Tollywood

లిప్‌స్టిక్‌తో జాన్వీ కపూర్ హోయలు..బ్లాక్ డ్రెస్‌లో మెరిసిపోతున్న హీరోయిన్ సమంత..వజ్రంలా బాలీవుడ్ బ్యూటీ త్రిప్తి డిమ్రీ..జిమ్‌లో చెమట్చోడుతున్న బిగ్‌బాస్ దివి..పచ్చని పంటపొలాల్లో హీరోయిన్ సారా చిల్.. View this post on Instagram A post shared by Shruti Haasan (@shrutzhaasan) View this post on Instagram A post shared by Sonali Bendre (@iamsonalibendre) View this post on Instagram A post shared by Triptii Dimri (@tripti_dimri) View this post on Instagram A post shared by Janhvi Kapoor (@janhvikapoor) View this post on Instagram A post shared by Divi (@actordivi) View this post on Instagram A post shared by Samantha (@samantharuthprabhuoffl) View this post on Instagram A post shared by Sara Ali Khan (@saraalikhan95)

స్వీడన్‌కు చెందిన కర్ల్ స్వాన్‌బెర్గ్‌ దంపతుల గురించి ప్రత్యేకంగా చెప్పాల్సిన పనిలేదు. తెలుగు సినిమాలంటే వీరికి విపరీతమైన అభిమానం. కొత్త సినిమా ఏదైనా సరే వీరిద్దరు రీల్ చేయాల్సిందే. వెంటనే వాటిని సోషల్ మీడియాలో షేర్ చేస్తూ అభిమానులను అలరిస్తుంటారు. తాజాగా ఈ జంట పుష్ప మూవీలోని సీన్ రీ క్రియేట్ చేశారు. ఆటోలో కూర్చుని రష్మికను ముద్దు అడిగే సీన్‌లో వీరిద్దరు అదరగొట్టేశారు.బిఫోర్ మ్యారేజ్.. ఆఫ్టర్ మ్యారేజ్ అంటూ పుష్ప, పుష్ప-2 చిత్రాల్లోని సీన్స్‌ జోడించారు. ఈ వీడియో సోషల్ మీడియాలో వైరల్‌గా మారింది. కాగా.. ఈ జంట గతంలో పలు టాలీవుడ్ సినిమాల పాటలకు డ్యాన్స్ చేస్తూ సందడి చేశారు. తెలుగు భాషపై వీరికున్న అభిమానం వెలకట్టలేనిది. ఏ కొత్త సినిమా వచ్చినా తమలోని టాలెంట్‌ను బయటపెడుతుంటారు. త్వరలోనే ఈ జంట ఇండియాకు రానుంది. హైదరాబాద్‌ను కూడా సందర్శిస్తామని ప్రకటించారు. View this post on Instagram A post shared by Karl Svanberg (@raja.svanberg)

కొత్త బంగారు లోకం కాంబో అందరికీ గుర్తు ఉండే ఉంటుంది. ఇంటర్‌లో చదివే టైమ్‌లో పుట్టే లవ్ స్టోరీగా ఈ మూవీ సినీ ప్రియులను అలరించింది. ఈ చిత్రంలో వరుణ్ సందేశ్. శ్వేతాబసు ప్రసాద్ జంటగా నటించారు. చాలా ఏళ్ల గ్యాప్ తర్వాత ఈ జోడీ మరోసారి అభిమానులను అలరించేందుకు వస్తోంది. వీరిద్దరు జంటగా నటించిన లేటేస్ట్ మూవీ నా వైఫ్ మిస్సింగ్.ఈ చిత్రం నేరుగా ఓటీటీలోనే రిలీజ్ కానుంది. ఆహా వేదికగా ఈ సినిమా అందుబాటులోకి రానుంది. క్రైమ్ మిస్టరీ నేపథ్యంగా ఈ చిత్రాన్ని తెరకెక్కించారు. తాజాగా ఈ మూవీ స్ట్రీమింగ్ డేట్‌ను మేకర్స్ ఫిక్స్ చేశారు. ఈ నెల 22 నుంచే ఆహా వేదికగా స్ట్రీమింగ్ కానుందని వెల్లడించారు. తెలుగుతో పాటు తమిళంలోనూ అందుబాటులోకి రానుంది.ఈ విషయాన్ని తెలియజేస్తూ నిమిషం నిడివితో టీజర్ రిలీజ్ చేశారు. సంప్రదాయబద్ధంగా వీరిద్దరి వివాహం జరగడం, ఆ తర్వాత ఒకరితో ఒకరు ఆనందంగా గడిపే సన్నివేశాలతో టీజర్‌ ఆకట్టుకుంటోంది. నేను వర్జిన్ కాదు అని చెప్పే డైలాగ్ ఈ మూవీపై ఆసక్తిని మరించ పెంచుతోంది. అయితే అనుకోకుండా భార్య కనిపించకుండా పోవడం, భర్త నేరుగా పోలీస్ స్టేషన్‌కు వెళ్లి ఫిర్యాదు చేయడం చూస్తే క్రైమ్ థ్రిల్లర్‌గానే తెరకెక్కించినట్లు టీజర్‌లో ‍అర్థమవుతోంది. అనుమానం..అవమానం..అవకాశం! An aha original #NaWifeMissing from 22nd Oct! (24hrs early access for aha gold users) https://t.co/Oip8hb4y11— ahavideoin (@ahavideoIN) October 7, 2026

నాని హీరోగా వచ్చిన లేటేస్ట్ మూవీ ది ప్యారడైజ్. శ్రీకాంత్ ఓదెల డైరెక్షన్‌లో వచ్చిన ఈ చిత్రం బాక్సాఫీస్ వద్ద మిక్స్‌డ్ టాక్ సొంతం చేసుకుంది. టాక్ ఎలా ఉన్నప్పటికీ వసూళ్లపరంగా అదరగొట్టింది. ఈ చిత్రంలో కయాదు లోహర్ హీరోయిన్‌గా మెప్పించింది. సవారీలు అనే జాతి తమ మనుగడ కోసం చేసే పోరాటం అధారంగా ఈ మూవీ ప్రేక్షకుల ముందుకు తీసుకొచ్చారు.(ఇది చదవండి: వెంకీ ఆదర్శకుటుంబం.. రిలీజ్‌ డేట్‌ లీక్..!)తాజాగా ఈ మూవీ సూపర్‌ హిట్ వీడియో సాంగ్‌ రిలీజ్ చేశారు. అభిమానులను షేక్ చేసిన ఆయా షేర్ అంటూ సాగే పాటను విడుదల చేశారు. ఈ పాటను అనిరుధ్ రవిచందర్ కంపోజ్ చేశారు. ఈ పాటలో నాని తన స్టెప్పులతో అదరగొట్టేశారు. ఇంకెందుకు ఆలస్యం ఈ ఫుల్ వీడియో సాంగ్‌ మీరు కూడా చూసేయండి.

వెంకటేశ్- త్రివిక్రమ్ కాంబోలో వస్తోన్న లేటేస్ట్ మూవీ ఆదర్శకుటుంబం. ఈ మూవీ ఇప్పటికే రిలీజ్ కావాల్సి ఉన్నప్పటికీ వాయిదా పడింది. మొదట అక్టోబర్ 2న రిలీజ్ చేస్తామని ప్రకటించారు. ఆ తర్వాత 9న విడుదల చేస్తామని పోస్ట్‌పోన్ చేశారు. ఏమైందో తెలియదు కానీ మరోసారి ఏకే47 వాయిదా పడింది. దీంతో రిలీజ్ తేదీపై అభిమానుల్లో సస్పెన్స్ నెలకొంది.తాజాగ ఈ మూవీ రిలీజ్‌ డేట్‌పై మ్యూజిక్ డైరెక్టర్ తమన్ చేసిన పోస్ట్‌ వైరల్‌గా మారింది. అక్టోబర్‌ 30న ఈ సినిమా విడుదల కానున్నట్లు క్యాప్షన్‌ పెట్టారు. తర్వాత వెంటనే ఆ పోస్టును ఎడిట్‌ చేసి.. రిలీజ్ డేట్ స్థానంలో ఓ ఎమోజీని అడ్డుగా పెట్టారు. అప్పటికే ఈ పోస్ట్ వైరలైంది. దీంతో ఆదర్శ కుటుంబం ఈ నెల 30న థియేటర్లలో విడుదల కానుందని తెలుస్తోంది. అయితే దీనిపై అధికారిక ప్రకటన కోసం అభిమానులు ఆసక్తిగా ఎదురు చూస్తున్నారు. ఇటీవలే మూవీని వాయిదా వేసినట్లు ప్రకటించిన నిర్మాత నాగవంశీ.. విడుదల తేదీని ప్రకటిస్తామని తెలిపారు.AK-47 🧸 🔥🔥🔥🔥🔥🔥🏆🏆🏆❤️‍🔥❤️‍🔥❤️‍🔥 🗯️ - 10 - 2026 💪🏾 Venky Sir Trivik Sir it’s a SIXER SIR 🏆 https://t.co/xdxZlXoUdg— thaman S (@MusicThaman) October 6, 2026

అల్లు అర్జున్ తమిళ దర్శకుడు అట్లీతో 'రాకా' చేస్తున్నాడు. ప్రస్తుతానికి ఫోకస్ అంతా దీనిమీదే ఉంది. ఈ భారీ బడ్జెట్ పాన్ ఇండియా సినిమాని వచ్చే ఏడాది చివరలో లేదంటే 2028లో థియేటర్లలో రిలీజ్ చేయొచ్చని అంటున్నారు. అలానే ఒకే మూవీగా విడుదల చేయాలా లేదంటే రెండు భాగాలుగా చేయాలా అనే విషయమై చర్చలు జరుగుతున్నాయి.(ఇదీ చదవండి: ఏడాది తిరిగేసరికి మళ్లీ తల్లి కాబోతున్న 'టాక్సిక్' హీరోయిన్)ఇవలా ఉండగానే 'రాకా' తర్వాత అల్లు అర్జున్.. లోకేశ్ కనగరాజ్‌తో చేయాల్సిన ప్రాజెక్ట్ ఆగిపోయిందనే రూమర్స్ వినిపిస్తున్నాయి. టాలీవుడ్ బడానిర్మాణ సంస్థ మైత్రీ మూవీ మేకర్స్.. గ్రాండ్‌గా ఈ ప్రాజెక్ట్ అనౌన్స్ చేసింది. ఇది జరిగి చాన్నాళ్లపోయింది. అప్పటినుంచి బన్నీ 'రాకా'తో బిజీగా ఉండగా.. లోకేశ్ 'డిసి' అనే మూవీలో హీరోగా చేశాడు. హిందీలోకి వెళ్లే ప్రయత్నాల్లో ఉన్నాడనే టాక్ వినిపిస్తుంది. ఇలా ఎవరికి వాళ్లు కెరీర్ పరంగా బిజీగా ఉండేసరికి పుకార్లు మొదలయ్యాయి.నిజం ఏంటంటే ప్రస్తుతం #AA23 ప్రాజెక్ట్ ప్రీ ప్రొడక్షన్ వర్క్ నడుస్తోందని, వచ్చే ఏడాది ఫిబ్రవరి నుంచి అల్లు అర్జున్- లోకేశ్ కనగరాజ్ ప్రాజెక్ట్ సెట్స్‌పైకి వెళ్తుందని సమాచారం. కానీ ఇంతలోనే రూమర్స్ వినిపించడంతో బన్నీ ఫ్యాన్స్ కంగారుపడ్డారు.మరోవైపు బన్నీ.. బోయపాటి శీనుతోనూ ఓ మూవీ చేయనున్నాడని అంటున్నారు. ఈ ప్రాజెక్ట్ గురించి మాత్రం క్లారిటీ రావాల్సి ఉంది.(ఇదీ చదవండి: చిన్నప్పటి నుంచి తిరుమలకు వస్తున్నా.. ఈసారిలా ఎప్పుడూ జరగలేదు: హీరోయిన్ తమన్నా)

ఆస్కార్‌ అవార్డు అందుకోవడమే తన కల అని దర్శకుడు అట్లీ అన్నారు. ‘రాకా’ సినిమా యూనిట్‌ అంతా ఆస్కార్‌ అవార్డును టార్గెట్‌గా పెట్టుకుని పని చేస్తున్నామని కూడా అట్లీ తెలి పారు. అల్లు అర్జున్‌ హీరోగా అట్లీ దర్శకత్వంలో రూపొందుతున్న సినిమా ‘రాకా’. ఈ చిత్రంలో దీపికా పదుకోన్‌ హీరోయిన్‌గా నటిస్తున్నారు. ఈ సినిమా చిత్రీకరణ తుది దశకు చేరుకుంటోంది. కాగా, చెన్నైలో ఇటీవల జరిగిన ఓ కార్యక్రమంలో అట్లీ తన ఆస్కార్‌ అవార్డు కల గురించి మాట్లాడారు. ‘‘అంతర్జాతీయ స్థాయిలో భారతీయ సినిమాకు గుర్తింపు రావాలని కోరుకోవడం అత్యాశ ఏం కాదని అనుకుంటున్నాను. ఇక ఆస్కార్‌ అవార్డు అందుకోవాలన్నది నా చిన్నప్పటి కల. ఇందుకోసం నేను శక్తి వంచన లేకుండా పని చేస్తున్నాను. ఆస్కార్‌ కల అసాధ్యమేమీ కాదు. మనం సాధించగలమనే నమ్మకం ఉండాలి. ఆస్కార్‌ అవార్డును సాధించగలమని మా ‘రాకా’ టీమ్‌ గట్టి నమ్మకంతో ఉంది. ఆస్కార్‌ వేదికపై తమిళ భాషలో మాట్లాడాలని నేను ఎంతో ఆసక్తిగా ఎదురుచూస్తున్నాను. తమిళ ప్రజలు గర్వపడేలా ఆస్కార్‌ వేదికపై మాట్లాడతాను. ప్రేక్షకులు గర్వపడేలా ‘రాకా’ సినిమా ఉంటుంది’’ అని అట్లీ పేర్కొన్నారు. సన్‌ పిక్చర్స్‌ పతాకంపై కళానిధి మారన్‌ ‘రాకా’ను నిర్మిస్తున్నారు. ఈ సినిమా రెండు భాగాలుగా విడుదల కానుందనే ప్రచారం జరుగుతున్న సంగతి తెలిసిందే. తొలి భాగం 2027లో, మలి భాగం 2028లో వస్తుందని.. ఒకే భాగం అయితే ‘రాకా’ 2028లోనే విడుదలవుతుందనే ప్రచారం సాగుతోంది.

ఏఐ ఏం చేస్తోంది?వ్యక్తిగత స్వేచ్ఛ, గౌరవంగా బతికే అవకాశం పౌరులకు రాజ్యాంగం కల్పించిన హక్కు. దురదృష్టవశాత్తు ఆ గౌరవాన్ని మంటగలిపేలా ఏఐ మాయాజాలంతో తెరముందు, తెర వెనుక ప్రయత్నాలు జరుగుతున్నాయి.తాజాగా... ‘చుట్టమల్లే పాట వీడియోలో కొందరు ఏఐతో అసభ్యకర హావభావాలు, సన్నివేశాలు చేర్చడం ఆందోళన కలిగించింది. ఏఐ విశ్వసనీయత, ప్రతికూలతలపై మరోసారి చర్చను రేకెత్తించింది...‘దేవర’ సినిమా కోసం అనిరుథ్‌ రవిచంద్రన్‌ సంగీతం సమకూర్చిన ‘చుట్టమల్లే’ పాట సూపర్‌హిట్‌ పాటగా నిలిచింది. అలాంటి పాటపై నయా వంచకుల దృష్టి పడింది. ఏఐతో రూపొందించిన ఈ పాట అసభ్య నకిలీ వీడియో ఈ నెల ప్రారంభంలో సోషల్‌ మీడియాలోకి వచ్చింది. ఈ వీడియో క్లిప్‌లు వేగంగా ఒకరి నుంచి ఒకరికి షేర్‌ అయ్యాయని సమాచారం.మార్ఫింగ్‌ చేసిన ఈ క్లిప్‌ను తొలగించినప్పటికీ, ఒకసారి సోషల్‌ మీడియా నెట్‌వర్క్‌లోకి ప్రవేశించిన తరువాత, అనుమతి లేని సింథటిక్‌ కంటెంట్‌ ఎంత వేగంగా వ్యాప్తి చెందుతుందనే దానికి ‘చుట్టమల్లే’ ఫేక్‌ వీడియోనే నిదర్శనం.మౌనాన్ని వీడి...‘అసహ్యకరమైనది, రోత పుట్టించేది, సిగ్గుమాలినది’గా ఈ ఫేక్‌ వీడియో క్రియేటర్స్‌ గురించి జూనియర్‌ ఎన్టీఆర్‌ స్పందించారు. దానిని రూపొందించిన వారిపై, వ్యాప్తి చేస్తున్న వారిపై కఠిన చర్యలు తీసుకుంటామని చె΄్పారు. ఇలాంటి కంటెంట్‌ చూడవద్దని, డౌన్‌లోడ్‌ చేయవద్దని, షేర్‌ చేయవద్దని విజ్ఞప్తి చేశారు. ఏఐ దుర్వినియోగానికి వ్యతిరేకంగా కఠినమైన నిబంధనలను ప్రవేశపెట్టాలని ప్రభుత్వానికి విజ్ఞప్తి చేశారు. నకిలీ వీడియోపై జాన్వీ కపూర్‌ తన మౌనాన్ని వీడారు. కల్పిత కంటెంట్‌ను ప్రచారం చేయడాన్ని తీవ్రంగా ఖండించారు. ‘చిత్రపరిశ్రమలోని ప్రతి మహిళకూ ఏదో ఒక రకంగా ఇలాంటి పరిస్థితి ఎదురవుతోంది. ఈ సమస్య కేవలం ఒక వీడియోకు మాత్రమే పరిమితమైనది కాదు’ అన్నారు జాన్వీ.కోర్టు సహాయంతో...వ్యక్తిత్వ హక్కులను (పర్సనాలిటీ రైట్స్‌) కొన్నిసార్లు ప్రచార హక్కులు(పబ్లిసిటీ రైట్స్‌) అని కూడా పిలుస్తారు. ఇవి ఒక వ్యక్తి గుర్తింపుకు అగౌరవం, నష్టం రాకుండా రక్షణగా నిలుస్తాయి. రాజ్యాంగంలోని ఆర్టికల్‌ 21 జీవించే హక్కు, వ్యక్తిగత స్వేచ్ఛకు హామీ ఇస్తుంది. దీన్ని దృష్టిలో పెట్టుకొని తమ వ్యక్తిగత గౌరవాన్ని రక్షించుకోవడానికి న్యాయస్థానాలను ఆశ్రయిస్తున్నారు సినీ ప్రముఖులు.ఏఐ జనరేటెడ్‌ డీప్‌ఫేక్‌లు, మార్ఫింగ్‌ చేసిన కంటెంట్‌కు సంబంధించి తన పేరు, ఫొటో, స్వరంతో పాటు గుర్తింపునకు సంబంధించిన ఇతర అంశాలను ఉపయోగించకుండా ఉండేలా సమంత రూత్‌ ప్రభుకు న్యాయస్థానం అండగా నిలిచింది. ఆర్టికల్‌ 21ని కోర్టు పరిగణనలోకి తీసుకుంది. కాపీరైట్‌ చట్టంలోని ఆర్టికల్‌ 19 (1) (ఎ), సెక్షన్‌ 38 (బి)లను కోర్టు ప్రస్తావించింది.తమ పేర్లు, ఫొటోలు, వాయిస్‌... మొదలైన వాటిని ఏ.ఐ ద్వారా దుర్వినియోగం చేయకుండా ఉండే ఉత్తర్వులను కోర్టు ద్వారా పొందారు హృతిక్‌ రోషన్, అక్షయ్‌ కుమార్, సునీల్‌ షెట్టి. ఏఐ జనరేటివ్, ఏఐ మెషిన్‌ లెర్నింగ్, డీప్‌ఫేక్, ఫేస్‌మార్ఫింగ్‌లాంటి సాంకేతికత ద్వారా అభిషేక్‌ బచ్చన్‌ పేరు, ఫొటో, వాయిస్‌... మొదలైన వాటిని అనధికారికంగా ఉపయోగించడాన్ని దిల్లీ హైకోర్టు నిషేధించింది.తన అనుమతి లేకుండా తన ఫొటోలను ఏఐతో మెరుగులు దిద్దడం, మార్చడం లాంటివి చేయవద్దని ప్రముఖ నటి యామీ గౌతమ్‌ మీడియా సంస్థలకు విజ్ఞప్తి చేశారు.జాన్వీ కపూర్‌ డీప్‌ఫేక్‌ వీడియో విషయానికి వస్తే... డీప్‌ఫేక్‌ వల్ల కలిగే నష్టం కేవలం వాణిజ్యపరమైన దోపిడీ(కమర్షియల్‌ ఎక్స్‌΄్లాయిటేషన్‌)కి మాత్రమే పరిమితం కాదు. ఇది ఒక వ్యక్తికి సంబంధించిన గుర్తింపు, గౌరవంపై కూడా ప్రభావం చూపగలదు.ఔరా... హాలీవుడ్‌లో కూడా!టాలీవుడ్, బాలీవుడ్‌ మాత్రమే కాదు హాలీవుడ్‌ కూడా డీప్‌ఫేక్, మార్ఫింగ్‌ బాధితురాలే! స్క్రీన్‌ యాక్టర్స్‌ గిల్డ్, రైటర్స్‌ గిల్డ్‌ ఆఫ్‌ అమెరికా... డిజిటల్‌ రెప్లికా, పెర్‌ఫార్మెన్స్‌ క్లోనింగ్, ఏఐ–జనరేటెడ్‌ స్క్రిప్ట్‌ రైటింగ్‌కు వ్యతిరేకంగా ఉద్యమించాయి. దీని ద్వారా కొన్ని హక్కులు సాధించుకోగలిగాయి. తాజానిబంధనల ప్రకారం... నటులకు సంబంధించి డిజిటల్‌ డబుల్, వాయిస్, రెప్లికా... మొదలైన వాటిని ప్రోడక్షన్‌లలో ఉపయోగించినప్పుడు ఆ విషయాన్ని తెలియజేసేలా స్పష్టమైన సమాచారంతో కూడిన అనుమతి అవసరం.బెవర్లీ హిల్స్‌ ఏజెన్సీ... విలియం మోరిస్‌ ఎండీవర్‌(డబ్ల్యూఎంఇ) చికాగోకు చెందిన ‘వెర్మిలియో’ అనే కంపెనీతో భాగస్వామ్య ఒప్పందం కుదుర్చుకుంది. ‘కళా కారులకు సంబంధించి సృజనాత్మకతను పరిరక్షిస్తూనే వారికి సాధికారత కల్పించడానికి ఏర్పాటైన మొట్టమొదటి ఏఐ జనరేటివ్‌ ప్లాట్‌ఫామ్‌’ అని తనను తాను పరిచయం చేసుకుంది వెర్మిలియో.‘ట్రేస్‌ ఐడీ’ అనే సాధనాన్ని ఉపయోగిస్తోంది వెర్మిలియో. ‘ట్రేస్‌ ఐడీ’ అనేది డిజిటల్‌ ఫింగర్‌ ప్రింట్‌లాంటిది. ఒకరి చిత్రాన్ని అనుమతి లేకుండా ఉపయోగించినట్లయితే ‘ట్రేస్‌ ఐడీ’ ఆటోమేటిక్‌గా దాన్ని గుర్తించడంలో సహాయపడుతుంది. అప్పుడు ఆ ఫొటోను తొలగించమని నోటీస్‌ జారీ చేయవచ్చు.సవరణలుఎలక్ట్రానిక్స్‌–ఇన్‌ఫర్‌మేషన్‌ టెక్నాలజీ మంత్రిత్వశాఖ ఇన్‌ఫర్‌మేషన్‌ టెక్నాలజీ రూల్స్‌ 2021 సవరణలపై దృష్టి పెట్టింది. కొత్త నిబంధనల ప్రకారం ఏఐతో సృష్టించిన హానికరమైన కంటెంట్‌ను అప్‌లోడ్‌ చేయడం, షేర్‌ చేయడాన్ని చట్టవిరుద్ధంగా పరిగణిస్తారు. నిబంధనలను ఉల్లంఘించిన వారు భారతీయ న్యాయసంహిత(2023)తో సహా ఇప్పటికే ఉన్న చట్టాల ప్రకారం క్రిమినల్‌ చర్యలను ఎదుర్కోవాల్సి రావచ్చు. జవాబుదారీతనం నుండి తప్పించుకోవడానికి, సాంకేతికతను రక్షణ కవచంగా ఉపయోగించకుండా, చట్టవిరుద్ధమైన ఆన్‌లైన్‌ కంటెంట్‌ మాదిరిగానే ఏఐ–సృష్టించిన హానికరమైన కంటెంట్‌ను నియంత్రించేలా చూడడమే సవరణల లక్ష్యం అని ప్రభుత్వం తెలియజేసింది. 2026లో చేసిన సవరణలు ప్రధానంగా సింథటికల్లీ జనరేటెడ్‌ ఇన్‌ఫర్‌మేషన్‌(ఎస్‌జీఐ)పై ప్రత్యేకంగా దృష్టి పెట్టాయి. ‘ఎస్‌జీఐ’ లో డీప్‌ఫేక్‌ వీడియోలు, క్రియేట్‌ చేసిన, మార్చిన ఫొటోలు, క్లోన్‌ చేసిన లేదా కృత్రిమ వాయిస్‌ రికార్డింగ్‌లు ఉన్నాయి. – యాకుబ్‌ పాషా కొత్త రూల్స్‌కొత్త నిబంధనల ప్రకారం... యూజర్‌లు తప్పుదారి పట్టకుండా ఉండేందుకు చట్టబద్ధమైన ఏఐ జనరేటెడ్‌ కంటెంట్‌పై స్పష్టమైన లేబులింగ్‌ ఉండాలి. ‘సింథటిక్‌గా రూపొందించబడింది’ అని పేర్కొంటూ కంటెంట్‌లో లేబుల్‌ ప్రదర్శించాలి. ‘డీప్‌ఫేక్‌లు, అనుమతి లేకుండా తీసిన ఫొటోలతో సహా చట్టవిరుద్ధమైన కంటెంట్‌ను షేర్‌ చేయడం వల్ల చట్టపరమైన చర్యలను ఎదుర్కోవలసి వస్తుంది’ అని ప్రతి మూడు నెలలకు ఒకసారి సోషల్‌ మీడియా ప్లాట్‌ఫామ్‌లు యూజర్‌లను హెచ్చరించాలి.సింథటిక్‌ కంటెంట్‌ను క్రియేట్‌ చేసే, వాటిని షేర్‌ చేసే ప్లాట్‌ఫామ్‌లు యూజర్‌లను చేర్చుకునే సమయంలో, ఆ తరువాత ప్రత్యేక హెచ్చరికలు జారీ చేయాలి. కంటెంట్‌ను దుర్వినియోగం చేయకుండా వారిని హెచ్చరిస్తూ, జరిమానాల గురించి వివరించాలి. చట్టవిరుద్ధమైన కంటెంట్‌ను తొలగించడానికి గడువును గణనీయంగా తగ్గించారు. గతంలో ఆ గడువు 36 గంటలు ఉంటే ఇప్పుడు మాత్రం ప్రభుత్వం నుండి నోటీసు అందిన మూడు గంటల లోపు చట్టవిరుద్ధమైన కంటెంట్‌ను తొలగించాలి. లైంగిక కంటెంట్, మార్ఫింగ్‌ చేసిన ఫొటోలు, నకిలీ గుర్తింపుకు సంబంధించిన కేసులలో వేగంగా చర్యలు తీసుకోవాల్సి ఉంటుంది.

