Diwali

భారత క్రికెట్‌ దిగ్గజం సచిన్‌ టెండుల్కర్‌ ఇంట దీపావళి సంబరాలు ఘనంగా జరిగాయి. భార్య అంజలితో కలిసి సచిన్‌ లక్ష్మీ పూజ చేశాడు. ఇందుకు సంబంధించిన వీడియోను అభిమానులతో పంచుకున్నాడు.మరోవైపు.. సచిన్‌- అంజలిల కుమారుడు అర్జున్‌ తన భార్య సానియాతో కలిసి పండుగ సెలబ్రేట్‌ చేసుకున్నాడు. పెళ్లైన తర్వాత మా తొలి దీపావళి అంటూ అర్జున్‌ సతీమణి సానియా ఇన్‌స్టాగ్రామ్‌ వేదికగా ఫొటోలు షేర్‌ చేయగా.. వైరల్‌గా మారాయి.ఇక సచిన్‌ కుమార్తె సారా టెండుల్కర్‌ స్నేహితులతో పండుగ చేసుకున్న ఫొటోలను పంచుకుంది. ఇదిలా ఉంటే.. నవంబరు 10న తన సతీమణి అంజలి పుట్టినరోజును పురస్కరించుకుని.. ఆమెతో కలిసి దిగిన ఫొటోను పంచుకున్న సచిన్‌ భావోద్వేగ క్యాప్షన్‌ జతచేశాడు.‘‘ఇల్లంటే కాస్త ఎక్కువ ఇష్టం ఉంటుంది. అందులో నువ్వు ఉంటావు కాబట్టే ఇలా!.. హ్యాపీ బర్త్‌డే అంజలి’’ అని సచిన్‌ భార్యకు శుభాకాంక్షలు తెలియజేశాడు. ఇక సారా సైతం.. ‘‘నా ఆత్మబంధువుకు పుట్టినరోజు శుభాకాంక్షలు. నేను చేసే ప్రతీ పనిలో నువ్వు నా భాగస్వామివే. నీవల్లే నేనున్నా’’ అని తల్లికి విషెస్‌ చెప్పింది.కాగా ప్రేమించి పెళ్లిచేసుకున్న సచిన్‌- అంజలి దంపతులకు కుమార్తె సారా, కుమారుడు అర్జున్‌ సంతానం. ఈ ఏడాదే ముంబైలోని సంపన్న వ్యాపార కుటుంబానికి చెందిన సానియా చందోక్‌ను వివాహమాడాడు. అయితే, అర్జున్‌ అక్క సారా మాత్రం ఎంటర్‌ప్రెన్యూర్‌గా రాణిస్తూ పెళ్లి ఊసెత్తడం లేదు.Laxmi Pujan at our home. An evening of prayers, traditions and blessings. 🙏🏻 🪔 https://t.co/kFwtSO22da— Sachin Tendulkar (@sachin_rt) November 8, 2026

దీపావళి అంటేనే.. దీపాల వెలుగులు, ఇంటి ముందు అందమైన రంగవల్లులు. సాధారణంగా రంగోలీ(ముగ్గు)ని రంగు పొడులు, పూలు, బియ్యప్పిండితో వేస్తుంటారు. కానీ దుబాయ్‌లో మాత్రం ఈసారి దీపావళికి చాలా ప్రత్యేకంగా రంగోలీని రూపొందించారు. ఏకంగా బంగారు ఆభరణాలు, వజ్రాలతో భారీ రంగోలీని తయారు చేశారు. ఇప్పుడు దీనికి సంబంధించిన వీడియో సోషల్ మీడియాలో వైరల్‌గా మారింది.దీపావళి సందర్భంగా దుబాయ్‌లోని సిటీ సెంటర్ దేరా మాల్‌లో ఈ గోల్డెన్ రంగోలీని ప్రదర్శనకు ఉంచారు. ఈ రంగోలీని ప్రముఖ ఆభరణాల సంస్థ డమాస్ (Damas), దుబాయ్ ఫెస్టివల్స్ అండ్ రిటైల్ ఎస్టాబ్లిష్‌మెంట్‌తో కలిసి రూపొందించింది. ఇందుకోసం మొత్తం 213 బంగారు ఆభరణాలను ఉపయోగించారు. వీటి బరువు ఏకంగా 6.5 కిలోలు కావడం విశేషం.ఈ రంగోలి కోసం నెక్లెస్‌లు, భారీ గాజులు, చెవి దిద్దులు, పెండెంట్లను ఉపయోగించి ఎంతో అందంగా అమర్చి తయారు చేశారు. బంగారం మాత్రమే కాకుండా.. దీని కోసం ఏకంగా 380 క్యారెట్లకు పైగా వజ్రాలను కూడా ఉపయోగించారు. దీంతో ఈ రంగోలీ సాధారణ అలంకరణలా కాకుండా.. ఓ ఖరీదైన కళాఖండంలా నిలిచింది. చూపరులను ఎంతగానో ఆకట్టుకుంది.బంగారు, వజ్రాలతో ఇంత అందమైన రంగోలీని తయారు చేయడానికి కళాకారులు కూడా చాలా కష్టపడ్డారు. మొత్తం 10 మంది నిపుణులు కలిసి దాదాపు 16 గంటల పాటు పనిచేసినట్లు తెలుస్తోంది. ఒక్కో ఆభరణాన్ని జాగ్రత్తగా అమర్చుతూ ఈ డిజైన్‌ను పూర్తి చేశారు.ఇదీ చదవండి: దీపావళికి ఆన్‌లైన్‌లో ఎక్కువగా కొన్నది ఏంటో తెలుసా?నిజానికి బంగారు ఆభరణాలతో రంగోలి వేయడం అంత సులభమైన పనికాదు. దీని వెనుక కళాకారుల నైపుణ్యం, శ్రమ కూడా ఎక్కువగా ఉంది. ప్రస్తుతం దీనికి సంబంధించిన వీడియో సోషల్ మీడియాలో నెటిజన్లలను తెగ ఆకట్టుకుంటోంది. ఇంత విలువైన బంగారు ఆభరణాలను బహిరంగ ప్రదేశంలో ప్రదర్శించడం దుబాయ్‌లోనే సాధ్యమంటూ కొందరు కామెంట్లు చేస్తున్నారు. మరికొందరు ఈ రంగోలీని అద్భుతమైన కళాఖండంగా ప్రశంసిస్తున్నారు. చాలా సృజనాత్మకంగా రూపొందించారని, చూడటానికి ఎంతో అందంగా ఉందని అభిప్రాయపడుతున్నారు. View this post on Instagram A post shared by Dubai Festivals & Retail Events (@dubaifestivals)

దీపావళి పండుగ సందర్భంగా ఆన్‌లైన్ షాపింగ్‌కు భారీ డిమాండ్ కనిపించింది. ముఖ్యంగా.. స్విగ్గీ ఇన్‌స్టామార్ట్, జెప్టో వంటి క్విక్ కామర్స్ యాప్‌లలో కొనుగోళ్లు జోరుగా సాగాయి. ఈసారి దీపావళికి ప్రజలు ఎక్కువగా ఆర్డర్ చేసినవి ఏమిటో ఈ కథనంలో తెలుసుకుందాం.దీపావళి సందర్భంగా ప్రజలు కేవలం స్వీట్లు, చిరుతిళ్లు మాత్రమే కాకుండా.. పూలు, దీపాలు, గిఫ్ట్ హ్యాంపర్ల, బంగారం, వెండి నాణేల వరకు అన్నింటినీ ఆన్‌లైన్‌లోనే ఆర్డర్ చేశారు. ఒకప్పుడు పండుగ వస్తువుల కోసం షాపులకు వెళ్లి గంటల తరబడి కొనుగోళ్లు చేసేవారు. ఇప్పుడు మాత్రం చేతిలో మొబైల్ ఉంటే చాలు.. నచ్చిన వస్తువులను నిమిషాల్లో ఇంటికే తెప్పించుకుంటున్నారు. ఈ మార్పు ఈసారి దీపావళి అమ్మకాల గణాంకాల్లో స్పష్టంగా కనిపించింది.జెప్టోలో వీటికే డిమాండ్జెప్టోలో ఈసారి గిఫ్ట్ హ్యాంపర్లకు మంచి డిమాండ్ కనిపించింది. గత ఏడాది దీపావళితో పోలిస్తే.. వీటి ఆర్డర్లు ఏకంగా మూడు రెట్లు పెరిగాయి. అంతే కాకుండా.. 4.68 లక్షల మట్టి దీపాలను కస్టమర్లు ఆర్డర్ చేసినట్లు సమాచారం. పూలు, పూలదండల కొనుగోళ్లు కూడా రెండున్నర రెట్లు పెరిగాయి.ఇక స్వీట్ల విషయానికి వస్తే ఎక్కువ మంది లడ్డూలను ఆర్డర్ చేయగా, మొత్తం అమ్మకాల పరంగా సోన్ పప్డీ ముందంజలో నిలిచింది. పండుగ సందర్భంగా సంప్రదాయ దుస్తులు, వాటికి సంబంధించిన యాక్సెసరీల కొనుగోళ్లు రెండింతలు పెరిగాయి. ఇక బ్యూటీ ఉత్పత్తులకు కూడా దీపావళి రోజున అత్యధిక ఆర్డర్లు వచ్చినట్లు జెప్టో వెల్లడించింది.స్విగ్గీ ఇన్‌స్టామార్ట్‌లో..స్విగ్గీ ఇన్‌స్టామార్ట్‌లోనూ ఇదే పరిస్థితి కనిపించింది. దీపావళి పార్టీలు, వేడుకలకు అవసరమైన వస్తువుల ఆర్డర్లు గత ఏడాదితో పోలిస్తే 162 శాతం పెరిగాయి. స్నాక్స్, చిరుతిళ్ల కొనుగోళ్లు కూడా 42 శాతం పెరిగాయి. స్వీట్లలో కాజు కట్లీకి ఎక్కువ మంది ప్రాధాన్యత ఇచ్చారు. ఆ తర్వాత మోతీచూర్ లడ్డూ, బేసన్ లడ్డూలు ఉన్నాయి.నవంబర్ 8న ఉదయం 11 గంటల నుంచి మధ్యాహ్నం 12 గంటల మధ్య అత్యధిక ఆర్డర్లు నమోదయ్యాయి. ముఖ్యంగా ఉదయం 11:18 గంటలకు ఒక్క నిమిషంలోనే అత్యధిక ఆర్డర్లు వచ్చాయి. దీపావళికి ముందు రోజు డైట్ కోక్ ఎక్కువగా ఆర్డర్ చేసిన నాన్-గ్రోసరీ వస్తువుగా నిలిచింది. దుస్తులు, నగలు, హెయిర్ యాక్సెసరీలు, ఎలక్ట్రానిక్స్, కిచెన్ వస్తువుల కొనుగోళ్లు కూడా గణనీయంగా పెరిగాయి.బంగారు నాణేలకు డిమాండ్ఇక ధన్‌తేరస్ సందర్భంగా.. బంగారం, వెండి నాణేలకు కూడా మంచి గిరాకీ కనిపించింది. నవంబర్ 6న అర్ధరాత్రి 12 గంటల 30 సెకన్లకే హైదరాబాద్ నుంచి ఇన్‌స్టామార్ట్‌లో తొలి బంగారు నాణెం ఆర్డర్ నమోదైంది. అది పూల డిజైన్‌తో ఉన్న 24 క్యారెట్ల బంగారు నాణెం. ఆ తర్వాత కేవలం నాలుగు సెకన్లకే బెంగళూరు నుంచి వెండి నాణెం కోసం ఆర్డర్ వచ్చింది.బంగారు నాణేల్లో దాదాపు మూడింట రెండొంతుల మంది పూల డిజైన్లను ఎంచుకోగా, వెండి నాణేల్లో 73 శాతం మంది లక్ష్మీదేవి, వినాయకుడి బొమ్మలున్న నాణేలను కొనుగోలు చేశారు. సాయంత్రం 6:38 గంటలకు ఈ కొనుగోళ్లు అత్యధికంగా జరిగాయి. ఇక ముంబైలో ఒక కస్టమర్ ఏకంగా రూ.1.11 లక్షల విలువైన బంగారు నాణేలను ఆర్డర్ చేయడం విశేషం. హైదరాబాద్‌లో 2 గ్రాముల బంగారు నాణెం, 100 గ్రాముల వెండి బార్ కలిపి రూ.52,215 విలువైన ఆర్డర్ నమోదైంది.షాపింగ్‌ వేదికలుగా క్విక్ కామర్స్ యాప్‌లుఈ గణాంకాలను చూస్తే క్విక్ కామర్స్ యాప్‌ల వినియోగం ఎంతగా పెరిగిందో అర్థమవుతోంది. ఒకప్పుడు పాలు, కూరగాయలు, నిత్యావసర సరుకులకే పరిమితమైన ఈ యాప్‌లు ఇప్పుడు పండుగ షాపింగ్‌కు కూడా ప్రధాన వేదికలుగా మారుతున్నాయి. స్వీట్లు, బహుమతులు, పూలు, దుస్తులే కాకుండా బంగారం, వెండి వంటి విలువైన వస్తువులను కూడా ఇంటి వద్దకే తెచ్చిపెడుతున్నాయి. ముఖ్యంగా చివరి నిమిషంలో షాపింగ్ చేసే వారికి ఇవి సులభమైన మార్గంగా మారాయి. సమయం ఆదా కావడం, ఇంటి నుంచే అన్ని వస్తువులు ఆర్డర్ చేసుకునే సౌకర్యం ఉండటంతో ప్రజలు క్విక్ కామర్స్ వైపు ఎక్కువగా మొగ్గు చూపుతున్నారు. దీంతో పండుగల సమయంలో భారతీయుల షాపింగ్ విధానం కూడా క్రమంగా మారుతోంది.

పవన్ కల్యాణ్ మాజీ భార్య, నటి రేణు దేశాయ్ షాకింగ్ పోస్ట్ పెట్టింది. అర్థరాత్రి దాటిన తర్వాత కూడా దీపావళి పేరు చెప్పి టపాసులు కాల్చడం లాంటి వాటి వల్ల జనాలు ఇబ్బంది పడుతున్నారని చెప్పుకొచ్చింది. పండగ రోజు కాకుండా ఇప్పుడు దీని గురించి మాట్లాడటానికి గల కారణాన్ని చెబుతూ ఇన్ స్టాలో పోస్ట్ పెట్టింది.(ఇదీ చదవండి: వచ్చే నెలలో సినిమా రిలీజ్.. ఇంతలోనే విషాదం)'రాత్రి 11 గంటలవుతోంది. అయినా ప్రజలు ఇంకా ఇంత పెద్ద శబ్దం వచ్చేలా టపాసులు కాలుస్తూనే ఉన్నారు. దీపావళి రోజు ఏదైనా మాట్లాడి ఉంటే నన్ను హిందూ వ్యతిరేకి అనేవారు. అందుకే ఆరోజు మౌనంగా ఉండిపోయా. కానీ దీపావళి అయిపోయినా కూడా 11 గంటలకు ఇంత పెద్ద శబ్దాలతో టపాసులు కాల్చడానికి ఏ పండుగ ఉంది? ఇతరుల బాధలని పట్టించుకోకుండా మన ఆనందమే ముఖ్యమనుకుంటున్నారు. ఇది కేవలం మూర్ఖత్వం, ఎదుటివారి పట్ల కనీస సానుభూతి లేకపోవడమే''మీరు దీపాల పండుగను ఆనందంగా చేసుకోండి తప్పులేదు. కానీ దాన్ని శబ్దాల పోటీగా మార్చకండి. వీలైనంత వరకు రాత్రి 10 గంటల్లోపే టపాసులు కాల్చడం ముగించండి. ఆ తర్వాతైనా జనాలను ప్రశాంతంగా ఉండనివ్వండి. తోటి మనుషుల పట్ల కొంచెం దయ చూపించండి. మీ ఆనందం కోసం ఇతరులను హింసించకండి' అని రేణు దేశాయ్ తన పోస్ట్‌లో రాసుకొచ్చింది. కాలుష్యం గురించి మాట్లాడటం వల్ల ప్రయోజనం లేదు. ఏడాదిలో 364 రోజులు వాహనాలు, పరిశ్రమల వల్ల కాలుష్యం ఉంటోందని గుర్తుచేసింది. (ఇదీ చదవండి: మూడో భార్య నుంచీ విడాకులు తీసుకున్న పవన్ కల్యాణ్) View this post on Instagram A post shared by renu desai (@renuudesai)

మాన్సా: పంజాబ్‌లోని ఓ కుటుంబానికి నిన్నటి దీపావళి జీవితంలోనే మరిచిపోలేని పండుగగా మారింది. అదృష్టం తలుపు తట్టి ఏకంగా రూ.1.5 కోట్లను ఇచ్చింది. ఇంతటితో ఆ కుటుంబపు ఆనందాల వెల్లువ ఆగలేదు. కోట్ల రూపాయల లాటరీ గెలిచిన రోజే ఇంట్లో ఆడబిడ్డ పుట్టింది. దీంతో ఒకే రోజు రెండు అపురూపమైన శుభవార్తలు ఆ కుటుంబాన్ని సంతోషంలో ముంచెత్తాయి. పంజాబ్‌లోని మాన్సా జిల్లాలో చోటుచేసుకున్న ఈ ఘటన ఆసక్తికరంగా మారింది. బుఢ్లాడా సమీపంలోని సైదేవాలా గ్రామానికి చెందిన హర్మన్ కౌర్ పేరుతో ఈ లాటరీ టికెట్ కొనుగోలు చేశారు. భీఖీ రోడ్డులో ధన్నా సింగ్ నిర్వహిస్తున్న లాటరీ స్టాల్‌లో రూ.200 విలువైన నెలవారీ లాటరీ టికెట్ తీసుకున్నాడు. శనివారం ఓ వ్యక్తి హర్మన్ కౌర్ పేరుతో ఈ టికెట్ కొనుగోలు చేసినట్లు స్టాల్ నిర్వాహకుడు ధన్నా సింగ్ వెల్లడించారు.రూ.200 టికెట్‌తో కోటికి పైగా బహుమతి!లాటరీ ఫలితాల్లో హర్మన్ కౌర్ పేరుతో కొనుగోలు చేసిన టికెట్‌కు ఏకంగా రూ.1.5 కోట్ల మొదటి బహుమతి దక్కింది. అయితే ఈ ఆనందకరమైన సందర్భంలో చిన్న ఆందోళన కూడా ఎదురైంది. పుట్టిన పాప ఆరోగ్యం సరిగా లేకపోవడంతో కుటుంబ సభ్యులు వైద్య పరీక్షల కోసం చిన్నారిని తీసుకెళ్లారు. ఈ భారీ బహుమతి గెలుచుకున్న కుటుంబాన్ని లాటరీ స్టాల్‌కు ఆహ్వానించి, సత్కరిస్తామని నిర్వాహకుడు ధన్నా సింగ్ తెలిపారు.ఇదీ చదవండి: రియాద్‌పై హౌతీల దాడి.. సౌదీలో హై అలర్ట్!

దీపావళి పండుగ వేళ హరియాణాలోని ఓ స్వీట్‌ షాపు యజమానికి ఊహించని నష్టం ఎదురైంది. దుకాణం బయట విక్రయానికి ఉంచిన స్వీట్లపై ఒక్కసారిగా తేనెటీగల గుంపు దాడి చేసింది. దీంతో సుమారు రూ.2 లక్షల విలువైన స్వీట్లు నష్టపోయినట్లు యజమాని తెలిపాడు. తేనెటీగల కారణంగా వినియోగదారులు కూడా దుకాణం వైపు వెళ్లేందుకు భయపడ్డారు.హరియాణాలోని ఫతేహాబాద్‌లో ఈ ఘటన చోటుచేసుకుంది. దీపావళి సందర్భంగా దేశవ్యాప్తంగా స్వీట్ల విక్రయాలు జోరుగా సాగుతున్న నేపథ్యంలో ఫతేహాబాద్‌లోని థానా రోడ్డులో ఫవారా చౌక్ సమీపంలో ఓ దుకాణం యజమాని ప్రత్యేకంగా బయట స్టాల్ ఏర్పాటు చేశాడు. వివిధ రంగుల్లో ఉన్న స్వీట్లను విక్రయానికి సిద్ధంగా ఉంచాడు. వాటిలో చాలా వరకు పంచదార పాకంలో ముంచిన స్వీట్లు ఉన్నాయి.అయితే, స్వీట్ల నుంచి వెలువడిన వాసనకు ఆకర్షితమైన పెద్ద సంఖ్యలో తేనెటీగలు ఒక్కసారిగా అక్కడికి చేరుకున్నాయి. బయట స్టాల్‌లో ఉంచిన స్వీట్లపై వాలడంతోపాటు వాటిపై ఉన్న పాకాన్ని తినడం ప్రారంభించాయి. దీంతో అక్కడ గందరగోళం నెలకొంది. తేనెటీగల గుంపును చూసిన వినియోగదారులు దుకాణం దగ్గరకు వెళ్లేందుకు వెనుకాడారు.తరిమేందుకు ప్రయత్నించినా ఫలితం లేదుఈ ఘటనకు సంబంధించిన వీడియోలో పెద్ద సంఖ్యలో తేనెటీగలు స్వీట్ల ట్రేలపై వాలడం కనిపిస్తోంది. ఒక్కో ట్రేపై గుంపులుగా చేరి స్వీట్లపై తిరుగుతున్నాయి. దీంతో గులాబీ, గోధుమ, తెలుపు రంగుల్లో ఉన్న స్వీట్లు కూడా కనిపించనంతగా తేనెటీగలు కప్పేశాయి. వాటిని తరిమేందుకు దుకాణంలోని ఓ ఉద్యోగి ప్రయత్నించాడు. అయినప్పటికీ అవి అక్కడి నుంచి వెళ్లలేదు. చివరకు బొగ్గు పొగ పెట్టి తరిమేందుకు కూడా సిబ్బంది ప్రయత్నించారు. ఆ ప్రయత్నం కూడా ఫలించలేదు.తేనెటీగల దాడితో చుట్టుపక్కల కొనుగోళ్లకు వచ్చిన వినియోగదారుల్లో భయాందోళనలు నెలకొన్నాయి. దీంతో ఎవరూ స్వీట్లు కొనుగోలు చేసేందుకు దుకాణానికి రాలేదని యజమాని తెలిపాడు. దీపావళికి కొద్దిసేపటి ముందే ఈ ఘటన జరగడంతో దుకాణ యజమానితోపాటు స్వీట్లు తయారుచేసే సిబ్బంది కూడా తీవ్ర ఆందోళనకు గురయ్యారు. పండుగ సమయంలో మంచి అమ్మకాలు జరుగుతాయని ఆశించిన వ్యాపారికి ఈ ఘటన ఆర్థికంగా పెద్ద దెబ్బ తీసింది.

ధంతేరాస్‌ (ధన త్రయోదశి), దీపావళి వచ్చాయంటే బంగారం, వెండి కొనుగోళ్లు జోరందుకుంటాయి. కొందరు ఆభరణాలు కొనుగోలు చేస్తే.. మరికొందరు బంగారు నాణేలు, బిస్కెట్ల రూపంలో కొంటుంటారు. మీలో చాలా మంది ఇప్పటికే బంగారం కొనే ఉంటారు. అయితే ఆ కొన్న బంగారాన్ని ఏం చేస్తున్నారు.. ఇంట్లో ఎంత బంగారం ఉంచుకోవచ్చు? ఎంత పరిమాణం దాటితే ఆదాయపు పన్ను శాఖ అధికారులు ప్రశ్నిస్తారు? బంగారం నిల్వలపై పన్ను చెల్లించాలా? ఈ కథనంలో తెలుసుకుందాం..ఇంట్లో ఎంత బంగారం ఉంచుకోవచ్చు?భారత్‌లో ఒక వ్యక్తి ఇంట్లో ఎంత బంగారం ఉంచుకోవాలనే దానిపై నిర్దిష్టమైన చట్టపరమైన పరిమితి లేదు. ఆదాయపు పన్ను శాఖ నిబంధనల ప్రకారం.. వారసత్వంగా వచ్చినా, సొంత ఆదాయంతో కొనుగోలు చేసినా, ఆ బంగారం ఎక్కడి నుంచి వచ్చిందో వివరించగలిగితే ఎంత మొత్తంలోనైనా కలిగి ఉండవచ్చు. అయితే ఆదాయపు పన్ను శాఖ దాడుల సమయంలో బంగారు ఆభరణాల స్వాధీనానికి సంబంధించి సెంట్రల్ బోర్డ్ ఆఫ్ డైరెక్ట్ టాక్సెస్ (CBDT) కొన్ని మార్గదర్శకాలు జారీ చేసింది.వాటి ప్రకారం కుటుంబ సభ్యుల వద్ద ఉన్న బంగారు ఆభరణాల్లో.. పెళ్లయిన మహిళ అయితే 500 గ్రాములు, పెళ్లికాని మహిళ అయితే 250 గ్రాములు, పురుషులు 100 గ్రాములు వరకు కలిగి ఉంటే అధికారులు స్వాధీనం చేసుకోకూడదు. కుటుంబ సంప్రదాయాలు, సామాజిక పరిస్థితులను బట్టి అంతకంటే ఎక్కువ ఆభరణాలను కూడా స్వాధీనం చేసుకోకుండా మినహాయించే అధికారం అధికారులకు ఉంటుంది.బంగారం నిల్వలపై పన్ను చెల్లించాలా?సాధారణంగా ఇంట్లో బంగారం ఉంచుకున్నంత మాత్రాన ఎలాంటి పన్ను చెల్లించాల్సిన అవసరం లేదు. అయితే ఆ బంగారం కొనుగోలు చేసిన ఆదాయ వనరు చట్టబద్ధమైనదై ఉండాలి. వారసత్వంగా వచ్చిన బంగారానికి సంబంధించి వీలునామా, వారసత్వ పత్రాలు, కుటుంబ వివరాలు వంటి ఆధారాలు భద్రపరుచుకోవడం మంచిది. కొనుగోలు చేసిన బంగారానికి బిల్లులు, చెల్లింపుల రసీదులు, బ్యాంకు లావాదేవీల వివరాలు ఉంచుకోవాలి.తగిన ఆధారాలు లేకుండా భారీ మొత్తంలో బంగారం గుర్తిస్తే.. దాని మూలాలపై అధికారులు వివరణ కోరవచ్చు. ఆదాయానికి సరిపోని, లెక్కల్లో చూపని ఆస్తిగా నిర్ధారణ అయితే పన్నులు, జరిమానాలు విధించే అవకాశం ఉంటుంది. అవసరమైన సందర్భాల్లో బంగారాన్ని స్వాధీనం చేసుకోవచ్చు.బంగారం కొనుగోలు, అమ్మకంపై పన్నులుబంగారం కొనుగోలు చేసేటప్పుడు సాధారణంగా 3 శాతం జీఎస్టీ చెల్లించాలి. ఆభరణాల విషయంలో తయారీ ఛార్జీలను విడిగా చూపించినప్పటికీ మొత్తం లావాదేవీ విలువపై 3 శాతం జీఎస్టీ వర్తిస్తుంది. అదేవిధంగా బంగారాన్ని విక్రయించినప్పుడు వచ్చిన లాభంపై మూలధన లాభాల పన్ను వర్తిస్తుంది. ఇక్కడ పెట్టుబడి పెట్టిన కాలం అంటే ఆ బంగారం ఎప్పుడు కొనుగోలు చేశారన్నది కీలకం.కొన్నప్పటి నుంచి 24 నెలల్లోపు విక్రయిస్తే స్వల్పకాలిక మూలధన లాభంగా పరిగణించి వ్యక్తిగత ఆదాయపు పన్ను శ్లాబ్‌ ప్రకారం పన్ను విధిస్తారు. అదే 24 నెలల తర్వాత విక్రయిస్తే దీర్ఘకాలిక మూలధన లాభంగా పరిగణించి 12.5 శాతం పన్ను విధిస్తారు. దీనికి ఇండెక్సేషన్‌ ప్రయోజనం ఉండదు.బ్యాంకు లాకర్‌లో బంగారం పెడితే..ఇంట్లో బంగారం ఉంచుకోవడం కంటే బ్యాంకు లాకర్లలో భద్రపరచడాన్ని చాలామంది ఇష్టపడతారు. అయితే బ్యాంకు లాకర్‌ అద్దె అన్ని బ్యాంకుల్లో ఒకేలా ఉండదు. లాకర్ పరిమాణం, బ్యాంకు, బ్రాంచ్‌ను బట్టి ఛార్జీలు మారుతుంటాయి. ముఖ్యంగా ఆర్బీఐ నిబంధనల ప్రకారం బ్యాంకు నిర్లక్ష్యం, అగ్నిప్రమాదం, దొంగతనం వంటి నిర్దిష్ట సందర్భాల్లో లాకర్‌లోని వస్తువులకు నష్టం జరిగితే.. వార్షిక లాకర్ అద్దెకు 100 రెట్ల వరకు బ్యాంకు బాధ్యత వహించాల్సి ఉంటుంది. ఉదాహరణకు వార్షిక అద్దె రూ.5,000 అయితే పరిహారం గరిష్ఠంగా రూ.5 లక్షలు మాత్రమే. ఇది లాకర్‌లోని మొత్తం బంగారానికి వర్తించే బీమా కాదు. కాబట్టి విలువైన ఆభరణాలకు అదనపు బీమా తీసుకోవడాన్ని కూడా పరిశీలించాలి.దేశంలోని ప్రధాన నగరాల్లో ఈరోజు (నవంబర్‌ 9) నమోదైన బంగారం, వెండి ధరలను ఈ కింద తెలుసుకోవచ్చు..

రాజస్థాన్‌లోని పాలి జిల్లాలో చోటుచేసుకున్న అగ్నిప్రమాదంలో కాంగ్రెస్ కౌన్సిలర్ , ఆమె భర్త ప్రాణాలు కోల్పోయిన ఘటన తీవ్ర విషాదాన్ని నింపింది. బాణసంచా రవ్వలు పడటంతో మొదలైన మంటలు దుకాణానికి కూడా అంటుకోవడంతో ఈ ఘోర ప్రమాదం చోటు చేసుకుంది. ఈ ఘటన ఆదివారం రాత్రి సుమారు 10.30 గంటలకు పాలిలోని ఫల్నా పట్టణంలో స్వర్ణ మందిరం సమీపంలో జరిగింది.ఖుడాలా-ఫల్నా మున్సిపాలిటీకి చెందిన 23వ వార్డు కౌన్సిలర్ ఉషా దేవి పూనమియా (68), ఆమె భర్త ప్రకాష్ పూనమియా (70) మరణించారు. ఉషా దేవి ఊపిరాడక మరణించగా, ఆమె భర్త సజీవ దహనం అయ్యారని పోలీసులు తెలిపారు. వారిని రక్షించే ప్రయత్నంలో ప్రకాష్ సోదరుడు గౌతమ్ పూనమియా (73) తీవ్ర గాయాల పాలయ్యారు. ప్రస్తుతం ఆయన్ని పాలిలోని బంగర్ ఆసుపత్రిలో చేర్చి చికిత్స అందిస్తున్నారు.VIDEO | Rajasthan: Congress councillor Usha Devi Poonamia and her husband, Prakash Poonamia, died after a fire broke out at a firecracker shop near Swarn Mandir in Falna town of Pali district. The incident occurred around 10.30 pm on Sunday when a spark from firecrackers being burst on the road reportedly fell on firecrackers displayed outside the family's shop, triggering the blaze, police said. Usha Devi (68), a councillor from Ward 23 of Khudala-Falna municipality, died along with her husband, Prakash (70). Prakash's elder brother, Gautam Poonamia (73), suffered serious burn injuries while attempting to rescue them and was referred to Jodhpur for treatment. (Full video available on PTI Videos - https://t.co/bIyFWTfmBd)— Press Trust of India (@PTI_News) November 9, 2026 ఫల్నా స్టేషన్ హౌస్ ఆఫీసర్ పన్నా రామ్ సమాచారం ప్రకారం పూనమియా కుటుంబానికి చెందిన ఒక దుకాణం బయట రోడ్డుపై కొందరు టపాకాయలు కాలుస్తుండగా, నిప్పురవ్వ వచ్చి పడింది. వీరు తమ కాస్మెటిక్స్, బ్యాటరీ దుకాణం బయట టపాకాయలను విక్రయిస్తున్నారు. మంటలు వేగంగా వ్యాపించి ఇతర దుకాణాల్ని చుట్టుముట్టాయి. మంటలు వ్యాపిస్తుండటంతో, ఉషా దేవి మంటల నుండి తప్పించుకునేందుకు షాప్ బేస్‌మెంట్‌లోకి వెళ్లారు. అయితే బేస్‌మెంట్ పొగతో నిండిపోవడంతో ఆమె ఊపిరాడక మృతి చెందారు. ప్రకాష్ పూనామియా షాప్‌లోనే చిక్కుకుపోయి సజీవ దహనమయ్యారు. తీవ్ర ప్రయత్నాల తరువాత రాత్రి 2 గంటల ప్రాంతంలో అగ్ని మాపక దళాల సాయంతో మంటలను అదుపులోకి తెచ్చారు. సోమవారం ఉదయం 5 గంటల సమయంలో దంపతుల మృతదేహాలను వెలికితీశామని పోలీసులు అధికారి తెలిపారు. సహాయక చర్యల సమయంలో బేస్‌మెంట్‌లో సుమారు 10 అడుగుల ఎత్తు వరకు నీరు చేరిందన్నారు. మృతదేహాలను పోస్ట్‌మార్టం పరీక్ష కోసం మార్చురీకి తరలించినట్లు ఎస్‌హెచ్‌ఓ తెలిపారు. బాధిత దంపతుల కుమారుడు ముంబైలో చార్టర్డ్ అకౌంటెంట్‌గా పనిచేస్తున్నాడని వెల్లడించారు.

చెన్నై: తమిళనాడులో టపాసులు కాల్చే విషయంలో జరిగిన వాగ్వాదం హింసాత్మకంగా మారింది. రోడ్డుపై బాణసంచా కాల్చవద్దని చెప్పిన పోలీసు అధికారిపై కొందరు దాడి చేయడంతో ఆయన ప్రాణాలు కోల్పోయారు. తేని జిల్లాలో ఈ ఘటన చోటుచేసుకుంది. మృతుడిని స్పెషల్ సబ్ ఇన్‌స్పెక్టర్ సెంథిల్ కుమార్‌గా గుర్తించారు. ఈ ఘటనకు సంబంధించి ముగ్గురిని పోలీసులు అరెస్టు చేశారు.ప్రాథమిక దర్యాప్తు వివరాల ప్రకారం.. సెంథిల్ కుమార్ విధులు ముగించుకుని సాధారణ దుస్తుల్లో ఇంటికి తిరిగి వెళ్తున్నారు. ఆ సమయంలో కొందరు వ్యక్తులు రోడ్డుకు మధ్యలో నిలబడి టపాసులు కాల్చడం ఆయన గమనించారు. దీంతో రోడ్డుపై బాణసంచా కాల్చడం వల్ల ప్రజలకు ఇబ్బందులు కలుగుతాయని, అలా చేయవద్దని వారిని హెచ్చరించారు.ఈ క్రమంలో వారితో వాగ్వాదం జరిగింది. మాటామాటా పెరగడంతో ఆ గుంపులోని ఒక వ్యక్తి సెంథిల్ కుమార్‌ను తోసేయడంతో పాటు మోచేతితో బలంగా కొట్టినట్లు ప్రాథమిక విచారణలో వెల్లడైంది. దీంతో ఆయన అక్కడికక్కడే కుప్పకూలిపోయారు. వెంటనే సమీపంలోని ఆసుపత్రికి తరలించగా.. అప్పటికే మరణించినట్లు వైద్యులు ప్రకటించారు.సెంథిల్ కుమార్ తేని డిప్యూటీ సూపరింటెండెంట్ ఆఫ్ పోలీస్ (డీఎస్పీ) కార్యాలయంలో విధులు నిర్వహిస్తున్నారు. ఆయనకు గతంలో గుండె సంబంధిత ఆరోగ్య సమస్యలు ఉన్నాయని పోలీసులు తెలిపారు. ఈ ఘటనకు సంబంధించి ముగ్గురిని అరెస్టు చేసినట్లు ఓ పోలీసు అధికారి వెల్లడించారు. కేసుపై తదుపరి దర్యాప్తు కొనసాగుతోందని తెలిపారు.మరోవైపు, ఈ ఘటనపై తమిళనాడు ప్రతిపక్ష నేత ఉదయనిధి స్టాలిన్ తీవ్రంగా స్పందించారు. పండుగ రోజున రాష్ట్రవ్యాప్తంగా పలుచోట్ల హత్యలు జరిగాయని ఆరోపించారు. ‘‘సమర్థత లేని ఈ ప్రభుత్వ హయాంలో ఒకే రోజున పోలీసు సిబ్బంది సహా 9 మంది ప్రాణాలు కోల్పోయారు. ఈ ఘటనను తీవ్రంగా ఖండిస్తున్నా. పండుగ రోజున టపాసుల శబ్దాల కంటే కొడవళ్లతో జరుగుతున్న దాడులే ఎక్కువగా వినిపిస్తున్న ఈ సిగ్గుమాలిన ప్రభుత్వాన్ని తీవ్రంగా ఖండిస్తున్నా’’ అని ఆయన ఎక్స్‌లో చేసిన పోస్టులో పేర్కొన్నారు. పోలీసు అధికారి మృతికి దారితీసిన పరిస్థితులపై దర్యాప్తు కొనసాగుతున్న నేపథ్యంలో, దాడికి పాల్పడినట్లు ఆరోపణలు ఎదుర్కొంటున్న ముగ్గురిపై పోలీసులు ఎలాంటి చర్యలు తీసుకుంటారన్నది కీలకంగా మారింది.

న్యూఢిల్లీ: దేశ రాజధాని ఢిల్లీలో దీపావళి కాలుష్యాన్ని తగ్గించేందుకు అనుమతించిన గ్రీన్ క్రాకర్స్ కూడా పెద్దగా ఉపశమనం కలిగించలేకపోయాయి. టపాసులు కాల్చేందుకు సుప్రీంకోర్టు ఉదయం 6 నుంచి 7 గంటల వరకు, రాత్రి 8 నుంచి 10 గంటల వరకు మాత్రమే అనుమతించింది. అయితే ఈ నిబంధనలను పట్టించుకోకుండా అర్ధరాత్రి దాటిన తర్వాత కూడా భారీగా టపాసులు కాల్చారు. దీంతో ఇప్పటికే తీవ్ర వాయు కాలుష్యంతో సతమతమవుతున్న ఢిల్లీ నగరంలో పరిస్థితి మరింత దిగజారింది.సాధారణ టపాసులతో పోలిస్తే గ్రీన్ క్రాకర్స్ వల్ల కాలుష్యం 30 శాతం వరకు తగ్గుతుందని నిపుణులు చెబుతున్నారు. అయినప్పటికీ ఇవి పూర్తిగా కాలుష్యరహితమైనవి కావని స్పష్టం చేస్తున్నారు. దీపావళికి ముందు రోజే నగరంలో సల్ఫర్ డయాక్సైడ్ స్థాయులు సుమారు 40 శాతం పెరిగినట్లు పర్యావరణ నిపుణుడు సునీల్ దహియా వెల్లడించారు.దీపావళి రాత్రి ఒంటిగంట సమయంలో పీఎం2.5 స్థాయులు ప్రతి క్యూబిక్ మీటరుకు దాదాపు 600 మైక్రోగ్రాములకు చేరినట్లు తెలిపారు. ఇది 24 గంటల ప్రమాణం కంటే పది రెట్లు ఎక్కువ. రాత్రి 10 గంటల తర్వాతే సల్ఫర్ డయాక్సైడ్ స్థాయులు భారీగా పెరిగాయని పేర్కొన్నారు.మరోవైపు గ్రీన్ క్రాకర్స్ పేరుతో సాధారణ టపాసులు మార్కెట్లోకి వస్తున్నాయని ఐఐటీ ఢిల్లీ ప్రొఫెసర్ ముఖేష్ ఖరే తెలిపారు. వాటి విక్రయాలు, వినియోగంపై సరైన పర్యవేక్షణ లేదన్నారు. టపాసుల పెట్టెలపై క్యూఆర్ కోడ్లు, ప్రత్యేక విక్రయ కేంద్రాలు ఏర్పాటు చేయాలన్న నిబంధనలు కూడా సమర్థంగా అమలుకావడం లేదని నిపుణులు ఆందోళన వ్యక్తం చేశారు.కాలుష్యంతో ప్రజలు తీవ్ర ఇబ్బందులు పడుతున్న సమయంలో టపాసులకు అనుమతులు ఇవ్వడంపై ఢిల్లీ వాసులు అసహనం వ్యక్తం చేస్తున్నారు. గ్రీన్ క్రాకర్స్ అయినా, సాధారణ టపాసులైనా గాలి నాణ్యతపై ప్రభావం చూపుతాయని పర్యావరణ కార్యకర్తలు హెచ్చరిస్తున్నారు. ఇదీ చదవండి: సీఎం కనిపించగానే టీవీపై చెప్పులు విసిరిన మహిళలు!

బ్యాంకులో ఏదైనా పని ఉందా?, అయితే ఒకసారి ఈ విషయం తెలుసుకోండి. నవంబర్ 9, సోమవారం దేశంలోని కొన్ని రాష్ట్రాల్లో బ్యాంకులు మూతపడనున్నాయి. దీపావళి, లక్ష్మీ పూజ, గోవర్ధన్ పూజ, విశ్వకర్మ దినోత్సవం సందర్భంగా ఆయా ప్రాంతాల్లో బ్యాంకులకు సెలవు ప్రకటించారు.ఈ రాష్ట్రాల్లో బ్యాంకులు బంద్రిజర్వ్ బ్యాంక్ ఆఫ్ ఇండియా (RBI) సెలవుల క్యాలెండర్ ప్రకారం.. నవంబర్ 9న త్రిపుర, మధ్యప్రదేశ్, సిక్కిం, మణిపూర్, రాజస్థాన్, ఉత్తరప్రదేశ్ రాష్ట్రాలతో పాటు చండీగఢ్‌లో బ్యాంకు శాఖలు మూసివేయనున్నారు. ఆయా ప్రాంతాల్లో పండుగల నేపథ్యంలో ఈ సెలవు ఇచ్చారు.అగర్తలా, భోపాల్, చండీగఢ్, గ్యాంగ్‌టక్, గువాహటి, ఇంఫాల్, జైపూర్, కాన్పూర్, లక్నో, రాయ్‌పూర్‌లోని RBI ప్రాంతీయ కార్యాలయాలు కూడా మూసివేయనున్నట్లు సమాచారం.ఏపీ, తెలంగాణలో బ్యాంకులు పనిచేస్తాయా?ఇక తెలుగు రాష్ట్రాల విషయానికి వస్తే.. నవంబర్ 9న ఆంధ్రప్రదేశ్, తెలంగాణలో బ్యాంకులకు సెలవు లేదు. దీంతో హైదరాబాద్, విజయవాడ, విశాఖపట్నం సహా రెండు రాష్ట్రాల్లోని బ్యాంకు శాఖలు సాధారణ పని వేళల్లో పనిచేయనున్నాయి. అలాగే.. కర్ణాటక, మహారాష్ట్ర, గుజరాత్, తమిళనాడు, కేరళ, ఢిల్లీ, పశ్చిమ బెంగాల్, ఉత్తరాఖండ్, బీహార్, జార్ఖండ్, ఒడిశా, పంజాబ్, హర్యానా, హిమాచల్ ప్రదేశ్, జమ్మూ కాశ్మీర్‌లోనూ నవంబర్ 9న బ్యాంకులు తెరిచే ఉంటాయి.మహారాష్ట్రలో నవంబర్ 10న సెలవుమహారాష్ట్రలో నవంబర్ 9న బ్యాంకులు యథావిధిగా పనిచేయనున్నాయి. అయితే.. నవంబర్ 10న దీపావళి (బలి ప్రతిపద), గోవర్ధన్ పూజ, లక్ష్మీ పూజ, విక్రమ సంవత్ నూతన సంవత్సరం సందర్భంగా బ్యాంకులకు సెలవు ఉండనుంది. దీంతో రాష్ట్రాల వారీగా బ్యాంకుల సెలవుల తేదీలు మారుతున్నాయి.బ్యాంకు శాఖలు మూసివేసినా ఖాతాదారులకు పెద్దగా ఇబ్బంది ఉండదు. ఎందుకంటే యూపీఐ, మొబైల్ బ్యాంకింగ్, నెట్ బ్యాంకింగ్ సేవలు అందుబాటులో ఉంటాయి. గూగుల్ పే, ఫోన్‌పే, పేటీఎం వంటి యాప్స్ ద్వారా డబ్బులు పంపుకోవచ్చు. ఏటీఎంల ద్వారా నగదు కూడా తీసుకోవచ్చు. అయితే.. బ్యాంకు శాఖల్లో నేరుగా చేయాల్సిన పనులు, చెక్కుల క్లియరెన్స్ వంటి సేవలకు ఆలస్యం కావచ్చు.ఇదీ చదవండి: 'క్షమించండి.. ఆమెతో వివాహేతర సంబంధం నిజమే': ఎన్విడియా సీఈఓ

న్యూఢిల్లీ: దీపావళి సంబరాల వేళ దేశవ్యాప్తంగా పలు చోట్ల అగ్నిప్రమాదాలు చోటుచేసుకున్నాయి. బాణసంచా కాల్చడం కారణంగా ఢిల్లీ, ఉత్తరప్రదేశ్, మహారాష్ట్ర, మధ్యప్రదేశ్ రాష్ట్రాల్లో పలుచోట్ల భారీగా మంటలు చెలరేగాయి. ఒకచోట గార్మెంట్ ఫ్యాక్టరీలు, మరోచోట ప్లాస్టిక్ పరిశ్రమలు, దుకాణాలు, ఇళ్లు, గోదాములు అగ్నికి ఆహుతయ్యాయి. దీపావళి వేడుకల్లో జరిగిన అగ్ని ప్రమాదాల్లో దేశవ్యాప్తంగా ముగ్గురు ప్రాణాలు కోల్పోయారు. రాజస్థాన్‌లోని పాలి జిల్లాలో బాణసంచా దుకాణంలో మంటలు చెలరేగి ఇద్దరు మృతిచెందారు. ఢిల్లీలోని నరేలాలో రాకెట్ టపాసు తగిలి పదేళ్ల బాలుడు ప్రాణాలు కోల్పోయాడు. ఢిల్లీలో గార్మెంట్ ఫ్యాక్టరీలో..ఢిల్లీలోని నజఫ్‌గఢ్ ప్రాంతం నాంగ్లీ సక్రావతిలో గల గార్మెంట్ ఫ్యాక్టరీలో భారీ అగ్నిప్రమాదం జరిగింది. మంటలు తీవ్రంగా వ్యాపించడంతో 25 ఫైర్ ఇంజిన్లు రంగంలోకి దిగి గంటల తరబడి శ్రమించి మంటలను అదుపు చేశాయి. నరేలాలోని మరో ఫ్యాక్టరీలోనూ అగ్నిప్రమాదం జరగ్గా ఆరు ఫైర్ ఇంజిన్లు మంటలను ఆర్పాయి. షాహదరాలోని అశోక్ నగర్‌లో రమేశ్ స్టోర్ వద్ద కొందరు యువకులు టపాసులు కాల్చడంతో మంటలు దుకాణానికి వ్యాపించి సరుకు మొత్తం దగ్ధమైంది. #WATCH | Mumbai, Maharashtra: Fire tenders reached the spot after a fire broke out at the Skyline Epitome building in Vidyavihar https://t.co/xAqDEM1GHr— ANI (@ANI) November 8, 2026ఘజియాబాద్‌లో ప్లాస్టిక్ ఫ్యాక్టరీలో మంటలుఘజియాబాద్‌లోని క్రాసింగ్ రిపబ్లిక్‌లో ఓ ఫ్లాట్‌లోకి రాకెట్ రావడంతో అగ్నిప్రమాదం జరిగినట్లు సమాచారం. మూడు ఫైర్ ఇంజిన్లు అక్కడికి చేరుకుని మంటలను అదుపు చేశాయి. విజయ్ నగర్ ఇండస్ట్రియల్ ఏరియాలోని నోవా ఫార్మ్ వర్క్స్ ప్రైవేట్ లిమిటెడ్ ప్లాస్టిక్ ఫ్యాక్టరీలోనూ భారీగా మంటలు చెలరేగాయి. లోపల ప్లాస్టిక్ షట్టరింగ్ సామగ్రి పెద్ద మొత్తంలో ఉండటంతో మంటలు వేగంగా వ్యాపించి, నల్లటి పొగ కమ్ముకుంది. లక్నోలోని చోటా దేవీ ఖేడాలో ఉన్న ఓ పాత సామాన్ల గోదాములోనూ అగ్నిప్రమాదం జరిగింది.నవీ ముంబై నుంచి పుణె వరకు..మహారాష్ట్రలోని నవీ ముంబై తుర్భే సెక్టార్‌-21 షాపింగ్ సెంటర్ మొదటి అంతస్తులోని సోఫాల తయారీ దుకాణంలో మంటలు చెలరేగాయి. ముంబై విద్యావిహార్‌లోని స్కైలైన్ ఎపిటోమ్ భవనంలోనూ అగ్నిప్రమాదం సంభవించింది. హాజీ కసమ్ చాల్‌లోని గ్యారేజీలో మంటలు వ్యాపించడంతో అందులోని సామగ్రి మొత్తం కాలిపోయింది. పుణెలోని వడ్గావ్ షేరి అపార్ట్‌మెంట్‌తో పాటు ఫుర్సుంగిలోని ఓ గోదాములోనూ అగ్నిప్రమాదాలు జరిగాయి. ఠాణేలోని రహేజా గార్డెన్ నివాస సముదాయంలోని 8, 9, 10వ అంతస్తుల్లో మంటలు చెలరేగాయి. సమాచారం అందుకున్న అగ్నిమాపక సిబ్బంది అక్కడికి చేరుకుని సహాయక చర్యలు చేపట్టారు. మహారాష్ట్ర ఉప ముఖ్యమంత్రి ఏక్‌నాథ్ షిండే కూడా ఘటనాస్థలికి చేరుకుని పరిస్థితిని సమీక్షించారు.మధ్యప్రదేశ్‌లోనూ..మధ్యప్రదేశ్‌లోని దేవాస్‌లో జనతా బ్యాంక్ క్రాసింగ్ సమీపంలో ఓ రెస్టారెంట్, ఇంట్లో మంటలు చెలరేగాయి. 10 నుంచి 12 ఫైర్ ఇంజిన్లు అక్కడికి చేరుకుని మంటలను అదుపు చేశాయి. దేవాస్‌లో దీపావళి రాత్రివేళ మూడు ప్రాంతాల్లో అగ్నిప్రమాదాలు జరిగినట్లు సమాచారం. దేశవ్యాప్తంగా జరిగిన అగ్నిప్రమాద ఘటనల్లో ప్రాణనష్టం జరగకపోవడం ఊరటనిచ్చింది. ఇదీ చదవండి: దీపావళి ఎఫెక్ట్: విషవాయువుల కోరల్లో ఢిల్లీ

