జగన్‌ 2.0లో జగన్‌ ఒక్కటైతే.. రెండోది కార్యకర్తే. మీరు తోడుగా నిలబడ్డారు కాబట్టే నేను సీఎం అయ్యాను. వచ్చే ఎన్నికల్లో వైఎస్సార్‌సీపీ గెలుపు ఖాయమన్న ఆయన.. మన హక్కులు మనమే కాపాడుకోవాలి. తిరగబడండి.. మీ అన్న మీకు తోడుగా ఉంటాడు. మీ మీద పడ్డ దెబ్బను మీ అన్న చూస్తూ ఊరుకోడు. పులివెందులలో కొడితే చెంప గుయ్‌మనాలి. పులివెందులలో సౌండ్‌ రాష్ట్రంలో మోగాలి’’ అని వైఎస్‌ జగన్‌ పేర్కొన్నారు.‘‘మీరు డ్యూటీ చేస్తున్నది చంద్రబాబు కోసం కాదు. మీ టోపీపై మూడు సింహాలను చూసి డ్యూటీ చేయండి. రక్షకులుగా ఉండాల్సినవారే దౌర్జన్యం చేస్తే కాపాడేదెవరు?. అరెస్టులు చేసినా, కేసులు పెట్టినా భయపడేది లేదు. మా వాళ్లపై చెయ్యి వేస్తే.. నాపై వేసినట్టే..!’’ అని వైఎస్‌ జగన్‌ స్పష్టం చేశారు.ఇదీ చదవండి: ఈ రెండేళ్లు ఓపిక పట్టండి.. వచ్చేది జగన్‌ 2.0

సాక్షి, వైఎస్సార్‌ జిల్లా: పులివెందులలో సౌండ్‌ రాష్ట్రంలో మోగాలి.. కూటమి ప్రభుత్వం తుడిచిపెట్టుకుపోతుంది.. పులివెందులలో మా వాళ్లపై చేయ్యి వేస్తే నాపై వేసినట్టేనని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి అన్నారు. ఇవాళ (మంగళవారం) ఆయన పులివెందులలో పార్టీ నేతలు, కార్యకర్తలతో భేటీ అయ్యారు. ఈ సందర్భంగా ఆయన మాట్లాడుతూ.. ఈ రెండేళ్లు ఓపిక పట్టండి.. వచ్చేది జగన్‌ 2.0’’ అంటూ స్పష్టం చేశారు.‘‘అన్యాయం చేసిన ఏ అధికారినీ వదిలిపెట్టం. మా టైం వచ్చినప్పుడు వడ్డీతో సహా చెల్లిస్తాం. రిటైర్‌ అయిన అధికారిని కూడా ఎక్కడున్నా తీసుకొస్తాం. మీరు డ్యూటీ చేస్తున్నది చంద్రబాబు కోసం కాదు. మీ టోపీపై మూడు సింహాలను చూసి డ్యూటీ చేయండి. రక్షకులుగా ఉండాల్సినవారే దౌర్జన్యం చేస్తే కాపాడేదెవరు?. అరెస్టులు చేసినా, కేసులు పెట్టిన భయపడేది లేదు’’ అని వైఎస్‌ జగన్‌ పేర్కొన్నారు. ‘‘ఎన్నికల్లో 50 శాతం సీట్లలో పోటీ చేస్తున్నది అక్కచెల్లెమ్మలే. అక్కచెల్లెమ్మల నామినేషన్లను నడిరోడ్డుపై అడ్డుకుంటున్నారు. నడ్డిరోడ్డుపై అక్కచెల్లెమ్మల చీరలు చించి దాడులు చేశారు.అక్కచెల్లెమ్మలపై దాడి చేయడానికి మీకు సిగ్గుందా?. వైఎస్సార్‌సీపీ హయాంలోనే అక్కచెల్లెమ్మలకు న్యాయం జరిగింది. చంద్రబాబు చేస్తున్న పనులకు తానే సిగ్గుతో తలదించుకోవాలి. 17 మున్సిపాలిటీలు ఏకగ్రీవమని వీళ్లే ప్రకటించుకున్నారు. పులివెందులలో 20 వార్డుల్లోనే నామినేషన్లు వేయగాలిగాం. 7 జడ్పీటీసీ స్థానాలకు కేవలం 4 స్థానాల్లో పోటీ జరుగుతుంది. స్క్రూటినీ పేరిట 2 మండలాల్లో నామినేషన్లు తిరస్కరించారు.‘‘పోలీసులను ప్రశ్నిస్తే లాఠీఛార్జ్‌ చేశారు. నామినేషన్లు వేయడానికి వెళ్తుంటే కాల్పులు జరిపారు. వైఎస్సార్‌సీపీ కార్యకర్తలపై 37 రౌండ్ల కాల్పులు జరిపారు. పోలీసులు బలప్రయోగం ఎందుకు చేశారు. నామినేషన్ల వేయడానికి రావడం తప్పా?. పోటీకి ఇంత భయముంటే ఎన్నికలు ఎందుకు పెట్టారు. సుప్రీం ఆదేశాలిచ్చినా ఎస్‌ఈసీ, అధికారుల్లో మార్పు రాలేదు. ఇది తొండా, దౌర్జన్యం, అన్యాయం కాదా?. కడపలో 17 జడ్పీటీసీ స్థానాల్లో పోటీ లేకుండా చేశారు. అధికారుల సమక్షంలోనే నామినేషన్లు చించివేశారు. అధికారుల సమక్షంలోనే మన హక్కులను లాగేసుకున్నారు...రేపు మన ఆస్తి పత్రాలను కూడా లాక్కుంటారు. తిరగబడండి.. మీ అన్న మీకు తోడుగా ఉంటాడు. పులివెందులలో కొడితే చెంప గుయ్‌మనాలి. పులివెందులలో సౌండ్‌ రాష్ట్రంలో మోగాలి. కూటమి ప్రభుత్వం తుడిచిపెట్టుకుపోతుంది. పులివెందులలో మా వాళ్లపై చేయ్యి వేస్తే నాపై వేసినట్టే. అన్యాయం చేసిన ఏ అధికారినీ వదిలిపెట్టం. మా టైం వచ్చినప్పుడు వడ్డీతో సహా చెల్లిస్తాం. రిటైర్‌ అయిన అధికారిని కూడా ఎక్కడున్నా తీసుకొస్తాం’’ అని వైఎస్‌ జగన్‌ తేల్చి చెప్పారు.‘‘మీ మీద పడ్డ దెబ్బను మీ అన్న చూస్తూ ఊరుకోడు. జగన్‌ 2.0లో జగన్‌ ఒక్కటైతే.. రెండోది కార్యకర్తే. మున్సిపల్ ఎన్నికల ఓటింగ్‌ రోజు నేను పులివెందుల వస్తా. మీరు తోడుగా నిలబడ్డారు కాబట్టే నేను సీఎం అయ్యాను. వచ్చే ఎన్నికల్లో వైఎస్సార్‌సీపీ గెలుపు ఖాయం. మన హక్కులు మనమే కాపాడుకోవాలి. తిరగబడండి.. మీ అన్న మీకు తోడుగా ఉంటాడు’’ అని వైఎస్‌ జగన్‌ పిలుపునిచ్చారు. ఇదీ చదవండి: శకునిలా చంద్రబాబు మాయ పాచికలు: వైఎస్‌ జగన్‌

సాక్షి,పులివెందుల: స్థానిక సంస్థల ఎన్నికల ప్రక్రియలో కూటమి ప్రభుత్వం అరాచకాలకు పాల్పడుతోందని ఎంపీ వైఎస్‌ అవినాశ్‌రెడ్డి తీవ్రస్థాయిలో ధ్వజమెత్తారు. పులివెందులలో వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్ ‌రెడ్డి ఆధ్వర్యంలో పార్టీ ముఖ్యనేతలు, శ్రేణులతో సమావేశం జరిగింది. ఈ సందర్భంగా వైఎస్‌ అవినాశ్‌రెడ్డి మాట్లాడుతూ ప్రభుత్వ తీరుపై తీవ్ర ఆగ్రహం వ్యక్తం చేశారు.స్థానిక సంస్థల ఎన్నికల ప్రక్రియలో అధికార పార్టీ పెద్దఎత్తున అరాచకాలకు పాల్పడుతోందని, వైఎస్సార్‌సీపీ అభ్యర్థులు నామినేషన్లు వేయకుండా అడ్డు కుంటున్నారని ఆయన ఆరోపించారు.అధికార దుర్వినియోగంతో ఎన్నికలు నిర్వహిస్తున్నారని, నామినేషన్‌ వేయాలన్నా నేడు యుద్ధం చేయాల్సిన దుస్థితి నెలకొందని మండిపడ్డారు. పార్టీ కార్యకర్తలపై దాడులు చేసి, తిరిగి వారిపైనే అక్రమ కేసులు బనాయిస్తున్నారని విమర్శించారు. ఎన్ని తప్పుడు కేసులు పెట్టినా, బెదిరింపులకు పాల్పడినా తాము భయపడేది లేదని స్పష్టం చేశారు.

సాక్షి, వైఎస్సార్‌ జిల్లా: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి.. పులివెందుల నేతలు, కార్యకర్తలతో భేటీ అయ్యారు. మున్సిపల్, జడ్పీటీసీ ఎన్నికల బరిలో ఉన్న అభ్యర్థులు హాజరయ్యారు. ఎన్నికల నేపథ్యంలో నేతలు, కార్యకర్తలకు వైఎస్‌ జగన్‌ దిశానిర్దేశం చేశారు. ఈ సందర్భంగా ఆయన మాట్లాడుతూ.. స్థానిక ఎన్నికల్లో దౌర్జనాలు చూశాం.. కష్టాలు ఎదురైనా, దెబ్బలు తగిలినా ధైర్యంగా నిలబడ్డారన్నారు.‘‘ఎన్నికలను చూస్తూంటే కౌరవుల కుట్రలన్నీ కనిపిస్తున్నాయి. శకునిలా చంద్రబాబు చేసిన మాయా పాచికలే ఇక్కడ కనబడుతున్నాయి. రాష్ట్రంలో వ్యవస్థలను నిర్వీర్యం చేశారు. ప్రజాస్వామ్యం కాపాడాల్సిన వ్యక్తులే ఖూనీ చేస్తున్నారు. భావితరాలకు మనం ఎలాంటి మెసేజ్‌ ఇస్తున్నాం. చంద్రబాబు పాపాల్లో భాగస్తులైన ప్రతి అధికారి ఆలోచించాలి. నామినేషన్‌ కేంద్రాలను ఆక్రమించడం దేశంలోనే ఎక్కడా లేదు’’ అని వైఎస్‌ జగన్‌ మండిపడ్డారు.‘‘పోటీ లేకుండా గెలిచి తామే గెలిచామనడం కరెక్టేనా?. సిగ్గు, బుద్ధి, జ్ఞానం ఉన్నవాళ్లు ఎవరూ ఇలా చేయరు. సూపర్‌ సిక్స్‌లు లేవు.. సూపర్‌ సెవెన్‌లూ లేవు. ఎన్నికల్లో పోటీకి ఎందుకు అంత భయపడుతున్నారు’’ అంటూ వైఎస్‌ జగన్‌ నిలదీశారు.సమావేశంలో వైఎస్సార్‌సీపీ ఎంపీ వైఎస్‌ అవినాష్‌రెడ్డి మాట్లాడుతూ.. స్థానిక ఎన్నికల్లో అధికార పార్టీ అరాచకాలు సృష్టించిందని ఆగ్రహం వ్యక్తం చేశారు. వైఎస్సార్‌సీపీ అభ్యర్థుల నామినేషన్లు అడ్డుకున్నారు. అధికార దుర్వినియోగంతో ఎన్నికలు నిర్వహిస్తున్నారు. నామినేషన్‌ వేయాలంటేనే యుద్ధం చేయాల్సిన పరిస్థితి. కార్యకర్తలపై దాడి చేసి బాధితులపైనే కేసులు పెట్టారుఇవాళ, రేపు (మంగళ, బుధవారాల్లో) వైఎస్‌ జగన్‌.. పులివెందులలో పర్యటిస్తున్నారు. ఇందుకోసం వైఎస్‌ జగన్‌.. ఇవాళ (మంగళవారం) ఉదయం పులివెందుల చేరుకున్నారు. భాకరాపురంలోని తన క్యాంపు కార్యాలయంలో ప్రజలకు అందుబాటులో ఉన్నారు. రాత్రికి పులివెందులలోని తన నివాసంలో బస చేస్తారు. బుధవారం ఉదయం పులివెందుల నుంచి బయలుదేరి తాడేపల్లి చేరుకుంటారు.ఇదీ చదవండి: ఖాకీ తీసేసి.. పచ్చచొక్కాలేసి!

ఎర్రగుంట్ల: రాయలసీమ ముఖద్వారమైన కడప జిల్లాలోని డాక్టర్‌ ఎంవీఆర్‌ రాయలసీమ థర్మల్‌ పవర్‌ ప్రాజెక్టు(ఆర్టీపీపీ)లో బొగ్గు, నీటి నిల్వలు నిండుకోవడంతో విద్యుత్‌ ఉత్పత్తి తీవ్ర సంక్షోభంలో పడింది. ఈ ప్లాంట్‌లో మొత్తం ఆరు యూనిట్ల ద్వారా 1650 మెగావాట్ల విద్యుత్‌ ఉత్పత్తి జరగాల్సి ఉంది. ఇందులో మొదటి ఐదు యూనిట్లలో ఒక్కో దానికి 210 మెగావాట్లు, ఆరో యూనిట్‌కు 600 మెగావాట్ల ఉత్పత్తి సామర్థ్యం ఉంది. అయితే ప్రస్తుతం ఎదురవుతున్న బొగ్గు, నీటి కొరత కారణంగా 1650 మెగావాట్లకు కేవలం 1050 మెగావాట్ల విద్యుత్‌ ఉత్పత్తి మాత్రమే జరుగుతోంది. ప్లాంట్‌లోని అన్ని యూనిట్లు నిరంతరాయంగా నడవాలంటే రోజుకు 21 వేల టన్నుల బొగ్గు అవసరం ఉంది. ప్రస్తుతం కేవలం మూడు రోజులకు సరిపడే బొగ్గు నిల్వలు మాత్రమే ఉన్నాయి. ఏ రోజైనా బొగ్గు వ్యాగన్లు రావడం నిలిచిపోతే విద్యుత్‌ ఉత్పత్తి పూర్తిగా ఆగిపోయే ప్రమాదం స్పష్టంగా కనిపిస్తోంది. ప్లాంట్‌ నడవడానికి రోజుకు 70 క్యూసెక్కుల నీరు అవసరం కాగా, వర్షాలు లేక గండికోట, బ్రహ్మసాగర్‌ ప్రాజెక్టులలో నీటి సామర్థ్యం తగ్గిపోవడంతో ప్రస్తుతం ప్లాంట్‌ పరిధిలోని ఉన్న నీటితోనే కాలం వెళ్లదీస్తున్నారు.నాడు గట్టెక్కించిన వైఎస్‌ జగన్‌ .. గతంలో 2014 నుంచి 2019 మధ్య కాలంలోనూ ఆర్టీపీపీకి ఇలాంటి బొగ్గు గండం ఏర్పడి మనుగడ ప్రశ్నార్థకంగా మారింది. ఆ తర్వాత వచ్చిన వైఎస్సార్‌సీపీ ప్రభుత్వ హయాంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి తీసుకున్న పటిష్ట చర్యల కారణంగా బొగ్గు నిల్వలు ఏకంగా 3 లక్షల టన్నుల వరకు చేరాయి. ప్రస్తుత కూటమి ప్రభుత్వ నిర్లక్ష్య వైఖరి కారణంగా ప్లాంట్‌ మళ్లీ పాత రోజుల్లోకి జారుకుంది. ఈ తీవ్ర కొరతపై ఆర్టీపీపీ ప్రధాన ఇంజనీర్‌ వాసుదేవరావును వివరణ కోరగా, ప్రస్తుతం ప్లాంట్‌లో కేవలం మూడు రోజులకు సరిపడే బొగ్గు నిల్వలు మాత్రమే ఉన్నాయన్నారు. ప్రస్తుతం 1000 నుంచి 1050 మెగావాట్ల విద్యుత్‌ ఉత్పత్తి జరుగుతోందన్నారు. నీటి లభ్యత తక్కువగా ఉందన్నారు. ఏపీజెన్‌కో యాజమాన్యం ఆదేశాల మేరకే ఉత్పత్తి జరుగుతోందని ఆయన వివరించారు.

సాక్షి, అమరావతి: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఈ నెల 27, 28 తేదీల్లో (మంగళ, బుధవారాల్లో) పులివెందులలో పర్యటించనున్నారు. ఇందుకోసం ఆయన మంగళవారం ఉదయం 10.30 గంటలకు పులివెందుల చేరుకుంటారు. అనంతరం భాకరాపురంలోని తన క్యాంపు కార్యాలయంలో ప్రజలకు అందుబాటులో ఉంటారు. రాత్రికి పులివెందులలోని తన నివాసంలో బస చేస్తారు. బుధవారం ఉదయం పులివెందుల నుంచి బయలుదేరి తాడేపల్లి చేరుకుంటారు.

తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌ రెడ్డి మంగళ, బుధవారాల్లో (అక్టోబర్‌ 27, 28) పులివెందులలో పర్యటిస్తారు. మంగళవారం ఉదయం 10.30 గంటల నుంచి క్యాంపు ఆఫీసులో ప్రజలను కలవనున్నారు. బుధవారం పులివెందుల నుంచి తిరిగి తాడేపల్లికి చేరుకోనున్నారు. ఇదీ చదవండి: మాజీ ఎమ్మెల్యే హఫీజ్ ఖాన్‌పై టీడీపీ గూండాలు దాడికి యత్నం

సాక్షి,తాడేపల్లి: చెస్‌ క్రీడాకారుడు, గ్రాండ్‌మాస్టర్‌ ఎం.ఆర్‌. లలిత్‌ బాబుకు వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి అభినందనలు తెలిపారు. జర్మనీ వేదికగా జరిగిన 43వ మున్‌స్టర్‌లాండ్‌ ఓపెన్‌–2026 చెస్‌ టోర్నమెంట్‌లో అద్భుత విజయం సాధించి, ఛాంపియన్‌గా నిలవడంపై హర్షం వ్యక్తం చేశారు.విజయవాడకు చెందిన లలిత్‌ బాబు తన అసాధారణ ప్రతిభ, పట్టుదలతో అంతర్జాతీయ వేదికపై మరోసారి సత్తా చాటారని వైఎస్‌ జగన్ పేర్కొన్నారు. ఆంధ్రప్రదేశ్‌తో పాటు దేశ చెస్‌ క్రీడకు ఆయన గర్వకారణంగా నిలిచారని, వర్ధమాన యువ క్రీడాకారులకు లలిత్ ప్రయాణం ఎంతో స్ఫూర్తిదాయకమని కొనియాడారు. భవిష్యత్తులోనూ లలిత్‌ బాబు మరిన్ని గొప్ప విజయాలు సాధించి, రాష్ట్రానికి, దేశానికి మరింత పేరు ప్రఖ్యాతలు తీసుకురావాలని మనసారా ఆకాంక్షిస్తున్నట్లు తెలిపారు. A proud moment for Andhra Pradesh and Indian chess! Grandmaster M. R. Lalith Babu, from Vijayawada, has won the 43rd Münsterland Open 2026 in Germany. With skill and determination, he delivered a strong performance to claim the title. Well done, Lalith Babu! Your success will encourage many young players to pursue their dreams. Wishing you many more victories ahead! @lalitrohit93— YS Jagan Mohan Reddy (@ysjagan) October 26, 2026

భారత మహిళా క్రీడాకారిణులు కోనేరు హంపి, పీవీ సింధుకు వైఎస్సార్‌సీపీ అధినేత వైఎస్ జగన్‌మోహన్ రెడ్డి 'ఎక్స్' వేదికగా అభినందనలు తెలిపారు. ఇటీవలే యూరోపియన్ చెస్ క్లబ్ ఫర్ వుమెన్ టోర్నీలో కోనేరు హంపి వ్యక్తిగత విభాగంలో స్వర్ణం సాధించగా, ఫ్రెంచ్ ఓపెన్‌లో అద్భుత ప్రదర్శన కనబరిచిన సింధు ఫైనల్లో ఓటమిపాలై రన్నరప్‌గా నిలిచింది. ఈ నేపథ్యంలో వైఎస్ జగన్ ‘ఎక్స్’ వేదికగా వీరిద్దరిని పొగడ్తలతో ముంచెత్తారు. ‘మహిళల యూరోపియన్ చెస్ క్లబ్ కప్‌లో వ్యక్తిగత స్వర్ణం గెలిచి, మాంటె కార్లో విజయంలో పాలుపంచుకున్న కోనేరు హంపికి; ఫ్రెంచ్ ఓపెన్‌లో అద్భుతమైన ప్రదర్శనతో రెండవ స్థానం సాధించిన పీవీ సింధుకు నా హృదయపూర్వక అభినందనలు. ఆంధ్రప్రదేశ్‌కు చెందిన మీరిద్దరూ మన రాష్ట్రానికి, దేశానికి మీ ప్రదర్శనతో గౌరవాన్ని పెంచారు. ప్రతీ విజయం వెనుక సంవత్సరాల తరబడి కఠోర శ్రమ, త్యాగం, పట్టుదల ఉంటాయి. మీ ప్రయాణం ఎందరో యువతులకు పెద్ద కలలు కనడానికి, తమను తాము విశ్వసించడానికి ధైర్యాన్ని ఇస్తున్నాయి. మీరిద్దరూ మరెన్నో విజయాలు సాధించాలని ఆకాంక్షిస్తున్నాము. మన ప్రజలకు మీరు ఇలాగే గర్వకారణంగా నిలవాలని కోరుకుంటున్నా’ అని జగన్ పేర్కొన్నారు.Heartiest congratulations to Koneru Humpy on winning individual gold and contributing to Monte Carlo’s victory at the European Chess Club Cup for Women, and to P. V. Sindhu on a spirited performance that earned her second place at the French Open. Hailing from Andhra Pradesh, you have both brought immense pride to our state and the nation. Behind every achievement are years of hard work, sacrifice and determination. Your journeys give countless young girls the courage to dream big and believe in themselves. Wishing you both many more victories. May you continue to make our people proud! @humpy_koneru @Pvsindhu1— YS Jagan Mohan Reddy (@ysjagan) October 26, 2026ఇదీ చదవండి: ప్రపంచ అత్యుత్తమ వన్డే జట్టు ఇదే.. ఆసీస్‌, పాక్‌ ఆటగాళ్లకు ఘోర అవమానం!టాప్‌ లేపిన భారత స్పిన్నర్‌.. 99 పరుగులకే ఆలౌట్‌

సాక్షి; తాడేపల్లి: ఏపీలో పైడితల్లి అమ్మవారి సిరిమానోత్సవం సందర్భంగా భక్తులకు వైఎస్సార్‌సీపీ అధినేత, మాజీ సీఎం వైఎస్ జగన్ శుభాకాంక్షలు తెలిపారు. ఆ తల్లి దీవెనలతో ప్రతి ఇంటా ఆయురారోగ్యాలు, సుఖసంతోషాలు ఉండాలని ఆకాంక్షించారు. వైఎస్‌ జగన్‌ ఎక్స్‌ వేదికగా..‘ఉత్తరాంధ్ర ప్రజల ఇలవేల్పు, భక్తుల కొంగుబంగారం.. శ్రీ పైడితల్లి అమ్మవారి సిరిమానోత్సవం సందర్భంగా భక్తులందరికీ హృదయపూర్వక శుభాకాంక్షలు. అమ్మవారి చల్లని చూపు రాష్ట్ర ప్రజలందరిపై ఎల్లవేళలా ఉండాలనీ.. ఆ తల్లి దీవెనలతో ప్రతి ఇంటా ఆయురారోగ్యాలు, సుఖసంతోషాలు, సిరిసంపదలు వెల్లివిరియాలని మనస్ఫూర్తిగా ఆకాంక్షిస్తున్నాను’ అని పోస్టు చేశారు.ఉత్తరాంధ్ర ప్రజల ఇలవేల్పు, భక్తుల కొంగుబంగారం శ్రీ పైడితల్లి అమ్మవారి సిరిమానోత్సవం సందర్భంగా భక్తులందరికీ హృదయపూర్వక శుభాకాంక్షలు. అమ్మవారి చల్లని చూపు రాష్ట్ర ప్రజలందరిపై ఎల్లవేళలా ఉండాలని, ఆ తల్లి దీవెనలతో ప్రతి ఇంటా ఆయురారోగ్యాలు, సుఖసంతోషాలు, సిరిసంపదలు వెల్లివిరియాలని మనస్ఫూర్తిగా ఆకాంక్షిస్తున్నాను.— YS Jagan Mohan Reddy (@ysjagan) October 26, 2026ఇదీ చదవండి: కూటమిలో ట్విస్ట్‌.. పొత్తు ధర్మం ఎక్కడ పాటించారు?

సాక్షి,తాడేపల్లి : మహర్షి వాల్మీకి జయంతి వేడుకల సందర్భంగా వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌ రెడ్డి ఆదికవికి ఘనంగా నివాళులర్పించారు. ఈ మేరకు ఆయన ఎక్స్ వేదికగా ట్వీట్ చేశారు.‘సత్యం, ధర్మం, న్యాయం, మానవీయ విలువల ఔన్నత్యాన్ని రామాయణ మహాకావ్యం ద్వారా ప్రపంచానికి చాటిచెప్పిన ఆదికవి వాల్మీకి మహర్షి గారు. ఆయన రచించిన రామాయణం భారతీయ సంస్కృతికి అమూల్యమైన సాహిత్య సంపద’ అని వైఎస్ జగన్ తన ట్వీట్‌లో కొనియాడారు. వాల్మీకి మహర్షి జయంతి సందర్భంగా ప్రజలందరికీ ఆయన శుభాకాంక్షలు తెలిపారు. సత్యం, ధర్మం, న్యాయం, మానవీయ విలువల ఔన్నత్యాన్ని రామాయణ మహాకావ్యం ద్వారా ప్రపంచానికి చాటిచెప్పిన ఆదికవి వాల్మీకి మహర్షి గారు. ఆయన రచించిన రామాయణం భారతీయ సంస్కృతికి అమూల్యమైన సాహిత్య సంపద. వాల్మీకి మహర్షి గారి జయంతి సందర్భంగా నివాళులు. #ValmikiJayanti https://t.co/tliKWawS9V— YS Jagan Mohan Reddy (@ysjagan) October 26, 2026

సాక్షి, అమరావతి: పరీక్ష హాలు..! క్వశ్చన్‌ పేపర్‌ చేతికి వచ్చింది..! ఒక్క ప్రశ్నకూ జవాబు తెలియదు..! అయినా ఆ విద్యార్థి ఏ ప్రశ్న అడిగారో పట్టించుకోకుండా తన తోచిన, తెలిసిన విషయాలను జవాబులుగా రాసేస్తాడు. పేజీలకు పేజీలు నింపేస్తాడు. శనివారం సీఎం చంద్రబాబు పెట్టిన మీడియా సమావేశం అచ్చం ఇలాంటిదే. స్థానిక ఎన్నికల్లో ఈ స్థాయిలో హింస ఏమిటి? నామినేషన్లు ఎందుకు అడ్డుకున్నారు? మహిళా అభ్యర్థుల జుట్టు ఎందుకు పట్టి లాగారు? పులివెందులలో తుపాకులు ఎందుకు పేలాయి? సుప్రీంకోర్టు ఎందుకు జోక్యం చేసుకోవాల్సి వచ్చింది? ఇవీ ప్రశ్నలు. చంద్రబాబు మాత్రం.. 1994 ఎన్నికల చరిత్ర.. సీఐఐ సమ్మిట్లు.. రూ.22 లక్షల కోట్ల పెట్టుబడుల లెక్కలు.. రాయలసీమ ఫ్యాక్షన్‌ కథలు.. క్లెమోర్‌ మైన్లు.. చివరకు జగన్‌ తల్లి, చెల్లి, మేనకోడలి పెళ్లి.. గంటన్నర పాటు ఈ కాకమ్మ కథలన్నీ నర్మగర్భంగా వివరించారు. జగన్‌ అడిగిన ఒక్క ప్రశ్నకూ సమాధానం లేదు. సమాధానం లేనప్పుడు బురదే ఆయుధం. జగన్‌ కుటుంబం గురించి ఎల్లో మీడియాలో ఏం రాయించారో, అదే స్క్రిప్ట్‌ను అక్షరం పొల్లుపోకుండా చంద్రబాబు వల్లెవేశారు. ఒక్క ఆధారం లేదు, ఒక్క పత్రం లేదు. ఉన్నదల్లా ఇష్టం వచ్చినట్లు బురదజల్లడమే. రాష్ట్రంలో ప్రజాస్వామ్యాన్ని ఖూనీ చేస్తూ, తానే ప్రజాస్వామ్య పరిరక్షకుడినని చెప్పుకోవడం ఒక్క చంద్రబాబుకే చెల్లింది. పోలింగ్‌ కేంద్రాల వద్ద వేల మంది గూండాలను మోహరించడం.. ఫస్ట్‌టైమ్‌ స్థానిక ఎన్నికల కోసం గంజాయి బ్యాచ్‌లను దించడం చూస్తే చంద్రబాబు క్రిమినల్‌ మెంటాలిటీ ఏమిటో అర్ధమౌతుంది. ఓ వైపు నామినేషన్లను అడ్డుకుంటూ, పోలీసులను, ఎస్‌ఈసీని వాడుకుంటూ అరాచకాలతో అల్లకల్లోలం చేస్తూనే ప్రతిపక్షమే అన్నిటికీ కారణమన్నట్లు ఎదురుదాడి చేస్తున్న చంద్రబాబును చూసి దేశంలోకెల్లా సీనియర్‌ రాజకీయ నాయకుడైన శరద్‌పవార్‌ కూడా ఆశ్చర్యపోయే పరిస్థితి. కమల్‌హాసన్, అమితాబ్‌ బచ్చన్‌ వంటి సీనియర్‌ నటులు కూడా నివ్వెరపోయే పరిస్థితి. వీళ్లేకాదు రోజూ తన కింద పనిచేసే ఐఎఎస్‌లు, ఐపీఎస్‌లు కూడా చంద్రబాబు పెర్‌ఫార్మెన్స్‌ చూసి వామ్మో అని మూర్ఛపోయే పరిస్థితి. అంతెందుకు.. అడ్డంగా దొరికిపోయినా.. ఇంతటి ప్రతికూల పరిస్థితుల్లో కూడా ఇంతబాగా నటిస్తున్న నారావారిని చూసి ఈసీ పునేఠా కూడా కంగుతినే పరిస్థితి. చంద్రబాబు చెప్పిన అబద్ధాలు.. అసలు నిజాలు.. అబద్ధం: స్థానిక ఎన్నికల్లో హింస అంతా వైఎస్సార్‌సీపీదే నిజం: నామినేషన్ల సమయంలో 11 జిల్లాల్లో హింసాత్మక ఘటనలు జరిగాయి. రిటర్నింగ్‌ అధికారి కార్యాలయాలలో తెలుగుదేశం గూండాలు, కిరాయికి తెచ్చిన గూండాలు ముందే చేరిపోయి నామినేషన్లు వేయనీయకుండా దాడులు జరిపారు. పుంగనూరులో వైఎస్సార్‌సీపీ ఎంపీ మిథున్‌రెడ్డిపై హత్యాయత్నం జరిగింది. పులివెందులలో పోలీసులు ఏకే–47 తుపాకులతో గాల్లోకి కాల్పులు జరిపి, బాష్పవాయువు ప్రయోగించారు.మాచర్లలో వైఎస్సార్‌సీపీ అభ్యర్థులపై దాడి చేసి నామినేషన్‌ పత్రాలు లాక్కెళ్లారు. కడపలో రిటర్నింగ్‌ అధికారి కార్యాలయంలోనే పత్రాలు చించేశారు. తిరుపతిలో అభ్యర్థులను గేటు దాటనివ్వలేదు. నామినేషన్‌ వేయడానికి వచ్చిన మహిళా అభ్యర్థులను జుట్టు పట్టి ఈడ్చారు. అసభ్యంగా తాకి మరీ నామినేషన్‌ పత్రాలు లాక్కుని చించేశారు. వైఎస్సార్‌సీపీ అభ్యర్థులపైనా, వారికి మద్దతుగా వెళ్లిన నాయకులపైన జరిగిన దాడులకు సంబంధించి వీడియో ఫుటేజీలెన్నో ఉన్నాయి. అబద్ధం: వైఎస్సార్‌సీపీ వాళ్లు అరాచకాలు చేశారు నిజం: వైఎస్సార్‌సీపీ వాళ్లే దాడులు చేస్తుంటే, వాళ్ల నామినేషన్లు దర్జాగా పడాలి కదా. మరి వాళ్ల నామినేషన్లే ఎందుకు పడలేదు? దాడులు చేసేవాళ్లు నామినేషన్‌ వేయలేకపోవడం, దెబ్బలు తినేవాళ్లు దర్జాగా నామినేషన్లు వేయడం.. ఈ లాజిక్‌ బాబుకే అర్థం కావాలి. కళ్లెదుటే కనిపిస్తున్న నిజం సీఎంకు కనిపించడం లేదా? దాడి చేసింది తమ వాళ్లు, కానీ కథ మాత్రం రివర్స్‌. వైఎస్సార్‌సీపీ వాళ్లే గొడవలు చేశారని అబద్ధాలు. పుంగనూరులో నామినేషన్లు వేయడానికి వెళ్లిన వైఎస్సార్‌సీపీ వారిపైనే పోలీసులు కేసులు పెట్టారు. దెబ్బలు తిన్నవాళ్ల మీద కేసులు, కొట్టినవాళ్లకు రక్షణ. అబద్ధం: భారీగా నామినేషన్లు పడ్డాయి.. అడ్డుకుంటే ఇవెలా వస్తాయి?’ నిజం: 9,829 ఎంపీటీసీ స్థానాలకు 51,902 నామినేషన్లు, 659 జెడ్పీటీసీ స్థానాలకు 5,724 నామినేషన్లు పడ్డాయని సీఎం లెక్కలు చదివారు. కానీ ఎన్ని చోట్ల ప్రతిపక్ష అభ్యర్థులు నామినేషన్‌ కేంద్రం గడప కూడా తొక్కలేకపోయారో ఆ లెక్క మాత్రం దాచేశారు. వందకుపైగా మండలాల్లో ఐదు కంటే తక్కువ నామినేషన్లు పడ్డాయి. 8 మున్సిపాలిటీల్లో ప్రతిపక్ష నామినేషన్లే పడని పరిస్థితి కల్పించారు. మరో 19 మున్సిపాలిటీల్లో నామినేషన్లు వేయనివ్వలేదు. వైఎస్సార్‌సీపీ పేరుతో నకిలీ నామినేషన్లు వేయించడం ద్వారా చంద్రబాబు సరి కొత్త సంస్కృతికి తెరతీశారు. అబద్ధం: సుప్రీంకోర్టు ఏం చెప్పినా పాటిస్తాం నిజం: సుప్రీంకోర్టు చాలా స్పష్టంగా ఆదేశాలిచ్చింది. అక్టోబరు 25వరకు తుది జాబితాలు ప్రకటించ వద్దని, నామినేషన్లు వేయలేకపోయిన వారికి మళ్లీ అవకాశం ఇవ్వాలని, అవసరమైతే జిల్లా కలెక్టరేట్ల వద్ద అందుకు ఏర్పాట్లు చేయాలని నిర్దేశించింది. అభ్యర్థులు స్వేచ్ఛగా నామినేషన్లు వేసే అవకాశం కల్పించాలని, వారికి పోలీస్‌ భద్రత కల్పించాలని, ఆ దిశలో ఏం చర్యలు తీసుకున్నారో నివేదిక ఇవ్వాలని ఆదేశించింది. నామినేషన్‌ కేంద్రాల వద్ద సీసీటీవీ కవరేజీ ఏర్పాటు చేయాలని కూడా డీజీపీని ఆదేశించింది. ఎన్నికలు స్వేచ్ఛాయుత వాతావరణంలో జరిగేలా చూడాలని నిర్దేశించింది. ఇంత స్పష్టంగా సుప్రీంకోర్టు ఆదేశించినా, చంద్రబాబులో కానీ, ఎస్‌ఈసీలో కానీ, చంద్రబాబు చేతిలో తోలుబొమ్మ మాదిరి­గా మారిన డీజీపీలో కానీ, డీఐజీలు, ఎస్పీలు, కలెక్టర్లలో కానీ ఎలాంటి మార్పు రాలేదు. సుప్రీంకోర్టు ఆదేశాలు బేఖాతరు చేశారు. సుప్రీంకోర్టు ఆదేశాలంటే ఏ మాత్రం గౌరవం లేకుండా ప్రవర్తిస్తున్నారు. 19 మున్సిపాలిటీల్లో నామినేషన్లు వేయనివ్వలేదని వైఎస్సార్‌సీపీ ఆధారాలతో సహా సుప్రీంకోర్టుకు వెళ్తే, కోర్టు మొట్టికాయలు వేసినా, వీరిలో మార్పు లేదు. కేవలం 4 మున్సిపాలిటీల్లో మాత్రమే రీనామినేషన్లకు అనుమతి ఇచ్చారు. కోర్టు మొట్టికాయ వేశాక దాన్ని వక్రీకరించి మాట్లాడడం బాబు మార్కు రాజకీయం. అబద్ధం: నా చేతుల్లో ఏమీ లేదు. అంతా ఎస్‌ఈసీ చూసుకుంటుంది నిజం: అంతా ఎస్‌ఈసీ చేతుల్లో ఉంటే ఇంత అప్రజాస్వామికంగా వైఎస్సార్‌సీపీ అభ్యర్థులు, నేతలపై దాడులు, దౌర్జన్యాలు జరుగుతాయా? పోలీసు వ్యవస్థను పూర్తిగా తమ పార్టీ కోసం వాడుకుంటూ, కోర్టు ఆదేశాలను సైతం చంద్రబాబు తుంగలో తొక్కారు. ఎస్‌ఈసీ సుప్రీంకోర్టు ఆదే­శాలు కూడా పాటించడంలేదు. చంద్రబాబు ఆదేశాలు మాత్రమే పాటిస్తోంది. టీడీపీ దాడులు, పోలీ­సులు అడ్డుకోవడం వల్ల 19 మున్సిపాలిటీల్లో నామి­నేషన్లు వేయలేకపోయామని వైఎస్సార్‌సీపీ సుప్రీంకోర్టుకు వెళ్లింది. వాటితో పాటు, మరో 4 మున్సిపాలిటీల్లో స్క్రూటినీ పేరుతో వైఎస్సార్‌సీపీ నామి­నేషన్లు తిరస్కరించారు. అంటే మొత్తం 23 అర్బన్‌ లోకల్‌ బాడీస్‌లో పోటీ లేకుండా చేశారు. ఇదంతా చంద్రబాబు కనుసన్నల్లో ఎస్‌ఈసీ నడిపిస్తోంది. అబద్ధం: కోర్టుల్లో పిటిషన్లు వేసి ఎన్నికలు అడ్డుకుంటున్నారు నిజం: అన్యాయం జరిగినప్పుడు న్యాయస్థానాన్ని ఆశ్రయించడం ప్రతి పౌరుడి, ప్రతి పార్టీ రాజ్యాంగ హక్కు. జగన్‌ హయాంలో పాలనను అడ్డుకునేందుకు అడుగడుగునా కోర్టులకు వెళ్లి అబద్ధాలు, అతిశయోక్తులతో నాటకాలాడింది చంద్రబాబే. చంద్రబాబు కోర్టుకు వెళితే ప్రజాస్వామ్య పరిరక్షణ... ప్రతిపక్షం కోర్టుకు వెళితే కుట్రా? న్యాయస్థానాన్ని ఆశ్రయించడాన్ని కూడా నేరంగా చిత్రీకరించడం చంద్రబాబు నియంతృత్వ మనస్తత్వానికి నిదర్శనం. స్థానిక ఎన్నికల్లో చంద్రబాబు చేస్తున్న అక్రమాలపై వైఎస్సార్‌సీపీ నాయకులు అన్ని ఆధారాలు చూపడంతో పాటు, ఎస్‌ఈసీని కలిసి పూర్తి వివరాలతో ఫిర్యాదు చేశారు. ఆ తర్వాత సుప్రీంకోర్టును కూడా ఆశ్రయించి, అన్ని ఆధారాలు చూపడంతో, సుప్రీంకోర్టు రాష్ట్ర ప్రభుత్వానికి, ఎస్‌ఈసీకి తీవ్ర స్థాయిలో మొట్టికాయలు వేసింది. నామినేషన్‌ వేయలేకపోయిన వారికి అవకాశం ఇవ్వాలని ఆదేశించింది. అబద్ధం: 2021లో 24% ఏకగ్రీవాలు దౌర్జన్యమే నిజం: ఎంపీటీసీ, జెడ్పీటీసీ నామినేషన్లు, ఏకగ్రీవాలు జరిగింది 2020లో టీడీపీ హయాంలో నియమితులైన, చంద్రబాబుకు బంట్రోతు లాంటి ఎస్‌ఈసీ నిమ్మగడ్డ రమేష్‌కుమార్‌ ఆధ్వర్యంలోనే. బాబు మనిషి పర్యవేక్షణలో జరిగిన ప్రక్రియను ఇవాళ దౌర్జన్యం అనడం ఆయన పెట్టిన అధికారినే తప్పుబట్టడం కాదా? పైగా 2021లో ఎంపీటీసీ, జెడ్పీటీసీ ఎన్నికలను బహిష్కరిస్తున్నట్టు ప్రకటించింది టీడీపీయే. పోటీ నుంచి పారిపోయి, ఇప్పుడు ఏకగ్రీవాల లెక్కలు చెప్పడం బాబుకే చెల్లింది. అబద్ధం: జగన్‌ పెళ్లి బెంగుళూరు ప్యాలెస్‌లో జరిగింది నిజం: జగన్‌ పెళ్లి పులివెందులలో జరిగింది. అప్పటికి బెంగుళూరులో ఉన్న ఇల్లు కట్టనేలేదు. కట్టని ఇంట్లో జగన్‌ పెళ్లి జరిగిందని చంద్రబాబు ఆయన గురించి పచ్చి అబద్ధం చెప్పారు. జైలు పక్షికి కేసుల గురించి మాటలా? జగన్‌పై సీబీఐ, ఈడీ కేసులున్నాయని చంద్రబాబు గుండెలు బాదుకున్నారు. మరి స్కిల్‌ డెవలప్‌మెంట్‌ కుంభకోణంలో అరెస్టయి 52 రోజులు రాజమండ్రి సెంట్రల్‌ జైలులో ఊచలు లెక్కపెట్టింది ఎవరు? తనపై ఉన్న కేసుల విచారణ ముందుకు సాగకుండా అధికారంలోకి రాగానే అడ్డుకున్నది ఎవరు? కోర్టు విచారణలో ఉన్న వివేకా కేసుపై సీఎం కుర్చీలో కూర్చుని తీర్పులు ప్రకటించడం న్యాయవ్యవస్థను ప్రభావితం చేసే కుట్ర కాదా? కేసు కోర్టులో ఉండగా ముఖ్యమంత్రే ఒకరిని దోషిగా ప్రకటించడం ఏ రాజ్యాంగ విలువ? మామకు వెన్నుపోటు, తోడల్లుడికి మోసం, బావమరిదికి ద్రోహం.. కొడుకు కోసం ఎన్టీఆర్‌ కుటుంబానికి, ఇప్పుడు టీడీపీని వంచిస్తున్నారు. చంద్రబాబు నాలుగున్నర దశాబ్దాల విలువల చరిత్ర ఇదే. ఇంత నీచ చరిత్ర ఉన్న వ్యక్తి ఇవాళ జగన్‌కు కుటుంబ విలువలు, నైతికత గురించి పాఠాలు చెబుతుంటే తెలుగు ప్రజలు ముక్కున వేలేసుకుంటున్నారు. ఎన్నికల హింసకు జవాబు చెప్పలేక వ్యక్తిగత బురద జల్లడం ఓటమి భయానికి నిదర్శనమని రాజకీయ పరిశీలకులు స్పష్టం చేస్తున్నారు.నమ్మకద్రోహి బాబు మాటలు వింటే కంసుడే సిగ్గుపడతాడు జగన్‌ను కంస మామ అన్న చంద్రబాబు ముందు అద్దంలో తన ముఖం చూసుకోవాలి. పిల్లనిచ్చిన మామ, తెలుగుదేశం పార్టీ వ్యవస్థాపకుడు ఎన్టీ రామారావును 1995లో వెన్నుపోటు పొడిచి ఆయన కుర్చీని, ఆయన స్థాపించిన పార్టీని లాక్కున్న చరిత్ర చంద్రబాబుది. చంద్రబాబు తనను నమ్మించి గొంతు కోసిన ఆధునిక ఔరంగజేబు అని, జామాత దశమగ్రహం(అల్లుడు) అని ఎన్టీఆర్‌ కన్నీళ్లతో చెప్పిన మాటలు ఇప్పటికీ ప్రజల చెవుల్లో మారుమోగుతూనే ఉన్నాయి. పార్టీనే కాదు, కుటుంబాన్నీ ఎన్టీఆర్‌కు దూరం చేసి ఒంటరిని చేశారు. ఆ వేదనతో ఎన్టీఆర్‌ కొద్ది నెలలకే కన్నుమూశారు. మామను అంత క్షోభ పెట్టి చనిపోయేలా చేసింది చంద్రబాబే. అలాంటి వ్యక్తి ఇప్పుడు జగన్‌ కుటుంబ వ్యవహారాల్లో దూరి నీతులు మాట్లాడుతుంటే కంసుడే సిగ్గుపడతాడు.తోడల్లుడికి మోసం.. బావమరిదికి ద్రోహం ఎన్టీఆర్‌కు వెన్నుపోటు సమయంలో భుజం కాసిన తోడల్లుడు దగ్గుబాటి వెంకటేశ్వరరావును చంద్రబాబు పని అయిపోగానే కరివేపాకులా తీసి పక్కన పడేశారు. అదే సమయంలో అండగా నిలిచిన బావమరిది హరికృష్ణకు ఇచ్చిన హామీలన్నీ గాలికొదిలేశారు. చివరకు సొంత తండ్రి స్థాపించిన పార్టీ నుంచే హరికృష్ణ బయటకు వెళ్లి సొంత పార్టీ పెట్టుకోవాల్సిన దుస్థితి తెచ్చారు. చంద్రబాబు తన సొంత తమ్ముడు రామ్మూర్తినాయుడిని గొలుసులతో బంధించి హింసించారు. అవసరానికి వాడుకోవడం, అవసరం తీరగానే వెన్నుపోటు పొడవడం.. ఇదే చంద్రబాబు కుటుంబ నీతి. 2009 ఎన్నికల్లో ఎన్టీఆర్‌ మనవడు జూనియర్‌ ఎన్టీఆర్‌ను ప్రచారానికి వాడుకుని ఊరూరా తిప్పారు. కొడుకు లోకేశ్‌కు ఎక్కడ అడ్డు వస్తాడోనన్న భయంతోనే జూనియర్‌ను దూరం పెట్టారన్నది జగమెరిగిన సత్యం. మామ పార్టీని కొడుకుకు రాసిచ్చేందుకు సిద్ధమైన వ్యక్తి ఇప్పుడు ఆస్తుల పంపకాల గురించి నీతులు చెబుతున్నారు.

తాడేపల్లి : వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డిపై చంద్రబాబు నాయుడు వాస్తవాలను తప్పుదోవ పట్టించడంతో వైఎస్సార్‌సీపీ స్పందించింది. స్థానిక ఎన్నికల్లో ప్రజాస్వామ్యాన్ని ఖూనీ చేసిన చంద్రబాబు.. దాన్ని పక్కదోవ పట్టించడానికి వైఎస్‌ జగన్‌పై వ్యక్తిగత దాడికి పాల్పడుతున్నారని ధ్వజమెత్తింది. ఈ మేరకు వైఎస్‌ జగన్‌.. షర్మిలకు రాసిన లేఖను విడుదల చేసింది. ‘రాష్ట్రాన్ని చంద్రబాబు రావణకాష్టంగా మార్చారు. పక్కా ప్రణాళికాబద్దమైన దాడులతో స్థానిక ఎన్నికల్లో ప్రజాస్వామ్యం ఖూనీ చేశారు. ఆ విషయాలను పక్కదోవ పట్టించడానికే వైఎస్.జగన్‌ మీద వ్యక్తిగత దాడి చేస్తున్నారు. నామినేషన్‌ కేంద్రాలనే దాడులకు అడ్డాలుగా మార్చింది చంద్రబాబు ప్రభుత్వం. చంద్రబాబు చేయించిన దాడులతో రాష్ట్రంలో శాంతిభద్రతలు పూర్తిగా కుప్పకూలిపోయాయి. వైఎస్సార్‌సీపీ న్యాయపోరాటంతో సుప్రీంకోర్టు ఇచ్చిన ఆదేశాలు రాష్ట్రంలోని పరిస్థితులను బట్టబయలు చేశాయి. స్థానిక ఎన్నికల్లో జరిగిన దాడులు, అక్రమాలపై దేశవ్యాప్తంగా చర్చ జరుగుతోంది. ఎన్నికల అక్రమాలకు సంబంధించిన ఆధారాలతో సహా జగన్ బయట పెట్టారు. రాష్ట్రంలోని పరిస్థితులపై ప్రజాస్వామ్యవాదులు, జర్నలిస్టులు, తటస్థులు తీవ్ర ఆందోళన వ్యక్తం చేస్తున్నారు. ఆ వాస్తవాలను కప్పిపుచ్చేందుకు వైఎస్‌ జగన్‌పై చంద్రబాబు వ్యక్తిత్వ హననానికి పాల్పడుతున్నారు. ప్రజలకు తప్పుడు సమాచారం వెళ్లకూడదనే షర్మిలకి జగన్‌ రాసిన లేఖను విడుదల చేస్తున్నాం’ అని వైఎస్సార్‌సీపీ పేర్కొంది.షర్మిలకు వైఎస్‌ జగన్‌ రాసిన లేఖలో ముఖ్యాంశాలు..అంజిలి పెళ్లి గురించి తెలిసి నాకు చాలా సంతోషంగా ఉంది.గత ఏడేళ్లుగా మన మధ్య ఎన్ని పరిణామాలు జరిగినా, అంజిలి జీవితాంతం సంతోషంగా, ప్రేమానురాగాలతో ఉండాలని మనస్ఫూర్తిగా కోరుకుంటున్నాను.నా అభ్యంతరాలను పట్టించుకోకుండా బెంగళూరులోని నా నివాసంలోనే పెళ్లి నిర్వహించాలని నువ్వు భావిస్తున్నట్లు నా దృష్టికి వచ్చింది.నేను నివసిస్తున్న ప్రాంగణంలో పెళ్లి నిర్వహించడం వల్ల తీవ్రమైన భద్రతాపరమైన సమస్యలు తలెత్తుతాయి.ఈ విషయాన్ని ఇప్పటికే వివిధ వ్యక్తుల ద్వారా నీకు తెలియజేశాను.పెళ్లి వంటి కార్యక్రమానికి పెద్ద సంఖ్యలో ప్రజలు వస్తారు. క్యాటరింగ్‌, డెకరేషన్‌, ఈవెంట్‌ మేనేజ్‌మెంట్‌ సిబ్బంది, ఫొటోగ్రాఫర్లు, వీడియోగ్రాఫర్లు, అతిథులు ఇలా ఎంతోమంది ప్రాంగణంలోకి వస్తారు.వీరిలో చాలామంది మనకు కనీసం పరిచయం కూడా లేని వ్యక్తులే.ఇంతమంది నివాస ప్రాంగణంలోకి రాకపోకలు సాగించడం వల్ల తీవ్రమైన భద్రతాపరమైన సమస్యలు తలెత్తుతాయి.నివాస ప్రాంగణానికి, చుట్టుపక్కల ప్రాంతాలకు సంబంధించిన ఫొటోలు, వీడియోలు బయటకు వెళ్లడం భద్రతాపరమైన ఆందోళనలకు దారితీస్తుంది.ఈ నిర్ణయం తీసుకోవడం నాకు అంత సులభం కాలేదు.అంజలీ చిన్నప్పటి నుంచి పెరుగుతూ రావడాన్ని నేను చూశాను. ఆమెకు అంతా మంచే జరగాలని కోరుకుంటున్నాను.అయినప్పటికీ భద్రతకు, వ్యక్తిగత గోప్యతకు సంబంధించిన ముప్పులను ఏమాత్రం విస్మరించలేను.హర్ష లేదా వర్ష పెళ్లి అయినా కూడా నేను ఇదే నిర్ణయం తీసుకునేవాడిని.ప్రస్తుతం నేను ఇక్కడే నివసిస్తున్నాను. ఇటువంటి కార్యక్రమం నిర్వహించడం వల్ల అనవసరంగా అందరి దృష్టి ఈ నివాసంపై పడుతుంది.చివరకు ఇది నా ఇల్లు. ఇక్కడ నేను, నా కుటుంబం సురక్షితంగా ఉండేలా చూసుకోవాలనుకుంటున్నాను.భద్రతకు, వ్యక్తిగత గోప్యతకు సంబంధించిన ఆందోళనలను ఇప్పటికే నీకు తెలియజేసినా, నా అభ్యంతరాలను పట్టించుకోకుండా ముందుకు వెళ్లడం నన్ను బాధించింది.ఈ విషయంలో నా పరిస్థితిని, అభిప్రాయాన్ని మరోసారి పరిగణనలోకి తీసుకుని పెళ్లి కోసం మరో వేదికను ఎంచుకోవాలని కోరుతున్నాను.రాజా పెళ్లి చేసినట్లుగా కన్వెన్షన్‌ సెంటర్‌లో గానీ, డెస్టినేషన్‌ వెడ్డింగ్‌ వేదికలో గానీ పెళ్లి నిర్వహించుకోవచ్చు.అలాంటి వేదికలు ఇష్టం లేకపోతే హైదరాబాద్‌లోని నా లోటస్‌ పాండ్‌ ఆస్తిని పెళ్లికి ఉపయోగించుకోవడానికి కూడా అవకాశం ఇచ్చాను.లోటస్‌ పాండ్‌ ఆస్తిని ఉపయోగించుకోవడానికి ఇచ్చిన ప్రతిపాదన ఇప్పటికీ అలాగే ఉంది.అంజిలీ పెళ్లి ఆమె జీవితంలో ఒక ప్రత్యేకమైన రోజుగా నిలిచిపోవాలని మనస్ఫూర్తిగా కోరుకుంటున్నాను.భవిష్యత్తులో ఆ రోజును ఆమె ఎంతో ఆనందంగా గుర్తుచేసుకోవాలని ఆశిస్తున్నాను.అందుకోసం సహేతుకంగా నేను చేయగలిగిన ప్రతి ప్రయత్నం చేయాలనుకుంటున్నాను.ఈ విషయంలో నువ్వు కూడా నా దృక్కోణాన్ని అర్థం చేసుకోవాలని కోరుతున్నాను..ఇదీ చదవండి: వారం రోజులుగా దాడులు కొనసాగుతున్నాయి: రాచమల్లు

సాక్షి, తాడేపల్లి: అల్లూరి జిల్లాలోని పీసుమామిడి పేలుడు ఘటనపై వైఎస్సార్‌సీపీ అధినేత వైఎస్ జగన్ తీవ్ర దిగ్భ్రాంతి వ్యక్తం చేశారు. ఈ ప్రమాదంలో ఏడుగురు మృతి చెందడంపై తీవ్ర విచారం వ్యక్తం చేశారు. కాగా, ఈ ప్రమాదానికి గల కారణాలపై సమగ్ర విచారణ జరిపించాలన్నారు. మృతుల కుటుంబాలకు ప్రభుత్వం తగిన ఆర్థిక పరిహారం అందించాలన్నారు.పీసుమామిడి పేలుడు ఘటనపై వైఎస్‌ జగన్‌ స్పందిస్తూ..‘ఈ ఘటనలో మృతుల కుటుంబాలకు నా ప్రగాఢ సానుభూతి. ఈ దుర్గటనలో కార్మికులతోపాటు ప్రభుత్వ టీచర్ సునీత కూడా మృతి చెందడం అత్యంత బాధాకరం. ఉపాధి కోసం వచ్చిన కార్మికులు, విధి నిర్వహణలో ఉన్న ఉపాధ్యాయురాలు ఇలా ఆకస్మికంగా ప్రాణాలు కోల్పోవడం తీవ్ర విషాదాన్ని మిగిల్చింది. ఈ కష్ట సమయంలో వారి కుటుంబ సభ్యులకు మనోధైర్యాన్ని ప్రసాదించాలని భగవంతుడిని ప్రార్థిస్తున్నా. ప్రమాదానికి గల కారణాలపై సమగ్ర విచారణ జరిపించాలి. మృతుల కుటుంబాలకు ప్రభుత్వం తగిన ఆర్థిక పరిహారం అందించాలి. వారికి అన్ని విధాలుగా అండగా నిలవాలి’ అని అన్నారు. ఇదీ చదవండి: ఏపీలో ప్రజాస్వామ్యం ఖూనీ!