తెలుగు చలనచిత్ర పరిశ్రమలో ఒక్కోసారి ఒక్కో ట్రెండ్‌ నడుస్తుంటుంది. ప్రేమకథలు, మాఫియా, హారర్, పోలీస్, థ్రిల్లర్, పల్లెటూరి నేపథ్యం, యాక్షన్‌... ఇలాంటి కథల ట్రెండ్‌ నడుస్తుంటుంది. ఈ నేపథ్యంలోనే ప్రస్తుతం టాలీవుడ్‌లో గ్యాంగ్‌స్టర్స్‌ టైమ్‌ నడుస్తోంది. చిరంజీవి, నాగార్జున, బాలకృష్ణ, ప్రభాస్, ఎన్టీఆర్‌ వంటి హీరోలు ప్రస్తుతం పవర్‌ఫుల్‌ గ్యాంగ్‌స్టర్స్‌ కథలతో సినిమాలు చేస్తున్నారు. హీరో నాని కూడా డైరెక్టర్‌ సుజీత్‌ దర్శకత్వం వహించనున్న మూవీలో గ్యాంగ్‌స్టర్‌గా నటించనున్నారు. ఇక ఆ చిత్రాల వివరాలేంటో చూద్దాం... కాకాలో...చిరంజీవి హీరోగా నటిస్తున్న తాజా చిత్రం ‘కాకా’. ఈ సినిమాకి దర్శకుడు బాబీ (కేఎస్‌ రవీంద్ర) దర్శకత్వం వహిస్తున్నారు. వీరికాంబినేషన్‌లో రూపొందిన తొలి చిత్రం ‘వాల్తేరు వీరయ్య’. 2023 జనవరి 13న ఈ సినిమా విడుదలై, హిట్‌గా నిలిచింది. ‘వాల్తేరు వీరయ్య’ వంటి విజయవంతమైన సినిమా తర్వాత హీరో చిరంజీవి, దర్శకుడు బాబీ కాంబినేషలో రూపొందుతున్న ద్వితీయ చిత్రం ‘కాకా’. చిరంజీవి నటిస్తున్న 158వ సినిమా ఇది. ఈ చిత్రంలో నివేతా పేతురాజ్, అనశ్వరా రాజన్ కీలక పాత్రల్లో నటిస్తున్నారు. కేవీఎన్‌ ప్రోడక్షన్్స బ్యానర్‌పై వెంకట్‌ కె. నారాయణ నిర్మిస్తున్నారు.ఈ సినిమా చిత్రీకరణ ప్రస్తుతం హైదరాబాద్‌లో జరుగుతోంది. ఇందులో చిరంజీవి ద్వి పాత్రాభినయంలో కనిపిస్తారని, ఓ పాత్ర తండ్రి కాగా, మరో క్యారెక్టర్‌లో పవర్‌ఫుల్‌ గ్యాంగ్‌స్టర్‌గా కనిపిస్తారని టాక్‌. కోల్‌కత్తా బ్యాక్‌డ్రాప్‌లో రానున్న ఈ మూవీలో మాఫియా బ్యాక్‌డ్రాప్‌ ఉంటుందట. ‘వాల్తేరు వీరయ్య’ సినిమాలో కూడా మాఫియా బ్యాక్‌డ్రాప్‌ ఉంటుంది. అయితే కథలో అది ఓ భాగం మాత్రమే. కానీ ‘కాకా’ సినిమాలో మాత్రం చిరంజీవి పూర్తిగా మాఫియా డాన్‌గానే కనిపించనున్నారని తెలుస్తోంది. చిరంజీవి గ్యాంగ్‌స్టర్‌గా కనిపించబోతున్నప్పటికీ కథ చాలా వైవిధ్యంగా ఉంటుందట.అదే విధంగా మరోవైపు తండ్రీ కూతుళ్ల ఎమోషన్ కూడా ఉంటుంది. చిరంజీవి కుమార్తె అమ్ములు పాత్రలో అనస్వర రాజన్‌ నటిస్తున్నారు. ‘‘బ్లాక్‌బస్టర్‌ మూవీ ‘వాల్తేరు వీరయ్య’ తర్వాత చిరంజీవి, బాబీ కొల్లి మరోసారి కలిసి చేస్తున్న యాక్షన్‌ ఎంటర్‌టైనర్‌ ‘కాకా’. ఈ సినిమాపై ఇప్పటికే ఇండస్ట్రీలో భారీ అంచనాలున్నాయి. చిరంజీవి పుట్టినరోజు(ఆగస్టు 22) సందర్భంగా విడుదల చేసిన టైటిల్‌ గ్లింప్స్‌కు మంచి రెస్పాన్స్ వచ్చింది.బాలీవుడ్‌ దర్శకుడు, నటుడు అనురాగ్‌ కశ్యప్‌ ఈ చిత్రంలో కీలక పాత్రలో కనిపించనున్నారు. అనురాగ్‌ కశ్యప్‌ చేరిక సినిమాకు మరింత ఆసక్తిని తీసుకొచ్చింది. ప్రస్తుతం ‘కాకా’ షూటింగ్‌ హైదరాబాద్‌లో జరుగుతోంది. చిరంజీవితో పాటు ఇతర ప్రధాన నటీనటులపై కీలక సన్నివేశాలు తెరకెక్కిస్తున్నారు బాబీ’’ అని చిత్రయూనిట్‌ పేర్కొంది. 2027 జనవరి 13న సంక్రాంతి పండగ సందర్భంగా ‘కాకా’ విడుదల కానుంది. ఈ చిత్రానికి సంగీతం: తమన్‌ ఎస్, కెమెరా: విజయ్‌ కార్తీక్‌ కన్నన్‌.కింగ్‌ 100హీరో నాగార్జున గ్యాంగ్‌స్టర్‌ పాత్రలో నటిస్తున్న తాజా చిత్రం ‘కింగ్‌ 100’. గతంలో ‘డాన్, భాయ్‌’ వంటి సినిమాల్లో మాఫియా లీడర్‌గా ఆయన నటించిన సంగతి తెలిసిందే. ‘కింగ్‌ 100’ సినిమాకి తమిళ దర్శకుడు రా. కార్తీక్‌ దర్శకత్వం వహిస్తున్నారు. ఈ మూవీలో నటి టబు కీలక పాత్ర పోషిస్తున్నారు. ఈ చిత్రంలో హీరోగా నటించడంతో పాటు అన్నపూర్ణ స్టూడియోస్‌పై నాగార్జున నిర్మిస్తున్నారు.ఆయన కెరీర్‌లో ఇది వందో సినిమా కావడంతో కథ, ఔట్‌పుట్‌పై ప్రత్యేకమైన దృష్టి సారించారు నాగార్జున. ప్రస్తుతం ఈ మూవీ రెగ్యులర్‌ షూటింగ్‌ హైదరాబాద్‌లో శరవేగంగా జరుగుతోంది. ఈ చిత్రంలో నాగార్జున క్యారెక్టర్‌లో టు షేడ్స్‌ ఉంటాయట. ఒకటి తండ్రి పాత్ర కాగా ఫ్లాష్‌బ్యాక్‌ ఎపిసోడ్‌లో ఆయన గ్యాంగ్‌స్టర్‌గా కనిపిస్తారని ఫిల్మ్‌నగర్‌ టాక్‌. నాగార్జున పుట్టినరోజు సందర్భంగా ఆగస్టు 29న రిలీజ్‌ చేసిన గ్లింప్స్, ఫస్ట్‌ లుక్‌ అక్కినేని అభిమానులకు సర్‌ప్రైజ్‌ ఇచ్చింది. ‘‘మనుషుల్లో రెండు రకాలు. ఒకరు డబ్బున్నోళ్లు, ఇంకొకరు లేనివాళ్లు. డబ్బు లేనప్పుడు నన్ను అందరూ లూజర్‌లా చూశారు. డబ్బు ఉన్నప్పుడు ‘దే కాల్‌ మీ ది కింగ్‌’.దిస్‌ ఐడెంటిటీ ఈజ్‌ మోర్‌ పవర్‌ఫుల్‌ దెన్‌ మనీ. ఆ ఐడెంటిటీని నిలబెట్టుకోవడం కోసం నేను పరిగెడుతూనే ఉండాలి’’ అంటూ నాగార్జున చెప్పే డైలాగ్స్‌కి అద్భుతమైన స్పందన వచ్చింది. గ్లింప్స్‌లో చూపించిన విజువల్స్‌ను బట్టి చూస్తే నాగార్జున పాత్ర పేదరికం నుంచి సంపన్నుడిగా ఎదిగే ప్రయాణం చుట్టూ కథ సాగనున్నట్లు తెలుస్తోంది. డబ్బు లేని సమయంలో ఎదుర్కొన్న అవమానాలు, ఆ తర్వాత డబ్బు సం పాదించి సమాజంలో తనకంటూ ప్రత్యేక గుర్తింపు తెచ్చుకోవడం... ఆ గుర్తింపును కా పాడుకోవడానికి అతను చేసే పోరాటం సినిమాకు కీలక అంశాలుగా కనిపిస్తున్నాయి.అదే విధంగా నాగార్జున–టబు కాంబినేషన్‌ ఈ సినిమాకి ఓ ప్రధాన ఆకర్షణ అవుతుంది. గతంలో నాగార్జున, టబు కలిసి ‘నిన్నే పెళ్లాడుతా’, ‘ఆవిడా మా ఆవిడే’ వంటి సినిమాల్లో నటించారు. అలాగే ‘సిసింద్రి’ చిత్రంలో ఓ పాటలో సందడి చేశారు. చాలా ఏళ్ల తర్వాత నాగార్జున– టబు కలిసి స్క్రీన్‌ షేర్‌ చేసుకుంటుండటంతో ఇటు అక్కినేని అభిమానుల్లో అటు ఇండస్ట్రీలో ప్రత్యేకమైన ఆసక్తి నెలకొంది. పైగా ఈ సినిమాలో టబు పాత్ర చాలా కీలకంగా ఉంటుందని, కథను మలుపు తిప్పే పవర్‌ఫుల్‌ క్యారెక్టర్‌లో ఆమె కనిపించనున్నారని సమాచారం. ‘కింగ్‌ 100’ నాగార్జున కెరీర్‌లో వందో చిత్రం కావడంతో ఇటు ఇండస్ట్రీలో అటు ప్రేక్షకుల్లోనూ భారీ అంచనాలున్నాయి. ఈ చిత్రం డిసెంబరు 24న ప్రపంచవ్యాప్తంగా రిలీజ్‌ కానుంది.దాదాలోబాలకృష్ణ హీరోగా గోపీచంద్‌ మలినేని దర్శకత్వంలో రూపొందుతోన్న తాజా చిత్రం ‘దాదా’. ‘వీర సింహారెడ్డి’ (2023) వంటి హిట్‌ మూవీ తర్వాత బాలకృష్ణ–గోపీచంద్‌ మలినేని కాంబినేషన్‌లో రూపొందుతోన్న ద్వితీయ చిత్రం ఇది. ఈ మూవీలో మంచు మనోజ్‌ విలన్‌ పాత్రలో నటిస్తుండగా, కాజల్‌ అగర్వాల్‌ కీలక పాత్ర పోషిస్తున్నారు. వృద్ధి సినిమాస్‌ బ్యానర్‌పై వెంకట సతీష్‌ కిలారు నిర్మిస్తున్న ఈ మూవీ షూటింగ్‌ ప్రస్తుతం హైదరాబాద్‌లో జరుగుతోంది. స్టైలిష్‌ యాక్షన్‌ ఎంటర్‌టైనర్‌గా గ్యాంగ్‌స్టర్‌ కథాంశంతో తెరకెక్కుతోన్న ఈ మూవీలో ముంబై బేస్డ్‌ డాన్ గా కనిపించనున్నారు బాలకృష్ణ. గతంలో ‘రానా, అశోక చక్రవర్తి, డిక్టేటర్‌’ వంటి మూవీస్‌లో మాఫియా డాన్‌గా నటించిన ఆయన తాజాగా ఈ చిత్రంలో గ్యాంగ్‌స్టర్‌గా కనిపించనున్నారు. బాలకృష్ణ పుట్టినరోజున(జూన్‌ 10) ‘ఎంట్రీ ఆఫ్‌ యాన్‌ ఎరా’ అనే పేరుతో విడుదలైన టైటిల్‌ గ్లింప్స్‌కి మంచి స్పందన వచ్చింది. ‘నాకు గురి పెట్టడానికి ఒంట్లో ΄÷గరు వేలికి ట్రిగ్గర్‌ ఉంటే సరిపోదు... బుల్లెట్స్‌కి బలుపు, గన్ ్సకి గట్స్‌ ఉండాలి’ అంటూ బాలకృష్ణ చెప్పే డైలాగ్స్‌ గ్లింప్స్‌లో ఉన్నాయి.‘‘హై ఓల్టేజ్‌ యాక్షన్‌ ఎంటర్‌టైనర్‌గా రూపొందుతోన్న చిత్రం ‘దాదా’. బాలకృష్ణను మంచి మాస్‌ అవతార్‌లో ప్రజెంట్‌ చేస్తున్నారు దర్శకుడు గోపీచంద్‌ మలినేని. బ్లాక్‌బస్టర్‌ ‘వీరసింహారెడ్డి’ తర్వాత బాలకృష్ణ, గోపీచంద్‌ మలినేని మరోసారి కలిసి చేస్తున్న సినిమా కావడంతో ఈ కాంబినేషన్ పై భారీ అంచనాలున్నాయి’’ అన్నారు మేకర్స్‌. ఇదిలా ఉంటే... ‘దాదా’ సినిమా క్రిస్మస్‌ సందర్భంగా డిసెంబరు 24న ప్రేక్షకుల ముందుకు రానుంది. ఈ చిత్రానికి సంగీతం: ఎస్‌. తమన్, కెమెరా: అరవింద్‌ ఎస్‌. కశ్యప్‌. స్పిరిట్‌లో...వరుస పాన్‌ ఇండియా సినిమాల్లో నటిస్తూ బిజీ బిజీగా దూసుకెళుతున్నారు ప్రభాస్‌. ఆయన నటిస్తున్న తాజా పాన్‌ ఇండియన్‌ మూవీ ‘స్పిరిట్‌’. ‘అర్జున్‌ రెడ్డి, కబీర్‌ సింగ్, యానిమల్‌’ చిత్రాల ఫేమ్‌ సందీప్‌ రెడ్డి వంగా దర్శకత్వం వహిస్తున్నారు. ఈ సినిమాలో ‘యానిమల్‌’ మూవీ ఫేమ్‌ తృప్తీ దిమ్రీ హీరోయిన్‌గా నటిస్తున్నారు. భద్రకాళి పిక్చర్స్‌ ప్రోడక్షన్ ్స, టీ–సిరీస్‌ బ్యానర్స్‌పై ప్రణయ్‌ రెడ్డి వంగా, భూషణ్‌ కుమార్, కృష్ణన్‌ కుమార్‌ నిర్మిస్తున్నారు. ఈ సినిమాలో ప్రకాశ్‌రాజ్, వివేక్‌ ఒబెరాయ్, కాంచన తదితరులు కీలక పాత్రలు పోషిస్తున్నారు.ఈ సినిమాలో ప్రభాస్‌ తొలిసారి పవర్‌ఫుల్‌ పోలీసాఫీసర్‌ పాత్రలో నటిస్తున్న సంగతి తెలిసిందే. అయితే పోలీస్‌ అనగానే పవర్‌ఫుల్‌ యాక్షన్‌ బ్యాక్‌డ్రాప్‌లో ఈ చిత్ర కథ సాగుతుందని అనుకుంటారు. అయితే ఈ సినిమాలో భావోద్వేగాలకు కూడా ఎంతో ప్రాధాన్యం ఉందట. కానీ క్రమశిక్షణ గల ఓ పోలీస్‌ అధికారి గ్యాంగ్‌స్టర్‌గా మారితే ఎలా ఉంటుంది? అనే కథాంశంతో సందీప్‌ రెడ్డి వంగా ‘స్పిరిట్‌’ చిత్రాన్ని తెరకెక్కిస్తున్నారని సమాచారం. అసలు ఓ సిన్సియర్‌ పోలీసాఫీసర్‌ ఎందుకు గ్యాంగ్‌స్టర్‌గా మారాల్సి వచ్చింది? అందుకు దారి తీసిన పరిస్థితులు ఏంటి? వంటి అంశాలతో ఈ మూవీ తెరకెక్కుతోందని తెలుస్తోంది.‘‘స్పిరిట్‌’ చిత్రంలో తన కెరీర్‌లోనే మోస్ట్‌ ఇంటెన్స్ క్యారెక్టర్‌లో కనిపించబోతున్నారు ప్రభాస్‌. తన మార్క్‌ ఇంటెన్ ్స, యాక్షన్, ఎమోషన్స్ అద్భుతమైన సినిమాటిక్‌ ఎక్స్‌పీరియన్్స ఇచ్చేలా తీర్చిదిద్దుతున్నారు సందీప్‌ రెడ్డి. ఇది పోలీస్‌ స్టోరీ కథ అయినప్పటికీ కుటుంబ నేపథ్యం, బలమైన భావోద్వేగాలు ఉంటాయి’’ అంటూ చిత్రయూనిట్‌ తెలిపింది. ఈ సినిమా తెలుగు, హిందీ, తమిళ్, మలయాళ, కన్నడతో పాటు చైనీస్, జపనీస్, కొరియన్‌ సహా 8 భాషల్లో 2027 మార్చి 5న ప్రపంచవ్యాప్తంగా విడుదల కానుంది.డ్రాగన్‌లో...‘దేవర: పార్ట్‌ 1’ వంటి హిట్‌ మూవీ తర్వాత ఎన్టీఆర్‌ హీరోగా నటిస్తున్న చిత్రం ‘డ్రాగన్‌’. ‘కేజీఎఫ్, సలార్‌’ మూవీస్‌ ఫేమ్‌ ప్రశాంత్‌ నీల్‌ దర్శకత్వం వహిస్తున్నారు. ఈ మూవీలో ‘కాంతారా’ మూవీ ఫేమ్‌ రుక్మిణీ వసంత్‌ హీరోయిన్ గా నటిస్తున్నారు. ఎన్టీఆర్‌ ఆర్ట్స్‌ బ్యానర్‌పై కల్యాణ్‌ రామ్‌ నందమూరి, మైత్రీ మూవీ మేకర్స్‌పై నవీన్‌ యెర్నేని, రవిశంకర్‌ యలమంచిలి, హరికృష్ణ కొసరాజు నిర్మిస్తున్నారు. ఈ మూవీలో ఎన్టీఆర్‌ లూగర్‌ అనే ఇంటర్నేషనల్‌ గ్యాంగ్‌స్టర్‌గా నటిస్తున్నారు. ఎన్టీఆర్‌ బర్త్‌ డే (మే 20) సందర్భాన్ని పురస్కరించుకుని ‘డ్రాగన్‌’ టైటిల్‌ అనౌన్స్‌మెంట్, ఫస్ట్‌ గ్లింప్స్‌ని రిలీజ్‌ చేసిన సంగతి తెలిసిందే.‘బ్రిటిష్‌ వాళ్లు భారతదేశానికి కాటన్, స్టీల్‌ మరియు స్పైసెస్‌ కోసం వచ్చారు. కానీ 250 ఏళ్లు ఇక్కడే ఉండిపోవడానికి కారణం ఒక మొక్క... దే కేమ్‌ ఫర్‌ ఒప్పియమ్‌ ΄÷ప్పీ, ఉచ్‌ ప్రోడ్యూస్‌ ది మోస్ట్‌ అడిక్టెవ్‌ సబ్‌స్టాన్స్‌ ఇన్‌ ది వరల్డ్, హెరాయిన్‌. ప్రపంచంలో ఒప్పియమ్‌ను అత్యధికంగా పండించేవి రెండు ప్రాంతాలు... ఆప్ఘనిస్తాన్‌ అండ్‌ గోల్డెన్‌ ట్రయాంగిల్‌. బ్రిటిష్‌ వాళ్లు దాన్ని అధీనంలో ఉంచుకుని 95 శాతం ఒప్పియమ్‌ ట్రేడ్‌ను కంట్రోల్‌ చేసేవాళ్లు. 1947లో బ్రిటిష్‌ వాళ్లు ఇండియాను వదిలిపెట్టి వెళ్లిపోయినప్పుడు, ప్రపంచంలోనే అత్యధిక లాభదాయకమైన వ్యా పారాన్ని కూడా వదిలి వెళ్లిపోయారు.దాంతో ఆ వ్యా పారం రెండుగా చీలింది. ఒకటి ఆప్ఘన్‌ ట్రేడింగ్‌ కంపెనీ, మరొకటి గోల్డెన్‌ ట్రేడింగ్‌ కంపెనీ. అప్పుడే ఒప్పియమ్‌ వార్స్‌ మొదలయ్యాయి.. అప్పుడే ఈ విలన్స్‌ పుట్టుకొచ్చారు... అప్పుడు దెయ్యం పుట్టింది’ వంటి డైలాగ్స్‌తో గ్లింప్స్‌ సాగుతుంది. ‘దేవుడు నాకు ఓ గొప్ప వరం ఇచ్చాడు... ట్రిగ్గర్‌ నొక్కగానే మర్చిపోవడం’, ‘నిద్రపోయినప్పుడు నా కల్లోకి నేను చంపిన వాళ్ల ముఖాలు రావు... మిగిలి ఉన్న శత్రువుల ముఖాలే కనబడతాయి.. ΄÷ర పాటున కూడా నా కల్లోకి రావొద్దు’ అంటూ ఎన్టీఆర్‌ చెప్పే డైలాగులు ‘డ్రాగన్‌’ మూవీపై భారీ అంచనాలు పెంచాయి. అనిల్‌ కపూర్‌æ, బిజు మీనన్, అశుతోష్‌ రాణా, ఖుష్బు సుందర్‌ తదితరులు ఈ చిత్రంలో ఇతర పాత్రలు పోషిస్తున్నారు. ‘డ్రాగన్‌’ సినిమా 2027 జూన్‌ 11న ప్రపంచవ్యాప్తంగా ప్రేక్షకుల ముందుకు రానుంది. బ్లడీ రోమియోలో... హీరో నాని ఇటీవల కాలంలో వరుసగా మాస్‌ చిత్రాలు చేస్తున్నారు. ‘దసరా, హిట్‌: ది థర్డ్‌ కేస్, ది ప్యారడైజ్‌’ వంటి సినిమాల్లో ఫుల్‌ మాస్‌గా కనిపించారాయన. నాని నటిస్తున్న తాజా చిత్రం ‘బ్లడీ రోమియో’. ఈ మూవీకి సుజీత్‌ దర్శకత్వం వహిస్తున్నారు. నిహారిక ఎంటర్‌టైన్‌మెంట్, యునానిమస్‌ ప్రోడక్షన్స్‌పై వెంకట్‌ బోయనపల్లి నిర్మిస్తున్నారు. ఈ మూవీలో గ్యాంగ్‌స్టర్‌గా కనిపించనున్నారు నాని. ఫిబ్రవరి 24న ఆయన బర్త్‌డే. ఈ సందర్భాన్ని పురస్కరించుకుని విడుదల చేసిన టైటిల్‌ గ్లింప్స్‌లో ‘హి ఈజ్‌ ఏ నంబర్‌వన్‌ గ్యాంగ్‌స్టర్‌’ అంటూ నానీని ప్రజెంట్‌ చేశారు. స్టైలిష్‌ యాక్షన్ డ్రామాగా రూపొందుతున్న ఈ సినిమాలో నాని పాత్రని పవర్‌ఫుల్‌గా, సరికొత్తగా చూపించనున్నారట సుజీత్‌. హై ఓల్టేజ్‌ యాక్షన్‌ డ్రామా, డార్క్‌ హ్యూమర్‌ మేళవించిన స్టైలిష్‌ గ్యాంగ్‌స్టర్‌ కథగా ఈ చిత్రం రూపొందుతోంది. ఈ సినిమాలో కథానాయికగా తొలుత మీనాక్షి చౌదరి పేరు ప్రముఖంగా వినిపించింది. కానీ, తాజా సమాచారం ప్రకారం ‘కన్నప్ప’ మూవీ ఫేమ్‌ ప్రీతి ముకుందన్‌ నటించనున్నారని ఫిల్మ్‌నగర్‌ టాక్‌. అయితే హీరోయిన్, ఇతర నటీనటులపై చిత్రయూనిట్‌ నుంచి ప్రకటన రావాల్సి ఉంది. ఈ చిత్రం మేజర్‌ షూటింగ్‌ని లండన్ లో ప్లాన్‌ చేశారని తెలుస్తోంది. గ్యాంగ్‌స్టర్‌ నేపథ్యంలో రానున్న చిత్రాలు ఇంకొన్ని కూడా ఉన్నాయి.– డేరంగుల జగన్‌ మోహన్‌

కేరాఫ్ కంచరపాలెం మూవీతో సూపర్ హిట్ అందుకున్న డైరెక్టర్ వెంకటేశ్ మహా. ఈ చిత్రంతో ప్రేక్షకుల హృదయాలను గెలుచుకున్నారు. ఆయన తాజాగా మరో చిత్రాన్ని ప్రకటించారు. సరికొత్త కథతో ప్రేక్షకుల ముందుకు రానున్నారు. తాజా చిత్రానికి అట్టహాసం అనే టైటిల్ ఖరారు చేశారు. ఈ విషయాన్ని సోషల్ మీడియా వేదికగా ప్రకటించారు. దీంతో పాటు ఫస్ట్ లుక్ పోస్టర్‌ కూడా రిలీజ్ చేశారు.కంచరపాలెం తరహాలోనే ఈ చిత్రాన్ని రూపొందిస్తున్నట్లు పేర్కొన్నారు. ఈ మూవీలో కేరాఫ్ కంచరపాలెం ఫేమ్ కార్తీక్ రత్నం, పుష్ప ఫేమ్ పావని కరణం ప్రధాన పాత్రలు పోషిస్తున్నారు. వీరితో దర్శకుడు వెంకటేశ్ మహా, సోషల్ మీడియా ఇన్‌‌ఫ్లుయెన్సర్ స్రవంతి పెపకాయల కీలక పాత్రల్లో కనిపించనున్నారు. ఈ మూవీని చింతా గోపాలకృష్ణ రెడ్డి, రాజశేఖర్ రెడ్డి సంయుక్తంగా నిర్మిస్తున్నారు. ఈ చిత్రానికి స్మరణ్ సంగీతం అందిస్తున్నారు. 2027 వేసవి కానుకగా ఈ సినిమాను ప్రేక్షకుల ముందుకు తెచ్చేలా ప్లాన్ చేస్తున్నారు. From the land of KANCHARAPALEM, yet again comes another story! ❤️‍🔥 This time, it’s ATTAHAASAM! 😆
Another real, rooted and authentic entertainer! 🕺🏻 Because LIFE is unpredictable… and sometimes, all you can do is LAUGH! 😅 Presenting the Title & First Look of the next MAHA CHITHRAM! 💥
#Attahaasam ~ Summer 2027 Release 😃 @mahaisnotanoun @KarthikRathnam3 @PavaniKaranam1 @sravanthi_actor @smaransai #ChintaGopalaKrishnaReddy @Rajashe60376085 #ChintaVineesha @SrichakraasEnts @Mahayana_MP— Venkatesh Maha (@mahaisnotanoun) October 6, 2026

లిటిల్ హార్ట్స్ మూవీతో మెప్పించిన యూట్యూబర్, నటుడు మౌళి నటిస్తోన్న చిత్రం దొంగ నా కొడుకు. ఈ మూవీతో శ్రీను కంబాల దర్శకుడిగా పరిచయమవుతున్నారు. ఈ చిత్రంలో మౌళికి జోడీగా సుస్మితా శెట్టి హీరోయిన్‌గా నటిస్తోంది. ఇప్పటికే రిలీజ్ కావాల్సిన ఈ మూవీ వాయిదా పడుతూ వస్తోంది. తాజాగా ఈ సినిమా రిలీజ్‌ డేట్ ప్రకటించారు మేకర్స్.ఈ మూవీని నవంబర్ 13న రిలీజ్ చేయనున్నట్లు మైత్రి మూవీ మేకర్స్ ప్రకటించింది. ఈ మేరకు ప్రత్యేక పోస్టర్‌ రిలీజ్ చేసింది. ఈ చిత్రాన్ని ఫుల్ కామెడీ ఎంటర్‌టైనర్‌గా తెరకెక్కించినట్లు పోస్టర్‌లోనే అర్థమవుతోంది. ఈ చిత్రంలో మౌళికి తండ్రిగా టాలీవుడ్ కమెడియన్ అలీ నటిస్తున్నారు. ఈ మూవీకి సింజిత్ యర్రమిల్లి సంగీతం అందిస్తుండగా.. సూర్య బాలాజీ సినిమాటోగ్రఫీ అందిస్తున్నారు.He’s back to steal your laughs, this time with his absolutely mad family 🤟❤️‍🔥 #DongaNaaKoduku looting the Box Office worldwide from NOVEMBER 13th 🔥 ROBBERY • CRIME • COMEDY #MouliRobsMythri 🪎 #DNK Produced by @MythriOfficial Written & Directed by @DonGaNaakOduKu Starring @Mouli_Talks @susshhee_ Music by @SinjithYerramil DOP @suriyabalaji_97 Editor @sreedharlb Art Director: @nagendra84052 Costume Designer: @MahiDerangula Action Choreographer: @RajeshLanka1986 Audio on @thinkmusicindia Overseas by @prathyangiraus— Mythri Movie Makers (@MythriOfficial) October 6, 2026

ఇరుముడితో సక్సెస్ అందుకున్న మాస్ మహారాజా రవితేజ. త్వరలోనే మరో సినిమాకు సిద్ధమయ్యారు. వివేక్ ఆత్రేయ డైరెక్షన్‌లో రవితేజ కనిపించనున్నారు. వీరిద్దరి కాంబోలో రానున్న మూవీకి సంబంధించి ఓ క్రేజీ టాక్ నెట్టింట వైరలవుతోంది. ఈ చిత్రంలో జేడీ చక్రవర్తి విలన్‌గా నటిస్తున్నారని లేటేస్ట్ టాక్. ఇదే జరిగితే వీరిద్దరు దాదాపు 18 ఏళ్ల తర్వాత ఓకే సినిమాలో కనిపించనున్నారు.హారర్-కామెడీ నేపథ్యంలో రూపొందించనున్న ఈ చిత్రంలో జేడీ చక్రవర్తి ప్రతినాయకుడిగా కనిపించనున్నట్లు సమాచారం. గతంలో రవితేజ, జేడీ చక్రవర్తి చివరిసారిగా 2007లో వచ్చిన ‘దుబాయ్ శీను’లో కలిసి నటించారు. దాదాపు 18 ఏళ్ల తర్వాత వీరిద్దరూ మరోసారి స్క్రీన్ షేర్ చేసుకోబోతున్నారు. దీంతో ఈ మూవీపై అభిమానుల్లో మరిన్ని అంచనాలు పెరుగుతున్నాయి. ఇప్పటికే ఈ చిత్రానికి ‘తులాభారం’ అనే టైటిల్‌ను పరిశీలిస్తున్నట్లు టాక్ వినిపిస్తోంది. దసరా సందర్భంగా సినిమాను అధికారికంగా లాంఛ్‌ చేసేందుకు మేకర్స్ ప్లాన్ చేస్తున్నట్లు తెలుస్తోంది.

శ్రీ విష్ణు హీరోగా వస్తోన్న లేటేస్ట్ మూవీ కామ్రేడ్‌ కల్యాణ్‌. ఈ సినిమాకు జానకీరామ్ మారెళ్ల దర్శకత్వం వహిస్తున్నారు. ఇప్పటికే షూటింగ్ పూర్తయిన ఈ మూవీ అక్టోబరు 9న ప్రేక్షకుల ముందుకు రానుంది. ఈ మూవీలో మహిమా నంబియార్ హీరోయిన్‌గా కనిపించనుంది. ఈ చిత్రాన్ని స్కంద వాహన మోషన్ పిక్చర్స్ ఎల్‌ఎల్‌పీ అండ్ కోన ఫిల్మ్ కార్పొరేషన్ బ్యానర్లపై వెంకట కృష్ణ కర్నాటి, సీతా కర్నాటి నిర్మిస్తున్నారు.ఇప్పటికే రిలీజైన సాంగ్స్‌కు ఆడియన్స్‌ అద్భుతమైన రెస్పాన్స్ వచ్చింది. తాజాగా ఈ మూవీ ట్రైలర్ రిలీజ్ చేశారు మేకర్స్. ఈ ట్రైలర్ చూస్తుంటే ప్రేమకథా చిత్రంగానే తెరకెక్కించినట్లు తెలుస్తోంది. అమ్మాయి భాష వేరే కావడంతో తన ప్రేమను తెలియజేయడానికి హీరో పడే కష్టాలు ఈ ట్రైలర్‌లో చూపించారు. ఈ లవ్ ఎంటర్‌టైనర్‌లో కామెడీ కూడా ఫుల్‌గా ఉండనుందని ట్రైలర్ చూస్తే అర్థమవుతోంది. కాగా.. ఈ చిత్రంలో రాధిక శరత్‌కుమార్, షైన్ టామ్ చాకో, ఉపేంద్ర లిమాయే కీలక పాత్రలు పోషిస్తున్నారు.

టాలీవుడ్ నటి ఇంద్రజ ఆసక్తికర కామెంట్స్ చేశారు. ఒక సినిమాలో తాను నటించాక ఈవెంట్‌కు రావడం తన బాధ్యత అని అన్నారు. అందుకే ప్రీ రిలీజ్ ఈవెంట్‌కు కచ్చితంగా హాజరవుతానని ఆమె తెలిపారు. ఒక సినిమాలో యాక్ట్ చేసినప్పుడు అది నా బాధ్యతని వెల్లడించారు. అనకాపల్లి మూవీ సక్సెస్ మీట్‌కు హాజరైన ఆమె మాట్లాడారు.అలా అయితే రాను..ఏదైనా సక్సెస్ సాధించాక నిర్వహిస్తేనే తాను ఈవెంట్‌కు హాజరవుతానని ఇంద్రజ తెలిపారు. అయితే ఒక సినిమా నిజంగా విజయం సాధిస్తేనే తాను ఈవెంట్‌కు వస్తానని స్పష్టం చేశారు. మూవీ సక్సెస్ కాకపోయినా.. సక్సెస్‌ మీట్‌ నిర్వహిస్తే తాను మాత్రం వెళ్లనని తేల్చిచెప్పారు. ప్రస్తుతం ఇంద్రజ చేసిన కామెంట్స్ టాలీవుడ్‌లో చర్చనీయాంశంగా మారాయి. నిజంగా మూవీ హిట్ అయితేనే సక్సెస్ మీట్ నిర్వహించాలని ఆమె చెప్పడం మంచి విషయమేనని కొందరు నెటిజన్స్ అభిప్రాయం వ్యక్తం చేస్తున్నారు. (ఇది చదవండి: నభా నటేశ్ లవ్‌ ఎంటర్‌టైనర్‌.. టైటిల్ ఖరారు)

కన్నడ హీరో ధ్రువ్‌ సర్జా హీరోగా మరో మూవీలో నటిస్తున్నారు. ఈ సినిమాకు విశాల్ ఆత్రేయ దర్శకత్వం వహిస్తున్నారు. తాజాగా ఈ మూవీ టైటిల్ రివీల్ చేశారు మేకర్స్. ఈ చిత్రానికి కెమిస్ట్రీ అనే టైటిల్ ఖరారు చేశారు. ఈ విషయాన్ని తెలియజేస్తూ టైటిల్ గ్లింప్స్ విడుదల చేశారు.ఈ గ్లింప్స్ చూస్తుంటే ఫుల్ రొమాంటిక్ లవ్ స్టోరీగా ఈ మూవీని తెరకెక్కిస్తున్నారని తెలుస్తోంది. ఈ చిత్రంలో ధ్రువ్ సర్జా సరసన నభా నటేశ్ హీరోయిన్‌గా కనిపించనుంది. ఈ చిత్రాన్ని పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్‌ నిర్మిస్తున్నారు.

సినిమా విడుదలకు ముందే ప్రేక్షకుల్లో ఇంట్రెస్ట్ రావాలంటే భారీ ప్రమోషన్ బడ్జెట్, స్టార్ హీరోలు, సోషల్ మీడియా ఇన్‌ఫ్లుయెన్సర్లు, వరుసగా రీల్స్, ఈవెంట్స్ అవసరమని భావించే రోజుల్లో ఓ చిన్న సినిమా టీమ్ మాత్రం అందుకు భిన్నమైన దారిని ఎంచుకుంది. ఒక్క క్రియేటివ్ ఐడియాతో భారీ ప్రమోషన్ ఖర్చును తగ్గించడమే కాకుండా తమ సినిమాను జనాల్లోకి బలంగా తీసుకెళ్లింది. ఆ మూవీనే 'పర్ణశాల'.హారర్ కామెడీ నేపథ్యంలో తెరకెక్కుతున్న ఈ చిత్రంలోని ‘జిమ్ జిమ్ తార’ పాట ఇప్పుడు టాలీవుడ్‌లో హాట్ టాపిక్‌గా మారుతోంది. సినిమా ప్రమోషన్‌లో భాగంగా చిత్ర బృందం చేసిన ఓ వినూత్న ప్రయత్నం అనూహ్యమైన స్పందనను తీసుకొచ్చింది. ఇప్పటికే లక్ష్మీదేవితో ‘జిమ్ జిమ్ తార’ పాటను పాడించిన చిత్ర బృందం, సినిమా ప్రచారానికి ఈ పాటనే ప్రధాన ఆయుధంగా మలుచుకోవాలని నిర్ణయించుకుంది. అనుకున్నదే తడవుగా రూపొందించిన ప్రమోషనల్ మూవ్.. ఇప్పుడు సోషల్ మీడియాలో తెగ వైరల్ అయిపోయింది.‘జిమ్ జిమ్ తార’ పాటకు వచ్చిన స్పందన సినిమాకు కూడా బజ్ తీసుకొచ్చేలా మారితే అది థియేట్రికల్ బిజినెస్‌తో పాటు ఓటీటీ, ఆడియో హక్కుల మార్కెట్‌పైనా సానుకూల ప్రభావం చూపే అవకాశం ఉందని ట్రేడ్ వర్గాలు భావిస్తున్నాయి. సినిమా విడుదలకు ముందే ఓ పాట ఇంతగా వైరల్ కావడం ‘పర్ణశాల’ టీమ్‌కు ప్లస్ పాయింట్‌గా మారింది. మరి ఈ హైప్ థియేటర్ల వరకు కొనసాగుతుందా? ‘జిమ్ జిమ్ తార’ క్రియేట్ చేసిన బజ్ సినిమాకు ఎంతవరకు ఉపయోగపడుతుంది? అన్నది ఇప్పుడు ఆసక్తికరంగా మారింది. వై.జి.భరత్ దర్శకత్వంలో, మంచి వెంకట్ నిర్మిస్తున్న ‘పర్ణశాల’ మూవీ త్వరలో ప్రేక్షకుల ముందుకు రాబోతోంది.