పాన్ ఇండియా ఐకాన్ స్టార్ అల్లు అర్జున్ దీపావళి గ్రాండ్‌గా సెలబ్రేట్ చేసుకున్నారు. తన కుమారుడు అయాన్‌తో కలిసి సరదాగా కనిపించారు. ఈ సందర్భంగా తన ఫ్యామిలీతో కలిసి దివాళీని సెలబ్రేట్ చేసుకున్న వీడియోను సోషల్ మీడియాలో పంచుకున్నారు. ఈ వీడియో సోషల్ మీడియాలో వైరల్‌గా మారింది. ఈ వీడియోకు రామాయణ నుంచి ఫీల్ గుడ్ బ్యాక్‌ గ్రౌండ్ స్కోర్ యాడ్‌ చేశాడు.ఇక సినిమాల విషయానికొస్తే బన్నీ ప్రస్తుతం రాకా మూవీలో నటిస్తున్నారు. ఈ చిత్రంలో దీపికా పదుకొణె హీరోయిన్‌గా కనిపించనుంది. ఈ సినిమాకు కోలీవుడ్ స్టార్ డైరెక్టర్ అట్లీ దర్శకత్వం వహిస్తున్నారు. ప్రస్తుతం ఈ సినిమా చిత్రీకరణ శరవేగంగా జరుగుతోంది. కాగా.. ఈ సినిమాని ఈ మాఫియా బ్యాక్ డ్రాప్‌లో తెరకెక్కిస్తున్నారు. ఈ మూవీని సన్‌ పిక్చర్స్‌ పతాకంపై కళానిధి మారన్‌ నిర్మిస్తున్నారు. ఈ సినిమా రెండు భాగాలుగా విడుదల కానుందనే ప్రచారం జరుగుతోంది. వచ్చే ఏడాది ప్రేక్షకుల ముందుకు రానుంది. View this post on Instagram A post shared by Allu Arjun (@alluarjunonline)

బాలీవుడ్ భామ ప్రియాంక చోప్రా- నిక్ జోనాస్ దంపతులు దివాళీని గ్రాండ్‌గా సెలబ్రేట్ చేసుకున్నారు. తమ ముద్దుల కూతురితో కలిసి ఈ పండుగను జరుపుకున్నారు. ఈ జంట సంప్రదాయ దుస్తుల్లో తళుక్కున మెరిశారు. దీనికి సంబంధించిన ఫోటోలు సోషల్ మీడియాలో వైరల్‌గా మారాయి. ఇక ప్రియాంక చోప్రా సినిమాల విషయానికొస్తే ప్రస్తుతం ఈ ముద్దుగుమ్మ వారణాసి మూవీలో నటిస్తోంది. రాజమౌళి డైరెక్షన్‌లో వస్తోన్న ఈ అడ్వెంచరస్ చిత్రంలో మహేశ్ బాబు హీరోగా నటిస్తున్నారు. ఈ మూవీ వచ్చే ఏడాది థియేటర్లలో విడుదల కానుంది. ఈ మూవీపై అభిమానుల్లో భారీ అంచనాలు నెలకొన్నాయి. Inside #PriyankaChopra and #NickJonas’ Diwali celebration. 😍🪔 #Celebs https://t.co/bbZomaAgrM— Filmfare (@filmfare) November 8, 2026

టాలీవుడ్ హీరో విజయ్ దేవరకొండ ఫ్యామిలీ దీపావళిని గ్రాండ్‌గా సెలబ్రేట్ చేసుకున్నారు. తన కుటుంబంతో కలిసి జపాన్ వెళ్లిన విజయ్- రష్మిక దంపతులు దివాళీ పండుగను జరుపుకున్నారు. మీ అందరికీ దేవరకొండ ఫ్యామిలీ తరఫున దీపావళి శుభాకాంక్షలు అంటూ పోస్ట్ చేశారు. అంతేకాకుండా జపాన్‌లో ఫ్యామిలీతో ఉన్న ఫోటోలు షేర్ చేశారు.ఇక సినిమాల విషయానికొస్తే విజయ్- రష్మిక ఇటీవలే రణబాలి మూవీతో ప్రేక్షకుల ముందుకొచ్చారు. ఈ సినిమా బాక్సాఫీస్ వద్ద ఫర్వాలేదనిపించింది. బ్రిటీష్ కాలం నాటి పరిస్థితుల ఆధారంగా ఈ మూవీని తెరకెక్కించారు. రాహుల్ సంకృత్యాన్ డైరెక్షన్‌లో ఈ మూవీని రూపొందించారు. బ్రిటీశ్ పరిపాలనలో తలెత్తిన కరువు కారణంగా దాదాపు కోటిమంది చనిపోయారని డైరెక్టర్ రాహుల్ వెల్లడించారు. అందుకే ఈ సినిమా తెరకెక్కించినట్లు తెలిపారు. When you find a way to do GOMA (Homam) in Japan on Happy DIWALI ❤️ Sending you all lots of love, biggest hugs and Diwali wishes to you and all your families from the Deverakonda family ❤️ https://t.co/g5lQmjlGtI— Vijay Deverakonda (@TheDeverakonda) November 8, 2026

దీపావళి సందర్భంగా నిర్వహించిన ప్రత్యేక ముహూర్త్‌ ట్రేడింగ్‌ సెషన్‌లో భారత స్టాక్‌ మార్కెట్లు నష్టాలతో ముగిశాయి. ప్రారంభంలో లాభాలతో సందడి చేసిన సూచీలు చివరకు అమ్మకాల ఒత్తిడికి లోనై ఎరుపు రంగులోకి జారుకున్నాయి. దీంతో 2017 తర్వాత మళ్లీ తొలిసారిగా ముహూర్త్‌ ట్రేడింగ్‌లో బెంచ్‌మార్క్‌ సూచీలు నష్టాలను నమోదు చేశాయి. 2018 నుంచి 2025 వరకు కొనసాగిన వరుస ఎనిమిది సానుకూల ముగింపులకు బ్రేక్‌ పడింది.ఆదివారం (నవంబర్‌ 8) జరిగిన ఈ ప్రత్యేక సెషన్‌ సంవత్‌ 2083 ప్రారంభానికి గుర్తుగా నిర్వహించారు. ట్రేడింగ్‌ ముగిసే సమయానికి బీఎస్‌ఈ సెన్సెక్స్‌ 28.62 పాయింట్లు (0.04 శాతం) నష్టపోయి 80,999.40 వద్ద స్థిరపడింది. ఎన్‌ఎస్‌ఈ నిఫ్టీ 43.95 పాయింట్లు (0.18 శాతం) తగ్గి 24,986.40 వద్ద ముగిసింది. ఇంట్రాడేలో 25,131.85 స్థాయిని తాకిన నిఫ్టీ చివరకు 25 వేల దిగువకు పడిపోయింది.అయితే, విస్తృత మార్కెట్లలో మాత్రం కొనుగోళ్ల జోరు కనిపించింది. బీఎస్‌ఈ మిడ్‌క్యాప్‌ సూచీ 0.35 శాతం, స్మాల్‌క్యాప్‌ సూచీ 1.33 శాతం లాభపడ్డాయి. ఫార్మా, హెల్త్‌కేర్‌ షేర్లలో కొనుగోళ్లు జరగ్గా, బ్యాంకింగ్‌, రియల్టీ రంగాల షేర్లలో అమ్మకాల ఒత్తిడి కనిపించింది.ముహూర్త్‌ ట్రేడింగ్‌లో 2017 అక్టోబర్‌ 19న సెన్సెక్స్‌ 0.60 శాతం, నిఫ్టీ 0.63 శాతం నష్టపోయాయి. ఆ తర్వాత 2018 నుంచి 2025 వరకు ప్రతి ఏడాది ఈ రెండు సూచీలు లాభాలతోనే ముగిశాయి. 2022లో అత్యధికంగా సుమారు 0.88 శాతం చొప్పున పెరిగాయి. గత ఏడాది (2025) కూడా సెన్సెక్స్‌ 0.07 శాతం, నిఫ్టీ 0.10 శాతం లాభపడ్డాయి. ఈసారి మాత్రం ఆ సానుకూల ధోరణికి తెరపడింది.కాగా, ముహూర్త్‌ ట్రేడింగ్‌ అనేది దీపావళి లక్ష్మీపూజ సందర్భంగా స్టాక్‌ ఎక్స్ఛేంజీలు నిర్వహించే ప్రత్యేక స్వల్పకాలిక ట్రేడింగ్‌ సెషన్‌. కొత్త హిందూ ఆర్థిక సంవత్సరం ప్రారంభంలో శుభప్రదంగా పెట్టుబడులు పెట్టాలనే సంప్రదాయంతో ఇన్వెస్టర్లు ఇందులో పాల్గొంటారు. అయితే, ఇతర ట్రేడింగ్‌ సెషన్ల మాదిరిగానే అంతర్జాతీయ పరిణామాలు, మార్కెట్‌ సెంటిమెంట్‌, కొనుగోళ్లు, అమ్మకాలే సూచీల కదలికలను నిర్ణయిస్తాయి.

సోషల్ మీడియాలో ఎప్పుడూ ఏదో ఒక అంశంతో వార్తల్లో నిలుస్తుంటారు ప్రముఖ దర్శకుడు రామ్‌గోపాల్‌ వర్మ. సినిమాలైనా, రాజకీయాలైనా, సెలబ్రిటీలైనా.. తనదైన శైలిలో స్పందిస్తూ నెటిజన్ల దృష్టిని ఆకర్షిస్తుంటారు. ముఖ్యంగా పండగలు, ప్రత్యేక సందర్భాల్లో ఆయన చేసే వ్యాఖ్యలు కూడా ఆసక్తికరంగా ఉంటాయి. తాజాగా దీపావళి సందర్భంగా వర్మ తనదైన శైలిలో పోస్ట్‌ చేశారు.‘టపాసులు కాల్చి చేతులు లేదా మరేదైనా కాల్చుకునే వారికి మినహా అందరికీ దీపావళి శుభాకాంక్షలు. అయితే ఎవరూ నా మాట వినరని నాకు తెలుసు. అందుకే జాగ్రత్తగా ఉండాలని ఎవరికీ చెప్పను. శబ్ద, వాయు కాలుష్యానికి కారణమయ్యే వారికి మరింత సంతోషకరమైన దీపావళి శుభాకాంక్షలు’ అంటూ ఎక్స్‌లో పోస్ట్‌ చేశారు. (ఇదీ చదవండి: పండగ పూట.. అక్క బర్త్ డేని సెలబ్రేట్ చేసిన మహేష్ బాబు)

విజయవాడ: విజయవాడలోని యూకో బ్యాంక్ జోనల్ కార్యాలయంలో దీపావళి పండుగ వేడుకలను ఘనంగా నిర్వహించారు. ఈ సందర్భంగా జోనల్ కార్యాలయాన్ని విద్యుద్దీపాలు, పూలతో అందంగా అలంకరించి పండుగ వాతావరణాన్ని నెలకొల్పారు.ఈ వేడుకల్లో జోనల్ హెడ్‌తో పాటు బ్యాంకు అధికారులు, ఉద్యోగులు పెద్ద సంఖ్యలో ఉత్సాహంగా పాల్గొన్నారు. ఉద్యోగులందరూ పరస్పరం దీపావళి శుభాకాంక్షలు తెలియజేసుకుంటూ ఆనందోత్సాహాల మధ్య పండుగను జరుపుకున్నారు.ఈ సందర్భంగా జోనల్ హెడ్ మాట్లాడుతూ.., దీపావళి ప్రతి ఒక్కరి జీవితాల్లో వెలుగులు, సంతోషం, ఆరోగ్యం, ఐశ్వర్యం నింపాలని ఆకాంక్షించారు. బ్యాంకు ఖాతాదారులు, వినియోగదారులు, శ్రేయోభిలాషులందరికీ దీపావళి శుభాకాంక్షలు తెలియజేశారు. ఖాతాదారులకు మరింత మెరుగైన సేవలు అందించేందుకు బ్యాంకు ఎల్లప్పుడూ కృషి చేస్తుందని తెలిపారు. ఈ వేడుకల్లో జోనల్ కార్యాలయ అధికారులు, సిబ్బంది పాల్గొని కార్యక్రమాన్ని విజయవంతం చేశారు.

పండుగ సీజన్‌లో చాలామంది కొత్త కార్లను కొనుగోలు చేయడానికి ఆసక్తి చూపుతారు. ఈ తరుణంలో కస్టమర్లను ఆకర్షించడానికి టాటా మోటార్స్, హోండా, మారుతి సుజుకి, హ్యుందాయ్, స్కోడా కంపెనీలు ఎంపిక చేసిన కొన్ని కార్ల మీద అద్భుతమైన డిస్కౌంట్స్ ప్రకటించాయి. పూర్తి వివరాలు ఈ కథనంలో వివరంగా తెలుసుకుందాం.ప్రయోజనాలు➞టాటా హారియర్ ఈవీ: రూ. 2.75 లక్షలు➞హోండా సిటీ: రూ.1.86 లక్షలు➞మారుతి విక్టోరిస్: రూ.1.41 లక్షలు➞హ్యుందాయ్ క్రెటా: రూ.1.10 లక్షలు➞స్కోడా కైలాక్: రూ.70,000గమనిక: దీపావళి తగ్గింపులు/ప్రయోజనాలు నగరాన్ని బట్టి మారే అవకాశం ఉంది. కాబట్టి ఖచ్చితమైన వివరాల కోసం కొనుగోలుదారులు తమ స్థానిక డీలర్‌ను సంప్రదించి తెలుసుకోవచ్చు.

ఢిల్లీ: దేశమంతా దీపావళి వెలుగులతో మెరిసిపోతుంటే.. దేశ రాజధాని ఢిల్లీ మాత్రం విషపూరిత పొగమంచులో చిక్కుకుంది. ఇళ్ల ముందు దీపాల కాంతులు కనిపిస్తున్నా.. వీధుల్లో మాత్రం కాలుష్య మేఘాలు కమ్ముకున్నాయి. టపాసుల మోతకు ముందే విషవాయువులతో ఉక్కిరిబిక్కిరవుతున్న ఢిల్లీ ప్రజలకు పండుగ వేళ ఊపిరి పీల్చుకోవడమే కష్టంగా మారింది. గాలి నాణ్యత సూచీ (AQI) 383కు చేరడంతో నగరం అత్యంత పేలవమైన గాలి నాణ్యత విభాగంలో కొనసాగుతోంది. కొన్ని ప్రాంతాల్లో పరిస్థితి మరింత ప్రమాదకరంగా మారి ఏకంగా 450కు చేరడం ఆందోళన కలిగిస్తోంది. ఒకవైపు పండుగ సంబరాలు.. మరోవైపు కాలుష్య కష్టాలు.. వెరసి దేశ రాజధానిని విషపూరిత పొగమంచు కమ్మేసింది.కేంద్ర కాలుష్య నియంత్రణ మండలి (CPCB) గణాంకాల ప్రకారం ఢిల్లీలోని 54 గాలి నాణ్యత పర్యవేక్షణ కేంద్రాల్లో 24 చోట్ల AQI తీవ్ర స్థాయికి చేరింది. జహంగీర్‌పురిలో అత్యధికంగా 450, ఆర్కే పురంలో 448 పాయింట్లు నమోదయ్యాయి. పంజాబీ బాగ్, ఐఐటీ ఢిల్లీ, ద్వారక, రోహిణి ప్రాంతాల్లోనూ కాలుష్య స్థాయులు 400 దాటాయి. ఇండియా గేట్ పరిసరాల్లో 398, నరేలాలో 395, ఆనంద్ విహార్‌లో 328 పాయింట్లుగా నమోదయ్యాయి.#WATCH | Delhi | Air Quality Index (AQI) around AIIMS is 421, categorised as 'Severe', as per the CPCB (Central Pollution Control Board). (Visuals shot at 07:19 am) https://t.co/GjUNOlIcsN— ANI (@ANI) November 8, 2026తగ్గినట్టే తగ్గి.. మళ్లీ పెరిగిన కాలుష్యం!గత మూడు రోజుల గణాంకాలు పరిశీలిస్తే ఢిల్లీ వాయు నాణ్యతలో పెద్దగా మార్పు కనిపించడం లేదు. శుక్రవారం 382గా ఉన్న AQI శనివారం 369కి తగ్గినా.. ఆదివారం ఉదయానికి మళ్లీ 383కు చేరుకుంది. నవంబర్ 8, 9 తేదీల్లోనూ కాలుష్యం తీవ్ర స్థాయిలోనే ఉండే అవకాశం ఉందని ఎర్లీ వార్నింగ్ సిస్టమ్ హెచ్చరించింది.కాలుష్యానికి కారణాలివే!చలికాలం ప్రారంభం కావడంతో గాలి వేగం తగ్గడం, ప్రతికూల వాతావరణ పరిస్థితులు కాలుష్య కారకాలు గాలిలోనే నిలిచిపోయేలా చేస్తున్నాయి. వాహనాల పొగ, పరిశ్రమల నుంచి వెలువడే ఉద్గారాలు, పొరుగు రాష్ట్రాల్లో పంట వ్యర్థాలను తగలబెట్టడం కాలుష్యాన్ని మరింత పెంచుతున్నాయి. మొత్తం కాలుష్యంలో వాహనాల వాటా 21.4 శాతంగా ఉన్నట్లు అంచనాలు చెబుతున్నాయి. దీనికి తోడు దీపావళి టపాసుల వినియోగం గాలి నాణ్యతపై మరింత ప్రభావం చూపే అవకాశం ఉంది.గ్రాప్-3 ఆంక్షల కొరడా!కాలుష్య తీవ్రతను నియంత్రించేందుకు వాయు నాణ్యత నిర్వహణ కమిషన్ (CAQM) ఢిల్లీ-ఎన్‌సీఆర్ పరిధిలో గ్రాప్-3 ఆంక్షలను అమల్లోకి తెచ్చింది. అత్యవసరం కాని నిర్మాణ, కూల్చివేత పనులను నిలిపివేశారు. రోడ్ల నిర్మాణం, మట్టి తవ్వకాలు, భూమిని చదును చేసే పనులపై ఆంక్షలు విధించారు. రాళ్ల క్రషర్లు, మైనింగ్ కార్యకలాపాలపైనా నిషేధం విధించారు. వాహనాల విషయంలోనూ కఠిన నిబంధనలు అమలు చేస్తున్నారు. బీఎస్-3 పెట్రోల్, బీఎస్-4 డీజిల్ నాలుగు చక్రాల వాహనాల రాకపోకలపై నిర్దేశిత ప్రాంతాల్లో ఆంక్షలు విధించారు. ఇప్పటికే అమల్లో ఉన్న గ్రాప్-1, గ్రాప్-2 చర్యలకు అదనంగా ఈ నిబంధనలను అమలు చేస్తున్నారు.ఏక్యూఐ అంటే ఏమిటి?0–50: మంచి గాలి51–100: సంతృప్తికరం101–200: మోస్తరు201–300: పేలవం301–400: అత్యంత పేలవం401–500: తీవ్రమైన కాలుష్యం.ఇదీ చదవండి: 2029లో మోదీ సర్కార్‌ ఓటమి తథ్యం

దీపావళి వచ్చిందంటే ఉద్యోగులకు స్వీట్లు, డ్రైఫ్రూట్స్‌ బాక్స్‌లు ఇవ్వడం సాధారణం. మరికొన్ని సంస్థలు అదనపు బోనస్‌ ప్రకటిస్తుంటాయి. కానీ గుజరాత్‌లోని సూరత్‌కు చెందిన ఓ వస్త్ర వ్యాపారి మాత్రం తన ఉద్యోగులకు ఊహించని కానుక ఇచ్చారు. తన దగ్గర పనిచేస్తున్న 20 మంది ఉద్యోగులకు ఒక్కొక్కరికి రూ.లక్షకు పైగా నగదు బోనస్‌గా అందించి అందరినీ ఆశ్చర్యపరిచారు. ప్రస్తుతం ఇందుకు సంబంధించిన వీడియో సోషల్‌ మీడియాలో వైరల్‌గా మారింది.20 మంది ఉద్యోగులకు భారీ నగదు కానుకసూరత్‌కు చెందిన రామ్‌స్వరూప్‌ ముండే ఓ వస్త్ర దుకాణాన్ని నిర్వహిస్తున్నారు. దీపావళి సందర్భంగా తన దగ్గర పనిచేస్తున్న 20 మంది ఉద్యోగులకు భారీ నగదు బహుమతి ఇవ్వాలని నిర్ణయించుకున్నారు. వెండి రంగులో ఉండే సంప్రదాయ పూజా పళ్లాల్లో రూ.10 నుంచి రూ.500 వరకు నోట్ల కట్టలను అందంగా అమర్చారు. ఒక్కో ఉద్యోగికి లక్ష రూపాయలకు పైగా నగదును బహుమతిగా ఇచ్చారు.ఉద్యోగులు కాదు.. కుటుంబ సభ్యులుఈ సందర్భంగా రామ్‌స్వరూప్‌ మాట్లాడుతూ.. తన దగ్గర పనిచేసే వారిని కేవలం ఉద్యోగులుగా చూడనని, తన కుటుంబ సభ్యులుగానే భావిస్తానని చెప్పారు. వారంతా తమ కుటుంబాలతో కలిసి ఎలాంటి ఆర్థిక ఇబ్బందులు లేకుండా దీపావళి పండుగను సంతోషంగా జరుపుకోవాలన్నదే తన ఆకాంక్ష అని తెలిపారు.దీపావళికి ఉద్యోగులకు బోనస్ లేదా గిఫ్ట్స్ ఇవ్వడం కొత్తేమీ కాదు, ఇప్పటికే చాలా కంపెనీలు తమ ఉద్యోగులకు ఐఫోన్స్ సైతం బహుమతిగా అందించాయి.యూఏఈ కంపెనీయూఏఈలో ఓ కంపెనీకి చెందిన మహిళా మేనేజింగ్ డైరెక్టర్ హసీనా నిషాద్. తన కంపెనీలో పనిచేస్తున్న మహిళా ఉద్యోగులకు కొత్త ఐఫోన్లను గిఫ్ట్‌గా ఇచ్చి సర్‌ప్రైజ్ చేశారు. దీనికి సంబంధించిన వీడియో నెట్టింట్లో వైరల్ అవుతోంది.వీడియోలో గమనించినట్లయితే.. మహిళా ఉద్యోగులందరూ కాన్ఫరెన్స్ రూమ్‌కు రావడం చూడవచ్చు. అక్కడ ఉద్యోగులు కుర్చీలను వెనక్కి లాగి కూర్చోబోయే సమయంలో వారికి ఓ సర్‌ప్రైజ్ కనిపించింది. ప్రతి కుర్చీలోనూ అందంగా ప్యాక్ చేసిన గిఫ్ట్ బాక్సులు ఉన్నాయి. వాటిని ఓపెన్ చేసి చూస్తే.. కొత్త ఐఫోన్లు కనిపించాయి. దీంతో ఉద్యోగుల ఆనందానికి అవధుల్లేకుండా పోయింది. ఒక్కొక్కరు తమ గిఫ్ట్‌ను చూసుకుంటూ ఆశ్చర్యంతో నవ్వులు చిందించారు.అయితే ఈ వీడియోలో అందరినీ ఎక్కువగా ఆకట్టుకున్న మరో విషయం ఏమిటంటే.. కంపెనీలో పనిచేసే హౌస్‌కీపింగ్ సిబ్బందిని కూడా హసీనా అంతే ఆప్యాయంగా చూసుకున్నారు. ఓ మహిళా హౌస్‌కీపింగ్ ఉద్యోగి హసీనాకు షర్బత్ అందిస్తున్న సమయంలో ఆమెకు కూడా కొత్త ఐఫోన్‌ను గిఫ్ట్‌గా ఇచ్చారు. అసలు ఊహించని ఈ గిఫ్ట్ చూసి ఆ మహిళ ఒక్కసారిగా భావోద్వేగానికి గురయ్యారు. హసీనాను గట్టిగా కౌగిలించుకుని కన్నీళ్లు పెట్టుకున్నారు. ఈ సన్నివేశం వీడియోలో అందరినీ కదిలిస్తోంది. View this post on Instagram A post shared by Haseena Nishad (@haseena_nishad)ఢిల్లీ కంపెనీఢిల్లీలోని ఓ కంపెనీ అందరికీ ఊహించని సర్‌ప్రైజ్ ఇచ్చింది. తమ ఉద్యోగులకు ఏకంగా ఐఫోన్ 16 స్మార్ట్‌ఫోన్లను దీపావళి కానుకగా అందించింది. దీనికి సంబంధించిన వీడియో నెట్టింట్లో తెగ వైరల్ అవుతోంది. ఇదీ చదవండి: నెతన్యాహుకు మరో ఎదురు దెబ్బన్యూఢిల్లీలోని రోహిణి ప్రాంతానికి చెందిన కంపెనీ.. ఉద్యోగులకు ఐఫోన్లు గిఫ్ట్‌గా ఇచ్చిన వీడియోను తన అధికారిక ఇన్‌స్టాగ్రామ్ ఖాతాలో షేర్ చేసింది. ఈ వీడియోలో ఉద్యోగుల డెస్క్‌లపై అందంగా రిబ్బన్లతో అలంకరించిన ఐఫోన్ 16 ఫోన్లు కనిపిస్తున్నాయి. తెలుపు, ఆకుపచ్చ, నీలం, నలుపు రంగుల్లో ఉన్న ఫోన్లను కంప్యూటర్ల ముందు ఉంచారు. చివర్లో కొంతమంది మహిళా ఉద్యోగులు తమకు వచ్చిన గిఫ్టులను చూసి ఎంతో సంతోషంగా స్పందించడం చూడవచ్చు. View this post on Instagram A post shared by Financersaab (@financersaab2.0)

ధనత్రయోదశి రోజు భారీగా పతనమైన బంగారం ధరలు.. ఆ తరువాత కొంత పెరుగుదల దిశగా కదిలాయి. అయితే నేడు (ఆదివారం) దీపావళి సందర్భంగా గోల్డ్ రేటు స్థిరంగా నిలిచింది. దీంతో దేశంలోని ప్రధాన నగరాల్లో పసిడి ధరలు నిన్న మాదిరిగానే ఉన్నాయి. ఇది బంగారం కొనుగోలుదారులకు ఒకింత ఊరటను కలిగించిందనే చెప్పాలి. ఏ నగరం బంగారం రేటు ఎక్కువగా ఉంది?, ఎక్కడ తక్కువగా ఉంది?, వెండి ధరల పరిస్థితి ఏమిటి? అనే విషయాలు ఈ కింద చూడవచ్చు.

దీపావళి పండుగ సందర్భంగా, ఆదివారం అయినా.. దేశీయ స్టాక్ మార్కెట్లు ప్రత్యేక ట్రేడింగ్‌కు సిద్ధమయ్యాయి. ప్రతి ఏడాది దీపావళి రోజున నిర్వహించే ముహూరత్ ట్రేడింగ్‌ను ఈరోజు (నవంబర్ 8) NSE, BSE ఎక్స్ఛేంజీలు నిర్వహించనున్నాయి. హిందూ క్యాలెండర్ ప్రకారం కొత్త ఏడాది విక్రమ సంవత్ 2083 ప్రారంభం కానున్న నేపథ్యంలో ఈ ప్రత్యేక సెషన్ జరగనుంది.సాధారణంగా దీపావళి రోజున మార్కెట్లకు సెలవు ఉన్నప్పటికీ.. ముహూరత్ ట్రేడింగ్ కోసం మాత్రం కొద్దిసేపు ప్రత్యేకంగా మార్కెట్లను తెరుస్తారు. ఈ సమయంలో షేర్లు కొనుగోలు చేస్తే కొత్త ఏడాది శుభప్రదంగా ప్రారంభమవుతుందని చాలామంది పెట్టుబడిదారులు నమ్ముతారు.ముహూరత్ ట్రేడింగ్ సమయం➤ఈరోజు మధ్యాహ్నం 2:20 గంటలకు ముహూరత్ ట్రేడింగ్ ప్రారంభమై 3:30 గంటలకు ముగుస్తుంది. ➤2:05 నుంచి 2:15 గంటల వరకు ప్రీ-ఓపెన్ సెషన్ ఉంటుంది.➤2:15 నుంచి 2:17 గంటల మధ్య ఆర్డర్ల మ్యాచింగ్ జరుగుతుంది.➤ఇక బ్లాక్ డీల్ సెషన్ మధ్యాహ్నం 1:50 నుంచి 2:05 గంటల వరకు నిర్వహిస్తారు.➤IPOలు, తిరిగి లిస్ట్ అయిన షేర్ల కోసం ప్రత్యేక ప్రీ-ఓపెన్ సెషన్ కూడా ఉంటుంది.➤ఇలిక్విడ్ షేర్ల కోసం 2:25 నుంచి 3:10 గంటల వరకు కాల్ ఆక్షన్ సెషన్ నిర్వహించనున్నారు.ప్రధాన ట్రేడింగ్ ముగిసిన తర్వాత కూడా.. కొన్ని ప్రక్రియలు కొనసాగుతాయి. మధ్యాహ్నం 3:15 నుంచి 3:20 గంటల మధ్య రిఫరెన్స్ ధరలను లెక్కిస్తారు. 3:20 నుంచి 3:30 గంటల వరకు సీఏఎస్ ఆర్డర్లకు అవకాశం ఉంటుంది. 3:35 గంటలకు ట్రేడ్ మ్యాచింగ్ పూర్తవుతుంది. ఆ తర్వాత 3:50 నుంచి 4 గంటల వరకు పోస్ట్ క్లోజ్ సెషన్ నిర్వహిస్తారు. ట్రేడ్లలో మార్పులు చేసుకోవడానికి చివరి సమయం సాయంత్రం 4:15 గంటలుగా నిర్ణయించారు.ఎన్నో ఏళ్లుగా కొనసాగుతున్న సంప్రదాయంనిజానికి ముహూరత్ ట్రేడింగ్ అనేది భారత స్టాక్ మార్కెట్లలో ఎన్నో ఏళ్లుగా కొనసాగుతున్న సంప్రదాయం. దీపావళి రోజున కొత్త వ్యాపార సంవత్సరం ప్రారంభమవుతుందని భావించి, పెట్టుబడిదారులు ఈ సమయంలో కనీసం ఒక షేరైనా కొనుగోలు చేయడానికి ఆసక్తి చూపిస్తుంటారు. అయితే.. ఈ ట్రేడింగ్‌లో చేసే పెట్టుబడులు కూడా సాధారణ మార్కెట్ పెట్టుబడుల్లాగే రిస్క్‌తో కూడుకున్నవే.విక్రమ సంవత్ 2082లో దేశీయ స్టాక్ మార్కెట్ల పనితీరు అంతంత మాత్రంగానే ఉంది. చివరి వారంలో కొంత కోలుకున్నప్పటికీ ఏడాది మొత్తంగా నష్టాలతో ముగిశాయి. నిఫ్టీ సుమారు 4 శాతం పడిపోగా, సెన్సెక్స్ దాదాపు 5 శాతం నష్టపోయింది. అయితే.. మిడ్‌క్యాప్, స్మాల్‌క్యాప్, బ్యాంకింగ్ షేర్లు మాత్రం మంచి రాబడులను అందించాయి. రంగాల వారీగా చూస్తే ఫార్మా షేర్లు 24 శాతం, మెటల్ షేర్లు 23 శాతం లాభపడ్డాయి. మరోవైపు FMCG షేర్లు 18 శాతం, ఐటీ షేర్లు 7 శాతం నష్టపోయాయి.ఇదీ చదవండి: జీతం రూ.2 లక్షలు, ఇన్‌స్టా ద్వారా రూ.2 లక్షలు.. నేను జాబ్ మానేయొచ్చా?

దీపావళి పండుగ సందర్భంగా ఉద్యోగులకు చాలామంది యజమానులు స్వీట్లు, బట్టలు లేదా కొంత నగదును బహుమతిగా ఇస్తుంటారు. కానీ గుజరాత్‌కు చెందిన ఓ వ్యాపారవేత్త మాత్రం తన ఉద్యోగులకు ఊహించని గిఫ్ట్ ఇచ్చారు. ఒక్కొక్కరికి లక్ష రూపాయలకు పైగా బోనస్‌గా అందించి అందరినీ ఆశ్చర్యపరిచారు. ఈ సందర్భంగా డబ్బు అందుకున్న ఓ మహిళలు ఆనందంతో కన్నీళ్లు పెట్టుకోవడం ఇప్పుడు సోషల్ మీడియాలో వైరల్‌గా మారింది.సూరత్‌కు చెందిన రామ్‌స్వరూప్ ముండే.. టెక్స్‌టైల్ వ్యాపారం నిర్వహిస్తున్నారు. తన దగ్గర పనిచేస్తున్న 20 మంది ఉద్యోగులకు దీపావళి సందర్భంగా భారీ నగదు బోనస్ ఇచ్చారు. ఇందుకోసం రూ.10, రూ.20, రూ.50, రూ.100, రూ.200, రూ.500 నోట్లను ఒక వెండి రంగు ప్లేట్‌లో అందంగా పేర్చి ఉద్యోగులకు అందజేశారు. ఒక్కొక్కరికి లక్ష రూపాయలకు పైగా ఇవ్వడంతో ఉద్యోగులు ఒక్కసారిగా ఆశ్చర్యపోయారు. ఈ పంపిణీకి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.ఈ సందర్భంగా ముండే మాట్లాడుతూ.. తాను చిన్నతనంలో ఎన్నో ఆర్థిక ఇబ్బందులు ఎదుర్కొన్నానని, ముఖ్యంగా పండుగల సమయంలో కుటుంబాలు పడే కష్టాలు తనకు తెలుసని చెప్పారు. అందుకే.. తన దగ్గర పనిచేసే ఉద్యోగులను కేవలం సిబ్బందిగా కాకుండా కుటుంబ సభ్యుల్లా భావిస్తానని తెలిపారు. ఏడాది పొడవునా వారు పడే కష్టానికి గుర్తింపుగా ఈ బోనస్ ఇవ్వాలని నిర్ణయించుకున్నట్లు చెప్పారు.తన వ్యాపారం అభివృద్ధి చెందడంలో.. ఉద్యోగుల కష్టం, అంకితభావం ఎంతో ఉందని ముండే పేర్కొన్నారు. దీపావళి సమయంలో ప్రతి ఉద్యోగి తన కుటుంబానికి అవసరమైన వస్తువులు కొనుక్కొని, ఎలాంటి ఆర్థిక ఇబ్బందులు లేకుండా పండుగను సంతోషంగా జరుపుకోవాలన్నదే తన ఉద్దేశమని చెప్పారు. అందుకే ఒక్కొక్కరికి లక్ష రూపాయలకు పైగా నగదు ఇవ్వాలని నిర్ణయించుకున్నానని వెల్లడించారు.ఇదీ చదవండి: జీతం రూ.2 లక్షలు, ఇన్‌స్టా ద్వారా రూ.2 లక్షలు.. నేను జాబ్ మానేయొచ్చా?ఈ వీడియో చూసిన నెటిజన్లు వ్యాపారవేత్తపై ప్రశంసలు కురిపిస్తున్నారు. ఉద్యోగుల కష్టాన్ని గుర్తించి ఇంత పెద్ద మొత్తంలో బోనస్ ఇవ్వడం నిజంగా గొప్ప విషయమని అంటున్నారు. వ్యాపారం అంటే కేవలం లాభాలు సంపాదించడం మాత్రమే కాదని, మన ఎదుగుదలకు తోడ్పడిన వారిని కూడా సంతోషంగా ఉంచడం ముఖ్యమని ఈ ఘటన మరోసారి గుర్తుచేస్తోంది.Surat businessman Ramswaroop gives ₹1 lakh Diwali bonus to his 20 employees. Total Bonus : ₹20 lakh Employees got emotional on this occasion. https://t.co/WaenvBvaDk— News Arena India (@NewsArenaIndia) November 7, 2026

ధనం మూలం ఇదం జగత్‌ అంటారు. మానవులకు డబ్బు, సంపద ఒసంగే సిరుల తల్లి లక్ష్మీదేవి. ఒకవిధంగా చెప్పాలంటే అదృష్టానికి ఆలవాలం. నిండైన ఆమె రూపాన్ని చూసినంతనే మనసుకు ప్రశాంతత చేకూరుతుంది. లక్ష్మి అంటే లక్ష్యానికి దారిచూపే దేవత అని అర్థం. మనః సంకల్పంతో ఆ లక్ష్యాన్ని సాధిస్తే లక్ష్మీ కటాక్షం సిద్ధించినట్లే. అలాంటి లక్ష్యాలు అష్టలక్ష్ములుగా అవతరించాయి. వారిలో ఆద్యురాలు మహాలక్ష్మి. ఆమెను శ్రావణంలో వరలక్ష్మీ దేవిగా పూజించి వ్రతాలు ఆచరిస్తే.. ఆశ్వయుజ మాసం దేవీ శరన్నవరాత్రుల్లో శ్రీచక్రార్చన, కుంకుమ పూజలు నిర్వహిస్తారు. కార్తీక మాసం దీపావళి పర్వదినాన లక్ష్మీపూజ చేయడం హిందువుల్లో అనాదిగా వస్తున్న ఆచారం. అలా చేస్తే తరగని సిరి సంపదలు, ఐశ్వర్యం, ఆరోగ్యం ప్రసాదిస్తుందని భక్తుల నమ్మిక. దీన్ని అత్యంత శుభప్రదం, శ్రేయోదాయకంగా భావిస్తారు. దీనివెనుక గల పురాణ కథనం ఏమిటంటే... దేవతలు, రాక్షసులు క్షీరసాగర మథనం జరిపినప్పుడు కామధేనువు, కల్పవృక్షం, ఐరావతం తదితరాలతోపాటు మహాలక్ష్మి కూడా అవతరిస్తుంది. ఒక్కొక్క వస్తువును ఒక్కొక్కరు తీసుకోగా మహాలక్ష్మి శ్రీమహావిష్ణువును ఆశ్రయిస్తుంది. ఆ విధంగా కార్తిక అమావాస్య రోజున క్షీరసాగరం నుంచి అవతరించిన లక్ష్మీదేవిని పూజించడం సాంప్రదాయంగా వస్తోంది. తిమిరంతో నిండిన విశ్వమంతా దివ్వెల వెలుగులతో నిండి΄ోయి అంధకారం తొలగి΄ోతుంది. అదే లక్ష్మీదేవి రాకగా భావిస్తారు. ఏ గృహంలో అయితే శుచి, శుభ్రత పిటిస్తారో అక్కడ లక్ష్మీదేవి కాలుమోపుతుంది. ఇంటిని గోపంచకంతో శుద్ధిచేసి.. అవకాశం ఉంటే ఆవుపేడతో పెరటిని అలికి బియ్యం పిండితో అందంగా రంగవల్లులు తీర్చిదిద్దితే సిరులతల్లి సంతసిస్తుంది. ఆమెను ఆరాధిస్తూ చేసే స్తోత్ర పారాయణకు ముగ్ధురాలై నట్టింట అడుగుపెడితే మట్టిప్రమిదల్లో వెలిగించిన దీపాలవెలుగులో లక్ష్మీ స్వరూపం తేజోమయంగా కనిపిస్తుంది. ఎవరి శక్తికొలదీ వారు బంగారు, వెండి, రాగి, ఇత్తడి లేదా రూపాయి నాణేలతో పూజిస్తే తల్లి కనికరిస్తుంది. రుణబాధలు తొలగిపోయి రాబడి అధికమవుతుంది. అంటే ఆర్థిక స్థిరత్వం లభిస్తుందన్నమాట. ఇంట్లో శాంతి, కుటుంబ సభ్యుల నడుమ సఖ్యత నెలకొంటాయి. ఉద్యోగోన్నతి, వ్యాపారంలో లాభాలు, చేపట్టిన ప్రతికార్యంలోనూ విజయం తథ్యం. లక్ష్మీదేవి ముందు కళ్లుమూసుకుని ధ్యానం చేస్తే మనసుకు ఉల్లాసం, శరీరానికి ఉత్సాహం లభిస్తాయి. తద్వారా ఆరోగ్య్రప్రాప్తి చేకూరుతుంది. చివరగా భక్తితో సమర్పించే నివేదన సకల పాపలను హరిస్తుందని చెప్పాలి.లక్ష్మీపూజ ముగిశాక తులసి కోట వద్ద దీపాలు వెలిగించి పసుపు, కుంకుమలు సమర్పిస్తే సకల శుభాలు చేకూరతాయి. అంతకుమించి మనలోని అరిషడ్వర్గాలైన కామ, క్రోధ. లోభ, మోహ, మద, మాత్సర్యాలను పటాపంచలు చేసి అంధకారం నుంచి బయటపడేస్తుంది. దానం, ధర్మం, శాంతి, ప్రేమ, భక్తి, కృతజ్ఞత వంటి వెలుగులతో జీవితం ఆనందభరితంగా మారుతుంది. కృత, త్రేతా, ద్వాపర యుగాలలో సకల దేవతలు, రుషుల పూజలందుకున్న లక్ష్మీదేవికి కలియుగంలోనూ అంతే ప్రాధాన్యత ఇస్తుండడం మానవాళికి దక్కిన అదృష్టం.–చెన్నాప్రగడ శర్మ ఇదీ చదవండి: ఎల్లలు లేని వెలుగుల దివ్వెలు..! ఆయా దేశాల్లో ఎలా జరుపుకుంటారంటే..

