National News

ప్రపంచ పరిశోధనా రంగానికి సంబంధించి భౌగోళిక సమీకరణాలు వేగంగా మారుతున్నాయని ప్రఖ్యాత సైన్స్‌ జర్నల్‌ ‘నేచర్‌’ తాజా నివేదిక స్పష్టం చేసింది. ఉద్యోగంపై శాస్త్రవేత్తలకున్న సంతృప్తి, భవిష్యత్తుపై వారికున్న నమ్మకం తదితర అంశాలపై ప్రపంచవ్యాప్తంగా దాదాపు 4,000 మంది పరిశోధకుల అభిప్రాయాలను సేకరించి నిర్వహించిన తాజా సర్వేలో పలు ఆసక్తికరమైన విషయాలు వెల్లడయ్యాయి. అమెరికా, పలు ఐరోపా దేశాల శాస్త్రవేత్తలతో పోలిస్తే భారత్, చైనాలకు చెందిన పరిశోధకులే తమ వృత్తిపరమైన భవిష్యత్తుపై అత్యంత ఆశాభావంతో ఉన్నట్లు సర్వే పేర్కొంది.యువ శాస్త్రవేత్తల్లో విశ్వాసం..గతంలో శాస్త్ర, పరిశోధనా రంగాల్లో పాశ్చాత్య దేశాలు తిరుగులేని ఆధిపత్యం చెలాయించగా, ప్రస్తుతం ఆ సమతుల్యత ఆసియా దేశాల వైపు మొగ్గు చూపుతోందని నివేదిక విశ్లేషించింది. భారత్‌లో ఇటీవల అంతరిక్ష రంగం, ఏరోస్పేస్, బయోటెక్నాలజీ వంటి కీలక విభాగాల్లో ప్రభుత్వ ప్రోత్సాహంతో పాటు ప్రైవేట్‌ భాగస్వామ్యం, పెట్టుబడులు ఊపందుకోవటమే భారతీయ యువ శాస్త్రవేత్తల్లో విశ్వాసాన్ని రెట్టింపు చేస్తోంది. స్కైరూట్‌ ఏరోస్పేస్‌ వంటి దేశీయ స్టార్టప్‌ల విజయాలు భారత పరిశోధనా పర్యావరణంలో నూతన ఉత్తేజాన్ని నింపుతున్నట్లు నివేదిక ప్రత్యేకంగా ప్రస్తావించింది.వేతనాలతో నిమిత్తం లేదు..పరిశోధకుల సంతృప్తి కేవలం భారీ వేతనాలపైనే ఆధారపడి ఉండటం లేదని సర్వే తేల్చింది. ఉద్యోగ భద్రత, పనిచేసే చోట లభించే స్వేచ్ఛ, వారు చేసే పరిశోధన సమాజానికి ఎంతమేర ఉపయోగపడుతోందనే సంతృప్తే వారిని అత్యంత ఉత్సాహంగా ఉంచుతోందని తేలింది. అదే సమయంలో, పాశ్చాత్య దేశాల్లో పరిస్థితి భిన్నంగా ఉంది. పెరుగుతున్న నిధుల కోతలు, విద్యాసంస్థల్లో తీవ్రమైన పోటీ, ఉద్యోగ అభద్రత అక్కడి శాస్త్రవేత్తల్లో నైరాశ్యానికి దారితీస్తున్నాయి. ఈ మార్పులు భవిష్యత్‌ ప్రపంచ వైజ్ఞానిక పరిశోధనలను ఆసియా నడిపించబోతోందనటానికి స్పష్టమైన సంకేతాలని ‘నేచర్‌’ సంపాదకీయంలో విశ్లేషించింది.– సాక్షి స్పెషల్‌ డెస్క్‌ఇదీ చదవండి: ఇన్‌ఫ్లూయెన్సర్‌లకు నోటీసులు..

సోషల్‌ మీడియా ప్రాచుర్యంలోకి వచ్చిన తర్వాత ఇన్‌ఫ్లుయెన్సర్ల హవా విపరీతంగా పెరిగింది. ఈ ట్రెండ్‌ నెట్టింటి నుంచి నట్టింట్లోకి వచ్చేసింది. పిల్లల పెంపకంలో సూచనలకు పరిమితం కాకుండా పసిపిల్లల ఆహార ఉత్పత్తులను ప్రమోట్‌ చేసే వరకు వెళ్లింది. ఏ మాత్రం శాస్త్ర పరిజ్ఞానం లేని వాళ్లు కూడా చంటిబిడ్డల ఆహారపదార్థాలకు ప్రచారం కల్పిస్తున్నారు.ఇలాంటి ‘మామ్‌ ఇన్‌ఫ్లుయెన్సర్ల’ మీద ఇప్పుడు ఫుడ్‌ సేఫ్టీ అథారిటీ ఆఫ్‌ ఇండియా (ఎఫ్‌ఎస్‌ఎస్‌ఏఐ) నిఘా పెట్టింది. శిశువుల పాల ప్రత్యామ్నాయాలు, ఆహార ఉత్పత్తులను నిబంధనలకు విరుద్ధంగా ప్రచారం చేస్తున్న వారికి ఎఫ్‌ఎస్‌ఎస్‌ఏఐ గట్టి వార్నింగ్‌ ఇస్తూ నోటీసులు జారీ చేసింది.ఇన్‌ఫ్లూయెన్సర్ల బాధ్యత ఏమిటి?ప్రమోట్‌ చేసే ముందు పరిశీలించాలి. ఎఫ్‌ఎస్‌ఎస్‌ఏఐ నిబంధనల ప్రకారం సెలబ్రిటీలు కానీ సోషల్‌ మీడియా ఇన్‌ఫ్లుయెన్సర్లు కానీ తాము ప్రమోట్‌ చేసే ఉత్పత్తుల నాణ్యత, దాని వెనుక ఉన్న శాస్త్రీయతను కచ్చితంగా తనిఖీ చేయాలి. తమకు తెలియని విషయాల్లో సంబంధితరంగంలో నిపుణుల సలహాతో నిర్ధారించుకోవాలి.కేవలం తయారీదారులు ఇచ్చిన స్క్రిప్ట్‌ చదివి చెప్పడం సరికాదు. అలాగే లైఫ్‌స్టైల్‌ సలహా పేరుతో బేబీ ఫుడ్‌ను సిఫారసు చేయడం కూడా తప్పే. ఇకపై అది కూడా చెల్లదు. నిబంధనలు ఉల్లంఘిస్తే కఠినమైన చట్టపరమైన చర్యలు ఉంటాయనే విషయాన్ని ఇన్‌ఫ్లూయెన్సర్‌లు మర్చిపోకూడదు.ఇన్‌స్టాగ్రామ్‌లో ప్రచారం!పసిపిల్లల ఆహారపదార్థాలను తయారు చేసే ప్రముఖ కంపెనీలు నెస్లే ఇండియా, అబాట్, న్యూట్రీషియా, మీడ్‌ జాన్సన్‌లతోపాటు ఇన్‌స్టాగ్రామ్‌లో బేబీ ఫుడ్‌ ప్రొడెక్ట్స్‌ను ప్రమోట్‌ చేసిన కొందరు కంటెంట్‌ క్రియేటర్లకు, ఇరా ఫాతిమా వంటి ఇన్‌ఫ్లూయెన్సర్‌లకు ఎఫ్‌ఎస్‌ఎస్‌ఏఐ నోటీసులు జారీ చేసింది.ప్రచారంలో భాగంగా ఆ ఉత్పత్తులను తీసకోవడం వల్ల పిల్లల ఎదుగుదల, రోగనిరోధక శక్తి, మెదడు అభివృద్ధి, సులభంగా జీర్ణమవడం వంటి ప్రయోజనాలుంటాయని చెప్పడాన్ని ఎఫ్‌ఎస్‌ఎస్‌ఏఐ తీవ్రంగా పరిగణిస్తోంది. శాస్త్రీయ ఆధారాలు లేకుండా వాస్తవ విరుద్ధమైన వాదనలతో బేబీ ఫార్ములా ఉత్పత్తులను ప్రచారం చేయడం నిబంధనలకు విరుద్ధమని స్పష్టం చేసింది.ఇదో మార్కెటింగ్‌ వ్యూహం!తల్లిదండ్రులు, ముఖ్యంగా కొత్త తల్లులు సోషల్‌ మీడియా ఇన్‌ఫ్లుయెన్సర్లు చెప్పే మాటలను గుడ్డిగా నమ్ముతారనే ఉద్దేశంతోనే కంపెనీలు ఈ మార్కెటింగ్‌ వ్యూహాలను వాడుతున్నాయి. అయితే, పిల్లల ఆరోగ్యం, పోషకాహారం విషయంలో తప్పుదోవ పట్టించే ప్రకటనలను అరికట్టేందుకు ఎఫ్‌ఎస్‌ఎస్‌ఏఐ తీసుకున్న ఈ నిర్ణయం అత్యంత ప్రాధాన్యత సంతరించుకుంది. ఇన్‌ఫ్లూయెన్సర్లు కేవలం సోషల్‌ మీడియా రీల్స్‌ కోసమే కాకుండా, ప్రజా ఆరోగ్యానికి కట్టుబడి వ్యవహరించాల్సిన సమయం ఆసన్నమైంది. తమవంతుగా సామాజిక బాధ్యత వహించాలి. తాము ప్రచారం చేయడానికి సిద్ధమైన ఆహారాన్ని తమ పిల్లలకు పెడతామా అని ఒకసారి ఆత్మవిమర్శ చేసుకోవాలి.చట్టాలు ఏం చెబుతున్నాయి?చంటిపిల్లల ఆహారం విషయంలో తల్లులను తప్పుదోవ పట్టించేలా ప్రమోషన్లు చేయకూడదు. ‘చంటిపిల్లలకు పాలకు ప్రత్యామ్నాయాల చట్టం (ఐఎమ్‌ఎస్‌)– 1992’ ప్రకారం శిశువుల పాల ప్రత్యామ్నాయాలు, ఫీడింగ్‌ బాటిళ్లు మొదలైన వాటిని ప్రత్యక్షంగా లేదా పరోక్షంగా ప్రచారం చేయడంపై కఠినమైన ఆంక్షలు ఉన్నాయి.ఫుడ్స్‌ ఫర్‌ ఇన్‌ఫాంట్‌ న్యూట్రిషన్‌ (ఎఫ్‌ఎస్‌ఎస్‌) రెగ్యులేషన్స్, 2020 ప్రకారం పిల్లల ఆహార ఉత్పత్తులకు సంబంధించిన మార్కెటింగ్, ప్రకటనల నిబంధనలను కచ్చితంగా పాటించాలి.నిరూపణ లేని ప్రకటనలు నిషేధం. ప్రచారం చేసినందుకు బహుమతులు, ఆర్థిక ప్రయోజనాలనాశించి ఉత్పత్తుల వల్ల అద్భుతాలు జరుగుతాయని చెప్పడం వినియోగదారులను, ముఖ్యంగా కొత్త తల్లులను మోసం చేయడమే అవుతుంది.– సాక్షి స్పెషల్‌ డెస్క్‌ఇదీ చదవండి: భూమికి బదులు మరో భూమి

‘బాబోయ్‌! భూమి వేడెక్కిపోతోంది. బతకలేకపోతున్నాం’అని తరచూ అంటుంటాం. శాస్త్రవేత్తలు మాత్రం అలా అని ఊరుకోవడం లేదు, ఈ భూమ్మీద బతకలేకపోతే బతకడానికి మరొక ప్రదేశం ఏదైనా ఉందా అని శోధిస్తున్నారు. దట్టమైన వాతావరణాల నుంచి, సూర్యుని కంటే బిలియన్ల సంవత్సరాలు ఎక్కువ కాలం మండే నక్షత్రాల వరకు.. భూమి కంటే ఒక గ్రహాన్ని జీవానికి మరింత అనుకూలంగా మార్చగల అంశాలపై పరిశోధన చేస్తున్నారు.‘సూపర్‌ హ్యాబిటబుల్‌‘(అతి నివాసయోగ్యమైన) గ్రహాలుగా పిలవబడే ఈ ఊహాజనిత ప్రపంచాలు.. భూమి కంటే కొద్దిగా పెద్దవిగా, భారీగా ఉండొచ్చు. వాటిలో ద్రవరూపంలో నీరు, దట్టమైన వాతావరణాలు, సుదీర్ఘ కాలంపాటు స్థిరంగా ఉండే శీతోష్ణస్థితులు ఉండొచ్చు. మన గ్రహం ఆవల జీవం కోసం చేసే అన్వేషణలో అసలు భూమిని మాత్రమే ‘బెంచ్‌మార్క్‌‘గా పరిగణించాలా? అని ప్రశ్నిస్తూ 2014లో ప్రచురితమైన ఒక పత్రంలో ఖగోళ శాస్త్రవేత్తలు రెనే హెల్లర్, జాన్‌ ఆర్మ్‌్రస్టాంగ్‌ ఈ భావనను ప్రతిపాదించారు.సూపర్‌ హ్యాబిటబుల్‌ గ్రహాల ప్రత్యేకతలుపరిమాణం, ద్రవ్యరాశిలో ఇవి భూమి కంటే సుమారు 20–30% వెడల్పుగా, రెట్టింపు ద్రవ్యరాశితో ఉండొచ్చు.బలమైన గురుత్వాకర్షణ వల్ల దట్టమైన వాతావరణం ఏర్పడుతుంది. పెద్ద ఇనుప కేంద్రకం ఉండి, హానికరమైన కాస్మిక్‌ రేడియేషన్‌ నుంచి రక్షించే బలమైన అయస్కాంత క్షేత్రాన్ని ఉత్పత్తి చేస్తుంది.జీవ వైవిధ్యమూ సాధ్యమే. తక్కువ లోతు ఉన్న సముద్రాలు, పొడవైన ద్వీప సమూహాలు వివిధ రకాల ఆవాసాలను సృష్టిస్తాయి. ఫలితంగా ఇవి భూమి కంటే ఎక్కువ జీవ వైవిధ్యాన్ని పోషించగలవని పరిశోధకులు భావిస్తున్నారు.నారింజరంగు నక్షత్రాలుఈ గ్రహాలు, పరిభ్రమించే నక్షత్రాలు కూడా అత్యంత కీలకమైనవి. సూర్యుని కంటే చల్లగా ఉండే నారింజ రంగు నక్షత్రాలైన కె–డ్వార్ఫ్‌లు తమ ఇంధనాన్ని నెమ్మదిగా దహించి, పది బిలియన్ల సంవత్సరాలపాటు స్థిరంగా ఉండగలవు. ఇది జీవం పరిణామం చెందడానికి, వైవిధ్యం సాధించడానికి ఎక్కువ సమయం ఇస్తుంది. దీనికి విరుద్ధంగా, సూర్యుడు ప్రకాశవంతంగా మారే కొద్దీ పెరుగుతున్న ఉష్ణోగ్రతలు సుమారు 50 కోట్ల సంవత్సరాల్లో భూమిని జీవానికి అననుకూలంగా మార్చగలవని శాస్త్రవేత్తల అంచనా. కిరణజన్య సంయోగక్రియ సాధ్యమే‘ఇంటర్నేషనల్‌ జర్నల్‌ ఆఫ్‌ ఆస్ట్రోబయాలజీ’లో ప్రచురితమైన అధ్యయనం ప్రకారం... ఆస్ట్రోబయాలజిస్ట్‌ ఐవా విలోవిచ్, ఆమె సహచరులు కె–డ్వార్‌్ఫ, సౌర కాంతి కింద గార్డెన్‌ క్రెస్‌ మొక్క చాలా బాగా పెరిగిందని కనుగొన్నారు. అలాగే కె–డ్వార్ఫ్‌ నక్షత్రం వికిరణం కింద సైనోబాక్టీరియా కూడా సమర్థవంతంగా మనుగడ సాగించింది. భవిష్యత్‌ మిషన్లు–అన్వేషణలుఅనువైన గ్రహాలను గుర్తించి, జీవ కార్యకలాపాలను సూచించే రసాయన సంకేతాల కోసం వాటి వాతావరణాన్ని పరిశీలించడం.2027లో ప్రయోగించనున్న యూరోపియన్‌స్పేస్‌ ఏజెన్సీ మిషన్, ఇతర నక్షత్రాల చుట్టూ తిరిగే గ్రహాలను కనుగొని అధ్యయనం చేయడం లక్ష్యంగా పెట్టుకుంది.జేమ్స్‌ వెబ్‌ స్పేస్‌ టెలిస్కోప్, చిలీలో నిర్మాణంలో ఉన్న ఎక్స్‌ట్రీమ్లీ లార్జ్‌ టెలిస్కోప్, నాసా ప్రతిపాదించిన హ్యాబిటబుల్‌ వరల్డ్స్‌ అబ్జర్వేటరీ (2040లలో) వంటివి మరింత వివరమైన పరిశీలనలకు అవకాశం కల్సిస్తాయి.ప్రస్తుతానికి అత్యంత నివాసయోగ్యమైన గ్రహాలనేవి ఒక పరికల్పనగానే మిగిలిపోయినప్పటికీ.. ఈ ఆలోచన గ్రహాంతర జీవుల అన్వేషణలో కీలకమైన నిజాన్ని గుర్తుచేస్తుంది. అదేమిటంటే.. భూమికి బదులుగా అన్వేíÙంచిన మరో నివాసయోగ్యమైన గ్రహం భూమిలా కనిపించకపోవచ్చు!– సాక్షి స్పెషల్‌ డెస్క్‌ఇదీ చదవండి: రెక్కల గుర్రం

శబరిమల అయ్యప్ప భక్తులకు కేరళ ప్రభుత్వం శుభవార్త చెప్పింది. యాత్రికుల ప్రయాణ ఇబ్బందులను తగ్గించేందుకు కేరళ రాష్ట్ర రోడ్డు రవాణా సంస్థ (కేఎస్ఆర్టీసీ) ప్రత్యేక బస్సు చార్టరింగ్‌ సౌకర్యాన్ని అందుబాటులోకి తీసుకురానుంది. ఈ మేరకు కేరళ రవాణా శాఖ మంత్రి సి.పి. జాన్‌ ప్రకటించారు. ఈ సదుపాయం ద్వారా భక్తుల బృందాలు రాష్ట్రంలోని ఏ ప్రాంతం నుంచైనా నేరుగా పంపాకు వెళ్లవచ్చు.రాబోయే మండల-మకరవిళక్కు యాత్రా సీజన్‌లో అయ్యప్ప భక్తులకు ప్రయాణ కష్టాలు తగ్గించడమే ఈ నిర్ణయం ప్రధాన ఉద్దేశం. సాధారణంగా రద్దీ సమయాల్లో నీలక్కల్‌ నుంచి పంపాకు వెళ్లేందుకు భక్తులు ఇబ్బందులు ఎదుర్కొంటున్నారు. దీంతో బస్సులు మారాల్సిన అవసరం లేకుండా నేరుగా పంపాకు చేరుకునేలా కొత్త సౌకర్యాన్ని తీసుకొస్తున్నారు.ఈ విధానంలో భక్తులు 45 సీట్లకు టికెట్లు బుక్‌ చేసుకుని కేఎస్ఆర్టీసీ బస్సును అద్దెకు తీసుకోవచ్చు. భక్తులు సూచించిన ప్రాంతానికి బస్సు చేరుకుని, అక్కడి నుంచి వారిని నేరుగా పంపాకు తీసుకెళ్తుంది. అయితే, విమానాన్ని చార్టర్‌ చేసుకున్న తరహాలోనే ఈ సదుపాయం పనిచేస్తుందని మంత్రి వివరించారు. దీంతో మొత్తం 45 సీట్లనూ బుక్‌ చేసుకోవడం తప్పనిసరి అని, ఇందులో ఎలాంటి మినహాయింపులు ఉండవని స్పష్టం చేశారు.అలాగే, సాధారణ టికెట్‌ ధరలకు అదనంగా బస్సు చార్టరింగ్‌ కోసం ఎలాంటి రుసుము వసూలు చేయబోమని మంత్రి తెలిపారు. ఈ సౌకర్యంతో కేరళలోని వివిధ జిల్లాల నుంచి సమూహాలుగా వచ్చే అయ్యప్ప భక్తులకు ప్రయోజనం కలగనుంది. అయితే, బుకింగ్‌ విధానం, టికెట్‌ ధరలు, ఇతర సేవా వివరాలను కేఎస్ఆర్టీసీ ఇంకా ప్రకటించలేదు. త్వరలోనే దీనిపై మరిన్ని వివరాలు విడుదల చేయనుంది.ఇదీ చదవండి: స్వాతంత్య్రం వచ్చిన 79 ఏళ్లలో ఇదే తొలిసారి!

ఉత్తరప్రదేశ్‌లో తీవ్ర విషాదం చోటుచేసుకుంది. డెంగ్యూ బారినపడి భర్త మృతి చెందగా.. ఆయన మరణించిన నాలుగు గంటలకే భార్య కూడా కన్నుమూసింది. దీంతో ఆ కుటుంబంలో తీరని విషాదం నెలకొంది. తల్లిదండ్రులిద్దరినీ కోల్పోయిన నలుగురు పిల్లలు అనాథలుగా మిగిలారు. భార్యాభర్తలిద్దరి అంత్యక్రియలను ఒకే చితిపై నిర్వహించడంతో గ్రామంలో విషాదఛాయలు అలుముకున్నాయి.స్థానికుల వివరాల ప్రకారం.. ఉత్తరప్రదేశ్‌, మైన్‌పురి జిల్లా ఎలావ్‌ పోలీస్‌ స్టేషన్‌ పరిధిలోని కసద్‌ గ్రామానికి చెందిన ముకేశ్‌ కుమార్‌ (48) వ్యవసాయం చేసుకుంటూ కుటుంబాన్ని పోషించుకుంటున్నాడు. ఇతనకి భార్య దీప, ఒక కూతురు, ముగ్గురు కుమారులున్నారు. అయితే కొన్నిరోజుల క్రితం ఆయనకు తీవ్రంగా జ్వరం రావడంతో కుటుంబ సభ్యులు ఆస్పత్రికి తీసుకెళ్లారు. పరిస్థితి విషమంగా మారడంతో వైద్యుల సూచన మేరకు ఆగ్రాకు తరలించారు. అక్కడ పరీక్షించిన వైద్యులు డెంగ్యూ సోకినట్లు గుర్తించి తగిన చికిత్స అందించారు. అదేవిధంగా మరోవైపు ఆయన భార్య దీప (42) కూడా జ్వరంతో బాధపడుతూ ఆగ్రాలోని మరో ఆస్పత్రిలో చికిత్స పొందుతోంది.అయితే బుధవారం రాత్రి 9.30 గంటల సమయంలో చికిత్స పొందుతూ ముకేశ్‌ మృతి చెందాడు. దీంతో భర్త మరణవార్త తెలిసిన భార్య దీప మనోవేదనకు గురై, నాలుగు గంటల తరువాత ఆమె కూడా మృతిచెందింది. గడిచిన కొన్ని గంటల వ్యవధిలోనే ఆ కుటుంబం ఇద్దరినీ కోల్పోవడం, ఒకే రాత్రి తల్లిదండ్రులిద్దరూ దూరం కావడం కుటుంబంలో తీరని శోకం మిగిల్చింది. ఈ ఘటన అక్కడి గ్రామస్థులను కలచివేసింది. అయితే దీప మరణానికి గల స్పష్టమైన కారణాలు ఇంకా తెలియరాలేదు.గురువారం ముకేశ్‌, దీప మృతదేహాలు గ్రామానికి చేరుకోవడంతో కుటుంబ సభ్యులు కన్నీరుమున్నీరుగా విలపించారు. గ్రామస్థులు సైతం పెద్ద సంఖ్యలో తరలివచ్చి నివాళులర్పించారు. అనంతరం సాయంత్రం భార్యాభర్తల అంతిమయాత్రను ఒకేసారి నిర్వహించి, ఒకే చితిపై అంత్యక్రియలు పూర్తి చేశారు. కుటుంబానికి అండగా నిలిచిన తల్లిదండ్రులిద్దరినీ కోల్పోయిన ఆ పిల్లలను చూసి గ్రామస్థులు మోయలేని కన్నీటి భారంగా చలించిపోయారు.ఇదీ చదవండి: రోడ్డు ప్రమాదంలో ఆంధ్ర యువ అథ్లెట్‌ దుర్మరణం

విదేశాల్లో ఉన్నత చదువులు.. అంతర్జాతీయ స్థాయిలో పరిశోధనలు.. మంచి ఉద్యోగావకాశాలు.. అయినా యువ భారతీయ పరిశోధకులు స్వదేశం బాట పడుతున్నారు. విదేశాల్లో కెరీర్‌ను వదులుకుని ఐఐటీలు, ఐఐఎంలలో ప్రొఫెసర్లుగా చేరుతున్నారు. కుటుంబానికి దగ్గరగా ఉండటంతోపాటు, భారత్‌లో పరిశోధనలకు పెరుగుతున్న అవకాశాలు ఈ మార్పునకు ప్రధాన కారణాలుగా నిలుస్తున్నాయని విద్యారంగ పరిశోధకులు చెబుతున్నారు.అమెరికాలోని యూనివర్సిటీ ఆఫ్‌ సౌత్‌ ఫ్లోరిడాలో సోషియాలజీలో పీహెచ్‌డీ చేసిన శిల్పా సతీశ్‌ ప్రస్తుతం ఐఐఎం కోజికోడ్‌లో అసిస్టెంట్‌ ప్రొఫెసర్‌గా పనిచేస్తున్నారు. విదేశాల్లో పరిశోధనలు చేసిన ఆమె.. తన బిడ్డను కుటుంబ సభ్యుల ప్రేమానురాగాల మధ్య కేరళలో పెంచాలనే ఉద్దేశంతో భారత్‌కు తిరిగొచ్చారు. అలాగే, భారతీయ విద్యావ్యవస్థలో తన వంతు పాత్ర పోషించడంతోపాటు, తనకు పరిచయమున్న సామాజిక, పర్యావరణ అంశాలపై స్వదేశంలోనే పరిశోధనలు కొనసాగించాలని నిర్ణయించుకున్నారు. భారత్‌కు తిరిగిరావాలన్న తన నిర్ణయం సరైనదేనని ఆమె భావిస్తున్నారు.అయితే, ఐఐఎం బెంగళూరులో యువ అధ్యాపకుల సంఖ్య పెరుగుతుండటం ఈ మార్పునకు నిదర్శనంగా నిలుస్తోంది. అక్కడ మొత్తం 150 మంది అధ్యాపకుల్లో దాదాపు 30 శాతం మంది 35 ఏళ్లలోపు వారే. గతంలో ఈ సంఖ్య 10 శాతం కంటే తక్కువగా ఉండేది. విదేశాల్లో ఉన్నత విద్య, పరిశోధనలు పూర్తి చేసిన పలువురు యువకులు అంతర్జాతీయ అవకాశాల కంటే భారత్‌లో పనిచేయడానికే ఆసక్తి చూపుతున్నారు. దీంతో విద్యాబోధనతోపాటు నాణ్యమైన పరిశోధనలకు ప్రాధాన్యం పెరుగుతోంది. ఐఐఎం బెంగళూరు 2025 మాస్టర్స్‌ ఇన్‌ మేనేజ్‌మెంట్‌ ర్యాంకింగ్స్‌లో ఏడు స్థానాలు మెరుగుపరుచుకుని 21వ స్థానానికి చేరుకుంది. పరిశోధనల నాణ్యత, అంతర్జాతీయ అనుసంధానం పెరగడం ఇందుకు దోహదపడిందని సంస్థ అధ్యాపకులు చెబుతున్నారు.అలాగే, విదేశాల నుంచి తిరిగొస్తున్న యువ పరిశోధకులకు భారత్‌లో మెరుగుపడుతున్న పరిశోధనా వాతావరణం ఆకర్షణగా మారుతోంది. యువ అధ్యాపకులకు పరిశోధన స్వేచ్ఛ, గ్రాంట్లు, అంతర్జాతీయ సదస్సుల్లో పాల్గొనేందుకు ఆర్థిక సహాయం వంటి సదుపాయాలు లభిస్తున్నాయి. మరోవైపు, అమెరికాలో పరిశోధన నిధుల కోతలు, వీసా విధానాల్లో అనిశ్చితి కూడా కొందరిని స్వదేశం వైపు మళ్లిస్తున్నాయి.అలాగే, యూపీఐ వంటి డిజిటల్‌ వ్యవస్థలు, వేగంగా విస్తరిస్తున్న వినియోగదారుల మార్కెట్‌, గిగ్‌ ఎకానమీ, కృత్రిమ మేధ రంగాలు కొత్త పరిశోధనలకు అవకాశాలు కల్పిస్తున్నాయి. అయితే, పరిశోధనలకు నిధులు, మౌలిక సదుపాయాల విషయంలో భారత్‌ పాశ్చాత్య దేశాలతో ఇంకా పోటీపడాల్సి ఉందని నిపుణులు అభిప్రాయపడుతున్నారు.ఒకప్పుడు ఉన్నత చదువుల కోసం విదేశాలకు వెళ్లిన ప్రతిభావంతులు అక్కడే స్థిరపడటాన్ని ‘బ్రెయిన్‌ డ్రెయిన్‌’గా పేర్కొనేవారు. ఇప్పుడు విదేశాల్లో సంపాదించిన జ్ఞానాన్ని స్వదేశంలో ఉపయోగిస్తూ పరిశోధనలు కొనసాగించడాన్ని ‘బ్రెయిన్‌ సర్క్యులేషన్‌’గా అభివర్ణిస్తున్నారు.డిజిటల్‌ మౌలిక సదుపాయాలు, ఆర్థిక సమ్మిళితత్వం, స్టార్టప్‌లు, ఆరోగ్య సంరక్షణ వంటి రంగాల్లో భారత్‌ సాధిస్తున్న పురోగతి ప్రపంచస్థాయి పరిశోధనలకు కొత్త అవకాశాలను అందిస్తోందని ఐఐఎం కోజికోడ్‌ డీన్‌ సెబాస్టియన్‌ ఎం.పీ. పేర్కొంటున్నారు. కుటుంబ అనుబంధం, సాంస్కృతిక వాతావరణం, పరిశోధనలకు లభిస్తున్న అవకాశాలు యువతను స్వదేశం వైపు నడిపిస్తున్నాయని నిపుణులు చెబుతున్నారు. ఈ ప్రతిభావంతులను భారతీయ విద్యాసంస్థల్లో కొనసాగించాలంటే మెరుగైన పరిశోధనా సదుపాయాలు, తగిన ప్రోత్సాహకాలు కల్పించడం కీలకమని సూచిస్తున్నారు.ఇదీ చదవండి: జస్ట్‌ కిచెన్‌ మసాలాలతో గిన్సిస్‌ రికార్డు..! ఇంజనీర్‌ అద్భుత సృష్టి

ఉత్తరప్రదేశ్‌: డాక్టర్‌ కావాలనే కల.. ఎన్నో ఆశలు.. ఉజ్వల భవిష్యత్తుపై ఎన్నో ఆకాంక్షలు. కానీ ఇంతలోనే ఓ వైద్య విద్యార్థిని జీవితం విషాదాంతమైంది. ఎంబీబీఎస్‌ ఫైనల్‌ ఇయర్‌ చదువుతున్న 24 ఏళ్ల శగున్‌ సైనీ హాస్టల్‌ గదిలో విగతజీవిగా కనిపించడం తీవ్ర కలకలం రేపింది. ముజఫర్‌నగర్‌లోని బేగరాజ్‌పూర్‌ మెడికల్‌ కాలేజీలో సోమవారం రాత్రి ఈ ఘటన చోటుచేసుకుంది.హర్యానాలోని కైతల్‌ జిల్లాకు చెందిన శగున్‌ సైనీ.. ఉత్తరప్రదేశ్‌లోని ముజఫర్‌నగర్‌లో ఉన్న బేగరాజ్‌పూర్‌ మెడికల్‌ కాలేజీ హాస్టల్‌లో ఉంటూ 2023 బ్యాచ్‌ ఎంబీబీఎస్‌ విద్యార్థినిగా చదువుతోంది. సోమవారం రాత్రి ఆమె గది తలుపు చాలాసేపటి నుంచి లోపలి వైపుగా మూసి ఉండటాన్ని గుర్తించిన తోటి విద్యార్థినులు హాస్టల్‌ భద్రతా సిబ్బందికి సమాచారం అందించారు. దీంతో సిబ్బంది గది వెనుకవైపు ఉన్న కిటికీలో నుంచి చూడగా.. శగున్‌ ఆత్మహత్య చేసుకుని ఫ్యాన్‌కు వేలాడుతూ కనిపించింది. వెంటనే సిబ్బంది స్థానిక పోలీసులకు సమాచారం అందించారు.సమాచారం అందుకున్న పోలీసులు ఘటనా స్థలానికి చేరుకుని గది తలుపులు పగులగొట్టి మృతదేహాన్ని కిందకు దించారు. అనంతరం పోస్టుమార్టం నిమిత్తం ఆస్పత్రికి తరలించారు. ఫోరెన్సిక్‌ బృందం కూడా గదిని పరిశీలించి ఆధారాలు సేకరించింది. ఈ ఘటనతో కాలేజీ ప్రాంగణంలో తీవ్ర విషాదం నెలకొంది.అయితే, వైద్య విద్యలో కీలక దశలో ఉన్న శగున్‌ ఈ నిర్ణయం తీసుకోవడానికి గల కారణాలు ఇంకా తెలియరాలేదు. పోలీసులు అన్నీ కోణాల్లో దర్యాప్తు చేస్తూ కుటుంబ సభ్యులకు సమాచారం అందించారు. అలాగే, ఈ ఘటనపై కేసు నమోదు చేసుకున్న పోలీసులు ఆమె మరణానికి దారితీసిన పరిస్థితులపై విచారణ కొనసాగిస్తున్నారు.ఇదీ చదవండి: ఢిల్లీలో కలకలం .. వ్యాపారిపై ఐదు రౌండ్ల కాల్పులు

న్యూఢిల్లీ: కాక్రోచ్‌ జనతా పార్టీ(సీజేపీ)నేతలు సౌరవ్‌ దాస్, అశుతోష్‌ రాంకాలకు విధించిన జ్యుడీషియల్‌ కస్టడీని కోర్టు మరో రెండు రోజులు పొడిగించింది. మందిర్‌ మార్గ్‌ పోలీస్‌స్టేషన్‌లో కొత్తగా నియమితులైన స్పెషల్‌ ఎగ్జిక్యూటివ్‌ మేజిస్ట్రేట్‌ ఈ మేరకు ఆదేశాలు జారీ చేశారు. ఈ నెల 13వ తేదీన జంతర్‌మంతర్‌ వద్ద ఆంక్షలను ఉల్లంఘించిన ఆరోపణలపై వీరిద్దరినీ కోర్టు ఐదు రోజుల జ్యుడీíÙయల్‌ కస్టడీకి పంపించింది.ఆదివారం వీరి బెయిల్‌ పిటిషన్లపై స్పెషల్‌ ఎగ్జిక్యూటివ్‌ మేజిస్ట్రేట్‌ విచారణ జరిపారు. అయితే, తనకు గుర్తు తెలియని వ్యక్తుల నుంచి బెదిరింపులు వస్తున్నాయని ఫిర్యాదు చేయడంతో పోలీసులు కేసు నమోదు చేశారు. మరింత విచారణ జరపాల్సి ఉన్నందున, వీరి కస్టడీని రెండు రోజులు పొడిగించాలంటూ సోమవారం పోలీసులు మేజిస్ట్రేట్‌ను కోరగా, ఈ మేరకు ఆయన ఆదేశాలు జారీ చేశారు. సౌరవ్, అశుతో‹Ùలను తిరిగి బుధవారం మేజిస్ట్రేట్‌ ఎదుట హాజరుపర్చాల్సి ఉందని అధికారులు తెలిపారు.హత్య కేసులో దోషికి అలా..సీజేపీ నేతలకు ఇలా: దీప్కేఒక హత్య కేసులో దోషిగా ఉన్న బీజేపీ నేతకు ఎన్నికల్లో పోటీ చేసేందుకు వీలుగా అలహాబాద్‌ హైకోర్టు అతడికి విధించిన శిక్షతోపాటు, దోషిగా తేల్చడాన్ని నిలిపివేయాలంటూ స్టే ఇచ్చిందని, ఎలాంటి నేర ఘటనలతో సంబంధం లేని తమ పార్టీ కో కనీ్వనర్లు అశుతోష్‌ రాంకా, సౌరవ్‌ దాస్‌లకు మాత్రం కోర్టు జ్యుడీíÙయల్‌ కస్టడీని మరో రెండు రోజులు పొడిగించిందని సీజేపీ వ్యవస్థాపకుడు అభిజీత్‌ దీప్కే ధ్వజమెత్తారు.అలహాబాద్‌ హైకోర్టు హత్య దోషి శిక్షను నిలిపివేసిందనే వార్తా కథనం హెడ్‌లైన్‌ను, అశుతోష్, సౌరవ్‌ల కస్టడీ పొడిగింపు గురించిన మరో వార్తా కథనం స్క్రీన్‌షాట్‌లను దీప్కే ఎక్స్‌లో షేర్‌ చేశారు. తమ నేతలను నిర్బంధంలోనే ఉంచేందుకుగాను బెయిల్‌ పిటిషన్లపై విచారణను ఉద్దేశపూర్వకంగానే అధికారులు ఆలస్యం చేస్తున్నారని దీప్కే ఆరోపించారు. ఎలాంటి సహేతుక కారణాలు చూపకుండానే ఆదివారం కోర్టు వారి బెయిల్‌ ష్యూరిటీలను తిరస్కరించిందని ఆరోపించారు. ఉన్నత చదువులు చదువుకుని, ఉన్నతోద్యోగాల్లో ఉంటున్న వీరిద్దరూ దేశం కోసమే తమ కెరీర్‌ను త్యాగం చేశారని చెప్పారు.కోర్టులో సర్కస్‌ ఫీట్లు : రత్నా సింగ్‌తన జీవితంలో ఎన్నడూ ఇలాంటి అసంబద్ధ వ్యవహారాలను చూడలేదని సీజేపీ న్యాయ విభాగం హెచ్‌ రత్నా సింగ్‌ వ్యాఖ్యానించారు. స్పెషల్‌ ఎగ్జిక్యూటివ్‌ మేజిస్ట్రేట్‌ కోర్టులో జరుగుతున్న పరిణామాలు సర్కస్‌ను తలపిస్తున్నాయని అభివర్ణించారు. అశుతో‹Ù, సౌరవ్‌లను కస్టడీలోనే ఉంచేందుకు చట్టాన్ని దుర్వినియోగం చేస్తున్నారని, ఆ కోర్టును రద్దు చేయాలని డిమాండ్‌ చేశారు. వారిద్దరి విడుదలకు సమర్పించిన పూచీకత్తులను తిరస్కరించడాన్ని ఆమె ప్రశ్నించారు. వారి విడుదలతో శాంతిభద్రతల ఉల్లంఘనకు ఎలాంటి అవకాశం ఉన్నట్లు నిరూపించలేకపోయారని చెప్పారు.విచారణ సందర్భంగా మేజిస్ట్రేట్‌ ప్రవర్తనను కూడా ఆమె ప్రశ్నించారు. కోర్టు హాల్‌లో ఆ అధికారి ఫోన్‌లో మాట్లాడారని ఆరోపించారు. ఈ విచారణలు వ్యక్తిగత స్వేచ్ఛపై తీవ్రమైన ఆందోళనలను కలిగిస్తున్నాయని పేర్కొన్నారు. ఈ వ్యవస్థ మొత్తం తమను అణచివేసేందుకు చేస్తున్న ప్రయత్నాలు ఏమాత్రం సఫలం కాబోవని ఆమె అన్నారు. ‘దేశ యువత ఇదంతా గమనిస్తోంది. అధికారాన్ని ఎలా దుర్వినియోగిస్తున్నారో వారు చూస్తున్నారు. ప్రశ్నించే గొంతులను నొక్కి వేసేందుకు అధికారులు చట్టాన్ని దుర్వినియోగం చేస్తున్నారు. చివరికి సమాధానం చెప్పక తప్పదు’అని ఆమె అన్నారు.ఇదీ చదవండి: తుది దశలో భారత్‌తో వాణిజ్య ఒప్పందం

సాక్షి, చెన్నై: రైలు ప్రయాణాల సమయంలో సెల్‌ ఫోన్‌ స్పీకర్లలో అధిక శబ్ధంతో పాటలు వింటూ, వీడియోలు చూస్తూ తోటి వారికి ఇబ్బంది కలిగించే వారిపై దక్షిణ రైల్వే ఇకపై కఠినంగా వ్యవహరించనుంది. ఇయర్‌ ఫోన్లు వాడకుండా, ఫోన్‌ స్పీకర్లను ఆన్‌ చేసే వారికి జరిమానాలతో పాటు శిక్షలు కూడా తప్పవంటూ హెచ్చరికలు చేసింది. ఈ మేరకు ఈ నెల 6వ తేదీన ఒక సర్క్యులర్‌ విడుదల చేసింది. ప్రయాణికుల నుంచి పెద్ద సంఖ్యలో ఫిర్యాదులు అందడంతో ఈ మేరకు చర్యలు తీసుకుంటున్నట్లు తెలిపింది.ఈ నిబంధనలపై ప్రయాణికుల్లో అవగాహన కల్పించేందుకు హిందీ, ఇంగ్లిష్, స్థానిక భాషల్లో రైల్వే స్టేషన్లు, రైళ్లలో ప్రకటనలు చేయనుంది. ప్రయాణికులు విధిగా హెడ్‌ఫోన్‌లు ఉపయోగించాలని, బిగ్గరగా ఫోన్‌ కాల్స్‌ మాట్లాడవద్దని సూచించింది. తోటి ప్రయాణికులకు అసౌకర్యం కలిగించే వారికి రూ.1,000 వరకు జరిమానా విధించడంతో పాటు, వారిని రైలు లేదా స్టేషన్‌ నుంచి కిందకి దించేసే అవకాశం ఉంటుంది.పదేపదే ఈ నిబంధనను ఉల్లంఘించే వారికి రూ.5,000 వరకు జరిమానాతో పాటూ 6 నెలల వరకు జైలు శిక్ష విధించవచ్చని రైల్వే స్పష్టం చేసింది. జరిమానాలు విధించే అధికారాన్ని రైళ్లలో విధుల్లో ఉండే టికెట్‌ ఇన్‌స్పెక్టర్‌ (టీటీఈ)లకు, వాణిజ్య విభాగానికి చెందిన సీనియర్‌ అధికారులకు అప్పగించామని తెలిపింది. దక్షిణ రైల్వేతోపాటు ఉత్తర, పశ్చిమ రైల్వే జోన్లు కూడా ఇలాంటి నిబంధనలను అమలు చేయాలని నిర్ణయించాయి.ఇదీ చదవండి: రాముడి పేరుతో అధికారంచందాల చోరీపై మౌనం

మొదటి భర్తతో విడాకులు, రెండవ భర్తతో గొడవలు.. మరో వ్యక్తితో వివాహేతర సంబంధం.. చివరకు ప్రియుడితో కలిసి భర్తనే హతమార్చిందో మహిళ. అనంతరం దుండగులు ఇంట్లోకి చొరబడి భర్తను హత్య చేశారంటూ పోలీసులను నమ్మించే ప్రయత్నం చేసింది. అయితే, పోలీసుల విచారణలో అసలు విషయం బయటపడింది. ఈ ఘటన హర్యానాలోని ఫరీదాబాద్‌లో చోటుచేసుకుంది.ఉత్తరప్రదేశ్‌లోని హాథ్రస్‌ జిల్లాకు చెందిన గోపాల్‌ ఫరీదాబాద్‌లోని ఓ కంపెనీలో 20 ఏళ్లుగా మెషిన్‌ ఆపరేటర్‌గా పనిచేస్తున్నాడు. 16 ఏళ్ల క్రితం అదే కంపెనీలో పనిచేసే కాజల్‌తో పరిచయం ప్రేమగా మారింది. అప్పటికే పెళ్లయి, ఐదేళ్ల కుమార్తె ఉన్న కాజల్‌ మొదటి భర్తను విడిచిపెట్టి గోపాల్‌ను పెళ్లి చేసుకుంది. అయితే, కొంతకాలంగా బౌన్సర్‌గా పనిచేస్తున్న యోగేంద్రతో కాజల్‌కు సంబంధం ఏర్పడటంతో భార్యాభర్తల మధ్య తరచూ గొడవలు మొదలయ్యాయి.ఈ క్రమంలో కాజల్‌.. ప్రియుడు యోగేంద్రతో కలిసి గోపాల్‌ను హతమార్చేందుకు ప్లాన్‌ వేసుకుంది. అక్టోబర్‌ 13న పిల్లలతో ఫరీదాబాద్‌కు వచ్చిన కాజల్‌.. మరుసటి రోజు యోగేంద్రను కూడా పిలిపించింది. రాత్రి మద్యం తాగి ఇంటికి వచ్చిన భర్త గోపాల్‌.. భార్యతో కలిసి నిద్రపోయాడు. ఈ సమయంలో కాజల్‌ కూరగాయలు కోసే కత్తితో గాఢ నిద్రలో ఉన్నటువంటి అతడి గొంతుపై పలుమార్లు దాడి చేయడంతో.. తీవ్ర రక్తస్రావంతో గోపాల్‌ అక్కడికక్కడే ప్రాణాలు విడిచాడు.హత్య అనంతరం దుండగులు ఇంట్లోకి వచ్చి భర్తపై దాడి చేశారని కాజల్‌ అందరినీ నమ్మించసాగింది. అయితే, ఆమె ప్రవర్తిస్తున్న తీరుపై పోలీసులకు అనుమానం రాగా, విచారణలో ప్రియుడితో కలిసి హత్య చేసినట్లు తేలింది. అలాగే, గోపాల్‌ సోదరుడు అశోక్‌ అతడి కుమార్తెపై అనుమానం వ్యక్తం చేసినప్పటికీ, ఆమెకు హత్యతో ఎటువంటి సంబంధం లేదని పోలీసుల విచారణలో తేలింది. దీంతో పోలీసులు ఈ హత్యకు కారకులైన కాజల్‌, ఆమె ప్రియుడు యోగేంద్రను అరెస్ట్‌ చేసి, కేసు దర్యాప్తు చేపట్టారు.ఇదీ చదవండి: భార్య నడతపై భర్తకు అనుమానం..!

కోల్‌కతా: పశ్చిమ బెంగాల్‌ రాజధాని కోల్‌కతాలో దుర్గామాత మండపం వద్ద తొక్కిసలాట ఘటనలో మృతుల సంఖ్య 19కి చేరుకుంది. మృతదేహాలను గుర్తించే ప్రక్రియ ఇంకా పూర్తి కాలేదు. 25 మంది గాయపడ్డారు. ఈ దుర్ఘటనపై పోలీసులు దర్యాప్తు వేగవంతం చేశారు. చోర్‌బగన్‌ దుర్గా పూజ మండపం నిర్వాహకులతోపాటు ఏడుగురిని అరెస్టు చేసినట్లు అదివారం ప్రకటించారు. సుమోటోగా కేసు నమోదు చేసినట్లు చెప్పారు. దర్యాప్తులో భాగంగా శనివారం రాత్రి 14 మందిని అదుపులోకి తీసుకొని ప్రశ్నించారు. ఏడుగురిని అరెస్టు చేశామని, మరికొన్ని అరెస్టులు జరిగే అవకాశం ఉందని వెల్లడించారు.పూజా మండపం కమిటీ కార్యదర్శి రాజ్‌కుమార్‌ సియోదా, ఉపాధ్యక్షుడు శంతను దూబే, ఇద్దరు ప్రైవేట్‌ సెక్యూరిటీ ఏజెన్సీ ఉద్యోగులతో పాటు మరికొందరు నిర్బంధంలోకి తీసుకున్నామని పోలీసులు వివరించారు. ఏడుగురు నిందితులను పోలీసులు ఆదివారం స్థానిక కోర్టులో హాజరుపర్చారు. వారిని తమ కస్టడీకి అప్పగించాలని కోర్టును కోరారు. దుర్గా మాత మండపం వద్ద తొక్కిసలాట నేపథ్యంలో బెంగాల్‌ ప్రభుత్వం అప్రమత్తమైంది.రాష్ట్రవ్యాప్తంగా ప్రధాన దుర్గా పూజా మండపాల వద్ద భద్రతా ఏర్పాట్లను సమీక్షించేందుకు ఒక ఉన్నత స్థాయి కమిటీని ఏర్పాటు చేసింది. ఈ ఆదివారం కోల్‌కతాలోని పలు మండపాలను తనిఖీ చేసింది. భద్రతా ఏర్పాట్లను పరిశీలించింది. కమిటీలో విపత్తు నిర్వహణ శాఖ కార్యదర్శి రాజే‹Ù, అగ్నిమాపక సేవల డైరెక్టర్‌ జనరల్‌ అనుజ్‌ శర్మ, ఎస్‌టీఎఫ్‌ డీజీపీ జావేద్‌ షమీమ్‌ సభ్యులుగా ఉన్నారు.బాధితులకు అమిత్‌ షా పరామర్శతొక్కిసలాటలో గాయపడి కోల్‌కతాలో ఒక ప్రైవేట్‌ ఆసుపత్రిలో చికిత్స పొందుతున్న 14 మంది బాధితులను కేంద్ర హోం మంత్రి అమిత్‌ షా ఆదివారం పరామర్శించారు. వైద్యులతో మాట్లాడారు. బాధితుల ఆరోగ్య పరిస్థితి, వారికి అందుతున్న చికిత్స గురించి అడిగి తెలుసుకున్నారు. ముగ్గురు క్షతగాత్రులతో అమిత్‌ స్వయంగా మాట్లాడారు. ధైర్యంగా ఉండాలని సూచించారు. ప్రభుత్వం ఆదుకుంటుందని భరోసా ఇచ్చారు. అంతకుముందు కోల్‌కతాలో కాళీఘాట్‌ ఆలయాన్ని అమిత్‌ షా సందర్శించారు.రూ.25 లక్షల పరిహారం, ప్రభుత్వ ఉద్యోగంతొక్కిసలాటలో మరణించిన వారి కుటుంబాలకు రూ.25 లక్షల చొప్పున పరిహారం, గ్రూప్‌–డి ప్రభుత్వ ఉద్యోగం ఇవ్వనున్నట్లు రాష్ట్ర ముఖ్యమంత్రి సువేందు అధికారి ప్రకటించారు. క్షతగాత్రులకు రూ.5 లక్షలు చొప్పున అందజేస్తామని చెప్పారు. వారి వైద్య ఖర్చులను రాష్ట్ర ప్రభుత్వమే భరిస్తుందని అన్నారు.తొక్కిసలాటపై సమగ్ర విచారణకు ప్రత్యేక దర్యాప్తు బృందాన్ని(సిట్‌) ఏర్పాటు చేస్తున్నట్లు తెలిపారు. అక్కడ విధుల్లో ఉన్న తాత్కాలిక హోంగార్డులు నిర్లక్ష్యంగా ఉన్నారా? అనే కోణంలోనూ దర్యాప్తు చేపట్టాలని అధికారులను ఆదేశించారు. దుర్గాపూజ మండపాల వద్ద వీఐపీ గేట్లను ఏర్పాటు చేసే పద్ధతిని రద్దు చేయాలని యోచిస్తున్నట్లు సీఎం తెలిపారు. భక్తుల ప్రవేశం, నిష్క్రమణ కోసం కచ్చితమైన ఏర్పాట్లు చేయాలని పేర్కొన్నారు.మండపం కూలబోతోందంటూ అనౌన్స్‌మెంట్‌!మండపం కూలిపోయే స్థితిలో ఉందని, ప్రజలను ఖాళీ చేయాలంటూ కోరుతున్న ప్రకటనకు సంబంధించిన వీడియో ఫుటేజ్‌ లభించిందని, ఆ ప్రకటన ఎవరు చేశారో గుర్తించేందుకు ప్రయత్నిస్తున్నామని పోలీసు ఉన్నతాధికారి వెల్లడించారు. దుర్గామాత మండపం వద్ద అకస్మాత్తుగా భారీ వర్షం కురవడం, ఆ తర్వాత జనసమూహాన్ని నియంత్రించడంలో నిర్వాహకులు విఫలం కావడం, తప్పుదోవ పట్టించే ప్రకటనలు చేయడం, దాంతో భక్తుల్లో గందరగోళం నెలకొనడంతో తొక్కిసలాట జరిగినట్లు భావిస్తున్నామని పోలీసు అధికారి తెలిపారు.ఘటనా స్థలంలో పోలీసు సిబ్బంది, ప్రైవేట్‌ సెక్యూరిటీ గార్డులు తగినంత మంది లేకపోవడం వల్ల పరిస్థితి మరింత దిగజారినట్లు గుర్తించారు. సీసీటీవీ కెమెరా ఫుటేజీని సేకరించామని, స్థానికులు, ప్రత్యక్ష సాక్షుల వాంగ్మూలాలను నమోదు చేశామని వివరించారు. తొక్కిసలాట సమయంలో ప్రవేశ ద్వారం గుండా బయటకు వెళ్లిపోవడానికి జనమంతా ఒకేసారి ఎగబడ్డారని, ఆ దారి ఇరుకుగా ఉండటం ప్రమాదానికి కారణమైందని పేర్కొన్నారు. ప్రవేశం, నిష్క్రమణ, జనసమూహం కదలికలకు సంబంధించి సరైన సమాచారం లేకపోవడంతో గందరగోళానికి వారు గురయ్యారని తెలిపారు. మండపానికి ఆనుకుని ఉన్న రహదారులపై సెక్షన్‌ 163 కింద నిషేధాజ్ఞలు విధించారు. వేదిక చుట్టూ ఉన్న రహదారులపై ప్రజలు గుమికూడకుండా నిషేధించారు.ప్రభుత్వ వైఫల్యం వల్లే: టీఎంసీఘటనపై విపక్ష తృణమూల్‌ కాంగ్రెస్‌ పార్టీ తీవ్ర ఆగ్రహం వ్యక్తంచేసింది. ప్రభుత్వ వైఫల్యం వల్లే ఈ దుర్ఘటన జరిగినట్లు ఆరోపించింది. జన సమూహ నియంత్రణకు ఏర్పాట్లు చేయకపోవడం, పోలీసుల కొరత, అత్యవసరంగా స్పందించే వ్యవస్థ లేకపోవడంతో భక్తులు ప్రాణాలు కోల్పోయారని పేర్కొంది. ఈ మేరకు ఆదివారం సోషల్‌ మీడియాలో పోస్టుచేసింది. తొక్కిసలాట జరిగిన ప్రదేశంలో తగినంత మంది పోలీసు సిబ్బంది, పౌర వాలంటీర్లు, అంబులెన్సులు లేవని విమర్శించింది. పూజా నిర్వహణ కమిటీలో ముఖ్యమంత్రి సువేందు మేనల్లుడు దేవదీప్‌ సైతం ఉన్నారని తృణమూల్‌ కాంగ్రెస్‌ నేత అభిõÙక్‌ బెనర్జీ వెల్లడించారు.మళ్లీ దుర్గా పూజ చేసుకోబోంతొక్కిసలాటలో మృతిచెందినవారి కుటుంబ సభ్యులు కన్నీరు మున్నీరయ్యారు. మృతదేహాలను తీసుకెళ్లేందుకు ఆదివారం ఆసుపత్రికి చేరుకున్నారు. కొందరు దుఃఖంతో మాటలు రాక నిశ్చేష్టులయ్యారు. మరికొందరు ఇక తిరిగిరాని తమ ఆప్తులను స్మరించుకుంటూ కన్నీరు పెట్టుకున్నారు. తమ జీవితంలో మళ్లీ దుర్గా పూజ ఉండదని అన్నారు. ఈసారి పండుగ ఎప్పటికీ మర్చిపోలేని చేదు జ్ఞాపకాలనే మిగిల్చిందని ఆవేదన వ్యక్తచేశారు.ఇదీ చదవండి: తమిళనాట ​వర్ష బీభత్సం.. చెన్నై సహా పలు జిల్లాలకు ‘ఆరెంజ్ అలర్ట్’

గ్వాలియర్‌: దసరా నవరాత్రుల సందర్భంగా అమ్మవారి దర్శనం కోసం వేచి చూస్తున్న భక్తులపైకి మృత్యుశకటం దూసుకొచ్చి 15 మందిని బలి తీసుకుంది. ట్రక్కును అదుపుచేయడానికి ప్రయత్నించిన ఇద్దరు పోలీసులు సహా 25 మంది గాయపడ్డారు. మృతుల్లో టీనేజర్లు ఎక్కువగా ఉన్నారు. మధ్యప్రదేశ్‌లోని గ్వాలియర్‌ జిల్లాలోని శీతలా మాత ఆలయం వద్ద శనివారం అర్ధరాత్రి తర్వాత 1.30 గంటల సమయంలో ఈ దుర్ఘటన చోటుచేసుకుంది.పంజాబ్‌ రిజిస్ట్రేషన్‌ నంబర్‌తో ఉన్న ట్రక్కు ధాన్యం లోడ్‌తో వెళ్తూ చినార్‌ రోడ్డులోని నోఎంట్రీ జోన్‌లోకి ప్రవేశించింది. వేగంగా వెళ్తూ ఎదురుగా ఒక్కసారిగా భారీ స్థాయిలో జనం కన్పించడంతో డ్రైవర్‌ ట్రక్కు బ్రేకులు వేయగా అవి ఫెయిల్‌ అయ్యాయి. దీంతో ట్రక్కును ఎడమవైపునకు తిప్పగా శీతలామాత ఆలయ గోడను ఢీకొట్టి దానిని బద్దలుకొట్టి ఆలయ బయట దర్శనం కోసం వేచి ఉన్న భక్తుల మీదకు దూసుకెళ్లింది. దీంతో 15 మంది అక్కడిక్కడే ప్రాణాలు కోల్పోయారు. రోడ్డు పక్కన ఉన్న దుకాణాలను, ఆలయ ప్రవేశ ద్వారాన్ని సైతం ట్రక్కు నాశనంచేసింది.ట్రక్కు అత్యంత వేగంగా ఢీకొనడంతో ఆలయ గోడ కూలిపోయింది. దాని శిథిలాల కింద భక్తులు చిక్కుకుపోయారు. భక్తులు ట్రక్కు కింద నలిగిపోవడంతో ఆ ప్రాంతం రక్తసిక్తంగా మారింది. ట్రక్కు డ్రైవర్‌ వెంటనే అక్కడి నుంచి పారిపోగా పోలీసులు వేటాడిమరీ పట్టుకున్నారు. ‘‘నో–ఎంట్రీ జోన్‌లోకి ట్రక్కును పోనిచ్చిన డ్రైవర్‌ ఒక్కసారిగా ఎదురుగా భక్తులు అడ్డురావడంతో ఎడమవైపునకు తిప్పాడు. ఒకవేళ ట్రక్కు నేరుగా ముందుకు వెళ్లి ఉంటే 600 నుంచి 700 మంది భక్తులపైకి దూసుకెళ్లి ఉండేది. ప్రాణనష్టం ఊహించనంతగా జరిగేది’’ అని కలెక్టర్‌ రుచిరా చౌహాన్‌ అభిప్రాయపడ్డారు.విధుల నుంచి ఎస్పీ తొలగింపుశీతలా మాత ఆలయం వద్ద జరిగిన ప్రమాదంలో భక్తులు ప్రాణాలు కోల్పోవడం పట్ల ప్రధాని మోదీ తీవ్ర విచారం వ్యక్తం చేశారు. బాధిత కుటుంబాలకు ప్రగాఢ సానుభూతి తెలియజేశారు. మృతుల కుటుంబాలకు రూ.2 లక్షల చొప్పున, గాయపడిన వారికి రూ.50,000 చొప్పున నష్టపరిహారం ఇస్తామని ప్రకటించారు. తీవ్రంగా గాయపడిన వారి చికిత్స ఖర్చులను ప్రభుత్వమే భరిస్తుందని మధ్యప్రదేశ్‌ ముఖ్యమంత్రి మోహన్‌ యాదవ్‌ తెలిపారు.జనం మీదకు దూసుకొచ్చిన ట్రక్కు. గుమికూడిన భక్తులుమృతుల కుటుంబాలకు రూ.4 లక్షల చొప్పున, తీవ్రంగా గాయపడినవారికి రూ.2 లక్షల చొప్పున, స్వల్పంగా గాయపడిన వారికి రూ.50,000 చొప్పున ఆర్థిక సహాయాన్ని ప్రకటించారు. ఈ దుర్ఘటనపై సమగ్ర విచారణ జరపాలని అధికారులను ఆదేశించారు. విధుల్లో నిర్లక్ష్యం వహించినందుకు గ్వాలియర్‌ సిటీ పోలీస్‌ ఎస్పీని విధుల నుంచి తొలగించాలని ముఖ్యమంత్రి ఆదేశించారు. ఈయనతోపాటు ముగ్గురు సీఐలు, ఒక ట్రాఫిక్‌ ఇన్‌స్పెక్టర్, ఒక హెడ్‌ కానిస్టేబుల్, ముగ్గురు కానిస్టేబుళ్లను సస్పెండ్‌ చేయాలని ఆదేశాలు జారీ చేశారు.ఘటనపై మేజిస్టీరియల్‌ విచారణకు కలెక్టర్‌ ఆదేశించారు. విచారణ అధికారిగా అదనపు జిల్లా మేజి్రస్టేట్‌ సీబీ ప్రసాద్‌ను నియమించారు. వారం రోజుల్లోపు నివేదిక సమర్పించాలని ఆదేశించారు. ట్రక్కు ఢీకొన్న ఘటనలో భక్తులు మృతిచెందడంపై కేంద్ర హోం మంత్రి అమిత్‌ షా, కాంగ్రెస్‌ అధ్యక్షుడు మల్లికార్జున ఖర్గే, పార్టీ అగ్రనేత రాహుల్‌ గాం«దీ, జ్యోతిరాదిత్య సింధియా, బీజేడీ చీఫ్‌ నవీన్‌ పట్నాయక్‌ తదితరులు సంతాపం ప్రకటించారు. నిషేధిత ప్రాంతంలోకి ఎలా వచ్చింది?శీతలా మాత ఆలయం గ్వాలియర్‌ నుంచి 20 కిలోమీటర్ల దూరంలో ఉంది. ఇది 125 ఏళ్ల చరిత్ర కలిగిన ఆలయం. నవరాత్రి ఉత్సవాల సందర్భంగా దర్శనం కోసం నిత్యం వేలాది మంది భక్తులు ఈ ఆలయానికి తరలివస్తున్నారు. ఆలయానికి ఒక కిలోమీటర్‌ దూరంలోనే వాహనాలను ఆపేస్తున్నారు. సైకిల్‌ కూడా వెళ్లడానికి వీలులేని నిషేధిత ప్రాంతంలోకి భారీ ట్రక్కు ఎలా ప్రవేశించిందనే ప్రశ్నలు తలెత్తుతున్నాయి. ట్రక్కును ఆపే ప్రయత్నంలో ఇద్దరు పోలీసు సిబ్బంది గాయపడ్డారు. ట్రక్కు తుఫానులా దూసుకొచ్చిందని, క్షణాల్లో విధ్వంసం సృష్టించిందని ప్రత్యక్ష సాక్షులు చెప్పారు. ట్రక్కు ఫిట్‌నెస్‌ కండీషన్‌ను తెల్సుకునేందుకు ట్రక్కును పరిశీలించాలని ఆర్‌టీఓను ప్రభుత్వం ఆదేశించింది.ఇదీ చదవండి: పంజాబ్‌లో ఘోర రోడ్డు ప్రమాదం.. కారు ఢీకొని 8 మంది కూలీలు మృతి

కొన్ని ఆహార పదార్థాలను కలిపి తినకూడదని, కొన్ని కాంబినేషన్లు ఆరోగ్యానికి హానికరమని తరచూ చర్చ జరుగుతుంటుంది. అయితే ఇక్కడ ఓ కుటుంబానికి ఎదురైన విషాదం ఇప్పుడు తీవ్ర కలకలం రేపుతోంది. రాత్రి నూడుల్స్‌ తిని.. టీ తాగిన కుటుంబం నిద్రపోయింది. తెల్లారేసరికి భార్యాభర్తలు, వారి ముగ్గురు చిన్నారులు సహా ఐదుగురూ విగతజీవులుగా మారారు.గ్రేటర్‌ నోయిడాలోని రబూపురా ప్రాంతం నగ్లా శ్రీ పదమ్‌ గ్రామంలో విషాదం చోటుచేసుకుంది. మహేశ్‌ (37), ఆయన భార్య లలిత (35), వారి పిల్లలు లడ్డూ (11), మిష్టి (7), సాక్షత్‌ (3) మృతిచెందారు. శనివారం ఉదయం కుటుంబంలోని ఐదుగురూ మరణించినట్లు సమాచారం అందడంతో పోలీసులు, ఉన్నతాధికారులు, అంబులెన్స్‌ సిబ్బంది అక్కడికి చేరుకున్నారు. ఆహార భద్రతా శాఖ అధికారులు కూడా ఘటనా స్థలాన్ని పరిశీలించారు.మహేశ్‌ తల్లి, స్థానికులు తెలిపిన వివరాల ప్రకారం.. కుటుంబ సభ్యులు ముందు రోజు రాత్రి నూడుల్స్‌ తిని.. టీ కూడా తాగారు. దీంతో ఫుడ్‌ పాయిజన్‌ అయ్యి ఉండొచ్చని పోలీసులు ప్రాథమికంగా అనుమానిస్తున్నారు. ఫోరెన్సిక్‌ బృందం, ఫీల్డ్‌ యూనిట్‌ ఘటనా స్థలాన్ని పరిశీలించి ఆధారాలు సేకరించాయి. మృతదేహాలను పోస్టుమార్టం కోసం తరలించారు. పరీక్షల నివేదికలు వచ్చిన తర్వాతే మరణాలకు అసలు కారణం వెల్లడికానుంది.పుచ్చకాయ-బిర్యానీ ఘటన గుర్తుందా?కొన్ని నెలల క్రితం ముంబైలోని పాయ్‌ధునీ ప్రాంతంలో ఓ కుటుంబంలో నలుగురు మరణించిన ఘటన దేశవ్యాప్తంగా చర్చనీయాంశమైంది. అబ్దుల్లా డోకాడియా (44), ఆయన భార్య నస్రీన్‌ (35), కుమార్తెలు ఆయేషా (16), జైనబ్‌ (13) మృతిచెందారు. అంతకుముందు కుటుంబ సభ్యులు బిర్యానీ తిన్నారని, ఆ తర్వాత పుచ్చకాయ తిన్నారని వార్తలు వచ్చాయి. దీంతో బిర్యానీ, పుచ్చకాయ కలిపి తినడం వల్లే మరణాలు సంభవించాయంటూ ప్రచారం జరిగింది.అయితే ఆ ఘటనలో ఫోరెన్సిక్‌ పరీక్షల నివేదికలు మరో విషయాన్ని వెల్లడించాయి. బాధితుల శరీర భాగాల్లో, వారు తిన్న పుచ్చకాయలో జింక్‌ ఫాస్ఫైడ్‌ అనే విషపదార్థం ఉన్నట్లు నివేదికలు పేర్కొన్నాయి. ఇది ఎలుకల మందులో ఉపయోగించే అత్యంత విషపూరిత రసాయనం. దీంతో ఫుడ్‌ పాయిజన్‌ ప్రచారానికి చెక్‌ పడింది. ఆపై ఆహారంలో విషపదార్థం ఎలా చేరిందన్న అంశం దర్యాప్తులో కీలకంగా మారింది. ఇప్పుడు గ్రేటర్‌ నోయిడాలో ఐదుగురి మరణాలు మరోసారి ఆహార భద్రతపై ఆందోళనలను రేకెత్తిస్తున్నాయి.ఇదీ చదవండి: ధర్నాకు దిగమంటారా? సుప్రీం కోర్టు సీరియస్‌ వార్నింగ్‌

గుజరాత్‌ ఘోర ప్రమాదం చోటు చేసుకుంది. ఓ రసాయన పరిశ్రమలో భారీ పేలుడు సంభవించి.. పలువురు కార్మికులు దుర్మరణం పాలయ్యారు. భరూచ్‌ జిల్లా వాగ్రా తాలూకాలోని సాయఖా జీఐడీసీలో ఉన్న సింజీల్‌ ఫార్మాకెమ్‌ పరిశ్రమలో శుక్రవారం అర్ధరాత్రి సమయంలో ఈ ఘోరం సంభవించింది. రియాక్టర్‌ పేలడంతో ఐదుగురు కార్మికులు ప్రాణాలు కోల్పోయారు. మరో ఆరుగురు తీవ్రంగా గాయపడినట్లు తాజా నివేదికలు వెల్లడించాయి. పేలుడు అనంతరం రసాయన వాయువు లీకవడంతో పరిశ్రమ ప్రాంగణంతో పాటు పరిసర ప్రాంతాల్లో దట్టమైన పొగ అలుముకుంది. సమాచారం అందుకున్న అధికారులు, అత్యవసర సిబ్బంది అక్కడికి చేరుకుని సహాయక చర్యలు చేపట్టారు.హైడ్రోజనేషన్‌ ప్రక్రియలో పేలుడుపరిశ్రమలో రసాయనాల తయారీ ప్రక్రియ కొనసాగుతుండగా ఈ ప్రమాదం జరిగినట్లు ప్రాథమిక సమాచారం. హైడ్రోజనేషన్‌ ప్రక్రియలో ఉపయోగిస్తున్న సుమారు 15 వేల లీటర్ల సామర్థ్యం గల రియాక్టర్‌ పేలినట్లు తెలుస్తోంది. పేలుడు తీవ్రతకు యంత్ర పరికరాలు దెబ్బతినడంతో పాటు వాటి శకలాలు పరిశ్రమ ప్రాంగణంలో చెల్లాచెదురుగా పడిపోయాయి. కొన్ని శకలాలు ఫ్యాక్టరీ వెలుపలికి కూడా ఎగిరిపడ్డాయి.15 కిలోమీటర్ల దూరం వరకు శబ్దంపేలుడు శబ్దం సుమారు 15 కిలోమీటర్ల దూరం వరకు వినిపించినట్లు పరిసర గ్రామాల ప్రజలు తెలిపారు. భారీ శబ్దంతో స్థానికులు భయాందోళనలకు గురయ్యారు. పేలుడు అనంతరం ప్లాంటులో, దాని చుట్టుపక్కల దట్టమైన పొగ కమ్ముకుంది. మీథిలీన్‌ డైక్లోరైడ్‌ (MDC) వాయువు లీకైనట్లు తెలుస్తోంది. దీంతో అక్కడ పనిచేస్తున్న కొందరు కార్మికులు, ఇతరులకు కళ్ల మంట వంటి ఇబ్బందులు ఎదురైనట్లు సమాచారం.క్షతగాత్రులకు ఆస్పత్రుల్లో చికిత్సప్రమాదంలో గాయపడిన కార్మికులను భరూచ్‌, వడోదరలోని ఆస్పత్రులకు తరలించినట్లు నివేదికలు తెలిపాయి. మృతదేహాలను భరూచ్‌ సివిల్‌ ఆస్పత్రికి తరలించారు. ఐదుగురు కార్మికులు మృతి చెందినట్లు పలు తాజా కథనాలు వెల్లడించగా, గాయపడిన వారి సంఖ్యపై కొన్ని నివేదికల్లో ఐదుగురు, మరికొన్నింటిలో ఆరుగురిగా పేర్కొన్నారు. అధికారికంగా తుది సంఖ్య నిర్ధారణ కావాల్సి ఉంది.ప్రమాదానికి కారణాలపై దర్యాప్తుఘటనపై పోలీసులు, జిల్లా అధికారులు విచారణ చేపట్టారు. గుజరాత్‌ కాలుష్య నియంత్రణ మండలి, పారిశ్రామిక భద్రత–ఆరోగ్య విభాగం అధికారులు కూడా పరిశీలన ప్రారంభించినట్లు సమాచారం. రియాక్టర్‌ పేలడానికి దారితీసిన పరిస్థితులు ఏమిటి? తయారీ ప్రక్రియలో సాంకేతిక లోపం ఏదైనా తలెత్తిందా? పరిశ్రమలో భద్రతా నిబంధనలు పాటించారా? అనే అంశాలపై దర్యాప్తు చేస్తున్నారు. ప్రమాదానికి కచ్చితమైన కారణం మాత్రం విచారణ పూర్తయిన తర్వాతే వెల్లడికానుంది.ఇదీ చదవండి: కాలువలో పడ్డ బస్సు.. 8 మంది మృతి

న్యాయ వ్యవస్థలో ఓ అరుదైన పరిణామం చోటుచేసుకుంది. ప్రజలకు న్యాయం అందించాల్సిన న్యాయమూర్తులే.. ఓ సమస్య పరిష్కారం కోసం నిరసనకు దిగుతామని హెచ్చరించాల్సి వచ్చింది. ఈ క్రమంలోనే అధికారుల తీరుపై సుప్రీంకోర్టు ధర్మాసనం తీవ్ర అసహనం వ్యక్తం చేసింది. అయితే అది వాడీవేడిగా సాగుతున్న తాజా పరిణామాలపై మాత్రం కాదు.ఫుట్‌పాత్‌ లేదు.. రోడ్డు దాటేందుకు క్రాసింగ్‌ లేదు.. పాదచారుల భద్రతపై అధికారుల నిర్లక్ష్యానికి సుప్రీంకోర్టు తీవ్ర అసహనం వ్యక్తం చేసింది. ఢిల్లీ హైకోర్టు ప్రధాన గేటు వద్ద సమస్య పరిష్కారం కాకపోతే తామే రంగంలోకి దిగుతామని న్యాయమూర్తులు హెచ్చరించారు. తదుపరి విచారణలోగా పనులు పూర్తి చేయకపోతే అక్కడే బైఠాయించి ధర్నా చేపడతామని స్పష్టం చేశారు.జస్టిస్‌ జేబీ పార్దివాలా, జస్టిస్‌ కేవీ వినోద్‌ చంద్రన్‌లతో కూడిన ధర్మాసనం పాదచారుల సమస్యపై అధికారుల తీరును తప్పుబట్టింది. అదనపు సొలిసిటర్‌ జనరల్‌ విక్రమ్‌జిత్‌ బెనర్జీని ఉద్దేశించి.. సమస్య పరిష్కారం కాకపోతే ఢిల్లీ హైకోర్టు గేటు వద్ద ధర్నాకు దిగుతామని, పని పూర్తయ్యే వరకు ఇంటికి వెళ్లబోమని వ్యాఖ్యానించింది. అవసరమైతే ఢిల్లీ ప్రభుత్వ ప్రధాన కార్యదర్శిని కూడా వ్యక్తిగతంగా కోర్టుకు పిలిపిస్తామని హెచ్చరించింది.పాదచారుల భద్రత ప్రాథమిక హక్కురాజ్యాంగంలోని ఆర్టికల్‌ 21 కల్పించిన జీవించే హక్కు, ఆర్టికల్‌ 19(1)(d)లోని సంచార స్వేచ్ఛలో సురక్షితంగా నడిచే హక్కు కూడా భాగమని సుప్రీంకోర్టు స్పష్టం చేసింది. ఫుట్‌పాత్‌లపై ఆక్రమణలు తొలగించాలని, విద్యుత్‌ స్తంభాలు, చెత్త, అక్రమ పార్కింగ్‌ వంటి అడ్డంకులను తొలగించి పాదచారులకు ఇబ్బందులు లేకుండా చూడాలని ఆదేశించింది. ఫుట్‌పాత్‌ల నిర్మాణం, నిర్వహణను రహదారుల అభివృద్ధిలో తప్పనిసరి అంశంగా పరిగణించాలని పేర్కొంది.దేశంలోని ఐదు నగరాల్లో ఫుట్‌పాత్‌ల అభివృద్ధికి పైలట్‌ ప్రాజెక్టు చేపట్టాలని, భద్రతా తనిఖీలు నిర్వహించాలని, ప్రజలు ఫిర్యాదు చేసేందుకు ఆన్‌లైన్‌ వ్యవస్థ ఏర్పాటు చేయాలని కూడా సూచించింది. వాహనాల రాకపోకలకే ప్రాధాన్యమివ్వకుండా.. ప్రజలు సురక్షితంగా నడిచేలా మౌలిక సదుపాయాలు కల్పించాలని అధికారులకు సుప్రీంకోర్టు స్పష్టం చేసింది.ఇదీ చదవండి: మోదీ గద్దె దిగాలి.. అదీ ప్రజాస్వామ్యబద్ధంగానే: ప్రకాశ్‌ రాజ్‌

కేంద్రంలోని ప్రభుత్వాన్ని మార్చాలన్న తమ లక్ష్యం ప్రజాస్వామ్యబద్ధంగానే నెరవేరుతుందని నటుడు, సామాజిక కార్యకర్త ప్రకాశ్‌ రాజ్‌ స్పష్టం చేశారు. భారత్‌ బంగ్లాదేశ్‌, నేపాల్‌ కాదని.. మనకు రాజ్యాంగం, ఓటు హక్కు ఉన్నాయని వ్యాఖ్యానించారు. ప్రభుత్వ మార్పు కోసం ఎన్నికల ద్వారానే పోరాడతామని, ఉత్తరప్రదేశ్‌ నుంచి 2029 లోక్‌సభ ఎన్నికల వరకు ఈ పోరాటాన్ని కొనసాగిస్తామని తెలిపారు.‘‘మనం నేపాల్‌ కాదు.. బంగ్లాదేశ్‌ కాదు. మనకు అంబేడ్కర్‌ ఉన్నారు, గాంధీ ఉన్నారు.. భగత్‌సింగ్‌ ఉన్నారు. మనకు రాజ్యాంగం ఉంది. ఓటు హక్కు ఉంది’’ అని ప్రకాశ్‌ రాజ్‌ పేర్కొన్నారు. ప్రజాస్వామ్య పద్ధతుల్లోనే ప్రభుత్వాన్ని గద్దె దించుతామని అన్నారు. శాంతియుత నిరసనలు, ఎన్నికల్లో ప్రభుత్వాన్ని మార్చాలని కోరడం అరాచకం కాదని.. ప్రజలు తమ రాజ్యాంగ హక్కులను వినియోగించుకుంటున్నారని వివరించారు.నిరసనకారులపై బలప్రయోగం ఎందుకు?ఢిల్లీలో కాక్రోచ్‌ జనతా పార్టీ (సీజేపీ) వ్యవస్థాపకుడు అభిజీత్‌ దీప్కేను తిరంగా మార్చ్‌కు ముందు పోలీసులు అదుపులోకి తీసుకున్న నేపథ్యంలో ప్రకాశ్‌ రాజ్‌ ఈ వ్యాఖ్యలు చేశారు. ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌)లో అక్రమాలు జరుగుతున్నాయంటూ ప్రధాన ఎన్నికల కమిషనర్‌ జ్ఞానేశ్‌ కుమార్‌కు వ్యతిరేకంగా సీజేపీ నిరసనలు చేపడుతోంది.నిరసనకారులతో చర్చలు జరపకుండా బలప్రయోగానికి దిగడం వల్లే ప్రభుత్వాన్ని మార్చాలన్న డిమాండ్లు పెరుగుతున్నాయని ప్రకాశ్‌ రాజ్‌ ఆరోపించారు. తాము ఆయుధాలతో పోరాడటం లేదని, రాజ్యాంగం, నిరసన తెలిపే హక్కే తమ ఆయుధాలని వ్యాఖ్యానించారు. మహిళలతో సహా నిరసనకారులపై పోలీసులు దాడులకు పాల్పడ్డారని ఆరోపిస్తూ.. ఈ అంశాన్ని పార్లమెంట్‌ శీతాకాల సమావేశాల్లో ప్రతిపక్షాలు లేవనెత్తాలని కోరారు.‘హర్‌ ఘర్‌ తిరంగా’ నినాదం ఏమైంది?ప్రధాని నరేంద్ర మోదీ ఇచ్చిన ‘హర్‌ ఘర్‌ తిరంగా’ పిలుపును ప్రస్తావిస్తూ ప్రకాశ్‌ రాజ్‌ ప్రశ్నలు సంధించారు. “మోదీజీ.. మీ హర్‌ ఘర్‌ తిరంగా నినాదం ఏమైంది? దేశ యువత త్రివర్ణ పతాకంతో ర్యాలీగా వెళ్లాలని కోరుకుంటోంది” అని అన్నారు. శాంతియుతంగా జాతీయ జెండాతో నిరసన తెలిపే హక్కును ఎందుకు అడ్డుకుంటున్నారని ప్రశ్నించారు.రైతులు, సంయుక్త కిసాన్‌ మోర్చా, పౌర సమాజ సంఘాల నుంచి నిరసనలకు మద్దతు లభిస్తోందని ప్రకాశ్‌ రాజ్‌ తెలిపారు. రానున్న రోజుల్లో మరింత మంది ప్రజలు వీధుల్లోకి వచ్చి శాంతియుతంగా ఆందోళనలు కొనసాగిస్తారని చెప్పారు. ప్రజాస్వామ్య వ్యవస్థలో ప్రభుత్వాన్ని ప్రశ్నించడం, నిరసన తెలపడం, ఓటు ద్వారా మార్పు కోరడం పౌరుల హక్కులని ఆయన పేర్కొన్నారు.ఇదీ చదవండి: దీప్కే జాడపై సీజేపీ ఆందోళన

కాక్రోచ్‌ జనతా పార్టీ వ్యవస్థాపకుడు అభిజీత్‌ దీప్కేను ఢిల్లీ పోలీసులు అరెస్ట్‌ చేశారు. శాంతిభద్రతలకు విఘాతం కలిగించే ప్రయత్నం చేశారని.. పైగా ఇది వరకు ఆయన సమర్పించిన బాండ్‌ను సైతం ఉల్లంఘించారని పోలీసులు చెబుతున్నారు. ఈ క్రమంలో నిన్న ఢిల్లీలో తిరంగా యాత్ర నిర్వహించేందుకు ప్రయత్నించిన ఆయన్ని, విద్యార్థి సంఘాల నేతలను ముందస్తు చర్యల్లో భాగంగా అదుపులోకి తీసుకున్నట్లు చెప్పారు.సర్‌ ప్రక్రియకు, సీఈసీకి వ్యతిరేకంగా అక్టోబర్‌ 10న జంతర్‌ మంతర్‌ వద్ద ర్యాలీకి సీజేపీ పిలుపు ఇచ్చింది. అయితే ఢిల్లీ పోలీసుల కట్టుదిట్టమైన ముందస్తు చర్యలతో ఆ ప్రయత్నం భగ్నమైంది. పైగా సీజేపీ కీలక నేతలను విమానంలోనే ఢిల్లీ పోలీసులు అరెస్ట్‌ చేశారు. ఆపై ఏడాది పాటు శాంతిభద్రతలకు భంగం కలిగించే ప్రయత్నాలేవీ చేయమంటూ వాళ్లతో సంతకాలు చేయించుకుని.. రూ.50 వేల వ్యక్తిగత బాండ్‌ మీద పోలీసులు వాళ్లను రిలీజ్‌ చేశారు. ఆ తర్వాత జంతర్‌ మంతర్‌ వద్ద మరోసారి ధర్నా చేపడతామని సీజేపీ ప్రకటించింది. అయితే ఈలోపు అనూహ్యంగా..జంతర్‌ మంతర్‌ వద్ద నిరసనలపై నిషేధం విధిస్తూ కేంద్ర హోం శాఖ, ఢిల్లీ పోలీసులు ప్రకటన చేశారు. దీనిని వ్యతిరేకిస్తూ సీజేపీ కోర్‌ కమిటీ సభ్యులు జాతీయ జెండాలతో జంతర్‌ మంతర్‌ బారికేడ్లు దూకి లోపలికి వెళ్లి నినాదాలు చేశారు. దీంతో పోలీసులు వాళ్లను అరెస్ట్‌ చేయసి కోర్టులో ప్రవేశపెట్టగా.. జ్యూడీషియల్‌ రిమాండ్‌ మీద తిహార్‌ జైలుకు తరలించారు. ఈ పరిణామాలపై దేశవ్యాప్తంగా తీవ్ర వ్యతిరేకతలు కనిపించాయి.ఈ క్రమంలోనే శుక్రవారం ఢిల్లీలో ‘లెహ్రా దో తిరంగా’ పేరిట త్రివర్ణ పతాక ప్రదర్శన, అలాగే ప్రధాన ఎన్నికల కమిషనర్‌ (సీఈసీ)కి వ్యతిరేకంగా ధర్నా చేపట్టాలని సీజేపీ భావించింది. అయితే పోలీసులు ఆ ప్రయత్నానికి అడ్డుపడ్డారు. సీజేపీ చీఫ్‌ అభిజీత్‌ దీప్కేను, ఆల్‌ ఇండియా స్టూడెంట్స్‌ అసోసియేషన్‌ (ఏఐఎస్ఏ) అధ్యక్షురాలు నేహా బోరాను అరెస్ట్‌ చేశారు.దీప్కే ఆచూకీపై సీజేపీ ఆందోళనదీప్కేను అదుపులోకి తీసుకున్న తర్వాత ఆయన ఎక్కడ ఉన్నారో తెలియడం లేదని సీజేపీ ఆందోళన వ్యక్తం చేసింది. న్యాయవాదులతో మాట్లాడేందుకు కూడా అనుమతించడం లేదని ఆరోపించింది. ఈ మేరకు పార్టీ సోషల్‌ మీడియా వేదికగా పోస్టు చేసింది. ‘ఢిల్లీ పోలీసులు అభిజీత్‌ దీప్కేను తెలియని ప్రాంతానికి తీసుకెళ్లారు. ఆయనతో మాకు సంబంధాలు తెగిపోయాయి. న్యాయవాదులతో మాట్లాడేందుకు అనుమతించడం లేదు’ అని సీజేపీ పేర్కొంది. జాతీయ జెండా చేతబట్టి ఇంటి నుంచి బయటకు రావడం ఎలా నేరమవుతుందని ప్రశ్నించింది. యువతను ఉగ్రవాదుల్లా ఎందుకు చూస్తున్నారని నిలదీసింది. ఇలాంటి చర్యలతో నిరసనల్లో పాల్గొనేవారిని అడ్డుకోలేరని వ్యాఖ్యానించింది.సీజేపీ న్యాయ విభాగానికి చెందిన రత్నా సింగ్‌ కూడా దీప్కే అరెస్ట్‌పై స్పందించారు. ఆయనను అరెస్ట్‌ చేసి ఎస్‌ఈఎం ఎదుట హాజరుపరచనున్నారని సమాచారం మాత్రం ఉందని అంటున్నారు. అయితే, దీప్కే ఆచూకీ ఇంకా తెలియలేదని, న్యాయవాదులు సైతం ఆయనను కలవలేకపోయారని పేర్కొన్నారు.పోలీసులకు సీజేపీ నేత లేఖదీప్కే ఎక్కడ ఉన్నారు? ఏ చట్ట నిబంధనల కింద ఆయనపై చర్యలు తీసుకున్నారు? నిర్బంధానికి ఆదేశించిన అధికారి ఎవరు? ఆయన కస్టడీకి బాధ్యత వహిస్తున్నది ఎవరు? అనే వివరాలు వెల్లడించాలని కోరుతూ సీజేపీ నేత రోహన్‌ దేశ్‌పాండే ఢిల్లీలోని మందిర్‌ మార్గ్‌ పోలీస్‌ స్టేషన్‌ స్టేషన్‌ హౌస్‌ ఆఫీసర్‌కు లేఖ రాశారు. దీప్కేను ఏ పోలీస్‌ స్టేషన్‌లో ఉంచారనే విషయంపై తమకు సమాచారం లేదని లేఖలో పేర్కొన్నారు. ఆయన ఆచూకీని వెల్లడించడంతో పాటు సహచరులతో మాట్లాడేందుకు, న్యాయ సహాయం పొందేందుకు అవకాశం కల్పించాలని కోరారు.నేహా బోరా విడుదలదీప్కేతో పాటు అరెస్టైన ఏఐఎస్ఏ అధ్యక్షురాలు నేహా బోరాను పోలీసులు విడుదల చేశారు. ఢిల్లీ పోలీస్‌ చట్టంలోని సెక్షన్‌ 65 ప్రకారం అవసరమైన ప్రక్రియలను పూర్తి చేసిన తర్వాత ఆమెను విడిచిపెట్టినట్లు పోలీసులు తెలిపారు. అయితే నేహాను మంగోల్‌పురిలోని యాంటీ నార్కోటిక్స్‌ టాస్క్‌ఫోర్స్‌ కార్యాలయంలో ఒంటరిగా ఉంచారని ఏఐఎస్ఏ పేర్కొంది. నిర్బంధంలో ఉన్నప్పుడు న్యాయవాదులను, సహచరులను ఆమెతో కలిసే అవకాశం ఇవ్వలేదని ఆరోపించింది.నేడు మేజిస్ట్రేట్‌ ఎదుట హాజరుభారతీయ నాగరిక్‌ సురక్షా సంహిత (BNSS)లోని సెక్షన్లు 126, 170 కింద దీప్కేపై చర్యలు తీసుకున్నట్లు ఢిల్లీ పోలీసులు తెలిపారు. శాంతిభద్రతలకు విఘాతం కలిగే అవకాశం ఉందన్న కారణంతో ముందస్తు నిర్బంధ చర్యలు చేపట్టినట్లు పేర్కొన్నారు. ఆయనను స్పెషల్‌ ఎగ్జిక్యూటివ్‌ మేజిస్ట్రేట్‌ (ఎస్‌ఈఎం) ఎదుట హాజరుపరచనున్నట్లు వెల్లడించారు. ఏడాది పాటు శాంతిభద్రతలకు విఘాతం కలిగించే చర్యలకు పాల్పడవద్దన్న బాండ్‌ నిబంధనలను దీప్కే ఉల్లంఘించారని పోలీసులు చెబుతున్నారు. అలాగే, సెంట్రల్‌ పార్క్‌కు వెళ్లవద్దంటూ ఆయనకు రెండుసార్లు నోటీసులు ఇచ్చామని, అయినా వాటిని పాటించలేదని చెబుతున్నారు. ఇదీ చదవండి: ఎముకలు విరగ్గొట్టగలరేమో, కానీ..

విజయదశమి సంబురాల్లో భాగంగా రామ్‌లీలా మైదానంలో నిర్వహించే రావణ దహనం ఎంతో ప్రత్యేకం. చెడుపై మంచి సాధించిన విజయానికి ప్రతీకగా రావణుడి దిష్టిబొమ్మను దహనం చేస్తారు. అయితే ఈసారి రావణుడితో పాటు ఓ భారీ బొద్దింక దిష్టిబొమ్మను కూడా దహనం చేయాలని నిర్వాహకులు నిర్ణయించారన్న ప్రచారం సర్వత్రా చర్చనీయాంశంగా మారింది. దేశ రాజధాని ఢిల్లీలో కాక్రోచ్‌ జనతా పార్టీ (సీజేపీ) నిరసనలు కొనసాగుతున్న వేళ.. రామలీలాలో ఈసారి 30 అడుగుల భారీ బొద్దింక దిష్టిబొమ్మను దహనం చేయనున్నారు. రావణుడు, కుంభకర్ణుడు, మేఘనాథుడి దిష్టిబొమ్మలతో పాటు దీనినీ దహనం చేసేందుకు నిర్వాహకులు ఏర్పాట్లు చేస్తున్నారు. అయితే ఈ నిర్ణయం వెనుక రాజకీయ ఉద్దేశాలేమీ లేవని అంటున్నారు. బొద్దింక అపరిశుభ్రతకు చిహ్నమని, స్వచ్ఛత సందేశాన్ని ప్రజల్లోకి తీసుకెళ్లడమే లక్ష్యమని నిర్వాహకులు చెబుతున్నారు.స్వచ్ఛత ప్రచారంలో భాగంగానే..పిటాంపురాలో ఏటా రామలీలాను నిర్వహించే శ్రీ కేశవ్‌ రామ్‌లీలా కమిటీ ఈ వినూత్న నిర్ణయం తీసుకుంది. స్వచ్ఛ భారత్‌, స్వచ్ఛ ఢిల్లీ కార్యక్రమాల్లో భాగంగానే బొద్దింక దిష్టిబొమ్మను దహనం చేయనున్నట్లు కమిటీ తెలిపింది. కమిటీ అధ్యక్షుడు, బీజేపీ ఎమ్మెల్యే అశోక్‌ గోయల్‌ మాట్లాడుతూ.. ఈ నిర్ణయానికి రాజకీయాలతో సంబంధం లేదని స్పష్టం చేశారు. చెడుపై మంచి సాధించిన విజయానికి ప్రతీకగా ఈ కార్యక్రమం ఉంటుందని పేర్కొన్నారు. రావణుడి సైన్యంలోని అసురుల్లోనూ బొద్దింకను చూపించనున్నట్లు వెల్లడించారు.సీజేపీ నిరసనల నేపథ్యంలో ఆసక్తికర పరిణామంఢిల్లీలో సీజేపీ నిరసనలు చేపడుతున్న సమయంలోనే భారీ బొద్దింక దిష్టిబొమ్మను దహనం చేయాలనే నిర్ణయం చర్చనీయాంశంగా మారింది. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలని సీజేపీ, ప్రతిపక్ష పార్టీలు, విద్యార్థి సంఘాలు డిమాండ్‌ చేస్తున్నాయి. ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌) ప్రక్రియలో అక్రమాలు జరిగాయన్నది వారి ప్రధాన ఆరోపణ. గతంలో కేంద్ర మాజీ విద్యాశాఖ మంత్రి ధర్మేంద్ర ప్రధాన్‌కు వ్యతిరేకంగా నిరసనలు చేపట్టిన సీజేపీ.. ఇప్పుడు ఎన్నికల ప్రక్రియపై ఆందోళనలకు మద్దతుగా నిలుస్తోంది. సీజేపీ నిరసనల నేపథ్యంలో ఢిల్లీలో భద్రతను కట్టుదిట్టం చేశారు. కనాట్‌ ప్లేస్‌, జంతర్‌ మంతర్‌ పరిసరాల్లో భారీ బందోబస్తు ఏర్పాటు చేశారు. పారామిలటరీ బలగాల బృందాలను కూడా మోహరించారు. బొద్దింకే సీజేపీ నిరసనలకు చిహ్నం!నిరుద్యోగ యువతను బొద్దింకలతో పోలుస్తూ సుప్రీంకోర్టు ప్రధాన న్యాయమూర్తి చేసిన వ్యాఖ్యపై ఆన్‌లైన్‌లో తీవ్ర విమర్శలు రావడంతో వ్యంగ్య నిరసన ఉద్యమంగా సీజేపీ ఏర్పడింది. ఆ వ్యాఖ్యలోని బొద్దింక ప్రతీకను తమ నిరసనలకు చిహ్నంగా మార్చుకున్న ఆ సంస్థ.. నిరుద్యోగం, పరీక్షల్లో అక్రమాలు, ప్రభుత్వ జవాబుదారీతనం వంటి అంశాలపై ప్రచారం చేస్తోంది. ఈ నేపథ్యంలో రామలీలాలో భారీ బొద్దింక దిష్టిబొమ్మ దహనం చేయాలన్న నిర్ణయం మరింత ఆసక్తిని రేకెత్తిస్తోంది.ఇదీ చదవండి: మోదీ అగ్రెసివ్‌ వీడియో.. ఇప్పుడెందుకు?

పార్లమెంట్‌లో కీలక బిల్లుల ఆమోదానికి కేంద్ర ప్రభుత్వం సిద్ధమవుతోందా?. నియోజకవర్గాల పునర్విభజన (డీలిమిటేషన్‌), మహిళా రిజర్వేషన్లకు సంబంధించిన రాజ్యాంగ సవరణ బిల్లులపై చర్చించేందుకు ఈ నెలలోనే పార్లమెంట్‌ ప్రత్యేక సమావేశాలు నిర్వహించే అవకాశం ఉందని తెలుస్తోంది. ఈ బిల్లులను ఆమోదించేందుకు అవసరమైన సంఖ్యాబలం తమకు ఉందని ప్రభుత్వ వర్గాలు చెబుతుండడం ఇప్పుడు చర్చనీయాంశమైంది.ప్రత్యేక సమావేశాల నిర్వహణపై కేంద్రం కసరత్తు చేస్తున్నట్లు ప్రభుత్వ వర్గాలను ఉటంకిస్తూ ఓ జాతీయ మీడియా వెల్లడించింది. ఈ క్రమంలో డీఎంకేతో పాటు కొన్ని చిన్న ప్రతిపక్ష పార్టీలతోనూ కేంద్రం సంప్రదింపులు జరుపుతున్నట్లు సమాచారం. బిల్లుల ఆమోదానికి అవసరమైన మద్దతును కూడగట్టే ప్రయత్నాలు జరుగుతున్నట్లు తెలుస్తోంది. అయితే, సమావేశాల తేదీలు, బిల్లులపై చర్చించే విధివిధానాలపై అధికారిక ప్రకటన వెలువడాల్సి ఉంది.ఏప్రిల్‌లోనూ ప్రయత్నం.. కానీ బిల్లులకు బ్రేక్‌మహిళా రిజర్వేషన్ల అమలును వేగవంతం చేసేందుకు కేంద్రం ఈ ఏడాది ఏప్రిల్‌ 16 నుంచి 18 వరకు పార్లమెంట్‌ ప్రత్యేక సమావేశాలు నిర్వహించింది. ఈ సందర్భంగా రాజ్యాంగ (131వ సవరణ) బిల్లు, డీలిమిటేషన్‌ బిల్లు, కేంద్రపాలిత ప్రాంతాల చట్టాల సవరణ బిల్లులను లోక్‌సభలో ప్రవేశపెట్టింది. లోక్‌సభలో సభ్యుల సంఖ్యను 543 నుంచి గరిష్టంగా 850కు పెంచడం, 2011 జనగణన ఆధారంగా నియోజకవర్గాల పునర్విభజన చేపట్టడం వంటి ప్రతిపాదనలు ఇందులో ఉన్నాయి. అయితే, రాజ్యాంగ సవరణ బిల్లుకు అవసరమైన మూడింట రెండొంతుల మెజారిటీ లభించకపోవడంతో అది ముందుకు సాగలేదు. దానిపై ఆధారపడిన మిగతా రెండు బిల్లులపైనా తదుపరి చర్యలు నిలిచిపోయాయి.అభ్యంతరాలేంటంటే..ఈ ప్రతిపాదనలపై దక్షిణాది రాష్ట్రాల ప్రాతినిధ్యం తగ్గే అవకాశం ఉందని ప్రతిపక్షాలు ఆందోళన వ్యక్తం చేశాయి. జనాభా నియంత్రణలో మెరుగైన ఫలితాలు సాధించిన రాష్ట్రాలకు అన్యాయం జరగకూడదని వాదించాయి. ఈ నేపథ్యంలోనే ఏప్రిల్‌లో ఆమోదం పొందని బిల్లులను మరోసారి ముందుకు తీసుకురావడానికి కేంద్రం ప్రయత్నిస్తోందన్న వార్త ప్రాధాన్యం సంతరించుకుంది. అయితే, ఈసారి బిల్లులు ఆమోదం పొందుతాయని ప్రభుత్వ వర్గాలు చెబుతున్నప్పటికీ, గతంలో ఎదురైన సంఖ్యాబల సమస్యను కేంద్రం ఎలా అధిగమిస్తుందన్నది కీలకంగా మారింది.అక్టోబర్‌ 26, 27 తేదీల్లో.. ఈ నెలాఖరులో సంవిధాన్‌ సదన్‌లో 12వ బ్రిక్స్‌ పార్లమెంటరీ ఫోరం జరగనుంది. ఈ కార్యక్రమాన్ని దృష్టిలో ఉంచుకుని ప్రత్యేక సమావేశాల షెడ్యూల్‌ను ఖరారు చేసే అవకాశం ఉందని ప్రభుత్వ వర్గాలు తెలిపాయి. మరోవైపు, పార్లమెంట్‌ వర్షాకాల సమావేశాలను ప్రభుత్వం ఇంకా ప్రొరోగ్‌ చేయలేదు. ప్రత్యేక సమావేశాలకు ముందు వారం రోజుల నోటీసు ఇచ్చే అవకాశం ఉందని సమాచారం.ఢిల్లీలో ఈసీ వ్యతిరేక నిరసనలు కొనసాగుతున్న వేళ.. డీలిమిటేషన్‌, మహిళా రిజర్వేషన్లకు సంబంధించిన బిల్లులపై కేంద్రం ఎలాంటి నిర్ణయం తీసుకుంటుందన్నది ఇప్పుడు ఆసక్తికరంగా మారింది. ప్రత్యేక సమావేశాలపై అధికారిక ప్రకటన, బిల్లుల పూర్తి వివరాలు వెలువడిన తర్వాతే తదుపరి కార్యాచరణపై స్పష్టత రానుంది.ఇదీ చదవండి: మోదీ వీడియోతో బీజేపీ హడావిడి.. సెటైర్లు

రాజకీయంగా కీలక పరిణామాలు చోటుచేసుకుంటున్న వేళ.. దేశ ప్రధాని నరేంద్ర మోదీకి సంబంధించిన ఓ పాత వీడియో ఇప్పుడు సోషల్‌ మీడియాలో ట్రెండింగ్‌లోకి వచ్చింది. బీజేపీ అగ్రనేతలు, కేంద్ర మంత్రులు వరుసగా ఆ వీడియోను పోస్టు చేస్తూ కాంగ్రెస్‌పై విమర్శలు గుప్పిస్తున్నారు. ఓ బహిరంగ సభలో మోదీ చేసిన వ్యాఖ్యలకు సంబంధించిన వీడియోను ఇప్పుడు ఎందుకు వైరల్‌ చేస్తున్నారనే ప్రశ్నలు నెటిజన్ల నుంచి వ్యక్తమవుతున్నాయి. ప్రస్తుతం కాంగ్రెస్‌ అగ్రనేత రాహుల్‌ గాంధీ నేతృత్వంలో ఎన్నికల సంఘం, ఓటర్ల జాబితాల ప్రత్యేక సమగ్ర సవరణ (ఎస్‌ఐఆర్‌)కు వ్యతిరేకంగా నిరసనలు కొనసాగుతున్నాయి. అటు సీజేపీ, ఇతర విద్యా సంఘాలు కూడా ఈ పోరాటం విడిగా చేస్తున్నాయి. ఈ నేపథ్యంలో రాహుల్‌ గాంధీకి రాజకీయంగా మంచి పేరు వస్తోందనే ఉద్దేశంతోనే బీజేపీ నేతలు పాత వీడియోను తెరపైకి తెచ్చారంటూ సెటైర్లు పడుతున్నాయి. ప్రధాని మోదీ నిరాశ, అసహనంతో ఉన్నారనే అర్థం వచ్చేలా సీజేపీ కూడా ఈ వీడియోపై స్పందించింది.మోదీ ఏమన్నారంటే..ఈ ఏడాది ఫిబ్రవరిలో మీరట్‌లో జరిగిన బహిరంగ సభలో మోదీ కాంగ్రెస్‌పై తీవ్ర విమర్శలు చేశారు. ప్రధాని పదవిని ఆశించేవారు ముందుగా ప్రజల హృదయాలను గెలుచుకోవాలని అన్నారు. పార్లమెంటులో ప్రధాని సీటును ఆక్రమించుకోవాలనే ఉద్దేశంతో మహిళా ఎంపీలను ముందుకు నెట్టడం ద్వారా ఆ స్థానాన్ని సాధించలేరని వ్యాఖ్యానించారు. మహిళా ఎంపీలను అలా ముందుకు పంపే స్థాయికి కాంగ్రెస్‌ దిగజారిందా? అంటూ ప్రశ్నించారు.ఢిల్లీలో జరిగిన ఏఐ సమిట్‌ సందర్భంగా యువజన కాంగ్రెస్‌ కార్యకర్తలు అర్ధనగ్నంగా నిరసన చేపట్టిన ఘటననూ మోదీ తీవ్రంగా ఖండించారు. కాంగ్రెస్‌ తన రాజకీయాలకు అంతర్జాతీయ వేదికను ఉపయోగించుకుందని, విదేశీ అతిథులు ఉన్న చోట గందరగోళం సృష్టించిందని విమర్శించారు. ఆ పార్టీ సైద్ధాంతికంగా దివాలా తీసిందని మండిపడ్డారు.‘‘కాంగ్రెస్‌ నగ్నత్వం దేశానికి తెలుసు. ఇప్పటికే ప్రజల దృష్టిలో ఆ పార్టీ నేతలు దిగజారిపోయారు. దేశాన్ని అప్రతిష్ఠపాలు చేసే పనిలో కాంగ్రెస్‌ తీరిక లేకుండా ఉంది. రాజకీయ విభేదాల కంటే వ్యక్తిగత శత్రుత్వానికే ప్రాధాన్యమిస్తోంది. గతంలో నన్ను, నా తల్లిని అవమానించారు. ఇప్పుడు ప్రపంచ నేతల ఎదుట దేశాన్ని అవమానించారు. అన్ని పరిమితులనూ దాటిపోయారు’’ అని మోదీ వ్యాఖ్యానించారు.कांग्रेस के बेलगाम नेता, देश को तबाह करने पर तुले हुए हैं... https://t.co/jLzawqFRee— Smriti Z Irani (@smritiirani) October 15, 2026తమ చర్యలకు సిగ్గుపడాల్సింది పోయి, వాటినే గొప్పగా ప్రచారం చేసుకుంటున్నారని కాంగ్రెస్‌పై విమర్శలు చేశారు. దేశాన్ని గొప్పగా తీర్చిదిద్దేందుకు ప్రజలు కష్టపడుతుంటే, కొన్ని పార్టీలు విజయాలను జీర్ణించుకోలేకపోతున్నాయని అన్నారు. ఇలాంటి అంశాలపై తాను స్పందించినప్పుడు ‘విపక్షాలపై విరుచుకుపడ్డ మోదీ’ అంటూ వార్తలు రాయవద్దని మీడియాకు విజ్ఞప్తి చేశారు.కుర్చీ కోల్పోతామనే భయమా?బీజేపీ నేతలు వరుసగా పోస్టు చేస్తున్న ఈ వీడియోపై సీజేపీ ఘాటుగా స్పందించింది. ‘‘ఇది ప్రధాని నిరాశ, అసహనాన్ని చూపిస్తోంది. కుర్చీ కోల్పోతామనే భయం ఇది’’ అని వ్యాఖ్యానించింది. మరోవైపు, పాత వీడియోను ఇప్పుడు పెద్ద ఎత్తున ప్రచారం చేయడం వెనుక కారణమేంటని పలువురు నెటిజన్లు ప్రశ్నిస్తున్నారు. అయితే, బీజేపీ నేతలు ఈ వీడియోను ఇప్పుడు ఎందుకు పోస్టు చేస్తున్నారనే దానిపై స్పష్టమైన కారణం వెల్లడికాలేదు.పాత వీడియోతో కొత్త రాజకీయ రచ్చమోదీ అప్పట్లో చేసిన వ్యాఖ్యలతో కూడిన వీడియో ఇప్పుడు బీజేపీ నేతల పోస్టులతో మళ్లీ చర్చలోకి వచ్చింది. అయితే, ఎన్నికల సంఘం, ఓటర్ల జాబితాల అంశాలపై కొనసాగుతున్న రాజకీయ పోరాటానికి ఈ వీడియోను జోడించి ఇరు పక్షాలు పరస్పరం విమర్శలు చేసుకుంటున్నాయి. పాత వీడియోను ఇప్పుడు ఎందుకు ప్రచారం చేస్తున్నారనే ప్రశ్నకు సమాధానం కంటే, దాని చుట్టూ సాగుతున్న రాజకీయ వాదోపవాదాలే ప్రస్తుతం సోషల్‌ మీడియాలో చర్చనీయాంశంగా మారాయి.ఇదీ చదవండి: కాంగ్రెస్‌, ఎస్పీకి యూపీలో షాక్‌

పిల్లలు తమకు ఎదురైన విషయాలను భయం లేకుండా పెద్దలతో పంచుకోగలగాలి. మనసులోని మాట చెప్పేందుకు జంకకూడదు.. తమకు జరిగినది చెబితే తిడతారేమో, తప్పుపడతారేమోనన్న భయం వారిలో ఉండకూడదు. ఇటీవల వచ్చిన ఇరుముడి సినిమా ఇచ్చిన సందేశం కూడా ఇదే. పిల్లలు భయం వీడి తమకు ఎదురైన అనుభవాలను చెప్పగలిగితేనే.. వారి సమస్యలు వెలుగులోకి వస్తాయి. ఇందుకు నిదర్శనంగా.. పాఠశాలలో ‘గుడ్‌ టచ్‌.. బ్యాడ్‌ టచ్‌’ పాఠం చెబుతున్న సమయంలో ఏడేళ్ల బాలిక తనపై జరుగుతున్న వేధింపులను టీచర్‌కు వెల్లడించింది.స్కూల్‌లో గుడ్‌ టచ్‌.. బ్యాడ్‌ టచ్‌పై పాఠం చెబుతున్న సమయంలో.. ఏడేళ్ల బాలిక తమ ఇంట్లో అద్దెకు ఉంటున్న అంకుల్‌ చేస్తున్న పనుల గురించి చెప్పడంతో టీచర్‌ షాక్‌కు గురయ్యారు. తనకు ఎదురవుతున్నది లైంగిక వేధింపులనే విషయం కూడా తెలియని ఆ చిన్నారి.. తనకు జరిగినదంతా వివరించింది. దీంతో విషయం తల్లిదండ్రుల దృష్టికి వెళ్లగా.. వారు పోలీసులను ఆశ్రయించారు. ఈ ఘటన మహారాష్ట్రలోని నాగ్‌పూర్‌లో చోటుచేసుకుంది.పోలీసులకు అందిన ఫిర్యాదు ప్రకారం.. రాజేశ్‌ కనోజియా అనే వ్యక్తి ఆ బాలిక ఇంట్లో అద్దెకు ఉంటున్నాడు. చాక్లెట్లు ఇస్తానని ఆశ చూపి తన గదిలోకి పిలిచేవాడని అక్కడ ఆమెను అనుచితంగా తాకి లైంగికంగా వేధించేవాడట. ఈ విషయం బయటపెడితే తీవ్ర పరిణామాలు ఎదుర్కోవాల్సి వస్తుందని.. బాలిక తండ్రిని చంపేస్తానని కూడా బెదిరించినట్లు సమాచారం.నాలుగు నెలలపాటు.. ఫిర్యాదు ప్రకారం.. ఈ ఘటనలు జూన్‌ 30 నుంచి అక్టోబర్‌ 13 మధ్య జరిగినట్లు తెలుస్తోంది. పాఠశాలలో గుడ్‌ టచ్‌–బ్యాడ్‌ టచ్‌ గురించి చెబుతున్నప్పుడు బాలిక తనకు ఎదురైన అనుభవాన్ని టీచర్‌తో పంచుకుంది. దీంతో విషయం తల్లికి తెలియగా, ఆమె పోలీసులను ఆశ్రయించారు. పోలీసులు పోక్సో చట్టంతోపాటు సంబంధిత నిబంధనల కింద కేసు నమోదు చేసి నిందితుడిని అరెస్టు చేశారు. ప్రస్తుతం దర్యాప్తు కొనసాగుతోంది.పిల్లల మాట వినడం ఎందుకు ముఖ్యం?పిల్లలు తమకు ఎదురైన ఇబ్బందులను చెప్పేందుకు భయపడకుండా చూడటం పెద్దల బాధ్యత. వారి మాటలను తేలిగ్గా తీసుకోకుండా, శ్రద్ధగా వినాలి. తమకు అసౌకర్యంగా అనిపించే స్పర్శ గురించి నమ్మకమైన పెద్దలకు చెప్పవచ్చని చిన్న వయసు నుంచే అవగాహన కల్పించాలి. నాగ్‌పూర్‌ ఘటనలో బాలిక తన అనుభవాన్ని టీచర్‌తో పంచుకోవడం వల్లే విషయం వెలుగులోకి వచ్చింది. పిల్లలకు మాట్లాడే స్వేచ్ఛ ఇవ్వడం, వారు చెప్పేది నమ్మకంగా వినడం ఎంత అవసరమో ఈ ఘటన మరోసారి గుర్తుచేస్తోంది.ఇదీ చదవండి: ‘ఏయ్‌.. నేను నీ బాస్‌ని’ రెచ్చిపోయిన ఐఏఎస్‌

ఐఏఎస్‌ ఉద్యోగానికి రాజీనామా.. రాజకీయాల్లోకి వస్తున్నారన్న ప్రచారం.. కాంగ్రెస్‌, సమాజ్‌వాదీ పార్టీల నుంచి ఆహ్వానాలంటూ చర్చ.. రాహుల్‌ గాంధీతో రహస్య భేటీ జరిగిందంటూ మరో ప్రచారం! మాజీ ఐఏఎస్‌ అధికారి దివ్యా మిట్టల్‌ రాజకీయ అడుగులపై గత కొన్ని రోజులుగా ఉత్తరప్రదేశ్‌లో ఆసక్తికర చర్చ నడిచింది. ఆమె ఏ పార్టీలో చేరతారన్న ఉత్కంఠకు తాజాగా తెరపడింది. ప్రధాన పార్టీల అంచనాలకు భిన్నంగా తన రాజకీయ ప్రస్థానంపై ఆమె కీలక ప్రకటన చేశారు.13 ఏళ్ల సివిల్‌ సర్వీసు కెరీర్‌కు స్వస్తి చెప్పిన దివ్యా మిట్టల్‌(42).. గురువారం తన రాజకీయ పార్టీని ప్రకటించారు. వచ్చే ఏడాది జరగనున్న ఉత్తరప్రదేశ్‌ అసెంబ్లీ ఎన్నికల్లో పోటీ చేయనున్నట్లు వెల్లడించారు. రాజకీయాల్లోకి వస్తానని గతంలోనే ప్రకటించిన ఆమె.. ఏదో ఒక పార్టీతో కలిసి పనిచేయడం కంటే ప్రజలతో నేరుగా మమేకమై రాజకీయాలు చేయాలన్న తన ఆలోచనను ఆచరణలో పెట్టేందుకు సిద్ధమయ్యారు.సొంత పార్టీతో రాజకీయాల్లోకి..తన పార్టీకి ‘జన్‌ నీతి భారత్‌ పార్టీ’ అని పేరు పెట్టినట్లు దివ్యా మిట్టల్‌ సోషల్‌ మీడియా వేదికగా ప్రకటించారు. ప్రజలే విధానాల రూపకల్పనలో కీలకంగా ఉండాలని, ఎన్నికల సమయంలోనే కాకుండా ఐదేళ్ల పాలనలోనూ ప్రభుత్వాన్ని ప్రశ్నించే అవకాశం ఉండాలని ఆమె పేర్కొన్నారు. కులం, మతం వంటి గుర్తింపుల కంటే ప్రజల అవసరాలకు ప్రాధాన్యమివ్వాలని స్పష్టం చేశారు. ప్రతి ప్రభుత్వ పనికి ప్రజలకు జవాబు చెప్పాల్సిందేనని పేర్కొంటూ మూడు ప్రధాన సూత్రాలను వివరించారు.मेरा राजनीतिक सफर का अगला कदम। मेरे साथ जुड़ें 🙏🙏 https://t.co/c9ihA3dxOB— Divya Mittal (@divyamittal_IAS) October 15, 2026రాహుల్‌తో భేటీ ఉత్తదేదివ్యా మిట్టల్‌ రాజకీయ ప్రవేశంపై చర్చ జరుగుతున్న సమయంలో బీజేపీ నేత ప్రశాంత్‌ ఉమ్రావ్‌ చేసిన సోషల్‌ మీడియా పోస్టు మరింత ఆసక్తి రేకెత్తించింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీతో దివ్యా మిట్టల్‌ రహస్యంగా సమావేశమయ్యారంటూ ఆయన ఆరోపించారు. దీంతో ఆమె కాంగ్రెస్‌లో చేరబోతున్నారన్న ప్రచారం మొదలైంది. అయితే, ఈ ఆరోపణలను దివ్యా మిట్టల్‌ ఖండించారు. సెప్టెంబర్‌ 29న విడుదల చేసిన వీడియోలో తాను ఏ రాజకీయ పార్టీలోనూ చేరబోనని, ప్రజలతో కలిసి పనిచేయడమే తన లక్ష్యమని స్పష్టం చేశారు.అఖిలేశ్‌ వ్యాఖ్యలతోనూ చర్చ..దివ్యా మిట్టల్‌ రాజకీయాల్లోకి వస్తున్నట్లు ప్రకటించిన నేపథ్యంలో సమాజ్‌వాదీ పార్టీ అధినేత అఖిలేశ్‌ యాదవ్‌ చేసిన వ్యాఖ్యలు కూడా చర్చకు దారితీశాయి. ఆమె ఎస్పీలో చేరితే స్వాగతిస్తామనే సంకేతంగా ఆయన వ్యాఖ్యలను పలువురు విశ్లేషించారు. మరోవైపు కాంగ్రెస్‌లో చేరతారన్న ప్రచారం కూడా సాగింది. అయితే, ఈ ఊహాగానాల మధ్య దివ్యా మిట్టల్‌ సొంత పార్టీ ప్రకటన చేయడంతో ఆమె రాజకీయ ప్రయాణంపై స్పష్టత వచ్చింది.వ్యవస్థలోని లోపాలే రాజకీయాలకు కారణమా?ప్రభుత్వ వ్యవస్థలో పనిచేసినప్పుడు ఎదురైన అనుభవాలే రాజకీయాల్లోకి రావాలన్న నిర్ణయానికి కారణమని దివ్యా మిట్టల్‌ గతంలో వివరించారు. మంజూరైనప్పటికీ నిర్మాణం కాని పాఠశాలలు, లబ్ధిదారులకు అందని భూములు, అధ్వాన్న రహదారులు, పేపర్‌ లీకేజీలతో విద్యార్థులు ఎదుర్కొంటున్న ఇబ్బందులను ప్రస్తావించారు. ప్రభుత్వ నిర్ణయాలు కాగితాలకే పరిమితం కాకుండా ప్రజలకు ప్రయోజనం చేకూర్చాలని పేర్కొన్నారు. ప్రజల సమస్యలను నేరుగా తెలుసుకుని వాటి పరిష్కారానికి కృషి చేయడమే తన రాజకీయ లక్ష్యమని చెప్పారు.ఐఐటీ.. ఐఐఎం నుంచి ఐఏఎస్‌ వరకుహరియాణాలోని రేవారీకి చెందిన దివ్యా మిట్టల్‌.. ఐఐటీ ఢిల్లీ, ఐఐఎం బెంగళూరులో చదువుకున్నారు. అనంతరం లండన్‌లో పనిచేసి, 2013లో యూపీఎస్సీ సివిల్‌ సర్వీసెస్‌ పరీక్షలో 68వ ర్యాంకు సాధించారు. ఉత్తరప్రదేశ్‌ క్యాడర్‌కు చెందిన ఆమె సంత్‌ కబీర్‌ నగర్‌, మిర్జాపూర్‌, డియోరియా జిల్లాలకు జిల్లా మేజిస్ట్రేట్‌గా సేవలందించారు. మిర్జాపూర్‌లోని మారుమూల గ్రామాలకు కుళాయి ద్వారా తాగునీరు అందించే కార్యక్రమంతో గుర్తింపు పొందారు. ఆగస్టు 30న ఐఏఎస్‌ నుంచి స్వచ్ఛంద పదవీ విరమణకు నిర్ణయం తీసుకున్న ఆమె.. తాజాగా సొంత పార్టీతో రాజకీయ ప్రస్థానాన్ని ప్రారంభించారు. 2027 యూపీ ఎన్నికల్లో ఏ నియోజకవర్గం నుంచి పోటీ చేస్తారన్నది మాత్రం ఇంకా వెల్లడించలేదు.ఇదీ చదవండి: ఈసీపై ప్రశాంత్‌ కిషోర్‌ సంచలన ఆరోపణలు

దేశ రాజధాని ఢిల్లీలో తిరంగా మార్చ్‌ నిర్వహణకు కాక్రోచ్‌ జనతా పార్టీ (సీజేపీ) సిద్ధమవుతున్న వేళ ఆ పార్టీ వ్యవస్థాపకుడు అభిజీత్‌ దీప్కే సంచలన ఆరోపణలు చేశారు. తనపై ఇంటెలిజెన్స్‌ బ్యూరో (ఐబీ) నిఘా పెట్టిందన్నారు. నంబర్‌ ప్లేట్లు లేని వాహనాలు తనను ఫాలో అవుతున్నాయని.. తనను ఏదైనా చేయొచ్చని పేర్కొన్నారు. ఢిల్లీ పోలీసులు ఏ క్షణమైనా తనను అదుపులోకి తీసుకోవచ్చని.. అయినా తాము వెనక్కి తగ్గబోమని స్పష్టం చేశారు.శుక్రవారం కన్నాట్‌ ప్లేస్‌లోని సెంట్రల్‌ పార్క్‌లో జాతీయ జెండా ఎగురవేసేందుకు సీజేపీ తిరంగా మార్చ్‌కు పిలుపునిచ్చింది. సర్‌ ప్రక్రియకు వ్యతిరేకంగా.. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ను పదవి నుంచి తొలగించాలన్న డిమాండ్‌తో ఆ పార్టీ ఈ కార్యక్రమాన్ని చేపడుతోంది. ఓటర్ల జాబితా ప్రత్యేక సమగ్ర సవరణ (SIR)లో అక్రమాలు జరిగాయన్న విపక్షాల ఆరోపణలకు సీజేపీ కూడా మద్దతు ప్రకటిస్తోంది.జెండా ఎగురవేయడం నేరమా?తిరంగా మార్చ్‌కు ముందు గురువారం మీడియాతో మాట్లాడిన దీప్కే.. జాతీయ జెండాను ఎగురవేయడం నేరమైతే జైలుకు వెళ్లడానికి కూడా సిద్ధమేనని ప్రకటించారు. ‘‘మేం ప్రశాంతంగా వెళ్లి తిరంగాను ఎగురవేస్తాం. దీన్ని నేరంగా పరిగణిస్తే.. అంతకంటే దేశద్రోహం మరొకటి ఉండదు. ఈ దేశంలో జాతీయ జెండాను ఎగురవేయడానికి జైలుకు వెళ్లాల్సి వస్తే అందుకు సిద్ధంగా ఉన్నాం’’ అని వ్యాఖ్యానించారు.సెంట్రల్‌ పార్క్‌ మూసివేతపై నిలదీతతిరంగా మార్చ్‌ నిర్వహించ తలపెట్టిన సెంట్రల్‌ పార్క్‌ను అక్టోబర్‌ 16, 17 తేదీల్లో మూసివేస్తున్నట్లు న్యూఢిల్లీ మున్సిపల్‌ కౌన్సిల్‌ (ఎన్‌డీఎంసీ) ప్రకటించింది. ఈ నిర్ణయంపై దీప్కే ప్రశ్నలు లేవనెత్తారు. తాము వంద ప్రాంతాల్లో జాతీయ జెండాను ఎగురవేస్తామని ప్రకటిస్తే.. ఆ వంద ప్రాంతాలనూ మూసివేస్తారా అని నిలదీశారు. ప్రధాని నరేంద్ర మోదీ ర్యాలీలో జాతీయ జెండాను ఎగురవేస్తామని చెబితే ఆ ర్యాలీని కూడా రద్దు చేస్తారా అని ప్రశ్నించారు.‘భయపడేది లేదు’తన ఇంటి వద్ద ఉన్న వాచ్‌మన్‌ను ఐబీ సిబ్బంది వివరాలు అడుగుతున్నారని, నంబర్‌ ప్లేట్లు లేని వాహనాలు తనను అనుసరిస్తున్నాయని దీప్కే ఆరోపించారు. ఢిల్లీ పోలీసులు తనను అదుపులోకి తీసుకునే అవకాశం ఉందని చెబుతూ.. ఇలాంటి చర్యలతో తాము భయపడబోమని ప్రధాని మోదీకి స్పష్టం చేశారు. ఇప్పటికే తన పార్టీ సహచరులు సౌరవ్‌ దాస్‌, ఆశుతోష్‌ రంకాలను అరెస్టు చేసిన విషయాన్ని ప్రస్తావించారు. జాతీయ జెండాను ఎగురవేసినందుకు ప్రజలను జైలుకు పంపుతున్నారని ఆరోపించారు. జాతీయ జెండాపై ప్రధానికి ఎందుకంత వ్యతిరేకత ఉందని ప్రశ్నించారు.సీఈసీని తొలగించాలన్నదే డిమాండ్‌ప్రభుత్వాన్ని మార్చాలన్నది తమ ఉద్దేశం కాదని దీప్కే స్పష్టం చేశారు. సీఈసీ జ్ఞానేశ్‌ కుమార్‌ను తొలగించి, స్వతంత్రంగా, నిష్పక్షపాతంగా వ్యవహరించే వ్యక్తిని ఆ పదవిలో నియమించాలని మాత్రమే కోరుతున్నామని చెప్పారు. ఇతర ఎన్నికల కమిషనర్ల అభిప్రాయాలను కూడా జ్ఞానేశ్‌ కుమార్‌ పట్టించుకోవడం లేదని ఆరోపించారు.దేశంలో ఎమర్జెన్సీ తరహా పరిస్థితులు ఉన్నాయని వ్యాఖ్యానించిన దీప్కే.. ఎమర్జెన్సీ ప్రకటిస్తే తన ప్రతిష్ట దెబ్బతింటుందనే భయంతోనే ప్రధాని మోదీ ఆ నిర్ణయం తీసుకోవడం లేదని ఆరోపించారు. అయితే, తనపై ఐబీ నిఘా ఉందని, పోలీసులు అదుపులోకి తీసుకునే అవకాశం ఉందని దీప్కే చేసిన వ్యాఖ్యలపై సంబంధిత అధికారుల స్పందన తెలియాల్సి ఉంది.ఇదీ చదవండి: న్యాయవ్యవస్థను భయపెట్టలేరు

సాక్షి, న్యూఢిల్లీ: జంతర్‌ మంతర్‌ను నిరసనల ప్రదేశంగా గుర్తించే హోదాను తొలగించడాన్ని సవాలు చేస్తూ దాఖలైన పిటిషన్‌పై సుప్రీంకోర్టు కీలక వ్యాఖ్యలు చేసింది. ఈ వ్యవహారంపై వివరణ ఇవ్వాలని కేంద్ర ప్రభుత్వం, ఢిల్లీ పోలీసులకు గురువారం నోటీసులు జారీ చేసింది. ఒకవేళ సమాధానం సంతృప్తికరంగా లేకపోతే చట్టం తన పని తాను చేసుకుపోతుందని ధర్మాసనం వ్యాఖ్యానించింది.న్యాయవాది స్వాతి సింగ్‌ మాలిక్‌ సుప్రీంకోర్టులో ఈ పిటిషన్‌ దాఖలు చేశారు. జంతర్‌ మంతర్‌ హోదా రద్దు చేస్తూ ఢిల్లీ పోలీసులు తీసుకున్న నిర్ణయాన్ని ఆమె సవాలు చేశారు. నిరసనలను నగరానికి దూరంగా ఉన్న ప్రాంతాలకు తరలిస్తే.. అధికారులకు తమ సమస్యలను తెలియజేసే అవకాశం తగ్గిపోతుందని పిటిషన్‌లో పేర్కొన్నారు. శాంతియుతంగా నిరసన తెలిపే హక్కు, భావప్రకటనా స్వేచ్ఛకు ఇది విఘాతం కలిగించవచ్చని వాదించారు.జంతర్‌ మంతర్‌ హోదా రద్దు నిర్ణయం సుప్రీంకోర్టు వ్యాఖ్యల ఆధారంగా తీసుకున్నదా? లేదంటే ఆ ప్రాంతం నిరసనల వేదికగా ఎంతవరకు ఉపయోగకరమన్న అంశంపై స్వతంత్రంగా పరిశీలించి నిర్ణయించారా? అని కూడా ధర్మాసనం కేంద్రాన్ని ప్రశ్నించింది. దీనిపై సొలిసిటర్‌ జనరల్‌ తుషార్‌ మెహతా స్పందిస్తూ.. సుప్రీంకోర్టు వ్యాఖ్యల ఆధారంగా ఈ నిర్ణయం తీసుకోలేదని స్పష్టం చేశారు. గతంలో ఏర్పాటు చేసిన కమిటీ ఈ అంశాన్ని పరిశీలించి.. సమగ్ర నివేదిక సమర్పించిందని కోర్టుకు వివరించారు.‘నిరసనకారుల మాటలు అధికారులకు చేరాలి’విచారణ సందర్భంగా పిటిషనర్‌ తరఫున వాదించిన మాజీ న్యాయమూర్తి, సీనియర్‌ న్యాయవాది ముక్తా గుప్తా.. నిరసనకారుల మాటలు అధికారంలో ఉన్నవారికి చేరే ప్రదేశంగా జంతర్‌ మంతర్‌ ఉండాలని పేర్కొన్నారు. దీనిపై జస్టిస్‌ జోయ్‌మాల్యా బాగ్చి స్పందిస్తూ.. ‘‘వినడం అనే పదాన్ని సాంకేతికత కోణంలోనూ అర్థం చేసుకోవాలి’’ అని అన్నారు. ప్రత్యామ్నాయ వేదికలుగా మూడు ప్రాంతాలుఅక్టోబర్‌ 11న ఢిల్లీ పోలీస్‌ కమిషనర్‌ అనురాగ్‌ కుమార్‌ జారీ చేసిన ఉత్తర్వుల ప్రకారం.. జంతర్‌ మంతర్‌ హోదాను తొలగించి, నిరసనలకు ప్రత్యామ్నాయ వేదికలుగా రాంలీలా మైదాన్‌, బురారీ మైదాన్‌, తూర్పు ఢిల్లీలోని సీబీడీ మైదాన్‌లను గుర్తించారు. ఈ ప్రాంతాల్లో నిరసనలు నిర్వహించేందుకు ప్రత్యేక మార్గదర్శకాలు (ఎస్‌ఓపీలు) విడిగా జారీ చేయనున్నట్లు పోలీసులు తెలిపారు.అయితే రాంలీలా మైదాన్‌లో గతంలో అనేక రాజకీయ నిరసనలు, ధర్నాలు జరిగాయి. అయితే బురారీ, షాహదరాలోని సీబీడీ మైదానాల్లో చాలా కాలంగా ఇలాంటి కార్యక్రమాలు జరగలేదని నివేదికలు చెబుతున్నాయి. ప్రత్యామ్నాయ వేదికలు ప్రజలకు అందుబాటులో ఉండటం, నిరసనల ఉద్దేశం అధికారులకు చేరే అవకాశం వంటి అంశాలు ఈ వివాదంలో కీలకంగా మారాయి.ఢిల్లీ హైకోర్టులోనూ పిటిషన్‌జంతర్‌ మంతర్‌ హోదా రద్దుపై ఢిల్లీ హైకోర్టులోనూ పిటిషన్‌ దాఖలైంది. ఇండియన్‌ యూత్‌ కాంగ్రెస్‌ అధ్యక్షుడు ఉదయ్‌ భాను చిబ్‌.. నిరసనకు అనుమతి నిరాకరించడాన్ని సవాలు చేస్తూనే.. ఇప్పటికే దాఖలు చేసిన పిటిషన్‌లో కొత్త ఉత్తర్వులను కూడా సవాలు చేశారు. జంతర్‌ మంతర్‌ను డీనోటిఫై చేయడాన్ని కాంగ్రెస్‌ సహా విపక్షాలు, అలాగే కాక్రోచ్‌ జనతా పార్టీ, విద్యార్థి సంఘాలు తీవ్రంగా ఖండిస్తున్నాయి. ఈ క్రమంలోనే నిర్ణయం ప్రకటించిన మరుసటి రోజే జంతర్‌ మంతర్‌ వద్దకు దూసుకెళ్లిన సీజేపీ కోర్‌ కమిటీ సభ్యులు.. జాతీయ జెండాలు ప్రదర్శించారు. దీంతో వాళ్లను అరెస్ట్‌ చేసి.. రిమాండ్‌ కింద తిహార్‌ జైలుకు తరలించారు. ఈ అరెస్టును దేశవ్యాప్తంగా రాజకీయ వర్గాలు ఖండించాయి.గతంలో జంతర్‌ మంతర్‌ వద్ద నిరసనలపై సంపూర్ణ నిషేధం విధించడం సరికాదని సుప్రీంకోర్టు 2018లో పేర్కొన్న తీర్పును కూడా పిటిషనర్‌ ప్రస్తావించినట్లు తెలుస్తోంది. ఈ నేపథ్యంలో కేంద్రం, ఢిల్లీ పోలీసుల సమాధానాల తర్వాత సుప్రీంకోర్టు తదుపరి ఎలాంటి చర్యలు తీసుకుంటుందన్నది ఆసక్తికరంగా మారింది.ఇదీ చదవండి: మతం మారితే ఇక అంతే!.. సుప్రీం కోర్టు

ప్రధాని నరేంద్ర మోదీపై తరచూ విమర్శలు చేసే ఎంఐఎం అధినేత అసదుద్దీన్‌ ఓవైసీ పొలిటికల్‌ సర్‌ప్రైజ్‌ ఇచ్చారు. ఎలాన్‌ మస్క్‌ విషయంలో మాత్రం దేశ సార్వభౌమాధికారాన్ని ముందుకు తెచ్చారు. భారత్‌ ప్రధాని గురించి మాట్లాడే హక్కు.. ఇక్కడి వ్యవహారాల్లో జోక్యం చేసుకునే అధికారం మస్క్‌కు ఎవరిచ్చారని ప్రశ్నించారు. ఇందుకు సంబంధించిన ఓ వీడియో ఇప్పుడు నెట్టింట వైరల్‌ అవుతోంది.భారత్‌లో స్టార్‌లింక్‌ సేవల ప్రారంభానికి అనుమతులు ఆలస్యమవుతున్నాయంటూ మస్క్‌ చేసిన వ్యాఖ్యల నేపథ్యంలో.. దేశ వనరుల్ని ఎలా వినియోగించుకోవాలో నిర్ణయించేది భారతదేశమేనని ఒవైసీ కుండబద్ధలు కొట్టారు. విదేశీయులు వచ్చి ఆదేశాలు ఇచ్చే పరిస్థితి ఉండకూడదని వ్యాఖ్యానించారు. ప్రధాని మోదీతో తనకు అనేక అంశాల్లో విభేదాలు ఉన్నప్పటికీ, ప్రధాని స్థానాన్ని అగౌరవపర్చడం, దేశ గౌరవానికి భంగం కలిగితే మాత్రం సహించబోనని అన్నారు.అంతేకాదు.. ప్రపంచంలోనే చౌక ధరకు ఇంటర్నెట్‌ లభించేది భారత్‌లోనని గుర్తు చేశారాయన. దేశంలో టెలికాం రంగానికి సంబంధించిన నిర్ణయాలు భారత ప్రయోజనాలను దృష్టిలో పెట్టుకుని తీసుకోవాలని, విదేశీ వ్యాపారవేత్తల ఒత్తిడికి తలొగ్గకూడదని ఆయన అభిప్రాయపడ్డారు. అలాగే భారత్‌ను రష్యా చమురు కొనొద్దని చెబుతున్న అమెరికా.. అక్కడి నుంచి డీజిల్‌ కొంటున్న విషయాన్ని ప్రస్తావించారు. భారత్‌ కూడా తన ప్రయోజనాలే ముఖ్యంగా భావించాల్సి ఉంటుందని వ్యాఖ్యానించారు. Owaisi slams Elon Musk for insulting PM Modi ji. Agree or not, he is a more loyal Indian than undignified Rahul Gandhi. https://t.co/1FUJKwKalK— Alpakanya (@Alpakanya) October 14, 2026భారతదేశ వనరులను ఎలా వినియోగించుకోవాలో నిర్ణయించేది ఈ దేశమేనని.. విదేశీ పారిశ్రామికవేత్తలు భారత్‌ విధానాలను శాసించే పరిస్థితి ఉండకూడదని అన్నారాయన. రాజకీయ విభేదాలు ఉన్నా దేశ గౌరవం, రాజ్యాంగబద్ధమైన పదవుల విషయంలో రాజీ పడకూడదన్న ఆయన వైఖరి ఇప్పుడు చర్చనీయాంశంగా మారింది.అంతకు ముందు.. అమెరికా అధ్యక్షుడు డొనాల్డ్‌ ట్రంప్‌ నుంచి ఎలాన్‌ మస్క్‌ వరకు.. విదేశీ ప్రముఖుల వ్యాఖ్యలపై ఇక్కడి రాజకీయ నేతలు గట్టిగా స్పందించడం లేదని నిలదీశారు. మస్క్‌ను ఉద్దేశించి ‘గోరా చమ్‌డీ వాలా’ (తెల్లతోలు వ్యక్తి) అంటూ మండిపడ్డారు.ఎలాన్‌ మస్క్‌కు చెందిన స్పేస్‌ఎక్స్‌ సంస్థ స్టార్‌లింక్‌ ద్వారా ఉపగ్రహ ఆధారిత ఇంటర్నెట్‌ సేవలను భారత్‌లో ప్రారంభించేందుకు ప్రయత్నిస్తోంది. అయితే సేవలను వాణిజ్యపరంగా ప్రారంభించడానికి అవసరమైన అనుమతుల ప్రక్రియ పూర్తికాలేదు. ఈ జాప్యంపై మస్క్‌ అసంతృప్తి వ్యక్తం చేస్తూ, భారత టెలికాం మార్కెట్‌లోని శక్తిమంతమైన వ్యాపార వర్గాలు స్టార్‌లింక్‌ ప్రవేశాన్ని అడ్డుకుంటున్నాయని ఆరోపించారు. రిలయన్స్‌ అధినేత ముకేశ్‌ అంబానీని ఉద్దేశించి వ్యంగ్యంగా పోస్టులు కూడా చేశారు.అయితే కేంద్ర ప్రభుత్వం ఈ ఆరోపణలను తోసిపుచ్చింది. స్టార్‌లింక్‌తో పాటు ఇతర శాటిలైట్‌ కమ్యూనికేషన్‌ సంస్థలకూ భద్రతాపరమైన పరిశీలనలు, నిబంధనల అమలు అవసరమని స్పష్టం చేసింది. అనుమతుల ప్రక్రియలో పక్షపాతం చూపుతున్నారన్న ఆరోపణలను ప్రభుత్వం ఖండించింది. ఈ వివాదం నేపథ్యంలో రాహుల్‌ గాంధీ కూడా మస్క్‌ పోస్టుకు స్పందించడంతో రాజకీయ చర్చ మొదలైంది. ఇప్పుడు ఒవైసీ వ్యాఖ్యలు ఈ అంశానికి మరో కోణాన్ని జోడించాయి. విదేశీ సంస్థలకు భారత్‌లో వ్యాపారం చేసే అవకాశం ఉండొచ్చు.. కానీ దేశ చట్టాలు, నిబంధనలు, నిర్ణయాధికారాన్ని గౌరవించాల్సిందేనన్నది మజ్లిస్‌ అధినేత వైఖరిగా ఆ వైరల్‌ వీడియోతో కనిపిస్తోంది.ఇదీ చదవండి: సీజేపీ నిరసనల ఎఫెక్ట్‌.. దేశ బహిష్కరణ నోటీసులు!