చాక్లెట్ స్టార్ పవన్ హీరోగా.. మౌనిక‌, సిరి హీరోయిన్లు నటిస్తున్న తెలుగు హారర్ థ్రిల్లర్ సినిమా ‘పోతిరెడ్డిపల్లి’. హైదరాబాద్‌లోని రామానాయుడు స్టూడియోస్‌లో సోమవారం ఈ చిత్రం ప్రారంభమైంది. జేరమ్ విష్ణు నిర్మిస్తున్న ఈ చిత్రానికి అశోక్ రోయ్య దర్శకత్వం వహిస్తున్నారు.పూజా కార్యక్రమానికి తెలంగాణ మాజీ డిఫ్యూటీ సీఎం రాజయ్య, జాతీయ బీసీ సంక్షేమ సంఘం అధ్యక్షుడు, రాజ్యసభ సభ్యుడు ఆర్. కృష్ణయ్య, సీనియ‌ర్ న‌టుడు బాబుమోహ‌న్ ముఖ్య అతిథులుగా హాజరై చిత్రబృందానికి శుభాకాంక్షలు తెలిపారు. గ్రామీణ నేపథ్యంలో మిస్టరీ, హారర్, సస్పెన్స్ అంశాలను మేళవిస్తూ ఈ కథను రూపొందిస్తున్నట్లు చిత్రబృందం తెలిపింది. కథలోని మలుపులు, పాత్రల స్వభావం ప్రేక్షకులను ఉత్కంఠకు గురిచేసేలా ఉంటాయని పేర్కొంది. మరిన్ని వివరాలను త్వరలోనే చిత్రబృందం వెల్లడించనుంది.

"ఎస్ఆర్ కళ్యాణమండపం" సినిమాతో దర్శకుడిగా ఆకట్టుకున్న డైరెక్టర్ శ్రీధర్ గాదె.. కొత్త చిత్రాన్ని ప్రకటించారు. ప్రొడ్యూసర్ వెంకట్ తలారి తమ ప్రొడక్షన్ నెం.3గా ఈ చిత్రాన్ని నిర్మిస్తున్నారు. "కమిటీ కుర్రోళ్లు" ఫేమ్ ఈశ్వర్ రుచిరాజు హీరోగా నటిస్తుండగా, నందు, లిఖిత హీరోయిన్స్‌గా నటిస్తున్నారు. పూజిత పొన్నాడ, సింధు కాసారం ఇతర కీలక పాత్రలు పోషిస్తున్నారు. ప్రస్తుతం ఈ సినిమా శరవేగంగా రెగ్యులర్ షూటింగ్ సాగుతోంది.ఈ చిత్రంలో నర్తకి క్యారెక్టర్ లో టాలెంటెడ్ యాక్ట్రెస్ పూజిత పొన్నాడ నటిస్తున్నారు. పూజిత పుట్టినరోజు సందర్భంగా ఆమెకు పుట్టినరోజు శుభాకాంక్షలు తెలియజేస్తూ నర్తకి క్యారెక్టర్ ఫస్ట్ లుక్ పోస్టర్ రిలీజ్ చేశారు. విలేజ్ బ్యాక్‌డ్రాప్‌లో సాగే హారర్ చిత్రమిది. ఈ సినిమాను సరికొత్త కథా కథనాలతో ప్రేక్షకులను ఆకట్టుకునేలా దర్శకుడు శ్రీధర్ గాదె తెరకెక్కిస్తున్నారు. ఈ చిత్రానికి సంబంధించిన ఇతర వివరాలను మేకర్స్ త్వరలో వెల్లడించనున్నారు.

రీసెంట్‌గా హీరోయిన్ రకుల్ ప్రీత్ సింగ్ మామ వాసు భగ్నానీ, భర్త జాకీ భగ్నానీకి సంబంధించిన నిర్మాణ సంస్థ ఆఫీసులపై ఐటీశాఖ దాడులు చేసింది. అయితే వీటితో తనని లింక్ చేస్తుండటంపై రకుల్ ఆగ్రహం వ్యక్తం చేసింది. ఈ మేరకు సోషల్ మీడియాలో సుధీర్ఘ పోస్ట్ పెట్టింది. ఆ వార్తల్లో ఎలాంటి నిజం లేదని, ఆ సోదాలకు తనకు ఎలాంటి సంబంధం లేదని స్ప‌ష్టం చేసింది.(ఇదీ చదవండి: బిగ్‌బాస్ 10: సృష్టి ఎలిమినేట్.. నాలుగు వారాలకు రెమ్యునరేషన్ ఎంతంటే?)'నా గురించి వస్తున్న వార్తలన్నీ పూర్తిగా అబద్ధం. నేను ఆర్మీ నేపథ్యం నుంచి వచ్చాను. ఇండస్ట్రీలో నాకు ఎలాంటి గాడ్‌ఫాదర్ లేరు. కష్టపడి, బాధ్యతాయుతమైన పౌరురాలిగా, 20 ఏళ్ల వయసు నుంచే క్రమం తప్పకుండా పన్నులు చెల్లిస్తున్నాను. ఏ నిర్మాణ సంస్థ తరఫున చట్టవిరుద్ధమైన విదేశీ నగదు లావాదేవీలకు పాల్పడలేదు. దేశంలో కానీ, విదేశాల్లో కానీ ఎవరి తరఫునా నాకు ఎలాంటి బినామీ ఆస్తులు లేవు. ఎవరూ నాకు ఎప్పుడూ ఎలాంటి ఆస్తి బహుమతిగా ఇవ్వలేదు. ఇలాంటి ఖరీదైన బహుమతులు స్వీకరించడం నా రూల్స్‌కి విరుద్ధం. నాపై తప్పుడు కథనాలు ప్రచురించిన మీడియా సంస్థలు వాటిని తీసేసి నిజాలు చెప్పాలి. మీడియా సంస్థలకు ఒత్తిళ్లు ఉంటాయని అర్థం చేసుకోగలను. కానీ వాటి కోసం నిజాల్ని త్యాగం చేయకూడదు. ఒక వ్యక్తి ప్రతిష్ఠ, జీవనోపాధిని దెబ్బతీసేలా వ్యవహరించడం సరికాదు' రకుల్ ప్రీత్ సింగ్ సీరియస్ అయింది.(ఇదీ చదవండి: ఈ వారం ఓటీటీల్లోకి 23 సినిమాలు.. ఆ నాలుగు మిస్ కావొద్దు) View this post on Instagram A post shared by Rakul Singh (@rakulpreet)

మెగాస్టార్ చిరంజీవి హీరోగా వస్తోన్న సోషియో ఫాంటసీ మూవీ విశ్వంభర. ఈ సినిమాకు బింబిసార ఫేమ్ వశిష్ఠ దర్శకత్వం వహించారు. ఈ ఏడాది రిలీజ్‌ కావాల్సిన ఈ చిత్రం పలు కారణాలతో వాయిదా పడుతూ వస్తోంది. దసరాకు రిలీజ్ అవుతుందని భావించినప్పటికీ అలా జరగలేదు. దీంతో మెగా ఫ్యాన్స్‌ ఇంకెప్పుడా అని ‍అప్‌డేట్స్ కోసం ఎదురు చూస్తున్నారు.ఈ నేపథ్యంలోనే విశ్వంభరకు సంబంధించిన ఓ క్రేజీ టాక్‌ ప్రస్తుతం టాలీవుడ్‌లో వైరల్‌గా మారింది. తాజాగా వినిపిస్తోన్న బజ్ ప్రకారం ఈ సినిమా వచ్చే ఏడాదిలోనే రిలీజ్ కానుందని తెలుస్తోంది. సంక్రాంతి బరిలో ఉన్న కాకా తర్వాతే విశ్వంభర రానుందని గట్టిగా టాక్ వినిపిస్తోంది.వచ్చే ఏడాది జనవరిలో సంక్రాంతి బరిలో కాకా రిలీజ్ అవుతోన్న సంగతి తెలిసిందే. ఆ తర్వాత వచ్చే శివరాత్రికి విశ్వంభర రిలీజ్‌ చేయనున్నట్లు కనిపిస్తోంది. మొదట ఈ ఏడాది దీపావళికి నవంబర్‌లో వస్తుందని అభిమానులు భావించారు. కానీ ఇప్పటి వరకు ఎలాంటి అప్‌డేట్స్ రావడం లేదు. అందుకే వచ్చే ఏడాది శివరాత్రిపైనే మేకర్స్ గురిపెట్టారని తెలుస్తోంది. అయితే దీనిపై మరింత క్లారిటీ రావాల్సి ఉంది. అప్పుడైనా రిలీజ్‌ అయితే మెగా ఫ్యాన్స్‌ పండగే పండగ.

టాలీవుడ్ హీరో మంచు మనోజ్ తన సతీమణికి స్పెషల్ విషెస్ తెలిపారు. ఆమె పుట్టినరోజు కావడంతో సోషల్ మీడియా వేదికగా తన ప్రేమను వ్యక్తం చేశారు. తన భార్య మౌనికకు బర్త్ డే విషెస్ చెబుతూ ట్వీట్ చేశారు. మంచు మనోజ్ తన ట్వీట్‌లో రాస్తూ..' నా ప్రాణమైన మౌనికకు పుట్టినరోజు శుభాకాంక్షలు. నేను నమ్మకంతో లేని రోజుల్లో నువ్వు నన్ను నమ్మావు. నా అత్యంత కష్టకాలంలోనూ, నా పునరాగమనంలోని ప్రతి అడుగులోనూ నీ విశ్వాసమే నాకు బలాన్నిచ్చింది. ధైరవ్, దేవసేనకు మీరే నా ఇల్లు. మీ కలలను సాకారం చేసుకుంటూ ఉండండి. ఐ లవ్ యూ. హ్యాపీ బర్త్ ‍డే మౌనిక అంటూ' పోస్ట్ చేశారు. ఇక మంచు మనోజ్ సినిమాల విషయానికొస్తే ప్రస్తుతం డేవిడ్‌ రెడ్డి మూవీలో నటిస్తున్నారు. హనుమా రెడ్డి దర్శకత్వంలో వస్తున్న ఈ చిత్రంలో రమ్యకృష్ణ నటిస్తున్నారు. 1897, 1920ల మధ్య బ్రిటిష్‌ కాలం నాటి నేపథ్యంలో తెరకెక్కిస్తున్నారు. ఈ చిత్రంలో మారియా ర్యాబోషాప్కా హీరోయిన్‌గా కనిపించనున్నారు. సముద్రఖనితో పాటు పలువురు కీలక పాత్రలు పోషిస్తున్నారు. త్వరలోనే ఈ సినిమా పాన్‌ ఇండియా స్థాయిలో విడుదల కానుంది. Happy birthday to my life line Mounika. You believed in me on the days I could not. Through my toughest time and every step of my comeback, your faith gave me strength. To Dhairav and DevaSena, you are home. Keep building your dreams. I love you. #HBDMounikaBhumaManchu https://t.co/2zwBrLijbQ— Manoj Manchu🙏🏻❤️ (@HeroManoj1) October 4, 2026

‘‘ఇరుముడి’ హిట్‌ తర్వాత ఈ ‘చకోర’ వేడుక ద్వారా మిమ్మల్ని ఇక్కడ కలుసుకోవడం సంతోషంగా ఉంది. వైజాగ్‌ నుంచి పూరీగారు పరశురామ్, నేను... ఇలా చాలామంది దర్శకులం అయ్యాం. ఇప్పుడు మంగా శ్రీనివాస్‌ దర్శకుడిగా పరిచయం అవుతున్నారు. మీలో (ప్రేక్షకులు) ఉన్న ప్రతిభను గుర్తించండి. అప్పుడు మీరు కూడా మరో పూరి, శివ నిర్వాణ కాగలరు. ఇక ‘చకోర’లోని నటీనటులు ప్రామిసింగ్‌గా ఉన్నారు. టెక్నీషియన్స్‌ కూడా మంచి ఔట్‌పుట్‌ ఇచ్చారు. ఈ సినిమా సూపర్‌ హిట్‌ కావాలని కోరుకుంటున్నాను’’ అని దర్శకుడు శివ నిర్వాణ అన్నారు. మంగా శ్రీనివాస్‌ రచన– దర్శకత్వంలో శ్రవణ్, మలైకా టి. వాసుపల్‌ జంటగా, అనుష్క లూహార్‌ ఓ హీరోయిన్‌గా డా. చింతాడ హేమారావు నిర్మించిన ‘చకోర–లూనార్‌ బర్డ్‌’ ఈ నెల 9న ప్రపంచవ్యాప్తంగా విడుదల కానుంది. ఈ సందర్భంగా వైజాగ్‌లో యూనిట్‌ నిర్వహించిన ప్రీ – రిలీజ్‌ ఈవెంట్‌లో దర్శకుడు శివ నిర్వాణ ముఖ్య అతిథిగా పాల్గొన్నారు.ఈ వేడుకలో డా. చింతాడ హేమారావు మాట్లాడుతూ– ‘‘భిన్నమైన ప్రేమకథతో రూ పొందించిన ‘చకోర’ చూసి ప్రేక్షకులు అందించే ప్రశంసలు, కొట్టే చప్పట్లే మాకు కోట్లాది రూపాయల ఆస్తిగా భావిస్తాం’’ అన్నారు. మంగా శ్రీనివాస్‌ మాట్లాడుతూ– ‘‘ఇదొక అమ్మ చెప్పిన ప్రేమకథ, ఒక అబ్బాయి ప్రేమకథ, అందమైన ప్రేమకథ. మా సినిమా ప్రివ్యూస్‌ చూసి, బ్యూటిఫుల్‌ ఫస్టాఫ్, వండర్‌ఫుల్‌ సెకండాఫ్‌ అంటున్నారు’’ అని చెప్పారు.

‘కాలానికి ముందే ఆలోచించిన వ్యక్తి, ఆలోచనల్లో ఆయన యువకుడు, సింగీతంగారు చూపిన మార్గం రాబోయే తరాలకు స్ఫూర్తి, ఆయనొక దిగ్గజ దర్శకుడు, ఇది ఒక అసాధారణ అధ్యాయానికి ముగింపు’’ అంటూ పలువురు చిత్రరంగ ప్రముఖులు లెజెండరీ డైరెక్టర్‌ సింగీత శ్రీనివాసరావు మృతి పట్ల తమ సంతాపాన్ని వ్యక్తం చేశారు. శనివారం రాత్రి సింగీతం శ్రీనివాసరావు తుది శ్వాస విడిచిన విషయం తెలిసిందే. ఆయన మృతి పట్ల పలువురు ప్రముఖులు ఈ విధంగా స్పందించారు.⇒ సింగీతంగారు తాను ఆశించినట్లే తనలోని యవ్వనం (ఆలోచనల రీత్యా) తోనే తుది శ్వాస విడిచారు. ఆయనలోని ఆ యవ్వనం చాలామందికి ఉండదు. ఆ లక్షణం అబ్బాలని ఆయన చేయి పట్టుకుని నడిచిన స్నేహితులు, శిష్యుల్లో నేనూ ఉన్నాను. సింగీతంగారిని కలిసినప్పట్నుంచి ఆయన్ను ఆరాధిస్తున్నాను. ఇప్పుడు ఆయనలా జీవించాలని ఆశిస్తున్నాను. – కమల్‌హాసన్‌⇒ కొత్త ఆలోచనలను అన్వేషించడంలో సింగీతంగారికి ఉన్న ధైర్యం, అద్భుతమైన ఊహాశక్తి భారతీయ సినిమాకు ఎన్నో చిరస్మరణీయమైన చిత్రాలను అందించాయి. ఇటీవల ఆయన దర్శకత్వంలో వచ్చిన ‘సింగ్‌ గీతం’ సినిమా కథల పట్ల ఆయనకు ఉన్న అంతులేని తపనకు అద్భుతమైన నిదర్శనం. వయసు పైబడినా ఆయన మనసులో యువకుడే. కొత్త విషయాలను తెలుసుకోవాలనే ఉత్సుకత, ఏదైనా సృష్టించాలనే ఉత్సాహం ఆయనలో ఎప్పుడూ ఉండేవి. – చిరంజీవి⇒ భారతీయ సినిమాకే ఒక కొత్త ముద్ర వేసిన ‘ఆదిత్య 369, తెలుగులో మొట్టమొదటి కంప్యూటర్‌ గ్రాఫిక్స్‌ ఆధారిత చిత్రమై, బాక్సాఫీస్‌ వద్ద చరిత్ర సృష్టించి, జానపద చిత్రాలలో ఇప్పటికీ తిరుగులేనిదిగా నిలిచిన ‘భైరవ ద్వీపం’, ΄పౌరాణిక చిత్రం ‘శ్రీ కృష్ణార్జున విజయం’.... ఈ మూడు చిత్రాల్లో ఒకే దర్శకుడితో నేను సాంఘిక, చారిత్రక, జానపద, ΄పౌరాణిక అనే నాలుగు ప్రధాన జానర్‌లలోని పాత్రలను పోషించాను. – బాలకృష్ణ⇒ 94 ఏళ్ల వయసులో కూడా సినిమాల పట్ల నిత్యయవ్వనంతో కూడిన ఆలోచనలు ఉన్న వ్యక్తి సింగీతంగారు. మీకున్న అంకితభావమే మీ గొప్ప వారసత్వం. – రవితేజ⇒ ‘పుష్పక విమానం, విచిత్ర సోదరులు, మయూరి, ఆదిత్య 369, ‘మైకేల్‌ మదన కామరాజు’ లాంటి చిత్రాల్లో సింగీతం శ్రీనివాసరావు గారు చేసిన ప్రయోగాలు, చూపిన సృజన ప్రేక్షకులను మెప్పించాయి. ఆయన రూ పొందించిన ‘అమెరికా అమ్మాయి, పంతులమ్మ’ లాంటి చిత్రాల్లోని గీతాలు ఎంతో ప్రాచుర్యం పొందాయి. 94 ఏళ్ల వయసులోనూ ‘సింగ్‌ గీతం’ అనే చిత్రానికి దర్శకత్వం వహించడం ఆయనకి సినిమా పట్ల ఉన్న ఆసక్తిని తెలియజేసింది. – పవన్‌ కల్యాణ్‌ ⇒ ప్రియమైన సింగీతంగారు... మీరు మా హృదయాల్లో ఎప్పటికీ నిలిచే ఉంటారు. – నాగార్జున⇒ సినిమాని విభిన్న కోణాల్లో చూపించవచ్చని నమ్మిన అరుదైన దర్శకుడు సింగీతంగారు. ఆయన మరణం తెలుగు సినిమా చరిత్రలో ఒక అసాధారణ అధ్యాయానికి ముగింపు. – వెంకటేశ్‌⇒ సింగీతం శ్రీనివాసరావుగారు ఒక లెజెండ్‌. అద్భుతమైన ఊహాశక్తి, ధైర్యం, ప్రతిభ కలిగిన దర్శకుడు. భారతీయ సినిమా ఎప్పటికీ ఆయనకు రుణపడి ఉంటుంది. – మహేశ్‌బాబు⇒ ‘ఆదిత్య 369, పుష్పక విమానం, మయూరి’... ఇలా కాలానికి ముందే ఆలోచించి, తరాలు మారినా కొత్తగా అనిపించే సినిమాలు అందించిన దార్శనికుడు సింగీతం శ్రీనివాసరావుగారు. – ఎన్టీఆర్‌⇒ మన దేశం చూసిన అత్యంత ప్రత్యేకమైన సినీ దర్శకుల్లో సింగీతంగారు ఒకరు. ఆయన సృజనాత్మకతను ప్రత్యక్షంగా చూసే అవకాశం నాకు లభించడం అదృష్టంగా భావిస్తున్నాను. ఆయన పని, ఆయన చూపిన దార్శనికత రాబోయే తరాలకు స్ఫూర్తినిస్తూనే ఉంటాయి. – అల్లు అర్జున్‌⇒ సింగీతం శ్రీనివాసరావుగారు ఎప్పటికప్పుడు ప్రయోగాలు చేస్తూ, ఏ ఒక్క జానర్‌ లేదా ఫార్ములాకు తనను తాను పరిమితం చేసుకోలేదు. ఆయన తీసిన ప్రతి సినిమా ఒక పాఠ్యపుస్తకం వంటిది. తమ సినిమాల మాయాజాలంతో నన్ను ప్రేమలో పడేలా చేసిన దర్శకుల్లో ఒకరిగా ఆయన నాకు ఎప్పటికీ గుర్తుండిపోతారు. – మంచు విష్ణు⇒ గొప్పవాళ్లలోనే గొప్పవారైన ఒకరు వెళ్లిపోయారు. ఒక అసాధరణ జీవితం గడిపి, తన మేధస్సుతో మనల్ని ఆశీర్వదించిన గొప్ప బాలుడు ఆయన. ఫోన్‌ చేసినా, మేసేజ్‌ చేసినా... 94 సంవత్సరాల వయసులో కూడా తాను చేయబోయే సినిమాలను గురించిన ఆలోచనతోనే మాట్లాడేవారు. ఆ వయసులో ఆ ఉత్సాహం, ఉత్సుకత అద్భుతం. ఆయన శకంలో నేనూ ఉన్నందుకు గర్వపడుతున్నాను. – నాని ⇒ సింగీతం సార్‌... మీ నమ్మకాలు, ఆలోచనలు, మీ కథలు మాతో ఎప్పటికీ నిలిచే ఉంటాయి. ‘పెళ్ళి చూపులు’ సినిమా విడుదలైనప్పట్నుంచి మీరు నాపై చూపిన ప్రేమ, ఆ ప్యాయతలను మర్చిపోలేను. మీ విజన్‌లో నుంచి వచ్చిన ‘సింగ్‌ గీతం’లో నేను భాగం అయినందుకు సంతోషంగా ఫీలయ్యాను. – విజయ్‌ దేవరకొండ⇒ సాంకేతిక సాధనాలు, సరైన బడ్జెట్‌లు లేని సమయాల్లోనే తన చుట్టూ ఉన్న వారందరికంటే పెద్ద కలలు కనే ధైర్యం చేసిన వ్యక్తి సింగీతం శ్రీనివాసరావుగారు. సింగిల్‌ డైలాగ్‌ లేకుండా సినిమా తీశారు. మనల్ని కాలంతో ప్రయాణించేలా చేశారు. కామెడీ నుంచి ఫ్యాంటసీ నుంచి హ్యూమన్‌ డ్రామా వరకు... జానర్ల మధ్య ఎలాంటి గీతా లేదని చె΄్పారు. సినిమాకు ఉన్న ఏకైక నిజమైన పరిమితి ఊహ మాత్రమేనని ఆయన మా తరానికి చూపించారు. – రాజమౌళి⇒ కళాఖండాలను రూ పొందించినా, నిరాడంబరుడిగానే చివరి వరకూ మసలిన దార్శనిక ముని సింగీతం శ్రీనివాసరావుగారు. ఒక ప్పుడు ఆయనతో సినిమా చేద్దామనుకున్నా కథ కలిసి రాలేదు. కానీ నా కల ఆగిపోలేదు. ’సింగ్‌ గీతం’ రూపంలో వైజయంతి పతాకం మీద శాశ్వతంగా వెలుగుతూనే ఉంటుంది. మరణం లేని మహనీయుడు. – అశ్వినీదత్‌⇒ సింగీతం శ్రీనివాసరావుగారు తీసిన ప్రతి సినిమా ప్రయోగాత్మకమే. ఆయన పద్మభూషణ్‌ పురస్కారానికి అర్హులు. పద్మ అవార్డుల కోసం దరఖాస్తు చేయాలని ఎన్నోసార్లు ఆయన్ను కోరాము. ప్రయోగాత్మక చిత్రాలు తీసిన సింగీతం వంటి దర్శకుడికి సముచిత గౌరవం ఇవ్వాల్సిన బాధ్యత ప్రభుత్వాలపై ఉంది. సింగీతం పేరును పద్మ అవార్డులకు సిఫార్సు చేయాలని తెలుగు రాష్ట్రాల ముఖ్యమంత్రులను కోరుతున్నాను. – కాట్రగడ్డ ప్రసాద్‌⇒ ‘ఆదిత్య 369’ సినిమా సింగీతం శ్రీనివాసరావుగారు నాకు ఇచ్చిన వరం. ఆ సినిమా నిర్మాతగా నన్ను ఇప్పటికీ గుర్తిస్తున్నారు. ఈ మధ్యే ఆయన ఓ కథకు ఐడియా ఇస్తానని అన్నారు. గద్దర్‌ అవార్డుల్లో సింగీతంగారికి బీఎన్‌రెడ్డి పురస్కారం లభించడం, ఆ జ్యూరీ సభ్యుడిగా నేను ఉండటం నా అదృష్టం. – శివలెంక కృష్ణ ప్రసాద్‌

దళపతి విజయ్ తనయుడు జేసన్ సంజయ్ డైరెక్షన్‌లో వచ్చిన డెబ్యూ మూవీ సిగ్మా. ఈ చిత్రంలో టాలీవుడ్‌ హీరో సందీప్ కిషన్ నటించారు. దర్శకుడిగా జేసన్‌కు మొదటి సినిమా కావడంతో విజయ్ అభిమానుల్లోనూ విపరీతమైన ఆసక్తి నెలకొంది. ఈ మూవీ ‍గాంధీ జయంతి సందర్భంగా అక్టోబర్ 2న విడుదలైంది.అయితే ఎన్నో అంచనాల మధ్య విడుదలైన సిగ్మా బాక్సాఫీస్ వద్ద మాత్రం నిరాశపరస్తోంది. రెండు రోజుల్లో కలిపి దేశవ్యాప్తందా కేవలం రూ. 4.40 కోట్లు మాత్రమే రాబట్టింది. నెట్ వసూళ్లపరంగా చూస్తే రూ. 3.85 కోట్లు సాధించింది. ట్రేడ్ వెబ్‌సైట్ శాక్‌నిల్క్ ప్రకారం రెండో రోజు ఈ మూవీ కేవలం రూ.1.50 కోట్ల వసూళ్లు మాత్రమే కలెక్ట్ చేసింది. రెండవ రోజు తమిళ వర్షన్ రూ. 95 లక్షల నికర వసూళ్ల రాబట్టగా.. తెలుగు వర్షన్ రూ. 55 లక్షలు మాత్రమే సాధించింది. శనివారం థియేటర్లలో కేవలం 19 శాతం ఆక్యుపెన్సీ మాత్రమే నమోదు చేసింది.కాగా.. ఈ చిత్రంలో సందీప్ కిషన్, ఫరియా అబ్దుల్లా జంటగా నటించారు. ఆర్థిక సమస్యలతో సతమతమవుతూ, అప్పు తీర్చడానికి ప్రయత్నించే ఒక లైబ్రేరియన్ కథే ఈ సిగ్మా. అతని పరిస్థితులు చివరికి అతన్ని డ్రగ్ డీలర్లు, అక్రమ క్యాసినోలు, దోపిడీలతో ప్రమాదకరమైన నేర ప్రపంచంలోకి ఎలా వెళ్లారనేదే కాన్సెప్ట్‌తో ఈ మూవీని తెరకెక్కించారు.

దాదాపు 95 ఏళ్ల వయసులో దర్శకత్వం వహించిన సంచలనం సృష్టించిన డైరెక్టర్ సింగీతం శ్రీనివాసరావు. సింగ్ గీతం పేరుతో మూవీని తెరకెక్కించారు. ఇది చూశాక డైరెక్షన్‌కు వయసుతో సంబంధం లేదని నిరూపించారు. మలి వయసులో ఆయన చూపిన దర్శకత్వ బాధ్యతను చూసి అందరూ ఆశ్చర్యపోయారు. ఈ వయసులోనూ మరో సినిమాల చేయాలనుకున్న ఆయన.. తన కల నేరవేరకుండానే తుదిశ్వాస విడిచారు.సింగ్ గీతం తర్వాత మరో సినిమాల చేయాలని సింగీతం శ్రీనివాసరావు భావించారు. అంతేకాకుండా ఈ విషయాన్ని కల్కి డైరెక్టర్ నాగ్ అశ్విన్ సోషల్ మీడియాలో పంచుకున్నారు. ఆయన తన 62వ చిత్రం టైటిల్ కూడా తనతో చెప్పారని వాట్సాప్‌ చాట్‌ను షేర్ చేశారు. ఎ ఫ్రూట్ కట్స్ ది నైఫ్ అనే టైటిల్‌తో మూవీ తెరకెక్కించనున్నానని చెప్పారని నాగ్ అశ్విన్ తెలిపారు. ఆయన మరణం వేళ ఈ విషయాన్ని నాగ్ అశ్విన్ రివీల్ చేశారు. చివరిదశలోనూ ఆయన దర్శకత్వం వహించాలని చూడడం చూస్తుంటే.. సినిమాపై ఆయనకున్న మక్కువ, ఆసక్తి ఏంటో ప్రతి ఒక్కరికీ అర్థమవుతోంది. ఇక ఇప్పుడు.. సింగీతం 62వ ప్రాజెక్ట్‌ను నాగ్ అశ్విన్ గానీ, మరెవరైనా గానీ దానిని ముందుకు తీసుకెళ్లి, ఆ సినిమా చేస్తారేమో తెలియాలంటే వేచి చూడాల్సిందే.