అమావాస్య రోజున వచ్చే వెలుగుల పండుగ దీపావళి. ఇది చెడు మీద మంచి సాధించిన విజయానికి ప్రతీక. నరకాసుర వధ తర్వాత జనాలు దీపావళి జరుపుకున్నట్లు పురాణాల కథనం. శరద్రుతువులో దసరా నవరాత్రుల తర్వాత ఘనంగా జరుపుకొనే పండుగ దీపావళి. నిజానికి దీపావళి సంరంభం అమావాస్యకు రెండు రోజుల ముందు వచ్చే ధనత్రయోదశి నుంచి మొదలవుతుంది. దీపావళికి రెండు రోజుల తర్వాత వచ్చే యమద్వితీయ వరకు కొనసాగుతుంది. వరుసగా ఐదురోజులు కొనసాగే ఈ వేడుకలకు సంబంధించి వివిధ ప్రాంతాల్లో వివిధ ఆచారాలు ఉన్నాయి. నేడు దీపావళి సందర్భంగా పురాణేతిహాస నేపథ్యం సహా అరుదైన ఆచారాల గురించి తెలుసుకుందాం...దీపావళి పండుగకు పురాణ నేపథ్యం నరకాసుర వధ. హిరణ్యాక్షుడిని వధించడానికి శ్రీమహావిష్ణువు వరాహావతారం దాల్చాడు. ఆదివరాహమూర్తి హిరణ్యాక్షుడిని సంహరించి, సముద్రగర్భంలోనున్న భూదేవిని రక్షించాడు. అప్పుడు భూదేవికి నరకాసురుడు పుట్టాడు. నరకాసురుడు ప్రాగ్జ్యోతిషపురానికి రాజయ్యాడు. బ్రహ్మదేవుడి గురించి తపస్సు చేసి, తనకు తన తల్లి చేతిలో తప్ప ఇతరుల వల్ల మరణం ఉండకూడదని వరం కోరుకున్నాడు. వరగర్వం తలకెక్కిన నరకాసురుడు ముల్లోకాలనూ పీడించడం ప్రారంభించాడు.స్వర్గం మీదకు దండెత్తి, ఇంద్రుడి శ్వేతఛత్రాన్ని, దేవమాత అదితి మణికుండలాలను అపహరించాడు. భూలోకంలో వివిధ రాజ్యాలపై దండెత్తి పదహారువేల మంది రాజకుమార్తెలను బంధించి తన చెరలో పెట్టాడు. నరకుడి ఆగడాలు నానాటికీ శ్రుతిమించడంతో దేవతలు, మునులు శ్రీకృష్ణుడి వద్ద మొరపెట్టుకున్నారు. శ్రీకృష్ణుడు గరుడ వాహనంపై యుద్ధానికి బయలుదేరడానికి సిద్ధమయ్యాడు. తాను కూడా యుద్ధం చేస్తానని సత్యభామ ముందుకు వచ్చింది. సత్యభామా సమేతంగా శ్రీకృష్ణుడు గరుడ వాహనంపై యుద్ధరంగానికి చేరుకున్నాడు. నరకుడి సేనలతో భీకర పోరాటం సాగించాడు. యుద్ధంలో శ్రీకృష్ణుడు నరకుడి సేనాపతి అయిన మురాసరుడిని వధించాడు. మురాసురుడి మరణంతో నరకుడు నేరుగా కృష్ణుడి ఎదుటకు వచ్చాడు.నరకుడి అస్త్రానికి కృష్ణుడు మూర్ఛిల్లాడు. అప్పుడు ఆగ్రహంతో మండిపడిన సత్యభామ ధనుర్బాణాలను అందుకుని, నరకుడితో పోరు సాగించింది. చివరకు నరకుడు సత్యభామ చేతిలో అంతమొదాడు. ఆశ్వయుజ బహుళ చతుర్దశి నాటి రాత్రి నరకాసుర సంహారం జరిగింది. నరకుడి మరణం తర్వాత అప్పటి వరకు అతడి చెరలో మగ్గుతున్న పదహారువేల మంది రాజకుమార్తెలను సత్యభామా శ్రీకృష్ణుల విముక్తులను చేశారు. వారిని తమతో పాటే నగరానికి తీసుకువచ్చారు.యుద్ధం తర్వాత తిరిగి వస్తున్న సత్యభామా శ్రీకృష్ణులకు స్వాగతం పలకడానికి ప్రజలు ఇళ్ల ముందు వరుసగా దీపాలను వెలిగించారు. అప్పటి నుంచి దీపావళి రోజున ఇళ్ల ముందు దీపాలను వరుసగా వెలిగించడం ఆచారంగా మారిందని చెబుతారు. దీపావళి పర్వదిన నేపథ్యమైన నరకాసుర వధ గురించి, ఈ పండుగ జరుపుకొనే పద్ధతి గురించి భాగవతంతో పాటు పద్మపురాణం, స్కందపురాణం వంటి పురాణాల్లో విపులమైన ప్రస్తావనలు ఉన్నాయి. హర్షవర్ధనుడు తాను రాసిన ‘నాగానందం’ నాటకంలో దీపావళిని ‘దీపప్రతిపదోత్సవం’గా పేర్కొన్నాడు.ధన్వంతరి పుట్టిన రోజుదీపావళి వేడుకల హడావుడి ధనత్రయోదశి నుంచి మొదలవుతుంది. ధనత్రయోదశని ధన్వంతరి జన్మదినంగా పరిగణిస్తారు. క్షీరసాగర మథనం జరిగినప్పుడు ఆశ్వయుజ బహుళ త్రయోదశి రోజున ధన్వంతరి చేత అమృతకలశం ధరించి ఆవిర్భవించాడు. ఇదే రోజున క్షీరసాగరం నుంచి లక్ష్మీదేవి కూడా ఆవిర్భవించినట్లు పురాణ కథనం.అందుకే ఈ రోజున లక్ష్మీపూజలు, కొందరు లక్ష్మీ కుబేర పూజలు జరుపుతారు. ధనత్రయోదశి రోజున లక్ష్మీదేవిని పూజిస్తే, ఐశ్వర్యవృద్ధి కలుగుతుందని నమ్ముతారు. కొందరు ఈ రోజున ఆవులకు ఆయుర్వేద మూలికలతో కూడిన ఔషధగ్రాసం తినిపిస్తారు. కొందరు ఇంటి దక్షిణ దిశలో నాలుగు వత్తులతో కూడిన నువ్వులనూనె దీపాన్ని ‘యమదీపం’గా పెడతారు. ‘యమదీపం’ పెట్టడం వల్ల అపమృత్యు భయాలు తొలగుతాయని నమ్ముతారు.నరక చతుర్దశి రోజున యమదీపంధనత్రయోదశి మరునాడు నరక చతుర్దశి జరుపుకొంటారు. నరక చతుర్దశి రోజున వేకువ జామున అభ్యంగన స్నానాలు చేస్తారు. స్నానం ముగించాక నీటిలో తడిపిన ఉత్తరేణి వేర్లను తల చుట్టూ మూడుసార్లు తిప్పుకుంటారు. ఇలా చేయడం వల్ల పాపాలు నశిస్తాయని నమ్ముతారు. ఇదేరోజున యమధర్మరాజుకు తర్పణాలు విడుస్తారు. యముడి చతుర్దశ నామాలను పఠిస్తూ, తిలోదకాలతో తర్పణాలను విడిచిపెట్టడం వల్ల అపమృత్యు భయాలు తొలగిపోతాయని చెబుతారు. కొన్ని ప్రాంతాల్లో నరక చతుర్దశి రోజున సాయంత్రం వేళ జువ్వి కట్టెలను కాగడాల్లా వెలిగించి, ఆకాశం వైపు చూపుతారు. ఇలా చేయడం వల్ల మహాలయ పక్షాల కాలంలో భూలోకానికి వచ్చిన పితృదేవతలకు తిరిగి ఊర్ధ్వ లోకాలకు వెళ్లేందుకు మార్గం కనిపిస్తుందని నమ్ముతారు.దీపావళికి లక్ష్మీదేవి పూజలుదీపావళి రోజున దాదాపు దేశంలోని అన్ని ప్రాంతాల్లోనూ ఇళ్లను అలంకరించుకోవడం, గుమ్మాలకు పసుపు కుంకుమలను తీర్చిదిద్దడం, ముంగిళ్లలో ముగ్గులు వేయడం, సాయంత్రం వేళ ఇళ్ల ముందు దీపాలను వెలిగించి, బాణసంచా కాల్చడం వంటివి చేస్తారు. దీపావళి రోజు విక్రమశకం ఆరంభమైన రోజు. అందువల్ల రాజస్థాన్, గుజరాత్‌ రాష్ట్రాలకు చెందిన మార్వాడీలు నూతన సంవత్సర వేడుకలను జరుపుకొంటారు. ఈరోజున తమ వ్యాపార లావాదేవీలకు సంబంధించిన పాత పద్దు పుస్తకాలను ముగించి, కొత్త పద్దు పుస్తకాలను ప్రారంభిస్తారు. లక్ష్మీదేవిని పూజించి, బంధుమిత్రులకు మిఠాయిలను పంచిపెడతారు.ఉత్తరాది రాష్ట్రాల్లో పలుచోట్ల దీపావళి రోజున తప్పనిసరిగా జూదం ఆడతారు. ఈ రోజున పార్వతీ పరమేశ్వరులు పాచికల ఆట ఆడినట్లు కొన్ని పురాణ గాథలు ఉన్నాయి. దీపావళి రోజున ‘అలక్ష్మీ నిస్సారణ’ ఆచారం పాటిస్తారు. దీపావళి రోజున అర్ధరాత్రి ఇంట్లో ఉన్నవారిలో వయసులో పెద్ద అయిన మహిళ ఒక పాత చేట, కర్ర తీసుకుని, ఇంట్లోని ప్రతిమూలా వాటిని కొడుతూ చప్పుడు చేస్తారు. దీనివల్ల జ్యేష్ఠాదేవి ఇల్లు వదిలి వెళ్లిపోతుందని, ఇంట్లో లక్ష్మీదేవి స్థిరంగా ఉంటుందని నమ్ముతారు. పలుచోట్ల దీపావళికి దీపాలు వెలిగించిన ప్రమిదల నుంచి మరునాడు మసిని సేకరించి, దానిని కాటుకగా ఉపయోగిస్తారు.బలి చక్రవర్తికి పూజలుదీపావళి మర్నాడు కార్తీక శుక్ల పాడ్యమి రోజును బలి పాడ్యమి జరుపుకొంటారు. వామనుడు త్రివిక్రమ రూపం దాల్చి, బలి చక్రవర్తిని పాతాళానికి అణగదొక్కిన సమయంలో అతడి కోరిక మేరకు ఏటా కార్తీక శుక్ల పాడ్యమి రోజున భూలోకానికి వచ్చి తన ప్రజలను చూసుకునేలా వరం ఇస్తాడు. ఈ రోజున బలి చక్రవర్తి, ఆయన భార్య వింధ్యావళి చిత్రపటాలను లేదా వారి మట్టి విగ్రహాలను ఉంచి పూజిస్తారు. సాయంత్రంవేళ వారికి నైవేద్యాలు సమర్పిస్తారు. కొన్ని ప్రాంతాల్లో ఇదే రోజున గోవర్ధన పూజ చేస్తారు. ఈ రోజున శ్రీకృష్ణుడు గోవర్ధనగిరిని పైకెత్తి ఆలమందలను, కాపరులను రక్షించాడని పురాణ కథనం. గోవర్ధన పూజ సందర్భంగా ఆవులను, ఎద్దులను అలంకరించి, వాటిని పూజించి, వాటికి తీపి పదార్థాలను తినిపిస్తారు.దీపావళికి కాళీ పూజదేశంలోని అత్యధిక ప్రాంతాల్లో దీపావళికి లక్ష్మీపూజలు జరుపుకొనే ఆచారం తెలిసిందే. పశ్చిమబెంగాల్, ఒడిశా, అసోం, ఝార్ఖండ్, బిహార్‌ రాష్ట్రాల్లో దీపావళికి ప్రత్యేకంగా కాళీమాతను పూజిస్తారు. దీపావళి సందర్భంగా అమావాస్య తిథి ఉన్న అర్ధరాత్రివేళ ‘నిశితకాల పూజ’ జరుపుతారు. ఈ ప్రాంతాల్లో దీపావళి రాత్రిని పితృదేవతల రాత్రిగా భావిస్తారు. పితృదేవతల ఆత్మలకు దారి చూపడానికి, ఇంట్లోని ప్రతికూల శక్తులను పారదోలడానికి ‘చౌదొ ప్రదీప’ పేరిట పద్నాలుగు దీపాలను వెలిగిస్తారు. బెంగాలీ ప్రజలు దీపావళికి ముందురోజు నరక చతుర్దశి నాడు ‘చౌదొ శాకొ’ అనే పద్నాలుగు రకాల ఆకుకూరలతో చేసిన వంటకాన్ని పితృదేవతలకు నైవేద్యంగా పెడతారు.యమధర్మ రాజుకు పూజలుబలి పాడ్యమి మరుసటి రోజైన కార్తీక శుక్ల విదియ రోజును యమద్వితీయగా జరుపుకొంటారు. దీనినే భ్రాతృద్వితీయ అని, భగినీ హస్తభోజనం అని అంటారు. యమధర్మరాజును ఆయన సోదరి యమున ఎన్నోసార్లు తన ఇంటికి భోజనానికి రమ్మని ఆహ్వానించినా, పాపుల పాపవిచారణలో తీరిక లేకుండా ఉన్నందున ఆయనకు సోదరికి ఇంటికి వెళ్లే వీలు చిక్కలేదు. చివరకు ఒకసారి కార్తీక శుక్ల విదియ రోజున యమధర్మరాజు తన సోదరి యమున ఇంటికి వెళ్లి, ఆమె చేతివంటను ఆరగిస్తాడు. కార్తీక శుక్ల విదియనాడు సోదరీమణుల ఇంటికి వెళ్లి, భోజనం చేసి, వారికి కానుకలు ఇచ్చే సోదరులకు నరకబాధలు లేకుండా ఉండేలా యమధర్మరాజు తన సోదరికి వరమిచ్చాడని పురాణాల కథనం. యమద్వితీయ రోజున పలుచోట్ల యముడికి, చిత్రగుప్తుడికి పూజలు నిర్వహిస్తారు.జైన బౌద్ధ సిక్కు మతాలకూ పండుగే!దీపావళి హిందువులకు మాత్రమే కాదు, జైన మతస్థులకు, బౌద్ధ మతస్థులకు, సిక్క మతస్థులకు కూడా ముఖ్యమైన పండుగే! జైన తీర్థంకరులలో ఇరవైనాలుగవ వాడైన వర్ధమాన మహావీరుడు ఇదేరోజున నిర్వాణం పొందాడు. వర్ధమాన మహావీరుడు తన జీవితకాలంలో వెదజల్లిన జ్ఞానకాంతులను పదిలం చేసుకునేందుకు జైన మతావలంబులైన ఆనాటి రాజులు, మహావీరుని శిష్యులు, అనుయాయులు దీపావళి రోజున జైనమందిరాలలోను, ఇళ్లలోను వరుసగా దీపాలను వెలిగించడం ప్రారంభించాడు. మహావీరుని నిర్యాణ దినమైన దీపావళి రోజున జైనులు తమకు సమీపంలో ఉన్న జైన మందిరాలను దర్శించుకుని, ప్రత్యేక ప్రార్థనలు చేస్తారు. మహావీరునికి ‘నిర్వాణ లాడూ’ పేరుతో పెద్ద పరిమాణంలో ఉండే లడ్డూను నైవేద్యంగా సమర్పిస్తారు. ఇదేరోజున మహావీరుని శిష్యుడైన గౌతముడికి జ్ఞానసిద్ధి కలిగింది. అందువల్ల జ్ఞానపూజ జరిపి, తమ పవిత్రగ్రంథాలను పఠిస్తారు. మహావీరుడి నిర్వాణం తర్వాత జైనులకు ‘వీర నిర్వాణ శకం’ మొదలైన సందర్భంగా, కొత్త సంవత్సరం వేడుకలు జరుపుకొంటారు. గౌతమ బుద్ధుడు బోధివృక్షం కింద జ్ఞానోదయం పొందిన తర్వాత దీపావళి రోజున తన స్వస్థలమైన కపిలవస్తు నగరానికి తిరిగి వచ్చినప్పుడు అక్కడి ప్రజలు ఇళ్ల ముంగిళ్లలో దీపాలు వెలిగించి ఆయనకు స్వాగతం పలికారట! ఇదేరోజున అశోక చక్రవర్తి బౌద్ధమతాన్ని స్వీకరించాడు. అశోకుడు శాంతిమార్గంలో బౌద్ధాన్ని స్వీకరించిన సందర్భంగా ఆయన రాజ్యమంతటా ప్రజలు ఇళ్ల ముందు దీపాలు వెలిగించారు. ఈ సందర్భాలను పురస్కరించుకుని బౌద్ధులు దీపావళి రోజున బౌద్ధ విహారాలలో దీపాలను వెలిగిస్తారు. శాంతి ప్రార్థనలు, ధ్యానం చేస్తారు. నేపాల్‌లోని ‘నెవార్‌’ బౌద్ధులు భారతీయుల మాదిరిగానే దీపావళి సందర్భంగా ఐదురోజుల వేడుకలు జరుపుకొంటారు. వారు ఈ సందర్భంగా శ్రీమహావిష్ణువును, లక్ష్మీదేవిని కూడా పూజిస్తారు. సిక్కులు దీపావళిని ‘బందీఛోడ్‌ దివస్‌’గా జరుపుకొంటారు. మొఘల్‌ చక్రవర్తి జహంగీర్‌ కాలంలో సిక్కుల గురువు హరగోబింద్‌ సింగ్‌ను గ్వాలియర్‌ కోటలో ఖైదు చేశారు. గురు హరగోబింద్‌ సింగ్‌కు నానాటికీ పెరుగుతున్న జనాదరణకు జడిసి జహంగీర్‌ ఈ పనికి ఒడిగట్టాడు. కొంతకాలానికి జహంగీర్‌ ఆయనను విడుదల చేయడానికి అంగీకరించాడు. అయితే, తనతో పాటు జహంగీర్‌ చెరలో ఉన్న 52 మంది హిందూ రాజులను కూడా విడిచిపెట్టాలని గురు హరగోబింద్‌ సింగ్‌ షరతు విధించాడు. చివరకు జహంగీర్‌ వారిని కూడా గురు హరగోబింద్‌ సింగ్‌తో పాటు దీపావళి రోజున విడుదల చేశాడు. ఆయనను స్వాగతం పలుకుతూ అమృత్‌సర్‌ ప్రజలు నగరమంతటా దీపాలు వెలిగించారు. నాటి నుంచి సిక్కులు దీపావళి రోజున తమ ఇళ్లలోను, గురుద్వారాలలోను దీపాలను వెలిగించే ఆచారం పాటిస్తున్నారు. ఈ సందర్భంగా గురుద్వారాలలో కులమతాలకు అతీతంగా ‘లంగర్‌’ పేరుతో సామూహిక విందుభోజనాలు ఏర్పాటు చేస్తారు. రాత్రివేళ ఆనందంగా బాణసంచా కాలుస్తారు.విదేశాల్లో దీపావళిదీపావళి పండుగను మన దేశంలోనే కాదు, ప్రపంచంలోని పలు దేశాల్లో ఉన్న హిందూ, జైన, బౌద్ధ, సిక్కు మతాలకు చెందినవారు దీపావళి వేడుకలను తమ తమ పద్ధతుల్లో జరుపుకొంటారు. భారత్‌ సహా దాదాపు డజను దేశాలలో దీపావళి అధికారిక సెలవు దినం. దీపావళిని అధికారిక సెలవు దినంగా ప్రకటించే దేశాలలో నేపాల్, మలేషియా, సింగపూర్, ఫిజీ, మారిషస్, శ్రీలంక, గయానా, సురినేమ్, ట్రినిడాడ్‌ అండ్‌ టొబాగో, మయన్మార్‌ దేశాలు ఉన్నాయి.పాకిస్తాన్‌ ప్రభుత్వం సిం«ద్‌ వంటి కొన్ని ప్రాంతాల్లో ఐచ్ఛిక సెలవు దినంగా ప్రకటిస్తోంది. భారత సంతతికి చెందిన ప్రజలు ఎక్కువగా నివసించే అమెరికా, కెనడా, ఇంగ్లండ్‌ వంటి దేశాల్లో అధికారిక సెలవు దినం ప్రకటించకపోయినా, కొన్నేళ్లుగా దేశాధినేతల ఆధ్వర్యంలో అధికారికంగా వేడుకలు జరుపుకొంటూ వస్తున్నారు. ఈ దేశాలలో దీపావళి వేడుకలను అత్యంత దేదీప్యమానంగా జరుపుకొంటారు.

సాక్షి, స్పెషల్‌ డెస్క్‌ : దీపావళి పండుగ వేళ మతాబుల వెలుగులు, కాకరపువ్వొత్తుల కాంతులు అందరికీ ఆనందాన్నిస్తాయి. కానీ ఆ బాణాసంచా వెలుగుల వెనుక ఉన్న పొగ, రసాయన, శబ్ద, వాయు కాలుష్యాలు ప్రజల ఆరోగ్యానికి పెనుముప్పుగా మారుతున్నాయి. ఈ నేపథ్యంలో పండుగ సంప్రదాయాన్ని బతికించుకుంటూనే కాలుష్యాన్ని తగ్గించేందుకు అందుబాటులోకి వచ్చినవే ‘గ్రీన్‌ క్రాకర్స్‌’(హరిత బాణసంచా). పేరులో ‘గ్రీన్‌’ ఉన్నంత మాత్రాన ఇవి పర్యావరణానికి పూర్తిగా మేలు చేస్తాయని, అసలు పొగ రాదని చాలామంది అపోహపడుతుంటారు. అందుకే అసలు వాస్తవాలేంటి? ప్రభుత్వం నిర్దేశించిన ప్రమాణాలేంటి? మార్కెట్లో అసలైన హరిత వెలుగులను గుర్తించడమెలా? తెలుసుకుందాం!సాధారణ బాణసంచాకు, గ్రీన్‌ క్రాకర్స్‌కు తేడా ఏమిటి?కేంద్ర ప్రభుత్వ సంస్థ అయిన ‘కౌన్సిల్‌ ఆఫ్‌ సైంటిఫి­క్‌ అండ్‌ ఇండస్ట్రియల్‌ రీసెర్చ్‌’ (సీఎస్‌ఐఆర్‌), ‘నేషనల్‌ ఎన్విరాన్‌మెంటల్‌ ఇంజనీరింగ్‌ రీసెర్చ్‌ ఇన్‌స్టిట్యూట్‌’ (ఎన్‌ఈఈఆర్‌ఐ) సంయుక్తంగా ‘గ్రీన్‌ క్రాకర్స్‌’ ప్రమాణాలను 2018లో రూపొందించాయి.రసాయనాల నియంత్రణ: సాధారణ బాణసంచా­లో వాడే బేరియం నైట్రేట్, ఆర్సెనిక్, సీసం, పాదరసం వంటి ప్రమాదకరమైన రసాయనా­లను ఇందులో తొలగించారు. వాటి స్థానంలో తక్కువ హానికరమైన ప్రత్యామ్నాయ రసాయనాలను ఉపయోగిస్తారు. తగ్గిన ఉద్గారాలు: సాధారణ బాణసంచాతో పోలిస్తేగ్రీన్‌ క్రాకర్స్‌ దాదాపు 30% నుంచి 35% తక్కువ ఉద్గారాలను, ధూళి కణాలను (పీఎం 2.5) విడుదల చేస్తాయి.శబ్ద తీవ్రతకు కళ్లెం: సాధారణ బాణాసంచా 160 డెసిబెల్స్‌ వరకు శబ్దం చేస్తే హరిత బాణాసంచా శబ్ద తీవ్రత 110 నుంచి 125 డెసిబెల్స్‌ మాత్రమే ఉంటుంది.దుమ్మును అణచివేసే ఆవిరి: గ్రీన్‌ క్రాకర్స్‌ పేల్చినప్పుడు వాటిలోని రసాయన చర్యల వల్ల నీటి ఆవిరి విడుదలవుతుంది. ఈ ఆవిరి గాలిలోని దుమ్ము కణాలను కిందకు అణిచి­వేయటంలో ఇది సహాయపడుతుంది.ఒరిజినల్‌ గ్రీన్‌ క్రాకర్స్‌ను ఇలా గుర్తించండిమార్కెట్లో నకిలీ గ్రీన్‌ క్రాకర్స్‌ బెడద ఎక్కువగా ఉంది. కొనుగోలు చేసేటప్పుడు బాక్సులపై ఈ అంశాలను తప్పనిసరిగా తనిఖీ చేయాలి. బాక్సుపై ‘సీఎస్‌ఐఆర్‌– ఎన్‌ఈఈఆర్‌ఐ’ అధికారిక లోగో ముద్రించి ఉండాలి. ప్రతి బాక్సుపై ఒక ప్రత్యేకమైన క్యూఆర్‌ కోడ్‌ ఉంటుంది. స్మార్ట్‌ఫోన్‌తో స్కాన్‌ చేస్తే తయారీ వివరాలు కనిపిస్తాయి. వీటిని ప్రధానంగా సేఫ్‌ వాటర్‌ రిలీజర్‌ ( గిఅ ), సేఫ్‌ థర్మైట్‌ క్రాకర్‌ ( ఖీఅఖ), సేఫ్‌ మినిమల్‌ అల్యూమినియం ( అఊఅఔ) అనే పేర్లతో విక్రయిస్తారు. ముఖ్యంగా లైసెన్స్‌ పొందిన షాప్‌ల వద్దే అసలైన గ్రీన్‌ క్రాకర్స్‌ లభిస్తాయి. కాబట్టి అక్కడే కొనుగోలు చేయండి.పరిమిత వాడకమే శ్రేయస్కరం!‘గ్రీన్‌ క్రాకర్స్‌’ అంటే కాలుష్యం సున్నా అని కాదు.. కేవలం ‘తక్కువ కాలుష్యాన్ని విడుదల చేస్తాయి. వీటి తయారీలోనూ స్వల్ప స్థాయిలో రసాయనాలు ఉంటాయి. పెద్ద ఎత్తున కాల్చితే గాలి నాణ్యత పడిపోవడం ఖాయం. పర్యావరణ పరిరక్షణ, శ్వాసకోశ సమస్యలతో బాధ పడేవారు, పసి పిల్లలు, మూగజీవాల రక్షణ దృష్ట్యా వీటిని కూడా పరిమితంగానే కాల్చి బాధ్యతాయుతంగా పండుగ జరుపుకోవడమే ప్రతి ఒక్కరి కర్తవ్యం.

లాల్‌ కృష్ణ అడ్వాణీ... భారత రాజకీయ చరిత్రలో పరిచయం అవసరం లేని పేరు. నేడు ఆయన శతాయుష్కుల జాబితా లోకి చేరుతున్నారు. ఈ ఏడాది ఆయన నూరవ పుట్టిన రోజు, దీపావళి పండుగతో జమిలిగా రావడం విశేషం. ఆధునిక భారత చరిత్రలోని అనేక కీలక ఘట్టాలతో పెన వేసుకున్న సుదీర్ఘ జీవితం ఆయనది. 1927 నవంబరు 8న ‘దేవ్‌ దీపావళి’ పర్వదినాన జన్మించారు. 1947లో తరుణ ప్రాయంలోనే సింధు ప్రాంతంలోని తన చిరపరిచిత ప్రపంచాన్ని వీడి రావాల్సిన దుఃస్థితిని, వేదనను అనుభవించారు. అయిన ప్పటికీ, చేదు అనుభవాలకు తావులేకుండా శూన్యం నుంచితన జీవిత పునరుద్దీపన చేసుకున్నారు. కఠిన పరిస్థితుల్లోనూ ఆద్యంతం పునర్నిర్మించగల ఈ లక్షణం, సామర్థ్యం ఆయన సహజాతాలు. జనసంఘ్‌ను బలోపేతం చేసే వేళ, భారతీయ జనతా పార్టీకి రూపురేఖలు దిద్దే సమయాన ఆయనలోని ఈ లక్షణాలే కీలక పాత్ర పోషించాయి. ఆయన 1989లో పార్టీ అధ్య క్షుడిగా ‘బీజేపీ’కి సారథ్యం వహించినపుడు లోక్‌సభలో కాంగ్రెస్‌ పార్టీ బలం 400 నుంచి 200 స్థానాల దిగువకు పతనమైంది. 1996లో అతిపెద్ద పార్టీగా బీజేపీ అవతరించింది. ‘దేశమే ప్రధానం’ సూత్ర ప్రాతిపదికన పార్టీకి బలమైన పునాది వేశారు.విశిష్ట లక్షణాలుఒక నాయకుడిగా అడ్వాణీ విశిష్టతను తెలిపే రెండు ప్రత్యేక లక్షణాలను మనమిప్పుడు గుర్తుచేసుకోవాలి. మొదటిది... ఆయనకుగల సైద్ధాంతిక స్పష్టత–మేధాపరమైన పదును. ఇది ఆయన రచనల్లో, ప్రసంగాల్లో స్పష్టంగా కనిపిస్తూంటుంది. ఆయన రూపొందించిన జనసంఘ్, బీజేపీ తీర్మానాలు నేటికీ అధ్యయనార్హమైనవే. ఆయన ఇంటర్వ్యూలు లోతుగా, సూటిగా ఉండేవి. రెండోది... భారత రాజకీయాల్లో దీర్ఘకాలం కొనసాగిన ‘మిథ్యా లౌకికవాదాన్ని’ ఎండగట్టడంలో ఆయన చాతుర్యం.ఆర్‌ఎస్‌ఎస్‌ ప్రచారక్‌గా ఆయన తొలుత రాజస్థాన్‌లోని వివిధ ప్రాంతాల్లో పనిచేశారు. అక్కడి నుంచి దేశ రాజధానికి వచ్చి, అటల్‌ బిహారీ వాజ్‌పేయితో కలిసి పనిచేయడం ప్రారంభించారు. ఇద్దరూ రాజకీయ దిగ్గజాలే అయినా, దశాబ్దాల పాటు పరస్పర పోటీదారులుగా మారకపోవడం స్ఫూర్తిదాయకం. ఈ ఇరువురూ భారత రాజకీయాల దశ–దిశలను మార్చివేశారు.అడ్వాణీ తన జన్మస్థలం వీడి ఢిల్లీ చేరేనాటికి దేశ విభజన పర్యవసాన ఘోరాల నుంచి నగరం అప్పుడప్పుడే కోలుకుంటోంది. ఈ నేపథ్యంలో ఆయన జనసంఘ్‌ బలోపేతం లక్ష్యంగా తన వంతు కృషిలో నిమగ్నమయ్యారు. ఈ క్రమంలో ఆయన 1967లో ఢిల్లీ మెట్రోపాలిటన్‌ కౌన్సిల్‌ ఛైర్మన్‌ అయ్యారు.ఆయన పార్లమెంటరీ ప్రస్థానం 1970లో ప్రారంభమైంది. ఎంపీగా, ఆ తర్వాత ఉభయ సభలలో ప్రతిపక్ష నేతగానేకాకుండా అధికార పక్షంలోనూ తనదైన ముద్ర వేశారు. 1991 లోక్‌సభ ఎన్నికలు నాకింకా గుర్తు. అడ్వాణీ రెండు స్థానాలనుంచి పోటీ చేయాలని నిర్ణయించారు. ఒకటి గాంధీనగర్‌. గుజరాత్‌తో ఆయనకు అప్పటికే అనుబంధం ఉంది. దేశ విభజన తర్వాత ఆయన తండ్రి కచ్‌లో స్థిరపడ్డారు. అడ్వాణీ గుజరాత్‌ నుంచి రాజ్యసభకూ ప్రాతినిధ్యం వహించారు. కాబట్టి, గాంధీ నగర్‌లో పోటీ అంటే– ఒకరకంగా సొంత గూటికి తిరిగి రావడం లాంటిది. బీజేపీ సంస్థలో భాగస్వామిని కాబట్టి, ఆయన సమ ర్పించాల్సిన పత్రాలను సిద్ధం చేయడం సహా ప్రచారంలోనూ సహాయపడే గౌరవం నాకు దక్కింది. ఆ తర్వాత కూడా అక్కడి ఓటరుగా అనేకసార్లు ఆయనకు ఓటు వేసే గౌరవం లభించింది. ఎమర్జెన్సీ చీకటి రోజుల్లో...ఆయన జీవితంలో ఎమర్జెన్సీ ఓ కీలక మలుపు. ప్రజా స్వామ్య పరిరక్షణ, రాజ్యాంగ రక్షణ పోరాటాన్ని ఆయనముందుండి నడిపించారు. నాటి అనుభవాలను ‘ఎ ప్రిజనర్స్‌ స్క్రాప్‌–బుక్‌’ పుస్తకంలో పంచుకున్నారు. అందులోని ‘ఎ టేల్‌ ఆఫ్‌ టూ ఎమర్జెన్సీస్‌’ అనే ఒక భాగం 1975 జూన్‌లో భారత్‌లోసంభవించిన పరిణామాలతో... 1933 నాటి నాజీ జర్మనీలోసంఘటనలకు గల అద్భుత సారూప్యాన్ని కళ్లకు కడుతుంది.అడ్వాణీ చిచ్చరపిడుగు వంటి ప్రతిపక్ష నేత. అంతేకాదు అద్భుత పరిపాలకుడు కూడా. జనతా పార్టీ 1977లో ప్రభుత్వం ఏర్పాటు చేసినపుడు ఆయన సమాచార–ప్రసార శాఖ మంత్రిగా పనిచేశారు. అటుపైన ఉప ప్రధానమంత్రిగా, దేశంలో అత్యధిక కాలం హోంశాఖ బాధ్యతలు నిర్వర్తించిన నేతగా దేశ భద్రత వ్యవస్థ బలోపేతంలో కీలక పాత్ర పోషించారు. ఉగ్రవాదంపై ఆయన తీసుకున్న నిర్ద్వంద్వ వైఖరి వల్లనే భారత్‌ అత్యంత పటిష్ట ఉగ్రవాద నిరోధక చట్టం చేయగలిగింది.రథయాత్రఅడ్వాణీ జీవితంలో సోమనాథ్‌ నుంచి అయోధ్య వరకూ రథయాత్ర నిస్సందేహంగా ఒక చారిత్రక ఘట్టం. ఈ యాత్రపై సమాలోచన దశ నుంచి పూర్తిస్థాయి అమలు దాకా నాకూ భాగం దక్కడం ఒక అదృష్టంగా భావిస్తున్నాను. యాత్ర ప్రారంభమైన ప్పుడు నేను కూడా సోమనాథ్‌లో ఉండటం ప్రత్యేక అనుభవా న్నిచ్చింది. బిహార్‌లో ఆయన అరెస్టు నాటి బాధాకర జ్ఞాపకాలు కూడా నా మదిలో ఇంకా మెదలుతున్నాయి. ఆ తర్వాత గుజ రాత్‌లో చిమన్‌భాయి పటేల్‌ ప్రభుత్వానికి బీజేపీ మద్దతు ఉపసంహరించింది. సీనియర్‌ నాయకులు, కార్యకర్తలు చాలా మంది ఏదేమైనప్పటికీ రామమందిర నిర్మాణం పూర్తి చేస్తామని ప్రమాణం చేశారు. ఎట్టకేలకు అనేక ఏళ్ల తర్వాత దేశ ప్రజల ఆశీస్సులతో అయోధ్యలో శ్రీరామ ప్రభువుకు దివ్య–భవ్యమందిరం రూపుదిద్దుకుంది. అడ్వాణీలో ప్రశంసించదగిన గుణాలెన్నో ఉన్నాయి.ఇందుకు తొలి ఉదాహరణ... ఆయన నిరాడంబరత్వం. నవ నిర్మాణ ఉద్యమం తర్వాత ఆయన జునాగఢ్‌కు వచ్చారు. అక్కడ కాంగ్రెస్‌ పార్టీకి తిరస్కారం ఎదురైన అసెంబ్లీ ఎన్నికలకు పార్టీని సిద్ధం చేస్తూ, సాధారణ కార్యకర్తలా నెల రోజులు మెలిగారు. పరిచయస్తులందరూ ఆయనను పుస్తకాల పురుగుగా అభివర్ణి స్తారు. ఆయనతో సమయం గడిపేవారికి వార్తాపత్రికలను ఎంత జాగ్రత్తగా చదువుతారో బాగా తెలుసు. సినిమా, నాటకాలకు అభిమానిగానే కాకుండా ఉత్సాహభరిత సినీ విమర్శకుడిగానూ ఆయన ప్రసిద్ధులు. ‘మై కంట్రీ– మై లైఫ్‌’ పేరిట ఆయన రాసిన పుస్తకంలో అడ్వాణీలోని చారిత్రక స్పృహ, దాన్ని పరిరక్షించాలనే తపన ప్రస్ఫుటమవుతాయి. ఆయన సదా సింధీ సంస్కృతితో సంబంధాలు నెరపేవారు. లేహ్‌ సమీపంలోని సింధు దర్శన్‌ పూజను ప్రాచుర్యంలోకి తేవడం ఆయన కృషిలో మరొక భాగం. ఆయనతోనూ, జార్జి ఫెర్నాండెజ్‌తోనూ కలసి నేను స్వయంగా ఆ పూజలో పాల్గొన్నాను.అడ్వాణీ సతీమణి కమలా అడ్వాణీ ప్రస్తావన లేకుండా ఆయన అద్భుత జీవన ప్రస్థానంపై వివరణ అసంపూర్ణమే! ఆయన ప్రజా జీవితమంతటా నిరంతర శక్తికి, మద్దతుకు ఆమె మూలస్తంభంగా నిలిచారు.ఓ బాలుడిగా కరాచీలో ఎదుగుతున్న రోజుల్లో తన జీవితం ఇన్నిన్ని మలుపులు తిరుగుతుందని అడ్వాణీ బహుశా ఊహించి ఉండరు. ఆయన సేవలకు కృతజ్ఞతాపూర్వకంగా దేశ ప్రజానీకం 2024లో ఆయనను ‘భారతరత్న’ పురస్కారంతో సత్కరించారు. ప్రజాభిమానం చూరగొన్న అడ్వాణీ తన జీవితంలో వందోసంవత్సరంలోకి అడుగుపెడుతున్న తరుణంలో ఆయన ఆయు రారోగ్యాలతో వర్ధిల్లుతూ ఎప్పటిలాగానే మనందరికీ స్ఫూర్తి ప్రదాతగా నిలవాలని ఆ దైవాన్ని ప్రార్థిస్తున్నాను.అడ్వాణీలో ప్రశంసించదగిన గుణాలెన్నో ఉన్నాయి. పరిచయస్తులందరూ ఆయనను పుస్తకాల పురుగుగా అభివర్ణిస్తారు. ఆయనతో సమయం గడిపేవారికి వార్తాపత్రికలను ఎంత జాగ్రత్తగా చదువుతారో బాగా తెలుసు. సినిమా, నాటకాలకు అభిమానిగానే కాకుండా ఉత్సాహభరిత సినీ విమర్శకుడిగానూ ఆయన ప్రసిద్ధులు. ‘మై కంట్రీ– మై లైఫ్‌’ పేరిట ఆయన రాసిన పుస్తకంలో అడ్వాణీలోని చారిత్రక స్పృహ, దాన్ని పరిరక్షించాలనే తపన ప్రస్ఫుటమవుతాయి.-నరేంద్ర మోదీ ,భారత ప్రధాని

తాడేపల్లి : వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి తెలుగు ప్రజలందరికీ దీపావళి శుభాకాంక్షలు తెలియజేశారు. దీపావళి అంటేనే ఉజ్వల కాంతి అని, చీకటిపై వెలుగు, చెడుపై మంచి, అజ్ఞానంపై జ్ఞానం.. దుష్టశక్తులపై దైవశక్తి సాధించిన విజయమని వైఎస్‌ జగన్‌ పేర్కొన్నారు.సాధించిన విజయాలకు ప్రతీకగా జరుపుకునే పండుగ దీపావళి అని, ఈ దీపావళి పండగ సందర్భంగా తెలుగు ప్రజలందరికీ సకల శుభాలు కలగాలని, సంపదలు, సౌభాగ్యాలు, విజయాలు కలగాలనీ, ప్రజలందరి జీవితాలు శోభాయమానంగా వెలుగొందాలనీ, ప్రతి ఇంటా ఆనంద కాంతులు విరాజిల్లాలని వైఎస్‌ జగన్‌ ఆకాంక్షించారు.ప్రపంచవ్యాప్తంగా ఉన్న తెలుగువారందరికీ దీపావళి పండుగ శుభాకాంక్షలు. చీకటి నుంచి వెలుగువైపు, అజ్ఞానం నుంచి జ్ఞానం వైపు నడిపించే దీపావళి పండుగ ప్రతి ఒక్కరి జీవితంలో కొత్త వెలుగులు నింపాలని, మీ కృషి ఫలించి, మీ సంకల్పాలు నెరవేరి, ప్రతి ఇంటా సుఖసంతోషాలు వెల్లివిరియాలని మ‌న‌స్ఫూర్తిగా ఆకాంక్షిస్తున్నాను. #HappyDiwali— YS Jagan Mohan Reddy (@ysjagan) November 8, 2026ఇదీ చదవండి: మీరు చేసే నిర్బంధాలు దుర్మార్గం.. మీ పాలన హేయం: వైఎస్‌ జగన్‌

యాదగిరిగుట్ట: దీపావళిని పురస్కరించుకొని ఈనెల 8న యాదగిరి శ్రీలక్ష్మీనరసింహస్వామి ఆలయ వేళల్లో మార్పులు చేసినట్లు ఈవో భవానీశంకర్‌ శుక్రవారం ఒక ప్రకటనలో తెలిపారు. ఆదివారం వేకువ జామున ఉదయం 3.30 గంటలకు ఆలయాన్ని తెరచి 4 గంటల వరకు సుప్రభాతం నిర్వహిస్తామన్నారు. 4 గంటల నుంచి 4.45 గంటల వరకు శ్రీస్వామి వారికి మంగళహారతులు ఇస్తారని, 4.45 గంటల నుంచి 5.45 గంటల వరకు తిరువారాధన, బాల బోగం, ఆరగింపు చేపడతారని వెల్లడించారు.ఉదయం 5.45 గంటల నుంచి 6.45 గంటల వరకు నిజాభిషేకం జరిపిస్తారన్నారు. 6.45 నుంచి 7.15 గంటల వరకు సహస్రనామార్చన ఉంటుంది. 7.15 గంటల నుంచి భక్తులకు ఉభయ దర్శనాలు, శ్రీసుదర్శన నారసింహ హోమం, నిత్య కల్యాణం, ఆలయ పూజ కార్యక్రమాలు యథావిధిగా జరిపిస్తామని ఈవో వెల్లడించారు. దీపావళి రోజు ఉదయం వేళ ఆలయ నిత్య కైంకర్యాల సమయాల్లో మార్పులు చేయడంతో పాటు భక్తులకు కల్పించే శ్రీస్వామి వారి సుప్రభాత టికెట్లు రద్దు చేశామని తెలిపారు. ఇదీ చ‌ద‌వండి: విడదీసినోళ్లే ఒడి చేర్చారు!

మన దేశంలో దీపావళికి టపాసులు కాల్చడం సంప్రదాయం. అలాగే ప్రపంచంలో చాలా దేశాలలో ఆకాశాన్ని రంగురంగుల వెలుగులతో నింపేస్తూ భారీగా బాణసంచా కాల్చే పండగలు ఉన్నాయి. అవేంటో తెలుసుకుందామా పిల్లలూ.చైనాటపాసుల పుట్టినిల్లు చైనా. ప్రతి ఏటా జనవరి లేదా ఫిబ్రవరిలో వచ్చే చైనీస్‌ నూతన సంవత్సరం రోజున అక్కడ ప్రపంచంలోనే అత్యంత భారీగా టపాసులు కాలుస్తారు. చెడు శక్తులను తరిమికొట్టేందుకు, అదృష్టాన్ని ఆహ్వానించేందుకు అక్కడ ఈ వేడుక చేస్తారు.జూన్‌జూన్‌లో జూలై, ఆగస్టు నెలల్లో ‘హనాబి’ (అంటే నిప్పు పువ్వులు) పేరుతో పెద్ద బాణసంచా పండుగలు జరుగుతాయి. ఇవి కేవలం వేడుకలు మాత్రమే కాదు అక్కడ పెద్ద పెద్ద పోటీలు కూడా నిర్వహిస్తారు. నదీ తీరాల్లో లక్షలాది మంది కూర్చుని ఈ వెలుగుల ప్రదర్శనను చూస్తారు.ఆస్ట్రేలియాకొత్త సంవత్సరానికి స్వాగతం పలికే వేడుకల్లో సిడ్నీ హార్బర్‌ బ్రిడ్జ్‌ దగ్గర జరిగే బాణసంచా ప్రదర్శన ప్రపంచ ప్రసిద్ధి చెందింది. డిసెంబర్‌ 31 అర్థరాత్రి వేల కిలోల టపాసులను కాల్చి సరికొత్త రంగులతో ఆకాశాన్ని ముంచెత్తుతారు. అమెరికాఅమెరికాకు స్వాతంత్య్రం వచ్చిన జూలై 4న ఆ దేశంలో టపాసుల పండుగ వాతావరణం కనిపిస్తుంది. ప్రతి చిన్న టౌన్‌ నుండి వాషింగ్టన్‌ డీసీ నగరం వరకు రాత్రిపూట ఆకాశంలో గంటల తరబడి అద్భుతమైన బాణసంచా ప్రదర్శనలు జరుగుతాయి. ఇదీ చదవండి: భూమి ‘దీపావళి పండుగ’..అచ్చం బాణసంచా మాదిరి..!: శుభాంషు శుక్లా

ధనత్రయోదశి సందర్భంగా భారీగా తగ్గిన బంగారం ధర.. దీపావళికి ముందు స్వల్పంగా పెరిగింది. దీంతో పండగపూట పసిడి కొనుగోలు చేయాలనుకునేవారు కొంత ఆలోచనలో పడ్డారు. రేపు (ఆదివారం) మళ్లీ పెరుగుతుందా?, అనే అనుమానం చాలామందిలో కలిగింది. నేడు హైదరాబాద్, విజయవాడ, చెన్నై, బెంగళూరు, ఢిల్లీ, ముంబై నగరాలలో గోల్డ్ రేటు ఎలా ఉందో.. కింద చూడవచ్చు.

ఇస్రో వ్యోమగామి శుభంషు శుక్లా, అంతరిక్షం నుంచి భూమిని చిత్రీకరించిన ఒక అద్భుతమైన వీడియోని పంచుకున్నారు. ఆ వీడియోలో కనిపించే మెరుపులని ఆయన "ప్రకృతి సిద్ధమైన బాణసంచా(nature’s very own fireworks)"గా అభివర్ణిస్తూ..ఇలా రాసుకొచ్చారు. దీపావళి నా హృదయంలో ఎప్పుడూ ప్రత్యేక స్థానాన్ని కలిగి ఉంటుంది. నాకు ఇది ఎంతో ఇష్టమైన పండుగ. దీపాల వెలుగులు, మెరుపులు, బాణసంచాల్లో ఏదో ప్రత్యేకమైన మాయాజాలం ఉంది. అవి నాలో అద్భుతమైన భావనను, ఆనందాన్ని నింపుతాయి అంటూ..భూమి సహజంగా జరుపుకునే వెలుగుల పండుగకు సంబంధించిన వీడియోని షేర్‌ చేశారు. ఆ వీడియోలో..అంతరిక్షంలో ఉన్నప్పుడు భూమిపై మెరుపులు నృత్యం చేస్తున్నట్లుగా కనిపించాయి. అంతరిక్షం నుంచి కిందకు చూస్తున్నప్పుడు అవి నాకు ప్రకృతి సిద్ధమైన బాణసంచాను గుర్తు చేశాయి. విశ్వానికి వెలుగును వేడుకగా జరుపుకోవడానికి తనదైన మార్గం ఉందని చెప్పే ఒక అందమైన దృశ్యమిది. అయితే ఈ దృశ్యాన్ని చూడటం ప్రత్యేకంగా అనిపించడమే కాదు..దీన్ని పంచుకోవడానికి ఇంతకంటే అద్భుతమైన రోజు మరొకటి ఉండదనిపించింది. చివరగా నా స్నేహితులకు, కుటుంబ సభ్యులకు ధన్‌ తేరస్‌ శుభాకాంక్షలు. ఈ పండుగ సీజన్‌ మీ ఇళ్లల్లో.. మీ హృదయాల్లో వెలుగును, సంతోషాన్ని, మంచి ఆరోగ్యాన్ని, ఐశ్వర్యాన్ని నింపాలని మనసారా కోరుకుంటున్నా." అంటూ పోస్ట్‌ని ముగించారు. కాగా, గ్రూప్‌ కెప్టెన్‌ శుభాంషు శుక్లా అంతర్జాతీయ అంతరిక్ష కేంద్రం(ISS)కు వెళ్లిన తొలి భారతీయ వ్యోమగామి, అలాగే అంతరిక్షంలోకి వెళ్లిన రెండొవ భారతీయుడు కూడా ఆయనే. ఆక్సియమ్-4 (Ax-4) మిషన్‌లో భాగంగా ఆయన 2025 జూన్ 26న అంతరిక్ష కేంద్రంలో అడుగుపెట్టారు. ఈ మిషన్‌కు నాసా సీనియర్ అధికారి పెగ్గీ విట్సన్ నాయకత్వం వహించారు. View this post on Instagram A post shared by Shubhanshu Shukla (@gagan.shux)ఇదీ చదవండి: దీపావళి సందేశం..పిల్లలకు నేర్పింద్దాం ఇలా..!

దీపావళి పండగ వేళ కొత్త పెట్టుబడులు ప్రారంభించడాన్ని మదుపర్లు అత్యంత శుభప్రదంగా భావిస్తారు. లక్ష్మీదేవి పూజ జరుపుకునే ఈ పర్వదినాన ఏ చిన్న శుభకార్యం లేదా వ్యాపారం ప్రారంభించినా విజయం వరిస్తుందని, లక్ష్మీదేవి అనుగ్రహం లభిస్తుందని నమ్మకం. భారతదేశ ఆర్థిక వ్యవస్థలో, ముఖ్యంగా దలాల్ స్ట్రీట్‌లో ఈ ఆనవాయితీ దశాబ్దాలుగా కొనసాగుతోంది. ఈ రోజున స్టాక్ మార్కెట్‌లో ట్రేడింగ్ చేస్తే వచ్చే దీపావళి నాటికి లాభాల పంట పండుతుందనే బలమైన విశ్వాసంతో సాధారణ మదుపర్ల నుంచి బడా ఇన్వెస్టర్ల వరకు అందరూ ‘మూరత్‌ ట్రేడింగ్’లో పాల్గొనేందుకు ఆసక్తి చూపుతారు.ఈసారి మూరత్ ట్రేడింగ్ వివరాలుఈ సంప్రదాయాన్ని నిలబెడుతూ మన దేశీయ స్టాక్ ఎక్స్ఛేంజీలైన బీఎస్‌ఈ, ఎన్‌ఎస్‌ఈ ఈసారి ఆదివారం నవంబర్ 08, 2026న దీపావళి లక్ష్మీ పూజ సందర్భంగా గంటపాటు ప్రత్యేక మూరత్‌ ట్రేడింగ్ సెషన్‌ను నిర్వహించనున్నట్లు ప్రకటించాయి. ప్రీ-ఓపెన్ సెషన్ మధ్యాహ్నం 2:05 నుంచి 2:20 గంటల వరకు ఉంటుంది. తరువాత మధ్యాహ్నం 2:20 నుంచి 3:30 వరకు ట్రేడింగ్ జరుగుతుంది.మదుపర్ల వ్యూహందశాబ్దాల చరిత్రను పరిశీలిస్తే మూరత్‌ ట్రేడింగ్ రోజున మార్కెట్లు సూచీలు లాభాల్లోనే ముగిసేందుకు ఎక్కువ అవకాశాలు ఉంటాయి. అయితే ఇది కేవలం ప్రతీకాత్మకమైనది కాబట్టి, మదుపర్లు దీర్ఘ కాలానికి మంచి రాబడులు ఇచ్చే బలమైన ఫండమెంటల్స్ ఉన్న క్వాలిటీ షేర్లలో పెట్టుబడి పెట్టాలని నిపుణులు సూచిస్తున్నారు. కొత్తగా మార్కెట్లోకి అడుగుపెట్టేవారికి ఈ రోజుశుభారంభం అని చెప్పవచ్చు.ఇదీ చదవండి: మాదేశం వచ్చినవారికి గుడ్‌న్యూస్‌!