ఫోన్‌ కాల్స్‌ విషయంలో త్వరలో కొత్త విధానం అమల్లోకి రానుంది. ఇకపై మొబైల్‌కు గుర్తుతెలియని నంబర్‌ నుంచి కాల్‌ వచ్చినప్పుడు, కాలర్‌ పేరు తెలుసుకునే అవకాశం కలగనుంది. కాల్‌ చేస్తున్న వ్యక్తి పేరు, నంబర్‌ ఫోన్‌ తెరపై కనిపించేలా కాలింగ్‌ నేమ్‌ ప్రెజెంటేషన్‌ విధానాన్ని అమలు చేయాలని టెలికమ్యూనికేషన్ల శాఖ (DoT) టెలికాం సంస్థలను ఆదేశించినట్లు నివేదికలు పేర్కొంటున్నాయి.కాలింగ్‌ నేమ్‌ ప్రెజెంటేషన్‌ విధానాన్ని(CNAP) నవంబర్‌ 1 నుంచి అమలు చేయాలని కేంద్రం నిర్ణయించింది. ఈ విధానం ప్రకారం 4జీ, 5జీ వంటి ఆధునిక మొబైల్‌ నెట్‌వర్క్‌ల వినియోగదారులకు సీఎన్‌ఏపీ సేవలను డిఫాల్ట్‌గా అందుబాటులోకి తీసుకురానున్నారు. ఫోన్‌ వచ్చినప్పుడు తెరపై మొదట కాలర్‌ నంబర్‌, ఆ తర్వాత పేరు కనిపిస్తాయి. ఆ నంబర్‌ ఇప్పటికే మన ఫోన్‌లో సేవ్‌ చేసి ఉంటే, కాంటాక్ట్స్‌లో ఉన్న పేరే కనిపిస్తుంది. సేవ్‌ చేయని నంబర్‌ నుంచి కాల్‌ వస్తే, ఆ వ్యక్తి పేరును టెలికాం సంస్థ వద్ద నమోదైన చందాదారుల వివరాల ఆధారంగా చూపిస్తారు.పేరు ఎక్కడి నుంచి వస్తుంది?ప్రతి టెలికాం సంస్థ తన వినియోగదారుల పేర్లు, ఫోన్‌ నంబర్లను అనుసంధానిస్తూ ప్రత్యేక డేటాబేస్‌ను నిర్వహించాల్సి ఉంటుంది. కాల్‌ వచ్చినప్పుడు స్వీకరించే వ్యక్తి నెట్‌వర్క్‌ ఈ డేటాబేస్‌ నుంచి కాలర్‌ వివరాలను సేకరించి ఫోన్‌ తెరపై చూపిస్తుంది. అయితే వ్యాపార, బల్క్‌ కనెక్షన్లకు నిర్దేశించిన నిబంధనల ప్రకారం ధ్రువీకరించిన వ్యాపార పేరును కూడా ప్రదర్శించే అవకాశం ఉంటుంది.ఇంటర్నేషనల్‌ కాల్స్‌కు స్పెషల్‌విదేశాల నుంచి వచ్చే కాల్స్‌ విషయంలో తెరపై కాలర్‌ పేరుకు బదులుగా “International Call” అని కనిపిస్తుంది. 2జీ, 3జీ నెట్‌వర్క్‌లతో పాటు ల్యాండ్‌లైన్‌ కనెక్షన్లకు ఈ విధానాన్ని ఎప్పుడు అమలు చేయాలనే అంశాన్ని ప్రభుత్వం విడిగా పరిశీలించనుంది.స్పామ్‌ కాల్స్‌కు చెక్‌ పడుతుందా?ఈ విధానం వల్ల గుర్తుతెలియని నంబర్లను గుర్తించడం సులభమవుతుంది. అయితే ఫోన్‌లో పేరు కనిపించినంత మాత్రాన ఆ కాల్‌ సురక్షితమైనదని భావించకూడదు. మోసపూరిత కాల్స్‌, స్పామ్‌ కాల్స్‌ పూర్తిగా ఆగిపోతాయని కూడా చెప్పలేం. కాబట్టి బ్యాంకు వివరాలు, ఓటీపీలు, వ్యక్తిగత సమాచారాన్ని ఫోన్‌లో అడిగితే అప్రమత్తంగా ఉండాలి.ఇదీ చదవండి: రైల్వే టికెట్లు.. తెరపైకి సరికొత్త డిమాండ్‌

దేశవ్యాప్తంగా సంచలనం సృష్టించిన మీరట్‌ బ్లూ డ్రమ్‌ హత్య కేసులో దోషులుగా తేలిన ముస్కాన్‌ రస్తోగి, ఆమె ప్రియుడు సాహిల్‌ శుక్లాకు కోర్టు మరణశిక్ష విధించింది. అయితే ఈ కేసులో ఇప్పుడు మరో పెద్ద ప్రశ్న తెరపైకి వచ్చింది. ముస్కాన్‌ వద్ద ఉన్న పసిపాప భవిష్యత్తు ఏమిటి? ప్రస్తుతం తల్లితో కలిసి మీరట్‌ జైలులోనే ఉంటున్న ఆ చిన్నారి బాధ్యతను ఎవరు తీసుకుంటారు? మరోవైపు, సౌరభ్‌ కుటుంబం ముస్కాన్‌ పెద్ద కుమార్తెను దత్తత తీసుకునేందుకు సిద్ధమని ప్రకటించడం ఈ వ్యవహారంలో ఆసక్తికర పరిణామంగా మారింది.ముస్కాన్‌ గత ఏడాది నవంబర్‌ 24న మీరట్‌లోని వైద్య కళాశాల ఆస్పత్రిలో ఆడబిడ్డకు జన్మనిచ్చింది. అప్పటి నుంచి ఆ చిన్నారి తల్లితో పాటే జైలులో ఉంటోంది. జైలు నిబంధనల ప్రకారం ఖైదీల పిల్లలు ఆరేళ్ల వయసు వచ్చే వరకు తల్లులతో కలిసి ఉండేందుకు అనుమతి ఉంటుంది. ముస్కాన్‌కు మరణశిక్ష విధించినంత మాత్రాన వెంటనే ఉరిశిక్ష అమలు చేయరు. సెషన్స్‌ కోర్టు విధించిన మరణశిక్షకు హైకోర్టు నిర్ధారణ అవసరం. ఆ తర్వాత కూడా సుప్రీంకోర్టులో అప్పీల్‌, గవర్నర్‌, రాష్ట్రపతికి క్షమాభిక్ష పిటిషన్లు దాఖలు చేసుకునే అవకాశాలుంటాయి. దీంతో ప్రస్తుతానికి పాప నివాసంలో తక్షణ మార్పు ఉండదని జైలు అధికారులు తెలిపారు. ఉరిశిక్ష అమలుకు తేదీ ఖరారయ్యే దశలో చిన్నారి భవిష్యత్తుపై నిర్ణయం తీసుకుంటామని వివరించారు.పాప అసలు తండ్రి ఎవరు? ఈ చిన్నారి పుట్టినప్పటి నుంచే సౌరభ్‌, సాహిల్‌.. ఇద్దరిలో ఎవరికి పుట్టింది? అనే సందేహాలు వ్యక్తమయ్యాయి. సౌరభ్‌ కుటుంబ సభ్యులు డీఎన్‌ఏ పరీక్ష నిర్వహించాలని గతంలో కోరారు. చిన్నారి సౌరభ్‌ కూతురేనని నిర్ధారణ అయితే ఆమెను స్వీకరించేందుకు సిద్ధమని ఆయన సోదరుడు రాహుల్‌ అప్పట్లో ప్రకటించారు. అయితే ఇప్పటివరకు డీఎన్‌ఏ పరీక్ష నిర్వహించినట్లు సమాచారం లేదు. దీంతో పాప భవిష్యత్తుపై స్పష్టత రావాల్సి ఉంది.పెద్ద కూతురిని తీసుకుంటాం.. చిన్నారిని కాదు!సౌరభ్‌, ముస్కాన్‌లకు ఏడేళ్ల పెద్ద కుమార్తె పిహు కూడా ఉంది. ప్రస్తుతం ఆమె ముస్కాన్‌ తల్లిదండ్రుల వదద్దుంటోంది. కోర్టు తీర్పుపై స్పందించిన సౌరభ్‌ తల్లి రేణు, సోదరుడు రాహుల్‌.. ముస్కాన్‌ పెద్ద కుమార్తెను తాము దత్తత తీసుకునేందుకు సిద్ధమని తెలిపారు. అయితే ఆ నెలల పసికందును మాత్రం స్వీకరించబోమని అన్నారు. ఆ పాప సాహిల్‌ సంతానమని భావిస్తున్నట్లు వాళ్లు అనుమానిస్తున్నారు.మరోవైపు, తన పెద్ద కుమార్తె పిహును కలిసేందుకు ముస్కాన్‌ గత మూడు, నాలుగు రోజులుగా అనుమతి కోరుతున్నట్లు జైలు అధికారులు తెలిపారు. అయితే శిక్ష ఖరారయ్యే సమయానికి ఆ భేటీ జరగలేదు. తన చిన్న కుమార్తె భవిష్యత్తుపైనా ముస్కాన్‌ ఆందోళన వ్యక్తం చేసినట్లు అధికారులు పేర్కొన్నారు.ఒకవేళ ముస్కాన్‌కు మరణశిక్ష అమలై, ఆ పాపను కుటుంబ సభ్యులెవరూ స్వీకరించకపోతే.. చైల్డ్‌ వెల్ఫేర్‌ కమిటీ (CWC) జోక్యం చేసుకుంటుంది. చిన్నారికి తగిన సంరక్షణ కల్పించేలా చర్యలు తీసుకుంటుంది. బంధువుల వద్ద పెంచే అవకాశం లేకపోతే, ప్రభుత్వ గుర్తింపు పొందిన బాలల సంరక్షణ కేంద్రంలో ఉంచవచ్చు. దత్తతకు ఇవ్వాలంటే మాత్రం చట్టపరమైన ప్రక్రియ పూర్తి కావాలి.అసలేం జరిగింది?మర్చంట్‌ నేవీ మాజీ అధికారి సౌరభ్‌ రాజ్‌పుత్‌ను 2025 మార్చి 3న ముస్కాన్‌, ఆమె ప్రియుడు సాహిల్‌ శుక్లా హత్య చేసినట్లు ప్రాసిక్యూషన్‌ ఆరోపించింది. మృతదేహాన్ని ముక్కలుగా చేసి, సిమెంట్‌, ఇసుకతో నింపిన నీలిరంగు డ్రమ్‌లో దాచిపెట్టారు. సౌరభ్‌ కుటుంబ సభ్యులకు ఆయన నుంచి సమాచారం అందకపోవడంతో అనుమానాలు వ్యక్తమయ్యాయి. దర్యాప్తులో సుమారు రెండు వారాల తర్వాత ఇంట్లోని డ్రమ్‌లో మృతదేహ అవశేషాలు బయటపడ్డాయి.ఈ కేసులో 126 విచారణల అనంతరం, 22 మంది సాక్షుల వాంగ్మూలాలను పరిశీలించిన కోర్టు సెప్టెంబర్‌ 30న ముస్కాన్‌, సాహిల్‌లను దోషులుగా నిర్ధారించింది. అనంతరం అక్టోబర్‌ 14న ఇద్దరికీ మరణశిక్ష విధించింది. అయితే సెషన్స్‌ కోర్టు తీర్పు వెలువడినంత మాత్రాన ఉరిశిక్ష వెంటనే అమలుకాదు. హైకోర్టు నిర్ధారణతోపాటు తదుపరి న్యాయ ప్రక్రియ పూర్తికావాల్సి ఉంటుంది.ఇదీ చదవండి: సీజేపీ దీప్కేకు చేదు అనుభవం! ఏమైందంటే..

ఓటర్ల జాబితా ప్రత్యేక సమగ్ర సవరణ (SIR) ప్రక్రియలో అక్రమాలు జరిగాయంటూ దాఖలైన పిటిషన్లపై సుప్రీంకోర్టు గురువారం విచారణ జరపనుంది. లోక్‌సభలో ప్రతిపక్ష నేత రాహుల్‌గాంధీతో పాటు పలువురు విపక్ష నాయకులు దాఖలు చేసిన పిటిషన్‌తోపాటు, ఏఐఎంఐఎం అధినేత అసదుద్దీన్‌ ఒవైసీ దాఖలు చేసిన పిటిషన్‌ కూడా విచారణకు రానుంది. ఈ కేసులను ప్రధాన న్యాయమూర్తి జస్టిస్‌ సూర్యకాంత్‌, జస్టిస్‌ జోయ్‌మాల్య బాగ్చీలతో కూడిన ధర్మాసనం విచారించనుంది. ఓటర్ల జాబితాలో పేర్ల తొలగింపు, మార్పులపై ప్రతిపక్షాలు లేవనెత్తిన అభ్యంతరాల నేపథ్యంలో ఈ విచారణ ప్రాధాన్యం సంతరించుకుంది ఎస్‌ఐఆర్‌ ప్రక్రియలో పెద్ద సంఖ్యలో ఓటర్ల పేర్లను తొలగించడంతోపాటు, జాబితాలో మార్పులు చేయడంలో అక్రమాలు జరిగాయనేది రాహుల్‌గాంధీ, ఇతర విపక్ష నేతల ప్రధాన ఆరోపణ. కేంద్ర ఎన్నికల ప్రధాన కమిషనర్‌ జ్ఞానేశ్‌ కుమార్‌ ఏకపక్షంగా నిర్ణయాలు తీసుకున్నారన్న ఆరోపణలూ ఇందులో ఉన్నాయి. ఈ వ్యవహారంపై స్వతంత్రంగా విచారణ జరిపించాలని వారు సుప్రీంకోర్టును కోరారు. ఇందుకోసం సుప్రీంకోర్టు మాజీ న్యాయమూర్తి నేతృత్వంలో, సాంకేతిక నిపుణులు, ప్రముఖులతో కూడిన స్వతంత్ర కమిటీని ఏర్పాటు చేయాలని పిటిషన్‌లో విజ్ఞప్తి చేశారు.ఎస్‌ఐఆర్‌ సందర్భంగా ఓటర్ల జాబితాలో చేసిన తొలగింపులు, మార్పులను నిర్దిష్ట గడువులోగా ఆడిట్‌ చేయాలని కోరారు. ఈ ప్రక్రియకు సంబంధించిన ఎన్నికల సంఘం రికార్డులు, సమావేశాల వివరాలు, అభ్యంతరాలు, డిజిటల్‌ యాక్సెస్‌ లాగ్‌లను పరిశీలనకు అందుబాటులో ఉంచాలని కూడా పిటిషనర్లు విజ్ఞప్తి చేశారు. తగిన నోటీసు ఇవ్వకుండా, తమ వాదన వినకుండా ఏ ఓటరు పేరునూ తొలగించకుండా ఆదేశాలు ఇవ్వాలని కోరారు.సర్‌ను సవాలు చేసిన ఒవైసీఎస్‌ఐఆర్‌ నిర్వహిస్తున్న తీరును సవాలు చేస్తూ ఏఐఎంఐఎం అధినేత, హైదరాబాద్‌ ఎంపీ అసదుద్దీన్‌ ఒవైసీ కూడా సుప్రీంకోర్టును ఆశ్రయించారు. తన పిటిషన్‌ను రాహుల్‌గాంధీ తదితరుల పిటిషన్లతో కలిపి విచారించాలని ఆయన తరఫు న్యాయవాది కోరడంతో, గురువారం విచారణకు జాబితా చేసేందుకు ధర్మాసనం అంగీకరించింది. దీంతో ఎస్‌ఐఆర్‌ ప్రక్రియకు సంబంధించిన వేర్వేరు అభ్యంతరాలు అత్యున్నత న్యాయస్థానం ముందుకు రానున్నాయి.ఢిల్లీ నిరసనలపై పిటిషన్లూ విచారణకు..మరోవైపు, అక్టోబర్‌ 10న ఢిల్లీలో ప్రధాన ఎన్నికల కమిషనర్‌ జ్ఞానేశ్‌కుమార్‌కు వ్యతిరేకంగా జరిగిన నిరసనల నేపథ్యంలో విధించిన ఆంక్షలపై దాఖలైన పిటిషన్లను కూడా సుప్రీంకోర్టు విచారించనుంది. నిరసనల సమయంలో మెట్రో స్టేషన్ల మూసివేత, రైళ్ల రాకపోకలకు అంతరాయం, పోలీసుల చర్యలకు సంబంధించిన అంశాలు ఈ పిటిషన్లలో ఉన్నాయి.నిరసనలను కవర్‌ చేస్తున్న మహిళా జర్నలిస్టులపై పోలీసులు దాడి చేశారన్న ఆరోపణలపైనా గత విచారణలో సుప్రీంకోర్టు స్పందించింది. ఈ అంశంపై వివరణ ఇచ్చేందుకు సీనియర్‌ ఢిల్లీ పోలీసు అధికారిని హాజరుకావాలని ఆదేశించింది. గతంలో ఇచ్చిన ఆదేశాల అమలుపై నివేదిక సమర్పించాలని, సంబంధిత పిటిషన్లకు సమాధానాలు ఇవ్వాలని కూడా సూచించింది. ఈ కేసుల విచారణను కూడా నేటికి(అక్టోబర్‌ 15)కు వాయిదా వేసింది.ఢిల్లీ ఎస్‌ఐఆర్‌లో ఫారం-6 వివాదంపై వేరుగా..ఢిల్లీలో ఎస్‌ఐఆర్‌ సందర్భంగా ఓటర్ల జాబితా నుంచి పేర్లు తొలగించినవారు తిరిగి పేర్లు చేర్చుకోవడానికి కొత్త ఓటర్ల నమోదు కోసం ఉద్దేశించిన ఫారం-6 సమర్పించాలని కోరుతున్నారంటూ మరో పిటిషన్‌ దాఖలైంది. దీనిపై అక్టోబర్‌ 14న విచారణ జరిపిన సుప్రీంకోర్టు, ఈ సమస్యను పరిష్కరించేందుకు ఉత్తర్వులు ఇచ్చే అంశాన్ని పరిశీలిస్తున్నట్లు తెలిపింది. కాకుంటే.. ఈ కేసు తదుపరి విచారణను అక్టోబర్‌ 28కి వాయిదా వేసింది.ఎస్‌ఐఆర్‌ ప్రక్రియపై విపక్షాల అభ్యంతరాలు, ఓటర్ల హక్కుల పరిరక్షణ, ఢిల్లీ నిరసనల సందర్భంగా పోలీసుల చర్యలు.. ఇలా పలు కీలక అంశాలపై గురువారం సుప్రీంకోర్టు విచారణ జరగనుంది. విచారణ అనంతరం ధర్మాసనం ఇచ్చే ఆదేశాలపై ఆసక్తి నెలకొంది.ఇదీ చదవండి: పోలీసుల అదుపులో అంకిత పేరెంట్స్‌.. సెన్సేషన్‌ కేసులో హైడ్రామా

రష్యాలో ఉద్యోగం చేస్తున్న సమయంలో ఓ యువతిని ప్రేమించిన పేదింటి భారతీయుడు.. స్వదేశానికి తిరిగొచ్చాడు. అతడి ఆచూకీ తెలుసుకుని ఆమె ఏకంగా బిహార్‌కు వచ్చింది. ఎలాగైతేనేం ఆ ఎక్‌ ప్రేమ్‌ కహానీకి శుభం కార్డు పడింది!. నవంబర్‌లో వీరిద్దరికీ పెళ్లి జరగనుందని, ఇరు కుటుంబాలూ ఇందుకు అంగీకరించాయి. ఈ కథ తెలిసి చాలామంది ఆశ్చర్యపోయారు. కానీ, ఈ స్క్రిప్ట్‌లో విస్తుపోయే విషయం బయటపడింది ఇప్పుడు. వైరల్‌ కథనం ప్రకారం.. బిహార్‌లోని భాగల్‌పూర్‌కు చెందిన రాహుల్‌ యాదవ్‌ పని కోసం రష్యాకు వెళ్లాడు. అక్కడ జూలీ అనే యువతితో ప్రేమలో పడ్డాడు. అనంతరం రాహుల్‌ స్వదేశానికి తిరిగిరాగా, అతడిని వెతుక్కుంటూ జూలీ బిహార్‌కు వచ్చింది. పెద్దలను ఒప్పించి పెళ్లికి సిద్ధమైంది. దీంతో మాములు ప్రేమ కథ కాదంటూ తెగ ప్రచారం జరిగింది.అయితే, ఓ జాతీయ మీడియా జరిపిన ఫ్యాక్ట్‌ చెక్‌లో అసలు మోసం బయటపడింది. వీడియోలో కనిపించిన యువకుడి అసలు పేరు నమిత్‌. అతడు భాగల్‌పూర్‌కు చెందినవాడు కాదు.. బిహార్‌లోని పూర్ణియా జిల్లాకు చెందినవాడు. ఇక యువతి పేరు జూలీ కాదు. ఆమె ఆండ్రియా కొనాలి. అంతేకాదు.. ఆమె రష్యాకు చెందిన యువతి కూడా కాదు.వైరల్‌ వీడియోలో కనిపించిన యువతీ యువకులు ప్రేమికులు కారని, ప్రచారంలో చెప్పిన వివరాలన్నీ అవాస్తవాలని ఆ మీడియా సంస్థ ఫ్యాక్ట్‌ చెక్‌ తేల్చింది.🚨 BHAGALPUR, BIHAR : A man from Bihar reportedly travelled to Russia for work, where he fell in love with a Russian woman. The couple has now arrived in India and is reportedly planning to get married in November, with the woman willing to live in his village. https://t.co/kR0xgFdUHw— indiainlast24hr (@indiain24hr) October 14, 2026ఎన్‌జీవో కార్యక్రమం కోసం..ఆండ్రియా కొనాలి బ్రిటన్‌కు చెందిన శివియా అనే స్వచ్ఛంద సంస్థతో కలిసి పనిచేస్తున్నారు. మహిళలు స్వయం ఉపాధి ద్వారా ఆర్థికంగా ఎదిగేందుకు చేపడుతున్న కార్యక్రమాలపై అవగాహన, క్షేత్రస్థాయి పరిశీలనలో భాగంగా ఆమె బిహార్‌లో పర్యటించారు. స్థానికంగా పనిచేస్తున్న సాథి అనే సంస్థతో కలిసి కార్యక్రమాలు నిర్వహించారు. ఈ క్రమంలో అక్టోబర్‌ 7, 8 తేదీల్లో ఆరుగురు మహిళల బృందం పూర్ణియా జిల్లాకు వచ్చింది. ఆ బృందంలో ఆండ్రియా కూడా ఉన్నారు.గ్రామాల్లో మహిళలతో సమావేశాలు నిర్వహించడంతోపాటు, వారు చేపడుతున్న కార్యక్రమాలను పరిశీలించారు. ఈ సందర్భంగా స్థానిక మహిళలు విదేశీ అతిథులకు గులాబీల బొకేతో స్వాగతం పలికారు. ఆండ్రియా కొన్ని ఇళ్లను కూడా సందర్శించారు. విదేశీ మహిళలు గ్రామంలో తిరుగుతుండటంతో వారిని చూసేందుకు స్థానికులు పెద్ద సంఖ్యలో గుమిగూడారు. ఆ సమయంలో అక్కడికి వచ్చిన నమిత్‌ కూడా ఆ గుంపులో ఉన్నాడు. పాపం ఆండ్రియా..వైరల్‌ వీడియోలో ఆండ్రియా చేతిలో కనిపించిన పూల బొకేను చూపిస్తూ, యువతి తన ప్రియుడి ఇంటికి వచ్చిందని ప్రచారం చేశారు. కానీ వాస్తవం వేరే. గ్రామానికి వచ్చిన అతిథులకు స్వాగతం పలికే క్రమంలో స్థానిక మహిళలు ఆ బొకేను అందించారు. ఆ కార్యక్రమానికి సంబంధించిన దృశ్యాలనే వక్రీకరించి ప్రేమకథగా చిత్రీకరించారు. దీంతో వృత్తిపరమైన కార్యక్రమంలో భాగంగా గ్రామానికి వచ్చిన యువతి వ్యక్తిగత జీవితంపై తప్పుడు ప్రచారం మొదలైంది.నమిత్‌ రష్యాకు వెళ్లి అక్కడ యువతితో ప్రేమలో పడ్డాడన్న ప్రచారాన్ని స్థానికులు ఖండించారు. అతడు ఎప్పుడూ విదేశాలకు వెళ్లలేదని మీడియాకు తెలిపారు. విదేశీ మహిళలు గ్రామానికి వచ్చారని తెలిసి పక్క గ్రామానికి వెళ్లాడని వివరించారు. మరోవైపు.. ఆ జాతీయ మీడియా సంస్థ నమిత్‌ను నేరుగా సంప్రదించేందుకు ప్రయత్నించింది. అయితే, వారు వెళ్లిన సమయంలో అతడు ఇంట్లో లేడు. అతడి మొబైల్‌ ఫోన్‌ కూడా స్విచ్ఛాఫ్‌లో ఉంది. దీంతో ఈ వ్యవహారంపై అతడి వివరణను తెలుసుకోవడం సాధ్యం కాలేదు.వీడియోను మొదట ఎవరు చిత్రీకరించారు? దానికి తప్పుడు ప్రేమకథను జోడించి ఎవరు వైరల్‌ చేశారు? ఇందులో నమిత్‌కు ఏమైనా సంబంధం ఉందా? అనే విషయాలు ఇంకా స్పష్టంగా తెలియలేదు. ఒకవేళ చట్టపరమైన చర్యలు ప్రారంభిస్తే, ఈ వ్యవహారంలో నమిత్‌ పాత్రపై కూడా ప్రశ్నలు తలెత్తే అవకాశం ఉందని సాథి సంస్థ నిర్వాహకులు తెలిపారు.లీగల్‌ చర్యల దిశగా సాథి సంస్థ..ఈ ఘటనపై సాథి సంస్థ సమన్వయకర్త అభిషేక్‌ కుమార్‌ సింగ్‌ తీవ్ర అభ్యంతరం వ్యక్తం చేశారు. తమ సంస్థకు అతిథులుగా వచ్చిన మహిళల వీడియోలను తప్పుడు కథనాలతో ప్రచారం చేయడం సరికాదన్నారు. ఈ వ్యవహారంలో చట్టపరమైన చర్యలు తీసుకునే అంశాన్ని పరిశీలిస్తున్నట్లు తెలిపారు. వాస్తవాలను నిర్ధారించుకోకుండా పెద్ద, చిన్న మీడియా సంస్థలు సైతం ఈ కథనాన్ని ప్రచురించడంపై అసంతృప్తి వ్యక్తం చేశారు. ఇలాంటి తప్పుడు ప్రచారం సంస్థల ప్రతిష్ఠకే కాకుండా, దేశం గురించి ఇతరులకు వెళ్లే సందేశంపైనా ప్రభావం చూపుతుందని అభిప్రాయపడ్డారు.ఇదీ చదవండి: స్వీట్స్‌ అడిగాడు.. ఊరే వదిలి పారిపోయేలా చేశారు

అమెరికాలో హెచ్‌-1బీ వీసాలు, గ్రీన్‌కార్డ్‌ ప్రక్రియపై ఆంక్షలతో విదేశాల్లోని భారతీయ నిపుణుల్లో అనిశ్చితి నెలకొంది. ఈ నేపథ్యంలో విదేశాల్లో పనిచేస్తున్న భారతీయులు స్వదేశానికి తిరిగొచ్చి దేశ అభివృద్ధికి తోడ్పడాలని శ్రీధర్‌ వెంబులాంటి వాళ్లు పిలుపు ఇస్తున్నారు. దానికి కేంద్ర మాజీ మంత్రి ధర్మేంద్ర ప్రధాన్‌ కూడా మద్దతు ప్రకటించిన.. స్వదేశీ సాంకేతిక సామర్థ్యాలను పెంచుకోవాల్సిన అవసరాన్ని ప్రస్తావించారు. ఇదే సమయంలో రాజకీయ నేతల పిల్లలు విదేశాల్లో ఉన్నత విద్యను అభ్యసించడం, అక్కడి సంస్థల్లో పనిచేయడం చర్చనీయాంశంగా మారింది.కేంద్ర మంత్రి పీయూష్‌ గోయల్‌ కుమారుడు ధ్రువ్‌ గోయల్‌ హార్వర్డ్‌ కాలేజీలో ఎకనామిక్స్‌ చదివారు. హార్వర్డ్‌ బిజినెస్‌ స్కూల్‌లో ఎంబీఏ పూర్తి చేశారు. ప్రస్తుతం ముంబై, న్యూయార్క్‌లో కార్యాలయాలున్న ఫోర్‌లయన్‌ క్యాపిటల్‌ సంస్థకు సీఈవోగా వ్యవహరిస్తున్నారు. ఆయన కుమార్తె రాధిక గోయల్‌ ఆక్స్‌ఫర్డ్‌లో చదివి, అమెరికాలోని యూనివర్సిటీ ఆఫ్‌ కాలిఫోర్నియా, శాన్‌ డియాగోలో ఎకనామిక్స్‌లో పీహెచ్‌డీ పరిశోధన చేస్తున్నారు.విదేశాంగ మంత్రి ఎస్‌. జైశంకర్‌ కుమారుడు అర్జున్‌ జైశంకర్‌ న్యూయార్క్‌ యూనివర్సిటీలో డిగ్రీ పూర్తి చేశారు. కొలంబియా యూనివర్సిటీలో కంప్యూటర్‌ సెక్యూరిటీలో ఎంఎస్‌ అభ్యసిస్తున్నట్లు నివేదిక పేర్కొంది. మరో కుమారుడు ధ్రువ జైశంకర్‌ మకాలెస్టర్‌ కాలేజీలో చరిత్ర, క్లాసిక్స్‌ చదివారు. జార్జ్‌టౌన్‌ యూనివర్సిటీలో సెక్యూరిటీ స్టడీస్‌లో మాస్టర్స్‌ చేశారు. ప్రస్తుతం వాషింగ్టన్‌లోని అబ్జర్వర్‌ రీసెర్చ్‌ ఫౌండేషన్‌ అమెరికా ఎగ్జిక్యూటివ్‌ డైరెక్టర్‌గా ఉన్నారు.కేంద్ర ఆర్థిక మంత్రి నిర్మలా సీతారామన్‌ కుమార్తె వాంగ్మయి పరాకాలా నార్త్‌వెస్టర్న్‌ యూనివర్సిటీలోని మెడిల్‌ స్కూల్‌లో జర్నలిజంలో మాస్టర్స్‌ చేశారు. జర్నలిస్టుగా, రచయితగా పనిచేస్తున్నారు. కేంద్ర మంత్రి ధర్మేంద్ర ప్రధాన్‌ కుమార్తె నైమిషా ఓపీ జిందాల్‌ గ్లోబల్‌ యూనివర్సిటీలో చదివి, టఫ్ట్స్‌ యూనివర్సిటీలో ఎల్‌ఎల్‌ఎం పూర్తి చేశారు. ప్రస్తుతం యూఎస్‌–ఇండియా స్ట్రాటజిక్‌ పార్ట్‌నర్‌షిప్‌ ఫోరమ్‌లో పనిచేస్తున్నారు. అంతకుముందు నీతి ఆయోగ్‌, సీఎస్‌ఐఎస్‌ వంటి సంస్థల్లో పనిచేశారు.యేల్‌లో చదివి.. క్రికెట్‌ సంఘానికి అధ్యక్షుడిగాకేంద్ర మంత్రి శివరాజ్‌ సింగ్‌ చౌహాన్‌ కుమారుడు కార్తికేయ చౌహాన్‌ యూనివర్సిటీ ఆఫ్‌ పెన్సిల్వేనియాలో న్యాయశాస్త్రంలో మాస్టర్స్‌ పూర్తి చేశారు. 2017లో సుందర్‌ ఫుడ్స్‌ అండ్‌ డెయిరీని ప్రారంభించారు. ఈ సంస్థ 7,500కు పైగా రైతు కుటుంబాలతో పనిచేస్తోంది. మరో కుమారుడు కునాల్‌ చౌహాన్‌ న్యూయార్క్‌ యూనివర్సిటీలో డిగ్రీ పూర్తి చేసి, మధ్యప్రదేశ్‌లో డెయిరీ తదితర వ్యాపారాల్లో ఉన్నారు.కేంద్ర మంత్రి జ్యోతిరాదిత్య సింధియా కుమారుడు మహానార్యమన్‌ సింధియా యేల్‌ యూనివర్సిటీలో పొలిటికల్‌ సైన్స్‌, గవర్నమెంట్‌ చదివారు. 2025 నుంచి మధ్యప్రదేశ్‌ క్రికెట్‌ అసోసియేషన్‌ అధ్యక్షుడిగా కొనసాగుతున్నారు. ఆయన కుమార్తె అనన్య రాజే సింధియా రోడ్‌ ఐలాండ్‌ స్కూల్‌ ఆఫ్‌ డిజైన్‌లో చదివి, ప్రస్తుతం అమెరికాలోని గూగుల్‌ డీప్‌మైండ్‌లో డిజైనర్‌గా పనిచేస్తున్నారు.రైల్వే మంత్రి అశ్విని వైష్ణవ్‌ కుమార్తె తన్యా వైష్ణవ్‌ బ్రిటన్‌లోని ఓ యూనివర్సిటీలో ఎంబీఏ చేసి ఆమె బ్యూటీ, వెల్‌నెస్‌, హెయిర్‌కేర్‌ రంగాల్లో వ్యాపారవేత్తగా ఉన్నారు. కుమారుడు రాహుల్‌ వైష్ణవ్‌ అడ్లర్‌ ఇండస్ట్రియల్‌ సర్వీసెస్‌ ప్రైవేట్‌ లిమిటెడ్‌ డైరెక్టర్‌గా ఉన్నారు. స్వదేశంలో అవకాశాలు ఉన్నాయా?అధికారంలో ఉన్నవాళ్లే కాదు.. ప్రతిపక్ష నేతల పిల్లలు కూడా ఇదే బాటలో ఉన్నారు. కొందరు వ్యాపార రంగంలో, మరికొందరు పరిశోధన, జర్నలిజం, ప్రజా విధానాలు, రాజకీయాల్లో కొనసాగుతున్నారు. కొందరికి విదేశాల్లో వృత్తిపరమైన అనుబంధాలు ఉండగా, మరికొందరు భారత్‌లోనే వ్యాపార, ప్రజాజీవిత రంగాల్లో పనిచేస్తున్నారు. విదేశాల్లో చదువుకున్నవారు స్వదేశానికి తిరిగిరావాలంటే భారత్‌లోనూ నాణ్యమైన ఉద్యోగాలు, పరిశోధన అవకాశాలు, సాంకేతిక సంస్థలు, వ్యాపారాలకు అనుకూల వాతావరణం ఉండాలి. అందుకే విదేశాల్లో ఉన్న భారతీయ నిపుణులు తిరిగిరావాలన్న పిలుపుల నేపథ్యంలో ఈ అంశం మరోసారి చర్చకు వస్తోంది.ఇదీ చదవండి: సీజేపీ దీప్కే సంచలన వ్యాఖ్యలు

ఎనిమిది నెలల పాటు చెమటోడ్చాడు.. టన్నుల కొద్దీ చెత్తను ఒక్కడే తొలగించాడు.. నదికి కొత్త రూపు తెచ్చాడు! కానీ, అతడి కష్టం మూణ్నాళ్ల ముచ్చటే అయింది. కొద్ది వారాలకే నది మళ్లీ చెత్తకుప్పగా మారింది. తన శ్రమంతా వృథా కావడంతో గుండె పగిలినా.. 20 ఏళ్ల బిట్టూ తబాహీ వెనక్కి తగ్గలేదు. ఈత కూడా రాని ఆ యువకుడు మరోసారి నదిలోకి దిగి చెత్తను ఏరివేయడం మొదలుపెట్టాడు.మధ్యప్రదేశ్‌లోని అజ్నార్‌ నది వద్ద ఈ హృదయవిదారక దృశ్యం కనిపించింది. సురేంద్ర సింగ్‌ చౌధరీ అలియాస్‌ బిట్టూ తబాహీ.. ఎనిమిది నెలల పాటు ఒంటరిగా శ్రమించి నదిలోని టన్నుల కొద్దీ వ్యర్థాలను తొలగించాడు. కానీ, ప్రజలు మళ్లీ చెత్త వేయడంతో కొద్ది వారాల్లోనే నది పాత స్థితికి చేరింది. ఈ పరిస్థితిపై తీవ్ర నిరాశ వ్యక్తం చేస్తూ సోషల్‌ మీడియాలో వీడియోను పంచుకున్నాడు. అయినా, నిరుత్సాహంతో ఆగిపోలేదు. ఈత రాకపోయినా నదిలోకి దిగి మరోసారి చెత్తను తొలగించడం ప్రారంభించాడు. తక్కువ సమయంలో ఎక్కువ వ్యర్థాలను తొలగించేందుకు మార్గాలు సూచించాలని తన ఫాలోవర్లను కోరాడు.అలా ఫేమస్‌ అయ్యి..బిట్టూ తబాహీ.. స్థానికంగా ఓ ఆలయం సమీపంలోని చెరువు చెత్తతో నిండిపోవడం చూసి శుభ్రం చేయాలని నిర్ణయించుకున్నాడు. ఆ తర్వాత అజ్నార్‌ నదిపై దృష్టి పెట్టాడు. 2026 జనవరి 26న మొదలుపెట్టిన ఈ కార్యక్రమంలో తొలుత కొందరు స్నేహితులు తోడైనా.. ఎక్కువ భాగం పనిని ఒక్కడే చేశాడు. తన సొంత డబ్బును ఖర్చు చేస్తూ, ప్రత్యేక పరికరాలు లేకుండానే ప్లాస్టిక్‌ సంచులు, సీసాలు, బురద, ఇతర వ్యర్థాలను తొలగించాడు. ఈ క్రమంలో చర్మ సమస్యలు, ఇన్ఫెక్షన్లు వంటి ఇబ్బందులనూ ఎదుర్కొన్నాడు.బిట్టూ శ్రమకు సంబంధించిన వీడియోలు వైరల్‌ కావడంతో పారిశ్రామికవేత్త ఆనంద్‌ మహీంద్రా సహా పలువురు ప్రముఖులు ప్రశంసించారు. మధ్యప్రదేశ్‌ ముఖ్యమంత్రి మోహన్‌ యాదవ్‌ కూడా అతడి కృషిని అభినందించారు. ఆ తర్వాత బెంగళూరులోని తురహళ్లి అడవిని 100 మందితో కలిసి శుభ్రం చేశాడు. ఢిల్లీ, గురుగ్రామ్‌, నోయిడాలోనూ శుభ్రతా కార్యక్రమాలు చేపట్టి గురుగ్రామ్‌లో యుమనా నది నుంచి ఏకంగా 2,435 కిలోల వ్యర్థాలను తొలగించాడు.ఒక్కడి బాధ్యతేనా?నదిని శుభ్రం చేయడం ఎంత ముఖ్యమో.. మళ్లీ చెత్త వేయకుండా చూడటం కూడా అంతే అవసరం. బిట్టూ ప్రయత్నాలకు సోషల్‌ మీడియాలో పలువురు మద్దతు తెలిపారు. నెదర్లాండ్స్‌కు చెందిన పర్యావరణ సంస్థ ‘ది ఓషన్‌ క్లీనప్‌’ వ్యవస్థాపకుడు బోయన్‌ స్లాట్‌ నుంచి ఉద్యోగ అవకాశం కూడా వచ్చింది. అయినప్పటికీ, ఇక్కడే ఉండి తన స్వచ్ఛ్‌ భారత్‌ను కొనసాగిస్తున్నాడు.Bittu who single handedly cleaned the river for eight months was shocked to see it polluted again within a month by the locals. https://t.co/XdcHw2qhQ0— 🚨Indian Gems (@IndianGems_) October 13, 2026ఇదీ చదవండి: శివయ్యా.. ఏంటయ్యా ఈ ఘోరం!

దేశంలో ప్రజాస్వామ్యాన్ని, ప్రజల గొంతుకను అణచివేసేందుకు కేంద్రంలోని మోదీ ప్రభుత్వం అనధికారిక ఎమర్జెన్సీని అమలు చేస్తోందని కాక్రోచ్‌ జనతా పార్టీ వ్యవస్థాపకుడు అభిజీత్‌ దీప్కే విమర్శించారు. సీజేపీ కోర్‌ కమిటీ సభ్యుల అరెస్ట్‌.. రిమాండ్‌ల నేపథ్యంపై ఈ ఉదయం ఆయన మీడియాతో మాట్లాడారు.ఢిల్లీలోని జంతర్‌ మంతర్‌ వద్ద నిరసనల సందర్భంగా సీజేపీ నేతలు సౌరవ్‌ దాస్‌, ఆశుతోష్‌ రంకాలను ఐదు రోజుల పాటు న్యాయ కస్టడీకి పంపడంపై దీప్కే అభ్యంతరం వ్యక్తం చేశారు. నిజంగా ప్రతిపక్షాల గొంతు నొక్కాలనుకుంటే ఎమర్జెన్సీని అధికారికంగా ప్రకటించాలని ప్రధాని నరేంద్ర మోదీకి సవాల్‌ విసిరారు. ప్రజాస్వామ్యబద్ధంగా నిరసన తెలిపే హక్కును కూడా ప్రభుత్వం హరిస్తోందని ఆరోపించారు.జాతీయ జెండాను ప్రదర్శించారనే ఆరోపణలతో నేతలను కస్టడీకి పంపడం ఏమిటని ప్రశ్నించారు. నిరసన తెలిపిన వారిపై ఇలాంటి చర్యలు తీసుకోవడం ద్వారా ప్రభుత్వం ప్రజల్లో భయాన్ని సృష్టించాలని చూస్తోందని విమర్శించారు.ఇండియా కూటమితో కలవం, కానీ..ఎన్నికల అక్రమాలు, కేంద్ర ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌ వ్యవహారశైలిపై ప్రశ్నించడంలో ఇండియా కూటమి, సీజేపీ లక్ష్యం ఒక్కటేనని దీప్కే చెప్పారు. అయితే, అందుకోసం తమ పార్టీ ఇండియా కూటమిలో చేరబోదని స్పష్టం చేశారు. సీజేపీ స్వతంత్ర ఒత్తిడి బృందంగా కొనసాగుతుందని, రాజకీయ పార్టీగా మారడం లేదంటే ఇండియా కూటమిలో విలీనం కావడం తమ ఉద్దేశం కాదని తేల్చిచెప్పారు.Nagpur, Maharashtra: CJP founder Abhijeet Dipke asserted that the Cockroach Janta Party is an independent pressure group and will continue to operate independently. #Nagpur #Maharashtra #AbhijeetDipke #CJP https://t.co/VvZ75pKuLx— The Guardian Chronicle (@gcnewsindia) October 14, 2026ఎన్నికల ప్రక్రియలో అక్రమాలు జరుగుతున్నాయన్న ఆరోపణలపై ప్రశ్నించడం, ఎన్నికల సంఘం జవాబుదారీతనాన్ని కోరడం తమ పోరాటంలో భాగమని పేర్కొన్నారు. ఒక అంశంపై ప్రతిపక్ష కూటమితో అభిప్రాయాలు కలిసినంత మాత్రాన ఆ కూటమిలో చేరినట్లు కాదని ఆయన కుండబద్ధలు కొట్టారు.‘అర్బన్‌ నక్సల్స్‌’పై రియాక్షన్‌సీజేపీని అర్బన్‌ నక్సల్స్‌ బృందంగా చిత్రీకరించడాన్ని దీప్కే తోసిపుచ్చారు. ప్రభుత్వ విధానాలను ప్రశ్నించడం, ప్రజాస్వామ్య హక్కుల కోసం నిరసన తెలపడం దేశవ్యతిరేక చర్యలు కావని పేర్కొన్నారు. విమర్శించే వారిపై ముద్రలు వేసి వారి గొంతు నొక్కాలని చూడటం సరైన పద్ధతి కాదని అన్నారు. ప్రభుత్వాన్ని ప్రశ్నించే గొంతుకలను అణచివేయకుండా ప్రజాస్వామ్య హక్కులను గౌరవించాలని ఆయన డిమాండ్‌ చేశారు. ఎన్నికల సంఘం పనితీరుపై ప్రశ్నలు, నిరసనకారులపై చర్యలు, ప్రభుత్వంపై విమర్శలు.. వీటన్నింటిపై బహిరంగ చర్చ జరగాల్సిన అవసరం ఉందని వ్యాఖ్యానించారాయన.ఇదీ చదవండి: పోలీస్‌ బాండ్‌ బ్రేక్‌ చేసిన సీజేపీ నేతలు!

జంతర్‌ మంతర్‌ వద్ద నిరసనకు దిగిన కాక్రోచ్‌ జనతా పార్టీ (సీజేపీ) నేతలకు కోర్టులో ఎదురుదెబ్బ తగిలింది. సౌరవ్‌ దాస్‌, అశుతోష్‌ రంకాలకు ఐదు రోజుల జ్యుడీషియల్‌ కస్టడీ విధించారు. మరో నేత అజింక్య షిండే మాత్రం వ్యక్తిగత బాండ్‌పై విడుదలయ్యారు. జంతర్‌ మంతర్‌ వద్ద ధర్నాకు నిషేధం ఉండగా.. దానిని ఉల్లంఘించి ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తూ వారు నిరసనకు దిగిన నేపథ్యంలో ఈ పరిణామాలు చోటుచేసుకున్నాయి.మంగళవారం తెల్లవారుజామున ముగ్గురు నేతలు పోలీసు బారికేడ్లను దాటి జంతర్‌ మంతర్‌ ప్రాంతంలోకి ప్రవేశించినట్లు పోలీసులు తెలిపారు. అనుమతి లేకుండా ప్రవేశించడం, నిషేధాజ్ఞలను ఉల్లంఘించడం, ప్రభుత్వ ఉద్యోగి విధులకు ఆటంకం కలిగించడం వంటి అభియోగాలతో కేసు నమోదు చేశారు. గతంలో సమర్పించిన శాంతి బాండ్‌ నిబంధనలను ఉల్లంఘించారన్న ఆరోపణలూ ఉన్నాయి.దాస్‌, రంకా గత శనివారం ఢిల్లీలో నిరసనల సందర్భంగా ఏడాది పాటు శాంతిభద్రతలకు విఘాతం కలిగించే చర్యలకు పాల్పడబోమంటూ పోలీసులకు శాంతి బాండ్‌ సమర్పించారు. తాజాగా జంతర్‌ మంతర్‌ వద్ద నిరసనకు దిగడంతో బాండ్‌ నిబంధనలను ఉల్లంఘించారనే అభియోగాలు నమోదయ్యాయి. బుధవారం స్పెషల్‌ ఎగ్జిక్యూటివ్‌ మేజిస్ట్రేట్‌ (SEM) ఎదుట హాజరుపరచగా, దాస్‌, రంకాలకు ఐదు రోజుల జ్యుడీషియల్‌ కస్టడీ విధించారు. షిండే శాంతి బాండ్‌ సమర్పించి విడుదలయ్యారు.న్యాయవాదులను కలవనివ్వలేదని ఆరోపణలుసీజేపీ న్యాయ బృందం అధిపతి రత్నా సింగ్‌ పోలీసుల తీరుపై అభ్యంతరం వ్యక్తం చేశారు. ముగ్గురు నేతలను బుధవారం తెల్లవారుజామున 3 గంటలకు ప్రైవేటు వ్యాన్‌లో పార్లమెంట్‌ స్ట్రీట్‌ పోలీస్‌ స్టేషన్‌కు తీసుకొచ్చారని, న్యాయవాదులను కలిసేందుకు అనుమతించలేదని ఎక్స్‌లో ఆరోపించారు.జంతర్‌ మంతర్‌ నిరసనలపై ఆంక్షలుఢిల్లీలో నిరసనలు, ప్రదర్శనల కోసం రాంలీలా మైదాన్‌, బురారీ గ్రౌండ్‌, సీబీడీ గ్రౌండ్‌లను ప్రత్యామ్నాయ ప్రదేశాలుగా గుర్తిస్తూ ఢిల్లీ పోలీస్‌ కమిషనర్‌ అనురాగ్‌ కుమార్‌ అక్టోబర్‌ 11న ఉత్తర్వులు జారీ చేశారు. దీంతో జంతర్‌ మంతర్‌ అధికారిక నిరసన ప్రదేశాల జాబితా నుంచి తొలగిపోయింది. ఈ నిర్ణయాన్ని సీజేపీ వ్యతిరేకిస్తోంది. నిరసనలను రాజకీయ కేంద్రానికి దూరంగా తరలిస్తే ప్రజా ఆందోళనలకు లభించే ప్రచారం తగ్గుతుందని ఆ పార్టీ వాదిస్తోంది.దీప్కే ఫైర్‌దాస్‌, రంకాలకు కస్టడీ విధించడంపై సీజేపీ వ్యవస్థాపకుడు అభిజీత్‌ దీప్కే స్పందించారు. జంతర్‌ మంతర్‌ వద్ద త్రివర్ణ పతాకాన్ని ఎగురవేయడమే వారి తప్పా? అని ప్రశ్నించారు. అసమ్మతి స్వరాలను అణచివేయాలనుకుంటే ప్రధాని నరేంద్ర మోదీ అధికారికంగా ఎమర్జెన్సీ ప్రకటించాలని ఎక్స్‌లో విమర్శించారు. తదుపరి కార్యాచరణపై నిర్ణయం తీసుకునేందుకు సీజేపీ సమావేశం కానుంది.Ashu and Saurav have been sent to 5 days judicial custody. Their fault? Unfurling tricolour at Jantar Mantar. Show some guts, @narendramodi. If you’re so determined to crush dissent, have the courage to officially declare an Emergency instead of hiding behind these cowardly tactics.— Abhijeet Dipke (@abhijeet_dipke) October 14, 2026ఇదీ చదవండి: ఇక ముక్కోణ హోరాహోరీయేనా!

ఆ బాలికకు పదేళ్లే.. శివాలయానికి వెళ్లి భక్తితో స్వామివారికి మొక్కుకుంది. పూజ ముగించుకుని చేతులు జోడించి ప్రార్థిస్తున్న ఆ చిన్నారిపై ఓ కామాంధుడు కన్నేశాడు. ఆలయంలో ఎవరూ లేరని గమనించి ఆమెను బలవంతంగా పట్టుకుని లైంగిక దాడికి యత్నించాడు. ఈ దారుణ ఘటన ఆలయంలోని సీసీటీవీ కెమెరాల్లో ఈ ఘోరం రికార్డవడంతో స్థానికంగా తీవ్ర ఆగ్రహం వ్యక్తమవుతోంది.శివాలయానికి బాలిక ఒంటరిగా వెళ్లి పూజలు చేసింది. అనంతరం లింగానికి మొక్కుకుని చేతులు జోడించి ప్రార్థిస్తున్న సమయంలో ఓ వ్యక్తి అక్కడికి వచ్చాడు. ఆలయం బయట ఉన్న ట్యాంకు నుంచి నీళ్లు తీసుకునేందుకు వచ్చిన అతడు.. లోపల బాలిక ఒక్కతే ఉండటాన్ని గమనించాడు. ఆలయంలోకి ప్రవేశించి చిన్నారిని చేతులతో బలవంతంగా పట్టుకుని, ఆమె ఇష్టానికి వ్యతిరేకంగా కౌగిలించుకునేందుకు ప్రయత్నించాడు. దీంతో భయపడిపోయిన బాలిక గట్టిగా కేకలు వేయడంతో నిందితుడు అక్కడి నుంచి పారిపోయాడు. మహారాష్ట్ర పుణెలోని నిగ్డీ ప్రాంతంలో ఉన్న శివాలయంలో ఈ దారుణం జరిగింది.కుటుంబానికి చెప్పడంతో వెలుగులోకి..నిందితుడు వెళ్లిపోయిన తర్వాత బాలిక కన్నీటిపర్యంతమైంది. అనంతరం కుటుంబ సభ్యులకు జరిగిన విషయాన్ని వివరించింది. దీంతో వారు నిగ్డీ పోలీస్‌ స్టేషన్‌లో ఫిర్యాదు చేశారు. వెంటనే స్పందించిన పోలీసులు.. సీసీటీవీ ఫుటేజీల ఆధారంగా నిందితుడు విశాల్‌ సింగ్‌ను అరెస్ట్‌ చేశారు. అతడు ఉత్తరప్రదేశ్‌కు చెందిన వ్యక్తిగా, మెట్రో కాంట్రాక్టర్‌ వద్ద కూలీగా పనిచేస్తున్నట్లు ప్రాథమిక సమాచారం. సీనియర్‌ పోలీస్‌ ఇన్‌స్పెక్టర్‌ మహేశ్‌ బన్సోడే పర్యవేక్షణలో పోలీసులు కేసు దర్యాప్తు చేస్తున్నారు.చిన్నారుల భద్రతపై ఈ ఘటన మరోసారి ఆందోళన రేకెత్తించింది. దేవుడిని ప్రార్థించేందుకు వెళ్లిన బాలికకు ఆలయంలోనే ఇలాంటి అనుభవం ఎదురవడంపై స్థానికులు ఆగ్రహం వ్యక్తం చేస్తున్నారు.Shocking: Vishal Singh, a Metro construction contract worker, arrested for sexually assaulting a minor girl inside a temple in Nigdi’s Yamuna Nagar, Pune on Oct 11. CCTV captured the incident. Police booked him under BNS & POCSO. #Pune #Nigdi https://t.co/WB5Tnxf8mD— Amar Singh Chouhan (@amar_4inc) October 12, 2026

న్యూఢిల్లీ: ఎన్ని ఉద్యమాలు చేసినా దేశ ప్రజలు బీజేపీ, ఎన్‌డీఏ, ప్రధాని మోదీ వెంటే ఉన్నారని, రాహుల్‌గాంధీ సారథ్యంలో కాంగ్రెస్‌ మరోమారు లోక్‌సభ ఎన్నికల్లో ఓడిపోవడం ఖాయమని బీజేపీ అగ్రనేత, కేంద్ర హోం మంత్రి అమిత్‌ షా వ్యాఖ్యానించారు. సీఈసీ జ్ఞానేశ్‌ రాజీనామా డిమాండ్‌లు వెల్లువెత్తాక తొలిసారిగా అమిత్‌ షా తాజా ఉద్యమాలపై స్పందించారు. మంగళవారం షా ఢిల్లీలో మీడియాతో మాట్లాడారు. ‘‘రాహుల్‌జీ, ఆయన మిత్రపక్ష భాగస్వాములకు ఒక విషయం చెప్పదల్చుకున్నా.2029లో మీరంతా దారుణమైన ఓటమిని చవిచూసేందుకు సిద్ధంగా ఉండండి. 2029 సార్వత్రిక ఎన్నికల్లో బీజేపీ స్పష్టమైన మెజార్టీతో గెలవబోతోంది. కాంగ్రెస్‌ వరసగా నాలుగోసారి ఓటమి కూపంలో కూరుకుపోనుంది. దేశ ప్రజలంతా మోదీ, బీజేపీ, ఎన్‌డీఏ వెన్నంటే ఉన్నారు. ఈ నిజాన్ని నమ్మక తప్పదు’’అని అన్నారు. ‘‘ఢిల్లీలో ఒకటిన్నర కిలోమీటర్‌ పొడవునా 8,000 మంది జనం మధ్య 14 రాజకీయ పార్టీలతో కలిసి కదం తొక్కినంత మాత్రాన రాహుల్‌గాంధీ దేశ గొంతుకగా మారిపోరు.ప్రజాగొంతుక అనేది దేశంలో సస్యశ్యామలమైన పొలాల్లో, గ్రామాల్లో, సుదూర కొండలు, అడవులు, నదీపరివాహకప్రాంతాల్లోనూ విని్పస్తుంది. మీరు ఈ ప్రాంతాలను ఎన్నటికీ చేరుకోలేరు. బిహార్, ఉత్తర ప్రదేశ్, తమిళనాడు ఇలా చాలా రాష్ట్రాల్లో ఓటర్లు మిమ్మల్ని తిరస్కరించారు. అందుకే మీ పార్టీ తరచూ ఓడిపోతూనే ఉంది. పశ్చిమబెంగాల్, తమిళనాడు, పుదుచ్చెరి ఉప ఎన్నికల్లో కాంగ్రెస్‌ ఒక్క చోట అయినా విజయకేతనం ఎగరేయలేక చతికిలపడింది’’అని అన్నారు. ఓట్ల జాబితా ప్రత్యేక సమగ్ర సవరణ, సీఈసీ జ్ఞానేశ్‌ వ్యతిరేక నిరసనలపై షా స్పందించారు. ‘‘తప్పుడు రాజకీయాలతో కాంగ్రెస్‌కు ఒనగూరేదేమి ఉండదు.అయినా రాహుల్‌ పార్టీలో కీలక నేతగా ఎదిగాక, పార్టీ అధ్యక్షుడయ్యాక, దిగిపోయి తర్వాత విపక్షనేతగా ఎంపికయ్యాక సైతం పార్టీ ఎలాంటి ఘనతలు సాధించలేదు పైగా నిరాటంకంగా ఓడిపోతోంది. మరీ ముఖ్యంగా 2024లో ఎస్‌ఐఆర్‌ మొదలయ్యాక కాంగ్రెస్‌ ఓటముల జోరు ఎక్కువైంది. గతంలో గద్దెనెక్కి పరిపాలించిన గుజరాత్‌లో కాంగ్రెస్‌ గత 41 ఏళ్లుగా ఓటమిని చవిచూస్తోంది. ఈ లెక్కన ఇకనైనా రాహుల్‌ ఆత్మావలోకనం చేసుకుంటే మంచిది. కృత్రిమ మీడియా కార్యక్రమాలు, అబద్ధాలను రాజధాని నడివీధుల్లో వల్లెవేసినంత మాత్రాన మీరు ప్రజల విశ్వాసాన్ని పొందలేరు. చొరబాటుదారులను ఓటర్లుగా మార్చాలని రాహుల్‌ చేస్తున్న ప్రయత్నాలను ప్రజలంతా గమనిస్తూనే ఉన్నారు’’అని షా అన్నారు.ఇదీ చదవండి: జంతర్‌మంతర్‌ వద్ద సీజేపీ ఆందోళన

సాక్షి, న్యూఢిల్లీ: దేశ రాజధాని ఢిల్లీలోని జంతర్‌మంతర్‌ను నిరసనల వేదికల జాబితా నుంచి కేంద్ర ప్రభుత్వం తొలగించడంపై కాక్రోచ్‌ జనతా పార్టీ(సీజేపీ) నేతలు, కార్యకర్తలు మంగళవారం తెల్లవారుజామున ఆందోళనకు దిగారు. పార్టీ నేతలు ఆశుతోష్‌ రాంకా, సౌరవ్‌ దాస్, అజింక్య షిండే ఆధ్వర్యంలో అక్కడికి చేరుకున్న కార్యకర్తలు పోలీసుల అడ్డంకులను దాటుకుని నిరసన తెలిపేందుకు ప్రయతి్నంచారు. ఇనుప గేటు, పోలీసుల బారికేడ్లను దూకి జంతర్‌మంతర్‌ ప్రాంగణంలోకి ప్రవేశించారు.ఈ సందర్భంగా ఉద్రిక్త పరిస్థితులు నెలకొన్నాయి. ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌కు వ్యతిరేకంగా నిరసనకారులు నినాదాలు చేశారు. భారత్‌ మాతాకీ జై, ఇంక్విలాబ్‌ జిందాబాద్, జైభీమ్‌ అంటూ నినాదాలతో హోరెత్తించారు. ‘సర్ఫరోష్‌ కీ తమన్నా’అనే విప్లవ కవితను కూడా పఠించారు. సౌరవ్‌ దాస్, అశుతోష్‌ రాంకా, అజింక్య షిండేతోపాటు మరికొందరిని పోలీసులు అదుపులోకి తీసుకున్నారు. సీజేపీ నాయకులను ద్వారకా జిల్లాలోని జాఫర్‌పూర్‌ కలాన్‌ పోలీస్‌ స్టేషన్‌కు తరలించినట్లు ఓ అధికారి తెలిపారు.కొంతమంది సీజేపీ కార్యకర్తలు అక్కడ గుమిగూడటంతో పోలీస్‌ స్టేషన్‌ లోపల, చుట్టుపక్కల భద్రతను పెంచినట్లు చెప్పారు. జంతర్‌మంతర్‌ తాము తిరిగి స్వా«దీనం చేసుకున్నట్లు సీజేపీ ఒక ప్రకటనలో స్పష్టంచేసింది. నిరసన తెలిపే హక్కు తమకు ఉందని వెల్లడించింది. తమ సభ్యులు బారికేడ్లను ఛేదించుకొని, జంతర్‌మంతర్‌ ప్రదేశంలోకి ప్రవేశించి, అక్కడ త్రివర్ణ పతాకాన్ని ఎగురవేశారని వెల్లడించింది.జంతర్‌మంతర్‌ను లాక్కోవడానికి అధికారం ఎక్కడిది?జంతర్‌మంతర్‌ వద్ద తాము ప్రతిపాదించిన శాంతియుత నిరసన కోసం తేదీ, సమయం కోరుతూ పార్లమెంట్‌ స్ట్రీట్‌ పోలీస్‌ స్టేషన్‌కు లేఖ సమర్పించిన రోజే.. అంటే అక్టోబర్‌ 12న ప్రభుత్వం నుంచి డీనోటిఫికేషన్‌ ప్రకటన వెలువడిందని అశుతోష్‌ రాంకా వెల్లడించారు. నిరసన తెలిపేందుకు అనుమతి కోసం అధికారులను సంప్రదించాలని ప్రభుత్వం చెప్పినట్లు గుర్తుచేశారు. అనుమతి కోరుతున్న సమయంలోనే నిబంధనలను మార్చడం ఏమిటని ప్రశ్నించారు.నిరసన ప్రదేశంలోకి ప్రవేశంపై కేంద్ర హోం మంత్రిత్వ శాఖ విధించిన ఆంక్షలను సౌరవ్‌ దాస్‌ తప్పుపట్టారు. ప్రజల సొత్తు అయిన జంతర్‌మంతర్‌ను లాక్కోవడానికి హోంశాఖకు అధికారం ఎక్కడదని నిలదీశారు. నిరసనలకు కేటాయించిన జంతర్‌మంతర్‌లో నిరసనలు కచ్చితంగా జరుగుతాయన్నారు. జ్ఞానేశ్‌ కుమార్‌ రాజీనామా చేసేదాకా అక్కడి నుంచే తమ పోరాటం కొనసాగుతుందని పేర్కొన్నారు. భారత రాజ్యాంగ ప్రతిని చూపిస్తూ.. రాజ్యాంగం మనతోనే ఉందని సౌరవ్‌ దాస్‌ అన్నారు.జంతర్‌మంతర్‌ వద్ద అశుతోష్‌ రాంకా, సౌరవ్‌ దాస్‌ మీడియాతో మాట్లాడారు. నిర్బంధంలో ఉన్న సీజేపీ నాయకులను తక్షణమే విడుదల చేయాలని డిమాండ్‌ చేస్తూ ‘దిశ’అనే విద్యార్థి సంఘం సభ్యులు మంగళవారం కన్నాట్‌ ప్లేస్‌ నుంచి జంతర్‌మంతర్‌ వరకు ర్యాలీ నిర్వహించారు. జంతర్‌ మంతర్‌ను తిరిగి స్వా«దీనం చేసుకోవాలని పిలుపునిచ్చారు. జంతర్‌ మంతర్‌ను డీనోటిఫై చేయడాన్ని తప్పుపట్టారు.ప్రతిఘటనను రద్దు చేయలేరు: దీప్కేతమపార్టీ నేతలను పోలీసులు అరెస్టు చేయడం పట్ల సీజేపీ వ్యవస్థాపకుడు అభిజీత్‌ దీప్కే మండిపడ్డారు. ‘ప్రజల ప్రతిఘటనను మీరు రద్దు చేయలేరు’అని తేల్చిచెప్పారు. ఈ మేరకు ప్రధానమంత్రి నరేంద్ర మోదీని ట్యాగ్‌ చేస్తూ మంగళవారం సోషల్‌ మీడియాలో దీప్కే పోస్టుచేశారు. జంతర్‌మంతర్‌లో జాతీయ జెండా ఎగరవేయడం కూడా నేరమేనా? అని ప్రశ్నించారు.నిరసన ప్రదేశం వైపు సీజేపీ సభ్యులు దూసుకెళ్లడం, ఒక గేటుపైకి ఎక్కి, త్రివర్ణ పతాకాన్ని పట్టుకుని నినాదాలు చేయడం, ఆ తర్వాత పోలీసు సిబ్బంది వారిని అదుపులోకి తీసుకున్న ఒక వీడియోను దీప్కే షేర్‌ చేశారు. సీఈసీ జ్ఞానేశ్‌ కుమార్‌ రాజీనామా చేయాలని డిమాండ్‌ చేశారు. ‘‘నిర్ణీత నిరసన ప్రదేశాల జాబితా నుంచి జంతర్‌ మంతర్‌ను తొలగిస్తే, జవాబుదారీతనం కోరుతున్న ప్రజల గొంతు నొక్కేయవచ్చని ప్రభుత్వం భావిస్తే ఈ ఉద్యమం లక్ష్యాన్ని తప్పుగా అర్థం చేసుకున్నట్టే. జంతర్‌ మంతర్‌ కేవలం పటంలో ఒక ప్రదేశం మాత్రమే కాదు.అది అధికారంలో ఉన్నవారిని ప్రశ్నించడానికి పౌరులు గుమిగూడిన చోటు. ఏ పరిపాలనాపరమైన ఉత్తర్వు కూడా ఆ ప్రజాస్వామ్య స్ఫూర్తిని చెరిపివేయలేదు’’అని దీప్కే ఉద్ఘాటించారు. సీజేపీ నాయకులు పోలీసుల నిర్బంధంలోనే ఉన్నారని, వారిని కలిసేందుకు తమ న్యాయవాదులకు అనుమతి ఇవ్వడం లేదని ఆరోపించారు. తమ నాయకులను కిడ్నాప్‌ చేశారని పోలీసులపై ధ్వజమెత్తారు. పోలీసులు చట్టాన్ని పాటించడం లేదని విమర్శించారు. జ్ఞానేశ్‌ కుమార్‌ రాజీనామా చివరకు జంతర్‌ మంతర్‌ వద్దే జరుగుతుందని పేర్కొన్నారు. ‘మీకు చేతనైంది చేసుకోండి’అంటూ ప్రభుత్వానికి సవాలు విసిరారు.ఇదీ చదవండి: కలిసికట్టుగా పోరాడుతాం!

న్యూఢిల్లీ: దేశంలో ప్రజాస్వామ్య పునరుద్ధరణ కోసం ఐక్యంగా పోరాడతామని, ఓట్ల చోరీకి బాధ్యులైన వారిని న్యాయస్థానం ముందు నిలబెడతామని ప్రతిపక్ష ‘ఇండియా’కూటమి నాయకులు ప్రతిజ్ఞ చేశారు. నిరంకుశ పాలనపై రాజకీయ ప్రతిఘటన కొనసాగుతుందని కాంగ్రెస్‌ పార్టీ అగ్రనేత రాహుల్‌ గాంధీ స్పష్టం చేశారు. ఆయన మంగళవారం ఢిల్లీలోని తన నివాసంలో విపక్ష కూటమి నాయకులు, పౌర సమాజ సభ్యులకు తేనీటి విందు ఇచ్చారు. ఓట్ల చోరీకి, ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌కు వ్యతిరేకంగా చేపట్టబోయే నిరసనకు సంబంధించిన వ్యూహంపై ఈ సందర్భంగా చర్చించారు.జంతర్‌మంతర్‌ నిరసనలను నిషేధించడంపైనా చర్చ జరిగింది. కాంగ్రెస్‌ అధ్యక్షుడు మల్లికార్జున ఖర్గే, కాంగ్రెస్‌ పార్లమెంటరీ పార్టీ చైర్‌పర్సన్‌ సోనియా గాంధీ, పార్టీ ప్రధాన కార్యదర్శి ప్రియాంక గాంధీ వాద్రా, ఆర్జేడీ నేతలు తేజస్వీ యాదవ్, మనోజ్‌ ఝా, జేఎంఎం నేత మహువా మాఝీ, సమాజ్‌వాదీ పార్టీ నాయకులు హరేంద్ర మాలిక్, ఆనంద్‌ భదౌరియా, మొహిబుల్లా నదీ్వ, ఎన్సీపీ(ఎస్పీ) నాయకురాలు సుప్రియా సూలే, సీపీఎం ప్రధాన కార్యదర్శి ఎం.ఎ.బేబీ, సీపీఐ ప్రధాన కార్యదర్శి డి.రాజా, ఆలిండియా స్టూడెంట్స్‌ అసోసియేషన్‌ చీఫ్‌ నేహా బోరా, సీపీఐ–ఎంఎల్‌ అగ్రనేత దీపాంకర్‌ భట్టాచార్య, తృణమూల్‌ కాంగ్రెస్‌ పార్టీ నాయకులు సాగరిక ఘోష్‌ , మహువా మొయిత్రాతోపాటు పౌర సమాజం సభ్యులు ప్రశాంత్‌ భూషణ్, యోగేంద్ర యాదవ్‌ తదితరులు ఈ తేనీటి విందులో పాల్గొన్నారు.భవిష్యత్తు కార్యాచరణపై తమ అభిప్రాయాలు పంచుకున్నారు. జంతర్‌మంతర్‌ను డీనోటిఫై చేస్తూ నరేంద్ర మోదీ ప్రభుత్వం తీసుకున్న నిర్ణయాన్ని చట్టపరంగా సవాలు చేయబోతున్నామని రాహుల్‌ గాంధీ ప్రకటించారు. గంటన్నర పాటు జరిగిన విందు సమావేశం అనంతరం కూటమి నాయకులు ఉమ్మడిగా మీడియా సమావేశంలో మాట్లాడారు.వారి చుట్టూ ఉచ్చు బిగుసుకుంటోంది రాజకీయ, ప్రజా ప్రతిఘటన కొనసాగుతుందని, చివరికి విజయం సాధిస్తుందని రాహుల్‌ గాంధీ తేలి్చచెప్పారు. తమ ఉద్యమం వెనుక ‘భారతదేశంలో ప్రజాస్వామ్య పునరుద్ధరణ’అనే ఏకైక లక్ష్యం ఉందన్నారు. దేశంలో నేడు ప్రజాస్వామ్యాన్ని నాశనం చేశారని, ఎన్నికల వ్యవస్థ ధ్వంసం చేశారని, రాజ్యాంగాన్ని చించి పారేశారని మండిపడ్డారు. ప్రజాస్వామ్య పాలనను పునరుద్ధరించడానికి తాము కలిసికట్టుగా పోరాడుతున్నామని వెల్లడించారు.ప్రజాస్వామ్య భావాలను వ్యక్తీకరించడానికి జంతర్‌ మంతర్‌ ఒక ప్రధాన వేదికగా ఉండేదన్నారు. అయితే, దానిని అందుకోసం ఉపయోగించకూడదని ప్రభుత్వం నిర్ణయించిందని ఆక్షేపించారు. ఈ నిర్ణయాన్ని అంగీకరించే ప్రసక్తే లేదన్నారు. దేశంలో విధ్వంసానికి కారకులైన నరేంద్ర మోదీ, అమిత్‌ షా, జ్ఞానేశ్‌ కుమార్‌తోపాటు చుట్టూ ఉచ్చు బిగుసుకుంటోందని తెలిపారు. భారత రాజ్యాంగాన్ని ధ్వంసం చేసి, దాని నుంచి తప్పించుకోవడం సాధ్యం కాదని ఉద్ఘాటించారు.ఈ పోరాటం తమ కోసం కాదన్నారు. భారత ప్రజల కోసం, వారి భవిష్యత్తు కోసం పోరాటం సాగుతోందన్నారు. ఓట్ల చోరీ వెనుక ఉన్నవారిలో ‘ప్రస్తుతం డెహ్రాడూన్‌లో తలదాచుకుంటున్న ఒక మహిళ’కూడా ఉన్నారని రాహుల్‌ ప్రస్తావించారు. అయితే, ఆమె పేరును వెల్లడించలేదు. న్యాయ వ్యవస్థ పట్ల తమకు అత్యంత గౌరవం ఉందన్నారు. అందుకే సుప్రీంకోర్టు ప్రధాన న్యాయమూర్తిని ఆశ్రయించామని స్పష్టంచేశారు.ఎలాంటి త్యాగానికైనా సిద్ధం: తేజíస్వీ యాదవ్‌జ్ఞానేశ్‌ కుమార్‌ రాజీనామాను కోరుతూ చేపట్టాల్సిన కార్యాచరణను ఎలా ముందుకు తీసుకెళ్లాలనే అంశంపై, అలాగే ప్రస్తుత పరిస్థితులపై చర్చించినట్లు మల్లికార్జున ఖర్గే తెలిపారు. ప్రజాస్వామ్యాన్ని కాపాడేందుకు తామంతా ఏకమయ్యామని, ఎలాంటి త్యాగానికైనా సిద్ధమని ఆర్జేడీ నేత తేజస్వీ యాదవ్‌ ప్రకటించారు. దేశ ప్రజలు ఆగ్రహంతో ఉన్నారని, సీఈసీ రాజీనామాను డిమాండ్‌ చేస్తున్నారని సీపీఐ ప్రధాన కార్యదర్శి డి.రాజా వెల్లడించారు. సీపీఎం ప్రధాన కార్యదర్శి ఎం.ఎ.బేబీ మాట్లాడుతూ... ప్రభుత్వం మొదట ఓట్ల దొంగతనానికి పాల్పడింది, ఇప్పుడు జంతర్‌ మంతర్‌ను కూడా లాగేసుకునే పనిలో ఉందని ధ్వజమెత్తారు. రాజ్యాంగం ప్రమాదంలో ఉందని సుప్రియా సూలే ఆందోళన వ్యక్తంచేశారు. ఓట్ల చోరీకి వ్యతిరేకంగా ఐక్య పోరాటం కొనసాగుతుందన్నారు. భారతదేశ ప్రజాస్వామ్య నిర్మాణంలో బీజేపీకి ఎలాంటి పాత్ర లేదని నేహా బోరా స్పష్టంచేశారు. ఆ పార్టీ ప్రజాస్వామ్యం, రాజ్యాంగం విషయంలో రాజీ పడిందని ఆరోపించారు. నిరసన తెలపడం రాజ్యాంగ హక్కు అని వివరించారు. ప్రజాస్వామ్యం కోసం జరుగుతున్న ఈ ఉద్యమంలో ప్రతిపక్షం, పౌర సమాజం కలిసికట్టుగా ముందుకు సాగుతున్నాయని ప్రశాంత్‌ భూషణ్‌ స్పష్టం చేశారు. జ్ఞానేశ్‌ కుమార్‌ ఒక మాఫియా: సంజయ్‌ రౌత్‌ సీఈసీ జ్ఞానేశ్‌ కుమార్‌ మొత్తం ఎన్నికల వ్యవస్థనే నేరమయం చేశారని, ఆయన ఒక మాఫియా అని రౌత్‌ ఆరోపించారు.శివసేన(ఉద్ధవ్‌) నాయకుడు సంజయ్‌ రౌత్‌ మండిపడ్డారు. ప్రజాస్వామ్యం, ఓటు హక్కు పరిరక్షణ కోసం రాహుల్‌ గాంధీ నాయకత్వంలో తమ పోరాటం కొనసాగుతుందని పేర్కొన్నారు. మాఫియా శక్తులను ఎలా ఎదుర్కోవాలో, వారితో ఎలా వ్యవహరించాలో తెలుసన్నారు.ఇదీ చదవండి: ఇక ముక్కోణ హోరాహోరీయేనా!

యువతరంతో పాటు పౌరసమాజపు విశ్వాసం సీజేపీ చుట్టూ కేంద్రీకృతమవుతున్నట్లు కనిపిస్తున్నది. అధికార, ప్రతిపక్షాలు కాక సీజేపీ ఒక మూడవ ధ్రువంగా కొనసాగుతుందనే అభిప్రాయం కలుగుతున్నది.దేశం ఫాసిజంలోకి ప్రవేశించిందా లేక అంతకన్నా ముందటి దశలో ఉందా అనే చర్చ కొద్ది సంవత్సరాల క్రితం జరిగి ఆగిపోయింది. ఇప్పుడు మరోసారి ముందుకు వస్తున్నది. అయితే ఫాసిజం అన్నది చాలా పెద్ద మాట గనుక మేధావులకు పరిమితం కాగా, సామాన్యుల నోట నియంతృత్వమన్నది ఇప్పుడు విరివిగా వినవస్తున్నది. జెన్‌–జీ పరిధిని దాటి పౌరులు, జర్నలిస్టులు 1975 నాటి ఎమర్జెన్సీని గుర్తుచేస్తూ, ప్రస్తుత ప్రభుత్వ చర్యలు కొన్ని అంతకు మించి పోతున్నాయని చెప్తున్నారు. చివరకు సుప్రీంకోర్టు కూడా చిన్న ఈగను పెద్ద సుత్తితో ఎందుకు కొడుతున్నారని ప్రశ్నించగా, మానవహక్కుల హరణ తగదని ఐక్యరాజ్యసమితి హితవు చెప్పింది.అధికారంలో ఉన్నా... అభద్రతాభావం!ఎవరు ఏ మాటలు ఉపయోగిస్తున్నా ఒకటి మాత్రం స్పష్టంగా కనిపిస్తున్నది. ప్రస్తుత ప్రభుత్వ చర్యలు దేశ విదేశాలలో ప్రజాస్వామ్యం అన్న మాటను వెక్కిరింతగా మార్చాయంటున్నారు. దేశంలో ఎన్నెన్ని సమస్యలు, ఎన్నెన్ని లోటుపాట్లయినా ఉండవచ్చుగాక. కానీ ఇంతటి మహా వైవిధ్యత గల ఒక బడుగు దేశం స్వాతంత్య్రం సిద్ధించిన రోజు నుంచే అతి పెద్ద ఆధునిక ప్రజాస్వామ్యంగా అవతరించటం, ఎన్నెన్ని ఒడిదుడుకులు ఎదురైనా ఒకే వ్యవస్థగా కొనసాగటాన్ని ప్రపంచ మేధావులు ఒక అద్భుతంగా గుర్తించి కొనియాడారు. అందుకే అటువంటి స్థితిలో 1975 నాటి ఎమర్జెన్సీ ఎంతటి దిగ్భ్రాంతిని కలిగించిందో, ప్రస్తుతం గత కొద్ది మాసాల పరిణామాలు అంతే స్థాయిలో తోస్తున్నాయి. స్వతంత్ర భారతదేశపు 80 సంవత్సరాల చరిత్రలో ఇవి రెండూ అసాధారణ అనుభవాలుగా మిగులుతున్నాయి. వాటిలో ఒకటి కాంగ్రెస్‌ సృష్టించినది కాగా, రెండవది బీజేపీ చేస్తున్న పని.ఇంతకూ ఎన్‌.డి.ఎ. ప్రభుత్వం ఇట్లా ఎందుకు వ్యవహరిస్తున్నదనేది ప్రశ్న. 1975లో ఇందిరాగాంధీకి వలె ఇప్పటికిప్పుడు వారి అధికారానికి వచ్చిన ముప్పేమీ లేదు. తదుపరి లోక్‌సభ ఎన్నికలకు ఇంకా మూడేళ్ల సమయం ఉంది. గత ఎన్నికలలో మెజారిటీ తగ్గినా ఇతరుల మద్దతు ఉండటం, ప్రతిపక్షాల బలహీనతలు కొనసాగటం, వాటితో పాటు అవసరమైతే కొత్తవారిని చేర్చుకోగల సమర్థతలు ఉన్నప్పుడు ఇలా ఎందుకు చేస్తోందన్నది బోధపడని విషయం. ప్రజలలో అసంతృప్తి పెరుగుతున్నట్లు భావించిన పక్షంలో రాగల మూడేళ్లలో మెరుగైన పాలన ద్వారా వారిని మెప్పించే అవకాశమూ ఉంది. అయినా ఎందుకిది?మనకు అర్థం కానిదేదో భయం నాయకత్వపు మనస్సులలో తిరిగి భయపెడుతున్నది. ఆ భయం వారితో తొందరపాటు అడుగులు వేయిస్తున్నది. వర్తమానానికి వస్తే, అటువంటి మొదటి పెద్ద తప్పు నీట్‌ పేపర్‌ లీక్‌ విషయంలో జరగగా, రెండవది ఓటర్‌ జాబితాల సవరణకు (సర్‌) సంబంధించి కనిపిస్తున్నది. వీటిలో మొదటిది కొద్దిపాటి చాకచక్యంతో తేలికగా పరిష్కరించగలదే. పరీక్షాపత్రం లీక్‌ కాగానే ఆ పరీక్షను రద్దు చేసి, అభ్యర్థులకు భరోసానిచ్చి, బాధ్యులపై సత్వర చర్యలు తీసుకుని, ఇకపై లీక్స్‌ లేకుండా ఎటువంటి చర్యలు తీసుకుంటారో ప్రకటించి ఉంటే తదనంతర సమస్యలు తలెత్తేవి కావు. బహుశా కాక్రోచ్‌లన్నవి ఉనికిలోకి వచ్చేవే కావు.‘సర్‌’ అన్నది పూర్తిగా భిన్నమైనది. అధికార పక్షం, ఎన్నికల సంఘం ఎన్నెన్నో వివరణలు ఇస్తూ వచ్చినా అవేవీ నిలిచేవి కాదని ఇప్పటికే తేలిపోయింది. నీట్‌ లీకేజీ సంఘర్షణ యువతరానికి, వారి కుటుంబాలకు పరిమితమై సాగగా; ‘సర్‌’ సంఘర్షణ యావత్‌ సమాజంతో మొదలైంది. సీజేపీ పుట్టుకకు ముందే సర్‌ సందేహాలు ప్రతి కుటుంబాన్నీ ఆందోళన పరిచాయి. ఈ రెండు ఉదంతాలు వెంటవెంటనే తలెత్తడంతో ప్రభుత్వం ఉక్కిరిబిక్కిరవుతున్నది.అయితే నీట్‌ విషయంలో పైన చెప్పుకున్నట్లు ఒక ఎస్కేప్‌ రూట్‌ ఉండగా, ‘సర్‌’ విషయంలో లేకపోవటమన్నది సంకటస్థితి. ఇందుకు సంబంధించి ఇన్నిన్ని అనేక మార్గాలను ఒకే పద్ధతి ప్రకారం అనుసరించిన తర్వాత, వెనుకకు పోవడమంటే తమ పొరపాట్లను తామే అంగీకరించడమవుతుంది. అట్లాగని ఇదే మార్గంతో ముందుకు పోవటం కూడా అసాధ్యంగా మారిపోయింది.ఎమర్జెన్సీ ఛాయల్లో నేటి పాలనకాక్రోచ్‌ ఆందోళనలు కానీ, ప్రతిపక్షాల ఆందోళనలు గానీ, ఇతర ఆందోళనలు గానీ పూర్తిగా శాంతియుతంగా జరుగుతున్నా ప్రభుత్వం ఇంత అసహనంగా వ్యవహరిస్తూ దేశవిదేశాలలోని వారికి 1975 ఎమర్జెన్సీని, ఫాసిజాన్ని, నియంతృత్వాన్ని ఎందుకు గుర్తుకు తెస్తున్నదనే ప్రశ్న ఒకటి పలువురిని వేధిస్తున్నది. మొదటిసారి కాక్రోచ్‌ ఒత్తిడిని తట్టుకోలేక విద్యామంత్రి విషయంలో రాజీపడ్డారు. కానీ రెండవసారి ఎట్టి పరిస్థితులలోనూ రాజీపడరాదనే దృఢ నిర్ణయంతో ఉన్నారన్నది ఒక నిర్వచనం.జ్ఞానేశ్‌ కుమార్‌ కొనసాగుదల తమ అధికార పరిరక్షణకు కీలకం కావటం (ఇది కాక్రోచ్‌ల మాట) అన్నది మరొక నిర్వచనం. మే నెల మధ్యలో ఏర్పడినప్పటి నుంచి ప్రతి విషయంలో, అడుగడుగునా ఎంతో వివేకంగా ఉద్యమాన్ని నిర్వహిస్తూ వస్తున్న సీజేపీ నాయకత్వం ‘సర్‌’కు సంబంధించి కూడా వేసిన వ్యూహాన్ని ఎవరూ గుర్తించినట్లు లేరు. మామూలుగానైతే ఓటుహక్కు పోవటమన్నది పౌరులు, పార్టీలు ఆందోళన చెందే విషయం. కానీ ఆ సమయంలో ‘స్కూల్‌ ఠీక్‌ కరో’ (పాఠశాలలను బాగు చేయండి) కార్యక్రమంలో ఉండిన సంస్థ నాయకత్వం, యువతరంతో.. మన సమస్యలు లేవనెత్తాలంటే చట్టసభలకు మంచివారిని ఎన్నుకోవాలి.అట్లా ఎన్నుకోవాలంటే మనకు ఓటు హక్కుంటూ ఉండాలి. కానీ ప్రభుత్వం, ఎన్నికల సంఘం మనకు ఆ హక్కు లేకుండా చేస్తున్నారంటూ లింక్‌ చేయటం యువతరాన్ని ఒక్కసారిగా కదిలించింది. వారితోపాటు, రాజకీయ పార్టీల పట్ల విశ్వాసాన్ని చాలావరకు కోల్పోయిన పౌరసమాజం కూడా సీజేపీ నాయకత్వంతో నిలిచింది. వారికి ఇంత అపూర్వ స్పందనలు రావడం అందువల్లనే.ఆవిర్భవించనున్న మూడో ధ్రువంఇక ముందువైపు దృష్టిసారిస్తే కనిపించేది ఈ విధంగా ఉంది. ఒకవైపు బీజేపీ, రెండవవైపు ‘ఇండియా’ కూటమి, మూడవవైపు కాక్రోచ్‌ పార్టీ. మొదటి రెండూ అధికార రాజకీయం చుట్టూ తిరిగే పార్టీలు. మూడవది, సామాజిక సమస్యలు, యువతరం సంబంధిత విషయాలను కేంద్రంగా చేసుకునే ఉద్యమంగా, ప్రెషర్‌ గ్రూపుగా తనను తాను ప్రకటించుకుంది. ఆ విధంగా ఈ మూడు వేదికలు భవిష్యత్తులో కొనసాగుతాయి.వీటిలో యువతరంతో పాటు పౌరసమాజపు విశ్వాసం సీజేపీ చుట్టూ కేంద్రీకృతమవుతున్నట్లు కనిపిస్తున్నది. అధికార, ప్రతిపక్షాలు కాక (భవిష్యత్తులో ఏ పార్టీ ఎటు మారినా) సీజేపీ ఒక మూడవ ధ్రువంగా కొనసాగుతుందనే అభిప్రాయం కలుగుతున్నది. ఇటువంటి ధ్రువం ఒకటి స్వతంత్రమైన రీతిలో భారతీయ సమాజానికి లేదు. అది కనుక క్రమంగా రూపుతీసుకున్నట్లయితే అప్పుడు ముక్కోణపు హోరాహోరీని ‘సర్‌’ సందర్భంలోనే గాక భవిష్యత్తులోనూ చూడగలం. అది దేశానికి, సమాజానికి మేలు చేయగలదు.– టంకశాల అశోక్‌, వ్యాసకర్త సీనియర్‌ సంపాదకుడుఇదీ చదవండి: సంక్షోభాలపై కొత్త చూపు

బిహార్‌: రాష్ట్రంలోని రాఘెపూర్‌ ప్రాంతంలో ఘోర ప్రమాదం చోటుచేసుకుంది. గంగానదిలో ప్రయాణిస్తున్న పడవ ఒక్కసారిగా బోల్తా పడటంతో 10 మంది మృతిచెందారు. అయితే, ఈ ప్రమాదంలో మరికొంత మంది గల్లంతైనట్లు సమాచారం.ప్రమాదం జరిగిన వెంటనే సమాచారం అందుకున్న అధికారులు, సహాయక బృందాలు ఘటనాస్థలానికి చేరుకుని సహాయక చర్యలు చేపట్టాయి. దీంతో గల్లంతైన వారి ఆచూకీ కోసం గాలింపు చర్యలు కొనసాగుతున్నాయి. అలాగే, మృతుల సంఖ్య మరింత పెరిగే అవకాశం ఉన్నట్లు అధికారులు భావిస్తున్నారు. అయితే, ప్రమాదానికి గల కారణాలు, పడవలో ప్రయాణిస్తున్న వారి సంఖ్యకు సంబంధించి పూర్తి వివరాలు ఇంకా తెలియాల్సి ఉంది.ఇదీ చదవండి: డ్రగ్స్ వ్యతిరేక కార్యకర్త దారుణ హత్య

ఢిల్లీలో ఎన్నికల ప్రధాన కమిషనర్‌ జ్ఞానేశ్‌ కుమార్‌, సర్‌కు వ్యతిరేకంగా జరిగిన నిరసనలపై దాఖలైన పిటిషన్ల విచారణ వాయిదా పడింది. ఈ నిరసనల సందర్భంగా పోలీసుల చర్యలు, రాజకీయ నాయకులు, న్యాయవాదులు, జర్నలిస్టుల నిర్బంధం, ప్రజా రవాణాపై ఆంక్షలు తదితర అంశాలపై సుప్రీంకోర్టులో పలు పిటిషన్లు దాఖలయ్యాయి. వీటిపై స్పందన తెలియజేస్తూ నివేదికలు, కౌంటర్లు దాఖలు చేసేందుకు కేంద్రం తరఫున సొలిసిటర్‌ జనరల్‌ తుషార్‌ మెహతా గడువు కోరింది. అయితే అందుకు న్యాయస్థానం అంగీకరించింది. ప్రధాన న్యాయమూర్తి జస్టిస్‌ సూర్యకాంత్‌, జస్టిస్‌ జోయ్‌మాల్య బాగ్చి, జస్టిస్‌ వి.మోహనలతో కూడిన ధర్మాసనం మంగళవారం ఈ పిటిషన్లను విచారించాల్సి ఉంది. అయితే జస్టిస్‌ మోహన అనారోగ్యానికి గురికావడంతో విచారణను అక్టోబర్‌ 15కు వాయిదా వేయాలని సీజేఐ బెంచ్‌ భావించింది. ఈలోపు కేంద్రం గడువు కోరడంతో.. వాయిదాకు ఇరుపక్షాల న్యాయవాదులు అభ్యంతరం వ్యక్తం చేయలేదు. దీంతో గురువారం జరిగే విచారణపై ఉత్కంఠ నెలకొంది.మరోవైపు, నిరసనల సందర్భంగా విధి నిర్వహణలో ఉన్న మహిళా జర్నలిస్టులపై పోలీసులు దాడి చేశారన్న ఆరోపణలపైనా సుప్రీంకోర్టు స్పందించింది. ఈ అంశంపై వివరణ ఇచ్చేందుకు ఢిల్లీ పోలీసు శాఖలోని సీనియర్‌ అధికారి విచారణకు హాజరుకావాలని సూచించింది. అక్టోబర్‌ 9న ఇచ్చిన ఆదేశాల అమలుపై నివేదికతోపాటు, కోర్టు ధిక్కరణకు సంబంధించిన పిటిషన్లపై సమాధానాలు సమర్పించేందుకు కేంద్రం తరఫున గడువు కోరగా.. అక్టోబర్‌ 15 వరకు అవకాశం కల్పించింది.నిరసనలపై పోలీసుల చర్యలు.. ఏం తేలనుంది?అక్టోబర్‌ 10న ఢిల్లీలో జరిగిన నిరసనల సందర్భంగా పోలీసులు పలువురిని నిర్బంధించారని, మహిళా నిరసనకారులు, న్యాయవాదులు, జర్నలిస్టులపై బలప్రయోగం చేశారని పలు పిటిషన్లలో ఆరోపించారు. శాంతియుతంగా నిరసన తెలిపే హక్కుకు భంగం కలిగించారని, కొందరిని అక్రమంగా అదుపులోకి తీసుకున్నారని పిటిషనర్లు పేర్కొన్నారు.నిరసనల నేపథ్యంలో మెట్రో స్టేషన్ల మూసివేత, రైళ్ల రాకపోకలపై ఆంక్షలు, రహదారులపై బారికేడ్లు, ఇంటర్నెట్‌ సేవలకు అంతరాయం వంటి అంశాలనూ న్యాయస్థానం దృష్టికి తీసుకెళ్లారు. పోలీసుల చర్యలకు సంబంధించిన ఆధారాలను భద్రపరచాలని, బాధ్యులపై చర్యలు తీసుకోవాలని పలువురు పిటిషనర్లు కోరారు. ఈ ఆరోపణలపై సంబంధిత అధికారులు తమ వాదనలు, నివేదికలను సమర్పించాల్సి ఉంది. అక్టోబర్‌ 15న జరిగే విచారణలో పోలీసుల చర్యలపై న్యాయస్థానం ఎలాంటి ప్రశ్నలు లేవనెత్తుతుంది? గతంలో ఇచ్చిన ఆదేశాల అమలుపై ఏం చెబుతుంది? అన్నది ఆసక్తికరంగా మారింది.మెట్రో, రైళ్ల సేవలపై సుప్రీం ఆదేశాలుఢిల్లీలో అక్టోబర్‌ 10న నిరసనల నేపథ్యంలో మెట్రో స్టేషన్లు, రైళ్ల సేవలను పూర్తిగా నిలిపివేయడంపై అక్టోబర్‌ 9న సుప్రీంకోర్టు అభ్యంతరం వ్యక్తం చేసింది. ప్రజా రవాణాపై సంపూర్ణ నిషేధం విధించకుండా, అవసరాన్ని బట్టి నియంత్రణలు చేపట్టాలని సూచించింది. అనంతరం అక్టోబర్‌ 11న ప్రత్యేకంగా విచారణ చేపట్టిన ధర్మాసనం.. చట్ట ప్రకారం నిర్బంధం చేపట్టాలని, శాంతియుతంగా నిరాయుధులుగా సమావేశమయ్యే ప్రజలపై చట్టవిరుద్ధ చర్యలు ఉండకూడదని స్పష్టం చేసింది.న్యాయవాదులు, కోర్టు సిబ్బంది, కక్షిదారులు, జర్నలిస్టుల విధులకు ఆటంకం కలిగించకూడదని పేర్కొంది. నగరంలో ప్రజల స్వేచ్ఛాయుత రాకపోకలకు ట్రాఫిక్‌ నిబంధనలకు లోబడి అవకాశం కల్పించాలని, బారికేడ్లను సమీక్షించాలని ఆదేశించింది. ఇంటర్నెట్‌ సేవలకు అంతరాయం కలిగించకూడదని కూడా స్పష్టం చేసింది. ఈ ఆదేశాలను అధికారులు ఎంతవరకు అమలు చేశారన్నది ఇప్పుడు కీలకంగా మారింది. వాటి అమలుపై దాఖలయ్యే నివేదికలు తదుపరి విచారణలో ప్రాధాన్యం సంతరించుకోనున్నాయి.ఎస్‌ఐఆర్‌పై విపక్షాల పిటిషన్‌ కూడా..ఓటర్ల జాబితాల ప్రత్యేక సమగ్ర సవరణ ప్రక్రియను సవాలు చేస్తూ లోక్‌సభలో ప్రతిపక్ష నేత రాహుల్‌ గాంధీ సహా ఇండియా కూటమికి చెందిన పలువురు నేతలు సుప్రీంకోర్టును ఆశ్రయించారు. ఈ అంశంపై ప్రధాన న్యాయమూర్తిని కలిసేందుకు రాహుల్‌ గాంధీ చేసిన విజ్ఞప్తికి గతంలో అనుమతి లభించలేదు. అనంతరం ప్రతిపక్ష నేతలు సుప్రీంకోర్టు వైపు నిరసన ర్యాలీగా వెళ్లేందుకు ప్రయత్నించగా, రిజిస్ట్రీ సమయానికి సంబంధించిన కారణాలతో పిటిషన్‌ను న్యాయవాదుల ద్వారా దాఖలు చేశారు.ఇదిలా ఉండగా, ఎన్నికల ప్రధాన కమిషనర్లు, ఇతర ఎన్నికల కమిషనర్ల చట్టం–2023లోని సెక్షన్‌ 16ను సవాలు చేస్తూ అసోసియేషన్‌ ఫర్‌ డెమోక్రటిక్‌ రిఫార్మ్స్‌ దాఖలు చేసిన పిటిషన్‌పైనా సుప్రీంకోర్టు నోటీసులు జారీ చేసింది. అధికారిక విధుల నిర్వహణలో చేసిన చర్యలకు ఎన్నికల కమిషనర్లకు కల్పించిన రక్షణను ఈ పిటిషన్‌ ప్రశ్నిస్తోంది.విచారణపై ఉత్కంఠఢిల్లీ నిరసనల సందర్భంగా పోలీసుల చర్యలు, ప్రజా రవాణాపై ఆంక్షలు, జర్నలిస్టులు, న్యాయవాదుల నిర్బంధం, ఎస్‌ఐఆర్‌ వివాదం.. ఇలా పలు అంశాలు సుప్రీంకోర్టు ముందుకు వచ్చాయి. వీటిపై కేంద్రం, ఢిల్లీ పోలీసులు సమర్పించే నివేదికలు, సమాధానాలు తదుపరి విచారణలో కీలకం కానున్నాయి. అక్టోబర్‌ 15న ధర్మాసనం ఏ అంశాలపై స్పష్టత కోరుతుంది? గత ఆదేశాల అమలుపై ఏం చెబుతుంది? పోలీసులపై వచ్చిన ఆరోపణలపై ఎలాంటి తదుపరి ఆదేశాలు జారీ చేస్తుంది? అన్నది ఇప్పుడు ఆసక్తికరంగా మారింది.ఇదీ చదవండి: జంతర్‌ మంతర్‌ వద్ద ఊహించని సీన్‌!

ఆయనో సీనియర్‌​ పొలిటీషియన్‌. మంత్రిగానూ పని చేశారు. ఇక రాజకీయాల నుంచి దాదాపుగా రిటైర్‌ అయినట్లేనని అంతా అనుకుంటున్నారు. అలాంటి వ్యక్తికి సాయంత్రం పూట మనవడితో కలిసి వాకింగ్‌ చేస్తున్న టైంలో ఓ ఫోన్‌ కాల్‌ వచ్చింది. దాంతో ఆ మాజీ మంత్రి జీవితం ఒక్కసారిగా కొత్త మలుపు తిరిగింది. ఆ ఫోన్‌లోని సమాచారం రావడంతో మనవడిని ముద్దాడుతూ సంబురాలు చేసుకుంది ఆయన కుటుంబం.మధ్యప్రదేశ్‌కు చెందిన మాజీ మంత్రి దల్‌ సింగ్‌ బిసేన్‌కు ఎదురైన అనూహ్య అనుభవమిది. 74 ఏళ్ల దల్‌ సింగ్‌ బిసేన్‌ను ఉత్తరాఖండ్‌ గవర్నర్‌గా నియమిస్తూ రాష్ట్రపతి ద్రౌపది ముర్ము సోమవారం నిర్ణయం తీసుకున్నారు. ప్రస్తుతం ఆ పదవిలో ఉన్న లెఫ్టినెంట్‌ జనరల్‌ గుర్మీత్‌ సింగ్‌ (రిటైర్డ్‌) స్థానంలో ఆయన బాధ్యతలు చేపట్టనున్నారు. గవర్నర్‌గా నియామక వార్త అందిన సమయంలో బిసేన్‌ తన స్వస్థలమైన మధ్యప్రదేశ్‌లోని సియోనీలో మనవడితో ఆడుకుంటున్నానని చెబుతున్నారు.రాజకీయాల్లో అంచెలంచెలుగా..1952 మే 14న మధ్యప్రదేశ్‌లోని సియోనీ జిల్లాలో పిపారియా గ్రామంలో దల్‌ సింగ్‌ బిసేన్‌ జన్మించారు. ఆయుర్వేద వైద్యుడిగా, రైతుగా ఆయనకు గుర్తింపు ఉంది. రాజకీయ ప్రస్థానాన్ని గ్రామ స్థాయిలో పంచాయతీ సభ్యుడిగా ప్రారంభించారు. 1990లో తొలిసారి మధ్యప్రదేశ్‌ అసెంబ్లీకి ఎన్నికయ్యారు. ఆ తర్వాత 1993, 1998, 2003 ఎన్నికల్లోనూ బర్గీ నియోజకవర్గం నుంచి బీజేపీ తరఫున విజయం సాధించారు. 2003 నుంచి 2005 వరకు మధ్యప్రదేశ్‌ ప్రభుత్వంలో మంత్రిగా పనిచేశారు. అటవీ, రవాణా, ఖనిజాలు, పాఠశాల విద్య, జైళ్ల శాఖల వంటి బాధ్యతలు నిర్వహించారు. 2011 నుంచి 2013 వరకు రాష్ట్ర నాలుగో ఆర్థిక సంఘం చైర్మన్‌గా వ్యవహరించారు.ఎంపీగా 99 శాతం హాజరుబర్గీ నియోజకవర్గం ఎస్టీలకు రిజర్వ్‌ కావడంతో తర్వాతి ఎన్నికల్లో కియోలారీ నుంచి పోటీ చేశారు. అయితే 2008, 2013 ఎన్నికల్లో ఓటమి ఎదురైంది. 2019 లోక్‌సభ ఎన్నికల్లో బాలాఘాట్‌ స్థానం నుంచి గెలిచి పార్లమెంట్‌లో అడుగుపెట్టారు. 2024 వరకు 17వ లోక్‌సభ సభ్యుడిగా కొనసాగారు. ప్రస్తుతం బీజేపీ రాష్ట్ర కార్యవర్గ సభ్యుడిగా ఉన్నారు.పార్లమెంట్‌ పనితీరుకు సంబంధించి పీఆర్‌ఎస్‌ గణాంకాల ప్రకారం.. లోక్‌సభలో బిసేన్‌ హాజరు 99 శాతంగా నమోదైంది. 73 చర్చల్లో పాల్గొనడంతోపాటు 189 ప్రశ్నలు అడిగారు. వ్యవసాయం, గ్రామీణాభివృద్ధి, రైల్వేలు, సాగునీరు, గిరిజన సంక్షేమం వంటి అంశాలపై ఆయన ప్రశ్నలు లేవనెత్తారు.ఆరు రాష్ట్రాల్లో గవర్నర్ల మార్పులురాష్ట్రపతి ద్రౌపది ముర్ము సోమవారం ఆరు గవర్నర్ల నియామకాలు, బదిలీలకు ఆమోదం తెలిపారు. కేరళ గవర్నర్‌ రాజేంద్ర విశ్వనాథ్‌ అర్లేకర్‌ను తమిళనాడుకు బదిలీ చేశారు. సిక్కిం గవర్నర్‌ ఓం ప్రకాశ్‌ మాథుర్‌ను కేరళకు పంపించారు. దుష్యంత్‌ గౌతమ్‌ను సిక్కిం గవర్నర్‌గా, సుధా యాదవ్‌ను కర్ణాటక గవర్నర్‌గా, బ్రజ్‌ మోహన్‌ రామ్‌ను ఒడిశా గవర్నర్‌గా నియమించారు. ఈ మార్పుల్లో భాగంగా దల్‌ సింగ్‌ బిసేన్‌కు ఉత్తరాఖండ్‌ గవర్నర్‌ బాధ్యతలు అప్పగించారు.ఇదీ చదవండి: అయోధ్యలో యోగి పోటీ చేస్తారా? అదే జరిగితే..