సాక్షి, అమరావతి: గత వైఎస్సార్‌సీపీ ప్రభుత్వ హయాంలో జరిగిన అభివృద్ధిని చంద్రబాబు సర్కారు నిస్సిగ్గుగా ఇప్పటికే తన ఖాతాలో వేసుకుంటున్న విషయం జగమెరిగిన సత్యం. గూగుల్‌ డేటాసెంటర్, భోగాపురం ఎయిర్‌పోర్టు, ఎన్టీపీసీ గ్రీన్‌ ఎనర్జీ ఇలా పలు ప్రాజెక్టులను తన ఖాతాలో వేసుకుని డప్పు కొట్టుకుంటున్న తెలుగుదేశం పార్టీ నేతలు తాజాగా మరో క్రెడిట్‌ చోరీకి పాల్పడడం అందరినీ విస్మయపరుస్తోంది. వైఎస్‌ జగన్‌ హయాంలో నిర్మాణం పూర్తి చేసుకుని ఉత్పత్తి ప్రారంభించిన అరబిందో లైఫియస్‌ కంపెనీ క్రెడిట్‌ను కూడా దేశం ఘనతగా చాటుకోవడం తాజాగా చర్చనీయాంశంగా మారింది. అబద్ధపు ప్రచారం ఇలా... ఆత్మనిర్భర్‌ భారత్‌లో భాగంగా 2020లో కాకినాడ వద్ద అరబిందో గ్రూపు ఏర్పాటు చేసిన లైఫియస్‌ అనే పెన్సిలిన్‌–జీ తయారీ కంపెనీ నిర్మాణాన్ని టీడీపీ తమ గొప్పగా ప్రచారం చేసుకోవడం ఆశ్చర్యపరుస్తోంది. మంత్రి నారా లోకేశ్‌ దగ్గర నుంచి కేంద్రమంత్రి రామ్మోహన్‌నాయుడు వరకు అంతా ట్వీట్లు చేస్తూ సోషల్‌ మీడియాలో పెద్ద ఎత్తున ప్రచారం చేసుకోవడంపై సర్వత్రా అభ్యంతరాలు వ్యక్తమవుతున్నాయి. చాలా ఏళ్ల తర్వాత భారత్‌లో తిరిగి పెన్సిలిన్‌–జీ తయారీ మొదలైందని, కాకినాడ వద్ద లైఫియస్‌ కంపెనీ పెన్సిలిన్‌–జీ తయారు చేస్తోందంటూ ఒక సందర్భంలో ప్రధాని నరేంద్ర మోదీ చెప్పిన వీడియా క్లిప్‌ను మైగవ్‌ఇండియా పోస్ట్‌ చేయగానే తెలుగుదేశం నాయకులు తమ ప్రభుత్వ ఘనతగా పేర్కొంటూ రీ–ట్వీట్‌ చేస్తుండటం చూసి అధికారులు ముక్కున వేలేసుకుంటున్నారు. కోవిడ్‌ సమయంలో అన్ని రకాల అనుమతులు తీసుకొచ్చి కంపెనీని వైఎస్‌ జగన్‌ ప్రభుత్వ హయాంలో ప్రారంభిస్తే ఇప్పుడు ఈ ఘనతను బాబు కూటమి తన ఖాతాలో నిస్సిగ్గుగా వేసుకోవడాన్ని అందరూ తప్పుపడుతున్నారు.అసలు నిజాలు ఇలా..... వైఎస్‌ జగన్‌ తన హయాంలో మూడు కీలక భారీ ప్రాజెక్టులను తీసుకురావడంతో కాకినాడ ఫార్మాహబ్‌గా ఎదిగింది. సుమారు రూ.5,000 కోట్ల పెట్టుబడులతో అరబిందో మూడు, దివీస్‌ ఒక ఫార్మా కేంద్రాన్ని ఏర్పాటు చేసింది. దీర్ఘకాలంలో పెండింగ్‌లో ఉన్న దివీస్‌ ఫార్మా సమస్యను వైఎస్‌ జగన్‌ అధికారం చేపట్టిన వెంటనే పరిష్కరించి ఉత్పత్తి ప్రారంభించే విధంగా చర్యలు తీసుకున్నారు.. ఫలితంగా కేంద్ర ప్రభుత్వం ప్రకటించిన ఉత్పత్తి ఆధారిత ప్రోత్సాహకాలు (పీఎల్‌ఐ) పథకం కింద అరబిందో మూడు యూనిట్లను ఏర్పాటు చేశాయి. 2020లో పనులు ప్రారంభించిన ఈ యూనిట్లు 2024లోనే ఉత్పత్తిని ప్రారంభించడం విశేషం. ఇందులో రూ.2,500 కోట్లతో లైఫియస్‌ పేరుతో ఏటా 15,000 టన్నుల పెన్సిలిన్‌–జీ, 1.8 లక్షల టన్నుల గ్లూకోజ్‌ తయారీ యూనిట్లను ఏర్పాటు చేసి అందుబాటులోకి తెచ్చింది. రూ.1,000 కోట్లతో ఏటా 3,600 టన్నుల 6–అమినో పెన్సిలానిక్‌ యాసిడ్‌ తయారీ యూనిట్‌ క్యూలే పేరుతో ఏర్పాటు చేసింది.

సాక్షి, అమరావతి: నామినేషన్లకు అడ్డంకులు.. నాయకుల గృహనిర్బంధాలు.. పత్రాల చింపివేత.. దాడులు.. అక్రమ కేసులు.. సంతకాల ఫోర్జరీ.. ఫేక్‌ నామినేషన్లు.. బలవంతపు ఉపసంహరణలు! ఇలా స్థానిక ఎన్నికల్లో చంద్రబాబు, ఆయన గ్యాంగ్‌ ఎనిమిది రకాల కుట్రలకు పాల్పడుతున్నారంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్ర స్థాయిలో ధ్వజమెత్తారు. ప్రతిపక్ష అభ్యర్థులను పోటీకి దూరం చేసేందుకు బెదిరింపులు, దౌర్జన్యాలకు దిగుతున్నారని, మహిళా అభ్యర్థులపై దాడులు జరుగుతున్నా పోలీసులు ప్రేక్షకపాత్ర పోషిస్తున్నారని విమర్శించారు. మరోవైపు, వైఎస్సార్‌సీపీ పేరుతో నకిలీ నామినేషన్లు దాఖలు చేసి, ఎన్నికలు సజావుగా జరుగుతున్నట్లు సుప్రీంకోర్టును తప్పుదోవ పట్టించే ప్రయత్నం చేస్తున్నారని ఆరోపించారు.‘‘అష్టకుట్రలతో ప్రజాస్వామ్యాన్ని ఖూనీ చేస్తున్నారు.. రాష్ట్రాన్ని అరాచక ఆంధ్రప్రదేశ్‌గా మార్చేశారు’’ అంటూ చంద్రబాబు, పోలీసుల వ్యవహారశైలి, రాష్ట్ర ఎన్నికల సంఘం తీరుపై జగన్‌ ధ్వజమెత్తారు. మా హయాంలో స్థానిక ఎన్నికలు జరిగాయి. అప్పుడు ఒక్కటైనా ఇలా జరిగిందా? అంత సాఫీగా మేము ఎన్నికలు జరిపాము. అదే ఈరోజు అందుకు పూర్తి భిన్నంగా ఎన్నికలు. తొండి. అన్యాయం. దౌర్జన్యం. రాష్ట్రవ్యాప్తంగా ఇలాంటి పరిస్థితే నెలకొంది. ఎంపీటీసీ, జెడ్పీటీసీ నామినేషన్లలో కూడా మున్సిపల్‌ ఎన్నికల నామినేషన్ల పర్వం మాదిరిగా జరుగుతోంది. ఆ అధికారులు. ఆ పోలీసులే ఉన్నారు. మరి ఏ విధంగా నామినేషన్లు వేస్తారు?’’ అని వైఎస్‌ జగన్‌ ప్రశ్నించారు. ఇంకా ఆయనేమన్నారంటే..నామినేషన్ల పర్వంలో జరుగుతున్న దౌర్జన్యాలిలా.. (అంటూ.. అన్నీ వరసగా పేర్లు, వివరాలతో సహా వీడియోల్లో చూపారు)» పెనుకొండలో మంత్రి సవిత ముఖ్య అనుచరుడు, టీడీపీ నాయకుడు సుబ్బారెడ్డి ఆర్వో చేతిలో నుంచి నామినేషన్‌ పత్రాలు లాక్కుని చింపేశాడు. » చిత్తూరు జిల్లాలో దళిత వర్గానికి చెందిన మాజీ డిప్యూటీ సీఎం నారాయణస్వామిపై టీడీపీ గూండాల దాడి. ఆయన కారు ధ్వంసం. » ధర్మవరం మున్సిపాలిటీ. 32వ వార్డులో నామినేషన్‌ వేయడానికి వెళ్తున్న తలారి నళినిపై టీడీపీ అభ్యర్థి దాడి చేసి చీర లాగాడు. » పలమనేరు నియోజకవర్గం, వి.కోట జెడ్పీటీసీ అభ్యర్థి జీ.వీ.ప్రకాష్‌పై దాడి. నామినేషన్‌ పత్రాలు చింపివేత. » చిలకలూరిపేట. 47వ వార్డులో వైఎస్సార్‌సీపీ అభ్యర్థిపై ఆర్‌ఓ సమక్షంలోనే టీడీపీ గూండాల దాడి. » చిత్తూరులో జెడ్పీటీసీ అభ్యర్థినిపై కె.సుష్మను అసభ్యంగా తాకి, నామినేషన్‌ పత్రాలు లాక్కునే ప్రయత్నం చేసిన టీడీపీ గూండాలు. దాడుల పర్వాన్ని వివరిస్తున్న వైఎస్సార్‌సీపీ అధినేత వైఎస్‌ జగన్‌ » చిత్తూరు జెడ్పీ ఆఫీస్‌లోనే జీడీ నెల్లూరు జెడ్పీటీసీ అభ్యర్థిని నిరీషాపై దాడి చేసి, నామినేషన్‌ పత్రాలు చింపేశారు. టీడీపీ మహిళా నేత ఆ పని చేసింది. » జీడీ నెల్లూరు వైఎస్సార్‌సీపీ ఎంపీటీసీ అభ్యర్థి నామినేషన్‌ పత్రాలు టీడీపీ గూండాలు బలవంతంగా లాక్కున్నారు. » సత్యసాయి జిల్లా తాడిమర్రిలో మండల నాయకుడు చంద్రశేఖర్‌రెడ్డి ఇంటిపై దాడి చేసి పోలీసులు వారిని కొట్టారు. 9 నెలల గర్భిణీ అని కూడా చూడలేదు. » కడప జిల్లాలో ఎంపీటీసీ అభ్యర్థి భారతి నామినేషన్‌ను టీడీపీ గూండాలు చింపేశారు. » కనిగిరిలో మా ఎంపీటీసీ అభ్యర్థిని పోలు వరలక్ష్మి చేతిలో నుంచి నామినేషన్‌ పత్రాలు లాక్కుని చింపేశారు. » కడప జిల్లా చాపాడు మండలంలో ఎంపీటీసీ స్థానానికి నామినేషన్‌ వేయడానికి వచ్చిన 9 నెలల గర్భిణీ ప్రశాంతిపై దాడి చేసిన టీడీపీ మూకలు నామినేషన్‌ పత్రాలు లాక్కున్నాయి. » నర్సారావుపేటలో, పిడుగురాళ్ల జెడ్పీటీసీ అభ్యర్థి భారతి భర్త, పెద్ద లక్ష్మారెడ్డిపై దారుణంగా దాడి చేశారు. » కర్నూలు జిల్లా ఆలూరు మండలంలో ఇంట్లో ఉన్న మా పార్టీ ఎంపీటీసీ అభ్యర్థి వినోద్‌ను దుస్తులు చింపి, దారుణంగా కొట్టిన ఎస్‌ఐ విజయ్‌. » కనిగిరిలో 18వ వార్డు అభ్యర్థి సమీర నామినేషన్‌ వేయనివ్వాలంటూ పోలీసుల కాళ్ల మీద పడి వేడుకున్నా కనికరించలేదు. » దాచేపల్లిలో మా పార్టీ జెడ్పీటీసీ అభ్యర్థి పద్మావతి చీర లాగేందుకు టీడీపీ మహిళలు ప్రయత్నించారు. 10 మంది ఆ పని చేశారు. ఇదంతా నర్సారావుపేటలో జరిగింది. అయినా పోలీసులు పట్టించుకోలేదు. » పుంగనూరులో వార్డు నెం.1లో ఎస్సీ మహిళ కమలమ్మ చేతిలో నుంచి నామినేషన్‌ పత్రాలు దౌర్జన్యంగా లాక్కున్నారు. » జమ్మలమడుగు మున్సిపల్‌ ఛైర్‌పర్సన్‌గా నామినేషన్‌ వేయడానికి బయలుదేరిన ఇందిరమ్మను పోలీసులు తుపాకీ చూపించి బెదిరించారు. » కడప వైఎస్సార్‌సీపీ ఆఫీస్‌లో ఎంపీ అవినాష్‌రెడ్డిని అరెస్టు చేశారు. ఆయన ఎంపీ అన్న కనీస గౌరవం కూడా ఇవ్వలేదు. ఆయన్ను ఒక తీవ్రవాది మాదిరిగా చూశారు. అలా అక్రమంగా అరెస్టు చేశారు. » తిరుపతి జిల్లా రైల్వే కోడూరు ఎమ్మెల్యే అరవ శ్రీధర్‌ అనుచరులు అమానవీయ ప్రవర్తన. ఒక మహిళ నామినేషన్‌ వేయడానికి వెళ్తుండగా, దాడి చేసి అమానవీయ ప్రవర్తన. » తిరుపతి జిల్లా చంద్రగిరిలో అనుపల్లి ఎంపీటీసీ అభ్యర్థి ఎస్సీ మహిళ శారద సీఐ కాళ్లు పట్టుకుంది. నామినేషన్‌ వేయనివ్వాలని వేడుకుంది. »నగరి మున్సిపల్‌ చైర్‌పర్సన్‌ బాలకృష్ణ, నామినేషన్‌ తొలుత ఓకే అన్నారు. అక్నాలెడ్జ్‌మెంట్‌ కూడా ఇచ్చారు. ఆ తర్వాత తుది జాబితాలో టీడీపీ అభ్యర్థి పేరు మాత్రమే ఉంది.సుప్రీంకోర్టును ఏమార్చేందుకు ఫేక్‌ నామినేషన్లు దాఖలుచంద్రబాబు కుట్రల్లో పరాకాష్ట.. మా పార్టీ పేరుతో వారే దొంగ నామినేషన్లు దాఖలు చేస్తున్నారు. అలా సంఖ్యను పెంచి చూపి, రాష్ట్రంలో అంతా శాంతియుతంగానే జరుగుతోందని కోర్టులను మభ్య పెట్టే ప్రయత్నం చేస్తున్నారు. ఎన్నికల కమిషన్‌ డేటా చూస్తే, అది మీకు అర్ధమవుతుంది. ‘ఒక్కసారిగా వైఎస్సార్‌సీపీ నామినేషన్ల అసాధారణ పెరుగుదల’ (ఎక్స్‌పొనెన్షియల్‌ సర్జ్‌ ఇన్‌ వైఎస్సార్‌సీపీ నామినేషన్స్‌) కనిపిస్తుంది. రాష్ట్రంలో 9,829 ఎంపీటీసీ పదవులకు ఎన్నికలు జరుగుతుంటే, ఈనెల 21 నాటికి, అంటే బుధవారం నాటికి వైఎస్సార్‌సీపీ పక్షాన కేవలం 1,918 నామినేషన్లు మాత్రమే దాఖలైతే ఆ మర్నాడు, అంటే 22వ తేదీ గురువారం నాటికి వాటి సంఖ్య ఏకంగా 10,501 కి పెరిగినట్లు చూపిస్తున్నారు. ఫేక్‌ నామినేషన్ల వివరాలు వెల్లడిస్తున్న మాజీ సీఎం వైఎస్‌ జగన్‌ అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 547% పెరుగుదల చూపించారు. అలాగే 659 జెడ్పీటీసీ పదవులకు ఎన్నికలు జరుగుతుంటే, ఈనెల 21 నాటికి వైఎస్సార్‌సీపీ పక్షాన దాఖలైన నామినేషన్లు కేవలం 192 మాత్రమే. ఆ మర్నాడు, అంటే 22వ తేదీ నాటికి వాటి సంఖ్య ఏకంగా 900 కి పెరిగింది. అంటే ఒక్కరోజులోనే వైఎస్సార్‌సీపీ నామినేషన్ల దాఖలులో 468% పెరుగుదల చూపించారు. ఒకవైపు ఎక్కడికక్కడ నామినేషన్లు వేయకుండా అడ్డుకుంటున్నారు. మండల కేంద్రాల్లోనూ, జిల్లా కేంద్రాల్లోనూ అదే మాదిరిగా ఉంది. కానీ ఇక్కడ ఎన్నికల కమిషన్‌ డేటా చూస్తే.. ఆ స్థాయిలో మా పార్టీ నామినేషన్లు పెరిగాయి!. అంటే వైఎస్సార్‌సీపీ పేరుతో వెన్నుపోటు పార్టీ వారే ఫేక్‌ నామినేషన్లు దాఖలు చేస్తున్నారు. (ఇవీ కొన్ని వివరాలు అంటూ ఆధారాలతో సహా పీపీటీలో చూపారు). » ఇది కొండాపురం మండలం కొండాపురంలో14, 15, 16, 17, 18 వార్డులు. అన్నీ ఫేక్‌ నామినేషన్లు. వైఎస్సార్‌సీపీ పేరుతో వెన్నుపోటు పార్టీ వారే వేశారు. » మైలవరం మండలం దొమ్మల నంద్యాల. అక్కడ సిలివేరు లక్ష్మీదేవి వైఫ్‌ ఆఫ్‌ సిలివేరు గోపాలకష్ణ పేరుతో వైఎస్సార్‌సీపీ అభ్యర్థి అంటూ నామినేషన్‌. ఆమె మా పార్టీ అభ్యర్థిని కాదు. » పులివెందుల నియోజకవర్గం, వేముల మండలంలో లోకేపల్లి మల్లికార్జునరెడ్డి, ఎస్‌.లక్ష్మీదేవి పేరుతో, వారు వైఎస్సార్‌సీపీ పక్షాన వేశారంటూ, ఫేక్‌ నామినేషన్లు దాఖలు చేశారు.కుట్రలు, కుతంత్రాలకు పితామహుడు చంద్రబాబుఈ కుట్రలకు నిజంగా పితామహుడు చంద్రబాబే. ఆయన ఇంత దారుణమైన ఎత్తుగడ ఎందుకు వేశాడంటే, స్థానిక సంస్థల ఎన్నికల­న్నీ సజావుగా సాగుతున్నాయని సుప్రీంకోర్టుకు ఒక భ్ర­మ కల్పించే కుట్రకు తెగబడ్డాడు. అందుకే ఎంపీటీసీ, జెడ్పీటీసీ ఎన్నికల నామినేషన్లలో వెన్నుపోటు పార్టీ వారే, మా వైఎస్సార్‌సీపీ తరపున ఫేక్‌ నామి­నేషన్లు వేయిస్తున్నారు. అందుకే ఒక్క రోజులోనే ఎంపీటీసీ నామినేషన్లలో 547%, జెడ్పీటీసీ నామి­నేషన్లలో 468% పెరుగుదల చూపించారు. ఇటు చూస్తే, మండల, జిల్లా కేంద్రాల్లోనూ మా వాళ్ళని అడ్డుకుంటూ నామినేషన్లను వేయనీయకుండా కుట్ర చేస్తున్నారు. అటు మా పార్టీ పేరుతో వాళ్లే ఫేక్‌ నామినేషన్లు వేస్తున్నారు. ఆ నామినేషన్లలో ఎక్కడా ఎ–ఫామ్స్, బీ–ఫామ్స్‌ ఉండవు. వారంతట వారే వైఎస్సార్‌సీపీ అని చెప్పుకోవడం, నామినేషన్‌ వేయడం, అదే ఎన్నికల కమిషన్‌ డేటాలో చేర్చడం.. అంతా కుట్రలో భాగంగా జరుగుతోంది.’’ అని జగన్‌ వివరించారు.ఇవీ అష్టకుట్రలుచంద్రబాబు, ఆయన గ్యాంగ్‌ కలిసి, ఈ స్థానిక ఎన్నికల్లో చేసిన 8 కుట్రలు ఇలా ఉన్నాయి.. కుట్ర–1నామినేషన్‌ వేయకముందే, వైఎస్సార్‌సీపీ అభ్యర్థులుగా పోటీ చేయాలనుకునే వారికి బెదిరింపులు. కుట్రలో భాగంగా, అభ్యర్థులు, వారికి సహకరించే వారిని బెదిరించడం. బైండోవర్‌ చేయడం. ముందస్తు అరెస్టులు చేయడం. కుట్ర–2నాయకుల గృహ నిర్భంధం. నామినేషన్ల ప్రక్రియ అంతా మీరు గమనించండి. ఎక్కడా అభ్యర్థులకు తోడుగా నాయకులను వెళ్లనీయడం లేదు.కుట్ర–3నామినేషన్‌ కేంద్రాలు స్వాధీనం చేసుకుని, ప్రతిపక్ష అభ్యర్థులు లోపలకు వెళ్లకుండా అడ్డుకుంటున్నారు. మా పార్టీ అభ్యర్థులు ఎలాగోలా నామినేషన్‌ కేంద్రాలకు వెళ్లే సరికే అక్కడ టీడీపీ వారు మారణాయుధాలతో ఉంటారు. అక్కడ ఉన్న పోలీసులు వారికి పూర్తిగా సహకారం అందిస్తున్నారు.కుట్ర–4పోలీసుల సమక్షంలోనే నామినేషన్‌ పత్రాలు లాక్కోవడం, కొన్ని చోట్ల ఆర్వోల చేతిలో నుంచి లాక్కుని చింపడం.కుట్ర–5ఇన్ని జరుగుతున్నా పోలీసులు అడ్డుకోకపోగా, బాధిత అభ్యర్థులను, అంటే మా పార్టీ వారినే పోలీసులు బయటకు నెట్టేస్తారు. నామినేషన్‌ వేయడానికి అభ్యర్థి కాకుండా, కేవలం ముగ్గురిని మాత్రమే అనుమతిస్తున్నారు. నామినేషన్‌ కేంద్రం గేటు, ఎక్కడో దూరంగా ఉంటుంది. అక్కణ్నుంచి వారు లోపలికి నడిచి వెళ్తుండగానే అడ్డుకోవడం. నామినేషన్‌ పత్రాలు లాక్కోవడం చేస్తున్నారు. వైఎస్సార్‌సీపీ అభ్యర్థి నాగమణి సంతకాన్ని ఫోర్జరీ చేసి టీడీపీ అభ్యర్థి విజయ ఎన్నికైనట్టు ప్రకటన కుట్ర–6దాడి చేసిన వారిని పూర్తిగా వదిలేసి, దాడులకు గురైన వారిపైనే తిరిగి కేసులు పెడుతున్నారు. అలా కేవలం మా వైఎస్సార్‌సీపీ అభ్యర్థులతో పాటు, వారితో ఉంటున్న మా పార్టీ నాయకులపైనే అక్రమ కేసులు బనాయిస్తున్నారు. అలా వారిని ఇంటికే పరిమితి చేయడం. లేదంటే జైలుకు పంపడం చేస్తున్నారు. కుట్ర–7స్క్రూటినీ పేరుతో నామినేషన్ల తిరస్కరణ. ఆ సమయంలో అభ్యర్థులను ఆఫీసులకు రానివ్వకుండా, ఇష్టానుసారం చేస్తున్నారు. కొన్ని చోట్ల వారే కొన్ని పేపర్లు చింపేయడం. కొన్ని చోట్ల అభ్యర్థుల సంతకాలు ఫోర్జరీ చేసి, విత్‌డ్రా చేసుకున్నట్లు చెప్పడం జరుగుతోంది. ఉదా: నంద్యాల మున్సిపాలిటీ. 51వ వార్డు అభ్యర్థి నాగమణి. ఆమె స్క్రూటినీకి హాజరు కాగా, ఆమె నామినేషన్‌ ఓకే చేశారు. ఆ తర్వాత ఆమె సంతకం ఫోర్జరీ చేసి, ఆమె విత్‌డ్రా చేసుకున్నట్లు ప్రకటించారు. (అంటూ ఆ వివరాలు చూపడంతో పాటు, ఆమెను స్వయంగా మీడియాకు చూపారు) » అలా నాగమణి సంతకాన్ని ఫోర్జరీ చేసి, ఆమె విత్‌డ్రా చేసుకున్నట్లు ప్రకటించి, ఆ వార్డులో టీడీపీ అభ్యర్థి ఏకగ్రీవం అయినట్లు ప్రకటించారు. » ఆ తర్వాత నగరి మున్సిపల్‌ ఛైర్మన్‌ అభ్యర్థి బాలకృష్ణ విషయంలో కూడా చేశారు. తొలుత ఆయన నామినేషన్‌ ఆమోదించినట్లు చెప్పారు. తుది జాబితాలో ఆయన అభ్యర్థిత్వాన్ని రద్దు చేశారు. కుట్ర–8అభ్యర్థులను బెదిరించి, భయపెట్టి, లోబర్చుకుని నామినేషన్‌ ఉపసంహరణకు ఒత్తిడి చేయడం. మహిళలపై నిర్దాక్షిణ్యంగా దాడులుఅత్యంత దారుణ విషయం ఏమిటంటే.. దాడులకు ఎక్కువగా గురైంది మహిళలే. ఎందుకంటే వారికి 50 శాతం రిజర్వేషన్లు. దాన్ని తీసుకొచ్చింది మనమే. నాడు మన హయాంలో మహిళలు వర్థిల్లారు. అదే ఇప్పుడు చంద్రబాబు పుణ్యమా అని వారంతా దాడికి గురవుతున్నారు. ఈ ఎన్నికలు సజావుగా జరిగితే డివిజన్లలో కార్పొరేటర్లు మొదలు, గ్రామస్థాయిలో వార్డు సభ్యుల వరకు దాదాపు 80 వేల మంది మహిళలు ఎన్నికవుతారు.అందులో కార్పొరేటర్లు, కౌన్సిలర్లు, ఎంపీటీసీ పదవుల్లో 7,216 మంది మహిళలు ఎన్నికవుతారు.మరి ఇన్ని వేల మంది మహిళలు నామినేషన్లు వేయడానికి వస్తే, వారి జుట్టు పట్టుకోవడం, చీరలు లాగేయడం, వారిని తిట్టి కొట్టి దాడులు చేస్తున్నారు. అందుకే నేను అడుగుతున్నాను. చంద్రబాబు అనేవాడు అసలు మనిషేనా? మహిళలపై దాడులు ప్రోత్సహిస్తున్న చంద్రబాబు, ఆ పని చేస్తున్న ఆయన పార్టీ గూండాలు, మరోవైపు ప్రత్యక్షంగా దీన్ని చూస్తూ ఊరుకుంటున్న పోలీసు అధికారులు, ఎస్‌ఈసీ.. చేస్తోంది ధర్మమేనా?.

క్రిమినల్‌ మెంటాలిటీ, దిగజారుడు బుద్ధి కలిగిన చంద్రబాబు వంటి వారి చేతుల్లో అధికారం ఉంటే ప్రజలకే కాదు.. ఈ రాష్ట్రానికి కూడా గ్యారంటీ లేదు. చంద్రబాబు వ్యవస్థీకృతంగా చేస్తున్న ఈ దారుణాలను అతిపెద్ద నేరంగా పరిగణించాలి. ప్రజాస్వామ్యాన్ని కాపాడుకోకపోతే చంద్రబాబు పాల్పడే కుట్రపూరిత నేరాలను ప్రోత్సహించిన వారమమవుతాం.పార్టీ శ్రేణులకు ఒకటే చెబుతున్నా.. మీ దగ్గర ఉన్న ఆధారాలతో పార్టీ లీగల్‌ సెల్‌ ద్వారా పిటిషన్లు వేయించండి. ప్రైవేటు పిటిషన్లు వేయండి.. జాతీయ మానవహక్కుల కమిషన్‌కు (ఎన్‌హెచ్‌ఆర్‌సీ) ఫిర్యాదు చేయండి. పార్టీ డిజిటల్‌ బుక్‌లో నమోదు చేయండి. మనం అధికారంలోకి రాగానే ఈ ప్రతీ ఘటనలోనూ బాధ్యులపైన, ప్రతీ ఒక్కరిపైనా చట్టపరంగా చర్యలు తీసుకునేందుకు ఇవన్నీ ఉపకరిస్తాయి.ప్రజాస్వామ్య పరిరక్షణ కోసం ఎన్నో దాడులు ఎదుర్కొని గుండె నిబ్బరంతో నిలబడి ఈ దుర్మార్గులను ఎదుర్కొం­టున్న వైఎస్సార్‌సీపీ అభ్యర్థులకు, వారికి తోడుగా నిలుస్తున్న నాయకులు, కార్యకర్తలకు, వారికి న్యాయపరంగా అండగా నిలుస్తున్న పార్టీ లీగల్‌ సెల్‌ విభాగానికి హ్యాట్సాప్‌ చెబుతున్నా.. శివంగుల్లా నిలబడి ఈ అన్యాయాన్ని ఎదురొడ్డి పోరాటం చేస్తున్న నా అక్కచెల్లెమ్మలకు సెల్యూట్‌ చేస్తున్నా. -వైఎస్‌ జగన్‌మోహన్‌రెడ్డిసాక్షి, అమరావతి: ‘‘ప్రజాస్వామ్యంలో నియంతృత్వ ధోరణి ప్రజ్వరిలి్లతే ప్రజలకు స్వేచ్ఛ ఉండదు.. ఎలాంటి హక్కులు ఉండవు. ఈరోజు నామినేషన్‌ పత్రాలు లాక్కొని చించేస్తున్నట్టుగానే రేపొద్దున మీ ఆస్తిపత్రాలతో ప్రభుత్వ కార్యాలయాలకు వెళ్తే లాక్కొని చించేసి మీ ఆస్తి తమదంటారు. ప్రజలందరికీ ఒకటే పిలుపునిస్తున్నా. ఒక్కసారి ఆలోచించమని కోరుతున్నా. ప్రతీ ఒక్కరూ తిరగబడండి. ప్రజాస్వామ్యాన్ని కాపాడుకోండి. లేకుంటే మీ ఆస్తులు, మీ హక్కులకే కాదు.. మీ ప్రాణాలకు కూడా రక్షణ ఉండదు’ అని మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి పిలుపునిచ్చారు. తాడేపల్లిలోని వైఎస్సార్‌సీపీ కేంద్ర కార్యాలయంలో శుక్రవారం వైఎస్‌ జగన్‌ మీడియాతో మాట్లాడారు. స్థానిక ఎన్నికల నామినేషన్ల సందర్భంగా రాష్ట్రంలో కొనసాగుతున్న హింసాకాండ, వైఎస్సార్‌సీపీ అభ్యర్థులపై దాడులు, ఎంపీటీసీ, జెడ్పీ­టీసీ ఎన్నికల్లో వైఎస్సార్‌సీపీ అభ్యర్థుల నామినేషన్లు వేయకుండా అడ్డుకోవడం, నామినేషన్‌ పత్రాలను చించేయడం, మరోవైపు యథేచ్ఛగా సుప్రీంకోర్టు ఆదేశాలను బేఖాతరు చేస్తున్న ఎస్‌ఈసీ, చంద్రబాబు ప్రభుత్వ తీరును సాక్ష్యాధారాలతో ఎత్తిచూపుతూ నిప్పులు చెరిగారు. ‘‘స్థానిక ఎన్నికల్లో ప్రజాస్వామ్యాన్ని ఖూనీ చేస్తున్న తీరును తప్పు బడుతూ సుప్రీంకోర్టు తీవ్రమైన మొట్టికాయలు వేసినా చంద్రబాబులో కానీ, ఆయన ఆధ్వర్యంలో నడుస్తున్న రాష్ట్ర ఎన్నికల కమిషన్‌ (ఎస్‌ఈసీ) తీరులో కానీ ఎలాంటి మార్పు రాలేదు. మున్సిపల్‌ ఎన్నికల్లో నామినేషన్లకు మించి జెడ్పీటీసీ, ఎంపీటీసీ నామినేషన్ల సందర్భంగా టీడీపీ గూండాలు దౌర్జన్యాలు, దాడులకు పాల్పడుతున్నారు. మహిళలని కూడా చూడకుండా చీరలు లాగి దుశ్శాసనపర్వానికి పాల్పడుతున్నా పట్టించుకునే వారులేరు. నామినేషన్లు వేయనీయకుండా అడ్డుకుంటున్న టీడీపీ మూకలు, వారికి సహకరిస్తున్న పోలీసులు, ఎన్నికల అధికారులపై ఎలాంటి చర్యలు తీçసుకోవడం లేదు. పైగా ఎన్నికలు సజావుగా జరుగుతున్నట్టు కోర్టులకు భ్రమ కల్పించేలా వైఎస్సార్‌సీపీ తరఫున ఫేక్‌ నామి­నేషన్లు వేయిస్తూ ప్రజాస్వామ్యాన్ని అపహాస్యం పాల్జేస్తున్నారు.’’ అని వైఎస్‌ జగన్‌ పేర్కొన్నారు. మీడియాతో మాట్లాడుతూ వైఎస్‌ జగన్‌ ఇంకా ఏమన్నారంటే..తొండి.. అన్యాయం..దౌర్జన్యం ఇదే చంద్రబాబు మార్క్‌ కుతంత్రం..‘‘రాష్ట్రంలో అన్నింటా విఫలమైన వెన్నుపోటు పార్టీ కూటమి ప్రభుత్వంపై ఏ ఒక్క వర్గం సంతోషంగా లేరు. అందుకే స్థానిక ఎన్నికల్లో ఓటమి తప్పదని తెలిసి, ఎలాగైనా గెలిచేందుకు అంతులేని అక్రమాలకు పాల్పడుతున్నారు. చంద్రబాబు రాష్ట్రాన్ని రావణకా­ష్టంలా మార్చేశారు. ఎలాగైనా గెలవాలన్న ఆలోచనతో స్థానిక ఎన్నికల్లో అష్ట కుట్రలకు పాల్పడుతున్నారు. సుప్రీంకోర్టు ఆదేశాలు సైతం యథేచ్ఛగా బేఖా­తరు చేస్తున్నారు. ఎస్‌ఈసీ కానీ, చంద్రబాబు ప్రభుత్వం కానీ సుప్రీంకోర్టు ఆదేశాలను ఏ మాత్రం పట్టించుకోవడం లేదు. అన్ని కుట్రలకు పితామహుడు చంద్రబాబే. ఆయన ఫోర్జరీ, మోసాలు, కుట్రలు స్థానిక ఎన్నికల్లో తారస్థాయికి చేరాయి. తొండి, అన్యాయం, దౌర్జన్యంతో స్థానిక ఎన్నికలు గెలవాలని చూస్తున్నారు. ప్రజాస్వామ్య విలువలకు పూర్తిగా పాతర వేస్తూ నియంతృత్వ ధోరణితో ముందుకెళ్తున్నారు. వ్యవస్థ దిగజారిపోయింది..స్థానిక ఎన్నికల్లో చంద్రబాబు చేస్తున్న అక్రమాలపై గత ఆదివారం ప్రెస్‌మీట్‌లో అన్ని ఆధారాలు చూపడంతో పాటు, ఇక్కడ ఎస్‌ఈసీని కలిసి పూర్తి వివరాలతో ఫిర్యాదు చేశాం. ఆ తర్వాత సుప్రీంకోర్టును కూడా ఆశ్రయించి, అన్ని ఆధారాలు చూపడంతో, సుప్రీంకోర్టు రాష్ట్ర ప్రభుత్వానికి, రాష్ట్ర ఎన్నికల కమిషన్‌ (ఎస్‌ఈసీ)కి తీవ్ర స్థాయిలో మొట్టికాయలు వేసింది. నామినేషన్‌ వేయలేకపోయిన వారికి అవకాశం ఇవ్వాలని ఆదేశించింది. ఇవి పార్టీ పరంగా జరుగుతున్న ఎన్నికలు. అలాంటప్పుడు మా పార్టీ అభ్యర్థులతో నామినేషన్‌ వేయించమని అడిగితే, ఎదుటి పక్షం మాకు ఆ అవకాశం ఇవ్వడం లేదు. మా పార్టీ అభ్యర్థులను నామినేషన్‌ వేయనివ్వడం లేదు. అంటే వ్యవస్థ దిగజారిపోయింది అనేది వాస్తవం. ఎందుకీ డ్రామాలు.. అబద్ధాలు?సుప్రీంకోర్టు చాలా స్పష్టంగా ఆదేశాలిచ్చింది. అక్టోబరు 25వరకు తుది జాబితాలు ప్రకటించ వద్దని, నామినేషన్లు వేయలేకపోయిన వారికి మళ్లీ అవకాశం ఇవ్వాలని, అవసరమైతే జిల్లా కలెక్టరేట్ల వద్ద అందుకు ఏర్పాటు చేయాలని నిర్దేశించింది. అభ్యర్థులకు స్వేచ్ఛగా నామినేషన్లు వేసే అవకాశం కల్పించాలని, వారికి పోలీస్‌ భద్రత కల్పించాలని, ఆ దిశలో ఏం చర్యలు తీసుకున్నారో నివేదిక ఇవ్వాలని ఆదేశించింది. నామినేషన్‌ కేంద్రాల వద్ద సీసీటీవీ కవరేజీ ఏర్పాటు చేయాలని కూడా డీజీపీని ఆదేశించింది. ఎన్నికలు స్వేచ్ఛాయుత వాతావరణంలో జరిగేలా చూడాలని నిర్దేశించింది. మా పార్టీ అభ్యర్థుల నామినేషన్లు వేయనిస్తే, అసలు గొడవే లేదు కదా? నిజంగా మీరు ప్రజలకు మంచి చేశామని అనుకుంటే, మా వాళ్లతో నామినేషన్లు వేయించే అవకాశం ఇచ్చి, ప్రజాతీర్పు కోరాలి. కానీ, ఆ పని చేయకుండా, మా వాళ్లను అడ్డుకోవడం ఏమిటి? మీరు ఓడిపోతారన్న భయంతోనే ఎన్నికల్లో ప్రజాస్వామ్యాన్ని ఖూనీ చేసి, ఎన్నికలను బుల్డోజ్‌ చేయాలని చూస్తున్నారు కదా? అందుకే స్థానిక ఎన్నికల్లో జరుగుతున్న దారుణాలపై సుప్రీంకోర్టు చాలా లోతుగా తీవ్రమైన వ్యాఖ్యలు చేసింది. స్వేచ్ఛగా ఎన్నికలు జరగడం రాజ్యాంగ మౌలిక విలువలలో భాగమని, ఎన్నికల్లో పోటీచేసే అవకాశాలు లేకుండా చేస్తే కోర్టులు తప్పకుండా జోక్యం చేసుకుంటాయని స్పష్టం చేసింది.చంద్రబాబు ఆదేశాలను పాటిస్తున్న ఎస్‌ఈసీ..అసలు రాష్ట్ర ఎన్నికల కమిషన్‌ (ఎస్‌ఈసీ) సుప్రీంకోర్టు ఆదేశాలు పాటిస్తోందా? లేక చంద్రబాబు ఆదేశాలు పాటిస్తోందా? టీడీపీ దాడులు, పోలీసులు అడ్డుకోవడం వల్ల 19 మున్సిపాలిటీల్లో మేము నామినేషన్లు వేయలేకపోయామని సుప్రీంకోర్టుకు వెళ్లాం. వాటితో పాటు, మరో 4 మున్సిపాలిటీల్లో స్క్రూటినీ పేరుతో మా వాళ్ల నామినేషన్లు తిరస్కరించారు. అంటే మొత్తం 23 అర్బన్‌ లోకల్‌ బాడీస్‌లో పోటీ లేకుండా చేశారు. పుంగనూరు, రాయచోటి, పిడుగురాళ్ల, ఎర్రగుంట్ల, కమలాపురం, గురజాల, దాచేపల్లి, దర్శి, గుత్తి, మైదుకూరు, రాజంపేట, జమ్మలమడుగు, తిరుపతి, పులివెందుల, కడప, ప్రొద్దుటూరు, బద్వేలు, తాడిపత్రి, కనిగిరి, చిత్తూరు, నెల్లూరు, చిలకలూరిపేట, కనిగిరిలలో 15 చోట్ల ఏకంగా పోటీయే లేదు. మున్సిపల్‌ చైర్మన్‌ అభ్యర్థులు కూడా లేరు. 8 చోట్ల నామినేషన్లకు అస్సలు అనుమతించలేదు. గురజాల, పిడుగురాళ్ల, దర్శి, రాయచోటి, కమలాపురం, ఎర్రగుంట్ల, మైదుకూరు, పుంగనూరులో నామినేషన్లు వేయనీయలేదు. 7 చోట్ల కొన్ని నామినేషన్లు పడ్డాయి. కానీ స్క్రూటినీ పేరుతో మళ్లీ అక్రమంగా చైర్మన్‌ అభ్యర్థులను అనర్హులుగా ప్రకటించారు. దాచేపల్లి, కనిగిరి, బద్వేలు, రాజంపేట, ప్రొద్దుటూరు, గుత్తి, నగరి తదితర 15 చోట్ల చైర్మన్‌ అభ్యర్థి లేకుండా చేశారు. ఇంకా చిత్తూరు, నగరి, చిలకలూరిపేట, నెల్లూరులో స్క్రూటినీ పేరిట నామినేషన్లు తిరస్కరించారు. (అంటూ.. ఎక్కడెక్కడ ఏం చేశారనే జాబితా పీపీటీలో చూపారు)శకునిని తలపిస్తున్న చంద్రబాబు..చంద్రబాబూ.. మీరు ఎందుకింత తొండి. దౌర్జన్యం. అన్యాయం చేస్తున్నారు. మీకు ధైర్యముంటే ఈ ఎన్ని­కలు ఎదుర్కోవచ్చు కదా? అసలు ఇలాంటి పరిస్థితి ఉన్నప్పుడు వీటిని ఎన్నికలు అంటారా? మహాభారతంలో శకునికి పాచికలు ఉండేవి. ఆయన కోరుకున్నట్లు నెంబర్లు వచ్చేవి. ఇక్కడ నీవు కూడా శకునిలా మారావు. నీ ఇష్టానుసారం ఎన్నికలను నిర్దేశిస్తున్నా­వు. ఎక్కడెక్కడ ఏం జరగాలో నీవే ఆదేశిస్తున్నావు. ఒక చోట తల (చైర్మన్‌) ఉండదు. కొన్ని చోట్ల కాళ్లు, చేతులు (వార్డు మెంబర్లు) ఉండవు. అంటే ఎక్కడా పూర్తిస్థాయిలో సక్రమంగా ఎన్నికలు జరగవు.మా హయాంలో ఒక్క ఫిర్యాదైనా వచ్చిందా?మీరు ప్రజలకు నిజంగా మంచి చేసి ఉంటే, వాటిని చూపి, మీ పనితీరు చూపి ఎన్నికల్లో ఓట్లు అడగాలి. మీరు ఆ పని చేయడం లేదు. కానీ, ఆ పని మేము చేశాం. మా హయాంలో ఎస్‌ఈసీ నిమ్మగడ్డ రమేష్, ఆయన చంద్రబాబు నియమించిన వ్యక్తి. నాడు ఎన్నికల షెడ్యూల్‌ రాగానే, ఆయన ఇష్టానుసారం ఆఫీసర్లను బదిలీ చేశారు. అయినా మేం ఏమీ అనలేదు. ఎక్కడా ప్రజలకు మేలు చేయడంలో మేము వెనుకంజ వేయలేదు. ఎంతో మంచి చేశాం. అందుకే ఆ ఎన్నికల్లో విజయం సాధించాం. మేనిఫెస్టోలో చెప్పిన వాటిలో 95 శాతం అమలు చేసి చూపాం. విద్య, వైద్యం, వ్యవసాయ రంగాల్లో పెనుమార్పులు తీసుకొచ్చాం. అందుకే ఆ ఎన్నికల్లో మేము 86 శాతం విజయం సాధించాం. కానీ ఈరోజు అంతా మోసం. సూపర్‌ సిక్స్‌ లేవు. ఏ ఒక్క వర్గం సంతోషంగా లేదు. నాడు సంతకాలు చేసి ఇంటింటికీ పంపించిన బాండ్లు ఒట్టివే అయ్యాయి. దీంతో ఎక్కడికక్కడ ప్రజలు నిలదీసే పరిస్థితి. అందుకే ఈ స్థానిక ఎన్నికలు జరగనివ్వకుండా, అన్నీ ఏకగ్రీవం అయ్యేలా తొండి, దౌర్జన్యం, అన్యాయం చేస్తున్నారు.ఎంపీటీసీ, జెడ్పీటీసీ ఎన్నికల నామినేషన్లలోనూ అదే తీరు..అభ్యర్థులు స్వేచ్ఛగా నామినేషన్లు వేసేలా తగిన భద్రత కల్పించాలని, ఏర్పాట్లు చేయాలని సాక్షాత్తూ సుప్రీంకోర్టు ఆదేశించినా, అది అమలు చేయకుండా బరి తెగిస్తున్నారు. జంగిల్‌రాజ్‌ నడుపుతున్నారు. ఇక్కడ నారాసుర రక్త చరిత్ర కొనసాగుతోంది. ఎంపీటీసీలకు సంబంధించి రాష్ట్రంలోని 659 మండలాల్లో 101 మండలాల్లో జీరో నామినేషన్లు. అక్కడా అదే పద్ధతి. మున్సిపల్‌ ఎన్నికల నామినేషన్ల సమయంలో ఏం చేశారో.. ఇప్పుడూ అదే చేస్తున్నారు. నామినేషన్‌ కేంద్రాల్లో టీడీపీ మనుషులు ఉంటారు. వారికి పోలీసులు అండగా ఉంటారు. అక్కడికి మా పార్టీ వారు పోగానే అడ్డుకుంటున్నారు. చేతిలో నుంచి నామినేషన్‌ పత్రాలు లాగేసుకుంటున్నారు. చింపేస్తున్నారు. ఎవరైనా నామినేషన్‌ వేస్తే, చివరకు ఆర్‌ఓ (రిటర్నింగ్‌ అధికారి) చేతిలో నుంచి నామినేషన్‌ పత్రాలు లాక్కుని చింపేస్తున్నారు. మరో 70 మండలాల్లో 5 నామినేషన్ల కంటే తక్కువ పడ్డాయి. జడ్‌పీటీసీలకు సంబంధించి 227 మండలాల్లో నామినేషన్లు ఇంకా పెండింగ్‌లో ఉన్నాయి. స్థానిక ఎన్నికల సందర్భంగా మా వారిపై జరుగుతున్న దాడులకు ప్రధాన కారణం.. సీఎం చంద్రబాబు. ఆయన చెప్పినట్లు ఆడుతున్న పోలీసులు. ఇతర అధికారులు. మరి వారిని బాధ్యతల నుంచి తప్పించకుండా, నిష్పక్షపాతంగా ఎన్నికలు ఎలా జరుగుతాయి? చంద్రబాబు ఒకప్పుడు పోలింగ్‌ కేంద్రాలను రిగ్గింగ్‌ చేయడం చూశాం. ఇప్పుడు ఏకంగా నామినేషన్‌ కేంద్రాల రిగ్గింగ్‌కు దిగజారారు. మనం గతంలో పులివెందుల జెడ్పీటీసీ ఉప ఎన్నిక సందర్భంగా పోలింగ్‌ కేంద్రాల రిగ్గింగ్‌ చూశాం.తిరగబడండి.. ప్రజాస్వామ్యాన్ని పరిరక్షించండి..ప్రజాస్వామ్య వ్యవస్థలోనే ప్రజా హక్కులు కాపాడబడతాయి. అదే నియంతృత్వ వ్యవస్థలో ప్రజలకు ఎలాంటి హక్కులు, స్వేచ్ఛ ఉండదు. కాబట్టి ప్రజలంతా ఆలోచించాలి. ఈరోజు మీ ఓటు ఎంతో ముఖ్యం. దాన్ని సక్రమంగా వినియోగించు కోకపోతే, రేపు మీ ఆస్తులను ఇలాగే లాక్కుంటారు. ఎందుకంటే ఇప్పుడు ఈ ప్రజాస్వామ్యంలో అధికారుల సమక్షంలోనే నామినేషన్‌ పత్రాలు లాక్కుని చించేస్తున్నారు. రేపొద్దున మీ ఆస్తి పత్రాలు కూడా ఇలాగే అధికారులు, పోలీసుల సమక్షంలోనే లాక్కుని చింపేస్తారు. ఆ ఆస్తులు వారివే అంటారు. కాబట్టి, తిరగబడండి. ప్రజాస్వామ్యాన్ని కాపాడుకొండి. లేకపోతే ఏ ఒక్కరి ఆస్తులు, స్వేచ్ఛ, హక్కులకు గ్యారంటీ లేదు. టీడీపీ గూండాలకు పోలీసులంటే భయం లేదు. పోలీసులను వాడుకుని ప్రజలను ఇబ్బంది పెట్టే పరిస్థితి ఉన్నపుడు ఇక ఈ రాష్ట్రం ఏమవుతుందనేది అందరూ ఆలోచించాలి. చంద్రబాబు ఒక ఆర్గనైజ్డ్‌ పద్ధతిలో చేస్తున్న ఈ దారుణాలన్నీ కూడా రాజ్యాంగ నిర్మాణంపై జరుగుతున్న దాడి మాత్రమే కాదు.. ఎన్నికల ప్రక్రియను దెబ్బతీసేందుకు జరుగుతున్న నేరపూరిత కుట్రగా పరిగణించాలి. నిజంగా ఇది అతి పెద్ద నేరం. ప్రజాస్వామ్యాన్ని కాపాడుకోవలసిన బాధ్యత మనందరిపైన ఉంది.19కి బదులు, 4 మున్సిపాలిటీల్లోనే రీ నామినేషన్లకు..ఇంత స్పష్టంగా సుప్రీంకోర్టు ఆదేశించినా, చంద్రబాబులో కానీ, ఎస్‌ఈసీలో కానీ, చంద్రబాబు చేతిలో తోలుబొమ్మ మాదిరిగా మారిన డీజీపీలో కానీ, డీఐజీలు, ఎస్పీలు, కలెక్టర్లలో కానీ ఎలాంటి మార్పు రాలేదు. సుప్రీంకోర్టు ఆదేశాలు బేఖాతరు చేస్తున్నారు. సుప్రీంకోర్టు ఆదేశాలపై గౌరవం లేదు. ప్రజాస్వామ్యం అంటే ఏ మాత్రం గౌరవం లేకుండా ప్రవర్తిస్తున్నారు. 19 మున్సిపాలిటీల్లో నామినేషన్లు వేయనివ్వలేదని మేము ఆధారాలతో సహా సుప్రీంకోర్టుకు వెళ్తే, కోర్టు మొట్టికాయలు వేసినా, వీరిలో మార్పు లేదు. కేవలం 4 మున్సిపాలిటీల్లో మాత్రమే రీనావిునేషన్లకు అనుమతి ఇచ్చారు. కేవలం మైదుకూరులో మొత్తం వార్డుల్లో రీ నామినేషన్లకు అవకాశం కల్పించారు. తిరుపతిలో 18 డివిజన్లు, కడపలో 11 డివిజన్లతో పాటు, రాజంపేటలో మరో 11 వార్డులకు రీ నామినేషన్లకు పరిమితం చేశారు. అసలు వీరికి ఎన్నికలు నిర్వహించే ఉద్దేశం ఉందా? నామినేషన్‌ విధానంలో నియమించుకుంటే సరిపోతుంది కదా? ఎవరి కళ్లకు గంతలు కడుతున్నారు? ఇవి పార్టీపరమైన ఎన్నికలు. మా అభ్యర్థులను నామినేషన్‌ వేయించమని అడుగుతున్నాం. నామినేషన్లు వేయనివ్వకుండా, గెలుపు ఏకపక్షం చేసే పని చంద్రబాబు చేస్తున్నాడు. ఇది ధర్మమేనా?కడపలో 66 డివిజన్లుంటే..11 డివిజన్లకే రీ నామినేషన్‌..కడప కార్పొరేషన్‌లో 66 డివిజన్లు ఉంటే, కేవలం 11 డివిజన్లలో మాత్రమే రీనావిునేషన్‌కు అవకాశం కల్పించారు. మిగిలిన 55 డివిజన్లలో కేవలం రెండే రెండు వార్డుల్లో పోటీ ఉండేలా చేసిన వీరు, మరో 11 చోట్ల ఇప్పుడు అనుమతి అంటే.. మొత్తం 13 వార్డుల్లో మాత్రమే పోటీకి అనుమతి ఇస్తున్నారు. ఇదేనా ప్రజాస్వామ్యం. రాజంపేటలో 32 వార్డులుంటే, ఇంతకు ముందు కేవలం 3 వార్డుల్లో మాత్రమే పోటీ ఉండేలా చేశారు. కాగా, ఇప్పుడు మరో 11 వార్డుల్లో రీ నామినేషన్‌కు అనుమతి ఇచ్చారు. అంటే 32 వార్డులకు గానూ, కేవలం 14 వార్డుల్లో మాత్రమే మా పోటీకి అనుమతి ఇస్తున్నారు.‘పచ్చమూకల దాడులు’ పేరిట బుక్‌..ఈ ప్రభుత్వం అన్నింటా విఫలమైంది. ఈ ప్రభుత్వం పట్ల రాష్ట్రంలో ఏ ఒక్క వర్గం సంతోషంగా లేదు. అందుకే ఎన్నికలను బుల్డోజ్‌ చేసి, ఎలాగైనా గెలవాలని చంద్రబాబు చూస్తున్నారు. ఇలాంటి విష సంçస్కృతి మంచిది కాదు. ఈ ఎన్నికల ప్రక్రియలో ప్రతి ఘట­నను చూపుతూ.. ఒక బుక్‌ రిలీజ్‌ చేస్తున్నాం. ‘పచ్చమూకల దాడులు’ పేరుతో బుక్‌ రిలీజ్‌ చేస్తున్నాం. దీన్ని అందరికీ ఇవ్వబోతున్నాం. కోర్టులకు కూడా చూపుతాం. దాంట్లో క్యూఆర్‌ కోడ్‌ కూడా ఉంటుంది. కాబట్టి ఈ వివరాలన్నింటినీ ప్రజ­లకు చెప్పాలి’ అని మాజీ సీఎం వైఎస్‌ జగన్‌ పిలుపునిచ్చారు.మా అభ్యర్థుల జాబితాలను సుప్రీంకోర్టుకు సమర్పిస్తాం ఈ స్థాయిలో అంతులేని అక్రమాలు జరుగుతుంటే, సీఎం చంద్రబాబు, ఎస్‌ఈసీ ఆధ్వర్యంలో ఇంత జరుగుతుంటే, అసలు రాష్ట్రంలో ప్రజాస్వామ్యం అనేది ఉందా? అన్న సందేహం కలుగుతోంది. ఇవి పార్టీ పరంగా జరిగే ఎన్నికలు. అందుకే మేము మా పార్టీ అభ్యర్థులను ప్రకటించాం. వారికి ఏ ఫామ్స్, బీ ఫామ్స్‌ కూడా ఇచ్చాం. అందుకనే మా పార్టీకి సంబంధించిన మొత్తం అభ్యర్థుల జాబితాలను ఎస్‌ఈసీకి ఇస్తాం. హైకోర్టు, సుప్రీంకోర్టుకు కూడా సమర్పిస్తాం. న్యాయం చేయమని అడుగుతాం.సుప్రీంకోర్టు పర్యవేక్షణలో ఎన్నికలు నిర్వహించాలి..తక్షణం సుప్రీంకోర్టు పర్యవేక్షణలో, అమికస్‌ క్యూరీగా ఒక సబ్జెక్ట్‌ ఎక్స్‌పర్ట్‌ను తీసుకొచ్చి, అతడి ఆధ్వర్యంలో ఎన్నికలు జరపాలి. దాడులు జరిగిన జిల్లాల ఎస్పీలు, కలెక్టర్లు, ఐజీలను బదిలీ చేయాలి. కక్షపూరితంగా విధులు నిర్వర్తిస్తున్న 59 మంది డీఎస్పీలు, సీఐలు, ఇతర అధికారులను గుర్తించి మేము ఫిర్యాదు చేసినా చర్యలు లేవు. తక్షణం వారిని ఎన్నికల బాధ్యతల నుంచి తప్పించాలి. నామినేషన్‌ కేంద్రాలు, బ్యాలెట్‌ బాక్సుల స్టోర్స్, కౌంటింగ్‌ కేంద్రాల వద్ద, కేంద్రాల లోపల సీసీ కెమెరాలు ఏర్పాటు చేయాలి. వెంటనే కేంద్ర బలగాలు రప్పించాలి.ఎన్నికల కేంద్రాల వద్ద కేంద్ర బలగాలు మోహరించాలి ప్రజలకు ఏ మాత్రం మంచి చేయని వెన్నుపోటు పార్టీ కూటమి ప్రభుత్వం, సీఎం చంద్రబాబు.. ఈ ఎన్నికల్లో ఓటమి తప్పదని తెలుసు కాబట్టే, ఎన్నికలను బుల్డోజ్‌ చేస్తున్నారు. అందుకే, నామినేషన్‌ కేంద్రాల వద్ద సీసీ కెమెరాలు పెట్టాలని, కేంద్ర బలగాలు మోహరించాలని కోరుతున్నాం. మొన్నటి పశ్చిమ బెంగాల్‌ ఎన్నికల్లో అలాగే చేశారు. ఇంకా మా పార్టీ అభ్యర్థులకు భద్రత కల్పించాలని కోరుతున్నాం. దాని కోసం హైకోర్టుకు కూడా వెళ్లాం. హైకోర్టు అందుకు అనుగుణంగా ఆదేశాలు జారీ చేసింది. అయినా ఎస్‌ఈసీ పట్టించుకోలేదు. అసలు ఎన్ని పోలింగ్‌ కేంద్రాల వద్ద సీసీ కెమెరాలు పెట్టారని ఎస్‌ఈసీని మేము అడిగితే, సమాధానం లేదు. ఎన్నికలు సజావుగా జరిగేందుకు ఏం చర్యలు తీసుకున్నారని అడిగాం. దానికీ సమాధానం లేదు. ఇంకా ఏ ఒక్కరిపై చర్యలు లేవు. ఆర్‌ఓల చేతిలో నుంచి నామినేషన్లు లాక్కుని చింపేసినా, వారు కనీసం ఫిర్యాదు కూడా చేయడం లేదు. ఇంకా మా ఫిర్యాదులపై ఎలాంటి చర్యలు లేవు. ప్రజాస్వామ్యం అంటే, నిర్భయంగా ఓటు వేయాలి. ఎన్నికలు స్వేచ్ఛాయుత వాతావరణంలో జరగాలి. మరి ఇవన్నీ లేనప్పుడు రాష్ట్రంలో రాజ్యాంగం కుప్పకూలినట్లు కాదా?ప్రజలు కసితో ఉన్నారు కచ్చితంగా బుద్ధి చెబుతారు.. ఈ అక్రమాలు, కుట్రలపై ఎస్‌ఈసీని కలిసినా లాభం లేదు. హైకోర్టు, సుప్రీంకోర్టులే న్యాయం చేయాలి. ఇలా తొండి, అన్యాయం, దౌర్జన్యంతో ఎన్నికలు గెలవొచ్చని చంద్రబాబు అనుకుంటే పొరపాటు. ఎందుకంటే రేపు సాధారణ ఎన్నికల్లో ఇలా చేసే అవకాశం రాదు. ప్రజలు కసితో ఉన్నారు. కచ్చితంగా బుద్ధి చెబుతారు. ఈ కుట్రలు, అక్రమాలన్నింటినీ మేము మళ్లీ కోర్టులో వేస్తాం. అన్ని ఆధారాలు చూపుతాం. ఇవి పార్టీపరంగా జరిగే ఎన్నికలు. కాబట్టి మాకు పోటీ చేసే అవకాశం ఇవ్వాలని కోరుతున్నాం. నామినేషన్లు స్వేచ్ఛగా వేసే పరిస్థితి ఉండాలని కోరుతున్నాం. ఆ పని ఎన్నికల కమిషన్‌ చేయాలి. కానీ, ఎస్‌ఈసీ ఆ పని చేయడం లేదు. అసలు మనం ఏ వ్యవస్థలో ఉన్నాం. ప్రజాస్వామ్య వ్యవస్థలో ఉన్నామా? లేక నియంతృత్వ వ్యవస్థలో ఉన్నామా?