దీపావళి పండుగ వస్తోంది. చాలామంది సొంతూళ్లకు వెళ్లేందుకు సిద్ధమవుతున్నారు. ఈ సమయంలో రైళ్లలో ప్రయాణించే వారికి సౌత్ కోస్ట్ రైల్వే కీలక హెచ్చరిక జారీ చేసింది. రైళ్లలో టపాసులు, పేలుడు పదార్థాలు, గ్యాస్ సిలిండర్లు, పెట్రోల్, కిరోసిన్ వంటి మండే వస్తువులను తీసుకెళ్లవద్దని స్పష్టం చేసింది. ఇలాంటి వస్తువుల వల్ల రైళ్లలో అగ్నిప్రమాదాలు జరిగే ప్రమాదం ఉందని, తోటి ప్రయాణికుల ప్రాణాలకు ముప్పు ఏర్పడుతుందని అధికారులు హెచ్చరించారు.రైల్వే చట్టం 1989 ప్రకారం.. రైళ్లలో పేలుడు పదార్థాలు, మండే వస్తువులను తీసుకెళ్లడం నేరం. ఎవరైనా టపాసులు, గ్యాస్ సిలిండర్లు, యాసిడ్, పెట్రోల్, కిరోసిన్ వంటి వస్తువులతో పట్టుబడితే చట్టపరమైన చర్యలు తప్పవు. నిబంధనలు ఉల్లంఘించిన వారికి గరిష్ఠంగా మూడేళ్ల వరకు జైలు శిక్షతో పాటు జరిమానా విధించే అవకాశం ఉంది.అంతేకాకుండా, వారు తీసుకెళ్లే ప్రమాదకర వస్తువుల వల్ల రైల్వే ఆస్తులకు లేదా ఇతర ప్రయాణికులకు నష్టం జరిగితే అందుకు కూడా వారే బాధ్యత వహించాల్సి ఉంటుంది. మరోవైపు దీపావళి నేపథ్యంలో రైల్వే అధికారులు తనిఖీలను ముమ్మరం చేశారు. సౌత్ కోస్ట్ రైల్వే పరిధిలో ప్రత్యేక భద్రతా బృందాలను ఏర్పాటు చేసి రైళ్లలో ఆకస్మిక తనిఖీలు నిర్వహిస్తున్నారు. రైల్వే ప్రొటెక్షన్ ఫోర్స్ (RPF), ప్రభుత్వ రైల్వే పోలీసులు (GRP), సివిల్ డిఫెన్స్ సిబ్బంది ఈ తనిఖీల్లో పాల్గొంటున్నారు. ఎవరైనా నిషేధిత వస్తువులను రైళ్లలో తీసుకెళ్తున్నారా అనే విషయాన్ని పరిశీలిస్తున్నారు.అంతేకాకుండా.. రైళ్లలో విధులు నిర్వహించే టీటీఈలు, కోచ్ అటెండెంట్లు, ట్రైన్ మేనేజర్లు, స్టేషన్ మేనేజర్లకు కూడా అధికారులు కీలక సూచనలు చేశారు. ప్రయాణ సమయంలో ఎక్కడైనా అనుమానాస్పద వస్తువులు కనిపిస్తే వెంటనే సంబంధిత అధికారులకు సమాచారం అందించాలని ఆదేశించారు. దీపావళి పండుగ సమయంలో ప్రయాణికుల భద్రతకు ఎలాంటి ఇబ్బందులు కలగకుండా ఈ చర్యలు చేపట్టినట్లు రైల్వే అధికారులు తెలిపారు.ఇదీ చదవండి: తగ్గనున్న ట్రైన్ టికెట్ ధరలు.. కొత్త రూల్స్ వస్తున్నాయ్!

రామాయణంలో శ్రీరాముడు రావణుడిపై విజయం సాధించి అయోధ్యకు తిరిగి వచ్చిన సందర్భంగా దీపాలు వెలిగించి స్వాగతం పలికారనే కథ మనకు తెలిసిందే. అలాగే దక్షిణ భారతదేశంలో నరకాసురుడిపై శ్రీకృష్ణుడి విజయాన్ని నరక చతుర్దశిగా జరుపుకుంటారు. కథలు వేరైనా వాటి వెనుక ఉన్న అంతరార్థం ఒక్కటే. చెడుపై మంచి గెలవాలి. అన్యాయంపై ధర్మం విజయం సాధించాలి. మనిషిలోని ప్రతికూల ఆలోచనలపై సానుకూలత పైచేయి సాధించాలి. ఈ విలువలను నేటి పిల్లలకు, యువతకు పరిచయం చేయాల్సిన అవసరం ఎంతైనా ఉంది.నలుగురితో మంచిగా..‘దీపావళి’ అనే మాటకు అర్థం దీపాల వరుస. ఒక చిన్న దీపం చీకటిని పూర్తిగా తొలగించలేక΄ోయినప్పటికీ.. తన చుట్టూ కొంత వెలుగును నింపగలదు. మనిషి జీవితం కూడా అంతే. మనం చేసే మంచిపనులు చిన్నవే అయినా మరొకరి జీవితంలో ఆశలను నింపుతాయి. ధైర్యాన్నిస్తాయి. స్ఫూర్తిగా నిలుస్తాయి. అందుకే దీపావళి పండుగ ఇచ్చే మొదటి సందేశం.. మనలోని మంచితనంతో నలుగురికి వెలుగునివ్వడం.బంధాలకు కొత్త వెలుగులు..ఇప్పుడున్న జీవనశైలిలో పండుగైనా, వేడుకైనా అన్ని రోజులూ ఒకేలా గడిపేస్తున్నాం. విరామం లేని ఉద్యోగాలు, ర్యాంకుల చదువులు, బిజినెస్‌ ఒత్తిళ్లు, పర్సనల్‌ గోల్స్‌.. ఇలా ఎవరి ప్రపంచంలో వారు ఉంటున్నారు. ఒకే ఇంట్లో ఉంటున్నా.. మాటలూ తగ్గిపోతున్నాయి. ఇక స్మార్ట్‌ఫోన్‌ చేతిలో ఉంటే ప్రపంచాన్నే మరిచిపోతున్నారు. ఇలాంటి సందర్భాల్లోనే దీపావళి కుటుంబ బంధాలను గుర్తు చేసే ఒక మంచి సందర్భం. పండుగ రోజున ఇంట్లోని వారంతా కలిసి ఇంటిని అలంకరించడం, పాతజ్ఞాపకాలను గుర్తుచేసుకోవడం, పండుగ కథలను తెలియజెప్పడం, బంధువులను పలకరించడం వంటివి చేయడం వల్ల సంబంధాలు బలపడుతాయి. పండుగ ఆనందమూ రెట్టింపవుతుంది. దీపావళి రోజున ఇంట్లో వంద దీపాలు వెలిగించినా.. మనసుల్లో దూరం ఉంటే ఆ వెలుగుకు, పండుగకు అర్థం ఉండదు.షాపింగ్‌ మాత్రమే కాదు!ఇంతకుముందు పండుగ కోసం ఇంట్లోవన్నీ శుభ్రం చేసుకుని, అందరూ కలిసి ఇంటిని అలంకరించేవారు. కానీ ఇప్పుడంతా ఆన్‌లైన్‌మయం. ఫోన్‌ తెరిస్తే చాలు ఆఫర్‌ల అమ్మకాలు. దీంతో చాలా పనులు కొనుగోళ్లతోనే పూర్తవుతున్నాయి. అయితే పండుగ ఆనందం అనేది ఖరీదైన కొనుగోళ్లలోనే ఉండదని గుర్తుంచుకోవాలి. మన పక్కింటి వారు ఏం కొంటున్నారు? ఎంత ఖర్చు చేస్తున్నారు? అనే పోలికలకు వెళ్లకుండా మన స్థాయికి తగినట్లు పండుగ చేసుకోవాలి. మనకు ఇష్టమైన వారితో గడిపే సమయం, మనస్ఫూర్తిగా నవ్వుకునే క్షణాలే పండుగకు అసలైన అందం. అర్థం.చీకట్లను తొలగిద్దాం!ప్రతి ఒక్కరి జీవితంలోనూ ఏదో ఒక సమస్య ఉంటుంది. కొందరికి చదువులో ఒత్తిడి.. మరికొందరికి ఉద్యోగంలో పోటీ.. ఇంకొందరికి ఆర్థిక ఇబ్బందులు.. వీటన్నింటి మధ్య మనసులో నిరాశ, భయం, అసంతృప్తి పెరిగే అవకాశం ఉంటుంది. ఇలాంటి సమయంలోనే దీపావళి మనకు ఒక మంచి విషయాన్ని గుర్తుచేస్తుంది. చీకటి ఎంత ఎక్కువగా ఉన్నా ఒక చిన్న దీపం వెలుగును పంచుతుంది. అలాగే ఎన్ని సమస్యలు ఎదురైనా ఆశను కోల్పోకూడదు అని. కాలంతో పాటు పండుగను జరుపుకునే పద్ధతులు మారడం సహజం. మట్టి ప్రమిదల స్థానంలో విద్యుత్‌ దీపాలు వచ్చినా.. సంప్రదాయ దుస్తుల స్థానంలో మోడ్రన్‌ డ్రెస్సెస్‌ వచ్చినా.. ప్రేమతో కూడిన శుభాకాంక్షల పలకరింపులు.. సోషల్‌ మీడియాలోకి చేరినా తప్పులేదు. కానీ పండుగ వెనుక ఉన్న అసలు విలువలు మాత్రం కనుమరుగుకాకూడదు. సాంకేతికతను అందిపుచ్చుకుంటూనే సంప్రదాయాలను గౌరవించాలి. ఆనందాన్ని ఆస్వాదిస్తూనే ప్రకృతిని కాపాడాలి. వ్యక్తిగత విజయాలను సాధిస్తూనే సమాజం పట్ల బాధ్యతను గుర్తుంచుకోవాలి. ఈ దీపావళికి ఇంటిలో వెలుగులు నింపడంతో పాటు .. మనసులోని చీకట్లనూ తొలగించుకుందాం..!దీపావళి .. చెడుపై మంచి, అజ్ఞానంపై జ్ఞానం, నిరాశపై ఆశ గెలవాలనే గొప్ప సందేశం దాగున్న వేడుక. చీకటిపై వెలుగు సాధించిన విజయానికి ప్రతీక ఈ పండుగ. అందుకే మనలోని అహంకారం, అసూయ, ద్వేషం, స్వార్థం వంటి చీకట్లను తొలగించుకుని ప్రేమ, కరుణ, మానవత్వం అనే వెలుగులను నింపుకోవాలని ఈ పండుగ గుర్తుచేస్తుంది. మరి ఈ సందేశాలు నేటి తరానికి ఎంతవరకు చేరుతున్నాయి? వేగంగా మారుతున్న జీవనశైలిలో దీపావళి మనకు నేర్పుతున్న పాఠాలేమిటి? సంప్రదాయాలను కాపాడుకుంటూనే ప్రకృతిని, ఆరోగ్యాన్ని, మానవ సంబంధాలను గౌరవిస్తూ పండుగను ఎలా జరుపుకోవాలి?ప్రకృతి హితంగా!దీపావళి అనగానే చాలామందికి ముందుగా గుర్తొచ్చేది టపాసులే. వాటిని కాల్చడం ద్వారా వచ్చే ఆనందం కొద్దిసేపే. కానీ వాటి నుంచి వెలువడే పొగ, ధూళి, శబ్దం మాత్రం పర్యావరణంపై దీర్ఘకాల ప్రభావం చూపుతాయి. ముఖ్యంగా చిన్నపిల్లలు, వృద్ధులు, శాస సమస్యలున్నవారు ఇబ్బందులు ఎదుర్కొనే అవకాశం ఉంది. జంతువులు కూడా పెద్ద శబ్దాలకు భయపడతాయి. అందువల్ల పర్యావరణహిత దీపావళికి ప్రాధాన్యతనివ్వాలి.

తనకి స్వేచ్ఛనిస్తే సరిపోదు తనతో పాటు ఉన్నవారందరినీ బంధ విముక్తి చేయాలని పట్టుబట్టాడో గురువు. తన విముక్తిని ఇతరుల స్వేచ్ఛతో ముడిపెట్టి నిస్వార్థంగా బతికిన ఆ గురువు అసాధారణ త్యాగానికి గుర్తింపుగా సిక్కులు దీపావళి పండుగని జరుపుకుంటారు. 17వ శతాబ్దంలో సిక్కుల ఆరో గురువైన గురు హర్‌గోవింద్‌ సాహిబ్‌ను మొఘల్‌ చక్రవర్తి జహంగీర్‌ గ్వాలియర్‌ కోటలో నిర్బంధించాడు. ఆయనతో పాటు మరో 52 మంది రాజపుత్రులను కూడా అదే కోటలో బందీలుగా ఉంచాడు. కొంతకాలానికి గురు హర్‌గోవింద్‌ను విడుదల చేయాలని చక్రవర్తి ఆదేశించాడు. అయితే తనతోపాటు మిగిలిన రాజపుత్రులను కూడా విడుదల చేయాలని హర్‌గోవింద్‌ పట్టుబట్టాడు. అందుకు జహంగీర్‌ చక్రవర్తి ఒక షరతు పెట్టాడు. గురువు ధరించిన వస్త్రాన్ని పట్టుకుని కోట బయటకి వచ్చినవారిని మాత్రమే విడుదల చేస్తానని చెప్పాడు. దీంతో గురు హర్‌గోవింద్‌ 52 పట్టీలున్న ఓ ప్రత్యేకమైన పొడవాటి వస్త్రాన్ని కట్టుకున్నాడు. ఒక్కో రాజు ఒక్కో పట్టీ పట్టుకుని బయటకి వచ్చాడు. అలా రాజపుత్రులందరూ స్వేచ్ఛని పొందారు. ఈ సంఘటన తర్వాత గురు హర్‌గోవింద్‌కు ‘బందీ చోర్‌’ అనే పేరు వచ్చింది. అంటే బందీలను విడిపించినవాడు అని అర్థం. ఈ విముక్తి సంఘటనను గుర్తుజేసుకుంటూ సిక్కులందరూ దీపావళి రోజున ‘బందీ చోర్‌ దివస్‌’పేరిట పండుగ చేసుకుంటారు. పూర్వీకులకు దారి చూపించే బడబడువా డాకాదీపావళి రాత్రి సాధారణంగా ఇళ్ల ముందు దీపాలు వెలిగిస్తారు. కానీ ఒడిశాలో మాత్రం పూర్వీకులకు దారి చూపిస్తూ కాగడాలు వెలిగిస్తారు. ఈ ప్రత్యేక ఆచారాన్ని ’బడబడువా డాకా’ అంటారు. ఇందులో భాగంగా ఎండిన జనపనార కాడలతో తయారు చేసిన కట్టలను వెలిగిస్తారు. వీటిని స్థానికంగా కౌన్రియా కాఠి అంటారు. అనంతరం వాటిని ఆకాశం వైపు ఎత్తిపట్టి పూర్వీకులను స్మరిస్తూ ప్రత్యేక ప్రార్థన చేస్తారు. ‘పూర్వీకులారా చీకటిలో రండి.. వెలుగులో తిరిగి వెళ్లండి’ అంటూ పిలుస్తారు. మహాలయ పక్షంలో భూమికి వచ్చిన పూర్వీకులు దీపావళి రోజున తిరిగి తమ లోకాలకు వెళ్తారని అక్కడి ప్రజల విశ్వాసం. పూరీలోని జగన్నాథ ఆలయం సమీపంలో వేలాది మంది భక్తులు ఈ ఆచారాన్ని సామూహికంగా నిర్వహిస్తారు. పూర్వీకులను స్మరించుకుంటూ వారి ఆశీస్సులు కోరడం ఈ సంప్రదాయం వెనుక ఉన్న ముఖ్య ఉద్దేశం. ఇదీ చదవండి: చిరు దివ్వెలు..! కాలుష్యం పెరక్కుండా..

పిట్ట కొంచెం కూత ఘనం అన్న సామెత అరుణ్‌ దేవ్‌ పోతులకు కరెక్టుగా సరిపోతుంది. ‘35 చిన్న కథ కాదు’ (2024) సినిమాతో పరిచయమైన ఈ బాలనటుడు తనదైన నటనతో ప్రేక్షకులను మెప్పించాడు. అంతేకాదు.. తొలి చిత్రంతోనే భారత ప్రభుత్వం నుంచి జాతీయ అవార్డుతో పాటు తెలంగాణ రాష్ట్ర ప్రభుత్వం నుంచి ఉత్తమ బాలనటుడిగా గద్దర్‌ అవార్డుని సైతం అందుకున్నాడు. అరుణ్‌ దేవ్‌ ఓ లీడ్‌ రోల్‌లో నటించిన బాలల చిత్రం ‘సమ్మర్‌ హాలిడేస్‌’ శుక్రవారం(నవంబరు 6) విడుదలైంది. కాగా దీపావళి సందర్భంగా ఈ లిటిల్‌ గెస్ట్‌ సాక్షితో పంచుకున్న ఎక్స్‌క్లూజివ్‌ విశేషాలు... దీపావళి అంటే చాలా ఇష్టం. ప్రత్యేకించి టపాసుల్లో ఎక్కువగా తారాజువ్వలంటే చాలా చాలా ఇష్టం. జువ్వల చివర మంట పెడితే చాలు జువ్వున ఆకాశంలోకి దూసుకెళతాయి. అవి కింద పేలవు కాబట్టి ధైర్యంగా కాలుస్తాను. అదే విధంగా మ్యాచ్‌ బాక్సెస్‌ అన్నా కూడా ఇష్టమే. వాటిని కూడా కాలుస్తుంటాను. నాకు చిన్నప్పటి నుండి క్రాకర్స్‌ అంటే ఇష్టమే. అయితే పేలే వాటికి కొంచెం దూరంగానే ఉంటానన్నమాట. ఎందుకంటే నాకు కొంచెం భయంగా ఉంటుంది. ఒకవేళ అవి కాల్చాలంటే నాతో పెద్దవాళ్లు ఉండాల్సిందే. పైగా శబ్ద కాలుష్యం కూడా ఎక్కువ కదా. అందుకే క్రాకర్స్, జువ్వలు వంటివి అయితే శబ్ద కాలుష్యం లేకుండా ఉంటుంది.. మనకి వినోదంగా ఉంటుంది. నా లైఫ్‌లో బెస్ట్‌ దీపావళి అంటే 2024. ఎందుకంటే ఆ రోజు వైజాగ్‌లోని మా ఇంట్లో ఎక్కువగా ఫైర్‌ క్రాకర్స్, ఫైర్‌ వర్క్స్‌ తెచ్చుకొని మా కుటుంబమంతా కలిసి రాత్రి 8:30 నుంచి 10 గంటల వరకు కాల్చాం. మళ్లీ ఉదయాన్నే లేచి క్రాకర్స్‌ కాల్చుకున్నాం. దీపావళి తర్వాత నాగుల చవితి పండగ రావడంతో కొన్ని క్రాకర్స్, టపాసులు దాచుకొని మళ్లీ ఆ రోజు కాల్చాను. దీపావళి తర్వాతి రోజు అమ్మమ్మ, నానమ్మ, తాతయ్యలు, మా కజిన్స్, మా బ్రదర్స్‌.. ఇలా అందరూ వస్తారు. అప్పుడు మా ఇల్లు ఒక చిన్న సంతలా ఉంటుంది (నవ్వుతూ). అందరం కలిసి భోజనం చేసి, కబుర్లు చెప్పుకుంటాం. అలాగే నాగుల చవితికి కూడా కలుస్తాం. మా కుటుంబంలో నాకున్న పేరు జీరో. (‘35 చిన్న కథ కాదు’ చిత్రంలో పాత్ర తాలూకు మార్కులనుద్దేశించి). మా కజిన్‌ బ్రదర్స్‌ జీరో బావ, జీరో మావయ్య పేరుతోనే నన్ను ఎక్కువ పిలుస్తారు. ఎందుకంటే నా ఫస్ట్‌ మూవీ ‘35 చిన్న కథ కాదు’ని మా ఫ్యామిలీలో ఉన్న 99 శాతం మంది చూశారు. సో చిన్న పిల్లలతో సహా అందరికీ నేను, నా పేరు జీరో అని నోటెడ్‌ అయింది. అరుణ్‌ అని ఎవరికీ గుర్తులేదు. పిల్లలు జీరో బావ, జీరో మామ అంటుంటే పెద్దవాళ్లు అరుణ్‌ అని పిలుస్తారు. అన్నట్టు నాకో చెల్లి ఉంది. మేము టపాసుల కోసం ఎప్పుడూ పోటీ పడలేదు.పర్యావరణాన్ని దృష్టిలో పెట్టుకుని..‘‘దీపావళి టపాసులన్నింటిలో నాకు నచ్చేవి ఆటమ్‌ బాంబ్‌. నేను ఎక్కువగా ఆటమ్‌ బాంబులను పేల్చుతాను కాబట్టి నన్ను అందరూ ఆటమ్‌ బాంబ్‌ అని పిలుస్తుంటారు. మేము, మా మావయ్యగారి కుటుంబం కలిసి దీపావళి జరుపుకుంటుంటాం. అలాగే మా అ΄ార్ట్‌మెంట్‌లో కూడా’’ అని బాలనటుడు రోహన్‌ రాయ్‌ తెలిపారు. ‘90స్‌ మిడిల్‌ క్లాస్‌ బయోపిక్‌’ వెబ్‌ సిరీస్, ‘ది గ్రేట్‌ ప్రీ వెడ్డింగ్‌ షో, సాంప్రదాయిని సుప్పిని సుద్దపూసని’ వంటి పలు సినిమాల ద్వారా ప్రత్యేక గుర్తింపు సొంతం చేసుకున్నాడు రోహన్‌ రాయ్‌. తాను ఓ ప్రధాన పాత్ర పోషించిన ‘సమ్మర్‌ హాలిడేస్‌’ శుక్రవారం విడుదలైంది. దీ΄ావళి సందర్భంగా ఈ లిటిల్‌ గెస్ట్‌ సాక్షితో ఎక్స్‌క్లూజివ్‌గా మాట్లాడాడు. నాకు సంక్రాంతి, దీపావళి పండగలంటే ఇష్టం. నా లైఫ్‌లో ది బెస్ట్, ది వరస్ట్‌ దీపావళి 2018లో ఒకే రోజు జరిగాయి. చోటా దీపావళి, బడా దీపావళి అని రెండు రోజులు సెలబ్రేట్‌ చేసుకుంటారు. చిన్న దీపావళి రోజు చాలా బాగా ఎంజాయ్‌ చేశాను. పెద్ద దీపావళి రోజు ఫ్లవర్‌ పాట్‌ వెలిగించాను. ఒక్కసారిగా ఫైర్‌ రావడంతో నా కంట్లో పడింది.. కళ్లు ఎర్రగా అయిపోయాయి. చాలా మంటగా అనిపించింది. దీంతో మా అమ్మానాన్నలు చాలా టెన్షన్‌ పడ్డారు. అయితే దేవుడి దయ వల్ల ఏం కాలేదు. కొద్ది సేపైన తర్వాత మళ్లీ ఏడ్చి కిందకి వెళ్లి అగరబత్తీతో చిల్లీ బాంబ్‌ కాల్చాను. అది వచ్చి నా చేతికి తగలడంతో చేయి బాగా వాపు వచ్చింది. ఆ తర్వాత నుంచి దూరం నుంచి కాల్చడం, చెవుల్లో కాటన్‌ పెట్టుకోవడం.. ఇలా చాలా జాగ్రత్తలు తీసుకుని, కాల్చుతున్నాను.చిన్నప్పుడు టపాసులు బాగా కాల్చేవాణ్ణి. కానీ శబ్ద కాలుష్యం, గాలి కాలుష్యం వద్దని ఇప్పుడు చాలా తగ్గించాను. ఏదో రెండు మూడు బాంబ్స్‌ పేల్చి వెళ్లి΄ోతాను. ప్రత్యేకించి స్నేక్‌ బాల్, స్నేక్‌ పిల్స్‌ వంటి వాటిని ఎక్కువ కాలుస్తున్నాను. ఫ్లవర్‌ పాట్‌ కూడా పేల్చడం మానేశాను. పర్యావరణానికి హాని చేయని ΄ాపప్స్‌ వంటివి పేల్చుతాను... అంతే. ఎక్కువ శబ్దం, వాయుకాలుష్యం వచ్చేవాటిని ఇప్పుడు స΄ోర్ట్‌ చేయట్లేదు. నాకు అన్నయ్య ఉన్నాడు. శబ్దం, గాలి కాలుష్యం అంటే మా అన్నకి అస్సలు నచ్చదు. అందుకే కాల్చడం ఎప్పుడో ఆపేసాడు. నా చిన్నప్పుడు అంటే 9 సంవత్సరాలున్నప్పుడు టపాసులు బాగా కొనేవాడిని. బాగా ఏడ్చి ఏడ్చి ఐదారు వేల రూపాయలకు కొనిపించేవాణ్ణి. కానీ, తక్కువ కాల్చేవాణ్ణి. దీంతో అవి తర్వాతి రెండు సంవత్సరాల వరకూ పనికొచ్చేవి. ప్రస్తుతం కేవలం ఓ వెయ్యి రూయల వరకు కొంటున్నాను. చిన్నప్పుడు నాకు ఆటమ్‌ బాంబ్‌ పేల్చడం రాదు. అందుకే మా నాన్నని తోడు తీసుకెళ్లేవాడిని. ఆరేళ్లవరకు కలర్‌ఫుల్‌వి తీసుకునేవాణ్ణి. పదేళ్లు వచ్చాక చిన్నగా బాంబుల వైపునకు వచ్చాను. ఈ దీపావళిని నేను ‘సమ్మర్‌ హాలిడేస్‌’ మూవీ సక్సెస్‌తో సెలబ్రేట్‌ చేసుకోవాలనుకుంటున్నాను.– డేరంగుల జగన్‌ మోహన్‌

‘ఎన్ని రోల్స్‌ వేసినా రాని ప్రశంసలు సత్యభామ పాత్రకు దక్కుతాయి. అంతటి శక్తిమంతమైన పాత్ర అది. ఆమె హావభావాలు, తెగువ.. అపారమైనవి. నేటి మహిళ సత్యభామలాగ అంతే ధైర్యంగా ఉండాలి’ అంటూ సత్యభామ పాత్రలో లీనమైన నాటకరంగ కళాకారిణులు పంచుకున్న విషయాలివి..‘సత్యభామ’ గురించి ఎంత చెప్పినా తక్కువే. కవులు ఆమె అందం గురించి వర్ణించారు. భర్తను ప్రేమించే ఇల్లాలు, తన మాటే చెల్లాలనే గర్వం గురించే కాదు నరకాసుర వధలో ధైర్యం, చూపిన సాహసం అసామాన్యంగా ఉంటుంది. ఇప్పటికీ సత్యభామను గుర్తుచేసుకుంటున్నామంటే అన్నింటిలోనూ ముందంజలో ఉండాలనే తపనతో పాటు స్త్రీలను హింసించేవారి ఆగడాలకు అడ్డుకట్టవేసేంతటి తెగువ కూడా ఉండడమే. నేను మూడేళ్లుగా నాటకాలలో వివిధ రకాల పాత్రలు పోషిస్తున్నాను. సత్యభామ పాత్రకు నన్ను ఎన్నుకున్నప్పుడు మా టీమ్‌లోనే స్పెషల్‌గా చూస్తారు. ఆ పాత్రను పోషించడానికి, లీనమవ్వడానికి చాలా స్కోప్‌ ఉంటుంది. ఎన్ని సార్లు చేసినా, ఇంకా బాగా చేసి ఉండాల్సింది అనిపిస్తుంది. సత్యభామ రోల్‌ చేయడమే కాదు ఆమెలా నా జీవితం ఉండటానికీ చాలా ప్రయత్నిస్తుంటాను. ఈ పండగ వేళ ఆమెను గుర్తుచేసుకోవడం అంటే మనందరం అలాంటి లక్షణాలను అలవర్చుకోవాలనే. – ప్రియాంక, రంగస్థల నటియుద్ధానికైనా.. వెనకడుగువేయకూడదునేను ఇప్పటి వరకు వేదికమీద నాలుగు వేలకుపైగా వివిధ రకాల పాత్రలను ప్రదర్శించాను. వాటిలో పదిహేను వందలకు పైగా ‘సత్యభామ’ పాత్రలే వేశాను. ఆ వేషం వేసినప్పుడు నాకే తెలియని దర్పం వస్తుంది. శ్రీకృష్ణుడు సర్వాంతర్యామి. కానీ, సత్యభామ విషయంలో మాత్రం ఆయన ఆమెకే సొంతం. ‘మీరజారగలడా నా ఆనతి..’ అని చూపే ఆ దర్పం మాటల్లో చెప్పలేం. నారదుడితో ‘మంత్రమో, తంత్రమో... ఏదైనా చెప్పండి. నా భర్త నాకు వశం కావాలి’ అని అడుగుతుంది. అదే తులాభారానికి దారి తీసింది. అన్నింటినీ ధారపోసి, ఎన్నో పాట్లు పడి.. చివరికి భర్తను చేరుకుంటుంది. ఆ వేషంలో ఉన్నప్పుడు నేను అనే విషయమే మర్చిపోతాను. సత్యభామలా రెడీ అయితే ... నా నడక, మాట తీరు అన్నీ మారిపోతాయి. అంత శక్తిమంతమైన పాత్ర అది. ఎన్నో అవార్డులు, ప్రశంసలు తెచ్చిపెట్టిన పాత్ర. నేటికీ.. ఎవరినుంచైనా ప్రమాదం పొంచి ఉందంటే స్త్రీని కదా అని వెనకడుగు వేయకుండా యుద్ధం చేసైనా మన హక్కులను మనం కాపాడుకోవాలి.. అనే విషయాన్ని సత్యభామ పాత్ర చెబుతుంది. ఎవరైనా మనల్ని చెడుగా చూడకూడదన్నా, ఎదుటివారికి ధైర్యం చెప్పాలన్నా సత్యభామ లాగే ఉండాలి. ఈ కాలంలో ఆవిడలా ఉంటేనే నిలదొక్కుకోగలుగుతాం. – డా.జి.రత్నశ్రీ, నటభారతి, కడపశ్రీకృష్ణుని అష్టభార్యలలో సత్యభామ పాత్ర తెలుగునాట చాలా విశిష్టమైనది. సత్యభామలోని ప్రణయ గర్వం, ఈర్ష్య, విరహం, చివరకు కృష్ణునికి ఆత్మసమర్పణ చేసే తత్వాన్ని రంగస్థలంపై అద్భుతంగా పండించి ప్రశంసలు అందుకున్నవారు, అందుకుంటున్నవారందరో. స్త్రీలను హింసించేవారిపై వింటిని ఎక్కుపెట్టిన వీరనారిగానూ సత్యభామ ఘనత అమోఘమైనదిగా చూపుతారు. నాటకరంగంలో తమ అసాధారణ ప్రతిభతో అలనాటి ‘సత్యభామ’ను నేడు కళ్ల ముందు సాక్షాత్కరింపజేస్తున్నారు. – నిర్మలారెడ్డి, సాక్షి ఫీచర్స్‌ ప్రతినిధి ఇదీ చదవండి: అదే దీపావళి వెలుగు..!: నటి అర్చన

‘మా అమ్మ తెలుగు. మా నాన్న తమిళం. నాకు పదకొండు నెలల వయసున్నప్పుడు మేము మద్రాసు వెళ్లి΄ోయాం. ఇక నేను చదువుకుంది బతికింది అంతా మద్రాసులోనే. తమిళులకు దీపావళి ముఖ్యమైన పండగ. మనకు సంక్రాంతిని తమిళనాడులో పొంగల్‌గా చేసుకుంటారు దాని ఆకర్షణ వేరు దీపావళి ఉత్సాహం వేరు. దీపావళి వెలుగు కోసం అందరం ఎదురు చూస్తాం. నేను దీపావళి కోసమే తమిళంలో ఇప్పుడు చేస్తున్న షూటింగ్‌ని గబగబా ముగించుకుని ఇప్పుడు హైదరాబాద్‌లో షూటింగ్‌ చేస్తున్నాను. దీపావళి ఉందని ఎలాగైనా సరే ఇవాళ షూట్‌ ముగించమని ప్రొడక్షన్‌ వాళ్లకు చెప్పాను. దీపావళిని మిస్‌ కావడం నాకు ఇష్టముండదు. లైఫ్‌లో చీకటి వెలుతురులు తెలియడం ముఖ్యం. ఇవాళ్టి తరం ఎంత సేపూ ఫోన్‌లో మునిగి ఫోన్‌కు అడిక్ట్‌ అవుతున్నారు. వారు కృత్రిమమైన వెలుతురుకు అలవాటు పడ్డారు. కాస్త చీకటిని కూడా సహించలేక΄ోతున్నారు. దాని గురించి ఆలోచించాలి. విమెన్‌ చాలా ఎంపవర్‌ అయ్యారు. నాకు అన్నీ సమర్థంగా చేసే స్త్రీలను చూస్తే చాలా ఇష్టం. మనకు దొరికిన స్వేచ్ఛ, స్వాతంత్య్రాలను మన సమర్థత తెలియచేయడానికి ఉపయోగించడమే విమెన్‌ ఎంపవర్‌మెంట్‌గా భావిస్తాను నేను. మన లోపలి వెలుతురు బయటకు రావాలి. నీలోని వెలుగును బయటకు తేవడమే దీపావళి. నేటి స్త్రీలు, జెన్‌ జి అమ్మాయిలు ఎంత ముందుకు దూసుకుపోతే అంత ఆనందిస్తాను. కాని ఆ ముందంజ మనల్ని గెలిపించి మన బాధ్యతను ఓడించకూడదు. చీకటిని ఓడించడానికి దివ్వె వెలిగించడం స్త్రీలకు తెలుసు. వారు గెలుస్తూ ఉండటమే దీపావళి’. ఇదీ చదవండి: వైవాహిక బంధం కోసం.. 15 రోజుల కోర్సు..!

సాక్షి, అమరావతి: దీపావళి, ఛత్‌ పూజ పండుగల నేపథ్యంలో ప్రయాణికుల భద్రతపై విజయవాడ రైల్వే డివిజన్‌ ప్రత్యేక దృష్టి సారించినట్లు డీఆర్‌ఎం మోహిత్‌ సోనకియా శుక్రవారం తెలిపారు. విజయవాడ డివిజన్‌ పరిధిలో ధూమపానానికి సంబంధించి 23 కేసులు నమోదు చేయడంతోపాటు నిబంధనలు ఉల్లంఘించిన వారి నుంచి రూ.46 వేల జరిమానా వసూలు చేసినట్లు పేర్కొన్నారు. పండుగల సమయంలో రద్దీ పెరుగుతున్నందున ప్రతి ఒక్కరూ మరింత అప్రమత్తంగా ఉండాలని విజ్ఞప్తి చేశారు. టపాసులు, పేలుడు పదార్థాలు, ఇతర మండే వస్తువులను రైళ్లలో తీసుకెళ్లవద్దని ప్రయాణికులకు సూచించారు.

ఐదు రోజుల దీపావళి పండుగలో రెండోరోజు నరక చతుర్దశి. ఆశ్వయుజ బహుళ చతుర్దశి నాడు... దీపావళికి ముందురోజు జరుపుకునే ఈ పర్వదినం, చెడుపై మంచి సాధించిన విజయానికి, స్త్రీ శక్తికి నిదర్శనం. లోక కంటకుడైన నరకాసురుడి పీడ విరగడైనందుకు ఆనందంగా జరుపుకునే ఈ పండుగ వెనుక ఒక గొప్ప పురాణ గాథ, విశిష్టమైన ఆచారాలు ఉన్నాయి.నరక చతుర్దశిలో సత్యభామ పాత్ర అత్యంత విశిష్టమైనది కీలకమైనది. ఎందుకంటే ఈ పండుగ సత్యభామ శౌర్యానికి, ధైర్యానికి, స్త్రీ శక్తికి దక్కిన గొప్ప గౌరవం అని చెప్పాల్సి ఉంటుంది.భాగవత పురాణం ప్రకారం, భూదేవి కుమారుడైన నరకాసురుడు బ్రహ్మదేవుడి గురించి ఘోర తపస్సు చేసి చావులేకుండా వరం కోరతాడు. బ్రహ్మ అది అసాధ్యమని అనడంతో తన తల్లి చేతిలో తప్ప మరెవరి వల్లా మరణం రాకూడదని కోరతాడు. సరేనంటాడు బ్రహ్మ. ఆ విధంగా బ్రహ్మ నుంచి అజేయమైన వరాలను పొందిన నరకుడు, ప్రాగ్జ్యోతిషపుర రాజధానిగా ముల్లోకాలను పీడించేవాడు. సాధువులను, మునులను వేధించడమే కాకుండా, క్షుద్రపూజలలో బలిచ్చేందుకు గానూ 16 వేల వంద మంది కన్యలను బంధించాడు. దేవమాత అదితి కుండలాలను, వరుణుడి ఛత్రాన్నీ కూడా దొంగిలించాడు. ప్రజలందరూ నరకుడి ఆగడాల గురించి శ్రీకృష్ణుడికి మొరపెట్టుకోవడంతో ఇక ఉపేక్షించేది లేదని కృష్ణుడు నరకాసురుడిపై యుద్ధానికి సిద్ధమయ్యాడు. ఆ సమయంలో సత్యభామ తాను కూడా యుద్ధానికి వస్తానని పట్టుబట్టడంతో శ్రీ కృష్ణుడు ఆమెను తన గరుడ వాహనంపై ఎక్కించుకుని ప్రాగ్జ్యోతిషపురానికి బయలుదేరాడు.ప్రాగ్జ్యోతిషపురం చుట్టూ నరకాసురుడు దుర్భేద్యమైన రక్షణ వలయాలను ఏర్పాటు చేశాడు. అలాగే మురాసురుడు అనే ఐదు తలల భయంకరమైన రాక్షసుడు దానికి కాపలాగా ఉన్నాడు. శ్రీ కృష్ణుడు తన సుదర్శన చక్రంతో ఆ వలయాలను ఛేదించాడు. అడ్డుపడ్డ మురాసురుడిని, అతని కుమారులను సంహరించాడు. అది తెలిసిన నరకాసురుడు క్రోధంతో తన అపార సైన్యంతో, గజదళంతో స్వయంగా యుద్ధరంగంలోకి దిగాడు. కృష్ణుడు నరకుడి సైన్యాన్ని క్షణాల్లో తుత్తునియలు చేశాడు.యుద్ధం సాగుతుండగా నరకాసురుడు శ్రీ కృష్ణుడిపై ఒక అస్త్రాన్ని ప్రయోగించాడు. ఆ దెబ్బకు కృష్ణుడు స్పృహ కోల్పోవడంతో సత్యభామ తీవ్ర ఆగ్రహంతో విల్లంబులు చేతబూని నరకాసురుడిపై లంఘించి పోరాడుతూ నరకుడి సైన్యాన్ని చీల్చి చెండాడింది. చివరకు సత్యభామ సంధించిన తీక్షణమైన బాణాల ధాటికి తాళలేక నరకాసురుడు నేలకూలాడు.నరకుడు మరణించే సమయంలో తన తల్లిని గుర్తించి, తన తప్పులను క్షమించమని వేడుకున్నాడు. తన మరణదినాన్ని ప్రజలందరూ శాశ్వతంగా గుర్తుంచుకునేలా వరం ఇవ్వమని కోరాడు.అందుకే నరకుడు మరణించిన రోజును నరక చతుర్దశి అంటారు. ఆ దుష్టుడి పీడ ఆ రోజున వదిలిపోయిన ఆనందంలో మరుసటి రోజు ప్రజలంతా దివ్వెలు (దీపాలు) వెలిగించి, బాణాసంచా కాల్చి దీపావళి పండుగను జరుపుకోవడం ఆనవాయితీగా మారింది. ఆ విధంగా నరకుడి పేరు నిలిచిపోయింది.నరక చతుర్దశి నాడు సూర్యోదయానికి ముందే లేచి, నువ్వుల నూనె ఒంటికి రాసుకుని, నలుగు పెట్టుకుని తలంటు స్నానం చేయాలి. ఈ రోజున నూనెలో లక్ష్మీదేవి, నీటిలో గంగమ్మ కొలువై ఉంటారని శాస్త్రోక్తి. ఈ స్నానం వల్ల పాపాలు తొలగిపోతాయని విశ్వాసం. స్నానానంతరం దేవుడి గదిలో పూజ చేసి, ఇంటి ముంగిట ముగ్గులు వేయాలి.సాయంత్రం వేళ యమధర్మరాజును ప్రసన్నం చేసుకోవడానికి, అపమృత్యు దోషాలు తొలగడానికి ఇంటికి దక్షిణ దిశలో దీపాలు వెలిగిస్తారు. దీన్నే ‘యమ దీపం’ అంటారు. ఈ యమదీపాన్ని సాధారణంగా ఇంటి యజమాని లేదా యజమానురాలు మాత్రమే వెలిగించడం ఆచారం. ఇక సాయంత్రం ఇల్లంతా ప్రమిదలతో అలంకరించి, లక్ష్మీపూజకు నాంది పలుకుతూ బాణసంచా కాలుస్తారు. ఈ పండుగ మనలోని అజ్ఞానాన్ని, దుర్గుణాలను (రాక్షస ప్రవృత్తిని) వదిలి, జ్ఞాన మార్గంలో పయనించాలనే సందేశాన్ని ఇస్తుంది. – డి.వి.ఆర్‌

పండగ రోజు ఎలానూ పండగ చేసుకుంటాం. అదే ఓ రెండు రోజులు ముందుగానే ఫెస్టివ్‌ మూడ్‌లోకి వెళ్లిపోతే... బాలీవుడ్‌లో అదే జరిగింది. దీపావళి సమీపిస్తుందనగా ‘ప్రీ దివాలీ సెలబ్రేషన్స్‌’ అంటూ కొందరు ప్రముఖులు పార్టీ ఇస్తుంటారు. అలా పార్టీ హోస్ట్‌ చేసేవారిలో ప్రముఖ ఫ్యాషన్‌ డిజైనర్‌ మనీష్‌ మల్హోత్రా ఒకరు. సినిమాల్లో ధరించే దుస్తుల నుంచి వారి పెళ్లిళ్లు, బర్త్‌డే పార్టీలు... ఇలా దాదాపు అన్నింటికీ మనీష్‌తోనే కాస్ట్యూమ్స్‌ డిజైన్‌ చేయించుకుంటుంటారు స్టార్స్‌. అభిషేక్, ఐశ్వర్య,కరీనా, సైఫ్మాధురి, శ్రీరామ్కుమారుడు ఆరవ్‌తో ట్వింకిల్, అక్షయ్‌అలాంటి డిజైనర్‌ ఎంతో ఆడంబరంగా, ఆహ్లాదకరంగా డిజైన్‌ చేసిన పార్టీకి పలువురు ప్రముఖ స్టార్స్‌ హాజరయ్యారు. గురువారం రాత్రి జరిగిన ఈ వేడుకకు ఒకరిని మించి ఒకరు అందంగా ముస్తాబై రావడంతో పార్టీ కలర్‌ఫుల్‌గా మారింది. ‘వాళ్లిద్దరూ విడిపోతున్నారట’ అనే మాటలకు ఫుల్‌స్టాప్‌ పడేలా అభిషేక్‌ బచ్చన్, ఐశ్వర్యా రాయ్‌ చేతిలో చెయ్యేసుకుని పార్టీకి హాజరు కావడంతో పాటు చిరునవ్వులు చిందిస్తూ ఫొటోలకు పోజులిచ్చారు. బ్లాక్‌ కలర్‌ ఔట్‌ఫిట్‌లో జాన్వీ కపూర్, సెంటరాఫ్‌ ఎట్రాక్షన్‌ అయ్యారు. ఇంకా షారుక్‌ ఖాన్‌–గౌరీ ఖాన్, సుహానా ఖాన్, సైఫ్‌ అలీ ఖాన్‌–కరీనా కపూర్, అక్షయ్‌కుమార్‌–ట్వింకిల్‌ ఖన్నా, కాజోల్, మలైకా అరోరా, శ్రీలీల, అనన్య పాండే తదితరులు ఈ ప్రీ దివాలీ సెలబ్రేషన్స్‌లో పాల్గొన్నారు. ఇక ఫ్యాషన్‌ ఐకాన్‌ నీతా అంబానీ ఈ పార్టీకి ప్రత్యేక ఆకర్షణగా నిలిచారు. వెరైటీ కేక్స్, బిస్కెట్స్, స్వీట్స్, పంజాబీ వంటకాలు... ఇలా మనీష్‌ ఏర్పాటు చేసిన పసందైన విందుని అతిథులు ఫుల్‌గా ఆస్వాదించారు. సోదరడు అమన్‌తో రకుల్రవీనా టాండన్,మనీష్‌ మల్హోత్రాకుమార్తె నైసాతో కాజోల్,జాన్వీఅనన్య

చిన్నప్పటి నుంచి డబ్బు విలువ బాగా తెలుసు. మాది కలిగిన కుటుంబమే అయినా నేటికి 75 ఏళ్ల క్రితం దేశంలో డబ్బు తక్కువ ఉండేది. అందుబాటులో లేకుండా ఉండేది. మా కుటుంబం వారు స్వాతంత్య్ర పోరాటానికి నిధులు ఇచ్చి, ఆ తర్వాత ఆస్తుల అమ్మకాలు అయ్యి ఒన్‌ ఫైన్‌ మార్నింగ్‌ ఆర్థికంగా కష్టాలలోకి వచ్చిపడ్డాం. అప్పటికి నాకు ఊహ తెలిసే వయసు. స్కూలు ఫీజు నెలనెలా కట్టడానికి కూడా కష్టపడుతున్నారు మా నాన్న. ఆ కాలానికి ఐదు, పది రూపాయలకు కూడా టపాకాయలు చాలా వచ్చేవి. కాని వాటికి డబ్బు వృధా అని నేను ఇంట్లో అడిగేవాణ్ణి కాదు. అడిగినా ఇచ్చేవారు కాదు.అలాగని దీపావళి చేసుకోవడం పిల్లలం ఆపలేము కాదు. అందుకని సూరేకారం, గంధకం, బొగ్గుపొడి తెచ్చుకుని సిసీంద్రీలు, చిచ్చుబుడ్లు తయారు చేసి కాల్చేవాడిని. ‘రోలూ రోకలి’ ఎక్కువ ఉపయోగించేవాళ్లం. కొంచెం పొడి వేసి గోడకు కొడితే ఢామ్మని సౌండ్‌ వచ్చేది. ఇక దీపావళి చాలా తక్కువ ఖర్చులో అయిపోవాలంటే తాటాకు టపాసులు చాలు. ఐదు పైసలకు కూడా చాలా తాటాకు టపాసులు వచ్చేవి. వాటిని కాల్చేవాళ్లం. పండగ అనుభూతి మిస్‌ అయ్యేది కాదు. అలాగని డబ్బు వేస్ట్‌ అయ్యేది కాదు. డబ్బు జాతీయ ధనం... దానిని వేస్ట్‌ చేయడం ఏమిటి అని నా భావన.నా దృష్టిలో దీపావళి అంటే ఏమిటంటే కుటుంబ సభ్యులంతా పరస్పర ప్రేమ, అనురాగాలతో ఉండటమే. మా నాలుగో అక్కకూ నాకూ 11 నెలలే తేడా. తను ఒక క్లాసు తప్పి నా క్లాసులోకి వచ్చింది. మేమిద్దరం స్కూలు ఫైనల్‌ వరకూ కలిసే చదివాం. ఎంత అభిమానం ప్రేమతో ఉండేవాళ్లం. మా పెద్దన్నయ్య వాడిన టెక్ట్స్‌బుక్స్‌ మా రెండో అన్నయ్య... మా రెండో అన్నయ్య వాడిన టెక్ట్స్‌బుక్స్‌ నేను... అలా గడించింది జీవితం. అయినా సరే ఎప్పుడూ నవ్వుతూ నేటికీ మా బంధం అంతే గట్టిగా ఉంది. అది కదా జీవితం.మళ్లీ జన్మంటూ ఉంటే అలా పుట్టాలి ఇలా పుట్టాలి అని అందరూ అనుకుంటారు. నేను ఇలాగే ఇదే తండ్రులకు పుట్టి ఇవే కష్టాలను అనుభవించాలని కోరుకుంటాను. ఆ సమయానికి అవి కష్టాలు. కాని తర్వాత మనకు అర్థమవుతుంది... అవి మనం ఎదుర్కొన్న సవాళ్లు అని. ఆ సవాళ్లే జీవితం అంటే ఏమిటో నాకు తెలియచేశాయి. మా నాన్నకు ఆరోగ్యం బాగలేనప్పుడు నేను స్కూలు వయసులోనే పొగాకు బోర్డులో రైతులకు అర్జీలు రాసిపెట్టి (పొలాలకు పురుగు మందు కొట్టించమని) ఒకరోజు చాలా చిల్లర సంపాదించాను. సాయంత్రం పరిగెత్తుకుంటూ వెళ్లి మా నాన్నకు ఇస్తే ఆయన తడిదేరిన కళ్లతో అమ్మను పిలిచి ‘వీడు బతుకుతాడు.... నలుగురినీ బతికిస్తాడు’ అన్నాడు. నలుగురినీ బతికించానో లేదోగానీ నేను బతికాను. మనల్ని మనం సజావుగా బతికించుకోవడం దీపావళి. నలుగురిని బతికించగలిగితే పెద్ద దీపావళి.నన్నడితే దీపావళి ఎప్పుడు లేదు? ఒక చినుకు కురిస్తే అది దీపావళి. చెట్టున ఒక చివురు తొడిగితే దీపావళి. ఒక ఆత్మీయ స్పర్శ దీపావళి. పసిపాప నవ్వు దీపావళి.దీపావళి వస్తే నేను ఇష్టంగా చేసే పని ఇల్లంతా ప్రమిదలు పెట్టి నేనే స్వయంగా నూనె పోసి దీపాలు వెలిగించడం. ఆ వెలుగుని సంతోషంగా చూస్తూ కూచోవడం. ఒక దివ్వె మరో దివ్వెను వెలిగించాలి. ఒకరిని మరొకరం వెలిగించుకుంటూ ముందుకు సాగడమే జీవితం. ‘జ్యోత్‌ సే జ్యోత్‌ జగాతే చలో ప్రేమ్‌ కీ గంగా బహాతే చలో’.హ్యాపీ దీపావళి. గాడ్‌ బ్లెస్‌.