దేవర సాంగ్‌ చుట్టమల్లే ఏఐ వీడియోపై టాలీవుడ్ సంచలన డైరెక్టర్ రాం గోపాల్ వర్మ స్పందించారు. ఈ వివాదంపై సెలబ్రిటీలు స్పందించడాన్ని ఆయన మండిపడ్డారు. అసభ్యకర లింక్, కంటెంట్ కోట్లాది మంది చూసే సెలబ్రిటీలే మరింత పబ్లిసిటీ చేశారని అభిప్రాయం వ్యక్తం చేశారు. కోట్లాది మంది దృష్టికి ఆ కంటెంట్‌ను తీసుకెళ్లే బదులు, దానికి బాధ్యులైన నిందితులను గుర్తించి పట్టుకోవడంపై దృష్టి పెట్టాల్సిందని ఆర్జీవీ తన ట్వీట్‌లో ప్రస్తావించారు.ఏఐ వీడియో వివాదంపై సినీ ప్రముఖులు స్పందించడాన్ని రామ్ గోపాల్ వర్మ తప్పుబట్టారు. బాధితురాలికి, అభ్యంతరకరమైన కంటెంట్‌కు మరింత ప్రచారం కల్పించేలా పోస్టులు చేయడం కూడా తప్పేనని ఆర్జీవీ తన ట్వీట్‌లో ప్రస్తావించారు. కాగా.. జూనియర్ ఎన్టీఆర్ హీరోగా వచ్చిన దేవరలోని చుట్టమల్లే వీడియో సాంగ్‌ను అసభ్యంగా ఎడిట్ చేసి సోషల్ మీడియాలో రిలీజ్ చేశారు. ఇది చూసిన ఎన్టీఆర్‌ సైతం ఇలాంటి వారిపై కఠిన చర్యలు తీసుకోవాలని మండిపడ్డారు. సాంకేతికతను దుర్వినియోగం చేసేవారిని వదిలిపెట్టనంటూ ట్వీట్ చేశారు. ఆ తర్వాత విజయ్ దేవరకొండ, చిరంజీవి సైతం ఎన్టీఆర్‌కు మద్దతుగా పోస్టులు పెట్టారు. The only thing all the celebrities succeeded in , is to publicise and thereby make crores and crores of people see the objectionable link ..The smart thing would have been to concentrate on catching the perpetrator and publicise that ..Instead what they did is to tweet and bring enormous attention to the victim’s identity and the offensive content which is also a crime— Ram Gopal Varma (@RGVzoomin) October 4, 2026

ప్రముఖ చిత్ర దర్శకులు సింగీతం శ్రీనివాసరావు మరణం పట్ల సంతాపం వ్యక్తం చేశారు. ఆయన మరణం తనను తీవ్రంగా దుఃఖిస్తున్నట్లు ట్వీట్ చేశారు. ఆయన ఒక నిజమైన దార్శనికుడని.. నూతన ఆలోచనలను అన్వేషించడంలో తనకున్న ఊహాశక్తి, ధైర్యంతో భారతీయ సినిమాకు కొన్ని మరపురాని చిత్రాలను అందించారని కొనియాడారు. సినిమాకు ఆయన చేసిన సేవను అపారమైన గౌరవంతో, ఆప్యాయతతో ఎల్లప్పుడూ గుర్తుంచుకుంటామని మెగాస్టార్ చిరంజీవి పోస్ట్ చేశారు. ఈ సమయంలో ఆయన కుటుంబ సభ్యులకు, ఆత్మీయులకు ప్రగాఢ సానుభూతి తెలిపారు. మిమ్మల్ని మిస్ అవుతాము సింగీతం గారు..కానీ మీ చిత్రాలు తరతరాలకు స్ఫూర్తినిస్తూనే ఉంటాయని కొనియాడారు.హీరో వెంకటేశ్ సంతాపం..సింగీతం శ్రీనివాసరావు గారి మరణవార్త విని హృదయ విదారకంగా ఉందని హీరో వెంకటేశ్ అన్నారు. ఆయన పనితీరుకు ప్రతీకగా నిలిచినటువంటి జిజ్ఞాస, మౌలికత, ఉల్లాసం వంటి లక్షణాలతో సినిమాను ఆదరించిన దర్శకులు చాలా కొద్దిమందే ఉంటారని గుర్తు చేసుకున్నారు. సినిమాలోని మాయాజాలం, దానిలోని అవకాశాలపై నమ్మకాన్ని ఎన్నడూ కోల్పోని అరుదైన దర్శకుడని కొనియాడారు. తెలుగు సినిమా చరిత్రలో ఒక అసాధారణ అధ్యాయానికి ఇది నిజంగా ఒక ముగింపు అని అన్నారు. ఈ విషాద సమయంలో ఆయన కుటుంబ సభ్యులకు, స్నేహితులకు, ఆయనతో కలిసి పనిచేసే అదృష్టం పొందిన ప్రతి ఒక్కరికీ ప్రగాఢ సానుభూతి అంటూ పోస్ట్ చేశారు. సింగీతం గారు... శాంతిగా విశ్రమించండి, మీరు మాకు అందించిన చిత్రాల ద్వారా మిమ్మల్ని ఎల్లప్పుడూ గుర్తుంచుకుంటామని ట్వీట్‌లో రాసుకొచ్చారు. Deeply saddened by the passing of the legendary filmmaker ‘Singeetam Srinivasa Rao’ garu. A true visionary, his imagination and courage to explore new ideas gave Indian cinema some of its most unforgettable films. His contribution to cinema will always be remembered with immense respect and affection. His recent film ‘Sing Geetham’ was a beautiful testament to his undying passion for storytelling. At heart, he remained forever young, curious and eager to create. My heartfelt condolences to his family and loved ones. We will miss you, Singeetam garu. Your films will continue to speak to generations. Om Shanti 🙏— Chiranjeevi Konidela (@KChiruTweets) October 4, 2026 Heartbroken to hear about the passing of Singeetam Srinivasa Rao garu. Few filmmakers have embraced cinema with the kind of curiosity, originality and playfulness that defined his work. He was a rare filmmaker who never stopped believing in the magic and possibilities of cinema. It is truly the end of an extraordinary chapter in Telugu cinema. My deepest condolences to his family, friends and everyone who had the privilege of knowing and working with him. Rest in peace, Singeetam garu. You will always be remembered through the films you gave us. 🙏— Venkatesh Daggubati (@VenkyMama) October 4, 2026

యంగ్ టైగర్ ఎన్టీఆర్‌కు మద్దతుగా విజయ్ దేవరకొండ నిలిచారు. ఏఐ సాంకేతికతతో జరుగుతున్న విపరీత సంస్కృతిపై ఆయన మండిపడ్డారు. మనం పూర్తిగా నీచ స్థాయికి దిగజారామని విజయ్ దేవరకొండ ట్వీట్ చేశారు. దీనికి బాధ్యులైన వారిని వదిలిపెట్టకూడదని.. ఇలాంటి అత్యంత కఠినమైన చట్టపరమైన పరిణామాలను ఎదుర్కోవాలన్నారు. ఇతరులకు ఒక గుణపాఠంగా నిలవాలి.. ఇలాంటి వారిని మనం ఉపేక్షించకూడదని పోస్ట్ చేశారు.విజయ్ తన ట్వీట్‌లో రాస్తూ..'మనం పూర్తిగా నీచ స్థాయికి దిగజారిపోయా. మనం ఒకరిపట్ల ఒకరం ఎప్పుడు ఇంత సున్నితత్వం లేకుండా తయారయ్యాం? ఇది ఎలాంటి పెంపకం? మనం ఎలాంటి సమాజంలో జీవిస్తున్నాం? ఒకరినొకరు కించపరచుకోవడంలో ఆనందాన్ని పొందే సమాజంలోనా? ప్రపంచం మొత్తం ఏఐ జీవనోపాధులను ఎలా దెబ్బతీస్తుందో, ఉద్యోగాలను ఎలా లాగేస్తుందో అని చర్చించుకుంటూ భయపడుతున్నారు. ఇలాంటి తరుణంలో ఈ మూర్ఖులు అదే టెక్నాలజీని ఉపయోగించి పూర్తిగా అర్థంలేని పనులు చేస్తున్నారు. ఇది డిజిటల్ రూపంలో జరిగిన లైంగిక దాడి. చట్టం ఇటువంటి చర్యలను అత్యంత తీవ్రంగా పరిగణించాలి. దీనికి వ్యతిరేకంగా నిలబడిన బృందానికి నా పూర్తి మద్దతు ఉంది' అంటూ పోస్ట్ చేశారు.కాగా. ఎన్టీఆర్ మూవీ దేవరలోని చుట్టమల్లే సాంగ్‌ను ఏఐతో చాలా అసభ్యంగా ఎడిట్ చేశారు. ఇది చూసిన హీరో ఎన్టీఆర్‌ ఆగ్రహం వ్యక్తం చేశాడు. ఏఐ ద్వారా ఎడిట్‌ చేసిన ఆ వీడియోని షేర్‌ చేసిన వారిపై లీగల్‌ యాక్షన్‌ తీసుకుంటామని హెచ్చరించాడు. ఒక ఆడపిల్లను అత్యంత అవమానకరంగా చూపేందుకు ఏఐని ఉపయోగించడం సిగ్గు చేటు అని.. ఎట్టిపరిస్థితుల్లోనూ వారిని వదిలిపెట్టబోనని హెచ్చరించాడు. ఈ మేరకు ఎక్స్‌లో సుధీర్గమైన పోస్ట్‌ పెట్టాడు. ఇది చూసిన విజయ్ దేవరకొండ ఎన్టీఆర్‌కు మద్దతుగా పోస్ట్ పెట్టారు. We have stooped to the levels of absolute lowlife. Whoever is responsible for this should not be spared. They must face the harshest possible legal consequences and be made an example of. We must not let this go. when did we became so insensitive to each other. What kind of parenting is going on? what kind of society are we living in? Where we find joy in degrading each other? At a time when the world is debating and fearing how AI disrupt livelihoods and take away jobs, these idiots are using that very technology to do utter nonsense. This is the digital equivalent of sexual assault. The law must treat such acts with utmost seriousness. And to the team standing up against this, you have my full support.— Vijay Deverakonda (@TheDeverakonda) October 3, 2026

ఇరుముడి మూవీతో సూపర్ హిట్‌ తన ఖాతాలో వేసుకున్న డైరెక్టర్ శివ నిర్వాణ. రవితేజ హీరోగా వచ్చిన ఈ సినిమా బాక్సాఫీస్ వద్ద ప్రభంజనం సృష్టించింది. తండ్రీ కూతుళ్ల సెంటిమెంట్‌ ఆధారంగా ఈ చిత్రాన్ని ప్రేక్షకుల ముందుకు తీసుకొచ్చారు. ప్రస్తుతం ఈ సినిమా ఓటీటీలో అందుబాటులో ఉంది. నెట్‌ఫ్లిక్స్ వేదికగా స్ట్రీమింగ్ అవుతోంది.అయితే తాజాగా టాలీవుడ్‌లో ఓ క్రేజీ టాక్ వినిపిస్తోంది. డైరెక్టర్ శివ నిర్వాణ తన నెక్ట్స్ ప్రాజెక్ట్ కోసం హీరోను ఎంపిక చేశారని తెలుస్తోంది. ఇటీవలే ది ప్యారడైజ్‌తో అలరించిన హీరో నానితో తన తదుపరి మూవీ చేయనున్నారని టాలీవుడ్ టాక్. ఇప్పటికే నాని కోసం ఒక ఎమోషనల్ కథను సిద్ధం చేశారని సమాచారం. ఈ ప్రాజెక్ట్‌ను షైన్ స్క్రీన్స్ బ్యానర్‌పై సాహు గారపాటి నిర్మించే అవకాశం ఉందని తెలుస్తోంది. దీనిపై త్వరలోనే అధికారిక ప్రకటన వచ్చే ఛాన్స్ ఉంది.గతంలో వీరిద్దరి కాంబోలో నిన్ను కోరి, టక్ జగదీశ్ చిత్రాలు వచ్చాయి. ఈ ప్రాజెక్ట్‌ ఓకే ‍అయితే ముచ్చటగా మూడోసారి వీరి కాంబినేషన్‌లో మూవీ తెరకెక్కనుంది. మరోవైపు నాని ది ప్యారడైజ్ తర్వాత బ్లడీ రోమియో మూవీలో నటించనున్నారు. ఈ సినిమాకు సుజిత్ దర్శకత్వం వహిస్తున్నారు. ఆ తర్వాత వెంకీ అట్లూరి దర్శకత్వంలో సితార ఎంటర్‌టైన్‌మెంట్స్ నిర్మించే మరో ప్రాజెక్ట్ కోసం కూడా చర్చ జరుగుతోంది. రాబోయే రోజుల్లో నెక్ట్స్ ప్రాజెక్ట్ ఏంటనేది క్లారిటీ వస్తుంది.

సాక్షి,తాడేపల్లి : ప్రముఖ దర్శకుడు, లెజెండరీ ఫిలింమేకర్ సింగీతం శ్రీనివాసరావు మృతి పట్ల వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌ రెడ్డి తీవ్ర సంతాపం తెలిపారు. ఈ మేరకు వైఎస్‌ జగన్‌ ఒక ప్రకటన విడుదల చేశారు. ‘దక్షిణ భారత సినీ రంగంలో సింగీతం శ్రీనివాసరావు తనదైన ప్రత్యేక ముద్ర వేశారు. దర్శకుడిగా, స్క్రీన్‌ప్లే రచయితగా, నిర్మాతగా, సంగీత దర్శకుడిగా, నటుడిగా ఆయన ప్రదర్శించిన బహుముఖ ప్రజ్ఞ చిరస్మరణీయం. ఎన్నో విభిన్నమైన, ప్రయోగాత్మక చిత్రాలతో భారతీయ సినిమా స్థాయిని మరింత ఉన్నతంగా నిలిపారు. మూస ధోరణులకు భిన్నంగా కొత్త కథలు, కొత్త సాంకేతికత, వినూత్నమైన ఆలోచనలతో తరతరాల సినీ ప్రేక్షకులను అలరించారు.తెలుగు, తమిళం, కన్నడ, హిందీతో పాటు పలు భాషల్లో అనేక చిత్రాలకు దర్శకత్వం వహించి జాతీయ స్థాయిలో గుర్తింపు పొందడమే కాకుండా, ఎన్నో ప్రతిష్ఠాత్మక పురస్కారాలు అందుకున్నారు. 94 ఏళ్ల వయసులోనూ సినిమాపై అదే అంకితభావంతో పనిచేయడం ఆయనలోని కళాతపనకు నిదర్శనం. సింగీతం శ్రీనివాసరావు మృతి భారతీయ చలనచిత్ర రంగానికి తీరని లోటు. ఆయన ఆత్మకు శాంతి చేకూరాలని భగవంతుడిని ప్రార్థిస్తున్నా’ అంటూ వైఎస్‌ జగన్‌ పేర్కొన్నారు. అలాగే ఆయన కుటుంబ సభ్యులు, అభిమానులు, సినీ రంగానికి చెందిన ప్రముఖులకు తన ప్రగాఢ సానుభూతిని తెలియజేశారు. Indian cinema has lost a true pioneer and pathbreaker, who continued making movies even at the age of 94. Singeetham Srinivasa Rao garu’s unmatched creativity, from silent marvels to sci-fi epics, inspires generations. Heartfelt condolences to his family and loved ones. May he rest in peace!— YS Jagan Mohan Reddy (@ysjagan) October 4, 2026

ఎన్టీఆర్‌ హీరోగా ప్రశాంత్‌ నీల్‌ దర్శకత్వంలో వస్తోన్న యాక్షన్ మూవీ ‘డ్రాగన్‌’. ప్రస్తుతం ఈ మూవీ షూటింగ్ అక్టోబర్‌లోనే మొదలు కానుందని తెలుస్తోంది. ఎన్టీఆర్‌–షాహిద్‌ల మధ్య సన్నివేశాలను చిత్రీకరించేలా ప్లాన్‌ చేస్తున్నారని టాక్ వినిపిస్తోంది. ఈ చిత్రాన్ని మైత్రి మూవీ మేకర్స్ బ్యానర్‌లో తెరకెక్కిస్తున్నారు. ఈ మూవీని నందమూరి కల్యాణ్‌ రామ్, నవీన్‌ ఎర్నేని, వై. రవిశంకర్, కొసరాజు హరికృష్ణ సంయుక్తంగా నిర్మిస్తున్నారు. ఇటీవల డ్రాగన్‌ వాయిదా పడుతుందనే వార్తలొచ్చాయి. ఈ నేపథ్యంలోనే నిర్మాత యలమంచిలి రవిశంకర్ స్పందించారు.ఇటీవల ఓ మూవీ ప్రీ రిలీజ్‌కు ఈవెంట్‌కు హాజరైన ఆయన ఎన్టీఆర్ డ్రాగన్‌ మూవీపై మాట్లాడారు. ఈ సినిమా అనుకున్న టైమ్‌కు రిలీజ్ కానుందని ప్రకటించారు. డ్రాగన్‌ విడుదలలో ఎలాంటి ఆలస్యం జరగదని క్లారిటీ ఇచ్చారు. కాగా.. ఈ చిత్రంలో రుక్మిణీ వసంత్‌ హీరోయిన్‌గా నటిస్తున్నారు. ఈ చిత్రం వచ్చే ఏడాది జూన్‌ 11న రిలీజ్‌ కానుంది. మొదటి ఈ మూవీని జూన్ 25 రిలీజ్ చేస్తామని ప్రకటించారు. కానీ మళ్లీ ముందే విడుదల చేయనున్నట్లు వెల్లడించారు.

పాన్‌ ఇండియా రేంజ్‌ అంచనాలు, బాక్సాఫీస్‌ కలెక్షన్స్‌ల పోలికలు... వంటివి ఇప్పటి సినిమాల రిలీజ్‌ల విషయంలో కీలకంగా ఉంటున్నాయి. అందుకే స్టార్‌ హీరోలు తమ సినిమాల రిలీజ్‌ల విషయంలో జాగ్రత్తగా ఉంటున్నట్లు తెలుస్తోంది. కంటెంట్, క్వాలిటీ, వీఎఫ్‌ఎక్స్‌... ఇలా ప్రతి విషయంలోనూ చాలా కేర్‌ తీసుకుంటున్నారు. ఎప్పటికప్పుడు రిలీజ్‌ల పరంగా తమ ప్లాన్‌ను చేంజ్‌ చేస్తున్నారు. ఇలా రిలీజ్‌ ప్లాన్‌ మార్చుకుని, అనుకున్న సమయానికన్నా కాస్త ఆలస్యంగా థియేటర్స్‌కు వస్తున్న కొందరు స్టార్‌ హీరోల చిత్రాలపై ఓ లుక్‌ వేయండి.నో క్లారిటీ ‘విశ్వంభర’ సినిమాను గత ఏడాది సంక్రాంతి సందర్భంగా రిలీజ్‌ చేయాలనుకున్నారు మేకర్స్‌. కానీ మెరుగైన వీఎఫ్‌ఎక్స్‌ వర్క్స్, క్వాలిటీతో కూడిన పోస్ట్‌ ప్రోడక్షన్‌ వర్క్స్‌ చేసేందుకు యూనిట్‌ ‘విశ్వంభర’ సినిమాను వాయిదా వేసింది. అయితే ఆ తర్వాత పలు సందర్భాల్లో ‘విశ్వంభర’ రిలీజ్‌ డేట్‌ ఇదే అంటూ ప్రచారం జరిగినా, టీమ్‌ నుంచి మాత్రం అధికారిక ప్రకటన రాలేదు. ప్రస్తుత పరిణామాల దృష్ట్యా ‘విశ్వంభర’ సినిమా వచ్చే ఏడాది రిలీజ్‌ కావొచ్చనే ఊహాగానాలు వినిపిస్తున్నాయి. చిరంజీవి హీరోగా ‘బింబిసార’ ఫేమ్‌ వశిష్ఠ దర్శకత్వం వహించిన ఈ సినిమాలో త్రిష, ఆషికా రంగనాథ్‌ హీరోయిన్స్‌గా నటించారు.భీమవరం దొరబాబు అనే పాత్రలో చిరంజీవి నటించారని తెలిసింది. పధ్నాలుగు లోకాలను దాటి, సత్యలోకానికి వెళ్లి, అక్కడ్నుంచి హీరోయిన్‌ను హీరో ఎలా భూలోకానికి తీసుకు వస్తాడు? అనే అంశాల ఆధారంగా ‘విశ్వంభర’ సినిమా కథనం సాగుతుందని ఫిల్మ్‌నగర్‌ సమాచారం. అలాగే ఈ సినిమాలో ఓ పుస్తకానికి చాలా ప్రాముఖ్యత ఉందట. అది ఏంటి? అనేది సినిమాలోనే చూడాలి. యూవీ క్రియేషన్స్‌ పతాకంపై వంశీ, ప్రమోద్, విక్రమ్‌ రెడ్డి ఈ సినిమాను నిర్మించారు. మరోవైపు చిరంజీవి నటించిన మరో యాక్షన్‌ ఎంటర్‌టైనర్‌ సినిమా ‘కాకా’ సంక్రాంతి సందర్భంగా జనవరి 13న రిలీజ్‌ కానున్న సంగతి తెలిసిందే. వారం ఆలస్యంగా...! వారం ఆలస్యంగా థియేటర్స్‌లోకి వస్తోంది ‘ఆదర్శ కుటుంబం’. వెంకటేశ్‌ హీరోగా త్రివిక్రమ్‌ దర్శకత్వంలో రూపొందిన ఫ్యామిలీ అండ్‌ యాక్షన్‌ ఎంటర్‌టైనర్‌ సినిమా ‘ఆదర్శ కుటుంబం హౌస్‌ నెంబరు 47: ఏకే 47’. హారిక అండ్‌ హాసిని క్రియేషన్స్‌ పతాకంపై సూర్యదేవర రాధాకృష్ణ (చినబాబు) ఈ సినిమాను నిర్మించారు. తొలుత ఈ సినిమాను అక్టోబరు 2న రిలీజ్‌ చేయనున్నట్లుగా మేకర్స్‌ ప్రకటించారు. కానీ ఆ తర్వాత అక్టోబరు 9కి వాయిదా వేశారు. ఇలా అనుకున్న సమయం కన్నా ‘ఆదర్శ కుటుంబం’ సినిమా ఏడు రోజులు ఆలస్యంగా థియేటర్స్‌కు వచ్చేందుకు సిద్ధమైంది. చాలా సెలైంట్‌గా ఉండే ఓ ఫ్యామిలీ అనుకోకుండా ఓ క్రైమ్‌లో చిక్కుకున్నప్పుడు, ఈ కుటుంబ పెద్ద ఏం చేసి తన ఫ్యామిలీని కా పాడుకున్నాడు? అసలు... ఈ ఫ్యామిలీకి ఉన్న యాక్షన్‌ బ్యాక్‌డ్రాప్‌ ఏంటి? అనే అంశాల నేపథ్యంలో ‘ఆదర్శ కుటుంబం’ సినిమా కథనం సాగుతుందని తెలిసింది. ఈ చిత్రంలో చిట్టిబాబుగా వెంకటేశ్, స్వర్ణగా శ్రీనిధి శెట్టి నటించారు. చిట్టిబాబు కుమార్తె సంపూర్ణగా యువినా, కుమారుడిగా సర్వగా రాజా ప్రజ్వల్‌ నటించారు. పోలీస్‌ ఆఫీసర్‌గా నారా రోహిత్‌ నటించగా, ఓ కీలక పాత్రలో నివేదా పేతురాజ్‌ నటించారు. హీరోయిన్‌ డింపుల్‌ హయాతి ఇందులోని ‘నారాయణమ్మ..’ అనే స్పెషల్‌ సాంగ్‌ చేశారు. ఇదిలా ఉంటే... వెంకటేశ్‌ కెరీర్‌లోని బ్లాక్‌బస్టర్‌ హిట్‌ సినిమాలు ‘నువ్వు నాకు నచ్చావ్, మల్లీశ్వరి’లకు త్రివిక్రమ్‌ స్టోరీ, డైలాగ్స్‌ అందించారు. ఇప్పుడు వెంకటేశ్‌ హీరోగా త్రివిక్రమ్‌ డైరెక్షన్‌లో ఈ ‘ఆదర్శ కుటుంబం’ సినిమా రానుంది. దీంతో ఈ సినిమాపై ప్రేక్షకుల్లో అంచ నాలు ఏర్పడటం సహజం. వచ్చే ఏడాదిలో ఫౌజీ ప్రభాస్‌ ‘ఫౌజీ’ సినిమా ఈ ఏడాది రిలీజ్‌ కావడం లేదని తేలిపోయింది. ‘ది ప్యారడైజ్‌’ సినిమా ప్రీ రిలీజ్‌ ఈవెంట్‌లో ‘ఫౌజీ’ సినిమా రిలీజ్‌ వాయిదా పడిందని, ఈ చిత్రనిర్మాతల్లో ఒకరైన వై. రవిశంకర్‌ తెలి పారు. ప్రభాస్‌ హీరోగా నటిస్తున్న పీరియాడికల్‌ పేట్రియాటిక్‌ సినిమా ‘ఫౌజీ’. 1940 నేపథ్యంలో సాగే ఈ సినిమాలో ఓ సైనికుడి పాత్రలో ప్రభాస్‌ నటిస్తున్నారని తెలిసింది. అలాగే కథకు రజాకార్ల నేపథ్యం కూడా ఉంటుందని తెలిసింది. ఇక ‘ఫౌజీ’ చిత్రాన్ని ఈ ఏడాది దసరా సందర్భంగా రిలీజ్‌ చేయనున్నట్లుగా మేకర్స్‌ ప్రకటించారు.ఆ తర్వాత డిసెంబరు 3న అంటూ మరో రిలీజ్‌ డేట్‌ ప్రకటించారు. కానీ ఈ సినిమా డిసెంబరు 3న కూడా విడుదల కావడం లేదు. దీంతో ‘ఫౌజీ’ సినిమా వచ్చే ఏడాదే రిలీజ్‌ కానుంది. ఇమాన్వీ ఇస్మాయిల్‌ హీరోయిన్‌గా నటిస్తున్న ఈ చిత్రంలో మిథున్‌ చక్రవర్తి, జయప్రద, అనుపమ్‌ ఖేర్, రాహుల్‌ రవీంద్రన్‌ ఇతర కీలక పాత్రల్లో నటిస్తున్నారు. టీ సిరీస్‌ సమర్పణలో మైత్రీ మూవీ మేకర్స్‌ పతాకంపై నవీన్‌ యేర్నేని, వై. రవిశంకర్‌ ‘ఫౌజీ’ సినిమాను నిర్మిస్తున్నారు.ఈ సంగతి ఇలా ఉంచితే... ప్రభాస్‌ హీరోగా నటిస్తున్న మరో యాక్షన్‌ మూవీ ‘స్పిరిట్‌’. సందీప్‌ రెడ్డి వంగా దర్శకత్వం వహిస్తున్న ఈ చిత్రాన్ని వచ్చే ఏడాది మార్చి 3న రిలీజ్‌ చేయనున్నట్లు ఆల్రెడీ మేకర్స్‌ ప్రకటించారు. ఈ నేపథ్యంలో ‘స్పిరిట్‌’ ప్లేస్‌లో ‘ఫౌజీ’ సినిమా వస్తుందా? లేక ‘స్పిరిట్‌’ సినిమా రిలీజ్‌ తర్వాత ‘ఫౌజీ’ సినిమా థియేటర్స్‌లోకి వస్తుందా? అనే అంశాలపై ఓ క్లారిటీ రావాల్సి ఉంది. రెండు భాగాలుగా డ్రాగన్‌? ఎన్టీఆర్‌ హీరోగా ప్రశాంత్‌ నీల్‌ దర్శకత్వంలో రూపొందుతున్న పీరియాడికల్‌ యాక్షన్‌ డ్రామా ‘డ్రాగన్‌’. ఈ సినిమా పూజా కార్యక్రమంలో 2026 జనవరి 8న రిలీజ్‌ అంటూ మేకర్స్‌ ప్రకటించారు. కానీ... ఆ తర్వాత ఈ సినిమా రిలీజ్‌ డేట్‌ ఈ ఏడాది జూన్‌కి మారింది. కానీ సడన్‌గా ‘డ్రాగన్‌’ సినిమాని ఏడాది ఆలస్యంగా... అంటే వచ్చే ఏడాది జూన్‌ 11న రిలీజ్‌ చేస్తున్నట్లు మేకర్స్‌ ప్రకటించారు. అసలు... ఒక సినిమా రిలీజ్‌ ఏడాది పాటు వాయిదా పడటం ఏంటి? అనే చర్చ ఫిల్మ్‌నగర్‌ సర్కిల్స్‌లో జరిగింది.హిందీ హిట్‌ ఫిల్మ్‌ ‘ధురంధర్‌’ తరహాలోనే రెండు భాగాలను ఒకేసారి చిత్రీకరించి, తక్కువ వ్యవధిలోనే ఈ రెండు భాగాలను ప్రేక్షకుల ముందుకు తీసుకురావాలని ‘డ్రాగన్‌’ టీమ్‌ ప్లాన్‌ చేసిందని, ఈ ప్లాన్‌లో భాగంగానే ‘డ్రాగన్‌’ సినిమా రిలీజ్‌ వచ్చే ఏడాదికి వాయిదా పడిందనే ప్రచారం సాగింది. అయితే ఇటీవల ఎన్టీఆర్‌ భుజానికి గాయమైంది. దీంతో ‘డ్రాగన్‌’ సినిమా చిత్రీకరణకు కొంత బ్రేక్‌ పడింది. ఈ నేపథ్యంలో ‘డ్రాగన్‌’ వచ్చే ఏడాది జూన్‌ నుంచి వచ్చే ఏడాది దసరాకు మరోసారి వాయిదా పడిందనే ఊహాగానాలు వినిపించాయి.కానీ... 2027 జూన్‌ 11న ‘డ్రాగన్‌’ సినిమా రిలీజ్‌ అవుతుందని, ఇటీవల జరిగిన ‘డోంట్‌ ట్రబుల్‌ ది ట్రబుల్‌’ సినిమా ప్రీ రిలీజ్‌ ఈవెంట్‌లో అతిథిగా పాల్గొన్న ఎన్టీఆర్‌ చె΄్పారు. దీంతో 2027 జూన్‌ 11న డ్రాగన్‌ వచ్చేది కన్ఫార్మ్‌ అయిపోయింది. ఇక ఈ చిత్రంలో ఎన్టీఆర్‌ లూగర్‌ అనే పాత్రలో నటిస్తున్నారు. ఈ క్యారెక్టర్‌కు కాస్త నెగటివ్‌ షేడ్స్‌ ఉంటాయని తెలిసింది. రుక్మిణీ వసంత్‌ హీరోయిన్‌గా నటిస్తున్న ఈ సినిమాలో అనిల్‌ కపూర్, అశుతోష్‌ రాణా, ఖుష్బూ సుందర్, బిజు మీనన్‌ ఇతర ప్రధాన పాత్రల్లో నటిస్తున్నారు. మాదక ద్రవ్యాలు, ఆయుధాల అక్రమ రవాణా వంటి మాఫియాల నేపథ్యంలో ఈ సినిమా కథనం సాగుతుందని తెలిసింది. నవంబర్‌లో భోగి? గంగకు ఐదుగురు సిస్టర్స్‌. తన సిస్టర్స్‌ జోలికి వస్తే గంగ ఎంత దూరమైనా వెళ్తాడు. సిస్టర్‌ సెంటిమెంట్‌ ప్రధానంగా సాగే ‘భోగి’ సినిమా గురించే ఇదంతా. సిస్టర్‌ సెంటిమెంట్‌తో కూడిన యాక్షన్‌ మూవీ కావడంతో ‘భోగి’ చిత్రాన్ని రక్షాబంధన్‌ ఫెస్టివల్‌ సందర్భంగా ఈ ఏడాది ఆగస్టు 28న రిలీజ్‌ చేయాలని మేకర్స్‌ ప్లాన్‌ చేశారు. కానీ ఈ సినిమా ఆగస్టు 28న రిలీజ్‌ కాలేదు. పోస్ట్‌ ప్రోడక్షన్‌ వర్క్స్‌లో రాజీ పడకూడదని తమ సినిమాను వాయిదా వేశామని అప్పట్లో చిత్రయూనిట్‌ పేర్కొంది. అయితే ఈ సినిమా పోస్ట్‌ ప్రోడక్షన్‌ పనులు తుది దశకు చేరుకున్నాయని తెలిసింది.నేడు ఈ సినిమా టీజర్‌ను రిలీజ్‌ చేస్తున్నారు. దీంతో ఈ సినిమా రిలీజ్‌పై ఓ స్పష్టత వచ్చే అవకాశం ఉంది. నవంబరులో ఈ సినిమాను రిలీజ్‌ చేయాలనుకుంటున్నారట మేకర్స్‌. ఇక ఈ మూవీలోని గంగ పాత్రలో శర్వానంద్‌ నటిస్తున్నారు. ఇందులోని హీరోయిన్‌ సులోచన పాత్రలో అనుపమా పరమేశ్వరన్, మందారం పాత్రలో డింపుల్‌ హయాతి నటిస్తున్నారు. తెలంగాణ–మహారాష్ట్ర సరిహద్దుల్లోని ఓ కల్పిత గ్రామంలో జరిగే కథగా ‘భోగి’ సినిమా కథనం సాగుతుంది. కొన్ని వాస్తవ సంఘటనలకు కొంత కాల్పనికతను జోడించి, కథను రెడీ చేశారట దర్శకుడు సంపత్‌ నంది. లక్ష్మీ రాధామోహన్‌ సమర్పణలో కేకే రాధామోహన్‌ నిర్మిస్తున్నారు. దసరాకు రణబాలి విజయ్‌ దేవరకొండ హీరోగా నటించిన ‘రణబాలి’ సెప్టెంబరు 11న రిలీజ్‌ కావాల్సింది. కానీ దసరా సందర్భంగా అక్టోబరు 16న రిలీజ్‌ చేస్తున్నారు. సూపర్‌ హిట్‌ ఫిల్మ్స్‌ ‘గీత గోవిందం, డియర్‌ కామ్రేడ్‌’ తర్వాత విజయ్‌ దేవరకొండ, రష్మికా మందన్నా జంటగా నటించిన తాజా సినిమా ‘రణబాలి’. ఈ పీరియాడికల్‌ సినిమాకు రాహుల్‌ సంకృత్యాన్‌ దర్శకత్వం వహించారు.19వ సెంచరీ నేపథ్యంలో 1854 నుంచి 1878 మధ్య బ్రిటిష్‌ పాలనా కాలంలో జరిగిన వాస్తవ చారిత్రక సంఘటనల ఆధారంగా ‘రణబాలి‘ సినిమా తెరకెక్కింది. ఇందులో రణబాలి పాత్రలో విజయ్‌ దేవరకొండ నటించగా, జయమ్మ పాత్రలో రష్మికా మందన్నా, సర్‌ థియోడర్‌ హెక్టర్‌ పాత్రలో ఆర్నాల్డ్‌ వోస్లూ నటించారు. టీ సిరీస్‌ సమర్పణలో మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ ఈ సినిమాను నిర్మించారు. ఇలా ముందుగా అనుకున్న ప్లాన్‌ ప్రకారం కాకుండా కొన్ని కారణాల వల్ల వాయిదా పడిన తెలుగు సినిమాలు మరికొన్ని ఉన్నాయి.రాకా రాక ఎప్పుడో..! అల్లు అర్జున్‌ ‘రాకా’ సినిమా చిత్రీకరణ దాదాపు రెండు సంవత్సరాలుగా జరుగుతోంది. కానీ ఈ సినిమా రిలీజ్‌ డేట్‌పై ఇంకా సరైన స్పష్టత రాలేదు. 2027 డిసెంబరులో ఈ సినిమా విడుదలవుతుందనే ప్రచారం జరుగుతోంది. కానీ మేకర్స్‌ నుంచి అయితే రిలీజ్‌ పరంగా ఏ అప్‌డేట్‌ రాలేదు. అట్లీ దర్శకత్వం వహిస్తున్న ఈ సినిమాలో అల్లు అర్జున్‌ మూడు డిఫరెంట్‌ క్యారెక్టర్స్‌లో కనిపిస్తారనే టాక్‌ ఫిల్మ్‌నగర్‌ సర్కిల్స్‌లో వినిపిస్తోంది. ఇందులో ఒకటి నెగటివ్‌ రోల్‌ అని తెలిసింది. పునర్జన్మల నేపథ్యంలో ఈ సినిమా కథ సాగుతుందని భోగట్టా.దీపికా పదుకోన్‌ ఓ లీడ్‌ రోల్‌ చేస్తున్న ఈ సినిమాలో జాన్వీ కపూర్, రష్మికా మందన్నా, మృణాల్‌ ఠాకూర్‌లు ఇతర ప్రధాన పాత్రల్లో నటిస్తున్నారని, రమ్యకృష్ణ, యోగిబాబు, జిమ్‌సర్భ్‌ కీలక పాత్రల్లో నటిస్తున్నారని తెలిసింది. అయితే ఈ అంశాలపై అధికారిక సమాచారం రావాల్సి ఉంది. సన్‌ పిక్చర్స్‌ పతాకంపై కళానిధి మారన్‌ ఈ సినిమాను నిర్మిస్తున్నారు. మరోవైపు ‘రాకా’ సినిమా రెండు భాగాలుగా రిలీజ్‌ అవుతుందని, ఒకేసారి రెండు భాగాలను చిత్రీకరిస్తున్నారని, చిత్రీకరణ పూర్తయిన తర్వాతే రిలీజ్‌ డేట్‌పై ఓ స్పష్టత వచ్చే అవకాశం ఉందని ఫిల్మ్‌నగర్‌ టాక్‌.తెలుగులో రిలీజ్‌ కావాల్సిన సినిమాలే కాదు... ఈ ఏడాది ఇప్పటికే రిలీజైన కొన్ని భారీ సినిమాల రిలీజ్‌ డేట్స్‌ కూడా తారుమారు అయ్యాయి. రామ్‌చరణ్‌ ‘పెద్ది’ సినిమాను ఫస్ట్‌ మార్చి చివర్లో రిలీజ్‌కు ప్లాన్‌ చేశారు. ఫైనల్‌గా ‘పెద్ది’ మూవీ జూన్‌ 4న విడుదలైంది. అలాగే ఈ ఏడాది జూన్‌లో రిలీజ్‌ కావాల్సిన అఖిల్‌ ‘లెనిన్‌’ సినిమా జూలై 10న ప్రేక్షకుల ముందుకు వచ్చింది. ఈ ఏడాది మార్చి 26కి షెడ్యూల్‌ అయిన నాని ‘ది ప్యారడైజ్‌’ మూవీ ఫైనల్‌గా సెప్టెంబరు 24న రిలీజైంది. సమంత ‘మా ఇంటి బంగారం’ సినిమా మేలో విడుదల కావాల్సి ఉండగా ఫైనల్‌గా జూన్‌ 19న విడుదలైంది... ఇలా రిలీజ్‌ డేట్స్‌ మార్చుకుని విడుదలైన సినిమాలు మరికొన్ని ఉన్నాయి.– ముసిమి శివాంజనేయులు

