India vs West Indies

సొంతగడ్డపై టీమిండియాతో టీ20 సిరీస్‌లో వరుస పరాజయాల తర్వాత న్యూజిలాండ్‌ ఎట్టకేలకు గెలుపు బోణీ కొట్టింది. ఆక్లాండ్‌ వేదికగా శుక్రవారం నాటి నాలుగో టీ20లో కివీస్‌ ఘన విజయం సాధించింది. భారత జట్టుపై ఏకంగా 87 పరుగుల తేడాతో జయభేరి మోగించింది.గ్లెన్‌ ఫిలిప్స్‌ విధ్వంసకర శతకంఈడెన్‌ పార్క్‌ వేదికగా టాస్‌ గెలిచిన టీమిండియా తొలుత బౌలింగ్‌ ఎంచుకోగా.. న్యూజిలాండ్‌ బ్యాటింగ్‌కు దిగింది. గ్లెన్‌ ఫిలిప్స్‌ విధ్వంసకర శతకం (49 బంతుల్లో 107; 6 ఫోర్లు, 10 సిక్సర్లు) బాదగా.. మైకేల్‌ బ్రేస్‌వెల్‌ మెరుపు అర్ధ శతకం (25 బంతుల్లో 65) సాధించాడు.Glenn Phillips takes the aerial route, sending four consecutive deliveries sailing over the ropes! 💥 Watch the HERO VIDA India Tour of New Zealand, 4th T20I, LIVE NOW on Sony Sports Network TV channels, Sony LIV & Sony Vizha. #SonySportsNetwork #SonyLIV #SonyVizha #NZvIND https://t.co/Pi01EhHJvG— Sony Sports Network (@SonySportsNetwk) October 30, 2026259 పరుగుల భారీ స్కోరుఫలితంగా నిర్ణీత 20 ఓవర్లలో కివీస్‌ ఏడు వికెట్ల నష్టానికి ఏకంగా 259 పరుగుల భారీ స్కోరు సాధించింది. తద్వారా అంతర్జాతీయ టీ20 ఫార్మాట్లో టీమిండియాపై అత్యధిక స్కోరు నమోదు చేసిన జట్టుగా ప్రపంచ రికార్డు నెలకొల్పింది. అంతకు ముందు ఈ రికార్డు ఇంగ్లండ్‌ పేరిట ఉండేది. ఇటీవల సౌతాంప్టన్‌లో జరిగిన టీ20 సందర్భంగా భారత్‌పై ఇంగ్లండ్‌ 257/3 స్కోరు నమోదు చేసింది.ఇక మ్యాచ్‌ విషయానికొస్తే.. న్యూజిలాండ్‌ విధించిన 260 పరుగుల భారీ లక్ష్యాన్ని ఛేదించలేక భారత బ్యాటర్లు చేతులెత్తేశారు. ఫలితంగా టీమిండియా 87 పరుగుల తేడాతో చిత్తుగా ఓడిపోయింది. తద్వారా ఐదు మ్యాచ్‌ల సిరీస్‌లో కివీస్‌ టీమిండియా ఆధిక్యాన్ని 3-1కు తగ్గించింది. భారత బ్యాటర్లలో తిలక్‌ వర్మ (35) టాప్‌ రన్‌ స్కోరర్‌గా నిలిచాడు. కివీస్‌ పేసర్‌ జేకబ్‌ డఫీ నాలుగు వికెట్లతో చెలరేగి టీమిండియాను దెబ్బకొట్టాడు.అంతర్జాతీయ టీ20లలో టీమిండియాపై అత్యధిక స్కోర్లు సాధించిన జట్లు ఇవే👉న్యూజిలాండ్‌- 2026లో ఆక్లాండ్‌ వేదికగా 259/7 👉ఇంగ్లండ్‌- 2026లో సౌతాంప్టన్‌ వేదికగా 257/3👉వెస్టిండీస్‌- 2026లో రాంచి వేదికగా 252/4👉వెస్టిండీస్‌- 2026లో హైదరాబాద్‌ వేదికగా 247/3👉ఇంగ్లండ్‌- 2026లో వాంఖడే వేదికగా 246/7👉వెస్టిండీస్‌- 2016లో లాడర్‌హిల్‌ వేదికగా 245/6.చదవండి: IND vs NZ: అర్ష్‌దీప్‌ సింగ్‌ ప్రపంచ రికార్డు

వెస్టిండీస్‌తో జరిగిన ఐదు మ్యాచ్‌ల టీ20 సిరీస్‌లో అద్భుతంగా రాణించిన భారత కెప్టెన్ శ్రేయస్ అయ్యర్‌కు ప్రత్యేక అవార్డు లభించింది. ఈ సిరీస్‌లో బ్యాటింగ్‌తో పాటు నాయకత్వంలోనూ ఆకట్టుకున్న అతడికి టీమిండియా మేనేజ్‌మెంట్‌ ‘ఇంపాక్ట్ ప్లేయర్ ఆఫ్ ది సిరీస్’ అవార్డును అందించింది.సిరీస్ ముగిసిన తర్వాత డ్రెస్సింగ్ రూమ్‌లో నిర్వహించిన కార్యక్రమంలో శ్రేయస్‌కు ఈ అవార్డును అందించారు. భారత జట్టు ట్రైనింగ్ అసిస్టెంట్ నువాన్ సేనవిరత్నే శ్రేయస్‌ ప్రదర్శనను ప్రశంసిస్తూ ఈ అవార్డును అందజేశాడు.తొలి మ్యాచ్‌లో సెంచరీఈ సిరీస్‌లో శ్రేయస్ అయ్యర్ ఐదు ఇన్నింగ్స్‌ల్లో మొత్తం 181 పరుగులు చేశాడు. లక్నోలో జరిగిన తొలి టీ20లో కేవలం 43 బంతుల్లోనే అజేయమైన 102 పరుగులు చేసి జట్టు విజయంలో ప్రధానపాత్ర పోషించాడు. ఈ సెంచరీ శ్రేయస్‌కు అంతర్జాతీయ టీ20ల్లో మొదటిది. ఈ సెంచరీతో అతడు మూడు ఫార్మాట్లలోనూ సెంచరీలు సాధించిన ఏడో భారత ఆటగాడిగా నిలిచాడు.అనంతరం రాంచీలో జరిగిన రెండో మ్యాచ్‌లోనూ శ్రేయస్‌ రాణించాడు. ఆ మ్యాచ్‌లో 18 బంతుల్లో 3 ఫోర్లు, 3 సిక్సర్ల సాయంతో 40 పరుగులు చేశాడు. ఆతర్వాత శ్రేయస్‌ మూడు, నాలుగు టీ20ల్లో పెద్దగా ఆకట్టుకోలేకపోయినా, బెంగళూరులో జరిగిన చివరి టీ20లో తిరిగి టచ్‌లోకి వచ్చాడు. ఈ మ్యాచ్‌లో అతడు 14 బంతుల్లో 22 పరుగులు చేశాడు.కాగా, నిన్న జరిగిన సిరీస్‌ నిర్ణయాత్మక ఐదో టీ20 వర్షం కారణంగా రద్దు కావడంతో సిరీస్‌ 2-2తో సమమైన విషయం తెలిసిందే. శ్రేయస్‌ భారత్‌ను 1, 3 మ్యాచ్‌ల్లో గెలిపించగా.. విండీస్‌ రెండు, నాలుగు టీ20ల్లో విజయం సాధించింది. సిరీస్‌లో రెండు సెంచరీలు, ఓ హాఫ్‌ సెంచరీ చేసిన విండీస్‌ కెప్టెన్‌ షాయ్‌ హోప్‌ ప్లేయర్‌ ఆఫ్‌ ద సిరీస్‌ అవార్డు గెలుచుకున్నాడు.ఇదీ చదవండి: వర్షం కారణంగా భార‌త్‌-వెస్టిండీస్ ఐదో టీ20 రద్దు

భారత్‌-విండీస్‌ మధ్య ఐదో టీ20 వర్షం కారణంగా రద్దు అయింది. బెంగ‌ళూరు వేదిక‌గా భార‌త్‌-వెస్టిండీస్ మ‌ద్య జ‌ర‌గాల్సిన ఐదో టీ20 వర్షార్పణమైంది. దీంతో ఐదు మ్యాచ్‌ల టీ20 సిరీస్ 2-2తో సమంగా ముగిసింది. ట్రోఫీని ఇరు జట్లు సంయుక్తంగా పంచుకున్నాయి. కాగా తొలుత వర్షం కారణంగా మ్యాచ్‌ను తొలుత తొమ్మిది ఓవర్లకు కుదించారు. టాస్ ఓడి బ్యాటింగ్‌కు దిగిన భారత్ నిర్ణీత 7.4 ఓవర్లలో 5 వికెట్ల నష్టానికి 118 పరుగుల భారీ స్కోరు సాధించింది. ఈ దశలో మళ్లీ వర్షం కురవడంతో ఆటను నిలిపివేశారు. వర్షం ఆగితే కనీసం ఐదు ఓవర్ల ఆటనైనా జరుగుతుందని అభిమానులు భావించారు. కానీ వర్షం తగ్గముఖం పట్టే సూచనలు కనిపించకపోవడంతో అంపైర్లు మ్యాచ్‌ను రద్దు చేస్తున్నట్లు ప్రకటించారు.5 ఓవర్ల తర్వాత భారత్‌ స్కోర్‌ 73-3తిలక్‌ వర్మ2 , శ్రేయస్‌ అయ్యర్‌ 10మూడో వికెట్‌ కోల్పోయిన భారత్‌4.1 ఓవర్‌- 66 పరుగుల వద్ద భారత్‌ మూడో వికెట్‌ కోల్పోయింది. స్ప్రింగర్‌ బౌలింగ్‌లో సంజూ శాంసన్‌ (16) క్లీన్‌ బౌల్డ్‌ అయ్యాడు. 4 ఓవర్ల తర్వాత భారత్‌ స్కోర్‌ 66-2సంజూ శాంసన్‌ 16, శ్రేయస్‌ అయ్యర్‌ 63 ఓవర్ల తర్వాత భారత్‌ స్కోర్‌ 56-2సంజూ శాంసన్‌ 11, శ్రేయస్‌ అయ్యర్‌ 1రెండో వికెట్‌ కోల్పోయిన భారత్‌2.3వ ఓవర్‌- 45 పరుగుల వద్ద ఇషాన్‌ కిషన్‌ (30) ఔటయ్యాడు. భారత్‌ స్కోర్‌ 45-2గా ఉంది. దంచికొట్టిన ఇషాన్‌షెపర్డ్‌ వేసిన రెండో ఓవర్‌లో ఇషాన్‌ కిషన్‌ చెలరేగిపోయాడు. ఈ ఓవర్‌లో ఏకంగా 24 పరుగులు పిండుకున్నాడు. 2 ఓవర్ల తర్వాత జట్టు స్కోర్‌ 38-1గా ఉంది. తొలి వికెట్‌ కోల్పోయిన భారత్‌.. అభిషేక్‌ ఔట్‌0.5వ ఓవర్‌- 13 పరుగుల వద్ద భారత్‌ తొలి వికెట్‌ కోల్పోయింది. కీమో పాల్‌ బౌలింగ్‌లో షమార్‌ జోసఫ్‌కు క్యాచ్‌ ఇచ్చి అభిషేక్‌ శర్మ (6) ఔటయ్యాడు. టాస్‌ గెలిచి బౌలింగ్‌ ఎంచుకున్న విండీస్‌విండీస్‌ కెప్టెన్‌ షాయ్‌ హోప్‌ టాస్‌ గెలిచి బౌలింగ్‌ ఎంచుకున్నాడు.తుది జట్లు..వెస్టిండీస్: షాయ్ హోప్ (w/c), జ్యువెల్ ఆండ్రూ, షిమ్రాన్ హెట్మెయర్, రోవ్‌మన్ పావెల్, షెర్ఫాన్ రూథర్‌ఫోర్డ్, రొమారియో షెపర్డ్, రోస్టన్ చేజ్, కీమో పాల్, షమర్ స్ప్రింగర్, గుడాకేష్ మోటీ, షమర్ జోసెఫ్భారత్: అభిషేక్ శర్మ, సంజు శాంసన్(w), ఇషాన్ కిషన్, శ్రేయాస్ అయ్యర్(c), తిలక్ వర్మ, శివమ్ దూబే, నమన్ ధీర్, అక్షర్ పటేల్, భువనేశ్వర్ కుమార్, ప్రిన్స్ యాదవ్, అర్ష్‌దీప్ సింగ్9:15 గంటలకు ప్రారంభం​.. 9 ఓవర్ల మ్యాచ్‌వరుణుడు శాంతించాడు. మ్యాచ్‌ 9:15 గంటలకు ప్రారంభం​ కానుంది. ఈ మ్యాచ్‌ చెరో 9 ఓవర్ల మ్యాచ్‌ కానుంది. పవర్‌ ప్లే నిబంధనలు 2.4 ఓవర్లుగా ఉండనున్నాయి. ఇంకా తగ్గని వర్షం.. ఓవర్ల కోత మొదలు8:20 గంటలు- వరుణుడు ఇంకా శాంతించలేదు. 7:45 నుంచే ఓవర్ల కోత మొదలైంది. 7:30 గంటలు- వర్షం ఇంకా తగ్గలేదు. గంట తర్వాత కూడా టాస్‌కు అనుకూలమైన సూచనలు లేవు. టాస్‌ ఆలస్యం6:36 PM: భారత్‌-వెస్టిండీస్‌ జట్ల మధ్య బెంగళూరు వేదికగా ఇవాళ జరగాల్సిన నిర్ణయాత్మక ఐదో టీ20 వర్షం కారణంగా ఆలస్యమయ్యింది. 6:30 గంటలకు టాస్‌ పడాల్సి ఉండగా.. వర్షం కారణంగా ఇప్పటివరకు పడలేదు. టాస్‌ సమయానికి వర్షం మరింత అధికమైంది. కాగా, ఐదు మ్యాచ్‌ల సిరీస్‌లో ఇరు జట్లు చెరో రెండు గెలవడంతో ప్రస్తుతం సిరీస్‌ సమంగా ఉంది. నేటి మ్యాచ్‌లో గెలిచే జట్టే సిరీస్‌ కైవసం చేసుకుంటుంది. ఇదీ చదవండి: భారత క్రికెట్‌ అభిమానులకు శుభవార్త.. చరిత్రలో తొలిసారి..!

భారత్‌-వెస్టిండీస్‌ జట్ల మధ్య బెంగళూరు వేదికగా ఇవాళ జరగాల్సిన సిరీస్‌ నిర్ణయాత్మక ఐదో టీ20కి వర్షం ముప్పు పొంచి ఉంది.వాతావరణ సూచన ప్రకారం మ్యాచ్‌ సమయంలో వర్షం పడే అవకాశాలు ఎక్కువగా ఉన్నాయి. సాయంత్రం 6:30 గంటలకు టాస్‌ జరగాల్సి ఉండగా, ఆ సమయంలో వర్షం పడే అవకాశం 34 నుంచి 49 శాతం మధ్య ఉంటుందని అంచనా.మ్యాచ్‌ తొలి మూడు గంటల్లో వర్షం ముప్పు 34 నుంచి 40 శాతానికి పెరిగే అవకాశం ఉంది. రాత్రి 10 గంటల సమయంలో వర్షం పడే అవకాశం 78 శాతంగా ఉంటుంది.చిన్నస్వామి స్టేడియంలో ప్రపంచ స్థాయి డ్రైనేజీ వ్యవస్థ ఉన్నప్పటికీ, భారీ వర్షం కురిస్తే మ్యాచ్‌ నిర్వహణకు ఆటంకం కలగవచ్చు.కాగా, ఐదు మ్యాచ్‌ల సిరీస్‌లో ఇరు జట్లు చెరో రెండు విజయాలతో 2-2తో సమంగా ఉన్నాయి. నేటి మ్యాచ్‌లో గెలిచిన జట్టు సిరీస్‌ను కైవసం చేసుకోనుంది.సజావుగా సాగితే పరుగుల వరదే..!చిన్నస్వామి స్టేడియంలో చిన్న బౌండరీలు, బ్యాటింగ్‌కు అనుకూలమైన పిచ్‌ కారణంగా భారీ స్కోర్లు నమోదయ్యే అవకాశం ఉంది. అయితే 2024 అక్టోబర్‌ తర్వాత ఈ మైదానంలో అంతర్జాతీయ మ్యాచ్‌ జరగకపోవడంతో పిచ్‌ పరిస్థితులు కీలకం కానున్నాయి.భువీకి ఛాన్స్‌భారత్‌ తుది జట్టులో భువనేశ్వర్‌ కుమార్‌కు చోటు దక్కే అవకాశాలున్నాయి. నాలుగో టీ20లో భుజానికి గాయం కావడంతో అర్ష్‌దీప్‌ సింగ్‌ అందుబాటుపై సందేహాలు నెలకొన్నాయి. అతడికి ప్రత్యామ్నాయంగా భువనేశ్వర్‌ను జట్టులోకి తీసుకున్నారు. అర్ష్‌దీప్‌ ఫిట్‌నెస్‌ సాధించకపోతే భువీ ఛాన్స్‌ దక్కడం ఖాయం.ఇదీ చదవండి: న్యూజిలాండ్‌ పర్యటన.. భారత జట్ల ఎంపికలో ఆసక్తికర విషయం

వెస్టిండీస్‌తో టీ20 సిరీస్‌లో చావో రేవో తేల్చుకునేందుకు టీమిండియా సిద్ధమైంది. ఐదు మ్యాచ్‌ల సిరీస్‌లో ఇప్పటికి ఇరుజట్లు చెరో రెండు గెలిచి.. 2-2తో సమంగా ఉన్న సంగతి తెలిసిందే. ఈ నేపథ్యంలో బెంగళూరు వేదికగా శనివారం నాటి ఐదో టీ20తో సిరీస్‌ విజేత ఎవరో తేలనుంది.వాటర్‌ బాయ్‌ సేవలకే పరిమితంఈ నేపథ్యంలో టీమిండియా చిచ్చర పిడుగు వైభవ్‌ సూర్యవంశీ సోషల్‌ మీడియా పోస్టు వైరల్‌గా మారింది. కాగా ఇటీవల జపాన్‌ వేదికగా ఆసియా క్రీడలు-2026లో భారత్‌ తరఫున ఆడిన ఈ పదిహేనేళ్ల పిల్లాడు.. వెస్టిండీస్‌తో స్వదేశంలో జరుగుతున్న సిరీస్‌లో పూర్తైన నాలుగు మ్యాచ్‌లలోనూ బెంచ్‌కే పరిమితమయ్యాడు.భారత టీ20 ఓపెనింగ్‌ జోడీగా సంజూ శాంసన్‌- అభిషేక్‌ శర్మ కొనసాగుతుండటంతో వైభవ్‌ వాటర్‌ బాయ్‌ సేవలకే పరిమితం కావాల్సి వచ్చింది. జపాన్‌లో తాత్కాలిక హెడ్‌కోచ్‌ వీవీఎస్‌ లక్ష్మణ్‌ మార్గదర్శనంలో వైభవ్‌- అభిషేక్‌ ఓపెనర్లుగా రాగా.. సంజూ వన్‌డౌన్‌లో ఆడాడు.ఇప్పట్లో అవకాశం ఇవ్వనుఅయితే, టీమిండియా హెడ్‌కోచ్‌ గౌతం గంభీర్‌ మాత్రం ఇప్పటికే వైభవ్‌కు తుదిజట్టులో చోటు ఇచ్చే అంశం గురించి కుండబద్దలు కొట్టేశాడు. టీ20 వరల్డ్‌కప్‌-2026 హీరో సంజూతో పాటు ఇతర సీనియర్లకు అవకాశాలు ఇచ్చే క్రమంలో.. ఈ లెఫ్టాండర్‌ బ్యాటర్‌ ఇంకొన్నాళ్లు వేచిచూడక తప్పదని పలుమార్లు స్పష్టం చేశాడు.అందుకు తగినట్లుగానే వైభవ్‌ సూర్యవంశీ విండీస్‌తో సిరీస్‌లో ఇప్పటికి ఒక్క అవకాశం కూడా పొందలేకపోయాడు. మరోవైపు.. సంజూ- అభిషేక్‌ ఈ సిరీస్‌లో నిలకడగా రాణించలేకపోతున్నారు. ఇప్పటి వరకు సంజూ 11, 82, 3, 56.. అభిషేక్‌ 21, 20, 69, 29 పరుగులు చేశారు.ఇంకా నమ్మకం ఉందిఈ క్రమంలో వైభవ్‌ సూర్యవంశీని సిరీస్‌ నిర్ణయాత్మక ఐదో టీ20లోనైనా తప్పక ఆడించాలనే డిమాండ్లు పెరుగుతున్నాయి. ఈ నేపథ్యంలో వైభవ్‌ సూర్యవంశీ ఇన్‌స్టా స్టోరీలో బ్యాట్‌ ఎత్తిన ఫొటోను షేర్‌ చేస్తూ.. ‘లక్ష్యం చేరకుంటానని.. ఇంకా నమ్మకం ఉంది’ అని ఎమోజీని షేర్‌ చేశాడు. తద్వారా తనకు అవకాశం ఇస్తే.. కచ్చితంగా సిరీస్‌ గెలిపిస్తానని వైభవ్‌ చెప్పకనే చెప్తున్నాడని.. అతడిని బెంగళూరులో ఆడించాలని అభిమానులు గంభీర్‌కు సోషల్‌ మీడియా వేదికగా విజ్ఞప్తి చేస్తున్నారు. కాగా పదిహేనేళ్ల సూర్యవంశీ.. ఇప్పటికి టీమిండియా తరఫున ఎనిమిది టీ20 మ్యాచ్‌లు ఆడి 186కు పైగా స్ట్రైక్‌రేటుతో 246 పరుగులు చేశాడు. మరో‘సారీ’ఇదిలా ఉంటే.. వెస్టిండీస్‌తో ఆఖరి టీ20లోనూ వైభవ్‌కు మొండిచేయే ఎదురుకానున్నట్లు తెలుస్తోంది. ఓపెనింగ్‌ జోడీగా సంజూ- అభిషేక్‌ కొనసాగనున్నట్లు సమాచారం. ఇక గాయపడిన అర్ష్‌దీప్‌ సింగ్‌ స్థానంలో వెటరన్‌ పేసర్‌ భువనేశ్వర్‌ కుమార్‌ తుదిజట్టులోకి వచ్చే అవకాశం ఉంది.వెస్టిండీస్‌తో ఐదో టీ20కి భారత తుదిజట్టు (అంచనా)శ్రేయస్‌ అయ్యర్‌ (కెప్టెన్‌), సంజూ శాంసన్‌, అభిషేక్‌ శర్మ, ఇషాన్‌ కిషన్‌, తిలక్‌ వర్మ, నమన్‌ ధిర్‌, నితీశ్‌ కుమార్‌ రెడ్డి, అక్షర్‌ పటేల్‌, భువనేశ్వర్‌ కుమార్‌, మయాంక్‌ యాదవ్‌, ప్రిన్స్‌​ యాదవ్‌.ఇవీ చదవండి: చందర్‌పాల్ విధ్వంసం.. సెమీస్‌లో ఆసీస్‌ను చిత్తు చేసిన వెస్టిండీస్‌Kavya Maran Weds Anirudh: ఏజ్‌ గ్యాప్‌, ఇద్దరి ఆస్తుల విలువ ఎంత?

వెస్టిండీస్‌ టీమ్‌ భారత గడ్డపై అడుగు పెట్టినప్పుడు అసలు ఆ జట్టు ఏమాత్రం పోటీనివ్వలేదని అంతా భావించారు. కానీ సిరీస్‌ ఓడినా చివరి వన్డేలో 352 పరుగులు లక్ష్యాన్ని అందుకొని ఆ జట్టు సత్తా చాటింది. టి20ల్లోనైతే భారత్‌కు ఏమాత్రం తగ్గకుండా 2–2తో సమంగా నిలిచింది. ఇలాంటి స్థితిలో ఇప్పుడు టి20 సిరీస్‌ కోల్పోకుండా భారత్‌ తమ స్థాయికి తగ్గ ఆటతీరును ప్రదర్శించాల్సి ఉంది. 2019 ఫిబ్రవరి నుంచి సొంత గడ్డపై ఒక్క టి20 సిరీస్‌ కూడా చేజార్చుకోని టీమిండియా చెలరేగి ఈ రికార్డును కాపాడుకుంటుందా లేక విండీస్‌ పైచేయి సాధిస్తుందా అనేది ఆసక్తికరం. బెంగళూరు: నాలుగు టి20 మ్యాచ్‌లలో పరుగుల వరద, పలు కొత్త రికార్డులు నమోదు... ఇప్పుడు సిరీస్‌ విజేతను తేల్చే ఆఖరి సమరంలో కూడా దాదాపు ఇదే తరహా వేదిక సిద్ధం! భారీ స్కోర్లకు అడ్డావంటి చిన్నస్వామి స్టేడియం, చిన్న బౌండరీలు... ఇక బ్యాటర్లకు తిరుగేముంది. మరోసారి బౌలర్లు భయపడే పిచ్‌పై పోరుకు భారత్, వెస్టిండీస్‌ సన్నద్ధమయ్యాయి. నేడు జరిగే చివరిదైన ఐదో టి20లో ఇరు జట్లు తలపడనున్నాయి. 2002 నుంచి భారత గడ్డపై ఏ ఫార్మాట్‌లో సిరీస్‌ గెలవని వెస్టిండీస్‌ ఇప్పుడు అరుదైన అవకాశాన్ని అందుకోవాలని సవాల్‌ విసురుతుండగా... ఆ చాన్స్‌ ఇవ్వరాదని భారత్‌ పట్టుదలగా ఉంది. అభిషేక్‌ అదరగొట్టేనా... నాలుగో టి20 మ్యాచ్‌లో భారత్‌ ఓటమికి కారణాల్లో అభిషేక్‌ శర్మ వైఫల్యం ఒకటి. 24 బంతుల్లో అతడు 29 పరుగులే చేయడం అనూహ్యం. ఈసారి సామ్సన్‌తో పాటు అభిషేక్‌ నుంచి మెరుపు ఆరంభాన్ని ఆశిస్తున్నారు. ఇషాన్‌ కిషన్‌ కూడా అంచనాలకు అనుగుణంగా ఆడలేకపోయాడు. తొలి టి20లో సెంచరీ తర్వాత కెప్టెన్‌ శ్రేయస్‌ అయ్యర్‌ కూడా తడబడుతుండగా, తిలక్‌ వర్మ కూడా చెప్పుకోదగ్గ ఇన్నింగ్స్‌ బాకీ ఉన్నాడు. బౌలింగ్‌లో మన పేలవ ప్రదర్శన కొనసాగుతూనే ఉంది. మయాంక్‌ యాదవ్, ప్రిన్స్, అక్షర్, నమన్‌ ధీర్‌ విండీస్‌ హిట్టర్లను ఎలా నిలువరిస్తారనేది చూడాలి. ఆల్‌రౌండర్‌గా తన స్థానం పదిలం చేసుకోవాలని భావిస్తున్న ఆంధ్ర క్రికెటర్‌ నితీశ్‌ కుమార్‌ రెడ్డి కీలక సమయాల్లో విఫలమవుతున్నాడు. ఈ మ్యాచ్‌ అతడికి మరో అవకాశం కల్పిస్తోంది. గత మ్యాచ్‌లో బ్యాటింగ్‌లో గాయపడిన అర్‌‡్షదీప్‌ ఈ మ్యాచ్‌లో ఆడేది అనుమానమే. దాంతో అతని స్థానంలో సీనియర్‌ పేసర్‌ భువనేశ్వర్‌ కుమార్‌ను ఎంపిక చేశారు. రాయల్‌ చాలెంజర్స్‌ బెంగళూరు (ఆర్‌సీబీ) రెండు ఐపీఎల్‌ టైటిల్స్‌ సాధించడంలో కీలక పాత్ర పోషించిన భువీ... బెంగళూరు పిచ్‌పై ప్రభావం చూపించవచ్చని భారత్‌ నమ్ముతోంది. సరిగ్గా నాలుగేళ్ల క్రితం భువీ భారత్‌ తరఫున తన చివరి టి20 మ్యాచ్‌ ఆడాడు. హోప్‌ను ఆపితేనే... భారత్‌తో పర్యటనకు ముందు కాస్త మెరుగైన బ్యాటర్‌గానే గుర్తింపు ఉన్నా... ఈ టూర్‌లో షై హోప్‌ బీభత్సమైన బ్యాటింగ్‌ ప్రదర్శన చూస్తే ఆశ్చర్యం వేస్తుంది. మూడు వన్డేల్లో 248 బంతుల్లోనే 278 పరుగులు చేసిన అతను...నాలుగు టి20ల్లో 135 బంతుల్లోనే 261 పరుగులు బాదాడు. వన్డేలు, టి20లు కలిపి హోప్‌ను తొందరగానే అవుట్‌ చేసిన నాలుగు మ్యాచ్‌లలో నెగ్గిన భారత్‌... అతను చెలరేగిన 3 మ్యాచ్‌లలో ఓడింది. కాబట్టి అతడిని నిలువరించడం ఎంత కీలకమో అర్థమవుతుంది. ఆండ్రూ రూపంలో విండీస్‌కు మరో మెరుగైన ఓపెనర్‌ లభించగా... హెట్‌మైర్, పావెల్, రూథర్‌ఫర్డ్‌ క్రీజ్‌లో ఉన్నంతసేపు చూపించే విధ్వంసం జట్టు విజయావకాశాలను పెంచుతోంది. గత మ్యాచ్‌లోనైతే షెఫర్డ్‌కు బ్యాటింగ్‌ రాకుండానే విండీస్‌ 247 పరుగులు సాధించగలిగింది. బౌలింగ్‌పరంగా విండీస్‌ బలహీనమే అయినా తమ దూకుడైన బ్యాటింగ్‌తో ఆ లోపాన్ని అధిగమిస్తోంది. ఛేజ్, పాల్, స్ప్రింగర్, గుడకేశ్‌ మోతీ తమ పరిధిలో ఫర్వాలేదనిపిస్తున్నారు.పిచ్, వాతావరణం మంచి బౌన్స్, చిన్న బౌండరీలతో బ్యాటింగ్‌కు స్వర్గధామం. ఎంత భారీ స్కోరు చేసినా ఛేదనకు అవకాశం ఉంది. మంచు ప్రభావం వల్ల టాస్‌ గెలిచిన జట్టు ఫీల్డింగ్‌ ఎంచుకోవచ్చు. వర్షసూచన ఉంది. మ్యాచ్‌కు అంతరాయం కలగవచ్చు. తుది జట్లు (అంచనా) భారత్‌: శ్రేయస్‌ (కెప్టెన్‌), సామ్సన్, అభిషేక్, ఇషాన్‌ కిషన్, తిలక్, నమన్, నితీశ్, అక్షర్, భువనేశ్వర్, మయాంక్, ప్రిన్స్‌.వెస్టిండీస్‌: హోప్‌ (కెప్టెన్‌), ఆండ్రూ, హెట్‌మైర్, పావెల్, రూథర్‌ఫర్డ్, షెఫర్డ్, పాల్, ఛేజ్, స్ప్రింగర్, జోసెఫ్, మోతీ.

టీమిండియా- వెస్టిండీస్‌ మధ్య ఐదు మ్యాచ్‌ల టీ20 సిరీస్‌ రసవత్తరంగా సాగుతోంది. లక్నో వేదికగా తొలి టీ20లో భారత్‌ గెలవగా.. రాంచిలో జరిగిన రెండో రెండో మ్యాచ్‌లో కరేబియన్‌ జట్టు విజయం సాధించింది. అనంతరం ఇండోర్‌ మూడో మ్యాచ్‌ జరగ్గా టీమిండియా జయకేతనం ఎగుర వేసింది.2-2తో సమంగా....అయితే, హైదరాబాద్‌లో బుధవారం నాటి నాలుగో టీ20లో గెలిచి వెస్టిండీస్‌ ఈ సిరీస్‌ను 2-2తో సమం చేసింది. ఈ నేపథ్యంలో ఇరుజట్ల మధ్య శనివారం జరిగే ఐదో టీ20తో సిరీస్‌ ఫలితం తేలనుంది. ఇందుకు బెంగళూరులోని చిన్నస్వామి స్టేడియం వేదిక.ప్రాక్టీస్‌ సెషన్‌ రద్దుకాగా బెంగళూరులో శుక్రవారం భారీగా వర్షం పడింది. లోతట్టు ప్రాంతాలు కొన్ని నీటమునిగినట్లు సమాచారం. ఈ నేపథ్యంలో చిన్నస్వామి స్టేడియంలో జరగాల్సిన ప్రాక్టీస్‌ సెషన్‌ రద్దైపోయింది. ఇక శనివారం సైతం వాన పడే సూచనలు ఉన్నట్లు ఆక్యూవెదర్‌ తెలిపింది.వర్షం పడేందుకు 90 శాతం అవకాశంబెంగళూరులో శనివారం వర్షం పడేందుకు 90 శాతం అవకాశం ఉన్నట్లు ఆక్యూవెదర్‌ పేర్కొంది. మధ్యాహ్నం 12 గంటల వరకు వర్షం పడేందుకు 11 శాతం, ఆ తర్వాత రెండు గంటల్లో వాన కురిసేందుకు 34 శాతం.. మూడు గంటల తర్వాత ఇందుకు 40 శాతం ఛాన్స్‌ ఉన్నట్లు తెలిపింది.కాగా మ్యాచ్‌ ఏడు గంటలకు మొదలుకానుండగా.. ఆ సమయంలో వర్షం పడేందుకు 64 శాతం అవకాశం ఉందని.. రాత్రి పదకొండు గంటల వరకు కూడా వాన కొనసాగవచ్చని ఆక్యూ వెదర్‌ అంచనా వేసింది. నిరాశలో అభిమానులుదీంతో బెంగళూరులో భారత్‌- విండీస్‌ మ్యాచ్‌ చూద్దామనుకున్న అభిమానులు నిరాశ చెందుతున్నారు. చిన్నదైన చిన్నస్వామి స్టేడియంలో పరుగుల వరద చూద్దామనుకుంటే.. వర్షం వల్ల అంతా తుడిచిపెట్టుకుపోయే పరిస్థితి వచ్చిందని సోషల్‌ మీడియా వేదికగా ఉసూరుమంటున్నారు.🚗➡️🚤 Cars turning into boats to survive #PanathurRUB after today’s rain! 🌧️ Commuters, plan your journey accordingly! Just 2 km from #ORR, home to corporate offices of @intel, @Google, @Cisco, @amazon & @SanDiskJP, this is the state of basic infrastructure in Bengaluru’s IT hub! Even after a decade, the Centre, State Govt & especially @SWRRLY @GBA_office have failed to deliver a Railway Underbridge (RUB) that works in all weather conditions. Bengaluru deserves better! Looks like #Roadster has some serious competition now! 🚤 #PanathurRUB #BengaluruTraffic #InfrastructureFailure— Namma Balagere. (@BalagereConnect) October 16, 2026చదవండి: IND vs WI: విండీస్‌తో ఐదో టీ20.. భువీకి చోటు: బీసీసీఐ ప్రకటన

వెస్టిండీస్‌తో ఐదో టీ20 మ్యాచ్‌కు ముందు భారత క్రికెట్‌ నియంత్రణ మండలి (బీసీసీఐ) కీలక ప్రకటన చేసింది. హైదరాబాద్‌లో జరిగిన నాలుగో టీ20 సందర్భంగా గాయపడ్డ పేసర్‌ అర్ష్‌దీప్‌ సింగ్‌.. ఆఖరి టీ20కి అందుబాటులో ఉండే విషయంపై స్పష్టత లేదని పేర్కొంది.భుజానికి గాయమైన కారణంగా అర్ష్‌ విశ్రాంతి తీసుకునే అవకాశం ఉందన్న యాజమాన్యం.. ముందు జాగ్రత్తగా వెటరన్‌ పేసర్‌ భువనేశ్వర్‌ కుమార్‌ను ఐదో టీ20కి ఎంపిక చేసినట్లు వెల్లడించింది. ఇందుకు సంబంధించి బీసీసీఐ శుక్రవారం అధికారిక ప్రకటన విడుదల చేసింది.ముందుగానే రీఎంట్రీకాగా నాలుగేళ్ల తర్వాత భువీ అంతర్జాతీయ క్రికెట్‌లో పునరాగమనం చేసేందుకు సిద్ధమైన సంగతి తెలిసిందే. న్యూజిలాండ్‌తో టీ20 సిరీస్‌కు ఎంపిక చేసిన జట్టులో బీసీసీఐ ఈ యూపీ బౌలర్‌కు చోటు ఇచ్చింది. అయితే, తాజాగా అర్ష్‌దీప్‌ గాయం వల్ల ముందుగానే భువీ రీఎంట్రీ ఇచ్చే అవకాశం ఉంది.ఐపీఎల్‌లో ఆర్సీబీ తరఫున గత రెండు సీజన్లలో అదరగొట్టిన భువీ.. జట్టు వరుసగా రెండుసార్లు చాంపియన్‌గా నిలవడంలో కీలక పాత్ర పోషించాడు. తద్వారా టీమిండియా సెలక్టర్ల దృష్టిని ఆకర్షించిన 36 ఏళ్ల ఈ రైటార్మ్‌ పేసర్‌.. ఎట్టకేలకు పునరాగమనం చేయాలన్న కోరికను నెరవేర్చుకుంటున్నాడు.ఆర్సీబీ సొంత మైదానంలోఇక విండీస్‌తో ఆఖరిదైన నిర్ణయాత్మక ఐదో టీ20కి బెంగళూరులోని చిన్నస్వామి స్టేడియం వేదిక. ఇది ఆర్సీబీ సొంత మైదానం.. ఇక్కడ భువీ గత రెండేళ్లుగా ఆకట్టుకుంటున్న సంగతి తెలిసిందే. ఈ నేపథ్యంలో వెస్టిండీస్‌తో ఐదో టీ20లో భువీ తుదిజట్టులోకి రావడం ఖాయంగానే కనిపిస్తోంది.మరోవైపు.. హైదరాబాద్‌లో బ్యాటింగ్‌ చేస్తున్న సమయంలో టీమిండియా ఇన్నింగ్స్‌ ఆఖరి ఓవర్లో అర్ష్‌దీప్‌ సింగ్‌.. షమార్‌ జోసెఫ్‌ బౌలింగ్‌లో గాయపడిన సంగతి తెలిసిందే. ఈ క్రమంలో అతడు రిటైర్డ్‌ హర్ట్‌గా వెనుదిరిగాడు. దీంతో ఐదో టీ20 ఆడే విషయంలో సందిగ్దం నెలకొనగా.. భువీకి సువర్ణావకాశం దక్కింది. అర్ష్‌ను కొనసాగిస్తూనే.. భువీకి కూడా బీసీసీఐ అవకాశం ఇవ్వడం విశేషం. కాగా ఐదు మ్యాచ్‌ల సిరీస్‌లో భారత్‌- విండీస్‌ 2-2తో సమంగా ఉన్నాయి.వెస్టిండీస్‌తో ఐదో టీ20కి భారత జట్టు (అప్‌డేటెడ్‌)శ్రేయస్ అయ్యర్ (కెప్టెన్‌), అభిషేక్ శర్మ, వైభవ్ సూర్యవంశీ, ఇషాన్ కిషన్ (వికెట్‌ కీపర్‌), సంజు శాంసన్ (వికెట్‌ కీపర్‌), తిలక్ వర్మ (వైస్‌ కెప్టెన్‌) శివమ్ దూబే, కుల్దీప్ యాదవ్, అక్షర్ పటేల్, రవి బిష్ణోయ్, నితీశ్‌ కుమార్ రెడ్డి, అర్ష్‌దీప్‌ సింగ్, ప్రిన్స్‌ యాదవ్‌, మయాంక్‌ యాదవ్‌, నమర్‌ ధిర్‌, భువనేశ్వర్‌ కుమార్‌.ఇవీ చదవండి: IND vs WI: నీకసలు మానవత్వం, క్రీడాస్ఫూర్తి లేవా?: అర్ష్‌దీప్‌ భుజానికి గాయం.. టీమిండియా దిగ్గజం ఫైర్‌వన్డేలో సెహ్వాగ్‌ కుమారుడి విధ్వంసం.. డబుల్‌ సెంచరీ మిస్‌!

టీమిండియా వికెట్ కీపర్ బ్యాటర్ సంజూ శాంసన్ అంతర్జాతీయ టీ20 క్రికెట్‌లో అరుదైన ఘనత సాధించాడు. వెస్టిండీస్‌తో నిన్న జరిగిన నాలుగో టీ20లో 23 బంతుల్లో 6 ఫోర్లు, 4 సిక్సర్ల సాయంతో 56 పరుగులు చేసిన అతడు.. అంతర్జాతీయ టీ20ల్లో 100 సిక్సర్లు బాదిన ఆరో భారత బ్యాటర్‌గా నిలిచాడు.సంజూకు ముందు రోహిత్‌ శర్మ (205), సూర్యకుమార్‌ యాదవ్‌ (179), అభిషేక​్‌ శర్మ (142), హార్దిక్‌ పాండ్యా (!26), విరాట్‌ కోహ్లి (124) మాత్రమే భారత్‌ తరఫున ఈ ఘనత సాధించారు. మొత్తంగా ప్రపంచ క్రికెట్‌లో 100 సిక్సర్ల మార్కును తాకిన 47వ బ్యాటర్‌గా నిలిచాడు. అంతర్జాతీయ టీ20 క్రికెట్లో అత్యధిక టీ20 సిక్సర్ల రికార్డు ఆస్ట్రియాకు చెందిన కరణ్‌బీర్‌ సింగ్‌ (214) పేరిట ఉంది. కరణ్‌ తర్వాత అత్యధిక సిక్సర్లు బాదిన రికార్డు రోహిత్‌ శర్మ పేరిట ఉంది. కరణ్‌, రోహిత్‌ మాత్రమే అంతర్జాతీయ టీ20ల్లో ఇప్పటివరకు 200 సిక్సర్ల మార్కును తాకారు.సంజూ మెరుపులు వృథా.. భారత్‌కు ఓటమిసంజూ సిక్సర్ల రికార్డు సహా మెరుపు ప్రదర్శన చేసినప్పటికీ.. నాలుగో టీ20లో భారత్‌ విండీస్‌ చేతిలో ఓడింది. 248 పరుగుల భారీ లక్ష్య ఛేదనలో భారత్‌ పోరాడినప్పటికీ.. లక్ష్యానికి 25 పరుగుల దూరంలో నిలిచిపోయింది. సంజూతో పాటు తిలక్‌ వర్మ (43), నితీశ్‌ కుమార్‌ రెడ్డి (41) భారత్‌ను గెలిపించేందుకు విఫలయత్నం చేశారు. కీమో పాల్‌ 5 వికెట్లు తీసి భారత్‌ను దెబ్బకొట్టాడు.అంతకుముందు షాయ్ హోప్ 50 బంతుల్లో అజేయమైన 102 పరుగులు చేసి విండీస్‌ భారీ స్కోరు సాధించడంలో కీలక పాత్ర పోషించాడు. అతడికి రూథర్‌ఫోర్డ్‌ (49 నాటౌట్‌), హెట్‌మైర్‌ (33), ఆండ్రూ (21), పావెల్‌ (24) సహకరించారు. ఈ గెలుపుతో విండీస్‌ ఐదు మ్యాచ్‌ల సిరీస్‌ను భారత్‌ ఆధిక్యాన్ని తగ్గించి 2-2తో సమంగా ఉంది. సిరీస్‌ నిర్ణయాత్మక చివరి టీ20 అక్టోబర్‌ 17న బెంగళూరులో జరుగనుంది. ఇదీ చదవండి: అందుకే ఓడిపోయాం.. అతడు అవుట్‌ కావడం వల్లే ఇలా: సంజూ

వెస్టిండీస్‌తో నాలుగో టీ20 మ్యాచ్‌లో ఓటమి నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ టీమిండియా యాజమాన్యం తీరును విమర్శించాడు. చైనామన్‌ బౌలర్‌ కుల్దీప్‌ యాదవ్‌ను పక్కనపెట్టి ఘోరమైన తప్పు చేశారన్నాడు. కాగా భారత జట్టు స్వదేశంలో వెస్టిండీస్‌తో టీ20 సిరీస్‌తో బిజీగా ఉన్న సంగతి తెలిసిందే.ఇప్పటికి నాలుగు మ్యాచ్‌లు పూర్తి కాగా.. రెండింట భారత్‌.. రెండింట విండీస్‌ గెలిచి 2-2తో సమంగా ఉన్నాయి. ఇదిలా ఉంటే.. వెస్టిండీస్‌తో తొలి రెండు టీ20లలో భాగమైన స్పిన్నర్‌ కుల్దీప్‌ యాదవ్‌ను.. గత రెండు మ్యాచ్‌ల నుంచి యాజమాన్యం పక్కనపెట్టింది.రెండు మ్యాచ్‌లలో ప్రదర్శన ఇలాలక్నో వేదికగా కరేబియన్‌ జట్టుతో తొలి టీ20లో కాస్త పొదుపుగా బౌలింగ్‌ రెండు వికెట్లు తీసిన కుల్దీప్‌ యాదవ్‌.. రాంచిలో జరిగిన రెండో టీ20లో మాత్రం 53 పరుగులు ఇచ్చి ఒకే ఒక్క వికెట్‌ తీశాడు. ఈ క్రమంలో ఇండోర్‌లో జరిగిన మూడో టీ20.. తాజాగా బుధవారం నాటి నాలుగో టీ20 నుంచి ఈ లెఫ్టార్మ్‌ స్పిన్నర్‌ను తప్పించింది యాజమాన్యం.ఈ నేపథ్యంలో దిగ్గజ స్పిన్నర్‌ రవిచంద్రన్‌ అశ్విన్‌ మేనేజ్‌మెంట్‌ తీరుపై ఆగ్రహం వ్యక్తం చేశాడు. ‘‘ఉప్పల్‌ వికెట్‌ కాస్త బౌన్సీగా ఉంటుందని అనుకుంటాం. అక్కడ స్పిన్నర్లు కూడా కాస్త ప్రభావం చూపగలరు. అలాంటి చోట కుల్దీప్‌ యాదవ్‌ను పక్కనపెట్టడం నన్ను ఆశ్చర్యపరిచింది. కామన్‌సెన్స్‌ కాస్త లోపించిందిఈ లెప్టార్మ్‌ స్పిన్నర్‌ బౌలింగ్‌లో వెస్టిండీస్‌ బ్యాటర్లు కచ్చితంగా ఇబ్బంది పడేవారే. అతడి గూగ్లీలను ఎదుర్కోలేకపోయేవారు. కానీ యాజమాన్యం మాత్రం అతడినే పక్కనపెట్టింది. కుల్దీప్‌ను ఆడించకపోవడం చూస్తుంటే.. మేనేజ్‌మెంట్‌లో కామన్‌సెన్స్‌ కాస్త లోపించింది అని అనిపిస్తోంది.హైదరాబాద్‌ మ్యాచ్‌లో కుల్దీప్‌ యాదవ్‌ ఉండి ఉంటే.. కచ్చితంగా 15-20 పరుగుల తేడా అయినా కనిపించేది. ఇండోర్‌లో బౌండరీ చిన్నగా ఉంటుంది కాబట్టి కుల్దీప్‌ను ఆడించకపోవడాన్ని తప్పుపట్టాల్సిన పనిలేదు. కానీ హైదరాబాద్‌లో మాత్రం ఇలా చేయడం సరికాదు. రాంచిలో భారత్‌ ఓటమికి కుల్దీప్‌ మాత్రం కారణం కాదు. అయినా సరే ఎందుకో అతడిని పక్కనపెడుతున్నారు’’ అని అశూ యాజమాన్యాన్ని విమర్శించాడు.చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

సొంతగడ్డపై వెస్టిండీస్‌తో ఐదు మ్యాచ్‌ల టీ20 సిరీస్‌లో టీమిండియాకు మిశ్రమ ఫలితాలు ఎదురవుతున్నాయి. ఇప్పటి వరకు నాలుగు టీ20లు పూర్తి కాగా.. ఇరుజట్లు 2-2తో సమంగా నిలిచాయి. తొలి మ్యాచ్‌లో గెలిచి భారత్‌ శుభారంభం అందుకోగా.. మరుసటి మ్యాచ్‌లో విండీస్‌ గెలిచింది.ఈ క్రమంలో మూడో మ్యాచ్‌లో గెలిచి టీమిండియా ఆధిక్యంలోకి వెళ్లగా.. తాజాగా బుధవారం నాటి నాలుగో టీ20లో జయభేరి మోగించి కరేబియన్‌ జట్టు రేసులోకి వచ్చింది. అయితే, హైదరాబాద్‌లో జరిగిన ఈ మ్యాచ్‌లో భారత బౌలర్ల వైఫల్యం కొట్టొచ్చినట్లు కనిపించింది.247 పరుగులు టాస్‌ గెలిచి తొలుత బౌలింగ్‌ చేసిన భారత్‌ ఏకంగా.. 247 పరుగులు సమర్పించుకుంది. అనంతరం లక్ష్య ఛేదనలో బ్యాటర్లు తడబడటంతో విండీస్‌.. 24 పరుగుల తేడాతో గెలిచింది. ఈ నేపథ్యంలో భారత మాజీ బ్యాటర్‌ మహ్మద్‌ కైఫ్‌ టీమిండియా యాజమాన్యం తీరుపై విమర్శలు చేశాడు.ఓటమికి బౌలర్లదే బాధ్యతకేవలం ఆల్‌రౌండర్లను నమ్ముకుని.. స్పెషలిస్టు బౌలర్లను పక్కనపెడితే భారీ మూల్యమే చెల్లించాల్సి వస్తుందని పేర్కొన్నాడు. ఇలాంటి జట్టుతో ప్రపంచకప్‌ గెలవడం కష్టమేనని కైఫ్‌ అభిప్రాయపడ్డాడు. ఈ మేరకు క్రిక్‌బజ్‌ షోలో మాట్లాడుతూ..‘‘నాలుగో టీ20లో ఓటమికి టీమిండియా బౌలర్లదే బాధ్యత. వాళ్ల వైఫల్యం కారణంగానే జట్టు పరాజయం పాలైంది. ఇది నూటికి నూరుపాళ్లు నిజం. 247 పరుగులు ఇవ్వడం అంటే మాటలు కాదు. చెత్తగా బౌలింగ్‌ చేసినందు వల్లే మనం ఓడిపోయాము.కొండంత లక్ష్యం ఉన్నపుడు.. ఇలాంటి ఫలితాలను ముందుగానే ఊహించవచ్చు. అయినా ఇలా ఓడిపోవడం ఇదేమీ మొదటిసారి కాదు. ఐదు మ్యాచ్‌ల సిరీస్‌లో సాధారణంగా బ్యాటర్లు మూడు మ్యాచ్‌లు గెలిపిస్తే.. కనీసం రెండు మ్యాచ్‌లలోనైనా బౌలర్లు బాధ్యత తీసుకోవాలి.ఇలాంటి కాంబినేషన్‌తో ప్రపంచకప్‌ గెలవడం అసాధ్యంకానీ మన బౌలర్లు ఒక్క మ్యాచ్‌ కూడా గెలిపించలేకపోతున్నారు. ఇలాంటి కాంబినేషన్‌తో ప్రపంచకప్‌ గెలవడం అస్సలు సాధ్యపడదు’’ అని మహ్మద్‌ కైఫ్‌ ఘాటు వ్యాఖ్యలు చేశాడు. కాగా విండీస్‌తో నాలుగో టీ20లో ముగ్గురు పేసర్లు, ముగ్గురు ఆల్‌రౌండర్లతో టీమిండియా బరిలోకి దిగింది.BREAKTHROUGH WHEN INDIA NEEDED IT MOST! 💪 #PrinceYadav with a game-changing caught & bowled to break the flow and send #ShimronHetmyer back! #INDvWI 4th T20I | LIVE NOW 👉 https://t.co/u6TUkXnpvZ https://t.co/piPnGp3LU2— Star Sports (@StarSportsIndia) October 14, 2026పేసర్లలో మయాంక్‌ యాదవ్‌, అర్ష్‌దీప్‌ సింగ్‌ నాలుగు ఓవర్ల కోటా పూర్తి చేసి ఇద్దరూ 52 పరుగుల చొప్పున సమర్పించుకున్నారు. ప్రిన్స్‌ యాదవ్‌ 36 పరుగులు ఇచ్చుకోగా.. ఆల్‌రౌండర్లలో అక్షర్‌ పటేల్‌ నాలుగు ఓవర్లు వేసి 45, నమన్‌ ధిర్‌ ఒక్క ఓవర్లోనే 19, నితీశ్‌ కుమార్‌ రెడ్డి మూడు ఓవర్లలో 39 పరుగులు ఇచ్చారు. స్పెషలిస్టు స్పిన్నర్‌ కుల్దీప్‌ యాదవ్‌ గత రెండు మ్యాచ్‌లలో బెంచ్‌కే పరిమితమయ్యాడు.చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

వెస్టిండీస్‌తో నాలుగో టీ20లో టీమిండియాకు చేదు అనుభవం ఎదురైంది. హైదరాబాద్‌లో బుధవారం జరిగిన మ్యాచ్‌లో అనూహ్య రీతిలో భారత్‌ 24 పరుగుల తేడాతో ఓటమిపాలైంది. ఫలితంగా విండీస్‌ 2-2తో సిరీస్‌ను సమం చేయగలిగింది. దీంతో శనివారం నాటి ఆఖరి టీ20లో టీమిండియా చావోరేవో తేల్చుకోవాల్సి పరిస్థితిలో నిలిచింది.ఈ నేపథ్యంలో నాలుగో టీ20లో ఓటమిపై భారత ఓపెనర్‌ సంజూ శాంసన్‌ స్పందించాడు. ఉప్పల్‌ మ్యాచ్‌లో తమ జట్టు ఆఖరి వరకు పోరాడిందని.. అయితే, లోకల్‌ బాయ్స్‌ తిలక్‌ వర్మ, నితీశ్‌ కుమార్‌ రెడ్డి అవుట్‌ కావడం తీవ్ర ప్రభావం చూపిందని పేర్కొన్నాడు.చెలరేగిన హోప్‌కాగా రాజీవ్‌ గాంధీ స్టేడియంలో టాస్‌ గెలిచిన టీమిండియా తొలుత బౌలింగ్‌ చేయగా.. విండీస్‌ బ్యాటింగ్‌కు దిగింది. నిర్ణీత 20 ఓవర్లలో కేవలం మూడు వికెట్లు నష్టపోయి 247 పరుగులు సాధించింది. కెప్టెన్‌ షాయీ హోప్‌ శతకంతో (50 బంతుల్లో 102)చెలరేగాడు.అనంతరం లక్ష్య ఛేదనకు దిగిన భారత్‌ 19.3 ఓవర్లలో 223 పరుగులకే ఆలౌట్‌ అయింది. ఈ మ్యాచ్‌లో ఓపెనర్‌ సంజూ శాంసన్‌ మెరుపు అర్ధ శతకం (23 బంతుల్లో 56; 6 ఫోర్లు, 4 సిక్స్‌లు) సాధించగా.. వైస్‌ కెప్టెన్‌ తిలక్‌ వర్మ (25 బంతుల్లో 43), ఆల్‌రౌండర్‌ నితీశ్‌ కుమార్‌ రెడ్డి (20 బంతుల్లో 41) ఇన్నింగ్స్‌ చక్కదిద్దే ప్రయత్నం చేశారు.Fighting it out in the middle 💪 Vice-captain @TilakV9 at it 👊 Updates ▶️ https://t.co/ksuQbTW6n5 #TeamIndia | #INDvWI | @mflone_ https://t.co/1XOO24YxkR— BCCI (@BCCI) October 14, 2026అయితే, మిగిలిన వారి నుంచి వీరికి సహకారం లభించకపోవడంతో టీమిండియాకు ఓటమి తప్పలేదు. భారత ఇన్నింగ్స్‌లో 17వ ఓవర్లో రొమారియో షెఫర్డ్‌ తిలక్‌ వర్మను అవుట్‌ చేయగా.. 19వ ఓవర్‌ రెండో బంతికి కీమో పాల్‌ నితీశ్‌ రెడ్డిని పెవిలియన్‌కు చేర్చాడు. వీరిద్దరి క్యాచ్‌లను రోవ్‌మన్‌ పావెల్‌ అందుకోవడం గమనార్హం.వాళ్లిద్దరు క్రీజులో ఉన్నంత వరకు మాదే పైచేయిఈ నేపథ్యంలో మ్యాచ్‌ అనంతరం సంజూ శాంసన్‌ మాట్లాడుతూ.. ‘‘సుమారు 250 పరుగుల లక్ష్యాన్ని ఛేదించే క్రమంలో యాంకర్‌ ఇన్నింగ్స్‌ ఆడితే పనికాదు. అందుకే ప్రతీ ఒక్కరు మొదటి బంతి నుంచే దూకుడు ప్రదర్శించారు. తిలక్‌, రెడ్డి బ్యాటింగ్‌ చేస్తున్నంత సేపు మేము పోటీలోనే ఉన్నాము.అప్పటికి ఓవర్‌కు 12-13 పరుగులు మాత్రమే అవసరం. కాబట్టి మేము గెలుపు రేసులో ఉన్నామనే అనుకున్నాం. కానీ తిలక్‌ అవుట్‌ కావడంతో మ్యాచ్‌ కీలక మలుపు తీసుకుంది. విజయానికి చేరువగా వచ్చి మేము ఓడిపోవాల్సి వచ్చింది.అద్భుతంగా బ్యాటింగ్‌ చేశారుఏదేమైనా తీవ్రమైన ఒత్తిడిలోనూ తిలక్‌, రెడ్డి అద్భుతంగా బ్యాటింగ్‌ చేశారు’’ అని పేర్కొన్నాడు. అదే విధంగా శతక వీరుడు షాయీ హోప్‌పై సంజూ ప్రశంసలు కురిపించాడు. అతడు అత్యద్బుతంగా ఆడుతున్నాడు‘‘అతడు అత్యద్బుతంగా ఆడుతున్నాడు. అందుకు మనం అతడిని గౌరవించి తీరాల్సిందే. అద్భుతమైన షాట్లతో వరుస సెంచరీలు చేశాడు’’ అని సంజూ.. విండీస్‌ సారథిని కొనియాడాడు. కాగా టీమిండియాతో వన్డే సిరీస్‌లో రెండు శతకాలు బాదిన హోప్‌.. తాజాగా టీ20 సిరీస్‌లోనూ రెండు సెంచరీలు పూర్తి చేసుకున్నాడు.చదవండి: IND vs WI: నీకసలు మానవత్వం, క్రీడాస్ఫూర్తి లేవా?: టీమిండియా దిగ్గజం ఫైర్‌

టీమిండియాతో నాలుగో టీ20లో వెస్టిండీస్‌ పేసర్‌ షమార్‌ జోసెఫ్‌ వ్యవహరించిన తీరుపై భారత దిగ్గజం సునిల్‌ గావస్కర్‌ మండిపడ్డాడు. కనీస క్రీడాస్ఫూర్తి, మానవత్వం లేదా అంటూ పర్యాటక జట్టు బౌలర్‌పై ఆగ్రహం వ్యక్తం చేశాడు.హోప్‌ సెంచరీహైదరాబాద్‌లోని ఉప్పల్‌ వేదికగా బుధవారం నాటి మ్యాచ్‌లో టాస్‌ గెలిచిన భారత్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన విండీస్‌ నిర్ణీత 20 ఓవర్లలో మూడు వికెట్ల నష్టానికి 247 పరుగుల మేర భారీ స్కోరు సాధించింది.కెప్టెన్‌ షాయీ హోప్‌ విధ్వంసకర అజేయ శతకం (50 బంతుల్లో 102), షిమ్రన్‌ హెట్‌మైర్‌ (12 బంతుల్లో 33), షెర్ఫానే రూథర్‌ఫర్డ్‌ (26 బంతుల్లో 49*) మెరుపుల వల్ల కరేబియన్‌ జట్టుకు ఈ స్కోరు సాధ్యమైంది. ఇక లక్ష్య ఛేదనలో టీమిండియాకు శుభారంభం దక్కినా దానిని కొనసాగించలేకపోయింది.ఓపెనర్లలో సంజూ శాంసన్‌ మెరుపు అర్ధ శతకం (23 బంతుల్లో 56) బాదగా.. అభిషేక్‌ శర్మ (24 బంతుల్లో 29) నిరాశపరిచాడు. ఇక ఇషాన్‌ కిషన్‌ (6), కెప్టెన్‌ శ్రేయస్‌ అయ్యర్‌ (16), నమన్‌ ధిర్‌ (0) పూర్తిగా విఫలమయ్యారు.Fighting it out in the middle 💪 Vice-captain @TilakV9 at it 👊 Updates ▶️ https://t.co/ksuQbTW6n5 #TeamIndia | #INDvWI | @mflone_ https://t.co/1XOO24YxkR— BCCI (@BCCI) October 14, 2026పోరాడిన తిలక్‌ వర్మ, నితీశ్‌ రెడ్డిమిగిలిన వారిలో లోకల్‌ బాయ్స్‌ వైస్‌ కెప్టెన్‌ తిలక్‌ వర్మ (25 బంతుల్లో 43), ఆల్‌రౌండర్‌ నితీశ్‌ కుమార్‌ రెడ్డి (20 బంతుల్లో 41) కాసేపు పోరాడారు. అయితే, విండీస్‌ బౌలర్ల ధాటికి భారత్‌ వరుస విరామాల్లో వికెట్లు కోల్పోగా.. ఆఖరి ఓవర్లో ఒక వికెట్‌ చేతిలో ఉండగా.. విజయానికి 35 పరుగులు చేయాల్సిన పరిస్థితి.భుజానికి తాకిన బంతిఇలాంటి దశలో విండీస్‌ పేసర్‌ షమార్‌ జోసెఫ్‌ బంతితో రంగంలోకి దిగగా.. టెయిలెండర్‌ అర్ష్‌దీప్‌ సింగ్‌ క్రీజులో ఉన్నాడు. చివరి ఓవర్‌ తొలి బంతికే ఫోర్‌ బాదిన అర్ష్‌.. ఆ తర్వాత వైడ్‌ రాగా.. మరుసటి రెండు బంతుల్లో పరుగులు చేయలేకపోయాడు.మూడో బంతిని షమార్‌ షార్ట్‌ బాల్‌గా సంధించగా.. అర్ష్‌ భుజానికి బలంగా తాకింది. దీంతో అతడు నొప్పితో విలవిల్లాడగా.. ఫిజియో వచ్చి పరిశీలించాడు. ఇంతలో కెప్టెన్‌ షాయీ హోప్‌ సహచర సభ్యులతో కలిసి నవ్వులు చిందించాడు. ఆ తర్వాతి బంతిని కూడా షమార్‌ అర్ష్‌ మీదకు వేశాడు. ఒకవేళ అతడు షాట్‌ మిస్‌ చేసి ఉండకపోతే మరోసారి అదే భుజానికి బంతి తాకేది.శ్రేయస్‌ పెద్ద మనసు అయితే, అదృష్టవశాత్తూ అర్ష్‌ తప్పించుకోగా.. ఫోర్‌ బైస్‌, వైడ్‌ రూపంలో టీమిండియాకు ఐదు పరుగులు వచ్చాయి. కానీ ఆ తర్వాత అర్ష్‌ ఆటను కొనసాగించలేకపోయాడు. అంపైర్‌తో చర్చల తర్వాత అర్ష్‌దీప్‌ రిటైర్ట్‌ హర్ట్‌గా మైదానం వీడగా.. వెస్టిండీస్‌ గెలుపు ఖరారైంది. నిజానికి అర్ష్‌ భుజానికి బంతి తాకినపుడే కెప్టెన్‌ శ్రేయస్‌ అయ్యర్‌ అతడిని వెనక్కి రమ్మంటూ డగౌట్‌ నుంచి సైగలు చేసి పెద్ద మనసు చాటుకున్నాడు.మానవత్వం, క్రీడాస్ఫూర్తి లేవా?అయితే, షమార్‌ జోసెఫ్‌ మాత్రం మరోసారి అర్ష్‌దీప్‌ గాయపడేలా టార్గెట్‌ చేయడాన్ని కామెంట్రీలో ఉన్న సునిల్‌ గావస్కర్‌ తప్పుబట్టాడు. ‘‘చూడండి అతడు కావాలనే అర్ష్‌దీప్‌ను లక్ష్యంగా చేసుకున్నాడు. బ్యాటర్‌పై ఇలా దాడి చేయడం ఎందుకు?’’ అని మండిపడ్డాడు. మరో మాజీ క్రికెటర్‌ శ్రీవత్స్‌ గోస్వామి కూడా షమార్‌ తీరుపై ఆగ్రహం వ్యక్తం చేశాడు. ‘‘అర్ష్‌దీప్‌ క్రీజులో ఉన్న వేళ షమార్‌ జోసెఫ్‌ చేసి క్రీడా స్ఫూర్తికి విరుద్ధం.అర్ష్‌దీప్‌ ఆ పరిస్థితిలో టీమిండియాను గెలిపించే పరిస్థితి లేదు. అక్కడ హోరాహోరీ పోరేమీ లేదు. అయినా షమార్‌ స్టంప్స్‌ మీదకు కాకుండా కావాలనే అర్ష్‌దీప్‌ను బంతితో కొట్టాలని చేసినట్లుగా అనిపించింది’’ అని సోషల్‌ మీడియా వేదికగా విండీస్‌ పేసర్‌ తీరును విమర్శించాడు.వెస్టిండీస్‌తో నాలుగో టీ20లో టీమిండియా ఓటమి పాలైన సంగతి తెలిసిందే. హైదరాబాద్‌లో బుధవారం నాటి మ్యాచ్‌లో పర్యాటక జట్టు చేతిలో 24 పరుగుల తేడాతో ఓడిపోయింది. తద్వారా విండీస్‌ ఐదు మ్యాచ్‌ల సిరీస్‌ను 2-2తో సమం చేసి రేసులోకి రాగా.. బెంగళూరు టీ20తో శనివారం సిరీస్‌ ఫలితం తేలనుంది.చదవండి: పృథ్వీ షాకు మంచి రోజులు

వెస్టిండీస్‌ కెప్టెన్‌ షాయ్‌ హోప్‌ ప్రస్తుత భారత పర్యటనలో ఆకాశమే హద్దుగా చెలరేగుతున్నాడు. ఈ పర్యటనలో తొలుత జరిగిన వన్డే సిరీస్‌లో రెండు సెంచరీలు (2, 3 వన్డేల్లో) బాదిన అతడు.. ప్రస్తుతం జరుగుతున్న ఐదు మ్యాచ్‌ల టీ20 సిరీస్‌లో మరో రెండు శతకాలు సాధించాడు. తొలుత రెండో టీ20లో శతక్కొట్టిన హోప్‌, ఇవాళ జరుగుతున్న నాలుగో టీ20లో మరింత రెచ్చిపోయి, కెరీర్‌లో మూడో టీ20 శతకాన్ని బాదాడు.ఈ క్రమంలో హోప్‌ విండీస్‌ తరఫున టీ20ల్లో​ అత్యధిక సెంచరీలు (3) చేసిన ప్లేయర్‌గా క్రిస్‌ గేల్‌ (2), ఎవిన్‌ లూయిస్‌ (2) రికార్డు బద్దలు కొట్టాడు. తాజా శతకం హోప్‌కు మూడు ఫార్మాట్లలో 29వది. వన్డేల్లో 21, టెస్ట్‌ల్లో 5 శతకాలు సాధించిన అతడు.. టీ20ల్లో మూడు శతకాలు బాదాడు.ప్రస్తుత టీ20 సిరీస్‌లోని తొలి టీ20లోనూ హోప్‌ రాణించాడు. ఆ మ్యాచ్‌లో అతడు అర్ద సెంచరీ చేశాడు. మొత్తంగా ఈ సిరీస్‌లో హోప్‌ భీకర ఫామ్‌ను ప్రదర్శిస్తున్నాడు.మ్యాచ్‌ విషయానికొస్తే.. హోప్‌ శతకొట్టుడుతో నాలుగో టీ20లో తొలుత బ్యాటింగ్‌ చేసిన విండీస్‌ భారీ స్కోర్‌ చేసింది. నిర్ణీత 20 ఓవర్లలో ఆ జట్టు 3 వికెట్ల నష్టానికి 247 పరుగులు చేసింది. హోప్‌ ఇన్నింగ్స్‌ చివరి రెండు బంతులను సిక్సర్లుగా మలిచి సెంచరీ (50 బంతుల్లో 102 నాటౌట్‌; 4 ఫోర్లు, 9 సిక్సర్లు) పూర్తి చేసుకున్నాడు. హోప్‌కు జతగా రూథర్‌ఫోర్డ్‌ (49 నాటౌట్‌) కూడా ఆఖర్లో మెరుపు ఇన్నింగ్స్‌ ఆడాడు.విండీస్‌ ఇన్నింగ్స్‌లో జువెల్‌ ఆండ్రూ (21), హెట్‌మైర్‌ (33), రోవ్‌మన్‌ పావెల్‌ (24) కూడా మెరుపు ఇన్నింగ్స్‌లు ఆడి ఔటయ్యారు. భారత బౌలర్లలో అర్షదీప్‌ సింగ్‌, ప్రిన్స్‌ యాదవ్‌, అక్షర్‌ పటేల్‌కు తలో వికెట్‌ దక్కింది. కాగా, ఐదు మ్యాచ్‌ల ఈ సిరీస్‌లో భారత్‌ 2-1 ఆధిక్యంలో కొనసాగుతున్న విషయం తెలిసిందే.ధీటుగా జవాబిస్తున్న భారత్‌248 పరుగుల భారీ లక్ష్య ఛేదనలో భారత్‌ ధీటుగా జవాబిస్తుంది. తొలి 6 ఓవర్లలో 2 వికెట్లు కోల్పోయి 80 పరుగులు చేసింది. ఓపెనర్‌ సంజూ శాంసన్‌ మెరుపు అర్ద శతకం (56) బాది ఔటయ్యాడు. ఇషాన​్‌ కిషన్‌ కూడా సిక్సర్‌ బాది మంచి టచ్‌లో ఉన్నట్టు కనిపి​ంచినా, ఆతర్వాత బంతికే ఔటయ్యాడు. అభిషేక్‌ (8), శ్రేయస్‌ అయ్యర్‌ (6) క్రీజ్‌లో ఉన్నారు.ఇదీ చదవండి: IND vs WI: శతక్కొట్టిన కెప్టెన్‌.. విండీస్‌ భారీ స్కోరు

టీమిండియాతో నాలుగో టీ20లో వెస్టిండీస్‌ భారీ స్కోరు సాధించింది. హైదరాబాద్‌ వేదికగా నిర్ణీత 20 ఓవర్లలో కేవలం మూడు వికెట్లు నష్టపోయి ఏకంగా 247 పరుగులు చేసింది. కెప్టెన్‌ షాయీ హోప్‌ 50 బంతుల్లో సెంచరీ చేశాడు.హెట్‌మైర్‌ మెరుపులుఉప్పల్‌ స్టేడియంలో టాస్‌ గెలిచిన భారత్‌ తొలుత బౌలింగ్‌ ఎంచుకోగా.. విండీస్‌ బ్యాటింగ్‌కు దిగింది. ఓపెనర్లలో జువెల్‌ ఆండ్రూ (16 బంతుల్లో 21) వేగంగా ఆడే క్రమంలో అక్షర్‌ పటేల్‌కు వికెట్ల ముందు దొరికిపోయాడు. ఈ క్రమంలో మరో ఓపెనర్‌, కెప్టెన్‌ షాయీ హోప్‌నకు తోడైన షిమ్రన్‌ హెట్‌మైర్‌ మెరుపులు (12 బంతుల్లో 33) మెరిపించాడు.BREAKTHROUGH WHEN INDIA NEEDED IT MOST! 💪 #PrinceYadav with a game-changing caught & bowled to break the flow and send #ShimronHetmyer back! #INDvWI 4th T20I | LIVE NOW 👉 https://t.co/u6TUkXnpvZ https://t.co/piPnGp3LU2— Star Sports (@StarSportsIndia) October 14, 2026రూథర్‌ఫర్డ్‌ ధనాధన్‌హోప్‌తో కలిసి రెండో వికెట్‌కు 24 బంతుల్లో 58 పరుగులు జోడించాడు. ఇక రోవ్‌మన్‌ పావెల్‌ (17 బంతుల్లో 24) ఫర్వాలేదనిపించగా.. హోప్‌తో కలిసి షెర్ఫానే రూథర్‌ఫర్డ్‌ స్కోరు బోర్డును పరుగులు పెట్టించాడు. ఇద్దరూ కలిసి నాలుగో వికెట్‌కు 43 బంతుల్లో 91 పరుగుల భాగస్వామ్యం నెలకొల్పారు.శతక్కొట్టిన హోప్‌ఈ క్రమంలో రూథర్‌ఫర్డ్‌ 26 బంతుల్లో 4 ఫోర్లు, 3 సిక్సర్లు బాది 49 పరుగులతో అజేయంగా నిలిచాడు. ఇక హోప్‌ ఇన్నింగ్స్‌ ఆఖరి బంతికి సిక్సర్‌ బాది శతకం పూర్తి చేసుకున్నాడు. మొత్తంగా 50 బంతులు ఎదుర్కొన్న ఈ వికెట్‌ కీపర్‌ బ్యాటర్‌.. 4 ఫోర్లు, 9 సిక్సర్లు బాది 102 పరుగులతో నాటౌట్‌గా నిలిచాడు. కాగా హోప్‌నకు ఈ సిరీస్‌లో ఇది రెండో సెంచరీ కావడం విశేషం. అంతేకాదు ఈ సెంచరీతో అతడు అంతర్జాతీయ పొట్టి క్రికెట్లో రెండు వేల పరుగుల మైలురాయిని చేరుకున్నాడు. ఇక భారత బౌలర్లలో అక్షర్‌ పటేల్‌, అర్ష్‌దీప్‌ సింగ్‌, ప్రిన్స్‌ యాదవ్‌ తలా ఒక వికెట్‌ తీశారు. కాగా ఐదు మ్యాచ్‌ల టీ20 సిరీస్‌లో భారత్‌ 2-1తో ఆధిక్యంలో ఉన్న సంగతి తెలిసిందే.చదవండి: పాకిస్తాన్‌ కెప్టెన్‌ ప్రపంచ రికార్డు

హైదరాబాద్‌ వేదికగా భారత్‌తో జరుగుతున్న నాలుగో టీ20లో​ వెస్టిండీస్‌ జట్టు సరికొత్త రికార్డు నెలకొల్పింది. ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన ఆ జట్టు ధాటిగా ఆడుతుంది. ఈ క్రమంలో పవర్‌ ప్లేలో (తొలి 6 ఓవర్లలో) భారీ స్కోర్‌ (79-1) సాధించి, సరికొత్త రికార్డు సృష్టించింది.భారత్‌పై టీ20 పవర్‌ ప్లేలో విండీస్‌కు ఇదే అత్యధిక స్కోర్‌. 2016లో లాడర్‌హిల్‌లో వికెట్‌ నష్టపోకుండా చేసిన 78 పరుగులే దీనికి ముందు అత్యధిక పవర్‌ ప్లే స్కోర్‌గా ఉండింది. హైదరాబాద్‌ టీ20లో విండీస్‌ ఆ రికార్డును బద్దలు కొట్టింది.పవర్‌ ప్లే తర్వాత కూడా దూకుడుగా ఆడుతున్న విండీస్‌ బ్యాటర్లు జట్టును భారీ స్కోర్‌ దిశగా తీసుకెళ్తున్నారు. 12.5 ఓవర్ల తర్వాత జట్టు స్కోర్‌ 156-3గా ఉంది. జువెల్‌ ఆండ్రూ (21), హెట్‌మైర్‌ (33), రోవ్‌మన్‌ పావెల్‌ (24) మెరుపు ఇన్నింగ్స్‌లు ఆడి ఔట్‌ కాగా.. హోప్‌ (63), రూథర్‌ఫోర్డ్‌ (0) క్రీజ్‌లో ఉన్నారు. భారత బౌలర్లలో అర్షదీప్‌ సింగ్‌, ప్రిన్స్‌ యాదవ్‌, అక్షర్‌ పటేల్‌కు తలో వికెట్‌ దక్కింది. కాగా, ఐదు మ్యాచ్‌ల ఈ సిరీస్‌లో భారత్‌ 2-1 ఆధిక్యంలో కొనసాగుతున్న విషయం తెలిసిందే.భారత్‌పై సంయుక్త పవర్‌ప్లే రికార్డుఓవరాల్‌గా కూడా విండీస్‌ భారత్‌పై సంయుక్త పవర్‌ప్లే రికార్డు సాధించింది. ఈ మ్యాచ్‌ పవర్‌ ప్లేలో విండీస్‌ చేసిన 79-1 స్కోర్‌, భారత్‌పై ఏ జట్టైనా చేసిన అత్యధిక స్కోర్‌గా నిలిచింది. ఈ ఏడాది ప్రారంభంలో తిరువనంతపురంలో న్యూజిలాండ్ కూడా భారత్‌పై 79-1 స్కోర్‌ చేసింది. ఈ రికార్డును విండీస్‌ ఈ మ్యాచ్‌లో సమం చేసింది. ఇదీ చదవండి: ఎస్‌ఆర్‌హెచ్‌లోకి స్టార్‌ ప్లేయర్‌ రీఎంట్రీ

టీమిండియా చిచ్చర పిడుగు వైభవ్‌ సూర్యవంశీ చాన్నాళ్లుగా సొంతగడ్డపై బెంచ్‌కే పరిమితం అవుతున్నాడు. ఇంగ్లండ్‌ పర్యటన సందర్భంగా ఈ ఏడాది అంతర్జాతీయ క్రికెట్‌లో అడుగుపెట్టిన ఈ పదిహేనేళ్ల పిల్లాడు.. ఆరంభంలో విఫలమైనా తిరిగి పుంజుకున్నాడు.ముఖ్యంగా జింబాబ్వేతో టీ20 సిరీస్‌లో వైభవ్‌ సూర్యవంశీ అదరగొట్టాడు. మూడు మ్యాచ్‌లలో కలిపి 151 పరుగులు చేసి.. భారత్‌ 3-0 తేడాతో జింబాబ్వేను క్లీన్‌స్వీప్‌ చేయడంలో కీలక పాత్ర పోషించాడు. తద్వారా ‘ప్లేయర్‌ ఆఫ్‌ ది సిరీస్‌’ అవార్డు సొంతం చేసుకున్నాడు.వీవీఎస్‌ ఛాన్స్‌ ఇచ్చినా.. గంభీర్‌ నో!అయితే, ఆ వెంటనే స్వదేశంలో అఫ్గానిస్తాన్‌తో టీ20 సిరీస్‌కు ఎంపికైనప్పటికీ.. వైభవ్‌ బెంచ్‌కే పరిమితం అవ్వాల్సి వచ్చింది. సీనియర్‌ ఓపెనర్‌ సంజూ శాంసన్‌ రాకతో ఈ లెఫ్టాండర్‌ బ్యాటర్‌కు తుదిజట్టులో చోటు కరువైంది. అయితే, ఆసియా క్రీడలు-2026 టోర్నీలో తాత్కాలిక హెడ్‌కోచ్‌ వీవీఎస్‌ లక్ష్మణ్‌ వైభవ్‌ను ఆడించాడు.కానీ.. తాజాగా వెస్టిండీస్‌తో సొంతగడ్డపై టీ20 సిరీస్‌లోనూ వరుస మ్యాచ్‌లలో వైభవ్‌ను మళ్లీ పక్కనపెట్టేశారు. తాజాగా హైదరాబాద్‌ వేదికగా విండీస్‌తో నాలుగో టీ20లోనూ వైభవ్‌కు మొండిచేయే ఎదురైంది. టీ20 ప్రపంచకప్‌-2026 హీరో సంజూకు వరుస అవకాశాలు ఇచ్చే క్రమంలో ఈ బిహారీ పిల్లాడు మరికొన్నాళ్లు వేచిచూడక తప్పదని హెడ్‌కోచ్‌ గౌతం గంభీర్‌ ఇప్పటికే స్పష్టం చేశాడు.అవకాశం ఇవ్వొద్దని వాళ్లు భీష్మించుకున్నారుఈ పరిణామాల నేపథ్యంలో వైభవ్‌ సూర్యవంశీ చిన్ననాటి కోచ్‌ మనీశ్‌ ఓజా ఘాటుగా స్పందించాడు. ‘టైమ్స్‌ నౌ’తో మాట్లాడుతూ.. ‘‘ప్రస్తుత టీమిండియా యాజమాన్యం.. ఆటగాళ్లను బెంచ్‌కే పరిమితం చేయడం ద్వారా జట్టును పటిష్టం చేయగలమని భావిస్తుందేమో!.. అందుకే వాళ్లు వైభవ్‌ను పక్కనపెడుతున్నారు.ఎంతో మంది దిగ్గజ ఆటగాళ్లు ఉన్నారు. వారితో మాట్లాడితే మీకు అన్నీ అర్థమవుతాయి. తదుపరి తరం ఆటగాళ్లను తయారు చేయాలంటే వారికి ఆడే అవకాశాలు ఇవ్వాలని తెలిసి వస్తుంది. ఈ పిల్లాడికి అవకాశం ఇవ్వొద్దని వాళ్లు భీష్మించుకుని కూర్చున్నారు.నీళ్ల బాటిళ్లు మోయడం వల్ల నో యూజ్‌అతడిని విసిగెత్తిపోయేలా చేస్తున్నారు. జట్టుకు తాను ఉపయోగం లేదనే భావన కల్పిస్తున్నారు. అలాంటపుడు ఆ పిల్లాడు ఎంతలా వేదన చెంది ఉంటాడు. ఈ వయసులో వరుస మ్యాచ్‌లు ఆడితేనే అతడిలో ఆత్మవిశ్వాసం పెరుగుతుంది. అంతేగానీ బెంచ్‌ మీదే ఉంటూ.. నీళ్ల బాటిళ్లు మోయడం వల్ల ఎలాంటి ప్రయోజనం చేకూరదు.ప్రస్తుతం ఉన్న మేనేజ్‌మెంట్‌ నియంతృత్వ ధోరణి అవలంభిస్తోంది. వాళ్ల మనసుకు ఏది తోస్తే అదే చేస్తున్నారు. అంతేతప్ప ఆటగాళ్లు, వారి భవిష్యత్తు గురించి ఆలోచించడం లేదు. వైభవ్‌ ఓ తుఫాను లాంటివాడు. అతడిని ఎవరూ ఆపలేరు. నక్షత్రాలు, సూర్యుడి మాదిరి అతడు ప్రకాశించడాన్ని ఎవరూ ఆపలేరు. కాకపోతే అందుకు తగిన అవకాశాలు రావాలి. కచ్చితంగా ఆ సమయం వస్తుంది’’ అని మనీశ్‌ ఓజా పేర్కొన్నాడు.చదవండి: పాకిస్తాన్‌ కెప్టెన్‌ ప్రపంచ రికార్డు

