mithun reddy

చౌడేపల్లె: ఎదుటివారి భయాన్ని పెట్టుబడిగా చేసుకుని కూటమి నేతలు రాజకీయం చేయాలని చూస్తున్నారని వైఎస్సార్‌సీపీ లోక్‌సభాపక్ష నేత, రాజంపేట ఎంపీ పెద్దిరెడ్డి మిథున్‌రెడ్డి, మాజీమంత్రి డాక్టర్‌ పెద్దిరెడ్డి రామచంద్రారెడ్డి విమర్శించారు. భయపడితే ఇక్కడ రాజకీయం చేయలేమని చెప్పారు. అన్నమయ్య జిల్లా చౌడేపల్లెలోని వైఎస్సార్‌సీపీ కార్యాలయంలో పార్టీ ముఖ్యనేతలు, కార్యకర్తలతో మంగళవారం నిర్వహించిన విస్తృతస్థాయి సమావేశంలో వారు మాట్లాడారు. స్థానిక సంస్థల ఎన్నికల వేళ పార్టీ శ్రేణులకు దిశానిర్దేశం చేశారు. ఎంపీ మిథున్‌రెడ్డి మాట్లాడుతూ క్లిష్ట పరిస్థితుల్లో పార్టీకోసం నిలబడిన ప్రతి ఒక్కరిని భవిష్యత్తులో భుజాలపై మోసుకుని కాపాడుకుంటానని భరోసానిచ్చారు. ‘మనమేమీ మర్డర్లు, మానభంగాలు చేయలేదు, భయపడకండి. కేసులు పెడతారు, అంతేగా. నేను ఉన్నాను., ఎవరికి ఏం జరిగినా పూర్తి బాధ్యత నాదే..’ అని న్యాయబద్ధంగా నామినేషన్లు వేయాలని కోరారు. ఇటీవల మున్సిపల్‌ ఎన్నికల్లో తానే స్వయంగా ముందుండి తల ఎత్తుకుని వెళ్లి నామినేషన్‌ వేశానని గుర్తుచేశారు. కార్యకర్తలంతా అదే ధైర్యంతో ముందుకెళ్లాలని పిలుపునిచ్చారు. క్షేత్రస్థాయి అరాచకాలపై ఇప్పటికే దాదాపు 20 మంది టీడీపీ ముఖ్యనేతలే తనతో ఫోన్‌లో ఆవేదన వ్యక్తం చేశారని చెప్పారు. బయటి ఊరి వాళ్లను తెచ్చి ఇక్కడ రెచ్చగొడుతున్నారని, రేపు అధికారం పోతే వారు రాష్ట్రం విడిచి పారిపోతారని ఆయన పేర్కొన్నారు. పెద్దిరెడ్డి రామచంద్రారెడ్డి మాట్లాడుతూ తాము పుంగనూరుకు ప్రాతినిధ్యం వహించినప్పటి నుంచి చౌడేపల్లె మండలం వైఎస్సార్‌సీపీకి పటిష్టమైన ఆదరణ అందించిందని చెప్పారు. గతం నుంచి ఇప్పటివరకు ఇక్కడ మనదే ఆధిపత్యమని గుర్తుచేశారు. ఈ పిల్ల రౌడీల చేష్టలకు ఎవరూ వెనకడుగు వేయాల్సిన అవసరం లేదని, మనకున్నంత కేడర్‌ బలం మరే పార్టీకి లేదని చెప్పారు. ప్రతి పంచాయతీ నుంచి కనీసం వందమందితో కలిసి ధైర్యంగా వెళ్లి నామినేషన్లు వేయాలని, అభ్యర్థులను గెలిపించుకునే పూర్తి బాధ్యత తాము తీసుకుంటామని కార్యకర్తల్లో ధైర్యం నింపారు. ఈ సమావేశంలో వైఎస్సార్‌సీపీ రాష్ట్ర కార్యదర్శులు దామోదరరాజు, రుక్మిణమ్మ, నేతలు, భారీ సంఖ్యలో కార్యకర్తలు పాల్గొన్నారు. సుప్రీంకోర్టు ఆదేశాలను అమలుచేసి అభ్యర్థులకు నామినేషన్ల స్వేచ్ఛ కల్పించాలి : ఎంపీ మిథున్‌రెడ్డి మదనపల్లె (కురబలకోట): స్థానిక సంస్థల ఎన్నికల్లో ప్రతిపక్ష అభ్యర్థులను అడ్డుకున్నచోట పటిష్ట భద్రతతో కలెక్టర్ల సమక్షంలో నామినేషన్లు స్వీకరించాలని సుప్రీంకోర్టు ఇచ్చిన ఆదేశాలు చంద్రబాబు ప్రభుత్వానికి చెంపపెట్టు అని రాజంపేట ఎంపీ పెద్దిరెడ్డి మిథున్‌రెడ్డి అన్నారు. అన్నమయ్య జిల్లా మదనపల్లెలో బుధవారం మీడియాతో మాట్లాడారు. సుప్రీంకోర్టు ఆదేశాలను వెంటనే అమలు చేసి, ప్రతి అభ్యర్థికి భయం లేకుండా నామినేషన్‌ వేసే స్వేచ్ఛ కల్పించాలని డిమాండ్‌ చేశారు. ముఖ్యమంత్రి చంద్రబాబు మాటలు విని, రాజకీయ ఒత్తిళ్లకు లొంగి చట్టవిరుద్ధమైన చర్యలకు పాల్పడి వివాదాల్లో చిక్కుకోవద్దని అధికారులకు సూచించారు. అధికారం శాశ్వతం కాదని, రాజ్యాంగాన్ని కాపాడటం అధికారుల బాధ్యత అని గుర్తుచేశారు. ఇప్పుడు కార్యకర్తలను రెచ్చగొడుతున్న పెద్ద నాయకులు అధికారం కోల్పోయాక నగరాలకే పరిమితమవుతారని, ఆ తర్వాత క్షేత్రస్థాయిలో కేసులు, ఘర్షణలు ఎదుర్కోవాల్సింది స్థానిక కార్యకర్తలేనని చెప్పారు. నాయకుల మాటలు విని భవిష్యత్తును పాడుచేసుకోవద్దని సూచించారు. సమావేశంలో తంబళ్లపల్లి ఎమ్మెల్యే పెద్దిరెడ్డి ద్వారకానాథ్‌రెడ్డి కూడా పాల్గొన్నారు.

అన్నమయ్య జిల్లా: టీడీపీ అరాచకాలపై వైఎస్సార్‌సీపీ ఎంపీ మిథున్‌రెడ్డి సంచలన వ్యాఖ్యలు చేశారు. చౌడేపల్లిలో కార్యకర్తల సమావేశంలో పాల్గొన్న మిథున్‌రెడ్డి ఈ సందర్భంగా మాట్లాడారు. ‘‘మీ భయాన్ని పెట్టుబడిగా చేసుకుని వాళ్లు రాజకీయం చేస్తున్నారు.. భయపడితే రాజకీయం చేయలేం. నామినేషన్ వేసేందుకు నేనే ముందు వెళ్లా. మీరు పోండి నేను వస్తా అనలేదు. వాళ్లు భయపడి తలా ఓ పక్క అడ్రస్ లేకుండా పోయారు. మర్డర్లు, అత్యాచారాలు చేయలేదు భయపడకండి. కేసులు పెడతారు అంతేగా.. తలెత్తుకుపోయా.. తల ఎత్తుకొనివచ్చా.. తప్పు చేయనప్పుడు భయపడే అవసరం లేదు. ఎవ్వరికి ఏం జరిగినా నాదే బాధ్యత. నేను కాపాడుకుంటా. నేను మిమ్మల్ని అరాచకాలకు పొమ్మనడం లేదు.. మీ నామినేషన్ మీరు వెయ్యండి. న్యాయంగా నామినేషన్ వెయ్యండి. నామినేషన్ వెయ్యకుండా రాజకీయం చేయలేం. నాతో 20 మందికి పైగా టీడీపీ నేతలు మాట్లాడారు. పక్క రాష్ట్రాల నుంచి రౌడీలను తీసుకొచ్చి రెచ్చగొడుతున్నారు.వాళ్లకు సత్తా ఉంటే ఎలక్షన్లో గెలిపించుకోమనండి. నాతో దాదాపు 20 మంది టీడీపీ నాయకులు మాట్లాడారు. బయట ఊరి వాళ్లను తీసుకొచ్చి రెచ్చగొడుతున్నారు. అధికారం లేనప్పుడు ఒక్కడు అడ్రస్ ఉండదు. రాష్ట్రంలో కూడా ఉండరు.. పారిపోతారు. కార్యకర్తలను కంటికి రెప్పలా కాపాడుకుంటాను. అక్రమ కేసులను ధైర్యంగా ఎదుర్కొందాం. ఎవరికీ ఏమీ జరగకుండా నేను బాధ్యత తీసుకుంటాను’’ అని తెలిపారు.ఇదీ చదవండి: పయ్యావులకు ఎందుకంత భయం?: విశ్వేశ్వరరెడ్డి

సాక్షి, మదనపల్లె: అన్నమయ్య జిల్లా పుంగనూరు ఘటనలో దాడులు చేసింది టీడీపీ గూండాలు. తీ­వ్రంగా గాయపడింది వైఎస్సార్‌సీపీ శ్రేణు­లు, వైఎస్సార్‌సీపీ ఎంపీ మిథున్‌ రెడ్డిపై టీడీపీ గూండాలు హత్యాయత్నానికి ఒడిగట్టారు. అయినా, చంద్రబాబు రెడ్‌బుక్‌ రాజ్యాంగంలో గూండాలకే రక్షణ ఉంటుందన్న విషయాన్ని మరోసారి రుజువు చేస్తూ బాధితులైన ఎంపీ మిథున్‌రెడ్డి, ఇతర నేతలపైనే అక్రమ కేసులు పెట్టారు. మరీ ముఖ్యంగా మిథున్‌రెడ్డిని లక్ష్యంగా చేసుకొని ఈ కేసులు నమోదు చేశారు. శుక్ర­వారం పుంగనూరులో వైఎస్సార్‌సీపీ అ­భ్యర్థులు నా­మినేషన్లు దాఖలు చేయకుండా టీడీపీ గూండాలు అడ్డుకోవడమే గాక, ఎంపీ మిథున్‌రెడ్డి, ఆయన భద్రతా సిబ్బంది, వారి వాహనాల­పై కర్రలు, రాళ్లు, రాడ్లతో దాడి చేసిన తీరును యావత్‌ రాష్ట్రం చూసింది. మిథున్‌ రెడ్డి, ఇతర నేతలపై టీడీపీ గూండాలు దాడులకు పాల్పడ్డారు. ఈ దాడిలో మిథున్‌ రెడ్డికి భద్రత కల్పిస్తున్న సీఆర్పీఎఫ్‌ సిబ్బంది, వ్యక్తిగత సహాయకులు తీవ్రంగా గాయపడ్డారు. ఇందుకు వీడియోలే ప్రత్యక్ష సాక్ష్యం. టీడీపీ గూండాల విశృంఖలత్వం వీడియోల్లోనూ స్పష్టంగా కనిపిస్తోంది. పైగా, ఆ ప్రాంతంలో ఉన్న సీసీ కెమెరాల్లోనూ రికార్డయింది. టీడీపీ కార్యకర్తలు ఇచ్చిన ఫిర్యాదులు, మదనపల్లె డీఎస్పీ ఇచ్చిన ఫిర్యాదుతో బాధితులైన ఎంపీ మిథున్‌ రెడ్డి సహా వైఎస్సార్‌సీపీ శ్రేణులపై అక్రమ కేసులు పెట్టారు. టార్గెట్‌ మిథున్‌ రెడ్డి ఈ ఘటనలో ఎంపీ మిథున్‌ రెడ్డిని ప్రభుత్వం లక్ష్యంగా చేసుకున్నట్లు ఈ కేసులను పరిశీలిస్తే తెలుస్తుంది. ఇప్పటికే మద్యం అక్రమ కేసులో ఇరికించి, వే­ధించిన ప్రభుత్వం.. ఇప్పుడు ఒకేసారి 4 కేసులతో మరింతగా వేధించేందుకు సిద్ధమైంది. 2014 నుంచి ఇప్పటిదాకా అధికారంలో ఉన్న ప్రతిసారీ మిథున్‌ రెడ్డినే చంద్రబాబు లక్ష్యంగా చేసుకుంటున్నారు. ప్ర­తి చిన్న ఘటనను, సంబంధంలేని వ్యవహారాలను అంటగట్టి వేధిస్తున్నారు. ఇప్పుడూ అదే జరిగింది. టీడీపీ కార్యకర్తలు చేసిన ఫిర్యాదుల్లో ఎంపీ మిథున్‌ రెడ్డి సహా పదుల సంఖ్య­లో నాయకుల పేర్లు ఇచ్చి, వందల మంది అంటూ పేర్కొన్నారు. మదనపల్లె డీఎస్పీ ప్రసాద్‌ ఇచ్చిన ఫిర్యాదులోనూ ఎంపీ మిథున్‌ రెడ్డి పేరును ప్రస్తావించారు. అడ్డదారిలో గెలిచేందుకే.. పుంగనూరులో వైఎస్సార్‌సీపీ నామినేషన్లు వేయకుండా అడ్డుకోవడమే లక్ష్యంగా టీడీపీ పక్కా పన్నా­గం పన్ని, దాడులకు పాల్పడింది. ఇక్కడ ఏ ఎన్నికల్లోనూ వైఎస్సార్‌సీపీని టీడీపీ నిలువరించలేకపోయింది. ప్రస్తుత మున్సిపల్‌ ఎన్నికల్లో వైఎస్సార్‌సీపీ నామినేషన్లను అడ్డుకుని, పోటీ లేకుండా అడ్డదారిలో గెలిచేయాలన్న లక్ష్యంతో టీడీపీ దాడులు చేయడమేకాక, అక్రమ కేసులతో వేధింపులు మొదలుపెట్టింది. శుక్రవారం వైఎస్సార్‌సీపీ తరఫున చైర్మన్‌ అభ్యర్థి నామినేషన్లు దాఖలు చేస్తే వాటిని ఎన్నికల అధికారి స్వీకరించకపోవడం గమనార్హం. దాడి చేసి, వాహనాలు ధ్వంసం చేసింది ఎవరు? ఫిర్యాదులో పేర్కొన్నట్టు నామినేషన్‌ కేంద్రానికి 100 మీటర్ల దూరం వరకు నిషేధిత ప్రాంతం. అయితే.. నామినేషన్‌ కేంద్రంలోకి చొచ్చుకొచ్చి ఎంపీ మిథున్‌ రెడ్డి, ఆయన భద్రత సిబ్బంది వాహనాలను నామినేషన్‌ కేంద్రం ఆవరణలోనే ధ్వంసం చేసింది ఎవరు అన్నది ఫిర్యాదుల్లో ఎక్కడా లేకపోవడం గమనార్హం. పదేపదే దాడులకు ప్రయత్నించిన టీడీపీ గూండాలను అడ్డుకోని పోలీసులు.. ఎంపీ మిథున్‌ రెడ్డి 100 మీటర్ల నిబంధనను ఉల్లంఘించి లోపలికి వచ్చారని వారిచ్చిన ఫిర్యాదులో పేర్కొన్నారు. ఇదే నిబంధన ఉల్లంఘించి నామినేషన్‌ కేంద్రంలోకి చొచ్చుకొచ్చిన వందలాది టీడీపీ గూండాలు, వారు చేసిన విధ్వంసాన్ని మాత్రం ప్రస్తావించలేదు.మిథున్‌రెడ్డికి ప్రాణహాని ఉందని భద్రత సిబ్బంది రక్షించే ప్రయత్నం చేస్తే, ప్రధాన గేటును ఢీకొట్టి లోపలికి వెళ్లారని ఫిర్యాదులో పేర్కొన్నారు. ఎంపీపై దాడి చేసి, హత్యాయత్నానికి పాల్పడిన వారిని అడ్డుకునేందుకు ఒక్క చర్యా తీసుకోకుండా.. ఒకేసారి గాలిలోకి కాల్పులు జరపాల్సిన పరిస్థితి ఎందుకు వచ్చిందో పోలీసులకే తెలియాలి. పోలీసులు అధికార పార్టీ కనుసన్నల్లో రెడ్‌ బుక్‌ రాజ్యాంగం ప్రకారమే పని చేస్తున్నారనడానికి ఈ ఘటన పక్కా నిదర్శనం. ఎంపీ మిథున్‌రెడ్డిపైనే హత్యాయత్నం కేసు టీడీపీ నేతలతో కలిసి డీఎస్పీ ప్రసాద్‌ తప్పుడు ఫిర్యాదు సాక్షి టాస్క్‌ఫోర్స్‌: పుంగనూరు మున్సిపల్‌ ఎన్నికల నామినేషన్లలో రాజంపేట ఎంపీ పెద్దిరెడ్డి మిథున్‌రెడ్డి ఆయన సిబ్బందిపై హత్యాయత్నం చేసి, కార్లను ధ్వంసం చేసిన తెలుగుదేశం గూండాలు.. ఎంపీ, ఆయన అనుచరులపై తప్పుడు ఫిర్యాదు చేసి కేసులు నమోదు చేయించారు. పుంగనూరు పోలీసులు టీడీపీ నేత మధుసూదన్‌ రాయల్‌ వద్ద తప్పుడు ఫిర్యాదు తీసుకుని ఎంపీ మిథున్‌రెడ్డిని ప్రధాన నిందితుడిగా పేర్కొంటూ 4 కేసులు నమోదు చేశారు. ఈ కేసుల్లో మొత్తం 216 మంది వైఎస్సార్‌సీపీ శ్రేణులపై తప్పుడు కేసులు నమోదు చేయడంపై వైఎస్సార్‌సీపీ లీగల్‌ అడ్వైజర్లు మానవ హక్కుల కమిషన్‌కు ఫిర్యాదు చేశారు. అలాగే, హైకోర్టులో రిట్‌ పిటిషన్లు దాఖలు చేయనున్నట్లు వారు తెలిపారు.

అన్నమయ్య జిల్లా: వైఎస్సార్‌సీపీ నేతలపై కూటమి ప్రభుత్వ కక్షసాధింపు చర్యలు కొనసాగుతున్నాయి. పుంగనూరు మున్సిపాలిటీ ఎన్నికల్లో నామినేషన్లు దాఖలు చేసేందుకు వెళ్లిన వారిపై పోలీసులు కేసులు పెట్టారు. ఎంపీ మిథున్ రెడ్డితో పాటు ముఖ్య నాయకులు, కార్యకర్తలపై తప్పుడు కేసులు నమోదయ్యాయి. ఎంపీ మిథున్ రెడ్డిపై పోలీసులు మూడు కేసులు నమోదు చేశారు. పుంగనూరు పీఎస్‌లో ఎంపీ మిథున్ రెడ్డితో పాటు మరో 50 మందిపై కేసు నమోదు చేశారు. కేసులు నమోదైన వారిలో ఎంపీ మిథున్ రెడ్డితో పాటు మాజీ ఎంపీ రెడ్డప్ప, సుధీర్ రెడ్డి, హర్ష వర్ధన్ రెడ్డి, వంశీ, సహదేవ్ కూడా ఉన్నారు. ఇదీ చదవండి: టీడీపీ గూండాల చేతుల్లో వేటకొడవళ్లు, పెట్రోల్‌: అవినాశ్‌ రెడ్డి

సాక్షి, అమరావతి: రాజంపేట ఎంపీ, వైఎస్సార్‌సీపీ లోక్‌సభా పక్ష నాయకుడు పీవీ మిథున్‌రెడ్డికి మాజీ ముఖ్యమంత్రి వైఎస్‌ జగన్‌ ఫోన్‌ చేసి పుంగనూరులో టీడీపీ శ్రేణుల దాడి ఘటన వివరాలు తెలుసుకున్నారు. రాష్ట్రంలో ఎన్నికలను సజావుగా నిర్వహించాలన్న ఉద్దేశం చంద్రబాబుకు లేదని, రెండున్నరేళ్ల పాలనపై ప్రజల్లో తీవ్ర వ్యతిరేకత ఉండటంతోనే అరాచకాలకు పాల్పడుతున్నారని వైఎస్‌ జగన్‌ ఆగ్రహం వ్యక్తం చేశారు. హింసాత్మక రాజకీయాలు చంద్రబాబుకు కొత్తేమీ కాదని, రాష్ట్రాన్ని జంగిల్‌ రాజ్‌లా మార్చేశారని మండిపడ్డారు. వైఎస్సార్‌సీపీ లోక్‌సభాపక్ష నాయకుడికే భద్రత లేని పరిస్థితులు నెలకొన్నాయని ఆవేదన వ్యక్తంచేశారు. చంద్రబాబు అధికార దుర్వినియోగానికి పాల్పడుతూ పోలీసులను ఉపయోగించుకుని అక్రమాలకు పాల్పడుతున్నారని, దాడులు జరుగుతున్నా పోలీసు వ్యవస్థ నిస్తేజంగా ఉండిపోతోందని పేర్కొన్నారు.చట్టపరంగా పోరాటం చేస్తాం రాష్ట్రంలో జరుగుతున్న అన్యాయాలను సమర్థంగా ఎదుర్కొంటామని వైఎస్‌ జగన్‌ స్పష్టంచేశారు. న్యాయపరంగా, చట్టపరంగా అన్ని మార్గాల్లో పోరాటం చేస్తామని, ధైర్యం, సహనంతో ఎన్నికలను ఎదుర్కొంటామని తెలిపారు. రాష్ట్రంలో నెలకొన్న పరిస్థితులను న్యాయస్థానాల దృష్టికి తీసుకెళ్తామని పేర్కొన్నారు. ఎన్నికలు స్వేచ్ఛగా, నిష్పక్షపాతంగా జరగాలంటే పారామిలటరీ బలగాలను మోహరించాల్సిన అవసరం ఉందని వైఎస్‌ జగన్‌ అభిప్రాయపడ్డారు. ఇదే అంశాన్ని న్యాయస్థానాల ముందు ఉంచుతామని తెలిపారు. ప్రజలకు మంచి చేసిన చరిత్ర వైఎస్సార్‌సీపీదని, హింసతో రాష్ట్రాన్ని నాశనం చేస్తున్న చరిత్ర చంద్రబాబుదని వైఎస్‌ జగన్‌ విమర్శించారు.

ప్రజాస్వామ్యాన్ని ఖూనీ చేశారు.. రాజ్యాంగాన్ని కాలరాశారు.. రాజకీయ కక్షతో చంద్రబాబు రాష్ట్రాన్ని హింసాగ్నిలోకి నెట్టారు. మున్సిపల్‌ ఎన్నికల నామినేషన్ల తొలి రోజే పచ్చమూకల దాడులు, దౌర్జన్యాలు, బెదిరింపులు, విధ్వంసకాండతో రాష్ట్రం అట్టుడికింది. పుంగనూరులో సాక్షాత్తూ ఎంపీ మిథున్‌రెడ్డిపై హత్యాయత్నం.. రాయచోటిలో వైఎస్సార్‌సీపీ కార్యాలయానికి నిప్పు.. వాహనాల దగ్థం.. ధర్మవరంలో రాళ్లదాడి.. తిరుపతిలో నామినేషన్‌ పత్రాల చించివేత.. తాడిపత్రిలో బెదిరింపులు.. గుత్తిలో కిడ్నాప్‌! ఒక్కటే దుర్మార్గపు రాజకీయ లక్ష్యంగా వైఎస్సార్‌సీపీని ఎన్నికల బరి నుంచి తప్పించడం! ఎక్కడ నామినేషన్‌ వేయడానికి అడుగుపెట్టినా దాడులు.. ఎక్కడ అభ్యర్థి కనిపించినా బెదిరింపులు.. ఎక్కడ ప్రతిపక్షం గొంతెత్తినా దౌర్జన్యాలు! రాళ్లు, కొడవళ్లు, రాడ్లు, కర్రలు, పెట్రోల్‌ బాటిళ్లతో పేట్రేగిన పచ్చమూకలు.. ప్రజాస్వామ్యాన్ని పచ్చస్వామ్యంగా మార్చే కుట్రకు తెగబడ్డాయి! ప్రజల తీర్పుతో గెలవాల్సిన ఎన్నికలను గూండాల బలంతో శాసించాలనే దురహంకారం.. ప్రతిపక్ష అభ్యర్థులను భయపెట్టి నామినేషన్లకు దూరం చేయాలనే కక్ష.. పోలీసుల కళ్లముందే సాగిన దాడులు.. చంద్రబాబు పాలనలో ఎన్నికల స్వేచ్ఛపై తీవ్ర ప్రశ్నలు రేకెత్తిస్తున్నాయి. ఇది రాజకీయ పోరాటం కాదు.. ప్రతిపక్షంపై పచ్చమూకలు సాగిస్తున్న దౌర్జన్యకాండ! ఇది ఎన్నికల ప్రచారం కాదు.. ప్రజాస్వామ్య హక్కులపై సాగుతున్న దాడి! ఇది అధికార దర్పం కాదు.. గూండారాజ్‌ బరితెగింపు! తన పాలనపై నమ్మకం లేకపోవడం.. ప్రజలు ఛీత్కరిస్తారనే భయం.. వెరసి చంద్రబాబు ఈ గూండారాజ్‌కు తెరతీశారు. నారాసుర రక్తచరిత్రకు మళ్లీ నాంది పలికారు.

సాక్షి,తిరుపతి : చంద్రబాబు,లోకేష్‌ డైరెక్షన్‌లోనే దాడులు జరుగుతున్నాయని రాజంపేట వైఎస్సార్‌సీపీ ఎంపీ మిథున్‌రెడ్డి ఆగ్రహం వ్యక్తం చేశారు. స్థానిక సంస్థల ఎన్నిక నామినేషన్‌ సమయంలో టీడీపీ గూండాలు జరిపిన దాడులపై తిరుపతిలో ఆయన మీడియాతో మాట్లాడారు. బయటి నుంచి గూండాలను తెప్పించి విధ్వంసం సృష్టించారు. మా కార్యకర్తలపై రాళ్లతో దాడులు చేయించారు. వాహనాలు ధ్వంసం చేసి నానా హంగామా చేశారు. టీడీపీకి గెలిచే సత్తాలేదు. అడ్డదారిలో గెలిపించుకునేందుకు నీచ రాజకీయాలు చేస్తున్నారు. రిటర్నింగ్‌ అధికారి నామినేషన్‌ పత్రాలు తీసుకోవడం లేదు. మాపై ఒత్తిడి ఉంది. తీసుకోలేమని అంటున్నారు.దమ్ముంటే నిజాయితీగా ఎన్నికలకు వెళ్లాలి’అని సవాల్‌ విసిరారు.

సాక్షి, గుంటూరు: పుంగనూరులో ఎంపీ మిథున్‌రెడ్డిపై జరిగిన దాడిని వైఎస్సార్‌సీపీ అధినేత, మాజీ సీఎం వైఎస్‌ జగన్‌ తీవ్రంగా ఖండించారు. ఎన్నికలు సజావుగా జరపాలన్న ఉద్దేశం చంద్రబాబుకి ఏమాత్రం లేదన్న ఆయన.. తీవ్ర ప్రజా వ్యతిరేకత నడుమ ఓడిపోతారనే తెలిసే దాడులను ప్రొత్సహిస్తున్నారని అన్నారు. పుంగనూరుతో పాటు రాయచోటిలో ఇవాళ జరిగిన టీడీపీ రాక్షస క్రీడ గురించి ఆయన పార్టీ వర్గాల నుంచి ఆరా తీశారు.‘‘హింసా రాజకీయాలు చంద్రబాబుకి కొత్త కాదు. రాష్ట్రాన్ని జంగిల్‌రాజ్‌గా మార్చారు. ఒక ఎంపీ.. అందునా ఓ పార్టీ లోక్‌సభా పక్ష నేతకే భద్రతా లేకుండా పోయిన పరిస్థితులు చూస్తున్నాం. రెండున్నరేళ్ల కూటమి పాలనపై ప్రజలు తీవ్ర వ్యతిరేకతతో ఉన్నారు. అందుకే అరాచకాలకు, దాడులకు పాల్పడుతున్నారు. పోలీసులను వాడుకుని అధికార దుర్వినియోగానికి పాల్పడుతున్నారు. అక్రమాలు చేస్తున్నారు’’ అని వైఎస్‌ జగన్‌ ధ్వజమెత్తారు.‘‘దాడులు జరుగుతుంటే పోలీసులు ప్రేక్షక పాత్ర వహిస్తున్నారు. కూటమి అన్యాయాలను సమర్థవంతంగా ఎదుర్కొంటాం. న్యాయ, చట్టపరంగా పోరాడతాం. ధైర్యం సహనంతో ఎన్నికలను ఎదుర్కొంటాం. రాష్ట్రంలో పరిస్థితుల్ని కోర్టులకు తెలియజేస్తాం. కేంద్ర బలగాలతోనే ఎన్నికలు సజావుగా సాగుతాయి. ఇదే విషయం కోర్టు ముందు ఉంచుతాం. ప్రజలకు మంచి చేసిన చరిత్ర మాది. హిసంతో రాష్ట్రాన్ని నాశనం చేస్తున్న చరిత్ర చంద్రబాబుది’’ అని వైఎస్‌ జగన్‌ అన్నారు. టీడీపీ శ్రేణుల దాడిలో గాయపడ్డ ఎంపీ మిథున్‌రెడ్డిని ఫోన్‌లో వైఎస్‌ జగన్‌ పరామర్శించారు. జరిగిందంతా అడిగి తెలుసుకున్నారు.స్థానిక సంస్థల ఎన్నికల నామినేషన్ల వేళ శుక్రవారం వైఎస్సార్‌సీపీ అభ్యర్థులను అడ్డుకోవడం, మిథున్‌రెడ్డి కాన్వాయ్‌పై దాడి చేయడం, వాహనాలను ధ్వంసం చేయడం వంటి ఘటనలతో పుంగనూరులో ఉద్రిక్తత నెలకొంది.పుంగనూరు మున్సిపాలిటీలో వైఎస్సార్‌సీపీ అభ్యర్థులు నామినేషన్లు వేసేందుకు వెళ్తుండగా ఈ ఘటన చోటుచేసుకుంది. రాజంపేట ఎంపీ మిథున్‌రెడ్డి వెంట ఉన్న పార్టీ నాయకులను టీడీపీ శ్రేణులు అడ్డుకున్నాయి. అనంతరం రాళ్లు, కర్రలతో దాడికి దిగడంతో పలువురు గాయపడ్డారు. ఈ దాడిలో మిథున్‌రెడ్డికి, ఆయన గన్‌మెన్లకు కూడా గాయాలయ్యాయి.దాడిలో వైఎస్సార్‌సీపీకి చెందిన పలు వాహనాలు ధ్వంసమయ్యాయి. కొన్ని వాహనాలకు నిప్పంటించిన దృశ్యాలు కూడా వెలుగులోకి వచ్చాయి. పరిస్థితి ఉద్రిక్తంగా మారడంతో అధికారులు మిథున్‌రెడ్డిని నామినేషన్‌ కేంద్రంలోని ప్రత్యేక గదికి తరలించారు. అయితే నామినేషన్లు స్వీకరించేంత వరకు అక్కడి నుంచి కదలనని ఆయన భీష్మించుకుని కూర్చుకున్నారు. ఇటు రాయచోటిలోనూ వైఎస్సార్‌సీపీ ఆఫీస్‌ను టీడీపీ గూండాలు తగలబెట్టారు. పలు వాహనాలకు ధ్వంసం చేశారు. ఆ దాడి నుంచి వైఎస్సార్‌సీపీ నేత, మాజీ ఎమ్మెల్యే గడికోట శ్రీకాంత్‌ సురక్షితంగా బయటపడ్డారు. పుంగనూరు, రాయచోటి ఘటనలపై వైఎస్సార్‌సీపీ తీవ్ర ఆగ్రహం వ్యక్తం చేసింది. నామినేషన్లు వేసే హక్కును అడ్డుకోవడం ప్రజాస్వామ్యానికి విరుద్ధమని పార్టీ నేతలు విమర్శించారు. దాడికి బాధ్యులైన వారిపై చర్యలు తీసుకోవాలని డిమాండ్‌ చేశారు.ఇదీ చదవండి👉: ఏపీలో పచ్చ మూకల బరితెగింపు