నాని హీరోగా వచ్చిన లేటేస్ యాక్షన్ మూవీ ది ప్యారడైజ్. శ్రీకాంత్ ఓదెల డైరెక్షన్‌లో వచ్చిన ఈ మూవీ బాక్సాఫీస్ వద్ద సందడి చేస్తోంది. మొదటి రోజే మిక్స్‌డ్‌ టాక్‌ తెచ్చుకున్న ఈ సినిమా వసూళ్లపరంగా ఫర్వాలేదనిపిస్తోంది. సవారీలు అనే జాతి తమ మనుగడ చేసే పోరాటం ఆధారంగా ఈ కథను తెరకెక్కించారు.అయితే ఈ చిత్రంలో కేసీఆర్, ఎన్టీఆర్ పాత్రలు కనిపించడం ఆడియన్స్‌ను విపరీతంగా ఆకట్టుకున్నాయి. ఎమ్మెల్యే శంకరన్న పాత్రను కేసీఆర్‌లా చేయడం ప్రేక్షకులను అలరించింది. ఈ మూవీలో కేసీఆర్ రోల్‌ను ప్రియదర్శి చేయడం మరో విశేషం. అచ్చం కేసీఆర్‌లాగే ప్రియదర్శి చెప్పిన డైలాగ్స్ అభిమానులను కట్టిపడేశాయి.'చావు నోట్లో తలకాయ పెట్టైనా సరే మీకు గుర్తింపు తీసుకొస్తా' అనే డైలాగ్‌ అభిమానులను ఆకట్టుకుంది. ఈ పాత్రలో కనిపించిన ప్రియదర్శిని ప్రతి ఒక్కరూ అభినందించారు. కేసీఆర్‌ లుక్‌లో ఫర్‌ఫెక్ట్‌గా సెట్ అయ్యారంటూ ప్రశంసలు కురిపించారు. తాజాగా ప్రియదర్శిని చూసిన ఓ మహిళా అభిమాని కన్నీటి పర్యంతమైంది. కేసీఆర్‌లా అద్భుతంగా చేశావంటూ భావోద్వేగానికి గురైంది. దీనికి సంబంధించిన వీడియో సామాజిక మాధ్యమాల్లో వైరల్‌గా మారింది. ప్యారడైజ్ సినిమాలో కేసీఆర్(శంకరన్న) పాత్రలో నటించిన ప్రియదర్శి ని పట్టుకొని అచ్చం కేసీఆర్ లాగే అనిపించావ్ అంటూ భావోద్వేగానికి గురైన అభిమాని 😢 pic.twitter.com/XeDUGtYxAe— 𝗡𝗔𝗟𝗟𝗔 𝗕𝗔𝗟𝗨 (@Nallabalu1) October 2, 2026

టాలీవుడ్‌ జానపద గీతాలకు కేరాఫ్ అడ్రస్ అంటే వినిపించే పేరు ఆమెదే. తన గొంతుతో శ్రోతలను కట్టిపడేసే టాలెంట్ ఆమె సొంతం. ఏ ఈవెంట్‌లోనైనా ఆమె పాడిందంటే ప్రేక్షకులు ఊగిపోవాల్సిందే. ఆమె మరెవరో కాదు.. తెలుగులో జానపద సింగర్‌గా ముద్ర వేసుకున్న మంగ్లీ. ఎన్నో పాటలు పాడి అభిమానుల గుండెల్లో తన పేరును చిరస్థాయిగా నిలుపుకుంది.ఇప్పుడు ఆమెకు పోటీగా ఎవరూ రాలేదు. కానీ ఏషనాగుల సాంగ్ విన్నాక మంగ్లీ ప్రత్యామ్నాయం దొరికిందనే టాక్‌ టాలీవుడ్‌లో వినిపిస్తోంది. రాను బొంబాయికి రాను, బండిల వోధు బావ లాంటి జానపద పాటలతో గుర్తింపు తెచ్చుకున్న ప్రభ.. నాని హీరోగా వచ్చిన ది ప్యారడైజ్‌లో ‘యేష నాగుల కట్ట మీద’ సాంగ్‌ పాడి మరింత ఫేమ్ తెచ్చుకుంది. తాజాగా ఆమె పాడిన ‘ఆదర్శ కుటుంబం’ చిత్రంలోని ‘నారాయణమ్మ’ పాట కూడా సోషల్ మీడియాలో ఫుల్ రెస్పాన్స్ వస్తోంది.(ఇది చదవండి: విజయ్-రష్మిక లగ్జరీ విల్లా.. విడిపోయేందుకే కొంటున్నారా?)దీంతో ప్రభ.. సింగర్ మంగ్లీకి ప్రత్యామ్మాయంగా ఎదుగుతోందనే టాక్ గట్టిగానే వినిపిస్తోంది. ఆమె రా వాయిస్, హై ఎనర్జీ ఫోక్ స్టైల్ ప్రత్యేక గుర్తింపును తీసుకొస్తున్నాయి. వరుసగా క్రేజీ హిట్ సాంగ్స్ పడడంతో ప్రస్తుతం ఆమెపై ఇండస్ట్రీలో ఆసక్తి పెరుగుతోంది. అయితే ప్రభ తనకంటూ సొంత గుర్తింపు ఎంతవరకు పెంచుకుంటారన్నది ప్రస్తుతం ఆసక్తికరంగా మారింది.

ఈవీవీ సత్యనారాయణ బోల్డ్ అండ్ రియలస్టిక్ కామెడీ కాన్సెప్ట్‌తో తెరకెక్కించిన మూవీ 'ఆరుగురు పతివ్రతలు'. దాదాపు 20 ఏళ్ల క్రితం థియేటర్లలో రిలీజైన ఈ సినిమా ఆడియన్స్‌ను విపరీతంగా ఆకట్టుకుంది. ఈ మూవీకి ఈవీవీ సత్యనారాయణ దర్శకనిర్మాతగా వ్యవహరించారు. పెళ్లి పేరిట జరిగే మోసాలు, వైవాహిక బంధంలో భార్యభర్తల మధ్య ఉండే ఈగోలు, రకరకాల పరిస్థితులు, మనస్పర్థలని బోల్డ్‌గా ఇందులో చూపించారు. ఇప్పుడు ఈ చిత్రం మరోసారి బిగ్ స్క్రీన్‌పై సందడి చేయనుంది.ఈ చిత్రాన్ని మరోసారి బిగ్‌ స్క్రీన్‌పై చూసే అవకాశం కల్పించనున్నారు. ఈ నెల 29న థియేటర్లలో రీ రిలీజ్ చేస్తున్నారు. ఈ విషయాన్ని అఫీషియల్‌గా ప్రకటించారు. ఈ మేరకు ప్రత్యేక పోస్టర్‌ షేర్ చేశారు మేకర్స్.'ఆరుగురు పతివ్రతలు' కథేంటంటే..పదో క్లాస్ కలిసి చదువుకున్న ఆరుగురు అమ్మాయిలు.. పెరిగి పెద్దయిన తర్వాత చాలా ఏళ్లకు ఓ పెళ్లి సందర్భంగా కలుస్తారు. అలా కలిసిన సందర్భంలో తమ పెళ్లి జీవితాల్లో ఎదుర్కొంటున్న కష్టసుఖాలు, భర్తల ప్రవర్తన గురించి ఒకరికొకరు పంచుకుంటారు. అయితే భర్తలని అర్థం చేసుకోవడంలో భార్యల ఆలోచనలు ఎలా ఉంటాయి? భర్తల అనుమాన స్వభావం వల్ల వారి జీవితాలు ఎలాంటి మలుపులు తిరుగుతాయి? ‍అనే అంశాలే స్టోరీ. #AaruguruPathivrathalu అక్టోబర్ 29 న ఘనంగా రీ-రిలీజ్ 🔥🔥@pochammafilms pic.twitter.com/Rv9X7VoGRB— Vamsi Kaka (@vamsikaka) October 2, 2026

చిన్న సినిమాగా వచ్చిన బాక్సాఫీస్ షేక్ చేసిన మూవీ హనుమాన్ అంశ్. బాలీవుడ్‌లో మాత్రమే తెరకెక్కించిన ఈ చిత్రం బాక్సాఫీస్ వద్ద కాసుల వర్షం కురిపించింది. కేవలం రూ.2 కోట్లతో ఈ మూవీని నిర్మించగా.. ప్రపంచవ్యాప్తంగా రూ.400 కోట్లకు పైగా వసూళ్లు రాబట్టింది. నీమ్ కరోలి బాబా జీవితం ఆధారంగా విశాల్‌ చతుర్వేది దర్శకత్వంలో ఈ చిత్రాన్ని తెరకెక్కించారు.హిందీలో హిట్‌ కావడంతో తెలుగులోనూ రిలీజ్ చేయాలని భావించారు. దర్శకుడు త్రివిక్రమ్ ఈ సినిమా తెలుగు రైట్స్‌ సొంతం చేసుకున్నారని టాక్ వినిపించింది. కానీ ఆ తర్వాత రిలీజ్‌ తేదీని మాత్రం ప్రకటించలేదు. దీంతో తెలుగు రిలీజ్‌ వాయిదా పడింది.తాజాగా ఈ చిత్రాన్ని తెలుగులోనూ విడుదల చేయనున్నట్లు హోంబలే ఫిల్మ్స్‌ ప్రకటించింది. రిలీజ్ డేట్‌ను ఖరారు చేస్తూ పోస్టర్‌ రిలీజ్ చేసింది. ఈ చిత్రాన్ని అక్టోబర్‌ 9న విడుదల చేయనున్నట్లు హోంబలే ఫిల్మ్స్‌ అనౌన్స్ చేసింది. అదే రోజు వెంకటేశ్ నటించిన ఆదర్శ కుటుంబం కూడా విడుదల కానుంది. కాగా.. 1900-1973 మధ్య జీవించిన ప్రముఖ ఆధ్యాత్మిక గురువు, హనుమాన్‌ భక్తుడు నీమ్‌ కరోలి బాబా(మహరాజ్‌జీ) జీవితమే ఈ హనుమాన్ అంశ్. ‘హనుమాన్ అంశ్’ ఇప్పుడు తెలుగు ప్రేక్షకుల కోసం..!We are delighted to bring the much loved #HanumanAnsh in TELUGU, for audiences to witness its divine brilliance on the big screen across the world. ❤️🙏#HanumanAnshTelugu Worldwide Release on OCTOBER 9th by @hombalefilms.… pic.twitter.com/kusXOCK3IV— Hombale Films (@hombalefilms) October 2, 2026

ఏఐ సాంకేతికతను దుర్వినియోగం చేసేవారిపై చర్యలు తప్పవని బాంబే హైకోర్టు హెచ్చరించింది. ఇతరుల ఫోటోలను మార్ఫింగ్ చేయడం, డీప్‌ఫేక్ కంటెంట్‌ను అనధికారికంగా సృష్టించడం, వ్యాప్తి చేయడం వ్యక్తిగత హక్కులను ఉల్లంఘిచడం కిందకు వస్తుందని కోర్టు తెలిపింది. హీరోయిన్‌ సమంత పిటిషన్‌పై విచారణ చేపట్టిన న్యాయస్థానం సమంతకు సంబంధించిన అనధికారిక కంటెంట్‌ను తొలగించాలని ఆదేశించింది.కాగా.. సమంత రూత్ ప్రభు వ్యక్తిత్వ హక్కులకు సంబంధించి బాంబే హైకోర్టులో పిటిషన్‌ వేసింది. ఏఐ ప్లాట్‌ఫారమ్‌లు, ఈ-కామర్స్ పోర్టల్స్, డిజిటల్ మీడియా సంస్థలలో తన పేరు, ఫోటోలు, వాయిస్‌ను అనధికారికంగా ఉపయోగిస్తున్నారని ఫిర్యాదులో పేర్కొంది. తన వ్యాపారం, గుడ్‌విల్ ముంబయిలో ఉన్నప్పటికీ చాలా వాణిజ్య కార్యకలాపాలు కోర్టు స్థానిక ప్రాదేశిక అధికార పరిధిని దాటి విస్తరించాయని సమంత తన పిటిషన్‌లో సమర్పించారు. దీనిపై విచారణ చేపట్టిన న్యాయస్థానం సమంతకు సంబంధించిన అనధికారిక కంటెంట్‌ను తొలగించాలని కూడా కోర్టు ఆదేశించింది. సమంత పేరు, ఫోటోలు, గొంతు అనధికారికంగా ఉపయోగించకుండా నిరోధిస్తూ కోర్టు మధ్యంతర ఉత్తర్వులు జారీ చేసిది. ఈ కేసు తదుపరి విచారణ డిసెంబర్ 10వ తేదీకి వాయిదా వేసింది.

మీడియా ఇప్పుడు ప్రతి సెలబ్రిటీ ఇంటిలోనూ తొంగి చూడటం జరుగుతోంది. నటీమణుల విషయంలో మరింత ఆసక్తిని చూపుతుంది. ఇది కొందరు నటీమణులకు మంచి, ఇంకొందరికి చెడు జరుగుతుంది. మరికొందరికి విసుగు పుట్టిస్తుంది. అలా అసహనాన్ని వ్యక్తం చేస్తున్న వారిలో హీరోయిన్ అంజలి ఒకరు. రెండు దశాబ్దాలుగా దక్షిణాదిలో మూవీస్ చేస్తున్న ఈమె..రీసెంట్ టైంలో విశాల్‌కు జంటగా మకుటం మూవీతో వచ్చింది. కానీ ఇది హిట్ కాలేదు. తాజాగా నివీన్‌ పౌలీతో చేసిన ఏళు కడల్‌ ఏళు మలై చిత్రం గురువారం థియేటర్లలోకి వచ్చింది.ఈ చిత్రం ప్రమోషన్‌ కార్యక్రమాల్లో పాల్గొన్న అంజలి తన పెళ్లి గురించి ఆసక్తికర వ్యాఖ్యలు చేసింది. 'నన్ను కలిసినప్పుడల్లా పలువురు ముందుగా అడిగే ప్రశ్న పెళ్లి ఎప్పుడు అనే. అయినా నా పెళ్లి గురించి వీరికెందుకు అంత అక్కరో నాకు అర్థం కావడం లేదు. పెళ్లి అనేది ఒక్కరోజు వేడుక కాదు. వివాహానంతరం అమ్మాయి జీవితమే మారిపోతుంది. పలు విషయాల్లో ఆమె త్యాగం చేయాల్సి ఉంటుంది. అలాంటి బాధ్యతలు ఉండగా ఎందుకు తరచూ పెళ్లి, పెళ్లి అంటూ ప్రశ్నిస్తారో అర్థం కావడం లేదు. నాకు పెళ్లి ఎప్పుడు జరిగినా మనస్ఫూర్తిగా ఆశీర్వదించే వారు కొందరుంటే చాలు. నేను బాగుండాలని ఆకాంక్షించేవారు నాలుగు లేదా నలభై మంది ఉంటే చాలు. అలాంటి వాళ్ల నా పెళ్లికి విచ్చేసి మనస్ఫూర్తిగా ఆశీర్వదిస్తే చాలు. ఆడంబరాల నాకు అక్కర్లేదు' అని చెప్పుకొచ్చింది.

దినేష్‌ తేజ్, దష్విక .కె హీరో హీరోయిన్లుగా నటించిన చిత్రం ‘తత్వం’. అర్జున్‌ కోలా దర్శకత్వంలో శీమకుర్తి వంశీకృష్ణ, శ్వేత పసుపులేటి నిర్మించిన ఈ సినిమా నేడు విడుదలవుతోంది. ఈ నేపథ్యంలో దినేజ్‌ తేజ్‌ మాట్లాడుతూ– ‘‘ఈ కథ 2000 టైమ్‌లైన్‌తో సాగు తుంది.నమ్మకానికి, మూఢ నమ్మకానికి మధ్య చిన్న గీత ఉంటుంది. ఈ నేపథ్యంలో ఈ సినిమా సాగుతుంది. సినిమా చివర్లో హీరోకి ఏ తత్వం బోదపడింది? అన్నది కథ. కథలోని ట్విస్ట్‌లను ఊహించలేరు’’ అని చెప్పారు.

‘‘నిర్మాత కృష్ణగారు రైటర్‌ నందుతో నాకు ఈ ‘తెల్ల కాగితం’ కథ చెప్పినప్పుడే 2000 నేపథ్యంలో సాగే ఎంతో స్వచ్ఛమైన, అమాయకమైన ప్రేమకథగా అనిపించింది. మా ‘కొత్త బంగారు లోకం’ సినిమాలో ఎలాంటి అమాయకత్వంతో కూడిన ప్రేమకథ ఉందో... ఇందులోనూ అలాంటి ఫీల్‌ కనిపించింది’’ అని నిర్మాత ‘దిల్‌’ రాజు తెలిపారు. హర్ష్ రోషన్ , నక్షత్ర జంటగా నటించిన చిత్రం ‘తెల్ల కాగితం’. రమేష్‌ బండ్రెడ్డి దర్శకత్వంలో అరుణాచల క్రియేషన్స్ పై కృష్ణ కొమ్మాలపాటి నిర్మించిన ఈ చిత్రం నేడు విడుదలవుతోంది. ఈ సినిమా ప్రీ రిలీజ్‌ ఈవెంట్‌కి ‘దిల్‌’ రాజు, దర్శకులు అనిల్‌ రావిపూడి, కొరటాల శివ, చందు మొండేటి, వశిష్ట, శైలేష్‌ కొలను, రామ్‌ జగదీష్‌ అతిథులుగా హాజరయ్యారు. రమేష్‌ బండ్రెడ్డి మాట్లాడుతూ– ‘‘మా అమ్మకి చెప్పినట్లే, ఆమెతో పాటు నా కుటుంబం, స్నేహితులు గర్వపడేలాంటి ‘తెల్ల కాగితం’ సినిమా తీశాను’’ అని పేర్కొన్నారు.

‘సుడిగాలి’ సుధీర్‌ హీరోగా నటించిన చిత్రం ‘జీవోఏటీ’ (గోట్‌). ‘గ్రేటెస్ట్‌ ఆఫ్‌ ఆల్‌టైమ్స్‌’ అనేది ఉపశీర్షిక. దివ్యభారతి హీరోయిన్‌గా నటించారు. వేదవ్యాస్‌ దర్శకత్వంలో చంద్రశేఖర్‌ రెడ్డి మొగుళ్ళ ఈ చిత్రాన్ని నిర్మించారు. కాగా, ఏషియన్‌ సినిమాస్‌ సమర్పణలో నవంబరు 12న ఈ సినిమాను విడుదల చేయనున్నామని మేకర్స్‌ ప్రకటించారు. ‘‘కమర్షియల్‌ హంగులతో ఉంటూనే, నేటి యువతను ఆలోచింపజేసేలా ఈ కథనం ఉంటుంది. సుధీర్‌ కెరీర్‌లో ఈ మూవీ ఒక మైల్‌స్టోన్‌గా నిలుస్తుంది’’ అని యూనిట్‌ పేర్కొంది.

నాగార్జున కెరీర్‌లోని క్లాసిక్‌ లవ్‌స్టోరీ సినిమా ‘గీతాంజలి’ మళ్లీ థియేటర్స్‌లోకి రానుంది. నాగార్జున, గిరిజ హీరో హీరోయిన్లుగా మణిరత్నం దర్శకత్వంలో రూపొందిన చిత్రం ‘గీతాంజలి’ (1989). ఈ బ్లాక్‌బస్టర్‌ సినిమా తెలుగు, తమిళ భాషల్లో 4కె వెర్షన్‌లో నవంబరు 13న రీ రిలీజ్‌ కానుంది. బూర్లె శివ ప్రసాద్‌ నేతృత్వంలోని శ్రీ పద్మిని సినిమాస్‌ ఈ సినిమాను రీ రిలీజ్‌ చేయనుంది. ‘‘గీతాంజలి’ సినిమాను ప్రేమించిన ప్రేక్షకులు, ఈ లేటెస్ట్‌ వెర్షన్‌తో మరోసారి ఆ మధురానుభూతిని థియేటర్స్‌లో ఆస్వాందించవచ్చు’’ అని యూనిట్‌ పేర్కొంది. ఈ చిత్రానికి ఇళయరాజా సంగీతం అందించారు.

సెప్టెంబర్ జ్ఞాపకాల్లో హీరోయిన్ సాక్షి అగర్వాల్..బంగారంలా మెరిసిపోతున్న డీజే టిల్లు బ్యూటీ..హాఫ్ శారీలో మరింత అందంగా విష్ణుప్రియ..మెరూన్ డ్రెస్‌లో సోనాలి బింద్రే గ్లామర్..కళ్లతోనే కవ్విస్తోన్న హీరోయిన్ ప్రియాంక మోహన్.. View this post on Instagram A post shared by Priyanka Mohan (@priyankaamohanofficial) View this post on Instagram A post shared by Sonali Bendre (@iamsonalibendre) View this post on Instagram A post shared by Sakshi Agarwal (@iamsakshiagarwal) View this post on Instagram A post shared by Sahithi Dasari (@sahithi_dasari7) View this post on Instagram A post shared by Vishnu Priya Bhimeneni (@vishnupriyabhimeneni) View this post on Instagram A post shared by Neha Sshetty (@iamnehashetty)

జగన్ జోగిరాజ్, సాగర్ కిరణ్, వికాస్ చైతన్య, సంగన డుగ్గు, సురభి దీప్తి, దీప్తి పద్మనిమ్మనగోటి ప్రధాన పాత్రల్లో నటిస్తున్న సినిమా "కుకూన్స్". ఈ చిత్రాన్ని న్యూ వేవ్ పిక్చర్స్, ఎం ఆర్ట్స్ ఎంటర్‌టైన్‌మెంట్స్ బ్యానర్స్‌పై సుకేశ్ పొట్ల, మమత రెడ్డి కాసం, మహేశ్ గౌరి నిర్మిస్తున్నారు. ఈ సినిమాకు మహేశ్ గౌరి దర్శకత్వం వహిస్తున్నారు . ఈ మూవీని యూత్ అండ్ ఫ్యామిలీ ఎంటర్‌టైనర్‌గా తెరకెక్కిస్తున్నారు. ఈ సినిమా త్వరలో ప్రేక్షకుల ముందుకు రాబోతోంది. తాజాగా ఈ మూవీ ఫస్ట్ లుక్ పోస్టర్‌ రిలీజ్ చేశారు మేకర్స్. డైరెక్టర్ అనిల్ రావిపూడి చేతుల మీదుగా విడుదల చేశారు.ఈ సందర్భంగా అనిల్ రావిపూడి మాట్లాడుతూ..'కుకూన్స్ సినిమా పోస్టర్ రిలీజ్ చేయడం హ్యాపీగా ఉంది. ఈ పోస్టర్ కొత్తగా ఆకట్టుకుంది. డైరెక్టర్ మహేశ్ గౌరి సరికొత్త ఆలోచనలు ఈ పోస్టర్‌లో కనిపిస్తున్నాయి. టైటిల్ కూడా చాలా బాగుంది. ఈ సినిమాలో వన్ ఆఫ్ ది లీడ్ రోల్ చేసిన వికాస్ గతంలో డ్రామా జూనియర్స్ ప్రోగ్రాంకు మెంటార్‌గా పనిచేశారు. ఇప్పుడీ చిత్రంతో నటుడిగా ప్రేక్షకుల ముందుకు రాబోతున్నారు. జగన్, సాగర్, వికాస్‌తో పాటు మిగతా టీమ్ అందరికీ నా బెస్ట్ విషెస్' తెలిపారు. ఈ సినిమాకు బీఎన్ ఆదిత్య సంగీతమందిస్తున్నారు. The motion poster of #Cocoons has been launched by the energetic director @AnilRavipudi 💥Cocoons - sounds cute, but there’s definitely something fun brewing inside🔥 pic.twitter.com/vv7yvQRFkV— Vamsi Kaka (@vamsikaka) October 1, 2026

చూస్తుండగానే మరో వీకెండ్ వచ్చేస్తోంది. ఈ శుక్రవారం గాంధీ జయంతి కావడంతో హాలీడే కలిసి రానుంది. ఈ ఫ్రైడే రాజమౌళి కొడుకు కార్తికేయ నిర్మాతగా ఫహాద్ ఫాజిల్ హీరోగా చేసిన 'డోంట్ ట్రబుల్ ద ట్రబుల్' మూవీతో పాటు దళపతి విజయ్ కొడుకు జేసన్ దర్శకుడిగా తొలిసారి చేసిన 'సిగ్మా', తెల్ల కాగితం, అనకాపల్లి, ప్రేమనే ఊరిలో లాంటి మూవీస్ ఈ వీకెండ్ బిగ్ స్క్రీన్స్‌పై సందడి చేయనున్నాయి.ఇక ఓటీటీల విషయానికొస్తే టాలీవుడ్ మూవీ మహేంద్రగిరి వారాహి స్ట్రీమింగ్‌కు రానుంది. దీంతో పాటు మలయాళ హిట్‌ సినిమా బెత్లెహమ్ కుటుంబ యూనిట్ ఓటీటీ ప్రేక్షకులను అలరించనుంది. వీటితో పాటు బాలీవుడ్‌, హాలీవుడ్‌ చిత్రాలు ఈ శుక్రవారం ఓటీటీల్లో సందడి చేయనున్నాయి. ఏయే మూవీ ఎక్కడ స్ట్రీమింగ్ కానుందో మీరు కూడా ఓ లుక్కేయండి.నెట్‌ఫ్లిక్స్ ​‍#లవ్ (తెలుగు డబ్బింగ్ సిరీస్) - అక్టోబరు 02 డూయింగ్ లైఫ్ (తెలుగు డబ్బింగ్ సినిమా) - అక్టోబరు 02 షూమాకర్ '94: ద బర్త్ ఆఫ్ ఏ లెజెండ్ (ఇంగ్లీష్ సిరీస్) - అక్టోబరు 02 టైలర్‌ పెర్రీస్ డూయింగ్ లైఫ్(హాలీవుడ్ మూవీ)- ‍అక్టోబర్ 02 బ్లూ బాక్స్- సీజన్ 2- (జపనీస్ సిరీస్)- అక్టోబర్ 04 జియో హాట్‌స్టార్ బెత్లెహెమ్ కుటుంబ యూనిట్ (తెలుగు డబ్బింగ్ సినిమా) - అక్టోబరు 02 వార్‌(హాలీవుడ్ సినిమా)- అక్టోబర్ 03 మార్షల్స్ సీజన్ 2 (ఇంగ్లీష్ సిరీస్) - అక్టోబరు 04 ట్రాకర్ సీజన్ 4 (ఇంగ్లీష్ సిరీస్) - అక్టోబరు 04అమెజాన్ ప్రైమ్మహేంద్రగిరి వారాహి(తెలుగు సినిమా)- అక్టోబర్ 02జీ5 పూజా మేరీ జాన్ (హిందీ సినిమా) - అక్టోబరు 02 మదర్ ప్రామిస్ (కన్నడ చిత్రం) - అక్టోబరు 02 ఈవిల్ డెడ్ బర్న్ (తెలుగు డబ్బింగ్ సినిమా) - అక్టోబరు 02 మడగాస్కర్- ఏ లిటిల్ వైల్డ్(హాలీవుడ్ మూవీ)- అక్టోబరు 02ఆపిల్ టీవీ ప్లస్..ద లాస్ట్ ఫస్ట్: వింటర్ కె2 (ఇంగ్లీష్ మూవీ) - అక్టోబరు 02హెచ్‌బీవో మ్యాక్స్..ఈవిల్‌డెడ్‌బర్న్ (హాలీవుడ్ మూవీ)- ‍అక్టోబర్ 02

ఫిల్మ్‌ చాంబర్‌ దగ్గర తీవ్ర ఉద్రిక్తత చోటు చేసుకుంది. ఫెడరేషన్ సమావేశంలోకి జానీమాస్టర్ సతీమణి సుమలత దూసుకొచ్చింది. ఫెడరేషన్‌ నాయకులతో సుమలత వాగ్వాదానికి దిగింది. సమావేశానికి తనను అనుమతించలేదని ఆగ్రహం వ్యక్తం చేసింది. అనంతరం ఛాంబర్ బయటే సుమలకు ఆందోళనకు దిగారు. డాన్సర్స్‌ అసోసియేషన్‌ అధ్యక్షురాలిగా తనను సమావేశానికి ఎందుకు అనుమతించలేదని సుమలత ప్రశ్నించారు. కాగా.. గత కొంతకాలంగా ‘తెలుగు సినీ డ్యాన్సర్స్ అసోసియేషన్’లో వరుస వివాదాలు కొనసాగుతున్నాయి. డ్యాన్సర్స్ అసోసియేషన్ అధ్యక్షురాలిగా ఉన్న సుమలత(జానీ మాస్టర్‌ సతీమణి)ను పదవి నుంచి తొలగిస్తూ.. ప్రస్తుత కార్యవర్గాన్ని ఫెడరేషన్ రద్దు చేసిన సంగతి తెలిసిందే. ఈ క్రమంలో సుమలత, రఘు మాస్టర్ వర్గాల మధ్య విభేదాలు మరింత ముదిరాయి. తనను అసభ్య పదజాలంతో దూషించారంటూ సుమలత పోలీస్ స్టేషన్‌లో ఫిర్యాదు చేయడంతో వివాదం మరింత చర్చనీయాంశమైంది. ఈ వివాదం మరింత ముదిరి టాలీవుడ్‌లో హాట్‌టాపిక్‌గా మారింది.