‘‘డియర్‌ దీపావళి పటాకులూ! ‘మిస్టర్‌ పటాక్‌’ టైటిల్‌కు మీ అందరి నుంచీ ఎంట్రీలను ఇన్వైట్‌ చేశాంగానీ... ఎంత ట్రై చేసినా మీ అందరూ ఎవరికి వారే గొప్ప అనిపిస్తోంది. మీలో ఎవరినీ ఎన్నుకోలేక ΄ోతున్నాం. మీ మీ స్పెషాలిటీస్‌ ఏమిటో మీరే చెప్పుకోండి’’ చేతులెత్తేసిన జ్యూరీ అక్కడ సమావేశమైన పటాకులందరికీ విజ్ఞప్తి చేసింది. మా బుజ్జిగాడు గాడికోసం తెచ్చిన బాంబులన్నింటినీ నాల్రోజుల నుంచి టీవీ ముందే ఆరబెట్టాడు వాడు. టీవీలో వచ్చే మూవీలన్నీ వాటికి బాగా పట్టేశాయి. దాంతో ఒక్కొక్క పటాకూ ఒక్కోరకం పంచ్‌ డైలాగుని పటపటలాడించడం మొదలుపెట్టేశాయి. అదెలాగంటే... ‘‘నేను... ఒక్కసారి అంటించుకుంటే వందసార్లు పేలినట్టే రా’’ థౌజెండ్‌ వాలా కాస్తా... రజనీ స్టైల్లో ఒత్తి చెబుతూ... స్టైలిష్‌గా ఒత్తి ఊపుకుంటూ వెళ్లింది. ‘‘రేయ్‌... ఊరుకోబే... చిచ్చుబుడ్డి అంటే ఫైరనుకుంటివా... ‘ఫ్లవరూ... వైల్డ్‌ ఫ్లవర్సూ’’ అంది ఫ్లవర్‌పాట్‌ అలియాస్‌ చిచ్చుబుడ్డి. అక్కడితో ఊరుకోలేదు. తన పేరునే ‘పుష్ప’ తెలుగులో తన పేరు పెట్టుకున్నాడంటూ బుస్సుమంటూ పొంగుతూ చెప్పింది. ‘‘ఎవరిని అంటిస్తే స్కైలోకి దూసుకెళ్లాక... రెడ్డూ, గ్రీనూ, బులుగూ జిలుగూ లైట్లు నిండిపోతాయో... ఆడేరా ఈ రాకెట్టుగాడూ... ఇప్పుడు చెప్పండ్రా మిస్టర్‌ పటాకెవడో’’ డైలాక్కొట్టింది ఆకాశంలోకి వెళ్లాక పూలుచిమ్మే స్పార్క్‌లింగ్‌ రాకెట్టు. ‘‘రేసుగుర్రంలా దూసుకు΄ోయేదేరా ఈ కీసుపిట్ట...’’ అంది అది... క్రీ...చ్‌...చ్‌... మంటూ ఆ సినిమా టైటిల్‌ బీజీఎంని ‘కీసూ కీసూ కీసూ’ అంటూ మోగిస్తూ! చాలా బలంగా పేలుతుంది కాబట్టి వంకాయ్‌ బాంబుకు వత్తి కాస్త పెద్దగా పెట్టడంతో కాలీ కాలీ కాస్త లేట్‌గా ఢామ్మంది. దాంతో మిగతా బాంబులు ‘రేయ్‌... లేటు వంకాయ్‌గా’ అంటూ వెక్కిరించాయ్‌. ఒ(ళ్లు)త్తి మండుకొచ్చిన వంకాయ్‌ బాంబుగాడు ‘‘ఎప్పుడంటించారని కాదన్నయ్యా... భయపెట్టేలా పేలామా లేదా’’ అంటూ పోకిరీ సమాధానమిచ్చింది. ‘‘ఆడు కాదని ఈడూ... వీడు కాదని వాడూ... ఎవడైనా నన్ను మండిస్తే... (కాస్త గ్యాపిచ్చి) మాడిపోతా... మసైపోతా’’ అంటూ కసిగా డైలాకొట్టాడు పాంబిళ్లగాడు. ‘‘మిర్చీ మిర్చీ మిర్చీ మిర్చీ మిర్చీ లాంటి పటాసే... మిర్చీ మిర్చీ... మిర్రా మిర్రా మిర్రా మంటూ ఒత్తీ కాల్చి పేలాడే’’ అంటూ తన పాటను తానే పాడుకుంటూ మిర్చీ బాంబు మిడిసిపడింది. ‘‘వెలుగులు కాస్త తక్కువే వస్తాయేమోగానీ... నేనూ కాలుతూ అంతో ఇంతో బ్రైట్‌గానే వెలుగుతా అత్తా... పిల్లలకేమాత్రం డేంజరు కాకుండా నేనూ వెలుగుతానని గుర్తించత్తా గుర్తించు!!’’ అంటూ వాపోయింది తాడు. ‘‘రవితేజ సినిమాకు పెట్టిన ‘క్రాక్‌’ టైటిల్‌ ఎవరిదనుకున్నావ్‌? నా అసలు పేరు ‘క్రాక్‌’ రపువ్వొత్తిరా. అసలు... ఏ పటాసు పేలాలన్నా, పేల్చాలన్నా నాతోనే రా. అన్ని బాంబుల్నీ వెలిగించే అసలు క్రాకరేరా ఈ ‘క్రాకర్‌’పువ్వొత్తీ’’ నాలుగో సింహం డైలాగు స్టైల్లో సెల్ఫ్‌డబ్బా కొట్టుకుంది కాకరపువ్వొత్తి.‘‘ఒరేయ్‌... మీరంతా కాదురా... దీపావళి రాత్రికి మిమ్మల్ని కస్సుమంటూ కాల్చి... ఢామ్మంటూ పేల్చి, వెలుగొలొచ్చేలా వెలిగించి... తుస్సుమన్నవాటినీ వదలకుండా బుస్సుమంటూ బూడిదచేసే నేనేరా అసలైన మిస్టర్‌ టపాసూ’’ అన్ని బాంబులకూ తనదైన స్టైల్లో వార్నింగిస్తూ క్లైమాక్స్‌ బ్యాంగిచ్చాడు నా ఆరేళ్ల అసలు సిసలు సిసింద్రీగాడైన మా బుజ్జిగాడు.– యాసీన్‌

భారతీయ సంస్కృతిలో దీపావళి వేడుకల్లో భాగంగా జరుపుకునే ధంతేరాస్ (ధనత్రయోదశి) ప్రత్యేకంగా నిలుస్తుంది. దీపావళి సంబరాల్లో భాగంగా భక్తులు ధన్వంతరితో పాటు లక్ష్మీదేవిని, కుబేరుడిని భక్తిశ్రద్ధలతో పూజిస్తారు. ధనత్రయోదశి రోజున బంగారం, వెండి, ఇత్తడి పాత్రలు లేదా ఆభరణాలు కొనుగోలు చేయడం సాంప్రదాయంగా వస్తోంది. అయితే, ఈ శుభదినాన కొన్ని ప్రత్యేక వస్తువులను కొనుగోలు చేయడం అశుభమని, అవి ప్రతికూల శక్తిని ఆహ్వానిస్తాయని సంప్రదాయ పండితులు, వాస్తు నిపుణులు హెచ్చరిస్తున్నారు. ధంతేరాస్ పర్వదినాన ఇంటికి తీసుకురాకూడని, లేదా కొనుగోలు చేయకూడని వస్తువుల వివరాలు చూద్దాం.(ఇది పండితులు, వాస్తు నిపుణులు వ్యక్తిగత అభిప్రాయం మాత్రమేనని గమనించాలి)పదునైన వస్తువులుధంతేరాస్ రోజున కత్తులు, కత్తెరలు, బ్లేడ్లు లేదా ఇతర కట్టింగ్ టూల్స్ వంటి పదునైన వస్తువులను అసలు కొనకూడదు. హిందూ విశ్వాసాల ప్రకారం, ఇటువంటి పదునైన వస్తువులు కుటుంబంలో విభేదాలకు, బంధాలు తెగిపోవడానికి లేదా మనస్పర్థలకు ప్రతీకగా భావిస్తారు. కాబట్టి ఇటువంటి వస్తువుల కొనుగోళ్లను పండగ ముగిసే వరకు వాయిదా వేయడం మంచిది.ఇనుప వస్తువులుసాంప్రదాయ నమ్మకాల ప్రకారం ఇనుముతో చేసిన వస్తువులను ధనత్రయోదశి నాడు కొనుగోలు చేయడం అశుభమని చాలామంది భావిస్తారు. హిందూ సంప్రదాయంలో ఇనుమును శనీశ్వరుడికి ప్రతీకగా చూస్తారు. అందువల్ల ఈ పవిత్ర రోజున ఇనుప సామాగ్రికి బదులుగా బంగారం, వెండి, రాగి లేదా కంచు వంటి పవిత్ర లోహాలను కొనుగోలు చేయడానికి ప్రాధాన్యత ఇస్తారు.నలుపు రంగు వస్తువులుధంతేరాస్ పండుగ అనేది ఆనందానికి, సానుకూలతకు, సంపదకు ప్రతీక. నలుపు రంగును సాధారణంగా ప్రతికూల శక్తికి, అశుభాలకు సంకేతంగా పరిగణిస్తారు. అందువల్ల ఈ పర్వదినాన నలుపు రంగు దుస్తులు, పాదరక్షలు లేదా నూతన గృహోపకరణాలను కొనుగోలు చేయకుండా ఉండటం శ్రేయస్కరం. దీనికి బదులుగా ఎరుపు, పసుపు, లేదా పచ్చటి ప్రకాశవంతమైన రంగులను ఎంచుకోవడం ఆనవాయితీ.గాజు వస్తువులు, పెళుసైన సామాగ్రిగాజుతో చేసిన వస్తువులు అత్యంత పెళుసుగా ఉండి త్వరగా పగిలిపోయే గుణం కలిగి ఉంటాయి. ప్రాంతీయ సాంప్రదాయాల ప్రకారం గాజు వస్తువులు విరిగిపోవడం లేదా పగలడం అనేది అస్థిరతకు, అశాంతికి చిహ్నంగా భావిస్తారు. అందువల్ల ధంతేరాస్ రోజున గాజు పాత్రలు లేదా గాజుతో చేసిన అలంకరణ వస్తువులను కొనుగోలు చేయకపోవడమే మంచిది.నూనెలు, నెయ్యికొన్ని ప్రాంతీయ ఆచారాల ప్రకారం, ధంతేరాస్ నాడు వంటనూనెలు లేదా నెయ్యిని బయట నుంచి కొనుగోలు చేసి నేరుగా ఇంటికి తెచ్చి నిల్వ చేయడం నిషిద్ధంగా భావిస్తారు. అయితే దీపాలు వెలిగించడానికి ఇవి అత్యంత ఆవశ్యకం అయినప్పటికీ షాపింగ్ చేసేటప్పుడు మాత్రం ఈ నియమాన్ని కొన్ని కుటుంబాలు పాటిస్తుంటాయి.లెదర్ (చర్మం) ఉత్పత్తులుజంతువుల చర్మంతో తయారు చేసిన లెదర్ పర్సులు, బెల్టులు, షూస్, జాకెట్లు వంటి ఉత్పత్తులను ధంతేరాస్ రోజున కొనుగోలు చేయడం చాలా కుటుంబాల్లో నిషేధంగా భావిస్తారు. పవిత్రమైన పూజా కార్యక్రమాలు, దైవిక వాతావరణం ఉండే ఈ పండగ రోజున అహింసా మార్గానికి వ్యతిరేకమైన లేదా అశుభకరమైన పదార్థాలకు దూరంగా ఉండటం ఆచారంగా వస్తోంది.ఖాళీ పాత్రలుధంతేరాస్ రోజున కొత్త పాత్రలు (వంటసామాగ్రి) కొనడం శుభప్రదమే అయినప్పటికీ వాటిని పూర్తిగా ఖాళీగా ఇంటికి తీసుకురావడం మాత్రం మంచిది కాదని పెద్దలు చెబుతుంటారు. దుకాణం నుంచి ఏ పాత్ర కొన్నప్పటికీ దాన్ని ఇంటికి తెచ్చే ముందు అందులో కొద్దిగా బియ్యం, గోధుమలు, పప్పుధాన్యాలు, నీరు వంటివి నింపాలి. ఇలా చేయడం ద్వారా ఆ ఇంట్లో నిత్యం సిరిసంపదలు, ఆహార ధాన్యాల కొరత ఉండదని, సంపద వృద్ధి చెందుతుందని విశ్వాసం.ఇదీ చదవండి: పాల ధరల పెంపు.. 35 శాతం పెరిగిన బస్సు ఛార్జీలు!

ముంబై: ‘దీపావళి పటాసులు దలాల్‌ స్ట్రీట్‌లో ముందుగానే పేలాయి. అమెరికా మధ్యంతర ఎన్నికల్లో డెమోక్రాట్ల విజయం, అనూహ్యంగా దిగొచ్చిన క్రూడాయిల్‌ ధరలు, విదేశీ ఇన్వెస్టర్ల భారీ కొనుగోళ్లతో గురువారం బెంచ్‌మార్క్‌ సూచీలు 2.50% ర్యాలీ చేశాయి. సెన్సెక్స్‌ ఏకంగా 2,009 పాయింట్లు పెరిగి 79,310 వద్ద స్థిరపడింది, నిఫ్టీ 576 పాయింట్లు బలపడి 24,537 వద్ద నిలిచింది. ఈ సూచీకిది మూడు నెలల గరిష్టం. అంతర్జాతీయ మార్కెట్ల నుంచి సానుకూల సంకేతాలు అందుకున్న సూచీలు ఉదయమే భారీ లాభాలతో ప్రారంభమయ్యాయి. ఇంట్రాడేలో కొనుగోళ్ల మద్దతు లభించడంతో రోజంతా స్థిరమైన ర్యాలీ చేశాయి. ఒక దశలో సెన్సెక్స్‌ 2,169 పాయింట్లు ఎగసి 79,470 వద్ద, నిఫ్టీ 613 పాయింట్లు దూసుకెళ్లి 24,580 వద్ద ఇంట్రాడే గరిష్టాన్ని తాకాయి. → బీఎస్‌ఈలో రంగాల వారీగా ఆటో 4.13%, ఫైనాన్షియల్‌ సరీ్వసెస్‌ 3.37%, ప్రైవేట్‌ బ్యాంక్స్‌ 3.64%, పీఎస్‌యూ బ్యాంక్స్‌ 3.15%, కన్జూమర్‌ డి్రస్కేషనరీ 2.77% రాణించాయి. బీఎస్‌ఈ మిడ్‌క్యాప్‌ ఇండెక్స్‌ 1.8%, స్మాల్‌క్యాప్‌ 1.22% లాభపడ్డాయి. → ప్రపంచ మార్కెట్లలో దక్షిణ కొరియా (5.5%), తైవాన్‌ (–3.3%), జపాన్‌ (–1.8%) నష్టపోగా.. హాంగ్‌కాంగ్‌ (3.5%), ఇండోనేషియా (2.2%) లాభపడ్డాయి. యూరప్‌లో ఫ్రాన్స్, జర్మనీ మార్కెట్లు అరశాతం లాభపడ్డాయి. అయితే, బుధవారం రాత్రి భారీ ర్యాలీ చేసిన యుఎస్‌ స్టాక్‌ మార్కెట్లు లాభాల స్వీకరణతో గురువారం 2 శాతం నష్టాల్లో ట్రేడవుతున్నాయి. ట్రంప్‌కు షాక్‌.. బుల్స్‌ రాక్స్‌! అమెరికా మధ్యంతర(మిడ్‌టర్మ్‌) ఎన్నికల ఫలితాలు అంతర్జాతీయంగా ఇన్వెస్టర్లలో ఉత్సాహాన్ని నింపాయి. ప్రతిపక్ష డెమోక్రటిక్‌ పార్టీ సెనేట్, ప్రతినిధుల సభ రెండింటినీ చేజిక్కించుకోవడంతో ఇరాన్‌పై కొనసాగుతున్న యూఎస్‌–ఇజ్రాయెల్‌ యుద్ధానికి ముగింపు పలకాలనే ఒత్తిడి ట్రంప్‌పై పెరగనుంది. అలాగే వర్ధమాన దేశాలపై వాణిజ్య సుంకాల విధింపు విధానాల్లో అమెరికా సడలింపు ధోరణి అవలంబిస్తుందన్న అంచనాలు మార్కెట్లకు ఊతమిచ్చాయి.చమురు పతనంతో భారీ ఊరట పశి్చమాసియా ఉద్రిక్తతలతో భగభగలాడుతున్న ముడిచమురు ధరలు అనూహ్యంగా పతనమయ్యాయి. బ్రెంట్‌ క్రూడ్‌ ఏకంగా 10 శాతం క్షీణించి కీలకమైన 100 డాలర్ల స్థాయిని కోల్పోయింది. 94 డాలర్ల వద్ద ట్రేడవుతోంది. ఇది మార్కెట్లలో ఉత్సాహాన్ని నింపింది. ఎఫ్‌ఐఐల కొనుగోళ్ల పరంపర భారతీయ ఈక్విటీ మార్కెట్లలో విదేశీ సంస్థాగత ఇన్వెస్టర్లు (ఎఫ్‌ఐఐలు) కొనుగోళ్లు జోరుందుకున్నాయి. నవంబర్‌ మొదటి 3 సెషన్లలోనే రూ.17,235 కోట్ల విలువైన కొనుగోళ్లు జరిపిన ఎఫ్‌ఐఐలు... గురువారం ఒక్కరోజే ఏకంగా రూ.14,975 కోట్ల విలువైన ఈక్విటీలను కొనుగోలు చేశారు. బడ్జెట్‌లో ఎల్‌టీసీజీ పన్నుపై సానుకూల నిర్ణయం వెలువడుతుందనే వార్తలు మార్కెట్‌కు కలిసొచ్చాయి. బాంబే కోటెడ్‌ స్పెషల్‌ స్టీల్స్‌ లిస్టింగ్‌ భళా..!బాంబే కోటెడ్‌ స్పెషల్‌ స్టీల్స్‌ లిస్టింగ్‌ మెప్పించింది. ఇష్యూ ధర (రూ.82)తో పోలిస్తే బీఎస్‌ఈలో 12.21% ప్రీమియంతో రూ.92.02 వద్ద ప్రారంభమైంది. ఇంట్రాడేలో 18% ఎగసి రూ.96.62 వద్ద గరిష్టాన్ని నమోదు చేసింది. చివరికి 15.38% లాభంతో రూ.94.61 వద్ద ముగిసింది.ఇన్వెస్టర్ల సంపద @ రూ. 500 లక్షల కోట్లు గడిచిన ఆరు వరుస సెషన్లలో స్టాక్‌ మార్కెట్‌ 8 శాతానికి పైగా రాణించడంతో ఇన్వెస్టర్ల సంపదగా భావించే బీఎస్‌ఈ నమోదిత కంపెనీల మొత్తం మార్కెట్‌ క్యాపిటలైజేషన్‌ దాదాపు రూ.30 లక్షల కోట్లు పెరిగింది. ఫలితంగా తొలిసారిగా రూ.500 లక్షల కోట్ల చారిత్రక మార్కును అధిగమించింది. గురువారం ఒక్క రోజే ఇన్వెస్టర్లకు రూ.9 లక్షల కోట్ల సంపద జతకావడంతో, జీవితకాల గరిష్టమైన రూ.501.61 లక్షల కోట్లకు (5.31 ట్రిలియన్‌ డాలర్లు) చేరుకుని సరికొత్త రికార్డు సృష్టించింది.

దీపావళి పండుగకు ముందే కర్ణాటకలోని వినియోగదారులకు మరో ధరల షాక్‌ తగిలింది. నందిని బ్రాండ్‌కు చెందిన నెయ్యి, వెన్న, పనీర్‌తో పాటు తృప్తి పాల ధరలను బెంగళూరు మిల్క్‌ యూనియన్‌ (బాముల్‌) పెంచింది. కొత్త ధరలు నవంబర్‌ 4 నుంచి అమల్లోకి వచ్చాయి. ఇటీవల కర్ణాటక మిల్క్‌ ఫెడరేషన్‌ (కేఎంఎఫ్‌) పాలు, పెరుగు ధరలను పెంచిన కొద్ది రోజులకే ఈ నిర్ణయం తీసుకోవడం గమనార్హం.పనీర్‌ ధరలుసవరించిన ధరల జాబితా ప్రకారం.. రెగ్యులర్ నందిని పన్నీర్ 200 గ్రాముల ప్యాకెట్ ధర రూ .115 కాగా, 500 గ్రాముల ప్యాక్ ధర రూ .260 గా ఉంది. ఒక కిలో ప్యాక్ ధర ఇప్పుడు రూ. 485. ఇక 200 గ్రాముల ప్యాకెట్లో విక్రయించే మీడియం ఫ్యాట్ పన్నీర్ ధర రూ.110కు చేరింది.నెయ్యి ధరలు ఇలా.. 200 మిల్లీలీటర్ల నెయ్యి సాచెట్ ధర ఇప్పుడు రూ. 95. అర లీటరు సాచెట్‌ ధర రూ. 425 కాగా, లీటరు సాచెట్ల ధర రూ. 850. ఇక పెట్ జార్లలో విక్రయించే నెయ్యి ధర 50 ఎంఎల్‌కు రూ.65, 100 ఎంఎల్‌కు రూ.100, 200 మిల్లీలీటర్లకు రూ.180, అర లీటరుకు (500 ఎంఎల్‌) రూ.435, లీటరుకు రూ.870గా ఉంది. ఐదు లీటర్ల ప్యాక్ ధర ఇప్పుడు రూ.4,250గా ఉంది. లీటరు నెయ్యి టిన్ ధర రూ.870 కాగా, 15 కిలోల నెయ్యి టిన్ ధర రూ.14,100గా ఉంది.వెన్న, తృప్తి పాల ధరలుసాల్టెడ్‌ వెన్న 100 గ్రాముల ప్యాక్‌ రూ.90, 500 గ్రాముల ప్యాక్‌ రూ.380కు చేరింది. అన్‌సాల్టెడ్‌ వెన్న 200 గ్రాములు రూ.160, 500 గ్రాములు రూ.390గా నిర్ణయించారు. ఫ్యామిలీ ప్యాక్‌ ధర రూ.90గా ఉంది. తృప్తి పాలు 135 మి.లీ. ప్యాక్‌ రూ.11, 450 మి.లీ. ప్యాక్‌ రూ.33కు విక్రయించనున్నారు.కాగా ఇంతకు ముందే నవంబర్‌ 1 నుంచి కర్ణాటకలో నందిని పాల ధరలు లీటరుకు కనీసం రూ.8 పెరిగాయి. కొవ్వు శాతం ఆధారంగా కొన్ని రకాల పాలపై పెంపు రూ.12 వరకు ఉంది. టోన్డ్‌ పాలు రూ.46 నుంచి రూ.54కు, హోమోజెనైజ్డ్‌ పాలు రూ.47 నుంచి రూ.56కు పెరిగాయి. పెరుగు ధర లీటరుకు రూ.54 నుంచి రూ.68కు చేరింది.ఇదీ చదవండి: బ్యాంక్‌ ఛార్జీల పెంపు.. యాక్సిస్‌ కస్టమర్లకు అలర్ట్‌!

మన పూర్వీకులు ఏర్పరచిన పండుగ ఆచారాల్లో ఆరోగ్యానికి సంబంధించిన అంశాలు కూడా ఉన్నాయి. దీపావళికి ముందు ఇళ్లను శుభ్రం చేసుకోవడం, నూనెతో తలంటుకొని స్నానం చేయడం, దీపాలు వెలిగించడం మన సంప్రదాయంలో భాగమయ్యాయి. వీటిలోని ఆచారపరమైన, సాంస్కృతికమైన ప్రాధాన్యాన్ని తెలుసుకోవడంతోపాటు ఆరోగ్యానికి సంబంధించిన విషయాలను కూడా వివేచనతో పరిశీలించాలి.నరకచతుర్దశి నాటి స్నానంనరకచతుర్దశి నాడు నువ్వుల నూనెతో ఒంటికి మర్దన చేసుకొని అభ్యంగన స్నానం చేయడం మన సంప్రదాయం. నువ్వుల నూనెను ఆయుర్వేద సంప్రదాయంలోనూ ఉపయోగిస్తారు. నూనెతో మర్దన చేయడం కొందరికి విశ్రాంతిని, హాయిని కలిగించవచ్చు. అభ్యంగన స్నానం పండుగకు సంబంధించిన పవిత్ర ఆచారంగా భావించబడుతుంది. శరీరాన్ని శుభ్రంగా ఉంచుకోవడం, పరిశుభ్రమైన దుస్తులు ధరించడం, వ్యక్తిగత పరిశుభ్రతను పాటించడం ఆరోగ్యకరమైన జీవన విధానంలో భాగాలు.దీపాల వెలుగు – శుభానికి ప్రతీకదీపావళి నాడు ఇంటి ముందు, తులసికోట వద్ద, దేవాలయంలో దీపాలు వెలిగించడం మన సంప్రదాయంలో విశిష్టమైన ఆచారం. దీపపు వెలుగు చీకటిని తొలగించి పరిసరాలకు అందాన్ని, మనసుకు ఆహ్లాదాన్ని అందిస్తుంది. నువ్వుల నూనెతో దీపాలు వెలిగించడం కూడా మన సంప్రదాయంలో భాగం.దీపం జ్ఞానజ్యోతికి ప్రతీక. దీపం చీకటిలో ఉన్న వస్తువులను స్పష్టంగా కనిపించేలా చేసినట్లే, జ్ఞానం మన జీవితంలోని అజ్ఞానాన్ని తొలగించి సరైన మార్గాన్ని చూపుతుంది. దీపం వెలిగించేటప్పుడు మనలోని దుర్గుణాలను తొలగించుకొని, సద్గుణాలను పెంపొందించుకోవాలని సంకల్పించాలి.ఇంటి ముందు దీపాలు వెలిగించడం ద్వారా పరిసరాలకు పండుగ శోభను తీసుకురావడంతోపాటు వెలుగును అందరితో పంచుకోవాలనే సత్సంకల్పాన్ని కూడా పెంపొందించుకోవచ్చు. మన పండుగలలోని అంతరార్థం ఏమిటంటే, మనిషి తన మనోవికాసానికి ప్రయత్నిస్తూనే దేశ సౌభాగ్యానికి కూడా తోడ్పడాలి. ఒకరికొకరం అనే భావనతో నలుగురితో కలిసి వేడుకను జరుపుకోవడమే నిజమైన పండుగ.టపాకాయలు – ఆరోగ్య జాగ్రత్తలుదీపావళి అనగానే చాలామందికి టపాకాయలు గుర్తుకొస్తాయి. పండుగల సందర్భంగా శబ్దాలు చేయడం, వెలుగులు విరజిమ్మడం ఆనందోత్సాహాలకు ప్రతీకలుగా మారాయి. అయితే ట΄ాకాయలు కాల్చడం వల్ల వాతావరణంలోని క్రిమికీటకాలు నశించి, రోగాలు నివారించబడతాయని నిర్ధారిత ఆధారాలు లేవు. టపాకాయల పొగ వాయు కాలుష్యానికి దారి తీయవచ్చు. అధిక శబ్దం శబ్దకాలుష్యాన్ని పెంచవచ్చు. అందువల్ల పండుగను జరుపుకునేటప్పుడు ఆరోగ్యానికి, పర్యావరణానికి హాని కలగకుండా జాగ్రత్తలు తీసుకోవాలి. ప్రభుత్వం విధించిన నిబంధనలను పాటిస్తూ, టపాకాయల వినియోగాన్ని తగ్గించడం ద్వారా పర్యావరణ పరిరక్షణకు తోడ్పడవచ్చు.మనస్సును శుద్ధి చేయడమే నిజమైన సంపద మనిషికి బాహ్య సంపదల తోపాటు అంతరంగ సంపదలు కూడా అవసరం. ప్రేమ, కరుణ, దయ, క్షమ, సత్యనిష్ఠ, సేవాభావం, సంతృప్తి వంటి గుణాలు జీవితాన్ని సుసంపన్నం చేస్తాయి.మన ఇంట్లో ఎన్ని దీపాలు వెలిగించినా, మన మనస్సులో ద్వేషం అనే చీకటి ఉంటే ఆ వెలుగుకు సంపూర్ణ సార్థకత ఉండదు. బంగారు ఆభరణాలు ఎన్ని ధరించినా మన ప్రవర్తనలో వినయం లేక΄ోతే నిజమైన సౌందర్యం కనిపించదు. అపారమైన ధనం ఉన్నా పక్కవారి కష్టాన్ని చూసి స్పందించలేక΄ోతే మన సంపదకు మానవీయ పరిపూర్ణత ఉండదు. ఇతరులకు హాని కలిగించకుండా జీవించడం, నిజాయితీగా సంపాదించడం, అవసరంలో ఉన్నవారిని ఆదుకోవడం, ప్రకతిని పరిరక్షించడం ఉన్నతమైన జీవన విలువలు. పండుగను జరుపుకునేటప్పుడు ఇతరులకు ఇబ్బంది కలగకుండా చూసుకోవడం కూడా మన ధర్మమే.టపాకాయల వల్ల కలిగే అధిక శబ్దం వృద్ధులకు, చిన్నపిల్లలకు, అనారోగ్యంతో బాధపడేవారికి, జంతువులకు ఇబ్బంది కలిగించవచ్చు. అందువల్ల శబ్దకాలుష్యాన్ని తగ్గిస్తూ, పర్యావరణానికి హాని కలగకుండా దీపావళిని జరుపుకోవాలి. మన ఆనందం ఇతరుల ఆవేదనకు కారణం కాకూడదు. వెలుగుల పండుగ అందరి జీవితాల్లోనూ ఆనందాన్ని నింపాలి.– టి.వి.యల్‌. గాయత్రినిర్వహణ: డి.వి.ఆర్‌. భాస్కర్‌ ఇదీ చదవండి: ఆవుపేడతో అద్భుతాలు సృష్టిస్తున్న మహిళ!

పండగొస్తే గాని ఆవుపేడతో కళ్లాపు చల్లని గ్రామాల సంఖ్య రోజురోజుకీ పెరిగి΄ోతోంది. టెక్నాలజీ, అర్బనైజేషన్, ఆధునికత వల్ల మన పాత పద్ధతుల్ని ఎప్పుడో మరచిపోయాం. కాని ఆవుపేడతో ముంగిట్లో కళ్లాపు చల్లడమే కాదు తెలివికి పదును పెడితే కళాకృతులను చేయవచ్చని నిరూపించిందో మహిళ. గోమయంతో అందమైన ప్రమిదలు, పూజా సామాగ్రి, విభూది వంటివి చేస్తూ తనకు తానే కొత్త రకం ఉపాధిని సృష్టించుకుంది. పెద్దపల్లి జిల్ల రామగిరి మండలం కల్వచర్లకు చెందిన యాదగిరి పద్మావతి ఒక సాధారణ గృహిణి. ఇంటి ముందు కళ్లాపు చల్లడానికి, పొలాల్లో ఎరువులు వేయడానికి ఉపయోగించే ఆవుపేడతో అనేక రకాలైన వస్తువులను తయారు చేసి ఔరా అనిపిస్తోంది. ప్రమిదలు, పూజా సామగ్రి, విభూది మాత్రమే కాకుండా హెయిర్‌ ఆయిల్, నొప్పుల ఉపశమనానికి ఉపయోగించే ఆయిల్స్‌ను కూడా తయారు చేస్తోంది.ప్రకృతికి మేలుపేడను వృథా చేయకుండా వివిధ వస్తువులుగా మలచడం సంప్రదాయ జ్ఞానానికి ఉపాధి ఆలోచనను జోడించినట్లవుతోంది. పర్యావరణ హితమైన ప్రత్యామ్నాయ ఉత్పత్తులపై ప్రజల్లో అవగాహన పెరిగితే వీటికి మార్కెట్‌ అవకాశాలు మెరుగుపడవచ్చు. అయితే ఉత్పత్తుల తయారీలో పరిశుభ్రత, నాణ్యత, సురక్షిత వినియోగానికి సంబంధించిన ప్రమాణాలు పాటించడం ముఖ్యం. అందుబాటులో ఉన్నవాటితోనే..‘ఆవు పేడను చాలామంది ఎరువుగా, పిడకల తయారీకి మాత్రమే ఉపయోగిస్తారు. కానీ దానితో ఎన్నో రకాల వస్తువులు తయారు చేయవచ్చనే ఆలోచన వచ్చింది. ఇంట్లోనే అందుబాటులో ఉండే వనరులతో ఏదైనా చేయవచ్చని భావించా. నా ఉత్పత్తులకు ఆదరణ, ప్రోత్సాహం లభిస్తే మరికొందరు మహిళలకు కూడా ఉపాధి కల్పించాలనుకుంటున్నా.’ – యాదగిరి పద్మావతి, కల్వచర్ల

మనదేశంలో దీపావళి అంటే దీపాల కాంతులు, బాణసంచా చప్పుళ్లు, ఘుమఘుమలాడే పిండివంటలు మాత్రమే గుర్తుకొస్తాయి. కానీ, ఈ పండుగ వెలుగులు ఒక్క భారతదేశానికే పరిమితం కాలేదు. ప్రపంచ వ్యాప్తంగా విస్తరించాయి. ఈ వేడుకలను ఒక్కో ప్రాంతంలో ఒక్కో నేపథ్యంతో, భిన్నమైన ఆచారాలతో, సంప్రదాయాలతో కోలాహలంగా నిర్వహించుకుంటారు.ఇక్కడ జంతువులకూ పండుగే!మన పొరుగు దేశమైన నేపాల్‌లో దీపావళిని ‘తిహార్‌’ లేదా ‘స్వంతి’ అని పిలుస్తారు. ఐదు రోజుల పాటు జరిగే ఈ వేడుకల్లో మనుషులతో పాటు జంతువులకూ ఇక్కడ అత్యంత ప్రాధాన్యతనిస్తారు. వీరు మొదటి రోజు కాగ్‌ తిహార్‌ (కాకుల రోజు)ని నిర్వహించుకుంటారు. అంటే యమధర్మరాజు దూతలుగా భావించే కాకులకు ఈ రోజున ఆహారం పెడతారు. రెండో రోజు కుకర్‌ తిహార్‌.. అంటే ఈ రోజున కుక్కలకు నుదుటన తిలకం దిద్ది, పూలదండలు వేసి ఆహారాన్ని అందిస్తారు. ఇక మూడోరోజు గాయ్‌ తిహార్‌గా జరుపుకుంటారు. అంటే లక్ష్మీ దేవి స్వరూపంగా ఆవులను పూజిస్తారు. అతిపెద్ద వెలుగుల పండుగ!భారత్‌ తరువాత.. అంతే ఘనంగా దీపావళి వేడుకలు జరిగే ప్రాంతం బ్రిటన్‌లోని లైసెస్టర్‌. ఇక్కడి బెల్‌గ్రేవ్‌ రోడ్డును ‘గోల్డెన్‌ మైల్‌’ అని పిలుస్తారు. పండుగ సమయంలో ఇక్కడి రహదారులను, పర్యాటక ప్రాంతాలను వేలాది విద్యుత్‌ దీపాలతో అలంకరిస్తారు. వీటిని చూసేందుకు ఎంతోమంది పర్యాటకులు, స్థానికులు వస్తుంటారు. ఈ వేడుకల్లో సాంస్కృతిక ప్రదర్శనలతో, బాణాసంచా కాలుస్తూ సంబరాలు చేసుకుంటారు..వెలుగులతో మెరిసే లిటిల్‌ ఇండియా!సింగపూర్‌లోని లిటిల్‌ ఇండియా ప్రాంతం దీపావళి సమయంలో కొత్త అందాలను సంతరించుకుంటుంది. ముఖ్యంగా సెరంగూన్‌ రోడ్డును రంగురంగుల విద్యుత్‌ దీపాలతో అలంకరిస్తారు. పండుగకు కొన్ని వారాల ముందే ఇక్కడ సందడి మొదలవుతుంది. ప్రత్యేక బజార్లు, సాంస్కృతిక కార్యక్రమాలు, సంప్రదాయ వంటకాలతో వీధులన్నీ కళకళలాడుతాయి.దేశం ఏదైనా.. భాష ఏదైనా.. దీపావళి పండుగ మనకు చెప్పేది ఒకటే.. ‘మనసుల్లోని చీకటిని తొలగించుకోవాలి. ప్రేమ, సంతోషం, స్నేహం, కరుణను పెంచుకోవాలి.. పంచుకోవాలి.’ అందుకే దీపావళి ఏ ఒక్క మతానికో, ఏ ఒక్క ప్రాంతానికో మాత్రమే పరిమితమైన పండుగ కాదు. ప్రపంచమంతా వెలుగులు పంచే సంతోషాల వేడుక! ఇదీ చదవండి: భారత వధువరులుగా ఇటలీ ప్రేమికులు..వేదమంత్రాల సాక్షిగా ముడిపడిన బంధం

పండుగ సమయంలో.. ఎలక్ట్రిక్ కారు కొనాలని చూస్తున్న వారికి విన్‌ఫాస్ట్ శుభవార్త చెప్పింది. తన 7 సీటర్ ఎలక్ట్రిక్ కారు విఎఫ్7 ధరను భారీగా తగ్గించినట్లు వెల్లడించింది. దీనికి సంబంధించిన మరిన్ని వివరాలను ఈ కథనంలో వివరంగా తెలుసుకుందాం.ఈ ఏడాది ప్రారంభంలో భారత్‌లో లాంచ్ అయిన విన్‌ఫాస్ట్ వీఎఫ్7 ధర అప్పట్లో రూ.24.49 లక్షలుగా ఉండేది. ఇప్పుడు ఏకంగా రూ.4.10 లక్షలు తగ్గించి రూ.20.39 లక్షలకు అందుబాటులోకి తీసుకొచ్చింది. దీపావళి పండుగ సీజన్‌ను దృష్టిలో పెట్టుకుని ఈ ధర తగ్గింపు ప్రకటించింది. దీంతో పెద్ద కుటుంబం కోసం 7 సీటర్ ఎలక్ట్రిక్ కారు కొనాలనుకునే వారికి ఇది మంచి ఆప్షన్‌గా మారనుంది.బ్యాటరీ, రేంజ్విన్‌ఫాస్ట్ వీఎఫ్7 60.13 కిలోవాట్ బ్యాటరీ ప్యాక్ పొందుతుంది. ఇందులో అమర్చిన ఎలక్ట్రిక్ మోటార్ 204 హార్స్ పవర్, 280 న్యూటన్ మీటర్ టార్క్‌ను ప్రొడ్యూస్ చేస్తుంది. ఇది ఒక్కసారి ఫుల్ ఛార్జింగ్ చేస్తే 517 కిలోమీటర్ల వరకు ప్రయాణించవచ్చని కంపెనీ చెబుతోంది. ఛార్జింగ్ విషయానికి వస్తే 80kW డీసీ ఫాస్ట్ ఛార్జింగ్ సపోర్ట్ ఉంది. దీనితో కేవలం 30 నిమిషాల్లోనే బ్యాటరీని 10 నుంచి 70 శాతం వరకు ఛార్జ్ చేసుకోవచ్చు. 6.9kW ఏసీ ఛార్జింగ్ సదుపాయం కూడా ఉంది. అంతేకాదు.. కంపెనీ 3.5kW పోర్టబుల్ ఛార్జర్‌ను కూడా అందిస్తోంది.ఫీచర్స్ఫీచర్ల విషయానికి వస్తే.. ఇందులో 10.1 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, ఆండ్రాయిడ్ ఆటో, యాపిల్ కార్‌ప్లే సపోర్ట్ ఉన్నాయి. ఫోర్ స్పీకర్స్ ఆడియో సిస్టమ్, మల్టీఫంక్షన్ స్టీరింగ్ వీల్, లెథరెట్ సీట్లు వంటి ఫీచర్లు అందించారు. రెండో వరుస సీట్లను ముందుకు జరుపుకోవచ్చు, వెనక్కి వాల్చుకోవచ్చు. మూడో వరుసలో కూర్చునే ప్రయాణికుల కోసం ప్రత్యేక ఏసీ కంట్రోల్స్ కూడా ఉన్నాయి. ఆటోమేటిక్ క్లైమేట్ కంట్రోల్, క్రూయిజ్ కంట్రోల్, ఆరు విధాలుగా అడ్జస్ట్ చేసుకునే డ్రైవర్ సీటు వంటి సదుపాయాలు కూడా ఉన్నాయి.ఇదీ చదవండి: రూ.2,100 కోట్ల లగ్జరీ హోటల్.. చివరకు అందుకే అమ్మేశారట!

దీపావళి పండుగ వేళ సామాన్యులకు ‘టీఎన్‌’ ప్రభుత్వం తీపి కబురు అందించింది. పెరుగుతున్న కూరగాయల ధరలతో ఇబ్బందులు పడుతున్న ప్రజలకు ఊరట కల్పించేలా కేవలం రూ.100కే 10 రకాల కూరగాయల ప్యాక్‌ను అందుబాటులోకి తీసుకొచ్చింది.మూడు రోజుల పాటు ప్రత్యేక విక్రయాలు‘టీఎన్‌’ ప్రభుత్వం ప్రవేశపెట్టిన ‘వెట్రి స్పెషల్ వెజిటబుల్ ప్యాక్’ పథకం నవంబర్ 5 నుంచి 7వ తేదీ వరకు అమల్లో ఉంటుంది. రాష్ట్రంలోని ఎంపిక చేసిన 218 సహకార దుకాణాల ద్వారా ఈ ప్యాక్‌లను విక్రయించనున్నారు.రూ.100 ప్యాక్‌లో ఏమేం ఉన్నాయంటే?ఒక్కో ప్యాక్‌లో మొత్తం 10 రకాల నిత్యావసర కూరగాయలు ఉంటాయి. ఉల్లిపాయలు – 500 గ్రాములుటమాటాలు – 500 గ్రాములువంకాయలు – 250 గ్రాములుబంగాళాదుంపలు – 250 గ్రాములుక్యారెట్లు – 200 గ్రాములుబీన్స్ – 200 గ్రాములుపచ్చిమిర్చి – 100 గ్రాములునిమ్మకాయలు – 100 గ్రాములుఅల్లం – 50 గ్రాములుకొబ్బరికాయ – ఒకటి (400 నుంచి 450 గ్రాములు)పర్యావరణహితమైన ప్యాకింగ్‌లో అందించే ఈ కూరగాయల కిట్ బరువు 2.55 కిలోల నుంచి 2.60 కిలోల వరకు ఉంటుంది. పండుగ సమయంలో వంటింటికి అవసరమైన పది రకాల కూరగాయలను ఒకే ప్యాక్‌లో అందించడం ఈ పథకం ప్రత్యేకత.మూడు రోజులే అవకాశంనవంబర్ 5, 6, 7 తేదీల్లో 218 ఎంపిక చేసిన సహకార విక్రయ కేంద్రాల్లో ఈ ప్యాక్‌లు అందుబాటులో ఉంటాయి. పండుగ సమయంలో కూరగాయల కొనుగోలు భారాన్ని తగ్గించేందుకు ఈ ప్రత్యేక విక్రయాలను తమిళనాడు ప్రభుత్వం చేపట్టింది.

కుటుంబ సభ్యులతో హాయిగా పండుగ ఎంజాయ్‌ చేయాలని అందరికీఉంటుంది.అందులోనూ దీపావళి అంటే ఆ సందడే వేరు కదా. కానీ కొంతమంది ఉద్యోగులకు వారి వారి బాధ్యతల రీత్యా ఇది సాధ్యం కాక పోవచ్చు. అయితే కెరీర్‌పార్ట్‌నర్ (CareerPartner) అనే సంస్థ ఈ ఏడాది దీపావళి సందర్బంగా ప్రకటించిన సెలవులు ఇపుడు చర్చనీయాంశంగామారాయి. లింక్డ్‌న్‌లో పోస్ట్‌ నెట్టింట వైరల్‌గా మారింది. ఇంతకన్నా దీపావళి కానుక ఏముంటుంది అంటూ నెటిజన్లు తెగ ప్రశంసిస్తున్నారు. అదేంటో తెలుసుకోవాలంటే.. ఈ కథనం పూర్తిగా చదవాలి మరి.కెరీర్‌ పార్ట్‌నర్ (CareerPartner) అనే సంస్థకు చెందిన అసోసియేట్ రిక్రూట్‌మెంట్ కన్సల్టెంట్ శివానీ సింగ్, తన కంపెనీ దీపావళి సెలవుల షెడ్యూల్‌ను లింక్డ్‌ఇన్ (LinkedIn) వేదికగా పంచుకున్నారు. దీపావళి పండుగను కంపెనీ అనేక సెలవులతో పాటు మూడు రోజులు వర్క్ ఫ్రమ్ హోమ్ (WFH) సౌకర్యాన్ని ప్రకటించడం మరో విశేషం. నవంబర్ నెలకు సంబంధించిన సెలవుల వివరాలను తెలియజేస్తూ సంస్థ పంపిన అంతర్గత ఈమెయిల్ స్క్రీన్‌షాట్‌ను శివానీ షేర్ చేశారు. ఇందులో ఐదు పండుగ సెలవులు, రెండు వారంతపు సెలవులు (వీకెండ్స్) వరుసగా మూడు రోజులు వర్క్ ఫ్రమ్ హోమ్ చేసుకునే అవకాశం కూడా ఉంది.ఉద్యోగులకు పండుగ శుభాకాంక్షలు తెలుపుతూ ప్రారంభమైన ఆ ఈమెయిల్‌లో, "ఈ దీపావళికి మేము సంతోషంతో పాటు సెలవులను కూడా అందిస్తున్నాం! ఎందుకంటే అద్భుతంగా పనిచేసే ఉద్యోగులకు మంచి విశ్రాంతి కూడా లభించాలి" అని పేర్కొన్నారు.సెలవుల వివరాలునవంబర్ 6 (శుక్రవారం): ధన్‌తేరస్ (ధనత్రయోదశి) పండుగ సెలవునవంబర్ 7 (శనివారం): ఛోటీ దీపావళి (వారాంతపు సెలవు)నవంబర్ 8 (ఆదివారం): దీపావళి (వారాంతపు సెలవు)నవంబర్ 9 (సోమవారం): గోవర్ధన్ పూజ (పండుగ సెలవు)నవంబర్ 10 (మంగళవారం): భాయి దూజ్ (పండుగ సెలవు)నవంబర్ 11, 12, 13 (బుధ, గురు, శుక్రవారాలు): తక్కువ పనిభారంతో (Light workload) కూడిన వర్క్ ఫ్రమ్ హోమ్ (WFH) రోజులునవంబర్ 14, 15 (శని, ఆదివారాలు): సాధారణ వారాంతపు సెలవులు ఫెస్టివ్‌ వైబ్స్‌..కుటుంబంతో సంబరంగా గడిపే సమయం, స్వీట్స్‌, చక్కటి విశ్రాంతి ‌’’ అని పేర్కొంటూ, "కష్టపడి పనిచేయండి, అంతకంటే ఘనంగా వేడుకలు జరుపుకోండి, మరింత ఉత్సాహంతో తిరిగి రండి!" అని అంటూ కంపెనీ దీపావళి శుభాకాంక్షలు తెలిపింది. ఈ వివరాలను లింక్డ్‌ఇన్‌లో పంచుకున్న శివానీ, "ఇంత సంతోషం.. ఇన్ని సెలవులు! నిజంగా ఆనంద భాష్పాలు వస్తున్నాయి! ఉద్యోగుల సంతోషాన్ని ఇంత కీలకంగా పరిగణించే కంపెనీలో భాగమైనందుకు చాలా సంతోషంగా ఉంది. దీపావళిని మరింత ప్రత్యేకం చేసినందుకు థ్యాంక్యూ కెరీర్‌పార్ట్‌నర్!" అని రాసుకొచ్చారు. ఈ పోస్ట్‌పై పలువురు నెటిజన్లు రకరకాలుగా స్పందించారు. నెటిజన్ల స్పందన"మాకు నవంబర్‌లో ఆదివారం తప్ప వేరే సెలవే లేదు. ఇలాంటి సెలవులు వచ్చినవారు చాలా అదృష్టవంతులు" అని ఒకరు కామెంట్ చేశారు."దయచేసి నన్ను కూడా మీ కంపెనీలో చేర్చుకోండి (Hire me please)" అని మరొకరు రాశారు. "నిజంగా అదృష్టవంతులు" అని ఇంకొకరు స్పందించారు."ఆనంద భాష్పాలు రమ్మంటే రావా మరి.. న్యాయమే" అని ఒక నెటిజన్ కామెంట్ చేశారు.