స్థానిక సంస్థల ఎన్నిలకు నామినేషన్ల ప్రక్రియ మొదలైన మొదటిరోజే టీడీపీ నేతలు బీభత్సం సృష్టిస్తున్నారు. పోలీసులను అడ్డం పెట్టుకుని వైఎస్సార్‌సీపీ నేతలపై టీడీపీ నేతలు దాడులకు పాల్పడుతున్నారు. దాడులపై స్టేట్‌ ఎలక్షన్‌ కమిషనర్‌ను కలిసిన వైఎస్సార్‌సీపీ నేతలు.. పుంగనూరు, రాయచోటి ఘటనలను ఆయన దృష్టికి తీసుకెళ్లారు. వైఎస్సార్‌సీపీ ఎమ్మెల్సీ లేళ్ల అప్పిరెడ్డి మాట్లాడుతూ.. పుంగనూరులో ఎంపీ పెద్దిరెడ్డి మిథున్‌రెడ్డిపై హత్యాయత్నం దారుణమన్నారు. రాష్ట్రంలో ప్రజాస్వామ్యం ఎక్కడ? అంటూ ఆయన ప్రశ్నించారు. Updates: కడపలో టీడీపీ జోనల్‌ ఇంచార్జ్‌ శ్రీనివాసులురెడ్డి అరాచకంనామినేషన్‌ సెంటర్‌ వద్ద టీడీపీ గూండాల హల్‌చల్‌30వ డివిజన్‌ వైఎస్సార్‌సీపీ అభ్యర్థి విజయలక్ష్మి నామినేషన్‌ అడ్డగింతనామినేషన్‌ పత్రాలు లాక్కొని చింపేసిన టీడీపీ గూండాలుపోలీసుల సమక్షంలోనే టీడీపీ గూండాల అరాచకంఆర్డీవోకి ఫిర్యాదు చేసిన రవీంద్రనాథ్‌రెడ్డి, ఆంజాద్‌ బాషాతమ అభ్యర్థులకు రక్షణ కల్పించాలని డిమాండ్‌వైఎస్సార్‌ కడప జిల్లాలో శ్రుతిమించిన టీడీపీ గూండాల దౌర్జన్యాలుకడపలో ఏఆర్‌ఓ రూమ్‌లో దూరి నామినేషన్‌ పత్రాలు చించేసిన టీడీపీ గూండాలు ఏఆర్‌ఓ చేతిలో నామినేషన్‌ పత్రాలు లాక్కొని చించేసిన పచ్చమూక ఏఆర్‌ఓ చేతి నుంచి నామినేషన్‌ పత్రాలు లాక్కున్నా చర్యలు తీసుకోని పోలీసులుమాజీ కార్పొరేటర్‌ బాలస్వామిరెడ్డి వైఎస్సార్‌సీపీ తరఫున నామినేషన్‌ దాఖలు అనంతపురం: గుత్తిలో టీడీపీ గూండాల అరాచకంవైఎస్సార్‌సీపీ అధికార ప్రతినిధి నరహరిపై రాళ్ల దాడిరాళ్ల దాడి చేసిన టీడీపీ ఎమ్మెల్యే గుమ్మనూరు జయరాం వర్గీయులుగంటా నరహరి కారు అద్దాలు ధ్వంసం శ్రీ సత్యసాయి జిల్లా:ధర్మవరంలో రెచ్చిపోతున్న పచ్చమూకలువైఎస్సార్‌సీపీ కార్యకర్తలపై టీడీపీ గూండాల దాడినామినేషన్‌ వేసేందుకు వెళ్తున్న వైఎస్సార్‌సీపీ నేతలపై రాళ్ల దాడిపచ్చమూక దాడిలో ఆరుగురు వైఎస్సార్‌సీపీ కార్యకర్తలకు గాయాలునామినేషన్‌ పత్రాలు లాక్కొని చింపేసిన టీడీపీ గూండాలుప్రేక్షకపాత్ర వహించిన పోలీసులుదాడుల్లో గాయపడ్డ వైఎస్సార్‌సీపీ కార్యకర్తలను వీల్‌చైర్‌లో కూర్చోబెట్టి ర్యాలీ నిర్వహించిన కేతిరెడ్డిర్యాలీలో భారీగా పాల్గొన్న వైఎస్సార్‌సీపీ కార్యకర్తలు నంద్యాల:ఆళ్లగడ్డలో టీడీపీ గూండాల అరాచకంవైఎస్సార్‌సీపీ అభ్యర్థి నామినేషన్‌ పత్రాలు లాక్కున్న పచ్చమూకనామినేషన్‌ పత్రాలు చింపేసిన భూమా విఖ్యాత్‌రెడ్డిటీడీపీ అరాచకాలపై గంగుల బిజేంద్రారెడ్డి ఫైర్‌దమ్ముంటే టీడీపీ ఎన్నికల్లో తలపడాలిటీడీపీ దాడులకు భయపడే ప్రసక్తే లేదు కడపలో టీడీపీ గూండాల బరితెగింపువైఎస్సార్‌సీపీ అభ్యర్థి నామినేషన్‌ పత్రాలు చింపేసిన పచ్చమూకలుఆర్వోకి ఇచ్చిన నామినేషన్‌ పత్రాలను లాక్కుని మరీ చించివేతబాలస్వామిరెడ్డిపై టీడీపీ గూండాల దాడిపోలీసుల సమక్షంలోనే టీడీపీ గూండాల దాడులుటీడీపీకి గెలిచే సత్తాలేదు: ఎంపీ మిథున్‌రెడ్డిబయట వ్యక్తులను తీసుకొచ్చి దౌర్జన్యం చేస్తున్నారురాళ్లతో దాడులు చేస్తూ భయభ్రాంతులకు గురి చేశారువాహనాలను ధ్వంసం చేసి నానా హంగామా చేశారురిటర్నింగ్‌ ఆఫీసర్‌ నామినేషన్లు తీసుకోవడం లేదుపైనుంచి ఒత్తిడి ఉంది.. నామినేషన్ల తీసుకోబోమంటున్నారుఅడ్డదారిలో గెలిచేందుకు నీచ రాజకీయాలు చేస్తున్నారుదమ్ముంటే ఎన్నికల్లో తలపడాలిఎంపీ మిథున్‌రెడ్డిపై జరిగిన దాడి ప్రజాస్వామ్యంపై దాడే: జూపూడి ప్రభాకర్‌రావుజెడ్ కేటగిరీ భద్రత ఉన్న పార్లమెంట్ సభ్యుడికే రక్షణ లేకపోతే సామాన్య అభ్యర్థుల పరిస్థితి ఏంటి?ఎన్నికల నోటిఫికేషన్ ఇచ్చింది నామినేషన్లు వేయడానికా?ప్రతిపక్షాలపై దాడులు చేయడానికా?చంద్రబాబు సొంత జిల్లాలోనే ఇంతటి అరాచకమా?ఇదేనా మీ 40 ఏళ్ల రాజకీయ అనుభవం?ప్రజాబలం ఉన్నవాడు ఎన్నికల్లో పోరాడతాడు.. ఓటమి భయం ఉన్నవాడే దాడులకు దిగుతాడుస్థానిక ఎన్నికల్లో ఓటమి భయంతోనే కూటమి ప్రభుత్వం దౌర్జన్యాలకు తెగబడుతోందిదాడులు జరుగుతుంటే పోలీసులు ప్రేక్షకుల్లా చూస్తారా?పోలీసులు ప్రజలకు రక్షకులా? అధికార పార్టీకి ప్రైవేటు సైన్యమా?టీడీపీ గూండాలు దాడులు చేస్తుంటే పోలీసులు చేతులు కట్టుకుని నిలబడటమేనా శాంతిభద్రతల పరిరక్షణ?పోలీసులు రాజ్యాంగానికి విధేయులుగా ఉండాలి.. చంద్రబాబు ఆదేశాలకు కాదుచంద్రబాబు ప్రభుత్వానికి పోలీసులపై ఉన్న పట్టు.. శాంతిభద్రతల పరిరక్షణలో ఎందుకు కనిపించడం లేదు?నామినేషన్ల తొలిరోజే దాడులతో స్వాగతం పలికారు..పోలింగ్ నాటికి ఇంకెన్ని అరాచకాలు చేస్తారు?అన్నమయ్య జిల్లాలో శ్రీకాంత్‌రెడ్డి పార్టీ కార్యాలయంపైనే దాడి చేసి తగలబెట్టే ప్రయత్నం చేయడం ఎంతటి దౌర్జన్యం?పార్టీ కార్యాలయంలో ఎన్నికలపై చర్చించుకోవడం కూడా నేరమేనా?వైఎస్సార్‌సీపీ అభ్యర్థులు నామినేషన్లు వేయకుండా అడ్డుకోవడమే కూటమి ఎన్నికల వ్యూహమా?ఎన్నికల్లో గెలవాలంటే ప్రజల మనసులు గెలవాలి.. ప్రత్యర్థుల తలలు పగలగొట్టడం కాదుచంద్రబాబూ.. ఇదేనా మీ కార్యకర్తలకు నేర్పిన రాజకీయ సంస్కృతి?రాజకీయాల్లో సీనియారిటీ గొప్పలు చెప్పుకోవడం కాదు.. ప్రజాస్వామ్య విలువలను కాపాడటం ముఖ్యంఎన్నికల సంఘం నోటిఫికేషన్ ఇచ్చి చేతులు దులుపుకుంటే సరిపోదు.. అభ్యర్థులకు రక్షణ కల్పించాలిమా ఫిర్యాదులపై ఎన్నికల సంఘం ఏం చర్యలు తీసుకుందో ప్రజలకు సమాధానం చెప్పాలిపుంగనూరు దాడిపై తక్షణమే నిష్పాక్షిక విచారణ జరిపించాలిదాడులకు పాల్పడిన వారిని గుర్తించి అరెస్టు చేయాలి.. చట్టప్రకారం కఠిన చర్యలు తీసుకోవాలిస్థానిక పోలీసులపై మాకు నమ్మకం లేదు.. కేంద్ర బలగాల పర్యవేక్షణలోనే ఎన్నికలు నిర్వహించాలిఎంపీ మిథున్‌రెడ్డిపై దాడి అంశాన్ని పార్లమెంట్‌లోనూ ప్రస్తావిస్తాంఈ అరాచకాలను రాష్ట్రానికే పరిమితం చేయం.. ఢిల్లీ స్థాయిలో అన్ని రాజ్యాంగ సంస్థల దృష్టికి తీసుకెళ్తాంఎన్నికల అక్రమాలపై హైకోర్టు, సుప్రీంకోర్టు వరకు న్యాయపోరాటం చేస్తాంటీడీపీ గూండాల దాడులపై మాజీ మంత్రి పెద్దిరెడ్డి ఆగ్రహంచంద్రబాబు, లోకేష్‌ డైరెక్షన్‌లోనే పుంగనూరులో విధ్వంసంనామినేషన్లు వేయకుండా అడ్డుకుంటున్నారురిటర్నింగ్‌ ఆఫీసర్‌ నామినేషన్లు తీసుకోవడం లేదుపోలీసులు టీడీపీ కార్యకర్తలతో కలిసి పోయారు మళ్లీ ధర్మవరంలో తీవ్ర ఉద్రిక్తతధర్మవరంలో మళ్లీ తీవ్ర ఉద్రిక్తత వైఎస్సార్సీపీ నేతలపై టీడీపీ గుండాలు దాడిరాళ్లతో వైఎస్సార్‌సీపీ నేతలపైకి దాడులువైస్సార్సీపీ నేతలను నామినేషన్లు వేయకుండా అడ్డుకుంటున్న టీడీపీ గుండాలు చిత్తూరు: ఎన్నికల అధికారుల ఏకపక్ష వైఖరి10.45 గంటలకే నామినేషన్ కేంద్రానికి వెళ్లిన వై ఎస్సార్ కాంగ్రెస్ అభ్యర్థులు3 గంటల పాటు తీసుకోవాలని కోరిన నామినేషన్ తీసుకొని ఎన్నికల అధికారులుజిల్లా కలెక్టర్‌కు ఫోన్ చేసినా స్పందించని కలెక్టర్ఎమ్మెల్యే పెద్దిరెడ్డి ద్వారకా నాథరెడ్డి ఫోన్ చేసినా స్పందించని కలెక్టర్మాజీ మంత్రి పెద్దిరెడ్డి రామచంద్రారెడ్డి కాల్ చేసినా స్పందించని కలెక్టర్టీడీపీ నేతల ఆదేశాల మేరకు వైఎస్సార్‌సీపీ అభ్యర్థుల నామినేషన్లు తీసుకొని అధికారులుకలెక్టర్ తీరుపై ఎస్ఈసీకి వైఎస్సార్‌సీపీ ఫిర్యాదుఎంపీ మిథున్‌రెడ్డికి వైఎస్‌ జగన్‌ ఫోన్‌ టీడీపీ గూండాల దాడి ఘటనపై వివరాలు తెలుసుకున్న వైఎస్‌ జగన్‌ఎన్నికలు సజావుగా జరపాలన్న ఉద్దేశం చంద్రబాబుకు లేదు: వైఎస్‌ జగన్‌రెండున్నరేళ్ల పరిపాలనపట్ల ప్రజలు తీవ్ర వ్యతిరేకతతో ఉన్నారుఅందుకనే అరాచకాలు, దాడులకు పాల్పడుతున్నారు హింసా రాజకీయాలు చంద్రబాబుకు కొత్తేమీ కాదురాష్ట్రాన్ని జంగిల్‌ రాజ్‌లా మార్చారులోక్‌సభలో పార్టీ నాయకుడికే భద్రతలేని పరిస్థితులు చూస్తున్నాచంద్రబాబు అధికార దుర్వినియోగం చేస్తున్నారుపోలీసులను వాడుకుని అక్రమాలు చేస్తున్నారుదాడులు జరుగుతున్న పోలీసు వ్యవస్థ నిస్తేజంగా ఉండిపోతోందిఈ అన్యాయాలను సమర్థంతంగా ఎదుర్కొంటాంన్యాయపరంగా, చట్టపరంగా అన్ని రకాలుగా పోరాటం చేస్తాంధైర్యం, సహనంతో ఈ ఎన్నికలను ఎదుర్కొంటాంరాష్ట్రంలో పరిస్థితులను కోర్టుల ముందు ఉంచుతాంపారామిలటరీ బలగాలతోనే ఎన్నికలు సజావుగా సాగుతాయిఇదే విషయాన్ని కోర్టుల ముందు ఉంచుతాంప్రజలకు మంచి చేసిన చరిత్ర మాదిహింసతో రాష్ట్రాన్ని నాశనంచేస్తున్న చరిత్ర చంద్రబాబుదిఎన్నికల కమిషన్ ఆఫీస్:నామినేషన్ మొదటి రోజే ప్రజాస్వామ్యాన్ని తగలబెడుతున్నారు: లేళ్ల అప్పిరెడ్డిఎంపీ మిథున్ రెడ్డి పై టీడీపీ గుండాలు, నాయకులు దాడి చేశారుటీడీపీ గుండాలు దాడి చేస్తారనే సమాచారం ముందుగానే పోలీసులకు, రెవెన్యూ అధికారులకు ఇచ్చాంరాళ్లు, కర్రలతో వైఎస్సార్‌సీపీ కార్యకర్తలపై దాడి చేశారుచంద్రబాబు సొంతం నియోజకవర్గంలో ఈ దాడి జరిగిందిప్రజాస్వామ్యబద్ధంగా ఎన్నికలు జరిగితే గెలవలేమని దాడులకు తెగబడ్డారుబయట దాడులు దాటుకొని లోపలకు వస్తే కనీసం అధికారులు నామినేషన్లు తీసుకోరుఎన్నికలు ప్రజాస్వామ్యబద్దంగా జరిగితే టీడీపీ ఓడిపోతుందిఅప్రజాస్వామిక విధానాలపై ప్రజలు తీర్పు చెబుతారని ఎన్నికలను అడ్డుకుంటున్నారుపారా మిలిటరీ దళాలను తీసుకొచ్చి ఎన్నికలు నిర్వహించాలినోడల్ ఆఫీసర్‌ రాజకుమారికి సమస్య వివరించాంప్రజాస్వామ్య బద్దంగా ఎన్నికలు జరగకపోతే తర్వాత జరిగే పరిణామాలకు ఎస్‌ఈసీ బాధ్యత వహించాలిఎస్‌ఈసీ తన అధికారాలు బయటకు తీయాలిఆన్‌లైన్‌లో నామినేషన్ తీసుకోవాలి.. మరో అధికారిని కూడా ఏర్పాటు చేయాలని కోరుతున్నాంపుంగనూరు మున్సిపాలిటీ నామినేషన్లు అడ్డుకున్న టీడీపీ శ్రేణులుఎంపీ మిథున్ రెడ్డి వాహనంతో పాటు, కాన్వాయ్ లో ఉన్న 6 వాహనాలు ధ్వంసం9 మంది కౌన్సిలర్ అభ్యర్థులు, చైర్మన్ అభ్యర్థులు నామినేషన్లు వేసేందుకు వెళ్తున్న సమయంలో దాడినామినేషన్లు వేసేందుకు వెళ్తున్న వారిపై అకస్మాత్తుగా దాడి హత్యాయత్నంపుంగనూరు ఎన్.ఎస్. పేట లోని బసవరాజా జూనియర్ కాలేజి లో మెయిన్ గేట్ వద్ద ఎంపీ మిథున్ రెడ్డి పై హత్యాయత్నం, వాహనాలు ధ్వంసంకాలేజీ మెయిన్ గేట్ వద్ధ ఒక వాహనం ధ్వంసం , కాలేజీ లోపల ఎంపీ మిథున్ రెడ్డి వాహనాలు పూర్తి గా ధ్వంసంముడా మాజీ చైర్మన్ వెంకటరెడ్డి యాదవ్ పై దాడి చేసిన టీడీపీ అల్లరి మూకలుఎంపీ మిథున్ రెడ్డి ను టార్గెట్ చేస్తూ వాహనాలు విధ్వంసం2 నామినేషన్లు స్వీకరణ, మిగిలిన నామినేషన్లు తీసుకోకుండా అడ్డుకున్న టీడీపీ శ్రేణులునామినేషన్ ప్రాంగణం లోకి 400 మందికి పైగా చేరుకుని నిరసనప్రేక్షక పాత్ర పోషిస్తున్న పోలీసులురాయచోటిలో టీడీపీ గూండాల బీభత్సంరాయచోటిలో వైఎస్సార్‌సీపీ ఆఫీస్‌ను తగలబెట్టిన టీడీపీ గూండాలువాహనాలను కూడా టీడీపీ గూండాలు తగలబెట్టారువైఎస్సార్‌సీపీ కార్యకర్తలపై రాళ్లు, కర్రలతో దాడులుధర్మవరంలో టీడీపీ కూటమి నేతల బరితెగింపువైఎస్సార్‌సీపీ కౌన్సిలర్ అభ్యర్థులు సాయికుమార్, పుష్పమణిలపై దాడిపుష్ప మణికి తీవ్ర గాయాలు.. ఆసుపత్రి కి తరలింపునామినేషన్లు లాక్కెళ్లిన టీడీపీ, బీజేపీ గూండాలుపోలీసుల సమక్షంలో ఘటన మిథున్ రెడ్డిపై దాడిని తీవ్రంగా ఖండిస్తున్నాం: గుడివాడ అమర్నాథ్‌జెడ్‌ ప్లస్ సెక్యూరిటీ ఉన్న వ్యక్తిపై దాడికి కూడా తెగబడుతున్నారుప్రాణాలకు తెగించి అయినా పోరాటం చేసేందుకు సిద్ధంగా ఉన్నాంఎంపీపై దాడిని కేంద్రం సీరియస్‌గా తీసుకోవాలి

సాక్షి, అన్నమయ్య జిల్లా: చిత్తూరు జిల్లా పుంగనూరులో చోటుచేసుకున్న ఘటనపై మాజీ మంత్రి, వైఎస్సార్‌సీపీ ఎమ్మెల్యే పెద్దిరెడ్డి రామచంద్రారెడ్డి తీవ్రంగా స్పందించారు. టీడీపీ నేతల దాడుల వెనుక చంద్రబాబు, నారా లోకేశ్‌ ఉన్నారని ఆయన ఆరోపించారు. దాడుల పర్యవసానాలను ప్రభుత్వం ఎదుర్కోవాల్సి వస్తుందని పెద్దిరెడ్డి హెచ్చరించారు.పుంగనూరులో ఎంపీ మిథున్‌ రెడ్డి, వైఎస్సార్‌సీపీ నేతలపై దాడుల అంశంపై పెద్దిరెడ్డి స్పందించారు. ఈ సందర్బంగా పెద్దిరెడ్డి.. వైఎస్సార్‌సీపీ అభ్యర్థులు నామినేషన్లు కూడా దాఖలు చేయకుండా అధికారులు ఇబ్బందులకు గురిచేస్తున్నారని, రిటర్నింగ్‌ అధికారి నారాయణరెడ్డి వ్యవహారశైలి పైనా అభ్యంతరం వ్యక్తం చేశారు. ప్రభుత్వం నియంతృత్వ ధోరణితో వ్యవహరిస్తోందని, పోలీసులు టీడీపీ కార్యకర్తలతో కలిసి పనిచేస్తున్నారని విమర్శించారు. పుంగనూరులో ఇలాంటి ఘటనలు దురదృష్టకరమని, వీటి పర్యవసానాలను ప్రభుత్వం ఎదుర్కోవాల్సి వస్తుందని హెచ్చరించారు. పెద్దిరెడ్డి మరో కీలక డిమాండ్‌ చేశారు. రాజంపేట ఎంపీ మిథున్‌ రెడ్డిని సురక్షితంగా బయటకు తీసుకురావాలని, అలా జరగకపోతే ప్రభుత్వమే బాధ్యత వహించాలని అన్నారు.🚨 వైసీపీ వాళ్లు నామినేషన్లు వేస్తే.. కూటమి ప్రభుత్వానికి ఘోర పరాజయం తప్పదా? అందుకేనా ఈ విద్వంసం? తాజాగా పుంగనూరు మున్సిపాలిటీ లో నామినేషన్లు వేయకుండా అడ్డుకుంటున్న టీడీపీ శ్రేణులు రాజంపేట ఎంపీ మిథున్ రెడ్డి తో కలిసి నామినేషన్లు వేసేందుకు వెళ్తున్న వైఎస్సార్ కాంగ్రెస్ పార్టీ నాయకుల్ని అడ్డుకున్న టీడీపీ నాయకులు మిథున్ రెడ్డి కాన్వాయ్ పై దాడి చేసి, వైఎస్సార్ కాంగ్రెస్ వాహనాలు ధ్వంసం చేసిన టీడీపీ శ్రేణులు #LocalBodyElections2026 #AnnamayyaDistrict— UttarandhraNow (@UttarandhraNow) October 16, 2026అంతకుముందు.. పుంగనూరు మున్సిపాలిటీ నామినేషన్లను టీడీపీ శ్రేణులు అడ్డుకున్నాయి. ఎంపీ మిథున్ రెడ్డి వాహనంతో పాటు, కాన్వాయ్‌లో ఉన్న ఆరు వాహనాలను టీడీపీ గూండాలు ధ్వంసం చేశారు. నామినేషన్‌ వేసేందుకు వెళ్తున్న 9 మంది కౌన్సిలర్ అభ్యర్థులు, చైర్మన్ అభ్యర్థులు అడ్డుకుని దాడులకు తెగబబ్బారు. నామినేషన్లు వేసేందుకు వెళ్తున్న వారిపై అకస్మాత్తుగా దాడి హత్యాయత్నం చేశారు. ఎంపీ మిథున్ రెడ్డిని టార్గెట్ చేస్తూ వాహనాలు విధ్వంసం చేశారు. పుంగనూరు ఎన్.ఎస్.పేట లోని బసవరాజా జూనియర్ కాలేజీలో మెయిన్ గేట్ వద్ద ఎంపీ మిథున్ రెడ్డిపై హత్యాయత్నానికి ప్రయత్నించారు. చేతకాని దద్దమ్మ ప్రభుత్వం. పుంగనూరులో టీడీపీ మూకల హింసాకాండ వైసీపీ లోక్ సభ లీడర్ మిథున్ రెడ్డి గారికాన్వాయ్ పై దాడి చేసిన టీడీపీ శ్రేణులు పుంగనూరు మున్సిపాలిటీలో నామినేషన్లు వేయకుండా అడ్డుకుంటున్న టీడీపీ శ్రేణులు. వైసీపీ వాహనాలు ధ్వంసం చేసిన టీడీపీ శ్రేణులు. https://t.co/dJfmopySxh— YSRCP Italy (@YSRCP_Italy) October 16, 2026అనంతరం, నామినేషన్‌ సెంటర్‌లో రెండు నామినేషన్లు స్వీకరణ, మిగిలిన నామినేషన్లు తీసుకోకుండా అడ్డుకున్నారు. నామినేషన్ సెంటర్‌ ప్రాంగణంలోకి 400 మందికి పైగా టీడీపీ కార్యకర్తలు చేరుకున్నప్పటికీ పోలీసులు ప్రేక్షక పాత్ర పోషించి చూస్తుండిపోయారు. అక్కడే ఉన్న పలు వాహనాలకు కూడా పచ్చ మూక నిప్పంటించడంతో పరిస్థితి మరింత ఉద్రిక్తతకు దారి తీసింది. ఇదీ చదవండి: మిథున్‌ రెడ్డిపై హత్యాయత్నం.. టీడీపీ మూక అరాచకం

సాక్షి, తాడేపల్లి: ఎంపీ మిథున్‌రెడ్డిపై హత్యాయత్నాన్ని వైఎస్సార్‌సీపీ తీవ్రంగా ఖండించింది. టీడీపీ నేతలు.. దాడులు చేసి ఎన్నికల్లో గెలవాలని చూస్తున్నారంటూ వైఎస్సార్‌సీపీ ఎమ్మెల్సీ లేళ్ల అప్పిరెడ్డి ఆగ్రహం వ్యక్తం చేశారు. ఎన్నికల్లో గెలవలేక అక్రమమార్గంలో వెళ్తున్నారు. పోలీసులను అడ్డం పెట్టుకుని టీడీపీ నేతలు దాడులకు పాల్పడుతున్నారు. ఏపీలో శాంతి భద్రతలు విఫలమైందని ఆయన మండిపడ్డారు.‘‘బందీపోటు దొంగల్లా టీడీపీ గూండాలు దాడులు చేస్తున్నారు. ఎంపీ మిథున్‌రెడ్డి కాన్వాయ్‌పై కర్రలు, రాళ్లతో దాడులు చేశారు. నామినేషన్ల ప్రక్రియ మొదలైన మొదటిరోజే దాడులు చేస్తున్నారు’’ అని లేళ్ల అప్పిరెడ్డి ధ్వజమెత్తారు.ఓటమి భయంతోనే దాడులు..విజయనగరం: ఎమ్మెల్సీ పెనుమత్స సురేష్ బాబు మాట్లాడుతూ.. కూటమి ప్రభుత్వ పాలనలో సామాన్యులకే రక్షణ లేదని.. ఓటర్లను, అభ్యర్థులను భయపెట్టాలని చంద్రబాబు కుట్ర పన్నుతున్నారంటూ మండిపడ్డారు. చిత్తూరు జిల్లాలో ఎంపీ మిధున రెడ్డి పై దాడిని ఖండిస్తున్నాం. చంద్రబాబు దుష్ట పరిపాలనకు వ్యతిరేకంగా ఓటు వేయాలని ప్రజలు సిద్ధంగా ఉన్నారు. ఓటమి భయంతో వైఎస్సార్సీపీ నాయకులపై దాడులు చేస్తున్నారు’’ అని ఆయన ఆగ్రహం వ్యక్తం చేశారు.ప్రజాస్వామ్యంలో నేడు చీకటి దినంచిత్తూరు: ప్రజాస్వామ్యంలో నేడు చీకటి దినం అని వైఎస్సార్‌సీపీ చిత్తూరు నియోజకవర్గం ఇంఛార్జ్‌ విజయానందరెడ్డి అన్నారు. ఎంపీ మిథున్‌ రెడ్డి హత్యాయత్నం ఘటనను తీవ్రంగా ఖండించారు, ఓటమి భయంతోనే టీడీపీ నాయకులు దాడులకు పాల్పడుతున్నారు. దాడులను తీవ్రంగా ప్రతిఘటిస్తామని ఆయన హెచ్చరించారు.ఇదీ చదవండి: మిథున్‌ రెడ్డిపై హత్యాయత్నం.. టీడీపీ మూక అరాచకం

సాక్షి, ఉమ్మడి చిత్తూరు: చంద్రబాబు సొంత జిల్లాలో టీడీపీ మూకలు రెచ్చిపోయాయి. స్థానిక సంస్థల ఎన్నికల నామినేషన్ల వేళ పుంగనూరులో హింసాకాండకు దిగాయి. నామినేషన్లు వేసేందుకు వెళ్లిన వైఎస్సార్‌సీపీ శ్రేణులపై దాడులకు దిగాయి. ఈ క్రమంలో ఎంపీ మిథున్‌రెడ్డి సహా పలువురికి గాయాలయ్యాయి.నామినేషన్‌ ప్రక్రియ షురూ కావడం, టీడీపీ శ్రేణులు అడ్డుపడొచ్చనే ముందస్తు సమాచారంతో.. అభ్యర్థుల్ని దగ్గరుండి నామినేషన్‌ వేయించేందుకు వైఎస్సార్సీపీ ఎంపీ మిథున్‌రెడ్డి స్వయంగా బయల్దేరారు. ఈ క్రమంలో నామినేషన్‌ సెంటర్‌ వద్ద టీడీపీ కార్యకర్తలు వీరంగం సృష్టించారు. తొలుత ఎంపీ కాన్వాయ్‌కు అడ్డుపడ్డ టీడీపీ గూండాలు.. ఆ తర్వాత గేట్లు తోసుకుని లోపలికి వెళ్లి దాడులు మొదలుపెట్టారు. ఆ సమయంలో హైడ్రామా నడిచింది.ఎంపీ కాన్వాయ్‌ సహా పలు వాహనాలను ధ్వంసం చేశారు. మనుషులు, వాహనాలపైకి రాళ్లు కర్రలు విసురుతూ విరుచుకుపడ్డారు. ఈ దాడుల్లో మిథున్‌రెడ్డి సహా కొందరికి గాయాలయ్యాయి. ఆయన్ని రక్షించేందుకు ప్రయత్నించిన గన్‌మెన్‌కి కూడా నెత్తుటి గాయాలయ్యాయి. అయినా వాళ్లు మిథున్‌కు రక్షణగా నిలిచారు.ఇక తీవ్ర గాయాలతో రక్తమోడుతున్నా ఓ వైఎస్సార్‌సీపీ నేత ఏమాత్రం అధైర్యపడలేదు. తనపై దాడి చేసేవారిని చూస్తూ.. ఒక్క చూపుతోనే సవాల్‌ విసిరినంత పని చేశారాయన. అయితే తీవ్రంగా రక్తమోడిన ఆయన్ని తోటి కార్యకర్తలు వాహనంలో ఆస్పత్రికి తరలించారు. మరో వ్యక్తికి పళ్లు ఊడిపోయి రక్తం కారింది. మరికొందరికి సైతం టీడీపీ రాళ్ల దాడుల్లో గాయాలైనట్లు తెలుస్తోంది.నామినేషన్‌ కేంద్రం వద్ద చోటుచేసుకున్న ఘటనలతో పరిస్థితి ఉద్రిక్తంగా మారింది. కొన్ని వాహనాలకు నిప్పంటించినట్లు కథనాలు వెలువడ్డాయి. మరికొన్ని వాహనాలను టీడీపీ కేడర్‌ ధ్వంసం చేసి.. బోల్తా పడేశాయి. ఈ ఘటనల సమయంలో పోలీసులు తగిన చర్యలు తీసుకోలేదని వైఎస్సార్‌సీపీ శ్రేణులు ఆగ్రహం వ్యక్తం చేశాయి. అయితే పరిస్థితిని అదుపు చేసేందుకు గాల్లో కాల్పులు జరిపామని మాత్రం పోలీసులు అంటున్నారు. ప్రస్తుతం మిథున్‌రెడ్డిని, ఆయన సిబ్బందిని నామినేషన్‌ సెంటర్‌లోనే ఓ గదిలో అధికారులు ఉంచారు. టీడీపీ గూండాల బారి నుంచి ఆయన్ని సురక్షితంగా అక్కడి నుంచే తరలించే ప్రయత్నాలు చేస్తున్నట్లు తెలుస్తోంది.ఇదీ చదవండి: ‘స్థానిక’ ఎన్నికలు.. ప్రారంభమైన కూటమి కుట్రలు

సాక్షి, అన్నమయ్య: ఏపీలో స్థానిక సంస్థల ఎన్నికల వేళ అధికార టీడీపీ శ్రేణులు రెచ్చిపోతున్నాయి. వైఎస్సార్‌సీపీ అభ్యర్థులను టార్గెట్‌ చేసి దాడులకు పాల్పడుతున్నారు. తాజాగా పుంగనూరు మున్సిపాలిటీలో వైఎస్సార్‌సీపీ అభ్యర్థులు నామినేషన్లు వేయకుండా టీడీపీ శ్రేణులు అడ్డుకున్నాయి. పచ్చ మూక దాడిలో వైఎస్సార్‌సీపీ అభ్యర్థి, ఎంపీ మిథున్‌ రెడ్డికి గాయలయ్యాయి. వైఎస్సార్‌సీపీ అభ్యర్థిపై కర్రలతో దాడి చేయడంతో ఆయన తలకు గాయమై రక్తస్త్రావం జరిగింది. దీంతో, ఉద్రిక్తత చోటుచేసుకుంది.పుంగనూరు మున్సిపాలిటీ లో నామినేషన్లు వేయకుండా అడ్డుకుంటున్న టీడీపీ శ్రేణులు రాజంపేట ఎంపీ మిథున్ రెడ్డి తో కలిసి నామినేషన్లు వేసేందుకు వెళ్తున్న వైఎస్సార్ కాంగ్రెస్ పార్టీ నాయకుల్ని అడ్డుకున్న టీడీపీ నాయకులు మిథున్ రెడ్డి కాన్వాయ్ పై దాడి చేసిన టీడీపీ శ్రేణులు వైఎస్సార్ కాంగ్రెస్ వాహనాలు ధ్వంసం చేసిన టీడీపీ శ్రేణులు ప్రేక్షక పాత్ర పోషిస్తున్న పోలీసులు— వై.యస్.‌ఆర్‌ కుటుంబం™ (@_Ysrkutumbam) October 16, 2026వివరాల మేరకు.. పుంగనూరులో రాజంపేట ఎంపీ మిథున్ రెడ్డితో కలిసి నామినేషన్లు వేసేందుకు వెళ్తున్న వైఎస్సార్‌సీపీ నాయకులను టీడీపీ నాయకులు అడ్డుకున్నారు. అనంతరం, ఎంపీ మిథున్ రెడ్డి కాన్వాయ్‌పై టీడీపీ శ్రేణులు దాడి చేశారు. రాళ్లు, కర్రలతో దాడికి తెగబడ్డారు. వైఎస్సార్‌సీపీ నేతల వాహనాలను ధ్వంసం చేశారు. దాదాపు 10 వాహనాలు ధ్వంసమైనట్టు సమాచారం. ఇంత జరుగుతన్నా ఘటనా స్థలంలో ఉన్న పోలీసులు ప్రేక్షక పాత్ర పోషించారు. టీడీపీ నేతలను అడ్డుకునే ప్రయత్నం చేయలేదు. టీడీపీ నేతల దాడిలో పలువురు గాయపడ్డారు. దీనికి సంబంధించిన వీడియోలు బయటకు వచ్చాయి. వైఎస్సార్‌సీపీ అభ్యర్థికి గాయాలైనప్పటికీ ఆయన మాత్రం వెనక్కి తగ్గలేదు. వైఎస్సార్‌సీపీ నేతలు, అభ్యర్థి నామినేషన్‌ వేసేందుకు ఆఫీసులోకి వెళ్లిన అనంతరం.. టీడీపీ శ్రేణులు మరింత రెచ్చిపోయాయి. నామినేషన్‌ కేంద్రంలోకి వెళ్లేందుకు ఆఫీసు బయట ఉన్న గేట్ల నుంచి తోసుకెళ్లే ప్రయత్నం చేశారు. ఆఫీసు బయట ఉన్న వైఎస్సార్‌సీపీ నేతల కార్లను ధ్వంసం చేశారు. ఈ పరిణామాల నేపథ్యంలో అధికారులు.. ఎంపీ మిథున్‌ రెడ్డిని ప్రత్యేక రూమ్‌కు తరలించారు. గంట సేపటి నుంచి మిథున్‌ రెడ్డి నామినేషన్‌ సెంటర్‌లోనే ఉన్నారు. మరోవైపు.. టీడీపీ శ్రేణులు వైఎస్సార్‌సీపీ నేతల వాహనాలకు నిప్పు అంటించారు. దీనికి సంబంధించిన వీడియోలు బయటకు వచ్చాయి. ఇదీ చదవండి: ఆదోని, తుని పదవులపై ట్విస్టులు.. జనసేనలో గందరగోళం!