సాక్షి, అమరావతి: ఆసియా పారా గేమ్స్‌లో 3 పతకాలు సాధించిన రవి కార్తీక్‌ బుడిగినను వైఎస్సార్‌సీపీ అధినేత, ఆంధ్రప్రదేశ్‌ మాజీ ముఖ్యమంత్రి వైఎస్‌ జగన్‌మోహన్‌రెడ్డి అభినందించారు. రవికార్తీక్‌ అద్భుతమైన ప్రతిభతో దేశానికి గర్వకారణంగా నిలిచాడు. పట్టుదల, కఠోర శ్రమ, పోరాట స్పూర్తితో యువతకు ఆదర్శంగా నిలిచాడని ప్రశంసించారు. రవి కార్తీక్‌ భవిష్యత్తులో మరిన్ని విజయాలు సాధించాలని రాష్ట్ర, దేశ కీర్తి ప్రతిష్టలను మరింత పెంచాలని ఎక్స్ వేదికగా వైఎస్‌ జగన్ ఆకాంక్షించారు. ఆంధ్రప్రదేశ్‌కు చెందిన రవికార్తీక్‌ జపాన్‌లో జరుగుతున్న పారాగేమ్స్‌లో స్విమ్మింగ్‌ విభాగంలో 2రజతాలు, ఒక కాంస్యం సాధించి సత్తా చాటారు. ఇదీ చదవండి: బాబు సర్కార్‌ ‍అష్టకుట్రలు Heartiest congratulations to young para swimmer Ravi Karthik Budigina from Andhra Pradesh on winning two Silver medals and a Bronze medal at the Asian Para Games 2026 in Japan. Your remarkable achievements have brought immense pride to Andhra Pradesh and the entire nation. Your determination, hard work and fighting spirit are truly inspiring. Wishing you a very happy birthday and many more medals and successes in the years ahead. May you continue to make our state and country proud! #AsianParaGames2026 #Cheer4Bharat— YS Jagan Mohan Reddy (@ysjagan) October 23, 2026

సాక్షి, తాడేపల్లి: ఏపీని రావణ కాష్ఠంగా మార్చేలా అష్టకుట్రలు పన్నారంటూ చంద్రబాబు సర్కార్‌పై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి మండిపడ్డారు. శుక్రవారం ఆయన మీడియా సమావేశంలో మాట్లాడుతూ.. కుట్రలకు పితామహుడు చంద్రబాబేనని.. ఫోర్జరీ, మోసాలు, కుట్రలు తారాస్థాయికి చేరాయన్నారు. చంద్రబాబు, ఎస్‌ఈసీ ఆధ్వర్యంలో కుట్రలు జరుగుతున్నాయంటూ వైఎస్‌ జగన్‌ ఆగ్రహం వ్యక్తం చేశారు.నామినేషన్ల ప్రక్రియలో ఎనిమిది కుట్రలు:👉పోటీ చేయాలనుకునే అభ్యర్థులను పోలీసుల పేరుతో పిలిపించి బెదిరించడం, బైండోవర్‌ చేయడం, ముందస్తు అరెస్టులకు పాల్పడడం అభ్యర్థులకు 👉👉సహకరించే పార్టీ నాయకులను గృహనిర్బంధం చేసి నామినేషన్లకు వెళ్లకుండా అడ్డుకోవడం.👉నామినేషన్‌ కేంద్రాల వద్ద అధికార పార్టీ శ్రేణులను మోహరించి ప్రతిపక్ష అభ్యర్థులను లోపలికి వెళ్లనివ్వకపోవడం.👉నామినేషన్‌ పత్రాలను లాక్కొని చింపేయడం, అధికారుల ఎదుటే దాడులకు పాల్పడడం.👉దాడులను అడ్డుకోకుండా, బాధితులైన వైయ‌స్ఆర్‌సీపీ అభ్యర్థులనే కేంద్రాల నుంచి బయటకు పంపించడం.👉దాడులకు గురైన అభ్యర్థులు, వారికి సహకరించిన నాయకులపైనే కేసులు నమోదు చేసి భయభ్రాంతులకు గురిచేయడం👉స్క్రూటినీ పేరుతో నామినేషన్లు తిరస్కరించడం, అభ్యర్థుల సంతకాలను ఫోర్జరీ చేసి ఉపసంహరించుకున్నట్లు చూపించడం👉బెదిరింపులు, ఒత్తిళ్లతో అభ్యర్థులను నామినేషన్లు ఉపసంహరించుకునేలా చేయడం.‘‘ప్రజలకు చేసిన మంచిని చూపించి ఓట్లు అడగాల్సిన చంద్రబాబు, ఎన్నికల్లో పోటీనే లేకుండా చేసేందుకు కుట్రలు చేస్తున్నారు. వైఎస్సార్‌సీపీ ప్రభుత్వం కోవిడ్‌ వంటి విపత్కర పరిస్థితుల్లోనూ సంక్షేమ పథకాలను అమలు చేసి, మేనిఫెస్టోలో ఇచ్చిన హామీల్లో 95 శాతం నెరవేర్చి ఎన్నికలకు వెళ్లింది. గత ఎన్నికల్లో ప్రజలకు చేసిన పనుల ప్రోగ్రెస్‌ రిపోర్టు చూపించి 86 శాతం స్థానాల్లో విజయం సాధించాం. నేడు సూపర్‌ సిక్స్‌, సూపర్‌ సెవెన్‌ హామీల అమలుపై ప్రజలు చంద్రబాబును నిలదీస్తున్న పరిస్థితి ఉంది. ప్రజల్లో వ్యతిరేకత పెరగడంతో ఎన్నికలనే స్వేచ్ఛగా జరగనివ్వకుండా అడ్డంకులు సృష్టిస్తున్నారు’’ అని వైఎస్‌ జగన్‌ మండిపడ్డారు.ఇదీ చదవండి: బాబు కుట్రలు.. సాక్ష్యాలతో బయటపెట్టిన వైఎస్‌ జగన్

సాక్షి, తాడేపల్లి: ‘‘తొండి, అన్యాయం, దౌర్జన్యమే వీళ్ల మార్క్‌రాజకీయం.. సుప్రీంకోర్టు ఆదేశాలిచ్చినా ఎలాంటి మార్పులేదు’ అంటూ చంద్రబాబు సర్కార్‌ అరాచకాలపై వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి మండిపడ్డారు. శుక్రవారం ఆయన మీడియాతో మాట్లాడుతూ.. రాష్ట్రాన్ని రావణ కాష్ఠంగా మార్చేలా అష్టకుట్రలు పన్నారంటూ ధ్వజమెత్తారు.‘‘నామినేషన్లు వేయకముందే వైఎస్సార్‌సీపీ అభ్యర్థులపై బెదిరింపులకు దిగారు. బెండోవర్‌ పేరిట పిలిచి బెదిరింపులకు పాల్పడ్డారు. వైఎస్సార్‌సీపీ నాయకులను హౌస్‌ అరెస్ట్‌లు చేస్తున్నారు. నామినేషన్‌ కేంద్రాలను స్వాధీనం చేసుకుని మా అభ్యర్థులను అడ్డుకున్నారు. చంద్రబాబుకు పోలీసు అధికారులు వత్తాసు పలుకుతున్నారు. వాళ్లను బాధ్యతల నుంచి తప్పించకుండా నిష్ప్రక్షపాతంగా ఎన్నికలు ఎలా జరుగుతాయి?. పరిస్థితుల్లో మార్పులు ఎలా వస్తాయి?’’ అంటూ వైఎస్‌ జగన్‌ నిలదీశారు.‘‘పోలింగ్‌ కేంద్రాల రిగ్గింగ్‌ నుంచి నామినేషన్‌ కేంద్రాల రిగ్గింగ్‌కు దిగజారారు. చంద్రబాబు అండ్‌ గ్యాంగ్‌ ఆర్గనైజ్డ్ క్రైమ్‌కు తెరతీశారు. పోలీసుల సమక్షంలోనే నామినేషన్‌ పత్రాలను చించేశారు. అధికారులు దాడులు చేస్తున్నా అడ్డుకోలేదు. బాధిత అభ్యర్థులనే నామినేషన్‌ సెంటర్‌ నుంచి బయటకు పంపారు. టీడీపీ మూకలు మాత్రం వందలమంది గుమిగూడుతున్నారు. దాడికి గురైన వైఎస్సార్‌ీపీ నాయకులపైనే కేసులు పెట్టారు. ఇంటికే పరిమితం చేశారు.. లేదా జైళ్లకు పంపారు. వ్యవస్థలపై ప్రజలకు అసహ్యం పుట్టేలా చేస్తున్నారు..స్క్రూటినీ సమయంలో అభ్యర్థులను అడ్డుకున్నారు. అభ్యర్థి లేకుండానే సంతకం ఫోర్జరీ చేసి నామినేషన్లు విత్‌ డ్రా చేశారు. నంద్యాల 51వ వార్డులో అభ్యర్థి నాగమణి సంతకం ఫోర్జరీ చేశారు. స్థానిక ఎన్నికల్లో తీవ్రమైన దాడులకు గురైంది మహిళలే. మహిళలు నామినేషన్లు వేయడానికి వస్తే జుట్టు పట్టుకున్నారు. మహిళల చీరలు లాగేసి. దాడులకు తెగబడ్డారు. చంద్రబాబు మనిషేనా?. చంద్రబాబు అండ్‌ గ్యాంగ్‌ ప్రజాస్వామ్యాన్ని భ్రష్టు పట్టించారు..గోరంట్లలో మంత్రి సవిత అనుచరులు ఎన్నికల అధికారుల గదిలోకి చొరబడ్డారు. అధికారు చేతుల్లో నామినేషన్‌ పత్రాలు లాక్కొని చించివేశారు. చిత్తూరు జిల్లాలో మాజీ డిప్యూటీ సీఎంపై దాడి చేశారు. నారాయణస్వామి కారును టీడీపీ గూండాలు ధ్వంసం చేశారు. ధర్మవరంలో బోయ వాల్మీకి వర్గానికి మహిళపై దాడి చేశారు, వైఎస్సార్‌సీపీ అభ్యర్థి నరేంద్ర చౌదరిపై ఆర్వో సమక్షంలో దాడి చేశారుకడపలో ఎంపీ అవినాష్‌రెడ్డిని అక్రమ అరెస్ట్‌ చేశారు. తీవ్రవాదిని అరెస్ట్‌ చేసినట్లు పోలీసుల అరెస్ట్‌ చేశారు. రైల్వే కోడూరులో మహిళపై ఎమ్మెల్యే శ్రీధర్‌ అనుచరులు దాడి చేశారు. ఆడవాళ్లంటే కనీస గౌరవం లేదు.. మనుషులా రాక్షసులా?. అనుపల్లిలో వైఎస్సార్‌సీపీ అభ్యర్థి సీఐ కాళ్లు పట్టి మరీ వేడుకుంది. మా హయాంలో ఒక్కటైనా ఇలాంటి ఘటన జరిగిందా?. తొండి, అన్యాయం, దౌర్జన్యమే వీళ్ల మార్క్‌రాజకీయం. సుప్రీంకోర్టు ఆదేశాలిచ్చినా ఎలాంటి మార్పులేదు’’ అని వైఎస్‌ జగన్‌ ఆగ్రహం వ్యక్తం చేశారు.

సాక్షి, తాడేపల్లి: చంద్రబాబు, ఎస్‌ఈసీ దుర్మార్గంగా వ్యహరిస్తున్నారంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి మండిపడ్డారు. శుక్రవారం ఆయన మీడియా సమావేశంలో మాట్లాడుతూ చంద్రబాబు సర్కార్‌ అరాచకాలపై ఆగ్రహం వ్యక్తం చేశారు. ఏకపక్షంగా గెలవాలని చంద్రబాబు చూస్తున్నారంటూ ధ్వజమెత్తారు.‘‘19 మున్సిపాలిటీల్లో నామినేషన్లను అడ్డుకున్నారు. ఆధారాలతో సహా మేం ఫిర్యాదు చేశాం. కేవలం 4 చోట్ల మాత్రమే రీ నామినేషన్‌కు ఇచ్చారు. మైదుకూరు, తిరుపతిలో 18, కడపలో కేవలం 11 వార్డులు, రాజంపేటలో 11 వార్డులకు మాత్రమే రీనామినేషన్‌ ఇచ్చారు. కడపలో 66 వార్డులున్నాయి. 11 చోట్ల మాత్రమే రీనామినేషన్‌. రాజంపేటలో 32 వార్డులుంటే.. 11 వార్డుల్లో రీనామినేషన్‌ అంటున్నారు. సుప్రీంకోర్టు ఆదేశాలను పాటిస్తున్నారా? లేక చంద్రబాబు ఆదేశాలను పాటిస్తున్నారా?‘‘19 మున్సిపాలిటీల్లో నామినేషన్లు వేయనివ్వలేదని సుప్రీంకోర్టుకు వెళ్లాం. స్క్రూటినీ పేరుతో అన్యాయంగా నామినేషన్లు రిజెక్ట్‌ చేశారు. 23 అర్బన్‌ లోకల్‌ బాడీస్‌లో పోటీనే లేకుండా కొన్ని చోట్ల నామమాత్రంగానే పోటీ జరిగేలా చూశారు. చిత్తూరు, నగరి, చిలకలూరిపేట, నెల్లూరులో స్క్రూటినీ పేరుతో నామినేషన్లు రద్దు చేశారు. ఇంత దారుణంగా వ్యవహరించిన వారిని ఏమనాలి?. 15 చోట్ల ఏకంగా పోటీనే లేకుండా చేశారు. 8 చోట్ల నామినేషన్లనే అనుమతించలేదు. మరో 7 చోట్ల స్క్రూటినీ పేరుతో డిస్‌ క్వాలిఫై చేశారు. ప్రజాస్వామ్యంలో ఇది న్యాయమెలా అవుతుంది?’’ అంటూ వైఎస్‌ జగన్‌ ప్రశ్నించారు.‘‘నామినేషన్లు వేయించి ధైర్యంగా ఎందుకు ఓట్లు ఎందుకు అడగడం లేదు. ఇలాంటి పరిస్థితుల్లో వీటిని ఎన్నికలంటారా?. మహాభారతంలో శకునికి పాచికలు ఉండేవి. ఏ నెంబర్‌ కావాలంటే ఆ నెంబర్‌ పడేలా గేమ్‌ సెట్‌ చేసేవారు. ఈ వ్యవస్థలో చంద్రబాబే శకుని.. చంద్రబాబు రూల్స్‌ సెట్‌ చేస్తున్నారు. నామినేషన్ల పరిస్థితి ఇలా ఉంటే.. ఎన్నికల పరిస్థితేంటి?. మూడేళ్లు కావొస్తుంది.. మీ పనితీరు చూపించి ఓట్లు అడగాలి. కోవిడ్‌ లాంటి విపత్తులో కూడా ప్రజలకు మేం మంచి చేశాం. 90 శాతం హామలు అమలు చేసి స్థానిక ఎన్నికలకు వెళ్లాం’’ అని వైఎస్‌ జగన్‌ వివరించారు.ఇదీ చదవండి: బాబు కుట్రలు.. సాక్ష్యాలతో బయటపెట్టిన వైఎస్‌ జగన్

సాక్షి, తాడేపల్లి: స్థానిక సంస్థల ఎన్నికల ప్రక్రియలో అక్రమాలు, కుట్రలకు తెగబడుతున్న చంద్రబాబు సర్కార్‌పై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్ర స్థాయిలో ధ్వజమెత్తారు. తాడేపల్లిలోని వైఎస్సార్‌సీపీ కేంద్ర కార్యాలయంలో జరిగిన మీడియా సమావేశంలో స్థానిక సంస్థల ఎన్నికల్లో టీడీపీ గూండాల అరాచకాలు, ఎస్ఈసీ వ్యవహార శైలి, సుప్రీంకోర్టు తీర్పు సహా పలు అంశాలపై ఆయన మాట్లాడారు.‘‘స్థానిక ఎన్నికల్లో చంద్రబాబు.. ప్రజాస్వామ్యాన్ని ఖూనీ చేశారు. అన్ని ఆధారాలను ఎస్‌ఈసీ, గవర్నర్‌కు సమర్పించాం. సుప్రీంకోర్టు దృష్టికి కూడా తీసుకెళ్లాం. కూటమి ప్రభుత్వానికి సుప్రీంకోర్టు మొట్టికాయలు వేసింది. ఈ నెల 25 వరకు అభ్యర్థుల తుది జాబితా వాయిదా వేయాలని సుప్రీంకోర్టు చెప్పింది. మా నామినేషన్లను అడ్డుకుంటున్నారంటే అర్థమేంటి?. వ్యవస్థ దిగజారిపోయిందని అర్థమవుతోంది. అడ్డగోలు అబద్ధాలు.. దాపరికాలు, డ్రామాలు ఎందుకు? అంటూ వైఎస్‌ జగన్‌ నిలదీశారు.‘‘పారదర్శకంగా ఎన్నికలు నిర్వహిస్తుంటే.. నామినేషన్లు ఎందుకు అడ్డుకున్నారు? ప్రజలకు మంచి చేశారన్న నమ్మకం మీకుంటే నామినేషన్లను అడ్డుకోవద్దు. ప్రజల తీర్పును బుల్డోజ్‌ చేయాలని చేస్తున్నారా?. నామినేషన్‌ వేసే అభ్యర్థులకు రక్షణ కల్పించడంతో పాటు బందోబస్తు, సీసీ టీవీ రికార్డింగ్‌ చేయాలని ఆదేశించింది. సుప్రీం ఇంత స్పష్టంగా చెప్పినా బాబులో మార్పు వచ్చిందా?. చంద్రబాబు చేతిలో తోలుబొమ్మలా మారిన డీజీపీలో మార్పు వచ్చిందా?. డీఐజీలు, ఎస్పీలు, కలెక్టర్లలో మార్పు వచ్చిందా?. సుప్రీంకోర్టు ఆదేశాలను కూడా బేఖాతరు చేశారు. ప్రజాస్వామ్యాన్ని ఖూనీ చేసే పరిస్థితులు కనిపిస్తున్నాయి’’ అని వైఎస్‌ జగన్‌ పేర్కొన్నారు.ఇదీ చదవండి: ప్రా‘దేశం’ దమనకాండ

సాక్షి, తాడేపల్లి: ఏపీలో స్థానిక సంస్థల ఎన్నికల సందర్భంగా చంద్రబాబ ప్రభుత్వం ప్రజాస్వామ్యాన్ని ఖూనీ చేస్తోందని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆరోపించారు. నామినేషన్ల దాఖలు నుంచి ఉపసంహరణ వరకు అధికార పార్టీ నేతలు కుట్రలకు పాల్పడుతున్నారని విమర్శించారు. చంద్రబాబు ప్రభుత్వంలో ప్రజాస్వామ్య వ్యవస్థలు దిగజారిపోయాయని, సుప్రీంకోర్టు స్పష్టమైన ఆదేశాలు ఇచ్చినా పరిస్థితుల్లో మార్పు రావడం లేదని మండిపడ్డారు. ఎన్నికల సందర్భంగా చంద్రబాబు ప్రభుత్వం అష్ట కుట్రలకు తెరలేపిందని విమర్శించారు. తాడేపల్లిలోని వైఎస్సార్‌సీపీ కేంద్ర కార్యాలయంలో శుక్రవారం నిర్వహించిన మీడియా సమావేశంలో ఆయన స్థానిక ఎన్నికల్లో చోటుచేసుకుంటున్న అక్రమాలు, దాడులు, నామినేషన్ల తిరస్కరణలపై మాట్లాడారు.ప్రెస్‌మీట్‌ హైలైట్స్‌..స్థానిక ఎన్నికల్లో చంద్రబాబు ప్రజాస్వామ్యాన్ని ఖూనీ చేశారు.అన్ని ఆధారాలు ఎస్‌ఈసీ, గవర్నర్‌కు సమర్పించాం.సుప్రీంకోర్టు దృష్టికి కూడా తీసుకెళ్లాం.కూటమి ప్రభుత్వానికి సుప్రీంకోర్టు మొట్టికాయలు వేసింది.ఈనెల 25వరకు అభ్యర్థుల తుది జాబితా వాయిదా వేయాలని సుప్రీంకోర్టు చెప్పింది.సుప్రీంకోర్టు మా వాదనలతో ఏకీభవించింది. సుప్రీంకోర్టు క్లియర్‌గా ఆదేశాలు ఇచ్చింది.స్వేచ్చగా నామినేషన్లు దాఖలు చేసే అవకాశం కల్పించాలని సుప్రీం చెప్పింది.మా నామినేషన్లను అడ్డుకుంటున్నారంటే అర్థమేంటి?వ్యవస్థ దిగజారిపోయిందని అర్థమవుతోంది.అడ్డగోలు అబద్దాలు, దాపరికాలు, డ్రామాలు ఎందుకు?. తోలు బొమ్మగా డీజీపీ.. పారదర్శకంగా ఎన్నికలు నిర్వహిస్తుంటే నామినేషన్లను ఎందుకు అడ్డుకుంటున్నారు?.ప్రజలకు మంచి చేశారన్న నమ్మకం మీకుంటే నామినేషన్లను అడ్డుకోవద్దు.ప్రజల తీర్పులను బుల్డోజ్‌ చేయాలని చూస్తున్నారా?నామినేషన్‌ వేసే అభ్యర్థులకు రక్షణ కల్పించడంలో పాటు బందోబస్తు, సీసీ టీవీ రికార్డింగ్‌ చేయాలని ఆదేశించింది.సుప్రీంకోర్టు ఇంత స్పష్టంగా చెప్పినా బాబులో మార్పు వచ్చిందా?చంద్రబాబు చేతిలో తోలుబొమ్మలా మారిన డీజీపీలో మార్పు వచ్చిందా?డీఐజీలు, ఎస్పీలు, కలెక్టర్లతో మార్పు వచ్చిందా?.సుప్రీంకోర్టు ఆదేశాలను కూడా బేఖాతరు చేశారు.ప్రజాస్వామ్యాన్ని ఖూనీ చేసే పరిస్థితులు కనిపిస్తున్నాయి. చంద్రబాబు దుర్మార్గం..చంద్రబాబు, ఎస్‌ఈసీ దుర్మార్గంగా వ్యవహరిస్తున్నారు.19 మున్సిపాలిటీల్లో నామినేషన్లను అడ్డుకున్నారు.ఆధారాలతో సహా మేం ఫిర్యాదు చేశాం.కేవలం నాలుగు చోట్ల మాత్రమే రీనామినేషన్‌కు ఇచ్చారు.మైదకూరు, తిరుపతిలో 18, కడపలో కేవలం 11 వార్డులు, రాజంపేటలో 11 వార్డులకు మాత్రమే రీనామినేషన్‌ ఇచ్చారు.ఎన్నికల్లో ఏకపక్షంగా గెలివాలని చంద్రబాబు చూస్తున్నారు.కడపలో 66 వార్డులున్నాయి.. 11 చోట్ల మాత్రమే రీనామినేషన్‌రాజంపేటలో 32 వార్డులుంటే 11 వార్డుల్లో మాత్రమే రీనామినేషన్‌ అంటున్నారు. శకునిలా చంద్రబాబు..సుప్రీంకోర్టు ఆదేశాలను పాటిస్తున్నారా లేక చంద్రబాబు ఆదేశాలు పాటిస్తున్నారా?.19 మున్సిపాలిటీల్లో నామినేషన్లు వేయనివ్వలేదని సుప్రీంకోర్టుకు వెళ్లాం.స్క్రూటినీ పేరుతో అన్యాయంగా నామినేషన్లను రిజెక్ట్‌ చేశారు.23 అర్బన్‌ లోకల్‌ బాడీస్‌లో పోటీనే లేకుండా కొన్ని చోట్ల నామమాత్రంగా పోటీ జరిగేలా చేశారు.చిత్తూరు, నగరి, చిలకలూరిపేట, నెల్లూరులో స్క్రూటినీ పేరుతో నామినేషన్లు రద్దు చేశారు.ఇంత దారుణంగా వ్యవహరించిన వారిని ఏమనాలి?.15 చోట్ల ఏకంగా పోటీనే లేకుండా చేశారు.8 చోట్ల నామినేష్లనే అనుమతించలేదు.మరో 7 చోట్ల స్క్రూటినీ పేరుతో డిస్‌ క్వాలిఫై చేశారు.ప్రజాస్వామ్యంలో ఇది నాయ్యమెలా అవుతుంది?.నామినేషన్లు వేయించి ధైర్యంగా ఓట్లు ఎందుకు అడగడం లేదు?. ఇలాంటి పరిస్థితుల్లో వీటిని ఎన్నికలు అంటారా?.మహాభారతంలో శకునికి పాచికలు ఉండేవి.ఏ నెంబర్‌ కావాలంటే.. ఆ నెంబర్‌ పడేలా గేమ్‌ సెట్‌ చేసేవారు.ఈ వ్యవస్థలో చంద్రబాబే శకునిచంద్రబాబు రూల్స్‌ సెట్‌ చేస్తున్నారు.మూడేళ్ల కావొస్తుంది.. మీ పనితీరు చూపించి ఓట్లు అడగాలి.కోవిడ్‌ వంటి విపత్తులో కూడా ప్రజలకు మేము మంచి చేశాం.90 శాతం హామీలు అమలు చేసి స్థానిక ఎన్నికలకు వెళ్లాం.వీళ్ల సూపర్‌ సిక్స్‌ లేవు.. సూపర్‌ సెవెన్‌ లేవు.రాష్ట్రంలో ఏ ఒక్కరూ సంతోషంగా లేరు.ప్రజలంతా చంద్రబాబును నిలదీసే పరిస్థితి ఉంది.సుప్రీంకోర్టు చీవాట్లు పెట్టినా వీళ్లలో మార్పు రాలేదు. నామినేషన్‌ కేంద్రాల రిగ్గింగ్‌....జంగిల్‌ రాజ్‌ బీహార్‌ కాదు.. ఏపీలో చూపిస్తున్నారు.రాష్ట్రంలో నారాసుర రక్త చరిత్ర కొనసాగుతోంది.101 మండలాల్లో ఎంపీటీసీలు జీరో నామినేషన​్‌నామినేషన్‌ కేంద్రాల దగ్గర అదే పద్దతి.. అవే దాడులు.70 మండలాల్లో ఐదు కంటే తక్కువ నామినేషన్లు.659 మండలాలకు 227 మండలా నామినేషన్లు పెండింగ్‌.చంద్రబాబుకు పోలీసు అధికారులు వత్తాసు పలుకుతున్నారు.వాళ్లను బాధ్యతల నుంచి తప్పించకుండా నిష్పక్షపాతంగా ఎన్నికలు ఎలా జరుగుతాయి?.పరిస్థితుల్లో మార్పులు ఎలా వస్తాయి?నామినేషన్‌ కేంద్రాల రిగ్గింగ్‌కు దిగజారారు.చంద్రబాబు అండ్‌ గ్యాంగ్‌ ఆర్గనైజ్డ్‌ క్రైమ్‌కు తెరదీశారు.రాష్ట్రాన్ని రావణ కాష్టంగా మార్చేలా అష్టకుట్రలు పన్నారు.నామినేషన్లు వేయకుముంటే వైఎస్సార్‌సీపీ అభ్యర్థులకు బెదిరింపులు.బైండోవర్‌ పేరిట పిలిచి బెదిరింపులకు పాల్పడ్డారు.పోలీసు స్టేషన్లకు పిలవడం.. ముందస్తు అరెస్ట్‌లు చేయడం.వైఎస్సార్‌సీపీ నాయకులను హౌస్‌ అరెస్ట్‌లు చేస్తున్నారు. సంతకాలు ఫోర్జరీ..నామినేషన్‌ కేంద్రాలను స్వాధీనం చేసుకుని మా అభ్యర్థులను అడ్డుకున్నారు.పోలీసుల సమక్షంలోనే నామినేషన్‌ పత్రాలను చించేశారు.అధికార పార్టీ నేతలు దాడులు చేస్తున్నా అడ్డుకోలేదు.బాధిత అభ్యర్థులనే నామినేషన్‌ సెంటర్‌ నుంచి బయటకు పంపారు.టీడీపీ మూకలు మాత్రం వందల మంది గుమిగూడుతున్నారు.దాడికి గురైన వైఎస్సార్‌సీపీ నాయకులపైనే కేసులు పెట్టారు.ఇంటికే పరిమితం చేశారు లేదా జైళ్లకు పంపారు.వ్యవస్థపై ప్రజలకు అసహ్యం పుట్టేలా చేస్తున్నారు.స్క్రూటినీ సమయంలో అభ్యర్థులను అడ్డుకున్నారు.అభ్యర్థి లేకుండానే సంతకం ఫోర్జరీ చేసి నామినేషన్లు విత్‌ డ్రా చేశారు.నంద్యాల 51వ వార్డులో అభ్యర్థి నాగమణి సంతకం ఫోర్జరీ చేశారు.సంతకం ఫోర్జరీ చేసి నామినేషన్‌ను విత్‌డ్రా చేశారు. బాబు సర్కార్‌ ఎనిమిది కుట్రలు..1. వైఎస్సార్‌సీపీ అభ్యర్థులకు బెదిరింపులు, ముందస్తు అరెస్టులు.2. వైఎస్సార్‌సీపీ నాయకుల గృహనిర్బంధం 3. నామినేషన్‌ వేసేందుకు వచ్చే వారిని అడ్డుకోవడం4. పోలీసుల ఎదుటే నామినేషన్ల పత్రాలు చించేయడం.5. అధికార పార్టీ దాడులకు పోలీసులే సహకరించడం. 6. దాడులకు గురైన వారిపైనే కేసులు పెట్టడం.7. స్క్రూటినీ పేరుతో అభ్యర్థుల తొలగింపు.8. నామినేషన్ల ఉపసంహరణకు ఒత్తిడి తీసుకురావడంచంద్రబాబు అసలు మనిషేనా?..బాబు అండ్‌ గ్యాంగ్‌ ప్రజాస్వామ్యాన్ని భ్రష్టు పట్టించారు.స్థానిక ఎన్నికల్లో తీవ్రమైన దాడులకు గురైంది మహిళలే.మహిళలు నామినేషన్లు వేయడానికి వస్తే జుట్టుపట్టుకున్నారు.మహిళల చీరలు లాగేసి దాడులకు తెగబడ్డారు.చంద్రబాబు అసలు మనిషేనా?.గోరంట్లలో మంత్రి సవిత అనుచరుడు ఎన్నికల అధికారుల గదిలోకి చొరబడ్డాడు.అధికారుల చేతుల్లో నామినేషన్‌ పత్రాలు లాక్కొని చించేశారు.చిత్తూరు జిల్లాలో మాజీ డిప్యూటీ సీఎంపై దాడి చేశారు.నారాయణస్వామి కారును టీడీపీ గూండాలు ధ్వంసం చేశారు.ధర్మవరంలో బోయ వాల్మీకి వర్గానికి చెందిన మహిళపై దాడి.వైఎస్సార్‌సీపీ అభ్యర్థి నరేంద్రచౌదరిపై ఆర్వో సమక్షంలోనే దాడి. కుట్రలకు పితామహుడు చంద్రబాబే...కడపలో ఎంపీ అవినాష్‌ రెడ్డిని అక్రమ అరెస్ట్‌ చేశారు.తీవ్రవాదిని అరెస్ట్‌ చేసినట్టు పోలీసులు అరెస్ట్‌ చేశారు.రైల్వేకోడూరులో మహిళపై ఎమ్మెల్యే శ్రీధర్‌ అనుచరులు దాడి చేశారు.ఆడవాళ్లంటే కనీస గౌరవం లేదు.. మనుషులా రాక్షసులా?.సుప్రీంకోర్టు ఆదేశాలిచ్చినా ఎలాంటి మార్పు లేదు.ఇదే డీజీపీ, ఎస్‌ఈసీ కొనసాగితే నామినేషన్లు ఎలా వేయగలరు?.ఫోర్జరీ, మోసాలు, కుట్రలు తారా స్థాయికి చేరాయి.మా హయాంలో ఒక్కటైనా ఇలాంటి ఘటన జరిగిందా?.ఓ వైపు నామినేషన్లు వేసే పరిస్థితులు లేవు.12499 ఎంపీటీసీ నామినేషన్లు పడినట్టు చూపిస్తున్నారు.వైఎస్సార్‌సీపీ తరఫున ఫేక్‌ నామినేషన్లు టీడీపీ వాళ్లే వేస్తున్నారు.కుట్రలకు పితామహుడు చంద్రబాబే.స్థానిక ఎన్నికలు సజావుగా సాగుతున్నాయని మభ్యపెడుతున్నారు.నిన్న ఒక్క రోజు ఎంపీటీసీ నామినేషన్లలో 547 శాతం పెరుగుదల చూపించారు.జడ్పీటీసీ నామినేషన్లలో 468 శాతం పెరుగుదల చూపించారు.దొంగ నామినేషన్లు వేయిస్తూ కుట్రలు చేస్తున్నారు.చంద్రబాబు, ఎస్‌ఈసీ ఆధ్వర్యంలో కుట్రలు జరుగుతున్నాయి. వైఎస్సార్‌సీపీ శ్రేణులందరికీ హ్యాట్సాఫ్‌..చంద్రబాబుకు ఎందుకంత భయం.. ఎందుకు ఇన్ని కుట్రలు?.నామినేషన్‌ సెంటర్ల దగ్గర సీసీ కెమెరాలు పెట్టాలి.నామినేషన్‌ కేంద్రాల దగ్గర కేంద్ర బలగాలు ఉండాలి.అభ్యర్థులకు భద్రత కల్పించాలని చెప్పినా పట్టించుకోలేదు.సీసీ కెమెరాల గురించి ఎస్‌ఈసీని అడిగితే సమాధానం చెప్పలేదు.కళ్ల ముందు దౌర్జన్యాలు జరిగితే ఏం చర్యలు తీసుకున్నారు?.ఎంతమందిపై చర్యలు తీసుకున్నారు?.ఎన్ని అరెస్టులు చేశారు.టీడీపీ రౌడీ మూకలను స్వేచ్చగా వదిలేశారు.రాష్ట్రంలో రాజ్యాంగం కుప్పకూలినట్టు కాదా?.తక్షణం సుప్రీంకోర్టు పర్యవేక్షణలో అమికస్‌ క్యూరీ ఆధ్వర్యంలో ఎన్నికల ప్రక్రియ జరగాలి.దాడులు జరిగిన చోట్ల డీఐజీ, ఎ‍స్పీలను బదిలీ చేయాలి.ప్రజాస్వామ్యాన్ని అంతా కాపాడుకోవాలి.నియంత పాలనలో ప్రజలకు స్వేచ్చ ఉండదు.. హక్కులు ఉండవు.ఈరోజు మీ ఓటు.. రేపు మీ ఆస్తులను ఇలాగే చింపేస్తారు.మీ ఆస్తి పత్రాలను కూడా ఇలాగే టీడీపీ గూండాలు చింపేస్తారు.మీ ఆస్తి పత్రాలు కూడా వాళ్లవే అంటారు.ప్రజలు తిరగబడండి.. ప్రజాస్వామ్యాన్ని కాపాడండి.టీడీపీ గూండాలకు పోలీసులంటే భయం లేదు.ప్రజాస్వామ్య పరిరక్షణ కోసం ఎన్నో దాడులు ఎదుర్కొంటున్న వైఎస్సార్‌సీపీ శ్రేణులందరికీ హ్యాట్సాఫ్‌.శివంగుల్లా నిలబడి పోరాడిన మహిళలకు సెల్యూట్‌.మీ దగ్గరున్న ఆధారాలతో అన్యాయాలను వివరించండి.వైఎస్సార్‌సీపీ లీగల్‌ సెల్‌ మీకు అండగా ఉంటుంది.వైఎస్సార్‌సీపీ డిజిటిల్‌ బుక్‌లోకి కూడా ఇవన్నీ ఎంటర్‌ చేయండి. ఎల్లకాలం టైమ్‌ మీది కాదు.. సమయం మారుతుంది.చట్టం ముందు మిమ్మల్ని దోషులుగా నిలబెడతాం.తప్పు చేసిన అందరికీ శిక్షపడుతుంది.రేపు 2029 ఎన్నికల్లో ఈ పరిస్థితులు ఉండవు.అన్యాయానికి గురైన వాళ్లు ఊరుకోరు.రెండింతల కసితో చంద్రబాబు ప్రభుత్వాన్ని దింపుతారు.దేవుడు కూడా చంద్రబాబు అన్యాయాలను చూస్తూ ఊరుకోడు.అన్ని సాక్ష్యాధారాలతో మరోసారి కోర్టుకు వెళ్తాం. ఇదీ చదవండి: రాష్ట్రపతి, సీజేఐకి ఎంపీ గురుమూర్తి లేఖ

సాక్షి, అమరావతి: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌ రెడ్డి శుక్రవారం ఉదయం 11 గంటలకు తాడేపల్లిలోని వైఎస్సార్‌సీపీ కేంద్ర కార్యాలయంలో ప్రెస్‌మీట్‌ నిర్వహించనున్నారు. సమకాలీన అంశాలపై ఆయన మీడియాతో మాట్లాడనున్నారు.

సాక్షి, అమరావతి: కేంద్ర హోంమంత్రి అమిత్‌షాకు వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి జన్మదిన శుభా­కాంక్షలు తెలియజేశారు. ఈ మేరకు గురువా­రం ‘ఎక్స్‌’లో ఆయన పోస్టు చేశారు. ఆయన­కు మంచి ఆరోగ్యం, దీర్ఘాయుష్షు కలగాలని ఆకాంక్షిస్తున్నట్లు పేర్కొన్నారు.

సాక్షి, అమరావతి: ప్రజాస్వామ్య పరిరక్షణ మన బాధ్యత.. ప్రజాస్వామ్య పరిరక్షణ కోసం ఎందాకైనా పోరాడదామని పార్టీ శ్రేణులకు వైఎస్సార్‌ సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పిలుపునిచ్చారు. గురువారం ఉదయం తాడేపల్లిలోని వైఎస్సార్‌సీపీ కేంద్ర కార్యాలయంలో పార్టీ ముఖ్య నాయకులతో వైఎస్‌ జగన్‌ సమావేశమయ్యారు. స్థానిక సంస్థల ఎన్నికల్లో వెన్నుపోటు పార్టీ అక్రమాలు, రాష్ట్రంలో హింసపై తాజాగా సుప్రీంకోర్టు తీర్పుపై చర్చించారు. రాష్ట్రంలో ప్రజాస్వామ్య హననంపై సుప్రీంకోర్టు ఆందోళన వ్యక్తం చేసిందన్నారు.స్థానిక ఎన్నికల్లో అక్రమాలు, హింసను సుప్రీంకోర్టు పరిగణనలోకి తీసుకుందని.. అందుకనే ఎస్‌ఈసీకి ఆదేశాలు ఇచ్చిందన్నారు. స్థానిక ఎన్నికల్లో గెలవలేమనే భయంతోనే సీఎం చంద్రబాబు వ్యవస్థీకృతంగా, ఉద్దేశపూర్వకంగా హింసకు పాల్పడుతున్నారని మండిపడ్డారు. జరిగిన ఘటనలు ఈ అంశాన్ని నిర్థారిస్తున్నాయని చెప్పారు. అయితే సుప్రీం కోర్టు ఆదేశాలు ఇచ్చినా పరిస్థితిలో మార్పు రాలేదన్నారు. ఎంపీటీసీ, జెడ్పీటీసీల్లోనూ హింసకు పాల్ప­డుతున్నారని ఆగ్రహం వ్యక్తం చేశారు. ప్రభుత్వాన్ని నడుపుతున్నవారే హింసకు పాల్పడటం ఎక్కడా చూసి ఉండమని... పోలీసులను వాడుకుని ఈ దారుణాలన్నీ చంద్రబాబు చేయిస్తున్నారని ధ్వజమెత్తారు. పటిష్ట ఆధారాలతో న్యాయ పోరాటం చేద్దాం.. సుప్రీంకోర్టు తీర్పు నేపథ్యంలో తదనంతరం తీసుకోవాల్సిన చర్యలపై పార్టీ నాయకులకు వైఎస్‌ జగన్‌ దిశానిర్దేశం చేశారు. క్షేత్రస్థాయిలో వైఎస్సార్‌ సీపీ కార్యకర్తలు, నాయకులు తిరుగులేని ధైర్యాన్ని ప్రదర్శిస్తున్నారని ప్రశంసించారు. ప్రజాస్వామ్యాన్ని కాపాడుకునే దిశగా గొప్పగా పోరాటం చేస్తున్నారని అభినందించారు. క్షేత్రస్థాయిలో వెన్నుపోటు పార్టీ వ్యవస్థీకృతంగా పాల్పడుతున్న హింసాకాండ... జరుగుతున్న ఘటనలపై ఆధారాలు సేకరణ చాలా అవసరమని.. పార్టీ నాయకులకు, శ్రేణులకు ఆమేరకు సూచనలు, సలహాలు ఇవ్వాలని ఆదేశించారు. పటిష్ట ఆధారాలను కోర్టుల ముందు ఉంచడం ద్వారా న్యాయపోరాటం చేద్దామని సూచించారు. ప్రజాస్వామ్య పరిరక్షణ మన బాధ్యత.. ప్రజాస్వామ్య పరిరక్షణకోసం ఎందాకైనా పోరాటం చేద్దామని స్పష్టం చేశారు.