పెళ్లికి ముందు తనతో గడపాలని ఉందని చెప్పిన ఆ ‘సైకో ప్రియుడి’ మాటను ఆమె కాదనలేకపోయింది. సరదాగా డేటింగ్‌కు వెళ్లిన ఆ యువతికి అదే చివరి ప్రయాణమైంది. లోయలోకి తోసేసి చంపిన ఆ యువకుడు.. ఆపై అందరినీ ఏమార్చే ప్రయత్నం చేశాడు. కానీ, చివరకు పోలీసుల స్టైల్‌ ట్రీట్‌మెంట్‌తో జరిగిందంతా చెప్పేశాడు. యువ వ్యాపారవేత్త కేతన్‌ అగర్వాల్‌ ఘటన జరిగిన మహారాష్ట్రలోనే.. అదే తరహాలో ఈ దారుణం చోటుచేసుకోవడం గమనార్హం.కొల్హాపూర్‌ జిల్లా భూదర్‌గఢ్‌ తాలూకాకు చెందిన శ్రీపాద్‌ దినకర్‌ వదర్‌ (25), తరన్నుమ్‌ బషీర్‌ నాయక్‌ (23) ఐదేళ్లుగా ప్రేమించుకుంటున్నారు. అక్టోబర్‌ 9న శ్రీపాద్‌.. తరన్నుమ్‌ను నైక్వాడి జలపాతం వద్దకు విహారయాత్రకు తీసుకెళ్లాడు. ఇంజినీరింగ్‌ చదువుతున్న ఆమెకు మరో వ్యక్తితో వివాహం నిశ్చయమైంది. వచ్చే నెలలో నిఖా జరగాల్సి ఉంది. దీంతో తమ బంధాన్ని ఇక కొనసాగించలేనని ప్రియుడికి స్పష్టం చేసింది. ఈ విషయంపై ఇద్దరి మధ్య తీవ్ర వాగ్వాదం జరిగింది. అయితే ఆమె తన నిర్ణయాన్ని మార్చుకోకపోవడంతో ఆగ్రహానికి గురైన శ్రీపాద్‌.. పక్కా స్కెచ్‌ వేశాడు. చివరిసారిగా ఆమెతో గడపాలని ఉందని మాటలు చెప్పాడు. ఆమె కరిగిపోయి.. బయటకు వచ్చేందుకు అంగీకరించింది. అలా ఆమెను జలపాతం వద్దకు తీసుకెళ్లి ఎవరూ గమనించనిది చూసి పైనుంచి లోతైన లోయలోకి తోసేశాడు.ప్రమాదంగా చిత్రీకరించే యత్నం..తనపై అనుమానం రాకుండా ఉండేందుకు నిందితుడు పథకం వేశాడు. శనివారం భూదర్‌గఢ్‌ పోలీస్‌స్టేషన్‌కు వెళ్లి.. ఇద్దరూ సెల్ఫీ తీసుకుంటుండగా తరన్నుమ్‌ ప్రమాదవశాత్తూ జారిపడి లోయలో పడిపోయిందని చెప్పాడు. అయితే అతడి మాటలపై అనుమానం వచ్చిన పోలీసులు విచారించగా, చివరకు నేరాన్ని అంగీకరించాడు. దీంతో అతడిని అరెస్టు చేశారు.వెయ్యి అడుగుల లోతులో మృతదేహం..పోలీసులు, సహాయక సిబ్బంది సుమారు వెయ్యి అడుగుల లోతులో ఉన్న తరన్నుమ్‌ మృతదేహాన్ని వెలికితీశారు. పోస్టుమార్టం కోసం కొల్హాపూర్‌లోని సీపీఆర్‌ ఆస్పత్రికి తరలించి, అనంతరం కుటుంబ సభ్యులకు అప్పగించారు. యువతి మృతితో గ్రామంలో ఆగ్రహావేశాలు వ్యక్తమయ్యాయి. నిందితుడికి ఓ రాజకీయ నాయకుడితో సన్నిహిత సంబంధాలున్నాయని బాధితురాలి కుటుంబ సభ్యులు ఆరోపించారు. కేసు విచారణపై రాజకీయ ఒత్తిళ్లు లేకుండా నిష్పక్షపాత దర్యాప్తు జరపాలని, ఫాస్ట్‌ట్రాక్‌ కోర్టులో విచారణ చేపట్టాలని వారు డిమాండ్‌ చేశారు.ఇదిలా ఉండగా.. పుణేలో యువ వ్యాపారి కేతన్‌ అగర్వాల్‌ కేసు ఎంత సంచలనం సృష్టించిందో తెలియంది కాదు. జూన్‌ 18న లోహ్‌ఘడ్‌ కోట వద్ద కేతన్‌(26)ను లోయలోకి తోసేసి కాబోయే భార్య సియా గోయల్‌, ఆమె ప్రియుడు చేతన్‌ చౌద్రీ హత్య చేశారు. కేతన్‌తో వివాహం ఇష్టం లేకనే ఆమె ఈ ఘాతుకానికి పాల్పడినట్లు తర్వాత పోలీసుల దర్యా‍ప్తులో తేలింది. ఇదీ చదవండి: వాళ్లిద్దరికీ పెళ్లిళ్లు అయ్యాయి.. ఏలూరులో విషాదకర ఘటన

ఉత్తరప్రదేశ్‌ రాజకీయాల్లో అయోధ్య కేంద్రంగా మాటల యుద్ధం మొదలైంది. 2027 అసెంబ్లీ ఎన్నికలకు ఇంకా సమయం ఉండగానే సీఎం యోగి ఆదిత్యనాథ్‌, సమాజ్‌వాదీ పార్టీ (ఎస్పీ) అధ్యక్షుడు అఖిలేశ్‌ యాదవ్‌ మధ్య సవాళ్లు, ప్రతిసవాళ్లు ఆసక్తి రేపుతున్నాయి. అయోధ్య నుంచి తనపై పోటీ చేయాలని అఖిలేశ్‌కు యోగి సవాల్‌ విసరగా.. ఎస్పీ అధినేత స్ట్రాంగ్‌ కౌంటర్‌ సంధించారు. దీంతో ఎన్నికల పోరు ఇప్పటి నుంచే రాజకీయ వేడిని పెంచుతోంది.అయోధ్య అసెంబ్లీ స్థానానికి అభ్యర్థిని ఎంపిక చేయడంలో బీజేపీ తడబడుతోందని అఖిలేశ్‌ యాదవ్‌ విమర్శించారు. తమ పార్టీ ఇప్పటికే పవన్‌ పాండేను అభ్యర్థిగా ప్రకటించిందని, బీజేపీ మాత్రం సరైన అభ్యర్థి కోసం అన్వేషిస్తోందని వ్యాఖ్యానించారు. దీనిపై బలరాంపూర్‌లో జరిగిన బహిరంగ సభలో యోగి ఆదిత్యనాథ్‌ స్పందించారు. అఖిలేశ్‌ అయోధ్య నుంచి నామినేషన్‌ దాఖలు చేయాలని, తాను కూడా అక్కడి నుంచే పోటీకి దిగుతానని సవాల్‌ విసిరారు. ఇద్దరం పోటీ చేసి ఎవరి అదృష్టం ఎలా ఉందో తేల్చుకుందామని అన్నారు.అయోధ్యలో అభివృద్ధి పనులు, రామమందిరం గురించి ప్రస్తావించిన యోగి.. తమ ప్రభుత్వం నగరాన్ని అభివృద్ధి చేసిందని పేర్కొన్నారు. గతంలో అధికారంలో ఉన్న సమాజ్‌వాదీ పార్టీ అయోధ్యను పట్టించుకోలేదని విమర్శించారు. ఉత్తరప్రదేశ్‌లో రామరాజ్య స్థాపన దిశగా మార్పులు తీసుకొచ్చామని తన ప్రసంగంలో చెప్పుకొచ్చారు.అఖిలేశ్‌ ఎదురు దాడి..యోగి సవాల్‌పై లక్నోలో అఖిలేశ్‌ యాదవ్‌ స్పందించారు. తమ టికెట్లే ఖరారు కానివారు ఇతరులకు టికెట్ల గురించి చెబుతున్నారని ఎద్దేవా చేశారు. ముందు నీ టికెట్‌ ఖరారు చేసుకోవయ్యా’’ అంటూ యోగిని ఉద్దేశించి వ్యాఖ్యానించారు. అహంకారంతో వ్యవహరించే వారిని తమ పార్టీ తుడిచిపెడుతుందని అన్నారు. యోగి సవాల్‌ను అఖిలేశ్‌ నేరుగా స్వీకరించకుండానే.. సీఎం అభ్యర్థిత్వంపైనే ప్రశ్నలు లేవనెత్తారు. అదే సమయంలో నిరుద్యోగం, ధరల పెరుగుదల వంటి ప్రజా సమస్యలను కూడా ప్రస్తావించారు.బీజేపీకి గుర్తుండిపోయే ఓటమి..అయోధ్య అసెంబ్లీ స్థానం రాజకీయంగా అత్యంత కీలకమైనది. రామమందిరం ఇక్కడే ఉండటంతో బీజేపీ హిందుత్వ రాజకీయాల్లో ఈ ప్రాంతానికి ప్రత్యేక స్థానం ఉంది. అయితే 2024 లోక్‌సభ ఎన్నికల్లో రామమందిరం ప్రారంభోత్సవం జరిగిన కొద్ది నెలలకే ఫైజాబాద్‌ లోక్‌సభ స్థానంలో బీజేపీ ఓటమి పాలైంది. ఈ నియోజకవర్గ పరిధిలో అయోధ్య కూడా ఉంది.సమాజ్‌వాదీ పార్టీ అభ్యర్థి అవధేశ్‌ ప్రసాద్‌.. బీజేపీ సిట్టింగ్‌ ఎంపీ లల్లూ సింగ్‌పై 54 వేలకుపైగా ఓట్ల ఆధిక్యంతో విజయం సాధించారు. రామమందిరం ప్రారంభోత్సవం తర్వాత కూడా బీజేపీ ఓడిపోవడం దేశవ్యాప్తంగా చర్చనీయాంశమైంది. స్థానిక సమస్యలు, ఉపాధి, ఆర్థిక పరిస్థితులు, అభివృద్ధి పనులు, భూసేకరణపై ఆందోళనలు కూడా ఎన్నికల చర్చలో భాగమయ్యాయి.ఈ ఫలితం రామమందిరం అంశం ఒక్కటే బీజేపీకి ఓట్లు తెచ్చిపెడుతుందనే అంచనాపై ప్రశ్నలు లేవనెత్తింది. ఇప్పుడు 2027 అసెంబ్లీ ఎన్నికల ముందు అయోధ్యను కేంద్రంగా చేసుకుని యోగి సవాల్‌ విసరడం.. ఆ ప్రాంతంలో బీజేపీ రాజకీయ పట్టు, అభివృద్ధి వాదనలను మళ్లీ ముందుకు తీసుకురావాలనే ప్రయత్నంగా కనిపిస్తోంది.పీడీఏ నినాదంపైనా యోగి వ్యంగ్యాస్త్రాలుబలరాంపూర్‌ సభలో యోగి ఆదిత్యనాథ్‌ సమాజ్‌వాదీ పార్టీపై తీవ్ర విమర్శలు చేశారు. అవినీతి, నేరాలకు రాజకీయ అండదండలు కల్పించడం వంటి ఆరోపణలు చేశారు. ఎస్పీ ప్రతిపాదిస్తున్న పీడీఏ (వెనుకబడిన వర్గాలు, దళితులు, మైనారిటీలు) నినాదాన్ని కూడా వ్యంగ్యంగా ప్రస్తావించారు. పీడీఏ అంటే ‘పరివార్‌ డెవలప్‌మెంట్‌ అథారిటీ’ అని వ్యాఖ్యానిస్తూ, ఆ పార్టీ నిర్ణయాలు సామాజిక వర్గాల కంటే కుటుంబ సభ్యులు, సంపన్న వర్గాల ప్రయోజనాలకే ప్రాధాన్యం ఇస్తున్నాయని ఆరోపించారు. మరోవైపు, రామమందిరం నిర్మాణం, మౌలిక సదుపాయాల అభివృద్ధి, శాంతిభద్రతల మెరుగుదల తమ ప్రభుత్వ విజయాలని బీజేపీ చెబుతోంది. ఈ అంశాలు వచ్చే ఎన్నికల్లో ఎంతమేరకు ఓట్లుగా మారతాయనేది కీలకం కానుంది.2024 లోక్‌సభ ఎన్నికల్లో ఎదురైన ఓటమి నుంచి కోలుకుని అయోధ్యలో మళ్లీ రాజకీయ ఆధిపత్యం సాధించాలని బీజేపీ భావిస్తుండగా.. ఆ పార్టీ వాదనలను సవాలు చేస్తూ ముందుకెళ్లాలని ఎస్పీ చూస్తోంది. ఎన్నికలకు ముందే యోగి, అఖిలేశ్‌ మధ్య మొదలైన ఈ మాటల యుద్ధం.. ఉత్తరప్రదేశ్‌ రాజకీయాల్లో అయోధ్య ప్రాధాన్యాన్ని మరోసారి తెరపైకి తెచ్చింది.ఇదీ చదవండి: చీఫ్‌ జస్టిస్‌ సూర్యకాంత్‌ ‘రాజీనామా’పై రాజకీయ దుమారం!

ఓట్ల చోరీ ఆరోపణలు, ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)పై సోమవారం సుప్రీంకోర్టు వరకు భారీ మార్చ్‌ నిర్వహించిన ప్రతిపక్షాలు.. తాజాగా తమ తదుపరి కార్యాచరణపై దృష్టి సారించాయి. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌పై పోరును మరింత ఉధృతం చేసేందుకు కాంగ్రెస్‌ అగ్రనేత, లోక్‌సభలో ప్రతిపక్ష నేత రాహుల్‌ గాంధీ సిద్ధమయ్యారు.‘మార్చ్‌ ఫర్‌ డెమోక్రసీ’ పేరుతో సోమవారం ఢిల్లీలో నిర్వహించిన ఆందోళనలో ప్రతిపక్ష నేతలు, కార్యకర్తలు, పౌరసమాజ ప్రతినిధులు పాల్గొన్నారు. ఎన్నికల సంఘం పనితీరు, ఓటర్ల జాబితా సవరణలో అవకతవకలు జరిగాయన్న ఆరోపణలపై తమ నిరసనను వ్యక్తం చేశారు. అనంతరం ఇండియా కూటమి నేతలు సుప్రీంకోర్టును ఆశ్రయిస్తూ ఉమ్మడి పిటిషన్‌ దాఖలు చేశారు.ఈ నేపథ్యంతో.. ఇవాళ ఇండియా కూటమి నేతలు సంయుక్తంగా మీడియా సమావేశం నిర్వహించనున్నారు. ఆపై సాయంత్రం రాహుల్‌ నివాసంలో హై టీ సమావేశం జరగనుంది. ఇండియా కూటమి నేతలు, పౌరసమాజ ప్రతినిధులు, విద్యార్థి సంఘాల నాయకులకు ఆయన ఆహ్వానం పంపినట్లు తెలుస్తోంది. సీజేపీ నేతలకు ఆహ్వానం వెళ్లిందా? వాళ్లు హాజరవుతారా? అనే సస్పెన్స్‌ కొనసాగుతోంది.జ్ఞానేశ్‌ కుమార్‌ టార్గెట్‌గా.. ఓటర్ల జాబితా ప్రత్యేక సమగ్ర సవరణ ప్రక్రియను విపక్షాలు తీవ్రంగా వ్యతిరేకిస్తున్నాయి. ఓటర్ల పేర్ల తొలగింపు, ఎన్నికల జాబితాల్లో అవకతవకలు జరుగుతున్నాయని ఆరోపిస్తూ.. సీఈసీ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తున్నాయి. ఎస్‌ఐఆర్‌ ప్రక్రియను ఉపసంహరించుకోవాలని కోరుతున్నాయి. సుప్రీంకోర్టులో దాఖలు చేసిన ఉమ్మడి పిటిషన్‌లో జ్ఞానేశ్‌ కుమార్‌తో పాటు ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషీలను ప్రతివాదులుగా పేర్కొన్నాయి. ఎస్‌ఐఆర్‌ నిర్వహణకు సంబంధించిన నిర్ణయం చట్టబద్ధతను పరిశీలించాలని విజ్ఞప్తి చేశాయి.ఢిల్లీలో భద్రత కట్టుదిట్టంమరోవైపు, ఢిల్లీలో నిరసనల నేపథ్యంలో కేంద్ర ప్రాంతాల్లో భద్రతను కట్టుదిట్టం చేశారు. ప్రతిపక్షాల ఆందోళనలు, తదుపరి కార్యాచరణపై రాజకీయ వర్గాల్లో ఆసక్తి నెలకొంది. ఇదిలా ఉండగా, బిహార్‌ రాజధాని పాట్నాలోనూ విద్యార్థి, యువజన సంఘాలు ఎస్‌ఐఆర్‌కు వ్యతిరేకంగా మంగళవారం ఆందోళనకు పిలుపునిచ్చాయి. గాంధీ మైదాన్‌ నుంచి లోక్‌భవన్‌ వరకు మార్చ్‌ నిర్వహించి, సీఈసీ రాజీనామా, ఎస్‌ఐఆర్‌ ఉపసంహరణను డిమాండ్‌ చేయనున్నాయి. బిహార్‌, పశ్చిమ బెంగాల్‌ అసెంబ్లీ ఎన్నికలను రద్దు చేయాలని కూడా కోరుతున్నాయి.ఈ పరిణామాల మధ్య రాహుల్‌ గాంధీ ఏర్పాటు చేసిన సమావేశం ప్రాధాన్యం సంతరించుకుంది. ఎన్నికల సంఘంపై విపక్షాల ఆరోపణలు, ఎస్‌ఐఆర్‌పై న్యాయపోరాటం, తదుపరి నిరసన కార్యక్రమాలపై ఈ భేటీలో చర్చించే అవకాశం ఉంది.ఇదీ చదవండి: రాహుల్‌ గాంధీ పిటిషన్‌ చెల్లదా?

సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌పై కాంగ్రెస్‌ పార్టీ చేసిన ఓ సోషల్‌ మీడియా పోస్ట్‌ దేశ రాజకీయాల్లో తీవ్ర దుమారం రేపింది. ఢిల్లీలో నిరసనలు, ఆంక్షలపై స్పందిస్తూ.. ‘ఇది శాంతిభద్రతలకు సంబంధించిన అంశం.. నా పరిధిలోకి రాదు’ అని సీజేఐ వ్యాఖ్యానించడాన్ని ఆ పార్టీ తప్పుబట్టింది. తక్షణమే రాజీనామా చేయాలంటూ సోషల్‌ మీడియాలో ఓ పోస్ట్‌ పెట్టడం తీవ్ర దుమారం రేపింది. న్యాయ వ్యవస్థపై, చీఫ్‌ జస్టిస్‌పై తమకు నమ్మకం ఉందని ఆ పార్టీ అగ్రనేత రాహుల్‌ గాంధీ వ్యాఖ్యనించిన సమయంలోనే దాదాపుగా ఇది జరిగింది.‘శాంతిభద్రతలు మీ పరిధిలోకి రాకపోతే రాజీనామా చేయండి. ఆ బాధ్యతలను నిర్వహించగల మరో వ్యక్తిని మేం కనుగొంటాం’ అంటూ కేరళ కాంగ్రెస్‌ అధికారిక ఎక్స్‌ ఖాతాలో సీజేఐని ఉద్దేశించి పోస్ట్‌ చేశారు. దీంతో దేశ అత్యున్నత న్యాయస్థానం ప్రధాన న్యాయమూర్తిని ఉద్దేశించి ఇలాంటి వ్యాఖ్యలు చేయడంపై తీవ్ర అభ్యంతరాలు వ్యక్తమయ్యాయి. న్యాయవ్యవస్థ గౌరవాన్ని దెబ్బతీసేలా కాంగ్రెస్‌ వ్యవహరించిందంటూ బీజేపీ నేతలు మండిపడ్డారు.వివాదం ముదరడంతో కేరళ ప్రదేశ్‌ కాంగ్రెస్‌ కమిటీ (కేపీసీసీ) అధ్యక్షుడు సన్నీ జోసెఫ్‌ స్పందించారు. సీజేఐపై అభ్యంతరకర పోస్ట్‌ పెట్టిన వ్యక్తిని విధుల నుంచి తొలగించినట్లు తెలిపారు. పార్టీ రాష్ట్ర నాయకత్వానికి తెలియకుండా, అనుమతి.. సంప్రదింపులు లేకుండానే ఆ పోస్ట్‌ ప్రచురితమైందని స్పష్టం చేశారు. ఈ ఘటన ఎలా జరిగిందో పరిశీలిస్తామని వెల్లడించారు. న్యాయవ్యవస్థ నిష్పాక్షికతపై కాంగ్రెస్‌కు ఎలాంటి అభ్యంతరాలు లేవని, అందుకు విరుద్ధంగా ఉన్న సోషల్‌ మీడియా పోస్టులు పార్టీ నాయకత్వ అభిప్రాయాన్ని ప్రతిబింబించవని పేర్కొన్నారు.‘కాంగ్రెస్‌ తదుపరి లక్ష్యం న్యాయవ్యవస్థే’విపక్ష నేతలకు సీజేఐ అపాయింట్‌మెంట్‌ నిరాకరణ.. దానికి ఆయన ఇచ్చిన వివరణపై రాహుల్‌ గాంధీకి విలేకరుల నుంచి ప్రశ్న ఎదురైంది. అయితే ఆయన నిర్ణయాన్ని తాము గౌరవిస్తామని రాహుల్‌ అన్నారు. ఈ ప్రెస్‌మీట్‌ జరుగుతున్న టైంలోనే అటు కేరళ కాంగ్రెస్‌ సోషల్‌ మీడియా అకౌంట్‌ నుంచి ఈ పోస్ట్‌ పబ్లిష్‌ అయ్యింది. ఈ వ్యవహారంపై కేంద్ర పార్లమెంటరీ వ్యవహారాల మంత్రి కిరణ్‌ రిజిజు తీవ్రంగా స్పందించారు. ఎన్నికల సంఘం తర్వాత కాంగ్రెస్‌ లక్ష్యం న్యాయవ్యవస్థేనని తాను గతంలోనే చెప్పానని పేర్కొన్నారు. రాజ్యాంగబద్ధమైన, ప్రజాస్వామ్య సంస్థలను కాంగ్రెస్‌ బలహీనపరచాలని చూస్తోందని ఆరోపించారు. దేశ వ్యతిరేక శక్తులన్నీ ఏకమవుతున్నాయని, దేశభక్తులంతా కూడా ఒక్కటవుతారని వ్యాఖ్యానించారు. బీజేపీకి చెందిన పలువురు నేతలు సైతం కాంగ్రెస్‌ తీరును తప్పుబట్టారు.I had said it earlier, next target of the Congress Party is Judiciary. Congress wants to destroy all the constitutional and democratic institutions of India. All Anti-India gangs are joining hands. All patriotic Indians will also come together 🇮🇳 https://t.co/oOLST1yuUL— Kiren Rijiju (@KirenRijiju) October 12, 2026లాయర్ల సంఘం ఏమందంటే?సీజేఐ సూర్యకాంత్‌ రాజీనామా చేయాలంటూ చేసిన సోషల్‌ మీడియా వ్యాఖ్యలను సుప్రీంకోర్టు అడ్వకేట్స్‌ ఆన్‌ రికార్డ్‌ అసోసియేషన్‌ (ఎస్‌సీఏఓఆర్‌ఏ) ఖండించింది. ఇలాంటి ప్రకటనలు న్యాయపదవి గౌరవాన్ని దెబ్బతీయడంతోపాటు న్యాయవ్యవస్థపై ప్రజల విశ్వాసాన్ని తగ్గించే ప్రమాదం ఉందని పేర్కొంది. న్యాయవ్యవస్థ పనితీరుపై అభ్యంతరాలుంటే తగిన చట్టపరమైన, రాజ్యాంగబద్ధమైన మార్గాల్లోనే తెలియజేయాలని సూచించింది. న్యాయ ప్రక్రియ స్వతంత్రంగా కొనసాగేందుకు అందరూ సహకరించాలని కోరింది.అసలు వివాదం అక్కడే మొదలైంది!ఢిల్లీలో నిరసనలకు విధించిన ఆంక్షలు, పోలీసుల చర్యలపై ప్రశ్నలు తలెత్తిన నేపథ్యంలో సీజేఐ చేసిన వ్యాఖ్యలు ఈ వివాదానికి కేంద్రంగా మారాయి. ప్రతిపక్ష నేతలు తనను కలిసేందుకు చేసిన విజ్ఞప్తిని కూడా ఆయన తిరస్కరించారు. వారు లేవనెత్తాలనుకున్న అంశాలు ఇప్పటికే సుప్రీంకోర్టు పరిశీలనలో ఉన్నందున, వారితో సమావేశమైతే అధికార విభజన సూత్రానికి విరుద్ధంగా ఉంటుందని స్పష్టం చేసినట్లు వార్తా కథనాలు వెల్లడించాయి.మరోవైపు, ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)లో భారీగా ఓట్ల తొలగింపులు, అవకతవకలు జరిగాయంటూ 11 మంది ప్రతిపక్ష ఎంపీల పేర్లతో పిటిషన్‌ దాఖలైంది. ఎన్నికల సంఘం నిర్ణయం చట్టబద్ధతను పరిశీలించాలని అందులో కోరారు. ఈ నేపథ్యంలో ప్రతిపక్షాల నిరసనలు, సీజేఐ వ్యాఖ్యలు, కాంగ్రెస్‌ సోషల్‌ మీడియా పోస్ట్‌.. వరుస పరిణామాలు రాజకీయ వేడిని మరింత పెంచాయి.ఇదీ చదవండి: రాహుల్‌ గాంధీ పిటిషన్‌లో 14 లోపాలు?!

మందుబాబుల్లో ఎంతో క్రేజ్‌ ఉన్న ఓల్డ్‌ మంక్‌ రమ్‌ ఇప్పుడు భారీ చిక్కుల్లో పడింది. దశాబ్దాలుగా భారతీయ మద్యం ప్రియులకు సుపరిచితమైన ఈ బ్రాండ్‌ లేబుల్‌పై వివాదం తలెత్తింది. ఉత్పత్తిని ‘రమ్‌’ అని కాకుండా ‘రమ్‌ తరహా మద్యం’ (Rum-like) అని పేర్కొనాలని భారత ఆహార భద్రత, ప్రమాణాల ప్రాధికార సంస్థ (ఎఫ్‌ఎస్‌ఎస్‌ఏఐ–FSSAI) పట్టుబడుతోంది. ఈ మార్పునకు అంగీకరిస్తేనే అమ్మకాలకు అనుమతి ఇస్తామని స్పష్టం చేసింది.అయితే ఎఫ్‌ఎస్‌ఎస్‌ఏఐ మార్పులపై ఓల్డ్‌ మంక్‌ అభ్యంతరాలు వ్యక్తం చేస్తోంది. అలా చేయడం మూలంగా తయారీ సంస్థకు ఈ మధ్యకాలంలోనే రూ.500 కోట్లకు పైగా నష్టం వాటిల్లిందని, అలాగే రాష్ట్ర ప్రభుత్వానికి సుమారు రూ.350 కోట్ల ఎక్సైజ్‌ ఆదాయం కోల్పోయిందని సంస్థ తరఫు న్యాయవాది బాంబే హైకోర్టుకు తాజాగా నివేదించారు. అంతేకాదు సుమారు 300 మంది కార్మికులకు జీవనోపాధి దూరమైందని వాదించారు.అసలు వివాదం ఏమిటి?రమ్‌ తయారీలో ఉపయోగించే ఆల్కహాల్‌ స్వరూపం, అదనంగా కలిపే ఫ్లేవర్లు, లేబులింగ్‌ నిబంధనలపై ఎఫ్‌ఎస్‌ఎస్‌ఏఐ నిబంధనలను కఠినంగా అమలు చేయడంతో ఓల్డ్‌ మంక్‌ వివాదంలో చిక్కుకుంది. ముఖ్యంగా ఉత్పత్తిని ‘రమ్‌’గా పిలవొచ్చా, ‘రమ్‌ లైక్‌’ అని పేర్కొనాలా అన్నదే ఇప్పుడు అసలు సమస్య. ఈ వివాదం కారణంగా.. ఓల్డ్‌ మంక్‌ తయారీ సంస్థ మోహన్‌ రాకీ స్ప్రింగ్‌వాటర్‌ ప్రైవేట్‌ లిమిటెడ్‌ థానే జిల్లాలోని యూనిట్‌ నుంచి మహారాష్ట్రలో అమ్మకాలు కొనసాగించలేకపోతోంది. అందుకే ఈ ఆంక్షలను సవాలు చేస్తూ న్యాయస్థానాన్ని ఆశ్రయించింది.ఎఫ్‌ఎస్‌ఎస్‌ఏఐ అభిప్రాయం ప్రకారం.. రమ్‌ రుచిని అందించే కృత్రిమ/ప్రకృతిలో లభించే పదార్థాలకు సమానమైన ఫ్లేవర్లను జోడించిన మద్యాన్ని సాధారణ రమ్‌గా విక్రయించకూడదు. అలా చేయడం వల్ల వినియోగదారులు గందరగోళానికి గురయ్యే అవకాశం ఉంది. అందువల్ల ఉత్పత్తి స్వభావాన్ని లేబుల్‌పై స్పష్టంగా పేర్కొనాలని నియంత్రణ సంస్థ వాదిస్తోంది. మరోవైపు, లేబుల్‌లో మార్పులు చేసి సమస్యను పరిష్కరించేందుకు ప్రయత్నించినప్పటికీ తమ ప్రతిపాదనలకు ఆమోదం లభించలేదని కంపెనీ చెబుతోంది.ఏడేళ్ల రమ్‌.. లేబుల్‌పైనా అభ్యంతరాలు!ఓల్డ్‌ మంక్‌ లేబుళ్లపై ఉన్న ఏడేళ్ల కాలపు (7 years old blended), very old vatted వంటి పదాలపైనా ఎఫ్‌ఎస్‌ఎస్‌ఏఐ అభ్యంతరాలు వ్యక్తం చేసింది. నిబంధనలకు అనుగుణంగా లేబులింగ్‌ లేదని పేర్కొంది. దీంతో తయారీ సంస్థ వివాదాస్పద వయసు సూచనలను తొలగించి, ఉత్పత్తిలో అదనంగా ఫ్లేవర్‌ కలిపిన విషయాన్ని స్పష్టంగా చూపించేలా కొత్త లేబుళ్లను సమర్పించేందుకు అంగీకరించింది.అయితే, సవరించిన లేబుళ్లకు కూడా ఎఫ్‌ఎస్‌ఎస్‌ఏఐ అనుమతి లభించకపోవడంతో వివాదం పరిష్కారం కాలేదు. ఈ నేపథ్యంలో కేసును తుది విచారణకు స్వీకరించాలని కంపెనీ బాంబే హైకోర్టును కోరింది. తక్షణ ఉపశమనం కల్పించాలని కోరినా దక్కలేదు. చీఫ్‌ జస్టిస్‌ ఎంసీ త్రిపాఠి, న్యాయమూర్తి అద్వైత్‌ సేథ్నా ధర్మాసనం అక్టోబర్‌ 23న తుది విచారణ చేపట్టేందుకు అంగీకరించింది.ఓల్డ్‌ మంక్‌ ఎలా పుట్టింది?ఓల్డ్‌ మంక్‌ చరిత్రకు 1855లోనే బీజం పడింది. బ్రిటిష్‌ వ్యాపారవేత్త ఎడ్వర్డ్‌ డయ్యర్‌ హిమాచల్‌ప్రదేశ్‌లోని కసౌలీలో బ్రూవరీని ఏర్పాటు చేశారు. కొంతకాలానికి హెచ్‌జీ మెకిన్‌ సంస్థతో కలిసి డయ్యర్‌ మెకిన్‌ అండ్‌ కో.గా వ్యాపారాన్ని విస్తరించారు. 1935లో బర్మా బ్రిటిష్‌ ఇండియా నుంచి విడిపోయిన నేపథ్యంలో సంస్థ పేరు డయ్యర్‌ మెకిన్‌ బ్రూవరీస్‌ లిమిటెడ్‌గా మారింది.తర్వాత భారతీయ పారిశ్రామికవేత్త కపిల్‌ మోహన్‌ నేతృత్వంలో సంస్థ యాజమాన్యం మారింది. 1966–1980 మధ్య మోహన్‌ మెకిన్‌ బ్రూవరీస్‌ లిమిటెడ్‌గా కొనసాగిన సంస్థ.. అనంతరం మోహన్‌ మెకిన్‌ లిమిటెడ్‌గా రూపాంతరం చెందింది. ఈ సంస్థ నుంచే భారతీయ మద్యం మార్కెట్లో ఓల్డ్‌ మంక్‌ బ్రాండ్‌ ప్రత్యేక గుర్తింపు తెచ్చుకుంది. 1954లో మార్కెట్లోకి వచ్చిన ఓల్డ్‌ మంక్‌.. తన ప్రత్యేకమైన డార్క్‌ రమ్‌ రుచి, గుర్తుపట్టగలిగే సీసా రూపంతో క్రమంగా అభిమానులను సంపాదించుకుంది. భారీ ప్రకటనల కంటే వినియోగదారుల ఆదరణతోనే దేశవ్యాప్తంగా పేరు తెచ్చుకున్న బ్రాండ్‌గా నిలిచింది.ప్రత్యేక అభిమానులుఓల్డ్‌ మంక్‌ ప్రత్యేకతల్లో ప్రధానమైనది దాని మార్కెటింగ్‌ విధానం. భారీ ప్రకటనల ప్రచారంపై ఆధారపడకుండా, వినియోగదారుల నోటి మాట ద్వారానే బ్రాండ్‌ విస్తృతంగా ప్రాచుర్యం పొందింది. ముఖ్యంగా భారత సాయుధ దళాల క్యాంటీన్లలో దీనికి లభించిన ఆదరణ బ్రాండ్‌ ఎదుగుదలకు తోడ్పడింది. ఒక తరం నుంచి మరో తరానికి పరిచయమవుతూ వచ్చిన ఈ బ్రాండ్‌.. పాత స్నేహాలు, కాలేజీ రోజులు, సైనికుల జ్ఞాపకాలతో ముడిపడిపోయింది. విలక్షణమైన సీసా, స్థిరమైన రుచి, అందుబాటు ధరలు కూడా దాని అభిమాన వర్గాన్ని పెంచాయి. విదేశీ బ్రాండ్ల ప్రవేశం, మారుతున్న వినియోగదారుల అభిరుచుల మధ్య పోటీ పెరిగినా ఓల్డ్‌ మంక్‌ తనకంటూ ప్రత్యేక గుర్తింపును నిలబెట్టుకుంది.మరి ఇప్పుడో..?ఒకప్పుడు రమ్‌ అంటే ఓల్డ్‌ మంక్‌ అనే స్థాయిలో గుర్తింపు తెచ్చుకున్న ఈ బ్రాండ్‌.. కాలక్రమంలో మారుతున్న వినియోగదారుల అభిరుచులు, విస్కీ–బీర్‌ వంటి పానీయాల పోటీ, దూకుడైన మార్కెటింగ్‌లో వెనుకబడటం, పంపిణీ సమస్యలతో తన మార్కెట్‌ ఆధిపత్యాన్ని కోల్పోయింది. అయితే ఇటీవలి సంవత్సరాల్లో మళ్లీ అమ్మకాలు పుంజుకోవడం, కొత్త రుచులతో మార్కెట్‌లో నిలదొక్కుకునే ప్రయత్నం చేయడం గమనార్హం.అయితే ప్రస్తుతం వివాదం మహారాష్ట్రలో అమ్మకాలకే పరిమితమైందని తయారీ సంస్థ చెబుతోంది. ఇతర రాష్ట్రాల్లో ఉత్పత్తి అమ్మకాలు కొనసాగుతున్నాయని కోర్టుకు తెలిపింది. అయితే, లేబుల్‌పై ఎఫ్‌ఎస్‌ఎస్‌ఏఐ అభ్యంతరాలు, కంపెనీ ప్రతిపాదనలు, వాటిపై న్యాయస్థానం తీసుకునే నిర్ణయం భవిష్యత్తులో కీలకం కానున్నాయి. మొత్తానికి, ఏడు దశాబ్దాల చరిత్ర ఉన్న ఓల్డ్‌ మంక్‌కు ఇప్పుడు రుచి, అభిమానుల ఆదరణతో కాకుండా.. ఉత్పత్తి స్వరూపం, లేబులింగ్‌ నిబంధనలతో ముడిపడిన న్యాయపరమైన సవాలు ఎదురవుతోంది. మహారాష్ట్రలో అమ్మకాలు ఎప్పుడు పునరుద్ధరిస్తారు? కంపెనీ లేబుల్‌ మార్చాల్సి వస్తుందా? లేదంటే న్యాయస్థానం మరో మార్గం చూపుతుందా? అన్నది తేలాల్సి ఉంది.ఇదీ చదవండి: అది వేరే టాపిక్‌.. నాకేం సంబంధం?: సీజేఐ సూర్యకాంత్‌

సాక్షి, న్యూఢిల్లీ: కోట్ల ఓట్లను గల్లంతు చేశారన్న ప్రధాన ఆరోపణలను నెత్తినమోస్తున్న ప్రధాన ఎన్నికల కమిషనర్‌ జ్ఞానేశ్‌కుమార్‌ పదవి నుంచి తక్షణం తప్పుకోవాలన్న డిమాండ్‌తో కొద్దిరోజులుగా దేశ రాజధాని వీధుల్లో ఉద్యమిస్తున్న విపక్షపార్టీల నేతలు ఇప్పుడు నేరుగా సర్వోన్నత న్యాయస్థానం దిశగా ర్యాలీగా దూసుకెళ్లి ఉద్యమపథాన్ని కొత్త దిశలో మళ్లించారు. అన్యాయంగా ఓట్లు కోల్పోయిన కోట్లాది మంది ఓటర్లకు న్యాయం చేయాలంటూ సుప్రీంకోర్టును ఆశ్రయించారు. పిటిషన్‌ దాఖలు చేసేందుకు వందలాది మంది కార్యకర్తలు, మద్దతుదారులతో బయల్దేరిన విపక్షాల ‘ఇండియా’కూటమి పార్టీల ర్యాలీ హస్తినవీధుల్లో జనసంద్రంగా మారింది. అడుగడుగునా ఉద్యమకారులు ఎన్‌డీఏ సర్కార్, సీఈసీ, మోదీ, షా, ఆర్‌ఎస్‌ఎస్‌ వ్యతిరేక నినాదాలతో హోరెత్తిపోయింది.‘మోదీ–జ్ఞానేశ్‌ను తప్పిద్దాం, ప్రజాస్వామ్యాన్ని కాపాడతాం’, ‘జ్ఞానేశ్‌ ఎక్కడ? మోదీ ఒడిలో’, ‘జ్ఞానేశ్‌జీ మీ గడువు ముగిసింది. దిగిపో’, ‘రాజీనామా.. చేయాల్సిందే’నినాదాలు సోమవారం ఢిల్లీ రహదారుల్లో మార్మోగాయి. జ్ఞానేశ్‌పై చర్యలు తీసుకోవాలని, ఆయన రాజీనామా చేయాలని డిమాండ్‌ చేస్తూ కాంగ్రెస్‌ అగ్రనేత, లోక్‌సభలో ప్రతిపక్ష నాయకుడు రాహుల్‌ గాంధీ నేతృత్వంలో ఇండియా కూటమి నాయకులు సోమవారం రఫీమార్గ్‌లోని కానిస్టిట్యూషన్‌ క్లబ్‌ నుంచి సుప్రీంకోర్టు వైపు మార్చ్‌ చేపట్టారు.ఏఐసీసీ అధ్యక్షుడు మల్లిఖార్జున ఖర్గే, ఎంపీ ప్రియాంక గాంధీ, సమాజ్‌వాదీ పార్టీ అధ్యక్షుడు అఖిలేశ్‌ యాదవ్, టీఎంసీ చీఫ్‌ మమతా బెనర్జీ, సీపీఐ నేత డి.రాజా, సీపీఎం నేత ఎంఏ బేబీ, ఆర్జేడీ చీఫ్‌ తేజస్వీ యాదవ్, ఎన్సీపీ–ఎస్పీ నాయకురాలు సుప్రియాసూలే, ఆల్‌ ఇండియా స్టూడెంట్స్‌ అసోసియేషన్‌ (ఏఐఎస్‌ఏ) అధ్యక్షురాలు నేహా బోరా, విపక్ష పాలిత రాష్ట్రాల ముఖ్యమంత్రులు, మంత్రులు, ఎమ్మెల్యేలు, ఎమ్మెల్సీలు, ఇతర ప్రతిపక్ష నేతలు ఈ ర్యాలీలో పాల్గొన్నారు. వేలాది మంది నిరసనకారులు తిలక్‌ మార్గ్‌లోని సుప్రీంకోర్టు దిశగా కదిలారు.సుప్రీంకోర్టుకు కొంత దూరంలో భగవాన్‌ దాస్‌ రోడ్డులో పోలీసులు బారికేడ్లు ఏర్పాటు చేసి మార్చ్‌ను అడ్డుకున్నారు. దీంతో ఆ ప్రాంతంలో కొంతసేపు ఉద్రిక్తత నెలకొంది. కొందరు నిరసనకారులు బారికేడ్లు ఎక్కడంతో పోలీసులు వారిని వెనక్కి నెట్టారు. తర్వాత కాస్తంత తక్కువ మంది నేతలు, కార్యకర్తలతో ర్యాలీకి పోలీసులు అనుమతి ఇచ్చారు. ఈ సందర్భంగా రాహుల్‌ గాం«దీ, ప్రియాంక, తేజస్వీ యాదవ్, అఖిలేశ్‌ యాదవ్‌ వాహనం పైకెక్కి ర్యాలీగా ముందుకు కదిలారు. వీళ్లను కార్యకర్తలు జెండాలు ఊపుతూ అనుసరించారు.తర్వాత నేతలు బస్సులో ప్రయాణించారు. బస్సు బారాఖంబా రోడ్‌– కన్నాట్‌ప్లేస్‌ జంక్షన్‌ సమీప ఇందిరాచౌక్‌కురాగానే రాహుల్, ప్రియాంక, ఆలిండియా స్టూడెంట్స్‌ అసోసియేషన్‌ అధ్యక్షురాలు నేహా బోరా కిందకు దిగి కార్యకర్తలతో కలిసి నడిచారు. దీంతో ఆ మార్గంలోని పలు కంపెనీలు, సంస్థల ఉద్యోగులు వీళ్లను ఫొటోలు తీసేందుకు ఎగబడ్డారు. కర్ణాటక ఉప ముఖ్యమంత్రి డీకే శివకుమార్, తెలంగాణ ముఖ్యమంత్రి రేవంత్, శివసేన నేత సంజయ్‌ రౌత్, సీపీఐఎంఎల్‌ నేత దీపాంకర్‌ భట్టాచార్య, హిమాచల్‌ ముఖ్యమంత్రి సుఖీ్వందర్‌ సుఖూ్ఖ, కాంగ్రెస్‌ ఎంపీలు శశిథరూర్, సచిన్‌ పైలట్, ముకుల్‌ వాస్నిక్, టీఎంసీ నేత సాగరికా ఘోష్, సామాజిక వేత్తలు యోగేంద్ర యాదవ్, నందితా నారాయణ్‌ సైతం ర్యాలీలో పాల్గొన్నారు. కానిస్టిట్యూషన్‌ క్లబ్‌ నుంచి సెంట్రల్‌ సెక్రేటేరియేట్, ప్రెస్‌క్లబ్‌ ఆఫ్‌ ఇండియా మీదుగా, ఫిరోజా రోడ్, మండీ హౌజ్‌ల నుంచి బారాఖంబాకు మార్చ్‌ చేరుకుంది.నేతలతోపాటు వేలాది మంది విద్యార్థులు, నిరసనకారులు అడుగులు వేశారు. ఇతర వామపక్ష సంఘాల సభ్యులు సైతం ర్యాలీలో పాల్గొన్నారు. ప్రధాన మార్చ్‌ మధ్యాహ్నం 2.15 గంటలకు ప్రారంభమైంది. సుప్రీంకోర్టుకు చేరేసరికి సమయం సాయంత్రం ఐదున్నర అయింది.ప్రధాన ఆకర్షణగా బ్యాట్‌మ్యాన్‌ మాస్క్‌ర్యాలీలో పాల్గొన్న కార్యకర్తల్లో కొందరు బ్యాట్‌మ్యాన్‌ మాస్క్‌లు ధరించి అందర్నీ ఆకర్షించారు. ఉద్యమంలో ప్రధాన ఆకర్షణగా మారి అందర్నీ ముందుండి నడిపిస్తున్న రాహుల్‌గాం«దీని బ్యాట్‌మ్యాన్‌గా భావిస్తూ మాస్‌్కలు, వేషధారణలో వచ్చామని పలువురు ఉద్యమకారులు తెలిపారు. వారిలో ఒకరు కొన్ని మాస్‌్కలను బస్సులోని ముఖ్యనేతలకు అందజేశారు. వాటిలో ఒకదానిని రాహుల్‌ ధరించగానే నిరసనకారులు ఆనందంతో నినాదాలుచేశారు. మరో మాస్‌్కను ఖర్గే ధరించారు.ఎస్‌ఐఆర్‌పై సుప్రీంకోర్టులో రిట్‌ పిటిషన్‌ఎన్నికల సంఘం చేపట్టిన ఎస్‌ఐఆర్‌ ప్రక్రియపై అభ్యంతరాలు వ్యక్తం చేస్తూ 11 మంది ప్రతిపక్ష నాయకులు సంయుక్తంగా రిట్‌ పిటిషన్‌ దాఖలు చేశారు. రాహుల్‌ గాం«దీ, కాంగ్రెస్‌ అధ్యక్షుడు మల్లికార్జున ఖర్గే, తృణమూల్‌ కాంగ్రెస్‌ ఎంపీ సౌగతా రాయ్, సమాజ్‌వాదీ పార్టీ చీఫ్‌ అఖిలేశ్‌ యాదవ్, రాష్ర్టీయ జనతాదళ్‌ నేత తేజస్వీ యాదవ్, ఎన్సీపీ–ఎస్పీ నాయకురాలు సుప్రియా సూలే, శివసేన(యూబీటీ) నేత సంజయ్‌ రౌత్, సీపీఐ ప్రధాన కార్యదర్శి డి.రాజా, జార్ఖండ్‌ ముక్తి మోర్చా నేత మహువా మాఝీ, సీపీఐ(ఎం) ప్రధాన కార్యదర్శి ఎంఏ బేబీ, ఇండియన్‌ యూనియన్‌ ముస్లిం లీగ్‌ నేత ఈటీ మొహమ్మద్‌ బషీర్‌ ఈ పిటిషన్‌ వేశారు.పిటిషన్‌లో సీఈసీ జ్ఞానేశ్, ఎలక్షన్‌ కమిషనర్లు సుఖ్‌బీర్‌ సింగ్‌ సంధూ, వివేక్‌ జోషీలను ప్రతివాదులుగా చేర్చారు. ఎస్‌ఐఆర్‌ ప్రక్రియపై ఉన్న అభ్యంతరాలను కోర్టు దృష్టికి తీసుకెళ్లడమే తమ ఉద్దేశమని పిటిషనర్లు పేర్కొన్నారు. ప్రతి ఒక్కరి కోసం సుప్రీంకోర్టు తలుపులు తెరచే ఉంటాయని సీజేఐ సూర్యకాంత్‌ వేరే కార్యక్రమంలో వ్యాఖ్యానించిన కొన్ని గంటలకే విపక్షనేతలు కోర్టును ఆశ్రయించడం గమనార్హం.నేడు ఎస్‌ఐఆర్‌ పిటిషన్లపై విచారణ?ఓటర్ల జాబితాల ప్రత్యేక సమగ్ర సవరణకు సంబంధించిన ఇతర పిటిషన్లపై సుప్రీంకోర్టులో మంగళవారం విచారణ జరగాల్సి ఉంది. ప్రతిపక్ష నాయకులు తాజాగా దాఖలు చేసిన పిటిషన్‌ను కూడా ఇప్పటికే విచారణలో ఉన్న సంబంధిత కేసులతో కలిపి పరిశీలించే అవకాశం ఉందని సీజేఐ సూచించినట్లు సమాచారం. అయితే, రాహుల్, ఇతర ప్రతిపక్ష నాయకులు దాఖలు చేసిన పిటిషన్‌లోని పూర్తి వాదనలు, కోరిన ఉపశమనాలు ఇంకా వెల్లడికావాల్సి ఉంది. అందువల్ల మంగళవారం విచారణలో ఈ పిటిషన్‌ ఏ విధంగా పరిశీలనకు వస్తుంది, న్యాయస్థానం ఎలాంటి ఆదేశాలు జారీ చేస్తుంది అన్న అంశాలపై ఆసక్తి నెలకొంది.ఇదీ చదవండి: నిరసనల రాజధాని!

ఎన్నికల సంఘం(ఈసీ) ప్రధాన కమిషనర్‌ జ్ఞానేశ్‌ కుమార్‌ రాజీనామా కోరుతూ శనివారం నుంచి అటు కాక్రోచ్‌ జనతా పార్టీ (సీజేపీ), ఇటు ఇండియా కూటమి పక్షాలు చేస్తున్న ఆందోళనలతో ఢిల్లీ నగరం ‘నిరసనల రాజధాని’ గా మారిపోయింది. జూలై ‘అనుభవం’తో జంతర్‌మంతర్‌ వైపు ఎవరినీ రానీయరాదన్న కృతనిశ్చయం ప్రదర్శించి పోలీసులు చేసిన అతి వల్ల పలుచోట్లకు అది విస్తరించింది! ఆర్‌కే ఆశ్రమ్, ప్రెస్‌క్లబ్‌ ఆఫ్‌ ఇండియా, నిగంబోద్‌ ఘాట్, కన్నాట్‌ ప్లేస్‌ లాంటి పలు ప్రాంతాల్లో ఉద్యమకారులకూ, పోలీసులకూ బాహాబాహీ తప్పలేదు.విపక్ష ఇండియా కూటమి ఆధ్వర్యాన సుప్రీంకోర్టుకు ర్యాలీ తీయటం, వినతిపత్రం ఇస్తామనటం కొత్త పరిణామం. ఢిల్లీలో విమానంలోకి చొరబడి సీజేపీ నేతల్ని అరెస్టుచేశారు. జంతర్‌మంతర్‌ వైపు దూసుకెళ్లే వేలాదిమంది ఉద్యమకారులపై మాత్రమే కాదు... జర్నలిస్టులపైనా పోలీసులు ప్రతాపం చూపారు. గుర్తింపుకార్డులు గుంజుకున్నారు. ఆడ, మగ తేడాలేకుండా ఈడ్చుకు పోవటం, మొరటుగా ప్రవర్తించటం రానున్నకాలంలో బీజేపీని వెంటాడే దృశ్యాలవుతాయి. ఒకటి రెండుచోట్ల హిందూ సంస్థలకు చెందినవారిగా చెప్పుకున్న వ్యక్తులు యువతీయువకులపై పిడిగుద్దులు కురిపించటం, నిండుగా లాఠీలు నింపుకుని కారులో వచ్చినవారికి పోలీసులు రక్షణనివ్వటం దిగ్భ్రాంతి కలిగించింది.తెలివైన పాలకులు నిరసనల్ని అడ్డుకోరు. అవి వాతావరణాన్ని తెలిపే బారో మీటర్‌ లాంటివి. పదిమంది గుమిగూడి ఎలుగెత్తారంటే పాలన సవ్యంగా లేదని అర్థం చేసుకోవాల్సిందిపోయి, గొంతు నొక్కాలని చూస్తే ఉద్యమం సమసిపోదు సరికదా... అది మరింత బలంగా, వేగంగా విస్తరిస్తుంది. చివరకు సర్వోన్నత న్యాయ స్థానం సైతం జోక్యం చేసుకుని చీవాట్లు పెట్టిందంటే తమ ఓవరాక్షన్‌ ఎంతగా శ్రుతిమించిందో పోలీసులు తెలుసుకోవాలి. ఎందుకనో... ఈ ఆందోళనల హోరులోనే జంతర్‌ మంతర్‌ ఇంకెంత మాత్రం నిరసనలకు వేదిక కాదంటూ ఢిల్లీ పోలీసులు హఠాత్తుగా సోమవారం ప్రకటించారు.ఢిల్లీ అంతటా బారికేడ్లు, దాదాపు 50,000మంది పోలీసులు, ఇతర బలగాల మోహరింపు, వందల ప్రదేశాల్లో ట్రాఫిక్‌ మళ్లింపులు, 45 మెట్రో స్టేషన్ల మూసివేత, విద్యాసంస్థలు ఆన్‌లైన్‌ తరగతులు నిర్వహించాల్సి రావటం వగైరాలన్నీ దేనికోసం? కేవలం జ్ఞానేశ్‌ను కాపాడటానికేనా? ఈసీలో ఏకగ్రీవంగా లేదా మెజారిటీ ప్రకారం నిర్ణయాలు అమలుకావాల్సివుండగా, జ్ఞానేశ్‌ అభీష్టమే చెల్లుబాటు కావటం చట్టవిరుద్ధం, రాజ్యాంగవిరుద్ధం కూడా. ‘ఇండియన్‌ ఎక్స్‌ప్రెస్‌’ కథనం గతనెల 23న దీన్ని వెల్లడించాక అదంతా అబద్ధమనీ, ఏ నిర్ణయమైనా సమష్టిగానే తీసుకున్నామనీ ముగ్గురూ కలిసి మీడియా ముఖంగా చెప్పిందిలేదు. కనీసం జ్ఞానేశ్‌ ఒక్కరైనా సంజాయిషీ ఇచ్చింది లేదు.20 రాష్ట్రాలూ, కేంద్రపాలిత ప్రాంతాల్లో దేశ జనాభాలో 10 శాతంమంది ఓట్లు... అంటే 13 కోట్లమందికిపైగా ఓట్లు ఏకపక్షంగా తొలగిస్తే... ఆ విషయంలో ఇద్దరు కమిషనర్లూ ముందే హెచ్చరించినా ఆ వ్యవస్థ అచేతనంగా ఉండిపోవటం ఆశ్చర్యకరం. ఏపీతో సహా అనేకచోట్ల ఎన్నికల్ని అపసవ్యంగా, అడ్డదిడ్డంగా నిర్వహించిన వైనం సాక్ష్యాధారాలతో బయటపడింది. అయినా కొందరు మాజీ న్యాయమూర్తులూ, ఇంకొందరు మాజీ ఉన్నతాధికారులూ ఈసీ తీరును సమర్థిస్తూ ప్రకటనలు విడుదల చేయటం దిగ్భ్రాంతికరం. ఇలాంటివారి చేతుల్లో కొన్నాళ్లు ప్రజాస్వామిక వ్యవస్థలన్నీ నడిచాయంటే చోద్య మనిపిస్తుంది. జవాబుదారీతనం జాడలేనిచోట ప్రజాస్వామ్యం మనగలుగుతుందా?యాదృచ్ఛికమే గానీ... చిలీ, బ్రెజిల్, స్పెయిన్, ఫ్రాన్స్‌ దేశాల్లో సైతం గతవారం జెన్‌ జీ జూలువిదిల్చింది. డిమాండ్లు వేరు కావొచ్చు, నిరసన రూపాలు భిన్నం కావొచ్చు–కానీ పాలకులు తాము చెప్పేది వినాలన్నదే యువత నిరసనల సారాంశం. స్వాతంత్రోద్యమ కాలంలో ఢిల్లీలో నిరసనలకు యమునా తీరం, జమా మసీదు, ఆజాద్‌ పార్క్, ఫిరోజ్‌ షా కోట్లవంటి పలు స్థలాలుండేవి. తదుపరి పటేల్‌ చౌక్, సంసద్‌ మార్గ్‌ల్లో నిరసనలకు చోటిచ్చారు. యాభైయ్యేళ్లు దాటాక అది జంతర్‌మంతర్‌కు చేరింది. ఇప్పుడు అక్కడి నుంచి కూడా వాటిని బహిష్కరించటం అసహనానికి పరాకాష్ఠ. జరుగుతున్న పరిణా మాలు సవ్యంగా లేవు. సకాలంలో సరిచేయకుంటే నిరసనలు మరింత తీవ్రమవుతాయి.ఇదీ చదవండి: ప్రభుత్వ ఉత్తర్వు చట్టం కాదు

సాక్షి, న్యూఢిల్లీ: దేశ రాజధాని ఢిల్లీలో నిరసనలు, ధర్నాలకు ప్రసిద్ధి చెందిన జంతర్‌ మంతర్‌పై సంచలన నిర్ణయం వెలువడింది. అక్కడ ధర్నాలు, ఆందోళనలు నిర్వహించడానికి వీల్లేకుండా హోం మంత్రిత్వ శాఖ ఆ ప్రదేశాన్ని నిరసన వేదికల జాబితా నుంచి తొలగించింది. వరుస ఆందోళనలు, భద్రతా కారణాలతోనే ఈ నిర్ణయం తీసుకున్నట్లు తెలుస్తోంది. అదే సమయంలో మూడు ప్రత్యామ్నాయ ప్రాంతాలను గుర్తించిన పోలీసులు.. అక్కడే నిరసనలు నిర్వహించాల్సి ఉంటుందని ఢిల్లీ పోలీసులు చెబుతున్నారు.జంతర్‌ మంతర్‌ వద్ద ఆందోళనలకు అనుమతి లేకపోవడంతో ఇకపై నిరసనకారులు ప్రత్యామ్నాయ వేదికలను ఆశ్రయించాల్సి ఉంటుంది. రామ్‌లీలా మైదాన్‌, బురాఠీ మైదాన్‌, సీబీడీ గ్రౌండ్స్‌ను (CBD Ground) ఇందుకోసం ఎంపిక చేసినట్లు ఢిల్లీ పోలీసుల తెలిపారు. దీంతో ఇక నుంచి నిరసనల నిర్వహణకు సంబంధించి అనుమతులు, సమయాలు, భద్రతా ఏర్పాట్లపై పోలీసుల మార్గదర్శకాలు కీలకం కానున్నాయి.నిరసన హక్కుపై సీజేపీ నేతల ప్రశ్నలుమరోవైపు, జంతర్‌ మంతర్‌ వద్ద నిరసనకు అనుమతి కోరేందుకు సోమవారం పార్లమెంట్‌ స్ట్రీట్‌ పోలీస్‌ స్టేషన్‌కు వెళ్లిన సీజేపీ నేతలు అశుతోష్‌ రంకా, సౌరవ్‌ దాస్‌ చేదు అనుభవం ఎదురైంది. పోలీసులు వాళ్లకు ఎలాంటి హామీ ఇవ్వనట్లు తెలుస్తోంది. సీజేపీ ర్యాలీకి నిరసనకు ఎప్పుడు అనుమతి ఇస్తారో స్పష్టంగా చెప్పాలని కోరారు. అనుమతి ఇచ్చిన 24 గంటల్లోనే నిర్దేశిత వేదిక వద్ద ఆందోళన నిర్వహిస్తామని అశుతోష్‌ రంకా తెలిపారు. శాంతియుత నిరసన రాజ్యాంగం కల్పించిన హక్కు అని సౌరవ్‌ దాస్‌ పేర్కొన్నారు. నిరసనకు పది రోజుల ముందుగా దరఖాస్తు చేసుకోవాలని పోలీసులు చెబుతున్న నేపథ్యంలో, ఇప్పుడు తేదీ, సమయాన్ని పోలీసులే నిర్ణయించాలని కోరినట్లు తెలిపారు. ఈ విషయంలో ఢిల్లీ పోలీసులకు 24 గంటల డెడ్‌లైన్‌ విధించినట్లు చెప్పారాయన. భద్రతా కారణాలే ప్రధానమా?రాజధాని నడిబొడ్డున ఉన్న జంతర్‌ మంతర్‌ దశాబ్దాలుగా రాజకీయ పార్టీలు, ప్రజా సంఘాలు, వివిధ వర్గాలు తమ నిరసనలను తెలియజేసే ప్రధాన వేదికగా చాలాకాలంగా కొనసాగుతోంది. ఆ మధ్య ఈ ప్రాంతంలో ఆందోళనల వల్ల ట్రాఫిక్‌ ఇబ్బందులు తలెత్తుతున్నాయనే చర్చా నడిచింది. అది కోర్టు దాకా వెళ్లింది కూడా. ఇప్పుడు ఆ ప్రాంతాన్ని నిరసన వేదికల జాబితా నుంచి తొలగించడంతో రాజకీయ, సామాజిక ఆందోళనల నిర్వహణపై ప్రభావం పడనుంది. భద్రతా కారణాలతో ఢిల్లీ సర్కార్‌ తీసుకున్న ఈ నిర్ణయం నిరసనల నిర్వహణను ఎలా మార్చనుంది? ప్రత్యామ్నాయ వేదికల్లో ఆందోళనలకు అనుమతులు సజావుగా లభిస్తాయా? అన్నది చూడాల్సి ఉంది.ఇదీ చదవండి: జంతర్‌ మంతర్‌ కథే వేరు.. 300 ఏళ్ల ఆసక్తికర ప్రయాణం

నాయకత్వ మార్పు ఉత్తరప్రదేశ్‌ కాంగ్రెస్‌లో చిచ్చు రేపింది. కొత్త పీసీసీ అధ్యక్షురాలు ఆరాధన మిశ్రా మోనా బాధ్యతలు చేపట్టిన తొలిరోజే పార్టీ కార్యాలయంలో తీవ్ర గందరగోళం చోటుచేసుకుంది. మాజీ అధ్యక్షుడు అజయ్‌ రాయ్‌ మద్దతుదారులు, మోనాకు మద్దతుగా నిలిచిన కార్యకర్తలు పరస్పరం వాగ్వాదానికి దిగారు. పరిస్థితి అదుపు తప్పడంతో.. బూతులతో రెచ్చిపోతూ కొందరు చెప్పులతో కొట్టుకుంటూ ఘర్షణకు దిగారు. ఈ ఘటనకు సంబంధించిన వీడియోలు సామాజిక మాధ్యమాల్లో వైరల్‌గా మారాయి.అజయ్‌ రాయ్‌ స్థానంలో మోనాను పార్టీ రాష్ట్ర అధ్యక్షురాలిగా నియమించిన నేపథ్యంలో ఆదివారం లక్నోలోని కాంగ్రెస్‌ రాష్ట్ర కార్యాలయంలో బాధ్యతల స్వీకరణ కార్యక్రమం నిర్వహించారు. ఈ కార్యక్రమానికి పార్టీ నేతలు, కార్యకర్తలు పెద్ద సంఖ్యలో హాజరయ్యారు. అయితే, కార్యక్రమం ప్రారంభమైన కొద్దిసేపటికే రాయ్‌ మద్దతుదారులు మోనాకు వ్యతిరేకంగా నినాదాలు చేయడంతో వివాదం మొదలైంది. దీనికి ప్రతిగా మోనా మద్దతుదారులు ఆమెకు అనుకూలంగా నినాదాలు చేశారు. ఇరు వర్గాల మధ్య మాటామాటా పెరిగి ఘర్షణకు దారితీసింది.నేతల బుజ్జగింపులుకార్యకర్తలు ఒకరినొకరు నెట్టుకోవడం, బండ బూతులతో దూషించుకోవడం, చెప్పులు విసురుకోవడం వంటి దృశ్యాలు బయటకు వచ్చాయి. పరిస్థితిని చక్కదిద్దేందుకు కాంగ్రెస్‌ సీనియర్‌ నేతలు రంగంలోకి దిగారు. మోనా తండ్రి, రాజ్యసభ సభ్యుడు ప్రమోద్‌ తివారీతోపాటు యూపీ కాంగ్రెస్‌ వర్కింగ్‌ ప్రెసిడెంట్‌ ఇమ్రాన్‌ మసూద్‌ ఇరు వర్గాలను శాంతింపజేసేందుకు ప్రయత్నించారు. అజయ్‌ రాయ్‌తో ప్రమోద్‌ తివారీ చేతులు జోడించి మాట్లాడుతున్న దృశ్యాలు కూడా కనిపించాయి."Do take ki aurat, madar**chod, sa**li, r**ndi" Abuses hurled by *Congress* workers *at* Congress state prez Aradhana Misra. These are the folks who want to take power in Lucknow. As a UP voter, my deepest fear is any one of these comes near power. https://t.co/jxKVEwM0as— Ateendriyo (@Ateendriyo) October 11, 2026ఒక పార్టీ రాష్ట్ర అధ్యక్షుడి బాధ్యతల స్వీకరణ కార్యక్రమంలోనే ఈ స్థాయిలో గొడవ జరగడం కాంగ్రెస్‌ వర్గాల్లో చర్చనీయాంశమైంది. కార్యక్రమానికి హాజరైన మధ్యప్రదేశ్‌ కాంగ్రెస్‌ మహిళా విభాగం అధ్యక్షురాలు మమతా చౌధరిపై కూడా కొందరు మాటలతో దాడికి దిగినట్లు సమాచారం. ఈ పరిణామాలపై ఆమె తీవ్ర అసంతృప్తి వ్యక్తం చేశారు. తాము ఎంతో నిరుత్సాహానికి గురయ్యామని పేర్కొన్నారు.అజయ్‌ రాయ్‌ ఫిర్యాదు?తనను ఈ కార్యక్రమం పేరిట అవమానించారంటూ అజయ్‌ రాయ్‌ పార్టీ అధిష్ఠానానికి ఫిర్యాదు చేసినట్లు తెలుస్తోంది. బాధ్యులపై చర్యలు తీసుకుంటామని పార్టీ నాయకత్వం ఆయనకు హామీ ఇచ్చినట్లు సమాచారం. ఘర్షణ అనంతరం రాయ్‌ తన వారసురాలైన మోనాకు పుష్పగుచ్ఛం అందించి శుభాకాంక్షలు తెలిపారు. దీంతో పరిస్థితి సద్దుమణిగినట్లు కనిపించినా, అంతర్గత విభేదాలు మాత్రం బయటపడ్డాయి.ఈ ఘటనపై స్పందించేందుకు రాయ్‌ నిరాకరించారు. పార్టీ కోసం సాధారణ కార్యకర్తగా తన వంతు కృషి కొనసాగిస్తానని, మోనా పార్టీని కొత్త శిఖరాలకు తీసుకెళ్తారని ఆశిస్తున్నట్లు చెప్పారు. మరోవైపు, కొందరు సీనియర్‌ నేతలు ఈ వివాదాన్ని పెద్దగా పట్టించుకోవాల్సిన అవసరం లేదన్నట్లుగా వ్యవహరించారు.మోనా ముందున్న అసలు సవాలుఉత్తరప్రదేశ్‌లో 2027లో అసెంబ్లీ ఎన్నికలు జరగనున్న నేపథ్యంలో కాంగ్రెస్‌కు మోనా నాయకత్వం కీలకం కానుంది. అయితే, రాష్ట్రంలో పార్టీ పరిస్థితి అంతంతమాత్రంగానే ఉంది. 1989 నుంచి యూపీలో కాంగ్రెస్‌ అధికారానికి దూరంగా ఉంది. 2022 అసెంబ్లీ ఎన్నికల్లో 403 స్థానాలకు పోటీ చేసిన కాంగ్రెస్‌ కేవలం రెండు సీట్లకే పరిమితమైంది. ఒకప్పుడు పార్టీకి బలమైన ప్రాంతాలుగా భావించిన అమేథీ, రాయ్‌బరేలీలోనూ విజయం సాధించలేకపోయింది. ఈ నేపథ్యంలో పార్టీని బలోపేతం చేయడం, కార్యకర్తల్లో ఐక్యతను పెంచడం, ఎన్నికలకు కేడర్‌ను సిద్ధం చేయడం మోనాకు పెద్ద సవాలుగా మారాయి. బాధ్యతలు చేపట్టిన తొలిరోజే పార్టీ కార్యాలయంలో జరిగిన ఘర్షణ నాయకత్వానికి ఇబ్బందికరంగా పరిణమించింది.కుల సమీకరణాలపైనా చర్చయూపీ కాంగ్రెస్‌ అధ్యక్షుడిగా 2023 ఆగస్టు నుంచి కొనసాగిన అజయ్‌ రాయ్‌ స్థానంలో బ్రాహ్మణ సామాజిక వర్గానికి చెందిన ఆరాధన మిశ్రా మోనాను నియమించడం రాజకీయ చర్చకు దారితీసింది. రాయ్‌ భూమిహార్‌ సామాజిక వర్గానికి చెందిన నేత. సమాజ్‌వాదీ పార్టీతో పొత్తు వ్యవహారం సజావుగా సాగేందుకు, రాష్ట్రంలో బ్రాహ్మణ ఓటర్లను ఆకర్షించేందుకు కాంగ్రెస్‌ ఈ మార్పు చేసిందనే విశ్లేషణలు వినిపిస్తున్నాయి. అయితే, పార్టీ పగ్గాలు మారిన వెంటనే కార్యకర్తలు పరస్పరం ఘర్షణకు దిగడం కాంగ్రెస్‌లో అంతర్గత అసంతృప్తి ఏ స్థాయిలో ఉందన్న ప్రశ్నలను లేవనెత్తుతోంది. ఎన్నికలకు ఇంకా సమయం ఉన్నప్పటికీ, పార్టీ నేతలు, కార్యకర్తల మధ్య సమన్వయం సాధించడం మోనాకు తొలి పరీక్షగా మారింది.ఇదీ చదవండి: బీజేపీ బ్యాక్‌గ్రౌండ్‌.. కాక్రోచ్‌లకు సపోర్ట్‌గా రోడ్డెక్కి!

తల్లిదండ్రులు సంపాదించిన సొమ్ముతో విలాసాలు.. పుట్టినరోజు కానుకగా ఖరీదైన మినీ కూపర్‌.. రయ్‌రయ్‌మంటూ రోడ్లపై దూసుకెళ్లే వేగం! ఆ స్పీడే ముగ్గురు అమాయకుల ప్రాణాలు బలిగొంది. ప్రమాదం తర్వాత అక్కడ గుమిగూడిన స్థానికులు కారు నడిపిన టీనేజర్‌ను నిలదీయగా.. ‘అంతా మా డాడీ చూసుకుంటాడు లే!’ అంటూ నిర్లక్ష్యంగా సమాధానమివ్వడం వాళ్లను దిగ్భ్రాంతికి గురి చేసింది. కేరళలోని కొచ్చి విమానాశ్రయం సమీపంలో ఆదివారం వేకువ జామున జరిగిన ఘోర ప్రమాదం.. తీవ్ర చర్చనీయాంశంగా మారింది. వేగంగా దూసుకెళ్లిన ఓ కారు.. ద్విచక్ర వాహనంపై వెళ్తున్న ముగ్గురి ప్రాణాలను తీసింది. ప్రమాదంలో మరణించిన దేవిక (21), గోపిక (22), ఇయాస్‌ (21).. ఈ ముగ్గురూ త్రిక్కక్కరలో ఓ దుకాణంలో పని చేస్తూ చదువుకుంటున్నారు. నిర్లక్ష్యంగా కారు నడిపి ముగ్గురి ప్రాణాలు తీయడమే కాదు.. నిలదీసిన స్థానికులతోనూ 19 ఏళ్ల సుహైల్‌ సజీవ్‌ దురుసుగా ‍ప్రవర్తించినట్లు తెలుస్తోంది. ఈ ఘటన స్థానికంగా తీవ్ర ఆగ్రహానికి దారితీసింది.CCTV captures the moment when a speeding Mini Cooper killed three youths near Nedumbassery airport in Ernakulam. Accused driver Suhail Sajeev, 19, is in custody. Police are verifying the claim that he was driving at 218 kmph and examining forensic and technical evidence. #Kerala #RoadSafety— Ashish (@KP_Aashish) October 12, 2026ఎర్నాకుళం జిల్లాలోని నెడుంబస్సేరిలో ఆదివారం తెల్లవారుజామున 2 గంటల సమయంలో ఈ ప్రమాదం జరిగింది. అర్ధరాత్రి డ్యూటీ ముగించుకుని టీ తాగి ఆ ముగ్గురు ఒకే స్కూటర్‌పై ఇళ్లకు బయల్దేరారు. ఈలోపు వేగంగా వచ్చిన మినీ కూపర్‌ ఢీకొట్టింది. వయనాడ్‌కు చెందిన దేవిక, పాలక్కాడ్‌కు చెందిన గోపిక, అలాగే కర్ణాటకకు చెందిన ఇజాజ్‌ తీవ్రంగా గాయపడ్డారు. స్థానికులు వారిని ఆస్పత్రికి తరలించినప్పటికీ ప్రాణాలు దక్కలేదు. సుహైల్‌ బ్యాక్‌గ్రౌండ్‌ సుహైల్‌ తండ్రి సజీవ్‌ జమాల్‌ ప్రముఖ టెక్స్‌టైల్‌ వ్యాపారి. తల్లి నూహా సజీవ్‌ కొచ్చి, అలప్పుజాలో డిజైన్‌ స్టూడియో, బ్రాండ్‌ నిర్వహిస్తోంది. ప్రమాదానికి కారణమైన కారు సజీవ్‌ పేరు మీద రిజిస్టర్‌ అయ్యి ఉంది. దానిని తల్లి నూహా అతనికి పుట్టినరోజు కానుకగా ఇచ్చినట్లు తెలుస్తోంది. ఈ కానుకే ఇప్పుడు ముగ్గురి ప్రాణాలు తీసింది. సుహైల్‌ గతంలోనూ అత్యంత వేగంగా కారు నడిపినట్లు పోలీసులు చెబుతున్నారు. గంటకు 218 కిలోమీటర్ల వేగంగా కారు నడిపిన వీడియోల్ని ఇన్‌స్టాగ్రామ్‌లో పోస్ట్‌ చేయగా.. పోలీసులు వాటిని పరిశీలిస్తున్నారు. #WATCH | Keralam | Three students killed in an accident involving a car and a scooter in Nedumbassery, Kochi. The police have detained the car driver, Suhail Sajeev, and registered a case. Visuals of the vehicles involved in the accident (11.10) https://t.co/eZRvm1ULuh— ANI (@ANI) October 12, 2026ఆస్పత్రి వద్ద దాడిమరోవైపు, నిందితుడు సుహైల్‌పై మృతుల స్నేహితులు దాడికి యత్నించారు. ఆదివారం అతన్ని వైద్య పరీక్షల కోసం పోలీసులు ఆస్పత్రికి తీసుకెళ్లగా.. బయటకు తీసుకెళ్తున్న సమయంలో వెనుక నుంచి తలపై కొట్టారు. పోలీసులు జోక్యం చేసుకుని దాడిని అడ్డుకోవడంతోపాటు, ఈ ఘటనకు సంబంధించి ఒకరిని అదుపులోకి తీసుకున్నారు.సీసీటీవీ దృశ్యాల్లో ప్రమాద తీవ్రతప్రమాద దృశ్యాల్లో మినీ కూపర్‌ అధిక వేగంతో దూసుకొచ్చి రహదారికి ఎడమవైపు వెళ్తున్న స్కూటర్‌ను ఢీకొట్టినట్లు కనిపించింది. ఢీకొన్న వేగానికి స్కూటర్‌పై వెనుక కూర్చున్న మహిళ గాల్లోకి ఎగిరిపడింది. స్కూటర్‌ పూర్తిగా ధ్వంసమవగా, కారు కూడా తీవ్రంగా దెబ్బతింది. విమానాశ్రయ పరిసరాల్లో అతివేగంతో జరిగే ప్రమాదాలను నివారించేందుకు పోలీసు పెట్రోలింగ్‌, ఇతర ముందస్తు చర్యలను పెంచుతామని అధికారులు తెలిపారు. రక్త పరీక్షల నివేదికలు, ఫోరెన్సిక్‌ పరిశీలన ఫలితాల ఆధారంగా తదుపరి చర్యలు తీసుకోనున్నారు.Aniyayama 3 uyiru poiduchu 😑 Appan karan 19th birthday gift Mini cooper vaangi kuduthanam night uh full ah kudichitu accident panitu irukkan 🤦🏼‍♂️ #Kerala https://t.co/xp1W4NV85V— Alpha ! (@DMK662000) October 12, 2026డ్రగ్స్‌ తీసుకున్నాడా?ప్రమాదంలో బైక్‌ నుజ్జునుజ్జు కాగా, కారు ముందు భాగంగా తీవ్రంగా దెబ్బతింది. కారు నడిపిన సుహైల్‌(19)ను స్థానికులు అడ్డుకుని పోలీసులకు సమాచారం ఇచ్చారు. పోలీసులు వచ్చే లోపు అతను అక్కడ వీరంగం సృష్టించారు. ప్రమాదానికి ముందు మద్యం సేవించినట్లు అతను పోలీసుల వద్ద ఒప్పుకున్నాడు. అయితే డ్రగ్స్‌ తీసుకున్నాడనే అనుమానాల నడుమ.. కారులో ఫోరెన్సిక్‌ బృందం పరిశీలనలు జరిపింది. అలాగే అతని బ్లడ్‌, యూరిన్‌ శాంపిల్స్‌ను ల్యాబ్‌లకు పంపారు. ఆ టెస్టుల ఫలితాలు రావాల్సి ఉంది. నిందితుడిపై భారతీయ న్యాయ సంహిత (బీఎన్‌ఎస్‌) కింద కేసు నమోదు చేశారు.ఇదీ చదవండి: బిర్యానీ కొంటున్నారా? అయితే ఇది మీకేనంట!

ప్రధాన ఎన్నికల కమిషనర్‌ జ్ఞానేశ్‌ కుమార్‌పై పోరును మరింత ఉధృతం చేసేందుకు ఇండియా కూటమి సిద్ధమైంది. ఓటరు జాబితాల ప్రత్యేక సమగ్ర సవరణ (ఎస్‌ఐఆర్‌), ఓట్ల అక్రమాల ఆరోపణలపై సోమవారం సుప్రీంకోర్టు దిశగా మార్చ్‌ చేపట్టాలని ప్రతిపక్షాలు నిర్ణయించాయి. మరోవైపు, ఎన్నికల కమిషనర్లకు చట్టపరమైన రక్షణ కల్పిస్తున్న చట్టాన్ని సవాలు చేసే అంశంపైనా దృష్టి సారించాయి.జ్ఞానేశ్‌ కుమార్‌ రాజీనామా చేయాలని, ఎస్‌ఐఆర్‌ను నిలిపివేయాలని రాహుల్‌ గాంధీ సహా విపక్ష నేతలు డిమాండ్‌ చేస్తున్నారు. ఇటు ఎన్నికల కమిషనర్లకు విధుల నిర్వహణకు సంబంధించి చట్టపరమైన రక్షణ కల్పించే 2023 నాటి చట్టంపై కాంగ్రెస్‌ అధ్యక్షుడు మల్లికార్జున ఖర్గే ప్రశ్నలు లేవనెత్తారు. ఈ రక్షణ వల్ల ఎన్నికల కమిషనర్లను జవాబుదారీగా నిలబెట్టడం కష్టమవుతుందని ఆయన విమర్శించారు. ఓట్ల చోరీ, ఈవీఎంలలో అవకతవకలు, ఎన్నికల అక్రమాలు జరిగాయన్న ఆరోపణలపై పోరాటం కొనసాగిస్తామని స్పష్టం చేశారు.చట్టంలో ఏముందంటే..2023లో కేంద్ర ప్రభుత్వం తీసుకొచ్చిన ప్రధాన ఎన్నికల కమిషనర్‌, ఇతర ఎన్నికల కమిషనర్ల నియామకం, సేవా నిబంధనలు, పదవీకాలానికి సంబంధించిన చట్టంలోని సెక్షన్‌ 16 ఎన్నికల కమిషనర్లకు చట్టపరమైన రక్షణ కల్పిస్తుంది. దీని ప్రకారం.. వారు తమ అధికారిక విధులు నిర్వహిస్తున్నప్పుడు లేదంటే విధుల్లో భాగంగా వ్యవహరిస్తున్నట్లు భావించే సందర్భాల్లో చేసిన చర్యలు, పనులు/ మాట్లాడిన మాటలకు సంబంధించి వారిపై సివిల్‌, క్రిమినల్‌ కేసులను కోర్టులు విచారణకు స్వీకరించకూడదు. ఇప్పటికే విచారణలో ఉన్న కేసులనూ కొనసాగించకూడదు. ఈ నిబంధన వల్ల ఎన్నికల కమిషనర్లపై చట్టపరమైన చర్యలు తీసుకోవడం కష్టమవుతుందని విమర్శకులు అభ్యంతరం వ్యక్తం చేస్తున్నారు. ఈ రక్షణ రాజ్యాంగబద్ధతను సవాలు చేస్తూ సుప్రీంకోర్టులోనూ పిటిషన్‌ దాఖలైంది.చట్టపరమైన రక్షణపైనే గురిఎన్నికల కమిషనర్లకు అధికారిక విధుల నిర్వహణలో చేసిన చర్యలకు సంబంధించి చట్టపరమైన రక్షణ కల్పించే నిబంధనలపై విపక్షాలు అభ్యంతరం వ్యక్తం చేస్తున్నాయి. ఈ నిబంధనలు ఎన్నికల కమిషనర్ల జవాబుదారీతనాన్ని బలహీనపరుస్తాయన్నది వాటి వాదన. ఈ చట్టాన్ని సవాలు చేసే న్యాయపరమైన మార్గాలపై దృష్టి పెట్టడం ద్వారా రాజకీయ నిరసనలతోపాటు న్యాయస్థానంలోనూ తమ పోరాటాన్ని కొనసాగించాలని ఇండియా కూటమి భావిస్తున్నట్లు సమాచారం. ఎన్నికల సంఘంలో సీఈసీ నియామక ప్రక్రియ నుంచి సుప్రీంకోర్టు ప్రధాన న్యాయమూర్తిని తొలగించడంపైనా విపక్షాలు అభ్యంతరం వ్యక్తం చేస్తున్నాయి. ఎలక్ట్రానిక్‌గా ప్రసారం చేసే పోస్టల్‌ బ్యాలెట్‌ విధానం (ఈటీపీబీఎస్‌) ద్వారా ఓట్ల అక్రమాలు జరిగాయన్న ఆరోపణలకు సంబంధించిన ఆధారాలను కూడా తమ వినతిపత్రంలో ప్రస్తావించనున్నాయి.రాష్ట్రపతి తర్వాత సీజేఐ, కానీ..ఇండియా కూటమి నేతలు ఇప్పటికే రాష్ట్రపతి ద్రౌపది ముర్మును కలిసి తమ ఆరోపణలతో కూడిన వినతిపత్రాన్ని అందించారు. తాజాగా సుప్రీంకోర్టు ప్రధాన న్యాయమూర్తికి కూడా వినతిపత్రం సమర్పించాలని నిర్ణయించారు. అయితే, ప్రధాన న్యాయమూర్తి సూర్యకాంత్‌ భేటీకి అంగీకరించలేదని, బదులుగా పిటిషన్‌ దాఖలు చేయాలని సూచించినట్లు సంబంధిత వర్గాలను ఉటంకిస్తూ వార్తలు వెలువడ్డాయి. దీంతో వినతిపత్రం ద్వారా తమ అభ్యంతరాలను తెలియజేయాలన్న ప్రయత్నం న్యాయపరమైన చర్యల దిశగా మళ్లుతుందా అన్నది ఆసక్తికరంగా మారింది.కాంగ్రెస్‌ ఎంపీలంతా ఢిల్లీలోనే అందుబాటులో ఉండాలని పార్టీ ఆదేశించింది. గోవా పర్యటనను వాయిదా వేసుకున్న రాహుల్‌ గాంధీ పార్టీ ప్రధాన కార్యదర్శులు, ఇతర నేతలతో సమావేశమయ్యారు. అక్టోబర్‌ 6న పార్లమెంటు నుంచి ఎన్నికల సంఘం కార్యాలయం వరకు చేపట్టిన మార్చ్‌ సందర్భంగా రాహుల్‌, ప్రియాంక గాంధీ సహా పలువురు నేతలను పోలీసులు అదుపులోకి తీసుకున్న ఘటనతో మొదలైన ఆందోళనలు కొనసాగుతున్నాయి.ఢిల్లీలో నేడు మళ్లీ ఆంక్షలుమరోవైపు, ప్రతిపక్షాల మార్చ్‌ నేపథ్యంలో ఢిల్లీలో భద్రతను కట్టుదిట్టం చేశారు. సోమవారం ఉదయం 6 గంటల నుంచి సాయంత్రం 4 గంటల వరకు పటేల్‌ చౌక్‌, జనపథ్‌, రాజీవ్‌ చౌక్‌, సెంట్రల్‌ సెక్రటేరియట్‌, మండీ హౌస్‌, బరాఖంబా రోడ్‌ మెట్రో స్టేషన్లలో ప్రవేశం, బయటకు వెళ్లే మార్గాలను మూసివేశారు. అయితే, ఈ స్టేషన్లలో మెట్రో మార్పిడి సదుపాయం అందుబాటులో ఉంటుందని ఢిల్లీ మెట్రో రైల్‌ కార్పొరేషన్‌ తెలిపింది. పలు ప్రాంతాల్లో ట్రాఫిక్‌ మళ్లింపులు ఉండవచ్చని పోలీసులు హెచ్చరించారు.ఇటీవల నిరసనల సందర్భంగా మెట్రో, రైలు సేవలకు అంతరాయం కలగడం, నిరసనకారులను అదుపులోకి తీసుకోవడంపై సుప్రీంకోర్టు స్పందించింది. శాంతియుతంగా నిరసన తెలిపేవారిని చట్ట ప్రక్రియకు విరుద్ధంగా అదుపులోకి తీసుకోవద్దని, ప్రజా రవాణా సేవలు సాధారణంగా కొనసాగించేలా చూడాలని ఆదేశించింది. మెట్రో స్టేషన్ల మూసివేతపై అధికారులకు నోటీసులు కూడా జారీ చేసింది. ఈ నేపథ్యంలో తాజా ఆంక్షలు, విపక్షాల మార్చ్‌ ఢిల్లీలో రాజకీయంగా కీలకంగా మారాయి.ఇదీ చదవండి: వ్యక్తిగతంగా కలవడం కుదరదు: ఇండి కూటమితో సీజేఐ సూర్యకాంత్‌!

పోలీసుల చుట్టుముట్టడం.. పరుగులు.. అరెస్టులు.. నిర్బంధం.. అయినా ఆ ముఖంలో చిరునవ్వు చెదరదు! ఓ చోట పోలీసులు అడ్డుకుంటే మరోచోట ప్రత్యక్షం.. నిర్బంధంలో ఉన్నా సోషల్‌ మీడియా ద్వారా ఉద్యమకారులకు సందేశం.. విడుదల కాగానే మళ్లీ నిరసన బాట! ఢిల్లీలో ఈసీ వ్యతిరేక ఆందోళనల్లో ఇప్పుడీమె పేరు మార్మోగుతోంది. ఆమె అఖిల భారత విద్యార్థి సంఘం (ఏఐఎస్‌ఏ) జాతీయ అధ్యక్షురాలు నేహా బోరా. ఆర్మీ కుటుంబంలో పుట్టి పెరిగి.. ఇవేం పనులు పిల్లా? అంటే.. 29 ఏళ్ల నేహా బోరా (Neha Bora) చెప్పే సమాధానం ఒక్కటే.. ‘భయం త్వరగా వ్యాపిస్తుంది. కానీ ఆశ కూడా అంతే వేగంగా వ్యాపిస్తుంది! హక్కుల కోసం నిలబడితేనే మార్పు సాధ్యమవుతుంది. అందుకు.. అడ్డంకులెదురైనా.. అరెస్టులైనా వెనక్కి తగ్గకుండా యువత తమ గొంతు వినిపించాలి’ అని. దేశవ్యాప్తంగా జరుగుతున్న వరుస నిరసనల్లో కనిపిస్తున్న నేహా.. ఆ పార్టీకి చెందిన నాయకురాలు కాదు. కాంగ్రెస్‌ సహా ఏ రాజకీయ పార్టీకీ ఆమెకు సంస్థాగత సంబంధం లేదు. ఆమె అఖిల భారత విద్యార్థి సంఘం (AISA) జాతీయ అధ్యక్షురాలు. విద్యార్థి ఉద్యమాల నుంచి వచ్చిన ఆమె.. తనదైన రాజకీయ అభిప్రాయాలతో నిరసనల్లో పాల్గొంటున్నారు.ఆర్మీ కుటుంబంలో పెరిగి..ఉత్తరాఖండ్‌లో పుట్టిన నేహా.. తండ్రి భారత సైన్యంలో పనిచేయడంతో బాల్యంలో దేశంలోని వివిధ ప్రాంతాల్లో పెరిగారు. ఢిల్లీ యూనివర్సిటీలో చదువుకునే రోజుల్లో నాటకరంగంపై ఆసక్తి పెంచుకున్నారు. ఆ తర్వాత జవహర్‌లాల్‌ నెహ్రూ యూనివర్సిటీ (జేఎన్‌యూ)లోని స్కూల్‌ ఆఫ్‌ ఆర్ట్స్‌ అండ్‌ ఎస్తెటిక్స్‌లో పీహెచ్‌డీ పరిశోధన ప్రారంభించారు. నాటకరంగం తనకు భిన్నమైన వ్యక్తుల ఆలోచనలను అర్థం చేసుకోవడంలో తోడ్పడిందని ఆమె ఓ ఇంటర్వ్యూలో చెప్పారు. 2019–20లో పౌరసత్వ సవరణ చట్టానికి వ్యతిరేకంగా జరిగిన విద్యార్థి నిరసనలు ఆమె రాజకీయ ప్రయాణంలో కీలక మలుపుగా మారాయి. అప్పటి నుంచి విద్యార్థుల సమస్యలు, ప్రభుత్వ విధానాలు, ప్రజా హక్కులకు సంబంధించిన అంశాలపై జరిగే ఆందోళనల్లో చురుగ్గా పాల్గొంటూ వచ్చారు.పేపర్‌ లీకుల నుంచి..పరీక్షల ప్రశ్నపత్రాల లీకేజీ ఆరోపణలపై విద్యాశాఖ మంత్రి ధర్మేంద్ర ప్రధాన్‌ రాజీనామా చేయాలని డిమాండ్‌ చేస్తూ జూలైలో జరిగిన నిరసనల్లో నేహా చురుగ్గా పాల్గొన్నారు. జంతర్‌ మంతర్‌ వద్ద విద్యార్థులతో కలిసి నిరాహార దీక్షకు దిగారు. నిరుద్యోగం, పరీక్షల్లో అక్రమాల ఆరోపణలు, యువత భవిష్యత్తుపై ఆందోళనలను తన ప్రసంగాల్లో ప్రస్తావించారు. దీంతో ఆమె ప్రసంగాలు, నిరసనలకు సంబంధించిన వీడియోలు సోషల్‌ మీడియాలో విస్తృతంగా ప్రచారంలోకి వచ్చాయి.పోలీసులనే పరిగెత్తించి..తాజాగా ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)లో అక్రమాలు జరిగాయంటూ ఆరోపిస్తూ, ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తున్న సీజేపీ నిరసనలకు నేహా మద్దతుగా నిలిచారు. జంతర్‌ మంతర్‌ వైపు వెళ్లకుండా పోలీసులు అడ్డుకోవడంతో.. ఆందోళనకారులు దిల్లీ హాట్‌ వద్దకు చేరుకోవాలని పిలుపునిచ్చారు. ‘దిల్లీ హాట్‌నే నేడు జంతర్‌ మంతర్‌’ అంటూ సోషల్‌ మీడియాలో సందేశం పెట్టారు.We have crossed the barricades and reached CP. https://t.co/uULrZgQaG6— Neha (@neha_aisa) October 11, 2026 పోలీసులు ఆమెను అదుపులోకి తీసుకున్న తర్వాత ‘నేను నిర్బంధంలో ఉన్నా.. ఉద్యమం ఆగదు’ అంటూ వీడియో విడుదల చేశారు. ఆదివారం కూడా నిరసనల సందర్భంగా ఆమెను పోలీసులు అదుపులోకి తీసుకున్నారు. పోలీసుల నుంచి తప్పించుకుంటూ పరుగెత్తడం, బారికేడ్లను దాటి ముందుకు వెళ్లేందుకు ప్రయత్నించడం వంటి దృశ్యాలు వైరల్‌ అయ్యాయి. నిర్బంధ వాహనంలో ఊపిరి పీల్చుకోవడానికి కూడా స్థలం లేదని ఆమె ఓ వీడియోలో ఆరోపించారు.ఇంట్లో బీజేపీ మద్దతు.. బయట తనదైన బాట!నేహా కుటుంబ నేపథ్యం కూడా ఆసక్తికరంగా మారింది. సైన్యంలో పని చేసిన ఆమె తండ్రి బీజేపీ, మోదీ మద్దతుదారు. అలాగే తాత ఆర్‌ఎస్‌ఎస్‌ భావజాలం ఉన్న వ్యక్తి అని తెలుస్తోంది. తన కుటుంబంలో బీజేపీకి బలమైన మద్దతుదారులు ఉన్నారని స్వయంగా ఆమె ఓ ఇంటర్వ్యూలో వెల్లడించారు. రాజకీయ అభిప్రాయాల విషయంలో ఇంట్లో విభేదాలు కూడా ఉన్నాయని చెప్పారు. కుటుంబ సభ్యుల రాజకీయ వైఖరికి భిన్నంగా తన అభిప్రాయాలతో ఉద్యమాల్లో పాల్గొంటున్నారు. తన ఆలోచనలకు అనుగుణంగా ప్రజా సమస్యలపై గళమెత్తుతున్నానన్నది ఆమె ప్రస్థానంలో కనిపించే అంశం.అరెస్టుల మధ్యనూ నిరసనలకు పిలుపునివ్వడం, పోలీసుల అదుపులో ఉన్నప్పటికీ తన సందేశాన్ని సోషల్‌ మీడియాలో పంచుకోవడం ఆమెను యువతలో గుర్తింపు పొందిన ముఖంగా నిలిపాయి. అయితే, నేహా అభిప్రాయాలే దేశంలోని యువత అందరి అభిప్రాయాలని చెప్పలేం కదా!. ఓటర్ల జాబితా సవరణపై వచ్చిన ఆరోపణలను ఎన్నికల సంఘం ఖండిస్తోంది. నిరసనలకు అనుమతి లేదని పోలీసులు చెబుతుండగా, ఉద్యమకారులు తమ ఆందోళనలను అడ్డుకుంటున్నారని విమర్శిస్తున్నారు. ఈ వివాదాల మధ్య నేహా బోరా పేరు మాత్రం దేశవ్యాప్తంగా చర్చకు వస్తోంది. ఆర్మీ కుటుంబ నేపథ్యం.. నాటకరంగ అనుభవం.. విద్యార్థి ఉద్యమాల ప్రయాణం.. అరెస్టుల మధ్యనూ చెదరని చిరునవ్వు.. ఇవన్నీ ఆమెను నిరసనలకు కనిపించే ముఖంగా మార్చాయి.కొసమెరుపు: ఆదివారం నిరసనల్లో నేహా బోరాను పోలిన మరో మహిళ పోలీసులకు కనిపించడంతో ఆమెనే అసలు నేహా బోరా అనుకుని అదుపులోకి తీసుకున్నారు. కానీ అసలు నేహా బోరా మాత్రం మరోచోట, కనాట్‌ ప్లేస్‌లో నిరసన కొనసాగించారు. ఈ గందరగోళంపై ఆమె తన పోలికలున్న మహిళతో కలిసి దిగిన ఫొటోను ఎక్స్‌లో పోస్టు చేస్తూ.. ‘ఇద్దరు నేహాల కథ.. ఇదేమీ వ్యూహం కాదు, యాదృచ్ఛికం మాత్రమే’ అని వ్యాఖ్యానించారు. చివరకు అసలు నేహా బోరాను విజయ్‌ చౌక్‌ వద్ద పోలీసులు అదుపులోకి తీసుకున్నారు.The tale of the two Nehas. Not strategy, just coincidence. 😂😂 https://t.co/aBA37Obxg3— Neha (@neha_aisa) October 11, 2026ఇదీ చదవండి: జెన్‌జీపై ప్రధాని మోదీ కీలక వ్యాఖ్యలు

సాక్షి, న్యూఢిల్లీ: ఎన్నికల్లో అక్రమాలు జరిగాయంటూ ఆరోపిస్తున్న ప్రతిపక్ష ఇండియా కూటమికి భారత ప్రధాన న్యాయమూర్తి (సీజేఐ) జస్టిస్‌ సూర్యకాంత్‌ షాక్‌ ఇచ్చారు. తనను కలిసేందుకు అపాయింట్‌మెంట్‌ కోరిన ప్రతిపక్ష నేతలకు ఆయన నిరాకరించినట్లు సమాచారం. తాము లేవనెత్తాలనుకుంటున్న అంశాలు ఇప్పటికే సుప్రీంకోర్టు విచారణలో ఉన్నాయని, వాటిపై ఫిర్యాదులు లేదంటే అభ్యంతరాలు ఉంటే పిటిషన్‌ దాఖలు చేయాలని సూచించినట్లు సంబంధిత వర్గాలు తెలిపాయి. ఎన్నికల సంఘం చేపట్టిన ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌), ఓట్ల తొలగింపు తదితర అంశాలపై నిరసన తెలియజేసేందుకు ఇండియా కూటమి సోమవారం సుప్రీంకోర్టు వరకు మార్చ్‌ నిర్వహించాలని నిర్ణయించింది. ఈ నేపథ్యంలో సీజేఐని కలిసి వినతిపత్రం అందజేయాలని ప్రతిపక్ష నేతలు ప్రయత్నించారు. అయితే, అపాయింట్‌మెంట్‌ నిరాకరణతో వారి ప్రయత్నానికి ఎదురుదెబ్బ తగిలినట్లయింది. రాజకీయ పార్టీల ప్రతినిధులను ఈ విధంగా పరిపాలనా స్థాయిలో కలవడానికి కోర్టుకు అధికారం లేదని ఆయన స్పష్టం చేసినట్లు పేర్కొన్నాయి.తలుపులు తెరిచే ఉంటాయ్‌సుప్రీంకోర్టు దేశంలోనే అత్యున్నత న్యాయస్థానమని, దాని తలుపులు ప్రజలందరికీ 24 గంటలూ తెరిచే ఉంటాయని సీజేఐ పేర్కొన్నట్లు సమాచారం. ప్రతి పౌరుడి ప్రాథమిక హక్కులను పరిరక్షించేందుకు న్యాయస్థానం కట్టుబడి ఉందని ఆయన స్పష్టం చేసినట్లు సంబంధిత వర్గాలు వెల్లడించాయి. రాజకీయ ప్రతినిధులను ప్రత్యేకంగా కలిసి వినతులు స్వీకరించడం కంటే, న్యాయపరమైన మార్గంలో పిటిషన్‌ దాఖలు చేస్తే విచారించి తీర్పు ఇవ్వడం కోర్టు విధి అని ఆయన అభిప్రాయపడినట్లు తెలిపాయి.నేడు సుప్రీంకోర్టు వరకు మార్చ్‌సీజేఐ అపాయింట్‌మెంట్‌ నిరాకరించినప్పటికీ, సోమవారం సుప్రీంకోర్టు వరకు మార్చ్‌ నిర్వహించాలనే యోచనలో ఇండియా కూటమి ఉన్నట్లు సమాచారం. లోక్‌సభలో ప్రతిపక్ష నేత రాహుల్‌ గాంధీ ఈ మార్చ్‌ ఏ ఒక్క రాజకీయ పార్టీకి సంబంధించినది కాదని, దేశ ప్రజలందరికీ సంబంధించినదని పేర్కొన్నారు. ప్రజాస్వామ్యం, రాజ్యాంగ పరిరక్షణను కోరుకునేవారంతా ఇందులో పాల్గొనాలని పిలుపునిచ్చారు. కాంగ్రెస్‌ అధ్యక్షుడు మల్లికార్జున ఖర్గే, రాహుల్‌ గాంధీ సోమవారం సాయంత్రం 4 నుంచి 5 గంటల మధ్య సీజేఐని కలిసేందుకు సమయం కోరినట్లు సమాచారం.నాలుగు ప్రధాన డిమాండ్లుఎన్నికల ప్రక్రియలో అక్రమాలు జరిగాయంటూ ఆరోపిస్తున్న ఇండియా కూటమి.. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తోంది. ఈ మేరకు గత శుక్రవారం రాష్ట్రపతి ద్రౌపది ముర్ముకు వినతిపత్రం అందజేసింది. అందులో నాలుగు ప్రధాన డిమాండ్లను ప్రస్తావించింది.1. సీఈసీ జ్ఞానేశ్‌ కుమార్‌ రాజీనామా చేయాలి. ఎన్నికల కమిషనర్లకు చట్టపరమైన రక్షణ కల్పించే 2023 చట్టాన్ని రద్దు చేయాలి.2. ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) ప్రక్రియను తక్షణమే నిలిపివేసి, తొలగించినట్లు చెబుతున్న 13.3 కోట్ల మంది ఓటర్ల పేర్లను పునరుద్ధరించాలి.3. అన్ని ఎన్నికల్లోనూ పేపర్‌ బ్యాలెట్ల విధానాన్ని తిరిగి ప్రవేశపెట్టాలి.4. గత రెండేళ్లలో ఓట్ల చోరీకి సంబంధించి నిర్దిష్ట ఆధారాలు ఉన్నాయని ప్రతిపక్షాలు ఆరోపిస్తున్న అసెంబ్లీ ఎన్నికలను రద్దు చేయాలి.ఈ డిమాండ్లపై కేంద్ర ప్రభుత్వం, ఎన్నికల సంఘంపై ఒత్తిడి పెంచడమే లక్ష్యంగా ప్రతిపక్షాలు ఆందోళనలను కొనసాగిస్తున్నాయి. అయితే, ఓటర్ల జాబితా నుంచి పేర్ల తొలగింపులో అక్రమాలు జరిగాయన్న ఆరోపణలను ఎన్నికల సంఘం, బీజేపీ ఖండిస్తున్నాయి.పోలీసుల చర్యలపైనా విచారణఢిల్లీలో నిరసనలు, పోలీసుల చర్యలపై కూడా వివాదం కొనసాగుతోంది. ఎన్నికల సంఘం చీఫ్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తూ యువజన సంస్థ కాక్రోచ్‌ జనతా పార్టీ (సీజేపీ) చేపట్టిన నిరసనల సందర్భంగా పోలీసులు పెద్ద సంఖ్యలో ఆందోళనకారులను అదుపులోకి తీసుకున్నారు. శనివారం సుమారు 3,000 మందిని నిర్బంధించినట్లు వార్తలు వెలువడ్డాయి. ఆదివారం కూడా ఢిల్లీతోపాటు ముంబై సహా పలు నగరాల్లో నిరసనలు కొనసాగాయి.పోలీసుల చర్యలు, మెట్రో స్టేషన్ల మూసివేత, రైళ్ల రద్దు, నిరసనకారుల ప్రాథమిక హక్కులకు భంగం కలిగిందన్న ఆరోపణలకు సంబంధించి సుప్రీంకోర్టులో పలు పిటిషన్లు దాఖలయ్యాయి. ఈ అంశాలపై మంగళవారం విచారణ జరగనుంది. మరోవైపు, ఓటర్ల జాబితా సవరణ చట్టబద్ధతను సుప్రీంకోర్టు గత మే నెలలో సమర్థించినప్పటికీ, దేశవ్యాప్తంగా భారీ సంఖ్యలో పేర్లు తొలగించడంపై ప్రశ్నలు కొనసాగుతున్నాయి.ఇండియా కూటమి తీరుపై బీజేపీ విమర్శలుసీజేఐని కలిసి వినతిపత్రం అందజేయాలన్న ప్రతిపక్షాల నిర్ణయాన్ని బీజేపీ ఇప్పటికే తప్పుబట్టింది. రాజకీయ పార్టీల ప్రతినిధులను ప్రధాన న్యాయమూర్తులు ప్రత్యేకంగా కలవడం సంప్రదాయం కాదని బీజేపీ ఎంపీ రవిశంకర్‌ ప్రసాద్‌ పేర్కొన్నారు. ఎన్నికల్లో ఓడిపోయిన నాయకులు కేసులు వేయడం ద్వారా ప్రభుత్వాలను నిర్ణయించలేరని, ఎన్నికల ద్వారానే ప్రభుత్వాలు ఏర్పడతాయని వ్యాఖ్యానించారు.ఈ నేపథ్యంలో సీజేఐ అపాయింట్‌మెంట్‌ నిరాకరణ ఇండియా కూటమి తదుపరి కార్యాచరణపై ఆసక్తిని పెంచింది. న్యాయస్థానాన్ని ఆశ్రయించి తమ ఆరోపణలపై పోరాడుతారా? లేక నిరసనల ద్వారా రాజకీయ ఒత్తిడిని మరింత పెంచుతారా? అనేది వేచి చూడాలి.ఇదీ చదవండి: నిరసన హక్కును హరిస్తారా?

సాక్షి, హైదరాబాద్‌: ‘ప్రధాని నరేంద్ర మోదీ సాధారణంగా ఆన్‌లైన్‌లో ఎంతో చురుగ్గా ఉంటారు. గొప్ప కమ్యూనికేటర్‌. అయితే, ఢిల్లీ నిరసనల నడుమ పది రోజులుగా ఆయన నోటి నుంచి చిన్న శబ్దం కూడా రాలేదు. ఈ మౌనం బలహీనత, అసమర్థత, అనిశ్చితి, అభద్రతా భావాన్ని సూచిస్తోంది’ అని ప్రముఖ జర్నలిస్టు కరణ్‌ థాపర్‌ విమర్శించారు. నిరంతరం మాట్లాడే నాయకుడి నుంచి ఇటువంటి మౌనం అసాధారణమని చెప్పారు. ఏమి మాట్లాడాలో తెలియకపోవడంతో ప్రధాని మౌనంగా ఉన్నారనిదుయ్యబట్టారు. కేవలం మాటలు మాత్రమే పరిస్థితిని శాంతపరచలేవని, ఆందోళనల్లో పాల్గొంటున్న కాక్రోచ్‌ జనతా పార్టీ, సమాజం, విద్యార్థులు, కాంగ్రెస్, ఇతర పార్టీల డిమాండ్లకు స్పందించడానికి ప్రధాని నమ్మదగిన చర్యలు తీసుకోవాల్సి ఉందన్నారు. మంథన్‌ ఆధ్వర్యంలో ఆదివారం శిల్పకళా వేదికలో నిర్వహించిన సంవాద్‌–2026 కార్యక్రమంలో ఆయన నవీకా హర్షేతో ఇంటర్వ్యూలో మాట్లాడారు. ఢిల్లీలో ఆందోళనను అణచివేయడానికి 245 రైళ్లను రద్దు చేయడంతోపాటు 47 మెట్రో స్టేషన్లను మూసివేసి మొత్తం నగరాన్ని లాక్‌డౌన్‌ చేశారని కరణ్‌ మండిపడ్డారు.ఆందోళన చేస్తున్న ప్రజల అభిప్రాయాలు, ఆందోళనలపై లోతుగా కవరేజ్‌ కల్పించాల్సిన టీవీ చానెళ్లు ఉద్దేశపూర్వకంగా విస్మరించాయని తప్పుబట్టారు. కేంద్రానికి ఇబ్బందికరమైన సమాచారాన్ని మీడియా చూపించడం లేదని, కేంద్ర ప్రభుత్వం మారితే ధోరణిలో మార్పు రానుందని ఓ ప్రశ్నకు బదులిచ్చారు. ప్రధాన స్రవంతి మీడియా అపస్మారక స్థితిలో ఉందని, కోలుకోవడానికి ఎక్కువ సమయమేమీ పట్టదన్నారు. 2004లో తాను మోదీతో నిర్వహించిన ఇంటర్వ్యూ కేవలం 2.30 నిమిషాల్లో ముగిసిందని, గోధ్రా అల్లర్ల నేపథ్యంలో ఆయన్ను మాస్‌ మర్డరర్‌గా జనం చూస్తున్నారని తాను అడిగిన ఓ ప్రశ్నకు మోదీ కోపగించుకుని ఇంటర్వ్యూ అర్ధాంతరంగా ముగించారని గుర్తు చేసుకున్నారు.అణగారిన వర్గాలపైనే విద్వేషాలు: షారూఖ్‌ ఆలం, సుప్రీం కోర్టు న్యాయవాదివిద్వేష ప్రసంగాలు, దుర్భాష రెండు వేర్వేరని సుప్రీంకోర్టు ప్రముఖ న్యాయవాది షారుఖ్‌ ఆలం స్పష్టం చేశారు. అధికారపక్షం అండతో అణగారిన వర్గాలపై విద్వేష ప్రసంగాలు చేసేవారిని, అధికారపక్షాన్ని ప్రశ్నించే అణగారిన వర్గాల ను న్యాయస్థానాలు ఒకేగాట కింద కట్టడం తప్పుడు సమానత్వమేనని అభిప్రాయపడ్డారు. విద్వేష ప్రసంగాలపై సంవాద్‌లో ఆమె మాట్లాడారు. రాజకీయ జనసమీకరణ కోసం విద్వేష ప్రసంగాలను ప్రోత్సహిస్తున్నారని విమర్శించారు.సామూహిక నిఘా రాజ్యాంగ విరుద్ధం: అపార్‌ గుప్తాఒకే దేశం, ఒకే భాష, ఒకే మతం, ఒకే ఎన్నికలు.. అని కేంద్రం ప్రజలపై రుద్దే ప్రయత్నం చేస్తోందని సుప్రీం కోర్టు న్యాయవాది, ఇంటర్నెట్‌ ఫ్రీడమ్‌ ఫౌండేషన్‌ వ్యవస్థాపకుడు అపార్‌ గుప్తా విమర్శించారు. ప్రజలపై పాలకులు సామూహిక నిఘా పెట్టడం రాజ్యాంగ విరుద్ధమన్నారు. డిజిటలైజేషన్‌తో అజ్ఞానం పెరుగుతోందనే అంశంపై ఆయన ప్రసంగించారు. సీబీఎస్‌ఈ తీసుకొచి్చన ఆన్‌స్క్రీన్‌ మార్కింగ్‌ విధానంలో అవకతవకలు, దారి పర్యవసానాలను వివరించారు. గ్లోబరీనా సంస్థ వైఫల్యాలతో తెలంగాణలో 20 మంది విద్యార్థులు చనిపోయారని, అదే సంస్థ పేరు మార్చుకుని ఆన్‌్రస్కీన్‌ మార్కింగ్‌ కాంట్రాక్టు పొందిందని ఆరోపించారు.మొఘలుల చరిత్రపై...మొఘలుల చరిత్రను మతపరమైన ఘర్షణలు, పాలకుల వ్యక్తిత్వాల ఆధారంగా మాత్రమే అర్థం చేసుకోవడం చారిత్రక వాస్తవాలను విస్మరించడమేనని ఢిల్లీ విశ్వవిద్యాలయం ప్రొఫెసర్‌ ఫర్హత్‌ హసన్‌ అన్నారు. సంవాద్‌ కార్యక్రమంలో ‘వై స్టడీ ది మొఘల్‌ ఎంపైర్‌? రిఫ్లెక్షన్స్‌ ఆన్‌ ఇట్స్‌ పొలిటికల్‌ కల్చర్‌ అండ్‌ లెగసీ’ అంశంపై ఆయన ప్రసంగించారు. మొఘలుల చరిత్రపై సామాజిక మాధ్యమాలు, సినిమాలు, ముఖ్యంగా వాట్సాప్‌ యూనివర్సిటీ, పాఠ్యపుస్తకాల్లో వస్తున్న వివరణలను విమర్శనాత్మకంగా పరిశీలించాలని.. చరిత్ర రచనకు ఆధారాలు, శాస్త్రీయ విశ్లేషణ కీలకమన్నారు.ప్రముఖ రచయిత, ఫిల్మ్‌మేకర్‌ సుబ్రతో ఛటోపాధ్యాయ్‌ మాట్లాడుతూ.. బంగ్లాదేశ్‌ ఆవిర్భావం వెనుక తొమ్మిది నెలల దౌత్య ప్రయత్నాలు, వ్యూహాత్మక ప్రణాళికలు, సైనిక సన్నద్ధత, విముక్తి పోరాట యోధుల త్యాగాలు ఉన్నాయని చెప్పారు. ఇప్పుడు అధికారం కోసం నిరాయుధ ప్రజలపై సైనిక బలాన్ని ప్రయోగించడం ఆమోదయోగ్యం కాదని స్పష్టం చేశారు. కాగా, మంథన్‌ సంవాద్‌లో ఏఆర్‌ రెహమాన్‌ సంగీత ప్రస్థానాన్ని భారతదేశ సామాజిక, సాంస్కృతిక పరిణామాలతో అనుసంధానిస్తూ సంగీతకారులు ఎంఆర్‌ శరణ్, స్వరూప్‌ మామిడిపూడి, రోహిత్‌ జరిపిన చర్చ ఆకట్టుకుంది.ఇదీ చదవండి: అదే అలజడి

2026లో తమిళ కవి, గీత రచయిత ఆర్‌. వైరముత్తుకు 2025 సంవత్సరానికి 60వ జ్ఞానపీఠ పురస్కారం లభించినప్పుడు, అభినందనలతో పాటు ఒక పాత ప్రశ్న మళ్లీ తలెత్తింది– ప్రతిభకు నైతిక మినహాయింపు ఉంటుందా? ఒక రచయిత గొప్ప కథలు రాశాడు, మంచి కవిత్వం సృష్టించాడు, సాహిత్యంలో తనదైన స్థానం సంపాదించాడు.అయితే వ్యక్తిగత జీవితంలో పలువురు మహిళల నుంచి లైంగిక వేధింపుల ఆరోపణలు ఎదుర్కొన్నాడు. అటువంటి సందర్భంలో ఆ రచయితను ఎలా చూడాలి? ‘‘రచనను రచయిత నుంచి వేరు చేయాలి’’ అని చెప్పడం సులభం. ‘‘అతనిపై నేరారోపణలున్నాయి కాబట్టి అతని రచనలన్నీ చెడ్డవే’’ అని చెప్పడం కూడా సులభమే. మొదటి వైఖరి రచయిత వ్యక్తిగత ప్రవర్తనను పూర్తిగా పక్కన పెడితే, రెండవది అతని సాహిత్యాన్ని ఆరోపణలకు శిక్షగా మారుస్తుంది. రెండూ సరళీకృత సమాధానాలే.వ్యక్తిగత ప్రవర్తన.. సాహిత్య విలువలురచయిత సృష్టించిన రచనను భాష, శిల్పం, పాత్రచిత్రణ, ఆలోచన, నిర్మాణం వంటి సాహిత్య అంశాల పరంగా, అతని వ్యక్తిగత జీవితంతో సంబంధం లేకుండా పరిశీలించవచ్చు. అయితే, రచయిత వ్యక్తిగత ప్రవర్తనను పూర్తిగా అసంబద్ధంగా పరిగణించడం అంత సులభం కాదు. ముఖ్యంగా ఆ ప్రవర్తన అతని రచనలోని విలువలకు, సామాజిక ప్రభావానికి, ఇతరులపై అతనికున్న అధికారానికి సంబంధించినప్పుడు ఈ ప్రశ్న మరింత సంక్లిష్టమవుతుంది. అందుకే ప్రతిభకు, అధికారానికి మధ్యగల తేడాను గుర్తించాలి. రచయిత ప్రతిభ అతని రచనలో కనిపిస్తుంది. కానీ పేరు, పురస్కారాలు, పాఠకుల అభిమానం, సంపాదకులతో సంబంధాలు, సాహిత్య సంస్థల్లో స్థానం... ఇవి అతనికి సామాజిక అధికారాన్ని ప్రసాదిస్తాయి. ఆ అధికారాన్ని ఉపయోగించి యువ రచయితలు, రచయిత్రులు అవకాశాల కోసం ఆధారపడేలా చేయడం, వ్యక్తిగత సంబంధాలకు ఒత్తిడి చేయడం, తిరస్కరణ తర్వాత వేధించడం జరిగితే అది కేవలం వ్యక్తిగత స్వభావం మాత్రమే కాదు. అది సాహిత్య రంగంలోని అధికార సంబంధాల సమస్య కూడా.మీటూ ఉద్యమం... వ్యవస్థల బాధ్యత2017–18లో భారతదేశంలో ‘మీ టూ’ చర్చ విస్తరించినప్పుడు అకాడమిక్, సాహిత్య, మీడియా, సినిమా రంగాల్లో లైంగిక వేధింపుల ఆరోపణలు బహిరంగ చర్చకు వచ్చాయి. సాహిత్య రంగంలో ప్రముఖులపై ఆరోపణలు వచ్చినప్పుడు, వారిని ఆహ్వానించే వేదికలు, ప్రచురణకర్తలు, సంస్థలు ఎలా స్పందించాలన్న ప్రశ్న తీవ్రమైంది. ఆరోపణలు న్యాయపరంగా నిర్ధారితమైన నేరాలతో సమానం కావన్నది ఒక వైపు ఉంటే, ప్రతిభకు ఇచ్చే గౌరవం, ఆరోపణల నేపథ్యంలో సంస్థల బాధ్యత ఏమిటన్న ప్రశ్న మరో వైపు ఉంది.2026 జూలైలో జరిగిన మూడో అంతర్జాతీయ తెలుగు మహిళా రచయితల సదస్సు లైంగిక సమానత్వమూ, మహిళా సాధికారతలతో పాటు కార్యాలయ వేధింపులపై బలమైన రక్షణలు అవసరమని తీర్మానించింది. ఒక రచయితపై వచ్చిన ఆరోపణతో ప్రశ్న అతని వ్యక్తిగత ప్రవర్తన దగ్గర ఆగదు. అతనికి అధికారాన్ని కల్పించిన సాహిత్య వ్యవస్థ వైపు కూడా తిరుగుతుంది. ఆరోపణ వచ్చినప్పుడు సాహిత్య సమూహం వెంటనే అతని రచనలను తూకం వేయడం కంటే ముందుగా అడగాల్సిన ప్రశ్నలు ఇవి: ఆరోపణపై న్యాయమైన విచారణకు అవకాశం ఉందా? బాధితురాలు మాట్లాడగలిగే వాతావరణం ఉందా? సంస్థకు ఫిర్యాదు వ్యవస్థ ఉందా? లేక ప్రభావవంతుడైన రచయితను కాపాడే అనధికారిక నెట్‌వర్క్‌లు పనిచేస్తున్నాయా?ఆరోపణలపై విచారణ.. జవాబుదారీతనంపని ప్రదేశాల్లో లైంగిక వేధింపుల నిరోధక చట్టం–2013... ఫిర్యాదు, విచారణ, అంతర్గత కమిటీ, స్థానిక కమిటీ వంటి వ్యవస్థలను ఏర్పాటు చేసింది. సాహిత్య సంస్థలు కూడా ఈ బాధ్యత నుంచి తప్పించుకోలేవు. అయితే, మరో ప్రమాదాన్ని కూడా గుర్తించాలి. ఆరోపణ వచ్చిన వెంటనే ఒక వ్యక్తిని నేరస్థుడిగా ప్రకటించడం న్యాయబద్ధం కాదు. ఆరోపణ, విచారణ, నిర్ధారణ మధ్య తేడా ఉండాలి. అదే సమయంలో ‘‘కోర్టులో రుజువు కాలేదు కాబట్టి మాట్లాడకూడదు’’ అంటూ సామాజిక చర్చను మూసివేయడం కూడా సరైంది కాదు. సంస్థలు తమ వేదికలు, ఆహ్వానాలు, బాధ్యతల విషయంలో స్వతంత్రంగా నైతిక నిర్ణయాలు తీసుకోవచ్చు. కానీ న్యాయపరమైన నేర నిర్ధారణను తమ చేతుల్లోకి తీసుకోకూడదు.ఒక రచయిత గొప్ప కవిత రాశాడన్న కారణంతో అతనిపై వచ్చిన లైంగిక వేధింపుల ఆరోపణలను విస్మరించలేం. నేరం రుజువైన సందర్భంలో, ప్రతిభ పేరుతో అదే సామాజిక అధికారం, అదే సంస్థాగత ప్రభావం యథాతథంగా కొనసాగాలా అన్న ప్రశ్న తప్పకుండా ఎదురవుతుంది. సాహిత్యం మనిషి స్వేచ్ఛను, గౌరవాన్ని, అనుభవాన్ని ప్రశ్నిస్తే, సాహిత్య రంగం కూడా అదే విలువలను తన ఆచరణలో పరీక్షించుకోవాలి. రచయిత రాసిన మాటలకంటే అతని చేతిలో ఉన్న అధికారం పెద్దదైపోయినప్పుడు, సమస్య ఇక రచయిత వ్యక్తిగత జీవితంలోనే ఉండదు; అది సాహిత్య వ్యవస్థలోకి చొరబడుతుంది.– మాధవి పి. విమర్శకురాలు, విశ్లేషకురాలుఇదీ చదవండి: ఆడపిల్లల సాధికారతే...

కాక్రోచ్‌ జనతా పార్టీ ఇవాళ జంతర్‌ మంతర్‌ వద్ద చేపట్టాల్సిన ఈసీ వ్యతిరేక నిరసనలకు ఢిల్లీ పోలీసులు అడ్డుపడ్డారు. కఠిన ఆంక్షల నడుమ కీలక నేతలు అభిజీత్‌ దీప్కే, సౌరవ్‌ దాస్‌, ఆశుతోష్‌ రంకా అరెస్టులతో సీజేపీలో గందరగోళం నెలకొంది. మరోవైపు పలువురు మద్దతుదారుల్ని కూడా అదుపులోకి తీసుకు‍న్నారు. ఈ తరుణంలో సీజేపీ ఓ స్పష్టత ఇచ్చే ప్రయత్నం చేసింది.కాక్రోచ్‌లను కొత్త నాయకుడు ముందుండి నడిపించబోతున్నాడు. ఢిల్లీలోని జంతర్‌ మంతర్‌ వద్ద చేపట్టే నిరసనకు పార్టీ సంస్థాగత వ్యవహారాల ఇన్‌చార్జి అజింక్య షిండే నాయకత్వం వహించనున్నారు. కీలక నేతలను పోలీసులు అదుపులోకి తీసుకున్నప్పటికీ ‘జంతర్‌ మంతర్‌ 2.0’ నిరసనను కొనసాగించాలని పార్టీ నిర్ణయించింది. వాళ్లు వచ్చేదాకా ఈ కొత్త సారథే ఉద్యమాన్ని నడిపించనున్నట్లు తెలుస్తోంది.35 ఏళ్ల అజింక్య షిండే గతంలో ఆమ్‌ ఆద్మీ పార్టీ (ఆప్‌) యువజన విభాగంలో మహారాష్ట్ర కన్వీనర్‌గా, గోవా సహ ఇన్‌చార్జిగా పనిచేశారు. ప్రస్తుతం సీజేపీలో సంస్థాగత వ్యవహారాలను సమన్వయం చేసే బాధ్యతలు నిర్వహిస్తున్నారు. పార్టీ ముఖ్య నేతలు నిర్బంధంలో ఉండటంతో నిరసన కార్యక్రమాన్ని ముందుకు తీసుకెళ్లాల్సిన బాధ్యత ఆయనపై పడింది.వాంగ్‌చుక్‌ ఎక్కడ?పర్యావరణ కార్యకర్త సోనమ్‌ వాంగ్‌చుక్‌ ఢిల్లీలో సీజేపీ చేపట్టిన నిరసనలో పాల్గొనడం లేదు. దీంతో మద్దతు లేదన్న ప్రచారం జోరందుకుంది. అయితే అలాంటిదేం లేదని ఆయన ఓ సందేశం రిలీజ్‌ చేశారు. ప్రస్తుతం తాను లద్ధాఖ్‌ రీజియన్‌లో నీటి భద్రత కోసం కృత్రిమ హిమానీనదాల నిర్మాణం, హిమాలయాల్లో హిమానీనద సరస్సులు ఉప్పొంగి వరదలు ముంచెత్తే ప్రమాదాన్ని ఎదుర్కొనే చర్యలపై దృష్టి పెట్టినట్లు వివరించారు. నిరసన నేతలంతా ఐక్యంగా ఉండాలని, యువత ముఖ్యంగా జెన్‌ జెడ్‌ ఆందోళనల్లో ఎట్టి పరిస్థితుల్లోనూ శాంతిని పాటించాలని ఆయన పిలుపునిచ్చారు.అరెస్టును ముందే ఊహించిన దీప్కే?సీజేపీ వ్యవస్థాపకుడు అభిజీత్‌ దీప్కే తనను పోలీసులు అరెస్టు చేసే అవకాశం ఉందని ముందే ఊహించినట్లు తెలుస్తోంది. శుక్రవారం రాత్రి ఆయన ఓ వీడియో సందేశాన్ని రికార్డు చేశారు. నిరసనకు ముందే కీలక నేతలను పోలీసులు అదుపులోకి తీసుకోవడంతో ఆ వీడియో ప్రాధాన్యం సంతరించుకుంది.అభిజీత్‌ దీప్కేతో పాటు సౌరవ్‌ దాస్‌, ఆశుతోష్‌ రంకాలను కూడా పోలీసులు ఇవాళ ఢిల్లీ ఎయిర్‌పోర్టులో అదీ విమానంలోనే అదుపులోకి తీసుకున్నారు. అంతకు ముందు వందల కొద్దీ కార్యకర్తలను అలాగే మద్దతుదారుల్ని నిర్బంధించారు. దీంతో నిరసనకు నాయకత్వం వహించేందుకు అజింక్య షిండే ముందుకు వచ్చారు. కీలక నేతలు అందుబాటులో లేకపోయినా ఆందోళనను కొనసాగించాలన్న పార్టీ నిర్ణయం నేపథ్యంలో జంతర్‌ మంతర్‌ వద్ద పరిణామాలు ఎలా ఉండబోతున్నాయన్నది ఆసక్తికరంగా మారింది.ఇదీ చదవండి: కాక్రోచ్‌లకు పోలీసుల మాస్టర్‌ స్ట్రోక్‌!

