కేంద్రంపై కాంగ్రెస్‌ పార్టీ సంచలన ఆరోపణలకు దిగింది. విజయ్‌-రాహుల్‌ గాంధీ దిగిన ఫొటోలను, రీల్స్‌ను సోషల్‌ మీడియాలో బ్లాక్‌ చేశారని అంటోంది. ఈ మేరకు కొన్ని స్క్రీన్‌షాట్లను ఆ పార్టీ అధికార ప్రతినిధులు ఆధారాలుగా చూపించారు. తమిళనాడు ముఖ్యమంత్రి ప్రమాణ స్వీకారోత్సవంలో కాంగ్రెస్‌ అగ్రనేత రాహుల్‌ గాంధీ హైలైట్‌గా నిలిచిన సంగతి తెలిసిందే. విజయ్‌ ఆదివారం తమిళనాడు ముఖ్యమంత్రిగా ప్రమాణం చేశారు. అనంతరం.. ప్రమాణ స్వీకార వేదిక, అక్కడికి వచ్చిన అతిథులు.. పార్టీ శ్రేణులు.. అభిమానులను సెల్ఫీ వీడియోలు తీస్తూ సందడి చేశారు. నెట్టింట ఇందుకు సంబంధించిన దృశ్యాలు వైరల్‌ అయ్యాయి. అయితే.. ఈ వేడుకలో రాహుల్‌ గాంధీతో విజయ్‌ తీసిన ఫొటోలు, రీల్స్‌ను ఇన్‌స్టాగ్రామ్‌ బ్లాక్‌ చేసిందని.. దీని వెనుక కేంద్రం ప్రమేయం ఉందని ఆరోపించింది. కాంగ్రెస్ అధికార ప్రతినిధి శ్రీవత్సా ఈ వ్యవహారంపై స్పందిస్తూ.. ‘‘విజయ్‌తో రాహుల్ గాంధీ రీల్ గంట వ్యవధిలోనే కోటి లక్ష మంది చూశారు. ఇద్దరు కలిసి దిగిన ఫొటో నాలుగున్నర కోట్ల మందికి రీచ్‌ అయ్యింది. కానీ, హఠాత్తుగా అవి కనిపించకుండా పోయాయి. ఈ బ్లాకింగ్‌ వ్యవహారంపై ఇన్‌స్టా మాతృక సంస్థ మెటా ఎలాంటి వివరణ ఇవ్వలేదు. ఎలక్ట్రానిక్స్ & ఇన్ఫర్మేషన్ టెక్నాలజీ మంత్రిత్వ శాఖ ప్రొద్భలంతోనే ఇది జరిగి ఉంటుంది’’ అని ఆరోపించారు. అయితే ఈ ఆరోపణలను కేంద్ర ఐటీ మంత్రిత్వ శాఖ తోసిపుచ్చింది. ఈ చర్యతో తమకు ఎలాంటి సంబంధం లేదని స్పష్టం చేసింది. బహుశా ఇన్‌స్టాగ్రామ్‌ అంతర్గత వ్యవస్థలో పొరపాటు వల్ల అలా జరిగి ఉండొచ్చని.. కాసేపటికే అవి పునరుద్ధరించబడ్డాయని ఒక ప్రకటన ఇచ్చింది. రాహుల్ గాంధీ-విజయ్ రీల్ తాత్కాలికంగా బ్లాక్ అయిన ఘటనపై సోషల్ మీడియాలో విస్తృత చర్చ జరిగింది. మరోవైపు కేంద్రం ప్రకటనపై ఇన్‌స్టాగ్రామ్‌ ఇంకా స్పందించలేదు. ఇదిలా ఉంటే.. సోషల్‌ మీడియాలో ప్రతిపక్షాలకు సంబంధించిన పోస్టులపై కేంద్రం అణచివేత ధోరణి ప్రదర్శిస్తోందని కాంగ్రెస్‌ చాలాకాలంగా ఆరోపిస్తోంది. ‘‘సోషల్‌ మీడియాలో విపక్ష ముఖ్యనేతల అకౌంట్లపై కేంద్రం నిఘా పెడుతోంది. ఎక్స్‌(ట్విటర్‌), యూట్యూబ్‌, ఇన్‌స్టాగ్రామ్‌లో రీచ్‌ తగ్గేలా చేస్తోంది. మరీ ముఖ్యంగా ప్రతిపక్ష నేత రాహుల్‌ గాంధీ సోషల్‌ మీడియా