నాని హీరోగా వచ్చిన లేటేస్ట్ యాక్షన్‌ మూవీ ది ప్యారడైజ్. ఈ చిత్రానికి శ్రీకాంత్ ఓదెల దర్శకత్వం వహించారు. గుర్తింపు లేని సవారీలు ‍అనే జాతి పోరాడే కథాంశంగా ఈ మూవీని ప్రేక్షకుల ముందుకు తీసుకొచ్చారు. ప్యారడైజ్ ప్రాంతం నేపథ్యంలో ఈ కథను తెరకెక్కించారు. ఈ సినిమా ప్రస్తుతం బాక్సాఫీస్ వద్ద సందడి చేస్తోంది.ఈ మూవీలో టాలీవుడ్ నటుడు మోహన్‌ బాబు కీలక పాత్రలో మెప్పించారు. శికంజమాలిక్‌ రోల్‌లో ఆడియన్స్‌ను భయపెట్టేశారు. తాజాగా తన రోల్‌కు సంబంధించి మోహన్ బాబు మాట్లాడారు. ఎందుకు చేశారు అంటే కారణం చెప్పలేను కానీ... అదేదో ఒప్పుకునేశానని అన్నారు. నాని అంటే నాకు ఇష్టమని.. అందుకే ఓకే చెప్పానన్నారు. అయితే దర్శకుడు శ్రీకాంత్ ఓదెల తనను మోసం చేశాడన్నారు. తనకు జోడీగా ఓ హీరోయిన్‌ ఉంటుందని చెప్పి, షూటింగ్‌ మొదలయ్యాక మాట మార్చాడని సరదాగా అన్నారు. నాకు ఇచ్చిన రోల్‌ చాలా భయంకరమైనది.. గర్భిణీ స్త్రీలను నరకడం లాంటి క్యారెక్టర్‌ ఇచ్చారని మోహన్ బాబు గుర్తు చేసుకున్నారు. #TheParadise ఎందుకు చేశారు అంటే కారణం చెప్పలేను కానీ... అదేదో ఒప్పుకునేశా Post Release Chit Chat ft. Natural Star @NameisNani, @themohanbabu Garu & @odela_srikanth out now ▶️https://t.co/GNC67WJqmP pic.twitter.com/TFGw9JalMG— Sai Satish (@PROSaiSatish) October 1, 2026

ఇటీవల సంపూర్ణేశ్‌ బాబుతో ఇంటర్వ్యూతో వివాదానికి కారణమైన జర్నలిస్ట్.. మరోసారి వార్తల్లో నిలిచారు. ఓ మహిళ నిర్మాతతో మళ్లీ అసభ్యంగా మాట్లాడారు. మహిశ నిర్మాత చైతన్య రెడ్డిని ఇంటర్వ్యూ చేస్తూ అభ్యంతరకర పదాలు వాడారు. దీంతో మరోసారి ఆయనపై నెటిజన్స్‌ మండిపడుతున్నారు. ఇలాంటి వాళ్ల ఇంటర్వ్యూలను బ్యాన్ చేయాలని డిమాండ్ చేస్తున్నారు.కాగా.. ఇటీవల ది ప్యారడైజ్ నటుడు సంపూర్ణేశ్ బాబును జర్నలిస్ట్ ఇంటర్వ్యూ చేశాడు. సినిమా బ్యాక్‌గ్రౌండ్ లేదు.. హీరో అయ్యేంత నీలో ఏముంది? అసలు సినిమాల్లోకి ఎందుకు వచ్చావు? ఎందుకు అంత దురద? ‘ది ప్యారడైజ్’లో అవకాశం రావడం నీ కెరీర్‌లో ఊహించని మలుపు. ఇలాంటి సినిమాల్లో నీకు ఎవరు అవకాశం ఇస్తారు?’ అంటూ ప్రశ్నించారు. దీనిపై పెద్దఎత్తున విమర్శలొచ్చాయి. చీవాట్లు పడినా.. తీరు మార్చుకోని ఫిల్మ్ జర్నలిస్ట్ నాగేంద్ర కుమార్ఇటీవల సంపూర్ణేష్ బాబుపై అనుచిత వ్యాఖ్యలు చేసి తీవ్ర విమర్శలు ఎదుర్కొన్న నాగేంద్రమర్యాద లేకుండా.. అవమానకర రీతిలో ప్రశ్నలు అడిగాడంటూ దుమ్మెత్తిపోసిన నెటిజన్లుఅయినా తీరు మార్చుకోకుండా.. మహిళా నిర్మాత చైతన్య… pic.twitter.com/KCUZxAldfd— PulseNewsBreaking (@pulsenewsbreak) October 1, 2026

సుమంత్, ఐశ్వర్యా రాజేష్‌ లీడ్‌ రోల్స్‌లో వచ్చిన మూవీ మహేంద్రగిరి వారాహి. ఈ సినిమాకు సంతోశ్ జాగర్లపూడి దర్శకత్వం వహించారు. ఈ చిత్రం సెప్టెంబర్ 11న థియేటర్లలో విడుదలైంది. డివోషనల్‌ థ్రిల్లర్‌గా వచ్చిన ఈ చిత్రం పెద్దగా ఆడియన్స్‌ను మెప్పించలేకపోయింది.తాజాగా ఈ చిత్రం ఓటీటీలో సందడి చేసేందుకు వచ్చేస్తోంది. అమెజాన్ ప్రైమ్ వేదికగా సినీ ప్రియులను అలరించేందుకు వస్తోంది. ఈనెల 2వ తేదీ నుంచే అమెజాన్‌ ప్రైమ్‌లో స్ట్రీమింగ్ కానుంది. ఈ విషయాన్ని అఫీషియల్‌గా ప్రకటించారు మేకర్స్. ఈ చిత్రంలో సిద్ధు జొన్నలగడ్డ, వెన్నెల కిషోర్‌, మీనాక్షి గోస్వామి, బ్రహ్మానందం, మంజు భార్గవి, వంశీ చాగంటి, కమల్‌ కామరాజు కీలక పాత్రల్లో నటించారు. కాగా..ఈ చిత్రాన్ని బ్రిడ్జ్ ఫిలిమ్స్, రాజా శ్యామల ఎంటర్టైన్మెంట్స్ బ్యానర్లపై నిర్మించారు. మహేంద్రగిరి వారాహి కథేంటంటే.. మహేంద్రగిరి రాజవంశస్థులకు ఓ శాపం ఉంటుంది. ఆ వంశంలో పుట్టిన ప్రతి మగబిడ్డ 33వ పుట్టినరోజున మరణిస్తాడు. ఈ శాపం 200 ఏళ్లుగా కొనసాగుతూనే ఉంటుంది. అలా 1993లో ఆ వంశంలో పుట్టిన రాజేంద్ర వర్మ(సిద్దు జొన్నలగడ్డ)మరణిస్తాడు. ఇక ఈ సారి రాజేంద్రవర్మ అల్లుడు, ఆ రాజవంశానికి వారసుడు నరేంద్ర వర్మ(వంశీ చాగంటి) కూడా మరణిస్తాడని పూజారులు చెప్తారు. కథలో ఇదో భాగం.. మరోవైపు హైదరాబాద్‌కు చెందిన యూట్యూబర్‌ సిద్ధు అలియాస్‌ సిద్ధార్థ్‌(సుమంత్‌)..దెయ్యాలు, దేవుళ్ల పేరుతో కొంతమంది జనాలను మోసం చేస్తున్నారనేది ఆధారాలతో బయటపెడుతుంటాడు. అతని పెరెంట్స్‌తో పాటు అన్నయ్య రాజీవ్‌(కమల్‌ కామరాజు) కూడా దేవుడిని నమ్ముతాడు. పెళ్లి దోషం పోయేందుకు మహేంద్రగిరి వారాహి అమ్మవారి ఆలయంలో పూజలు చేయమని చెప్పడంతో, రాజీవ్‌ తన బర్త్‌డే రోజు ఫ్యామిలీతో కలిసి అక్కడికి వెళ్తాడు. అదే సమయంలో నరేంద్ర వర్మ కూడా ఆలయానికి వస్తాడు. మొక్కులు చెల్లించుకుంటున్న సమయంలో గుడి ముందే ఉండే దున్నపోతు ఇద్దరినీ పొడిచి చంపేస్తుంది. సరిగ్గా 33వ పుట్టిన రోజు నాడే ఇది జరుగుతుంది. తన అన్న మరణం వెనుక ఉన్న రహస్యం ఏంటో తెలుసుకునేందుకు ప్రయత్నిస్తాడు సిద్ధు. ఈ క్రమంలో మహేంద్రగిరి రాజవంశం శాపం వెనుక ఉన్న అసలు విషయం తెలుస్తుంది. అదేంటి? రాజవంశస్తులకు శాపం ఉంటే.. రాజీవ్‌ ఎందుకు చనిపోవాల్సి వచ్చింది? అసలు 200 ఏళ్ల క్రితం ఆ శాపం ఎలా వచ్చింది? ఇప్పుడు జరుగుతున్న మరణాలకు నిజంగా అమ్మవారి శాపమే కారణమా లేదా దాని వెనుక ఎవరైనా ఉన్నారా? సిద్ధార్థ్‌ రీసెర్చ్‌లో తెలిసిన అసలు నిజాలు ఏంటి? అనేదే మిగతా కథ.

‘ఇంప్యూర్’ చిత్రంతో ఇండస్ట్రీలోకి నిర్మాతగా, నటిగా, రచయిత్రిగా వారాహి మల్లిపాముల అరంగేట్రం చేస్తున్నారు. కాకినాడలో పుట్టిన ఆమె ప్రస్తుతం న్యూయార్క్‌లో నివసిస్తున్నారు. 'మా ఇంటి బంగారం' సినిమాకి డైరెక్షన్ డిపార్ట్‌మెంట్‌లో పని చేసిన నిశాంతి ఎవాని ఈ సినిమాతో దర్శకురాలిగా పరిచయమవుతున్నారు. ఒక మహిళ కన్య కాదని ఆమె అత్తమామలకు తెలియడంతో ఆ పెళ్లిని రద్దు చేసే కథాంశంతో ఈ చిత్రాన్ని తెరకెక్కిస్తున్నారు. ఈ చిత్రంలో ప్రధాన పాత్రలో తెలుగు మహిళ యషా ముత్తులూరి నటించారు.వారాహి మల్లిపాముల మాట్లాడుతూ.. 'నేను ఎన్నో ఏళ్లుగా సినిమా ప్రయత్నాలు చేస్తూ ఉండటం.. దగ్గరకు వచ్చి అవకాశాలు దూరం అవ్వడం వంటి సంఘటనల్ని అమ్మ చూశారు. మా చెల్లి పెళ్లికి మా అమ్మ చాలా ఖర్చు పెట్టారు. అందుకే ఆ డబ్బును సినిమాలో పెట్టాలనుకుంటే ఇస్తానని చెప్పారు. నేను ఆ ప్రతిపాదనను అంగీకరించా. కానీ ఆ డబ్బుతో ఒక పూర్తి సినిమా తీయలేకపోయాను. మేము ఇంకా చాలా అప్పు చేశాం. నటీనటులు, సాంకేతిక నిపుణులను నియమించుకోవడానికి నేను న్యూయార్క్ నుంచి వచ్చా" అని అన్నారు.ఇంకా మాట్లాడుతూ..'నాకు చిన్నప్పటి నుంచే సినిమాపై బలమైన నమ్మకం ఉంది. కానీ మహిళా ప్రాధాన్య చిత్రాన్ని నిర్మించేలా నిర్మాతలను ఒప్పించడం అంత సులభం కాదు. నేను రాసిన స్క్రిప్ట్‌ని ఎంతో మంది నిర్మాతలకు వినిపించా. చాలామంది తమ సందేహాలను వ్యక్తం చేశారు. చివరికి సమంత, నందిని రెడ్డి ఆ అపోహలను తొలగించి మహిళా ప్రాధాన్య చిత్రాన్ని ప్రపంచవ్యాప్తంగా ఆదరించవచ్చని నిరూపించారు. థియేటర్లలో 'ఇంప్యూర్' చిత్రాన్ని నేనే స్వయంగా పంపిణీ చేయడానికి వారే నాకు స్ఫూర్తి. మా ఇంటి బంగారం’ చిత్రంలానే 'ఇంప్యూర్' సినిమాని కూడా ప్రేక్షకులు ఆదరిస్తారని ఆశిస్తున్నా" అని అన్నారు.కాగా.. ఇంప్యూర్ వరల్డ్ ప్రీమియర్ లాస్ ఏంజిల్స్‌లోని ప్రతిష్టాత్మక టీసీఎల్ చైనీస్ థియేటర్‌లో జరిగింది. ఆ తర్వాత న్యూయార్క్‌లోని చారిత్రాత్మక సినిమా విలేజ్‌లో ఈస్ట్ కోస్ట్ ప్రీమియర్ జరిగింది. ఈ చిత్రం అక్టోబర్ 2న పాన్-ఇండియా వ్యాప్తంగా థియేటర్లలో విడుదలవుతోంది.

విజయ్ దేవరకొండ, రష్మిక జంటగా వస్తోన్న పీరియాడికల్ మూవీ రణబాలి. ఈ చిత్రాని బ్రిటీష్ కాలం నాటి పరిస్థితుల ఆధారంగా తెరకెక్కిస్తున్నారు. ఈ మూవీకి రాహుల్ సాంకృత్యాన్ దర్శకత్వం వహిస్తున్నారు. ఇప్పటికే షూటింగ్‌ పూర్తయిన ఈ సినిమా దసరా కానుకగా థియేటర్లలో సందడి చేయనుంది. దీంతో మూవీ టీమ్ ప్రమోషన్స్‌తో ఫుల్ బిజీగా ఉంది.ఈ నేపథ్యంలోనే డాక్యుమెంటరీ రూపంలో ఈ మూవీ విశేషాలను ఆడియన్స్‌తో పంచుకుంటున్నారు. ఇప్పటికే ది ఫెమిన్‌ వుయ్‌ ఫర్గాట్‌ అనే పార్ట్‌ రిలీజ్ చేశారు. తాజాగా ట్రూత్‌ 2: ది హిస్టరీ వుయ్‌ ఫర్గాట్‌ విడుదల చేశారు. ఇందులో బ్రిటీష్ పాలనలో ఇండియన్ రైల్వేల గురించి వివరించారు. బ్రిటిషర్లు భారత్‌లో రైల్వే వ్యవస్థను నిర్మించడం వెనుక ఉన్న అసలు ఉద్దేశాన్ని ఇందులో చూపించారు. ఈ డాక్యుమెంటరీని పూర్తిగా రాయలసీమ ప్రాంతంలోనే చిత్రీకరించారు. ఈ సినిమా కూడా రాయలసీమ బ్యాక్‌డ్రాప్‌లోనే తెరకెక్కించారు.

టాలీవుడ్‌లో యాంకర్ సుమ పేరు తెలియనివాళ్లు ఉండరు. ఆమె స్వతహాగా మలయాళీ అయినప్పటికీ తెలుగింటి కోడలిగా అడుగుపెట్టింది. టాలీవుడ్‌లో యాంకరింగ్‌ చేస్తూ ఉన్నత శిఖరాలకు చేరుకుంది. తెలుగులో సుమ లేకుంటే ఈ ఈవెంట్‌లో ఏదో మిస్సయినట్లు అనిపించేలా గుర్తింపు తెచ్చుకుంది. అలా స్టూడెంట్ నంబర్‌ వన్‌ సినిమాతో మొదలైన ఆమె జర్నీ నేటికి 25 ఏళ్లు పూర్తి చేసుకుంది. ఈ సందర్భంగా సుమ కనకాల ఎమోషనల్ పోస్ట్ చేసింది.తాజాగా ఫాహద్ ఫాజిల్ నటించిన డోంట్ ట్రబుల్ ది ట్రబుల్ ఈవెంట్‌లో సుమ జర్నీ వీడియోను ప్రదర్శించారు. ఈ వేదికపై ప్రదర్శించిన ఆడియో విజువల్ నన్ను పాత జ్ఞాపకాలలోకి తీసుకువెళ్లిందని సుమ ఎమోషనలైంది. స్టూడెంట్ నెం 1 గా 25 ఏళ్లు.. నేను ఫిల్మ్ ఈవెంట్స్ హోస్ట్‌గా 25 ఏళ్లు.. ఈ సందర్భంగా రాజమౌళి సార్‌కి నా హృదయపూర్వక ధన్యవాదాలు తెలిపారు. ఆ రోజు నా గురించి మీరు చెప్పిన ఈ మాటలు నా గ్రాడ్యుయేషన్ వేడుకలా అనిపించాయని భావోద్వేగానికి గురైంది.నా ఆడియో విజువల్ చేయించడానికి మీరు పడిన శ్రమకు.. నా ప్రోగ్రామ్ షీట్‌లో దాచడానికి మీరు చేసిన అదనపు ప్రయత్నానికి లక్ష్మి అండ్‌ నా బృందానికి ధన్యవాదాలు.. ‍అలాగే స్టూడెంట్ నెం 1 హీరో ఎన్టీఆర్‌.. నా ప్రియమైన భర్త రాజీవ్ కనకాలకి అభినందనలు అంటూ రాసుకొచ్చారు. రాజీవ్‌తో పాటు గొప్ప వ్యక్తులందరినీ నా జీవితంలోకి తీసుకువచ్చిన తెలుగు చిత్ర పరిశ్రమకు, తెలుగు సినీ అభిమానులకు ధన్యవాదాలు.. మీరు లేకపోతే నేను ఒక హోస్ట్‌గా ఇక్కడ ఉండేదాన్ని కాదు. నన్ను తెలుగు నేర్చుకునేలా చేసి, ఏ కెరీర్‌కైనా కష్టపడటం, పట్టుదల, నిరంతర అభ్యాసమే కీలకం అని నేర్పిన ఇండస్ట్రీ నాకు తల్లితో సమానమని సుమ రాసుకొచ్చారు. ఎల్లప్పుడూ నీ ఉత్సాహాన్ని పంచుతూ.. అమ్మకు పని చేసుకోవడానికి అవకాశం కల్పిస్తున్న రోషన్‌, మానస్‌కు కూడా ధన్యవాదాలు అంటూ పోస్ట్ చేశారు. ఈ సందర్భంగా రాజమౌళితో దిగిన ఫోటోను పంచుకున్నారు. The av played on dttt stage took me through a memory lane . 25yrs of student no 1 and 25yrs of me hosting film events . My heartfelt thanks to @ssrajamouli , these words about me coming from you felt like my graduation ceremony sir and @ssk1122 we are gen z🤩 , Walls and trends… pic.twitter.com/E9hNuGjtje— Suma Kanakala (@ItsSumaKanakala) September 30, 2026

రవితేజ హీరోగా వచ్చిన మూవీ ఇరుముడి. శివ నిర్వాణ దర్శకత్వంలో వచ్చిన ఈ సినిమా బాక్సాఫీస్ వద్ద సూపర్‌ హిట్‌గా నిలిచింది. తండ్రీ కూతుళ్ల సెంటిమెంట్‌ కథాంశంగా ఈ చిత్రాన్ని ప్రేక్షకుల ముందుకు తీసుకొచ్చారు. ప్రస్తుతం ఈ మూవీ ఓటీటీలో సందడి చేస్తోంది. నెట్‌ఫ్లిక్స్ వేదికగా ఆడియన్స్‌ను అలరిస్తోంది.తాజాగా ఈ సినిమా మరో రికార్డ్ సొంతం చేసుకుంది. ఓటీటీలో క్రేజీ రికార్డ్‌ నమోదు చేసింది. ప్రపంచవ్యాప్తంగా టాప్-10 నాన్-ఇంగ్లీష్ సినిమాల జాబితాలో వారం రోజుల పాటు టాప్ ప్లేస్‌ను కైవసం చేసుకుంది. ఈ ఒక్క వీకెండ్‌లోనే ఏకంగా 3.4 మిలియన్ల వ్యూస్ సాధించింది. ప్రపంచ స్థాయిలో ఇరుముడి నంబర్ వన్ స్థానంలో నిలిచింది.సెప్టెంబర్ 18న స్ట్రీమింగ్‌‌కు వచ్చిన ఈ చిత్రం, తొలి మూడు రోజుల్లోనే 3.4 మిలియన్ల వ్యూస్ సాధించింది. ఇప్పటివరకు ఓవరాల్‌గా 6.8 మిలియన్లకు పైగా వ్యూస్ నమోదు చేయడం విశేషం. కాగా.. ఈ చిత్రంలో రవితేజ సరసన ప్రియా భవానీ శంకర్ మెప్పించింది. ఈ మూవీలో సాయి కుమార్ కీలక పాత్రలో మెరిశారు. ప్రస్తుతం ఈ సినిమా తెలుగుతో పాటు హిందీ, తమిళ, మలయాళ, కన్నడ భాషల్లో ఓటీటీలో అందుబాటులో ఉంది.

టాలీవుడ్ హీరో నాని విజయవాడ ఇంద్రకీలాద్రిపై కొలువైన దుర్గమ్మను దర్శించుకున్నారు. ది ప్యారడైజ్‌ మూవీ రిలీజ్ తర్వాత టీమ్ అంతా కలిసి విజయవాడకు వెళ్లారు. ఈ సందర్భంగా అమ్మవారి ఆశీస్సులు తీసుకున్నారు. నానికి వేదపండితులు ఆశీర్వచనం చేసి శేషవస్త్రాలు, తీర్థప్రసాదాలను అందజేశారు. దీనికి సంబంధించిన వీడియోలు సోషల్ మీడియాలో వైరల్‌గా మారాయి.కాగా.. నాని హీరోగా వచ్చిన లేటేస్ట్ యాక్షన్‌ మూవీ ది ప్యారడైజ్. ఈ సినిమాకు శ్రీకాంత్ ఓదెల దర్శకత్వం వహించారు. అభిమానుల భారీ అంచనాల మధ్య రిలీజైన ఈ మూవీకి మిక్స్‌డ్‌ టాక్ వచ్చినా వసూళ్ల పరంగా రాణిస్తోంది. ఇప్పటికే రూ.200 కోట్లకు చేరువలో ఉంది. తొలి రోజే ఏకంగా రూ.80 కోట్లకు పైగా కలెక్షన్స్ రాబట్టి నాని కెరీర్‌లో బిగ్గెస్ట్ ఓపెనింగ్స్ సాధించిన మూవీ ది ప్యారడైజ్ నిలిచింది. ఈ చిత్రంలో కయాదు లోహర్ హీరోయిన్‌గా నటించింది. మోహన్ బాబు, సోనాలి కులకర్ణి, రాఘవ్ జుయల్, సంపూర్ణేశ్ బాబు కీలక పాత్రలు పోషించారు. Natural Star @NameisNani took the divine blessings at the Kanaka Durga Temple in Vijayawada ❤‍🔥Book your tickets for #TheParadise now!🎟️ https://t.co/QWwS4Ichic pic.twitter.com/0nLeH28Rka— THE PARADISE (@TheParadiseOffl) September 30, 2026

టాలీవుడ్ కొరియోగ్రాఫర్ జానీ మాస్టర్‌కి షాక్ తగిలింది. భారతదేశంలో సినీ & టీవి రంగాలలో పనిచేస్తున్న అన్ని ఫెడరేషన్‌ల వాళ్లు ఇతడికి సహాయ నిరాకరణ చేస్తున్నట్టు అల్ ఇండియా ఫిల్మ్ ఎంప్లాయీస్ కాన్ఫెడరేషన్ ప్రకటించింది. ఫెడరేషన్ నిర్ణయాలపై జానీ మాస్టర్.. కక్షపూరితంగా వ్యవహరిస్తునందున అన్ని ఫెడరేషన్ నాయకులతోనూ చర్చించి ఈ నిర్ణయం తీసుకున్నారు. (ఇదీ చదవండి: వరదల్లో కొట్టుకుపోయిన 'ఇరుముడి' బ్రిడ్జి)మరోవైపు తన భర్త జానీ మాస్టర్‌పై విధించిన సస్పెన్సన్ వెంటనే ఎత్తివేయాలని సుమలత కోరారు. ఈ మేరకు ఫిలిం ఛాంబర్‌ని సంప్రదించారు. 30 ఏళ్ల తర్వాత ఒక మహిళ ప్రెసిడెంట్ కావడాన్ని తట్టుకోలేకపోతున్నారు. డ్యాన్సర్స్ యూనియన్‌లో అవినీతి జరుగుతోంది. అవినీతిపై ప్రశ్నిస్తే అసోసియేషన్ లేకుండా చేసే ప్రయత్నం చేస్తున్నారు. చిత్రపురి హౌసింగ్ సొసైటీలో అక్రమాలు జరుగుతున్నాయి. ఫెడరేషన్ పేరు చెప్పుకుని యూనియన్లని బెదిరించే ప్రయత్నాలు చేస్తున్నారని ఈమె ఆరోపణలు చేశారు. ఫిలిం ఫెడరేషన్ అధ్యక్షుడు పలమనేని అనిల్‌ని వెంటనే సస్పెండ్ చేయాలి. అధ్యక్ష పదవి నుంచి తొలగించాలని డిమాండ్ చేశారు. మరోవైపు బుధవారం.. హైదరాబాద్ ఫిలిం ఛాంబర్‌‌లో సినీ కార్మికులు, పలు సంఘాల సమావేశమయ్యారు. ఇందులో చిత్రపురి సాధన సమితి, ఓయూ జేఏసీ, తెలంగాణ జాయింట్ యాక్షన్ కమిటీ, తదితర సంఘాల ప్రతినిధులు పాల్గొన్నారు.(ఇదీ చదవండి: వయసెంతో చెప్పి షాకిచ్చిన తెలుగు సీరియల్ నటి)