ముంబైలోని జియో వరల్డ్ సెంటర్‌లో జరిగిన ‘రిలయన్స్ దీపావళి ఉత్సవ్’ వేడుకల్లో రిలయన్స్ ఫౌండేషన్ వ్యవస్థాపక చైర్‌పర్సన్ నీతా అంబానీ ధరించిన ప్రత్యేకమైన సంప్రదాయ వస్త్రధారణ ఫ్యాషన్ వర్గాల్లో చర్చనీయాంశమైంది. ప్రఖ్యాత భారతీయ చేనేత కళా వైభవాన్ని, ఆధ్యాత్మిక వాతావరణాన్ని ప్రతిబింబించేలా ఆమె ఎంచుకున్న శైలి ఎంతగానో ఆకట్టుకుంది.ఈ వేడుకలో నీతా అంబానీ ఎరుపు రంగులో ఉన్న ప్యూర్ కాటన్‌ సిల్క్ ‘రామవళి’ బనారసీ హ్యాండ్‌లూమ్ చీరలో కనిపించారు. వారణాసికి చెందిన ప్రముఖ మాస్టర్ ఆర్టిసన్ అజయ్ భోజ్ ఈ చీరను తయారు చేశారు. ఈ చీర ప్రత్యేకత ఏమిటంటే దీనిపై దైవిక భావనను చాటేలా ‘శ్రీరామ్’ నామాలు అక్షర రూపంలో నేశారు. అంతేకాకుండా, శ్రీమహావిష్ణువు పాదముద్రల డిజైన్లు, సూక్ష్మమైన సాంప్రదాయ మోటిఫ్‌లతో ఈ చీర రూపుదిద్దుకుంది. భారతీయ సనాతన సంస్కృతికి, చేనేత కళా నైపుణ్యానికి ఇది నిదర్శనంగా నిలిచింది. ఈ సాంప్రదాయ లుక్‌ను మరింత పరిపూర్ణం చేయడానికి నీతా అంబానీ విలువైన హెరిటేజ్ జ్యువెలరీని ధరించారు. టెంపుల్ జ్యువెలరీ శైలిలో రూపొందించిన మల్టీ లేయర్డ్‌ హారాన్ని ఆమె ఎంచుకున్నారు.ఇదీ చదవండి: డబ్బును దాచుకుంటే దరిద్రం!? View this post on Instagram A post shared by Swadesh Online (@swadesh_online)

జైపూర్‌: దీపావళి పండుగ వేళ స్వీట్ల ధరలు ఆకాశాన్నంటుతున్నాయి. రాజస్థాన్‌లోని జైపూర్‌లోని ఓ స్వీట్ షాప్‌లో కిలో మిఠాయి ధర రూ.1.11 లక్షలు పలుకుతూ అందరినీ ఆశ్చర్యపరుస్తోంది. 24 క్యారెట్ల బంగారం, వెండితో తయారుచేసిన ఈ ప్రత్యేక మిఠాయిలు ఇప్పుడు అందరి దృష్టిని ఆకర్షిస్తున్నాయి. జైపూర్‌లోని వైశాలీ నగర్‌లో ఉన్న 'త్యోహార్' స్వీట్ షాప్ ఈ ఖరీదైన మిఠాయిలను విక్రయిస్తోంది.ఇందులో స్వర్ణ మిఠాయి ఒక్కటి ధర రూ.1,111 కాగా, చాందీ భస్మ్ భారత్ ఒక్కటి రూ.1,150గా ఉంది. ఈ ప్రత్యేక స్వీట్ల ధరలు కిలోకు రూ.45 వేల నుంచి రూ.1.11 లక్షల వరకు ఉన్నాయి. ఈ స్వీట్లలో ‘స్వర్ణ భస్మ్ పాక్’ను 24 క్యారెట్ల తినదగిన బంగారంతో తయారుచేస్తున్నారు. ‘చాందీ భస్మ్ పాక్’లో వెండి భస్మాన్ని ఉపయోగిస్తున్నారు. బంగారు మిఠాయిపై బంగారు రేకులతో ప్రత్యేకంగా అలంకరణ చేస్తున్నారు. కుంకుమపువ్వు, ఖరీదైన చిల్గోజా పప్పులను కూడా ఇందులో వినియోగిస్తున్నారు.ఈ మిఠాయి తయారీ వెనుక చార్టర్డ్ అకౌంటెంట్ నుంచి వ్యాపారవేత్తగా మారిన అంజలి జైన్ ఉన్నారు. ఆయుర్వేదం, భారతీయ సంప్రదాయ వంటకాలపై ఉన్న ఆసక్తితో ఈ ప్రత్యేక స్వీట్లను రూపొందించినట్లు ఆమె తెలిపారు. వీటిని సాధారణ స్వీట్ల మాదిరిగా కాకుండా ఆభరణాల పెట్టెల్లో ప్యాక్ చేస్తున్నారు. ఈ స్వీట్‌లో నిజమైన తినదగిన బంగారాన్ని ఉపయోగిస్తున్నట్లు అంజలి వెల్లడించారు. దీనినే ‘స్వర్ణ భస్మం’ అని పిలుస్తారని తెలిపారు. జైన ఆలయం నుంచి సేకరించిన బంగారు రేకులను స్వీట్‌పై ఉపయోగిస్తున్నామని, అవి జంతువులకు హాని కలిగించని విధంగా తయారైనవని పేర్కొన్నారు. భారతీయ ఆయుర్వేద సంప్రదాయాలను ప్రతిబింబించేలా ఈ మిఠాయిలను రూపొందించినట్లు వివరించారు.ఇదీ చదవండి: ‘గంగాజలాల’పై భారత్ కఠిన వైఖరి.. ‘బంగ్లా’కు కొత్త షరతులు!

దీపావళి వచ్చిందంటే.. ఉద్యోగులకు కంపెనీల నుంచి ఏదో ఒక గిఫ్ట్ రావడం కామన్. సాధారణంగా స్వీట్లు, డ్రై ఫ్రూట్స్, గిఫ్ట్ హ్యాంపర్లు ఇస్తుంటారు. కానీ ఢిల్లీలోని ఓ కంపెనీ మాత్రం అందరికీ ఊహించని సర్‌ప్రైజ్ ఇచ్చింది. తమ ఉద్యోగులకు ఏకంగా ఐఫోన్ 16 స్మార్ట్‌ఫోన్లను దీపావళి కానుకగా అందించింది. దీనికి సంబంధించిన వీడియో నెట్టింట్లో తెగ వైరల్ అవుతోంది.న్యూఢిల్లీలోని రోహిణి ప్రాంతానికి చెందిన కంపెనీ.. ఉద్యోగులకు ఐఫోన్లు గిఫ్ట్‌గా ఇచ్చిన వీడియోను తన అధికారిక ఇన్‌స్టాగ్రామ్ ఖాతాలో షేర్ చేసింది. ఈ వీడియోలో ఉద్యోగుల డెస్క్‌లపై అందంగా రిబ్బన్లతో అలంకరించిన ఐఫోన్ 16 ఫోన్లు కనిపిస్తున్నాయి. తెలుపు, ఆకుపచ్చ, నీలం, నలుపు రంగుల్లో ఉన్న ఫోన్లను కంప్యూటర్ల ముందు ఉంచారు. చివర్లో కొంతమంది మహిళా ఉద్యోగులు తమకు వచ్చిన గిఫ్టులను చూసి ఎంతో సంతోషంగా స్పందించడం చూడవచ్చు.ఇదీ చదవండి: అమాంతం పెరుగుతున్న బంగారం.. ఈ రోజు ధరలు ఇలా..ఈ వీడియోను షేర్ చేస్తూ కంపెనీ ''నో కాంపిటీషన్.. ఆప్కో క్యా మిలా?'' (మీకు ఏమి గిఫ్ట్ వచ్చింది?) అంటూ క్యాప్షన్ ఇచ్చింది. సాధారణంగా పండుగలకు స్వీట్లు, గిఫ్ట్ బాక్సులు ఇచ్చే కంపెనీలు ఉన్న సమయంలో.. ఏకంగా ఐఫోన్లు ఇవ్వడంతో నెటిజన్లు ఆశ్చర్యపోతున్నారు. ఉద్యోగులను సంతోషపెట్టాలంటే.. ఇలా చేయాలంటూ కంపెనీపై ప్రశంసలు కురిపిస్తున్నారు. View this post on Instagram A post shared by Financersaab (@financersaab2.0)

చిన్నపిల్లల నుంచి పెద్దవారి వరకు అందరికీ ఇష్టమైన పండుగ దీపావళి. నరకాసుర వధని పురస్కరించుకుని దీపాలు వెలిగించడం, పిల్లలు బాణాసంచా కాల్చడం సర్వసాధారణం. కాని జైన సంప్రదాయం ప్రకారం బిహార్‌లోని పావపురి ప్రాంతంలో కార్తీక అమావాస్య రోజున మహావీరుడు మోక్షం పొందాడు. ఆయన నిర్యాణంతో లోకానికి జ్ఞాన ప్రకాశం దూరమైందని భావించిన ప్రజలు, మహావీరుడి గుర్తుగా దీపాలు వెలిగిస్తారు. దీపావళి రోజున ఉపవాసాలు, ప్రార్థనలు, ధ్యానం చేస్తారు. ఆలయాల్లో మహావీరుడికి ప్రత్యేక పూజలు నిర్వహించి, నిర్వాణ లడ్డూ సమర్పిస్తారు. మరుసటి రోజును జైన నూతన సంవత్సరంగా భావిస్తారు. ఇతరులకు దీపావళి పండుగ కావచ్చు. కాని జైనులకు మాత్రం అది మహావీరుడి జ్ఞానజ్యోతిని గుర్తు చేసుకునే పవిత్ర దినం. ఇదీ చదవండి: థియేటరే ఇల్లు.. సినిమానే ప్రపంచం! జస్ట్‌ ఒక్క ఏడాదిలోనే 1,207 సినిమాలు..

దీపావళి పండుగ వచ్చిందంటే.. కొత్త బట్టలు, స్వీట్లు, కానుకలతో పాటు ప్రభుత్వం నుంచి ఏదైనా ఆర్థిక సాయం అందుతుందా అని చాలామంది ఎదురుచూస్తుంటారు. ఇలాంటి ఆశలనే కొందరు సైబర్ నేరగాళ్లు అవకాశంగా మార్చుకుంటారు. ఇప్పుడు తాజాగా.. ప్రధానమంత్రి పేరుతో కేంద్ర ప్రభుత్వం ప్రతి ఒక్కరికీ రూ.8,000 దీపావళి బోనస్ ఇస్తోందంటూ వాట్సాప్‌లో తప్పుడు సందేశాలు వైరల్ అవుతున్నాయి. ఈ మెసేజ్‌లను చూసి నిజమేనని నమ్మి లింకులపై క్లిక్ చేస్తే ఇబ్బందుల్లో పడే ప్రమాదం ఉందని ప్రెస్ ఇన్ఫర్మేషన్ బ్యూరో (PIB) హెచ్చరించింది.నిజానికి.. కేంద్ర ప్రభుత్వం ఇలాంటి రూ.8,000 దీపావళి బోనస్ స్కీమ్ ప్రకటించలేదు. వాట్సాప్‌లో ప్రచారం అవుతున్న వార్త పూర్తిగా నకిలీ అని పీఐబీ స్పష్టం చేసింది. కాబట్టి, ఇలాంటి సందేశాలు వస్తే వాటిని నమ్మకూడదని, అందులో.. ఇచ్చిన లింకులను ఓపెన్ చేయకూడదని ప్రజలకు సూచించింది.అసలు ఈ మోసం ఇలా..సైబర్ నేరగాళ్లు ముందుగా వాట్సాప్‌లో ఒక మెసేజ్ పంపిస్తారు. అందులో.. ప్రధానమంత్రి పేరుతో దీపావళి కానుకగా రూ.8,000 అందిస్తున్నారని చెబుతారు. ఆ డబ్బులు పొందాలంటే వెంటనే ఒక లింక్‌పై క్లిక్ చేయాలని సూచిస్తారు. ప్రభుత్వమే డబ్బులు ఇస్తోందని భావించిన కొందరు ఆ లింక్‌ను ఓపెన్ చేస్తారు.అక్కడ ఒక నకిలీ వెబ్‌సైట్ కనిపిస్తుంది. అందులో పేరు, ఫోన్ నంబర్, బ్యాంకు ఖాతా వివరాలు వంటి వ్యక్తిగత సమాచారాన్ని నమోదు చేయాలని అడుగుతారు. కొన్నిసార్లు బోనస్ పొందడానికి ప్రాసెసింగ్ ఫీజు చెల్లించాలని కూడా చెబుతారు. ఇలా ప్రజలను నమ్మించి వారి వ్యక్తిగత, బ్యాంకింగ్ వివరాలను సేకరించడమే ఈ మోసం వెనుక ఉన్న అసలు ఉద్దేశం.యూపీఐ ద్వారా..మరికొన్ని సందర్భాల్లో.. యూపీఐ ద్వారా డబ్బులు పంపించేలా చేసి ఖాతాలోని మొత్తాన్ని కాజేస్తారు. ఇంకొన్ని సందర్భాల్లో మొబైల్‌లో నకిలీ యాప్‌లను డౌన్‌లోడ్ చేయించి ఫోన్‌లోని సమాచారాన్ని దొంగిలించే అవకాశం ఉంటుంది. అందుకే.. చిన్న మొత్తంలో బోనస్ వస్తుందనే ఆశతో తెలియని లింకులపై క్లిక్ చేయడం ప్రమాదకరం.సైబర్ క్రైమ్ హెచ్చరికఈ తరహా మోసాలపై హైదరాబాద్ సైబర్ క్రైమ్ విభాగం ఇప్పటికే ప్రజలను అప్రమత్తం చేసింది. తెలంగాణ సైబర్ సెక్యూరిటీ బ్యూరో కూడా రూ.8,000 దీపావళి బోనస్ పేరుతో జరుగుతున్నది ఫిషింగ్ స్కామ్ అని స్పష్టం చేసింది. ప్రభుత్వ పథకం పేరుతో ప్రజలను నమ్మించి వారి వ్యక్తిగత వివరాలు, బ్యాంకు సమాచారాన్ని దొంగిలించేందుకు సైబర్ నేరగాళ్లు ప్రయత్నిస్తున్నారని అధికారులు చెబుతున్నారు.మీకు ఇలాంటి మెసేజ్ వస్తే ఏం చేయాలి?మీ వాట్సాప్‌కు కూడా రూ.8,000 బోనస్ అంటూ మెసేజ్ వస్తే.. ముందుగా దాని నిజానిజాలు తెలుసుకోండి. తెలియని నంబర్ల నుంచి వచ్చిన లింకులపై క్లిక్ చేయకండి. అలాంటి మెసేజ్‌లను ఇతరులకు ఫార్వర్డ్ చేయకండి. ముఖ్యంగా ఓటీపీ, యూపీఐ పిన్, బ్యాంకు వివరాలను ఎవరికీ చెప్పకండి. ప్రభుత్వం నుంచి నిజంగా ఏదైనా పథకం లేదా ఆర్థిక సాయం అందుతుందా లేదా అనే విషయాన్ని అధికారిక ప్రభుత్వ వెబ్‌సైట్లలో మాత్రమే పరిశీలించాలి. బోనస్ ఇస్తామని చెప్పి ఎవరైనా ముందుగా డబ్బులు అడిగితే అస్సలు చెల్లించకండి.ఇదీ చదవండి: బంగారం డిమాండ్.. WGC రిపోర్ట్డబ్బులు పోతే ఇలా చేయండిఒకవేళ పొరపాటున ఇలాంటి లింక్‌ను నమ్మి డబ్బులు పోగొట్టుకుంటే ఆలస్యం చేయకుండా వెంటనే మీ బ్యాంకుకు సమాచారం ఇవ్వాలి. నేషనల్ సైబర్ క్రైమ్ హెల్ప్‌లైన్ నంబర్ 1930కు ఫోన్ చేసి ఫిర్యాదు చేయాలి. అలాగే https://cybercrime.gov.in వెబ్‌సైట్‌లోనూ ఫిర్యాదు చేయవచ్చు. ప్రభుత్వానికి సంబంధించిన తప్పుడు ప్రచారాలు, అనుమానాస్పద సందేశాల గురించి PIB ఫ్యాక్ట్ చెక్ విభాగానికి కూడా తెలియజేయవచ్చు.🚨 Scam Alert! 💸 ⚠️ A fraudulent message is circulating on WhatsApp falsely claiming that the Government of India is providing Rs 8000/- as diwali bonus under the name of the Prime Minister. The message leads to a fake website seeking personal information. 💡 Beware of phishing scams that could lead to financial losses. Do not click any suspicious links or share OTPs with unknown people. 🔴 Report suspicious content related to the Central Government to PIB Fact Check 🔽 📲 +91 8799711259 📩 factcheck@pib.gov.in— PIB Fact Check (@PIBFactCheck) November 2, 2026

పండగ సీజన్‌ వచ్చిందంటే ప్రజల్లో కొనుగోళ్ల జోరు పెరుగుతుంది. ముఖ్యంగా దీపావళి సమయంలో పెద్ద నోట్లతో పాటు చిల్లర లావాదేవీల కోసం రూ.10, రూ.20, రూ.50 విలువైన చిన్న డినామినేషన్ కరెన్సీ నోట్లకు డిమాండ్ ఉంటుంది. అయితే, రాబోయే దీపావళి పండగ వేళ మార్కెట్‌లో ఈ చిన్న నోట్ల కొరత ఏర్పడిందంటూ సోషల్ మీడియాలో నకిలీ సర్క్యులర్ వైరల్ అవుతోంది. ఈ తప్పుడు ప్రచారంపై దేశీయ సెంట్రల్ బ్యాంకైన భారతీయ రిజర్వ్ బ్యాంక్ స్పందించింది. ఆ సర్క్యులర్ పూర్తిగా అబద్ధమని, ప్రజలు ఎవరూ ఆందోళన చెందవద్దని స్పష్టం చేసింది.నకిలీ సర్క్యులర్ సృష్టిస్తున్న గందరగోళంఇంటర్నెట్‌లో వైరల్ అవుతున్న ఆ ఫోర్జరీ సర్క్యులర్ ప్రకారం.. దేశంలో డిజిటల్ చెల్లింపులు (యూపీఐ, కార్డులు, నెట్ బ్యాంకింగ్) పెరుగుతున్న నేపథ్యంలో ప్రభుత్వం, ఆర్‌బీఐ చిన్న నోట్ల ముద్రణను క్రమంగా తగ్గిస్తున్నాయని, దీనివల్ల రాబోయే దీపావళికి రూ.10, రూ. 20, రూ. 50 నోట్లు తగినంతగా లభించవని పేర్కొన్నారు. అంతేకాకుండా, ఆర్‌బీఐ గవర్నర్ పేరుతో, నకిలీ సంతకంతో అక్టోబర్ 27, 2026 నాటి తప్పుడు తేదీతో ఈ పత్రాన్ని ప్రచారం చేస్తున్నారు. ప్రజలందరూ పూర్తిగా డిజిటల్ లావాదేవీలపైనే ఆధారపడాలని ఆ సర్క్యులర్ తప్పుదోవ పట్టించేలా సూచించింది.ఆర్‌బీఐ అధికారిక వివరణదేశవ్యాప్తంగా ఉన్న ఆర్‌బీఐ వాల్ట్స్‌, కరెన్సీ చెస్ట్‌ల్లో చిన్న డినామినేషన్లతో సహా అన్ని రకాల కరెన్సీ నోట్లు తగినంత అందుబాటులో ఉన్నాయని స్పష్టం చేసింది. ఆర్‌బీఐ పేరును, లోగోను, ఉన్నతాధికారుల పేర్లను అసాంఘిక శక్తులు మోసపూరితంగా వాడుతూ ప్రజలను భయభ్రాంతులకు గురిచేస్తున్నాయని హెచ్చరించింది. ప్రజలు సోషల్ మీడియాలో వచ్చే ఇలాంటి తప్పుడు సమాచారాన్ని నమ్మవద్దని, కేవలం ఆర్‌బీఐ అధికారిక వెబ్‌సైట్ లేదా ప్రకటనల ద్వారా వచ్చే సమాచారాన్ని మాత్రమే ప్రామాణికంగా తీసుకోవాలని కోరింది.ఇదీ చదవండి: ఈరోజు అపరంజి ధర పెరిగిందా? తగ్గిందా?

గ్రేటర్ నోయిడా: గ్రేటర్ నోయిడాలో పంజాబ్ నేషనల్ బ్యాంక్ (పీఎన్‌బీ) ఖాతాదారుల ఆందోళన పదో రోజుకు చేరింది. బ్యాంకులో జరిగిన రూ.10.24 కోట్ల మోసంతో తమ జీవితకాల పొదుపు సొమ్మును కోల్పోయామని బాధితులు ఆవేదన వ్యక్తం చేస్తున్నారు. డబ్బు తిరిగి వచ్చే వరకు దీపావళి జరుపుకోబోమని స్పష్టం చేశారు. సెక్టార్ పై-1లోని పీఎన్‌బీ శాఖ ఎదుట నవంబర్ 3న కూడా బాధితులు నిరసన కొనసాగించారు.తమ ఖాతాల నుంచి అనుమతి లేకుండా నగదు బదిలీ అయినట్లు గుర్తించామని, ఇందుకు సంబంధించిన బ్యాంకు స్టేట్‌మెంట్లు, లావాదేవీల వివరాలను ఆధారాలుగా చూపిస్తున్నారు. పోలీసుల దర్యాప్తు నెమ్మదిగా సాగుతోందని, ఇప్పటివరకు అరెస్టులు జరగకపోవడంపై అసంతృప్తి వ్యక్తం చేస్తున్నారు. మరోవైపు ఈ కేసును సీబీఐ విచారిస్తోంది. ఘజియాబాద్ అవినీతి నిరోధక విభాగం ఎఫ్ఐఆర్ నమోదు చేసింది.దీపాంశి అనే మహిళా బ్యాంకు ఉద్యోగిని ఆరుగురు అధికారుల యూజర్ ఐడీలు, పాస్‌వర్డ్‌లను ఉపయోగించి దాదాపు మూడేళ్లపాటు అక్రమ లావాదేవీలకు పాల్పడినట్లు ఆరోపణలున్నాయి. ఆశుతోష్ పాఠక్ సహా పలువురి ఖాతాలకు నగదు బదిలీ చేసినట్లు ఎఫ్ఐఆర్‌లో పేర్కొన్నారు. ఈ వ్యవహారంలో 49 అనుమానాస్పద ఫిక్స్‌డ్ డిపాజిట్లకు సంబంధించిన రూ.70.23 కోట్ల లావాదేవీలపైనా విచారణ జరుగుతోంది. మరోవైపు ముగ్గురు ఖాతాదారులకు రూ.43 లక్షల క్లెయిమ్‌లు పరిష్కరించినట్లు పీఎన్‌బీ తెలిపింది. తమ సొమ్ము తిరిగి ఇచ్చి బాధ్యులపై చర్యలు తీసుకునే వరకు ఆందోళన కొనసాగిస్తామని బాధితులు తేల్చిచెబుతున్నారు. ఇదీ చదవండి: ట్రంప్ ఖాతాలో 127 విజయాలు.. భారత్‌కూ లబ్ధి అంటూ..

సాక్షి, ఢిల్లీ: దీపావళి సందర్భంగా ఢిల్లీ-ఎన్‌సీఆర్‌లో గ్రీన్ క్రాకర్స్ కాల్చేందుకు సుప్రీంకోర్టు అనుమతించింది. అయితే నవంబర్ 7, 8 తేదీల్లో మాత్రమే ధ్రువీకరించిన గ్రీన్ క్రాకర్స్ వినియోగానికి అవకాశం కల్పించింది. దీపావళి అనంతరం అంటే నవంబర్ 9 నుంచి మళ్లీ పూర్తిస్థాయి క్రాకర్స్ నిషేధం అమల్లోకి వస్తుందని సుప్రీంకోర్టు స్పష్టం చేసింది.అయితే సుప్రీంకోర్టు ఆదేశాల ప్రకారం దీపావళి రోజు ఉదయం 6 నుంచి 7 గంటల వరకు, మళ్లీ రాత్రి 8 నుంచి 10 గంటల వరకు మాత్రమే టపాసులు కాల్చాలి. అంతేకాదు ఆసుపత్రులు, వృద్ధాశ్రమాలు, విద్యాసంస్థలు వంటి ప్రాంతాలకు 300 మీటర్ల పరిధిలో ఎలాంటి క్రాకర్స్ కాల్చకూడదు. ఆయా ప్రాంతాలను నో-క్రాకర్ జోన్లుగా ప్రకటించాలని అధికారులను సుప్రీంకోర్టు ఆదేశించింది. ఈ నిబంధనలు ఉల్లంఘిస్తే తయారీదారులు, వ్యాపారులు సమర్పించిన సెక్యూరిటీ డిపాజిట్‌ను జప్తు చేయాలని సుప్రీంకోర్టు స్పష్టం చేసింది.గ్రీన్ క్రాకర్స్ ప్రత్యేకత ఏమిటంటే?CSIR-NEERI అభివృద్ధి చేసిన గ్రీన్ క్రాకర్స్ సంప్రదాయ టపాసులతో పోలిస్తే సుమారు 30 శాతం తక్కువ కాలుష్యాన్ని విడుదల చేస్తాయని చెబుతున్నారు. వీటి వల్ల పొగ, దుమ్ము, శబ్దం కూడా తక్కువగా ఉంటాయి. అయితే వీటిని పూర్తిగా కాలుష్యరహితమైనవిగా భావించకూడదు. గ్రీన్ క్రాకర్స్ కాల్చినప్పుడు కూడా కొంతమేర కాలుష్య కారకాలు గాలిలోకి విడుదలవుతాయి. అందువల్ల వీటి వినియోగంలోనూ జాగ్రత్తలు అవసరం.ఇదీ చదవండి: రాప్తాడు బాలికకు వైఎస్ జగన్ పరామర్శ

న్యూఢిల్లీ: దీపావళి పండుగ సమీపిస్తుండటంతో దేశవ్యాప్తంగా టపాసుల విక్రయాలు, కొనుగోళ్లపై ఆసక్తి పెరుగుతోంది. అదే సమయంలో వాయు కాలుష్యంపై ఆందోళనలు కూడా అధికమవుతున్నాయి. ఈ నేపథ్యంలో సంప్రదాయ టపాసులకు ప్రత్యామ్నాయంగా గ్రీన్ క్రాకర్స్‌పై మరోసారి చర్చ మొదలైంది. సాధారణ టపాసులతో పోలిస్తే తక్కువ కాలుష్యాన్ని విడుదల చేసేలా వీటిని రూపొందించారు. బాణసంచా వెలుగులు, శబ్దాలను పూర్తిగా తొలగించకుండా పర్యావరణంపై ప్రభావాన్ని తగ్గించడమే వీటి ప్రధాన ఉద్దేశం.కనీసం 30 శాతం తక్కువ కాలుష్యంగ్రీన్ క్రాకర్స్ తయారీలో హానికరమైన ఉద్గారాలను తగ్గించే సాంకేతికతను ఉపయోగిస్తారు. ఇవి సాధారణ బాణసంచాతో పోలిస్తే నలుసు పదార్థాల (పార్టిక్యులేట్ మ్యాటర్) ఉద్గారాలను కనీసం 30 శాతం తగ్గించేలా రూపొందిస్తారు. అయితే వీటిని పూర్తిగా కాలుష్యరహితమైనవిగా భావించకూడదు. గ్రీన్ క్రాకర్స్ కాల్చినప్పుడు కూడా కొంతమేర కాలుష్య కారకాలు గాలిలోకి విడుదలవుతాయి. అందువల్ల వీటి వినియోగంలోనూ జాగ్రత్తలు అవసరం.ఏయే రకాల గ్రీన్ క్రాకర్స్?సంప్రదాయ బాణసంచాలో కనిపించే వెలుగులు, శబ్దాల అనుభూతిని కొంతవరకు అందించేలా గ్రీన్ క్రాకర్స్‌ను తయారు చేస్తారు. అయితే వాటి రసాయన కూర్పు, ఉద్గారాల స్థాయుల్లో తేడాలు ఉంటాయి. వీటిని కొనుగోలు చేసేటప్పుడు పర్యావరణ అనుమతులు, ధ్రువీకరణ వివరాలను పరిశీలించాలి. గుర్తింపు లేని ఉత్పత్తులను గ్రీన్ క్రాకర్స్ పేరుతో విక్రయించే అవకాశాలు ఉన్నందున వినియోగదారులు అప్రమత్తంగా ఉండాలి.ధరలు, కొనుగోలులో అప్రమత్తతగ్రీన్ క్రాకర్స్ ధరలు వాటి రకం, ప్యాకెట్ పరిమాణం, తయారీ సంస్థ ఆధారంగా మారుతాయి. కొనుగోలుదారులు దుకాణాల్లో ధరలను పరిశీలించి, ధ్రువీకరించిన ఉత్పత్తులనే ఎంచుకోవాలి. వీటిని అధీకృత బాణసంచా దుకాణాలు, ప్రభుత్వం లేదా సంబంధిత అధికారులు గుర్తించిన విక్రయ కేంద్రాల్లో మాత్రమే కొనుగోలు చేయడం ఉత్తమం.నీరీ ధ్రువీకరణ, క్యూఆర్ కోడ్ కీలకంగ్రీన్ క్రాకర్స్ కొనుగోలు సమయంలో నీరీ (NEERI) ధ్రువీకరణ, ప్యాకెట్‌పై ఉన్న క్యూఆర్ కోడ్‌ను పరిశీలించడం ముఖ్యం. ఈ వివరాల ద్వారా ఉత్పత్తి ప్రామాణికతను నిర్ధారించుకోవచ్చు. కేవలం గ్రీన్ క్రాకర్స్ అని ముద్రించినంత మాత్రాన వాటిని ధ్రువీకరించినవిగా భావించకూడదు. అధికారిక గుర్తింపు, సంబంధిత వివరాలు ఉన్నాయో లేదో తనిఖీ చేసిన తర్వాతే కొనుగోలు చేయాలి.నిబంధనలు పాటిస్తూ పండుగ జరుపుకోవాలిదీపావళి వేడుకల్లో గ్రీన్ క్రాకర్స్ వినియోగాన్ని ప్రోత్సహిస్తున్నప్పటికీ, అవి పూర్తిగా కాలుష్యరహితమైనవి కావని గుర్తుంచుకోవాలి. కాలుష్య నియంత్రణకు సంబంధించిన నిబంధనలు, స్థానిక అధికారుల సూచనలు తప్పనిసరిగా పాటించాలి. అనధికార విక్రయ కేంద్రాల్లో టపాసులు కొనుగోలు చేయకుండా, గుర్తింపు పొందిన దుకాణాలనే ఆశ్రయించాలి. పర్యావరణ పరిరక్షణకు ప్రాధాన్యమిస్తూ బాధ్యతాయుతంగా పండుగ జరుపుకోవడం ప్రతి ఒక్కరి బాధ్యత.ఇదీ చదవండి: ‘రామ్‌లీల’కు కాంగ్రెస్‌ జనాన్ని ఎలా రప్పించిందంటే..

నిఫ్టీ 12 శాతం పడిపోయింది. సెన్సెక్స్‌ 10,750 పాయింట్లు నష్టపోయింది. ఎఫ్‌ఐఐలు రూ.2.8 లక్షల కోట్లు మార్కెట్ల నుంచి ఉపసంహరించుకున్నారు. ఇదీ... దీపావళి టు దీపావళి చెబుతున్న వాస్తవం. అంతర్జాతీయంగా పెరుగుతున్న వడ్డీ రేట్లు, దడ పుట్టిస్తున్న ముడిచమురు ధర ఇప్పటికీ మార్కెట్లలో మంటలు రేపుతూనే ఉన్నాయి. కాకపోతే ‘సిప్‌’ నిధులతో బలపడ్డ దేశీ మ్యూచువల్‌ ఫండ్లు ఇదే ఏడాదిలో రూ.6.9 లక్షల కోట్ల మేర కొనుగోళ్లు చేసి పతనాన్ని చాలావరకూ అడ్డుకున్నాయి. మరి తరువాతేంటి? కరెక్షన్‌ ముగిసిందనుకోవాలా? దీన్నో అవకాశంగా తీసుకోవాలా? లేక మరింత కరెక్షన్‌ జరగొచ్చని వేచి చూడాలా? ఇన్వెస్టర్లు చేయాల్సిందేంటి? బ్రోకరేజీ సంస్థలు ఏం చెబుతున్నాయి? పరిస్థితులు అంత నాటకీయంగా మారకపోయినా సరే... ఇన్వెస్టర్లు ఇప్పటి ధరల్లో కొనదగ్గ షేర్లు ఏమైనా ఉన్నాయా? ఈ ప్రశ్నలకు సమాధానమే ఈ ‘దీపావళి స్పెషల్‌... వెల్త్‌ స్టోరీ’. జస్ట్‌.. రెండ్రోజుల కిందట టెక్‌ దిగ్గజం అల్ఫాబెట్‌ (గూగుల్‌) ఒకేరోజు ఏకంగా 12.6 శాతం పతనమయింది. దానివిలువలో 500 బిలియన్‌ డాలర్లు ఒకేరోజు తుడిచిపెట్టుకు పోయాయి. ఏఐపై భారీ ఖర్చులు, తగ్గిన క్యాష్‌ఫ్లో ఇన్వెస్టర్లలో ఆందోళన పెంచాయి. ఈ ప్రభావం అంతర్జాతీయంగా టెక్నాలజీ కంపెనీల వాల్యుయేషన్లపై పడనుంది. ఇప్పటికే భారీ కరెక్షన్‌కు గురైన భారత ఐటీ కంపెనీలక్కూడా ఇది ఇబ్బందికరమైన పరిణామమే. వీటికితోడు అంతర్జాతీయంగా వడ్డీరేట్లు పెరుగుతున్నాయి. మునుపెన్నడూ లేని రీతిలో అమెరికా, జపాన్, యూరప్‌లలో బాండ్లపై వచ్చే వడ్డీ పెరిగింది. దీంతో ఎఫ్‌ఐఐలు మన మార్కెట్ల నుంచి నిధులు వెనక్కి తీసుకుని మెరుగైన రాబడుల కోసం బాండ్లవైపు మళ్లే అవకాశాలు పెరుగుతున్నాయి. పైపెచ్చు 100 డాలర్లపైన కొనసాగుతున్న ముడిచమురు ధర మన కంపెనీల లాభాలపై తీవ్రంగా పడుతోంది. ఇవన్నీ సద్దు్దమణిగితేనే మార్కెట్లు కోలుకుంటాయి. దానికెంత సమయం పడుతుందన్నది చెప్పలేని పరిస్థితి. కాకపోతే ఇలాంటి పరిస్థితుల్లోనూ రాణించే కొన్ని రంగాలను... వాటిల్లో ఇన్వెస్ట్‌ చేయదగ్గ షేర్లను చూద్దాం...విద్యుత్, ఎలక్ట్రికల్‌ పరికరాలు, ఎలక్ట్రిక్‌ ఇన్‌ఫ్రా... ఎస్‌బీఐ సెక్యూరిటీస్, ఆనంద్‌ రాఠీ, ప్రభుదాస్‌ లీలాధర్‌ క్యాపిటల్, యాక్సిస్‌ సెక్యూరిటీస్‌ సంస్థలు ఈ దీపావళి కోసం కొన్ని షేర్లను సిఫారసు చేశాయి. వాటన్నిట్లో ప్రధానంగా కనిపించిన రంగమిది. దేశంలో విద్యుత్తుకు డిమాండ్‌ పెరుగుతుండటం, గ్రిడ్‌ ఆధునికీకరణ, స్మార్ట్‌ మీటర్ల ఏర్పాటు, సరఫరాపై పెట్టుబడులు, పారిశ్రామిక ఇన్‌ఫ్రా వంటివి ఈ రంగ భవిష్యత్‌కు సూచికలు. ఈ రంగంలో ఇన్వెస్టర్లు వేటిని ఎంచుకోవచ్చంటే... పవర్‌ మెక్‌ ప్రాజెక్ట్స్‌ (ఎస్‌బీఐ సెక్యూరిటీస్‌) ప్రస్తుత ధర: రూ.2,145 టార్గెట్‌ ధర: రూ.2,576 (19శాతం) → ఈ ఏడాది సెప్టెంబరు నాటికి రూ.56,647 కోట్ల విలువైన ఆర్డర్‌ బుక్‌ ఉంది. → వీటిలో ఈ ఏడాది పూర్తిచేసే పనుల విలువ దాదాపు రూ.16,229 కోట్లు → 2006–2028 మధ్య రెవెన్యూ 21 శాతం, నికరలాభం 29 శాతం కాంపౌండింగ్‌ వృద్ధిని సాధిస్తాయన్నది ఎస్‌బీఐ సెక్యూరిటీస్‌ అంచనా. జీనస్‌ పవర్‌ ఇన్‌ఫ్రాస్ట్రక్చర్స్‌ (ఎస్‌బీఐ సెక్యూరిటీస్‌) ప్రస్తుత ధర: రూ.277 టార్గెట్‌ ధర: రూ.320 (17 శాతం) → స్మార్ట్‌ ఎలక్ట్రిక్‌ మీటర్లు అమర్చటమన్నది కొన్నేళ్లపాటు కొనసాగనుంది. → తయారీ సామర్థ్యాలు, ఆర్డర్‌బుక్‌ విలువ చూస్తే వృద్ధి అవకాశాలు సుస్పష్టం. → గ్యాస్‌ మీటర్లు అమర్చటం, విదేశీ విస్తరణ, మెయింటెనెన్స్‌ ఆదాయం వంటివి అదనపు రెవెన్యూను అందించనున్నాయి. → వచ్చే ఆర్థిక సంవత్సరానికి పీఈ రేషియో 12.1 స్థాయికి తగ్గొచ్చనేది ఎస్‌బీఐ అంచనా. సీజీ పవర్‌ అండ్‌ ఇండ్రస్టియల్‌ సొల్యూషన్స్‌ (ఆనంద్‌ రాఠీ) ప్రస్తుత ధర: రూ.804 టార్గెట్‌ ధర: రూ.1,300 (62 శాతం) → ట్రాన్స్‌ఫార్మర్లు, మోటార్లు, పారిశ్రామిక ఎలక్ట్రికల్‌ పరికరాల తయారీలో ఉంది. → దేశంలో పవర్‌ ఇన్‌ఫ్రాపై ఇన్వెస్ట్‌మెంట్లు పెరగటం, పరిశ్రమల విస్తరణ వంటివి ఈ కంపెనీకి కలిసొస్తాయి. → ఈ రంగం పటిష్ఠంగా ఉంది కనక ప్రస్తుత ధరల వద్ద కన్సాలిడేషన్‌ జరిగి భవిష్యత్తులో పెరుగుతుందన్నది ఆనంద్‌ రాఠీ అభిప్రాయం.వాహన రంగంఅశోక్‌ లేలాండ్‌ (యాక్సిస్‌ సెక్యూరిటీస్‌) ప్రస్తుత ధర: రూ. 145 టార్గెట్‌ ధర: 170 (17 శాతం) → కమర్షియల్‌ వాహనాల yì మాండ్‌ పటిష్ఠంగా ఉంది. చాలా సంస్థలు తమ ఫ్లీట్‌ను మారుస్తున్నాయి. → ఇన్‌ఫ్రా, లాజిస్టిక్స్‌ కార్యకలాపాలు డిమాండ్‌ను పెంచుతున్నాయి. → అమ్మకాలు గనక పెరిగితే కంపెనీకున్న ఆపరేటింగ్‌ సౌలభ్యం వల్ల మెరుగైన రెవెన్యూ సాధిస్తుంది. డిఫెన్స్, ఎలక్ట్రానిక్స్, ఏరోస్పేస్‌ దేశీయంగా రక్షణ రంగం నానాటికీ పెరుగుతుండటం... ఏరోస్పేస్‌ కార్యక్రమాలు, దిగుమతులకు ప్రత్యామ్నాయంగా దేశీ తయారీ పెరగటం వంటివి దీర్ఘకాల అవకాశాల్ని సృష్టిస్తున్నాయి. కానీ ఈ రంగాల్లో చాలా షేర్ల ధరలు ఇప్పటికే బాగా పెరిగిపోయాయి. వాల్యుయేషన్లు బీభత్సంగా ఉన్నాయి. ఆర్డర్‌ బుక్‌ ఒక్కటే ఉంటే సరిపోదు.... దాన్ని రెవెన్యూగా, లాభాలుగా మార్చటమే కీలకం. సెంటమ్‌ ఎల్రక్టానిక్స్‌ (ఎస్‌బీఐ సెక్యూరిటీస్‌) ప్రస్తుత ధర: రూ.3,990 టార్గెట్‌ ధర: రూ.4,980 (22 శాతం)→ కంపెనీకి వస్తున్న ఆదాయంలో 50 శాతానికి పైగా డిఫెన్స్, స్పేస్, ఏరోస్పేస్‌ రంగాల నుంచి వస్తున్నదే. → మిషన్‌ – క్రిటికల్‌ ఎల్రక్టానిక్స్‌ను ఇది సరఫరా చేస్తోంది. → ప్రధాన కçస్టమర్లంతా చాలా కాలంగా ఉన్నవాళ్లే. దీర్ఘకాల సంబంధాలున్నాయి. → భారత అంతరిక్ష రంగ కార్యకలాపాలకు సరఫరాలు చేస్తోంది. → ఒకరకంగా ఇది సాధారణ డిఫెన్స్‌ తయారీ కంపెనీ కాదు. ఈ రంగంలో బాగా వైవిధ్యం ఉన్న కంపెనీ.లుమాక్స్‌ ఇండస్ట్రీస్‌ (ఎస్‌బీఐ సెక్యూరిటీస్‌)ప్రస్తుత ధర: రూ. 5,003 టార్గెట్‌ ధర: రూ. 6,097 (22 శాతం) → దేశంలోని ఒరిజినల్‌ ఎక్విప్‌మెంట్‌ తయారీ కంపెనీల్లో 90 శాతానికి ప్రధాన సరఫరా దారు ఈ క ంపెనీయే. → ఎల్‌ఈడీ లైటింగ్, వాహన స్టైలింగ్‌ లైట్లు, ఎల్రక్టానిక్‌ ఇంటిగ్రేషన్‌ వంటివి కంపెనీని వృద్ధి దిశగా నడిపిస్తున్నాయి. → ఈ ఏడాది తొలి అర్ధభాగంలో వచి్చన ఆదాయంలో 63 శాతానికి పైగా ప్యాసింజర్‌ వాహనాల విభాగం నుంచి వచి్చందే కావటం గమనార్హం. → ఆటో అనుబంధ పరికరాల రంగంలో టెక్నాలజీని అందిపుచ్చుకున్న కంపెనీ ఇది. ఆటో సేల్స్‌ తగ్గితే మాత్రం కంపెనీపై ప్రభావం పడొచ్చుజ్యోతి సీఎన్‌సీ ఆటోమేషన్‌ (ఎస్‌బీఐ సెక్యూరిటీస్‌) ప్రస్తుత ధర: రూ.913 టార్గెట్‌ ధర: రూ.1,087 (19 శాతం) → దిగుమతులకు ప్రత్యామ్నాయంగా స్థానికంగా తయారు చేయటం, ప్రెసిషన్‌ పరికరాల తయారీలో ఉండటం కంపెనీకి కలిసొచ్చే అంశం. → 2026– 2028 ఆర్థిక సంవత్సరాల మధ్య కాంపౌండింగ్‌ వృద్ధి 30 శాతంగా ఉండొచ్చన్నది ఎస్‌బీఐ అంచనా. → ప్రస్తుతం షేరు ధర కాస్త ఎక్కువగానే కనిపిస్తోంది. కాకపోతే లాభాల్లో వృద్ధి కూడా పటిష్ఠంగానే ఉండనుంది. ఈ ఆరూ సూపర్‌ సిక్స్‌!!ఇవి ఎందుకంటే... బ్రోకరేజీ సంస్థల సిఫారసులను వడపోసి చూసినా దాదాపుగా 10 కంపెనీల షేర్లు సానుకూలంగా కనిపిస్తున్నాయి. కానీ వాటిని మరింత వడపోసి ఈ ఆరింటినీ ఎందుకు ఎంచుకోవటమంటే... → పవర్‌మెక్, జీనస్‌ విద్యుత్‌ ఇన్‌ఫ్రా రంగంలో ఉన్నాయి. ఇపుడు విద్యుత్‌ రంగ పెట్టుబడుల సైకిల్‌ బావుంది. → ఆటోమోటివ్‌ కాంపొనెంట్స్‌ రంగంలో టెక్నాలజీ పరంగా వస్తున్న మార్పుల్ని లుమాక్స్‌ ఒడిసిపట్టుకుంది. → డిఫెన్స్, ఏరోస్పేస్‌ ఎల్రక్టానిక్స్‌లో ప్రత్యేక పరికరాల తయారీలో సెంటమ్‌కు చెప్పుకోదగ్గ వాటా ఉంది. → దేశీయంగా పెరుగుతున్న వినియోగం, టూరిజం వల్ల ఆతిథ్య రంగం లాభపడనుంది. దాన్లో ఇండియన్‌ హోటల్స్‌ అగ్రగామి. → బీమా విస్తరణ వల్ల ఆరోగ్య రంగంపై ఖర్చులు పెరుగుతున్నాయి. ఈ రంగంలో అపోలోది ప్రత్యేక స్థానం. బ్రాండ్, విస్తరణ వంటివి కంపెనీకి కలిసొస్తాయి. హెల్త్‌కేర్, ఆసుపత్రులు మార్కెట్లు కరెక్షన్‌ దశలో ఉన్నపుడు రక్షణాత్మకంగా హెల్త్‌కేర్, ఆసుపత్రుల వంటి రంగాల్లో పెట్టుబడులు పెట్టడమన్నది ఇన్వెస్టర్లు చేసే పని. ఎందుకంటే అంతర్జాతీయ టెక్నాలజీ కుదుపులతో దీనికి పెద్దగా సంబంధం ఉండదు. ఆసుపత్రుల విస్తరణ, బీమా పెరుగుదల వంటివి ఈ రంగ వృద్ధికి ఉపకరించబోతున్నాయి. అపోలో హాస్పిటల్స్‌ (పీఎల్‌ క్యాపిటల్‌) ప్రస్తుత ధర: రూ. 8,448 టార్గెట్‌ ధర: 9,800–10,400 (20 శాతం) → ఒకదశలో రూ.9,050ని తాకిన ఈ షేరు... అక్కడి నుంచి కరెక్షన్‌కు గురైంది. → రూ.7,500 దగ్గర పతనం ఆగిందని, అంతకన్నా పడే అవకాశాలు తక్కువన్నది ప్రభుదాస్‌ లీలాధర్‌ క్యాపిటల్‌ అంచనా. → హెల్త్‌కేర్‌కు డిమాండ్‌ పెరుగుతుండటం, అపోలో విస్తరణ కూడా అదే స్థాయిలో ఉండటం కంపెనీకి కలిసొచ్చే అంశాలు. నెఫ్రోకేర్‌ హెల్త్‌కేర్‌ సర్వీసెస్‌ (యాక్సిస్‌ సెక్యూరిటీస్‌) ప్రస్తుత ధర: రూ. 614 టార్గెట్‌ ధర: రూ. 750 → కిడ్నీ కేర్‌కు ప్రత్యేక సరీ్వసులు, డయాలసిస్‌ సేవలు అందించటం కంపెనీ ప్రత్యేకత. → తీవ్రమైన కిడ్నీ సమస్యలు అంతకంతకూ పెరుగుతుండటం, డయాలిసిస్‌ కావాల్సిన వారి సంఖ్య కూడా పెరగటం ఈ సంస్థకు కలిసొచ్చే అంశాలు. n రొటీన్‌ టెస్టింగ్‌ నుంచి ముందుగానే కిడ్నీ సమస్యలను గుర్తించటం, ప్రత్యేక కేర్‌ అందించటం వంటివి ఈ కంపెనీ లాభాల్ని పెంచుతాయని యాక్సిస్‌ క్యాపిటల్‌ భావిస్తోంది. ఆతిథ్య రంగం దేశీయంగా ఆదాయాలు పెరుగుతుండటమనేది ఆతిథ్య రంగానికి కలిసొచ్చే అంశం. పొదుపు చేయటం మాత్రమే కాదు... ఖర్చుల్లోనూ వెనుకాడకూడదన్న యువతరం... టూర్లు, హోటళ్లకు బాగా ప్రాధాన్యమిస్తోంది. ఇండియన్‌ హోటల్స్‌ కంపెనీ (ఎస్‌బీఐ – యాక్సిస్‌) ప్రస్తుత ధర: రూ. 811 టార్గెట్‌ ధర: 935 (15 శాతం) → ప్రస్తుతం నిర్మాణంలో ఉన్నవాటితో సహా కంపెనీ ఖాతాలో ఏకంగా 670 హోటళ్లున్నాయి. → 2030 నాటికి వీటి సంఖ్యను 700 కన్నా ఎక్కువ చేయాలనేది కంపెనీ లక్ష్యం. → 2027 ఆర్థిక సంవత్సరం రెవెన్యూ 15–17 శాతం పెరగవచ్చని కంపెనీ పేర్కొంది. → 2028 ఆర్థిక సంవత్సరం వరకూ రెండేళ్ల పా టు 14.6% చొప్పున ఆదాయం కాంపౌండింగ్‌ వృది సాధించవచ్చన్నది ఎస్‌బీఐ అంచనా. – సాక్షి వెల్త్‌ డెస్క్

బాలీవుడ్‌ స్టార్‌ హీరోయిన్‌ అలియా భట్‌ తన అందం, అభినయంతోనే కాకుండా ఫ్యాషన్‌ ఎంపికలతోనూ అభిమానులను ఆకట్టుకుంటోంది. తాజాగా దీపావళి వేడుకల సందర్భంగా ఆమె ధరించిన ప్రత్యేకమైన దుస్తులు అందరి దృష్టిని ఆకర్షించాయి. బంగారు రంగులో మెరిసిపోతున్న బనారసీ జాకెట్‌ సూట్‌లో అలియా ఎంతో అందంగా కనిపించింది. సంప్రదాయ భారతీయ నేత పనితనానికి ఆధునిక హంగులు జోడించిన ఈ ప్రత్యేకమైన దుస్తులు ఇప్పుడు ఫ్యాషన్‌ ప్రియులను ఆకట్టుకుంటున్నాయి.ప్రముఖ ఫ్యాషన్‌ డిజైనర్‌ మయూర్‌ గిరోత్రా అలియా కోసం ప్రత్యేకంగా ఈ దుస్తులను రూపొందించారు. బంగారు రంగు బనారసీ వస్త్రంతో పొడవైన కలీదార్‌ జాకెట్‌ను తయారు చేశారు. జాకెట్‌కు వజ్రాలు, ఎనామెల్‌తో రూపొందించిన బటన్లు ప్రత్యేక ఆకర్షణగా నిలిచాయి. ఆధునిక శైలిలో..ఈ దుస్తుల గురించి డిజైనర్‌ మయూర్‌ గిరోత్రా సోషల్‌ మీడియాలో ప్రత్యేకంగా వివరించారు. భారతీయ చేనేత సంపదను ఆధునిక శైలిలో పరిచయం చేయడమే ఈ దుస్తుల ఉద్దేశమని పేర్కొన్నారు. పాతకాలపు కళలు, సంప్రదాయాలను కాపాడుకుంటూనే వాటిని నేటి తరానికి నచ్చేలా రూపొందించినట్లు తెలిపారు.(ఇదీ చదవండి: కొద్ది రోజుల్లో రిలీజ్‌.. ‘రామాయణ’పై యశ్‌ కొడుకు రివ్యూ) View this post on Instagram A post shared by Mayyur Girotra Official (@mayyurgirotracouture)

దేశవ్యాప్తంగా దీపావళి వేడుకలకు సర్వం సిద్ధమవుతున్న వేళ బాణాసంచా తయారీ రంగానికి కీలకంగా ఉన్న తమిళనాడులోని శివకాశి ప్రాంతాన్ని అకాల వర్షాలు తీవ్రంగా కలవరపెడుతున్నాయి. దేశంలోని మొత్తం బాణాసంచా అవసరాల్లో సింహభాగం ఉత్పత్తి చేసే ఈ ప్రాంతం ప్రస్తుతం ప్రతికూల వాతావరణ పరిస్థితుల కారణంగా సంక్షోభాన్ని ఎదుర్కొంటోంది. ముఖ్యంగా విరుదునగర్ జిల్లాలోని ప్రముఖ తయారీ కేంద్రాల్లో ఒకటైన సత్తూరు ప్రాంతంలో అక్టోబర్ 22 నాటికి ఏకంగా 143 మి.మీ వర్షపాతం నమోదైంది. దీనివల్ల బాణాసంచా తయారీ ప్రక్రియ అస్తవ్యస్తమైంది.తగ్గిన ఉత్పాదకతబాణాసంచా తయారీలో అత్యంత కీలకమైన దశ వాటిని ఎండబెట్టడం. రసాయనాలు నింపిన టపాసులను సంప్రదాయబద్ధంగా ఎండలో ఆరబెట్టాల్సి ఉంటుంది. అయితే, అక్కడ కురిసిన అకాల వర్షాల కారణంగా టపాసులు తడిసిపోవడం, సరిగ్గా ఆరకపోవడం జరుగుతోంది. దీనివల్ల తయారీ యూనిట్లలో పనులు మందగించాయి. దీపావళి సీజన్‌కు డిమాండ్‌ను తట్టుకునేలా గడువులోగా సరుకును మార్కెట్లోకి తరలించలేమనే ఆందోళన తయారీదారుల్లో వ్యక్తమవుతోంది.పెరిగిన ముడిసరుకుల భారంప్రకృతి ప్రభావానికి తోడు, తయారీదారులు ఇప్పటికే ముడి పదార్థాల ధరల పెరుగుదలను ఎదుర్కొంటున్నారు. రసాయనాలు, పేపర్‌ ట్యూబ్స్, అట్టపెట్టెలు, ఇతర ఇన్‌పుట్ ధరలు ఎగబాకడంతో తమ లాభాల మార్జిన్లు భారీగా పడిపోయాయని ఇండస్ట్రీ వర్గాలు వాపోతున్నాయి. ఒకవైపు ముడిసరుకుల ధరల భారం, మరోవైపు వర్షాల ప్రభావం వెరసి శివకాశి పారిశ్రామిక వర్గాలను కోలుకోలేని దెబ్బతీశాయి.ఉపాధిపై నీడలుశివకాశి, చుట్టుపక్కల ప్రాంతాల్లో ప్రత్యక్షంగా, పరోక్షంగా లక్షలాది మంది కార్మికులు ఈ విభాగంపై ఆధారపడి జీవిస్తున్నారు. పండుగ సీజనే వీరికి ప్రధాన ఆదాయ వనరు. ఈ తరుణంలో వర్షాల వల్ల ఉత్పత్తికి అంతరాయం కలగడం కార్మికుల ఉపాధిపైనా, వేతనాలపైనా ప్రభావం చూపుతోంది. ఏదేమైనప్పటికీ ఈ ప్రతికూల పరిస్థితులను అధిగమించి చివరి నిమిషంలోనైనా ఉత్పత్తిని వేగవంతం చేసేందుకు తయారీదారులు శ్రమిస్తున్నారు.ఇదీ చదవండి: బంగారం చిన్నబోతోందెందుకో తెలుసా?