అన్నమయ్య జిల్లా: చంద్రబాబు పాలనలోని కూటమి ప్రభుత్వం వచ్చాక పేదలకు విద్య, వైద్యం దూరమైందని రాజంపేట వైఎస్సార్‌సీపీ ఎంపీ మిథున్‌రెడ్డి విమర్శించారు. ప్రారంభానికి సిద్ధంగా ఉన్న మెడికల్‌, బీటీ కాలేజీను నిలిపేశారని, అసలు కూటమి ప్రభుత్వంలో అభివృద్ధి మాటే లేదని మండిపడ్డారు. మదనపల్లి, పుంగనూరులో తీవ్ర తాగునీటి ఎద్దడి ఉందనే విషయాన్ని మిథున్‌రెడ్డి ఈ సందర్భంగా స్పష్టం చేశారు. పుంగనూరు నియోజకవర్గం ప్రజలపై రాజకీయ కక్ష ప్రభుత్వం అవలంబిస్తుంది. పుంగనూరు హంద్రీ నీవా బ్రాంచి కెనాల్ పేరుకు మాత్రమే పుంగనూరు సమ్మర్ స్టోరేజ్ కు హంద్రీ నీవా జలాలుతో ప్రభుత్మం వెంటనే నింపి ప్రజల దాహార్తిని తీర్చాలి. ఎల్‌నీనో ప్రభావంతో రాష్ట్రంలో తీవ్రమైన కరువు అములుకోంది హంద్రీ నీవా జలాలను పోలీసులను కాపలాపెట్టి కుప్పంకు నీరు తీసుకొని వెళుతున్నారు. మదనపల్లె, పుంగనూరు సమ్మర్ స్టోరేజ్‌లు నింపి ప్రజల దాహార్తిని తీర్చండి’ అని ప్రభుత్వ పెద్దలకు సూచించారు. ఇదీ చదవండి: కూటమి ప్రభుత్వం భయపడుతోంది: లేళ్ల అప్పిరెడ్డి

ఢిల్లీ: ఏపీలో పంటల బీమా పథకం పడకేసిందనే విషయం లోక్‌సభ సాక్షిగా తేటతెల్లమైంది. 2025-26 లో కేవలం 18.88 లక్షల మంది రైతులు మాత్రమే ఎన్‌రోల్‌ అయిన విషయం వెలుగు చూసింది. ఏపీలో పంటల బీమా పథకం గురించి వైఎస్సార్‌సీపీ ఎంపీ మిథున్‌రెడ్డి అడగిన ప్రశ్నకు కేంద్ర వ్యవసాయ శాఖా మంత్రి రామ్‌నాథ్‌ ఠాకూర్‌ సమాధానం ఇచ్చారు. ప్రధానమంత్రి ఫసల్ బీమా యోజన పథకం అమలు బాధ్యత రాష్ట్ర ప్రభుత్వానిది. రైతులకు సంబంధించి పంట దిగుబడి డేటాను రాష్ట్ర ప్రభుత్వం అందజేయాలి. డేటా అందిన 21 రోజులలో బీమా కంపెనీల ద్వారా క్లైమ్ పరిష్కారం అవుతుంది. అంటే చంద్రబాబు సర్కారు.. ప్రధానమంత్రి ఫసల్ బీమా యోజన, వాతావరణ ఆధారిత పంటల బీమా పథకం పై దృష్టి పెట్టలేదనే విషయం కేంద్ర మంత్రి ఇచ్చిన సమాధానం సాక్షిగా బయటపడంది. ఈ పథకం ఎందుకో తెలుసా..?ప్రధాన మంత్రి ఫసల్ బీమా యోజన (PMFBY) అనేది ప్రకృతి వైపరీత్యాలు, తెగుళ్లు లేదా అకాల వర్షాల వల్ల పంట నష్టపోయిన రైతులకు ఆర్థిక భద్రత కల్పించే కేంద్ర ప్రభుత్వ పంట బీమా పథకం. రైతులు తక్కువ ప్రీమియంతో తమ పంటలకు పూర్తి రక్షణ పొందేలా ఈ పథకాన్ని రూపొందించారు. ఇది చంద్రబాబు సర్కారు అలసత్వం..మరి ఈ పథకాన్ని వినియోగించుకోవడంలో ఏపీ ప్రభుత్వం చూపిన అలసత్వం ఏమిటన్నది తాజాగా రుజువైంది. చంద్రబాబు సర్కారుకు రైతు సమస్యలపై దృష్టి లేదనడానికి ఇదొక ఉదాహరణ అని విశ్లేషకులు అభిప్రాయపడుతున్నారు.అదే వైఎస్‌ జగన్‌ హయాంలో.. ప్రజా సంక్షేమాన్ని కానీ వారి సమస్యలను కానీ అత్యంత ఎక్కువ శ్రద్ధ పెట్టిన ప్రభుత్వం ఏదైనా ఉందంటే వైఎస్‌ జగన్‌ నేతృత్వంలోని గత ప్రభుత్వం. అందుకు ఈ గణాంకాలే ఉదాహరణం. వైఎస్ జగన్ ప్రభుత్వ హయాంలో 2022-23లో 123.87 లక్షలు, 2023-24 లో 132.55 లక్షల మంది రైతులకు పంట బీమాకు ఎన్‌రోల్‌ అయ్యారు. మరి ఇప్పుడు ఆ సంఖ్య 18.88 లక్షలకు పడిపోయి చంద్రబాబు సర్కారు వైఫల్యానికి నిదర్శనంగా నిలిచింది.

సాక్షి, అమరావతి: పోలవరం ప్రాజెక్టు నిర్మాణంలో చంద్రబాబు ప్రభుత్వ నిర్వాకం మరోసారి బట్టబయలైంది. ఈ ప్రాజెక్టులో నీటిని నిల్వ చేస్తే ఎత్తు 45.72 మీటర్లు కాదు.. 41.15 మీటర్లేనని కేంద్రం పునరుద్ఘాటించింది. 41.15 మీటర్ల ఎత్తు వరకే నీటిని నిల్వ చేసేలా ప్రాజెక్టును పూర్తి చేయడానికి 2023 ధరల ప్రకారం అంచనా వ్యయాన్ని రూ.30,436.95 కోట్లుగా ఆమోదించామని, మిగిలిన పనులు పూర్తి చేయడానికి రూ.12,157.53 కోట్లు మాత్రమే ఇచ్చేందుకు అంగీకరించామని స్పష్టం చేసింది. అందులో 2024–25లో రూ.5,512.40 కోట్లు, 2025–26లో రూ.2,810.22 కోట్లు వెరసి రూ.8,322.62 కోట్లు విడుదల చేశామని తెలిపింది. ఈ మేరకు లోక్‌సభలో వైఎస్సార్‌సీపీ పక్ష నేత పీవీ మిథున్‌రెడ్డి అడిగిన ప్రశ్నకు కేంద్ర జల్‌శక్తి శాఖ సహాయ మంత్రి రాజ్‌భూషణ్‌ చౌదరి లిఖితపూర్వకంగా సమాధానం ఇచ్చారు. 41.15 మీటర్ల ఎత్తు వరకూ నీటిని నిల్వ చేసేలా ఎర్త్‌ కమ్‌ రాక్‌ ఫిల్‌ (ఈసీఆర్‌ఎఫ్‌) డ్యాం గాŠయ్‌ప్‌–1, గ్యాప్‌–2లతోపాటు భూసేకరణ, నిర్వాసితులకు పునరావాసం కల్పించే పనులను 2027 జూన్‌ నాటికి పూర్తి చేయాలని నిర్దేశించినట్లు తెలిపారు. గరిష్ఠ నీటి మట్టం 45.72 మీటర్ల ఎత్తు వరకూ స్పిల్‌ వే, ఈసీఆర్‌ఎఫ్‌ డ్యాం వంటి సివిల్‌ పనులు పూర్తి చేసేందుకు అయ్యే వ్యయంతోపాటు.. 41.15 మీటర్ల ఎత్తు వరకే నీటిని నిల్వ చేయడానికి అవసరమైన భూసేకరణ, నిర్వాసితులకు పునరావాసం కల్పించడం.. కుడి, ఎడమ కాలువలను పూర్తి చేయడానికి అయ్యే వ్యయాన్ని మాత్రమే ఇస్తామని స్పష్టం చేశారు. ప్రాజెక్టులో అంతర్భాగమైన జల విద్యుదుత్పత్తి కేంద్రం నిర్మాణానికి అయ్యే ఖర్చును పూర్తిగా ఆంధ్రప్రదేశ్‌ ప్రభుత్వమే భరించాలని తేల్చిచెప్పారు. ఆంధ్రప్రదేశ్‌ ప్రభుత్వం సమర్పిస్తున్న నిధుల వినియోగ ధ్రువీకరణ పత్రాలు (యూసీలు), సాంకేతిక పత్రాలను పోలవరం ప్రాజెక్టు అథారిటీ(పీపీఏ), కేంద్ర జల్‌ శక్తి శాఖ పరిశీలించాకే నిధులు విడుదల చేస్తున్నట్లు కేంద్ర మంత్రి చెప్పారు. 7.20 లక్షల ఎకరాలకు కాదు 1.98 లక్షల ఎకరాలకే పోలవరం ప్రాజెక్టు గరిష్ఠ నీటి మట్టం 45.72 మీటర్లు, పూర్తిస్థాయి నీటి నిల్వ సామర్థ్యం 194.6 టీఎంసీలు. కనీస నీటిమట్టం 41.15 మీటర్లు, కనీస నీటి నిల్వ 119.4 టీఎంసీలు. పోలవరం నీటి మట్టాన్ని కనీస స్థాయికే పరిమితం చేస్తే.. కుడి, ఎడమ కాలువల కింద 7.20 లక్షల ఎకరాలకు నీళ్లందించడం సాధ్యం కాదు. కేవలం 1.98 లక్షల ఎకరాలకు.. అదీ గోదావరికి వరద వచ్చిన రోజుల్లో మాత్రమే నీళ్లందించే అవకాశం ఉంటుందని అధికారులే స్పష్టంగా చెబుతున్నారు. ఇక కృష్ణా డెల్టాకు 80 టీఎంసీల మళ్లింపు, గోదావరి డెల్టా ఆయకట్టు స్థిరీకరణ, ఉత్తరాంధ్ర సుజల స్రవంతికి నీళ్లందించే అవకాశమే ఉండదని తేల్చి చెబుతున్నారు. ఎడమ గట్టుపై 960 మెగావాట్ల సామర్థ్యంతో నిర్మిస్తున్న విద్యుత్‌ కేంద్రంలోనూ గోదావరికి వరద వచ్చే రోజుల్లో మాత్రమే అరకొరగా విద్యుత్తు ఉత్పత్తి చేసే అవకాశం ఉంటుందని వివరిస్తున్నారు. అంటే.. పోలవరం రిజర్వాయర్‌ను బ్యారేజ్‌గా మార్చేశారన్నది స్పష్టమవుతోంది. పోలవరానికి ఉరేసిన చంద్రబాబు సర్కారుజలయజ్ఞంలో భాగంగా 2005లో అప్పటి ముఖ్యమంత్రి వైఎస్‌ రాజశేఖరరెడ్డి ఈ బృహత్తర ప్రాజెక్టుకు అంకురార్పణ చేశారు. గోదావరి ట్రిబ్యునల్‌ అనుమతి ఇచ్చిన మేరకు సీడబ్ల్యూసీ (కేంద్ర జల సంఘం), అటవీ, పర్యావరణం సహా అన్ని అనుమతులు సాధించి.. 45.72 మీటర్ల గరిష్ఠ నీటి మట్టం, 194.6 టీఎంసీల నీటి నిల్వ సామర్థ్యంతో ప్రాజెక్టు నిర్మాణాన్ని ప్రారంభించారు. ఈ ప్రాజెక్టు ద్వారా కుడి, ఎడమ కాలువల కింద 7.20 లక్షల ఎకరాలు, కృష్ణా డెల్టాకు 80 టీఎంసీలు మళ్లించి 13.08 లక్షల ఎకరాలను స్థిరీకరించడం, గోదావరి డెల్టాలో 10.13 లక్షల ఎకరాలకు రెండో పంటకూ సమృద్ధిగా నీళ్లందించి స్థిరీకరించడం, ఉత్తరాంధ్ర సుజల స్రవంతి ద్వారా 8 లక్షల ఎకరాలకు నీళ్లందించేలా దీని నిర్మాణం చేపట్టారు. 2014–19 మధ్య అధికారంలో ఉన్న చంద్రబాబు స్వలాభం కోసం కేంద్రం నిర్మించాల్సిన ఈ ప్రాజెక్టును తన చేతుల్లోకి తీసుకొని, అనేక అవకతవకలు, అరకొర పనులతో ప్రాజెక్టును నీరుగార్చారు. 2019లో అధికారం చేపట్టిన వైఎస్‌ జగన్‌మోహన్‌ రెడ్డి పోలవరం ప్రాజెక్టును దారిలోకి తెచ్చి , నిర్మాణాన్ని పరుగులు పెట్టించారు. కరోనా ప్రతికూల పరిస్థితుల్లోనూ 2021 జూన్‌ 11 నాటికే 45.72 మీటర్ల ఎత్తుతో నీటిని నిల్వ చేసేలా పోలవరం స్పిల్‌ వేను పూర్తి చేశారు. వైఎస్‌ జగన్‌ వినతిమేరకు 45.72 మీటర్ల ఎత్తుతో నీటిని నిల్వ చేసేలా ప్రాజెక్టును పూర్తి చేయడానికి అవసరమైన నిధులు ఇచ్చేందుకు 2020 మార్చి 17న కేంద్రం అంగీకరించింది. 2024లో చంద్రబాబు మళ్లీ అధికారంలోకి రావడంతోనే పోలవరం ప్రాజెక్టుకు ఉరేశారని సాగు నీటి రంగ నిపుణులు అంటున్నారు. 2024 ఆగస్టు 28న కేంద్ర కేబినెట్‌లో పోలవరం ప్రాజెక్టులో నీటి నిల్వ ఎత్తును 41.15 మీటర్లకే పరిమితం చేస్తూ.. ఆ మేరకు ప్రాజెక్టును పూర్తి చేసేందుకు రూ.12,157.53 కోట్లు మాత్రమే ఇచ్చేలా తీర్మానాన్ని ఆమోదించగా.. అదే కేబినెట్‌లో సభ్యునిగా ఉన్న టీడీపీ మంత్రి కింజరాపు రామ్మోహన్‌నాయుడు అభ్యంతరం చెప్పకపోవడం గమనార్హం.

సాక్షి, న్యూఢిల్లీ: ఆంధ్రప్రదేశ్‌లో మత్స్యరంగ మౌలిక వసతుల అభివృద్ధికి కేంద్ర ప్రభుత్వం రూ.2,328.89 కోట్ల విలువైన ప్రాజెక్టులకు ఆమోదం తెలిపినట్లు కేంద్ర మత్స్య, పశుసంవర్థక, పాడిపరిశ్రమలశాఖ మంత్రి రాజీవ్‌రంజన్‌ సింగ్‌ చెప్పారు. లోక్‌సభలో మంగళవారం వైఎస్సార్‌ కాంగ్రెస్‌ లోక్‌సభాపక్ష నేత, ఎంపీ పి.వి.మిథున్‌రెడ్డి ప్రశ్నకు మంత్రి సమాధానం ఇచ్చారు. ప్రధానమంత్రి మత్స్యసంపద యో­జ­న (పీఎంఎంఎస్‌వై) కింద రాష్ట్రానికి రూ.­681.38 కోట్ల కేంద్ర వాటా మంజూరు చేయ­గా, ఇప్పటికే రూ.462.56 కోట్లను విడుదల చేసినట్లు చెప్పారు. ఈ నిధులతో నాలుగు ఫిషింగ్‌ హార్బర్లు, విశాఖ ఫిషింగ్‌ హార్బర్‌ ఆధునికీకరణ, ఆరు ఫిష్‌ ల్యాండింగ్‌ కేంద్రాల అభివృద్ధి చేపట్టినట్లు వివరించారు. వైఎస్‌ జగన్‌మోహన్‌రెడ్డి సర్కారు హయాంలో 2019–23 మధ్య 15 ప్రాజెక్టులు ఆమోదం పొందడం విశేషం. వీటిలో ఏడు ప్రాజెక్టులకు ప్రస్తుతం ప్రభుత్వం షెడ్యూల్‌ రేట్స్‌ను పరిశీలిస్తుండగా, రెండు ప్రాజెక్టులు వర్క్‌ ప్రాసెస్‌లో ఉన్నట్లు కేంద్రమంత్రి చెప్పారు. మొత్తం వైఎస్‌ జగన్‌ సీఎంగా ఉన్న సమయంలో ఆంధ్రప్రదేశ్‌ ప్రభుత్వం మత్స్యరంగంలో పరుగులు పెట్టిందనేది కేంద్రప్రభుత్వ జవాబుతో స్పష్టమవుతోంది. 97.98 పూర్తయిన జువ్వలదిన్నె ఫిషింగ్‌ హార్బర్‌ సాగర్‌మాల, బ్లూ రివల్యూషన్, ఫిషరీస్‌ అండ్‌ ఆక్వాకల్చర్‌ ఇన్‌ఫ్రాస్ట్రక్చర్‌ డెవలప్‌మెంట్‌ ఫండ్‌ పథకాల కింద చేపడుతున్న పలు ప్రాజెక్టుల పురోగతిని కూడా కేంద్రమంత్రి వివరించారు. ఎస్‌పీఎస్‌ఆర్‌ నెల్లూరు జిల్లాలోని జువ్వలదిన్నె ఫిషింగ్‌ హార్బర్‌ నిర్మాణానికి రూ.288.80 కోట్లతో 2019–20లో ఆమోదం లభించగా, ప్రస్తుతం 97.98 శాతం పనులు పూర్తయ్యాయని చెప్పారు. చివరిదశ పనులు కొనసాగుతున్నాయన్నారు. ఈ ప్రాజెక్టుకు కేంద్ర ప్రభుత్వం రూ.138.29 కోట్ల వాటాను ఇస్తుండగా, సాగర్‌మాల పథకంతో సమన్వయంగా అమలు జరుగుతోందని తెలిపారు. రూ.178.51 కోట్లతో చేపట్టిన విశాఖపట్నం ఫిషింగ్‌ హార్బర్‌ ఆధునికీకరణ పనులు 53.75 శాతం పూర్తయ్యాయని చెప్పారు. దీన్ని వచ్చే మార్చి 31 నాటికి పూర్తిచేయాలని లక్ష్యంగా పెట్టుకున్నట్లు తెలిపారు. ప్రస్తుతం 400 మెకనైజ్డ్‌ బోట్ల సామర్థ్యం ఉన్న ఈ హార్బర్‌లో ఆధునికీకరణ అనంతరం అంతర్జాతీయ ప్రమాణాలతో చేపల దిగుమతి, నిల్వ, వేలం, కోల్డ్‌చైన్‌ తదితర సదుపాయాలు అందుబాటులోకి వస్తాయని, ప్రత్యక్షంగా, పరోక్షంగా సుమారు 10 వేలమంది మత్స్యకారులకు ప్రయోజనం చేకూరుతుందని చెప్పారు.

సాక్షి, అమరావతి: లోక్‌సభ సాక్షిగా చంద్రబాబు సర్కార్‌ నిర్వాకం బట్టబయలైంది. రాష్ట్రంలో కొత్తగా సూక్ష్మ, చిన్న, మధ్యతరహా పరిశ్రమల (ఎంఎస్‌ఎంఈ) స్థాపన మాటదేవుడెరుగు.. రెండేళ్లలోనే 4,520 ఎంఎస్‌ఎంఈలు మూతపడ్డాయి. దీనివల్ల 48,777 మంది ఉపాధి కోల్పోయారు. లోక్‌సభలో వైఎస్సార్‌సీపీ లోక్‌సభాపక్ష నేత పీవీ మిథున్‌రెడ్డి అడిగిన ప్రశ్నకు ఎంఎస్‌ఎంఈ మంత్రి శోభా కరంద్లాజే లిఖితపూర్వకంగా సమాధానం ఇచ్చారు. 2024–25లో 1,388 సూక్ష్మ, 13 చిన్న కలిపి 1,401 పరిశ్రమలు, 2025–26లో 2,397 సూక్ష్మ, 10 చిన్న కలిపి 2,407 పరిశ్రమలు, 2026–27లో జూన్‌ 30 వరకూ 706 సూక్ష్మ, 6 చిన్న వెరసి 712 పరిశ్రమలు మూతపడ్డాయి. దీనివల్ల 48,777 మంది ఉపాధి కోల్పోయారు. చంద్రబాబు సర్కార్‌ ప్రోత్సాహకాలు విడుదల చేయకపోవడం వల్లే.. ఎంఎస్‌ఎంఈలు ఆరి్థక సంక్షోభంలో కూరుకుపోయాయి. ఇదే అంశంపై చంద్రబాబు సర్కార్‌ తీరును నిరసిస్తూ కొన్నాళ్లుగా ఏపీఐఐసీ కార్యాలయం వద్ద ఎంఎస్‌ఎంఈ పారిశ్రామికవేత్తలు ధర్నాలు చేస్తుండటం గమనార్హం. రెండేళ్లలో 23 లక్షల కోట్లకు పైగా పెట్టుబడులు వచ్చేశాయని.. 25 లక్షల మందికి ఉద్యోగాలు ఇచ్చేశామని.. దేశవ్యాప్తంగా వచ్చిన పెట్టుబడుల్లో 25 శాతం ఒక్క ఆంధ్రప్రదేశ్‌కే వచ్చేశాయని పెదబాబు, చినబాబు చేస్తున్న ప్రచారంలోని డొల్లతనాన్ని లోక్‌సభలో కేంద్ర ప్రభుత్వం ఎత్తి చూపించడం గమనార్హం. దా­వోస్‌ మీటింగ్‌లు, పెట్టు­బడుల ఆకర్షణ అంటూ విదేశీ పర్యటనలు, విశాఖ వేదికగా సీఐఐ పెట్టుబడుల సమావేశం, ప్రతీ 15 రోజులకు ఒకసారి ఎస్‌ఐపీబీ ద్వారా లక్ష కోట్ల పెట్టుబడులు అంటూ చేస్తున్న అబద్ధపు ప్రచారాలకు తెరదించుతూ కేంద్ర ప్రభుత్వం లోక్‌సభ సాక్షిగా వాస్తవ గణాంకాలను వెల్లడించింది. గడిచిన రెండేళ్లలో రాష్ట్రంలోకి రూ.6,962 కోట్ల విలువైన 10 ప్రాజెక్టులు మాత్రమే వచ్చినట్లు కేంద్ర వాణిజ్య, పరిశ్రమల శాఖ స్పష్టం చేసింది. డీపీఐఐటీ, ఇన్వెస్ట్‌ ఇండియా లెక్కల ప్రకారం గత రెండేళ్లలో రాష్ట్రానికి మొత్తం 10 ప్రాజెక్టులు రాగా.. అందులో రెండు మాత్రమే నిర్మాణం పూర్తి చేసుకున్నాయని, మిగిలిన 8 ప్రాజెక్టులు వివిధ దశల్లో ఉన్నట్లు వైఎస్సార్‌సీపీ ఎంపీ పీవీ మిథున్‌రెడ్డి అడిగిన ప్రశ్నకు కేంద్ర వాణిజ్య, పరిశ్రమల శాఖ సహాయ మంత్రి జితిన్‌ ప్రసాద మంగళవారం లిఖితపూర్వక సమాధానం ఇవ్వడం గమనార్హం. ఈ ప్రాజెక్టుల మొత్తం పెట్టుబడి రూ.6,962 కోట్లని, వీటిద్వారా సుమారు 22,167 ఉద్యోగాలు లభించే అవకాశం ఉందని కేంద్రం పేర్కొంది. అయితే ఇవి ఇప్పటికే కల్పించిన ఉద్యోగాలు కావు. ప్రాజెక్టులు పూర్తయి కార్యకలాపాలు ప్రారంభమైన తర్వాత ఏర్పడవచ్చని అంచనా వేసిన ఉద్యోగాలు మాత్రమే.

సాక్షి, మదనపల్లె: తంబళ్లపల్లె సమీపంలోని మల్లయ్య కొండల్లో మైనింగ్‌ నిర్వహించేందుకు అనుమతులు ఇచ్చింది టీడీపీ కూటమి ప్రభుత్వమేనని వైఎస్సార్‌సీపీ లోక్‌సభాపక్ష నేత, రాజంపేట ఎంపీ పెద్దిరెడ్డి వెంకట మిథున్‌రెడ్డి మండిపడ్డారు. మైనింగ్‌ చేయబోమని మాటల్లో కాకుండా, ఇచ్చిన ఉత్తర్వులను రద్దుచేసి చేతల్లో చిత్తశుద్ధి చూపించాలని డిమాండ్‌ చేశారు. మైనింగ్‌ లైసెన్సులను ఎప్పుడు రద్దు చేస్తారో ప్రకటించాలని సోమవారం ఆయన డిమాండ్‌ చేశారు. మల్లయ్య కొండల సముదాయంలోని సాధుకొండ, శివపురం, ఎర్రకొండల్లో మైనింగ్‌ కోసం ఉత్తర్వులు ఇచ్చింది చంద్రబాబు ప్రభుత్వం కాదా? అని సూటిగా ప్రశ్నించారు.మైనింగ్‌ లైసెన్సులు ఇచ్చింది చంద్రబాబేమల్లయ్య కొండకు సంబంధించి 2025 నవంబర్‌ 27న చంద్రబాబు ప్రభుత్వం టెండర్లను ఆహ్వానించి మైనింగ్‌ లైసెన్సులు జారీ చేసిందని మిథున్‌రెడ్డి వెల్లడించారు. ఎర్రకొండకు ‘సీఎల్‌’ ఇచ్చింది వైఎస్సార్‌సీపీ ప్రభుత్వం కా­దని చెప్పారు. తాజాగా బాబు ప్రభుత్వం సౌత్‌ వెస్ట్‌ మైనింగ్‌ లిమిటెడ్‌ సంస్థకు అప్పగిస్తూ ఉత్తర్వు జారీ చేసిందని చెప్పారు. ‘ఇది నిజం కాదా? టీడీపీ కూటమి ప్రభుత్వం ఉత్తర్వులు దాచిపెట్టి ఆ తప్పిదాన్ని గత ప్రభుత్వంపై నెట్టడం ఏమిటి?’ అని నిలదీశారు. మల్లయ్య కొండల్లో మైనింగ్‌పై ఇప్పటికే జారీ చేసిన మూడు ఉత్తర్వులను తక్షణం రద్దు చేయాలని డిమాండ్‌ చేశారు. చంద్రబాబు సర్కార్‌ చేస్తున్న ప్రతి తప్పిదాన్ని గత ప్రభుత్వంపై మోపేందు­కు యత్నిస్తే ప్రజలు క్షమించరని హెచ్చరించా­రు. భక్తుల మనోభావాలను పట్టించుకోకుండా, ఖనిజ సంపదను దోచుకోవాలని చంద్ర­బాబు సర్కార్‌ యత్నిస్తోందని ధ్వజ­మెత్తారు. మల్ల­య్య­­కొండ అభివృద్ధి కోసం పైసా ఇవ్వని బా­బు సర్కారు మైనింగ్‌ పేరుతో దోపిడీకి సిద్ధమైందని ఆగ్రహం వ్యక్తం చేశారు. కొండ అభివృద్ధి కోసం రూ.కోట్లాది నిధులను మంజూరు చేసింది వైఎస్సార్‌సీపీ ప్రభుత్వమేని స్పష్టం చేశారు. టీడీపీ పాలనలో ఒక్క అభివృద్ధి పని కూడా జరగలేదనే విషయం అందరికీ తెలుసన్నారు.

న్యూఢిల్లీ: డీలిమిటేషన్‌, మహిళా రిజర్వేషన్‌ బిల్లులకు తాము మద్దతిస్తామని, దేశ వ్యాప్తంగా అన్ని రాష్ట్రాల్లో 50 శాతం సీట్లు పెరగాలన్నారు వైఎస్సార్‌సీపీ ఎంపీ మిథున్‌రెడ్డి. ఈరోజు(శుక్రవారం, ఏప్రిల్‌ 17వ తేదీ) డీలిమిటిషన్‌, మహిళా రిజర్వేసన్‌ బిల్లులపై లోక్‌సభలో చర్చ సందర్భంగా మిథున్‌రెడ్డి మాట్లాడుతూ.. ‘ డీలిమిటేషన‌‌, మహిళా రిజర్వేషన్‌ బిల్లులకు మేం మద్దతిస్తాం. దేశ వ్యాప్తంగా అన్ని రాష్ట్రాల్లో 50 శాతం సీట్లు పెరగాలి. డీలిమిటేషన్‌ ప్రక్రియలో అన్ని పార్టీలకు సమాన భాగస్వామ్యం ఇవ్వాలి. రాష్ట్రాల్లో ప్రాంతీయ అసమానతలు లేకుండా సీట్ల సంఖ్య పెంచాలి. ప్రతి రాష్ట్రంలో కచ్చితంగా 50 శాతం సీట్లు పెంచే విషయం చట్టంలో పెట్టాలని మేం డిమాండ్‌ చేస్తున్నాం. ఇది కేవలం నోటి మాటగా చెప్తే మేం అంగీకరించం. రాష్ట్ర విభజన సందర్భంగా పార్లమెంట్‌లో చెప్పిన మాటలు అమలు కాలేదు’ అని మిథున్‌రెడ్డి స్పష్టం చేశారు.

ఢిల్లీ: మహిళా రిజర్వేషన్లు, డీలిమిటేషన్‌ బిల్లులకు వైఎస్సార్‌సీపీ మద్దతు ప్రకటించింది. నియోజకవర్గాల పెంపుపై ప్రభుత్వం చెబుతున్న విషయాలు లిఖితపూర్వకంగా బిల్లులో పెట్టాలని వైఎస్సార్‌సీపీ ఎంపీ మిథున్‌రెడ్డి డిమాండ్‌ చేశారు. నియోజకవర్గాల పెంపు, మహిళా రిజర్వేషన్ బిల్లుపై లోక్‌సభలో శుక్రవారం ఆయన మాట్లాడుతూ.. ప్రాంతీయ వ్యత్యాసాలు లేకుండా చూడాలని.. అన్ని పార్టీలకు తగిన ప్రాతినిధ్యం ఉండాలని కోరారు. డీలిమిటేషన్ ప్రక్రియ విపక్షాలను అణచివేసేదిగా ఉండకూడదన్నారు.మహిళా రిజర్వేషన్‌కు సంపూర్ణ మద్దతిస్తున్నాం. స్థానిక సంస్థల ఎన్నికల్లో 50 శాతం రిజర్వేషన్లు ఇచ్చిన ఘనత వైఎస్ జగన్‌ది. సంక్షేమ పథకాలన్నీటిని మహిళలకు భాగస్వామ్యం కల్పించారు. ఇళ్ల పట్టాలు మహిళల పేర్లతోనే ఇచ్చారు. నలుగురు అధికార పార్టీ ఎమ్మెల్యేలు మహిళలను వేధిస్తూ పట్టుబడ్డారు. అసభ్యకరమైన వీడియోలు బయటపడ్డాయి. అధికార పార్టీ ఎమ్మెల్యేలపైన ఎలాంటి చర్యలు తీసుకోలేదు. ఫిర్యాదు చేసిన మహిళపైనే కేసులు పెడుతున్నారు. మహిళలను వేధిస్తున్న వారిని కఠినంగా శిక్షించాలి. సూత్రప్రాయంగా ఈ బిల్లులను అంగీకరిస్తున్నాము. కానీ, మేము లేవనెత్తిన అన్ని అంశాలను ప్రభుత్వం నివృత్తి చేయాలి’’ అని మిథున్‌రెడ్డి పేర్కొన్నారు.