సాక్షి, తాడేపల్లి: వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌ రెడ్డి రేపు ఉదయం (శుక్రవారం) 11 గంటలకు ప్రెస్‌మీట్‌ నిర్వహించనున్నారు. తాడేపల్లిలోని వైఎస్సార్‌సీపీ కేంద్ర కార్యాలయంలో ప్రెస్‌మీట్‌ జరగనుంది. ఈ ప్రెస్‌మీట్‌లో వైఎస్‌ జగన్ రాష్ట్ర ఎన్నికల సంఘం తీరు, సుప్రీం కోర్టు తీర్పు సహా పలు అంశాలపై మాట్లాడే అవకాశం ఉన్నట్లు తెలుస్తోంది.ఇదీ చదవండి: ఎస్‌ఈసీపై సుప్రీంకోర్టుకు వెళతాం

సాక్షి,తాడేపల్లి: జనసేనకు గట్టి ఎదురుదెబ్బ తగిలింది. కాకినాడ జిల్లా జగ్గంపేట నియోజకవర్గానికి చెందిన జనసేన కీలక నేత పాఠంశెట్టి సూర్యచంద్ర దంపతులు వైఎస్సార్‌సీపీలో చేరారు.గురువారం తాడేపల్లిలోని వైఎస్సార్‌సీపీ కేంద్ర కార్యాలయంలో ఆ పార్టీ అధినేత, మాజీ సీఎం వైఎస్‌ జగన్‌మోహన్‌ రెడ్డి సమక్షంలో పాఠంశెట్టి సూర్యచంద్ర, ఆయన సతీమణి శ్రీదేవితో పాటు వారి ముఖ్య అనుచరులు వైఎస్సార్‌సీపీ కండువా కప్పుకున్నారు. ఈ సందర్భంగా వైఎస్‌ జగన్‌ వారికి పార్టీ కండువాలు కప్పి సాదరంగా పార్టీలోకి ఆహ్వానించారు.నియోజకవర్గంలో బలమైన పట్టు..జగ్గంపేట నియోజకవర్గ రాజకీయాల్లో తనకంటూ ప్రత్యేక గుర్తింపు తెచ్చుకున్న పాఠంశెట్టి సూర్యచంద్ర మూడుసార్లు బూరుగుపూడి గ్రామ సర్పంచ్‌గా పనిచేశారు. 2019 అసెంబ్లీ ఎన్నికల్లో జనసేన పార్టీ అభ్యర్థిగా, 2024 ఎన్నికల్లో స్వతంత్ర అభ్యర్థిగా జగ్గంపేట నియోజకవర్గం నుంచి పోటీ చేసి గణనీయమైన ఓట్లు సాధించారు. ఈ కార్యక్రమంలో మాజీ ఎంపీ తోట నరసింహంతో పాటు పలువురు వైఎస్సార్‌సీపీ నాయకులు పాల్గొన్నారు.ఎన్నిక‌ల హామీలు ప‌ది శాతం కూడా అమ‌లు చేయ‌లేదు : పాఠంశెట్టి సూర్య‌చంద్ర‌‘వైఎస్సార్‌సీపీలో చేరడం చాలా సంతోషంగా ఉంది. గత 30 ఏళ్లుగా రాజకీయాల్లో ఉంటూ గ్రామస్థాయి నుంచి ప్రజలకు సేవ చేస్తున్నాను. మూడు సార్లు సర్పంచ్‌గా పనిచేసి, మా గ్రామాన్ని అభివృద్ధి చేసి రాష్ట్రంలోని ఇతర గ్రామాలకు ఆదర్శంగా నిలిపాను. 2019లో జనసేన పార్టీ తరఫున పోటీ చేసిన తర్వాత కూడా ఐదేళ్లపాటు రాత్రింబవళ్లు ప్రజల మధ్యే ఉంటూ వారి సమస్యలను తెలుసుకుని పరిష్కారం కోసం పోరాడాను. 2024 ఎన్నికల్లో జగ్గంపేట నియోజకవర్గం నుంచి స్వతంత్ర అభ్యర్థిగా పోటీ చేసి 12,531 ఓట్లు సాధించాను. ఎన్నికల తర్వాత కూడా ప్రజా సమస్యలపై పోరాడుతూ, ప్రభుత్వం ఇచ్చిన హామీలను ఎందుకు అమలు చేయడం లేదని నిలదీస్తున్నాను. వైఎస్‌ జగన్ నాయకత్వంపై నమ్మకంతో, తోట నరసింహం గారి ఆధ్వర్యంలో నా భార్య శ్రీదేవి, మా అనుచరులతో కలిసి వైఎస్సార్‌సీపీలో చేరడం గర్వంగా భావిస్తున్నాను. వైఎస్సార్‌సీపీ కార్యకర్తగా జగ్గంపేట నియోజకవర్గంలో పార్టీ బలోపేతానికి, ప్రజలకు మేలు జరిగేలా పనిచేస్తాను.ఎన్నికల సమయంలో సూపర్‌ సిక్స్‌ పేరుతో ఎన్నో హామీలు ఇచ్చిన కూటమి ప్రభుత్వం వాటిని అమలు చేయడంలో విఫలమైంది. కనీసం పది శాతం హామీలైనా నెరవేర్చకుండా ప్రజలను మళ్లీ ఓట్లు అడగడానికి వస్తున్న కూటమి నాయకులను ప్రజలు నిలదీయాలి. పెన్షన్లు, ఇళ్లు, స్థలాలు, ఇతర సంక్షేమ పథకాల పేరుతో ఇంటింటికీ వెళ్లి హామీలు ఇస్తున్న నాయకులను గత రెండున్నరేళ్లలో ఏం చేశారని ప్రశ్నించాలి. ప్రజల సమస్యల పరిష్కారం కోసం నిరంతరం పోరాడే వైఎస్సార్‌సీపీకి అండగా నిలవాలి. స్థానిక సంస్థల ఎన్నికల్లో ఎంపీటీసీ, జెడ్పీటీసీ, సర్పంచ్‌, మేయర్‌, వార్డు సభ్యుల స్థానాల్లో వైఎస్సార్‌సీపీ అభ్యర్థుల విజయానికి ప్రతి ఒక్కరూ కృషి చేయాలి. వైఎస్‌ జగన్ గారు మళ్లీ ముఖ్యమంత్రి అయ్యే వరకు, రాష్ట్ర ప్రజలకు మేలు జరిగే వరకు నా శక్తివంచన లేకుండా పనిచేస్తాను’ అని స్పష్టం చేశారు.ఇదీ చదవండి : సుప్రీం ఆదేశాలు..ఏపీ ఎన్నికల సంఘం కీలక నిర్ణయం

సాక్షి, తాడేపల్లి: పార్టీ ముఖ్య నేతలతో వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి భేటీ అయ్యారు. స్థానిక సంస్థల ఎన్నికల్లో అక్రమాలు, హింసపై సుప్రీంకోర్టు తీర్పుపై చర్చించారు. ఈ సందర్భంగా వైఎస్‌ జగన్‌ మాట్లాడుతూ.. రాష్ట్రంలో ప్రజాస్వామ్య హననంపై సుప్రీంకోర్టు ఆందోళన వ్యక్తం చేసిందని.. స్థానిక ఎన్నికల్లో అక్రమాలు, హింసను సుప్రీంకోర్టు పరిగణలోకి తీసుకుందని.. అందుకనే ఎస్‌ఈసీకి ఆదేశాలు ఇచ్చిందన్నారు.‘‘చంద్రబాబు వ్యవస్థీకృతంగా ఉద్దేశ పూర్వకంగా హింసకు పాల్పడుతున్నారు. జరిగిన ఘటనలు ఈ అంశాన్ని నిర్థారిస్తున్నాయి. సుప్రీంకోర్టు ఆదేశాలు ఇచ్చినా పరిస్థితిలో మార్పురాలేదు. ఎంపీటీసీ, జడ్పీటీసీల్లోనూ హింసకు పాల్పడుతున్నారు. ప్రభుత్వాన్ని నడుపుతున్నవారే హింసకు పాల్పడ్డం ఎక్కడా చూసి ఉండం. పోలీసులను వాడుకుని ఈ దారుణాలన్నీ చంద్రబాబు చేయిస్తున్నారు. క్షేత్రస్థాయిలో కార్యకర్తలు, నాయులు తిరుగులేని ధైర్యాన్ని ప్రదర్శిస్తున్నారు. ప్రజాస్వామ్యాన్ని కాపాడుకునేదిశగా గొప్పగా పోరాటం చేస్తున్నారు’’ అని వైఎస్‌ జగన్‌ పేర్కొన్నారు.‘‘క్షేత్రస్థాయిలో జరుగుతున్న ఘటనలపై ఆధారాలు సేకరణ చాలా అవసరం. పార్టీ నాయకులకు ఆమేరకు సూచనలు సలహాలు ఇవ్వండి. పటిష్ట ఆధారాలను కోర్టుల ముందు ఉంచడం ద్వారా న్యాయపోరాటం చేద్దాం. ప్రజాస్వామ్య పరిరక్షణ మన బాధ్యత. ప్రజాస్వామ్య పరిరక్షణ కోసం ఎందాకైనా పోరాటం చేద్దాం’’ అని వైఎస్‌ జగన్‌ పిలుపునిచ్చారు.ఇదీ చదవండి: అరాచకాలు చేస్తుంటే చూస్తూ ఊరుకోం

సాక్షి, తాడేపల్లి: శ్రీకాకుళం జిల్లాలో అధికార టీడీపీకి భారీ షాక్‌ తగిలింది. టీడీపీ సీనియర్‌ నాయకురాలు, మాజీ ఎమ్మెల్యే గుండ లక్ష్మీదేవి.. టీడీపీకి రాజీనామా చేశారు. అనంతరం, వైఎస్సార్‌సీపీలో చేరేందుకు నిర్ణయం తీసుకున్నారు. ఇందులో భాగంగా గురువారం తాడేపల్లిలోని వైఎస్సార్‌సీపీ కేంద్ర కార్యాలయానికి వచ్చిన గుండ లక్ష్మీదేవి.. పార్టీ అధ్యక్షుడు వైఎస్‌ జగన్‌ సమక్షంలో వైఎస్సార్‌సీపీలో చేరారు. ఈ సందర్భంగా గుండ లక్ష్మీదేవికి వైఎస్‌ జగన్‌​ పార్టీ కండువా కప్పి వైఎస్సార్‌సీపీలోకి ఆహ్వానించారు. అనంతరం లక్ష్మీదేవి మాట్లాడుతూ.. తెలుగుదేశం పార్టీలో 40 ఏళ్లుగా పనిచేశాం. నా భర్త నాలుగు సార్లు ఎమ్మెల్యేగా ఎంతో నిబద్ధతతో పనిచేశారు. కానీ నాటి విలువలు, సిద్ధాంతాలు, మంచి విధానాలు ఇప్పుడు ఆ పార్టీలో లేవు. నా భర్త విగ్రహాన్ని కూడా ఏర్పాటు చేయనీయకుండా అడ్డుకున్నారు. విలువల్లేని టీడీపీలో ఉండలేకే వైఎస్సార్‌సీపీలో చేరుతున్నాను. వైఎస్ జగన్‌మోహన్‌రెడ్డి సమక్షంలో వైఎస్సార్‌సీపీలో చేరడం సంతోషంగా ఉంది. రాష్ట్రంలో ప్రజలకు ఉపయోగపడే మంచి కార్యక్రమాలేవీ జరగడం లేదు. రైతులకు అవసరమైనవి అందడం లేదు.. ఆస్పత్రుల్లో మందులు లేవు. అనేక రంగాల్లో రాష్ట్రం వెనుకబడిపోతోంది. ప్రజలకు మంచి చేయాలనే ఉద్దేశంతోనే వైఎస్సార్‌సీపీలో చేరుతున్నా. గతంలో ఏ పార్టీలో ఉన్నా ఎంతో నిబద్ధతతో పనిచేశాం. వైఎస్సార్‌సీపీలోనూ అదే నిబద్ధతతో పనిచేస్తాం. ప్రజల కోసం ఎవరుంటే వారితో ఉండాలనుకున్నాను అని అన్నారు. కాగా, గుండ లక్ష్మీదేవి కుటుంబానికి తెలుగుదేశం పార్టీతో దాదాపు 40 ఏళ్ల రాజకీయ అనుబంధం ఉంది. ఆమె భర్త, దివంగత మాజీ మంత్రి అప్పలసూర్యనారాయణ నాలుగుసార్లు ఎమ్మెల్యేగా ఎన్నికై, రెండుసార్లు మంత్రిగా పనిచేశారు. లక్ష్మీదేవి 2014 ఎన్నికల్లో టీడీపీ తరఫున శ్రీకాకుళం ఎమ్మెల్యేగా ఎన్నికయ్యారు. లక్ష్మీదేవితో పాటుగా ఆమె ముఖ్య అనుచరులు కూడా వైఎస్సార్‌సీపీలో చేరారు.తాడేపల్లి వైఎస్సార్‌సీపీ కేంద్ర కార్యాలయంలో మాజీ ముఖ్యమంత్రి, వైఎస్సార్సీపీ అధినేత శ్రీ వైయస్‌ జగన్‌ గారి సమక్షంలో వైఎస్సార్‌ కాంగ్రెస్ పార్టీలో చేరిన శ్రీకాకుళం మాజీ ఎమ్మెల్యే గుండ లక్ష్మీదేవి గారు, ముఖ్య అనుచరులు. ఈ కార్యక్రమంలో పాల్గొన్న మాజీ డిప్యూటీ సీఎం ధర్మాన కృష్ణదాస్‌ గారు, మాజీ మంత్రి ధర్మాన ప్రసాదరావు గారు, పలువురు పార్టీ నాయకులు.— YSR Congress Party (@YSRCParty) October 22, 2026 టీడీపీ నాయకులు ముద్దాడ ప్రవీణ్, జల్లు రాజీవ్, సిమ్మ నర్సింగరావు, పల్లి శ్రీనివాసరావు, కునుకు గోవింద్, గాడు సాయికుమార్, గేదెల రాంకుమార్, యాగాటి ప్రసాద్, చిన్నాల ముత్తయి నాయుడు, చెట్టు గోవింద్, గురువు శ్రీనివాస్, రౌతు నాగేశ్వరరావు వైఎస్సార్‌సీపీలో చేరారు. ఈ కార్యక్రమంలో మాజీ డిప్యూటీ సీఎం ధర్మాన కృష్ణదాస్‌, మాజీ మంత్రి ధర్మాన ప్రసాదరావు, పలువురు పార్టీ నాయకులు పాల్గొన్నారు. వైఎస్సార్‌సీపీలోకి జ‌న‌సేన మాజీ నేత‌లుకాకినాడ జిల్లా జగ్గంపేటకు చెందిన‌ జనసేన పార్టీ మాజీ నేతలు కూడా వైఎస్సార్ కాంగ్రెస్ పార్టీలో చేరారు. పాఠంశెట్టి సూర్యచంద్ర దంపతులతో పాటు వారి అనుచరులు.. వైఎస్సార్‌సీపీలోకి వ‌చ్చారు. వీరికి పార్టీ కండువా కప్పి వైఎస్ జగన్ ఆహ్వానించారు. ఇదీ చదవండి: టీడీపీ హింసా కాండ.. వైఎస్సార్‌సీపీ అభ్యర్థులపై దాడి

సాక్షి, తాడేపల్లి: కత్తిపూడి రోడ్డు ప్రమాదంపై వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి దిగ్భ్రాంతి వ్యక్తం చేశారు. కనకదుర్గమ్మ దర్శనానికి వస్తున్న భక్తులు ప్రమాదానికి గురై నలుగురు ప్రాణాలు కోల్పోవడం అత్యంత బాధాకరమన్నారు. మృతుల కుటుంబాలకు ఆయన తన ప్రగాఢ సానుభూతి తెలిపారు.‘‘గాయపడిన వారికి మెరుగైన వైద్యసేవలు అందించాలి. మృతుల కుటుంబాలను ప్రభుత్వం అన్ని విధాలుగా ఆదుకోవాలి. క్షతగాత్రులకు అవసరమైన సహాయ సహకారాలు అందించాలి. మృతుల ఆత్మలకు శాంతి చేకూరాలి’’ వైఎస్‌ జగన్‌ పేర్కొన్నారు.ఇదీ చదవండి: భవానీ భక్తులపైకి దూసుకెళ్లిన కారు.. నలుగురి మృతి

తాడేపల్లి : పోలీసు అమరవీరుల సంస్మరణ దినోత్సవం సందర్భంగా వైఎస్ జగన్ పోలీసు అమరవీరులకు నివాళులు అర్పించారు. విధి నిర్వహణలో ప్రాణత్యాగం చేసిన పోలీసు సిబ్బందికి హృదయపూర్వక నివాళులు అర్పిస్తున్నాను. సమాజం కోసం వారు ప్రదర్శించిన ధైర్యసాహసాలు, అంకితభావం, నిస్వార్థ సేవలు చిరస్మరణీయం. ప్రజల రక్షణ కోసం వారు చేసిన అత్యున్నత త్యాగాలను ఎప్పటికీ మరువలేం. అమరవీరుల శౌర్యం, త్యాగాలు విధుల్లో ఉన్న పోలీసు సిబ్బందికి నిరంతరం స్ఫూర్తినివ్వాలి. ప్రజలను రక్షించడంలో, శాంతిభద్రతలను పరిరక్షించడంలో పోలీసులు అత్యున్నత ప్రమాణాలను పాటించాలి. నిజాయితీ, ధైర్యం, అంకితభావంతో ప్రజలకు సేవ చేయాలన్న స్ఫూర్తిని పోలీసు అమరవీరుల నుంచి పొందాలి అని వైఎస్ జగన్ పేర్కొన్నారు. On Police Commemoration Day, I pay my heartfelt tributes to the brave police personnel who made the supreme sacrifice in the line of duty. Their courage, dedication and selfless service to society will always be remembered. May their valour and sacrifice continue to inspire our serving police personnel to uphold the highest standards of integrity, courage and commitment in protecting the people and maintaining peace and order. #PoliceCommemorationDay— YS Jagan Mohan Reddy (@ysjagan) October 21, 2026

సాక్షి, తాడేపల్లి: 2026 ఆసియా పారా గేమ్స్- మహిళల 1500 మీటర్ల T11 విభాగంలో కాంస్య పతకం సాధించిన రావన్ని వలసనైనికి ఆంధ్రప్రదేశ్‌ మాజీ ముఖ్యమంత్రి, వైఎస్సార్‌సీపీ అధినేత వైఎస్ జగన్మోహన్ రెడ్డి అభినందనలు తెలిపారు. పట్టుదల, అంకితభావం, నిరంతర కృషితో అద్భుత విజయాన్ని సాధించారన్నారు. ఎన్ని సవాళ్లు ఎదురైనా వెనుకడుగు వేయకుండా పోరాడే స్ఫూర్తికి నిదర్శనంగా ఈ విజయం నిలిచిందన్నారు. రావన్ని.. ఆంధ్రప్రదేశ్‌తో పాటు యావత్ భారతదేశం గర్వించేలా చేశారని సంతోషం వ్యక్తం చేశారు. ఈ అద్భుత విజయం ఎంతోమందికి ఆదర్శంగా, స్ఫూర్తిగా నిలుస్తుందని వైఎస్‌ జగన్‌ ఎక్స్‌ వేదికగా రావన్ని వలసనైనిని ప్రశంసించారు.ఇదీ చదవండి: మన టైమ్ వస్తుంది Heartiest congratulations to Ravanni Valasanaini on winning the bronze medal in women’s 1500m T11 event! Your achievement reflects the power of dedication and the spirit of never giving up. You have made Andhra Pradesh and India proud, inspiring countless others with your remarkable accomplishment! #AsianParaGames2026 #Cheer4Bharat— YS Jagan Mohan Reddy (@ysjagan) October 20, 2026

ఆంధ్రప్రదేశ్‌లో స్థానిక సంస్థల ఎన్నికలలో జరుగుతున్న రాక్షసపర్వంపై మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్ మోహన్‌ రెడ్డి ఆయా వ్యవస్థలకు మొరపెట్టుకున్నా పెద్దగా ఫలితం దక్కినట్లు కనిపించడం లేదు. మున్సిపల్ ఎన్నికలలో నామినేషన్లు వేయనివ్వకుండా టీడీపీ గూండాలు అడ్డుపడుతున్న తీరు, వారికి పోలీసు వ్యవస్థ మద్దతు ఇస్తున్న వైనం, వైఎస్సార్‌సీపీ అభ్యర్ధులను పోలీసులు అక్రమ కేసులతో వేధిస్తున్న దారుణమైన ఘటనలను గవర్నర్ అబ్దుల్ నజీర్‌కు రాష్ట్ర ఎన్నికల కమిషనర్ అనిల్ చంద్ర పునీఠాకు వైఎస్‌ జగన్ స్వయంగా వెళ్లి వివరించారు. వారి నుంచి హామీలు వచ్చినట్లు కనిపించినా, చివరికి ఏమీ జరగలేదు.రాయలసీమలో పులివెందుల, పుంగనూరు, కడప, రాయచోటి, గుంతకల్, రాజంపేట, బద్వేలు, కమలాపురం, ప్రకాశం జిల్లాలో దర్శి తదితర చోట్ల పోలీసులే వైఎస్సార్‌సీపీ అభ్యర్ధులను అడ్డుకున్న వైనాన్ని ఆయన తెలియచేశారు. అయినా టీడీపీ నేతలకు, చంద్రబాబు సర్కార్‌కు చీమ కుట్టినట్లు కూడా కాలేదు. గతంలో ఎన్నడూ లేని విధంగా నామినేషన్ల పరిశీలన సమయంలో కూడా దౌర్జన్యాలు, నామినేషన్ పత్రాల చించివేత, బెదిరింపులు జరుగుతున్నాయంటే పరిస్థితి ఎంత అద్వాన్నంగా ఉంది తెలియచేస్తుంది. చంద్రబాబు నియోజకవర్గమైన కుప్పంలో స్క్రూటిని టైమ్‌లో వైఎస్సార్‌సీపీ అభ్యర్ధులను భయపెట్టారని, ఛైర్మన్ అభ్యర్ధిని కిడ్నాప్ చేశారన్న వార్తలు ఆందోళన కలిగిస్తాయి. ఇదంతా చంద్రబాబు రాజకీయ జీవితంలో పెద్ద మచ్చగానే మిగిలిపోతుంది. ఈ నేపథ్యంలోనే జగన్ చేసిన హెచ్చరికలు గమనించదగినవే అని చెప్పాలి. 'ఇప్పుడు వారి టైమ్ నడుస్తోంది.. కొడుతున్నారు.. మనం పడదాం.. మళ్లీ మన టైమ్ వస్తుంది..' అని ఆయన వైఎస్సార్‌సీపీ క్యాడర్‌కు భరోసా ఇచ్చారు. అంతేకాదు.. టీడీపీ గూండాలు, పోలీసుల అరాచకాలపై తిరగబడి నిలబడాలని కూడా ఆయన పిలుపు ఇచ్చారు.జగన్ ధైర్యం ఇస్తున్న రీతిలోనే, గత మూడు నాలుగు రోజులుగా వైఎస్సార్‌సీపీ కార్యకర్తలు పోరాడుతున్న తీరుపై ఇండిపెండెంట్ విశ్లేషకులు ఆశ్చర్యం వ్యక్తం చేస్తున్నారు. దాడులలో గాయాలపాలై రక్తమోడుతున్నా వైఎస్సార్‌సీపీ అభ్యర్దులు నామినేషన్లు వేయడానికి ముందుకు వచ్చారని వారు వ్యాఖ్యానిస్తున్నారు. దాంతో టీడీపీ కిరాతకాలకు అండగా నిలుస్తున్న కొందరు పోలీసు అధికారులు రంగంలో దిగి వైఎస్సార్‌సీపీ అభ్యర్ధులు నామినేషన్లు వేయకుండా అడ్డుపడడం ప్రజాస్వామ్యాన్ని ఖూనీ చేయడమే అవుతుంంది. ఇదే విషయాన్ని జగన్ ప్రస్తావిస్తూ కొందరు ఉన్నత స్థాయిలో ఉన్న పోలీసు అధికారులు టీడీపీ నేతలతో కలిసిపోయి ఇసుక, మద్యం, భూముల మాఫియా నడుపుతున్నారని, వారే స్థానిక ఎన్నికలలో నామినేషన్ల పర్వంలో తమ బాధ్యతలు విస్మరించి, టీడీపీ తొత్తులుగా వ్యవహరిస్తున్నారని ఆయన విమర్శించారు.ఈ సందర్భంగా కర్నూలు ఐజీ కోయ ప్రవీణ్ చేసిన వ్యాఖ్యలు, ఆయన వ్యవహార ధోరణి తీవ్ర విమర్శలకు గురి అవుతోంది. ఆయన పేరు ప్రస్తావించి మరీ జగన్ ఆరోపణలు గుప్పించారు. పుంగనూరు ఘటనలో మిథున్ రెడ్డిపైనే ఆ అధికారి ఎదురు ఆరోపణలు చేయడం, కేసులు పెట్టడం వంటివి అనాగకరికంగా కనిపిస్తున్నాయని పలువురు వ్యాఖ్యానిస్తున్నారు.నిజానికి రాష్ట్ర ఎన్నికల కమిషన్ ఎన్నికలు సక్రమంగా జరిగేలా చూడాలి. నామినేషన్ల ఘట్టంలో ఏ అభ్యర్ధి నామినేషన్ వేయలేని పరిస్థితి ఉండరాదు. ఈ విషయంలో ప్రత్యేక శ్రద్ద తీసుకుని ఎక్కడనుంచి ఫిర్యాదులు వచ్చినా, వెంటనే స్పందించి చర్యలు తీసుకోవాలి. ఆన్లైన్‌లో దరఖాస్తులు తీసుకోవడం, సిసిటీవీ లైవ్ కవరేజీ వంటివాటిని ఏర్పాటు చేసి ఉంటే ఎన్నికల కమిషన్‌కు పేరు వచ్చేది. పారదర్శకంగా ఎన్నికలు జరగడానికి ప్రయత్నాలు జరుగుతున్నాయని అనుకునేవారు. కాని ఆ పరిస్థితి లేదు. పోలీసులపై ఆరోపణలు వస్తే వారిపై చర్య తీసుకుని ఉండాలి. ఆ పని చేయలేదంటే ఎన్నికల కమిషన్ చంద్రబాబు సర్కార్ చేతిలో ఒక పావుగా మారిందన్న సంగతి అర్థం అవుతుంది.ఇదే విషయాన్ని జగన్ ప్రస్తావించి ఎన్నికలు సజావుగా జరగకపోతే పోయేది ఎన్నికల సంఘం పరువేనని ఆయన స్పష్టం చేశారు. అయినా ఎస్‌ఈసీ పెద్దగా ఫీల్ అవుతున్నట్లు కనిపించదు.అనిల్ చంద్ర 2019 శాసనసభ ఎన్నికల సమయంలో చంద్రబాబు ప్రభుత్వంలో ప్రధాన కార్యదర్శిగా ఉండేవారు. అప్పట్లో ముగ్గురు పోలీసు అధికారులను బదిలీ చేయాలన్న కేంద్ర ఎన్నికల సంఘం ఆదేశాలను అమలు చేయకుండా కోర్టుకు వెళ్లడం వివాదాస్పదం అయింది. ఆ తర్వాత ఈయనను విధుల నుంచి సీఈసీ తప్పించింది. ఆ రోజుల్లో చంద్రబాబు పట్ల అంత విధేయతతో ఉండేవారు కనుకే ఆయన రిటైరయ్యాక తిరిగి రాష్ట్ర ఎన్నికల కమిషనర్ పదవిని కట్టబెట్టారని జగన్ వ్యాఖ్యానించారు. ఈ అపవాదు తనపై రాకుండా ఉండడానికి అనిల్ చంద్ర పెద్దగా చొరవ తీసుకోకపోవడం దురదృష్టకరం అని చెప్పాలి.ఇదీ చదవండి: బాబూ.. ఇది ప్రజాస్వామ్యం! రాజకీయ దౌర్జన్యం కాదు!నామినేషన్‌లు వేయలేకపోయినవారికోసం గడువు పొడిగిస్తానని ఆయన తెలిపినా, అలా చేయలేదు. దాంతో 12 మున్సిపాల్టీలు ఏకగ్రీవం అయిన పరిస్థితి ఏర్పడింది. నిజంగానే ఎవరూ పోటీచేయడానికి ముందుకు రాకపోతే అదో పద్దతి. అలాకాకుండా, తమ నామినేషన్లు తీసుకోండి, తమను రిటర్నింగ్ అధికారి ఆఫీస్‌లోకి వెళ్లనివ్వండి అని పోలీసుల కాళ్లా, వేళ్లా పడినా కనికరించలేదంటే ఎంత దారుణమైన పరిస్థితులు ఉన్నాయో అర్థం చేసుకోవచ్చు.పుంగనూరు వంటిచోట్ల ఎలాగొలా కష్టపడి వెళ్లినా, రిటర్నింగ్ అధికారి నామినేషన్ పత్రాలు తీసుకోకపోవడం మరీ వైచిత్రం. పై నుంచి ఒత్తిడి వస్తోందని అధికారులు చెబుతున్నారంటే ప్రజాస్వామ్యం ఎంత ఘోరంగా పరిహాసానికి గురి అవుతోందో తెలుస్తుంది. అలాగే, తిరుపతిలో వాసు యాదవ్ అనే అభ్యర్ది చాటుగా వెళ్లి నామినేషన్ వేయడానికి ఎంత కష్టపడ్డారో వింటే ఔరా అనిపిస్తుంది. నామినేషన్ వేసిన వైఎస్సార్‌సీపీ నేతలు రహస్య ప్రదేశాలకు వెళ్లవలసి వచ్చిందట. చంద్రబాబు ప్రభుత్వం ఓటమి భయంతోనే బెదిరింపులు, దాడులు, హత్యాయత్నాలు, నిర్భంధాలకు పాల్పడుతోందని జగన్ ఆరోపించారు.గతంలో టీడీపీ మద్దతుదారుగా పేరొందిన ఎన్నికల కమిషనర్ నిమ్మగడ్డ రమేష్ కుమార్ ఆద్వర్యంలోనే తమ హయాంలో ఎన్నికలు జరిగాయని, అప్పుడు ఆయన ఎంతమంది పోలీసు అధికారులను ఇష్టం వచ్చినట్లు బదిలీ చేశారో గుర్తు చేసుకోవాలని జగన్ పేర్కొన్నారు. నిజంగానే ఆనాడు టీడీపీ వారు ఏది కోరితే ఆ పని నిమ్మగడ్డ చేశారన్న విమర్శ వచ్చింది. ఇప్పుడు తిరిగి చంద్రబాబు నియమించిన కమిషనే కనుక చెప్పేదేముంది. ఇన్ని గొడవలు జరిగినా, ఒక్క అధికారిపై కూడా ఈసీ చర్యలు తీసుకోలేదు.ఈ నేపథ్యంలో కేంద్రంలో అయినా, రాష్ట్రంలో అయినా ఎన్నికల కమిషన్ నియామక పద్దతిలో మార్పు రావాలని జగన్ అభిప్రాయపడ్డారు. ఆ విషయాన్ని ఆయన ధైర్యంగా చెబుతూ గతంలో కేంద్రం తీసుకువచ్చిన చట్టానికి మద్దతు ఇచ్చి పొరుపాటు చేశామని, ఇప్పుడు తమ వైఖరి మార్చుకున్నామని ఫెయిర్‌గా చెప్పారు. చంద్రబాబు ఎప్పుడైనా ఇలా నిజాయితీగా మాట్లాడారా అన్న ప్రశ్న వస్తుంది. దానికి ఉదాహరణ చూడవచ్చు. గతంలో ఈవిఎమ్‌లను తీవ్రంగా వ్యతిరేకిస్తూ మాట్లాడారు. తాను అధికారంలోకి రాగానే ఆ ఊసే ఎత్తడం లేదు. ఏభై లక్షల ఓట్లు అదనంగా ఎలా పోల్ అయ్యాయన్న పరకాల వంటివారి ప్రశ్నపై చంద్రబాబు కనీసం స్పందించడం లేదు. ఎన్నికలలో ఓటమి భయంతోనే చంద్రబాబు ఈ రక్త చరిత్రను సృష్టిస్తున్నారని, టీడీపీ వెన్నుపోటు పార్టీనే కాకుండా, గొడ్డలి సప్లై చేసే పార్టీ అని జగన్ ధ్వజమెత్తారు.వ్యక్తులు, స్థానికంగా ఉండే పార్టీల మధ్య గొడవలు జరగవచ్చు. కాని వాటిని నిష్పక్షపాతంగా విచారించి గట్టి చర్యలు తీసుకోవల్సిన పోలీసు వ్యవస్థ, వీరిని నియంత్రించవలసిన ఎన్నికల కమిషన్ వ్యవస్థ నిమ్మకు నీరెత్తినట్లు వ్యవహరించడమే కాకుండా, అరాచకశక్తులకు అండగా నిలబడడం బాధాకరం.వాస్తవాలతో నిమిత్తం లేకుండా ఎల్లో మీడియా నీచమైన రాతలు కూడా ఏపీ ఆలోచనపరులను కలవరపరుస్తున్నాయి. రాజకీయం అంటే జగన్ మాదిరి ముక్కుసూటిగా వెళ్లడం కాదని, కుయుక్తులు పన్నాలని చంద్రబాబు పదే, పదే రుజువు చేస్తున్నారన్న భావన కలుగుతుంది. మహాభారతంలో ద్రౌపదిని దుశ్శాసనుడి బారీ నుంచి శ్రీకృష్ణుడు అభయహస్తం ఇచ్చి కాపాడారు. కాని ఏపీలో మాత్రం పరిహాసం పాలవుతున్న ప్రజాస్వామ్యాన్ని పరిరక్షించడానికి ఎవరూ లేరా అన్న ఆవేదన కలుగుతుంది.- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి, అమరావతి: మున్సిపల్‌ ఎన్నికల నామినేషన్ల ప్రక్రియలో అడుగడుగునా దౌర్జన్యాలు, అక్రమాలు, బెది­రింపులు, పత్రాల చింపివేతలు రాష్ట్ర వ్యాప్తంగా కలకలం రేపుతుంటే.. వాటన్నింటిపై ఆధారాలతో వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌ ఎస్‌ఈసీకి ఫిర్యాదు చేయడాన్ని సీఎం చంద్రబాబు పక్కదారి పట్టించే కుతంత్రానికి తెరలేపారు.కళ్లార్పకుండా పచ్చి అబద్ధాలు చెబుతూ నిస్సిగ్గుగా ఫిర్యా­దును బెదిరింపుగా వక్రీకరించి రాజకీయ లబ్ధి పొం­దేం­దుకు యత్నించడం విస్తుగొలుపుతోంది. వైఎస్సార్‌సీపీ అభ్యర్థులపై దారుణంగా దాడులు చేయడం, నామినేషన్లు వేయనీయకపోవడం వంటి వాటి గురించి ఆధార సహితంగా ఫిర్యాదు చేయడం లోకమంతా చూసినా, చంద్రబాబు మాత్రం దాన్ని బెదిరింపుగా చిత్రీకరించారు. సోమవారం అనుకూల మీడియాతో నిర్వహించిన సమావేశంలో గంటన్నరపాటు ఆయన తన సహజశైలిలో కళ్లార్పకుండా పచ్చి అబద్ధాలు వల్లెవేశారు.నిజానికి.. ఒక పార్టీ అధ్యక్షుడు అధికార పార్టీ అరాచకాలపై ఫిర్యాదు చేయడానికి రాజ్యాంగ వ్యవస్థల తలుపు తట్టడం బెదిరింపు ఎలా అవుతుంది? మీడియా సమక్షంలో ఫిర్యాదు చేయడం తప్పా? ఎన్నికల కమిషనర్ల నియామక విధానాన్ని జగన్‌ ప్రశ్నిం­చడం చంద్రబాబుకు తప్పుగా కనిపించడం విడ్డూరమని రాజకీయ విశ్లేషకులు వ్యాఖ్యానిస్తున్నారు. అధికార పార్టీ కనుసన్నల్లో నియామకాలు జరుగుతున్నాయని.. ప్రధాని, ప్రతిపక్ష నేత, సీజేఐ కమిటీ ద్వారానే నియామకాలు జరగాలని డిమాండ్‌ చేస్తే అందులో తప్పేంటో చెప్పకుండా రాజకీయ ఆరో­పణలకు దిగారు.ప్రజాస్వామ్య ప్రవచనాలు దెయ్యాలు వేదాలు వల్లించినట్లు ప్రజాస్వామ్యానికి పాతరేసి అదే ప్రజాస్వామ్యం గురించి చంద్రబాబు ఈ మీడియా సమావేశంలో ప్రవచనాలు వల్లెవేశారు. మున్సిపల్‌ ఎన్నికల నామినేషన్ల పర్వాన్ని దారుణ హింసాకాండగా మార్చి, దానిగురించి ఏమీ తెలీనట్లు నంగనాచి కబుర్లు చెప్పారు. ప్రతిపక్ష అభ్యర్థులు నామినేషన్‌ కేంద్రం గడప తొక్కాలంటేనే ప్రాణాలకు తెగిం­చాల్సిన పరిస్థితి తీసుకురావడం.. పచ్చమూక­లు రాళ్లు, రాడ్లతో దాడులు చేయడం, టీడీపీ గూండాలతో కలిసిపోయి ఖాకీలు చేసిన అరాచకాలు, ఆర్వోలు నామినేషన్‌ పత్రాలే తీసుకోకపోవడం వంటివేమీ చంద్రబాబు దృష్టిలో తప్పులు కాదట.ఈ అరాచకానికి సూత్రధారి తానే కావడంతో నిస్సిగ్గుగా దొంగ నవ్వులతో వాటిని సమర్థించుకున్నారు. పుంగనూరులో వైఎస్సార్‌సీపీ ఎంపీ మిథున్‌రెడ్డిపై హత్యా­యత్నం చేయించిన చంద్రబాబు.. ఇప్పుడేమీ ఎరుగనట్లు ఎదురుదాడి చేస్తున్నారు. ఎంపీ కారులో మద్యం, మారణాయుధాలు దొరికాయని ఆయనే తీర్పు చెప్పేశారు. ప్రతిపక్ష నేత జగన్‌ ప్రాతినిధ్యం వహిస్తున్న పులివెందులలో పోలీసులు వైఎస్సా­ర్‌సీపీ కార్యాలయం చుట్టూ ముళ్లకంచెలు వేయ­డం బాబు పాలనలో అమలవుతున్న ప్రజాస్వామ్యం.సీఎం మాట్లాడే భాష ఇదా?ప్రజాస్వామ్య విలువల గురించి మాట్లాడిన చంద్రబా­బు అదే ప్రెస్‌మీట్‌లో సంస్కారం మరిచి ప్రతిపక్ష నేతపై వ్యక్తిగత దూషణలకు దిగారు. ఒక మాజీ సీఎంను అండర్‌ వరల్డ్‌ డాన్, నక్సలైట్లు, తీవ్రవాదులతో పోల్చి తన బజారు భాషను బయట పెట్టుకు­న్నా­­రు. వైఎస్సార్‌సీపీ అభ్యర్థులందరిపైనా గంజా­యి బ్యాచ్‌ ముద్రవేసి బీసీలు, ఎస్సీలు, మైనార్టీలు, చదు­వుకున్న యువతను అవమానించారు. సోషల్‌ రీ–ఇంజినీరింగ్‌ అని గొప్పలు చెప్పుకుంటూనే అదేవర్గాల ప్రత్యర్థి అభ్యర్థులపై నోరుపారేసుకున్నారు. వాస్తవా­నికి గతంలో స్థానిక ఎన్నికలప్పుడు అప్పటి ఎస్‌ఈసీ ద్వివేదిని బెదిరించింది చంద్రబాబే. ఈ విషయం ఎవరికీ తెలియదన్నట్లు ఇప్పుడు చంద్రబాబు కబుర్లు చెబుతుండటం విస్తుగొలుపుతోంది.జేపీతో పోలికా? సిగ్గుచేటు! ఇక తన అరెస్టును జయప్రకాశ్‌ నారాయణ్‌ ఉద్యమంతో పోల్చుకోవడం చంద్రబాబు అతిశయోక్తులకు పరాకాష్ఠ. వాస్తవానికి.. జేపీ జైలుకు వెళ్లింది ప్రజాస్వా­మ్యం కోసం పోరాడినందుకు. కానీ, చంద్రబాబు 53 రోజులు రాజమండ్రి సెంట్రల్‌ జైల్లో ఉన్నది స్కిల్‌ డెవలప్‌మెంట్‌ కుంభకోణం కేసులో. అవినీతి కేసులో అరెస్టును ప్రజాస్వామ్య పోరాటంగా నిస్సిగ్గుగా చిత్రీకరించుకోవడం బాబుకే చెల్లింది.రెండున్నరేళ్లయినా అదే సోదిఅధికారంలోకి వచ్చి రెండున్నరేళ్లు దాటినా ఇప్పటికీ ప్రతి సమస్యకూ గత ప్రభుత్వాన్నే కారణంగా చూపు­తూ చంద్రబాబు సోది వినిపిస్తున్నారు. చెత్త పేరుకు పోవడం, జల్‌జీవన్‌ మిషన్, పోలవరం డ­­యాఫ్రం వాల్, ఆలయాలు, అమరావతి, భూ రికార్డులు.. అన్ని­టికీ అదే సాకు. రెండున్నరేళ్లలో తా­ను చేసింది చెప్పుకోవడానికి ఏమీలేకే ఇంకా గత ప్రభుత్వంపైనే నిందలు వేస్తూ కట్టు కథలు చెబుతున్నా­రు. ఇప్పుడు కళ్ల ముందే విధ్వంసం చేస్తూ, అదే­దో ఎప్పుడో జరిగిందంటూ కట్టుకథలు చెబుతున్నారు.సూపర్‌ సిక్స్‌పైనా అబద్ధాల పర్వంసూపర్‌ సిక్స్‌ను అమలు చేయకుండా ప్రజలను వంచించి.. అన్నీ అమలు చేసేశామని బాబు పచ్చి అబద్ధా­లు చెప్పారు. దసరా ఉత్సవాలు బాగా జరిగాయంటే అది ఉచిత బస్సు పుణ్యమేనని చెప్పుకోవ­డం చంద్రబాబు ప్రచార పిచ్చికి పరాకాష్ట. గంటన్నర ప్రెస్‌మీట్‌లో తన సహజ శైలిలో కళ్లు మూసుకుని అబద్ధాలు వల్లెవేసిన చంద్రబాబు అసలు ప్రశ్నలకు మాత్రం సమాధానం ఇవ్వలేకపోయారు.పుంగనూరులో ఎంపీపై దాడి చేసిందెవరు? పులివెందులలో వైఎస్సార్‌సీపీ కార్యాలయం చుట్టూ ముళ్లకంచెలు ఎవ­­రి ఆదేశాలతో వేశారు? నామినేషన్లు వేయనీయకుండా అడ్డుకోవడం నిజం కాదా? దాడుల్లో గాయపడిన వారు వైఎస్సార్‌సీపీ కార్యకర్తలా? టీడీపీ కార్యకార్తలా? తిరుపతి ఎంపీ చేతినుంచి నామినేషన్లు లాక్కు­­న్నది నిజం కాదా? వీటితోపాటు జరిగిన అనేక దౌర్జ­న్యాలకు సమాధానం చెప్పకుండా ప్రతిపక్షంపై తిట్ల దండకం అందుకుని తాను ప్రజాస్వామ్యవాదినని చెప్పుకోవడం ఒక్క చంద్రబాబుకే చెల్లిందని ప్ర­జలు, రాజకీయ విశ్లేషకులు ఆగ్రహం వ్యక్తం చేస్తున్నారు.ఇదీ చదవండి: రౌడీయిజం చేస్తున్న పోలీసుల పేర్లు డిజిటల్‌ బుక్‌లోకి..

తిరుపతి రూరల్‌: రాష్ట్రంలో పోలీసులే గూండాయిజానికి స్పాన్సరర్లుగా వ్యవహరిస్తున్నారని, రౌడీయిజం చేయిస్తున్న పోలీసుల పేర్లు మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌ రెడ్డి తీసుకువచ్చిన డిజిటల్‌ బుక్‌లోకి చేరుతున్నాయని వైఎస్సార్‌సీపీ రాష్ట్ర ప్రధాన కార్యదర్శి, రాష్ట్ర ప్రభుత్వ మాజీ విప్‌ చెవిరెడ్డి భాస్కర్‌రెడ్డి చెప్పారు.ఆయన సోమవారం చంద్రగిరి నియోజకవర్గం వైఎస్సార్‌సీపీ కార్యాలయంలో మీడియాతో మాట్లాడుతూ.. కర్నూలు డీఐజీ కోయ ప్రవీణ్, తిరుపతి ఎస్పీ సుబ్బారాయుడు, పల్నాడు ఎస్పీ జగదీష్‌ అడహళ్లి, అన్నమయ్య ఎస్పీ ధీరజ్‌ కునుగుల్, కడప ఎస్పీ విశ్వనాథ్, ప్రకాశం జిల్లా ఎస్పీ హర్షవర్ధన్‌ రాజు, చిత్తూరు ఎస్పీ తుషార్‌ డూడీ పేర్లు ఇప్పటికే డిజిటల్‌ బుక్‌లోకి చేరాయన్నారు.డీఎస్పీలు బాలస్వామి రెడ్డి, జగదీష్‌ నాయక్, ఏఎస్పీలు రవిమనోహరాచారి, శ్రీనివాసులు నాయుడు పేర్లు కూడా ఉన్నాయన్నారు. వీరంతా స్థానిక ఎన్నికల్లో నామినేషన్ల కేంద్రాల వద్ద వైఎస్సార్‌సీపీ అభ్యర్థులపై దాడులు చేయిస్తున్నారని ఆరోపించారు. 2029లో ప్రభుత్వం మారుతుందని, తప్పులు చేసిన అధికారులు శిక్షల నుంచి తప్పించుకోలేరని హెచ్చరించారు. ఐఏఎస్, ఐపీఎస్‌ అధికారులు ఎవరో ఒకరిని సంతృప్తి పరిచేందుకు చట్టాన్ని పక్కనపెడితే అది వారి ఉద్యోగ భవిష్యత్తుకే ముప్పుగా మారుతుందని తెలిపారు.ఉద్దేశపూర్వకంగా సర్టిఫికెట్లు ఇవ్వడంలేదు..ఈ ఎన్నికల్లో వైఎస్సార్‌సీపీ అభ్యర్థులకు నో అబ్జెక్షన్, క్లియరెన్స్‌ సర్టిఫికెట్లు జారీ చేయడంలేదని చెప్పారు. అభ్యర్థులు దరఖాస్తు చేసుకున్న 24 గంటల్లోనే సర్టిఫికెట్లు జారీ చేయాలన్న హైకోర్టు, రాష్ట్ర ఎన్నికల కమిషన్‌ ఆదేశాలను అధికారులు బేఖాతరు చేస్తున్నారని, సర్టిఫికెట్ల జారీలో ఉద్దేశపూర్వకంగా జాప్యం చేస్తున్నారని మండిపడ్డారు. ఒక్క చంద్రగిరి నియోజకవర్గంలో 925 నో అబ్జెక్షన్, క్లియరెన్స్‌ సర్టిఫికెట్లు పెండింగ్‌లో ఉన్నాయన్నారు. నామినేషన్ల ప్రక్రియను అడ్డుకునేందుకే ఇలాంటి చర్యలకు పాల్పడుతున్నారని అన్నారు.తమిళనాడు నుంచి గూండాలు, చిత్తూరు నుంచి రౌడీలు..స్థానిక ఎన్నికల నేపథ్యంలో గ్రామాల్లోకి తమిళనాడు నుంచి గూండాలు, చిత్తూరు నుంచి రౌడీలు వచ్చి తిష్టవేశారని చెవిరెడ్డి చెప్పారు. తమిళనాడులోని రాణిపేట, గుడియాతం, చెన్నై, వేలూరు, సేలం, కోయంబత్తూరు ప్రాంతాల నుంచి కిరాయి గూండాలు మారణాయుధాలతో మాటు వేసినట్టు తమకు పక్కా సమాచారం వచ్చిందన్నారు. ఈ విషయాన్ని పోలీసుల దృష్టికి కూడా తీసుకెళ్లామని తెలిపారు.ఎంపీటీసీ, జెడ్పీటీసీ ఎన్నికల్లో నామినేషన్‌ వేస్తే తలలు పగలగొడతామంటూ వైఎస్సార్‌సీపీ అభ్యర్థులకు బెదిరింపులు వస్తున్నాయని ఆరోపించారు. రాజకీయ నాయకులను బైండోవర్‌ చేయడం కాకుండా, బయటి ప్రాంతాల నుంచి వచ్చిన అనుమానితులపై చర్యలు తీసుకోవాలని డిమాండ్‌ చేశారు. ఎన్నికల విధుల్లో పక్షపాతానికి తావివ్వకుండా, ప్రజాస్వామ్యబద్ధంగా వ్యవహరించాలని సూచించారు. రాజకీయ ఒత్తిళ్లకు తలొగ్గి తప్పులు చేస్తే వాటి పరిణామాలు మూడు తరాల వరకు వెంటాడతాయని హెచ్చరించారు. తప్పు చేసిన ప్రతి అధికారీ న్యాయదేవత ముందు దోషిగా నిలబడక తప్పదని హెచ్చరించారు. ప్రజాస్వామ్యబద్ధంగా నామినేషన్లు దాఖలు చేసుకునే పరిస్థితులు కల్పించాలని డిమాండ్‌ చేశారు.ఇదీ చదవండి: స్థానిక సంస్థల ఎన్నికల‍్లో అక్రమాలపై సుప్రీంకోర‍్టుకు వైఎస్సార్‌సీపీ

తాడేపల్లి: తెలుగు ప్రజలకు వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి విజయదశమి శుభాకాంక్షలు తెలిపారు. లోక కంఠకుడైన మహిషాసురుడిని జగన్మాత సంహరించినందుకు.. చెడుపై మంచి, దుష్ట శక్తులపై దైవ శక్తుల విజయానికి ప్రతీకగా జరుపుకునే పండగే విజయదశమని తెలిపారు. చెడు ఎంత దుర్మార్గమైనదైనా, ఎంత శక్తిమంతమైనదైనా.. అంతిమ విజయం మంచినే వరిస్తుందన్నారు.‘‘ఆ జగన్మాత ఆశీస్సులతో రాష్ట్ర ప్రజలంతా సుఖ శాంతులతో, సిరి సంపదలతో తులతూగాలనీ.. రాష్ట్రంలోని ప్రతి ఒక్క కుటుంబానికి విజయాలు సిద్ధించాలనీ.. ఆ కనకదుర్గమ్మవారి దీవెనలు, ఆశీస్సులు ప్రతి ఒక్కరిపై ఉండాలని కోరుకుంటున్నాను’’ అని వైఎస్ జగన్ తెలిపారు. అధర్మాన్ని ధర్మం, చీకటిని వెలుగు, చెడును మంచి ఎప్పుడూ జయిస్తాయని చాటిచెప్పే పండుగ విజయదశమి. ఆ కనకదుర్గమ్మ ఆశీస్సులతో ప్రజల కష్టాలు దూరమై, జీవితాల్లో సంతోషాలు వెల్లివిరియాలని, మనందరినీ అమ్మవారు చల్లగా చూడాలని మనస్ఫూర్తిగా కోరుకుంటూ తెలుగు ప్రజలందరికీ దసరా పండుగ శుభాకాంక్షలు.— YS Jagan Mohan Reddy (@ysjagan) October 20, 2026ఇదీ చదవండి: కూటమి రాజకీయాలకో దండం!

సాక్షి, విశాఖపట్నం: ‘కుర్చీలో కూర్చోవడమే మీ అజెండా.. కుర్చీ జనమే ఇవ్వాలన్నది జగన్‌ అజెండా..’ ఇది వైఎస్సార్‌సీపీ ఎన్నికల ప్రచారంలో హోరెత్తించిన పాటలోని ఒక లైన్‌. ఇది అక్షరాలా నిజమని ప్రజలకు చెప్పింది టీడీపీ, జనసేన, బీజేపీ కూటమి ప్రభుత్వం. ప్రజాతీర్పును పాతాళానికి తొక్కి.. ప్రజాస్వామ్య విలువల గొంతు కోసి.. విశాఖను కబళించేసింది. అభివృద్ధి వెలుగులతో విరాజిల్లిన నగరాన్ని పీఠం దక్కించుకోవాలన్న కక్కుర్తితో కారుచీకట్లలోకి నెట్టేసింది. జీవీఎంసీలో కనీస బలం లేకపోయినా.. ప్రలోభాలు, బెదిరింపులు, బ్లాక్‌మెయిలింగ్‌తో వైఎస్సార్‌సీపీ నుంచి మేయర్‌ పీఠాన్ని దొడ్డిదారిన లాక్కుంది. గ్రేటర్‌ చరిత్రలో బ్లాక్‌ డేగా..! 2021 జీవీఎంసీ ఎన్నికల్లో మహా విశాఖ నగర ప్రజలు వైఎస్సార్‌సీపీకి స్పష్టమైన మెజారిటీ ఇచ్చి మేయర్‌ పీఠాన్ని అప్పగించారు. అయితే, 2024లో కూటమి ప్రభుత్వం అధికారంలోకి వచ్చాక రాజకీయ కక్షసాధింపులు పరాకాష్టకు చేరాయి. వైఎస్సార్‌సీపీకి చెందిన సుమారు 20 మంది కార్పొరేటర్లను బెదిరింపులు, వ్యక్తిగత బ్లాక్‌మెయిలింగ్, ప్రలోభాలతో కూటమిలోకి లాక్కున్నారు. ప్రజాస్వామ్యబద్ధంగా ఎన్నికైన బీసీ మహిళా మేయర్‌ గొలగాని హరి వెంకట కుమారిపై బలవంతంగా అవిశ్వాస తీర్మానాన్ని నెగ్గించుకున్నారు. ప్రజలు తిరస్కరించిన తెలుగుదేశం పార్టీ అడ్డగోలు ఫిరాయింపులతో మేయర్‌ పీఠాన్ని లాక్కోవడం విశాఖ నగర చరిత్రలో చీకటి అధ్యాయంగా, మాయని మచ్చగా 2025 ఏప్రిల్‌ 19న నిలిచిపోయింది. ‘గీతం’ కోసం గూడుపుఠాణీ కూటమి ప్రభుత్వం అడ్డదారిలో మేయర్‌ పీఠంపై పీలా శ్రీనివాసరావును కూర్చోబెట్టడం వెనుక అసలు కుట్ర 2026 జనవరి 30న జరిగిన జీవీఎంసీ కౌన్సిల్‌ సమావేశంలో బట్టబయలైంది. లోకేష్‌ తోడల్లుడు, విశాఖ ఎంపీ మతుకుమిల్లి శ్రీభరత్‌కు చెందిన ‘గీతం’ విశ్వవిద్యాలయం ఆ«దీనంలోని 54.79 ఎకరాల ప్రభుత్వ భూములను క్రమబదీ్ధకరించే (రెగ్యులరైజ్‌) తీర్మానాన్ని కౌన్సిల్‌ ముందుకు తెచ్చారు. మార్కెట్‌ విలువ ప్రకారం సుమారు రూ.5 వేల కోట్ల విలువైన రుషికొండ, ఎండాడ పరిధిలోని ఈ భూములను నామమాత్రపు ధరలకే కట్టబెట్టేందుకు జీవీఎంసీని వేదికగా మార్చుకున్నారన్న ఆరోపణలు వెల్లువెత్తాయి. మైకులు కట్‌ చేసి.. సీసీటీవీలు బంద్‌ చేసి..! గీతం వర్సిటీ భూముల తీర్మానాన్ని ఆమోదించుకునేందుకు కూటమి ప్రభుత్వం ప్రజాస్వామ్యాన్ని అపహాస్యం చేసేలా వ్యవహరించింది. 2026 జనవరి 30నాటి జీవీఎంసీ కౌన్సిల్‌ సమావేశంలో వైఎస్సార్‌సీపీ, వామపక్ష కార్పొరేటర్లు భూదోపిడీని వ్యతిరేకిస్తూ నిరసన తెలిపారు. ప్రతిపక్షాల గొంతు నొక్కేందుకు వారి మైకులను కట్‌ చేయడంతో పాటు, అక్రమాలు బయటకు తెలియకుండా మీడియాను లోపలికి రానివ్వకుండా నిషేధించారు. సీసీటీవీలను కూడా ఆపేశారు. కనీస చర్చ లేకుండా కేవలం 15 నిమిషాల్లోనే అజెండాలోని అన్ని అంశాలను, ముఖ్యంగా 15వ అంశంగా ఉన్న గీతం భూముల క్రమబద్ధీకరణ తీర్మానాన్ని ఏకపక్షంగా ఆమోదించి సభను వాయిదా వేసి అప్రజాస్వామికంగా వ్యవహరించారు. నాడు వెలుగులు.. నేడు చీకట్లు వైఎస్సార్‌సీపీ ఐదేళ్ల పాలనలో విశాఖ నగరం ప్రగతి పథంలో దూసుకుపోయింది. నగరాన్ని పరిపాలనా రాజధానిగా ప్రకటించడంతో పాటు ప్రపంచస్థాయి హబ్‌గా తీర్చిదిద్దేందుకు వందల కోట్ల రూపాయలు కేటాయించింది. ప్రధాన జంక్షన్ల సుందరీకరణ, మౌలిక వసతుల కల్పన, రోడ్ల విస్తరణ, రక్షిత మంచినీటి పథకాలు, పేదల గృహనిర్మాణం వంటి బృహత్తర ప్రాజెక్టులకు శ్రీకారం చుట్టింది. ఉత్తరాంధ్ర ఆరోగ్య ప్రదాయని కేజీహెచ్‌లోనూ రూ.కోట్లతో అభివృద్ధి పనులు చేపట్టింది. చంద్రబాబు ప్రభుత్వం అధికారంలోకి వచ్చాక విశాఖ అభివృద్ధి కుంటుపడింది. వైఎస్సార్‌సీపీ హయాంలో ప్రారంభించిన ప్రజాపయోగకరమైన ప్రాజెక్టులను రాజకీయ కక్షతో పక్కనబెట్టింది. కొత్తగా నిధులు కేటాయించకపోగా, జీవీఎంసీకి చెందిన రూ.1,700 కోట్ల నిధులను దారి మళ్లించేశారు. మళ్లీ మేయర్‌ అయితే ఉన్నవీ ఊడ్చేస్తారు..! అక్రమంగా గద్దెనెక్కి ఏడాది పాటు దోపిడీ పర్వాన్ని కొనసాగించిన కూటమి నేతలు.. ఇప్పుడు మళ్లీ కుట్రలు, కుతంత్రాలతో, మాయమాటలు చెప్పి గద్దెనెక్కాలని తీవ్రంగా యతి్నస్తున్నారు. రూ.కోట్లు కుమ్మరించి, ఓటుకు నోటే ఆయుధంగా చేసుకోవాలని కుయుక్తులు పన్నుతున్నారు. కూటమి ప్రభుత్వం చేస్తున్న ఈ శతకోటి దొంగల ముఠా కుట్రలను, విశాఖ సంపద దోపిడీని నగర ప్రజలు గమనిస్తూనే ఉన్నారు. రాబోయే రోజుల్లో ప్రజాస్వామ్యబద్ధంగా వీరికి తగిన బుద్ధి చెప్పడం ఖాయమనే మాట అందరి నోటా వినిపిస్తోంది.