సినిమా షూటింగ్స్‌ అంటే లోకల్‌లోనే కాదు... కథ డిమాండ్‌ చేస్తే దేశ విదేశాల్లోనూ చిత్రీకరణలు జరుగుతుంటాయి. అయితే టాలీవుడ్‌కి హార్ట్‌ ఆఫ్‌ ది సిటీగా చెప్పుకునే హైదరాబాద్‌లో మాత్రం ఎప్పుడూ సినిమాల షూటింగ్‌ల సందడి నెలకొంటుందని ప్రత్యేకించి చెప్పక్కర్లేదు. ప్రస్తుతం నాగార్జున, వెంకటేశ్, బాలకృష్ణ, ప్రభాస్, అల్లు అర్జున్, మహేశ్‌బాబు, రిషబ్‌ శెట్టి, గోపీచంద్, నితిన్, శర్వానంద్, శ్రీ విష్ణు వంటి హీరోల సినిమాల షూటింగ్స్‌ హైదరాబాద్‌తో పాటు పరిసర ప్రాంతాల్లో భలే జోరుగా జరుగుతున్నాయి. ఆ విశేషాలు ఏంటో చూద్దాం... అన్నపూర్ణలో కింగ్‌ టాలీవుడ్‌ స్టార్‌ హీరోల్లో ఒకరైన నాగార్జున నటిస్తున్న తాజా చిత్రం ‘కింగ్‌ 100’. ఈ సినిమాకి తమిళ దర్శకుడు రా. కార్తీక్‌ దర్శకత్వం వహిస్తున్నారు. ఈ మూవీలో నటి టబు కీలక పాత్ర పోషిస్తున్నారు. నాగార్జున ఈ చిత్రంలో హీరోగా నటించడంతో పాటు భారీ బడ్జెట్‌తో దీనిని నిర్మిస్తున్నారు కూడా! ప్రస్తుతం ఈ సినిమా రెగ్యులర్‌ షూటింగ్‌ భాగ్యనగరంలోని అన్నపూర్ణ స్టూడియోస్‌లో శరవేగంగా జరుగుతోంది. ఈ షెడ్యూల్‌లో నాగార్జునతోపాటు టబు కూడా పాల్గొంటున్నారు. వీరిద్దరిపై కీలకమైన సన్నివేశాలను చిత్రీకరిస్తున్నారట కార్తీక్‌. ఈ షెడ్యూల్‌ పూర్తయిన తర్వాత అక్టోబర్‌ 1 నుంచి హైదరాబాద్‌లోని అల్యూమినియం ఫ్యాక్టరీలో కొత్త షెడ్యూల్‌ జరగనుంది. అక్కడ యాక్షన్‌ సన్నివేశాలు చిత్రీకరించనున్నారని తెలుస్తోంది. యాక్షన్‌ బ్యాక్‌డ్రాప్‌లో ఫ్యామిలీ ఎంటర్‌టైనర్‌గా రూపొందుతోన్న ‘కింగ్‌ 100’ నాగార్జున కెరీర్‌లో వందో చిత్రం కావడంతో ఇటు ఇండస్ట్రీలో అటు ప్రేక్షకుల్లో భారీ అంచనాలున్నాయి. ‘కింగ్‌ 100’ చిత్రం క్రిస్మస్‌ సందర్భంగా ఈ డిసెంబరు 24న ప్రపంచవ్యాప్తంగా విడుదల కానుంది. అజీజ్‌ నగర్‌లో... ‘సంక్రాంతికి వస్తున్నాం’ (2025) వంటి బ్లాక్‌బస్టర్‌ మూవీ తర్వాత హీరో వెంకటేశ్‌–డైరెక్టర్‌ అనిల్‌ రావిపూడి కాంబినేషన్‌లో తెరకెక్కుతోన్న చిత్రం ‘జనవరి 12 విడుదల’. (బావ బామ్మర్ది సౌజన్యంతో అన్నది ట్యాగ్‌లైన్‌). ఈ మూవీలో కల్యాణ్‌ రామ్‌ మరో హీరోగా నటిస్తున్నారు. ఈ చిత్రంలో వెంకటేశ్‌ సరసన కీర్తీ సురేష్, కల్యాణ్‌ రామ్‌ సరసన కృతీ శెట్టి హీరోయిన్లుగా నటిస్తున్నారు. సురేష్‌ ప్రొడక్షన్స్, జీ స్టూడియోస్, అర్చన సమర్పణలో షైన్‌ స్క్రీన్స్‌ బ్యానర్‌పై సాహు గారపాటి నిర్మిస్తున్నారు. ఈ మూవీ షూటింగ్‌ ప్రస్తుతం హైదరాబాద్‌ సమీపంలోని అజీజ్‌ నగర్‌లో జరుగుతోంది. ఈ షెడ్యూల్‌లో వెంకటేశ్, కల్యాణ్‌ రామ్‌తో పాటు హీరోయిన్లు, అలాగే చిత్రంలోని ప్రధాన తారాగణంపై కీలకమైన సన్నివేశాలు తెరకెక్కిస్తున్నారని సినీ వర్గాల భోగట్టా. అనిల్‌ రావిపూడి. పక్కా ఫ్యామిలీ ఎంటర్‌టైనర్‌గా రూపొందుతోన్న ఈ చిత్రం 2027 సంక్రాంతి సందర్భంగా జనవరి 12న విడుదల కానుంది. ఆర్‌ఎఫ్‌సీలో... బాలకృష్ణ హీరోగా గోపీచంద్‌ మలినేని దర్శకత్వంలో రూపొందుతోన్న చిత్రం ‘దాదా’. ఈ మూవీలో మంచు మనోజ్, కాజల్‌ అగర్వాల్‌ కీలక పాత్రల్లో నటిస్తున్నారు. ‘వీరసింహా రెడ్డి’ వంటి హిట్‌ మూవీ తర్వాత బాలకృష్ణ–గోపీచంద్‌ మలినేని కాంబినేషన్‌లో రూపొందుతోన్న చిత్రం ఇది. వృద్ధి సినిమాస్‌ బ్యానర్‌పై వెంకట సతీష్‌ కిలారు నిర్మిస్తున్నారు. ఈ మూవీ షూటింగ్‌ హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. బాలకృష్ణతో పాటు ఇతర ప్రధాన తారాగణంపై ముఖ్యమైన సన్నివేశాలను రూపొందిస్తున్నారట గోపీచంద్‌ మలినేని. ఈ సినిమా క్రిస్మస్‌ సందర్భంగా డిసెంబరు 24న ప్రేక్షకుల ముందుకు రానుంది. కోకాపేటలో... ప్రభాస్‌ హీరోగా నటిస్తున్న తాజా పాన్‌ ఇండియన్‌ మూవీ ‘ఫౌజి’. ‘సీతారామం’ మూవీ ఫేమ్‌ హను రాఘవపూడి దర్శకత్వం వహిస్తున్నారు. ఈ సినిమాలో ఇమాన్వీ హీరోయిన్‌గా నటిస్తున్నారు. జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ ఇతర కీలక పాత్రలు పోషిస్తున్నారు. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్ యెర్నేని, వై. రవిశంకర్‌ నిర్మిస్తున్నారు.ప్రస్తుతం ఈ మూవీ చిత్రీకరణ హైదరాబాద్‌ సమీపంలోని కోకాపేటలో జరుగుతోంది. ప్రభాస్‌తో పాటు ఇతర నటీనటులపై ముఖ్యమైన సన్నివేశాలను తెరకెక్కిస్తున్నారట హను రాఘవపూడి. ‘‘పీరియాడికల్‌ యాక్షన్‌ డ్రామాగా రూపొందుతోన్న చిత్రం ‘ఫౌజి’. తన కెరీర్‌లో ఇప్పటివరకు ఎప్పుడూ కనిపించని రగ్డ్, ఎమోషనల్‌ లుక్‌లో ప్రభాస్‌ కనిపించనున్నారు’’ అని చిత్రబృందం పేర్కొంది. పాన్‌ ఇండియా ప్రాజెక్ట్‌గా రూపొందుతోన్న ‘ఫౌజి’ సినిమా ఈ డిసెంబరు 3న విడుదల కానుండగా అనివార్య కారణాల వల్ల వాయిదా పడింది. రాకా యాక్షన్‌... ‘పుష్ప ది రైజ్, పుష్ప 2: ది రూల్‌’ వంటి బ్లాక్‌బస్టర్‌ మూవీస్‌ తర్వాత అల్లు అర్జున్‌ హీరోగా నటిస్తున్న తాజా చిత్రం ‘రాకా’. ఈ మూవీకి తమిళ దర్శకుడు అట్లీ దర్శకత్వం వహిస్తున్నారు. ఈ చిత్రంలో దీపికా పదుకోన్‌ కథానాయికగా నటిస్తున్నారు. సన్‌ పిక్చర్స్‌ బ్యానర్‌పై కళానిధి మారన్‌ నిర్మిస్తున్నారు. ప్రస్తుతం ఈ సినిమా షూటింగ్‌ భాగ్యనగరం సమీపంలోని ఆర్‌ఎఫ్‌సీలో జరుగుతోంది. అయితే ఈ షెడ్యూల్‌లో అల్లు అర్జున్‌ పాల్గొనడం లేదని తెలిసింది. ఇతర నటీనటులపై ముఖ్యమైన సన్నివేశాలను చిత్రీకరిస్తున్నారట అట్లీ. అక్టోబరులో అల్లు అర్జున్‌ ఈ చిత్రం షూట్‌లో జాయిన్‌ అవుతారని టాక్‌. ఆయనపై కీలకమైన ఓ భారీ యాక్షన్‌ సీక్వెన్స్‌ తెరకెక్కించనున్నారట దర్శకుడు. ఇదిలా ఉంటే... ఏప్రిల్‌ 8న అల్లు అర్జున్‌ పుట్టినరోజు సందర్భాన్ని పురస్కరించుకుని ‘రాకా’ అనే టైటిల్‌ను ఫిక్స్‌ చేసి, విడుదల చేసిన అల్లు అర్జున్‌ ఫస్ట్‌ లుక్‌ ట్రెండ్‌ అయింది. గుండు, వింత శరీరాకృతితో ఓ సరికొత్త అవతారంతో అందర్నీ ఆశ్చర్యపరిచారాయన. ఈ మూవీ 2027లో విడుదల కానుంది. శంకరపల్లిలో... గోపీచంద్‌ హీరోగా నటిస్తున్న తాజా చిత్రం ‘సింగ’. ఈ సినిమా ద్వారా ఫైట్‌ మాస్టర్‌ వి. వెంకట్‌ దర్శకుడిగా పరిచయం అవుతున్నారు. మలయాళ నటి అనార్కలి నజర్‌ హీరోయిన్‌గా తెలుగులో అడుగుపెడుతున్నారు. ‘భలే మంచి రోజు, ఆనందో బ్రహ్మ, యాత్ర’ వంటి సినిమాలను నిర్మించిన 70ఎంఎం ఎంటర్‌టైన్‌మెంట్స్‌ బ్యానర్‌పై విజయ్‌ చిల్లా, శశి దేవిరెడ్డి ‘సింగ’ మూవీని నిర్మిస్తున్నారు. హైదరాబాద్‌ సమీపంలోని శంకరపల్లిలో ఈ సినిమా షూటింగ్‌ శరవేగంగా జరుగుతోంది. హీరో హీరోయిన్లతోపాటు ఇతర తారాగణంపై ముఖ్యమైన సన్నివేశాలను తెరకెక్కిస్తున్నారట వెంకట్‌. ‘‘యాక్షన్‌ ఎంటర్‌టైనర్‌గా రూపొందుతోన్న చిత్రం ‘సింగ’. ఫైట్‌ మాస్టర్‌గా సక్సెస్‌ అందుకున్న వెంకట్‌కి దర్శకుడిగా ఇది తొలి చిత్రం అయినప్పటికీ ఎంతో అనుభవం ఉన్న డైరెక్టర్‌లా కథను తీర్చిదిద్దుతున్నారు. గోపీచంద్‌ను సరికొత్త పాత్రలో చూపించనున్నారాయన. అత్యున్నత నిర్మాణ విలువలు, భారీ స్థాయి సాంకేతిక ప్రమాణాలతో ఈ చిత్రాన్ని గ్రాండ్‌గా తెరకెక్కిస్తున్నాం. ప్రేక్షకులకు అద్భుతమైన అనుభూతిని అందించేందుకు రాజీ పడకుండా నిర్మిస్తున్నాం’’ అని చిత్రబృందం తెలిపింది. హనుమాన్‌ 2 ప్రశాంత్‌ వర్మ దర్శకత్వం వహించిన ‘హను–మాన్‌’ మూవీ పాన్‌ ఇండియా స్థాయిలో సూపర్‌ హిట్‌గా నిలిచిన సంగతి తెలిసిందే. తేజ సజ్జా, అమృతా అయ్యర్‌ జంటగా నటించారు. నిరంజన్‌ రెడ్డి నిర్మించిన ఈ మూవీ 2024 జనవరి 12న రిలీజైంది. చిన్న చిత్రంగా ప్రారంభమై, పాన్‌ ఇండియా స్థాయిలో సంచలనం సృష్టించిన హను–మా¯న్‌కి సీక్వెల్‌గా తెరకెక్కుతున్న తాజా చిత్రం ‘జై హనుమాన్‌’. ఈ మూవీలో ఆంజనేయ స్వామిగా ‘కాంతారా’ మూవీ ఫేమ్‌ రిషబ్‌ శెట్టి నటిస్తున్నారు.‘హను–మాన్‌’లో హనుమంతుగా నటించిన తేజ సజ్జా సీక్వెల్‌లోనూ అదే పాత్రలో కనిపించనున్నారు. ‘ప్రశాంత్‌ వర్మ సినిమాటిక్‌ యూనివర్స్‌’లో భాగంగా రూపొందుతున్న ఈ సినిమాని మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ భారీ బడ్జెట్‌తో నిర్మిస్తున్నారు. ప్రస్తుతం ఈ మూవీ షూటింగ్‌ హైదరాబాద్‌ సమీపంలోని ఆర్‌ఎప్‌సీలో శరవేగంగా జరుగుతోంది. శ్రీరాముడికి హనుమంతుడు ఇచ్చిన మాట ఏంటి? దాన్ని నిలబెట్టుకోవడానికి ఏం చేశాడు? అనే నేపథ్యంలో ‘జై హనుమాన్‌’ని రూపొందిస్తున్నారని సమాచారం. మొయినాబాద్‌లో... ‘నారీ నారీ నడుమ మురారి, బైకర్‌’ వంటి హిట్‌ మూవీస్‌తో ఫుల్‌ జోష్‌లో ఉన్న హీరో శర్వానంద్‌ నటిస్తున్న తాజా చిత్రం ‘జార్జ్‌ క్రిష్‌’. ఈ మూవీకి శ్రీను వైట్ల దర్శకత్వం వహిస్తున్నారు. ఈ సినిమాలో మానస వారణాసి హీరోయిన్‌గా నటిస్తున్నారు. ఏటీవీ సమర్పణలో అనిల్‌ సుంకర ఏకే ఎంటర్‌టైన్‌మెంట్స్‌ బ్యానర్‌పై రామబ్రహ్మం సుంకర నిర్మిస్తున్నారు. అజయ్‌ సుంకర సహ నిర్మాతగా వ్యవహరిస్తున్నారు.ఈ సినిమా ప్రస్తుతం భాగ్యనగరం సమీపంలోని మొయినాబాద్‌లో జరుగుతోంది. శర్వానంద్, మానస వారణాసితో పాటు ఇతర నటీనటులపై ముఖ్యమైన సీన్స్‌ తీస్తున్నారట శ్రీను వైట్ల. సంక్రాంతి సీజన్‌లో కంప్లీట్‌ ఫ్యామిలీ ఎంటర్‌టైనర్‌గా ఆడియన్స్‌ని అలరించనున్న ఈ సినిమా 2027 జనవరి 14న విడుదల కానుంది. శంకరపల్లిలో... సాయి దుర్గాతేజ్‌ హీరోగా నటిస్తున్న తాజా చిత్రం ‘ఎస్‌వైజీ’(సంబరాల ఏటిగట్టు). ఈ మూవీ ద్వారా రోహిత్‌ కేపీ దర్శకునిగా పరిచయమవుతున్నారు. ఐశ్వర్య లక్ష్మి హీరోయిన్‌గా నటిస్తున్న ఈ మూవీలో జగపతి బాబు, సాయి కుమార్, శ్రీకాంత్, అనన్య నాగళ్ల ఇతర పాత్రలు పోషిస్తున్నారు. ప్రైమ్‌షో ఎంటర్‌టైన్‌మెంట్‌పై ‘హను–మాన్‌’ వంటి విజయవంతమైన సినిమా తీసిన కె. నిరంజన్‌ రెడ్డి, చైతన్య రెడ్డి ఈ సినిమా నిర్మిస్తున్నారు. ఈ సినిమా షూటింగ్‌ తాజా షెడ్యూల్‌ హైదరాబాద్‌ సమీపంలోని శంకరపల్లిలో జరుగుతోంది. సాయి దుర్గాతేజ్‌తో పాటు కీలక తారాగణంపై పలు సన్నివేశాలు రూపొందిస్తున్నారట రోహిత్‌. ఈ మూవీ సంక్రాంతి సందర్భంగా జనవరి 12న ప్రేక్షకుల ముందుకు వస్తోంది. పైన పేర్కొన్న సినిమాలే కాదు... మరికొన్ని మూవీ షూటింగ్స్‌ కూడా హైదరాబాద్‌తో పాటు పరిసర ప్రాంతాల్లో జోరుగా హుషారుగా జరుగుతున్నాయి. శంషాబాద్‌లో... మహేశ్‌బాబు హీరోగా అంతర్జాతీయ స్థాయిలో రూపొందుతోన్న చిత్రం ‘వారణాసి’. ఎస్‌ఎస్‌ రాజమౌళి దర్శకత్వం వహిస్తున్న ఈ సినిమాలో నటి ప్రియాంకా చో్రపా, పృథ్వీరాజ్‌ సుకుమారన్‌ కీలక పాత్రలు పోషిస్తున్నారు. శ్రీ దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ ఈ మూవీ నిర్మిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని శంషాబాద్‌లో జరుగుతోంది.అయితే ఈ షెడ్యూల్‌లో మహేశ్‌బాబు పాల్గొనడం లేదు. ఎందుకంటే తన పాత్రకు సంబంధించిన షూటింగ్‌ని ఆయన ఇటీవల పూర్తి చేసిన సంగతి తెలిసిందే. మహేశ్‌ లేని సీన్స్‌ని తెరకెక్కిస్తున్నారట రాజమౌళి. ఈ చిత్రంలో శ్రీరాముడిగా, రుద్రుడి గా మహేశ్‌బాబు కనిపిస్తారు. ‘వారణాసి’ని అంతర్జాతీయ స్థాయిలో 120 దేశాల్లో విడుదల చేయనున్నట్లు ఇప్పటికే రాజమౌళి పేర్కొన్న సంగతి తెలిసిందే. అందుకు తగ్గట్టే ప్రమోషన్స్‌ కూడా నిర్వహిస్తున్నారు మేకర్స్‌. 2027 ఏప్రిల్‌ 7న ‘వారణాసి’ ప్రపంచవ్యాప్తంగా విడుదలకానుంది.అల్యూమినియం ఫ్యాక్టరీలో... కిరణ్‌ అబ్బవరం హీరోగా నటిస్తూ, తొలిసారి దర్శకత్వం వహిస్తున్న చిత్రం ‘కేఏ 13’(వర్కింగ్‌ టైటిల్‌). దేవిక భట్‌ హీరోయిన్‌గా నటిస్తున్న ఈ మూవీలో శరత్‌ కుమార్, సాయి కుమార్‌ ఇతర పాత్రలు పోషిస్తున్నారు. జాయ్‌ ఫిలింస్‌ బ్యానర్‌పై సుధాకర్‌ చాగంటి నిర్మిస్తున్నారు. ఈ మూవీ తాజా షెడ్యూల్‌ ప్రస్తుతం గచ్చిబౌలి సమీపంలోని అల్యూమినియం ఫ్యాక్టరీలో జరుగుతోంది. హీరో హీరోయిన్లతోపాటు ఇతర తారాగణంపై ముఖ్యమైన సన్నివేశాలు తెరకెక్కిస్తున్నారు కిరణ్‌. ‘ఎస్‌ఆర్‌ కళ్యాణమండపం’ సినిమాతో కథా రచయితగా తన ప్రతిభను నిరూపించుకున్న ఆయన, ‘కేఏ 13’ చిత్రానికి కథ, స్క్రీన్‌ప్లే, దర్శకత్వంతోపాటు హీరోగా నటిస్తుండటం విశేషం. అల్యూమినియం ఫ్యాక్టరీలో... నితిన్‌ హీరోగా నటిస్తున్న తాజా చిత్రం ‘అలియాస్‌ రుక్మిణీ’. మురళీ కాంత్‌ దేవాసోత్‌ రచన, దర్శకత్వంలో రూపొందుతోన్న ఈ సినిమాలో సాయి కుమార్, హర్షవర్ధన్‌ కీలక పాత్రలు పోషిస్తున్నారు. ఈ మూవీకి హీరో నాని సమర్పకుడిగా వ్యవహరిస్తున్నారు. యునానిమస్‌ ప్రొడక్షన్స్‌ బ్యానర్‌పై దీప్తి గంటా నిర్మిస్తున్నారు. ఈ సినిమా షూటింగ్‌ ప్రస్తుతం హైదరాబాద్‌ గచ్చిబౌలి సమీపంలోని అల్యూమినియం ఫ్యాక్టరీలో శరవేగంగా జరుగుతోంది. నితిన్, సాయి కుమార్, హర్ష వర్ధన్, ఇతర నటీనటులు పాల్గొనగా కీలక సన్నివేశాలు తెరకెక్కిస్తున్నారట మురళీ కాంత్‌. ‘‘కోర్ట్‌–స్టేట్‌ వర్సెస్‌ ఎ నోబడీ’ వంటి అద్భుత విజయం తర్వాత నాని సమర్పణలో యునానిమస్‌ ప్రొడక్షన్స్‌పై రూపొందుతున్న చిత్రం ‘అలియాస్‌ రుక్మిణీ’. తొట్ట తొలి చిత్రం ‘దండోరా’తోనే విమర్శకులను ఆకట్టుకున్న మురళీకాంత్‌ ఈ చిత్రానికి రచన, దర్శకత్వం వహిస్తున్నారు. ఒక ఆసక్తికరమైన కథతో కూడిన విలక్షణమైన ప్రపంచాన్ని ఆవిష్కరించేలా ఉంటుంది ఈ చిత్రం. ఈ సినిమాలో నితిన్‌ చాలా విలక్షణమైన పాత్రలో నటిస్తున్నారు’’ అని చిత్రబృందం తెలిపింది. ఫ్యామిలీ ప్యాక్‌... హీరో శ్రీ విష్ణు–డైరెక్టర్‌ రామ్‌ అబ్బరాజు కాంబినేషన్‌లో వచ్చిన ‘సామజవరగమన’ (2023) చిత్రం ఘన విజయం సాధించిన సంగతి తెలిసిందే. ఆ హిట్‌ మూవీ తర్వాత వీరి కాంబినేషన్‌లో రూపొందుతోన్న ద్వితీయ చిత్రం ‘ఫ్యామిలీ ప్యాక్‌’. ఈ సినిమాలో సాక్షి మధోల్కర్‌ హీరోయిన్ న్‌గా నటిస్తున్నారు. నరేష్‌ వీకే, అభిరామి, మురళీ శర్మ, అన్నపూర్ణమ్మ, వెన్నెల కిషోర్, సుదర్శన్, సత్య, రోహిణి, గెటప్‌ శ్రీను, మురళీధర్‌ గౌడ్, రఘుబాబు ఇతర పాత్రలు పోషిస్తున్నారు. మైత్రి మూవీ మేకర్స్‌పై నవీన్‌ యెర్నేని, వై. రవిశంకర్‌ నిర్మిస్తున్నారు. అనిల్‌ ఎర్నేని సహ నిర్మాతగా వ్యవహరిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని శంకర్‌పల్లిలో జరుగుతోంది. శ్రీ విష్ణుతో పాటు ఇతర నటీనటులపై కీలకమైన సీన్స్‌ తీస్తున్నారు రామ్‌ అబ్బరాజు. ఈ మూవీ 2027 సంక్రాంతికి విడుదల కానుంది.– డేరంగుల జగన్‌ మోహన్‌

తేజ సజ్జా హోస్ట్‌గా వ్యవహరిస్తున్న తొలి రియాలిటీ గేమ్‌ షో ‘ది ట్రైటర్స్‌ తెలుగు’ స్ట్రీమింగ్‌కు సిద్ధమైంది. ఈ షో నాలుగు వారాల పాటు తెలుగు భాషలో ఇంగ్లిష్‌ సబ్‌ టైటిల్స్‌తో అమెజాన్‌ ప్రైమ్‌ వీడియో ఓటీటీ ప్లాట్‌ఫామ్‌లో అక్టోబరు 15 నుంచి స్ట్రీమింగ్‌ కానుంది. పది ఎపిసోడ్స్‌తో రూపొందుతున్న ఈ సిరీస్‌లో విభిన్న రంగాలకు చెందిన 20 మంది ప్రముఖులు పాల్గొంటారు.ఎస్‌ఓఎల్‌ ప్రొడక్షన్స్‌ నిర్మిస్తున్న ‘ది ట్రైటర్స్‌’ గేమ్‌ షో అనౌన్స్‌మెంట్‌ వీడియోను మంగళవారం మేకర్స్‌ అధికారికంగా విడుదల చేశారు. ‘ఒక్కటి మాత్రం పక్కా... ఇక్కడ అందరూ మోసపోతారు... మోసం కూడా చేస్తారు’, ‘ఒక్కర్ని చేస్తే మోసం... ఇద్దర్నీ చేస్తే... అందర్నీ చేస్తే... ఇట్స్‌ ఏ గేమ్‌’ అంటూ తేజ సజ్జా చెప్పిన సంభాషణలు ఈ వీడియోలో ఉన్నాయి.

రోజ్‌ కలర్ డ్రెస్‌లో మెరిసిపోతున్న బిందు మాధవి..శారీలో మరింత అందంగా బిగ్‌బాస్ బ్యూటీ సావిత్రి..ఫారిన్ వీధుల్లో వితికా శేరు హోయలు..బ్లాక్ శారీలో ఫుల్ గ్లామరస్‌గా సుప్రీత..కలర్‌ఫుల్ డ్రెస్‌లో బిగ్‌బాస్ రీతూ చౌదరి అందాలు.. View this post on Instagram A post shared by Bandaru Sheshayani Supritha (@_supritha_9) View this post on Instagram A post shared by Vithika Sheru (@vithikasheru) View this post on Instagram A post shared by Shiva Jyothi (@iam.savithri) View this post on Instagram A post shared by Bindu Madhavi (@bindu_madhavii) View this post on Instagram A post shared by Rithu_chowdary (@rithu_chowdhary) View this post on Instagram A post shared by Rohini (@actressrohini)

శ్రీకాంత్ తనయుడు రోషన్‌ మేకా నటిస్తోన్న తాజా చిత్రం ఏమో ఏమో ఇది. ఈ మూవీలో ప్రీతి ముకుందన్‌ హీరోయిన్‌గా కనిపించనుంది. ఈ సినిమాకు శైలేశ్ కొలను దర్శకత్వం వహిస్తున్నారు. ఈ చిత్రాన్ని రొమాంటిక్ అండ్ లవ్‌ ఎంటర్‌టైనర్‌గా తెరకెక్కిస్తున్నారు.(ఇది చదవండి: మనవరాలికి గ్రాండ్‌ వెల్‌కమ్‌.. టాలీవుడ్ విలన్ వీడియో చూశారా?)యూత్‌ నేపథ్యంలో ఈ మూవీ ప్రేక్షకుల ముందుకు రానుంది. నేటి యువతరాన్ని ఆకట్టుకొనే లవ్ స్టోరీగా ఈ చిత్రాన్ని రూపొందిస్తున్నారు. తాజాగా ఈ మూవీ నుంచి టైటిల్‌ సాంగ్‌ను విడుదల చేశారు. ఏమో ఏమో ఇది అంటూ సాగే పాటను రిలీజ్ చేశారు. ఈ సినిమాకు హేషమ్‌ అబ్దుల్‌ వాహబ్‌ కంపోజ్ చేశారు. ఈ పాటకు కృష్ణకాంత్‌ లిరిక్స్ అందించగా.. కార్తిక్, రమ్య బెహ్రా ఆలపించారు. ఇంకెందుకు ఆలస్యం ఈ రొమాంటిక్ సాంగ్ మీరు కూడా వినేయండి.

టాలీవుడ్‌ నటుడు, విలన్‌ టార్జాన్‌ అలియాస్‌ ఎదిరె లక్ష్మినారాయణ గప్తా గురించి పరిచయం అక్కర్లేదు. రామ్‌ గోపాల్‌ వర్మ ‘గాయం’ మూవీతో ఇండస్ట్రీలో అడుగు పెట్టారు. ఆ తర్వాత క్యారెక్టర్‌ ఆర్టిస్టుగా, విలన్‌గా తెలుగులో కొన్ని వందల సినిమాల్లో నటించాడు. ఈ క్రమంతో తన భార్య మరణంతో నటనకు బ్రేక్‌ ఇచ్చారు. ప్రస్తుతం సినిమాలు చేయకపోయినా సోషల్ మీడియాలో యాక్టివ్‌గా ఉంటున్నారు. తన పర్సనల్‌ లైఫ్‌కు సంబంధించిన వీడియోలు పోస్ట్ చేస్తుంటారు.తాజాగా ఆయన తన మనవరాలికి గ్రాండ్‌ వెల్‌కమ్ చెప్పారు. ఇంటిని అందంగా అలంకరించిన ముద్దుల మనవరాలికి స్వాగతం పలికారు. మా ఇంటి మహాలక్ష్మికి ఘనస్వాగతం.. అంటూ సోషల్ మీడియాలో వీడియోను షేర్ చేశారు. ఈ వీడియో నెట్టింట వైరల్‌గా మారింది. ఈ వీడియో చూసిన నెటిజన్స్‌ సూపర్ అంటూ కామెంట్స్ పెడుతున్నారు. View this post on Instagram A post shared by Tarzan Laxminarayana (@tarzan_artist)

నాని హీరోగా వచ్చిన ది ప్యారడైజ్ మూవీ థియేటర్లలో సందడి చేస్తోంది. శ్రీకాంత్ ఓదెల దర్శకత్వంలో వచ్చిన సినిమా బాక్సాఫీస్ వద్ద వసూళ్లు రాబడుతోంది. ఇప్పటికే రూ.150 కోట్లకు పైగా కలెక్షన్స్‌తో దూసుకెళ్తోంది. తొలిరోజే మిక్స్‌డ్‌ టాక్ అందుకున్న ఈ చిత్రం.. కలెక్షన్స్ పరంగా రాణిస్తోంది. ఈ మూవీ రిలీజైన ఐదు రోజుల్లోనే రూ.165 కోట్ల మార్క్ దాటేసింది.ఈ మూవీ బాక్సాఫీస్ వద్ద ఊహించని విధంగా కలెక్షన్స్‌ రాబడుతోంది. దీంతో ఇటీవలే సక్సెస్ మీట్ కూడా నిర్వహించారు మేకర్స్. ఈ నేపథ్యంలోనే తాజాగా హీరో నాని తెలంగాణలోని ప్రముఖ ఆలయాన్ని సందర్శించారు. తన ప్యారడైజ్‌ టీమ్‌తో కలిసి ములుగు జిల్లాలోని శ్రీ సమ్మక్క, సారలమ్మ దేవస్థానానికి వెళ్లి ప్రత్యేక పూజలు చేశారు. ఈ సందర్భంగా అమ్మవార‍్ల ఆశీస్సులు తీసుకున్నారు. దీనికి సంబంధించిన వీడియో సోషల్ మీడియాలో వైరల్‌గా మారింది.our SHER @NameisNani anna & team visited Sri Sammakka Saralamma Devasthanam in Medaram and sought the blessings of the revered deities. ✨#TheParadise Running Successfully All Over. pic.twitter.com/V948N9rfdd— THE PARADISE (@TheParadiseOffl) September 29, 20269, 2026

మోడలింగ్‌ నుంచి ఇండస్ట్రీలోకి వచ్చిన భామల్లో రకుల్ ప్రీత్ సింగ్ ఒకరు. కన్నడ సినిమాతో మొదలుపెట్టి తెలుగు, తమిళం, హిందీ భాషల్లో నటించి మంచి గుర్తింపు తెచ్చుకుంది. అలా 2009 నుంచి ఇప్పటికీ నటిస్తూనే ఉంది. 2024లో నిర్మాత జాకీ భగ్నానీని పెళ్లి చేసుకుని సంసార జీవితంలోకి ఎంట్రీ ఇచ్చింది. దక్షిణాది వరకు చివరగా కమలహాసన్‌ 'ఇండియన్‌ 3'లో చేసింది. ఆ చిత్రం ఇంకా తెరపైకి రాలేదు. ప్రస్తుతం 'రామాయణ'లో శూర్పణఖ పాత్ర చేసింది.(ఇదీ చదవండి: ఈ వారం ఓటీటీల్లోకి 23 సినిమాలు.. ఆ నాలుగు డోంట్ మిస్)రామాయణ, ఇండియన్ 3 తప్పితే ఈమె చేతిలో వేరే ఏ సినిమాలు లేవు. దీంతో ప్రస్తుతం అవకాశాల వేటలో పడినట్లు తెలుస్తోంది. అందుకు తగ్గట్లే తరచూ ఫొటోషూట్స్ చేస్తూ వాటిని ఇన్ స్టాలో పోస్ట్ చేస్తూ దర్శకుల దృష్టిలో పడేందుకు ప్రయత్నిస్తోంది. మరోవైపు ఈమె భర్త, మామకు సంబంధించిన ఆఫీసుల్లో ఐటీ రైడ్స్ జరగడం ఇప్పుడు చర్చనీయాంశమైంది. ఇలా రకుల్ వార్తల్లో నిలిచింది.(ఇదీ చదవండి: జ్యోతికతో పెళ్లి.. హీరో సూర్య నాలుగేళ్లు ఎదురుచూశాడు)

దినేష్‌ తేజ్, దష్విక.కె జంటగా అర్జున్ కోల దర్శకత్వంలో రూ పొందిన చిత్రం ‘తత్వం’. త్రయతి ఇషాని క్రియేషన్స్ , ఎస్‌.కె ప్రోడక్షన్స్ పై శీమకుర్తి వంశీ కృష్ణ, శ్వేత పసుపులేటి నిర్మించిన ఈ సినిమా అక్టోబరు 2న విడుదల కానుంది. ఈ సందర్భంగా దష్విక మాట్లాడుతూ–‘‘నా స్వస్థలం వైజాగ్‌. చిన్నప్పటి నుంచే నాకు యాక్టింగ్‌ అంటే ఇష్టం.నేను మూడో తరగతి చదువుతున్నప్పుడు ‘పెద్దయ్యాక ఏమవుతావు? అని టీచర్‌ అడిగితే హీరోయిన్‌ అవుతానని చెప్పాను. చదువు పూర్తయ్యాక ఇండస్ట్రీకి వెళ్లమని నా తల్లిదండ్రులు నన్ను సపోర్ట్‌ చేశారు. బయోటెక్నాలజీలో డిగ్రీ పూర్తిచేసిన తర్వాత ఇండస్ట్రీకి వచ్చాను. విజయ్‌ దేవరకొండతో కలిసి ఓ వాణిజ్య ప్రకటన చేశాను. హీరోయిన్ గా ‘తత్వం’ నా తొలి సినిమా.కిల్లర్‌ను అన్వేషించే హీరోకు సపోర్ట్‌ చేసే పాత్ర నాది. నా క్యారెక్టర్‌లో గ్రే షేడ్స్‌ ఉన్నాయి. మర్డర్, మిస్టరీ, సస్పెన్స్ ... ఈ మూడు అంశాలు మిళతమై ఉన్న సినిమా ఇది. సాధారణంగా మలయాళంలో ‘తత్వం’ సినిమా తరహా స్టోరీలు వస్తుంటాయి. ఇప్పుడు తెలుగులో ఇలాంటి సినిమా రావడం నాకు సంతోషంగా ఉంది. ఇండస్ట్రీకి వచ్చినప్పుడు తొలుత కాస్త భయపడ్డాను. కానీ. బయట అనుకుంటున్నంత చెడ్డగా ఏం లేదు. తమిళంలో ఓ సినిమా చేయబోతున్నాను’’ అన్నారు.

‘రాకా’ సినిమా కోసం అల్లు అర్జున్ మరోసారి పూర్తిగా యాక్షన్ మోడ్‌ను ఆన్ చేయబోతున్నారని తెలిసింది. అల్లు అర్జున్ హీరోగా అట్లీ దర్శకత్వంలో రూ పొందుతున్న అడ్వెంచరస్‌ ఫాంటసీ యాక్షన్ డ్రామా ‘రాకా’. ఈ చిత్రంలో దీపికా పదుకొనె లీడ్‌ రోల్‌లో నటిస్తుండగా, రష్మికా మందన్నా, జాన్వీకపూర్, మృణాల్‌ ఠాకూర్, రమ్యకృష్ణ, యోగిబాబు ఇతర ప్రధాన పాత్రల్లో నటిస్తున్నారనే టాక్‌ వినిపిస్తోంది. ఈ చిత్రంలో అల్లు అర్జున్ త్రిపాత్రాభినయం(తండ్రి, ఇద్దరు కొడుకులు) చేయబోతున్నారనే ప్రచారం సాగుతోంది.వాటిలో ఒకటి పోలీస్‌ ఆఫీసర్‌ పాత్ర కాగా, మరొకటి నెగటివ్‌ రోల్‌ అనే ప్రచారం సాగుతోంది. అంతేకాదు.. ఈ చిత్రానికి పునర్జన్మల కాన్సెప్ట్‌ కూడా ఉందట. ఈ మూవీ కొత్త షూటింగ్‌ షెడ్యూల్‌ అక్టోబరు రెండో వారంలో ప్రారంభం కానుందని, సినిమాకు ఎంతో కీలకమైన ఓ భారీ యాక్షన్ సీక్వెన్స్ ను చిత్రీకరించేందుకు అట్లీ సన్నాహాలు చేస్తున్నారని తెలిసింది. ఈ యాక్షన్ సీక్వెన్స్ లో అల్లు అర్జున్ తో పాటుగా ప్రధాన తారాగణం పాల్గొంటారని సమాచారం. సన్ పిక్చర్స్‌ పతాకంపై కళానిధి మారన్ నిర్మిస్తున్న ‘రాకా’ సినిమా 2027లో రిలీజ్‌ కానుంది.

పాయల్ చెంగప్ప, దేవ్ ప్రధాన పాత్రల్లో వస్తోన్న మూవీ మయూఖ. ఈ సినిమాకు శ్రీ తేజ్ ఎస్కే((శ్రీకాంత్ కండ్రాగుల)) దర్శకత్వం వహిస్తున్నారు. ఈ మూవీని శశిధర్ నల్ల నిర్మిస్తున్నారు. ఈ చిత్రాన్ని సస్పెన్స్ అండ్ ఎమోషనల్‌ థ్రిల్లర్‌గా తెరకెక్కిస్తున్నారు. తాజాగా ఈ మూవీకి సంబంధించి ట్రైలర్‌ రిలీజ్ చేశారు మేకర్స్. తాజాగా విడుదలైన మయూఖ ట్రైలర్ చూస్తుంటే సస్పెన్స్ థ్రిల్లర్‌గా తెరకెక్కించినట్లు తెలుస్తోంది. ఈ కథ మొత్తం మిస్టరీ హత్యల చుట్టు తిరిగే కోణంలో ఉన్నట్లు ట్రైలర్‌లో అర్థమవుతోంది. ఈ మూవీ హారర్ అండ్ సస్పెన్స్ థ్రిల్లర్‌గా రూపొందించారు. ట్రైలర్‌లో హారర్ సీన్స్ ఆడియన్స్‌లో ఆసక్తి మరింత పెంచుతున్నాయి. ఈ చిత్రంలో మురళీధర్ గౌడ్, లావణ్య రాణి, చరిష్మా దబ్బారా, అమన్ మసూద్ కీలక పాత్రలు పోషిస్తున్నారు. ఈ సినిమాకు మాథ్యూ అలెక్స్ సంగీతమందిస్తున్నారు.

మెగాస్టార్ చిరంజీవి సరికొత్త అవతార ఎత్తనున్నారు. ఇప్పటి వరకు ఆయన ఎప్పుడు చేయని రోల్‌కు సిద్ధమయ్యారు. తన కెరీర్‌లో తొలిసారి అలా కనిపించేందుకు రెడీ అవుతున్నారు. ఇంతకీ అదేంటని అనుకుంటున్నారా? ప్రముఖ ఓటీటీ ఫ్లాట్‌ఫామ్ నెట్‌ఫ్లిక్స్‌ షోలో ఆయన కనిపించనున్నారు. ఓ టాక్ షోకు చిరును హోస్ట్‌గా తీసుకున్నారని టాక్ వినిపిస్తోంది. దీనిపై ఇంకా అధికారిక ప్రకటన రావాల్సి ఉంది.డిజిటల్ ప్లాట్‌ఫామ్‌లోకి అడుగుపెట్టాలని కొంతకాలంగా ఆలోచిస్తున్న చిరంజీవి.. ఈ టాక్‌ షోకు హోస్ట్‌గా చేసేందుకు ఓకే చెప్పినట్లు తెలుస్తోంది. నెట్‌ఫ్లిక్స్‌తో బిగ్‌ డీల్‌ కుదుర్చుకున్నారని సమాచారం. అయితే ఈ సెలబ్రిటీ టాక్ షో కోసం ఆయనకు భారీగా రెమ్యూనరేషన్ కూడా తీసుకోనున్నారని మరో టాక్ వినిపిస్తోంది. దీనికి సంబంధించిన అధికారిక ప్రకటన త్వరలోనే వచ్చే అవకాశముంది.​మరోవైపు మెగాస్టార్ కాకా మూవీతో బిజీగా ఉన్నారు. బాబీ డైరెక్షన్‌లో వస్తోన్న ఈ సినిమా.. ప్రస్తుతం డబ్బింగ్ పనులు జరుపుకుంటోంది. కేవీఎన్ ప్రొడక్షన్స్ నిర్మిస్తున్న ఈ సినిమా 2027 సంక్రాంతి కానుకగా విడుదల కానుంది. ఇప్పటికే రిలీజ్ కావాల్సిన విశ్వంభర వాయిదా పడుతూనే ఉంది. వశిష్ఠ దర్శకత్వంలో వస్తోన్న ఈ సినిమా విడుదల తేదీ ఇంకా ఫిక్స్ కాలేదు. ఈ చిత్రాన్ని యూవీ క్రియేషన్స్ బ్యానర్‌లో సోషియో ఫాంటసీగా తెరకెక్కించారు.