దీపావళి అంటే దీపాల పండుగ మాత్రమే కాదు, బాణసంచా మెరుపులు పండుగ కూడా! చిటపటలాడే కాకరపువ్వులు, ధగధగ వెలిగే మతాబులు, దడదడ పేలే టపాకాయల సందడి లేకుండా దీపావళి పండుగను ఊహించుకోవడం కష్టం. మన దేశంలో దీపావళికి మాత్రమే బాణసంచా కాలుస్తారు. కొన్ని ఇతర దేశాల్లో వేర్వేరు వేడుకల్లో బాణసంచా కాలుస్తారు. చైనాలో వారి సంప్రదాయక చాంద్రమాన పంచాంగం ప్రకారం జరుపుకొనే నూతన సంవత్సర వేడుకల్లోను, లాంతర్ల పండుగలోను బాణసంచా కాలుస్తారు. అమెరికాలో వారి స్వాతంత్య్ర దినోత్సవం జూలై 4న బాణసంచా కాలుస్తారు. బ్రిటన్‌లో ఏటా నవంబర్‌ 5న ‘గై ఫాక్స్‌ నైట్‌’ సందర్భంగా బాణసంచా కాలుస్తారు. ఇలాగే, ఇతర దేశాల్లోనూ వారి వారి స్థానిక వేడుకల్లో బాణసంచా కాల్చే సంప్రదాయం శతాబ్దాలుగా కొనసాగుతోంది. బాణసంచా గురించి గణాంకాల్లో కొన్ని ముచ్చట్లు తెలుసుకుందాం...ప్రపంచవ్యాప్తంగా ఏటా సగటున 6.41 లక్షల టన్నుల బాణసంచా ఉత్పత్తి జరుగుతోంది. బాణసంచా ఉత్పాదనలో చైనా, భారత్, పాకిస్తాన్‌ తొలిమూడు స్థానాల్లో ఉన్నాయి. మిగిలిన అన్ని దేశాల్లోనూ కలుపుకొని వార్షిక సగటు ఉత్పాదన 1,03,000 టన్నుల వరకు ఉంటోంది.ఇదీ చదవండి: అండ పిండ బ్రహ్మాండ కూష్మాండం

త్వరలో దేశం మెుత్తం దీపావళి సంబురాలు జరుపుకోబోతుంది. దీంతో దేశం మెుత్తం పాల ఉత్పత్తులు, మిఠాయిలు ఇతరాత్రా తీపి పదార్థాలకు డిమాండ్ విపరీతంగా ఉంటుంది. దీనిని ఆసరాగా చేసుకొని బ్లాక్‌ మార్కెట్‌ రెచ్చిపోతుంది. నాసిరకం ఆహర పదార్థాలతో పాటు గడువు ముగిసిన స్వీట్లను అమ్ముతూ వినియోగదారులను ఆరోగ్యంతో చెలగాటం ఆడుతుంది. ఈ నేపథ్యంలో మహారాష్ట్ర ఎఫ్‌డీఏ డైరెక్టర్‌ తుకారం ముండే పలు ప్రాంతాల్లోని ఆహార పదార్థాల గోదాములపై రైడ్‌ నిర్వహించారు.దీపావళి వచ్చిందంటే స్వీట్లు, పాల ఉత్పత్తులు, పండుగకు సంబంధించిన చిరుతిళ్లకు భారీగా డిమాండ్ పెరుగుతుంది. పండుగ సందర్భంగా మిఠాయి దుకాణాలు రకరకాల స్వీట్లతో కళకళలాడుతుంటాయి. అయితే ఈ పండుగ సందడిలో ఆహార పదార్థాల నాణ్యత, భద్రతపై ఇప్పుడు అనేక అనుమానాలు వ్యక్తమవుతున్నాయి. ముఖ్యంగా కల్తీ స్వీట్లు, స్వీట్ల తయారీలో కృత్రిమ రంగుల అధిక వినియోగం, అపరిశుభ్ర వాతావరణంలో ఆహార పదార్థాల తయారీ వంటి అంశాలు వినియోగదారులను ఆందోళనకు గురిచేస్తున్నాయి.ఈ నేపథ్యంలో మహారాష్ట్ర అధికారులు ఆహర పదార్థాలు నిలువ ఉంచే గోదాములపై కీలక తనిఖీలు చేపట్టారు. ఈ వివరాలను మహారాష్ట్ర ఎఫ్‌డీఏ కమిషనర్ తుకారాం ముండే వెల్లడించారు. భివాండి, అంబర్‌నాథ్, పడ్ఘా ప్రాంతాల్లోని పలు గోదాములపై అధికారులు దాడులు నిర్వహించినట్లు తెలిపారు. సుమారు నెలన్నర రోజుల పాటు ఈ గోదాముల కార్యకలాపాలపై అధికారులు నిఘా పెట్టారు. ఈ పరిశీలనలో కొన్ని గోదాముల్లో గడువు ముగిసిన ఆహార పదార్థాలను ధ్వంసం చేసినట్లు అధికారిక రికార్డుల్లో నమోదు చేస్తున్నప్పటికీ, వాస్తవంగా వాటిని రహస్యంగా తిరిగి ప్యాకింగ్ చేసి మార్కెట్లో విక్రయిస్తున్నట్లు గుర్తించారు. .ఈ దాడుల్లో కోట్ల రూపాయల విలువైన పాడైపోయిన ఆహార పదార్థాలను అధికారులు స్వాధీనం చేసుకున్నారు. ఈ అక్రమాలకు పాల్పడినట్లు ఆరోపణలు ఎదుర్కొంటున్న 34 మందిని అరెస్టు చేశారు. గడువు ముగిసిన ఆహార పదార్థాలను ధ్వంసం చేయకుండా తిరిగి విక్రయిస్తున్న వ్యవహారం తీవ్ర ఆందోళన కలిగిస్తోంది.ఈ దాడులతో పాటు మహారాష్ట్ర వ్యాప్తంగా ఉన్న అన్ని వాణిజ్య గోదాములు, కోల్డ్ స్టోరేజ్ కేంద్రాలకు ఎఫ్‌డీఏ కీలక ఆదేశాలు జారీ చేసింది. విక్రయించడానికి ఏమాత్రం పనికిరాని ఆహార పదార్థాలు తిరిగి వినియోగదారుల వద్దకు చేరకుండా చర్యలు తీసుకోవాలని స్పష్టం చేసింది. అలాంటి ఆహార పదార్థాలను తిరిగి ప్యాకింగ్ చేయడం, వాటిని మళ్లీ విక్రయించడం వంటి చర్యలకు ఎట్టి పరిస్థితుల్లోనూ అనుమతి లేదని ఆదేశాల్లో పేర్కొంది. ముదురు రంగుల్లో కనిపించే స్వీట్ల పట్ల అప్రమత్తంగా ఉండాలని అధికారులు సూచించారు.దీపావళి సందర్భంగా స్వీట్ల నాణ్యతపై కూడా ఎఫ్‌డీఏ కమిషనర్ తుకారాం ముండే పలు సూచనలు చేశారు. ముఖ్యంగా స్వీట్లు, పండుగకు సంబంధించిన చిరుతిళ్లపై తయారీ తేదీ, గడువు తేదీ (Expiry Date) తప్పనిసరిగా ఉండాలని స్పష్టం చేశారు. ఈ నిబంధనలను పాటించని వారిపై ఇప్పటికే చర్యలు ప్రారంభించినట్లు వెల్లడించారు.అలాగే స్వీట్ల తయారీలో కృత్రిమ రంగులను అధికంగా వినియోగించడంపై ఆయన ఆందోళన వ్యక్తం చేశారు. ముఖ్యంగా ముదురు రంగుల్లో కనిపించే మోతీచూర్ లడ్డూలను కొనుగోలు చేసే విషయంలో వినియోగదారులు జాగ్రత్తగా ఉండాలని సూచించారు. స్వీట్లకు ఆకర్షణీయమైన రంగులు తీసుకురావడానికి అధిక మోతాదులో కృత్రిమ రంగులు కలపడం ఆరోగ్యానికి హానికరంగా మారే అవకాశం ఉందని హెచ్చరించారు.కొనుగోలుదారులకు జాగ్రత్తలుదీపావళి పండుగ సమయంలో స్వీట్లు, ఇతర ఆహార పదార్థాలను కొనుగోలు చేసేటప్పుడు వినియోగదారులు మరింత అప్రమత్తంగా ఉండాలని అధికారులు సూచిస్తున్నారు. ముఖ్యంగా స్వీట్ల ప్యాకెట్లపై గడువు తేదీని తప్పనిసరిగా పరిశీలించాలి. తయారీ తేదీ, ప్యాకింగ్ వివరాలు సరిగా ఉన్నాయో లేదో చూసుకోవాలి. అసాధారణంగా ముదురు రంగుల్లో కనిపించే స్వీట్లను కొనుగోలు చేయకుండా జాగ్రత్త పడాలని పేర్కొన్నారు.ఇదీ చదవండి: రైతులకు డబ్బులొచ్చాయి

హైదరాబాద్‌: సింగరేణి కార్మికులకు తెలంగాణ ప్రభుత్వం శుభవార్త చెప్పింది. సింగరేణి ఉద్యోగులకు బోనస్‌ ప్రకటించింది రేవంత్‌ సర్కార్‌. ఒక్కో కార్మికుడికి గరిష్టంగా రూ.1,10,250 దీపావళి బోనస్‌ ప్రకటించింది. ఈ మేరకు డిప్యూటీ సీఎం భట్టి విక్రమార్క వెల్లడించారు. దీపావళి బోనస్ కోసం రూ.419 కోట్లు సింగరేణి యాజమాన్యం విడుదల చేయనుంది. సుమారు 38 వేల మంది సింగరేణి కార్మికులకు బోనస్‌ అందనుంది. నవంబర్ 5న కార్మికుల బ్యాంకు ఖాతాల్లో బోనస్ జమ అయ్యే అవకాశం ఉంది. డిప్యూటీ సీఎం భట్టి విక్రమార్క ఆదేశాలతో బోనస్ చెల్లింపునకు యాజమాన్యం ఏర్పాట్లు చేస్తుంది. నేషనల్ కోల్ వేజ్ అగ్రిమెంట్(NCWA) ఉద్యోగులకు మాత్రమే దీపావళి బోనస్ వర్తించనుంది. అధికారులకు ఈ బోనస్‌ వర్తించదు. గత ఆర్థిక సంవత్సరంలో కనీసం 30 రోజులు పనిచేసిన కార్మికులకు బోనస్ అర్హతగా నిర్ణయించారు.అర్హత పని దినాలు పూర్తి చేసిన కార్మికులకు పూర్తిస్థాయి బోనస్ ఇవ్వనున్నారు. మిగతావారికి పని దినాల ఆధారంగా చెల్లిస్తారు. దీంతో దసరా, దీపావళి బోనస్‌లతో సింగరేణి కార్మికులకు నెల రోజుల్లోనే భారీ ఆర్థిక ప్రయోజనం చేకూరినట్లయ్యింది. రెండు బోనస్‌ల రూపంలో ఒక్కో కార్మికుడికి సగటున రూ.2.65 లక్షల వరకు లబ్ధి చేకూరనుంది. దసరా, దీపావళి బోనస్‌లతో కలిపి కార్మికులకు సుమారు రూ.1,020 కోట్ల చెల్లిస్తున్నారు. దీనిలో భాగంగా సింగరేణి కార్మికులకు ముందుగానే దీపావళి శుభాకాంక్షలు తెలిపారు డిప్యూటీ సీఎం భట్టి విక్రమార్క. బొగ్గు ఉత్పత్తి వ్యయం తగ్గించి పోటీని అధిగమించాలని సింగరేణి కార్మికులకు సూచించారు. బోనస్ మొత్తాన్ని కుటుంబ అవసరాలకు వినియోగించుకోవడంతో పాటు పొదుపు చేయాలని కార్మికులకు విజ్ఞప్తి చేశారు.ఇదీ చదవండి: ‘ ఆ భూములు అమ్ముతామంటే మేం ఒప్పుకోం’

దీపావళి వచ్చిందంటే సర్‌ప్రైజ్‌ గిఫ్ట్‌లు, లగ్జరీ కానుకలతో ఉద్యోగులను ఆనందింపజేస్తుంటాయి. అలా హర్యానాలోని పంచ్‌కులలోని ఒక ఫార్మాస్యూటికల్ కంపెనీ, ఈ దీపావళి వేళ తన ఉద్యోగులకు ఊహించని గిఫ్ట్ ఇచ్చి వార్తల్లో నిలిచింది! కష్టపడి పనిచేసే ఉద్యోగుల ప్రతిభను, కంపెనీ పట్ల వారికున్న విశ్వాసాన్ని మెచ్చి, ఏకంగా 'కియా సోనెట్' (Kia Sonet) బ్రాండ్ న్యూ ఎస్‌యూవీ (SUV) కార్లను కానుకగా ఇచ్చింది. కంపెనీ నిర్ణయం సోషల్ మీడియాలో అందరి దృష్టిని ఆకర్షించింది. ఉద్యోగులు తమ కొత్త కార్లను అందుకుని సంబరాలు చేసుకుంటున్న వీడియోలు వైరల్ అయ్యాయి.'మిట్స్ హెల్త్‌కేర్' (MITS Healthcare) సంస్థ వ్యవస్థాపకుడు, ఛైర్మన్ ఎంకే భట్నా (MK Bhatia) తన సంస్థలో పనిచేసే నలుగురు ఉద్యోగులకు కొత్త కార్లను బహుమతిగా అందించారు. దీనికి సంబంధించిన వేడుకలు షోరూమ్‌లో ఘనంగా జరిగాయి. ఫౌండర్‌ భట్నా తన లగ్జరీ BMW కార్‌లో డీలర్‌షిప్‌ వద్దకు చేరుకోని నాలుగు కొత్త కియా సోనెట్ కార్లను తాళాలను తోటి ఉద్యోగుల కరతాళ ధ్వనుల మధ్య వారికి అందించారు. దీంతో డ్రమ్స్ మోతలు, కేక్ కటింగ్స్ మధ్య ఆ నలుగురు ఉద్యోగులు ఆనందంతో తమ కొత్త కార్లపై ఉన్న ముసుగులను తొలగించడంతో ఒక్కసారిగా ఆంనదం వెల్లివిరిసింది. ఈ వేడుకల వీడియోలు ప్రస్తుతం ఇన్స్టాగ్రామ్‌లో తెగ వైరల్ అవుతున్నాయి.ఇదీచదవండి: 1600 మీటర్లలో గెలుపు : ఉద్యోగ పందెంలో కవితకు ఓటమి కంపెనీలో కష్టపడి పనిచేసి, మంచి ఫలితాలు సాధించిన ఉద్యోగులను ప్రోత్సహించడమే ఈ కానుకల ప్రధాన ఉద్దేశం. ఈ కార్లను అందుకున్న ఒక ఉద్యోగి మాట్లాడుతూ తాను మిట్స్ హెల్త్‌కేర్‌లో గత ఐదేళ్లుగా పనిచేస్తున్నానని, తన కష్టానికి తగిన గుర్తింపు లభించిందని సంతోషం వ్యక్తం చేశారు.ఈ కార్లకు సంబంధించిన డౌన్ పేమెంట్‌ను కంపెనీయే చెల్లించింది. కార్లు నేరుగా ఉద్యోగుల పేరుపైనే రిజిస్టర్ అయ్యాయి. ప్రతి నెల చెల్లించాల్సిన ఈఎంఐ (EMI) నిమిత్తం ఉద్యోగుల జీతాల నుంచి కొంత మొత్తం సర్దుబాటు చేస్తారు.ఇదీ చదవండి: 15 ఏళ్లలో 38 మందిని చంపి తిన్న సీరియల్‌ కిల్లర్‌ అరెస్ట్‌ అందరికీ ఛాన్స్ – లక్కీ డ్రా కేవలం కొందరికే కాకుండా... కంపెనీలో కనీసం 18 నెలలు పూర్తి చేసుకున్న అర్హులైన ఉద్యోగులందరి కోసం ఒక లక్కీ డ్రాను కూడా ప్రారంభించారు. ఇందులో సెక్యూరిటీ గార్డుల నుంచి సీనియర్ అధికారుల వరకు అందరికీ కారు గెలుచుకునే అవకాశం కల్పించడం విశేషం.ఇదే తొలిసారి కాదుఎంకే భట్నా కంపెనీ ఉద్యోగులకు కార్లను బహుమతిగా ఇవ్వడం ఇదే మొదటిసారి కాదు. గతంలో 2024 పండుగ సీజన్‌లో కూడా సంస్థలోని 15 మంది ఉద్యోగులకు టాటా పంచ్, మారుతీ సుజుకీ గ్రాండ్ విటారా వంటి కార్లను బహుమతిగా ఇచ్చి సర్ ప్రైజ్ చేశారు! View this post on Instagram A post shared by Mits Healthcare Pvt Ltd (@mitshealthcarepvtltd)

సాధారణంగా పండుగ సీజన్‌ వచ్చిందంటే కంపెనీలు ఉద్యోగులకు బాక్సులు, స్వీట్లు, బోనస్‌లు లేదా చిన్నపాటి గిఫ్ట్‌ వోచర్లు ఇవ్వడం ఆనవాయితీ. కానీ, ఓ ప్రముఖ ఫార్మా కంపెనీ మాత్రం తన ఉద్యోగుల కష్టానికి, అంకితభావానికి నిలువెత్తు రూపంగా ఏకంగా సరికొత్త ఎస్‌యూవీ కార్లను కానుకగా ప్రకటించి వ్యాపార వర్గాల్లో హాట్‌ టాపిక్‌గా మారింది. ఉద్యోగుల పట్ల యాజమాన్యం చూపిన ఈ వినూత్న ఉదారత కార్పొరేట్ రంగంలో సరికొత్త చర్చకు దారితీసింది.చండీగఢ్ కేంద్రంగా కార్యకలాపాలు సాగిస్తోన్న ప్రముఖ ‘మిట్స్ గ్రూప్’ ఫార్మా సంస్థ వ్యవస్థాపకుడు, ఛైర్మన్ ఎం.కె భాటియా తన సంస్థలో కష్టపడి పనిచేస్తున్న అత్యుత్తమ ప్రతిభావంతులైన ఉద్యోగులకు దీపావళి పండుగను పురస్కరించుకుని ఈ కానుకలను అందజేశారు. కంపెనీ పురోగతికి శ్రమించడమే కాక, సంస్థపై విశ్వాసంతో దీర్ఘకాలంగా సేవలనందిస్తున్న సిబ్బందిని సత్కరించేందుకు ఆయన ఈ నిర్ణయం తీసుకున్నారు.జీవిత పాఠాలు, కష్టాల నుంచి శిఖరాలకు..ఈ అసాధారణ బహుమతుల వెనుక ఓ స్ఫూర్తిదాయకమైన ప్రయాణం దాగి ఉంది. మిట్స్ గ్రూప్ అధినేత ఎం.కె భాటియా తన కెరీర్ ప్రారంభంలో వ్యాపారపరంగా తీవ్రమైన ఆర్థిక ఇబ్బందులను ఎదుర్కొని ఒక దశలో దివాళా అంచు వరకు వెళ్లారు. అయితే పట్టుదల కోల్పోకుండా కష్టపడి పైకి వచ్చి నేడు హరియాణాలోని పంచకుల కేంద్రంగా బహుళ కంపెనీలను విజయవంతంగా నడుపుతున్నారు. అంతేకాక కెనడా, లండన్, దుబాయ్ తదితర అంతర్జాతీయ మార్కెట్లలోనూ తమ వ్యాపార సామ్రాజ్యాన్ని విస్తరించారు. తాను ఎదుర్కొన్న కష్టాల్లో తోడుగా ఉన్నవారికి, తనతో పాటు ప్రయాణిస్తున్న సిబ్బందికి అండగా నిలవాలన్నదే తన ప్రధాన ధ్యేయమని ఆయన పలు సందర్భాల్లో పేర్కొన్నారు.నెటిజన్ల ప్రశంసలుకంపెనీ యాజమాన్యం ఉద్యోగులకు కార్ల తాళాలను అందజేస్తున్న దృశ్యాలు, షోరూమ్ నుంచి కార్లు బయటకు వస్తున్న వీడియోలు ప్రస్తుతం సోషల్ మీడియాలో వైరల్ అవుతున్నాయి. నెటిజన్లు ఈ ఫార్మా సీఈఓ ఉదారతను కొనియాడుతూ ప్రశంసల జల్లు కురిపిస్తున్నారు. ‘ఇలాంటి బాస్‌లు ఉండటం అదృష్టం’, ‘కష్టపడే వారికి తగిన గుర్తింపు అంటే ఇదే’ అంటూ కామెంట్లు పెడుతున్నారు.ఇదీ చదవండి: మళ్లీ సీన్‌ రివర్స్‌.. బంగారం ధరల దడ

దీపావళికి ఇంకా రెండు వారాల సమయం ఉంది కానీ అప్పుడే అమెరికాకు ఆ పండుగ వైబ్‌ వచ్చేసింది. ఈ మేరకు అమెరికా ఫ్లోరిడాలోని ప్రసిద్ధ వాల్ట్ డిస్నీ వరల్డ్ రిసార్ట్ వేదికగా దీపావళి సంబరాలు అత్యంత వైభవంగా జరిగాయి. 'జశ్న్ ప్రొడక్షన్స్' నిర్వహించిన ఈ 'దీపావళి డాన్స్ ఫెస్ట్ 2026' వేడుకల్లో భాగంగా ఐకానిక్ సిండ్రెల్లా కోట (Cinderella Castle) ముందర 'మెయిన్ స్ట్రీట్ USA' మార్గంలో ఒక అద్భుతమైన సాంస్కృతిక ప్రదర్శన జరిగింది. ఈ వేడుకల్లో పాల్గొనేందుకు ఉత్తర అమెరికా, యూరప్, ఆస్ట్రేలియాతో పాటు ప్రపంచవ్యాప్తంగా ఉన్న సుమారు 25 డాన్స్ స్టూడియోల నుంచి 500 మందికి పైగా దక్షిణాసియా నృత్యకారులు విచ్చేశారు. వారంతా సాంప్రదాయ దుస్తులు ధరించి గ్రాండ్ పరేడ్‌లో పాల్గొన్నారు. ఈ ఈవెంట్‌లో సిండ్రెల్లా కోట నేపథ్యంలో భారత శాస్త్రీయ (Classical) నృత్యం, బాలీవుడ్, ఫ్యూజన్ వంటి వివిధ నృత్యాలతో కళాకారులు అదరగొట్టారు. ఈ కార్యక్రమంలో ప్రధాన ఆకర్షణ ఏంటంటే..డిస్నీ ప్రముఖ కార్టూన్ పాత్రలైన మిక్కీ మౌస్ ఎంబ్రాయిడరీ కుర్తా, అందమైన చీర, నగలతో పక్కా భారత సాంప్రదాయ శైలిలో కనిపించి సందర్శకులను కట్టిపడేశారు. ఈ దీపావళి ఉత్సవాలు కేవలం పరేడ్‌కే పరిమితం కాలేదు. ఎప్‌కాట్ (EPCOT) పార్కులో 'దీపావళి మేళా'తో మొదలై, యానిమల్ కింగ్‌డమ్‌లో ప్రత్యేక ప్రదర్శనలు, అలాగే ప్రముఖ ప్రముఖ గాయకుడు 'టెషర్' (Tesher - జలేబీ బేబీ ఫేమ్) లైవ్ కాన్సెర్ట్‌ తదితరాలన్నీ ఘనంగా జరిగాయి. నిజానికి ప్రపంచంలోనే అత్యంత ఆదరణ పొందిన డిస్నీ వరల్డ్ వేదికపై మన భారతీయ సంస్కృతి, కళలు, దీపావళి పండుగు వైభవం ఈ స్థాయిలో ప్రదర్శితమవ్వడం అనేది ప్రపంచవ్యాప్తంగా ఉన్న మన భారతీయులకెంతో గర్వకారణం. కాగా, తదుపరి దీపావళి నృత్యోత్సవం 2027, అక్టోబర్ 21–24 తేదీలలో జరగనుంది. ఈ కార్యక్రమంతో ఐదవ వార్షికోత్సవం జరుపుకోనున్నారు. ఈ వేడుకలో పాల్గొనాలంటే ప్రపంచవ్యాప్తంగా ఉన్న నృత్య స్టూడియోలు, కళాకారులు భాగస్వాములు జవనరి 01, 2027 కల్లా దరఖాస్తులు సమర్పించాల్సి ఉంటుంది. View this post on Instagram A post shared by Pooja Jhunjhunwala (@theglobalvegetarian) ఇదీ చదవండి: అమ్మ వంట అంటే అంత ఇష్టం..!: సచిన్‌ టెండూల్కర్‌

బంగారం, వెండి ధరలు భారీగా తగ్గడంతో కొనుగోలుదారుల్లో ఆసక్తి పెరిగే అవకాశముంది. మధ్యప్రాచ్యంలో పెరుగుతున్న ఉద్రిక్తతలు, ద్రవ్యోల్బణంపై ఆందోళనలు విలువైన లోహాల మార్కెట్‌పై ప్రభావం చూపుతున్నాయి. ఈ వారం బంగారం ధర 10 గ్రాములకు దాదాపు రూ.1,700 తగ్గి రూ.1.45 లక్షల దిగువకు చేరింది. మరోవైపు వెండి ధర కూడా కిలోకు రూ.2 లక్షల దిగువకు దిగివచ్చింది.దీపావళి వేళ కొనుగోళ్లు పెరుగుతాయా?దీపావళి, ధంతేరాస్‌ (ధన త్రయోదశి) పండుగలు సమీపిస్తున్న వేళ బంగారం, వెండి ధరలు తగ్గడం భారతీయ కొనుగోలుదారులకు ఊరటనిచ్చే అంశం. ధంతేరాస్‌ రోజున బంగారం, వెండి కొనుగోలు చేయడం శుభప్రదమని చాలామంది భావిస్తారు. దీంతో ధరలు తగ్గిన నేపథ్యంలో రాబోయే రోజుల్లో ఆభరణాలు, బంగారు నాణేలు, వెండి వస్తువుల కొనుగోళ్లు పెరిగే అవకాశముంది.బంగారంలో పెట్టుబడికి ఏ మార్గాలు ఉన్నాయి?బంగారంలో పెట్టుబడి పెట్టాలనుకునేవారికి పలు మార్గాలు అందుబాటులో ఉన్నాయి. స్టాక్‌ ఎక్స్ఛేంజీలో గోల్డ్‌ ఈటీఎఫ్‌ యూనిట్లను కొనుగోలు చేయవచ్చు. వీటి ధరలు బంగారం విలువకు అనుగుణంగా మారుతుంటాయి. అయితే, డీమ్యాట్‌ ఖాతా, బ్రోకరేజీ వంటి అంశాలను పరిగణనలోకి తీసుకోవాలి.భౌతిక బంగారం కొనుగోలు చేయాలనుకుంటే బంగారు కడ్డీలు, నాణేలు లేదా ఆభరణాలను ఎంచుకోవచ్చు. కడ్డీలు, నాణేల కొనుగోలుపై సాధారణంగా 3 శాతం జీఎస్టీ ఉంటుంది. ఆభరణాలపై కూడా వర్తించే జీఎస్టీతో పాటు తయారీ ఛార్జీలు చెల్లించాల్సి ఉంటుంది. తిరిగి విక్రయించే సమయంలో ఈ అదనపు ఖర్చులన్నీ తిరిగి రావని గుర్తుంచుకోవాలి.ఇక సావరిన్‌ గోల్డ్‌ బాండ్ల (ఎస్‌జీబీ) కొత్త విడతల జారీ ప్రస్తుతం నిలిచిపోయింది. అయినప్పటికీ, ఇప్పటికే జారీ చేసిన బాండ్లను స్టాక్‌ ఎక్స్ఛేంజీలో ఇతర పెట్టుబడిదారుల నుంచి కొనుగోలు చేసే అవకాశం ఉంటుంది. అయితే, అందుబాటులో ఉన్న బాండ్ల ధర, వాటి గడువు, వడ్డీ ప్రయోజనాలను పరిశీలించాలి.గోల్డ్‌ ఈటీఎఫ్‌లలో కొత్త పెట్టుబడులకు బ్రేక్‌పండుగల సీజన్‌లో బంగారానికి డిమాండ్‌ పెరిగే అవకాశం ఉండటంతో పాటు, పెట్టుబడులకు సంబంధించిన కొన్ని పరిమితులపైనా ఇన్వెస్టర్లు దృష్టి సారించాల్సి ఉంది. దేశంలోని పలు మ్యూచువల్‌ ఫండ్‌ సంస్థలు అక్టోబర్‌ 16 నుంచి తమ గోల్డ్‌, సిల్వర్‌ ఈటీఎఫ్‌ ఫండ్‌ ఆఫ్‌ ఫండ్స్‌ (ఎఫ్‌ఓఎఫ్‌) పథకాల్లోకి కొత్త పెట్టుబడులను తాత్కాలికంగా నిలిపివేశాయి.అయితే, స్టాక్‌ ఎక్స్ఛేంజీల్లో నేరుగా కొనుగోలు చేసే గోల్డ్‌ ఈటీఎఫ్‌లపై ఈ పరిమితి వర్తించదు. ఇప్పటికే ఈటీఎఫ్‌ ఎఫ్‌ఓఎఫ్‌లలో కొనసాగుతున్న సిస్టమాటిక్‌ ఇన్వెస్ట్‌మెంట్‌ ప్లాన్‌ (సిప్‌)లకూ అంతరాయం ఉండదు. కొత్త పెట్టుబడులు పెట్టాలనుకునేవారు సంబంధిత పథకం తాజా నిబంధనలను పరిశీలించాలి.ఇదీ చదవండి: బంగారంతో గిన్నిస్‌ రికార్డులు!

న్యూఢిల్లీ: ఢిల్లీలో దీపావళి పండుగ సీజన్ వ్యాపారానికి ఆటంకం కలుగుతుందనే ఆందోళనతో, కాంగ్రెస్ నేతృత్వంలోని ‘ఇండియా’ కూటమి నవంబర్ 1న తలపెట్టిన ‘ఓట్ చోరీ’ ర్యాలీని వాయిదా వేయాలని చాంబర్ ఆఫ్ ట్రేడ్ అండ్ ఇండస్ట్రీ (సీటీఐ)లోక్‌సభ ప్రతిపక్ష నేత రాహుల్ గాంధీని కోరింది.అక్టోబర్ 24న రాసిన లేఖలో, ఈ ర్యాలీ కారణంగా రామ్‌లీలా మైదాన్ పరిసర ప్రాంతాల్లో ట్రాఫిక్ ఆంక్షలు, బారికేడ్లు, మెట్రో స్టేషన్ల మూసివేత వంటి చర్యలు ఉంటాయని, ఇది ప్రధాన మార్కెట్లలోని వ్యాపారాన్ని దెబ్బతీస్తుందని ట్రేడ్ బాడీ ఆవేదన వ్యక్తం చేసింది. ‘దీపావళి షాపింగ్ సీజన్ పీక్స్‌లో ఉన్నందున, భాయ్ దూజ్ (నవంబర్ 10) తర్వాత ఈ ర్యాలీని నిర్వహించాల్సిందిగా మేము మిమ్మల్ని కోరుతున్నాము’ అని ఆ లేఖలో పేర్కొన్నారు.ధనతేరస్, దీపావళి పండుగల్లో ఢిల్లీలో భారీ వ్యాపార కార్యకలాపాలు జరుగుతాయని సీటీఐ తెలిపింది. ఈ ఏడాది ధనతేరస్ నవంబర్ 6న, దీపావళి నవంబర్ 8న, భాయ్ దూజ్ నవంబర్ 10న వస్తున్నాయి. పండుగకు వారం రోజుల ముందే ప్రజలు షాపింగ్ ప్రారంభిస్తారు. బంగారం, వెండి నుంచి గృహోపకరణాలు, ఎలక్ట్రానిక్స్, బట్టలు, డ్రై ఫ్రూట్స్, మిఠాయిలు, ఆటోమొబైల్స్, ఫర్నిచర్, స్టేషనరీ, గిఫ్ట్ ఐటమ్స్ మొదలైనవి ఈ కాలంలో దాదాపు రూ. 25,000 కోట్ల వ్యాపారం జరుగుతుంది.అలాగే అక్టోబరు నెలలో కన్నాట్ ప్లేస్, ఇండియా గేట్, సెంట్రల్ ఢిల్లీలో జరిగిన నిరసనలు, ర్యాలీల వల్ల వ్యాపారులు ఇప్పటికే సుమారు రూ. 3,000 కోట్ల నష్టాన్ని చవిచూశారని ట్రేడ్ బాడీ పేర్కొంది. బయటి ప్రాంతాల నుంచి హోల్‌సేల్ మార్కెట్లకు సరుకులు రాకపోవడం, కస్టమర్లు రిటైల్ మార్కెట్లకు చేరుకోలేకపోవడం ఇందుకు కారణమని వివరించింది.రామ్‌లీలా మైదాన్‌కు 5 కిలోమీటర్ల పరిధిలో చాందినీ చౌక్, సదర్ బజార్, భగీరథ్ ప్యాలేస్, కాశ్మీరే గేట్, నై సడక్, దరిబా కలాన్, అజ్మేరీ గేట్, జామా మస్జిద్, కరాల్ బాగ్, లాజపత్ రాయ్ మార్కెట్ వంటి 20 చారిత్రక హోల్‌సేల్, రిటైల్ మార్కెట్లు ఉన్నాయి. ఈ మార్కెట్ల నుంచి భారతదేశం అంతటికీ సరుకులు సరఫరా అవుతుంటాయి.ర్యాలీ కారణంగా ట్రాఫిక్ మళ్లింపులు, మెట్రో స్టేషన్ల మూసివేత ఈ మార్కెట్ల వ్యాపారాన్ని పూర్తిగా స్థంభింపజేస్తాయని హెచ్చరించారు. అంతేకాకుండా, రామ్‌లీలా మైదాన్‌కు సమీపంలో ఉన్న పాత ఢిల్లీ, కొత్త ఢిల్లీ రైల్వే స్టేషన్ల ద్వారా నిత్యం వేలాది మంది వ్యాపారులు, కొనుగోలుదారులు రాకపోకలు సాగిస్తుంటారని, రోడ్ల మూసివేత వల్ల వెలుపలి ప్రాంతాల నుంచి వచ్చే వారు ఇక్కడకు రాకండా ఉండే అవకాశం ఉందని పేర్కొన్నారు.ఎన్నికల అవకతవకలు, బీజేపీపై ‘ఓట్ చోరీ’ ఆరోపణలు చేస్తూ కాంగ్రెస్ పార్టీ ఈ ర్యాలీని నిర్వహిస్తోంది. ఏఐసీసీ ప్రధాన కార్యాలయంలో జరిగిన సమావేశంలో ప్రియాంకా గాంధీ వాద్రా, కేసీ వేణుగోపాల్ తదితరులు ఉత్తరప్రదేశ్, హర్యానా నాయకులతో కలిసి ఏర్పాట్లను సమీక్షించారు. ఈ 'ఢిల్లీ చలో మార్చ్' నవంబర్ 1న జాతీయ రాజధానిని చేరుకుంటుందని, కనీసం 1 మిలియన్ (కోటి మంది) పౌరులు ఈ ర్యాలీలో పాల్గొనే అవకాశం ఉందని కేసీ వేణుగోపాల్ తెలిపారు. ప్రత్యేక సవరణ (సర్‌) ఓటర్ల జాబితా ప్రక్రయలో అవకతవకలపై ప్రభుత్వపై ఒత్తిడి తెచ్చేందుకు, చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా డిమాండ్ చేయడానికి ఈ నిరసన చేపడుతున్నట్లు తెలిపారు.ఇదీ చదవండి: Rajasthan: రోడ్డు ప్రమాదంలో ఆరుగురు మృతి!

వాషింగ్టన్‌: దీపావళి సందర్భంగా అమెరికా పోస్టల్‌ విభాగం ఒక ప్రత్యేక స్టాంపును విడుదల ఏచసింది. హ్యూస్టన్‌లోని భారతీయ సంతతి కళాకారిణి సంగీతా భూతడ ముగ్గు డిజైన్‌తో కూడిన ఈ స్టాంపును అమెరికాలో బుధవారం వాషింగ్టన్‌లోని భారతీయ దౌత్య కార్యాలయంలో ఆవిష్కరించారు. ఈ కార్యక్రమంలో సంగీతా భూతడతోపాటు అమెరికాలో భారతీయ దౌత్యవేత్త వినయ్‌ మోహన్‌ ఖ్వాత్రా, అమెరికా పోస్టల్‌ విభాగం సీనియర్‌ ఉపాధ్యక్షులు శిబానీ గంభీర్‌లు పాల్గొన్నారు. ఈ సందర్భంగా అమెరికా పోస్టల్‌ విభాగం ఒక ప్రకటన విడుదల చేస్తూ రంగోలి (ముగ్గు)లోని రంగుల వైవిధ్యాన్ని, బియ్యప్పిండి, ముగ్గురాయి, పూలరేకులతో ముగ్గులు వేస్తారన్న విషయాన్ని... దీని వెనుక ఉన్న సాంస్కృతిక నేపథ్యాన్ని వివరించింది. దీపావళి ప్రత్యేక స్టాంపు కోసం అమెరికా పోస్టల్‌ విభాగం తమను ఏడాది క్రితమే సంప్రదించిందని, సుమారు డజను స్కెచ్‌ల నుంచి నాలుగింటిని వారు ఎంపిక చేశారని.. స్టాంపులో ఉన్న ముగ్గు డిజైన్‌ను సిద్ధం చేసేందుకు పది రోజుల సమయం పట్టిందని సంగీతా వివరించారు. వీలైనంతవరకూ ప్రకాశవంతమైన రంగులు వాడమన్న సూచన మాత్రమే పోస్టల్‌ విభాగం నుంచి వచి్చనట్లు తెలిపారు.తాను సిద్ధం చేసిన ముగ్గు ఎనిమిది అడుగుల ఎత్తు, వ్యాసం ఉందని చెప్పారు. నీలి, నారింజ, పచ్చ రంగుతోపాటు ఎరుపు, తెలుపులను కూడా ఇందులో వాడినట్లు తెలిపారు. హ్యూస్టన్‌లో ఎంతోకాలంగా నివసిస్తున్న ఈమె ముగ్గులేయడాన్ని 30 ఏళ్లుగా కొనసాగిస్తున్నారు. ముగ్గును సంగీత సిద్ధం చేయగా స్టాంపు మొత్తాన్ని జెన్నిఫర్‌ ఆర్నాల్డ్‌ డిజైన్‌ చేయగా, విలియం జె గికర్‌ ఆర్ట్‌ డైరెక్టర్‌గా వ్యవహరించారు. దీపావళి సందర్భంగా అమెరికా పోస్టల్‌ విభాగం ఒక స్టాంపును విడుదల చేయడం 2016 తరువాత ఇదే మొదటిసారి.

దేశంలో వెండి దిగుమతులపై ఆంక్షల కారణంగా ఏర్పడిన సరఫరా కొరతకు తెరపడే సూచనలు కనిపిస్తున్నాయి. పండుగల సీజన్‌లో డిమాండ్‌ను దృష్టిలో ఉంచుకుని కేంద్ర ప్రభుత్వం భారీ స్థాయిలో వెండి దిగుమతులకు అనుమతులు జారీ చేసింది. దీంతో దేశీయ మార్కెట్లో వెండి లభ్యత పెరగడంతో పాటు, అంతర్జాతీయ ధరలకు అదనంగా చెల్లించాల్సిన ప్రీమియం కూడా తగ్గే అవకాశం ఉంది. దీంతో కొనుగోళ్లు సైతం పెరుగుతాయని వ్యాపారులు భావిస్తున్నారు.ఆరు నెలల్లో 6,500 టన్నుల దిగుమతులువెండి దిగుమతులకు సంబంధించి తాజాగా రాయిటర్స్‌ ప్రచురించిన నివేదిక ప్రకారం.. వచ్చే ఆరు నెలల కాలానికి సుమారు 6,500 మెట్రిక్‌ టన్నుల వెండి దిగుమతులకు అనుమతులు జారీ అయ్యాయి. బులియన్‌ వ్యాపారులు, దిగుమతిదారుల నుంచి ఈ వివరాలు వెల్లడయ్యాయి. ఈ ఏడాది మే నెలలో కేంద్ర ప్రభుత్వం వెండి దిగుమతులపై ఆంక్షలు విధించింది. జూన్‌లో వెండి పొడి, వెండి బీడ్స్‌ దిగుమతులపైనా నిబంధనలను కఠినతరం చేసింది. దీంతో దిగుమతుల ప్రక్రియ నెమ్మదించి, దేశీయ మార్కెట్లో సరఫరా తగ్గింది. ఫలితంగా అంతర్జాతీయ ధరలతో పోలిస్తే భారత మార్కెట్లో వెండికి అదనపు ధర చెల్లించాల్సిన పరిస్థితి ఏర్పడింది.ప్రీమియం భారీగా తగ్గుముఖంతాజా అనుమతుల ప్రభావం ఇప్పటికే మార్కెట్లో కనిపిస్తోంది. అంతర్జాతీయ ప్రమాణ ధరతో పోలిస్తే దేశీయ మార్కెట్లో వెండిపై చెల్లిస్తున్న ప్రీమియం అక్టోబర్‌ 22న ఔన్సుకు 45 సెంట్లకు తగ్గింది. అంతకుముందు వారంలో ఇది 2.50 డాలర్ల వరకు ఉన్నట్లు వ్యాపారులు వెల్లడించారు. దిగుమతులకు మార్గం సుగమం కావడంతో సరఫరా ఒత్తిడి తగ్గుతుందనే అంచనాలు దీనికి కారణం.కొనుగోలుదారులకు ఏమిటి ప్రయోజనం?దీపావళి నవంబర్‌ 8న జరగనున్న నేపథ్యంలో వెండి ఆభరణాలు, నాణేలు, ఇతర వస్తువుల కొనుగోళ్లు పెరిగే అవకాశం ఉంది. దిగుమతుల పెరుగుదలతో మార్కెట్లో వెండి అందుబాటు మెరుగుపడితే, సరఫరా కొరత వల్ల ఏర్పడిన అదనపు ధర తగ్గవచ్చు. అయితే, వినియోగదారులు చెల్లించే తుది ధర అంతర్జాతీయ వెండి ధర, రూపాయి మారకం విలువ, దిగుమతి సుంకాలు, వస్తు తయారీ ఖర్చులు, స్థానిక వ్యాపారుల మార్జిన్లపై ఆధారపడి ఉంటుంది.నేటి వెండి ధరలు ఇలా..