ఎన్నికలు సజావుగా జరిగితే, గెలుస్తామన్న ధైర్యం చంద్రబాబుకు లేదు. అందుకే చంద్రబాబు నారాసుర రక్త చరిత్ర రాస్తూ స్థానిక ఎన్నికల్లో గతంలో ఎప్పుడూ లేని విధంగా ప్రభుత్వమే హింసకు పాల్పడేలా చేస్తున్నారు. ఎలాగైనా ఈఎన్నికల్లో గెల్చేందుకు అక్రమాలు, కుట్రలకు తెగబడుతున్నాడు.అన్యాయం చేసిన ప్రతి అధికారికీ చెబుతున్నా. అన్యాయం చేస్తున్న ప్రతి వెన్నుపోటు పార్టీ నాయకుడికి చెబుతున్నా. టైమ్‌ మీది నడుస్తుండవచ్చు. కానీ మా టైమ్‌ కూడా వస్తుంది. మా టైమ్‌ వచి్చనప్పుడు మీరు చేసిన ఈ అక్రమాలే మీకు తిరిగి చుట్టుకుంటాయి.ఇంతవరకు ఇన్ని కష్టాలను ఓర్చి నిలబడ్డ ప్రతి వైఎస్సార్‌సీపీ కార్యకర్తకు, చంద్రబాబు తుపాకీ తూటాలకు వెరవకుండా,పోలీసుల లాఠీలకు భయపడకుండా, చంద్రబాబు గూండాల దాడికి బెదరకుండా, వెన్ను చూపకుండా ఎదురొడ్డి నిలిచిన ప్రతి వైఎస్సార్‌సీపీ కార్యకర్తకు, ప్రతి ప్రజాస్వామ్యవాదికి శాల్యూట్‌ చేస్తున్నా. హ్యాట్సాఫ్‌ చెబుతున్నా. – వైఎస్‌ జగన్‌మోహన్‌రెడ్డి

నామినేషన్‌ వేసే అవకాశం కల్పించడం ఎస్‌ఈసీ కనీస బాధ్యత. రాష్ట్రంలో ఎన్నికలు పూర్తి పారదర్శకంగా, నిష్పక్షపాతంగా జరగాలంటే పోలింగ్‌ దగ్గర నుంచి 17సీ ఫారం తీసుకునే వరకు మొత్తం లైవ్‌ వెబ్‌ కాస్టింగ్‌ ద్వారా అందరికీ అందుబాటులో ఉంచాలి. చంద్రబాబు ప్రభుత్వంపై మాకు నమ్మకం లేదు. ఎన్నికల తర్వాత బ్యాలెట్‌ బాక్సులను మార్చేసే అవకాశం ఉంది. అందుకే బ్యాలెట్‌ బాక్స్‌లను ఉంచే స్ట్రాంగ్‌ రూమ్‌ల నుంచి కూడా లైవ్‌ వెబ్‌ కాస్టింగ్‌ కల్పించాలి. – వైఎస్‌ జగన్‌ సాక్షి, అమరావతి: ‘ప్రజాస్వామ్యంలో పోటీ చేసే హక్కు, నామినేషన్‌ వేసే హక్కు ప్రతి ఒక్కరికీ ఉంది.. దీన్ని కాపాడాల్సిన ధర్మం రాష్ట్ర ఎన్నికల కమిషన్‌పై (ఎస్‌ఈసీ) ఉంది. నామినేషన్లు వేస్తానని వచ్చిన వాళ్ల చేత నామినేషన్లు వేయించలేకపోతే పోయేది ఎస్‌ఈసీ పరువే. పోలీసులు రక్షణ ఇచ్చి అందరి చేత నామినేషన్లు వేయించేలా చర్యలు తీసుకోవాలి.’ అని మాజీ ముఖ్యమంత్రి వైఎస్‌ జగన్‌ డిమాండ్‌ చేశారు. రాష్ట్రంలో పోలీసు వ్యవస్థ చంద్రబాబుకు ప్రైవేటు వాచ్‌మెన్‌లా పని చేస్తోందని ఆగ్రహం వ్యక్తం చేశారు. స్థానిక ఎన్నికల నామినేషన్లలో జరుగుతున్న అరాచకాలపై ఆదివారం మధ్యాహ్నం ఆయన విజయవాడలో ఎస్‌ఈసీ కార్యాలయంలో ఎస్‌ఈసీ అనిల్‌ చంద్ర పునేఠను కలిసి ఫిర్యాదు చేశారు. రాష్ట్రంలో స్థానిక సంస్థల ఎన్నికల నామినేషన్ల ప్రక్రియ సందర్భంగా చోటు చేసుకుంటున్న దౌర్జన్యాలు, టీడీపీ శ్రేణుల హింసాకాండ, వైఎస్సార్‌సీపీ అభ్యర్థులపై అక్రమ కేసులు, అరెస్టులు, నామినేషన్‌ పత్రాలను చించివేసిన ఘటనలు.. పుంగనూరులో వైఎస్సార్‌సీపీ లోక్‌సభ పక్ష నేత పీవీ మిథున్‌రెడ్డిపై హత్యాయత్నం, పులివెందులలో పోలీసుల బాష్పవాయువు ప్రయోగం, గాలిలోకి కాల్పుల ఘటనలపై ఎస్‌ఈసీకి ఫిర్యాదు చేశారు. అనంతరం ఎస్‌ఈసీ కార్యాలయం వద్ద మీడియాతో మాట్లాడారు. రాష్ట్రంలో అసలు ప్రజాస్వామ్యం ఉందా? అని ప్రశ్నించారు. డీజీపీ, ఐజీ, డీఐజీ ఇలా అందరూ ఒక మాఫియాలా ఏర్పడి ఎన్నికలు నిర్వహిస్తున్నారని చెప్పారు. నిబంధనల ప్రకారం రెండేళ్లకు ఒకసారి కీలక అధికారులను బదిలీ చేయాల్సి ఉన్నా, అలా చేయకుండానే రెండున్నరేళ్లుగా మాఫియాలా ఉన్న అధికారులతోనే ఎస్‌ఈసీ ఎన్నికలు నిర్వహిస్తోందని ఎత్తి చూపారు. చివరకు డీఐజీ కోయ ప్రవీణ్‌ వంటి వాళ్లు వెన్నుపోటు పార్టీ కార్యకర్తల్లా మాట్లాడుతున్నారన్నారు. రాష్ట్రంలో ఎన్నికలు పూర్తి పారదర్శకంగా, నిష్పక్షపాతంగా జరగాలంటే పోలింగ్‌ దగ్గర నుంచి 17సీ ఫారం తీసుకునే వరకు మొత్తం లైవ్‌ వెబ్‌ కాస్టింగ్‌ ద్వారా అందరికీ అందుబాటులో ఉంచాలని డిమాండ్‌ చేశారు. చంద్రబాబు ప్రభుత్వంపై తమకు నమ్మకం లేదని, ఎన్నికల తర్వాత బ్యాలెట్‌ బాక్సులను మార్చేసే అవకాశం ఉందని.. అందుకే బ్యాలెట్‌ బాక్స్‌లను స్ట్రాంగ్‌ రూమ్‌ల నుంచి లైవ్‌ వెబ్‌కాస్టింగ్‌ కల్పించాలన్నారు. ఈ సందర్భంగా వైఎస్‌ జగన్‌ ఇంకా ఏమన్నారంటే..ప్రజాస్వామ్య వ్యవస్థలను ఫణంగా పెట్టొద్దు‘ఇవాళ ఎస్‌ఈసీ అనిల్‌ చంద్ర పునేఠను కలిసి స్థానిక సంస్థల ఎన్నికలను పారదర్శకంగా, స్వేచ్ఛగా నిర్వహించాలని గట్టిగా డిమాండ్‌ చేశాం. ఒక స్టేట్‌ ఎలక్షన్‌ కమిషనర్‌గా నిష్పక్షపాతంగా ప్రజాస్వామ్య విలువలను కాపాడాల్సిన రాజ్యాంగబద్ధమైన బాధ్యత ఉంది. ఈ వ్యవస్థను ఏ ఒక్కరి స్వార్థం కోసం కూడా ఫణంగా పెట్టకూడదన్న అంశాన్ని కమిషనర్‌కు స్పష్టంగా నొక్కి చెప్పాం. మాకు అందిన సమాచారం మేరకు దాడులకు సంబంధించిన తాజా పరిస్థితులతో కూడిన జాబితాను ఆయనకు అందజేశాం. ఈ రాష్ట్రంలో ఇవాళ ‘నేను నామినేషన్‌ వేయాలనుకున్నాను.. కానీ నన్ను వేయనివ్వలేదు’ అన్న మాట వస్తే, పోయేది రాష్ట్ర ఎన్నికల కమిషనర్‌ పరువే అని గట్టిగా చెప్పాం. దీనిపై కమిషనర్‌ సానుకూలంగా స్పందిస్తూ.. సమయం పొడిగించి అయినా సరే పోటీ చేయాలనుకున్న ప్రతి ఒక్కరితో నామినేషన్‌ వేయిస్తామని హామీ ఇచ్చారు.టీడీపీకి కొమ్ము కాస్తున్న పోలీసులుగురజాల నియోజకవర్గంలోని మూడు మున్సిపాలిటీల్లో స్వయంగా పోలీసులే మున్సిపల్‌ చైర్‌పర్సన్‌ అభ్యర్థులపై దొంగ కేసులు బనాయించి అక్రమంగా అరెస్ట్‌ చేసి పోటీకి దూరం చేస్తున్నారు. అక్రమంగా నిర్బంధించిన ఆ అభ్యర్థులను పోలీసులు వెంటనే తీసుకొచ్చి వారితో నామినేషన్లు వేయించాలని గట్టిగా డిమాండ్‌ చేశాం. రాష్ట్రంలో నామినేషన్ల ప్రక్రియ ఇంత దారుణంగా సాగుతుంటే, పోలీసులు మాత్రం నిస్సిగ్గుగా వెన్నుపోటు పార్టీకి, చంద్రబాబుకు కొమ్ముకాస్తున్నారు. నిబంధనల ప్రకారం నలుగురు మాత్రమే వెళ్లాలని మా వైఎస్సార్‌సీపీ వాళ్లను ఆపుతున్నారు.తీరా నామినేషన్‌ కేంద్రాల వద్ద చూస్తే అప్పటికే టీడీపీ వాళ్లు వందల సంఖ్యలో గుమిగూడి మారణాయుధాలతో తిష్ట వేస్తున్నారు. పోలీసుల సమక్షంలోనే మా అభ్యర్థుల చేతుల్లోని నామినేషన్‌ పత్రాలను లాక్కొని చింపేస్తున్నారు. పోలీసులు ప్రేక్షక పాత్ర పోషిస్తూ టీడీపీకి వత్తాసు పలు­కుతున్నందున ఎన్నికల విధులకు వెంటనే కేంద్ర ప్రభుత్వ బలగాలను, పారా మిలటరీ ఫోర్సెస్‌ను దించాలని డిమాండ్‌ చేశాం.అన్ని చోట్లా సీసీ కెమెరా ఫుటేజ్‌ కావాలి పోలింగ్‌ బూత్‌ల లోపల, బయట సీసీ టీవీ లైవ్‌ ఫుటేజ్‌ సామాన్యులకు సైతం అందుబాటులో ఉండేలా లైవ్‌ వెబ్‌ కాస్టింగ్‌ ఏర్పాటు చేయాలి. మాకు చంద్రబాబునాయుడు, వెన్నుపోటు పార్టీ నైజంపై ఏ మాత్రం నమ్మకం లేదు. వాళ్లు స్ట్రాంగ్‌ రూమ్‌లలో బ్యాలెట్‌ బాక్సులను మారుస్తారన్న అనుమానం మాకుంది. అందుకే స్ట్రాంగ్‌ రూమ్‌లలో బ్యాలెట్‌ బాక్సులు ఉంచే ప్రదేశాల్లో కూడా సీసీ టీవీ కెమెరాల లైవ్‌ ఫుటేజ్‌ను ప్రజలందరికీ అందుబాటులో పబ్లిక్‌ డొమైన్‌లో ఉంచాలి. కౌంటింగ్‌ హాల్‌లో కూడా సీసీ కెమెరాలు పెట్టి లైవ్‌ టెలి కాస్ట్‌ ఇవ్వాలి.కౌంటింగ్‌ హాల్‌లో పోలింగ్‌ ముగిసిన తర్వాత ఏజెంట్లు సంతకాలు చేసి స్టిక్కర్లు అతికించే ’ఫామ్‌ 17సి’ వెరిఫికేషన్‌ ప్రక్రియ అత్యంత కీలకం. ఆ సంతకాలు సరిపోల్చే ప్రక్రియలో ఎలాంటి పోర్జరీలకు తావు లేకుండా సీసీ టీవీ కెమెరాల్లో స్పష్టంగా రికార్డ్‌ చేసి చూపించాలి. ఈ డిమాండ్లపై గతంలోనే మా ఎమ్మెల్సీలు, పార్టీ నేతలు పలుమార్లు వినతి పత్రాలు ఇచ్చారు. ఇవాళ నేను కూడా స్వయంగా వచ్చి వీటిని అమలు చేయాలని గట్టిగా చెప్పాను. మేము అడిగిన వాటని్నంటికీ కమిషనర్‌ తల ఊపారు. ఎస్‌ఈసీ నిజంగా ట్రాన్స్‌పరెంట్‌గా ఉంటే ఇవన్నీ అమలవుతాయి.కమిషన్‌ పారదర్శకంగా లేకపోతే ఇవేవీ జరగవు. దీన్నిబట్టే వీళ్లు నిష్పక్షపాతంగా ఉన్నారా లేదా అనేది ప్రజలకు స్పష్టంగా అర్థమైపోతుంది. ప్రజాస్వామ్యంలో ప్రజలకు నచ్చిన వారికి ఓటు వేసే స్వేచ్ఛ, నాయకులకు పోటీ చేసేందుకు నామినేషన్‌ వేసే హక్కు రాజ్యాంగబద్ధమైనవి. ఈ ప్రాథమిక హక్కులను కాపాడాల్సిన ధర్మం ఎస్‌ఈసీపైనే ఉంది.నాడు నిష్పక్షపాతంగా ఎన్నికలు జరిపాంమా ప్రభుత్వ హయాంలో స్థానిక ఎన్నికలు నిర్వహించినప్పుడు స్టేట్‌ ఎలక్షన్‌ కమిషనర్‌గా ఎవరున్నారు? చంద్రబాబుకు కరడు గట్టిన తీవ్రవాదిలా మద్దతుదారుడైన నిమ్మగడ్డ రమేష్‌ కుమార్‌ ఉన్నారు. 2024 ఎన్నికల్లో చంద్రబాబును గెలిపించండి అంటూ స్వయంగా బలపం కట్టుకుని తిరిగిన వ్యక్తి ఆయన. అంతటి వ్యతిరేక వ్యక్తి కమిషనర్‌గా ఉన్నప్పటికీ మా హయాంలో ధైర్యంగా ఎన్నికలకు వెళ్లాం. నోటిఫికేషన్‌ రాగానే నిమ్మగడ్డ రమేష్‌.. కలెక్టర్లు, ఎస్పీలు, డీఐజీలు, డీఎస్పీలు, సీఐలను లెఫ్ట్, రైట్, సెంటర్‌ బదిలీలు చేసి ఎన్నికల విధుల నుంచి తప్పించారు. ఈరోజు అలాంటి చర్య ఒక్కటైనా జరుగుతోందా? మేనిఫెస్టోలోని ప్రతి హామీని నెరవేర్చి విద్య, వైద్యం, వ్యవసాయం, గ్రామ సచివాలయాలు, వలంటీర్లు, మహిళా సాధికారత, పారదర్శక పాలన అందించాం కాబట్టే ప్రజలు మాకు అఖండ విజయాన్ని కట్టబెట్టారు.టీడీపీ శ్రేణుల హింసాకాండపై ఎస్‌ఈసీ అనిల్‌ చంద్రపునేఠకు ఫిర్యాదు చేస్తున్న వైఎస్‌ జగన్‌ నిజాయితీగా ఎన్నికలు జరిపే ధైర్యం లేకే కుయుక్తులునేడు చంద్రబాబు ప్రభుత్వంలో సూపర్‌ సిక్స్‌లు లేవు, సూపర్‌ సెవెన్‌లు లేవు.. అన్నీ మోసాలుగా తేలిపోయాయి. ఎన్నికలప్పుడు ఇచ్చిన బాండ్లను చేతబట్టుకుని ప్రజలు ‘మాకు మూడేళ్లుగా బాకీ పడ్డ సొమ్ము ఎప్పుడు ఇస్తారు?’ అని టీడీపీ నేతలను నిలదీస్తున్నారు. లా అండ్‌ ఆర్డర్, సచివాలయాలు, వలంటీర్‌ వ్యవస్థ, ఆరోగ్యశ్రీ, విద్యా దీవెన, వసతి దీవెన అన్నీ కుదేలైపోయాయి. అందుకే బాబుకు ఫ్రీ అండ్‌ ఫెయిర్‌ ఎన్నికలు జరిపే ధైర్యం లేక ఇలాంటి కుయుక్తులకు పాల్పడుతున్నారు. ఎంపీ పెద్దిరెడ్డి మిథున్‌రెడ్డికి సీఆరీ్పఎఫ్‌ సెక్యూరిటీ ఉంది. అక్కడ ఏం జరిగిందో కేంద్ర ప్రభుత్వానికి సాక్ష్యాలతో సహా వాళ్లే ప్రత్యక్ష సాక్షులుగా రిపోర్టులు ఇస్తారు. మిథున్‌రెడ్డి కేవలం నలుగురితో కలిసి నామినేషన్‌ కేంద్రానికి వెళ్తే, అప్పటికే వేలాదిగా మోహరించిన టీడీపీ కార్యకర్తలు ఆయనపై దాడి చేశారు. మిథున్‌రెడ్డిని మూడు గంటల పాటు నిర్బంధించి, నామినేషన్‌ పత్రాలను తీసుకోకుండా అడ్డుకుని, కార్లను ధ్వంసం చేసి హత్యాయత్నం చేశారు. బోల్తా పడిన కార్లలో మద్యం బాటిళ్లు మాత్రం నిటారుగా నిలబడి ఉన్నాయి! కారు బోల్తా పడితే మద్యం బాటిళ్లు పడకుండా నిటారుగా ఎలా ఉంటాయి? మద్యం అలవాటు లేని మిథున్‌రెడ్డి కారులో పోలీసులే దగ్గరుండి బాటిళ్లు పెట్టి, తప్పుడు ఆధారాలు సృష్టించారు. డీఐజీ పరిధిలోనే ఈ దారుణాలన్నీ జరిగాయి.నామినేషన్లు వేసే వరకు సమయం పొడిగించాల్సిందేఈ పరిస్థితుల్లో మధ్యాహ్నం 3:30 దాటినా, రాత్రి 8 గంటల వరకైనా సరే సమయం పొడిగించి అర్హులైన వైఎస్సార్‌సీపీ అభ్యర్థులందరితో నామినేషన్లు వేయించాలని కోరగా కమిషనర్‌ అంగీకరించారు. ప్రజాస్వామ్యంలో ప్రజల ఓటు హక్కును, పోటీ చేసే స్వేచ్ఛను పరిరక్షించాల్సిన బాధ్యత కమిషన్‌పైనే ఉంది’ అని వైఎస్‌ జగన్‌ స్పష్టం చేశారు. అంతకు ముందు వైఎస్‌ జగన్‌ రాష్ట్రంలో జరుగుతున్న పరిణామాలను 20 నిమిషాల పాటు ఎస్‌ఈసీకి వివరించారు. ప్రతి నామినేషన్‌ కేంద్రం, పోలింగ్‌ కేంద్రంలో నిరంతర సీసీటీవీ రికార్డింగ్ తో పాటు ప్రత్యక్ష వెబ్‌ కాస్టింగ్‌ ఏర్పాటు చేయాలని.. స్ట్రాంగ్‌ రూమ్‌ల ప్రవేశ ద్వారాలు, పరిసర ప్రాంతాలపై నిరంతర నిఘా ఉంచి, బ్యాలెట్‌ పెట్టెల భద్రతకు పటిష్ఠ చర్యలు తీసుకోవాలని కోరారు. కౌంటింగ్‌ కేంద్రాల్లోనూ సీసీ టీవీ పర్యవేక్షణ, రికార్డుల భద్రత ఏర్పాట్లు ఉండేలా ఏర్పాటు చేయాలన్నారు. వైఎస్‌ జగన్‌ వెంట వైఎస్సార్‌సీపీ పార్లమెంటరీ పార్టీ నేత వైవీ సుబ్బారెడ్డి, మాజీ ఎంపీ అయోధ్యరావిురెడ్డి, శాసన మండలి డిప్యూటీ చైర్మన్‌ తూమాటి మాధవరావు, ఎమ్మెల్సీలు తలశిల రఘురాం, అప్పిరెడ్డి, రుహుల్లా, కల్పలతారెడ్డి, పార్టీ నేతలు వెలంపల్లి శ్రీనివాస్, మల్లాది విష్ణు, అవినాష్, రాయన భాగ్యలక్ష్మి, సుధాకర్‌బాబు, నాగార్జున యాదవ్‌ తదితరులు పాల్గొన్నారు.చంద్రబాబుకు ప్రైవేట్‌ వాచ్‌మెన్లుగా మారిన పోలీసులురాష్ట్ర చరిత్రలో ఎన్నడూ లేని విధంగా పోలీసు యంత్రాంగం చంద్రబాబునాయుడుకు ప్రైవేట్‌ వాచ్‌మెన్లుగా తయారైంది. ఒక ఐజీ, ఆయన కింద డీఎస్పీలు, సీఐలు ఒక సిండికేట్‌ మాఫియాగా ఏర్పడ్డారు. సాధారణంగా ఏ అధికారైనా ఒకే చోట రెండేళ్లకు మించి ఉండకూడదన్న నిబంధన ఉన్నా, రెండున్నరేళ్లుగా వాళ్లనే పాత స్థానాల్లో కొనసాగిస్తున్నారు. టీడీపీకి అనుకూలంగా ఎన్నికలను నడిపించేందుకే ఈ వ్యవస్థీకృత మాఫియాను కంటిన్యూ చేస్తున్నారు.ఈ పోలీసు మాఫియా స్థానిక ఎమ్మెల్యేలతో కుమ్మక్కై ఇసుక రీచ్‌ల నుంచి లిక్కర్‌ వ్యాపారం దాకా అందినకాడికి దోచుకుంటూ ‘చిన్నబాబుకు ఇంత.. పెద్దబాబుకు ఇంత’ అని వాటాలు పంచుకుంటూ రాష్ట్రాన్ని లూటీ చేస్తోంది. ఇలాంటి వారి చేతుల మీదుగా ఇవాళ ఎన్నికలు నిర్వహిస్తున్నారు. డీఐజీ కోయ ప్రవీణ్‌ అచ్చం టీడీపీ కార్యకర్తలా మాట్లాడుతున్నారు. ఆయన మాట్లాడిన తీరు చూస్తే ఐపీఎస్‌ అనే వృత్తి ధర్మాన్ని, యూనిఫాం టోపీపై ఉన్న మూడు సింహాల గౌరవాన్ని సైతం గాలికొదిలేసి టీడీపీ తొత్తులా ఎలా వ్యవహరిస్తున్నారో అర్థమవుతోంది.

సాక్షి, అమరావతి: రాష్ట్రంలో ప్రజాస్వామ్యాన్ని కాపాడుకోవడానికి పోలీసులు, చిన్న స్థాయి ఉద్యోగులు, ప్రజలు అంతా తిరగబడాలని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పిలుపు ఇచ్చారు. ‘ప్రతి కార్యకర్తకూ చెబుతున్నా.. టైం వాళ్లది కాబట్టి కొడతారు.. కొట్టించుకుందాం.. 2029 ఎన్నికల్లో చంద్రబాబుకు సింగిల్‌ డిజిట్‌ వస్తుంది. మన ప్రభుత్వం అధికారంలోకి వస్తుంది. గట్టిగా నిలబడండి’ అంటూ ధైర్యం చెప్పారు. ఆదివారం ఆయన లోక్‌భవన్‌లో గవర్నర్‌ జస్టిస్‌ అబ్దుల్‌ నజీర్‌ను కలిశారు. మున్సిపల్‌ ఎన్నికల సందర్భంగా రాష్ట్రంలో జరుగుతున్న ప్రజాస్వామ్య ఉల్లంఘనలు, 8 మున్సిపాలిటీల్లో నామినేషన్లు దాఖలు కాని పరిస్థితి, పలుచోట్ల నామినేషన్‌ పత్రాలను చింపి వేయడం, వైఎస్సార్‌సీపీ అభ్యర్థులను అడ్డుకోవడం, అక్రమ కేసులు పెట్టడం వంటి అంశాలను గవర్నర్‌కు వివరించారు. పోలీసు వ్యవస్థ, రాష్ట్ర ఎన్నికల సంఘం వ్యవహార శైలిపై అభ్యంతరాలు వ్యక్తం చేస్తూ, ఎంపీ మిథున్‌ రెడ్డిపై హత్యాయత్నం, ఎంపీలు అవినాష్‌ రెడ్డి, గురుమూర్తిలపై అక్రమ కేసుల గురించి గవర్నర్‌కు తెలిపారు. నామినేషన్ల ప్రక్రియను ఆన్‌లైన్‌లో లేదా కేంద్రీకృత విధానంలో నిర్వహించాలని, పోలింగ్‌ బూత్‌లు, స్ట్రాంగ్‌ రూమ్‌లు, కౌంటింగ్‌ కేంద్రాల్లో సీసీ కెమెరాలు ఏర్పాటు చేసి ప్రత్యక్ష ప్రసారం చేయాలని, 17సీ ఫారాల పరిశీలనలోనూ పారదర్శకత పాటించాలని కోరారు. ఎన్నికల ప్రక్రియ నిష్పక్షపాతంగా జరిగేందుకు కేంద్ర బలగాలను మోహరించాలని విజ్ఞప్తి చేశారు. అనంతరం మీడియాతో మాట్లాడుతూ ఏమన్నారంటే.. నామినేషన్లు వేసే పరిస్థితి లేదు‘రాష్ట్రంలో ఇప్పుడున్న ఇంతటి దారుణమైన అప్రజాస్వామ్య పరిస్థితి బహుశా దేశంలో ఎక్కడా ఉండదు. రాష్ట్రంలో జరుగుతున్న అప్రజాస్వావిుక ఎన్నికల ప్రక్రియపై గవర్నర్‌కు ఆధారాలతో సుదీర్ఘంగా వివరించాం. రాష్ట్రంలోని 8 మున్సిపాలిటీల్లో కౌన్సిలర్, చైర్మన్‌ పదవులకు అసలు నామినేషన్లే పడని పరిస్థితి కల్పించారు. ఏడు చోట్ల పూర్తిగా జీరో నామినేషన్లు. ఇంకో చోట కేవలం 3 నామినేషన్లు మాత్రమే పడ్డాయి. మరో 19 చోట్ల కేవలం 36 శాతం మాత్రమే నామినేషన్లు వేయగలిగారు. అభ్యర్థుల దగ్గర అక్నాలెడ్జ్‌మెంట్లు ఉన్నా.. 6 ఆఫీసుల్లో ఆర్వోల సమక్షంలోనే నామినేషన్‌ పత్రాలను చించేశారు. ప్రజాస్వామ్య దేశంలో ప్రతిపక్షాలు ఎన్నికల్లో పోటీ చేయడానికి నామినేషన్లు కూడా వేసే పరిస్థితి లేదు. నామినేషన్ల దశలోనే పరిస్థితి ఇలా ఉంటే.. రేపు పోలింగ్‌ రోజు ఇంకెంతటి ఘోరాలు జరుగుతాయో ప్రజలంతా ఆలోచించాలి.ప్రభుత్వంతో ఎన్నికల సంఘం కుమ్మక్కుఅర్బన్‌ లోకల్‌ బాడీస్‌లోనే ఇలా ఉంటే.. బుధవారం నుంచి ప్రారంభమయ్యే జెడ్పీటీసీ, ఎంపీటీసీ నామినేషన్ల పరిస్థితి ఏమిటి? కనీసం ఎన్నికల్లో పోటీ చేయడానికే భయపడుతున్నారంటే చంద్రబాబుకు గెలుస్తానన్న నమ్మకమే లేదు. మంచి చేశానని నమ్మకం ఉన్న ఏ ముఖ్యమంత్రీ ప్రతిపక్షాలను పోటీ చేయనివ్వకుండా అడ్డుకోవాలని చూడరు. ఎన్నికల్లో పోటీ ఉంటే తమకు ఓట్లు పడవనే భయంతో వణికి పోతున్న ప్రభుత్వాన్ని, ముఖ్యమంత్రిని చూస్తున్నాం. ఎన్నికలను ధర్మబద్ధంగా నడిపించాలి్సన రాష్ట్ర ఎన్నికల కమిషన్‌ ప్రభుత్వంతో పూర్తిగా కుమ్మక్కై రాజీ పడింది. 2019 ఎన్నికల వేళ సీఈసీ ఆదేశాలను బేఖాతరు చేసినందుకే అనిల్‌ చంద్ర పునేఠను కేంద్ర ఎన్నికల సంఘం సీఎస్‌ పదవి నుంచి తప్పించింది. సీఈసీ నిర్ణయాన్ని సమర్థిస్తూ నాడు కోర్టు మొట్టికాయలు వేసినా.. రిటైర్డ్‌ అయిన అదే వ్యక్తిని తీసుకొచ్చి చంద్రబాబు ఎస్‌ఈసీగా కూర్చోబెట్టారు.మీరైనా ప్రజాస్వామ్యాన్ని కాపాడండిపోలీస్‌ వ్యవస్థలో డీఐజీలు, డీఎస్పీలు, సీఐలు పూర్తిగా చంద్రబాబు నాయుడికి ఊడిగం చేస్తున్నారు. ఎస్‌ఐలు, కానిస్టేబుల్స్‌ వంటి కింది స్థాయి సిబ్బందికి చేతులెత్తి విజ్ఞప్తి చేస్తున్నా. కనీసం మీరైనా ప్రజాస్వామ్యాన్ని కాపాడండి. అభ్యర్థులను పోటీ చేయనివ్వక పోవడం, ఓటర్లను ఓటు వేయనివ్వక పోవడం అంటే ప్రజాస్వామ్యాన్ని మన చేతులతో మనమే ఖూనీ చేయడమే. రాష్ట్రంలో ప్రజాస్వామ్యాన్ని కాపాడుకోవడానికి పోలీసులు, చిన్న స్థాయి ఉద్యోగులు, ప్రజలంతా గట్టిగా తిరగబడాలి. బాధితులపైనే తప్పుడు కేసులునామినేషన్లు వేయకుండా ఆర్వో కార్యాలయాల్లోకే వందల సంఖ్యలో టీడీపీ గూండాలను మారణాయుధాలతో అనుమతిస్తున్నారు. టీడీపీ మూకలను ఆఫీసుల్లో వదిలేసి.. వైఎస్సార్‌సీపీ అభ్యర్థులను కేవలం 1+3 మందిని మాత్రమే లోపలికి అనుమతిస్తున్నారు. ఆర్వో కార్యాలయాల్లోకి ధైర్యంగా వెళ్లిన మా అభ్యర్థుల చేతుల్లోంచి నామినేషన్‌ పత్రాలు లాక్కుని చించేస్తున్నారు. వాళ్లే అరాచకాలు, తప్పులు చేస్తూ.. వైఎస్సార్‌సీపీ నాయకులు, శ్రేణులపైనే తప్పుడు కేసులు బనాయిస్తున్నారు. పులివెందులలో 40 వార్డులకు గాను తొలిరోజు 21 చోట్ల మాత్రమే నామినేషన్లు వేయగలిగాం. మిగిలిన 19 చోట్ల నామినేషన్లే వేయనివ్వలేదు. పులివెందులలో డీఎస్పీ, సీఐలపై హత్యాయత్నం చేశారంటూ మా వారిపై సెక్షన్‌ 307 కింద అక్రమ కేసులు నమోదు చేశారు. ఎఫ్‌ఐఆర్‌లో ‘50 ప్లస్‌ అని. 500 మంది అదర్స్‌’ అని పెట్టి.. నియోజకవర్గంలోని వైఎస్సార్‌సీపీ ముఖ్య నాయకులందరినీ జైలుకు పంపాలని చూస్తున్నారు. జెడ్పీటీసీ, ఎంపీటీసీ ఎన్నికలు పూర్తయ్యేలోపు వైఎస్సార్‌సీపీ తరఫున ఎవరూ లేకుండా అందరినీ అరెస్ట్‌ చేయాలనేదే వీరి కుట్ర. రాష్ట్ర పోలీసులపై నమ్మకం లేదునామినేషన్ల ప్రక్రియను పూర్తిగా ఆన్‌లైన్‌ చేయాలి. లేదా కలెక్టరేట్లు, ఎస్‌ఈసీ ఆఫీసుల్లో సెంట్రలైజ్‌ చేసి స్వీకరించాలి. రాష్ట్ర పోలీసులపై నమ్మకం లేదు. ఎన్నికలను నిష్పక్షపాతంగా నిర్వహించడానికి పారా మిలిటరీ, కేంద్ర బలగాలను రప్పించాలి. పోలింగ్‌ బూత్‌ల లోపల, బయట సీసీ కెమెరాలు ఏర్పాటు చేసి లైవ్‌ ఫుటేజీని ప్రజలందరికీ అందుబాటులో ఉంచాలి. బ్యాలెట్‌ బాక్సులు ట్యాంపరింగ్‌ కాకుండా స్ట్రాంగ్‌ రూమ్‌లలో సీసీ కెమెరాలు పెట్టి లైవ్‌ పర్యవేక్షణ కల్పించాలి. కౌంటింగ్‌ హాల్స్‌లో సీసీ కెమెరాలు ఏర్పాటు చేసి, ఫారం–17సి పై ఏజెంట్ల సంతకాలను క్షుణ్ణంగా పరిశీలించాలి. అధికారం చేతిలో ఉందని విర్రవీగితే కుదరదు. దేవుడు చూస్తున్నాడు.. ప్రజలు గమనిస్తున్నారు.. కచ్చితంగా మొట్టికాయలు వేస్తారు. ఈరోజు వాళ్ల సమయం కాబట్టి దాడులు చేస్తున్నారు. వచ్చే ఎన్నికల్లో ప్రజలు చంద్రబాబును సింగిల్‌ డిజిట్‌కే పరిమితం చేస్తారు. 2029లో వైఎస్సార్‌సీపీ అధికారంలోకి వస్తుంది’ అని వైఎస్‌ జగన్‌ చెప్పారు. వైఎస్‌ జగన్‌తో పాటు గవర్నర్‌ను కలిసిన వారిలో వైఎస్సార్‌సీపీ పార్లమెంటరీ పార్టీ నేత వైవీ సుబ్బారెడ్డి, శాసన మండలి డిప్యూటి ఛైర్మన్‌ తూమాటి మాధవరావు, ఎమ్మెల్సీలు తలశిల రఘురామ్, లేళ్ల అప్పిరెడ్డి, కల్పలత రెడ్డి, రుహుల్లా, డాక్టర్‌ మధుసూదన్, మాజీ ఎంపీ ఆళ్ల అయోధ్యరావిురెడ్డి, మాజీ మంత్రి వెలంపల్లి శ్రీనివాస్, మాజీ ఎమ్మెల్యే మల్లాది విష్ణు, పార్టీ ఎన్టీఆర్‌ జిల్లా అధ్యక్షుడు దేవినేని అవినాష్‌ తదితరులు ఉన్నారు. ⇒ ఎంపీ మిథున్‌రెడ్డి కాన్వాయ్‌పై దాడికి సంబంధించిన ఫొటోలను గవర్నర్‌కు చూపించాం. బాధ్యతాయుతమైన హైకోర్టు సైతం ఈ దారుణాలపై జోక్యం చేసుకోకుండా చూసీచూడనట్లు వదిలేయడం అత్యంత బాధాకరం. ప్రజాస్వామ్యం ఇంత దారుణంగా దిగజారిపోయి న్యాయం జరగనప్పుడే సమాజంలో నక్సలిజం పుడుతుంది. కాక్రోచ్‌లు వస్తాయి. ఎన్నికల అరాచకాలపై సుప్రీంకోర్టును ఆశ్రయిస్తాం. న్యాయస్థానంలో కచ్చితంగా పిటిషన్లు దాఖలు చేస్తాం. – వైఎస్సార్‌సీపీ అధ్యక్షుడు వైఎస్‌ జగన్‌గవర్నర్‌కు పూర్తిగా వివరించాంఎంపీ మిథున్‌ రెడ్డి, ఎంపీ గురుమూర్తి, ఎంపీ అవినాష్‌ రెడ్డిలపై జరిగిన దాడులు, దౌర్జన్యాల వివరాలను గవర్నర్‌ దృష్టికి తీసుకెళ్లాం. సీఆర్‌పీఎఫ్‌ బలగాల సమక్షంలోనే ఎంపీ మిథున్‌రెడ్డి కాన్వాయ్‌పై దాడి చేసి కార్లను బోల్తా కొట్టించారు. బోల్తా పడిన కారులో మద్యం సీసాలు నిటారుగా నిలబడేలా పెట్టి పోలీసులు తప్పుడు సాక్ష్యాలు సృష్టించిన ఫొటోలను గవర్నర్‌కు చూపించాం. బాధ్యతాయుతమైన హైకోర్టు సైతం ఈ దారుణాలపై జోక్యం చేసుకోకుండా చూసీచూడనట్లు వదిలేయడం అత్యంత బాధాకరం. ప్రజాస్వామ్యం ఇంత దారుణంగా దిగజారిపోయి న్యాయం జరగనప్పుడే సమాజంలో నక్సలిజం పుడుతుంది. కాక్రోచ్‌లు వస్తాయి. ఎన్నికల అరాచకాలపై సుప్రీంకోర్టును ఆశ్రయిస్తాం. కచ్చితంగా పిటిషన్లు దాఖలు చేస్తాం.

సాక్షి, అమరావతి: ‘‘చంద్రబాబు సాగిస్తున్న ఈ అప్రజాస్వామిక పాలన, ఈ మోసపూరిత, అబద్ధాల పాలన ఎంతో కాలం నిలబడదు. చూస్తుండగానే దాదాపు మూడేళ్లు. కళ్లు మూసుకుని తెరిచేలోగా మరో రెండేళ్లు. కానీ, ఇప్పుడు చంద్రబాబు నాటే ఈ విష విత్తనాలు రేపొద్దున చెట్లు అవుతాయి. ఎవరెవరైతే ఇప్పుడు తప్పు చేస్తున్నారో.. అన్నీ పక్కా సాక్ష్యాలున్నాయి కాబట్టి, చట్టం ముందర వాళ్లందరినీ దోషులుగా నిలబెట్టే పరిస్థితి త్వరలోనే వస్తుంది.’’అని మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌ మోహన్‌రెడ్డి పేర్కొన్నారు. తాడేపల్లిలోని వైఎస్సార్‌సీపీ కేంద్ర కార్యాలయంలో ఆదివారం వైఎస్‌ జగన్‌ మీడియాతో మాట్లాడారు. ‘‘ఏదో ఇప్పుడు మేము చేసేస్తున్నాం కదా అని అనుకుంటున్నారేమో. ప్రతి అధికారికీ నేను చెబుతున్నా. అన్యాయం చేసిన ప్రతి అధికారికీ చెబుతున్నా. అన్యాయం చేస్తున్న ప్రతి వెన్నుపోటు పార్టీ నాయకుడికి చెబుతున్నా. టైమ్‌ మీది నడుస్తుండవచ్చు. కానీ మా టైమ్‌ కూడా వస్తుంది. మా టైమ్‌ వచి్చనప్పుడు మీరు చేసిన ఈ అక్రమాలే మీకు తిరిగి చుట్టుకుంటాయి.’’ అని జగన్‌ హెచ్చరించారు. మీడియాతో మాట్లాడుతూ వైఎస్‌ జగన్‌ ఇంకా ఏమన్నారంటే.. తప్పు చేసిన ప్రతి ఒక్కరికీ శిక్ష పడేటట్లు చేస్తాం ‘ప్రజాస్వామ్యాన్ని కాపాడే బాధ్యత గనుక ముఖ్యమంత్రులుగా ఉన్న వ్యక్తులు తీసుకోకపోతే వ్యవస్థ కుప్పకూలిపోతుంది. మా పార్టీ అధికారంలోకి వచ్చిన తర్వాత మా కార్యకర్తలు నేను చెప్పినా వినరు. మీరు చేసే ఈ తప్పుడు పనులను గుర్తు పెట్టుకోమని చంద్రబాబుని హెచ్చరిస్తున్నా. తప్పుడు సాంప్రదాయాలను, తప్పుడు పద్ధతులను ప్రోత్సహించకండి అని గట్టిగా హెచ్చరిస్తున్నాను. తప్పు చేసిన ప్రతి ఒక్కరూ చట్టం ముందు నిలబడతారు. తప్పు చేసిన ప్రతి ఒక్కరూ కూడా ఎక్కడ ఉన్నా పిలిపించి శిక్ష పడేటట్లు చేస్తాం. ఇది మాత్రం నేను గట్టిగా చెప్తా ఉన్నా. ఇప్పటికైనా సర్దుకోండి. ఇప్పటికైనా న్యాయం, ధర్మం వైపు గట్టిగా నిలబడమని చెబుతున్నా. ఎస్‌ఈసీకి మరీ ముఖ్యంగా చెప్తున్నా. చంద్రబాబునాయుడు కాదు మీకు పదవి ఇచ్చింది. ఎస్‌ఈసీ అన్న వ్యవస్థకు ఒక గౌరవం ఉంది. ఆ గౌరవాన్ని కాపాడే కార్యక్రమం ఎస్‌ఈసీ చేయకపోతే, ఆ వ్యవస్థ మీదే ప్రజలకు నమ్మకం పోతుంది. పోలీసులందరికీ నేను చెబుతున్నా. చంద్రబాబు కాదు మీకు జీతాలు ఇచ్చేది. మీ నెత్తిన ఉన్న ముూడు సింహాలు ఆయనకు శాల్యూట్‌ చేయడానికి కాదు. రాజ్యాంగానికి, ప్రజాస్వామ్యానికి శాల్యూట్‌ చేయడానికి. అందుకే ప్రతి పోలీసుకూ చెబుతున్నా. ఇలాంటి అక్రమాలు, తప్పులు చేయకండి. ఇది ఆరంభం మాత్రమే నామినేషన్లు వేసిన ప్రతిచోటా వైఎస్సార్‌సీపీ పోరాటం చేస్తుంది. ప్రజల తరఫున గట్టిగా నిలబడే కార్యక్రమం కూడా చేస్తుంది. ఈ ఎన్నికల్లో ఇది కేవలం ఆరంభం మాత్రమే. 2029 జనరల్‌ ఎలక్షన్స్‌ అన్నది ఫినిషింగ్‌ లైన్‌. మీరు చేసే ప్రతి తప్పు ఆ ఫినిషింగ్‌ లైన్‌లో మాకు ఇంకా విజయానికి దగ్గరగా తీసుకెళ్లేలా చేస్తుంది. మా కార్యకర్తల్లో ప్రతి ఒక్కరిలోనూ కసి పెరుగుతుంది. ఆ కసి చంద్రబాబు ప్రభుత్వాన్ని రేపు పొద్దున గద్దె దించడంలో ముఖ్య పాత్ర పోషిస్తుంది అని గట్టిగా చెబుతున్నా. ప్రజల సమక్షంలో ప్రజలకు మంచి చేసి, ప్రజల ఓట్లు అడగాలే తప్ప, ప్రజలను భయపెట్టి, అబద్ధాలతోనూ, మోసాలతోనూ ఈ మాదిరిగా అధికారాన్ని చెలాయించడం అన్నది ధర్మం కాదని మరొకసారి గట్టిగా మీ అందరి ద్వారా చంద్రబాబుకు తెలియజేస్తున్నా.వారందరికీ నా శాల్యూట్‌... హ్యాట్సాఫ్‌ నేను ఇవాళ ఒకటే మాట చెబుతున్నాను. నామినేషన్ల గడువు (మ. 3 గం.) ముగిసే వరకు మేము పోరాడుతూనే ఉంటాం. ప్రజాస్వామ్యా­న్ని కాపాడాల్సిన పరిస్థితుల్లో.. సాక్షాత్తు ప్రభుత్వం, ఎస్‌ఈసీ, పోలీసులు అన్ని వ్యవస్థలు ఒక్కటై అధర్మాన్ని నిలబెట్టడానికి ప్రయత్నం చేస్తుంటే.. ప్రజల తరఫున, ప్రజల గొంతుకై వైఎస్సార్‌సీపీ అండగా ఉంటుంది. ప్రజలు, పార్టీ కార్యకర్తలకు ఎప్పుడూ అండగా నిలబడుతుంది. ఈ ఎన్నికల్లో వైఎస్సార్‌సీపీ ప్రజాస్వామ్యబద్ధంగా, గట్టిగా చంద్రబాబు వెన్నుపోటు పార్టీని ఎదుర్కొనే కార్యక్రమం చేస్తుంది. ఇంతవరకు ఇన్ని కష్టాలను ఓర్చి నిలబడ్డ ప్రతి వైఎస్సార్‌సీపీ కార్యకర్తకు, చంద్రబాబు తుపాకీ తూటాలకు వెరవకుండా, పోలీసుల లాఠీలకు భయపడకుండా, చంద్రబాబు గూండాల దాడికి బెదరకుండా, వెన్ను చూపకుండా ఎదురొడ్డి నిలిచిన ప్రతి వైఎస్సార్‌సీపీ కార్యకర్తకు, ప్రతి ప్రజాస్వామ్యవాదికి శాల్యూట్‌ చేస్తున్నాను. హ్యాట్సాఫ్‌ చెబుతున్నాను.వ్యవస్థల్లో మార్పు రావాలి2024 ఎన్నికల్లోనూ ఫలితాలు తారుమారయ్యాయి. దాన్ని నేను ఆనాడే ప్రస్తావించాను. కోర్టులకూ కొందరు వెళ్లారు. కానీ వ్యవస్థలో మార్పులు రానంత కాలం మనం ఏమీ చేయలేం. ఎస్‌ఈసీ, సీఈసీని అధికార పార్టీ నామినేట్‌ చేయడం సరికాదు. ఇంతకు ముందు కేంద్రంలో ఇలా అధికార పార్టీనే నామినేట్‌ చేసే ప్రక్రియకు వైఎస్సార్‌సీపీ అప్పట్లో మద్దతిచి్చంది. అందుకు ఇప్పుడు పశ్చాత్తాప పడుతున్నాం. ఎందుకంటే ఇలా అధికారంలో ఉన్న ప్రభుత్వమే ఎస్‌ఈసీ, సీఈసీలను నియమిస్తే అది విద్యార్థులే ఎగ్జామినర్‌ను నియమించినట్లుగా ఉంటుంది.సీఈసీ, ఎస్‌ఈసీ నియామక విధానం మారాలిసీఈసీ ఎంపిక విధానం ఇప్పుడున్నది సరికాదు. ఆ మేరకు సీఈసీ. ఎస్‌ఈసీ నియామకాల్లో మార్పులు రావాలి. అందుకు ఒక న్యూట్రల్‌ బాడీ మళ్ళీ రావాలి. లీడర్‌ ఆఫ్‌ ది అపోజిషన్, సీజేఐ (సుప్రీంకోర్టు ప్రధాన న్యాయమూర్తి), ప్రధాని ముగ్గురూ కలిసి ఓటు హక్కు వినియోగించి ఎన్నుకోవాలి. అప్పుడు సీజేఐ ఆ కమిటీలో ఉంటారు కాబట్టి అది ఒక న్యూట్రల్‌ బాడీ కింద కనిపిస్తుంది. అలాగే రాష్ట్ర ఎన్నికల కమిషన్‌లో కూడా అదే సంస్కరణ రావాలి. ఎస్‌ఈసీని సీఎం లేదా అధికార పార్టీ నియమించకూడదు. ఇక్కడా న్యూట్రల్‌ వ్యవస్థ రావాలి. అంటే లీడర్‌ ఆఫ్‌ ది అపోజిషన్, హైకోర్టు చీఫ్‌ జస్టిస్, ముఖ్యమంత్రి ముగ్గురూ కలిసి అపాయింట్‌ చేసే పరిస్థితి రావాలి. ఈ మార్పులు వస్తే.. ఎన్నికల వ్యవస్థపై ప్రజల్లో విశ్వాసం పెరుగుతుంది అని మాజీ ముఖ్యమంత్రి వైఎస్‌ జగన్‌మోహన్‌రెడ్డి స్పష్టం చేశారు.