సాక్షి, ఢిల్లీ: అమరావతికి వైఎస్సార్‌సీపీ వ్యతిరేకం కాదన్నారు ఎంపీ మిథున్‌ రెడ్డి. రాజధాని రాష్ట్ర ప్రభుత్వ పరిధిలోని అంశమని చెప్పుకొచ్చారు. అమరావతి పేరుతో ప్రజాధనాన్ని విచ్చలవిడిగా దోపిడీ చేస్తున్నారని ఆరోపించారు. జీతాలు, సంక్షేమానికి డబ్బులు లేవని చెబుతున్న చంద్రబాబు.. అమరావతి అభివృద్ధికి ఎక్కడి నుంచి తెస్తారని ప్రశ్నించారు. ఏపీలో జరుగుతున్న అన్యాయాల నుంచి డైవర్ట్‌ చేయడానికే అమరావతి డ్రామా అని అన్నారు.అమరావతి బిల్లుపై లోక్‌సభలో ఈరోజు చర్చ జరిగింది. ఈ సందర్భంగా వైఎస్సార్‌సీపీ తరఫున చర్చలో ఎంపీ మిథున్‌ రెడ్డి పాల్గొన్నారు. చర్చలో భాగంగా మిథున్‌ రెడ్డి మాట్లాడుతూ..‘రాజధాని రాష్ట్ర ప్రభుత్వ పరిధిలోని అంశం. రెండేళ్లలో రైతులకు అభివృద్ధి చెందిన ప్లాట్ల కోసం ప్రయత్నిస్తామని చెప్పారు.. కానీ ఇవ్వలేదు. 2014-19 వరకు రైతులకు ఎలాంటి అభివృద్ధి చేసిన ప్లాట్లు ఇవ్వలేదు. చంద్రబాబు ప్రభుత్వం చేసిన మోసం తట్టుకోలేక రైతులు గుండె ఆగి చనిపోయారు. రైతుల గురించి ప్రభుత్వం పట్టించుకోవడం లేదు. రైతులకు ఎలా న్యాయం చేస్తారో ప్రకటించాలి. అమరావతిలో ప్రతీ ఎకరానికి రెండు కోట్ల రూపాయలు ఖర్చు అవుతుంది. ఈ నిధులను ఎక్కడినుంచి తీసుకొస్తారు?.అదనపు భూసేకరణకు అవసరం ఏముంది?. మొత్తం ఎన్ని ఎకరాల భూమి తీసుకుంటారో చెప్పాలి. తీసుకుంటున్న భూమికి జస్టిఫికేషన్ ఏంటి?. అమరావతికి చంద్రబాబు హయాంలో ఐదేళ్లలో రూ.5335 కోట్లు ఖర్చు పెట్టారు. వాస్తవ సమస్యల నుంచి పక్కదారి పట్టించడానికి డైవర్షన్ చేస్తున్నారు. ఇప్పటికే రాష్ట్రం అప్పుల కుప్పగా మారింది. రెండేళ్లలో మూడు లక్షల కోట్లకు పైగా అప్పులు చేశారు. చదరపు గజానికి ఢిల్లీలో 4,000 ఖర్చు పెడుతున్నారు. అమరావతిలో చదరపు గజానికి 12,000 రూపాయలకు పైగా ఖర్చు పెడుతున్నారు. 8000 రూపాయలు అదనంగా ఖర్చు పెడుతున్నారు. అమరావతి పేరుతో ప్రజాధనాన్ని విచ్చలవిడిగా దోపిడీ చేస్తున్నారుబీజేపీ మాట మార్చింది.. చంద్రబాబు నాయుడు తొలుత తిరువూరులో రాజధాని ఉంటుందని చెప్పారు. ఈలోగా అమరావతిలో భూములను కాజేశారు . అమరావతి పేరుతో ఇన్సైడర్ ట్రేడింగ్ చేశారు. రాష్ట్రమంతా అభివృద్ధి చెందాలని మా పార్టీ అభిమతం. రాయలసీమలో రెండో రాజధానిగా ఉంటుందని బీజేపీ చెప్పింది. కానీ ఇప్పుడు మాట మార్చారు. రాష్ట్రమంతా అభివృద్ధి చెందాలని వారికి లేదు. రైతుల ప్రయోజనాలు కాపాడాలి. ప్రస్తుత ఫార్మాట్‌లో ఉన్న ఈ బిల్లును వ్యతిరేకిస్తున్నాం. అమరావతికి, ఏ ప్రాంతానికి మేము వ్యతిరేకం కాదు. బిల్లుకు వ్యతిరేకంగా మేము వాకౌట్ చేస్తున్నాం’ అని అన్నారు. అనంతరం, లోక్‌సభలో సమాజ్‌వాదీపార్టీ ఎంపీ ధర్మేంద్ర యాదవ్ మాట్లాడుతూ..‘ఏపీలో అతిపెద్ద నగరం వైజాగ్ సిటీ. విశాఖను రాజధానిగా చేసి ఉంటే ఇంత భూమి, ఖర్చు, అప్పులు అవసరం ఉండేది కాదు. విశాఖపట్నం రాజధానిగా అభివృద్ధి చేస్తే సహజంగా ఉండేది. అమరావతి పేరుతో భారీ ఎత్తున రైతుల నుంచి భూమి తీసుకున్నారు. రైతులకు నాలుగు రెట్లు నష్టపరిహారం ఇచ్చారా?. రైతులకు న్యాయం జరగాలి’ అని అన్నారు.

ఢిల్లీ: కేంద్ర బడ్జెట్‌లో పోలవరం ఎత్తు 41.15 మీటర్లుగా నిర్ణయించడాన్ని వైఎస్సార్‌సీపీ ఎంపీ మిథున్‌రెడ్డి ప్రశ్నించారు. లోక్‌సభలో పైనాన్స్‌ బిల్లుపై చర్చ సందర్భంగా మిథున్‌రెడ్డి మాట్లాడుతూ.. పోలవరం ప్రాజెక్టు ఎత్తును తగ్గించొద్దన్నారు. ‘ కేంద్ర బడ్జెట్‌లో పోలవరం ఎత్తు 41.15 మీటర్లుగా నిర్ణయించారు. కానీ వాస్తవానికి పోలవరం ఒరిజినల్ ఎత్తు 45.72 మీటర్లు ఉండాలి. నిర్మాణానికి 55,000 కోట్ల రూపాయలు కేటాయించాలి. ఏపీ విభజన చట్టం ప్రకారం ఒరిజినల్ ప్రణాళిక ప్రకారం పోలవరం నిర్మించాలి. పోలవరం నిల్వ సామర్థ్యాన్ని 190 టీఎంసీల నుంచి 120 కి తగ్గించారు. ఇది ఆంధ్రప్రదేశ్‌కు అన్యాయం చేయడమే. ఆంధ్రప్రదేశ్ అప్పు రెండేళ్లలో 3 లక్షల 36,000 కోట్ల రూపాయలు దాటింది. ఏపీ ప్రభుత్వంలో ఆర్థిక క్రమశిక్షణ లోపించింది. ఏపీలో అప్పులు పెరుగుతున్నాయి...జీఎస్టీ రాబడి తగ్గుతోంది. ఏపీ తీవ్ర ఆందోళనకర పరిస్థితిలో ఉంది. ఏపీ ఆర్థిక పరిస్థితిని చక్కదిద్దెందుకు కేంద్రం జోక్యం చేసుకోవాలి. ఏపీలో అత్యధిక 8.2 శాతం నిరుద్యోగ రేటు ఉంది. జాతీయ సగటు 5.2 ఉంటే ఏపీ ది అత్యధికంగా 8 శాతం ఉంది. మహిళల్లో నిరుద్యోగ రేటు 10% గా ఉంది. వైఎస్‌ జగన్ హయాంలో ఆంధ్రప్రదేశ్‌లో 32 లక్షల పట్టాలు ఇచ్చి .. ఇల్లు మంజూరు చేశారు. ఐదేళ్ల జగన్ ప్రభుత్వంలో 14 లక్షల 20 వేల ఇళ్ల నిర్మాణానికి అనుమతులు ఇచ్చారు. 2024 నుంచి 26 మధ్య టిడిపి ప్రభుత్వం రూ. 1165 కోట్ల రూపాయలను ఇల్ల నిర్మాణానికి వినియోగించకుండా వదిలేసింది. ఏపీలో ఇళ్ల నిర్మాణానికి నిధులను తీసుకురావడంలో రాష్ట్ర ప్రభుత్వం విఫలమైందిచాలామంది ప్రజలు ఇళ్ల కోసం ఎదురుచూస్తున్నప్పటకీ రాష్ట్ర ప్రభుత్వం పట్టించుకోవడం లేదు. కనీసం రాష్ట్ర ప్రభుత్వం ఆ దిశగా కేంద్రంపై ఒత్తిడి చేయడం లేదు. రాజకీయాలు పక్కన పెట్టి పోలవరం కోసం పనిచేసేందుకు ముందుకు వస్తాం. విశాఖ స్టీల్ ప్లాంట్ ప్రైవేటీకరణ వ్యతిరేకిస్తున్నాం. కొత్త స్టీల్ ప్లాంట్ కు సంబరాలు చేస్తున్న ప్రభుత్వం.... ఉన్న స్టీల్ ప్లాంట్‌ను ఎందుకు చంపుతుంది?, విశాఖ స్టీల్ ప్లాంట్‌కు గనులు కేటాయించాలి. కడప బెంగళూరు రైల్వే లైన్‌కు రాష్ట్ర ప్రభుత్వం 50% నిధులు కేటాయించాలి. చిన్న తరహా పరిశ్రమలు తీవ్ర ఇబ్బందులు ఎదుర్కొంటున్నాయి. ప్రభుత్వ బకాయిలకు చిన్న వ్యాపారులను శిక్షించొద్దు. ఎంఎస్ఎమ్ఈలకు జీఎస్టీ ఇన్‌కమ్ టాక్స్ సమస్యల నుంచి విముక్తి కల్పించాలి’ అని విజ్ఞప్తి చేశారు.

సాక్షి, పుట్టపర్తి: క్షేత్రస్థాయి నుంచి పార్టీ బలోపేతమే లక్ష్యంగా సభ్యత్వ నమోదు చేపట్టనున్నామని, సంస్థాగత కమిటీలు త్వరలోనే పూర్తి చేస్తామని వైఎస్సార్‌సీపీ రీజనల్‌ కో–ఆర్డినేటర్, రాజంపేట ఎంపీ పీవీ మిథున్‌రెడ్డి అన్నారు. ఉమ్మడి అనంతపురం జిల్లాకు చెందిన వైఎస్సార్‌సీపీ నాయకులతో పుట్టపర్తిలోని పార్టీ కార్యాలయంలో ఆదివారం విస్తృత స్థాయి సమావేశంలో మిథున్‌రెడ్డి ముఖ్యఅతిథిగా హాజరయ్యారు.పార్టీ టాస్‌్కఫోర్స్‌ కమిటీ సభ్యుడు రాచమల్లు శివప్రసాద్‌రెడ్డి, ఐటీ విభాగం జోనల్‌ ఇన్‌చార్జ్‌ చల్లా మధుసూదన్‌రెడ్డి, రాష్ట్ర ఆర్గనైజింగ్‌ సెక్రటరీ వజ్ర భాస్కర్‌రెడ్డి, అనంతపురం జిల్లా అధ్యక్షుడు అనంత వెంకటరామిరెడ్డి, శ్రీసత్యసాయి జిల్లా అధ్యక్షురాలు ఉషశ్రీచరణ్, పీఏసీ సభ్యుడు శంకర్‌నారాయణ, రాష్ట్ర అధికార ప్రతినిధి గోరంట్ల మాధవ్, జెడ్పీ చైర్‌పర్సన్‌ బోయ గిరిజమ్మ, పార్టీ అనంతపురం పార్లమెంట్‌ పరిశీలకులు నరేశ్‌కుమార్‌రెడ్డి, హిందూపురం పార్లమెంటరీ పరిశీలకులు రమేశ్‌కుమార్‌రెడ్డి, ఉమ్మడి అనంతపురం జిల్లాలోని అన్ని అసెంబ్లీ నియోజకవర్గాల సమన్వయకర్తలతో సుదీర్ఘంగా చర్చించారు.అనంతరం పీవీ మిథున్‌రెడ్డి మాట్లాడుతూ.. పార్టీ అధినేత వైఎస్‌ జగన్‌మోహన్‌రెడ్డి సూచన మేరకు రాష్ట్ర వ్యాప్తంగా గ్రామ స్థాయి నుంచి కమిటీలను ఫిబ్రవరి 15వ తేదీ నాటికి పూర్తి చేయాలని సూచించారు. వైఎస్సార్‌సీపీ జెండా మోసే ప్రతి ఒక్కరికీ సభ్యత్వం ఇవ్వడంతోపాటు గ్రామ/వార్డు స్థాయి నుంచి కమిటీల్లో లక్షలాది మందికి చోటు కల్పిస్తామని చెప్పారు. రానున్న స్థానిక సంస్థల ఎన్నికల్లో సత్తా చాటాలని పిలుపునిచ్చారు. ఆ దిశగా ప్రతి ఒక్కరూ పార్టీని బలోపేతం చేసి.. ముందుకు నడిపించే బాధ్యత తీసుకోవాలన్నారు. అదేవిధంగా 2029 ఎన్నికల్లో వైఎస్‌ జగన్‌మోహన్‌రెడ్డిని మరోసారి సీఎం చేసుకోవడమే లక్ష్యంగా ప్రతి ఒక్కరూ పని చేయాలన్నారు. జిల్లా, నియోజకవర్గ, మండల, గ్రామ, వార్డు స్థాయి వరకు అనుబంధ విభాగాల్లో కమిటీలు పూర్తి చేయాలన్నారు.రాష్ట్రంలో చంద్రబాబు ప్రభుత్వం ఏర్పడిన తర్వాత వైఎస్సార్‌సీపీ కార్యకర్తలపై దాడులు చేసి భయభ్రాంతులకు గురి చేస్తున్నారని మిథున్‌రెడ్డి ఆగ్రహం వ్యక్తం చేశారు. వైఎస్సార్‌సీపీ కార్యకర్తలు చాలా ధైర్యంగా ఉండాలని జగనన్న భరోసా ఇచ్చినట్లు తెలియజేశారు. నాయకులందరూ కార్యకర్తలను కాపాడుకోవడమే లక్ష్యంగా పని చేస్తారన్నారు. ఢిల్లీకి మించి భూముల ధరలు దేశ రాజధాని ఢిల్లీలో పార్లమెంటు భవనం నిర్మాణాలు చదరపు అడుగు విలువ కంటే అమరావతిలో అధిక ధరలకు నిర్మాణాలు చేపడుతున్నారని మిథున్‌రెడ్డి మండిపడ్డారు. పార్లమెంటు కట్టిన చదరపు అడుగు ధర కంటే రెండింతల అధిక ధరలకు అమరావతిలో నిర్మాణాలు చేపట్టిన విషయంపై వైఎస్సార్‌సీపీ ప్రశ్నిస్తోందన్నారు. అమరావతిలో రాజధాని కోసం భూములు ఇచ్చిన రైతులకు న్యాయం చేయాలని డిమాండ్‌ చేశారు. అక్కడ పేద రైతులకు ప్లాట్లు డెవలప్‌మెంట్‌ చేసి ఇస్తామని చెప్పి.. ఇప్పటికీ అతీగతీ లేదన్నారు.ఈ విషయంలో ఇటీవల ఓ రైతు తన బాధను తెలియజేసి గుండెపోటుతో మరణించడం బాధాకరమన్నారు. వైఎస్‌ జగన్‌ ఎవరినీ వ్యక్తిగతంగా దూషించలేదని, మీడియా సమావేశంలో ఆధారాలతో ప్రభుత్వ వైఫల్యాలను ఎండగట్టారని చెప్పారు. వైఎస్‌ జగన్‌ ప్రశ్నలకు సమాధానం చెప్పలేని కూటమి నాయకులు.. వ్యక్తిగత విమర్శలకు దిగుతుండటం వారి దిగజారుడు రాజకీయానికి నిదర్శనమని ధ్వజమెత్తారు. రాయలసీమ ప్రయోజనాలను పక్కనబెట్టి.. స్వప్రయోజనాల కోసం చంద్రబాబు నీటి పంపకాల విషయంలో సంబంధం లేకుండా మాట్లాడుతున్నారని విమర్శించారు.

శ్రీ సత్యసాయి జిల్లా: ఏపీ రాష్ట్ర వ్యాప్తంగా వైఎస్సార్‌సీపీ శ్రేణులపై కక్ష సాధింపు చర్యలు కొనసాగుతున్నాయని ఎంపీ మిధున్‌రెడ్డి ధ్వజమెత్తారు. అక్రమ కేసులు, రాజకీయ వేధింపులకు గురి చేయడమే కూటమి ప్రభుత్వం పనిగా పెట్టుకుందని మండిపడ్డారు. ఈ వేధింపు చర్యలను తాను కూడా ప్రత్యక్షంగా అనుభవిస్తున్నానన్నారు. వైఎస్సార్‌సీపీ కార్యకర్తలు ఎవరూ అధైర్య పడవద్దని, కూటమి ప్రభుత్వంపై వ్యతిరేకత మొదలైందని స్పష్టం చేశారు. ఎన్నికలు ఎప్పుడు జరిగినా వైఎస్సార్‌సీపీదే విజయమన్నారు. వైఎస్సార్‌సీపీ సంస్థాగత బలోపేతం కావాల్సిన అవసరం ఉందన్నారు. త్వరలోనే కార్యకర్తలకు ఇన్సూరెన్స్, ఐడీ కార్డులు మంజూరు చేస్తామన్నారు. వైఎస్సార్ సీపీ శ్రేణులు స్థానిక సంస్థల ఎన్నికలను ఎదుర్కొనేందుకు సిద్ధంగా ఉండాలని మిథున్‌రెడ్డి సూచించారు.

సాక్షి, న్యూఢిల్లీ: ప్రజాస్వామ్యానికి మూలస్తంభమైన ఎన్నికలు నిష్పక్షపాతంగా జరగాలని, అప్పుడే గెలిచిన వారికైనా, ఓడిన వారికైనా వ్యవస్థపై నమ్మకం ఉంటుందని వైఎస్సార్‌సీపీ లోక్‌సభ పక్ష నేత, ఎంపీ పీవీ మిథున్‌రెడ్డి చెప్పారు. ఎన్నికల సంస్కర­ణలపై లోక్‌సభలో మంగళవారం జరిగిన చర్చలో ఆయన మాట్లా­డారు. దేశ­వ్యాప్తంగా ఈవీఎంలపై నెలకొన్న అనుమానాలను, ముఖ్యంగా ఆంధ్రప్రదేశ్‌లో గత ఎన్నికల్లో జరిగిన వింత పోకడలను ఎండ­గట్టారు. ప్రపంచంలోని అత్యాధునిక సాంకేతికత కలిగిన దేశాలే ఈవీఎంలను పక్కనపెట్టి బ్యాలెట్‌ పేపర్‌వైపు వెళుతుంటే.. మనం ఇంకా ఈవీఎంలను పట్టుకుని వేళ్లాడటంలో అర్థం లేదని చెప్పారు. ఏపీ ఎన్నికల్లో పోలింగ్‌ సరళిపై మిథున్‌రెడ్డి తీవ్ర సందేహాలు వ్యక్తం చేశారు. ‘ఆంధ్రప్రదేశ్‌లో మొత్తం 3 కోట్ల 38 లక్షల ఓట్లు పోలయ్యాయి. ఉదయం 7 గంటల నుంచి సాయంత్రం 6 గంటల వరకు పోలింగ్‌ జరిగింది. కానీ ఆశ్చర్యకరంగా సాయంత్రం 6 గంటల తర్వాత ఏకంగా 15 శాతం ఓట్లు.. అంటే సుమారు 51 లక్షల ఓట్లు రికార్డయ్యాయి. రాష్ట్ర చరిత్రలో 2014లోగానీ, 2019లోగానీ ఎప్పుడూ ఇలా జరగలేదు. ఈ ఆకస్మిక పెరుగుదల ఎలా సాధ్యమైందో అర్థం కావడం లేదు. ఒడిశాలోనూ ఇలాంటి ఫిర్యాదులే వచ్చాయి’ అని ఆయన సభ దృష్టికి తెచ్చారు. చార్జింగ్‌ పెరగడం.. స్లిప్పులు తగులబెట్టడం..‘విజయనగరంలో కౌంటింగ్‌ రోజున ఈవీఎం బ్యాటరీ చార్జింగ్‌ 99 శాతంగా ఉంది. కానీ పోలింగ్‌ రోజున అది 60 శాతమే ఉంది. వాడకం తర్వాత బ్యాటరీ చార్జింగ్‌ తగ్గాలి. కానీ, ఎలా పెరుగుతుంది? అని మా మాజీ ఎంపీ ఫిర్యాదు చేశారు. దీనిపై ఈసీ నుంచి స్పందన లేదు. స్ట్రాంగ్‌రూమ్‌ సీసీటీవీ ఫుటేజీ అడిగితే ఇవ్వలేదు. కనీసం వీవీపాట్‌ స్లిప్పులు లెక్కించమని అడిగితే.. వాటిని తగులబెట్టేశాం, ధ్వంసం చేశాం అని సమాధానం ఇచ్చారు. అనుమానం ఉన్న ఈవీఎంలను కాకుండా వేరేవాటిపై మాక్‌ పోలింగ్‌ నిర్వహించారు’ అని మిథున్‌రెడ్డి ఆగ్రహం వ్యక్తం చేశారు. ఒక పోలింగ్‌ బూత్‌లో మరీ విడ్డూరం ‘హిందూపురం నియోజకవర్గంలోని ఒక పోలింగ్‌ బూత్‌లో మరీ విడ్డూరం జరిగింది. ఒకేరోజు, ఒకే సమయాన జరిగిన ఎన్నికల్లో.. ఒక బూత్‌లో మా ఎంపీ అభ్యర్థికి 472 ఓట్లు వచ్చాయి. కానీ అదే బూత్‌లో మా ఎమ్మెల్యే అభ్యర్థికి కేవలం ఒక్క ఓటు మాత్రమే వచ్చింది. అక్కడ మాకు ఐదుగురు ఏజెంట్లున్నారు. వాళ్ల కుటుంబసభ్యుల ఓట్లే 30 వరకు ఉంటాయి. గత 30 ఏళ్లుగా మేము గెలుస్తున్న బూత్‌ అది. ఎంపీ అభ్యర్థికి 472 ఓట్లు పడినచోట, ఎమ్మెల్యే అభ్యర్థికి ఒక్క ఓటు పడటం ఈవీఎంల పనితీరుపై అనుమానాలకు తావిస్తోంది’ అని చెప్పారు. అమెరికానే బ్యాలెట్‌ వైపు వెళ్తోందిటెక్నాలజీలో ఎంతో ముందున్న ఎలాన్‌ మస్క్‌ వంటి వారే ఈవీఎంలను హ్యాక్‌ చేయవచ్చని చెబుతున్నారని, అమెరికాలో 92 శాతం ఎన్నికలు బ్యాలెట్‌ పేపర్‌ మీదే జరుగుతున్నాయని మిథున్‌రెడ్డి చెప్పారు. నెదర్లాండ్స్, జర్మనీ, ఐర్లాండ్, ఫిన్లాండ్, బంగ్లాదేశ్‌ వంటి దేశాలన్నీ ఈవీఎంలను రద్దుచేసి బ్యాలెట్‌ పేపర్‌కు మళ్లాయని తెలిపారు. ‘నేను మూడుసార్లు ఎంపీగా గెలిచింది ఈవీఎంల మీదనే అయినా, ప్రజల్లో ఉన్న అనుమానాలను నివృత్తి చేయడానికి బ్యాలెట్‌ పేపర్‌ విధానాన్ని తిరిగి తీసుకురావాలి’ అని ఆయన డిమాండ్‌ చేశారు. అలాగే ప్రతి పోలింగ్‌ బూత్‌లో వెబ్‌కాస్టింగ్‌ ఉండాలని, ఆ ఫుటేజీని అన్ని రాజకీయ పార్టీలకు అందుబాటులో ఉంచాలని మిథున్‌రెడ్డి సూచించారు.కేంద్రమంత్రి పెమ్మసానిపై మిథున్‌రెడ్డి సెటైర్లుఎస్‌ఐఆర్‌పై జరిగిన చర్చలో మిథున్‌రెడ్డి మాట్లాడుతుండగా కేంద్ర సహాయ మంత్రి పెమ్మసాని చంద్రశేఖర్‌ అడ్డుప­డ్డారు. దీంతో ‘ఉపాధిహామీ పథకం డబ్బులు ఇంతవరకు ఇవ్వలేదు. రాష్ట్రంలోని కూలీల పరిస్థితులపై నీకు సరైన అవగాహన లేదు. బ్యాలెట్‌ పేపర్‌ విషయంపై మాట్లాడు­తుండగా ఈ విషయంలో నువ్వెందుకు మాట్లాడుతున్నావు’ అంటూ మిథున్‌రెడ్డి ప్రతిఘటించారు. ‘లేదు వచ్చాయి, అయ్యాయి’ అంటూ పెమ్మసాని ఏదో చెప్పబోతుండగా.. ‘ఎలా వచ్చాయి? బస్సులో వచ్చాయా?’ అంటూ మిథున్‌రెడ్డి వ్యంగ్యాస్త్రాలు సంధించారు. ఉపాధిహామీ నిధులపై మిథున్‌రెడ్డి ప్రస్తావించిన సమయంలో కూటమి ఎంపీలు ఎవరూ నోరు మెదపక­పోవడం, పెమ్మసానికి సపోర్ట్‌గా మాట్లాడకపోవడం గమనార్హం.

సాక్షి, ఢిల్లీ: ఓటర్ల జాబితా ప్రత్యేక సమగ్ర సవరణ (Special Intensive Revision)ను విపక్షాలు వ్యతిరేకిస్తుండడంతో పార్లమెంట్‌ శీతాకాల సమావేశాల్లో నేడు ఈ అంశంపై చర్చ జరిగింది. అందరికీ సౌకర్యంగా ఉంటే.. ఎస్ఐఆర్ తో మాకు ఎలాంటి ఇబ్బంది లేదని వైఎస్సార్‌సీపీ తరఫున ఎంపీ మిథున్ రెడ్డి స్పష్టం చేశారు. అలాగే.. ఈ చర్చలో పాల్గొని ఆంధ్రప్రదేశ్‌ అసెంబ్లీ ఎన్నికలకు సంబంధించి పలు కీలక అంశాలపై మాట్లాడారు. అందరికీ సౌకర్యంగా ఉంటే.. ఎస్ఐఆర్‌తో మాకు ఎలాంటి ఇబ్బంది లేదు. అన్ని పోలింగ్ కేంద్రాలలో వెబ్ కాస్టింగ్ నిర్వహించాలి. వెబ్ కాస్టింగ్ ఫుటేజీ అన్ని రాజకీయ పార్టీలకు అందుబాటులో తీసుకురావాలి. ఎన్నికలు పారదర్శకంగా నిర్వహించాలనేదే మా అభిమతం.... ఏపీ అసెంబ్లీ ఎన్నికల్లో సాయంత్రం 6గం. తర్వాత అకస్మాత్తుగా ఓటింగ్ శాతం పెరిగింది. ఆ తర్వాతే సుమారు 51 లక్షల ఓట్లు రికార్డయ్యాయి. మేం ఇచ్చిన ఫిర్యాదుల పైన ఈసీ అధికారులు చర్యలు తీసుకోవడం లేదు. విజయనగరం పార్లమెంటులో కౌంటింగ్ సమయంలో 99 శాతం, పోలింగ్ సమయంలో 60 శాతం చార్జింగ్ ఉంది. ఈవీఎంలో చార్జింగ్ ఎలా పెరిగిందని అడిగితే సమాధానం లేదు. వీవీ ప్యాట్ స్లిప్పులు అడిగితే అప్పటికే తగలబెట్టామని చెప్పారు. వెరిఫికేషన్ కోసం ఈవీఎంలు అడిగితే వేరే వాటిని ఇచ్చారు.... ఈసీ అధికారుల నుంచి సరైన స్పందన లేకపోవడంతో ఫిర్యాదులు చేసిన ఉపయోగం ఉండడం లేదు. హిందూపురం పార్లమెంట్ ఎన్నికల్లో ఒక బూత్ లో మా పార్టీ కికు 472 ఓట్లు వస్తే.. అక్కడే అసెంబ్లీ ఎన్నికలలో మాత్రం ఒక్క ఓటు మాత్రమే వచ్చింది. ఈవీఎంలను హ్యాక్ చేయవచ్చని ఎలన్ మస్క్ సహా అనేక మంది నిపుణులు అంటున్నారు. అభివృద్ధి చెందిన దేశాల్లో సైతం పేపర్ బ్యాలెట్ తో ఎన్నికలు నిర్వహిస్తున్నారు. అందుకే పేపర్ బ్యాలెట్ సిస్టంలో ఎన్నికలు నిర్వహించాలి. పేపర్ బ్యాలెట్ తో ఎన్నికలు నిర్వహిస్తే అనుమానాలన్నీ తొలగిపోతాయి’’ అని మిథున్‌రెడ్డి అన్నారు.

ఢిల్లీ: ఏపీలో అరటి రైతులను తక్షణమే ఆదుకోవాలని వైఎస్సార్‌సీపీ ఎంపీ మిథున్‌రెడ్డి.. కేంద్రాన్ని కోరారు. ఏపీలో అరటి రైతులు తీవ్ర సంక్షోభంలో ఉన్నారని, వారిని వెంటనే ఆదుకోవాలన్నారు. లోక్‌సభ జీరో అవర్‌లో కేంద్ర ప్రభుత్వానికి విజ్ఞప్తి చేశారు ఎంపీ మిథున్‌రెడ్డి. ‘టన్ను 25 వేల రూపాయల ఉండే అరటి...ఇప్పుడు కిలో 50 పైసలకు ధర పడిపోయింది. 50 పైసలకు ఒక బిస్కెట్ ఒక అగ్గిపెట్ట కూడా రాదు. అరటి కోత ధర కూడా కనీసం రైతుకు దక్కడం లేదు. గత వైఎస్సార్‌సీపీ ప్రభుత్వం హయాంలో ఉచిత పంటల భీమా, ఇన్పుట్ సబ్సిడీ، ప్రత్యేక రైళ్లతో అరటి సరఫరా చేశాం. తక్షణమే ప్రభుత్వం రైతులకు ఉచితంగా పంటల బీమా ఇవ్వాలి. ఇన్‌పుట్‌ సబ్సిడీ ఇవ్వాలి. అరటి పండ్ల సరఫరాకు ఎక్కువ రైళ్లను ఏర్పాటు చేయాలి. అరటి రైతులకు మద్దతు ధర ప్రకటించాలి. నా నియోజకవర్గంలోని కోడూరు అరటి పంటకు కేంద్రంగా ఉంది. కేంద్ర బృందాలు ఈ ప్రాంతాన్ని సందర్శించి రైతుల కష్టాలను స్వయంగా చూడాలి . భవిష్యత్తులో ఇలాంటి సమస్యలు రాకుండా తగిన చర్యలు తీసుకోవాలి’ అని పేర్కొన్నారు.

సాక్షి, న్యూఢిల్లీ: రాష్ట్రంలో రైతాంగం తీవ్ర సంక్షోభంలో ఉందని వైఎస్సార్‌సీపీ ఆవేదన వ్యక్తం చేసింది. రైతుల సమస్యల పరిష్కారంపై కేంద్ర, రాష్ట్ర ప్రభుత్వాలు దృష్టి సారించాలని విజ్ఞప్తి చేసింది. పార్లమెంట్‌ శీతాకాల సమావేశాల నేపథ్యంలో ఆదివారం కేంద్రం ఢిల్లీలో అఖిలపక్ష సమావేశం నిర్వహించింది. వైఎస్సార్‌సీపీ లోక్‌సభ సభ్యులు మిథున్‌ రెడ్డి, రాజ్యసభ సభ్యులు పిల్లి సుభాశ్‌ చంద్రబోస్‌ ఈ సమావేశానికి హాజరయ్యారు.ఈ సందర్భంగా రాష్ట్రంలోని సమస్యలను కేంద్రం దృష్టికి తెచ్చారు. ‘పలు సమస్యలపై మాట్లాడేందుకు సభలో సమయం ఇవ్వాలి. మేము లేవనెత్తిన ప్రతి ఒక్క అంశంపై కేంద్రం పరిష్కారాన్ని చూపాలి. జాతీయ స్థాయిలో 2023–24లో కోటి 84 టన్నుల మత్స్య ఉత్పత్తుల దిగుబడులు నమోదయ్యాయి. ఇందులో 51.58 లక్షల టన్నుల ఉత్పత్తితో ఆంధ్రప్రదేశ్‌ దేశంలోనే మొదటి స్థానంలో ఉంది. జాతీయ స్థాయిలో ఉత్పత్తయ్యే రొయ్యల్లో 76 శాతం, చేపల్లో 28 శాతం వాటా ఏపీదే. వ్యవసాయ అనుబంధ రంగాల స్థూల ఆదాయ నిష్పత్తిలో 9.15 శాతం ఆక్వా రంగం నుంచే వస్తోంది. ట్రంప్‌ విధించిన టారిఫ్‌ల కారణంగా రైతులు తీవ్ర సంక్షోభంలో కూరుకుపోయారు. వీరిని ఆదుకునేందుకు కేంద్రం తగిన చర్యలు తీసుకోవాలి’ అని ఈ సందర్భంగా పేర్కొన్నారు. విశాఖ ఉక్కు, వైద్య కళాశాలల ప్రైవేటీకరణను ఆపాలిసమావేశం అనంతరం పార్టీ లోక్‌సభపక్ష నేత మిథున్‌ రెడ్డి మీడియాతో మాట్లాడుతూ, వైద్యరంగం బలోపేతం కోసం వైఎస్సార్‌సీపీ అధినేత, మాజీ సీఎం వైఎస్‌ జగన్‌ తీసుకొచి్చన 17 మెడికల్‌ కాలేజీలను కూటమి ప్రభుత్వం అడ్డగోలుగా ప్రైవేటీకరణ చేస్తోందని విమర్శించారు. ఈ ప్రైవేటీకరణను ఆపాలని తాము కేంద్రం దృష్టికి తీసికెళ్లామన్నారు. అలాగే విశాఖ ఉక్కు ప్రైవేటీకరణ చేయడం లేదంటూ స్పష్టత ఇవ్వాలని సమావేశంలో డిమాండ్‌ చేసినట్లు వివరించారు. డ్రగ్స్‌ను అరికట్టేందుకు పార్టీలకతీతంగా ప్రతి ఒక్కరూ ముందుకు రావాల్పిన అవసరం ఉందని ఈ సందర్భంగా ఉద్ఘాటించారు.ఉపాధి హామీ నిధులపై పెదవి విప్పని పెమ్మసానికాగా, ఆరు నెలలుగా ఉపాధి హామీ పథకం డబ్బులు రాక పేద ప్రజలు అనేక ఇబ్బందులు పడుతున్న విషయాన్ని సమావేశంలో తాము ప్రస్తావిస్తే, ఇదే సమావేశంలో పాల్గొన్న సంబంధిత శాఖ కేంద్ర మంత్రి పెమ్మసాని.. ఈ సమస్యపై నోరుమెదపలేదని మిథున్‌ రెడ్డి విమర్శించారు. కూలీలకు ఈఏడాది జూలై 17వ తేదీ నుంచి జరిగిన పనులకు నేటి వరకు డబ్బులు ఇవ్వలేదన్నారు. దాదాపు రూ.350 కోట్లు బకాయిలు పెండింగ్‌లో ఉన్న విషయాన్ని కేంద్రానికి వివరించినట్లు తెలిపారు. పనిలేని పేదలకు పని కల్పించి డబ్బు ఇవ్వడమే లక్ష్యమైన ఈ పథకానికి సంబంధించి కూడా టీడీపీకి చెందిన వారే రాజ్యమేలుతున్నారని ఎంపీ ధ్వజమెత్తారు. కూలీలు చేయాల్సిన పనిని వారిచేత చేయించకుండా, టీడీపీ నేతలు తమ సొంత వారి మిషన్లు పెట్టి పనులు చేస్తున్నట్లు విమర్శించారు. ఇలా దొంగ మస్టర్లు వేసుకుని బిల్లులు కాజేస్తున్నట్లు మండిపడ్డారు. రాష్ట్రంలో ఇంత జరుగుతున్నా.. ఆ శాఖకు కేంద్ర సహాయ మంత్రిగా ఉన్న పెమ్మసాని స్పందించకపోవడం సిగ్గుచేటన్నారు.