లాఠీలు ఝళిపించడం, టియర్‌ గ్యాస్‌లు.. వాటర్‌ కేనన్‌లు ప్రయోగించడం, బలప్రయోగానికి దిగడమే నిరసనలను అడ్డుకునే మార్గమా? ఏమాత్రం కాదు.. ప్రత్యామ్నాయ మార్గాలు అన్వేషించాలని మేధావులు ఎన్నో ఏళ్లుగా మొత్తుకుంటున్నారు. అలాగే సుప్రీం కోర్టు సైతం ఇటు మొట్టికాయలు వేస్తూ వస్తోంది. ఈ నేపథ్యంలో ముందస్తు వ్యూహాంతో సాంకేతిక నిఘా, పక్కా ప్రణాళికల ద్వారా ఢిల్లీ పోలీసులు ఈసారి ప్రతి అడుగులోనూ అత్యంత అప్రమత్తంగా వ్యవహరించారు.జంతర్‌ మంతర్‌ వద్ద శనివారం సీజేపీ (కాక్రోచ్‌ జనతా పార్టీ) తలపెట్టిన ‘జంతర్‌ మంతర్‌ 2.0’(Jantar Mantar 2.0) నిరసనను అడ్డుకునేందుకు పక్కా ప్లానింగ్‌తో ఢిల్లీ పోలీసులు సిద్ధమయ్యారు. గత కొన్నిరోజులుగా ఈసీ వ్యతిరేక నిరసనల్లో వాళ్ల వ్యవహర శైలి ఆ విషయాన్ని చెప్పకనే చెబుతోంది. ఇప్పుడు.. కాక్రోచ్‌ల ర్యాలీ నేపథ్యంలో భారీ భద్రతా ఏర్పాట్లు చేశారు. వేలాది మంది సిబ్బందిని మోహరించి, బాడీ కెమెరాలతో నిఘా పెట్టారు. వేదికకు చేరుకోక ముందే కీలక నేతలను ముందుగానే అదుపులోకి తీసుకున్నారు. నిరసనకారులు పెద్ద సంఖ్యలో ఒకచోట చేరకుండా కట్టడి చేయడంపై దృష్టి పెట్టారు. గత నిరసనల్లో ఎదురైన విమర్శలు పునరావృతం కాకుండా ఈసారి పోలీసులు మరింత అప్రమత్తంగా వ్యవహరించారన్న చర్చ మొదలైంది.Ahead of the CJP protest ,Delhi Police personnel are equipped with body cams that record everything even in the dark 💪 https://t.co/6ZTA11IAZ3— Boiled Anda (@AmitLeliSlayer) October 10, 2026ఈసారి ‘నీట్’‌గా..నీట్‌ పేపర్‌ లీకేజీకి వ్యతిరేకంగా జరిగిన నిరసనల్లో పోలీసులకు, ఆందోళనకారులకు మధ్య తీవ్ర ఉద్రిక్తతలు చోటుచేసుకున్నాయి. నిరసనకారులపై పోలీసులు అతిగా బలప్రయోగం చేశారన్న ఆరోపణలూ వచ్చాయి. ఈ పరిణామాలపై న్యాయపరమైన సవాళ్లు, విచారణ కోరుతూ పిటిషన్లు కూడా దాఖలయ్యాయి. అదే సమయంలో.. తమపైనా దాడులు జరిగాయని.. సిబ్బంది గాయపడ్డారని ఢిల్లీ పోలీసులు మొత్తుకున్నా పెద్దగా ఎవరూ పట్టించుకోలేదు. పైగా ఢిల్లీ పోలీసులు తీరు మార్చుకోవాలంటూ కోర్టులు సైతం అక్షింతలు వేస్తూ వచ్చాయి.जंतर-मंतर पर प्रदर्शन से पहले पुलिस का एक्शन! 🚨 CJP के प्रदर्शनकारी हिरासत में Cockroach Janta Party (CJP) के प्रदर्शन के लिए जुट रहे कुछ प्रदर्शनकारियों को दिल्ली पुलिस ने हिरासत में लिया। #Delhi #DelhiPolice #JantarMantar #CJP #BreakingNews #News https://t.co/Jhx34Fnrwm— PRIYA RANA (@priyarana3101) October 10, 2026ఈ నేపథ్యంలో ఈసారి ఢిల్లీ పోలీసులు మరో విధంగా సిద్ధమయ్యారు. నిరసనకారులు గుమిగూడిన తర్వాత పరిస్థితిని అదుపు చేయడం కంటే, వారు నిర్దేశిత ప్రాంతానికి చేరుకోకముందే కట్టడి చేయడంపై దృష్టి పెట్టారు. నిరసనకు అనుమతి లేదని ముందుగానే ప్రకటించారు. ఢిల్లీ సరిహద్దుల నుంచి కీలక రహదారుల వరకు తనిఖీలు, బారికేడ్లు ఏర్పాటు చేశారు. నిరసనకు వస్తున్నారనే అనుమానంతో పలువురిని ముందస్తుగా అదుపులోకి తీసుకున్నారు.బాడీ కెమెరాలతో ఆధారాలు.. చీకట్లోనూ రికార్డింగ్‌ఈసారి పోలీసుల వ్యూహంలో ప్రత్యేకంగా కనిపించిన అంశం బాడీ కెమెరాలు. విధుల్లో ఉన్న సిబ్బంది యూనిఫామ్‌లకు అమర్చిన ఈ కెమెరాలు చీకట్లోనూ ఘటనలను రికార్డు చేయగలవు. నిరసనకారులకు, పోలీసులకు మధ్య వాగ్వాదం జరిగినా, తోపులాట చోటుచేసుకున్నా ఏం జరిగిందో ఫుటేజీ ద్వారా తెలుసుకునే అవకాశం ఉంటుంది.గతంలో పోలీసులపై దురుసు ప్రవర్తన, అధిక బలప్రయోగం వంటి ఆరోపణలు వచ్చినప్పుడు ఘటనాస్థలంలో ఏం జరిగిందన్న దానిపై వివాదాలు తలెత్తాయి. ఈసారి అలాంటి పరిస్థితుల్లో ఆధారాలు అందుబాటులో ఉండేలా కెమెరాలను ఉపయోగించారు. తమపై దాడులు జరిగినా, తాము ఎవరిపైనా అనుచితంగా వ్యవహరించలేదని నిరూపించుకోవాల్సి వచ్చినా ఈ ఫుటేజీ ఉపయోగపడుతుందని ఓ పోలీసు అధికారి పేర్కొన్నారు. అంటే కెమెరాలు నిరసనకారుల కదలికలను మాత్రమే కాదు.. పోలీసుల చర్యలనూ రికార్డు చేస్తాయి.మహిళా సిబ్బందికి రక్షణగా ‘పింక్‌ ఫోర్స్‌’మహిళా పోలీసుల భద్రతకూ ఈసారి ప్రత్యేక ప్రాధాన్యం ఇచ్చారు. గత నిరసనల్లో మహిళా సిబ్బందిని తోసివేయడం, దురుసుగా ప్రవర్తించడం, దుస్తులు, బ్యాడ్జీలను చించివేయడం వంటి ఘటనలు జరిగాయని పోలీసులు ఆరోపించారు. ఈ నేపథ్యంలో ప్రత్యేక మహిళా బృందమైన ‘పింక్‌ ఫోర్స్‌’ను రంగంలోకి దించారు. నిరసనకారులను నియంత్రించే సమయంలో మహిళా సిబ్బందికి రక్షణ కల్పించడం, పరిస్థితులు అదుపు తప్పకుండా చూడటం ఈ బృందం లక్ష్యం.విమానాశ్రయంలోనే నేతలకు అడ్డుకట్టనిరసనలో కీలక పాత్ర పోషించనున్న నేతలను కూడా పోలీసులు ముందుగానే అదుపులోకి తీసుకున్నారు. సీజేపీ వ్యవస్థాపకుడు అభిజీత్‌ దీప్కే, నేతలు సౌరవ్‌ దాస్‌, ఆశుతోష్‌ రంకాలను ఢిల్లీ విమానాశ్రయంలో విమానం దిగకముందే నిర్బంధించారు. సీజేపీ న్యాయ విభాగం అధిపతి రత్నా సింగ్‌, యూట్యూబర్‌ ధ్రువ్‌ రాఠీ సహా మరికొందరినీ అదుపులోకి తీసుకున్నారు. రాజధానిలోని వివిధ ప్రాంతాల నుంచి వందల మందిని ముందస్తు చర్యల్లో భాగంగా నిర్బంధించారు.🚨 ABHIJEET DIPKE, SAURAV DAS AND ASHUTOSH RANKA DETAINED FROM INSIDE THEIR FLIGHT 🚨 Shame on you @narendramodi @AmitShah https://t.co/hXl6bzh53i— Cockroach Janta Party - CJP (@Cockroachisback) October 10, 2026మహిళా పోలీసులే హైలైట్‌!ఢిల్లీ పోలీసుల వ్యూహంలో ఈసారి మహిళా సిబ్బందే హైలైట్‌గా నిలిచారు. విమానంలోనే సీజేపీ కీలక నేతలు అభిజీత్‌ దీప్కే, సౌరవ్‌ దాస్‌, ఆశుతోష్‌ రంకాలను అదుపులోకి తీసుకునేందుకు మహిళా పోలీసులనే రంగంలోకి దించారు. గత కొన్నిరోజులుగా ఈసీ వ్యతిరేక నిరసనల్లోనూ మహిళా పోలీసులే ప్రధానంగా కనిపిస్తున్నారు. గత ఆందోళనల్లో మహిళా సిబ్బందిపై దాడులు జరిగాయన్న ఆరోపణలు, పోలీసుల తీరుపై విమర్శల నేపథ్యంలో.. ఈసారి మహిళా బలగాల మోహరింపు చర్చనీయాంశంగా మారింది. మెట్రో, రైళ్లు, ఇంటర్నెట్‌పైనా ఆంక్షలునిరసనకారులు జంతర్‌ మంతర్‌కు చేరకుండా రవాణా వ్యవస్థపైనా కఠిన ఆంక్షలు విధించారు. ఢిల్లీ మెట్రోలో 45 స్టేషన్ల ప్రవేశ, నిష్క్రమణ ద్వారాలను తాత్కాలికంగా మూసివేశారు. పలు రైళ్ల రాకపోకలను రద్దు చేశారు. జనపథ్‌–కర్తవ్య పథ్‌ కూడలి చుట్టూ నాలుగు కిలోమీటర్ల పరిధిలో మొబైల్‌ ఇంటర్నెట్‌ సేవలపైనా తాత్కాలిక ఆంక్షలు అమలు చేశారు. ఢిల్లీ పోలీసులతో పాటు కేంద్ర సాయుధ బలగాలను కలిపి 35 వేల మందికి పైగా సిబ్బందిని భద్రత కోసం మోహరించారు.పక్కా ప్రణాళికతో కట్టడి కానీ..ముందస్తు నిర్బంధాలు, బాడీ కెమెరాలు, ప్రత్యేక మహిళా బలగాలు, రవాణా ఆంక్షలు.. ఇలా అనేక చర్యలను ఒకేసారి అమలు చేసి నిరసనకారులు భారీగా గుమిగూడకుండా పోలీసులు ప్రయత్నించారు. నిరసనను అడ్డుకోవడంలో వారి వ్యూహం గణనీయమైన ప్రభావం చూపింది. అయితే, ప్రజా రవాణా నిలిపివేత, ఇంటర్నెట్‌ ఆంక్షలతో సామాన్యులు ఇబ్బందులు ఎదుర్కొన్నారు.#WATCH | A passenger who was onboard the flight on which Cockroach Janta Party (CJP) Founder Abhijeet Dipke was travelling to Delhi says, "We were travelling from Mumbai. We had to wait even after the flight landed. After the flight landed, we could hear sloganeering of 'Inquilab Zindabad' from the front of the aircraft. I don't know who Dipke is. They must be 'Cockroach' who must be behaving like this; I don't know much...They were on a protest for 36 days earlier. But will they create inconvenience everywhere? Public is inconvenienced due to a few people like this. If the names of people have been wrongfully deleted, Supreme Court will look into it. They (protesters) are not going to look into it. Shut down Courts if public will do everything. There is a system which we follow, shut down that system. If there is a problem, we will protest - will that help?"— ANI (@ANI) October 10, 2026శాంతిభద్రతలను కాపాడటం పోలీసుల బాధ్యతే. అదే సమయంలో నిరసన తెలిపే హక్కును, సాధారణ ప్రజల ప్రయాణ స్వేచ్ఛను కూడా పరిగణనలోకి తీసుకోవాల్సి ఉంటుంది. ఈసారి పోలీసులు బలప్రయోగం కంటే ముందస్తు ప్రణాళిక, సాంకేతిక నిఘాకు ప్రాధాన్యం ఇవ్వడం గమనార్హం. ఇదీ చదవండి: లాఠీ పట్టని లేడీ సింగాన్ని చూశారా?

కాంగ్రెస్‌ అగ్రనేత, లోక్‌సభలో ప్రతిపక్ష నేత రాహుల్‌ గాంధీ సంచలన ట్వీట్‌ చేశారు. ఓట్ల చోరీ ఆరోపణల నేపథ్యంతో ప్రధాన ఎన్నికల కమిషనర్‌ జ్ఞానేశ్‌ కుమార్‌ను తొలగించాలన్న డిమాండ్‌ను మరోసారి బలంగా వినిపించారు. ఈ మేరకు శనివారం ‘ఎక్స్‌’లో పోస్టు చేశారు.‘‘జ్ఞానేశ్‌ కుమార్‌ పోతారు.. ఈ ప్రభుత్వం కూడా పోతుంది. ఆ తర్వాతే ప్రజాస్వామ్యాన్ని బాగుచేసే ప్రక్రియ మొదలవుతుంది’’ అంటూ పోస్ట్‌ చేశారాయన. మరోవైపు, ఎన్నికల సంఘానికి వ్యతిరేకంగా ఢిల్లీలో సీజేపీ (కాక్రోచ్‌ జనతా పార్టీ) చేపట్టిన ‘జంతర్‌ మంతర్‌ 2.0’ నిరసనలకు రాహుల్‌ దూరంగా ఉన్నారు. ఆయన శనివారం చెన్నైలో పర్యటిస్తున్నారు. మధ్యాహ్నం తమిళనాడు ముఖ్యమంత్రి, టీవీకే అధినేత విజయ్‌తో భేటీ కానున్నారు. అనంతరం విద్యార్థులతో జరిగే ‘ఛాత్రోన్‌ కీ గూంజ్‌’ కార్యక్రమంలో పాల్గొననున్నారు.స్పెషల్‌ ఇంటెన్సివ్‌ రివిజన్‌ (ఎస్‌ఐఆర్‌) పేరుతో ఓటర్ల జాబితా సవరణలో అక్రమాలు జరుగుతున్నాయంటూ ప్రతిపక్షాలు ఆరోపిస్తున్నాయి. సీఈసీ జ్ఞానేశ్‌ కుమార్‌ను పదవి నుంచి తొలగించాలని డిమాండ్‌ చేస్తోంది. ఇవే డిమాండ్లతో కాక్రోచ్‌ జనతా పార్టీ ఇవాళ జంతర్‌ మంతర్‌ వద్ద నిరసనకు పిలుపునిచ్చింది. దీంతో కాంగ్రెస్‌ నేతృత్వంలోని ఇండియా కూటమి తమ ధర్నాలకు బ్రేక్‌ ఇచ్చింది. అయితే అనుమతులు నిరాకరించడం, భద్రతా ఆంక్షల నేపథ్యంలో ఢిల్లీలో భారీగా పోలీసులను మోహరించారు. పార్టీ చీఫ్‌ అభిజిత్‌ దీప్కే సహా పలువురు నిరసనకారులను పోలీసులు ఇప్పటికే అదుపులోకి తీసుకున్నారు.ज्ञानेश कुमार जाएँगे। यह सरकार जाएगी। फिर शुरू होगी लोकतंत्र की मरम्मत। 🇮🇳 https://t.co/spGmBxgXLn— Rahul Gandhi (@RahulGandhi) October 10, 2026ఇదిలా ఉండగా, కాంగ్రెస్‌ పార్టీ ఈ నిరసనకు కాంగ్రెస్‌ దూరంగా ఉంది. అయితే గత నాలుగు రోజులుగా ఢిల్లీలో ఇండియా కూటమి ఈసీ వ్యతిరేక ధర్నాలు చేపట్టింది. నిన్న రాత్రి విపక్ష ఎంపీల బృందం రాష్ట్రపతి ద్రౌపది ముర్మును కలిసి ఈ వ్యవహారంపై ఫిర్యాదు చేసింది. ఈ క్రమంలో తమ తదుపరి కార్యాచరణను ప్రకటించాల్సి ఉంది. ఇటు ప్రతిపక్షాల మధ్య సమన్వయం కోసం ప్రియాంక గాంధీ వాద్రా నేతలతో సంప్రదింపులు జరుపుతున్నట్లు సమాచారం. ఇదీ చదవండి: రైళ్లు, బస్సులు ఆపడమేంటి? కేంద్ర మంత్రి సంచలన ‍వ్యాఖ్యలు

ఎన్డీయేలో భాగస్వామిగా ఉన్న యువ కేంద్ర మంత్రి చిరాగ్‌ పాశ్వాన్‌ భారతీయ యువత విషయంలో కీలక వ్యాఖ్యలు చేశారు. ఎన్నికల సంఘానికి వ్యతిరేకంగా నిరసనలకు సిద్ధమవుతున్న యువతను రైళ్లు రద్దు చేసి, రవాణాపై ఆంక్షలు విధించడాన్ని ఆయన తప్పుబట్టారు. యువతను తక్కువ అంచనా వేయొద్దని, వారిని ఎవరూ ఆపలేరని వ్యాఖ్యానించారు.ఢిల్లీలో ఎన్నికల సంఘానికి వ్యతిరేకంగా శనివారం జరగనున్న సీజేపీ నిరసనల నేపథ్యంలో భద్రతను కట్టుదిట్టం చేశారు. రైళ్ల రద్దు, మెట్రో సేవల్లో అంతరాయాలపై విద్యార్థులు ఆందోళన వ్యక్తం చేస్తున్న తరుణంలో చిరాగ్‌ శుక్రవారం స్పందించారు. ‘‘వీళ్లు భారతీయ యువత.. వీరిని ఎవరూ ఆపలేరు. ఎన్ని రైళ్లను నిలిపివేస్తారు? ఎంత రవాణాను అడ్డుకుంటారు? ఎన్ని రహదారులను దిగ్బంధిస్తారు?’’ అంటూ ప్రశ్నించారు. భారతీయ యువత ప్రపంచానికి దిశానిర్దేశం చేయగల సామర్థ్యం కలిగి ఉందన్నారు. అయితే, నిరసనల పేరుతో సాధారణ ప్రజలకు ఇబ్బందులు కలిగించడం సరికాదని, సమస్యలను చర్చల ద్వారా పరిష్కరించుకోవాలని సూచించారు. మరోవైపు, ఎన్నికల్లో గెలవలేక ప్రతిపక్షాలు నిరసనలతో రాజకీయాలు చేస్తున్నాయని చిరాగ్‌ విమర్శించారు. ప్రజలకు ఇబ్బందులు కలిగించేలా పదేపదే నగరాన్ని స్తంభింపజేయడం సరికాదన్నారు. సమస్యలకు పరిష్కారాలు కనుగొనడం కంటే ఆందోళనలకే ప్రతిపక్షాలు ప్రాధాన్యం ఇస్తున్నాయని ఆరోపించారు. ఎన్నికల సంఘం ప్రధాన కమిషనర్‌ అపాయింట్‌మెంట్‌ కోరాలని, తమ అభ్యంతరాలు, సందేహాలను ఆయన ముందుంచి చర్చల ద్వారా పరిష్కారం కనుగొనాలని సూచించారు.లోక్‌ జనశక్తి పార్టీ (రామ్‌ విలాస్‌) అధినేతగా ఉన్న చిరాగ్‌ పాశ్వాన్‌.. 2027 ఉత్తరప్రదేశ్‌ అసెంబ్లీ ఎన్నికల్లో పోటీ చేసే దిశగా పార్టీని సిద్ధం చేస్తున్నారు. రాష్ట్రంలో పార్టీని బలోపేతం చేయడం, పోటీ చేయాల్సిన స్థానాలపై కసరత్తు చేస్తున్నారు. యువతను ఆకర్షించేందుకు ‘యూత్‌ బోలే తో’ వంటి కార్యక్రమాల ద్వారా వారితో మమేకమవుతున్నారు. యువత సమస్యలు, ఉపాధి, పోటీ పరీక్షల అంశాలపై వారితో చర్చిస్తున్నారు.ఇదీ చదవండి: ధర్మేంద్ర ప్రధాన్‌ కీలక వ్యాఖ్యలు

ఎన్నికల సంఘానికి వ్యతిరేకంగా ఢిల్లీలో సాగుతున్న నిరసనలు ఉద్రిక్తంగా మారిన వేళ.. ఓ మహిళా ఐపీఎస్‌ అధికారి అందరి దృష్టిని ఆకర్షించారు. జెన్‌జీ యువత ఆవేశం, నినాదాలతో అశోక్‌ రోడ్డు హోరెత్తిన సమయంలో.. ఆందోళనకారులతో నేరుగా మాట్లాడి పరిస్థితిని అదుపులో ఉంచేందుకు ప్రయత్నించారు. నిరసనల మధ్య ఆమె సంయమనంతో వ్యవహరించిన తీరు, ఆందోళనకారులతో మాట్లాడిన వీడియోలు సోషల్‌ మీడియాలో వైరల్‌గా మారాయి. దీంతో నెటిజన్లు ఆమెను లాఠీ ఝళిపించని ‘లేడీ సింగం’ అంటూ ప్రశంసిస్తున్నారు.ఆ ఐపీఎస్‌ పేరు ఐశ్వర్య సింగ్‌. వయసు 31 సంవత్సరాలు. 2022 బ్యాచ్‌కు చెందిన ఐపీఎస్‌ అధికారి. ప్రస్తుతం ఢిల్లీ పోలీసు విభాగంలో దక్షిణ ఢిల్లీ అదనపు డిప్యూటీ కమిషనర్‌ ఆఫ్‌ పోలీస్‌ (ఏడీసీపీ)గా విధులు నిర్వర్తిస్తున్నారు. ఆమె తండ్రి జ్ఞానేంద్ర ప్రతాప్‌ సింగ్‌ కూడా సీనియర్‌ ఐపీఎస్‌ అధికారి కావడం విశేషం.జెన్‌జీ ఆవేశం నడుమ ఆమె..అక్టోబర్‌ 8న ఢిల్లీలో ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌కు వ్యతిరేకంగా నిరసనలు జరిగాయి. ఎన్నికల ప్రక్రియ, ఎన్నికల సంఘం తీరుపై అసంతృప్తితో ఆందోళనకు దిగిన నిరసనకారులు నినాదాలతో హోరెత్తించారు. ఈ క్రమంలో అశోక్‌ రోడ్డులో పరిస్థితులు ఉద్రిక్తంగా మారాయి. యువత ఆవేశం, నిరసనల తీవ్రత మధ్య పోలీసులు పరిస్థితిని అదుపులోకి తీసుకొచ్చేందుకు ప్రయత్నించారు.లాఠీకి బదులు మాటలతో..ఈ సమయంలో ఐశ్వర్య సింగ్‌ ఆందోళనకారులను అడ్డుకున్నారు. నేరుగా మాట్లాడిన తీరు ప్రత్యేకంగా నిలిచింది. పరిస్థితి మరింత ఉద్రిక్తం కాకుండా చూడటంతోపాటు, నిరసనకారులను అదుపు చేసేందుకు ఆమె ప్రయత్నించిన దృశ్యాలు సోషల్‌ మీడియాలో విస్తృతంగా షేర్‌ అయ్యాయి. ఆవేశంతో ఉన్న నిరసనకారుల మధ్య ఆమె చూపిన ఆత్మవిశ్వాసం, సంయమనం నెటిజన్ల ప్రశంసలు అందుకున్నాయి. అందుకే ఆమెను ‘లేడీ సింగం’ అంటూ పలువురు అభివర్ణిస్తున్నారు.Kudos to @aishwarya_ips for displaying tremendous courage, restraint and leadership amidst immense pressure https://t.co/qUCf1LhXww— Sameer (@BesuraTaansane) October 8, 2026ఇరువైపులా ఆరోపణలుఅయితే ఈ నిరసనల సందర్భంగా పోలీసులపై దాడులు జరిగాయని అధికారులు ఆరోపించగా, కొందరు ఆందోళనకారులు పోలీసులు తమ పట్ల దురుసుగా వ్యవహరించారని విమర్శించారు. ఇలాంటి పరస్పర ఆరోపణల మధ్య ఐశ్వర్య సింగ్‌ వ్యవహారశైలి చర్చనీయాంశంగా మారింది. నిరసనల సమయంలో పోలీసుల బాధ్యత కేవలం గుంపును చెదరగొట్టడమే కాకుండా, పరిస్థితులు అదుపు తప్పకుండా చూడటం కూడా. ఈ నేపథ్యంలో ‘జెన్‌జీ’ ఐశ్వర్య సింగ్‌ వీడియోలు వైరల్‌ కావడం, ఆమెకు ప్రశంసలు రావడం ఆసక్తికరంగా మారింది.ఇదీ చదవండి: కటకటాల్లోకి జైలర్‌ దివ్య

సాక్షి, న్యూఢిల్లీ: దేశ రాజధాని ఢిల్లీలో ఇవాళ కాక్రోచ్‌ జనతా పార్టీ చేపట్టనున్న నిరసనల నేపథ్యంలో తీవ్ర ఉద్రిక్తత నెలకొంది. ఎన్నికల సంఘం ప్రధాన అధికారి జ్ఞానేశ్‌ కుమార్‌ రాజీనామా చేయాలనే డిమాండ్‌తో జంతర్‌ మంతర్‌ వద్ద భారీ ఆందోళనకు పిలుపునిచ్చారు. అయితే ఈ నిరసనలకు ఢిల్లీ పోలీసులు అనుమతి నిరాకరించారు. ఈ నేపథ్యంలో భద్రతను కట్టుదిట్టం చేసి, నగరంలోకి వచ్చే వాహనాలను తనిఖీ చేస్తున్నారు. సీజేపీ మద్దతుదారుల్ని ఒక్కొక్కరిగా అదుపులోకి తీసుకుంటున్నారు. ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)లో అక్రమాలు జరిగాయని ఆరోపిస్తూ, ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా చేయాలని సీజేపీ డిమాండ్‌ చేస్తోంది. ఈ నిరసనకు అనుమతి కోరుతూ నిర్వాహకులు దరఖాస్తు చేసుకున్నప్పటికీ, భద్రతాపరమైన ఆందోళనలు, ముందస్తు నోటీసు గడువు పాటించకపోవడం, గత నిరసనల్లో నిబంధనల ఉల్లంఘనలను కారణాలుగా చూపుతూ పోలీసులు అనుమతి నిరాకరించారు. అయినప్పటికీ నిరసన చేపడతామని సీజేపీ నాయకులు ప్రకటించారు. ధృవ్‌ రాఠీ అరెస్ట్‌?.. దీప్కే కోసం..సీజేపీ వ్యవస్థాపకుడు అభిజిత్‌ దీప్కే శనివారం ఉదయం ముంబై నుంచి ఢిల్లీకి బయల్దేరారు. ‘ఎమర్జెన్సీ’ తరహా పరిస్థితులతో భయపెట్టాలని మోదీ ప్రభుత్వం చూస్తోందని.. నిరసనలకు అనుమతి లేకపోయినా వెనక్కి తగ్గబోమని ఆయన ప్రకటించారు. మరోవైపు, నిరసనలో పాల్గొనేందుకు విదేశాల నుంచి వచ్చిన యూట్యూబర్‌ ధృవ్‌ రాఠీ అరెస్ట్‌ అయినట్లు సమాచారం. గురుగ్రామ్‌లో పోలీసులు ఆయన్ని అదుపులోకి తీసుకున్నట్లు జాతీయ మీడియా కథనాలు పేర్కొన్నాయి. మరోవైపు.. ఈ నిరసనలకు మద్దతు తెలుపుతున్న ప్రకాశ్‌ రాజ్‌ను సైతం పోలీసులు అడ్డుకోవచ్చనే సమాచారం అందుతోంది. మరోవైపు దీప్కేను కూడా అరెస్ట్‌ చేయొచ్చనే ప్రచారం ఊపందుకుంది. నిరసనకారుల వరుస అరెస్టుల నేపథ్యంలో సీజేపీ శ్రేణులు అప్రమత్తం అయ్యాయి. STORY | YouTuber Dhruv Rathee detained by Delhi Police ahead of CJP protest: Sources YouTuber Dhruv Rathee was detained by Delhi Police from his residence in Gurugram's Sector 56 on Saturday ahead of the Cockroach Janta Party's (CJP) proposed protest at Jantar Mantar, police sources said. READ: https://t.co/xKTbD2i8AY— Press Trust of India (@PTI_News) October 10, 2026సరిహద్దుల్లో భారీ బందోబస్తునిరసన నేపథ్యంలో ఢిల్లీ అంతటా సుమారు 35 వేల మంది పోలీసులు, పారామిలటరీ సిబ్బందిని మోహరించారు. జంతర్‌ మంతర్‌తోపాటు ఎన్నికల సంఘం కార్యాలయం పరిసరాలు, రైల్వే స్టేషన్లు, బస్‌ టెర్మినళ్లు, నగర సరిహద్దుల్లో భద్రతను పెంచారు. ఇంటర్నెట్‌ స ఏవల్ని నిలిపివేశారు. ఢిల్లీలోకి ప్రవేశించే వాహనాలను క్షుణ్ణంగా తనిఖీ చేస్తున్నారు. డ్రోన్లు, సీసీటీవీ కెమెరాలు, ఇతర నిఘా వ్యవస్థల ద్వారా పరిస్థితిని పర్యవేక్షిస్తున్నారు. నిరసన ప్రభావంతో పలు మెట్రో స్టేషన్లలో రాకపోకలపై ఆంక్షలు విధించగా, రైళ్లను కూడా రద్దు చేశారు. ఇదీ చదవండి: ఎన్ని కేసులైనా పర్వాలేదు.. జైలుకైనా వెళ్తా

సీజేపీ ‘నీట్‌ నిరసనల’ నేపథ్యంలో కేంద్ర మంత్రి పదవికి రాజీనామా చేసిన ధర్మేంద్ర ప్రధాన్‌ మరోసారి వార్తల్లోకి ఎక్కారు. గత కొంతకాలంగా హస్తిన రాజకీయాల్లో పెద్దగా కనిపించని ఈ ఒడిశా ఎంపీ.. రాష్ట్ర రాజకీయాలపైనే దృష్టి సారించారు. మధ్య మధ్యలో విపక్షాలపై, కాంగ్రెస్‌ అగ్రనేత రాహుల్‌ గాంధీపైనా ఆయన విమర్శలు గుప్పిస్తున్నారు. ఈ క్రమంలో ఆయన చేసిన ఓ వ్యాఖ్య ఇప్పుడు ఆసక్తికరంగా మారింది. అమెరికాలో పనిచేస్తున్న భారతీయుల భవిష్యత్తుపై అనిశ్చితి నెలకొన్న వేళ ధర్మేంద్ర ప్రధాన్‌ కీలక వ్యాఖ్యలు చేశారు.విదేశాల్లో పనిచేస్తున్న భారతీయ నిపుణులు స్వదేశానికి తిరిగివస్తే దేశ సాంకేతిక రంగానికి మరింత బలం చేకూరుతుందన్న చర్చ మరోసారి తెరపైకి వచ్చింది. అమెరికాలో భారతీయ ఉద్యోగుల భవిష్యత్తుపై అనిశ్చితి నెలకొన్న నేపథ్యంలో ఈ అంశంపై రాజకీయ, పారిశ్రామిక వర్గాల్లోనూ స్పందనలు వ్యక్తమవుతున్నాయి. ఈ క్రమంలో జోహో వ్యవస్థాపకుడు శ్రీధర్‌ వెంబు ఇచ్చిన పిలుపుపై ధర్మేంద్ర ప్రధాన్‌ స్పందించారు. ‘‘మీతో ఏకీభవిస్తున్నా వెంబు గారూ’’ అంటూ సామాజిక మాధ్యమం ఎక్స్‌లో పోస్టు చేశారు. ప్రపంచవ్యాప్తంగా సాంకేతిక రంగం అభివృద్ధిలో భారతీయ ప్రతిభ గణనీయమైన పాత్ర పోషించిందని పేర్కొన్నారు. ప్రస్తుతం ఎదురవుతున్న సవాళ్లను దేశీయ సామర్థ్యాలను పెంచుకునే అవకాశంగా మలుచుకోవాలని సూచించారు.‘‘ప్రతి సవాలూ మన బలాన్ని మరింత పెంచుకోవడానికి, సామర్థ్యాలను విస్తరించుకోవడానికి, దేశంలో మరిన్ని ఆవిష్కరణలకు దోహదపడే అవకాశమే. మన ప్రతిభపై నమ్మకంతో పాటు స్వదేశీ సామర్థ్యాలను అభివృద్ధి చేసుకోవాలన్న నిబద్ధత ఉంటే.. సాంకేతిక రంగ భవిష్యత్తును తీర్చిదిద్దగలం’’ అని ధర్మేంద్ర ప్రధాన్‌ అభిప్రాయపడ్డారు.I agree with you, @SVembu Ji. Indian talent has made significant contributions to the advancement of technology across the world. Every challenge presents an opportunity to build on this strength, deepen our capabilities and foster greater innovation at home. With confidence in our talent and a commitment to building indigenous capabilities, we can help shape the future of technology. 🇮🇳— Dharmendra Pradhan (@dpradhanbjp) October 9, 2026‘అమెరికాకు ఇక మనం అక్కర్లేదంటున్నారు’అమెరికాలో వీసాలపై పనిచేస్తున్న భారతీయులు స్వదేశానికి తిరిగి రావాలని శ్రీధర్‌ వెంబు అంతకుముందు పిలుపునిచ్చారు. ‘‘అమెరికా సాంకేతిక పురోగతికి భారతీయులు ఎంతో కీలకమైన సహకారం అందించారు. అయినప్పటికీ అమెరికాలోని పెద్ద వర్గం ఇప్పుడు మనల్ని కోరుకోవడం లేదు’’ అని ఆయన ఎక్స్‌లో పేర్కొన్నారు. ఈ పరిస్థితిని కొత్త భవిష్యత్తుకు నాందిగా మలుచుకోవాలని, భారతీయ నిపుణులు తిరిగివచ్చి దేశాన్ని నిర్మించడంలో భాగస్వాములు కావాలని కోరారు.గ్రీన్‌కార్డు ప్రక్రియపై అనిశ్చితిఅమెరికాలోని పలు సాంకేతిక సంస్థలకు సంబంధించిన శాశ్వత నివాస అనుమతుల ప్రక్రియపై ఆంక్షలు, సస్పెన్షన్ల వార్తలు భారతీయ ఉద్యోగుల్లో ఆందోళన పెంచాయి. ముఖ్యంగా పర్మనెంట్‌ లేబర్‌ సర్టిఫికేషన్‌ (PERM) కార్యక్రమానికి సంబంధించిన పరిణామాలు చర్చకు దారితీశాయి. అమెరికాలో ఉద్యోగదాతల ద్వారా గ్రీన్‌కార్డు పొందే ప్రక్రియలో ఇది కీలకమైన దశ. ఈ పరిణామాలతో అక్కడ పనిచేస్తున్న విదేశీ నిపుణులు, ముఖ్యంగా భారతీయుల శాశ్వత నివాస ప్రక్రియపై అనిశ్చితి నెలకొంది. అయితే పీఈఆర్‌ఎం ప్రక్రియపై ఆంక్షలు విధించడం వల్ల ఇప్పటికే ఉన్న హెచ్‌-1బీ వీసాలన్నీ వెంటనే రద్దవుతాయని కాదు. కానీ, గ్రీన్‌కార్డు కోసం ముందుకు సాగే ప్రక్రియపై మాత్రం ప్రభావం పడే అవకాశం ఉంది.స్వదేశీ సాంకేతిక సామర్థ్యాలపై చర్చఅమెరికా సాంకేతిక రంగంలో భారతీయ నిపుణులు కీలక పాత్ర పోషిస్తున్న నేపథ్యంలో.. వారి అనుభవం, నైపుణ్యాలను దేశీయ పరిశ్రమల అభివృద్ధికి వినియోగించుకోవాలన్న చర్చ మరోసారి ముందుకొచ్చింది. విదేశాల్లో స్థిరపడిన ప్రతిభావంతులు స్వదేశానికి వస్తే పరిశోధన, ఆవిష్కరణలు, కొత్త సాంకేతిక సంస్థల అభివృద్ధికి తోడ్పడే అవకాశం ఉంటుంది. అయితే ఇందుకు తగిన ఉద్యోగావకాశాలు, పరిశోధన సదుపాయాలు, పారిశ్రామిక వాతావరణం కూడా అవసరం. శ్రీధర్‌ వెంబు చేసిన పిలుపునకు ధర్మేంద్ర ప్రధాన్‌ మద్దతు తెలపడం.. భారతీయ ప్రతిభను దేశ అభివృద్ధికి ఎలా వినియోగించుకోవాలన్న చర్చకు మరింత ప్రాధాన్యం తెచ్చింది. స్వదేశంలోనే ప్రపంచస్థాయి సాంకేతిక ఆవిష్కరణలకు అనుకూల వాతావరణం కల్పించాల్సిన అవసరాన్ని ఈ వ్యాఖ్యలు మరోసారి గుర్తుచేస్తున్నాయి.2026 మే 3న జరిగిన నీట్‌-యూజీ పరీక్షలో అక్రమాలు వెలుగుచూడటంతో దేశవ్యాప్తంగా నిరసనలు వెల్లువెత్తాయి. మే 12న పరీక్షను రద్దు చేశారు.సీబీఐ విచారణకు ఆదేశించినప్పటికీ, పరీక్షల నిర్వహణలో అవకతవకలకు బాధ్యత వహించాలని విద్యార్థి సంఘాలు, విపక్షాలు డిమాండ్‌ చేశాయి. జూన్‌ 6న ఢిల్లీలోని జంతర్‌ మంతర్‌ వద్ద సీజేపీ (కాక్రోచ్‌ జనతా పార్టీ) ఆధ్వర్యంలో ప్రధాన్‌ రాజీనామా కోరుతూ నిరసనలు ప్రారంభమయ్యాయి. వారాలపాటు సాగిన ఆందోళనలు, విద్యా వ్యవస్థలో సంస్కరణల కోసం వచ్చిన డిమాండ్లు, విపక్షాల నుంచి కూడా ప్రధాన్‌ రాజీనామా డిమాండ్‌.. కేంద్రంపై ఒత్తిడి పెంచాయి. ఈ నేపథ్యంలో విద్యార్థుల భవిష్యత్తు, దేశ ఐక్యతను దృష్టిలో ఉంచుకుని పదవి నుంచి తప్పుకుంటున్నట్లు జులై 25న ఆయన ప్రకటించారు. ఆ తర్వాత ఆయన స్థానంలో ప్రహ్లాద్‌ జోషిని విద్యాశాఖ మంత్రిగా నియమించారు.ఇదీ చదవండి: జెన్‌జీకి భయపడే ఎమర్జెన్సీ విధింపు!

దేశ రాజధాని ఢిల్లీలో రాజకీయ నిరసనల నేపథ్యంలో కేంద్ర హోం శాఖ అప్రమత్తమైంది. జంతర్‌ మంతర్‌ వద్ద సీజేపీ (CJP) తలపెట్టిన ధర్నా నేపథ్యంలో ఢిల్లీ సరిహద్దు రాష్ట్రాల ప్రభుత్వ ప్రధాన కార్యదర్శులకు కేంద్రం కీలక సూచనలు జారీ చేసింది. శాంతిభద్రతల సమస్యలు తలెత్తకుండా అత్యంత అప్రమత్తంగా వ్యవహరించాలని ఆదేశించింది. ఇందుకోసం ఢిల్లీ పోలీసులతో సమన్వయం చేసుకోవాలని సూచించింది.ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తూ సీజేపీ జంతర్‌ మంతర్‌ వద్ద ధర్నాకు పిలుపునిచ్చింది. అయితే ఈ నిరసనకు ఢిల్లీ పోలీసులు అనుమతి నిరాకరించారు. అయినప్పటికీ వివిధ రాష్ట్రాల నుంచి సీజేపీ సభ్యులు, మద్దతుదారులు ఢిల్లీలోకి ప్రవేశించేందుకు ప్రయత్నించే అవకాశముందని కేంద్ర హోం శాఖకు నిఘా వర్గాల నుంచి సమాచారం అందినట్లు వార్తా కథనాలు పేర్కొన్నాయి. ఈ నేపథ్యంలోనే ముందస్తు చర్యలు చేపట్టాలని హోం మంత్రి అమిత్‌ షా కార్యాలయం వివిధ రాష్ట్రాల సీఎస్‌లకు ఆదేశాలు జారీ చేసింది.ఢిల్లీకి వెళ్లే సరిహద్దు మార్గాల్లో పోలీసుల నిఘా పెంచాలని కేంద్రం ఇప్పటికే సూచించింది. నిరసనల్లో పాల్గొనేందుకు వివిధ రాష్ట్రాల నుంచి వచ్చే వ్యక్తుల కదలికలను గమనించాలని, శాంతిభద్రతలకు విఘాతం కలిగించే అవకాశాలపై ముందస్తు సమాచారాన్ని సేకరించాలని ఆదేశించింది. ఆకతాయిలు, అరాచక శక్తుల కదలికలపై ప్రత్యేక దృష్టి సారించాలని పేర్కొంది. రాష్ట్రాలు, కేంద్ర పాలిత ప్రాంతాల పోలీసులు ఢిల్లీ పోలీసులతో ఎప్పటికప్పుడు సమాచారాన్ని పంచుకోవాలని సూచించింది.శాంతిభద్రతల పరిరక్షణే లక్ష్యంనిరసనల సందర్భంగా ప్రజా శాంతికి విఘాతం కలగకుండా, కీలక ప్రాంతాలు, మౌలిక సదుపాయాలకు ఎలాంటి ఇబ్బందులు తలెత్తకుండా చర్యలు తీసుకోవాలని కేంద్రం స్పష్టం చేసింది. అందుబాటులో ఉన్న చట్టపరమైన నిబంధనల పరిధిలోనే నివారణ చర్యలు చేపట్టాలని సూచించింది. రాష్ట్రాల మధ్య, ఢిల్లీ పోలీసులతో సమన్వయం నిరంతరం కొనసాగించాలని ఆదేశించింది. ఢిల్లీలో నిరసనల నేపథ్యంలో కేంద్రం భద్రతా ఏర్పాట్లపై ప్రత్యేకంగా దృష్టి సారించినట్లు తాజా పరిణామాలు వెల్లడిస్తున్నాయి.Delhi: A heavy police force has been deployed at Janpath Gol Chakkar. Security has been tightened on the road leading towards Janpath Metro Station, while Delhi Police have also put up barricades on Feroz Shah Road towards Mandi House. https://t.co/XtmSKa1pLC— IANS (@ians_india) October 10, 2026ఇదీ చదవండి: జంతర్‌ మంతర్‌కు జస్ట్‌ 1000 మందే!

ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)పై రాజకీయ పోరు మరింత ఉధృతమైంది. అర్హులైన ఓటర్ల పేర్లను తొలగిస్తున్నారంటూ ఎన్నికల సంఘంపై ఆరోపణలు చేస్తున్న ప్రతిపక్షాలు.. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌కు వ్యతిరేకంగా నిరసనలను కొనసాగిస్తున్నాయి. వరుస ఆందోళనలతో దేశ రాజధాని ఢిల్లీ రాజకీయంగా వేడెక్కింది. ఇప్పటికే మూడు రోజులుగా నిరసనలు చేపట్టిన విపక్ష ఎంపీలు.. నాలుగో రోజూ తమ ఆందోళనలను కొనసాగించేందుకు సిద్ధమయ్యారు. ఈ క్రమంలో.. ఎస్‌ఐఆర్‌ అంశంపై తదుపరి కార్యాచరణను ఖరారు చేసేందుకు విపక్ష ఎంపీలు నేడు మధ్యాహ్నం పార్లమెంట్‌ సెంట్రల్‌ హాల్‌లో సమావేశం కానున్నారు. అనంతరం ఇండియా కూటమి నేతల బృందం రాష్ట్రపతి ద్రౌపది ముర్మును కలిసి తమ అభ్యంతరాలను వివరించనుంది. ఓటర్ల జాబితా నుంచి అర్హులైన వారి పేర్ల తొలగింపు, ఎన్నికల సంఘం వ్యవహారశైలిపై ఫిర్యాదు చేయడంతోపాటు సీఈసీ జ్ఞానేశ్‌ కుమార్‌ను పదవి నుంచి తొలగించాలని డిమాండ్‌ చేసే అవకాశం ఉంది. ఈ భేటీకి సంబంధించి పది మంది నేతల బృందం రాష్ట్రపతికి వినతిపత్రం సమర్పించనున్నట్లు సమాచారం.రేపు జంతర్‌ మంతర్‌ వద్ద సీజేపీ ఆందోళనమరోవైపు, సీఈసీ రాజీనామా డిమాండ్‌తో కాక్రోచ్‌ జనతా పార్టీ(సీజేపీ) రేపు జంతర్‌ మంతర్‌ వద్ద నిరసనకు పిలుపునిచ్చింది. విద్యార్థి సంఘాలు, ఇతర సంస్థలు కూడా ఈ ఆందోళనకు మద్దతు ప్రకటించాయి. అయితే, నిరసనకు పోలీసుల అనుమతి విషయంలో స్పష్టత లేకపోయినా కార్యక్రమాన్ని కొనసాగిస్తామని సీజేపీ ప్రతినిధులు చెబుతున్నారు. నిరసనకు ముందు తమ కార్యకర్తలను అదుపులోకి తీసుకుంటున్నారని ఆ సంస్థ ఆరోపించగా, ఈ పరిణామాలు ఢిల్లీలో ఉద్రిక్తతలను పెంచాయి.భారీ భద్రతవరుస నిరసనలు, రేపటి ఆందోళన నేపథ్యంలో ఢిల్లీలో భద్రతను కట్టుదిట్టం చేశారు. సుమారు 20 వేల మంది పోలీసులను మోహరించినట్లు వార్తా కథనాలు పేర్కొన్నాయి. నిరసనకారుల కదలికలపై నిఘా పెంచడంతోపాటు రద్దీ ప్రాంతాల్లో అదనపు బలగాలను అందుబాటులో ఉంచారు. ఆందోళనల కారణంగా న్యూఢిల్లీ పరిధిలో ట్రాఫిక్‌ అంతరాయాలు ఏర్పడే అవకాశం ఉండటంతో వాహనదారులు ప్రత్యామ్నాయ మార్గాలను ఎంచుకోవాలని అధికారులు సూచిస్తున్నారు.మద్యం దుకాణాలు బంద్‌మరో కీలక పరిణామంగా.. ఢిల్లీలో అక్టోబర్‌ 9, 10 తేదీల్లో అన్ని రిటైల్‌ మద్యం దుకాణాలను మూసివేయాలని ప్రభుత్వం ఆదేశించింది. పోలీసుల నుంచి అందిన సమాచారం ఆధారంగా శాంతిభద్రతలను కాపాడేందుకు ముందస్తు చర్యగా ఈ నిర్ణయం తీసుకున్నట్లు ఎక్సైజ్‌ శాఖ తెలిపింది. ఎస్‌ఐఆర్‌పై భిన్న వాదనలుఎస్‌ఐఆర్‌ ద్వారా పశ్చిమ బెంగాల్‌లో అర్హులైన ఓటర్ల పేర్లు తొలగిపోయాయని ప్రతిపక్షాలు ఆరోపిస్తున్నాయి. ముఖ్యంగా మహిళలు, ముస్లిం వర్గాలపై ఈ ప్రభావం ఎక్కువగా ఉందని విమర్శిస్తున్నాయి. బీఆర్‌ఎస్‌ నేత కేటీఆర్‌ సహా పలువురు విపక్ష నేతలు సీఈసీ రాజీనామాతోపాటు ఈ వ్యవహారంపై సుప్రీంకోర్టు పర్యవేక్షణలో విచారణ జరగాలని కోరుతున్నారు.అయితే, ఎన్నికల సంఘం ఎస్‌ఐఆర్‌ను ఓటర్ల జాబితాలో నకిలీ, పునరావృత, మరణించిన వారి పేర్లను తొలగించే ప్రక్రియగా సమర్థిస్తోంది. మరోవైపు 42 మంది మాజీ న్యాయమూర్తులు కూడా ఎన్నికల సంఘానికి మద్దతుగా బహిరంగ లేఖ విడుదల చేసి, ఆరోపణలు చేసేవారు ఆధారాలను సమర్పించాలని సూచించారు. ఈ నేపథ్యంలో ఓటర్ల జాబితా సవరణపై మొదలైన వివాదం ఇప్పుడు ఎన్నికల సంఘం నాయకత్వంపై రాజకీయ పోరుగా మారింది.ఇదీ చదవండి: దేశం కంటే జ్ఞానేశ్‌ కుమార్‌ గొప్ప?

భర్తకు దూరంగా మరో ఊరిలో ఉంటోంది ఆ పోలీస్‌ అధికారిణి. ఇద్దరు బిడ్డలతో అద్దె ఇంట్లో దిగింది. కానీ, ఇల్లు నడవడం ఆమెకు తెగ ఇబ్బందిగా అనిపించిందట. అందుకే.. ఓ నిర్ణయం తీసుకుంది. ‘అందుకు రూల్స్‌ ఒప్పుకోవు మేడమ్‌’ అని సిబ్బంది వారించినా వినలేదు. మొండిగా ముందుకు వెళ్లింది. కానీ గంటల వ్యవధిలోనే ఆమె వ్యవహారం ఉన్నతాధికారులకు తెలిసిపోయింది. అప్పటి నుంచి తప్పించుకుంటూ తిరిగిన ఆమెను ఎట్టకేలకు పోలీసులు అరెస్ట్‌ చేశారు.దివ్య చౌద్రీ (37) రాజస్థాన్‌లోని అజ్మీర్‌ సెంట్రల్‌ జైలులో జైలర్‌గా విధులు నిర్వహిస్తున్నారు. అయితే, ఇప్పుడు పరిస్థితి తలకిందులైంది. ఖైదీలను పర్యవేక్షించాల్సిన ఆమెనే అదే జైలులో రిమాండ్‌ ఖైదీగా ఉండాల్సి వచ్చింది. దివ్య భర్త కూడా జైలు శాఖలో పనిచేస్తున్నారు. ఆయన కోటాలో విధులు నిర్వహిస్తుండటంతో.. దివ్య మాత్రం తన ఇద్దరు చిన్నారులతో కలిసి అజ్మీర్‌లోని అద్దె ఇంట్లో ఉంటున్నారు. ఉద్యోగ బాధ్యతలతో పాటు పిల్లల సంరక్షణ, ఇంటి పనులను చక్కబెట్టుకోవడం కష్టంగా మారడంతో.. ఇంట్లో సాయం కోసం ఆమె ప్రయత్నించారు. అయితే, అందుకోసం ఎంచుకున్న మార్గమే చివరకు ఆమెను చిక్కుల్లో పడేసింది.గేటు వద్ద సిబ్బంది అభ్యంతరంఇంటి పనుల కోసం జైలు ఖైదీలను ఉపయోగించుకోవాలని ఆమె అనుకున్నారు. కిరణ్‌ అలియాస్‌ సేథా, సనా అనే ఇద్దరు మహిళా ఖైదీలను వెంటబెట్టుకుని జైలు నుంచి బయటకు వెళ్లేందుకు దివ్య ప్రయత్నించారు. కిరణ్‌ జీవిత ఖైదు అనుభవిస్తుండగా.. సనా విచారణ ఖైదీగా ఉన్నారు. అయితే మహిళా జైలు ప్రధాన గేటు వద్ద విధుల్లో ఉన్న సిబ్బంది దీనిపై అభ్యంతరం తెలిపారు. అయినప్పటికీ దివ్య, ఆమె సహోద్యోగి, కానిస్టేబుల్‌ సోనియా చౌద్రీలు సిబ్బందిని బెదిరించి మరి వాళ్లను తీసుకెళ్లారు.ఖైదీలను బయటకు తీసుకెళ్లిన విషయం కొద్దిసేపటికే ఉన్నతాధికారులకు తెలిసింది. దీంతో ఆ ఇద్దరు మహిళా ఖైదీలు గంటా రెండు గంటల వ్యవధిలోనే తిరిగి జైలుకు చేరుకున్నారు. అయితే అప్పటికే ఈ వ్యవహారం అధికారుల దృష్టికి వెళ్లింది. ఖైదీలను వ్యక్తిగత పనుల కోసం బయటకు తీసుకెళ్లడం చట్టవిరుద్ధం కావడంతో అధికారులకు చర్యలకు దిగారు.కేసు నమోదు.. పరారీజైలు సిబ్బంది ఫిర్యాదు, అంతర్గత విచారణ ఆధారంగా ఆగస్టు 5న అజ్మీర్‌లోని సివిల్‌ లైన్స్‌ పోలీస్‌ స్టేషన్‌లో కేసు నమోదైంది. జైలు గార్డు మహిపాల్‌ మంగ్లోడా ఇచ్చిన నివేదికతో దర్యాప్తు ప్రారంభించారు. అయితే కేసు నమోదైన తర్వాత దివ్య అరెస్టు నుంచి తప్పించుకునేందుకు పరారైంది. ఆమె కోసం సివిల్‌ లైన్స్‌ పోలీస్‌ స్టేషన్‌ ఎస్‌హెచ్‌వో శంభు సింగ్‌ ఆధ్వర్యంలో ప్రత్యేక పోలీసు బృందాన్ని ఏర్పాటు చేశారు. సీసీటీవీ దృశ్యాలు, సాంకేతిక ఆధారాలు, ఇతర రికార్డులను పరిశీలించారు. సైబర్‌ సెల్‌ సాయంతో ఆమె ఆచూకీ కోసం గాలించారు. చివరకు అక్టోబర్‌ 6న కోటా జిల్లాలోని ఓ నివాస ఫ్లాట్‌లో ఆమెను అరెస్టు చేశారు. అక్కడ ఆమె భర్త అద్దెకు ఉంటున్నట్లు పోలీసులు వెల్లడించారు.చివరకు అదే జైలులో..తన ఇంటిని శుభ్రం చేసేందుకు సాయం కావాలని మాత్రమే కోరుకున్నానని, ఇందుకోసం ఓపెన్‌ జైలులోని మహిళలను తీసుకురావాలని తన కింద పనిచేసే సోనియాకు చెప్పానని, కానీ, ఆమె మాత్రం అలా చేసిందని దివ్య తన వాదనలో పేర్కొంది. ఖైదీల భద్రత, క్రమశిక్షణను పర్యవేక్షించాల్సిన జైలర్‌.. నిబంధనల ఉల్లంఘన ఆరోపణలతో అరెస్టయ్యారు. ఒకప్పుడు ఖైదీలకు కాపలాగా ఉన్న ఆమె ఇప్పుడు అదే అజ్మీర్‌ సెంట్రల్‌ జైలులో ఖైదీగా ఉండాల్సిన పరిస్థితి ఏర్పడింది.ఇదీ చదవండి: అమ్మ మధుమితా.. నువ్వూ దొంగవేనా?

భారత్‌లో తన స్టార్‌లింక్‌ శాటిలైట్‌ ఇంటర్నెట్‌ సేవలకు అనుమతులు రావడం లేదంటూ టెక్‌ దిగ్గజం ఎలాన్‌ మస్క్‌ చేసిన వ్యాఖ్యలు రాజకీయ దుమారం రేపుతున్నాయి. దేశంలో అంబానీనే(ముకేశ్‌ అంబానీని ఉద్దేశించి) అసలు బాస్‌నా? అంటూ ఆయన సంధించిన ప్రశ్న ఒక్కసారిగా కలకలం రేపింది. అయితే ఈ ప్రశ్నకు కాంగ్రెస్‌ అగ్రనేత, లోక్‌సభలో ప్రతిపక్ష నేత రాహుల్‌ గాంధీ స్పందించగా.. వాళ్లిద్దరి మధ్య సంభాషణ ఆసక్తికరంగా సాగింది.‘భారత్‌కు స్వాగతం ఎలాన్‌.. ఇంకో వ్యక్తి గురించి తెలుసుకునే వరకు వేచి చూడండి’ అంటూ ఎక్స్‌ వేదికగా రాహుల్‌ గాంధీ బదులిచ్చారు. దానికి మస్క్‌ స్పందిస్తూ.. ఇది నిజంగా ఆందోళనకరం అని అన్నారు. అయితే రాహుల్‌ ఎవరిపేరూ ప్రస్తావించకపోయినా.. ఆయన వ్యాఖ్యలు పారిశ్రామికవేత్త గౌతమ్‌ అదానీని ఉద్దేశించినవేనని రాజకీయ వర్గాల్లో చర్చ జరుగుతోంది.మస్క్‌ ఏమన్నారంటే..భారత్‌లో స్టార్‌లింక్‌ సేవలు ప్రారంభించేందుకు అనుమతులు ఎందుకు ఆలస్యమవుతున్నాయంటూ మస్క్‌ ప్రశ్నించారు. 165కి పైగా దేశాల్లో లైసెన్సులు పొందిన తమ సంస్థ.. భారత ప్రభుత్వ నిబంధనలను పాటించేందుకు ఐదేళ్లుగా ప్రయత్నిస్తున్నా ఇంకా అనుమతి ఎందుకు రాలేదని నిలదీశారు. ‘భారత్‌లో అసలు బాస్‌ అంబానీనా?’ అంటూ ముఖేశ్‌ అంబానీని ఉద్దేశించి ప్రశ్నించారు.అంతకుముందు కూడా భారత్‌లో తమ సంస్థ ప్రవేశాన్ని కొందరు శక్తిమంతమైన వ్యాపారవేత్తలు అడ్డుకుంటున్నారని మస్క్‌ ఆరోపించారు. తమ గుత్తాధిపత్యాన్ని కాపాడుకునేందుకే ఈ ప్రయత్నాలు జరుగుతున్నాయని విమర్శించారు. దేశ ప్రజలకు ప్రయోజనం కల్పించడం కంటే కొందరు వ్యాపారవేత్తల ప్రయోజనాలకే ప్రాధాన్యం ఇస్తున్నారంటూ వచ్చిన ఓ పోస్టును షేర్‌ చేస్తూ ఆయన ఈ వ్యాఖ్యలు చేశారు.Thank you, Rahul. This is indeed troubling.— Elon Musk (@elonmusk) October 8, 2026‘ఇది నిజంగా ఆందోళనకరం’మస్క్‌ వ్యాఖ్యలపై స్పందించిన రాహుల్‌ గాంధీ.. ‘వెల్‌కమ్‌ టు ఇండియా, ఎలాన్‌. మరో వ్యక్తి గురించి తెలుసుకునే వరకు వేచి చూడండి’ అని పేర్కొన్నారు. దీనికి మస్క్‌ కూడా స్పందించారు. ‘థాంక్యూ, రాహుల్‌. ఇది నిజంగా ఆందోళనకరమైన విషయం’ అంటూ బదులిచ్చారు.అయితే, రాహుల్‌ తన పోస్టులో ఎవరి పేరునూ ప్రస్తావించలేదు. అదానీకి కేంద్రంలోని బీజేపీ ప్రభుత్వంతో సన్నిహిత సంబంధాలున్నాయని, ఆయనకు అనుకూలంగా వ్యవహరిస్తున్నారని కాంగ్రెస్‌ గతంలో పలుమార్లు ఆరోపించింది. ఈ నేపథ్యంలో రాహుల్‌ వ్యాఖ్యలు అదానీని ఉద్దేశించినవిగా భావిస్తున్నారు.కేంద్రం ఏమంటోందంటే..మస్క్‌ ఆరోపణలను కేంద్ర ప్రభుత్వం తోసిపుచ్చింది. శాటిలైట్‌ ఇంటర్నెట్‌ సేవలకు అనుమతుల ప్రక్రియ నిష్పక్షపాతంగా, వివక్ష లేకుండా కొనసాగుతోందని స్పష్టం చేసింది. ఈ ప్రక్రియ అన్యాయంగా లేదా వివక్షాపూరితంగా ఉందన్న వాదనకు ఆధారాలు లేవని కేంద్ర సమాచార, ప్రసార వ్యవస్థల మంత్రిత్వ శాఖ పేర్కొంది.ప్రస్తుతం మస్క్‌కు చెందిన స్టార్‌లింక్‌, రిలయన్స్‌ జియోకు చెందిన జియో శాట్‌కామ్‌, భారతి మద్దతున్న యూటెల్‌శాట్‌ వన్‌వెబ్‌ సంస్థలకు లైసెన్సులు ఉన్నాయి. అయితే, అవసరమైన భద్రతా తనిఖీలు, స్పెక్ట్రమ్‌కు సంబంధించిన అనుమతులు పూర్తయ్యే వరకు ఏ సంస్థా వాణిజ్య సేవలను ప్రారంభించలేవని ప్రభుత్వం అంటోంది. అయినప్పటికీ మస్క్‌ మాత్రం పరోక్షంగా భారత ప్రభుత్వం ఇక్కడి ఒకట్రెండు కార్పొరేట్‌ శక్తుల చేతితో బంధీ అయ్యిందన్న రీతిలో ఆరోపణలు గుప్పిస్తున్నారు.ఇదీ చదవండి: గద్దె దిగకపోతే ప్రజలే దించుతరు

సాక్షి, న్యూఢిల్లీ: ఎన్నికల సంఘాన్ని అడ్డుపెట్టుకుని దొడ్డిదారిన అధికారాన్ని నిలబెట్టుకునేందుకు ప్రయతి్నస్తే ప్రజలు తిరుగుబాటు చేస్తారని ముఖ్యమంత్రి రేవంత్‌రెడ్డి హెచ్చరించారు. ఈడీ, ఆదాయపు పన్ను శాఖ, సీబీఐ దాడులు ఇకపై బీజేపీ ప్రభుత్వాన్ని ఏమాత్రం రక్షించలేవన్నారు. సీఈసీ జ్ఞానేశ్‌కుమార్‌ను ప్రధానమంత్రి నరేంద్ర మోదీ వెంటనే బర్తరఫ్‌ చేయాలని డిమాండ్‌ చేశారు. లేని పక్షంలో గద్దె దిగాలని, లేకపోతే ప్రజలే గద్దె దించుతారని అన్నారు.ఓట్‌ బచావో..దేశ్‌ బచావో ఉద్యమంలో భాగంగా లోక్‌సభలో విపక్ష నేత రాహుల్‌గాంధీ, కాంగ్రెస్‌ అధ్యక్షుడు మల్లికార్జున ఖర్గే, కాంగ్రెస్‌ సీనియర్‌ నేతలు ప్రియాంకాగాం«దీ, కేసీ వేణుగోపాల్, ఇతర ఇండియా కూటమి నేతలు గురువారం మహాత్మా గాంధీ సమాధి రాజ్‌ఘాట్‌ వరకు ప్రదర్శన నిర్వహించారు. వారితో కలిసి అక్కడ నివాళులర్పించిన తర్వాత రేవంత్‌రెడ్డి విలేకరులతో మాట్లాడారు.ఓట్లు లాక్కోవడానికి ప్రధాని, జ్ఞానేశ్‌ ప్రయత్నం‘ఓట్‌ బచావో..దేశ్‌ బచావో ఉద్యమం కాంగ్రెస్‌ పార్టీ పోరాటం కోసమో, ఇండియా కూటమి కోసమో కాదు. ఇది దేశంలోని సామాన్యుల హక్కుల పరిరక్షణ ఉద్యమం. 2014 ఎన్నికల నాటికి దేశంలో 81 కోట్ల మంది ఓటర్లు ఉన్నారు. 2019 నాటికి ఆ సంఖ్య 91 కోట్లకు చేరింది. 2024 నాటికి 97 కోట్ల మంది ఓటర్లు ఉన్నారు. దేశ జనాభా 140 కోట్లకు చేరుకుంది. ఓటర్ల సంఖ్య మరింతగా పెరగాల్సింది పోయి ఏకంగా 13 కోట్ల ఓట్లు గల్లంతు అయ్యాయి? అవి ఎలా తగ్గిపోయాయో ప్రధానమంత్రి నరేంద్ర మోదీ దేశ ప్రజలకు చెప్పాలి. ఇప్పటివరకు స్పెషల్‌ ఇంటెన్సివ్‌ రివిజన్‌ (ఎస్‌ఐఆర్‌) ఎన్నిసార్లు జరిగినా పేదల ఓట్లకు ముప్పు కలగలేదు. ఇప్పుడు మాత్రం రాజ్యాంగం కల్పించిన ఓటు హక్కును అణగారిన వర్గాల నుంచి గుంజుకునేందుకు ప్రధాని మోదీ, సీఈసీ జ్ఞానేశ్‌కుమార్‌ ప్రయత్నిస్తున్నారు. ఎన్నికల సంఘం తప్పులను ప్రశ్నిస్తున్న ప్రతిపక్ష నేతలపై పోలీసులతో దాడులు చేయించడం, ఫిర్యాదు చేసేందుకు వెళ్లిన నేతలను ఎన్నికల సంఘం కలవకపోవడం వెనుక పెద్ద కుట్ర దాగి ఉంది.బీజేపీని వ్యతిరేకించే వారి ఓట్లే లక్ష్యం కులం, మతం, ప్రాంతం, భాషల పేరుతో దేశ ప్రజలను విభజించి బీజేపీ అధికారంలోకి వచి్చంది. దేశ ప్రజలను ఓటు ఉన్నవాళ్లు, ఓటు లేనివాళ్లని, రెండు వర్గాలుగా విభజిస్తున్నారు. బీజేపీకి అనుకూలంగా ఉన్న వాళ్లు ఒకవైపు, వ్యతిరేకంగా ఉన్న పేదలు మరోవైపు అన్నట్లుగా మోదీ, జ్ఞానేశ్‌కుమార్‌ పరిస్థితులను మార్చారు. బీజేపీకి వ్యతిరేకంగా తీర్పునిచ్చే దళితులు, గిరిజనులు, ఆదివాసీలు, మైనారిటీ ఓట్లను లక్ష్యంగా చేసుకుని వాటిని తొలగిçస్తున్నారు..’అని సీఎం ధ్వజమెత్తారు.రాహుల్‌ వెంటే సీఎం..గురువారం మధ్యాహ్నం మోట్స్‌ హోటల్‌లో ఇండియా కూటమి లంచ్‌ మీటింగ్‌ నిర్వహించగా, ఆ ప్రాంతంలో విపరీతమైన ట్రాఫిక్‌ జామ్‌ అయింది. దీంతో ఈ సమావేశానికి వచ్చిన రేవంత్‌రెడ్డి సుమారు కిలోమీటరు దూరంలోనే తన కాన్వాయ్‌ నుంచి దిగారు. రాష్ట్ర ఎంపీలు మల్లు రవి, చామల కిరణ్‌కుమార్‌రెడ్డి, గడ్డం వంశీకృష్ణ, బలరాం నాయక్‌ లతో కలిసి నడుచుకుంటూ వచ్చి సమావేశానికి హాజరయ్యారు. అనంతరం అగ్రనేతలు ఖర్గే, రాహుల్, ప్రియాంకాగాంధీలతో కలిసి ఒకే బస్సులో రాజ్‌ఘాట్‌కు వెళ్లారు. అక్కడ నిర్వహించిన ధర్నాలో పాల్గొన్నారు.ఇదీ చదవండి: సైబర్‌ మోసాల కట్టడికి గ్లోబల్‌ ఫ్రేమ్‌వర్క్‌

వీడీ సతీశన్‌ నేతృత్వంలోని కేరళ సర్కార్‌ విప్లవాత్మక నిర్ణయం దిశగా అడుగులేస్తోంది. దేశంలోనే తొలిసారిగా సినిమా రంగానికి కొత్త గుర్తింపు ఇచ్చే ప్రయత్నం చేస్తోంది. ఇది దాదాపు తుది దశకు చేరుకుంది. ఇప్పటివరకు కళా, సాంస్కృతిక రంగంగా ఉన్న మలయాళ సినిమా.. ‘ఇండస్ట్రీ’ గుర్తింపు దక్కించుకోనుంది. ఇందుకు సంబంధించిన విధాన ముసాయిదా సిద్ధం కాగా శాఖల మధ్య సంప్రదింపులు కొనసాగుతున్నాయి. ఈ నెలలోనే ప్రతిపాదనను కేబినెట్‌ ముందుకు తీసుకెళ్లే అవకాశం ఉంది.మలయాళ సినిమాకు ఇండస్ట్రీ హోదా ఇవ్వాలన్న ఆలోచన ఇప్పుడే పుట్టింది కాదు. గత పినరయి విజయన్‌ నేతృత్వంలోని ఎల్‌డీఎఫ్‌ ప్రభుత్వం హయాంలోనే దీనికి సంబంధించిన కసరత్తు మొదలైంది. 2024లో సమగ్ర ఫిల్మ్‌ పాలసీ రూపొందించేందుకు కేరళ ప్రభుత్వం రూ.కోటి కేటాయించింది. సినిమా నిర్మాణం, పంపిణీ, ప్రదర్శన రంగాల్లోని సమస్యలను అధ్యయనం చేసి విధానాన్ని రూపొందించేందుకు కన్సల్టెన్సీని కూడా నియమించింది.ఆ తర్వాత 2025 ఆగస్టులో కేరళ ఫిల్మ్‌ పాలసీ కాన్‌క్లేవ్‌ నిర్వహించారు. ముఖ్యమంత్రి పినరయి విజయన్‌ ప్రారంభించిన ఈ రెండు రోజుల సదస్సుకు సినీ రంగానికి చెందిన 500 మందికిపైగా ప్రతినిధులు హాజరయ్యారు. పరిశ్రమ భవిష్యత్తు, కార్మికుల హక్కులు, మహిళల భద్రత, సినిమా రంగానికి అవసరమైన విధానపరమైన మార్పులపై విస్తృతంగా చర్చించారు.92 సిఫారసులతో ఫిల్మ్‌ పాలసీఈ కసరత్తు కొనసాగి.. 2026 మార్చిలో కేరళ కేబినెట్‌ సమగ్ర స్టేట్‌ ఫిల్మ్‌ పాలసీకి ఆమోదం తెలిపింది. మొత్తం 92 సిఫారసులు, ప్రతిపాదనలతో ఈ పాలసీని రూపొందించారు. సినిమా రంగాన్ని మరింత ప్రొఫెషనల్‌గా తీర్చిదిద్దడం, నటీనటులు, సాంకేతిక నిపుణులు, కార్మికుల హక్కులకు రక్షణ కల్పించడం, మహిళలకు సురక్షితమైన పని వాతావరణం కల్పించడం వంటి అంశాలకు ఇందులో ప్రాధాన్యం ఇచ్చారు.అంతేకాదు.. సినిమాను ఒక పరిశ్రమగా గుర్తించాలన్న ప్రతిపాదన కూడా ఈ ఫిల్మ్‌ పాలసీలోనే ఉంది. అంటే ఇప్పుడు ప్రభుత్వం తీసుకుంటున్న చర్యకు ఇప్పటికే రూపొందిన విధానపరమైన పునాది ఉంది.బడ్జెట్‌లోనే కీలక ప్రకటనప్రస్తుత వీడీ సతీశన్‌ నేతృత్వంలోని యూడీఎఫ్‌ ప్రభుత్వం 2026–27 బడ్జెట్‌లో సినిమా రంగానికి ఇండస్ట్రీ స్టేటస్‌ కల్పించే ప్రతిపాదనను ప్రకటించింది. కొచ్చిలో జేసీ డేనియల్‌ ఇంటర్నేషనల్‌ ఫిల్మ్‌ సిటీ ఏర్పాటుకు రూ.100 కోట్లు కేటాయించింది. అంతర్జాతీయ స్థాయి సినిమా నిర్మాణాలను కేరళకు ఆకర్షించడం, ఫిల్మ్‌ సెక్టార్‌కు మౌలిక వసతులు కల్పించడం, యాంటీ పైరసీ వ్యవస్థను బలోపేతం చేయడం వంటి ప్రతిపాదనలతో ఈ ప్రాజెక్టును అనుసంధానించింది.ఇప్పుడు తాజాగా ఇండస్ట్రీ స్టేటస్‌కు సంబంధించిన పాలసీ ఫ్రేమ్‌వర్క్‌ సిద్ధం కావడంతో ఈ ప్రక్రియ మరో కీలక దశకు చేరుకుంది. వివిధ శాఖల మధ్య సంప్రదింపులు జరుగుతున్నాయి. ఈ నెలలోనే ప్రతిపాదనను కేబినెట్‌ ముందుకు తీసుకెళ్లాలని ప్రభుత్వం భావిస్తోంది.హోదా వస్తే ఏం మారుతుంది?ఇండస్ట్రీ స్టేటస్‌ వల్ల కేవలం పేరుకు గుర్తింపు రావడం కాకుండా.. సినిమా రంగానికి ఆర్థిక, పరిపాలనా వెసులుబాట్లు కల్పించడమే ప్రధాన ఉద్దేశంగా కనిపిస్తోంది. ప్రస్తుతం నిర్మాతలు ఎదుర్కొంటున్న కీలక సమస్యల్లో నిధుల సమీకరణ ఒకటి. ఇండస్ట్రీ హోదా వస్తే వాణిజ్య బ్యాంకులు, ఇతర ఆర్థిక సంస్థల నుంచి సినిమా నిర్మాణానికి రుణాలు పొందే అవకాశాలు మెరుగుపడతాయని నిర్మాత జి. సురేశ్‌ కుమార్‌ చెబుతున్నారు.అదే సమయంలో షూటింగ్‌లకు అనుమతులు, స్థానిక సంస్థల నిబంధనలు, విద్యుత్‌ చార్జీలు, పన్నులు వంటి అంశాలపైనా ప్రభుత్వం పరిశీలన చేస్తోంది. వివిధ శాఖలు, స్థానిక సంస్థల చుట్టూ తిరగాల్సిన అవసరం తగ్గించేలా సింగిల్‌ విండో విధానం తీసుకురావాలన్న డిమాండ్‌ కూడా ఉంది.కార్మికులకూ రక్షణఇండస్ట్రీ స్టేటస్‌ చర్చ కేవలం నిర్మాతలు, పెద్ద నిర్మాణ సంస్థలకు పరిమితం కాకుండా.. సినిమా రంగంలో పనిచేసే వేలాది మంది కార్మికులు, సాంకేతిక నిపుణులకు సంబంధించిన అంశాలనూ కలిగి ఉంది. 2026లో ఆమోదించిన ఫిల్మ్‌ పాలసీలో కార్మిక హక్కులు, లింగ సమానత్వం, సురక్షితమైన పని వాతావరణం వంటి అంశాలకు ప్రాధాన్యం ఇచ్చారు. సినిమా నిర్మాణ సంస్థల్లో అంతర్గత ఫిర్యాదుల కమిటీలు ఏర్పాటు చేయడం, మహిళలకు మెరుగైన ప్రాతినిధ్యం కల్పించడం వంటి సిఫారసులు కూడా ఉన్నాయి.ఆర్థిక ఇబ్బందుల వేళ..మరోవైపు మలయాళ సినిమా పరిశ్రమ ప్రస్తుతం పలు ఆర్థిక సవాళ్లను ఎదుర్కొంటోంది. నిర్మాణ వ్యయాలు పెరగడం, ఓటీటీ కొనుగోళ్లలో మందగమనం వంటి అంశాలు నిర్మాతలపై ఒత్తిడి పెంచుతున్నాయి. ఈ పరిస్థితుల్లో పరిశ్రమకు అధికారిక గుర్తింపు, సంస్థాగత రుణాలు, అనుమతుల ప్రక్రియలో సరళీకరణ వంటి చర్యలు కీలకంగా మారుతున్నాయి. అందుకే ఇండస్ట్రీ స్టేటస్‌ కేవలం హోదా కాదు.. సినిమా రంగానికి ఆర్థికంగా, పరిపాలనాపరంగా కొత్త అవకాశాలు తెరుస్తుందా? అన్నదే ఇప్పుడు ఆసక్తికరంగా మారింది.కేబినెట్‌ నిర్ణయంపైనే ఉత్కంఠప్రస్తుతం పాలసీ ఫ్రేమ్‌వర్క్‌ సిద్ధమైనా.. మలయాళ సినిమా అధికారికంగా ఇండస్ట్రీ హోదా పొందినట్లు కాదు. వివిధ శాఖల సంప్రదింపులు పూర్తయిన తర్వాత ప్రతిపాదన కేబినెట్‌ ముందుకు వెళ్లాలి. ఆమోదం లభించిన తర్వాతే తదుపరి ప్రక్రియ ప్రారంభమవుతుంది. అంటే.. ఏళ్లుగా సాగుతున్న కసరత్తు ఇప్పుడు తుది మలుపులోకి వచ్చింది.కేబినెట్‌ ఆమోదం లభిస్తే.. మలయాళ సినిమా ఇక కేవలం కళా, సాంస్కృతిక రంగంగా కాకుండా అధికారికంగా ‘ఇండస్ట్రీ’గా కొత్త గుర్తింపు పొందే దిశగా కేరళ మరో అడుగు ముందుకేసినట్టే.ఇదీ చదవండి: సీఈసీ జ్ఞానేశ్‌ కుమార్‌ కోసం కట్టుదిట్టమైన భద్రత

గిరిజనుల హక్కులు, గుర్తింపు, రాజ్యాంగ పరిరక్షణ కోసం ఉద్యమంగా మొదలై.. ఆ తర్వాత రాజకీయ పార్టీగా మారింది. అతి తక్కువ కాలంలోనే వరుస సంచలన విజయాలు నమోదు చేసింది. తాజాగా దశాబ్దం తర్వాత జరిగిన లోకల్‌ బాడీ ఎన్నికల్లోనూ ఘన విజయం సాధించింది. ఇంతటి విజయాన్ని ఆస్వాదించాల్సిన సమయంలోనే ఆ పార్టీ అధినేత సంచలన నిర్ణయం ప్రకటించారు. ‘‘కిందికి పడిపోతున్నప్పుడు కాదు.. అత్యున్నత స్థాయిలో ఉన్నప్పుడే వైదొలగాలి’’ అన్న తన తండ్రి మాటకు కట్టుబడి రాజకీయాలకు గుడ్‌బై చెప్పారు.త్రిపుర రాజకీయాల్లో అనూహ్య పరిణామం చోటు చేసుకుంది. తిప్రా మోతా పార్టీ(TIPRA Motha Party) వ్యవస్థాపకుడు రాజా ప్రద్యోత్‌ కిషోర్‌ మాణిక్య దేబ్బర్మ(Pradyot Bikram Manikya Deb Barma) క్రియాశీల రాజకీయాల నుంచి తప్పుకుంటున్నట్లు ప్రకటించారు. వ్యక్తిగత కారణాలతోనే ఈ నిర్ణయం తీసుకున్నట్లు చెప్పిన 48 ఏళ్ల దేబ్బర్మ.. రాజకీయాలకు దూరమైనా తిప్రాసా ప్రజల హక్కుల కోసం తన గొంతు వినిపిస్తూనే ఉంటానని స్పష్టం చేశారు.గెలుపు తర్వాతే సంచలన ప్రకటనత్రిపుర ట్రైబల్‌ ఏరియాస్‌ అటానమస్‌ డిస్ట్రిక్ట్‌ కౌన్సిల్‌ (TTAADC) పరిధిలో దాదాపు పదేళ్ల తర్వాత విలేజ్‌ కమిటీ ఎన్నికలు జరిగాయి. ఇందులో తిప్రా మోతా పార్టీ భారీ విజయం సాధించింది. 587 విలేజ్‌ కమిటీల పరిధిలోని 4,594 స్థానాలకు ఎన్నికలు జరగ్గా.. తిప్రా మోతా 4,328 స్థానాలను గెలుచుకుంది. ఈ విజయం తర్వాతే దేబ్బర్మ తన క్రియాశీల రాజకీయాల నుంచి తప్పుకునే నిర్ణయాన్ని ప్రకటించారు.అయితే ఈ విజయాన్ని పార్టీ విజయంగా మాత్రమే చూడొద్దని దేబ్బర్మ పార్టీ శ్రేణులకు సూచించారు. ఎన్నో ఏళ్లుగా ఎన్నికలకు దూరంగా ఉన్న గ్రామాల్లో ఇప్పుడు ప్రజలు తమ ప్రతినిధులను ఎన్నుకున్నారని.. ఇది గ్రామీణ ప్రజల విజయమని అన్నారు. కొత్తగా ఎన్నికైన విలేజ్‌ కమిటీ అధ్యక్షులు నిజాయితీగా పనిచేసి గ్రామాల అభివృద్ధికి కృషి చేయాలని కోరారు.‘నిజమైన సంబరం అప్పుడే..’ఎన్నికల్లో విజయం సాధించినా సంబరాలు చేసుకోవడానికి ఇది సమయం కాదని దేబ్బర్మ అన్నారు. తిప్రాసా ప్రజలకు రాజ్యాంగబద్ధమైన హక్కులు అందినప్పుడే అసలైన విజయోత్సవం జరుపుకోవాలని చెప్పారు. ముఖ్యంగా 2024లో కేంద్ర, త్రిపుర ప్రభుత్వాలు, తిప్రా మోతా నాయకత్వం మధ్య కుదిరిన తిప్రాసా ఒప్పందం అమలు కావాలని ఆయన డిమాండ్‌ చేశారు.ఒప్పందం అమలుపై కేంద్ర ప్రభుత్వం ఇచ్చిన హామీని నిలబెట్టుకోవాలని కోరారు. దుర్గా పూజ తర్వాత తిప్రాసా ఒప్పందం అమలు ప్రారంభమవుతుందని కేంద్ర హోంమంత్రి అమిత్‌ షా, త్రిపుర ముఖ్యమంత్రి మాణిక్‌ సాహా హామీ ఇచ్చారని దేబ్బర్మ తెలిపారు. ఇంతకాలం ప్రజలు ఓపికగా ఎదురుచూశారని.. ఇకనైనా హామీ అమలు కావాలని అన్నారు.రెండేళ్లకే 13 మంది ఎమ్మెల్యేలుత్రిపుర రాజకుటుంబానికి చెందిన ప్రద్యోత్‌ కిషోర్‌ మాణిక్య దేబ్బర్మ రాజకీయ ప్రస్థానం కూడా ఆసక్తికరమే. కాంగ్రెస్‌లో పనిచేసిన ఆయన 2019లో ఆ పార్టీని వీడి తిప్రాసా ప్రజల హక్కుల కోసం ప్రత్యేక రాజకీయ వేదికను నిర్మించే దిశగా అడుగులు వేశారు. తొలుత ‘తిప్రా’ను ఉద్యమంగా ప్రారంభించి, 2021లో తిప్రా మోతా రాజకీయ పార్టీగా రూపుదిద్దుకుంది. అదే ఏడాది జరిగిన టీటీఏఏడీసీ ఎన్నికల్లో 30 స్థానాల్లో 18 గెలిచి అధికారాన్ని దక్కించుకుంది.ఆ తర్వాత 2023లో తొలిసారి అసెంబ్లీ ఎన్నికల్లో పోటీ చేసింది. 42 స్థానాల్లో బరిలోకి దిగి 13 సీట్లు గెలుచుకుంది. అన్నీ ఎస్టీ రిజర్వ్‌డ్‌ స్థానాలే. దాదాపు 20 శాతం ఓట్లతో బీజేపీ తర్వాత రాష్ట్ర అసెంబ్లీలో రెండో అతిపెద్ద పార్టీగా నిలిచింది.2024లో పార్టీకి చెందిన అనిమేశ్‌ దేబ్బర్మ, బృషకేతు దేబ్బర్మలు త్రిపుర ప్రభుత్వంలో మంత్రులుగా చేరారు. ఇక 2026లో జరిగిన టీటీఏఏడీసీ ఎన్నికల్లో తిప్రా మోతా 28లో 24 సీట్లు గెలిచి మరోసారి తన ఆధిపత్యాన్ని చాటింది. అయితే లోక్‌సభ ఎన్నికల్లో మాత్రం తిప్రా మోతా ఇప్పటివరకు ఎంపీ సీటు గెలవలేదు. 2024లో త్రిపురలోని రెండు లోక్‌సభ స్థానాలనూ బీజేపీ కైవసం చేసుకుంది.అనుకోకుండా రాజకీయాల్లోకి..రాజకీయాలకు వీడ్కోలు పలుకుతూ దేబ్బర్మ ఆసక్తికర వ్యాఖ్యలు చేశారు. తాను మొదట రాజకీయాల్లోకి రావాలని ఎప్పుడూ అనుకోలేదని చెప్పారు. అయితే తిప్రాసా ప్రజల హక్కుల కోసం రాజకీయ పోరాటం అవసరమని భావించి ఆ దిశగా అడుగుపెట్టానన్నారు. తన తండ్రి మహారాజా కిరీట్‌ బిక్రమ్‌ మాణిక్య చెప్పిన మాటలను కూడా గుర్తుచేశారు. ‘కిందికి పడిపోతున్నప్పుడు కాదు.. అత్యున్నత స్థాయిలో ఉన్నప్పుడే వైదొలగాలి’ అనేది తన తండ్రి చెప్పేవారని తెలిపారు. ప్రస్తుతం తాను అదే నిర్ణయం తీసుకున్నానని చెప్పారు.48 ఏళ్లకే రిటైర్మెంట్‌తన నిర్ణయానికి ఆరోగ్య కారణాలు ప్రధానమని దేబ్బర్మ స్పష్టం చేశారు. ఇకపై రాజకీయ పదవులు చేపట్టడం, రోజువారీ రాజకీయ కార్యకలాపాల్లో పాల్గొనడం చేయబోనని తెలిపారు. దీర్ఘకాలంగా రాజకీయ కార్యక్రమాలు, ప్రయాణాలు, ప్రజా జీవితం కారణంగా తన ఆరోగ్యం, కుటుంబం, వ్యక్తిగత ప్రశాంతతపై దృష్టి పెట్టాల్సిన అవసరం ఏర్పడిందన్నారు. అయితే ఇది ప్రజలకు పూర్తిగా దూరమయ్యే నిర్ణయం కాదని స్పష్టం చేశారు. రాజకీయ వేదిక నుంచి తప్పుకున్నా తిప్రాసా ప్రజల హక్కులకు అన్యాయం జరిగితే మాట్లాడుతూనే ఉంటానన్నారు.‘చివరి రాజకీయ సభ..’వచ్చే నెలలో భారీ ర్యాలీ నిర్వహించాలని తిప్రా మోతా కార్యకర్తలను దేబ్బర్మ కోరారు. తాజాగా ఎన్నికైన విలేజ్‌ కమిటీ అధ్యక్షులందరినీ ఆ కార్యక్రమానికి ఆహ్వానించాలని సూచించారు. అదే వేదిక నుంచి రాజకీయ నాయకుడిగా తన చివరి ప్రసంగం చేస్తానని తెలిపారు. పార్టీ కార్యకర్తలు ఎన్నికల విజయాన్ని అంతిమ విజయంగా భావించవద్దని కూడా ఆయన సూచించారు. తిప్రాసా ప్రజల రాజ్యాంగ హక్కులు సాధించడమే అసలు లక్ష్యమని స్పష్టం చేశారు.ఇక పార్టీని నడిపించేది ఎవరు?దేబ్బర్మ క్రియాశీల రాజకీయాల నుంచి తప్పుకోవడంతో తిప్రా మోతా భవిష్యత్‌ నాయకత్వంపై ఆసక్తి నెలకొంది. సీనియర్‌ నేతలు పార్టీ బాధ్యతలను ముందుకు తీసుకెళ్లే అవకాశం ఉంది. అయితే ప్రజల హక్కుల విషయంలో ఎలాంటి రాజీకి వెళ్లొద్దని దేబ్బర్మ ఇప్పటికే పార్టీ నేతలకు సూచించారు. రాజకీయాలకు దూరమైనా తిప్రాసా ప్రజలతో తన అనుబంధం కొనసాగుతుందని ఆయన స్పష్టం చేశారు. ఎన్నికల్లో గెలిచిన వెంటనే రాజకీయాల నుంచి తప్పుకునే నిర్ణయం తీసుకోవడం వెనుక.. తిప్రాసా ఒప్పందం అమలే తన తదుపరి ప్రధాన లక్ష్యంగా దేబ్బర్మ మాటలు సూచిస్తున్నాయి.ఇదీ చదవండి: ఆయన చెప్పేవన్నీ అబద్ధాలే: భారత ప్రభుత్వం

ఓటర్ల జాబితా సవరణపై దేశ రాజధాని ఢిల్లీలో ఉద్రిక్తతలు మరింత పెరుగుతున్నాయి. స్పెషల్‌ ఇంటెన్సివ్‌ రివిజన్‌ (SIR)కు వ్యతిరేకంగా అక్టోబర్‌ 10న జంతర్‌మంతర్‌ వద్ద భారీ నిరసనకు కాక్రోచ్‌ జనతా పార్టీ (సీజేపీ), పలు విద్యార్థి సంఘాలు పిలుపునిచ్చాయి. అయితే ఇప్పటికే విపక్షాల ధర్నాతో ఈ నిరసనకు ఢిల్లీ పోలీసులు అనుమతి నిరాకరించడంతో వివాదం మరింత ముదిరింది.నిరసనకు ముందు తమ నేతలను అరెస్టు చేసేందుకు ప్రభుత్వం ప్రయత్నిస్తోందని సీజేపీ నేత అభిజిత్‌ దీప్కే ఆరోపించారు. “ఎంతమందిని అరెస్టు చేస్తారు? అక్టోబర్‌ 10న దేశమంతా ఢిల్లీకి వస్తుంది” అంటూ ఆయన సోషల్‌ మీడియాలో పోస్టు చేశారు. అరెస్టులు, కేసులతో ఉద్యమాన్ని అణచలేరని వ్యాఖ్యానించారు.మరో పోస్టులో.. అరెస్టులతో అసమ్మతి స్వరాలను అణచివేయొచ్చని మోదీ ప్రభుత్వం భావిస్తోంది. ఎంతమందిని నిర్బంధిస్తే అంతమంది నిరసనకు వస్తారు. అధికారమంతా మీ చేతుల్లో ఉండొచ్చు.. కానీ వీధులు ప్రజలవే” అంటూ దీప్కే ఘాటు వ్యాఖ్యలు చేశారు.Mass detentions being done before the October 10 protest. Modi thinks he can silence dissent by putting people behind bars. The more people you detain, the more people will show up!— Abhijeet Dipke (@abhijeet_dipke) October 8, 2026పోలీసుల అనుమతి ఎవరిక్కావాలిమరోవైపు సీజేపీ కో కన్వీనర్‌ సౌరవ్‌ దాస్‌ ఢిల్లీ పోలీసుల తీరుపై ప్రశ్నలు లేవనెత్తారు. నిరసనకు ‘పర్మిషన్‌’ అడగలేదని, పోలీసులకు కేవలం అధికారిక సమాచారం మాత్రమే ఇచ్చామని చెప్పారు. “ప్రజలు నిరసనకు రావాలా.. వద్దా అని పోలీసులు చెప్పడం ఏంటి?” అంటూ ప్రశ్నించారు. అక్టోబర్‌ 10న జంతర్‌మంతర్‌కు చేరుకుంటామని స్పష్టం చేశారు. సౌరవ్‌ దాస్‌ మరో పోస్టులో.. శాంతియుతంగా నిరసన చేపట్టడం రాజ్యాంగం కల్పించిన హక్కు అని పేర్కొన్నారు. “మాకు జంతర్‌మంతర్‌ ఇవ్వండి.. లేదంటే మొత్తం ఢిల్లీని జంతర్‌మంతర్‌గా మార్చే పరిస్థితి వస్తుంది” అని హెచ్చరించారు.విపక్షాల ఆందోళన.. ఈసీపై ఆరోపణలుఓటర్ల జాబితా సవరణ పేరుతో పెద్ద సంఖ్యలో ఓటర్ల పేర్లు తొలగిస్తున్నారని ప్రతిపక్షాలు, పలు సంఘాలు ఆరోపిస్తున్నాయి. ఈ ప్రక్రియతో ఓటు హక్కు కోల్పోయే ప్రమాదం ఉందని విమర్శిస్తున్నాయి. ముఖ్య ఎన్నికల కమిషనర్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తున్నాయి. అయితే ఎన్నికల సంఘం మాత్రం ఓటర్ల జాబితాలను శుద్ధి చేసే ప్రక్రియలో భాగంగానే SIR చేపట్టామని చెబుతోంది. నకిలీ, డూప్లికేట్‌, మరణించిన వారి పేర్లు, అర్హత లేని నమోదులను తొలగించడమే లక్ష్యమని స్పష్టం చేస్తోంది. ఇక విపక్షాల ఆందోళనపై స్పందించిన సీజేపీ.. తాము చేపట్టబోయే ఉద్యమం కూడా అలాంటిదేనని స్పష్టం చేసింది.ఢిల్లీకి భారీ భద్రతఅక్టోబర్‌ 10 నిరసన నేపథ్యంలో ఢిల్లీలో భద్రతను భారీగా పెంచారు. అక్టోబర్‌ 8 నుంచి 12 వరకు కేంద్ర సాయుధ బలగాలకు చెందిన 221 కంపెనీలు.. అంటే దాదాపు 23 వేల మంది సిబ్బందిని ఢిల్లీలో మోహరించనున్నట్లు అధికారులు తెలిపారు. ముఖ్య ప్రాంతాల్లో పోలీసు బలగాలను కూడా అప్రమత్తం చేశారు. ఇప్పటికే ఢిల్లీలో జరిగిన SIR వ్యతిరేక నిరసనల్లో రాహుల్‌ గాంధీ సహా పలువురు ప్రతిపక్ష నేతలను పోలీసులు అదుపులోకి తీసుకున్నారు. దీంతో అక్టోబర్‌ 10 నిరసనపై దేశవ్యాప్తంగా ఆసక్తి నెలకొంది.ఒకవైపు నిరసన.. మరోవైపు భారీ కౌంటర్‌సీజేపీ, విద్యార్థి సంఘాలు భారీగా జనాన్ని సమీకరించేందుకు ప్రయత్నిస్తున్న వేళ.. మరోవైపు బీజేపీ విద్యార్థి విభాగం, హిందూత్వ సంస్థలు కూడా కౌంటర్‌ నిరసనలకు సిద్ధమవుతున్నాయన్న ప్రచారం ఢిల్లీలో ఉద్రిక్తతను పెంచుతోంది. దీంతో నిరసనకారులు, ప్రత్యర్థి వర్గాలు ఎదురెదురుగా వస్తే పరిస్థితి అదుపు తప్పకుండా పోలీసులు ముందస్తు చర్యలు చేపడుతున్నారు. అక్టోబర్‌ 10న ఢిల్లీలో ఏం జరుగుతుందన్నదే ఇప్పుడు దేశవ్యాప్తంగా ఆసక్తికరంగా మారింది.ఇదీ చదవండి: యూనిఫాం చించేసి.. మెడపై కొరికి..: జంతర్‌ మంతర్‌ దారుణం

అమెరికా బిలియనీర్‌, స్పేస్‌ఎక్స్‌ అధినేత ఎలాన్‌ మస్క్‌ చేసిన సంచలన ఆరోపణలు ఇప్పుడు తీవ్ర చర్చనీయాంశంగా మారాయి. స్టార్‌లింక్‌ శాటిలైట్‌ ఇంటర్నెట్‌ సేవల ప్రారంభాన్ని కొందరు కావాలనే అడ్డుకుంటున్నారని.. వాళ్లెవరో ఊహించడం పెద్ద కష్టమేమీ కాదంటూ మస్క్‌ చేసిన వ్యాఖ్యలు దుమారం రేపాయి. అయితే ఈ ఆరోపణలపై భారత ప్రభుత్వం స్పందించింది.భారత్‌లో స్టార్‌లింక్‌ శాటిలైట్‌ ఇంటర్నెట్‌ సేవల ప్రారంభాన్ని కొందరు ‘ఒలిగార్క్స్‌’(గుత్తాధిపత్య శక్తులు) అడ్డుకుంటున్నారంటూ మస్క్‌ చేసిన వ్యాఖ్యలను కేంద్ర కమ్యూనికేషన్ల మంత్రిత్వ శాఖ తోసిపుచ్చింది. దేశంలో శాటిలైట్‌ కమ్యూనికేషన్‌ సేవలకు సంబంధించిన అనుమతుల ప్రక్రియ న్యాయబద్ధంగా, వివక్ష లేకుండా కొనసాగుతోందని స్పష్టం చేసింది. ఈ వ్యవస్థను అన్యాయంగా లేదా వివక్షతో కూడినదిగా పేర్కొనడం “నిరాధారమైన, తప్పుదోవ పట్టించే వాదన” అని పేర్కొంది. అందరికీ ఒకే నిబంధనలుభారత్‌లో శాటిలైట్‌ కమ్యూనికేషన్‌ సేవలు అందించేందుకు గ్లోబల్‌ మొబైల్‌ పర్సనల్‌ కమ్యూనికేషన్‌ బై శాటిలైట్‌ (GMPCS) లైసెన్స్‌లను మూడు సంస్థలకు ప్రభుత్వం మంజూరు చేసింది. ఎలాన్‌ మస్క్‌కు చెందిన స్టార్‌లింక్‌తో పాటు భారతి గ్రూప్‌ మద్దతున్న యూటెల్‌శాట్‌ వన్‌వెబ్‌, జియో శాటిలైట్‌ కమ్యూనికేషన్స్‌ ఈ లైసెన్స్‌ పొందాయి. అమెజాన్‌కు చెందిన లియో కూడా భారత మార్కెట్‌లోకి రావడానికి ప్రయత్నిస్తోంది.అయితే లైసెన్స్‌ పొందిన ప్రతి సంస్థ కూడా భద్రతా నిబంధనలను తప్పనిసరిగా పాటించాల్సి ఉంటుందని కేంద్ర కమ్యూనికేషన్ల శాఖ తెలిపింది. వినియోగదారుల భద్రత, వారి డేటా రక్షణ తదితర అంశాలను నిర్ధారించేందుకే ఈ ప్రక్రియను అమలు చేస్తున్నట్లు పేర్కొంది. ప్రస్తుతం ఈ మూడు సంస్థలకు సంబంధించి భద్రతా పరిశీలన కొనసాగుతోందని వెల్లడించింది.ఈ భద్రతా ప్రక్రియ పూర్తయ్యాక సంబంధిత సంస్థలు స్పెక్ట్రమ్‌ కేటాయింపునకు తదుపరి దశకు వెళ్లవచ్చని ప్రభుత్వం తెలిపింది. అంతేకాదు.. ప్రస్తుతం లైసెన్స్‌ పొందిన మూడు సంస్థలూ దాదాపు ఒకే నియంత్రణ దశలో ఉన్నాయని స్పష్టం చేసింది. అందువల్ల స్టార్‌లింక్‌ను మాత్రమే లక్ష్యంగా చేసుకుని అనుమతులు నిలిపివేశారన్న ఆరోపణలకు ఆధారం లేదని తేల్చింది.మస్క్‌ ట్వీట్‌లో..అంతకుముందు మస్క్‌ తన ‘ఎక్స్‌’ ఖాతాలో చేసిన ఓ పోస్టు ఈ వివాదానికి కారణమైంది. “భారత ప్రజలపై తమ గుత్తాధిపత్య పట్టు కొనసాగించేందుకు కొందరు మమ్మల్ని అడ్డుకుంటున్నారు. వాళ్లు ఎవరో మీరు ఊహించవచ్చు” అంటూ ఆయన తీవ్ర వ్యాఖ్యలు చేశారు. ఇది భారత ప్రజలపై జరుగుతున్న అన్యాయమని కూడా పేర్కొన్నారు. అయితే మస్క్‌ తన పోస్టులో ఎవరినీ నేరుగా పేరుతో ప్రస్తావించలేదు.భారత్‌లో స్టార్‌లింక్‌ సేవలు ప్రారంభించేందుకు అవసరమైన అనుమతులు ఆలస్యం అవుతున్న నేపథ్యంలో మస్క్‌ ఈ వ్యాఖ్యలు చేశారు. స్టార్‌లింక్‌కు ఇప్పటికే GMPCS లైసెన్స్‌ లభించినప్పటికీ.. వాణిజ్య సేవలు ప్రారంభించేందుకు ఇంకా భద్రతా అనుమతులు, స్పెక్ట్రమ్‌ కేటాయింపు సహా కొన్ని తుది అనుమతులు అవసరమవుతున్నాయి.‘మేము సిద్ధంగా ఉన్నాం’మస్క్‌ ఆరోపణలకు కొన్ని గంటల ముందే స్టార్‌లింక్‌ ఇండియాలో సేవలు ప్రారంభించేందుకు పూర్తిగా సిద్ధంగా ఉందని సంస్థ సీనియర్‌ అధికారి లారెన్‌ డ్రేయర్‌ తెలిపారు. ఇండియా మొబైల్‌ కాంగ్రెస్‌–2026లో మాట్లాడిన ఆమె.. భారత భద్రతా నిబంధనలు, ఇతర నియంత్రణలను దృష్టిలో పెట్టుకుని ప్రత్యేక వ్యవస్థను రూపొందించినట్లు చెప్పారు.భారత వినియోగదారుల డేటా దేశం దాటి బయటకు వెళ్లకుండా ఏర్పాట్లు చేశామని తెలిపారు. భారత్‌లో ఇప్పటికే అవసరమైన మౌలిక వసతులపై పెట్టుబడులు పెట్టామని.. సుమారు 20 గేట్‌వే సైట్లు, వందలాది యాంటెనాలు ఏర్పాటు చేసినట్లు వెల్లడించారు. సేవలు ప్రారంభించేందుకు తమ కార్యకలాపాలు సిద్ధంగా ఉన్నాయని చెప్పారు.భారత్‌లోని నియంత్రణ సంస్థలు, టెలికాం కంపెనీలు, పరిశ్రమ వర్గాలతో గత ఐదేళ్లుగా కలిసి పనిచేస్తున్నామని డ్రేయర్‌ తెలిపారు. మారుమూల ప్రాంతాలకు ఇంటర్నెట్‌ కనెక్టివిటీని అందించడంలో శాటిలైట్‌ బ్రాడ్‌బ్యాండ్‌ కీలకంగా మారుతుందని పేర్కొన్నారు.అసలు సమస్య ఏంటి?స్టార్‌లింక్‌ ఇప్పటికే భారత ప్రభుత్వ అనుమతుల ప్రక్రియలో కీలక దశలను దాటినా.. తుది భద్రతా అనుమతులు, స్పెక్ట్రమ్‌ కేటాయింపు వంటి అంశాలపై ప్రక్రియ ఇంకా పూర్తికాలేదు. మరోవైపు వన్‌వెబ్‌, జియో శాటిలైట్‌ కమ్యూనికేషన్స్‌ కూడా ఇదే నియంత్రణ వ్యవస్థలో కొనసాగుతున్నాయని ప్రభుత్వం చెబుతోంది. దీంతో ‘స్టార్‌లింక్‌ను మాత్రమే భారత్‌ అడ్డుకుంటోందా?’ అన్న మస్క్‌ ఆరోపణకు.. ‘అందరికీ ఒకే నిబంధనలు’ అంటూ కేంద్రం స్పష్టమైన కౌంటర్‌ ఇచ్చినట్లయింది.ఇదీ చదవండి: ఎలాన్‌ మస్క్‌కు కేటీఆర్‌ సూటి ప్రశ్న

ప్రముఖ నటుడు నానా పటేకర్‌ మృతిపై ప్రధాని నరేంద్ర మోదీ తీవ్ర దిగ్భ్రాంతి వ్యక్తం చేశారు. నాలుగు దశాబ్దాలకు పైగా సినీ ప్రస్థానంలో తనదైన నటనతో ప్రేక్షకులను మెప్పించిన నానా పటేకర్‌ మరణం సినీ రంగానికి తీరని లోటని పేర్కొన్నారు. ఆయన కుటుంబ సభ్యులు, స్నేహితులు, అభిమానులకు సానుభూతి తెలిపారు. ‘ఓం శాంతి’ అంటూ నివాళులర్పించారు.‘‘కొద్దిమంది నటులకే ఉండే తీవ్రత, ప్రత్యేకత, చెరగని ఉనికి నానా పటేకర్‌గారి సొంతం. ప్రతి పాత్రలోనూ ఆయన అద్భుతమైన వైవిధ్యం, సృజనాత్మకతను ప్రదర్శించారు. తరతరాలు గుర్తుంచుకునే పాత్రలను మనకు అందించారు’’ అని మోదీ పేర్కొన్నారు. నానా పటేకర్‌ తన నటనతోనే కాకుండా నిర్మొహమాటమైన, ముక్కుసూటి అభిప్రాయాలతోనూ ప్రత్యేక గుర్తింపు తెచ్చుకున్నారని ప్రధాని అన్నారు. తాను నమ్మిన విషయాలను చెప్పేందుకు ఆయన ఎప్పుడూ వెనుకాడేవారు కాదని కొనియాడారు.‘హిందీ, మరాఠీ సినిమాకు అపార సేవ’హిందీ, మరాఠీ చిత్ర పరిశ్రమలకు నానా పటేకర్‌ చేసిన సేవలు అపారమని మోదీ పేర్కొన్నారు. ఆయన మరణం సినీ ప్రపంచంలోనూ, ఆయనను అభిమానించే కోట్లాది మందిలోనూ తీరని లోటును మిగిల్చిందన్నారు. ఆయన కుటుంబం, స్నేహితులు, అభిమానులకు తన ప్రగాఢ సానుభూతిని తెలిపారు.Few actors possessed the intensity, individuality and unmistakable presence that Shri Nana Patekar Ji had. He brought remarkable versatility and creativity to every role and gave us characters that will be remembered for generations. He was also admired for his frank and forthright views, never hesitating to express what he believed in. Shri Nana Patekar’s contribution to Hindi and Marathi cinema was immense. His passing leaves a deep void. My condolences to his family, friends and countless admirers. Om Shanti.— Narendra Modi (@narendramodi) October 8, 2026గుండెపోటుతో కన్నుమూతనానా పటేకర్‌ గురువారం ఉదయం గోవాలోని తన నివాసంలో తీవ్ర అస్వస్థతకు గురయ్యారు. గుండెపోటు రావడంతో అపస్మారక స్థితిలో ఉన్న ఆయనను ఆసుపత్రికి తరలించారు. వైద్యులు దాదాపు 45 నిమిషాల పాటు సీపీఆర్‌ చేసినప్పటికీ స్పందించలేదు. ఉదయం 5.20 గంటల సమయంలో ఆయన మరణించినట్లు ఆసుపత్రి వర్గాలు వెల్లడించాయి. ఆయన వయసు 75 సంవత్సరాలు.రంగస్థలం నుంచి వెండితెర వరకు..విశ్వనాథ్‌ పటేకర్‌గా జన్మించిన నానా.. 1978లో వచ్చిన ‘గమన్‌’ సినిమాతో సినీ ప్రయాణం ప్రారంభించారు. ‘పరిందా’, ‘క్రాంతివీర్‌’, ‘అబ్‌ తక్‌ ఛప్పన్‌’, ‘అగ్ని సాక్షి’, ‘వెల్‌కమ్‌’ వంటి చిత్రాల్లో విభిన్న పాత్రలతో తనదైన ముద్ర వేశారు. ‘క్రాంతివీర్‌’(తెలుగులో మోహన్‌బాబు నటించిన పుణ్యభూమి నా దేశం) చిత్రానికి ఉత్తమ నటుడిగా జాతీయ అవార్డు అందుకున్నారు. ‘అగ్ని సాక్షి’కి ఉత్తమ సహాయ నటుడిగా మరో జాతీయ పురస్కారం దక్కింది.నటుడిగానే కాకుండా దర్శకుడిగానూ నానా పటేకర్‌ తన ప్రతిభను చాటుకున్నారు. 1991లో ‘ప్రహార్‌: ది ఫైనల్‌ అటాక్‌’ చిత్రానికి దర్శకత్వం వహించారు. రంగస్థల నటుడిగానూ ఆయనకు విశేష గుర్తింపు ఉంది. కళారంగానికి చేసిన సేవలకు 2013లో పద్మశ్రీ పురస్కారం లభించింది.నానా పటేకర్‌ మృతిపై పలువురు రాజకీయ ప్రముఖులు సంతాపం తెలిపారు. మహారాష్ట్ర ముఖ్యమంత్రి దేవేంద్ర ఫడ్నవీస్‌, ఉత్తరప్రదేశ్‌ సీఎం యోగి ఆదిత్యనాథ్‌ కూడా నానా పటేకర్‌ మృతి కళా ప్రపంచానికి పూడ్చలేని లోటని అన్నారు. కేంద్ర మంత్రి నితిన్‌ గడ్కరీ, కర్ణాటక సీఎం డీకే శివకుమార్‌ తదితరులు ఆయనకు నివాళులర్పిస్తూ.. భారతీయ సినిమా, సామాజిక సేవకు నానా చేసిన సేవలను గుర్తుచేసుకున్నారు.ఇదీ చదవండి: కాస్ట్‌లీ కారును వద్దనుకుని.. రైతులకు సాయం

ఢిల్లీలో ఈసీ వ్యతిరేక ర్యాలీ సందర్భంగా కాంగ్రెస్‌ అగ్రనేత రాహుల్‌ గాంధీని పోలీసులు అదుపులోకి తీసుకుంటున్న సమయంలో హైడ్రామా చోటుచేసుకుంది. నిరసనకారులను అదుపు చేసే విధుల్లో ఉన్న ఓ కానిస్టేబుల్‌పై కొందరు ఆందోళనకారులు దాడి చేశారని ఆరోపణలు వెల్లువెత్తాయి. తనను చుట్టుముట్టి కొట్టారని, యూనిఫాం చింపేశారని, గోళ్లతో గీశారని, చేతిని కొరికారని కానిస్టేబుల్‌ అంకిత్‌ కసానా ఆరోపించారు. ఘటన అనంతరం ఆయనను వైద్య పరీక్షల కోసం ఢిల్లీలోని రామ్‌ మనోహర్‌ లోహియా ఆసుపత్రికి తరలించారు.పార్లమెంట్‌ పోలీస్‌లో పనిచేస్తున్న కసానా.. బుధవారం జంతర్‌ మంతర్‌ సమీపంలో విధులు నిర్వహిస్తున్నారు. ఎన్నికల సంఘానికి వ్యతిరేకంగా ఇండియా కూటమి ఎంపీలు చేపట్టిన ఆకస్మిక నిరసన సందర్భంగా అక్కడ ఉద్రిక్త పరిస్థితులు నెలకొన్నాయి. రాహుల్‌ గాంధీని పోలీసులు అదుపులోకి తీసుకునే సమయంలో తనను సుమారు 30–35 మంది చుట్టుముట్టారని కసానా తెలిపారు.వారిలో పురుషులు, మహిళలు, వృద్ధులు కూడా ఉన్నారని.. తనపై దుర్భాషలాడుతూ యూనిఫాం చింపేశారని ఆరోపించారు. వెనుక నుంచి లాగి గోళ్లతో గీశారని, ఓ వ్యక్తి తన చేతిని కొరికి చర్మాన్ని చీల్చాడని పేర్కొన్నారు.Opposition flashing the constitution for every thing & then treating the people who uphold the constitution like this ? Const. Ankit Kumar claims & shows how he was bit , his uniform torn , nails scratched on him - all because he was doing his duty ! https://t.co/ere1de01Cz— ExtraSpiceAni (@ShrivastavAni) October 7, 2026‘దయచేసి వదిలేయండి’ అంటూ వేడుకున్నా..ఘటనతో తాను భయపడిపోయానని కసానా తెలిపారు. తనను వదిలేయాలని పదేపదే వేడుకున్నానని చెప్పారు. పరిస్థితి మరింత తీవ్రంగా మారకముందే తన తోటి సిబ్బంది వచ్చి తనను అక్కడి నుంచి బయటకు తీసుకెళ్లారని వివరించారు. లేదంటే పరిస్థితి మరింత ప్రమాదకరంగా ఉండేదని ఆయన ఆవేదన వ్యక్తం చేశారు. ఈ ఘటన తనతో పాటు తన కుటుంబ భద్రతపై కూడా ఆందోళన కలిగించిందన్నారు.సీజేపీ టైంలోనూ ఇబ్బందులే..నిరసనల్లో విధులు నిర్వహించే పోలీసులే కొన్నిసార్లు ఆందోళనకారుల ఆగ్రహానికి గురవుతున్నారని కసానా అన్నారు. గతంలో కాక్రోచ్‌ జనతా పార్టీ (సీజేపీ) నిరసన సమయంలోనూ పోలీసులతో దురుసుగా ప్రవర్తించిన ఘటనను తాను ఎదుర్కొన్నట్లు తెలిపారు. శాంతిభద్రతలను కాపాడటం పోలీసుల బాధ్యత అయినప్పటికీ.. విధుల్లో ఉన్న సిబ్బంది కూడా ఇలాంటి ఘటనలకు గురవుతున్నారని పేర్కొన్నారు.Photo Credits: Aaj Takవైద్య పరీక్షల తర్వాత ఎఫ్‌ఐఆర్‌?దాడి ఆరోపణల నేపథ్యంలో కసానాకు రామ్‌ మనోహర్‌ లోహియా ఆసుపత్రిలో వైద్య పరీక్షలు నిర్వహించారు. వైద్య పరీక్షల అనంతరం ఘటనపై ఎఫ్‌ఐఆర్‌ నమోదు చేసే అవకాశం ఉన్నట్లు తెలుస్తోంది. ఘటనపై ఢిల్లీ పోలీసులు అధికారికంగా పూర్తి వివరాలు వెల్లడించాల్సి ఉంది. మరోవైపు దాడికి పాల్పడ్డారని ఆరోపణలు ఎదుర్కొంటున్న నిరసనకారుల స్పందన కూడా ఇంకా వెలువడలేదు.రాహుల్‌ గాంధీని పోలీసులు అదుపులోకి తీసుకుంటున్న సమయంలోనే ఈ ఘటన జరిగినట్లు కానిస్టేబుల్‌ ఆరోపించడంతో.. జంతర్‌ మంతర్‌ వద్ద నిరసనల సందర్భంగా నెలకొన్న ఉద్రిక్తత మరోసారి చర్చనీయాంశమైంది.ఇదీ చదవండి: ఓట్ల గల్లంతుపై మెరుపు ధర్నా

ఐఫోన్‌ చోరీకి గురైంది. ఆ అమ్మాయి చాలా బాధపడింది. అయితే నెల రోజుల తర్వాత అదే ఫోన్‌ నుంచి ఆమెకో మెసేజ్‌ వచ్చింది. ‘నీ ఐఫోన్‌ పాస్‌వర్డ్‌ ఏంటో త్వరగా చెప్పు?’అని. దీంతో ఆమె ఒక్కసారిగా షాక్‌కు గురైంది. అతని నుంచి వివరాలు రాబట్టేందుకు ప్రయత్నించింది. ఇందుకు సంబంధించిన ఓ వీడియో ఇప్పుడు నెట్టింట వైరల్‌ అవుతోంది. ఉత్తరాఖండ్‌ డెహ్రాడూన్‌కు చెందిన కౌశికీ ధ్యాని తన ఇన్‌స్టాగ్రామ్‌లో చేసిన ఓ రీల్‌ వైరల్‌ అవుతోంది. అందులో ఆమెకు ఓ వ్యక్తి ఫోన్‌ పాస్‌వర్డ్‌ చెప్పమంటూ అడిగాడు. దానికి ఆమె ఆ ఫోన్‌ పోయింది కదా.. దయచేసి వెనక్కి ఇచ్చేయ్‌ భయ్యా అంటూ బతిమాలింది. అయితే అతను మాత్రం కన్ఫర్మేషన్‌ కోసం చేశానంటూ బదులిచ్చాడు.. అతను ఎవరనే మిస్టరీ మాత్రం కంటిన్యూ అయ్యింది. ఇందుకు సంబంధించిన చాటింగ్‌ స్క్రీన్‌షాట్‌ బయటకు రావడంతో.. ఆ చిలిపి దొంగ కథ వైరల్‌ అయ్యింది. కౌశికీ వెల్లడించిన వివరాల ప్రకారం.. డెహ్రాడూన్‌లోని క్లెమెంట్‌ టౌన్‌లో సెప్టెంబర్‌ 12న చోరీ జరిగింది. ఆమె ఐఫోన్‌తో పాటు తన స్నేహితుడి సోదరుడు సాక్షం నేగి ఫోన్లు, మరికొందరి మొబైళ్లు చోరీకి గురయ్యాయి. అదే ప్రాంతంలోని ఇళ్ల నుంచి ల్యాప్‌టాప్‌లు, మ్యాక్‌బుక్‌లు, మొబైల్‌ ఫోన్లు, ఇతర విలువైన వస్తువులు కలిపి లక్షల రూపాయల సొత్తు చోరీ అయినట్లు ఆమె పేర్కొన్నారు.అందునా ఒకే భవనంలో 5–6 మొబైల్‌ ఫోన్లు, ల్యాప్‌టాప్‌లు చోరీ అయ్యాయని కౌశికీ ఓ జాతీయ మీడియా చానెల్‌కు ఇచ్చిన ఇంటర్వ్యూలో చెప్పారు. అదే రోజు సమీపంలోని పీజీలు, హాస్టళ్లలోనూ చోరీలు జరిగాయని.. ఫిర్యాదులు చేసినా పోలీసులు అలసత్వం ప్రదర్శించారని అన్నారామె.అయితే కౌశికీకి ఎదురైన అనుభవమే ఇప్పుడు ఈ వ్యవహారంలో ఆసక్తికరంగా మారింది. చోరీకి గురైన ఐఫోన్‌లో ఆమె కాంటాక్ట్‌ నంబర్‌ కనిపించేలా ఉండటంతో.. ఫోన్‌ చేతికి వచ్చిన వ్యక్తి తనను కాంటాక్ట్‌ అయ్యాడని ఆమె తెలిపారు. తర్వాత తనకు ఎస్‌ఎంఎస్‌, వాట్సాప్‌ మెసేజ్‌లు వచ్చాయని.. అందులో ఐఫోన్‌ పాస్‌వర్డ్‌ చెప్పాలని కోరారని చెప్పారు. అంతేకాదు.. చోరీపై ఫిర్యాదు చేసేందుకు పోలీస్‌ స్టేషన్‌కు వెళ్లినప్పుడు కూడా ఇబ్బందులు ఎదురయ్యాయని కౌశికీ ఆరోపించారు. స్టేషన్‌లో ఎవరూ అందుబాటులో లేరని చెప్పి తర్వాత రావాలని సూచించారని ఆమె పేర్కొన్నారు. ఫిర్యాదులు తీసుకోవడంలోనూ నిర్లక్ష్యం జరిగిందని ఆరోపించారు. ‘పోలీసులు తమను పట్టుకోలేరనే ధీమాతో దొంగలు భయపడటం లేదు’ అంటూ ఆమె తన సోషల్‌ మీడియా పోస్టులో తీవ్ర ఆరోపణలు చేశారు. అయితే పోలీసులు మాత్రం ఆమె ఆరోపణలను ఖండించారు. ఈ వ్యవహారాన్ని పోలీసులు విస్మరించలేదని డెహ్రాడూన్‌ సిటీ ఎస్పీ శేఖర్‌ సుయల్‌ తెలిపారు. కేసుపై సర్కిల్‌ ఆఫీసర్‌ దర్యాప్తు చేస్తున్నారని చెప్పారు.ఇదీ చదవండి: విమానంపై పడ్డ పిడుగు.. ఆ తర్వాత ఏం జరిగిందంటే!

తమిళగ వెట్రి కగళం అధినేత, తమిళనాడు ముఖ్యమంత్రి జోసెఫ్‌ సి విజయ్‌ ఆస్తుల వ్యవహారంలో దాఖలైన పిటిషన్‌పై మద్రాస్‌ హైకోర్టులో విచారణ ఉత్కంఠ రేపుతోంది. ఎన్నికల అఫిడవిట్‌లో సుమారు రూ.30 కోట్ల విలువైన ఆస్తుల వివరాలు ఆయన వెల్లడించలేదని.. కాబట్టి ఎన్నిక రద్దు చేయాలన్నది పిటిషనర్‌ వాదన. దీనిపై కోర్టు కీలక ప్రశ్నలు సంధించింది.విజయ్‌ పెరంబూరు అసెంబ్లీ నియోజకవర్గం నుంచి గెలుపొందారు. ఆయన ఎన్నికను సవాల్‌ చేస్తూ ఓటరు ఎస్‌.దినేశ్‌ హైకోర్టును ఆశ్రయించారు. అఫిడవిట్‌లో ఆస్తుల వివరాల విషయంలో పలు లోపాలు, తప్పుడు ప్రకటనలు ఉన్నాయని పిటిషనర్‌ ఆరోపించారు. ముఖ్యంగా పన్రూటిలోని సుమారు రూ.30 కోట్ల విలువైన ఆస్తిని అఫిడవిట్‌లో పేర్కొనలేదని పిటిషనర్‌ తరఫు న్యాయవాది వాదించారు. అయితే విజయ్‌ తన అఫిడవిట్‌లో సుమారు రూ.600 కోట్ల ఆస్తులు ప్రకటించిన నేపథ్యంలో.. మరో రూ.30 కోట్ల ఆస్తులను వెల్లడించకపోవడం ‘అవినీతి చర్య’గా పరిగణించవచ్చా? అని న్యాయస్థానం ప్రశ్నించింది.పన్రూటి ఆస్తితో పాటు కొడైకెనాల్‌లోని విల్పట్టి గ్రామంలో 50 సెంట్ల భూమిని విజయ్‌ కొనుగోలు చేసిన ఆస్తిగా పేర్కొన్నప్పటికీ.. రెవెన్యూ రికార్డుల్లో అది ప్రభుత్వ పోరంబోకు భూమిగా ఉందని పిటిషనర్‌ తరఫు న్యాయవాది కోర్టు దృష్టికి తీసుకెళ్లారు. మరోవైపు పోరూర్‌ ఆస్తికి సంబంధించిన విస్తీర్ణం, కొనుగోలు ధరపైనా అభ్యంతరాలు వ్యక్తం చేశారు.ఈ ఆరోపణలను విజయ్‌ ఖండించారు. అఫిడవిట్‌లోని చిన్నచిన్న లోపాలు, ఆస్తుల వివరాల్లో తేడాలు తన ఎన్నికను చెల్లుబాటు కాకుండా చేయడానికి కారణం కాదని ఆయన తరఫు సీనియర్‌ న్యాయవాది గోపాల్‌ శంకరనారాయణన్‌ వాదించారు. పిటిషనర్‌ ఆరోపణలు ఎన్నికల ఫలితాన్ని ఎలా ప్రభావితం చేశాయో కూడా వివరించలేదని పేర్కొన్నారు.ఇదే అంశంపై విచారణ సందర్భంగా జస్టిస్‌ వీ లక్ష్మీనారాయణన్‌ కీలక వ్యాఖ్యలు చేశారు. ఆస్తుల వివరాలను సిద్ధం చేసేటప్పుడు విజయ్‌ తన చార్టర్డ్‌ అకౌంటెంట్‌పై ఆధారపడి ఉండొచ్చని, సీఏ కొన్ని ఆస్తులను పొరపాటున మిస్‌ చేసి ఉంటే అందుకు ఎన్నికను రద్దు చేయాలా? అని ప్రశ్నించారు. అలాగే రూ.600 కోట్ల ఆస్తులు ప్రకటించిన వ్యక్తి మరో రూ.30 కోట్ల ఆస్తులను వెల్లడించకపోవడం వల్ల ఓటర్ల నిర్ణయంపై నిజంగా ప్రభావం పడుతుందా? అని కూడా ప్రశ్నించారు.2026 అసెంబ్లీ ఎన్నికల్లో పెరంబూరు నుంచి విజయ్‌ 1,20,365 ఓట్లు సాధించగా, ప్రత్యర్థి ఆర్‌.డి. శేఖర్‌కు 66,650 ఓట్లు వచ్చాయి. విజయ్‌ 53,715 ఓట్ల మెజార్టీతో గెలిచారు. ఈ నేపథ్యంలో అఫిడవిట్‌లో ఆస్తుల వివరాలపై వచ్చిన ఆరోపణలు ఎన్నికల ఫలితాన్ని ప్రభావితం చేశాయా అన్న అంశం కూడా విచారణలో ప్రాధాన్యం సంతరించుకుంది.విజయ్‌ తన ఎన్నికను సవాల్‌ చేసిన పిటిషన్‌ను కొట్టివేయాలని కోరుతూ హైకోర్టును ఆశ్రయించారు. ఈ పిటిషన్‌పై తదుపరి వాదనలు ఇవాళ అక్టోబర్‌ 8న కొనసాగనున్నాయి. దీంతో కోర్టు తదుపరి విచారణపై ఆసక్తి నెలకొంది.ఇదీ చదవండి: త్వరలో.. విజయ్‌ అన్నయ్యసారె!