రిటర్నింగ్ అధికారులే నామినేషన్ పత్రాలు తీసుకోవడం లేదంటే.. దాడులకు వాళ్లే అవకాశాలు కల్పిస్తున్నారంటే.. దానికి పోలీసులు కాపలా కాస్తున్నారంటే.. ఇవన్నీ రాష్ట్ర ఎన్నికల కమిషన్ కి తెలిసినా స్పందించడం లేదంటే.. డీజీపీ, హోం సెక్రటరీ ఇద్దరూ నిద్ర పోతున్నారంటే.. ఇక రాష్ట్రంలో రాజ్యాంగం ఉన్నట్టా, లేనట్టా?రాష్ట్రంలో స్థానిక ఎన్నికలు ఎంత కుట్రపూరితంగా జరుగుతున్నాయనేది చూస్తే.. అడ్డగోలుగా వార్డులు విభజించారు. ఇష్టానుసారం రిజర్వేషన్లు ఖరారు చేశారు. అవి వెల్లడించిన రెండో రోజే ఎన్నికల షెడ్యూల్ ప్రకటించారు. ఆ వెంటనే నామినేషన్ల స్వీకరణ. అందుకు కేవలం మూడు రోజులు మాత్రమే ఇచ్చారు. అభ్యర్థులను వెతుక్కోవాలి. అధికార పార్టీకి రిజర్వేషన్ల గురించి ముందే తెలుసు కాబట్టి, ముందే సిద్ధమయ్యారు. ప్రతిపక్షానికి ఆ అవకాశం లేదు. అయినా విపక్షం సిద్ధమైతే, నామినేషన్లు వేయనీయ లేదు.సాక్షి, అమరావతి: ‘రెండున్నరేళ్లుగా రాష్ట్రంలో అధర్మ చరిత్ర, రక్తచరిత్ర రాస్తున్న ముఖ్యమంత్రి చంద్రబాబు స్థానిక ఎన్నికల్లో ఓటమి భయంతోనే యథేచ్ఛగా అరాచకాలు సాగిస్తున్నాడు.. దురాగతాలకు పాల్పడుతున్నాడు.’’ అని మాజీ ముఖ్య మంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి తీవ్ర స్థాయిలో ధ్వజమెత్తారు. ‘స్థానిక ఎన్నికల నిర్ణయం నుంచే కుట్రలు మొదలయ్యాయి. ఏకపక్షంగా వార్డుల విభజన, రిజర్వేషన్లు ఖరారు చేశారు. నామినేషన్ల పర్వంలో మూడ్రోజులు యథేచ్చగా అరాచకాలు, దౌర్జన్యాలకు పాల్పడ్డారు. వైఎస్సార్‌సీపీ అభ్యర్థులు, నామినేషన్లు వేయనీయకుండా అడ్డుకున్నారు. నామినేషన్‌ పత్రాలు చించేశారు. అభ్యర్థులపై అక్రమంగా కేసులు, అరెస్టులు, బైండోవర్లతో పోలీసులు భయపెట్టారు. అడ్డుకోవాల్సిన పోలీసులు, ఎన్నికల అధికారులు ప్రేక్షక పాత్ర వహిస్తూ అధికార పార్టీకి తొత్తులుగా వ్యవహరించారు. వైఎస్సార్‌సీపీ లోక్‌సభ పక్ష నేత పీవీ మిథున్‌రెడ్డిపై పుంగనూరులో హత్యాయత్నం. పులివెందులలో పోలీసుల బాష్పవాయు ప్రయోగం. గాలిలోకి కాల్పులు. నారాసుర రక్తచరిత్రకు నిలువెత్తు నిదర్శనంగా నిలిచింది’ అని జగన్‌మోహన్‌రెడ్డి పేర్కొన్నారు. ఎస్‌ఈసీ ఇకనైనా తమ పద్ధతి మార్చుకోవాలి.. ప్రజాస్వామ్య విలువలు కాపాడాలి.. ఏకపక్ష వైఖరి సరికాదంటూ హితవు పలికారు. ‘ఈ వ్యవస్థల్లో మార్పులు రావాలి.. సీఈసీ. ఎస్‌ఈసీ ఎంపిక విధానం మారాలి. ఏకపక్షనియామకాలు జరగకూడదు. సీజేఐ(సుప్రీం కోర్టు ప్రధాన న్యాయమూర్తి) విపక్షనేత, ప్ర«ధాని కలిసి సీఈసీని నియమించాలి. హైకోర్టు సీజే, సీఎం, విపక్షనేత కలిసి ఎస్‌ఈసీని నిర్ణయించాలి..అప్పుడే ఎన్నికల ప్రక్రియ నిష్పక్షపాతంగా జరుగుతుంది. ఈ వ్యవస్థపై ప్రజల్లో నమ్మకం పెరుగుతుంది’ అని వైఎస్‌ జగన్‌ స్పష్టం చేశా­రు. తాడేపల్లిలోని వైఎస్సార్‌సీపీ కేంద్ర కార్యాలయంలో ఆదివారం వైఎస్‌ జగన్‌ మీడియాతో మాట్లాడారు. పురపాలక ఎన్నికల నామినేషన్లపర్వంలో శుక్రవారం, శనివారం వెన్నుపోటుపార్టీ సాగించిన దురాగతాలు.. పోలీసుల ఆకృత్యాలు.. ఎస్‌ఈసీ బాధ్యతారాహిత్యాన్ని వీడియోలు, ఆడియోలు.. ఫోటోలు వంటి సాక్ష్యాధారాలతో ఎండగట్టారు. మీడియాతో మాట్లాడుతూ వైఎస్‌ జగన్‌ ఇంకా ఏమన్నారంటే.. రాష్ట్రంలో అధర్మ చరిత్ర, రక్తచరిత్రరాష్ట్రంలో అధర్మ చరిత్ర, రక్తచరిత్ర కొనసాగుతోంది. దాన్ని స్వయంగా సీఎం చంద్రబాబు రాస్తున్నారు. స్థానిక ఎన్నికల్లో ఓటమి భయం పట్టుకున్న సీఎం చంద్రబాబు యథేచ్ఛగా అక్రమాలు, ఉల్లంఘనలు చేస్తున్నారు. స్థానిక ఎన్నికలపై నిర్ణయం తీసుకున్నప్పటి నుంచే కుట్రలు అమలు చేస్తున్నారు. ఆ దిశలోనే ఏకపక్షంగా వార్డుల విభజన. రిజర్వేషన్లు ఖరారు చేశారు. ఆ తర్వాత ఒకేరోజులో ఎన్నికల షెడ్యూల్‌ ప్రకటించారు. నామినేషన్లకు కేవలం మూడు రోజులే గడువు ఇచ్చారు. నామినేషన్ల పర్వంలో వరసగా మూడ్రోజులుగా అరాచకాలకు పాల్పడ్డారు. వైఎస్సార్‌సీపీ అభ్యర్థులే లక్ష్యంగా దాడులకు తెగబడ్డారు. నామినేషన్లు వేయకుండా అడ్డుకుంటున్నారు. అభ్యర్థులపై అక్రమంగా కేసులు పెట్టి, అరెస్టు చేస్తున్న పోలీసులు.. బైండోవర్లతోనూ భయపెట్టాలని చూస్తున్నారు. అయితే ఎక్కడా వెనక్కి తగ్గబోమని, గట్టిగా నిలబడతామని, ప్రజల పక్షాన నిలబడతామని, వారికి అండగా ఉంటామని చెబుతున్నాం.ప్రజాస్వామ్యంలోనే ఉన్నామా? అసలు మనం ప్రజాస్వామ్యంలోనే ఉన్నామా? లేదా? అన్న అనుమానం కలుగుతోంది. రాజ్యాంగబద్ధమైన పాలనలో ఉన్నామా? అనిపిస్తోంది. చట్టం, న్యాయం ఎక్కడైనా మచ్చుకు కనిపిస్తుందా? ఎన్నికల్లో నామినేషన్లు వేయడానికి మేము సిద్ధంగా ఉన్నామని చెప్పి, నామినేషన్‌ కేంద్రాలకు వెళ్తే, వాటిని వేయనీయకుండా అడ్డు తగలడం, టీడీపీ మూకలు ముందుగానే అక్కడే ఉండడం, పోలీసులు వారికి సహకరించడం, చివరకు అధికారులు కూడా నామినేషన్‌ పత్రాలు తీసుకోవడానికి నిరాకరించడం.. గతంలో ఎప్పుడూ చూడలేదు. ఇది కేవలం వెన్నుపోటు పార్టీ నాయకుడు, గొడ్డళ్లు సరఫరా చేసే నాయకుడు చంద్రబాబు హయాంలో మాత్రమే సాధ్యం. అలా ఆయన రాష్ట్ర వ్యాప్తంగా ఈ అధర్మ చరిత్ర, రక్త చరిత్ర రాస్తున్నాడు. కనీసం నామినేషన్‌ వేయడానికి కూడా అనుకూల పరిస్థితి లేకపోతే, అసలు నామినేషన్లు వేయకుండా అడ్డు తగిలితే, ప్రభుత్వమే స్వయంగా దీన్ని ప్రోత్సహిస్తే.. ఎస్‌ఈసీ (రాష్ట్ర ఎన్నికల కమిషన్‌) అనేది కేవలం చంద్రబాబుగారి ఎక్స్‌టెన్షన్‌ గవర్నమెంట్‌ సంస్థగా ఉంటే, అసలు ప్రజాస్వామ్యమనేది ఉంటుందా?స్థానిక ఎన్నికల ప్రక్రియ అంతా కుట్రపూరితంరాష్ట్రంలో ఇప్పుడు స్థానిక ఎన్నికలు ఎంత కుట్రపూరితంగా జరుగుతున్నాయనేది చూస్తే.. అడ్డగోలుగా వార్డులు విభజించారు. ఇష్టానుసారం రిజర్వేషన్లు ఖరారు చేశారు. అవి వెల్లడించిన రెండో రోజే ఎన్నికల షెడ్యూల్‌ ప్రకటించారు. ఆ వెంటనే నామినేషన్ల స్వీకరణ. అందుకు కేవలం మూడు రోజులు మాత్రమే ఇచ్చారు. అభ్యర్థులను వెతుక్కోవాలి. అధికార పార్టీకి రిజర్వేషన్ల గురించి ముందే తెలుసు కాబట్టి, ముందే సిద్ధమయ్యారు. ప్రతిపక్షానికి ఆ అవకాశం లేదు. అయినా విపక్షం సిద్ధమైతే, నామినేషన్లు వేయనీయ లేదు. ఈ సందర్భంగా చంద్రబాబుని సూటిగా ఒకటే అడుగుతున్నాను. మీకు నిజంగా ప్రజల మద్దతు ఉందని భావిస్తే, నామినేషన్లు ఎందుకు వేయనీయడం లేదు? ఎందుకు హత్యాయత్నాలు చేస్తున్నారు? పోలీసులతో అభ్యర్థులను ఎందుకు ఎత్తుకెళ్తున్నారు? ఎందుకు దొంగ కేసులు పెడుతున్నారు? ఎందుకు మా పార్టీ వారిపై దాడి చేస్తున్నారు? నామినేషన్లు వేయడానికి అభ్యర్థులు వెళ్తే, వారికి తోడుగా నిలబడి సహకరించాల్సింది పోయి, పోలీసులు వారిపై కాల్పులు జరపడం, లాఠీఛార్జ్‌ చేయడం ఏమిటి? ఇలాంటి ఘటనలు గతంలో ఎప్పుడైనా చూశామా? అధికారులు ప్రతిపక్ష పార్టీ అభ్యర్థుల నామినేషన్లు తీసుకోకపోవడం.. అందరి సమక్షంలో నామినేషన్‌ పత్రాలు లాక్కోవడం.. చించేయడం గతంలో ఏనాడైనా జరిగిందా? అసలు స్థానిక ఎన్నికలపై నిర్ణయం తీసుకున్నప్పటి నుంచే, చంద్రబాబు కుట్రలు మొదలయ్యాయి. ఓటర్ల జాబితా సమగ్ర సవరణ (సర్‌) ద్వారా రాష్ట్రంలో 46 లక్షలకు పైగా దొంగ ఓట్లు ఉన్నాయని తేల్చారు. ఓటర్ల తుది జాబితా వస్తుందని తెలుసు. అయినా అది రాక ముందే, చెల్లని ఆ ఓట్లతో ఎన్నికలకు పోవడంతోనే కుట్ర మొదలైంది.ఇష్టానుసారంగా మార్పులు.. చేర్పులుఇష్టానుసారంగా డివిజన్లు విభజించారు. విశాఖపట్నం చూస్తే కొన్ని వార్డుల్లో కేవలం 5 వేల ఓట్లు ఉంటే, మరి కొన్నింటిలో 30 వేల ఓట్లు ఉన్నాయి. పూర్తిగా వారికి అనుకూలంగా డివిజన్లలో మార్పులు, చేర్పులు చేశారు. వైఎస్సార్‌సీపీ ఓటర్లు ఎక్కువగా ఉన్న వార్డులను చీల్చారు. ఓటరు ఉన్న చోట ఉన్న పోలింగ్‌ కేంద్రంలో కాక మరో కేంద్రానికి ఆ ఓటు మార్చారు. దూరంగా ఉండే ఇంకొక పోలింగ్‌ కేంద్రానికి వెళ్లేటట్టుగా చేశారు. ఇష్టానుసారంగా వాళ్లకు అనుకూలంగా రిజర్వేషన్‌ తీసుకొచ్చారు. వాళ్ళకి కావాల్సిన చోట వాళ్ళకి కావాల్సిన విధంగా రిజర్వేషన్‌ ఖరారు చేసుకున్నారు.టెంటు సామాన్లు సరఫరా చేసినట్టుగా అభ్యర్థుల సరఫరా..ఈ స్థాయిలో అధికార దుర్వినియోగం చేసినా కూడా ఎన్నికలను సజావుగా నిర్వహించే ధైర్యం చంద్రబాబుకు లేదు. అందుకే పోలీసులను అడ్డు పెట్టుకొని బైండోవర్‌ పేరుతో అభ్యర్థులను పిలుస్తున్నారు. దొంగ కేసులు పెడతామని బెదిరిస్తున్నారు. ఇంకా ఈ ఎన్నికల్లో కూడా మూడు పార్టీలు కలిసి పోటీ చేస్తున్న నేపథ్యంలో తన భాగస్వామ్య పార్టీలకు చంద్రబాబే తన పార్టీ నుంచి టెంట్‌ సామాన్లు సరఫరా చేసినట్టుగా, తన పార్టీకి చెందిన వారిని ఆ పార్టీలోకి పంపి, అక్కడ వారి పేరుతో టికెట్లు ఇప్పించే కార్యక్రమం చేస్తున్నారు. ఎన్నికలు సజా­వుగా జరిగితే, గెలుస్తామన్న ధైర్యం చంద్రబాబుకు లేదు. అందుకే చంద్రబాబు నారా­సుర రక్త చరిత్ర రాస్తూ స్థానిక ఎన్నికల్లో గతంలో ఎప్పుడూ లేని విధంగా ప్రభుత్వమే హింసకు పాల్పడేలా చేస్తున్నారు. ఎలాగైనా ఈ ఎన్నికల్లో గెల్చేందుకు అక్రమాలు, కుట్ర­లకు తెగబడుతున్నాడు. సాధారణంగా ఏ పోలీస్‌ అధికారినైనా రెండేళ్ల తర్వాత బదిలీ చేస్తారు. కానీ, కొందరిని చంద్రబాబు ఏళ్ల తరబడి అలాగే కొనసాగిస్తున్నాడు. అలా పైస్థాయి నుంచి కింది వరకు ఒక సిండికేట్‌గా వారిని తయారు చేశాడు. ఇసుక మొదలు మద్యం వరకు అంతా మాఫియాయే. ప్రతి చోటా దోపిడీ. చినబాబుకు ఇంత. పెదబాబుకు ఇంత. ఎమ్మెల్యేకు ఇంత అని దోచుకుంటున్నారు. చివరకు ఎన్నికలప్పుడు కూడా వారినే కొనసాగించి, మాఫియా రాజ్యం ఏలుతున్నారు.వందలాది మంది మారణాయుధాలతో గుమిగూడినా పట్టించుకోరా?రాష్ట్రంలో పోలీస్‌ వ్యవస్థ పూర్తిగా గాడి తప్పింది. నామినేషన్‌ సెంటర్‌ దగ్గర వందలాది వెన్నుపోటు పార్టీ గూండాలు మారణాయుధాలతో గుమిగూడినా పోలీసులు ఏమి చేయడం లేదు. అస్సలు పట్టించుకోరు. ఇదంతా కళ్ళ ముందే కనిపిస్తోంది. నామినేషన్‌ వేసేటప్పుడు ఆ సెంటర్‌లోకి అభ్యర్థితో సహా, కేవలం నలుగురికి మాత్రమే అనుమతి ఇస్తారు. కానీ, ఆ నామినేషన్‌ సెంటర్లలో వెన్నుపోటు పార్టీ వారు వందల మంది మారణాయుధాలతో గుమి గూడుతున్నా పోలీసులు పట్టించుకోవడం లేదు. మరోవైపు నిబంధనల ప్రకారం మా పార్టీ వారు నలుగురితో వెళ్ళినా పోలీసులు ఒప్పుకోవడం లేదు. తీరా కష్టపడి నామినేషన్‌ సెంటర్‌కు వెళ్తే వెంటనే వెన్నుపోటు పార్టీ వాళ్ళు మా వాళ్ళ మీద పడి దాడులు చేసి నామినేషన్‌ పత్రాలను లాక్కుంటున్నా­రు. చించేస్తున్నారు. ఇవన్నీ పోలీసుల సమక్షంలోనే జరుగుతున్నా పోలీసులు ఏమీ చేయరు. పైగా వారికి సహకరిస్తారు. ఎలాగోలా రిటర్నింగ్‌ ఆఫీసర్‌ (ఆర్‌ఓ) రూమ్‌ వరకు వెళ్లి నామినేషన్‌ పత్రాలు ఇస్తే అక్కడకు కూడా వెన్నుపోటు పార్టీ రౌడీలు వెళ్ళిపోయి అధికారుల చేతుల్లో నుంచి ఆ పత్రాలు లాగేసుకుంటున్నా పోలీసులు మాత్రం మాట్లాడరు.డీజీపీ, హోం సెక్రటరీ నిద్రపోతున్నారుచంద్రబాబును సూటిగా అడుగుతున్నా. మా పార్టీ అభ్యర్థులు నామినేషన్‌ వేయడానికి వెళ్తే, పోలీసులు ఫైర్‌ చేయడం ఏమిటి? మా అభ్యర్థులకు రక్షణ కల్పించాల్సిన పోలీసులు, అలా వ్యవహరించడం ఏమిటి? నామినేషన్‌ వేయడానికి వెళ్లిన అభ్యర్థులపై పోలీసులు లాఠీఛార్జ్‌ చేయడం. ఫైర్‌ చేయడం గతంలో ఎక్కడైనా ఇలా చూశామా? ఏకంగా రిటర్నింగ్‌ ఆఫీసర్‌ (ఆర్‌ఓ)లే నామినేషన్‌ పత్రాలు తీసుకోవడం లేదంటే.. దాడులకు వాళ్లే అవకాశాలు కల్పిస్తున్నారంటే.. దానికి పోలీసులు కాపలా కాస్తున్నారంటే.. ఇవన్నీ రాష్ట్ర ఎన్నికల కమిషన్‌ (ఎస్‌ఈసీ)కి తెలిసినా స్పందించడం లేదంటే.. డీజీపీ, హోం సెక్రటరీ ఇద్దరూ నిద్ర పోతున్నారంటే.. ఇక రాష్ట్రంలో రాజ్యాంగం ఉన్నట్టా, లేనట్టా?. ఒకసారి గమనించమని కోరుతున్నాను.చరిత్రలో ఎవరూ చూడని మార్పులు తీసుకొచ్చాంఅలాంటి ఎస్‌ఈసీ ఉన్నప్పుడు కూడా వైఎస్సార్‌సీపీ ఆ విజయం ఎందుకు సాధించిందంటే, మ్యానిఫెస్టోలో మా పార్టీ చెప్పిన వాటిలో, ఆ ఎన్నికల నాటికే 95 శాతం అమలు చేసింది. రాష్ట్రంలో ఎవరూ చూడని మార్పులు తీసుకొని రాగలిగాం. గ్రామాల్లోనే సచివాలయ వ్యవస్థ. ప్రతి 60–70 ఇళ్లకు ఒక వాలంటీర్‌ వ్యవస్థ. ప్రతి పథకమూ పారదర్శకంగా అమలు. లంచానికి అవకాశం లేకుండా, వివక్షకు తావు లేకుండా ఇంటి గడప వద్దే పథకాలు అందించాం. ఇంకా ఎప్పుడూ ఎవరూ చూడని విధంగా స్కూళ్లు మారాయి. ప్రైవేట్‌ స్కూళ్లు మొట్టమొదటిసారిగా గవర్నమెంట్‌ స్కూళ్లతో పోటీపడే పరిస్థితి వచ్చింది. ఎప్పుడూ చూడని విధంగా వైద్య, విద్య రంగాల్లో మార్పులు. గ్రామాల్లోని విలేజ్‌ క్లినిక్స్, పీహెచ్‌సీల రూపురేఖలు మారాయి. ఫ్యామిలీ డాక్టర్‌ కాన్సెప్ట్‌ వచ్చింది. నాడు–నేడుతో హాస్పిటళ్ల రూపురేఖలు మారాయి. విద్య, వైద్యం, వ్యవసాయం. పారదర్శక ప్రభుత్వం. పాలనలో పూర్తి పారదర్శకత. అలా ఎవరూ చూడని విధంగా మార్పులు జరిగాయి. కాబట్టే వైఎస్సార్‌సీపీకి ఆ రకమైన తీర్పును ప్రజలు ఇచ్చారు. అమ్మ ఒడి మొదలు..ఇళ్ల నిర్మాణం వరకుమరొక వైపు అమ్మఒడి, విద్యాకానుక, రైతు భరోసా, రైతులకు సున్నా వడ్డీ, ఉచిత పంటల బీమా, వైఎస్సార్‌ ఆసరా, చేయూత, కాపునేస్తం, సున్నావడ్డీ, మత్స్యకార భరోసా, వాహనమిత్ర, లా నేస్తం, చేదోడు, తోడు, పెన్షన్‌ కానుక, వైఎస్సార్‌ విద్యా దీవెన, వసతి దీవెన ఇలా చెప్పు కుంటూ పోతే ఎన్నో సంక్షేమ పథకాలు అమలు చేసి చూపించాం. వాటిన్నింటితో పాటు, నా అక్క చెల్లెమ్మలందరికీ ఇళ్లపట్టాలు ఇచ్చి, ఇళ్లు కట్టించి ఇచ్చేకార్యక్రమానికి శ్రీకారం చుట్టాం. చరిత్రలో చూడని విధంగా 31 లక్షల ఇళ్లపట్టాలు ఇచ్చాం, ఎప్పుడూ చూడని విధంగా ఏకంగా 22 లక్షల ఇళ్ల నిర్మాణం చేపట్టాం. కాబట్టే ఆరోజు ఆ ఫలితాలు వచ్చాయి. శాప్‌ ఛైర్మన్‌ బహిరంగంగా మాట్లాడినా!అదే రిటర్నింగ్‌ ఆఫీసర్‌ (ఆర్వో) ఉన్న నామినేషన్‌ కేంద్రం వద్ద.. శాప్‌ ఛైర్మన్‌ రవినాయుడు (డీఎస్సీ స్కామ్‌లో క్రియాశీలక పాత్ర పోషించిన వ్యక్తి) వాహనం ఎక్కి, పోలీసుల మైక్‌ తీసుకుని, దాడులు చేస్తామని మాట్లాడుతున్నా.. పోలీసులు చూస్తూ ఊర్కున్నారు. (అంటూ ఆ వీడియో పీపీటీలో చూపారు)అది నామినేషన్‌ కేంద్రం. అయినా అక్కడ ఆయన అలా రెచ్చగొట్టే ప్రసంగాలు చేసినా, వందల మంది గుమికూడినా పోలీసులు పట్టించుకోలేదు.నాడు చంద్రబాబు మద్దతుదారుడైన నిమ్మగడ్డ నేతృత్వంలో స్థానిక ఎన్నికలుగతంలో మా హయాంలోనూ స్థానిక ఎన్నికలు నిర్వహించాం. అప్పుడు రాష్ట్ర ఎన్నికల కమిషనర్‌ (ఎస్‌ఈసీ) ఎవరో మీ అందరికీ గుర్తుండే ఉంటుంది. అప్పుడు ఎస్‌ఈసీగా ఉన్న నిమ్మగడ్డ రమేష్‌ వెన్నుపోటు పార్టీకి కరుడగట్టిన తీవ్రవాదిలా అత్యంత సానుభూతిపరుడు. 2024 ఎన్నికల్లో మీరు గమనిస్తే ఆయన వెన్నుపోటు పార్టీ కోసం కాళ్లకు బలపం కట్టుకుని మరీ తిరిగాడు. అటువంటి సానుభూతిపరుడు ఎస్‌ఈసీగా ఉండగా, ఆయన ఆధ్వర్యంలో మేము స్థానిక ఎన్నికలు నిర్వహించాము. అప్పుడు ఎన్నికల నోటిఫికేషన్‌ జారీ చేయగానే, మొత్తం అధికారం తన చేతుల్లోకి వచ్చేసిందన్నట్టుగా వరుస పెట్టి చిత్తూరు, గుంటూరు కలెక్టర్లను జీవీఎంసీ కమిషనర్‌ను బదిలీ చేశారు. తిరుపతి ఎస్పీతో పాటు పలమనేరు, శ్రీకాళహస్తి డీఎస్పీలు, మాచర్ల, పుంగనూరు, రాయదుర్గం, తాడిపత్రి సర్కిల్‌ ఇన్‌స్పెక్టర్లను బదిలీ చేశారు. ఇంకా చిత్తూరు జిల్లాలో ఎంపీడీఓలను మూకుమ్మడిగా బదిలీ చేశారు. అలా ఆయన ఆధ్వర్యంలో ఎన్నికలు జరిగినా.. ఆరోజు వైఎస్సార్‌సీపీ గెలుపు చూస్తే..13 మున్సిపల్‌ కార్పొరేషన్లకు 13 వైఎస్సార్‌సీపీ క్లీన్‌ స్వీప్‌ చేసింది. అంటే 100 శాతం విజయఢంకా మోగించింది. ఆ కార్పొరేషన్ల పరిధిలో 724 డివిజన్లు ఉంటే వాటిలో 616 డివిజన్లు వైఎస్సార్‌సీపీ గెలుచుకుంది. అంటే 85% డివిజన్లు. ఇంకా ఎన్నికలు జరిగిన 86 మున్సిపాలిటీల్లో 84 మున్సిపాలిటీలను వైఎస్సార్‌సీపీ గెలుచుకుంది. అంటే 98% మున్సిపాలిటీలు కైవసం చేసుకుంది. మొత్తం 2,397 వార్డుల్లో వైఎస్సార్‌సీపీ 1,939 వార్డులు గెలుచుకుంది, అంటే 81% వార్డులు గెలుచుకుంది. అలా కార్పొరేషన్లు, మున్సిపాలిటీలు కలిపి మొత్తం 99 పట్టణ స్థానిక సంస్థల్లో వైఎస్సార్‌సీపీ 97 స్థానిక సంస్థలను గెలుచుకుంది.నామినేషన్ల పర్వంలో మూడు రోజుల్లో..పుంగనూరులో మొన్న (శుక్రవారం) ఉదయం మా పార్టీకి చెందిన అభ్యర్థులతో కలిసి, మా ఎంపీ నామినేషన్‌ సెంటర్‌కు వెళ్తే, టీడీపీ వాళ్ళు నామినేషన్‌ కేంద్ర పరిధిలోనే దారుణమైన దాడులు చేశారు. మిథున్‌పై హత్యాయత్నం చేశారు. మిథున్‌కు సీఆర్‌ పీఎఫ్‌ సెక్యూరిటీ ఉంది. దీంతో వారు గాలిలో కాల్పులు జరిపారు. ఆ ఘటనలో మిథున్‌ సెక్యూరిటీకి ప్రాణహాని జరిగేంతగా దెబ్బలు తగిలాయి. ఆ తర్వాత ఎలాగోలా ఆర్‌ఓ కేంద్రానికి చేరుకున్న మిధున్‌రెడ్డి, అక్కడ మూడు గంటలు వేచి చూసినా, ఆ అధికారి (ఆర్వో) నామినేషన్‌ తీసుకోవడానికి నిరాకరించారు.(అంటూ పుంగనూరులో జరిగిన దాడి ఘటనల వీడియో పీపీటీలో చూపారు). ఇక్కడ ప్రధానంగా నేను అడుగుతున్నా...1. అంత మంది టీడీపీ గూండాలు మారణాయుధాలతో అక్కడ గుమిగూడడానికి పోలీసులు ఎలా అనుమతించారు?2. కార్లను ధ్వంసం చేసిన తర్వాత వాటిలో మద్యం బాటిళ్లు పెట్టారు. కారు తిరగబడినా, ధ్వంసమైనా మద్యం బాటిళ్లు ఎలా నిటారుగా ఉన్నాయి?3. ఎలాగోలా లోపలికి వెళ్లినా, 3 గంటలు వేచి చూసినా, ఆర్వో నామినేషన్లు ఎందుకు తీసుకోలేదు?4. మిథున్‌ మద్యం సేవించడు. ఆయన కారులో మద్యం బాటిళ్లు పెట్టి దుష్ప్రచారం చేస్తున్నారు. పోలీసులే ఇలా మద్యం బాటిళ్లు పెట్టి, దుష్ప్రచారం చేస్తుంటే ఎలా?మహిళలపైనా దాడి.. చంద్రబాబు సిగ్గుతో తల దించుకోవాలి⇒ అదే పుంగనూరులో వైయస్సార్‌సీపీ పక్షాన నామినేషన్‌ వేయడానికి 9వ వార్డు ఎస్‌ఎం నయాజ్‌ తన భార్యతో కలిసి వెళ్తే, పోలీసుల సమక్షంలోనే ఆయన్ను కొట్టి నామినేషన్‌ పత్రాలు లాక్కున్నారు. అయినా పోలీసులు నియంత్రించలేదు. వారికి సహకరించారు. (అంటూ ఆ వీడియో కూడా చూపారు).⇒ తిరుపతిలో మా పార్టీ మేయర్‌ అభ్యర్థి వాసూ యాదవ్‌. నామినేషన్‌ వేయడానికి వెళ్తే, చంపేస్తామని బెదిరించారు. ఆయన వెంట మా పార్టీ ఎంపీ గురుమూర్తి వెళ్తే, ఆయన్ను కూడా అడ్డుకున్నారు. ఇంకా ఆ పోలీసులే టీడీపీ మూకలు దాడి చేసి, వారి చేతి నుంచి నామినేషన్‌ పత్రాలు లాక్కునేలా చేశారు.(అంటూ ఆ వీడియో కూడా చూపారు. అందులో ఎంపీ ఎం.గురుమూర్తి వీడియో వాయిస్‌ కూడా ఉంది).⇒ మళ్లీ మధ్యాహ్నం కూడా గురుమూర్తి వెళ్తే, అప్పుడు కూడా నామినేషన్‌ వేయనీయలేదు. చివరకు ఎస్పీని సెక్యూరిటీ కోరినా, ఎస్పీ పట్టించుకోలేదు. (అంటూ, వైఎస్సార్‌సీపీ అభ్యర్థులు నామినేషన్‌ పత్రాలతో ఎస్పీని వేడుకుంటున్న ఫోటో చూపారు).⇒ పోలీసులు ఎందుకింతగా వాచ్‌మెన్లుగా మారారు? ప్రజల కోసం కాకుండా, చంద్రబాబు వేసే బిస్కట్ల కోసం పని చేస్తున్నారు. తిరుపతిలో మా మేయర్‌ అభ్యర్థి వాసూ యాదవ్, నిన్నటి నుంచి తన అమ్మతో కలిసి కార్పొరేషన్‌ ఎదురుగా కూర్చుని ఆందోళన చేస్తున్నాడు. వర్షంలో తడిసి కూడా ఆ ఆందోళన చేయాల్సిన పరిస్థితి ఏర్పడింది.(అంటూ ఆ వీడియో కూడా చూపారు. అందులో ఆయన తల్లి మాటల వీడియో ప్రదర్శన).⇒ మరోవైపు కడప కార్పొరేషన్‌. ఐదు నామినేషన్‌ సెంటర్లు కూడా పోలీసుల సహకారంతో టీడీపీ గూండాలు కబ్జా చేశారు. నామినేషన్‌ వేయడానికి వెళ్తే దాడులు చేశారు. కత్తులతో పొడిచారు. మాజీ కార్పొరేటర్‌ కుమారుడు మురాద్‌ను అలా కత్తితో పొడిచారు. (అంటూ ఆ వీడియో కూడా పీపీటీలో చూపారు) ప్రజాస్వామ్యంలో ఉన్నామా లేదా అనేది అందరూ చూడాలి.మహిళలనూ వదల్లేదునామినేషన్‌ వేయడానికి వచ్చిన అభ్యర్థులపై పోలీసుల సమక్షంలోనే దాడులు చేశారు. చివరకు మహిళలను కూడా వదల్లేదు. మాజీ డిప్యూటీ మేయర్‌. తన మరదలు నామినేషన్‌ వేయడానికి తీసుకెళ్తే, ఆయన్ను కత్తితో పొడిచారు. నామినేషన్‌ వేయడానికి వస్తే, చంపేస్తామని కడప ఎమ్మెల్యే భర్త శ్రీనివాసులు రెడ్డి బహిరంగంగా బెదిరించాడు. (అంటూ ఆ వీడియో కూడా చూపారు). ఇన్ని జరుగుతుంటే.. ఏం చర్యలు తీసుకున్నారు? ఎస్‌ఈసీ ఏం చేస్తోంది? పోలీసుల సమక్షంలోనే అన్నీ జరుగుతున్నాయి? ఎవరిని అరెస్టు చేశారు? అన్నీ పోలీసులు దగ్గరుండి చేయిస్తున్నారు. బద్వేలులో మా పార్టీ వారు మొన్న వేసిన నామినేషన్లను, నిన్న ఆర్వో ఆఫీసులోకి చొరబడి, వాటిని తీసుకుని చింపేశారు. (అంటూ ఆ వీడియో కూడా చూపారు) ఇది కూడా పోలీసుల సమక్షంలోనే జరిగింది. వారు దగ్గరుండి సహకరించారు. రాజంపేట మున్సిపల్‌ ఛైర్మన్‌ అభ్యర్థి. బీసీ మహిళ. ఆమె నామినేషన్‌ వేసి తిరిగి వస్తుండగా, దారుణంగా ఆమెపై, ఆమె తండ్రిపై దాడి చేశారు. ఎమ్మెల్యే అమర్‌నాథ్‌రెడ్డి ఇంటిపైనా దాడి చేశారు. (అంటూ, ఆ వీడియోలు కూడా చూపారు. మేయర్‌ అభ్యర్థి తండ్రి వీడియో చూపారు). మహిళల మీద కూడా ఇలా దాడి చేయించడానికి చంద్రబాబుకు నిజంగా సిగ్గుందా? ఇదేనా మహిళలకిచ్చే గౌరవం. మహిళలకు ఎప్పుడో కానీ, అవకాశాలు రావు. చంద్రబాబు సిగ్గుతో తలదించు కోవాలి. మరోవైపు దర్శిలో వైయస్సార్‌సీపీ వారిని నామినేషన్లు వేయకుండా అడ్డుకున్నారు. (అంటూ ఆ వీడియో కూడా చూపారు)పులివెందులలో పోలీసులే గూండాలుగా మారారుపులివెందులలో వేరే లెవల్‌. ఇప్పటిదాకా మనం చూసింది.. టీడీపీ గూండాలకి పోలీసులు సహకరించారు. పులివెందుల దగ్గరకు వచ్చేసరికి, పోలీసులే గుండాల్లా మారారు. నిన్న (శనివారం) ఉదయం నుంచే వైయస్సార్‌సీపీ వారు నామినేషన్లు వేయకుండా, టీడీపీ గూండాలను మోహరించారు. వారికి పోలీసుల సహకారం ఇచ్చారు. పరిస్థితిని ఎస్పీ, డీఐజీ దృష్టికి ఎంపీ అవినాష్‌ రెడ్డి వివరిస్తే, మధ్యాహ్నం 1.30 కి వచ్చి, నామినేషన్లు వేసుకోమని చెప్పారు. దాంతో ఆ టైమ్‌కు అవినాష్‌రెడ్డి వెళ్తే, పోలీసులే అడ్డుకున్నారు. లాఠీఛార్జ్‌ చేయడమే కాకుండా, పోలీసులు స్వయంగా ఏకే–47తో గాల్లోకి కాల్పులు జరిపారు. పోలీసులే కార్లు ధ్వంసం చేశారు. పోలీసులే రాళ్లు విసిరారు. (అంటూ ఆ మొత్తం వీడియోలు చూపారు). ఇలా పోలీసులే టీడీపీ గూండాల పాత్ర పోషించారు.రాష్ట్రవ్యాప్తంగా విధ్వంసం.. దాడులే⇒ రాయచోటిలో మా మాజీ ఎమ్మెల్యే శ్రీకాంత్‌రెడ్డి మా పార్టీ ఆఫీస్‌లో ఉండగానే, ఆఫీస్‌కు నిప్పు పెట్టారు. బయట ఉన్న వాహనాల్ని కూడా తగలబెట్టారు. (అంటూ ఆ మొత్తం వీడియోలు కూడా చూపారు) అక్కడ మా పార్టీ ఛైర్మన్‌ అభ్యర్థి జిన్నా షరీఫ్‌పై వరసగా మూడు రోజుల నుంచి దాడి చేస్తున్నారు.⇒ తిరుపతి కార్పొరేషన్‌కు ఒక్క నామినేషన్‌ కూడా పడలేదు. కాసేపటి క్రితం మేయర్‌ అభ్యర్థి అతి కష్టం మీద నామినేషన్‌ వేయగలిగాడు. రాత్రి నుంచి దీని కోసం ఆయన ఆందోళన చేశాడు. కడప కార్పొరేషన్‌లో 66 డివిజన్లు ఉంటే, 10 డివిజన్లలో మాత్రమే నామినేషన్లు పడ్డాయి. పులివెందుల మున్సిపాలిటీలో 40 వార్డులకు 22 వార్డులకు మాత్రమే నామినేషన్లు పడ్డాయి.⇒ మైదుకూరు మున్సిపాలిటీలో 32 వార్డులకు 4 వార్డుల్లో మాత్రమే నామినేషన్లు వేశారు. బద్వేలు మున్సిపాలిటీలో 40 వార్డుల్లో ఇంకా 14 వార్డులకు నామినేషన్‌ వేయాలి. నిజానికి అక్కడ మొన్న (శుక్రవారం) వేసిన నామినేషన్‌ పత్రాలన్నీ చింపేశారు.⇒ కమలాపురం మున్సిపాలిటీలో చైర్మన్‌ సహా ఇప్పటివరకు ఒక్క నామినేషన్‌ వేయలేదు. ఎర్రగుంట్ల మున్సిపాలిటీలో చైర్మన్‌ అభ్యర్థితో సహా, ఇప్పటివరకు ఒక్క నామినేషన్‌ వేయలేదు. జమ్మలమడుగు మున్సిపాలిటీలో 32 వార్డులకు 18 చోట్ల మాత్రమే నామినేషన్లు పడ్డాయి. ఛైర్మన్‌ అభ్యర్థి నామినేషన్‌ వేయలేదు. రాజంపేట మున్సిపాలిటీలో మొత్తం 32 వార్డులకు గాను ఈరోజు 7 వార్డుల్లో మాత్రమే నామినేషన్లు పడ్డాయి. చైర్మన్‌ పదవికి వేసిన నామినేషన్‌ పత్రాలు చించేశారు.⇒ రాయచోటి మున్సిపాలిటీలో చైర్మన్‌ పదవి సహా 44 డివిజన్లకు గాను ఒక్క నామినేషన్‌ కూడా పడలేదు. పుంగనూరు మున్సిపాలిటీలో చైర్మన్‌ సహా 36 వార్డుల్లో ఒక్క చోట కూడా నామినేషన్‌ వేయనీయ లేదు. దర్శి మున్సిపాలిటీలో 28 వార్డులకు మూడు చోట్ల మాత్రమే నామినేషన్‌ వేయగలిగారు. ఛైర్మన్‌ అభ్యర్థి ఇంకా నామినేషన్‌ వేయలేదు.⇒ గురజాల మున్సిపాలిటీలో చైర్మన్‌ సహా ఒక్క వార్డుకు నామినేషన్‌ వేయలేదు. దాచేపల్లి మున్సిపాలిటీలో చైర్మన్‌ స్థానానికి సహా ఒక్క నామినేషన్‌ కూడా వేయలేదు. పిడుగురాళ్లలో చైర్మన్‌ స్థానానికి ఒక్క నామినేషన్‌ కూడా వేయలేదు. అన్నిచోట్ల ఇదే పరిస్థితి.⇒ నిజంగా ఆశ్చర్యం కలిగించే విషయాలు ఇవీ. పల్నాడు జిల్లా దాచేపల్లిలో మా పార్టీ చైర్మన్‌ అభ్యర్థి ఇంట్లో తెలంగాణ లిక్కర్‌ను సాక్షాత్తు పోలీసులే పెట్టి, అక్రమ మద్యం అని చెప్పి ఆయనను అరెస్ట్‌ చేసి జైలుకి పంపించారు. పోలీసులే స్వయంగా పెట్టి ఇదంతా చేశారు.⇒ పిడుగురాళ్లలో కూడా ఇలాగే అభ్యర్థులను పోలీసులే ఎత్తుకెళ్లారు. హైకోర్టు జోక్యం చేసుకుని వారిని విడుదల చేయాల్సిన పరిస్థితి వచ్చింది. గురజాల, పిడుగురాళ్ల, దాచేపల్లి.. మూడు చోట్ల చైర్మన్‌ అభ్యర్థులను పోలీసుల చేత అరెస్ట్‌ చేయించారు. ఎన్నికలు సజావుగా జరిగితే ఓటమి తప్పదన్న భయంతోనే చంద్రబాబు ఇవన్నీ చేయిస్తున్నారు.బాబుకు కరుడుగట్టిన తీవ్రవాది అనిల్‌ చంద్ర పునేఠప్రజాస్వామ్యబద్ధంగా మేము నామినేషన్లు వేస్తామంటే కనీసం నామినేషన్లు తీసుకోలేని పరిస్థితి లేకుండా చేశారు. రాష్ట్ర ఎన్నికల కమిషనర్‌ అనిల్‌చంద్ర పునేఠ ఎవరో తెలుసా మీకు? చంద్రబాబు ఈయనను చీఫ్‌ సెక్రటరీగా పెట్టుకుంటే 2019 ఎన్నికలు జరిగేటప్పుడు కేంద్ర ఎన్నికల సంఘం(సీఈసీ) ముగ్గురు అధికారులను ఎన్నికల విధుల నుంచి తొలగించమని ఈయన్ని ఆదేశించింది. వారిలో ఓ పోలీసు అధికారి ట్రాన్స్‌ఫర్‌ ఆర్డర్‌ను రద్దు చేసి మళ్ళీ పిలిపించుకున్నాడు. దీన్ని అప్పటి కేంద్ర ఎన్నికల సంఘం తప్పు పడితే, అప్పుడు సీఎంగా ఉన్న చంద్రబాబు కోర్టును ఆశ్రయించారు. కోర్టు కూడా దానికి ఒప్పుకోలేదు. దీంతో అప్పుడు సీఈసీ ఆ చీఫ్‌ సెక్రటరీ (అనిల్‌ చంద్ర పునేఠ)ని తొలగించింది. అలాంటి అనిల్‌చంద్ర పునేఠ.. చంద్రబాబుకు సపోర్ట్‌ చేయడంలో అంత కరుడుగట్టిన తీవ్రవాది లాంటి ఈ మనిషి. ఇలాంటి ఆయన్ను, రిటైర్మెంట్‌ తర్వాత చంద్రబాబు తిరిగి ఎస్‌ఈసీగా నియమించుకున్నారు. అలాంటి అధికారి నేతృత్వంలో స్థానిక ఎన్నికలు జరుగుతున్నాయి. అదే ఆరోజు మేము నిమ్మగడ్డ రమేష్‌ వంటి చంద్రబాబు లాయల్‌ అధికారి ఆధ్వర్యంలో స్థానిక ఎన్నికలు నిర్వహిస్తే, ఈరోజు చంద్రబాబు తన విశ్వాసపాత్రుడైన అనిల్‌చంద్ర ఆధ్వర్యంలో ఎన్నికలు జరిపిస్తున్నారు. న్యాయం ఎలా జరుగుతుంది?

విజయవాడ: కూటమి అరాచకాలను ప్రజలు గమనిస్తూనే ఉన్నారని, వ్యవస్థలు ఇలా తయారైనప్పుడే కాక్రోచ్‌లు పుట్టుకొస్తాయని వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు.. ఆదివారం గవర్నర్‌ అబ్దుల్‌ నజీర్‌ను కలిసిన వైఎస్‌ జగన్‌ కూటమి తీరుపై ఫిర్యాదు చేశారు.అనంతరం వైఎస్‌ జగన్‌ మీడియా సమావేశంలో మాట‍్లాడుతూ.. ‘‘రాబోయే ఎన్నికల్లో కూటమికి సింగిల్‌ డిజిట్‌ కూడా రాదు. నామినేషన్ల వ్యవస్థను ఆన్‌లైన్‌ లేదా సెంట్రలైజ్‌ చేయాలని అడిగాం. పారామిలిటరీ దళాలను దించాలని కోరాం. పోలింగ్‌ బూత్‌లు, కౌంటింగ్‌ కేంద్రాలు పెట్టాలని అడిగాం. స్ట్రాంగ్‌ రూమ్‌ల్లో కూడా సీసీ కెమెరాలను పెట్టాలని కోరాం.కూటమిని ప్రజలు, దేవుడు.. సింగిల్‌ డిజిట్‌తో కొడతారు. మన కార్యకర్తలు గట్టిగా నిలబడండి. మన ప్రభుత్వాన్ని తెచ్చుకుందాం. కార్యకర్తలకు నేను ఒకటే చెబుతున్నాను. వాళ్లు కొడతారు.. కొట్టించుకుందాం.. ఎల్లకాలం కూటమి పాలన ఉండదు’’ అని తెలిపారు. ఏపీలో ప్రజాస్వామ్యం దిగజారుతోందని, రాష్ట‍్రంలో పరిస్థితలుపై సుప్రీంకోర్టును ఆశ్రయిస్తామని అన్నారు. కార్యకర్తలు గట్టిగా నిలబడాలని సూచించారు. ఇదీ చదవండి: రాష్ట్రంలో అప్రజాస్వామిక పరిస్థితులు: వైఎస్‌ జగన్‌

తాడేపల్లి : స్థానిక ఎన్నికల నామినేషన్ల ప్రక్రియలో టీడీపీ గూండాలు స్పష్టించిన అరాచకాలను గవర్నర్‌ అబ్దుల్‌ నజీర్‌ దృష్టికి తీసుకెళ్లారు వైఎస్సార్‌సీపీ అధ్యక్షులు, మాజీ సీఎం వైఎస్‌ జగన్‌మోహన్‌రెడ్డి. ఈ మేరకు ఆదివారం సాయంత్రం సమయంలో లోక్‌భవన్‌కు వెళ్లిన వైఎస్‌ జగన్‌.. గవర్నర్‌తో భేటీ అయ్యారు. మూడు రోజులుగా టీడీపీ గూండాలు చేస్తున్న అరాచకాలపై గవర్నర్‌కు వైఎస్‌ జగన్‌ ఫిర్యాదు చేశారు. వైఎస్సార్‌సీపీ అభ్యర్థులను నామినేషన్లు వేయకుండా టీడీపీ గూండాలు అడ్డుకున్న వైనాన్ని గవర్నర్‌కు వివరించారు. ఇప్పటికే రాష్ట్ర ఎస్‌ఈసీని కలిసి ఫిర్యాదు చేసిన వైఎస్‌ జగన్‌.. ఇదే అంశాన్ని గవర్నర్‌కు సైతం వివరించారు. బాబుకు గెలుస్తామనే నమ్మకం లేదు..ఆపై లోక్‌భవన్‌ బయట వైఎస్‌ జగన్‌ మీడియాతో మాట్లాడుతూ.. రాష్ట్రంలో దారుణ పరిస్థితులను గవర్నర్‌కు వివరించామన్నారు. రాష్ట్రంలో అప్రజాస్వామిక పరిస్థితిని గవర్నర్‌ దృష్టికి తీసుకెళ్లామన్నారు. అదే సమయంలో ముఖ్యమంత్రి చంద్రబాబుపై వైఎస్‌ జగన్‌ ధ్వజమెత్తారు. ‘ఒక ముఖ్యమంత్రిగా బాబుకు గెలుస్తామనే నమ్మకం లేదు. ఎన్నికల్లో పోటీ చేస్తే ఓట్లు పడవని బాబు భయపడుతున్నారు. రాష్ట్రంలో 8 మున్సిపాలిటీల్లో నామినేషన్లు పడలేదు. మరో 8 చోట్ల నామినేషన్లు వేసినా చించేశారు.. నామినేషన్ల సమయంలోనే రాష్ట్రంలో పరిస్థితులే ఇలా ఉంటే.. ఎన్నికలు జరిగేటప్పుడు పరిస్థితి ఏంటి?, ఎస్‌ఈసీ పూర్తిగా లాలూచీ పడిన పరిస్థితి, రాజీ పడిన పరిస్థితి కనిపిస్తుంది .మున్సిపాలిటీల్లో పరిస్థితి ఇలా ఉంటే.. జడ్పీటీసీ, ఎంపీటీసీలప్పుడు పరిస్థితి ఏంటి?’ అని ప్రశ్నించారు.కూటమిని ప్రజలు, దేవుడు.. సింగిల్‌ డిజిట్‌తో కొడతారు..‘కూటమి అరాచకాలను ప్రజలు గమనిస్తూనే ఉంటారు, రాబోయే ఎన్నికల్లో కూటమికి సింగిల్‌ డిజిట్‌ కూడా దాటదు. ప్రజాస్వామ్యాన్ని మనందరం కలిసి కాపాడుకుందాం. ప్రజాస్వామ్యాన్ని కాపాడుకోకపోవడమంటే తప్పు చేయడమేనని గవర్నర్‌ అన్నారు. వ్యవస్థలు ఇలా తయారైనప్పుడే కాక్రోచ్‌లు పుట్టుకొస్తాయి. నామినేషన్ల వ్యవస్థను ఆన్‌లైన్‌ లేదా సెంట్రలైజ్‌ చేయాలని అడిగాం. పారామిలటరీ దళాలను దించాలని కోరాం. పోలింగ్‌ బూత్‌లు, కౌంటింగ్‌ కేంద్రాలు పెట్టాలని అడిగాం. స్ట్రాంగ్‌ రూమ్‌ల్లో కూడా సీసీ కెమెరాలు పెట్టాలని కోరాం. మన కార్యకర్తలకు ఒక్కటే చెబుతున్నా. టైమ్‌ వాళ్లది.. కొడతారు.. కొట్టించుకుందాం. ఎల్లకాలం కూటమి ప్రభుత్వం ఉండదు. మన కార్యకర్తలు గట్టిగా నిలబడండి.. మన ప్రభుత్వాన్ని తెచ్చుకుంది.. కూటమిని ప్రజలు, దేవుడు.. సింగిల్‌ డిజిట్‌తో కొడతారు’ అని హెచ్చరించారు. రాష్ట్రంలో పరిస్థితులపై సుప్రీం ఆశ్రయిస్తామని వైఎస్‌ జగన్‌ స్పష్టం చేశారు.కాగా, స్థానిక ఎన్నికల నామినేషన్ల ప్రక్రియలో మూడు రోజులుగా టీడీపీ గూండాలు అరాచకం సృష్టించారు. వైఎస్సార్‌సీపీ అభ్యర్థులు నామినేషన్లు వేయకుండా అడ్డకున్నారు. ఉమ్మడి కడప జిల్లాను రక్తసిక్తం చేసింది పచ్చముఠా. టీడీపీ గూండాల దాడి, కత్తిపోట్లతో వైఎస్సార్‌సీపీ నేతలకు గాయాలయ్యాయి. ఈ దాడులతో పాటు పులివెందులలో పోలీసుల కాల్పుల్లో ముగ్గురికి గాయాలయ్యాయి. వైఎస్సార్‌సీపీ అభ్యర్థులను అనేక చోట్ల నామినేషన్లు వేయకుండా టీడీపీ గూండాలు అడ్డుకున్నారు.పులివెందులలో 16 వార్డుల్లో, ప్రొద్దుటూరులో 19, కడపలో 54 వార్డులలో నామినేషన్లను అడ్డుకున్నారు. యర్రగుంట్ల, కమలాపురం, రాయచోటిలో చైర్మన్‌, కౌన్సిలర్‌ స్థానాలకు నామినేషన్లు పడకుండా టీడీపీ గూండాలు అరాచకం సృష్టించారు.రాజంపేట, బద్వేలులో చైర్మన్‌ అభ్యర్థులు నామినేషన్లు వేయగా, రాజంపేట, బద్వేలులో వార్డులకు నామినేషన్లు పడలేదు. దర్శిలో చైర్మన్‌ సహా 25 వార్డులకు నామినేషన్లు పడలేదు. అనంతపురం జిల్లా తాడిపత్రిలో 4 వార్డుల్లో నామినేషన్లను టీడీపీ గూండాలు తమ అరాచకంతో అడ్డుకున్నారు. ఇదీ చదవండి: ఏపీలో ఎక్కడా స్వేచ్ఛగా నామినేషన్లు వేయనివ్వడం లేదు!