విజయవాడ: 76.74 ఎకరాల మంగళంపేట భూములను పెద్దిరెడ్డి కుటుంబం ఆక్రమించిందని డిప్యూటీ సీఎం పవన్‌ కళ్యాణ్‌ చేసిన వ్యాఖ్యలపై పీసీసీఎఫ్(Principal Chief Conservator of Forests) చలపతిరావు స్పందించారు. పవన్‌ ఆరోపణలకు విరుద్ధంగా ఆయన ప్రకటన చేశారు. అక్కడ 77 ఎకరాలు ఎన్‌క్లోజర్‌ భూమి పెద్దిరెడ్డి కుటుంబీకులకు ఉందని ఆయన వెల్లడించారు. 76.74 ఎకరాల భూమి తమదే అని ఎంపీ మిథున్ రెడ్డి వాదనతో చలపతిరావు ఏకీభవించారు. కాగా, 76.74 ఎకరాలు పెద్దిరెడ్డి కుటుంబం ఆక్రమించిందని పవన్ కళ్యాణ్ ఆరోపణలు చేశారు. దీనిపై ఎంపీ మిథున్‌రెడ్డి రికార్డులను సైతం వెల్లడించారు. ఎంపీ మిథున్‌రెడ్డి వాదనతో చలపతిరావు ఏకీభవించడంతో పవన్‌ కళ్యాణ్‌ చేసినవి ఆరోపణలేని తేటతెల్లమైంది. పెద్దిరెడ్డి భూముల ఫెన్సింగ్ బయట ఉండటంతో వాటిని ఆయన కుటుంబానికి ఆపాదించి తప్పుడు ప్రచారం చేశారు. అయితే అటవీ భూమి పక్కన పెద్దిరెడ్డి భూములు ఉన్నాయని పీసీసీఎఫ్ స్పష్టం చేశారు. అందుకే పెద్దిరెడ్డి కుటుంబంపై కేసు పెట్టామన్నారాయన.ఇప్పటికే ఈ భూములపై సర్వే చేయించారు ముఖ్యమంత్రి చంద్రబాబు. పెద్దిరెడ్డి కుటుంబం ఆక్రమించలేదని చంద్రబాబు ప్రభుత్వం సైతం నిర్దారించింది. గతంలో కిరణ్‌కుమార్‌రెడ్డి హయాంలో కూడా ఈ భూములపై విచారణ జరిపారు. అప్పుడు కూడా ఆక్రమించలేదని విచారణలో నిర్ధారణయ్యింది. అయితే పెద్దిరెడ్డి కుటుంబంపై కక్షకట్టి నోటీసులు జారీ చేశారు. నోటీసులపై పెద్దిరెడ్డి కుటుంబం కోర్టుకు వెళ్లింది. ప్రస్తుతం కోర్టు విచారణలో ఉన్న భూములపై పవన్‌ కళ్యాణ్‌ ఆరోపణలు చేశారు. దానికి ఎంపీ మిథున్‌రెడ్డి కౌంటర్‌ ఇచ్చారు. నిజంగానే కబ్జా చేస్తే ఇన్నాళ్లూ చర్యలు తీసుకుంటారా? అని మిథున్‌రెడ్డి ప్రశ్నించారు. దీనికి పవన్‌ నుంచి సమాధానం రాలేదు. మరొకవైపు అక్కడ 77 ఎకరాలు ఎన్ క్లోజర్ భూమి పెద్దిరెడ్డి కుటుంబీకులకు ఉందని పీసీసీఎఫ్‌ వెల్లడించడంతో పవన్‌ హెలికాఫ్టర్ ఎపిసోడ్‌ బెడిసికొట్టినట్లయ్యింది.పవన్‌పై వైఎస్సార్‌సీపీ సీరియస్‌

సాక్షి, అమరావతి: పవన్ కళ్యాణ్‌కు వైఎస్సార్‌సీపీ ఎంపీ మిథున్‌రెడ్డి స్ట్రాంగ్ కౌంటర్ ఇచ్చారు. మంగళంపేట భూములపై చేసిన ఆరోపణలను నిరూపించాలని సవాల్ విసిరారు. నిరూపించలేకపోతే క్షమాపణ చెప్పాలని డిమాండ్ చేశారు. మంగళంపేట అటవీ భూముల ఆక్రమణదారులు ఎవరు? అంటూ పవన్ కళ్యాణ్ చేసిన ట్వీట్‌పై స్పందించిన మిథున్.. ఆ ఆరోపణలను నిరూపించాలని పవన్‌కు రీట్వీట్ చేస్తూ సవాల్ విసిరారు.ఆ భూములను తాము 2000 సంవత్సరంలోనే చట్టబద్దంగా కొనుగోలు చేశామని వెల్లడించారు. దానికి సంబంధించిన రికార్డులన్నీ ఉన్నాయనీ, వాటిని ఆన్ లైన్ లో చెక్ చేసుకోవచ్చంటూ మిథున్‌రెడ్డి సవాల్ విసిరారు. ముందుగా వాటిని పరిశీలించి, ఆ తర్వాతే మాట్లాడాలని పవన్‌కు ఆయన హితవు పలికారు. గతంలో కూడా ఎర్ర చందనం విషయంలోనూ పవన్ ఇలాగే ఆరోపణలు చేసి పారిపోయారని మిథున్‌ గుర్తు చేశారు. తమపై ద్వేషంతోనే పవన్ ఇలాంటి ఆరోపణలు చేస్తున్నారని విమర్శించారు. Mr @PawanKalyan you are good at shooting and scooting. You have done that in the past (remember red sanders remarks made by you) and ran away after I demanded you to prove the allegations. What you have shot from your helicopter is our legitimate land, we bought it in 2000.— Mithunreddy (@MithunReddyYSRC) November 13, 2025

సాక్షి, ఢిల్లీ: వైఎస్సార్‌సీపీ లోక్‌సభ పక్షనేత, రాజంపేట ఎంపీ మిథున్ రెడ్డికి అరుదైన అవకాశం లభించింది. ఐక్యరాజ్యసమితి 80వ సర్వసభ్య సమావేశంలో భారత్‌ తరఫున ఆయన తాజాగా ప్రసంగించారు(Mithun Reddy UN Speech). న్యూయార్క్‌లోని భారత రాయబార కార్యాలయం ఇందుకు సంబంధించిన ప్రసంగాన్ని పోస్ట్‌ చేసింది.అంతర్జాతీయ లా కమిషన్ ఆరవ కమిటీ పని నివేదికపై ఆయన భారత ప్రతినిధిగా మాట్లాడారు. పైరసీ, సాయిధ దోపిడి నిరోధానికి కొత్త సాంకేతిక పరిజ్ఞానాలను ఉపయోగించాలని ఆయన ఈ సందర్భంగా తెలిపారు. అలాగే.. ప్రభుత్వ అధికారుల ఇమ్యూనిటీ ముసాయిదా నిబంధనలపై భారత్ అభ్యంతరాలను మిథున్‌రెడ్డి తెలియజేశారు. ఆయన ప్రసంగం.. ‘‘పరస్పర సంప్రదింపులు, చర్చల ద్వారానే వివాదాలకు పరిష్కారం దొరుకుతుందని భారత్ విశ్వసిస్తోంది. ఐక్యరాజ్యసమితిలో భారత్ వ్యవస్థాపక సభ్య దేశం. ఐక్యరాజ్యసమితి విధివిధానాలకు మా దేశం కట్టుబడి ఉంది. వర్తకం, పెట్టుబడులలో తలెత్తే వివాదాల పరిష్కారాలకు ఐక్యరాజ్యసమితి విధానాలకు అనుగుణంగా పనిచేస్తోంది. ఆర్బిట్రేషన్, ప్రత్యామ్నాయ పరిష్కార విధానాల ద్వారా సమస్యలను పరిష్కరిద్దాం#IndiaAtUNHon’ble MP @MithunReddyYSRC delivered 🇮🇳’s statement on Report of the work of International Law Commission in the Sixth Committee. He highlighted India’s reservations on draft provision concerning Immunity of State Officials. Underscored the use of new… pic.twitter.com/urrgNyM2pM— India at UN, NY (@IndiaUNNewYork) October 31, 2025.. అంతర్జాతీయ సంస్థలు, ప్రభుత్వాల మధ్య వివాదాలను కూడా ఇలాంటి పద్ధతుల ద్వారా శాంతియుతంగా పరిష్కరించుకోవచ్చు. వ్యక్తిగత మానవ హక్కులు, న్యాయ సౌలభ్యం, అంతర్జాతీయ సంస్థల స్వతంత్ర పని విధానాల మధ్య సమతుల్యత అవసరం. అంతర్జాతీయ సంస్థల మధ్య వివాదాల పరిష్కార సమయంలో దౌత్యపరమైన రక్షణలు అవసరం. అలాగే.. .. పైరసీ, ఆయుధాల దోపిడి నిరోధానికి సమగ్రమైన లీగల్ ఫ్రేమ్ వర్క్ అవసరం ఉంది. అంతర్జాతీయ చట్టాలను, ఒప్పందాలను సమగ్రంగా తయారు చేయాలి. కొత్త టెక్నాలజీలను ఉపయోగించడం ద్వారా వీటిని నిరోధించాలి. ఆయుధాల దోపిడీ నిరోధానికి సముద్ర చట్టాలను పరిగణలోకి తీసుకోవాలి. అంతర్జాతీయ చట్టాలను పరిగణలోకి తీసుకొని సముద్రంలో జరిగే ఆయుధాల దోపిడి నివారించాలి.. స్టేట్స్ సక్సేషన్ విషయంలో పారదర్శక విధానాలు అవసరం. ఈ అంశంలో భీమల్ , పటేల్ నేతృత్వంలో వర్కింగ్ గ్రూప్ ఏర్పాటును భారత్ స్వాగతిస్తోంది. జఠినమైన ఈ అంశంలో స్పష్టమైన పాలనాపరమైన విధివిధానాలు అవసరం’’ అని మిథున్‌రెడ్డి అన్నారు.

ఢిల్లీ: 80వ ఐక్యరాజ్య సమితి సర్వసభ్య సమావేశానికి వైఎస్సార్‌సీపీ లోక్ సభ పక్ష నేత మిథున్ రెడ్డి హాజరుకానున్నారు. యూఎన్ సమావేశాల కోసం ఆయన న్యూయార్క్ చేరుకున్నారు. ఐక్యరాజ్యసమితి సర్వసభ్య సమావేశాల్లో మిథున్‌రెడ్డి పాల్గొనున్నారు. ఐక్యరాజ్యసమితి హెడ్ క్వార్టర్స్‌లో మహాత్మా గాంధీ విగ్రహానికి మిథున్‌రెడ్డి నివాళులర్పించారు. మిథున్‌రెడ్డితో పాటు ఎంపీల బృందం సమావేశాల్లో పాల్గొననుంది.ఐక్య రాజ్యసమితి సమావేశాల్లో మిథున్‌రెడ్డి.. భారత వాణి బలంగా వినిపించనున్నారు. ఐక్య రాజ్యసమితి సర్వసభ్య సమావేశాలకు భారత ఎంపీలు రెండు బృందాలుగా హాజరవుతున్నారు. ఒక్కో బృందంలో 15 మంది ఎంపీలు ఉన్నారు. ఈ నెల 27 నుంచి 31 వరకు ఐక్యరాజ్యసమితి సమావేశాలలో ఎంపీల బృందం పాల్గొననుంది.

విజయవాడ లీగల్‌: ఐక్యరాజ్య సమితి నిర్వహించే జనరల్‌ అసెంబ్లీ 80వ సెషన్‌కు వెళ్లేందుకు అనుమతి ఇవ్వాలని వైఎస్సార్‌సీపీ ఎంపీ మిథున్‌రెడ్డి తరఫున చంద్రగిరి విష్ణువర్ధన్‌ సోమవారం ఏసీబీ కోర్టు న్యాయమూర్తిని అభ్యర్ధించారు. ఈ నెల 20 నుంచి వచ్చేనెల 5 వరకు న్యూయార్క్‌లో నిర్వహించే సమావేశాలకు వైఎస్సార్‌సీపీ తరఫున ఎంపీ మిథున్‌రెడ్డికి ఆహా్వనం అందింది. ఇప్పటికే ఈనెల 27 నుంచి 31వరకు అమెరికా పర్యటన నిమిత్తం మిథున్‌రెడ్డి పాస్‌పోర్టును అప్పగిస్తూ ఏసీబీ కోర్టు న్యాయమూర్తి ఆదేశాలు జారీచేశారు. అయితే ఈనెల 20నుంచి వచ్చేనెల 5వరకు అమెరికా వెళ్లి వచ్చేందుకు అనుమతించాలని మిథున్‌రెడ్డి తాజాగా పిటిషన్‌ దాఖలు చేశారు. దీనిపై కౌంటర్‌ దాఖలు చేయాలని ప్రాసిక్యూషన్‌ను ఆదేశిస్తూ, న్యాయమూర్తి విచారణను మంగళవారానికి వాయిదావేశారు. విచారణకు సహకరిస్తున్నా రిమాండ్‌ పొడిగింపు మద్యం అక్రమ కేసులో రాజ్‌ కేసిరెడ్డి, చాణక్య, శ్రీధర్‌రెడ్డి, చెవిరెడ్డి భాస్కరరెడ్డి, వెంకటేష్ నాయుడు, బాలాజీకుమార్‌ యాదవ్, నవీన్‌కృష్ణ రిమాండ్‌ సోమవారం ముగిసింది. దీంతో పోలీసులు వారందరినీ ఏసీబీ న్యాయస్థానంలో హాజరుపరిచారు. వీరితోపాటు బెయిల్‌పై ఉన్న మిథున్‌రెడ్డి, పైలా దిలీప్, ధనుంజయ్‌రెడ్డి, కృష్ణమోహన్‌రెడ్డి కూడా ఏసీబీ న్యాయస్థానంలో హాజర­య్యారు. నిందితుల తరఫున పొన్నవోలు సుధాకర్‌రెడ్డి వాదనలు వినిపిస్తూ ఈ కేసులో రిమాండ్‌ ముగుస్తున్న ప్రతీసారి ఏవిధమైన మార్పులు లేకుండా ఒకేవిధమైన రిమాండ్‌ పొడిగింపు నోటీసును న్యాయస్థానంలో ప్రవేశపెడుతున్నారని న్యాయమూర్తి దృష్టికి తెచ్చారు.ఇప్పటివరకు ఈ కేసులో సిట్‌ 35 రూపాయలు కూడా స్వా«దీనం చేసుకోలేదన్నారు. నిందితులందరిపై చార్జి­షీటు దాఖలుచేసినా 200 రోజుల నుంచి వారందరినీ జైలులోనే ఉంచారన్నారు. వారిని విడుదల చేయాల్సిందిగా న్యాయమూర్తిని అభ్యర్ధించారు. దీనిపై ప్రాసిక్యూషన్‌ వాదనలు విన్న ఏసీబీ కోర్టు న్యాయమూర్తి భాస్కరరావు నిందితులకు ఈ నెల 16 వరకు రిమాండ్‌ను పొడిగించారు. చెవిరెడ్డి భాస్కరరెడ్డి మధ్యంతర బెయిల్‌ పిటిషన్‌ చంద్రగిరి మాజీ ఎమ్మెల్యే చెవిరెడ్డి భాస్కరరెడ్డి వెన్నుపూస సంబంధిత వ్యాధితో బాధపడుతున్నారని, ఆయన మంతెన సత్యనారాయణరాజు వైద్యశాలలో చికిత్స నిమిత్తం చేరేందుకు మధ్యంతర బెయిల్‌ మంజూరు చేయా­లని న్యాయవాది వాణి ఏసీబీ న్యాయస్థానంలో పిటిషన్‌ దాఖలు చేశారు. సెల్‌ఫోన్‌ తెరిచేందుకు అనుమతి మద్యం అక్రమ కేసులో రిమాండ్‌లో ఉన్న చెరుకూరి వెంకటేష్ నాయుడు వద్ద సీజ్‌ చేసిన సెల్‌ఫోన్‌లో మరిన్ని ఆధారాలున్నాయని పేర్కొంటూ సెల్‌ఫోన్‌ను తెరిచేందుకు బయోమెట్రిక్‌కు అనుమతించాలని సిట్‌ అధికారులు దాఖలు చేసిన పిటిషన్‌పై విచారణ జరిపిన న్యాయస్థానం దీనికి అనుమతిస్తూ సోమవారం ఆదేశాలు జారీచేసింది. ఐపీఎస్‌ సంజయ్‌ బెయిల్‌ పిటిషన్‌ తిరస్కరణ అగ్నిమాపకశాఖ డీజీగా ఉన్న కాలంలో నిధుల అవకతవకలకు పాల్పడ్డారనే అభియోగంపై రిమాండ్‌లో ఉన్న ఐపీఎస్‌ సంజయ్‌ బెయిల్‌ పిటిషన్‌పై వాదనలు ముగిశాయి. బెయిల్‌ పిటిషన్‌ను ఏసీబీ న్యాయస్థానం తిరస్కరించింది.

ఢిల్లీ: ఏపీలో కల్తీ మద్యం ఘటనపై సీబీఐతో దర్యాప్తు జరిపించాలని విజ్ఞప్తి చేస్తూ కేంద్ర హోంమంత్రి అమిత్‌ షాకు వైఎస్సార్‌సీపీ లోక్‌సభ ప్రతిపక్ష నేత మిథున్‌రెడ్డి లేఖ రాశారు. ఏపీలోని అన్నమయ్య జిల్లాలోని ములకల చెరువులో భారీ ఎత్తున కల్తీ మద్యం తయారీ నెట్వర్క్ బయటపడింది. ఈ కల్తీ మద్యం తో ప్రజల ప్రాణాలకు, ఆరోగ్యానికి తీవ్ర ముప్పు ఏర్పడింది. ఏపీలో ఆరు నెలల్లో అనేక కల్తీ మద్యం బాటిల్స్ డంప్ సీజ్ చేశారు. నకిలీ ఐఎంఎఫ్ఎల్ లేబుల్స్, క్యాప్స్ తో ప్యాకింగ్ చేసి ప్రముఖ బ్రాండ్ల పేరుతో పంపిణీ చేస్తున్నారు. ఈ కేసులో అరెస్ట్ అయిన వ్యక్తుల ద్వారా వ్యవస్థీకృత కల్తీ మద్యం నెట్వర్క్ నిర్వహిస్తున్నారని తేలింది. మిథనాల్, విషపూరిత రసాయనాలు ఉపయోగించి కల్తీ మద్యం తయారు చేస్తూ ప్రజల ప్రాణాలను ప్రమాదంలో పడేస్తున్నారు. ఫేక్ బ్రాండెడ్ లేబుల్స్ తో మార్కెట్లో అమ్ముతున్నారు. పేదలు వీటిని తాగి ప్రాణాలకు ముప్పు తెచ్చుకుంటున్నారు. ఇదొక వ్యవస్థీకృత నేరంగా అనేక రాష్ట్రాలకు విస్తరించింది. ఇండస్ట్రియల్ ఆల్కహాల్ ను భారీ స్థాయిలో దారి మళ్లించి నకిలీ మద్యం తయారు చేస్తున్నారు. ఈ అంశంలో నార్కోటిక్స్ కంట్రోల్ బ్యూరో, రాష్ట్ర పోలీసులు, ఎక్సైజ్ ,సిబిఐసి , ఎఫ్ఎస్ ఎస్ఎఐ దర్యాప్తు అవసరం. ఈ కేసును కేంద్ర హోంశాఖ ఎన్సీబీకి అప్పగించాలి. కల్తీ మద్యం రాకెట్‌ను ఛేదించాలి. ఇండస్ట్రియల్ ఆల్కహాల్ దారి తప్పకుండా తగిన కఠిన చర్యలు తీసుకోవాలి. రాష్ట్రంలో పట్టుబడిన భారీ లిక్కర్ డంపు అక్రమ మద్యం రాకెట్ లో చిన్న భాగం మాత్రమే. నకిలీ మద్యం పక్క రాష్ట్రాల్లో కూడా సప్లై చేస్తున్నారు. జాతీయ స్థాయిలో ఈ కల్తీ మద్యాన్ని నిరోధించేందుకు కేంద్ర దర్యాప్తు సంస్థలు వెంటనే రంగంలోకి దిగాలి. ఈ నేపథ్యంలో ఈ కల్తీ మద్యం వ్యాపారం కేసుపై సిబిఐ దర్యాప్తు చేయించాలి. ప్రజల ప్రాణాలను కాపాడాలి’ అని లేఖలో కోరారు ఎంపీ మిథున్‌రెడ్డి.

సాక్షి, అమరావతి: ఉమ్మడి అనంతపురం, నెల్లూ­రు జిల్లాల వైఎస్సార్‌సీపీ రీజినల్‌ కో–­ఆర్డినేటర్‌గా ఎంపీ పీవీ మిథున్‌రెడ్డిని వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి తిరిగి నియమించారు. టీడీపీ కూటమి ప్రభుత్వ అక్రమ కేసులో మిథున్‌రెడ్డిని అరెస్టు చేయడంతో ఆయన బాధ్యతలను సీనియర్‌ నాయ­కులు పెద్దిరెడ్డి రామచంద్రారెడ్డి, కారుమూరి నాగేశ్వరరావులకు అప్పగించారు. ఇప్పుడు మిథున్‌రెడ్డి బెయిల్‌పై విడుదల కావడంతో ఆయా జిల్లాల బాధ్యతలు తిరిగి అప్పగించారు. ఈ మేరకు పార్టీ కేంద్ర కార్యాలయం బుధవారం ఒక ప్రకటన విడుదల చేసింది.వైఎస్సార్‌సీపీలో నియామకాలువైఎస్సార్‌ కాంగ్రెస్‌ పార్టీ 49 మంది సభ్యులతో సెంట్రల్‌ ఎగ్జిక్యూటివ్‌ కౌన్సిల్‌ (సీఈసీ)ను, మరో 114 మంది సభ్యులతో స్టేట్‌ ఎగ్జిక్యూటివ్‌ కౌన్సిల్‌ (ఎస్‌ఈసీ)ను ఏర్పాటు చేసింది. ఈ మేరకు పార్టీ కేంద్ర కార్యాలయం బుధవారం మీడియాకు ఒక ప్రకటన విడుదల చేసింది.

సాక్షి, తిరుపతి: టీడీపీ ప్రభుత్వంలో అక్రమ కేసులతో తాను భయపడే ప్రసక్తే లేదన్నారు వైఎస్సార్‌సీపీ ఎంపీ మిథున్‌ రెడ్డి(MP Mithun Reddy). కష్ట కాలంలో తనకు అండగా నిలిచిన వైఎస్సార్‌సీపీ అధినేత వైఎస్‌ జగన్‌కు(YS Jagan) ధన్యవాదాలు తెలిపారు. జైలులో తనను టెర్రరిస్టు మాదిరిగా ట్రీట్‌ చేశారు అంటూ సంచలన విషయాలను వెల్లడించారు.వైఎస్సార్‌సీపీ ఎంపీ మిథున్‌ రెడ్డి తాజాగా తిరుపతిలో(Tirupati) మీడియాతో మాట్లాడుతూ..‘అక్రమ కేసులతో నేను అధైర్యపడను. టీడీపీ ప్రభుత్వం నాపై తప్పుడు కేసులు పెట్టింది. వేధించడానికే నాపై కేసులు పెట్టారు. ఇలా అక్రమ కేసులు పెట్టి సాధించింది ఏంటి?.. పైశాచిక ఆనందం తప్ప మరేమీ లేదు. నన్ను అరెస్ట్ చేసి నా తల్లిదండ్రులను మానసిన వేదనకు గురి చేశారు. 73 రోజులు.. దాదాపు రెండు నెలలు జైల్లో పెట్టారు. గౌరవ కోర్టు నాకు బెయిల్‌ మంజూరు చేసింది. బెయిల్‌ ఆర్డర్‌లో కోర్టు చెప్పినవన్నీ నిజాలే. ఎలాంటి ఇబ్బందులు ఎదురైనా ఎదుర్కొనేందుకు సిద్ధంగా ఉన్నా. చివరిగా ఒకటే చెబుతున్నా.. నేను ఎక్కడా వెనక్కి తగ్గేది లేదు. ప్రజలు అందరూ గమనిస్తున్నారు. ప్రభుత్వం చేయాల్సిన పనులు పక్కన పెట్టీ డైవర్షన్ చేస్తున్నారు. నాకు అండగా నిలిచిన ప్రతి ఒక్కరికీ ధన్యవాదాలు.ఎప్పుడు తెలుగుదేశం(TDP) పార్టీ అధికారం ఉన్నా.. తప్పుడు కేసులు పెట్టి అరెస్ట్‌లు చేస్తున్నారు. 2014-2019 మధ్య కూడా నాపై తప్పుడు కేసులు పెట్టారు. టీడీపీ అధికారంలో ఉన్న ప్రతీసారి.. ఇబ్బందులు పెడుతూనే ఉన్నారు. రకరకాల అక్రమ కేసులు పెట్టి.. డైవర్షన్‌ రాజకీయాలు చేస్తున్నారు. నన్ను జైలులో దారుణంగా చూశారు. ఏదో టెర్రరిస్టు మాదిరిగా ట్రీట్‌ చేశారు. ఎవరితో నన్ను మాట్లాడనివ్వలేదు. సీసీ కెమెరాలతో నిఘా పెట్టారు. విజయవాడ నుంచి మానిటరింగ్ చేశారు, అధికారులు కూడా భయపడే పరిస్థితి ఉండేది. నాతో ఒక్క అధికారి కూడా మాట్లాడలేదు. కోర్టు ఆదేశాలు ఇచ్చేవరకు జైలు అధికారులు వసతులు కల్పించలేదు. నన్ను కలిసే వారిపై కూడా నిఘా పెట్టారు. వ్యక్తికి ఉండాల్సిన ప్రాథమిక హక్కులను కూడా ఉల్లంఘించారు’ అని చెప్పుకొచ్చారు. ఇది కూడా చదవండి: మహిళలకు బాబు మోసం

సాక్షి, అమరావతి: చంద్రబాబు ప్రభుత్వం రాజ­కీయ కక్షతోనే ఎంపీ మిథున్‌ రెడ్డిపై అక్రమ కేసు నమోదు చేసిందన్నది స్పష్టమైంది. వైఎస్సార్‌సీపీ ప్రభుత్వ హయాంలో లేని కుంభకోణం ఉన్నట్టుగా చూపించేందుకు కూటమి ప్రభుత్వ కుతంత్రంలో భాగంగానే ఆయన్ను సిట్‌ అరెస్టు చేసిన విషయం విదితమే. అందుకు ఎంపీ మిథున్‌ రెడ్డి కుటుంబానికి చెందిన వ్యాపార సంస్థ పీఎల్‌ఆర్‌ కంపెనీ సాధారణ లావాదేవీలకు కుట్ర పూరితంగా సిట్‌ వక్ర భాష్యం చెప్పింది. పీఎల్‌ఆర్‌ కంపెనీ నిర్మాణ కాంట్రాక్టులను సబ్‌ కాంట్రాక్టు చేసేందుకు డికార్ట్‌ కంపెనీ 2019లో ఒప్పందం చేసుకుంది.కాంట్రాక్టు పనుల బ్యాంకు గ్యారంటీ, ఈఎండీ కోసం రూ.5 కోట్లు చెల్లిం­చింది. కానీ కోవిడ్‌ వ్యాప్తి అనంతర పరిణా­మాల్లో డికార్ట్‌ కంపెనీ సబ్‌ కాంట్రాక్టు ఒప్పందం నుంచి వైదొలగింది. దాంతో ఆ కంపెనీ తమకు చెల్లించిన రూ.5 కోట్లను పీఎల్‌ఆర్‌ కంపెనీ వాపసు చేసింది. ఇదంతా బ్యాంకు బదిలీ ద్వారానే పూర్తి పారదర్శకంగా జరిగిన సాధారణ లావాదేవీ. ఆ అధికారిక రికార్డులను కూడా పీఎల్‌ఆర్‌ కంపెనీ సమరి్పంచింది. (2014–24 వరకు) కంపెనీకి చెందిన రికార్డులను కూడా సిట్‌ అధికారులు పరిశీలించారు.అయినా సరే కూటమి ప్రభుత్వ కుట్రలో భాగంగానే మిథున్‌రెడ్డిని అక్రమంగా అరెస్టు చేశారు. తద్వారా ప్రజల్ని తప్పు­దారి పట్టించేందుకు సిట్‌ యతి్నంచింది. కాగా మిథు­న్‌ రెడ్డికి బెయిల్‌ మంజూరు కావడంతో సిట్‌ అభి­యోగాల్లో పస లేదన్నది స్పష్టమైంది. మిథున్‌ కుటుంబానికి చెందిన పీఎల్‌ఆర్‌ కంపెనీకి డికార్ట్‌ లాజిస్టిక్స్‌ అనే కంపెనీ రూ.5 కోట్లు బదిలీ చేయడం మద్యం కుంభకోణం కోసమేనని సిట్‌ నిరాధార అభియోగాలు మోపింది. ఈ ఆరోపణలను మిథున్‌ రెడ్డి, పీఎల్‌ఆర్‌ కంపెనీ ఆధారాలతో సహా తిప్పికొట్టినా సిట్‌ పదే పదే అదే అభియోగం ఆధారంగానే ఆయన్ను అక్రమంగా అరెస్టు చేసింది. ఇదీ అసలు వాస్తవం అసలు వాస్తవాలను మిథున్‌ రెడ్డి తరఫు న్యాయ­వాదులు పూర్తి ఆధారాలతో న్యాయస్థానానికి నివేదించారు. ఈ పరిణామాల నేపథ్యంలోనే ఆయనకు న్యాయస్థానం బెయిల్‌ మంజూరు చేయడం ప్రాధాన్యం సంతరించుకుంది. టీడీపీ ఎంపీ కేశినేని చిన్నిపై ఎందుకు కేసు పెట్టరు?⇒ ఈ అక్రమ కేసు కుట్రలో చంద్రబాబు ప్రభుత్వ ద్వంద్వ వైఖరి బట్టబయలైంది. ఈ కేసులో ప్రధాన నిందితుడుగా పేర్కొన్న రాజ్‌ కేసిరెడ్డితో విజయవాడ టీడీపీ ఎంపీ కేశినేని శివనాథ్‌ (చిన్ని) వ్యాపార భాగస్వామి అనే వాస్తవాన్ని ఉద్దేశ పూర్వకంగానే విస్మరిస్తోంది. మంత్రి లోకేశ్‌కు బినామీగా పేరుపడిన ఎంపీ కేశినేని చిన్ని వ్యాపార వ్యవహారాలపై అందుకే సిట్‌ దృష్టి సారించడం లేదు. ⇒ రాష్ట్రంలో వైఎస్సార్‌సీపీ ప్రభుత్వం అధికారంలో ఉండగానే అంటే 2021­లోనే రాజ్‌ కేసిరెడ్డి ప్రస్తుత విజయవాడ ఎంపీ కేశినేని శివనాథ్‌ (చిన్ని)తో భాగస్వామిగా వ్యాపారాలు చేశారు. రాజ్‌ కేసిరెడ్డికి చెందిన ‘ఫ్రైడే ఇన్‌ఫ్రా ఎల్‌ఎల్‌పీ’లో కేశినేని చిన్ని దంపతులు వాటా­దారులుగా ఉన్నారు. అక్రమంగా నిధులు తరలించారని సిట్‌ అధికారులు చెబుతున్న ఇషన్వీ ఇన్‌ఫ్రా ప్రాజెక్ట్స్‌ ప్రైవేట్‌ లిమిటెడ్, ప్రైడే ఇన్‌ఫ్రా ఎల్‌ఎల్‌పీ.. హైదరాబాద్‌లోని ఒకే చిరునామా (జూబ్లీ హిల్స్, సర్వే నంబర్‌ 403, ప్లాట్‌ నంబర్‌ 9)తో రిజిస్టర్‌ అయ్యాయి. ⇒ ఈ రెండు కంపెనీలు ఒకే మెయిల్‌ ఐడీ( ్చఛిఛిౌun్టటఃఠీటజ్చిnఠిజీజీnజట్చpట్జౌ్ఛఛ్టిట. ఛిౌఝ)నే ఉపయోగిస్తుండటం గమనార్హం. కేశినేని చిన్ని ఏకంగా 12 రియల్‌ ఎస్టేట్, విదేశీ కంపెనీల ద్వారా భారీగా నల్లధనాన్ని అమెరికా, దుబాయ్‌లకు తరలించి భారీ పెట్టుబడులు పెట్టారు. రాజ్‌ కేసిరెడ్డి వ్యాపార భాగస్వామి అయిన కేశినేని చిన్ని.. మంత్రి నారా లోకేశ్‌కు అత్యంత సన్నిహితుడే కాదు బినామీ అన్నది బహిరంగ రహస్యం. అందుకే పట్టుబట్టి మరీ ఆయనకు విజయవాడ ఎంపీ టికెట్‌ ఇప్పించారు. అనంతరం ఆంధ్రా క్రికెట్‌ అసోసియేషన్‌ అధ్యక్షుడిని చేశారు. ⇒ కేశినేని చిన్ని బినామీ కంపెనీ ఉర్సా ఐటీ సొల్యూషన్స్‌కు విశాఖపట్నంలో అత్యంత విలువైన 60 ఎకరాలను కారుచౌకగా కట్టబెట్టారు. అటువంటి కేశినేని చిన్నితో రాజ్‌ కేసిరెడ్డి వ్యాపార భాగస్వామి. అంటే బినామీ దందా ముసుగు తొలగిస్తే లోకేశ్‌ బండారం బట్టబయలవుతుంది. రాజ్‌ కేసిరెడ్డితోపాటు ఎంపీ మిథున్‌రెడ్డి, మాజీ ఎమ్మెల్యే చెవిరెడ్డి భాస్కర్‌ రెడ్డి తదితరులపై సిట్‌ నమోదు చేసింది అక్రమ కేసేనన్నది బయట పడుతుంది. ఇదంతా చంద్రబాబు రెడ్‌బుక్‌ కుతంత్రమేనన్నది తేటతెల్లమవుతుంది. వైఎస్సార్‌సీపీ ప్రభుత్వ హయాంలో మద్యం విధానంపై చంద్రబాబు ప్రభుత్వం నమోదు చేసిన అక్రమ కేసు మొత్తం కుట్ర బహిర్గతమవుతుంది.