ఇండిగో విమానానికి ఘోర ప్రమాదం తప్పింది. వేల అడుగుల ఎత్తులో పిడుగు తాకడంతో విమానం ముందుభాగంలోని రాడోమ్‌ దెబ్బతింది. ల్యాండింగ్‌ సమయంలో వడగళ్ల వాన కూడా ఎదురైంది. అయితే పైలట్లు పరిస్థితిని అదుపులో ఉంచి విమానాన్ని సురక్షితంగా ల్యాండ్‌ చేయడంతో అంతా ఊపిరి పీల్చుకున్నారు.పాట్నా నుంచి లక్నో వెళ్తున్న ఇండిగో విమానం 6E 625 బుధవారం ప్రతికూల వాతావరణంలో చిక్కుకుంది. సుమారు 17 వేల అడుగుల ఎత్తులో పిడుగు తాకడంతో విమానం ముందుభాగంలోని రాడోమ్‌ దెబ్బతింది. ల్యాండింగ్‌ సమయంలో వడగళ్ల వాన కూడా ఎదురైంది. అయితే పైలట్లు పరిస్థితిని అదుపులో ఉంచి విమానాన్ని చౌధరీ చరణ్‌సింగ్‌ అంతర్జాతీయ విమానాశ్రయంలో దించారు. విమానంలో 104 మంది ప్రయాణికులు, ఆరుగురు సిబ్బంది ఉన్నారు. వారందరూ సురక్షితంగా బయటకు వచ్చారు. విమానం షెడ్యూల్‌ సమయం కంటే 8 నిమిషాల ముందుగానే ల్యాండ్‌ కావడం గమనార్హం.పిడుగుపాటు, వడగళ్ల వాన కారణంగా విమానం ముందుభాగంలోని రాడోమ్‌ దెబ్బతినడంతో దానిని వెంటనే గ్రౌండ్‌ చేశారు. విమానాన్ని తనిఖీ చేసి అవసరమైన మరమ్మతులు చేపట్టిన తర్వాతే తిరిగి నడిపించనున్నారు. ఇందుకు సంబంధించి నియంత్రణ సంస్థల నుంచి అనుమతులు తీసుకోవాల్సి ఉంటుంది.ఈ ఘటనపై డైరెక్టరేట్‌ జనరల్‌ ఆఫ్‌ సివిల్‌ ఏవియేషన్‌ (DGCA) దర్యాప్తు ప్రారంభించింది. సంబంధిత అధికారులకు వెంటనే సమాచారం అందించినట్లు ఇండిగో తెలిపింది. అవసరమైన నిర్వహణ పనులు పూర్తయ్యాక, నియంత్రణ సంస్థల అనుమతులు పొందిన తర్వాత విమానం తిరిగి సేవల్లోకి వస్తుందని పేర్కొంది.ఇటీవల కూడా ఇండిగో విమానానికి ఇలాంటి ఘటన ఎదురైంది. గత నెల గువాహటి నుంచి బెంగళూరు వెళ్తున్న ఇండిగో విమానం కెంపేగౌడ అంతర్జాతీయ విమానాశ్రయంలో ల్యాండింగ్‌ సమయంలో టెయిల్‌ స్ట్రైక్‌కు గురైంది. బలమైన గాలులతో కూడిన ప్రతికూల వాతావరణం కారణంగానే ఈ ఘటన జరిగినట్లు ఇండిగో తెలిపింది.⚠️ A Flight Struck by Lightning Mid-Air! An IndiGo flight travelling from Patna to Lucknow was reportedly struck by lightning amid bad weather while flying at around 17,000 feet. The aircraft’s nose was damaged, but the pilot remained calm and successfully landed the aircraft safely at Lucknow Airport. Around 150 passengers were on board. A terrifying moment in the sky — but thanks to the pilot’s quick judgment and professionalism, all passengers reached the ground safely. ✈️🙏— The Nalanda Index (@Nalanda_index) October 8, 2026ఇదీ చదవండి: ఈ వేడి ఇంతింతై

కృత్రిమ మేధ.. ఈ మాట ఇప్పుడు ఎవరి నోట విన్నా వినిపిస్తోంది. ఫోన్‌లో ఫొటోలు మార్చుకోవడం దగ్గర నుంచి కథలు, పాటలు, వీడియోలు తయారు చేసుకోవడం వరకు ఆ సాంకేతికత మన జీవితాల్లోకి వచ్చేసింది. కానీ ఒక చిన్న దేశం మాత్రం ఏఐని మరో స్థాయిలో ఉపయోగించేందుకు ప్రయత్నిస్తోంది. రైతు పొలంలో ఏ పురుగు వచ్చిందో చెప్పడం నుంచి విద్యార్థి చదువు మానేసే ప్రమాదాన్ని ముందే గుర్తించడం వరకు.. వైద్య సేవల నుంచి ప్రభుత్వ నిర్ణయాల వరకు.. ప్రజల సమస్యలకు ఉపయోగిస్తోంది.ఆ దేశమే రువాండా. ఆఫ్రికాలోని చిన్న దేశం. జనాభా, ఆర్థిక శక్తి, వనరుల విషయంలో భారత్‌తో పోల్చితే చాలా చిన్నది. అయినా AI విషయంలో అది పెట్టుకున్న లక్ష్యం మాత్రం పెద్దది. AIని కేవలం కొత్త టెక్నాలజీగా కాకుండా దేశ అభివృద్ధికి ఉపయోగపడే సాధనంగా మార్చాలని రువాండా జాతీయ విధానాన్ని రూపొందించుకుంది. రైతుకు 24 గంటలూ సలహారువాండాలో వ్యవసాయానికి సంబంధించిన ఓ ఏఐ వ్యవస్థను ప్రయోగిస్తున్నారు. రైతు తన భాష కిన్యారువాండాలో ప్రశ్న అడిగితే.. పంటకు వచ్చిన తెగులు, వ్యాధులు, వాతావరణ పరిస్థితులపై సలహా ఇచ్చేలా దీన్ని రూపొందించారు. అంటే రైతు ‘‘నా పంటకు ఈ సమస్య వచ్చింది.. ఏం చేయాలి?’’ అని అడిగితే సమాధానం చెప్పే సాంకేతికత.మన దేశంలో కూడా వ్యవసాయానికి AI ప్రయోగాలు జరుగుతున్నాయి. కానీ రువాండా ప్రత్యేకత ఏమిటంటే.. తన దేశ ప్రజలు మాట్లాడే భాషలో, వారి రోజువారీ సమస్యకు నేరుగా ఉపయోగపడేలా AIని రూపొందించడం.పిల్లాడు బడికి దూరమా?.. అలర్ట్‌రువాండా ఏఐని విద్యారంగంలోనూ ప్రయోగిస్తోంది. విద్యార్థి చదువు మధ్యలోనే ఆపేసే ప్రమాదం ఉందా? అనే విషయాన్ని ముందుగానే గుర్తించే AI మోడల్‌ను ప్రయోగిస్తున్నారు. అలాగే విద్యార్థుల స్థాయికి అనుగుణంగా గణితాన్ని బోధించే అర్టిఫీషియల్‌ ఇంటెలిజెన్స్‌ ఆధారిత ట్యూటరింగ్‌ వ్యవస్థను కూడా పరీక్షిస్తున్నారు. అంటే పిల్లాడు స్కూల్‌ మానేసిన తర్వాత సమస్యను గుర్తించడం కాదు.. ఆ పిల్లాడు చదువు మానేసే అవకాశం ఉంది అని ముందే పట్టించుకోండి అని వ్యవస్థ హెచ్చరించే దిశగా ఆలోచన.ఆస్పత్రికి వెళ్లకముందే AI సాయంఆరోగ్య రంగంలోనూ రువాండా ఏఐతో ప్రయోగాలు చేస్తోంది. జాతీయ టెలీమెడిసిన్‌ సేవలో దాని ఆధారిత ప్రాథమిక పరిశీలన, వైద్య నిర్ణయాలకు సహాయక వ్యవస్థలను అభివృద్ధి చేసే ప్రయత్నాలు జరుగుతున్నాయి. అదే సమయంలో వైద్యులకు చికిత్స నిర్ణయాల్లో సహాయపడే టూల్స్‌ను ప్రయోగిస్తున్నారు. అలాగని అదేం వైద్యుడిని పూర్తిగా భర్తీ చేయడం లక్ష్యం కాదు. వైద్యుడికి మరింత సమాచారం అందించి నిర్ణయం తీసుకోవడంలో సహాయం చేయడం మాత్రమే!.రక్తం.. మందులు డ్రోన్లతో!ఇంకో ఆసక్తికరమైన ఉదాహరణ రువాండాలో ఇప్పటికే అమల్లో ఉన్న స్వయంచాలక డ్రోన్‌ ద్వారా మందులు, రక్తం వంటి వైద్య సామగ్రి పంపిణీ. రోడ్లు, దూర ప్రాంతాలు, అత్యవసర పరిస్థితులు అడ్డంకిగా మారినప్పుడు.. డ్రోన్లను ఉపయోగించి వైద్య సరఫరాలు చేరవేసే వ్యవస్థను అక్కడ విస్తరించారు. ప్రభుత్వానికి కూడా.. రువాండా ఏఐని ఒకటి రెండు శాఖల ప్రయోగంగా వదిలేయకుండా.. పాలనలో భాగంగా మార్చే ప్రయత్నం చేస్తోంది. ఇందుకోసం ప్రత్యేక సంస్థను ఏర్పాటు చేసింది. ఆ సంస్థ పని కేవలం ఈ టెక్నాలజీపై చర్చించడం కాదు.. ప్రభుత్వంలో ఏఐ అమలు, పరిశోధన, నైపుణ్యాభివృద్ధి, పాలన, పరిశ్రమల అభివృద్ధి వంటి అంశాలను సమన్వయం చేయడం. ఇంకా ముందుకు వెళ్లి.. ప్రభుత్వ నిర్ణయాలు ‘‘గతంలో ఏం జరిగింది?’’ అనే నివేదికలపై మాత్రమే ఆధారపడకుండా, ‘‘ఇప్పుడు ఏం జరుగుతోంది? తర్వాత ఏం జరగొచ్చు?’’ అనే అంచనాలకు AI, డేటాను ఉపయోగించే దిశగా ఆ దేశం ప్రణాళికలు రూపొందిస్తోంది. మరి మన దగ్గర?పేద దేశమైన రువాండాలోనే కాదు.. రిచ్చెస్ట్‌ ఎకానమీ ఉన్న సింగపూర్‌లోనూ దాదాపు ఏఐ వినియోగం ఇదే స్థాయిలో నడుస్తోంది. ఇక్కడే మనం ఒక్కసారి ఆగి ఆలోచించాలి. భారత్‌ ఆ విషయంలో వెనుకబడిన దేశం కాదు. ఇండియాఏఐ మిషన్‌(IndiaAI Mission) ద్వారా కంప్యూటింగ్‌ వనరులు, డేటా, స్వదేశీ AI మోడళ్లు, నైపుణ్యాభివృద్ధి, స్టార్టప్‌లకు మద్దతు వంటి రంగాల్లో ప్రభుత్వం కార్యక్రమాలు చేపడుతోంది. ప్రభుత్వ విభాగాల్లోనూ AI వినియోగానికి ప్రణాళికలు ఉన్నాయి. అంటే సమస్య ‘‘భారత్‌ AIని పట్టించుకోవడం లేదు’’ అనేది కాదు.కానీ, మనం AIని ఎంతగా, ఎటువైపు ఉపయోగిస్తున్నాం?.. అదే అసలు ప్రశ్నసినిమాల్లో హీరో ముఖాన్ని, హీరోయిన్లను అశ్లీలంగా మార్చడానికి..సోషల్‌ మీడియాలో నకిలీ వీడియోలు చేయడానికి.. రాజకీయ ప్రచారంలో భావోద్వేగాలను రెచ్చగొట్టడానికి..క్లిక్‌ల కోసం సంచలన కంటెంట్‌ తయారు చేయడానికి..నకిలీ ఫొటోలు, డీప్‌ఫేక్‌లు సృష్టించడానికి! ఇలా..కానీ అదే టెక్నాలజీతో.. ఒక రైతుకు సరైన సమయంలో సలహా ఇవ్వగలమా?ఒక పేద విద్యార్థి చదువు మానేయకుండా ముందే గుర్తించగలమా?ప్రభుత్వ ఆస్పత్రిలో వైద్యుడికి అదనపు సహాయం అందించగలమా?వరదలు, కరువు, కాలుష్యం వంటి సమస్యలను ముందుగానే అంచనా వేయగలమా?ప్రభుత్వ పథకం నిజంగా ఎవరికి చేరడం లేదో డేటా ద్వారా గుర్తించగలమా?ఏఐ వచ్చిన తర్వాత మనం తరచూ ‘‘ఎన్ని ఉద్యోగాలు పోతాయి?’’ అని అడుగుతున్నాం. ‘‘ఎన్ని ఉద్యోగాలు వస్తాయి?’’ అని కూడా చర్చిస్తున్నాం. కానీ మరో ప్రశ్న కూడా ఉండాలి. దాని వల్ల సామాన్యుడి జీవితం ఎంత సులభమవుతుంది?. ఈ ప్రశ్నకు సమాధానం వెతుకుతున్న దేశాల్లో రువాండా ఒక ఉదాహరణగా కనిపిస్తోంది. ఆ దేశం AI కోసం ప్రత్యేక విధానం, సంస్థలు, డేటా వ్యవస్థలు, నైపుణ్య కార్యక్రమాలు ఏర్పాటు చేస్తోంది. 2026లో ప్రభుత్వం AIని ఆరోగ్యం, విద్య, ప్రభుత్వ సేవల్లో బాధ్యతాయుతంగా ఉపయోగించేందుకు ఆంత్రోపిక్‌(Anthropic)తో మూడేళ్ల భాగస్వామ్యాన్నీ ప్రకటించింది.చిన్న దేశం.. మనకు పెద్ద పాఠంరువాండా మనకంటే పెద్ద దేశం కాదు. మనకంటే ఎక్కువ వనరులున్న దేశం కూడా కాదు. కానీ ఒక విషయాన్ని మాత్రం స్పష్టంగా చెబుతోంది. ఏఐ అంటే ఫొటోలు, వీడియోలు జనరేట్‌ చేసుకోవడం కాదు. ఫేక్‌ వీడియోలు చేయడం కాదు. ఎన్నికల ప్రచారానికి కొత్త ఆయుధం అంతకంటే కాదు. దానిని సరిగ్గా ఉపయోగిస్తే రైతుకు సలహాదారు కావొచ్చు. విద్యార్థికి గురువు కావొచ్చు. డాక్టర్‌కు సహాయకుడు కావొచ్చు. ప్రభుత్వానికి ముందస్తు హెచ్చరిక వ్యవస్థ కావొచ్చు. సామాన్యుడికి వేగవంతమైన సేవ కావొచ్చు. మన దగ్గర కూడా ఆ సామర్థ్యం ఉంది. సాంకేతిక నిపుణులు ఉన్నారు. డేటా ఉంది. ప్రతిభ ఉంది. భారీ మార్కెట్ ఉంది. కావాల్సింది ఒక్కటే..ఏఐని ఎవరి వినోదానికి ఉపయోగిస్తున్నాం?. ఎవరి రాజకీయ ప్రయోజనానికి ఉపయోగిస్తున్నాం?. ఎవరి లాభానికి ఉపయోగిస్తున్నాం?. అన్నింటికంటే ముఖ్యంగా.. ఎప్పుడు, ఎలా, ఎందుకు ప్రజల కోసం ఉపయోగిస్తున్నాం?. రువాండా లాంటి చిన్న దేశం ఈ ప్రశ్నకు తనదైన సమాధానం వెతుకుతోంది. మరి ప్రపంచంలోనే అతిపెద్ద ప్రజాస్వామ్య దేశమైన భారత్‌.. AI యుగంలో సామాన్యుడి జీవితాన్ని మార్చే తదుపరి అడుగు ఎప్పుడు వేస్తుంది?. :::వెబ్‌ డెస్క్‌ ప్రత్యేకం

ఓ పాత పేరు ఇప్పుడు తమిళనాడు రాజకీయాల్లో కొత్త చర్చకు తెరతీసింది. అది విద్యా సంస్కరణలకు గుర్తుగా నిలిచిన మాజీ ముఖ్యమంత్రి కే. కామరాజ్‌. ముఖ్యమంత్రి, టీవీకే అధినేత సి. జోసెఫ్‌ విజయ్‌ ప్రభుత్వం బ్రేక్‌ఫాస్ట్‌ పథకానికి కామరాజ్‌ పేరు పెట్టడం.. ఆ తర్వాత మరింత మంది విద్యార్థులకు విస్తరించడం రాజకీయంగా ఆసక్తి రేపుతోంది. 2022లో డీఎంకే ప్రభుత్వం ప్రారంభించిన పథకానికి ఇప్పుడు కొత్త పేరు, కొత్త రాజకీయ గుర్తింపు రావడంతో.. సంక్షేమ పథకాల క్రెడిట్‌ విషయంలో డీఎంకేతో విజయ్‌కు మరో పోటీ మొదలైనట్టయింది. అదే సమయంలో కామరాజ్‌ వారసత్వం బీజేపీకి కూడా ఓ రాజకీయ అవకాశంగా మారుతోంది.డీఎంకే అధినేత ఎంకే స్టాలిన్‌ ముఖ్యమంత్రిగా ఉన్న సమయంలో 2022 సెప్టెంబర్‌లో ‘చీఫ్‌ మినిస్టర్స్‌ బ్రేక్‌ఫాస్ట్‌ స్కీమ్‌’ను ప్రారంభించారు. తొలుత 1 నుంచి 5వ తరగతి విద్యార్థులకు అల్పాహారం అందించేలా పథకాన్ని రూపొందించారు. విద్యార్థుల హాజరు, పోషకాహారం మెరుగుపరచడం దీని ప్రధాన ఉద్దేశాలు. విజయ్‌ ప్రభుత్వం జూలైలో దీనికి ‘పెరుంతలైవర్‌ కామరాజర్‌ బ్రేక్‌ఫాస్ట్‌ స్కీమ్‌’గా పేరు మార్చింది. సెప్టెంబర్‌ 22న 6 నుంచి 8వ తరగతి విద్యార్థులకు కూడా విస్తరించింది. దీంతో మరో 15.30 లక్షల మంది విద్యార్థులకు ప్రయోజనం కలిగేలా 15,454 ప్రభుత్వ, ఎయిడెడ్‌ పాఠశాలలకు పథకం చేరింది. ఇందుకోసం అదనంగా రూ.217.63 కోట్లు కేటాయించారు.అయితే పేరు మార్పుపై డీఎంకే అభ్యంతరం వ్యక్తం చేసింది. తమ ప్రభుత్వం ప్రారంభించిన పథకానికే పేరు మార్చి కొత్త ప్రభుత్వం రాజకీయ క్రెడిట్‌ తీసుకుంటోందని డీఎంకే నేత ఈవీ వేలు విమర్శించారు. కామరాజ్‌ను గౌరవించడంపై తమకు అభ్యంతరం లేదని.. కొత్త కార్యక్రమాన్ని ప్రారంభించి ఆయన పేరు పెట్టవచ్చని వ్యాఖ్యానించారు.అసలు విజయ్‌ లెక్క ఇదేనా?ఇక్కడే విజయ్‌ నిర్ణయానికి రాజకీయ ప్రాధాన్యం వస్తోంది. డీఎంకేకు సంక్షేమ పథకాలు, సామాజిక న్యాయం వంటి అంశాలు చాలాకాలంగా బలమైన రాజకీయ గుర్తింపుగా ఉన్నాయి. ఇప్పుడు అదే సంక్షేమ విధానాలను కొనసాగిస్తూనే.. వాటికి తనదైన పేరు, గుర్తింపును జోడించడం ద్వారా విజయ్‌ ప్రత్యామ్నాయ రాజకీయ బ్రాండ్‌ను నిర్మించుకునే ప్రయత్నం చేస్తున్నారనే విశ్లేషణ వినిపిస్తోంది.కామరాజ్‌ పేరు ఎంపిక కూడా ఇందులో కీలకమే. విద్య, పాఠశాలల విస్తరణ, విద్యార్థుల సంక్షేమంతో ఆయన పేరు తమిళ ప్రజల్లో బలంగా ముడిపడి ఉంది. పేద పిల్లల విద్యపై ఆయనకు ఉన్న గుర్తింపును దృష్టిలో పెట్టుకుంటే.. విద్యార్థుల కోసం అమలు చేస్తున్న పథకానికి ఆయన పేరు పెట్టడం ద్వారా తన పాలనను ఆ వారసత్వంతో అనుసంధానించుకునే ప్రయత్నంగా దీన్ని చూడొచ్చు.కుల సమీకరణాల కార్డుగా?కామరాజ్‌కు నాడార్‌ సమాజంతో ఉన్న చారిత్రక అనుబంధం కూడా ఈ నిర్ణయానికి మరో రాజకీయ కోణాన్ని తెస్తోంది. ముఖ్యంగా దక్షిణ తమిళనాడులో సామాజిక వర్గాల ప్రాధాన్యం నేపథ్యంలో.. కామరాజ్‌ పేరును ముందుకు తేవడం ద్వారా ఆ వర్గాలతో పాటు విస్తృత సామాజిక సమీకరణాలను ఆకర్షించే ప్రయత్నంగా కొందరు విశ్లేషకులు చూస్తున్నారు. అయితే దీనివల్ల తక్షణమే ఓట్ల లాభం వస్తుందని చెప్పడానికి ఆధారాలు లేవు. అందుకే ఈ పేరు మార్పును కేవలం పథకం రీబ్రాండింగ్‌గా చూడటం కంటే.. విజయ్‌ తన రాజకీయ గుర్తింపును విస్తరించుకునే ప్రయత్నంగా చూడాల్సి ఉంటుందనే కోణమూ చర్చనీయాంశమైంది.బీజేపీకి ఎక్కడ అవకాశం?కామరాజ్‌ తమిళ రాజకీయ చరిత్రలో కాంగ్రెస్‌తో బలంగా అనుసంధానమైన నాయకుడు. అయినప్పటికీ విద్య, సమగ్ర అభివృద్ధి, పేదల సంక్షేమం వంటి అంశాల్లో ఆయనకు ఉన్న గుర్తింపు రాజకీయంగా విస్తృతంగా ఉపయోగపడేలా ఉంది. ఇటీవల కామరాజ్‌ జయంతి సందర్భంగా ప్రధాని నరేంద్ర మోదీ కూడా ఆయన విద్య, సమగ్ర అభివృద్ధి, పేదల సంక్షేమానికి చేసిన కృషిని ప్రత్యేకంగా ప్రస్తావించారు. ఇటు బీజేపీకి కూడా ఇందులో ఓ రాజకీయ కోణం కనిపిస్తోంది. చారిత్రక నాయకుడైన కామరాజ్‌ను కేవలం ఒక పార్టీకి పరిమితమైన నేతగా కాకుండా.. విద్య, అభివృద్ధి, పేదల సంక్షేమానికి ప్రతీకగా ప్రస్తావించడం ద్వారా తమిళనాడులో తన రాజకీయ కథనానికి అనుసంధానించే అవకాశం బీజేపీకి ఉంటుంది.కామరాజ్‌ పేరుతో కేంద్ర స్థాయిలో ఓ పథకం తీసుకురావాలని ప్రధాని మోదీని కోరుతూ ఓ బృందం విజ్ఞప్తి చేసినట్లు సమాచారం. అదే జరిగితే.. రాష్ట్రంలో విజయ్‌ ప్రభుత్వం కామరాజ్‌ పేరును ముందుకు తీసుకెళ్తున్న సమయంలో, కేంద్రంలో బీజేపీ కూడా ఆయన వారసత్వాన్ని తనదైన రీతిలో ప్రస్తావించినట్లవుతుంది. కాబట్టి, టీవీకే, డీఎంకేలా కాకుండా బీజేపీ కామరాజ్‌ వారసత్వాన్ని తమిళనాడులో తన రాజకీయ విస్తరణకు ఉపయోగించుకునే అవకాశాన్ని పరిశీలిస్తున్నట్లు కనిపిస్తోంది. కామరాజ్‌ పేరు చుట్టూ ఇప్పుడు మూడు రాజకీయ లెక్కలు కనిపిస్తున్నాయి. విజయ్‌ తనదైన సంక్షేమ, సామాజిక రాజకీయ బ్రాండ్‌ కోసం చూస్తుంటే.. డీఎంకే తన పథకాలకు ఉన్న రాజకీయ క్రెడిట్‌ను కాపాడుకోవాల్సి వస్తోంది. బీజేపీ మాత్రం కామరాజ్‌ వారసత్వాన్ని తమిళనాడులో తనకు అనుకూలమైన రాజకీయ స్పేస్‌గా మలుచుకునే అవకాశం కోసం చూస్తోంది. ఈ లెక్కలు చివరికి ఎన్నికల ఓట్లుగా మారుతాయా? లేక కామరాజ్‌ పేరు మరో రాజకీయ చర్చగానే మిగిలిపోతుందా? అన్నదే ఇప్పుడు అసలు ఆసక్తి.ఇదీ చదవండి: ఆ హీరో కూడా పాలిటిక్స్‌కు వస్తే.. ఇక అంతే!

సాక్షి, ఢిల్లీ: గుజరాత్‌ ముఖ్యమంత్రిగా బాధ్యతలు చేపట్టి 25 ఏళ్లు పూర్తయిన సందర్భంగా ప్రధాని నరేంద్ర మోదీ తన సుదీర్ఘ రాజకీయ ప్రయాణాన్ని గుర్తు చేసుకున్నారు. సరిగ్గా 2001 అక్టోబర్‌ 7న గుజరాత్‌ సీఎంగా బాధ్యతలు చేపట్టిన తాను.. ఇన్నేళ్లుగా ప్రజలకు సేవ చేసే అవకాశం దక్కడం అదృష్టంగా భావిస్తున్నానన్నారు. ఇంత ఉన్నత స్థాయికి చేరుకుంటానని అప్పట్లో ఊహించలేదని చెప్పారు. ప్రతి విజయం తనలో ‘నేను ఏదైనా సాధించగలను’ అనే నమ్మకాన్ని పెంచిందని తెలిపారు.ఢిల్లీలో బుధవారం నిర్వహించిన ప్రత్యేక కార్యక్రమంలో ఆయన మాట్లాడుతూ.. ‘‘దేశ ప్రజలకు తలవంచి నమస్కరిస్తున్నా. రాష్ట్ర ఎన్నికలైనా.. సాధారణ ఎన్నికలైనా ప్రజలు నాపై విశ్వాసం ఉంచారు. ఈ రోజు ఉదయం కూడా దేశ ప్రజలందరి కోసం వినాయకుడిని ప్రార్థించాను. ప్రజలకు సేవ చేసేందుకు మరింత శక్తిని ఇవ్వాలని కోరుకున్నా. నాకు ప్రజలే భగవంతుడి స్వరూపం. దేశం నాకు ఎంతో ఇచ్చింది. అందుకే దేశమే నాకు ప్రథమ ప్రాధాన్యం’’ అని మోదీ పేర్కొన్నారు.ఇప్పటికీ నేర్చుకుంటున్నా..తనను తాను ఇప్పటికీ విద్యార్థిగానే భావిస్తానని మోదీ చెప్పారు. చిన్నప్పుడు వడోదరలో కాకుండా వడ్నగర్‌లో పాఠశాలకు వెళ్లిన రోజుల్లో తరగతికి తొలుత వచ్చేవారిలో తానూ ఒకడినని గుర్తుచేసుకున్నారు. నేర్చుకోవాలన్న ఆసక్తి అప్పటి నుంచే తనలో భాగమైందన్నారు. ‘‘ఎంత ఎక్కువ నేర్చుకుంటే.. దేశానికి సేవ చేసే సామర్థ్యం అంత పెరుగుతుంది. ప్రతిరోజూ ఏదో ఒక కొత్త విషయం నేర్చుకోవడానికి ప్రయత్నిస్తా’’ అని చెప్పారు.తన 25 ఏళ్ల ప్రయాణంలో ఎదురైన ప్రతి సంకటం ఒక పాఠం నేర్పిందన్నారు. ప్రతి విజయం బాధ్యతను పెంచిందని, ప్రతి సాధన మరింత పెద్ద లక్ష్యాల వైపు వెళ్లేందుకు ధైర్యాన్ని ఇచ్చిందని చెప్పారు. మద్దతుదారులు తనకు ప్రోత్సాహాన్ని ఇస్తే.. విమర్శకులు తనను తాను పరిశీలించుకునేలా చేశారని పేర్కొన్నారు.భూకంపం నుంచి చంద్రయాన్‌ వరకు..గుజరాత్‌ సీఎంగా బాధ్యతలు చేపట్టిన సమయంలో ఎదురైన భుజ్‌ భూకంపం పునర్నిర్మాణంలో పట్టుదలగా ఉండటం నేర్పిందని మోదీ గుర్తుచేసుకున్నారు. చంద్రయాన్‌ వైఫల్యం నుంచి తిరిగి లేవడం నేర్చుకున్నానని తెలిపారు. కరోనా మహమ్మారి దేశ సమష్టి చైతన్యం, ఐక్యత ప్రాధాన్యాన్ని తెలియజేసిందన్నారు. తీపి, చేదు అనుభవాల మధ్య ముందుకు సాగేందుకు మీడియా కూడా తనకు ప్రేరణనిచ్చిందని పేర్కొన్నారు.సేవే ధర్మం.. దేశమే తొలి ప్రాధాన్యంఎన్డీయే మిత్రపక్షాలతో పాటు బీజేపీ, రాజకీయ సహచరులు, తనపై విశ్వాసం ఉంచిన ప్రజలందరికీ మోదీ కృతజ్ఞతలు తెలిపారు. ‘‘సేవే ధర్మం. నేను యాంబిషన్‌ కోసం కాదు.. మిషన్‌ కోసం జీవిస్తున్నా’’ అని స్పష్టం చేశారు. వేల ఏళ్ల చరిత్ర, గొప్ప సాంస్కృతిక వారసత్వం ఉన్న దేశానికి సేవ చేసే అవకాశం తనకు లభించడం గొప్ప గౌరవంగా భావిస్తున్నానన్నారు.25 ఏళ్ల ప్రస్థానం కేవలం గతాన్ని గుర్తుచేసుకునే సందర్భం కాదని.. భవిష్యత్తు కోసం సంకల్పాన్ని పునరుద్ఘాటించే సమయమని మోదీ పేర్కొన్నారు. 2047 నాటికి వికసిత్‌ భారత్‌ లక్ష్యాన్ని సాధిస్తామని, ప్రపంచంలోని టాప్‌-3 ఆర్థిక వ్యవస్థల్లో భారత్‌ను నిలబెడతామని ధీమా వ్యక్తం చేశారు. ‘‘మనం సాధిస్తాం.. తప్పకుండా సాధిస్తాం’’ అంటూ తన ప్రసంగాన్ని ముగించారు.ఇదీ చదవండి: ఎస్‌ఐఆర్ పేరుతో అసలు ఏం జరుగుతోంది?

కేంద్ర ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌ మరో పర్యటన వాయిదా వేసుకున్నారు. ఆయనతో పాటు ఈసీ ఉన్నతాధికారులు ఇవాళ, రేపు ఛత్తీస్‌గఢ్‌లో పర్యటించాల్సి ఉండగా.. ‘‘అనివార్య కారణాల’’తో కార్యక్రమాన్ని వాయిదా వేసినట్లు రాష్ట్ర ఎన్నికల ప్రధాన అధికారి కార్యాలయం ప్రకటించింది. కొత్త తేదీలను తర్వాత వెల్లడిస్తామని తెలిపింది.ఓటర్ల జాబితాల ప్రత్యేక సమగ్ర సవరణ (SIR), ఫామ్‌-6లో మార్పులపై విపక్షాల ఆందోళనలు ఉద్ధృతమైన సమయంలో ఈ పరిణామం చోటుచేసుకుంది. ఈసీలో అభిప్రాయబేధాలు, సర్‌ వివాదాల నేపథ్యం తర్వాత.. మీరట్‌, వారణాసి, లడఖ్‌, హిమాచల్‌ప్రదేశ్‌, ఉత్తరాఖండ్‌ పర్యటనలు వాయిదా పడ్డాయి. ఇప్పుడు ఛత్తీస్‌గఢ్‌ ఆ జాబితాలో చేరింది. అయితే ఆయన పర్యటనల్లో నిరసనలు ఎదురయ్యే అవకాశాలు ఉన్నందునే ఈ నిర్ణయం తీసుకుని ఉంటారనే చర్చా జోరందుకుంది.ఛత్తీస్‌గఢ్‌ పర్యటనలో జ్ఞానేశ్‌ కుమార్‌ దంతేవాడలోని దంతేశ్వరి ఆలయం, బస్తర్‌లో చిత్రకూట్‌ జలపాతం, కబీర్‌ధామ్‌లో భోరమ్‌దేవ్‌ ఆలయాన్ని సందర్శించాల్సి ఉంది. రాష్ట్ర ప్రభుత్వం ఆయనకు ‘స్టేట్‌ గెస్ట్‌’ హోదా కల్పించి భారీ భద్రతా ఏర్పాట్లు చేసింది. అయితే చివరి నిమిషంలో ఈసీ వర్గాలు పర్యటనను రద్దు చేసినట్లు చెబుతున్నాయి. ఇదిలా ఉంటే సీఈసీ జ్ఞానేశ్‌ కుమార్‌ రాజీనామా డిమాండ్‌పై బుధవారం కూడా విపక్షాల ఆందోళనలు కొనసాగనున్నాయి. ఢిల్లీ చీఫ్‌ ఎలక్టోరల్‌ ఆఫీసర్‌ కార్యాలయం వద్ద కాంగ్రెస్‌, వామపక్షాలతో కలిసి నిరసనలో పాల్గొంటామని ఆమ్‌ ఆద్మీ పార్టీ ప్రకటించింది. అంతకు ముందు.. మంగళవారం ఢిల్లీలో రాహుల్‌ గాంధీ నేతృత్వంలో విపక్ష ఎంపీలు ఈసీ కార్యాలయం వైపు మార్చ్‌ చేపట్టారు. పోలీసులు అడ్డుకోవడంతో ఆకాష్‌వాణి భవన్‌ వద్ద ఎనిమిది గంటలకు పైగా ధర్నా నిర్వహించారు. రాహుల్‌, ప్రియాంక గాంధీ సహా పలువురు నేతలను పోలీసులు అదుపులోకి తీసుకుని అనంతరం విడుదల చేశారు. సర్‌ రద్దు, జ్ఞానేశ్వర్‌ రాజీనామా, ఎన్నికల సంఘంలో సంస్కరణలు కోరుతూ ఈ నెల 10వ తేదీ నుంచి కాక్రోచ్‌ జనతా పార్టీ కూడా దేశవ్యాప్త ఆందోళనలకు సిద్ధమైంది. ఇదీ చదవండి: ఈసీ కోసం నెక్స్ట్‌ లెవల్‌ పోరాటం!

ఎన్నికల సంఘం, సీఈసీ జ్ఞానేశ్‌ కుమార్‌పై విపక్షాల పోరు మరింత ఉధృతమవుతోంది. ఓటర్ల జాబితాల ప్రత్యేక సమగ్ర సవరణ (SIR), ‘ఓట్‌ చోరీ’ ఆరోపణలపై ఇండియా కూటమి చేపట్టిన మార్చ్‌ మంగళవారం తీవ్ర ఉద్రిక్తతకు దారితీసింది. పోలీసులు అడ్డుకోవడంతో రాహుల్‌ గాంధీ, ప్రియాంక గాంధీ వాద్రా సహా పలువురు నేతలను అదుపులోకి తీసుకున్నారు. అయితే రాత్రి వారిని విడుదల చేశారు. దీంతో ఇవాళ ఉద్యమం తదుపరి కార్యాచరణపై ఉత్కంఠ నెలకొంది.ఎన్నికల సంఘంపై అదే పోరును దేశవ్యాప్త ఆందోళనగా మలిచేందుకు కాంగ్రెస్‌ సిద్ధమవుతోంది. రాష్ట్రపతిని కలిసేందుకు సమయం కోరడంతో పాటు.. నవంబర్‌ 1న రామ్‌లీలా మైదాన్‌లో భారీ సభకు కూటమి సన్నద్ధమవుతోంది. నిన్నటి ఘటనకు కొనసాగింపుగా కాంగ్రెస్‌ ఇవాళ దేశవ్యాప్తంగా ఆందోళనలకు పిలుపునిచ్చింది. రాష్ట్రాలు, జిల్లాల స్థాయిలో ఎన్నికల సంఘం కార్యాలయాల ఎదుట నిరసనలు చేపట్టాలని పార్టీ నేతలు నిర్ణయించారు. ఢిల్లీలోనూ ఆందోళనలు కొనసాగనున్నాయి. ఎన్నికల జాబితాల్లో అవకతవకలు జరుగుతున్నాయని, అర్హులైన ఓటర్ల పేర్లు తొలగిస్తున్నారని రాహుల్‌ గాంధీ ఆరోపిస్తున్నారు. అయితే ఎన్నికల సంఘం ఈ ఆరోపణలను తోసిపుచ్చుతోంది.ఆకాశవాణి భవన్‌ వద్ద..మంగళవారం ఉదయం పార్లమెంట్‌ మకర్‌ ద్వార్‌ నుంచి దాదాపు 200 మంది ఎంపీలు ఎన్నికల సంఘం కార్యాలయం వైపు మార్చ్‌ ప్రారంభించారు. అఖిలేశ్‌ యాదవ్‌, అభిషేక్‌ బెనర్జీ, మనోజ్‌ ఝా, డెరెక్‌ ఓబ్రెయిన్‌ తదితర విపక్ష నేతలు పాల్గొన్నారు. పోలీసులు భారీ బారికేడ్లు ఏర్పాటు చేసి మార్చ్‌ను అడ్డుకున్నారు.రాహుల్‌ గాంధీ బారికేడ్‌పైకి ఎక్కి జాతీయ జెండాను ఊపారు. అనంతరం పలువురు నేతలను పోలీసులు బస్సుల్లోకి ఎక్కించారు. రాహుల్‌ మాత్రం ఆకాశవాణి భవన్‌ వైపు వెళ్లారు. ప్రియాంక గాంధీ కూడా ఆయనతో చేరారు. కొద్దిసేపు పోలీసులతో వాగ్వాదం జరిగిన అనంతరం వారిని ఆకాశవాణి భవన్‌ ప్రాంగణంలోకి అనుమతించారు. అక్కడే ఇద్దరూ బైఠాయించి నిరసన చేపట్టారు.రాత్రి హైడ్రామాఆకాశవాణి భవన్‌ ప్రాంగణంలో కొనసాగిన నిరసన అనంతరం రాహుల్‌, ప్రియాంక సహా పలువురు నేతలను పోలీసులు అదుపులోకి తీసుకుని కింగ్స్‌వే క్యాంప్‌ న్యూ పోలీస్‌ లైన్స్‌కు తరలించారు. రాత్రి 10 గంటల తర్వాత వారిని విడుదల చేశారు. దీంతో ఇవాళ రాహుల్‌, ప్రియాంకలు స్వేచ్ఛగా ఉండగా.. తదుపరి నిరసన కార్యక్రమాలపై కాంగ్రెస్‌ దృష్టి పెట్టింది.రాష్ట్రపతిని కలిసేందుకు ప్రయత్నంఇండియా కూటమి తమ పోరును మరో స్థాయికి తీసుకెళ్లాలని భావిస్తోంది. ఎన్నికల సంఘంపై తమ అభ్యంతరాలను రాష్ట్రపతికి వివరించేందుకు సమయం కోరింది. అక్టోబర్‌ 7, 8 లేదంటే 9 తేదీల్లో భేటీకి అవకాశం ఇవ్వాలని కోరినట్లు సమాచారం. ఈ బృందంలో మల్లికార్జున ఖర్గే, రాహుల్‌ గాంధీతో పాటు మమతా బెనర్జీ, అఖిలేశ్‌ యాదవ్‌, శరద్‌ పవార్‌, ఒమర్‌ అబ్దుల్లా, తేజస్వీ యాదవ్‌ తదితరులు ఉండే అవకాశం ఉంది. మరోవైపు ఎన్నికల సంఘాన్ని కలవాలన్న ప్రయత్నమూ నిన్న ఫలించలేదు. అయితే ముందుగా అపాయింట్‌మెంట్‌ తీసుకుంటే అభ్యంతరం లేదని ఈసీ వర్గాలు అంటున్నాయి. నవంబర్‌ 1న భారీ సభమరోవైపు ఈసారి బిజూ జనతాదళ్‌ (బీజేడీ) కూడా ఇండియా కూటమికి మద్దతుగా వీధుల్లోకి రావడం ప్రాధాన్యత సంతరించుకుంది. ఇద్దరు బీజేడీ ఎంపీలు నిరసనలో పాల్గొన్నారు. గతంలో ఇలాంటి కార్యక్రమాల్లో బీజేడీ దూరంగా ఉండేది. ఇక ఇవాళ్టి నిరసనలతోనే ఉద్యమాన్ని ముగించకుండా.. నవంబర్‌ 1న ఢిల్లీలోని రామ్‌లీలా మైదాన్‌లో భారీ సభ నిర్వహించేందుకు ఇండియా కూటమి సిద్ధమవుతోంది. అప్పటివరకు రాష్ట్రాలు, జిల్లాల స్థాయిలో నిరసనలు, సభలు, మార్చ్‌లు నిర్వహించాలని కాంగ్రెస్‌ భావిస్తోంది. ఇదీ చదవండి: ఒక దేశం.. ఒకే పార్టీ అనే కుట్రా?

న్యూఢిల్లీ: దేశ రాజధాని ఢిల్లీలో మంగళవారం రాత్రి భూప్రకంపనలు సంభవించాయి. ఢిల్లీలోని పలు ప్రాంతాల్లో ఒక్కసారిగా భూమి కంపించడంతో ప్రజలు ఆందోళనకు గురయ్యారు. ప్రకంపనలు కొన్ని సెకన్ల పాటు కొనసాగినట్లు స్థానికులు తెలిపారు. దీంతో కొందరు ముందుజాగ్రత్తగా ఇళ్ల నుంచి బయటకు వచ్చినట్లు చెప్పారు.ఉత్తరాఖండ్‌లో 4.9 తీవ్రతతో భూకంపం సంభవించినట్లు సమాచారం. దీని ప్రభావంతో ఢిల్లీ సహా పలు ఉత్తరాది రాష్ట్రాల్లోనూ భూ ప్రకంపనలు నమోదైనట్లు తెలుస్తోంది. అయితే ఈ ప్రకంపనల కారణంగా ఎక్కడైనా నష్టం వాటిల్లిందా? అనే వివరాలు ఇంకా తెలియాల్సి ఉంది. అలాగే, ప్రకంపనల తీవ్రత, ఇతర పూర్తి వివరాలపై అధికారిక సమాచారం రావాల్సి ఉంది. అధికారులు పరిస్థితిని పరిశీలిస్తూ వివరాలను సేకరిస్తున్నారు.ఇదీ చదవండి: ఎల్‌నినో సృష్టించనున్న కల్లోలం ఇదేనా?

పెద్ద పండుగ వచ్చేస్తోంది. దసరా షాపింగ్‌కు నగరాల నుంచి పట్టణాల వరకు సందడి మొదలైంది. మరోవైపు ఆన్‌లైన్‌ షాపింగ్‌ సంస్థలు కూడా భారీ డిస్కౌంట్లతో కస్టమర్లను ఆకర్షించేందుకు సిద్ధమయ్యాయి. మొబైళ్లు, టీవీలు, ల్యాప్‌టాప్‌లు, గృహోపకరణాల నుంచి దుస్తులు, ఫ్యాషన్‌, బ్యూటీ ప్రొడక్టుల వరకు పెద్ద ఎత్తున ఆఫర్లు రానున్నాయి. అయితే తెరపై కనిపించే ‘70 శాతం, 80 శాతం, 90 శాతం డిస్కౌంట్‌’ చూసి వెంటనే కార్ట్‌లో వేసుకోవడం మాత్రం నిజంగానే మంచిదా?. అమెజాన్‌ గ్రేట్‌ ఇండియన్‌ ఫెస్టివల్‌ అక్టోబర్‌ 8న ప్రారంభం కానుంది. స్మార్ట్‌ఫోన్లు, ఎలక్ట్రానిక్స్‌, టీవీలు, ఫ్యాషన్‌, బ్యూటీ, హోమ్‌ అండ్‌ కిచెన్‌ తదితర విభాగాల్లో ఏడాదిలోనే తక్కువ ధరలతో డీల్స్‌ ఉంటాయని అమెజాన్‌ ప్రకటించింది. ఎస్‌బీఐ క్రెడిట్‌, డెబిట్‌ కార్డులు, అర్హత ఉన్న ఈఎంఐ లావాదేవీలపై 10 శాతం ఇన్‌స్టంట్‌ డిస్కౌంట్‌ కూడా ప్రకటించింది. ప్రైమ్‌ సభ్యులకు అదనపు ప్రయోజనాలు ఉంటాయి ఫ్లిప్‌కార్ట్‌ బిగ్‌ బిలియన్‌ డేస్‌ కూడా ఇదే సమయంలో మొదలవుతోంది. ప్లస్‌, వీఐపీ సభ్యులు, అర్హత ఉన్న కస్టమర్లకు అక్టోబర్‌ 8 నుంచే ఎర్లీ యాక్సెస్‌ ఉండగా.. సాధారణ కస్టమర్లకు అక్టోబర్‌ 9 నుంచి సేల్‌ ప్రారంభమవుతుంది. మొబైళ్లు, ల్యాప్‌టాప్‌లు, ఎలక్ట్రానిక్స్‌, గృహోపకరణాలు, ఫ్యాషన్‌ తదితర విభాగాల్లో ధర తగ్గింపులు, ఎక్స్ఛేంజ్‌, నో-కాస్ట్‌ ఈఎంఐ వంటి ఆఫర్లు ఉంటాయి.ఫ్యాషన్‌ కొనుగోళ్లకు మింత్రా బిగ్‌ ఫ్యాషన్‌ ఫెస్టివల్‌ కూడా అక్టోబర్‌ 8 నుంచి ప్రారంభం కానున్నట్లు తాజా సమాచారం. మింత్రా ఇన్‌సైడర్లకు అక్టోబర్‌ 7 నుంచే ఎర్లీ యాక్సెస్‌ ఉంటుందని నివేదికలు చెబుతున్నాయి. దుస్తులు, ఫుట్‌వేర్‌, యాక్సెసరీస్‌, బ్యూటీ తదితర విభాగాల్లో ఆఫర్లు ఉండనున్నాయి. ఏజియో.. ఇప్పటికే ఆఫర్లుఫ్యాషన్‌ కేటగిరీలో ఏజియోలోనూ పండుగ ఆఫర్లు కొనసాగుతున్నాయి. ఏజియో అధికారిక సేల్‌ పేజీ ప్రకారం అక్టోబర్‌ 7 నుంచి 18 వరకు ఆల్‌స్టార్‌ సేల్‌ ఉండనుంది. సెలెక్టెడ్‌ ఏజియో ఎక్స్‌క్లూజివ్‌ బ్రాండ్లపై అక్టోబర్‌ 6 వరకు 50–90 శాతం వరకు తగ్గింపులు ఉన్నట్లు సంస్థ పేర్కొంది. అంటే దుస్తులు కొనాలనుకునేవారు ఒక్క ప్లాట్‌ఫారమ్‌నే నమ్మకుండా.. ఒకే బ్రాండ్‌, ఒకే మోడల్‌ను రెండు మూడు సైట్లలో చూసి ధర పోల్చుకోవడం మంచిది.ఆఫ్‌లైన్‌లోనూ ఆఫర్లే!షాపింగ్‌ మాల్స్‌, ఎలక్ట్రానిక్స్‌ స్టోర్లలోనూ పండుగ ఆఫర్లు ఇప్పటికే మొదలయ్యాయి. ఉదాహరణకు క్రోమాలో సెప్టెంబర్‌ 25 నుంచి అక్టోబర్‌ 24 వరకు కొన్ని ఉత్పత్తులపై ఫ్లాట్‌ 10 శాతం, ఎంపిక చేసిన ప్రీమియం స్మార్ట్‌ఫోన్లపై 7 శాతం తగ్గింపుతో పాటు బ్యాంక్‌ క్యాష్‌బ్యాక్‌, ఎక్స్ఛేంజ్‌ ప్రయోజనాలు ఉన్నాయి. రిలయన్స్‌ డిజిటల్‌లోనూ ఫెస్టివ్‌ డీల్స్‌ కొనసాగుతున్నాయి. అక్టోబర్‌ 2 నుంచి 13 వరకు కొన్ని బ్యాంకుల క్రెడిట్‌ కార్డులపై లావాదేవీ మొత్తాన్ని బట్టి ఇన్‌స్టంట్‌ డిస్కౌంట్‌ అందిస్తోంది. కొన్ని సందర్భాల్లో ₹10,000–₹49,999 కొనుగోళ్లపై 7.5 శాతం, అధిక విలువైన కొనుగోళ్లపై ఫ్లాట్‌ డిస్కౌంట్లు ఉన్నాయి. అందుకే ఆన్‌లైన్‌లో ధర చూసి.. అదే వస్తువు సమీపంలోని షోరూమ్‌లో ఎంతకు ఇస్తున్నారో కూడా తెలుసుకోవాలి. కొన్ని సందర్భాల్లో స్టోర్‌ ఆఫర్‌, బ్యాంక్‌ ఆఫర్‌, ఎక్స్ఛేంజ్‌ కలిపితే ఆఫ్‌లైన్‌ ధరే తక్కువగా రావచ్చు.నిజంగానే 80 శాతం తగ్గిందా?ఇదే అత్యంత ముఖ్యమైన విషయం. సేల్‌లో ‘80 శాతం ఆఫ్‌’ అని కనిపిస్తే.. అసలు ధరను చూసి మురిసిపోవద్దు. మీరు చెల్లించాల్సిన **ఫైనల్‌ ధర** ఎంత అన్నదే ముఖ్యం. ఉదాహరణకు రూ.10,000 ఎంఆర్పీ ఉన్న వస్తువును రూ.7,000కు ఇస్తూ.. ‘30 శాతం ఆఫ్‌’ అని చూపిస్తే అది పెద్ద డీల్‌ కాకపోవచ్చు. అదే వస్తువు కొన్ని వారాల క్రితం రూ.6,800కే దొరికిందా? అనేది తెలుసుకోవాలి. అందుకే కొనుగోలు చేయాలనుకున్న వస్తువులను ఇప్పుడే వాచ్‌లిస్ట్‌లో పెట్టుకుని ధరను గమనించండి. సేల్‌ రోజు కనిపించే ధరతో పోల్చితే నిజంగా ఎంత తగ్గిందో వెంటనే అర్థమవుతుంది.కార్డు ఆఫర్‌ పేరుతో ఎక్కువ ఖర్చు చేయొద్దు‘క్రెడిట్‌ కార్డుపై 10 శాతం డిస్కౌంట్‌’ అని కనిపించినంత మాత్రాన అది అందరికీ వర్తించదు. కనీస కొనుగోలు విలువ, గరిష్ఠ డిస్కౌంట్‌, ఈఎంఐ నిబంధనలు, ఎంపిక చేసిన ఉత్పత్తులు వంటి షరతులు ఉండొచ్చు. అలాగే ఒక ఆఫర్‌తో మరో ఆఫర్‌ను కలపడానికి వీలుందా? క్యాష్‌బ్యాక్‌ వస్తుందా? లేక ఇన్‌స్టంట్‌ డిస్కౌంటేనా? ముందే చెక్‌ చేయాలి. కొన్ని బ్యాంక్‌ ఆఫర్లు ఇతర డిస్కౌంట్లతో కలపడానికి వీల్లేదని రిలయన్స్‌ డిజిటల్‌ నిబంధనలు కూడా స్పష్టం చేస్తున్నాయి.ఎక్స్ఛేంజ్‌.. నో కాస్ట్‌ ఈఎంఐ.. జాగ్రత్త!పాత ఫోన్‌ ఇచ్చి కొత్త ఫోన్‌ కొనేటప్పుడు చూపించే ఎక్స్ఛేంజ్‌ విలువను మాత్రమే చూడకండి. మీ పాత పరికరానికి బయట మార్కెట్‌లో ఎంత వస్తుందో కూడా తెలుసుకోండి. ఎక్స్ఛేంజ్‌ బోనస్‌ పేరుతో ఇచ్చే ప్రయోజనం నిజంగా అదనపు లాభమా కాదా లెక్కించండి. నో-కాస్ట్‌ ఈఎంఐ విషయంలోనూ ఇదే జాగ్రత్త. నెలకు ఎంత కట్టాలి అన్నదానికంటే మొత్తం చెల్లింపు ఎంత అవుతుందో, ప్రాసెసింగ్‌ ఫీజు లేదంటే ఇతర ఛార్జీలు ఉన్నాయో చూడాలి.ఆ టెన్షన్‌ పక్కన పెట్టండిసేల్‌లో అత్యంత ప్రమాదకరమైన ట్రిక్‌ ఇదే. ‘ఇంకో 10 నిమిషాల్లో ఆఫర్‌ ముగుస్తుంది’, ‘చివరి రెండు పీసులు’, ‘ధర మళ్లీ పెరుగుతుంది’ వంటి సందేశాలు కనిపించవచ్చు. నిజంగా అవసరం లేని వస్తువును ఇలాంటి తొందరలో కొనొద్దు. అవసరమైన వస్తువులు, బహుమతులు, ఇంటి అవసరాలు అంటూ జాబితా చేసుకోండి. ఒక్కో వస్తువుకు గరిష్ఠ బడ్జెట్‌ నిర్ణయించండి. ఆ పరిమితి దాటితే డీల్‌ ఎంత ఆకర్షణీయంగా కనిపించినా వదిలేయడం మంచిది.దసరా షాపింగ్‌ కోసం ‘స్మార్ట్‌ చెక్‌లిస్ట్‌’కొనాలనుకున్న వస్తువు ధరను ఇప్పటి నుంచే గమనించండి.కనీసం రెండు మూడు ప్లాట్‌ఫారమ్‌లలో ధర పోల్చండి.డిస్కౌంట్‌ శాతాన్ని కాకుండా ఫైనల్‌ ధరను చూడండి.బ్యాంక్‌ ఆఫర్‌కు ఉన్న కనీస కొనుగోలు, గరిష్ఠ డిస్కౌంట్‌ నిబంధనలు చదవండి.ఎక్స్ఛేంజ్‌ విలువను బయట మార్కెట్‌ ధరతో పోల్చండి.నో-కాస్ట్‌ ఈఎంఐలో మొత్తం చెల్లింపు, ఫీజులు చెక్‌ చేయండి.రిటర్న్‌, రీప్లేస్‌మెంట్‌, వారంటీ నిబంధనలు చదవకుండా ఆర్డర్‌ చేయొద్దు.అవసరం లేని వస్తువును ‘డీల్‌’ పేరుతో కొనొద్దు.అసలు డిస్కౌంట్‌ ఎక్కడుందో చూడండి!ఈ దసరా షాపింగ్‌లో పోటీ కస్టమర్‌–షాప్‌ మధ్య కాదు.. కస్టమర్‌ డబ్బు ఎక్కడ తక్కువ ఖర్చవుతుందన్నదే అసలు లెక్క. అమెజాన్‌, ఫ్లిప్‌కార్ట్‌, మింత్రా, ఏజియో వంటి ఆన్‌లైన్‌ ప్లాట్‌ఫారమ్‌లతో పాటు క్రోమా, రిలయన్స్‌ డిజిటల్‌ వంటి ఆఫ్‌లైన్‌ స్టోర్లలోనూ ధరలు, బ్యాంక్‌ ఆఫర్లు, ఎక్స్ఛేంజ్‌ ప్రయోజనాలు పోల్చిన తర్వాతే నిర్ణయం తీసుకుంటే.. దసరా డిస్కౌంట్‌ నిజమైన సేవింగ్‌గా మారుతుంది.

ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌ చుట్టూ ఉచ్చు బిగుస్తోందా? ఇప్పటివరకు రాజకీయ విమర్శలు, నిరసనలకే పరిమితమైన వివాదం ఇప్పుడు సుప్రీంకోర్టు గడప దాటింది. జ్ఞానేశ్‌ కుమార్‌పై వచ్చిన ఆరోపణలపై కేంద్రం, ఎన్నికల సంఘం నుంచి సమాధానం కోరుతూ సుప్రీంకోర్టు నోటీసులు జారీ చేయడం కీలక పరిణామంగా మారింది. అదే సమయంలో.. సోమవారం సుప్రీంకోర్టులో ఫామ్‌-6పై వచ్చిన వ్యాఖ్యలు, మంగళవారం ఢిల్లీలో రాహుల్‌ గాంధీ సహా విపక్ష ఎంపీల ఆందోళన.. ఈ వ్యవహారాన్ని మరింత వేడెక్కించాయి.జ్ఞానేశ్‌ కుమార్‌ను సీఈసీ పోస్టు నుంచి తక్షణం సస్పెండ్‌ చేయాలన్న పిటిషన్‌పై సుప్రీంకోర్టు ఎలాంటి మధ్యంతర ఉత్తర్వులు ఇవ్వలేదు. అయితే కేసును విచారణకు స్వీకరించి.. కేంద్రం, ఈసీతో పాటు జ్ఞానేశ్‌ కుమార్‌, మరో ఇద్దరు ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి తదితరులకు నోటీసులు ఇచ్చింది. ఎస్‌ఐఆర్‌కు సంబంధించిన 14 నిర్ణయాలు ఇతర కమిషనర్ల అభ్యంతరాలను పక్కనపెట్టి తీసుకున్నారన్నది పిటిషన్‌లో ప్రధాన ఆరోపణ. అలాగని ఇప్పటికిప్పుడు జ్ఞానేశ్‌ కుమార్‌ పదవికి ముప్పు వచ్చిందని చెప్పలేం. కానీ ఆయన నిర్ణయాలపై న్యాయపరీక్ష మొదలైందన్నది మాత్రం స్పష్టం.అసలు చిక్కు ఆ ఫామ్‌తోనే!ఈ వివాదంలో అత్యంత కీలకమైన అంశం ఫామ్‌-6. కొత్తగా ఓటరుగా నమోదు కావడానికి ఉపయోగించే ఈ ఫామ్‌కు ఎస్‌ఐఆర్‌ సమయంలో అదనపు డిక్లరేషన్‌ జతచేశారు. దాని విషయంలోనే సుప్రీంకోర్టు కీలక వ్యాఖ్య చేసింది.“మార్చిన ఫామ్‌-6ను మేం ఆమోదించలేదు. రికార్డులు వచ్చిన తర్వాత ఎవరు ఏం మార్చారో చూస్తాం” అని భారత ప్రధాన న్యాయమూర్తి జస్టిస్‌ సూర్యకాంత్‌ స్పష్టం చేశారు. దీంతో ఈ మార్పులకు అసలు అధికారం ఎవరిది? ఏ ప్రక్రియలో జరిగాయి? అన్నది ఇప్పుడు కోర్టు పరిశీలనలోకి వచ్చింది.ఇదే అంశంపై ఎన్నికల సంఘం మాత్రం ఇంతకు ముందు తన వివరణ ఇచ్చింది. బిహార్‌లో ఎస్‌ఐఆర్‌ నిర్ణయం ఏకగ్రీవంగా తీసుకున్నామని, సుప్రీంకోర్టు కూడా ఆ ఎస్‌ఐఆర్‌ అధికారాన్ని సమర్థించిందని పేర్కొంది. ఫామ్‌-6 విషయంలో రాహుల్‌ గాంధీ చేసిన ఆరోపణలు తప్పుదోవ పట్టించేవిగా ఈసీ అభివర్ణించింది. అయితే సుప్రీంకోర్టు మాత్రం తన ముందు ఉన్న రికార్డులను పరిశీలించి ఎవరు ఏ మార్పు చేశారో తెలుసుకుంటామని చెప్పడం.. ఈ వివాదం కొత్త మలుపు తిరిగినట్లైంది.జ్ఞానేశ్‌ ముందున్న తక్షణ కర్తవ్యం ఏంటంటే..ఇక జ్ఞానేశ్‌ కుమార్‌ ముందున్న అసలు పరీక్ష.. రాజకీయ విమర్శలకు సమాధానం ఇవ్వడం కాదు. సుప్రీంకోర్టుకు రికార్డులు సమర్పించి.. నిర్ణయాలు ఏ విధంగా తీసుకున్నారో వివరించడం. ముఖ్యంగా 14 నిర్ణయాలపై మిగిలిన ఇద్దరు కమిషనర్లు అభ్యంతరాలు వ్యక్తం చేశారన్న ఆరోపణలపై ఈసీ వద్ద ఉన్న పూర్తి రికార్డులు కీలకం కానున్నాయి. నిర్ణయాలు ఏకగ్రీవంగానే జరిగాయని ఈసీ చెబుతున్న నేపథ్యంలో.. ఆ నిర్ణయ ప్రక్రియకు సంబంధించిన పత్రాలు ఇప్పుడు మరింత ప్రాధాన్యం సంతరించుకున్నాయి.మరి కేంద్రం ఏం చేయబోతోంది?ఇక్కడే రాజకీయ ఉత్కంఠ మొదలవుతోంది. విపక్షాలు మాత్రం జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తున్నాయి. కానీ సీఈసీని కేంద్ర ప్రభుత్వం సాధారణ పరిపాలనా ఉత్తర్వుతో తొలగించే పరిస్థితి లేదు. కాబట్టి ప్రస్తుత దశలో కేంద్రం ముందున్న తక్షణ మార్గం సుప్రీంకోర్టుకు సమగ్ర సమాధానం ఇవ్వడం, ఎన్నికల సంఘం వైఖరిని చట్టపరంగా సమర్థించడం. అదే సమయంలో విపక్షాల తీరును ఎండగట్టడం. కోర్టు రికార్డులను పరిశీలించిన తర్వాత ఏదైనా నిర్ణయం చట్టానికి విరుద్ధంగా ఉందని తేలితే.. దాన్ని రద్దు చేసే అవకాశం ఉందని ఇప్పటికే ధర్మాసనం స్పష్టం చేసింది. అందుకే ఇప్పుడు కేంద్రం వైఖరి అత్యంత కీలకంగా మారింది.రోడ్డెక్కిన విపక్షాలు.. ‘జ్ఞానేశ్‌ బ్రో.. ఇట్స్‌ డన్‌’సుప్రీంకోర్టు పరిణామాల మరుసటి రోజే ఢిల్లీలో విపక్షాలు భారీ ఆందోళనకు దిగాయి. మల్లికార్జున ఖర్గే, రాహుల్‌ గాంధీ సహా ఇండియా కూటమి ఎంపీలు పార్లమెంట్‌ నుంచి ఎన్నికల సంఘం కార్యాలయం వైపు మార్చ్‌ చేపట్టారు. పోలీసులు అడ్డుకోవడంతో పార్లమెంట్‌ స్ట్రీట్‌ వద్దే రోడ్డుపై బైఠాయించి ధర్నా చేశారు. “జ్ఞానేశ్‌.. ఇట్స్‌ డన్‌ బ్రో. టైమ్‌ టు రిజైన్‌” అంటూ రాహుల్‌ గాంధీ చేసిన వ్యాఖ్య ఇప్పుడు ఆందోళనకు నినాదంగా మారింది. సీఈసీ రాజీనామా చేయాలని, ఎస్‌ఐఆర్‌, ఫామ్‌-6 వ్యవహారంపై సమాధానం చెప్పాలని విపక్షాలు డిమాండ్‌ చేస్తున్నాయి. మరోవైపు.. ఈసీ కార్యాలయం చుట్టూ భారీగా భద్రత ఏర్పాటు చేయడం కూడా రాజకీయంగా చర్చనీయాంశమైంది. ఎంపీలను ముందుకు వెళ్లకుండా పోలీసులు అడ్డుకోవడంతో నిరసన మరింత ఉధృతమైంది.మరోవైపు సీజేపీ.. దేశవ్యాప్త ఉద్యమానికి రెడీఇదంతా జరుగుతుండగానే సీజేపీ కూడా జ్ఞానేశ్‌ కుమార్‌కు వ్యతిరేకంగా ఉద్యమాన్ని మరింత విస్తరించేందుకు సిద్ధమవుతోంది. ఇప్పటికే ఆ పార్టీ, విద్యార్థి బృందాలు పలు ప్రాంతాల్లో నిరసనలు చేపట్టాయి. ఎన్నికల జాబితా ప్రక్రియలో అవకతవకలు జరిగాయని ఆరోపిస్తూ జ్ఞానేశ్‌ కుమార్‌ రాజీనామాను డిమాండ్‌ చేస్తున్నాయి. అంటే ఒకవైపు పార్లమెంటరీ విపక్షాల నిరసనలు.. మరోవైపు యువత ఆధారంగా సాగే సీజేపీ ఉద్యమం.. ఇంకోవైపు సుప్రీంకోర్టు విచారణ. మూడు దారుల్లో ఒత్తిడి పెరుగుతోంది.అసలు ఉత్కంఠ ఇక్కడే..ఇప్పటివరకు ఎస్‌ఐఆర్‌ వివాదం ప్రధానంగా “ఎన్నికల సంఘం వర్సెస్‌ విపక్షాలు” అన్నట్టుగా కనిపించింది. ఇప్పుడు సుప్రీంకోర్టు నోటీసులతో వ్యవహారం “ఎన్నికల సంఘం నిర్ణయాలు చట్టబద్ధంగానే జరిగాయా?” అనే ప్రశ్నకు చేరింది. కేంద్రం కూడా ఇప్పుడు రెండు విషయాలను సమన్వయం చేయాల్సి ఉంటుంది. ఒకటి.. రాజ్యాంగబద్ధమైన ఎన్నికల సంఘం స్వతంత్రతను కాపాడటం. రెండోది.. సుప్రీంకోర్టు అడిగిన రికార్డులు, వివరణలను సమర్థంగా సమర్పించడం.అందుకే ఇప్పుడు అందరి చూపూ ఒక్కచోటే.. సుప్రీంకోర్టు తదుపరి అడుగు ఏంటి? దానికి కేంద్రం ఇచ్చే సమాధానం ఏంటి? జ్ఞానేశ్‌ కుమార్‌ వ్యవహారంలో అసలు ట్విస్ట్‌ అక్కడే ఉండబోతోంది.ఇదీ చదవండి: జ్ఞానేశ్వర్‌ దిష్టిబొమ్మ కేసులో బిగ్‌ ట్విస్ట్‌

సాక్షి, న్యూఢిల్లీ: అరకు వైఎస్సార్‌సీపీ ఎంపీ డాక్టర్‌ గుమ్మ తనూజా రాణికి అంతర్జాతీయ వేదికపై అరుదైన అవకాశం లభించింది. ఐక్యరాజ్యసమితి (ఐరాస) 81వ సర్వసభ్య సమావేశంలో పాల్గొంటున్న భారత ఎంపీల బృందంలో సభ్యురాలిగా ఉన్న ఆమె.. ఐరాస పరిపాలనా, బడ్జెటరీ కమిటీ (ఫిఫ్త్‌ కమిటీ) తొలి అధికారిక సమావేశంలో భారత్‌ తరఫున ప్రసంగించారు. ‘పని సంస్థీకరణ’ (Organization of Work) అజెండా అంశంపై భారతదేశం తరఫున తనూజా రాణి అధికారిక ప్రకటన చేశారు.ఐరాస 81వ సర్వసభ్య సమావేశం సందర్భంగా సంస్కరణల ఎజెండాను ముందుకు తీసుకెళ్లాల్సిన అవసరాన్ని యువ ఎంపీ తనూజా రాణి ప్రస్తావించారు. ఐరాస పరిపాలనా, ఆర్థిక వ్యవహారాల్లో పారదర్శకత, సమర్థత పెంచేలా సంస్కరణలు కొనసాగాలని సూచించారు. ఫిఫ్త్‌ కమిటీ పనితీరులో వివిధ ఐరాస సంస్థలు, సలహా కమిటీలకు ఉన్న ప్రత్యేక అధికారాలను గౌరవించడం కీలకమని పేర్కొన్నారు.సభ్య దేశాలు చెల్లింపులు సకాలంలో చేయాలిఐరాస కార్యక్రమాలు, కార్యకలాపాలు సజావుగా సాగేందుకు సభ్య దేశాల ఆర్థిక సహకారం అత్యంత కీలకమని ఆమె స్పష్టం చేశారు. అన్ని సభ్య దేశాలు తమపై విధించిన అసెస్డ్‌ కంట్రిబ్యూషన్లను పూర్తిగా, నిర్ణీత గడువులోగా, ఎలాంటి ముందస్తు షరతులు లేకుండా చెల్లించాలని భారత్‌ తరఫున కోరారు. ఐరాస ఆర్థిక స్థిరత్వానికి ఇది ఎంతో అవసరమని పేర్కొన్నారు.అభివృద్ధి స్తంభానికి తగినన్ని నిధులుఐరాసలో అభివృద్ధి స్తంభానికి తగినన్ని ఆర్థిక వనరులు అందించాల్సిన అవసరాన్ని కూడా తనూజా రాణి ప్రస్తావించారు. ముఖ్యంగా అభివృద్ధి కార్యక్రమాలకు నిధుల కొరత లేకుండా చూడాలని సూచించారు. ఇందుకోసం ‘యూఎన్‌80 ఇనిషియేటివ్‌’ను సమర్థంగా ఉపయోగించుకుని ఐరాస అభివృద్ధి స్తంభాన్ని మరింత బలోపేతం చేయాలని పేర్కొన్నారు.ఏకాభిప్రాయానికే ప్రాధాన్యంఫిఫ్త్‌ కమిటీ చర్చలు, నిర్ణయాల్లో సాధ్యమైనంత వరకు ఏకాభిప్రాయ (కన్సెన్సస్‌) ఫలితాలకు ప్రాధాన్యం ఇవ్వాలని భారత్‌ అభిప్రాయాన్ని ఆమె వెల్లడించారు. సభ్య దేశాల మధ్య సమన్వయం, పరస్పర సహకారంతో నిర్ణయాలు తీసుకోవడం ద్వారా ఐరాస పనితీరును మరింత సమర్థవంతంగా మార్చవచ్చని సూచించారు.ఐరాస 81వ సర్వసభ్య సమావేశానికి భారత్‌ నుంచి 18 మంది ఎంపీల బృందం హాజరవుతోంది. ఆ బృందంలో భాగమైన తెలుగు ఎంపీ తనూజా రాణి.. ఫిఫ్త్‌ కమిటీ తొలి అధికారిక సమావేశంలోనే భారత్‌ తరఫున ప్రసంగించడం విశేషంగా నిలిచింది. పరిపాలన, బడ్జెట్‌, అభివృద్ధి అంశాలపై అంతర్జాతీయ వేదికపై భారత వైఖరిని ఆమె వెల్లడించారు.MP Dr Gumma Thanuja Rani delivered India’s statement at the United Nations Administrative and Budgetary Committee-Fifth Committee’s first formal meeting on the agenda item: Organization of Work. Highlighted the need to continue with the reform agenda during the 81st session.Emphasized payment by all Member States of their assessed contributions in full, on time, and without preconditions. Ensure adequate financial resources for the UN’s development pillar, including leveraging the UN80 Initiative to strengthen the development pillar: India at UN, NY (Source: India at UN, NY)— IANS (@ians_india) October 6, 2026

ఉప ఎన్నికల పోలింగ్‌.. అప్‌డేట్స్‌ నందిగ్రామ్‌లో అత్యధిక పోలింగ్‌: ఉదయం 11 గంటల వరకు 43.95% ఓటింగ్‌ నమోదైంది.రెజీనగర్‌: ఉదయం 11 గంటల వరకు 38.71% పోలింగ్‌ జరిగింది.తట్టాంచావడి (పుదుచ్చేరి): 39.16% ఓటర్లు ఓటు హక్కు వినియోగించుకున్నారు.ధారాపురం (తమిళనాడు): 37.28% పోలింగ్‌ నమోదైంది.మదురాంతకం: ఉదయం 11 గంటలకు 35.55% పోలింగ్‌తో ఐదు స్థానాల్లో అత్యల్పంగా నిలిచింది.నాగావ్‌ లోక్‌సభ ఉపఎన్నిక: కాంగ్రెస్‌ అభ్యర్థి శిబామోని బోరా కుమార్తె మాట్లాడుతూ.. తమ కుటుంబం ఆమె గెలుపుపై “100 శాతం నమ్మకంతో” ఉందని, భారీ మెజారిటీతో విజయం సాధిస్తారని ధీమా వ్యక్తం చేశారు. ఉదయం 9 గంటల వరకు బెంగాల్‌లో భారీ పోలింగ్‌: నందిగ్రామ్‌లో 20.89%, రెజీనగర్‌లో 18.05% పోలింగ్‌ నమోదైంది.రెజీనగర్‌లో హుమాయున్‌ కబీర్‌ అదుపులోకి: ఓటు వేసిన అనంతరం తన పార్టీ కార్యాలయానికి చేరుకున్న ఎమ్మెల్యే హుమాయున్‌ కబీర్‌ను పోలీసులు అదుపులోకి తీసుకున్నారు. ఆయన కుమారుడు గోలామ్‌ నబీ ఆజాద్‌ రెజీనగర్‌ బైపోల్‌లో పోటీ చేస్తున్నారు.నాగావ్‌లో కాంగ్రెస్‌ అభ్యర్థి ఓటు: కాంగ్రెస్‌ అభ్యర్థి శివమోని బోరా ఓటు వేశారు. తాము తప్పకుండా గెలుస్తామని ధీమా వ్యక్తం చేశారు.ధరాపురంలో ఓటేసిన టీవీకే అభ్యర్థి: తమిళనాడులోని ధరాపురం అసెంబ్లీ బైపోల్‌లో టీవీకే అభ్యర్థి పి. సత్యబామ ఓటు వేశారు.తమిళనాడులో రెండు చోట్ల పోలింగ్‌: మదురాంతకం, ధరాపురం అసెంబ్లీ స్థానాల్లో ఉదయం 7 గంటలకు పోలింగ్‌ ప్రారంభమైంది. రెండు చోట్లా కట్టుదిట్టమైన భద్రత ఏర్పాటు చేశారు.నాగావ్‌లో త్రిముఖ పోరు: అసోంలోని నాగావ్‌ లోక్‌సభ బైపోల్‌లో బీజేపీ, కాంగ్రెస్‌, ఏఐయూడీఎఫ్‌ మధ్య ప్రధాన పోటీ నెలకొంది. ఉదయం నుంచే పోలింగ్‌ కేంద్రాల వద్ద ఓటర్లు, ముఖ్యంగా మహిళలు క్యూ కట్టారు.బెంగాల్‌లో భారీ భద్రత: నందిగ్రామ్‌, రెజీనగర్‌ బైపోల్స్‌ కోసం 71 కంపెనీల కేంద్ర బలగాలను మోహరించారు. దేశంలో ఇవాళ ఆరు స్థానాలకు ఉప ఎన్నికలు నిర్వహిస్తోంది ఎన్నికల సంఘం. మూడు రాష్ట్రాలు, పుదుచ్చేరి కేంద్ర పాలిత ప్రాంతంలో ఐదు అసెంబ్లీ స్థానాలు, అలాగే ఒక లోక్‌సభ స్థానానికి పోలింగ్‌ జరుగుతోంది. సాయంత్రం 6 గంటల వరకు ఓటర్లు తమ హక్కును వినియోగించుకోనున్నారు. తమిళనాడులో మదురాంతకం, ధారాపురం.. పశ్చిమ బెంగాల్‌లో నందిగ్రామ్, రేజీనగర్.. పుదుచ్చేరిలో తట్టాంచావడి అసెంబ్లీ స్థానాలకు.. అలాగే అసోంలోని నాగావ్‌ లోక్‌సభ స్థానానికి ఎన్నికలు జరుగుతున్నాయి. ఈ ఉప ఎన్నికల్లో అందరి దృష్టినీ ఆకర్షిస్తున్నవి తమిళనాడులోని మదురాంతకం, ధారాపురం స్థానాలు. నటుడు విజయ్‌ నేతృత్వంలోని తమిళగ వెట్రి కళగం (టీవీకే) ప్రభుత్వం ఏర్పడిన తర్వాత జరుగుతున్న తొలి ఉప ఎన్నికలు కావడంతో వీటి ఫలితాలకు రాజకీయంగా ప్రాధాన్యం ఏర్పడింది. ఈ రెండు స్థానాలూ ఎస్సీ రిజర్వ్‌డ్‌ నియోజకవర్గాలు. ఏప్రిల్‌లో జరిగిన అసెంబ్లీ ఎన్నికల్లో మదురాంతకంలో మారగతం కుమారవేల్‌, ధారాపురంలో పి. సత్యబామ అన్నాడీఎంకే తరఫున గెలిచారు. అనంతరం వారు ఎమ్మెల్యే పదవులకు రాజీనామా చేసి విజయ్‌ నేతృత్వంలోని టీవీకే ప్రభుత్వానికి మద్దతు ఇచ్చి ఆ పార్టీలో చేరారు. దీంతో ఈ రెండు స్థానాలకు ఉప ఎన్నికలు అనివార్యమయ్యాయి. ఇక్కడ టీవీకే, డీఎంకే, అన్నాడీఎంకే, సీపీఐ మధ్య ప్రధాన పోటీ నెలకొంది. మదురాంతకంలో 2,12,639 మంది ఓటర్లు, ధారాపురంలో 2,22,406 మంది ఓటర్లు తమ ఓటు హక్కు వినియోగించుకోనున్నారు. విజయ్‌ ప్రభుత్వం అధికారంలోకి వచ్చిన తర్వాత ప్రజల్లో తనకు ఉన్న ఆదరణ ఎంత? అసెంబ్లీ ఎన్నికల తర్వాత టీవీకే బలం పెరిగిందా? అన్నది ఈ ఫలితాలతో కొంతవరకు అంచనా వేయొచ్చు.నందిగ్రామ్‌లో బీజేపీకి తొలి పరీక్షపశ్చిమ బెంగాల్‌లోని నందిగ్రామ్, రేజీనగర్ స్థానాల్లో కూడా ఇవాళే పోలింగ్‌ జరగనుంది. ఇటీవలే రాష్ట్రంలో 15 ఏళ్ల తృణమూల్‌ కాంగ్రెస్‌ పాలనకు తెరదించి బీజేపీ అధికారంలోకి వచ్చింది. దీంతో కొత్త ప్రభుత్వానికి ఇవి తొలి ఎన్నికల పరీక్షగా మారాయి. ముఖ్యంగా నందిగ్రామ్‌ ఫలితం ఆసక్తికరంగా మారింది. సీఎం, బీజేపీ నేత సువేందు అధికారి అసెంబ్లీ ఎన్నికల్లో నందిగ్రామ్‌తో పాటు భవానీపూర్‌లోనూ పోటీ చేసి రెండు చోట్ల గెలిచారు. అనంతరం భవానీపూర్‌ స్థానాన్ని కొనసాగించడంతో నందిగ్రామ్‌ సీటు ఖాళీ అయింది. ఇప్పుడు అక్కడ జరిగే ఉప ఎన్నిక సువేందు అధికారి వ్యక్తిగత ప్రభావానికి కూడా పరీక్షగా మారింది. రేజీనగర్‌ స్థానంలోనూ బహుముఖ పోటీ నెలకొంది. అధికార బీజేపీతో పాటు తృణమూల్‌ కాంగ్రెస్‌, కాంగ్రెస్‌, సీపీఎం తదితర పార్టీలు బరిలో ఉన్నాయి.నాగావ్‌లో బీజేపీ వర్సెస్‌ కాంగ్రెస్‌అసోంలోని నాగావ్‌ లోక్‌సభ నియోజకవర్గం ఉప ఎన్నిక మరో కీలక పోరు. 2024 లోక్‌సభ ఎన్నికల్లో కాంగ్రెస్‌ తరఫున గెలిచిన ప్రద్యుత్‌ బోర్దొలోయ్‌ తర్వాత పార్టీ మారి బీజేపీలో చేరి అసెంబ్లీ ఎన్నికల్లో పోటీ చేయడంతో లోక్‌సభ సభ్యత్వానికి రాజీనామా చేశారు. దీంతో ఈ స్థానానికి ఉప ఎన్నిక వచ్చింది.నాగావ్‌లో సుమారు 19.02 లక్షల మంది ఓటర్లు ఉన్నారు. మొత్తం 1,339 పోలింగ్‌ కేంద్రాలను ఏర్పాటు చేశారు. బీజేపీ అభ్యర్థి దేవాశిష్‌ శర్మ, ఏఐయూడీఎఫ్‌ అధినేత బద్రుద్దీన్‌ అజ్మల్‌, కాంగ్రెస్‌ అభ్యర్థి శిబామణి బోరా మధ్య త్రిముఖ పోటీ నెలకొంది. కాంగ్రెస్‌ నుంచి ఈ సీటును బీజేపీ కైవసం చేసుకుంటుందా? లేక కాంగ్రెస్‌ తన పాత స్థానాన్ని నిలబెట్టుకుంటుందా? అన్నది ఆసక్తికరంగా మారింది.పుదుచ్చేరిలోనూ బరిలో..పుదుచ్చేరిలోని తట్టాంచావడి అసెంబ్లీ స్థానానికి కూడా ఇవాళే పోలింగ్‌ జరుగుతోంది. ముఖ్యమంత్రి ఎన్‌. రంగసామి రెండు నియోజకవర్గాల నుంచి గెలిచి ఒక స్థానాన్ని కొనసాగించడంతో తట్టాంచావడి సీటు ఖాళీ అయింది. దీంతో ఉప ఎన్నిక అనివార్యమైంది.9న ఫలితాలుఆరు స్థానాలకు ఇవాళ పోలింగ్‌ ముగిసిన తర్వాత అక్టోబర్‌ 9న ఓట్ల లెక్కింపు చేపడతారు. ఈ ఫలితాలు ఆయా రాష్ట్రాల్లో అధికార పార్టీలకు ప్రజల నుంచి వస్తున్న స్పందనకు ఒక సంకేతంగా నిలవనున్నాయి. ముఖ్యంగా తమిళనాడులో విజయ్‌ ప్రభుత్వానికి తొలి ఎన్నికల పరీక్ష కావడంతో మదురాంతకం, ధారాపురం ఫలితాలపై రాజకీయ వర్గాల్లో ఆసక్తి నెలకొంది.ఇదీ చదవండి: సర్‌ నిరసనలు.. కాంగ్రెస్‌కు షాకిచ్చిన ఆప్‌

ఓ సినిమా పాట.. ఓ హీరోయిన్‌.. ఓ వైరల్‌ వీడియో. చూస్తే ‘వార్నీ.. ఇంత ఘోరమా!’ అనిపిస్తుంది. కానీ అసలు విషయం ఏంటంటే.. సినిమాలో లేని సన్నివేశం అది. జరగని ఘటన. నిజమైన వ్యక్తి చేయని పని. ఏఐతో తయారు చేసిన ఫేక్‌ కంటెంట్‌. అది నీచాతి నీచంగా!. అంతకు ముందు కూడా అంతే.. ఓ నటిని లిఫ్ట్‌లో డీప్‌ఫేక్‌ అనే సాంకేతికతతో అసభ్యకరంగా చూపించి వైరల్‌ చేశారు.‘దేవర’ సినిమాలోని ‘చుట్టమల్లే’ పాటను ఆధారంగా చేసుకుని జాన్వీ కపూర్‌ను అశ్లీంగా చూపించేలా రూపొందించిన ఓ మార్ఫింగ్‌ వీడియో సోషల్‌ మీడియాలో వైరల్‌ కావడం ఇప్పుడు తీవ్ర చర్చకు దారితీసింది. దీనిపై జూనియర్‌ ఎన్టీఆర్‌ తీవ్రంగా స్పందించారు. నీచుల్ని వదలబోనని అన్నారు. వీడియోను రూపొందించిన వారిపైనే కాకుండా.. దాన్ని ప్రచారం చేస్తున్న వారిపైనా చట్టపరమైన చర్యలు తీసుకుంటానని హెచ్చరించారు.తాజాగా జాన్వీ కపూర్‌ కూడా స్పందించారు. తన అనుమతి లేకుండా ఇలాంటి కంటెంట్‌ రూపొందించి ప్రచారం చేయడం తనను తీవ్రంగా కలచివేసిందని చెప్పారు. ఇది కేవలం ఓ మార్ఫింగ్‌ వీడియో కాదని.. తన గౌరవం, వ్యక్తిగత హద్దులను ఉల్లంఘించే చర్య అని పేర్కొన్నారు. చిరంజీవి, రామ్‌ పోతినేని, ఆర్జీవీ తదితరులు కూడా దీనిపై స్పందించారు. కానీ ఇక్కడే అసలు ప్రశ్న మొదలవుతుంది. చుట్టమల్లే వీడియో ఒక్కటేనా?.కాదు. సోషల్‌ మీడియాలోకి వెళ్తే.. ఇది చాలా పెద్ద సమస్యలోని ఓ ఉదాహరణ మాత్రమేనని అర్థమవుతుంది. హీరోహీరోయిన్ల ఫొటోలు, సినిమా సన్నివేశాలు, ఇంటర్వ్యూలు, రీల్స్‌.. ఏదైనా సరే. వాటిని తీసుకుని మరో రూపంలోకి మార్చడం ఇప్పుడు చాలా సులభమైంది. ముఖ్యంగా మహిళా సెలబ్రిటీల విషయంలో ఈ దుర్వినియోగం మరింత తీవ్రంగా కనిపిస్తోంది. ముఖాన్ని మరో వ్యక్తి శరీరానికి జోడించడం.. అసలు లేని సన్నివేశాన్ని ఉన్నట్టుగా చూపించడం.. నిజమైన వీడియోలో ముఖాన్ని మార్చడం.. అశ్లీలంగా ఎడిట్‌ చేయడం.. ఇలా డీప్‌ఫేక్‌ల రూపాలు మారుతున్నాయి.హీరోలకు ఒకలా.. వాళ్లకు మరోలా!చుట్టమల్లే సాంగ్‌ ఘటనపై దుమారం రేగుతుండగానే.. మరో హీరోయిన్‌కు సంబంధించిన ఫేక్‌ కంటెంట్‌ బయటకు రావడం కూడా కనిపిస్తోంది. ఒకసారి వైరల్‌ అయిన ఫార్మాట్‌ను అనుకరిస్తూ కొత్త వీడియోలు తయారవుతున్నాయి. వాటి కోసం ప్రత్యేకంగా వెతికేవారు, మళ్లీ షేర్‌ చేసేవారు కూడా ఉంటున్నారు. ఇక్కడే మరో తేడా కనిపిస్తోంది.హీరోలను టార్గెట్‌ చేస్తే సాధారణంగా ట్రోలింగ్‌, మీమ్స్‌, డైలాగ్‌ ఎడిట్లు కనిపిస్తాయి. కానీ మహిళా సెలబ్రిటీల విషయంలో అదే ట్రోలింగ్‌ చాలాసార్లు అశ్లీల మార్ఫింగ్‌, డీప్‌ఫేక్‌ల దిశగా వెళ్తోంది. అంటే సమస్య కేవలం ఫేక్‌ కంటెంట్‌ తయారు చేయడంలోనే లేదు. దాన్ని ఎవరు తయారు చేస్తున్నారు? ఎవరు చూస్తున్నారు? ఎవరు షేర్‌ చేస్తున్నారు? అన్నదీ ఇప్పుడు కీలకంగా మారింది.‘ఫేక్‌’ అని తెలిసినా కూడా..డీప్‌ఫేక్‌లలో అత్యంత ప్రమాదకరమైన అంశం ఇదే. అది ఫేక్‌ వీడియో అని తెలిసినప్పటికీ.. “చూడండి ఎంత దారుణంగా ఉంది” అంటూ కొందరు దాన్ని మళ్లీ పోస్టు చేస్తారు. దీంతో అసలు వీడియోకు మరింత రీచ్‌ వస్తుంది. ఒక్కసారి సోషల్‌ మీడియాలో విస్తృతంగా వ్యాపించిన తర్వాత దాని కాపీలను పూర్తిగా తొలగించడం కూడా చాలా కష్టమవుతుంది. చుట్టమల్లే ఘటనలో ఎన్టీఆర్‌ “చూడొద్దు.. షేర్‌ చేయొద్దు.. ఎంగేజ్‌ కావొద్దు” అని చెప్పడానికి కారణం కూడా ఇదే. విమర్శించాలన్న ఉద్దేశంతోనైనా ఆ కంటెంట్‌ను మళ్లీ ప్రచారం చేస్తే.. తెలియకుండానే దాని వ్యాప్తికి సహకరించినట్టవుతుంది.ఒక అకౌంట్‌ పోతే.. మరో అకౌంట్‌!మరి సోషల్‌ మీడియా సంస్థలు ఎందుకు పూర్తిగా అడ్డుకోలేకపోతున్నాయి?. నిబంధనలు ఉన్నా.. ప్రతి పోస్టును వెంటనే గుర్తించడం అంత సులభం కాదు. ఒక అకౌంట్‌ను తొలగిస్తే మరో అకౌంట్‌ నుంచి అదే కంటెంట్‌ రావచ్చు. ఒక వీడియోను తీసేసేలోపే దాని కాపీలు ఇతర అకౌంట్లకు చేరిపోయే అవకాశం ఉంది.ఎక్స్‌, ఇన్‌స్టాగ్రామ్‌ వంటి ప్లాట్‌ఫామ్‌లలో ఏఐతో రూపొందించిన లేదంటే మార్చిన సెలబ్రిటీ కంటెంట్‌ విస్తృతంగా చక్కర్లు కొట్టినట్టు పలు పరిశోధనలు గుర్తించాయి. కొన్ని సందర్భాల్లో అది ఏఐతో రూపొందించిందన్న విషయం కూడా స్పష్టంగా తెలియకుండా పోస్టు అవుతోంది. సోషల్‌ మీడియాలో మొదలైన కంటెంట్‌ అక్కడితో ఆగిపోవడం లేదు. ఇతర ప్లాట్‌ఫామ్‌లు, ప్రైవేట్‌ గ్రూపులు, మెసేజింగ్‌ చానెల్స్‌ ద్వారా కూడా మళ్లీ షేర్‌ అయ్యే అవకాశం ఉంది. దీంతో ఒక చోట తొలగించినా.. మరో చోట ప్రత్యక్షమవుతోంది. అందుకే ‘పోస్ట్‌ తొలగించాం’ అనడం వేరు.. ‘కంటెంట్‌ పూర్తిగా ఆగిపోయింది’ అనడం వేరు.93 శాతం మహిళలే టార్గెట్‌!ఇది కేవలం సెలబ్రిటీలకే పరిమితమైన సమస్య కాదు. 2026లో వచ్చిన ఓ నివేదిక ప్రకారం.. ఆన్‌లైన్‌లో చక్కర్లు కొడుతున్న స్పష్టమైన లైంగిక డీప్‌ఫేక్‌ కంటెంట్‌లో దాదాపు 93 శాతం మహిళలను లక్ష్యంగా చేసుకున్నదే. అంతేకాదు.. ఇటువంటి కంటెంట్‌ పరిమాణం గత కొన్నేళ్లలో దాదాపు 900 శాతం పెరిగినట్టు నివేదిక పేర్కొంది. ఏఐ వచ్చాక మరింత ఈజీగతంలో ఇలాంటి ఫేక్‌ వీడియో తయారు చేయాలంటే ఎడిటింగ్‌ నైపుణ్యం, సమయం, ప్రత్యేక సాఫ్ట్‌వేర్‌ అవసరమయ్యేది. ఇప్పుడు జనరేటివ్‌ ఏఐ సాధనాలతో ఫొటోలు, వీడియోల్లో మార్పులు చేయడం చాలా సులభమైంది. దీంతో అసలు లేని దృశ్యాన్ని ఉన్నట్టుగా చూపించడం.. ఒక వ్యక్తిని మరో సన్నివేశంలోకి తీసుకురావడం.. ముఖాన్ని మార్చడం వంటి పనులు గతంతో పోలిస్తే చాలా తక్కువ శ్రమతోనే సాధ్యమవుతున్నాయి.అదే సమయంలో డీప్‌ఫేక్‌లు, సింథటిక్‌ మీడియా, అశ్లీల లేదా లైంగికంగా స్పష్టమైన ఫేక్‌ కంటెంట్‌పై ప్లాట్‌ఫామ్‌ల బాధ్యతలను పెంచే చర్యలపై ప్రభుత్వం కూడా దృష్టి పెడుతోంది. చట్టవిరుద్ధమైన కంటెంట్‌ను తొలగించడం, ఫిర్యాదులపై వేగంగా స్పందించడం వంటి అంశాలు ఇందులో కీలకం.ఈరోజు జాన్వీ.. రేపు ఎవరు?అందుకే ‘చుట్టమల్లే’ వివాదాన్ని కేవలం జాన్వీ కపూర్‌కు సంబంధించిన ఓ ఫేక్‌ వీడియోగా చూస్తే అసలు సమస్య కనిపించదు. ఇది సెలబ్రిటీ ఫొటోల దుర్వినియోగం.. ఏఐ మార్ఫింగ్‌.. డీప్‌ఫేక్‌లు.. అశ్లీల కంటెంట్‌.. సోషల్‌ మీడియా ట్రోలింగ్‌.. వైరల్‌ కల్చర్‌ అన్నీ కలిసిన పెద్ద సమస్యకు మరో ఉదాహరణ. ఒక వీడియోను ఎవరు తయారు చేశారు? అన్నదే కాదు.. దాన్ని ఎవరు వైరల్‌ చేస్తున్నారు? ఎక్కడెక్కడికి పంపిస్తున్నారు? తొలగించిన తర్వాత మళ్లీ ఎలా ప్రత్యక్షమవుతోంది? అన్నదీ చూడాల్సిన అవసరం ఉంది. ఎందుకంటే ఈరోజు ‘చుట్టమల్లే’.. రేపు మరో హీరోయిన్‌ కావచ్చు. మరో సెలబ్రిటీ కావచ్చు. చివరికి సాధారణ వ్యక్తి కూడా బాధితుడిగా మారొచ్చు. టెక్నాలజీ వేగంగా మారుతున్నప్పుడు.. దాని దుర్వినియోగాన్ని అడ్డుకునే వ్యవస్థ కూడా అంతే వేగంగా మారాల్సిన అవసరాన్ని ఈ వివాదం మరోసారి గుర్తుచేస్తోంది.ఇదీ చదవండి: AIని ఇక కంట్రోల్‌ చేయలేమా?

సాక్షి, న్యూఢిల్లీ: దేశ రాజధాని ఢిల్లీలో మహిళలు, బాలికలపై వరుసగా వెలుగుచూస్తున్న అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. నేరం జరిగిన తర్వాత పోలీసులు స్పందించడం మాత్రమే కాకుండా.. నేరం చేయాలనుకునే వారి మనసులోనే భయం పుట్టించేలా పోలీసింగ్‌ ఉండాలని స్పష్టం చేసింది. ఈ క్రమంలో ఢిల్లీ పోలీసులకు కీలక సూచనలు చేసింది. ఢిల్లీ–ఎన్‌సీఆర్‌లో ఇటీవల వెలుగుచూసిన అత్యాచారం, లైంగిక దాడుల ఘటనలపై మీడియా కథనాలను పరిగణనలోకి తీసుకున్న సుప్రీంకోర్టు సెప్టెంబర్‌ 28న సుమోటోగా కేసు నమోదు చేసింది. ఆ నెలలో చోటుచేసుకున్న పలు ఘటనలు మహిళలు, బాలికలకు బహిరంగ ప్రదేశాల్లో భద్రతపై తీవ్ర ప్రశ్నలు లేవనెత్తుతున్నాయని కోర్టు పేర్కొంది.నేరం తర్వాత కాదు.. ముందే అడ్డుకోవాలి‘‘ఏదైనా చేస్తే చచ్చిపోతాం’’ అనే భయం నేరగాళ్లలో కలగాలని జస్టిస్‌ జేబీ పర్దీవాలా, జస్టిస్‌ కే. వినోద్‌ చంద్రన్‌ల ధర్మాసనం ఢిల్లీ పోలీసులను ఉద్దేశించి వ్యాఖ్యానించింది. సోమవారం జరిగిన విచారణలో సుప్రీంకోర్టు పోలీసింగ్‌ తీరుపై కీలక ప్రశ్నలు వేసింది. నేరం జరిగిన తర్వాత నిందితులను పట్టుకోవడం మాత్రమే సరిపోదని.. నేరం జరగకుండా ముందే అడ్డుకునే వ్యవస్థ ఉండాలని స్పష్టం చేసింది.ఢిల్లీలో నేరాలకు అవకాశం ఉన్న ప్రాంతాలను నిరంతరం పర్యవేక్షించే వ్యవస్థ ఉందా? అక్కడ ఏదైనా ఘటన జరిగితే వెంటనే స్పందించే యంత్రాంగం ఉందా? అని పోలీసులను ప్రశ్నించింది. ముఖ్యంగా నేరాలు ఎక్కువగా జరిగే లేదా ప్రమాదకరంగా మారే ప్రాంతాలపై ప్రత్యేక నిఘా, నిరంతర పర్యవేక్షణ అవసరమని పేర్కొంది.పోలీస్‌ వ్యాన్‌ అక్కడే ఉంటే ఎలా?బీట్‌ పెట్రోలింగ్‌పై కూడా ధర్మాసనం దృష్టి పెట్టింది. పోలీసులు ఒకచోట వ్యాన్‌ నిలిపి ఉంచడం కాదని.. తమకు కేటాయించిన ప్రాంతాల్లో నిరంతరం తిరుగుతూ పరిస్థితిని గమనించాలని సూచించింది. అవసరమైన చోట పోలీసులు కనిపిస్తేనే నేరగాళ్లలో భయం ఏర్పడుతుందని.. ప్రజల్లో కూడా భద్రతా భావన పెరుగుతుందని కోర్టు అభిప్రాయపడింది. సీసీటీవీలు ఏర్పాటు చేయడం మాత్రమే సరిపోదని.. వాటిని నిరంతరం పర్యవేక్షించే వ్యవస్థ, అవసరమైనప్పుడు వెంటనే స్పందించే యంత్రాంగం ఉండాలని కూడా ప్రశ్నించింది.రాత్రైనా మహిళలు భయపడకూడదుమహిళల భద్రత అంటే కేవలం ఇంటి నుంచి బయటకు వచ్చినప్పుడు మాత్రమే కాదని సుప్రీంకోర్టు స్పష్టం చేసింది. రాత్రి 10 గంటలైనా ఒక మహిళ దేశరాజధాని రోడ్లపై భయం లేకుండా నడవగలగాలి. మెట్రోలో ప్రయాణించినా, రోడ్డు మార్గంలో వెళ్లినా భద్రతపై ఆందోళన చెందాల్సిన పరిస్థితి ఉండకూడదని పేర్కొంది. మహిళలు తమ రోజువారీ పనులు, ప్రయాణాలు చేసుకునే స్వేచ్ఛకు భద్రత అడ్డంకిగా మారకూడదన్నది కోర్టు స్పష్టం చేసింది.చీకటి ప్రాంతాలపై ప్రత్యేక నిఘాప్రమాదకర ప్రాంతాలను గుర్తించి అక్కడ భద్రత పెంచాలని కోర్టు సూచించింది. సరైన వీధి దీపాలు లేని ప్రాంతాలపై కూడా దృష్టి పెట్టాలని కోరింది. స్థానిక ప్రజలతో పోలీసులు మాట్లాడాలని.. వారి నుంచి వచ్చే ఫిర్యాదులను పరిగణనలోకి తీసుకోవాలని సూచించింది. ముఖ్యంగా వీధి దీపాలు లేకపోవడం, అసాంఘిక కార్యకలాపాలు జరుగుతుండటం వంటి అంశాలపై ప్రజలు చెబుతున్న సమాచారాన్ని పోలీసులు సీరియస్‌గా తీసుకోవాలని పేర్కొంది. అక్రమంగా నడిచే తినుబండారాలు, మద్యం దుకాణాల వద్ద అసాంఘిక కార్యకలాపాలకు అవకాశం ఉంటే వాటిపైనా చర్యలు తీసుకోవాలని ధర్మాసనం సూచించింది.‘కఠినంగా ఉండటానికి వెనకాడొద్దు’నేరస్తులపై కఠిన చర్యలు తీసుకునే విషయంలో పోలీసులు వెనకడుగు వేయకూడదని కూడా సుప్రీంకోర్టు స్పష్టం చేసింది. కఠిన చర్యలపై కొందరు రాజ్యాంగంలోని ఆర్టికల్‌ 21ను ప్రస్తావిస్తూ అభ్యంతరాలు వ్యక్తం చేసినా.. చట్టం అనుమతించే పరిధిలో అవసరమైన చర్యలు తీసుకోవాలని సూచించింది.నేరం జరిగిన తర్వాత స్పందించడం సరిపోదుఆగస్టు 4న గ్రేటర్‌ నోయిడా నుంచి ఢిల్లీకి వెళ్తున్న బస్సులో 17 ఏళ్ల బాలికపై జరిగిన సామూహిక అత్యాచారం కేసులో ఢిల్లీ పోలీసులు ఇటీవల చార్జిషీట్‌ దాఖలు చేశారు. డీఎన్‌ఏ ఆధారాలతో నిందితులను కేసుతో అనుసంధానించినట్టు పోలీసులు పేర్కొన్నారు. ఈ ఘటనతోపాటు ఇతర లైంగిక దాడుల ఘటనలపై కూడా సుప్రీంకోర్టు దృష్టి సారించింది.ఇటీవల ఢిల్లీ–ఎన్‌సీఆర్‌లో వరుసగా వెలుగుచూసిన ఘటనల నేపథ్యంలో సుప్రీంకోర్టు ఈ అంశాన్ని కేవలం కొన్ని కేసుల దర్యాప్తుగా చూడటం లేదు. మహిళలు, బాలికలు బహిరంగ ప్రదేశాల్లో సురక్షితంగా ఉండేలా మొత్తం పోలీసింగ్‌ వ్యవస్థ ఎలా పనిచేస్తోందన్నదానిపైనే దృష్టి పెట్టింది. ఒక కేసులో నిందితులను పట్టుకోవడం విజయమే కావచ్చు.. కానీ ఇలాంటి నేరం చేయాలనే ఆలోచన కూడా రాకుండా వ్యవస్థ పనిచేయడం అసలు లక్ష్యం కావాలి. ఢిల్లీ మహిళల భద్రతపై సోమవారం సుప్రీంకోర్టు చేసిన వ్యాఖ్యలు ఇదే అంశాన్ని స్పష్టంగా చెబుతున్నాయి.

ప్రపంచంలోని అత్యంత వేడిగా ఉన్న 50 నగరాల్లో 26 భారత్‌లోనే ఉన్నాయని క్లైమేట్‌ సెంట్రల్‌ అధ్యయనం వెల్లడించింది. మే 21న దేశ విద్యుత్‌ డిమాండ్‌ 270.82 గిగావాట్లకు చేరి కొత్త రికార్డు నెలకొల్పింది. ఇవి కేవలం వాతావరణ గణాంకాలు మాత్రమే కాదు... నిర్మాణ కార్మికులు, వ్యవసాయ కూలీలు, డెలివరీ రైడర్లు, ఆటో డ్రైవర్లు, వీధి వ్యాపారులు, పారిశుద్ధ్య కార్మికులు వంటి కోట్లాది మంది జీవనోపాధిపై ప్రత్యక్ష ప్రభావం చూపే ఆర్థిక సంకేతాలు.ఇంతకాలం ఎండ తీవ్రతను వాతావరణ శాఖ హెచ్చరికగా, ఆరోగ్య శాఖ సమస్యగానే చూశాం. అంతర్జాతీయ కార్మిక సంస్థ (ఐఎల్‌ఓ) దృష్టిలో మాత్రం ఇది ఆర్థిక వ్యవస్థను కుదిపేసే అంశం. భారత శ్రామిక శక్తిలో సుమారు 75 శాతం మంది... వేడి ప్రభావానికి గురయ్యే వృత్తుల్లోనే ఉన్నారు.2030 నాటికి ఉత్పాదకత తగ్గుదల కారణంగా 3.4 కోట్ల ఉద్యోగాలకు సమానమైన శ్రామిక సామర్థ్యం కోల్పోవచ్చని ఐఎల్‌ఓ అంచనా వేస్తోంది. ప్రపంచ బ్యాంకు మాత్రం భారత జీడీపీలో 4.5 శాతం (సుమారు 150–250 బిలియన్‌ డాలర్లు) 2030 నాటికి ప్రమాదంలో పడొచ్చని హెచ్చరిస్తోంది.తీవ్రమైన వేసవి రోజుల్లో అసంఘటిత కార్మికులు తమ ఆదాయంలో 40 శాతం వరకు కోల్పోతున్నారు. బహిరంగ ప్రదేశాల్లో పనిచేసే కార్మికులు ఏటా 24 పని దినాలను కోల్పో తున్నారు. ఇది ఒక్కసారి జరిగిపోయేది కాదు. ప్రతి ఏటా పునరావృతమయ్యే, నిశ్శబ్దంగా పేదరికాన్ని మరింత లోతు చేసే ప్రక్రియ.దేశంలో ఒక్క తీవ్రమైన ఎండ రోజునే సుమారు 3,400 అదనపు మరణాలు సంభ విస్తున్నాయని 2026 అధ్యయనం అంచనా వేసింది. ఉత్తర్‌ప్రదేశ్, బిహార్, మధ్యప్రదేశ్, రాజస్థాన్, గుజరాత్‌ – ఈ అయిదు రాష్ట్రాల్లో దేశ జనాభాలో 43 శాతం ఉండగా, వడగాల్పు మరణాల్లో 60 శాతానికి పైగా ఇక్కడే నమోదవుతున్నాయి. ఆర్థికంగా వెనుకబడిన రాష్ట్రాలే ఎండ భారాన్ని ఎక్కువగా మోస్తున్నాయనేది ఇక్కడ కనిపించే లోతైన అసమానత.తెలంగాణ ప్రభుత్వం వడగాల్పును ‘రాష్ట్ర ప్రత్యేక విపత్తు’గా ప్రకటించి మృతుల కుటుంబాలకు పరిహారాన్ని రూ. 50 వేల నుంచి రూ. 4 లక్షలకు పెంచింది. తెలంగాణ కార్మిక సంఘాల ప్రకారం... ప్రభుత్వ ప్రణాళికలు, పథకాలు స్థానిక భాషల్లో కార్మికులకు చేరడం లేదు. నిర్మాణ కార్మికులు, వీధి వ్యాపారులు ఇప్పటికీ తగిన రక్షణ లేకుండానే పనిచేస్తున్నారు. ఆహార పంపిణీ కార్మికులు, ద్విచక్ర వాహన రైడర్ల ఆదాయం రోడ్డుపై గడిపే గంటలపైనే ఆధారపడి ఉంటుంది. వీరికి కనీస వేతన హామీ లేదు, సామాజిక భద్రతా రక్షణ ఇంకా పరిమితంగానే ఉంది.3ఒక విధాన ప్రశ్నపరిష్కారం ‘నీళ్లు తాగండి, నీడలో ఉండండి’ అనే హెచ్చరికలకే పరిమితం కాకూడదు. ఇది శ్రామిక విధానానికి సంబంధించిన ప్రశ్న. మధ్యాహ్నం 12–3 గంటల మధ్య బహిరంగ నిర్మాణ పనులను నిషేధించే చట్టం– ఖతార్, యూఏఈ వంటి దేశాలు అమలు చేస్తున్నాయి. భారత్‌లోనూ తీసుకురావాలి. ప్రతి నిర్మాణ సైట్‌లో నీడ, తాగునీరు, ఓఆర్‌ఎస్‌ ప్యాకెట్లను తప్పనిసరి చేయాలి. 45 డిగ్రీలు దాటిన రోజుల్లో కార్మికుల ఆదాయ నష్టానికి ప్రభుత్వమే బీమా లేదా పరిహార యంత్రాంగాన్ని ఏర్పాటు చేయాలి.కేంద్ర ప్రభుత్వం రాష్ట్రాలతో సమన్వయంతో ఎండ తీవ్రతను వాతావరణ హెచ్చరికగా మాత్రమే కాకుండా, జాతీయ ఆర్థిక ప్రణాళికలో కీలక ప్రమాద అంశంగా పరిగణించడం అత్యవసరం. థర్మామీటర్‌లో వేడి పెరిగిన కొద్దీ పేదరికం పెరుగుతోంది. ఈ ఎండ నిశ్శబ్దంగా భారత్‌ ఆర్థిక పునాదిని కరిగిస్తోంది. ప్రతి సంవత్సరం పునరావృతమయ్యే ఈ సంక్షోభాన్ని ఇక వాతావరణ వార్తగా కాకుండా, జాతీయ ప్రాధాన్యతగా గుర్తించాల్సిన సమయం ఆసన్నమైంది.– వంగవోలు రవి, ఉపాధ్యాయుడు, ఒంగోలుఇదీ చదవండి: అసలు 'చూడటం' అంటే ఏమిటి?

మన దేశంలో బంగారం అంటే కేవలం పెట్టుబడి కాదు. పెళ్లిళ్లు, పండుగలు, పొదుపు, కష్టకాలంలో అండ.. ఇలా ఎన్నో విషయాలతో పసిడి ముడిపడి ఉంటుంది. అందుకే బంగారం ధర తగ్గిందంటే కొనుగోలుదారుల్లో ఆసక్తి మొదలవుతుంది. అదే ఇప్పుడు రికార్డు ధరల నుంచి భారీగా పడిపోతుండటంతో.. ఇక ఎంత తగ్గుతుంది? ఇంకా పతనమై ఏకంగా రూ.లక్షకు చేరుతుందా? అనే ఆశలు మొదలయ్యాయి.అంతర్జాతీయ మార్కెట్లో జనవరి 29న ఔన్సు బంగారం ధర ఏకంగా 5,595 డాలర్ల రికార్డు స్థాయిని తాకింది. అక్కడి నుంచి ఇప్పటివరకు సుమారు 26 శాతం తగ్గింది. భారత మార్కెట్లోనూ గరిష్ట స్థాయిల నుంచి దాదాపు 23 శాతం పతనమైంది. ఆగస్టు చివరి వారంలో ఎంసీఎక్స్‌లో 10 గ్రాముల బంగారం ధర రూ.1,64,773 వరకు వెళ్లింది. గత వారం నాటికి అది రూ.1,45,991కు పడిపోయింది. అంతర్జాతీయ మార్కెట్లోనూ ఆగస్టులో 4,698 డాలర్ల వరకు వెళ్లిన బంగారం.. ఈ వారం సుమారు 4,130 డాలర్ల వద్ద ముగిసింది.అసలు ఎందుకింత పతనం?బంగారం ధర ఒక్క కారణంతో పడిపోవడం లేదు. రికార్డు స్థాయిలకు చేరినప్పుడు కొందరు ఇన్వెస్టర్లు లాభాలు తీసుకోవడంతో అమ్మకాలు పెరిగాయి. ఆ తర్వాత అమెరికా–ఇరాన్‌ యుద్ధం, ముడిచమురు ధరలు బ్యారెల్‌కు 120 డాలర్లకు పైగా చేరడం, ద్రవ్యోల్బణం పెరుగుతుందన్న ఆందోళనలు పసిడిపై ఒత్తిడి పెంచాయి.మరోవైపు అమెరికాలో వడ్డీ రేట్లు తగ్గుతాయన్న అంచనాలు మారాయి. మళ్లీ రేట్లు పెరిగే అవకాశం ఉందన్న అభిప్రాయాలు పెరగడంతో బంగారంపై ఒత్తిడి మరింత పెరిగింది. డాలర్‌ బలపడటం, అమెరికా ప్రభుత్వ బాండ్లపై రాబడి పెరగడం కూడా పసిడికి ప్రతికూలంగా మారాయి. బాండ్లలో పెట్టుబడి పెడితే వడ్డీ ఆదాయం వస్తుండటంతో.. వడ్డీ ఇవ్వని బంగారంపై కొంత ఆసక్తి తగ్గింది.రూ.1.25 లక్షల దాకా..ఇదే ఇప్పుడు భారతీయ కొనుగోలుదారుల్లో ఆసక్తి రేపుతున్న ప్రశ్న. అంతర్జాతీయ మార్కెట్లో బంగారం మరింత తగ్గితే మన దగ్గర కూడా ధరలు దిగొచ్చే అవకాశం ఉంటుంది. ప్రస్తుతం ఎంసీఎక్స్‌లో 10 గ్రాముల బంగారం ధర సుమారు రూ.1.46 లక్షల వద్ద ఉంది. రికార్డు స్థాయితో పోలిస్తే ఇప్పటికే భారీగా తగ్గింది. మిరే అసెట్‌ షేర్‌ఖాన్‌ కమోడిటీస్‌ హెడ్‌ ప్రవీణ్‌ సింగ్‌ ప్రకారం.. అంతర్జాతీయ మార్కెట్లో బంగారం 3,930–4,000 డాలర్ల మధ్య కీలక స్థాయిలో ఉంది. ఈ స్థాయిని కూడా గట్టిగా కిందకు దాటితే 3,600–3,750 డాలర్ల వరకు పడిపోయే అవకాశం ఉంటుంది. అయితే అంత దూరం పడిపోయే అవకాశం సుమారు 25 శాతమేనని ఆయన అంచనా వేస్తున్నారు. అలా జరిగితే భారత్‌లో 10 గ్రాముల బంగారం సుమారు రూ.1.34 లక్షల వరకు రావచ్చని చెబుతున్నారు.మరి రూ.లక్షకు వస్తుందా?రూ.1.25 లక్షల స్థాయి అందుకునే అవకాశం ఉన్నా.. ఏకంగా రూ.లక్షకు పడిపోవడం మాత్రం ఇప్పట్లో అంత సులభం కాదని నిపుణులు చెబుతున్నారు. 10 గ్రాముల బంగారం రూ.లక్షకు రావాలంటే అంతర్జాతీయంగా ఔన్సు ధర దాదాపు 2,800 డాలర్లకు పడిపోవాల్సి ఉంటుంది. అయితే ప్రపంచవ్యాప్తంగా దేశాలు డాలర్‌పై ఆధారపడటాన్ని తగ్గించుకోవడం, భౌగోళిక ఉద్రిక్తతలు కొనసాగడం, కేంద్ర బ్యాంకులు బంగారం కొనుగోలు చేయడం వంటి అంశాలు పసిడికి దీర్ఘకాలంలో అండగా నిలిచే అవకాశం ఉంది. అమెరికా భారీగా అప్పులు చేయడం కూడా బంగారం ధరలకు మద్దతిచ్చే అంశంగా మారవచ్చని నిపుణులు చెబుతున్నారు.రూపాయి కూడా కీలకమేమన దేశంలో బంగారం ధర ఎంత తగ్గుతుందనేది రూపాయి విలువపైనా ఆధారపడి ఉంటుంది. అంతర్జాతీయ మార్కెట్లో బంగారం ధర తగ్గినా.. అదే సమయంలో డాలర్‌తో పోలిస్తే రూపాయి బలహీనపడితే ఆ తగ్గుదల పూర్తిగా మన మార్కెట్లో కనిపించదు. కమోడిటీ నిపుణుడు మనీష్‌ శర్మ ప్రకారం.. అంతర్జాతీయంగా బంగారం 4,000 డాలర్లకు పడిపోయినా ఎంసీఎక్స్‌లో ధర సుమారు రూ.1.45 లక్షల స్థాయిలో ఉండొచ్చు. అమెరికాలో వడ్డీ రేట్లు, బాండ్లపై రాబడి మరింత పెరిగి.. ద్రవ్యోల్బణం అంచనాలకు మించి ఉంటేనే రూ.1.25 లక్షల స్థాయికి పడిపోయే అవకాశం పెరుగుతుందని ఆయన చెబుతున్నారు.మన దగ్గర డిమాండ్‌ కూడా ముఖ్యంబంగారం ధరను అంతర్జాతీయ పరిణామాలే కాకుండా దేశీయ డిమాండ్‌ కూడా ప్రభావితం చేస్తుంది. పండుగలు, పెళ్లిళ్ల సీజన్‌ మొదలవడంతో బంగారం కొనుగోళ్లు పెరిగే అవకాశం ఉంది. ధరలు తగ్గితే మరింత మంది కొనుగోలుదారులు మార్కెట్‌లోకి రావొచ్చు. దీంతో ధరలు మరింత పడిపోకుండా కొంత అండ లభించే అవకాశం ఉంటుంది. అయితే బంగారం ధరలు ఇప్పటికే భారీగా పెరిగిన నేపథ్యంలో వినియోగదారులు తక్కువ బరువున్న నగల వైపు మొగ్గు చూపుతున్నారు. మరోవైపు బంగారానికి సంబంధించిన పెట్టుబడుల వైపు కూడా డబ్బు మళ్లుతోంది.పతనం ఇక్కడితో ఆగుతుందా?సమీప కాలంలో బంగారం ధరల్లో మరింత తగ్గుదల ఉండొచ్చని నిపుణులు అంచనా వేస్తున్నారు. అంతర్జాతీయంగా 4,025–3,950 డాలర్ల వరకు తగ్గితే.. ఎంసీఎక్స్‌లో 10 గ్రాముల బంగారం రూ.1,46,200–1,44,500 వరకు రావచ్చని మనీష్‌ శర్మ చెబుతున్నారు. అయితే వచ్చే 6–9 నెలలను చూస్తే కేంద్ర బ్యాంకుల బంగారం కొనుగోళ్లు, బంగారం పెట్టుబడులకు పెరుగుతున్న డిమాండ్‌, అమెరికా భారీ రుణభారం వంటి అంశాలు ధరలకు అండగా నిలవొచ్చని ఆయన అభిప్రాయపడుతున్నారు. ఈ లెక్కన.. పసిడి పతనం కొనసాగినా రూ.1.25 లక్షల స్థాయి అందుకోవడం అసాధ్యమేమీ కాదు. కానీ రూ.లక్షకు పడిపోవాలంటే అంతర్జాతీయంగా బంగారం ధర భారీగా కూలిపోవాలి. ప్చ్‌.. ప్రస్తుత పరిస్థితుల్లో ఆ స్థాయి మాత్రం చాలా దూరంగానే కనిపిస్తోంది.ఇదీ చదవండి: ఏడాదిలోనే జంపింగ్‌ జపాంగ్‌.. ఎవరీమె?