సాక్షి, విజయవాడ: ప్రజాస్వామ్యాన్ని కాపాడాలని ఎస్‌ఈసీకి విజ్ఞప్తి చేశామని వైఎస్సార్‌సీపీ నేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి అన్నారు. ఎస్‌ఈసీని కలిసిన వైఎస్‌ జగన్‌.. టీడీపీ అరాచకాలు, హింసపై ఫిర్యాదు చేశారు. టీడీపీ దాడులపై ఆధారాలతో సహా వైఎస్‌ జగన్‌ ఫిర్యాదు చేశారు. అనంతరం ఆయన మీడియాతో మాట్లాడుతూ.. నిష్పక్షపాతంగా ఎన్నికలు జరపాలని ఎస్‌ఈసీని కోరామని తెలిపారు.‘‘నామినేషన్‌ వేయకుండా వైఎస్సార్‌సీపీ అభ్యర్థులను అడ్డుకుంటున్నారు. ఏపీలో ఎక్కడా స్వేచ్ఛగా నామినేషన్లు వేయనివ్వడం లేదు. పరిస్థితి ఇలా ఉంటే ఎస్‌ఈసీ ఏం చేస్తోందని అడిగాం’’ అని వైఎస్‌ జగన్‌ వివరించారు. నామినేషన్‌ ప్రక్రియలోనే పోలీసులు, అధికారులు చంద్రబాబుకు కొమ్ముకాస్తున్నారంటూ ఆయన ధ్వజమెత్తారు.‘‘నామినేషన్‌ కేంద్రాల దగ్గరే పత్రాలు చించేస్తున్నారు. పారా మిలటరీ దళాలను దించాలని ఎస్‌ఈసీని కోరాం. కేంద్ర బలగాలను దించాలని గవర్నర్‌నూ కోరాతాం. స్ట్రాంగ్‌ రూమ్స్‌లో బ్యాలెట్‌ బాక్సులు మారుస్తారని అనుమానం. స్ట్రాంగ్‌ రూమ్స్‌లోనే కూడా సీసీ కెమెరాలు పెట్టాలి. కౌంటింగ్‌ హాల్‌లో కూడా సీసీ కెమెరాల నిఘా ఉండాలి. 17cలో ఫోర్జరీ సంతకాలు లేకుండా చర్యలు తీసుకోవాలి. ఎస్‌ఈసీ నిష్పక్షపాతంగా పనిచేయాలి’’ అని వైఎస్‌ జగన్‌ పేర్కొన్నారు.ఇదీ చదవండి: సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి, తాడేపల్లి: సీఈసీ నియామకంపై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి కీలక వ్యాఖ్యలు చేశారు. ఆదివారం ఆయన తాడేపల్లిలోని పార్టీ కేంద్ర కార్యాలయంలో మీడియా సమావేశంలో మాట్లాడుతూ.. సీజేఐ నేతృత్వంలో సీఈసీ నియామకం జరగాలని.. కేంద్ర, రాష్ట్ర ఎలక్షన్‌ కమిషన్‌లో సంస్కరణలు తీసుకురావాలని ఆయన డిమాండ్‌ చేశారు. దేశంలోని వ్యవస్థల్లో మార్పురావాలి.. రాష్ట్రంలోనూ ఎస్‌ఈసీ నియామక విధానంలో మార్పు రావాలన్నారు.‘‘2024 ఎన్నికల్లోనూ ఫలితాలు తారుమారయ్యాయి. దాన్ని నేను ఆనాడే ప్రస్తావించాను. కోర్టులకూ కొందరు వెళ్లారు. కానీ వ్యవస్థలో మార్పులు రానంత కాలం మనం ఏమీ చేయలేము. ఎస్‌ఈసీ, సీఈసీని ప్రభుత్వం ఏర్పాటు చేయడం సరికాదు. దానికి నాడు మేం కూడా సమర్థించాం. అందుకు ఇప్పుడు పశ్చాత్తాప పడుతున్నాం. విద్యార్థులే ఎగ్జామినర్‌ను నియమించినట్లుగా ఉంటుంది...సీఈసీ ఎంపిక విధానం ఇప్పుడున్నది సరికాదు. నాడు సమర్థించాం. ఆ తప్పు చేశాం. వ్యవస్థలో మార్పు రావాలి. సీఈసీ. ఎస్‌ఈసీ లో మార్పులు రావాలి. ఎస్‌ఈసీ నియామకం రాష్ట్ర ప్రభుత్వం ఏకపక్షంగా చేయొద్దు. ఎస్‌ఈసీని హైకోర్టు సీజే, విపక్షనేత, సీఎం కలిసి నిర్ణయించాలి. సీఈసీని సీజేఐ, విపక్షనేత, పీఎం కలిసి నిర్ణయించాలి. అంతేకానీ, వారి నియామకాలు ఏకపక్షంగా ఉండకూడదు’’ అని వైఎస్‌ జగన్‌ పేర్కొన్నారు.’’ఎస్‌ఈసీ అనిల్ చంద్ర పునేఠా నాడు చంద్రబాబు హయాంలో చీఫ్‌ సెక్రటరీ. సీఎస్‌గా అనిల్‌ చంద్ర పునేఠా విధులపై హైకోర్టు ఆగ్రహం వ్యక్తం చేసింది. విధుల నుంచి తొలగించింది. అలాంటి అనిల్‌ చంద్ర పునేఠా పదవీ విరమణ చేసినా.. చంద్రబాబు ఆయన్ను ఇప్పుడు ఎస్‌ఈసీగా తీసుకొచ్చారు. మళ్లీ ఇప్పుడు రాష్ట్ర ప్రధాన ఎన్నికల అధికారి అనిల్ చంద్ర పునేఠా విధులు నిర్వహిస్తున్నారు. అనిల్‌ చంద్ర పునేఠా చంద్రబాబుకు వీరవిధేయుడు. చంద్రబాబు ఏం చెబితే పునేఠా అది చేస్తున్నారు’’ అంటూ వైఎస్‌ జగన్‌ మండిపడ్డారు.ఇదీ చదవండి: పార్టనర్‌ పార్టీకి.. బాబు పార్టీ నుంచే అభ్యర్థుల సప్లై: వైఎస్‌ జగన్‌

సాక్షి,విజయవాడ: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌ రెడ్డి రాష్ట్ర ఎన్నికల కమిషనర్‌ అనిల్ చంద్ర పునేఠాతో భేటీ అయ్యారు. స్థానిక సంస్థల ఎన్నికల నామినేషన్‌ ప్రక్రియలో చోటు చేసుకుంటున్న హింసాత్మక ఘటనలపై పునేఠాకు ఫిర్యాదు చేశారు. స్థానిక ఎన్నికల నామినేషన్ల ప్రక్రియలో విధ్వంస కాండ, వైఎస్సార్‌సీపీ అభ్యర్థులపై యథేచ్ఛగా దాడులు, వైఎస్సార్‌సీపీ అభ్యర్థులను నామినేషన్లు వేయకుండా అడ్డుకోవడం, నామినేషన్‌ పేపర్లు చింపివేయడం. లోక్‌సభ పక్షనేత పీవీ మిథున్‌రెడ్డిపై పుంగనూరులో హత్యాయత్నం, పులివెందులలో పోలీసులు గాలిలోకి కాల్పులు, బాష్పవాయు ప్రయోగం తదితర హింసాకాండలపై ఎన్నికల కమిషనర్‌కు వివరించారు.ఇదీ చదవండి: సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి, తాడేపల్లి: మున్సిపల్‌ ఎన్నికల్లో గెలుస్తామనే నమ్మకం చంద్రబాబుకు లేదని.. కూటమి హామీలు గాలికెగిరిపోయాయి కాబట్టే అరాచకాలు అంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి అన్నారు. ఆదివారం ఆయన మీడియాతో మాట్లాడుతూ.. చంద్రబాబు నాటే విష విత్తనాలు రేపు చెట్లు అవుతాయన్నారు. ఎవరెవరు అన్యాయాలు చేస్తున్నారో సాక్ష్యాలు ఉన్నాయని ఆయన స్పష్టం చేశారు.అన్యాయం చేసిన ప్రతి అధికారిని చట్టం ముందు నిలబెడతాం. మా టైం వచ్చినప్పుడు మేమేంటో చూపిస్తాం. మీరు చేసే తప్పుడు పనులకు శిక్ష తప్పదు. తప్పులు చేసిన వారు ఎక్కడ ఉన్నా తీసుకొచ్చి శిక్షిస్తాం. కుట్రలను ప్రజాస్వామ్యబద్ధంగా ఎదుర్కొంటాం. సీఎం ప్రజాస్వామ్యబద్ధంగా లేకుంటే వ్యవస్థలు కుప్పకూలుతుంది. మీరు ప్రజాస్వామ్యానికి సెల్యూట్‌ చేయాలి.. చంద్రబాబుకు కాదు. స్థానిక సంస్థల ఎన్నికలు స్టార్టింగ్‌ లైన్‌. 2029 ఎన్నికలు ఫినిషింగ్‌ లైన్‌. వైఎస్సార్‌సీపీ కార్యకర్తల పట్టుదలే బాబు సర్కార్‌ను దించేస్తుంది. వైఎస్సార్‌సీపీ ప్రజల గొంతుకై నిలబడుతుంది’’ అని వైఎస్‌ జగన్‌ పేర్కొన్నారు.ఇదీ చదవండి: సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి, తాడేపల్లి: అవినీతి, అరాచకం, చంద్రబాబు మార్క్‌ రాజకీయం అంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు. పారదర్శకంగా ఎన్నికలు జరిపే ధైర్యం బాబుకు లేదు. చంద్రబాబుకు ఓటమి భయం పట్టుకుంది. అందుకే మా అభ్యర్థుల నామినేషన్లను అడ్డుకుంటున్నారు’’ అని వైఎస్‌ జగన్‌ పేర్కొన్నారు.‘‘ఎస్‌ఈసీ అనిల్‌ చంద్ర.. బాబు హయాంలో సీఎస్‌గా చేశారు. ఎస్‌ఈసీ అనిల్‌ చంద్ర పునేఠా చంద్రబాబుకు కరడుగట్టిన మనిషి. ఎంపీ మిథున్‌రెడ్డిపై హత్యాయత్నం జరిగింది. మిథున్‌రెడ్డి సెక్యూరిటీపై కూడా దాడులు చేశారు. ఆర్వో దగ్గర మూడు గంటలు వేచి ఉన్నా నామినేషన్‌ తీసుకోలేదు. ఆయుధాలతో టీడీపీ గూండాలను ఎలా అనుమతించారు. ధ్వంసమైన కారులో మద్యం బాటిళ్లు పెట్టారు.తిరుబడిన కారులో మద్యం బాటిళ్లు మాత్రం నిలబడే ఉన్నాయి. ఎంపీ కారులో మద్యం బాటిళ్లు ఉన్నాయని కేసులు పెట్టారు. దాడులు చేస్తామని శాప్‌ ఛైర్మన్‌ రవినాయుడు బెదిరించాడు. పోలీసుల మైక్‌ లాక్కుని శాప్‌ ఛైర్మ న్‌ వార్నింగ్‌ ఇచ్చాడు. చంద్రబాబు సూపర్‌ సిక్స్‌ హామీలు గాలికెగిరి పోయాయి. ప్రజలను చంద్రబాబు బుల్డోజ్‌ చేయలేరు. బాండ్‌లు చూపి ప్రజలు నిలదీసే పరిస్థితి వచ్చింది’’ అని వైఎస్‌ జగన్‌ పేర్కొన్నారు.పుంగనూరులో నయాజ్‌ భార్య నామినేషన్‌వేయకుండా కొట్టారు. పోలీసుల ముందే నయాజ్‌ను కొట్టినా పట్టించుకోలేదు. తిరుపతి మేయర్‌ అభ్యర్థిని నామినేషన్‌ వేయనివ్వలేదు. ఎంపీ గురుమూరి​‍ వద్ద పత్రాలు లాక్కుని చించివేశారు. పోలీసుల సమక్షంలోనే నామినేషన్‌ పత్రాలు లాక్కున్నారు. నామినేషన్‌ వేసే అవకాశం కల్పించాలని ఎస్పీని వేడుకున్నారు. వైఎస్సార్‌సీపీ అభ్యర్థులు వేడుకున్నా.. నామినేషన్‌ వేయనివ్వలేదు. పోలీసులు ఎందుకు బాబు వాచ్‌మెన్లుగా తయారవుతున్నారు?’’ అంటూ వైఎస్‌ జగన్‌ నిలదీశారు.ఇదీ చదవండి: పార్టనర్‌ పార్టీకి.. బాబు పార్టీ నుంచే అభ్యర్థుల సప్లై: వైఎస్‌ జగన్‌

సాక్షి, తాడేపల్లి: అధికార పార్టీకి రిజర్వేషన్ల గురించి ముందే తెలుసు కాబట్టి, ముందే సిద్ధమయ్యారు. ప్రతిపక్షానికి ఆ అవకాశం లేదు.. అయినా విపక్షం సిద్ధమైతే, నామినేషన్లు వేయనీయడం లేదంటూ వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి మండిపడ్డారు. ఇష్టానుసారంగా డివిజన్లు, వార్డులను విభజించారు. రిజర్వేషన్లు వారికి కావాల్సిన చోట ఇచ్చుకున్నారు. క్యాస్ట్‌, నో డ్యూస్‌ పత్రాలు ఇవ్వకుండా ఇబ్బంది పెట్టారు. వైఎస్సార్‌సీపీ నేతలను బైండోవర్‌ పేరుతో పోలీసులు బెదిరించారు. ఇన్ని దారుణాలు చేసికూడా ధైర్యంగా ఎన్నికలకు వెళ్లలేకపోయారు’’ అంటూ వైఎస్‌ జగన్‌ దుయ్యబట్టారు.‘‘పార్ట్‌నర్‌ పార్టీకి.. బాబు పార్టీ నుంచే అభ్యర్థులను సప్లై చేస్తూ.. నారాసుర రక్త చరిత్ర రాస్తూ.. చంద్రబాబు స్టేట్‌ స్పాన్సర్డ్‌ హింసకు పాల్పడుతున్నారు. రాష్ట్రంలో చంద్రబాబు ఒక మాఫియా రాజ్యం నడుపుతున్నారు. నామినేషన్‌ సెంటర్లలో టీడీపీ గూండాలను పోలీసులు పట్టించుకోరు. మారణాయుధాలతో టీడీపీ గూండాలు తిరుగుతున్నా పట్టించుకోరు. వైఎస్సార్‌సీపీ అభ్యర్థులు నలుగురితో వెళ్లినా అడ్డుకుంటున్నారుఆర్వోలే నామినేషన్‌ పత్రాలు తీసుకోవడంలేదు. రాష్ట్ర డీజీపీ, హోం, సెక్రటరీ నిద్రపోతున్నారు. రాష్ట్రంలో రాజ్యాంగం ఉన్నట్టా? లేనట్టా?. మా హయాంలో ఎస్‌ఈసీగా నిమ్మగడ్డ రమేష్‌ పనిచేశారు. నిమ్మగడ్డ రమేష్‌.. టీడీపీకి అత్యంత సన్నిహితుడు. నిమ్మగడ్డ రమేష్‌ ఆధ్వర్యంలో మేం ఎన్నికలకు వెళ్లా. నిమ్మగడ్డ ఎంతో మంది అధికారులను ట్రాన్స్‌ ఫర్‌ చేశారు. ఎన్ని కుట్రలు చేసినా ఎన్నికలను క్లీన్‌ స్వీప్‌ చేశాం’’ అని వైఎస్‌ జగన్‌ గుర్తు చేశారు.ఇదీ చదవండి: సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి, తాడేపల్లి: ఏపీ స్థానిక ఎన్నికల నామినేషన్ల ప్రక్రియలో చంద్రబాబు సర్కార్ అరాచక పర్వంపై వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆగ్రహం వ్యక్తం చేశారు. వరుసగా మూడు రోజులు పలు చోట్ల విధ్వంసకాండ, వైఎస్సార్‌సీపీ అభ్యర్థులపై దాడులపై ఇవాళ(ఆదివారం) తాడేపల్లిలో పార్టీ కేంద్ర కార్యాలయంలో నిర్వహించిన మీడియా సమావేశంలో తీవ్రస్థాయిలో మండిపడ్డారు.‘‘మనం ప్రజాస్వామ్యంలో ఉన్నామా? లేదా.. రాజ్యాంగబద్ద పాలనలో ఉన్నామా?. రాష్ట్రంలో చట్టం, న్యాయం ఉందా? అంటూ వైఎస్‌ జగన్‌ నిలదీశారు. కనీసం నామినేషన్లు కూడా వేయనివ్వడం లేదు. టీడీపీ నేతలకు పోలీసులు సహకరిస్తున్నారు. అధికారులు కనీసం నామినేషన్‌ పత్రాలు తీసుకోవడం లేదు. రాష్ట్రంలో అధర్మ, రక్త చరిత్ర నడుస్తోంది’’ అంటూ వైఎస్‌ జగన్‌ ధ్వజమెత్తారు.‘‘ఎన్నికలకు రెండు రోజుల ముందే రిజర్వేష్లను ఖరారు చేశారు. రిజర్వేషన్‌ ఇచ్చిన వెంటనే ఎన్నికల షెడ్యూల్‌ విడుదల చేశారు. వైఎస్సార్‌సీపీ అభ్యర్థులను ఎందుకు అరెస్ట్‌లు చేస్తున్నారు? ఎందుకు కిడ్నాప్‌లు చేస్తున్నారు?. వైఎస్సార్‌సీపీ అభ్యర్థులపై పోలీసులు కాల్పులు జరపడమేంటి?. వైఎస్సార్‌సీపీ అభ్యర్థులపై పోలీసులు లాఠీఛార్జ్‌ ఎలా చేస్తారు?. స్థానిక ఎన్నికలకు ముందు నుంచే కుట్రలు మొదలు పెట్టారు’’ అని వైఎస్‌ జగన్‌ మండిపడ్డారు.‘‘సర్‌ తుది జాబితా కాకుండా జాబితా ద్వారానే ఎన్నికలు .. చెల్లని ఓట్ల ద్వారా ఎన్నికలకు సిద్ధమయ్యారు. ఇష్టానుసారంగా డివిజన్లు, వార్డులను విభజించారు. రిజర్వేషన్లు వారికి కావాల్సిన చోట ఇచ్చుకున్నారు. క్యాస్ట్‌, నో డ్యూస్‌ పత్రాలు ఇవ్వకుండా ఇబ్బంది పెట్టారు. వైఎస్సార్‌సీపీ నేతలను బైండోవర్‌ పేరుతో పోలీసులు బెదిరించారు. ఇన్ని దారుణాలు చేసికూడా ధైరంగా ఎన్నికలకు వెళ్లలేకపోయారు. పార్టనర్‌ పార్టీకి.. బాబు పార్టీ నుంచే అభ్యర్థుల సప్లై. నారాసుర రక్త చరిత్ర రాస్తూ.. చంద్రబాబు స్టేట్‌ స్పాన్సర్డ్‌ హింసకు పాల్పడుతున్నారు. రాష్ట్రంలో చంద్రబాబు ఒక మాఫియా రాజ్యం నడుపుతున్నారు’’ అంటూ వైఎస్‌ జగన్‌ దుయ్యబట్టారు.రెండేళ్లు దాటినా కొంతమంది అధికారులు ట్రాన్స్‌ఫర్‌ కాలేదు. ఇసుక నుంచి మట్టివరకు ఏదీ వదలడం లేదు. నామినేషన్‌ సెంటర్‌లో టీడీపీ గూండాలను పోలీసులు పట్టించుకోరు. మరణాయుధాలతో టీడీపీ గూండాలు తిరుగుతున్నా పట్టించుకోరు. వైఎస్సార్‌సీపీ అభ్యర్థులు నలుగురితో వెళ్లిన అడ్డుకుంటున్నారు. టీడీపీ గూండాలు నామినేషన్‌ పత్రాలు లాక్కుంటున్నా కూడా పోలీసులు ఏం చేయకుండా సహకరిస్తున్నారు’’ అంటూ వైఎస్‌ జగన్‌ ఆగ్రహం వ్యక్తం చేశారు.ఇదీ చదవండి: సీఈసీ నియామకంపై వైఎస్‌ జగన్‌ కీలక వ్యాఖ్యలు

సాక్షి, తాడేపల్లి: స్థానిక ఎన్నికల నామినేషన్ల సందర్భంగా వరసగా మూడు రోజుల నుంచి రాష్ట్రంలో పలు చోట్ల హింసాకాండ. అభ్యర్థులపై అక్రమ కేసులు. అరెస్టులు. టీడీపీ గుండాల దాడి. వైఎస్సార్‌సీపీ అభ్యర్థులు నామినేషన్లు వేయకుండా నిరోధించడం. వారి నామినేషన్‌ పత్రాలు చించేయడం. వైఎస్సార్‌సీపీ లోక్‌సభ పక్ష నేత పీవీ మిథున్‌రెడ్డిపై పుంగనూరులో హత్యాయత్నం. పులివెందులలో పోలీసుల బాష్పవాయు ప్రయోగం. గాలిలోకి కాల్పులు. తదితర అంశాలపై సాక్ష్యాధారాలతో సహా వైఎస‍్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ మోహన్‌ రెడ్డి తాడేపల్లి వైఎస్సార్‌సీపీ కేంద్ర కార్యాలయంలో నిర్వహించిన మీడియా సమావేశంలో మాట్లాడారు. వైఎస్‌ జగన్‌ కామెంట్స్‌అసలు మనం ప్రజాస్వామ్యంలోనే ఉన్నామా? లేదా? అన్న అనుమానం కలుగుతోందిరాజ్యాంగబద్ధమైన పాలనలో ఉన్నామా?చట్టం,న్యాయం ఎక్కడైనా మచ్చుకు కనిపిస్తుందా?ఒకసారి అందరూ ఆలోచించాలి ఎన్నికల్లో నామినేషన్లు వేయడానికి మేము సిద్ధంగా ఉన్నామని, నామినేషన్‌ కేంద్రాలకు వెళ్తే, వేయనీయకుండా అడ్డు తగలడం, టీడీపీ మూకలు ముందే అక్కడే ఉండడం, పోలీసులు వారికి సహకరించడం, చివరకు అధికారులు కూడా నామినేషన్‌ పత్రాలు తీసుకోవడానికి నిరాకరించడం.. గతంలో ఎప్పుడూ చూడలేదు.ఇది కేవలం వెన్నుపోటు పార్టీ నాయకుడు, గొడ్డళ్లు సరఫరా చేసే నాయకుడు చంద్రబాబునాయుడి హయాంలోనే మాత్రమే, రాష్ట్ర వ్యాప్తంగా ఈ అధర్మ చరిత్ర, రక్త చరిత్ర రాస్తున్నాడు కనీసం నామినేషన్‌ వేయడానికి కూడా అనుకూల పరిస్థితి లేకపోతే, అసలు నామినేషన్లు వేయకుండా అడ్డు తగిలితే, ప్రభుత్వమే స్వయంగా దీన్ని ప్రోత్సహిస్తే.. ఎస్‌ఈసీ అనేది కేవలం చంద్రబాబుగారి ఎక్స్‌టెన్షన్‌ గవర్నమెంట్‌గా ఉంటే, అసలు ప్రజాస్వామ్యం ఉందా?స్థానిక ఎన్నికల ప్రక్రియంతా కుట్రపూరితం ఎంత కుట్రపూరితంగా ఈ ఎన్నికలు జరుగుతున్నాయనేది చూస్తే.. రిజర్వేషన్లు ప్రకటించిన రెండో రోజే, నామినేషన్లు ప్రారంభం. దానికి కూడా కేవలం మూడు రోజులు మాత్రమే ఇచ్చారు.అధికార పార్టీకి రిజర్వేషన్ల గురించి ముందే తెలుసు కాబట్టి, ముందే సిద్ధమయ్యారు. ప్రతిపక్షానికి ఆ అవకాశం లేదు.అయినా విపక్షం సిద్ధమైతే, నామినేషన్లు వేయనీయడం లేదు.చంద్రబాబుని ఒకటే అడుగుతున్నాను.మీకు నిజంగా ప్రజల మద్దతు ఉందని భావిస్తే, నామినేషన్లు ఎందుకు వేయనీయడం లేదు? పోలీసులతో అభ్యర్థులను ఎందుకు ఎత్తుకెళ్తున్నారు? ఎందుకు దొంగకేసులు పెడుతున్నారు? ఎందుకు మా పార్టీ వారిపై దాడి చేస్తున్నారు?నామినేషన్లు వేయడానికి అభ్యర్థులు వెళ్తే, వారికి తోడుగా నిలబడి సహకరించాల్సింది పోయి, పోలీసులు వారిపై కాల్పులు జరపడం, లాఠీఛార్జ్‌ చేయడం ఏమిటి? గతంలో ఎప్పుడైనా చూశామా ఇవన్నీ. అందరి సమక్షంలో నామినేషన్‌ పత్రాలు లాక్కోవడం. అధికారులు ప్రతిపక్ష పార్టీ అభ్యర్థులు నామినేషన్లు తీసుకోకపోవడం.. గతంలో ఏనాడైనా జరిగిందా?స్థానిక ఎన్నికలపై నిర్ణయం తీసుకున్నప్పటి నుంచే, చంద్రబాబు కుట్రలు మొదలయ్యాయి.సర్‌ ద్వారా రాష్ట్రంలో 45 లక్షల దొంగ ఓట్లు ఉన్నాయని తేల్చారు. ఓటర్ల తుది జాబితా వస్తుందని తెలుసు. అయినా అది రాకముందే, చెల్లని ఆ ఓట్లతో ఎన్నికలకు పోవడంతోనే కుట్ర మొదలైంది.2019లో ఆ ఓట్లు ఎక్కించింది వారే. ఇష్టానుసారం డివిజన్లు, వార్డులు మార్చేశారు. వైఎస్సార్‌సీపీ ఓటర్లు ఉన్న ప్రాంతాలు చీల్చారు. పోలింగ్‌ కేంద్రాలు దూరంగా తీసుకుపోయారు.ఇష్టానుసారం రిజర్వేషన్లు వారికి కావాల్సిన విధంగా తీసుకొచ్చారు.ఇన్ని రకాలుగా అధికార దుర్వినియోగం చేసినా, ఎన్నికలు సజావుగా నిర్వహించడంలో చంద్రబాబుకు ధైర్యం లేదు.కుల ధృవీకరణ పత్రాలు, నో డ్యూస్‌ ఇవ్వకుండా కుట్ర చేశారు. అవి ఇవ్వలేదు. అంతటితో ఊర్కోలేదు. బైండోవర్‌ పేరుతో అభ్యర్థులను బెదిరించారు. కేసులు పెడతామని బెదిరించారు.చంద్రబాబుకు ఎన్నికలు ఎదుర్కొనే ధైర్యం లేదు:ఇన్ని చేసినా ఈ ఎన్నికలపై చంద్రబాబుకు ధైర్యం రావడం లేదు. కూటమిలో మిగిలిన రెండు పార్టీలకు కొన్ని సీట్లు ఇచ్చినా, అక్కడా తన వారినే పంపి, వారికేటికెట్లు ఇప్పించినా, చంద్రబాబుకు ఈ ఎన్నికలు ఎదుర్కోవడానికి ధైర్యం చాలడం లేదు.అందుకే గతంలో ఎప్పుడూ లేని విధంగా.. స్టేట్‌ స్పాన్సర్డ్‌ వయోలెన్స్‌కు పాల్పడుతున్నాడు. నారాసుర రక్తచరిత్ర రాస్తున్నాడు.ఈ ఎన్నికల్లో గెల్చేందుకు అన్ని అక్రమాలు చేస్తున్నాడు.ఏ పోలీస్‌ అధికారినైనా రెండేళ్ల తర్వాత బదిలీ చేస్తారు. కానీ, కొందరిని చంద్రబాబు ఏళ్ల తరబడి అలాగే కొనసాగిస్తున్నాడు.ఒక సిండికేట్‌గా వారిని తయారు చేశాడు. పై స్థాయి నుంచి కింది వరకు. ఇసుక మొదలు మద్యం వరకు మాఫియా. ప్రతి చోటా దోపిడి. చినబాబుకు ఇంత. పెదబాబుకు ఇంత. ఎమ్మెల్యేకు ఇంత అని ఇస్తున్నారు.ఎన్నికలప్పుడు కూడా వారినే కొనసాగించి, మాఫియా రాజ్యం ఏలుతున్నారు.గతి తప్పిన పోలీస్‌ వ్యవస్థ:నామినేషన్‌ సెంటర్ల వద్ద వందల మంది టీడీపీ గుండాలు గుమిగూడినా, ఎక్కడా పట్టించుకోవడం లేదు. వారి వద్ద మారణాయుధాలు ఉన్నా, పోలీసులు పట్టించుకోవడం లేదు.మా వాళ్లు నిబంధనల ప్రకారం 4గురు లేదా 5గురు వెళ్లినా, అక్కడ టీడీపీ వారు నామినేషన్‌ పత్రాలు లాగేసుకుంటున్నా, పోలీసులు ప్రేక్షకపాత్ర పోషిస్తున్నారు.చివరకు రిటర్నింగ్‌ ఆఫీసర్‌ చేతి నుంచి కూడా నామినేషన్‌ పత్రాలు లాగేసుకుంటున్నా, పోలీసులు పట్టించుకోవడం లేదు.చివరకు ఆర్‌ఓలు నామినేషన్‌ పత్రాలు తీసుకోవడం లేదు. పోలీసుల ముందే ఇది జరగుతోంది. ఎస్‌ఈసీకి తెలుసు. డీజీపీ, హోం మంత్రికి కూడా తెలుసు. అయినానియంత్రణ లేదు. మరి రాష్ట్రంలో రాజ్యాంగ వ్యవస్థ కొనసాగుతోందా? లేదా?మా హయాంలో ఎన్నికలు ఎలా జరిగాయి?నాడు ఫలితాలు కూడా ఒక్కసారి చూస్తే..:మా హయాంలో మేము కూడా స్థానిక ఎన్నికలు జరిపాం. అప్పుడు ఎస్‌ఈసీ నిమ్మగడ్డ రమేష్‌. ఆయన టీడీపీకి అత్యంత సానుభూతిపరుడు. ఆయన ఎస్‌ఈసీగా ఉన్నాడు. ఆయన ఆధ్వర్యంలోనే పంచాయతీ, మున్సిపల్‌ ఎన్నికలు జరిగాయి. గుర్తు తెచ్చుకొండి.ఎన్నికల షెడ్యూల్‌ ప్రకటించగానే.. చాలా చోట్ల అధికారులను బదిలీ చేశారు. ఎస్పీలు, కలెక్టర్లను కూడా బదిలీ చేశారు. ఆ తర్వాతే ఎన్నికలు జరిగాయి.అయినా, అటువంటి వాతావరణంలో కూడా, మా పార్టీ మొత్తం మున్సిపల్‌ కార్పొరేషన్లు కైవసం చేసుకుంది. వాటిలో 724 డివిజన్లు ఉంటే, వాటిలో 616 డివిజన్లు..86 శాతం మా పార్టీ గెల్చుకుంది. 88 మున్సిపాలిటీలో 86 మా పార్టీ గెల్చుకుంది. వార్డుల్లో.. 81 శాతం. ఇంకా కార్పొరేషన్లు, మున్సిపాలిటీలు కలిపి 99 ఉంటే, మా పార్టీ 97 గెల్చింది.అందుకు కారణం మ్యానిఫెస్టో 95 శాతం అప్పటికే అమలు చేశాం.అతి తక్కువ సమయంలో విప్లవాత్మక మార్పులు:ఆ ఎన్నికలకు పోయే నాటికే, రాష్ట్రంలో అనేక మార్పులు తీసుకొచ్చాం.గ్రామ, వార్డు సచివాలయాలు. వాలంటీర్‌ వ్యవస్థ. పథకాలు డోర్‌ డెలివరీ. నాడు–నేడు మనబడితో అనేక మార్పులు.ఎప్పుడూ చూడని విధంగా వైద్య ఆరోగ్య రంగంలో మార్పులు. ఫ్యామిలీ డాక్టర్‌ కాన్సెప్ట్‌. ఇంకా ఎప్పుడూ చూడని పథకాలు అమలు చేశాం. అక్కచెల్లెమ్మలకు ఇళ్ల పట్టాలు. ఇళ్ల నిర్మాణం. చరిత్రలో ఎప్పుడూ చూడనివన్నీ జరిగాయి. కాబట్టే అప్పుడు ఆ ఫలితాలు వచ్చాయి.ఇప్పుడంతా మోసం:మరి ఇప్పుడు చంద్రబాబుగారి పరిస్థితి ఏమిటి? సూపర్‌ సిక్స్, సూపర్‌ సెవెన్‌లు గాలికెగిరిపోయాయి. ప్రతి ఇంటికి బాండ్స్‌ పంపారు. సూపర్‌ సిక్స్, సూపర్‌ సెవెన్‌అమలు లేకపోయినా, అన్నీ చేశామని ఆర్భాట ప్రచారం. ప్రజలకు అన్నీ తెలుసు.ఎక్కడ చూసినా వివక్షతో పాటు, అరాచకం కనిపిస్తోంది. ఎన్నికలు సజావుగా జరిపే ధైర్యం చంద్రబాబుకు లేదు.ఎన్నికలు సజావుగా జరిపే ధైర్యం చంద్రబాబుకు లేదు. అందుకే మా పార్టీ వారిని నామినేషన్‌ వేయనీయకుండా చేస్తున్నారు.ఏ స్థాయిలో వారి అరాచకాలు అని చూస్తే.. ఆశ్చర్యకరమైన అంశాలు కనిపిస్తున్నాయి.వాస్తవాలను చంద్రబాబు, ఆయన అనుకూల ఎల్లో మీడియా ట్విస్ట్‌ చేస్తోంది.బాధ్యత మర్చిన ఎస్‌ఈసీ:ఇప్పుడు ఎస్‌ఈసీ అనిల్‌ చంద్ర పునేట. ఆయన 2019 ఎన్నికల్లో సీఎస్‌గా ఉన్నారు. ఆ టైమ్‌లో ముగ్గురు ఆఫీసర్లను బదిలీ చేయాలని కేంద్ర ఎన్నికల సంఘంఆదేశిస్తే, ఒక పోలీస్‌ ఆఫీసర్‌ను బదిలీ చేసి, మళ్లీ తిరిగి పిలిపించారు. అలాగే ఆయన్ను కూడా తిరిగి తీసుకొచ్చారు.అనిల్‌ చంద్ర పునేట అంత కరడు గట్టిన టీడీపీ వ్యక్తి. మరి ఏ రకంగా ఈ ఎన్నికల్లో న్యాయం జరుగుతుంది.పుంగనూరులో మొన్న మా పార్టీ ఎంపీ మిధున్‌రెడ్డి, నామినేషన్లు వేయించడానికి వెళ్తే టీడీపీ వారు దారుణంగా అడ్డుకున్నారు. ఆయన సెక్యూరిటీ సిబ్బందికి తలలు పగిలాయి.మిధున్‌రెడ్డి అక్కడ 3 గంటలు వేచి చూసినా, నామినేషన్‌ స్వీకరించలేదు.అప్పటికే టీడీప గుండాలు అక్కడ మొహరించారు. మిధున్‌రెడ్డిపై దాడి చేశారు.(అంటూ ఆ వీడియో చూపారు)ఇక్కడ ప్రధాన అంశాలు.1. అంత మంది అక్కడ గుమి గూడడానికి పోలీసులు ఎలా అనుమతించారు?.2. కార్లను ధ్వంసం చేసిన తర్వాత వాటిలో మద్యం బాటిళ్లు పెట్టారు. కారు తిరగబడినా, ధ్వంసమైనా మద్యం బాటిళ్లు నిటారుగా ఉన్నాయి.3. ఎలాగోలా లోపలికి వెళ్లినా, 3 గంటలు వేచి చూసినా, నామినేషన్లు తీసుకోలేదు?.4. మిథున్‌ మద్యం సేవించడు. ఆయన కారులో మద్యం బాటిళ్లు పెట్టి దుష్ప్రచారం చేస్తున్నారు.పోలీసులే ఇలా మద్యం బాటిళ్లు పెట్టి, దుష్ప్రచారం చేస్తుంటే ఎలా?శాప్‌ ఛైర్మన్‌ బహిరంగంగా మాట్లాడినా..!:అదే రిటర్నింగ్‌ ఆఫీసర్‌ (ఆర్వో) ఉన్న నామినేషన్‌ కేంద్రం వద్ద.. శాప్‌ ఛైర్మన్‌ రవినాయుడు వాహనం ఎక్కి, పోలీసుల మైక్‌ తీసుకుని, దాడులు చేస్తామనిమాట్లాడుతున్నా.. పోలీసులు చూస్తూ ఊర్కున్నారు.(అంటూ ఆ వీడియో పీపీటీలో చూపారు)అది నామినేషన్‌ కేంద్రం. అయినా అలా రెచ్చగొట్టే ప్రసంగాలు. అయినా పోలీసులు పట్టించుకోలేదు.వెన్నుపోటు పార్టీ గుండాగిరి. ఇవీ ఘటనలు.మహిళలపైనా దాడి. చంద్రబాబు సిగ్గుతో తల దించుకోవాలి:అదే పుంగనూరులో వైయస్సార్‌సీపీ పక్షాన నామినేషన్‌ వేయడానికి 9వ వార్డు నయాజ్‌ తన భార్యతో కలిసి వెళ్తే, పోలీసుల సమక్షంలోనే ఆయన్ను కొట్టి నామినేషన్‌ పత్రాలు లాక్కున్నారు. అయినా పోలీసులు నియంత్రించలేదు. వారికి సహకరించారు.(అంటూ ఆ వీడియో కూడా చూపారు)తిరుపతిలో మా పార్టీ మేయర్‌ అభ్యర్థి వాసూ యాదవ్‌. నామినేషన్‌ వేయడానికి వెళ్తే, చంపేస్తామని బెదిరించారు. ఆయన వెంట మా పార్టీ ఎంపీ గురుమూర్తి వెళ్తే, ఆయన్ను కూడా అడ్డుకున్నారు.ఇంకా ఆ పోలీసులే టీడీపీ మూకలు దాడి చేసి, వారి చేతి నుంచి నామినేషన్‌ పత్రాలు లాక్కునేలా చేశారు.(అంటూ ఆ వీడియో కూడా చూపారు. అందులో ఎంపీ ఎం.గురుమూర్తి వీడియో వాయిస్‌ కూడా ఉంది).మళ్లీ మధ్యాహ్నం కూడా గురుమూర్తి వెళ్తే, అప్పుడు కూడా నామినేషన్‌ వేయనీయలేదు.చివరకు ఎస్పీని సెక్యూరిటీ కోరినా, ఎస్పీ పట్టించుకోలేదు.(అంటూ, వైఎస్సార్‌సీపీ అభ్యర్థులు నామినేషన్‌ పత్రాలతో ఎస్పీని వేడుకుంటున్న ఫోటో చూపారు)పోలీసులు ఎందుకింతగా వాచ్‌మెన్లుగా మారారు? ప్రజల కోసం కాకుండా, చంద్రబాబు వేసే బిస్కట్ల కోసం పని చేస్తున్నారు.తిరుపతిలో మా మేయర్‌ అభ్యర్థి వాసూ యాదవ్, నిన్నటి నుంచి తన అమ్మతో కలిసి కూర్చుని ఆందోళన చేస్తున్నాడు. వర్షంలో తడిసి కూడా ఆ ఆందోళన.(అంటూ ఆ వీడియో కూడా చూపారు. అందులో ఆయన తల్లి మాటల వీడియో ప్రదర్శన)వైఎస్‌ జగన్‌ ప్రెస్‌ మీట్‌ జరుగుతున్న సమయానికి ఇదీ పరిస్థితి:తిరుపతిలో ఒక్క కార్పొరేటర్‌ అభ్యర్థి నామినేషన్‌ వేయలేదు. కాసేపటి క్రితం మేయర్‌ అభ్యర్థి కష్టం మీద నామినేషన్‌ వేశారు.కడప కార్పొరేషన్‌. నామినేషన్‌ వేయడానికి వెళ్తే దాడులు చేశారు. కత్తులతో పొడిచారు. మాజీ కార్పొరేటర్‌ కుమారుడు మురాద్‌ను అలా కత్తితో పొడిచారు.(అంటూ ఆ వీడియో కూడా పీపీటీలో చూపారు)ఇంకా నామినేషన్‌ వేయడానికి వచ్చిన అభ్యర్థులపై పోలీసుల సమక్షంలోనే దాడులు చేశారు. చివరకు మహిళలను కూడా వదల్లేదు.మాజీ డిప్యూటీ మేయర్‌. తన మరదలు నామినేషన్‌ వేయడానికి తీసుకెళ్తే, ఆయన్ను కత్తితో పొడిచారు.నామినేషన్‌ వేయడానికి వస్తే, చంపేస్తామని కడప ఎమ్మెల్యే భర్త శ్రీనివాసులు రెడ్డి బహిరంగంగా బెదిరించాడు.(అంటూ ఆ వీడియో కూడా చూపారు)ఇన్ని జరుగుతుంటే.. ఏం చర్యలు తీసుకున్నారు ?ఎస్‌ఈసీ ఏం చేస్తోంది? పోలీసుల సమక్షంలోనే అన్నీ జరగుతున్నాయి? ఎవరికి అరెస్టు చేశారు?అన్నీ దగ్గరుండి చేయిస్తున్నారు.బద్వేలులో మా పార్టీ వారు మొన్న వేసిన నామినేషన్లను, నిన్న ఆర్వో ఆఫీసులోకి చొరబడి, వాటిని తీసుకుని చింపేశారు.(అంటూ ఆ వీడియో కూడా చూపారు)ఇది కూడా పోలీసుల సమక్షంలోనే జరిగింది. వారు దగ్గరుండి సహకరించారు.రాజంపేట మున్సిపల్‌ ఛైర్మన్‌ అభ్యర్థి. బీసీ మహిళ. ఆమె నామినేషన్‌ వేసి తిరిగి వస్తుండగా, దారుణంగా ఆమెపై, ఆమె తండ్రిపై దాడి చేశారు.ఎమ్మెల్యే అమర్‌నాథ్‌రెడ్డి ఇంటిపైనా దాడి చేశారు.(అంటూ, ఆ వీడియోలు కూడా చూపారు. మేయర్‌ అభ్యర్థి తండ్రి వీడియో చూపారు)మహిళల మీద కూడా ఇలా దాడి చేయించడానికి చంద్రబాబుకు నిజంగా సిగ్గుందా? ఇదేనా మహిళలకిచ్చే గౌరవం. మహిళలకు ఎప్పుడో కానీ, అవకాశాలు రావు. చంద్రబాబు సిగ్గుతో తల దించుకోవాలి.దర్శిలో వైఎస్సార్‌సీపీ వారు నామినేషన్లు వేయకుండా అడ్డుకున్నారు.(అంటూ ఆ వీడియో కూడా చూపారు)పులివెందులలో పోలీసులే గుండాలుగా మారారు:ఇప్పటిదాకా మనం చూసింది.. టీడీపీకి పోలీసులు సహకరించారు.పులివెందుల దగ్గరకు వచ్చేసరికి, పోలీసులే గుండాల్లా మారారు.నిన్న (శనివారం) ఉదయం నుంచే వైఎస్సార్‌సీపీ వారు నామినేషన్లు వేయకుండా, టీడీపీ గుండాలను మొహరించారు. వారికి పోలీసుల సహకారం ఇచ్చారు.పరిస్థితిని ఎస్పీ, డీఐజీ దృష్టికి ఎంపీ అవినాష్‌రెడ్డి వివరిస్తే, మధ్యాహ్నం 1.30 కి వచ్చి, నామినేషన్లు వేసుకోమని చెప్పారు.ఆ టైమ్‌కు అవినాష్‌రెడ్డి వెళ్తే, పోలీసులే అడ్డుకున్నారు. లాఠీఛార్జ్‌ చేయడమే కాకుండా, పోలీసులు స్వయంగా ఏకే–47తో గాల్లోకి కాల్పులు జరిపారు. ఇలా పోలీసులే కార్లు ధ్వంసం చేశారు. పోలీసులే రాళ్లు విసిరారు. (అంటూ ఆ మొత్తం వీడియోలు చూపారు)ఇలా పోలీసులే టీడీపీ గుండాల పాత్ర పోషించారు.రాయచోటిలో విధ్వంసం:రాయచోటిలో మా మాజీ ఎమ్మెల్యే శ్రీకాంత్‌రెడ్డి మా పార్టీ ఆఫీస్‌లో ఉండగానే, ఆఫీస్‌కు నిప్పు పెట్టారు. బయట ఉన్న వాహనాలు కూడా తగలబెట్టారు.(అంటూ ఆ మొత్తం వీడియోలు కూడా చూపారు)మా పార్టీ ఛైర్మన్‌ అభ్యర్థిపై వరసగా మూడు రోజుల నుంచి దాడి చేస్తున్నారు.రాష్ట్రంలో.. ముఖ్యంగా రాయలసీమ ప్రాంతంలో ఈ సమయానికి ఎక్కడా నామినేషన్లు దాఖలు కాలేదు.అంటూ ఆ గణాంకాలు, వివరాలు వెల్లడించారు.బద్వేలులో 14 వార్డులకు నామినేషన్లు వేయాలి. మొన్న వేసిన వాటిని కూడా చింపేశారు.కమలాపురంలో చైర్మన్‌ సహా, ఒక్క నామినేషన్‌ పడలేదు.ఎర్రగుంట్ల లో ఒక్క నామినేషన్‌ వేయలేదు.జమ్మలమడుగులో ఛైర్మన్‌ అభ్యర్థి ఇంకా నామినేషన్‌ వేయలేదు.రాయచోటిలో 44 డివిజన్లలో ఒక్క నామినేషన్‌ కూడా పడలేదు.పుంగనూరులో ఒక్క నామినేషన్‌ వేయనీయలేదు.దర్శి, గురజాల, దాచేపల్లి, పిడుగురాళ్లలో ఛైర్మన్‌ అభ్యర్థులతో సహా, ఒక్క నామినేషన్‌ వేయనీయలేదు.పులివెందులలో ఇప్పుడు కూడా నామినేషన్లు వేయనీయడం లేదు.అక్రమ కేసులు. అరెస్టులు:దాచేపల్లిలో మా పార్టీ ఛైర్మన్‌ అభ్యర్థి ఇంట్లో తెలంగాణ లిక్కర్‌ను పోలీసులే పెట్టి అక్రమ మద్యం అని చెప్పి, అరెస్టు చేశారు.పిడుగురాళ్లలో కూడా అలాగే అభ్యర్థిని పోలీసులు ఎత్తుకెళ్తే హైకోర్టు జోక్యం చేసుకుంది.పిడుగురాళ్ల, దాచేపల్లి, గురజాలలో ఇదే పరిస్థితి.ఎన్నికలు సజావుగా జరిగితే, గెలుస్తామన్న నమ్మకం చంద్రబాబుకు లేదు కాబట్టి, ఇవన్నీ చేయిస్తున్నాడు.ఎన్నికల హామీలన్నీ గాలికెగిరిపోయాయి. అందుకే ఈ కుట్రలు.మా పోరాటం ఆగబోదు. ప్రజల పక్షాన నిలబడతాం.తప్పు చేసిన ఎవ్వరినీ వదిలిపెట్టబోము:నామినేషన్ల దాఖలు గడువు ముగిసే వరకు పోరాడుతూనే ఉంటాం.ఎస్‌ఈసీ, పోలీసులు, ప్రభుత్వం ఒక్కటై అధర్మాన్ని నిలబెట్టే కుట్ర చేస్తుంటే, ప్రజలకు అండగా, మా పార్టీ ఉంటుంది.ఈ ఎన్నికల్లో మా పార్టీ ప్రజాస్వామ్యబద్ధంగా చంద్రబాబును ఎదుర్కొంంది.ఇన్ని కష్టాలకు ఓర్చి నిలబడిన ప్రతి కార్యకర్తకు, చంద్రబాబు గుండాల దాడిని ఎదుర్కొన్న ప్రతి ప్రజాస్వామ్యవాది, కార్యకర్తకు నా శాల్యూట్‌.అ అబద్ధాల, మోసపూరిత పాలన ఎంతో కాలం నిలబడదు.చూస్తుండగానే దాదాపు మూడేళ్లు. చూస్తుండగానే రెండేళ్లు గడుస్తాయి.చంద్రబాబు నాటుతున్న విత్తనాలు రేపు చెట్లు అవుతాయి.ఇప్పుడు తప్పు చేసిన వారందరినీ రేపు చట్టం ముందు దోషులుగా నిలబెడతాం.అన్యాయం చేస్తున్న ప్రతి పోలీస్‌ అధికారి, టీడీపీ లీడర్‌కు చెబుతున్నా. టైమ్‌ మీది. చేయండి.మాకూ టైమ్‌ వస్తుంది. ఇప్పుడు మీరు వేస్తున్న విత్తనాలు రేపు చెట్లు అవుతాయి.ప్రజాస్వామ్య వ్యవస్థను పదవిలో ఉన్న వారు కాపాడకపోతే, రేపు మా పార్టీ వచ్చాక, మా కార్యకర్తలు నేను చెప్పినా వినరు.ఎవరినీ వదిలి పెట్టబోము. ఇప్పటికైనా పద్ధతి మార్చుకొండి.ఎస్‌ఈసీకి ఒకటే చెబుతున్నా. చంద్రబాబు కాదు మీకు పదవి ఇచ్చింది. మీరు మీ బాధ్యత సక్రమంగా నెరవేర్చాలి.పోలీసులకు చెబుతున్నా. మీరు శాల్యూట్‌ చేయాల్సింది చంద్రబాబుకు కాదు. మీరు ప్రజలను కాపాడాలి.ఇది ప్రారంభం మాత్రమే. 2029 సాధారణ ఎన్నికలు ఫినిషింగ్‌ లైన్‌. మా కార్యకర్తల్లో కసి పెరుగుతోంది. మీ ఓటమి తప్పదు.ప్రజలకు మంచి చేసి ఓట్లు అడగాలి. అంతేకానీ, ఇలా భయపెట్టి కాదు.మీడియా ప్రశ్నలకు బదులిస్తూ..వ్యవస్థల్లో మార్పు రావాలి:2024 ఎన్నికల్లోనూ ఫలితాలు తారుమారయ్యాయి. దాన్ని నేను ఆనాడే ప్రస్తావించాను. కోర్టులకూ కొందరు వెళ్లారు. కానీ వ్యవస్థలో మార్పులు రానంత కాలం మనం ఏమీ చేయలేము.ఎస్‌ఈసీ, సీఈసీని ప్రభుత్వం ఏర్పాటు చేయడం సరికాదు. దానికి నాడు మేం కూడా సమర్థించాం. అందుకు ఇప్పుడు పశ్చాత్తాప పడుతున్నాం.విద్యార్థులే ఎగ్జామినర్‌ను నియమించినట్లుగా ఉంటుంది. సీఈసీ ఎంపిక విధానం ఇప్పుడున్నది సరికాదు. నాడు సమర్థించాం. ఆ తప్పు చేశాం. వ్యవస్థలో మార్పు రావాలి. సీఈసీ. ఎస్‌ఈసీ లో మార్పులు రావాలి. ఎస్‌ఈసీ నియామకం రాష్ట్ర ప్రభుత్వం ఏకపక్షంగా చేయొద్దు. ఎస్‌ఈసీని హైకోర్టు సీజే, విపక్షనేత, సీఎం కలిసి నిర్ణయించాలి.సీఈసీని సీజేఐ, విపక్షనేత, పీఎం కలిసి నిర్ణయించాలి. అంతేకానీ, వారి నియామకాలు ఏకపక్షంగా ఉండకూడదు.

సాక్షి, అమరావతి: మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదివారం సాయంత్రం విజయవాడలోని లోక్‌ భవన్‌లో రాష్ట్ర గవర్నర్‌ జస్టిస్‌ అబ్దుల్‌ నజీర్‌తో భేటీ కానున్నారు. స్థానిక సంస్థల ఎన్నికల నామినేషన్ల సందర్భంగా రెండు రోజులుగా రాష్ట్రంలోని పలు చోట్ల తెలుగుదేశం పార్టీ విధ్వంసకాండకు దిగడం, నామినేషన్లు వేయకుండా వైఎస్సార్‌సీపీ అభ్యర్థులను అడ్డుకోవడం, నామినేషన్‌ పత్రాల చించివేత తదితర దారుణాలను గవర్నర్‌కు వివరించనున్నారు. నేడు వైఎస్‌ జగన్‌ ప్రెస్‌మీట్‌ సాక్షి, అమరావతి: మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి ఆదివారం మీడియాతో మాట్లాడనున్నారు. స్థానిక ఎన్నికల నామినేషన్ల పర్వంలో వరుసగా రెండు రోజులు పలు చోట్ల విధ్వంసకాండ, వైఎస్సార్‌సీపీ అభ్యర్థులపై యథేచ్ఛగా దాడులు, నామినేషన్లు వేయకుండా అడ్డుకోవడం, నామినేషన్‌ పేపర్లు లాక్కుని చించేయడం.. చివరకు పార్టీ లోక్‌సభాపక్ష నేత పీవీ మిథున్‌రెడ్డిపై పుంగనూరులో హత్యాయత్నం, పులివెందులలో శనివారం పోలీసులు గాలిలోకి కాల్పులు, బాష్పవాయు ప్రయోగం.. వంటి ఘటనల నేపథ్యంలో వైఎస్‌ జగన్‌ ఆదివారం ఉదయం 11 గంటలకు పార్టీ కేంద్ర కార్యాలయంలో మీడియాతో మాట్లాడనున్నారు.

సాక్షి,అమరావతి: ఆంధ్రప్రదేశ్‌లో రాజ్యాంగం కుప్పకూలిపోయింది... ప్రజాస్వామ్యాన్ని పట్టపగలే ఖూనీ చేస్తున్నారని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్రస్థాయిలో ధ్వజమెత్తారు. తక్షణమే కేంద్ర ప్రభుత్వం జోక్యం చేసుకోవాలని, ఏపీలో రాష్ట్రపతి పాలన విధించాలని ఆయన డిమాండ్‌ చేశారు. ఈ మేరకు సామాజిక మాధ్యమం ‘ఎక్స్‌’లో ‘సేవ్‌ డెమొక్రసీ ఇన్‌ ఏపీ’ హ్యాష్‌ ట్యాగ్‌తో శనివారం పోస్టు చేశారు. స్థానిక ఎన్నికల నామినేషన్ల సందర్భంగా వరుసగా రెండో రోజూ సీఎం చంద్రబాబు శాంతిభద్రతలను పూర్తిగా నిర్వీర్యం చేశారంటూ ఆగ్రహం వ్యక్తం చేశారు. తన పార్టీ మూకలకు గూండా లైసెన్స్‌లు ఇచ్చి, వారికి అండగా పోలీసు యంత్రాంగాన్ని వాడుకుంటున్నారంటూ మండిపడ్డారు. రాజకీయ హింసావాదిగా తన చరిత్రను మరోసారి చాటుకుంటూ రాష్ట్రంలో జంగిల్‌రాజ్‌ను నడిపిస్తున్నారని సీఎం చంద్రబాబుపై తీవ్ర స్థాయిలో ధ్వజమెత్తారు. ఆ పోస్టులో వైఎస్‌ జగన్‌ ఇంకా ఏమన్నారంటే.. ప్రతిపక్ష అభ్యర్థులు నామినేషన్లు వేయలేని దుస్థితి... ‘‘ప్రతిపక్ష అభ్యర్థులు కనీసం నామినేషన్లు కూడా వేయలేని దుస్థితి సృష్టించారు. వైఎస్సార్‌సీపీ అభ్యర్థులను పోలీ­సుల సమక్షంలోనే, నామినేషన్‌ కేంద్రాల పరిధిలోనే, కత్తులు, కర్రలతో వెంటాడటం, నామినేషన్‌ కేంద్రాలను ముట్టడించడం, ఆర్వో కార్యాలయాల్లోకే చొరబడి నామినేషన్‌ పత్రాలను లాక్కుని చించేయడం, అర్ధరాత్రి అభ్యర్థులను పోలీసులు ఎత్తుకెళ్లడం.. ఇదీ చంద్రబాబు మార్కు ప్రజాస్వామ్యం. ఎన్నికలను ఏకపక్షంగా మార్చేందుకు అధికార బలంతో హింసను ప్రేరేపిస్తున్నారు. దారుణమేమిటంటే, అభ్యర్థులకు ప్రపోజర్లుగా వెళ్లిన మా పార్టీ ఎంపీలను కూడా వదల్లేదు. వారి చేతుల్లోంచి నామినేషన్‌ పత్రాలను లాక్కుని చించేశారు. ముగ్గురు ఎంపీలపై పోలీసుల సమక్షంలోనే, పోలీసుల ద్వారానే దాడులు జరిగాయి. ఎంపీలకే రక్షణ లేని రాష్ట్రంలో సామాన్యుల పరిస్థితి ఏమిటి?పులివెందులలో పోలీసుల కాల్పులు ప్రజాస్వామ్యంపై పేల్చిన తూటాలే..కడప, పులివెందుల, కమలాపురం, జమ్మలమడుగు, రాజంపేట, రాయచోటి, పుంగనూరు, తిరుపతి, దర్శి, దాచేపల్లి, గురజాల సహా రాష్ట్రవ్యాప్తంగా జరుగుతున్న ఘటనలు చంద్రబాబు పాలనలో ప్రజాస్వామ్యం ఎంత దారుణంగా దిగజారిపోయిందో కళ్లకు కట్టినట్లు కనిపిస్తోంది. పులివెందులలో పోలీసుల కాల్పులు ప్రజాస్వామ్యంపై పేల్చిన తూటాలే. దీని వెనుక ముమ్మాటికీ చంద్రబాబుగారి కుట్రే! నామినేషన్‌ వేయడానికి వచ్చిన అభ్యర్థులపై, ప్రపోజెర్స్‌ పై పోలీసులు దాడి చేసి ఎందుకు కొట్టారు! ఎందుకు కాల్పులు జరిపారు. చంద్రబాబూ.. నామినేషన్లు వేయనివ్వకుండా అడ్డుకోవడం ఎన్నికలా? ప్రతిపక్ష అభ్యర్థులను పోలీసులతో ఎత్తుకెళ్లడం ప్రజాస్వామ్యమా? ఎంపీలపైనే దాడులు చేయించడం రాజ్యాంగ పాలనా? రాష్ట్రంలో రాజ్యాంగ వ్యవస్థలను నిర్వీర్యం చేసి, ప్రజాస్వామ్య హక్కులను కాలరాస్తున్న ఈ పరిస్థితుల్లో కేంద్ర ప్రభుత్వం తక్షణమే జోక్యం చేసుకోవాలి. ఆంధ్రప్రదేశ్‌లో రాష్ట్రపతి పాలన విధించాలని డిమాండ్‌ చేస్తున్నాను. సూపర్‌ 6, సూపర్‌ 7ల మోసాలతో ప్రజలకు బాండ్లు ఇచ్చి మరీ మోసం చేసిన ఈ వెన్నుపోటు పార్టీ నుంచి ఇంతకన్నా ఏమి ఆశించగలం’’.