హైదరాబాద్‌ టీ20లో 24 పరుగుల తేడాతో భారత్‌ ఓటమి పాలైంది. 248 పరుగుల భారీ లక్ష్యంతో బరిలోకి టీమిండియా 19.3 ఓవర్లలో 223 పరుగులు మాత్రమే చేయగల్గింది. సంజూ శాంసన్‌(56), తిలక్‌ వర్మ(43), నితీశ్‌ కుమార్‌ రెడ్డి(41) రాణించినప్పటికి జట్టును గెలిపించలేకపోయారు.ఓటమికి చేరువలో టీమిండియాటీమిండియా 18 ఓవర్లలో వరుసగా రెండు వికెట్లు కోల్పోయింది. రెండో బంతికి నితీశ్‌ కుమార్‌ రెడ్డి(41) అవుట్‌ కాగా.. నాలుగోబ బంతికి ప్రిన్స్‌ యాదవ్‌ క్లీన్‌ బౌల్డయ్యాడు. భారత విజయా విజయానికి పది బంతుల్లో 34 పరుగులు కావాలి.టీమిండియా ఆరో వికెట్‌ డౌన్‌టీమిండియా ఆరో వికెట్‌ కోల్పోయింది. 25 బంతుల్లో 43 పరుగులు చేసిన తిలక్‌ వర్మ.. షెఫర్డ్‌ బౌలింగ్‌లో ఔటయ్యాడు.దూకుడుగా ఆడుతున్న తిలక్‌, నితీశ్‌టీమిండియా బ్యాటర్లు నితీశ్‌ కుమార్‌ రెడ్డి(32), తిలక్‌ వర్మ(34) దూకుడుగా ఆడుతున్నారు. భారత్‌ విజయానికి 24 బంతుల్లో 59 పరుగులు కావాలి.ఒకే ఓవర్‌లో రెండు వికెట్లు.. పోరాడుతున్న తిలక్‌12 ఓవర్‌లో భారత్‌ వరుసగా రెండు వికెట్లు కోల్పోయింది. మూడో బంతికి అభిషేక్‌ శర్మ(29), నాలుగో బంతికి నమన్‌ ధీర్‌(0) పెవిలియన్‌కు చేరారు. 14 ఓవర్లకు టీమిండియా స్కోర్‌: 156-5. క్రీజులో తిలక్‌ వర్మ(33), నితీశ్‌ కుమార్‌ రెడ్డి(6) ఉన్నారు.10 ఓవర్ల తర్వాత భారత్‌ స్కోర్‌ 115-3అభిషేక్‌ 24, తిలక్‌ 8కష్టాల్లో టీమిండియా.. మూడో వికెట్‌ డౌన్‌8.2వ ఓవర్‌- టీమిండియా కష్టాల్లో పడింది. 248 పరుగుల భారీ లక్ష్య ఛేదనలో 97 పరుగుల వద్ద మూడో వికెట్‌ కోల్పోయింది. స్ప్రింగర్‌ బౌలింగ్‌లో ఆండ్రూకు క్యాచ్‌ ఇచ్చి శ్రేయస్‌ అయ్యర్‌ (16) ఔటయ్యాడు.ఒకే ఓవర్‌లో 2 వికెట్లు కోల్పోయిన భారత్‌కీమో పాల్‌ వేసిన ఇన్నింగ్స్‌ ఐదో ఓవర్‌లో భారత్‌ రెండు వికెట్లు కోల్పోయింది. తొలి బంతికి శాంసన్‌ ఔట్‌ కాగా.. నాలుగో బంతికి ఇషాన్‌ కిషన్‌ (6) పెవిలియన్‌కు చేరాడు. 4.5 ఓవర్ల తర్వాత భారత్‌ స్కోర్‌ 68-2గా ఉంది. అభిషేక్‌ (2), శ్రేయస్‌ (1) క్రీజ్‌లో ఉన్నారు. శాంసన్‌ (56) ఔట్‌4.1వ ఓవర్‌- ధాటిగా ఆడుతున్న శాంసన్‌ (56) కీమో పాల్‌ బౌలింగ్‌లో హెట్‌మైర్‌కు క్యాచ్‌ ఇచ్చి ఔటయ్యాడు.దంచికొడుతున్న శాంసన్‌గత మ్యాచ్‌లో విఫలమైన సంజూ శాంసన్‌ ఈ మ్యాచ్‌లో చెలరేగి ఆడుతున్నాడు. కేవలం​ 18 బంతుల్లోనే 4 ఫోర్లు, 4 సిక్సర్ల సాయంతో 47 పరుగులు చేసి ఇన్నింగ్స్‌ను కొనసాగిస్తున్నాడు. శాంసన్‌ ధాటికి భారత్‌ 3 ఓవర్లలోనే 50 పరుగులు చేసింది. శాంసన్‌ మరో ఎండ్‌లో ఉన్న అభిషేక్‌కు (1) స్ట్రయిక్‌ ఇవ్వలేదు.హోప్‌ సెంచరీ.. విండీస్‌ భారీ స్కోర్‌టాస్‌ ఓడి తొలుత బ్యాటింగ్‌ చేసిన వెస్టిండీస్‌ భారీ స్కోర్‌ చేసింది. నిర్ణీత 20 ఓవర్లలో ఆ జట్టు 3 వికెట్ల నష్టానికి 247 పరుగులు చేసింది. ఓపెనర్‌ షాయ్‌ హోప్‌ ఇన్నింగ్స్‌ చివరి రెండు బంతులను సిక్సర్లుగా మలిచి, ఈ సిరీస్‌లో రెండో సెంచరీ (50 బంతుల్లో 102 నాటౌట్‌; 4 ఫోర్లు, 9 సిక్సర్లు) పూర్తి చేసుకున్నాడు. హోప్‌కు జతగా రూథర్‌ఫోర్డ్‌ (49 నాటౌట్‌) కూడా మెరుపు ఇన్నింగ్స్‌ ఆడాడు. పద్దెనిమిది ఓవర్లలో విండీస్‌ స్కోరు: 218-3హోప్‌ 83, రూథర్‌ఫర్డ్‌ 39 పరుగులతో ఉన్నారు.అతి భారీ స్కోర్‌ దిశగా విండీస్‌విండీస్‌ జట్టు అతి భారీ స్కోర్‌ దిశగా సాగుతోంది. 17 ఓవర్ల తర్వాత ఆ జట్టు స్కోర్‌ 207-3గా ఉంది. హోప్‌ 83, రూథర్‌ఫోర్డ్‌ 31 పరుగులతో క్రీజ్‌లో ఉన్నారు. పదహారు ఓవర్లలో విండీస్‌ స్కోరు: 185-3హోప్‌ 78, రూథర్‌ఫర్డ్‌ 14 పరుగులతో ఉన్నారు.మూడో వికెట్‌ కోల్పోయిన విండీస్‌12.5వ ఓవర్‌- 156 పరుగుల వద్ద విండీస్‌ మూడో వికెట్‌ కోల్పోయింది. అర్షదీప్‌ బౌలింగ్‌లో సంజూ శాంసన్‌కు క్యాచ్‌ ఇచ్చి రోవ్‌మన్‌ పావెల్‌ (24) ఔటయ్యాడు. 10 ఓవర్ల తర్వాత విండీస్‌ స్కోర్‌ 118-2హోప్‌ 47, పావెల్‌ 3 పరుగులతో క్రీజ్‌లో ఉన్నారు. రెండో వికెట్‌ కోల్పోయిన విండీస్‌8.2వ ఓవర్‌: ప్రిన్స్‌ యాదవ్‌ బౌలింగ్‌లో రెండో వికెట్‌గా వెనుదిరిగిన హెట్‌మైర్‌ (12 బంతుల్లో 33). పావెల్‌ క్రీజులోకి వచ్చాడు. విండీస్‌ స్కోరు: 114-2 (9). హోప్‌ 44 పరుగులతో ఉన్నాడు.సెంచరీ కొట్టేసిన వెస్టిండీస్‌ఎనిమిది ఓవర్లలో విండీస్‌ స్కోరు: 109-1షాయీ హోప్‌ 42, హెట్‌మైర్‌ 33 పరుగులతో ఉన్నారు.6 ఓవర్ల తర్వాత విండీస్‌ స్కోర్‌ 79-1ఆండ్రూ వికెట్‌ పడ్డాక కూడా విండీస్‌ బ్యాటర్లు ఏమాత్రం తగ్గడం లేదు. హోప్‌ (28), హెట్‌మైర్‌ (17) ధాటిగా ఆడుతున్నారు. 6 ఓవర్ల తర్వాత విండీస్‌ స్కోర్‌ 79-1గా ఉంది. తొలి వికెట్‌ కోల్పోయిన విండీస్‌4.2వ ఓవర్‌- 52 పరుగుల వద్ద విండీస్‌ తొలి వికెట్‌ కోల్పోయింది. అక్షర్‌ పటేల్‌ బౌలింగ్‌లో జువెల్‌ ఆండ్రూ (21) ఎల్బీడబ్ల్యూ అయ్యాడు.3 ఓవర్ల తర్వాత విండీస్‌ స్కోర్‌ 40-0టాస్‌ ఓడి తొలుత బ్యాటింగ్‌కు దిగిన వెస్టిండీస్‌ 3 ఓవర్ల తర్వాత వికెట్‌ నష్టపోకుండా 40 పరుగులు చేసింది. జువెల్‌ ఆండ్రూ (20) ధాటిగా ఆడుతున్నాడు. హోప్‌ (9) ఆచితూచి ఆడుతున్నాడు. టాస్‌ గెలిచి బౌలింగ్‌ ఎంచుకున్న భారత్‌భారత్‌-వెస్టిండీస్‌ జట్ల మధ్య ఇవాళ హైదరాబాద్‌లోని ఉప్పల్‌ స్టేడియంలో టీ20 మ్యాచ్‌ జరుగుతుంది. ఐదు మ్యాచ్‌ల సిరీస్‌లో భాగంగా జరుగుతున్న నాలుగో టీ20 ఇది. ఈ మ్యాచ్‌లో టాస్‌ గెలిచిన భారత్‌ ఫీల్డింగ్‌ ఎంచుకుంది. ఈ సిరీస్‌లో భారత్‌ 2-1 ఆధిక్యంలో కొనసాగుతోంది. మొదటి, మూడు మ్యాచ్‌లు భారత్‌ గెలవగా, విండీస్‌ రెండో టీ20లో గెలిచింది. భారత తుది జట్టులో ఎలాంటి మార్పులూ లేవు. విండీస్‌ తుదిజట్టులో కమిల్‌ పూరన్‌ స్థానంలో జువెల్‌, సాంప్సన్‌ స్థానంలో షెఫర్డ్‌ వచ్చారు. తుది జట్లు..భారత్‌: సంజు శాంసన్ (WK), అభిషేక్ శర్మ, ఇషాన్ కిషన్, శ్రేయాస్ అయ్యర్ (c), తిలక్ వర్మ, నమన్ ధీర్, నితీష్ రెడ్డి, అక్షర్ పటేల్, అర్షదీప్‌ సింగ్, ప్రిన్స్ యాదవ్, మయాంక్ యాదవ్వెస్టిండీస్‌: షాయ్ హోప్ (c & wk), జువెల్‌ ఆండ్రూ, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్‌, కీమో పాల్, షమర్ స్ప్రింగర్, రోస్టన్ చేజ్, షమర్ జోసెఫ్, గుడాకేష్ మోటీఇదీ చదవండి: ఎస్‌ఆర్‌హెచ్‌లోకి స్టార్‌ ప్లేయర్‌ రీఎంట్రీ

టీమిండియా- వెస్టిండీస్‌ మధ్య బుధవారం నాటి నాలుగో టీ20 మ్యాచ్‌కు రంగం సిద్ధమైంది. హైదరాబాద్‌లోని ఉప్పల్‌లో గల రాజీవ్‌ గాంధీ అంతర్జాతీయ స్టేడియం ఇందుకు వేదిక. ఈ నేపథ్యంలో మ్యాచ్‌కు ముందు భారత టీ20 జట్టు వైస్‌ కెప్టెన్‌ తిలక్‌ వర్మ మీడియాతో మాట్లాడాడు.మునుపెన్నడూ చూడని రనౌట్‌ అంటూ విమర్శలువిండీస్‌తో జరిగిన మూడో టీ20 మ్యాచ్‌లో తాను రనౌట్‌ అయిన తీరుపై వస్తున్న విమర్శలపై ఈ సందర్భంగా స్పందించాడు. కాగా ఇండోర్‌ మ్యాచ్‌లో తిలక్‌ వర్మ 16 బంతుల్లో నాలుగు ఫోర్ల సాయంతో 28 పరుగులు చేశాడు. అయితే, టీమిండియా ఇన్నింగ్స్‌లో పదిహేడో ఓవర్లో గుడకేశ్‌ మోటీ బౌలింగ్‌కు రాగా.. నాలుగో బంతిని అక్షర్‌ పటేల్‌ బౌండరీ దిశగా తరలించాడు.ఈ క్రమంలో మరో ఎండ్‌లో ఉన్న తిలక్‌ వర్మతో కలిసి అక్షర్‌ సింగిల్‌కు వెళ్లాడు. ఆ సమయంలో బంతి బౌండరీని తాకిందని పొరపడి.. ఇద్దరూ పంచ్‌లు ఇచ్చుకుని సెలబ్రేట్‌ చేసుకోగా.. ఫీల్డర్‌ కామిల్‌ పూరన్‌ మాత్రం అనూహ్య రీతిలో బంతి బౌండరీ తాకకుండా ఆపాడు.అంతేగాక దానిని వికెట్‌ కీపర్‌, కెప్టెన్‌ షాయీ హోప్‌ వైపు విసరగా.. అక్షర్‌ పటేల్‌ అప్పటికే క్రీజులోకి వచ్చాడు. కానీ తిలక్‌ వర్మ మాత్రం నెమ్మదిగా నడుచుకుంటూ క్రీజు వైపు కదిలాడు. అంతలోనే పాదరసంలా కదిలిన కరేబియన్‌ ఆటగాళ్లు వికెట్లను బంతితో గిరాటేయడంతో తిలక్‌ వర్మ రనౌట్‌గా వెనుదిరగాల్సి వచ్చింది.𝐖𝐀𝐈𝐓, 𝐖𝐇𝐀𝐓 𝐉𝐔𝐒𝐓 𝐇𝐀𝐏𝐏𝐄𝐍𝐄𝐃?! 🤯 A near-boundary save turns into a run-out as the West Indies catch Tilak Varma short of his crease! #INDvWI 3rd T20I | LIVE NOW 👉 https://t.co/GmwwFjql5J https://t.co/plCeyKV5SE— Star Sports (@StarSportsIndia) October 11, 2026 నిద్రపోతున్నావా?ఈ నేపథ్యంలో సునిల్‌ గావస్కర్‌ వంటి దిగ్గజాలు.. ‘మైదానంలో నిద్రపోతున్నావా? ఇవన్నీ చిన్న పిల్లల చేష్టలు’ అంటూ తిలక్‌ వర్మను తీవ్ర స్థాయిలో విమర్శించారు. ఈ విషయంపై తాజాగా స్పందిస్తూ.. ‘‘నేను రనౌట్‌ అయిన విధానం గురించి చాలా మంది చాలా రకాలుగా మాట్లాడుతున్నారు.అక్షర్‌ కూడా అలానే జరిగిందనుకున్నాడునిజానికి బౌండరీ వెనుక హోర్డింగ్స్‌ ఉన్నాయి. అప్పుడు అక్కడ ఓ ఫ్లాష్‌ వచ్చింది. కాబట్టి బంతి హోర్డింగ్‌ను తాకిందని నేను భావించాను. నేనే కాదు.. అక్షర్‌ కూడా అలానే జరిగిందనుకున్నాడు. అందుకే ఇద్దరం మధ్యలోనే కాసేపు ఆగిపోయాము. బంతి బౌండరీకి తాకిందనే అనుకున్నాము.కానీ దురదృష్టవశాత్తూ.. అప్పటికే బంతిని అక్షర్‌ ఎండ్‌ వైపు విసిరారు. నేను నాన్‌ స్ట్రైకర్‌ ఎండ్‌లో ఉన్నాను. కాబట్టి బంతిని చూడలేకపోయాను. అప్పటికే మా జట్టు ఆటగాళ్లు బయటి నుంచి గట్టిగా కేకలు వేస్తూనే ఉన్నారు. నన్ను త్వరగా క్రీజులోకి వెళ్లమన్నారు.అందుకే నేను నింపాదిగా నడుచుకుంటూ వెళ్లానుఒకవేళ అక్షర్‌కు అయినా వాళ్లు రనౌట్‌ చేస్తారనే ఐడియా ఉంటే నన్ను కచ్చితంగా వేగంగా పరిగెత్తమని చెప్పేవాడే. కానీ మేము బంతి బౌండరీకి వెళ్లిందని భావించాము. అందుకే నేను నింపాదిగా నడుచుకుంటూ వెళ్లాను. అది అలా జరిగిపోయింది. అయితే, భవిష్యత్తులో ఇలాంటివి పునరావృతం కాకుండా చూసుకుంటాను. అంపైర్‌ బౌండరీలకు సంబంధించి సిగ్నల్‌ ఇచ్చేంత వరకు వికెట్ల మధ్య పరుగు ఆపను. సరైన సమయంలో క్రీజులోకి చేరుకుంటా’’ అని తిలక్‌ వర్మ చెప్పుకొచ్చాడు. కాగా ఇండోర్‌ మ్యాచ్‌లో వెస్టిండీస్‌పై పద్నాలుగు పరుగుల తేడాతో గెలిచిన టీమిండియా ఐదు మ్యాచ్‌ల సిరీస్‌లో 2-1తో ఆధిక్యంలోకి వెళ్లింది. చదవండి: బ్యాటింగ్‌ కోచ్‌గా యువరాజ్‌ సింగ్‌.. ప్రకటన విడుదల

టీమిండియా టీ20 సిరీస్‌ విజయంపై కన్నేసింది. వెస్టిండీస్‌తో హైదరాబాద్‌లో బుధవారం నాటి మ్యాచ్‌లో గెలిచి.. మరో టీ20 మిగిలి ఉండగానే సిరీస్‌ గెలవాలని పట్టుదలగా ఉంది. ఈ నేపథ్యంలో భారత మాజీ క్రికెటర్‌ ఛతేశ్వర్‌ పుజారా ఆసక్తికర వ్యాఖ్యలు చేశాడు. ఉప్పల్‌ పిచ్‌ ఎలా ఉండబోతుందన్న అంశం మీదే జట్ల గెలుపోటములు ఆధారపడి ఉంటాయని అభిప్రాయపడ్డాడు.ఎలాంటి మార్పులు వద్దుఅదే విధంగా భారత తుదిజట్టు కూర్పు గురించి కూడా పుజారా మాట్లాడాడు. ‘‘టాపార్డర్‌లో ఎలాంటి మార్పులు ఉండకూడదనే కోరుకుంటున్నా. సంజూ శాంసన్‌, అభిషేక్‌ శర్మ ఓపెనర్లుగా వస​ఆతరు. ఇషాన్‌ కిషన్‌ మూడు, శ్రేయస్‌ అయ్యర్‌ నాలుగు, తిలక్‌ వర్మ ఐదో స్థానంలో యథావిధిగా వస్తారు.నితీశ్‌ రెడ్డికి మరో అవకాశం ఇక ఆల్‌రౌండర్‌ నితీశ్‌ కుమార్‌ రెడ్డి గురించి ప్రత్యేకంగా మాట్లాడాలి. అతడు గత మ్యాచ్‌లో గొప్పగా రాణించారు. కాబట్టి నితీశ్‌ రెడ్డికి మరో అవకాశం ఇవ్వాలని కోరుకుంటున్నా. అతడు ఆరో స్థానంలో వస్తాడు.నమన్‌ ధీర్‌ కూడా గొప్పగా ఆడుతున్నాడు. ఏడో స్థానంలో అతడు కొనసాగుతాడు. అక్షర్‌ పటేల్‌ ఎనిమిదో స్థానంలో వస్తాడు. ఫాస్ట్‌బౌలర్లలో అర్ష్‌దీప్‌ సింగ్‌ తొమ్మిదో స్థానంలో ఆడతాడు. మయాంక్‌ యాదవ్‌ బాగా బౌలింగ్‌ చేస్తున్నాడు. కాబట్టి అతడిని కూడా ఆడించాలి. అంతా వికెట్‌ దయఅయితే, హైదరాబాద్‌ పిచ్‌ ఎలా ఉంటుందన్న అంశం మీదే అంతా ఆధారపడి ఉంటుంది. వికెట్‌ ఆధారంగానే ప్రిన్స్‌ యాదవ్‌, కుల్దీప్‌ యాదవ్‌లలో ఒకరికి చోటు దక్కుతుంది’’ అని పుజారా చెప్పుకొచ్చాడు.వెస్టిండీస్‌తో నాలుగో టీ20కి పుజారా ఎంచుకున్న భారత తుదిజట్టుసంజూ శాంసన్‌, అభిషేక్‌ శర్మ, ఇషాన్‌ కిషన్‌, శ్రేయస్‌ అయ్యర్‌, తిలక్‌ వర్మ, నితీశ్‌ కుమార్‌ రెడ్డి, నమన్‌ ధిర్‌, అక్షర్‌ పటేల్‌, అర్ష్‌దీప్‌ సింగ్‌, మయాంక్‌ యాదవ్‌, ప్రిన్స్‌ యాదవ్‌/కుల్దీప్‌ యాదవ్‌.చదవండి: జట్టును వీడిపోండి.. లేదంటే రిటైర్‌ అవ్వండి: యువీ, గంభీర్‌ కెరీర్లు అలా ఖతం

మూడో టీ20లో టీమిండియా చేతిలో ఓడి, నిరాశగా ఉన్న వెస్టిండీస్‌కు మరో షాక్‌ తగిలింది. ఆ జట్టు ప్లేయర్లు రోవ్‌మన్‌ పావెల్‌, షెర్ఫాన్‌ రూథర్‌ఫోర్డ్‌పై ఐసీసీ చర్యలు తీసుకుంది. రెండో టీ20లో ప్రవర్తనా నియమావళిని ఉల్లంఘించినందుకుగానూ ఇద్దరికి చెరో డీమెరిట్‌ పాయింట్‌ కేటాయించింది.పావెల్‌ ఏం చేశాడంటే..?రెండో టీ20లో పావెల్‌ మయాంక్‌ యాదవ్‌ బౌలింగ్‌లో ఔటయ్యాడు. పెవిలియన్‌కు వెళ్తున్న సమయంలో అతడు బ్యాట్‌తో బంతిని కొట్టి దూరంగా పంపించాడు. ఈ చర్యను ఐసీసీ నిబంధనల ఉల్లంఘనగా పరిగణించి చర్యలు తీసుకుంది.రూథర్‌ఫోర్డ్‌ అసహనంఅదే మ్యాచ్‌ వెస్టిండీస్‌ ఇన్నింగ్స్‌ 13వ ఓవర్‌లో బంతిని వైడ్‌గా ప్రకటించకపోవడంతో రూథర్‌ఫోర్డ్‌ అంపైర్‌పై తీవ్ర అసహనం వ్యక్తం చేశాడు. దీన్ని నిబంధన ఉల్లంఘనగా పరిగణించిన ఐసీసీ చర్యలు తీసుకుంది.తప్పును అంగీకరించిన పావెల్‌, రూథర్‌ఫోర్డ్‌ఫీల్డ్‌ అంపైర్లు జయరామన్‌ మదనగోపాల్‌, రోహన్‌ పండిట్‌, థర్డ్‌ అంపైర్‌ నితిన్‌ మీనన్‌, ఫోర్త్‌ అంపైర్‌ వీరేందర్‌ శర్మ పావెల్‌, రూథర్‌ఫోర్డ్‌పై అభియోగాలు మోపారు. వారిద్దరు తమ తప్పులను అంగీకరించి, ఐసీసీ విధించిన శిక్షలను ఒప్పుకున్నారు.కాగా, రెండో టీ20లో విండీస్‌ భారత్‌ నిర్దేశించిన భారీ లక్ష్యాన్ని ఛేదించి సంచలన విజయం సాధించింది. అయితే నిన్న జరిగిన మూడో టీ20లో మాత్రం ఇంచుమించు అదే లక్ష్యాన్ని ఛేదించే క్రమంలో తృటిలో ఓటమిపాలైంది. ఈ మ్యాచ్‌లో కూడా రూథర్‌ఫోర్డ్‌, మరో ఇద్దరు ఆటగాళ్లు అంపైర్‌ నిర్ణయం పట్ల అసహనం వ్యక్తం చేశాడు. దీనిపై ఐసీసీ త్వరలోనే స్పందించే అవకాశం ఉంది. ఇదీ చదవండి: చరిత్ర సృష్టించిన వెస్టిండీస్.. 'సిక్సర్ల' ప్రపంచ రికార్డు

సాక్షి, హైదరాబాద్‌: టీమిండియా- వెస్టిండీస్‌ మధ్య నాలుగో టీ20 మ్యాచ్‌కు ఏర్పాట్లు పూర్తయ్యాయి. ఉప్పల్‌లోని రాజీవ్‌ గాంధీ అంతర్జాతీయ స్టేడియంలో బుధవారం జరిగే ఈ మ్యాచ్‌కు సంబంధించి తీసుకుంటున్న చర్యల గురించి మల్కాజ్‌గిరి సీపీ సుమతి మీడియాకు వివరించారు. ‘‘పద్నాలుగో తారీఖున ఇండియా- వెస్టిండీస్‌ టీ20 మ్యాచ్‌ ఉంది. ఇందుకోసం 2200 మంది పోలీసులతో బందోస్తు ఏర్పాటు చేశాము. స్టేడియం చుట్టూ నాలుగు వాచ్ టీమ్స్ ఉంటాయి. 408 సీసీ కెమెరాలు, రెండు డ్రోన్ కెమెరాలతో పర్యవేక్షిస్తాము. మరోవైపు.. సోషల్ మీడియా లో ఫేక్ టికెట్ల వ్యవహారంపై కూడా నిఘా పెట్టాము. ఫేక్ టికెట్ లింక్‌పై అవగాహన కల్పిస్తాం. ఈ మ్యాచ్‌కు సుమారుగా నలభై వేల మంది వచ్చే అవకాశం ఉంది.పార్కింగ్ కోసం 8 వేల వాహనాలు పట్టేలా ఏర్పాట్లు చేశాము. ఆటగాళ్లు బంజారాహిల్స్ నుంచి ఉప్పల్‌ స్టేడియానికి వస్తారు. ఇక మహిళల భద్రతకు మేము అధిక ప్రాధాన్యత ఇస్తాం. ఎనిమిది షీ టీమ్స్‌ బృందాలు మఫ్టీలో ఉంటాయి. మ్యాచ్‌కు వచ్చే వాళ్లు ఆర్టీసీ, మెట్రో సేవలను ఉపయోగించుకోవాలి. మ్యాచ్‌కు రెండు గంటల ముందు నుంచే స్టేడియంలోకి అనుమతి ఇస్తాము’’ అని సీపీ సుమతి తెలిపారు.చదవండి: ‘హైదరాబాద్‌లో ఖేల్‌ ఖతం.. ఆఖరి మ్యాచ్‌లో అతడిని ఆడించండి’

టీమిండియా- వెస్టిండీస్‌ మధ్య టీ20 సిరీస్‌ ఆసక్తికరంగా సాగుతోంది. తొలి మ్యాచ్‌లో ఆతిథ్య భారత్‌ ఎనిమిది వికెట్ల తేడాతో గెలుపొందగా.. పరుగుల వరద పారిన రెండో టీ20లో విండీస్‌ ఏకంగా 250 పరుగుల లక్ష్యాన్ని మరో తొమ్మిది బంతులు మిగిలి ఉండగానే ఊదేసింది.ఇక ఆదివారం ఇండోర్‌లో జరిగిన మూడో టీ20 కూడా ఆద్యంతం ఆసక్తిగా సాగింది. భారత్‌ విధించిన 224 పరుగుల లక్ష్యానికి చేరువగా వచ్చే ప్రయత్నం చేసిన కరేబియన్‌ జట్టు.. పద్నాలుగు పరుగుల దూరంలో నిలిచిపోయింది. దీంతో శ్రేయస్‌ అయ్యర్‌ సేన ఊపిరి పీల్చుకుంది.2-1తో ఆధిక్యంలో టీమిండియాతద్వారా ఐదు మ్యాచ్‌ల సిరీస్‌లో 2-1తో ఆధిక్యంలోకి వెళ్లింది టీమిండియా. ఈ క్రమంలో ఇరుజట్ల మధ్య నాలుగో టీ20 మ్యాచ్‌పై అందరి దృష్టి కేంద్రీకృతమైంది. హైదరాబాద్‌లో బుధవారం నాటి మ్యాచ్‌లో గెలిచి సిరీస్‌ను కైవసం చేసుకోవాలని టీమిండియా.. 2-2తో సమం చేయాలని విండీస్‌ పట్టుదలగా ఉన్నాయి.సంజూ నిలకడలేని ఆటఈ నేపథ్యంలో భారత తుదిజట్టు కూర్పు మరోసారి చర్చనీయాంశమైంది. ముఖ్యంగా ఓపెనింగ్‌ జోడీని మారిస్తే బాగుంటుందన్న అభిప్రాయాలు వ్యక్తమవుతున్నాయి. కాగా విండీస్‌తో ఈ సిరీస్‌లో ఇప్పటికి మూడు మ్యాచ్‌లలో ఓపెనర్లలో అభిషేక్‌ శర్మ 21, 20, 69 పరుగులు చేయగా.. సంజూ శాంసన్‌ 11, 82, 3 పరుగులు సాధించాడు.గత కొంతకాలంగా ఫామ్‌లేమితో సతమతమవుతున్న సంజూ రెండో టీ20లో 82 పరుగులు చేసి టచ్‌లోకి వచ్చినా.. ఇండోర్‌ మ్యాచ్‌లో మళ్లీ విఫలమయ్యాడు. ఈ నేపథ్యంలో సంజూకు బదులు.. యువ ఓపెనర్‌ వైభవ్‌ సూర్యవంశీని ఆడించాలనే డిమాండ్లు పెరుగుతున్నాయి.అయితే, వెస్టిండీస్‌తో సిరీస్‌ మొత్తంలో సంజూనే ఆడిస్తామని హెడ్‌కోచ్‌ గౌతం గంభీర్‌ ఇప్పటికే సంకేతాలు ఇచ్చాడు. కాబట్టి వైభవ్‌ బెంచ్‌కే పరిమితం కాక తప్పని పరిస్థితి. ఈ నేపథ్యంలో టీమిండియా మాజీ అసిస్టెంట్‌ కోచ్‌ అభిషేక్‌ నాయర్‌ ఆసక్తికర వ్యాఖ్యలు చేశాడు.హైదరాబాద్‌లో ఖేల్‌ ఖతం.. ఆఖరి మ్యాచ్‌లో అతడిని ఆడించండిస్టార్‌ స్పోర్ట్స్‌ షోలో మాట్లాడుతూ.. ‘‘హైదరాబాద్‌ మ్యాచ్‌లో గెలిచేసి టీమిండియా 3-1తో సిరీస్‌ సొంతం చేసుకోవాలి. ఇక ఆఖరిదైన ఐదో టీ20లో వైభవ్‌ సూర్యవంశీని ఆడించాలి. నాలుగో మ్యాచ్‌తోనే సిరీస్‌ను చుట్టేసి.. సూర్యవంశీని చివరి మ్యాచ్‌లో ఆడించడం అన్నింటికంటే మెరుగ్గా ఉంటుంది’’ అని అభిషేక్‌ నాయర్‌ అన్నాడు. కాగా పదిహేనేళ్ల వైభవ్‌ సూర్యవంశీ ఇప్పటికి టీమిండియా తరఫున ఎనిమిది టీ20 మ్యాచ్‌లు ఆడి 246 పరుగులు చేశాడు. ఇందులో రెండు అర్ధ శతకాలు ఉన్నాయి. ఇక టీమిండియా- వెస్టిండీస్‌ మధ్య ఐదో టీ20కి బెంగళూరులోని చిన్నస్వామి స్టేడియం వేదిక.చదవండి: యువీ డకౌట్‌.. బంగ్లాదేశ్‌ చేతిలో ఇండియా చాంపియన్స్‌ ఓటమి

టీమిండియాతో మూడో టీ20లో వెస్టిండీస్‌ పద్నాలుగు పరుగుల తేడాతో ఓడిపోయింది. భారత్‌ సమిష్టి కృషితో గెలుపొందగా.. విండీస్‌ మాత్రం తొలుత బౌలింగ్‌లో.. తర్వాత బ్యాటింగ్‌లో విఫలమై పరాజయాన్ని మూటగట్టుకుంది.కెప్టెన్సీ తప్పిదాల వల్లే ఈ నేపథ్యంలో వెస్టిండీస్‌ కెప్టెన్‌ షాయీ హోప్‌ తీరును టీమిండియా మాజీ క్రికెటర్‌, కామెంటేటర్‌ ఆకాశ్‌ చోప్రా విమర్శించాడు. హోప్‌ కెప్టెన్సీ తప్పిదాల వల్లే భారత్‌ గెలుపు మరింత సులువుగా మారిందని పేర్కొన్నాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ..అతడిని అడ్డుకున్నాడు‘‘టీమిండియా రెండో ఓవర్లో షమార్‌ జోసెఫ్‌ను హోప్‌ బరిలోకి దించాడు. షమార్‌ ఆ ఓవర్లో ఏడు పరుగులు మాత్రమే ఇచ్చి సంజూ శాంసన్‌ (3) రూపంలో కీలక వికెట్‌ పడగొట్టాడు. గంటలకు 150కి పైగా కిలోమీటర్ల వేగంతో అతడు బౌలింగ్‌ చేస్తున్నాడు.కానీ సమయంలో అకస్మాత్తుగా హోప్‌ షమార్‌ను ఆపేశాడు. మరుసటి ఓవర్‌లోనూ షమార్‌కు బంతి ఇవ్వాల్సింది. కానీ హోప్‌.. రోస్టన్‌ ఛేజ్‌ను తీసుకురాగా.. అతడు ఏకంగా 18 పరుగులు (1,1,4,6,0,6) సమర్పించుకున్నాడు. అతడి బౌలింగ్‌లో అభిషేక్‌ శర్మ చితక్కొట్టాడు.ఆ పాపం కెప్టెన్‌దేమ్యాచ్‌లో ఇదే కీలక మలుపు. ఇది పూర్తిగా హోప్‌ తప్పిదమే. ఒక రకంగా అతడు చేసిన పాపం ఇది’’ అని ఆకాశ్‌ చోప్రా ఘాటు విమర్శలు చేశాడు. కాగా ఇండోర్‌లోని హోల్కర్‌ స్టేడియంలో ఆదివారం జరిగిన మ్యాచ్‌లో భారత్‌ చేతిలో విండీస్‌ పద్నాలుగు పరుగుల తేడాతో ఓటమిపాలైంది.బౌలర్ల ప్రదర్శన ఇలాటాస్‌ గెలిచిన వెస్టిండీస్‌ తొలుత బౌలింగ్‌ చేయగా.. భారత్‌ నిర్ణీత 20 ఓవర్లలో 223 పరుగులు చేసి ఆలౌట్‌ అయింది. కరేబియన్‌ బౌలర్లలో రోస్టన్‌ ఛేజ్‌ 38 పరుగులు ఇచ్చి రెండు, షమార్‌ జోసెఫ్‌ 54 పరుగులు ఇచ్చుకుని రెండు.. షమార్‌ స్ప్రింగర్‌ 50 రన్స్‌ ఇచ్చి రెండు వికెట్లు తీశారు. కీమో పాల్‌, గుడకేశ్‌ మోటి కాస్త పొదుపుగా బౌలింగ్‌ చేసి తలా ఒక వికెట్‌ పడగొట్టారు. 209 పరుగులకే పరిమితంఇక లక్ష్య ఛేదనలో విండీస్‌ నిర్ణీత 20 ఓవర్లలో ఏడు వికెట్ల నష్టానికి 209 పరుగుల వద్దే నిలిచిపోయి.. ఓటమిపాలైంది. ఈ గెలుపుతో టీమిండియా 2-1తో ఆధిక్యంలోకి వెళ్లింది. ఇక ఇరుజట్ల మధ్య బుధవారం నాటి నాలుగో టీ20కి హైదరాబాద్‌ వేదిక.చదవండి: అందుకే ఓడిపోయాము.. క్రెడిట్‌ మొత్తం వాళ్లకే దక్కాలి: విండీస్‌ కెప్టెన్‌Back in the lead in the #INDvWI T20I series 💪 #TeamIndia clinch the 𝗪 in Indore to go 2️⃣-1️⃣ up ✅ Scorecard ▶️ https://t.co/0ve4uDWSIn @mflone_ https://t.co/35WSM1eUtk— BCCI (@BCCI) October 11, 2026

వెస్టిండీస్‌తో మూడో టీ20లో టీమిండియా విజయం సాధించింది. పర్యాటక జట్టును 14 పరుగుల తేడాతో ఓడించి.. ఐదు మ్యాచ్‌ల సిరీస్‌లో 2-1తో ముందంజ వేసింది. మరోవైపు.. గత మ్యాచ్‌లో గెలుపు రుచి చూసిన విండీస్‌కు మాత్రం ఇండోర్‌లో చేదు అనుభవమే మిగిలింది.ఈ నేపథ్యంలో టీమిండియా చేతిలో ఓటమిపై వెస్టిండీస్‌ కెప్టెన్‌ షాయీ హోప్‌ స్పందించాడు. చిన్న చిన్న పొరపాట్ల వల్ల భారీ మూల్యమే చెల్లించాల్సి వచ్చిందన్నాడు. భారత్‌ విధించిన 224 పరుగుల లక్ష్యాన్ని ఛేదించే క్రమంలో పవర్‌ ప్లేలో మరింత దూకుడుగా ఆడాల్సిందని అభిప్రాయపడ్డాడు.ఓటమికి ఎన్నో కారణాలు‘‘ఈ ఓటమికి ఎన్నో కారణాలు ఉన్నాయి. స్వల్ప తేడాతో మరో మ్యాచ్‌లో మేము ఓడిపోయాము. పిచ్‌ను మేము ఇంకాస్త మెరుగ్గా ఉపయోగించుకుని ఉండాల్సింది. ఏదేమైనా ఆరంభంలో ధారాళంగా పరుగులు ఇచ్చుకున్నా ఆఖర్లో మా బౌలర్లు పుంజుకున్న తీరు ప్రశంసనీయం.రోస్టన్‌ ఛేజ్‌ బాగా ఆడాడు. మా బౌలర్లు ప్రత్యర్థిని కాస్త కట్టడి చేసి ఛేదించదగ్గ స్కోరుకు పరిమితం చేశారు. అయితే, పవర్‌ ప్లేలో త్వరత్వరగా వికెట్లు కోల్పోతే మిడిలార్డర్‌ మీద భారం పడుతుంది. ఏదేమైనా ఇది సమిష్టి బ్యాటింగ్‌ వైఫల్యం.ఇలా స్వల్ప తేడాతో మళ్లీ గెలవొచ్చు కూడా!పద్నాలుగు పరుగుల స్వల్ప తేడాతో ఓడిపోయాము. మేము ఇలా స్వల్ప తేడాతో మళ్లీ గెలవొచ్చు కూడా!.. సెకండ్‌ ఇన్నింగ్స్‌ సమయానికి వికెట్‌ కాస్త పొడిగా మారింది. తద్వారా భారత బౌలర్లు వైవిధ్యంగా బంతులు వేసేందుకు అవకాశం దొరికింది. అర్ష్‌దీప్‌ సింగ్‌ తన రెండు లేదంటే మూడో ఓవర్లో నన్ను అవుట్‌ చేశాడు.Stumps Rattled x 2⃣ ✌️ Arshdeep Singh 🤝 Naman Dhir strike TIMBER 🎯 Updates ▶️ https://t.co/0ve4uDWSIn #TeamIndia | #INDvWI | @mflone_ https://t.co/qtM2RxaCyp— BCCI (@BCCI) October 11, 2026క్రెడిట్‌ మొత్తం వారికే దక్కాలిఏదేమైనా టీమిండియా బౌలర్లు అద్భుతంగా బౌలింగ్‌ చేశారు. ఈ విజయంలో క్రెడిట్‌ మొత్తం వారికే ఇవ్వాలి. మంచి యార్కర్లు వేశారు. కొన్ని యార్కర్లు అయితే దిమ్మతిరిగిపోయేలా ఉన్నాయి. వాళ్ల ప్రణాళికల్ని చక్కగా అమలు చేశారు’’ అని షాయీ హోప్‌ పేర్కొన్నాడు.223 పరుగులు చేసి ఆలౌట్‌కాగా ఇండోర్‌లోని హోల్కర్‌ స్టేడియంలో ఆదివారం నాటి మూడో టీ20లో టాస్‌ గెలిచిన విండీస్‌ తొలుత బౌలింగ్‌ ఎంచుకుంది. ఈ క్రమంలో బ్యాటింగ్‌కు దిగిన భారత్‌ నిర్ణీత 20 ఓవర్లలో 223 పరుగులు చేసి ఆలౌట్‌ అయింది. అభిషేక్‌ శర్మ మెరుపు అర్ధ శతకం (30 బంతుల్లో 69) బాదగా.. ఇషాన్‌ కిషన్‌ (18 బంతుల్లో 37), తిలక్‌ వర్మ (16 బంతుల్లో 28) రాణించారు.అదరగొట్టిన అర్ష్‌దీప్‌ సింగ్‌ లక్ష్య ఛేదనకు దిగిన కరేబియన్‌ జట్టు 20 ఓవర్లలో ఏడు వికెట్లు నష్టపోయి 209 పరుగులకే పరిమితమైంది. ఓపెనర్లలో షాయీ హోప్‌ (5) విఫలం కాగా.. కామిల్‌ పూరన్‌ (27 బంతుల్లో 42) ఫర్వాలేదనిపించాడు. షిమ్రన్‌ హెట్‌మైర్‌ (26 బంతుల్లో 43) రాణించగా.. ఆఖర్లో షమార్‌ స్ప్రింగర్‌ (11 బంతుల్లో 35 నాటౌట్‌) మెరుపు ఇన్నింగ్స్‌ ఆడాడు.భారత బౌలర్లలో ‘ప్లేయర్‌ ఆఫ్‌ ది మ్యాచ్‌’ అర్ష్‌దీప్‌ సింగ్‌ మూడు వికెట్లు తీయగా.. నమన్‌ ధిర్‌ రెండు, అక్షర్‌ పటేల్‌, నితీశ్‌ కుమార్‌ రెడ్డి తలా ఒక వికెట్‌ పడగొట్టారు.చదవండి: ఆ అమ్మాయికి మాటిస్తున్నా: శ్రేయస్‌ అయ్యర్‌

ఇండోర్‌ వేదికగా వెస్టిండీస్‌తో జరిగిన మూడో టీ20లో టీమిండియా 14 పరుగుల తేడాతో విజయం సాధించింది. ఫలితంగా ఐదు మ్యాచ్‌ల సిరీస్‌లో 2-1 ఆధిక్యంలోకి వెళ్లింది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 223 పరుగులకు ఆలౌటైంది.ఓపెనర్‌ అభిషేక్‌ శర్మ (30 బంతుల్లో 69; 6 ఫోర్లు, 5 సిక్సర్లు) విధ్వంసకర అర్ద శతకంతో విరుచుకుపడగా.. ఇషాన్‌ కిషన్‌ (18 బంతుల్లో 37; 6 ఫోర్లు, సిక్స్‌), తిలక్‌ వర్మ (28), నితీశ్‌ కుమార్‌ (21), అక్షర్‌ పటేల్‌ (20) మెరుపు ఇన్నింగ్స్‌లు ఆడారు. ఆఖర్లో నమన్‌ ధిర్‌ (10), అర్షదీప్‌ సింగ్‌ (11), ప్రిన్స్‌ యాదవ్‌ (13 నాటౌట్‌) కూడా బ్యాట్‌ ఝులిపించారు.సంజూ శాంసన్‌ (3), కెప్టెన్‌ శ్రేయస్‌ అయ్యర్‌ (1) నిరాశపరిచారు. విండీస్‌ బౌలర్లలో ఛేజ్‌, షమార్‌ జోసఫ్‌, షమార్‌ స్ప్రింగర్‌ తలో 2 వికెట్లు తీయగా.. కీమో పాల్‌, గుడకేశ్‌ మోటీ చెరో వికెట్‌ పడగొట్టారు.అనంతరం భారీ లక్ష్య ఛేదనలో విండీస్‌ చివరి వరకు పోరాడింది. నిర్ణీత ఓవర్లు పూర్తయ్యే సరికి ఆ జట్టు 7 వికెట్ల నష్టానికి 209 పరుగులు చేయగలిగింది. కమిల్‌ పూరన్‌ (42), హెట్‌మైర్‌ (43), రూథర్‌ఫోర్డ్‌ (32) మెరుపు ఇన్నింగ్స్‌లు ఆడగా.. ఆఖర్లో షమార్‌ స్ప్రింగర్‌ (35 నాటౌట్‌) విండీస్‌ శిబిరంలో ఆశలు రేకెత్తించాడు. భారత బౌలర్లలో అర్షదీప్‌ 3, నమన్‌ ధిర్‌ 2, అక్షర్‌ పటేల్‌, నితీశ్‌ కుమార్‌ రెడ్డి తలో వికెట్‌ పడగొట్టాడు. నాలుగో టీ20 అక్టోబర్‌ 14న హైదరాబాద్‌లో జరుగనుంది.ఇదీ చదవండి: చరిత్ర సృష్టించిన అభిషేక్‌ శర్మ.. ప్రపంచ రికార్డు బద్దలు

ఇండోర్‌ వేదికగా వెస్టిండీస్‌తో జరుగుతున్న మూడో టీ20లో టీమిండియా భారీ స్కోర్‌ చేసింది. టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. ఓపెనర్‌ అభిషేక్‌ శర్మ (30 బంతుల్లో 69; 6 ఫోర్లు, 5 సిక్సర్లు) విధ్వంసకర అర్ద శతకంతో విరుచుకుపడగా.. ఇషాన్‌ కిషన్‌ (18 బంతుల్లో 37; 6 ఫోర్లు, సిక్స్‌), తిలక్‌ వర్మ (28), నితీశ్‌ కుమార్‌ (21), అక్షర్‌ పటేల్‌ (20) మెరుపు ఇన్నింగ్స్‌లు ఆడారు. ఆఖర్లో నమన్‌ ధిర్‌ (10), అర్షదీప్‌ సింగ్‌ (11), ప్రిన్స్‌ యాదవ్‌ (13 నాటౌట్‌) కూడా బ్యాట్‌ ఝులిపించారు. భారత ఇన్నింగ్స్‌లో సంజూ శాంసన్‌ (3), కెప్టెన్‌ శ్రేయస్‌ అయ్యర్‌ (1) నిరాశపరిచారు. విండీస్‌ బౌలర్లలో ఛేజ్‌, షమార్‌ జోసఫ్‌, షమార్‌ స్ప్రింగర్‌ తలో 2 వికెట్లు తీయగా.. కీమో పాల్‌, గుడకేశ్‌ మోటీ చెరో వికెట్‌ పడగొట్టారు. కాగా, ఐదు మ్యాచ్‌ల ఈ సిరీస్‌లో భారత్‌ తొలి మ్యాచ్‌, విండీస్‌ రెండో మ్యాచ్‌లో గెలిచిన విషయం తెలిసిందే. ఇదీ చదవండి: చరిత్ర సృష్టించిన అభిషేక్‌ శర్మ.. ప్రపంచ రికార్డు బద్దలు

టీమిండియా విధ్వంసకర ఓపెనర్‌ అభిషేక్‌ శర్మ అంతర్జాతీయ టీ20 క్రికెట్‌లో ఏ రికార్డు మిగలనిచ్చేలా లేడు. తన విధ్వంసకర బ్యాటింగ్‌తో ఇప్పటికే చాలా రికార్డులు తన ఖాతాలో వేసుకున్న అతడు.. తాజాగా వెస్టిండీస్‌తో జరుగుతున్న మూడో టీ20లో మరో భారీ రికార్డును తన పేరిట లిఖించుకున్నాడు. ఈ మ్యాచ్‌లో 18 బంతుల్లోనే హాఫ్‌ సెంచరీ పూర్తి చేసిన అభిషేక్‌.. అంతర్జాతీయ టీ20 క్రికెట్‌లో బంతుల పరంగా అత్యంత వేగంగా 2000 పరుగులు పూర్తి చేసిన బ్యాటర్‌గా చరిత్ర సృష్టించాడు. ఈ క్రమంలో టీమిండియా సహచరుడు, మాజీ కెప్టెన్‌ సూర్యకుమార్‌ యాదవ్‌ రికార్డును బద్దలు కొట్టాడు. సూర్య 1164 బంతుల్లో 2000 పరుగులు పూర్తి చేయగా.. అభిషేక్‌ కేవలం 1023 బంతుల్లోనే ఈ మైలురాయిని అధిగమించాడు. ఈ జాబితాలో అభిషేక్‌, సూర్య తర్వాతి స్థానాల్లో ఆరోన్‌ ఫించ్‌ (1283), మ్యాక్స్‌వెల్‌ (1304), హార్దిక్‌ పాండ్యా (1390) ఉన్నారు.మ్యాచ్‌ విషయానికొస్తే.. ఇండోర్‌లో జరుగుతున్న మ్యాచ్‌లో టాస్‌ ఓడి తొలుత బ్యాటింగ్‌ చేస్తున్న భారత్‌ భారీ స్కోర్‌ దిశగా సాగుతోంది. సంజూ శాంసన్‌ (3) త్వరగానే ఔటైనప్పటికీ.. అభిషేక్‌ శర్మ (67) తన సహజశైలిలో విధ్వంసాన్ని కొనసాగిస్తున్నాడు. అతడికి జతగా ఇషాన్‌ కిషన్‌ (31) కూడా బ్యాట్‌ ఝులిపిస్తున్నాడు. 8 ఓవర్ల తర్వాత భారత్‌ స్కోర్‌ 109-1గా ఉంది. కాగా, ఐదు మ్యాచ్‌ల ఈ సిరీస్‌లో భారత్‌ తొలి మ్యాచ్‌లో, విండీస్‌ రెండో మ్యాచ్‌లో గెలిచిన విషయం తెలిసిందే. ఇదీ చదవండి: రీఎంట్రీలో సూర్యకుమార్‌ అట్టర్‌ ప్లాప్‌

విండీస్‌పై టీమిండియా విక్టరీఇండోర్‌ వేదికగా వెస్టిండీస్‌తో జరిగిన మూడో టీ20లో టీమిండియా 14 పరుగుల తేడాతో విజయం సాధించింది. ఫలితంగా ఐదు మ్యాచ్‌ల సిరీస్‌లో 2-1 ఆధిక్యంలోకి వెళ్లింది.నాలుగో వికెట్‌ కోల్పోయిన విండీస్‌10.6వ ఓవర్‌- 105 పరుగుల వద్ద విండీస్‌ నాలుగో వికెట్‌ కోల్పోయింది. నమన్‌ ధిర్‌ బౌలింగ్‌లో అర్షదీప్‌కు క్యాచ్‌ ఇచ్చి కమిల్‌ పూరన్‌ (42) ఔటయ్యాడు. మూడో వికెట్‌ కోల్పోయిన విండీస్‌9.4వ ఓవర్‌- 82 పరుగుల వద్ద విండీస్‌ మూడో వికెట్‌ కోల్పోయింది. అక్షర్‌ పటేల్‌ బౌలింగ్‌లో ఇషాన్‌ కిషన్‌కు క్యాచ్‌ ఇచ్చి రోవ్‌మన్‌ పావెల్‌ (5) ఔటయ్యాడు. రెండో వికెట్‌ కోల్పోయిన విండీస్‌6.6వ ఓవర్‌- 67 పరుగుల వద్ద విండీస్‌ రెండో వికెట్‌ కోల్పోయింది. నమన్‌ ధిర్‌ బౌలింగ్‌లో హెట్‌మైర్‌ (43) క్లీన్‌ బౌల్డ్‌ అయ్యాడు. హోప్‌ క్లీన్‌ బౌల్డ్భారీ లక్ష్య ఛేదనలో విండీస్‌కు ఆదిలోనే ఎదురుదెబ్బ తగిలింది. ఇన్‌ ఫామ్‌ బ్యాటర్‌ షాయ్‌ హోప్‌ 5 పరుగులు చేసి అర్షదీప్‌ బౌలింగ్‌లో క్లీన్‌ బౌల్డ్‌ అయ్యాడు. టీమిండియా భారీ స్కోర్‌ఇండోర్‌ వేదికగా వెస్టిండీస్‌తో జరుగుతున్న మూడో టీ20లో టీమిండియా భారీ స్కోర్‌ చేసింది. టాస్‌ ఓడి తొలుత బ్యాటింగ్‌ చేసిన భారత్‌ నిర్ణీత 20 ఓవర్లలో 223 పరుగులకు ఆలౌటైంది. ఆరో వికెట్‌ కోల్పోయిన భారత్‌14.2వ ఓవర్‌- 169 పరుగుల స్కోర్‌ వద్ద కీమో పాల్‌ బౌలింగ​్‌లో షాయ్‌ హోప్‌కు క్యాచ్‌ ఇచ్చి నితీశ్‌ కుమార్‌ రెడ్డి (21) ఔటయ్యాడు. ఐదో వికెట్‌ కోల్పోయిన భారత్‌10.5వ ఓవర్‌- 135 పరుగుల వద్ద భారత్‌ ఐదో వికెట్‌ కోల్పోయింది. మోటీ బౌలింగ్‌లో స్ప్రింగర్‌కు క్యాచ్‌ ఇచ్చి నమన్‌ ధిర్‌ (10) ఔటయ్యాడు. నాలుగో వికెట్‌ కోల్పోయిన భారత్‌9.5వ ఓవర్‌- 124 పరుగుల వద్ద భారత్‌ నాలుగో వికెట్‌ కోల్పోయింది. ధాటిగా ఆడుతున్న అభిషేక్‌ శర్మ (69) షమార్‌ స్ప్రింగర్‌ బౌలింగ్‌లో క్యాచ్‌ అండ్‌ బౌల్డ​్‌ అయ్యాడు. ఒకే ఓవర్‌లో 2 వికెట్లు కోల్పోయిన భారత్‌ఇన్నింగ్స​్‌ 9వ ఓవర్‌లో భారత్‌ రెండు వికెట్లు కోల్పోయింది. రోస్టన్‌ ఛేజ్‌ వేసిన ఈ ఓవర్‌లో తొలుత ఇషాన్‌ కిషన్‌, ఆతర్వాత శ్రేయస్‌ అయ్యర్‌ (1) ఔటయ్యారు. 9 ఓవర్ల తర్వాత భారత్‌ స్కోర్‌ 117-3గా ఉంది. రెండో వికెట్‌ కోల్పోయిన భారత్‌8.2వ ఓవర్‌- 115 పరుగుల వద్ద భారత్‌ రెండో వికెట్‌ కోల్పోయింది. రోస్టన్‌ ఛేజ్‌ బౌలింగ్‌లో భారీ సిక్సర్‌ బాదిన అనంతరం ఇషాన్‌ కిషన్‌ (37) స్టంపౌటయ్యాడు. అభిషేక్‌ 67 పరుగుల వద్ద ధాటిగా బ్యాటింగ్‌ కొనసాగిస్తున్నాడు. 18 బంతుల్లో హాఫ్‌ సెంచరీ పూర్తి చేసిన అభిషేక్‌అభిషేక్‌ 18 బంతుల్లో హాఫ్‌ సెంచరీ పూర్తి చేశాడు. ఇందులో 4 ఫోర్లు, 4 సిక్సర్లు ఉన్నాయి. 6 ఓవర్ల తర్వాత భారత్‌ స్కోర్‌ 87-1గా ఉంది. అభిషేక్‌ 54, ఇషాన్‌ కిషన్‌ 24 పరుగులతో క్రీజ్‌లో ఉన్నారు.ఆదిలోనే భారత్‌కు షాక్‌టాస్‌ ఓడి తొలుత బ్యాటింగ్‌కు దిగిన భారత్‌కు ఆదిలోనే షాక్‌ తగిలింది. 7 పరుగుల వద్దనే సంజూ శాంసన్‌ (3) ఔటయ్యాడు. షమార్‌ జోసఫ్‌ బౌలింగ్‌లో కమిల్‌ పూరన్‌కు క్యాచ్‌ ఇచ్చి పెవిలియన్‌కు చేరాడు. టాస్‌ గెలిచి బౌలింగ్‌ ఎంచుకున్న వెస్టిండీస్‌ఐదు మ్యాచ్‌ల టీ20 సిరీస్‌లో భాగంగా భారత్‌-వెస్టిండీస్‌ జట్ల మధ్య ఇవాళ ఇండోర్‌లోని హోల్కర్‌ స్టేడియం వేదికగా మూడో మ్యాచ్‌ జరుగనుంది. ఈ మ్యాచ్‌లో వెస్టిండీస్‌ టాస్‌ గెలిచి బౌలింగ్‌ ఎంచుకుంది. ఈ మ్యాచ్‌ కోసం భారత్, వెస్టిండీస్‌ తలో రెండు మార్పులు చేశాయి. భారత్‌ తరఫున శివమ్‌ దూబే, కుల్దీప్‌ యాదవ్‌ స్థానాల్లో నితీశ్‌ కుమార్‌ రెడ్డి, ప్రిన్స్‌ యాదవ్‌ తుది జట్టులోకి రాగా.. విండీస్‌ తరఫున రొమారియో షెపర్డ్‌, అకీల్‌ హొసేన్‌ స్థానాల్లో క్వెంటిన్‌ శాంసన్‌, కీమో పాల్‌ జట్టులోకి వచ్చారు. తుది జట్లు..భారత్‌: అభిషేక్ శర్మ, సంజు శాంసన్ (wk), ఇషాన్ కిషన్, శ్రేయస్ అయ్యర్ (c), తిలక్ వర్మ, నితీష్ రెడ్డి, నమన్ ధీర్, అక్షర్ పటేల్, అర్ష్‌దీప్ సింగ్, ప్రిన్స్‌ యాదవ్‌, మయాంక్ యాదవ్వెస్టిండీస్‌: షాయ్ హోప్ (c & wk), కమిల్ పూరన్, షిమ్రాన్ హెట్మెయర్, రోవ్‌మన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, క్వెంటన్‌ శాంసన్‌, గుడాకేష్ మోటీ, షమర్ స్ప్రింగర్, కీమో పాల్‌, షమర్ జోసెఫ్ఇదీ చదవండి: సెంచరీతో కదంతొక్కిన రింకూ సింగ్‌

టీమిండియా దిగ్గజ కెప్టెన్లలో ఒకడిగా పేరొందాడు రోహిత్‌ శర్మ. అతడి సారథ్యంలో భారత్‌ 2024లో టీ20 ప్రపంచకప్‌ గెలవడంతో పాటు ఐసీసీ చాంపియన్స్‌ ట్రోఫీ-2025 టైటిల్‌ను కూడా కైవసం చేసుకుంది.నాడు ప్రపంచకప్‌ జట్టులో దక్కని చోటుఒ‍కప్పుడు వన్డే ప్రపంచకప్‌ (2011) జట్టులోనే చోటు దక్కించుకోలేకపోయిన రోహిత్‌ శర్మ.. ఆ తర్వాత లెజెండరీ బ్యాటర్‌గా ఎదిగి.. 2023 వన్డే వరల్డ్‌కప్‌ ఈవెంట్లో కెప్టెన్‌గా జట్టును ఫైనల్‌కు చేర్చాడు. ఇక 2024 ప్రపంచకప్‌ గెలిచిన తర్వాత అంతర్జాతీయ టీ20లకు గుడ్‌బై చెప్పిన హిట్‌మ్యాన్‌.. గతేడాది టెస్టులకు వీడ్కోలు పలకాల్సి వచ్చింది.ఫామ్‌లేమి, వరుస పరాజయాల నేపథ్యంలో రోహిత్‌ శర్మ సంప్రదాయ ఫార్మాట్‌ నుంచి వైదొలిగాడు. అదే విధంగా ఐసీసీ చాంపియన్స్‌ ట్రోఫీలో భారత్‌ను విజేతగా నిలిపిన తర్వాతి సిరీస్‌లోనే అతడిని కెప్టెన్‌గా తొలగించింది యాజమాన్యం. ఈ పరిణామాలకు అప్పటి చీఫ్‌ సెలక్టర్‌ అజిత్‌ అగార్కర్‌ కారణమనే విమర్శలు వచ్చాయి.విలన్‌గా అగార్కర్‌!అంతేకాదు కేవలం వన్డేల్లో కొనసాగుతూ.. ప్రపంచకప్‌-2027 ఆడటమే లక్ష్యంగా పెట్టుకున్న రోహిత్‌కు అగార్కర్‌ పదే పదే అడ్డుతగిలాడని వార్తలు వచ్చాయి. ఇటీవల ఇంగ్లండ్‌లో లార్డ్స్‌ మ్యాచ్‌ తర్వాత రోహిత్‌ రిటైర్మెంట్‌ ప్రకటించేలా సెలక్షన్‌ కమిటీ ఒత్తిడి చేసిందనే ఊహాగానాలు రాగా.. బీసీసీఐ పెద్దలు మాత్రం అతడికి అండగా నిలిచారు.ఈ క్రమంలో అగార్కర్‌ తన పదవిని కోల్పోగా.. సెంచరీలు బాదుతూ ఫామ్‌లోకి వచ్చిన రోహిత్‌ శర్మ కెరీర్‌లో మరో వన్డే వరల్డ్‌కప్‌ ఆడేందుకు సిద్ధమైపోయాడు. ఇటీవల స్వదేశంలో వెస్టిండీస్‌తో మ్యాచ్‌లో శతక్కొట్టిన హిట్‌మ్యాన్‌.. తాజాగా రెడిఫ్‌తో మాట్లాడుతూ తన కెరీర్‌లోనే అత్యంత కఠిన దశ గురించి వివరించాడు.నా కెరీర్‌లో అత్యంత కఠిన దశ అదే‘‘2007 నుంచి ఇప్పటి దాకా నా కెరీర్‌లో అత్యంత కఠిన దశ.. 2023 వరల్డ్‌కప్‌ ఫైనల్లో ఓటమి. నేను ఇంతవరకు ఇంతటి చేదు అనుభవాన్ని ఎప్పుడూ ఎదుర్కోలేదు. టోర్నీ ఆసాంతం మేము అద్భుతంగా ఆడాము. అసలు ఫైనల్లో ఓడిపోతామన్న ఆలోచన కూడా లేదు.కానీ ఆటలోని అసలు గమ్మత్తు అదే. అన్నీ బాగున్నాయి.. అంతా సజావుగా సాగుతోంది అనుకుంటున్న సమయంలోనే మనల్ని వెనక్కి లాగుతుంది. గుణపాఠాలు నేర్పుతుంది. అయితే, మళ్లీ గెలిచి తీరాలన్న కసిని కూడా మనలో నింపుతుంది.ప్రతీ నవంబరు 19 తర్వాత జూన్‌ 29 ఉంటుంది2023 వన్డే వరల్డ్‌కప్‌ ఫైనల్‌ ఓటమి తర్వాత జట్టు మరింత పట్టుదలగా పోరాడింది. 2024 టీ20 ప్రపంచకప్‌ ఫైనల్లో ఓటమి అన్న మాటకు తావు లేకుండా గెలిచి నిలిచింది. గెలుపు కంటే కూడా ఒక్కోసారి ఓటమే మనకు గొప్ప పాఠాల్ని నేర్పుతుంది. ప్రతీ నవంబరు 19 (2023 వన్డే వరల్డ్‌కప్‌ ఓటమి) తర్వాత జూన్‌ 29 (టీ20 ప్రపంచకప్‌ గెలుపు) ఉంటుందనే ఆశాభావాన్ని నింపుతుంది’’ అని రోహిత్‌ శర్మ ఉద్వేగానికి లోనయ్యాడు. కాగా స్వదేశంలో జరిగిన వన్డే ప్రపంచకప్‌-2023 ఫైనల్లో భారత్‌.. ఆస్ట్రేలియా చేతిలో ఓడిపోయి రన్నరప్‌తో సరిపెట్టుకుంది.చదవండి: అప్పుడు ఐదు ఎకరాల భూమి.. ఇప్పుడు 3 ఖరీదైన అపార్టుమెంట్లు కొన్న విరుష్క

టీమిండియా- వెస్టిండీస్‌ మధ్య నాలుగో టీ20 మ్యాచ్‌కు హైదరాబాద్‌ ఆతిథ్యం ఇస్తోంది. ఉప్పల్‌లోని రాజీవ్‌ గాంధీ అంతర్జాతీయ స్టేడియంలో బుధవారం (అక్టోబరు 14) ఈ మ్యాచ్‌ జరుగనుంది. ఈ నేపథ్యంలో హైదరాబాద్‌ క్రికెట్‌ అసోసియేషన్‌ (HCA) కార్యదర్శి జీవన్‌ రెడ్డి టికెట్ల వివరాలను వెల్లడించారు.కనీస టికెట్ ధర రూ. 750‘‘భారత్‌- విండీస్‌ మ్యాచ్‌ కోసం అన్ని ఏర్పాట్లు చేశాం. కనీస టికెట్ ధర 750 రూపాయలు పెట్టాం. అత్యధిక టికెట్ ధర 20 వేలు. HCA మొదటి సారి పాఠశాల విద్యార్థులకు 2500 టికెట్స్, భారత ఆర్మీకి 250 ఉచిత టికెట్లు ఇస్తున్నాం. పార్కింగ్, ట్రాఫిక్ జామ్ నేపథ్యంలో మెట్రో రైలులో వచ్చి మ్యాచ్ చూడండి.శుక్రవారం సాయంత్రం మరిన్ని.. రిలీజ్‌మ్యాచ్ ఆరంభానికి రెండు గంటల ముందు స్టేడియానికి చేరుకోవాలి. మొత్తం 34 వేల టికెట్లు ఆన్‌లైన్‌లో అమ్మకానికి పెట్టాము. యాప్‌లో ఒకేసారి నాలుగు టికెట్లు కొనుగోలు చేయవచ్చు. ఇప్పటి వరకు 12 వేల టికెట్లు అమ్ముడు పోయాయి. మళ్ళీ శుక్రవారం సాయంత్రం 12 వేల టికెట్లు ఆన్‌లైన్‌లో పెడతాం. చివరి 48 గంటల్లో 10 వేల టికెట్లు ఆన్‌లైన్‌లో అందుబాటులోకి తెస్తాము. టికెట్లకు బాగా డిమాండ్‌ ఉంది. అందుకే బ్లాక్‌లో అమ్మకాలు కాకుండా ఆన్‌లైన్‌లోనే పెట్టాము’’ అని జీవన్‌ రెడ్డి తెలిపారు.చదవండి: నన్ను సెలక్ట్‌ చేయడం ఇష్టం లేకుంటే మానెయ్‌.. ఉచిత సలహాలు ఇవ్వకు

స్వదేశంలో వెస్టిండీస్‌తో టీ20 సిరీస్‌తో బిజీగా ఉన్న టీమిండియా.. తదుపరి న్యూజిలాండ్‌ గడ్డ మీద అడుగుపెట్టనుంది. ఆతిథ్య జట్టుతో ఐదు టీ20లు, రెండు టెస్టు మ్యాచ్‌లు, ఐదు వన్డేల సిరీస్‌లు ఆడనుంది.స్వింగ్‌ సుల్తాన్‌ పునరాగమనంఈ పర్యటనలో భాగంగా తొలుత టీ20 సిరీస్‌ జరుగనుండగా భారత క్రికెట్‌ నియంత్రణ మండలి (BCCI) ఇప్పటికే తమ జట్టును ప్రకటించింది. ఇందులో వెటరన్‌ పేసర్‌ భువనేశ్వర్‌ కుమార్‌కు చోటు దక్కింది. దాదాపు నాలుగేళ్ల తర్వాత ఈ స్వింగ్‌ సుల్తాన్‌ తిరిగి జాతీయ జట్టులోకి వచ్చాడు.అగార్కరే అడ్డుపడ్డాడా?గత రెండేళ్లుగా దేశీ క్రికెట్‌, ఐపీఎల్‌లో నిలకడైన ప్రదర్శనల కారణంగా భువీకి సెలక్టర్లు మరోసారి అవకాశం ఇచ్చారు. అయితే, చీఫ్‌ సెలక్టర్‌గా అజిత్‌ అగార్కర్‌ పదవీ కాలం ముగిసిన వెంటనే ఈ పేస్‌ బౌలర్‌ జట్టులోకి రావడంతో.. ఇన్నాళ్లూ అగార్కరే భువీ రాకుండా అడ్డుపడ్డాడనే ప్రచారం జరిగింది.ఇక భువీ రీఎంట్రీ నేపథ్యంలో మరో వెటరన్‌ పేసర్‌ మహ్మద్‌ షమీ కూడా టీమిండియాలో పునరాగమనం చేస్తాడనే అభిప్రాయాలు వ్యక్తమవుతున్నాయి. అగార్కర్‌ నిష్క్రమణతో ఈ బెంగాల్‌ బౌలర్‌కు కూడా మంచి రోజులు వస్తాయంటూ అతడి అభిమానులు మురిసిపోతున్నారు.అగార్కర్‌ వెళ్లిపోయినంత మాత్రాన ఈ నేపథ్యంలో భారత మాజీ క్రికెటర్‌, కామెంటేటర్‌ ఆకాశ్‌ చోప్రా మాత్రం ఈ విషయంలో భిన్నంగా స్పందించాడు. అగార్కర్‌ వెళ్లిపోయినంత మాత్రాన షమీ తిరిగి జాతీయ జట్టులోకి వచ్చే అవకాశం లేదని పేర్కొన్నాడు. ఈ మేరకు తన యూట్యూబ్‌ చానెల్‌ వేదికగా మాట్లాడుతూ...‘‘భువీ వచ్చాడు కాబట్టి.. షమీ కూడా జట్టులోకి తిరిగి వచ్చేస్తాడని చాలా మంది అంటున్నారు. అజిత్‌ అగార్కర్‌ వెళ్లిన తర్వాతే ఇది జరిగింది కాబట్టి.. షమీకి కూడా మార్గం సుగమం అయిందని అనుకుంటున్నారు. ఇది చాలా తప్పు.గుడ్డిగా తలూపుతారని అనుకుంటే పొరపాటేఒకే ఒక్క సెలక్టర్‌ కావాలనే కొంతమంది ఆటగాళ్లు తిరిగి రాకుండా అడ్డుకున్నాడని అనుకోవడం మన మూర్ఖత్వమే అవుతుంది. చీఫ్‌ సెలక్టర్‌ ఏది చెబితే మిగతా సెలక్టర్లు కూడా అందుకు గుడ్డిగా తలూపుతారని అనుకుంటే పొరపాటే.నేను ఇప్పటికే సెలక్టర్లతో మాట్లాడాను. వారంతా ఒకే తాటి మీద ఉన్నారు. కాబట్టి చైర్మన్‌ ఏది చెబితే వాళ్లు అదే వింటారనుకోవడం ముమ్మాటికీ తప్పే. షమీ విషయంలోనూ ఇదే జరిగి ఉంటుంది.అదే ఆఖరి అవకాశం అవుతుందిఒకవేళ షమీని తిరిగి తీసుకోవాలంటే న్యూజిలాండ్‌తో వన్డే సిరీస్‌కు అతడు జట్టులోకి వస్తాడు. అలా అయితేనే అతడు వన్డే వరల్డ్‌కప్‌-2027 ప్రణాళికల్లో ఉన్నట్లు అవుతుంది. ఒకవేళ కివీస్‌ టూర్‌కు షమీ ఎంపిక కాకపోతే.. ఆ తర్వాత అతడు తిరిగి వచ్చే పరిస్థితే ఉండకపోవచ్చు’’ అని ఆకాశ్‌ చోప్రా పేర్కొన్నాడు. కాగా ఐసీసీ చాంపియన్స్‌ ట్రోఫీ-2025 (వన్డే) ఫైనల్‌ సందర్భంగా షమీ టీమిండియా తరఫున చివరిగా మ్యాచ్‌ ఆడాడు. మొత్తంగా ఇప్పటికి 108 వన్డేలు ఆడిన షమీ.. 5.58 ఎకానమీ రేటుతో 206 వికెట్లు కూల్చాడు.న్యూజిలాండ్‌తో టీ20 సిరీస్‌కు భారత జట్టు:శ్రేయస్‌ అయ్యర్‌ (కెప్టెన్‌), తిలక్‌వర్మ (వైస్‌ కెప్టెన్‌), అభిషేక్‌ శర్మ, సంజు శాంసన్‌, వైభవ్‌ సూర్యవంశీ, ఇషాన్‌ కిషన్, అక్షర్‌ పటేల్, శివమ్‌ దూబే, నితీశ్‌కుమార్‌ రెడ్డి, నమన్‌ ధీర్, ప్రిన్స్‌ యాదవ్, మయాంక్‌ యాదవ్, అర్ష్‌దీప్‌ సింగ్, భువనేశ్వర్‌ కుమార్, వరుణ్‌ చక్రవర్తి, కుల్దీప్‌ యాదవ్‌.చదవండి: వినోద్‌ కాంబ్లీ గతి ఏమైందో తెలుసు కదా!: టీమిండియా దిగ్గజంఅప్పుడు ఐదు ఎకరాల భూమి.. ఇప్పుడు 3 ఖరీదైన అపార్టుమెంట్లు

విండీస్‌తో రేపు జరుగబోయే రెండో టీ20కి ముందు టీమిండియా యువ సంచలనం వైభవ్‌ సూర్యవంశీ జట్టు మేనేజ్‌మెంట్‌కు స్ట్రాంగ్‌ మెసేజ్‌ పంపాడు. నెట్స్‌లో అతడు భారీ షాట్లతో విరుచుకుపడ్డాడు. అలవోకగా బౌండరీలు, సిక్సర్లు బాదాడు. జట్టు సమీకరణల వల్ల వైభవ్‌కు అవకాశాలు రాని విషయం తెలిసిందే. ఈ నేపథ్యంలో వైభవ్‌ తనలోని విధ్వంసకర కోణాన్ని మేనేజ్‌మెంట్‌కు మరోసారి గుర్తు చేశాడు.నెట్స్‌లో పాకెట్‌ డైనమైట్‌ ఇషాన్‌ కిషన్‌ కూడా చెలరేగిపోయాడు. వైభవ్‌తో పోటీపడి మరీ షాట్లు ఆడాడు. వీరిద్దరి బ్యాటింగ్‌ విన్యాసాలు చూసి పోలీసులు, ప్రేక్షకులు, మీడియా ప్రతినిధులు హర్షం వ్యక్తం చేశారు. కాగా, రెండో టీ20 రాంచీ వేదికగా జరుగనుంది. ఇది ఇషాన్‌ కిషన్‌కు సొంత మైదానం. రేపటి మ్యాచ్‌లో ఇషాన్‌ ప్రదర్శన కోసం​ స్థానికులు ఆసక్తిగా ఎదురుచూస్తున్నారు.ఇదిలా ఉంటే, రేపటి మ్యాచ్‌లో భారత్‌ ఎలాంటి మార్పులు లేకుండా బరిలోకి దిగవచ్చు. ఇదే జరిగితే వైభవ్‌ సూర్యవంశీకి మరోసారి నిరాశ తప్పదు. మేనేజ్‌మెంట్‌ సంజూ శాంసన్‌పై విశ్వాసాన్ని కొనసాగించినంత కాలం వైభవ్‌ది ఇదే పరిస్థితి. ఐదు మ్యాచ్‌ల సిరీస్‌లో భారత్‌ 1-0 ఆధిక్యంలో కొనసాగుతుంది. లక్నో వేదికగా జరిగిన తొలి మ్యాచ్‌లో భారత్‌ ఘన విజయం సాధించింది. కెప్టెన్‌ శ్రేయస్‌ అయ్యర్‌ కెరీర్‌లో తొలి టీ20 శతకంతో భారత్‌ను విజయతీరాలకు చేర్చాడు. ఇదీ చదవండి: ఐపీఎల్‌తో మరోసారి పోటీపడనున్న పాకిస్తాన్‌ సూపర్‌ లీగ్‌

తొలి టీ20లో వెస్టిండీస్‌ను చిత్తు చేసిన టీమిండియా.. రెండో మ్యాచ్‌లోనూ ఇదే ఫలితాన్ని పునరావృతం చేయాలని పట్టుదలగా ఉంది. ఇరుజట్ల మధ్య శుక్రవారం నాటి ఈ టీ20కి రాంచి వేదిక.ఈ నేపథ్యంలో టీమిండియా మాజీ క్రికెటర్‌ ఛతేశ్వర్‌ పుజారా భారత తుదిజట్టు కూర్పు గురించి ఆసక్తికర వ్యాఖ్యలు చేశాడు. బ్యాటింగ్‌ ఆర్డర్‌లో మార్పు చేయాల్సిన అవసరం లేదన్న అతడు.. బౌలింగ్‌ విభాగంలో మాత్రం ఒక మార్పు జరుగుతుందని అంచనా వేశాడు.నాకైతే ఇష్టం లేదుఅయితే, తనకు మాత్రం ఆ మార్పు ఇష్టం లేదని.. ఒక్క మ్యాచ్‌లో విఫలమైనంత మాత్రాన ఓ ఆటగాడిని వెంటనే పక్కనపెట్టాల్సిన అవసరం లేదని పుజారా పేర్కొన్నాడు. ఈ మేరకు జియోహాట్‌స్టార్‌ షోలో మాట్లాడుతూ.. ‘‘వెస్టిండీస్‌తో రెండో టీ20కి బ్యాటింగ్‌ కాంబినేషన్‌ను నేనైతే మార్చను.వీళ్లంతా ఫిక్స్‌సంజూ శాంసన్‌, అభిషేక్‌ శర్మ ఓపెనర్లుగా వస్తారు. ఇషాన్‌ కిషన్‌ వన్‌డౌన్‌లో బ్యాటింగ్‌ చేస్తాడు. ఇక కెప్టెన్‌ శ్రేయస్‌ అయ్యర్‌ యథావిధిగా నాలుగో స్థానంలో వచ్చేస్తాడు. అయితే, పరిస్థితి తగ్గట్లు తిలక్‌ వర్మ, నమన్‌ ధిర్‌, శివం దూబే.. ఐదు, ఆరు, ఏడో స్థానాల్లో వస్తే.. అక్షర్‌ పటేల్‌ ఎనిమిది, కుల్దీప్‌ యాదవ్‌ తొమ్మిదో స్థానంలో ఆడతారు.అతడికి మరో అవకాశం ఇవ్వాలిపది మంది స్థానాలు ఖరారై పోయినట్లే. అయితే, బౌలింగ్‌ విభాగంలో ఒక మార్పు చోటు చేసుకునే అవకాశం ఉంది. మయాంక్‌ యాదవ్‌ బదులు ప్రిన్స్‌ యాదవ్‌ తుదిజట్టులోకి రావొచ్చు. అయితే, మయాంక్‌కు మరో అవకాశం ఇస్తే బాగుంటుంది. వెనువెంటనే తుదిజట్టులో మార్పులు చేయడం సరికాదు. నేనైతే మయాంక్‌ను కూడా కొనసాగిస్తా’’ అని ఛతేశ్వర్‌ పుజారా తన అభిప్రాయాలు పంచుకున్నాడు. కాగా విండీస్‌తో తొలి టీ20లో మయాంక్‌ యాదవ్‌ నాలుగు ఓవర్ల కోటా పూర్తి చేసి నలభై పరుగులు ఇచ్చి ఒకే ఒక్క వికెట్‌ తీశాడు.వెస్టిండీస్‌తో తొలి టీ20 ఆడిన భారత తుదిజట్టుఅభిషేక్ శర్మ, సంజు శాంసన్ (వికెట్‌ కీపర్‌), ఇషాన్ కిషన్, శ్రేయస్ అయ్యర్ (కెప్టెన్‌), తిలక్ వర్మ, శివం దూబే, నమన్ ధీర్, అక్షర్ పటేల్, అర్ష్‌దీప్ సింగ్, కుల్దీప్ యాదవ్, మయాంక్ యాదవ్.రెండో టీ20కి పుజారా అంచనా వేసిన భారత తుదిజట్టుఅభిషేక్ శర్మ, సంజు శాంసన్ (వికెట్‌ కీపర్‌), ఇషాన్ కిషన్, శ్రేయస్ అయ్యర్ (కెప్టెన్‌), తిలక్ వర్మ, శివం దూబే, నమన్ ధీర్, అక్షర్ పటేల్, అర్ష్‌దీప్ సింగ్, కుల్దీప్ యాదవ్, ప్రిన్స్‌ యాదవ్.చదవండి: IND vs WI: అతడికి ఇంకెన్ని అవకాశాలు ఇస్తారు?అప్పుడు ఐదెకరాల భూమి.. ఇప్పుడు మూడు ఖరీదైన అపార్ట్‌మెంట్లు కొన్న విరుష్క

టీ20 ప్రపంచకప్‌-2026 టోర్నీలో టీమిండియా చాంపియన్‌గా నిలవడంలో కేరళ వికెట్‌ కీపర్‌ బ్యాటర్‌ సంజూ శాంసన్‌ది కీలక పాత్ర. ఈవెంట్‌ ఆరంభంలో తుదిజట్టులో చోటు దక్కకపోయినా.. నాకౌట్‌ దశలో తిరిగి వచ్చి ఆకాశమే హద్దుగా చెలరేగాడు ఈ ఓపెనింగ్‌ బ్యాటర్‌.ధనాధన్‌ దంచికొట్టిసూపర్‌-8 దశలో వెస్టిండీస్‌తో మ్యాచ్‌లో 50 బంతుల్లో 97 (నాటౌట్‌), ఇంగ్లండ్‌తో సెమీ ఫైనల్లో 42 బంతుల్లో 89, న్యూజిలాండ్‌తో ఫైనల్లో 46 బంతుల్లో 89 పరుగులతో దుమ్ములేపాడు సంజూ. తద్వారా ప్లేయర్‌ ఆఫ్‌ ది టోర్నీగా నిలిచి సత్తా చాటాడు.వరుస వైఫల్యాలుఆ తర్వాత ఐపీఎల్‌-2026లో చెన్నై సూపర్‌ కింగ్స్‌ తరఫున ఆరంభంలో తడబడ్డ సంజూ.. ఆ తర్వాత వరుస సెంచరీలతో ఫామ్‌లోకి వచ్చాడు. అయితే, ఐర్లాండ్‌, ఇంగ్లండ్‌ పర్యటనలో మరోసారి తేలిపోయాడు. ఐర్లాండ్‌తో టీ20 సిరీస్‌లో 5, 0 పరుగులు చేసిన సంజూ.. ఇంగ్లండ్‌తో సిరీస్‌లో 1, 27 పరుగులు మాత్రమే చేయగలిగాడు.అనంతరం జపాన్‌తో ఏకైక టీ20లోనూ విఫలమైన సంజూ (9).. ఆసియా క్రీడలు-2026లో సెమీస్‌లో శ్రీలంకతో మ్యాచ్‌లో 7, పాకిస్తాన్‌తో ఫైనల్లో 2 పరుగులు మాత్రమే చేశాడు. తాజాగా స్వదేశంలో వెస్టిండీస్‌తో తొలి టీ20లో 11 పరుగులు మాత్రమే చేసి పెవిలియన్‌ చేరాడు.అప్పుడు ఇషాన్‌.. ఇప్పుడు వైభవ్‌ఈ నేపథ్యంలో సంజూ వైఫల్యాలపై తీవ్ర స్థాయిలో విమర్శలు వస్తున్నాయి. నిజానికి టీ20 ప్రపంచకప్‌-2026 టోర్నీకి ముందు ఇషాన్‌ కిషన్‌ సంజూకు పోటీగా రాగా.. ప్రస్తుతం వైభవ్‌ సూర్యవంశీ కూడా ఓపెనింగ్‌ స్థానానికి గట్టి పోటీనిస్తున్నాడు. దీంతో సంజూ తీవ్ర ఒత్తిడిలో కూరుకుపోయినట్లు అతడి వైఫల్యాల ద్వారా అర్థమవుతోంది.అయితే, హెడ్‌కోచ్‌ గౌతం గంభీర్‌ మాత్రం సంజూకు ఎల్లవేళలా మద్దతుగా ఉంటానని హామీ ఇవ్వడం అతడికి కాస్త సానుకూలాంశం. వరల్డ్‌కప్‌ హీరోను కాదని.. వైభవ్‌కు ఇప్పుడే వరుస అవకాశాలు ఇవ్వలేమని గంభీర్‌ ఇప్పటికే పలుమార్లు స్పష్టం చేశాడు. కానీ ప్రస్తుత పరిస్థితుల్లో సంజూ ఆట తీరు అతడికి కూడా తలనొప్పిగా మారింది.గంభీర్‌ కూడా ఏమీ చేయలేని పరిస్థితిముఖ్యంగా జట్టు ఓడిపోతే మాత్రం సంజూపై వేటు వేయాలనే డిమాండ్లు పెరిగితే.. గంభీర్‌ కూడా తన నిర్ణయాన్ని వెనక్కి తీసుకోవాల్సిన పరిస్థితి తలెత్తుతుంది. ఏదేమైనా ఈ కేరళ వికెట్‌ కీపర్‌ బ్యాటర్‌ విండీస్‌తో శుక్రవారం నాటి రెండో టీ20లోనైనా బ్యాట్‌ ఝులిపించాల్సిందే. లేదంటే తుదిజట్టు నుంచి కనుమరుగయ్యే దుస్థితి వస్తుంది.ఇంకెన్నాళ్లు అతడికి అవకాశాలు ఇస్తారు?టీమిండియాకు దూరమైన క్రికెటర్‌ హనుమ విహారి కూడా ఇదే మాట అంటున్నాడు. వరుస వైఫల్యాల నేపథ్యంలో సంజూ శాంసన్‌ను యాజమాన్యం ఇంకెన్నాళ్లు కొనసాగిస్తుందని ప్రశ్నించాడు. ఈ మేరకు.. ‘‘సంజూ మరోసారి విఫలమయ్యాడు. ఇంకెన్నాళ్లు అతడికి అవకాశాలు ఇస్తారు?నిజానికి నేను అతడికి అభిమానినే. సంజూ ఆడితే చూడాలని నాకూ ఉంది. అయితే, ప్రస్తుతం సంజూ తీవ్రమైన ఒత్తిడిలో కూరుకుపోయాడు. వరల్డ్‌కప్‌ టోర్నీకి ముందు ఇషాన్‌ జట్టులోకి తిరిగి వచ్చినపుడు కూడా సంజూ సరిగ్గా ఆడలేకపోయాడు.ఒత్తిడిలో కూరుకుపోయాడుఇప్పుడు వైభవ్‌ అతడి వెంట పడుతున్నాడు. గట్టి పోటీనిస్తున్నాడు. దీంతో సంజూ మరోసారి ఒత్తిడిలో కూరుకుపోయాడు. జట్టులో స్థానం ఉంటుందో లేదోనన్న భయం అతడిని వెంటాడుతోంది. ఇలాంటి సందర్భాల్లో ఒత్తిడి సహజం. అయితే, చాలా మందికి ఈ విషయం పెద్దగా అర్థం కాదు. ఏదేమైనా ఒత్తిడిని జయిస్తేనే సంజూ కెరీర్‌ సాఫీగా సాగుతుంది’’ అని హనుమ విహారి చెప్పుకొచ్చాడు.చదవండి: అప్పుడు ఐదెకరాల భూమి.. ఇప్పుడు మూడు ఖరీదైన అపార్ట్‌మెంట్లు కొన్న విరుష్క

టీమిండియా పాకెట్‌ డైనమైట్‌ ఇషాన్‌ కిషన్‌ దిగ్గజ బ్యాటర్‌ విరాట్‌ కోహ్లి పేరిట ఉండిన ఓ భారీ రికార్డును బద్దలు కొట్టాడు. నిన్నటి వరకు ఓ క్యాలెండర్‌ ఇయర్‌లో అత్యధిక టీ20 పరుగలు చేసిన భారత బ్యాటర్‌గా చలామణి అయిన కోహ్లిని ఇషాన్‌ అధిగమించాడు.నిన్న విండీస్‌తో జరిగిన తొలి టీ20లో 37 పరుగులతో అజేయంగా నిలిచిన ఇషాన్‌ ఈ ఘనత సాధించాడు. కోహ్లి 2016లో 1614 టీ20 పరుగులు చేయగా.. ఇషాన్‌ ఈ ఏడాది ఇప్పటికే 1644 పరుగులు సాధించాడు. ఇషాన్‌ ఈ ఏడాది మరిన్ని టీ20లు ఆడే అవకాశం ఉంది కాబట్టి అతడి పరుగుల సంఖ్య మరింత పెరగవచ్చు.ఈ ఏడాది ఇషాన్ కిషన్ అద్భుతమైన ఫామ్‌లో ఉన్నాడు. ఇప్పటివరకు ఆడిన 45 టీ20 మ్యాచ్‌ల్లో 39.14 సగటున, సెంచరీ, 13 అర్ద సెంచరీల సాయంతో 1644 పరుగులు చేశాడు. ఓ క్యాలెండర్‌ ఇయర్‌లో అత్యధిక పరుగులు చేసిన భారత బ్యాటర్ల టాప్‌-5 జాబితాలో ఇషాన్‌, కోహ్లి తర్వాతి స్థానాల్లో అభిషేక్‌ శర్మ, సూర్యకుమార్‌ యాదవ్‌ ఉన్నారు.అభషేక్‌ గతేడాది (2025) టీ20ల్లో 1602 పరుగులు సాధించాడు. అతడు ఈ ఏడాది కూడా అదే ఫామ్‌ను కొనసాగిస్తూ ఇప్పటివరకు 1395 పరుగులు చేశాడు. టీమిండియా మాజీ కెప్టెన్‌ సూర్యకుమార్‌ యాదవ్‌ 2022లో 1503 పరుగులు చేశాడు. స్కై 2023లో 1338 పరుగులు సాధించాడు.ఇదిలా ఉంటే, తాజాగా వెస్టిండీస్‌తో జరిగిన తొలి టీ20లో భారత్‌ 8 వికెట్ల తేడాతో ఘన విజయం సాధించి. ఐదు మ్యాచ్‌ల సిరీస్‌లో 1-0 ఆధిక్యంలోకి దూసుకెళ్లింది. ఈ మ్యాచ్‌లో తొలుత బౌలింగ్‌ చేసి వెస్టిండీస్‌ను 171 పరుగులకే పరిమితం చేసిన భారత జట్టు.. ఆతర్వాత 14.4 ఓవర్లలోనే లక్ష్యాన్ని ఛేదించింది. కెప్టెన్‌ శ్రేయస్‌ అయ్యర్‌ మెరుపు శతకంతో విరుచుకుపడి టీమిండియాను విజయతీరాలకు చేర్చాడు. ఇదీ చదవండి: జట్టు ప్రకటన.. శాంసన్‌ సోదరులకు దక్కని చోటు!

వెస్టిండీస్‌తో జరుగుతున్న ఐదు మ్యాచ్‌ల టీ20 సిరీస్‌ను టీమిండియా ఘనంగా ప్రారంభించింది. లక్నోలో జరిగిన తొలి టీ20లో భారత్ 9 వికెట్ల తేడాతో విజయం సాధించి సిరీస్‌లో 1-0 ఆధిక్యంలోకి దూసుకెళ్లింది. ఈ మ్యాచ్‌లో తొలుత బౌలింగ్‌ చేసి వెస్టిండీస్‌ను 171 పరుగులకే పరిమితం చేసిన భారత జట్టు.. ఆతర్వాత 14.4 ఓవర్లలోనే లక్ష్యాన్ని ఛేదించింది.కెప్టెన్‌ శ్రేయస్‌ అయ్యర్‌ మెరుపు శతకంతో విరుచుకుపడి టీమిండియాను విజయతీరాలకు చేర్చాడు. టీ20 అంతర్జాతీయ క్రికెట్‌లో శ్రేయస్‌కు ఇది తొలి శతకం. ఈ ఇన్నింగ్స్‌తో పలు రికార్డులను ఖాతాలో వేసుకున్న శ్రేయస్‌.. అక్టోబర్‌ 9న రాంచీలో జరుగబోయే రెండో టీ20లో మరిన్ని ఘనతలు సాధించే అవకాశం ఉంది.ధవన్‌కు దాటే అవకాశంఅంతర్జాతీయ టీ20 క్రికెట్‌లో శ్రేయస్ ఇప్పటివరకు 11 సార్లు 50కి పైగా స్కోరు చేశాడు. మాజీ ఓపెనర్ శిఖర్ ధావన్ కూడా టీ20ల్లో 11 ఫిఫ్టీ ప్లస్‌ స్కోర్లు నమోదు చేశాడు. రెండో టీ20లో అయ్యర్ మరోసారి 50+ స్కోరు చేస్తే.. ధావన్‌ను అధిగమిస్తాడు.సెహ్వాగ్, విశ్వనాథ్‌లను అధిగమిస్తాడువెస్టిండీస్‌పై అంతర్జాతీయ క్రికెట్‌లో దిగ్గజ ఆటగాళ్లు వీరేంద్ర సెహ్వాగ్, గుండప్ప విశ్వనాథ్ చెరో 8 అర్ధసెంచరీలు సాధించారు. శ్రేయస్‌ కూడా విండీస్‌పై ఇప్పటివరకు 8 అర్ద సెంచరీలు చేశాడు. రెండో టీ20లో అతడు ఫిఫ్టీ సాధిస్తే సెహ్వాగ్, విశ్వనాథ్‌లను అధిగమిస్తాడు.రోహిత్‌ను సమం చేసే ఛాన్స్భారత టీ20 కెప్టెన్‌గా రోహిత్ శర్మ వెస్టిండీస్‌పై రెండు 50+ స్కోర్లు నమోదు చేశాడు. తొలి టీ20లోనే అద్భుత సెంచరీ చేసిన శ్రేయస్.. రెండో మ్యాచ్‌లో మరో ఫిఫ్టీ సాధిస్తే రోహిత్ శర్మ రికార్డును సమం చేస్తాడు.రోహిత్ రికార్డుకు ఒక్క అడుగు దూరంలో..భారత టీ20 కెప్టెన్‌గా రోహిత్ శర్మ 2024లో వరుసగా 11 విజయాలు సాధించాడు. వెస్టిండీస్‌తో తొలి టీ20లో విజయం సాధించడంతో శ్రేయస్ అయ్యర్ కెప్టెన్‌గా వరుసగా 10వ టీ20 విజయాన్ని నమోదు చేశాడు. శ్రేయస్‌ రెండో టీ20లో కూడా భారత్‌ను గెలిపిస్తే.. వరుసగా 11 టీ20 విజయాలు సాధించిన రోహిత్ శర్మ రికార్డును సమం చేస్తాడు.ఇదీ చదవండి: టీమిండియా క్రికెటర్లు వాడుతున్న ఆ పరికరం ఏంటి..?