సాక్షి, అమరావతి : చంద్రబాబు బేతాళ కుట్రలు ఒక్కొక్కటిగా బెడిసి కొడుతున్నాయి. వైఎస్సార్‌సీపీ ప్రభుత్వ హయాంలో మద్యం విధానంపై అక్రమ కేసు కుట్ర విచ్చిన్నమవుతోంది. అబద్ధపు వాంగ్మూలాలు, తప్పుడు సాక్ష్యాలతో లేని కుంభకోణాన్ని ఉన్నట్టుగా చూపించేందుకు పన్నిన కుతంత్రం క్రమంగా వీగిపోతోంది. ఈ కేసులో అక్రమంగా అరెస్టు చేసిన రిటైర్డ్‌ ఐఏఎస్‌ అధికారి ధనుంజయ్‌ రెడ్డి, ఓఎస్డీ కృష్ణమోహన్‌రెడ్డి, వికాట్‌ కంపెనీ డైరెక్టర్‌ బాలాజీ గోవిందప్పలకు ఈ నెల 6న బెయిల్‌ మంజూరు కాగా... తాజాగా వైఎస్సార్‌సీపీ ఎంపీ మిథున్‌రెడ్డికి న్యాయస్థానం బెయిల్‌ మంజూరు చేయడం ప్రాధాన్యత సంతరించుకుంది.టీడీపీ వీర విధేయ పోలీసు అధికారులతో కూడిన సిట్‌ ద్వారా చంద్రబాబు ప్రభుత్వం రాజకీయ కక్ష సాధింపునకే పాల్పడుతోందన్నది తద్వారా స్పష్టమైంది. వైఎస్సార్‌సీపీ ప్రభుత్వ హయాంలో మద్యం విధానం పారదర్శకంగా అమలైందని ఎక్సైజ్‌ శాఖ నివేదికలే వెల్లడిస్తున్నాయి. అందుకే చంద్రబాబు ప్రభుత్వం సిట్‌ ద్వారా కుట్రకు తెరతీసింది. ఈ అక్రమ కేసులో లేని ఆధారాలు సృష్టించేందుకు వేధింపులనే అస్త్రంగా చేసుకుంది. సిట్‌ న్యాయస్థానానికి సమ ర్పించిన చార్జ్‌షిట్‌లో పేర్కొన్న వాంగ్మూలాన్ని కూడా వారు బెదిరించి, వేధించి నమోదు చేసినవే కావడం గమనార్హం.బెవరేజస్‌ కార్పొరేషన్‌ పూర్వ ఎండీ వాసుదేవరెడ్డి అబద్ధపు వాంగ్మూలాన్నే సిట్‌ ఈ అక్రమ కేసుకు ప్రధాన ఆధారంగా చేసుకుంది. ప్రభుత్వ పెద్దలు చెప్పినట్టుగా అబద్ధపు వాంగ్మూలం నమోదుకు నిరాకరించిన ఆయన సిట్‌ బెదిరింపులకు వ్యతిరేకంగా మూడుసార్లు హైకోర్టును ఆశ్రయించారు. అయినా సరే ప్రభుత్వం ఆయన్ను వెంటాడి వేధించింది. డెప్యుటేషన్‌ ముగిసినా రిలీవ్‌ చేయకుండా అడ్డుకుంది. కుటుంబ సభ్యులను భయభ్రాంతులకు గురి చేసింది. తుదకు సిట్‌ చెప్పినట్టుగా ఆయన అబద్ధపు వాంగ్మూలం ఇచ్చారు. ఆ వెంటనే వాసుదేవరెడ్డిని రిలీవ్‌ చేసి కేంద్ర సర్విసులకు వెళ్లేందుకు ప్రభుత్వం అనుమతినిచి్చంది. అదే రీతిలో బెవరేజస్‌ కార్పొరేషన్‌ పూర్వ ఉద్యోగులు సత్య ప్రసాద్, అనూషను వేధించి అబద్ధపు వాంగ్మూలాలు నమోదు చేయించింది. అబద్ధపు వాంగ్మూలాల కోసం బెదిరింపులు ⇒ ఈ కేసులో వాసుదేవరెడ్డి, సత్య ప్రసాద్, అనూషలను అప్రూవర్లుగా మార్చాలని సిట్‌ యత్నించడం గమనార్హం. ముందుగా అరెస్టు అయితేనే అప్రూవర్లుగా మారేందుకు పిటిషన్‌ను పరిశీలిస్తామని న్యాయస్థానం చెప్పడంతో ఆ ముగ్గురూ వెనక్కి తగ్గాల్సి వచి్చంది. ⇒ అబద్ధపు వాంగ్మూలాలు ఇవ్వాలని సిట్‌ డిస్టిలరీల ప్రతినిధులను వేధించింది. వృద్ధులని కూడా చూడకుండా విచారణ పేరుతో హైదరాబాద్‌ నుంచి విజయవాడ తీసుకువచ్చి వేధించడంతో వారు న్యాయస్థానాన్ని ఆశ్రయించారు. దాంతో వారిని హైదరాబాద్‌లోని వారి నివాసంలోనే విచారించాలని న్యాయస్థానం ఆదేశించింది. ఈ కేసుతో ఏమాత్రం సంబంధం లేని రాజ్‌ కేసిరెడ్డి తండ్రిని బలవంతంగా తీసుకువచ్చి విచారణ పేరుతో వేధించింది. మరో నిందితుడి తండ్రి, రిటైర్డ్‌ కానిస్టేబుల్‌ను అక్రమంగా నిర్బంధించి మరీ వేధించడంతో ఆ కుటుంబం హైకోర్టును ఆశ్రయించాల్సి వచి్చంది. ⇒ ఈ కేసులో అరెస్టు అయిన రాజ్‌ కేసిరెడ్డి, శ్రీధర్‌రెడ్డి విచారణలో చెప్పని విషయాలు చెప్పినట్టుగా రిమాండ్‌ నివేదికలో పేర్కొనడం సిట్‌ కుట్రను బట్టబయలు చేసింది. వైఎస్సార్‌సీపీ మాజీ ఎమ్మెల్యే చెవిరెడ్డి భాస్కర్‌రెడ్డి వద్ద గతంలో గన్‌మెన్‌గా పని చేసిన గిరి, మదన్‌ రెడ్డిలను అక్రమంగా నిర్బంధించి అబద్ధపు వాంగ్మూలం కోసం తీవ్ర స్థాయిలో వేధించారు. బెంబేలెత్తిన గిరి.. సిట్‌ అధికారులు చెప్పినట్టు అబద్ధపు వాంగ్మూలం ఇచ్చారు. అందుకు సమ్మతించని మదన్‌ రెడ్డిపై సిట్‌ అధికారులు థర్డ్‌ డిగ్రీ ప్రయోగించడంతో ఆయన న్యాయస్థానాన్ని ఆశ్రయించారు. ⇒ రాజ్‌ కేసిరెడ్డి భార్య భాగస్వామిగా ఉన్న∙ఇంజినీరింగ్‌ కాలేజీలో రూ.11 కోట్లు స్వా«దీనం చేసుకుని, ఆ డబ్బు కేసిరెడ్డిదేనని సిట్‌ మరో కట్టు కథ అల్లింది. కాగా, ఆ నగదు తనది కాదని ఆయన న్యాయస్థానాన్ని ఆశ్రయిండంతో సిట్‌ కుట్ర కథ అడ్డం తిరిగింది. ఆ నోట్ల కట్టలపై ఉన్న బ్యాచ్‌ నంబర్ల ఆధారంగా ఎప్పుడు ఏ బ్యాంకుల నుంచి విత్‌డ్రా చేశారో ఆర్‌బీఐ ద్వారా విచారించాలని ఆయన న్యాయ­స్థానాన్ని కోరడంతో సిట్‌ తోక ముడిచింది. అన్నీ అక్రమ అరెస్టులే.. ⇒ ఈ అక్రమ కేసు దర్యాప్తు పేరిట సిట్‌ బరితెగించి వ్యవహరించింది. అక్రమ అరెస్టులతో వేధింపులకు పాల్పడింది. అప్రూవర్‌గా మారి తాము చెప్పినట్టు వాంగ్మూలం ఇవ్వాలని రాజ్‌ కేసిరెడ్డిని వేధించారు. అందుకు ఆయన తిరస్కరించడంతోనే అరెస్టు చేశారు. వైఎస్సార్‌సీపీ ప్రభుత్వ హయాంలో మద్యం విధానంతో ఏమాత్రం సంబంధం లేని రిటైర్డ్‌ ఐఏఎస్‌ అధికారి ధనుంజయ్‌ రెడ్డి, ఓఎస్డీ కృష్ణమోహన్‌రెడ్డిలను సిట్‌ అక్రమంగా అరెస్టు చేసింది. ⇒ అసలు రాష్ట్ర ప్రభుత్వ వ్యవహారాలతో సంబంధం లేని ప్రపంచ దిగ్గజ సిమెంట్‌ కంపెనీ వికాట్‌ కంపెనీ డైరెక్టర్‌ బాలాజీ గోవిందప్పను అక్రమంగా అరెస్టు చేయడం సిట్‌ కుట్రకు పరాకాష్ట. సిట్‌ ఆయనతో బలవంతంగా కొన్ని పత్రాలపై సంతకాలు చేయించింది. ఆయన ఆ విషయాన్ని న్యాయస్థానం దృష్టికి తీసుకువెళ్లడంతో సిట్‌ కుతంత్రం బెడిసి కొట్టింది. ⇒ మద్యం విధానంతో ఏమాత్రం సంబంధం లేని ఎంపీ మిథున్‌ రెడ్డిని, మాజీ ఎమ్మెల్యే చెవిరెడ్డి భాస్కర్‌రెడ్డిలను అక్రమంగా అరెస్టు చేసి ప్రజల్ని తప్పుదారి పట్టించేందుకు యత్నించింది. అబద్ధపు వాంగ్మూలం ఇస్తే నామినేటెడ్‌ పదవి ఇవ్వడంతోపాటు రూ.2 కోట్లు ఇస్తామని ప్రభుత్వ పెద్దలు సిట్‌ అధికారుల ద్వారా చెవిరెడ్డి భాస్కర్‌రెడ్డి స్నేహితుడు వెంకటేశ్‌నాయుడు దంపతులను ప్రలోభ పెట్టారు. అందుకు వారు తిరస్కరించడంతో ఈ కేసులో వెంకటేశ్‌నాయుడును కూడా అరెస్టు చేశారు. దు్రష్పచార కుతంత్రం ⇒ అక్రమ కేసులో దర్యాప్తు పేరిట సిట్‌ కుతంత్రాలు అడ్డూ అదుపు లేకుండా సాగాయి. ఆంధ్రప్రదేశ్‌ వ్యవహారాలతో ఏమాత్రం సంబంధం లేని వైఎస్‌ అనిల్‌ రెడ్డి కార్యాలయాల్లో సిట్‌ సోదాల పేరుతో ప్రజల్ని తప్పుదారి పట్టించేందుకు యత్నించింది. దీంతో ఆయన కంపెనీల్లో మాజీ సీఎం వైఎస్‌ జగన్‌ సతీమణి భారతి డైరెక్టర్‌గా వ్యవహరించారని ఎల్లో మీడియా దు్రష్పచారం చేసింది. వాస్తవానికి వైఎస్‌ అనిల్‌ రెడ్డి మాతృమూర్తి వైఎస్‌ భారతి గతంలో ఆ కంపెనీల్లో డైరెక్టర్‌గా వ్యవహరించారు. ⇒ హైదరాబాద్‌కు చెందిన న్యాయవాది, వ్యాపారి నర్రెడ్డి సునీల్‌ రెడ్డి నివాసాల్లో తనిఖీల పేరిట సిట్‌ రాద్ధాంతం చేసింది. ఆ సమయంలో ఓ ప్రైవేటు వాహనంలో కొన్ని సందేహాస్పద పత్రాలను ఆయన నివాసంలో చేర్చేందుకు సిట్‌ యత్నించడం గమనార్హం. ఆ వాహనంలో టీడీపీకి చెందిన ఓ వ్యక్తి ఉండటం ప్రభుత్వ కుట్రను బట్టబయలు చేసింది. అంటే తనిఖీల పేరుతో తప్పుడు సాక్ష్యాలు సృష్టించేందుకు సిట్‌ యత్నించిందన్నది బహిర్గతమైంది. ⇒ సిట్‌ దాఖలు చేసిన మొదటి చార్జ్‌షిట్, అనుబంధ చార్జ్‌షిట్లను పరిశీలించిన న్యాయస్థానమే వాటి చట్టబద్ధతను ప్రశి్నంచడం ప్రాధాన్యం సంతరించుకుంది. న్యాయస్థానం లేవనెత్తిన అభ్యంతరాలపై సిట్‌ సమాధానం చెప్పలేకపోయింది. అందుకే సీఆర్‌సీపీ సెక్షన్‌ 167(2) ప్రకారం ఈ కేసులో రిటైర్డ్‌ ఐఏఎస్‌ అధికారి ధనుంజయ్‌ రెడ్డి, రిటైర్డ్‌ అధికారి కృష్ణమోహన్‌రెడ్డి, వికాట్‌ కంపెనీ ఎండీ బాలాజీ గోవిందప్పలకు ఈ నెల 6న, ఎంపీ మిథున్‌ రెడ్డికి సోమవారం బెయిల్‌ మంజూరు చేసింది. తద్వారా సిట్‌ అల్లిన కట్టుకథల కుట్రలు ఒక్కొక్కటిగా వీగిపోతున్నాయని న్యాయ నిపుణులు వ్యాఖ్యానిస్తున్నారు. నాడు మద్యం విధానం పారదర్శకం⇒ అసలు వైఎస్సార్‌సీపీ ప్రభుత్వ హయాంలో మద్యం విధానంలో ఎలాంటి అక్రమాలు జరగలేదు. ఎలాంటి అవినీతి లేదు కాబట్టే లేని ఆధారాలు సృష్టించేందుకు సిట్‌ ఇంతగా దిగజారుతోంది. 2019–24 మధ్య వైఎస్సార్‌సీపీ ప్రభుత్వం దశల వారీగా మద్య నియంత్రణ విధానాన్ని సమర్థవంతంగా అమలు చేసింది. ⇒ అంతకు ముందు టీడీపీ ప్రభుత్వ హయాంలో దోపిడీకి పాల్పడ్డ 4,380 ప్రైవేటు మద్యం దుకాణాల విధానాన్ని వైఎస్సార్‌సీపీ ప్రభు­త్వం రద్దు చేసింది. ప్రభుత్వ మద్యం దుకాణాలను ప్రవేశ పెట్టింది. దుకాణాల వేళలను కుదించింది. టీడీపీ ప్రభుత్వ హయాంలో ఉన్న 4,380 మద్యం దుకాణాలను దశల వారీగా 2,934 దుకాణాలకు తగ్గించింది. ⇒ చంద్రబాబు ప్రభుత్వం అనధికారిక బార్లుగా లైసైన్సులు జారీ చేసిన 4,380 పరి్మట్‌ రూమ్‌లను రద్దు చేసింది. టీడీపీ ప్రభుత్వ హయాంలో కొనసాగిన 43 వేల బెల్ట్‌ దుకాణాలను తొలగించింది. రాష్ట్రంలోని 20 డిస్టిలరీల్లో 14 డిస్టిలరీలకు చంద్రబాబు ప్రభుత్వమే అనుమతులు జారీ చేసింది. మిగిలిన ఆరు డిస్టిలరీలకు అంతకు ముందు ప్రభుత్వాలు లైసెన్సులు మంజూరు చేశాయి. మొత్తం 20 డిస్టిలరీలను బెవరేజస్‌ కార్పొరేషన్‌ ద్వారా మద్యం కొనుగోళ్లకు ఎంప్యానల్‌ చేసింది చంద్రబాబు ప్రభుత్వమే. వైఎస్సార్‌సీపీ ప్రభుత్వం ఒక్క మద్యం డిస్టిలరీకి కూడా లైసెన్సులు మంజూరు చేయలేదు. ⇒ ఈ విప్లవాత్మక చర్యలతో వైఎస్సార్‌సీపీ ప్రభుత్వ హయాంలో మద్యం అమ్మకాలు గణనీయంగా తగ్గాయి. తద్వారా డిస్టిలరీలకు లాభాలు తగ్గిపోయాయి. అలాంటప్పుడు డిస్టిలరీలు ప్రభుత్వ పెద్దలకు ఎందుకు కమీషన్లు ఇస్తాయి? ఇవ్వనే ఇవ్వవు. కాబట్టే అవినీతి లేని వైఎస్సార్‌సీపీ ప్రభుత్వ మద్యం విధానంపై నమోదు చేసిన అక్రమ కేసులో సిట్‌ అబద్ధపు వాంగ్మూలాలు, తప్పుడు సాక్ష్యాలనే ఆధారంగా చేసుకుంది. ఇప్పుడవన్నీ ఒక్కొక్కటిగా బెడిసి కొడుతున్నాయి.

కేవలం కేసు తీవ్రత, పరిమాణం మాత్రమే కాక నిందితుని పాత్ర, దర్యాప్తు అధికారులు సేకరించిన ఆధారాలను బట్టే బెయిల్‌ మంజూరుపై నిర్ణయం ఉంటుంది. ప్రస్తుత కేసులో పిటిషనర్‌ పాత్రను నిర్ధారించేందుకు సరైన, బలమైన ఆధారాలేవీ లేవు. ఈ కేసులో మిథున్‌రెడ్డి మాస్టర్‌ మైండ్‌ అని, కీలక పాత్ర పోషించారని, ఇందుకు ప్రాసిక్యూషన్‌.. సహ నిందితుల నేరాంగీకార వాంగ్మూలంపై ఆధార పడుతోంది. కానీ ఆ వాంగ్మూలాలకు ఎలాంటి ఆమోద యోగ్యత లేదు. సహ నిందితుల వాంగ్మూలాలు, కొందరు సాక్షులు ఇచ్చిన 164, 161 స్టేట్‌మెంట్లు తప్ప ఇతర ఆధారాలను సమర్పించలేదు. ఇవి బెయిల్‌ నిరాకరించడానికి ఎంత మాత్రం సరిపోవు.నేరపూరిత కుట్ర విషయంలో దర్యాప్తు అధికారులు ప్రాథమిక ఆధారాలను చూపలేకపోయారు. నిందితులు డబ్బు, ముడుపులను దారి మళ్లించడానికి ఒప్పందం చేసుకున్నారనేందుకు ఆధారాలేవీ చూపలేదు. కోర్టు ముందుంచిన ఆధారాలు స్వతంత్రమైనవి కావు. అందువల్ల బెయిల్‌ను తిరస్కరించలేము. – ఏసీబీ కోర్టుసాక్షి, అమరావతి/గాందీనగర్‌ (విజయవాడ సెంట్రల్‌) : మద్యం అక్రమ కేసులో నిందితునిగా ఉన్న రాజంపేట పార్లమెంట్‌ సభ్యుడు పెద్దిరెడ్డి వెంకట మిథున్‌రెడ్డికి విజయవాడ ఏసీబీ ప్రత్యేక కోర్టు బెయిల్‌ మంజూరు చేసింది. నేరపూరిత కుట్ర విషయంలో దర్యాప్తు అధికారులు ప్రాథమిక ఆధారాలను చూపలేకపోయారని కోర్టు స్పష్టం చేసింది. నిందితులు డబ్బు, ముడుపులను దారి మళ్లించడానికి ఒప్పందం చేసుకున్నారనేందుకు సైతం ఆధారాలేవీ చూపలేదని పేర్కొంది. కోర్టు ముందుంచిన ఆధారాలు స్వతంత్రమైనవి కావని, అందువల్ల బెయిల్‌ను తిరస్కరించలేమని తేల్చి చెప్పింది. ఈ కేసులో మిథున్‌రెడ్డి మాస్టర్‌ మైండ్‌ అని, కీలక పాత్ర పోషించారనడానికి కూడా ఎలాంటి ఆధారం చూపలేదని తప్పు పట్టింది. ప్రాసిక్యూషన్‌.. ఆధారపడుతున్న సహ నిందితుల నేరాంగీకార వాంగ్మూలాలకు ఎలాంటి ఆమోద యోగ్యత లేదని చెప్పింది. 164, 161 స్టేట్‌మెంట్లు బెయిల్‌ నిరాకరించడానికి ఎంత మాత్రం సరిపోవని చెబుతూ న్యాయాధికారి పి.భాస్కరరావు బెయిల్‌ మంజూరు చేశారు. ఈ కేసులో నాల్గవ నిందితునిగా ఉన్న మిథున్‌రెడ్డిని సిట్‌ అధికారులు ఈ ఏడాది జూలై 19న అరెస్ట్‌ చేసిన విషయం తెలిసిందే. అప్పటి నుంచి ఆయన 72 రోజులుగా రాజమహేంద్రవరం కేంద్ర కారాగారంలో జుడీషియల్‌ రిమాండ్‌లో ఉన్నారు. ఈ కేసులో తనకు బెయిల్‌ మంజూరు చేయాలని కోరుతూ ఇటీవల ఆయన ఏసీబీ కోర్టులో పిటిషన్‌ దాఖలు చేశారు. తీర్పులోని ప్రధానాంశాలు ఇలా ఉన్నాయి. ఆరోపణల ఆధారంగా బెయిల్‌ హక్కును నిరాకరించలేం ‘కేవలం కేసు తీవ్రత, పరిమాణం మాత్రమే కాక నిందితుని పాత్ర, దర్యాప్తు అధికారులు సేకరించిన ఆధా­రాలను బట్టే బెయిల్‌ మంజూరుపై నిర్ణయం ఉంటుంది. ప్రస్తుత కేసులో పిటిషనర్‌ పాత్రను నిర్ధారించేందుకు సరైన, బలమైన ఆధారాలేవీ లేవు. కేవలం ఆరోపణల ఆధారంగా ఆయన అమూల్యమైన బెయిల్‌ హక్కు­ను తిరస్కరించలేం. నిందితుడిపై ఆరోపణలు తీవ్రమైన ఆర్థిక నేరాలకు సంబంధించినవన్న కారణంతో మాత్రమే బెయిల్‌ నిరాకరించడానికి వీల్లేదని సుప్రీం­కోర్టు స్పష్టంగా చెప్పింది. ఇందుకు సంబంధించి చట్టాలలో, బెయిల్‌ సంబంధిత న్యాయ సూత్రాలలో అలాంటి నిషేధం లేదు. మిథున్‌రెడ్డిపై ఉన్న ప్రధాన ఆరోపణ ఏమిటంటే, ఈ కేసులో ఆయన మాస్టర్‌ మైండ్‌ అని, కీలక పాత్ర పోషించారని. ఇందుకు ప్రాసిక్యూషన్‌ సహ నిందితుల నేరాంగీకార వాంగ్మూలంపై ఆధార పడుతోంది. కానీ ఆ వాంగ్మూలాలకు ఎలాంటి ఆమోద యోగ్యత లేదు. సహ నిందితు­ల వాంగ్మూలాలు, కొందరు సాక్షులు ఇచ్చిన 161 స్టేట్‌మెంట్లు తప్ప ఇతర ఆధారాలను సమర్పించలేదు. కోర్టు ముందుంచిన ఆధారాలు స్వతంత్రమైనవి కావు. వాటికి ఎంత విలువ ఉందనే విషయం క్రా‹స్‌ ఎగ్జామినేషన్‌ తర్వాతే తెలుస్తుంది’ అని ఏసీబీ కోర్టు తన తీర్పులో పేర్కొంది. ఆరోపణలు నిరాధారం ‘మిథున్‌రెడ్డి ఈ కేసులో మాస్టర్‌ మైండ్‌గా ఉంటూ, ఒక సిండికేట్‌ ద్వారా ముడుపులు వసూలు చేశారని సిట్‌ ఆరోపించింది. అలాగే, డీకార్ట్‌ లాజిస్టిక్స్‌ నుంచి రూ.5 కోట్లు అందుకున్నారని, అది మద్యం విక్రయాలకు సంబంధించిన మొత్తమని కూడా ఆరోపించింది. అయితే ఆ ఆరోపణలు నిరాధారమైనవి. వాటికి ఎలాంటి ఆధారాలు లేవు. మాస్టర్‌ మైండ్‌ అనడంతో పాటు 2019–24 మద్యం విధానం రూపకల్పన, అమలులో కీలక పాత్ర పోషించారన్నది కూడా మిథున్‌రెడ్డిపై ఉన్న ఆరోపణ. అయితే, ఆయన మద్యం విధానం రూపకల్పన కమిటీలో సభ్యుడు కాదని, ఆయన పార్లమెంట్‌ సభ్యుడు మాత్రమేనని, రాష్ట్ర వ్యవహారాలు లేదా ఎక్సైజ్‌ పాలసీతో సంబంధం లేదని ఆయన తరఫు న్యాయవాది కోర్టు దృష్టికి తీసుకొచ్చారు. పోలీ­సులు ఇప్పటి వరకు సేకరించిన ఆధారాలేవీ మిథున్‌రెడ్డిపై ప్రాథమికంగా కేసు రుజువు చేసేందుకు సరిపోవు. ఏదేమైనప్పటికీ, నేరం తీవ్రతను మాత్రమే బెయిల్‌ తిరస్కరణకు ఏకైక కారణంగా పరిగణించబడకూడదు’ అని ఏసీబీ కోర్టు తేల్చి చెప్పింది. రాజకీయ కేసులు ఉండటం ఆశ్చర్యకరం కాదు ‘మిథున్‌రెడ్డికి నేర చరిత్ర ఉందంటూ సిట్‌ తరఫున స్పెషల్‌ పబ్లిక్‌ ప్రాసిక్యూటర్‌ ఏడు కేసులను ప్రస్తావించారు. అయితే, వాటిలో ఐదు కేసులు ఇప్పటికే క్లోజ్‌ అయ్యాయి. మిగిలిన రెండు కేసులు కూడా రాజకీయ స్వభావం ఉన్నవి. మిథున్‌రెడ్డికి దీర్ఘకాల రాజకీయ ప్రస్థానం ఉంది. అలాంటప్పుడు రెండు రాజకీయ కేసులు పెండింగ్‌లో ఉండటం ఆశ్చర్యకరమైన విషయం కాదు. ఎందుకంటే రాజకీయాల్లో ఎల్లప్పుడూ ప్రత్యర్థులు ఉంటారు. అయితే, మిథున్‌రెడ్డి ఇప్పటి వరకు ఎటువంటి ఆర్థిక లేదా క్రూరమైన నేరాలకు పాల్పడలేదన్నది వాస్తవం. కాబట్టి, ఆయనను బెయిల్‌పై విడుదల చేయడం వల్ల సమాజానికి ఎలాంటి ముప్పు కలిగించదు’ అంటూ కోర్టు తీర్పు చెప్పింది. నేరపూరిత కుట్ర, డబ్బు మళ్లింపునకు ఆధారాలేవీ? ‘ఇది బెయిల్‌ దశ మాత్రమే. కాబట్టి కేసు పూర్వాపరాల్లోకి వెళ్లి లోతైన పరిశీలన చేయాల్సిన అవసరం లేదు. కేసు పూర్వాపరాల ఆధారంగా ఈ దశలో ఎలాంటి అభిప్రాయం వ్యక్తం చేసినా కూడా అది విచారణ ఫలితాన్ని ముందే నిర్ణయించినట్లు అవుతుంది. నేరపూరిత కుట్ర విషయంలో దర్యాప్తు అధికారులు ప్రాథమిక ఆధారాలను చూపలేకపోయారు. నిందితులు డబ్బు, ముడుపులను దారి మళ్లించడానికి ఒప్పందం చేసుకున్నారనేందుకు ఆధారాలేవీ చూపలేదు. సిట్‌ అధికారులు మిథున్‌రెడ్డి గూగుల్‌ టేకౌట్స్, సెల్‌ టవర్‌ లోకేషన్‌ డేటాను ఈ కోర్టు ముందుంచారు. అయితే, నెట్‌వర్క్‌ రద్దీ, భౌగోళిక అడ్డంకుల కారణంగా వాటిలో తేడాలున్నాయి. అందువల్ల అవి కచ్చితమైనవి గానీ, నిర్ణయాత్మకమైనవి గానీ కావు’ అని కోర్టు స్పష్టం చేసింది. ప్రాసిక్యూషన్‌ విఫలం ‘డీకార్ట్‌ నుంచి పీఎల్‌ఆర్‌ కంపెనీకి వచ్చిన రూ.5 కోట్ల నగదుతో తనకు ఎలాంటి సంబంధం లేదని మిథున్‌రెడ్డి చెప్పారు. ఈ కేసులో ఆయనకు ప్రమేయం ఉందని నమ్మేందుకు నగదు, బంగారం, విలాసవంతమైన కార్లు, ఆస్తులు వేటిని కూడా ఆయన నుంచి స్వాదీనం చేసుకోలేదు. ఈ విషయాలన్నింటినీ విచారణ సమయంలో పరిశీలించాల్సి ఉంటుంది. అందువల్ల కొంత మంది సాక్షులు ఇచ్చిన 161 స్టేట్‌మెంట్లు, సహ నిందితులు ఇచ్చిన 164 స్టేట్‌మెంట్లు బెయిల్‌ నిరాకరించడానికి ఎంత మాత్రం సరిపోవు. ఆరోపణలు తీవ్రమైనవి అయినా కూడా, కేసును బట్టి బెయిల్‌పై నిర్ణయం తీసుకోవాలని సుప్రీంకోర్టు చెప్పింది. ప్రధానంగా నిందితుడికి ఆపాదించిన పాత్ర, ప్రాసిక్యూషన్‌ సేకరించిన ఆధారాలపై బెయిల్‌ మంజూరు ఆధారపడి ఉంటుంది. కానీ ప్రస్తుత కేసుతో పిటిషనర్‌కు సంబంధం ఉందని నిరూపించే ప్రాథమిక ఆధారాలను చూపడంలో ప్రాసిక్యూషన్‌ విఫలమైంది. ఈ కేసు ఆదాయపు పన్ను శాఖ లేదా ఎన్‌ఫోర్స్‌మెంట్‌ డైరెక్టరేట్‌ (ఈడీ)æ ఫిర్యాదు ఆధారంగా నమోదు కాలేదు. చిన్నారులపై వేధింపులు, పన్ను ఎగవేత, బ్యాంకు మోసం, కస్టమ్స్‌ ఉల్లంఘనలు వంటి ఆరోపణలేవీ పిటిషనర్‌పై లేవు. పిటిషనర్‌ మనీ లాండరింగ్, ఉపా, జాతీయ భద్రత కేసుల్లో అరెస్ట్‌ కాలేదు. కాబట్టి బలమైన ఆధారాలు లేకుండా ఆయన్ను నిరవధికంగా కస్టడీలో ఉంచడానికి వీల్లేదు’ అని ఏసీబీ కోర్టు తన తీర్పులో వివరించింది. ఎంపీ మిథున్‌రెడ్డి విడుదల సాక్షి, రాజమహేంద్రవరం: మద్యం అక్రమ కేసులో ఏసీబీ కోర్టు బెయిల్‌ ఇవ్వండంతో రాజమహేంద్రవరం సెంట్రల్‌ జైలులో రిమాండ్‌ ఖైదీగా ఉన్న రాజంపేట ఎంపీ పి.వి.మిథున్‌రెడ్డి సోమవారం సాయంత్రం విడుదలయ్యారు. విజయవాడ ఏసీబీ కోర్టు మంజూరు చేసిన బెయిల్‌ పత్రాలు సెంట్రల్‌ జైలు అధికారులకు అందడంతో సాయంత్రం 5.55 గంటలకు ఆయన్ను విడుదల చేశారు. కాగా, బెయిల్‌పై విడుదలైన మిథున్‌రెడ్డికి వైఎస్సార్‌ సీపీ శ్రేణులు ఘన స్వాగతం పలికాయి. బెయిల్‌ పత్రాలు సెంట్రల్‌ జైల్‌ అధికారులకు మధ్యాహ్నమే చేరినా, ఆలస్యంగా విడుదల చేయడంపై వైఎస్సార్‌సీపీ శ్రేణులు ఆగ్రహం వ్యక్తం చేశాయి. బెయిల్‌పై విడుదలైన అనంతరం నాయకులు, కార్యకర్తలకు అభివాదం చేస్తున్న మిథున్‌రెడ్డి సాక్ష్యాలను తారుమారు చేసినట్లు ఆరోపణా లేదు ‘మిథున్‌రెడ్డి బెయిల్‌పై బయటకు వస్తే సాక్షులను ప్రభావితం చేయడంతో పాటు సాక్ష్యాలను తారుమారు చేస్తారని ప్రాసిక్యూషన్‌ వాదిస్తోంది. వాస్తవానికి పిటిషనర్‌ మూడుసార్లు పార్లమెంట్‌ సభ్యుడిగా ఎన్నికై, ప్రస్తుతం సిట్టింగ్‌ ఎంపీగా ఉన్నారు. ఆయన తండ్రి ప్రస్తుతం ఎమ్మెల్యేగా, మాజీ మంత్రిగా ఉన్నారు. తద్వారా సమాజంలో వీరికి గట్టి సంబంధాలున్నాయి. ఈ కేసులో ముందు బెయిల్‌ నిరాకరించిన తర్వాత మిథున్‌రెడ్డి స్వచ్ఛందంగా దర్యాప్తు అధికారి ముందు లొంగిపోయారు. మధ్యంతర బెయిల్‌ మంజూరైనప్పుడు తన పాస్‌పోర్టును కోర్టుకు అప్పగించారు. 72 రోజుల రిమాండ్‌ సమయంలో గానీ, మధ్యంతర బెయిల్‌ కాలంలో గానీ ఆయన సాక్ష్యాలను తారుమారు చేసినట్టు ఎలాంటి ఆరోపణా లేదు. ఈ కేసు ప్రధానంగా డాక్యుమెంటరీ ఆధారాలపైనే ఆధారపడి ఉంది. అవన్నీ ప్రాసిక్యూషన్‌ సురక్షిత కస్టడీలో ఉన్నాయి. అలాంటప్పుడు సాక్ష్యాలను తారుమారు చేస్తారని, విచారణలో ఆటంకం కలిగించే అవకాశం ఉందనే అనుమానాలతో బెయిల్‌ నిరాకరించడానికి వీల్లేదు. సాక్ష్యాలను తారుమారు చేసి ఉంటే అందుకు స్పష్టమైన ఆధారాలుంటాయి. సాక్ష్యాల తారుమారుపై అనుమానాలుంటే ఉంటే వాటిని కఠిన షరతుల ద్వారా నిరోధించవచ్చు. పిటిషనర్‌ సాక్షులను ప్రభావితం చేయడానికి, సాక్ష్యాలను తారుమారు చేయడానికి, విచారణకు ఆటంకం కలిగించడానికి ప్రయత్నిస్తే.. ప్రాసిక్యూషన్‌ ఎప్పుడైనా కోర్టును ఆశ్రయించి బెయిల్‌ రద్దు కోరవచ్చు. ప్రజా ప్రయోజనం, నిందితుని వ్యక్తిగత స్వేచ్ఛ రెండింటినీ సమన్వయం చేయాలి. అందువల్ల పిటిషనర్‌కు కొన్ని షరతులతో బెయిల్‌ మంజూరు చేస్తున్నాం’ అని ఏసీబీ కోర్టు తన తీర్పులో స్పష్టం చేసింది. రూ.2 లక్షలతో రెండు పూచీకత్తులు సమర్పించాలని, కోర్టు అనుమతి లేకుండా దేశం విడిచి వెళ్లకూడదని.. సోమ, శుక్రవారాల్లో దర్యాప్తు అధికారి ముందు హాజరు కావాలని.. తదితర షరతులు విధించింది. కాగా, బెయిల్‌ పిటిషన్‌పై మిథున్‌రెడ్డి తరఫున తప్పెట నాగార్జునరెడ్డి, సిట్‌ తరఫున స్పెషల్‌ పీపీ వాదనలు వినిపించారు.