రాష్ట్రంలో స్థానిక సంస్థల ఎన్నికల నామినేషన్ల సందర్భంగా అధికార కూటమి ప్రభుత్వం సాగిస్తున్న అరాచకాలపై వైయస్సార్‌సీపీ అధినేత, మాజీ ముఖ్యమంత్రి వైయస్ జగన్‌మోహన్‌రెడ్డి ఆదివారం మీడియాతో మాట్లాడనున్నారు. ఉదయం 11 గంటలకు తాడేపల్లిలోని పార్టీ కేంద్ర కార్యాలయంలో ఈ ప్రెస్‌మీట్‌ను నిర్వహించనున్నారు. ఈ సందర్భంగా రాష్ట్రంలో జరుగుతున్న అరాచకాలను, అధికార పార్టీ దౌర్జన్యాలను ఆయన ప్రజల ముందుంచనున్నారు.అదేవిధంగా, ఆదివారం సాయంత్రం విజయవాడలోని లోక్‌భవన్‌లో గవర్నర్ అబ్దుల్ నజీర్‌తో వైయస్ జగన్ భేటీ కానున్నారు. స్థానిక ఎన్నికల నామినేషన్ల సమయంలో చోటుచేసుకున్న దారుణాలను ఆయన రాష్ట్ర గవర్నర్‌కు వివరించి ఫిర్యాదు చేయనున్నారు.పచ్చమూకల హింసాకాండ..కాగా స్థానిక ఎన్నికల నామినేషన్ల పర్వంలో పచ్చమూకలు రాష్ట్రవ్యాప్తంగా తీవ్ర హింసాకాండ సృష్టిస్తున్నాయి. ఇందులో భాగంగా శుక్రవారం పార్టీ లోక్‌సభ పక్షనేత పీవీ మిధున్‌రెడ్డిపై పుంగనూరులో టీడీపీ శ్రేణులు హత్యాయత్నానికి పాల్పడ్డాయి. అలాగే, శనివారం పులివెందులలోనూ టీడీపీ గుండాలు పెట్రేగిపోయి దాడులకు తెగబడ్డారు. ఈ అప్రజాస్వామిక ఘటనలపై నేటి మీడియా సమావేశంలో వైయస్ జగన్ విస్త్రృతంగా మాట్లాడే అవకాశం ఉంది.

సాక్షి, తాడేపల్లి: రాష్ట్రంలో అధికార కూటమి ప్రభుత్వం సాగిస్తున్న అరాచకాలపై వైఎస్సార్‌సీపీ అధినేత, మాజీ ముఖ్యమంత్రి వైఎస్ జ‌గ‌న్‌మోహన్‌రెడ్డి ధ్వజమెత్తారు. స్థానిక సంస్థల ఎన్నికల నామినేషన్ల ప్రక్రియ సందర్భంగా టీడీపీ గుండాలు జరిపిన దాడులు, పోలీసుల కాల్పుల ఘటనలపై వైఎస్‌ జగన్‌ ఆగ్రహం వ్యక్తం చేశారు . ఈ మేరకు ట్వీట్‌ చేసిన వైఎస్‌ జగన్‌.. ఏపీలో జరుగుతున్న హింసాకాండపై తీవ్ర ఆందోళన వ్యక్తం చేశారు. ఆంధ్రప్రదేశ్‌లో రాజ్యాంగం కుప్పకూలిపోయిందనడానికి వరుసగా జరుగుతున్న ఘటనలే ఉదాహరణలని మండిపడ్డారు.పట్టపగలే ప్రజాస్వామ్యం ఖూనీ..‘ప్రజాస్వామ్యాన్ని పట్టపగలే ఖూనీ చేస్తున్నారు. స్థానిక ఎన్నికల నామినేషన్ల సందర్భంగా వరుసగా రెండోరోజూ చంద్రబాబు శాంతిభద్రతలను పూర్తిగా నిర్వీర్యం చేశారు. తన పార్టీ మూకలకు గూండా లైసెన్స్‌లు ఇచ్చి, వారికి అండగా పోలీసు యంత్రాంగాన్ని వాడుకుంటున్నారు. రాజకీయ హింసావాదిగా తన చరిత్రను మరోసారి చాటుకుంటూ రాష్ట్రంలో జంగిల్‌రాజ్‌ను నడిపిస్తున్నారు. ప్రతిపక్ష అభ్యర్థులు కనీసం నామినేషన్లు కూడా వేయలేని దుస్థితి సృష్టించారు. వైస్సార్‌సీపీ అభ్యర్థులను పోలీసుల సమక్షంలోనే, నామినేషన్ కేంద్రాల పరిధిలోనే, కత్తులు, కర్రలతో వెంటాడటం, నామినేషన్ కేంద్రాలను ముట్టడించడం, ఆర్వో కార్యాలయాల్లోకే చొరబడి నామినేషన్ పత్రాలను లాక్కుని చించేయడం, అర్ధరాత్రి అభ్యర్థులను పోలీసులు ఎత్తుకెళ్లడం..ఇదీ చంద్రబాబు మార్కు ప్రజాస్వామ్యం!’అంటూ ధ్వజమెత్తారు.ఎంపీలకే రక్షణ లేని రాష్ట్రంలో సామాన్యుల పరిస్థితి ఏమిటి?‘ఎన్నికలను ఏకపక్షంగా మార్చేందుకు అధికార బలంతో హింసను ప్రేరేపిస్తున్నారు. దారుణమేమిటంటే, అభ్యర్థులకు ప్రపోజర్లుగా వెళ్లిన మా పార్టీ ఎంపీలను కూడా వదల్లేదు. వారి చేతుల్లోంచి నామినేషన్ పత్రాలను లాక్కుని చించేశారు. ముగ్గురు ఎంపీలపై పోలీసుల సమక్షంలోనే పోలీసుల ద్వారానే దాడులు జరిగాయి. ఎంపీలకే రక్షణ లేని రాష్ట్రంలో సామాన్యుల పరిస్థితి ఏమిటి?, కడప, పులివెందుల, కమలాపురం, జమ్మలమడుగు, రాజంపేట, రాయచోటి, పుంగనూరు, తిరుపతి, దర్శి, దాచేపల్లి, గురజాల సహా రాష్ట్రవ్యాప్తంగా జరుగుతున్న ఘటనలు చంద్రబాబు పాలనలో ప్రజాస్వామ్యం ఎంత దారుణంగా దిగజారిపోయిందో కళ్లకు కట్టినట్లు కనిపిస్తోంది. పులివెందులలో పోలీసుల కాల్పులు ప్రజాస్వామ్యంపై పేల్చిన తూటాలే.దీని వెనుక ముమ్మాటికీ చంద్రబాబుగారి కుట్రే!’ అని ఆగ్రహం వ్యక్తం చేశారు. ఎందుకు కాల్పులు జరిపారు?‘నామినేషన్ వేయడానికి వచ్చిన అభ్యర్థులను, ప్రపోజెర్స్ పై పోలీసులు దాడి చేసి ఎందుకు కొట్టారు?, ఎందుకు కాల్పులు జరిపారు?, చంద్రబాబూ.. నామినేషన్లు వేయనివ్వకుండా అడ్డుకోవడం ఎన్నికలా?, ప్రతిపక్ష అభ్యర్థులను పోలీసులతో ఎత్తుకెళ్లడం ప్రజాస్వామ్యమా?, ఎంపీలపైనే దాడులు చేయించడం రాజ్యాంగ పాలనా?, రాష్ట్రంలో రాజ్యాంగ వ్యవస్థలను నిర్వీర్యం చేసి, ప్రజాస్వామ్య హక్కులను కాలరాస్తున్న ఈ పరిస్థితుల్లో కేంద్ర ప్రభుత్వం తక్షణమే జోక్యం చేసుకోవాలి. ఆంధ్రప్రదేశ్‌లో రాష్ట్రపతి పాలన విధించాలని డిమాండ్ చేస్తున్నాను. సూపర్ 6, సూపర్ 7ల మోసాలతో ప్రజలకు బాండ్లు ఇచ్చి మరీ మోసం చేసిన ఈ వెన్నుపోటు పార్టీ నుంచి ఇంతకన్న ఏమి ఆశించగలం?’ అని ప్రశ్నించారు. ఇదీ చదవండి: పులివెందులలో ఏకే 47తో కాల్పులు

సాక్షి, అమరావతి: రాజంపేట ఎంపీ, వైఎస్సార్‌సీపీ లోక్‌సభా పక్ష నాయకుడు పీవీ మిథున్‌రెడ్డికి మాజీ ముఖ్యమంత్రి వైఎస్‌ జగన్‌ ఫోన్‌ చేసి పుంగనూరులో టీడీపీ శ్రేణుల దాడి ఘటన వివరాలు తెలుసుకున్నారు. రాష్ట్రంలో ఎన్నికలను సజావుగా నిర్వహించాలన్న ఉద్దేశం చంద్రబాబుకు లేదని, రెండున్నరేళ్ల పాలనపై ప్రజల్లో తీవ్ర వ్యతిరేకత ఉండటంతోనే అరాచకాలకు పాల్పడుతున్నారని వైఎస్‌ జగన్‌ ఆగ్రహం వ్యక్తం చేశారు. హింసాత్మక రాజకీయాలు చంద్రబాబుకు కొత్తేమీ కాదని, రాష్ట్రాన్ని జంగిల్‌ రాజ్‌లా మార్చేశారని మండిపడ్డారు. వైఎస్సార్‌సీపీ లోక్‌సభాపక్ష నాయకుడికే భద్రత లేని పరిస్థితులు నెలకొన్నాయని ఆవేదన వ్యక్తంచేశారు. చంద్రబాబు అధికార దుర్వినియోగానికి పాల్పడుతూ పోలీసులను ఉపయోగించుకుని అక్రమాలకు పాల్పడుతున్నారని, దాడులు జరుగుతున్నా పోలీసు వ్యవస్థ నిస్తేజంగా ఉండిపోతోందని పేర్కొన్నారు.చట్టపరంగా పోరాటం చేస్తాం రాష్ట్రంలో జరుగుతున్న అన్యాయాలను సమర్థంగా ఎదుర్కొంటామని వైఎస్‌ జగన్‌ స్పష్టంచేశారు. న్యాయపరంగా, చట్టపరంగా అన్ని మార్గాల్లో పోరాటం చేస్తామని, ధైర్యం, సహనంతో ఎన్నికలను ఎదుర్కొంటామని తెలిపారు. రాష్ట్రంలో నెలకొన్న పరిస్థితులను న్యాయస్థానాల దృష్టికి తీసుకెళ్తామని పేర్కొన్నారు. ఎన్నికలు స్వేచ్ఛగా, నిష్పక్షపాతంగా జరగాలంటే పారామిలటరీ బలగాలను మోహరించాల్సిన అవసరం ఉందని వైఎస్‌ జగన్‌ అభిప్రాయపడ్డారు. ఇదే అంశాన్ని న్యాయస్థానాల ముందు ఉంచుతామని తెలిపారు. ప్రజలకు మంచి చేసిన చరిత్ర వైఎస్సార్‌సీపీదని, హింసతో రాష్ట్రాన్ని నాశనం చేస్తున్న చరిత్ర చంద్రబాబుదని వైఎస్‌ జగన్‌ విమర్శించారు.

సాక్షి, అమరావతి: ప్రజాస్వామ్య వ్యవస్థపై చంద్రబాబు ప్రభుత్వం క్రూరంగా చేసిన దాడిని ఈరోజు ఆంధ్రప్రదేశ్‌ ప్రజలు ప్రత్యక్షంగా చూశారని మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి పేర్కొన్నారు. రాష్ట్రంలో మున్సిపల్‌ ఎన్నికల నామినేషన్ల తొలిరోజే వైఎస్సార్‌సీపీ అభ్యర్థులపై టీడీపీ గూండాలు దాడులకు దిగడంతోపాటు హత్య చేస్తామని బెదిరిస్తూ చివరకు నామినేషన్లు కూడా వేయకుండా అడ్డుకున్నారని తీవ్ర స్థాయిలో మండిపడ్డారు. నామినేషన్లు వేయకుండా అడ్డుకోవడం.. వాహనాలకు నిప్పుపెట్టడం.. నామినేషన్‌ పత్రాలను లాక్కొని చించివేయడం లాంటి ఘటనలు జరుగుతున్నా శాంతి భద్రతలను కాపాడాల్సిన పోలీసులు ప్రేక్షకపాత్ర వహించారని ధ్వజమెత్తారు. కొన్ని చోట్ల ఈ దౌర్జన్యాల్లో భాగస్వాములుగా కూడా మారారని, తమ విధులు నిర్వర్తించని పోలీసులు చంద్రబాబు ఆదేశాలకు అనుగుణంగా వ్యవహరించారని నిప్పులు చెరిగారు. ఈ మేరకు శుక్రవారం ఎక్స్‌లో వైఎస్‌ జగన్‌ పోస్ట్‌ చేశారు. అందులో ఆయన ఇంకా ఏమన్నారంటే..ఎంపీకే రక్షణ కల్పించకపోతే...ఇక సామాన్యుల గతేమిటి?రాజంపేట ఎంపీ, లోక్‌సభలో వైఎస్సార్‌సీపీ పక్ష నేత పీవీ మిథున్‌రెడ్డిపై పుంగనూరులో జరిగిన హత్యాయత్నాన్ని తీవ్రంగా ఖండిస్తున్నా. పార్టీ అభ్యర్థులతో నామినేషన్లు వేయించేందుకు వెళ్లిన ఆయన వాహన శ్రేణిపై టీడీపీ గూండాలు రాళ్లు, కర్రలు, ఇనుపరాడ్లతో దాడి చేశారు. ఆయనకు భద్రత కల్పిస్తున్న సీఆర్‌పీఎఫ్‌ సిబ్బందిని కూడా గాయపరిచారు. వాహనాలను ధ్వంసం చేశారు. మా అభ్యర్థులను నామినేషన్లు వేయకుండా అడ్డుకున్నారు. నామినేషన్ల స్వీకరణ కేంద్రం ప్రాంగణంలోనే పోలీసుల కళ్లెదుట ఇదంతా జరిగింది. ఇంత జరిగినా తర్వాత కూడా మా అభ్యర్థులను మూడు గంటలకుపైగా వేచి ఉంచిన అధికారులు వారి నామినేషన్‌ పత్రాలను మాత్రం స్వీకరించలేదు. లోక్‌సభలో మా పార్టీ పక్ష నేతకే రక్షణ లేకపోతే సామాన్య ప్రజలకు ఎలాంటి భద్రత ఉంటుందని ఆశించగలం?రాయచోటిలో భయోత్పాతం సృష్టించారు..రాయచోటిలో మా అభ్యర్థులను నామినేషన్లు వేయవద్దంటూ బెదిరించారు. ఆ బెదిరింపులను లెక్కచేయకుండా ముందుకు వెళ్లడంతో టీడీపీ గూండాలు మాజీ ఎమ్మెల్యే శ్రీకాంత్‌రెడ్డి కార్యాలయంపై దాడి చేశారు. పార్టీ కార్యాలయానికి, వాహనాలకు నిప్పుపెట్టి మా కార్యకర్తలను గాయపరిచారు. ఈ దాడులకు పాల్పడిన వారిపై కేసులు నమోదు చేసి మా అభ్యర్థులకు రక్షణ కల్పించాల్సిన పోలీసులు అందుకు విరుద్ధంగా వ్యవహరించారు. అభ్యర్థుల ఎంపిక, నామినేషన్‌ పత్రాల తయారీ కోసం మా పార్టీ కార్యాలయంలో సమావేశమైన కార్యకర్తలను అక్కడి నుంచి వెళ్లిపోవాలని ఆదేశించారు. మా పార్టీ కార్యాలయానికి నిప్పు పెడుతున్నా పోలీసులు మౌన ప్రేక్షకులుగా మిగిలిపోయారు.పోలీసుల సమక్షంలోనే అభ్యర్థులపై దాడులుతిరుపతిలో మా పార్టీ మహిళా అభ్యర్థి నామినేషన్‌ పత్రాలను లాక్కుని చించివేశారు. మా నాయకులపై దాడులు చేశారు. ధర్మవరంలో పోలీసుల సమక్షంలోనే అభ్యర్థులపై దాడి చేసి నామినేషన్‌ పత్రాలను లాక్కున్నారు. కడపలో 30వ డివిజన్‌ అభ్యర్థిని అడ్డుకోవడమే కాకుండా రిటర్నింగ్‌ అధికారికి సమర్పించిన నామినేషన్‌ పత్రాలను కూడా లాక్కుని చించివేశారు. అయినా ఒక్క కేసు కూడా నమోదు చేయలేదు. ఎవరిపైనా చర్యలు తీసుకోలేదు. పోలీసుల ఈ సిగ్గుమాలిన నిర్వాకంతో టీడీపీ శ్రేణులు బహిరంగంగానే ఎన్నికల ప్రక్రియను అడ్డుకునేందుకు తెగబడుతున్నాయి. దాచేపల్లిలో మా నగర పంచాయతీ చైర్మన్‌ అభ్యర్థి వాహనంలో మద్యం సీసాలు పెట్టి ఆయనను నామినేషన్‌ వేయకుండా నిర్బంధించారు. ప్రభుత్వ యంత్రాంగం బాబు సొంత ఆస్తి కాదు..ప్రభుత్వ యంత్రాంగం తన పార్టీ సొంత ఆస్తి కాదన్న విషయాన్ని చంద్రబాబు గుర్తించాలి. ఇలా హింస, దౌర్జన్యాలతో ప్రజల్లో కోల్పోయిన విశ్వాసాన్ని టీడీపీ తిరిగి పొందలేదు. ఇలాంటి ప్రతి దాడి... ప్రజల పక్షాన నిలబడి వారి ప్రజాస్వామ్య హక్కులను కాపాడాలన్న మా సంకల్పాన్ని మరింత బలోపేతం చేస్తుంది.బెదిరింపులకు లొంగేది లేదు..వైఎస్సార్‌సీపీ కార్యకర్తలందరికీ నేను అండగా నిలబడతా. బెదిరింపులకు లొంగేది లేదు. ప్రజాస్వామ్య పరిరక్షణ కోసం చేస్తున్న పోరాటాన్ని వీడే ప్రసక్తే లేదు. ప్రతి ఘ­టనపైనా సమగ్ర దర్యాప్తు జరగాలి. దాడులకు పాల్పడిన ప్రతి ఒక్కరినీ బాధ్యులను చేయాలి. ఈ హింసకు సహకరించిన ప్రతి అధికారిని జవాబుదారీగా నిలబెట్టాలి.అభ్యర్థులకు రక్షణ కల్పించాలి..రాష్ట్ర ఎన్నికల సంఘం (ఎస్‌ఈసీ) తక్షణమే జోక్యం చేసుకోవాలి. దాడులు, బెదిరింపుల కారణంగా నామినేషన్లు దాఖలు చేయలేకపోయిన అభ్యర్థులందరికీ నామినేషన్లు వేసే అవకాశం కల్పించాలి. కేంద్ర బలగాలను మోహరించి ఎన్నికల్లో భద్రత కల్పించాలి. అభ్యర్థులు ఎలాంటి భయాందోళనలు లేకుండా పోటీ చేసే పరిస్థితులు ఉండాలి. ప్రజలు తమ ప్రతినిధులను స్వేచ్ఛగా ఎన్నుకునే వాతావరణం కల్పించాలి.ఆన్‌లైన్‌లో నామినేషన్లు స్వీకరించాలి..నామినేషన్ల దాఖలుకు కేంద్రీకృత విధానాన్ని లేదా పారదర్శకమైన, సురక్షితమైన ఆన్‌లైన్‌ నామినేషన్‌ విధానాన్ని అందుబాటులోకి తీసుకు రావాలి. అన్ని పోలింగ్‌ కేంద్రాల్లో సీసీటీవీ కెమెరాలు ఏర్పాటు చేసి ప్రత్యక్ష ప్రసార ఫుటేజీ అందుబాటులో ఉంచాలి. బ్యాలెట్‌ బాక్సులను ట్యాంపరింగ్‌ చేయకుండా నిరోధించేందుకు అన్ని స్ట్రాంగ్‌ రూమ్‌లలో సీసీటీవీ ప్రత్యక్ష ప్రసార పర్యవేక్షణ ఉండాలి. అన్ని ఓట్ల లెక్కింపు కేంద్రాల్లోనూ సీసీటీవీ ప్రత్యక్ష ప్రసార పర్యవేక్షణ ఏర్పాటు చేయాలి. బ్యాలెట్‌ పేపర్‌ అకౌంట్‌లోని సంతకాలను సక్రమంగా పరిశీలించడంతో పాటు ఓట్ల లెక్కింపు ప్రక్రియ మొత్తాన్ని పర్యవేక్షించాలి. స్థానిక ఎన్నికలు స్వేచ్ఛాయుతంగా, నిష్పక్షపాతంగా నిర్వహించేందుకు పారా మిలిటరీ బలగాలను రప్పించాలి.

రాష్ట్రంలో మున్సిపల్ ఎన్నికల నామినేషన్ల తొలిరోజే టీడీపీ శ్రేణులు అరాచకానికి దిగాయని వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి తీవ్ర ఆగ్రహం వ్యక్తం చేశారు. కూటమి ప్రభుత్వం ప్రజాస్వామ్యంపై ప్రత్యక్ష దాడికి తెగబడిందని మండిపడ్డారు. ఈ దాడులు, అరాచకాలపై ఎక్స్ వేదికగా స్పందించిన ఆయన.. రాష్ట్రంలో శాంతిభద్రతల క్షీణతను, పోలీసుల నిమ్మకు నీరెత్తిన వైఖరిని ఎండగట్టారు.రాష్ట్రవ్యాప్తంగా టీడీపీ మూకల అరాచకాలువైఎస్సార్‌సీపీ లోక్‌సభ పక్ష నేత, రాజంపేట ఎంపీ మిథున్ రెడ్డి కాన్వాయ్‌పై టీడీపీ కార్యకర్తలు రాళ్లు, కర్రలు, ఇనుప రాడ్లతో పాశవిక దాడిని జగన్ ఖండించారు. ఈ దాడిలో ఎంపీ వాహనాలు ధ్వంసమవ్వడమే కాకుండా ఆయన గన్ మన్లకు కూడా గాయాలయ్యాయని తెలిపారు.నామినేషన్ కేంద్రం ఆవరణలోనే దాడులు జరుగుతున్నా పోలీసులు ప్రేక్షకపాత్ర వహించారని, లోక్‌సభలో తమ పార్టీ పక్ష నేతకే రక్షణ లేకపోతే సామాన్య ప్రజలకు ఏం భద్రత ఉంటుందని ప్రశ్నించారు. మూడు గంటలకు పైగా వేచి ఉన్నా అధికారులు వైఎస్సార్‌సీపీ అభ్యర్థుల నామినేషన్లను స్వీకరించలేదని మండిపడ్డారు.మాజీ ఎమ్మెల్యే ఆఫీసుకు నిప్పురాయచోటిలో వైఎస్సార్‌సీపీ అభ్యర్థులను నామినేషన్ వేయకుండా బెదిరించారని, బెదిరింపులను లెక్కచేయక ముందుకు వెళ్లినవారిపై దాడులు చేశారని జగన్ పేర్కొన్నారు. మాజీ ఎమ్మెల్యే శ్రీకాంత్ రెడ్డి కార్యాలయానికి నిప్పుపెట్టి, వాహనాలను తగలబెట్టారని ఆవేదన వ్యక్తం చేశారు. దాడులకు పాల్పడినవారిని వదిలేసి, బాధితులైన వైయస్సార్‌సీపీ కార్యకర్తలనే పార్టీ కార్యాలయం ఖాళీ చేసి వెళ్లాలని పోలీసులు ఆదేశించడం దారుణమన్నారు.నామినేషన్ పత్రాల చించివేతతిరుపతిలో మహిళా అభ్యర్థి నామినేషన్ పత్రాలను లాక్కుని చించివేశారని, పార్టీ నేతలపై భౌతిక దాడులు చేశారని ఆయన తెలిపారు. ధర్మవరంలో పోలీసుల సమక్షంలోనే వైఎస్సార్‌సీపీ అభ్యర్థులపై దాడి చేసి నామినేషన్ పత్రాలను లాక్కున్నారని పేర్కొన్నారు.కడప 30వ డివిజన్ వైయస్సార్‌సీపీ అభ్యర్థిని అడ్డుకుని, రిటర్నింగ్ అధికారికి సమర్పించిన నామినేషన్ పత్రాలను లాక్కుని చించివేశారన్నారు. ఇన్ని అరాచకాలు జరిగినా పోలీసులు కేసులు నమోదు చేయలేదు, చర్యలు తీసుకోలేదని సీరియస్ అయ్యారు. దాచేపల్లి నగర పంచాయతీ ఛైర్మన్ అభ్యర్థిని నామినేషన్ వేయకుండా అడ్డుకుని, ఆయన వద్ద మద్యం బాటిళ్లు పెట్టి తప్పుడు కేసులో ఇరికించే ప్రయత్నం చేస్తూ బలవంతంగా నిర్బంధించారని జగన్ అన్నారు.పారామిలటరీ బలగాల మోహరింపునకు డిమాండ్ప్రభుత్వ యంత్రాంగం చంద్రబాబు సొంత ఆస్తి కాదని, హింస ద్వారా టీడీపీ కోల్పోయిన ప్రజల విశ్వాసాన్ని ఎప్పటికీ తిరిగి పొందలేదు అని ఈ సందర్భంగా వైఎస్ జగన్ వ్యాఖ్యానించారు. ఈ దాడులు తమ కార్యకర్తల సంకల్పాన్ని మరింత బలపరుస్తాయని, వైఎస్సార్‌సీపీ కార్యకర్తలందరికీ అండగా ఉంటామని హామీ ఇచ్చారు. రాష్ట్ర ఎన్నికల సంఘం తక్షణమే జోక్యం చేసుకోవాలని జగన్ అభిప్రాయపడ్డారు. "ప్రతీ దాడిపై సమగ్ర విచారణ జరిపి దాడులు చేసిన వారిని, సహకరించిన అధికారులను బాధ్యులను చేయాలి. దాడుల వల్ల నామినేషన్లు వేయలేకపోయిన అభ్యర్థులందరికీ మళ్లీ అవకాశం కల్పించి వారికి రక్షణ ఇవ్వాలి. భయాందోళనలు లేని వాతావరణం కోసం ఆన్‌లైన్‌లో నామినేషన్లు స్వీకరించే విధానాన్ని ప్రవేశపెట్టాలి.పోలింగ్ కేంద్రాలు, కౌంటింగ్ కేంద్రాలతో పాటు బ్యాలెట్ బాక్సులను భద్రపరిచే స్ట్రాంగ్ రూమ్‌లలో నిరంతర సీసీటీవీ లైవ్ పర్యవేక్షణ ఏర్పాటు చేయాలి. బ్యాలెట్ పేపర్ అకౌంట్‌పై సంతకాల ధ్రువీకరణ సరిగ్గా జరిగేలా పర్యవేక్షించాలి.రాష్ట్రంలో స్వేచ్ఛాయుత, నిష్పక్షపాత ఎన్నికలు నిర్వహించడానికి కేంద్ర పారామిలటరీ బలగాలను మోహరించాలని" వైఎస్ జగన్ డిమాండ్ చేశారు. కాగా శుక్రవారం నామినేషన్ల సందర్భంగా పచ్చ మూకలు చేసిన దాడుల్లో మిథున్‌రెడ్డితో పాటు పలువురు వైఎస్సార్‌సీపీ నాయకులు, కార్యకర్తలు గాయపడ్డారు.

సత్యసాయి జిల్లా, సాక్షి: గొల్లపల్లి రిజర్వాయర్‌లో పడి ఐదుగురు మహిళలు మృతి చెందిన ఘటనపై మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్ జగన్‌ తీవ్ర దిగ్భ్రాంతి వ్యక్తం చేశారు. కుటుంబ సభ్యులతో కలిసి విహారయాత్రకు వెళ్లిన మహిళలు ఈ విధంగా ప్రాణాలు కోల్పోవడం అత్యంత బాధాకరమని ఆయన ఆవేదన వ్యక్తం చేశారు. మృతుల కుటుంబాలకు తన ప్రగాఢ సానుభూతిని తెలియజేశారు.ఈ విషాదాన్ని తట్టుకునే మనోధైర్యాన్ని బాధిత కుటుంబాలకు ప్రసాదించాలని భగవంతుడిని ప్రార్థించారు. మృతుల కుటుంబాలను ప్రభుత్వం అన్ని విధాలా ఆదుకోవాలని, వారికి తగిన ఆర్థిక సహాయం అందించాలని వైఎస్‌ జగన్‌ కోరారు.కాగా, శ్రీ సత్యసాయి జిల్లాలోని పెనుకొండలో తీవ్ర విషాదం చోటు చేసుకుంది. గొల్లపల్లి రిజర్వాయర్‌లో పడి ఐదుగురు మృతి చెందిన ఘటన శుక్రవారం(అక్టోబర్‌ 16వ తేదీ) మధ్యాహ్న సమయంలో చోటు చేసుకుంది. గొల్లపల్లి రిజర్వాయర్‌కు విహారయాత్రకు వెళ్లిన క్రమంలో ఈ విషాదం జరిగింది. ఈత కొట్టడానికి రిజర్వాయర్‌లో దిగి అందులో చిక్కుకుపోయి మృత్యువాత పడ్డారు. మృతులంతా మహిళలుగా గుర్తించారు. ఈ ఘటనపై కేసు నమోదు చేసుకున్న పోలీసులు విచారణ చేపట్టారు.ఇదీ చదవండి: కూటమిలో ఎన్నికల కుంపట్లు

సాక్షి, గుంటూరు: పుంగనూరులో ఎంపీ మిథున్‌రెడ్డిపై జరిగిన దాడిని వైఎస్సార్‌సీపీ అధినేత, మాజీ సీఎం వైఎస్‌ జగన్‌ తీవ్రంగా ఖండించారు. ఎన్నికలు సజావుగా జరపాలన్న ఉద్దేశం చంద్రబాబుకి ఏమాత్రం లేదన్న ఆయన.. తీవ్ర ప్రజా వ్యతిరేకత నడుమ ఓడిపోతారనే తెలిసే దాడులను ప్రొత్సహిస్తున్నారని అన్నారు. పుంగనూరుతో పాటు రాయచోటిలో ఇవాళ జరిగిన టీడీపీ రాక్షస క్రీడ గురించి ఆయన పార్టీ వర్గాల నుంచి ఆరా తీశారు.‘‘హింసా రాజకీయాలు చంద్రబాబుకి కొత్త కాదు. రాష్ట్రాన్ని జంగిల్‌రాజ్‌గా మార్చారు. ఒక ఎంపీ.. అందునా ఓ పార్టీ లోక్‌సభా పక్ష నేతకే భద్రతా లేకుండా పోయిన పరిస్థితులు చూస్తున్నాం. రెండున్నరేళ్ల కూటమి పాలనపై ప్రజలు తీవ్ర వ్యతిరేకతతో ఉన్నారు. అందుకే అరాచకాలకు, దాడులకు పాల్పడుతున్నారు. పోలీసులను వాడుకుని అధికార దుర్వినియోగానికి పాల్పడుతున్నారు. అక్రమాలు చేస్తున్నారు’’ అని వైఎస్‌ జగన్‌ ధ్వజమెత్తారు.‘‘దాడులు జరుగుతుంటే పోలీసులు ప్రేక్షక పాత్ర వహిస్తున్నారు. కూటమి అన్యాయాలను సమర్థవంతంగా ఎదుర్కొంటాం. న్యాయ, చట్టపరంగా పోరాడతాం. ధైర్యం సహనంతో ఎన్నికలను ఎదుర్కొంటాం. రాష్ట్రంలో పరిస్థితుల్ని కోర్టులకు తెలియజేస్తాం. కేంద్ర బలగాలతోనే ఎన్నికలు సజావుగా సాగుతాయి. ఇదే విషయం కోర్టు ముందు ఉంచుతాం. ప్రజలకు మంచి చేసిన చరిత్ర మాది. హిసంతో రాష్ట్రాన్ని నాశనం చేస్తున్న చరిత్ర చంద్రబాబుది’’ అని వైఎస్‌ జగన్‌ అన్నారు. టీడీపీ శ్రేణుల దాడిలో గాయపడ్డ ఎంపీ మిథున్‌రెడ్డిని ఫోన్‌లో వైఎస్‌ జగన్‌ పరామర్శించారు. జరిగిందంతా అడిగి తెలుసుకున్నారు.స్థానిక సంస్థల ఎన్నికల నామినేషన్ల వేళ శుక్రవారం వైఎస్సార్‌సీపీ అభ్యర్థులను అడ్డుకోవడం, మిథున్‌రెడ్డి కాన్వాయ్‌పై దాడి చేయడం, వాహనాలను ధ్వంసం చేయడం వంటి ఘటనలతో పుంగనూరులో ఉద్రిక్తత నెలకొంది.పుంగనూరు మున్సిపాలిటీలో వైఎస్సార్‌సీపీ అభ్యర్థులు నామినేషన్లు వేసేందుకు వెళ్తుండగా ఈ ఘటన చోటుచేసుకుంది. రాజంపేట ఎంపీ మిథున్‌రెడ్డి వెంట ఉన్న పార్టీ నాయకులను టీడీపీ శ్రేణులు అడ్డుకున్నాయి. అనంతరం రాళ్లు, కర్రలతో దాడికి దిగడంతో పలువురు గాయపడ్డారు. ఈ దాడిలో మిథున్‌రెడ్డికి, ఆయన గన్‌మెన్లకు కూడా గాయాలయ్యాయి.దాడిలో వైఎస్సార్‌సీపీకి చెందిన పలు వాహనాలు ధ్వంసమయ్యాయి. కొన్ని వాహనాలకు నిప్పంటించిన దృశ్యాలు కూడా వెలుగులోకి వచ్చాయి. పరిస్థితి ఉద్రిక్తంగా మారడంతో అధికారులు మిథున్‌రెడ్డిని నామినేషన్‌ కేంద్రంలోని ప్రత్యేక గదికి తరలించారు. అయితే నామినేషన్లు స్వీకరించేంత వరకు అక్కడి నుంచి కదలనని ఆయన భీష్మించుకుని కూర్చుకున్నారు. ఇటు రాయచోటిలోనూ వైఎస్సార్‌సీపీ ఆఫీస్‌ను టీడీపీ గూండాలు తగలబెట్టారు. పలు వాహనాలకు ధ్వంసం చేశారు. ఆ దాడి నుంచి వైఎస్సార్‌సీపీ నేత, మాజీ ఎమ్మెల్యే గడికోట శ్రీకాంత్‌ సురక్షితంగా బయటపడ్డారు. పుంగనూరు, రాయచోటి ఘటనలపై వైఎస్సార్‌సీపీ తీవ్ర ఆగ్రహం వ్యక్తం చేసింది. నామినేషన్లు వేసే హక్కును అడ్డుకోవడం ప్రజాస్వామ్యానికి విరుద్ధమని పార్టీ నేతలు విమర్శించారు. దాడికి బాధ్యులైన వారిపై చర్యలు తీసుకోవాలని డిమాండ్‌ చేశారు.ఇదీ చదవండి👉: ఏపీలో పచ్చ మూకల బరితెగింపు

విశాఖ మేయర్ అభ్యర్థిగా పోటీ చేసే అవకాశం ఇచ్చిన వైఎస్సార్‌సీపీ అధినేత వైఎస్‌ జగన్‌కు ఎమ్మెల్సీ వరుదు కళ్యాణి ధన్యవాదాలు తెలిపారు. విశాఖ ప్రజల ఆశీస్సులతో ఘన విజయం సాధించి, జగన్ తనపై ఉంచిన నమ్మకాన్ని నిలబెట్టుకుంటానని ఆమె ధీమా వ్యక్తం చేశారు.గత ప్రభుత్వ హయాంలో వైఎస్ జగన్ విశాఖను అన్ని రంగాల్లో అభివృద్ధి చేసి విశ్వ నగరంగా తీర్చిదిద్దారని గుర్తుచేశారు. నగరంలో జగన్ చేసిన అభివృద్ధి, అందించిన సంక్షేమ ఫలాలనే రాబోయే ఎన్నికల్లో తమ ప్రధాన ప్రచార అస్త్రాలుగా మలుచుకుని ప్రజల ముందుకు వెళ్తామని వెల్లడించారు.ఈ సందర్భంగా కూటమి ప్రభుత్వంపై తీవ్రస్థాయిలో విమర్శలు గుప్పించారు. రాష్ట్రంలో కూటమి ప్రభుత్వం అధికారంలోకి వచ్చాక అవలంభిస్తున్న ప్రజా వ్యతిరేక విధానాలు, వైఫల్యాలను ప్రజల్లో ఎండగడతామన్నారు. విశాఖలో రూపాయి, అర్ధ రూపాయికే విలువైన భూములను కట్టబెడుతూ అడ్డగోలు అమ్మకాలకు పాల్పడుతున్నారని మండిపడ్డారు.అలాగే ఉత్తరాంధ్ర ప్రజల జీవనాడి అయిన విశాఖ స్టీల్ ప్లాంట్‌ను కూటమి ప్రభుత్వాల నిర్లక్ష్యం కారణంగా పూర్తిగా నిర్వీర్యం చేస్తున్నారని ఆరోపించారు.

కేంద్ర ప్రభుత్వానికి చెందిన ఎన్‌ఫోర్స్‌మెంట్‌ డైరెక్టరేట్‌(ఈడీ) అధికారంలో ఉన్నవారికి రాజకీయ ఆయుధంగా మారుతోందా!ఈ ప్రశ్న ఎప్పటినుంచో ఉన్నప్పటికీ భారతీయ జనతా పార్టీ ఆధ్వర్యంలోని ఎన్డీఏ హయాంలో కూడా అదే విమర్శకు గురి అవుతుండడమే గమనించవలసిన అంశంగా కనిపిస్తుంది. గతంలో కాంగ్రెస్ పార్టీ సీబీఐ , ఈడీ వంటి స్వతంత్ర ప్రతిపత్తి కలిగిన సంస్థలను సొంత ప్రయోజనాలకు వాడుతోందని బీజేపీ ఆరోపించేది. సరిగ్గా అదే రీతిలో బీజేపీ కూడా చేస్తున్నట్లు అనిపిస్తుంది. విశేషం ఏమిటంటే బీజేపీ మిత్రపక్షంగా ఉన్న తెలుగుదేశం పార్టీ ఏపిలో ఈడీని నడుపుతూ వైఎస్సార్‌సీపీ అదినేత, మాజీ ముఖ్యమంత్రి జగన్‌పై ఉసికొల్పుతోందన్న ఆరోపణలు వస్తున్నాయి.వైఎస్సార్‌సీపీకి సంబందించిన పలువురు నేతలపై ఏవో దిక్కుమాలిన కేసులు పెట్టి తొలుత రాష్ట్ర పోలీసులు, ఆ తర్వాత ఈడీ వంటి సంస్థలను పురికొల్పుతున్నారు. చిత్తశుద్దితో ఈ సంస్థలు పనిచేయడం లేదన్న ఆరోపణలు దేశం అంతటా వినిపిస్తున్నాయి. ఈ విషయంలో కాంగ్రెకు, బీజేపీకి ఒక తేడా ఉంది. సోనియాగాంధీ నాయకత్వంలో యూపీఏ ప్రభుత్వం ఉన్నప్పుడు ఇతర పార్టీలవారిపైతో పాటు, అత్యధికంగా తన సొంత పార్టీవారిపై కూడా ఏవేవో కారణాలతో ఈడీ, సీబీఐ, ఆదాయపన్ను శాఖలను ప్రయోగించేవారన్న అభిప్రాయం ఉండేది. కడప ఎంపీగా ఉన్న సమయంలో వైఎస్ జగన్ కాంగ్రెస్‌కు దూరం అయి సొంత పార్టీని పెట్టుకుని బలమైన శక్తిగా ఎదగగానే ఆయనపై ఈ సంస్థలన్నీ దాడులు చేయడాన్ని మించిన సాక్ష్యం ఏమి ఉంటుంది.బీజేపీ మాత్రం అందుకు భిన్నమైన రీతిలో ఎక్కువ సందర్భాలలో ప్రత్యర్ధి రాజకీయ పార్టీల నేతలను బలహీనపరచడానికి ఈ సంస్థలను వాడుతోంది. ఇక్కడ ఆసక్తికరమైన అంశం ఏమిటంటే ఆ ప్రత్యర్ది రాజకీయ పార్టీల నేతలు బీజేపీకి మద్దతుదారులుగా మారిపోతే వాషింగ్ మెషిన్‌లో వేసి శుద్ది చేసేసినట్లు ఆ ఆరోపణలన్నీ పక్కకు పోతుంటాయి. ఇందుకు ప్రత్యక్ష ఉదాహరణ టీడీపీ అదినేత, ఏపి ముఖ్యమంత్రి చంద్రబాబు నాయుడికి సంబంధించిన కేసులే అని చాలామంది నమ్ముతారు. 2018లో ఆయన బీజేపీకి దూరం అయినప్పుడు ఆయా సభలలో ఒక మాట అంటుండేవారు. సీబీఐ,ఈడీలను పంపి తమను ఇబ్బంది పెడతారా?అని ప్రశ్నించేవారు. ఇదీ చదవండి: చంద్రబాబువి పిట్టలదొర మాటలేనా?సీబీఐ తనను అరెస్టు చేయడానికి వస్తే ప్రజలంతా తన చుట్టూ నిలబడాలని కూడా ఆయన కోరిన ఘట్టం కూడా ఉంది.2019 ఎన్నికలలో టీడీపీ ఓడిపోయిన కొద్ది కాలానికే ఆదాయపన్ను శాఖ అధికారులు చంద్రబాబు వ్యక్తిగత కార్యదర్శి పి.శ్రీనివాసరావు నివాసాలపైన ,కొన్ని కాంట్రాక్టు కంపెనీలపైన దాడులు చేసి సోదాలు నిర్వహించారు. ఈ సందర్భంగా ఆయా కాంట్రాక్టులలో జరిగిన అక్రమాల విలువ రెండువేల కోట్ల వరకు ఉంటుందని అదికారికంగా ప్రకటించారు.అలాగే ఆదాయపన్ను శాఖ కూడా చంద్రబాబుకు నోటీసు కూడా ఇచ్చింది. ఆ తర్వాత ఏమైందో కాని, ఆ కేసులలో సీబీఐ జోక్యం చేసుకోలేదు. ఈడీ అంతకన్నా రాలేదు. గజం మిద్య, పలాయనం మిద్య అనుకోవడం తప్ప చేయగలిగింది ఏమి ఉంటుంది. ఈ క్రమంలోనే టీడీపీ ఎంపీలు నలుగురు బీజేపీలో విలీనం అయిపోయారు. చంద్రబాబు వ్యూహాత్మకంగా బీజేపీపైన, ప్రధాని మోడీపైన విమర్శలకు ఫుల్ స్టాప్ పెట్టేశారు. తమ జోలికి ఈ సంస్థలు రాకుండా రాయబారం కూడా చేసుకున్నారని అంటారు. అందువల్లే జగన్ ముఖ్యమంత్రిగా ఉన్నప్పుడు చంద్రబాబుపై పెట్టిన ఏ కేసును సీబీఐ, లేదా ఈడీ తీసుకోవడానికి ముందుకు రాలేదని చెబుతారు. స్కిల్ స్కామ్‌ను తొలుత వెలికితీసింది ఈడీ అయినా, అందులో చంద్రబాబు పాత్రపై ఆరోపణలు వచ్చినా ఆ సంస్థ మాత్రం ఆయన జోలికి వెళ్లలేదు. చంద్రబాబు పిఎస్ ఇంటిపై సోదాల సందర్భంలో రెండువేల కోట్ల రూపాయల అక్రమాల ఆరోపణలు వచ్చినా, కదలని కేంద్ర దర్యాప్తు సంస్థలు కేరళ మాజీ ముఖ్యమంత్రి విజయన్‌పై మూడు కోట్ల రూపాయల ఆరోపణల కేసులో ఎన్నిసార్లు దాడులు చేశాయో, ఎంతగా ఆయన కుటుంబాన్ని వేదించాయో చెప్పలేం. సిపిఎం ఈ దాడులను తీవ్రంగా ఖండిస్తోంది. దేశంలో ఎవరు తప్పు చేసినా నిష్పక్షపాతంగా దర్యాప్తు చేయాలి. దానిని ఎవరూ కాదనరు. కాని ఇలా కేంద్రంలో అదికారంలో ఉన్న రాజకీయ పార్టీలకు తొత్తుగానో, చేతిలో ఆయుధంగానో మారాయన్న విమర్శలు వస్తే, ఆ సంస్థల క్రెడిబిలిటి దెబ్బతింటుంది. కాని వర్తమాన రాజకీయాలలో ఆ విషయాన్ని అధికారంలో ఉన్నవారు కాని, ఆ సంస్థలకు నాయకత్వం వహిస్తున్నవారు కూడా పట్టించుకోవడం లేదు. పశ్చిమబెంగాల్ ముఖ్యమంత్రిగా ఉన్న సువేందుపైన, అసోం ముఖ్యమంత్రిగా ఉన్న హిమంత్‌పైన వారు ప్రత్యర్ది పార్టీలలో ఉన్నప్పుడు స్వయంగా ప్రధాని మోడీనే ఆరోపణలు గుప్పించారు. వారు బీజేపీలోకి రాగానే అవేమైపోయాయోకాని , సీఎంలు అయిపోయారు. చంద్రబాబుపైన కూడా అప్పట్లో మోడీ అవినీతి ఆరోపణలు చేస్తూ పోలవరం, అమరావతిలు ఏటీఎంలుగా మార్చుకున్నారని ద్వజమెత్తారు. అలాగే మోడీ పైన తీవ్రమైన అవినీతి ,ఇతర ఆరోపణలను చంద్రబాబు అప్పట్లో గుప్పించేవారు. 2024 ఎన్నికలనాటికి అవన్ని గప్ చుప్ అయిపోయాయి. కొద్ది రోజుల క్రితం చంద్రబాబు ఢిల్లీ వెళ్లి ప్రధానిని, ఆర్దిక మంత్రి నిర్మలా సీతారామన్ ను కలిసి వచ్చారు. వారితో మాట్లాడిన కొత్త విషయాలేవీ లేవు. పాత కోర్కెలనే మరోసారి కోరారు.ఈ నేపధ్యంలో ఈడీ యాక్టివ్ అవడం , జగన్‌పై తెలంగాణ హైకోర్టులో పిటిషన్ వేయడం వంటివి జరగడంతో చంద్రబాబు టూర్‌కు, దీనికి ఏమైనా సంబందం ఉందా అన్న సందేహం వైఎస్సార్‌సీపీ వర్గాలలో ఉంది. మద్యం పేరుతో ఒక కల్పిత స్కామ్ ను ఏపి ప్రభుత్వం సృష్టించితే, వెంటనే ఈడీ రంగంలో దిగింది. గత టరమ్‌లో వైఎస్సార్‌సీపీ పాలనలో సిఐడి పలు ఆధారాలు చూపి స్కిల్ స్కామ్ ,అమరావతి స్కామ్ లపై కేసు లుపెట్టినా, వాటిపై దర్యాప్తు చేయాలని సీబీఐ , ఈడీ వంటివాటిని కోరినా ఎందుకు ముందుకు రాలేదో అర్ధం కాదు.2011లో జగన్ పై కాంగ్రెస్, టీడీపీలు కలిసి కేసులు పెట్టాయి. అప్పట్లో ఒక కేసే పెడితే జగన్ తేలికగా జైలు నుంచి బయటకు వచ్చేస్తారని భావించారో ఏమోకాని, సీబీఐ పదకుండు కేసులు పెట్టింది. తదుపరి ఈడీ కేసులు నమోదు చేసింది.సుమారు 135 మందిని కూడా నిందితులుగా చేర్చారు. జగన్‌ను అయితే ఈ నెపంతో ఎక్కువకాలం జైలులో ఉంచగలిగారు కాని, ఆయనకు ప్రజలలో ఉన్న ఆదరణను తగ్గించలేకపోయారు. అంతేకాక ఇన్ని కేసులు అవడంతో ఆయా నిందితులు పలువురు ఎవరికివారు కోర్టుకు వెళ్లి స్టే లు పొందారు.దాదాపు అన్ని కేసులలోను ఇదే పరిస్థితి ఏర్పడింది.దాంతో సీబీఐ కోర్టులో ఈ కేసులు ఒక పట్టాన తేలే పరిస్థితి లేదు. విశేషం ఏమిటంటే ఈ కేసులన్నిటిని ఒక కేసుగా మార్చి సత్వరమే విచారణ జరపాలని 2013లోనే జగన్ కోరారు. అయినా ఆ రకంగా న్యాయస్థానాలు చేయలేదు. ఈ పరిస్థితిలో ఈడీ తెలంగాణ హైకోర్టులో ఒక పిటిషన్ వేసి జగన్ కేసులను త్వరగా విచారించాలని, జగన్ రోజువారి విచారణకు రావాలని కోరింది. ఇక్కడే రాజకీయం కనిపిస్తుంది. జగన్ కోర్టుకు రావల్సిన అవసరం ప్రత్యేకంగా ఏమీ లేదన్నది న్యాయ నిపుణుల అభిప్రాయం. లాయర్లు ఆ కేసులపై వాదనలు చేస్తున్నారు. పైగా సీబీఐ కోర్టులో ఉన్న కేసులపై తీర్పులు వచ్చాకే ఈడీ కోర్టు తీర్పు ఇవ్వాలని ఉన్నత న్యాయ స్థానాలు ఆదేశాలు ఇచ్చాయి. దానికి కారణం అసలు నేరం జరిగిందా?లేదా?ఎవరు తప్పు చేశారు?అన్నది తేలకుండానే ఈడీ రంగప్రవేశం చేయడం సహజ న్యాయ సూత్రాలకు విరుద్దంగా ఉన్నట్లు అవుతుందని చెబుతున్నారు. స్థానిక సంస్థల ఎన్నికలు, ఏపిలో కూటమిపై విపరీతమైన వ్యతిరేకత ఉందన్న అబిప్రాయం నెలకొన్న నేపధ్యంలో చంద్రబాబు ఈడీని ఈ రకంగా ప్రయోగించారేమో అన్నది వైఎస్సార్‌సీపీ అనుమానంగా ఉంది. అలాగే వైఎస్ వివేకా హత్య కేసులో సుపారి ఇచ్చారా?లేదా?అన్నది తేలకుండానే ఈడీ హడావుడి చేస్తున్న తీరుపై కూడా సందేహాలు వస్తున్నాయి. అసలు నిందితుల జోలికి వెళ్లకుండా ఎంపీ అవినాష్ రెడ్డికి ,మరికొందరికి నోటీసులు ఇచ్చి విచారణకు పిలవడంపైన విమర్శలు వస్తున్నాయి. ఈడీ వంటి సంస్థలు రాజకీయాలకు అతీతంగా ఉండాలనుకోవడం అత్యాశ అవుతుందా!- కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

సాక్షి, తాడేపల్లి: నేడు దివంగత రాష్ట్రపతి అబ్దుల్ కలాం జయంతి. కలాం జయంతి సందర్భంగా వైఎస్సార్‌సీపీ అధినేత వైఎస్ జగన్ నివాళి అర్పించారు. దేశ రాష్ట్రపతి పదవిని అలంకరించిన ఆయన నిరాడంబర జీవితం అందరికీ ఆదర్శం అని ప్రశంసలు కురిపించారు.వైఎస్సార్‌సీపీ అధినేత వైఎస్ జగన్ ఎక్స్‌ వేదికగా..‘విద్యతోనే వ్యక్తి ఎదుగుదల, యువశక్తితోనే దేశాభివృద్ధి సాధ్యమని నమ్మిన గొప్ప దార్శనికుడు డాక్టర్‌ ఏపీజే అబ్దుల్‌ కలాం. శాస్త్రవేత్తగా విశిష్ట సేవలందించి, దేశ రాష్ట్రపతి పదవిని అలంకరించిన ఆయన నిరాడంబర జీవితం అందరికీ ఆదర్శం. కలలు కనండి.. వాటిని సాకారం చేసుకోండి అంటూ విద్యార్థుల్లో స్ఫూర్తిని నింపి, దేశాన్ని అభివృద్ధి పథంలో నడిపించేందుకు ఆయన చేసిన కృషి చిరస్మరణీయం. కలాం జయంతి సందర్భంగా నివాళులు’ అని పోస్టు చేశారు.విద్యతోనే వ్యక్తి ఎదుగుదల, యువశక్తితోనే దేశాభివృద్ధి సాధ్యమని నమ్మిన గొప్ప దార్శనికుడు డాక్టర్‌ ఏపీజే అబ్దుల్‌ కలాం గారు. శాస్త్రవేత్తగా విశిష్ట సేవలందించి, దేశ రాష్ట్రపతి పదవిని అలంకరించిన ఆయన నిరాడంబర జీవితం అందరికీ ఆదర్శం. `కలలు కనండి.. వాటిని సాకారం చేసుకోండి` అంటూ విద్యార్థుల్లో స్ఫూర్తిని నింపి, దేశాన్ని అభివృద్ధిపథంలో నడిపించేందుకు ఆయన చేసిన కృషి చిరస్మరణీయం. కలాం గారి జయంతి సందర్భంగా నివాళులు.— YS Jagan Mohan Reddy (@ysjagan) October 15, 2026ఇదీ చదవండి: వైఎస్‌ఆర్సీపీ అభ్యర్థులకు కూటమి నేతల బెదిరింపులు

సాక్షి, ఢిల్లీ: సీజేపీ నేతలు సౌరవ్ దాస్, అశుతోష్ రాంకాల అక్రమ అరెస్ట్‌లను వ్యతిరేకించినందుకు, వైఎస్సార్‌సీపీ అధినేత వైఎస్ జగన్‌కు కాక్రోచ్ జనతా పార్టీ వ్యవస్థాపకుడు అభిజిత్ దీప్కే ధన్యవాదాలు తెలిపారు. అభిజిత్‌ ఎక్స్‌ వేదికగా వైఎస్‌ జగన్‌కు కృతజ్ఞతలు తెలిపారు. A proactive approach always yields better results than a reactive stance. The system has a flaw that needs to be corrected. Trust in the electoral process must be restored. The arrests of Saurav Das and Ashutosh Ranka do not solve anything; it only aggravates the situation. I empathise with @SauravDassss and @AshutoshRanka.— YS Jagan Mohan Reddy (@ysjagan) October 14, 2026Thank you @ysjagan sir for speaking out against the illegal arrest of Ashu and Saurav.— Abhijeet Dipke (@abhijeet_dipke) October 15, 2026ఇదిలా ఉండగా.. అంతకుముందు వైఎస్సార్‌సీపీ అధినేత వైఎస్‌ జగన్‌.. సీజేపీ నేతల అరెస్ట్‌పై స్పందించారు. ఎక్స్‌ వేదికగా వైఎస్‌ జగన్‌.. ఎన్నికల ప్రక్రియలో లోపాలను సరిదిద్దాలి. ముందస్తు చర్యలతోనే మెరుగైన పరిష్కారం. ఎన్నికల ప్రక్రియపై ప్రజల విశ్వాసాన్ని పునురుద్దరించాలి. అరెస్టులతో సమస్య పరిష్కారం కాదు అంటూ వ్యాఖ్యలు చేశారు. ఇదీ చదవండి: వైఎస్సార్‌సీపీ అభ్యర్థులకు కూటమి నేతల బెదిరింపులు