వెస్టిండీస్‌తో జరిగిన వన్డే సిరీస్‌లో టీమిండియా ఆటగాళ్లను గమనించిన వారికి ఓ చిన్న పరికరం ప్రత్యేకంగా కనిపిస్తోంది. విరాట్ కోహ్లి, రోహిత్ శర్మ, శుభ్‌మన్ గిల్‌తో పాటు పలువురు భారత క్రికెటర్లు తమ కంప్రెషన్ వెస్ట్ వెనుక భాగంలో ఈ చిన్న డివైజ్‌ను ధరించి కనిపించారు.ఇది చూడటానికి సాధారణ హెల్త్‌ ట్రాకర్‌లా కనిపించినప్పటికీ.. దీని వివరాలు తెలిస్తే ఆశ్చర్యపోవాల్సిందే. ఈ డివైజ్‌ ఆటగాళ్ల శారీరక శ్రమ, కదలికలు, వేగం, వర్క్‌లోడ్ వంటి అంశాలను కొలిచే ట్రాకింగ్ డివైజ్‌ అని తెలుస్తోంది. ఆధునిక క్రికెట్‌లో స్పోర్ట్స్ సైన్స్, డేటా అనాలిసిస్‌కు ప్రాధాన్యం పెరగడంతో ఇలాంటి టెక్నాలజీలను వాడుతున్నారు.పైన పేర్కొన్న పరికరాన్ని STATSports వంటి సంస్థలు తయారు చేస్తాయి. ఈ పరికరం GPS, మోషన్ సెన్సర్ల సాయంతో ఆటగాడు మైదానంలో ఎంత దూరం పరుగెత్తాడు, ఎంత వేగంతో కదిలాడు, ఎన్ని సార్లు వేగం పెంచాడు, ఎంత వేగంగా ఆగాడు వంటి అనేక వివరాలను రికార్డ్ చేస్తుంది. అలాగే హృదయ స్పందనకు సంబంధించిన డేటాను కూడా ట్రాక్ చేస్తుంది.భారత క్రికెటర్లు ఈ తరహా పరికరాలను 2019 నుంచే వాడుతున్నారు. ఈ పరికరం గాయాల నివారణలోనూ కీలకంగా వ్యవహరిస్తుంది. ఓ ఆటగాడిపై ఎక్కువ వర్క్‌లోడ్ పడుతోందని డేటా ద్వారా గుర్తిస్తే.. అతడి ట్రైనింగ్ తీవ్రతను తగ్గించడం లేదా రికవరీ సమయాన్ని పెంచడం ద్వారా గాయాల ప్రమాదాన్ని తగ్గించవచ్చు.ఇదీ చదవండి: మరో క్రికెట్‌ పండుగ.. షెడ్యూల్‌ విడుదల

సొంతగడ్డపై వెస్టిండీస్‌తో టీ20 సిరీస్‌ను టీమిండియా ఘనంగా ఆరంభించింది. లక్నో వేదికగా మంగళవారం నాటి తొలి టీ20 మ్యాచ్‌లో విండీస్‌ జట్టును ఎనిమిది వికెట్ల తేడాతో చిత్తు చేసింది. కరేబియన్లు విధించిన 172 పరుగుల లక్ష్యాన్ని కేవలం 14.4 ఓవర్లలోనే ఊదేసింది.కెప్టెన్‌ శ్రేయస్‌ అయ్యర్‌ మెరుపు శతకం (43 బంతుల్లో 102 నాటౌట్‌)తో చెలరేగి టీమిండియా విజయంలో కీలక పాత్ర పోషించాడు. ఇదిలా ఉంటే.. భారత్‌తో మ్యాచ్‌లో వెస్టిండీస్‌ యువ పేసర్‌ మాథ్యూ ఫోర్డ్‌ చెత్త బౌలింగ్‌తో విమర్శలు మూటగట్టుకున్నాడు.Sealed in 𝙨𝙤𝙢𝙚 𝙨𝙩𝙮𝙡𝙚! 💥 🎥 A breathtaking batting display from #TeamIndia to clinch the 1️⃣st T20I by eight wickets 👊 Scorecard ▶️ https://t.co/2czVyKWreK #INDvWI | @mflone_ https://t.co/JgxYkZLDwS— BCCI (@BCCI) October 6, 2026అతడి బౌలింగ్‌లో ఆడేసుకున్నారువిండీస్‌ బౌలింగ్‌ అటాక్‌ ఆరంభించిన ఫోర్డ్‌.. తొలి ఓవర్లోనే పదిహేను పరుగులు ఇచ్చుకున్నాడు. అతడి బౌలింగ్‌లో ఓపెనర్‌ అభిషేక్‌ శర్మ ఓ సిక్స్‌, రెండు ఫోర్లు బాదాడు. ఇక పద్నాలుగో ఓవర్లో కెప్టెన్‌ షాయీ హోప్‌ మరోసారి ఫోర్డ్‌ చేతికి బంతినిచ్చాడు.ఈసారి కూడా అతడు దారుణంగా విఫలమయ్యాడు. ఫోర్డ్‌ బౌలింగ్‌లో శ్రేయస్‌ అయ్యర్‌ మూడు సిక్సర్లు, ఓ బౌండరీ బాది ఏకంగా 24 పరుగులు పిండుకున్నాడు. దీంతో ఫోర్డ్‌కు ఈ మ్యాచ్‌లో పీడకలే మిగిలింది. కేవలం రెండు ఓవర్లు మాత్రమే వేసిన ఈ రైటార్మ్‌ పేసర్‌ ఏకంగా 39 పరుగులు ఇచ్చుకుని వికెట్‌ మాత్రం తీయలేకపోయాడు.66 ఏళ్ల వయసులో నేనూ చితక్కొడతా!ఈ నేపథ్యంలో భారత మాజీ కెప్టెన్‌ క్రిష్ణమాచారి శ్రీకాంత్‌ 24 ఏళ్ల మాథ్యూ ఫోర్డ్‌ బౌలింగ్‌ తీరుపై ఆగ్రహం వ్యక్తం చేశాడు. ‘‘అసలు ఫోర్డ్‌ని ఆల్‌రౌండర్‌ అని ఎలా పిలుస్తున్నారు? ప్రస్తుతం నేను.. 66 ఏళ్ల వయసులోనూ అతడి బౌలింగ్‌ను చితక్కొట్టగలను.అతడి బౌలింగ్‌ అంత చెత్తగా ఉంది. షమార్‌ జోసెఫ్‌ బౌలింగ్‌లో కూడా పస తగ్గిపోయింది. అతడు అత్యంత సాధారణంగా బౌలింగ్‌ చేస్తున్నాడు. నిజానికి జాన్‌ కాంప్‌బెల్‌, ఆమిర్‌ జాంగూ, జేడన్‌ సీల్స్‌ విండీస్‌ తరఫున టీ20 ఫార్మాట్లోనూ ఆడాలి.వారికి బదులు ఎవరో కొందరు అనామకులు ఆడటం ఎంతమాత్రం సరికాదు. వెస్టిండీస్‌ జట్టు అతి సాధారణంగా ఉంది. వాళ్లు జట్టును ఎలా ఎంపిక చేస్తున్నారో తెలియదు. నిజానికి ఈ మ్యాచ్‌లో విండీస్‌ 190- 195 వరకు స్కోరు చేయగలిగేది. సెన్స్‌లెస్‌ బ్యాటింగ్‌కానీ వాళ్ల బ్యాటింగ్‌ ఆర్డర్‌ కుప్పకూలింది. కేవలం స్లాగ్‌ షాట్లు ఆడేందుకే బ్యాటర్లు ప్రయత్నించారు. నిజంగా అదొక తెలివిలేని బ్యాటింగ్‌. సెన్స్‌లెస్‌’’ అంటూ చిక్కా విండీస్‌ బ్యాటింగ్‌ విభాగంపై ఘాటు వ్యాఖ్యలు చేశాడు.కాగా టీమిండియాతో తొలి టీ20లో కెప్టెన్‌ షాయీ హోప్‌ (37 బంతుల్లో 52), షెర్ఫానే రూథర్‌ఫర్డ్‌ (34 బంతుల్లో 56) అర్ధ శతకాలు చేశారు. మిగిలిన వారంతా ఇలా వచ్చి అలా పెవిలియన్‌ చేరారు. భారత బౌలర్లలో ఆల్‌రౌండర్‌ నమన్‌ ధిర్‌ మూడు వికెట్లతో సత్తా చాటగా.. అక్షర్‌ పటేల్‌, కుల్దీప్‌ యాదవ్‌ చెరో రెండు.. అర్ష్‌దీప్‌ సింగ్‌, మయాంక్‌ యాదవ్‌ తలా ఒక వికెట్‌ పడగొట్టారు.చదవండి: నా కల నెరవేరింది.. అతడొక అద్భుతం

ఐసీసీ తాజాగా విడుదల చేసిన టీ20 బ్యాటర్ల ర్యాంకింగ్స్‌లో టీమిండియా కెప్టెన్‌ శ్రేయస్‌ అయ్యర్‌ ఉప్పెనలా దూసుకొచ్చాడు. నిన్న లక్నో వేదికగా వెస్టిండీస్‌తో జరిగిన తొలి టీ20లో మెరుపు శతకంతో (43 బంతుల్లో 102 నాటౌట్‌) విరుచుకుపడిన అతడు.. ఏకంగా 18 స్థానాలు జంప్‌ కొట్టి ఏడో స్థానానికి ఎగబాకాడు. ఇది శ్రేయస్‌ కెరీర్‌లో అత్యుత్తమ ర్యాంక్‌.మరోవైపు మరో ఇద్దరు భారత స్టార్‌ బ్యాటర్లు ఇషాన్‌ కిషన్‌, అభిషేక్‌ శర్మ టాప్‌-2 స్థానాలను నిలబెట్టుకున్నారు. మరో టీమిండియా బ్యాటర్‌ తిలక్‌ వర్మ తొమ్మిది నుంచి పదో స్థానానికి పడిపోయాడు. మొత్తంగా టాప్‌-10లో నలుగురు భారత బ్యాటర్లు ఉండటం విశేషం.ఇతర దేశాల ఆటగాళ్ల విషయానికొస్తే.. వెస్టిండీస్ బ్యాటర్ షెర్ఫాన్ రూథర్‌ఫోర్డ్ భారత్‌తో తొలి టీ20లో మెరుపు అర్ద శతకం బాదడంతో 10 స్థానాలు ఎగబాకి 37వ ర్యాంక్‌కు చేరుకున్నాడు. ఆసియా క్రీడల్లో రాణించిన భారత యువ బ్యాటర్ వైభవ్ సూర్యవంశీ 8 స్థానాలు మెరుగుపరుచుకుని 46వ ర్యాంక్‌కు చేరాడు. పాకిస్తాన్ బ్యాటర్ హసన్ నవాజ్ ఏకంగా 62 స్థానాలు ఎగబాకి 48వ ర్యాంక్‌లో నిలిచాడు.మళ్లీ నంబర్ వన్‌గా రషీద్ ఖాన్టీ20 బౌలర్ల ర్యాంకింగ్స్‌లో ఆఫ్ఘనిస్తాన్ స్టార్ లెగ్ స్పిన్నర్ రషీద్ ఖాన్ మళ్లీ అగ్రస్థానాన్ని దక్కించుకున్నాడు. ఆసియా క్రీడల్లో పెద్ద ఆకట్టుకోలేకపోయిన పాకిస్తాన్ స్పిన్నర్ అబ్రార్ అహ్మద్ నంబర్ వన్ స్థానాన్ని నిలబెట్టుకోలేకపోయాడు. భారత బౌలర్ల విషయానికొస్తే.. అక్షర్ పటేల్ కూడా ర్యాంకింగ్స్‌లో భారీగా పురోగతి సాధించాడు. గత వారం మూడు మ్యాచ్‌ల్లో రెండేసి వికెట్లు తీసిన అక్షర్ 16 స్థానాలు ఎగబాకి ఏడో ర్యాంక్‌కు చేరుకున్నాడు.బంగ్లాదేశ్‌కు చెందిన నసుమ్ అహ్మద్ 8వ స్థానానికి, మెహిది హసన్ 9వ స్థానానికి చేరుకున్నారు. శ్రీలంక బౌలర్ నువాన్ తుషార 18 స్థానాలు మెరుగుపరుచుకుని 48వ ర్యాంక్‌కు చేరుకోగా, పాకిస్టాన్ బౌలర్‌ సైమ్ అయూబ్ 8 స్థానాలు ఎగబాకి 62వ స్థానంలో నిలిచాడు.వన్డే ర్యాంకింగ్స్‌లో గిల్ ఆధిపత్యంవన్డే బ్యాటింగ్ ర్యాంకింగ్స్‌లో టీమిండియా కెప్టెన్ శుభ్‌మన్ గిల్ నంబర్ వన్ స్థానాన్ని మరింత పటిష్టం చేసుకున్నాడు. ఇటీవలే వెస్టిండీస్‌తో జరిగిన రెండో వన్డేలో అజేయంగా 223 పరుగులు చేయడంతో గిల్‌ తన రేటింగ్‌ పాయింట్లను గణనీయంగా మెరుగుపర్చుకున్నాడు.భారత మాజీ కెప్టెన్ విరాట్ కోహ్లీ రెండో స్థానం నుంచి మూడో స్థానానికి పడిపోగా.. విండీస్‌తో మూడో వన్డేలో సెంచరీ చేసిన కేఎల్‌ రాహుల్‌ ఏకంగా 7 స్థానాలు మెరుగుపర్చుకొని 10వ స్థానానికి ఎగబాకాడు. అదే మ్యాచ్‌లో సెంచరీ చేసిన విండీస్‌ కెప్టెన్‌ షాయ్‌ హోప్‌ రెండు స్థానాలు ఎగబాకి ఆరో ర్యాంక్‌కు చేరుకున్నాడు.ఇదీ చదవండి: శ్రేయస్‌ సెంచరీ మెరుపులు

లక్నో: వన్డే సిరీస్‌లో వెస్టిండీస్‌పై ఆధిపత్యం ప్రదర్శించిన భారత్‌ టి20 సిరీస్‌లోనూ శుభారంభం చేసింది. కెప్టెన్‌ శ్రేయస్‌ ముందుండి నడిపించగా, అలవోక విజయాన్ని అందుకుంది. మంగళవారం జరిగిన తొలి టి20 మ్యాచ్‌లో భారత్‌ 8 వికెట్ల తేడాతో వెస్టిండీస్‌ను చిత్తు చేసింది. టాస్‌ ఓడి ముందుగా బ్యాటింగ్‌కు దిగిన వెస్టిండీస్‌ 19.1 ఓవర్లలో 171 పరుగులకు ఆలౌటైంది. షెర్ఫాన్‌ రూథర్‌ఫర్డ్‌ (34 బంతుల్లో 56; 6 ఫోర్లు 3 సిక్స్‌లు), కెప్టెన్‌ షై హోప్‌ (37 బంతుల్లో 52; 6 ఫోర్లు, 2 సిక్స్‌లు) అర్ధ సెంచరీలు సాధించారు. ఈ మ్యాచ్‌తో అంతర్జాతీయ టి20ల్లో అరంగేట్రం చేసిన నమన్‌ ధీర్‌ (3/31) మూడు వికెట్లతో రాణించగా...అక్షర్‌ పటేల్, కుల్దీప్‌ యాదవ్‌ చెరో 2 వికెట్లు తీశారు. అనంతరం భారత్‌ 14.4 ఓవర్లలో 2 వికెట్లకు 172 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ శ్రేయస్‌ అయ్యర్‌ (43 బంతుల్లో 102 నాటౌట్‌; 10 ఫోర్లు, 6 సిక్స్‌లు) సెంచరీతో కదం తొక్కగా, ఇషాన్‌ కిషన్‌ (27 బంతుల్లో 37 నాటౌట్‌; 5 ఫోర్లు) రాణించాడు. వీరిద్దరు మూడో వికెట్‌కు 68 బంతుల్లోనే అభేద్యంగా 137 పరుగులు జోడించారు. భారత్‌ 1–0తో సిరీస్‌లో ఆధిక్యంలో నిలవగా, రెండో టి20 శుక్రవారం రాంచీలో జరుగుతుంది. ఆదుకున్న భాగస్వామ్యం... వన్డే సిరీస్‌ ఫామ్‌ను కొనసాగిస్తూ హోప్‌ దూకుడుగా ఇన్నింగ్స్‌ మొదలు పెట్టాడు. మయాంక్‌ ఓవర్లో అతను 4 ఫోర్లు కొట్టాడు. అయితే పవర్‌ప్లే ముగిసేలోపే 6 పరుగుల వ్యవధిలో 3 వికెట్లు కోల్పోయి విండీస్‌ కష్టాల్లో పడింది. పవర్‌ప్లేలో విండీస్‌ 44 పరుగులు చేయగా, ఆ తర్వాత హోప్, రూథర్‌ఫర్డ్‌ కలిసి జట్టును ఆదుకున్నారు. కుల్దీప్‌ ఓవర్లో చెరో సిక్స్‌ కొట్టిన వీరిద్దరు...అక్షర్‌ ఓవర్లో 2 ఫోర్లు, సిక్స్‌తో 18 పరుగులు రాబట్టారు. నమన్‌ ఓవర్లో భారీ సిక్స్‌తో 36 బంతుల్లో అర్ధసెంచరీ పూర్తి చేసుకున్న హోప్‌ తర్వాతి బంతికే వెనుదిరిగాడు.హోప్, రూథర్‌ఫర్డ్‌ నాలుగో వికెట్‌కు 35 బంతుల్లో 63 పరుగులు జోడించారు. ఆ తర్వాత విండీస్‌ మళ్లీ తడబడింది. మరో 21 పరుగుల వ్యవధిలో జట్టు తర్వాతి 4 వికెట్లు చేజార్చుకుంది. మరో వైపు తాను ఎదుర్కొన్న నాలుగు బంతుల్లో 3 ఫోర్లు కొట్టిన రూథర్‌ఫర్డ్‌ 31 బంతుల్లోనే హాఫ్‌ సెంచరీని చేరుకున్నాడు. చివర్లో అకీల్‌ హొసీన్‌ (15) కొన్ని కీలక పరుగులు జోడించారు. చెలరేగిన కెప్టెన్‌...తొలి ఓవర్లో 2 ఫోర్లు, సిక్స్‌ కొట్టిన అభిషేక్‌ శర్మ (21) దూకుడుగా ఛేదనను మొదలు పెట్టాడు. అయితే అభిషేక్‌తో పాటు సంజు సామ్సన్‌ (11) ఆరు పరుగుల తేడాతో అవుటయ్యారు. ఈ దశలో శ్రేయస్‌ ధాటిని ప్రదర్శించగా, ఇషాన్‌ అతనికి అండగా నిలిచాడు. వీరిద్దరి భాగస్వామ్యం జట్టును గెలుపు దిశగా నడిపించింది. జోసెఫ్‌ ఓవర్లో శ్రేయస్‌ వరుసగా 3 ఫోర్లు కొట్టడంతో పవర్‌ప్లే ముగిసే సరికి స్కోరు 62/2కు చేరింది. ఆ తర్వాత షెఫర్డ్‌ ఓవర్లోనూ వరుసగా మూడు ఫోర్లు బాదిన శ్రేయస్‌ 28 బంతుల్లోనే హాఫ్‌ సెంచరీని అందుకున్నాడు.అనంతరం మరింత జోరును ప్రదర్శించిన కెప్టెన్‌...ఫోర్డ్‌ ఓవర్లో 3 సిక్స్‌లు, ఫోర్‌ బాదడంతో మొత్తం 24 పరుగులు లభించాయి. ఛేజ్‌ వేసిన ఇన్నింగ్స్‌ 15వ ఓవర్‌ మూడో బంతిని లాంగాన్‌ మీదుగా భారీ సిక్సర్‌గా మలిచి కెరీర్‌లో తొలి శతకాన్ని (42 బంతుల్లో) నమోదు చేసిన శ్రేయస్‌...తర్వాతి బంతికి సింగిల్‌ తీసి మరో 32 బంతులు మిగిలి ఉండగానే మ్యాచ్‌ను ముగించాడు. ఈ ఫార్మాట్‌లో టీమిండియాకు ప్రాతినిధ్యం వహించిన 125వ ఆటగాడిగా నమన్‌ ధీర్‌ నిలిచాడు. 1 అంతర్జాతీయ టి20ల్లో శ్రేయస్‌కు ఇదే తొలి సెంచరీ. గతంలో 10 అర్ధ సెంచరీలు ఉండగా అత్యధిక స్కోరు 80 పరుగులు.స్కోరు వివరాలువెస్టిండీస్‌ ఇన్నింగ్స్‌: హోప్‌ (సి) అక్షర్‌ (బి) నమన్‌ 52; కామిల్‌ (బి) అర్ష్ దీప్‌ 12; హెట్‌మైర్‌ (రనౌట్‌) 5; పావెల్‌ (బి) అక్షర్‌ 0; రూథర్‌ఫర్డ్‌ (సి) నమన్‌ (బి) మయాంక్‌ 56; ఛేజ్‌ (ఎల్బీ) (బి) కుల్దీప్‌ 5; షెఫర్డ్‌ (సి) తిలక్‌ (బి) నమన్‌ 7; ఫోర్డ్‌ (సి) ఇషాన్‌ కిషన్‌ (బి) కుల్దీప్‌ 2; స్ప్రింగర్‌ (సి) అక్షర్‌ (బి) నమన్‌ 9; అకీల్‌ (సి) ఇషాన్‌ కిషన్‌ (బి) అక్షర్‌ 15; జోసెఫ్‌ (నాటౌట్‌) 0; ఎక్స్‌ట్రాలు 8; మొత్తం (19.1 ఓవర్లలో ఆలౌట్‌) 171. వికెట్ల పతనం: 1–38, 2–44, 3–44, 4–107, 5–114, 6–121, 7–124, 8–135, 9–171, 10–171. బౌలింగ్‌: అర్ష్ దీప్‌ 4–0–34–1, మయాంక్‌ యాదవ్‌ 4–0–40–1, అక్షర్‌ 3.1–1–26–2, కుల్దీప్‌ 4–0–33–2, నమన్‌ ధీర్‌ 4–0–31–3. భారత్‌ ఇన్నింగ్స్‌: సామ్సన్‌ (సి) అండ్‌ (బి) అకీల్‌ 11; అభిషేక్‌ (సి) హెట్‌మైర్‌ (బి) ఛేజ్‌ 21; ఇషాన్‌ కిషన్‌ (నాటౌట్‌) 37; శ్రేయస్‌ (నాటౌట్‌) 102; ఎక్స్‌ట్రాలు 1; మొత్తం (14.4 ఓవర్లలో 2 వికెట్లకు) 172. వికెట్ల పతనం: 1–29, 2–35. బౌలింగ్‌: ఫోర్డ్‌ 2–0–39–0, అకీల్‌ 4–0–37–1, ఛేజ్‌ 3.4–0–37–1, జోసెఫ్‌ 2–0–23–0, షెఫర్డ్‌ 2–0–24–0, స్ప్రింగర్‌ 1–0–12–0.ఇదీ చదవండి: న్యూజిలాండ్‌ టీ20 సిరీస్‌కు భారత జట్టు ప్రకటన

భారత స్పిన్‌ బౌలింగ్‌ ఆల్‌రౌండర్‌ నమన్‌ ధిర్‌ అరంగేట్రంలోనే చెలరేగిపోయాడు. విండీస్‌తో ఇవాళ జరుగుతున్న తొలి టీ20తో అంతర్జాతీయ పొట్టి ఫార్మాట్‌లోకి అడుగుపెట్టిన ధిర్‌.. ఈ మ్యాచ్‌లో ఏకంగా 3 వికెట్లు (3-31) పడగొట్టాడు. తద్వారా ప్రజ్ఞాన్‌ ఓజా (4-21), అక్షర్‌ పటేల్‌ (3-17) తర్వాత అరంగేట్రంలో అత్యుత్తమ గణాంకాలు నమోదు చేసిన బౌలర్‌గా నిలిచాడు. మ్యాచ్‌ విషయానికొస్తే.. టాస్‌ గెలిచి తొలుత బౌలింగ్‌ ఎంచుకున్న భారత్‌ విండీస్‌ను కట్టడి చేసినట్లే చేసి, చివరికి ఓ మోస్తరు స్కోర్‌ చేయనచ్చింది (19.1 ఓవర్లలో 174 పరుగులకు ఆలౌట్‌). హోప్‌ (52), రూథర్‌ఫోర్డ్‌ (56) మెరుపు అర్ద సెంచరీలతో రాణించారు.భారత బౌలర్లు వరుస విరామాల్లో వికెట్లు తీసినప్పటికీ.. హొప్‌, రూథర్‌ఫోర్డ్‌ వీలు చిక్కినప్పుడంతా భారీ షాట్లు ఆడి స్కోర్‌ను ముందుకు తీసుకెళ్లారు. ముఖ్యంగా రూథర్‌ఫోర్డ్‌ ఇన్నింగ్స్‌ చివర్లో భారత బౌలర్లపై ఎదురుదాడి చేశాడు. ఓ దశలో 150 పరుగుల మార్కు కూడా తాకలేదనుకున్న విండీస్‌ స్కోర్‌, రూథర్‌ఫోర్డ్‌ పుణ్యమా అని 171 పరుగులకు చేరింది. విండీస్‌ ఇన్నింగ్స్‌లో హోప్‌, రూథర్‌ఫోర్డ్‌ మినహా ఎవరూ చెప్పుకోదగ్గ స్కోర్లు చేయలేదు. ఆఖర్లో రూథర్‌ఫోర్డ్‌తో పాటు అకీల్‌ హొసేన్‌ (15) ఒకటి అరా షాట్లు ఆడాడు.భారత బౌలర్లలో నమన్‌ ధిర్‌తో పాటు కుల్దీప్‌ యాదవ్‌ (2-33), అక్షర్‌ పటేల్‌ (2-26), అర్షదీప్‌ సింగ్‌ (1-34) అద్భుతంగా బౌలింగ్‌ చేశారు. మయాంక్‌ యాదవ్‌ (1-40) ప్రమాదకరంగా కనిపించిన రూథర్‌ఫోర్డ్‌ను ఔట్‌ చేసినప్పటికీ పరుగులు ధారాళంగా సమర్పించుకున్నాడు. ఇదీ చదవండి: జడేజా కంటే అక్షర్‌ బెటర్‌.. అశ్విన్‌ ఆసక్తికర వ్యాఖ్యలు

లక్నో వేదికగా వెస్టిండీస్‌తో తొలి టీ20 మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ సందర్భంగా భారత టీ20 జట్టు కెప్టెన్‌ శ్రేయస్‌ అయ్యర్‌ మాట్లాడుతూ.. ‘‘ఏకనా పిచ్‌ మిశ్రమంగా ఉంటుంది. ఇక్కడ తేమ ప్రభావం కూడా పడుతుంది. కాబట్టి మేము ముందుగా బౌలింగ్‌ చేయాలని నిర్ణయించుకున్నాము.కఠిన సవాలుశనివారమే ఆసియా క్రీడల ఫైనల్‌ గెలిచి స్వర్ణంతో స్వదేశానికి తిరిగి వచ్చిన తర్వాత.. మూడు రోజుల్లోనే (మంగళవారం) ఈ మ్యాచ్‌ ఆడటం కాస్త ఇబ్బందిగానే ఉంది. నిజానికి జపాన్‌ నుంచి వచ్చిన తర్వాత నేను ఒక్క రోజు మా ఇంట్లో ఉన్నాను. ఆ తర్వాత లక్నోకు వచ్చేశాను.వాళ్లు అద్భుతంగా ఆడుతున్నారుఏదేమైనా ఈరోజు మ్యాచ్‌ మాకు కఠిన సవాలు విసరబోతోంది. విండీస్‌ ఆఖరి వన్డేలో అద్భుతంగా ఆడింది. టీ20 క్రికెట్‌లో కరేబియన్ల ఆధిపత్యం గురించి ప్రత్యేకంగా చెప్పాల్సిన పనిలేదు. గత రెండేళ్లుగా వాళ్లు అద్భుతంగా ఆడుతున్నారు.విండీస్‌ జట్టును అంచనా వేయడం చాలా కష్టం.. షాయీ హోప్‌ సహా ఎంతో మంది అద్బుతమైన బ్యాటర్లు ఆ జట్టులో ఉన్నారు. ఆల్‌రౌండర్లకు కూడా కొదవలేదు’’ అని పేర్కొన్నాడు. వెస్టిండీస్‌ను తాము ఎంతమాత్రం తేలికగా తీసుకోవడం లేదని శ్రేయస్‌ అయ్యర్‌ స్పష్టం చేశాడు.అతడి పేరు మర్చిపోయిన శ్రేయస్‌ అయ్యర్‌అదే సమయంలో విండీస్‌తో తొలి టీ20 తుదిజట్టుకు సంబంధించిన వివరాలు వెల్లడిస్తూ శ్రేయస్‌ అయ్యర్‌ ఓ ఆటగాడి పేరు మర్చిపోయాడు. ‘‘మా తుదిజట్టులో రవి బిష్ణోయి, నితీశ్‌ రెడ్డి, వైభవ్‌ సూర్యవంశీ లేరు. ఇంకో ఆటగాడు కూడా ఈరోజు ఆడటం లేదు. నేను అతడి పేరును మర్చిపోయాను.హా.. గుర్తొచ్చింది. ప్రిన్స్‌ యాదవ్‌ కూడా తుదిజట్టులో లేడు’’ అని శ్రేయస్‌ అయ్యర్‌ తెలిపాడు. కాగా జపాన్‌ వేదికగా ఆసియా క్రీడల టోర్నీ ఫైనల్లో పాకిస్తాన్‌పై గెలిచిన టీమిండియా వరుసగా రెండో ఎడిషన్‌లో స్వర్ణ పతకాన్ని ముద్దాడింది.వైభవ్‌తో పాటు అతడికి దక్కని చోటుఇక పాక్‌తో టైటిల్‌ పోరులో యువ ఓపెనర్‌ వైభవ్‌ సూర్యవంశీతో పాటు రవి బిష్ణోయి, వాషింగ్టన్‌ సుందర్‌, జస్‌ప్రీత్‌ బుమ్రా ఆడారు. అయితే, వాషీ, బుమ్రాకు విండీస్‌ సిరీస్‌ నుంచి విశ్రాంతినివ్వగా.. విప్రాజ్‌ నిగమ్‌, యశ్‌ ఠాకూర్‌లకు చోటు దక్కలేదు. ప్రిన్స్‌ యాదవ్‌, మయాంక్‌ యాదవ్‌, నితీశ్‌ కుమార్‌ రెడ్డి, నమన్‌ ధిర్‌, కుల్దీప్‌ యాదవ్‌ జట్టులోకి వచ్చారు.ఇటీవలే వెస్టిండీస్‌తో సిరీస్‌ సందర్భంగా వన్డేల్లో అరంగేట్రం చేసిన నమన్‌ ధిర్‌.. తాజాగా మంగళవారం నాటి మ్యాచ్‌తో అంతర్జాతీయ టీ20లలోనూ అరంగేట్రం చేశాడు. ఇదిలా ఉంటే.. విండీస్‌తో తొలి రెండు మ్యాచ్‌లలో గెలిచి వన్డే సిరీస్‌ను భారత్‌ 2-1తో కైవసం చేసుకున్న సంగతి తెలిసిందే.తొలి టీ20కి భారత తుదిజట్టుఅభిషేక్‌ శర్మ, సంజూ శాంసన్‌ (వికెట్‌ కీపర్‌), ఇషాన్‌ కిషన్‌, శ్రేయస్‌ అయ్యర్‌ (కెప్టెన్‌), తిలక్‌ వర్మ, శివం దూబే, నమన్‌ ధిర్‌, అక్షర్‌ పటేల్‌, అర్ష్‌దీప్‌ సింగ్‌, కుల్దీప్‌ యాదవ్‌, మయాంక్‌ యాదవ్‌బెంచ్‌: వైభవ్‌ సూర్యవంశీ, ప్రిన్స్‌ యాదవ్‌, రవి బిష్ణోయి, నితీశ్‌ కుమార్‌ రెడ్డి.విండీస్‌ తుదిజట్టుషాయీ హోప్‌ (కెప్టెన్‌, వికెట్‌ కీపర్‌), కమిల్‌ పూరన్‌, షిమ్రన్‌ హెట్‌మెయిర్‌, రోవ్‌మన్‌ పావెల్‌, షెర్ఫానే రూథర్‌ఫర్డ్‌, రొమారియో షెఫర్డ్‌, మాథ్యూ ఫోర్డ్‌, రోస్టన్‌ ఛేజ్‌, అకీల్‌ హొసేన్‌, షమార్‌ జోసెఫ్‌, షమార్‌ స్ప్రింగర్‌.బెంచ్‌: ఆమిర్‌ జాంగూ, గుడకేశ్‌ మోటి, కీమో పాల్‌, క్విన్‌టిన్‌ సామ్‌ప్సన్‌.చదవండి: నాశనం చేస్తున్నారు: గంభీర్‌, గిల్‌పై మాజీ క్రికెటర్‌ ఫైర్‌

తొలి టీ20లో టీమిండియా ఘన విజయంలక్నో వేదికగా వెస్టిండీస్‌తో జరిగిన తొలి టీ20లో భారత్‌ 8 వికెట్ల తేడాతో ఘన విజయం సాధించింది. ఈ మ్యాచ్‌లో టాస్‌ గెలిచి తొలుత బౌలింగ్‌ చేసిన భారత్‌ విండీస్‌ను 171 పరుగులకే (19.1 ఓవర్లు) ఆలౌట్‌ చేసింది. అనంతరం శ్రేయస్‌ అయ్యర్‌ మెరుపు శతకంతో విరుచుకుపడటంతో భారత్‌ 14.4 ఓవర్లలో 2 వికెట్లు మాత్రమే కోల్పోయి సునాయాసంగా లక్ష్యాన్ని ఛేదించింది.రెండో వికెట్ కోల్పోయిన భారత్35 పరుగుల వద్ద భారత్‌ రెండో వికెట్ కోల్పోయింది. సంజూ శాంసన్‌ 11 పరుగుల వద్ద .. బౌలర్‌ అకేల్ హోసేన్‌కు రిటర్న్‌ క్యాచ్ ఇచ్చి వెనుదిరిగారు. దీంతో భారత్‌ కష్టాల్లో పడింది.తొలి వికెట్‌ కోల్పోయిన భారత్‌2.3వ ఓవర్‌- 29 పరుగుల వద్ద భారత్‌ తొలి వికెట్‌ కోల్పోయింది. ధాటిగా ఆడుతున్న అభిషేక్‌ శర్మ (21) రోస్టన్‌ ఛేజ్‌ బౌలింగ్‌లో హెట్‌మైర్‌కు క్యాచ్‌ ఇచ్చి ఔటయ్యాడు.171 పరుగులకు విండీస్‌ ఆలౌట్‌టాస్‌ ఓడి తొలుత బ్యాటింగ్‌ చేసిన వెస్టిండీస్‌ 171 పరుగులకు ఆలౌటైంది. హోప్‌ (52), రూథర్‌ఫోర్డ్‌ (56) అర్ద సెంచరీలతో రాణించారు. భారత బౌలర్లలో నమన్‌ ధిర్‌ 3, కుల్దీప్‌, అక్షర్‌ తలో 2, అర్షదీప్‌, మయాంక్‌ యాదవ్‌ చెరో వికెట్‌ తీశారు. ఎనిమిదో వికెట్‌ కోల్పోయిన విండీస్‌15.5వ ఓవర్‌- 135 పరుగుల వద్ద విండీస్‌ ఎనిమిదో వికెట్‌ కోల్పోయింది. నమన్‌ ధిర్‌ బౌలింగ్‌లో అక్షర్‌ పటేల్‌కు క్యాచ్‌ ఇచ్చి స్ప్రింగర్‌ (9) ఔటయ్యాడు. ఏడో వికెట్‌ కోల్పోయిన విండీస్‌14.1వ ఓవర్‌- 124 పరుగుల వద్ద విండీస్‌ ఏడో వికెట్‌ కోల్పోయింది. కుల్దీప్‌ బౌలింగ్‌లో ఇషాన్‌ కిషన్‌కు క్యాచ్‌ ఇచ్చి ఫోర్డ్‌ (2) ఔటయ్యాడు. ఆరో వికెట్‌ కోల్పోయిన విండీస్‌13.2వ ఓవర్‌- 121 పరుగుల వద్ద విండీస్‌ ఆరో వికెట్‌ కోల్పోయింది. నమన్‌ ధిర్‌ బౌలింగ్‌లో తిలక్‌ వర్మకు క్యాచ్‌ ఇచ్చి షెపర్డ్‌ (7) ఔటయ్యాడు. ఐదో వికెట్‌ కోల్పోయిన విండీస్‌12.3వ ఓవర్‌- 114 పరుగుల వద్ద విండీస్‌ ఐదో వికెట్‌ కోల్పోయింది. కుల్దీప్‌ యాదవ్‌ బౌలింగ్‌లో రోస్టన్‌ ఛేజ్‌ (5) ఎల్బీడబ్ల్యూ అయ్యాడు. నాలుగో వికెట్‌ కోల్పోయిన విండీస్‌.. హోప్‌ ఔట్‌11.4వ ఓవర్‌- 107 పరుగుల వద్ద విండీస్‌ నాలుగో వికెట్‌ కోల్పోయింది. నమన్‌ ధిర్‌ బౌలింగ్‌లో సిక్సర్‌తో హాఫ్‌ సెంచరీ పూర్తి చేసిన హోప్‌ (52) ఆతర్వాతి బంతికే అక్షర్‌ పటేల్‌కు క్యాచ్‌ ఇచ్చి ఔటయ్యాడు. విండీస్‌ స్కోర్‌ 11 ఓవర్లలో 100-3హోప్‌ (46), రూథర్‌ఫోర్డ్‌ (31)ఒకే ఓవర్‌లో 2 వికెట్లు కోల్పోయిన విండీస్‌5.5వ ఓవర్‌- ఒకే ఓవర్‌లో విండీస్‌ రెండు వికెట్లు కోల్పోయింది. రెండో బంతికి డేంజరస్‌ బ్యాటర్‌ హెట్‌మైర్‌ రనౌట్‌ కాగా.. ఐదో బంతికి మరో డేంజరస్‌ ఆటగాడు రోవ్‌మన్‌ పావెల్‌ (0)ను అక్షర్‌ పటేల్‌ క్లీన్‌ బౌల్డ్‌ చేశాడు. రెండో వికెట్‌ కోల్పోయిన విండీస్‌.. డేంజరస్‌ బ్యాటర్‌ ఔట్‌5.2వ ఓవర్‌- 44 పరుగుల వద్ద విండీస్‌ రెండో వికెట్‌ కోల్పోయింది. డేంజరస్‌ బ్యాటర్‌ షిమ్రోన్‌ హెట్‌మైర్‌ (5) రనౌటయ్యాడు. తొలి వికెట్‌ కోల్పోయిన విండీస్‌4.3వ ఓవర్‌- 38 పరుగుల వద్ద విండీస్‌ తొలి వికెట్‌ కోల్పోయింది. అర్షదీప్‌ సింగ్‌ బౌలింగ్‌లో కమిల్‌ పూరన్‌ (12) క్లీన్‌ బౌల్డ్‌ అయ్యాడు. ధాటిగా ఆడుతున్న హోప్‌టాస్‌ ఓడి తొలుత బ్యాటింగ్‌కు దిగిన విండీస్‌కు శుభారంభం లభించింది. ఓపెనర్‌ షాయ్‌ హోప్‌ (13 బంతుల్లో 22) ధాటిగా ఆడుతున్నాడు. మరో ఓపెనర్‌ కమిల్‌ పూరన్‌ (5) ఆచితూచి బ్యాటింగ్‌ చేస్తున్నాడు. భారత్‌-వెస్టిండీస్‌ జట్ల మధ్య ఐదు మ్యాచ్‌ల టీ20 సిరీస్‌ ఈ రోజు నుంచి ప్రారంభమవుతుంది. లక్నోలోని భారత రత్న అటల్‌ బిహారి వాజ్‌పేయి ఎకానా క్రికెట్‌ స్టేడియంలో తొలి మ్యాచ్‌ మరికాసేపట్లో మొదలవుతుంది. ఈ మ్యాచ్‌లో టాస్‌ గెలిచిన భారత్‌ బౌలింగ్‌ ఎంచుకుంది.కొద్ది రోజుల కిందటే విండీస్‌ వన్డే అరంగేట్రం చేసిన విధ్వంసకర బ్యాటర్‌ నమన్‌ ధిర్‌ ఈ మ్యాచ్‌తో టీ20 అరంగేట్రం కూడా చేశాడు. పేసర్‌ అర్షదీప్‌ సింగ్‌ నమన్‌కు టీమిండియా తొలి క్యాప్‌ అందజేశాడు. తుది జట్లుభారత్‌: అభిషేక్ శర్మ, సంజు శాంసన్ (wk), ఇషాన్ కిషన్, శ్రేయస్ అయ్యర్ (c), తిలక్ వర్మ, శివమ్ దూబే, నమన్‌ ధిర్‌, అక్షర్ పటేల్, కుల్దీప్ యాదవ్, అర్ష్‌దీప్ సింగ్, మయాంక్ యాదవ్వెస్టిండీస్‌: కమిల్ పూరన్, షాయ్ హోప్ (c & wk), షిమ్రాన్ హెట్మెయర్, రోస్టన్ చేజ్, రోవ్‌మాన్ పావెల్, షెర్ఫేన్ రూథర్‌ఫోర్డ్, రొమారియో షెపర్డ్, మాథ్యూ ఫోర్డ్, అకేల్ హోసేన్, షమర్ జోసెఫ్, షమార్‌ స్ప్రింగర్‌ఇదీ చదవండి: సెంచరీతో కదంతొక్కిన ఆసీస్‌ ప్లేయర్‌.. టీమిండియా టార్గెట్‌ ఎంతంటే..?

వెస్టిండీస్‌తో స్వదేశంలో వన్డే సిరీస్‌ సందర్భంగా ముగ్గురు కొత్త ఆటగాళ్లు టీమిండియా తరఫున అరంగేట్రం చేశారు. తొలి మ్యాచ్‌లో నమన్‌ ధిర్‌.. రెండో వన్డేలో ఆకిబ్‌ నబీ.. మూడో మ్యాచ్‌లో అన్షుల్‌ కాంబోజ్‌ వన్డేల్లో అడుగుపెట్టారు.నబీకి చేదు అనుభవంఅయితే, వీరిలో నమన్‌ ధిర్‌ సిరీస్‌ ఆసాంతం కొనసాగగా.. ఆకిబ్‌ నబీకి మాత్రం చేదు అనుభవం ఎదురైంది. విండీస్‌తో రెండో వన్డేల్లో ఈ పేస్‌ బౌలర్‌ దారుణ ప్రదర్శన కనబరిచాడు. కేవలం 8.5 ఓవర్లలోనే 84 పరుగులు సమర్పించుకుని ఒక్క వికెట్‌ కూడా తీయలేకపోయాడు.అతడు కూడా విఫలంబ్యాటింగ్‌కు స్వర్గధామంగా మారిన బర్సపరా (గువాహటి) పిచ్‌పై కరేబియన్‌ ఆటగాళ్లు నబీతో పాటు భారత అందరు బౌలర్ల బౌలింగ్‌లోనూ చితక్కొట్టారు. అయితే, మరుసటి మ్యాచ్‌ నుంచి నబీని మాత్రం తప్పించి.. అతడి స్థానంలో అన్షుల్‌ కాంబోజ్‌ను అరంగేట్రం చేయించింది యాజమాన్యం. మూడో వన్డేలో అన్షుల్‌ తొమ్మిది ఓవర్లు వేసి ఏకంగా 82 పరుగులు ఇచ్చి.. వికెట్‌ మాత్రం తీయలేకపోయాడు.ఇక తొలి రెండో వన్డేల్లో టీమిండియా చేతిలో ఓడిన వెస్టిండీస్‌.. మూడో వన్డేలో మాత్రం గెలిచింది. తద్వారా క్లీన్‌స్వీప్‌ గండం నుంచి తప్పించుకుంది. ఈ పరిణామాల నేపథ్యంలో భారత మాజీ బ్యాటర్‌ మహ్మద్‌ కైఫ్‌ టీమిండియా హెడ్‌కోచ్‌ గౌతం గంభీర్‌, వన్డే కెప్టెన్‌ శుబ్‌మన్‌ గిల్‌ తీరుపై ఆగ్రహం వ్యక్తం చేశాడు.నబీని ఎందుకు తప్పించారు?‘‘కొత్త ఆటగాళ్లతో అరంగేట్రం చేయిస్తున్నారు. కానీ వాళ్లకు మద్దతుగా నిలవడం లేదు. ఒకరిని ఒక మ్యాచ్‌లో ఆడిస్తే.. అప్పుడు అతడు విఫలమైనా.. మరో అవకాశం ఇచ్చి చూడండి. పరిస్థితులకు అనుగుణంగా మరిన్ని అవకాశాలు ఇచ్చేందుకు ఆస్కారం ఉందేమో గమనించండి. అసలు మీరు మూడో వన్డే నుంచి నబీని ఎందుకు తప్పించారు? కాంబోజ్‌ బౌలింగ్‌లోనూ విండీస్‌ బ్యాటర్లు చితక్కొట్టారు కదా!.. కెరీర్‌ను మీరు నాశనం చేస్తున్నారుఏదేమైనా వెనువెంటనే తుదిజట్టు నుంచి తప్పించడం ద్వారా యువ ఆటగాళ్ల కెరీర్‌ను మీరు నాశనం చేస్తున్నారు. అసలు నబీకి తదుపరి వైట్‌బాల్‌ గేమ్‌ ఆడే అవకాశం ఇస్తారో కూడా తెలియదు.ఇక ముందు అతడిని జట్టులో ఉంచడం కూడా కష్టమే. ఏదేమైనా యాజమాన్యం చేస్తున్నది తప్పు. బ్యాకప్‌ లేకుండా ముందుకు వెళ్లడం మంచిది కాదు. మీరు ఇదే విధానం కొనసాగిస్తే జట్టుకు మున్ముందు ఇబ్బందులు తప్పవు. గిల్‌ ఇంకా యువకుడే.కెప్టెన్‌గా ఇప్పుడిప్పుడే పాఠాలు నేర్చుకుంటున్నాడు. ప్రస్తుతం జట్టులో బౌలింగ్‌ దళంలో ఎక్కువగా యువకులే ఉండటం కూడా అతడికి కాస్త ఇబ్బందికరంగా మారింది. అనుభవజ్ఞులు ఉంటే గిల్‌ పని కాస్త సులువయ్యేది.ప్రపంచకప్‌ టోర్నీకి ఇంకా తక్కువ సమయమే ఉంది. ఇవన్నీ అతడిని భయపెడుతున్నాయి. నబీ, నితీశ్‌ రెడ్డి వంటి ఆటగాళ్లకు వీలైనన్ని ఎక్కువ అవకాశాలు ఇచ్చి పరిశీలిస్తేనే మంచి కూర్పు సాధ్యమవుతుంది. లేదంటే కష్టాలు తప్పవు’’ అని కైఫ్‌ టీమిండియా నాయకత్వ బృందం తీరును విమర్శించాడు.చదవండి: టీమిండియాకు కొత్త కెప్టెన్‌!

భారత్‌-వెస్టిండీస్‌ జట్ల మధ్య ఐదు మ్యాచ్‌ల టీ20 సిరీస్‌ రేపటి నుంచి ప్రారంభం కానుంది. లక్నో వేదికగా తొలి మ్యాచ్‌ రేపు రాత్రి 7 గంటలకు మొదలవుతుంది. ఈ మ్యాచ్‌కు ముందు టీమిండియా విధ్వంసకర ఓపెనర్‌ అభిషేక్‌ శర్మను పలు భారీ రికార్డులు ఊరిస్తున్నాయి.74 పరుగులు చేస్తే..రేపటి మ్యాచ్‌లో అభిషేక్‌ 74 పరుగులు చేస్తే, అంతర్జాతీయ టీ20ల్లో 2000 పరుగుల మార్కును తాకుతాడు. తద్వారా రోహిత్ శర్మ, విరాట్ కోహ్లీ, సూర్యకుమార్ యాదవ్, హార్దిక్ పాండ్యా, కేఎల్ రాహుల్ తర్వాత ఈ మైలురాయిని తాకిన ఆరో భారత బ్యాటర్‌గా నిలుస్తాడు. 2024లో జింబాబ్వే మ్యాచ్‌తో టీ20 అరంగేట్రం చేసిన అభిషేక్, ఇప్పటివరకు 61 ఇన్నింగ్స్‌ల్లో 1926 పరుగులు చేశాడు.7 ఫోర్లు కొడితే..టీ20ల్లో ఇప్పటివరకు 185 ఫోర్లు బాదిన అభిషేక్‌.. రేపటి మ్యాచ్‌లో మరో ఏడు ఫోర్లు కొడితే భారత్‌ తరఫున అత్యధిక ఫోర్లు బాదిన ఆటగాళ్ల జాబితాలో కేఎల్ రాహుల్, శిఖర్ ధావన్‌లను అధిగమిస్తాడు. వీరిద్దరూ టీ20 అంతర్జాతీయ క్రికెట్‌లో 191 ఫోర్లు సాధించారు.మరో 31 పరుగులు చేస్తే..సొంతగడ్డపై టీ20ల్లో అభిషేక్ శర్మ రికార్డు ఆకట్టుకునేలా ఉంది. భారత్‌లో ఇప్పటివరకు 969 పరుగులు చేసిన అతడు, రేపటి మ్యాచ్‌లో మరో 31 పరుగులు చేస్తే స్వదేశంలో 1000 టీ20 అంతర్జాతీయ పరుగులు పూర్తి చేస్తాడు. తద్వారా విరాట్ కోహ్లీ, రోహిత్ శర్మ, సూర్యకుమార్ యాదవ్, హార్దిక్ పాండ్యా, ఇషాన్ కిషన్, కేఎల్ రాహుల్ తర్వాత ఈ మైలురాయిని తాకిన ఏడో భారత బ్యాటర్‌గా నిలుస్తాడు. ఇదీ చదవండి: భారీ మల్టీ ఫార్మాట్‌ సిరీస్‌ కోసం విండీస్‌ పర్యటనకు టీమిండియా..!

భారత సీనియర్‌ పురుషుల క్రికెట్‌ జట్టు వచ్చే ఏడాది వరకు వరుస సిరీస్‌లతో బిజీగా ఉంది. ఈ మధ్యలో మరో మల్టీ ఫార్మాట్‌ సిరీస్‌ కూడా యాడ్‌ అయ్యేలా కనిపిస్తుంది. నివేదికల ప్రకారం, టీమిండియా వచ్చే ఏడాది జులై, ఆగస్ట్‌ నెలల్లో కరీబియన్‌ (వెస్టిండీస్‌) పర్యటనుకు వెళ్లనున్నట్లు తెలుస్తోంది.ఈ పర్యటనలో భారత్‌ మూడు ఫార్మాట్లలో మ్యాచ్‌లు ఆడనున్నట్లు సమాచారం. 2 టెస్టులు, 3 వన్డేలు, 5 టీ20లు కలిపి మొత్తం 10 మ్యాచ్‌లతో భారీ ద్వైపాక్షిక సిరీస్‌ జరగనున్నట్లు తెలుస్తోంది. ఈ సిరీస్‌లలోని కొన్ని మ్యాచ్‌లు అమెరికాలోని ఫ్లోరిడాలోనూ జరిగే అవకాశం ఉందని సమాచారం. ఈ షెడ్యూల్‌కు సంబంధించి బీసీసీఐ, క్రికెట్ వెస్టిండీస్ నుంచి అధికారిక ప్రకటన రావాల్సి ఉంది. అధికారిక షెడ్యూల్ విడుదలైన తర్వాత మ్యాచ్‌ల తేదీలు, వేదికలపై పూర్తి స్పష్టత వచ్చే అవకాశం ఉంది. ఈ సిరీస్‌తో కలుపుకుంటే ఇప్పటినుంచి వచ్చే ఏడాది పూర్తయ్యేవరకు భారత ఆటగాళ్లకు ఊపిరి పీల్చుకునే అవకాశం కూడా ఉండదు. త్వరలో భారత్‌ వెస్టిండీస్‌తో ఐదు మ్యాచ్‌ల టీ20 సిరీస్‌ ఆడనుంది. ఆతర్వాత మల్టీ ఫార్మాట్‌ సిరీస్‌ కోసం న్యూజిలాండ్‌కు వెళ్తుంది. దాని తర్వాత శ్రీలంకతో పరిమిత ఓవర్ల సిరీస్‌, ఆతర్వాత జింబాబ్వేతో వన్డే సిరీస్‌, దాని తర్వాత ఆస్ట్రేలియాతో టెస్ట్‌ సిరీస్‌.. ఐపీఎల్‌, ఆసియా కప్‌ ఇలా వరుస పెట్టి భారత్‌ మ్యాచ్‌లు ఉంటాయి. ఈ బిజీ షెడ్యూల్‌కు మరో విండీస్‌ సిరీస్‌ తోడైతే అభిమానులకు ప్రతి రోజు క్రికెట్‌ పండుగే.ఇదిలా ఉంటే, వెస్టిండీస్‌ జట్టు ప్రస్తుతం భారత పర్యటనలోనే ఉన్న విషయం తెలిసిందే. పరిమిత ఓవర్ల సిరీస్‌ల కోసం భారత్‌లో పర్యటిస్తున్న ఆ జట్టు ఇప్పటికే వన్డే సిరీస్‌ పూర్తి చేసింది. మూడు మ్యాచ్‌ల ఈ సిరీస్‌ను భారత్‌ 2-1 తేడాతో కైవసం​ చేసుకుంది. అక్టోబర్‌ 6 నుంచి ఇరు జట్ల మధ్య 5 మ్యాచ్‌ల టీ20 సిరీస్‌ ప్రారంభం కానుంది. ఇదీ చదవండి: విధ్వంసం సృష్టించిన పూరన్‌

భారత్‌తో తాజాగా ముగిసిన మూడు మ్యాచ్‌ల వన్డే సిరీస్‌లో వెస్టిండీస్‌ బ్యాటర్‌ అమిర్‌ జాంగూ ఓ అరుదైన రికార్డు సాధించాడు. ఈ సిరీస్‌లో వరుసగా మూడు మ్యాచ్‌ల్లో 50కిపైగా స్కోర్లు చేసిన అతడు.. భారత్‌లో తొలి మూడు వన్డే ఇన్నింగ్స్‌ల్లో 50కిపైగా స్కోర్లు చేసిన ఐదో బ్యాటర్‌గా నిలిచాడు. ఈ సిరీస్‌లో జాంగూ తొలి వన్డేలో 58 (నాటౌట్‌) పరుగులు, రెండో వన్డేలో 114 పరుగులు, మూడో వన్డేలో67 పరుగులు చేశాడు.భారత్‌లో తొలి మూడు వన్డే ఇన్నింగ్స్‌ల్లో 50కిపైగా పరుగులు చేసిన బ్యాటర్లు* నవ్‌జోత్ సింగ్ సిద్ధూ – భారత్, 1987* మార్క్ వా – ఆస్ట్రేలియా, 1996* మాథ్యూ హేడెన్ – ఆస్ట్రేలియా, 2001* జేసన్ రాయ్ – ఇంగ్లండ్, 2017* అమిర్ జాంగూ – వెస్టిండీస్, 2026భారత్‌తో సిరీస్‌లో జాంగూ మూడు ఇన్నింగ్స్‌ల్లో 135​కిపైగా స్ట్రైక్‌రేట్‌తో 239 పరుగులు చేసి, గిల్‌ (334) తర్వాత సిరీస్‌లో రెండో లీడింగ్‌ రన్‌ స్కోరర్‌గా నిలిచాడు.47 బంతుల్లో హాఫ్ సెంచరీమూడో వన్డేలో 352 పరుగుల భారీ లక్ష్య ఛేదనలో జాంగూ అద్బుతమైన ఇన్నింగ్స్‌ ఆడాడు. కెప్టెన్ షాయ్ హోప్‌తో కలిసి జట్టు గెలుపుకు పటిష్టమైన పునాది వేశాడు. వీరిద్దరూ రెండో వికెట్‌కు ఏకంగా 150 పరుగుల భాగస్వామ్యం నెలకొల్పారు. ఈ క్రమంలో జాంగూ కేవలం 47 బంతుల్లోనే హాఫ్ సెంచరీ పూర్తి చేశాడు.అనూహ్య రనౌట్వెస్టిండీస్ మ్యాచ్‌ను తమ వైపు తిప్పుకుంటున్న సమయంలో భారత్‌కు కీలక బ్రేక్ లభించింది. విరాట్ కోహ్లీ చేసిన చిన్నపాటి ఫీల్డింగ్ తప్పిదాన్ని ఉపయోగించుకుని సింగిల్ తీసేందుకు జాంగూ ప్రయత్నించాడు. అయితే హోప్‌తో సమన్వయం లోపించడంతో జాంగూ అనూహ్య రీతిలో రనౌటయ్యాడు.జాంగూ ఔటైనప్పటికీ హోప్‌ ఒంటరిపోరాటం చేసి విండీస్‌ను విజయతీరాలకు చేర్చాడు. ఈ గెలుపుతో విండీస్‌ మూడు మ్యాచ్‌ల సిరీస్‌లో భారత్‌ ఆధిక్యాన్ని 1-2​కి తగ్గించింది. ఈ సిరీస్‌లో భారత్‌ గెలిచినా, విండీస్‌ ప్లేయర్లు ప్రదర్శించిన పోరాటపటిమ అందరినీ ఆకట్టుకుంది. ఇదీ చదవండి: శ్రమపడేలా చేశారు.. వెస్టిండీస్‌పై గంభీర్ ప్రశంసలు

వెస్టిండీస్‌తో వన్డే సిరీస్‌ను 2-1తో కైవసం చేసుకున్న తర్వాత టీమిండియా హెడ్ కోచ్ గౌతమ్ గంభీర్ స్పందించాడు. భారత జట్టును చివరి వరకు శ్రమించేలా చేసిన వెస్టిండీస్ ఆటతీరును ప్రశంసించాడు. సిరీస్ గెలవడానికి తమ ఆటగాళ్లు చేసిన కష్టాన్ని కూడా కొనియాడాడు.తొలి వన్డేలో విరాట్ అద్భుత శతకంతో భారత్ సునాయాస విజయం సాధించింది. అయితే ఆ తర్వాతి రెండు మ్యాచ్‌ల్లో వెస్టిండీస్ గట్టి పోటీ ఇచ్చింది. రెండో వన్డేలో 400కు పైగా పరుగులు చేసిన విండీస్.. చివరి మ్యాచ్‌లో ఏకంగా 352 పరుగుల భారీ లక్ష్యాన్ని ఛేదించి సంచలన విజయం సాధించింది. ఈ మ్యాచ్‌లో విండీస్ కెప్టెన్ షాయ్ హోప్ అద్భుత ఇన్నింగ్స్‌తో జట్టును విజయతీరాలకు చేర్చాడు.A series won through belief and hard work. Proud of our boys. Respect to West Indies for making us earn it. 🇮🇳 https://t.co/VjXOO6N00C— Gautam Gambhir (@GautamGambhir) October 3, 2026సిరీస్ విజయంపై గంభీర్ సోషల్ మీడియా వేదికగా స్పందించాడు. “నమ్మకం, కష్టంతో సాధించిన సిరీస్ విజయం ఇది. మా ఆటగాళ్ల పట్ల గర్వంగా ఉంది. ఈ సిరీస్‌ను మాకు సులభంగా దక్కకుండా చేసిన వెస్టిండీస్‌కు గౌరవం” అంటూ తన పోస్ట్‌లో పేర్కొన్నాడు.రెండో వన్డేలో 405 పరుగులుతొలి వన్డేలో భారత బౌలర్లపై ఆధిపత్యం చెలాయించలేకపోయిన వెస్టిండీస్.. రెండో మ్యాచ్‌లో మాత్రం చెలరేగిపోయింది. భారత బౌలింగ్‌ను చితక్కొట్టిన విండీస్ బ్యాటర్లు ఏకంగా 405 పరుగులు చేశారు.భారత్ ఆ మ్యాచ్‌లో విజయం సాధించినప్పటికీ.. వెస్టిండీస్ బ్యాటింగ్ ప్రదర్శన టీమిండియాకు హెచ్చరికగా నిలిచింది. ఆ తర్వాతి మ్యాచ్‌లో విండీస్ మరోసారి భారత బౌలింగ్‌ను సమర్థంగా ఎదుర్కొంది.హోప్ అద్భుత ఛేజింగ్మూడో వన్డేలో భారత్ కేఎల్ రాహుల్ శతకంతో 351/7 పరుగుల భారీ స్కోరు సాధించింది. దీంతో భారత్ సిరీస్‌ను 3-0తో క్లీన్‌స్వీప్ చేస్తుందని అంతా భావించారు.అయితే షాయ్ హోప్ అద్భుత బ్యాటింగ్‌తో భారత అంచనాలను తారుమారు చేశాడు. భారత బౌలర్లపై ఒత్తిడి పెంచుతూ విండీస్‌ను లక్ష్యం దిశగా నడిపించాడు. చివరికి 352 పరుగుల భారీ లక్ష్యాన్ని ఛేదించిన వెస్టిండీస్.. సిరీస్‌ను 1-2తో ముగించింది.ఇదీ చదవండి: విండీస్‌ చేతిలో ఓటమి అనంతరం గిల్‌ స్పందన ఇదే..!

నిన్న ముల్లాన్‌పూర్‌లో జరిగిన చివరి వన్డేలో భారత్‌ను ఓడించిన తర్వాత వెస్టిండీస్‌ కెప్టెన్‌ షాయ్‌ హోప్‌ పలు ఆసక్తికర విషయాలు వెల్లడించాడు. ఈ మ్యాచ్‌లో ఒంటిచేత్తో తన జట్టును విజయతీరాలు దాటించిన అతడు.. తన ఇన్నింగ్స్‌ను ఎలా నిర్మించాడో వివరించాడు. భారత్‌లో మంచు ప్రభావం మొదలైన తర్వాత ఛేజింగ్ కొంత సులభంగా మారుతుందని చెప్పాడు.“భారత్‌లో ఆడుతున్నప్పుడు, ముఖ్యంగా మంచు పడటం మొదలైన తర్వాత ఛేజింగ్ చాలా సులభంగా ఉంటుంది. సిరీస్‌ను బలమైన విజయంతో ముగించాలనుకున్నాం. ఈ రోజు చివరికి మేం గెలవడం చాలా సంతోషంగా ఉంది” అని అన్నాడు.గజ్జల్లో నొప్పితన ఇన్నింగ్స్ సమయంలో అసౌకర్యానికి గురైన విషయాన్ని కూడా హోప్ వెల్లడించాడు. “30 ఓవర్లు పూర్తయ్యే సమయానికి గజ్జల ప్రాంతంలో కొంత అసౌకర్యంగా అనిపించింది. అయినా చివరి వరకు పోరాడాలని నిర్ణయించుకున్నాను” అని తెలిపాడు.ధోని చెప్పిన మాటలు గుర్తొచ్చాయిభారీ లక్ష్యాన్ని ఛేదించే సమయంలో తనకు భారత మాజీ కెప్టెన్ ఎంఎస్ ధోని ఇచ్చిన సలహా ఎంతో ఉపయోగపడిందని చెప్పాడు.“రెండు వికెట్లు కోల్పోయాక ఛేజ్ ఎప్పుడూ సవాలుగానే ఉంటుంది. ఆ సమయంలో ధోని నాతో చెప్పిన మాటలను ఆచరణలో పెట్టాను. నువ్వు అనుకుంటున్న దానికంటే నీకు ఎక్కువ సమయం ఉంటుందని ధోని తనతో చెప్పినట్లు వెల్లడించాడు.అందుకే చివరి ఫలితంపై ఎక్కువగా దృష్టి పెట్టకుండా ప్రక్రియపైనే ఫోకస్ చేశాను. మ్యాచ్‌ను చిన్న చిన్న భాగాలుగా విడగొట్టి ఆడాను. చివరి దశలో బౌండరీలు ఎలా సాధించాలనే దానిపై దృష్టి పెట్టాను” అని వివరించాడు.ఆ విషయాన్ని కూడా లెక్కలోకి తీసుకున్నాఛేజింగ్ సమయంలో భారత జట్టు నాలుగు ఓవర్లు వెనుకబడటాన్ని కూడా తాను పరిగణనలోకి తీసుకున్నానని హోప్ తెలిపాడు.“భారత్ ఓవర్లలో వెనుకబడిందని నాకు తెలుసు. అందువల్ల చివరి దశలో వారు ఇద్దరు ఫీల్డర్లను సర్కిల్‌లోకి తీసుకురావాల్సి వస్తుందని అర్థమైంది. ఐదుగురు ఫీల్డర్లు 30-యార్డ్ సర్కిల్‌లో ఉండాల్సి వస్తే స్కోరును కాపాడటం ఎప్పుడూ కష్టమే. బ్యాటింగ్ చేస్తున్నప్పుడు ఇవన్నీ లెక్కలోకి తీసుకున్నాను. చివరికి అవన్నీ మాకు అనుకూలంగా మారాయి” అని చెప్పాడు.కాగా, భారత్‌తో నిన్న జరిగిన చివరి వన్డేలో వెస్టిండీస్‌ 5 వికెట్ల తేడాతో గెలుపొందింది. ఈ మ్యాచ్‌లో ఓడినా భారత్‌ 2-1తో సిరీస్‌ను కైవసం చేసుకుంది. భారత్‌ నిర్దేశించిన 352 పరుగుల భారీ లక్ష్యాన్ని విండీస్‌ మరో 10 బంతులు మిగిలుండగానే ఛేదించింది. షాయ్ హోప్‌ అజేయ శతకంతో (162 నాటౌట్‌) విండీస్‌ను విజయతీరాలకు చేర్చాడు. ఇదీ చదవండి: విండీస్‌ చేతిలో ఓటమి అనంతరం గిల్‌ స్పందన ఇదే..!

స్వదేశంలో వెస్టిండీస్‌తో జరిగిన మూడు మ్యాచ్‌ల వన్డే సిరీస్‌ను భారత్‌ 2-1 తేడాతో కైవసం చేసుకుంది. ముల్లాన్‌పూర్‌ వేదికగా నిన్న జరిగిన నామమాత్రపు చివరి మ్యాచ్‌లో భారత్‌కు ఊహించని పరాజయం ఎదురుకావడం అటు ఆటగాళ్లను, ఇటు అభిమానులను షాక్‌కు గురి చేసింది. విండీస్‌ బ్యాటర్లు అద్భుతమైన పోరాటపటిమను కనబర్చి భారత్‌ నిర్దేశించిన భారీ లక్ష్యాన్ని ఛేదించారు. ముఖ్యంగా ఆ జట్టు కెప్టెన్‌ షాయ్‌ హోప్‌ చివరి వరకు క్రీజ్‌లో నిలబడి అజేయ శతకంతో తన జట్టును గెలిపించుకున్న తీరు అద్వితీయం. విండీస్‌ సిరీస్‌ కోల్పోయినప్పటికీ.. ఈ ఒక్క విజయం ఆ జట్టుకు టీ20 సిరీస్‌కు ముందు మంచి బూస్టప్‌ ఇచ్చింది.మ్యాచ్‌ అనంతరం ప్లేయర్‌ ఆఫ్‌ ద సిరీస్‌ కూడా అయిన టీమిండియా కెప్టెన్‌ శుభ్‌మన్‌ గిల్‌ స్పందిస్తూ.. సిరీస్‌ గెలిచినా, జట్టు ప్రదర్శనపై అసంతృప్తి వ్యక్తం చేశాడు. జట్టుగా తాము ఇంకొన్ని అంశాల్లో మెరుగుపడాల్సి అవసరం ఉందని అన్నాడు. ముఖ్యంగా ఫీల్డింగ్, డెత్ ఓవర్ల బౌలింగ్‌లో లోపాలను సరిదిద్దుకోవాల్సి ఉందని పేర్కొన్నాడు.“మేము చాలా అంశాల్లో మంచి పురోగతి సాధించాం. అయితే ఇంకా కొన్ని విషయాలను మెరుగుపరచుకోవాల్సిన అవసరం ఉంది. ఈ రోజు మేము సాధించిన స్కోరుతో సంతోషంగా ఉన్నాను. మ్యాచ్ మా నియంత్రణలోనే ఉండింది. కానీ చివరి ఓవర్లలో ధారాళంగా పరుగులు సమర్పించుకోవడం, తేమ ఎక్కువగా ఉండటం వల్ల పరిస్థితులు మారిపోయాయి” అని చెప్పాడు.కుల్దీప్ యాదవ్‌ను ముందుగానే బౌలింగ్‌కు ఎందుకు తీసుకురాలేదన్న ప్రశ్నపై స్పందిస్తూ.. మ్యాచ్ చివరి వరకు వెళ్తుందని మాకు తెలుసు. కుల్దీప్ వికెట్లు తీసే బౌలర్. అందుకే అతని రెండు ఓవర్లను చివర్లో ఉపయోగించాలనుకున్నానని వివరించాడు.ఆరేడు క్యాచ్‌లు జారవిడిచాంగత కొన్ని మ్యాచ్‌లుగా మా ఫీల్డింగ్‌ స్థాయికి తగ్గట్టు లేదు. సిరీస్‌లో మొత్తంలో ఆరేడు క్యాచ్‌లు వదిలేశాం. ఇది మంచి సంకేతం కాదు. వరల్డ్‌కప్‌కు ముందు మా ఫీల్డింగ్ అత్యుత్తమ స్థాయిలో ఉండాలని చెప్పాడు.డెత్‌ ఓవర్ల బౌలింగ్‌లోనూ స్పష్టత అవసరండెత్ ఓవర్ల బౌలింగ్‌లోనూ స్పష్టత అవసరమని గిల్ అభిప్రాయపడ్డాడు. “కొన్నిసార్లు డెత్ ఓవర్లలో అటాక్ చేస్తున్నామా, డిఫెండ్ చేస్తున్నామా అనే విషయంలో స్పష్టత ఉండటం లేదు. ప్రత్యర్థి ఐదు లేదా ఆరు వికెట్లు కోల్పోయినప్పుడు ఎలాంటి ఫీల్డ్ సెట్ చేయాలనే విషయంలో కూడా సందిగ్ధత ఉంటుంది. డెత్ బౌలింగ్‌ను చాలా ముందుగానే ప్రారంభించాలా, లేక మిడిల్ ఓవర్ల తరహాలోనే కొనసాగించాలా అనేది స్పష్టంగా ఉండాలి. ఈ అంశాల్లో మేం కచ్చితంగా మెరుగుపడాలి” అని పేర్కొన్నాడు.అంతకంటే ఎక్కువ చేయగలనని అనిపించడం లేదుతక్కువ స్కోరుకే ఔటవ్వడంపై గిల్‌ స్పందిస్తూ.. “త్వరగా ఔటైతే నిరాశగానే ఉంటుంది. కానీ ఈ రోజు నేను ఔటైన బంతికి అంతకంటే ఎక్కువ చేయగలనని అనిపించడం లేదు” అని అన్నాడు.ఇదీ చదవం‍డి: విండీస్‌ను గెలిపించిన హోప్‌

వెస్టిండీస్‌తో టీ20 సిరీస్‌ నేపథ్యంలో భారత తుదిజట్టు కూర్పు గురించి ఇప్పుడే చర్చ మొదలైంది. ఇరుజట్ల మధ్య మూడు వన్డేలు, ఐదు టీ20లకు సెప్టెంబరు 27- అక్టోబరు 17 మధ్య షెడ్యూల్‌ ఖరారైన సంగతి తెలిసిందే.ఫైనల్‌ తర్వాత స్వదేశానికితొలుత వన్డే సిరీస్‌ మొదలు కాగా.. ఇప్పటికే రెండు మ్యాచ్‌లు గెలిచిన టీమిండియా.. శనివారం నాటి మూడో వన్డేలోనూ గెలుపొంది క్లీన్‌స్వీప్‌ చేయాలని పట్టుదలగా ఉంది. మరోవైపు.. ఆసియా క్రీడలు-2026 పురుషుల టీ20 టోర్నమెంట్‌లో శనివారం నాటి ఫైనల్‌ ముగిసిన తర్వాత టీమిండియా స్వదేశానికి చేరుకోనుంది.వీవీఎస్‌ లక్ష్మణ్‌ కీలక నిర్ణయంఅనంతరం అక్టోబరు 6 నుంచి రెగ్యులర్‌ హెడ్‌కోచ్‌ గౌతం గంభీర్‌ మార్గదర్శనంలో భారత టీ20 జట్టు విండీస్‌తో సిరీస్‌ మొదలుపెడుతుంది. ఇదిలా ఉంటే.. ఆసియా క్రీడల్లో టీమిండియాకు వీవీఎస్‌ లక్ష్మణ్‌ తాత్కాలిక హెడ్‌కోచ్‌గా పనిచేస్తున్న సంగతి తెలిసిందే. ఈ క్రమంలో శ్రీలంకతో సెమీ ఫైనల్‌ సందర్భంగా లక్ష్మణ్‌ కీలక నిర్ణయం తీసుకున్నాడు.ఈ ముగ్గురు టాపార్డర్‌లో కుదురుకుంటే..ఓపెనింగ్‌ బ్యాటర్లు అభిషేక్‌ శర్మ, సంజూ శాంసన్‌, వైభవ్‌ సూర్యవంశీ.. ఇలా ముగ్గురినీ టాపార్డర్‌లో ఆడించాడు. ఓపెనర్లుగా వైభవ్‌, అభిషేక్‌ బరిలోకి దిగగా.. సంజూ వన్‌డౌన్‌లో వచ్చాడు. ఇదే కాంబినేషన్‌ను సొంతగడ్డపై వెస్టిండీస్‌తో సిరీస్‌లోనూ కొనసాగించాలని భారత మాజీ క్రికెటర్‌ మహ్మద్‌ కైఫ్‌ అభిప్రాయపడ్డాడు.ఒకవేళ ఈ ముగ్గురు టాపార్డర్‌లో కుదురుకుంటే.. వీరిలో ఒక్కరు మెరుగ్గా ఆడినా భారత జట్టు వరుస విజయాలు సాధించడం ఖాయమని కైఫ్‌ విశ్వాసం వ్యక్తం చేశాడు. ఈ విషయంలో కెప్టెన్‌ శ్రేయస్‌ అయ్యర్‌ చొరవ తీసుకోవాలని విజ్ఞప్తి చేశాడు. ఈ మేరకు..గంభీర్‌ను కాదనైనా సరే శ్రేయస్‌ నిర్ణయం తీసుకోవాలి‘‘విండీస్‌తో సిరీస్‌కు వీవీఎస్‌ కోచ్‌గా ఉండడు. అయితే కెప్టెన్‌ మాత్రం శ్రేయస్‌ అయ్యరే కదా!.. టాపార్డర్‌ విషయంలో శ్రేయస్‌ గట్టి నిర్ణయం తీసుకోవాలి. అభిషేక్‌, వైభవ్‌, సంజూలను తుదిజట్టులో ఆడించాలి.వాళ్లు ముగ్గురూ గనుక టాపార్డర్‌లో కుదురుకుని.. ఈ కాంబినేషన్‌ వర్కౌట్‌ అయిందంటే అద్భుతమైన ఫలితాలు రాబట్టవచ్చు. అయితే, ఇక్కడ కోచ్‌ (గంభీర్‌)తో సమస్య రావొచ్చు. అయినా సరే శ్రేయస్‌ ఒప్పించగలగాలి. ఆ ముగ్గురిలో ఒక్కరు బ్యాట్‌ ఝులిపించినా టీమిండియా ఆరోజు తప్పక విజయం సాధిస్తుంది.వన్‌డౌన్‌లోనైనా వైభవ్‌వైభవ్‌ను పక్కన పెట్టడం ఏ రకంగానూ మంచిది కాదు. అతడిని ప్రపంచకప్‌ టోర్నీకి సిద్ధం చేయాలంటే వరుస అవకాశాలు ఇవ్వాల్సి ఉంటుంది. లెఫ్ట్‌- రైట్‌ కాంబినేషన్‌ కోసం అభిషేక్‌- సంజూను ఓపెనర్లుగా కొనసాగిస్తే వైభవ్‌ను వన్‌డౌన్‌లోనైనా ఆడించాలి’’ అని కైఫ్‌ తన యూట్యూబ్‌ చానెల్‌ వేదికగా అభిప్రాయాలు పంచుకున్నాడు.కాగా టీ20 ప్రపంచకప్‌-2026 టోర్నీలో భారత్‌ను చాంపియన్‌గా నిలిపిన సంజూకు మరిన్ని అవకాశాలు ఇవ్వాల్సి ఉంటుందని ఇటీవల గంభీర్‌ పేర్కొన్న సంగతి తెలిసిందే. కాబట్టి యువ ఓపెనర్‌ వైభవ్‌ సూర్యవంశీ మరికొన్నాళ్లు వేచి చూడక తప్పదని కుండబద్దలు కొట్టాడు గంభీర్‌.చదవండి: చరిత్ర సృష్టించిన సౌతాఫ్రికా యువ సంచలనం

భారత క్రికెట్‌లో ఇవాళ (అక్టోబర్‌ 3) అత్యంత అరుదైన ఘటన చోటు చేసుకోబోతుంది. 28 ఏళ్ల తర్వాత రెండు వేర్వేరు సీనియర్‌ పురుషుల క్రికెట్‌ జట్లు ఒకే రోజు బరిలోకి దిగబోతున్నాయి. ఇలాంటి ఘటన తొలిసారి 1998లో జరిగింది. నాడు కామన్వెల్త్‌ గేమ్స్‌, సహారా కప్‌ టోర్నీల్లో రెండు వేర్వేరు భారత సీనియర్‌ పురుషుల క్రికెట్‌ జట్లు ఒకే రోజు బరిలోకి దిగాయి.కామన్వెల్త్‌ గేమ్స్‌లో భారత జట్టు అజయ్‌ జడేజా నేతృత్వంలో.. సహారా కప్‌లో భారత జట్టు మొహమ్మద్‌ అజహరుద్దీన్‌ కెప్టెన్సీలో బరిలోకి దిగాయి. 28 ఏళ్ల తర్వాత మళ్లీ రెండు వేర్వేరు భారత జట్లు ఒకే రోజు రెండు టోర్నీల్లో పాల్గొంటున్నాయి. శ్రేయస్‌ అయ్యర్‌ నేతృత్వంలోని భారత జట్టు ఏషియన్‌ గేమ్స్‌ ఫైనల్లో పాకిస్తాన్‌తో తలపడుతుండగా.. శుభ్‌మన్‌ గిల్‌ కెప్టెన్సీలోని టీమిండియా ద్వైపాక్షిక సిరీస్‌లో భాగంగా విండీస్‌తో తలపడనుంది.జపాన్‌లోని నిస్సిన్‌ నగరంలో ఏషియన్‌ గేమ్స్‌ ఫైనల్‌ జరుగనుండగా.. భారత్‌లోని న్యూ ఛండీఘడ్‌లో విండీస్‌ మ్యాచ్‌ జరుగనుంది. ఈ రెండు మ్యాచ్‌ల్లో భారత్‌ తమ అత్యుత్తమ జట్లనే బరిలోకి దించింది. టీ20 ఫార్మాట్‌లోని టాప్‌ జట్టు ఆసియా క్రీడల్లో, వన్డే ఫార్మాట్లోని అత్యుత్తమ జట్టు విండీస్‌తో వన్డేలో తలపడనుంది.పాక్‌తో ఏషియన్‌ గేమ్స్‌ ఫైనల్‌ మ్యాచ్‌ భారతకాలమానం ప్రకారం ఉదయం 10 గంటలకు ప్రారంభం కానుండగా.. విండీస్‌తో వన్డే మధ్యాహ్నం రెండు గంటలకు మొదలవుతుంది.ఇదీ చదవండి: Asian Games Men's Cricket: శ్రీలంక జట్టుకు కాంస్యం

వెస్టిండీస్‌తో జరుగుతున్న మూడు మ్యాచ్‌ల వన్డే సిరీస్‌లో టీమిండియా కెప్టెన్‌ శుభ్‌మన్‌ గిల్‌ అరివీర భయంకరమైన ఫామ్‌లో ఉన్నాడు. ఈ సిరీస్‌లో ఇప్పటికే ఓ సెంచరీ, డబుల్‌ సెంచరీ చేసిన అతడు.. మూడో వన్డేలోనూ మూడంకెల మార్కును అందుకోవాలని పట్టుదలగా ఉన్నాడు.ఈ నేపథ్యంలో ఇవాళ జరుగబోయే మూడో మ్యాచ్‌నూ సెంచరీ చేస్తే గిల్‌ ఓ అరుదైన రికార్డును సాధిస్తాడు. మూడు మ్యాచ్‌ల ద్వైపాక్షిక సిరీస్‌లో మూడు సెంచరీలు చేసిన తొలి భారత బ్యాటర్‌గా చరిత్ర సృష్టిస్తాడు. అలాగే ప్రపంచవ్యాప్తంగా ఈ ఘనత సాధించిన మూడో బ్యాటర్‌గా నిలుస్తాడు. గతంలో బాబర్‌ ఆజం (2016లో వెస్టిండీస్‌పై), క్వింటన్‌ డికాక్‌ (2013లో భారత్‌పై) మాత్రమే ఈ అరుదైన ఫీట్‌ సాధించారు.గిల్‌ మూడో వన్డేలో సెంచరీ చేస్తే మరో రికార్డు కూడా సమం చేస్తాడు. విండీస్‌పై అత్యధిక వన్డే సెంచరీలు సాధించిన భారత బ్యాటర్ల జాబితాలో విరాట్‌ తర్వాతి స్థానంలో సచిన్‌ టెండూల్కర్‌తో సమంగా నిలుస్తాడు. విరాట్‌ విండీస్‌పై అత్యధికంగా 9 వన్డే సెంచరీలు చేయగా.. సచిన్‌ 4, గిల్‌ 3 సెంచరీలు చేశారు.ఈ సిరీస్‌లో రెండు మ్యాచ్‌ల్లో కలిపి 333 పరుగులు చేసిన గిల్‌.. నేటి మ్యాచ్‌లో మరో 28 పరుగులు చేసినా, మూడు మ్యాచ్‌ల ద్వైపాక్షిక వన్డే సిరీస్‌లో అత్యధిక పరుగులు చేసిన ఆటగాడిగా తన రికార్డును తానే మెరుగుపర్చుకుంటాడు. ప్రస్తుతం ఈ రికార్డును గిల్‌.. బాబర్‌ ఆజంతో కలిసి షేర్‌ చేసుకుంటున్నాడు. గతంలో ఇద్దరూ మూడు మ్యాచ్‌ల సిరీస్‌లో 360 పరుగులు సాధించారు.ఇక మ్యాచ్‌ విషయానికొస్తే.. న్యూ ఛండీఘడ్‌ వేదికగా ఇవాళ మూడో వన్డే జరుగనుంది. ఈ సిరీస్‌లో తొలి రెండు మ్యాచ్‌లు గెలిచిన భారత్‌ ఇదివరకే సిరీస్‌ను కైవసం చేసుకుంది. నామమాత్రపు ఈ మ్యాచ్‌ మధ్యాహ్నం 2 గంటలకు ప్రారంభమవుతుంది. నేటి మ్యాచ్‌లో అందరి కళ్లు గిల్‌ ప్రదర్శనపైనే ఉన్నాయి. ఇదీ చదవండి: Asian Games: అచ్చొచ్చిన శుక్రవారం.. ఒకేరోజు ఆరు స్వర్ణాలు

వెస్టిండీస్‌తో స్వదేశంలో వన్డే సిరీస్‌ను టీమిండియా మరో మ్యాచ్‌ మిగిలి ఉండగానే కైవసం చేసుకుంది. తొలుత తిరువనంతపురంలో ఎనిమిది వికెట్ల తేడాతో గెలుపొందిన గిల్‌ సేన.. గువాహటి వేదికగా రెండో వన్డేలో 406 పరుగుల లక్ష్యాన్ని కేవలం రెండు వికెట్లు కోల్పోయి సునాయాసంగా ఛేదించింది.టాపార్డర్‌ ధనాధన్‌ఇక విండీస్‌తో తొలి రెండు వన్డేల్లో టీమిండియా టాపార్డర్‌ దుమ్ములేపింది. ముఖ్యంగా కెప్టెన్‌ శుబ్‌మన్‌ గిల్‌ అద్భుతమైన ప్రదర్శనలతో ఆకట్టుకున్నాడు. తొలి వన్డేలో శతక్కొట్టిన ఈ ఓపెనింగ్‌ బ్యాటర్‌ (108 బంతుల్లో 110).. రెండో వన్డేలో విధ్వంసకర డబుల్‌ సెంచరీ (133 బంతుల్లో 223 నాటౌట్‌)తో చెలరేగాడు.మరోవైపు.. మరో ఓపెనర్‌ రోహిత్‌ శర్మ తొలి మ్యాచ్‌ (32) పెద్దగా రాణించకపోయినా.. గువాహటిలో సెంచరీ (75 బంతుల్లో 101)తో మెరిశాడు. ఇక వన్‌డౌన్‌ బ్యాటర్‌, రికార్డుల రారాజు విరాట్‌ కోహ్లి తొలి వన్డేలో అజేయ శతకం (88 బంతుల్లో 139) సాధించాడు. అయితే, రెండో వన్డే (19 బంతుల్లో 29)లో మాత్రం విఫలమయ్యాడు.అతడిని ఆడించాల్సిన అవసరం లేదుఈ పరిణామాల నేపథ్యంలో నామమాత్రపు మూడో వన్డే తుదిజట్టు కూర్పు గురించి భారత మాజీ క్రికెటర్‌ అజింక్య రహానే ఆసక్తికర వ్యాఖ్యలు చేశాడు. టాపార్డర్‌లో మంచి ఫామ్‌లో ఉంది కాబట్టి.. రిజర్వు ఓపెనింగ్‌ బ్యాటర్‌ యశస్వి జైస్వాల్‌కి ఇప్పట్లో అవకాశం ఇవ్వాల్సిన అవసరం లేదని అభిప్రాయపడ్డాడు.అదే విధంగా తుదిజట్టులో పేసర్‌ మహ్మద్‌ సిరాజ్‌, పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డిని ఆడించాల్సిన ఆవశ్యకత గురించి రహానే నొక్కివక్కాణించాడు. ఈ మేరకు.. ‘‘వెస్టిండీస్‌తో మూడో వన్డేలో భారత తుది జట్టులో నేను ఒకటి లేదా రెండు మార్పులు చూడాలనుకుంటున్నాను.నితీశ్‌ రెడ్డి, సిరాజ్‌ ఉండాలిమహ్మద్‌ సిరాజ్‌, నితీశ్‌ కుమార్‌ రెడ్డిలను తప్పక ఆడించాలి. ముఖ్యంగా వన్డే వరల్డ్‌కప్‌ ప్రణాళికల్లో నితీశ్‌ రెడ్డి ఉంటే గనుక అతడిని వీలైనన్ని ఎక్కువ మ్యాచ్‌లలో ఆడించాలి. తద్వారా అతడి ఆత్మవిశ్వాసం పెంపొందించినట్లు అవుతుంది.ఇక జైస్వాల్‌ విషయంలో ఇప్పట్లో తొందరపడాల్సిన పనిలేదు. అతడు జట్టులో ఉన్నా.. లేకున్నా పెద్దగా తేడా ఏమీ ఉండకపోవచ్చు. ఎందుకంటే మన టాపార్డర్‌ ఇప్పటికే పూర్తి ఫామ్‌లో ఉంది. ప్రస్తుతం వరల్డ్‌కప్‌ కోసం ఆల్‌రౌండర్‌ స్థానాన్ని సరైన ఆటగాడితో భర్తీ చేయాల్సి ఉంది’’ అని అజింక్య రహానే క్రిక్‌బజ్‌తో తన అభిప్రాయాలు పంచుకున్నాడు.కాగా విండీస్‌తో తొలి వన్డేలో ఆడిన నితీశ్‌ కుమార్‌ రెడ్డి 45 పరుగులు ఇచ్చి ఒక వికెట్‌ తీశాడు. అయితే, రెండో వన్డేలో జమ్మూ కశ్మీర్‌ ఎక్స్‌ప్రెస్‌ ఆకిబ్‌ నబీ అరంగేట్రం కోసం నితీశ్‌ రెడ్డిని బెంచ్‌కే పరిమితం చేశారు. ఇక సిరాజ్‌ ఈ ఏడాది ఫిబ్రవరిలో చివరగా వన్డే మ్యాచ్‌ ఆడాడు.చదవండి: వన్డే వరల్డ్‌కప్‌- 2027.. టీమిండియా షెడ్యూల్‌ ఇదే