సుప్రీంకోర్టు న్యాయమూర్తి జస్టిస్‌ ఉజ్జల్‌ భూయాన్‌ చేసిన వ్యాఖ్యలు ఇప్పుడు దేశవ్యాప్తంగా చర్చనీయాంశంగా మారాయి. సర్‌ పేరును ప్రస్తావించకుండా జరుగుతున్న ఓట్ల తొలగింపు ప్రక్రియపై సంచలన వ్యాఖ్యలే చేశారాయన. కోట్లాది మంది పౌరులను ఓటు హక్కుకు దూరం చేసే ఏ ప్రక్రియ అయినా సహజంగానే ఏకపక్షమైనదని, అది రాజ్యాంగానికి మూలమైన వ్యవస్థనే దెబ్బతీస్తుందని వ్యాఖ్యానించారాయన. అదే సమయంలో.. నల్సార్‌ విద్యార్థులను ‘ధైర్యవంతులు’ అంటూ ఆయన ప్రశంసలు గుప్పించడం వాడివేడి చర్చకు దారి తీసింది.హైదరాబాద్‌లోని నల్సార్‌ యూనివర్సిటీలో ఆదివారం జరిగిన 19వ జస్టిస్‌ బీఆర్‌ సావ్నీ మెమోరియల్‌ మూట్‌ కోర్టు పోటీ ముగింపు కార్యక్రమంలో జస్టిస్‌ భూయాన్‌ కీలక వ్యాఖ్యలు చేశారు. రాజ్యాంగంలోని ఆర్టికల్‌ 326, ఆర్టికల్‌ 14లకు విరుద్ధంగా కోట్లాది మందిని ఓటు హక్కు నుంచి దూరం చేసే ప్రక్రియ ఉండకూడదన్నారు. భారత రాజ్యాంగం ఓటు హక్కు ఉన్న పౌరులు, ఓటు హక్కు లేని పౌరులు అంటూ రెండు తరగతులను సృష్టించదని స్పష్టం చేశారు.ఓటు హక్కు రాజ్యాంగ మౌలిక స్వరూపంలో కీలక భాగమని పేర్కొన్న ఆయన.. ఏ అధికారం కూడా ఆర్టికల్‌ 326ను దెబ్బతీయలేదని అన్నారు. అలాంటి ప్రక్రియను ఏ కోర్టూ సమర్థించలేదని వ్యాఖ్యానించారు. ‘‘మిలియన్ల మందిని ఓటు హక్కు నుంచి దూరం చేసే ప్రక్రియను ఎలాంటి వాదనలతోనూ సమర్థించలేం’’ అంటూ ‘వాట్‌అబౌటరీ’ని కూడా ప్రస్తావించారుSIRపై నేరుగా పేరు చెప్పకపోయినా..ప్రస్తుతం దేశవ్యాప్తంగా ఓటర్ల జాబితాల ప్రత్యేక సమగ్ర సవరణ (SIR)పై రాజకీయంగా, న్యాయపరంగా చర్చ జరుగుతున్న సమయంలోనే భూయాన్‌ ఈ వ్యాఖ్యలు చేయడం ప్రాధాన్యం సంతరించుకుంది. అయితే తన ప్రసంగంలో ఆయన సర్‌ పేరును నేరుగా ప్రస్తావించలేదు. ఓటు హక్కును భారీ స్థాయిలో తొలగించే ఏ ప్రక్రియ అయినా రాజ్యాంగపరంగా సమస్యాత్మకమవుతుందని ఆయన విస్తృతంగా వ్యాఖ్యానించారు.ఎవరీ జస్టిస్‌ ఉజ్జల్‌ భూయాన్‌?1964 ఆగస్టు 2న అసోంలోని గువాహటిలో జన్మించిన జస్టిస్‌ ఉజ్జల్‌ భూయాన్‌.. సీనియర్‌ న్యాయవాది, అసోం మాజీ అడ్వొకేట్‌ జనరల్‌ సుచేంద్రనాథ్‌ భూయాన్‌ కుమారుడు. కిరోరీమల్‌ కాలేజీలో డిగ్రీ, గువాహటి ప్రభుత్వ న్యాయ కళాశాలలో ఎల్‌ఎల్‌బీ, గువాహటి యూనివర్సిటీలో ఎల్‌ఎల్‌ఎం పూర్తి చేశారు.1991లో న్యాయవాదిగా నమోదు చేసుకుని.. గువాహటి హైకోర్టులో ప్రాక్టీస్‌ చేశారు. 2011లో గువాహటి హైకోర్టు అదనపు న్యాయమూర్తిగా నియమితులై, 2013లో శాశ్వత న్యాయమూర్తిగా బాధ్యతలు చేపట్టారు. అనంతరం బాంబే హైకోర్టు, తెలంగాణ హైకోర్టుల్లో పనిచేశారు. 2022 జూన్‌లో తెలంగాణ హైకోర్టు ప్రధాన న్యాయమూర్తిగా బాధ్యతలు చేపట్టారు. 2023 జూలై 14న సుప్రీంకోర్టు న్యాయమూర్తిగా పదోన్నతి పొందారు.విద్యార్థులపై కూడా ప్రశంసలుఇదే కార్యక్రమంలో నల్సార్‌ విద్యార్థులను కూడా జస్టిస్‌ భూయాన్‌ ప్రశంసించారు. వారు ‘‘బ్రిలియంట్‌, బోల్డ్‌, బ్రేవ్‌’’ అంటూ కొనియాడారు. అయితే ఇటీవల నల్సార్‌ విద్యార్థుల నిరసనకు సంబంధించిన వివాదాన్ని ఆయన తన ప్రసంగంలో ప్రస్తావించలేదు. తన ప్రసంగం చివర్లో మాత్రం ప్రముఖ న్యాయవేత్త నాని పాల్కీవాలా వ్యాఖ్యలను ఉటంకిస్తూ.. స్వేచ్ఛను ఒక తరం నుంచి మరో తరానికి అందించాలంటే ప్రతి తరం దానిని కాపాడేందుకు, దాని కోసం పోరాడేందుకు సిద్ధంగా ఉండాలని జస్టిస్‌ భూయాన్‌ గుర్తుచేశారు.భారత ప్రధాన న్యాయమూర్తి జస్టిస్‌ సూర్యకాంత్‌.. గతంలో నిరుద్యోగ యువతను ఉద్దేశించి బొద్దింకలు అన్నారని పెద్ద ఉద్యమమే పుట్టుకొచ్చింది. అయితే తాను నకిలీ లాయర్లను ఉద్దేశించే అలా అన్నానని తర్వాత వివరణ ఇచ్చారు. అయినప్పటికీ ఆయన మీద అసంతృప్తి కొనసాగుతూ వచ్చింది. ఈ క్రమంలోనే.. నల్సార్‌లో ఆ మధ్య చీఫ్‌ జస్టిస్‌ సూర్యకాంత్‌ చీఫ్‌గెస్ట్‌గా ఓ కార్యక్రమం జరగాల్సి ఉండేది. అయితే ఆయన చేతుల మీదుగా పట్టాలు అందుకోవడం తమకు ఇష్టం లేదంటూ కొందరు స్టూడెంట్స్‌ కాలేజీ మేనేజ్‌మెంట్‌కు లేఖ రాయడం, దీనిపై బార్‌ కౌన్సిల్‌ ఆఫ్‌ ఇండియా సీరియస్‌ కావడం.. ఆ వెంటనే ఆ లా స్టూడెంట్స్‌పై చర్యలకు ఆదేశించడం, సీజేఐ జోక్యం చేసుకుని బార్‌ కౌన్సిల్‌ తీరును తప్పుబట్టడం, టోటల్‌గా ఆ కార్యక్రమం రద్దు కావడం.. చర్చనీయాంశమయ్యాయి.కొసమెరుపు ఏంటంటే.. తెలంగాణ హైకోర్టు ప్రధాన న్యాయమూర్తిగా ఉన్న సమయంలో జస్టిస్‌ భూయాన్‌ నల్సార్‌ యూనివర్సిటీకి ఎక్స్‌అఫిషియో ఛాన్సలర్‌గా కూడా వ్యవహరించారు. సుప్రీంకోర్టుకు వెళ్లిన తర్వాత కూడా న్యాయ విద్యా రంగంతో అనుబంధాన్ని కొనసాగిస్తున్నారు.సూర్యకాంత్‌తో కలిసి..భారత ప్రధాన న్యాయమూర్తి జస్టిస్‌ సూర్యకాంత్‌తో జస్టిస్‌ భూయాన్‌ కలిసి పని చేసిన అనుభవం ఉంది. 2023లో తెలంగాణ హైకోర్టు ప్రధాన న్యాయమూర్తిగా ఉన్న జస్టిస్‌ భూయాన్‌ను సుప్రీంకోర్టుకు సిఫార్సు చేసిన కొలీజియంలో అప్పటి సీజేఐ జస్టిస్‌ డీవై చంద్రచూడ్‌తో పాటు జస్టిస్‌ సూర్యకాంత్‌ కూడా సభ్యుడిగా ఉన్నారు. అంటే సూర్యకాంత్‌ ఆయన్ని సుప్రీం కోర్టు జడ్జిగా నియమించేందుకు సంబంధించిన కొలీజియం ప్రక్రియలో భాగస్వామిగా ఉన్నారన్నమాట. అలాగే భూయాన్‌, సూర్యకాంత్‌ గతంలో ఒకే బెంచ్‌లో కలిసి పనిచేసిన సందర్భాలు కూడా ఉన్నాయి. 2024లో కేజ్రీవాల్‌ బెయిల్‌ కేసు విచారణ జరిపిన బెంచ్‌లో ఈ ఇద్దరూ ఉన్నారు.ఇదీ చదవండి: లంచం కేసులో డీజీసీఏ డిప్యూటీ డైరెక్టర్‌ అరెస్ట్‌

ఉత్తరప్రదేశ్‌ అసెంబ్లీ ఎన్నికలకు సుమారు ఆరు నెలల సమయం ఉన్న వేళ కాంగ్రెస్‌ రాష్ట్ర నాయకత్వంలో కీలక మార్పు చేసింది. మూడు సార్లు ఎమ్మెల్యేగా గెలిచిన ఆరాధనా మిశ్రా ‘మోనా’కు యూపీ కాంగ్రెస్‌ అధ్యక్ష బాధ్యతలు అప్పగించింది. సీనియర్‌ కాంగ్రెస్‌ నేత, రాజ్యసభ ఎంపీ ప్రమోద్‌ తివారీ కుమార్తె అయిన మోనా.. ఇప్పటివరకు కాంగ్రెస్‌ శాసనసభా పక్ష నేతగా ఉన్నారు. ఇక రాష్ట్రవ్యాప్తంగా పార్టీని నడిపించే బాధ్యత ఆమె భుజాలపై పడింది.మోనాను రాష్ట్ర అధ్యక్షురాలిగా ఎంపిక చేయడంతో పాటు కాంగ్రెస్‌ సంస్థాగత బృందంలోనూ పలు మార్పులు చేసింది. సహరన్‌పూర్‌ ఎంపీ ఇమ్రాన్‌ మసూద్‌ను వర్కింగ్‌ ప్రెసిడెంట్‌గా, దేవిందర్‌ నిషాద్‌, అలోక్‌ ప్రసాద్‌లను సీనియర్‌ వైస్‌ ప్రెసిడెంట్లుగా నియమించింది. మోనా స్థానంలో చౌధరి వీరేంద్ర సింగ్‌ను కాంగ్రెస్‌ శాసనసభా పక్ష నేతగా నియమించింది. ఈ కూర్పులో బ్రాహ్మణ, ముస్లిం, ఓబీసీ, దళిత ప్రాతినిధ్యాన్ని కలిపే ప్రయత్నం కనిపిస్తోందని రాజకీయ విశ్లేషణలు పేర్కొంటున్నాయి.కాంగ్రెస్‌ మాత్రం ఈ నియామకాలను సంస్థాగత పునర్వ్యవస్థీకరణగా చెబుతోంది. రాష్ట్రంలో పార్టీని బలోపేతం చేయడం, కార్యకర్తలను సమీకరించడం, ఎన్నికలకు సంస్థను సిద్ధం చేయడం కొత్త బృందం ముందున్న ప్రధాన లక్ష్యాలుగా ప్రకటించుకుంది.1974 ఏప్రిల్‌ 20న జన్మించిన ఆరాధనా మిశ్రా రాజకీయ కుటుంబం నుంచి వచ్చారు. ఆమె తండ్రి ప్రమోద్‌ తివారీ కాంగ్రెస్‌లో సీనియర్‌ నేత. ప్రతాప్‌గఢ్‌ జిల్లాలోని రాంపూర్‌ ఖాస్‌ నియోజకవర్గం నుంచి 2014 ఉప ఎన్నికలో తొలిసారి ఎమ్మెల్యేగా గెలిచిన మోనా.. 2017, 2022 ఎన్నికల్లోనూ అదే స్థానాన్ని నిలబెట్టుకున్నారు. దీంతో వరుసగా మూడుసార్లు ఎమ్మెల్యేగా ఎన్నికయ్యారు.అఖిలేశ్‌తో సమన్వయం కీలకంమోనా ముందున్న మరో కీలక అంశం సమాజ్‌వాదీ పార్టీతో సమన్వయం. 2027 అసెంబ్లీ ఎన్నికల నేపథ్యంలో కాంగ్రెస్‌–ఎస్పీ మధ్య సీట్ల పంపకంపై చర్చలు జరగాల్సి ఉంది. ఇరు పార్టీల మధ్య స్థానాల విషయంలో భిన్నాభిప్రాయాలు ఉన్న నేపథ్యంలో ఈ చర్చలు ప్రాధాన్యం సంతరించుకోనున్నాయి. అయితే అఖిలేశ్‌ యాదవ్‌తో తనకు మంచి సంబంధాలు ఉన్నాయని మోనా ఇప్పటికే చెప్పారు. ఎస్పీని ఇండియా కూటమిలో కీలక భాగస్వామిగా పేర్కొంటూ.. రాబోయే ఎన్నికల్లో కూటమి సమన్వయాన్ని మరింత బలోపేతం చేస్తామని ఆమె స్పష్టం చేశారు.యోగి సర్కార్‌ను ఢీకొట్టే బాధ్యతప్రస్తుతం ఉత్తరప్రదేశ్‌లో యోగి ఆదిత్యనాథ్‌ నేతృత్వంలోని బీజేపీ ప్రభుత్వం అధికారంలో ఉంది. ఈ నేపథ్యంలో కాంగ్రెస్‌ను రాష్ట్రవ్యాప్తంగా బలోపేతం చేయడం మోనా ముందున్న ప్రధాన బాధ్యత. పార్టీ క్యాడర్‌ను పునర్వ్యవస్థీకరించడం, సంస్థాగత బలాన్ని పెంచడం, ఇతర పార్టీలతో ఎన్నికల సమన్వయం వంటి అంశాలపై ఆమె దృష్టి పెట్టాల్సి ఉంటుంది.ఆమెనే ఛాయిస్‌ ఎందుకు?ఇక్కడే కాంగ్రెస్‌ తాజా మార్పుపై అసలు చర్చ మొదలవుతోంది. ఇప్పటివరకు యూపీ కాంగ్రెస్‌ అధ్యక్షుడిగా ఉన్న అజయ్‌ రాయ్‌ స్థానంలో మోనాను తీసుకురావడం కేవలం నాయకత్వ మార్పుగానే కాకుండా పార్టీ సామాజిక, ప్రాంతీయ సమీకరణాలను పునర్‌వ్యవస్థీకరించే ప్రయత్నంగా కూడా విశ్లేషణలు ఉన్నాయి. అజయ్‌ రాయ్‌ బదులుగా తూర్పు యూపీకి చెందిన బ్రాహ్మణ మహిళా నేతను అధ్యక్షురాలిగా, పశ్చిమ యూపీకి చెందిన ముస్లిం నేత ఇమ్రాన్‌ మసూద్‌ను వర్కింగ్‌ ప్రెసిడెంట్‌గా నియమించడం ఈ కూర్పులో కీలక అంశంగా కనిపిస్తోంది.అదే సమయంలో అఖిలేశ్‌ యాదవ్‌తో మోనా కుటుంబానికి ఉన్న రాజకీయ సంబంధాలపై కూడా చర్చ జరుగుతోంది. మరోవైపు అఖిలేశ్‌ నేతృత్వంలోని ఎస్పీపై తరచూ విమర్శలు చేసిన ఇమ్రాన్‌ మసూద్‌కు కీలక పదవి ఇవ్వడం ఆసక్తికరంగా మారింది. అంటే.. ఒకవైపు ఎస్పీతో సమన్వయానికి అవకాశం ఉన్న నాయకత్వం, మరోవైపు పశ్చిమ యూపీలో పార్టీ సామాజిక విస్తరణకు ఉపయోగపడే ముఖాన్ని ఒకే బృందంలోకి తీసుకురావడం కాంగ్రెస్‌ తాజా కూర్పులో కనిపిస్తున్న అంశం.మొత్తంగా.. రాజకీయ కుటుంబ నేపథ్యం, మూడుసార్లు ఎమ్మెల్యేగా అనుభవం, రాష్ట్ర రాజకీయాలపై అవగాహనతో పాటు సామాజిక–ప్రాంతీయ సమీకరణాలను దృష్టిలో పెట్టుకున్న కొత్త టీమ్‌లో మోనా కేంద్ర బిందువుగా నిలిచారు. ఇక 2027 ఎన్నికల ముందు ఆమె కాంగ్రెస్‌ సంస్థను ఎలా నడిపిస్తారన్నదే కీలకం కానుంది.ఇదీ చదవండి: కాంగ్రెస్‌ కుమ్ములాటకు కెప్టెన్‌ చెక్‌ పెడతారా?

తమిళనాడు రాజకీయాల్లో ధారాపురం ఉప ఎన్నిక వేడి పుట్టిస్తోంది. అధికార పార్టీ టీవీకే అభ్యర్థి సత్యభామపై డీఎంకే అధినేత, మాజీ సీఎం ఎంకే స్టాలిన్‌ చేసిన వ్యాఖ్యలు ఇప్పుడు మరో వివాదానికి దారితీశాయి. ఆమెను ‘పెట్టీ బామా’, ‘పల్టీ బామా’ అని సంబోధించడంతో.. అవి బాడీ షేమింగ్‌ కామెంట్లేనన్న విమర్శలు వెల్లువెత్తాయి. తక్షణమే స్టాలిన్‌ క్షమాపణ చెప్పాలంటూ డిమాండ్లు వినిపిస్తున్నాయి. తమిళనాడు అసెంబ్లీ ఎన్నికల్లో సత్యభామ ధారాపురం నుంచి అన్నాడీఎంకే అభ్యర్థిగా గెలిచారు. ఎన్నికలు ముగిసిన కొద్ది వారాలకే ఎమ్మెల్యే పదవికి రాజీనామా చేసి తమిళగ వెట్రి కగళం పార్టీలో చేరారు. అయితే ఇప్పుడు అదే నియోజకవర్గం ఉప ఎన్నికలో టీవీకే అభ్యర్థిగా బరిలోకి దిగారు. ఆమె పార్టీ మార్పుపై డీఎంకే, అన్నాడీఎంకేలు తీవ్ర విమర్శలు చేస్తున్నాయి. డబ్బులు తీసుకుని పార్టీ మారారంటూ ఆరోపణలు చేయగా.. సత్యభామ ఆ ఆరోపణలను ఖండించారు. ఈ క్రమంలోనే ధారాపురంలో ప్రచారం చేసిన స్టాలిన్‌.. ప్రజలు ఆమెను ‘పెట్టీ బామా’ అని పిలుస్తున్నారని, మరో పేరు ‘పల్టీ బామా’ అని అన్నారు. అనంతరం ఆమె శరీరాకృతిని ప్రస్తావిస్తూ చేసిన వ్యాఖ్యలు వివాదానికి కారణమయ్యాయి.టీవీకే ఫైర్‌..స్టాలిన్‌ వ్యాఖ్యలపై టీవీకే నేతలు తీవ్రంగా స్పందించారు. సత్యభామను కించపరిచేలా, ఆమె శారీరక రూపాన్ని ఉద్దేశించి మాట్లాడారని మండిపడ్డారు. ఇది మహిళలను, దళిత సమాజాన్ని అవమానించడమేనని టీవీకే నేత, ఆరోగ్యశాఖ మంత్రి అరుణ్‌రాజ్‌ విమర్శించారు. స్టాలిన్‌ క్షమాపణ చెప్పాలని డిమాండ్‌ చేశారు. టీవీకే మరో మంత్రి కీర్తన కూడా ఈ వ్యాఖ్యలను ఖండించారు. A party leader is resorting into body shaming is the worst ever. Can’t expect the workers to be better than the party leader! Hitting 52 week low everyday ft. @mkstalin pic.twitter.com/GFpwxFBv19— Vignesh (@vignesh_txt) October 2, 2026ముందే మొదలైన ‘సూట్‌కేస్‌’ రచ్చ..సత్యభామ పార్టీ మారినప్పటి నుంచే ధారాపురం ఉప ఎన్నికలో ఆమె చుట్టూ వివాదం నడుస్తోంది. డీఎంకే ఆమెను ‘పెట్టీ బామా’ అంటూ విమర్శిస్తూ ప్రచారం చేస్తోంది. పార్టీ మారేందుకు డబ్బులు తీసుకున్నారన్న ఆరోపణలను సత్యభామ మాత్రం కొట్టిపారేశారు. తాను ఎలాంటి తప్పు చేయలేదని, తనపై తప్పుడు ప్రచారం జరుగుతోందని ఆమె చెబుతున్నారు. ఈ క్రమంలోనే మొన్నీమధ్యే జరిగిన టీవీకే ప్రచార సభలో సత్యభామ భావోద్వేగానికి గురయ్యారు. తనపై అసభ్యకరమైన, అవమానకరమైన వ్యాఖ్యలు చేస్తున్నారని, ఎన్నికల్లో తనపై ఎంతో ఒత్తిడి ఉందని చెబుతూ వేదికపైనే కన్నీళ్లు పెట్టుకున్నారు. పక్కనే ఉన్న ముఖ్యమంత్రి, టీవీకే అధినేత విజయ్‌ ఆమెను ఓదార్చారు. అయితే ఈ పరిణామంపై కూడా డీఎంకే సెటైర్‌ వేసింది. స్వీట్‌ బ్రో సభలో కన్నీటి డ్రామానా? వహ్‌వా అంటూ డీఎంకే సీనియర్‌ నేత కనిమొళి సెటైర్లు వేశారు. ఇదిలా ఉంటే ధారాపురంతో పాటు మదురాంతకంలోనూ ఉప ఎన్నిక అక్టోబర్‌ 6న జరగనుంది. డీఎంకే నుంచి ఎస్. సుగన్య, ఏఐఏడీఎంకే నుంచి కె. భానుమతి, నామ్‌ తమిళర్‌ కట్చి నుంచి ఎం. కార్తిక ధారాపురం బరిలో ఉన్నారు. ప్రచారం చివరి దశకు చేరుకున్న వేళ టీవీకే అభ్యర్థి సత్యభామ చుట్టూ సాగుతున్న ఈ మాటల యుద్ధం రాజకీయంగా మరింత వేడి పెంచుతోంది.ఇదీ చదవండి: పూజారుల్ని ఇక కోర్టే ఎంపిక చేస్తుందా?

సీఈసీ రాజీనామా చేయాలంటూ దేశవ్యాప్తంగా ఉద్యమం జరుగుతోంది. అయితే నిరసనకారుల పట్ల పోలీసులు వ్యవహరిస్తున్న తీరు ఇప్పుడు చర్చనీయాంశంగా మారింది. ఈ క్రమంలోనే.. ఓ కార్యకర్తను పోలీసులు ఏకంగా భుజాన వేసుకుని తీసుకెళ్లి అరెస్ట్‌ చేసిన వీడియో సోషల్‌ మీడియాలో వైరల్‌గా మారింది.అక్టోబర్‌ 2న గాంధీ జయంతి సందర్భంగా ఉత్తర ప్రదేశ్‌ లక్నోలో సమాజ్‌వాదీ పార్టీ కార్యకర్తలు జనపథ్‌ మార్కెట్‌ వద్ద ధర్నా చేపట్టారు. ఎన్నికల ప్రక్రియలో అవకతవకలు, ఓటర్ల జాబితాలో మార్పులపై ఆరోపణలు చేస్తూ.. ఎన్నికల సంఘానికి వ్యతిరేకంగా నినాదాలు చేశారు. ఆ సమయంలో హజ్రత్‌గంజ్‌ చౌరస్తా వద్ద పోలీసులు భారీగా మోహరించి ప్రదర్శనను అడ్డుకున్నారు. కార్యకర్త్లలో కొందరు అసెంబ్లీ వైపు వెళ్లేందుకు కార్యకర్తలు ప్రయత్నించడంతో ఇరువర్గాల మధ్య తోపులాట జరిగింది. ఆ తర్వాత పోలీసులు పలువురు నిరసనకారులను అదుపులోకి తీసుకుని ఈకో గార్డెన్‌కు తరలించారు. ఆ సమయంలోనే ఓ పోలీసు అధికారి ఓ నిరసనకారుడిని రెండు చేతులతో ఎత్తుకుని తీసుకెళ్లి పోలీసు వాహనం వద్ద దించిన దృశ్యం కెమెరాకు చిక్కింది. కొందరు ఫోన్లలో ఆ దృశ్యాన్ని బంధించగా.. అక్కడే ఉన్న మహిళా సిబ్బంది నవ్వుకున్నారు. అయితే ఆ సమయంలోనూ ఆ వ్యక్తి నినాదాలు ఆపలేదు. ఆ సమయంలోనే కొందరు ఎస్పీ కార్యకర్తలను పోలీసులు ఈడ్చుకుంటూ తీసుకెళ్లిన దృశ్యాలు కూడా కనిపించాయి. ఈ వీడియోలు సోషల్‌ మీడియాలో విస్తృతంగా వైరల్‌ అయ్యాయి.'इस्तीफा' गया 'उड़ता हुआ' रद्दी की टोकरी में .. गजबे है pic.twitter.com/rDnVSlTTsS— Sushant Sinha (@SushantBSinha) October 2, 2026పోలీసుల చర్యపై సోషల్‌ మీడియాలో భిన్న స్పందనలు వ్యక్తమవుతున్నాయి. అరెస్ట్‌ ఇలా కూడా చేస్తారా? అంటూ కొందరు వీడియోను సరదాగా మీమ్స్‌ చేస్తుండగా.. మరికొందరు పోలీసులు నిరసనను అదుపులోకి తీసుకున్న తీరును సమర్థిస్తున్నారు. ఇంకొందరు మాత్రం నిరసనకారులపై అధిక బలప్రయోగం జరిగిందని మండిపడుతున్నారు. ఇదీ చదవండి: దుబాయ్‌లో నర్సు ఉద్యోగమని తీసుకెళ్లారు! ఆపై పాపం..

పంజాబ్‌ కాంగ్రెస్‌లో చాలాకాలంగా సాగుతున్న అంతర్గత పోరు మరో కీలక మలుపు తిరిగింది. అసెంబ్లీ ఎన్నికలకు సరిగ్గా ఆరు నెలల ముందు రాష్ట్ర కాంగ్రెస్‌ అధ్యక్షుడు అమరీందర్‌ సింగ్‌ రాజా వారింగ్‌ పదవి నుంచి తప్పుకున్నారు. ఆయన స్థానంలో మాజీ భారత హాకీ కెప్టెన్‌, జలంధర్‌ కాంట్‌ ఎమ్మెల్యే పర్గత్‌ సింగ్‌ను కాంగ్రెస్‌ అధిష్ఠానం నియమించింది. అయితే ఈ మార్పు కంటే.. పదవి నుంచి తప్పుకున్న తర్వాత వారింగ్‌ చేసిన వ్యాఖ్యలే ఇప్పుడు హాట్‌టాపిక్‌గా మారాయి. పంజాబ్‌ కాంగ్రెస్‌లో కొంతకాలంగా రాజా వారింగ్‌ వర్గానికి, మాజీ ముఖ్యమంత్రి చరణ్‌జిత్‌ సింగ్‌ చన్నీ వర్గానికి మధ్య విభేదాలు కొనసాగుతున్నాయి. 2022 ఏప్రిల్‌లో పీసీసీ అధ్యక్షుడైన వారింగ్‌.. రాష్ట్రంలో పార్టీని నడిపిస్తూ వచ్చారు. అయితే చన్నీ వర్గం మాత్రం నాయకత్వ మార్పు కోరుతూ వచ్చింది. ఈ అంతర్గత పోరు క్రమంగా బహిరంగ చర్చగా మారింది.ఇదే సమయంలో కాంగ్రెస్‌ అధిష్ఠానం సెప్టెంబర్‌లో పంజాబ్‌ పార్టీ వ్యవహారాల ఇన్‌చార్జ్‌గా భూపేశ్‌ బఘేల్‌ స్థానంలో సచిన్‌ పైలట్‌ను నియమించింది. పైలట్‌ సమక్షంలో సెప్టెంబర్‌ 15న జరిగిన పార్టీ కార్యక్రమంలో వారింగ్‌, చన్నీ ఒకే వేదికపై కనిపించి చేతులు కలపడంతో విభేదాలు తగ్గినట్టుగా కనిపించినా.. అధ్యక్ష పదవిపై అసలు పంచాయితీ మాత్రం కొనసాగింది.‘నన్నెవరూ రాజీనామా అడగలేదు’“చన్నీ సాహెబ్‌ గెలిచారు”.. వారింగ్‌ వ్యాఖ్యల్లో ఇదే అసలు సంచలనం ఇదే. తన రాజీనామా, తదుపరి జరిగిన అధ్యక్షుడి ఎన్నికపై వారింగ్‌ స్పందిస్తూ ఆయన ఈ కామెంట్‌ చేశారు. అంటే.. తనను అధ్యక్ష పదవి నుంచి తప్పించాలని చాలాకాలంగా కోరుతున్న చన్నీ వర్గం కోరుకున్న మార్పు చివరకు జరిగిందన్న భావాన్ని ఆయన వ్యక్తం చేశారు.సెప్టెంబర్‌ 30న వారింగ్‌ పీసీసీ అధ్యక్ష పదవికి రాజీనామా చేశారు. అనంతరం ఢిల్లీలో కాంగ్రెస్‌ అగ్రనేత రాహుల్‌ గాంధీని కలిశారు. తనను ఎవరూ నేరుగా రాజీనామా చేయాలని అడగలేదని వారింగ్‌ చెప్పారు. పరిస్థితి ఒక దశకు చేరుకుందని భావించి తానే పదవి నుంచి తప్పుకున్నానని వివరించారు. అయితే అదే సమయంలో పార్టీ ఇన్‌చార్జ్‌ సచిన్‌ పైలట్‌ తనను తప్పించాలని కోరుకున్నారని తనకు తెలిసిందని చెప్పారు.వారింగ్‌ స్థానంలో పర్గత్‌ సింగ్‌ ఎందుకు?వారింగ్‌ స్థానంలో పర్గత్‌ సింగ్‌ను ఎంపిక చేయడం కూడా ప్రాధాన్యం సంతరించుకుంది. పర్గత్‌ సింగ్‌ మాజీ భారత హాకీ కెప్టెన్‌, ఒలింపియన్‌. 2012 నుంచి జలంధర్‌ కాంట్‌ నియోజకవర్గానికి ఎమ్మెల్యేగా కొనసాగుతున్నారు. చరణ్‌జిత్‌ సింగ్‌ చన్నీ ముఖ్యమంత్రిగా ఉన్న సమయంలో ఆయన మంత్రిగా కూడా పనిచేశారు. అందుకే పర్గత్‌ నియామకాన్ని వారింగ్‌కు వ్యతిరేకంగా ఉన్న వర్గానికి అనుకూల పరిణామంగా కొందరు చూస్తున్నారు. అయితే ఆయనకు సొంత రాజకీయ అనుభవం కూడా ఉంది. ఇప్పుడు కొత్త పీసీసీ అధ్యక్షుడిగా ఆయన ముందున్న ప్రధాన సవాలు.. పార్టీలోని వివిధ వర్గాలను ఒకే తాటిపైకి తీసుకురావడం.చన్నీ పరిస్థితి ఏంటి?చన్నీ పంజాబ్‌ కాంగ్రెస్‌లో కీలక నేతగా కొనసాగుతున్నారు. జూలైలో ఆయనకు పార్టీ ప్రచార కమిటీ బాధ్యతలు అప్పగించారు. మరోవైపు వారింగ్‌ అధ్యక్షుడిగా కొనసాగినంత కాలం చన్నీ వర్గంలో అసంతృప్తి ఉన్నట్లు రాజకీయ వర్గాల్లో చర్చ జరిగింది. ఇప్పుడు వారింగ్‌ వెళ్లిపోవడం, ఆయన స్థానంలో పర్గత్‌ సింగ్‌ రావడంతో చన్నీ ప్రభావంపై చర్చ మళ్లీ మొదలైంది. కొత్త అధ్యక్షుడి నియామకాన్ని చన్నీ స్వాగతించారు. కాంగ్రెస్‌ అధ్యక్షుడు మల్లికార్జున ఖర్గే, రాహుల్‌ గాంధీ, సచిన్‌ పైలట్‌ సహా అధిష్ఠానానికి ఆయన కృతజ్ఞతలు తెలిపారు.పైలట్‌ పాత్రపై ఎందుకింత చర్చ?పంజాబ్‌ కాంగ్రెస్‌ వ్యవహారాల ఇన్‌చార్జ్‌గా సచిన్‌ పైలట్‌ నియమితులై కొన్ని వారాలే అవుతోంది. ఆయన రాక తర్వాతే అధ్యక్షుడి మార్పు జరగడంతో వారింగ్‌ చేసిన వ్యాఖ్యలు ప్రాధాన్యం సంతరించుకున్నాయి. ఇక పార్టీ సీనియర్‌ నేత సుఖ్‌జిందర్‌ సింగ్‌ రంధావా.. వారింగ్‌, తాను సహా పలువురు నేతలు రాష్ట్ర కాంగ్రెస్‌లో ఇలాంటి పరిస్థితులు ఏర్పడటానికి కారణమయ్యామని వ్యాఖ్యానించారు. ముందుంది మహా సంగ్రామంపంజాబ్‌లో 2027 ప్రారంభంలో అసెంబ్లీ ఎన్నికలు జరగనున్నాయి. ప్రస్తుతం భగవంత్‌ మాన్‌ నేతృత్వంలోని ఆమ్‌ ఆద్మీ పార్టీ ప్రభుత్వం అధికారంలో ఉంది. ఈ నేపథ్యంలో కాంగ్రెస్‌ తన సంస్థాగత వ్యవస్థను ఎన్నికలకు సిద్ధం చేసుకోవాల్సి ఉంది. కాంగ్రెస్‌ ఇప్పటికే ఎన్నికలను సామూహిక నాయకత్వంతో ఎదుర్కొంటామని, ముందుగానే ముఖ్యమంత్రి అభ్యర్థిని ప్రకటించబోమని సంకేతాలు ఇచ్చింది. ఇప్పుడు పర్గత్‌ సింగ్‌ బాధ్యతలు చేపట్టడంతో వారింగ్‌, చన్నీ వర్గాలతో పాటు ఇతర నేతలను కూడా సమన్వయం చేసుకుని పార్టీని ఎన్నికల దిశగా నడిపించడం ఆయన ముందున్న పని.మొత్తానికి.. వారింగ్‌ రాజీనామాతో పంజాబ్‌ కాంగ్రెస్‌లో ఒక అధ్యాయం ముగిసింది. పర్గత్‌ సింగ్‌ నియామకంతో మరో అధ్యాయం మొదలైంది. “చన్నీ సాహెబ్‌ గెలిచారు” అన్న వారింగ్‌ వ్యాఖ్య ఇప్పుడు చర్చగా మారినా.. అసలు ఫలితం తేలేది మాత్రం ముందున్న రాజకీయ పరీక్షలోనే. వర్గ విభేదాలను పక్కనపెట్టి నేతలందరినీ ఒక్కతాటిపైకి తీసుకురావడం పర్గత్‌ సింగ్‌కు ఇప్పుడు కీలక సవాలు.ఇదీ చదవండి: మోదీకి వచ్చిన కానుకలు మీ సొంతం చేసుకునే చాన్స్‌!

న్యూఢిల్లీ: ఫ్లై దుబాయ్‌ విమానంలో కో–పైలట్‌ దాడిలో తీవ్రంగా గాయపడి, రక్తమోడుతున్నా సరే ప్రయాణికులను కాపాడాలన్న సంకల్పం మాత్రం చెక్కుచెదరలేదు. తనకు ఏం జరిగినా ఫర్వాలేదు వారు బతికుంటే చాలు అని భావించారు. ఒకవైపు కత్తి దూస్తున్న కో–పైలట్‌తో పెనుగులాడుతూనే మరోవైపు కాక్‌పిట్‌ తలుపు తెరిచారు. అంతటి విపత్కర పరిస్థితిలో ఆయన తీసుకున్న ఆ ఒక్క నిర్ణయమే 174 మంది ప్రయాణికులను కాపాడింది. ఫ్లై దుబాయ్‌ విమానంలో భారతీయ కెప్టెన్‌ స్మిత్‌ మచ్ఛార్‌ ప్రదర్శించిన ధైర్య సాహసాలను ప్రపంచమంతా కొనియాడుతోంది. కష్టాల్లో ఉన్నప్పుడల్లా హనుమాన్‌ చాలీసాను పఠిస్తానని స్మిత్‌ చెప్పారు. విమానంలో తనపై దాడి జరిగిన తర్వాత కూడా హనుమాన్‌ చాలీసాను పఠించడం తనకు కొండంత ధైర్యాన్ని ఇచ్చిందని తెలిపారు. ఇదే విషయాన్ని స్వయంగా ప్రధానమంత్రి నరేంద్ర మోదీతో పంచుకున్నారు. కో–పైలట్‌ దాడిలో గాయపడి, యూఏఈ ఆసుపత్రిలో చికిత్స పొందుతున్న స్మిత్‌ మచ్ఛార్‌తో శుక్రవారం మోదీ వీడియో కాల్‌ ద్వారా మాట్లాడారు. కెప్టెన్‌ ప్రదర్శించిన ధైర్యం, సమయస్ఫూర్తి, సంయమనాన్ని ప్రశంసించారు. ఆయన తీసుకున్న తక్షణ నిర్ణయం ఎంతోమంది ప్రాణాలను కాపాడిందని పేర్కొన్నారు. జరిగిన సంఘటన గురించి వివరాలు అడిగి తెలుసుకున్నారు. ఈ సందర్భంగా స్మిత్‌ భావోద్వేగానికి గురయ్యారు. ‘మీరే నాకు స్ఫూర్తి’అని మోదీతో అన్నారు. ప్రధానమంత్రితో స్మిత్‌ ఏం చెప్పారంటే.. అది అత్యంత క్లిష్టమైన సమయం ‘‘దాడిలో గాయపడి కాక్‌పిట్‌లో నేలపై ప్రాణాపాయ స్థితిలో పడి ఉన్నప్పటికీ ప్రయాణికులంతా సురక్షితంగా ఉండాలన్న దృఢ సంకల్పంతో నాలో మిగిలి ఉన్న శక్తితోనే సమయస్ఫూర్తిగా వ్యవహరించి విమానాన్ని కాపాడగలిగాను. అప్పుడు నేను నా ప్రాణాల కోసం పోరాడుతున్నాను. కానీ, ఇతరులు చనిపోకూడదని నిర్ణయించుకున్నాను. అది అత్యంత క్లిష్టమైన సమయం. ఏదో ఒకటి చేయకపోతే ప్రమాదం తప్పదని నాకు అనిపించిన క్షణం అది. కాక్‌పిట్‌లో నేను కిందపడి ఉన్నప్పటికీ, విమానం కిందకు పడిపోతోందని గ్రహించగలిగాను. సహ పైలట్‌ నన్ను కత్తితో పదేపదే పొడిచాడు. చాలా గాయాలయ్యాయి. అయినా సరే లేచి ఏదో ఒకటి చేయాలని నాకు నేను చెప్పుకున్నాను. ఆ సమయంలో నేను సరిగ్గా స్పందించకపోతే పరిస్థితి భయానకంగా మారుతుందని తెలుసు. 17 ఏళ్లుగా విమానాలు నడుపుతున్నాను, గత 11 ఏళ్లుగా కెప్టెన్‌గా ఉన్నాను. కళ్లు మూసుకున్నా కూడా విమానంలో ఏం జరుగుతుందో గుర్తించగలను. కాక్‌పిట్‌ తలుపు తెరవడమే తక్షణ మార్గమని ఆ క్షణంలో ఆలోచన వచ్చింది. తలుపు తెరిచిన వెంటనే మిగిలిన వారందరూ లోపలికి వచ్చారు. విమానాన్ని కాపాడడంలో వారందరూ నాతో సమానమైన పాత్ర పోషించారు. ప్రయాణికులను ఎలాగైనా కాపాడాలన్న సంకల్పమే నన్ను ముందుకు నడిపించింది. కళ్లముందే వారు మరణిస్తూ ఉంటే చూస్తూ ఉండలేను కదా!’’అని స్మిత్‌ పేర్కొన్నారు. మన సంస్కృతికి దూరం కాకూడదు ఈ ఘటన తర్వాత, భారతీయులు ఇతరుల ప్రాణాలు తీసేవారు కారని, పైగా ఇతరులను కాపాడటం కోసం తమ ప్రాణాలను పణంగా పెట్టడానికి సిద్ధపడే వీరులుగా దేశం గర్వంగా చెప్పుకోగలదని మచ్ఛార్‌తో ప్రధాని మోదీ అన్నారు. ‘‘ఆ సమయంలో మీరు ఎన్నో గాయాలకు గురయ్యారు, ప్రాణాలకు ముప్పు వాటిల్లే పరిస్థితిలో పోరాడారు. మీ సొంత భద్రతను పక్కన పెట్టి, ప్రయాణికుల భద్రతకే ప్రాధాన్యతనిచ్చారు. 140 కోట్ల మంది భారతీయుల గౌరవాన్ని పెంచారు. మిమ్మల్ని చూసి గర్వపడుతున్నాను’’అని పేర్కొన్నారు. మోదీ ప్రశంసలకు మచ్ఛార్‌ ప్రతిస్పందించారు. హనుమాన్‌ చాలీసా పఠించడం గురించి మాట్లాడారు. ‘‘నాకు నొప్పి లేదా బాధ కలిగినప్పుడల్లా నా మనసులో మెదిలే విషయం హనుమాన్‌ చాలీసా పఠనమే. విమానంలో దాడి తర్వాత కూడా హనుమాన్‌ చాలీసానే పఠిస్తూ ఉన్నాను. ఆ దేవుడే నన్ను కాపాడాడని తెలుసు. మోదీని ఆదర్శప్రాయుడిగా, స్ఫూర్తిప్రదాతగా భావిస్తున్నాను. మీరు చేసిన ఫోన్‌కాల్‌ నాలో ఎంతో ధైర్యాన్ని, ఉత్సాహాన్ని నింపింది. నాకు ఎంతో గర్వంగా అనిపిస్తోంది. మీ నుంచి ఫోన్‌కాల్‌ రావడం నాకు గర్వకారణం. మీ ముందు ఇలా భావోద్వేగంతో రోదిస్తున్నందుకు క్షమించండి’’అని మోదీతో చెప్పారు. దీనికి స్పందిస్తూ.. నా ముందు కన్నీళ్లు పెట్టుకోలేకపోతే ఇక ఎవరి ముందు పెట్టుకుంటారని మచ్ఛార్‌తో అన్నారు. ‘‘అయ్యా, ప్రతిరోజూ ఉదయం నేను ప్రార్థన చేసుకునేటప్పుడు నా రెండేళ్ల కుమారుడు నా ఒడిలో కూర్చుంటాడు. అప్పుడు నేను అతడికి హనుమాన్‌ చాలీసా వినిపిస్తాను. ఎందుకంటే చిన్నప్పుడు నాకు కూడా అలాగే నేరి్పంచారు. మనం నేడు మన దేశానికి దూరంగా ఉన్నప్పటికీ, మన సంస్కృతికి మాత్రం దూరంగా ఉండకూడదు’’అని మచ్ఛార్‌ చెప్పారు. ఆసుపత్రి వైద్యులు, సిబ్బంది తనను ప్రేమ, శ్రద్ధతో బాగా చూసుకుంటున్నారని తెలియజేశారు. కత్తిపోట్లను కేవలం ఒక గాయంగా చూడటం లేదని, అలా చేస్తే కోలుకోవడం మరింత కష్టమవుతుందని అన్నారు. దీనిని నెమ్మదిగా సాగే ఒక ప్రయాణంలా భావిస్తున్నానని వెల్లడించారు. తాను త్వరగా కోలుకొని, పూర్తి ఆరోగ్యవంతుడిగా మారుతానని విశ్వాసం వ్యక్తం చేశారు. An unforgettable conversation with Captain Smit, filled with pride and emotions. pic.twitter.com/CCf46PKOWR— Narendra Modi (@narendramodi) October 2, 2026అహింసకు అర్థాన్ని చెప్పారు స్మిత్‌ మచ్ఛార్‌ త్వరగా కోలుకోవాలని దేశవ్యాప్తంగా ఆలయాల్లో ప్రత్యేక ప్రార్థనలు జరిగాయని, చాలామంది భారతీయులు మహా మృత్యుంజయ మంత్రాన్ని పఠిస్తున్నారని ప్రధాని మోదీ చెప్పారు. ‘‘మీరు ధైర్యవంతులు, మీకు స్వాగతం పలికేందుకు భారత్‌ ఎదురుచూస్తోంది’’అని కెప్టెన్‌తో అన్నారు. భగవద్గీత బోధనలు, విలువలతో తన బిడ్డను పెంచిన మచ్ఛార్‌ తల్లి గీతా బెన్‌ గురించి మోదీ ప్రస్తావించారు. భారతదేశంలోనే కాకుండా ప్రపంచవ్యాప్తంగా ప్రజలు మచ్ఛార్‌తో మాట్లాడటానికి ఆసక్తి చూపుతున్నారని తెలిపారు. దేశ గౌరవాన్ని పెంచారంటూ మచ్ఛార్‌ను ప్రశంసించారు. ఆసుపత్రిలో ఆయనను చక్కగా చూసుకున్నందుకు సౌదీ అరేబియా, యూఏఈ ప్రభుత్వాలకు మోదీ కృతజ్ఞతలు తెలిపారు. భారతీయ పైలట్ల ప్రతిష్టను ఉన్నత స్థాయికి తీసుకెళ్లారని, ఇకపై ప్రపంచం వారిని కొత్త కోణంలో చూస్తుందని మచ్ఛార్‌తో అన్నారు. ‘‘ఈ రోజు గాంధీ జయంతి. అహింస నిజమైన అర్థం ఏమిటో మీరు ప్రపంచానికి చాటిచెప్పారు’’అని శ్లాఘించారు. మచ్ఛార్‌ స్వస్థలం గుజరాత్‌. ఆయనతో మోదీ కొద్దిసేపు గుజరాతీ భాషలో మాట్లాడడం విశేషం. అనంతరం ఆ వీడియో కాల్‌ గురించి మోదీ సోషల్‌ మీడియాలో పోస్టుచేశారు. ‘‘కెప్టెన్‌ స్మిత్‌తో గర్వం, భావోద్వేగాలతో కూడిన ఒక చిరస్మరణీయ సంభాషణ జరిగింది’’అని పేర్కొన్నారు. ఇదీ చదవండి: మీరే నాకు స్ఫూర్తి.. మోదీతో మచ్చార్‌

ఫ్లైదుబాయ్‌ విమానంలో పెను ప్రమాదాన్ని తప్పించిన భారత పైలట్‌ కెప్టెన్‌ స్మిట్‌ మచ్చార్‌తో ప్రధాని నరేంద్ర మోదీ శుక్రవారం ఫోన్‌లో మాట్లాడారు. ప్రస్తుతం యూఏఈలోని అబుదాబిలో చికిత్స పొందుతున్న ఆయన .. ఘటనకు సంబంధించిన విషయాలు పంచుకున్నారు. ఆ సమయంలో ప్రాణాలను పణంగా పెట్టి ప్రయాణికులను కాపాడిన ఆయన ధైర్యసాహసాలను ప్రధాని ప్రశంసించగా.. మచ్చార్‌ భావోద్వేగానికి లోనయ్యారు.కో-పైలట్‌ తనపై ఎలా దాడి చేశాడో.. ఆ సమయంలో తనకు ధైర్యం ఇచ్చిన విషయాలేంటో కెప్టెన్‌ స్మిట్‌ మచ్చర్‌ ప్రధాని మోదీకి వివరించారు. దాడిలో తీవ్రంగా గాయపడి లేవలేని పరిస్థితిలో ఉన్నప్పటికీ.. విమానం ఒక్కసారిగా కిందకు దిగడాన్ని గమనించానని చెప్పారు. ఆ సమయంలో ప్రయాణికుల ప్రాణాలకు ప్రమాదం ఉందన్న భయంతో ఎలాగైనా కాక్‌పిట్‌ తలుపు తెరవాలని నిర్ణయించుకున్నట్లు తెలిపారు.“ఏదో విధంగా నిలబడి కాక్‌పిట్‌ తలుపు తెరిచాను. ప్రయాణికులు లోపలికి రావడంతో పరిస్థితి అదుపులోకి వచ్చింది” అని స్మిట్‌ వివరించారు. ప్రమాద సమయంలో తనకు ధైర్యం ఇచ్చింది హనుమాన్‌ చాలీసా అని, దానిని చదువుకుంటూ ధైర్యం తెచ్చుకున్నానని చెప్పారు. “ఆ భగవంతుడే నన్ను కాపాడాడు. మీతో మాట్లాడతానని నేను అనుకోలేదు. నాకు మీరే నాకు స్ఫూర్తి” అంటూ మచ్చార్‌ భావోద్వేగానికి లోనయ్యారు. #WATCH | Flydubai Captain Smit Machchhar turns emotional as he recounts his ordeal before PM Modi; he says, "You are my biggest idol. I feel proud of the way you are encouraging me today. I had so many injuries, but I told myself I have to get up and act. At the time, I told… pic.twitter.com/eqGloeCTSl— ANI (@ANI) October 2, 2026అత్యంత క్లిష్ట పరిస్థితుల్లోనూ స్మిట్‌ మచ్చర్‌ చూపిన సమయస్ఫూర్తి, ధైర్యాన్ని ప్రధాని మోదీ అభినందించారు. ఆయన ఆరోగ్య పరిస్థితిని అడిగి తెలుసుకున్న మోదీ.. త్వరగా పూర్తిగా కోలుకోవాలని ఆకాంక్షించారు. మీకు ఎప్పుడు ఏ అవసరం వచ్చినా.. నేను ఫోన్‌లో అందుబాటులో ఉంటాను అంటూ మచ్చార్‌కు మోదీ మాటిచ్చారు.బుధవారం ఉదయం దుబాయ్‌ నుంచి టెల్‌ అవీవ్‌ వెళ్తున్న ఫ్లైదుబాయ్‌ ఎఫ్‌జెడ్‌1073 విమానంలో కో-పైలట్‌ దాడి చేసిన ఘటనలో కెప్టెన్‌ స్మిట్‌ మచ్చర్‌ తీవ్రంగా గాయపడ్డారు. అయినప్పటికీ అత్యంత క్లిష్ట పరిస్థితుల్లోనూ ఆయన కాక్‌పిట్‌ తలుపు తెరిచి సహాయం కోరడంతో పాటు విమానాన్ని సురక్షితంగా ల్యాండ్‌ చేసేందుకు కీలకంగా వ్యవహరించారు. ఈ ఘటనలో విమానంలో ఉన్న 174 మంది ప్రయాణికులు, సిబ్బంది ప్రాణాలు కాపాడటంలో స్మిట్‌ మచ్చర్‌ పాత్ర కీలకంగా మారింది. గాయాలతో పోరాడుతూనే ఆయన చూపిన ధైర్యంపై అంతర్జాతీయంగా ప్రశంసలు వెల్లువెత్తుతున్నాయి.ఘటన అనంతరం తొలుత సౌదీ అరేబియాలోని తబూక్‌ ఆస్పత్రిలో ఆయనకు వైద్యం అందించారు. అనంతరం మెరుగైన చికిత్స కోసం యూఏఈకి ఎయిర్‌లిఫ్ట్‌ చేశారు. ప్రస్తుతం స్మిట్‌ మచ్చర్‌ యూఏఈలోని అబుదాబిలో చికిత్స పొందుతున్నారు. ఆయనకు శస్త్రచికిత్స విజయవంతంగా జరిగిందని.. ఆయన మాట్లాడగలుగుతున్నారని.. త్వరలో కోలుకుంటారని వైద్యులు, ఇటు భారత రాయబార కార్యాలయమూ ఒక ప్రకటన చేసింది.కెప్టెన్‌ స్మిట్‌ మచ్చార్‌ సాహసం చూసి దేశం గర్విస్తోందని భారత ప్రధాని నరేంద్ర మోదీ ఇంతకు ముందు అభినందించారు. మరో 9/11 తరహా దాడి జరగకుండా మచ్చార్‌ అడ్డుకోగలిగారంటూ పొగిడారు. అంతేకాదు.. అతని కుటుంబ సభ్యులతో మాట్లాడిన ఆయన అధైర్య పడొద్దని.. భారత ప్రభుత్వం తరఫున అన్నివిధాల సాయం అందిస్తామని భరోసా ఇచ్చారు. ఇదీ చదవండి: ఫ్లైదుబాయ్‌ ఘటన.. వీడియోలో భయానక దృశ్యాలు

కొద్ది నెలల క్రితం.. మత సామరస్యానికి సంబంధించిన ఘటనతో వైరల్‌ అయిన దీపక్‌ కుమార్‌ గుర్తున్నాడా?. ఓ వివాదంలో హిందూ సంఘాల నుంచి ఓ ముస్లిం వ్యాపారిని రక్షించి అందరి నుంచి ప్రశంసలు అందుకున్నాడతను. ఆ సమయంలో నా పేరు ‘మహ్మద్‌ దీపక్‌’ అంటూ అతను చెప్పిన మాటలు చర్చనీయాంశమయ్యాయి. కాంగ్రెస్‌ అగ్రనేత రాహుల్‌ గాంధీ కూడా దీపక్‌ను మెచ్చుకుని.. ‘భారత హీరో’గా అభివర్ణించారు. అయితే తాజాగా అతను మరోసారి వార్తల్లోకి ఎక్కాడు.ఉత్తరాఖండ్‌వాసి మహ్మద్‌ దీపక్‌ (దీపక్‌ కుమార్‌).. ఓ వ్యాపారిని బెదిరించి, దాడికి పాల్పడిన కేసులో అరెస్టయ్యాడు. మొన్నీమధ్యే మధ్యప్రదేశ్‌ ఉజ్జయినిలోని ఓ మసీదు వ్యవహారం వార్తల్లోకి ఎక్కిన సంగతి తెలిసిందే. అయితే ఆ ఘటనపై దీపక్‌ సోషల్‌ మీడియాలో ఓ పోస్ట్‌ పెట్టాడు. దానికి సంజీవ్‌ టోంక్‌ అనే యూజర్‌ కామెంట్‌ చేశాడు. ఈ విషయంలో కోపంతో రగిలిపోయిన దీపక్‌.. అతని దుకాణానికి వెళ్లి దూషించి, బెదిరించారు. The man seen in the video is Md Deepak, the “hero” of the Congress ecosystem. Rahul Gandhi and several big and small Congress leaders were desperate to meet him.Now look at what he is doing.He is accused of abusing and threatening a Hindu shopkeeper and even attempting to… pic.twitter.com/nNEWioLlie— Mr Sinha (@Mrsinha) October 1, 2026ఈ మేరకు ఆ పెద్దాయన కోట్‌ద్వార్‌ పోలీసులకు ఫిర్యాదు చేశారు. విచారణ చేపట్టిన పోలీసులు.. దీపక్‌ సంజీవ్‌ను బెదిరించింది నిజమేనని సీసీటీటీ ఫుటేజీ ద్వారా నిర్ధారించుకున్నారు. దీపక్‌ను అరెస్ట్‌ చేశారు. శాంతిభద్రతల సమస్య తలెత్తే అవకాశం ఉందన్న కారణంతో కూడా అరెస్ట్‌ చేసినట్లు వెల్లడించారు.ఈ ఏడాది జనవరిలో దీపక్‌ కుమార్‌ పేరు దేశవ్యాప్తంగా చర్చకు వచ్చింది. కోట్‌ద్వార్‌లో ఓ ముస్లిం దుకాణదారుడి విషయంలో వివాదం తలెత్తిన సమయంలో ఆయన జోక్యం చేసుకున్నారు. ఆ సందర్భంగా “నా పేరు మహ్మద్‌ దీపక్‌” అంటూ చెప్పిన వీడియో సోషల్‌ మీడియాలో వైరల్‌గా మారింది. ఈ ఘటనను ప్రస్తావిస్తూ రాహుల్‌ గాంధీ ఆయనను తన వద్దకు పిలిపించుకుని ప్రశంసించారు. ఇప్పుడు ఓ హిందూ వ్యాపారిని బెదిరింపు కేసులో అరెస్ట్‌ కావడం నెట్టింట చర్చనీయాంశంగా మారింది.करोड़ों भारतीयों के दिलों में सद्भाव और मोहब्बत की विचारधारा है, मगर मन में भय भी है - दीपक ने उन सभी को अपने साहस से राह दिखाई है।जो लोग नफ़रत फैलाकर समाज को डराने की कोशिश करते हैं, वो दरअसल कायर होते हैं - उनसे कभी भी डरो मत।दीपक ने हमारे तिरंगे और संविधान की रक्षा की है।… pic.twitter.com/lk3IMlk8x8— Rahul Gandhi (@RahulGandhi) February 25, 2026

మహాత్మా గాంధీ భారత స్వాతంత్య్రోద్య మానికి నాయకత్వం వహించిన మహోన్నత వ్యక్తి మాత్రమే కాదు... సత్యం, అహింస, సామాజిక సమానత్వం, స్వావలంబన, గ్రామీణ స్వరాజ్యం, పారిశుద్ధ్యం వంటి విలువలకు జీవి తాంతం కట్టుబడిన దూరదృష్టిగల నాయకుడు. మానవ చరిత్రలో రాజ్యహింసను, అన్యాయాన్ని ఎదుర్కొనేందుకు అహింసను శక్తిమంతమైన పోరాట సాధనంగా మలిచిన నాయకుడు. సత్యా గ్రహం ద్వారా అన్యాయానికి వ్యతిరేకంగా ప్రజ లను శాంతియుతంగా సమీకరించారు.సమాజంలోని ప్రతి వ్యక్తికి గౌరవం, సమా నత్వం, మానవ హక్కులు ఉండాలన్న భావన ఆయన సామాజిక తత్వంలో కీలకమైనది. చరఖా, ఖాదీ ఆయనకు కేవలం వస్త్ర తయారీ సాధనాలు కాదు; స్వావలంబన, గ్రామీణ ఉపాధి, స్వదేశీ ఆర్థిక వ్యవస్థకు ప్రతీ కలు. మహిళలు సమాజంలో సమాన హక్కులు, సమాన అవకాశాలు పొందాలని గాంధీజీ కోరు కున్నారు. స్వాతంత్య్రోద్యమంలో మహిళలను పెద్ద సంఖ్యలో భాగస్వాములను చేయడం ద్వారా ప్రజా ఉద్యమాల్లో వారి పాత్రను విస్తరించారు. మహిళా సాధికారత అంటే కేవలం చట్టపరమైన హక్కులు ఇవ్వడం మాత్రమే కాదు; విద్య, ఆర్థిక స్వావలంబన, భద్రత, గౌరవం, నిర్ణయాధికారంలో భాగస్వామ్యం వంటి అంశాలు కూడా అంతే ముఖ్యమైనవి.గ్రామాలు స్వయం సమృద్ధిగా ఎదగాలనీ, స్థానిక అవసరాలకు స్థానికంగా పరిష్కారాలు లభించా లనీ ఆయన భావించారు. నేటి గ్రామీణ అభివృద్ధి కూడా రోడ్లు నిర్మించడం లేదా భవనాలు ఏర్పాటు చేయడానికే పరిమితం కాదు. రైతులకు మార్కెట్‌ అనుసంధానం, సాగు నీరు, తాగునీరు, విద్యుత్, గృహాలు, పారిశుద్ధ్యం, డిజిటల్‌ కనెక్టి విటీ, బ్యాంకింగ్‌ సేవలు, మహిళలకు ఉపాధి అవ కాశాలు వంటి అనేక అంశాలు గ్రామీణ జీవన ప్రమాణాలను ప్రభా వితం చేస్తున్నాయి.పారిశుద్ధ్యం విషయంలో గాంధీజీకి ప్రత్యే కమైన దృక్పథం ఉంది. పరిశుభ్రత అనేది కేవలం ప్రభుత్వ బాధ్యత కాదనీ, ప్రతి వ్యక్తి బాధ్యత కూడా అని నొక్కిచెప్పారు. వ్యక్తిగత పరిశుభ్రతతో పాటు పరిసరాల పరిశుభ్రత, మరుగుదొడ్ల విని యోగం, వ్యర్థాల నిర్వహణ, ప్రజారోగ్యం వంటి అంశాలను ఆయన సామాజిక సంస్కరణలో భాగంగా చూశారు.మోదీ పాలన – గాంధీవాదంగ్రామీణ భారతదేశ అభివృద్ధి గాంధీజీ ఆలో చనల్లో ముఖ్యమైన అంశం. మోదీ పాలనలో ‘ప్రధానమంత్రి గ్రామ సడక్‌ యోజన’ ద్వారా గ్రామీణ రహదారి అనుసంధానాన్ని విస్తరించారు. ‘ప్రధానమంత్రి కిసాన్‌ సమ్మాన్‌ నిధి’ ద్వారా పేద రైతు కుటుంబాలకు ఆర్థిక సాయం అందిస్తున్నారు. గ్రామీణ కుటుంబాలకు తాగు నీటిని అందించడంలో ‘జల్‌ జీవన్‌ మిషన్‌’ కీలక కార్యక్రమంగా మారింది. గ్రామీణ ప్రజలకు బ్యాంకింగ్‌ సేవలను చేరువ చేయడంలో ‘ప్రధాన మంత్రి జ¯Œ ధన్‌ యోజన’ కూడా ముఖ్యమైన పాత్ర పోషించింది. గాంధీజీ 150వ జయంతి సందర్భంగా దేశాన్ని పరిశుభ్రంగా తీర్చిదిద్దాలనే లక్ష్యంతో మోదీ ప్రభుత్వం 2014లో ‘స్వచ్ఛ భారత్‌ మిషన్‌’ ప్రారంభించింది.గాంధీజీ జయంతి సందర్భంగా ఆయనను స్మరించుకోవడం అంటే కేవలం ఒక మహానాయ కుడికి నివాళి అర్పించడం మాత్రమే కాదు; ఆయన నమ్మిన మానవతా విలువలను మన జీవితాల్లో ఎంతవరకు ఆచరిస్తున్నామో ఆత్మపరి శీలన చేసుకోవడం కూడా.- చింతా సాంబమూర్తి, వ్యాసకర్త జాతీయ సఫాయి కర్మచారి కమిషన్‌ మాజీ సభ్యులుఇదీ చదవండి: సేవయే సాధనగా: గాంధీజీ ఆధ్యాత్మిక ప్రయాణం

తమిళనాడులో ఉచిత బస్‌ ప్రయాణ పథకం ‘వెట్రి పయనం’ ప్రభుత్వం మరింత విస్తరించింది. శుక్రవారం చెన్నైలో జరిగిన కార్యక్రమంలో సి. జోసెఫ్‌ విజయ్‌ దీనిని ప్రారంభించారు. ఈ సందర్భంగా మహిళల బస్సులో కాసేపు ఆయన కండక్టర్‌ అవతారం ఎత్తారు. స్వయంగా టికెట్లు కొట్టి ప్రయాణికులతో మాట్లాడారు. ఆ సమయంలో కొందరు అమ్మాయిలు ఆయన్ని సర్‌ప్రైజ్‌ చేశారు. గాంధీ జయంతి సందర్భంగా ఇవాళ తమిళనాడు ముఖ్యమంత్రి సి. జోసెఫ్‌ విజయ్‌ ‘వెట్రి పయనం’ పథకాన్ని విస్తరించారు. ఈ పథకం కింద రాష్ట్రంలోని 12,695 ప్రభుత్వ బస్సుల్లో మహిళలు, ట్రాన్స్‌జెండర్‌లకు ఉచిత ప్రయాణ సౌకర్యం కల్పించనున్నారు. సాధారణ, ఎక్స్‌ప్రెస్‌, డీలక్స్‌ సర్వీసులకు కూడా ఈ అవకాశం వర్తిస్తుందని విజయ్‌ ప్రభుత్వం తెలిపింది. లబ్ధిదారులకు ఆదాయ పరిమితి ఉండదని, ప్రయాణాల సంఖ్యపైనా ఎలాంటి పరిమితి లేదని స్పష్టం చేసింది. తాజా విస్తరణతో రోజుకు సుమారు 84.32 లక్షల మంది మహిళలు లబ్ధి పొందుతారని, ఉద్యోగాలు, కళాశాలలు, ఆస్పత్రులకు వెళ్లే వారికి ప్రయాణ భారం తగ్గుతుందని విజయ్‌ సర్కార్‌ అంటోంది. విజయ్‌ జేబులో చాక్లెట్లుపథకం ప్రారంభ కార్యక్రమంలో సీఎం విజయ్‌ మహిళల బస్సులోకి వెళ్లి ప్రయాణికులతో మాట్లాడారు. స్వయంగా టికెట్లు అందించారు. ఈ సందర్భంగా మహిళలు, విద్యార్థులు ఉత్సాహం వ్యక్తం చేశారు. కళాశాల విద్యార్థులు కొందరు ఆయనకు చాక్లెట్లు ఇవ్వగా.. ఆయన వాటిని జేబులో దాచుకున్నారు. ఈ దృశ్యాలు వైరల్‌ అవుతున్నాయి. CM Vijay is personally handing out tickets to women on the women's bus.College students are sharing 'Dairy Milk' chocolates, adding to the excitement! 😅❤️ pic.twitter.com/NOy11JqpzK— Actor Vijay Team (@ActorVijayTeam) October 2, 2026మహిళల ఆర్థిక భారం తగ్గించడం, ప్రజా రవాణాను మరింత వినియోగంలోకి తీసుకురావడం లక్ష్యంగా ఈ ఉచిత బస్‌ ప్రయాణ పథకాన్ని ప్రభుత్వం అమలు చేస్తోందని సీఎం విజయ్‌ ఈ సందర్భంగా చెప్పారు. పథకం విస్తరణతో మరిన్ని ప్రాంతాల్లో మహిళలకు ప్రయోజనం అందనుందని అన్నారాయన.అయితే ఈ పథకంపై కొందరు ప్రశంసలు వ్యక్తం చేస్తుండగా.. అవసరమైన వర్గాలకే పరిమితం చేయకుండా అందరికీ వర్తింపజేయడం వల్ల రవాణా సంస్థల ఆదాయంపై భారం పడే అవకాశం ఉందని పలువురు అభిప్రాయపడ్డారు. మరోవైపు విజయ్‌ సర్కార్‌ నిర్ణయం వల్ల తమ ఉపాధికి దెబ్బ పడుతుందని చెబుతూ ప్రైవేట్‌ బస్సుల యాజమాన్యం తాజాగా ఒక్కరోజు సమ్మె చేసింది. ఇదీ చదవండి: గాంధీ గురించి జెన్‌జీ అభిప్రాయమిదేనా?

ఉప ఎన్నికల వేళ.. తమిళనాడు రాజకీయాల్లో మరోసారి మాటల యుద్ధం మొదలైంది. టీవీకే అధినేత, ముఖ్యమంత్రి విజయ్‌ ప్రచార సభలో చోటుచేసుకున్న ఓ భావోద్వేగ ఘటనపై డీఎంకే తీవ్ర విమర్శలు చేసింది. ధారాపురం ఉప ఎన్నిక ప్రచారంలో టీవీకే అభ్యర్థి సత్యభామ ప్రసంగిస్తూ కన్నీళ్లు పెట్టుకోగా.. విజయ్‌ ఆమెను ఓదార్చారు. ఈ ఘటనపై డీఎంకే నేత కనిమొళి తీవ్ర ఆరోపణలు చేశారు. ఇది ప్రజల సానుభూతి కోసం ఆడిన నాటకమంటూ విమర్శించారు.ధారాపురంలో జరిగిన ప్రచార కార్యక్రమంలో టీవీకే అభ్యర్థి సత్యభామ(Sathiyabama) మాట్లాడుతుండగా భావోద్వేగానికి గురై కన్నీళ్లు పెట్టుకున్నారు. వెంటనే వేదికపై ఉన్న విజయ్‌ ఆమెను ఆలింగనం చేసుకుని ఓదార్చారు. ఈ ఘటనపై స్పందించిన డీఎంకే నేత కనిమొళి.. మొత్తం పరిణామం ముందే ప్లాన్‌ చేసినట్లుగా ఉందని ఆరోపించారు.‘స్వీట్‌ బ్రో’ అంటూ వచ్చి..“మంత్రి రాజ్‌కుమార్‌కు ఫోన్‌ వస్తుంది. ఆయన మాట్లాడిన తర్వాత సత్యభామ చెవిలో ఏదో చెబుతారు. వెంటనే బాగా మాట్లాడుతున్న ఆమె కన్నీళ్లు పెట్టుకుంటారు. మహిళగా తాను ఒత్తిడిలో ఉన్నానని చెబుతారు. ఆ తర్వాత విజయ్‌ వచ్చి ఓదారుస్తారు. వెంటనే ప్రజల నుంచి స్పందన వస్తుంది. వేదికపైనైనా, ప్రచారంలోనైనా విజయ్‌ ఇలాంటి డ్రామాలు చేస్తున్నారు” అంటూ కనిమొళి ఆరోపించారు.టీవీకే నుంచి ఘాటు కౌంటర్‌కనిమొళి వ్యాఖ్యలపై టీవీకే నేత, తమిళనాడు విద్యాశాఖ మంత్రి ఏ. రాజ్‌మోహన్‌ తీవ్రంగా స్పందించారు. ఇవి దురుద్దేశపూరిత ఆరోపణలని ఖండించారు. సత్యభామ ప్రసంగాన్ని త్వరగా ముగించాలని మాత్రమే రాజ్‌కుమార్‌ సూచించారని, దానిని వక్రీకరించి విమర్శలు చేస్తున్నారని మండిపడ్డారు. “ఇలాంటి ఆరోపణలు విని ఆశ్చర్యపోయాను. ఇది పూర్తిగా అసత్యం. సభల్లో సమయాన్ని దృష్టిలో పెట్టుకుని ప్రసంగాలను కుదించాలని చెప్పడం సాధారణమే” అని రాజ్‌మోహన్‌ తెలిపారు.அழுத சத்தியபாமா அவர்கள் தேற்றிய முதலமைச்சர் விஜய் ! 🥹#CMVijayInDharapuram pic.twitter.com/vaXecdrwtq— Prakash Vijay (@PrakazVijay_Of) September 30, 2026ఎండలో గంటల తరబడి ప్రజలు.. విజయ్‌ ఎనిమిది గంటలకు పైగా ప్రయాణించి ఎండలో తడిసిపోయేంతగా ప్రచారం నిర్వహించారని, ప్రజలు కూడా గంటల తరబడి వేచి ఉన్నారని రాజ్‌మోహన్‌ చెప్పారు. ఇలాంటి పరిస్థితుల్లో ప్రసంగ సమయాన్ని తగ్గించాలని సూచించడం సాధారణ ప్రక్రియేనని పేర్కొన్నారు.గతంలోనూ పెద్ద సభల నిర్వహణలో రజనీకాంత్‌, కమల్‌హాసన్‌ వంటి ప్రముఖులకు కూడా సమయ పరిమితి గురించి సూచనలు ఇచ్చిన సందర్భాలు ఉన్నాయని గుర్తుచేశారు.కాంగ్రెస్‌ రియాక్షన్‌ఈ వివాదంపై తమిళనాడు కాంగ్రెస్‌ అధ్యక్షుడు మాణిక్యం ఠాగూర్‌ కూడా స్పందించారు. ఇతర పార్టీల ప్రచారాలను డ్రామా అంటూ విమర్శించడం సరికాదని అన్నారు. ప్రజలను కలిసేందుకు ఒక పార్టీ చేసే కార్యక్రమం ప్రచారమైతే, మరో పార్టీ చేస్తే డ్రామా ఎలా అవుతుందని ప్రశ్నించారు.ఇదీ చదవండి: అతన్ని ప్రజలు ఎట్టిపరిస్థితుల్లో క్షమించరు

మహారాష్ట్ర: ధర్మాంగాన్‌లో ఘోర రోడ్డు ప్రమాదం చోటుచేసుకుంది. బొలేరో వాహనాన్ని ట్రక్కు ఢీకొట్టడంతో ఐదుగురు మృతి చెందారు. మరో 21 మందికి గాయాలయ్యాయి. స్థానికుల వివరాల ప్రకారం.. మహారాష్ట్రలోని ధర్మాంగాన్‌ వద్ద ప్రయాణికులతో వెళ్తున్న బొలేరో వాహనాన్ని ఓ ట్రక్కు ప్రమాదవశాత్తు ఒక్కసారిగా ఢీకొట్టింది. దీంతో బొలేరోలో ప్రయాణిస్తున్న వారిలో ఏడుగురు అక్కడికక్కడే ప్రాణాలు కోల్పోయారు. మరికొందరికి తీవ్ర గాయాలైనట్లుగా తెలుస్తోంది.అయితే, స్థానికులు క్షతగాత్రులను వెంటనే సమీపంలోని ఆస్పత్రికి తరలించినట్లుగా తెలుస్తోంది. దీంతో సమాచారం అందుకున్న పోలీసులు ఘటన స్థలానికి చేరుకుని సహాయక చర్యలు చేపట్టారు. పోలీసులు మృతుల వివరాలను సేకరించే పనిలో ఉన్నారు. అయితే ప్రమాదానికి గల పూర్తి వివరాలు ఇంకా తెలియాల్సి ఉంది.ఇదీ చదవండి: భర్తను చంపిన ప్రేమ జంటకు పెళ్లి ముహూర్తం

గుండెల్లో ఆలోచనలు.. చేతిలో స్మార్ట్‌ఫోన్‌.. ప్రపంచం మొత్తం అరచేతిలోకి వచ్చిన తరమే జెన్‌జీ. సమాచారం కోసం పుస్తకాల కంటే గూగుల్‌, చర్చల కోసం వేదికల కంటే సోషల్‌ మీడియా, ఉద్యమాల కోసం వీధుల కంటే డిజిటల్‌ ప్లాట్‌ఫాంలను ఎక్కువగా ఉపయోగిస్తున్న తరం ఇది. ఇలాంటి డిజిటల్‌ యుగంలో మహాత్మా గాంధీ జీవించి ఉంటే ఎలా స్పందించేవారు?..గాంధీ కాలంలో ప్రజలతో నేరుగా మాట్లాడేందుకు ఆయన పత్రికలు, పాదయాత్రలు, సభలను ఆయుధాలుగా ఉపయోగించారు. ‘యంగ్‌ ఇండియా’, ‘హరిజన్‌’ వంటి పత్రికల ద్వారా తన ఆలోచనలను లక్షల మందికి చేరవేశారు. నేడు అలాంటి అవకాశం ఉంటే.. ఆయన చేతిలో ఒక స్మార్ట్‌ఫోన్‌ ఉండేదా? తన సందేశాలను కోట్లాది మందికి క్షణాల్లో చేరవేసేందుకు డిజిటల్‌ మాధ్యమాలను ఉపయోగించేవారా? అనేది జెన్‌జీ ఆలోచిస్తున్న ప్రశ్న.డిజిటల్‌ సత్యాగ్రహం సాధ్యమా?గాంధీ పోరాటాల్లో ప్రధానమైన అంశం ప్రజల భాగస్వామ్యం. ఉప్పు సత్యాగ్రహం నుంచి సహాయ నిరాకరణ ఉద్యమం వరకు సామాన్యులను భాగస్వాములను చేశారు. నేటి కాలంలో అదే సూత్రం డిజిటల్‌ ప్రపంచంలో కనిపిస్తోంది. ఒక హ్యాష్‌ట్యాగ్‌ ద్వారా లక్షలాది మంది ఒకే అంశంపై స్పందించడం, ఆన్‌లైన్‌ పిటిషన్లు, సోషల్‌ మీడియా ప్రచారాలు.. ఇవన్నీ ఆధునిక ఉద్యమాల రూపాలుగా మారాయి.అయితే గాంధీ విధానంలో కేవలం నిరసన మాత్రమే కాదు.. క్రమశిక్షణ, నిజాయితీ, అహింస కూడా కీలకం. సోషల్‌ మీడియాలో వేగంగా వ్యాపించే తప్పుడు సమాచారం, ద్వేషపూరిత వ్యాఖ్యలు, వ్యక్తిగత దాడులు ఆయన సిద్ధాంతాలకు ఎంతవరకు సరిపోతాయి? అనే ప్రశ్న కూడా ఉంది.ఇన్‌స్టాగ్రామ్‌లో గాంధీ ఎలా ఉండేవారు?ఒకవేళ గాంధీకి ఇన్‌స్టాగ్రామ్‌ ఖాతా ఉంటే.. బహుశా తన జీవనశైలి, స్వచ్ఛత, గ్రామీణ అభివృద్ధి, స్వదేశీ ఆలోచనలపై పోస్టులు చేసేవారేమో. ఖరీదైన జీవనశైలికి బదులుగా సరళమైన జీవనం గురించి మాట్లాడేవారు. లక్షలాది ఫాలోవర్లను తన వ్యక్తిగత ప్రచారం కోసం కాకుండా ఒక సామాజిక లక్ష్యం కోసం ఉపయోగించుకునేవారనే అభిప్రాయాలు వ్యక్తమవుతున్నాయి.నేటి జెన్‌జీ ఎదుర్కొంటున్న అనేక అంశాల్లో గాంధీ ఆలోచనలకు కొత్త అర్థాలు కనిపిస్తున్నాయి. పర్యావరణ పరిరక్షణ, స్థానిక ఉత్పత్తులకు ప్రాధాన్యం, మినిమలిజం, శాంతియుత నిరసనలు వంటి అంశాల్లో యువతలో ఆసక్తి పెరుగుతోంది. ఇవన్నీ గాంధీ చెప్పిన కొన్ని విలువలకు దగ్గరగా ఉన్నాయని పలువురు విశ్లేషిస్తున్నారు.గాంధీ ఆలోచనలు.. జెన్‌జీకి కొత్త భాషలోకాలం మారింది.. సాధనాలు మారాయి.. కానీ సమాజాన్ని మార్చాలనే ఆలోచనకు వేదికలు మాత్రమే మారాయి. జెన్‌జీకి గాంధీ అంటే కేవలం నోట్లపై కనిపించే చిత్రం కాదు.. అహింస, సత్యం, సామాజిక మార్పుకు ప్రతీక. అయితే ఈ తరానికి గాంధీ ఆలోచనలు చేరాలంటే పాఠ్యపుస్తకాలకే పరిమితం కాకుండా వారి భాషలో చెప్పాల్సిన అవసరం ఉంది. సోషల్‌ మీడియాలో భిన్నాభిప్రాయాలను గౌరవించడం అహింస అని, ఫేక్‌ న్యూస్‌ మధ్య నిజాన్ని వెతకడం సత్యాగ్రహమని, స్థానిక ఉత్పత్తులు–పర్యావరణ పరిరక్షణలో స్వదేశీ భావనను చూడొచ్చని వివరించాలి. గాంధీ సందేశం మారాల్సిన అవసరం లేదు.. దాన్ని చేరవేసే మార్గమే మారాలి. చేతిలో స్మార్ట్‌ఫోన్‌ ఉన్న జెన్‌జీకి గాంధీ సిద్ధాంతాలు చేరాలంటే అవి డిజిటల్‌ యుగంలో కొత్త భాష మాట్లాడాల్సిందే.గాంధీ జయంతి సందర్భంగా ప్రత్యేక కథనం..

భారత ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేస్తూ కాక్రోచ్‌ జనతా పార్టీ మరో ఉద్యమానికి సిద్ధమైంది. ఓటర్ల జాబితా ప్రత్యేక సవరణ ప్రక్రియ (SIR)ను వెంటనే నిలిపివేయాలని, ఎన్నికల వ్యవస్థలో మరింత పారదర్శకత తీసుకురావాలని కోరుతూ దేశవ్యాప్తంగా నిరసనలు చేపట్టనున్నట్లు పార్టీ ప్రకటించింది. గాంధీ జయంతి సందర్భంగా గురువారం నుంచి ముంబై వేదికగా ఆందోళనలకు శ్రీకారం చుట్టనుంది. అయితే ఈ ఉద్యమానికి ముందు నగరంలో హైడ్రామా నడిచింది. సీజేపీ వ్యవస్థాపకుడు అభిజీత్‌ దీప్కేను ముంబైలోని మెరైన్‌ డ్రైవ్‌ వద్ద పోలీసులు అదుపులోకి తీసుకున్నారన్న ప్రచారం జోరుగా చర్చనీయాంశంగా మారింది. ప్లకార్డులు పట్టుకుని మెరైన్‌ డ్రైవ్‌ వద్ద దీప్కే, ఆయన మద్దతుదారులు కనిపించడంతో పోలీసులు అక్కడికి చేరుకుని ఆయనను పోలీస్‌ స్టేషన్‌కు తీసుకెళ్లినట్లు సమాచారం. అయితే దీప్కేను అరెస్టు చేయలేదని ముంబై పోలీసులు స్పష్టం చేశారు.పోలీసుల వివరణ ప్రకారం.. మెరైన్‌ డ్రైవ్‌ వద్ద దీప్కే ప్రజలను కలుస్తూ, అక్కడ విధుల్లో ఉన్న పోలీసులను ప్రశ్నిస్తున్నారని తెలిపారు. ఒక మహిళా పోలీసు అధికారి ఆయనను గుర్తింపు, స్వస్థలం వంటి వివరాలు అడిగిన అనంతరం స్టేషన్‌కు తీసుకెళ్లినట్లు పేర్కొన్నారు. అయితే దీప్కే మాత్రం భిన్నంగా స్పందించారు. తనను ఓ మహిళా పోలీసు అధికారి ‘టీ తాగుదాం రండి’ అంటూ వెంట తీసుకెళ్లారని, అనంతరం పోలీస్‌ స్టేషన్‌లో కొంతసేపు ఉంచి వెళ్లిపోవచ్చని చెప్పారని తెలిపారు. తన సమయాన్ని వృథా చేసేందుకే ఇలా చేశారని ఆరోపించారు. తర్వాత చెంబూర్‌లోని అంబేడ్కర్‌ హాస్టల్‌లో విద్యార్థులను కలిసినట్లు సోషల్‌ మీడియా ద్వారా వెల్లడించారు.Meeting with students at Ambedkar Hostel in Chembur.#JaiBhim pic.twitter.com/vxI8WWfyeN— Abhijeet Dipke (@abhijeet_dipke) October 1, 2026అనుమతి నిరాకరణముంబైలోని శివాజీ పార్క్‌ వద్ద భారీ నిరసన నిర్వహించాలని సీజేపీ నిర్ణయించింది. అయితే ఈ కార్యక్రమానికి ముంబై పోలీసులు అనుమతి నిరాకరించినట్లు సమాచారం. శివాజీ పార్క్‌ పరిధిలోని నిబంధనలు, ట్రాఫిక్‌ రద్దీ, అత్యవసర వాహనాల రాకపోకలకు ఇబ్బందుల నేపథ్యంలో అనుమతి ఇవ్వలేదని పోలీసులు వెల్లడించారు. అయినప్పటికీ ఉద్యమాన్ని కొనసాగిస్తామని సీజేపీ స్పష్టం చేసింది. ప్రజాస్వామ్య వ్యవస్థలో ఎన్నికల ప్రక్రియపై నమ్మకాన్ని కాపాడాల్సిన అవసరం ఉందని పేర్కొంది. దీంతో ఇవాళ్టి నిరసనలపై ఉత్కంఠ నెలకొంది.సీఈసీ రాజీనామానే ప్రధాన డిమాండ్‌కాక్రోచ్‌ జనతా పార్టీ ప్రధానంగా సీఈసీ జ్ఞానేశ్‌ కుమార్‌ రాజీనామా, SIR ప్రక్రియ నిలిపివేత, ఎన్నికల వ్యవస్థలో సంస్కరణలు వంటి డిమాండ్లతో ఉద్యమానికి పిలుపునిచ్చింది. ఓటర్ల జాబితా సవరణ పేరుతో ప్రజల ఓటు హక్కుకు భంగం కలగకుండా చూడాలని ఆ పార్టీ డిమాండ్‌ చేస్తోంది. సీఈసీ పదవి నుంచి జ్ఞానేశ్‌ కుమార్‌ తప్పుకునే వరకు పోరాటం కొనసాగిస్తామని సీజేపీ వ్యవస్థాపకుడు అభిజీత్‌ దీప్కే ప్రకటించారు. ముంబైలో ప్రారంభమయ్యే నిరసనలు అనంతరం దేశంలోని ఇతర ప్రాంతాలకు విస్తరించనున్నట్లు తెలిపారు.కాంగ్రెస్‌ కూడా అదే బాటలో..ఇదే అంశంపై.. కాంగ్రెస్‌ పార్టీ కూడా విడిగా ఆందోళనలకు సిద్ధమైంది. సీఈసీ జ్ఞానేశ్‌ కుమార్‌ రాజీనామా చేయాలని కాంగ్రెస్‌ డిమాండ్‌ చేస్తోంది. సర్‌ ప్రక్రియపై అభ్యంతరాలు వ్యక్తం చేస్తూ, ఎన్నికల సంఘం పనితీరుపై ప్రశ్నలు లేవనెత్తుతూ పలు రాష్ట్రాల్లో నిరసనలు చేపట్టబోతోంది. ఇవాళ్టి నుంచి ఈ నెల 8వ తేదీ దాకా సేవ్‌ డెమొక్రసీ మార్చ్‌లను నిర్వహించనుంది. మహారాష్ట్ర కాంగ్రెస్‌ సహా వివిధ రాష్ట్రాల పార్టీ విభాగాలు ఈ అంశంపై నిరసన కార్యక్రమాలు నిర్వహిస్తున్నాయి. ఎన్నికల సంఘం స్వతంత్రత, ఓటర్ల జాబితా నిర్వహణపై సమగ్ర చర్చ అవసరమని కాంగ్రెస్‌ పేర్కొంటోంది.SIRపై కొనసాగుతున్న వివాదంమరోవైపు ఎన్నికల సంఘం మాత్రం SIR ప్రక్రియ చట్టపరమైన నిబంధనలకు అనుగుణంగానే జరుగుతోందని చెబుతోంది. ఓటర్ల జాబితా సవరణలో పారదర్శక విధానాలు పాటిస్తున్నామని స్పష్టం చేస్తోంది. సీజేపీ ఉద్యమ పిలుపు, కాంగ్రెస్‌ నిరసనలతో SIR అంశం మరోసారి రాజకీయ చర్చకు కేంద్రంగా మారింది. సీఈసీ రాజీనామా డిమాండ్‌, ఎన్నికల ప్రక్రియపై కొనసాగుతున్న వివాదం రాబోయే రోజుల్లో మరింత వేడెక్కే అవకాశాలు కనిపిస్తున్నాయి.ఇదీ చదవండి: కాంగ్రెస్‌లోకి వచ్చేయండి ప్లీజ్‌!

కేంద్ర ఎన్నికల సంఘానికి కాంగ్రెస్‌ అగ్రనేత, లోక్‌సభలో ప్రతిపక్ష నేత రాహుల్‌ గాంధీ సంచలన ఆరోపణలకు దిగారు. ఓటర్ల నమోదు కోసం ఉపయోగించే ఆన్‌లైన్‌ ఫామ్‌–6లో మార్పులు అక్రమంగా జరిగాయంటూ శుక్రవారం తన ఎక్స్‌లో ఆయన ఓ పోస్ట్‌ చేశారు. ఎవరి ఒత్తిడి మేరకు ఇలా చేశారో చెప్పాలంటూ వరుస ప్రశ్నలు సంధించారాయన. ఎన్నికల సంఘం (ECI) సూచనల మేరకు టీసీఎస్‌ (TCS) తన డిజిటల్‌ పోర్టల్‌లో మార్పులు చేసిందా? ఒకవేళ చేస్తే.. ఆ మార్పులకు టీసీఎస్‌లో ఎవరు ఆమోదం తెలిపారు? వారిపై ఒత్తిడి ఏమైనా ఉందా? అంటూ రాహుల్‌ గాంధీ ఈసీని వరుస ప్రశ్నలు సంధించారు.‘‘ఆన్‌లైన్‌ ఫామ్‌–6ను అక్రమంగా మార్చారు. ఈ మార్పుపై ఈసీలోని కమిషనర్లే అభ్యంతరాలు వ్యక్తం చేశారు. టీసీఎస్‌ను ఈ మార్పు చేయాలని ఈసీలో ఎవరు ఆదేశించారు?’’ అని అని ప్రశ్నించారు. ఈ మార్పులకు టీసీఎస్‌లో ఎవరు ఆమోదం తెలిపారో, ఆ నిర్ణయం తీసుకునేలా వారిపై ఒత్తిడి తెచ్చారా? అని అడిగారు.The online Form 6 was changed illegally - as the EC's own Commissioners have recorded.Who at the ECI ordered Tata Consultancy Services to make that change?Who at TCS signed off on it? And were they pressured into doing it?— Rahul Gandhi (@RahulGandhi) October 1, 2026ఫామ్‌–6లో ఏం మారిందంటే..కొత్తగా ఓటరుగా నమోదు చేసుకునేందుకు ఫామ్‌–6ను ఉపయోగిస్తారు. ప్రత్యేక సమగ్ర ఓటర్ల జాబితా సవరణ (SIR) సమయంలోనూ ఇది కీలకమైన ఫామ్‌. ఎస్‌ఐఆర్‌ ప్రక్రియలో తొలగిపోయిన పేర్లను మళ్లీ ఓటర్ల జాబితాలో చేర్చుకోవడానికి కూడా దీనిని ఉపయోగించాల్సి ఉంటుంది. అయితే ఎస్‌ఐఆర్‌ ప్రక్రియలో భాగంగా ఈ ఫామ్‌కు అదనంగా ఓ డిక్లరేషన్‌ జత చేశారు. గతంలో జరిగిన ఎస్‌ఐఆర్‌ సమయంలో రూపొందించిన ఓటర్ల జాబితాలో దరఖాస్తుదారుడి పేరు ఉందా? లేక వారి తల్లిదండ్రులు లేదా తాత, నానమ్మ/అమ్మమ్మ పేర్లు ఉన్నాయా? అనే వివరాలను ఇందులో కోరారు.ఇద్దరు ఈసీల అభ్యంతరాలు..ఈ మార్పుపై ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి అభ్యంతరం వ్యక్తం చేసినట్లు ఇండియన్‌ ఎక్స్‌ప్రెస్‌ ఓ సంచలనాత్మక కథనం ఇచ్చింది. 1960 నాటి రిజిస్ట్రేషన్‌ ఆఫ్‌ ఎలక్టోర్స్‌ రూల్స్‌లో నిర్దేశించిన ఫామ్‌ను నిబంధనలను సవరించకుండా మార్చే అధికారం ఎన్నికల సంఘానికి లేదని వారు అభిప్రాయపడినట్లు ఆ కథనం పేర్కొంది. ఇలాంటి మార్పులను సూచించే లేదంటే అమలు చేసే అధికారం న్యాయశాఖకు మాత్రమే ఉందని వారు చెప్పినట్లు తెలుస్తోంది. ఈసీ వివరణ ఏంటి?అయితే ఫామ్‌–6ను తాము మార్చలేదని ఎన్నికల సంఘం స్పష్టం చేసింది. అసలు చట్టబద్ధమైన ఫామ్‌–6 యథాతథంగానే ఉందని.. ఎస్‌ఐఆర్‌ ప్రక్రియ కోసం దానికి కేవలం ‘అనెక్సర్‌–డి’ అనే అదనపు డిక్లరేషన్‌ను జత చేశామని వివరించింది. మే 27న సుప్రీంకోర్టు ఇచ్చిన తీర్పులో ఈ డిక్లరేషన్‌ జత చేసే అంశానికి సమర్థన లభించిందని కూడా ఈసీ పేర్కొంది. ఎస్‌ఐఆర్‌కు సంబంధించిన నిర్ణయాలకు ముగ్గురు ఎన్నికల కమిషనర్ల ఏకగ్రీవ ఆమోదం ఉందని తెలిపింది.ఇప్పుడు కొన్ని రాష్ట్రాల్లో తొలగింపుఎస్‌ఐఆర్‌ పూర్తయిన రాష్ట్రాల్లో ఫామ్‌–6కు జత చేసిన అదనపు డిక్లరేషన్‌ను సెప్టెంబర్‌ 30 నుంచి ఈసీఐనెట్‌(ECINET) పోర్టల్‌ నుంచి తొలగించాలని ఈసీ నిర్ణయించింది. ఆయా రాష్ట్రాల్లో కొత్త ఓటర్లు సాధారణ ఫామ్‌–6తోనే దరఖాస్తు చేసుకోవచ్చు. అయితే ఎస్‌ఐఆర్‌ ప్రక్రియ ఇంకా కొనసాగుతున్న 13 రాష్ట్రాల్లో ఈ అదనపు డిక్లరేషన్‌ అందుబాటులోనే ఉంటుంది. ఎస్‌ఐఆర్‌ పూర్తయిన రాష్ట్రాల్లో మాత్రమే ఈ అదనపు ఫామ్‌ అవసరం ఉండదని ఈసీ స్పష్టం చేసింది.ఆందోళనలకు సిద్ధమవుతున్న విపక్షాలుఫామ్‌–6 వివాదంతోపాటు ఎస్‌ఐఆర్‌పై విపక్షాలు ఎన్నికల సంఘంపై విమర్శలు కొనసాగిస్తున్నాయి. ఇటీవల ఢిల్లీలో జరిగిన ఇండియా కూటమి సమన్వయ సమావేశంలో ఎన్నికల సంఘానికి వ్యతిరేకంగా ఆందోళనలకు నిర్ణయించారు. అక్టోబర్‌ 2 గాంధీ జయంతి నుంచి 8వ తేదీ వరకు జిల్లా స్థాయిలో ‘సేవ్‌ డెమోక్రసీ మార్చ్‌’ నిర్వహిస్తామని కాంగ్రెస్‌ అధ్యక్షుడు మల్లికార్జున ఖర్గే ప్రకటించారు. అక్టోబర్‌ 6న విపక్ష ఎంపీలు ఎన్నికల సంఘం కార్యాలయం వరకు మార్చ్‌ నిర్వహించనున్నారు. అక్టోబర్‌ రెండో వారంలో ఇండియా కూటమి నేతలు రాష్ట్రపతి ద్రౌపదీ ముర్మును కలిసి తమ అభ్యంతరాలను వివరించేందుకు సిద్ధమవుతున్నారు.ఫామ్‌–6లో మార్పులపై రాహుల్‌ గాంధీ లేవనెత్తిన ప్రధాన ప్రశ్న మాత్రం ఇదే. ఈ మార్పు చేయాలని టీసీఎస్‌ను ఆదేశించింది ఈసీలో ఎవరు? ఆ నిర్ణయానికి ఎవరు ఆమోదం తెలిపారు?. ఈ ప్రశ్నలపై ఎన్నికల సంఘం, టీసీఎస్‌ నుంచి వచ్చే తదుపరి వివరణ కీలకంగా మారనుంది.ఇదీ చదవండి: ఆఫ్రికా నుంచి సీబీఐ ఆఫీసర్లా?

ఇంటి బయట కూర్చున్న యువతిని.. సడన్‌గా దూసుకొచ్చిన ఓ వ్యక్తి బలవంతంగా ఎత్తుకెళ్లాడు. కారులో ఎక్కించేందుకు ప్రయత్నించగా.. సమయ స్ఫూర్తిని ప్రదర్శించి కొందరు అడ్డుకునే ప్రయత్నం చేశారు. కానీ, కిడ్నాపర్‌ బలం ముందు వాళ్లు నిలవలేకపోయారు. కేవలం 25 సెకన్లలో జరిగిన ఈ కిడ్నాప్‌ కేసులో.. ఇప్పుడు మరో ట్విస్ట్‌ చోటు చేసుకుంది.మధ్యప్రదేశ్‌లోని ఉజ్జయినిలోని లాల్‌బాయి–ఫూల్‌బాయి ప్రాంతంలో మంగళవారం రాత్రి 9 గంటల సమయంలో ఓ యువతి అపహరణకు గురైంది. ఇంటి బయట ఉన్న యువతి వద్దకు నంబర్‌ ప్లేట్‌ లేని కారులో ఇద్దరు వ్యక్తులు వచ్చారు. వారిలో ఒకరు కారు దిగి యువతి వద్దకు వెళ్లాడు. ఆమెను కారులోకి తీసుకెళ్లేందుకు ప్రయత్నించగా కుటుంబసభ్యులు, పొరుగువారు అడ్డుకునేందుకు ప్రయత్నించారు.Ujjain - A 19-year-old woman, who is reportedly the daughter of a police constable posted with the traffic department, was allegedly abducted by two men in Ujjain on. The incident took place in the Lalbai Phulbai area and was captured on a nearby CCTV camera, the woman was… pic.twitter.com/XqPjplOaUU— NextMinute News (@nextminutenews7) September 30, 2026కొందరు యువతిని వెనక్కి లాగేందుకు కూడా ప్రయత్నించినట్లు సీసీటీవీ దృశ్యాల్లో కనిపించింది. అయినప్పటికీ యువతిని కారులోకి తీసుకెళ్లి అక్కడి నుంచి వెళ్లిపోయారు. దీంతో కుటుంబసభ్యులు పోలీసులకు ఫిర్యాదు చేయడంతో కిడ్నాప్‌ కేసు నమోదైంది.రాత్రంతా గాలింపు.. ట్విస్ట్‌ఈ ఘటనపై పోలీసులు వెంటనే దర్యాప్తు ప్రారంభించారు. యువతిని తీసుకెళ్లిన వ్యక్తుల్లో ఒకరిని ఉజ్జయినిలోని ఉర్దుపురాకు చెందిన ధ్రువ్‌ కుమావత్‌గా గుర్తించారు. అతడి కోసం, మరో వ్యక్తి కోసం పలు ప్రాంతాల్లో పోలీసులు తనిఖీలు నిర్వహించారు. అయితే కేసు దర్యాప్తు కొనసాగుతుండగానే యువతి కుటుంబానికి ఓ వీడియో వచ్చింది.అందులో.. ఆశ్చర్యకరంగా యువతి ధ్రువ్‌తో కలిసి కనిపించింది. తామిద్దరం పెద్దవాళ్లమని(మేజర్లు), తమ ఇష్టప్రకారమే ఇంటి నుంచి వెళ్లిపోయామని, పెళ్లి కూడా చేసుకున్నామని ఆ వీడియోలో వారు తెలిపారు.బలవంతం చేయలేదు..మరో వీడియోలో యువతి మరింత స్పష్టంగా స్పందించింది. తనను ఎవరూ బలవంతంగా తీసుకెళ్లలేదని చెప్పింది. తాను కారులోకి ఎక్కుతున్న సమయంలో తన సోదరి చేయి పట్టుకుందని, ఆ తర్వాతే ఈ ఘటన కిడ్నాప్‌లా కనిపించిందని పేర్కొంది. తామిద్దరం స్వచ్ఛందంగానే వెళ్లిపోయామని తెలిపింది. అంతేకాదు.. తమపై కుటుంబసభ్యులు ఒత్తిడి చేయవద్దని, రెండు మూడు రోజుల్లో పోలీసుల ఎదుట హాజరవుతామని యువతి, ఆమెతో ఉన్న వ్యక్తి వీడియోలో కోరారు. అయితే ఈ వీడియోలు వెలుగులోకి వచ్చినప్పటికీ పోలీసులు కిడ్నాప్‌ కేసు దర్యాప్తును ఆపలేదు. A 19-year-old woman was allegedly dragged into a car in Ujjain as locals tried to intervene, with the entire incident captured on CCTV. Hours later, videos surfaced in which the woman and the accused man claimed they had married and left voluntarily.Police have registered a… pic.twitter.com/NLArUfl9Gt— IndiaToday (@IndiaToday) September 30, 2026 VIDEO CREDITS: INIDIATODAY Twitter(X)

అక్టోబర్‌ రాకతో నైరుతి రుతుపవనాలు ముగిశాయి.. ఇక వాతావరణంలో మరో కీలక మార్పు మొదలుకానుంది. ఎల్‌నినో మరింత బలపడుతున్న వేళ.. అక్టోబర్‌ నుంచే దాని ప్రభావం కనిపించే అవకాశాలున్నాయని భారత వాతావరణ శాఖ తాజా అంచనాలు చెబుతున్నాయి. ఈశాన్య సీజన్‌లో దేశంలోని చాలా ప్రాంతాల్లో వర్షపాతం సాధారణం కంటే తక్కువగానే ఉండొచ్చని తెలుస్తోంది. అదే సమయంలో.. చాలా ప్రాంతాల్లో పగటి పూట ఉష్ణోగ్రతలు సాధారణం కంటే ఎక్కువగా నమోదయ్యే అవకాశం ఉందట. ఈ మేరకు వాతావరణ ఔట్‌లుక్‌ను తాజాగా విడుదల చేసిన ఐఎండీ.. ప్రస్తుత ఎల్‌నినో పరిస్థితులు అక్టోబర్‌ నుంచి పుంజుకుని, నవంబర్‌లో గరిష్ఠ స్థాయికి చేరే అవకాశముందని పేర్కొంది. రాబోయే రోజుల్లో.. దేశవ్యాప్తంగా వర్షపాతం సాధారణం కంటే తక్కువగా ఉండే అవకాశముందని చెబుతోంది. అయితే వాయవ్య భారతంలోని కొన్ని ప్రాంతాలు, అలాగే దక్షిణ ద్వీపకల్పంలోని కొన్ని ప్రాంతాల్లో సాధారణం నుంచి అతి వర్షాలు కురిసే అవకాశం ఉందట!. నైరుతి మాదిరే.. అక్టోబర్‌–డిసెంబర్‌ పోస్ట్‌ మాన్సూన్‌ సీజన్‌లోనూ దేశంలోని చాలా ప్రాంతాల్లో వర్షపాతం సాధారణం కంటే తక్కువగానే ఉండొచ్చని భారత వాతావరణ శాఖ అంచనా వేసింది. వర్షాలతోపాటు ఉష్ణోగ్రతలపైనా ఐఎండీ కీలక అంచనాలు వెల్లడించింది. అక్టోబర్‌లో దేశంలోని చాలా ప్రాంతాల్లో గరిష్ట ఉష్ణోగ్రతలు సాధారణం కంటే ఎక్కువగా నమోదయ్యే అవకాశం ఉందని తెలిపింది. కొన్ని ప్రాంతాల్లో కనిష్ట ఉష్ణోగ్రతలు కూడా సాధారణం కంటే ఎక్కువగా ఉండొచ్చని పేర్కొంది. దీంతో వర్షాలు తగ్గే పరిస్థితులతోపాటు పగటి వేడి కొనసాగొచ్చని అంచనా.నవంబర్‌లో పీక్స్‌కు..ప్రస్తుతం దేశంలో ఎల్‌నినో పరస్థితులు కొనసాగుతుండగా.. రాబోయే రోజుల్లో మరింత బలపడనున్నాయి. ప్రపంచ వాతావరణ సంస్థ (డబ్ల్యూఎంఓ) ప్రకారం.. రాబోయే నెలల్లో ఎల్‌నినో ‘హై’ స్థాయికి చేరే అవకాశముంది. నవంబర్‌–డిసెంబర్‌ నాటికి గరిష్ఠ తీవ్రతకు చేరే అవకాశముందని డబ్ల్యూఎంఓ పేర్కొంది. ఈ ప్రభావం 2027 ప్రారంభం వరకూ కొనసాగే అవకాశం ఉంది. భారత ప్రభుత్వానికి జూలైలో ఇచ్చిన సమాధానంలోనూ ఐఎండీ.. అక్టోబర్‌–డిసెంబర్‌ 2026లో ఎల్‌నినో మరింత బలపడి ‘వెరీ స్ట్రాంగ్‌’ కేటగిరీకి చేరొచ్చని తెలిపింది.భూమధ్యరేఖకు సమీపంలోని పసిఫిక్‌ మహాసముద్రంలో సముద్ర ఉపరితల జలాలు సాధారణం కంటే వేడెక్కే వాతావరణ పరిస్థితినే ఎల్‌నినో అంటారు. ఇది ప్రపంచ వ్యాప్తంగా వర్షపాతం, ఉష్ణోగ్రతలు, గాలుల ప్రసరణపై ప్రభావం చూపగలదు. భారత్‌లో ఎల్‌నినో పరిస్థితులు సాధారణంగా రుతుపవన వర్షాలను బలహీనపరిచే అవకాశంతో సంబంధం కలిగి ఉంటాయి. అయితే భారత వర్షపాతాన్ని ఎల్‌నినో ఒక్కటే నిర్ణయించదు. ఐఓడీ, ఎంఎన్‌జే వంటి ఇతర సముద్ర–వాతావరణ పరిస్థితులు కూడా కీలక పాత్ర పోషిస్తాయి.13 శాతం లోటుతో నైరుతి..ఇప్పటికే 2026 నైరుతి రుతుపవనాలు 12.6 శాతం లోటుతో ముగిశాయి. జూన్‌–సెప్టెంబర్‌ మధ్య దేశవ్యాప్తంగా 759.4 మిల్లీమీటర్ల వర్షపాతం నమోదైంది. సాధారణ వర్షపాతం 868.6 మిల్లీమీటర్లతో పోలిస్తే ఇది 109.2 మిల్లీమీటర్ల లోటు. ఈ లోటుతో 2026 నైరుతి సీజన్‌ 2001 తర్వాత నాలుగో అత్యల్ప వర్షపాతం నమోదైన సీజన్‌గా నిలిచింది.ఈసారి దేశంలోని పలు ప్రాంతాల్లో వర్షాభావ పరిస్థితులు కనిపించాయి. అయితే వర్షపాతాన్ని ప్రభావితం చేసిన అంశాల్లో ఎల్‌నినోతోపాటు అల్పపీడనాలు, మాడెన్‌–జూలియన్‌ ఆసిలేషన్‌ (ఎంఎన్‌జే) వంటి ఇతర వాతావరణ వ్యవస్థలూ ఉన్నాయి. అందువల్ల సీజన్‌లో నమోదైన లోటును ఎల్‌నినో ఒక్కదానికే ఆపాదించలేమని ఐఎండీ వివరించింది.దక్షిణాదికి కొంత ఊరటదేశంలోని చాలా ప్రాంతాల్లో వర్షాలు తగ్గే అవకాశం ఉన్నప్పటికీ.. దక్షిణ ద్వీపకల్ప భారతానికి కొంత ఊరట ఉంది. అక్టోబర్‌–డిసెంబర్‌ కాలంలో ఈ ప్రాంతంలో మొత్తంగా సాధారణ వర్షపాతం నమోదయ్యే అవకాశం ఉందని ఐఎండీ అంచనా వేసింది. అయితే ప్రాంతాలవారీగా పరిస్థితుల్లో తేడాలు మాత్రం ఉండొచ్చని తెలిపింది.ఇదీ చదవండి: ఎల్‌నినో ఎఫెక్ట్‌ ఇంతటితో పోదు!

ఆకాశంలో ఏదైనా ప్రమాదం జరిగితే.. ప్రయాణికులకు తొలుత గుర్తొచ్చేది పైలట్‌. కానీ అత్యవసర పరిస్థితుల్లో కాక్‌పిట్‌ బయట ఉన్న సిబ్బంది ఎంత కీలకమో చెప్పిన ఓ పైలట్‌ మాటలు ఇప్పుడు సోషల్‌ మీడియాలో వైరల్‌గా మారాయి. ఆయనే ఫ్లైదుబాయ్‌ పైలట్‌ కెప్టెన్‌ స్మిట్‌ మచ్చార్‌. 174 మంది ప్రాణాలు కాపాడి.. రియల్‌ హీరో అంటూ ప్రపంచం నుంచి జేజేలు అందుకుంటున్నాడు ఈ భారతీయుడు ఇప్పుడు. దుబాయ్‌ నుంచి టెల్‌ అవీవ్‌(ఇజ్రాయెల్‌) వెళ్తున్న ఫ్లైదుబాయ్‌ విమానంలో కో-పైలట్‌ దాడికి గురై తీవ్రంగా గాయపడినప్పటికీ.. తెగువ ప్రదర్శించిన కెప్టెన్‌ స్మిట్‌ మచ్చార్‌ ఎలాగోలా కాక్‌పిట్‌ తలుపు తెరవగలిగారు. దీంతో ప్రయాణికులు, సిబ్బంది లోపలికి వెళ్లి పరిస్థితిని అదుపులోకి తీసుకున్నారు. అనంతరం.. విమానంలో అదనంగా ఉన్న మరో ఇద్దరు పైలట్లు విమానాన్ని సౌదీ అరేబియాలోని టబుక్‌లో సురక్షితంగా ల్యాండ్‌ చేశారు. లేకుంటే ఘోరం జరిగి ఉండేదేమో!. ఫ్లైదుబాయ్‌ ఘటనలో కెప్టెన్‌ స్మిట్‌ మచ్చార్‌కు తల, చేతులపై తీవ్ర గాయాలయ్యాయి. ఆయన భారీగా రక్తం కోల్పోయి స్పృహ కోల్పోయే స్థితికి చేరుకున్నా.. ప్రయాణికులతో మాట్లాడుతూనే ఉన్నారు. విమానం సౌదీ అరేబియా టబుక్‌ ఎయిర్‌పోర్టులో ల్యాండ్‌ అయ్యే వరకు చికిత్స అందించిన ఇజ్రాయెలీ డెంటిస్ట్‌.. మచ్చార్‌ పరిస్థితి తీవ్రంగానే ఉన్నప్పటికీ ప్రాణాపాయం నుంచి బయటపడ్డారని తెలిపారు. ‍ప్రస్తుతం ఆయనకు శస్త్రచికిత్స విజయవంతంగా పూర్తయ్యిందని.. ఆరోగ్యం నిలకడగా ఉందని అధికారులు చెబుతున్నారు.“గాల్లో ఏదైనా తప్పు జరిగితే.. మీ ప్రాణాలను ఎవరు కాపాడతారు? క్యాబిన్‌ క్రూ కాపాడగలరు” అంటూ గతంలో స్మిట్‌ మచ్చార్‌ చెప్పిన మాటలు.. ఇప్పుడు మళ్లీ వైరల్‌ అవుతున్నాయి. స్మిట్‌ మచ్చార్‌ ప్రయాణం మొదటి నుంచీ విమానయానంతో ముడిపడి లేదు. చిన్నప్పటి నుంచీ పైలట్‌ కావాలన్నది ఆయన కల కాదు. గుజరాతీ మూలాలున్న స్మిట్‌ మచ్చర్‌ ముంబైలో చదువుకున్నారు. స్కూలింగ్‌ తర్వాత కుటుంబ వ్యాపారంతో సంబంధం ఉన్న టెక్స్‌టైల్‌ ఇంజినీరింగ్‌ కోర్సులో చేరారు. ఆ తర్వాత మేనేజ్‌మెంట్‌ కోర్సులో చేరారు.అక్కడే ఓ రోజు జరిగిన ఏవియేషన్‌ సెమినార్‌ ఆయన జీవితాన్ని మలుపు తిప్పింది. విమానయానంపై ఆసక్తి కలిగింది. అప్పటికి ఆయన వయసు కేవలం 19 ఏళ్లు. పైలట్‌ కావాలన్నది నా చిన్ననాటి కల కాదు.. జీవితంలో చాలా తర్వాత అది నా ముందుకొచ్చింది అని 2025లో బోనాఫైడ్‌ బాంటర్‌ పోడ్‌కాస్ట్‌లో స్మిట్‌ పలు ఆసక్తికర విషయాలు చెప్పుకొచ్చారు. ఆ క్షణం తల్లి భయపడింది!పైలట్‌ కావాలన్న తన నిర్ణయం కుటుంబంలోనూ ఆసక్తికరమైన స్పందనకు కారణమైందని మచ్చార్‌ ఆ ఇంటర్వ్యూలో చెప్పారు. తల్లి తొలుత భయపడగా.. తండ్రి మాత్రం తన నిర్ణయాన్ని ప్రశాంతంగా స్వీకరించారు. “ఎలా, ఎక్కడ చేయాలో చూసుకో” అంటూ తండ్రి ప్రోత్సహించారని మచ్చార్‌ ఆ పాడ్‌కాస్ట్‌లో గుర్తుచేసుకున్నారు.ఆ తర్వాత పైలట్‌ శిక్షణ కోసం న్యూజిలాండ్‌ వెళ్లారు. అదే ఆయన తొలి విదేశీ ప్రయాణం. చిన్న విమానంలో శిక్షణ సమయంలో తొలి ఫ్లయింగ్‌ అనుభవం కూడా అంత సులభంగా అనిపించలేదు. అనంతరం బెంగళూరు నుంచి ఢిల్లీకి కమర్షియల్‌ విమానంలో ప్రయాణించినప్పుడు కూడా భయపడ్డానని చెప్పారు. అయితే విమానం కంటే.. శిక్షణలో ఉన్న పైలట్‌గా తనపై ఉన్న బాధ్యతే ఎక్కువగా భయపెట్టిందని వివరించారు. వేల గంటల అనుభవంశిక్షణ పూర్తయ్యాక మచ్చార్‌ వాణిజ్య విమానయానంలోకి అడుగుపెట్టారు. ముంబైలోని స్పైస్‌జెట్‌లో సుమారు 11 ఏళ్లు పనిచేశారు. సీనియర్‌ కమాండర్‌గా మాత్రమే కాకుండా లైన్‌ ట్రైనింగ్‌ కెప్టెన్‌గా కూడా బాధ్యతలు నిర్వహించారు. అంటే ఇతర పైలట్లకు శిక్షణ ఇవ్వడం, వారి పనితీరును పరిశీలించడం వంటి బాధ్యతలు కూడా ఆయనపై ఉండేవి. 2022 జూన్‌లో ఫ్లైదుబాయ్‌లో డైరెక్ట్‌ ఎంట్రీ కెప్టెన్‌గా చేరారు. బోయింగ్‌ 737-800, 737 MAX 8, MAX 9 విమానాలపై కలిపి ఆయనకు 9,750 గంటలకు పైగా ఫ్లయింగ్‌ అనుభవం ఉన్నట్లు ఆయన ప్రొఫైల్‌ను బట్టి తెలుస్తోంది. ఆ ఇంట్లో మరో పైలట్‌..మచ్చార్‌ కుటుంబంలో విమానయానంపై ఆసక్తి ఆయనతోనే ఆగిపోలేదు. ఆయన సోదరుడు కూడా పైలట్‌. ఇటీవలే అతను కూడా ఫ్లైదుబాయ్‌లో చేరారంట. స్మిట్‌ మచ్చార్‌ తన భార్య, పిల్లలతో కలిసి దుబాయ్‌లో నివసిస్తున్నారు. ఘటన విషయం తెలియగానే కుటుంబం ఆందోళనకు గురైంది. ప్రస్తుతం ఆయన చికిత్స పొందుతుండగా.. భారత అధికారులు కుటుంబంతో సంప్రదింపులు కొనసాగిస్తున్నారు.#CaptainSmitMachchhar ने अपने एक इंटरव्यू में कहा था कि “जब हवा में कुछ गलत होता है, तो आपकी जान बचाने वाला कौन होगा? Crew आपकी जान बचा सकता है।”आज उनके वही शब्द सच साबित हुए।Flydubai FZ1073 में खुद घायल होने के बावजूद इस बहादुर कैप्टन ने विमान को बचाने में अहम भूमिका… pic.twitter.com/ylRQduYqLw— Akshay Chaudhary (Modi ka Pariwar) (@_Akshay_8800) October 1, 2026 ఆ మాటలు ఇప్పుడు వైరల్‌2025లో ఇచ్చిన పాత ఇంటర్వ్యూలో మచ్చార్‌ క్యాబిన్‌ క్రూ ప్రాధాన్యాన్ని ప్రత్యేకంగా వివరించారు. అత్యవసర పరిస్థితుల్లో ప్రయాణికులకు వైద్యుడు దొరకకపోవచ్చు.. కానీ క్యాబిన్‌ క్రూకు భద్రత, అత్యవసర పరిస్థితులు, ప్రథమ చికిత్సపై శిక్షణ ఉంటుందని చెప్పారు. “ఏదైనా తప్పు జరిగితే.. వాళ్లు అవసరం” అనే ఆయన మాటలు ఇప్పుడు వైరల్‌గా మారాయి. టెక్స్‌టైల్‌ ఇంజినీరింగ్‌ చదివి కుటుంబ వ్యాపారంలోకి వెళ్లాల్సిన యువకుడు.. 19 ఏళ్ల వయసులో తీసుకున్న ఒక్క నిర్ణయంతో పైలట్‌ అయ్యారు. నేడు అదే వృత్తిలో ఎదురైన అత్యంత భయానక క్షణంలో తన అనుభవాన్ని ఉపయోగించి విమానంలోని వందలాది మందికి భద్రత కల్పించడంలో కీలకంగా నిలిచారు. ఒకప్పుడు విమానం ఎక్కేటప్పుడే భయపడిన ఆ యువకుడి మాటలే.. ఇప్పుడు ఆకాశంలో జరిగిన అత్యంత ప్రమాదకర ఘటన తర్వాత మరోసారి ప్రపంచం గుర్తుచేసుకుంటోంది.ఇదీ చదవండి: స్మిట్‌.. నువ్వో హీరోవి! భారత్‌ గర్విస్తోంది

ప్రముఖ టీవీ నటి, ‘బాలికా వధు’ ఫేమ్‌ ప్రత్యూష బెనర్జీ కేసులో సంచలన పరిణామం చోటు చేసుకుంది. ఈ కేసులో ఆమె మాజీ ప్రియుడు, నటుడు–నిర్మాత రాహుల్‌ రాజ్‌ సింగ్‌కు భారీ ఊరట లభించింది. ఈ కేసు నుంచి ఆయనకు విముక్తి ఇస్తూ బాంబే హైకోర్టు బుధవారం తీర్పు ఇచ్చింది. తీర్పు సందర్భంగా.. ఇక ఆయన ఎలాంటి విచారణ ఎదుర్కోవాల్సిన అవసరం లేదని వ్యాఖ్యానించింది.హిందీ బుల్లితెర నటి ప్రత్యూష బెనర్జీ పదేళ్ల కిందట బలవన్మరణానికి పాల్పడ్డారు. అయితే ఆమెను ప్రియుడు రాహుల్‌ రాజ్‌సింగ్‌ ఆత్మహత్యకు ప్రేరేపించారన్నది ప్రధాని అభియోగం. అయితే సుదీర్ఘ విచారణ అనంతరం.. ఈ కేసులో ప్రత్యూష బెనర్జీ మరణానికి ముందు రాహుల్‌ రాజ్‌ సింగ్‌తో మాట్లాడిన చివరి ఫోన్‌ సంభాషణను కోర్టు కీలకంగా పరిగణించింది. ఆనాడు.. ఈ సంభాషణలో ప్రత్యూష తీవ్ర ఆందోళనలో ఉన్నట్లు ట్రాన్స్‌క్రిప్ట్‌ ద్వారా తెలుస్తోందని కోర్టు పేర్కొంది. అదే సమయంలో రాహుల్‌ ఆమెను ఎలాంటి తీవ్ర నిర్ణయం తీసుకోవద్దని నచ్చజెప్పేందుకు ప్రయత్నించినట్లు తెలిపింది. తాను కారును వెనక్కి తిప్పుకుని ఆమెను కలిసేందుకు వస్తున్నానని కూడా రాహుల్‌ చెప్పినట్లు కోర్టు గుర్తించింది. ఈ సంభాషణను పరిశీలించిన న్యాయస్థానం.. ప్రత్యూషను ఆత్మహత్యకు ప్రేరేపించారన్న ఆరోపణలకు ఇది అనుకూలంగా లేదన్న వాదనను పరిగణనలోకి తీసుకుంది.పదేళ్ల క్రితం ఏం జరిగిందంటే..పాపులర్‌ సీరియల్‌ ‘బాలికా వధు’లో ఆనంది పాత్రతో దేశవ్యాప్తంగా గుర్తింపు తెచ్చుకున్న ప్రత్యూష బెనర్జీ 2016 ఏప్రిల్‌ 1న ముంబైలోని గోరేగావ్‌లో తాను అద్దెకు ఉంటున్న నివాసంలో మృతిచెందారు. ఆమె మరణం అప్పట్లో తీవ్ర సంచలనం సృష్టించింది. ప్రత్యూష తల్లిదండ్రులు ఆమెతో అప్పట్లో సహజీవనం చేస్తున్న రాహుల్‌ రాజ్‌ సింగ్‌పై తీవ్ర ఆరోపణలు చేశారు. మానసిక, శారీరక వేధింపులకు పాల్పడ్డారని.. ఆమె ఆత్మహత్యకు రాహుల్‌ ప్రేరేపించారని ఆరోపిస్తూ పోలీసులకు ఫిర్యాదు చేశారు. దీంతో పోలీసులు ఆయనపై ఆత్మహత్యకు ప్రేరేపించిన కేసు నమోదు చేశారు.సుదీర్ఘ పోరాటం తర్వాత..కేసు నమోదైన కొన్ని నెలలకే 2016 జూలైలో రాహుల్‌ రాజ్‌ సింగ్‌కు బాంబే హైకోర్టు ముందస్తు బెయిల్‌ మంజూరు చేసింది. అనంతరం పోలీసులు 2018లో చార్జిషీట్‌ దాఖలు చేశారు. తనపై నమోదైన కేసు నుంచి డిశ్చార్జ్‌ చేయాలని రాహుల్‌ సెషన్స్‌ కోర్టును ఆశ్రయించారు. అయితే అక్కడ ఆయనకు నిరాశ ఎదురైంది. దీంతో హైకోర్టును ఆశ్రయించారు.రాహుల్‌ తరఫున సీనియర్‌ న్యాయవాది ఆబాద్‌ పొండా, న్యాయవాది శ్రేయాన్ష్‌ మిథారే వాదనలు వినిపించారు. ప్రత్యూషతో జరిగిన చివరి ఫోన్‌ సంభాషణలో ఆమెను తీవ్ర నిర్ణయం తీసుకోవద్దని రాహుల్‌ నచ్చజెప్పిన విషయం స్పష్టంగా ఉందని వారు కోర్టు దృష్టికి తీసుకెళ్లారు. అందువల్ల ఆత్మహత్యకు ప్రేరేపించినట్లు కేసు కొనసాగించడానికి తగిన ఆధారాలు లేవని వాదించారు. అలాగే ప్రత్యూష తన నిర్ణయానికి సంబంధించి పలువురి పేర్లను ప్రస్తావించిందని.. ఆమె తల్లిదండ్రుల గురించి కూడా సంభాషణలో మాట్లాడిందని రాహుల్‌ తరఫు న్యాయవాదులు పేర్కొన్నారు. ఆత్మహత్య లేఖ కూడా లేని పరిస్థితుల్లో తొందరగా ఎఫ్‌ఐఆర్‌ నమోదు చేశారని వారు వాదించారు. ఈ వాదనలను పరిగణనలోకి తీసుకున్న బాంబే హైకోర్టు.. రాహుల్‌ రాజ్‌ సింగ్‌ను కేసు నుంచి డిశ్చార్జ్‌ చేసింది. దీంతో క్రిమినల్‌ ట్రయల్‌ నుంచి ఆయనకు ఊరట లభించినట్లైంది.ఇదీ చదవండి: వాటికి ఇంకెప్పుడు మోక్షమయ్యా?

దుబాయ్‌–టెల్‌అవీవ్‌ ఫ్లై దుబాయ్‌ విమానంలో చోటుచేసుకున్న ఘటనలో భారత పైలట్‌ కెప్టెన్‌ స్మిట్‌ మచ్చార్‌ ప్రదర్శించిన ధైర్యసాహసాలను ప్రధాని నరేంద్ర మోదీ ప్రశంసించారు. తీవ్రంగా గాయపడినప్పటికీ పరిస్థితిని ఎదుర్కొని.. విమానంలోని వందలాది మంది ప్రయాణికుల ప్రాణాలకు ముప్పు వాటిల్లకుండా కీలకంగా వ్యవహరించారని అన్నారు.‘‘కెప్టెన్‌ స్మిట్‌ మచ్చార్‌ ఒక హీరో. భారత్‌ ఆయనను చూసి గర్విస్తోంది’’ అని ప్రధాని మోదీ పేర్కొన్నారు. స్మిట్‌ మచ్చార్‌ తెగువను కొనియాడుతూ మోదీ ‘ఎక్స్‌’లో పోస్ట్‌ చేశారు. అత్యంత ప్రమాదకర పరిస్థితుల్లోనూ, తీవ్రంగా గాయపడినప్పటికీ ఇతరుల ప్రాణాలను కాపాడేందుకు ఆయన అపారమైన ధైర్యం, వెనక్కి తగ్గని సంకల్పాన్ని ప్రదర్శించారని అన్నారు. ఆయన చూపిన తెగువ వందలాది మంది ప్రాణాలను కాపాడటంతోపాటు పెను విషాదాన్ని తప్పించిందని పేర్కొన్నారు. స్మిట్‌ మచ్చార్‌ త్వరగా కోలుకోవాలని, మరింత శక్తితో పూర్తి ఆరోగ్యంతో తిరిగి రావాలని ఆకాంక్షించారు.Captain Smit Machchhar is a HERO.In the face of the gravest danger and despite being seriously injured, he showed immense courage and an unwavering resolve to protect the lives of others. His valour helped save hundreds of lives and avert a great tragedy.India is proud of…— Narendra Modi (@narendramodi) October 1, 2026బుధవారం దుబాయ్‌ నుంచి టెల్‌అవీవ్‌కు బయలుదేరిన ఫ్లై దుబాయ్‌ విమానం FZ1073లో ఈ ఘటన చోటుచేసుకుంది. బోయింగ్‌ 737 విమానం సుమారు 34 వేల అడుగుల ఎత్తులో ప్రయాణిస్తుండగా.. కాక్‌పిట్‌లో ఒక్కసారిగా కలకలం రేగింది. సహ పైలట్‌ విమానాన్ని ప్రమాదానికి గురిచేసేందుకు ప్రయత్నించినట్లు ఆరోపణలు ఉన్నాయి. ఈ క్రమంలో అడ్డుకునేందుకు ప్రయత్నించిన కెప్టెన్‌ స్మిట్‌ మచ్చార్‌పై అతడు దాడి చేసి కత్తితో పొడిచినట్లు సమాచారం.దాడితో మచ్చార్‌ తీవ్రంగా గాయపడ్డారు. అదే సమయంలో విమానం భారీ వేగంతో కిందికి దిగడం ప్రారంభించింది. ఫ్లైట్‌ ట్రాకింగ్‌ డేటా ప్రకారం.. దాదాపు 37 సెకన్లలోనే విమానం 14,300 అడుగుల మేర కిందికి దిగింది. ఒక దశలో నిమిషానికి సుమారు 23 వేల అడుగుల వేగంతో కిందికి దూసుకెళ్లినట్లు సమాచారం. దీంతో విమానంలో తీవ్ర భయాందోళనలు నెలకొన్నాయి.కుటుంబానికి మోదీ ధైర్యంకెప్టెన్‌ స్మిట్‌ మచ్చార్‌ కుటుంబంతోనూ గురువారం ఉదయం ప్రధాని మోదీ ఫోన్‌లో పరామర్శించినట్లు తెలుస్తోంది. మచ్చార్‌ తల్లిదండ్రులతో పాటు అతని భార్యతోనూ మోదీ మాట్లాడినట్లు అధికార వర్గాలు వెల్లడించాయి. స్మిట్‌ సాహసాన్ని ప్రస్తావిస్తూ అధైర్య పడొద్దని.. అవసరమైన సాయం అందిస్తామని ఆయన చెప్పినట్లు సమాచారం. గాయాలతోనే ఎదురుదాడి..ఈ సమయంలో తీవ్రంగా గాయపడినప్పటికీ కెప్టెన్‌ మచ్చార్‌ వెనక్కి తగ్గలేదు. సహ పైలట్‌ను ప్రతిఘటిస్తూ కాక్‌పిట్‌ తలుపు తెరిచినట్లు సమాచారం. దీంతో ముందు వరుసలో ఉన్న ప్రయాణికులు, సిబ్బంది కాక్‌పిట్‌లోకి చేరుకుని దాడి చేసిన వ్యక్తిని అదుపులోకి తీసుకునేందుకు సహకరించారు. విమానంలో ఉన్న మరో ఇద్దరు రిలీఫ్‌ పైలట్లు అనంతరం నియంత్రణ బాధ్యతలు చేపట్టారు. విమానాన్ని సౌదీ అరేబియాలోని తబుక్‌ విమానాశ్రయానికి మళ్లించారు. అక్కడ విమానం సురక్షితంగా ల్యాండ్‌ అయింది. ల్యాండింగ్‌ అనంతరం గాయపడిన స్మిట్‌ మచ్చార్‌, సహ పైలట్‌ను ఆసుపత్రికి తరలించారు. ప్రయాణికులకు కూడా విమానాశ్రయంలో వైద్య సాయం అందించారు. ప్రస్తుతం ఆయన ఆరోగ్యం నిలకడగా ఉన్నట్లు తెలుస్తోంది.9,750 గంటల ఫ్లయింగ్‌ అనుభవంస్మిట్‌ మచ్చార్‌ భారతీయుడు. ఫ్లై దుబాయ్‌లో చేరకముందు స్పైస్‌జెట్‌లో సుమారు 11 ఏళ్లు పనిచేశారు. బోయింగ్‌ 737 విమానాల్లో 13 ఏళ్లకు పైగా వాణిజ్య విమానయాన అనుభవం ఉంది. ఆయన లింక్డ్‌ఇన్‌ ప్రొఫైల్‌ ప్రకారం.. దాదాపు 9,750 గంటల ఫ్లయింగ్‌ అనుభవంతోపాటు లైన్‌ ట్రైనింగ్‌ కెప్టెన్‌గా కూడా పనిచేశారు.ట్రంప్‌, నెతన్యాహు ప్రశంసలుస్మిట్‌ మచ్చార్‌ ధైర్యాన్ని ఇజ్రాయెల్‌ ప్రధాని బెంజమిన్‌ నెతన్యాహు కూడా ప్రశంసించారు. దాడిలో గాయపడినప్పటికీ విమానాన్ని, ప్రయాణికులను రక్షించేందుకు ఆయన చేసిన ప్రయత్నాలను కొనియాడారు. ప్రయాణికులు, సిబ్బంది సైతం దాడిచేసిన వ్యక్తిని అదుపులోకి తీసుకోవడంలో కీలకంగా వ్యవహరించినట్లు పేర్కొన్నారు. ఇటు ట్రంప్‌ కూడా స్మిట్‌ను హీరో అని, కోపైలట్‌ను టెర్రరిస్ట్‌ అని అభివర్ణించారు.ఈ ఘటనకు దారితీసిన కారణాలు, సహ పైలట్‌ ఎందుకు దాడికి పాల్పడ్డాడు? విమానాన్ని ఎందుకు కిందికి దించాడు? అనే అంశాలపై దర్యాప్తు కొనసాగుతోంది. అయితే తీవ్ర ప్రమాదం ఎదురైన సమయంలో గాయాలను లెక్కచేయకుండా స్మిట్‌ మచ్చార్‌ తీసుకున్న చర్యలు ఇప్పుడు ఈ ఘటనలో ప్రధానంగా చర్చనీయాంశంగా మారాయి.ఇదీ చదవండి: ప్చ్‌.. డంకీ ఎంత పని చేసింది?