సాక్షి, రాజమండ్రి: వైఎస్సార్‌సీపీ ఎంపీ మిథున్‌రెడ్డి జైలు నుంచి విడుదలయ్యారు. మద్యం అక్రమ కేసులో మిథున్‌రెడ్డికి ఏసీబీ కోర్టు సోమవారం (సెప్టెంబర్‌29న) షరతులతో కూడిన బెయిల్‌ మంజూరు చేసింది. కోర్టు బెయిల్‌ మంజూరు చేయడంతో సోమవారం సాయంత్రం ఆరు గంటల ప్రాంతంలో ఆయన రాజమండ్రి సెంట్రల్‌ జైలు నుంచి విడుదలయ్యారు. జైలు నుంచి విడుదలైన మిథున్‌రెడ్డికి వైఎస్సార్‌సీపీ నేతలు, శ్రేణులు భారీ ఎత్తున స్వాగతం పలికాయి అంతకుముందు మిథున్‌రెడ్డి జైలు నుంచి విడుదలపై ఉత్కంఠ నెలకొంది. మద్యం అక్రమ కేసులో మిథున్‌రెడ్డికి ఏసీబీ కోర్టు షరతులతో కూడిన బెయిల్‌ మంజూరు చేసింది. బెయిల్‌ పత్రాలు సెంట్రల్‌ జైలు అధికారిక ఈమెయిల్‌కు పంపించింది. అయితే ఎంపీ మిథున్‌రెడ్డి జైలు నుంచి విడుదలకు సంబంధించిన పత్రాలు రాజమండ్రి సెంట్రల్‌ జైలు అధికారిక మెయిల్‌కు వెళ్లినా.. మెయిల్‌కు పత్రాలు రాలేదని జైలు అధికారులు తెలిపారు. దీంతో ఎంపీ మిథున్‌రెడ్డికి బెయిల్‌ వచ్చినా ఎందుకు విడుదల చేయడం లేదంటూ జైలు అధికారులతో న్యాయవాదులు మాట్లాడారు. మిథున్‌రెడ్డి విడుదలలో జాప్యంపై వైఎస్సార్‌సీపీ నేతలు ఆందోళన వ్యక్తం చేశారు. ఈ క్రమంలో జైలు అధికారులు ఎంపీ మిథున్‌రెడ్డిని జైలు నుంచి విడుదల చేశారు. విడుదల అనంతరం మిథున్‌రెడ్డికి పార్టీ నేతలు,శ్రేణులు ఘన స్వాగతం పలికాయి.

సాక్షి, విజయవాడ: వైఎస్సార్‌సీపీ లోక్‌సభా పక్ష నేత, రాజంపేట ఎంపీ పెద్దిరెడ్డి మిథున్‌రెడ్డికి బెయిల్‌ మంజూరైంది. ఈ మేరకు మద్యం అక్రమ కేసులో మిథున్‌రెడ్డికి సోమవారం(సెప్టెంబర్‌ 29) బెయిల్‌ మంజూరు చేసింది ఏసీబీ కోర్టు. మద్యం అక్రమ కేసులో జులై 19వ తేదీన మిథున్‌రెడ్డిని పోలీసులు అరెస్ట్‌ చేశారు. 71 రోజులుగా రాజమండ్రి జైల్లో ఉన్న మిథున్‌రెడ్డికి ఇవాళ ఏసీబీ కోర్టు రెండు ష్యూరిటీలు, రూ.2లక్షల పూచీకత్తుతో షరతులతో కూడిన బెయిల్‌ మంజూరు చేస్తూ ఉత్తర్వులు జారీ చేసింది. కోర్టు బెయిల్‌ మంజూరుతో మంగళవారం జైలు నుంచి విడుదల కానున్నారు. 👉ఇదీ చదవండి: పరాకాష్టకు బాబు భేతాళ కుట్రజూలై 19వ తేదీ(శనివారం) ఎంపీ మిథున్‌రెడ్డి స్వచ్ఛందంగా సిట్‌ అధికారుల ఎదుట హాజరయ్యారు. ఈ అక్రమ కేసులో గతంలో ఓసారి ఆయన సిట్‌ విచారణకు హాజరయ్యారు. ఆరోజు. మధ్యాహ్నం 12 నుంచి రాత్రి 8 వరకు సిట్‌ అధికారులు ఆయనను విచారించారు. అనంతరం మిథున్‌ను అరెస్ట్‌ చేసి విషయాన్ని ఆయన కుటుంబ సభ్యులకు తెలిపారు.

సాక్షి, తూర్పుగోదావరి: ఏపీలో పెద్దిరెడ్డి కుటుంబాన్ని ఇబ్బంది పెట్టాలన్న ఉద్దేశంతోనే వైఎస్సార్‌సీపీ ఎంపీ ఉద్దేశంతోనే మిథున్‌ రెడ్డి అరెస్ట్‌ జరిగిందన్నారు మాజీ మంత్రి గుడివాడ అమర్నాథ్‌. ఏ తప్పు చేయకపోయినా కక్షపూరితంగా మిథున్‌ రెడ్డిని అరెస్ట్‌ చేశారని చెప్పుకొచ్చారు. కేవలం డైవర్షన్ పాలిటిక్స్ మాత్రమే ప్రభుత్వం అనుసరిస్తుందని మండిపడ్డారు.రాజమండ్రి సెంట్రల్ జైల్లో రిమాండ్‌లో ఉన్న ఎంపీ మిథున్ రెడ్డిని ములాఖత్‌లో మాజీమంత్రి అమర్నాథ్‌, విజయనగరం జడ్పీ అధ్యక్షులు మజ్జి శ్రీనివాసరావు, కరణం ధర్మశ్రీ కలిశారు. అనంతరం, మాజీ మంత్రి అమర్నాథ్‌ మీడియాతో మాట్లాడుతూ..‘వైఎస్సార్‌సీపీ నాయకులపై తప్పుడు కేసులు బనాయించి అరెస్టు చేశారు. తప్పుడు కేసు పెట్టి మిథున్ రెడ్డిని జైల్లో ఉంచారు. పెద్దిరెడ్డి కుటుంబాన్ని ఇబ్బంది పెట్టాలన్న ఉద్దేశంతోనే మిథున్ రెడ్డి అరెస్ట్ జరిగింది. అయినప్పటికీ ఆయన ధైర్యంగా ఉన్నారు. పార్టీ కోసం అన్ని భరిస్తానని మిథున్ రెడ్డి చెప్పారు. అధికారులు అడిగిన అన్ని రకాల డాక్యుమెంట్‌లను మిథున్ రెడ్డి అధికారులకు ఇచ్చారు. ఏ తప్పు లేకపోయినా కక్ష పూరితంగా మిథున్‌ రెడ్డిని అరెస్టు చేశారు. పేర్లు చెప్పిన వారు బయట ఉన్నారు.. ఏ తప్పు చేయని వ్యక్తిని లోపల ఉంచారు. ఎవరో ఇచ్చిన స్టేట్‌మెంట్‌పై అరెస్టులు చేయటం కరెక్ట్ కాదు. కేవలం డైవర్షన్ పాలిటిక్స్ మాత్రమే ప్రభుత్వం అనుసరిస్తుంది. బాలకృష్ణ మాట్లాడిన మాటలు చూశాం. చిరంజీవి ఇచ్చిన కౌంటర్ చూశాం. రాష్ట్రవ్యాప్తంగా చర్చ జరుగుతుంది. దీనికోసం మరో డైవర్షన్ అమలు చేస్తున్నారు. పార్టీ నేతలకు ఏ సమస్య వచ్చినా పార్టీ కేడర్ అంతా అండగా ఉంటాం. మిథున్ రెడ్డి అరెస్టుకు కచ్చితంగా ప్రతీకారం ఉంటుంది’ అని హెచ్చరించారు.విజయనగరం జిల్లా పార్టీ అధ్యక్షుడు మజ్జి శ్రీనివాసరావు మాట్లాడుతూ..‘మిథున్ రెడ్డిని ప్రభుత్వం ఏ రకంగా ఇబ్బందులు పెడుతుందో ప్రజలు గమనిస్తున్నారు. 15 నెలలుగా రాష్ట్రంలో అనేక దారుణాలు చోటుచేసుకున్నాయి. సూపర్ సిక్స్ పథకాలు అమలు చేయలేక కప్పి పుచ్చుకునే ప్రయత్నం చేస్తున్నారు. బాలకృష్ణ మాటలు చూస్తే ప్రభుత్వ పరిస్థితి ఎంత దారుణంగా ఉందో అర్థం చేసుకోవచ్చు. కూటమి ప్రభుత్వం ఏర్పడిన నాటి నుంచి వైఎస్సార్‌సీపీ నాయకులను ఇబ్బందులు పెట్టే ప్రయత్నం చేస్తున్నారు’ అని అన్నారు.కరణం ధర్మశ్రీ మాట్లాడుతూ..‘ఇది కూటమి ప్రభుత్వం కాదు.. కుట్ర ప్రభుత్వం. వైఎస్సార్‌సీపీలో కీలకంగా ఉన్న నాయకులను టార్గెట్ చేయడం ప్రభుత్వ లక్ష్యం. కూటమి ప్రభుత్వానికి ప్రజలు సమాధానం చెప్పాలని ఎదురుచూస్తున్నారు. తప్పుడు సాక్ష్యాలతో కక్షసాధింపు చేస్తే ఊరుకునేది లేదు. బ్యాలెన్స్ తప్పిన బాలకృష్ణ.. చిరంజీవిపై వ్యాఖ్యలు చేసినా పవన్ కళ్యాణ్ ఒక్క మాట కూడా మాట్లాడకపోవటం విడ్డూరం. ప్రభుత్వానికి కళ్ళు లేవని మిథున్ రెడ్డి అరెస్టుతో నిరూపితమైంది’ అంటూ ఘాటు విమర్శలు చేశారు.

సాక్షి, తూర్పుగోదావరి: వైఎస్సార్‌సీపీ ఎంపీ మిథున్ రెడ్డి అరెస్టు ఆశ్చర్యం కలిగించలేదని అన్నారు వైఎస్సార్‌సీపీ స్టేట్ యూత్ వర్కింగ్ ప్రెసిడెంట్ బైరెడ్డి సిద్ధార్థ రెడ్డి. అక్రమ కేసులో పక్కా ప్లాన్‌ ప్రకారమే మిథున్‌ రెడ్డిని అరెస్ట్‌ చేసినట్టు తెలిపారు. ఆయన ఆత్మస్థైర్యాన్ని దెబ్బతీయటానికే అరెస్టు చేశారని ఆరోపించారు. ఇటువంటి కేసులు ఎక్కువ కాలం నిలబడవు అని చెప్పుకొచ్చారు.రాజమండ్రి సెంట్రల్ జైల్లో రిమాండ్‌లో ఉన్న ఎంపీ మిథున్ రెడ్డిని మూలాఖత్‌లో వైఎస్సార్‌సీపీ స్టేట్ యూత్ వర్కింగ్ ప్రెసిడెంట్ బైరెడ్డి సిద్ధార్థ రెడ్డి, వైఎ‍స్సార్‌సీపీ నేతలు మేడపాటి షర్మిల రెడ్డి, శ్రీనివాసులరెడ్డిలు కలిశారు. అనంతరం, బైరెడ్డి సిద్దార్థ రెడ్డి మాట్లాడుతూ..‘కట్టు కథతో‌ మిథున్ రెడ్డిని జైల్లో పెట్టారు. మిథున్ రెడ్డి అరెస్టు ఆశ్చర్యం కలిగించలేదు. దేశంలోనే పెద్ద స్థాయికి ఎదిగిన వ్యక్తి మిథున్ రెడ్డి. చిత్తూరు జిల్లాకు చెందిన వ్యక్తి పెద్ద స్థాయిలో ఉంటే భవిష్యత్తులో టీడీపీకి ఇబ్బంది అని భావించి, అక్రమ కేసులో అరెస్టు చేశారు. కూటమి గాలిలో ఉమ్మడి రాష్ట్రానికి మాజీ ముఖ్యమంత్రిగా పనిచేసిన కిరణ్ కుమార్ రెడ్డిపై మిథున్ రెడ్డి విజయం సాధించారు. ఆయన ఆత్మస్థైర్యాన్ని దెబ్బతీయటానికే అరెస్టు చేశారు. కస్టడీకి ఎందుకు ఇప్పటి వరకు పిలవలేదు. ఇటువంటి కేసులు ఎక్కువ కాలం నిలబడవు. కథలు చెప్పి వాటిని నమ్మించే ప్రయత్నం చేస్తున్నారు. 30,000 మంది అమ్మాయిలు మిస్ అయ్యారని చెప్పారు ఒక్కరినైనా తిరిగి తీసుకొచ్చారా?. గత ప్రభుత్వంలో కల్తీ లిక్కర్ తాగి చనిపోయారు అన్నారు.. ఒక్క ఆధారమైన ఉందా?.కల్తీ మద్యంతో ఎంతో మంది ఆసుపత్రి పాలైతే ఒక కేసు అయినా నమోదు చేశారా?. గత ప్రభుత్వం సుగాలి ప్రీతి కేసు ఆధారాలు చెరిపేసిందని పవన్ కళ్యాణ్ వ్యాఖ్యానించటం దారుణం. ప్రీతి కేసులో ఆమె తల్లిదండ్రులు.. టీడీపీ నాయకులపై ఆరోపణలు చేశారు. వైఎస్‌ జగన్‌ అన్నివేళలా మద్దతుగా ఉన్న వ్యక్తులకు మా మద్దతు కూడా ఎప్పుడూ ఉంటుంది. అన్నదాత సుఖీభవ గానీ ఇతర ఏ ప్రభుత్వ పథకం గాని ఇప్పటివరకు సక్రమంగా అమలు చేయలేదు ఒక్క అభివృద్ధి కార్యక్రమం కూడా చేయలేదు. మిథున్ రెడ్డి ఎంపీ అయినా కేటాయించాల్సిన సదుపాయాలు కూడా కల్పించడం లేదు. జైల్లో కూడా ఇబ్బందికరమైన పరిస్థితులు ఉన్నాయి’ అని చెప్పుకొచ్చారు.మేడపాటి షర్మిల రెడ్డి మాట్లాడుతూ..‘కూటమి ప్రభుత్వం డైవర్షన్ పాలిటిక్స్ చేస్తుంది. సాక్ష్యాలు లేకుండా లిక్కర్ కేసులో మిథున్ రెడ్డిని ఇరికించారు. భవిష్యత్తులో వైఎస్సార్‌సీపీకి మంచి రోజులు వస్తాయి’ అని తెలిపారు.

సాక్షి, తూర్పుగోదావరి: రాజమండ్రి జైలు నుంచి ఎంపీ మిథున్‌రెడ్డి విడుదలయ్యారు. మిథున్‌రెడ్డికి ఏసీబీ కోర్టు మధ్యంతర బెయిల్‌ ఇచ్చిన సంగతి తెలిసిందే. ఉప రాష్ట్రపతి ఎన్నికల్లో ఓటు వేసేందుకు ఆయనకు అనుమతి ఇచ్చిన కోర్టు.. ఈ నెల 11న తిరిగి సరెండర్‌ కావాలని ఆదేశించింది.అక్రమ మద్యం కుంభకోణం కేసులో సిట్‌ ఎంపీ మిథున్‌రెడ్డి పేరును ఏ4గా చేర్చింది. సుప్రీం కోర్టులో ముందస్తు బెయిల్‌ తిరస్కరణకు గురికాగా.. కోర్టు ఆదేశాల మేరకు జూలై 19వ తేదీన సిట్‌ ఎదుట విచారణకు హాజరయ్యారు. అయితే సుదీర్ఘంగా ఆయన్ని విచారించిన అనంతరం అదే రోజు రాత్రి సిట్‌ అరెస్ట్‌ చేసింది.ఈ క్రమంలో.. కోర్టుల్లో ఉపశమనం కోసం ఆయన ప్రయత్నిస్తున్నారు. ఉప రాష్ట్రపతి ఎన్నిక నేపథ్యంలో ఎంపీ పీవీ మిథున్ రెడ్డి మధ్యంతర బెయిల్ పిటిషన్ వేశారు. తాను ఓటేయాల్సిన అవసరం ఉందని అందులో పేరొన్నారాయన. అయితే.. మిథున్‌రెడ్డి పిటిషన్‌కు అర్హత లేదని సిట్‌ వాదించింది. ఉప రాష్ట్రపతి ఎన్నికలను సాకుగా చూపుతూ బెయిల్ కోరడం సహేతుకం కాదు అని అభిప్రాయపడింది. చివరకు కోర్టు మిథున్‌రెడ్డి తరఫు లాయర్ల వాదనకే మొగ్గు చూపిస్తూ మధ్యంతర బెయిల్‌ ఇచ్చింది. సెప్టెంబర్‌ 9వ తేదీన ఉప రాష్ట్రపతి ఎన్నిక జరగనుంది.

సాక్షి, విజయవాడ: వైఎస్సార్‌సీపీ రాజంపేట ఎంపీ మిథున్‌రెడ్డికి మధ్యంతర బెయిల్‌ లభించింది. ఉప రాష్ట్రపతి ఎన్నికల్లో ఓటేసేందుకు అనుమతిస్తూ ఏసీబీ కోర్టు శనివారం ఈ ఉత్తర్వులు జారీ చేసింది. తిరిగి 11వ తేదీన సరెండర్‌ కావాలని ఆయన్ని కోర్టు ఆదేశించింది.అక్రమ మద్యం కుంభకోణం కేసులో సిట్‌ ఎంపీ మిథున్‌రెడ్డి పేరును ఏ4గా చేర్చింది. సుప్రీం కోర్టులో ముందస్తు బెయిల్‌ తిరస్కరణకు గురికాగా.. కోర్టు ఆదేశాల మేరకు జూలై 19వ తేదీన సిట ఎదుట విచారణకు హాజరయ్యారాయన. అయితే సుదీర్ఘంగా ఆయన్ని విచారించిన అనంతరం అదేరోజు రాత్రి సిట్‌ అరెస్ట్‌ చేసింది. ఈ క్రమంలో.. కోర్టుల్లో ఉపశమనం కోసం ఆయన ప్రయత్నిస్తున్నారు. ఉపరాష్ట్రపతి ఎన్నిక నేపథ్యంలో వైఎస్ఆర్‌సీపీ ఎంపీ పీవీ మిథున్ రెడ్డి మధ్యంతర బెయిల్ పిటిషన్ వేశారు. తాను ఓటేయాల్సిన అవసరం ఉందని అందులో పేరొన్నారాయన. అయితే.. మిథున్‌రెడ్డి పిటిషన్‌కు అర్హత లేదని సిట్‌ వాదించింది. ఉపరాష్ట్రపతి ఎన్నికలను సాకుగా చూపుతూ బెయిల్ కోరడం సహేతుకం కాదు అని అభిప్రాయపడింది. చివరకు కోర్టు మిథున్‌రెడ్డి తరఫు లాయర్ల వాదనకే మొగ్గు చూపిస్తూ మధ్యంతర బెయిల్‌ ఇచ్చింది. సెప్టెంబర్‌ 9వ తేదీన ఉపరాష్ట్రపతి ఎన్నిక జరగనుంది.

సాక్షి,తూర్పుగోదావరి జిల్లా: ప్రభుత్వం ఎంపీ మిథున్‌రెడ్డిని దోషిగా ప్రచారం చేస్తోంది. ప్రభుత్వం కేసులు పెట్టినంత మాత్రాన ఎంపీ మిథున్‌రెడ్డి దోషి ఎలా అవుతారని మాజీ మంత్రి ధర్మాన ప్రసాద్‌రావు ప్రశ్నించారు. బుధవారం రాజమండ్రి సెంట్రల్‌ జైల్లో మిథున్‌రెడ్డితో వైఎస్సార్‌సీపీ నేతలు భేటీ అయ్యారు.ఈ సందర్భంగా మాజీ మంత్రి ధర్మాన ప్రసాద్‌రావు మీడియాతో మాట్లాడారు. ప్రభుత్వం మిధున్ రెడ్డిని దోషి అన్న విధంగా ప్రచారం చేస్తుంది.కేవలం కొన్ని ఆరోపణలు మాత్రమే వచ్చాయి. న్యాయవ్యవస్థ దోషి అని నిర్ధారించలేదు.ప్రభుత్వం కేసులు పెట్టిన వారంతా దోషులు కాదు. న్యాయ వ్యవస్థ నిర్ధారించనంత వరకూ వ్యక్తిగానే చూడాలి.వారి కుటుంబానికి అందరూ అండగా ఉంటాం.చిత్తూరు జిల్లాలో ప్రతి కుటుంబంతో వారికి మంచి సంబంధాలు ఉన్నాయి. సహజంగానే ప్రత్యర్ధులకు కోపం ఉంటుంది. చార్జిషీటు వేయనివ్వడం లేదని మండిపడ్డారు.

సాక్షి, తూర్పుగోదావరి: ఏపీ పోలీసులు 15 నెలలుగా రాష్ట్రంలో శాంతి భద్రతలు కాపాడాలనే లక్ష్యాన్ని మరిచిపోయారని అన్నారు టీటీడీ మాజీ చైర్మన్‌ భూమన కరుణాకర్‌ రెడ్డి. కూటమి ప్రభుత్వం రాష్ట్రంలో లేని లిక్కర్‌ స్కాంను సృష్టించి.. వైఎస్సార్‌సీపీ నేతలను అరెస్ట్‌ చేసిందని మండిపడ్డారు.రాజమండ్రి సెంట్రల్ జైలు రిమాండ్‌లో ఉన్న ఎంపీ మిథున్ రెడ్డిని ములాఖత్‌లో మాజీ ఎమ్మెల్యే కరుణాకర్ రెడ్డి, మాజీమంత్రి ధర్మాన కృష్ణ దాస్, డాక్టర్ గూడూరి శ్రీనివాస్ కలిశారు. అనంతరం, భూమన మీడియాతో మాట్లాడుతూ.. ఏదో ఒక నెపంతో వైఎస్సార్‌సీపీ నేతలపై అక్రమ కేసులు పెడుతున్నారు. వైఎస్సార్‌సీపీ నాయకులను కేసులతో వేధిస్తున్నారు. మిథున్ రెడ్డిని అరెస్టు చేయడం ద్వారా వైఎస్‌ జగన్ నైతికతను దెబ్బతీయ వచ్చని భావిస్తున్నారు. అందులో భాగంగానే లేని లిక్కర్ స్కాంను సృష్టించి వైఎస్సార్‌సీపీ నేతలను, అధికారులను అరెస్టు చేశారు. ఎన్ని ఆటంకాలు సృష్టించినా ప్రశ్నించడంలో ఏమాత్రం వెనకడుగు వేయం. మిథున్ రెడ్డి మానసికంగా ధైర్యంగా ఉన్నారు. కార్యకర్తలందరినీ జైల్లో పెట్టినా ఏమాత్రం భయపడేది లేదు. ఎన్ని రోజులు జైల్లో పెట్టిన మా మనో నిబ్బరాన్ని దెబ్బ తీయలేరు’ అని అన్నారు.మాజీ మంత్రి ధర్మాన కృష్ణ దాస్ మాట్లాడుతూ..‘కూటమి ప్రభుత్వం అధికారంలోకి వచ్చిన నాటి నుంచి వైఎస్సార్‌సీపీ నేతలను లక్ష్యంగా చేసుకుని జైలు పాలు చేస్తోంది. మిథున్ రెడ్డిని కూటమి ప్రభుత్వం అన్యాయంగా జైలుకు పంపించింది. మిథున్ రెడ్డి కూడా ధైర్యంగా ఉన్నారు. న్యాయం కోసం పోరాడుదామని చెప్పారు’ అని తెలిపారు.

సాక్షి, తూర్పుగోదావరి జిల్లా: రాజమండ్రి సెంట్రల్ జైలులో వైఎస్సార్‌సీపీ ఎంపీ మిథున్‌రెడ్డితో మాజీ మంత్రి శంకరనారాయణ, మాజీ ఎంపీ గోరంట్ల మాధవ్ ములాఖత్ అయ్యారు. అనంతరం మాజీ మంత్రి శంకర్ నారాయణ మీడియాతో మాట్లాడుతూ.. అభూత కల్పనలతో లిక్కర్ స్కాం కేసు తయారు చేశారని.. పెద్దిరెడ్డి రామచంద్రారెడ్డి కుటుంబ ప్రతిష్టను దెబ్బతీయడానికే మిథున్ రెడ్డిని అక్రమంగా అరెస్ట్‌ చేశారని మండిపడ్డారు. జగన్ ప్రతిష్టను దెబ్బతీసేందుకు చంద్రబాబు చేస్తున్న కుట్రలను ఎదుర్కొంటామన్నారు.మాజీ ఎంపీ గోరంట్ల మాధవ్ మాట్లాడుతూ.. కూటమి ప్రభుత్వం 15 నెలల్లో జైలు, బెయిల్‌తోనే కాలం గడిచిపోయిందని.. ఇందిరాగాంధీ ఎమర్జెన్సీ కంటే అధికంగా ప్రతిపక్షాలను చంద్రబాబు ఇబ్బంది పెడుతున్నారని ఆయన వ్యాఖ్యానించారు. గతంలో చంద్రబాబు ఉన్నప్పుడు ఇదే సెంట్రల్ జైలు వద్ద పవన్ కళ్యాణ్ వచ్చారు. అప్పుడు జైలు వద్ద పవన్ కళ్యాణ్ మాటలు కోటల దాటాయి. ఇప్పుడు ఆయన గడప కూడా దాటే పరిస్థితి కూడా కనిపించడం లేదు. జైల్లో మిథున్ రెడ్డిని హింస పెడుతున్నారు. పాకిస్తాన్ బోర్డర్ కంటే ఎక్కువగా సెంట్రల్ జైలు వద్ద భారీ గేడ్లు కట్టారు’’ అంటూ గోరంట్ల మాధవ్‌ మండిపడ్డారు.మాజీ ఎంపీ మార్గాని భరత్‌ మాట్లాడుతూ.. రూ.3500 కోట్ల లిక్కర్ స్కామ్ అంటున్నారు.. మనీ ట్రైల్ ఎలా జరిగిందో 90 రోజులైనా నిరూపించలేకపోయారు. మద్యం డిస్టిలరీలు ఎవరికి ముడుపులు ఇచ్చారో ప్రజలకు చెప్పలేకపోతున్నారు. ఎల్లకాలం ఈ ప్రభుత్వం ఉండదు. రాబోయేది వైఎస్‌ జగన్‌ ప్రభుత్వం. కక్ష సాధింపు చర్యలకు పాల్పడేవారు మూల్యం చెల్లించుకోక తప్పదు’’ అని ఆయన హెచ్చరించారు.

సాక్షి, తూర్పుగోదావరి: ఏపీలో వైఎస్సార్‌సీపీ నాయకుల విషయంలో కూటమి ప్రభుత్వం కక్షపూరితంగా వ్యవహరిస్తోందని ఆరోపించారు మాజీ మంత్రి పెద్దిరెడ్డి రామచంద్రారెడ్డి. జైలులో ఉన్న ఎంపీ మిథున్‌ రెడ్డికి కోర్టు డైరెక్షన్‌ ప్రకారం ఇచ్చిన సదుపాయాలు కూడా అమలు కావడం లేదన్నారు.మాజీ మంత్రి, వైఎస్సార్‌సీపీ ఎమ్మెల్యేపెద్దిరెడ్డి రామచంద్రారెడ్డి ఈరోజు రాజమండ్రి సెంట్రల్‌ జైలులో ఉన్న ఆయన కుమారుడు, ఎంపీ మిథున్‌ రెడ్డిని కలిశారు. అనంతరం, పెద్దిరెడ్డి మీడియాతో మాట్లాడుతూ.. వైఎస్సార్‌సీపీ నాయకుల విషయంలో కూటమి ప్రభుత్వం కక్షపూరితంగా వ్యవహరిస్తోంది. గతంలో జైలు వద్ద పోలీసుల ఆంక్షలు ఏ విధంగా ఉండేవో.. ఇప్పుడు ఎలా ఉన్నాయో స్పష్టంగా కనపడుతోంది. ప్రభుత్వం ఈ రకంగా వ్యవహరించడం సరికాదు. కోర్టు డైరెక్షన్ ప్రకారం ఇచ్చిన సదుపాయాలు కూడా అమలు కావటం లేదు. చంద్రబాబు సెంట్రల్ జైల్లో ఉన్న సమయంలో అప్పటి ప్రభుత్వం ఈ రకంగా ఎప్పుడు ప్రవర్తించలేదు. జైలు నుంచి బయటకు వచ్చిన తర్వాత మిథున్‌ రెడ్డి మరింత సమర్థవంతంగా రాణిస్తారని భావిస్తున్నాను అంటూ వ్యాఖ్యలు చేశారు.

తూర్పుగోదావరి జిల్లా. మద్యం కేస్ పూర్తిగా ఫ్యాబ్రికేటెడ్ అని, ఇందులో వాస్తవాలు లేవని మాజీ మంత్రి బొత్స సత్యనారాయణ స్పష్టం చేశారు. వ్యక్తిగతంగా మిధున్ రెడ్డి కుటుంబాన్ని అవమాన పరచాలనే ఉద్దేశంతోనేఈ తతంగమంతా జరిగినట్టు అర్థం అవుతుందన్నారు. ఈరోజు(మంగళవారం, ఆగస్టు 19వ తేదీ) రాజమండ్రి సెంట్రల్‌ జైల్లో ఎంపీ మిథున్‌రెడ్డిని ములాఖత్‌లో బొత్స సత్యనారాయణ కలిశారు. అనంతరం మాట్లాడుతూ.. ‘ ప్రభుత్వాలు వ్యవస్థను డైవర్ట్ చేసి ఇటువంటి కార్యక్రమాలు చేయటం తగదు. రానున్న రోజుల్లో పరిణామాలు తీవ్రంగా ఉంటాయి. చివరకు ధర్మం గెలుస్తుందిఈ నెల 25 మా నాయకుడు వస్తున్నారు. ఈ ప్రభుత్వంలో చట్టబద్ధంగా న్యాయబద్ధంగా జరుగుతాయని సదుపాయాలు కల్పిస్తారని అంచనా వేయనవసరం లేదు. చట్టాన్ని ఒకసారి చేతిలోకి తీసుకుని వ్యవస్థకు తూట్లు పొడుస్తున్నారు. అది వారినే దహించి వేస్తుంది. అవాస్తవాలు చెప్పి ఇబ్బంది పెట్టే ప్రయత్నం చేస్తున్నారు. రానున్న కాలంలో నిజానిజాలు బయటికి వస్తాయి. వ్యక్తులను అవమానపరిచి కుటుంబాన్ని ఇబ్బంది పెట్టే ప్రయత్నం చేస్తున్నారు’ అని బొత్స ధ్వజమెత్తారు.