వెస్టిండీస్‌తో రెండో వన్డేలో టీమిండియా కెప్టెన్‌ శుబ్‌మన్‌ గిల్‌ విధ్వంసకర డబుల్‌ సెంచరీతో విరుచుకుపడ్డాడు. గువాహటిలో బుధవారం జరిగిన మ్యాచ్‌లో ఆకాశమే హద్దుగా చెలరేగుతూ ఫోర్లు, సిక్సర్ల వర్షం కురిపించాడు.కేవలం 133 బంతుల్లోనేకేవలం 133 బంతుల్లోనే గిల్‌.. 26 ఫోర్లు, ఎనిమిది సిక్సర్లు బాది 223 పరుగులతో అజేయంగా నిలిచాడు. అతడికి తోడుగా మరో ఓపెనర్‌ రోహిత్‌ శర్మ శతక్కొట్టగా (75 బంతుల్లో 101).. వెస్టిండీస్‌ విధించిన 406 పరుగుల లక్ష్యాన్ని టీమిండియా కేవలం 43.3 ఓవర్లలో రెండు వికెట్లే నష్టపోయి ఛేదించింది.ఇది అసలు క్రికెట్‌ కానేకాదుఈ నేపథ్యంలో టీమిండియా హెడ్‌కోచ్‌ గౌతం గంభీర్‌ బర్సపరా పిచ్‌ తీరుపై తీవ్ర అసహనం వ్యక్తం చేశాడు. కనీస పోటీ లేకుండా కేవలం బ్యాటింగ్‌ ఒక్కటే పరమావధిగా ఆట సాగడం తనకు నచ్చలేదన్నాడు. బంతికి, బ్యాట్‌కు మధ్య పోటీ అస్సలు లేదని.. బౌలర్లను చూస్తే జాలేసిందన్నాడు. ఇది అసలు క్రికెట్‌ కానేకాదని ఘాటు వ్యాఖ్యలు చేశాడు.పిచ్‌ ఎలా ఉన్నా ఛేదన అంత ఈజీ కాదుఅయితే, కెప్టెన్‌, ప్లేయర్‌ ఆఫ్‌ ది మ్యాచ్‌ శుబ్‌మన్‌ గిల్‌ మాత్రం ఇందుకు విరుద్ధమైన వ్యాఖ్యలు చేశాడు. ‘‘వికెట్‌ (పిచ్‌) ఎలా ఉన్నా.. మైదానం ఎంత చిన్నదైనా.. 400కు పైగా పరుగుల లక్ష్యాన్ని ఛేదించడం సులువైన విషయమేమీ కాదు. నా వ్యక్తిగత ప్రదర్శన పట్ల చాలా సంతోషంగా.. సంతృప్తిగా ఉన్నాను.ఆఖరి వరకు క్రీజులో ఉండి మ్యాచ్‌ను ముగించడం ఆనందాన్నిచ్చింది. ప్రస్తుతం నా శరీరంలోని ప్రతీ భాగంలోనూ నొప్పితో విలవిల్లాడుతున్నా. ఎండ కారణంగా 13 ఓవర్ల ఫీల్డింగ్‌ తర్వాత పూర్తిగా అలసిపోయినట్లు అనిపించింది. అప్పటికే 20-25 ఓవర్లు ఫీల్డింగ్‌ చేసిన అనుభూతి కలిగింది. విండీస్‌ జట్టు కూడా అద్భుతంగా బ్యాటింగ్‌ చేసింది’’ అని విజయానంతరం గిల్‌ పేర్కొన్నాడు.నెటిజన్ల సెటైర్లుఈ నేపథ్యంలో గంభీర్‌- గిల్‌ భారత్‌- విండీస్‌ మధ్య రెండో వన్డేకు సంబంధించిన పిచ్‌ గురించి భిన్నాభిప్రాయలు కలిగి ఉండటంపై నెటిజన్లు తమదైన శైలిలో స్పందిస్తున్నారు. ‘కోచ్‌, కెప్టెన్‌ ఆలోచనలు వేరుగా ఉన్నట్లు అనిపిస్తోంది. ఒకరు కఠినమైన పిచ్‌ కోరుకుంటే.. మరొకరు మాత్రం ఐపీఎల్‌ మాదిరే రోడ్‌ మాదిరి పిచ్‌పై పరుగులు చేసి హీరో అనిపించుకోవాలని కోరుకుంటున్నారు’ అంటూ వ్యంగ్యాస్త్రాలు సంధిస్తున్నారు.చదవండి: IND vs PAK T20I: ఫైనల్‌లో భారత్‌, పాక్‌.. మ్యాచ్‌ ఎక్కడ చూడాలంటే?𝗗𝗢𝗨𝗕𝗟𝗘 𝗖𝗘𝗡𝗧𝗨𝗥𝗬 🤩🔥#ShubmanGill brings up his 2nd ODI double ton, becoming the fastest to do so in the history of the format! 💯Records tonight, and a whole lot more to look forward to when the #CWC27 schedule launches TOMORROW! 🏆#INDvWI | 2nd ODI 👉… pic.twitter.com/E4tvOzYVqP— Star Sports (@StarSportsIndia) September 30, 2026

ఐసీసీ తాజా వన్డే ర్యాంకింగ్స్‌లో టీమిండియా స్టార్‌ బ్యాటర్‌ విరాట్‌ కోహ్లి భారీ జంప్‌ కొట్టాడు. వెస్టిండీస్‌తో తొలి వన్డేలో మెరుపు శతకంతో సాధించడంతో రేటింగ్‌ పాయింట్లు (796) గణనీయంగా పెంచుకున్నాడు. తద్వారా ఓ స్థానం మెరుగుపర్చుకొని మూడు నుంచి రెండో ర్యాంక్‌కు ఎగబాకాడు.విండీస్‌తో తొలి వన్డేలో సెంచరీ చేయడంతో టీమిండియా కెప్టెన్‌ శుభ్‌మన్‌ గిల్‌ కూడా రేటింగ్‌ పాయింట్లు (816) పెంచుకొని నంబర్‌ వన్‌ స్థానాన్ని మరింత పటిష్టం చేసుకున్నాడు. గిల్‌ ప్రస్తుతం కోహ్లి కంటే 20 పాయింట్లు ఆధిక్యంలో ఉన్నాడు.మరో టీమిండియా స్టార్‌ బ్యాటర్‌ రోహిత్‌ శర్మ (719) నాలుగో స్థానంలో కొనసాగుతున్నాడు. భారత్‌ నుంచి ముగ్గురు బ్యాటర్లు టాప్-4లో ఉండటం గమనార్హం.ఏడో స్థానానికి కుశాల్‌శ్రీలంక బ్యాటర్ కుశాల్ మెండిస్ మూడు స్థానాలు ఎగబాకి 674 పాయింట్లతో ఏడో స్థానానికి ఎగాబాకాడు. ఇంగ్లండ్ బ్యాటర్ హ్యారీ బ్రూక్ ఓ స్థానం మెరుగుపర్చుకొని 11వ స్థానానికి చేరాడు. ఆసీస్‌పై రెండో వన్డేలో సెంచరీతో అదరగొట్టిన దక్షిణాఫ్రికా కెప్టెన్ టెంబా బవుమా ఏకంగా 10 స్థానాలు మెరుగుపరుచుకుని 32వ ర్యాంక్‌కు చేరుకున్నాడు.కుల్దీప్ యాదవ్‌కు ప్రమోషన్బౌలింగ్ ర్యాంకింగ్స్‌లో భారత స్పిన్నర్ కుల్దీప్‌ యాదవ్‌ నాలుగు స్థానాలు మెరుగుపరుచుకుని ఐదో ర్యాంక్‌కు ఎగబాకాడు. వెస్టిండీస్‌తో తొలి వన్డేలో నాలుగు వికెట్లు తీయడం అతడి ర్యాంకింగ్ మెరుగుదలకు దోహదపడింది.దక్షిణాఫ్రికా స్పిన్నర్ కేశవ్ మహారాజ్ మూడో స్థానానికి ఎగబాకగా, శ్రీలంకకు చెందిన దునిత్ వెల్లాలాగే 12 స్థానాలు మెరుగుపరుచుకుని 26వ స్థానానికి చేరుకున్నాడు. జోష్ హేజిల్‌వుడ్ కూడా ఐదు స్థానాలు ఎగబాకి 10వ ర్యాంక్‌లో నిలిచాడు. ఆఫ్ఘనిస్తాన్‌ స్టార్‌ స్పిన్నర్‌ రషీద్‌ ఖాన్‌ టాప్‌ ప్లేస్‌లో కొనసాగుతున్నాడు.ఆల్‌రౌండర్ల విభాగానికొస్తే.. భారత్‌ నుంచి అక్షర్‌ పటేల్‌ అత్యుత్తంగా తొమ్మిదో స్థానంలో కొనసాగుతున్నాడు. ఆఫ్ఘనిస్తాన్‌ ఆటగాడు అజ్మతుల్లా ఒమర్‌జాయ్‌ టాప్‌ ప్లేస్‌ను నిలుపుకున్నాడు. ఇదీ చదవండి: వ‌న్డే చ‌రిత్ర‌లో తొలిసారి; ఒకే మ్యాచ్‌లో ఐదుగురు బ్యాట‌ర్లు శతకాలు

టీమిండియా- వెస్టిండీస్‌ మధ్య బుధవారం నాటి రెండో వన్డే సందర్భంగా పరుగుల వరద పారింది. గువాహటిలోని బర్సపరా స్టేడియం శతకాల మోతతో హోరెత్తిపోయింది. ఇరుజట్లలో కలిపి మొత్తం ఐదుగురు బ్యాటర్లు మెరుపు సెంచరీలతో చెలరేగారు.శతకాల మోతవిండీస్‌ బ్యాటర్లలో ఓపెనర్‌ జాన్‌ కాంప్‌బెల్‌ (68 బంతుల్లో 101), కెప్టెన్‌ షాయీ హోప్‌ (94 బంతుల్లో 104), ఆమిర్‌ జాంగో (77 బంతుల్లో 114) మెరుపులు మెరిపించగా.. టీమిండియా ఓపెనర్లలో రోహిత్‌ శర్మ (75 బంతుల్లో 101) శతక్కొట్టగా.. కెప్టెన్‌ శుబ్‌మన్‌ గిల్‌ ఏకంగా అజేయ డబుల్‌ సెంచరీ (133 బంతుల్లో 223)తో ఆకాశమే హద్దుగా చెలరేగాడు.𝗗𝗢𝗨𝗕𝗟𝗘 𝗖𝗘𝗡𝗧𝗨𝗥𝗬 🤩🔥#ShubmanGill brings up his 2nd ODI double ton, becoming the fastest to do so in the history of the format! 💯Records tonight, and a whole lot more to look forward to when the #CWC27 schedule launches TOMORROW! 🏆#INDvWI | 2nd ODI 👉… pic.twitter.com/E4tvOzYVqP— Star Sports (@StarSportsIndia) September 30, 2026ఫలితంగా కరేబియన్‌ జట్టు విధించిన 406 పరుగుల భారీ లక్ష్యాన్ని టీమిండియా కేవలం 43.3 ఓవర్లలోనే ఊదేసింది. ఈ నేపథ్యంలో టీమిండియా హెడ్‌కోచ్‌ గౌతం గంభీర్‌ తమ జట్టు విజయం సాధించినప్పటికీ.. బర్సపరా పిచ్‌ తీరుపై తీవ్ర స్థాయిలో అసహనం వ్యక్తం చేశాడు.Fifty up, and Hitman brings up 200 ODI sixes on home soil in the same over! 🔥When Rohit bats, it's class in action and this is just a preview of the excitement heading into the big #CWC27 schedule launch, TOMORROW at 8:30 PM! 🏆Watch #INDvWI 2nd ODI, LIVE NOW! 👉… pic.twitter.com/uilpDSphHO— Star Sports (@StarSportsIndia) September 30, 2026ఇది అసలు క్రికెట్‌ కాదుస్టార్‌ స్పోర్ట్స్‌తో మాట్లాడుతూ.. ‘‘నిజాయితీగా చెప్పాలంటే.. క్రికెట్‌ అంటే బంతికి, బ్యాట్‌కి మధ్య కాస్త పోటీ ఉండాలి. కానీ ఇది అసలు క్రికెట్‌ కాదు. ఈరోజు ఇక్కడ కేవలం బ్యాటింగ్‌ మాత్రమే సాగింది.ఓ యువ బౌలర్‌ ఇలాంటి వికెట్‌ మీద బౌలింగ్‌ చేస్తున్నపుడు ప్రత్యర్థి 400 పరుగులు చేయడం.. మేము ఈ లక్ష్యాన్ని సునాయాసంగా ఛేదించడం చూసినపుడు.. సదరు బౌలర్‌ మానసిక పరిస్థితి ఎలా ఉంటుందో ఊహించుకోండి. ఈ మ్యాచ్‌లో అద్భుతమైన రికార్డులు నెలకొల్పబడ్డాయి.బౌలర్లను చూస్తే జాలేసిందిప్రేక్షకులు కూడా సంతోషంతో కేరింతలు కొట్టారు. మీరు (ప్రసారకర్తలు) కూడా ఆనందంలో తేలిపోతున్నారు. కానీ ఒక నిజమైన క్రికెట్‌ అభిమానిగా నాకు మాత్రం ఇది అంతగా నచ్చలేదు. బౌలర్లను చూస్తే జాలేసింది. ఇలాంటి వికెట్ల మీద బౌలింగ్‌ చేయాల్సిరావడం అన్యాయమే అవుతుంది’’ అని గంభీర్‌ అసహనం, ఒకింత ఆగ్రహం వ్యక్తం చేశాడు. కాగా ఈ మ్యాచ్‌లో తొలుత బ్యాటింగ్‌ చేసిన వెస్టిండీస్‌ నిర్ణీత 50 ఓవర్లలో ఏడు వికెట్ల నష్టానికి 405 పరుగులు చేసింది.ధారాళంగా పరుగులుభారత బౌలర్లలో గుర్నూర్‌ బ్రార్‌ ఏకంగా 96 పరుగులు సమర్పించుకుని రెండు వికెట్లు తీయగా.. అరంగేట్ర పేసర్ ఆకిబ్‌ నబీ 84 పరుగులు ఇచ్చుకున్నాడు. ఇక విండీస్‌ విధించిన లక్ష్యాన్ని టీమిండియా రెండు వికెట్లు నష్టపోయి పని పూర్తి చేసి.. ఎనిమిది వికెట్ల తేడాతో గెలిచి.. సిరీస్‌ను 2-0తో సొంతం చేసుకుంది. కరేబియన్‌ బౌలర్లలో అల్జారీ జోసెఫ్‌ అత్యధికంగా 89 పరుగులు ఇచ్చుకున్నాడు.చదవండి: Asian Games Men's Cricket: ఫైనల్‌కు చేరిన పాకిస్తాన్‌

గౌహతి వేదికగా వెస్టిండీస్‌తో నిన్న జరిగిన రెండో వన్డేలో టీమిండియా కెప్టెన్‌ శుభ్‌మన్‌ గిల్‌ అజేయ డబుల్‌ సెంచరీతో (133 బంతుల్లో 223 నాటౌట్‌; 26 ఫోర్లు, 8 సిక్సర్లు) ఇరగదీశాడు. తద్వారా పలు పాత రికార్డులను బద్దలు కొట్టడంతో పాటు కొత్త రికార్డులు నెలకొల్పాడు.టెస్టులు, వన్డేల్లో కెప్టెన్‌గా డబుల్ సెంచరీలుఈ క్రమంలో అంతర్జాతీయ క్రికెట్‌లో ఇంతకుముందెవరూ సాధించని ఓ అరుదైన ఘనత సాధించాడు. టెస్టులు, వన్డేల్లో కెప్టెన్‌గా డబుల్ సెంచరీలు సాధించిన తొలి క్రికెటర్‌గా సరికొత్త రికార్డు సృష్టించాడు.2025లో ఇంగ్లండ్‌తో జరిగిన ఓ టెస్ట్‌ మ్యాచ్‌లో (ఎడ్జ్‌బాస్టన్‌) గిల్‌ కెప్టెన్‌గా 269 పరుగులు చేశాడు. ఇప్పుడు వెస్టిండీస్‌పై వన్డేలో 223 పరుగులతో నాటౌట్‌గా నిలిచి ఈ అరుదైన ఘనతను అందుకున్నాడు.భారత్‌ రికార్డు విజయంగిల్‌ రికార్డు డబుల్‌ సెంచరీకి రోహిత్‌ శర్మ (75 బంతుల్లో 101; 10 ఫోర్లు, 6 ఫోర్లు) మెరుపు శతకం తొడవ్వడంతో విండీస్‌ నిర్దేశించిన 406 పరుగుల అతి భారీ లక్ష్యాన్ని భారత్‌ మరో 6.3 ఓవర్లు మిగిలుండగానే ఛేదించింది. వన్డే క్రికెట్‌ చరిత్రలో ఇది రెండో అతి భారీ ఛేదన. అలాగే భారత్‌ వన్డేల్లో 400 ప్లస్‌ లక్ష్యాన్ని ఛేదించడం ఇది మొదటిసారి.ఈ గెలుపుతో భారత్‌ మూడు మ్యాచ్‌ల వన్డే సిరీస్‌ను మరో మ్యాచ్‌ మిగిలుండగానే 2-0తో కైవసం చేసుకుంది.ఈ మ్యాచ్‌లో గిల్‌ సాధించిన మరిన్ని రికార్డులువన్డేల్లో ఫాస్టెస్ట్‌ డబుల్‌ సెంచరీ (117)వన్డేల లక్ష్య ఛేదనల్లో అత్యధిక వ్యక్తిగత స్కోర్‌ (223 నాటౌట్‌)వన్డేల్లో కెప్టెన్‌గా అత్యధిక స్కోర్‌రోహిత్‌ శర్మ (3) తర్వాత వన్డేల్లో ఒకటి కంటే ఎక్కువ డబుల్‌ సెంచరీలు చేసిన బ్యాటర్‌ (2)గా రికార్డుఇదీ చదవండి: పరువు కాపాడుకున్న ఆస్ట్రేలియా

గౌహతి వేదికగా వెస్టిండీస్‌తో జరిగిన రెండో వన్డేలో టీమిండియా 8 వికెట్ల తేడాతో ఘన విజయాన్ని అందుకుంది. కెప్టెన్ శుబ్‌మన్ గిల్ (133 బంతుల్లో 223 నాటౌట్‌, 26 ఫోర్లు, 8 సిక్సర్లు) అజేయ డబుల్ సెంచరీకి తోడు రోహిత్ శర్మ (101) సెంచరీ చేయడంతో విండీస్ విధించిన 406 పరుగుల భారీ టార్గెట్‌ను 43.3 ఓవర్లలోనే ఛేదించడం విశేషం. కోహ్లి (29), రుతురాజ్ గైక్వాడ్ (31 నాటౌట్‌) తమ వంతు పాత్ర పోషించారు. వెస్టిండీస్ బౌలర్లలో జైడన్ సీల్స్‌, షమర్ జోసెఫ్ చెరొక వికెట్ తీశారు.టీమిండియా కెప్టెన్‌ శుబ్‌మన్‌ గిల్‌ డబుల్‌ సెంచరీతో మెరిశాడు. 117 బంతుల్లో ద్విశతకం సాధించిన గిల్‌ ఇన్నింగ్స్‌లో 24 ఫోర్లు, 7 సిక్సర్లు ఉన్నాయి. భారత్‌ విజయానికి 34 పరుగులు అవసరం. రోహిత్‌ శర్మ ఔట్‌406 పరుగుల భారీ లక్ష్య ఛేదనతో బరిలోకి దిగిన టీమిండియా తొలి వికెట్ కోల్పోయింది. సెంచరీ చేసిన అనంతరం అలసిపోయినట్లుగా అనిపించిన రోహిత్ శర్మ (101) జైడన్ సీల్స్ బౌలింగ్‌లో ఎల్బీగా వెనుదిరిగాడు. ప్రస్తుతం భారత్ వికెట్ నష్టానికి 255 పరుగులు చేసింది.శుబ్‌మన్‌ గిల్‌ సెంచరీశుబ్‌మన్‌ గిల్‌ కేవలం 62 బంతుల్లోనే తన సెంచరీ పూర్తి చేసుకున్నాడు. గిల్‌కు 11వ సెంచరీ. 22 ఓవర్లకు భారత్‌ స్కోర్‌: 206-0ఫిఫ్టీ పూర్తి చేసుకున్న గిల్‌కెప్టెన్ శుబ్‌మ‌న్ గిల్ ఫిఫ్టీ పూర్తి చేసుకున్నాడు. ప్ర‌స్తుతం భార‌త్ 15 ఓవ‌ర్ల‌లో వికెట్ న‌ష్ట‌పోకుండా 136 ప‌రుగులు చేసింది. రోహిత్ శ‌ర్మ (71), గిల్ (59) క్రీజులో ఉన్నారు.రోహిత్‌ శర్మ ఫిప్టీరోహిత్‌ శర్మ దంచికొడుతున్నాడు. 33 బంతుల్లో తన హాఫ్‌ సెంచరీ మార్క్‌ను అందుకున్నాడు. 10 ఓవర్లకు విం‍డీస్‌ స్కోర్‌: 92/0స్లోగా ఆడుతున్న భార‌త బ్యాట‌ర్లు..406 ప‌రుగుల భారీ లక్ష్యంతో బ‌రిలోకి దిగిన టీమిండియా నిదానంగా ఇన్నింగ్స్‌ను ఆరంభించింది. 6 ఓవ‌ర్లు ముగిసేస‌రికి వికెట్ న‌ష్ట‌పోకుండా 44 ప‌రుగులు చేసింది. రోహిత్ శ‌ర్మ (23), శుబ్‌మ‌న్ గిల్ (19) క్రీజులో ఉన్నారు.నిర్ణీత 50 ఓవర్లలో ఏడు వికెట్ల నష్టానికి 405 పరుగుల మేర భారీ స్కోరు సాధించింది. ఓపెనర్‌ జాన్‌ కాంప్‌బెల్‌ (68 బంతుల్లో 101), కెప్టెన్‌ షాయీ హోప్‌ (94 బంతుల్లో 104), ఆమిర్‌ జాంగో (77 బంతుల్లో 114) మెరుపు శతకాలతో చెలరేగారు. Updates And Highlights48 ఓవర్లలో విండీస్‌ స్కోరు: 393-7రోస్టన్‌ చేజ్‌ 26, షమార్‌ జోసెఫ్‌ 6 పరుగులతో ఉన్నారు.ఏడో వికెట్‌ కోల్పోయిన విండీస్‌47.3వ ఓవర్‌: జడేజా బౌలింగ్‌లో రోహిత్‌కు క్యాచ్‌ ఇచ్చి పెవిలియన్‌ చేరిన అల్జారీ జోసెఫ్‌ (8)ఆరో వికెట్‌ కోల్పోయిన విండీస్‌45.1వ ఓవర్‌: కుల్దీప్‌యాదవ్‌ బౌలింగ్‌ కీమో పాల్‌ (3) కోహ్లికి క్యాచ్‌ ఇచ్చి అవుటయ్యాడు.45 ఓవర్లలో వెస్టిండీస్‌ స్కోరు: 369-5కీమో పాల్‌ 3, చేజ్‌ 20 పరుగులతో ఉన్నారు.ఐదో వికెట్‌ కోల్పోయిన విండీస్‌42.2వ ఓవర్‌: జడేజా బౌలింగ్‌లో రుతురాజ్‌కు క్యాచ్‌ ఇచ్చి పెవిలియన్‌ చేరిన జాంగో (114). స్కోరు: 348-5నాలుగో వికెట్‌ కోల్పోయిన విండీస్‌40.2వ ఓవర్‌: గుర్నూర్‌ బ్రార్‌ బౌలింగ్‌ షెర్ఫానే రూథర్‌ఫర్డ్‌ డకౌట్‌. రోస్టన్‌ చేజ్‌ క్రీజులోకి వచ్చాడు. స్కోరు: 331-4. జాంగూ 100 పరుగులతో ఉన్నాడు.జాంగో సెంచరీ40.1: 70 బంతులలో సెంచరీ చేసిన జాంగోహోప్‌ సెంచరీవిండీస్‌ కెప్టెన్‌ షాయ్‌ హోప్‌ 91 బంతుల్లో తన సెంచరీ మార్క్‌ను అందుకున్నాడు. 39 ఓవర్లకు విండీస్‌ స్కోర్‌: 323/2భారీ స్కోర్‌ దిశగా విండీస్‌గువాహటి వన్డేలో విండీస్‌ భారీ స్కోర్‌ దిశగా సాగుతోంది. 37 ఓవర్లు ముగిసే సరికి కరేబియన్‌ జట్టు రెండు వికెట్ల నష్టానికి 295 పరుగులు చేసింది. క్రీజులో జాంగూ 76, హోప్‌ 95 పరుగులతో ఉన్నారు. జాంగో అర్ధ శతకం32.3వ ఓవర్‌: బ్రార్‌ బౌలింగ్‌ రెండు పరుగులు తీసి.. 44 బంతుల్లో అర్ధ శతకం పూర్తి చేసుకున్న జాంగో. విండీస్‌ స్కోరు: 259-2(33). జాంగూ 51, హోప్‌ 83 పరుగులతో ఉన్నారు. 30 ఓవర్లలో విండీస్‌ స్కోరు: 234-2హోప్‌ 65, జాంగో 44 పరుగులతో ఉన్నారు.కెప్టెన్‌ హాఫ్‌ సెంచరీ23.2వ ఓవర్‌: నమన్‌ ధిర్‌ బౌలింగ్‌లో రెండు పరుగులు తీసి.. 50 బంతులలో అర్ద శతకం పూర్తి చేసుకున్న విండీస్‌ కెప్టెన్‌ షాయీ హోప్‌. విండీస్‌ స్కోరు: 192-2(24). హోప్‌ 51, జాంగో 18 పరుగులతో ఉన్నారు.రెండో వికెట్‌ కోల్పోయిన వెస్టిండీస్‌18.2వ ఓవర్‌: గుర్నూర్‌ బ్రార్‌ బౌలింగ్‌లో నమన్‌ ధిర్‌కు క్యాచ్‌ ఇచ్చి పెవిలియన్‌ చేరిన సెంచరీ వీరుడు క్యాంప్‌బెల్‌ (68 బంతుల్లో 101). విండీస్‌ స్కోరు: 151-2. ఆమిర్‌ జాంగో క్రీజులోకి రాగా హోప్‌ 26 పరుగులతో ఉన్నాడు.క్యాంప్‌బెల్‌ సెంచరీజాన్‌ క్యాంప్‌బెల్‌ కేవలం 65 బంతుల్లో తన రెండో వన్డే సెంచరీ మార్క్‌ను అందుకున్నాడు. అతడి ఇన్నింగ్స్‌లో 9 ఫోర్లు, 5 సిక్స్‌లు ఉన్నాయి.చెలరేగి ఆడుతున్న క్యాంప్‌బెల్‌10 ఓవర్లకు విండీస్‌ వికెట్‌ నష్టానికి 96 పరుగులు చేసింది. క్రీజులో జాన్‌ క్యాంప్‌బెల్‌(69), హోప్‌(12) ఉన్నారు.క్యాంప్‌బెల్‌ ఫిప్టీవిండీస్‌ ఓపెనర్‌ జాన్‌ క్యాంప్‌బెల్‌ కేవలం 29 బంతుల్లోనే 7 ఫోర్లు, మూడు సిక్స్‌లతో తన హాఫ్‌ సెంచరీని పూర్తి చేసుకున్నాడు.విండీస్‌ తొలి వికెట్‌ డౌన్‌5వ ఓవర్‌: వెస్టిండీస్‌ తొలి వికెట్‌ కోల్పోయింది. 9 పరుగులు చేసిన ఓపెనర్‌ కీస్‌ కార్టీ.. ప్రసిద్ద్‌ కృష్ణ బౌలింగ్‌లో ఔటయ్యాడు.దూకుడుగా ఆడుతున్న విండీస్‌ ఓపెనర్లువిండీస్‌ ఓపెనర్లు జాప్‌ క్యాంప్‌బెల్‌(22), కీస్‌ కార్టీ(9) దూకుడుగా ఆడుతున్నారు. 5 ఓవర్లు ముగిసే సరికి వెస్టిండీస్‌ జట్టు వికెట్‌ నష్టపోకుండా 37 పరుగులు చేసింది.గువాహటి వేదికగా రెండో వన్డేలో భారత్‌-వెస్టిండీస్‌ జట్లు తలపడుతున్నాయి. ఈ మ్యాచ్‌లో టాస్‌ గెలిచిన టీమిండియా కెప్టెన్‌ శుబ్‌మన్‌ గిల్‌ తొలుత బౌలింగ్‌ ఎంచుకున్నాడు. ఈ మ్యాచ్‌లో మెన్‌ ఇన్‌ బ్లూ ఓ మార్పుతో బరిలోకి దిగింది. ఆల్‌రౌండర్‌ నితీశ్‌కుమార్‌ రెడ్డి స్ధానంలో పేసర్‌ అకిబ్‌ నబీ అరంగేట్రం చేశాడు. మరోవైపు విండీస్‌ ఏకంగా నాలుగు మార్పులతో బరిలోకి దిగింది.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌

బర్సపరా స్టేడియంలో వెస్టిండీస్‌తో రెండో వన్డేలో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ సందర్భంగా కెప్టెన్‌ శుబ్‌మన్‌ గిల్‌ మాట్లాడుతూ.. ‘‘పిచ్‌ కాస్త ఎక్కువగా పచ్చికతో కూడి ఉంది. ఇక్కడ మంచు ఎక్కువగా ఉండేట్లు కనిపిస్తోంది. కాబట్టి మా బౌలర్లకు కఠిన సవాలు తప్పదు. మా జట్టులో ప్రతి ఒక్కరు బాగా ఆడుతున్నారు. ఆకిబ్‌ నబీ అరంగేట్రంమా తుదిజట్టులో ఒక మార్పు చేశాము. ఆకిబ్‌ నబీ అరంగేట్రం చేస్తున్నాడు’’ అని తెలిపాడు. పేస్‌ బౌలింగ్‌ ఆల్‌రౌండర్‌ నితీశ్‌ కుమార్‌ రెడ్డి స్థానంలో నబీ తుదిజట్టులోకి వచ్చినట్లు గిల్‌ వెల్లడించాడు. కాగా సీనియర్‌ బ్యాటర్‌ కేఎల్‌ రాహుల్‌ చేతుల మీదుగా నబీ టీమిండియా క్యాప్‌ అందుకున్నాడు.🚨 Toss 🚨#TeamIndia have won the toss and elected to bowl first in the 2️⃣nd ODI.Updates ▶️ https://t.co/6XCYRtZLAi#INDvWI | @mflone_ pic.twitter.com/F7QLtGTYxJ— BCCI (@BCCI) September 30, 2026మరోవైపు.. వెస్టిండీస్‌ ప్లేయింగ్‌ ఎలెవన్‌లో నాలుగు మార్పులు చోటు చేసుకున్నాయి. జస్టిన్‌ గ్రీవ్స్‌, జువెల్‌ ఆండ్రూ, మాథ్యూ ఫోర్డె, గుడకేశ్‌ మోటి స్థానాల్లో షెర్ఫానే రూథర్‌ఫర్డ్‌, కీమో పాల్‌, షమార్‌ జోసెఫ్‌, విటెల్‌ లావెస్‌ వచ్చారు.1-0తో ఆధిక్యంలోకాగా మూడు వన్డేలు, ఐదు టీ20 మ్యాచ్‌ల సిరీస్‌లు ఆడేందుకు కరేబియన్‌ జట్టు భారత పర్యటనకు వచ్చిన సంగతి తెలిసిందే. ఇందులో భాగంగా తిరువనంతపురంలో జరిగిన తొలి వన్డేలో భారత్‌ విండీస్‌ను ఎనిమిది వికెట్ల తేడాతో ఓడించి 1-0తో ఆధిక్యంలో ఉంది. తాజాగా గువాహటి వేదికగా బుధవారం నాటి రెండో వన్డేలోనూ గెలిచి సిరీస్‌ను సొంతం చేసుకోవాలనే పట్టుదలతో ఉంది.ఎవరీ ఆకిబ్‌ నబీ?జమ్మూ కశ్మీర్‌కు చెందిన ఆకిబ్‌ నబీ ఫాస్ట్‌ బౌలర్‌. గత రెండు రంజీ ట్రోఫీ ఎడిషన్లలో కలిపి 29 ఏళ్ల ఈ రైటార్మ్‌ పేసర్‌ వందకు పైగా వికెట్లు పడగొట్టాడు.ఇక గత సీజన్లో ఏకంగా 60 వికెట్లు కూల్చి టీమిండియా సెలక్టర్ల దృష్టిని ఆకర్షించాడు. ఇందులో ఏకంగా ఎనిమిది సార్లు నబీ ఐదు వికెట్ల ప్రదర్శన నమోదు చేయడం గమనార్హం.అయితే, రంజీల్లో సత్తా చాటినప్పటికీ ఆకిబ్‌ నబీకి ఇంత వరకు టెస్టుల్లో అరంగేట్రం చేసే అవకాశం రాలేదు. ఇటీవల శ్రీలంకతో టెస్టు సిరీస్‌కు ఎంపికైనప్పటికీ బెంచ్‌కే పరిమితమయ్యాడు. అయితే, అనూహ్య రీతిలో వన్డేల్లో తాజాగా అడుగుపెట్టాడు.భారత్‌ వర్సెస్‌ వెస్టిండీస్‌ రెండో వన్డే తుదిజట్లుభారత్‌రోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, ఆకిబ్‌ నబీ, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణవెస్టిండీస్‌జాన్‌ కాంప్‌బెల్‌, కేసీ కార్టీ, షాయీ హోప్‌ (కెప్టెన్‌, వికెట్‌ కీపర్‌), ఆమిర్‌ జాంగో, షెర్ఫానే రూథర్‌ఫర్డ్‌, రోస్టన్‌ ఛేజ్‌, కీమో పాల్‌, అల్జారీ జోసెఫ్‌, షమార్‌ జోసెఫ్‌, జేడన్‌ సీల్స్‌, విటెల్‌ లావెస్‌చదవండి: భారత్‌తో రెండో టెస్టు.. ఆసీస్‌ ఆలౌట్‌

టీమిండియా సిరీస్‌ విజయంపై కన్నేసింది. వెస్టిండీస్‌తో తొలి వన్డేలో ఘన విజయం సాధించిన శుబ్‌మన్‌ గిల్‌ సేన..‍ బుధవారం నాటి రెండో మ్యాచ్‌లోనూ గెలిచి గువాహటిలోనే పనిపూర్తి చేయాలని పట్టుదలగా ఉంది.ఈ నేపథ్యంలో భారత తుదిజట్టు కూర్పు గురించి టీమిండియా మాజీ క్రికెటర్‌ దినేశ్‌ కార్తిక్‌ (డీకే) ఆసక్తికర వ్యాఖ్యలు చేశాడు. పేస్‌ విభాగంలో రెండు మార్పులు చేసి.. బెంచ్‌ బలాన్ని పరీక్షించాలని యాజమాన్యానికి సూచించాడు. కాగా తిరువనంతపురం వేదికగా విండీస్‌తో తొలి వన్డేలో భారత్‌ ఇద్దరు పేసర్లతో బరిలోకి దిగింది.ఆ ఇద్దరు తుదిజట్టులోసీనియర్‌ పేసర్‌ మహ్మద్‌ సిరాజ్‌ను పక్కనపెట్టి.. ప్రసిద్‌ కృష్ణ, గుర్నూర్‌ బ్రార్‌లను ఆడించింది. ప్రసిద్‌ 10 ఓవర్ల కోటాలో 60 పరుగులు ఇచ్చి రెండు వికెట్లు తీయగా.. బ్రార్‌ ప్రసిద్‌ మాదిరే కోటా పూర్తి చేసి 60 పరుగులు ఇచ్చి వికెట్‌ మాత్రం తీయలేకపోయాడు. ఇక సిరాజ్‌తో పాటు జమ్మూ కశ్మీర్‌ ఎక్స్‌ప్రెస్‌ ఆకిబ్‌ నబీ కూడా బెంచ్‌కే పరిమితమయ్యాడు.ఈ ఇద్దరిని ఆడిస్తే బెటర్‌ఈ నేపథ్యంలో డీకే మాట్లాడుతూ.. ‘‘ప్రసిద్‌ కృష్ణ లేదంటే గుర్నూర్‌ బ్రార్‌కు బదులు సిరాజ్‌ను తీసుకువస్తారని అనుకుంటున్నా. లేదంటే ఈ ఇద్దరినీ తొలగించి.. సిరాజ్‌తో పాటు నబీని ఆడిస్తే ఇంకా బాగుంటుంది.ఈ సిరీస్‌ ద్వారా బెంచ్‌ బలాన్ని పరీక్షిస్తే.. వన్డే ప్రపంచకప్‌ టోర్నీకి ముందు మనకు కావాల్సిన అత్యుత్తమ కూర్పు ఏదో తెలిసిపోతుంది. వారి బౌలింగ్‌ ప్రమాణాలు, స్థాయి ఎలా ఉందో తెలుసుకునే అవకాశం దొరుకుతుంది. సిరాజ్‌ లేదంటే నబీ.. ఇద్దరిలో ఎవరో ఒకరినైనా కచ్చితంగా తీసుకోవాల్సి ఉంటుంది’’ అని అభిప్రాయపడ్డాడు.కాగా ప్రసిద్‌ కృష్ణ ఈ ఏడాది ఇప్పటికి ఎనిమిది వన్డేలు ఆడి 15 వికెట్లతో టాప్‌ వికెట్‌ టేకర్‌గా కొనసాగుతున్నాడు. మరోవైపు.. సిరాజ్‌ చివరగా జనవరిలో వన్డే ఆడాడు. ఇక రంజీ హీరో ఆకిబ్‌ నబీ ఇంత వరకు అరంగేట్రం చేయనేలేదు.వెస్టిండీస్‌తో రెండో వన్డేకు దినేశ్‌ కార్తిక్‌ ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, నితీశ్‌ కుమార్‌ రెడ్డి, మహ్మద్‌ సిరాజ్‌, కుల్దీప్‌ యాదవ్‌, ఆకిబ్‌ నబీ.చదవండి: కోహ్లి కచ్చితంగా పశ్చాత్తాప పడతాడు: టీమిండియా దిగ్గజ కెప్టెన్‌

భారత స్టార్ బ్యాటర్ కేఎల్ రాహుల్ ఇవాళ తన 100వ వన్డే మ్యాచ్ ఆడనున్నాడు. గౌహతి వేదికగా వెస్టిండీస్‌తో జరుగబోయే ఈ మ్యాచ్‌ రాహుల్‌ కెరీర్‌లో అత్యంత కీలకమైన మైలురాయిగా నిలుస్తుంది. కెరీర్‌లో సెంచరీ వన్డే ఆడనున్న నేపథ్యంలో రాహుల్‌ కెరీర్‌లో ఐదు అత్యుత్తమమైన ఇన్నింగ్స్‌లపై ఓ లుక్కేద్దాం.An Emotional moment 😍❤️- KL Rahul will be playing his 100th ODI match today at Guwahati. pic.twitter.com/r87of8p710— Johns. (@CricCrazyJohns) September 30, 2026గత కొంతకాలంగా టీమిండియా ఆడే అన్ని ఫార్మాట్లలో కీలక బ్యాటర్‌గా ఎదిగిన రాహుల్‌కు జట్టు మనిషిగా పేరుంది. జట్టు అవసరాల కోసం అతడు ఏ స్థానంలో అయినా బ్యాటింగ్‌ చేయగలడు. బ్యాటింగ్‌ పొజిషన్‌ మార్చుకోవడమే కాకుండా అత్యుత్తమంగా రాణించగలడు. ముఖ్యంగా వన్డేల్లో రాహుల్‌ పాత్ర చాలా కీలకం. ఒకటి నుంచి ఏడు స్థానాల వరకు అతడు ఏ స్థానంలో ఆడించినా సత్ఫలితాలు సాధించాడు. అతడి వన్డే కెరీర్‌లో ఈ కింది ఐదు ఇన్నింగ్స్‌లు చిరస్మరణీయం.5. 2016లో జింబాబ్వేపై 100 పరుగులురాహుల్ తన తొలి వన్డే మ్యాచ్‌లోనే సెంచరీ సాధించి ప్రత్యేక రికార్డు నెలకొల్పాడు. జింబాబ్వే నిర్దేశించిన 169 పరుగుల లక్ష్యాన్ని ఛేదించే క్రమంలో ఓపెనర్‌గా బరిలోకి దిగిన రాహుల్.. కరుణ్ నాయర్ త్వరగా ఔటైన తర్వాత ఇన్నింగ్స్‌ను ముందుకు నడిపించాడు. 57 బంతుల్లో అర్ధ సెంచరీ పూర్తి చేసుకున్న అతడు.. 43వ ఓవర్‌లో సెంచరీ సాధించి, భారత విజయంలో కీలక పాత్ర పోషించాడు.4. 2019లో వెస్టిండీస్‌పై 102 పరుగులు2019లో వెస్టిండీస్‌తో జరిగిన వన్డే సిరీస్‌ను భారత్ ఓటమితో ప్రారంభించింది. సిరీస్‌ను సమం చేయాల్సిన రెండో మ్యాచ్‌లో రాహుల్ కీలక ఇన్నింగ్స్ ఆడాడు. రోహిత్ శర్మతో కలిసి ఓపెనింగ్ చేసిన రాహుల్ 46 బంతుల్లో అర్ధ సెంచరీ పూర్తి చేశాడు. ఆ తర్వాత దూకుడు పెంచి 102 బంతుల్లో సెంచరీ సాధించాడు. అతడి 102 పరుగుల ఇన్నింగ్స్ సాయంతో భారత్ భారీ స్కోరు సాధించింది.3. 2023లో నెదర్లాండ్స్‌పై 102 పరుగులు2023 వన్డే ప్రపంచకప్‌లో నెదర్లాండ్స్‌తో జరిగిన మ్యాచ్‌లో రాహుల్ తన బ్యాటింగ్ సత్తా చూపించాడు. ఐదో స్థానంలో బ్యాటింగ్‌కు వచ్చిన అతడు డచ్ బౌలర్లపై విరుచుకుపడ్డాడు. కేవలం 62 బంతుల్లోనే సెంచరీ సాధించి, అప్పటివరకు వన్డేల్లో తన కెరీర్‌లో అత్యంత వేగవంతమైన సెంచరీని నమోదు చేశాడు. రాహుల్ 102 పరుగులతో రాణించడంతో భారత్ 410 పరుగుల భారీ స్కోరు సాధించింది.2. 2019లో శ్రీలంకపై 111 పరుగులు2019 వన్డే ప్రపంచకప్‌లో శ్రీలంకతో జరిగిన మ్యాచ్‌లో రాహుల్ అద్భుత సెంచరీ సాధించాడు. రోహిత్ శర్మతో కలిసి ఓపెనింగ్ చేసిన అతడు 67 బంతుల్లో అర్ధ సెంచరీ పూర్తి చేసుకున్నాడు. 109 బంతుల్లో సెంచరీ సాధించిన రాహుల్.. రోహిత్‌తో కలిసి 189 పరుగుల భాగస్వామ్యం నెలకొల్పాడు. అనంతరం విరాట్ కోహ్లీతోనూ కీలక భాగస్వామ్యం నెలకొల్పి 118 బంతుల్లో 111 పరుగులు చేశాడు. ప్రపంచకప్‌లో రాహుల్‌కు ఇదే తొలి సెంచరీ.1. 2020లో న్యూజిలాండ్‌పై 112 పరుగులు2020లో న్యూజిలాండ్‌తో జరిగిన మూడో వన్డేలో రాహుల్ ఒత్తిడిలో అద్భుతంగా ఆడాడు. అప్పటికే భారత్ 0-2తో సిరీస్‌లో వెనుకబడి ఉండగా.. మూడో మ్యాచ్‌లో భారత్ 62/3తో కష్టాల్లో ఉండింది. ఆ సమయంలో ఐదో స్థానంలో రాహుల్ బ్యాటింగ్‌కు వచ్చాడు.శ్రేయస్ అయ్యర్‌తో కలిసి కీలక భాగస్వామ్యం నెలకొల్పిన రాహుల్ అర్ధ సెంచరీ తర్వాత మరింత దూకుడుగా ఆడాడు. 104 బంతుల్లో సెంచరీ పూర్తి చేసుకున్న అతడు.. 47వ ఓవర్‌లో ఔటయ్యే సమయానికి 113 బంతుల్లో 112 పరుగులు చేశాడు. ఒత్తిడిలో జట్టును ఆదుకున్న ఈ ఇన్నింగ్స్ రాహుల్ వన్డే కెరీర్‌లో గుర్తుండిపోయే ప్రదర్శనగా నిలిచింది.ఇదీ చదవండి: భారత చీఫ్‌ సెలెక్టర్‌గా ప్రజ్ఞాన్ ఓజా

భారత్‌తో ఇవాళ జరుగబోయే రెండో వన్డేకు ముందు వెస్టిండీస్‌ జట్టుకు భారీ ఎదురుదెబ్బ తగిలింది. తొలి వన్డే సెంచరీ హీరో జస్టిన్‌ గ్రీవ్స్‌ గాయం కారణంగా ఈ మ్యాచ్‌కు దూరమయ్యాడు. కాలి కండరాలకు గాయం కావడంతో గ్రీవ్స్‌ ఈ మ్యాచ్‌కు అందుబాటులో ఉండడని వెస్టిండీస్ బోర్డు ప్రకటించింది.తిరువనంతపురంలో జరిగిన తొలి వన్డేలో గ్రీవ్స్ అద్భుతంగా రాణించాడు. 108 బంతుల్లో 101 పరుగులు చేసి తన కెరీర్‌లో తొలి వన్డే సెంచరీ నమోదు చేశాడు. అయితే ఆ ఇన్నింగ్స్ సమయంలోనే అతడి కాలి కండరాలకు గాయమైంది. దీంతో అతడు ఆతర్వాత ఫీల్డింగ్‌కు కూడా రాలేదు.తొలి వన్డేలో వెస్టిండీస్‌ 295 పరుగులు చేయడంలో గ్రీవ్స్‌ది ప్రధానపాత్ర. ఆ మ్యాచ్‌లో గ్రీవ్స్‌ సత్తా చాటకపోయుంటే విండీస్‌ ఆమాత్రం స్కోరైనా చేయగలిగేది కాదు. గ్రీవ్స్‌తో పాటు జాన్‌ క్యాంప్‌బెల్‌ (62), ఆమిర్‌ జాంగూ (58 నాటౌట్‌) అర్ద సెంచరీలతో రాణించడంతో విండీస్‌ 300 పరుగుల మార్కుకు దగ్గరగా చేరగలిగింది.అనంతరం లక్ష్య ఛేదనలో భారత బ్యాటర్లు​ శుభ్‌మన్‌ గిల్‌ (110), విరాట్‌ కోహ్లి (139 నాటౌట్‌) సెంచరీలతో కదంతొక్కడంతో విండీస్‌కు పరాజయం తప్పలేదు. గిల్‌, విరాట్‌ విండీస్‌ బౌలర్లపై పూర్తి ఆధిపత్యాన్ని చలాయించడంతో భారత్‌ మరో 8.2 ఓవర్లు మిగిలుండగానే లక్ష్యాన్ని ఛేదించింది. ఈ గెలుపుతో భారత్‌ మూడు మ్యాచ్‌ల సిరీస్‌లో 1-0 ఆధిక్యంలోకి వెళ్లింది. రెండో వన్డే గౌహతి వేదికగా ఇవాళ మధ్యాహ్నం 2 గంటలకు ప్రారంభమవుతుంది. మూడో వన్డే అక్టోబర్‌ 3న న్యూ చండీఘడ్‌లో జరుగనుంది.మూడు వన్డేలు, 5 మ్యాచ్‌ల టీ20 సిరీస్‌ కోసం వెస్టిండీస్‌ జట్టు భారత్‌లో పర్యటిస్తున్న విషయం తెలిసిందే. వన్డే సిరీస్‌ తర్వాత అక్టోబర్‌ 6, 9, 11, 14, 17 తేదీల్లో లక్నో, రాంచీ, ఇండోర్‌, హైదరాబాద్‌, బెంగళూరు వేదికలుగా ఐదు టీ20లు జరుగనున్నాయి. ఇదీ చదవండి: IND vs WI: విండీస్‌తో రెండో వన్డే.. భారత తుదిజట్టులో మార్పు!

వెస్టిండీస్‌తో వ‌న్డే సిరీస్‌లో భాగంగా రేపు గౌహ‌తిలోని బ‌ర్సాప‌రా వేదిక‌గా టీమిండియా రెండో వ‌న్డే మ్యాచ్ ఆడ‌నుంది. తిరువ‌నంత‌పురం వేదిక‌గా జ‌రిగిన తొలి వ‌న్డేలో విండీస్‌ను ఉతికారేసిన భార‌త్ మూడు మ్యాచ్‌ల సిరీస్‌లో 1-0తో ఆధిక్యంలో నిలిచింది. రెండో వ‌న్డేలోను గెలిచి మ‌రో మ్యాచ్ మిగిలి ఉండ‌గానే సిరీస్‌ను సొంతం చేసుకోవాల‌ని టీమిండియా భావిస్తోంది. మ‌రోవైపు రోహిత్ శ‌ర్మ‌, విరాట్ కోహ్లిలు త‌మ చివ‌రి అంకంలో మంచి ఫామ్‌ను ప్ర‌ద‌ర్శిస్తూ బ్యాటింగ్ కొన‌సాగిస్తున్నారు. తొలి వ‌న్డేలో రోహిత్ త‌క్కువ ప‌రుగులే చేసిన‌ప్ప‌టికీ, ఉన్నంత‌సేపు షాట్ల‌తో అల‌రించాడు. ఇక కోహ్లి మాత్రం మ‌రోసారి త‌నలోని చేజింగ్ మాస్ట‌ర్‌ను బ‌య‌టికి తీస్తూ అజేయ సెంచ‌రీతో జ‌ట్టును గెలిపించ‌డంలో కీల‌క‌పాత్ర పోషించాడు. మునుపెన్న‌డూ లేని విధంగా కోహ్లి త‌న బ్యాటింగ్‌లో వేగం పెంచ‌డం విశేషం.వీరోచిత శ‌త‌కాలు..ఇక బ‌ర్సాప‌రా స్టేడియంలోనూ ఈ ఇద్ద‌రు సీనియ‌ర్ల‌కు మంచి ట్రాక్‌ రికార్డు ఉంది. రోహిత్ శ‌ర్మ‌, విరాట్ కోహ్లిలు ఈ స్టేడియంలో చెరో రెండు వ‌న్డే మ్యాచ్‌లు ఆడారు. కోహ్లి ఆడిన రెండు వ‌న్డేల్లోనూ సెంచ‌రీలు బాద‌గా, రోహిత్ శ‌ర్మ ఒక మ్యాచ్‌లో అజేయ సెంచ‌రీ చేయడంతో పాటు మరో మ్యాచ్‌లో అర్థ‌శ‌త‌కం బాదాడు. Photo Credit: BCCI Twitterతొలుత 2018లో వెస్టిండీస్‌తో జ‌రిగిన వ‌న్డే మ్యాచ్‌లో రోహిత్ శ‌ర్మ ఓపెనర్‌గా వ‌చ్చి 117 బంతుల్లోనే 152 ప‌రుగులు అజేయ ఇన్నింగ్స్‌తో మెరవ‌గా, కోహ్లి 140 ప‌రుగులు సాధించాడు. వీరిద్ద‌రి మెరుపుల‌తో విండీస్ విధించిన 323 ప‌రుగుల ల‌క్ష్యాన్ని టీమిండియా 42.1 ఓవ‌ర్ల‌లోనే ఛేదించింది. అలా తొలిసారి గౌహ‌తి వేదికగా టీమిండియా ఆడిన మ్యాచ్‌లో రో-కోలిద్ద‌రు సెంచ‌రీలతో చెల‌రేగడం విశేషం.కోహ్లి సెంచ‌రీ.. రోహిత్ అర్థ‌సెంచ‌రీఇక రెండోసారి టీమిండియా బ‌ర్సాప‌రా స్టేడియంలో 2023లో శ్రీలంక‌తో వ‌న్డే మ్యాచ్ ఆడింది. తొలుత బ్యాటింగ్ చేసిన టీమిండియా 50 ఓవ‌ర్ల‌లో 7 వికెట్ల న‌ష్టానికి 373 ప‌రుగుల భారీ స్కోరు చేసింది. కోహ్లి (87 బంతుల్లో 113) సెంచ‌రీ బాదగా, రోహిత్ శ‌ర్మ (67 బంతుల్లో 83) మెరుపు అర్థ‌సెంచ‌రీ సాధించాడు. గిల్ (70) రాణించాడు. Photo Credit: BCCI Twitterఅనంత‌రం శ్రీలంక 8 వికెట్ల న‌ష్టానికి 306 ప‌రుగుల‌కే ప‌రిమితం కావ‌డంతో భార‌త్ 67 ప‌రుగుల తేడాతో విజ‌యాన్ని అందుకుంది. కెప్టెన్ దాసున్ ష‌న‌క (88 బంతుల్లో 108 నాటౌట్‌) అజేయ సెంచ‌రీ, పాతుమ్‌ నిసాంక (72) పరుగులు చేసిన‌ప్ప‌టికీ జ‌ట్టును ఓటమి నుంచి ర‌క్షించ‌లేక‌పోయారు. అలా రెండోసారి కూడా రో-కో ద్వయం అదుర్స్‌ అనిపించింది.ఇలా గౌహ‌తిలోని బ‌ర్సాప‌రా స్టేడియంలో టీమిండియా ఆడిన రెండు మ్యాచ్‌ల్లోనూ భారీ ఇన్నింగ్స్‌లు ఆడిన రో-కో ద్వ‌యం రేప‌టి వ‌న్డేలో మ‌రోసారి చెల‌రేగితే మాత్రం విండీస్‌కు చుక్కలే అని చెప్పొచ్చు. కోహ్లి ఇప్ప‌టికే సెంచరీతో త‌న ఉద్దేశాన్ని చాటి చెప్ప‌గా, రోహిత్ భారీ ఇన్నింగ్స్‌తో అల‌రించాల‌నే ప‌ట్టుద‌ల‌తో ఉన్నాడు. ఈ స్టేడియంలో విండీస్ ఒకే ఒక్క మ్యాచ్ ఆడిన‌ప్ప‌టికీ, టీమిండియానే విజ‌యం సాధించింది.ఇదీ చదవండి: ఆసీస్‌ను చితకొట్టిన భారత బ్యాటర్లు.. తొలిరోజు ముగిసిన ఆట

విరాట్‌ కోహ్లి- రోహిత్‌ శర్మ.. దశాబ్దకాలానికి పైగా టీమిండియాకు సేవలు అందిస్తున్న ఈ దిగ్గజాలు ఒకరి సారథ్యంలో మరొకరు ఆడారు. తొలుత కోహ్లి టీమిండియా కెప్టెన్‌గా వ్యవహరించగా.. ఆ తర్వాత రోహిత్‌ నాయకుడిగా కోహ్లి స్థానాన్ని భర్తీ చేశాడు. ప్రస్తుతం ఈ ఇద్దరు లెజెండరీ బ్యాటర్లు యువ కెప్టెన్‌ శుబ్‌మన్‌ గిల్‌ సారథ్యంలో ఆడుతున్నారు.ఇప్పటికే అంతర్జాతీయ టీ20, టెస్టులకు వీడ్కోలు పలికిన రో-కో.. వన్డేల్లో మాత్రమే కొనసాగుతున్న సంగతి తెలిసిందే. అయితే, వీరిద్దరు వన్డే వరల్డ్‌కప్‌-2027లో ఆడతారా? లేదా? అన్న సందేహాల నడుమ ఇటీవలే ఇద్దరూ పూర్తి ఫామ్‌లోకి వచ్చేశారు.అప్పుడు హిట్‌మ్యాన్‌.. ఇప్పుడు కింగ్‌ఇంగ్లండ్‌లో లార్డ్స్‌ వన్డేలో రోహిత్‌ శతక్కొట్టగా.. తాజాగా వెస్టిండీస్‌తో తొలి వన్డే సందర్భంగా తిరువనంతపురంలో కోహ్లి రికార్డు స్థాయిలో 55వ సెంచరీ నమోదు చేశాడు. ఇక భారత్‌- విండీస్‌ మధ్య బుధవారం రెండో వన్డే జరుగనున్న తరుణంలో రోహిత్‌ శర్మ జియోస్టార్‌తో మాట్లాడుతూ.. మైదానంలో తాను, కోహ్లి ఏం మాట్లాడుకుంటామో వివరించాడు.ఎవరి బౌలింగ్‌లో దూకుడుగా ఆడాలి?‘‘వన్డే వరల్డ్‌కప్‌.. కోహ్లి ఇప్పటికే 2011, 15, 109, 23లో ఈ టోర్నీ ఆడాడు. ఇప్పటికి నాలుగు వన్డే ప్రపంచకప్‌ ఈవెంట్లు పూర్తి చేసుకున్నాడు. 2027 టోర్నీ అతడికి ఐదో వరల్డ్‌కప్‌. కాబట్టి అతడికి కొత్తగా చెప్పాల్సింది ఏమీ లేదు. కాబట్టి మేము దీని గురించి ఎక్కువగా చర్చించుకోము.అయితే, వరల్డ్‌కప్‌ టోర్నీ కోసం మేము చేయగలము అని మాత్రం చర్చించుకుంటాము. ముఖ్యంగా మైదానంలో బ్యాటింగ్‌ చేస్తున్న సమయంలో ఎవరి బౌలింగ్‌లో దూకుడుగా ఆడాలి.. ఎవరి బౌలింగ్‌లో సింగిల్స్‌ మాత్రమే తీయాలి అని మాట్లాడుకుంటాము.సోదరా.. కాస్త జాగ్రత్తగా పరిగెత్తుఎప్పుడైనా నాకు కాలు నొప్పిగా అనిపిస్తే వెంటనే కోహ్లితో.. ‘సోదరా.. కాస్త జాగ్రత్తగా పరిగెత్తు.. నా పరిస్థితి కాస్త బాలేదు’ అని ముందుగానే చెప్పేస్తా. దాంతో అందుకు తగినట్లుగానే సింగిల్స్‌ విషయంలో కోహ్లి నిర్ణయం తీసుకుంటాడు. మేము కలిసి ఆడటం మొదలుపెట్టిన నాటి నుంచి దాదాపుగా ఇలాంటి విషయాలే మాట్లాడుకుంటున్నాము.అప్పటికి, ఇప్పటికి ఏమీ మారలేదు. మైదానంలో మేమిద్దరం భిన్నమైన ఆటగాళ్లము. అయితే, మా లక్ష్యం మాత్రం జట్టును గెలిపించడమే. ఇప్పుడూ అంతే. వరల్డ్‌కప్‌ ఆడాలి, గెలవాలి.. జట్టు కోసం సర్వశక్తులు ధారబోయాలి.. కేవలం ఇది మాత్రమే మా మనసులో ఉంటుంది’’ అని రోహిత్‌ శర్మ చెప్పుకొచ్చాడు.చదవండి: ఆసీస్‌తో తొలి టెస్టు.. భారత ఓపెనర్‌ ప్రపంచ రికార్డు

సొంతగడ్డపై వెస్టిండీస్‌తో తొలి వన్డేలో ఘన విజయం సాధించిన టీమిండియా రెండో వన్డేకు సిద్ధమైంది. ఇరుజట్ల మధ్య బుధవారం (సెప్టెంబరు 30) జరిగే ఈ మ్యాచ్‌కు గువాహటిలోని బర్సపరా క్రికెట్‌ స్టేడియం వేదిక.తుదిజట్టులో మార్పు అనివార్యంఈ నేపథ్యంలో భారత మాజీ క్రికెటర్‌ ఆకాశ్‌ చోప్రా టీమిండియా యాజమాన్యానికి కీలక సూచన చేశాడు. తుదిజట్టులో ఒక మార్పు చేయక తప్పదని.. నమన్‌ ధిర్‌ను తప్పించాలని సూచించాడు. కాగా పంజాబ్‌కు చెందిన నమన్‌ లిస్ట్‌- ఎ మ్యాచ్‌లలో 11 ఇన్నింగ్స్‌ ఆడి 351 పరుగులు చేశాడు.అందుకే అతడిని ఆడించారుఐపీఎల్‌లో ముంబై ఇండియన్స్‌ తరఫున ఆడి అనుభవం కూడా నమన్‌కు ఉంది. అయితే, అతడిని స్పిన్‌ బౌలింగ్‌ ఆల్‌రౌండర్‌గా పరిగణిస్తూ విండీస్‌ తొలి వన్డే సందర్భంగా టీమిండియా యాజమాన్యం అరంగేట్రం చేయించింది. వాషింగ్టన్‌ సుందర్‌, అక్షర్‌ పటేల్‌ జట్టుతో లేని కారణంగా.. రవీంద్ర జడేజా, కుల్దీప్‌ యాదవ్‌లతో పాటు నమన్‌ను ప్లేయింగ్‌ ఎలెవన్‌లో ఆడించింది. లోయర్‌లో బ్యాటింగ్‌కు పనికివస్తాడని ఈ నిర్ణయం తీసుకుంది.ఈ మ్యాచ్‌లో నమర్‌ ధిర్‌ ఐదు ఓవర్ల బౌలింగ్‌లో 33 పరుగులు ఇచ్చి వికెట్‌ తీయలేకపోయాడు. ఇక లక్ష్య ఛేదనలో విరాట్‌ కోహ్లి, కెప్టెన్‌ శుబ్‌మన్‌ గిల్‌ శతకాలతో చెలరేగిన కారణంగా.. అతడికి బ్యాటింగ్‌ చేయాల్సిన అవసరమే రాలేదు. ఈ నేపథ్యంలో నమన్‌ పేరుకే ఆల్‌రౌండర్‌ అని.. కానీ అతడికి బౌలర్‌గా రాణించే సత్తా లేదని మాజీ కెప్టెన్‌ క్రిష్ణమాచారి శ్రీకాంత్‌ వంటి వారు విమర్శించారు.ఈ మ్యాచ్‌కు అతడు పనికిరాడుతాజాగా మరో మాజీ క్రికెటర్‌, కామెంటేటర్‌ ఆకాశ్‌ చోప్రా సైతం 26 ఏళ్ల నమన్‌ ధిర్‌ ఎంపికను ప్రశ్నించాడు. రెండో వన్డే తుదిజట్టు నుంచి అతడిని తొలగించి.. సీనియర్‌ పేసర్‌ మహ్మద్‌ సిరాజ్‌ను ఆడించాలని సూచించాడు. ఇందుకు గల కారణాలు విశ్లేషిస్తూ..‘‘టాస్‌ మన నియంత్రణలో లేని అంశం. ఒకవేళ బర్సపరా స్టేడియంలో మనం లైట్ల వెలుగులో బౌలింగ్‌ చేయాల్సి వస్తే పరిస్థితి భిన్నంగా ఉంటుంది. అక్కడ మంచు ఎక్కువగా ఉంటుంది. కాబట్టి మహ్మద్‌ సిరాజ్‌ను ఎందుకు తుదిజట్టులోకి తీసుకోకూడదు?.. తప్పకుండా ఆడించవచ్చు.సిరాజ్‌ ఆడితే బెటర్‌దీనర్థం నేను నమన్‌ ధిర్‌కు వ్యతిరేకం అని కాదు. సిరాజ్‌ను ఆడిస్తే జట్టుకు ఉపయోగకరంగా ఉంటుంది. ఎందుకంటే నమన్‌ కేవలం పార్ట్‌టైమ్‌ బౌలర్‌ మాత్రమే. అతడు వికెట్లు తీయలేడు. ఒకవేళ తేమ ఎక్కువగా ఉందంటే అతడు ఒక్క ఓవర్‌ కూడా వేయలేడు.అలాంటపుడు నలుగురు బౌలర్లతో రంగంలోకి దిగాల్సి ఉంటుంది. బ్యాటింగ్‌ ఆర్డర్‌లో డెప్త్‌ కోసమని.. ఎనిమిదో స్థానంలో బ్యాటింగ్‌ ఆప్షన్‌ కావాలనే ఆలోచనతో నమన్‌ను ఆడించవద్దు. గువాహటి మ్యాచ్‌కు మాత్రం నమన్‌ సరైన ఆప్షన్‌ కానేకాదు’’ అని ఆకాశ్‌ చోప్రా తన అభిప్రాయాలను పంచుకున్నాడు. కాగా సిరాజ్‌ చివరగా ఈ ఏడాది న్యూజిలాండ్‌తో సిరీస్‌ సందర్భంగా వన్డే ఆడాడు.వెస్టిండీస్‌ తొలి వన్డేలో ఆడిన భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), నమన్‌ ధిర్‌, రవీంద్ర జడేజా, నితీశ్‌ కుమార్‌ రెడ్డి, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణ.రెండో వన్డేకు ఆకాశ్‌ చోప్రా ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, రుతురాజ్‌ గైక్వాడ్‌, కేఎల్‌ రాహుల్‌ (వికెట్‌ కీపర్‌), రవీంద్ర జడేజా, నితీశ్‌ కుమార్‌ రెడ్డి, గుర్నూర్‌ బ్రార్‌, కుల్దీప్‌ యాదవ్‌, ప్రసిద్‌ కృష్ణ, మహ్మద్‌ సిరాజ్‌.చదవండి: ఆసీస్‌తో తొలి టెస్టు.. భారత ఓపెనర్‌ ప్రపంచ రికార్డు

స్వదేశంలో వెస్టిండీస్‌తో వన్డే సిరీస్‌లో టీమిండియా శుభారంభం అందుకుంది. తిరువనంతపురంలో ఆదివారం జరిగిన తొలి వన్డేలో విండీస్‌ జట్టును ఎనిమిది వికెట్ల తేడాతో ఓడించింది. ఫలితంగా మూడు మ్యాచ్‌ల సిరీస్‌లో శుబ్‌మన్‌ గిల్‌ సేన 1-0తో ముందంజ వేసింది.ఈ క్రమంలో సంబరాల్లో మునిగిపోయిన టీమిండియా.. బస్సులో హోటల్‌కు తిరిగి వచ్చే క్రమంలో ఓ అపశ్రుతి చోటుచేసుకుంది. భారత దిగ్గజ ఓపెనర్‌ రోహిత్‌ శర్మ బస్సు దిగుతున్నపుడు అదుపు తప్పి కిందపడిపోయాడు. ఇందుకు సంబంధించిన దృశ్యాలు వైరల్‌గా మారాయి.32 పరుగులు చేసి అవుట్‌కాగా వెస్టిండీస్‌ విధించిన 296 పరుగుల లక్ష్యాన్ని ఛేదించే క్రమంలో రోహిత్‌ శర్మ.. 35 బంతుల్లో రెండు ఫోర్లు, మూడు సిక్సర్లు బాది 32 పరుగులు మాత్రమే చేయగలిగాడు. అల్జారీ జోసెఫ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో హిట్‌మ్యాన్‌ పెవిలియన్‌ చేరాల్సి వచ్చింది.ఇక మరో ఓపెనర్‌, కెప్టెన్‌ శుబ్‌మన్‌ గిల్‌ (108 బంతుల్లో 110), వన్‌డౌన్‌ బ్యాటర్‌ విరాట్‌ కోహ్లి (88 బంతుల్లో 139 నాటౌట్‌) శతకాల మోత మోగించి టీమిండియాను గెలిపించారు. ఇదిలా ఉంటే.. విజయం తర్వాత భారత జట్టు టీమ్‌ బస్సులో హోటల్‌కు వెళ్లింది.Moment for the history books 📖The magical feeling of scaling Mt. 1⃣5⃣0⃣0⃣0⃣ ODI runs, ft. Virat Kohli 🏔️Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/sbqA6KtBsr— BCCI (@BCCI) September 27, 2026బస్సు నుంచి పడిపోయిన రోహిత్‌బస్సు నుంచి దిగుతున్నపుడు రోహిత్‌ పట్టు తప్పి మెట్ల మీది నుంచి కిందపడిపోయాడు. పక్కన ఉన్న వాళ్లు వచ్చి అతడికి సాయం చేసి పక్కకు తీసుకువెళ్లారు. అప్పటికే సహచర ఆటగాళ్లు ముందుకు వెళ్లగా.. కోహ్లి వెనక్కి తిరిగి రోహిత్‌ పరిస్థితి చూసి షాకయ్యాడు. అంతా బాగానే ఉంది కదా అన్నట్లుగా ఎక్స్‌ప్రెషన్‌ ఇచ్చాడు. ఈ దృశ్యాలు వైరల్‌ కాగా.. ‘రో-కో.. మైదానం లోపల, వెలుపలా.. వారి స్నేహ బంధం గొప్పది’ అంటూ అభిమానులు కామెంట్లు చేస్తున్నారు.చదవండి: IND vs WI: అతడొక అద్భుతం.. మ్యాచ్‌ నేనే ముగించాల్సిందిRohit Sharma 𝗦𝗹𝗶𝗽𝗽𝗲𝗱 from the Bus 😱While returning to the hotel after winning the first ODI against the West Indies, Rohit Sharma slipped badly on the stairs of the team bus. 😥- Everyone was celebrating India's win, but Virat Kohli was 𝘀𝘁𝘂𝗻𝗻𝗲𝗱 to see Rohit. 😭 pic.twitter.com/T01Lf4tJsb— Mukku (@Cric_Mukku) September 28, 2026

‘‘మన మనసు, మెదడు స్వేచ్ఛగా నచ్చిన పని చేయాలంటే ముందుగా మన శరీరం ఫిట్‌గా ఉండాలి. లేదంటే అనుకున్నది ఏదీ సాధించలేము. నేను శారీరకంగా ఫిట్‌గా ఉంటేనే ఏవిధంగా బ్యాటింగ్‌ చేయగలనో ముందే ఊహించుకోగలుగుతాను.తద్వారా మ్యాచ్‌ సమయంలో అనుకున్న ప్రణాళికలను పక్కాగా అమలు చేయగలుగుతాను. ఈరోజు మాదిరే అత్యుత్తమంగా రాణించగలుగుతాను’’... వెస్టిండీస్‌తో తొలి వన్డేలో విజయం తర్వాత టీమిండియా దిగ్గజ బ్యాటర్‌ విరాట్‌ కోహ్లి చేసిన వ్యాఖ్యలు ఇవి.తిరువనంతపురం వేదికగా ఆదివారం నాటి మ్యాచ్‌లో 37 ఏళ్ల కోహ్లి.. 88 బంతుల్లో పది ఫోర్లు, తొమ్మిది సిక్సర్ల సాయంతో 139 పరుగులు చేసి అజేయంగా నిలిచాడు. సిక్సర్‌తో అర్ధ శతకం, శతకం పూర్తి చేసుకున్న కింగ్‌.. సిక్సర్‌తోనే టీమిండియా విజయాన్ని ఖరారు చేశాడు.ఈ క్రమంలో కోహ్లి మరోసారి ఫిట్‌నెస్‌ ప్రాధాన్యం గురించి చాటిచెప్పాడు. అయితే, కేవలం ఆట వరకు కాకుండా.. తన కుటుంబాన్ని కూడా ఇందులో భాగస్వామ్యం చేస్తున్నాడు కింగ్‌.భార్య కూడా అంతేఫిట్‌నెస్‌కు మారుపేరు కింగ్‌ కోహ్లి అనడంలో అతిశయోక్తి లేదు. అయితే, కోహ్లి మాదిరే అతడి సతీమణి, బాలీవుడ్‌ హీరోయిన్‌ అనుష్క శర్మ కూడా ఫిట్‌నెస్‌ ఫ్రీక్‌. వీరిద్దరు ఎల్లప్పుడూ చలాకీగా, ఆరోగ్యంగా ఉండటానికి కారణం వారి జీవన శైలే.అయితే, పిల్లలు వామికా, అకాయ్‌లకు విరుష్క జోడీ ఇప్పటి నుంచే ఆరోగ్యకరమైన అలవాట్లు చేస్తున్నారట. ఈ విషయం గురించి అనుష్క శర్మ స్వయంగా గతంలో ఓ ఈవెంట్లో రివీల్‌ చేశారు.కొన్నాళ్ల తర్వాత ఇదే అలవాటుగా మారిపోయింది‘‘మా కూతురు చాలా తొందరగా రాత్రి భోజనం కానిచ్చేస్తుంది. సాయంత్రం ఐదున్నర గంటల వరకే దాదాపుగా తన డిన్నర్‌ అయిపోతుంది. ఆ సమయంలో మేమిద్దరం మాత్రమే ఎక్కువగా కలిసి గడుపుతాము.అప్పుడు మాకు వీలైనంత ఎక్కువగా నిద్రపోయే సమయం దొరుకుతుంది. అకాయ్‌ విషయంలోనూ ఇదే జరుగుతోంది. ముందుగా సౌకర్యం కోసం మేము ఇలా చేసేవాళ్లం. కానీ కొన్నాళ్ల తర్వాత ఇదే అలవాటుగా మారిపోయింది. నేను కూడా నా పిల్లలతో పాటే ఐదున్నరకే భోజనం ముగించేస్తున్నాను.ఈ విషయంలో నేను చాలా స్పష్టతతో ఉంటాను. మా కుటుంబం తరచూ ప్రయాణాలు చేయాల్సి ఉంటుంది. అలా మా పిల్లలకు వివిధ రకాల అనుభవాలు దొరుకుతాయి. ఇది వాళ్ల జీవితంపై ప్రభావం చూపుతుంది. కాబట్టి ఎక్కడున్నా ఒకే రకమైన జీవనశైలి అలవరచుకునేలా ప్రణాళిక రూపొందించుకున్నాము.ఎక్కడున్నా సమయానికి తిని, పడుకోవాల్సిందేమేము ఎక్కడున్నా సరే సమయానికి భోజనం ముగించాల్సిందే. సరైన సమయానికి నిద్రపోవాల్సిందే. ఇందులో ఎలాంటి మార్పూ ఉండదు. విరాట్‌ కూడా ఒక్కోసారి పిల్లల కోసం స్వయంగా భోజనం వండుతాడు.మన సంప్రదాయ రుచులను పిల్లలకు కూడా పరిచయం చేయాలంటాడు. పాతతరం రుచులను కూడా వాళ్లు ఆస్వాదించాలనేది అతడి ఉద్దేశం’’ అనుష్క శర్మ ఓ ఈవెంట్లో తమ పిల్లల గురించి తీసుకుంటున్న జాగ్రత్తల గురించి వివరించింది.అదే విధంగా తానైనా, విరాట్‌ అయినా బలవంతంగా పిల్లలపై ఎలాంటి అలవాట్లు రుద్దమని.. ప్రతీ విషయాన్ని వారికి అర్థమయ్యేలా చెప్పి నచ్చిన మార్గం ఎంచుకోమని చెప్తామని గతంలో ఓ ఈవెంట్లో పేర్కొంది. ఇందుకు ఉదాహరణగా..నా కూతురికి ఐస్‌క్రీం అంటే పిచ్చి‘‘ఓరోజు నేను వామికను ఐస్‌క్రీం మ్యూజియంకు తీసుకువెళ్లాను. నిజానికి వామికకు ఐస్‌క్రీం అంటే చాలా ఇష్టం. ఒకరకంగా పిచ్చి అని కూడా చెప్పవచ్చు (నవ్వుతూ). ఆరోజు షాప్‌నకు వెళ్లిన తర్వాత వామికతో ఓ మాట చెప్పాను.‘నీకు నచ్చినంత ఐస్‌క్రీం తినేసెయ్‌’ అని చెప్పాను. అందుకు తను ఎంతో సంతోషించింది. కానీ రెండు లేదా మూడు కంటే ఎక్కువ ఐస్‌క్రీములు తినలేకపోయింది. నాకింక చాలు అమ్మా అనేసింది. ఇష్టం ఉన్నంత మాత్రాన ఆరోజు నా కూతురు పది ఐస్‌క్రీములు తినలేదు కదా!అన్నీ వివరంగా చెప్తానుపిల్లల అలవాట్లు మార్చే క్రమంలో కఠినంగా ఉండకుండా.. వారికి ఏది మంచో తెలియజేసేందుకు ఒక్కోసారి ఇలాంటివి చేయకతప్పదు. మనం నేరుగా వద్దని చెప్పామంటే పిల్లలు దానిని సానుకూలంగా తీసుకోలేరు. వాళ్లంతట వాళ్లే కొన్ని విషయాలు తెలుసుకునే ఆస్కారం ఇవ్వాలి.నేను తనకి వివిధ రకాల ఆహారాలను పరిచయం చేస్తూ వాటి వల్ల మనకు కలిగే మేలు, చెడు గురించి చెప్తాను. కొన్ని మనకు తక్షణ శక్తిని ఇస్తే.. మరికొన్ని హాని చేస్తాయని.. ఇంకొన్ని రోజంతా ఆడుకునేంత శక్తిని ఇస్తాయని చెప్పాను. ఒక్కోసారి తనకు ఇవన్నీ అర్థమయ్యేలా చెప్పేందుకు నాలోని నటిని బయటకు తీయాల్సి వస్తుంది (నవ్వుతూ)’’ అంటూ అనుష్క శర్మ పేరెంటింగ్‌ గురించి చెప్పుకొచ్చింది.చదవండి: ఓల్డేజ్‌ హోంలో వినోద్‌ కాంబ్లీ.. చెడు అలవాట్ల వల్ల జీవితం నాశనం!5⃣0⃣ up with a 6⃣ 👌1⃣0⃣0⃣ up with a 6⃣ 💪Virat Kohli meant business tonight 🔥Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/mM52R4r2nF— BCCI (@BCCI) September 27, 2026

దాదాపు నాలుగేళ్ల తర్వాత భారత గడ్డ మీద వన్డే మ్యాచ్‌ ఆడిన వెస్టిండీస్‌ క్రికెట్‌ జట్టుకు చేదు అనుభవం ఎదురైంది. గత వైఫల్యాలను కొనసాగిస్తూ టీమిండియాతో ఆదివారం నాటి తొలి వన్డేలో కరేబియన్‌ జట్టు ఎనిమిది వికెట్ల తేడాతో చిత్తుగా ఓడింది. ఓపెనర్లు శుభారంభం అందించినప్పటికీ మిడిలార్డర్‌ దానిని కొనసాగించలేకపోయింది.టీమిండియా ఘన విజయంఫలితంగా నిర్ణీత యాభై ఓవర్లలో ఏడు వికెట్ల నష్టానికి విండీస్‌ జట్టు 295 పరుగులు చేసింది. ఈ లక్ష్యాన్ని ఆతిథ్య భారత్‌ 41.4 ఓవర్లలో కేవలం రెండు వికెట్లు నష్టపోయి ఛేదించింది. వెస్టిండీస్‌ బౌలింగ్‌ విభాగం కూడా తేలిపోవడంతో టీమిండియా ఈ మేరకు సునాయాస విజయం సాధించగలిగింది.అలా చేస్తే ఫలితం వేరుగా ఉండేదిఈ నేపథ్యంలో విండీస్‌ కెప్టెన్‌ షాయీ హోప్‌ తమ ఓటమి​కి గల కారణాలు విశ్లేషించాడు. ‘‘కచ్చితంగా మేము కాస్త భిన్నంగా ఆడి ఉండాల్సింది. మరిన్ని పరుగులు రాబట్టగలిగితే ఫలితం వేరేలా ఉండేది. భారత్‌లోని పిచ్‌లు బాగుంటాయి. ఇక్కడ మనం ఎన్ని ఎక్కువ పరుగులు చేస్తే విజయావకాశాలు అంత మెరుగ్గా ఉంటాయి.అదే తీవ్ర ప్రభావం చూపిందినిజాయితీగా చెప్పాలంటే మేము 60- 80 పరుగులు వెనుకబడి ఉన్నాము. ఇక 290 పరుగుల మేర లక్ష్యాన్ని కాపాడుకోవాలంటే గొప్పగా బౌలింగ్‌ చేయాల్సి ఉంటుంది. మా బౌలర్లు కాస్త మెరుగ్గానే ఆరంభించారు. అయితే, మధ్య ఓవర్లలో ఓవర్‌కు ఏడు కంటే ఎక్కువ పరుగులు ఇవ్వడం కచ్చితంగా తీవ్ర ప్రభావం చూపింది.ఫీల్డింగ్‌లో కూడా రెండు మూడు ఘోర తప్పిదాలు చేశాము. ఏదేమైనా మా ఓపెనింగ్‌ బ్యాటర్ల జోడీ మాత్రం అద్భుతంగా రాణించింది. వాళ్లు మాకు గొప్ప ఆరంభం అందించారు. భారీ స్కోరుకు పునాది వేసి.. మమ్మల్ని పోటీలో నిలిపారు. కానీ మిడిలార్డర్‌లో మాకు ఇబ్బందులు ఎదురయ్యాయి. అయితే, జాంగో పరిస్థితులు చక్కదిద్దే ప్రయత్నం చేశాడు.ముందుగా చెప్పినట్లు మరిన్ని పరుగులు చేసి ఉంటే ఫలితం వేరుగా ఉండేది. ఓటమి నుంచి పాఠాలు నేర్చుకుంటాము’’ అని షాయీ హోప్‌ పేర్కొన్నాడు. సమిష్టి వైఫల్యమే తమ కొంప ముంచిందని పరోక్షంగా చెప్పుకొచ్చాడు. కాగా తిరువనంతపురంలో టాస్‌ ఓడిన వెస్టిండీస్‌ తొలుత బ్యాటింగ్‌కు దిగింది.#KuldeepYadav makes an instant impact! 🔥The partnership is broken and India have their first wicket!#INDvWI 1st ODI 👉 LIVE NOW 👉 https://t.co/zk2ABY21JG pic.twitter.com/w1tveUomaG— Star Sports (@StarSportsIndia) September 27, 2026గ్రీవ్స్‌ శతకంఓపెనర్లలో జాన్‌ కాంప్‌బెల్‌ అర్ధ శతకం (60 బంతుల్లో 62) సాధించగా.. జస్టిన్‌ గ్రీవ్స్‌ (108 బంతుల్లో 101) శతక్కొట్టాడు. అయితే, వన్‌డౌన్‌ బ్యాటర్‌ కేసీ కార్టీ (31 బంతుల్లో 13) దారుణంగా విఫలం కాగా.. కెప్టెన్‌ షాయీ హోప్‌ (11 బంతుల్లో 12) పూర్తిగా నిరాశపరిచాడు. ఐదో నంబర్‌ బ్యాటర్‌ అమీర్‌ జాంగో 43 బంతుల్లో 58 పరుగులతో అజేయంగా నిలిచాడు.బౌలర్లు విఫలంఇక విండీస్‌ బౌలర్లలో అల్జారీ జోసెఫ్‌ తొమ్మిది ఓవర్ల బౌలింగ్‌లో ఏకంగా 81 పరుగులు సమర్పించుకుని కేవలం ఒకే ఒక్క వికెట్‌ తీశాడు. మిగిలిన వారిలో జేడన్‌ సీల్స్‌ పొదుపుగా బౌలింగ్‌ చేశాడు. ఏడు ఓవర్లలో 32 పరుగులే ఇచ్చాడు. అయితే, బ్యాటింగ్‌ ఆల్‌రౌండర్‌ కేసీ కార్టీ కేవలం నాలుగు బంతుల్లోనే 17 పరుగులు ఇచ్చుకున్నాడు. కాగా విండీస్‌ చివరగా 2021-22లో భారత్‌లో వన్డే సిరీస్‌ ఆడి.. టీమిండియా చేతిలో 3-0తో క్లీన్‌స్వీప్‌ అయింది.చదవండి: గిల్‌- ​కోహ్లి శతక మోత!..మ్యాచ్‌ సాగిందిలాఇదీ చదవండి: అతడొక అద్భుతం..మ్యాచ్‌ నేనే ముగించాల్సింది: గిల్‌

వెస్టిండీస్‌తో వన్డే సిరీస్‌ను టీమిండియా ఘనంగా ఆరంభించింది. తిరువనంతపురం వేదికగా ఆదివారం నాటి మ్యాచ్‌లో ఎనిమిది వికెట్ల తేడాతో జయభేరి మోగించి.. మూడు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది.విధ్వంసకర శతకంవిండీస్‌పై గెలుపులో టీమిండియా దిగ్గజ బ్యాటర్‌ విరాట్‌ కోహ్లి కీలక పాత్ర పోషించాడు. కరేబియన్‌ జట్టు విధించిన 296 పరుగుల లక్ష్యాన్ని ఛేదించే క్రమంలో ఆకాశమే హద్దుగా చెలరేగి పరుగుల విధ్వంసం సృష్టించాడు. శతకమోత మోగించిన ఈ వన్‌డౌన్‌ బ్యాటర్‌ కేవలం 88 బంతుల్లోనే పది ఫోర్లు, తొమ్మిది సిక్సర్ల సాయంతో 139 పరుగులు సాధించాడు. సిక్సర్‌తో మ్యాచ్‌ను ముగించి జట్టు విజయాన్ని ఖరారు చేశాడు.5⃣0⃣ up with a 6⃣ 👌1⃣0⃣0⃣ up with a 6⃣ 💪Virat Kohli meant business tonight 🔥Updates ▶️ https://t.co/O2cs86p4gq#TeamIndia | #INDvWI | @mflone_ | @imVkohli pic.twitter.com/mM52R4r2nF— BCCI (@BCCI) September 27, 2026ప్రపంచ రికార్డు మరింత బలోపేతంకాగా కోహ్లికి వన్డేల్లో ఇది 55వ సెంచరీ. తద్వారా అంతర్జాతీయ క్రికెట్‌ వన్డే చరిత్రలో అత్యధిక శతకాల వీరుడిగా తన ప్రపంచ రికార్డును కింగ్‌ మరింత బలోపేతం చేసుకున్నాడు. వన్డే ప్రపంచకప్‌-2027 తాను పూర్తి స్థాయిలో సిద్ధంగా ఉన్నానని మరోసారి ఆటతోనే విమర్శకుల నోళ్లు మూయించాడు.మునుపటి కన్నా గొప్పగా.. ప్రమాదకర బ్యాటర్‌గాఈ నేపథ్యంలో టీమిండియా వన్డే కెప్టెన్‌, మరో శతక వీరుడు శుబ్‌మన్‌ గిల్‌ స్పందిస్తూ ఆసక్తికర వ్యాఖ్యలు చేశాడు. ‘‘కోహ్లి భయ్యా అద్భుతంగా బ్యాటింగ్‌ చేస్తున్నాడు. మునుపటి కన్నా మరింత గొప్పగా ఆటను ఆస్వాదిస్తున్నాడు. స్వేచ్ఛగా బ్యాట్‌ను ఝలిపిస్తున్నాడు.అందుకు తగ్గ ప్రతిఫలాన్ని మనం చూశాము. ఆయనకు ఇలాంటివి కొత్త కాదు. బౌండరీల వర్షం కురిపించడం అలవాటే. ఇప్పుడు కూడా సరైన దారిలోనే ఉన్నాడు. చెప్పాలంటే గతం కంటే మరింత డేంజరస్‌ బ్యాటర్‌గా మారిపోయాడు. కెప్టెన్‌గా కోహ్లి భయ్యాకు వీలైనంత ఎక్కువ స్వేచ్చను ఇస్తాను. దేశం కోసం ఇప్పటికే ఎన్నో మ్యాచ్‌లు గెలిపించాడు.కోహ్లి ఆడితే విజయం మనదే.. మ్యాచ్‌ నేనే ముగించాల్సిందిఇప్పటికీ అదే పని కొనసాగిస్తున్నాడు. కోహ్లి భయ్యా ఆడిన రోజు తప్పకుండా జట్టు గెలుస్తుంది’’ అని శుబ్‌మన్‌ గిల్‌ కోహ్లిపై ప్రశంసల వర్షం కురిపించాడు. అదే విధంగా తాను అవుట్‌ కాకుండా ఉండి ఉంటే బాగుండేదని గిల్‌ అన్నాడు. ‘‘ఏదేమైనా నేను (108 బంతుల్లో 110) అవుటైనపుడు చాలా బాధపడ్డాను. మ్యాచ్‌ నేనే ముగించి ఉంటే ఇంకా బాగుండేది.అయితే, నా ఇన్నింగ్స్‌ పట్ల సంతోషంగానే ఉన్నాను’’ అని గిల్‌ చెప్పుకొచ్చాడు. కాగా విండీస్‌తో తొలి వన్డేలో ఈ ఓపెనింగ్‌ బ్యాటర్‌ 108 బంతులు ఎదుర్కొని 13 ఫోర్లు, ఒక సిక్సర్‌ సాయంతో 110 పరుగులు చేశాడు. రోస్టన్‌ ఛేజ్‌ బౌలింగ్‌లో జువెల్‌ ఆండ్రూకు క్యాచ్‌ ఇవ్వడంతో గిల్‌ పెవిలియన్‌ చేరాల్సి వచ్చింది. ఇక ఈ మ్యాచ్‌లో నాలుగు వికెట్లు తీసిన భారత స్పిన్నర్‌ కుల్దీప్‌ యాదవ్‌కు ప్లేయర్‌ఆఫ్‌ ది మ్యాచ్‌ అవార్డు దక్కింది.That feeling when you bring up ODI century No. 10 🤌💙Captain @ShubmanGill taking a well-earned moment to soak in the applause 👏Updates ▶️ https://t.co/O2cs86p4gq#TeamIndia | #INDvWI | @mflone_ pic.twitter.com/395GvC34x5— BCCI (@BCCI) September 27, 2026చదవండి: Asian Games 2026 Cricket: సెమీ ఫైనల్‌లో టీమిండియా