ఉత్తరప్రదేశ్‌ రాజకీయాల్లో మాజీ ఐఏఎస్‌ అధికారి దివ్యా మిట్టల్‌ పేరు ఇప్పుడు హాట్‌టాపిక్‌గా మారింది. పదమూడేళ్ల సర్వీసు తర్వాత హఠాత్తుగా ఐఏఎస్‌కు రాజీనామా చేసిన ఆమె.. రాజకీయాల్లోకి వస్తారన్న ప్రచారం ఊపందుకుంది. వచ్చే ఏడాది యూపీ అసెంబ్లీ ఎన్నికలు జరగనున్న వేళ.. జెన్‌జీ ఉద్యమ ప్రభావం కూడా రాజకీయ పార్టీలను కొత్త ముఖాల వైపు చూస్తున్న పరిస్థితి నెలకొంది. ఈ క్రమంలో దివ్యా మిట్టల్‌ను తమవైపు తిప్పుకునేందుకు పలు పార్టీలు ఆసక్తి చూపుతున్నట్లు ప్రచారం సాగుతోంది. అయితే.. రాజకీయ ప్రవేశంపై దివ్యా మిట్టల్‌ మాత్రం ముందుగానే ఓ స్పష్టమైన నిర్ణయంతో ఉన్నట్లు తాజాగా ఆమె వ్యాఖ్యలతో తేలింది.తాజాగా బీజేపీ నేత ప్రశాంత్‌ ఉమ్రావ్‌ చేసిన సోషల్‌ మీడియా పోస్టు.. యూపీ రాజకీయాలను కుదిపేసింది. కాంగ్రెస్‌ అగ్రనేత, లోక్‌సభ ప్రతిపక్ష నేత రాహుల్‌ గాంధీని మాజీ ఐఏఎస్‌ దివ్యా మిట్టల్‌(43) రహస్యంగా కలిశారని అన్నారాయన. ‘‘చీకటి మాటున భేటీ’’ అంటూ చేసిన సంచలన ఆరోపణతో చేసిన ఈ పోస్టుతో.. ఆమె కాంగ్రెస్‌లో చేరబోతున్నారనే చర్చ మొదలైంది. ఇదే సమయంలో.. యువతలో మంచి క్రేజ్‌ ఉన్న ఆమెను ప్రత్యక్షంగానే సమాజ్‌వాదీ పార్టీ ఆహ్వానించడం, అదే సమయంలో కాంగ్రెస్‌తో ఆ పార్టీకి జరుగుతున్న సీట్ల పంపకం పంచాయితీ, రాహుల్‌ను ఆమె కలిశారన్న ప్రచారం ఈ ఎపిసోడ్‌ను మలుపుల మీద మలుపులు తిప్పుతోంది. దివ్యకు అఖిలేశ్‌ ఆహ్వానందివ్యా మిట్టల్‌ రాజకీయ ప్రవేశం నేపథ్యంలో ఎస్పీ–కాంగ్రెస్‌ సీట్ల పంచాయితీకి కూడా ఈ వ్యవహారం ముడిపడింది. కాంగ్రెస్‌ 150 సీట్లలో పోటీ చేయాలని చెబుతుండగా.. ఎస్పీ 350 స్థానాల్లో సన్నాహాలు చేస్తోందన్న వార్తలు వచ్చాయి. ఇక దివ్యా మిట్టల్‌ విషయంలో ఎస్పీ అధినేత అఖిలేశ్‌ యాదవ్‌ చేసిన వ్యాఖ్యలు మరో చర్చకు దారితీశాయి. ఆమె రాజకీయాల్లోకి వస్తున్న విషయంపై స్పందిస్తూ.. ‘‘హరా ఔర్‌ లాల్‌ గమ్ఛా డాల్‌ లేన్‌’’ అంటూ ఎస్పీ పార్టీ రంగులను సూచించేలా వ్యాఖ్యానించారు. ఆమె ఎస్పీలో చేరితే స్వాగతిస్తామన్న సంకేతంగా ఈ వ్యాఖ్యను తీసుకున్నారు. ఏం జరిగిందో చెప్పిన దివ్యా మిట్టల్‌..రాహుల్‌ గాంధీతో రహస్య భేటీ అంటూ వచ్చిన ప్రచారంపై దివ్యా మిట్టల్‌ సుమారు తొమ్మిది నిమిషాల వీడియో విడుదల చేసి స్పందించారు. ఆ ప్రచారాన్ని ఖండిస్తూ.. తన రాజకీయ భవిష్యత్తుపై స్పష్టత ఇచ్చారు. రాజకీయాల్లోకి వస్తున్నట్లు ధృవీకరించిన ఆమె.. ఏ రాజకీయ పార్టీలోనూ చేరబోనని స్పష్టం చేశారు. యూపీ నుంచే తన రాజకీయ ప్రస్థానం ప్రారంభమవుతుందని, అది ఏ పార్టీ జెండా కింద ఉండదని తెలిపారు. పార్టీతో కాదు.. ప్రజలతో కలిసి రాజకీయాలు అనేదే తన విధానమని చెప్పారు. ‘‘గత నెల ఐఏఎస్‌కు రాజీనామా చేశాను. ఎన్నో ప్రశ్నలను వదిలి వచ్చాను. తర్వాత ఏంటి? అనే ప్రశ్నకు సమాధానం.. రాజకీయాలు’’ అని ఆమె అన్నారు. ఉత్తరప్రదేశ్‌ తన కర్మభూమి అని, ప్రజల సమస్యలను నేరుగా తెలుసుకుని పని చేయాలనుకుంటున్నట్లు తెలిపారు.ప్రజల గొంతుకగా..ప్రభుత్వ నిర్ణయాలు తీసుకున్నా.. వాటి అమలు జరగని సందర్భాలు తనను రాజకీయాల వైపు నడిపించాయని దివ్యా మిట్టల్‌ చెప్పారు. మంజూరైన పాఠశాలలు నిర్మాణానికి నోచుకోకపోవడం, భూములు కేటాయించినా లబ్ధిదారులకు అందకపోవడం, అధ్వాన్న రహదారులు, పేపర్‌ లీక్‌లతో విద్యార్థుల భవిష్యత్తు దెబ్బతినడం వంటి అంశాలను ప్రస్తావించారు. మిర్జాపూర్‌ జిల్లా కలెక్టర్‌గా ఉన్నప్పుడు లహురియా దహ్‌ గ్రామంలో ఓ మహిళ.. ఇల్లు, పింఛన్‌ కాకుండా పిల్లల కోసం పాఠశాల కావాలని కోరిన ఘటనను గుర్తుచేశారు. నిధులు, నిబంధనలు, అనుమతులు ఉన్నప్పటికీ మూడేళ్లు గడిచినా నిర్మాణం ప్రారంభం కాలేదన్నారు. ‘‘అన్నీ ఉన్నాయి.. కానీ ఉద్దేశం లేదు’’ అంటూ వ్యవస్థలో నిర్ణయం, అమలు మధ్య ఉన్న అంతరాన్ని వివరించారు.कुछ दिन पहले IAS से त्यागपत्र दिया था और आपके मन में कई सवाल छोड़ दिए थे। अपनी बात इस वीडियो में कह दी है। अगर आपको लगे कि ये आपकी भी बात है, तो 9198956957 पर whatsapp मैसेज करिए। pic.twitter.com/mtS6gzBzRw— Divya Mittal (@divyamittal_IAS) September 29, 2026ఐఐటీ–ఐఐఎం చదువు.. లండన్‌లో ఉద్యోగందివ్యా మిట్టల్‌ 2013 బ్యాచ్‌ యూపీ కేడర్‌ ఐఏఎస్‌ అధికారి. ఐఐటీ ఢిల్లీ, ఐఐఎం బెంగళూరులో చదువుకున్నారు. సివిల్‌ సర్వీసెస్‌లోకి రాకముందు లండన్‌లో ఎక్సోటిక్‌ డెరివేటివ్స్‌ ట్రేడర్‌గా పనిచేశారు. సంత్‌కబీర్‌నగర్‌, మిర్జాపూర్‌, డియోరియా జిల్లాల కలెక్టర్‌గా బాధ్యతలు నిర్వర్తించారు. మిర్జాపూర్‌ కలెక్టర్‌గా మారుమూల లహురియా దహ్‌ గ్రామానికి పైపుల ద్వారా తాగునీరు అందించే కార్యక్రమంతో గుర్తింపు పొందారు. గోండా సీడీవో, యూపీ స్టేట్‌ ఇండస్ట్రియల్‌ డెవలప్‌మెంట్‌ అథారిటీ జాయింట్‌ ఎండీ, బరేలీ డెవలప్‌మెంట్‌ అథారిటీ వైస్‌ చైర్‌పర్సన్‌గా పనిచేశారు. తర్వాత యూపీ రూరల్‌ రోడ్‌ డెవలప్‌మెంట్‌ ఏజెన్సీ సీఈవోగా బాధ్యతలు నిర్వర్తించారు. తాజాగా ఆగస్టులో ఐఏఎస్‌కు రాజీనామా చేసి రాజకీయాల్లోకి అడుగుపెట్టి.. తీవ్ర చర్చనీయాంశంగా మారారు.ఇదీ చదవండి: లండన్‌ పరీక్ష నుంచి భారతీయుల పోరాటం దాకా..

తమిళనాడు రాజకీయాల్లో సినిమా–రాజకీయాల అనుబంధం కొత్తది కాదు. కానీ ఇప్పుడు ఒకే సమయంలో ఇద్దరు స్టార్‌ హీరోల పేర్లు రాజకీయ చర్చలోకి రావడం ఆసక్తికరంగా మారింది. ఇప్పటికే హీరో విజయ్‌ రాజకీయాల్లోకి వచ్చి ముఖ్యమంత్రి పీఠం అధిరోహించగా.. తాజాగా మరో స్టార్‌ హీరో ధనుష్‌ పేరు రాజకీయ వర్గాల్లో చర్చకు వస్తోంది. దీనికి మరింత ఊతమిచ్చింది డీఎంకే ఎంపీ కనిమొళి చేసిన తాజా వ్యాఖ్య.ఉప ఎన్నికల ప్రచారంలో పాల్గొంటున్న కనిమొళి విజయ్‌ ప్రభుత్వ ఎన్నికల హామీలను ప్రస్తావిస్తూ.. ధనుష్‌ నటించిన ‘వేలైల్ల పట్టదారి’ (వీఐపీ) సినిమాను ఆమె గుర్తుచేశారు. ‘‘వేలైల్ల పట్టదారీలకు రూ.4 వేలు వచ్చాయా? రాలేదు. ధనుష్‌ మాత్రం రాజకీయాల్లోకి వచ్చేశారు’’ అంటూ కనిమొళి చేసిన వ్యాఖ్య ఇప్పుడు తమిళ రాజకీయాల్లో చర్చనీయాంశమైంది.అందుకే ధనుష్‌ ప్రస్తావన!కనిమొళి అసలు టార్గెట్‌ విజయ్‌ ప్రభుత్వమే. నిరుద్యోగ గ్రాడ్యుయేట్లకు నెలకు రూ.4 వేల సాయం, మహిళలకు రూ.2,500, ప్రతి కుటుంబానికి ఆరు గ్యాస్‌ సిలిండర్లు వంటి ఎన్నికల హామీల అమలుపై ఆమె ప్రశ్నలు సంధించారు. ఇందులో భాగంగానే ‘వేలైల్ల పట్టదారి’ సినిమాను ప్రస్తావించారు. ఆ చిత్రంలో ధనుష్‌ నిరుద్యోగ ఇంజినీరింగ్‌ గ్రాడ్యుయేట్‌గా నటించారు. సినిమా పేరును రాజకీయ విమర్శకు వాడటం ఒక ఎత్తయితే.. ‘‘ధనుష్‌ రాజకీయాల్లోకి వచ్చేశారు’’ అని ఆమె చెప్పడం మరో చర్చకు కారణమైంది.ఇక్కడే అసలు రాజకీయ ఆసక్తి మొదలవుతోంది. ధనుష్‌ ఇప్పటివరకు రాజకీయ పార్టీని ప్రకటించలేదు. ఎన్నికల్లో పోటీ చేస్తానని కూడా చెప్పలేదు. అయినప్పటికీ ఆయన రాజకీయ ప్రవేశంపై కొంతకాలంగా ఊహాగానాలు సాగుతున్నాయి.అసలు ధనుష్‌ ఏం చేశారు?జూలైలో అభిమానుల కార్యక్రమంలో ధనుష్‌ మాట్లాడుతూ.. సినిమా వేడుకలకే అభిమానుల ఐక్యతను పరిమితం చేయకుండా సంక్షేమ కార్యక్రమాల వైపు మళ్లాలని పిలుపునిచ్చారు. అభిమానులు ప్రజలకు ఉపయోగపడే కార్యక్రమాల్లో మరింత చురుగ్గా పాల్గొనాలని సూచించారు. ఈ వ్యాఖ్యలను కొందరు రాజకీయ సంకేతాలుగా చూశారు. అయితే ధనుష్‌ మాత్రం రాజకీయ పార్టీ ఏర్పాటు లేదా ఎన్నికల్లోకి రావడంపై ఎలాంటి అధికారిక ప్రకటన చేయలేదు.ఇక ఆయన అభిమాన సంఘాల కార్యకలాపాలు కూడా ఈ చర్చకు కారణమయ్యాయి. తమిళనాడులో పలు ప్రాంతాల్లో సంక్షేమ కార్యక్రమాలు నిర్వహించడం, అభిమానులను సామాజిక సేవ వైపు మళ్లించడం వంటి పరిణామాలు కనిపించాయి. దీంతో ధనుష్‌ రాజకీయాల్లోకి వస్తారా? అన్న ఊహాగానాలు మరింత ఊపందుకున్నాయి.డీఎంకేకు ధనుష్‌పై ఆసక్తి ఉందా?ఇదే ఇప్పుడు అసలు ప్రశ్న. కనిమొళి ధనుష్‌ పేరును విజయ్‌పై రాజకీయ విమర్శలోకి తీసుకురావడం యాదృచ్ఛికమేనా? లేదంటే ధనుష్‌ చుట్టూ పెరుగుతున్న రాజకీయ చర్చను డీఎంకే కూడా గమనిస్తోందా? అన్న చర్చ మొదలైంది. అయితే అదే వ్యాఖ్య ధనుష్‌ను ఒక్కసారిగా విజయ్‌కు ప్రత్యామ్నాయ సినీ ముఖంగా రాజకీయ చర్చలోకి తీసుకొచ్చింది.తమిళనాడులో ఇది చిన్న విషయం కాదు. ఎంజీఆర్‌, కరుణానిధి, జయలలిత, విజయకాంత్‌, కమల్‌హాసన్‌ వంటి సినీ ప్రముఖులు రాజకీయాల్లో కీలక పాత్ర పోషించారు. తాజాగా విజయ్‌ కూడా సినిమా నుంచి రాజకీయాల్లోకి వచ్చి అధికారాన్ని చేపట్టారు. ఈ నేపథ్యంలో మరో ప్రజాదరణ కలిగిన నటుడి పేరు రాజకీయ చర్చలోకి వస్తే సహజంగానే ఆసక్తి పెరుగుతుంది. పైగా ధనుష్‌ మామ(మాజీ) రజనీకాంత్‌ డీఎంకేకు దగ్గరే కావడం, విజయ్‌ రాజకీయాల్లోకి వచ్చాక ధనుష్‌ వైఖరిలో వచ్చిన మార్పు.. మున్ముందు ఈ ప్రయత్నాలకు మార్గం సుగమం చేయొచ్చనే చర్చా నడుస్తోంది.విజయ్‌కు ధనుష్‌ ప్రత్యామ్నాయమా?ఇప్పటి పరిణామాలను కలిపి చూస్తే.. ఒకవైపు విజయ్‌ ప్రభుత్వంపై డీఎంకే బహిరంగ విమర్శలు చేస్తోంది. మరోవైపు విజయ్‌ సినిమా నేపథ్యం నుంచే వచ్చిన ధనుష్‌ పేరు రాజకీయ చర్చలోకి వచ్చింది. ఈ రెండింటినీ కలిపి చూస్తే కనిమొళి వ్యాఖ్యకు రాజకీయంగా మరో అర్థం వెతికే ప్రయత్నం జరగడం సహజం.ధనుష్‌ నిజంగానే రాజకీయాల్లోకి వస్తారా? వస్తే సొంతంగా రంగంలోకి దిగుతారా? లేక ఏదైనా రాజకీయ పార్టీతో కలిసి అడుగులు వేస్తారా? అన్నది మాత్రం మున్ముందు ఆయన తీసుకునే నిర్ణయాలపై ఆధారపడి ఉంటుంది.ఇదీ చదవండి: అఖిలేష్‌ అంతగా అలగడానికి కారణం ఏంటంటే..?

కేంద్ర ఎన్నికల సంఘం, ఎస్‌ఐఆర్‌ అంశాలపై ఉమ్మడి కార్యాచరణ రూపొందించేందుకు ఇండియా కూటమి కీలక నేతలు బుధవారం ఢిల్లీలో సమావేశమయ్యారు. అయితే ఈ భేటీకి సమాజ్‌వాదీ పార్టీ (ఎస్పీ) అధినేత అఖిలేశ్‌ యాదవ్‌ హాజరుకాలేదు. ఈ గైర్హాజరు ఇప్పుడు హస్తిన రాజకీయాల్లో తీవ్ర చర్చనీయాంశంగా మారింది.అఖిలేశ్‌ కావాలనే ఈ సమావేశానికి దూరంగా ఉన్నారన్న చర్చ రాజకీయ వర్గాల్లో సాగుతోంది. ముఖ్యంగా ఉత్తరప్రదేశ్‌ అసెంబ్లీ ఎన్నికలు సమీపిస్తున్న వేళ.. కాంగ్రెస్‌తో సీట్ల సర్దుబాటుపై ఇరు పార్టీల మధ్య భిన్నాభిప్రాయాలు బయటపడుతున్నాయి. ఈ నేపథ్యంలోనే అఖిలేశ్‌ కీలక సమావేశానికి గైర్హాజరు కావడం హాట్‌ టాపిక్‌ అయ్యింది. కూటమిలో సీట్ల లెక్కలు తేలకముందే కాంగ్రెస్‌కు తన అసంతృప్తిని పరోక్షంగా తెలియజేసేందుకే ఆయన ఈ నిర్ణయం తీసుకున్నారా? అన్న ప్రశ్నలు తలెత్తుతున్నాయి.సీట్ల లెక్కపై పేచీ..ఉత్తరప్రదేశ్‌లో కాంగ్రెస్‌ కనీసం 150 స్థానాల్లో పోటీ చేయాలని చూస్తోందని ఆ పార్టీ రాష్ట్ర ఇన్‌చార్జ్‌ రాజేంద్ర పాల్‌ గౌతమ్‌ ప్రకటించారు. మొత్తం 403 స్థానాల్లోనూ పోటీకి సిద్ధమవుతున్నామని ఆయన చెప్పారు. మరోవైపు ఎస్పీ మాత్రం కాంగ్రెస్‌కు సుమారు 85–90 స్థానాల వరకు మాత్రమే ఇవ్వడానికి సిద్ధంగా ఉన్నట్లు సమాచారం. రాయ్‌బరేలీ, అమేథీ పరిధిలోని కొన్ని స్థానాల విషయంలోనూ ఇరు పార్టీల మధ్య భిన్నాభిప్రాయాలు ఉన్నాయి.అయితే ఎస్పీ మాత్రం కాంగ్రెస్‌తో విభేదాలు లేవనే అంటోంది. అఖిలేశ్‌ గైర్హాజరుకు రాజ్యసభ ఎన్నికల నామినేషన్‌ ప్రక్రియే కారణమని ఎస్పీ చెబుతోంది. ఉత్తరప్రదేశ్‌లో పార్టీ అభ్యర్థుల నామినేషన్లకు సంబంధించిన కార్యక్రమాల్లో ఆయన బిజీగా ఉన్నారని తెలిపింది. కాంగ్రెస్‌ ప్రధాన కార్యదర్శి కేసీ వేణుగోపాల్‌ కూడా అఖిలేశ్‌తో మాట్లాడానని, నామినేషన్‌ ప్రక్రియ కారణంగానే ఆయన వ్యక్తిగతంగా సమావేశానికి రాలేకపోయారని చెప్పారు. రియాక్షన్‌ మరీ ఇలాగనా?కానీ, అఖిలేశ్‌ స్థానంలో ఎస్పీకి చెందిన ప్రముఖ నేతలు ఇండియా కూటమి సమావేశానికి రాలేదు. మొహిబుల్లా నద్వీ, హరేంద్ర మాలిక్‌ లాంటివాళ్లను సమావేశానికి పంపడం కూడా చర్చకు దారితీసింది. దీంతో సీట్ల సర్దుబాటు విషయంలో కాంగ్రెస్‌ నుంచి వస్తున్న ఒత్తిడికి అఖిలేశ్‌ తనదైన రీతిలో స్పందిస్తున్నారా? అన్న ప్రశ్నలు తలెత్తుతున్నాయి.కాంగ్రెస్‌ ఎంపీ ఇమ్రాన్‌ మసూద్‌ కూడా అఖిలేశ్‌ కూటమి సమావేశానికి దూరంగా ఉండటంపై వ్యాఖ్యలు చేశారు. కూటమికి నాయకత్వం వహించాలంటే అఖిలేశ్‌ మరింత విశాల దృక్పథంతో వ్యవహరించాలని సూచించారు. ఈ వ్యాఖ్యలు ఎస్పీ వర్గాల్లో ఇప్పుడు అసంతృప్తికి దారి తీసే అవకాశాలు కనిపిస్తున్నాయి.మరోవైపు ఇండియా కూటమి సమావేశంలో ఎస్‌ఐఆర్‌, ఎన్నికల సంఘంపై ఉమ్మడి కార్యాచరణ, తదుపరి ఆందోళనలపై చర్చ జరిగింది. అఖిలేశ్‌ గైర్హాజరుతో పాటు డీఎంకే, ఆప్‌ వంటి పార్టీల దూరం నేపథ్యంలో కూటమి అంతర్గత సమన్వయంపై చర్చ మొదలైంది.ఇదీ చదవండి: సీఈసీపై ‘ఇండియా’ కూటమి సమరశంఖం!

కాంగ్రెస్‌ వర్కింగ్‌ కమిటీ సమావేశంలో అనూహ్య పరిణామం చోటుచేసుకుంది. బిహార్‌ మాజీ సీఎం నితీశ్‌ కుమార్‌ 2024లో ఇండియా కూటమి నుంచి వైదొలిగిన అంశం ప్రస్తావనకు రావడంతో.. పార్టీలోని ఇద్దరు కీలక నేతల మధ్య భిన్నాభిప్రాయాలు వ్యక్తమైనట్లు తెలుస్తోంది. దీంతో సమావేశంలో ఈ అంశంపై కొద్దిసేపు వాడివేడి చర్చ జరిగినట్లు కాంగ్రెస్‌ వర్గాలను ఉటంకిస్తూ జాతీయ మీడియా పేర్కొంది.నితీశ్‌ కుమార్‌ను ప్రతిపక్ష ఇండియా కూటమి నుంచి వెళ్లనివ్వకుండా ఉండాల్సిందని సీనియర్‌ నేత దిగ్విజయ్‌ సింగ్‌ సీడబ్ల్యూసీలో వ్యాఖ్యానించారు. ఆయన ఇండియా కూటమిలోనే ఉండి ఉంటే.. ఇప్పుడు రాజకీయ పరిస్థితులు మరోలా ఉండేవని ఆయన అన్నారట. అందుకు కాంగ్రెస్‌ మాజీ అధినేత్రి సోనియా గాంధీ భిన్నంగా స్పందించినట్లు సమాచారం. నితీశ్‌ కూటమిలో కొనసాగాలని అప్పటికే కోరుకోవడం లేదని ఆమె చెప్పినట్లు తెలుస్తోంది. ఆయన అప్పటికే బయటకు వెళ్లేందుకు మార్గాలు వెతుకుతున్నారని, ఆయన వెళ్లడం అనివార్యమేనని సోనియా పేర్కొన్నట్లు పార్టీ వర్గాలు వెల్లడించాయి. ఈ క్రమంలోనే దిగ్విజయ్‌తో ఆమె కాస్త అసహనంగా మాట్లాడినట్లు తెలుస్తోంది.సోనియా గాంధీ అభిప్రాయంతో కాంగ్రెస్‌ అధ్యక్షుడు మల్లికార్జున ఖర్గే కూడా ఏకీభవించినట్లు సమాచారం. ఇండియా కూటమి కన్వీనర్‌ కావాలన్న నితీశ్‌ ప్రయత్నం వెనుక ఆయనకు వేరే రాజకీయ ఆలోచనలు ఉన్నాయని ఖర్గే అన్నారట. అంతేకాదు.. రాష్ట్ర రాజకీయాల్లో క్రియాశీలంగా ఉంటూనే జాతీయ స్థాయిలో ఇండియా కూటమికి మద్దతు ఇవ్వాలనుకుంటున్నట్లు నితీశ్‌ తనతో చెప్పిన విషయాన్ని కూడా ఖర్గే గుర్తుచేసినట్లు సమాచారం.అలా.. నితీశ్‌ యూటర్న్‌ఇండియా కూటమి ఏర్పాటులో నితీశ్‌ ప్రారంభ దశలో కీలకంగా వ్యవహరించారు. సీట్ల పంపకంపై జాప్యం, కూటమి కన్వీనర్‌ ఎంపికపై స్పష్టత లేకపోవడం వంటి అంశాలపై ఆయన అసంతృప్తిగా ఉన్నట్లు అప్పట్లో వార్తలు వచ్చాయి. ఈ క్రమంలోనే.. 2024 జనవరి 28న నితీశ్‌ కుమార్‌ బిహార్‌లోని మహాఘట్‌బంధన్‌ ప్రభుత్వానికి రాజీనామా చేసి, బీజేపీ నేతృత్వంలోని ఎన్డీయేలోకి తిరిగి వెళ్లారు. బీజేపీ మద్దతుతో ప్రభుత్వాన్ని ఏర్పాటు చేసి మరోసారి ముఖ్యమంత్రిగా ప్రమాణ స్వీకారం చేశారు. ఇండియా కూటమి నుంచి బయటకు వచ్చిన తర్వాత.. ఇండియా కూటమి తన అంచనాలకు అనుగుణంగా పనిచేయలేదని వ్యాఖ్యానించారు. ప్రస్తుతం కాంగ్రెస్‌ ఎన్నికల సంఘం, ఓటర్ల జాబితాల ప్రత్యేక సమగ్ర సవరణ (SIR) అంశంపై పోరాటాన్ని ఉధృతం చేస్తోంది. సెప్టెంబర్‌ 29న జరిగిన CWC సమావేశంలో కాంగ్రెస్‌ సీఈసీ జ్ఞానేశ్‌ కుమార్‌ రాజీనామాతో పాటు సర్‌ను నిలిపివేయాలని డిమాండ్‌ చేసింది. సర్‌ అంశంపై ఉమ్మడి వ్యూహాన్ని ఖరారు చేసేందుకు ఇండియా కూటమి ఇవాళ ఢిల్లీలో సమావేశం కానుంది. ఈ నేపథ్యంలో జరిగిన సీడబ్ల్యూసీ భేటీలో 2024లో నితీశ్‌ కూటమి నుంచి వైదొలగడం ప్రస్తావనకు రావడం, దానిపై దిగ్విజయ్‌ సింగ్‌, సోనియా గాంధీ భిన్నాభిప్రాయాలు వ్యక్తం చేసినట్లు వార్తలు రావడం ఆసక్తికరంగా మారింది.ఇదీ చదవండి: ఇది పక్కా కుమ్మక్కే!

సాక్షి, తిరువనంతపురం: అయ్యప్ప భక్తుల కోసం ఎంతో కీలకమైన మండల–మకరవిళక్కు యాత్రా కాలం సమీపిస్తుండటంతో కేరళ ప్రభుత్వం, ట్రావెన్‌కోర్‌ దేవస్వం బోర్డు ఏర్పాట్లను ముమ్మరం చేశాయి. భారీగా తరలివచ్చే భక్తుల రద్దీని నియంత్రించడంతో పాటు భద్రతను మరింత పటిష్టం చేయడం, నిలక్కల్‌–పంపా మార్గంలో రాకపోకలను సులభతరం చేయడంపై ప్రత్యేక దృష్టి సారించాయి. ఈసారి పోలీసు బందోబస్తుతో పాటు ఏఐ ఆధారిత మానిటరింగ్‌, ఎయిర్‌పోర్ట్‌ తరహా పార్కింగ్‌ వంటి హైటెక్‌ ఏర్పాట్లు చేస్తున్నారు. మరోవైపు సన్నిధానంలో భక్తులు నిర్వహించే ‘వెడి వళిపాడు’పైనా కీలక మార్పు చోటుచేసుకోనుంది.యాత్రా కాలంలో శాంతిభద్రతలు, భక్తుల రద్దీ నియంత్రణ కోసం 1,500 మంది ప్రత్యేక పోలీసు అధికారులను నియమించేందుకు కేరళ ప్రభుత్వం ఆమోదం తెలిపినట్లు సమాచారం. సాధారణ పోలీసు విధులకు అంతరాయం కలగకుండా ఈ ప్రత్యేక బలగాలను వినియోగించనున్నారు. పదవీ విరమణ చేసిన పోలీసు సిబ్బంది, మాజీ సైనికులు, ఎన్‌సీసీ క్యాడెట్లను ప్రత్యేక పోలీసు అధికారులుగా నియమించే ప్రతిపాదన ఉంది. మరోవైపు 2026–27 యాత్రా సీజన్‌ కోసం సీనియర్‌ పోలీసు అధికారులకు ఇప్పటికే ప్రత్యేక బాధ్యతలు అప్పగించారు. నిలక్కల్‌, పంపా, సన్నిధానం తదితర ప్రాంతాల్లో భద్రత, రద్దీ నియంత్రణకు సమగ్ర బందోబస్తు ప్రణాళిక సిద్ధం చేస్తున్నారు.నిలక్కల్‌లో పార్కింగ్‌.. ఇక ఎయిర్‌పోర్ట్‌ తరహాలో!శబరిమల వెళ్లే భక్తులకు మరో కీలక మార్పు నిలక్కల్‌ పార్కింగ్‌లో రానుంది. ఎయిర్‌పోర్టుల్లో మాదిరిగా వాహనం పార్కింగ్‌లో ఉన్న సమయాన్ని బట్టి ఫీజు వసూలు చేసే విధానాన్ని తీసుకురానున్నారు. వాహనం పార్కింగ్‌ గ్రౌండ్‌లోకి ప్రవేశించిన సమయం కంప్యూటర్‌ వ్యవస్థలో నమోదవుతుంది. బయటకు వచ్చే సమయంలో ఎంతసేపు అక్కడ ఉన్నదో లెక్కించి.. ఆ మేరకు పార్కింగ్‌ ఫీజును నిర్ణయిస్తారు. ఎగ్జిట్‌ వద్ద ఫాస్టాగ్‌(FASTag) ద్వారా ఫీజు ఆటోమేటిక్‌గా కట్‌ అవుతుంది. ఇప్పటివరకు ప్రవేశ సమయంలోనే నిర్ణీత మొత్తాన్ని వసూలు చేసే విధానం ఉండగా.. కొత్త విధానంలో పార్కింగ్‌ చేసిన వ్యవధిని బట్టి చార్జీ మారుతుంది.ఖాళీ స్థలాలూ.. కెమెరాల్లో కనిపిస్తాయి!నిలక్కల్‌లో పార్కింగ్‌ నిర్వహణకు ఏఐ(AI) ఆధారిత కెమెరాలను కూడా వినియోగించనున్నారు. ప్రతి పార్కింగ్‌ గ్రౌండ్‌లో ఎన్ని వాహనాలు ఉన్నాయి? ఎక్కడ ఖాళీ ఉంది? వాహనాల రాకపోకలు ఎలా ఉన్నాయి? వంటి వివరాలను కంట్రోల్‌ రూమ్‌ నుంచి పర్యవేక్షించేలా వ్యవస్థను సిద్ధం చేస్తున్నారు. ఈ AI ఆధారిత కంట్రోల్‌ రూమ్‌ ప్రాజెక్టుకు సుమారు రూ.5 కోట్ల అంచనా వ్యయంతో కెమెరాల టెండర్‌ ప్రక్రియ కొనసాగుతోంది. ‘వెడి వళిపాడు’పై కీలక నిర్ణయంసన్నిధానంలో భక్తులు నిర్వహించే వెడి వళిపాడు(Vedi vazhipadu)పై ఈసారి కీలక మార్పు చోటుచేసుకోనుంది. రాబోయే శబరిమల యాత్రా కాలానికి సంబంధించి ట్రావెన్‌కోర్‌ దేవస్వం బోర్డు జారీ చేసిన టెండర్‌లో ఈ సేవను చేర్చలేదు. భద్రతా కారణాలతో పాటు అటవీశాఖ అభ్యంతరాల నేపథ్యంలో ఈ నిర్ణయం తీసుకున్నట్లు పలు మలయాళ మీడియా కథనాలు పేర్కొన్నాయి.వెడి వళిపాడులో భక్తులు ఆలయ పరిసరాల్లో నిర్ణీత ప్రదేశంలో పటాకులు లేదంటే పేలుడు పదార్థాలను పేల్చి తమ మొక్కును చెల్లించుకుంటారు. అయితే ఇది ఆలయంలోని ప్రధాన ఆచారాల్లో భాగం కాదని తంత్రి పేర్కొన్నట్లు ఆ కథనాలు వెల్లడించాయి. మరోవైపు శబరిమల పరిసరాలు పెరియార్‌ టైగర్‌ రిజర్వ్‌ పరిధిలో ఉండటంతో.. తరచూ పేలుళ్ల శబ్దం వన్యప్రాణులకు ఇబ్బంది కలిగిస్తోందని అటవీశాఖ అభ్యంతరం వ్యక్తం చేసినట్లు సమాచారం. దీంతో ఈ ఏడాది టెండర్‌లో ‘వెడి వళిపాడు’ను చేర్చకపోవడంతో.. రాబోయే యాత్రా కాలంలో ఇది కొనసాగుతుందా? లేదా? అన్నదానిపై స్పష్టత లేకుండా పోయింది.హైవేల నుంచి ఆలయం వరకు.. భారీ ఏర్పాట్లుభక్తుల రద్దీని దృష్టిలో పెట్టుకుని రవాణా ఏర్పాట్లను కూడా భారీగా పెంచుతున్నారు. మండల–మకరవిళక్కు సీజన్‌లో 950 ప్రత్యేక బస్సులను నడిపేందుకు కేఎస్‌ఆర్‌టీసీ ప్రణాళిక సిద్ధం చేసింది. ముఖ్యంగా నిలక్కల్‌–పంపా మధ్య నిరంతర చైన్‌ సర్వీసులు నడిపి భక్తుల రాకపోకలను వేగవంతం చేయనున్నారు.ఇదీ చదవండి: అత్యాధునిక డ్రోన్ల కలకలం

తమిళనాడు ముఖ్యమంత్రి, తమిళగ వెట్రి కళగం అధ్యక్షుడు విజయ్‌ పార్టీ పశ్చిమ బెంగాల్‌లోకి అడుగుపెట్టిందంటూ వార్తలు వచ్చాయి. తూర్పు బర్ధమాన్‌ జిల్లాలోని ఫాగుపూర్‌లో టీవీకే పేరుతో ఓ కార్యాలయాన్ని కొందరు మద్దతుదారులు ప్రారంభించారు. దీంతో పార్టీ విస్తరణపై విజయ్‌ సీరియస్‌గా దృష్టి సారించారనే చర్చ జోరుందుకుంది. అయితే ఈ వార్తపై ఆ పార్టీ కేంద్ర నాయకత్వం ట్విస్ట్‌ ఇచ్చింది. సెప్టెంబర్‌ 27న ఫాగుపూర్‌లో టీవీకే పేరుతో కార్యాలయాన్ని ప్రారంభించారు. ఈ కార్యక్రమానికి పశ్చిమ బెంగాల్‌లోని పలువురు విజయ్‌ అభిమానులు, పార్టీ మద్దతుదారులు హాజరయ్యారు. తమను టీవీకే రాష్ట్ర సమన్వయకర్తలుగా చెప్పుకున్న కొందరు.. బెంగాల్‌లో పార్టీకి ఇప్పటికే వేలాది మంది మద్దతుదారులు ఉన్నారని తెలిపారు. తొలుత రాజకీయ కార్యక్రమాల కంటే సామాజిక సేవపై దృష్టి పెడతామని చెప్పారు. అయితే టీవీకే మాత్రం బెంగాల్‌లో తాము ఎలాంటి పార్టీ కార్యాలయాన్ని ఏర్పాటు చేయలేదని స్పష్టం చేసింది.Purba Bardhaman, West Bengal: Tamilaga Vettri Kazhagam (TVK) opened first party office in West Bengal at Fagupur. TVK West Bengal State Coordinator Chaitali Roy and party leaders from several districts attended the inauguration. pic.twitter.com/JUMKoCeMoL— IANS (@ians_india) September 27, 2026తమిళనాడు నుంచే ఆదేశాలంటూ..కార్యాలయం ప్రారంభించిన వారు.. తమిళనాడులోని పార్టీ నాయకత్వం నుంచి వచ్చిన సూచనల మేరకే కార్యాలయం ఏర్పాటు చేశామని పేర్కొన్నారు. సోషల్‌ మీడియా ద్వారా పార్టీకి ప్రచారం కల్పించడం, ఆ తర్వాత బెంగాల్‌లోని వివిధ ప్రాంతాల్లో ప్రజలను కలుసుకుని వారి సమస్యలను తెలుసుకోవడం తమ లక్ష్యమని చెప్పారు. విద్య, ఉపాధి అంశాలపై ప్రత్యేకంగా పనిచేస్తామని వెల్లడించారు.ఒక్కసారిగా టీవీకే షాక్‌!అయితే ఈ పరిణామంపై టీవీకే కేంద్ర నాయకత్వం భిన్నంగా స్పందించింది. పశ్చిమ బెంగాల్‌లో పార్టీ అధికారికంగా ఎలాంటి కార్యాలయం గానీ, సంస్థాగత శాఖ గానీ ఏర్పాటు చేయలేదని పార్టీ అధికార ప్రతినిధి సంకవి ద్యాన్నా తుహిన్‌ సామ్యూయేల్‌ స్పష్టం చేశారు. బెంగాల్‌లో జరిగిన కార్యక్రమం స్థానిక మద్దతుదారుల స్వతంత్ర ప్రయత్నం మాత్రమేనని, దానికి పార్టీ కేంద్ర నాయకత్వం నుంచి ఎలాంటి అధికారిక అనుమతి, మద్దతు లేదా సంస్థాగత సంబంధం లేదని తెలిపారు.ఇప్పట్లో విస్తరణ లేదటప్రస్తుతం టీవీకే దృష్టి పూర్తిగా తమిళనాడులోని రాజకీయ కార్యకలాపాలు, ఎన్నికల హామీల అమలు, ప్రజా కార్యక్రమాలపైనే ఉందని పార్టీ స్పష్టం చేసింది. పశ్చిమ బెంగాల్‌తోపాటు ఇతర రాష్ట్రాల్లో పార్టీ సంస్థాగత విస్తరణకు ఇప్పటివరకు ఎలాంటి అధికారిక ప్రణాళిక ప్రకటించలేదని తెలిపింది. దీంతో బెంగాల్‌లో ఆఫీస్‌ ప్రారంభం పార్టీ అధికారిక విస్తరణ కాదని తేలింది.Tamilaga Vettri Kazhagam (TVK) party headquarters has stated that it has not authorised any office outside Tamil Nadu and Puducherry, even as local organisers inaugurated what they called the party’s first West Bengal unit at Fagupur in Purba Bardhaman, writes @mahajournalist… pic.twitter.com/dZFhov3a0m— The Federal (@TheFederal_News) September 29, 2026విజయ్‌కు అక్కడా అభిమానులే..అయితే విజయ్‌కు తమిళనాడు వెలుపల కూడా అభిమానులు, మద్దతుదారులు ఉన్నారనడానికి ఈ ఘటన మరో ఉదాహరణగా నిలిచింది. గతంలో కేరళలోనూ టీవీకే పేరుతో పార్టీ కార్యాలయాలు ఏర్పాటు చేసేందుకు అభిమానులు ప్రయత్నించినట్లు వార్తలు వచ్చాయి. పార్టీ మాత్రం ప్రస్తుతం తమిళనాడుకే పరిమితమై రాజకీయంగా పనిచేస్తున్నట్లు స్పష్టం చేసింది. బెంగాల్‌లో టీవీకే పేరుతో కార్యాలయం ఏర్పడటం వెనుక స్థానిక అభిమానుల ఉత్సాహమే తప్ప.. పార్టీ అధికారిక నిర్ణయం లేదని కేంద్ర నాయకత్వం తేల్చిచెప్పింది.ఇదీ చదవండి: ఎవరి కోసం ఇదంతా విజయ్‌?

జమ్మూకశ్మీర్‌లో భద్రతా బలగాలకు కీలక విజయం లభించింది. లష్కరే తోయిబా (LeT)కు చెందిన టాప్‌ ఉగ్రవాది సులేమాన్‌ షా అలియాస్‌ మూసా ఎన్‌కౌంటర్‌లో హతమయ్యాడు. బడ్గామ్‌ జిల్లాలోని యూస్‌మార్గ్‌ సమీపంలోని దూద్‌పథ్రీ అటవీ ప్రాంతంలో మంగళవారం రాత్రి భద్రతా బలగాలు, ఉగ్రవాదులకు మధ్య జరిగిన కాల్పుల్లో అతడు మరణించినట్లు అధికారులు తెలిపారు.కోరాగ్‌ ప్రాంతంలో ఉగ్రవాదుల కదలికలపై నిఘా వర్గాల నుంచి అందిన పక్కా సమాచారంతో భారత సైన్యం, జమ్మూకశ్మీర్‌ పోలీసులు, సీఆర్‌పీఎఫ్‌ సంయుక్తంగా గాలింపు చర్యలు చేపట్టాయి. రాష్ట్రీయ రైఫిల్స్‌ దళాలు ఇతర భద్రతా బలగాలతో కలిసి ఆపరేషన్‌ నిర్వహించాయి. ఈ క్రమంలో అనుమానాస్పద కదలికలను గుర్తించిన సైనికులు ఉగ్రవాదులను లొంగిపోవాలని హెచ్చరించారు. అయితే వారు కాల్పులు ప్రారంభించడంతో ఎదురుకాల్పులు చోటుచేసుకున్నాయి. ఈ కాల్పుల్లో ఓ ఉగ్రవాది హతమైనట్లు సైన్యం వెల్లడించింది. చనిపోయింది సులేమాన్‌ షాగా నిర్ధారించుకున్నారు.అనేక దాడుల్లో కీలక పాత్రహతమైన మూసా గత కొన్నేళ్లుగా జమ్మూకశ్మీర్‌లోని పీర్‌ పంజాల్‌ పర్వత శ్రేణికి ఇరువైపులా జరిగిన పలు ఉగ్రదాడుల్లో పాల్గొన్నట్లు భద్రతా అధికారులు పేర్కొన్నారు. డేరా కి గలి అంబుష్‌, ఎయిర్‌ఫోర్స్‌ కాన్వాయ్‌పై దాడి, 2024 గందర్‌బల్‌ టన్నెల్‌ దాడి, గుల్మార్గ్‌ సమీపంలోని బుటాపథ్రీ దాడి వంటి ఘటనల్లో అతడి ప్రమేయం ఉన్నట్లు భద్రతా వర్గాలను ఉటంకిస్తూ నివేదికలు పేర్కొన్నాయి. ఈ దాడుల్లో సైనికులు, భద్రతా సిబ్బందితో పాటు పౌరులు కూడా ప్రాణాలు కోల్పోయారు. దీంతో అతడి కోసం భద్రతా బలగాలు చాలాకాలంగా గాలిస్తున్నాయి. లష్కరే తోయిబా కార్యకలాపాల్లో కీలకంగా వ్యవహరిస్తున్న ఉగ్రవాదిగా అధికారులు గుర్తించారు.ఈ నెల ప్రారంభంలో యూస్‌మార్గ్‌ కొండల్లో జరిగిన మరో ఎన్‌కౌంటర్‌ నుంచి మూసా తప్పించుకున్నాడు. సెప్టెంబర్‌ 5న జరిగిన ఆ ఆపరేషన్‌లో అతడి సన్నిహిత సహచరుడు యాసిర్‌ హతమయ్యాడు. అప్పటి నుంచి మూసా కోసం భద్రతా బలగాలు ప్రత్యేకంగా నిఘా కొనసాగించాయి.ఆపరేషన్‌ కొనసాగింపుప్రస్తుతం కోరాగ్‌–యూస్‌మార్గ్‌ ప్రాంతంలో గాలింపు చర్యలు కొనసాగుతున్నాయి. మరికొందరు ఉగ్రవాదులు అక్కడ దాక్కున్నారా అనే కోణంలో భద్రతా బలగాలు అడవులను జల్లెడ పడుతున్నాయి. మూసా హతం కావడం లష్కరే తోయిబా కార్యకలాపాలకు గట్టి ఎదురుదెబ్బగా అధికారులు పేర్కొన్నారు.ఇదీ చదవండి: తోటి జవాన్లపై ఘాతుకం.. నలుగురి దుర్మరణం

ఆటో ఛార్జీ విషయంలో మొదలైన వివాదం రోడ్డుపైనే కొట్టుకునే వరకు వెళ్లింది. ఇద్దరు యువతులు, ఆటో డ్రైవర్‌ పరస్పరం దాడి చేసుకున్న వీడియో సోషల్‌ మీడియాలో వైరల్‌గా మారింది. సోమవారం మధ్యాహ్నం బెంగళూరులోని హెచ్‌ఎస్‌ఆర్‌ లేఅవుట్‌ 3వ సెక్టార్‌లో జరిగిన ఈ ఘటనలో ముగ్గురూ ఒకరిపై ఒకరు చేతులు చేసుకున్నట్లు వీడియోలో కనిపిస్తోంది. పోలీసుల వివరాల ప్రకారం.. వీడియో వైరల్‌ కావడంతో హెచ్‌ఎస్‌ఆర్‌ లేఅవుట్‌ పోలీసులు ఘటనపై ఆరా తీశారు. ఇద్దరు యువతులను సంప్రదించి పోలీస్‌స్టేషన్‌కు వచ్చి ఫిర్యాదు చేయాలని కోరారు. అయితే వారు వెంటనే రాకుండా ఒకటి రెండు రోజుల సమయం అడిగారు. మరోవైపు పోలీసులు ఆటో డ్రైవర్‌ను గుర్తించి అతడితోనూ మాట్లాడారు.డ్రైవర్‌ పోలీసులకు చెప్పిన వివరాల ప్రకారం.. యువతులు అతడి ఆటోను బుక్‌ చేసుకున్నారు. ప్రయాణం పూర్తయిన తర్వాత చెల్లింపు విషయంలో గొడవ మొదలైంది. యువతులు మద్యం మత్తులో ఉన్నారని, తనను దూషిస్తూ డబ్బులు చెల్లించేందుకు నిరాకరించారని డ్రైవర్‌ ఆరోపించాడు. ముందుగా వారే తనపై దాడి చేశారని.. తాను తిరిగి కొట్టానని పోలీసులకు చెప్పాడు. అయితే యువతులు పోలీసులకు ఏం చెప్పారన్నది ఇంకా బయటకు రాలేదు.వీడియోతో వైరల్‌.. కేసు ఎప్పుడు?రోడ్డుపై జరిగిన గొడవను అక్కడున్న వారు మొబైల్‌ ఫోన్లలో చిత్రీకరించారు. వీడియో సోషల్‌ మీడియాలో వైరల్‌ కావడంతో చర్యలు తీసుకోవాలంటూ పలువురు డిమాండ్‌ చేశారు. అయితే అందుబాటులో ఉన్న వీడియోలో గొడవకు ముందు ఏం జరిగిందన్నది తెలియడం లేదు. దీంతో మొదట ఎవరు దాడి చేశారన్న అంశంపై స్పష్టత రావాల్సి ఉంది.Kalesh b/w a Group of Girls and Auto Driver over Fare issues, HSR Layout Bengaluru pic.twitter.com/gNAxhfVs93— Ghar Ke Kalesh (@gharkekalesh) September 29, 2026ప్రస్తుతం మహిళలు అధికారికంగా ఫిర్యాదు చేయలేదు. వారు ఫిర్యాదు చేసిన తర్వాత అవసరమైన చర్యలు తీసుకుంటామని హెచ్‌ఎస్‌ఆర్‌ లేఅవుట్‌ పోలీసులు తెలిపారు. దీంతో ఈ వైరల్‌ వీడియో వ్యవహారంలో తదుపరి పరిణామాలు ఫిర్యాదుపైనే ఆధారపడి ఉన్నాయి.ఛార్జీ వివాదం.. మరోసారి చర్చఈ ఘటనతో బెంగళూరులో ఆటో ఛార్జీలపై మరోసారి చర్చ మొదలైంది. నగరంలో ఆటో ఛార్జీల విషయంలో ప్రయాణికులు, డ్రైవర్ల మధ్య తరచూ వివాదాలు తలెత్తుతున్న నేపథ్యంలో ఈ ఘటనకు సంబంధించిన వీడియోపై సోషల్‌ మీడియాలో భిన్నాభిప్రాయాలు వ్యక్తమవుతున్నాయి. అయితే ఈ కేసులో పూర్తి వాస్తవాలు పోలీసుల దర్యాప్తు, ఇరువర్గాల ఫిర్యాదుల తర్వాతే స్పష్టమయ్యే అవకాశం ఉంది.ఇదీ చదవండి: నీటి కోసం ఊరిని అమ్మేస్తారా?

ఒక గ్రామం మొత్తాన్ని అమ్మకానికి పెట్టారు. ఆ ఊరిని ఎవరు కొనాలనుకున్నా.. ధర చెల్లించాల్సిన అవసరం లేదు. ఆశ్చర్యపోతున్నారా? మహారాష్ట్రలోని సోలాపూర్‌ జిల్లాలో తుల్షి గ్రామస్తులు చేసిన ఈ పని వెనుక ఓ తీవ్రమైన సమస్య ఉంది. ఏళ్ల తరబడి వెంటాడుతున్న నీటి కష్టాలతో విసిగిపోయి ప్రభుత్వ దృష్టిని ఆకర్షించేందుకు వారు ఈ వినూత్న నిరసనకు దిగారు.తుల్షి గ్రామంలో దాదాపు 7 వేల మంది నివసిస్తున్నారు. వ్యవసాయం, పశుపోషణే ప్రధాన జీవనాధారం. అయితే కొన్నేళ్లుగా గ్రామంలోని బావులు, చెరువులు ఎండిపోవడంతో తాగునీటి కోసం కూడా ట్యాంకర్లపైనే ఆధారపడాల్సి వస్తోంది. ఈ ఏడాది వర్షాలు తక్కువగా కురవడంతో పరిస్థితి మరింత దారుణంగా మారింది.దగ్గర్లోనే కాలువలు, అయినా ..తుల్షి సమీపంలోనే సీనా–మాధా లిఫ్ట్‌ ఇరిగేషన్‌ స్కీమ్‌ కాలువలు వెళ్తున్నాయి. అయినా ఆ నీరు తమ గ్రామానికి మాత్రం అందడం లేదని స్థానికులు చెబుతున్నారు. ప్రాజెక్టులో భాగంగా గ్రామానికి సమీపంలో సుమారు 800 మీటర్ల తవ్వకం పనులు 26 ఏళ్లుగా పూర్తికాలేదని సర్పంచ్‌ శరద్‌ మోరే తెలిపారు. ఆ పనులు పూర్తయితే తుల్షి నీటి సమస్యకు శాశ్వత పరిష్కారం లభిస్తుందని ఆయన పేర్కొన్నారు.ప్రభుత్వం నుంచి ఏళ్లుగా హామీలు వస్తున్నా పరిస్థితిలో మార్పు లేదని గ్రామస్తులు ఆవేదన వ్యక్తం చేస్తున్నారు. జల్‌ జీవన్‌ మిషన్‌ కింద పనులు చేపట్టినా.. గ్రామంలోని నీటి వనరులే ఎండిపోవడంతో ఆశించిన ప్రయోజనం కనిపించడం లేదని చెబుతున్నారు.నిరాహార దీక్ష.. పాత్రలతో నిరసనసమస్య పరిష్కారం కోసం గ్రామస్తులు సెప్టెంబర్‌ 14 నుంచి నిరాహార దీక్ష చేపట్టారు. అనంతరం మాధా తహసీల్దార్‌ కార్యాలయం ఎదుట పాత్రలు మోగిస్తూ ‘థాలీ నాద్‌’ నిరసన నిర్వహించారు. నీటి సమస్యకు శాశ్వత పరిష్కారం చూపకపోతే ఆందోళనను మరింత ఉధృతం చేస్తామని హెచ్చరించారు.గ్రామంలో 14 చెరువులు, బావులు పూర్తిగా ఎండిపోయాయని స్థానికులు చెబుతున్నారు. వీటిని నీటితో నింపితే తాగునీటి సమస్యతోపాటు సాగునీటి ఇబ్బందులు కూడా కొంతవరకు తీరతాయని అంటున్నారు. ఇందుకోసం ప్రతిపాదనలు, అంచనాలు సిద్ధం చేసి అధికారులకు పలుమార్లు వినతులు సమర్పించినా ఫలితం లేదని వాపోతున్నారు.రూ.90 లక్షలు మంజూరు.. కానీ?తుల్షిలోని భవానీ పర్కొలేషన్‌ ట్యాంక్‌కు సీనా–మాధా పథకం నుంచి క్లోజ్డ్‌ పైప్‌లైన్‌ ద్వారా నీటిని తరలించేందుకు 2025–26లో రూ.90 లక్షలు మంజూరు చేసినట్లు ప్రకటించారు. ఈ పనితో గ్రామ తాగునీరు, సాగునీటి అవసరాలు తీరతాయని అధికారులు పేర్కొన్నారు. అయితే నిధులు మంజూరయ్యాయని మాత్రమే వింటున్నామని.. క్షేత్రస్థాయిలో మాత్రం పనులు కనిపించడం లేదని గ్రామస్తులు అంటున్నారు.STORY | 'Village for Sale’: Parched hamlet's desperate plea amid water crisis in MaharashtraDesperate for water and watching their farms and wells dry up, residents of a village in Maharashtra's Solapur district have put up a striking banner declaring "Village for Sale",… pic.twitter.com/9tTKzrEX9d— Press Trust of India (@PTI_News) September 29, 2026ఇక నీటి కష్టాలు గ్రామ సామాజిక జీవితంపైనా ప్రభావం చూపుతున్నాయని సర్పంచ్‌ చెబుతున్నారు. నీటి కొరత కారణంగా వ్యవసాయం, పశుపోషణ దెబ్బతిన్నాయని.. గ్రామంలోని సుమారు 350 మంది పురుషులకు పెళ్లిళ్లు కావడం లేదని ఆయన తెలిపారు. తమ గ్రామ పరిస్థితిని చూసి ఇతర ప్రాంతాల కుటుంబాలు సంబంధాలు ఇవ్వడానికి వెనుకాడుతున్నాయని పేర్కొన్నారు.మా కష్టాన్ని చూడండి!తుల్షి గ్రామస్తుల ‘విలేజ్‌ ఫర్‌ సేల్‌’ నిరసనపై రాష్ట్ర ప్రభుత్వం స్పందించింది. పుణెలో మీడియాతో మాట్లాడిన వ్యవసాయ మంత్రి దత్తాత్రేయ భరణే.. గ్రామానికి ప్రభుత్వం అన్ని విధాలా సహాయం చేస్తుందని తెలిపారు. అయితే తమకు ఇక హామీలు వద్దని గ్రామస్తులు స్పష్టం చేస్తున్నారు. ఏళ్లుగా పెండింగ్‌లో ఉన్న పనులను పూర్తి చేసి శాశ్వతంగా నీళ్లు అందించాలని డిమాండ్‌ చేస్తున్నారు. ‘‘విలేజ్‌ ఫర్‌ సేల్‌’’ బోర్డు పెట్టడం వెనుక ఉద్దేశం ఊరిని నిజంగా అమ్మడం కాదని.. తమ నీటి కష్టాన్ని ప్రభుత్వానికి, ప్రపంచానికి తెలియజేయడమేనని సర్పంచ్‌ శరద్‌ మోరే తెలిపారు. నీళ్లు వచ్చే వరకు తమ ఆందోళన కొనసాగుతుందని స్పష్టం చేశారు.ఇదీ చదవండి: ఎంత పని చేశావ్‌ ఏనుగా?

కర్ణాటక: ప్రేమించాలని వేధించడంతో మనస్తాపం చెందిన విద్యార్థిని ఉరివేసుకుని ఆత్మహత్య చేసుకుంది. ఈ ఘటన సూళగిరి పోలీస్‌ స్టేషన్‌ పరిధిలో చోటుచేసుకుంది. వివరాల మేరకు.. సూళగిరి తాలూకా ఏనుసోణ సమీపంలోని ఎం.దొడ్డి గ్రామానికి చెందిన వీరేంద్రన్‌ కూతురు పవిత్ర (17) సూళగిరిలోని ప్రభుత్వ పాఠశాలలో ప్లస్టూ చదువుతోంది. అదే గ్రామానికి చెందిన నితీష్‌ కుమార్, శ్రీధర్‌ బాలిక వెంటపడి ప్రేమించాలని ఒత్తిడి చేశారు.ఇటీవల పవిత్ర ఇంటి వద్దకు వెళ్లిన నితీష్‌ కుమార్‌.. రహస్యంగా మాట్లాడాలని ఒత్తిడి చేశాడు. విషయాన్ని పసిగట్టిన పవిత్ర తల్లి బయటకు రావడంతో అక్కడి నుంచి పరారయ్యాడు. ఈ నేపథ్యంలో జీవితంపై విరక్తి చెందిన పవిత్ర ఆదివారం ఉరివేసుకుని ఆత్మహత్యాయత్నం చేసింది. గమనించిన స్థానికులు చికిత్స కోసం సూళగిరి ప్రభుత్వ ఆస్పత్రికి తరలించారు. ప్రాథమిక చికిత్స అనంతరం క్రిష్ణగిరి ప్రభుత్వ ఆస్పత్రికి తరలిస్తుండగా మార్గంమధ్యలో మృతి చెందింది.గమనిక..మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: ఏనుగు ఎంత పని చేసిందీ..

ఓటర్ల జాబితా ప్రత్యేక సమగ్ర సవరణ ప్రక్రియలో మహారాష్ట్ర నుంచి కీలక ప్రతిపాదన వచ్చింది. ఓటర్ల వివరాల్లో సాఫ్ట్‌వేర్‌ గుర్తించే చిన్నపాటి వ్యత్యాసాలపై తుది నిర్ణయం తీసుకునే అధికారం క్షేత్రస్థాయి ఎన్నికల అధికారులకు మరింతగా ఇవ్వాలని రాష్ట్ర ప్రధాన ఎన్నికల అధికారి ఎస్‌. చోక్కలింగం కేంద్ర ఎన్నికల సంఘాన్ని కోరారు. అయితే..ఇందుకోసం ఈసీఐనెట్‌ సాఫ్ట్‌వేర్‌లో నాలుగు మార్పులు చేయాలని ఆయన ప్రతిపాదించారు. ముఖ్యంగా ‘లాజికల్‌ డిస్క్రెపెన్సీ’గా గుర్తించిన కేసుల్లో.. ఓటరు సమర్పించిన పత్రాలను పరిశీలించిన తర్వాత ఎలక్టోరల్‌ రిజిస్ట్రేషన్‌ ఆఫీసర్‌(ERO) సంతృప్తి చెందితే, ఆ కేసును స్వయంగా పరిష్కరించే అవకాశం ఇవ్వాలని కోరారు. అలాగే అవసరమైన ఆధారాలు ఉన్నప్పుడు సంబంధిత ఓటరును వ్యక్తిగత విచారణకు పిలవకుండా మినహాయించే ఆప్షన్‌ కూడా ఉండాలని సూచించారు. ప్రస్తుతం కొన్ని సందర్భాల్లో ఈఆర్వో వద్ద ఆధారాలు ఉన్నా.. సాఫ్ట్‌వేర్‌లో ఉన్న పరిమితుల కారణంగా కేసును ముందుకు తీసుకెళ్లడంలో ఇబ్బందులు ఎదురవుతున్నాయని ఆయన పేర్కొన్నారు.ఇదే అంశం.. ఈసీ వివాదానికి కేంద్రబిందువుమహారాష్ట్ర సీఈవో ఇప్పుడు లేవనెత్తిన అంశం ఇక్కడే కీలకంగా మారింది. ఎందుకంటే ఈఆర్వోల అధికారాలు, ఈసీఐనెట్‌లో వారి యాక్సెస్‌పై ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి కూడా గతంలో పలుమార్లు అభ్యంతరాలు వ్యక్తం చేశారు. ఓటర్ల జాబితా తయారీ, పేర్లు చేర్చడం, తొలగించడం, అభ్యంతరాలపై నిర్ణయం తీసుకోవడం వంటి బాధ్యతలు చట్టపరంగా ఈఆర్వోలకే ఉన్నప్పటికీ.. సాఫ్ట్‌వేర్‌లో కొన్ని నిర్ణయాలు లేదంటే మార్పులకు అవసరమైన యాక్సెస్‌ కేంద్రీకృత నియంత్రణలో ఉండటంపై వారు ప్రశ్నలు లేవనెత్తారు.అసలు ఈసీఐనెట్‌ ఏం చేస్తోంది?సర్‌లో ప్రస్తుత ఓటరు వివరాలను గత సర్‌లోని తల్లిదండ్రులు, తాతముత్తాతల వివరాలతో సాఫ్ట్‌వేర్‌ సరిపోల్చుతుంది. పేరు, వయసు వంటి వివరాల్లో తేడా కనిపిస్తే దాన్ని ‘లాజికల్‌ డిస్క్రెపెన్సీ’గా గుర్తిస్తుంది. అయితే ఇలాంటి మిస్‌ మ్యాచ్‌ రావడం అంటే ఆ వ్యక్తి ఓటరు కాదని తేల్చినట్లు కాదు. కేవలం పాత రికార్డులతో వివరాలు సరిపోలలేదన్నమాట.ఇక్కడే ఈఆర్వోల పాత్ర కీలకం. ఓటరు ఇచ్చిన పత్రాలను పరిశీలించి, అవసరమైతే విచారణ జరిపి.. ఆ వ్యక్తి పేరు జాబితాలో ఉండాలా? వద్దా? అనే విషయంపై నిర్ణయం తీసుకోవాల్సింది వాళ్లే. కానీ ఆ నిర్ణయాన్ని అమలు చేయడానికి సాఫ్ట్‌వేర్‌లో అవసరమైన ఆప్షన్లు, యాక్సెస్‌ కూడా ఉండాలన్నది మహారాష్ట్ర సీఈవో తాజా డిమాండ్‌ సారాంశం.అందుకే ‘ఫ్రీ హ్యాండ్‌’ డిమాండ్‌మహారాష్ట్ర సీఈవో ప్రతిపాదన వెనుక ఉన్న అసలు విషయం ఇదే. సాఫ్ట్‌వేర్‌ ఒక వ్యత్యాసాన్ని గుర్తించడం ఒక అంశం. ఆ వ్యత్యాసానికి ఓటరు ఇచ్చిన వివరణ, పత్రాలను పరిశీలించి నిర్ణయం తీసుకోవడం మరో అంశం. రెండో విషయంలో ఈఆర్వోకు మరింత వెసులుబాటు ఉండాలని ఆయన కోరుతున్నారు. ఇదే అంశంపై ఇద్దరు ఎన్నికల కమిషనర్లు కూడా గతంలో ఈఆర్వోల చట్టపరమైన అధికారాలను సాఫ్ట్‌వేర్‌ పరిమితం చేయకూడదని అభ్యంతరాలు వ్యక్తం చేశారు. దీంతో మహారాష్ట్ర సీఈవో తాజా లేఖతో ఈ అంశం మరోసారి తెరపైకి వచ్చింది.ఇప్పటికే కొన్ని మార్పులుఈ వివాదం నేపథ్యంలో సెప్టెంబర్‌ 26న ఎన్నికల సంఘం ఈసీఐనెట్‌పై సమీక్షకు కమిటీ ఏర్పాటు చేయాలని నిర్ణయించింది. అలాగే సర్‌ నోటీసులు అందుకున్నవారి విషయంలో విధానాన్ని సులభతరం చేసింది. అవసరమైన పత్రాలను బీఎల్వోలు ఓటర్ల ఇళ్ల వద్దే సేకరించి ఈసీఐనెట్‌లో అప్‌లోడ్‌ చేయవచ్చని, సంతృప్తికరమైన పత్రాలు ఉంటే ఈఆర్వో వ్యక్తిగత విచారణ నుంచి మినహాయించవచ్చని స్పష్టం చేసింది. క్షేత్రస్థాయి అధికారులకు మరింత వెసులుబాటు అవసరమైతే అందుకు అనుగుణంగా మార్పులు చేస్తామని కూడా ఈసీ తెలిపింది.అందుకే ఇప్పుడు మహారాష్ట్ర సీఈవో లేవనెత్తిన డిమాండ్‌ ప్రాధాన్యం సంతరించుకుంది. సర్‌లో సాఫ్ట్‌వేర్‌ గుర్తించే మిస్మ్యాచ్‌ ఒకటైతే.. దానిపై తుది నిర్ణయం తీసుకునే అధికారం ఈఆర్వోది. ఆ నిర్ణయాన్ని తీసుకునేందుకు ఈఆర్వోకు సాఫ్ట్‌వేర్‌లో ఎంత స్వేచ్ఛ ఉండాలి? అనేదే ఈ మొత్తం వివాదంలో కీలకమైన ప్రశ్న.ఇదీ చదవండి: సీఈసీకి చుక్కలు చూపించాలని నిర్ణయం!

కర్ణాటక: ఉద్యాననగరిలో అడవి ఏనుగు దాడి కలకలం రేపుతోంది. మైసూరు రోడ్డు అంచెపాళ్యలో నాగరాజు (60) అనే స్థానికుడు సోమవారం తెల్లవారుజామున వాకింగ్‌ చేస్తుండగా కెంగేరి సమీపంలోని ఆర్‌ఆర్‌ మెడికల్‌ కాలేజీ వద్ద భవనాల మధ్యలోనే ఏనుగు దాడి చేసి హతమార్చింది.గతంలో నిర్మాణ కార్మికునిగా పనిచేసి ఇప్పుడు ఊరికే ఉంటున్న నాగరాజు ఏనుగు దాడిలో చనిపోయాడని తెలిసి ఆయన భార్య, కూతుళ్లు పరుగు పరుగున వచ్చి రోదించారు. ఆస్పత్రిలో ఉంచిన మృతదేహాన్ని అటవీ మంత్రి రామలింగారెడ్డి పరిశీలించి కుటుంబాన్ని ఓదార్చారు. ప్రభుత్వం నుంచి రూ. 20 లక్షల పరిహారాన్ని ప్రకటించారు.ఎలా వచ్చి వెళ్లిందంటే..ఏనుగు గుద్దడంతో ఒకటి రెండు ప్రహరీలు కూడా కూలిపోవడం చూస్తే దాని శక్తి అర్థమవుతుంది. ఈ ఏనుగు బన్నేరుఘట్ట అడవి నుంచి జనావాసాల గుండా బయల్దేరి బీఎం కావల్‌ అరణ్యంలోకి చేరి ఉంటుందని అటవీ అధికారులు తెలిపారు.ఈ ప్రాంతంలో పొలాలు, గుట్టల మధ్యలో ఇళ్ల నిర్మాణం అధికమైంది. ఒకప్పుడు ఇది ఏనుగులు సంచరించే ప్రాంతంగా ఉండేదని చెప్పారు. ఓ కుర్ర ఏనుగు తెల్లవారుజామున 5:10 గంటల సమయంలో పరిగెడుతూ వెళ్లడం ఓ సీసీ కెమెరాలో రికార్డయింది. అటవీ సిబ్బంది ఏనుగు కోసం అన్వేషణ చేపట్టారు. స్థానికుల్లో గుబులు నెలకొంది.ఇదీ చదవండి: యువకుడిని ఇంట్లోకి పిలిపించి.. చున్నీ గొంతుకు బిగించి..

ఉత్తరప్రదేశ్‌లో రాజ్యసభ ఎన్నికల వేడి మొదలైంది. అక్టోబర్‌ 16న రాష్ట్రంలోని 10 రాజ్యసభ స్థానాలకు ఎన్నికలు జరగనుండగా.. అధికార బీజేపీ, ప్రతిపక్ష సమాజ్‌వాదీ పార్టీ (ఎస్పీ) మధ్య పోరు ఆసక్తికరంగా మారింది. పదో స్థానాన్ని దక్కించుకునేందుకు ఇరు పార్టీలు వ్యూహాలకు పదును పెడుతున్నాయి. మంగళవారం నుంచే నామినేషన్ల ప్రక్రియ ప్రారంభం కానుంది.బీజేపీ ఏడు స్థానాలను సులభంగా గెలుచుకునే స్థితిలో ఉంది. అయితే వచ్చే ఏడాది అసెంబ్లీ ఎన్నికలను దృష్టిలో పెట్టుకుని ఎనిమిదో స్థానానికీ పోటీ చేయాలని భావిస్తోంది. ఇందు కోసం మరో నాలుగు ఓట్లు అవసరమవుతాయి. బీజేపీకి ప్రస్తుతం 255 మంది ఎమ్మెల్యేలు ఉండగా.. అప్నాదళ్‌ (సోనేలాల్‌), ఆర్‌ఎల్‌డీ, సుహెల్‌దేవ్‌ భారతీయ సమాజ్‌ పార్టీ, నిషాద్‌ పార్టీ వంటి మిత్రపక్షాల బలంతో కలిపి ఎనిమిదో స్థానంపై ఆశలు పెట్టుకుంది. ఇద్దరు స్వతంత్ర ఎమ్మెల్యేల మద్దతుతో ఈ స్థానాన్ని కూడా గెలుచుకునే అవకాశం ఉందని పార్టీ వర్గాలు లెక్కలు వేస్తున్నాయి.సామాజిక సమీకరణాలతో..వచ్చే అసెంబ్లీ ఎన్నికలను దృష్టిలో పెట్టుకుని అభ్యర్థుల ఎంపికపై బీజేపీ కసరత్తు చేస్తోంది. ఓబీసీలు, జాట్లు, రాజ్‌పుత్‌లు, దళితులు, మైనారిటీలకు ప్రాతినిధ్యం కల్పించడంతో పాటు యువత, మహిళలకు ప్రాధాన్యం ఇవ్వాలని యోచిస్తోంది. బ్రాహ్మణ ఓటు బ్యాంకును నిలబెట్టుకోవడంతో పాటు గత లోక్‌సభ ఎన్నికల్లో దూరమైన నాన్‌-యాదవ్‌ ఓబీసీ, ముఖ్యంగా కుర్మీ, నాన్‌-జాటవ్‌ ఎస్సీ వర్గాలను తిరిగి తమవైపు తిప్పుకునే వ్యూహంపై దృష్టి పెట్టింది.లక్నోలో సోమవారం జరిగిన బీజేపీ కోర్‌ కమిటీ సమావేశంలో రాజ్యసభ అభ్యర్థులపై విస్తృతంగా చర్చ జరిగింది. జాతీయ ప్రధాన కార్యదర్శిగా కీలక బాధ్యతలు చేపట్టిన స్మృతి ఇరానీ పేరు ప్రముఖంగా పరిశీలనలో ఉంది. ఇటీవలే పార్టీ జాతీయ సంస్థాగత బాధ్యతలు దక్కించుకున్న ఆమెకు రాజ్యసభ అవకాశం కల్పించే అంశంపై బీజేపీ నాయకత్వం కసరత్తు చేస్తున్నట్లు సమాచారం. మరోవైపు మాజీ ఎంపీ(పిలిభిత్‌) వరుణ్‌ గాంధీ పేరు కూడా మరోసారి తెరపైకి వచ్చింది. వీరితో పాటు హరీశ్‌ ద్వివేదీ, సంజీవ్‌ బాలియాన్‌, సత్యపాల్‌ సింగ్‌, సురేశ్‌ రాణా తదితరుల పేర్లు కూడా పరిశీలనలో ఉన్నాయి. తుది జాబితాను కేంద్ర ఎన్నికల కమిటీ మరో మూడు, నాలుగు రోజుల్లో ఖరారు చేసే అవకాశం ఉంది.ప్రస్తుతం రాజ్యసభ సభ్యులుగా ఉన్న కొందరికి అసెంబ్లీ ఎన్నికల్లో పోటీ చేసే అవకాశం కల్పించే అంశం కూడా పరిశీలనలో ఉన్నట్లు సమాచారం. కేంద్ర మంత్రి బీఎల్‌ వర్మ పదవీకాలం ముగియనుండగా.. ఆయనను తిరిగి రాజ్యసభకు పంపే అవకాశంపై కూడా చర్చ జరుగుతోంది. దళిత ప్రాతినిధ్యంలోనూ మార్పులు చేయాలని పార్టీ యోచిస్తున్నట్లు తెలుస్తోంది.ఎస్పీ.. ప్చ్‌ మూడో సీటు కష్టమే!మరోవైపు ఎస్పీ మూడు స్థానాలకు అభ్యర్థులను బరిలోకి దింపే అవకాశం ఉంది. పార్టీకి ప్రస్తుతం 101 మంది ఎమ్మెల్యేలు ఉండగా.. ఇద్దరు కాంగ్రెస్‌ ఎమ్మెల్యేల మద్దతుతో సంఖ్య 103కు చేరుతుంది. ఈ బలంతో రెండు స్థానాలు గెలుచుకున్న తర్వాత మూడో స్థానానికి అవసరమైన అదనపు ఓట్ల కోసం ఇతర ఎమ్మెల్యేల మద్దతు కూడగట్టాల్సి ఉంటుంది.మాజీ మంత్రి, సీనియర్‌ నేత రామ్‌గోపాల్‌ యాదవ్‌ను మరోసారి రాజ్యసభకు పంపే అంశాన్ని ఎస్పీ పరిశీలిస్తున్నట్లు సమాచారం. మాజీ ఐఏఎస్‌ అధికారి అలోక్‌ రంజన్‌, సలీం ఇక్బాల్‌ పేర్లు కూడా పరిశీలనలో ఉన్నట్లు తెలుస్తోంది.పదో సీటుపైనే ఉత్కంఠ403 మంది సభ్యులున్న యూపీ అసెంబ్లీలో ప్రస్తుతం 396 మంది ఎమ్మెల్యేలు ఉన్నారు. ఒక రాజ్యసభ స్థానాన్ని గెలుచుకోవడానికి 37 తొలి ప్రాధాన్యత ఓట్లు అవసరం. ఈ లెక్కల ప్రకారం బీజేపీ ఏడు స్థానాలను గెలుచుకున్న తర్వాత కూడా అదనపు ఓట్లు మిగులుతాయి. మరోవైపు ఎస్పీ రెండు స్థానాలను గెలుచుకున్న తర్వాత మూడో సీటుకు మరిన్ని ఓట్లు సమీకరించాల్సి ఉంటుంది.రాజ్యసభ ఎన్నికల్లో విప్‌ వర్తించకపోవడంతో క్రాస్‌ ఓటింగ్‌కు అవకాశం ఉంటుంది. దీంతో పదో స్థానంపై బీజేపీ, ఎస్పీ మధ్య హోరాహోరీ పోరు జరిగే అవకాశముంది. ఎమ్మెల్యేల మద్దతు కోసం ఇరు పార్టీలు ఇప్పటి నుంచే వ్యూహాలు రచిస్తున్నాయి. అభ్యర్థుల తుది జాబితా, మిత్రపక్షాల వైఖరి, చివరి దశలో జరిగే సమీకరణాలు ఎన్నికల ఫలితాన్ని నిర్ణయించనున్నాయి.ఇదీ చదవండి: మాయావతి సంచలన వ్యాఖ్యలు

కర్ణాటక: స్నేహితురాలిని లైంగికంగా వేధిస్తున్నాడనని ఆమె మిత్రుడు రుణదాతను హత్య చేశాడు. బెళగావి జిల్లా అథని తాలూకాలోని బల్లిగేరిలో ఈ సంఘటన జరిగింది. వివరాలు ఇలా ఉన్నాయి.. శ్రీదేవి రాజపుత్‌ అనే మహిళను రణవీర్‌ రాజ్‌పుత్‌ లైంగిక వేధించేవాడు. అతడు ఆమెకు కొంత డబ్బు అప్పు ఇచ్చాడు. ఆ కారణంతో సతాయించసాగాడు. సెప్టెంబర్‌ 21న రాత్రి బైక్‌ స్టార్ట్‌ కావడం లేదని చెప్పి రణవీర్‌ను బైరు పవార్‌ అనే వ్యక్తి పిలిపించుకొన్నాడు. ఆ తరువాత గొంతుకు తాడు బిగించి హత్య చేశాడని పోలీసులు తెలిపారు. హత్య తరువాత బైరు, శ్రీదేవికి ఫోన్‌ చేసి చెప్పాడు. విచారణ చేపట్టిన అథణి పోలీసులు కాల్‌ డేటా ఆధారంగా ఇద్దరినీ అరెస్ట్‌ చేశారు.ఇదీ చదవండి: పెళ్లైన 5 నెలలకే టెకీ ఆత్మహత్య

దేశ రాజధాని ఢిల్లీ, పరిసర ప్రాంతాల్లో వరుసగా వెలుగుచూస్తున్న అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. ఇటీవలి కేసులను సుమోటోగా స్వీకరించిన ధర్మాసనం.. వీటిని ప్రజాప్రయోజన వ్యాజ్యంగా విచారించనుంది. ఈ ఘటనలు 2012 నాటి నిర్భయ ఘటనను గుర్తు చేస్తున్నాయని పేర్కొన్న ధర్మాసనం.. చట్ట అమలు, ప్రజా భద్రతను కాపాడటంలో వ్యవస్థ వైఫల్యాలను ఈ వరుస ఘటనలు స్పష్టంగా చూపిస్తున్నాయని కీలక వ్యాఖ్యలు చేసింది.ఢిల్లీ-ఎన్‌సీఆర్‌లో ఈ ఒక్క సెప్టెంబర్‌లోనే 13 లైంగిక దాడుల కేసులు నమోదు అయ్యాయి. ఈ వరుస అత్యాచార ఘటనలను సోమవారం సుమోటో కేసుగా స్వీకరించిన జస్టిస్‌ జేబీ పర్దీవాలా, జస్టిస్‌ కే. వినోద్‌ చంద్రన్‌ ధర్మాసనం.. విచారణకు ఈ పిల్‌ను లిస్టింగ్‌ చేయాలని రిజిస్ట్రీని ఆదేశించింది. అలాగే ఈ ఘటనలు ‘‘ఇలా అనకుండా ఉండలేకపోతున్నాం. తాజా కేసుల్లో నిర్భయ ఘటనతో బాధాకరమైన పోలికలు కనిపిస్తున్నాయి’’ అని జస్టిస్‌ పర్దీవాలా వ్యాఖ్యానించారు. 2012లో ఢిల్లీలో కదులుతున్న బస్సులో 23 ఏళ్ల యువతిపై సామూహిక అత్యాచారం జరగడం, అనంతరం ఆమె మృతి చెందడం దేశవ్యాప్తంగా తీవ్ర ఆందోళనకు దారితీసింది. ఆ ఘటన తర్వాత లైంగిక నేరాలకు సంబంధించిన చట్టాల్లో పలు కీలక మార్పులు చేశారు. అయితే ఇటీవలి ఘటనల్లోనూ మహిళలు, బాలికలకు బహిరంగ ప్రదేశాల్లో భద్రతపై ప్రశ్నలు తలెత్తుతున్న నేపథ్యంలో సుప్రీంకోర్టు ఈ అంశాన్ని స్వయంగా విచారణకు తీసుకుంది.పార్కులు, బస్సులు హైరిస్క్‌ జోన్లుగా మారొద్దుపార్కులు, బస్సులు వంటి ప్రజా ప్రదేశాలు సరైన లైటింగ్‌, నిఘా, ఇతర మౌలిక సదుపాయాల కొరత కారణంగా ప్రమాదకర ప్రాంతాలుగా మారకూడదని సుప్రీంకోర్టు పేర్కొంది. కేవలం ఘటనలపై సానుభూతి వ్యక్తం చేయడం సరిపోదని.. బాధ్యతను నిర్ధారించే వ్యవస్థ ఉండాలని జస్టిస్‌ పర్దీవాలా స్పష్టం చేశారు. ఇటీవల ఢిల్లీలోని కల్కాజీ మందిరం సమీపంలోని ఆస్తా కుంజ్‌ పార్క్‌లో 17 ఏళ్ల బాలికపై ముగ్గురు వ్యక్తులు అత్యాచారానికి పాల్పడిన కేసు తీవ్ర చర్చనీయాంశమైంది. పోలీసులమంటూ బాలిక, ఆమె స్నేహితుడిని బెదిరించి ఘటనకు పాల్పడినట్లు దర్యాప్తులో వెల్లడైంది. సెప్టెంబర్‌ 21న ఈ ఘటన జరిగినట్లు పోలీసులు తెలిపారు. ఈ కేసులో ముగ్గురు నిందితులను పోలీసులు అరెస్టు చేశారు. ఈ ఘటన జరిగిన పార్కులో ఎంట్రీ, ఎగ్జిట్‌ ప్రాంతాల్లో సీసీటీవీ కెమెరాలు లేకపోవడం, సరైన లైటింగ్‌ లేకపోవడం, కొన్ని గేట్లు సిబ్బంది లేకుండా ఉండటం వంటి భద్రతా లోపాలు ఉన్నట్లు దర్యాప్తులో వెల్లడైంది.కదులుతున్న బస్సులోనూ దారుణంఇటీవలే నోయిడాకు వెళ్తున్న ఓ స్లీపర్‌ బస్సులో ఓ బాలికపై సామూహిక అత్యాచారం జరిగిన కేసును కూడా సుప్రీంకోర్టు ప్రస్తావించింది. బస్సులోని బెర్త్‌లకు తెరలు ఉండటం, సీసీటీవీ వ్యవస్థ పనిచేయకపోవడం వంటి అంశాలు నిందితులకు అనుకూలంగా మారాయన్న విషయాల్ని కోర్టు ప్రధానంగా ప్రస్తావించింది. 2012 నిర్భయ ఘటన తర్వాత ప్రజా రవాణా, మహిళల భద్రతకు సంబంధించి పలు నిబంధనలు తీసుకొచ్చినప్పటికీ.. వాటి అమలు తీరుపై తాజా ఘటనలు ప్రశ్నలు లేవనెత్తుతున్నాయని అభిప్రాయపడింది. చట్టాలు ఉన్నా.. అమలు ఎలా?మహిళలు, బాలికలకు భద్రత కల్పించేందుకు చట్టాలు, నిబంధనలు ఉన్నప్పటికీ.. వాటిని క్షేత్రస్థాయిలో ఎంత సమర్థంగా అమలు చేస్తున్నారన్నదే కీలకమని సుప్రీంకోర్టు వ్యాఖ్యలు స్పష్టం చేస్తున్నాయి. బహిరంగ ప్రదేశాల్లో వెలుతురు, సీసీటీవీలు, నిఘా, భద్రతా సిబ్బంది వంటి కనీస సదుపాయాల లోపాలపై కూడా కోర్టు దృష్టి సారించింది. కేవలం ఘటన జరిగిన తర్వాత స్పందించడం కాకుండా.. ముందుగానే భద్రతా లోపాలను గుర్తించి, బాధ్యతను నిర్ధారించే వ్యవస్థ ఉండాలని స్పష్టం చేసింది. ఢిల్లీ–ఎన్‌సీఆర్‌లో చోటుచేసుకున్న తాజా ఘటనలపై సుమోటో విచారణ ద్వారా ఈ అంశాలపై సుప్రీంకోర్టు తదుపరి చర్యలు, ఆదేశాలపై ఇప్పుడు ఆసక్తి నెలకొంది.ఇదీ చదవండి: బ్యాంకులు శనివారాలు మూసేస్తే మా సంగతేంటి?

ప్రముఖ విమాన తయారీ సంస్థ బోయింగ్‌.. తన విమానాల్లో ఓ సాఫ్ట్‌వేర్‌ సమస్యను గుర్తించింది. ల్యాండింగ్‌కు ముందు విమానం అనుకున్న మార్గాన్ని మార్చాల్సిన ప్రత్యేక పరిస్థితిలో.. ఆటోమేటెడ్‌ ఫ్లైట్‌ గైడెన్స్‌ వ్యవస్థ పనిచేయడం ఆగిపోయే అవకాశం ఉన్నట్లు వెల్లడించింది. ఈ సమస్య భారత్‌లో నడుస్తున్న 96 విమానాలకు వర్తించనుంది. మరి ఈ సాఫ్ట్‌వేర్‌ లోపం నిజంగా అంత ఆందోళన చెందాల్సిన విషయమేనా?ఈ సమస్యపై గత నెలలోనే ప్రపంచవ్యాప్తంగా 737 విమానాలు నడుపుతున్న అన్ని ఎయిర్‌లైన్స్‌కు సమాచారం ఇచ్చినట్లు బోయింగ్‌ తెలిపింది. సమస్యను శాశ్వతంగా పరిష్కరించేందుకు సాఫ్ట్‌వేర్‌ అప్‌డేట్‌పై పనిచేస్తున్నట్లు వెల్లడించింది. అయితే దీనివల్ల విమానాన్ని మాన్యువల్‌గా నడపలేని పరిస్థితి మాత్రం ఉండదని బోయింగ్‌ స్పష్టం చేసింది. భారత్‌లో ఎయిర్‌ ఇండియా ఎక్స్‌ప్రెస్‌ వద్ద సుమారు 53, ఆకాశ ఎయిర్‌ వద్ద 43 బోయింగ్‌ 737 మ్యాక్స్‌(MAX) విమానాలు ఉన్నాయి. సమస్య ఏంటంటే.. ఈ సమస్య కాక్‌పిట్‌ సాఫ్ట్‌వేర్‌లోని ఓ అప్‌డేట్‌ కారణంగా తలెత్తినట్లు సమాచారం. సాధారణంగా విమానం ఒక నిర్దిష్ట మార్గంలో ల్యాండింగ్‌కు సిద్ధమవుతుంది. అయితే ఏదైనా కారణంతో ల్యాండింగ్‌ సాధ్యం కాక మిస్డ్‌ అప్రోచ్‌ తీసుకోవాల్సి వస్తే.. ఆ తర్వాతి ప్రయత్నంలో మొదట అనుకున్న మార్గానికి భిన్నంగా విమానాన్ని తీసుకెళ్లాల్సి రావొచ్చు. అలాంటి పరిస్థితిలో ఆటోమేటెడ్‌ ఫ్లైట్‌ గైడెన్స్‌ వ్యవస్థ డిసెంగేజ్‌ అయ్యే అవకాశం ఉన్నట్లు బోయింగ్‌ గుర్తించింది. అంటే ఆటోమేషన్‌ సహాయం తగ్గిపోతుంది. అయితే దీనివల్ల విమానానికి వచ్చిన ప్రమాదం ఏం ఉండని.. గాలిలో అదుపు తప్పడం లేదంటే పైలట్లు విమానాన్ని నడపలేని పరిస్థితి ఎదురుకాదని బోయింగ్‌ చెబుతోంది.ఈ పరిస్థితిని పైలట్లు సురక్షితంగా ఎదుర్కొనేందుకు ఇప్పటికే ఉన్న విధానాలను పాటించాలని సూచించింది. మిస్డ్‌ అప్రోచ్‌ తర్వాత సిస్టమ్‌ను రీసెట్‌ చేయాలని కూడా బోయింగ్‌ సూచించినట్లు సమాచారం. సమస్యను పూర్తిగా తొలగించేందుకు కొత్త సాఫ్ట్‌వేర్‌ అప్‌డేట్‌ సిద్ధం చేస్తోంది.భారత విమానాలపై ప్రభావంబోయింగ్‌ 737 మ్యాక్స్‌ విమానాలను నడుపుతున్న భారత విమానయాన సంస్థల్లో ఆకాశ ఎయిర్‌, ఎయిర్‌ ఇండియా ఎక్స్‌ప్రెస్‌ ఉన్నాయి. తాజా పరిణామంపై సదరు ఎయిర్‌లైన్స్‌ స్పందించింది. ఆకాశ ఎయిర్‌ ఈ సమస్యపై బోయింగ్‌తో కలిసి పనిచేస్తున్నామని తెలిపింది. తమ విమానాల కార్యకలాపాల భద్రతపై ఎలాంటి ప్రభావం లేదని స్పష్టం చేసింది. ఇప్పటికే ఉన్న విధానాలు, నియంత్రణ సంస్థల నిబంధనల ప్రకారమే విమానాలను సురక్షితంగా నడుపుతున్నామని పేర్కొంది. అయితే తమ విమానాల్లో ఏదైనా ఈ సమస్యను ఎదుర్కొందా అనే విషయాన్ని ఆకాశ ఎయిర్‌ వెల్లడించలేదు.ఎయిర్‌ ఇండియా ఎక్స్‌ప్రెస్‌ నుంచి వెంటనే స్పందన రాలేదు. ఈ సమస్యపై భారత విమానయాన నియంత్రణ సంస్థ డీజీసీఏ పరిశీలన చేపట్టిందా? విమానయాన సంస్థలకు ఏదైనా ప్రత్యేక సూచన జారీ చేసిందా? అనేది మరికొద్ది గంటల్లో తేలిపోనుంది. బోయింగ్‌పై ఇప్పటికే నిఘాకిందటి ఏడాది జూన్‌లో అహ్మదాబాద్‌ నుంచి టేకాఫ్‌ అయిన ఎయిర్‌ ఇండియా బోయింగ్‌ 787-8 డ్రీమ్‌లైనర్‌ ప్రమాదంలో 260 మంది ప్రాణాలు కోల్పోయారు. ఆ ఘటన తర్వాత భారత విమానయాన రంగంలో బోయింగ్‌ విమానాల భద్రతపై మరింత దృష్టి పెరిగింది. ఈ ఏడాది ఫిబ్రవరిలోనూ లండన్‌–బెంగళూరు మార్గంలో ప్రయాణిస్తున్న ఎయిర్‌ ఇండియా బోయింగ్‌ 787-8 విమానాన్ని పైలట్‌ నివేదించిన ఫ్యూయల్‌ కంట్రోల్‌ స్విచ్‌ సమస్య కారణంగా గ్రౌండ్‌ చేశారు. అయితే బోయింగ్‌ తర్వాత చేసిన పరీక్షల్లో ఎలాంటి అసాధారణత కనిపించలేదని ప్రభుత్వం తెలిపింది.అయితే ఆ రెండు ఘటనలు బోయింగ్‌ 787 డ్రీమ్‌లైనర్‌కు సంబంధించినవి కాగా.. ఇప్పుడు బయటపడిన సాఫ్ట్‌వేర్‌ సమస్య 737 మ్యాక్స్‌ విమానాలకు సంబంధించినది. అయితే భారత్‌లో బోయింగ్‌ విమానాలపై భద్రతా పరిశీలన కొనసాగుతున్న సమయంలోనే ఈ కొత్త సాఫ్ట్‌వేర్‌ సమస్య వెలుగు చూడడం గమనార్హం.ఎందుకు అంత ప్రాధాన్యం?ప్రపంచవ్యాప్తంగా ఇప్పటికే 2,400కు పైగా 737 MAX విమానాలను బోయింగ్‌ డెలివరీ చేసింది. అయితే ఈ విమానాలు గతంలో రెండు ఘోర ప్రమాదాల కారణంగా వార్తల్లోకి ఎక్కాయి. 2018లో ఇండోనేషియాలో లయన్‌ ఎయిర్‌ 737 MAX 8 ప్రమాదంలో 189 మంది, 2019లో ఇథియోపియన్‌ ఎయిర్‌లైన్స్‌ 737 MAX 8 ప్రమాదంలో 157 మంది మరణించారు. ఈ రెండు ప్రమాదాల తర్వాత ఈ మోడల్‌ విమానాల సేవల్ని ప్రపంచవ్యాప్తంగా కొంతకాలం నిలిపివేశారు. తిరిగి ప్రారంభం అయ్యాక కూడా.. అప్పుడప్పుడు సాంకేతిక సమస్యలతో వార్తల్లోకి ఎక్కాయి. 2024 జనవరిలో అలాస్కా ఎయిర్‌లైన్స్‌కు చెందిన 737 మ్యాక్స్‌ 9 విమానంలో గాల్లో ఉండగానే డోర్‌ ప్లగ్‌ ఊడిపోవడంతో మరోసారి ఈ మోడల్‌ తయారీ, నాణ్యత నియంత్రణపై ప్రశ్నలు తలెత్తాయి. ఇప్పుడు వెలుగులోకి వచ్చిన సమస్య మాత్రం ప్రత్యేక ల్యాండింగ్‌ పరిస్థితిలో ఆటోమేషన్‌ తగ్గిపోయే సాఫ్ట్‌వేర్‌ లోపం. దీన్ని శాశ్వతంగా పరిష్కరించేందుకు బోయింగ్‌ సాఫ్ట్‌వేర్‌ అప్‌డేట్‌ సిద్ధం చేస్తోంది. ఇదీ చదవండి: ఇరాన్‌ వార్నింగ్‌.. వారంలో ఏదైనా జరగొచ్చన్న ట్రంప్‌

యూపీఐ చెల్లింపులపై కొత్తగా తీసుకొచ్చిన మర్చంట్‌ డిస్కౌంట్‌ రేట్‌ (ఎండీఆర్‌) విధానంపై సుప్రీంకోర్టు కీలక ఆదేశాలు జారీ చేసింది. రూ.2,000కు మించిన కొన్ని యూపీఐ ‘పర్సన్‌ టు మర్చంట్‌’ (పీ2ఎం) లావాదేవీలపై చార్జీలు విధించే కేంద్ర ప్రభుత్వ నిర్ణయాన్ని సవాలు చేస్తూ దాఖలైన పిటిషన్‌పై కేంద్రానికి నోటీసులు జారీ చేసింది. ఛార్జీల విధానం, దాని ప్రాతిపదికకు సంబంధించిన పూర్తి వివరాలతో అఫిడవిట్‌ దాఖలు చేయాలని కేంద్రంతో పాటు రిజర్వ్‌ బ్యాంక్‌ ఆఫ్‌ ఇండియాను ఆదేశించింది. ఈ పిటిషన్‌ను న్యాయవాది అంజన్‌ దత్తా దాఖలు చేశారు. సోమవారం విచారణ జరిపిన సీజేఐ జస్టిస్‌ సూర్యకాంత్‌ నేతృత్వంలోని జస్టిస్‌ జాయ్‌మాల్య బాగ్చి, జస్టిస్‌ వి. మోహనాలతో కూడిన ధర్మాసనం.. కేంద్ర ప్రభుత్వం, ఆర్‌బీఐ, ఎన్‌పీసీఐలకు నోటీసులు జారీ చేసింది. కొత్త ఎండీఆర్‌ విధానానికి చట్టపరమైన ప్రాతిపదిక ఏంటి? ఈ ఛార్జీపై పన్ను ఎలా ఉంటుంది? పన్ను భారం ఎవరిపై పడుతుంది? ఈ విధానం తీసుకొచ్చే అధికారం కేంద్రానికి ఏ మేరకు ఉంది? ఎండీఆర్‌ విధానం తీసుకురావడానికి కారణమేంటి? వంటి అంశాలపై స్పష్టత ఇవ్వాలని కోరింది. వీటన్నింటిపై నాలుగు వారాల్లో అఫిడవిట్‌ దాఖలు చేయాలని కేంద్రాన్ని ఆదేశించింది. అదే సమయంలో అక్టోబర్‌ 15 నుంచి కొత్త విధానం అమల్లోకి రానున్న నేపథ్యంలో.. దాని అమలుపై స్టే ఇచ్చేందుకు సుప్రీంకోర్టు నిరాకరించింది.రూ.2 వేలు దాటితే.. కేంద్రం తీసుకొచ్చిన కొత్త విధానం ప్రకారం.. అక్టోబర్‌ 15 నుంచి కొత్త ఎండీఆర్‌ విధానం అమల్లోకి రావాల్సి ఉంది. రూ.2,000కు మించిన నిర్దిష్ట యూపీఐ పీ2ఎం లావాదేవీలపై 0.4 శాతం ఎండీఆర్‌ విధిస్తారు. రూ.75,000, అంతకంటే ఎక్కువ విలువైన లావాదేవీలకు గరిష్ఠ చార్జీ రూ.300గా ఉంటుంది. అయితే వ్యక్తి నుంచి వ్యక్తికి చేసే పీ2పీ యూపీఐ చెల్లింపులపై ఎలాంటి ఎండీఆర్‌ ఉండదు. రూ.2,000 వరకు చేసే సాధారణ మర్చంట్‌ చెల్లింపులూ చార్జీ పరిధిలోకి రావు.కొన్ని ప్రత్యేక రంగాలకు మాత్రం వేర్వేరు రేట్లు నిర్ణయించారు. రైల్వేలు, టెలికాం, బీమా, ఇంధనం, వ్యవసాయ ఇన్‌పుట్స్‌ వంటి రంగాల్లో రూ.2,000కు మించిన లావాదేవీలపై ఒక్కో లావాదేవీకి రూ.5 ఎండీఆర్‌ ఉంటుంది. మ్యూచువల్‌ ఫండ్లు, సెక్యూరిటీస్‌, స్టాక్‌బ్రోకర్లు, డీలర్లకు సంబంధించిన లావాదేవీలపై 0.02 శాతం ఎండీఆర్‌ విధిస్తారు. దీనికీ రూ.300 గరిష్ఠ పరిమితి ఉంటుంది.విధానంపై పిటిషనర్‌ అభ్యంతరాలుకేంద్రం సెప్టెంబర్‌ 14న జారీ చేసిన నోటిఫికేషన్‌, సెప్టెంబర్‌ 15న ప్రకటించిన ఎండీఆర్‌ విధానాన్ని అంజన్‌ దత్తా తన పిటిషన్‌లో సవాలు చేశారు. తగిన చట్టపరమైన రక్షణలు, పారదర్శకత, ప్రజా సంప్రదింపులు లేకుండానే కొత్త చార్జీల విధానాన్ని తీసుకొచ్చారని ఆయన వాదించారు. పేమెంట్‌ అండ్‌ సెటిల్‌మెంట్‌ సిస్టమ్స్‌ యాక్ట్‌, 2007లోని సెక్షన్‌ 10ఏ సవరణ చట్టబద్ధతను కూడా ప్రశ్నించారు.అలాగే యూపీఐ, రూపే డెబిట్‌ కార్డులకు వేర్వేరు నిబంధనలు ఎందుకన్న అంశాన్ని పిటిషన్‌లో లేవనెత్తారు. రూ.2,000 దాటిన యూపీఐ మర్చంట్‌ చెల్లింపులపై ఎండీఆర్‌ విధిస్తుండగా.. రూపే డెబిట్‌ కార్డు లావాదేవీలకు చార్జీల విషయంలో కొనసాగుతున్న రక్షణపై కూడా ప్రశ్నలు లేవనెత్తారు.ఏం కోరుతున్నారు?రూ.2,000కు మించిన యూపీఐ లావాదేవీలపై ఎండీఆర్‌ విధించే నిబంధనను రద్దు చేయాలని లేదంటే అమలును నిలిపివేయాలని పిటిషనర్‌ కోరారు. ప్రత్యామ్నాయంగా.. సంబంధిత డేటాను బహిర్గతం చేసి, ప్రభావంపై అధ్యయనం నిర్వహించి, పారదర్శకంగా సంప్రదింపులు జరిపిన తర్వాత విధానాన్ని పునఃపరిశీలించాలని విజ్ఞప్తి చేశారు. ముఖ్యంగా చిన్న, సూక్ష్మ వ్యాపారాలపై పడే ప్రభావాన్ని పరిగణనలోకి తీసుకోవాలని కోరారు.అక్టోబర్‌ 15 నుంచి అమలుకొత్త ఎండీఆర్‌ విధానం అక్టోబర్‌ 15 నుంచి అమల్లోకి రావాల్సి ఉంది. ఈ నేపథ్యంలో దాని అమలును నిలిపివేయాలన్న పిటిషనర్‌ అభ్యర్థనను సుప్రీంకోర్టు ప్రస్తుత దశలో అంగీకరించలేదు. అయితే కేంద్రం నుంచి పూర్తి వివరాలతో అఫిడవిట్‌ కోరడంతో.. ఈ చార్జీల విధానానికి సంబంధించిన చట్టపరమైన ప్రాతిపదిక, అమలు విధానంపై తదుపరి విచారణలో మరింత స్పష్టత వచ్చే అవకాశం ఉంది.ఇదీ చదవండి: రిస్క్‌లో 96 భారత విమానాలు?

పుణె యువ రియల్టర్‌ కేతన్‌ అగర్వాల్‌ మృతి కేసులో కొత్త విషయం వెలుగులోకి వచ్చింది. లోహగఢ్‌ కోటపై కేతన్‌ను కొండ నుంచి తోసేయడాన్ని తాను కళ్లారా చూశానని ఓ ప్రత్యక్ష సాక్షి పోలీసులకు వాంగ్మూలం ఇచ్చాడు. అంతేకాదు.. ఈ విషయం బయటకు చెబితే తనకూ అదే గతి పడుతుందని బెదిరించారని చెప్పాడు. స్థానిక మీడియా కథనాల ద్వారా ఆలస్యంగా ఈ విషయం వెలుగులోకి వచ్చింది.ఆ ప్రత్యక్ష సాక్షి ఇచ్చిన వాంగ్మూలం ప్రకారం.. జూన్‌ 18న కేతన్‌ తన కాబోయే భార్య సియా గోయల్‌తో కలిసి లోహగఢ్‌ కోటకు వెళ్లాడు. ఆ వెనక మరో వ్యక్తి కూడా వారిని అనుసరించాడు. అదే సమయంలో ఆ సాక్షి తన స్నేహితుడి కుటుంబంతో కోటకు వెళ్లాడు. మెట్లపై ఓ జంట ముందుగా వెళ్తుంటే.. వారి వెనుక హూడీ ధరించిన ఓ వ్యక్తి‌ కనిపించాడు. వేసవి కాలంలో హూడీ ఎందుకు వేసుకున్నావని అతడిని నవ్వుతూ ప్రశ్నించా. అలా ఆ వ్యక్తి ముఖం నాకు గుర్తుండిపోయింది..కోటపైకి చేరుకున్న తర్వాత ఆ హుడీలో ఉన్న వ్యక్తి ఓ ఆలయం వద్ద కాసేపు కూర్చున్నాడు. అనంతరం కేతన్‌, సియాల వెంట వెళ్లాడు. కాసేపు అక్కడి నుంచి దూరంగా వెళ్లి తిరిగి వస్తుండగా.. సియా ఆ హుడీ వేసుకున్న వైపు చూపించడం కనిపించింది. ఆ తర్వాత సియా కింద కూర్చుని కేతన్‌ కాలిపై తన్నింది. క్షణం కూడా ఆలస్యం చేయకుండా ముసుగలో ఉన్న వ్యక్తి వెనుక నుంచి వచ్చి కేతన్‌ను కొండ అంచు వైపు తోసిశాడు..నోరు విప్పితే నీకూ అదేగతి!ఘటన తర్వాత నాకు కాళ్లు చేతులు వణికాయి. ధైర్యం తెచ్చుకుని ఆ హుడీ వేసుకున్న వ్యక్తిని ఆపాను. ఎందుకు అలా చేశావ్‌? అని నిలదీశాను. ఆ వ్యక్తి కోపంతో రగిలిపోయాడు. ఎవరి దగ్గర అయినా ఈ విషయం చెబితే నిన్నూ అలా తోసేసి చంపుతా అని బూతులు తిడుతూ బెదిరించాడు. ఆ టైంలో ఆ విషయాన్ని నా స్నేహితుడికి కూడా చెప్పలేదు. ఇంటికి తిరిగొచ్చిన తర్వాత జ్వరం, ఒళ్లు నొప్పులతో బాధపడ్డాను.అయితే కేతన్‌ కేసుపై మీడియాలో వస్తున్న కథనాలు చూసి షాక్‌ తిన్నా. కళ్లారా చూసింది చెప్పాలని పోలీసులను సంప్రదించా. ఐదు రోజుల తర్వాత అంటే.. జూన్‌ 23న నా వాంగ్మూలాన్ని పోలీసులు నమోదు చేశారు అని లోకల్‌ మీడియాతో ఆ ప్రత్యక్ష సాక్షి చెప్పాడు.హూడీ.. కీలక గుర్తింపుఈ కేసులో మరో సాక్షి వాంగ్మూలం కూడా పోలీసుల దృష్టిలోకి వచ్చింది. లోహగఢ్‌ కోట ఎక్కుతున్న సమయంలో హూడీ వేసుకున్న చేతన్‌ను అతడూ గమనించినట్లు తెలుస్తోంది. ఎండాకాలంలో హూడీ ఎందుకు వేసుకున్నావని ప్రశ్నించగా.. చేతన్‌ క్షమాపణ చెప్పి అక్కడి నుంచి వెళ్లిపోయినట్లు సాక్షి తెలిపినట్టు సమాచారం. దీంతో హూడీ.. చేతన్‌ గుర్తింపును నిర్ధారించడంలో కీలకమైన అంశంగా మారింది.12 టెరాబైట్ల డేటా..కేవలం ప్రత్యక్ష సాక్షుల వాంగ్మూలాలపైనే కాకుండా డిజిటల్‌ ఆధారాలపైనా పోలీసులు దృష్టి పెట్టారు. దర్యాప్తులో దాదాపు 12 టెరాబైట్ల సాంకేతిక డేటాను విశ్లేషించినట్లు సమాచారం. ఆరు మొబైల్‌ ఫోన్లు, తొమ్మిది పెన్‌డ్రైవ్‌లు, బ్యాకప్‌లు, కాల్‌ రికార్డులు, సోషల్‌ మీడియా ఖాతాల నుంచి సమాచారాన్ని పరిశీలించారు. డిలీట్‌ చేసిన చాట్స్‌, ఇతర డేటాను ఫోరెన్సిక్‌ పద్ధతుల్లో తిరిగి పొందినట్లు పోలీసులు చెబుతున్నారు.కేతన్‌ మృతికి ముందు, తర్వాత డేటా తొలగింపునకు సంబంధించిన కొన్ని సెర్చ్‌లు కూడా దర్యాప్తులోకి వచ్చినట్లు పోలీసులు పేర్కొన్నారు. ఐఫోన్‌లో డేటా ఎలా తొలగించాలి, చాట్‌ హిస్టరీని ఎలా క్లియర్‌ చేయాలి, డిలీట్‌ చేసిన సమాచారాన్ని తిరిగి పొందకుండా ఎలా చేయాలన్న అంశాలపై సెర్చ్‌లు ఉన్నట్లు దర్యాప్తు వర్గాలు తెలిపాయి.5,053 పేజీల ఛార్జ్‌షీట్‌కేతన్‌ అగర్వాల్‌ జూన్‌ 18న లోహగఢ్‌ కోటపై నుంచి పడి మృతి చెందినట్లు తొలుత భావించారు. అయితే దర్యాప్తులో ఇది ప్రమాదం కాదని, పథకం ప్రకారం జరిగిన హత్యగా పోలీసులు నిర్ధారించారు. సియా గోయల్‌, చేతన్‌ చౌదరి, అతడి స్నేహితుడు రితేశ్‌ హంగేను నిందితులుగా పేర్కొంటూ పుణె రూరల్‌ పోలీసులు 5,053 పేజీల ఛార్జ్‌షీట్‌ దాఖలు చేశారు. ఇందులో సుమారు 80–85 మంది సాక్షుల వాంగ్మూలాలతో పాటు డిజిటల్‌ ఆధారాలు, కాల్‌ రికార్డులు, ఫొటోలు, సీసీటీవీ ఫుటేజీ తదితర వివరాలను పొందుపరిచారు.పోలీసుల ప్రకారం.. కేతన్‌ను లోహగఢ్‌కు రప్పించేందుకు నకిలీ ఇన్‌స్టాగ్రామ్‌ ఖాతాను ఉపయోగించారు. అక్కడ సియా ముందుగా కేతన్‌ను తోసిందని, ఆ తర్వాత చేతన్‌ తన్నడంతో అతడు లోయలో పడిపోయాడని ఛార్జ్‌షీట్‌లో పేర్కొన్నారు. తాజాగా ప్రత్యక్ష సాక్షి వాంగ్మూలం కూడా వెలుగులోకి రావడంతో కేసులో కీలక పరిణామం చోటుచేసుకుంది. ఇప్పటివరకు ముగ్గురు ప్రత్యక్ష సాక్షులు పోలీసులకు వాంగ్మూలం ఇచ్చినట్లు దర్యాప్తు వర్గాలు తెలిపాయి. దీంతో కేతన్‌ మృతి వెనుక అసలు ఏం జరిగిందన్న దానిపై దర్యాప్తు మరింత కీలక దశకు చేరుకుంది.ఇదీ చదవండి: బోరుబావి నుంచి బయటకు తీసేలోపే..

మూడు రోజుల పాటు జరగాల్సిన బ్యాంకు సమ్మె వాయిదా పడటంతో ఖాతాదారులు ఊపిరి పీల్చుకున్నారు. అయితే సమ్మె వాయిదా చర్చల్లో మరో అంశం తెరపైకి వచ్చింది. బ్యాంకులకు ఐదు రోజుల పని విధానం అమల్లోకి వస్తే.. ప్రస్తుతం పనిచేస్తున్న శనివారాలు కూడా సెలవులుగా మారనున్నాయి. దీంతో ఇప్పటికే బ్యాంకింగ్‌ వ్యవస్థపై ఓ రకమైన అభిప్రాయంతో ఉన్న ఖాతాదారుడికి మరింత అసహనం పెరుగుతోంది. ‘నెలలో రెండు శనివారాలు సెలవే కదా.. మిగిలిన రోజుల్లో బంద్‌ ఉంటే మా పరిస్థితి ఏంటి? అని ప్రశ్నిస్తున్నాడు..ప్రస్తుతం ప్రతి నెలా రెండో, నాలుగో శనివారాలు బ్యాంకులకు అధికారికంగా సెలవు ఉంటోంది. మొదటి, మూడో, ఒక్కోసారి ఐదో శనివారాల్లో శాఖలు పనిచేస్తున్నాయి. వారంలో ఐదు రోజుల బ్యాంకింగ్‌ విధానం అమలైతే ఈ శనివారాలు కూడా సెలవే కానుంది. అంటే.. నెలలో అన్ని శనివారాల్లోనూ బ్యాంకు బ్రాంచ్‌ తలుపులు మూసే పరిస్థితి. ప్రస్తుతానికి దీనిపైనే చర్చించేందుకు ఐబీఏ, యూఎఫ్‌బీయూ ప్రతినిధులతో ఉన్నతస్థాయి కమిటీ ఏర్పాటు చేయాలని నిర్ణయించారు.ఆరోజే సమయం ఉన్నవారికి?ఉద్యోగులు, వ్యాపారులు.. ఇలా వారంలో మిగిలిన రోజుల్లో పని ఒత్తిడి ఉండేవారికి శనివారం బ్యాంకు పనులు చక్కబెట్టుకోవడం సౌకర్యంగా ఉంటుంది. ఖాతాలో మార్పులు, కేవైసీ, డాక్యుమెంటేషన్‌, నగదు లావాదేవీలు, రుణాలకు సంబంధించిన కొన్ని పనులు వంటి వాటి కోసం బ్రాంచ్‌కు వెళ్లాల్సి వస్తే.. పనిచేసే శనివారం వారికి మరో అవకాశం.ఇప్పుడు ఆ అవకాశం కూడా లేకపోతే? బ్యాంకు పని కోసం సెలవు పెట్టుకోవాలి.. లేదంటే మరో పని రోజు దొరికే వరకు ఆగాలి. ఇప్పటికే బ్రాంచ్‌ పని వేళలు, కౌంటర్‌ సమయాలు, రద్దీ కారణంగా బ్యాంకు పనులు చక్కబెట్టుకోవడం కష్టంగా ఉంటే.. పనిచేసే శనివారం కూడా అందుబాటులో లేకపోవడం ఖాతాదారులకు అదనపు ఇబ్బందే. ముఖ్యంగా ఉద్యోగులు, వ్యాపారులు, రోజువారీ పనుల్లో బిజీగా ఉండేవారికి శనివారం దొరికే ఆ ఒక్క అవకాశం కూడా కీలకమే.అక్కడ మరింత ఘోరం!ముఖ్యంగా గ్రామీణ ప్రాంతాల్లో ఈ ప్రభావం మరింత ఎక్కువగా ఉండొచ్చు. పట్టణాలు, నగరాలతో పోలిస్తే అక్కడ బ్యాంకింగ్‌ శాఖలు, సిబ్బంది, ప్రత్యామ్నాయ సేవల అందుబాటు పరిమితంగా ఉండే ప్రాంతాలు ఉన్నాయి. దీంతో బ్రాంచ్‌కు వెళ్లాల్సిన పనుల కోసం అందుబాటులో ఉన్న పని రోజుల్లోనే సమయం కేటాయించడం కస్టమర్లకు మరింత కష్టంగా మారొచ్చు. దూర ప్రాంతాల నుంచి బ్యాంకుకు వచ్చే వారికి శనివారం లభించే అదనపు అవకాశం పోతే.. తదుపరి పని రోజు వరకు వేచి చూడాల్సిన పరిస్థితి రావొచ్చు.డిజిటల్‌ బ్యాంకింగ్‌ ఉన్నా..యూపీఐ, మొబైల్‌, ఇంటర్నెట్‌ బ్యాంకింగ్‌, ఏటీఎం వంటి సేవలు కొనసాగుతాయి. కాబట్టి రోజువారీ డిజిటల్‌ లావాదేవీలకు పెద్దగా అంతరాయం ఉండకపోవచ్చు. కానీ ప్రతి పని మొబైల్‌లోనే పూర్తయ్యే పరిస్థితి లేదు. బ్రాంచ్‌కు తప్పనిసరిగా వెళ్లాల్సిన పనుల విషయంలో మాత్రం కస్టమర్‌కు అందుబాటులో ఉండే ఒక రోజు తగ్గుతుంది.ముఖ్యంగా శనివారం–ఆదివారం వరుసగా సెలవులు ఉండటంతో పాటు మధ్యలో మరో సెలవు వస్తే.. బ్రాంచ్‌ సేవలకు గ్యాప్‌ మరింత పెరగొచ్చు. అత్యవసరంగా బ్రాంచ్‌ సేవ అవసరమైనప్పుడు కస్టమర్లు తదుపరి పని రోజు వరకు వేచి చూడాల్సి రావచ్చు.ఉద్యోగులకు సరే.. కస్టమర్లకు?‘‘మాతో బలవంతంగా ఆదివారం పని చేయిస్తారా? దీనిని ఖండిస్తూ మరోరోజు సమ్మె చేపడతాం’’ అంటూ బ్లాక్‌ సండే పేరిట నిన్న విధులు నిర్వర్తించిన బ్యాంకింగ్‌ ఉద్యోగులు ఇప్పుడు రగిలిపోతున్నారు. మరి ఇలాంటివాళ్లు శనివారాలను సెలవుగా తీసుకున్న తర్వాత.. కస్టమర్ల కోసం ఒక పని రోజులో కాసేపు అదనంగా పనిచేయడానికి సిద్ధమవుతారా? అన్నదే ఇప్పుడు ఖాతాదారుల ప్రశ్న.ఐదు రోజుల బ్యాంకింగ్‌ విధానంతో ఉద్యోగులకు వారానికి రెండు రోజుల సెలవు లభిస్తుంది. అయితే తగ్గే బ్రాంచ్‌ సేవల రోజును కస్టమర్లకు ఎలా భర్తీ చేస్తారన్నదే అసలు విషయం. మిగిలిన రోజుల్లో పని గంటలు పెంచి సేవల లోటును భర్తీ చేస్తామని చెబుతున్నా.. ఇప్పటికే పని రోజుల్లోనే బ్రాంచ్‌ల వద్ద గంటల తరబడి నిరీక్షించాల్సి వస్తున్న పరిస్థితుల్లో మరో రోజు తగ్గితే ఖాతాదారుల కష్టాలు మరింత పెరగొచ్చు. ఉద్యోగుల సౌలభ్యం కోసం ఒక అదనపు సెలవు.. అదే సమయంలో కస్టమర్లకు ఒక పని రోజు తక్కువ. మరి ఈ లెక్కలో ఖాతాదారుడి సౌలభ్యం ఎక్కడ?.ఇదీ చదవండి: భారత్‌కు సరికొత్త సంక్షోభం! ఈసారి..

పంజాబ్‌లోని లవ్లీ ప్రొఫెషనల్‌ యూనివర్సిటీలో రేప్‌ ఆరోపణలు తీవ్ర ఉద్రిక్తతకు దారితీశాయి. ఓ విద్యార్థినిపై లైంగిక దాడి జరిగిందంటూ వచ్చిన ప్రచారంతో విద్యార్థులు ఆందోళనకు దిగారు. క్యాంపస్‌లో విధ్వంసం, పోలీసు వాహనాల ధ్వంసం, జాతీయ రహదారి దిగ్బంధంతో పరిస్థితి అదుపు తప్పింది. ఈ నేపథ్యంలో యూనివర్సిటీ ఓ వీడియో విడుదల చేసింది. అందులో సంబంధిత హాస్టల్‌ గదిలో ఉంటున్న ముగ్గురు విద్యార్థినులు.. ‘మా గదిలో అలాంటి ఘటన ఏదీ జరగలేదు’ అంటూ స్పష్టం చేశారు. అయితే ఆ వీడియో తర్వాత వెలుగులోకి వచ్చిన మరో వీడియోతో వ్యవహారం కొత్త మలుపు తిరిగింది.ఎల్పీయూ గర్ల్స్‌ హాస్టల్‌-3లోని 504వ గదిలో ఉంటున్న ముగ్గురు విద్యార్థినులను యూనివర్సిటీ రిజిస్ట్రార్‌ డాక్టర్‌ మోనికా గులాటి విడుదల చేసిన వీడియోలో చూపించారు. తమ గదిలో గత రెండు నెలలుగా ఉంటున్నామని, అక్కడ ఎలాంటి అఘాయిత్యం జరగలేదని విద్యార్థినులు తెలిపారు. పోలీసులు, ఇతర విద్యార్థులు తమను ఇబ్బంది పెట్టవద్దని కోరారు.అయితే ఆ తర్వాత అదే విద్యార్థినులు మరో వీడియోలో చేసిన వ్యాఖ్యలు కలకలం రేపాయి. యూనివర్సిటీ అధికారులు తమకు ఏం చెప్పాలో ముందుగానే సూచించారని, తాము అదే విషయాలను చెప్పామని వారు ఆరోపించారు. తమ అనుమతి లేకుండానే వీడియోలోని కొంత భాగాన్ని కట్‌ చేసి ఇన్‌స్టాగ్రామ్‌లో పోస్ట్‌ చేశారని చెప్పారు. తమ సమ్మతి తీసుకోలేదని, దాంతో ఇప్పుడు తాము అనవసరమైన వేధింపులు ఎదుర్కొంటున్నామని తెలిపారు.అసలు రచ్చ ఎక్కడ మొదలైంది?మూడు రోజుల క్రితం ఓ మహిళా విద్యార్థినిపై లైంగిక దాడి జరిగిందంటూ వచ్చిన ఆరోపణలతో గర్ల్స్‌ హాస్టల్‌-3 సమీపంలో విద్యార్థుల ఆందోళన మొదలైంది. ఓ ప్లంబర్‌ అత్యాచారానికి పాల్పడ్డాడని, హాస్టల్‌ వార్డెన్‌కు విషయం తెలిసినా చర్యలు తీసుకోలేదని విద్యార్థులు ఆరోపించారు.ఆ విద్యార్థిని అనంతరం ఇంటికి వెళ్లిపోయిందని, ఆమె రూమ్‌మేట్‌ ఇతర విద్యార్థులకు ఆమె ఆత్మహత్య చేసుకున్నట్లు చెప్పిందని కొందరు విద్యార్థులు పేర్కొన్నారు.జలంధర్‌ రేంజ్‌ డీఐజీ నవీన్‌ సింగ్లా మాట్లాడుతూ.. విద్యార్థులు చేసిన ఫిర్యాదు ఆధారంగా పోలీసులు కేసు నమోదు చేశారని తెలిపారు. ఆరోపణల్లో నిజానిజాలు తేల్చేందుకు దర్యాప్తు చేపట్టామని, ఫోరెన్సిక్‌ ఆధారాలు, సీసీటీవీ ఫుటేజీ, కాల్‌ రికార్డులను పరిశీలిస్తామని చెప్పారు.రోడ్డెక్కిన వేలాది మంది..ఆరోపణల నేపథ్యంలో ఆదివారం తెల్లవారుజామున ఆందోళనలు ప్రారంభమయ్యాయి. ఉదయం విద్యార్థులు జలంధర్‌–ఫగ్వారా జాతీయ రహదారి-44ను దిగ్బంధించారు. దీంతో భారీగా ట్రాఫిక్‌ నిలిచిపోయింది. పరిస్థితిని అదుపులోకి తీసుకొచ్చేందుకు పోలీసులు రంగంలోకి దిగడంతో ఉద్రిక్తత మరింత పెరిగింది.పోలీసుల ప్రకారం.. కొందరు ఆందోళనకారులు పోలీసులపై వాటర్‌ బాటిళ్లు విసిరారు. అనంతరం పోలీసులు స్వల్ప లాఠీచార్జి చేశారు. దీంతో ఆందోళనకారులు క్యాంపస్‌లోకి వెళ్లి పోలీసు వాహనాలపై రాళ్లు రువ్వారు. రెండు పోలీసు వాహనాలకు నిప్పంటించగా, మరో నాలుగు నుంచి ఐదు వాహనాలు ధ్వంసమయ్యాయని అధికారులు తెలిపారు. పలువురు పోలీసులకు గాయాలయ్యాయి.ఆరోపణలను ఖండించిన వర్సిటీమరోవైపు లవ్లీ ప్రొఫెషనల్‌ యూనివర్సిటీ మాత్రం క్యాంపస్‌లో రేప్‌ జరిగినట్లు వచ్చిన ఆరోపణలను ఖండించింది. సోషల్‌ మీడియాలో ప్రచారం జరుగుతున్నవన్నీ తప్పుడు, నిరాధార, కల్పిత పుకార్లని రిజిస్ట్రార్‌ మోనికా గులాటి పేర్కొన్నారు.కొంతమంది ఉద్దేశపూర్వకంగా యూనివర్సిటీ ప్రతిష్టను దెబ్బతీసేందుకు ఈ ప్రచారం చేస్తున్నారని ఆరోపించారు. విద్యార్థులు, తల్లిదండ్రులు ధృవీకరించని సమాచారాన్ని నమ్మవద్దని, ఆందోళనలకు దూరంగా ఉండాలని యూనివర్సిటీ సూచించింది.కేసు నమోదు.. SIT దర్యాప్తుఈ వ్యవహారంపై ఫిర్యాదు అందడంతో ఓ అనుమానితుడిపై ఎఫ్‌ఐఆర్‌ నమోదు చేసినట్లు పోలీసులు తెలిపారు. ప్రత్యేక దర్యాప్తు బృందాన్ని (SIT) ఏర్పాటు చేశారు. ఆరోపణలకు సంబంధించిన ఆధారాలను పరిశీలించిన తర్వాతే వాస్తవాలు వెల్లడవుతాయని అధికారులు స్పష్టం చేశారు.ఇదిలా ఉండగా.. సుమారు 15 రోజుల క్రితం తెలంగాణకు చెందిన ఓ విద్యార్థిని ఆత్మహత్య చేసుకున్నట్లు డీఐజీ వెల్లడించారు. ఈ ఘటనకు సంబంధించి విద్యార్థులు చేస్తున్న ఆరోపణల్లో వాస్తవం తేలితే చర్యలు తీసుకుంటామని పోలీసులు తెలిపారు.పది రోజులు క్లాసులు బంద్‌క్యాంపస్‌లో నెలకొన్న ఉద్రిక్త పరిస్థితుల నేపథ్యంలో సెప్టెంబర్‌ 28 నుంచి 10 రోజుల పాటు రెగ్యులర్‌ తరగతులను నిలిపివేస్తున్నట్లు వర్సిటీ ప్రకటించింది. మిడ్‌టర్మ్‌ పరీక్షలను కూడా తదుపరి ఆదేశాలు వచ్చే వరకు వాయిదా వేసింది.విద్యార్థులు తల్లిదండ్రులతో మాట్లాడి తమ స్వస్థలాలకు వెళ్లవచ్చని యూనివర్సిటీ తెలిపింది. క్యాంపస్‌లోనే ఉండేవారు హాస్టళ్లలోనే ఉండాలని, అనవసరంగా బయటకు రావద్దని సూచించింది.ఇదీ చదవండి: ఇదేం అరకోర చర్యలు సర్‌?