స్వరాన్ని అణచివేస్తోంది. ఆయన ఫాలోవర్స్‌, సబ్‌స్క్రయిబర్ల సంఖ్య తగ్గడం ఈ కుట్రలో భాగమేనని అంటోంది” అని ఆరోపిస్తోంది. అయితే ఈ ఆరోపణలపై మాత్రం కేంద్రం ఇప్పటిదాకా స్పందించలేదు. ఏం జరిగింది?.. తమిళనాడు సీఎం విజయ్‌-కాంగ్రెస్‌ అగ్రనేత రాహుల్‌ గాంధీ రీల్స్‌కు, ఫొటోలకు విపరీతమైన రియాక్షన్‌ వచ్చింది. ఆ వెంటనే అవి కాసేపు కనిపించకుండా పోయాయి. ఈ ఎపిసోడ్‌పై ఎవరేం అన్నారంటే.. 👇కాంగ్రెస్‌ ఆరోపణ: ఇది కేంద్రం కుట్ర.. జనాల్లో ప్రతిపక్ష నాయకుడి క్రేజ్‌ను తగ్గించే ప్రయత్నమే!విజయ్‌ ఫ్యాన్స్‌: బీజేపీ ప్రభుత్వం కావాలనే ఇలా చేసిందిబీజేపీ స్పందన: బహుశా.. అల్గారిథమ్స్‌, ఇన్‌స్టాగ్రామ్‌లో టెక్నికల్‌ ఎర్రర్‌ వల్ల జరిగి ఉండొచ్చు ఐటీ మంత్రిత్వ శాఖ వివరణ: కేంద్రానికి సంబంధం లేదు.. ఇన్‌స్టాగ్రామ్‌ దీనిపై వివరణ ఇస్తుందిఇన్‌స్టాగ్రామ్‌: ఇప్పటిదాకా ఇంకా స్పందించలేదుట్రెండింగ్ హ్యాష్‌ట్యాగ్స్: #RahulGandhi, #ThalapathyVijay, #InstagramBlock వంటి హ్యాష్‌ట్యాగ్స్ ట్రెండ్ అయ్యాయి.మీమ్స్‌: ఈ ఘటనను హాస్యాత్మకంగా చూపిస్తూ మీమ్స్ సందడి చేశాయి

బాలీవుడ్ భామ జాన్వీ కపూర్‌ ప్రస్తుతం పెద్ది మూవీలో నటిస్తున్నారు. రామ్ చరణ్‌ హీరోగా వస్తోన్న ఈ చిత్రంలో హీరోయిన్‌గా అభిమానులను మెప్పించనుంది. బుచ్చిబాబు సనా డైరెక్షన్‌లో రూరల్ స్పోర్ట్స్ డ్రామాగా ఈ సినిమా తెరకెక్కిస్తున్నారు. ఇటీవలే పెద్ది గ్లింప్స్ రిలీజ్ చేయగా.. రామ్ చరణ్‌ రెజ్లర్ లుక్‌ ఆడియన్స్‌ను విపరీతంగా ఆకట్టుకుంది. ప్రస్తుతం ఈ మూవీ షూటింగ్ చివరి దశకు చేరుకుంది. అయితే పెద్ది హీరోయిన్ జాన్వీ కపూర్‌ తాజాగా ఓ ఇంటర్వ్యూకు హాజరైంది. ఈ సందర్భంగా తన టీనేజ్‌లో జరిగిన చేదు అనుభవాన్ని పంచుకుంది. తనకు 15 ఏళ్ల వయసులో ఉన్నప్పుడు ఓ అశ్లీల సైట్‌లో తన మార్ఫింగ్ చిత్రాన్ని చూశానని షాకింగ్ విషయాన్ని వెల్లడించింది. తాను పాఠశాలలో ఉన్నప్పుడే ఈ సంఘటన జరిగిందని జాన్వీ కపూర్ గుర్తుచేసుకున్నారు. మా క్లాస్‌లో కొందరు అబ్బాయిలు సరదా కోసం అలాంటి సైట్స్ చూసేవారని.. ఆ సమయంలో నా ఫోటోలు చూశానని తెలిపింది. నేను చదివే పాఠశాలలోనే ఇలా జరగడంతో చాలా వింత అనుభవాన్ని ఎదురైందని జాన్వీ కపూర్ వివరించింది.