తిరువనంతపురం వేదికగా టీమిండియాతో జరుగుతున్న తొలి వన్డేలో వెస్టిండీస్ ఓపెనర్లు జస్టిన్ గ్రీవ్స్, జాన్ క్యాంప్‌బెల్ అద్భుత ప్రదర్శన కనబరిచారు. భారత బౌలర్లను సమర్థవంతంగా ఎదుర్కొంటూ టీ20 తరహాలో స్కోరు బోర్డును పరుగులు పెట్టించారు. గ్రీవ్స్ పేసర్లను ఓ ఆట ఆడుకుంటే, క్యాంప్‌బెల్ స్పిన్నర్లను టార్గెట్ చేస్తూ చెలరేగిపోయారు. వీరిద్దరి ధాటికి విండీస్ స్కోరు 10 ఓవర్లలోనే 80 పరుగులు దాటింది.వీరిద్దరూ క్రీజులో నిలదొక్కుకోవడంతో ఈ ఓపెనింగ్ భాగస్వామ్యాన్ని విడదీసేందుకు భారత బౌలర్లు తీవ్రంగా శ్రమించాల్సి వచ్చింది. ఆఖరికి కుల్దీప్ యాదవ్ బౌలింగ్‌లో జాన్ క్యాంప్‌బెల్ (62) అవుట్ కావడంతో 135 పరుగుల భారీ భాగస్వామ్యానికి తెరపడింది. ఈ క్రమంలో గ్రీవ్స్-క్యాంప్‌బెల్ జోడీ ఓ అరుదైన ఘనతను తమ పేరిట లిఖించుకుంది.భారత గడ్డపై వన్డేల్లో వందకు పైగా పరుగుల ఓపెనింగ్ భాగస్వామ్యాన్ని నమోదు చేసిన విండీస్ జంటగా 24 ఏళ్ల తర్వాత వీరిద్దరూ నిలిచారు. చివరిసారిగా 2002లో వడోదరా వేదికగా జరిగిన వన్డేలో క్రిస్ గేల్ - వేవ్‌ల్ హైండ్స్ జోడీ తొలి వికెట్‌కు 132 పరుగులు జోడించింది. మళ్లీ ఇన్నాళ్లకు విండీస్ ఓపెనింగ్‌ జోడీ భారత గడ్డపై ఈ ఘనత సాధించింది.అదేవిధంగా భారత్‌పై వన్డేల్లో వెస్టిండీస్ తరఫున ఇద్దరు ఓపెనర్లు ఒకే ఇన్నింగ్స్‌లో 50కి పైగా పరుగులు సాధించడం గత 17 ఏళ్లలో ఇదే తొలిసారి కావడం విశేషం. చివరిసారిగా క్రిస్ గేల్, రునాకో మార్టన్ జంట భారత్‌పై ఒకే ఇన్నింగ్స్‌లో అర్ధశతకాలు సాధించారు. మళ్లీ ఇప్పుడు ఎట్టకేలకు ఈ రికార్డును గ్రీవ్స్-క్యాంప్‌బెల్ జోడీ పునరావృతం చేసింది. కాగా, ప్రస్తుతం గ్రీవ్స్ 80 పరుగులతో సెంచరీ దిశగా దూసుకుపోతున్నాడు.చదవండి: IND vs WI: బెడిసి కొట్టిన టీమిండియా ప్ర‌యోగం.. ఉతికారేసిన విండీస్‌ బ్యాటర్‌

తిరువనంతపురం వేదికగా వెస్టిండీస్‌తో ఇవాళ జరుగుతున్న తొలి వన్డేలో టీమిండియా తరఫున కొత్త ఆటగాడు అరంగేట్రం చేశాడు. పంజాబ్‌కు చెందిన 26 ఏళ్ల విధ్వంసకర బ్యాటర్‌ నమన్‌ ధిర్‌ ఈ మ్యాచ్‌తో తన అంతర్జాతీయ కెరీర్‌ను ప్రారంభించనున్నాడు. ఈ మ్యాచ్‌లో టీమిండియా టాస్‌ గెలిచి బౌలింగ్‌ ఎంచుకోగా.. నమన్‌ ధిర్‌కు తుది జట్టులో చోటు దక్కింది. కెప్టెన్‌ శుభ్‌మన్‌ గిల్‌ చేతుల మీదుగా నమన్‌ ధిర్‌ భారత క్యాప్‌ను అందుకున్నాడు.షేర్‌-ఎ-పంజాబ్‌ లీగ్‌లో అదరగొట్టి..ఇటీవల జరిగిన షేర్‌-ఎ-పంజాబ్‌ టీ20 లీగ్‌లో నమన్‌ ధిర్‌ సంచలన ప్రదర్శనలు చేశాడు. అమృత్‌సర్‌ సూర్మాస్‌ తరఫున 10 మ్యాచ్‌ల్లో 72.78 సగటు, 217.61 స్ట్రైక్‌రేట్‌తో 655 పరుగులు చేశాడు. సెప్టెంబర్‌ 8న మొహాలీ కింగ్స్‌తో జరిగిన మ్యాచ్‌లో కేవలం 64 బంతుల్లోనే 173 పరుగులు బాదాడు. ఈ అద్భుత ప్రదర్శనతోనే అతడు వెస్టిండీస్‌ వన్డే సిరీస్‌కు ఎంపికయ్యాడు.లిస్ట్‌-ఏ రికార్డుభారత్‌ తరఫున అరంగేట్రం చేసే సమయానికి నమన్‌ 14 లిస్ట్‌-ఏ మ్యాచ్‌లు ఆడాడు. 11 ఇన్నింగ్స్‌ల్లో 351 పరుగులు చేశాడు. అతడి అత్యుత్తమ స్కోరు 97 పరుగులు. బౌలింగ్‌లోనూ ఏడు వికెట్లు పడగొట్టాడు. నమన్‌కు పంజాబ్‌, ఇండియా-ఏ, ముంబై ఇండియన్స్‌ తరఫున 20 ఫస్ట్‌క్లాస్‌, 61 టీ20 మ్యాచ్‌లు ఆడిన అనుభవం కూడా ఉంది.ఐపీఎల్‌లో నమన్‌నమన్‌ ధిర్‌ 2024 సీజన్‌ నుంచి ముంబై ఇండియన్స్‌తో కొనసాగుతున్నాడు. ఇప్పటివరకు 37 మ్యాచ్‌లు ఆడి 710 పరుగులు చేశాడు. 2026 సీజన్‌లో అతడు 14 మ్యాచ్‌ల్లో బరిలోకి దిగి 318 పరుగులు సాధించాడు.తొలి వన్డేకు తుది జట్లువెస్టిండీస్ : జాన్ కాంప్‌బెల్, జస్టిన్ గ్రీవ్స్, కీసీ కార్తీ, షాయ్ హోప్(కెప్టెన్‌), అమీర్ జాంగూ, జ్యువెల్ ఆండ్రూ, రోస్టన్ చేజ్, మాథ్యూ ఫోర్డే, గుడాకేష్ మోటీ, అల్జారీ జోసెఫ్, జేడెన్ సీల్స్భారత్: రోహిత్ శర్మ, శుభ్‌మన్ గిల్ (కెప్టెన్‌), విరాట్ కోహ్లీ, రుతురాజ్ గైక్వాడ్, కెఎల్ రాహుల్ (వికెట్ కీపర్‌), నమన్ ధిర్, రవీంద్ర జడేజా, నితీష్ కుమార్ రెడ్డి, గుర్నూర్ బ్రార్, కుల్దీప్ యాదవ్, ప్రసిద్ధ్ కృష్ణఇదీ చదవండి: IND vs WI: మ‌రి కాసేపట్లో మ్యాచ్‌.. అంత‌లోనే విండీస్‌కు భారీ షాక్‌

వెస్టిండీస్‌తో ఇవాళ జరుగబోయే తొలి వన్డేకు ముందు టీమిండియాకు గుడ్‌న్యూస్‌ అందింది. ప్రాక్టీస్‌ సమయంలో గాయపడిన కెప్టెన్‌ శుభ్‌మన్‌ గిల్‌, మ్యాచ్‌ ఆడేందుకు ఫిట్‌గా ఉన్నాడని బ్యాటింగ్‌ కోచ్‌ సితాన్షు కోటక్‌ తెలిపారు. శుక్రవారం ప్రాక్టీస్‌ సందర్భంగా మహ్మద్‌ సిరాజ్‌ వేసిన బంతి వేగంగా పైకి ఎగిసి గిల్‌ కుడి మోచేతికి బలంగా తాకింది. దీంతో అతడు తొలి వన్డే ఆడటం అనుమానంగా ఉండింది. అయితే కోటక్‌ తాజా ప్రకటనతో గిల్‌ తొలి వన్డే ఆడటం​ ఖరారైపోయింది.కాగా, తిరువనంతపురం వేదికగా భారత్‌-వెస్టిండీస్‌ మధ్య తొలి వన్డే ఇవాళ మధ్యాహ్నం 2 గంటలకు ప్రారంభం కానుంది. ఈ మ్యాచ్‌లో టీమిండియా హాట్‌ ఫేవరెట్‌గా బరిలోకి దిగుతోంది. ఈ మ్యాచ్‌లో అందరి చూపు దిగ్గజాలు రోహిత్‌ శర్మ, విరాట్‌ కోహ్లి వైపు ఉంది. అలాగే రుతురాజ్‌ గైక్వాడ్‌, శుభ్‌మన్‌ గిల్‌ ప్రదర్శనల కోసం కూడా అభిమానులు ఆసక్తిగా ఎదురుచూస్తున్నారు.తుది జట్లు (అంచనా)..భారత్‌: శుభమన్ గిల్ (సి), రోహిత్ శర్మ, విరాట్ కోహ్లీ, రుతురాజ్ గైక్వాడ్, కెఎల్ రాహుల్ (వికెట్), నితీష్ కుమార్ రెడ్డి, రవీంద్ర జడేజా, గుర్నూర్ బ్రార్, ప్రసిద్ధ్ కృష్ణ, కుల్దీప్ యాదవ్, మహ్మద్ సిరాజ్వెస్టిండీస్‌: జాన్ కాంప్‌బెల్, జస్టిన్ గ్రీవ్స్, కీసీ కార్టీ, షాయ్ హోప్ (c & wk), అమీర్ జాంగూ, షెర్ఫేన్ రూథర్‌ఫోర్డ్, రోస్టన్ చేజ్, మాథ్యూ ఫోర్డ్, గుడాకేష్ మోటీ, అల్జారీ జోసెఫ్, జేడెన్ సీల్స్ఇదీ చదవండి: ఇవాళ క్రికెట్‌ ఫ్యాన్స్‌కు పండగే.. ! గంటన్నర వ్యవధిలో 3 మ్యాచ్‌లు

క్రికెట్‌ అభిమానులకు ఇవాళ పండగ లాంటిది. గంటన్నర వ్యవధిలో మూడు అంతర్జాతీయ వన్డే మ్యాచ్‌లు జరుగనున్నాయి. అది కూడా అగ్రశ్రేణి జట్ల మధ్య. భారతకాలమానం ‍ప్రకారం మధ్యాహ్నం 1:30 గంటలకు సౌతాఫ్రికా-ఆస్ట్రేలియా మధ్య రెండో వన్డే ప్రారంభం కానుండగా.. 2 గంటలకు భారత్‌-వెస్టిండీస్‌ మధ్య తొలి వన్డే, 3 గంటలకు ఇంగ్లండ్‌-శ్రీలంక మధ్య మూడో వన్డే మొదలవనున్నాయి. 2027 వన్డే వరల్డ్‌కప్‌ సమీపిస్తున్న తరుణంలో వరుస మ్యాచ్‌లు జరగడం అభిమానులను ఉత్సాహాన్నిస్తుంది.ఆయా మ్యాచ్‌ల పూర్తి వివరాల్లోకి వెళితే.. 3 వన్డేలు, 5 టీ20ల సిరీస్‌ కోసం వెస్టిండీస్‌ జట్టు భారత్‌లో పర్యటిస్తుంది. ఈ పర్యటనలో భాగంగా జరుగుతున్న తొలి వన్డే ఇది. ఈ మ్యాచ్‌ తిరువనంతపురం వేదికగా జరుగనుంది. టీమిండియా దిగ్గజాలు రోహిత్‌ శర్మ, విరాట్‌ కోహ్లి బరిలోకి దిగనుండటం ఈ మ్యాచ్‌ ప్రాధాన్యతను పెంచింది.సౌతాఫ్రికా-ఆస్ట్రేలియా వన్డే విషయానికొస్తే.. 3 వన్డేలు, 3 టెస్ట్‌ల సిరీస్‌ల కోసం ఆస్ట్రేలియా వెస్టిండీస్‌లో పర్యటిస్తుంది. ఈ పర్యటనలో భాగంగా జరుగుతున్న రెండో వన్డే ఇది. ఈ మ్యాచ్‌ జోహనెస్‌బర్గ్‌ వేదికగా జరుగనుంది. ఈ సిరీస్‌లోని తొలి వన్డే గెలిచి ఆతిథ్య సౌతాఫ్రికా 1-0 ఆధిక్యంలో కొనసాగుతోంది.ఇంగ్లండ్‌-శ్రీలంక మ్యాచ్‌ విషయానికొస్తే.. 3 వన్డేలు, 3 మ్యాచ్‌ల టీ20 సిరీస్‌ కోసం శ్రీలంక జట్టు ఇంగ్లండ్‌లో పర్యటిస్తుంది. తొలుత జరిగిన టీ20 సిరీస్‌ను ఇంగ్లండ్‌ క్లీన్‌ స్వీప్‌ చేయగా.. తొలి రెండు వన్డేల్లో ఇంగ్లండ్‌, శ్రీలంక చెరో మ్యాచ్‌ గెలిచాయి. నేటి మ్యాచ్‌లో గెలిచిన జట్టు సిరీస్‌ను కైవసం చేసుకుంటుంది. ఈ మ్యాచ్‌ లండన్‌లోని కెన్నింగ్టన్‌ ఓవల్‌ మైదానంలో జరుగనుంది. వీటిలో పాటు ఇవాళ మరో ఆసక్తికర మ్యాచ్‌ కూడా మొదలుకానుంది. భారత్‌, ఆస్ట్రేలియా అండర్‌-19 జట్ల మధ్య రాజ్‌కోట్‌ వేదికగా తొలి అనధికారిక టెస్ట్‌ మ్యాచ్‌ ప్రారంభంకానుంది. 3 అనధికారిక వన్డేలు, 2 టెస్ట్‌ల సిరీస్‌ల కోసం ఆస్ట్రేలియా అండర్‌-19 జట్లు భారత్‌లో పర్యటిస్తుంది. ఈ పర్యటనలో భాగంగా తొలుత వన్డే సిరీస్‌ జరగ్గా, భారత్‌ 3-0తో పర్యాటక జట్టును క్లీన్‌ స్వీప్‌ చేసింది.ఇదీ చదవండి: వైభవ్‌ రూపంలో వారికి ప్రమాదం​ పొంచి ఉంది..!

వెస్టిండీస్‌తో తొలి వ‌న్డే నేప‌థ్యంలో టీమిండియా స్టార్ బ్యాట‌ర్ రోహిత్ శ‌ర్మ త‌న భవిత‌వ్యంపై మ‌రోసారి ఆస‌క్తిక‌ర వ్యాఖ్య‌లు చేశాడు. 2027 వ‌న్డే ప్ర‌పంచ‌క‌ప్ త‌న చివ‌రి టోర్నీ అని కోహ్లి సంకేతాలు ఇచ్చిన నేప‌థ్యంలో హిట్‌మ్యాన్ రిటైర్మెంట్‌పై కూడా ఊహాగానాలు వ్య‌క్త‌మ‌య్యాయి. త‌న రిటైర్మెంట్‌పై వ‌స్తున్న ఊహాగానాల‌కు చెక్ పెడుతూ త‌న‌దైన శైలిలో బ‌దులిచ్చాడు. త‌న ఆట ఇంకా పూర్తి కాలేద‌ని, ఆడుతున్నంత కాలం త‌న ముందు ఏదో ఒక ల‌క్ష్యం ఉంటుంద‌ని రోహిత్ చెప్పుకొచ్చాడు. కోహ్లిది వ్య‌క్తిగ‌త నిర్ణ‌య‌మ‌ని, అత‌డితో త‌న‌కు ప‌ని లేద‌ని రోహిత్ పేర్కొన్న‌ట్లు తెలుస్తోంది. ఇంకా రోహిత్ మాట్లాడుతూ.. "నేను చేయాల్సిన పని పూర్తి అయిందనే ఆలోచన ఎప్పుడూ నా మనసులోకి రాదు. క్రికెట్ ఆడుతున్నంత కాలం నేను సాధించేందుకు ఏదో ఒకటి ఉంటుంది. ప్రస్తుతం నేను ప్రపంచ కప్ కోసం ఎదురుచూస్తున్నా. ప్రపంచ కప్‌ అయినా.. ఏదైనా ఐసీసీ టోర్నీ అయినా దానికి ప్రత్యేకమైన సవాలు ఉంటుంది. వేర్వేరు ప్రత్యర్థులతో, వివిధ మైదానాల్లో ఆడాల్సి ఉంటుంది. అందుకు తగ్గట్టుగా మనం సిద్ధం కావాలి. భిన్నంగా ఆలోచించాలి. అదే ఈ టోర్నీల్లోని అసలైన సవాలు" అని రోహిత్‌ వివరించాడు.2027 వ‌న్డే ప్ర‌పంచ‌క‌ప్‌ను భార‌త్‌కు అందించ‌డ‌మే ల‌క్ష్యంగా రోహిత్ కొన‌సాగుతున్నాడు. అందుకే టెస్టులు, టీ20ల‌కు వీడ్కోలు ప‌లికిన రోహిత్ అప్ప‌టినుంచి వ‌న్డే ఫార్మాట్‌లోనే కొన‌సాగుతూ వ‌స్తున్నాడు. 2023 వ‌న్డే ప్ర‌పంచ‌క‌ప్‌లో త‌న కెప్టెన్సీలో సొంత‌గ‌డ్డ‌పై టీమిండియాను ఫైన‌ల్ చేర్చిన‌ప్పటికీ, తుదిమెట్టుపై బోల్తా కొట్టాడు. అయితే రెండు టీ20 ప్ర‌పంచ‌క‌ప్‌లు (2007, 2024) గెలిచిన టీమిండియా జ‌ట్టులో స‌భ్యుడైన రోహిత్‌.. వ‌న్డే ప్ర‌పంచ‌క‌ప్ గెల‌వాల‌న్న త‌న చిర‌కాల క‌ల‌ను నెర‌వేర్చుకునే పనిలో ఉన్నాడు. త‌న ఫామ్‌పై సందేహాలు వ‌చ్చిన ప్ర‌తీసారి రోహిత్ బ్యాట్‌తోనే స‌మాధానం చెప్పాడు. ఆఖ‌రిసారి ఇంగ్లండ్‌తో వ‌న్డే సిరీస్‌లో ఆడిన రోహిత్ శ‌ర్మ మూడో వ‌న్డేలో శ‌త‌కంతో మెరిశాడు. తాజాగా వెస్టిండీస్‌తో వ‌న్డే సిరీస్‌లో ఆ జ‌ట్టు బౌలర్ల భ‌ర‌తం ప‌ట్టేందుకు సిద్ధ‌మ‌వుతున్నాడు.ఇదీ చదవండి: గ‌మ్మత్తుగా ఒమ‌న్ క్రికెట్ టీం.. తొమ్మిది మందికి ఒకే ఇంటిపేరు

భారత వన్డే జట్టు స్వదేశంలో వెస్టిండీస్‌తో సిరీస్‌కు సిద్ధమైంది. ఇరుజట్ల మధ్య ఆదివారం (సెప్టెంబరు 27) నుంచి మూడు మ్యాచ్‌ల సిరీస్‌ ఆరంభం కానుంది. ఈ క్రమంలో తొలి వన్డే కోసం ఇప్పటికే టీమిండియా తిరువనంతపురం చేరుకుని ప్రాక్టీస్‌ కూడా చేసింది.ఈ నేపథ్యంలో విండీస్‌తో మొదటి వన్డేకు భారత తుదిజట్టు ఎలా ఉండబోతున్న అంశంపై టీమిండియా మాజీ బ్యాటర్‌ మహ్మద్‌ కైఫ్‌ తన అభిప్రాయాలు పంచుకున్నాడు. టెస్టుల్లో ఓపెనర్‌గా పాతుకుపోయిన యశస్వి జైస్వాల్‌ను నాలుగో స్థానంలో బరిలోకి దించాలని యాజమాన్యానికి సూచించాడు.టాపార్డర్‌లో వీరేఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘రోహిత్‌ శర్మ- శుబ్‌మన్‌ గిల్‌ ఓపెనింగ్‌ జోడీగా కొనసాగడం ఖాయం. విరాట్‌ కోహ్లి యథావిధిగా మూడో స్థానంలోనే వస్తాడు. అయితే, ఈ సిరీస్‌లో యశస్వి జైస్వాల్‌ను మిడిలార్డర్‌లో కీలకమైన నాలుగో స్థానంలో ఆడించాలి.శ్రేయస్‌ లేడు కాబట్టిఎలాగో శ్రేయస్‌ అయ్యర్‌ జట్టుతో లేడు కాబట్టి ఇది సరైన నిర్ణయమే అవుతుంది. రుతురాజ్‌ గైక్వాడ్‌ ఐదో స్థానంలో బ్యాటింగ్‌ చేయగలడు. ఇక కేఎల్‌ రాహుల్‌ ఆరు, రవీంద్ర జడేజా ఏడో స్థానంలో రాగా.. నితీశ్‌ కుమార్‌ రెడ్డి, కుల్దీప్‌ యాదవ్‌ మిగిలిన స్థానాల్లో బ్యాటింగ్‌ చేస్తారు.ఇద్దరినీ ఆడించవచ్చుఈ సిరీస్‌లో జైస్వాల్‌, గైక్వాడ్‌.. ఇద్దరినీ ఆడించే ఆస్కారం ఉంది. పరిమిత ఓవర్ల క్రికెట్లో ఇలాంటి సర్దుబాట్లు చేసుకోవచ్చు. జైస్వాల్‌ నాలుగో స్థానంలోనూ బ్యాటింగ్‌ చేయగలడు’’ అని కైఫ్‌ అభిప్రాయపడ్డాడు. ఫాస్ట్‌ బౌలర్ల కోటాలో ప్రసిద్‌ కృష్ణ, గుర్నూర్‌ బ్రార్‌ ఆడతారని అంచనా వేశాడు.కాగా భారత టీ20 జట్టు కెప్టెన్‌ శ్రేయస్‌ అయ్యర్‌ ప్రస్తుతం జపాన్‌లో ఆసియా క్రీడలు-2026 టోర్నీతో బిజీగా ఉన్న సంగతి తెలిసిందే. ఈ నేపథ్యంలో జైస్వాల్‌ను నాలుగో స్థానంలో బ్యాటింగ్‌ పంపి ప్రయోగం చేయవచ్చని కైఫ్‌ చెప్పుకొచ్చాడు. కాగా యశస్వి జైస్వాల్‌ ఇప్పటి వరకు ఆరు వన్డేలు ఆడి 285 పరుగులు చేశాడు. చివరగా స్వదేశంలో అఫ్గానిస్తాన్‌తో జూన్‌లో మ్యాచ్‌ ఆడి అజేయ సెంచరీ (110) చేశాడు. మరోవైపు.. రుతురాజ్‌ గైక్వాడ్‌ ఇప్పటికి తొమ్మిది వన్డేల్లో 228 పరుగులు చేశాడు. చివరగా గతేడాది డిసెంబరులో సౌతాఫ్రికాతో వన్డే ఆడాడు.వెస్టిండీస్‌తో వన్డే కోసం కైఫ్‌ ఎంచుకున్న భారత తుదిజట్టురోహిత్‌ శర్మ, శుబ్‌మన్‌ గిల్‌ (కెప్టెన్‌), విరాట్‌ కోహ్లి, యశస్వి జైస్వాల్‌, రుతురాజ్‌ గైక్వాడ్‌, కేఎల్‌ రాహుల్‌, రవీంద్ర జడేజా, నితీశ్‌ కుమార్‌ రెడ్డి, కుల్దీప్‌ యాదవ్‌, ప్రసిద్‌ కృష్ణ, గుర్నూర్‌ బ్రార్‌.చదవండి: సచిన్‌తో అర్జున్‌కు పోలికేంటి?: సెహ్వాగ్‌

వెస్టిండీస్‌తో మూడు వన్డేల సిరీస్‌ ప్రారంభానికి ముందు టీమిండియాకు భారీ ఎదురుదెబ్బ తగిలే పరిస్థితి ఏర్పడింది. కెప్టెన్‌ శుభ్‌మన్‌ గిల్‌ నెట్స్‌లో గాయపడ్డాడు. తిరువనంతపురంలోని గ్రీన్‌ఫీల్డ్‌ ఇంటర్నేషనల్‌ స్టేడియంలో శుక్రవారం (సెప్టెంబర్‌ 25) ప్రాక్టీస్‌ చేస్తుండగా మహ్మద్‌ సిరాజ్‌ వేసిన బంతి గిల్‌ కుడి మోచేతికి బలంగా తగిలింది.దీంతో గిల్‌ నెట్స్‌ నుంచి మధ్యలోనే బయటకు వచ్చాడు. 30 నిమిషాలకు పైగా మైదానం వెలుపలే ఉన్న అతడు తిరిగి ప్రాక్టీస్‌లో పాల్గొనలేదు. అతడి కుడి మోచేతికి బ్యాండేజ్‌ కూడా కట్టినట్లు సమాచారం. గాయం తీవ్రతపై అధికారిక సమాచారం రావాల్సి ఉంది.కాగా, వెస్టిండీస్‌తో తొలి వన్డే తిరువనంతపురం వేదికగా సెప్టెంబర్‌ 27న జరుగనుంది. ఈ మ్యాచ్‌కు గిల్‌ అందుబాటులో ఉండకపోతే, అది టీమిండియాకు మైనస్‌ అవుతుంది. నాయకత్వంతో పాటు గిల్‌ టాపార్డర్‌లో చాలా కీలకం. మ్యాచ్‌కు ఇంకా సమయం ఉన్నందుకు గిల్‌ కోలుకునే అవకాశాలు కూడా లేకపోలేదు. ఈ మ్యాచ్‌ రేపు మధ్యాహ్నం 2 గంటలకు ప్రారంభమవుతుంది. ఇదీ చదవండి: బ్యాటర్ల విధ్వంసం.. భారత్‌ సంచలన విజయం; సిరీస్‌ కైవసం

వెస్టిండీస్‌తో వన్డే సిరీస్ కోసం ఎంపిక చేసిన భారత జట్టులో జమ్మూ కాశ్మీర్ స్పీడ్‌స్టార్ ఆకిబ్ నబీకి చోటు దక్కిన సంగతి తెలిసిందే. అర్ష్‌దీప్ సింగ్, జస్ప్రీత్ బుమ్రా వంటి ఫ్రంట్ లైన్ పేసర్లు ఆసియా క్రీడల కోసం జపాన్ వెళ్లనుండటంతో నబీకి తొలిసారి భారత వన్డే జట్టులో అవకాశం లభించింది.29 ఏళ్ల నబీ.. స్టార్ పేసర్లు మహమ్మద్ సిరాజ్, ప్రసిద్ధ్ కృష్ణలతో కలిసి బౌలింగ్ పంచుకోనున్నాడు. ఈ నేపథ్యంలో భారత మాజీ ఓపెనర్ వసీం జాఫర్ కీలక వ్యాఖ్యలు చేశాడు. వన్డే జట్టులో నబీ పేరు చూసి తాను ఒకింత ఆశ్చర్యపోయానని జాఫర్ చెప్పుకొచ్చాడు."వైట్‌బాల్ క్రికెట్‌లో నబీకి అంతగా మంచి రికార్డు లేకపోయినా, విండీస్‌తో జరిగే వన్డేలకు అతడిని ఎంపిక చేయడం నన్ను ఆశ్చర్యపరిచింది. ఏ ఫార్మాట్‌లోనైనా జాతీయ జట్టుకు ప్రాతినిధ్యం వహించడం ఒక ఆటగాడికి దక్కే గొప్ప గౌరవం. నబీ తనకు లభించిన ఈ అవకాశాన్ని ఉపయోగించుకుంటాడని ఆశిస్తున్నాను. కానీ ఈ వన్డే జట్టులో చోటు దక్కిందనే కారణంతో అతడు న్యూజిలాండ్ టెస్టు సిరీస్‌కు పక్కన పెట్టకూడదు. ఈ సిరీస్‌లో అతడు విఫలమైనా కివీస్ టూర్‌కు అతడిని కచ్చితంగా ఎంపిక చేయాలి. అతడు రెడ్‌బాల్‌తో అద్భుతాలు చేయగలడు.అయితే ప్రస్తుతానికి వన్డే ప్రపంచకప్ ప్రణాళికల్లో నబీ ఉన్నాడని నేను అనుకోవడం లేదు. కానీ విండీస్ సిరీస్‌లో గనుక అతడు అద్భుతంగా రాణిస్తే, ప్రపంచకప్ జట్టు రేసులోకి వచ్చే అవకాశం ఉంటుంది" అని జాఫర్ ఓ ఇంటర్వ్యూలో పేర్కొన్నాడు. కాగా నబీ ఇప్పటివరకు 36 లిస్ట్‌-ఎ మ్యాచ్‌లు ఆడి 56 వికెట్లు పడగొట్టాడు.చదవండి: అతడి కోసం వీవీఎస్‌ లక్ష్మణ్‌, గంభీర్‌-గిల్‌ పట్టు.. ఎవరి మాట నెగ్గిందంటే?

అఫ్గానిస్తాన్‌తో టీ20 సిరీస్‌ను 3-0తో క్లీన్‌స్వీప్‌ చేసి జోరు మీదున్న టీమిండియా.. తదుపరి వెస్టిండీస్‌తో తలపడేందుకు సిద్ధమైంది. సొంతగడ్డపై విండీస్‌ జట్టుతో సెప్టెంబరు 27- అక్టోబరు 17 మధ్య మూడు వన్డేలు, ఐదు టీ20 మ్యాచ్‌ల సిరీస్‌లు ఆడనుంది.ఇందుకు సంబంధించి భారత క్రికెట్‌ నియంత్రణ మండలి (BCCI) ఇప్పటికే జట్లను ప్రకటించింది. అయితే, శుబ్‌మన్‌ గిల్‌ సారథ్యంలో వన్డే జట్టు స్వదేశంలో విండీస్‌తో తలపడనుండగా.. అదే సమయంలో శ్రేయస్‌ అయ్యర్‌ కెప్టెన్సీలోని టీ20 జట్టు జపాన్‌ వేదికగా ఆసియా క్రీడలు ఆడేలా షెడ్యూల్‌ ఖరారైంది.ఇక్కడ గంభీర్‌.. అక్కడ లక్ష్మణ్‌ఈ నేపథ్యంలో విండీస్‌తో సిరీస్‌కు హెడ్‌కోచ్‌ గౌతం గంభీర్‌ మార్గదర్శనం చేయనుండగా.. ఆసియా క్రీడల్లో వీవీఎస్‌ లక్ష్మణ్‌ భారత టీ20 జట్టుకు తాత్కాలిక హెడ్‌కోచ్‌గా వ్యవహరించనున్నాడు. ఈ క్రమంలో టీమిండియా యువ ఆల్‌రౌండర్‌కు సంబంధించి గంభీర్‌- గిల్‌... వీవీఎస్‌ లక్ష్మణ్‌ మధ్య గట్టి వాదనలు జరిగినట్లు సమాచారం.అందుకే ఇద్దరూ అతడినే కోరుకున్నారుదైనిక్‌ జాగరణ్‌ కథనం ప్రకారం.. ఆఫ్‌ స్పిన్‌ బౌలింగ్‌ ఆల్‌రౌండర్‌ వాషింగ్టన్‌ సుందర్‌ను విండీస్‌తో వన్డేల్లో ఆడించాలని గంభీర్‌- గిల్‌ భావించినట్లు సమాచారం. కరేబియన్‌ జట్టులో ఐదుగురు ఎడమచేతి వాటం బ్యాటర్లు ఉన్నందున వాషీ సేవలు కోరుకున్నట్లు తెలుస్తోంది.PC: BCCIఅయితే, ఇప్పటికే వాషీ ఆసియా క్రీడల జట్టులో ఉన్నాడు. ప్రతిష్టాత్మక టోర్నీలో నేరుగా క్వార్టర్‌ ఫైనల్‌కు చేరిన టీమిండియా.. నేపాల్‌తో తలపడటం దాదాపుగా ఖాయమే. ఆ జట్టులోనూ ఐదుగురు లెఫ్టాండర్‌ బ్యాటర్లు ఉన్నారు. కాబట్టి వాషీ తమతో పాటే జపాన్‌కు రావాలని వీవీఎస్‌ లక్ష్మణ్‌ బోర్డు వద్ద తన వాదన వినిపించినట్లు తెలుస్తోంది.ఎవరి మాట నెగ్గిందంటేఈ నేపథ్యంలో గంభీర్‌- గిల్‌తో జరిగిన వాదనలో లక్ష్మణ్‌ నెగ్గినట్లు తెలుస్తోంది. విండీస్‌తో వన్డేలకు ఎంపిక చేయకుండా.. ఆసియా క్రీడల జట్టుతోనే వాషింగ్టన్‌ సుందర్‌ను కొనసాగించడం ఇందుకు నిదర్శనం. అయితే, ఆసియా క్రీడలు ముగించుకున్న తర్వాత శ్రేయస్‌ సేన స్వదేశంలో విండీస్‌తో టీ20 సిరీస్‌లో తలపడనుండగా.. ఈ జట్టులో మాత్రం వాషీకి చోటు దక్కింది. కాగా ఎడమచేతి వాటం బ్యాటర్లను తిప్పలు పెట్టడంలో వాషీకి మంచి రికార్డే ఉంది. ఇప్పటి వరకు వన్డే, టీ20లలో కలిపి 5.67 ఎకానమీ రేటుతో అతడు 37సార్లు లెఫ్టాండర్లను అవుట్‌ చేశాడు. చదవండి: నేను ఎదుర్కొన్న అత్యంత కఠినమైన భారత బ్యాటర్‌ అతడే: కమిన్స్‌

ఆంధ్ర పేస్‌ ఆల్‌రౌండర్‌ నితీశ్‌ కుమార్‌ రెడ్డిపై టీమిండియా హెడ్‌కోచ్‌ గౌతం గంభీర్‌ ప్రశంసలు కురిపించాడు. ‘పరిమిత ఓవర్ల క్రికెట్‌లో పేస్‌ ఆల్‌రౌండర్ల ప్రాధాన్యం చాలా ఎక్కువ. వచ్చే ఏడాది దక్షిణాఫ్రికా వేదికగా ప్రతిష్టాత్మక వన్డే వరల్డ్‌ కప్‌ జరగనున్న నేపథ్యంలో అది మరింత అధికం. ఇలాంటి పరిస్థితుల్లో నితీశ్‌ కుమార్‌ రెడ్డి మెరుగైన ప్రదర్శన కనబరుస్తుండటం శుభ పరిణామం’ అని పేర్కొన్నాడు.అదే విధంగా.. గాయం నుంచి పూర్తి స్థాయిలో కోలుకున్న తర్వాతే సీనియర్‌ పేస్‌ ఆల్‌రౌండర్‌ హార్దిక్‌ పాండ్యాను అంతర్జాతీయ మ్యాచ్‌లకు పరిశీలిస్తామని గంభీర్‌ అన్నాడు. హార్దిక్, నితీశ్‌లను ఒకే మ్యాచ్‌లో ఆడించే ఆలోచన కూడా ఉందని ఈ సందర్భంగా తెలిపాడు. వన్డే వరల్డ్‌కప్‌నకు ముందు తగినన్ని అవకాశాలు‘గాయం కారణంగా చాన్నాళ్లుగా ఆటకు దూరమైన హార్దిక్‌ పాండ్యా ఇంకా పూర్తి స్థాయిలో కోలుకోలేదు. పది ఓవర్లు బౌలింగ్‌ చేయగల ఫిట్‌నెస్‌ సాధించిన అనంతరమే అతడి ఎంపికను పరిశీలిస్తాం.కోలుకోకముందే అతడిని అంతర్జాతీయ క్రికెట్‌ ఒత్తిడిలో పడేయాలనుకోవడం లేదు. ప్రస్తుతం భారత ‘ఎ’జట్టు తరఫున అతడికి మంచి ప్రాక్టీస్‌ దక్కనుంది. పాండ్యా జట్టులోకి వచ్చిన తర్వాత అతడిని, నితీశ్‌ను కలిపి ఒకే జట్టులో ఆడించాలనుకుంటున్నాం.నితీశ్‌ రెడ్డిని ఆసియా క్రీడల జట్టు నుంచి తీసి... వెస్టిండీస్‌తో వన్డే సిరీస్‌ కోసం కేటాయించాం. వరల్డ్‌కప్‌ వంటి పెద్ద టోర్నీలకు ముందు అతడికి తగినన్ని అవకాశాలివ్వాలని అనుకుంటున్నాం. అతడి బౌలింగ్‌ పదునెక్కిందిఇటీవలి కాలంలో అతడి బౌలింగ్‌ పదునెక్కింది. అఫ్గానిస్తాన్‌తో మూడో టీ20లో అదే కనిపించింది. తొలి ఓవర్‌లో 15 పరుగులు ఇచ్చిన తర్వాత తిరిగి పుంజుకుని మూడు వికెట్లతో సత్తాచాటాడు. వన్డే, టీ20 ఫార్మాట్‌లలో అటు బౌలింగ్‌ చేయడంతో పాటు మిడిలార్డర్‌లో బ్యాటింగ్‌ చేయగల ప్లేయర్లకు ప్రాధాన్యత ఇస్తున్నాం. అందుకే నితీశ్‌కు వీలైనన్ని ఎక్కువ మ్యాచ్‌లు ఆడే అవకాశం కల్పిస్తాము. ప్రపంచకప్‌ జట్టులో చోటు ఖాయమే!అఫ్గాన్‌తో తొలి మ్యాచ్‌లో పెద్దగా ఆకట్టుకోలేకపోయినా... ఆ తర్వాత రెండు మ్యాచ్‌ల్లో అతడి బౌలింగ్‌ ప్రతిభ బయటపడింది’’ అని గంభీర్‌ నితీశ్‌ రెడ్డిని ప్రశంసించాడు. వన్డే వరల్డ్‌కప్‌-2027 జట్టులో ఈ ఆంధ్ర కుర్రాడికి చోటు ఖాయమైపోయిందనే సంకేతాలు ఇచ్చాడు. టీమిండియా అఫ్గానిస్తాన్‌తో మూడో టీ20లో గెలిచి.. సిరీస్‌ను 3-0తో క్లీన్‌స్వీప్‌ చేసిన తర్వాత మీడియాతో మాట్లాడుతూ గంభీర్‌ ఈ మేరకు వ్యాఖ్యలు చేశాడు. చదవండి: నేను ఎదుర్కొన్న టఫెస్ట్‌ బ్యాటర్‌ అతడే: కమిన్స్‌

వెస్టిండీస్‌తో వన్డే సిరీస్‌కు భారత క్రికెట్‌ నియంత్రణ మండలి (బీసీసీఐ) బుధవారం జట్టును ప్రకటించింది. శుబ్‌మన్‌ గిల్‌ సారథ్యంలోని ఈ జట్టులో పదిహేను మంది సభ్యులకు చోటిచ్చింది.ఇద్దరికీ మొండిచేయిఅయితే, గాయం నుంచి కోలుకున్న స్టార్‌ ఆల్‌రౌండర్‌ హార్దిక్‌ పాండ్యా, వికెట్‌ కీపర్‌ బ్యాటర్‌ రిషభ్‌ పంత్‌ ఈ సిరీస్‌తో వన్డే జట్టులోకి పునరాగమనం చేస్తారని విశ్లేషకులు భావించారు. కానీ సెలక్టర్లు మాత్రం వీరిద్దరికి మొండిచేయి చూపారు. హార్దిక్‌ భారత్‌-‘ఎ’ జట్టు తరఫున ఆడేందుకు సిద్ధమైనప్పటికీ.. అతడి స్థానంలో నితీశ్‌ కుమార్‌ రెడ్డిని విండీస్‌తో వన్డే జట్టుకు ఎంపిక చేశారు.ఊహించని రీతిలోఅదే విధంగా.. పంత్‌ను కాదని యువ వికెట్‌ కీపర్‌ బ్యాటర్‌ ధ్రువ్‌ జురెల్‌కు సెలక్టర్లు అవకాశం ఇచ్చారు. నిజానికి రెగ్యులర్‌ వికెట్‌ కీపర్‌ బ్యాటర్‌ కేఎల్‌ రాహుల్‌కు బ్యాకప్‌గా ఇషాన్‌ కిషన్‌ లేదంటే పంత్‌నే ఎంపిక చేస్తారనే అభిప్రాయాలు వ్యక్తమయ్యాయి. ఇషాన్‌ టీ20 జట్టుతో బిజీగా ఉన్నందున పంత్‌ రాక ఖాయమని అభిమానులు సైతం భావించారు.కానీ సెలక్టర్లు ఊహించని రీతిలో వన్డేల్లో ఇంకా అరంగేట్రం చేయని ధ్రువ్‌ జురెల్‌కు యాజమాన్యం అవకాశం ఇచ్చింది. ఈ నేపథ్యంలో భారత మాజీ ఓపెనర్‌, కామెంటేటర్‌ ఆకాశ్‌ చోప్రా కీలక వ్యాఖ్యలు చేశాడు. పంత్‌ను ఇక పట్టించుకునే ప్రసక్తే లేదని సెలక్టర్లు చెప్పకనే చెప్పారని పేర్కొన్నాడు.నిన్ను మేము పట్టించుకోవడం లేదుఈ మేరకు.. ‘‘బ్యాకప్‌ వికెట్‌ కీపర్ల కోటాలో సంజూ శాంసన్‌, ఇషాన్‌ కిషన్‌ లేరు కాబట్టి వన్డే జట్టులో రిషభ్‌ పంత్‌కు చోటు దక్కాల్సింది. కానీ సెలక్టర్లు ధ్రువ్‌ జురెల్‌కు ప్రాధాన్యం ఇచ్చారు. పంత్‌ను వెనక్కి నెట్టి జురెల్‌ ముందుకు వచ్చేశాడు.తద్వారా.. ‘నిన్ను మేము పట్టించుకోవడం లేదు’ అని సెలక్టర్లు పంత్‌కు నేరుగానే చెప్పినట్లు అనిపించింది. గత రెండు సిరీస్‌లలో కూడా అతడికి అవకాశం ఇవ్వలేదు. దీనిని బట్టి సెలక్టర్ల మనసులో ఏముందో అర్థం చేసుకోవచ్చు. ఫామ్‌ గురించే సమస్య అనుకోవడానికి వీలులేదు.పంత్‌ స్థానం గల్లంతే!ఎందుకంటే పంత్‌ ఇటీవల శ్రీలంక పర్యటనలో మంచి స్కోర్లే సాధించాడు. ధ్రువ్‌ జురెల్‌ అంతర్జాతీయ టీ20లలో అరంగేట్రం చేశాడు. అయితే, చాన్నాళ్లుగా టెస్టు జట్టులో మాత్రమే ఉన్నాడు. ఇప్పుడు వన్డే జట్టులోకి కూడా వచ్ఛేశాడు’’ అని ఆకాశ్‌ చోప్రా పేర్కొన్నాడు. పంత్‌ స్థానాన్ని జురెల్‌ మెల్లగా పూర్తిస్తాయిలో లాగేసుకోవడానికి ఎక్కువ కాలం పట్టదని అభిప్రాయపడ్డాడు.ఆ జట్టు కెప్టెన్‌గాకాగా వెస్టిండీస్‌తో వన్డేల నుంచి పంత్‌ను పక్కనపెట్టిన యాజమాన్యం.. రెడ్‌బాల్‌ టోర్నీ ఇరానీ కప్‌-2026లో భాగంగా రెస్టాఫ్‌ ఇండియా జట్టుకు అతడిని కెప్టెన్‌గా నియమించింది. ఇదిలా ఉంటే.. పంత్‌ చివరగా 2024లో శ్రీలంక పర్యటన సందర్భంగా టీమిండియా తరఫున వన్డే ఆడాడు. నాటి మ్యాచ్‌లో నాలుగో స్థానంలో వచ్చి కేవలం ఆరు పరుగులు చేసి అవుటయ్యాడు.చదవండి: విండీస్‌తో సిరీస్‌.. భారత జట్లు, షెడ్యూల్‌.. పూర్తి వివరాలు

అఫ్గానిస్తాన్‌తో టీ20 సిరీస్‌ తర్వాత టీమిండియా స్వదేశంలో వెస్టిండీస్‌తో పరిమిత ఓవర్ల సిరీస్‌లలో తలపడనుంది. ఇరుజట్ల మధ్య సెప్టెంబరు 27 నుంచి అక్టోబరు 17 మధ్య మూడు వన్డేలు, ఐదు టీ20 మ్యాచ్‌లు ఆడనుంది. ఈ నేపథ్యంలో భారత క్రికెట్‌ నియంత్రణ మండలి (బీసీసీఐ) ఇందుకు సంబంధించి తమ వన్డే, టీ20 జట్లను బుధవారం ప్రకటించింది.హార్దిక్‌, పంత్‌లకు దక్కని చోటువెస్టిండీస్‌తో జరగనున్న మూడు మ్యాచ్‌ల వన్డే సిరీస్‌ కోసం శుబ్‌మన్‌ గిల్‌ సారథ్యంలో 15 మందితో కూడిన జట్టును ఎంపిక చేసింది. గాయం నుంచి కోలుకుంటున్న పేస్‌ ఆల్‌రౌండర్‌ హార్దిక్‌ పాండ్యాతో పాటు వికెట్‌ కీపర్‌ రిషబ్‌ పంత్‌లకు ఈ జట్టులో చోటు దక్కలేదు. వారికి తొలి పిలుపుఅయితే, పంజాబ్‌ ఆల్‌రౌండర్‌ నమన్‌ ధీర్, జమ్మూ కశ్మీర్‌ పేసర్‌ ఆకిబ్‌ నబీ తొలిసారి భారత వన్డే జట్టులో చోటు దక్కించుకున్నారు. దేశవాళీల్లో పంజాబ్‌ తరఫున నిలకడగా రాణిస్తున్న నమన్‌ ధీర్‌... ఐపీఎల్‌లో ముంబై ఇండియన్స్‌ తరఫున మెరుపులు మెరిపించాడు. ఇక కౌంటీ క్రికెట్‌లో మెరుగైన ప్రదర్శన కనబర్చిన ఆఖిబ్‌ నబీకి వన్డే జట్టు నుంచి పిలుపు వచ్చింది.దిగ్గజాలతో పాటు జడ్డూ కూడాఇక టెస్టు, టీ20 ఫార్మాట్‌లకు వీడ్కోలు పలికి కేవలం వన్డేల్లో మాత్రమే కొనసాగుతున్న స్టార్‌ ప్లేయర్లు రోహిత్‌ శర్మ, విరాట్‌ కోహ్లి వన్డే జట్టులో చోటు నిలబెట్టుకోగా... స్పిన్‌ ఆల్‌రౌండర్‌ రవీంద్ర జడేజా తిరిగి జట్టులోకి వచ్చాడు. వచ్చే ఏడాది వన్డే ప్రపంచకప్‌ జరగనున్న నేపథ్యంలో సెలక్టర్లు సీనియర్‌ ప్లేయర్లపై విశ్వాసం ఉంచినట్లు కనిపిస్తోంది.ఇదిలా ఉంటే.. ఈ నెల 20 వరకు పాండ్యా పూర్తి ఫిట్‌నెస్‌ సాధించనుండగా... భారత్‌ ‘ఎ’ తరఫున ఆడిన తర్వాతే అతడిని జాతీయ జట్టుకు ఎంపిక చేసే అంశాన్ని పరిశీలించే అవకాశాలున్నాయి. నితీశ్‌ రెడ్డి రాకఇక పాండ్యా అందుబాటులో లేకపోవడంతో ఆసియా క్రీడలకు ఎంపికైన జట్టులో ఉన్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డిని వెస్టిండీస్‌తో వన్డే జట్టులో చేర్చారు. హైదరాబాదీ మొహమ్మద్‌ సిరాజ్, ప్రసిధ్‌ కృష్ణ, గుర్‌నూర్‌ బ్రార్‌ రూపంలో ముగ్గురు పేసర్లు ఉండగా... అదనంగా నబీని ఎంపిక చేశారు.గతంలోనే నబీ శ్రీలంకతో సిరీస్‌కు భారత టెస్టు జట్టులోకి ఎంపికైనా... ఇప్పటి వరకు అంతర్జాతీయ అరంగేట్రం చేసే అవకాశం దక్కలేదు. బుమ్రా లేడుఇక వెస్టిండీస్‌తో తలపడే టీ20 జట్టు విషయానికి వస్తే ఆసియా క్రీడల్లో పాల్గొనే జట్టులో స్వల్ప మార్పులతో విండీస్‌తో సిరీస్‌కు జట్టును ఎంపిక చేశారు. ఆసియా క్రీడల్లో ఆడనున్న జట్టులోని యశ్‌ ఠాకూర్, విప్రాజ్‌ నిగమ్‌ల స్థానాల్లో ప్రిన్స్‌ యాదవ్, మయాంక్‌ యాదవ్‌ను ఎంపిక చేశారు.అయితే ప్రస్తుతం అఫ్గానిస్తాన్‌తో టీ20 సిరీస్‌ ఆడుతున్న స్టార్‌ పేసర్‌ జస్‌ప్రీత్‌ బుమ్రా ఆ తర్వాత ఆసియా క్రీడల్లో పాల్గొననున్నాడు. విండీస్‌తో వన్డే, టి20 సిరీస్‌ల కోసం ప్రకటించిన జట్లలో మాత్రం అతడి పేరు లేదు. దీనిపై సెలెక్టర్లు కూడా ఎలాంటి స్పష్టతనివ్వలేదు.విండీస్‌తో సిరీస్‌కు భారత వన్డే జట్టు: శుబ్‌మన్‌ గిల్‌ (కెప్టెన్‌), కేఎల్‌ రాహుల్‌ (వైస్‌ కెప్టెన్‌), రోహిత్‌ శర్మ, విరాట్‌ కోహ్లి, రుతురాజ్‌ గైక్వాడ్, ధ్రువ్‌ జురేల్, నితీశ్‌ కుమార్‌ రెడ్డి, రవీంద్ర జడేజా, కుల్దీప్‌ యాదవ్, ప్రసిధ్‌ కృష్ణ, గుర్‌నూర్‌ బ్రార్, మెహమ్మద్‌ సిరాజ్, ఆఖిబ్‌ నబీ, యశస్వి జైస్వాల్, నమన్‌ ధీర్‌.విండీస్‌తో సిరీస్‌కు భారత టీ20 జట్టు: శ్రేయస్‌ అయ్యర్‌ (కెప్టెన్‌), తిలక్‌ వర్మ (వైస్‌ కెప్టెన్‌), అభిషేక్‌ శర్మ, వైభవ్‌ సూర్యవంశీ, ఇషాన్‌ కిషన్, సంజూ సామ్సన్, శివమ్‌ దూబే, కుల్దీప్‌ యాదవ్, అక్షర్‌ పటేల్, వాషింగ్టన్‌ సుందర్, రవి బిష్ణోయ్, నితీశ్‌ కుమార్‌ రెడ్డి, అర్‌‡్షదీప్‌ సింగ్, ప్రిన్స్‌ యాదవ్, మయాంక్‌ యాదవ్‌. భారత్‌ వర్సెస్‌ వెస్టిండీస్‌ షెడ్యూల్‌, మ్యాచ్‌ ఆరంభ సమయాలు వన్డే సిరీస్‌👉సెప్టెంబరు 27- తొలి వన్డే- త్రివేండ్రం- మధ్యాహ్నం రెండు గంటల నుంచి 👉సెప్టెంబరు 30- రెండో వన్డే- గువాహటి- మధ్యాహ్నం రెండు గంటల నుంచి 👉అక్టోబర్‌ 3- మూడో వన్డే- న్యూచండీగఢ్‌- మధ్యాహ్నం రెండు గంటల నుంచిటీ20 సిరీస్‌👉అక్టోబర్‌ 6- తొలి టీ20- లక్నో- రాత్రి ఏడు గంటల నుంచి 👉అక్టోబర్‌ 9- రెండో టీ20- రాంచీ- రాత్రి ఏడు గంటల నుంచి👉అక్టోబర్‌ 11- మూడో టీ20- ఇండోర్‌- రాత్రి ఏడు గంటల నుంచి👉అక్టోబర్‌ 14- నాలుగో టీ20- హైదరాబాద్‌- రాత్రి ఏడు గంటల నుంచి👉అక్టోబర్‌ 17- ఐదో టీ20- బెంగళూరు- రాత్రి ఏడు గంటల నుంచిప్రత్యక్ష ప్రసారం ఎక్కడంటే..స్టార్‌ స్పోర్ట్స్‌ నెట్‌వర్క్‌ (టీవీ), జియో హాట్‌స్టార్‌ (డిజిటల్‌).

టీమిండియా చీఫ్‌ సెలక్టర్‌ అజిత్‌ అగార్కర్‌ పదవీకాలం ఈ నెల (సెప్టెంబరు)తో ముగియనుంది. ఈ నేపథ్యంలో భారత క్రికెట్‌ నియంత్రణ మండలి (BCCI) అతడి కాంట్రాక్టును పొడిగించేందుకు సుముఖంగానే ఉన్నట్లు వార్తలు వచ్చాయి. వన్డే ప్రపంచకప్‌-2027 వరకు అగార్కర్‌నే సెలక్షన్‌ కమిటీ చైర్మన్‌గా కొనసాగించాలని బోర్డు భావించినట్లు తెలిసింది.అయితే, అగార్కర్‌ మాత్రం చీఫ్‌ సెలక్టర్‌గా కొనసాగేందుకు విముఖత వ్యక్తం చేసినట్లు తాజా సమాచారం. ఇదిలా ఉంటే.. వెస్టిండీస్‌తో పరిమిత ఓవర్ల సిరీస్‌లకు బుధవారం భారత వన్డే, టీ20 జట్లను బీసీసీఐ ప్రకటించిన సంగతి తెలిసిందే. సెలక్షన్‌ కమిటీ చైర్మన్‌గా అగార్కర్‌కు ఇదే ఆఖరి సమావేశం అని సమాచారం.రేసులో వారేఈ నేపథ్యంలో ఎన్డీటీవీ కథనం ఆసక్తికర విషయం వెల్లడించింది. చీఫ్‌ సెలక్టర్‌గా అగార్కర్‌ స్థానాన్ని భారత మాజీ వికెట్‌ కీపర్‌​ బ్యాటర్‌ పార్థివ్‌ పటేల్‌ లేదంటే.. మాజీ స్పిన్నర్‌ ప్రజ్ఞాన్‌ ఓజా భర్తీ చేయనున్నట్లు బీసీసీఐ సన్నిహిత వర్గాలు పేర్కొనట్లు తెలిపింది. కాగా పార్థివ్‌ పటేల్‌ (గుజరాత్‌), ప్రజ్ఞాన్‌ ఓజా ఇద్దరూ టీమిండియా తరఫున సత్తా చాటడంతో పాటు మూడుసార్లు టైటిళ్లు గెలిచిన ఐపీఎల్‌ జట్లలో సభ్యులు కావడం విశేషం. ఇక ఒడిశాకు చెందిన ఓజా ఇప్పటికే సెలక్షన్‌ కమిటీలో సభ్యుడిగా ఉన్నాడు.ఘనమైన విజయాలుకాగా 2023 జూలైలో అగార్కర్‌ టీమిండియా చీఫ్‌ సెలక్టర్‌గా నియమితుడయ్యాడు. అతడి హయాంలో భారత జట్టు 2023 వన్డే వరల్డ్‌కప్‌లో ఫైనల్‌కు చేరింది. ఇక 2024, 2026 టీ20 ప్రపంచకప్‌ టోర్నీల్లో చాంపియన్‌గా నిలిచింది. అదే విధంగా 2025లో ఐసీసీ చాంపియన్స్‌ ట్రోఫీ గెలిచింది. అంతేకాదు గతేడాది ఆసియా కప్‌ టైటిల్‌ను కూడా సొంతం చేసుకుంది.ఈ నేపథ్యంలోనే ఈ ఏడాది జూన్‌లోనే అగార్కర్‌ పదవీకాలం ముగిసినప్పటికీ బీసీసీఐ అతడిపై నమ్మకంతో అక్టోబరు 4 దాకా గడువు పొడిగించింది. అయితే, దిగ్గజ బ్యాటర్లు రోహిత్‌ శర్మ, విరాట్‌ కోహ్లిలను వన్డే ప్రపంచకప్‌-2027 దాకా కొనసాగించే విషయంలో అగార్కర్‌- బీసీసీఐ పెద్దల మధ్య విభేదాలు తలెత్తినట్లు తెలుస్తోంది.అందుకే విభేదాలు!రో-కో ప్రపంచకప్‌ ఆడే విషయంపై స్పష్టత ఇవ్వలేదంటూ అగార్కర్‌ ఇప్పటికే బహిరంగంగా ప్రకటించిన సంగతి తెలిసిందే. అదే సమయంలో రో- కో మాత్రం తాము కచ్చితంగా వన్డే వరల్డ్‌కప్‌ ఆడతామనే సంకేతాలు ఇచ్చారు. ఇక రోహిత్‌- కోహ్లి అర్దంతరంగా టెస్టులకు రిటైర్మెంట్‌ ప్రకటించడానికి కారణం కూడా అగార్కర్‌ వైఖరేనని గతంలో వార్తలు వచ్చాయి.ఈ నేపథ్యంలో తలెత్తిన విభేదాల కారణంగా బీసీసీఐ పెద్దలు, అగార్కర్‌ మధ్య దూరం పెరిగిందని.. అందుకే అగార్కర్‌ ఇక తన పదవి నుంచి దిగిపోకతప్పలేదనే ఊహాగానాలు వినిపిస్తున్నాయి.చదవండి: ఆసియా క్రీడలకు నితీశ్‌ కుమార్‌ రెడ్డి దూరం

ఈ నెలాఖరులో వెస్టిండీస్‌తో జరుగబోయే పరిమిత ఓవర్ల సిరీస్‌ల కోసం భారత జట్లను ఇవాళ ప్రకటించారు. వన్డే జట్టుకు కెప్టెన్‌గా శుభ్‌మన్‌ గిల్‌, టీ20 జట్టుకు కెప్టెన్‌గా శ్రేయస్‌ అయ్యర్‌ కొనసాగారు. కేఎల్‌ రాహుల్‌, తిలక్‌ వర్మ వన్డే, టీ20 జట్లకు ఉప నాయకులుగా వ్యవహరించనున్నారు. స్టార్‌ ద్వయం రోహిత్‌ శర్మ, విరాట్‌ కోహ్లి వన్డే జట్టులో కొనసాగగా.. రిషబ్‌ పంత్‌కు అవకాశం దక్కలేదు. ఆకిబ్‌ నబీ, నమన్‌ ధిర్‌కు తొలిసారి వన్డే జట్టులో అవకాశం దక్కింది. స్టార్‌ పేసర్‌ బుమ్రాకు విశ్రాంతినిచ్చారు. రెండు జట్లలో అతడికి చోటు దక్కలేదు.వన్డే సిరీస్‌కు భారత జట్టుశుభ్‌మన్ గిల్ (సి), రోహిత్ శర్మ, విరాట్ కోహ్లీ, రుతురాజ్ గైక్వాడ్, కేఎల్ రాహుల్ (వైస్‌ కెప్టెన్‌), ధృవ్ జురెల్, నితీష్ కుమార్ రెడ్డి, రవీంద్ర జడేజా, కుల్దీప్ యాదవ్, ప్రసిద్ధ్ కృష్ణ, గుర్నూర్ బ్రార్, మహ్మద్ సిరాజ్, ఆకిబ్ నబీ, యశస్వి జైస్వాల్, నమన్ ధిర్‌టీ20 సిరీస్‌కు భారత జట్టుశ్రేయస్ అయ్యర్ (సి), అభిషేక్ శర్మ, వైభవ్ సూర్యవంశీ, ఇషాన్ కిషన్ (వికెట్‌కీపర్‌), సంజు శాంసన్ (వికెట్‌కీపర్‌), తిలక్ వర్మ (వైస్‌ కెప్టెన్‌), శివమ్ దూబే, కుల్దీప్ యాదవ్, అక్షర్ పటేల్, వాషింగ్టన్ సుందర్, రవి బిష్ణోయ్, నితీష్ కుమార్ రెడ్డి, అర్ష్‌దీప్‌ సింగ్, ప్రిన్స్ యాదవ్.వన్డే సిరీస్‌ షెడ్యూల్‌ తొలి వన్డే: ఆదివారం, సెప్టెంబర్ 27 - మధ్యాహ్నం 2:00 గంటలకు - గ్రీన్‌ఫీల్డ్ ఇంటర్నేషనల్ స్టేడియం, తిరువనంతపురంరెండో వన్డే: బుధవారం, సెప్టెంబర్ 30 - మధ్యాహ్నం 2:00 గంటలకు - బర్సపారా క్రికెట్ స్టేడియం, గౌహతిమూడో వన్డే: శనివారం, అక్టోబర్ 3 - మధ్యాహ్నం 2:00 గంటలకు - మహారాజా యాదవేంద్ర సింగ్ ఇంటర్నేషనల్ క్రికెట్ స్టేడియం, ముల్లన్‌పూర్, న్యూ చండీగఢ్టీ20 సిరీస్‌ షెడ్యూల్‌తొలిటీ20: మంగళవారం, అక్టోబర్ 6 - సాయంత్రం 7:00 గంటలకు - భారత్ రత్న శ్రీ అటల్ బిహారీ వాజ్‌పేయి ఏకానా క్రికెట్ స్టేడియం, లక్నోరెండో టీ20: శుక్రవారం, అక్టోబర్ 9 - సాయంత్రం 7:00 గంటలకు - జేఎస్‌సీఏ ఇంటర్నేషనల్ స్టేడియం కాంప్లెక్స్, రాంచీమూడో టీ20: ఆదివారం, అక్టోబర్ 11 - సాయంత్రం 7:00 గంటలకు - హోల్కర్ స్టేడియం, ఇండోర్నాలుగో టీ20: బుధవారం, అక్టోబర్ 14 - సాయంత్రం 7:00 గంటలకు - రాజీవ్ గాంధీ అంతర్జాతీయ స్టేడియం, హైదరాబాద్ఐదో టీ20: శనివారం, అక్టోబర్ 17 - సాయంత్రం 7:00 గంటలకు - ఎం. చిన్నస్వామి స్టేడియం, బెంగళూరుఇదీ చదవండి: రోహిత్‌ శర్మను అధిగమించిన బట్లర్‌.. మిగిలింది అతనొక్కడే..!

టీమిండియా ప్రస్తుతం ఇంగ్లండ్‌ పర్యటనలో ఉంది. ఆతిథ్య జట్టుతో ఇప్పటికే రెండు టీ20 మ్యాచ్‌లు పూర్తి చేసుకుంది శ్రేయస్‌ అయ్యర్‌ సేన. తొలి మ్యాచ్‌ వర్షం వల్ల రద్దు కాగా.. రెండో టీ20లో ఇంగ్లండ్‌ జయభేరి మోగించి.. ఐదు మ్యాచ్‌ల సిరీస్‌లో 1-0తో ఆధిక్యంలోకి వెళ్లింది.జింబాబ్వే పర్యటనకుఇక టీ20 సిరీస్‌ తర్వాత టీమిండియా ఇంగ్లండ్‌తో మూడు మ్యాచ్‌ల వన్డే సిరీస్‌లో భాగం కానుంది. అనంతరం భారత టీ20 జట్టు జింబాబ్వే పర్యటనకు వెళ్లనుంది. ఆ తర్వాత టీ20 ఫార్మాట్లో జరిగే ఆసియా క్రీడలు- 2026 టోర్నీలో పాల్గొంటుంది. అదే సమయంలో టీమిండియా స్వదేశంలో వెస్టిండీస్‌తో సిరీస్‌ ఆడనుంది.ఈ నేపథ్యంలో కోచింగ్‌ సిబ్బందిలో బీసీసీఐ మార్పులు చేయనున్నట్లు సమాచారం. జర్నలిస్టు గౌరవ్‌ గుప్తా సోషల్‌ మీడియా వేదికగా అందించిన సమాచారం ప్రకారం.. జింబాబ్వే టూర్‌, ఆసియా క్రీడల్లో హెడ్‌కోచ్‌ గౌతం గంభీర్‌ బదులు.. వీవీఎస్‌ లక్ష్మణ్‌ భారత జట్టుకు మార్గదర్శనం చేయనున్నట్లు తెలుస్తోంది.గంభీర్‌ ఇక్కడే!.. టీమిండియాకు ‘కొత్త’ హెడ్‌కోచ్‌!అదే సమయంలో గంభీర్‌ సీనియర్‌ జట్టుతో కలిసి స్వదేశంలో వెస్టిండీస్‌తో సిరీస్‌లో భాగమవుతాడని సమాచారం. కాగా ప్రస్తుతం బీసీసీఐ సెంటర్‌ ఆఫ్‌ ఎక్సలెన్స్‌ హెడ్‌గా ఉన్న లక్ష్మణ్‌.. గతంలో కూడా టీమిండియా హెడ్‌కోచ్‌ల గైర్హాజరీలో.. సీనియర్‌ జట్టుకు కోచ్‌గా వ్యవహరించిన సంగతి తెలిసిందే.వీళ్లు కూడా..ఇక జింబాబ్వే టూర్‌లో లక్ష్మణ్‌తో పాటు టీమిండియా మాజీ స్పిన్నర్‌ సునిల్‌ జోషి కోచింగ్‌ సిబ్బందిలో భాగం కానున్నట్లు తెలుస్తోంది. బౌలింగ్‌ కోచ్‌గా అతడు బాధ్యతలు నిర్వర్తించనున్నట్లు సమాచారం. మరోవైపు.. భారత మాజీ బ్యాటర్‌ హృషికేశ్‌ కనిత్కర్‌ బ్యాటింగ్‌ కోచ్‌గా వ్యవహరించనున్నట్లు తెలుస్తోంది. ఇదే జట్టు, సిబ్బంది బృందం ఆసియా క్రీడల్లోనూ భాగం కానున్నట్లు సమాచారం.కాగా ఆసియా క్రీడలు సెప్టెంబరు 19- అక్టోబరు 4 మధ్య జపాన్‌లో జరుగనున్నాయి. ఇక వెస్టిండీస్‌తో టీమిండియా సొంతగడ్డపై సెప్టెంబరు 27- అక్టోబరు 17 మధ్య మూడు వన్డేలు, ఐదు టీ20 మ్యాచ్‌లు ఆడేందుకు షెడ్యూల్‌ ఖరారైంది. ఇదిలా ఉంటే.. ఇంగ్లండ్‌ పర్యటనకు ముందు టీమిండియా ఐర్లాండ్‌లో పర్యటించింది. ఈ క్రమంలో కనీవినీ ఎరుగని రీతిలో ఐరిష్‌ జట్టు చేతిలో టీ20 సిరీస్‌లో 2-0తో వైట్‌వాష్‌ అయింది. దీంతో హెడ్‌కోచ్‌ గౌతం గంభీర్‌పై తీవ్ర స్థాయిలో విమర్శలు వెల్లువెత్తాయి. చదవండి: మూడో టీ20కి ముందు వైభవ్‌కు గాయం!

జట్టులో చోటే లేని దుస్థితి నుంచి టీ20 ప్రపంచకప్‌-2026 హీరోగా నీరాజనాలు అందుకునే స్థాయికి ఎదిగాడు సంజూ శాంసన్‌. ఈ ఐసీసీ టోర్నీకి ముందు ఓపెనర్‌గా తుదిజట్టులో సంజూ స్థానం గల్లంతైంది. వరుస వైఫల్యాలే ఇందుకు కారణం. అదే సమయంలో టీమిండియాలోకి రీఎంట్రీ ఇచ్చిన ఇషాన్‌ కిషన్‌ (Ishan Kishan).. ఓపెనర్‌, వికెట్‌ కీపర్‌గా సంజూను రీప్లేస్‌ చేశాడు. వరుస మ్యాచ్‌లలో అదరగొడుతూ తుదిజట్టులో స్థానం పదిలం చేసుకున్నాడు.అలా వచ్చిఇక సంజూ ఈసారి కూడా వరల్డ్‌కప్‌ ఆడే పరిస్థితి ఉండకపోవచ్చు అని అభిమానులు నిరాశచెందిన వేళ.. అభిషేక్‌ శర్మ (Abhishek Sharma) కడుపునొప్పితో లీగ్‌ దశలో నమీబియాతో మ్యాచ్‌కు దూరం అయ్యాడు. ఆ మ్యాచ్‌లో ఇషాన్‌తో పాటు సంజూ ఓపెనర్‌గా బరిలో దిగాడు. నాకౌట్‌ మ్యాచ్‌లలో ఆకాశమే హద్దుగాఅనంతరం సూపర్‌-8లో భాగంగా జింబాబ్వేతో మ్యాచ్‌లోనూ ఈ కేరళ వికెట్‌ కీపర్‌ బ్యాటర్‌కు చోటు దక్కింది. ఈ రెండు మ్యాచ్‌లలో వేగంగా ఆడే క్రమంలో సంజూ అవుటైనా.. నాకౌట్‌ మ్యాచ్‌లలో మాత్రం ఆకాశమే హద్దుగా చెలరేగాడు.సూపర్‌-8లో వెస్టిండీస్‌తో మ్యాచ్‌లో 97 పరుగులతో అజేయంగా నిలిచిన సంజూ శాంసన్‌.. జట్టును సెమీస్‌ చేర్చడంలో కీలక పాత్ర పోషించాడు. ఇంగ్లండ్‌తో సెమీ ఫైనల్లో 89 పరుగులు చేసిన ఈ కుడిచేతివాటం బ్యాటర్‌.. న్యూజిలాండ్‌తో ఫైనల్లోనూ 89 పరుగులతో దుమ్ములేపాడు. తద్వారా ప్లేయర్‌ ఆఫ్‌ ది టోర్నీ అవార్డు గెలుచుకున్నాడు. మొత్తంగా ఈ టోర్నీలో కేవలం ఐదు మ్యాచ్‌లే ఆడి ఏకంగా 321 పరుగులతో సంజూ సత్తా చాటాడు.అతడు తలచుకుంటే మూడూ సెంచరీలు అయ్యేవిఈ నేపథ్యంలో సంజూ శాంసన్‌పై టీమిండియా కెప్టెన్‌ సూర్యకుమార్‌ యాదవ్‌ తాజాగా ప్రశంసలు కురిపించాడు. ‘‘తుది జట్టులో శాంసన్‌కు చోటు ఇవ్వలేనప్పుడు సర్ది చెప్పాల్సి వచ్చింది. ఇది కఠిన సమయం కావచ్చు కానీ దేవుడు దయతలిస్తే నీకూ అవకాశం వస్తుంది. అప్పుడు నువ్వేంటో చూపించాలి అన్నాను.దాని కోసం మాత్రం అతడు ఎప్పుడూ సిద్ధమవుతూనే వచ్చాడు. చివరి వరుస మూడు మ్యాచ్‌లలో శాంసన్‌ ప్రతాపం ఏమిటో చూశాం. అతడు అనుకుంటే ఈ మూడు ఇన్నింగ్స్‌లు కూడా సెంచరీలుగా మారేవి. కానీ అతను మాత్రం జట్టు కోసమే ఆడాడు’’ అని ‘చెట్టా (మలయాళంలో పెద్దన్న అనే అర్థం)’ సంజూను సూర్య కొనియాడాడు. వ్యక్తిగత ప్రయోజనాల కోసం కాకుండా జట్టు గెలుపే లక్ష్యంగా నిస్వార్థంగా ఆడాడని ప్రశంసించాడు.చదవండి: రోహిత్‌-కోహ్లి అభిమానులకు శుభవార్త

ఐసీసీ టీ20 ప్రపంచకప్‌ ఆదివారం ముగిసింది. శ్రీలంకతో కలిసి ఈ ఈవెంట్‌కు ఆతిథ్యం ఇచ్చిన భారత్.. ఫైనల్లో న్యూజిలాండ్‌ను ఓడించి జగజ్జేతగా అవతరించింది. ఇదిలా ఉంటే.. సూపర్‌–8 దశలోనే నిష్క్రమించిన వెస్టిండీస్‌ మ్యాచ్‌లు అయిపోయి పది రోజులు దాటిపోయింది. సెమీస్‌లో వెనుదిరిగిన దక్షిణాఫ్రికా ఆట ముగిసి వారం రోజులకు పైనే.పశ్చిమాసియాలో సంక్షోభ పరిస్థితులుకానీ ఇన్ని రోజులైనా ఈ రెండు జట్లు భారత్‌లోనే గడపాల్సి వచ్చింది. ఇరాన్‌పై యుద్ధం నేపథ్యంలో పశ్చిమాసియా వ్యాప్తంగా సంక్షోభ పరిస్థితులు నెలకొన్నాయి. గల్ఫ్‌ గగన తలం మూసివేయగా, వందల సంఖ్యలో భారత్‌ నుంచి రోజువారీ విమాన సర్వీసులు రద్దయ్యాయి. చార్టర్‌ విమానాల్ని ఏర్పాటు చేయాలనుకున్న అంతర్జాతీయ క్రికెట్‌ మండలి (ICC) ప్రయత్నాలు కూడా విఫలమవడంతో గల్ఫ్‌ మీదుగా వెళ్లాల్సిన కరీబియన్, సఫారీ జట్లు ఇక్కడే చిక్కుకుపోయాయి.చివరకు మంగళవారం కూడా ప్రత్యామ్నాయ ఆకాశ మార్గాల్లో ప్రత్యేక విమానాల్లో ఆటగాళ్లను స్వదేశాలకు చేర్చాలనుకున్నా... వీలుపడలేదు. ఎట్టకేలకు రెగ్యులర్‌ కమర్షియల్‌ ఫ్లయిట్‌లలో పంపించడంతో క్రికెటర్లు ఊపిరి పీల్చుకున్నారు. ఇంగ్లండ్‌కు ప్రాధాన్యం ఇదిలా ఉంటే.. ఇంగ్లండ్‌ సెమీస్‌లోనే వెనుదిరగగా.. మరుసటి రోజే స్వదేశానికి చేరుకుంది. ఈ నేపథ్యంలో తాము భారత్‌లోనే చిక్కుకుపోవడం పట్ల విండీస్‌ హెడ్‌కోచ్‌ డారెన్‌ సామీ, ప్లేయర్‌ ఆకీల్‌ హొసేన్‌ తదితరులు ఐసీసీ తీరును విమర్శించారు. ఇంగ్లండ్‌ మాజీ కెప్టెన్‌ మైకేల్‌ వాన్‌ సైతం ఇంగ్లండ్‌కు ఇచ్చిన ప్రాధాన్యత.. విండీస్‌, సౌతాఫ్రికా జట్లకు ఇవ్వలేదని.. ఇది వివక్షే అంటూ ఐసీసీపై ఆరోపణలు చేశాడు.మేము అర్థం చేసుకోగలంఈ నేపథ్యంలో ఐసీసీ తాజాగా ప్రకటన విడుదల చేసింది. ‘‘ఆటగాళ్లు, కోచ్‌లు, సహాయక సిబ్బంది, వారి కుటుంబాలు వరల్డ్‌కప్‌లో ఆయా జట్ల ప్రయాణం ముగిసిన తర్వాత కూడా స్వదేశానికి చేరుకోకపోవడం పట్ల అసంతృప్తి చెందిన తీరును మేము అర్థం చేసుకోగలం.వారి కోపంలో అర్థం ఉంది. గల్ఫ్‌ ప్రాంతంలో యుద్ధం వల్లే ఈ పరిస్థితి. అంతర్జాతీయ గగనతల ప్రయాణాలకు ఇబ్బంది కలిగింది. క్షిపణుల ప్రయోగాలు, ప్రతీకార చర్యల వల్ల పలు విమాన సర్వీసులు రద్దయ్యాయి. అందుకే చార్టర్‌ ఫ్లైట్లు ఏర్పాటు చేయడంలోనూ ఆలస్యం జరిగింది.మా ఆధీనంలో లేవుఈ పరిస్థితులన్నీ ఐసీసీ ఆధీనంలో లేనివి. యుద్ధం వల్లే పరిస్థితులు సంక్లిష్టంగా మారాయి. అయినప్పటికీ ఎప్పటికప్పుడు చార్టర్‌ ఆపరేటర్లు, ఎయిర్‌పోర్టు అధికారులు, ప్రభుత్వాలతో మేము సంప్రదింపులు జరుపుతూనే ఉన్నాము. ఆటగాళ్లను సురక్షితంగా స్వదేశాలకు చేర్చడమే లక్ష్యంగా పనిచేశాము. సౌతాఫ్రికా జట్టు ఇప్పటికే బయల్దేరగా.. వెస్టిండీస్‌ బృందంలోని చాలా మంది సభ్యులు ఇంటికి చేరుకున్నారు’’ అని ఐసీసీ పేర్కొంది.ఇక ఐసీసీ వర్గాలు మైకేల్‌ వాన్‌ (Michael Vaughan) విమర్శలపై స్పందిస్తూ.. గగనతలంలో ఉన్న పరిస్థితులను బట్టే ఇంగ్లండ్‌ జట్టును ముందుగా స్వదేశానికి పంపించామని పేర్కొన్నాయి. మిగతా జట్ల ప్రయాణం గల్ఫ్‌ ప్రాంతం గుండా సాగాల్సినందునే ఆలస్యం అయిందని స్పష్టం చేశాయి.వారు మాత్రం ఇక్కడేఇదిలా ఉంటే.. ఐపీఎల్‌ సీజన్‌ కోసం పలువురు వెస్టిండీస్‌ క్రికెటర్లు భారత్‌లోనే ఉండిపోయారు. రావ్‌మన్‌ పావెల్‌ (కోల్‌కతా నైట్‌రైడర్స్‌), రూథర్‌ఫర్డ్‌ (ముంబై ఇండియన్స్‌), హెట్‌మైర్‌ (రాజస్తాన్‌ రాయల్స్‌), రొమారియో షెఫర్డ్‌ (రాయల్‌ చాలెంజర్స్‌ బెంగళూరు)లు మాత్రం జట్టు వెంట బయలుదేరలేదు. ఐపీఎల్‌ ఫ్రాంచైజీలు త్వరలోనే తమ శిబిరాలను ప్రారంభించేందుకు సిద్ధమవడంతో ఆటగాళ్లు ఆయా జట్లతో చేరనున్నారు.చదవండి: T20 WC 2026: 'భార‌త్ ఒక ఛాంపియ‌న్ జ‌ట్టు.. తప్పులు వెతకడం ఆపండి'

ఇంగ్లండ్‌ మాజీ కెప్టెన్‌ మైకేల్‌ వాన్‌ అంతర్జాతీయ క్రికెట్‌ మండలి (ఐసీసీ) తీరును తప్పుబట్టాడు. ఐసీసీ ఒక్కొక్క జట్టును ఒక్కోలా చూస్తుందని.. తాజాగా ఇంగ్లండ్‌కు పెద్ద పీట వేసిన తీరే ఇందుకు నిదర్శనమని విమర్శించాడు. టీ20 ప్రపంచకప్‌-2026 టోర్నీకి భారత్‌- శ్రీలంక ఆతిథ్యం దేశాలుగా ఉన్న విషయం తెలిసిందే.టైటిల్‌ పోరుతో తెరఫిబ్రవరి 7న మొదలైన ఈ ఐసీసీ టోర్నీ నేటి (మార్చి 8) ఫైనల్‌తో ముగియనుంది. భారత్‌- న్యూజిలాండ్‌ (IND vs NZ) మధ్య జరిగే టైటిల్‌ పోరుకు అహ్మదాబాద్‌ వేదిక. ఇదిలా ఉంటే.. వరల్డ్‌కప్‌ టోర్నీ మధ్యలోనే మధ్య ప్రాచ్యంలో ఉద్రిక్తతలు నెలకొన్న సంగతి తెలిసిందే. ఇరాన్‌పై ఇజ్రాయెల్‌, అమెరికా దాడులు.. అందుకు ఇరాన్‌ స్పందిస్తున్న తీరుతో యుద్ధం తీవ్ర రూపం దాల్చింది.వెస్టిండీస్, సౌతాఫ్రికా, ఇంగ్లండ్‌ జట్లు ఇక్కడే!ఈ నేపథ్యంలో గల్ఫ్‌ దేశాల గగనతలం మూసివేయడంతో వెస్టిండీస్, సౌతాఫ్రికా, ఇంగ్లండ్‌ జట్లు భారత్‌లోనే చిక్కుకుపోయాయి. నిజానికి విండీస్‌ మార్చి 1 టీమిండియా చేతిలో ఓటమి తర్వాత టోర్నీ నుంచి నిష్క్రమించింది. పరిస్థితులు సాధారణంగా ఉండి ఉంటే.. ఆ మరుసటి రోజే స్వదేశానికి చేరుకోవాల్సింది.కానీ పశ్చియాసియాలో యుద్ధం కారణంగా విండీస్‌ జట్టు వారం రోజులుగా ఇక్కడే ఉండిపోవాల్సి వచ్చింది. మరోవైపు.. సౌతాఫ్రికా సెమీ ఫైనల్లో న్యూజిలాండ్‌తో జరిగిన మార్చి 4 నాటి మ్యాచ్‌లో ఓడి ఎలిమినేట్‌ అయింది. యుద్ధ పరిస్థితుల వల్ల జట్టు కూడా ఇక్కడే ఉంది. మరోవైపు.. సెమీ ఫైనల్లో మార్చి 5న టీమిండియా చేతిలో ఓడిన ఇంగ్లండ్‌ కూడా ఇక్కడే ఉండాల్సి రాగా.. ఐసీసీ జోక్యంతో శనివారం స్వదేశానికి ప్రత్యేక విమానంలో బయల్దేరింది. ఇక వెస్టిండీస్‌, సౌతాఫ్రికా జట్లకు కూడా ఐసీసీ ప్రత్యేక విమానం ఏర్పాటు చేసినా.. ఎయిర్‌ ట్రాఫిక్‌ కంట్రోల్‌ నుంచి అనుమతి రాలేదని సమాచారం.దీంతో ఆ రెండు జట్లు ఇంకా భారత్‌లోనే ఉండాల్సిన పరిస్థితి. ఈ నేపథ్యంలో విండీస్‌ హెడ్‌కోచ్‌ డారెన్‌ సామీ.. ‘‘మమ్మల్ని త్వరగా పంపిచేయండి’’ మహాప్రభో అంటూ మొరపెట్టుకున్న తీరు చర్చనీయాంశమైంది.ఇంగ్లండ్‌కి మాత్రం చార్టర్‌ ఫ్లైట్‌ దొరికిందిఈ పరిణామాలపై ఇంగ్లండ్‌ మాజీ కెప్టెన్‌ మైకేల్‌ వాన్‌ సోషల్‌ మీడియా వేదికగా స్పందిస్తూ.. ఐసీసీ తీరును విమర్శించాడు. ‘‘ఇంగ్లండ్‌ గురువారమే నాకౌట్‌ అయింది. వాళ్లకి మాత్రం చార్టర్‌ ఫ్లైట్‌ దొరికింది. వెస్టిండీస్‌ గత ఆదివారం నుంచి కోల్‌కతాలోనే చిక్కుకుపోయింది.సౌతాఫ్రికా పరిస్థితి కూడా ఇలాగే ఉంది. ఇక్కడే అధికార దుర్వినియోగం ఎలా జరుగుతుందో మనం తెలుసుకోవచ్చు. జట్లన్నీ ఒకే పరిస్థితిలో ఉన్నపుడు.. వాటన్నింటీ ఒకే విధంగా ట్రీట్‌ చేయాలి కదా!.. ఓ దేశ బోర్డు శక్తిమంతమైనది అయినంత మాత్రాన ఐసీసీ వాళ్లకు ప్రాధాన్యం ఇవ్వకూడదు’’ అని మైకేల్‌ వాన్‌ ట్వీట్‌ చేశాడు.ఓవరాక్షన్‌ వద్దుఅయితే, వాన్‌ పోస్టుకు నెటిజన్లు భిన్నంగా స్పందిస్తున్నారు. ఇండియా- యూరోప్‌ మధ్య గగనతలంలో ఎలాంటి అడ్డంకులు లేవని.. అదే వెస్టిండీస్‌ వంటి జట్టు స్వదేశం చేరాలంటే గల్ఫ్‌ దేశాలు దాటాల్సి ఉంటుందని పేర్కొంటున్నారు.ఒకవేళ యూరోప్‌ గుండా విండీస్‌ జట్టును పంపించాలన్నా ఇప్పటికిప్పుడు వీసా, ఒకే చోట 40- 50 మందికి సీట్లు అరేంజ్‌ చేయడం కుదరదని అంటున్నారు. భౌగోళిక పరిస్థితులను బట్టే ఓ జట్టు ముందు.. ఓ జట్టు వెనక వెళ్లడం జరుగుతుందని.. అంతే తప్ప ఇందులో అధికార దుర్వినియోగం ఏమీ లేదని వాన్‌కు చురకలు అంటిస్తున్నారు. కాగా ఆదివారం నాటికి వెస్టిండీస్‌, సౌతాఫ్రికా జట్లు స్వదేశానికి చేరుకునే అవకాశం ఉన్నట్లు తెలుస్తోంది.చదవండి: T20 WC Final: సాంట్నర్‌కు ఇచ్చిపడేసిన సూర్యకుమార్‌

టీ20 ప్రపంచకప్‌-2026 టోర్నీలో కీలక పోరుకు టీమిండియా సిద్ధమైంది. సెమీ ఫైనల్లో ఇంగ్లండ్‌తో గురువారం అమీతుమీ తేల్చుకోనుంది. ముంబైలోని ప్రసిద్ధ వాంఖడే మైదానం ఇందుకు వేదిక.అజేయంగా సూపర్‌-8కుఇక టోర్నీ ఆరంభం నుంచి టీమిండియా మెరుగ్గానే ఆడింది. ముఖ్యంగా గ్రూప్‌ దశలో నాలుగింటికి నాలుగు మ్యాచ్‌లూ గెలిచి అజేయంగా సూపర్‌-8కు చేరింది. అయితే, ఆ తర్వాత భారత జట్టు సౌతాఫ్రికా చేతిలో డెబ్బై ఆరు పరుగుల తేడాతో చిత్తుగా ఓడిపోయింది. టీ20 ప్రపంచకప్‌ టోర్నీలో తమ అతి పెద్ద పరాజయాన్ని నమోదు చేసింది.ఫీల్డింగ్‌పై విమర్శలు అనంతరం జింబాబ్వే, వెస్టిండీస్‌లపై గెలిచిన సూర్యకుమార్‌ సేన సెమీ ఫైనల్లో అడుగుపెట్టింది. అయితే, విండీస్‌తో మ్యాచ్‌లో భారత్‌ ఫీల్డింగ్‌ చేసిన తీరుపై విమర్శలు వెల్లువెత్తుతున్నాయి. సెమీస్‌లోనూ ఇలాంటి తప్పులు పునరావృతం చేస్తే భారీ మూల్యం చెల్లించకతప్పదని మాజీ క్రికెటర్లు హెచ్చరిస్తున్నారు.కాగా విండీస్‌తో మ్యాచ్‌లో వరుణ్‌ చక్రవర్తి రనౌట్‌ చాన్స్‌ మిస్‌ చేయగా.. అభిషేక్‌ శర్మ రెండు, తిలక్‌ వర్మ ఒక క్యాచ్‌ జారవిడిచారు. ఈ నేపథ్యంలో టీమిండియా ఫీల్డింగ్‌ మాజీ కోచ్‌ ఆర్‌. శ్రీధర్‌ కీలక వ్యాఖ్యలు చేశాడు.తప్పుడు ఫీల్డర్‌.. సూర్య ఇలాంటి తప్పు చేస్తాడా?‘‘బయటి నుంచి చూసి వరుణ్‌ ఫీల్డింగ్‌ పొజిషన్‌ గురించి నేను ఏదైనా మాట్లాడవచ్చు. అయితే, ఆ బంతిని వేసిన అర్ష్‌దీప్‌ సింగ్‌ కోణం నుంచి చూస్తే.. డీప్‌ స్క్వేర్‌ లెగ్‌, డీప్‌ మిడ్‌ వికెట్‌, షార్ట్‌ ఫైన్‌ లెగ్‌ కంటే వరుణ్‌ షార్ట్‌ కవర్‌ రీజియన్‌లో ఉండటమే మంచిదని అనుకున్నారేమో!అయినా సూర్యలాంటి తెలివైన కెప్టెన్లు ఇలాంటి ఎలిమెంటరీ స్కూల్‌ తరహా తప్పులు చేయకూడదు. తప్పుడు ఫీల్డర్‌ను తప్పుడు ఏరియాలో పెట్టినట్లు అనిపించింది. గతంతో పోలిస్తే వరుణ్‌ ఫీల్డింగ్‌ పరంగా మెరుగయ్యాడు. అయితే, ఈసారి మరోమారు తప్పు చేశాడు. అతడు సరైన స్థానంలో ఉన్నాడు. కానీ ఫీల్డింగ్‌ మాత్రం సరిగ్గా చేయలేకపోయాడు.ఇక అభిషేక్‌ శర్మ తీవ్రమైన ఒత్తిడిలో కూరుకుపోయి క్యాచ్‌లు జారవిడిచినట్లు అనిపించింది’’ అని ఆర్‌. శ్రీధర్‌ విమర్శించాడు. కాగా విండీస్‌ స్కోరు 13/0గా ఉన్న వేళ అర్ష్‌దీప్‌ బౌలింగ్‌లో రోస్టన్‌ ఛేజ్‌ కవర్‌ షాట్‌ ఆడి పరుగుకు ఉపక్రమించాడు. అయితే, షాయీ హోప్‌ మాత్రం బాల్‌ పొజిషన్‌ చూసి తిరిగి నాన్‌ స్ట్రైకర్‌ ఎండ్‌కు వచ్చేశాడు.వరుణ్‌ వల్లే మిస్‌మరోవైపు.. ఛేజ్‌ పిచ్‌ మధ్య వరకు రాగా.. వరుణ్‌ వికెట్‌ కీపర్‌ వైపు కాకుండా.. బౌలర్‌ పొజిషన్‌ వైపు బంతిని విసిరాడు. దీంతో ఛేజ్‌ రనౌట్‌ ప్రమాదం నుంచి తప్పించుకున్నాడు. ఈ మ్యాచ్‌లో వరుణ్‌ షాయీ హోప్‌ (32) రూపంలో ఒక వికెట్‌ దక్కించుకున్నాడు. కాగా సంజూ శాంసన్‌ అద్భుత ఇన్నింగ్స్‌ (50 బంతుల్లో 97 నాటౌట్‌)తో మెరిసి విండీస్‌పై భారత్‌ను గెలిపించాడు.చదవండి: T20 WC 2026: బాబర్ ఎందుకు?.. పాక్‌ బోర్డులో తొలి రాజీనామా

టీ20 ప్రపంచకప్‌ 2026లో ఇవాళ (మార్చి 1) డూ ఆర్‌ డై మ్యాచ్‌ జరుగుతుంది. కోల్‌కతా వేదికగా జరుగనున్న ఈ సూపర్‌-8 మ్యాచ్‌లో భారత్‌, వెస్టిండీస్‌ తలపడుతున్నాయి. ఈ మ్యాచ్‌లో గెలిచిన జట్టు గ్రూప్‌-1 నుంచి సెమీస్‌కు చేరుతుంది. ఓడిన జట్టు టోర్నీ నుంచి నిష్క్రమిస్తుంది.అత్యంత ​కీలకమైన ఈ మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుంది. ఈ మ్యాచ్‌ కోసం భారత్‌ ఎలాంటి మార్పులు చేయలేదు. గత మ్యాచ్‌లో జింబాబ్వేపై ఆడిన జట్టునే యధాతథంగా కొనసాగించింది. మరోవైపు ఈ మ్యాచ్‌ కోసం వెస్టిండీస్‌ ఓ మార్పు చేసింది. బ్రాండన్‌ కింగ్‌ స్థానంలో అకీల్‌ హొసేన్‌ తుది జట్టులోకి వచ్చాడు.తుది జట్లు..భారత్‌: సంజూ శాంసన్ (WK), అభిషేక్ శర్మ, ఇషాన్ కిషన్, తిలక్ వర్మ, సూర్యకుమార్ యాదవ్ (c), హార్దిక్ పాండ్యా, శివమ్ దూబే, అక్షర్ పటేల్, వరుణ్ చకరవర్తి, జస్ప్రీత్ బుమ్రా, అర్ష్దీప్ సింగ్వెస్టిండీస్‌: షాయ్ హోప్ (c & wk), షిమ్రాన్ హెట్మెయర్, రోవ్‌మాన్ పావెల్, షెర్ఫేన్ రూథర్‌ఫోర్డ్, రోస్టన్ చేజ్, రొమారియో షెపర్డ్, జాసన్ హోల్డర్, మాథ్యూ ఫోర్డ్‌, అకీల్ హోసేన్, గుడకేష్ మోటీ, షమర్ జోసెఫ్

టీ20 ప్రపంచకప్‌ 2026లో గ్రూప్‌-1 సూపర్‌-8 సమరాలు రసవత్తరంగా సాగుతున్నాయి. ఈ గ్రూప్‌ నుంచి సౌతాఫ్రికా ఇదివరకే సెమీస్‌ బెర్త్‌ ఖరారు చేసుకోగా.. రెండో బెర్త్‌ కోసం భారత్‌-వెస్టిండీస్‌ మధ్య తీవ్ర పోటీ నెలకొంది. నిన్న (ఫిబ్రవరి 26) వెస్టిండీస్‌ సౌతాఫ్రికా చేతిలో ఓడటం.. భారత్‌ జింబాబ్వేపై ఘన విజయం సాధించడంతో గ్రూప్‌-1 నుంచి రెండో సెమీస్‌ బెర్త్‌పై క్లారిటీ వచ్చేసింది. ప్రస్తుతం వెస్టిండీస్‌, భారత్‌ చెరి రెండు పాయింట్లు కలిగి ఉన్నాయి. రన్‌రేట్‌ మాత్రం భారత్‌తో పోలిస్తే విండీస్‌ది చాలా ఎక్కువగా ఉంది. అయితే ప్రస్తుతానికి రన్‌రేట్‌ మ్యాటర్‌ కాదు.ఎందుకంటే, మార్చి 1న భారత్‌-విండీస్‌ మధ్య కోల్‌కతా వేదికగా జరిగే మ్యాచ్‌లో ఎవరు గెలిస్తే వారే సెమీస్‌కు చేరతారు. ఒకవేళ ఆ మ్యాచ్‌ ఏ కారణంగా అయినా రద్దైతే మాత్రం రన్‌రేట్‌ అ‍త్యంత కీలకమవుతుంది. మ్యాచ్‌ రద్దైతే ఇరు జట్ల ఖతాలో చెరి 3 పాయింట్లు ఉంటాయి. రన్‌రేట్‌ విషయానికొస్తే.. విండీస్‌కు (1.791), భారత్‌ (-0.100) కంటే మెరుగైన రన్‌రేట్‌ ఉంది కాబట్టి, ఆ జట్టుకే సెమీస్‌ బెర్త్‌ ఖరారవుతుంది.అయితే దిగులు చెందాల్సిన అవసరం లేని విషయం ఏంటంటే.. భారత్‌-విండీస్‌ మ్యాచ్‌కు ప్రస్తుతానికి ఎలాంటి వర్షాటంకాలు లేవు. యాక్యూవెదర్‌ ముందస్తు సమాచాం ప్రకారం.. మార్చి 1న, ముఖ్యంగా మ్యాచ్‌ జరిగే 7-12 (రాత్రి) మధ్య సమయంలో ఎలాంటి వర్ష​ సూచన లేదు. ఉష్ణోగ్రత 23 డిగ్రీల మధ్య ఉండే అవకాశం ఉంది. వాతావరణ శాఖ ఈ భరోసాతో టీమిండియా అభిమానులు సల్ల బడ్డారు. మ్యాచ్‌ సజావుగా సాగితే విజయం తమదేనని ధీమాగా ఉన్నారు. ఈ టోర్నీ ఆరంభం నుంచి అజేయ జట్టుగా ఉండిన వెస్టిండీస్‌ నిన్న సౌతాఫ్రికా చేతిలో చిత్తుగా ఓడి కాన్ఫిడెన్స్‌ను కోల్పోగా.. సౌతాఫ్రికా చేతిలో ఓటమి తర్వాత జింబాబ్వేపై ఘన విజయం సాధించి టీమిండియా మాంచి జోష్‌లో ఉంది. ఇదే జోష్‌ను విండీస్‌ మ్యాచ్‌లోనూ కొనసాగిస్తే భారత్‌కు సెమీస్‌ బెర్త్‌ ఖాయం. సెమీస్‌లో భారత్‌.. ఇంగ్లండ్‌, న్యూజిలాండ్‌ జట్లలో ఏదో ఒక్క జట్టును ఎదుర్కొనే అవకాశం ఉంది.