మన్మోహన్‌ సింగ్‌ పేరు వినగానే చాలామందికి గుర్తొచ్చేది.. నిశ్శబ్దంగా మాట్లాడే మాజీ ప్రధాని. కానీ నేటి జెన్‌జీకి ఆయన అంతకంటే ఎక్కువ. చేతిలో ఉన్న స్మార్ట్‌ఫోన్‌ నుంచి ఇంటర్నెట్‌ వరకు.. స్టార్టప్‌ల నుంచి విదేశీ కంపెనీల ఉద్యోగాల వరకు.. భారత ఆర్థిక వ్యవస్థలో మూడు దశాబ్దాలుగా కనిపిస్తున్న ఎన్నో మార్పుల వెనుక ఆయన ఆలోచనల ముద్ర కనిపిస్తుంది.ఒక్కసారి 1991కి వెళ్దాం. అప్పట్లో దేశం తీవ్ర ఆర్థిక ఇబ్బందుల్లో ఉంది. విదేశీ మారక నిల్వలు పడిపోయాయి. దేశం తన అవసరాలకు కావాల్సిన వస్తువులను కొనుక్కోవడానికే ఇబ్బంది పడే పరిస్థితి. ఆ సమయంలో పీవీ నరసింహారావు ప్రధానిగా, మన్మోహన్‌ సింగ్‌ ఆర్థిక మంత్రిగా బాధ్యతలు చేపట్టారు. ఆర్థిక వ్యవస్థలో పెద్ద మార్పులకు శ్రీకారం చుట్టారు. దిగుమతులు, పెట్టుబడులు, పరిశ్రమలు, ప్రైవేట్‌ రంగంపై ఉన్న అనేక ఆంక్షలను క్రమంగా సడలించారు. భారత ఆర్థిక వ్యవస్థను ప్రపంచంతో మరింతగా అనుసంధానం చేసే దిశగా అడుగులు వేశారు.ఆ మార్పులు అంటే అప్పట్లో సామాన్యుడికి వెంటనే అర్థమయ్యే విషయం కాదు. కానీ వాటి ప్రభావం క్రమంగా కనిపించింది. విదేశీ కంపెనీలకు భారత మార్కెట్‌ తెరుచుకుంది. ప్రైవేట్‌ రంగానికి అవకాశాలు పెరిగాయి. పోటీ పెరిగింది. కొత్త పరిశ్రమలు, కొత్త సేవలు వచ్చాయి. తర్వాతి సంవత్సరాల్లో ఐటీ రంగం వేగంగా విస్తరించడానికి కూడా ఈ మారిన ఆర్థిక వాతావరణం ఒక నేపథ్యంగా నిలిచింది.ఇప్పుడు 2026. దేశ ఆర్థిక వ్యవస్థ గురించి మాట్లాడితే జీడీపీ వృద్ధి బలంగానే కనిపిస్తోంది. ప్రపంచ బ్యాంకు ప్రకారం 2025–26లో భారత ఆర్థిక వృద్ధి 7.6 శాతంగా నమోదైంది. కానీ, వచ్చే ఆర్థిక సంవత్సరంలో ప్రపంచ పరిస్థితులు, ముఖ్యంగా ఇంధన ధరలు, భౌగోళిక ఉద్రిక్తతల ప్రభావంతో వృద్ధి 6.6 శాతానికి తగ్గొచ్చని అంచనా వేసింది. అయితే జెన్‌జీ ప్రశ్న మాత్రం జీడీపీ దగ్గర ఆగిపోదు.మరి నాకు మంచి ఉద్యోగం ఎప్పుడు?ఇదే అసలు ప్రశ్న. ఇటీవలి ఆర్థిక విశ్లేషణల్లోనూ ఇదే అంశం ప్రధానంగా కనిపిస్తోంది. ఐఎంఎఫ్‌ తాజా విశ్లేషణ ప్రకారం భారత వృద్ధికి ఉద్యోగాలు, ఉత్పాదకత, నైపుణ్యాల మధ్య ఉన్న అంతరం పెద్ద సవాలుగా మారింది. కోట్లాది మంది యువత ఉద్యోగ మార్కెట్లోకి వస్తున్న సమయంలో.. జీడీపీ పెరగడం కంటే వారికి స్థిరమైన, మంచి ఆదాయం ఇచ్చే ఉద్యోగాలు ఎంత వస్తున్నాయన్నదే కీలకం.ఇక్కడే మన్మోహన్‌ మళ్లీ జెన్‌జీ జేబులోకిఎందుకంటే ఆయన కాలంలో మొదలైన ఆర్థిక మార్పులు “ప్రపంచంతో పోటీ పడే భారత్‌” అనే దిశను బలపరిచాయి. నేడు ఒక చిన్న పట్టణంలో ఉన్న యువకుడు విదేశీ కంపెనీలో ఉద్యోగానికి దరఖాస్తు చేయగలగడం, ఇంటి నుంచే ఆన్‌లైన్‌ సేవలు అందించడం, యాప్‌ ద్వారా వ్యాపారం మొదలుపెట్టడం, ప్రపంచ మార్కెట్‌ గురించి తెలుసుకోవడం.. ఇవన్నీ ఒక్కరోజులో వచ్చిన మార్పులు కావు. మూడు దశాబ్దాలుగా భారత ఆర్థిక వ్యవస్థలో జరిగిన మార్పుల ఫలితంగా ఏర్పడిన అవకాశాల గొలుసులో ఇవి భాగం. అయితే కథ ఇక్కడితో పూర్తికాదు. అప్పట్లో భారతదేశాన్ని ప్రపంచ ఆర్థిక వ్యవస్థతో కలపడం పెద్ద సవాలు అయితే.. ఇప్పుడు ఆ వృద్ధి ఫలాలను ఎక్కువ మందికి చేరేలా చేయడం మరో పెద్ద సవాలు. ముఖ్యంగా యువతకు ఉద్యోగాలు, చిన్న వ్యాపారాలకు అవకాశాలు, మహిళలకు ఉపాధి, నైపుణ్యాలకు తగ్గ పనులు రావాల్సి ఉంది. ఉద్యోగ కల్పన కోసం ప్రైవేట్‌ రంగ పెట్టుబడులను పెంచే సంస్కరణలపై ప్రపంచ బ్యాంకు కూడా దృష్టి పెట్టింది. అప్పట్లో మన్మోహన్‌ సింగ్‌ ముందున్న ప్రశ్న.. “భారత ఆర్థిక వ్యవస్థను ఎలా కాపాడాలి?”ఇప్పుడు జెన్‌జీ ముందున్న ప్రశ్న.. “ఈ ఆర్థిక వృద్ధిలో నా భవిష్యత్తు ఎక్కడ?”మన్మోహన్‌ సింగ్‌ జయంతి రోజున ఆయనను గుర్తు చేసుకోవడం అంటే కేవలం ఓ మాజీ ప్రధానికి, గొప్ప ఆర్థికవేత్తగా గుర్తుంచుకుని నివాళి ఇవ్వడం కాదు.. నేటి భారత ఆర్థిక వ్యవస్థ ఎలా ఇక్కడికి వచ్చిందో గుర్తు చేసుకోవడం కూడా.:::వెబ్‌ డెస్క్‌ ప్రత్యేకం

కేంద్ర ఎన్నికల సంఘం వ్యవహారం.. ప్రతిపక్షాలను ఏకతాటిపైకి తెస్తోంది. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలన్న డిమాండ్‌తో ఆ పార్టీలు గళం వినిపిస్తున్నాయి. ఈ తరుణంలో పశ్చిమ బెంగాల్‌లో ఆసక్తికర పరిణామం చోటుచేసుకుంది. రాజకీయంగా బద్ధ విరోధులైన టీఎంసీ, వామపక్షాలు సీఈసీ విషయంలో ఒక్కతాటిపైకి వస్తున్న వేళ.. ఆ రాష్ట్ర అధికార పార్టీ మాత్రం జ్ఞానేశ్‌ కుమార్‌కు పద్మ అవార్డు ఇవ్వడం సరైందని అంటోంది. పశ్చిమ బెంగాల్‌ బీజేపీ అధ్యక్షుడు సమిక్‌ భట్టాచార్య సీఈసీ జ్ఞానేశ్‌ కుమార్‌కు మద్దతుగా నిలిచారు. బెంగాల్‌లో ప్రశాంతంగా అసెంబ్లీ ఎన్నికలు నిర్వహించడంతోపాటు ఓటర్ల జాబితా ప్రక్షాళనకు చర్యలు తీసుకున్నందుకు ఆయనకు కనీసం పద్మ భూషణ్‌ పురస్కారం ఇవ్వాలని కోరారు. ఎన్నికల సమయంలో ప్రజలను భయపెట్టే ఘటనలు లేకుండా స్వేచ్ఛగా ఓటు వేసే పరిస్థితి కల్పించడంలో జ్ఞానేశ్‌ కుమార్‌ కీలక పాత్ర పోషించారని అన్నారు. గతంలో రాష్ట్రంలో ఇలాంటి ప్రశాంతమైన ఎన్నికలను ప్రజలు అరుదుగా చూశారని పేర్కొన్నారు. జ్ఞానేశ్‌ కుమార్‌కు బెంగాల్‌ ప్రజల ఆశీస్సులు ఉన్నాయని వ్యాఖ్యానించారు.అక్రమంగా దేశంలోకి వచ్చిన బంగ్లాదేశీయుల పేర్లను పశ్చిమ బెంగాల్‌లో ఓటర్ల జాబితా నుంచి తొలగించేందుకు జ్ఞానేశ్‌ కుమార్‌ చర్యలు తీసుకున్నారని సమిక్‌ భట్టాచార్య పేర్కొన్నారు. ఎస్‌ఐఆర్‌ (స్పెషల్‌ ఇంటెన్సివ్‌ రివిజన్‌) ప్రక్రియను ప్రస్తావిస్తూ.. ఓటర్ల జాబితాను ‘ప్రక్షాళన’ చేయడంలో సీఈసీ కీలకంగా వ్యవహరించారని అన్నారు. మరోవైపు ఆగ్రహంజ్ఞానేశ్‌ కుమార్‌కు బీజేపీ నేత మద్దతు ప్రకటించిన సమయంలోనే.. మరోవైపు ఎన్నికల సంఘం పనితీరుపై ప్రతిపక్షాల విమర్శలు కొనసాగుతున్నాయి. సీఈసీ పోస్టుకు జ్ఞానేశ్‌ కుమార్‌ రాజీనామా చేయాలని ప్రతిపక్షాలు డిమాండ్‌ చేస్తున్నాయి. ఎస్‌ఐఆర్‌ ప్రక్రియకు సంబంధించిన కొన్ని నిర్ణయాలు తమకు తెలియకుండానే తమ పేర్లతో తీసుకున్నారంటూ ఇద్దరు ఎన్నికల కమిషనర్లు అభ్యంతరం వ్యక్తం చేసినట్లు వచ్చిన నివేదికలు ఈ వివాదాన్ని మరింత తీవ్రం చేశాయి.జ్ఞానేశ్‌ కుమార్‌ రాజీనామా చేయాలని కాంగ్రెస్‌ సహా పలు ప్రతిపక్ష పార్టీలు డిమాండ్‌ చేస్తున్నాయి. కాంగ్రెస్‌ దేశవ్యాప్తంగా నిరసనలు చేపట్టగా.. జ్ఞానేశ్‌ కుమార్‌ పదవి నుంచి తప్పుకోవాలని సీపీజే డెడ్‌లైన్‌ ఇవాళ్టితో ముగియనుంది. అయితే ఎన్నికల కమిషన్‌లో భిన్నాభిప్రాయాలు వ్యక్తమవడం అంటే ఆ సంస్థ ప్రజాస్వామ్య పద్ధతిలో పనిచేస్తోందనడానికి నిదర్శనమని బీజేపీ జాతీయ అధికార ప్రతినిధి సంబిత్‌ పాత్ర అంటున్నారు.సుప్రీంకోర్టులోనూ పిటిషన్‌కేంద్ర ఎన్నికల సంఘం తాజా పరిణామాలపై ఇప్పటికే సుప్రీం కోర్టులో ఓ పిటిషన్‌ దాఖలైంది. సోమవారం అది విచారణకు వచ్చే అవకాశం ఉంది. ఈ పరిణామాల మధ్యే.. జ్ఞానేశ్‌ కుమార్‌ను పదవి నుంచి తప్పుకోవాలని ప్రతిపక్షాలు డిమాండ్‌ చేస్తుండగా, ఇటు అధికార బీజేపీ మాత్రం మద్దతుగా నిలుస్తోంది.ఇదీ చదవండి: ఆయనకు ఢిల్లీని ఏలే సీన్‌ ఉందా?

సోషల్‌ మీడియాలో లైక్స్‌, వ్యూస్‌ కోసం కొందరు హద్దులు దాటుతుంటారు. హోం టూర్‌ అంటూ ఇంటిని మొత్తం చూపించడమే కాకుండా.. అందులో ఉన్న బంగారం, నగదు, ఖరీదైన వస్తువులను సైతం కెమెరాకు ప్రదర్శిస్తుంటారు. తమ ఇంట్లో ఏముంది? ఎంత విలువైన వస్తువులున్నాయి? అనే విషయాలను తెలియకుండానే బహిరంగంగా చెప్పేస్తుంటారు. అలాంటి వారికి ఈ ఘటన ఓ గట్టి హెచ్చరిక తెలియజేస్తోంది.తమిళనాడులోని ఓ యూట్యూబర్‌ దంపతుల ఇంట్లో భారీ చోరీ జరిగింది. ఏకంగా 118 సవర్ల (944 గ్రాములు) బంగారు ఆభరణాలు, వజ్రాభరణాలు, నగదు అపహరణకు గురయ్యాయి. వాటి విలువ దాదాపుగా కోటి రూపాయల దాకా ఉన్నట్లు తెలుస్తోంది. సోషల్‌ మీడియా ఫాలోయింగ్‌ కోణంలోనూ పోలీసులు ఈ కేసు దర్యాప్తు చేస్తుండడం గమనార్హం.కన్యాకుమారి జిల్లా నాగర్‌కోయిల్‌ సమీపంలోని తమ్మట్టుకొణం వీఐపీ గార్డెన్‌లో వ్యాపారి కమ్‌ యూట్యూబర్‌ వినోద్‌కుమార్‌, యూట్యూబర్‌ మధుమిత దంపతులు నివసిస్తున్నారు. గురువారం సాయంత్రం కుటుంబంతో కలిసి బయటకు వెళ్లిన వారు రాత్రి ఇంటికి తిరిగి వచ్చేసరికి వెనుక తలుపు పగులగొట్టి ఉండటాన్ని గుర్తించారు. లోపలికి వెళ్లి చూడగా బెడ్‌రూమ్‌లోని బీరువా కూడా పగలకొట్టి ఉంది. అందులో ఉంచిన బంగారం, వజ్రాభరణాలు, నగదు కనిపించలేదు.రీల్స్‌లో అంతా కనిపించేలా..మధుమిత సోషల్‌ మీడియాలో బంగారు ఆభరణాలు, నగదు కట్టలను ప్రదర్శిస్తూ పలు వీడియోలు పోస్ట్‌ చేశారు. పూజా గదిలో, ఇంట్లో నగదు, బంగారం చూపించడం.. చిన్నారిపై నోట్లను చల్లడం వంటి దృశ్యాలు కూడా వీడియోల్లో ఉన్నాయి. అంతేకాదు, కుటుంబం ఎక్కడికి వెళ్తోంది, బంగారం కొనుగోలు చేస్తున్న విషయాలను కూడా సోషల్‌ మీడియాలో పంచుకుంటూ వచ్చారు.Kanyakumari influencer Madhumitha showed off her gold jewellery and cash in her reels.“Look how much gold I buy every month.”Now, thieves have reportedly broken into her house and escaped with 118 sovereigns of gold worth nearly ₹1 crore, along with cash.…— Oxomiya Jiyori 🇮🇳 (@SouleFacts) September 26, 2026పోస్టులే క్లూ ఇస్తాయా?చోరీపై రాజాక్కమంగళం పోలీసులు కేసు నమోదు చేసి దర్యాప్తు చేస్తున్నారు. ఇంటి వెనుక తలుపు కట్టింగ్‌ మెషీన్‌తో తెరిచి దొంగలు లోపలికి ప్రవేశించినట్లు ప్రాథమిక దర్యాప్తులో తేలింది. ఇంటి వద్ద, పరిసర ప్రాంతాల్లోని సీసీటీవీ ఫుటేజీని పోలీసులు పరిశీలిస్తున్నారు. ఫోన్‌ కాల్‌ రికార్డులు, దొంగల కదలికలపైనా దృష్టి పెట్టారు. ఈ కేసు దర్యాప్తు కోసం ఐదు ప్రత్యేక బృందాలను ఏర్పాటు చేసినట్లు తెలుస్తోంది.ఇదీ చదండి: వామ్మో.. పది వేల కోట్ల పరిహారమా తల్లి?

ఒకవైపు ఆకాశమంతా దట్టమైన మేఘాలు.. మరోవైపు అసలు మేఘాల జాడే కనిపించని ప్రాంతాలు! ఎందుకిలా ఉందని అనుకుంటున్న వేళ.. మరో అసాధారణ దృశ్యం కళ్లముందుకొచ్చింది. అంతరిక్షం నుంచి చూస్తే మన దేశాన్ని రెండుగా చీల్చినట్లుగా భారీ మేఘాలు కనిపించాయి. ఈ అద్భుత దృశ్యాన్ని భారత అంతరిక్ష పరిశోధన సంస్థ (ఇస్రో)కు చెందిన ఇన్‌శాట్‌-3డీఎస్‌ వాతావరణ ఉపగ్రహం తన కెమెరాలో బంధించింది.అంతరిక్షం నుంచి భారత్‌ను చూస్తే వాతావరణం రెండు భాగాలుగా విడిపోయినట్లుగా కనిపిస్తోంది. తూర్పు, ఈశాన్య, దక్షిణ భారత ప్రాంతాలపై దట్టమైన మేఘాలు కమ్ముకోగా.. పశ్చిమ, వాయవ్య భారత్‌ మాత్రం చాలావరకు మేఘరహితంగా కనిపించింది. సెప్టెంబర్‌ 25న ఇన్‌శాట్‌-3డీఎస్‌ తీసిన చిత్రంలో బంగాళాఖాతం నుంచి తూర్పు, ఈశాన్య భారత్‌ మీదుగా విస్తరించిన భారీ మేఘ సమూహం స్పష్టంగా కనిపించింది. దక్షిణ ద్వీపకల్పం, దానికి ఆనుకుని ఉన్న సముద్ర ప్రాంతాల్లోనూ మేఘాల పొరలు ఉన్నాయి. దీనికి పూర్తి భిన్నంగా పశ్చిమ, వాయవ్య ప్రాంతాల్లో ఆకాశం చాలావరకు నిర్మలంగా కనిపించింది.ఉపగ్రహం 10.83 మైక్రోమీటర్ల తరంగదైర్ఘ్యంలోని థర్మల్‌ ఇన్‌ఫ్రారెడ్‌ ఛానల్‌ ద్వారా ఈ చిత్రాన్ని తీసింది. ఈ సాంకేతికతతో పగలు, రాత్రి అనే తేడా లేకుండా మేఘాల కదలికలు, విస్తరణను వాతావరణ నిపుణులు పరిశీలించగలరు.అసలు కారణం ఏంటంటే..ప్రస్తుతం నైరుతి రుతుపవనాలు తిరోగమన దశలోకి ప్రవేశిస్తున్నాయి. అదే సమయంలో బంగాళాఖాతం, మధ్య భారత ప్రాంతాల్లో ఏర్పడుతున్న వాతావరణ వ్యవస్థలు వర్షాలను ప్రభావితం చేస్తున్నాయి. తూర్పు, ఈశాన్య భారత్‌పై కనిపిస్తున్న దట్టమైన మేఘాలకు తేమతో కూడిన గాలులు, అల్పపీడన వ్యవస్థలు, ఇతర వాతావరణ పరిణామాలు కారణమై ఉండొచ్చని నిపుణుల అంచనా.ఇదే మేఘాలు.. జపాన్‌ దాకా!ఇదిలా ఉండగా.. మరో తాజా ఉపగ్రహ చిత్రంలో భారత్‌ నుంచి జపాన్‌ వరకు విస్తరించిన భారీ మేఘాల పట్టీ కనిపించింది. తూర్పు, ఈశాన్య భారత్‌ నుంచి ప్రారంభమైన మేఘ సమూహాలు హిమాలయ ప్రాంతం, చైనా మీదుగా కొరియా ద్వీపకల్పం, జపాన్‌ వైపు విస్తరించినట్లు చిత్రాల్లో కనిపిస్తోంది.బంగాళాఖాతం, తూర్పు భారత్‌ ప్రాంతాల్లో తేమతో కూడిన గాలులు భారీగా మేఘాలను ఏర్పరుస్తున్నాయి. ఆ తర్వాత ఉత్తరం వైపు చైనా దిశగా విస్తరించిన మేఘాల పట్టీ.. తూర్పు ఆసియా వరకు కొనసాగుతున్నట్లు కనిపించింది. అందుకే ఈ భారీ మేఘ సమూహాన్ని ‘క్లౌడ్‌ హైవే’గా అభివర్ణిస్తున్నారు.మరోసారి రుతుపవనాల జోరుప్రస్తుతం దక్షిణ ఛత్తీస్‌గఢ్‌, దానికి ఆనుకుని ఉన్న ఒడిశా ప్రాంతంలో ఏర్పడిన అల్పపీడన వ్యవస్థ ఉత్తర వాయవ్య దిశగా కదులుతోంది. దీని ప్రభావంతో మధ్య, తూర్పు భారతంలో విస్తృతంగా వర్షాలు కురిసే అవకాశం ఉంది. సెప్టెంబర్‌ 26, 27 తేదీల్లో ఉత్తరాఖండ్‌లో విస్తారంగా వర్షాలు, కొన్ని ప్రాంతాల్లో భారీ వర్షాలు కురిసే అవకాశం ఉందని వాతావరణ శాఖ అంచనా వేసింది. ఉత్తరప్రదేశ్‌లోనూ వర్షాలు పడే అవకాశముంది.దీనికి పశ్చిమ గాలుల వ్యవస్థ (వెస్ట్రన్‌ డిస్టర్బెన్స్‌) తోడైతే హిమాలయాల దిగువ ప్రాంతాల్లో వర్షాలు మరింత పెరిగే అవకాశం ఉంది. దీంతో కొండచరియలు విరిగిపడటం, ఆకస్మిక వరదలు, రహదారులపై అంతరాయాలు ఏర్పడే ప్రమాదం ఉందని వాతావరణ శాఖ హెచ్చరిస్తోంది.నైరుతి రుతుపవనాల తిరోగమనం ప్రారంభమైనప్పటికీ.. వాతావరణ వ్యవస్థల ప్రభావంతో మరోసారి భారీ మేఘాలు, వర్షాలు దేశంలోని పలు ప్రాంతాలను పలకరిస్తున్నాయి. అంతరిక్షం నుంచి తీసిన ఈ చిత్రాలు మాత్రం భారత్‌లోని వాతావరణ వైవిధ్యాన్ని, ఆసియా స్థాయిలో మేఘాల విస్తరణను ఒక్కసారిగా కళ్లముందు ఉంచుతున్నాయి.ఇదీ చదవండి: ఉప ఎన్నికల వేళ.. విజయ్‌ కామెంట్లకు అర్థమేంటి?

కేంద్ర ఎన్నికల ప్రధాన కమిషనర్‌ జ్ఞానేశ్‌ కుమార్‌ చుట్టూ ఇప్పటికే వివాదం కొనసాగుతున్న వేళ.. ఆయన కుమార్తె మేధా రూపమ్‌ కూడా ఇప్పుడు వివాదంలో చిక్కుకున్నారు. ఆమె దాఖలు చేసిన ఓ పిటిషన్‌ సుప్రీంకోర్టులో ఏ బెంచ్‌ ముందు, ఎలా లిస్ట్‌ అయిందన్న దానిపై లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ అభ్యంతరాలు వ్యక్తం చేసింది. అంతేకాదు.. విచారణ మధ్యలో వర్చువల్‌ కోర్టు ఆడియోను మ్యూట్‌ చేయడంపైనా ప్రశ్నలు లేవనెత్తింది. ఈ అంశాలపై సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌కు సంఘం ఓ లేఖ రాసింది. ఈ వివాదం నోయిడాలో కార్మికుల ఆందోళనకు సంబంధించినది. ఏప్రిల్‌లో జరిగిన కార్మికుల నిరసన నేపథ్యంలో ఢిల్లీ యూనివర్సిటీ విద్యార్థిని, కార్యకర్త ఆకృతి చౌదరిని జాతీయ భద్రతా చట్టం (ఎన్‌ఎస్‌ఏ) కింద నిర్బంధించారు. దీనిపై ఆమె అలహాబాద్‌ హైకోర్టును ఆశ్రయించారు. సెప్టెంబర్‌ 2న విచారణ జరిపిన హైకోర్టు.. ఆకృతి చౌదరి నిర్బంధాన్ని రద్దు చేసింది. ఆమెకు రూ.5 లక్షల పరిహారం చెల్లించాలని, ఆ మొత్తాన్ని నిర్బంధ ప్రక్రియలో భాగమైన అధికారుల జీతాల నుంచి వసూలు చేయాలని ఆదేశించింది. అందులో నోయిడా జిల్లా మేజిస్ట్రేట్‌(ఐఏఎస్‌) మేధా రూపమ్‌ కూడా ఉన్నారు. ఆమె సీఈసీ జ్ఞానేశ్‌ కుమార్‌ కూతురు. అంతేకాదు నోయిడాకు తొలి మహిళా మెజిస్ట్రేట్‌ కూడా.హైకోర్టు తన తీర్పులో నోయిడా యంత్రాంగం వ్యవహరించిన తీరుపై తీవ్ర వ్యాఖ్యలు చేసింది. ఎన్‌ఎస్‌ఏ వంటి కఠిన చట్టాన్ని ప్రయోగించే ముందు సంబంధిత రికార్డులను అధికారులు జాగ్రత్తగా పరిశీలించాల్సి ఉందని పేర్కొంది. ఈ నేపథ్యంలోనే మేధా రూపమ్‌ హైకోర్టు తీర్పును సవాలు చేస్తూ సుప్రీంకోర్టును ఆశ్రయించారు.అక్కడే కొత్త ప్రశ్నలుహైకోర్టు తీర్పులో తనపై చేసిన వ్యాఖ్యలు, రూ.5 లక్షల పరిహారాన్ని తన జీతం నుంచి వసూలు చేయాలన్న ఆదేశాలను సవాలు చేస్తూ మేధా రూపమ్‌ పిటిషన్‌ దాఖలు చేశారు. ఉత్తరప్రదేశ్‌ ప్రభుత్వం కూడా హైకోర్టు తీర్పును సవాలు చేసింది. సెప్టెంబర్‌ 23న జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ఈ వ్యవహారాన్ని విచారించింది. మేధా రూపమ్‌ తరఫున సొలిసిటర్‌ జనరల్‌ తుషార్‌ మెహతా వాదించగా.. యూపీ ప్రభుత్వం తరఫున సీనియర్‌ న్యాయవాది ముకుల్‌ రోహత్గీ హాజరయ్యారు.అయితే విచారణ జరుగుతుండగానే వర్చువల్‌ కోర్టు ఆడియోను మ్యూట్‌ చేశారు. అనంతరం వర్చువల్‌ యాక్సెస్‌ను కూడా మూసివేశారు. దీంతో విచారణలోని కొంత భాగాన్ని మీడియా వినలేని పరిస్థితి ఏర్పడింది. ఈ అంశమే ఇప్పుడు లాయర్ల సంఘం అభ్యంతరాల్లో కీలకంగా మారింది. ఆ బెంచ్‌ ముందే ఎందుకు?ఇక మేధా రూపమ్‌ పిటిషన్‌ లిస్టింగ్‌పైనే లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ ప్రధాన ప్రశ్నలు లేవనెత్తింది. జూలై 13 నుంచి అమల్లో ఉన్న సుప్రీంకోర్టు రోస్టర్‌ ప్రకారం.. నిర్బంధం, హెబియస్‌ కార్పస్‌ వంటి అంశాలు వేరే బెంచ్‌ల పరిధిలో ఉన్నాయని సంఘం పేర్కొంది. ఇదే కార్మికుల ఆందోళనకు సంబంధించిన ఇతర నిర్బంధ కేసులు జస్టిస్‌ బీవీ నాగరత్న నేతృత్వంలోని బెంచ్‌ ముందు పెండింగ్‌లో ఉన్నాయని తెలిపింది. అయినప్పటికీ మేధా రూపమ్‌ పిటిషన్‌ అనూహ్యంగా జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ముందు ఎలా లిస్ట్‌ అయిందని ప్రశ్నించింది. దీనిని ‘ఔట్‌ ఆఫ్‌ టర్న్‌’ లిస్టింగ్‌గా పేర్కొంటూ.. కేసును ప్రత్యేకంగా ఒక బెంచ్‌కు కేటాయించారా? అనే సందేహాన్ని సంఘం వ్యక్తం చేసింది. మేధా రూపమ్‌ సీఈసీ జ్ఞానేశ్‌ కుమార్‌ కుమార్తె కావడంతో.. ఈ వ్యవహారంపై మరింత పారదర్శకత అవసరమని పేర్కొంటూ సీజేఐ జస్టిస్‌ సూర్యకాంత్‌కు లేఖ రాసింది. స్టే విషయంలోనూ గందరగోళమే!ఈ కేసులో సెప్టెంబర్‌ 23న సుప్రీంకోర్టు ఇచ్చిన మధ్యంతర ఆదేశంపైనా తొలుత కొంత గందరగోళం నెలకొంది. అనంతరం సెప్టెంబర్‌ 24న కోర్టు తన ఆదేశాన్ని సవరించింది. ఆకృతి చౌదరి ఎన్‌ఎస్‌ఏ నిర్బంధాన్ని రద్దు చేసిన అలహాబాద్‌ హైకోర్టు నిర్ణయంపై స్టే లేదని స్పష్టం చేసింది. మేధా రూపమ్‌పై హైకోర్టు చేసిన వ్యాఖ్యలు, రూ.5 లక్షల పరిహారాన్ని ఆమెతో పాటు ఇతర అధికారుల నుంచి వసూలు చేయాలన్న ఆదేశానికి సంబంధించిన భాగాలపైనే స్టే వర్తిస్తుందని తెలిపింది. తదుపరి విచారణను అక్టోబర్‌ 7కి వాయిదా వేసింది.అదే రోజు.. సీఈసీ నియామక కేసులోనూ జస్టిస్‌ శర్మసెప్టెంబర్‌ 23నే జస్టిస్‌ సతీశ్‌ చంద్ర శర్మ మరో కీలక కేసులోనూ ధర్మాసనంలో ఉన్నారు. ఎన్నికల కమిషన్‌ నియామక వ్యవస్థకు సంబంధించిన 2023 చట్టాన్ని సవాలు చేసిన పిటిషన్లపై జస్టిస్‌ దీపాంకర్‌ దత్తాతో కలిసి విచారణ జరిపారు. ఈ వ్యవహారంలో ఇద్దరు న్యాయమూర్తులు భిన్నాభిప్రాయాలు వ్యక్తం చేయడంతో.. తదుపరి చర్యల కోసం అంశం సీజేఐ పరిశీలనకు వెళ్లింది. మేధా రూపమ్‌ కేసుతో పాటు ఈ వ్యవహారాన్ని కూడా లాయర్ల సంఘం తన లేఖలో ప్రస్తావించింది. ఇప్పుడు అసలు ప్రశ్న ఇదే..సీఈసీ జ్ఞానేశ్‌ కుమార్‌ చుట్టూ ఎన్నికల కమిషన్‌కు సంబంధించిన వివాదాలు కొనసాగుతున్న సమయంలో.. ఆయన కుమార్తె మేధా రూపమ్‌ కేసు కూడా సుప్రీంకోర్టు లిస్టింగ్‌, విచారణ పారదర్శకతపై ప్రశ్నలకు దారితీసింది. నిర్బంధానికి సంబంధించిన కేసు ఈ బెంచ్‌ ముందుకు ఎలా వచ్చింది? విచారణ మధ్యలో ఆడియో ఎందుకు మ్యూట్‌ అయింది? అన్నదే ఇప్పుడు లాయర్ల సంఘం లేవనెత్తుతున్న ప్రధాన ప్రశ్న. ఈ అంశాలపై సీజేఐకి లేఖ వెళ్లడంతో.. సుప్రీంకోర్టు నుంచి ఎలాంటి వివరణ వస్తుంది? లిస్టింగ్‌ ప్రక్రియపై ఏదైనా స్పష్టత ఇస్తారా? అనేది ఇప్పుడు ఆసక్తికరంగా మారింది.ఇదీ చదవండి: మోదీని ఇలా మునుపెన్నడూ చూసి ఉండరు

రోజూ మన కళ్లముందు కనిపించే రోడ్లు.. ట్రాఫిక్‌.. నగరాల పరిస్థితి.. ఇవన్నీ మనకు అలవాటైపోయినవే. కానీ, కొన్నిసార్లు మరో దేశంలోని నగరాలను చూసిన తర్వాత.. మన చుట్టూ ఉన్న పరిస్థితులను కొత్త కోణంలో చూడాల్సి వస్తుంది. ఓ విదేశీ పర్యటన.. తిరిగొచ్చాక చేసిన ఓ సోషల్‌ మీడియా పోస్ట్‌.. ఇప్పుడు నెటిజన్ల మధ్య పెద్ద చర్చకు దారితీసింది.‘చైనాలోని సాధారణ నగరాలను సందర్శించి తిరిగి భారత వీధుల్లోకి వస్తే.. స్థానిక ఎమ్మెల్యేలు, ఎంపీలు, ఐఏఎస్‌ అధికారులు, మొత్తం వ్యవస్థ మనల్ని ఎంతగా మోసం చేసిందో అర్థమవుతుంది’ అంటూ భారతీయ మూలాలున్న అమెరికన్‌ ప్రొఫెసర్‌ రాజేశ్వరి అయ్యర్‌ ఎక్స్‌లో పోస్టు చేశారు. ఆమె పోస్టుకు భారీగా లైక్స్‌, షేర్లు, కామెంట్లు వచ్చాయి. చైనాలోని నగరాల దృశ్యాలతో కూడిన పోస్టులు కూడా సోషల్‌ మీడియాలో విస్తృతంగా చక్కర్లు కొడుతున్నాయి.‘ఇలాంటి పోస్టులు పెడితే పరువునష్టం కేసు ఎదుర్కోవాల్సి వస్తుంది’ అని ఓ నెటిజన్‌ కామెంట్‌ చేయగా.. ‘చైనా అభివృద్ధిని మెచ్చుకునేవాళ్లు.. అక్కడి నియంత్రణల గురించి కూడా మాట్లాడాలి’ అని మరో వ్యక్తి బదులిచ్చారు. ఇంకొకరు స్పందిస్తూ.. ‘చైనాలో ఇలా బహిరంగంగా మాట్లాడితే.. ఉదయానికే కనిపించరు. భారత్‌లో మాత్రం యువత రోడ్డెక్కి నిరసనలు తెలిపేంత స్వేచ్ఛ.. ఇంత ప్రజాస్వామ్యం ఉంది’ అని వ్యాఖ్యానించారు.Once you visit random cities in China and come back to Indian streets, you realize how much you’ve been scammed by your local MLAs, MPs, IAS and the whole system. pic.twitter.com/uETFhAjSvk— Dr. Rajeshwari Iyer (@RajeshwariRW) September 25, 2026అంత దాకా ఎందుకు..అయితే ఆమె వ్యాఖ్యలకు అందరూ ఏకీభవించలేదు. కొందరు నెటిజన్లు చైనాతో భారత్‌ను పోల్చాల్సిన అవసరం లేదని.. బ్యాంకాక్‌, వియత్నాం, ఇండోనేషియా, మలేసియా వంటి దేశాల్లోని నగరాలను చూసినా భారత్‌లో మౌలిక వసతులు, పరిశుభ్రత, పౌర సదుపాయాల్లో తేడా కనిపిస్తుందని కామెంట్‌ చేశారు. ‘చైనానే కాదు.. బ్యాంకాక్‌ వెళ్లినా అభివృద్ధి, పరిశుభ్రత, పౌరస్పృహలో భారీ వ్యత్యాసం కనిపిస్తుంది’ అంటూ ఒకరు స్పందించారు. మరికొందరు వియత్నాం, ఇండోనేషియా, మలేసియాలను కూడా ప్రస్తావించారు.చైనా మోడల్‌పై మరో వాదనమరోవైపు.. చైనా నగరాల్లో కనిపించే వేగవంతమైన రహదారులు, ఎక్స్‌ప్రెస్‌వేలు, హైస్పీడ్‌ రైళ్లను ప్రశంసించిన కొందరు నెటిజన్లు.. వాటిని భారత్‌లోని ప్రజాస్వామ్య వ్యవస్థతో నేరుగా పోల్చడం సరికాదని వాదించారు. చైనాలోని వేగవంతమైన అభివృద్ధి వెనుక ఒకే పార్టీ పాలన, కేంద్రీకృత నిర్ణయ వ్యవస్థ వంటి అంశాలు ఉన్నాయని కొందరు ప్రస్తావించారు. ప్రజా పర్యవేక్షణ, రాజకీయ స్వేచ్ఛ, సోషల్‌ క్రెడిట్‌ వ్యవస్థ వంటి అంశాలను కూడా వారు చర్చలోకి తీసుకొచ్చారు.భిన్నాభిప్రాయాలుచైనా హైస్పీడ్‌ రైళ్లను మెచ్చుకున్న ఒక నెటిజన్‌.. వాటి నిర్మాణానికి తక్కువ కార్మిక వ్యయం, జపాన్‌ నుంచి వచ్చిన సాంకేతిక పరిజ్ఞానం వంటి అంశాలు కూడా కారణమని వ్యాఖ్యానించారు. రైళ్ల నిర్మాణం ఒకవైపు ఉద్యోగాల కల్పన, మరోవైపు రవాణా వ్యవస్థ అభివృద్ధి కార్యక్రమంగా సాగిందని పేర్కొన్నారు. కేవలం రైళ్ల నిర్మాణాన్ని ఆధారంగా చేసుకుని దేశాల మధ్య పోటీని అంచనా వేయడం సరైందని కాదని అభిప్రాయపడ్డారు. అదే సమయంలో.. దుబాయ్‌లాంటి చోట్ల రోడ్లు, భవనాల నిర్మాణానికి మన దేశం నుంచి కార్మికులు వెళ్తారని, వాళ్లనే ఉపయోగించి ఇక్కడ హైక్లాస్‌ రోడ్లను నిర్మించడం మన ప్రభుత్వాలకు చేత కాదా? అంటూ ఒకరు ప్రశ్నించారు.నెహ్రూ.. మోదీని మాత్రమే నిందించాలా?భారత్‌లో మౌలిక వసతుల సమస్యలకు రాజకీయ నాయకులను మాత్రమే బాధ్యులను చేయడం సరిపోదని మరో నెటిజన్‌ వ్యాఖ్యానించారు. నెహ్రూ నుంచి మోదీ వరకు ప్రభుత్వాలను నిందించడం కంటే.. దశాబ్దాలుగా కొనసాగుతున్న అధికార యంత్రాంగం, అవినీతి, జవాబుదారీతనం వంటి అంశాలపై దృష్టి పెట్టాలని పేర్కొన్నారు. భారత్‌లో మౌలిక వసతుల అభివృద్ధికి రాజకీయ సంకల్పంతో పాటు అధికార వ్యవస్థలోనూ మార్పులు అవసరమని ఆ వ్యాఖ్య సారాంశం.ఎవరీ రాజేశ్వరి అయ్యర్‌?డాక్టర్‌ రాజేశ్వరి అయ్యర్‌ సోషల్‌ మీడియాలో యాక్టివ్‌గా ఉండే భారతీయ మూలాలున్న అమెరికన్‌ ప్రొఫెసర్‌. ఆమె ఎక్స్‌ ప్రొఫైల్‌లో ఎన్‌ఐటీ పుదుచ్చేరి, ఐఐటీ బాంబే పూర్వ విద్యార్థినిగా, డైరెక్టర్‌, ప్రొఫెసర్‌గా వివరాలు ఉన్నాయి. భారత్‌లో రిజర్వేషన్లు, పన్నులు, ప్రభుత్వ వ్యవస్థ, ప్రజా మౌలిక వసతులు వంటి అంశాలపై ఆమె తరచూ పోస్టులు చేస్తుంటారు. గతంలోనూ భారత్‌ నుంచి అమెరికాకు తిరిగి వెళ్లడానికి కారణాలను వివరిస్తూ ఆమె చేసిన పోస్టులు వార్తల్లో నిలిచాయి.She is visiting the Netherlands. This is how the Netherlands looks.Hope the Bihar MLA can transform Bihar and make it look like this one day. https://t.co/VzRVQ2rmZe pic.twitter.com/8qpU7yTFMi— Dr. Rajeshwari Iyer (@RajeshwariRW) September 26, 2026చైనా పర్యటన అనుభవం నుంచి మొదలైన ఈ పోస్టు ఇప్పుడు కేవలం చైనా-భారత్‌ నగరాల పోలికకే పరిమితం కాకుండా.. మౌలిక వసతులు, పట్టణ ప్రణాళిక, అధికార యంత్రాంగం, అవినీతి, ప్రజాస్వామ్యం, జవాబుదారీతనం వంటి విస్తృత అంశాలపై సోషల్‌ మీడియా చర్చకు దారితీసింది.

కర్ణాటక ముఖ్యమంత్రి డీకే శివకుమార్‌ చేసిన వ్యాఖ్యలు రాజకీయ దుమారం రేపాయి. రాష్ట్రంలో దాదాపు డజను మంది ఎమ్మెల్యేలకు రెండేసి పెళ్లిళ్లు జరిగాయని ఆయన అసెంబ్లీలోనే వ్యాఖ్యానించారు. దీంతో సభలో ఒక్కసారిగా అలజడి రేగింది. అయితే ఈ వ్యాఖ్యపై బీజేపీ నేతలు తీవ్రంగా స్పందించారు. ఎవరెవరో పేర్లు కూడా చెప్పాలని డిమాండ్‌ చేస్తున్నారు.వర్షాభావ పరిస్థితులపై గురువారం అసెంబ్లీలో జరిగిన చర్చలో శివకుమార్‌ బెంగళూరు నగరంపై పెరుగుతున్న జనాభా ఒత్తిడిని ప్రస్తావించారు. బెంగళూరును కెంపేగౌడ నిర్మించారని, విధానసౌధను కేంగల్‌ హనుమంతయ్య నిర్మించారని, ఎస్‌.ఎం. కృష్ణ నగరాన్ని అంతర్జాతీయ స్థాయికి తీసుకెళ్లారని అన్నారు. నగరానికి వచ్చిన వారు తిరిగి తమ సొంత ప్రాంతాలకు వెళ్లడం లేదని చెప్పారు.ఈ క్రమంలో ఎమ్మెల్యేలను ఉద్దేశించి మాట్లాడుతూ.. బెంగళూరుకు వచ్చిన వారు కూడా ఇక్కడే ఉండిపోతున్నారని, “మీలోనూ చాలామందికి రెండు పెళ్లిళ్లు ఉన్నాయి. అలాంటివారు ఓ డజను మంది ఉన్నారు. వారి జాబితా ఇవ్వగలను” అని వ్యాఖ్యానించారు. ధార్వాడ్‌, దక్షిణ కన్నడ తదితర జిల్లాలకు చెందిన కొందరు ఎమ్మెల్యేల పేర్లు తనకు తెలుసని, అయితే వాటిని బయటపెట్టడం లేదని చెప్పారు."MLAs who come to Bengaluru don't leave, I know dozens who had second marriages and settled here" : Karnataka CM DK Shivakumar while talking about growing population & rapid urbanization in Bengaluru. pic.twitter.com/MA8Kg4Y45g— Deepak Bopanna (@dpkBopanna) September 25, 2026అనవసరమైన వ్యాఖ్య: బీజేపీముఖ్యమంత్రి వ్యాఖ్యలపై ప్రతిపక్ష నేత ఆర్‌.అశోక్‌ స్పందించారు. ఇది అనవసరమైన వ్యాఖ్య అని పేర్కొంటూ.. రెండు పెళ్లిళ్లు చేసుకున్నారని సీఎం చెబుతున్న ఎమ్మెల్యేల పేర్లను వెల్లడించాలని డిమాండ్‌ చేశారు. ఈ వ్యాఖ్యలతో బెంగళూరుకు ఇతర ప్రాంతాల నుంచి వచ్చిన ప్రతి ఎమ్మెల్యేపైనా అనుమానం ఏర్పడే పరిస్థితి వచ్చిందని అన్నారు. తాను మాత్రం బెంగళూరులోనే పుట్టి పెరిగానని స్పష్టం చేశారు.బీజేపీ సీనియర్‌ ఎమ్మెల్యే ఎస్‌.సురేశ్‌ కుమార్‌ కూడా శివకుమార్‌ వ్యాఖ్యలను తప్పుబట్టారు. సీఎం సరదాగా చెప్పి ఉండొచ్చని, కానీ అసెంబ్లీ వేదికపై ఇలాంటి వ్యాఖ్యలు చేయడం సభ గౌరవాన్ని పెంచదని అన్నారు. తాను సభలో ఉండి ఉంటే అప్పుడే స్పందించేవాడినని పేర్కొన్నారు.పేర్లు చెప్పాలి లేదంటే..రెండు పెళ్లిళ్లు చేసుకుని రెండు కుటుంబాలను నిర్వహిస్తున్న ఎమ్మెల్యేలు ఎవరనే విషయాన్ని సీఎం స్పష్టం చేయాలని సురేశ్‌ కుమార్‌ డిమాండ్‌ చేశారు. పేర్లు వెల్లడించకుండా ఇలాంటి వ్యాఖ్యలు చేయడం వల్ల ప్రజల్లో అనవసరమైన ఆసక్తి, సందేహాలు ఏర్పడతాయని అన్నారు. అంతేకాకుండా రాష్ట్ర ప్రజలు ఎమ్మెల్యేలందరినీ అనుమానంగా చూడటం లేదా ఎగతాళి చేసే పరిస్థితి తలెత్తవచ్చని వ్యాఖ్యానించారు.బెంగళూరు డెవలప్‌మెంట్‌.. జనాభా ఒత్తిడిపై అసెంబ్లీలో జరుగుతున్న చర్చ సందర్భంగా శివకుమార్‌ చేసిన ఈ వ్యాఖ్యలు అసలు చర్చను పక్కకు నెట్టి రాజకీయ వర్గాల్లో చర్చనీయాంశంగా మారాయి. అయితే ఆయన ప్రస్తావించిన ఎమ్మెల్యేల పేర్లు మాత్రం ఇప్పటివరకు బహిర్గతం కాలేదు.ఇదీ చదవండి: రెబల్‌ ఎంపీలకు గడువు.. రెండు వారాలే!

యువతను ఆకట్టుకునేందుకు ప్రధాని నరేంద్ర మోదీ మరో కొత్త తరహా ప్రయత్నం చేశారు. సాధారణ రాజకీయ కార్యక్రమాలకు భిన్నంగా.. యువత ఎక్కువగా పాల్గొనే ఆధునిక భజన కార్యక్రమంలో ఆయన స్వయంగా పాల్గొని సందడి చేశారు. భజనలు వింటూ చప్పట్లు కొట్టడంతోపాటు.. చేతిలో వాయిద్యం పట్టుకుని తాళం వేస్తూ కనిపించారు.పండిట్‌ దీనదయాళ్‌ ఉపాధ్యాయ 110వ జయంతి సందర్భంగా ఢిల్లీలోని దీనదయాళ్‌ ఉపాధ్యాయ పార్క్‌లో శుక్రవారం ఈ కార్యక్రమాన్ని నిర్వహించారు. దీనికి యువత పెద్ద సంఖ్యలో హాజరయ్యారు. ముందువరుసలో కూర్చున్న మోదీ.. భజనలను ఆస్వాదిస్తూ కళాకారులతో కలిసి చప్పట్లు కొట్టారు. శ్రీరాముడిపై ఆలపించిన భజనకు ఖంజరీ తరహా వాయిద్యాన్ని వాయిస్తూ తాళం వేశారు. అనంతరం అక్కడికి వచ్చిన వారివైపు చేతులు ఊపుతూ అభివాదం చేశారు. ఢిల్లీలో భజన్‌ క్లబ్బింగ్‌.. అద్భుతం! అంటూ ఈ ఈవెంట్‌పై ఎక్స్‌ ఖాతాలో ట్వీట్‌ చేశారాయన. Bhajan Clubbing in Delhi. Spectacular! pic.twitter.com/BujBa4lzk7— Narendra Modi (@narendramodi) September 25, 2026ఏంటీ భజన క్లబ్బింగ్‌..?సంప్రదాయ భజనలను ఆధునిక సంగీత కచేరీ తరహాలో నిర్వహించే విధానమే ‘భజన క్లబ్బింగ్‌’. ఇందులో పెద్ద సంఖ్యలో యువత ఒకచోట చేరి భజనలు, ఆధ్యాత్మిక గీతాలను ఆలపిస్తూ.. చప్పట్లు కొడుతూ, సంగీతానికి అనుగుణంగా ఉత్సాహంగా పాల్గొంటారు. సంప్రదాయ భక్తి గీతాలకు ఆధునిక సంగీతం, హై ఎనర్జీ ప్రదర్శన శైలిని జోడించడం ఈ కార్యక్రమాల ప్రత్యేకత.మద్యం, ఇతర క్లబ్‌ సంస్కృతికి భిన్నంగా.. భక్తి, ఆధ్యాత్మికత కేంద్రంగా ఈ తరహా కార్యక్రమాలు నిర్వహిస్తున్నారు. దేశంలోని పలు నగరాల్లోనే కాకుండా విదేశాల్లోనూ ‘భజన క్లబ్బింగ్‌’కు ఆదరణ పెరుగుతున్నట్లు నిర్వాహకులు చెబుతున్నారు. ముఖ్యంగా జెన్‌-జెడ్‌ యువతను సంప్రదాయ భజనలకు చేరువ చేయాలన్న ఉద్దేశంతో వీటిని నిర్వహిస్తున్నారు.‘మన్‌ కీ బాత్‌’లోనూ ప్రస్తావనఈ ఏడాది జనవరిలో ‘మన్‌ కీ బాత్‌’ కార్యక్రమంలోనూ మోదీ ‘భజన క్లబ్బింగ్‌’ గురించి ప్రస్తావించారు. యువత భజనలు, భక్తి గీతాలను ఆలపిస్తూ పెద్ద సంఖ్యలో ఒకచోట చేరడం తనను ఆకట్టుకుందని చెప్పారు. భక్తి, సంస్కృతి, ఆధ్యాత్మికతకు ఆధునికతను జోడించే ప్రయత్నంగా దీనిని అభివర్ణించారు. ఇలాంటి కార్యక్రమాలు గ్లోబల్‌ కచేరీలకు ఏమాత్రం తీసిపోవని పేర్కొన్నారు.దీనదయాళ్‌ జయంతి సందర్భంగా..భారతీయ జనసంఘ్‌ కీలక నేతల్లో ఒకరైన దీనదయాళ్‌ ఉపాధ్యాయ జయంతి సందర్భంగా ఈ కార్యక్రమాన్ని నిర్వహించారు. సమాజంలోని అట్టడుగు వర్గాల సంక్షేమం, అభ్యున్నతిని లక్ష్యంగా చేసుకున్న ‘అంత్యోదయ’ సిద్ధాంతంతో ఆయనకు ప్రత్యేక అనుబంధం ఉంది. ఈ సందర్భంగా మోదీ దీనదయాళ్‌ ఉపాధ్యాయకు నివాళులర్పించారు. ఆయన ఆలోచనలు, ప్రజా సంక్షేమంపై ఆయన చూపిన మార్గం ఇప్పటికీ స్ఫూర్తిదాయకమని పేర్కొన్నారు.ఇదీ చదవండి: రిగ్గింగ్‌ జరిగితే పోటీ చేయడమెందుకు?

ఎన్నికల సంఘం వ్యవహారంపై వివాదం మరింత ముదిరింది. తాజాగా కాక్రోచ్‌ జనతా పార్టీ ప్రధాన ఎన్నికల కమిషనర్‌ జ్ఞానేశ్‌ కుమార్‌కు విధించిన గడువులో ఒక్కరోజు పూర్తైంది. శనివారం నాటికి ఆయన గనుక రాజీనామా చేయకపోతే తమ ఉద్యమం మొదలవుతుందని హెచ్చరించింది. అందుకు ముహూర్తం కూడా ప్రకటించింది. సీజేపీ వ్యవస్థాపకుడు అభిజీత్‌ దీప్కే ఇవాళ ఎక్స్‌లో ఓ పోస్ట్‌ చేశారు. గాంధీ జయంతి రోజు ముంబై నుంచి దేశవ్యాప్త ఆందోళనలు ప్రారంభిస్తామని ప్రకటించారు. ‘‘జ్ఞానేశ్‌ కుమార్‌ రేపటిలోగా రాజీనామా చేయకపోతే.. అక్టోబర్‌ 2 నుంచి ముంబైలో నిరసన ప్రారంభించి దేశంలోని ఇతర నగరాలకు విస్తరిస్తాం” అని దీప్కే ఎక్స్‌లో పోస్టు చేశారు. గాంధీ జయంతి సందర్భంగా ప్రజాస్వామ్యాన్ని కాపాడేందుకు ప్రతిజ్ఞ చేద్దామని ఆయన పిలుపునిచ్చారు. అంతకు ముందు సీఈసీ రాజీనామాకు 48 గంటల గడువు ఇచ్చి, అవసరమైతే ‘జంతర్‌ మంతర్‌ 2.0’ పేరుతో ఢిల్లీలో మరో ఆందోళన చేపడతామని హెచ్చరించింది. అయితే ఇప్పుడు ముంబైని అందుకు వేదికగా మార్చుకోబోతోంది.సర్‌పై తీవ్ర అభ్యంతరాలు..ఓటర్ల జాబితాల ప్రత్యేక సమగ్ర సవరణ (SIR)లో కోట్లాది పేర్లు డ్రాఫ్ట్‌ జాబితాల నుంచి మినహాయించబడ్డాయని సీజేపీ ఆరోపిస్తోంది. 30 రాష్ట్రాలు, కేంద్ర పాలిత ప్రాంతాల్లో 13 కోట్లకు పైగా పేర్లు డ్రాఫ్ట్‌ ఓటర్ల జాబితాల్లో లేకుండా పోయాయని ఓ జాతీయ మీడియా కథనం ఇచ్చిన నివేదికను ఆధారంగా చేసుకుని ఆ సంస్థ విమర్శలు గుప్పిస్తోంది. మహారాష్ట్ర, ఉత్తరప్రదేశ్‌లో రెండు కోట్లకు పైగా చొప్పున, కర్ణాటకలో సుమారు కోటి, తమిళనాడులో 97 లక్షలు, పశ్చిమ బెంగాల్‌లో 90 లక్షలు, తెలంగాణలో 73 లక్షలు, ఢిల్లీలో 47 లక్షలు, కేరళలో 24 లక్షల మేర పేర్లు తొలగించబడ్డాయని సీజేపీ అంటోందిఇద్దరు కమిషనర్ల అభ్యంతరాలు..‘ది ఇండియన్‌ ఎక్స్‌ప్రెస్‌’ దర్యాప్తు కథనం ప్రకారం.. కేంద్ర ఎన్నికల సంఘంలో సీఈసీకి ఇద్దరు కమిషనర్ల మధ్య గ్యాప్‌ నడుస్తోంది. ఎలక్షన్‌ కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత పది నెలల్లో కనీసం 14సార్లు ఈసీ నిర్ణయాలపై లిఖితపూర్వక అభ్యంతరాలు వ్యక్తం చేశారు. ఓటర్ల పేర్ల చేర్పులు, తొలగింపులు, పునరుద్ధరణ, ఫామ్‌–6 మార్పులు, ఓటర్ల డేటాబేస్‌ కేంద్రీకరణ వంటి అంశాల్లో తమకు సమాచారం లేదంటే అనుమతి లేకుండానే నిర్ణయాలు జరిగాయని వారు ప్రశ్నించినట్లు ఆ కథనం పేర్కొంది.మరోవైపు ఈసీ మాత్రం దీనిపై భిన్నమైన వివరణ ఇచ్చింది. బహుళ సభ్యుల రాజ్యాంగ సంస్థలో భిన్నాభిప్రాయాలు, రాతపూర్వక నోట్లు, అంతర్గత చర్చలు సహజమేనని.. గత ఏడాది తీసుకున్న తుది నిర్ణయాలు ఏకగ్రీవంగానే ఉన్నాయని స్పష్టం చేసింది.‘ఎన్నికల్లో పోటీ చేయొద్దు’..ఇదే సమయంలో సీజేపీ వ్యవస్థాపకుడు అభిజీత్‌ దీప్కే.. ఎన్నికల ప్రక్రియపై అనుమానాలు ఉన్నాయని చెబుతున్న ప్రతిపక్ష పార్టీలపైనా విమర్శలు చేశారు. ఎన్నికలు ‘రిగ్డ్‌’ అవుతున్నాయని భావిస్తే.. అలాంటి ఎన్నికల్లో పోటీ చేయడం ద్వారా వాటికి చట్టబద్ధత కల్పిస్తున్నట్లవుతుందని ఆయన వ్యాఖ్యానించారు. ఎన్నికల్లో పాల్గొనకుండా ఉండటం వల్ల తమ రాజకీయ ఉనికి దెబ్బతింటుందనే భయంతోనే ప్రతిపక్షాలు పోటీ చేస్తున్నాయా? అని ప్రశ్నించారు.

ఎన్నికల సంఘం.. దేశ ఎన్నికల ప్రక్రియకు కాపలాదారు. ఆ సంస్థలో ముగ్గురు సభ్యులు ఉంటే.. నిర్ణయం ఎవరిది? చీఫ్‌ ఎలక్షన్‌ కమిషనర్‌ (సీఈసీ) మాటే తుది మాటా? లేదంటే ముగ్గురూ కలిసి నిర్ణయం తీసుకోవాలా? ఇప్పుడు ఈ ప్రశ్న మరోసారి చర్చకు వచ్చింది. కారణం.. ఈసీలోనే ఇద్దరు కమిషనర్లు వరుసగా తమ అభ్యంతరాలను నమోదు చేసినట్లు వచ్చిన తాజా కథనాలు. సరిగ్గా ఇలాంటి ప్రశ్నే మూడు దశాబ్దాల క్రితం దేశ అత్యున్నత న్యాయస్థానం ముందుకెళ్లింది. ఆ సమయంలో చీఫ్‌ కమిషనర్‌గా ఉన్న టీఎన్‌ శేషన్‌ ఈసీలో తనకే అధికారం ఉండాలంటూ సుప్రీంకోర్టును ఆశ్రయించారు.టీఎన్‌ శేషన్‌.. భారత ఎన్నికల చరిత్రలో చిరస్థాయిగా నిలిచిన పేరు. ఎన్నికల నిబంధనలను కఠినంగా అమలు చేస్తూ.. రాజకీయ నేతలు, మంత్రులు, అధికారులపై కూడా చర్యలకు వెనుకాడని అధికారిగా ఆయన గుర్తింపు పొందారు. దీంతో ఈసీకి గతంలో లేని స్థాయిలో ప్రాధాన్యం వచ్చింది. అయితే ఆ 1993లో పరిస్థితి మారింది. అప్పటి పీవీ నరసింహారావు ప్రభుత్వం ఎంఎస్‌ గిల్‌, జీవీజీ కృష్ణమూర్తిలను ఎలక్షన్‌ కమిషనర్లుగా నియమించింది. అప్పటివరకు సీఈసీ ఒక్కరితోనే నడిచిన ఈసీ మళ్లీ ముగ్గురు సభ్యుల సంస్థగా మారింది.ఇక్కడే అసలు వివాదం మొదలైంది. కొత్తగా వచ్చిన ఇద్దరు కమిషనర్లకు సీఈసీతో సమాన నిర్ణయాధికారం ఉండటాన్ని ఈసీ బాస్‌ వ్యతిరేకించారు. వారి నియామకాల రాజ్యాంగబద్ధతను సవాలు చేస్తూ సుప్రీంకోర్టును ఆశ్రయించారు.సుప్రీంకోర్టులో కీలక ప్రశ్నశేషన్‌ వాదనలో ప్రధాన అంశం ఒక్కటే.. సీఈసీకి రాజ్యాంగం ప్రత్యేక హోదా ఇచ్చినప్పుడు, మిగిలిన ఇద్దరు కమిషనర్లతో సమానంగా ఎలా పరిగణించగలరన్నది. ముఖ్యంగా బహుళ సభ్యుల కమిషన్‌లో నిర్ణయాలు మెజారిటీతో తీసుకోవడాన్ని కూడా ఆయన సవాలు చేశారు. ఈ కేసును ఐదుగురు సభ్యుల రాజ్యాంగ ధర్మాసనం విచారించింది. 1995లో సంచలన తీర్పు వెలువడింది. బహుళ సభ్యుల ఎన్నికల కమిషన్‌ ఏర్పాటు రాజ్యాంగబద్ధమేనని ధర్మాసనం స్పష్టం చేసింది.అంతేకాదు.. సీఈసీ కమిషన్‌కు అధ్యక్షుడిగా ఉన్నప్పటికీ, మిగిలిన కమిషనర్లపై ఆయనకు తుది నిర్ణయాధికారం లేదని కోర్టు తేల్చింది. కమిషన్‌లో అభిప్రాయ భేదాలు వస్తే మెజారిటీ నిర్ణయమే అమలవుతుందని స్పష్టం చేసింది. అంటే.. సీఈసీ ‘ఫస్ట్‌ అమాంగ్‌ ఈక్వల్స్‌’ మాత్రమే. మిగిలిన ఇద్దరు కమిషనర్లు కూడా నిర్ణయ ప్రక్రియలో సమాన భాగస్వాములే అన్నది ఆ తీర్పు సారాంశం.ఆయన అక్కడితో ఆగలేదుసుప్రీంకోర్టు తీర్పుతో శేషన్‌ పూర్తిగా వెనక్కి తగ్గలేదు. తీర్పును సమీక్షించాలంటూ మరోసారి కోర్టును ఆశ్రయించారు. కమిషన్‌ సమావేశం ఎప్పుడు జరగాలి, ఎజెండాలో ఏ అంశాలు ఉండాలి వంటి విషయాల్లో సీఈసీకే ప్రధాన అధికారం ఉండేలా నిబంధనలు రూపొందించే ప్రయత్నం కూడా చేశారు. అయితే సుప్రీంకోర్టు సమీక్ష పిటిషన్‌ను కొట్టివేసింది.ఇప్పుడు మళ్లీ అదే చర్చ ఎందుకు?మూడు దశాబ్దాల తర్వాత.. ఈసీలో అంతర్గత నిర్ణయాలపై మరోసారి ప్రశ్నలు తలెత్తాయి. సీఈసీ జ్ఞానేశ్‌ కుమార్‌ నేతృత్వంలోని కమిషన్‌లో ఎలక్షన్‌ కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత 10 నెలల్లో కనీసం 14సార్లు కొన్ని నిర్ణయాలపై లిఖితపూర్వకంగా అభ్యంతరాలు వ్యక్తం చేసినట్లు ‘ది ఇండియన్‌ ఎక్స్‌ప్రెస్‌’ నివేదించింది. ఓటర్ల జాబితా, ఫామ్‌–6 మార్పులు, ఈసీ ఐటీ వ్యవస్థ వంటి కీలక అంశాలపై తమకు సమాచారం లేకుండానే నిర్ణయాలు తీసుకున్నారని వారు అభ్యంతరం వ్యక్తం చేసినట్లు కథనం పేర్కొంది.జ్ఞానేశ్‌కు రాజీనామా సెగ!ఇదిలా ఉండగా.. సీఈసీ జ్ఞానేశ్‌ కుమార్‌ వ్యవహారశైలిపై ప్రతిపక్షాల ఆగ్రహం రోజురోజుకూ పెరుగుతోంది. ఈసీలోని ఇద్దరు కమిషనర్లు కీలక నిర్ణయాలపై పలుమార్లు అభ్యంతరాలు వ్యక్తం చేశారన్న నివేదికల నేపథ్యంలో.. కాంగ్రెస్‌ సెప్టెంబర్‌ 25న దేశవ్యాప్తంగా ఈసీ కార్యాలయాల వద్ద నిరసనలకు పిలుపునిచ్చింది. జ్ఞానేశ్‌ కుమార్‌ రాజీనామా చేయాలని, ఆయనపై చర్యలు తీసుకోవాలని విపక్షాలు డిమాండ్‌ చేస్తున్నాయి. మరోవైపు కాక్రోచ్‌ జనతా పార్టీ (CJP) కూడా ఇదే అంశంపై ఉద్యమానికి సిద్ధమైంది. 48 గంటల్లో సీఈసీ రాజీనామా చేయకపోతే ‘జంతర్‌ మంతర్‌ 2.0’ పేరుతో మరో భారీ ఆందోళన చేపడతామని ప్రకటించింది. అయితే ఈ ఆరోపణలను ఈసీ ఖండిస్తూ.. కమిషనర్ల మధ్య భిన్నాభిప్రాయాలు సంస్థాగత చర్చల్లో సహజమేనని, గత ఏడాది తీసుకున్న తుది నిర్ణయాలు ఏకగ్రీవంగానే ఉన్నాయని స్పష్టం చేసింది.భారత ఎన్నికల లెజెండ్‌గా టీఎన్‌ శేషన్‌ 1932 డిసెంబర్‌ 15న కేరళలోని పాలక్కాడ్‌ జిల్లాలో జన్మించారు. పాలక్కాడ్‌లోని గవర్నమెంట్‌ విక్టోరియా కాలేజీలో, ఆ తర్వాత చెన్నైలోని మద్రాస్‌ క్రిస్టియన్‌ కాలేజీలో చదువుకున్నారు. కొంతకాలం అక్కడే లెక్చరర్‌గా పనిచేసిన ఆయన.. అనంతరం సివిల్‌ సర్వీసెస్‌ వైపు అడుగులు వేశారు. 1955లో ఐఏఎస్‌లో చేరిన శేషన్‌.. కేరళ, కేంద్ర ప్రభుత్వాల్లో పలు కీలక బాధ్యతలు నిర్వహించారు. ప్లానింగ్‌ కమిషన్‌ సభ్య కార్యదర్శిగా, కేంద్ర కేబినెట్‌ కార్యదర్శిగా కూడా పనిచేశారు. 1990 డిసెంబర్‌ 12న భారత 10వ ప్రధాన ఎన్నికల కమిషనర్‌గా బాధ్యతలు చేపట్టారు. అప్పటివరకు పెద్దగా ప్రజల దృష్టిలో లేని ఎన్నికల సంఘానికి తన కఠినమైన శైలితో దేశవ్యాప్తంగా గుర్తింపు తెచ్చారు. ఎన్నికల సమయంలో డబ్బు, మద్యం పంపిణీ, బూత్‌ క్యాప్చరింగ్‌, అధికార దుర్వినియోగం, ఎన్నికల నిబంధనల ఉల్లంఘనలపై కఠినంగా వ్యవహరించారు. మోడల్‌ కోడ్‌ ఆఫ్‌ కండక్ట్‌ను గట్టిగా అమలు చేయడంతో పాటు.. ఓటర్లకు ఫొటో గుర్తింపు కార్డులు (EPIC) అందించే ప్రక్రియను దేశవ్యాప్తంగా ముందుకు తీసుకెళ్లారు. ఎన్నికల నిర్వహణలో అధికార యంత్రాంగం జవాబుదారీతనాన్ని పెంచడంలోనూ కీలక పాత్ర పోషించారు. ఆయన సేవలకు గుర్తింపుగా 1996లో రామన్‌ మెగసెసే అవార్డు లభించింది. 1996లో సీఈసీ పదవి నుంచి వైదొలిగిన తర్వాత రాజకీయాల్లోకి ప్రవేశించి 1999 లోక్‌సభ ఎన్నికల్లో కాంగ్రెస్‌ అభ్యర్థిగా పోటీ చేశారు. అయితే ఓటమి పాలయ్యారు. అనంతరం ప్రజాజీవితం నుంచి క్రమంగా దూరమైన శేషన్‌.. 2019 నవంబర్‌ 10న చెన్నైలో 86 ఏళ్ల వయసులో కన్నుమూశారు. ఎన్నికల సంఘం అధికారాలను సమర్థంగా ఉపయోగించి.. ఎన్నికల ప్రక్రియపై ప్రజల్లో కొత్త నమ్మకం కలిగించిన సీఈసీగా ఆయన పేరు మాత్రం ఇప్పటికీ భారత ఎన్నికల చరిత్రలో ప్రత్యేకంగానే నిలిచిపోయింది.ఇదీ చదవండి: లడాఖ్‌ పాపాల భైరవుడు అమిత్‌ షానే!

తమిళనాడులో ప్రముఖ గ్రానైట్‌ వ్యాపారవేత్త ఆర్‌.వీరమణిపై నమోదైన పోక్సో కేసు రోజుకో మలుపు తిరుగుతోంది. మైనర్లపై లైంగిక వేధింపుల ఆరోపణలతో వెలుగులోకి వచ్చిన ఈ వ్యవహారం ‘తమిళనాడు ఎప్‌స్టీన్‌ కేసు’గా చర్చనీయాంశమైంది. బాలికలపై లైంగిక దాడుల ఆరోపణలతో వీరమణి, ఆయన సహచరులు అరెస్టు కాగా.. గతంలో ఈ కేసును దర్యాప్తు చేసిన పోలీసుల పాత్రపైనా ఇప్పుడు విచారణ జరుగుతోంది. ఇదే సమయంలో కేసుకు కేంద్రంగా ఉన్న వీడియోను ఓ జాతీయ మీడియా సంస్థ తాజాగా బయటపెట్టడంతో వ్యవహారం మరింత సంచలనంగా మారింది.వీరమణి(84)పై ఆరోపణలకు కీలక ఆధారంగా పేర్కొంటున్న వీడియోను జాతీయ మీడియా సంస్థ యాక్సెస్‌ చేసి ప్రసారం చేసింది. అందులో ఓ బాలికతో ఆయన ఉన్నట్లు దృశ్యాలు చూపించింది. ఈ వీడియోను 2025 అక్టోబర్‌లోనే ఓ కాంగ్రెస్‌ నేత పోలీసులకు అందించినట్లు వెల్లడించింది. అయితే ఆ సమయంలో అధికారులు తగిన చర్యలు తీసుకోలేదని ఆయన ఆరోపించారు. మరోవైపు వీడియో స్పష్టత, ప్రామాణికతపై డీఎంకే ప్రశ్నలు లేవనెత్తింది. ఈ వీడియో వెలుగులోకి రావడంతో అప్పటి దర్యాప్తులో ఏం జరిగింది? పోలీసులకు ఆధారాలు అందినప్పటికీ కేసు ఎందుకు ముందుకు సాగలేదు? అన్న ప్రశ్నలు మరోసారి తెరపైకి వచ్చాయి.పెన్‌డ్రైవ్‌తో మొదలై.. క్లోజర్‌ రిపోర్ట్‌ వరకు2025 అక్టోబర్‌లో ఓ స్వచ్ఛంద సంస్థకు గుర్తుతెలియని వ్యక్తి పెన్‌డ్రైవ్‌, లేఖ అందజేయడంతో ఈ వ్యవహారం వెలుగులోకి వచ్చింది. అందులో ఓ బాలికపై లైంగిక దాడికి సంబంధించిన వీడియో ఉందని పేర్కొంటూ వీరమణి పేరు ప్రస్తావించారు. అనంతరం పోలీసులు కేసు నమోదు చేసి దర్యాప్తు ప్రారంభించారు.సుమారు ఐదు నెలల విచారణ అనంతరం పోలీసులు క్లోజర్‌ రిపోర్టు దాఖలు చేశారు. వీడియోలో కనిపిస్తున్న బాలికను గుర్తించలేకపోవడం, ఒరిజినల్‌ వీడియో లభించకపోవడం, తగిన ఆధారాలు లేకపోవడం వంటి కారణాలను అందులో పేర్కొన్నారు. అయితే ప్రత్యేక పోక్సో కోర్టు ఈ క్లోజర్‌ రిపోర్టును అంగీకరించలేదు. మరింత దర్యాప్తు చేయాలని ఆదేశించింది.కోర్టు ఆదేశాలతో కేసులో కీలక మలుపుకోర్టు ఆదేశాల తర్వాత దర్యాప్తు వేగం పుంజుకుంది. వీడియోలో కనిపించిన బాలికను పోలీసులు గుర్తించి.. ఆమె వాంగ్మూలాన్ని మేజిస్ట్రేట్‌ ముందు నమోదు చేశారు. ఆ తర్వాత దర్యాప్తు విస్తరించడంతో మరికొందరు బాధితులు కూడా వెలుగులోకి వచ్చినట్లు పోలీసులు తెలిపారు. ఇప్పటివరకు ఏడుగురికి పైగా బాధితులను గుర్తించినట్లు తాజా నివేదికలు పేర్కొంటున్నాయి. ఈ కేసులో వీరమణితో పాటు శాంతి, మహేంద్ర సిమ్హన్‌లను పోలీసులు అరెస్టు చేశారు. మరో మాజీ ఉద్యోగి గణేశన్‌ను కూడా డిజిటల్‌ ఆధారాల వ్యవహారంలో అరెస్టు చేసినట్లు జాతీయ మీడియా నివేదించింది.పాత దర్యాప్తుపైనే ఇప్పుడు ఫోకస్‌కేసు ఇక్కడితో ఆగలేదు. తొలుత దర్యాప్తు చేసిన పోలీసు అధికారుల వ్యవహారంపైనా అధికారులు దృష్టి పెట్టారు. అప్పట్లో కేసును ఎందుకు మూసివేయాలని నిర్ణయించారు? ఆధారాలు అందుబాటులో ఉన్నప్పటికీ దర్యాప్తు ఎందుకు ముందుకు సాగలేదు? తదితర అంశాలను పరిశీలిస్తున్నారు. పాత దర్యాప్తులో వ్యవహరించిన సీనియర్‌ పోలీసు అధికారులకు సమన్లు జారీ చేసినట్లు సమాచారం. అదే సమయంలో వీరమణికి సంబంధించిన కార్యాలయాలు, గెస్ట్‌హౌస్‌ తదితర ప్రాంతాల్లో సోదాలు నిర్వహించారు. కేసుతో సంబంధం ఉన్నట్లు అనుమానిస్తున్న మరికొందరి పాత్రపైనా దర్యాప్తు కొనసాగుతోంది.విజయ్‌ సర్కార్‌ చర్యలుకేసు తీవ్రత పెరగడంతో తమిళనాడు ముఖ్యమంత్రి విజయ్‌ ప్రభుత్వం దర్యాప్తులో ఎలాంటి లోపాలకు తావులేకుండా చూడాలని ఆదేశించింది. గత దర్యాప్తులో ఎవరైనా నిర్లక్ష్యం వహించారా? కేసును బలహీనపరిచే ప్రయత్నం జరిగిందా? అన్న కోణాల్లోనూ విచారణ సాగుతోంది. పోలీసు వ్యవస్థలోని అధికారుల పాత్రపై కూడా సమీక్ష మొదలైంది. దీంతో ఈ కేసు కేవలం నిందితులపై దర్యాప్తుకే పరిమితం కాకుండా.. గతంలో కేసును హ్యాండిల్‌ చేసిన తీరుపైనా విచారణ జరుగుతున్న వ్యవహారంగా మారింది.విజయ్‌ సర్కార్‌పై స్టాలిన్‌ రిప్లైఇదిలా ఉండగా.. కేసును అడ్డుకున్నారంటూ గత డీఎంకే ప్రభుత్వంపై టీవీకే వర్గాల నుంచి ఆరోపణలు రావడంతో రాజకీయ దుమారం మొదలైంది. వీరమణిని కాపాడాలని తమ ప్రభుత్వం ఎలాంటి ఆదేశాలు ఇవ్వలేదని డీఎంకే అధినేత ఎంకే స్టాలిన్‌ స్పష్టం చేశారు. తనపై, తమ ప్రభుత్వంపై వస్తున్న ఆరోపణలు అసత్యం, పరువు నష్టం కలిగించేలా ఉన్నాయని ఆయన పేర్కొన్నారు. అంతేకాదు.. బాలికలకు న్యాయం జరగడమే ఈ వ్యవహారంలో అందరి ప్రధాన లక్ష్యం కావాలని స్టాలిన్‌ పేర్కొన్నారు. దీంతో వీరమణి కేసు ఇప్పుడు క్రిమినల్‌ దర్యాప్తుతో పాటు తమిళనాడు రాజకీయాల్లోనూ ప్రధాన చర్చగా మారింది.అసలు ప్రశ్నలివే..ఇప్పుడు ఈ కేసులో అసలు ప్రశ్నలు ఎన్నో ఉన్నాయి. పోలీసులకు వీడియో ఎప్పుడు చేరింది? ఆధారాలు ఉన్నప్పటికీ తొలి దర్యాప్తు క్లోజర్‌ రిపోర్టు వరకు ఎందుకు వెళ్లింది? కోర్టు ఆదేశాల తర్వాతే బాధితులను గుర్తించే దిశగా దర్యాప్తు ఎలా ముందుకు సాగింది? ఈ అంశాలపై విజయ్‌ సర్కార్‌ దృష్టి సారించడంతో పాత దర్యాప్తు తీరుపైనా విచారణ జరుగుతోంది. మరోవైపు వీరమణిని కాపాడారన్న ఆరోపణలను స్టాలిన్‌ ఖండిస్తూ.. తమ ప్రభుత్వం ఎలాంటి ఆదేశాలు ఇవ్వలేదని స్పష్టం చేశారు. దీంతో నిందితులపై కేసు దర్యాప్తుతో పాటు.. గతంలో ఈ వ్యవహారాన్ని పోలీసులు ఎలా నిర్వహించారన్నది కూడా ఇప్పుడు కీలకంగా మారింది.ఇదీ చదవండి: విద్యార్థుల మెనూలోకి బీఫ్‌

ఇంట్లోనే ఓ దారుణ హత్య.. బయట నుంచి చూస్తే అనుమానం ఓ వ్యక్తిపై.. దర్యాప్తు ముందుకు సాగేకొద్దీ మరో వ్యక్తి పేరు తెరపైకి వచ్చింది. అసలు హత్యకు కుట్ర పన్నింది ఎవరు? కిరాయి హంతకులను రంగంలోకి దించింది ఎవరు? పోలీసులు ఒక్కో ఆధారాన్ని సేకరిస్తున్న కొద్దీ.. కేసు ఊహించని మలుపులు తిరిగింది. ముఖ్యంగా నిందితుల వాంగ్మూలాలు, ఫోన్‌ కాల్స్‌, కొత్త సిమ్‌ కార్డు వ్యవహారం పోలీసుల దర్యాప్తులో కీలకంగా మారాయి. అలా దిమ్మతిరిగిపోయే ట్విస్ట్‌ బయటపడింది.ఉత్తరప్రదేశ్‌లోని కాన్పూర్‌లో ఫార్మాస్యూటికల్‌ డీలర్‌ వినీత్‌ మనోచా (60) సెప్టెంబర్‌ 5న తన నివాసంలో దారుణ హత్యకు గురయ్యారు. కత్తితో దాడి చేసి చంపినట్లు పోలీసులు గుర్తించారు. ఘటన జరిగిన మరుసటి రోజే.. వినీత్‌ దగ్గర గతంలో పని చేసిన విశాల్‌ గౌతమ్‌, రాజ్‌కిశోర్‌లను పోలీసులు అరెస్టు చేశారు. అయితే వినీత్‌ కోడలు ఇచ్చిన సుపారీతోనే తాము హత్య చేశామని చెప్పడంతో కేసు చిక్కుముడి వీడిందని పోలీసులు భావించారు.తొలుత కేసు దర్యాప్తు మొత్తం షాలూ చుట్టూనే తిరిగింది. చిన్న చిన్న ఖర్చులకు కూడా తాను మామ దగ్గర చేయి చాచడం, నచ్చినట్లు తనను బతకనీయకపోవడం, పైగా భర్తను పదే పదే అవమానించడంతోనే కోపంతో ఆమె ఆ ఘాతుకానికి పాల్పడి ఉంటుందని పోలీసులు భావించారు. అయితే విచారణలో ఆమె తనకేం పాపం తెలియదని కన్నీరు మున్నీరు అయ్యింది. ఈలోపు.. కేసు ముందుకు సాగుతున్న కొద్దీ పోలీసులకు మరిన్ని అనుమానాలు తలెత్తాయి. పైగా నిందితుడు విశాల్‌ నుంచి వినీత్‌ కొడుకు సుబ్రత్‌కు ఫోన్‌కాల్స్‌ వెళ్లడం.. కేసును మరో మలుపు తిప్పింది.విశాల్‌, రాజ్‌కిశోర్‌, షాలూలను 24 గంటల కస్టడీలోకి తీసుకున్న పోలీసులు.. వారితో పలు దఫాలుగా విచారణ జరిపారు. అనంతరం సుబ్రత్‌ను కూడా వారితో ఎదురెదురుగా కూర్చోబెట్టి ప్రశ్నించారు. ఈ విచారణ అనంతరం సుబ్రత్‌ను పోలీసులు అరెస్టు చేశారు. తన తండ్రి పిసినారితనంతో విసిగిపోయానని.. ఆస్తి కోసం హత్య చేయాలని సుబ్రత్‌ కోరాడని, ఇందుకు తమకు రూ.6 లక్షలు ఇస్తానని చెప్పాడని విశాల్‌ తెలిపినట్లు పోలీస్‌ కమిషనర్‌ రఘుబీర్‌ లాల్‌ వెల్లడించారు. విశాల్‌ వాంగ్మూలంలో మరో కీలక అంశం బయటపడినట్లు పోలీసులు తెలిపారు. తాను పోలీసులకు చిక్కితే సుబ్రత్‌ భార్య షాలూ పేరును చెప్పాలని సుబ్రత్‌ సూచించినట్లు తేలింది. దీంతో ఈ కేసులో షాలూ ప్రమేయం లేదని.. ఆమెను భర్తే ఉద్దేశపూర్వకంగా ఇరికించాడని తేలింది. విశాల్‌వాంగ్మూలం ఆధారంగా.. కాల్‌ రికార్డులు, డిజిటల్‌ ఆధారాలు, ఇతర పరిస్థితుల ఆధారాలతో వాటిని పరిశీలిస్తున్నారు. సుబ్రత్‌ ఇంకా నేరం అంగీకరించకపోవడంతో.. అతని నుంచి వివరాలు రాబట్టేందుకు పోలీసులు కస్టడీ కోరే అవకాశం కనిపిస్తోంది.కొత్త సిమ్‌.. తొలి కాల్‌ అతడికేమరోవైపు విచారణ సందర్భంగా షాలూ కన్నీటి పర్యంతమై.. సుబ్రత్‌ను కాపాడేందుకే తనను ఈ కేసులో ఇరికించారని వాపోయినట్లు పోలీసులు తెలిపారు. హత్యకు రెండు రోజుల ముందు విశాల్‌ కొత్త సిమ్‌ కార్డు తీసుకున్నట్లు దర్యాప్తులో గుర్తించారు. ఆ నంబర్‌ నుంచి అతను చేసిన తొలి కాల్‌ సుబ్రత్‌కే వెళ్లినట్లు పోలీసులు తెలిపారు. హత్యకు ముందు ఇద్దరి మధ్య జరిగిన ఫోన్‌ సంభాషణలను కూడా పోలీసులు పరిశీలిస్తున్నారు.తొలుత కోడలే హత్యకు సుపారీ ఇచ్చిందని భావించిన పోలీసులకు.. చివరికి అదే కేసులో ఆమెను ఇరికించేందుకు ప్రయత్నం జరిగిందనే ఆరోపణలు తెరపైకి రావడం ఆసక్తికరంగా మారింది. కొత్త సిమ్‌.. తొలి కాల్‌.. కాంట్రాక్ట్‌ కిల్లర్‌ వాంగ్మూలం.. ఇలా ఒక్కో ఆధారం వెలుగులోకి వస్తుండటంతో ఈ కేసు మలయాళం క్రైమ్‌ థ్రిల్లర్‌ను తలపించేలా ట్విస్టుల మీద ట్విస్టులతో సాగుతోంది.ఇదీ చదవండి: హర్ముజ్‌లో దాడి.. భారతీయుడి దుర్మరణం

బిహార్‌ వరుస లైంగిక వేధింపుల ఘటనలు.. ఇప్పుడు నెట్టింట వైరల్‌ అవుతున్నాయి. జమయి జిల్లాలో పదో తరగతి బాలికపై వేధింపుల ఘటన మరువక ముందే.. సమస్తిపూర్‌లో ఇదే తరహా ఘటన చోటు చేసుకుంది. అయితే ఈ ఘటనపై అధికార, ప్రతిపక్షాల మధ్య విమర్శలు కొనసాగుతున్న వేళ.. జన సురాజ్‌ పార్టీ వ్యవస్థాపకుడు, ఎమ్మెల్యే ప్రశాంత్‌ కిషోర్‌ ఆసక్తికర వ్యాఖ్యలు చేశారు.గణేశ్‌ నవరాత్రుల సందర్భంగా.. అలీనగర్‌ బీజేపీ ఎమ్మెల్యే, భజన గాయని మైథిలీ ఠాకూర్‌ ఎప్పటిలాగే ప్రదర్శనలు ఇస్తూ వస్తున్నారు. ఈ క్రమంలో ఆమెకు సంబంధించిన ఓ వీడియో వైరల్‌ అయ్యింది. ‘‘ఒకప్పుడు సాయంత్రం 6 దాటితే బయట తిరిగేందుకు భయపడేవాళ్లం. ఇప్పుడు నేను ధైర్యంగా అర్ధరాత్రి 3గం. సమయంలోనూ బిహార్‌లో తిరగగలుగుతున్నా’’ అంటూ ఆమె ఈ ఏడాది ఫిబ్రవరిలో మాట్లాడింది. జమయి ఘటన నేపథ్యంతో ఆ వీడియో వైరల్‌ అవుతోంది.అయితే మైథిలి పేరును ప్రస్తావిస్తూ ప్రశాంత్‌ కిషోర్‌ విమర్శలు చేశారు. దర్బంగా ప్రజలు ఆమెను ఐకాన్‌గా భావించి ఓట్లు వేసి గెలిపించారని.. అయితే ఆమె మాత్రం అంబానీ కుటుంబ గణేశ్‌ ఉత్సవంలో ప్రదర్శన ఇస్తున్నారని వ్యాఖ్యానించారు. అదే సమయంలో మైథిలి నియోజకవర్గంలో శాంతి భద్రతల సమస్యలు నెలకొన్నాయని.. వరదలతో అక్కడి ప్రజలు ఇబ్బందులు పడుతున్నా ఆమె పట్టించుకోవడం లేదని మండిపడ్డారాయన.మీరో ఎమ్మెల్యే అందుకే రాత్రిళ్లు..బిహార్‌లో మహిళల భద్రతపై మైథిలీ ఠాకూర్‌ గతంలో చేసిన వ్యాఖ్యలను కూడా ప్రశాంత్‌ కిషోర్‌ ప్రస్తావించారు. ఆమె ఎమ్మెల్యే కావడంతో రాత్రిపూట బయట తిరగగలుగుతున్నారని.. కానీ సాధారణ బాలికలు, మహిళలకు అదే స్థాయిలో భద్రత ఉందా? అని ప్రశ్నించారు. సాధారణ అమ్మాయిలు రాత్రివేళ ఒంటరిగా బయటకు వెళ్లాలంటే భయపడే పరిస్థితి ఉందని, ఇప్పుడు అబ్బాయిలు కూడా రాత్రి బయటకు వెళ్లేముందు రెండుసార్లు ఆలోచించే పరిస్థితి వచ్చిందని ఆయన వ్యాఖ్యానించారు.‘వీడియో వైరల్‌ కాకపోతే.. ఘటన ఎలా బయటపడేది?’జముయి ఘటనకు సంబంధించిన వీడియో వైరల్‌ కావడంపైనా ప్రశాంత్‌ కిషోర్‌ పోలీసుల తీరును ప్రశ్నించారు. వీడియోను సోషల్‌ మీడియాలో షేర్‌ చేసిన వారిపై చర్యల గురించి మాట్లాడుతున్నారని.. కానీ ఆ వీడియో బయటకు రాకపోతే అసలు ఘటన వెలుగులోకి వచ్చేదెలా? అని ప్రశ్నించారు. బాధితులు తొలుత అధికారులను సంప్రదించకపోవడంతో సోషల్‌ మీడియాలో వెలుగులోకి వచ్చిన వీడియో ఆధారంగానే పోలీసులు కేసు దర్యాప్తు ప్రారంభించారు.‘చేసిన వారిపై చర్యలేవి?’వీడియోను ప్రసారం చేసిన వారిపై చర్యల గురించి మాట్లాడటానికి బదులుగా.. ఘటనకు పాల్పడిన వారిపై కఠిన చర్యలు తీసుకోవడమే ముఖ్యమని ప్రశాంత్‌ కిషోర్‌ వ్యాఖ్యానించారు. బిహార్‌లో మద్యం, ఇసుక మాఫియాలకు రాజకీయ రక్షణ ఉందంటూ కూడా ఆయన ఆరోపణలు చేశారు.‘బేటీ బచావో.. బేటీ పడావో’పైనా సెటైర్‌కేంద్ర ప్రభుత్వం నిర్వహిస్తున్న ‘బేటీ బచావో.. బేటీ పడావో’ కార్యక్రమాన్ని ప్రస్తావిస్తూ కూడా ప్రశాంత్‌ కిషోర్‌ వ్యంగ్యాస్త్రాలు సంధించారు. పరిస్థితి ఇలాగే ఉంటే.. ఇకపై అమ్మాయిలను వారే చదివించుకోవాలి, వారే కాపాడుకోవాలి అన్నట్టుగా ప్రభుత్వ వైఖరి ఉందంటూ ఆయన వ్యాఖ్యానించారు.మైథిలీ ఠాకూర్‌(25) బిహార్‌కు చెందిన ప్రముఖ జానపద గాయని. భోజ్‌పురి, హిందీ పాటలతో పాటు భక్తి భజన గీతాలతో గాయనిగా గుర్తింపు పొందారు. 2025 బిహార్‌ అసెంబ్లీ ఎన్నికల్లో అలీనగర్‌ నియోజకవర్గం నుంచి బీజేపీ తరఫున పోటీ చేసి ఎమ్మెల్యేగా ఎన్నికయ్యారు. రాజకీయాల్లోకి వచ్చిన తర్వాత కూడా సంగీత ప్రదర్శనలు కొనసాగిస్తున్నారు.ఇదీ చదవండి: ఉన్నట్లుండి ఏమైంది?.. ఎమ్మెల్యే రాజీనామాతో కలకలం

భారత ఎన్నికల సంఘంలో అంతర్గతంగా విభేదాలు ఉన్నాయంటూ వచ్చిన నివేదికల నేపథ్యంలో కాక్రోచ్‌ జనతా పార్టీ రంగంలోకి దిగింది. ఈసీ పనితీరు, ఓటు హక్కు పరిరక్షణ, ఎన్నికల సంస్కరణలపై కాసేపట్లో కీలక ప్రెస్‌మీట్‌ నిర్వహించనుంది. ‘హైజాకింగ్‌ ఆఫ్‌ ఇండియాస్‌ డెమోక్రసీ’ పేరుతో ఈ కార్యక్రమాన్ని నిర్వహిస్తున్నట్లు సీజేపీ ప్రకటించింది. ఇటు.. ఈసీని సంస్కరించాల్సిన అవసరం ఉందంటూ ఆ సంస్థ వ్యవస్థాపకుడు అభిజీత్‌ దీప్కే సోషల్‌ మీడియాలో స్పందించారు.ఈసీ వ్యవహారాలపై ఇకపై తమ ప్రధాన దృష్టి ఉంటుందని నిన్న సీజేపీ ప్రతినిధులు తెలిపారు. పార్టీ చీఫ్‌ స్పోక్స్‌పర్సన్‌ సౌరవ్‌ దాస్‌ మాట్లాడుతూ.. పాఠశాలలు, నిరుద్యోగం, మౌలిక వసతులు వంటి అంశాలపై తమ ప్రచారాలు కొనసాగుతున్నప్పటికీ, ప్రజలకు ఓటు హక్కును వినియోగించుకునే అవకాశం లేకపోతే వాటి ద్వారా ఆశించిన మార్పు సాధ్యం కాదని పేర్కొన్నారు. ఈసీపై తమకు ఉన్న అభ్యంతరాలను ఢిల్లీ ప్రెస్‌మీట్‌లో వివరిస్తామని చెప్పారు. ఎలక్షన్‌ కమిషన్‌ ఠీక్‌ కరో పేరిట కొత్త ఉద్యమం నడిచే అవకాశం ఉన్నట్లు తెలుస్తోంది.అసలేం జరిగింది?ఈసీలో ఎన్నికల కమిషనర్ల మధ్య బేదాభిప్రాయాలు నడుస్తున్నాయని.. పలు అంశాలపై ఆ ప్యానెల్‌లోనే అభ్యంతరాలు వ్యక్తం చేసినట్లు ‘ది ఇండియన్‌ ఎక్స్‌ప్రెస్‌’ ఓ సంచలన కథనం ప్రచురించింది. ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి.. గత పది నెలల్లో కనీసం 14 సందర్భాల్లో కొన్ని నిర్ణయాలు, ఆదేశాలపై లిఖితపూర్వకంగా అభ్యంతరాలు తెలిపింది. అలాగే కొత్త ఓటర్ల నమోదు, ఓటర్ల పేర్ల తొలగింపు–పునరుద్ధరణ, ఫారమ్‌–6లో మార్పులు, ఓటర్ల డేటాబేస్‌ నిర్వహణ, ఐటీ వ్యవస్థకు సంబంధించిన అంశాలపై ఈ అభ్యంతరాలు ఉన్నట్లు నివేదిక తెలిపింది. ఓటర్ల డేటాబేస్‌ కేంద్రీకృతం కావడంపై కూడా కమిషనర్లు ఆందోళన వ్యక్తం చేసినట్లు పేర్కొంది.ఫారమ్‌–6పై అభ్యంతరంకొత్త ఓటరుగా నమోదు చేసుకునేందుకు ఉపయోగించే ఫారమ్‌–6లో ఎస్‌ఐఆర్‌కు సంబంధించిన ప్రశ్నను చేర్చడంపై కూడా అభ్యంతరాలు వ్యక్తమైనట్లు నివేదిక పేర్కొంది. నిబంధనల్లో మార్పు లేకుండా ఫారమ్‌లో మార్పు చేయడంపై కమిషనర్లు ప్రశ్నలు లేవనెత్తినట్లు తెలిపింది. అంతేకాదు.. గోవాలో 97 మంది ఓటర్లకు సంబంధించిన కేసులోనూ సాఫ్ట్‌వేర్‌ సమస్య తలెత్తినట్లు ‘ఇండియన్‌ ఎక్స్‌ప్రెస్‌’ పేర్కొంది. అర్హులని అధికారులు నిర్ధారించినప్పటికీ, వారిని తిరిగి జాబితాలో చేర్చేందుకు అవసరమైన సాంకేతిక సదుపాయం సకాలంలో అందుబాటులో లేకపోయిందని నివేదించింది.పార్టీల నుంచి భిన్న స్పందనలు..ఈసీలోని అంతర్గత అభ్యంతరాలపై రాజకీయ పార్టీల నుంచి భిన్న స్పందనలు వచ్చాయి. ప్రతిపక్ష నేతలు ఈ పరిణామాలపై ఈసీ తీరును ప్రశ్నించగా.. బీజేపీ మాత్రం కమిషనర్ల మధ్య భిన్నాభిప్రాయాలు అంతర్గత ప్రజాస్వామ్య ప్రక్రియలో భాగమేనని పేర్కొంది. దీంతో ఈసీ వ్యవహారంపై రాజకీయంగానూ చర్చ మొదలైంది.ఈసీ వివరణ ఇదీ..అయితే ఈ కథనంపై ఈసీ స్పందించింది. కమిషన్‌లో భిన్నాభిప్రాయాలు, రాతపూర్వక సూచనలు, సాంకేతిక అభిప్రాయాలు సాధారణ ప్రక్రియలో భాగమేనని స్పష్టం చేసింది. ఎస్‌ఐఆర్‌తో సహా అన్ని కీలక నిర్ణయాలు ముగ్గురు కమిషనర్ల ఏకగ్రీవ నిర్ణయాలేనని పేర్కొంది. అంతర్గత నోట్స్‌లోని కొన్ని అంశాలను మాత్రమే చూపించడం వల్ల మొత్తం నిర్ణయ ప్రక్రియలోని మరో కోణం కనిపించదని తెలిపింది.ఇప్పుడు సీజేపీ ఏం చెబుతుంది?ఈ నేపథ్యంలోనే.. ఇప్పటివరకు స్కూల్స్‌ క్యాంపెయిన్‌ వంటి అంశాలపై దృష్టి పెట్టిన సీజేపీ హఠాత్తుగా ఈసీ సంస్కరణల అంశాన్ని ప్రధానంగా తీసుకోవడం ఆసక్తికరంగా మారింది. ఈసీ పనితీరు, ఓటు హక్కు, ఎన్నికల ప్రక్రియలో పారదర్శకతపై తమ వైఖరిని ఢిల్లీలో జరిగే ప్రెస్‌మీట్‌లో వెల్లడించనుంది. ‘ఎలక్షన్‌ కమిషన్‌ ఠీక్‌ కరో’ పేరుతో కొత్త ఉద్యమానికి శ్రీకారం చుడుతుందా? ఈసీపై ఏవైనా కీలక డిమాండ్లు, కార్యాచరణ ప్రకటిస్తుందా? అన్నదానిపై ఇప్పుడు ఉత్కంఠ నెలకొంది.ఇదీ చదవండి: ఐఐటీ బాంబే సాహిల్‌ కేసు.. సంచలన ఫుటేజీ బయటకు!

ఐఐటీ బాంబే విద్యార్థి సాహిల్‌ వాకోడే మృతి కేసు రోజుకో కొత్త మలుపు తిరుగుతోంది. పరీక్షలో మొబైల్‌ ఫోన్‌ వినియోగించాడనే ఆరోపణ.. ఆ తర్వాత చోటుచేసుకున్న పరిణామాలు.. కుల వివక్ష, వేధింపుల ఆరోపణలు.. ప్రొఫెసర్‌పై నమోదైన కేసు.. తాజాగా వెలుగులోకి వచ్చిన సీసీటీవీ దృశ్యాలు.. చివరి గంటల్లో స్నేహితురాలితో సాహిల్‌ మాట్లాడిన మాటలు.. ఇలా ఈ వ్యవహారంలో పలు అంశాలు దర్యాప్తులో కీలకంగా మారాయి.మరణానికి కొన్ని గంటల ముందు సాహిల్‌(Sahil Wakode) తన సన్నిహిత స్నేహితురాలితో ఫోన్‌లో మాట్లాడినట్లు దర్యాప్తు వర్గాలను ఉటంకిస్తూ ఓ జాతీయ మీడియా కథనం ప్రచురించింది. సెప్టెంబర్‌ 18న మధ్యాహ్నం సుమారు 2.30 గంటలకు జరిగిన ఈ సంభాషణే అతని చివరి ఫోన్‌ కాల్‌ అని తెలుస్తోంది.ఆ కాల్‌లో “నేను తప్పు చేశాను. నా థర్మోడైనమిక్స్‌ పేపర్‌ కూడా సరిగ్గా రాయలేదు.. ఇప్పుడు ఇదీ జరిగింది” అని సాహిల్‌ చెప్పినట్లు స్నేహితురాలు దర్యాప్తు అధికారులకు తెలిపినట్లు సమాచారం. ఆ తర్వాత ఆమె ఎన్నిసార్లు ఫోన్‌ చేసినా సాహిల్‌ స్పందించలేదట. ఈ సంభాషణలో సాహిల్‌ తాను కుల వివక్ష ఎదుర్కొన్నట్లు వ్యాఖ్యలు చేయలేదని కూడా దర్యాప్తు వర్గాలు తెలిపినట్లు సదరు కథనం వెల్లడించింది.పరీక్ష హాల్లో అసలేం జరిగింది?సెప్టెంబర్‌ 18న పరీక్ష జరుగుతున్న సమయంలో సాహిల్‌ మొబైల్‌ ఫోన్‌ ఉపయోగించినట్లు.. చాట్‌జీపీటీ ఉపయోగించి సమాధానాలు తెలుసుకునే ప్రయత్నాలు చేశారంటూ ఆరోపణలు వచ్చాయి. పరీక్షా హాల్లో ఇన్విజిలేటర్‌గా ఉన్న ప్రొఫెసర్‌ సూర్యనారాయణ దుల్లా అతడిని ప్రశ్నించాడని, ఆయన అవమానించడంతోనే ఆ భారంతో సాహిల్‌ బలవనర్మరణానికి పాల్పడ్డాడన్నది ప్రధాన అభియోగం.తాజాగా బయటకు వచ్చిన ఫుటేజీలో.. ముందు వరుసలో కూర్చున్న సాహిల్‌ వద్దకు ప్రొఫెసర్‌ వెళ్లి మాట్లాడటం కనిపిస్తోంది. సాహిల్‌ తన సీటు నుంచి లేచి, మళ్లీ కూర్చుని.. అనంతరం తన వద్ద ఉన్న మొబైల్‌ ఫోన్‌ను ప్రొఫెసర్‌కు ఇచ్చినట్లు దృశ్యాల్లో కనిపించింది. కొద్దిసేపు ఇద్దరి మధ్య సంభాషణ జరిగిన తర్వాత సాహిల్‌ తన వస్తువులను సర్దుకుని పరీక్షా హాలు నుంచి బయటకు వెళ్లినట్లు ఫుటేజీ ఆధారంగా తెలుస్తోంది.IIT Bombay case: CCTV footage from the examination hall has surfaced. Sahil Wakode is seen being taken outside the examination hall by Prof. #Suryanarayanadoolla after being caught cheating in the exam.#IITBombay #SahilWakode #CCTV #Mumbai pic.twitter.com/E5LekwfkDF— Rajesh kumar (@journorajeshk) September 23, 2026పోలీసులు ముఖ్యంగా పరీక్ష ముగియడానికి ముందు 12.30 నుంచి 12.45 గంటల మధ్య జరిగిన పరిణామాలను పరిశీలిస్తున్నారు. ఆ సమయంలో సాహిల్‌ తన జేబులోని ఏదో చూస్తున్నట్లు, దానిని గమనించిన ప్రొఫెసర్‌ అతడిని పక్కకు తీసుకెళ్లినట్లు దర్యాప్తు వర్గాలు తెలిపాయి. ఆ కొన్ని నిమిషాల్లో ఇద్దరి మధ్య ఏం మాట్లాడారన్నది తెలుసుకునేందుకు పరీక్షా హాల్లో ఉన్న విద్యార్థుల వాంగ్మూలాలను కూడా పోలీసులు నమోదు చేస్తున్నారు.ఆ తర్వాత ఏం జరిగింది?పరీక్షా హాలు నుంచి బయటకు వచ్చిన సాహిల్‌ మధ్యాహ్నం సుమారు 1.25 గంటలకు తన హాస్టల్‌ గదికి వెళ్లినట్లు సీసీటీవీ ఆధారాలను పరిశీలించిన పోలీసులు గుర్తించినట్లు సమాచారం. ఆ తర్వాత అతడు బయటకు రాలేదని తెలుస్తోంది. కొన్ని గంటల అనంతరం హాస్టల్‌ గదిలో సాహిల్‌ మృతదేహం గుర్తించారు.ఈ ఘటనతో ఐఐటీ బాంబే క్యాంపస్‌లో తీవ్ర ఆందోళన మొదలైంది. విద్యార్థులు పెద్ద ఎత్తున నిరసనలు చేపట్టారు. విద్యార్థి సంక్షేమం, మానసిక ఆరోగ్య సహాయం, ఫిర్యాదుల పరిష్కార వ్యవస్థతోపాటు ఘటనపై స్వతంత్ర దర్యాప్తు కోరుతూ పలు డిమాండ్లు చేశారు.‘కుల వివక్షకు గురయ్యాడు’.. తల్లిదండ్రుల ఆరోపణసాహిల్‌ గతంలో తనకు కులపరమైన అవమానాలు, వివక్ష ఎదురవుతున్నాయని తల్లిదండ్రులతో చెప్పినట్లు వారు ఆరోపిస్తున్నారు. తన కుమారుడు ప్రొఫెసర్‌ దుల్లా(Suryanarayanadoolla) నుంచి వివక్ష ఎదుర్కొంటున్నాడని తండ్రి రవీంద్ర వాకోడే ఆరోపించారు. తమ కుమారుడి మృతికి బాధ్యులైన వారిని వెంటనే అరెస్టు చేయాలని తల్లిదండ్రులు డిమాండ్‌ చేస్తున్నారు. పోలీసులు నమోదు చేసిన ఎఫ్‌ఐఆర్‌లో ప్రొఫెసర్‌ సూర్యనారాయణ దుల్లా సహా పలువురిపై ఆత్మహత్యకు ప్రేరేపించిన ఆరోపణలు, ఎస్సీ/ఎస్టీ (అట్రాసిటీస్‌) చట్టంలోని నిబంధనలు చేర్చారు. కేసు దర్యాప్తును ముంబై క్రైమ్‌ బ్రాంచ్‌ చేపట్టింది.ప్రొఫెసర్‌కు ఐఐటీ ఫ్యాకల్టీ మద్దతుమరోవైపు ప్రొఫెసర్‌ దుల్లాకు ఐఐటీ బాంబే ఫ్యాకల్టీ ఫోరం మద్దతుగా నిలిచింది. పరీక్షలో అనధికారికంగా మొబైల్‌ వినియోగించిన ఘటనను ఇన్విజిలేటర్‌గా నివేదించడం తన విధుల్లో భాగమేనని ఫోరం పేర్కొంది. ఇతర ఐఐటీలకు చెందిన కొందరు ఫ్యాకల్టీ వర్గాలు కూడా దుల్లాకు న్యాయమైన దర్యాప్తు జరగాలని కోరాయి.అయితే విద్యార్థుల ఆందోళనల నేపథ్యంలో దుల్లాను డీన్‌ పదవి నుంచి తొలగించారు. తాజాగా ఆయనను సెలవుపై వెళ్లాలని ఐఐటీ బాంబే కోరింది. ఇది దర్యాప్తు పూర్తయ్యే వరకు తీసుకున్న చర్యగా స్పష్టమవుతోంది.ఆ వ్యవహారంపై వెనక్కి.. క్షమాపణలుసాహిల్‌ పరీక్షలో మొబైల్‌ ఫోన్‌ ద్వారా ప్రశ్నపత్రాన్ని చాట్‌జీపీటీలోకి అప్‌లోడ్‌ చేసి సమాధానాలు పొందేందుకు ప్రయత్నించాడని ఐఐటీ బాంబే తొలుత బహిరంగ ప్రకటన చేసింది. ఆ ఘటనను అతడి మృతితో ముడిపెట్టేలా సంస్థ ప్రకటన చేయడంతో తీవ్ర విమర్శలు వచ్చాయి. అయితే తర్వాత ఐఐటీ బాంబే తన ప్రకటనపై వెనక్కి తగ్గింది. ఘటనకు దారితీసిన పరిస్థితులు ఇంకా దర్యాప్తులో ఉన్నందున అప్పటికే వాటిని నిర్ధారించినట్లుగా పేర్కొనడం తగదని చెబుతూ సంస్థ క్షమాపణలు చెప్పింది.10 మందితో ప్రత్యేక కమిటీకేసు మరింత సంక్లిష్టంగా మారడంతో ఐఐటీ బాంబే బోర్డ్‌ ఆఫ్‌ గవర్నర్స్‌ 10 మంది సభ్యులతో ఉన్నతస్థాయి కమిటీని ఏర్పాటు చేసింది. ఐఐటీ పాలక్కాడ్‌ బోర్డ్‌ ఆఫ్‌ గవర్నర్స్‌ చైర్మన్‌ ప్రొఫెసర్‌ రమేశ్‌ వెంకటేశ్వరన్‌ ఈ కమిటీకి నేతృత్వం వహిస్తున్నారు. కమిటీలో ఫ్యాకల్టీ సభ్యులతోపాటు విద్యార్థి ప్రతినిధులు, సైకియాట్రిస్ట్‌ తదితరులు ఉన్నారు. ఘటనకు సంబంధించిన పరిస్థితులను పరిశీలించి వారంలో నివేదిక ఇవ్వాలని కమిటీని ఆదేశించారు.ప్రతి కోణంలో దర్యాప్తుసాహిల్‌ మొబైల్‌ ఫోన్‌ను పోలీసులు ఫోరెన్సిక్‌ పరీక్షకు పంపినట్లు సమాచారం. ఫోన్‌ డేటాను క్లోన్‌ చేసి.. అతడి చాట్స్‌, చివరి సంభాషణలు, ఘటనకు ముందు ఎవరెవరితో మాట్లాడాడన్న అంశాలను కూడా పరిశీలిస్తున్నారు. పరీక్షా హాల్లో ఏం జరిగిందో, ప్రొఫెసర్‌–సాహిల్‌ మధ్య సంభాషణ ఏంటో, గతంలో వారిద్దరి మధ్య ఏమైనా పరిచయం లేదా వివాదం ఉందా అనేదానిపైనా దర్యాప్తు సాగుతోంది. ఇదిలా ఉండగా.. కేసుపై ఊహాగానాలు, తప్పుడు సమాచారం ప్రచారం చేయొద్దని ముంబై పోలీసులు ప్రజలు, మీడియాను కోరారు. ఐఐటీ బాంబే అలుమ్ని అసోసియేషన్‌ కూడా ఎలాంటి ‘మీడియా ట్రయల్‌’ లేకుండా నిష్పక్షపాతంగా, వేగంగా దర్యాప్తు జరగాలని కోరింది.ఇదీ చదవండి: మీ నూనె.. మా నూనె

నదీ ప్రవాహంలో కొట్టుకుపోతున్న రోజుల వయసున్న ఏనుగు పిల్లను మత్స్యకారులు ప్రాణాలకు తెగించి కాపాడారు. దాదాపు నాలుగు కిలోమీటర్లు పడవల్లో వెంబడించి.. అలసిపోయిన ఆ చిన్నారిని ఒడ్డుకు చేర్చారు. అటవీశాఖ సిబ్బంది సంరక్షణ అనంతరం రెండు గంటల పాటు గాలించి చివరకు దాని తల్లిని గుర్తించారు. నీటిలోకి వచ్చి తన బిడ్డను చేరదీసిన తల్లి ఏనుగు దృశ్యం అక్కడున్న వారిని కదిలించింది.పశ్చిమ బెంగాల్‌లోని జల్పాయిగురి జిల్లా గజోల్డోబా సమీపంలో సెప్టెంబర్‌ 21న ఈ ఘటన జరిగింది. టీస్తా నదిలో మూడు, నాలుగు రోజుల వయసున్న ఏనుగు పిల్ల ప్రవాహంలో కొట్టుకుపోతుండటాన్ని నార్త్‌ బెంగాల్‌ ఫిషర్‌మెన్‌ ఫోరం సభ్యులు గుర్తించారు. వెంటనే మిథు దాస్‌, బిశ్వనాథ్‌ దాస్‌, రాజేశ్‌ దాస్‌, గోపాల్‌ దాస్‌, బబ్లు దాస్‌ పడవల్లో దాన్ని వెంబడించారు.నాలుగు కిలోమీటర్లు వెంబడించి..తీవ్ర ప్రవాహం కారణంగా ఏనుగు పిల్లను దాదాపు నాలుగు కిలోమీటర్ల మేర నదిలో కొట్టుకుపోతూ వెళ్లింది. మత్స్యకారులు పడవలను దాని వెంట నడిపి.. ఎట్టకేలకు దాన్ని జాగ్రత్తగా పైకి ఎత్తుకుని పడవలోకి చేర్చారు. ఒడ్డుకు తీసుకొచ్చే వరకు చిన్నారిని ఓదారుస్తూ, జాగ్రత్తగా సంరక్షించారు.రెండు గంటల తర్వాత తల్లి చెంతకు..సమాచారం అందుకున్న బైకుంఠపూర్‌ అటవీశాఖ అధికారులు ఏనుగు పిల్లకు అవసరమైన సంరక్షణ అందించారు. అనంతరం తల్లి ఏనుగు కోసం గాలింపు చేపట్టారు. దాదాపు రెండు గంటల తర్వాత గుంపును గుర్తించి.. పిల్లను తల్లి దగ్గరకు చేర్చారు. తన బిడ్డను చూసిన తల్లి ఏనుగు నీటిలోకి వచ్చి దానికి పాలు ఇచ్చింది.ప్రస్తుతం ఏనుగు పిల్ల, తల్లి రెండింటినీ అటవీశాఖ అధికారులు గుంపుతో కలిసి పర్యవేక్షిస్తున్నారు. సకాలంలో స్పందించి ఏనుగు పిల్ల ప్రాణాలను కాపాడిన మత్స్యకారులపై ప్రశంసలు వెల్లువెత్తుతున్నాయి.Humanity. ❤️Fishermen rescue elephant calf from Teesta River in Gajoldoba, reunite it with mother. pic.twitter.com/uQL4EEW32L— Mayukh Biswas (@MayukhDuke) September 21, 2026

తమిళనాడులోని ప్రభుత్వ విద్యార్థుల హాస్టళ్ల మెనూలో బీఫ్‌ను చేర్చే అంశం చర్చకు వచ్చింది. కొందరు విద్యార్థులు బీఫ్‌ను మెనూలో చేర్చాలని కోరడంతో విజయ్‌ సర్కార్‌ స్పందించింది. సంబంధిత అధికారులతో చర్చించిన తర్వాత నిర్ణయం తీసుకుంటామని సామాజిక న్యాయశాఖ మంత్రి వన్నీ అరసు తెలిపారు. ఈ క్రమంలో తీవ్ర అభ్యంతరాలు వ్యక్తం అవుతున్నాయి.చెన్నైలోని సైదాపేటలో ఉన్న ఎం.సి. రాజా సోషల్‌ జస్టిస్‌ హాస్టల్‌ను మంత్రి వన్నీ అరసు తాజాగా పరిశీలించారు. అనంతరం మీడియాతో మాట్లాడుతూ హాస్టళ్లలో విద్యార్థుల అభిప్రాయాలకు అనుగుణంగా మెనూలో మార్పులు చేస్తున్నట్లు చెప్పారు. ప్రస్తుతం హాస్టళ్లలో చికెన్‌, మటన్‌ వంటి నాన్‌వెజ్‌ వంటకాలు అందిస్తున్నామని.. సోమవారాల్లో బిర్యానీ కూడా అందించనున్నట్లు తెలిపారు.మటన్‌ ఖరీదు.. బీఫ్‌ కోరిన విద్యార్థులుగ్రామీణ ప్రాంతాల నుంచి వచ్చిన కొందరు విద్యార్థులు మటన్‌ ధర ఎక్కువగా ఉండటంతో తాము తరచూ తినలేమని చెప్పి.. దాని స్థానంలో బీఫ్‌ను మెనూలో చేర్చాలని కోరినట్లు మంత్రి వివరించారు. అలాగే విద్యార్థుల ఫీడ్‌బ్యాక్‌ ఆధారంగా హాస్టల్‌ మెనూను దశలవారీగా మారుస్తున్నామని మంత్రి తెలిపారు. గతంలో మెనూలో ఉన్న ఉప్మా, సెమియా కిచిడీ వంటి కొన్ని వంటకాలను తొలగించి.. ఇడ్లీ, దోస వంటి అల్పాహారాలను చేర్చినట్లు చెప్పారు.తీవ్రంగా వ్యతిరేకించిన కృష్ణసామిబీఫ్‌ను హాస్టల్‌ మెనూలో చేర్చే అంశాన్ని పరిగణనలోకి తీసుకోవడంపై పలువురు అభ్యంతరాలు వ్యక్తం చేశారు. పుత్తియా తమిళగం పార్టీ అధ్యక్షుడు డాక్టర్‌ కే. కృష్ణసామి అభ్యంతరం వ్యక్తం చేశారు. మంత్రి తన వ్యాఖ్యలను వెంటనే ఉపసంహరించుకోవాలని డిమాండ్‌ చేశారు. హాస్టల్‌ విద్యార్థులకు ప్రొటీన్లు, విటమిన్లు, ఖనిజాలు, కొవ్వులు వంటి పోషకాలు సమతుల్యంగా అందేలా ఆహార మెనూ ఉండాలని ఆయన పేర్కొన్నారు.తమిళనాడు ప్రభుత్వ హాస్టళ్లలో రోజూ గుడ్లు, వారానికి కనీసం రెండుసార్లు చికెన్‌, మటన్‌ అందించాలని తాను కోరుతున్నట్లు కృష్ణసామి తెలిపారు. బీఫ్‌ విషయంలో మంత్రి చేసిన వ్యాఖ్యలు తగవని, ఈ అంశాన్ని ముందుకు తీసుకెళ్లకూడదని ఆయన కోరారు. అయితే వివాదం నేపథ్యంలో మంత్రి మంత్రి వన్నీ అరసు మరోసారి స్పందించారు. ఈ అంశం పరిశీలనలో మాత్రమే ఉందని అన్నారాయన. హాస్టళ్లలోని విద్యార్థులందరి అభిప్రాయాలు ఒకేలా లేవని, అందుకే అధికారులతో చర్చించిన తర్వాతే నిర్ణయం తీసుకుంటామని చెప్పారు.ఇదీ చదవండి: నాకింత విషమిచ్చి చంపేయండి.. జడ్జి ముందు నటి కన్నీరు

అప్పటికే నలుగురి ప్రాణాలు పోయాయి.. ఇంట్లో ముగ్గురు చిన్నారులు బందీలుగా ఉన్నారు. బయట భారీగా పోలీసులు మోహరించగా.. లోపల ఏం జరుగుతోందో తెలియని పరిస్థితి. దాదాపు ఎనిమిది గంటల పాటు సాగిన ఈ హైడ్రామాకు చివరికి పోలీసులు చేపట్టిన ఆపరేషన్‌తో తెరపడింది.ఉత్తరప్రదేశ్‌లోని ఆజంగఢ్‌ జిల్లాలో దారుణ ఘటన చోటుచేసుకుంది. ఓ వ్యక్తి తన భార్య, కొడుకుతో పాటు ఇద్దరు పూజారుల్ని కాల్చి చంపాడు. ఆపై తన ముగ్గురు పిల్లలనే ఇంట్లోనే బంధీలుగా చేసుకుని పోలీసులకు చుక్కలు చూపించాడు. సుమారు ఎనిమిది గంటల పాటు హైడ్రామా కొనసాగగా.. పోలీసులు ఆపరేషన్‌ చేపట్టి నిందితుడిని ఎన్‌కౌంటర్‌ చేశారు.ఆజంగఢ్‌లోని అహ్రౌలా పోలీస్‌స్టేషన్‌ పరిధి శంభూపూర్‌ గ్రామంలో ఈ ఘటన జరిగింది. అరవింద్‌ సింగ్‌ తుపాకీతో కాల్పులు జరిపి తన భార్యతో పాటు మరో ఇద్దరిని హత్య చేసినట్లు సమాచారం అందడంతో పోలీసులు, ఉన్నతాధికారులు వెంటనే అక్కడికి చేరుకున్నారు. ఘటనా స్థలానికి భారీగా పోలీసు బలగాలతో పాటు ఫోరెన్సిక్‌ బృందాన్ని తరలించారు.ఇంట్లో పిల్లలు బందీలుకాల్పుల అనంతరం అరవింద్‌ సింగ్‌ తన పిల్లలను ఇంట్లో బందీలుగా ఉంచినట్లు పోలీసులు గుర్తించారు. పరిస్థితి అత్యంత ఉద్రిక్తంగా మారడంతో పోలీసులు ఆచితూచి ఆపరేషన్‌ చేపట్టారు. దాదాపు ఎనిమిది గంటల పాటు కొనసాగిన ఉత్కంఠ.. చివరకు కాల్పులతో ముగిసింది. పోలీసుల చర్యలో ముగ్గురు పిల్లలను సురక్షితంగా బయటకు తీసుకువచ్చారు.పోలీసుల కాల్పుల్లోనే..పిల్లలను రక్షించే క్రమంలో పోలీసులు జరిపిన కాల్పుల్లో అరవింద్‌ సింగ్‌ మృతి చెందినట్లు అధికారులు వెల్లడించారు. ఘటనకు సంబంధించి పూర్తి వివరాలను సేకరిస్తున్నారు. నిందితుడు ఉపయోగించిన ఆయుధం, హత్యలకు దారితీసిన కారణాలు, మృతుల మధ్య సంబంధాలపై దర్యాప్తు కొనసాగుతోంది.ఫోరెన్సిక్‌ ఆధారాల సేకరణఘటనపై సమాచారం అందుకున్న వెంటనే సీనియర్‌ పోలీసు అధికారులు సంఘటనా స్థలాన్ని పరిశీలించారు. అక్కడ ఆధారాలను సేకరించేందుకు ఫోరెన్సిక్‌ బృందం రంగంలోకి దిగింది. కేసులో తదుపరి చట్టపరమైన చర్యలు కొనసాగుతున్నాయని ఆజంగఢ్‌ సీనియర్‌ సూపరింటెండెంట్‌ ఆఫ్‌ పోలీస్‌ డాక్టర్‌ అనిల్‌ కుమార్‌ తెలిపారు.ఇదీ చదవండి: ఎయిర్‌ హోస్టెస్‌ ట్రైనింగ్‌ తీసుకుంది.. చివరకు!