ఈ ఏడాది మా ఇంటి బంగారంతో సూపర్ హిట్‌ కొట్టిన టాలీవుడ్ బ్యూటీ సమంత. ఈ మూవీ బాక్సాఫీస్‌ వద్ద రూ.100 కోట్లకు పైగా వసూళ్లు సాధించింది. నందిని రెడ్డి దర్శకత్వం వచ్చిన ఈ లేడీ ఓరియంటెడ్ చిత్రం ఆడియన్స్ ఆదరణ దక్కించుకుంది. ముఖ్యంగా మహిళా అభిమానులు ఈ సినిమా కోసం థియేటర్లకు క్యూ కట్టారు. ఈ చిత్రంలో యాంకర్ శ్రీముఖి సైతం కీలక పాత్రలో మెప్పించింది.ఈ మూవీ సూపర్ హిట్ తర్వాత సమంత అభిమానులకు మరో గుడ్ న్యూస్ చెప్పింది. తాను ప్రెగ్నెన్సీతో ఉన్నానని ప్రకటించి డబుల్‌ సర్‌ప్రైజ్ ఇచ్చింది. ప్రస్తుతం ప్రెగ్నెన్సీ లైఫ్‌ను ఆస్వాదిస్తోంది. ఎప్పటికప్పుడు సోషల్ మీడియాలో అభిమానులతో టచ్‌లోనే ఉంటోంది. ఈ నేపథ్యంలో తాజాగా ఓ పోస్ట్ చేసింది. ఇందులో తన భర్త రాజ్ నిడిమోరుతో కలిసి పికిల్ బాల్ ఆడుతూ కనిపించింది. ఫుల్ ఎనర్జిటిక్‌గా గేమ్‌ ఆడుతూ సందడి చేసింది. గర్భంతో ఉన్న హీరోయిన్‌ సామ్ ఫిట్‌నెస్‌ విషయంలో అన్ని జాగ్రత్తలు తీసుకుంటోంది. జిమ్‌లో కష్టపడుతూ ఫిట్‌నెస్‌ కాపాడుకుంటోంది. ఈ ఫోటోలు, వీడియోలు సోషల్ మీడియాలో వైరల్‌గా మారాయి. View this post on Instagram A post shared by Samantha (@samantharuthprabhuoffl)

తెలుగు సినీ దర్శకుడు ప్రదీప్ అద్వైతం ఇంట్లో విషాదం. ఇతడి భార్య దీప్తి రెడ్డి(42) చనిపోయారు. శనివారం బ్రెయిన్ స్ట్రోక్‌కి గురైన ఈమెని హైదరాబాద్‌లోని ఓ ప్రైవేట్ ఆస్పత్రిలో చేర్పించారు. అక్కడ చికిత్స పొందుతూ ఈమె తుదిశ్వాస విడిచారు. దీంతో స్నేహితులు, పలువురు సినీ సన్నిహితులు ప్రగాఢ సానుభూతి తెలియజేశారు.'అద్వైతం' షార్ట్ ఫిల్మ్‌తో గుర్తింపు తెచ్చుకున్న ప్రదీప్.. బిల్లా రంగా, మైనే ప్యార్ కియా సినిమాలు తీశాడు. గతేడాది డిసెంబరు కాంత్ కొడుకు రోషన్ హీరోగా 'ఛాంపియన్' మూవీ తీశాడు. 'సేవ్ ది టైగర్స్' సిరీస్‌తోనూ కాస్త గుర్తింపు తెచ్చుకున్నాడు. ఈమె భార్య దీప్తిరెడ్డి.. సామాజిక కార్యకర్త, యువ పారిశ్రామితవేత్తగా గుర్తింపు తెచ్చుకున్నారు.ఇకపోతే దీప్తిరెడ్డి.. ఈ ఏడాది జూన్‌లో అవయవ దానానికి ప్రతిజ్ఞ చేశారు. ఇప్పుడు ఈమె చనిపోవడంతో కుటుంబ సభ్యులు అవయవ దానానికి సమ్మతించడంతో.. విరాట్ ఫౌండేషన్ సహకారంతో జీవన్ దాన్ ద్వారా అవసరమైన అధికారిక ప్రక్రియని వైద్యులు పూర్తిచేశారు.

సూర్య పేరుకే తమిళ హీరో కానీ తెలుగు హీరోలకు మించిన ఫాలోయింగ్ సొంతం చేసుకున్నాడు. ఇప్పటికీ ఇతడి సినిమా వస్తుందంటే చాలు చాలామంది తెలుగు ఆడియెన్స్.. థియేటర్లకు వెళ్లి మరీ సెలబ్రేట్ చేసుకుంటారు. అందుకు తగ్గట్లే ఇప్పుడు సూర్య కూడా తెలుగు ప్రజలు ఖుషీ అయిపోయే కామెంట్స్ చేశాడు. ఆతిథ్యం విషయంలో తెలుగోళ్ల సూపర్ అని కితాబు ఇచ్చేశాడు.'ఆతిథ్యం విషయంలో తమిళనాడుకు సాటిలేదని ఎప్పుడూ అనుకునేవాడిని. కానీ ఆంధ్రా-తెలంగాణలో తిరిగిన తర్వాత అక్కడి ప్రజలు.. ఆతిథ్యాన్ని ఎంత హృదయపూర్వకంగా పాటిస్తారో నాకు అర్థమైంది. వారు ఆహ్వానించే తీరు, శ్రద్ధ తీసుకునే విధానం, ప్రేమగా భోజనం పెట్టడం, మిమ్మల్ని మీ ఇంట్లో ఉన్నట్లుగా అనిపించేలా చేయడం.. నిజంగా భేష్. అది నిజంగా ఎంతో ప్రత్యేకమైన అనుభూతి. వారి ఆతిథ్యంలో ఒక ప్రత్యేకమైన ఆప్యాయత ఉంది' అని సూర్య చెప్పుకొచ్చాడు.రాజమౌళి సమర్పణలో ఇతడి కొడుకు కార్తికేయ నిర్మించిన తెలుగు సినిమా 'డోంట్ ట్రబుల్ ద ట్రబుల్'. ఫహాద్ ఫాజిల్ హీరో. శశాంత్ యేలేటి దర్శకుడు. అక్టోబరు 02న థియేటర్లలో రిలీజ్ కానుంది. దీని ప్రమోషన్లలో భాగంగానే తమిళనాడుకి వెళ్లారు. ప్రీ రిలీజ్ ఈవెంట్ కూడా నిర్వహించారు. ఈ కార్యక్రమానికి వచ్చిన సూర్య.. పై కామెంట్స్ చేశాడు. ఇప్పుడీ వీడియో సోషల్ మీడియాలో వైరల్ అవుతోంది.ఆతిథ్యం విషయంలోనే కాదు సూర్య సినిమాల విషయంలోనూ తమిళం కంటే తెలుగులోనూ ఎక్కువ ఆదరణ దక్కిన సందర్భాలు ఉన్నాయి. గతం సంగతేమో గానీ గత నెలలో ఇతడు హీరోగా చేసిన 'విశ్వనాథ్ అండ్ సన్స్' సినిమా వచ్చింది. తెలుగు దర్శకుడు వెంకీ అట్లూరి, నిర్మాత నాగవంశీ తీసినప్పటికీ దీనిని తమిళ చిత్రంగానే ప్రమోట్ చేశారు. కానీ అక్కడ ఎవరూ పెద్దగా చూడలేదు. తెలుగులోనూ హిట్ టాక్‌తో పాటు కలెక్షన్స్ కూడా రావడం విశేషం.#Suriya Says Tamilian’s Can’t Match Telugu People’s Unconditional Hospitality:“There is a word called Virundhombal (Hospitality). I thought Tamil Nadu was the best in Hospitality, but I learned it only after going to Andhra/Telangana. Their hospitality can’t match ours, they… pic.twitter.com/LFBaqLxGn7— cinee worldd (@Cinee_Worldd) September 27, 2026

తెలుగు రాష్ట్రాల్లో వినాయక చవితి సందడి గత రెండు వారాలుగా కనిపించింది. పిల్లల నుంచి పెద్దోళ్ల వరకు అంతా బాగా ఎంజాయ్ చేశారు. అదే టైంలో వీటి వల్ల ఇబ్బంది పడినవాళ్లు కూడా ఉండే ఉంటారు. కొన్నిరోజుల క్రితం ఈ సమస్యపై స్పందించిన పవన్ కల్యాణ్ మాజీ భార్య రేణు దేశాయ్.. రాత్రిపూట నిమజ్జనాలు ఎందుకు? సాయంత్రం 6-7 గంటల్లోపు చేసుకోవచ్చుగా అని సలహా ఇచ్చింది. ఇప్పుడు అల్లు అర్జున్ సోదరుడు శిరీష్ కూడా ఇదే వినాయక చవితి వల్ల ఇబ్బంది ఎదుర్కొంటున్నాడు. ఈ క్రమంలోనే పోలీసులకు ఫిర్యాదు కూడా చేశాడు.'గౌరవనీయులైన హైదరాబాద్ పోలీసుల్లారా.. నేను షేక్‌పేటలోని అపర్ణా వన్ అపార్ట్‌మెంట్‌లో ఉంటున్నాను. గత కొన్నిరోజుల నుంచి వినోభానగర్‌లోని హనుమాన్ ఆలయంలో అర్థరాత్రి వరకు పెద్ద శబ్దాలతో సంగీతాన్ని పెడుతూ స్థానికులకు తీవ్ర ఇబ్బందులు కలిగిస్తున్నారు. రాత్రి 2–3 గంటల వరకు ఇది ఉంటోంది. ఈ విషయంపై గతంలోనే ఫిల్మ్‌నగర్ పోలీస్ స్టేషన్‌లో ఫిర్యాదు చేశాను. గణేశ్ నిమజ్జనం నేపథ్యంలో సెప్టెంబర్ 25 వరకు సహకరించాలని పోలీసులు నాకు సూచించారు. నిమజ్జనం పూర్తయినప్పటికీ శబ్ద కాలుష్యం మాత్రం ఆగడం లేదు. అర్ధరాత్రి వరకు ఉంటున్న అధిక శబ్దాల కారణంగా అపార్ట్‌మెంట్‌లోని వృద్ధులు, చిన్నారులు, ఉద్యోగులు తీవ్ర అసౌకర్యానికి గురవుతున్నారు. గతంలోనూ పలుమార్లు ఫిర్యాదులు చేసినా సమస్యకు పరిష్కారం లభించలేదు. శబ్ద కాలుష్య నిబంధనలని పరిశీలించి, రాత్రి వేళల్లో ఇలాంటి శబ్దాలతో ఇబ్బంది కలగకుండా తగిన చర్యలు తీసుకోవాలని హైదరాబాద్ సిటీ పోలీసులను కోరుతున్నా' అని శిరీష్ తన ట్వీట్‌లో రాసుకొచ్చాడు.శిరీష్ కెరీర్ విషయానికొస్తే.. 'గౌరవం' సినిమాతో హీరోగా ఇండస్ట్రీలోకి వచ్చాడు. తర్వాత చాలానే సినిమాలు చేశాడు గానీ 'శ్రీరస్తు శుభమస్తు' లాంటి ఒకటి రెండు మూవీస్ తప్పితే చెప్పుకోదగ్గ గుర్తింపు రాలేదు. చివరగా 'బడ్డీ'లో కనిపించాడు. ఈ ఏడాది మార్చిలో నయనిక రెడ్డిని పెళ్లి చేసుకుని ఓ ఇంటివాడయ్యాడు.Respected @hydcitypolice . I'm a resident of Aparna One, Shaikpet. For the last few days the Hanuman temple at Vinobha Nagar is playing loud music, beyond allowed decibels till night 2/3am. I complained the Film Nagar PS.They asked us to bear till 25th Sept as its Ganesh… pic.twitter.com/ggJp4U4hdU— Allu Sirish (@AlluSirish) September 27, 2026

శాంతి కుమార్ చిలుముల, రామానుజ రెడ్డి వంగపాటి నిర్మాణంలో శాంతి కుమార్ చిలుముల దర్శకత్వం వహించిన సినిమా ‘321’. మోహిత్, లావణ్య జంటగా నటించారు. షూటింగ్ రీసెంట్‌గానే పూర్తయింది. ఈ చిత్రాన్ని అక్టోబర్ చివరి వారంలో రిలీజ్ చేయాలనుకుంటున్నారు. ఈ క్రమంలోనే తొలి పాట రిలీజ్ చేశారు.‘నను తాకిన’ అంటూ సాగే సాంగ్ వదిలారు. అమ్మాయి, అబ్బాయి మధ్య ఉండే ప్రేమని ఇందులో చూపించారు. త్వరలో మరిన్ని అప్‌డేట్స్ పంచుకోనున్నారు.

నాని హీరోగా వచ్చిన లేటేస్ట్ యాక్షన్‌ మూవీ ది ప్యారడైజ్‌. ఈ సినిమాకు శ్రీకాంత్ ఓదెల దర్శకత్వం వహించారు. దసరా కాంబోలో వచ్చిన ఈ మూవీ.. అభిమానుల భారీ అంచనాల మధ్య సెప్టెంబర్‌ 24న ప్రపంచవ్యాప్తంగా థియేటర్లలో విడుదలైంది. ఈ సినిమాకు తొలిరోజే మిక్స్‌డ్ టాక్‌ వచ్చింది. అయినప్పటికీ వసూళ్లుపరంగా బాక్సాఫీస్ వద్ద దూసుకెళ్తోంది. ఈ చిత్రం టాక్ ఎలా ఉన్నప్పటికీ.. కేసీఆర్, ఎన్టీఆర్‌ పాత్రలు ఆడియన్స్‌ను ఆకట్టుకున్నాయి.ఈ మూవీలోని కేసీఆర్‌ రోల్‌ చూసేందుకు ఆయన అభిమానులు సైతం థియేటర్లకు క్యూ కడుతున్నారు. తాజాగా ఈ చిత్రాన్ని కేసీఆర్ తనయుడు, మాజీ మంత్రి కేటీఆర్ స్వయంగా థియేటర్‌కు వెళ్లి వీక్షించారు. సినిమా చూశాకా కేటీఆర్‌ ట్వీట్‌ చేశారు. ఈ సినిమా అస్తిత్వం కోసం ఆరాటం.. అణిచివేతపై పోరాటమని కొనియాడారు. సందర్భం వస్తే గడ్డిపోచలు కూడా గడ్డపారలుగా మారుతాయనే సందేశాన్ని అందించిన తమ్ముడు శ్రీకాంత్ ఓదెలకి హృదయపూర్వక అభినందనలు తెలిపారు. అలాగే కథానాయకుడి పాత్రలో జీవించిన మిత్రుడు నానికి మనస్ఫూర్తిగా శుభాకాంక్షలు.. తమ్ముడు ప్రియదర్శి కి ప్రత్యేక అభినందనలు అంటూ ప్రశంసించారు. చావు నోట్లో తల పెట్టయినా…మీకు గుర్తింపు తెస్తా అంటూ సినిమాలోని కేసీఆర్‌ డైలాగ్‌ను రాసుకొచ్చారు. ఈ చిత్రాన్ని కేటీఆర్‌తో పాటు మాజీమంత్రులు జగదీశ్ రెడ్డి, తలసాని శ్రీనివాస్ యాదవ్ కూడా వీక్షించారు. View this post on Instagram A post shared by KTR (@ktrtrs) అస్థిత్వం కోసం ఆరాటం, అణిచివేత పై పోరాటం.సందర్భం వస్తే గడ్డిపోచలు కూడా గడ్డపారలుగా మారుతాయి అనే సందేశాన్ని అందించిన తమ్ముడు శ్రీకాంత్ ఓదెల కి హృదయపూర్వక అభినందనలు కథానాయకుడి పాత్రలో జీవించిన మిత్రుడు నానికి మనస్ఫూర్తిగా శుభాకాంక్షలు. తమ్ముడు ప్రియదర్శి కి ప్రత్యేక అభినందనలు…— KTR (@KTRBRS) September 26, 2026

ఎయిర్‌హోస్టెస్‌గా ఆకాశంలో చక్కర్లు కొట్టే అమ్మాయి, కెమెరా ముందు నిలబడి చప్పట్లను వింటోంది. ఒకే ఒక్క ఇన్‌స్టాగ్రామ్‌ ఫొటోతోనే సినీ అవకాశం దక్కించుకున్న నటి రాశి సింగ్‌ చెబుతున్న తన సినీప్రయాణ విషయాలన్నీ ఆమె మాటల్లోనే మీకోసం...కెమెరా కోసమే పుట్టాను!ఛత్తీస్‌గఢ్‌లో పుట్టి, ఢిల్లీలో డిగ్రీ చేసిన వెంటనే, ఎయిర్‌హోస్టెస్‌గా పనిచేశాను. ఫ్యాషన్‌ ఇండస్ట్రీలో స్థిరపడాలన్నది నా కోరిక. అందుకే, ఉద్యోగం చేస్తూనే మోడలింగ్‌ చేసేదాన్ని. ఒకసారి నా ఫొటోలు ఇన్‌స్టాగ్రామ్‌లో చూసిన ఓ సినిమా మేనేజర్‌ నన్ను సంప్రదించారు. అలా సినిమాల్లోకి వచ్చేశాను. నిజం చెప్పాలంటే, కెమెరా ముందు నిలబడటం నాకు ఎప్పుడూ కొత్తగా అనిపించలేదు. నేను కెమెరా కోసమే పుట్టానేమో అనిపిస్తుంది!సెట్లో డ్యూటీ కష్టం!ఎయిర్‌హోస్టెస్‌గా పనిచేసినప్పుడు నా పని కష్టమే అనుకున్నాను. కానీ సినిమాల్లోకి వచ్చాక అసలు పరీక్ష ఏంటో తెలిసింది! ఒక్కోసారి పద్దెనిమిది నుంచి ఇరవై గంటలు షూటింగ్‌ చేయాల్సి వస్తుంది. రాత్రంతా షూటింగ్‌ చేసి, మళ్లీ ఉదయాన్నే సెట్‌కు వెళ్లిన సందర్భాలూ ఉన్నాయి. మొదట్లో ఇవన్నీ చూసి షాక్‌ అయ్యేదాన్ని. కానీ కెమెరా ముందుకొచ్చిన వెంటనే ఆ అలసట అంతా ఎక్కడికో వెళ్లిపోతుంది.వైరల్‌ అవ్వడం ఓ పని!నా ఎక్స్‌ప్రెషన్స్‌ గురించి చాలామంది మాట్లాడుతుంటారు. ఈ మధ్య ఫంక్షన్స్, ప్రమోషన్స్‌లో నా రియాక్షన్స్‌ వైరల్‌ అవుతుంటే నవ్వొస్తుంది. నేను ఏదైనా సీరియస్‌గా చూస్తుంటే అది కూడా మీమ్స్‌కు మెటీరియల్‌ అయిపోతుంది! అలా నాకు వైరల్‌ గర్ల్‌ అనే పేరు రావడం కాస్త సరదాగానే అనిపిస్తుంది.చలిలో.. చాలెంజింగ్‌!‘రంభ ఊర్వశి మేనక’ షూటింగ్‌ నాకు చాలా చాలెంజింగ్‌గా అనిపించింది. రాత్రి వేళల్లో షూట్‌ చేశాం. ఉష్ణోగ్రత ఆరు నుంచి ఏడు డిగ్రీలకు పడిపోయేది. అంత చలిలోనూ భారీ కాస్ట్యూమ్స్, నగలు వేసుకుని పనిచేయాలి. కొన్ని కాస్ట్యూమ్స్‌ అయితే చాలా క్లిష్టంగా ఉండేవి. వాటిని చూసుకోవడానికి ఏకంగా ముగ్గురు అవసరమయ్యేవారు!తగ్గిన బరువు... పెరిగిన టెన్షన్‌!కొన్ని పాత్రల కోసం నా లుక్‌ పూర్తిగా మార్చుకోవాల్సి వచ్చింది. అందులో భాగంగా బరువు కూడా తగ్గాను. బయటికి చూస్తే గ్లామరస్‌గా కనిపిస్తాను. కానీ దాని వెనుక డైట్, వర్కౌట్, క్రమశిక్షణ చాలా ఉంటాయి. ఒక పాత్ర కోసం మన శరీరాన్నే మార్చుకోవడం అంత ఈజీ కాదు.నా పని నాదే!ఇండస్ట్రీలో రాజకీయాలు, గ్రూపిజం ఉన్నాయా అంటే ఉన్నాయనే చెబుతాను. కొందరు తమకు దగ్గరగా ఉన్న వాళ్లకే అవకాశాలు వచ్చేలా ప్రయత్నిస్తారు. దాని వల్ల కొన్ని అవకాశాలు మన చేతి నుంచి వెళ్లిపోవచ్చు. కానీ నేను వాటి గురించి ఎక్కువగా ఆలోచించను.నా కలల హీరో!నాకు ఇష్టమైన హీరోల్లో అల్లు అర్జున్‌ ఒకరు. ఆయనతో కలిసి పనిచేయాలన్నది నా డ్రీమ్‌. ఆయన స్క్రీన్‌ ప్రెజెన్స్, డ్యాన్స్‌, నటన అన్నీ నాకు చాలా ఇష్టం. ఎప్పుడైనా ఆయనతో కలిసి నటించే అవకాశం వస్తే అసలు వదులుకోను. అలాగే, ఇంకా ఎన్నో రకాల పాత్రలు చేయాలి.ఇదీ చదవండి: అమ్మానాన్నల కోసం కార్పొరేట్‌ ఉద్యోగం వదులుకొని!

డాక్టర్‌ నుంచి యాక్టర్‌ అయిన హీరోయిన్‌గా ఎంట్రీ ఇచ్చిన బ్యూటీ శ్రీలీల. తెలుగులో పెళ్లి సందడి చిత్రంతో ఎంట్రీ ఇచ్చి ఈ కన్నడ బ్యూటీ తొలి చిత్రంతోనే తన అందం, డాన్స్‌లతో ఆకట్టుకుంది. ఆ తరువాత చిన్న గ్యాప్‌ వచ్చినా, ధమాకా చిత్రంలో రవితేజతో జత కట్టి మంచి హిట్‌ను తన ఖాతాలో వేసుకుంది. ఆ తర్వాత ప్రిన్స్ మహేష్‌ బాబు వంటి స్టార్‌ హీరోలతో జత కట్టే అవకాశాలను అందుకున్నారు. అదేవిధంగా ప్రత్యేక పాటల్లోనూ నటిస్తూ తన క్రేజ్‌ పెంచుకుంది. దీంతో ఈ ముద్దుగుమ్మకు ఇతర భాషా చిత్రాల్లోనూ నటించే ఛాన్స్‌లు వస్తున్నాయి.ఈ ఏడాది పరాశక్తి చిత్రంతో కోలీవుడ్‌లో ఎంట్రీ ఇచ్చిన.. శ్రీలీల నటిగా మంచి మార్కులు కొట్టేశారు. ప్రస్తుతం ధనుశ్‌కు జంటగా ఓం చిత్రంలో నటిస్తున్నారు. ఈ చిత్రంపై చాలా ఆశలు పెట్టుకుంది. ఏ భాషలో నటించినా ఆ భాషాకు చెందిన అభిమానులను ఆకట్టుకోవాలని అంటోంది శ్రీలీల. ఇటీవల ఇంటర్వ్యూలో ఈ విషయాన్ని పంచుకుంది. నేను తెలుగులో అదే చేశానని.. ఇప్పుడు తమిళ సినీ అభిమానులపై గురి పెట్టానని తెలిపింది. కచ్చితంగా నేను తమిళ ప్రేక్షకుల మనసుల్లో చోటు సంపాదించుకుంటానని శ్రీలీల అన్నారు. ప్రస్తుతం శ్రీలీల చేసిన కామెంట్స్‌ సామాజిక మాధ్యమాల్లో వైరల్‌గా మారాయి.

ఈ వీకెండ్ బిగ్‌బాస్‌ ఎపిసోడ్‌ మరింత రసవత్తరంగా సాగింది. నాగార్జున వచ్చే ఈ ఎపిసోడ్‌లో ఒకరిపై ఒకరు చేసుకునే విమర్శలు బయటికొస్తాయి. ‍అలా ప్రతి కంటెస్టెంట్‌ చేసిన తప్పులన్నీ ఈ వీకెండ్‌ షోలో నాగ్‌ బయటపెట్టడమే కాదు.. వారికి వార్నింగ్ కూడా ఇస్తుంటారు. అలాంటిది ఈ వారాంతంలో నాగార్జున్‌ కంటెస్టెంట్సకు బిగ్‌ సర్‌ప్రైజ్ ఇచ్చాడు. ప్రస్తుతం హౌస్‌లో టెంప్టేషన్‌ వర్సెస్‌ టెన్షన్‌ గేమ్ కొనసాగుతోంది. ఈ క్రమంలోనే హౌస్‌మేట్స్‌కు నాగార్జున ఊహించని సర్‌ప్రైజ్‌ ఇచ్చాడు. డబ్బులు ఆఫర్‌ చేసి కంటెస్టెంట్స్‌ను టెంప్టింగ్‌ చేశాడు.ఈ ఆఫర్‌ను చాలామంది కంటెస్టెంట్స్ తిరస్కరించారు. కానీ వైల్డ్ కార్డ్‌ ఎంట్రీగా వచ్చిన మిథిలేశ్‌ చేయి ఎత్తి తాను తీసుకుంటానని ముందుకొస్తాడు. దీంతో అతనికి.. కంటెస్టెంట్లకు మధ్య మినీ వార్ నడుస్తుంది. అదే సమయంలో నువ్వు బిగ్‌బాస్‌ హౌస్‌కి సెట్‌ కావ్.. వెళ్లు అని సూట్‌కేస్‌ ఇచ్చేస్తాడు. మరి మిథిలేశ్‌ ఆ రూ.15 లక్షలతో బయటికెళ్లాడా? లేదా అన్నది ఈ వీకెండ్‌ ఎపిసోడ్ హైలెట్స్‌లో చూసేద్దాం.వైల్డ్ కార్డ్‌గా వచ్చిన మిథిలేశ్..ఈ వారంలో అపూర్వ, మిథిలేశ్ వైల్డ్ కార్డ్ కంటెస్టెంట్స్‌గా బిగ్ బాస్ ఇంట్లో అడుగుపెట్టిన సంగతి తెలిసిందే. దీంతో ఈ వీక్‌ బిగ్‌బాస్‌ మరింత ఆసక్తికరంగా మారింది. మొదట ఈ వారంలో హౌస్‌మేట్స్‌ వ్యవహరించిన తీరుపై నాగ్‌ ప్రశ్నలవర్షం కురిపించారు. రూ.15 లక్షల ఆఫర్‌..ఈ వీకెండ్‌లో సందీప్, డైరెక్టర్ జాసన్ సంజయ్ ఎంట్రీ ఇచ్చారు. సిగ్మా ప్రమోషన్లలో భాగంగా ఈ షోకు వచ్చారు. . హీరో సందీప్, హీరో త్రిగుణ్ మంచి ఫ్రెండ్స్ కావడంతో సరదాగా మాట్లాడుకున్నారు. త్రిగుణ్ లవ్‌ స్టోరీ గురించి సందీప్‌ చెబుతూ ఆట పట్టించాడు. తర్వాత నాగ్ 16 మంది కంటెస్టెంట్స్‌ ముందు ఓ సూట్‌కేస్ పెట్టి అందులో మూడో వారంలోనే అందులో డబ్బు తీసుకొని మీరు వచ్చేయొచ్చని బిగ్‌ ఆఫర్ ఇస్తాడు. మొదట ఆ సూట్‌కేస్‌లో రూ.5 లక్షలు ఉన్నాయి? ఎవరు తీసుకుంటారని అడుగుతారు.. ఎవరు కూడా స్పందించరు. ఆ తర్వాత అమౌంట్‌ను పది లక్షలకు పెంచేస్తాడు. ఎవరు కూడా రెస్పాండ్ కాకపోవడంతో ఆ ‍అమౌంట్‌ను రూ.15 లక్షలకు పెంచేస్తాడు. ఈ డబ్బులకు టెంప్ట్ అయిన మిథిలేశ్ నేను తీసుకుంటానని చేయి పైకెత్తి రెడీ అయిపోతాడు.మిథిలేశ్‌కు నాగ్‌ ట్విస్ట్‌..ఆ సూట్‌ కేస్ తీసుకోవడానికి రెడీ అయిన మిథిలేశ్‌కు నాగ్‌ ఓ ట్విస్ట్ ఇస్తాడు. అయితే ఆ డబ్బు మీ ప్రైజ్ మనీ నుంచి కట్ అవుతుందని చెప్తాడు. కానీ అతన్ని బయటికెళ్లకుండా ఒప్పించాలని కంటెస్టెంట్లకు నాగ్ చిన్న పరీక్ష పెడతాడు. ఆ తర్వాత అతన్ని ఆపేందుకు కంటెస్టెంట్స్ ప్రయత్నిస్తారు. కానీ చివరికీ మిథిలేశ్‌ నువ్వు బిగ్‌బాస్‌కి పనికిరావు.. డబ్బు తీసుకొని వెళ్లిపోని అని రాంప్రసాద్ కాస్తా ఆగ్రహంగానే చెప్తాడు. కానీ ఇంట్లో ఎక్కువ మందిని ఒప్పించి సూట్‌కేస్ తీసుకోమని అంటారు. దీంతో ఎక్కువమందిని ఒప్పించిన మిథిలేశ్‌ రూ.15 లక్షల సూట్‌కేస్‌తో బయటకు వస్తాడు. దీంతో వీకెండ్‌ ఎపిసోడ్‌ ముగుస్తుంది.

ఇండస్ట్రీలో రెమ్యునరేషన్ల విషయంలో ఎంత రచ్చ జరుగుతూ ఉంటుందో ప్రత్యేకంగా చెప్పనక్కర్లేదు. స్టార్స్ దగ్గర నుంచి చిన్న చిన్న ఆర్టిస్టులకు ఇవ్వాల్సిన పారితోషికాల్ని కొందరు నిర్మాతలు ఎగ్గేస్తుంటారు. కానీ ఒకప్పటి హీరోయిన్ లయకు మాత్రం ఓ దర్శకుడు.. పెళ్లి బహుమతిలా పారితోషికాన్ని ఇచ్చాడు. అయితే ఆయన అలా ఎందుకు చేయాల్సి వచ్చిందో తాజాగా ఓ ఇంటర్వ్యూలో లయ చెప్పుకొచ్చింది.(ఇదీ చదవండి: చిరంజీవి అన్నీ చూస్తున్నారు.. కానీ ఇలా మాట్లాడుతారనుకోలేదు)'నా పెళ్లి రిసెప్షన్‌కి పిలిస్తే చాలా పెద్ద డైరెక్టర్ ఒకరు రాలేకపోయారు. ఒక గిఫ్ట్‌లా ఏదో పార్సిల్ పంపిస్తే ఏదో గిఫ్ట్‌లే అనుకున్నాను. తెరిచి చూస్తే డబ్బులున్నాయి. అంత డబ్బులు ఎందుకు పంపిస్తారు ఎవరైనా? అని చూస్తే అందులో ఓ లెటర్ ఉంది. అమ్మా నేను నీకు ఇవ్వాల్సిన రెమ్యునరేషన్ ఇది. అప్పుడు ఇవ్వలేకపోయాను. కనీసం నీ పెళ్లి టైంలో అయినా ఇస్తున్నాను. ఇదే నీ గిఫ్ట్ అనుకో. దీవెనలు అనుకో అని రాసిస్తే నేను షాకైపోయాను. అసలు నేను అడగలేదు. పోయిందనే అనుకున్నాను. ఆయన ఇవ్వాల్సిన అవసరం లేదు. వదిలేసుకున్నాను కదా. ఆల్రెడీ అది జరిగి మూడు నాలుగేళ్లు అయిపోయింది. నేను పెళ్లి చేసుకుని వెళ్లిపోతున్నాను. ఇక నాతో ఆయనకు అసలు పనిలేదు. ఆయనంతట ఆయనే ఫీలై ఆయన దగ్గర అప్పుడు డబ్బులుండి.. అయ్యో అమ్మాయికి ఇవ్వలేదు. కాబట్టి నేను ఇస్తాననేది మంచి విషయమే కదా' అని లయ చెప్పుకొచ్చింది.అయితే లయ ప్రస్తావించిన విషయంలోని దర్శకుడు కె.విశ్వనాథ్ అని తెలుస్తోంది. 2004లో ఈయన దర్శకత్వంలో వచ్చిన 'స్వరాభిషేకం'లో లయ హీరోయిన్‌గా చేసింది. షూటింగ్ టైంలో ఇవ్వలేకపోయిన మిగిలిన పారితోషికాన్ని.. 2006లో లయ పెళ్లి చేసుకున్న టైంలో పూర్తిగా ఇచ్చేసినట్లు తెలుస్తోంది.(ఇదీ చదవండి: ఓటీటీలోకి సూపర్‌స్టార్ కూతురి లవ్‌స్టోరీ.. ట్రైలర్ రిలీజ్) View this post on Instagram A post shared by Unfilterd. by chakry (@unfilterdbychakry)

సినిమా అనేది రంగుల ప్రపంచమే కాదు, అద్దాల మేడ లాంటిది కూడా. అందులో ఉన్న వాళ్లపై పువ్వులే కాదు ఒక్కోసారి రాళ్లు కూడా పడతాయి. విమర్శలు రాళ్ల కంటే గట్టిగా హృదయాలని తాకుతాయి. హీరోయిన్ పూజా హెగ్డే ఇదే అభిప్రాయాన్ని వ్యక్తం చేసింది. పది పన్నెండేళ్ల క్రితం తమిళ సినిమాతో దక్షిణాదిలోకి ఎంట్రీ ఇచ్చిన ఈ బ్యూటీ.. తర్వాత టాలీవుడ్‌, బాలీవుడ్‌ చిత్రాల్లోనూ నటిస్తూ పాన్‌ ఇండియా వైడ్ గుర్తింపు తెచ్చుకుంది. తెలుగులో క్రేజీ కథానాయకిగా వెలిగింది. తర్వాత వరస ప్లాప్స్ దెబ్బకు డీలా పడిపోయింది.ప్రస్తుతం ఈమెకు దక్షిణాదిలో అవకాశాలు తగ్గిపోయాయి. దుల్కర్‌ సల్మాన్‌కు జంటగా నటించిన శ్రీ శ్రీ చిత్రం నవంబరులో థియేటర్లలో రిలీజ్ కానుంది. అయితే ఈ బ్యూటీపై రూమర్స్ బాగానే వస్తున్నాయి. ఈ క్రమంలోనే ఈ విషయమై స్పందించిన పూజా హెగ్డే.. ఒక్కోసారి నా గురించి వచ్చే వదంతులకు కోపమొస్తుంది. అదే టైంలో నవ్వూ వస్తుంది. నాకే తెలియని విషయాలు ఇతరులకు ఎలా తెలుస్తాయో అర్థం కావడం లేదు. నాకు సంబంధం లేని విషయాలు ఎక్కడి నుంచి పుడుతున్నాయో అని ఆశ్చర్యం కలుగుతుంది. అందుకే అలాంటి వాటి గురించి పట్టించుకోవడం మానేశాను. అలాంటివన్నీ అధిగమించి పోవాల్సిందే అని చెప్పుకొచ్చింది.