బార్బడోస్‌.. 1962వ సంవత్సరం.. బ్యాటింగ్‌ చేస్తున్న క్రికెటర్‌.. ఒక్కసారిగా మైదానంలో కుప్పకూలిపోయాడు.. అతడి ముక్కు, చెవుల నుంచి రక్తం.. చార్లీ గ్రిఫిత్‌ వేసిన బంతి వేసిన బంతి అతడి ఇన్నింగ్స్‌నే కాదు.. టెస్టు కెరీర్‌నే ముగించి వేసింది.. ఒక రకంగా అతడు చచ్చి బతికాడు. ఇంతకూ ఎవరా ఆటగాడు?నారీమన్‌ జంషెడ్‌జీ కాంట్రాక్టర్‌ అలియాస్‌ నారీ కాంట్రాక్టర్‌.. భారత జట్టు మాజీ కెప్టెన్‌. 1955లో అంతర్జాతీయ క్రికెట్‌లో అడుగుపెట్టిన ఈ బాంబే ప్లేయర్‌.. 1962 వరకు కెరీర్‌ కొనసాగించాడు. సొంతగడ్డపై పాకిస్తాన్‌తో టెస్టు సిరీస్‌ సందర్భంగా 1960- 61 మధ్య 26 ఏళ్ల వయసులో టీమిండియా టెస్టు కెప్టెన్‌గా ఎంపికయ్యాడు.మొత్తంగా తన కెరీర్‌లో 31 టెస్టులు ఆడిన నారీ కాంట్రాక్టర్‌.. 1611 పరుగులు సాధించాడు. ఈ లెఫ్టాండర్‌ బ్యాటర్‌ ఖాతాలో ఓ సెంచరీ, 11 అర్ధ శతకాలు ఉన్నాయి. నారీ కాంట్రాక్టర్ ఓ ఫైటర్‌.రైలులో పుట్టాడు..నారీ కాంట్రాక్టర్‌ ఈ ప్రపంచంలోకి వచ్చిన తీరు అసాధారణమైనది. అతడి తల్లి దాహోద్‌ నుంచి బాంబేకు రైలులో ప్రయాణిస్తున్న సమయంలోనే పురిటి నొప్పులు వచ్చాయి. అదృష్టవశాత్తూ.. ఆ రైలుకు లోకో పైలెట్‌ ఆమె సొంత అన్ననే. వెంటనే పరిస్థితిని గమనించి గోధ్రా స్టేషన్‌లో రైలును ఆపి చెల్లెలికి సుఖ ప్రసవం అయ్యేలా ఏర్పాట్లు చేశాడు. అలా నారీ ఈ భూమ్మీదకు వచ్చాడు.అలా గోధ్రా స్టేషన్‌లో జన్మించిన నారీ కాంట్రాక్టర్‌ సొంత జట్టు బాంబేకు కాకుండా.. తన పురిటి స్థానమైన గుజరాత్‌కు దేశీ క్రికెట్‌లో ప్రాతినిథ్యం వహించాడు. ఫస్ల్‌క్టాస్‌ క్రికెట్‌ అరంగేట్రంలోనే ఒకే మ్యాచ్‌లో రెండు శతకాలు బాది.. ఈ ఘనత సాధించిన రెండో భారత బ్యాటర్‌గా నిలిచాడు.పక్కటెముక నొప్పి వేధిస్తున్నా..ఇలా టీమిండియా సెలక్టర్ల దృష్టిని ఆకర్షించిన నారీ కాంట్రాక్టర్‌.. అనతికాలంలోనే జాతీయ జట్టులోకి వచ్చేశాడు. పక్కటెముక విరిగినప్పటికీ లార్డ్స్‌లో అలాగే బ్యాటింగ్‌ చేశాడు. జట్టు మొత్తం కలిపి ఆ మ్యాచ్‌లో 168 పరుగులు చేస్తే అందులో నారీవే 81 పరుగులు. ఆట పట్ల ఇంతటి అంకిత భావం ఉన్నందు వల్లే.. టీమిండియా యంగెస్ట్‌ కెప్టెన్‌గా నాడు అతడు నియమితుడయ్యాడు.1961-62లో టీమిండియా వెస్టిండీస్‌ పర్యటనకు వెళ్లింది. తొలి రెండు టెస్టుల్లో ఆతిథ్య జట్టు చేతిలో ఘోరంగా ఓడిపోయింది. కాంట్రాక్టర్‌ కూడా ఫామ్‌లో లేడు. నాలుగు ఇన్నింగ్స్‌లో కలిపి కేవలం 26 పరుగులే చేశాడు.అరివీర భయంకర పేసర్లుసబీనా పార్కులో రెండో టెస్టు పరాజయం తర్వాత బార్బడోస్‌తో టూర్‌ మ్యాచ్‌ కోసం అక్కడికి వెళ్లింది టీమిండియా. అప్పటికి ప్రపంచవ్యాప్తంగా అత్యంత భయంకరమైన పేస్‌ బౌలింగ్‌ విభాగం కలిగిన జట్టుగా విండీస్‌కు పేరు. నాటి జట్టులో చార్లీ గ్రిఫిత్‌ (charles griffith), వెస్‌ హాల్‌, జార్జ్‌ రాక్‌ వంటి అరివీర భయంకర పేసర్లు ఉన్నారు. ప్రపంచ బ్యాటర్లకు వాళ్లంటే అప్పట్లో వణుకు.గ్రిఫిత్‌తో జాగ్రత్తఈ మ్యాచ్‌కు ముందు కాంట్రాక్టర్‌ ఓ కాక్‌టెయిల్‌ పార్టీకి హాజరయ్యాడు. అక్కడ విండీస్‌ కెప్టెన్‌ ఫ్రాంక్‌ వోరెల్‌ కూడా ఉన్నాడు. నారీని పక్కకు తీసుకువెళ్లి.. ‘వెస్టిండీస్‌ ఫాస్ట్‌ బౌలర్లతో జాగ్రత్త. మా వాళ్లు ఇటీవలి కాలంలో బ్యాటర్లను వరుసగా గాయపరుస్తున్నారు. ముఖ్యంగా గ్రిఫిత్‌తో జాగ్రత్త’ అని హెచ్చరించాడు.గ్రిఫిత్‌ 18 ఏళ్ల ఓ బ్యాటర్‌ను తీవ్రంగా గాయపరిచి.. కనీసం సారీ కూడా చెప్పలేదని.. కాబట్టి అతడితో జాగ్రత్త ఉంటే మంచిదని ఫ్రాంక్‌.. నారీకి వార్నింగ్‌ ఇచ్చాడు. నిజానికి నారీ కాంట్రాక్టర్‌ ఆ నామమాత్రపు మ్యాచ్‌ ఆడవద్దని అనుకున్నాడు. విశ్రాంతి తీసుకోవాలని భావించాడు.ఫాస్ట్‌​ బౌలింగా.. తొక్కా!అయితే, భారత జట్టును అప్పటికే గాయాల బెడద వేధిస్తుండటంతో నారీ కూడా ఆడాల్సి వచ్చింది. బార్బడోస్‌ టాస్‌ గెలిచి తొలుత బ్యాటింగ్‌ చేసి 394 పరుగులు సాధించింది. రెండో రోజు భోజన విరామ సమయానికి ముందు భారత్‌ బ్యాటింగ్‌కు దిగింది. గ్రిఫిత్‌ లంచ్‌కు ముందు ఓ ఓవర్‌ వేశాడు.అయితే, ఫ్రాంక్‌ హెచ్చరించినంతగా అతడు అంత డేంజరేమీ కాదని నారీకి అనిపించింది. బ్రేక్‌ సమయంలో సర్‌దేశాయ్‌ సైతం.. ‘‘ఫాస్ట్‌​ బౌలింగా.. తొక్కా’’ అంటూ గ్రిఫిత్‌ను తక్కువ చేసేలా మాట్లాడాడు. అయితే, భోజనం తర్వాత అంతా తలకిందులైంది. తన తొలి ఓవర్లోనే గ్రిఫిత్‌ సర్‌దేశాయ్‌ను డకౌట్‌గా వెనక్కి పంపాడు.దీంతో రూసి సుర్తి క్రీజులోకి వచ్చాడు. అతడు చకింగ్‌ (అనుమానాస్పద రీతిలో బౌలింగ్‌)చేస్తున్నాడంటూ గ్రిఫిత్‌పై పెద్దగా అరిచాడు. ఇంతలో మరో ఎండ్‌లో ఉన్న నారీ జోక్యం చేసుకుంటూ అంపైర్‌కు ఫిర్యాదు చేయమని చెప్పాడు. అయితే, అందుకు రూసి సమయం తీసుకోగా.. గ్రిఫిత్‌ బౌలింగ్‌లో నాలుగో బంతిని నారీ ఎదుర్కోవాల్సి వచ్చింది. ఆ బాల్‌ను డిఫెండ్‌ చేసుకున్న నారీ కాంట్రాక్టర్‌.. ఐదో బంతిని ఎదుర్కోనేందుకు సిద్ధమయ్యాడు.ముక్కు, చెవుల్లో నుంచి రక్తంఅప్పుడు గ్రిఫిత్‌ రాకాసి బౌన్సర్‌ వేశాడని కొందరు.. లేదు లేదు అది షార్ట్‌ లెంగ్త్‌ బాల్‌ అని మరి కొందరు అనుకున్నారు. నారీ కూడా బంతిని జడ్జ్‌ చేయలేకపోయాడు. దీంతో బంతి ముఖంపై బలంగా తాకడంతో నారీ కుప్పకూలిపోయాడు. ముక్కు, చెవుల్లో నుంచి రక్తం కారడం మొదలైంది. అప్పటి టీమిండియా మేనేజర్‌ గులామ్‌ అహ్మద్‌ వెంటనే మైదానంలోకి వచ్చి అతడిని తీసుకుని వెళ్లాడు.రక్తపు మరకలతో నిండిన దుస్తులను నారీ మార్చుకున్నాడు. అయితే, ఆ తర్వాత కూడా రక్తస్రావం ఆగలేదు. వెంటనే అతడిని ఆస్పత్రికి తరలించారు. ఓవైపు నారీ ప్రాణాల కోసం పోరాడుతుంటే.. మరోవైపు మ్యాచ్‌ కొనసాగింది. క్రీజులోకి వచ్చిన విజయ్‌ మంజ్రేకర్‌ను కూడా గ్రిఫిత్‌ గాయపరిచాడు. అతడి ముక్కుపై బంతి బలంగా తాకింది.ప్రాణాలకు ముప్పు మరోవైపు.. ఆస్పత్రిలో ఉన్న నారీ కాంట్రాక్టర్‌ పరిస్థితి దిగజారింది. వాంతులు మొదలయ్యాయి. అతడి శరీరంలోని ఎడమభాగం స్టక్‌ అయిపోయింది. వెంటనే అతడికి ఆపరేషన్‌ చేయించాలని మేనేజ్‌మెంట్‌ నిర్ణయం తీసుకుంది. అయితే, బ్రెయిన్‌ స్పెషలిస్టు ఎవరూ అక్కడ అందుబాటులో లేరు.ట్రినిడాడ్‌ నుంచి మరునాడు ఉదయమే డాక్టర్‌ వస్తాడు. అప్పటిదాకా వేచి ఉండటం తప్ప ఏమీ చేయలేని పరిస్థితి. లోకల్‌ సర్జన్‌ వచ్చి తను చేయాల్సిన పని చేశాడు. ఏదైతేనేమి నారీ కాంట్రాక్టర్‌ ప్రాణం నిలిచింది. అయితే తీవ్ర రక్తస్రావం కావడంతో రక్తం ఎక్కించాల్సిన పరిస్థితి.విండీస్‌ కెప్టెన్‌ రక్తదానంవిండీస్‌ కెప్టెన్‌ ఫ్రాంక్‌ వోరెల్‌ సహా చాలా మంది ఆటగాళ్లు రక్త దానం చేసి.. నారీ కాంట్రాక్టర్‌ను బతికించుకునే ప్రయత్నం చేశారు. చందూ బోర్డే, బాపూ నడ్‌కర్ణి, పాలీ ఉమ్రిగర్‌ తదితరులు రక్తం ఇచ్చారు. నిజమైన క్రీడా స్ఫూర్తి, స్నేహ భావానికి వీళ్లంతా ప్రతీకలుగా నిలిచారు. ఆపరేషన్‌ పూర్తైన ఆరు రోజుల తర్వాత నారీ కాంట్రాక్టర్‌ స్పృహలోకి వచ్చాడు.నా వల్లే జరిగిందిఅతడి భార్య హుటాహుటిన ఇండియా నుంచి బయల్దేరి బార్బడోస్‌కు వచ్చింది. బార్బడోస్‌ను వీడే ముందు కాంట్రాక్టర్‌ తన భార్యకు ఓ మాట చెప్పాడు. ‘ఇందులో గ్రిఫిత్‌ తప్పేమీ లేదు. ఇదంతా నా పొరపాటు వల్లే జరిగింది’ అని కాంట్రాక్టర్‌ అన్నాడు. ఆ తర్వాత కూడా అప్పట్లో హెల్మెట్‌లు లేకపోవడం, ఓవర్లో ఎన్ని బౌన్సర్లు వేస్తారో ముందుగానే చెప్పకపోవడం వంటివి తన గాయానికి కారణమని నారీ చెప్పుకొచ్చాడు. అందరు ఆటగాళ్లకు ఒకే రకమైన నిబంధనలు ఉండేవని.. అయితే, తన అజాగ్రత్త వల్లే ప్రాణాలకు ముప్పు వచ్చిందని కుండబద్దలు కొట్టాడు.అయితే, ఆ తర్వాత నారీ కాంట్రాక్టర్‌ టెస్టు క్రికెట్‌కు గుడ్‌బై చెప్పాల్సివచ్చింది. తలకు బలంగా గాయమైనందున ఆటకు దూరంగా ఉంటేనే మంచిదని వైద్యులు సలహా ఇచ్చారు.పట్టువీడని ఫైటర్‌అయితే, నారీ ఫైటర్‌ కదా!.. గాయం నుంచి కోలుకున్న పది నెలల తర్వాత మళ్లీ ఫస్ట్‌క్లాస్‌ క్రికెట్‌ ఆడాడు. పరుగులు రాబట్టాడు. అయితే, టీమిండియా సెలక్టర్లు మాత్రం అతడిని మళ్లీ ఎంపిక చేయలేదు. నారీ పరిస్థితి గుర్తుకువచ్చి బహుశా వారు భయపడి ఉంటారు. ఏదైనా జరగరానిది జరిగితే బాధ్యత వహించాల్సి వస్తుందని నారీని పూర్తిగా పక్కనపెట్టారు.ఇక గుజరాత్‌ తరఫున 1971 వరకు నారీమన్‌ కాంట్రాక్టర్‌ క్రికెట్‌ ఆడాడు. తన చివరి మ్యాచ్‌లో 93 పరుగులు సాధించాడు. అయితే, వెస్టిండీస్‌ టూర్‌ తర్వాత అతడు మళ్లీ టీమిండియా జెర్సీ వేసుకోలేకపోయాడు. అయినా తనకు ఇష్టమైన ఆటను కొనసాగిస్తూ పరిపూర్ణ జీవితాన్ని ఆస్వాదిస్తూ ముందుకు సాగాడు.చదవండి: చరిత్ర సృష్టించిన వైభవ్‌ సూర్యవంశీ.. డివిలియర్స్‌ ప్రపంచ రికార్డు బద్దలు

సౌతాఫ్రికాతో రెండో టెస్టులో పాకిస్తాన్ (PAK vs SA 2nd Test) ఓటమి పాలైంది. రావల్పిండి వేదికగా ఆల్‌రౌండ్‌ ప్రదర్శనతో అదరగొట్టిన దక్షిణాఫ్రికా జట్టు... ఆతిథ్య పాక్‌పై ఎనిమిది వికెట్ల తేడాతో ఘనవిజయం సాధించింది. ప్రపంచ టెస్టు చాంపియన్‌షిప్‌ 2025-27 (WTC) సీజన్‌లో భాగంగా డిఫెండింగ్‌ చాంపియన్‌ రెండు టెస్టులు ఆడేందుకు పాకిస్తాన్‌కు వెళ్లిన విషయం తెలిసిందే. ఈ క్రమంలో లాహోర్‌లో జరిగిన తొలి టెస్టులో పాక్‌ గెలిచి.. డబ్ల్యూటీసీ పాయింట్ల పట్టికలో రెండో స్థానానికి దూసుకువచ్చింది. అయితే, గురువారం ముగిసిన రెండో టెస్టులో సఫారీల చేతిలో ఓడటంతో పాక్‌ ర్యాంకు పడిపోయింది.బాబర్‌ ఆజమ్‌ అర్ధ శతకంకాగా 2025–27 డబ్ల్యూటీసీ సైకిల్‌లో పాకిస్తాన్‌- సౌతాఫ్రికా ఇదే తొలి సిరీస్‌ కాగా.. ఇరు జట్లు చెరో విజయం ఖాతాలో వేసుకున్నాయి. ఇక గురువారం ఓవర్‌నైట్‌ స్కోరు 94/4తో నాలుగో రోజు రెండో ఇన్నింగ్స్‌ కొనసాగించిన పాకిస్తాన్‌ చివరకు 49.3 ఓవర్లలో 138 పరుగులకు ఆలౌటైంది. మాజీ కెప్టెన్‌ బాబర్‌ ఆజమ్‌ (87 బంతుల్లో 50; 7 ఫోర్లు) అర్ధశతకం పూర్తిచేసుకున్న వెంటనే వెనుదిరగ్గా... మిగిలిన వాళ్లు విఫలమయ్యారు. మొహమ్మద్‌ రిజ్వాన్‌ (18), సల్మాన్‌ ఆగా (28), నోమాన్‌ అలీ (0), షాహీన్‌ షా అఫ్రిది (0), సాజిద్‌ ఖాన్‌ (13) ఒకరి వెంట ఒకరు పెవిలియన్‌కు వరుస కట్టారు.దక్షిణాఫ్రికా బౌలర్లలో సిమన్‌ హర్మెర్‌ 6 వికెట్లతో అదరగొట్టగా... కేశవ్‌ మహరాజ్‌ 2 వికెట్లు పడగొట్టాడు. ఈ మ్యాచ్‌లో వీరిద్దరే కలిసి 17 వికెట్లు తీశారు. ఈ క్రమంలో హర్మెర్‌ ఫస్ట్‌క్లాస్‌ క్రికెట్‌లో వెయ్యి వికెట్లు పూర్తి చేసుకున్నాడు. దక్షిణాఫ్రికా తరఫున ఈ ఘనత సాధించిన నాలుగో బౌలర్‌గా నిలిచాడు. రెండే వికెట్లు కోల్పోయి..అనంతరం 68 పరుగులు లక్ష్యఛేదనకు రెండో ఇన్నింగ్స్‌ బరిలోకి దిగిన దక్షిణాఫ్రికా 12.3 ఓవర్లలో 2 వికెట్లు కోల్పోయి 73 పరుగులు చేసి గెలిచింది. ఓపెనర్లు రికెల్టన్‌ (25 నాటౌట్‌; 2 ఫోర్లు, 1 సిక్స్‌), మార్క్‌రమ్‌ (42; 8 ఫోర్లు) రాణించారు.లక్ష్యం మరీ చిన్నది కావడంతో సఫారీ జట్టు ఎలాంటి తడబాటు లేకుండా రెండే వికెట్లు కోల్పోయి గమ్యాన్ని చేరుకుంది. పాక్‌ బౌలర్లలో నోమాన్‌ అలీ 2 వికెట్లు పడగొట్టాడు. అంతకుముందు పాకిస్తాన్‌ తొలి ఇన్నింగ్స్‌లో 333 పరుగులు చేయగా... దక్షిణాఫ్రికా 404 పరుగులు చేసింది. రెండు ఇన్నింగ్స్‌ల్లో కలిపి 9 వికెట్లు పడగొట్టడంతో పాటు బ్యాట్‌తోనూ ఆకట్టుకున్న దక్షిణాఫ్రికా స్పిన్నర్‌ కేశవ్‌ మహరాజ్‌కు ‘ప్లేయర్‌ ఆఫ్‌ ది మ్యాచ్‌’, సెనురన్‌ ముత్తుస్వామికి ‘ప్లేయర్‌ ఆఫ్‌ ది సిరీస్‌’అవార్డులు దక్కాయి.ఒక్క మ్యాచ్‌తో మారిన పాక్‌ రాత.. టీమిండియాకు బూస్ట్‌!ఇక ఈ విజయంతో సౌతాఫ్రికా డబ్ల్యూటీసీ పట్టికలో నాలుగో స్థానానికి చేరుకోగా.. పాకిస్తాన్‌ రెండు నుంచి ఐదో స్థానానికి పడిపోయింది. అదే విధంగా ఆస్ట్రేలియా తన అగ్రస్థానాన్ని నిలబెట్టుకోగా.. శ్రీలంక మూడు నుంచి రెండుకు, టీమిండియా నాలుగు నుంచి మూడో స్థానానికి చేరుకున్నాయి. డబ్ల్యూటీసీ నిబంధనల ప్రకారం.. టెస్టు మ్యాచ్‌ గెలిచిన జట్టుకు పన్నెండు పాయింట్లు కేటాయిస్తారు. ఒకవేళ మ్యాచ్‌ డ్రా అయితే.. ఇరుజట్లకు నాలుగు పాయింట్లు.. టై అయితే ఆరు పాయింట్లు జమచేస్తారు.అత్యధిక మ్యాచ్‌లు ఆడింది ఎవరంటే?డబ్ల్యూటీసీ 2025-27లో ఆసీస్‌ జట్టు తొలుత వెస్టిండీస్‌ టెస్టు సిరీస్‌ను 3-0తో వైట్‌వాష్‌ చేసింది. అదే విధంగా.. శ్రీలంక.. సొంతగడ్డపై బంగ్లాదేశ్‌తో జరిగిన రెండు టెస్టుల సిరీస్‌లో ఒకటి డ్రా చేసుకుని.. రెండో మ్యాచ్‌ గెలిచింది.మరోవైపు.. ఇప్పటికే ఏడు మ్యాచ్‌లు పూర్తి చేసుకుంది టీమిండియా. తొలుత ఇంగ్లండ్‌ పర్యటన రూపంలో కఠిన సవాలు ఎదుర్కొన్న భారత్‌.. ఐదు మ్యాచ్‌ల సిరీస్‌లో రెండు గెలిచి.. ఒకటి డ్రా చేసుకుంది. మరో రెండింటిలో ఓటమిపాలైంది.ఇటీవల సొంతగడ్డపై వెస్టిండీస్‌తో రెండు టెస్టులు ఆడిన టీమిండియా.. 2-0తో వైట్‌వాష్‌ చేసింది. తద్వారా ఇప్పటి వరకు నాలుగు విజయాలు, రెండు ఓటములు, ఒక డ్రా ద్వారా 52 పాయింట్లు సంపాదించింది. ఇక టీమిండియాపై రెండు టెస్టులు గెలిచిన ఇంగ్లండ్‌.. ఒకటి డ్రా చేసుకోవడం ద్వారా మొత్తంగా 26 పాయింట్లు సాధించింది. అయితే, సౌతాఫ్రికా తాజాగా టాప్‌-5లోకి దూసుకురాగా.. ఇంగ్లండ్‌ ఆరో స్థానానికి పడిపోయింది.చదవండి: IND vs AUS: అత‌డే ఉంటే కథ వేరేలా ఉండేది.. గంభీర్ ఇక‌నైనా మార‌వా?

టీమిండియా టెస్టు సారథి శుబ్‌మన్‌ గిల్‌ (Shubman Gill)పై హెడ్‌కోచ్‌ గౌతం గంభీర్‌ (Gautam Gambhir) ప్రశంసలు కురిపించాడు. టెస్టు కెప్టెన్‌గా అతడు తొలి ప్రయత్నంలోనే ఉత్తీర్ణుడయ్యాడని.. అతడికి వంక పెట్టేందుకు ఏమీ లేదని కొనియాడాడు. తనకు ఉన్న నైపుణ్యాలతోనే గిల్‌ టెస్టు సారథి అయ్యాడని.. అలాగే వన్డే కెప్టెన్సీ బాధ్యతలు కూడా దక్కించుకున్నాడని పేర్కొన్నాడు.సారథిగా తొలి ప్రయత్నంలోనేకాగా ఇంగ్లండ్‌ పర్యటనకు ముందు కెప్టెన్‌ రోహిత్‌ శర్మ (Rohit Sharma) టెస్టులకు రిటైర్మెంట్‌ ప్రకటించగా.. గిల్‌ అతడి స్థానాన్ని భర్తీ చేసిన విషయం తెలిసిందే. సారథిగా తొలి ప్రయత్నంలోనే ఇంగ్లండ్‌ వంటి పటిష్టమైన జట్టుతో తలపడ్డాడు. బ్యాటర్‌గా, కెప్టెన్‌గా రాణించి ఇంగ్లండ్‌ గడ్డ మీద ఐదు మ్యాచ్‌ల సిరీస్‌ను 2-2తో సమం చేశాడు.విండీస్‌ను వైట్‌వాష్‌ చేసి తొలి విజయంఇక తాజాగా వెస్టిండీస్‌తో స్వదేశంలో జరిగిన రెండు మ్యాచ్‌ల సిరీస్‌ను 2-0తో వైట్‌వాష్‌ చేసి.. కెప్టెన్‌గా గిల్‌ తొలి సిరీస్‌ విజయాన్ని రుచిచూశాడు. ఇదిలా ఉంటే.. ఇటీవలే వన్డే కెప్టెన్సీ నుంచి దిగ్గజ కెప్టెన్‌ రోహిత్‌ శర్మను తప్పించిన భారత క్రికెట్‌ యాజమాన్యం.. గిల్‌కు పగ్గాలు అప్పగించింది.ఫేవటెరిజం లేదుఈ నేపథ్యంలో విమర్శలు రాగా.. విండీస్‌పై విజయానంతరం గంభీర్‌ స్పందించాడు. ‘‘అతడిని అచ్చంగా అతడిలా ఉండనివ్వడమే మేము చేసిన మంచిపని. టెస్టు లేదంటే వన్డే కెప్టెన్‌గా అతడిని ఎంపిక చేయడంలో ఎలాంటి ఫేవటెరిజం లేదు. ఇందుకు వందశాతం గిల్‌ అర్హుడు.ఎన్నో ఏళ్లుగా అతడు కఠినంగా శ్రమిస్తున్నాడు. ఇంగ్లండ్‌ గడ్డ మీద టెస్టు కెప్టెన్‌ ఇప్పటికే కఠిన సవాలు ఎదుర్కొని.. అతడు సారథిగా పాసయ్యాడు. నాణ్యమైన జట్టుపై బ్యాటర్‌గా, కెప్టెన్‌గా రాణించాడు. వరల్డ్‌ టెస్టు చాంపియన్‌షిప్‌ ఫైనల్‌ 2027 గురించి ఇప్పటి నుంచే ఆలోచించడం సరికాదు.అందరూ అతడిని గౌరవిస్తారుప్రతి మ్యాచ్‌లోనూ గెలుపే లక్ష్యంగా ముందుకు వెళ్లడం ముఖ్యం. సొంతగడ్డపై మాకిది కీలకమైన సిరీస్‌. ఇదే స్ఫూర్తితో మేము ముందుకు వెళ్తాం. నిజానికి ఇంగ్లండ్‌లో టెస్టులు ఇంతకంటే కష్టంగా ఉండేవి. ఇదే విషయాన్ని గిల్‌తో నేను చాలాసార్లు చెప్పాను.రెండున్నర నెలల పాటు అక్కడ గిల్‌ అత్యంత కఠినమైన సవాలును ఎదుర్కొన్నాడు. ఇంతకంటే అతడు ఇంకేం చేయాలి? డ్రెసింగ్‌రూమ్‌లో అందరూ అతడిని గౌరవిస్తారు. సరైన పనులు చేసినందుకు అతడికి ఇవన్నీ దక్కాయి. మాటల కంటే చేతలు ముఖ్యం’’ అని గంభీర్‌ చెప్పుకొచ్చాడు.నాకు ఆ అవసరం ఉందిఇక ఒత్తిడిని తట్టుకునేందుకు గిల్‌ కోసం మెంటల్‌ కండిషనింగ్‌ కోచ్‌ను నియమిస్తారా? అన్న ప్రశ్నకు బదులిస్తూ.. ‘‘ముందైతే నాకు అతడి అవసరం ఉంది’’ అంటూ నవ్వులు చిందించాడు. గెలిచినప్పుడు జట్టుకు ప్రశంసలు దక్కుతాయన్న గౌతీ.. ఓడినప్పుడు మాత్రం ఆటగాళ్లు కుంగిపోకుండా చూసుకోవడం తన బాధ్యత అని చెప్పుకొచ్చాడు.చదవండి: చరిత్ర సృష్టించిన ధ్రువ్‌ జురెల్‌.. భారత తొలి క్రికెటర్‌గా ఫీట్‌

టీమిండియా యువ క్రికెటర్‌ ధ్రువ్‌ జురెల్‌ (Dhruv Jurel) అరుదైన ఘనత సాధించాడు. అరంగేట్రం నుంచి ఇప్పటికి వరుసగా అత్యధిక టెస్టు విజయాలు సాధించిన భారత క్రికెటర్‌గా నిలిచాడు. అంతకుముందు ఈ రికార్డు స్వింగ్‌ సుల్తాన్‌ భువనేశ్వర్ కుమార్‌ (Bhuvneshwar Kumar) పేరిట ఉండేది. వెస్టిండీస్‌తో రెండో టెస్టు (IND vs WI 2nd Test) సందర్భంగా ఈ వికెట్‌ కీపర్‌ బ్యాటర్‌ ఈ ఫీట్‌ అందుకున్నాడు. ఏడు వికెట్ల తేడాతో జయభేరిప్రపంచ టెస్టు చాంపియన్‌షిప్‌ 2025-27లో భాగంగా టీమిండియా స్వదేశంలో విండీస్‌తో రెండు మ్యాచ్‌లు ఆడింది. తొలుత అహ్మదాబాద్‌లో వెస్టిండీస్‌ను ఇన్నింగ్స్‌ 140 పరుగుల తేడాతో చిత్తు చేసిన గిల్‌ సేన.. ఢిల్లీలో మంగళవారం ముగిసిన రెండో టెస్టులో ఏడు వికెట్ల తేడాతో జయభేరి మోగించింది.కేఎల్‌ రాహుల్‌తో కలిసితద్వారా విండీస్‌తో టెస్టు సిరీస్‌ను భారత్‌ 2-0తో వైట్‌వాష్‌ చేసింది. ఇక వెస్టిండీస్‌తో రెండో టెస్టులో జురెల్‌ మెరుగైన ప్రదర్శన కనబరిచాడు. తొలి ఇన్నింగ్స్‌లో 79 బంతులు ఎదుర్కొని ఐదు ఫోర్ల సాయంతో 44 పరుగులు చేసిన ఈ కుడిచేతి వాటం బ్యాటర్‌.. రెండో ఇన్నింగ్స్‌లో ఆరు పరుగులతో అజేయంగా నిలిచి.. కేఎల్‌ రాహుల్‌తో కలిసి జట్టును విజయతీరాలకు చేర్చాడు.సరికొత్త చరిత్రకాగా ఉత్తరప్రదేశ్‌కు చెందిన ధ్రువ్‌ జురెల్‌ గతేడాది ఇంగ్లండ్‌తో టెస్టు సిరీస్‌ సందర్భంగా టెస్టుల్లో అరంగేట్రం చేసిన విషయం తెలిసిందే. అయితే, ప్రధాన వికెట్‌ కీపర్‌ బ్యాటర్‌ రిషభ్‌ పంత్‌ కారణంగా కొన్నిసార్లు బెంచ్‌కే పరిమితమైన జురెల్‌.. ఇప్పటికి ఏడు టెస్టులు పూర్తి చేసుకున్నాడు. ఓ సెంచరీ, ఓ హాఫ్‌ సెంచరీ సాయంతో 761 పరుగులు సాధించాడు.ఈ క్రమంలోనే సరికొత్త చరిత్ర సృష్టించాడు. అరంగేట్రం నుంచి భారత్‌ తరఫున ఆడిన ఏడు టెస్టుల్లోనూ విజయం సాధించిన జట్లలో భాగమైన తొలి ఆటగాడిగా జురెల్‌ నిలిచాడు. అంతకు ముందు ఫాస్ట్‌ బౌలర్‌ భువనేశ్వర్‌ కుమార్‌ తన అరంగేట్రం (2013) నుంచి వరుసగా ఆరు టెస్టుల్లో గెలిచిన భారత జట్టులో భాగమయ్యాడు.భారత్‌ తరఫున వరుసగా అత్యధిక టెస్టు మ్యాచ్‌లు గెలిచిన క్రికెటర్లు👉ధ్రువ్‌ జురెల్‌- 7👉భువనేశ్వర్‌ కుమార్‌- 6👉కరుణ్‌ నాయర్‌- 4👉వినోద్‌ కాంబ్లీ- 4👉రాజేశ్‌ చౌహాన్‌- 4. చదవండి: IND vs WI: టీమిండియా వ‌ర‌ల్డ్ రికార్డు

టీమిండియా యాజమాన్యం తీరును భారత మాజీ క్రికెటర్‌ దొడ్డ గణేశ్‌ (Dodda Ganesh) విమర్శించాడు. నితీశ్‌ కుమార్‌ రెడ్డి (Nitish Kumar Reddy) విషయంలో మేనేజ్‌మెంట్‌ వైఖరి ఏమిటో అర్థం కావడం లేదన్నాడు. అతడికి బౌలింగ్‌ చేసే అవకాశమే ఇవ్వనపుడు ఆల్‌రౌండర్‌గా ఎలా తీర్చిదిద్దుతారని ప్రశ్నించాడు.నాలుగు ఓవర్లు మాత్రమేగాయం కారణంగా ఇంగ్లండ్‌ పర్యటన మధ్యలోనే జట్టుకు దూరమైన ఆంధ్ర ఆల్‌రౌండర్‌ నితీశ్‌ కుమార్‌ రెడ్డి.. తాజాగా వెస్టిండీస్‌తో టెస్టులతో పునరాగమనం చేశాడు. అహ్మదాబాద్‌లో తొలి టెస్టు తుదిజట్టులో చోటు దక్కించుకున్న 22 ఏళ్ల ఈ సీమ్‌ బౌలింగ్‌ ఆల్‌రౌండర్‌.. తొలి ఇన్నింగ్స్‌లో కేవలం నాలుగు ఓవర్లు మాత్రమే వేశాడు.మొత్తంగా పదహారు పరుగులు ఇచ్చి ఒక వికెట్‌ కూడా తీయని నితీశ్‌ రెడ్డి.. రెండో ఇన్నింగ్స్‌లో బౌలింగ్‌కే రాలేదు. అంతేకాదు.. ఈ మ్యాచ్‌లో అతడికి బ్యాటింగ్‌ చేసే అవకాశం కూడా రాలేదు. ఇక తాజాగా ఢిల్లీ వేదికగా రెండో టెస్టులో బ్యాటింగ్‌ చేసిన నితీశ్‌ రెడ్డి.. రెండు ఇన్నింగ్స్‌లోనూ అసలు బౌలింగ్‌కే రాలేదు.54 బంతుల్లో 43 పరుగులుటీమిండియా తొలి ఇన్నింగ్స్‌లో ఐదో స్థానంలో బ్యాటింగ్‌కు వచ్చిన నితీశ్‌ రెడ్డి.. 54 బంతుల్లో 43 పరుగులు చేసి నిష్క్రమించాడు. అయితే, బౌలర్‌గా మాత్రం అతడు రంగంలోకి దిగలేదు. ఇక విండీస్‌ రెండో ఇన్నింగ్స్‌లో ఓపెనింగ్‌ బ్యాటర్‌ యశస్వి జైస్వాల్‌తోనూ ఓ ఓవర్‌ వేయించిన మేనేజ్‌మెంట్‌ నితీశ్‌ సేవలు మాత్రం వాడుకోలేదు.నితీశ్‌ రెడ్డి జట్టులో ఎందుకు?.. ఆల్‌రౌండర్‌ అంటే ఇదేనా?ఈ నేపథ్యంలో కర్ణాటక మాజీ ఆటగాడు దొడ్డ గణేష్‌ సోషల్‌ మీడియా వేదికగా స్పందించాడు. ‘‘నితీశ్‌ రెడ్డికి అసలు బౌలింగ్‌ చేసే అవకాశం ఇవ్వకుండానే అతడిని ఆల్‌రౌండర్‌గా ఎలా సన్నద్ధం చేస్తున్నారు?.. ఇలా అయితే ఆల్‌రౌండర్‌ పాత్రకు తను ఎలా న్యాయం చేయగలడు’’ అని మేనేజ్‌మెంట్‌ తీరును విమర్శించాడు.ఆల్‌రౌండర్‌గా తీర్చిదిద్దడమే మా లక్ష్యంఇదిలా ఉంటే.. నితీశ్‌ సేవలను ఉపయోగించుకునే విషయంలో విమర్శలు రాగా.. వెస్టిండీస్‌ రెండో టెస్టుకు ముందు అసిస్టెంట్‌ కోచ్‌ ర్యాన్‌ టెన్‌ డష్కాటే స్పందించిన విషయం తెలిసిందే‘‘బ్యాటింగ్‌ చేయగల అరుదైన సీమ్‌ బౌలర్‌. అతడి నైపుణ్యాల విషయంలో ఎలాంటి సందేహాలు లేవు. తన బ్యాటింగ్‌ ఎలా ఉంటుందో ఆస్ట్రేలియాలో (సెంచరీ) చూపించాడు. అయితే, విదేశీ గడ్డ మీదే తన సేవలు ఎక్కువగా ఉపయోగించుకుంటాం. తనను పూర్తిస్థాయి ఆల్‌రౌండర్‌గా తీర్చిదిద్దడమే మా లక్ష్యం’’ అని డష్కాటే స్పష్టం చేశాడు.పోరాట పటిమ కనబరిచిన విండీస్‌ఇక మ్యాచ్‌ విషయానికొస్తే... ఢిల్లీలో శుక్రవారం మొదలైన టెస్టులో టాస్‌ గెలిచిన తొలుత బ్యాటింగ్‌ చేసింది భారత్‌. యశస్వి జైస్వాల్‌ (175), కెప్టెన్‌ శుబ్‌మన్‌ గిల్‌ (129 నాటౌట్‌) శతక్కొట్టగా.. సాయి సుదర్శన్‌ 87 పరుగులు సాధించాడు. కేఎల్‌ రాహుల్‌ (38) విఫలం కాగా.. నితీశ్‌ రెడ్డి 43, ధ్రువ్‌ జురెల్‌ 44 పరుగులు చేశారు. ఫలితంగా 134.2 ఓవర్లలో ఐదు వికెట్ల నష్టానికి 518 పరుగుల వద్ద ఉన్న వేళ టీమిండియా తమ తొలి ఇన్నింగ్స్‌ డిక్లేర్‌ చేసింది.అనంతరం విండీస్‌ తొలి ఇన్నింగ్స్‌లో 248 పరుగులకు కుప్పకూలగా.. భారత్‌ ఫాలో ఆన్‌ ఆడించింది. అయితే, రెండో ఇన్నింగ్స్‌ విండీస్‌ బ్యాటర్లు అద్భుత పోరాటం చేసి.. టీమిండియాకు 121 పరుగుల టార్గెట్‌ ఇచ్చారు. ఓపెనర్‌ జాన్‌ క్యాంప్‌బెల్‌ (115), షాయీ హోప్‌ 103 పరుగులతో రాణించగా.. ఆఖర్లో జస్టిన్‌ గ్రీవ్స్‌ (50 నాటౌట్‌) పట్టుదలగా నిలబడటంతో విండీస్‌కు ఇన్నింగ్స్‌ పరాజయం తప్పింది.చదవండి: World Cup 2025: వరుస ఓటములు.. భారత్‌ సెమీ ఫైనల్‌ చేరాలంటే...

టీమిండియా ప్రధాన పేసర్‌ జస్‌ప్రీత్‌ బుమ్రా (Jaspreet Bumrah) మైదానంలో ఎంతో కూల్‌గా ఉంటాడు. బాల్‌తోనే ప్రత్యర్థి జట్టు బ్యాటర్లతో మాట్లాడతాడు. పదునైన యార్కర్లతో, బౌన్సర్లతో వారిని బోల్తా కొట్టిస్తాడు. అయితే, తాజాగా బుమ్రా కూడా కాస్త సహనం కోల్పోయాడు.అసలేం జరిగిందంటే.. టీమిండియా- వెస్టిండీస్‌ (IND vs WI 2nd Test) మధ్య శుక్రవారం మొదలైన రెండో టెస్టు.. నాలుగో రోజు ఆటకు చేరుకుంది. 173/2 ఓవర్‌నైట్‌ స్కోరుతో సోమవారం నాటి ఆట మొదలుపెట్టిన విండీస్‌.. భోజన విరామ సమయానికి మూడు వికెట్ల నష్టానికి 252 పరుగులు చేసింది.జాన్‌ క్యాంప్‌బెల్‌ సెంచరీఇక ఆదివారం 87 పరుగులతో క్రీజులో నిలిచిన విండీస్‌ ఓపెనర్‌ జాన్‌ క్యాంప్‌బెల్‌ (John Campbell)... సెంచరీ (115) సాధించాడు. అయితే, క్యాంప్‌బెల్‌ 94 పరుగుల వ్యక్తిగత స్కోరు వద్ద ఉన్న వేళ బుమ్రా అతడిని వికెట్ల ముందుకు దొరకబుచ్చుకున్నట్లు కనిపించింది.ఎల్బీడబ్ల్యూ కాదుఅయితే, ఫీల్డ్‌ అంపైర్‌ రిచర్డ్‌ ఇలింగ్‌వర్త్‌ మాత్రం తల అడ్డంగా ఉపుతూ ఎల్బీడబ్ల్యూ (Leg Before Wicket) ఇచ్చేందుకు నిరాకరించాడు. దీంతో టీమిండియా రివ్యూకి వెళ్లింది. అయితే, రీప్లేలో అల్ట్రాఎడ్జ్‌ స్పైక్‌ వచ్చింది. కానీ బంతి ముందుగా ప్యాడ్స్‌ లేదంటే బ్యాట్‌ను తాకిందా అనేది స్పష్టంగా తెలియలేదు. బంతి అటు బ్యాట్‌కు.. ఇటు ప్యాడ్‌కు అత్యంత సమీపంగా ఉన్నట్లు కనిపించడంతో నిర్ణయం తీసుకోవడం కష్టమైంది.ఈ నేపథ్యంలో థర్డ్‌ అంపైర్‌ అలెక్స్‌ వార్ఫ్‌ ఇన్‌సైడ్‌ ఎడ్జ్‌ ఉందని.. ఫీల్డ్‌ అంపైర్‌ తన నిర్ణయానికే కట్టుబడి ఉండవచ్చని స్పష్టం చేశాడు. దీంతో టీమిండియా రివ్యూ కోల్పోయింది.ఇది అవుట్‌ అని మీకూ తెలుసుఈ క్రమంలో బుమ్రా తిరిగి బౌలింగ్‌కు వెళ్లే సమయంలో.. ‘‘ఇది అవుట్‌ అని మీకూ తెలుసు. కానీ సాంకేతికత కూడా దానిని నిరూపించలేదు కదా!’’ అంటూ నవ్వుతూనే అంపైర్‌కు పరోక్షంగా కౌంటర్‌ ఇచ్చాడు. ఈ మాటలు స్టంప్‌ మైకులో రికార్డయ్యాయి. కాగా విండీస్‌ రెండో ఇన్నింగ్స్‌ 55వ ఓవర్లో ఈ ఘటన జరిగింది.ఇక ఫాలో ఆన్‌ ఆడుతున్న వెస్టిండీస్‌ రెండో ఇన్నింగ్స్‌లో 93 ఓవర్ల ముగిసే సరికి ఏడు వికెట్ల నష్టానికి 303 పరుగులు చేసింది. తద్వారా 33 పరుగుల ఆధిక్యం సంపాదించింది. అంతకుముందు టీమిండియా 518/5 వద్ద తమ తొలి ఇన్నింగ్స్‌ డిక్లేర్‌ చేయగా.. విండీస్‌ 248 పరుగులకు ఆలౌట్‌ అయింది.pic.twitter.com/fDtB3GBWPV— crictalk (@crictalk7) October 13, 2025చదవండి: జైస్వాల్‌ అంటే గిల్‌కి అసూయ!.. అందుకేనా?: మాజీ క్రికెటర్‌ ఫైర్‌Trapped! 🕸#RavindraJadeja gets the all-important wicket of centurion #JohnCampbell. 💪Catch the LIVE action 👉 https://t.co/WbUGnskEdz#INDvWI 👉 2nd Test, Day 4 | Live Now on Star Sports & JioHotstar pic.twitter.com/eHUVezgNs2— Star Sports (@StarSportsIndia) October 13, 2025

వెస్టిండీస్‌తో రెండో టెస్టులో టీమిండియా ఓపెనర్‌ యశస్వి జైస్వాల్‌ (Yashasvi Jaiswal)భారీ శతకం బాదాడు. మొత్తంగా 258 బంతులు ఎదుర్కొనని 175 పరుగులు చేసిన ఈ ఎడమచేతి వాటం బ్యాటర్‌.. తన కెరీర్‌లో మూడో డబుల్‌ సెంచరీకి చేరువైన సమయంలో ఘోర తప్పిదం చేశాడు.ఇరవై ఐదు పరుగుల దూరంలోఅనవసరపు పరుగుకు యత్నించిన జైసూ.. రనౌట్‌ రూపంలో భారీ మూల్యమే చెల్లించాడు. ద్విశతకానికి ఇరవై ఐదు పరుగుల దూరంలో నిలిచిపోయాడు. ఢిల్లీ వేదికగా శనివారం నాటి రెండో రోజు ఆట సందర్భంగా ఈ పరిణామం చోటుచేసుకుంది.భారత్‌ తొలి ఇన్నింగ్స్‌ 92వ ఓవర్లో జేడన్‌ సీల్స్‌ (Jayden Seals) బౌలింగ్‌లో జైస్వాల్‌.. బంతిని మిడాఫ్‌ దిశగా బాదగా.. అది నేరుగా ఫీల్డర్‌ చెంతకు చేరింది. అయితే, అప్పటికే సింగిల్‌ కోసం జైసూ క్రీజును వీడగా.. మరో ఎండ్‌లో ఉన్న కెప్టెన్‌ శుబ్‌మన్‌ గిల్‌ (Shubman Gill) మాత్రం పరిస్థితిని అంచనా వేసి తన స్థానం నుంచి కదిలినా మళ్లీ యథాస్థితికి వచ్చాడు.తలబాదుకుంటూఇంతలో జైస్వాల్‌ వెనక్కి పరిగెత్తగా అప్పటికే బంతిని అందుకున్న విండీస్‌ వికెట్‌ కీపర్‌ టెవిన్‌ ఇమ్లాచ్‌.. దానిని వికెట్లకు గిరాటేయగా.. జైసూ రనౌట్‌ అయ్యాడు. దీంతో తీవ్ర అసంతృప్తికి లోనైన జైస్వాల్‌ తలబాదుకుంటూ మైదానం వీడాడు.ఈ నేపథ్యంలో కొంతమంది నెటిజన్లు గిల్‌ను టార్గెట్‌ చేస్తూ ట్రోల్స్‌కు దిగారు. జైస్వాల్‌ అంటే గిల్‌కు అసూయ అని.. అందుకే అతడు రన్‌ కోసం పిలుపునిచ్చినా సరైన సమయంలో స్పందించలేదని నిందిస్తున్నారు. ఈ విషయంపై టీమిండియా మాజీ క్రికెటర్‌, కామెంటేటర్‌ ఆకాశ్‌ చోప్రా తనదైన శైలిలో స్పందించాడు.జైస్వాల్‌ అంటే గిల్‌కు అసూయా?‘‘నితీశ్‌ రెడ్డి కోసం గిల్‌ పరిగెడతాడు. కానీ జైస్వాల్‌ కోసం సింగిల్‌ తీయడు. ఎందుకిలా?.. ఎందుకంటే.. జైస్వాల్‌ అంటే గిల్‌కు అసూయ!.. అసలేం మాట్లాడుతున్నారో అర్థమవుతోందా?వారి విషయంలోనూ ఇలాగే చేశారురోహిత్‌ శర్మ- విరాట్‌ కోహ్లి విషయంలోనూ మీరు ఇలాగే చేశారు. చాంపియన్స్‌ ట్రోఫీలో ఇద్దరూ కలిసికట్టుగా జట్టును గెలిపించారు. టీ20 ప్రపంచకప్‌ గెలిచిన తర్వాత ఇద్దరూ ట్రోఫీని ముద్దాడుతూ కన్నీటిపర్యంతమయ్యారు. ఒకరినొకరు ఆలింగనం చేసుకుని భావోద్వేగానికి లోనయ్యారు.ఇక ఇప్పుడు మీరేమో మళ్లీ జైస్వాల్‌- గిల్‌ల గురించి ఇలాంటి ప్రచారమే మొదలుపెట్టారు. వాళ్లిద్దరు స్నేహితులు. ఇద్దరూ ఒకే జట్టుకు ఆడుతున్నారు. ఈ రనౌట్‌ విషయంలో తప్పు ఎవరిదైనా.. డ్రెసింగ్‌రూమ్‌లో వాళ్లిద్దరు సరదాగా మాట్లాడుకుంటున్న వీడియో కూడా చూడండి.అసహనం ప్రదర్శించాడంతేఈ ఘటన తర్వాత కూడా వాళ్లిద్దరు ఫ్రెండ్లీగానే మాట్లాడుకున్నారు. అసలేం జరిగిందో అర్థంకాక జైస్వాల్‌ అసహనం ప్రదర్శించాడంతే. ఫ్యాన్స్‌ ఆర్మీలే ఇలాంటి గొడవలు సృష్టిస్తాయి. కలిసికట్టుగా కాకుండా ఒకరిపై ఒకరు పైచేయి సాధించేందుకు ఆడతారని కామెంట్లు చేస్తారు. గిల్‌- జైస్వాల్‌ల ప్రయాణం ఇప్పుడే మొదలైంది. దయచేసి ఇలాంటి ట్రోలింగ్‌ ద్వారా వారి కెరీర్‌పై ప్రభావం పడేలా చేయకండి. వాళ్లిద్దరు కలిసి భారత క్రికెట్‌ను ఎలా ముందుకు తీసుకువెళ్తారో చూడండి’’ అంటూ ఆకాశ్‌ చోప్రా ట్రోలర్స్‌పై మండిపడ్డాడు.కాగా విండీస్‌తో రెండో టెస్టులో గిల్‌ అజేయ శతకం (129) సాధించిన తర్వాత.. ఐదు వికెట్ల నష్టానికి 518 పరుగుల వద్ద ఉన్న వేళ టీమిండియా తొలి ఇన్నింగ్స్‌ డిక్లేర్‌ చేశాడు. ఈ క్రమంలో మొదటి ఇన్నింగ్స్‌లో 248 పరుగులకు ఆలౌట్‌ అయిన వెస్టిండీస్‌.. ఫాలో ఆన్‌ ఆడుతోంది.చదవండి: భర్తేమో బ్యాటర్ల పాలిట విలన్‌.. భార్యేమో బౌలర్లకు హడల్‌! ఆ జంట ఎవరో తెలుసా?

టెస్టుల్లో ఇప్పటికే రెండు డబుల్‌ సెంచరీలు సాధించాడు టీమిండియా ఓపెనర్‌ యశస్వి జైస్వాల్‌ (Yashasvi Jaiswal). వెస్టిండీస్‌తో రెండో టెస్టు సందర్భంగా ముచ్చటగా మూడోది పూర్తి చేస్తాడనుకుంటే ఊహించని రీతిలో రనౌట్‌ అయ్యాడు.25 పరుగుల దూరంలోఢిల్లీలో శనివారం నాటి రెండో రోజు ఆట సందర్భంగా.. అనవసరపు పరుగు కోసం యత్నించి జైసూ మూల్యం చెల్లించాడు. 175 పరుగుల వ్యక్తిగత స్కోరు వద్ద రనౌట్‌ అయి డబుల్‌ సెంచరీకి 25 పరుగుల దూరంలో నిలిచిపోయాడు. టీమిండియా తొలి ఇన్నింగ్స్‌ 92వ ఓవర్లో ఈ ఘటన జరిగింది.జేడన్‌ సీల్స్‌ (Jayden Seales) బౌలింగ్‌లో బంతిని మిడాఫ్‌ దిశగా జైసూ బంతిని బాదగా.. అది నేరుగా ఫీల్డర్‌ దగ్గరకు వెళ్లింది. అయితే అప్పటికే పరుగు కోసం క్రీజు వీడిన జైస్వాల్‌.. మరో ఎండ్‌లో ఉన్న కెప్టెన్‌ శుబ్‌మన్‌ గిల్‌కు పిలుపునిచ్చాడు. కానీ ఫీల్డర్‌ చేతికి బంతి చిక్కడంతో జాగ్రత్త పడ్డ గిల్‌ కాస్త ముందుకు కదిలినా మళ్లీ తన స్థానంలోకి వచ్చేశాడు.గిల్‌కు మద్దతుగా కుంబ్లేఇంతలో జైసూ వెనక్కి పరిగెత్తగా అప్పటికే జరగాల్సిన నష్టం జరిగిపోయింది. ఈ నేపథ్యంలో జైసూ- గిల్‌ తీరుపై విమర్శలు వస్తుండగా.. టీమిండియా మాజీ కెప్టెన్‌ అనిల్‌ కుంబ్లే మాత్రం గిల్‌కు మద్దతుగా నిలిచాడు. స్వీయ తప్పిదంతోనే జైస్వాల్‌ వికెట్‌ పారేసుకున్నాడని అభిప్రాయపడ్డాడు.‘‘ఇదొక ఊహించని పరిణామం. జైస్వాల్‌ వంటి ప్రతిభావంతమైన ఆటగాడు ఇలా చేస్తాడని ఎవరైనా అనుకుంటారా?.. తన షాట్‌ బాగానే ఆడానని జైస్వాల్‌ భావించి ఉంటాడు. ఏదేమైనా పరుగుకోసం వెళ్లాలనేది జైస్వాల్‌ నిర్ణయం.తప్పంతా అతడిదేఇందులో నాన్‌-స్ట్రైకర్‌ ఎండ్‌లో ఉన్న ఆటగాడి (గిల్‌) తప్పేమీ లేదు. ఎందుకంటే జైసూ మిడాఫ్‌ ఫీల్డర్‌కు నేరుగా బంతిని అందించినట్లయింది. ఆ సమయంలో పరుగుకు తీయడానికి అసలు అవకాశమే లేదు’’ అని స్టార్‌ స్పోర్ట్స్‌ షోలో కుంబ్లే పేర్కొన్నాడు. ఇదిలా ఉంటే.. రెండో రోజు ఐదు వికెట్ల నష్టానికి 518 పరుగుల వద్ద ఉన్న వేళ టీమిండియా తమ తొలి ఇన్నింగ్స్‌ డిక్లేర్‌ చేసింది. గిల్‌ 196 బంతులు ఎదుర్కొని 16 ఫోర్లు, రెండు సిక్సర్ల సాయంతో 129 పరుగులతో అజేయంగా నిలిచాడు.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!

వెస్టిండీస్‌తో రెండో టెస్టులో టీమిండియా భారీ స్కోరు సాధించింది. శనివారం నాటి రెండో రోజు ఆట సందర్భంగా.. ఐదు వికెట్ల నష్టానికి 518 పరుగుల వద్ద తమ తొలి ఇన్నింగ్స్‌ డిక్లేర్‌ చేసింది. ఓపెనర్‌ యశస్వి జైస్వాల్‌ (Yashasvi Jaiswal)తో పాటు కెప్టెన్‌ శుబ్‌మన్‌ గిల్‌ (Shubman Gill) శతకంతో చెలరేగడంతో భారత్‌ ఈ మేర స్కోరు సాధ్యమైంది.ప్రపంచ టెస్టు చాంపియన్‌షిప్‌ 2025-27లో భాగంగా భారత్‌ వేదికగా టీమిండియా- వెస్టిండీస్‌ రెండు మ్యాచ్‌లు ఆడేందుకు షెడ్యూల్‌ ఖరారైంది. ఈ క్రమంలో తొలుత అహ్మదాబాద్‌లో ఇరుజట్లు తలపడగా.. టీమిండియా ఇన్నింగ్స్‌ 140 పరుగుల తేడాతో ఘన విజయం సాధించింది. జైస్వాల్‌ భారీ శతకంఇక ఢిల్లీలో శుక్రవారం రెండో టెస్టు (IND vs WI 2nd Test) మొదలు కాగా.. టాస్‌ గెలిచిన టీమిండియా కెప్టెన్‌ శుబ్‌మన్‌ గిల్‌ తొలుత బ్యాటింగ్‌ ఎంచుకున్నాడు. ఓపెనర్లలో కేఎల్‌ రాహుల్‌ (38) ఊహించని విధంగా స్టంపౌట్‌ కాగా.. యశస్వి జైస్వాల్‌ మాత్రం భారీ శతకంతో విరుచుకుపడ్డాడు.తొలి టెస్టు సెంచరీ మిస్‌మరోవైపు.. వన్‌డౌన్‌లో వచ్చిన సాయి సుదర్శన్‌ (87)కెరీర్‌లో తొలి టెస్టు సెంచరీ చేసే అవకాశాన్ని మిస్‌ చేసుకున్నాడు. ఈ క్రమంలో తొలిరోజు ఆటలో రెండు వికెట్ల నష్టానికి 318 పరుగులు చేసిన టీమిండియా.. శనివారం ఆట మొదలైన కాసేపటికే మూడో వికెట్‌ కోల్పోయింది.జైసూ రనౌట్‌175 పరుగుల వ్యక్తిగత స్కోరు వద్ద యశస్వి జైస్వాల్‌ రనౌట్‌ అయి.. డబుల్‌ సెంచరీ చేజార్చుకున్నాడు. అయితే, కెప్టెన్‌ గిల్‌ నిలకడగా ఆడుతూ సెంచరీ పూర్తి చేసుకోగా.. ఐదో స్థానంలో బ్యాటింగ్‌కు వచ్చిన ఆల్‌రౌండర్‌ నితీశ్‌ రెడ్డి 43, వికెట్‌ కీపర్‌ బ్యాటర్‌ ధ్రువ్‌ జురెల్‌ 44 పరుగులు చేసి.. అర్ధ శతకాలు పూర్తి చేసుకోకుండానే వెనుదిరిగారు.𝗚𝗶𝗹𝗹. 𝗚𝗹𝗼𝗿𝘆. 𝗚𝗿𝗲𝗮𝘁𝗻𝗲𝘀𝘀. 🙌@ShubmanGill reaches a brilliant century, guiding #TeamIndia towards a huge total, inching closer to the 500 mark! 🏏💪Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports &… pic.twitter.com/vIWGDISIcx— Star Sports (@StarSportsIndia) October 11, 2025గిల్‌ నిలకడగాఇక గిల్‌ మొత్తంగా 196 బంతులు ఎదుర్కొని 16 ఫోర్లు, రెండు సిక్సర్ల సాయంతో 129 పరుగులతో అజేయంగా నిలిచాడు. ఈ క్రమంలో 134.2 ఓవర్లలో ఐదు వికెట్ల నష్టానికి 518 పరుగుల వద్ద ఉన్న వేళ.. టీమిండియా తమ తొలి ఇన్నింగ్స్‌ డిక్లేర్‌ చేసింది. వెస్టిండీస్‌ బౌలర్లలో లెఫ్టార్మ్‌ స్పిన్నర్‌ జొమెల్‌ వారికన్‌ రాహుల్‌, సాయి, నితీశ్‌ రెడ్డి వికెట్లు తీయగా.. కెప్టెన్‌ రోస్టన్‌ ఛేజ్‌ జురెల్‌ వికెట్‌ తన ఖాతాలో వేసుకున్నాడు.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!

వెస్టిండీస్‌తో రెండో టెస్టులో టీమిండియా కెప్టెన్‌ శుబ్‌మన్‌ గిల్‌ (Shubman Gill) శతకంతో మెరిశాడు. 177 బంతుల్లో వంద పరుగుల మార్కు అందుకున్నాడు. టెస్టుల్లో అతడికి ఇది పదో సెంచరీ కావడం విశేషం.ఆరునెలలు తిరిగే లోపేఅంతేకాదు.. ఈ ఏడాది గిల్‌కు ఐదో టెస్టు శతకం. తద్వారా ఒకే క్యాలెండర్‌ ఇయర్‌లో అత్యధిక టెస్టు సెంచరీలు బాదిన టీమిండియా కెప్టెన్‌గా గిల్‌.. విరాట్‌ కోహ్లి (Virat Kohli) రికార్డు సమం చేశాడు. 2017, 2018లో కోహ్లి ఈ ఘనత సాధించాడు. ఇక టీమిండియా కెప్టెన్‌గా పగ్గాలు చేపట్టి ఆరునెలలు తిరిగే లోపే గిల్‌ ఈ ఫీట్‌ సాధించడం మరో విశేషం.𝗚𝗶𝗹𝗹. 𝗚𝗹𝗼𝗿𝘆. 𝗚𝗿𝗲𝗮𝘁𝗻𝗲𝘀𝘀. 🙌@ShubmanGill reaches a brilliant century, guiding #TeamIndia towards a huge total, inching closer to the 500 mark! 🏏💪Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports &… pic.twitter.com/vIWGDISIcx— Star Sports (@StarSportsIndia) October 11, 2025ఇంగ్లండ్‌ పర్యటనలో నాలుగుకాగా జూన్‌లో ఇంగ్లండ్‌ పర్యటనకు ముందు కెప్టెన్‌ రోహిత్‌ శర్మ టెస్టులకు రిటైర్మెంట్‌ ప్రకటించడంతో.. అతడి స్థానంలో గిల్‌ సారథ్య బాధ్యతలు స్వీకరించిన విషయం తెలిసిందే. ఈ క్రమంలో ఇంగ్లండ్‌తో జరిగిన ఐదు టెస్టుల్లో భాగంగా గిల్‌ నాలుగు శతకాలు బాదాడు.అంతేకాదు ఎడ్జ్‌బాస్టన్‌ టెస్టులో ఒకే ఇన్నింగ్స్‌లో ఏకంగా 269 పరుగులు సాధించి.. ఈ వేదిక మీద డబుల్‌ సెంచరీ సాధించిన భారత తొలి కెప్టెన్‌గా చరిత్ర సృష్టించాడు. ఇక టీమిండియా తాజాగా స్వదేశంలో వెస్టిండీస్‌తో టెస్టు సిరీస్‌ ఆడుతోంది.ఈ క్రమంలో అహ్మదాబాద్‌లో తొలి టెస్టు జరుగగా.. భారత్‌.. విండీస్‌ను ఇన్నింగ్స్‌ 140 పరుగుల తేడాతో చిత్తు చేసింది. అనంతరం ఢిల్లీ వేదికగా ఇరుజట్ల మధ్య శుక్రవారం రెండో టెస్టు మొదలుకాగా.. టాస్‌ గెలిచిన టీమిండియా తొలుత బ్యాటింగ్‌కు దిగింది. తొలి ఇన్నింగ్స్‌ డిక్లేర్‌తొలిరోజు రెండు వికెట్ల నష్టానికి 318 పరుగులు చేసిన భారత జట్టు.. శనివారం నాటి రెండో రోజు ఆటలో తమ తొలి ఇన్నింగ్స్‌ డిక్లేర్‌ చేసింది. 134.2 ఓవర్లలో ఐదు వికెట్ల నష్టానికి 518 పరుగుల భారీ స్కోరు వద్ద ఉన్న వేళ డిక్లేర్‌ చేస్తున్నట్లు ప్రకటించింది. గిల్‌ 196 బంతుల్లో 129 పరుగులు సాధించాడు. మిగిలిన వాళ్లలో ఓపెనర్‌ యశస్వి జైస్వాల్‌ (175) భారీ శతకం సాధించగా.. వన్‌డౌన్‌ బ్యాటర్‌ సాయి సుదర్శన్‌ (87) గొప్పగా రాణించాడు. మరో ఓపెనర్‌ కేఎల్‌ రాహుల్‌ 38, ఆల్‌రౌండర్‌ నితీశ్‌ కుమార్‌రెడ్డి 43, వికెట్‌ కీపర్‌ బ్యాటర్‌ ధ్రువ్‌ జురెల్‌ 44 పరుగులు చేశారు. విండీస్‌ బౌలర్లలో స్పిన్నర్‌ జొమెల్‌ వారికన్‌ మూడు వికెట్లు తీయగా.. కెప్టెన్‌ రోస్టన్‌ ఛేజ్‌ ఒక వికెట్‌ దక్కించుకున్నాడు.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!

టీమిండియా యువ బ్యాటర్‌ యశస్వి జైస్వాల్‌ (Yashasvi Jaiswal)పై భారత జట్టు మాజీ ఓపెనర్‌ ఆకాశ్‌ చోప్రా (Aakash Chopra) ప్రశంసలు కురిపించాడు. వెస్టిండీస్‌తో రెండో టెస్టులో జైసూ శతక్కొట్టిన తీరు అద్భుతమని కొనియాడాడు. చాలా మంది జైసూను.. విధ్వంసకర ఓపెనర్‌ వీరేందర్‌ సెహ్వాగ్‌ (Virender Sehwag)తో పోలుస్తారన్న ఆకాశ్‌ చోప్రా.. అది నిజం కాదన్నాడు.ఏడో సెంచరీసెంచరీతో తన టెస్టు అరంగేట్రాన్ని ఘనంగా చాటుకున్న జైస్వాల్‌ ఆకాశమే హద్దుగా దూసుకుపోతున్నాడు. ఇప్పటికే ఆరు సెంచరీలు బాదిన ఈ ఓపెనింగ్‌ బ్యాటర్‌.. విండీస్‌తో రెండో టెస్టు సందర్భంగా శుక్రవారం ఏడో శతకాన్ని తన ఖాతాలో వేసుకున్నాడు. ఓపికగా ఆడుతూ ఇన్నింగ్స్‌ నిర్మించుకున్న ఈ ఎడమచేతి వాటం ఆటగాడు.. తొలిరోజు ఆట పూర్తయ్యేసరికి.. 253 బంతుల్లో 22 ఫోర్ల సాయంతో 173 పరుగులు చేశాడు.మొదటి బంతి నుంచే హిట్టింగ్‌ఈ నేపథ్యంలో కామెంటేటర్‌ ఆకాశ్‌ చోప్రా మాట్లాడుతూ.. ‘‘చాలా మంది జైస్వాల్‌ను తరచూ వీరేందర్‌ సెహ్వాగ్‌తో పోలుస్తూ ఉంటారు. కానీ అతడు సెహ్వాగ్‌ కంటే భిన్నమైన ప్లేయర్‌.వచ్చామా.. మొదటి బంతి నుంచే హిట్టింగ్‌ ఆడాలి అన్నట్లుగా సెహ్వాగ్‌ అప్రోచ్‌ ఉంటుంది. ప్రత్యర్థి జట్టు బౌలర్లలపై దూకుడు ప్రదర్శిస్తూ కుదిరితే లంచ్‌లోపే సెంచరీ కొట్టేయాలని వీరూ భావించేవాడు.జైస్వాల్‌ అలా కాదుకానీ జైస్వాల్‌ అలా కాదు. అతడి మైండ్‌సైట్‌ సెహ్వాగ్‌ కంటే భిన్నంగా ఉంటుంది. ప్రస్తుతం టెస్టుల్లో మాత్రమే అతడికి అవకాశాలు వస్తున్నాయి. కాబట్టి వాటిని సద్వినియోగం చేసుకోవడంపైనే అతడి దృష్టి ఉంది.పిచ్‌ ఒకవేళ బాగుంటే.. బ్యాటింగ్‌కు కాస్త అనుకూలంగా ఉన్నా.. నెమ్మదిగా ఇన్నింగ్స్‌ నిర్మించడం మొదలుపెడతాడు. ఓపికగా ఆడుతూ.. అవసరమైనపుడు మాత్రమే షాట్లు బాదుతూ అనుకున్న పనిని పూర్తి చేస్తాడు.ప్రతి బంతిని షాట్‌ బాదాలన్న ఇగో ఏమాత్రం లేదు. భోజనానికి ముందు ఓపికగా ఆడిన జైసూ.. ఆ తర్వాత అటాకింగ్‌ మొదలుపెట్టాడు. ప్రత్యర్థిని బెంబెలెత్తించి భారీ శతకం సాధించాడు’’ అని ఆకాశ్‌ చోప్రా జైస్వాల్‌ను ప్రశంసించాడు.రనౌట్‌కాగా తొలిరోజు అదరగొట్టిన జైస్వాల్‌.. శనివారం రెండో రోజు ఆట మొదలైన కాసేపటికే రనౌట్‌ అయ్యాడు. 175 పరుగుల వద్ద పెవిలియన్‌ చేరిన ఈ 23 ఏళ్ల బ్యాటర్‌.. డబుల్‌ సెంచరీ మిస్‌ చేసుకున్నాడు. ఇక శనివారం లంచ్‌ బ్రేక్‌ సమయానికి టీమిండియా 116 ఓవర్లలో.. నాలుగు వికెట్ల నష్టానికి 427 పరుగుల మేర భారీ స్కోరు చేసింది.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!

వెస్టిండీస్‌తో రెండో టెస్టులో టీమిండియా (IND vs WI) అదరగొడుతోంది. రెండు మ్యాచ్‌ల సిరీస్‌ను వైట్‌వాష్‌ చేయడమే లక్ష్యంగా బరిలోకి దిగిన గిల్‌ సేన.. లక్ష్యం దిశగా పయనిస్తోంది. శనివారం నాటి రెండో రోజు ఆట భోజన విరామ సమయానికి 116 ఓవర్లలో.. నాలుగు వికెట్ల నష్టానికి 427 పరుగుల మేర భారీ స్కోరు సాధించింది.కాగా అహ్మదాబాద్‌ వేదికగా తొలి టెస్టులో విండీస్‌ను ఇన్నింగ్స్‌ 140 పరుగుల తేడాతో ఓడించిన టీమిండియా.. ఢిల్లీలో విండీస్‌తో శుక్రవారం రెండో టెస్టు మొదలుపెట్టిన విషయం తెలిసిందే. టాస్‌ గెలిచి తొలుత బ్యాటింగ్‌ చేస్తున్న భారత్‌.. తొలిరోజు ఆటలో కేవలం రెండు వికెట్లు నష్టపోయి 318 పరుగులు చేసి ఆధిక్యం ప్రదర్శించింది.డబుల్‌ సెంచరీ మిస్‌ చేసుకు న్న జైసూఈ క్రమంలో 318/2 ఓవర్‌నైట్‌ స్కోరుతో శనివారం నాటి రెండో రోజు ఆట మొదలుపెట్టిన టీమిండియాకు ఆదిలోనే షాక్‌ తగిలింది. 173 పరుగులతో ఆట మొదలుపెట్టిన ఓపెనర్‌ యశస్వి జైస్వాల్‌ (Yashasvi Jaiswal).. మరో రెండు పరుగులు జతచేసి దురదృష్టవశాత్తూ రనౌట్‌ అయ్యాడు. దీంతో డబుల్‌ సెంచరీ చేయకుండానే జైసూ (175) నిష్క్రమించాడు.నితీశ్‌ రెడ్డి ధనాధన్‌అయితే, కెప్టెన్‌ శుబ్‌మన్‌ గిల్‌ నిలకడగా ఆడుతూ అర్ధ శతకం పూర్తి చేసుకున్నాడు. అతడికి తోడుగా.. ఐదో స్థానంలో బ్యాటింగ్‌కు వచ్చిన ఆల్‌రౌండర్‌ నితీశ్‌ కుమార్‌ రెడ్డి ధనాధన్‌ దంచికొట్టాడు. ఫోర్లు, సిక్సర్లు బాదుతూ జోరు కనబరిచిన ఈ విశాఖ కుర్రాడు.. తృటిలో అర్ధ శతకాన్ని చేజార్చుకున్నాడు. 54 బంతులు ఎదుర్కొని నాలుగు ఫోర్లు, రెండు సిక్సర్ల సాయంతో 43 పరుగుల వ్యక్తిగత స్కోరు వద్ద ఉన్న వేళ.. విండీస్‌ స్పిన్నర్‌ జొమెల్‌ వారికన్‌ అద్భుత బంతితో నితీశ్‌ రెడ్డిని వెనక్కి పంపాడు.𝗕𝗶𝗴 𝗵𝗶𝘁, 𝗯𝗶𝗴 𝗶𝗺𝗽𝗮𝗰𝘁! 🙌#NitishKumarReddy hits a massive six, firing up the crowd as #TeamIndia builds momentum. 🔥Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports & JioHotstar pic.twitter.com/OZzBhNROPF— Star Sports (@StarSportsIndia) October 11, 2025 ఐదో నంబర్‌కు ప్రమోట్‌ అయిటీమిండియా తొలి ఇన్నింగ్స్‌ 108.3వ ఓవర్లో వారికన్‌ బౌలింగ్‌లో జేడన్‌ సీల్స్‌కు క్యాచ్‌ ఇచ్చి నితీశ్‌ రెడ్డి పెవిలియన్‌ చేరాడు. కాగా బ్యాటింగ్‌ ఆర్డర్‌లో ఐదో నంబర్‌కు ప్రమోట్‌ అయి.. ధనాధన్‌ దంచికొట్టి ఇలా అతడు వెనుదిరగడం అభిమానులన నిరాశపరిచింది.ఇక లంచ్‌ బ్రేక్‌ సమయానికి గిల్‌ 75 పరుగులు, ధ్రువ్‌ జురెల్‌ 7 పరుగులతో క్రీజులో ఉన్నారు. అంతకు ముందు అంటే తొలి రోజు ఓపెనర్‌ కేఎల్‌ రాహుల్‌ (38) విఫలం కాగా.. వన్‌డౌన్‌ బ్యాటర్‌ సాయి సుదర్శన్‌ శతకం (87) చేజార్చుకున్న విషయం తెలిసిందే. ఇక విండీస్‌ తీసిన నాలుగు వికెట్లలో మూడు వారికన్‌ ఖాతాలోనే ఉన్నాయి. జైసూ రనౌట్‌తో విండీస్‌కు మరో కీలక వికెట్‌ దక్కింది.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!Leading from the front! 👑Captain @ShubmanGill brings up a classy half-century - crossing 1000 runs as skipper in international cricket! 💥Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports & JioHotstar pic.twitter.com/CDjnnehzO6— Star Sports (@StarSportsIndia) October 11, 2025

వెస్టిండీస్‌తో రెండో టెస్టులో భారీ శతకంతో కదంతొక్కిన టీమిండియా యువ ఓపెనర్‌ యశస్వి జైస్వాల్‌ (Yashasvi Jaiswal) డబుల్‌ సెంచరీ చేసే అవకాశాన్ని చేజార్చుకున్నాడు. శనివారం నాటి రెండో రోజు ఆట ఆరంభమైన కాసేపటికే రనౌట్‌ అయ్యాడు. ద్విశతకానికి పాతిక పరుగుల దూరంలో నిలిచిపోయాడు.ప్రపంచ టెస్టు చాంపియన్‌షిప్‌ (WTC) 2025-27 సైకిల్‌లో భాగంగా భారత్‌- వెస్టిండీస్‌ (IND vs WI) మధ్య రెండు మ్యాచ్‌ల సిరీస్‌ జరుగుతున్న విషయం తెలిసిందే. అహ్మదాబాద్‌లో జరిగిన తొలి టెస్టులో ఇన్నింగ్స్‌ 140 పరుగుల తేడాతో విండీస్‌ను చిత్తు చేసిన టీమిండియా.. 1-0తో ఆధిక్యంలో ఉంది.తొలిరోజు భారత్‌దేఈ క్రమంలో ఇరుజట్ల మధ్య ఢిల్లీ వేదికగా శుక్రవారం రెండో టెస్టు మొదలుకాగా.. టాస్‌ గెలిచిన టీమిండియా తొలుత బ్యాటింగ్‌ ఎంచుకుంది. ఓపెనర్లలో కేఎల్‌ రాహుల్‌ (38) విఫలం కాగా.. యశస్వి జైస్వాల్‌ భారీ శతకం బాదాడు. అతడికి తోడుగా వన్‌డౌన్‌ బ్యాటర్‌ సాయి సుదర్శన్‌ (Sai Sudharsan- 87) రాణించాడు.జైసూ డబుల్‌ సెంచరీ మిస్‌ఈ క్రమంలో తొలిరోజు ఆట ముగిసే సరికి భారత్‌ రెండు వికెట్ల నష్టానికి 318 పరుగులు చేసింది. జైస్వాల్‌ 173, కెప్టెన్‌ శుబ్‌మన్‌ గిల్‌ 20 పరుగులతో క్రీజులో నిలిచారు. ఇక శనివారం ఆట సందర్భంగా డబుల్‌ సెంచరీ పూర్తి చేసుకోవాలని భావించిన జైస్వాల్‌ తన తొందరపాటు చర్యతో రనౌట్‌ అయ్యాడు.గిల్‌ తప్పా?టీమిండియా తొలి ఇన్నింగ్స్‌ 92వ ఓవర్లో విండీస్‌ పేసర్‌ జేడన్‌ సీల్స్‌ బంతితో రంగంలోకి దిగాడు. అతడి బౌలింగ్‌లో రెండో బంతికి మిడాఫ్‌ దిశగా జైసూ బాదిన బంతి నేరుగా ఫీల్డర్‌ చెంతకు చేరింది. అయితే, ఇంతలోనే జైస్వాల్‌ పరుగు కోసం క్రీజు వీడగా.. గిల్‌ మాత్రం పరిస్థితికి తగ్గట్టుగా నాన్‌-స్ట్రైకర్‌ ఎండ్‌లోనే ఉండిపోయాడు.Yashasvi Jaiswal (runout) seems to have developed a habit of taking off for a run even when the ball goes straight to the fielder. He really needs to learn from this —When you're on a big score, what's the rush for a single? 🤦‍♂️pic.twitter.com/asdamXT1zj— Sporttify (@sporttify) October 11, 2025 తల బాదుకున్న జైసూదీంతో జైస్వాల్‌ వెనక్కి పరిగెత్తగా.. అప్పటికే ఫీల్డర్‌ నుంచి బంతిని అందుకున్న వికెట్‌ కీపర్‌ టెవిన్‌ ఇమ్లాచ్‌ దానిని వికెట్లకు గిరాటేశాడు. ఫలితంగా తన ఓవర్‌నైట్‌ స్కోరుకు కేవలం రెండు పరుగులు జతచేసి రనౌట్‌గా వెనుదిరిగాడు. ఈ క్రమంలో తీవ్ర నిరాశకు గురైన జైసూ.. కోపంలో తలబాదుకుంటూ క్రీజును వీడాడు.తప్పు నీదేఇందుకు సంబంధించిన దృశ్యాలు వైరల్‌ అవుతుండగా.. కొంతమంది గిల్‌ను తప్పుబడుతున్నారు. అయితే, చాలా మంది మాత్రం.. ‘బంతి ఫీల్డర్‌ చేతుల్లోకి వెళ్లినా తొందరపడి పరుగుకు రావడం జైసూ తప్పు. అతడికి ఇదొక అలవాటుగా మారింది. 175 పరుగులు చేసిన నీకు ఈ రిస్కీ సింగిల్‌ అవసరమా? ఇది నీ స్వీయ తప్పిదం’’ అంటూ జైస్వాల్‌ను విమర్శిస్తున్నారు.కాగా జైస్వాల్‌ తొలి ఇన్నింగ్స్‌లో మొత్తంగా 258 బంతులు ఎదుర్కొని 22 ఫోర్ల సాయంతో 175 పరుగులు సాధించాడు. వంద ఓవర్ల ఆట పూర్తయ్యేసరికి టీమిండియా మూడు వికెట్ల నష్టానికి 371 పరుగులు చేసింది. గిల్‌ హాఫ్‌ సెంచరీ పూర్తి చేసుకోగా.. ఐదో స్థానంలో బ్యాటింగ్‌కు వచ్చిన నితీశ్‌ కుమార్‌ రెడ్డి 20 పరుగులతో క్రీజులో ఉన్నాడు. చదవండి: యువీ తల్లిని పెళ్లి చేసుకుని తప్పు చేశా.. ఆమెను ఇంట్లో పెట్టి తాళం వేసేవాడిని!