ఆ సమయంలో తాను ఆ పరిస్థితిని సర్దుకుపోవడానికి ప్రయత్నించానని జాన్వీ కపూర్ చెప్పుకొచ్చింది. అలా నా ఫోటోలు చూశాక సోషల్ మీడియాకు సంబంధించి ఇలాంటి చాలా విషయాలలో నైతికత లేదని అనిపించిందని జాన్వీ తెలిపింది. అయితే ఇప్పుడు వాటిపై తన దృక్పథం మారిందని.. ఏఐ (AI) రూపొందించిన ఈ చిత్రాలు ఈ రోజుకు తనను ప్రభావితం చేస్తున్నాయని జాన్వీ కపూర్‌ తన బాధను పంచుకుంది. ఇలాంటి పరిస్థితుల్లో తనకు సంతోషం అనేది లేదని జాన్వీ వెల్లడించింది. ఏఐ రూపొందించిన తన ఫోటోలు ఆన్‌లైన్‌లో ప్రచారంలో ఉన్నాయని.. కొన్నిసార్లు అధికారిక వార్తా పేజీలు కూడా వాటిని షేర్ చేస్తున్నాయని వివరించింది. ఇలాంటి మార్ఫింగ్, ఏఐ ఫోటోల్లో తాను ఎప్పుడూ ధరించని దుస్తులు, పోజులు ఉన్నాయని జాన్వీ కపూర్‌ ఆవేదన వ్యక్తం చేసింది. దీంతో ఇలా సినీతారల ఫోటోలను మార్ఫింగ్ చేసేవారిపై మరింత కఠిన చర్యలు తీసుకోవాలని సినీ ప్రియులు కోరుతున్నారు.

చిన్నప్పటి జ్ఞాపకాలు ఎవరి జీవితంలో అత్యంత విలువైనవే. అలా ఒకసారి మన చిన్ననాటి ఫోటోలు దొరికితే తెగ సంబరపడిపోతాం. ఎవరికైనా ఆ బాల్యంలోని ఫోటోలను చూసినప్పుడల్లా వచ్చే ఆనందం అంతా ఇంతా కాదు. తాజాగా తెలుగులో కొద్ది సినిమాలే చేసిన ముద్దుగుమ్మ తన చిన్నప్పటి ఫోటోలను సోషల్ మీడియాలో షేర్ చేసింది. గుండుతో ఉన్న క్యూట్‌ పిక్స్‌ చూసి తెగ సంబరపడిపోతూ పోస్ట్ చేసింది. తాను మరెవరో కాదు జూనియర్ ఎన్టీఆర్ నరసింహుడు మూవీతో టాలీవుడ్ ఎంట్రీ ఇచ్చిన హీరోయిన్ సమీరా రెడ్డి.ముంబయికి చెందిన బాలీవుడ్ భామ సమీరా రెడ్డి తెలుగు సినిమాల్లోనూ అలరించింది. జూనియర్ ఎ‍న్టీఆర్ సరసన నరహింహుడు, అశోక్‌ చిత్రాలు.. చిరంజీవితో జై చిరంజీవ మూవీలో మెప్పించింది. ఆ తర్వాత 2014లో ఎంటర్‌ప్రెన్యూర్‌ అక్షయ్‌ వార్డేను పెళ్లి చేసుకుంది. సమీరాకు 2015లో కుమారుడు హన్స్‌, 2019లో కూతురు నైరా జన్మించారు. అయితే పెళ్లి తర్వాత సమీరా రెడ్డి సినీ ఇండస్ట్రీకి పూర్తిగా గుడ్ బై చెప్పేసింది ఈ బాలీవుడ్ బ్యూటీ. అయితే సోషల్ మీడియాలో ఎప్పటికప్పుడు అభిమానులతో టచ్‌లో ఉంటోంది. తాజాగా తన చైల్డ్‌హుడ్ పిక్స్‌ను ఇన్‌స్టాలో షేర్ చేసింది. కాగా.. సమీరా రెడ్డి 13 ఏళ్ల తర్వాత చిమ్ని అనే హర్రర్ సినిమాతో రీ ఎంట్రీ ఇచ్చింది. View this post on Instagram A post shared by Sameera Reddy (@reddysameera)