సాక్షి, తూర్పుగోదావరి: రాజమండ్రి సెంట్రల్ జైల్లో వైఎస్సార్‌సీపీ ఎంపీ మిథున్ రెడ్డికి తన సోదరితో రాఖీ కట్టే అవకాశం ఇవ్వకపోవడం దారుణమని వైఎస్సార్‌సీపీ నేతలు మండిపడ్డారు. కోర్టు డైరెక్షన్లను కూడా జైలు అధికారులు అమలు చేయడం లేదన్నారు. మిథున్‌రెడ్డికి సరైన సదుపాయాలు కల్పించడం లేదని ఆరోపించారు.రాజమండ్రి సెంట్రల్ జైలులో ఎంపీ మిథున్‌ రెడ్డిని ఆయన సోదరి శక్తి రెడ్డి, తిరుపతి ఎంపీ గురుమూర్తి, మాజీ ఎంపీ మార్గాని భరత్‌ కలిసేందుకు వెళ్లారు. ఈ క్రమంలో రాఖీ పౌర్ణమి సందర్భంగా సోదరుడికి రాఖీ కట్టేందుకు తీసుకు వెళుతున్న రాఖీలను జైలు అధికారులు వాటిని వెనక్కి పంపించారు. దీంతో, రాఖీలు లేకుండానే ఆమె ములాఖత్‌కు వెళ్లారు.అనంతరం, ఎంపీ గురుమూర్తి మీడియాతో మాట్లాడుతూ..‘ప్రభుత్వం వ్యవహరిస్తున్న తీరు దారుణంగా ఉంది. చేదు అనుభవాలతో జైలులోకి వెళ్లాల్సి వచ్చింది. రక్షాబంధన్‌ రోజున సోదరితో రాఖీ కట్టడానికి కూడా అవకాశం ఇవ్వలేదు. కోర్టు ఇచ్చిన డైరెక్షన్‌ను సైతం జైలు అధికారులు అమలు చేయడం లేదు. కేవలం ప్రతిపక్ష నేతలు ములాఖత్‌కు వెళితే జైలు ఎదుట ఇంత భారీ భద్రత అవసరమా?. అసలు తప్పు చేసిందే కూటమి ప్రభుత్వం. కేబినేట్ అనుమతులు లేకుండా జీవోలు జారీ చేసింది అప్పటి టీడీపీ ప్రభుత్వమే. 2014-19 మధ్యలో వేల కొద్దీ బెల్డ్ షాపులు ఏర్పాటు చేశారు. పాదయాత్రలో మహిళలు కోరిన మీదట 2019లో అధికారంలోకి వచ్చిన తర్వాత వైఎస్ జగన్ మద్యం నియంత్రణ చేసే కార్యక్రమం ప్రారంభించారు. ప్రభుత్వానికి ఆదాయం తగ్గకుండా, విచ్చలవిడిగా మద్యం చలామణి కాకుండా వైఎస్ జగన్ చర్యలు చేపట్టారు. కూటమి ప్రభుత్వం ప్రజలను తప్పుదోవ పట్టించే ప్రయత్నం చేస్తుంది అంటూ మండిపడ్డారు.మాజీ ఎంపీ మార్గాన్ని భరత్ మాట్లాడుతూ..‘కనీసం పోలీసుల సమక్షంలోనైనా రాఖీ కట్టడానికి మిథున్ రెడ్డి సోదరికి అవకాశం ఇవ్వకపోవడం దారుణం. కూటమిలో మిగిలిన పార్టీలకు వాయిస్ లేదు.. కూటమి అంటే కేవలం టీడీపీ మాత్రమే. ఏపీలో మద్యం పాలసీ దారుణంగా ఉంది. మందుబాబులు రోడ్లపైనే తాగేస్తున్నారు. ప్రతి మద్యం షాప్‌నకు అనధికార పర్మిట్ రూమ్ ఉంది. టీడీపీ నేతలు బందిపోటు ముఠాలా మారి ప్రజలపై రాబందుల్లా పడ్డారు. మద్యం పాలసీ రూపొందించిన తరువాత కమీషన్లు ఎలా పెంచారు. పెరిగిన కమీషన్లు కరకట్ట ప్యాలెస్‌కి వెళ్లాలా?. ఇది కదా స్కామ్‌ అంటే. డిస్టలరీలకు ప్రివిలైజ్ ఫీజు మీరు ఎందుకు మాఫీ చేశారు. రాష్ట్ర ప్రజలకు 3000 కోట్లు ఎందుకు నష్టం చేశారు. ప్రస్తుతం ఏపీలో 60 వేలకు తగ్గకుండా బెల్ట్ షాపులు ఉన్నాయి. 2019-24 వరకూ రాష్ట్రంలో ఒక్క బెల్ట్ అయినా ఉందా?. ఆలస్యమైనా అంతిమంగా న్యాయమే గెలుస్తుంది’ అని అన్నారు.

సాక్షి, విజయవాడ: మద్యం అక్రమ కేసులో మిథున్‌రెడ్డి బెయిల్‌పై ఏసీబీ కోర్టు తీర్పు రిజర్వ్‌ చేసింది. మిథున్ రెడ్డి బెయిల్ పిటిషన్‌పై వాదనలు ముగిశాయి. ఈ నెల 12న బెయిల్ పిటీషన్‌పై విజయవాడ ఏబీసీ కోర్టు తీర్పు ఇవ్వనుంది.ముగ్గురు సాక్షులు ఇచ్చిన వాంగ్మూలాల్లో ఎక్కడా మిథున్‌రెడ్డి పాత్ర ఉందని చెప్పలేదని ఆయన తరఫు లాయర్‌ తెలిపారు. అసలు లిక్కర్‌ స్కామే జరగలేదని న్యాయవాది తెలిపారు. ‘‘ఇప్పటివరకు మిథున్‌రెడ్డిని సిట్‌ కస్టడీకి కోరలేదు. పీఎల్‌ఆర్‌ కంపెనీకి ట్రాన్స్‌ఫర్‌ అయిన నగదును తిరిగి మళ్లీ చెల్లించడం జరిగింది. మిథున్ రెడ్డికి బెయిల్ మంజూరు చేయాలి’ అని న్యాయవాది కోరారు.

సాక్షి, విజయవాడ: లిక్కర్‌ కేసులో అరెస్టైన వైఎస్సార్‌సీపీ ఎంపీ మిథున్‌రెడ్డి.. ఏసీబీ న్యాయమూర్తి ఎదుట ఇవాళ ఓ విన్నపం చేశారు. శుక్రవారం బెయిల్‌ పిటిషన్‌పై విచారణ సందర్భంగా.. ‘‘నేను మూడుసార్లు ఎంపీగా చేశా. ప్రస్తుతం సిట్టింగ్‌ ఎంపీగా ఉన్నా. నేను ఎలాంటి స్కాం చేయలేదు. ఇది ఒక​ అక్రమ కేసు. నేనేం దేశం విడిచి ఎక్కడికీ పారిపోను. నాకు బెయిల్‌ మంజూరు చేయాలి’’ అని కోరారాయన. ఇదిలా ఉంటే.. వైఎస్సార్‌సీపీ హయాంలో మద్యం కుంభకోణం జరిగిందనే అభియోగాల మీద వైఎస్సార్‌సీపీ ఎంపీ మిథున్‌రెడ్డిని సిట్‌ అరెస్ట్‌ చేసింది. ఈ కేసులో ఏ4 నిందితుడిగా ఉన్నారీయన. జులై 20వ తేదీన సిట్‌ విచారణకు హాజరైన మిథున్‌రెడ్డిని.. ఏడుగంటల పాటు అధికారులు విచారించారు. ఆపై రాత్రి సమయంలో అరెస్ట్‌ చేశారు. ఏసీబీ కోర్టు ఆగస్టు 1 దాకా రిమాండ్‌ విధించింది. ఆ రిమాండ్‌ నేటితో ముగియనుంది.ఇదిలా ఉంటే.. మిథున్‌రెడ్డి అరెస్ట్‌ను వైఎస్సార్‌సీపీ రాజకీయ కక్షసాధింపుగా అభివర్ణిస్తోంది. జరగని స్కామ్‌ జరిగినట్లుగా తప్పుడు ఆధారాలు, సాక్ష్యాలు, వాంగ్మూలాలతో తమ కీలక నేతలను వేధింపులకు గురి చేస్తోందని కూటమి ప్రభుత్వంపై మండిపడుతోంది.

సాక్షి, తూర్పుగోదావరి: రాజమండ్రి సెంట్రల్ జైల్లో రిమాండ్‌లో ఉన్న ఎంపీ మిథున్‌ రెడ్డిని ఆయన కుటుంబ సభ్యులు కలిశారు. మిథున్‌ రెడ్డితో ఆయన తల్లి స్వర్ణలత, చెల్లి శక్తి రెడ్డి, బావ అఖిల్, ములాఖత్‌ అయ్యారు. వీరితో పాటుగా వైఎస్సార్‌సీపీ నేతలు కూడా అక్కడికి వెళ్లారు. ఈ సందర్బంగా మిథున్‌ రెడ్డి ఆరోగ్య పరిస్థితిని కుటుంబ సభ్యులు అడిగి తెలుసుకున్నారు. ఈ క్రమంలో, ఆయన తల్లి స్వర్ణలత భావోద్వేగానికి గురయ్యారు. మిథున్ రెడ్డి పరిస్థితిని చూసి కన్నీటి పర్యంతమయ్యారు.అనంతరం, మిథున్‌ రెడ్డి తల్లి స్వర్ణలత మాట్లాడుతూ.. ‘అన్యాయంగా నా కుమారుడిని జైల్లో పెట్టారు. టెర్రరిస్టులను చూసినట్టు చూస్తున్నారు. కనీస సదుపాయాలు కల్పించలేదు. కాస్త మెరుగైన సదుపాయాలు అందించాలని కోరుతున్నాం’ అని అన్నారు.మాజీ మంత్రి వేణుగోపాలకృష్ణ మాట్లాడుతూ..‘కూటమి ప్రభుత్వం కక్ష సాధింపు రాజకీయాలను కొనసాగిస్తోంది. చంద్రబాబు జైల్లో ఉన్న సమయంలో ఆయనకు ఇచ్చిన సదుపాయాలపై ఏనాడు రివ్యూ పిటిషన్ వేయలేదు. ఏసీ సదుపాయం కూడా కల్పించాం. జైలు అధికారులపై ప్రభుత్వ ఒత్తిడి ఎంత ఉందో రివ్యూ పిటిషన్ వేయడం చూస్తే అర్థమవుతుంది. పెద్దిరెడ్డి కుటుంబంపై చంద్రబాబు కక్ష సాధించే ప్రయత్నం చేస్తున్నారు. ప్రభుత్వం అమలు చేస్తున్న డైవర్షన్ పాలిటిక్స్‌ను ప్రజలు గమనిస్తున్నారు’ అని తెలిపారు. డాక్టర్ గూడూరు శ్రీనివాస్ మాట్లాడుతూ..‘ప్రభుత్వం దారుణమైన విధానాలను అనుసరిస్తోంది. పెద్దిరెడ్డి కుటుంబంపై చంద్రబాబు కక్ష తీర్చుకుంటున్నారు. మిథున్ రెడ్డిని అన్యాయంగా మద్యం కేసులో ఇరికించారు. కచ్చితంగా ప్రజలంతా గమనిస్తున్నారు. కూటమి ప్రభుత్వానికి త్వరలో ప్రజలే బుద్ధి చెబుతారు’ అని వ్యాఖ్యలు చేశారు.

సాక్షి, రాజమండ్రి: కూటమి పాలనతో ఏపీలో ప్రజాప్రతినిధులకు గౌరవం లేకుండా పోయిందని మాజీ మంత్రి పెద్దిరెడ్డి రామచంద్రారెడ్డి అన్నారు. రాజమండ్రి జైలులో బుధవారం వైఎస్సార్‌సీపీ ఎంపీ మిథున్‌రెడ్డితో ములాఖత్‌ అయిన అనంతరం వైఎస్సార్‌సీపీ నేతలతో కలిసి ఆయన మీడియాతో మాట్లాడారు. ఏపీలో తాలిబన్ల పాలన నడుస్తోంది. ఏపీలో ప్రజాప్రతినిధులకు గౌరవం లేకుండా పోయింది. కూటమి సర్కార్‌ అప్రజాస్వామిక్యంగా వెళ్తోంది. వైఎస్సార్‌సీపీ నేతలను లక్ష్యంగా చేసుకుని వేధిస్తున్నారు. ఈ ప్రభుత్వ చర్యలు చాలా ప్రమాదకరంగా ఉంటున్నాయి. అయినా మిథున్‌రెడ్డి కూటమి ప్రభుత్వ వేధింపులను దీటుగా ఎదుర్కొంటున్నారు. అయితే న్యాయపరంగా అందాల్సిన చర్యలను కూడా కూటమి అడ్డుకోవాలని చూస్తోంది. ఈ అన్యాయాలపై కచ్చితంగా న్యాయస్థానాలను ఆశ్రయిస్తాం. ఈ ప్రభుత్వానికి తగిన బుద్ధి చెబుతాం అని పెద్దిరెడ్డి అన్నారు. వైఎస్సార్‌సీపీ హయాంలో లిక్కర్‌ స్కామ్‌ జరిగిందనేది కూటమి కుట్రేనని పెద్దిరెడ్డి రామచంద్రారెడ్డి అన్నారు. చంద్రబాబు పర్మిషన్‌ ఇచ్చిన డిస్టలరీలతోనే వైఎస్సార్‌సీపీ ప్రభుత్వం కొనుగోలు జరిపింది. మా పాలనలో ప్రభుత్వమే మద్యం దుకాణాలను నిర్వహించింది. కానీ, కూటమి పాలనలో ఇంటింటికి మద్యం సరఫరా చేస్తున్నారు అని మండిపడ్డారాయన.కూటమి ప్రభుత్వం డైవర్షన​ పాలిటిక్స్‌ చేస్తోంది. వైఎస్సార్‌సీపీ హయాంలో ఒక్క డిస్టలరీకి కూడా అనుమతి ఇవ్వలేదు. మిథున్‌రెడ్డిపై లేనిపోని నిందలు వేస్తున్నారు. ఆయనపై పెట్టింది అక్రమ కేసు. వైఎస్సార్‌సీపీకి ఆయనకు అండగా ఉంటుంది మాజీ హోం మంత్రి అనిత అన్నారు.ప్రతిపక్షం నోరు నొక్కాలని చూస్తున్నారు. కూటమి ప్రభుత్వ వేధింపులకు భయపడి వెనక్కి తగ్గం అని మాజీ ఎంపీ మార్గాని భరత్‌ అన్నారు.

కుట్రలు తప్ప తెలియనివాడికీ, వంచనతప్ప మరేదీ చేతగానివాడికీ మనుగడ కోసం కట్టుకథలను ఆశ్రయించటం తప్ప దిక్కులేదు. ఈవీఎంల మాయాజాలంతో ఏపీలో నిరుడు గద్దెనెక్కింది మొదలు కూటమి ప్రభుత్వం రౌడీలనూ, గూండాలనూ ప్రోత్సహించి హత్యలకూ, దౌర్జన్యాలకూ తెగబడటంతో పాటు తప్పుడు కేసులతో చెలరేగిపోతోంది. రెడ్‌ బుక్‌లో సరికొత్త అంకం లిక్కర్‌ స్కాం! ఆ పేరిట ఇప్పటికే కొంతమంది మాజీ అధికారులను జైలుపాలు చేసిన ప్రభుత్వం, తాజాగా వైఎస్సార్‌ కాంగ్రెస్‌ ఎంపీ మిథున్‌ రెడ్డిని అరెస్టు చే సింది. విద్యార్థి రాజకీయాల నాటినుంచీ తనకు బద్ధ వ్యతిరేకి అయిన మాజీ మంత్రి, వైఎస్సార్‌ కాంగ్రెస్‌ సీనియర్‌ నాయకుడు పెద్దిరెడ్డి రామ చంద్రారెడ్డిపై కక్ష తీర్చుకోవటానికే ఆయన కుమారుడు మిథున్‌రెడ్డిని ఇందులో ఇరికించారన్నది బహిరంగ రహస్యం. 2014–19 మధ్య అధికారం వెలగబెడుతున్నప్పుడు తన బినామీలకూ, సన్నిహితులకూ నిబంధనలు కాదని డిస్టిలరీలు పెట్టుకోవటానికి, మద్యం ఉత్పత్తికి ఎడాపెడా అనుమతులిచ్చి చీకటి జీవోల సాక్షిగా దొరికిపోయిన ముఖ్యమంత్రి చంద్రబాబు కుంభకోణానికి ఆస్కారమే లేనిచోట ఏదో జరిగిపోయిందంటూ ఊదరగొడుతున్నారు. ‘ఆత్రగాడికి బుద్ధి మట్టు’ అనే నానుడి ఉత్తపుణ్యాన రాలేదు. ఎదుటివారిపై బురద చల్లి ఏదోరకంగా వారికి అవినీతి మకిలి అంటి ద్దామని తండ్రీ కొడుకులు పడుతున్న తాపత్రయం వాస్తవాల ముందు బొక్కబోర్లా పడుతోంది.వైఎస్సార్‌ కాంగ్రెస్‌ పాలనలో తీసుకొచ్చిన మద్యం విధానంలో కొత్తగా ఒక్కటంటే ఒక్క డిస్టిలరీకి అనుమతినిచ్చిన వైనం లేదు. సరిగదా... అంతకుముందు టీడీపీ ఏలుబడిలో చెలరేగిన మద్యం మాఫియా నడ్డి విరగ్గొట్టి, మద్యం దుకాణాలన్నిటినీ ప్రభుత్వపరం చేశారు. వాటి సంఖ్యను గణనీయంగా తగ్గించారు. మద్యం విక్రయ వేళల్ని కుదించారు. బాబు హయాంలో తామర తంపరగా పెరిగిపోయి, ఊరూవాడా జనం మూల్గులు పీల్చిన బెల్ట్‌ షాపుల జాడే లేకుండా చేశారు. పర్మిట్‌ రూమ్‌ల దందా అడ్డుకున్నారు. ఆ విధానం కారణంగా తమ అక్రమ సంపాదన నిలిచిపోగా లబోదిబోమని అప్పట్లో గగ్గోలు పెట్టింది తెలుగు దేశీయులే. మద్యపాన ప్రియుల్ని తగ్గించటానికి ఇన్ని చేసిన జగన్‌మోహన్‌ రెడ్డి ప్రభుత్వం ఏకంగా రూ. 3,500 కోట్ల రూపాయల కుంభకోణానికి పాల్పడిందట! అందులో భారీమొత్తం డొల్ల కంపెనీల ద్వారా దుబాయ్‌కి తరలిపోయిందట!! ఇంగితజ్ఞానం వున్నవారెవరికైనా ఇందులోని కపట నాటకం అర్థమవుతుంది. బురద చల్లటానికి వీళ్లకంటూ ఒక పద్ధతుంటుంది. ముందు ఎల్లోమీడియాలో తప్పుడు కథనాలు వండివార్చుతారు. ఏదో జరిగిపోయిందంటూ ఆ మీడియా పెడబొబ్బలు పెడుతుంది. వాటిని ఆధారం చేసుకుని కేసులు రూపొందుతాయి. వాటిపై దర్యాప్తుకంటూ సీఐడీ ఆధ్వర్యాన సిట్‌ ఏర్పాటవుతుంది. ఏం చేయడానికీ పాలుబోని సిట్‌... ఎల్లోమీడియా తప్పుడు కథనాలనే రీసైక్లింగ్‌ చేసి చార్జిషీట్లుగా రూపొందిస్తుంది. అవి న్యాయస్థానం మెట్లెక్కకుండానే ఎల్లోమీడియాకు చేరతాయి. తమకు విశ్వసనీయంగా తెలిసిందంటూ ఆ మీడియా పతాక శీర్షికలతో పండగ చేసుకుంటుంది. ఇంతకూ జనంలో ఇసుమంతైనా విశ్వసనీయత లేని ఈ మీడియాకు ‘విశ్వసనీయంగా’ చెప్పేవారెవరు? ఇంకెవరు... తండ్రీకొడుకులూ, వారి అడుగులకు మడుగులొత్తే వీర విధేయ అధికారులూ! తమ కథనాలే చార్జిషీట్లుగా అవతారమెత్తాయని, అవే న్యాయస్థానాల పరిశీలనకు పోతున్నాయని తెలియనట్టు, కొత్తగా ఆ రోజే బయట పడినట్టు ఎల్లోమీడియా వికృత విన్యాసాలకు తెగబడుతుంది. 13 వేల ఫోన్‌కాల్స్‌ట, వందలాది వాట్సాప్‌ చాటింగ్‌లట. దుబాయ్‌లో జల్సాలట. జనం నవ్విపోతారన్న వెరపే లేదు. వారిపట్ల జవాబుదారీతనం అసలే లేదు.జనానికిచ్చిన వాగ్దానాల్లో ఒక్కటంటే ఒక్కటి కూడా నెరవేర్చకుండా ఏడాదికాలం మాయమాటలతో కాలక్షేపం చేసిన కూటమి సర్కారు ప్రజల దృష్టి మళ్లించటానికి ఎంచుకున్న సరికొత్త డ్రామా లిక్కర్‌ కుంభకోణం. పనిలో పనిగా ప్రత్యర్థులను ఇబ్బందిపెట్టడం దీని ఆంతర్యం. 2014–19 మధ్య అధికారం వెలగబెడుతుండగా తన అంతేవాసులకు అడ్డగోలుగా లబ్ధి చేకూర్చి ఖజానాను కొల్లగొట్టింది చంద్రబాబే. ఇది వైఎస్సార్‌ కాంగ్రెస్‌ ఆరోపణ కాదు. సాక్షాత్తూ రాజ్యాంగబద్ధ సంస్థ కంప్ట్రోలర్‌ అండ్‌ ఆడిటర్‌ జనరల్‌ (కాగ్‌) విప్పిచెప్పిన లోగుట్టు. గుట్టుచప్పుడు కాకుండా స్వయంగా సంతకాలు చేసిన బాబు నిర్వాకం కారణంగా ఖజానాకు 2015–19 మధ్య రూ. 5,200 కోట్ల మేర గండి పడిందని ఆ సంస్థ బయటపెట్టింది. ఇదిగాక ఎంఆర్‌పీ కన్నా 20 శాతం అధిక ధరలకు విక్రయించి మరో రూ. 20,000 కోట్లు కొల్లగొట్టారని బయటపడటంతో 2023లో కేసు నమోదైన కారణంగా బాబు, ఆయన అనుచరగణం బెయిల్‌ కూడా తీసుకున్నారు. మళ్లీ అధికారంలోకొచ్చాక ఈ దోపిడీ మరింత విశృంఖలంగా పెరిగింది.తమ మద్యం కుంభకోణాన్ని చూసీచూడనట్టు వదిలేయకుండా కేసులుపెట్టి నడిబజారులో నిలబెట్టినందుకే బాబు కక్షతో రగిలిపోతున్నారు. పర్యవసానంగానే తాజా కేసు. జగన్‌ ప్రభుత్వ కొత్త మద్యం విధానంపై వాస్తవానికి 2021లోనే టీడీపీ కాంపిటీషన్‌ కమిషన్‌ ఆఫ్‌ ఇండియా(సీసీఐ)కు ఫిర్యాదుచేసింది. అందులో మొహం వాచేలా తీర్పు వెలువడింది. ఎలాంటి అవకతవకలూ జరగలేదని, మద్యం కొనుగోళ్ల విధానం పారదర్శకంగా వున్నదని సీసీఐ తేల్చిచెప్పింది. ఒకసారి ఛీకొట్టించుకున్నా బుద్ధిరాని పార్టీ ఇప్పుడు అధికారంలోకి ఎగబాకి నిస్సిగ్గుగా ఒక పెద్ద డ్రామాకు తెర లేపింది. ఈ ప్రహసనాన్ని జనం నిస్సందేహంగా తిప్పికొడతారు.

సాక్షి, విజయవాడ: రాజమండ్రి సెంట్రల్‌ జైలు అధికారులకు ఏసీబీ కోర్టు కీలక ఆదేశాలు జారీ చేసింది. ఎంపీ మిథున్‌రెడ్డికి జైల్లో వసతులపై ఆదేశాలిచ్చిన ఏసీబీ కోర్టు.. వారంలో మూడు సార్లు లాయర్ల ములాఖత్‌కు అనుమతి ఇచ్చింది.వారానికి మూడు సార్లు కుటుంబసభ్యుల ములాఖత్‌కు కూడా కోర్టు అనుమతులు ఇచ్చింది. బెడ్ సదుపాయం కల్పించాలని కోర్టు ఆదేశించింది. రోజుకొకసారి ఇంటి భోజనం తెచ్చుకునేందుకు అనుమతి ఇచ్చిన కోర్టు.. న్యూస్ పేపర్, మినరల్ వాటర్ అనుమతించాలని ఆదేశించింది.మద్యం కుంభకోణం కేసులో ఎంపీ మిథున్‌రెడ్డి దాఖలు చేసిన పిటిషన్లపై విజయవాడ ఏసీబీ కోర్టులో మంగళవారం వాదనలు జరిగాయి. రాజమండ్రి జైల్లో తనకు కేటాయించిన బ్లాక్‌లో సరైన సదుపాయలు లేవని చెబుతూ ఆయన పిటిషన్‌ వేసిన సంగతి తెలిసిందే. అయితే.. ఎంపీ మిథున్‌రెడ్డి సదుపాయాల పిటిషన్‌పై ఏసీబీ కోర్టు విచారణ జరిపింది. ఈ సందర్భంగా.. ఒక ఎంపీకి ఇవ్వాల్సిన సదుపాయాలు ఇస్తున్నారా? అని రాజమండ్రి సెంట్రల్ జైలు అధికారిని ఏసీబీ జడ్జి ప్రశ్నించారు.అయితే.. కోర్టు ఆదేశాలు ఇస్తే వాటిని అమలు చేస్తామని జైలు అధికారులు చెప్పారు. దీంతో.. చట్టాలు చేసే వారికి ఇవ్వాల్సిన సదుపాయాలు ఇవ్వాలి కదా అని జడ్జి అన్నారు. వాదనలు ముగియడంతో తీర్పు రిజర్వ్‌ చేస్తున్నట్లు తెలిపారు. అనంతరం ఈ పిటిషన్లపై ఏసీబీ కోర్టు కీలక ఆదేశాలు జారీ చేసింది.

సాక్షి, విజయవాడ: మద్యం కుంభకోణం కేసులో వైఎస్సార్‌సీపీ ఎంపీ మిథున్‌రెడ్డి దాఖలు చేసిన పిటిషన్లపై విజయవాడ ఏసీబీ కోర్టులో వాదనలు ముగిశాయి. రాజమండ్రి జైల్లో తనకు కేటాయించిన బ్లాక్‌లో సరైన సదుపాయలు లేవని చెబుతూ ఆయన పిటిషన్‌ వేసిన సంగతి తెలిసిందే. అయితే.. మంగళవారం ఎంపీ మిథున్‌రెడ్డి సదుపాయాల పిటిషన్‌పై ఏసీబీ కోర్టు విచారణ జరిపింది. ఈ సందర్భంగా.. ఒక ఎంపీకి ఇవ్వాల్సిన సదుపాయాలు ఇస్తున్నారా? అని రాజమండ్రి సెంట్రల్ జైలు అధికారిని ఏసీబీ జడ్జి ప్రశ్నించారు. అయితే.. కోర్టు ఆదేశాలు ఇస్తే వాటిని అమలు చేస్తామని జైలు అధికారులు చెప్పారు. దీంతో.. చట్టాలు చేసే వారికి ఇవ్వాల్సిన సదుపాయాలు ఇవ్వాలి కదా అని జడ్జి అన్నారు. వాదనలు ముగియడంతో తీర్పు రిజర్వ్‌ చేస్తున్నట్లు తెలిపారు. సాయంత్రం లోపు ఈ పిటిషన్లపై తీర్పు వెలువడే అవకాశం కనిపిస్తోంది. ఏపీ లిక్కర్‌ స్కాం కేసులో.. జులై 19వ తేదీ విచారణకు హాజరైన మిథున్‌రెడ్డిని సిట్‌ అరెస్ట్‌ చేసింది. ఆదివారం ఏసీబీ కోర్టులో ప్రవేశపెట్టగా.. ఆగష్టు 1వ తేదీ వరకు రిమాండ్‌ విధించారు. దీంతో ఆయన్ని రాజమండ్రి సెంట్రల్ జైలుకు తరలించారు. అయితే ఆయన ఉంటున్న స్నేహా బ్లాక్‌లో సరైన సదుపాయాలు లేవని మిథున్‌రెడ్డి లాయర్లు కోర్టు దృష్టికి తీసుకెళ్లారు. అయితే అధికారులు మాత్రం తాము సదుపాయాలు కేటాయించామని చెబుతున్నారు.

సాక్షి,విజయవాడ: ఎంపీ మిథున్‌రెడ్డికి జైలులో వసతులు కల్పించాలనే ఉత్తర్వులను పరిగణలోకి తీసుకోకుండా నిర్లక్ష్యంగా వ్యహరించారనే ఫిర్యాదుపై రాజమండ్రి జైలు అధికారులకు ఏసీబీ కోర్టు ఆదేశాలు జారీ చేసింది. రేపు(మంగళవారం, జూలై 22) కోర్టులో హాజరు కావాలని న్యాయమూర్తి ఆదేశించారు. రాజమండ్రి సెంట్రల్ జైలు సూపరిటెండెంట్‌పై ఏసీబీ కోర్టు న్యాయమూర్తికి వైఎస్సార్‌సీపీ ఎంపీ మిథున్ రెడ్డి తరపు న్యాయవాదులు నాగార్జున రెడ్డి, విష్ణు వర్ధన్‌లు ఫిర్యాదు చేశారు. మిథున్ రెడ్డికి వసతులు కల్పించాలన్న ఉత్తర్వులను పరిగణలోకి తీసుకోకుండా జైలు అధికారులు ఇబ్బందులు పెడుతున్నారని పిర్యాదులో పేర్కొన్నారు. ఎంపీగా ఉన్న వ్యక్తి పట్ల అమానవీయంగా వ్యవహరించారని న్యాయమూర్తికి చేసిన ఫిర్యాదులో తెలిపారు. దీంతో జైలు అధికారులతో ఏసీబీ కోర్టు ఏవో మాట్లాడారు. అనంతరం, రాజమండ్రి జైలు అధికారులు రేపు ఏసీబీ కోర్టుకు హాజరు కావాలని ఆదేశించారు. కోర్టు ఆదేశాల మేరకు రాజమండ్రి జైలు అధికారులు మంగళవారం ఏసీబీ కోర్టు ఎదుట విచారణకు హాజరు కానున్నారు.

వైయస్‌ఆర్సీపీని దెబ్బతీసి ఉద్దేశంతో లేని లిక్కర్ కేసును బనాయించారని ఆ పార్టీ పార్లమెంటరీ నేత వైవీ సుబ్బారెడ్డి అంటున్నారు. పార్లమెంట్‌ వర్షాకాల సమావేశాల ప్రారంభ నేపథ్యంలో ఢిల్లీలో సాక్షి ప్రతినిధితో ఆయన మాట్లాడారు. సాక్షి, ఢిల్లీ: ఏపీలో అక్రమ అరెస్టుల పరంపర కొనసాగుతోందని, లేని లిక్కర్‌ కేసును బనాయించి వైయస్‌ఆర్సీపీని దెబ్బతీసే ప్రయత్నం జరుగుతోందని ఆ పార్టీ పార్లమెంటరీ నేత వైవీ సుబ్బారెడ్డి అన్నారు. సోమవారం పార్లమెంట్‌ వర్షాకాల సమావేశాల ప్రారంభ నేపథ్యంలో సాక్షి ప్రతినిధితో ఆయన మాట్లాడారు. ఏపీలో అక్రమ అరెస్టులు కొనసాగుతున్నాయి. పార్లమెంటు సమావేశాల ఉన్నప్పటికీ ఎంపీ మిథున్ రెడ్డిని అరెస్ట్ చేయడం దారుణం. మద్యం విధానం పై చర్చకు మేము సిద్ధం. అలాగే.. 2014-2024 వరకు మద్యం విధానంపై కూడా చర్చించాలి. టీడీపీ హయాంలో ప్రైవేటు వ్యాపారులకు మద్యం లైసెన్స్ ఇచ్చి ఊరురా బెల్టు షాపులు పెట్టించారు. టీడీపీ హయాంలో పెద్ద సంఖ్యలో బెల్టు షాపులతో మద్యం ఏరులై పారింది. కానీ..మా ప్రభుత్వ హాయంలో పారదర్శకంగా ప్రభుత్వమే మద్యం దుకాణాల నిర్వహించి అమ్మకాలను తగ్గించింది. వైయస్సార్సీపీని దెబ్బతీసి ఉద్దేశంతో లేని లిక్కర్ కేసును బనాయించారు అని అన్నారాయన. ఏపీలో వైఎస్ జగన్‌కు తగిన భద్రత కల్పించడంలో రాష్ట్ర ప్రభుత్వం విఫలమైంది. రాష్ట్రంలోని ఖనిజ సంపదను అప్పుల కోసం తాకట్టు పెడుతున్నారు. ఈ అంశాలన్నీ పార్లమెంటులో లేవనెత్తుతా అని తెలిపారు. ఇక.. ఆపరేషన్ సింధూర్ తో పాకిస్తాన్‌కు కేంద్రం గట్టి బుద్ధి చెప్పిందన్న వైవీ సుబ్బారెడ్డి.. ఈ విషయంలో కేంద్ర ప్రభుత్వానికి వైఎస్సార్‌సీపీ సంపూర్ణ మద్దతు ఇచ్చిందన్న విషయాన్ని గుర్తు చేశారు.