టీమిండియా హెడ్‌కోచ్‌ గౌతం గంభీర్‌ (Gautam Gambhir) ఆసక్తికర వ్యాఖ్యలు చేశాడు. తనలో ఇప్పటికీ దూకుడు అలాగే ఉందని.. మైదానంలో తనను తాను ఇలా ఆవిష్కరించుకోవడం తన సహజమైన భావోద్వేగం అని తెలిపాడు. అయితే, వయసు పెరుగుతున్న దృష్ట్యా ఇంట్లో వాళ్ల కోసం కొన్నిసార్లు తనను తాను సంభాళించుకుంటున్నానని తెలిపాడు.కోహ్లితోనూ గొడవటీమిండియాకు ఆడిన రోజుల్లో గంభీర్‌ ఎంత అగ్రెసివ్‌గా ఉండేవాడో క్రికెట్‌ ప్రేమికులకు కొత్తగా చెప్పాల్సిన పనిలేదు. ముఖ్యంగా దాయాది పాకిస్తాన్‌తో మ్యాచ్‌లో దూకుడు ప్రదర్శిస్తూ ప్రత్యర్థి జట్టు ఆటగాళ్లకు తనదైన శైలిలో కౌంటర్లు ఇచ్చేవాడు. అంతేకాదు.. భారత దిగ్గజ బ్యాటర్‌ విరాట్‌ కోహ్లి (Virat Kohli)తోనూ.. ఈ వరల్డ్‌కప్‌ విన్నర్‌ గొడవ పడిన విషయం తెలిసిందే.ఐపీఎల్‌ మ్యాచ్‌ సందర్భంగా ‘ఢిల్లీ బాయ్స్‌’ గంభీర్‌- కోహ్లి రెండుసార్లు తీవ్ర స్థాయిలో వాగ్వాదం చేసుకున్నారు. ఇదిలా ఉంటే.. 43 ఏళ్ల గంభీర్‌ టీమిండియా హెడ్‌కోచ్‌గా వచ్చిన తర్వాత పాత పగలు పక్కనపెట్టి కోహ్లితో కలిసిపోయాడు. తమ మధ్య ఎలాంటి గొడవలు లేవని స్వయంగా వీరిద్దరు చెప్పడంతో అభిమానుల మధ్య సోషల్‌ మీడియా ఫైట్స్‌కు తెరపడింది.ఎప్పుడూ గంభీరంగానేఇక గంభీర్‌ డగౌట్‌లోనూ ఎప్పుడూ గంభీరంగానే ఉంటాడన్న విషయం తెలిసిందే. అతడి ముఖంలో అమావాస్యకో.. పున్నమికో గానీ నవ్వు కనిపించదు. ఎప్పుడూ సీరియస్‌గా ఉండే గంభీర్‌పై ఈ విషయంలో ఎన్నో మీమ్స్‌ కూడా వస్తూ ఉంటాయి.నేను మారలేదుఈ నేపథ్యంలో స్టార్‌ స్పోర్ట్స్‌తో మాట్లాడిన గౌతం గంభీర్‌ తన వ్యవహారశైలి గురించి తాజాగా ఆసక్తికర వ్యాఖ్యలు చేశాడు. ‘‘నాలో ఇప్పటికీ ఆ దూకుడు అలాగే ఉంది. నేను మారలేదు. అగ్రెసివ్‌గా ముందుకు వెళ్లాలనుకున్నపుడు గొడవ పడటమే నాకు ముందుగా గుర్తుకువస్తుంది.ఇంట్లో పిల్లలు ఉన్నారుఅయితే, వయసు పెరిగింది కాబట్టి.. నా మనసు.. ‘ఇంట్లో పిల్లలు ఉన్నారు’ కదా అని హెచ్చరిస్తుంది’’ అంటూ గంభీర్‌ సరదాగా వ్యాఖ్యానించాడు. కాగా టీమిండియా ప్రస్తుతం స్వదేశంలో వెస్టిండీస్‌తో టెస్టు సిరీస్‌తో బిజీగా ఉంది.రెండు మ్యాచ్‌ల సిరీస్‌లో తొలి టెస్టులో విండీస్‌ను ఇన్నింగ్స్‌ 140 పరుగుల తేడాతో చిత్తు చేసిన గిల్‌ సేన.. శుక్రవారం మొదలుపెట్టిన రెండో టెస్టులోనూ జోరు కనబరుస్తోంది. టీమిండియా- వెస్టిండీస్‌ రెండో టెస్టు తొలిరోజు ఆట సందర్భంగా గంభీర్‌ స్టార్‌ స్పోర్ట్స్‌తో మాట్లాడుతూ పైవిధంగా స్పందించాడు. టీమ్‌ డిన్నర్‌ఇక ఈ మ్యాచ్‌కు ముందు గౌతీ తన ఇంట్లో టీమిండియాకు డిన్నర్‌పార్టీ ఇచ్చినట్లు తెలుస్తోంది. కెప్టెన్‌ శుబ్‌మన్‌ గిల్‌తో పాటు జస్‌ప్రీత్‌ బుమ్రా,ధ్రువ్‌ జురెల్‌, కేఎల్‌ రాహుల్‌, అక్షర్‌ పటేల్‌, ప్రసిద్‌ కృష్ణ సహా కోచ్‌లు ర్యాన్‌ టెన్‌ డష్కాటే, మోర్నీ మోర్కెల్‌, బీసీసీఐ ఉపాధ్యక్షుడు రాజీవ్‌ శుక్లా గంభీర్‌ పార్టీకి హాజరైనట్లు సమాచారం. ఇదిలా ఉంటే.. రోహిత్‌ శర్మను వన్డే కెప్టెన్సీ నుంచి తప్పించి గిల్‌కు పగ్గాలు అప్పగించడంపై గంభీర్‌పై తీవ్ర స్థాయిలో విమర్శలు వస్తున్న విషయం తెలిసిందే. ఇలాంటి సమయంలో గౌతీ టీమ్‌ డిన్నర్‌ ఇవ్వడం గమనార్హం. చదవండి: ‘యువీ గనుక తన పిల్లల్ని.. నాకు అప్పగిస్తే వారికీ అదే ‘గతి’ పట్టిస్తా’

వెస్టిండీస్‌తో రెండో టెస్టు (IND vs WI)లో టీమిండియా వన్‌డౌన్‌ బ్యాటర్‌ సాయి సుదర్శన్‌ (Sai Sudharsan)కు చేదు అనుభవం ఎదురైంది. అద్భుతమైన ఇన్నింగ్స్‌తో సెంచరీ దిశగా పయనించిన ఈ ఎడమచేతి వాటం ఆటగాడు.. తొలి టెస్టు శతకానికి పదమూడు పరుగుల దూరంలో నిలిచిపోయాడు. దీంతో సాయితో పాటు అతడి అభిమానుల హార్ట్‌బ్రేక్‌ అయింది.జైస్వాల్‌ భారీ శతకంభారత్‌- వెస్టిండీస్‌ మధ్య ఢిల్లీ వేదికగా శుక్రవారం రెండో టెస్టు మొదలైంది. టాస్‌ గెలిచిన టీమిండియా తొలుత బ్యాటింగ్‌ ఎంచుకుంది. ఈ క్రమంలో ఓపెనర్‌ కేఎల్‌ రాహుల్‌ 38 పరుగులకే నిష్క్రమించగా.. మరో ఓపెనర్‌ యశస్వి జైస్వాల్‌ (Yashasvi Jaiswal) భారీ శతకంతో మెరిశాడు. అతడికి జతగా వన్‌డౌన్‌ బ్యాటర్‌ సాయి సుదర్శన్‌ కూడా అదరగొట్టాడు.193 పరుగుల భాగస్వామ్యంఈ ఇద్దరు లెఫ్టాండర్లు కలిసి రెండో వికెట్‌కు 193 పరుగుల భాగస్వామ్యం నెలకొల్పారు. ఈ క్రమంలో 165 బంతుల్లో 12 ఫోర్ల సాయంతో 87 పరుగులు రాబట్టిన సాయి సుదర్శన్‌.. విండీస్‌ స్పిన్నర్‌ జొమెల్‌ వారికన్‌ బౌలింగ్‌లో బౌల్డ్‌ అయ్యాడు. ఫలితంగా సాయి టెస్టుల్లో తొలి సెంచరీ చేసే అవకాశాన్ని చేజార్చుకున్నాడు.ఇక తొలిరోజు 83 ఓవర్ల ఆట ముగిసే సరికి టీమిండియా రెండు వికెట్ల నష్టానికి 291 పరుగులు చేసింది. విండీస్‌ బౌలర్లలో వారికన్‌ రెండు వికెట్లు తన ఖాతాలో వేసుకున్నాడు. జైసూ 151, కెప్టెన్‌ శుబ్‌మన్‌ గిల్‌ 15 పరుగులతో క్రీజులో ఉన్నారు.ఇదిలా ఉంటే.. ఇంగ్లండ్‌ పర్యటనలో భాగంగా తొలి మ్యాచ్‌ సందర్భంగా సాయి సుదర్శన్‌ టెస్టుల్లో అరంగేట్రం చేశాడు. ఇప్పటి వరకు టీమిండియా తరఫున నాలుగు మ్యాచ్‌లు ఆడిన ఈ చెన్నై చిన్నోడు 234 పరుగులు సాధించాడు. చదవండి: దిగ్గజాల సరసన యశస్వి జైస్వాల్‌.. భారత రెండో బ్యాటర్‌గా.. At his clinical best! 🧿#SaiSudharsan makes batting look easy as he brings up his half-century! 🙌Catch the LIVE action 👉 https://t.co/8pkqpa9s4Z#INDvWI 👉 2nd Test, Day 1 | Live Now on Star Sports & JioHotstar pic.twitter.com/yhYag1I0if— Star Sports (@StarSportsIndia) October 10, 2025

వెస్టిండీస్‌తో రెండో టెస్టులో టీమిండియా యువ ఓపెనర్‌ యశస్వి జైస్వాల్‌ శతక్కొట్టాడు. ఢిల్లీ వేదికగా శుక్రవారం నాటి తొలిరోజు ఆట సందర్భంగా ఈ ఎడమచేతి వాటం బ్యాటర్‌.. 145 బంతుల్లో వంద పరుగుల మార్కు అందుకున్నాడు. భారత తొలి ఇన్నింగ్స్‌ యాభైవ ఓవర్‌ తొలి బంతికి రెండు పరుగులు తీసి జైసూ.. సెంచరీ పూర్తి చేసుకున్నాడు.కాగా టెస్టు కెరీర్‌లో జైస్వాల్‌కు ఇది ఏడో శతకం కావడం విశేషం. ఈ క్రమంలో ఈ ఓపెనింగ్‌ బ్యాటర్‌ అరుదైన క్లబ్‌లో చేరాడు. 24 ఏళ్ల వయసు కంటే ముందే టెస్టుల్లో అత్యధిక సెంచరీలు బాదిన దిగ్గజాల సరసన నిలిచాడు. టీమిండియా లెజెండరీ బ్యాటర్‌ సచిన్‌ టెండుల్కర్‌ తర్వాత ఈ ఘనత సాధించిన భారత రెండో బ్యాటర్‌గా జైసూ చరిత్రకెక్కాడు.ఇక 23 ఏళ్ల జైస్వాల్‌ 2023లో వెస్టిండీస్‌తో టెస్టు సందర్భంగా అరంగేట్రం చేసి.. తొలి మ్యాచ్‌లోనే శతక్కొట్టిన విషయం తెలిసిందే. ఆ తర్వాత అతడు వెనుదిరిగి చూసుకోలేదు. ముఖ్యంగా టెస్టుల్లో టీమిండియా ఓపెనర్‌గా పాతుకుపోయిన జైసూ.. తాజాగా మరోసారి సెంచరీతో మెరిశాడు.ఇదిలా ఉంటే.. తొలి టెస్టులో విండీస్‌ను ఇన్నింగ్స్‌ 140 పరుగుల తేడాతో చిత్తు చేసిన టీమిండియా.. వైట్‌వాష్‌పై గురిపెట్టింది. రెండో టెస్టు తొలిరోజు టీ బ్రేక్‌ సమయానికి 58 ఓవర్ల ఆట పూర్తి చేసుకుని వికెట్‌ నష్టానికి 220 పరుగులు చేసింది. ఓపెనర్‌ కేఎల్‌ రాహుల్‌ 38 పరుగులకే నిష్క్రమించగా.. జైసూ 162 బంతుల్లో 111, వన్‌డౌన్‌ బ్యాటర్‌ సాయి సుదర్శన్‌ 132 బంతుల్లో 71 పరుగులతో క్రీజులో ఉన్నారు.24 ఏళ్ల వయసు కంటే ముందే టెస్టుల్లో అత్యధిక సెంచరీలు బాదిన క్రికెటర్లు వీరే🏏డాన్‌ బ్రాడ్‌మన్‌ (ఆస్ట్రేలియా)- 12🏏సచిన్‌ టెండుల్కర్‌ (ఇండియా)-11🏏గ్యారీ సోబర్‌ఫీల్డ్‌ (వెస్టిండీస్‌)- 9🏏జావేద్‌ మియాందాద్‌ (పాకిస్తాన్‌), గ్రేమ్‌ స్మిత్‌ (సౌతాఫ్రికా), అలిస్టర్‌ కుక్‌ (ఇంగ్లండ్‌), కేన్‌ విలియమ్సన్‌ (న్యూజిలాండ్‌), యశస్వి జైస్వాల్‌ (ఇండియా)-7.చదవండి: విండీస్‌తో రెండో టెస్ట్‌.. చరిత్ర సృష్టించిన బుమ్రాWhat a player! 👏@ybj_19 joins South African icon #GraemeSmith to score the most Test tons (7) by an opener aged 23 or younger! 🙌Catch the LIVE action 👉 https://t.co/8pkqpa9s4Z#INDvWI 👉 2nd Test, Day 1 | Live Now on Star Sports & JioHotstar pic.twitter.com/aig46QChOd— Star Sports (@StarSportsIndia) October 10, 2025

ఢిల్లీ వేదికగా టీమిండియా- వెస్టిండీస్‌ మధ్య శుక్రవారం (అక్టోబరు 10) రెండో టెస్టు (IND vs WI 2nd Test) మొదలైంది. అరుణ్‌జైట్లీ స్టేడియంలో టాస్‌ గెలిచిన భారత జట్టు సారథి శుబ్‌మన్‌ గిల్‌ (Shubman Gill).. తొలుత బ్యాటింగ్‌ ఎంచుకున్నాడు. ఈ క్రమంలో ఓపెనర్లు యశస్వి జైస్వాల్‌ (Yashasvi Jaiswal), కేఎల్‌ రాహుల్‌ టీమిండియాకు శుభారంభం అందించారు.ఈసారి నిరాశపరిచిన కేఎల్‌ రాహుల్‌అయితే, గత మ్యాచ్‌లో సెంచరీ సాధించిన రాహుల్‌ ఈసారి మాత్రం కాస్త నిరాశపరిచాడు. 54 బంతుల్లో ఐదు ఫోర్లు, ఒక సిక్సర్‌ బాది 38 పరుగులు చేసి నిష్క్రమించాడు. విండీస్‌ లెఫ్టార్మ్‌ ఆర్థోడాక్స్‌ స్పిన్నర్‌ జొమెల్‌ వారికన్‌ తన తొలి ఓవర్లోనే అద్భుతమైన బంతితో రాహుల్‌ను బోల్తా కొట్టించాడు.Shifting gears! ⚙After a steady start, @klrahul unwinds with an elegant punch down the ground. ⚡Catch the LIVE action 👉 https://t.co/8pkqpa9s4Z#INDvWI 👉 2nd Test, Day 1 | Live Now on Star Sports & JioHotstar pic.twitter.com/CpSkK3IJXi— Star Sports (@StarSportsIndia) October 10, 2025స్టంపౌట్‌గాటీమిండియా తొలి ఇన్నింగ్స్‌లో పద్దెనిమిదవ ఓవర్‌ మూడో బంతికి వారికన్‌ బౌలింగ్‌లో షాట్‌ ఆడేందుకు ప్రయత్నించిన రాహుల్‌ విఫలమయ్యాడు. ఈ క్రమంలో వెంటనే బంతిని అందుకున్న వికెట్‌ కీపర్‌ టెవిన్‌ ఇమ్లాచ్‌ బెయిల్స్‌కు గిరాటేశాడు. pic.twitter.com/iNdmtNK9e6— crictalk (@crictalk7) October 10, 2025 దీంతో కనీసం హాఫ్‌ సెంచరీ కూడా చేయకుండానే దురదృష్టవశాత్తూ స్టంపౌట్‌గా వెనుదిరిగాడు. ఈ క్రమంలో 58 పరుగుల స్కోరు వద్ద టీమిండియా తొలి వికెట్‌ కోల్పోయింది.లంచ్‌ బ్రేక్‌ సమయానికి స్కోరెంతంటే?ఇక తొలి టెస్టులో పెద్దగా ఆకట్టుకోలేకపోయిన మరో ఓపెనర్‌ యశస్వి జైస్వాల్‌ రెండో టెస్టులో ఓపికగా ఆడుతున్నాడు. తొలిరోజు నాటి భోజన విరామ సమయానికి జైసూ 78 బంతులు ఎదుర్కొని ఏడు ఫోర్ల సాయంతో 40 పరుగులు చేసి క్రీజులో ఉన్నాడు. ఇక​ వన్‌డౌన్‌లో వచ్చిన సాయి సుదర్శన్‌ 36 బంతుల్లో మూడు ఫోర్లు బాది 16 పరుగులతో జైసూతో కలిసి అజేయంగా నిలిచాడు. ఫలితంగా శుక్రవారం లంచ్‌ బ్రేక్‌ సమయానికి టీమిండియా 28 ఓవర్ల ఆట పూర్తి చేసుకుని వికెట్‌ నష్టానికి 94 పరుగులు చేసింది. ఇదిలా ఉంటే.. తొలి టెస్టులో టీమిండియా విండీస్‌ను ఇన్నింగ్స్‌ 140 పరుగుల తేడాతో త్తుగా ఓడించి.. రెండుమ్యాచ్‌ల సిరీస్‌లో 1-0తో ఆధిక్యంలో ఉన్న విషయం తెలిసిందే. తుది జట్లు..టీమిండియాయశస్వి జైస్వాల్, కేఎల్ రాహుల్, సాయి సుదర్శన్, శుబ్‌మన్‌ గిల్ (కెప్టెన్‌), ధ్రువ్ జురెల్ (వికెట్‌కీపర్‌), రవీంద్ర జడేజా, వాషింగ్టన్ సుందర్, నితీశ్‌ కుమార్ రెడ్డి, కుల్దీప్ యాదవ్, జస్‌ప్రీత్ బుమ్రా, మొహహ్మద్‌ సిరాజ్వెస్టిండీస్: జాన్ క్యాంప్‌బెల్, తగ్‌నరైన్ చందర్‌పాల్, అలిక్ అథనాజ్, షాయ్ హోప్, రోస్టన్ చేజ్(కెప్టెన్‌), టెవిన్ ఇమ్లాచ్(వికెట్‌కీపర్‌), జస్టిన్ గ్రీవ్స్, జోమెల్ వారికన్, ఖరీ పియర్, అండర్సన్ ఫిలిప్, జేడెన్ సీల్స్చదవండి: అందుకే గెలవాల్సిన మ్యాచ్‌ ఓడిపోయాం.. తనొక అద్భుతం: భారత కెప్టెన్‌

రోహిత్‌ శర్మ నుంచి తాను ఎన్నో విషయాలు నేర్చుకున్నానని టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill) తెలిపాడు. రోహిత్‌ భయ్యా తనకు స్ఫూర్తిదాయకమని పేర్కొన్నాడు. టీమిండియాకు రెండు ఐసీసీ టైటిళ్లు అందించిన సారథి రోహిత్‌ శర్మ (Rohit Sharma).వన్డే కెప్టెన్‌గా రోహిత్‌పై వేటు!గతేడాది టీ20 ప్రపంచకప్‌-2024లో టీమిండియాను చాంపియన్‌గా నిలిపిన రోహిత్‌.. ఈ ఏడాది ఐసీసీ (వన్డే) చాంపియన్స్‌ ట్రోఫీ -2025లో జట్టుకు కప్‌ అందించాడు. ఇక ఇప్పటికే అంతర్జాతీయ టీ20లకు వీడ్కోలు పలికిన హిట్‌మ్యాన్‌.. ఇటీవలే టెస్టులకూ రిటైర్మెంట్‌ ప్రకటించగా.. టెస్టు సారథిగా గిల్‌ అతడి స్థానాన్ని భర్తీ చేశాడు.అయితే, వన్డేల్లో కొనసాగుతానని రోహిత్‌ శర్మ చెప్పినా.. బీసీసీఐ (BCCI) ఇటీవలే అతడిని కెప్టెన్సీ నుంచి తప్పించింది. రోహిత్‌ స్థానంలో వన్డే కొత్త కెప్టెన్‌గా శుబ్‌మన్‌ గిల్‌ను నియమించింది. ఆస్ట్రేలియాతో వన్డే సిరీస్‌ సందర్భంగా అతడి శకం మొదలుకానుంది. ఇక ప్రసుతం స్వదేశంలో వెస్టిండీస్‌తో టెస్టు సిరీస్‌తో బిజీగా ఉన్న గిల్‌ గురువారం మీడియాతో మాట్లాడాడు.నాకు ముందే ఈ విషయం గురించి తెలుసుఈ సందర్భంగా వన్డే సారథిగా రోహిత్‌ శర్మ స్థానాన్ని భర్తీ చేయడం గురించి స్పందిస్తూ.. ‘‘టెస్టు మ్యాచ్‌ మధ్యలోనే ఈ ప్రకటన వచ్చింది. అయితే, అంతకంటే ముందే నాకు ఈ విషయం గురించి తెలుసు. నాకు దక్కిన గొప్ప గౌరవం. అతిపెద్ద బాధ్యత.వన్డేల్లో టీమిండియాను ముందుకు నడిపించడానికి ఎంతో ఆతురతగా ఎదురుచూస్తున్నా. గత కొన్ని నెలలుగా నా జీవితం కొత్తగా మారిపోయింది. ఉత్సుకతను పెంచింది. భవిష్యత్తులో జట్టును గొప్పగా ముందుకు తీసుకువెళ్లేందుకు కృషి చేస్తా’’ అని గిల్‌ పేర్కొన్నాడు. మూడు ఫార్మాట్లలోనూ నాయకత్వం వహించేందుకు సిద్దంగా ఉన్నట్లు తెలిపాడు.రోహిత్‌ భాయ్‌ నుంచి నేర్చుకున్నవి ఇవేఇక రోహిత్‌ శర్మ గురించి ప్రస్తావన రాగా.. ‘‘రోహిత్‌ భాయ్‌లో ఎన్నో గొప్ప గుణాలు ఉన్నాయి. వాటిని వారసత్వంగా నేను స్వీకరిస్తా. ముఖ్యంగా ఎలాంటి పరిస్థితుల్లోనైనా ప్రశాంతంగా ఉండటం.. డ్రెసింగ్‌రూమ్‌లో ఆహ్లాదకరమైన వాతావరణం కల్పించడం ఆయనలో నాకు నచ్చే గుణాలు. ఈ రెండింటిని నేను తప్పకుండా కొనసాగిస్తా’’ అని గిల్‌ పేర్కొన్నాడు.కాగా వెస్టిండీస్‌తో తొలి టెస్టులో ఇన్నింగ్స్‌ 140 పరుగుల తేడాతో గెలిచిన టీమిండియా.. అక్టోబరు 10- 14 మధ్య జరిగే రెండో టెస్టులోనూ గెలిచి వైట్‌వాష్‌ చేయాలని పట్టుదలగా ఉంది. ఈ మ్యాచ్‌కు ఢిల్లీలోని అరుణ్‌ జైట్లీ మైదానం వేదిక. చదవండి: నిజం చెప్పడానికి సిగ్గెందుకు?: సూర్యకుమార్‌ యాదవ్‌

టీమిండియాలోకి దూసుకువచ్చిన నయా సంచలనం నితీశ్‌ కుమార్‌ రెడ్డి (Nitish Kumar Reddy). ఈ ఆంధ్ర ఆల్‌రౌండర్‌ గతేడాదే టీమిండియా తరఫున అరంగేట్రం చేశాడు. ఆస్ట్రేలియాతో మ్యాచ్‌ సందర్భంగా టెస్టుల్లో అడుగుపెట్టిన నితీశ్‌ రెడ్డి.. మెల్‌బోర్న్‌ క్రికెట్‌లో సెంచరీ (114)తో సత్తా చాటాడు.వెస్టిండీస్‌తో సిరీస్‌లో.. ఇక ఇప్పటికే అంతర్జాతీయ టీ20లలోనూ ఎంట్రీ ఇచ్చిన నితీశ్‌ రెడ్డి.. ఆస్ట్రేలియాతో సిరీస్‌ (IND vs AUS) సందర్భంగా ఇటీవలే తొలిసారిగా వన్డే జట్టుకూ ఎంపికయ్యాడు. ఇక 22 ఏళ్ల ఈ సీమ్‌ బౌలింగ్‌ ఆల్‌రౌండర్ ప్రస్తుతం వెస్టిండీస్‌ (IND vs WI)తో స్వదేశంలో జరుగుతున్న టెస్టు సిరీస్‌తో బిజీగా ఉన్నాడు.బౌలింగ్‌ పరిమితం.. నో బ్యాటింగ్‌అహ్మదాబాద్‌లో జరిగిన తొలి టెస్టులో నితీశ్‌ రెడ్డికి.. విండీస్‌ తొలి ఇన్నింగ్స్‌లో కేవలం నాలుగు ఓవర్లు మాత్రమే బౌల్‌ చేసే అవకాశం వచ్చింది. మొత్తంగా పదహారు పరుగులు ఇచ్చిన ఈ రైటార్మ్‌ ఫాస్ట్‌ మీడియం పేసర్‌.. రెండో ఇన్నింగ్స్‌లో బౌలింగ్‌కే రాలేదు.ఇక తొలి ఇన్నింగ్స్‌లో టీమిండియా 445-8 వద్ద డిక్లేర్‌ చేయడం సహా.. ఇన్నింగ్స్‌ 140 పరుగుల తేడాతో గెలవడంతో నితీశ్‌ రెడ్డికి బ్యాటింగ్‌ చేసే అవకాశం కూడా రాలేదు. విదేశీ గడ్డపైనే కీలకంఈ నేపథ్యంలో విండీస్‌తో రెండో టెస్టుకు ముందు టీమిండియా అసిస్టెంట్‌ కోచ్‌ ర్యాన్‌ టెన్‌ డష్కాటే నితీశ్‌ రెడ్డిని ఉద్దేశించి కీలక వ్యాఖ్యలు చేశాడు. ఈ అరుదైన సీమ్‌ బౌలింగ్‌ ఆల్‌రౌండర్‌ సేవలను విదేశీ గడ్డపై ఎక్కువ ఉపయోగించుకోవాలని తాము భావిస్తున్నట్లు తెలిపాడు.‘‘అతడొక అద్భుతమైన సీమ్‌ బౌలింగ్‌ ఆల్‌రౌండర్‌. బ్యాటింగ్‌ చేయగల అరుదైన సీమ్‌ బౌలర్‌ తను. కాబట్టి తన శరీరానికి కూడా కాస్త విశ్రాంతి కావాలి. హార్దిక్‌ పాండ్యా విషయంలోనూ మేము ఇలాగే చేశాము.సీమ్‌ బౌలింగ్‌ ఆల్‌రౌండర్ల నైపుణ్యాల విషయంలో మాకు ఎలాంటి సందేహాలు లేవు. అయితే, టెస్టు క్రికెట్‌లో వారి శరీరం స్పందించే తీరు భిన్నంగా ఉంటుంది. తాను ఎంత గొప్పగా బ్యాటింగ్‌ చేయగలడో నితీశ్‌ రెడ్డి ఆస్ట్రేలియాలో నిరూపించాడు.నాణ్యమైన ఆల్‌రౌండర్‌విదేశీ గడ్డ మీద అతడు కీలకం. మున్ముందు ఎన్నో సవాళ్లు ఎదుర్కోబోతున్నాడు. ఇక స్వదేశంలో పరిస్థితులు వేరుగా ఉంటాయి. కాబట్టి అతడి సేవలను పరిమితం చేసినా పెద్దగా తేడా ఉండదు. అతడొక నాణ్యమైన ఆల్‌రౌండర్‌ అనడంలో మాత్రం ఎలాంటి సందేహం లేదు’’ అని డష్కాటే చెప్పుకొచ్చాడు. కాగా టీమిండియా- వెస్టిండీస్‌ జట్ల మధ్య ఢిల్లీ​ వేదికగా శుక్రవారం (అక్టోబరు 10)- మంగళవారం (అక్టోబరు 14) వరకు రెండో టెస్టుకు షెడ్యూల్‌ ఖరారైంది.చదవండి: ఫిట్‌గానే ఉన్నా.. అందుకే నన్ను సెలక్ట్‌ చేయలేదు: స్పందించిన షమీ

టీమిండియా సీనియర్‌ బౌలర్‌ మహ్మద్‌ షమీ (Mohammed Shami)కి గడ్డుకాలం నడుస్తోంది. భారత పేస్‌ దళంలో కీలక ఆటగాడిగా కొనసాగిన ఈ బెంగాల్‌ క్రికెటర్‌కు ఇప్పుడు జట్టులో చోటే కరువైంది. వన్డే వరల్డ్‌కప్‌-2023 టోర్నీలో గాయం తాలూకు బాధను దిగమింగి.. జట్టు విజయాల్లో కీలక పాత్ర పోషించాడు షమీ.సొంతగడ్డపై జరిగిన ఈ మెగా టోర్నీలో కేవలం ఆరు మ్యాచ్‌లే ఆడిన షమీ ఏకంగా 23 వికెట్లు కూల్చాడు. తద్వారా ఈ ఐసీసీ ఈవెంట్లో లీడింగ్‌ వికెట్‌ టేకర్‌గా నిలిచాడు. అయితే, ఆ తర్వాత నుంచి షమీ చీలమండ గాయం తీవ్రత ఎక్కువ కావడంతో సర్జరీ చేయించుకున్నాడు.చాంపియన్‌ జట్టులోకోలుకునే క్రమంలో దాదాపు ఏడాదిన్నర పాటు టీమిండియాకు దూరంగా ఉన్న షమీ.. స్వదేశంలో ఈ ఏడాది ఇంగ్లండ్‌తో సిరీస్‌ సందర్భంగా పునరాగమనం చేశాడు. ఈ క్రమంలో ఐసీసీ చాంపియన్స్‌ ట్రోఫీ-2025 గెలిచిన భారత జట్టులోనూ షమీ భాగమయ్యాడు. అయితే, ఈ వన్డే టోర్నీలో ఐదు మ్యాచ్‌లలో కలిపి తొమ్మిది వికెట్లు తీయగలిగాడు.రెండేళ్ల నుంచీ నిరాశే పరిమిత ఓవర్ల క్రికెట్‌లో పరిస్థితి ఇలా ఉంటే.. టెస్టుల్లో మాత్రం షమీకి రెండేళ్ల నుంచీ నిరాశే ఎదురవుతోంది. ఫిట్‌నెస్‌ సమస్యల దృష్ట్యా అతడిని పక్కనపెట్టినట్లు టీమిండియా మేనేజ్‌మెంట్‌ చెబుతోంది. మరోవైపు.. ఇటీవల దులిప్‌ ట్రోఫీలో బెంగాల్‌ తరఫున బరిలోకి దిగిన షమీ.. 34 ఓవర్ల బౌలింగ్‌లో కేవలం ఒకే ఒక్క వికెట్‌ తీయగలిగాడు.షమీ కీలక నిర్ణయంఈ నేపథ్యంలో వెస్టిండీస్‌తో స్వదేశంలో టెస్టులకు కూడా సెలక్టర్లు షమీని ఎంపిక చేయలేదు. అంతేకాదు ఆస్ట్రేలియాతో పరిమిత ఓవర్ల సిరీస్‌ ఆడే జట్టులోనూ అతడికి చోటి వ్వలేదు. ఈ విషయం గురించి చీఫ్‌ సెలక్టర్‌ అజిత్‌ అగార్కర్‌ మాట్లాడుతూ.. షమీ గురించి అప్‌డేట్‌ లేదని చెప్పడం గమనార్హం. ఈ క్రమంలో షమీ కీలక నిర్ణయం తీసుకున్నట్లు తెలుస్తోంది.తనను తాను నిరూపించుకునేందుకు రంజీ ట్రోఫీ తాజా సీజన్‌లో ఆడేందుకు షమీ సిద్ధమైనట్లు సమాచారం. ఈ విషయం గురించి బెంగాల్‌ కోచ్‌ టెలిగ్రాఫ్‌తో మాట్లాడుతూ.. ‘‘ఆరేడు రోజుల క్రితం షమీతో మాట్లాడాను. అతడు ఆడేందుకు సిద్ధంగా ఉన్నాడు. రంజీ ట్రోఫీలో మా ఓపెనింగ్‌ మ్యాచ్‌ నుంచే అతడు అందుబాటులో ఉంటాడని ఆశిస్తున్నాం’’ అని పేర్కొన్నాడు.తలుపులు శాశ్వతంగా మూసుకుపోయినట్లేఇదిలా ఉంటే.. బీసీసీఐ అధికారి ఒకరు షమీ గురించి ప్రస్తావన రాగా.. ‘‘టీమిండియాలోకి షమీ తిరిగి రావడం ప్రస్తుతం కష్టమే. ఇటీవల దులిప్‌ మ్యాచ్‌లోనూ అతడు రాణించలేకపోయాడు. రోజురోజుకీ వయసు మీద పడుతోంది. యువ ఆటగాళ్లతో అతడు పోటీ పడలేడు.అయితే, ఐపీఎల్‌లో అవకాశాలు దక్కించుకోవాలంటే.. అతడు ఆడక తప్పని పరిస్థితి’’ అని వ్యాఖ్యానించడం గమనార్హం. తద్వారా షమీకి టీమిండియా తలుపులు శాశ్వతంగా మూసుకుపోయినట్లేననే సంకేతాలు ఇచ్చారు సదరు అధికారి. కాగా ఐపీఎల్‌-2025లో సన్‌రైజర్స్‌ హైదరాబాద్‌కు ప్రాతినిథ్యం వహించిన 35 ఏళ్ల షమీ కేవలం ఆరు వికెట్లు మాత్రమే తీయగలిగాడు.చదవండి: IND vs AUS: 462 వికెట్లు.. స్వింగ్ సుల్తాన్‌.. క‌ట్ చేస్తే! ఊహించ‌ని విధంగా కెరీర్‌కు ఎండ్ కార్డ్‌?

మిగతా వాటితో పోలిస్తే క్రికెట్‌, సినిమాలను కెరీర్‌గా ఎంచుకుంటే ఎన్నో కష్టనష్టాలకు ఓర్చుకోవాల్సి ఉంటుంది. వీటిలో విజయశాతం తక్కువ. ముఖ్యంగా ఎలాంటి బ్యాగ్రౌండ్‌ లేకుండా ఇలాంటి రంగాల్లో నిలదొక్కుకోవడం కత్తిమీద సాము లాంటిదే.నూటికో కోటికో ఒక్కరే అనుకున్న లక్ష్యాన్ని చేరుకోవడంలో సఫలమవుతూ ఉంటారు. ఇక సాధారణ కుటుంబం నుంచి వచ్చిన వారు ఇలాంటి పెద్ద పెద్ద కలలు కంటే పరిస్థితి ఎలా ఉంటుందో ఊహించుకోవచ్చు.అయితే, ఆత్మవిశ్వాసం ఉంటే కఠిన సవాళ్లను సైతం సులువుగానే అధిగమించవచ్చని అంటున్నాడు టీమిండియా స్టార్‌ క్రికెటర్‌ మొహమ్మద్‌ సిరాజ్‌. హైదరాబాద్‌ గల్లీల నుంచి.. అంతర్జాతీయ క్రికెట్‌లో అత్యుత్తమ పేస్‌ బౌలర్లలలో ఒకడిగా ఎదిగాడు సిరాజ్‌ మియా.ఏదో ఒకరోజు ఇంట్లో పట్టనంత డబ్బు సంపాదిస్తాపట్టుదల ఉంటే ఆటో డ్రైవర్‌ కుమారుడైనా అత్యున్నత స్థాయికి చేరుకోవచ్చని నిరూపించాడు. అయితే, చిన్ననాడు అందరిలాగే తానూ తల్లి చేత చివాట్లు తిన్నాడు సిరాజ్‌. గల్లీల్లో ఆడుతూ ఉంటే.. ‘ఈ ఆట అన్నం పెడుతుందా?’ అంటూ తల్లి ఆవేదన పడుతుంటే.. ఆమెను ఊరడించేందుకు.. ‘‘ఏదో ఒకరోజు ఇంట్లో పట్టనంత డబ్బు సంపాదిస్తా’’ అని చెప్పాడు.అయితే, తర్వాతి రోజుల్లో ఆ మాటనే నిజం చేశాడు సిరాజ్‌. ఈ విషయాల గురించి తాజాగా మాట్లాడుతూ.. ‘‘ఆరోజు నాకింకా గుర్తుంది. నేను క్రికెట్‌ ఆడేందుకు వెళ్లాను. మా అమ్మకు నేనలా వెళ్లడం అస్సలు ఇష్టం లేదు.భవిష్యత్తు గురించి నాకు బెంగలేదని తిట్టేది. ఆరోజు కూడా అలాగే తిట్టింది. అప్పుడు నేను.. ‘అమ్మ నన్ను కొట్టడం ఆపేయ్‌.. ఏదో ఒకరోజు నేను కచ్చితంగా ఈ ఇంట్లో పట్టనంత డబ్బు సంపాదిస్తాను. నువ్వేం బాధపడకు.. నేనది చేసి చూపిస్తా’ అని నమ్మకంగా చెప్పాను.ఆత్మవిశ్వాసం ఉంటేనే..ఆరోజు నేను అన్న మాటలు నిజమయ్యాయి. ఆ దేవుడే వాటిని నిజం చేశాడు. ఆత్మవిశ్వాసం ఉంటేనే మనం అనుకున్న లక్ష్యాన్ని చేరుకోగలం. ఒకవేళ మీపై మీకు నమ్మకం లేకుంటే జీవితంలో ఏమీ సాధించలేరు. మనల్ని మనం నమ్ముకోవాలి.మనకంటూ లక్ష్యాన్ని నిర్దేశించుకుని.. దాని కోసమే నిరంతరమూ పరితపించాలి. అప్పుడే అంతా సవ్యంగా సాగుతుంది. నేను ఈరోజు యార్కర్‌ వేసి వికెట్‌ తీస్తానని అనుకుంటే.. కచ్చితంగా అది సాధించగలను. నా ఆత్మవిశ్వాసమే అందుకు కారణం. మన ప్రణాళికలను పక్కాగా అమలు చేసినప్పుడు ఏదీ అసాధ్యం కాదు. కఠినంగా శ్రమిస్తే దక్కనిది ఏదీ ఉండదు’’ అని సిరాజ్‌ ఇండియన్‌ ఎక్స్‌ప్రెస్‌తో పేర్కొన్నాడు.కాగా హైదరాబాద్‌ తరఫున దేశీ క్రికెట్‌లో రాణించిన సిరాజ్‌.. 2017లో ఐపీఎల్‌లో అడుగుపెట్టాడు. ఆ తర్వాత అతడు వెనుదిరిగి చూసుకోలేదు. టీమిండియా తరఫున మూడు ఫార్మాట్లలోనూ సత్తా చాటిన సిరాజ్‌.. ఇప్పటి వరకు తన కెరీర్‌లో 42 టెస్టులు, 44 వన్డేలు, 16 టీ20లు ఆడాడు.విలాసవంతమైన జీవితంటెస్టుల్లో ఇప్పటికి 130, వన్డేల్లో 71, టీ20లలో 14 వికెట్లు తీసిన సిరాజ్‌.. ప్రస్తుతం సొంతగడ్డపై వెస్టిండీస్‌తో జరుగుతున్న టెస్టు సిరీస్‌తో బిజీగా ఉన్నాడు. అన్నట్లు పేద కుటుంబంలో జన్మించిన సిరాజ్‌ నికర ఆస్తుల విలువ ప్రస్తుతం దాదాపు రూ. 60 కోట్లు. చిన్నపుడు ఇరుకు ఇంట్లో నివసించిన సిరాజ్‌ తల్లిని ఇప్పుడు జూబ్లీహిల్స్‌లోని కోట్ల విలువ గల ఇంట్లో నివసిస్తున్నారు. అంతేకాదు.. చిన్నపుడు తండ్రితో కలిసి ఆటోలో తిరిగిన ఈ హైదరాబాదీ బౌలర్‌ గ్యారేజీలో ఇప్పుడు విలాసవంతమైన కార్లు ఎన్నో ఉన్నాయి. అయితే, తన సక్సెస్‌ను పూర్తిగా ఆస్వాదించకుండానే తండ్రి మరణించడం సిరాజ్‌కు ఎప్పటికీ తీరని లోటు!చదవండి: ‘మీ నాన్నతో కలిసి ఆటో తోలుకో’;.. ధోని ఆరోజు చెప్పిన మాటతో ఇలా..: సిరాజ్‌

భారత టెస్టు జట్టు వైస్‌ కెప్టెన్‌ రిషభ్‌ పంత్‌ (Rishabh Pant) గాయం కారణంగా కొన్నాళ్లుగా ఆటకు దూరంగా ఉన్నాడు. ఇంగ్లండ్‌తో ఐదు టెస్టుల సిరీస్‌లో ఆడిన ఈ వికెట్‌ కీపర్‌ బ్యాటర్‌ కాలికి గాయమైంది. మాంచెస్టర్‌లో జరిగిన నాలుగో టెస్టు సందర్భంగా పంత్‌ ఎడమకాలి పాదం ఫ్రాక్చర్‌ అయింది.త్వరలోనే రీఎంట్రీఅయినప్పటికీ కట్టుతోనే బ్యాటింగ్‌కు దిగిన పంత్‌ అర్ధ శతకం సాధించాడు. అయితే, గాయం తీవ్రం కావడంతో నిర్ణయాత్మక ఐదో టెస్టుకు ఈ ఎడమచేతి వాటం బ్యాటర్‌ దూరమయ్యాడు. ఈ క్రమంలో భారత క్రికెట్‌ నియంత్రణ మండలి (BCCI) పునరావాస శిబిరంలో చికిత్స తీసుకున్న పంత్‌.. త్వరలోనే జట్టులోకి తిరిగి వచ్చే అవకాశం ఉంది.అయితే, పంత్‌ గైర్హాజరీలో మరో యువ ఆటగాడు ధ్రువ్‌ జురెల్‌ టెస్టు జట్టులో వికెట్‌ కీపర్‌గా బాధ్యతలు నిర్వర్తిస్తున్నాడు. ఇటీవల ఆస్ట్రేలియా-ఎ జట్టుతో అనధికారిక రెండో టెస్టులో కెప్టెన్‌గానూ వ్యవహరించాడు. ఇక ఇటీవల వెస్టిండీస్‌తో తొలి మ్యాచ్‌ సందర్భంగా జురెల్‌ టెస్టుల్లో తన తొలి సెంచరీ నమోదు చేశాడు.పంత్‌ తిరిగి వస్తే అతడి పరిస్థితి ఏమిటి?గత కొన్నాళ్లుగా నిలకడగా పరుగులు సాధిస్తున్న 24 ఏళ్ల జురెల్‌ జట్టులో పాతుకుపోయే ప్రయత్నం చేస్తున్నాడు. అయితే, పంత్‌ తిరిగి వస్తే అతడి పరిస్థితి ఏమిటన్న సందేహాల నడుమ.. భారత మాజీ క్రికెటర్‌ సదగోపర్‌ రమేశ్‌ (Sadagoppan Ramesh) ఆసక్తికర వ్యాఖ్యలు చేశాడు.‘‘వెస్టిండీస్‌తో అహ్మదాబాద్‌ టెస్టులో జురెల్‌ అద్భుతమైన ఇన్నింగ్స్‌ (125) ఆడాడు. విండీస్‌ బౌలింగ్‌ అటాక్‌ పేలవంగానే ఉన్నా.. జురెల్‌ ఒత్తిడిలో ఉండటం సహజం.అచ్చమైన బ్యాటర్‌గా..ఎందుకంటే బీస్ట్‌ లాంటి పంత్‌తో అతడికి పోటీ ఉంది. అయితే, ఈ సెంచరీ ద్వారా మేనేజ్‌మెంట్‌కు అతడు ఓ విషయం స్పష్టం చేశాడు. తనకు, పంత్‌కు మధ్య పోటీ లేదని.. అచ్చమైన బ్యాటర్‌గా తాను అందుబాటులో ఉంటానని సంకేతాలు ఇచ్చాడు.సాయి సుదర్శన్‌ గనుక మూడో స్థానంలో విఫలమవుతూ ఉన్నా... నితీశ్‌ రెడ్డి బ్యాట్‌తో రాణించకపోయినా.. ఈ రెండు సందర్భాల్లో జురెల్‌కు ఢోకా ఉండదు. ఒకవేళ రిషభ్‌ పంత్‌ తిరిగి వచ్చినా జురెల్‌ మూడో నంబర్‌ ఆటగాడిగా ఫిక్సయిపోవచ్చు’’ అని సదగోపన్‌ రమేశ్‌ సోషల్‌ మీడియా వేదికగా తన అభిప్రాయాలు పంచుకున్నాడు. కాగా జురెల్‌ ఇప్పటి వరకు టీమిండియా తరఫున ఆరు టెస్టుల్లో కలిపి 380 పరుగులు చేశాడు. ఇందులో ఓ హాఫ్‌ సెంచరీ, సెంచరీ ఉన్నాయి.చదవండి: ‘మీ నాన్నతో కలిసి ఆటో తోలుకో’;.. ధోని ఆరోజు చెప్పిన మాటతో ఇలా..: సిరాజ్‌

ఇండియన్‌ ప్రీమియర్‌ లీగ్‌ (IPL)లో సత్తా చాటి టీమిండియా తరఫున అరంగేట్రం చేసిన ఆటగాళ్ల జాబితాలో మొహమ్మద్‌ సిరాజ్‌ (Mohammed Siraj) కూడా ఉన్నాడు. 2017లో సన్‌రైజర్స్‌ హైదరాబాద్‌ తరఫున క్యాష్‌ రిచ్‌ లీగ్‌లో అడుగుపెట్టిన ఈ పేస్‌ బౌలర్‌.. అదే ఏడాది అంతర్జాతీయ టీ20 ఫార్మాట్లోనూ ఎంట్రీ ఇచ్చాడు.ఆ తర్వాత రెండేళ్లకు వన్డేల్లో.. మూడేళ్లకు టెస్టుల్లో అరంగేట్రం చేసిన సిరాజ్‌.. ప్రస్తుతం టీమిండియా పేస్‌ దళంలో జస్‌ప్రీత్‌ బుమ్రా (Jasprit Bumrah)తో పాటు ప్రధాన బౌలర్‌గా ఎదిగాడు. ఇటీవల ఇంగ్లండ్‌ పర్యటనలో విశ్రాంతి లేకుండా వెయ్యికి పైగా బంతులు బౌల్‌ చేసి.. ఐదు టెస్టుల్లో కలిపి 23 వికెట్లు పడగొట్టాడు.ఇక ప్రస్తుతం వెస్టిండీస్‌తో స్వదేశంలో జరుగుతున్న టెస్టు సిరీస్‌తో బిజీగా ఉన్న సిరాజ్‌.. కెరీర్‌ తొలినాళ్లలో తనపై ట్రోలింగ్‌ జరిగిన తీరు.. ఆ సమయంలో దిగ్గజ కెప్టెన్‌ మహేంద్ర సింగ్‌ ధోని (MS Dhoni) ఇచ్చిన సలహాల గురించి తాజాగా పంచుకున్నాడు. ఇండియన్‌ ఎక్స్‌ప్రెస్‌తో మాట్లాడుతూ..ధోని ఆరోజు నాకో మాట చెప్పాడు‘‘నేను టీమిండియాలో అడుగుపెట్టినపుడే ఎంఎస్‌ ధోని నాకో మాట చెప్పాడు. ‘ఇతరులు ఏమంటున్నారో అస్సలు పట్టించుకోకు. నువ్వు బాగా ఆడినపుడు ప్రపంచం మొత్తం నీతోనే ఉంటుంది. ఒకవేళ నువ్వు విఫలమైతే మాత్రం నిన్ను దూషించడానికి కూడా ఎవరూ వెనుకాడరు’ అని అన్నాడు.అవును.. కెరీర్‌ తొలినాళ్లలో నేనూ ట్రోలింగ్‌ బారినపడ్డాను. ఏదేమైనా ట్రోల్స్‌ చేయడం చెడ్డ విషయం. నేను బాగా ఆడినపుడు అభిమానులతో పాటు ఈ ప్రపంచం మొత్తం.. ‘వారెవ్వా.. సిరాజ్‌ లాంటి బౌలర్‌ మరొకరు లేనేలేరు’ అని ప్రశంసిస్తారు.వెళ్లి మీ నాన్నతో కలిసి ఆటో తోలుకోఒకవేళ నేను ఫెయిల్‌ అయితే.. ‘వెళ్లు.. వెళ్లి మీ నాన్నతో కలిసి ఆటో తోలుకో’ అన్నవాళ్లూ లేకపోలేదు. ఇదే తరీఖా?.. ఓ మ్యాచ్‌లో హీరో అయిన వాళ్లు మరో మ్యాచ్‌లో పూర్తిగా జీరో అయిపోతారా? (నవ్వులు).ప్రజలు అంత త్వరగా తమ మాటలు మార్చేస్తారా?.. బయట వ్యక్తుల అభిప్రాయాలను పట్టించుకోవద్దని నేను చాన్నాళ్ల క్రితమే నిర్ణయించుకున్నా. సహచర ఆటగాళ్లు, కుటుంబ సభ్యులు నా గురించి ఏమనుకుంటున్నారనేదే ముఖ్యం. వేరే వాళ్లను అసలు పట్టించుకోను. ఇతరులు నా గురించి ఏం అంటున్నా నేను లెక్క చేయను’’ అని సిరాజ్‌ చెప్పుకొచ్చాడు.తీవ్ర విషాదాన్ని దిగమింగుకుని..కాగా హైదరాబాద్‌కు చెందిన సిరాజ్‌ పేద కుటుంబం నుంచి వచ్చాడు. అతడి తండ్రి మొహమ్మద్‌ గౌస్‌ ఆటో నడిపి కుటుంబాన్ని పోషించేవారు. అయినప్పటికీ క్రికెటర్‌ కావాలన్న కుమారుడి కలకు ఆయన ఊతమిచ్చారు. అయితే, తనకెంతో ఇష్టమైన సంప్రదాయ ఫార్మాట్లో కొడుకు అరంగేట్రం చేయడానికి కొన్ని రోజుల ముందే గౌస్‌ మరణించారు.ఊపిరితిత్తుల్లో సమస్య కారణంగా కోవిడ్‌ సమయంలో సిరాజ్‌ తండ్రి మృతి చెందారు. అయితే, సిరాజ్‌ మాత్రం అరంగేట్రం కోసం ఆస్ట్రేలియాలోనే ఉండిపోయాడు. తన తండ్రికి టెస్టు ఫార్మాట్‌ అంటే ఇష్టమని.. ఆయనకు తనిచ్చే నివాళి ఇదేనంటూ ఉద్వేగానికి లోనయ్యాడు. ఇక అప్పటి నుంచి ప్రతి సిరీస్‌కు ముందు తండ్రి సమాధిని దర్శించుకోవడం ఆనవాయితీగా పెట్టుకున్నాడు. ఆటో డ్రైవర్‌ కొడుకు క్రికెటర్‌ అవుతాడా అన్న హేళనలకు ఆటతోనే సమాధానం ఇచ్చి టీమిండియాలో కీలక సభ్యుడిగా ఎదిగి... రూ. కోట్లు సంపాదిస్తూ ఆర్థికంగానూ నిలదొక్కుకున్న సిరాజ్‌ యువతరానికి స్ఫూర్తిగా నిలిచాడు.కాగా 31 ఏళ్ల సిరాజ్‌ ఇప్పటి వరకు తన అంతర్జాతీయ కెరీర్‌లో 44 వన్డేలు, 42 టెస్టులు, 16 టీ20 మ్యాచ్‌లు ఆడాడు. ఈ రైటార్మ్‌ పేసర్‌ టెస్టుల్లో 130, వన్డేల్లో 71, టీ20లలో 14 వికెట్లు కూల్చాడు. ఐపీఎల్‌లో 108 మ్యాచ్‌లలో కలిపి 109 వికెట్లు పడగొట్టాడు. చదవండి: Rishabh Pant Facts: రిషభ్‌ పంత్‌ నెట్‌వర్త్‌ ఎంతో తెలుసా?

వెస్టిండీస్‌తో తొలి టెస్టులో గెలుపు పట్ల టీమిండియా కెప్టెన్‌ శుబ్‌మన్‌ గిల్‌ (Shubman Gill) హర్షం వ్యక్తం చేశాడు. ఇదొక సంపూర్ణ మ్యాచ్‌ అని.. రెండు ఇన్నింగ్స్‌లో బౌలర్లు రాణించిన తీరు అద్భుతమని కొనియాడాడు. బ్యాటింగ్‌ పరంగానూ తాము గొప్పగా ఆడామని.. ముగ్గురు సెంచరీలు చేయడం సంతోషాన్నిచ్చిందని పేర్కొన్నాడు.ఇంగ్లండ్‌ పర్యటనలో భాగంగా టీమిండియా టెస్టు సారథిగా గిల్‌ బాధ్యతలు చేపట్టిన విషయం తెలిసిందే. ఇంగ్లండ్‌ గడ్డ మీద బ్యాటర్‌గా, కెప్టెన్‌గా రాణించిన ఈ కుడిచేతి వాటం ఆటగాడు.. ఐదు మ్యాచ్‌ల సిరీస్‌ను 2-2తో సమం చేసుకున్నాడు. అయితే, ఇంగ్లండ్‌ గడ్డ మీద ఐదు టెస్టుల్లోనూ గిల్‌ టాస్‌ ఓడిపోయాడు.వరుసగా ఆరు ఓటములుతాజాగా వెస్టిండీస్‌తో తొలి టెస్టు (IND vs WI 1st Test)లోనూ ఇదే రిపీటైంది. అయితే, సారథిగా టాస్‌ ఓడినా మ్యాచ్‌లు మాత్రం గెలిచాడు గిల్‌. ఈ నేపథ్యంలో విండీస్‌పై విజయానంతరం మాట్లాడుతూ.. ‘‘వరుసగా ఆరుసార్లు టాస్‌ ఓడిపోయాను.అయితే, మ్యాచ్‌లు మాత్రం గెలుస్తూనే ఉన్నాం. కాబట్టి టాస్‌లో ఓడిన ప్రభావం పడిందని అనుకోను. దానిని అసలు లెక్కేచేయను. ఇదొక సంపూర్ణ మ్యాచ్‌. విజయం పట్ల సంతోషంగా ఉంది.ఎలాంటి ఫిర్యాదులూ లేవుముగ్గురు సెంచరీలు చేశారు. ఈ మ్యాచ్‌లో మా ఫీల్డింగ్‌ రెండు ఇన్నింగ్స్‌లోనూ భేషుగ్గా ఉంది. ఏ విషయంలోనూ ఎలాంటి ఫిర్యాదులూ లేవు. ఈ పిచ్‌ బ్యాటింగ్‌కు బాగానే ఉంది.అయితే, నేను, జైస్వాల్‌ మెరుగ్గా ఆడలేకపోయాము. శుభారంభం అందుకున్నా దానిని కొనసాగించలేకపోయాము. ఇక మా స్పిన్నర్ల గురించి ప్రత్యేకంగా చెప్పేదేమీ లేదు. నాణ్యమైన స్పిన్నర్లు జట్టులో ఉన్నారు. వారిని రొటేట్‌ చేసుకోవడమే కష్టం. అయితే, ఇలాంటి సవాలు ఎదురుకావడం జట్టుకు మంచిదే.కెప్టెన్‌గా చాలా విషయాలు నేర్చుకుంటున్నాఅవసరమైనప్పుడు ప్రతి ఒక్కరు అందుబాటులో ఉండి పని పూర్తి చేస్తారు. మా జట్టులో యువకులు ఎక్కువగా ఉన్నారు. కెప్టెన్‌గా నేను చాలా విషయాలు నేర్చుకుంటున్నా. క్లిష్ట పరిస్థితులను ఎలా అధిగమించాలో తెలుసుకుంటున్నా. జట్టుగా మేమంతా ఇప్పటికీ నేర్చుకునే దశలోనే ఉన్నాం. అనుభవం గడించే కొద్దీ మేము మరింత సానుకూలంగా.. ఆత్మవిశ్వాసంతో ముందుకు సాగగలం’’ అని గిల్‌ చెప్పుకొచ్చాడు. కాగా విండీస్‌తో తొలి టెస్టులో కేఎల్‌ రాహుల్‌ (100), ధ్రువ్‌ జురెల్‌ (125), రవీంద్ర జడేజా (104- నాటౌట్‌) సెంచరీలు చేయగా.. గిల్‌ 50 పరుగులు సాధించాడు. ఇక బౌలర్లలో పేసర్లు సిరాజ్‌ ఓవరాల్‌గా ఏడు వికెట్లు తీయగా.. బుమ్రా మూడు వికెట్లు కూల్చాడు. స్పిన్నర్లలో రవీంద్ర జడేజా నాలుగు, కుల్దీప్‌ యాదవ్‌ నాలుగు, వాషింగ్టన్‌ సుందర్‌ రెండు వికెట్లు తమ ఖాతాలో వేసుకున్నారు.టీమిండియా వర్సెస్‌ వెస్టిండీస్‌ తొలి టెస్టు స్కోర్లుటీమిండియా: 448/5 డిక్లేర్డ్‌వెస్టిండీస్‌: 162 & 146ఫలితం: వెస్టిండీస్‌ను ఇన్నింగ్స్‌ 140 పరుగుల తేడాతో ఓడించిన టీమిండియా.చదవండి: Rishabh Pant Facts: రిషభ్‌ పంత్‌ నెట్‌వర్త్‌ ఎంతో తెలుసా?

వెస్టిండీస్‌తో తొలి టెస్టులో టీమిండియా ఘన విజయం సాధించింది. పర్యాటక జట్టును.. ఇన్నింగ్స్‌ మీద 140 పరుగుల తేడాతో చిత్తుగా ఓడించింది. సమిష్టిగా రాణించి ముచ్చటగా మూడు రోజుల్లోనే మ్యాచ్‌ ముగించింది.ప్రపంచ టెస్టు చాంపియన్‌షిప్‌ (WTC) 2025-27 సీజన్‌లో భాగంగా తొలుత ఇంగ్లండ్‌తో తలపడిన టీమిండియా.. ఐదు మ్యాచ్‌లలో రెండు గెలిచి 2-2తో సిరీస్‌ సమం చేసుకుంది. అనంతరం స్వదేశంలో వెస్టిండీస్‌తో రెండు టెస్టు మ్యాచ్‌లు ఆడుతోంది.చెలరేగిన భారత బౌలర్లుఇందులో భాగంగా తొలుత అహ్మదాబాద్‌ వేదికగా గురువారం ఇరుజట్ల మధ్య తొలి టెస్టు (IND vs WI 1st Test) మొదలైంది. టాస్‌ గెలిచిన వెస్టిండీస్‌ మొదట బ్యాటింగ్‌ చేసింది. భారత పేసర్లు జస్‌ప్రీత్‌ బుమ్రా, మొహమ్మద్‌ సిరాజ్‌ ధాటికి టాపార్డర్‌ కుదేలు కాగా.. మిడిలార్డర్‌లో కెప్టెన్‌ రోస్టన్‌ ఛేజ్‌ (24), షాయీ హోప్‌ (26), జస్టిన్‌ గ్రీవ్స్‌ (32) ఓ మోస్తరుగా రాణించారు.ఈ క్రమంలో 44.1 ఓవర్లలో 162 పరుగులు చేసి వెస్టిండీస్‌ ఆలౌట్‌ అయింది. టీమిండియా బౌలర్లలో సిరాజ్‌.. తగ్‌నరైన్‌ చందర్‌పాల్‌ (0), అలిక్‌ అథనాజ్‌ (12), బ్రాండన్‌ కింగ్‌ (13), రోస్టన్‌ ఛేజ్‌ రూపంలో నాలుగు కీలక వికెట్లు దక్కించుకున్నాడు.మరోవైపు.. బుమ్రా జాన్‌ కాంప్‌బెల్‌ (8), జస్టిన్‌ గ్రీవ్స్‌ (32), జొహాన్‌ లేన్‌ (1) వికెట్లు తీయగా.. కుల్దీప్‌ యాదవ్‌.. షాయీ హోప్‌ (26), వారికన్‌ (8) వికెట్లు తన ఖాతాలో వేసుకున్నాడు. వాషింగ్టన్‌ సుందర్‌ ఖరీ పియరీ (11)ను వికెట్ల ముందు దొరకబుచ్చుకున్నాడు.రాహుల్‌, డీజే, జడ్డూ శతకాలుఈ క్రమంలో బ్యాటింగ్‌కు దిగిన భారత్‌ శుక్రవారం నాటి రెండో రోజు ఆట ముగిసే సరికి 128 ఓవర్లలో ఐదు వికెట్ల నష్టానికి 448 పరుగులు సాధించింది. కేఎల్‌ రాహుల్‌ (100), ధ్రువ్‌ జురెల్‌ (125), రవీంద్ర జడేజా (104 నాటౌట్‌) శతకాలతో చెలరేగగా.. కెప్టెన్‌ శుబ్‌మన్‌ గిల్‌ హాఫ్‌ సెంచరీ (50) చేశాడు.అయితే, శనివారం నాటి మూడో రోజు ఆట మొదలుకాగానే భారత్‌ తమ ఓవర్‌నైట్‌ స్కోరు 448/5 వద్ద తొలి ఇన్నింగ్స్‌ డిక్లేర్‌ చేసింది. దీంతో టీమిండియాకు 286 పరుగుల ఆధిక్యం దక్కింది. ఈ క్రమంలో రెండో ఇన్నింగ్స్‌ మొదలుపెట్టిన వెస్టిండీస్‌ 146 పరుగులకే కుప్పకూలింది.మరోసారి చెలరేగిన భారత బౌలర్లుభారత బౌలర్ల విజృంభణ కారణంగా విండీస్‌ బ్యాటర్లు పెవిలియన్‌కు వరుసకట్టారు. సిరాజ్‌ టీమిండియా తరఫున వికెట్ల వేట మొదలుపెట్టగా.. జడ్డూ వరుస విరామాల్లో వికెట్లు పడగొట్టాడు. కుల్దీప్‌ యాదవ్‌ కూడా తన స్పిన్‌ మాయాజాలంతో విండీస్‌ను ఆడుకున్నాడు.ఈ క్రమంలో ఓపెనర్‌ తగ్‌నరైన్‌ చందర్‌పాల్‌ (8) మరోసారి విఫలం కాగా.. జాన్‌ కాంప్‌బెల్‌ 14, బ్రాండన్‌ కింగ్‌ 5, రోస్టన్‌ ఛేజ్‌ 1, షాయీ హోప్‌ 1 పరుగు చేశారు. వన్‌డౌన్‌బ్యాటర్‌ అలిక్‌ అథనాజ్‌ 38 పరుగులు సాధించగా.. అతడితో కలిసి జస్టిన్‌ గ్రీవ్స్‌ (25) కాసేపు పోరాటం చేశాడు.టీమిండియా ఘన విజయంఆఖర్లో ఖరీ పియరీ 13 పరుగులతో అజేయంగా నిలవగా.. బౌలర్‌ జేడన్‌ సీల్స్‌ 22 పరుగులతో సత్తా చాటాడు. అయితే, కుల్దీప్‌ బౌలింగ్‌లో సీల్స్‌ పదో వికెట్‌గా వెనుదిరగడంతో విండీస్‌ పరాజయం ఖరారైంది.ఇన్నింగ్స్‌ మీద 140 పరుగుల తేడాతో భారత్‌ జయభేరి మోగించింది. ‘ప్లేయర్‌ ఆఫ్‌ ది మ్యాచ్‌’ జడ్డూ నాలుగు, సిరాజ్‌ మూడు వికెట్లు తీయగా.. కుల్దీప్‌ రెండు, వాషింగ్టన్‌ సుందర్‌ ఒక వికెట్‌ తమ ఖాతాలో వేసుకున్నారు. ఇక ఈ విజయంతో టీమిండియా రెండు టెస్టుల సిరీస్‌లో 1-0తో ఆధిక్యంలోకి వెళ్లింది.భారత్‌ వర్సెస్‌ వెస్టిండీస్‌ తొలి టెస్టు సంక్షిప్త స్కోర్లు👉వేదిక: నరేంద్ర మోదీ స్టేడియం, అహ్మదాబాద్‌👉టాస్‌: వెస్టిండీస్‌.. తొలుత బ్యాటింగ్‌👉వెస్టిండీస్‌ తొలి ఇన్నింగ్స్‌ స్కోరు: 162 ఆలౌట్‌👉భారత్‌ తొలి ఇన్నింగ్స్‌ స్కోరు: 448/5 డిక్లేర్డ్‌ ✊భారత్‌కు 286 పరుగుల ఆధిక్యం👉వెస్టిండీస్‌ రెండో ఇన్నింగ్స్‌ స్కోరు: 146 ఆలౌట్‌✌️ఫలితం: వెస్టిండీస్‌పై ఇన్నింగ్స్‌ 140 పరుగుల తేడాతో భారత్‌ ఘన విజయం.చదవండి: Rishabh Pant Facts: రిషభ్‌ పంత్‌ నెట్‌వర్త్‌ ఎంతో తెలుసా?Hugs and smiles all around 😊#TeamIndia celebrate a magnificent victory in Ahmedabad and take a 1-0 lead in the series 👏Scorecard ▶ https://t.co/MNXdZceTab#INDvWI | @IDFCFIRSTBank pic.twitter.com/22q4aUUhqp— BCCI (@BCCI) October 4, 2025

వెస్టిండీస్‌తో తొలి టెస్టులో టీమిండియా (IND vs WI) బౌలర్లు అదరగొడుతున్నారు. సొంతగడ్డపై ఆకాశమే హద్దుగా చెలరేగుతూ ప్రత్యర్థి జట్టు బ్యాటర్లకు చుక్కలు చూపిస్తున్నారు. ఫలితంగా శనివారం నాటి మూడో రోజు ఆటలో విండీస్‌ తమ రెండో ఇన్నింగ్స్‌లో 49 పరుగులకే ఏకంగా ఐదు వికెట్లు కోల్పోయింది.162 పరుగులకేరెండు మ్యాచ్‌ల సిరీస్‌లో భాగంగా టీమిండియా- వెస్టిండీస్‌ మధ్య అహ్మదాబాద్‌ వేదికగా గురువారం తొలి టెస్టు మొదలైంది. టాస్‌ ఓడి తొలుత బౌలింగ్‌ చేసిన భారత్‌.. తొలి ఇన్నింగ్స్‌లో విండీస్‌ను 162 పరుగులకే ఆలౌట్‌ చేసింది. హైదరాబాదీ పేసర్‌ మొహమ్మద్‌ సిరాజ్‌ (Mohammed Siraj) నాలుగు వికెట్లు పడగొట్టగా.. పేస్‌ దళ నాయకుడు జస్‌ప్రీత్‌ బుమ్రా (Jasprit Bumrah) మూడు వికెట్లు దక్కించుకున్నాడు.టీమిండియా భారీ స్కోరుచైనామన్‌ స్పిన్నర్‌ కుల్దీప్‌ యాదవ్‌ (Kuldeep Yadav) రెండు వికెట్లు తీయగా.. స్పిన్‌ ఆల్‌రౌండర్‌ వాషింగ్టన్‌ సుందర్‌ ఒక వికెట్‌ తన ఖాతాలో వేసుకున్నాడు. అనంతరం తొలి ఇన్నింగ్స్‌లో.. భారత్‌ ఐదు వికెట్ల నష్టానికి 448 పరుగుల భారీ స్కోరు వద్ద ఇన్నింగ్స్‌ డిక్లేర్‌ చేసింది. కేఎల్‌ రాహుల్‌ (100), ధ్రువ్‌ జురెల్‌ (125), రవీంద్ర జడేజా (104 నాటౌట్‌) శతకాల వల్ల ఇది సాధ్యమైంది.220 పరుగులు వెనుకబడిఈ క్రమంలో శనివారం నాటి మూడో రోజు ఆటలో రెండో ఇన్నింగ్స్‌ మొదలుపెట్టిన విండీస్‌.. భోజన విరామ సమయానికి 27 ఓవర్లలో ఐదు వికెట్లు కోల్పోయి కేవలం 66 పరుగులు చేసింది. టీమిండియా కంటే ఇంకా 220 పరుగులు వెనుకబడి ఉంది.ఓపెనర్‌ తగ్‌నరైన్‌ చందర్‌పాల్‌ (8) రూపంలో సిరాజ్‌ తొలి వికెట్‌ అందించగా.. రవీంద్ర జడేజా తన స్పిన్‌ మాయాజాలంతో మరో ఓపెనర్‌ జాన్‌ కాంప్‌బెల్‌ (14), నాలుగో నంబర్‌ బ్యాటర్‌ బ్రాండన్‌ కింగ్‌ (5), వికెట్‌ కీపర్‌బ్యాటర్‌ షాయీ హోప్‌ (1)లను వెనక్కి పంపించాడు.ఇక కుల్దీప్‌ యాదవ్‌.. కెప్టెన్‌ రోస్టన్‌ ఛేజ్‌ (1)ను అద్భుత రీతిలో బౌల్డ్‌ చేశాడు. ఈ క్రమంలో 66 పరుగులకే ఐదు వికెట్లు కోల్పోయిన వెస్టిండీస్‌ పీకల్లోతు కష్టాల్లో కూరుకుపోయింది. శనివారం లంచ్‌ బ్రేక్‌ సమయానికి వన్‌డౌన్‌ బ్యాటర్‌ అలిక్‌ అథనాజ్‌ 27, ఆల్‌రౌండర్‌ జస్టిన్‌ గ్రీవ్స్‌ 10 పరుగులతో క్రీజులో ఉన్నారు.చదవండి: చరిత్ర సృష్టించిన కేఎల్‌ రాహుల్‌.. టెస్టు క్రికెట్‌ హిస్టరీలోనే ఏకైక ఆటగాడిగా..#TeamIndia's fielding brilliance continues 👏This time it's Yashasvi Jaiswal 👌West Indies 5️⃣ down now!Updates ▶ https://t.co/MNXdZceTab#INDvWI | @IDFCFIRSTBank | @ybj_19 pic.twitter.com/5gKY0dXiVt— BCCI (@BCCI) October 4, 2025

వెస్టిండీస్‌తో తొలి టెస్టు సందర్భంగా టీమిండియా ఆల్‌రౌండర్‌ నితీశ్‌కుమార్‌ రెడ్డి (Nitish Kumar Reddy) సంచలన క్యాచ్‌తో మెరిశాడు. పక్షిలా గాల్లోకి ఎగిరి రెండు చేతులతో బంతిని ఒడిసిపట్టాడు. ఇందుకు సంబంధించిన వీడియోను భారత క్రికెట్‌ నియంత్రణ మండలి (BCCI) షేర్‌ చేయగా నెట్టింట వైరల్‌గా మారింది.ప్రపంచ టెస్టు చాంపియన్‌షిప్‌ 2025-27లో భాగంగా స్వదేశంలో టీమిండియా వెస్టిండీస్‌ (IND vs WI)తో సిరీస్‌ ఆడుతోంది. ఈ క్రమంలో అహ్మదాబాద్‌ వేదికగా గురువారం తొలి టెస్టు మొదలుకాగా.. టాస్‌ గెలిచిన విండీస్‌ తొలి ఇన్నింగ్స్‌లో 162 పరుగులకు ఆలౌట్‌ అయింది.ఇన్నింగ్స్‌ డిక్లేర్‌ఇందుకు బదులుగా టీమిండియా ఐదు వికెట్ల నష్టానికి 448 పరుగులు చేసి.. శనివారం నాటి మూడో రోజు ఆట మొదలుకాగానే తొలి ఇన్నింగ్స్‌ డిక్లేర్‌ చేసింది. 286 పరుగుల ఆధిక్యంలో ఉన్న వేళ ఈ నిర్ణయం తీసుకుంది. ఈ క్రమంలో విండీస్‌ రెండో ఇన్నింగ్స్‌ మొదలుపెట్టగా.. భారత సీనియర్‌ పేసర్‌ మొహమ్మద్‌ సిరాజ్‌ ఆదిలోనే ప్రత్యర్థిని దెబ్బకొట్టాడు.సిరాజ్‌ బౌలింగ్‌లో వెస్టిండీస్‌ ఓపెనర్‌ తగ్‌నరైన్‌ చందర్‌పాల్‌ 8 పరుగుల వ్యక్తిగత స్కోరు వద్ద.. బంతిని గాల్లోకి లేపాడు. ఇంతలో.. స్క్వేర్‌ లెగ్‌లో ఫీల్డింగ్‌ చేస్తున్న నితీశ్‌ కుమార్‌ రెడ్డి గాల్లోకి ఎగిరి.. డైవ్‌ చేసి మరీ అద్భుత రీతిలో క్యాచ్‌ అందుకున్నాడు. దీంతో వెస్టిండీస్‌ తొలి వికెట్‌ కోల్పోయింది.49 పరుగులకే ఐదు వికెట్లు కోల్పోయి..ఇక ఈసారి కూడా భారత బౌలర్ల ధాటికి విండీస్‌ బ్యాటర్లు పెవిలియన్‌కు క్యూ కడుతున్నారు. శనివారం నాటి మూడో రోజు ఆటలో 23 ఓవర్లు ముగిసేసరికి 49 పరుగులు మాత్రమే చేసిన విండీస్‌ సగం వికెట్లు కోల్పోయింది. రవీంద్ర జడేజా మూడు వికెట్లతో చెలరేగగా.. సిరాజ్‌, కుల్దీప్‌ యాదవ్‌ ఒక్కో వికెట్‌ పడగొట్టారు.చదవండి: చరిత్ర సృష్టించిన కేఎల్‌ రాహుల్‌.. టెస్టు క్రికెట్‌ హిస్టరీలోనే ఏకైక ఆటగాడిగా.. 𝗪𝗛𝗔𝗧. 𝗔. 𝗖𝗔𝗧𝗖𝗛. 👏Nitish Kumar Reddy grabs a flying stunner 🚀Mohd. Siraj strikes early for #TeamIndia ☝️Updates ▶️ https://t.co/MNXdZceTab#INDvWI | @IDFCFIRSTBank | @NKReddy07 pic.twitter.com/1Bph4oG9en— BCCI (@BCCI) October 4, 2025

వెస్టిండీస్‌తో తొలి టెస్టులో టీమిండియా (IND vs WI 1st Test) తమ మొదటి ఇన్నింగ్స్‌ డిక్లేర్‌ చేసింది. ఊహించని రీతిలో శనివారం నాటి మూడో రోజు ఆట మొదలుకాగానే ఈ మేరకు తమ నిర్ణయాన్ని ప్రకటించింది. దీంతో విండీస్‌ బ్యాటింగ్‌కు దిగింది.ప్రపంచ టెస్టు చాంపియన్‌షిప్‌ (WTC) 2025-27 సీజన్‌లో భాగంగా సొంతగడ్డపై టీమిండియా.. విండీస్‌తో రెండు టెస్టులు ఆడుతోంది. ఈ క్రమంలో అహ్మదాబాద్‌లోని నరేంద్ర మోదీ స్టేడియంలో గురువారం మొదటి టెస్టు మొదలైంది. టాస్‌ గెలిచిన పర్యాటక విండీస్‌ జట్టు తొలుత బ్యాటింగ్‌ చేసింది.భారత బౌలర్ల విజృంభణభారత బౌలర్ల ధాటికి.. తొలి ఇన్నింగ్స్‌లో భాగంగా 44.1 ఓవర్లలో కేవలం 162 పరుగులు మాత్రమే చేసి వెస్టిండీస్‌ జట్టు కుప్పకూలింది. ఓపెనర్లు జాన్‌ కాంప్‌బెల్‌ (8), తగ్‌నరైన్‌ చందర్‌పాల్‌ (0)లతో పాటు.. వన్‌డౌన్‌ బ్యాటర్‌ అలిక్‌ అథనాజ్‌ (12) కూడా పూర్తిగా విఫలమయ్యాడు.మిగతా వారిలో బ్రాండన్‌ కింగ్‌ (13), ఖరీ పియరీ (11) రెండంకెల స్కోరు చేయగా.. కెప్టెన్‌ రోస్టన్‌ ఛేజ్‌ (24), షాయీ హోప్‌ (26) ఫర్వాలేదనిపించారు. ఆల్‌రౌండర్‌ జస్టిన్‌ గ్రీవ్స్‌ 32 పరుగులతో విండీస్‌ ఇన్నింగ్స్‌లో టాప్‌ రన్‌స్కోరర్‌గా నిలిచాడు.టీమిండియా బౌలర్లలో మొహమ్మద్‌ సిరాజ్‌ (Mohammed Siraj) నాలుగు వికెట్లతో చెలరేగగా.. బుమ్రా మూడు, కుల్దీప్‌ యాదవ్‌ రెండు, వాషింగ్టన్‌ సుందర్ ఒక వికెట్‌ దక్కించుకున్నారు. బౌలర్లు ఇలా తమ పనిని సమర్థవంతంగా పూర్తి చేసి ప్రత్యర్థిని కట్టడి చేయగా.. బ్యాటర్లు కూడా విజృంభించారు.ముగ్గురు మొనగాళ్లుఓపెనర్‌ కేఎల్‌ రాహుల్‌ (100)తో పాటు వికెట్‌ కీపర్‌ బ్యాటర్‌ ధ్రువ్‌ జురెల్‌ (125), ఆల్‌రౌండర్‌ రవీంద్ర జడేజా (104 నాటౌట్‌) శతకాలతో ఆకట్టుకున్నారు. కెప్టెన్‌ శుబ్‌మన్‌ గిల్‌ 50 పరుగులు చేయగా.. ఓపెనర్‌ యశస్వి జైస్వాల్‌ (36) నిరాశపరిచాడు. ఇటీవల సూపర్‌ ఫామ్‌ కనబరిచిన సాయి సుదర్శన్‌ (7) మాత్రం ఈసారి పూర్తిగా విఫలమయ్యాడు.ఈ క్రమంలో శుక్రవారం నాటి రెండో రోజు ఆట పూర్తయ్యేసరికి టీమిండియా ఐదు వికెట్ల నష్టానికి 448 పరుగులు చేసి.. విండీస్‌పై మొదటి ఇన్నింగ్స్‌లో 286 పరుగుల ఆధిక్యం సంపాదించింది. అయితే, శనివారం నాటి మూడో రోజు ఆట మొదలుకాగానే తమ ఇన్నింగ్స్‌ను డిక్లేర్‌ చేసింది. వేట మొదలుపెట్టిన సిరాజ్‌ఫలితంగా విండీస్‌ తమ రెండో ఇన్నింగ్స్‌ మొదలుపెట్టింది. తొమ్మిది ఓవర్ల ఆట ముగిసేసరికి వికెట్‌ నష్టానికి 21 పరుగులు చేసింది. ఓపెనర్‌ తగ్‌నరైన్‌ చందర్‌పాల్‌ (8) మరోసారి విఫలం అయ్యాడు. సిరాజ్‌ బౌలింగ్‌లో నితీశ్‌ రెడ్డికి క్యాచ్‌ ఇచ్చి పెవిలియన్‌ చేరాడు. ఇక మరో ఓపెనర్‌ జాన్‌ కాంప్‌బెల్‌ 12, అలిక్‌ అథనాజ్‌ ఒక పరుగుతో క్రీజులో ఉన్నారు.చదవండి: చరిత్ర సృష్టించిన కేఎల్‌ రాహుల్‌.. టెస్టు క్రికెట్‌ హిస్టరీలోనే ఏకైక ఆటగాడిగా..

టీమిండియా స్టార్‌ క్రికెటర్‌ కేఎల్‌ రాహుల్‌ (KL Rahul) అరుదైన రికార్డు సాధించాడు. టెస్టు క్రికెట్‌ చరిత్రలో ఇంత వరకు ఏ ఆటగాడికీ సాధ్యం కాని ఘనతను తన ఖాతాలో వేసుకున్నాడు. ఇంతకీ అదేమిటంటే...!ప్రపంచ టెస్టు చాంపియన్‌షిప్‌ (WTC) 2025-27 సైకిల్‌లో భాగంగా టీమిండియా- విండీస్‌ (IND vs WI Tests) మధ్య రెండు మ్యాచ్‌ల నిర్వహణకు షెడ్యూల్‌ ఖరారైన విషయం తెలిసిందే. ఇందులో భాగంగా అహ్మదాబాద్‌ వేదికగా గురువారం తొలి టెస్టు మొదలైంది.శతక్కొట్టిన కేఎల్‌ రాహుల్‌నరేంద్ర మోదీ మైదానంలో టాస్‌ గెలిచిన వెస్టిండీస్‌ తొలుత బ్యాటింగ్‌ చేసి.. తొలి ఇన్నింగ్స్‌లో 162 పరుగులకే ఆలౌట్‌ అయింది. ఈ క్రమంలో తమ తొలి ఇన్నింగ్స్‌ మొదలుపెట్టిన టీమిండియా శుక్రవారం నాటి రెండో రోజు ఆట ముగిసే సరికి.. కేవలం ఐదు వికెట్లు నష్టపోయి 448 పరుగులు సాధించింది.I wish KL Rahul does what Michael Hussey has done in his career,KL hits his prime in 30s and wants him to score at least 10k test runs for india otherwise it's a waste of talent.India has done a lot of backing, now it's finally paying off.pic.twitter.com/JokYjzK6Lt— Sujeet Suman (@sujeetsuman1991) October 3, 2025 ఓపెనర్లలో యశస్వి జైస్వాల్‌ (36) ఫర్వాలేదనిపించగా... రెండో రోజు ఆట సందర్భంగా కేఎల్‌ రాహుల్‌ శతక్కొట్టాడు. ఈ కుడిచేతి వాటం బ్యాటర్‌ 197 బంతులు ఎదుర్కొని 12 ఫోర్ల సాయంతో 100 పరుగులు చేశాడు. సెంచరీ పూర్తి చేసుకున్న వెంటనే.. వారికన్‌ బౌలింగ్‌లో జస్టిన్‌ గ్రీవ్స్‌కు క్యాచ్‌ ఇవ్వడంతో రాహుల్‌ శతక ఇన్నింగ్స్‌కు తెరపడింది.ఏకైక క్రికెటర్‌గా..కాగా టెస్టు మ్యాచ్‌లో రాహుల్‌ ఇలా సరిగ్గా వంద పరుగులు పూర్తి చేసుకున్న తర్వాత అవుట్‌ కావడం ఇది రెండోసారి. జూలైలో ఇంగ్లండ్‌తో లార్డ్స్‌ టెస్టులోనూ సెంచరీ చేసిన తర్వాత రాహుల్‌ పెవిలియన్‌ చేరాడు. ఇలా ఒకే క్యాలెండర్‌ ఇయర్‌లో ఓ ఆటగాడు సరిగ్గా వంద పరుగులు చేసి రెండుసార్లు అవుట్‌ కావడం.. 148 ఏళ్ల టెస్టు క్రికెట్‌ చరిత్రలో ఇదే తొలిసారి.అదే విధంగా.. ఓవరాల్‌గా టెస్టు కెరీర్‌లో 100 పరుగుల వద్ద రెండుసార్లు అవుటైన ఏడో ప్లేయర్‌గా కేఎల్‌ రాహుల్‌ నిలవడం గమనార్హం. ఇదిలా ఉంటే.. రాహుల్‌ కెరీర్‌లో ఇది పదకొండో టెస్టు సెంచరీ కావడం విశేషం.448/5 డిక్లేర్డ్‌ఇక రాహుల్‌ (100)తో పాటు ధ్రువ్‌ జురెల్‌ (125) శతక్కొట్టగా.. రవీంద్ర జడేజా (Ravindra Jadeja) అజేయ సెంచరీ (104)తో క్రీజులో ఉన్నాడు. మిగిలిన వాళ్లలో కెప్టెన్‌ శుబ్‌మన్‌ గిల్‌ అర్ధ శతకం (100 బంతుల్లో 50) సాధించాడు. ఈ క్రమంలో రెండో రోజు ఆట ముగిసే సరికి 448 పరుగులు చేసిన టీమిండియా.. విండీస్‌ కంటే తొలి ఇన్నింగ్స్‌లో 286 పరుగుల ఆధిక్యంలో నిలిచింది. శనివారం నాటి మూడో రోజు ఆట మొదలుకాగానే ఇదే స్కోరు వద్ద (448/5) టీమిండియా తమ తొలి ఇన్నింగ్స్‌ డిక్లేర్‌ చేసింది.చదవండి: IND vs AUS: శ్రేయస్‌ అయ్యర్‌, అభిషేక్‌ శర్మ విఫలం.. తిలక్‌ వర్మ మెరిసినా...

ఆసియా కప్‌ 2025లో (Asia cup 2025) భారత్‌ (Team India) విజేతగా నిలిచింది. నిన్న (సెప్టెంబర్‌ 28) జరిగిన ఫైనల్లో పాక్‌ను ఓడించి 9వ సారి ఆసియా ఛాంపియన్‌గా అవతరించింది. టీ20 ఫార్మాట్‌లో జరిగిన ఈ టోర్నీ దాదాపు 20 రోజుల పాటు సాగింది. భారత్‌ ఈ టోర్నీలో ఓటమెరుగని జట్టుగా నిలిచింది.గ్రూప్‌ దశలో యూఏఈ, పాకిస్తాన్‌, ఒమన్‌పై విజయాలు సాధించిన టీమిండియా.. సూపర్‌-4లో పాకిస్తాన్‌, బంగ్లాదేశ్‌, శ్రీలంకపై గెలుపొందింది. ఫైనల్లో మరోసారి పాక్‌పై గెలిచి టైటిల్‌ ఎగరేసుకుపోయింది. ఈ టోర్నీలో భారత్‌కు శ్రీలంక ఒక్కటే కాస్త టఫ్‌ ఫైట్‌ ఇచ్చింది. పాక్‌తో తలపడిన మూడు సందర్భాల్లో టీమిండియాదే పైచేయిగా నిలిచింది.ఆసియా కప్‌ అనంతరం టీమిండియా స్వదేశంలో వెస్టిండీస్‌తో (India vs West Indies) రెండు మ్యాచ్‌ల టెస్ట్‌ సిరీస్‌ ఆడనుంది. ఆసియా కప్‌ తర్వాత కేవలం 3 రోజుల గ్యాప్‌లోనే భారత్‌, వెస్టిండీస్‌తో తలపడనుంది. అక్టోబర్‌ 2 నుంచి అహ్మదాబాద్‌లోని నరేంద్ర మోదీ స్టేడియంలో తొలి టెస్ట్‌ జరుగనుంది. అనంతరం అక్టోబర్‌ 10 నుంచి 14 వరకు న్యూఢిల్లీలో రెండో టెస్ట్‌ జరుగుతుంది.ఈ సిరీస్‌ కోసం ఇరు జట్లను ఇదివరకే ప్రకటించారు. భారత జట్టుకు శుభ్‌మన్‌ గిల్‌ కెప్టెన్‌గా కొనసాగనుండగా.. విండీస్‌కు రోస్టన్‌ ఛేజ్‌ సారథ్యం వహిస్తాడు. ఈ సిరీస్‌కు ఇంగ్లండ్‌లో గాయపడ్డ భారత రెగ్యులర్‌ వికెట్‌కీపర్‌ బ్యాటర్‌ రిషబ్‌ పంత్‌ దూరంగా ఉన్నాడు. అతని స్థానంలో ధృవ్‌ జురెల్‌, ఎన్‌ జగదీసన్‌ వికెట​్‌ కీపర్‌ బ్యాటర్లుగా ఎంపికయ్యారు.కొత్తగా దేవ్‌దత్‌ పడిక్కల్‌ జట్టులోకి వచ్చాడు. కరుణ్‌ నాయర్‌ స్థానాన్ని అతను భర్తీ చేయనున్నాడు. ఆస్ట్రేలియా సిరీస్‌ సందర్భంగా గాయపడిన నితీశ​్‌ కుమార్‌ రెడ్డి ఈ సిరీస్‌తో రీఎంట్రీ ఇచ్చాడు. విండీస్‌ జట్టులో ఎక్కువ శాతం కొత్త ముఖాలు ఉన్నాయి. బ్యాటింగ్‌లో షాయ్‌ హోప్‌, బౌలింగ్‌లో అల్జరీ జోసఫ్‌ మాత్రమే కాస్త అనుభవజ్ఞులు.ఈ సిరీస్‌ స్టార్‌ స్పోర్ట్స్‌ నెట్‌వర్క్‌లో ప్రత్యక్ష ప్రసారం అవుతుంది. జియో హాట్‌స్టార్‌ యాప్‌లో లైవ్‌ స్ట్రీమింగ్‌ అవుతుంది.భారత జట్టు: శుభ్‌మన్ గిల్ (కెప్టెన్‌), యశస్వి జైస్వాల్, కేఎల్ రాహుల్, సాయి సుదర్శన్, దేవదత్ పడిక్కల్, ధ్రువ్ జురెల్ (వికెట్‌కీపర్‌), రవీంద్ర జడేజా (వైస్‌ కెప్టెన్‌), వాషింగ్టన్ సుందర్, జస్ప్రీత్ బుమ్రా, అక్షర్ పటేల్, నితీష్ కుమార్ రెడ్డి, ఎన్. జగదీశన్ (వికెట్‌కీపర్‌), మహ్మద్ సిరాజ్, ప్రసిద్ద్‌ కృష్ణ, కుల్దీప్‌ యాదవ్‌వెస్టిండీస్: రోస్టన్‌ ఛేజ్‌ (కెప్టెన్‌), కెవ్లాన్‌ ఆండర్సన్‌, తేజ్‌నరైన్‌ చంద్రపాల్‌, జాన్‌ క్యాంప్‌బెల్‌, జోహన్‌ లేన్‌, అలిక్‌ అథానాజ్‌, బ్రాండన్‌ కింగ్‌, జస్టిన్‌ గ్రీవ్స్‌, షాయ్‌ హోప్‌, టెవిన్‌ ఇమ్లాచ్‌, జోమెల్‌ వారికన్‌, ఆండర్సన్‌ ఫిలిప్‌, అల్జరీ జోసఫ్‌, జేడన్‌ సీల్స్‌, ఖారీ పియెర్‌చదవండి: Asia Cup 2025: సూర్యకుమార్‌ యాదవ్‌ చేశాడని పాకిస్తాన్‌ కెప్టెన్‌ కూడా..!

ఆసియా టీ20 కప్‌-2025 టోర్నమెంట్‌ ముగిసిన తర్వాత బారత క్రికెట్‌ జట్టు టెస్టులతో బిజీ కానుంది. సొంతగడ్డపై వెస్టిండీస్‌తో సిరీస్‌ ఆడనుంది. ప్రపంచ టెస్టు చాంపియన్‌షిప్‌ 2025-27 సీజన్‌లో భాగంగా విండీస్‌ జట్టుతో టీమిండియా రెండు మ్యాచ్‌లు ఆడేందుకు షెడ్యూల్‌ ఖరారైంది.ఈ నేపథ్యంలో భారత క్రికెట్‌ నియంత్రణ మండలి (BCCI) గురువారమే ఇందుకు సంబంధించిన జట్టును ప్రకటించింది. శుబ్‌మన్‌ గిల్‌ సారథ్యంలో.. రవీంద్ర జడేజా (Ravindra Jadeja)ను వైస్‌ కెప్టెన్‌గా ఎంపిక చేసినట్లు తెలిపింది.ఓపెనర్ల కోటాలో వారేబీసీసీఐ ప్రకటించిన పదిహేను మంది సభ్యుల జట్టులో ఓపెనర్ల కోటాలో యశస్వి జైస్వాల్‌ (Yashasvi Jaiswal), కేఎల్‌ రాహుల్‌ తమ స్థానాల్ని పదిలం చేసుకున్నారు. ఆ తర్వాతి స్థానాల్లో సాయి సుదర్శన్‌ (Sai Sudharsan), దేవ్‌దత్‌ పడిక్కల్‌, ధ్రువ్‌ జురెల్‌, రవీంద్ర జడేజా, వాషింగ్టన్‌ సుందర్‌ బ్యాటింగ్‌ చేయనున్నారు. వీరంతా దాదాపు ఇంగ్లండ్‌ పర్యటనలో ఉన్నవాళ్లే.అతడిపై వేటుఅయితే, ఇంగ్లండ్‌ టూర్‌కు రిజర్వు ఓపెనర్‌గా సెలక్ట్‌ చేసిన అభిమన్యు ఈశ్వరన్‌పై మాత్రం సెలక్టర్లు ఈసారి వేటు వేశారు. దీంతో ఈ ఓపెనింగ్‌ బ్యాటర్‌ టీమిండియా అరంగేట్రం కల మరోసారి వాయిదా పడింది. కాగా దేశవాళీ క్రికెట్‌లో బెంగాల్‌ తరఫున పరుగుల వరద పారించిన అభిమన్యు ఈశ్వరన్‌.. 2022లో తొలిసారి భారత టెస్టు జట్టుకు ఎంపికయ్యాడు.అభిమన్యు తొలిసారి టీమిండియా పిలుపు అందుకున్న తర్వాత.. దాదాపు పదిహేను మంది అరంగేట్రం చేశారు. కానీ అతడు మాత్రం ఇంతవరకు అంతర్జాతీయ క్రికెట్‌లో అడుగుపెట్టలేకపోయాడు. ఆస్ట్రేలియా, ఇంగ్లండ్‌ పర్యటనల్లో భాగంగా టెస్టు సిరీస్‌కు ఎంపికైనప్పటికీ తుదిజట్టులో మాత్రం మేనేజ్‌మెంట్‌ అతడిని ఆడించలేదు.బీసీసీఐపై తండ్రి విమర్శలుఈ నేపథ్యంలో అభిమన్యు ఈశ్వరన్‌ తండ్రి రంగనాథన్‌ ఈశ్వరన్‌ బీసీసీఐని బాహాటంగానే విమర్శించారు. ‘‘అభిమన్యు అరంగేట్రం కోసం సంవత్సరాలు లెక్కబెడుతున్నాం. మూడేళ్లుగా ఎదురుచూపులు తప్పడం లేదు.అభిమన్యు సెలక్ట్‌ అయినపుడు జట్టులోనే లేని కరుణ్‌ నాయర్‌ను తిరిగి పిలిపించి ఇంగ్లండ్‌లో ఆడించారు. కానీ మావాడిని మాత్రం లెక్కచేయలేదు. సంప్రదాయ క్రికెట్‌లో రాణించిన వారిని పక్కనపెట్టి.. ఐపీఎల్‌లో ఆడిన వారికి పెద్దపీట వేస్తారా?’’ అంటూ ఘాటు విమర్శలు చేశారు.అతడి తండ్రి గట్టిగా మాట్లాడాడు.. అందుకే ఆ ప్లేయర్‌పై వేటుఈ నేపథ్యంలో టీమిండియా మాజీ కెప్టెన్‌, మాజీ చీఫ్‌ సెలక్టర్‌ క్రిష్ణమాచారి శ్రీకాంత్‌ తాజాగా స్పందించాడు. వెస్టిండీస్‌తో స్వదేశంలో జరిగే టెస్టు సిరీస్‌కు అభిమన్యును ఎంపిక చేయకపోవడాన్ని విమర్శిస్తూ ఆసక్తికర వ్యాఖ్యలు చేశాడు.‘‘అభిమన్యు ఈశ్వరన్‌ విషయంలో బాధగా ఉంది. నాకు తెలిసి.. ఇంగ్లండ్‌ పర్యటన తర్వాత అభిమన్యు తండ్రి ఘాటుగానే బీసీసీఐ తీరును విమర్శించారు. బహుశా అందుకే సెలక్టర్లు అతడిని తప్పించి ఉంటారు.అయితే, చీఫ్‌ సెలక్టర్‌ మాత్రం.. సొంతగడ్డపై టెస్టుల్లో రిజర్వ్‌ ఓపెనర్‌ అవసరం ఉండదని.. అందుకే ఇలా చేసినట్లు తెలిపాడు. ఇది కూడా కొంత వరకు సమంజసమే’’ అని క్రిష్ణమాచారి శ్రీకాంత్‌ పేర్కొన్నాడు. అదే విధంగా.. ఇంగ్లండ్‌ పర్యటనలో వరుస అవకాశాలు ఇచ్చినా విఫలమైనా కరుణ్‌ నాయర్‌పై వేటు వేయడాన్ని చిక్కా సమర్థించాడు.చదవండి: IND vs WI: అందుకే సర్ఫరాజ్‌ ఖాన్‌ను ఎంపిక చేయలేదు: అజిత్‌ అగార్కర్‌

అక్టోబర్‌ 2 నుంచి భారత్‌తో జరుగబోయే రెండు మ్యాచ్‌ల టెస్ట్‌ సిరీస్‌కు (India vs West Indies) ముందు వెస్టిండీస్‌ జట్టుకు (West Indies) భారీ ఎదురుదెబ్బ తగిలింది. యంగ్‌ స్పీడ్‌ గన్‌ షమార్‌ జోసఫ్‌ (Shamar Joseph) గాయం​ కారణంగా ఈ సిరీస్‌కు దూరమయ్యాడు. అతని స్థానంలో 22 ఏళ్ల బార్బడోస్‌ ఆల్‌రౌండర్‌ జోహాన్‌ లేన్‌ను (Johann Layne) ఎంపిక చేశారు విండీస్‌ సెలెక్టర్లు. ఈ విషయాన్ని సోషల్‌మీడియా వేదికగా అధికారికంగా ప్రకటించారు. జోసఫ్‌ గాయం వివరాలు వెల్లడించనప్పటికీ.. అక్టోబర్ 18 నుంచి బంగ్లాదేశ్‌తో ప్రారంభంకాబోయే పరిమిత ఓవర్ల సిరీస్‌కు ముందు అతని పేరు మరోసారి పరిశీలిస్తామని తెలిపారు. ఆ సిరీస్‌లో 3 వన్డేలు, 3 టీ20లు జరుగుతాయి.26 ఏళ్ల షమార్‌ జోసఫ్‌ ఇటీవలికాలంలో విండీస్‌ కీలక బౌలర్‌గా ఎదిగాడు. 2024లో టెస్ట్ అరంగేట్రం చేసి, ఆస్ట్రేలియాతో జరిగిన ఆ మ్యాచ్‌లో 7 వికెట్లు తీసి అంతర్జాతీయ క్రికెట్‌లో ఎంట్రీని ఘనంగా చాటుకున్నాడు. షమార్‌ యార్కర్లు, బౌన్సర్లు, అనూహ్య లైన్ అండ్‌ లెంగ్త్ అతన్ని ఒక్కసారిగా స్టార్‌గా మార్చాయి. అతని అరంగేట్రం బౌలింగ్ స్పెల్‌ను "ఫైర్ అండ్ ఫోకస్" అని విశ్లేషకులు అభివర్ణించారు.షమార్‌ ఇప్పటివరకు విండీస్‌ తరఫున 11 టెస్ట్‌లు, 6 వన్డేలు, 12 టీ20లు ఆడాడు. ఇందులో మొత్తంగా 70 వికెట్లు తీశాడు. టెస్ట్‌ల్లో షమార్‌ పేరిట 4 ఐదు వికెట్ల ఘనతలు ఉన్నాయి.షమార్‌ స్థానంలో భారత పర్యటనకు ఎంపికైన జోహాన్ లేన్‌ విషయానికొస్తే.. లేన్ బార్బడోస్‌కు చెందిన పేస్‌ బౌలింగ్‌ ఆల్‌రౌండర్. ఇప్పటివరకు 19 ఫస్ట్ క్లాస్ మ్యాచ్‌లు ఆడిన అతను.. 32 ఇన్నింగ్స్‌లో​ 2 హాఫ్‌ సెంచరీల సాయంతో 495 పరుగులు చేశాడు. అలాగే బౌలింగ్‌లో 66 వికెట్లు తీశాడు. ప్రస్తుతం లేన్‌ బౌలింగ్ ఫామ్‌ను దృష్టిలో పెట్టుకుని వెస్టిండీస్ సెలెక్టర్లు అతన్ని భారత పర్యటనకు ఎంపిక చేశారు. చదవండి: Asia cup 2025: పాకిస్తాన్‌ ఆటగాళ్ల ఓవరాక్షన్‌పై ఐసీసీ చర్యలు

త్వరలో స్వదేశంలో వెస్టిండీస్‌తో జరుగబోయే రెండు మ్యాచ్‌ల టెస్ట్‌ సిరీస్‌ (India vs West Indies) కోసం భారత జట్టును (Team India) నిన్న (సెప్టెంబర్‌ 25) ప్రకటించారు. ఈ జట్టులో అందరూ ఊహించిన విధంగానే ఇంగ్లండ్‌ పర్యటనలో నిరాశపరిచిన కరుణ్‌ నాయర్‌కు (karun Nair) చోటు దక్కలేదు. కరుణ్‌పై వేటు అంశం నిన్నటి నుంచి భారత క్రికెట్‌ సర్కిల్స్‌లో హాట్‌ టాపిక్‌గా ఉంది.చాలామంది కరుణ్‌ను తప్పించడం సమంజసమే అని అంటుంటే.. కొందరు మాత్రం అతనికి మరికొన్ని అవకాశాలు ఇవ్వాల్సిందని అభిప్రాయపడ్డారు. ఈ అంశంపై కరుణ్‌ స్వయంగా స్పందించాడు. ఓ ప్రముఖ వార్త సంస్థతో మాట్లాడుతూ.. "సెలెక్ట్‌ చేస్తారని అనుకున్నా. కానీ చేయలేదు. దీని గురించి ఎక్కువగా మాట్లాడాలని అనుకోవట్లేదు. చివరి టెస్ట్‌లో ఫిఫ్టీ చేశాను. ఆ ఇన్నింగ్స్‌లో మరెవ్వరూ ఈ మార్కును తాకలేకపోయారు. ఆ మ్యాచ్‌లో (ఓవల్‌ టెస్ట్‌) టీమిండియా గెలిచింది. అయినా ఇవన్నీ సెలెక్టర్లకు పట్టవంటూ" అవేదనకు లోనయ్యాడు.ఇదే అంశంపై చీఫ్‌ సెలెక్టర్‌ అజిత్‌ అగర్కార్‌ కూడా స్పందించాడు. అతని వాదన వేరేలా ఉంది. కరుణ్‌ నుంచి చాలా ఆశించినట్లు చెప్పుకొచ్చాడు. కరుణ్‌కు ప్రత్యామ్నాయంగా తీసుకున్న దేవ్‌దత్‌ పడిక్కల్ (Devdutt Padikkal) చాలా ఆప్షన్స్ ఇస్తాడని అన్నాడు.కరుణ్‌ మంచి ఆటగాడనడంలో ఎలాంటి సందేహం లేదు. కానీ ప్రస్తుతం టీమ్ ట్రాన్సిషన్‌లో ఉంది. ఫ్యూచర్‌ను దృష్టిలో పెట్టుకుని పడిక్కల్‌ను ఎంపిక చేశాం. ప్రతి ఆటగాడికి 15-20 అవకాశాలు ఇవ్వాలనుకుంటాం. కానీ, అది ఎప్పుడూ సాధ్యపడదని పేర్కొన్నాడు.కాగా, ఇంగ్లండ్‌పై ట్రిపుల్‌ సెంచరీతో రాత్రికిరాత్రి హీరో అయిపోయి, అతి కొద్ది కాలంలోనే ఫామ్‌ కోల్పోయి కనుమరుగైన కరుణ్‌ నాయర్‌.. ఆతర్వాత ఏళ్ల తరబడి దేశవాలీ క్రికెట్‌లో సత్తా చాటి ఎనిమిదేళ్ల తర్వాత టీమిండియాలోకి రీఎంట్రీ ఇచ్చాడు. అయితే ఇప్పుడు కూడా అతను భారత జట్టులో ఎంతో కాలం నిలువలేకపోయాడు. కేవలం​ 8 ఇన్నింగ్స్‌ల్లోనే అతని ఖేల్‌ ఖతమైంది.ఇంగ్లండ్‌ పర్యటనలో కరుణ్‌ 8 ఇన్నింగ్స్‌ల్లో 25.62 సగటున కేవలం ఒకే ఒక హాఫ్‌ సెంచరీ సాయంతో 205 పరుగులు చేశాడు. ఈ సిరీస్‌లో కరుణ్‌కు మంచి ఆరంభాలు లభించినా, వాటిని పెద్ద స్కోర్లుగా మలచలేకపోయాడు. దీంతో సెలెక్టర్లు అతన్ని విండీస్‌ సిరీస్‌కు ఎంపిక చేయలేదు.చదవండి: వైభవ్‌ విఫలమైనా..! ఆసీస్‌ను వారి సొంతగడ్డపై ఊడ్చేసిన టీమిండియా

టీమిండియా యువ క్రికెటర్‌ సాయి సుదర్శన్‌ (Sai Sudharsan) సూపర్‌ ఫామ్‌లో ఉన్నాడు. ఆస్ట్రేలియా-‘ఎ’ జట్టు (IND A vs AUS A)తో అనధికారిక టెస్టు సిరీస్‌లో భారత్‌-‘ఎ’ తరఫున ఈ వన్‌డౌన్‌ బ్యాటర్‌ అదరగొట్టాడు. రెండు అర్ధ శతకాలు బాదడంతో పాటు.. సెంచరీతోనూ సత్తా చాటాడు.సెంచరీతో అదరగొట్టిన సాయి సుదర్శన్‌లక్నోలోని ఏకనా స్టేడియంలో తొలి అనధికారిక టెస్టులో సాయి సుదర్శన్‌ 124 బంతుల్లో 10 ఫోర్ల సాయంతో 73 పరుగులు సాధించాడు. అయితే, కూపర్‌ కన్నోలి బౌలింగ్‌లో లెగ్‌ బిఫోర్‌ వికెట్‌గా వెనుదిరగడంతో అతడి ఇన్నింగ్స్‌ ముగిసిపోయింది.ఇక అదే వేదికపై ఆసీస్‌-‘ఎ’తో రెండో అనధికారిక టెస్టులోనూ ఈ ఎడమచేతి వాటం బ్యాటర్‌​ తన ఫామ్‌ను కొనసాగించాడు. ఈ మ్యాచ్‌లో తొలి ఇన్నింగ్స్‌లో సాయి సుదర్శన్‌ 140 బంతుల్లో ఆరు ఫోర్లు, ఒక సిక్సర్‌ బాది 75 పరుగులు చేశాడు. అయితే, ఈసారి కూడా అతడు లెగ్‌ బిఫోర్‌గా వెనుదిరగడం గమనార్హం. టాడ్‌ మర్ఫీ బౌలింగ్‌లో సాయి సుదర్శన్‌ ఎల్బీడబ్ల్యూ అయ్యాడు.ఇక రెండో ఇన్నింగ్స్‌లో భాగంగా శుక్రవారం నాటి ఆఖరి రోజు ఆటలో సాయి సుదర్శన్‌ 172 బంతుల్లో 9 ఫోర్లు, ఒక సిక్సర్‌ కొట్టి 100 పరుగులు సాధించాడు. అయితే, ఆ వెంటనే క్యారీ రొచిసిల్లి బౌలింగ్‌లో కాంప్‌బెల్‌ కెల్లావేకు క్యాచ్‌ ఇచ్చి పెవిలియన్‌ చేరాడు.ఆస్ట్రేలియా- ‘ఎ’ సిరీస్‌లో మొత్తంగా 248 పరుగులు సాధించాడు. వెస్టిండీస్‌తో సిరీస్‌కు ముందు సాయి సుదర్శన్‌ ఇలా సత్తా చాటడం ద్వారా టీమిండియా తరఫున టెస్టుల్లో మూడోస్థానంలో తన స్థానం సుస్థిరం చేసుకునే క్రమంలో కీలక ముందడుగు వేశాడు.అతడికి మరిన్ని అవకాశాలిస్తామన్న అగార్కర్‌కాగా టెస్టుల్లో వన్‌డౌన్‌ బ్యాటర్‌గా సాయి సుదర్శన్‌ పాతుకుపోయేట్లుగానే కనిపిస్తోంది. వెస్టిండీస్‌తో సిరీస్‌కు భారత జట్టు ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్‌ చేసిన వ్యాఖ్యలే ఇందుకు నిదర్శనం. ‘‘టెస్టుల్లో మూడో స్థానంలో సాయి సుదర్శన్‌ చక్కటి భరోసా కల్పించాడు. అతడికి మరిన్ని అవకాశాలిస్తాం’’ అని అగార్కర్‌ స్పష్టం చేశాడు.తమిళనాడుకు చెందిన సాయి సుదర్శన్‌ 23 ఏళ్ల సాయి సుదర్శన్‌ 2023లో వన్డేల్లో, 2024లో అంతర్జాతీయ టీ20లలో అడుగుపెట్టాడు. అయితే, టెస్టుల్లో మాత్రం ఇటీవలే అరంగేట్రం చేశాడు. ఇంగ్లండ్‌ పర్యటన సందర్భంగా శుబ్‌మన్‌ గిల్‌ సారథ్యంలో ఎంట్రీ ఇచ్చాడు. ఆడిన మూడు టెస్టుల్లో కలిపి 140 పరుగులు సాధించాడు.రాహుల్‌, సాయి శతకాలతో..ఇక భారత్‌- ‘ఎ’- ఆస్ట్రేలియా- ‘ఎ’ మ్యాచ్‌ విషయానికొస్తే.. 412 పరుగుల లక్ష్యంతో బరిలోకి దిగిన భారత్‌.. కేఎల్‌ రాహుల్‌, సాయి సుదర్శన్‌ (100) శతకాల కారణంగా విజయం దిశగా సాగుతోంది. వీరిద్దరు కలిసి నాలుగో వికెట్‌కు 140 పరుగుల భాగస్వామ్యం నెలకొల్పారు.ఈ క్రమంలో శుక్రవారం 79 ఓవర్ల ఆట ముగిసే సరికి నాలుగు వికెట్ల నష్టానికి 317 పరుగులు చేసి.. విజయానికి 95 పరుగుల దూరంలో ఉంది. రాహుల్‌ 131, కెప్టెన్‌ ధ్రువ్‌ జురెల్‌ 21 పరుగులతో క్రీజులో ఉన్నారు.చదవండి: IND Vs PAK: మేము ఏ జట్టునైనా ఓడిస్తాం.. అతడొక అద్భుతం.. మా ఫీల్డింగ్‌ సూపర్‌: పాక్‌ కెప్టెన్‌

టీమిండియా స్టార్‌ క్రికెటర్‌ కేఎల్‌ రాహుల్‌ (KL Rahul) అద్భుత శతకంతో మెరిశాడు. భారత్‌- ‘ఎ’- ఆస్ట్రేలియా- ‘ఎ’ (IND A vs AUS A) జట్ల మధ్య రెండో అనధికారిక టెస్టు నాలుగో రోజు ఆట సందర్భంగా.. భోజన విరామ సమయానికి 103 పరుగులతో అజేయంగా నిలిచాడు. వన్‌డౌన్‌ బ్యాటర్‌ సాయి సుదర్శన్‌ (Sai Sudharsan)తో కలిసి ఇన్నింగ్స్‌ చక్కదిద్దిన ఈ ఓపెనింగ్‌ బ్యాటర్‌.. జట్టును విజయం దిశగా తీసుకువెళ్లే ప్రయత్నం చేస్తున్నాడు.కాగా స్వదేశంలో వెస్టిండీస్‌తో సిరీస్‌ నేపథ్యంలో కేఎల్‌ రాహుల్‌.. ఆస్ట్రేలియా-‘ఎ’ జట్టుతో రెండో అనధికారిక టెస్టు సందర్భంగా భారత్‌-‘ఎ’ తరఫున బరిలోకి దిగిన విషయం తెలిసిందే. లక్నోలో మంగళవారం మొదలైన ఈ నాలుగు రోజుల టెస్టులో టాస్‌ గెలిచిన భారత్‌ తొలుత బౌలింగ్‌ ఎంచుకుంది.భారత్‌ లక్ష్యం 412ఈ క్రమంలో బ్యాటింగ్‌కు దిగిన ఆసీస్‌- ‘ఎ’ జట్టు తొలి ఇన్నింగ్స్‌లో 420 పరుగులకు ఆలౌట్‌ అయింది. అనంతరం తమ మొదటి ఇన్నింగ్స్‌ మొదలుపెట్టిన భారత​ 194 పరుగులకే కుప్పకూలింది. దీంతో తొలి ఇన్నింగ్స్‌లో 226 పరుగుల భారీ ఆధిక్యంతో రెండో ఇన్నింగ్స్‌ మొదలుపెట్టిన ఆసీస్‌.. ఈసారి మాత్రం భారత బౌలర్ల ధాటికి స్వల్ప స్కోరుకే చేతులెత్తేసింది.46.5 ఓవర్లలో 185 పరుగులు మాత్రమే చేసి ఆలౌట్‌ అయింది. ఈ నేపథ్యంలో భారత్‌ లక్ష్యం 412 (226+185) పరుగులుగా మారింది. ఈ క్రమంలో గురువారం నాటి మూడో రోజు ఆట ముగిసే సమయానికి భారత్‌ 41 ఓవర్లలో రెండు వికెట్ల నష్టానికి 169 పరుగులు చేసింది.రిటైర్డ్‌ హర్ట్‌గా వెనుదిరిగిన రాహుల్‌ఓపెనర్‌ నారాయణ్‌ జగదీశన్‌ 36 పరుగులు చేయగా.. మరో ఓపెనర్‌ కేఎల్‌ రాహుల్‌ 74 పరుగుల వ్యక్తిగత స్కోరు వద్ద రిటైర్డ్‌ హర్ట్‌గా వెనుదిరిగాడు. ఈ క్రమంలో వన్‌డౌన్‌ బ్యాటర్‌ సాయి సుదర్శన్‌కు జతైన దేవ్‌దత్‌ పడిక్కల్‌ (5) పూర్తిగా విఫలమయ్యాడు. దీంతో నైట్‌వాచ్‌మన్‌గా క్రీజులోకి వచ్చిన స్పిన్నర్‌ మానవ్‌ సుతార్‌.. శుక్రవారం నాటి ఆఖరి రోజు ఆట ఆరంభమైన కాసేపటికే వెనుదిరిగాడు.తిరిగి బ్యాటింగ్‌కు వచ్చి శతకం పూర్తిఈ నేపథ్యంలో కేఎల్‌ రాహుల్‌ తిరిగి బ్యాటింగ్‌కు వచ్చాడు. 143 బంతుల్లో పన్నెండు ఫోర్ల సాయంతో సెంచరీ పూర్తి చేసుకున్నాడు. మరోవైపు.. 44 పరుగులతో నాలుగో రోజు ఆట మొదలుపెట్టిన సాయి సుదర్శన్‌ (98 బ్యాటింగ్‌) కూడా శతకానికి చేరువయ్యాడు. దీంతో భోజన విరామ సమయానికి భారత్‌ 66 ఓవర్లలో మూడు వికెట్ల నష్టానికి 261 పరుగులు చేసింది. భారత్‌ విజయానికి ఇంకా 151 పరుగులు అవసరం కాగా.. ఏడు వికెట్లు చేతిలో ఉన్నాయి. ఇక ఆసీస్‌ బౌలర్లలో టాడ్‌ మర్ఫీ మూడు వికెట్లతో సత్తా చాటాడు. ఇదిలా ఉంటే.. వెస్టిండీస్‌తో అక్టోబరులో జరిగే రెండు మ్యాచ్‌ల టెస్టు సిరీస్‌కు కేఎల్‌ రాహుల్‌తో పాటు.. సాయి సుదర్శన్‌ ఎంపికైన విషయం తెలిసిందే.అప్‌డేట్‌: లంచ్‌ తర్వాత సెంచరీ పూర్తి చేసుకున్న సాయి సుదర్శన్‌ ఆ వెంటనే అవుటయ్యాడు. చదవండి: IND vs WI: కరుణ్‌ నాయర్‌పై వేటు

టీమిండియా సీనియర్‌ పేసర్‌ మొహమ్మద్‌ షమీ (Mohammed Shami) టెస్టు కెరీర్‌ ముగిసినట్లేనా?.. సెలక్టర్లు అతడికి తలుపులు పూర్తిగా మూసివేశారా?.. సంప్రదాయ ఫార్మాట్లో అతడి రీఎంట్రీ ఇక లేనట్లేనా?.. ప్రస్తుతం భారత క్రికెట్‌ వర్గాల్లో ఇదే చర్చ నడుస్తోంది.టీమిండియా తరఫున రెండేళ్ల క్రితం టెస్టు మ్యాచ్‌ ఆడాడు షమీ. ఇంగ్లండ్‌ వేదికగా ఆస్ట్రేలియాతో జరిగిన ప్రపంచ టెస్టు చాంపియన్‌షిప్‌ (WTC) 2023 ఫైనల్లో ఆఖరిగా ఆడి.. మొత్తంగా నాలుగు వికెట్లు తీశాడు. ఆ తర్వాత వన్డే వరల్డ్‌కప్‌-2023 టోర్నీలో లీడ్‌ వికెట్‌ టేకర్‌గా నిలిచిన ఈ రైటార్మ్‌ పేసర్‌.. ఆ తర్వాత చీలమండ గాయానికి సర్జరీ చేయించుకున్నాడు.కోలుకునే క్రమంలో చాలాకాలం ఆటకు దూరమైన షమీ.. దేశీ క్రికెట్‌తో రీఎంట్రీ ఇచ్చాడు. పరిమిత ఓవర్ల క్రికెట్‌లో తనను తాను నిరూపించుకుని టీమిండియా తరఫున వన్డేల ద్వారా రీఎంట్రీ ఇచ్చిన షమీ.. ఐసీసీ చాంపియన్స్‌ ట్రోఫీ-2025 (ICC Champions Trophy)లో ఆడాడు. ఆ తర్వాత మళ్లీ జట్టుకు దూరమయ్యాడు.చోటే లేదుఇక టెస్టు కెరీర్‌ విషయానికొస్తే.. 2023 తర్వాత మళ్లీ షమీ జట్టుకు ఎంపికకాలేదు. గతేడాది ఆస్ట్రేలియా పర్యటన.. ఈ ఏడాది ఇంగ్లండ్‌ టూర్‌లోనూ సెలక్టర్లు అతడికి మొండిచేయి చూపారు. ఫిట్‌నెస్‌ సమస్యల కారణంగా షమీ దూరంగా ఉన్నట్లు చెప్పారు. కానీ అతడు మాత్రం స్పందించలేదు.ఈ నేపథ్యంలో తాజాగా వెస్టిండీస్‌తో టెస్టు సిరీస్‌కు కూడా సెలక్టర్లు షమీని పక్కనపెట్టారు. స్వదేశంలో జరిగే ఈ సిరీస్‌ ఆడే భారత పేస్‌ విభాగంలో ప్రధాన బౌలర్‌ జస్‌ప్రీత్‌ బుమ్రాతో పాటు మొహమ్మద్‌ సిరాజ్‌, ప్రసిద్‌ కృష్ణలకు చోటిచ్చారు. అదే విధంగా.. పేస్‌ ఆల్‌రౌండర్‌ స్థానంలో నితీశ్‌ కుమార్‌ రెడ్డికి స్థానం కల్పించారు.కుండబద్దలు కొట్టిన అగార్కర్‌అయితే, జట్టు ప్రకటన సందర్భంగా చీఫ్‌ సెలక్టర్‌ అజిత్‌ అగార్కర్‌.. షమీ గురించి ఎదురైన ప్రశ్నకు ‘అతడి అంశంపై అప్‌డేట్‌ లేదు’ అని జవాబిచ్చాడు. ‘‘అతడి గురించి నాకు అప్‌డేట్‌ లేదు. అతడు దులిప్‌ ట్రోఫీలో ఆడాడు. కానీ గత రెండు- మూడేళ్లుగా రెడ్‌ క్రికెట్‌లో అతడు ఎక్కువగా ఆడలేదు.బెంగాల్‌ తరఫున దులిప్‌ ట్రోఫీలోనూ ఒక్కటే మ్యాచ్‌ ఆడి ఉంటాడనుకుంటా. బౌలర్‌గా తనేం చేయగలడో మాకు తెలుసు. కానీ ఎక్కువ మ్యాచ్‌లలో ఆడితేనే పరిగణనలోకి తీసుకునే అవకాశం ఉంటుంది’’ అని అగార్కర్‌ కుండబద్దలు కొట్టాడు. తద్వారా ఇప్పట్లో షమీ టెస్టు రీఎంట్రీ లేదనే సంకేతాలు ఇచ్చాడు.చదవండి: IND vs WI: అందుకే అతడిని ఎంపిక చేయలేదు: అజిత్‌ అగార్కర్‌

లక్నోలోని ఎకానా స్టేడియంలో ఆస్ట్రేలియా-ఏతో (India A vs Australia A) జరుగుతున్న రెండో అనధికారిక​ టెస్ట్‌ మ్యాచ్‌లో భారత-ఏ జట్టుకు (Team India) ఊహించని షాక్‌ తగిలింది. ఈ మ్యాచ్‌లో భారత్‌ ఆస్ట్రేలియా నిర్దేశించిన 412 పరుగుల భారీ లక్ష్యాన్ని ఛేదిస్తుండగా.. ఓపెనర్‌ కేఎల్‌ రాహుల్‌ (KL Rahul) గాయపడ్డాడు. 92 బంతుల్లో 9 ఫోర్ల సాయంతో 74 పరుగులు చేసి సెంచరీ దిశగా సాగుతున్న సమయంలో ఈ ఘటన జరిగింది.బ్యాటింగ్‌ చేస్తుండగా అసౌకర్యానికి గురైన రాహుల్‌ ఫిజియో సాయంతో మైదానాన్ని వీడాడు. అతని స్థానంలో బ్యాటింగ్‌కు దిగిన దేవ్‌దత్‌ పడిక్కల్‌ (8 బంతుల్లో 5) ఇలా వచ్చి అలా ఔటయ్యాడు. సాయి సుదర్శన్‌ (44), మానవ్‌ సుతార్‌ (1) ఛేదనను కొనసాగిస్తున్నారు. అంతకుముందు ఓపెనర్‌ ఎన్‌ జగదీసన్‌ 36 పరుగులు చేసి ఔటయ్యాడు. మూడో రోజు ఆట ముగిసే సమయానికి భారత స్కోర్‌ 169/2గా ఉంది. ఈ మ్యాచ్‌లో భారత్‌ గెలవాలంటే ఇంకా 243 పరుగులు చేయాలి. చేతిలో 8 వికెట్లు ఉన్నాయి. ఛేదనకు భారత్‌కు రేపు కూడా అవకాశం ఉంది.దీనికి ముందు ఆసీస్‌ రెండో ఇన్నింగ్స్‌లో 185 పరుగులకు ఆలౌటైంది. గుర్నూర్‌ బ్రార్‌, మానవ్‌ సుతార్‌ తలో 3.. సిరాజ్‌, యశ్‌ ఠాకూర్‌ తలో 2 వికెట్లు తీసి ఆసీస్‌ ఇన్నింగ్స్‌ను కుప్పకూల్చారు. ఆ జట్టు తరఫున కెప్టెన్‌ నాథన్‌ మెక్‌స్వీనీ (85 నాటౌట్‌), ఫిలిప్‌ (50) మాత్రమే అర్ద సెంచరీలతో రాణించారు.అంతకుముందు భారత్‌ తొలి ఇన్నింగ్స్‌లో 194 పరుగులకే ఆలౌటైంది. ఈ ఇన్నింగ్స్‌లో సాయి సుదర్శన్‌ (75) ఒక్కడే అర్ద సెంచరీతో రాణించాడు. రాహుల్‌ (11), జగదీసన్‌ (38), ఆయుశ్‌ బదోని (21), ప్రసిద్ద్‌ కృష్ణ (16 రిటైర్డ్‌ హర్ట్‌) రెండంకెల స్కోర్లు చేశారు. ఆసీస్‌ బౌలర్లలో థార్న్‌టన్‌ 4 వికెట్లు తీసి టీమిండియాను దెబ్బకొట్టాడు. మర్ఫీ 2, సదర్‌ల్యాండ్‌, రొచ్చిక్కియోలీ, కన్నోల్లీ తలో వికెట్‌ తీశారు.ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. మెక్‌స్వీనీ (74), జాక్‌ ఎడ్వర్డ్స్‌ (88), మర్ఫీ (76) అర్ద సెంచరీలతో రాణించడంతో భారీ స్కోర్‌ చేసింది. భారత బౌలర్లలో మానవ్‌ సుతార్‌ 5 వికెట్ల ప్రదర్శన నమోదు చేశాడు. గుర్నూర్‌ బ్రార్‌ 3, సిరాజ్‌, ప్రసిద్ద్‌ తలో వికెట్‌ తీశారు.కాగా, రెండు మ్యాచ్‌ల అనధికారిక టెస్ట్‌ సిరీస్‌, 3 మ్యాచ్‌ల అనధికారిక​ వన్డే సిరీస్‌ల కోసం ఆస్ట్రేలియా-ఏ జట్టు భారత్‌లో పర్యటిస్తుంది. ఈ పర్యటనలో ఇదివరకే తొలి టెస్ట్‌ మ్యాచ్‌ పూర్తి కాగా.. ఆ మ్యాచ్‌ డ్రాగా ముగిసింది.చదవండి: టీమిండియా కెప్టెన్‌గా శ్రేయస్‌ అయ్యర్‌.. బీసీసీఐ ప్రకటన

వెస్టిండీస్‌తో అక్టోబర్ 2న ప్రారంభమయ్యే రెండు మ్యాచ్‌ల టెస్ట్ సిరీస్ (India vs West Indies) కోసం టీమిండియాను (Team India) ఇవాళ (సెప్టెంబర్‌ 25) ప్రకటించారు. ఈ జట్టులో అందరూ ఊహించిన విధంగానే ఇంగ్లండ్‌ పర్యటనలో దారుణంగా విఫలమైన మిడిలార్డర్‌ బ్యాటర్‌ కరుణ్ నాయర్‌కు (karun Nair) చోటు దక్కలేదు.ఇంగ్లండ్ సిరీస్‌లో కరుణ్‌ 8 ఇన్నింగ్స్‌ల్లో 25.62 సగటున కేవలం ఒకే ఒక హాఫ్‌ సెంచరీ సాయంతో 205 పరుగులు మాత్రమే చేశాడు. ఈ సిరీస్‌లో కరుణ్‌కు మంచి ఆరంభాలు లభించినా, వాటిని పెద్ద స్కోర్లుగా మలచలేకపోయాడు. 2016లో ఇంగ్లండ్‌పై ట్రిపుల్ సెంచరీతో ఒక్కసారిగా లైమ్‌లైట్‌లోకి వచ్చిన కరుణ్‌.. కొద్ది రోజుల్లో ఫామ్‌ కోల్పోయి కనుమరుగయ్యాడు. ఇటీవల దేశవాలీ క్రికెట్‌లో అసాధారణ ప్రదర్శనలు చేసి తిరిగి టీమిండియాలోకి రీఎంట్రీ ఇచ్చిన కరుణ్‌.. అందివచ్చిన అవకాశాలను సద్వినియోగం చేసుకోలేక మరోసారి జట్టులో చోటు కోల్పోయాడు.ప్రదర్శననే కొలమానంగా తీసుకొని సెలెక్టర్లు కరుణ్‌ తప్పించడం సమంజసమే అయినప్పటికీ.. కొందరు మాత్రం అతడికి మరికొన్ని అవకాశాలు ఇవ్వాల్సిందని అభిప్రాయపడుతున్నారు.జట్టు ప్రకటన సందర్భంగా చీఫ్‌ సెలెక్టర్‌ అజిత్‌ అగార్కర్‌ (Ajit Agarkar) కరుణ్‌ అంశంపై స్పందించాడు. ఇంగ్లండ్ టూర్‌లో కరుణ్ నుంచి చాలా ఆశించామని తెలిపాడు. కరుణ్‌కు ప్రత్యామ్నాయంగా తీసుకున్న దేవ్‌దత్‌ పడిక్కల్ (Devdutt Padikkal) మాకు చాలా ఆప్షన్స్ ఇస్తాడని అన్నాడు. ప్రతి ఆటగాడికి 15-20 అవకాశాలు ఇవ్వాలనుకుంటాం. కానీ, అది ఎప్పుడూ సాధ్యపడదని పేర్కొన్నాడు.సెలెక్టర్లను ఆకట్టుకున్న పడిక్కల్‌కరుణ్‌ను ప్రత్యామ్నాయాన్ని వెతుకుతున్న సెలెక్టర్లకు పడిక్కల్‌ ఆశాకిరణంలా కనిపించాడు. ఇటీవలే గాయం నుంచి కోలుకున్న పడక్కల్‌ అద్భుతమైన ఫామ్‌లో ఉన్నాడు. తాజాగా ఆస్ట్రేలియా-ఏపై భారీ సెంచరీతో మెరిశాడు. ప్రస్తుతం​ పడిక్కల్‌ ఫిట్‌నెస్, ఫామ్‌ సెలక్టర్లను ఆకట్టుకున్నాయి. ఇప్పటికే రెండు టెస్ట్‌లు ఆడిన పడిక్కల్‌.. మిడిలార్డర్‌లో కీలకమయ్యే అవకాశాలు ఉన్నాయి.చదవండి: IND vs WI: అందుకే అతడిని ఎంపిక చేయలేదు: అజిత్‌ అగార్కర్‌

టీమిండియా యువ క్రికెటర్‌ సర్ఫరాజ్‌ ఖాన్‌ (Sarfaraz Khan)ను మరోసారి దురదృష్టం వెంటాడింది. వెస్టిండీస్‌తో టెస్టు సిరీస్‌ (IND vs WI) ఆడే భారత జట్టులో అతడికి చోటు దక్కలేదు. అయితే, ఈసారి గాయం వల్ల అతడికి ఇలా చేదు అనుభవం ఎదురైంది. ఫస్ట్‌క్లాస్‌ క్రికెట్‌లో పరుగుల వరద పారించిన సర్ఫరాజ్‌ ఖాన్‌ ఎట్టకేలకు గతేడాది అంతర్జాతీయ క్రికెట్‌లో అడుగుపెట్టాడు.చివరగా గతేడాదిసొంతగడ్డపై ఇంగ్లండ్‌తో జరిగిన టెస్టు సిరీస్‌ సందర్భంగా సర్ఫరాజ్‌ ఖాన్‌ టీమిండియా తరఫున అరంగేట్రం చేశాడు. ఇప్పటి వరకు మొత్తంగా ఆరు టెస్టులు ఆడి మూడు అర్ధ శతకాలు, ఓ సెంచరీ సాయంతో 371 పరుగులు చేశాడు. చివరగా గతేడాది స్వదేశంలో న్యూజిలాండ్‌తో జరిగిన సిరీస్‌లో సర్ఫరాజ్‌ టీమిండియాకు ఆడాడు.భారీగా బరువు తగ్గి... ఆ తర్వాత ఇంగ్లండ్‌ పర్యటనకు ఎంపిక చేస్తారని ఆశించిన సర్ఫరాజ్‌ ఖాన్‌కు సెలక్టర్లు మొండిచేయి చూపారు. ఈ క్రమంలో తనకు దొరికిన విరామాన్ని ఈ ముంబై బ్యాటర్‌ ఫిట్‌నెస్‌పై శ్రద్ధ పెట్టేందుకు ఉపయోగించుకున్నాడు. రెండు నెలల వ్యవధిలో ఏకంగా పదిహేడు కిలోల బరువు తగ్గి గుర్తుపట్టలేనంతగా సన్నబడ్డాడు. ఈ క్రమంలో బుచ్చిబాబు ఇన్విటేషనల్‌ టోర్నీ ద్వారా కాంపిటేటివ్‌ క్రికెట్‌లో అడుగుపెట్టాడు. తమిళనాడు క్రికెట్‌ అసోసియేషన్‌ నిర్వహించే ఈ రెడ్‌బాల్‌ టోర్నీలో ముంబై తరఫున సర్ఫరాజ్‌ శతకంతో సత్తా చాటాడు. 114 బంతుల్లో పది బౌండరీలు, ఆరు సిక్సర్ల సాయంతో 138 పరుగులు సాధించాడు. విండీస్‌కు జట్టును ఎంపిక చేసే సమయంలో తనను గుర్తుపెట్టుకోవాలన్నట్లుగా ఇలా బ్యాట్‌తోనే సెలక్టర్లకు సందేశం ఇచ్చాడు.అంతా తలకిందులుకానీ గాయం కారణంగా అంతా తలకిందులైంది. తొడ కండరాల నొప్పితో బాధపడిన 27 ఏళ్ల సర్ఫరాజ్‌ ఖాన్‌... దులిప్‌ ట్రోఫీ టోర్నీకి కూడా దూరమయ్యాడు. తాజాగా వెస్టిండీస్‌తో టెస్టులకు కూడా అతడు ఎంపిక కాలేదు. ఇందుకు గల కారణాన్ని టీమిండియా చీఫ్‌ సెలక్టర్‌ అజిత్‌ అగార్కర్‌ వెల్లడించాడు. గాయం కారణంగానే అతడు సెలక్షన్‌కు అందుబాటులో లేకుండా పోయాడని తెలిపాడు.కాగా టీమిండియా స్వదేశంలో వెస్టిండీస్‌తో రెండు టెస్టుల సిరీస్‌ ఆడనుంది. అహ్మదాబాద్‌ వేదికగా అక్టోబరు 2- 6 తొలి టెస్టు.. ఢిల్లీలో అక్టోబరు 10- 14 వరకు రెండో టెస్టు నిర్వహణకు షెడ్యూల్‌ ఖరారైంది.వెస్టిండీస్‌తో టెస్టులకు బీసీసీఐ ప్రకటించిన జట్టుశుబ్‌మన్‌ గిల్‌ (కెప్టెన్‌), యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, దేవ్‌దత్‌ పడిక్కల్‌, ధ్రువ్‌ జురెల్‌ (వికెట్‌ కీపర్‌), రవీంద్ర జడేజా (వైస్‌ కెప్టెన్‌), వాషింగ్టన్‌ సుందర్‌, జస్‌ప్రీత్‌ బుమ్రా, అక్షర్‌ పటేల్‌, నితీశ్‌ కుమార్‌ రెడ్డి, నారాయణ్‌ జగదీశన్‌ (వికెట్‌ కీపర్‌), మహ్మద్‌ సిరాజ్‌, ప్రసిద్‌ కృష్ణ, కుల్దీప్‌ యాదవ్‌.చదవండి: టీమిండియా కెప్టెన్‌గా శ్రేయస్‌ అయ్యర్‌.. బీసీసీఐ ప్రకటన

వెస్టిండీస్‌తో టెస్టు సిరీస్‌కు భారత క్రికెట్‌ నియంత్రణ మండలి (BCCI) తమ జట్టును ప్రకటించింది. శుబ్‌మన్‌ గిల్‌ (Shubman Gill) సారథ్యంలో.. పదిహేను మంది సభ్యులతో కూడిన జట్టు వివరాలను గురువారం వెల్లడించింది.ఇక స్వదేశంలో జరిగే ఈ సిరీస్‌కు గిల్‌ డిప్యూటీగా సీనియర్‌ ఆల్‌రౌండర్‌ రవీంద్ర జడేజా (Ravindra Jadeja)ను.. బీసీసీఐ వైస్‌ కెప్టెన్‌గా ఎంపిక చేసింది. ఇంగ్లండ్‌ పర్యటనలో భాగంగా ఆండర్సన్‌- టెండుల్కర్‌ ట్రోఫీ ఆడిన జట్టులో స్వల్ప మార్పులతోనే భారత్‌ విండీస్‌తో బరిలో దిగనుంది.రిషభ్‌ పంత్‌ దూరం.. కరుణ్‌పై వేటువైస్‌ కెప్టెన్‌ రిషభ్‌ పంత్‌ (Rishabh Pant) గాయం నుంచి ఇంకా కోలుకోని కారణంగా వెస్టిండీస్‌తో సిరీస్‌కు దూరం కాగా.. ఇంగ్లండ్‌ పర్యటనలో వరుస వైఫల్యాలు చవిచూసిన కరుణ్‌ నాయర్‌పై వేటు పడింది. కాగా దాదాపు ఏడేళ్ల విరామం తర్వాత టీమిండియా తరఫున ఇంగ్లండ్‌తో టెస్టు సిరీస్‌ ద్వారా రీఎంట్రీ ఇచ్చిన కరుణ్‌ నాయర్‌ వచ్చిన అవకాశాలను సద్వినియోగం చేసుకోలేకపోయాడు.ధ్రువ్‌ జురెల్‌తో పాటు అతడు..ఐదు టెస్టుల్లో భాగంగా నాలుగు మ్యాచ్‌లు ఆడిన కరుణ్‌ నాయర్‌.. కేవలం ఒకే ఒక్క హాఫ్‌ సెంచరీ చేయగలిగాడు. దీంతో బీసీసీఐ అతడికి మరో అవకాశం ఇచ్చేందుకు మొగ్గుచూపకపోవడం గమనార్హం. మరోవైపు.. వికెట్‌ కీపర్ల కోటాలో.. పంత్‌ గైర్హాజరీలో ధ్రువ్‌ జురెల్‌తో పాటు తమిళనాడు ప్లేయర్‌ నారాయణ్‌ జగదీశన్‌ జట్టుకు ఎంపికయ్యాడు.నితీశ్‌ రెడ్డికి చోటుఇక గాయం వల్ల ఇంగ్లండ్‌ సిరీస్‌ మధ్యలోనే జట్టుకు దూరమైన ఆంధ్ర ఆల్‌రౌండర్‌ నితీశ్‌ కుమార్‌ రెడ్డి కూడా.. విండీస్‌తో సిరీస్‌తో రీఎంట్రీ ఇచ్చేందుకు సిద్ధమయ్యాడు. ఇక పేస్‌ విభాగంలో జస్‌ప్రీత్‌ బుమ్రా, మహ్మద్‌ సిరాజ్‌తో కలిసి ప్రసిద్‌ కృష్ణ మరోసారి సేవలు అందించనున్నాడు. స్పెషలిస్టు స్పిన్నర్‌ కుల్దీప్‌ యాదవ్‌ తన స్థానాన్ని నిలబెట్టుకోగా.. స్పిన్‌ ఆల్‌రౌండర్ల కోటాలో జడేజా, అక్షర్‌ పటేల్‌తో కలిసి వాషింగ్టన్‌ సుందర్‌ బరిలో దిగనున్నాడు.2-2తో సమంకాగా ఆసియా టీ20 కప్‌- 2025 టోర్నీ ముగిసిన తర్వాత టీమిండియా సొంతగడ్డపై రెండు టెస్టులు ఆడనుంది. ప్రపంచ టెస్టు చాంపియన్‌షిప్‌ 2025-27లో భాగంగా అక్టోబరు 2- అక్టోబరు 14 వరకు ఈ సిరీస్‌ జరుగుతుంది. కాగా చివరగా గిల్‌ సేన ఇంగ్లండ్‌తో టెస్టు సిరీస్‌లో తలపడి 2-2తో సమం చేసుకున్న విషయం తెలిసిందే. వెస్టిండీస్‌తో టెస్టులకు భారత జట్టుశుబ్‌మన్‌ గిల్‌ (కెప్టెన్‌), యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, దేవ్‌దత్‌ పడిక్కల్‌, ధ్రువ్‌ జురెల్‌ (వికెట్‌ కీపర్‌), రవీంద్ర జడేజా (వైస్‌ కెప్టెన్‌), వాషింగ్టన్‌ సుందర్‌, జస్‌ప్రీత్‌ బుమ్రా, అక్షర్‌ పటేల్‌, నితీశ్‌ కుమార్‌ రెడ్డి, నారాయణ్‌ జగదీశన్‌ (వికెట్‌ కీపర్‌), మహ్మద్‌ సిరాజ్‌, ప్రసిద్‌ కృష్ణ, కుల్దీప్‌ యాదవ్‌.చదవండి: పాక్‌ ఆటగాళ్ల బరితెగింపు.. షాకిచ్చిన బీసీసీఐ!.. తగ్గమంటూ పీసీబీ ఓవరాక్షన్‌

వెస్టిండీస్‌తో జరగబోయే టెస్టు సిరీస్‌కు (India vs West Indies) భారత జట్టు (Team India) ప్రకటన రేపటికి వాయిదా పడింది. బుమ్రా (Jasprit Bumrah) ఆసియా కప్‌లో పాల్గొంటున్న నేపథ్యంలో అతని అందుబాటుపై స్పష్టత లేకపోవడం.. ఆస్ట్రేలియా-ఏతో మ్యాచ్‌లో ప్రసిద్ధ్ కృష్ణ (Prasidh Krishna) గాయపడటం వంటి అంశాలు సెలక్టర్లను గందరగోళంలోకి నెట్టాయి.విండీస్‌తో సిరీస్‌కు బుమ్రా అందుబాటులో ఉన్నా అతని ఫిట్‌నెస్, వర్క్‌లోడ్‌ మేనేజ్‌మెంట్ అంశాలను సెలెక్టర్లు పరిగణనలోకి తీసుకున్నారు. ఆసీస్‌-ఏతో మ్యాచ్‌లో ఇవాళ ప్రసిద్ధ్ కృష్ణ తలకు తీవ్ర గాయం కావడం సెలెక్టర్లను మరింత ఇరకాటంలో పడేసింది.అతనికి ప్రత్యామ్నాయంగా యాశ్‌ ఠాకూర్, ఉమేశ్ యాదవ్, నవదీప్ సైనీ పేర్లను సెలెక్టర్లు పరిశీలిస్తున్నారు. పై రెండు కారణాల చేత జట్టు ప్రకటన రేపటికి వాయిదా పడింది. బీసీసీఐ వర్గాల సమాచారం మేరకు.. చీఫ్‌ సెలెక్టర్‌ అజిత్‌ అగార్కర్‌ (Ajit Agarkar) రేపు మధ్యాహ్నం లేదా సాయంత్రం సమయంలో టీమిండియాను ప్రకటించే అవకాశం ఉంది.చదవండి: చెలరేగిన వైభవ్‌ సూర్యవంశీ.. రాణించిన మాత్రే.. ఆసీస్‌ను చిత్తు చేసిన టీమిండియా

స్వదేశంలో త్వరలో వెస్టిండీస్‌తో (India vs West Indies) జరుగబోయే రెండు మ్యాచ్‌ల టెస్ట్‌ సిరీస్‌కు ముందు టీమిండియాకు (Team India) ఊహించని షాక్‌ తగిలింది. ఈ సిరీస్‌ కోసం జట్టు ప్రకటనకు కొద్ది గంటల ముందు స్టార్‌ బౌలర్‌ ప్రసిద్ద్‌ కృష్ణ (Prasidh krishna) తీవ్రంగా గాయపడ్డాడు.ఆస్ట్రేలియా-ఏతో (india A vs Australia A) రెండో టెస్ట్‌ మ్యాచ్‌ సందర్భంగా బ్యాటింగ్‌ చేస్తుండగా ఈ ఘటన జరిగింది. టీమిండియా తొలి ఇన్నింగ్స్‌ 39వ ఓవర్‌లో హెన్రీ థార్న్‌టన్ సంధించిన రాకాసి బౌన్సర్ ప్రసిద్ధ్ హెల్మెట్‌ను బలంగా తాకింది.వెంటనే ఫిజియో వచ్చి కంకషన్ టెస్ట్ నిర్వహించగా, ప్రసిద్ధ్ టెస్ట్‌ను క్లియర్ చేసి బ్యాటింగ్ కొనసాగించాడు. కానీ మూడు ఓవర్ల తర్వాత అస్వస్థతకు లోనై 42వ ఓవర్‌లో రిటైర్డ్‌ హర్ట్‌గా ఫీల్డ్‌ను వీడాడు. ప్రసిద్ద్‌ మైదానాన్ని వీడే సమయానికి 25 బంతుల్లో 16 పరుగులు చేసి అజేయంగా ఉన్నాడు.కంకషన్ సబ్‌గా యశ్‌ ఠాకూర్ప్రసిద్ధ్ స్థానంలో యశ్‌ ఠాకూర్ కంకషన్ సబ్‌గా బ్యాటింగ్‌కు వచ్చాడు. ఇక ప్రసిద్ధ్ ఈ మ్యాచ్‌లో పాల్గొనడు. ఈ మ్యాచ్‌లో ప్రస్దిద్‌ తొలుత బౌలింగ్‌లో 17 ఓవర్లు వేసి ఓ వికెట్ తీశాడు.వెస్టిండీస్ సిరీస్‌ దూరం..?ప్రసిద్ద్‌ గాయం తీవ్రతపై అధికారిక సమాచారం లేనప్పటికీ.. విండీస్‌తో టెస్ట్‌ సిరీస్‌కు అతన్ని ఎంపిక చేయడం అనుమానమేనని తెలుస్తుంది. ఇంగ్లండ్‌ పర్యటనలో రాణించిన నేపథ్యంలో ఈ సిరీస్‌కు ప్రసిద్ద్‌ ఎంపిక దాదాపుగా ఖరారై ఉండింది. ఆఖరి నిమిషంలో గాయపడటంతో ప్రసిద్ద్‌ విండీస్‌ సిరీస్‌ ఆడే అవకాశాన్ని దాదాపుగా కోల్పోయినట్లే. వర్క్‌ లోడ్‌ కారణంగా ఈ సిరీస్‌కు బుమ్రాను విశ్రాంతినివ్వాలని మేనేజ్‌మెంట్‌ భావించింది. ప్రసిద్ద్‌ గాయపడిన నేపథ్యంలో బుమ్రాను విండీస్‌ సిరీస్‌లో ఆడించే అవకాశం ఉంది. బుమ్రా, ఆకాశ్‌దీప్, సిరాజ్‌తో పాటు మరో పేసర్‌ను విండీస్‌ సిరీస్‌కు ఎంపిక​ చేయవచ్చు.ఇదిలా ఉంటే, ఆస్ట్రేలియా-ఏతో జరుగుతున్న రెండో అనధికారిక టెస్ట్‌ మ్యాచ్‌లో భారత-ఏ జట్టు తడబడింది. తొలుత బ్యాటింగ్‌ చేసిన ఆసీస్‌ 420 పరుగుల భారీ స్కోర్‌ చేయగా.. భారత్‌ 194 పరుగులకే ఆలౌటైంది. 226 పరుగుల ఆధిక్యంతో రెండో ఇన్నింగ్స్‌ ప్రారంభించిన ఆసీస్‌ రెండో రోజు ఆట ముగిసే సమయానికి 16 పరుగులకే 3 వికెట్లు కోల్పోయింది. చదవండి: IND vs AUS: దారుణంగా విఫలమైన భారత జట్టు.. ఆసీస్‌కు భారీ ఆధిక్యం

టీమిండియా స్టార్‌ క్రికెటర్‌ శ్రేయస్‌ అయ్యర్‌ (Shreyas Iyer) భారత్‌- ‘ఎ’ జట్టు కెప్టెన్‌గా వైదొలగడం క్రికెట్‌ వర్గాల్లో హాట్‌టాపిక్‌గా మారింది. చాన్నాళ్లుగా టెస్టుల్లో పునరాగమనం కోసం వేచి చూస్తున్న ఈ ముంబైకర్‌కు ‘ఎ’ జట్టు సారథిగా భారత క్రికెట్‌ నియంత్రణ మండలి (BCCI) సువర్ణావకాశం ఇచ్చింది.ఆస్ట్రేలియా- ‘ఎ’తో అనధికారిక టెస్టులుకాగా ప్రపంచ టెస్టు చాంపియన్‌షిప్‌ 2025-27 (WTC)లో భాగంగా టీమిండియా.. అక్టోబరులో స్వదేశంలో వెస్టిండీస్‌ (IND vs WI)తో రెండు మ్యాచ్‌లు ఆడనుంది. అయితే, విండీస్‌తో సిరీస్‌కు ముందు భారత్‌- ‘ఎ’- ఆస్ట్రేలియా- ‘ఎ’ మధ్య రెండు అనధికారిక టెస్టు మ్యాచ్‌లకు షెడ్యూల్‌ ఖరారైంది. వెస్టిండీస్‌తో సిరీస్‌కు ముందు సన్నాహకంగా ఈ సిరీస్‌ ఉపయోగపడనుంది.ఈ నేపథ్యంలో శ్రేయస్‌ అయ్యర్‌ను కెప్టెన్‌ను చేసిన బీసీసీఐ.. ధ్రువ్‌ జురెల్‌ (Dhruv Jurel), సాయి సుదర్శన్‌, నితీశ్‌ కుమార్‌ రెడ్డి వంటి యువ టీమిండియా స్టార్లను కూడా ఎంపిక చేసింది. ఇక రెండో టెస్టులో భాగంగా టీమిండియా సీనియర్లు కేఎల్‌ రాహుల్‌, మహ్మద్‌ సిరాజ్‌ కూడా భారత్‌-‘ఎ’ జట్టులో చేరారు.కెప్టెన్సీతో పాటు జట్టు నుంచీ తప్పుకొన్నాడుఅయితే, తొలి టెస్టులో విఫలమైన శ్రేయస్‌ అయ్యర్‌(8).. రెండో టెస్టు ఆరంభానికి కొన్ని గంటల ముందే కెప్టెన్సీతో పాటు జట్టు నుంచీ వైదొలిగాడు. ఈ క్రమంలో అతడు బీసీసీఐకి ఓ లేఖ రాసినట్లు తెలుస్తోంది. ఇండియన్‌ ఎక్స్‌ప్రెస్‌ కథనం ప్రకారం..‘‘శ్రేయస్‌ అయ్యర్‌ రెడ్‌ బాల్‌ క్రికెట్‌ నుంచి విరామం తీసుకోవాలని భావించాడు. ఇదే విషయాన్ని సెలక్టర్లకు చెప్పాడు. రానున్న కొన్ని నెలల పాటు అతడు టెస్టు ఫార్మాట్‌కు దూరంగా ఉండబోతున్నాడు.కారణం ఇదేవెన్నునొప్పి కారణంగా తన శరీరం నాలుగు కంటే ఎక్కువ రోజులు ఫీల్డింగ్‌ చేసేందుకు సిద్ధంగా లేదని చెప్పాడు. అందుకే ఇప్పట్లో టెస్టు క్రికెట్‌ను పూర్తి స్థాయిలో ఆడలేనని స్పష్టం చేశాడు. కాబట్టి సెలక్టర్లు ఇందుకు తగినట్లుగానే అతడి విషయంలో నిర్ణయం తీసుకుంటారు’’ అని విశ్వసనీయ వర్గాలు తెలిపాయి.గతంలో బీసీసీఐ వేటుఫలితంగా వెస్టిండీస్‌తో సిరీస్‌కు కూడా శ్రేయస్‌ అయ్యర్‌ దూరమైనట్లు తెలుస్తోంది. కాగా గతేడాది కూడా శ్రేయస్‌ అయ్యర్‌ వెన్నునొప్పితో బాధపడిన విషయం తెలిసిందే. ఈ క్రమంలో రంజీ ట్రోఫీ మ్యాచ్‌లకు దూరం కాగా... బీసీసీఐ అతడిపై వేటు వేసింది. ఫిట్‌గానే ఉన్నా అబద్దం చెప్పాడని.. దేశీ క్రికెట్‌ తప్పనసరిగా ఆడాలన్న నిబంధనను ఉల్లంఘించాడని పేర్కొంటూ సెంట్రల్‌ కాంట్రాక్టు నుంచి తప్పించింది. అయితే, ఆ తర్వాత అనూహ్య రీతిలో పుంజుకున్న శ్రేయస్‌ అయ్యర్‌ దేశీ క్రికెట్‌లో మూడు ఫార్మాట్లలోనూ అదరగొట్టాడు. అనూహ్య రీతిలో పుంజుకునిముఖ్యంగా కెప్టెన్‌గా ఐపీఎల్‌-2024లో కోల్‌కతా నైట్‌ రైడర్స్‌ను చాంపియన్‌గా నిలిపిన అయ్యర్‌.. ఈ ఏడాది పంజాబ్‌ కింగ్స్‌ను ఫైనల్‌కు చేర్చాడు. బ్యాటర్‌గానూ పొట్టి ఫార్మాట్లో ఇరగదీశాడు.ఐసీసీ చాంపియన్స్‌ట్రోఫీ-2025 (వన్డే)లోనూ టీమిండియా తరఫున సత్తా చాటి టాప్‌ రన్‌ స్కోరర్‌గా నిలిచాడు. అయితే, ఆసియా కప్‌ టీ20- 2025 టోర్నీకి మాత్రం సెలక్టర్లు అయ్యర్‌ను ఎంపిక చేయలేదు. భవిష్యత్తు ప్రశ్నార్థకందీంతో బోర్డు తీరుపై విమర్శలు రాగా.. భారత్‌ -‘ఎ’ కెప్టెన్‌గా ఛాన్స్‌ ఇచ్చింది. కానీ శ్రేయస్‌ అయ్యర్‌ తనకు తానుగా తప్పుకొని మరోసారి భవిష్యత్తును ప్రశ్నార్థకం చేసుకున్నాడు. కాగా అయ్యర్‌ గత ఏడాది స్వదేశంలో ఇంగ్లండ్‌తో సిరీస్‌ సందర్భంగా చివరి టెస్టు ఆడాడు.చదవండి: ఆస్ట్రేలియాతో రెండో టెస్ట్‌.. చెలరేగిన టీమిండియా యువ ప్లేయర్‌

దూకుడైన బ్యాటింగ్‌కు పెట్టింది పేరు వీరేందర్‌ సెహ్వాగ్‌ (Virender Sehwag). ఈ విధ్వంసకర ఓపెనర్‌ క్రీజులో ఉన్నాడంటే బౌలర్లకు చుక్కలే. సునిల్‌ గావస్కర్‌ (Sunil Gavaskar) తర్వాత టీమిండియాకు దొరికిన అత్యుత్తమ టెస్టు ఓపెనర్లలో సెహ్వాగ్‌ ఒకడు. పాకిస్తాన్‌ గడ్డపై 2004లో ట్రిపుల్‌ సెంచరీ బాదిన ఈ కుడిచేతి వాటం బ్యాటర్‌.. ఈ ఫీట్‌ సాధించిన భారత తొలి క్రికెటర్‌గా చరిత్రకెక్కాడు.టీమిండియా స్టార్లకు చేదు అనుభవాలుఅయితే, ప్రతీ ఆటగాడి కెరీర్‌లాగే సెహ్వాగ్‌ కెరీర్‌లోనూ ఎత్తుపళ్లాలు ఉన్నాయి. 2005- 06 మధ్యకాలంలో పరుగులు రాబట్టడంలో వీరూ కాస్త తడబడ్డాడు. ఆ సమయంలోనే టీమిండియా హెడ్‌కోచ్‌గా ఆస్ట్రేలియా మాజీ క్రికెటర్‌ గ్రెగ్‌ చాపెల్‌ (Greg Chappell) వచ్చాడు. అపుడే సౌరవ్‌ గంగూలీని కెప్టెన్సీ నుంచి, జట్టు నుంచి తప్పించడం జరిగాయి.హర్భజన్‌ సింగ్‌, వీవీఎస్‌ లక్ష్మణ్‌ తదితరులు కూడా చాపెల్‌ వ్యవహారశైలితో నొచ్చుకున్నట్లు వార్తలు వచ్చాయి. తనకు కూడా ఇలాంటి అనుభవమే ఎదురైందని సెహ్వాగ్‌ తాజాగా వెల్లడించాడు. అయితే, తాను ఆటతోనే అతడి నోరు మూయించానంటూ ఘాటు వ్యాఖ్యలు చేశాడు.గతం నాకు అనవసరం‘‘అప్పట్లో నేను పరుగులు రాబట్టేందుకు చాలా ఇబ్బందిపడ్డాను. అపుడు గ్రెగ్‌ చాపెల్‌ అన్న మాటలు నన్ను బాధించాయి. ‘నువ్వు కాలు కదపనంత వరకు పరుగులు రాబట్టలేవు’ అని నాతో అన్నాడు. అందుకు బదులుగా.. ‘గ్రెగ్‌.. నేను టెస్టుల్లో 50కి పైగా సగటుతో ఇప్పటికే 6000 పరుగులు సాధించాను’ అని చెప్పాను.ఇందుకు స్పందిస్తూ.. ‘నువ్వు గతంలో ఏం చేశావో నాకవసరం లేదు. నీకు మళ్లీ అదే మాట చెబుతున్నా. నువ్వు కాలు కదిపితేనే పరుగులు వస్తాయి’ అన్నాడు. దీంతో మా ఇద్దరి మధ్య మాటామాటా పెరిగింది.జట్టు నుంచి నిన్ను తప్పిస్తా.. నువ్వేం చేసుకుంటావో చేసుకోఅప్పుడు కెప్టెన్‌గా ఉన్న రాహుల్‌ ద్రవిడ్‌ వచ్చి మమ్మల్ని విడదీయాల్సి వచ్చింది. ఆ మరుసటి రోజు నేను బ్యాటింగ్‌కు వెళ్తున్న సమయంలో.. ‘నువ్వు ఈరోజు కచ్చితంగా పరుగులు చేయాలి. లేదంటే.. జట్టు నుంచి నిన్ను తప్పిస్తా’ అని గ్రెగ్‌ నాతో అన్నాడు.‘నువ్వేం చేసుకుంటావో చేసుకో’ అని నేను బదులిచ్చాను. ఓ ఆటగాడు బ్యాటింగ్‌కు వెళ్తున్న సమయంలో కోచ్‌ నుంచి వచ్చే ఇలాంటి మాటలు ఎలాంటి ప్రభావం చూపుతాయన్న అంశం మీద అతడికి కాస్తైనా అవగాహన లేదు.ఆరోజు నాకు స్ట్రైక్‌ రాగానే బంతిని బాదడం మొదలుపెట్టాను. భోజన విరామ సమయానికి ముందు నేను 99 పరుగుల వద్ద ఉన్నాను. అపుడు డ్రెసింగ్‌రూమ్‌లోకి వెళ్తుంటే ద్రవిడ్‌ అక్కడే నిల్చుని ఉన్నాడు.నా దరిదాపుల్లోకి కూడా రావొద్దని మీ కోచ్‌కు చెప్పునేను తనను పిలిచి.. ‘నా దరిదాపుల్లోకి కూడా రావొద్దని మీ కోచ్‌కు చెప్పు’ అని అన్నాను. లంచ్‌ తర్వాత తిరిగి వచ్చి 180 పరుగులు పూర్తి చేసుకున్నాడు. అప్పుడు ఓ మూలన నిల్చుని ఉన్న గ్రెగ్‌ వైపు ఓ లుక్కేశాను.‘నా కాలు కదిపినా.. కదపకపోయినా.. పరుగులు ఎలా చేయాలో మాత్రం నాకు తెలుసు’ అని మరోసారి అతడితో అన్నాను’’ అని సెహ్వాగ్‌ గత జ్ఞాపకాలను లైఫ్‌ సేవర్‌ పాడ్‌కాస్ట్‌లో పంచుకున్నాడు. అయితే, ఇందులో సెహ్వాగ్‌ సదరు మ్యాచ్‌ ఏదో చెప్పలేదు. అయితే, భారత్‌- వెస్టిండీస్‌ మధ్య 2006 నాటి టెస్టు సందర్భంగా ఈ ఘటన జరిగినట్లు తెలుస్తోంది.ఆనాటి మ్యాచ్‌లో సెహ్వాగ్‌ 180 పరుగులు చేయగా.. ద్రవిడ్‌ 140, మహ్మద్‌ కైఫ్‌ 148 పరుగులు (నాటౌట్‌) సాధించారు. ఈ క్రమంలో 588/8 వద్ద భారత్‌ తమ ఇన్నింగ్స్‌ డిక్లేర్‌ చేసింది. అయితే, ఈ మ్యాచ్‌ డ్రాగా ముగిసిపోయింది. కాగా తన కెరీర్‌లో 104 టెస్టులు ఆడిన సెహ్వాగ్‌ 8586 పరుగులు సాధించాడు.చదవండి: పాపం హార్దిక్‌ పాండ్యా!.. బీసీసీఐ ఉపాధ్యక్షుడి కామెంట్స్‌ వైరల్‌

టెస్టు క్రికెట్‌ దిగ్గజాల్లో వెస్టిండీస్‌ స్టార్‌ బ్రియాన్‌ లారా (Biran Lara)కు ప్రత్యేక స్థానం ఉంది. షాట్‌ సెలక్షన్‌ విషయంలో దూకుడుగా ఉండే ఈ ఎడమచేతి వాటం బ్యాటర్‌.. చక్కటి ఫుట్‌వర్క్‌తో ఆడుతూ బౌలర్లకు చుక్కలు చూపించేవాడు. కవర్‌ డ్రైవ్‌లు, పుల్‌షాట్లు ఆడటంలో అతడు దిట్ట.స్లెడ్జ్‌ చేయాలంటే వణుకుఅన్నింటికీ మించి బ్యాటింగ్‌ చేస్తున్నపుడు.. ఎలాంటి పరిస్థితులు ఎదురైననా లారా ఆత్మవిశ్వాసంతో ఉండటం.. ప్రత్యర్థి జట్టు బౌలర్లను మరింత భయపట్టేది. అందుకే అతడిని స్లెడ్జ్‌ చేయాలంటే వాళ్లు వణికిపోయేవారు. అనవసరంగా లారా జోలికి వెళ్తే మూల్యం చెల్లించాల్సి వస్తుందని.. తమ పనిని పూర్తి చేసుకుని వెళ్లేవారు.టీమిండియాకూ అదే భయం.. ముందే చెప్పారుటీమిండియా కూడా లారాను స్లెడ్జ్‌ చేసే విషయంలో భయపడేదట. భారత మాజీ క్రికెటర్‌, కామెంటేటర్‌ ఆకాశ్‌ చోప్రా తాజాగా ఈ విషయాన్ని వెల్లడించాడు. జియోహాట్‌స్టార్‌తో మాట్లాడుతూ.. ‘‘స్లెడ్జింగ్‌ గురించి ముందుగానే ఎలాంటి ప్రణాళికలను మేము సిద్ధం చేసుకునేవాళ్లం కాదు.అయితే, లారాను మాత్రం అస్సలు స్లెడ్జ్‌ చేయొద్దని మాత్రం నిర్ణయించుకున్న సంఘటన నాకు గుర్తుంది. అతడితో పెట్టుకోవద్దని ముందే డిసైడ్‌ అయ్యేవాళ్లం. టీమిండియా వెస్టిండీస్‌ పర్యటనలకు వెళ్లినపుడు లారాకు అంతటి ప్రాముఖ్యం ఉండేది.అతడు బ్యాటింగ్‌ చేస్తున్నపుడు ఒక్క మాట కూడా అనవద్దని టీమిండియా సమావేశంలో నిర్ణయించారు. తనకు తానుగా అవుటయ్యేంత వరకు వేచిచూడాలని చెప్పేవారు. ఒకవేళ అతడిని మాటలతో రెచ్చగొడితే.. మనమే తిరిగి మూల్యం చెల్లించాల్సి వస్తుందని హెచ్చరించారు’’ అంటూ ఆకాశ్‌ చోప్రా చెప్పుకొచ్చాడు.చెక్కు చెదరని ప్రపంచ రికార్డుకాగా అద్భుతమైన టెక్నిక్‌తో, అగ్రెసివ్‌ షాట్లతో అలరించే లారా.. టెస్టుల్లో అత్యధిక వ్యక్తిగత స్కోరు (400 నాటౌట్‌) సాధించిన ఆటగాడిగా ప్రపంచ రికార్డు నెలకొల్పాడు. ఇక1990- 2006 వరకు వెస్టిండీస్‌ తరఫున అంతర్జాతీయ క్రికెట్‌ ఆడిన 56 ఏళ్ల లారా.. 131 టెస్టుల్లో 11953 పరుగులు సాధించాడు. ఇందులో 34 శతకాలు, తొమ్మిది డబుల్‌ సెంచరీలు ఉన్నాయి. అదే విధంగా.. 299 వన్డేలు ఆడిన లారా.. 19 సెంచరీలు, 63 హాఫ్‌ సెంచరీల సాయంతో 10405 పరుగులు సాధించాడు.చదవండి: నిన్ను ఇలా చూడలేకపోతున్నాం భయ్యా!.. విరాట్‌ కోహ్లి ఫొటో వైరల్‌

ఇంగ్లండ్‌తో ఆఖరి టెస్టులో సత్తా చాటి.. ఆండర్సన్‌- టెండుల్కర్‌ ట్రోఫీ (Anderson- tendulkar Trophy) సిరీస్‌ను సమం చేసింది టీమిండియా. రవిచంద్రన్‌ అశ్విన్‌, విరాట్‌ కోహ్లి (Virat Kohli), రోహిత్‌ శర్మ వంటి దిగ్గజాలు లేకుండానే విదేశీ గడ్డ మీద సత్తా చాటింది. యువ నాయకుడు శుబ్‌మన్‌ గిల్‌ సారథ్యంలో ఐదు మ్యాచ్‌ల టెస్టు సిరీస్‌ను 2-2తో డ్రా చేసుకున్న భారత్‌ తదుపరి ఆసియా కప్‌-2025 ఆడనుంది.శుభవార్త.. ఓ చేదు వార్త కూడా..ఈసారి టీ20 ఫార్మాట్లో నిర్వహించే ఈ టోర్నమెంట్‌కు ఆగష్టు చివరి వారంలో బీసీసీఐ (BCCI) జట్టును ప్రకటించే అవకాశం ఉంది. ఇక ఈ ఈవెంట్‌ తర్వాత సొంతగడ్డపై వెస్టిండీస్‌తో టెస్టులు ఆడనుంది. ఈ నేపథ్యంలో టీమిండియాకు ఒకే సమయంలో శుభవార్త.. ఓ చేదు వార్త అందాయి.ఇంగ్లండ్‌ పర్యటన సందర్భంగా గాయపడిన వికెట్‌ కీపర్‌ బ్యాటర్‌ రిషభ్‌ పంత్‌కు సర్జరీ అవసరం లేదని వైద్యులు చెప్పినట్లు సమాచారం. అయితే, పూర్తిగా కోలుకోవడానికి ఆరు వారాల పాటు విశ్రాంతి మాత్రం అవసరం అని చెప్పినట్లు తెలుస్తోంది.విండీస్‌తో రెండు టెస్టులుఈ నేపథ్యంలో రిషభ్‌ పంత్‌ ఆసియా కప్‌-2025తో పాటు వెస్టిండీస్‌తో టెస్టు సిరీస్‌కు కూడా దూరం కానున్నాడు. కాగా యూఏఈ వేదికగా ఆసియా కప్‌ టోర్నీ సెప్టెంబరు 8- 28 వరకు జరుగనుండగా.. స్వదేశంలో విండీస్‌తో అక్టోబరు 2- 14 వరకు టీమిండియా రెండు టెస్టులు ఆడనుంది. అహ్మదాబాద్‌, ఢిల్లీ ఇందుకు వేదికలుకాగా ఇటీవల ఇంగ్లండ్‌తో ముగిసిన ఐదు టెస్టుల సిరీస్‌లో రిషభ్‌ పంత్‌ అదరగొట్టాడు. లీడ్స్‌లో జరిగిన తొలి మ్యాచ్‌లో రెండు ఇన్నింగ్స్‌లోనూ శతకాలు బాదిన ఈ లెఫ్టాండర్‌.. ఓవరాల్‌గా 479 పరుగులు సాధించాడు.గాయంతోనే..అయితే, మాంచెస్టర్‌ వేదికగా నాలుగో టెస్టు తొలి ఇన్నింగ్స్‌ సందర్భంగా క్రిస్‌ వోక్స్‌ బౌలింగ్‌లో రివర్స్‌ స్కూప్‌షాట్‌కు యత్నించిన పంత్‌.. విఫలమయ్యాడు. ఈ క్రమంలో బంతి కుడికాలికి తగలగా పాదం ఉబ్బింది. అనంతరం బొటనవేలు ఫ్రాక్చర్‌ అయినట్లు తేలింది. అయినా సరే.. పంత్‌ మళ్లీ బ్యాటింగ్‌కు వచ్చి హాఫ్‌ సెంచరీ పూర్తి చేసుకుని అవుటయ్యాడు. ఈ మ్యాచ్‌ను టీమిండియా డ్రా చేసుకోవడంలో తన వంతు పాత్ర పోషించాడు.చదవండి: ప్రతోడు సచిన్‌, కోహ్లి అవుతారా?.. వాళ్ల ఫోన్లు కూడా ఎత్తను: టీమిండియా పేసర్‌

ఈ ఏడాది చివర్లో ప్రారంభం కాబోయే టీమిండియా హోం సీజన్‌లో పలు మార్పులు చోటు చేసుకున్నాయి. భారత సీనియర్‌ పురుషుల జట్టు.. వెస్టిండీస్‌, సౌతాఫ్రికాతో ఆడబోయే టెస్ట్‌ మ్యాచ్‌ల వేదికలు మారాయి. అలాగే భారత సీనియర్‌ మహిళల జట్టు ఆస్ట్రేలియాతో ఆడబోయే వన్డే సిరీస్‌ వేదికలు.. సౌతాఫ్రికా-ఏ జట్టు భారత-ఏ జట్టుతో ఆడబోయే వన్డే మ్యాచ్‌ల వేదికలు కూడా మారా​యి. వేదికల మార్పు అంశాన్ని బీసీసీఐ ఇవాళ (జూన్‌ 9) అధికారికంగా ప్రకటించింది.🚨 NEWS 🚨BCCI announces updated venues for Team India (International home season) & South Africa A Tour of India.Details 🔽 #TeamIndia | @IDFCFIRSTBank https://t.co/vaXuFZQDRA— BCCI (@BCCI) June 9, 2025భారత సీనియర్‌ పురుషుల క్రికెట్‌ జట్టు ఈ ఏడాది అక్టోబర్‌ 10 నుంచి 14 తేదీ వరకు కోల్‌కతాలోని ఈడెన్‌ గార్డన్స్‌ వేదికగా రెండో టెస్ట్‌ మ్యాచ్‌ ఆడాల్సి ఉండింది. అయితే ఈ మ్యాచ్‌ వేదికను ఈడెన్‌ గార్డన్స్‌ నుంచి న్యూఢిల్లీలోని అరుణ్‌ జైట్లీ స్టేడియంకు మార్చడం జరిగింది. వేదిక మారినా మ్యాచ్‌ అదే తేదీల్లో యధాతథంగా జరుగుతుంది.నవంబర్‌ 14 నుంచి 18 వరకు టీమిండియా, సౌతాఫ్రికా మధ్య న్యూఢిల్లీలోని అరుణ్‌ జైట్లీ స్టేడియం వేదికగా జరగాల్సిన తొలి టెస్ట్‌ మ్యాచ్‌ కోల్‌కతాలోని ఈడెన్‌ గార్డన్స్‌కు మార్చడం జరిగింది. వేదిక మారినా ఈ మ్యాచ్‌ అదే తేదీల్లో యధాతథంగా జరుగనుంది. నవంబర్‌ నెలలో ఢిల్లీలో వాయు కాలుష్యం​ అధికంగా ఉండటంతో వేదిక మార్చినట్లు బీసీసీఐ చెప్పుకొచ్చింది.భారత సీనియర్‌ మహిళల జట్టు సెప్టెంబర్‌ 14, 17, 20 తేదీల్లో చెన్నైలోని చిదంబరం స్టేడియంలో ఆస్ట్రేలియాతో మూడు మ్యాచ్‌ల వన్డే సిరీస్‌ ఆడాల్సి ఉండింది. అయితే చిదంబరం స్టేడియంలో ఔట్‌ ఫీల్డ్‌, పిచ్‌కు సంబంధించి మరమ్మత్తు పనులు జరుగుతుండటంతో తొలి రెండు వన్డేను న్యూ ఛండీఘడ్‌లోని పీసీఏ స్టేడియంకు, చివరి వన్డేను న్యూఢిల్లీలోని అరుణ్‌ జైట్లీ స్టేడియంకు మార్చడం జరిగింది.సౌతాఫ్రికా పురుషుల ఏ టీమ్‌ నవంబర్‌ 13, 16, 19 తేదీల్లో భారత ఏ జట్టుతో బెంగళూరులోని చిన్నస్వామి స్టేడియంలో మూడు మ్యాచ్‌ల వన్డే సిరీస్‌ ఆడాల్సి ఉండింది. అయితే ఈ సిరీస్‌ వేదికను చిన్నస్వామి స్టేడియం నుంచి రాజ్‌కోట్‌లోని సౌరాష్ట్ర క్రికెట్‌ అసోసియేషన్‌ స్టేడియంకు మార్చారు.