న్యూఢిల్లీ: హిందువులు దీపావళి పర్వదినాన్ని ఎంతో వేడుకగా జరుపుకుంటారు. ఈ పండుగ సమీపిస్తుండటంతో ఇళ్లలో అలంకరణలు, కొనుగోళ్ల సందడి మొదలవుతుంది. ఈ విశిష్టమైన దీపాల పండుగను ఈ ఏడాది నవంబర్ 8, ఆదివారం నాడు దేశవ్యాప్తంగా జరుపుకోనున్నారు. ఈ రోజున ప్రతి ఇంటా దీపాలు వెలిగించి, సిరిసంపదలనిచ్చే లక్ష్మీదేవిని భక్తిశ్రద్ధలతో ఆరాధిస్తారు.అమావాస్య తిథి వివరాలుదీపావళి పండుగను కార్తీక మాస అమావాస్య తిథి నాడు జరుపుకోవడం ఆనవాయితీ. జ్యోతిష లెక్కల ప్రకారం 2026లో అమావాస్య తిథి నవంబర్ 8న ఉదయం 11:27 గంటలకు ప్రారంభమై, మరుసటి రోజు అంటే నవంబర్ 9న మధ్యాహ్నం 12:31 గంటల వరకు కొనసాగుతుంది. లక్ష్మీ పూజను ప్రదోష కాలంలో అమావాస్య ఉన్న సమయంలోనే నిర్వహించడం శాస్త్రసమ్మతం కావడంతో, నవంబర్ 8వ తేదీ సాయంత్రమే దీపావళి లక్ష్మీ పూజను జరుపుకోవాలని పండితులు నిర్ణయించారు.లక్ష్మీ పూజకు శుభ ముహూర్తం నవంబర్ 8 సాయంత్రం లక్ష్మీదేవి, గణపతి పూజలకు అత్యంత అనుకూలమైన శుభ ముహూర్తం సాయంత్రం 05:54 నుండి రాత్రి 07:50 వరకు (సుమారు 1 గంట 56 నిమిషాలు) ఉండనుంది. ప్రదోష కాలం, స్థిర లగ్నం కలిసి వచ్చే ఈ సమయంలో పూజ చేయడం వల్ల వ్యాపారాలు కలసి వస్తాయని, కుటుంబాల్లో లక్ష్మీదేవి స్థిరనివాసం ఉంటుందని నమ్ముతారు. శాస్త్రోక్తంగా కలశ స్థాపన చేసి, తామర పువ్వులు, పండ్లు, నైవేద్యాలతో లక్ష్మీ-గణేశులను అర్చించి హారతి ఇస్తారు.ఐదు రోజుల దీపావళి వేడుకలుఉత్తరాదిన దీపావళి ఐదు రోజుల వేడుకగా సాగుతుంది. ఈ క్రమంలో నవంబర్ 6 (శుక్రవారం) నాడు ధంతేరస్ (ధన త్రయోదశి)తో వేడుకలు ప్రారంభమవుతాయి. అనంతరం నవంబర్ 7న నరక చతుర్దశి, నవంబర్ 8న దీపావళి/లక్ష్మీ పూజ జరుగుతాయి. ఆ తర్వాత నవంబర్ 10న గోవర్ధన పూజ, నవంబర్ 11న సోదర-సోదరీమణుల అనుబంధానికి ప్రతీక అయిన భాయ్ దూజ్ వేడుకలతో ఈ పండుగ సంబరాలు ముగుస్తాయి.ఇదీ చదవండి: New York: ‘గర్బా’ నృత్యంలో మమ్దానీ జోష్‌!

సాధారణంగా పండుగ సీజన్ వచ్చిందంటే.. బంగారం కొనుగోళ్లు ఎక్కువగా ఉంటాయి. ముఖ్యంగా ధనత్రయోదశి, దీపావళి, పెళ్లిళ్ల సమయంలో చాలామంది ఆభరణాలు కొనాలని ప్లాన్ చేసుకుంటారు. అయితే.. ఈసారి బంగారం ధరలు తగ్గుతాయేమోనని ఎదురుచూస్తున్న వారికి కొంత ఊరట లభించిందనే చెప్పాలి. ఎందుకంటే మార్కెట్‌లో పసిడి ధరలు స్వల్పంగా తగ్గాయి.మల్టీ కమోడిటీ ఎక్స్ఛేంజ్ (MCX)లో 10 గ్రాముల బంగారం ధర రూ. 1,47,300 వద్ద ట్రేడవుతూ 0.42 శాతం తగ్గింది. అంతర్జాతీయ మార్కెట్‌లో ఔన్స్ బంగారం ధర 0.3 శాతం తగ్గి 4,128.92 డాలర్లకు చేరింది. అమెరికాలో డిసెంబర్ డెలివరీ గోల్డ్ ఫ్యూచర్స్ ధర కూడా 0.3 శాతం తగ్గి 4,148.50 డాలర్లకు పడిపోయింది.బంగారం ధరలు తగ్గడానికి కారణంగోల్డ్ రేటు తగ్గడానికి ప్రధాన కారణాల్లో ఒకటి ముడి చమురు ధరల పెరుగుదల. మధ్యప్రాచ్యంలో ఉద్రిక్తతలు పెరగడంతో అంతర్జాతీయ మార్కెట్‌లో చమురు సరఫరాకు ఆటంకాలు ఏర్పడవచ్చనే ఆందోళనలు మొదలయ్యాయి. దీంతో.. బ్రెంట్ క్రూడ్ ధర ఐదు నెలల గరిష్ఠ స్థాయికి చేరువలో కొనసాగింది.చమురు ధరలు పెరిగితే.. రవాణా ఖర్చులు పెరుగుతాయి. వస్తువుల తయారీకి అయ్యే ఖర్చు కూడా అధికమవుతుంది. చివరకు ఇవన్నీ నిత్యావసర వస్తువుల ధరలపై ప్రభావం చూపుతాయి. దీనివల్ల ద్రవ్యోల్బణం పెరిగే అవకాశం ఉంటుంది. ఇలాంటి పరిస్థితుల్లో కేంద్ర బ్యాంకులు వడ్డీ రేట్లను తగ్గించేందుకు వెనుకాడవచ్చు.సాధారణంగా ద్రవ్యోల్బణం పెరిగినప్పుడు.. చాలామంది బంగారాన్ని సురక్షితమైన పెట్టుబడిగా భావిస్తారు. కానీ, బంగారం నుంచి వడ్డీ రూపంలో ఆదాయం రాదు. బ్యాంకు డిపాజిట్లు, బాండ్ల వంటి పెట్టుబడులపై వడ్డీ ఎక్కువగా లభిస్తే కొంతమంది పెట్టుబడిదారులు బంగారం కంటే వాటివైపు మొగ్గు చూపుతారు. దీంతో బంగారానికి డిమాండ్ తగ్గుతుంది, ధరలు కూడా తగ్గుతాయి.అమెరికా వడ్డీ రేట్ల నిర్ణయంఇప్పుడు ప్రపంచవ్యాప్తంగా పెట్టుబడిదారుల దృష్టి అమెరికా ఫెడరల్ రిజర్వ్‌పై ఉంది. అక్టోబర్ 27, 28 తేదీల్లో జరిగే సమావేశంలో వడ్డీ రేట్లపై ఎలాంటి నిర్ణయం తీసుకుంటుందోనని మార్కెట్లు ఎదురుచూస్తున్నాయి.ఇటీవల ఫెడ్ అధికారులు చేసిన వ్యాఖ్యలతో అక్టోబర్‌లోనే వడ్డీ రేట్లు పెరుగుతాయనే అంచనాలు కొంత తగ్గాయి. అయితే.. డిసెంబర్‌లో రేట్లు పెరిగే అవకాశం ఉందని ట్రేడర్లు భావిస్తున్నట్లు సమాచారం. సీఎంఎఫ్ ఫెడ్‌వాచ్ టూల్స్ అంచనాల ప్రకారం, డిసెంబర్‌లో వడ్డీ రేట్ల పెంపునకు 92 శాతం అవకాశం ఉందని అంచనా.బంగారం ధరలు పెరుగుతాయా?, తగ్గుతాయా?రానున్న రోజుల్లో బంగారం ధరలు ఎలా ఉంటాయనేది.. అంతర్జాతీయ పరిణామాలపై ఆధారపడి ఉంటుంది. చమురు ధరలు పెరుగుతూనే ఉండి, ద్రవ్యోల్బణం తగ్గకపోతే వడ్డీ రేట్లపై ఒత్తిడి కొనసాగవచ్చు. ఇది బంగారం ధరలకు ప్రతికూల ప్రభావాన్ని చూపుతుంది. ఒకవేళ అమెరికా ఫెడ్ వడ్డీ రేట్లను పెంచకుండా కొనసాగిస్తూ.. భవిష్యత్తులో రేట్ల విషయంలో కొంత వెసులుబాటు ఉంటుందని సంకేతాలు ఇస్తే బంగారం ధరలు మళ్లీ పుంజుకునే అవకాశం ఉంది.ఇదీ చదవండి: రూ.10 కోట్లకు అమ్ముడైన కంప్యూటర్.. దీని ప్రత్యేకత ఏమిటంటే?

దీపావళి పండుగ దగ్గరపడుతుండటంతో ఉత్తర అమెరికా అంతటా ఉన్న వంటగదులు రుచికరమైన వంటకాలు, కుటుంబ సభ్యుల కలయిక, ఆత్మీయతల వేడుకకు సిద్ధమవుతున్నాయి. ఈ సంవత్సరం ‘లక్ష్మి’ (Laxmi) బ్రాండ్ ఈ సంబరాలను మరింత ఉత్సాహభరితంగా మారుస్తోంది.వరుసగా రెండో సంవత్సరం, లక్ష్మి ప్రముఖ షెఫ్, ఎన్డీటీవీ ఫుడ్ అవార్డు గ్రహీత షెఫ్ కునాల్ కపూర్‌తో కలిసి ‘దీపావళి డిలైట్స్ విత్ లక్ష్మి ఫీచరింగ్ షెఫ్ కునాల్ కపూర్’ (Diwali Delights with Laxmi featuring Chef Kunal Kapur)అనే ప్రత్యేకమైన 6 భాగాల యూట్యూబ్ సిరీస్‌ను అందుబాటులోకి తెస్తోంది. లక్ష్మి క్వాలిటీ ఉత్పత్తులతో సులభంగా, రుచికరంగా చేసే ఫ్యూజన్ వంటకాల ద్వారా ఈ సిరీస్ దీపావళి ఆనందాన్ని ఇళ్లలోకి తీసుకువస్తుంది.గతేడాది సిరీస్ సాధించిన విజయాన్ని పురస్కరించుకుని సాంప్రదాయ దీపావళి రుచులకు ఆధునిక హంగులను జోడిస్తూ సులువైన వంటకాలతో షెఫ్ కునాల్ కపూర్ మళ్లీ ముందుకు వచ్చారు. ప్రతీ ఎపిసోడ్ సాధారణ గృహ వంటగదులకు తగినట్లుగా రూపొందించబడింది. బిజీగా ఉండే కుటుంబాలు సులభంగా చేసుకునేలా, ప్రతీ పండుగ విందును ప్రత్యేకంగా మార్చేంత రుచికరంగా ఇవి ఉంటాయి.సెప్టెంబర్ 9న మొదటి ఎపిసోడ్ ప్రీమియర్ అయింది. దీనితో వంటలు చేయడం, పండుగ జరుపుకోవడం, కొత్త దీపావళి జ్ఞాపకాలను నెమరువేసుకునే పండుగ సీజన్ ప్రారంభమైంది.‘రెండవ సంవత్సరం కూడా లక్ష్మి బ్రాండ్‌తో భాగస్వామ్యం కావడం నిజంగా చాలా ప్రత్యేకమైనది’ అని షెఫ్ కునాల్ కపూర్ అన్నారు. ‘దీపావళి అంటే అందరూ కలిసి రావడం, సంప్రదాయాలను జరుపుకోవడం, మంచి ఆహారాన్ని తీసుకోవడం. లక్ష్మి ప్రామాణికమైన ఉత్పత్తులతో మేము ఆ పండుగ స్ఫూర్తిని ప్రపంచవ్యాప్తంగా ఉన్న కుటుంబాలకు సులభమైన, సృజనాత్మకమైన, ఆనందదాయకమైన రీతిలో అందిస్తున్నాము. ఎందుకంటే క్వాలిటీ, సంప్రదాయంతో పండుగ జరుపుకోవాల్సి వస్తే... లక్ష్మి ఉందిగా!’ అని కునాల్ కపూర్ అన్నారు.అయితే ఈ సంబరాలు కేవలం వంటగదికే పరిమితం కావడం లేదు.ఈ దీపావళికి ఒక లగ్జరీ కారు మీ సొంతం కావచ్చు! గత సంవత్సరం న్యూజెర్సీకి చెందిన శ్రీ ఉదయ్ కుమార్ గ్రాండ్ ప్రైజ్ గెలుచుకుని కారును సొంతం చేసుకున్నారు. View this post on Instagram A post shared by Laxmi Foods Brand (@laxmifoodsbrand) ఈ సంవత్సరం, లక్ష్మి అమెరికా అంతటా ఉన్న కుటుంబాలకు ఈ పోటీలో పాల్గొనడానికి మరింత పెద్ద కారణాన్ని అందిస్తోంది. ‘డ్రీమ్ బిగ్, విన్ బిగ్గర్ దిస్ ఫెస్టివల్!’ (Dream Big, Win Bigger This Festival!) దీపావళి స్వీప్‌స్టేక్స్ ద్వారా మీరు లగ్జరీ కారు, బంగారు నాణాలు, స్మార్ట్‌ఫోన్లు, టీవీలు మరెన్నో ఉత్తేజకరమైన బహుమతులు గెలుచుకునే తదుపరి అదృష్ట విజేత కావచ్చు!https://laxmihos.com/dream-big-win-bigger-this-festival/మీరు చేయాల్సిందల్లా ఒక లక్ష్మి ఉత్పత్తిని కొనుగోలు చేసి ఈ స్వీప్‌స్టేక్స్‌లో నమోదు చేసుకోవడమే. ఎందుకంటే ఈ దీపావళికి, తదుపరి పెద్ద విజేత మీరు కావచ్చు!కాబట్టి మీరు పండుగ విందును సిద్ధం చేస్తున్నా, షెఫ్ కునాల్ కొత్త వంటకాన్ని ప్రయత్నిస్తున్నా లేదా దీపావళి కోసం మీకిష్టమైన లక్ష్మి ఉత్పత్తులను కొనుగోలు చేస్తున్నా ఈ పండుగ సీజన్‌లో ఆనందించడానికి ఎన్నో విశేషాలు ఉన్నాయి.‘గత సంవత్సరం సాధించిన విజయాన్ని పునాదిగా చేసుకుని షెఫ్ కునాల్ కపూర్‌తో మళ్లీ భాగస్వామ్యం కావడం, ఈ గివ్అవే (Giveaway) ఆఫర్‌ను మళ్లీ తీసుకురావడం మాకు ఎంతో సంతోషంగా ఉంది’ అని లక్ష్మి టీమ్ పేర్కొంది. ‘ఉత్తర అమెరికా అంతటా జరిగే దీపావళి వేడుకలకు లక్ష్మి క్వాలిటీ ఉత్పత్తులతో చేసిన రుచికరమైన ఇండియన్ ఫ్యూజన్ వంటకాల ద్వారా ఆనందాన్ని పంచడానికి ఇది ఒక అద్భుతమైన మార్గం’ అని హెచ్‌ఓఎస్‌ గ్లోబల్ ఫుడ్స్ మార్కెటింగ్ వైస్ ప్రెసిడెంట్ సుహాసిని పాటిల్ చెప్పారు. ఐదు దశాబ్దాలకు పైగా లక్ష్మి బ్రాండ్ ఉత్తర అమెరికాలోని ఇళ్లకు ప్రామాణికమైన దక్షిణాసియా రుచులను, సంప్రదాయాలను అందిస్తోంది. 1972లో స్థాపించబడిన లక్ష్మి ప్రతి భోజన బల్లపై ఇంటి రుచిని అందించే నాణ్యమైన ఉత్పత్తులు, ప్రామాణికమైన దినుసులకు నమ్మకమైన పేరుగా నిలిచింది.ఈ దీపావళికి, లక్ష్మి, షెఫ్ కునాల్ కపూర్ కుటుంబాలన్నింటినీ కలసి వంటలు చేయాలని, వేడుకలు జరుపుకోవాలని, సంతోషాన్ని పంచుకోవాలని, పెద్ద కలలు కనాలని ఆహ్వానిస్తున్నారు.. ఎందుకంటే ‘లక్ష్మి ఉందిగా!’.

హైదరాబాద్, బిజినెస్‌ బ్యూరో: దీపావళి నాటికి 100 నగరాలకు అల్ట్రా ఫాస్ట్‌ డెలివరీ సరీ్వసుల విభాగం అమెజాన్‌ నౌ సేవలను విస్తరించనున్నట్లు ఈ–కామర్స్‌ దిగ్గజం అమెజాన్‌ ఇండియా కంట్రీ హెడ్‌ సమీర్‌ కుమార్‌ తెలిపారు. పండుగల సీజన్‌ నేపథ్యంలో పది వారాల వ్యవధిలోనే నాలుగు రెట్లు నగరాలకు అమెజాన్‌ నౌ సేవలను విస్తరించినట్లు వివరించారు. దీనితో తిరుపతి, గుంటూరు, వరంగల్‌ సహా 60 నగరాలు, పట్టణాల్లో నిమిషాల్లో డెలివరీ సేవలు అందుబాటులోకి వచి్చనట్లు చెప్పారు. ఇందుకు 750 పైగా మైక్రో–ఫుల్‌ఫిల్‌మెంట్, అర్బన్‌ ఫుల్‌ఫిల్‌మెంట్‌ సెంటర్లు తోడ్పడుతున్నాయని తెలిపారు. అమెజాన్‌ నౌ గత మూడు నెలల వ్యవధిలో వార్షిక ప్రాతిపదికన 1 బిలియన్‌ డాలర్ల విలువ చేసే స్థూల విక్రయాలను నమోదు చేసినట్లు కుమార్‌ చెప్పారు. మరోవైపు కొత్తగా 20 ఫుల్‌ఫిల్‌మెంట్‌ సెంటర్లు, 6 సోర్టింగ్‌ సెంటర్లు, 150 లాస్ట్‌ మైల్‌ డెలివరీ స్టేషన్లను అమెజాన్‌ ప్రారంభించింది.

అమెరికాలోని దక్షిణాసియా కమ్యునిటీకి ఎఫ్‌ఎంసీజీ విభాగంలో సర్వీసులందిస్తున్న హెచ్‌ఓఎస్‌ గ్లోబల్ ఫుడ్స్ తమ ఫ్లాగ్‌షిప్ బ్రాండ్ ‘లక్ష్మి’ ఆధ్వర్యంలో నిర్వహించిన ‘గ్రాబ్ మోర్, విన్ మోర్’ దీపావళి ఆఫర్‌ విజేతను ప్రకటించింది. ఈ ఆఫర్‌ను గతేడాది దీపావళికి ప్రవేశపెట్టారు. తాజాగా విజేతను ప్రకటించారు. ఈ సందర్భంగా నిర్వహించిన పోటీలో న్యూజెర్సీకి చెందిన ప్రవాస భారతీయుడు ఉదయకుమార్ బాలతాండాయుధం విజేతగా నిలిచారు. ఇందులో భాగంగా లెక్సస్ ఆర్‌ఎక్స్‌ 350 కారు(సుమారు రూ.80 లక్షలు)ను సొంతం చేసుకున్నారు. యూఎస్‌లోని బ్రిడ్జ్‌వాటర్‌ ప్రాంతంలో ఉన్న లెక్సస్ షోరూమ్‌లో జరిగిన కార్యక్రమంలో ‘లక్ష్మి’ బ్రాండ్ ప్రతినిధుల సమక్షంలో ఉదయకుమార్ కుటుంబానికి కారు తాళాలను అందజేశారు.ఈ సందర్భంగా హెచ్‌ఓఎస్‌ గ్లోబల్ ఫుడ్స్ సీఈఓ నీల్ సోనీ మాట్లాడుతూ.. ‘చాలా కుటుంబాల్లో తమ సంప్రదాయాలు, రుచుల పట్ల మాకున్న అంకితభావానికి ఈ బహుమతి నిదర్శనం. ప్రామాణిక ఆహారం, రుచి ద్వారా కుటుంబ సంస్కృతిని సజీవంగా ఉంచాలని కోరుకుంటున్నాం’ అని పేర్కొన్నారు. కంపెనీ సీఓఓ అమ్రపాలి సోనీ మాట్లాడుతూ ‘గత 50 ఏళ్లుగా లక్ష్మి బ్రాండ్ ప్రవాస భారతీయుల ఇళ్లలో భాగమైంది. సొంత ప్రాంతాలకు దూరంగా ఉన్నవారికి స్వదేశీ రుచులను అందిస్తున్నందుకు గర్విస్తున్నాం’ అని తెలిపారు.కారు తాళాలు అందుకున్న అనంతరం విజేత ఉదయకుమార్ తన సంతోషాన్ని పంచుకుంటూ.. ‘మేము గెలిచామంటే ఇప్పటికీ నమ్మలేకపోతున్నాను. ఏళ్ల తరబడి మా ఇంట్లో లక్ష్మి ఉత్పత్తులు వాడుతున్నాం’ అని ఉద్వేగానికి లోనయ్యారు. అమెరికాలో దక్షిణాసియా కమ్యూనిటీకి నాణ్యమైన, స్వచ్ఛమైన ఆహార ఉత్పత్తులను అందించడంలో ‘లక్ష్మి’ ప్రముఖంగా నిలుస్తోందని అధికారులు చెప్పారు.ఇదీ చదవండి: స్వల్పంగా తగ్గిన పసిడి ధర.. వెండి మాత్రం..

న్యూఢిల్లీ: భారతదేశ సాంస్కృతిక వైభవానికి, తరతరాల జీవన సంస్కృతికి అత్యంత అరుదైన గౌరవం దక్కింది. చీకటిని చీల్చే దివ్య కాంతుల పండుగ దీపావళి.. బుధవారం యునెస్కో సాంస్కృతిక వారసత్వ నిధిగా ప్రపంచ వేదికపై ఘనంగా ఆవిష్కృతమైంది. యునెస్కో ఇన్‌టాంజిబుల్‌ కల్చరల్‌ హెరిటేజ్‌ జాబితాలో స్థానం సంపాదించుకుంది. దీంతో దేశవ్యాప్తంగా సంబరాలు అంబరాన్ని తాకాయి. ఢిల్లీలోని ఎర్రకోట వేదికగా జరుగుతున్న యునెస్కో కీలక సమావేశంలో ఈ నిర్ణయం తీసుకున్నారు. యునెస్కో కమిటీ కీలక చర్చల అనంతరం దీపావళిని గౌరవప్రదమైన ఈ జాబితాలో చేర్చినట్లు ప్రకటించగానే, ప్రాంగణమంతా ‘జై హింద్‌’, ‘వందేమాతరం’, ‘భారత్‌ మాతా కీ జై’ నినాదాలతో మారుమోగింది. వేదిక ముందు సంప్రదాయ వస్త్రధారణతో కళాకారులు ప్రదర్శనలు ఇవ్వగా, భారీ తెరపై దీపావళి పండుగ చిత్రాలు కనువిందు చేశాయి. జాబితాలో 16వ అంశంగా దీపావళి యునెస్కో యునెస్కో ఇన్‌టాంజిబుల్‌ కల్చరల్‌ హెరిటేజ్‌ జాబితాలో భారత్‌ నుంచి చేరిన 16వ అంశం దీపావళి. ఈ జాబితాలో ఇప్పటికే కుంభమేళా, కోల్‌కతా దుర్గా పూజ, గుజరాత్‌కు చెందిన గర్బా నృత్యం, యోగా, వేద పఠన సంప్రదాయం, రామాయణం ఇతిహాసం సంప్రదాయ ప్రదర్శన అయిన రామలీల వంటి 15 ఇతర అంశాలు ఉన్నాయి. దీపావళి లోతైన భావోద్వేగం యునెస్కో ఇన్‌టాంజిబుల్‌ కల్చరల్‌ హెరిటేజ్‌ జాబితా ఖరారుకు ఏర్పాటు చేసిన కమిటీ 20వ సమావేశంలో దీపావళిని ఎంపిక చేసినట్లు ప్రకటన వెలువడిన వెంటనే.. కేంద్ర సాంస్కృతిక శాఖ మంత్రి గజేంద్ర సింగ్‌ షెకావత్‌ దేశం తరపున కీలక ప్రకటన చేశారు. ‘ప్రతి భారతీయుడికి, దీపావళి అనేది లోతైన భావోద్వేగం, ఇది తరతరాలుగా అనుభూతి చెందుతోంది, జీవిస్తోంది, ఆస్వాదిస్తోంది’.. అని షెకావత్‌ తన ప్రసంగంలో అభివర్ణించారు. ఈ గుర్తింపు ద్వారా, ‘యునెస్కో పునరుద్ధరణ, శాంతి, మంచికి విజయం సాధించాలనే శాశ్వత మానవ వాంఛను గౌరవిస్తోంది’.. అని కేంద్ర మంత్రి పేర్కొన్నారు. కుమ్మర్ల నుంచి కళాకారుల వరకు లక్షలాది చేతులు ఈ వారసత్వాన్ని సజీవంగా ఉంచుతున్నాయని స్పష్టం చేశారు. 🔴 BREAKINGNew inscription on the #IntangibleHeritage List: Deepavali, #India🇮🇳.Congratulations!https://t.co/xoL14QknFp #LivingHeritage pic.twitter.com/YUM7r6nUai— UNESCO 🏛️ #Education #Sciences #Culture 🇺🇳 (@UNESCO) December 10, 2025భారత్‌ ఆతిథ్యం ఇదే తొలిసారి యునెస్కో అంతర–ప్రభుత్వ కమిటీ సమావేశానికి భారత్‌ ఆతిథ్యం ఇవ్వడం ఇదే మొదటిసారి. యునెస్కో ప్రపంచ వారసత్వ ప్రదేశమైన ఎర్రకోట సముదాయంలో డిసెంబర్‌ 8 నుంచి 13 వరకు ఈ 20వ సమావేశం జరుగుతోంది. దీపావళిని యునెస్కో జాబితాలో చేర్చినందుకు పాకిస్తాన్‌ దౌత్యవేత్త షోయబ్‌ సర్వార్‌ భారత్‌కు అభినందనలు తెలిపారు. దాదాపు వారం రోజులుగా యునెస్కో నిర్వహిస్తున్న ఈ కీలక సమావేశంలో 80 దేశాలు సమరి్పంచిన మొత్తం 67 నామినేషన్లను పరిశీలిస్తున్నారు. మంగళవారం, బంగ్లాదేశ్‌ నుండి వచ్చిన తంగైల్‌ సంప్రదాయ చీర నేతకళ, ఆఫ్గానిస్తాన్‌ నుంచి బెహజాద్‌ శైలిలో సూక్ష్మ చిత్రలేఖనాన్ని యునెస్కో జాబితాలో చేర్చారు. పురుషుల అబా (గావున్‌) అయిన ’బిష్త్‌’ తయారీ నైపుణ్యాలు, అభ్యాసాలు కూడా ఈ జాబితాలో చేరాయి. ఇరాక్, జోర్డాన్, కువైట్‌ దేశాలకు చెందిన సాంస్కృతిక అంశాలు కూడా బుధవారం యునెస్కో జాబితాలో స్థానం పొందాయి.Unesco says Diwali is most asthetic festival in the world. Nothing comes close pic.twitter.com/A6sNlHJDaw— Lala (@lala_the_don) December 10, 2025 (చదవండి: గుడి నిజమే కానీ.. పెళ్లిళ్లు మాత్రం చేయరు!)

న్యూఢిల్లీ: ఢిల్లీలో జరిగిన కారు పేలుడు యావత్‌ దేశాన్ని భయాందోళనలోకి నెట్టివేసింది. ఈ ఘటనలో తొమ్మిది మంది మృతిచెందగా, పలువురు గాయపడ్డారు. ఈ కేసుపై దర్యాప్తు బృందాలు అన్ని కోణాల్లోనూ విచారణ చేస్తున్నాయి. ఈ నేపధ్యంలో నిఘా వర్గాల నుంచి ఒక కీలక సమాచారం వెల్లడయ్యింది.ఢిల్లీ పేలుళ్ల కేసులో కీలక నిందితుడు ముజమ్మిల్ దర్యాప్తు అధికారుల విచారణలో.. తాను, ఉమర్‌.. ఎర్రకోట ప్రాంతానికి పేలుడు జరగడానికి ముందుగా చేరుకున్నామని చెప్పాడు. వచ్చే ఏడాది జనవరి 26న దాడి చేసేందుకు ప్రణాళిక ఉందని, దానిలో భాగంగా ఎర్రకోట చుట్టుపక్కల ప్రాంతాన్ని గుర్తించామని ముజమ్మిల్ తెలిపాడు. అదేవిధంగా మొన్నటి దీపావళికి రద్దీగా ఉండే ప్రాంతంలో దాడి చేయాలని తాము ముందుగా ప్లాన్ చేశామని, అయితే దానిని అమలు చేయలేకపోయామని ముజమ్మిల్ విచారణ అధికారులకు తెలిపినట్లు ‘ఎన్డీటీవీ’ తన కథనంలో పేర్కొంది.ఎర్రకోట సమీపంలో పేలుడు జరిగిన దరిమిలా దర్యాప్తు బృందం కీలక నిందితుడు డాక్టర్‌ ముజమ్మిల్‌ను విచారిస్తున్నారు. ఇతను ఫరీదాబాద్‌లోని అల్ ఫలాహ్ విశ్వవిద్యాలయంలో పనిచేస్తున్నారు. ఇతని సహోద్యోగి ఉమర్ ఎర్రకోట మెట్రో స్టేషన్ ట్రాఫిక్ సిగ్నల్ సమీపంలో కారు పేలి మరణించినట్లు భావిస్తున్నారు. మూలాల ప్రకారం ముజమ్మిల్‌ను విచారిస్తున్న పోలీసులు అతని ఫోన్ డేటాను స్వాధీనం చేసుకున్నారని సమాచారం.ఇది కూడా చదవండి: ఢిల్లీ పేలుడు: అంత్యక్రియల్లో అత్తాకోడళ్ల వివాదం

తిరుపతి ఎడ్యుకేషన్‌ : దీపావళి పండుగ సందర్భంగా వినియోగదారులకు ఈ నెల 18 నుంచి నవంబరు 18వ తేదీ వరకు వివిధ ఆఫర్లను బీఎస్‌ఎన్‌ఎల్‌ ప్రకటించినట్లు జీఎం సి.అమరేంద్రనాథ్‌రెడ్డి ఓ ప్రకటనలో తెలిపారు. ఇందులో భాగంగా ఈ నెల 15 నుంచి వచ్చే నెల 15వ తేదీ వరకు రూపాయికే సిమ్‌కార్డుతో పాటు 30రోజుల పాటు అపరిమిత ఉచిత వాయిస్‌ కాల్స్, ప్రతి రోజు 2జీబీ ఇంటర్నెట్, 100ఎస్‌ఎంఎస్‌లు ఉంటాయని తెలిపారు. ఏదేని కార్పొరేట్‌ కస్టమర్‌ కనిష్టంగా పది అంతకుమించి పోస్ట్‌ పెయిడ్‌ కనెక్షన్లు తీసుకున్నా, ఒక ఎఫ్‌టీటీహెచ్‌ కనెక్షన్‌ తీసుకున్నా వారికి మొదటి నెల రీచార్జ్‌పై 10శాతం డిస్కౌంట్‌ లభిస్తుందని పేర్కొన్నారు. ఈ నెల 18నుంచి వచ్చే నెల 18వ తేదీ వరకు బీఎస్‌ఎన్‌ఎల్‌ సెల్ఫ్‌కేర్‌ యాప్‌ ద్వారా మిత్రులకు, కుటుంబ సభ్యులకు రీచార్జ్‌ చేస్తే, రీచార్జ్‌ మొత్తంలో 2.5శాతం డిస్కౌంట్‌ లభిస్తుందని తెలిపారు. దీపావళి సందర్భంగా సీనియర్‌ సిటిజన్లకు ఈ నెల 18నుంచి నవంబరు 18వ తేదీ వరకు రూ.1,812కే సిమ్‌కార్డుతో పాటు 365 రోజుల పాటు అపరిమిత ఉచిత వాయిస్‌ కాల్స్, ప్రతి రోజు 2జీబీ డేటా, 100ఎస్‌ఎంఎస్‌లు, 6నెలల పాటు బైటీవీ సబ్‌్రస్కిప్షన్‌ అందించనున్నట్లు తెలిపారు. వీటితో పాటు ఈ నెల 18నుంచి నవంబరు 18వ తేదీ వరకు రూ.485, రూ.1,999 ప్లాన్లపై బీఎస్‌ఎన్‌ఎల్‌ సెల్ఫ్‌కేర్‌ యాప్‌ ద్వారా రీచార్జ్‌ చేసిన వారికి 5శాతం రాయితీ లభిస్తుందని తెలిపారు. ఈ అవకాశాన్ని వినియోగదారులు సది్వనియోగం చేసుకోవాలని ఆయన కోరారు.

కాకినాడ క్రైం/పి.గన్నవరం: దీపావళి పండగ పూట మద్యం తాగి పేట్రేగిపోయిన భర్త, కత్తితో తన భార్య కంట్లో పొడిచాడు. ఆ కత్తి మొన నోటి గుండా బయటకు వచి్చంది. మృత్యువుతో పోరాడుతున్న ఆమెకు కాకినాడ జీజీహెచ్‌ వైద్యులు పునర్జన్మనిచ్చారు. డాక్టర్‌ బీఆర్‌ అంబేడ్కర్‌ కోనసీమ జిల్లా పి.గన్నవరం మండలం ఊడుమూడి గ్రామానికి చెందిన 35 ఏళ్ల నేలపూడి పల్లాలమ్మ (పల్లవి) భర్త గంగరాజు తాగొచ్చి నిత్యం వేధిస్తుండేవాడు. దీపావళి రోజున మద్యం తాగి వచ్చి భార్యతో గొడవ పడ్డాడు. అర్ధరాత్రి ఇంట్లో కూరలు తరిగే కత్తి తీసుకొని భార్యను చంపే ఉద్దేశంతో తలపై బలంగా పొడవబోయాడు. ఈ క్రమంలో కత్తి గురి తప్పి పల్లాలమ్మ ఎడమ కంటికి పై భాగంలో గుచ్చుకుంది. భార్య విలవిల్లాడుతున్నా వదిలి పెట్టకుండా కత్తిని గంగరాజు బలంగా నొక్కుతూ మరింత లోతుకు దింపాడు. దీంతో, ఆ కత్తి మొన నోటి గుండా బయటకి వచ్చేసింది. ఈ దారుణాన్ని గమనించిన కుటుంబ సభ్యులు బాధితురాలిని అర్ధరాత్రి ఒంటి గంట సమయంలో కాకినాడ జీజీహెచ్‌లో చేర్చారు. తక్షణమే స్పందించిన వైద్యులు మంగళవారం తెల్లవారుజామున 4 గంటల సమయంలో శస్త్రచికిత్స మొదలు పెట్టారు. రెండు గంటల పాటు సుదీర్ఘ శస్త్రచికిత్స నిర్వహించి, దిగబడిన కత్తిని విజయవంతంగా తొలగించి, పల్లాలమ్మ ప్రాణాలు కాపాడారు. క్లిష్టతరమైన ఈ శస్త్రచికిత్స జీజీహెచ్‌ సూపరింటెండెంట్‌ లావణ్య కుమారి పర్యవేక్షణలో రంగరాయ వైద్య కళాశాల ప్రిన్సిపాల్‌ విష్ణువర్ధన్‌ నేతృత్వంలో జరిగింది. బాధితురాలికి ఎస్‌ఐసీయూలో ఉంచి వైద్య సేవలు అందిస్తున్నారు. పల్లాలమ్మ కంటి చూపు, ప్రాణాలు రెండూ నిలిచాయని వైద్యులు నిర్ధారించారు. బాధితురాలి కుటుంబీకులు వైద్య బృందానికి ధన్యవాదాలు తెలిపారు.

న్యూఢిల్లీ: దేశ రాజధాని ఢిల్లీలో వాయు నాణ్యత మంగళవారం నాలుగేళ్ల కనిష్టానికి పడిపోయింది. 24 గంటల సరాసరి వాయు నాణ్యత సూచీ(ఏక్యూఐ) సోమవారం 4 గంటల సమయంలో 345కి పడిపోయి, వెరీ పూర్‌ విభాగంలో చేరిందని సెంట్రల్‌ పొల్యూషన్‌ కంట్రోల్‌ బోర్డు(సీపీసీబీ) తెలిపింది. ఇది గతంలో 2024లో 330, 2023లో 218, 2022లో 312, 2021లో 382గా నమోదైందని సీపీసీబీ గుర్తు చేసింది. పండుగ రోజు, సోమవారం రాత్రి 8–10 గంటల మధ్య మాత్రమే బాణసంచా కాల్చాలని సుప్రీంకోర్టు నిర్దేశించింది. అయితే, జనం ఆ పరిమితిని పట్టించుకోలేదు.అర్ధరాత్రి వరకు మోతమోగించారు. సోమవారం రాత్రి కాలుష్య కారక సూక్ష్మ ధూళి కణాల(పీఎం 2.5)స్థాయిలు 675కు చేరాయని సీపీసీబీ తెలిపింది. మంగళవారం ఉదయం నుంచి ఢిల్లీపై దట్టమైన బూడిదరంగు మంచు మేఘాలు కమ్ముకున్నాయి. వాయు నాణ్యత రెడ్‌ జోన్‌ స్థాయికి చేరుకుంది. వీటన్నిటికీ పంజాబ్‌ రైతుల పంటవ్యర్థాల దహనమే కారణమని ఢిల్లీలోని బీజేపీ ప్రభుత్వం ఆరోపించింది. పంజాబ్‌లోని ఆప్‌ ప్రభుత్వం నిషేధాన్ని సక్రమంగా అమలు చేయడం లేదని తెలిపింది. ఢిల్లీలో దీపావళికి ముందు ఏక్యూఐ 345 ఉండగా, మంగళవారం ఉదయం కేవలం 11 పాయింట్లు పెరిగి 356కి చేరుకుందని పేర్కొంది.

న్యూఢిల్లీ: ఇటీవలి జీఎస్‌టీ సంస్కరణలు, కొనుగోలుదారుల సానుకూల సెంటిమెంటు దన్నుతో దీపావళి పండుగ అమ్మకాలు గణనీయంగా పెరిగాయి. విక్రయాలు రూ. 6.05 లక్షల కోట్ల రికార్డు స్థాయిని తాకాయని అఖిల భారత ట్రేడర్ల సమాఖ్య సీఏఐటీ వెల్లడించింది. ఇందులో రూ. 5.40 లక్షల కోట్ల విలువ చేసే వస్తువులు, రూ. 65,000 కోట్ల విలువ చేసే సర్వీసులు ఉన్నట్లు తెలిపింది. గతేడాది దీపావళి విక్రయాలు రూ. 4.25 లక్షల కోట్లుగా నమోదయ్యాయి.వివిధ రాష్ట్రాల రాజధానులతో పాటు ద్వితీయ, తృతీయ శ్రేణి పట్టణాల్లోని 60 కీలక పంపిణీ కేంద్రాలవ్యాప్తంగా సీఏఐటీ రీసెర్చ్‌ వింగ్‌ నిర్వహించిన అధ్యయనంలో ఈ విషయాలు వెల్లడయ్యాయి. ప్యాకేజింగ్, ఆతిథ్యం, క్యాబ్‌ సరీ్వసులు, ట్రావెల్, ఈవెంట్‌ మేనేజ్‌మెంట్, డెలివరీ విభాగాల్లో రూ. 65,000 కోట్ల మేర విక్రయాలు నమోదైనట్లు సీఏఐటీ జాతీయ అధ్యక్షుడు బి.సి. భార్తియా తెలిపారు. శీతాకాలం, వివాహాల సీజన్‌తో పాటు జనవరి మధ్య నుంచి మొదలయ్యే పండుగల సీజన్‌లోను ఇదే ధోరణి కొనసాగే అవకాశం ఉందని పేర్కొన్నారు. ఎఫ్‌ఎంసీజీ, ఆభరణాలకు డిమాండ్‌.. 2025 దీపావళి సందర్భంగా లాజిస్టిక్స్, ప్యాకేజింగ్‌ తదితర విభాగాల్లో 50 లక్షలకు పైగా తాత్కాలిక ఉద్యోగాల కల్పన జరిగింది. మొత్తం వ్యాపారంలో గ్రామీణ, సెమీ–అర్బన్‌ ప్రాంతాల వాటా సుమారు 28 శాతంగా నమోదైంది. సీఏఐటీ నివేదిక ప్రకారం.. మొత్తం అమ్మకాల్లో వాటాలపరంగా చూస్తే నిత్యావసరాలు..ఎఫ్‌ఎంసీజీ వాటా 12 శాతంగా, బంగారం.. ఆభరణాలు 10 శాతంగా, ఎల్రక్టానిక్స్‌..ఎలక్ట్రికల్స్‌ 8 శాతంగా, కన్జూమర్‌ డ్యూరబుల్స్‌.. రెడీమేడ్‌ దుస్తులు..గిఫ్ట్‌ ఐటమ్‌లు మొదలైన వాటి వాటా తలో 7 శాతంగా నమోదైంది. మరోవైపు, గతేడాదితో పోలిస్తే మొబైల్స్, ఎల్రక్టానిక్స్, భారీ ఉపకరణాలు, ఫ్యాషన్‌ విక్రయాలు భారీగా పెరిగినట్లు ఫ్లిప్‌కార్ట్‌ వైస్‌ ప్రెసిడెంట్‌ ప్రతీక్‌ శెట్టి తెలిపారు. జెనరేషన్‌ జెడ్‌ (1997–2012 మధ్య జన్మించినవారు) నుంచి డిమాండ్‌ గణనీయంగా నెలకొన్నట్లు వివరించారు. మార్కెట్‌ప్లేస్‌ మెరుపులు: యూనికామర్స్‌ ఈసారి దీపావళి పండుగ సీజన్‌లో ఈ–కామర్స్‌కి సంబంధించి ఆర్డర్ల పరిమాణం వార్షికంగా 24 శాతం, స్థూల కొనుగోళ్ల విలువ (జీఎంవీ) 23 శాతం మేర పెరిగినట్లు యూనికామర్స్‌ ఒక ప్రకటనలో తెలిపింది. ఇక క్విక్‌ కామర్స్‌ యాప్‌ల ద్వారా ఆర్డర్ల పరిమాణం 120 శాతం ఎగియగా, బ్రాండ్‌ వెబ్‌సైట్లలో ఆర్డర్లు 33 శాతం పెరిగాయి. మొత్తం కొనుగోళ్లలో 38 శాతం వాటా, 8 శాతం ఆర్డర్ల పరిమాణం వృద్ధితో మార్కెట్‌ప్లేస్‌ల (అమెజాన్, ఫ్లిప్‌కార్ట్‌లాంటివి) ఆధిపత్యం కొనసాగింది. 2024, 2025 సంవత్సరాల్లో 25 రోజుల పండుగ సీజన్‌ వ్యవధిలో తమ ఫ్లాగ్‌షిప్‌ ప్లాట్‌ఫాం యూనివేర్‌ ద్వారా జరిగిన 15 కోట్లకు పైగా లావాదేవీల ఆధారంగా ఈ గణాంకాలు రూపొందించినట్లు యూనికామర్స్‌ తెలిపింది. మరిన్ని విశేషాలు... ⇒ ఎఫ్‌ఎంసీజీ (డ్రైఫ్రూట్‌ కాంబో ప్యాక్‌లు మొదలైన ఆరోగ్యకరమైన ఆహారోత్పత్తులు), గృహాలంకరణ..ఫరి్నచర్, సౌందర్య సంరక్షణ..ఆరోగ్య సంరక్షణ, ఆరోగ్యం.. ఫార్మా (సప్లిమెంట్లు మొదలైనవి) అత్యధికంగా అమ్మకాలు నమోదైన కేటగిరీల్లో నిల్చాయి. ⇒ చిన్న పట్టణాల్లో కూడా డిజిటల్‌ వినియోగం, కొనుగోలు శక్తి పెరుగు తోందనడానికి నిదర్శనంగా మొత్తం ఆర్డర్లలో ద్వితీయ, తృతీయ శ్రేణి నగరాల వాటా 55 శాతంగా నమోదైంది. ప్రాంతీయంగా ద్వితీయ శ్రేణి నగరాల నుంచి ఆర్డర్లు 28 శాతం, పెద్ద నగరాల్లో 24 శాతం, తృతీయ శ్రేణి పట్టణాల్లో 23 శాతం మేర పెరిగాయి. ⇒ డిజిటల్‌ లావాదేవీలపై పెరుగుతున్న నమ్మకాన్ని సూచిస్తూ ప్రీపెయిడ్‌ ఆర్డర్లు 26 శాతం పెరగ్గా, క్యాష్‌ ఆన్‌ డెలివరీ (సీవోడీ) ఆర్డర్ల పరిమాణం 22 శాతం.. విలువ 35 శాతం మేర పెరిగాయి. ⇒ యూనికామర్స్‌ లాజిస్టిక్స్‌ ప్లాట్‌ఫాం షిప్‌వే డేటా ప్రకారం ఈ ఏడాది డెలివరీలు చాలా వేగవంతమయ్యాయి. గతేడాది పండగ సీజన్‌తో పోలిస్తే ఈ ఏడాది 15 శాతం తక్కువ వ్యవధిలోనే డెలివరీ చేశారు.

తెలుగు చిత్ర పరిశ్రమలో దీపావళి సందడి జోరుగా కనిపించింది. ఫస్ట్‌ లుక్, కొత్త పోస్టర్స్, రిలీజ్‌ డేట్స్, వీడియో గ్లింప్స్, ప్రెస్‌మీట్స్‌... ఇలా సినిమా లవర్స్‌కి కావల్సినన్ని అప్‌డేట్స్‌ ఇచ్చింది ఈ పండగ. ఆ విశేషాల్లోకి...డేట్‌ ఫిక్స్‌⇒ దుల్కర్‌ సల్మాన్‌ హీరోగా నటించిన చిత్రం ‘కాంత’. ఈ చిత్రంలో భాగ్యశ్రీ బోర్సే హీరోయిన్‌. తెలుగు, తమిళ భాషల్లో సెల్వమణి సెల్వరాజ్‌ దర్శకత్వంలో రానా దగ్గుబాటి, దుల్కర్‌ సల్మాన్, ప్రశాంత్‌ పొట్లూరి, జోమ్‌ వర్గీస్‌ నిర్మించారు. ఈ సినిమాను నవంబరు 14న విడుదల చేయనున్నట్లుగా ప్రకటించారు. 1950 మద్రాస్‌ నేపథ్యంలో సాగే ఈ చిత్రంలో స్టార్‌ హీరో చంద్రన్‌గా దుల్కర్, దర్శకుడు అయ్యా పాత్రలో సముద్ర ఖని కనిపిస్తారు. ⇒ శర్వానంద్‌ హీరోగా నటిస్తున్న ఫీల్‌ గుడ్‌ ఫ్యామిలీ ఎంటర్‌టైనర్‌ ‘నారి నారి నడుమ మురారి’. రామ్‌ అబ్బరాజు దర్శకత్వం వహిస్తున్న ఈ చిత్రంలో సంయుక్త, సాక్షి వైద్య హీరోయిన్లుగా నటిస్తున్నారు. అనిల్‌ సుంకర, రామబ్రహ్మం సుంకర నిర్మిస్తున్నారు. ఈ సినిమాను సంక్రాంతి సందర్భంగా రిలీజ్‌ చేయనున్నట్లుగా మేకర్స్‌ ప్రకటించారు. ⇒ భూమిక చావ్లా ప్రధాన పాత్రలో, సారా అర్జున్, నాజర్, రోహిత్, విఘ్నేష్‌ గవిరెడ్డి, లిఖిత కీలక పాత్రల్లో నటించిన యూత్‌ఫుల్, ఫ్యామిలీ ఎంటర్‌టైనర్‌ ‘యుఫోరియా’. గుణశేఖర్‌ దర్శకత్వంలో రాగిణి గుణ సమర్పణలో నీలిమ గుణ, యుక్త గుణ నిర్మించారు. ఈ సినిమాను డిసెంబరు 25న రిలీజ్‌ చేయనున్నట్లు ప్రకటించారు. ⇒ పతంగుల పోటీ నేపథ్యంలో రూపొందిన కామెడీ స్పోర్ట్స్‌ డ్రామా ‘పతంగ్‌’. వంశీ పూజిత్, ‘జీ సరిగమప’ రన్నరప్‌ ప్రణవ్‌ కౌశిక్, ఇన్‌స్టాగ్రామ్‌ సెన్సేషన్‌ ప్రీతి పగడాల ప్రధాన పాత్రధారులుగా, సింగర్‌ ఎస్పీ చరణ్‌ కీలక పాత్రలో నటించారు. ప్రణీత్‌ పత్తి పాటి దర్శకత్వంలో విజయ్‌ శేఖర్‌ అన్నే, సంపత్‌ మక, సురేష్‌ కొత్తింటి, నాని బండ్రెడ్డి నిర్మించారు. ఈ సినిమాను డిసెంబరు 25న రిలీజ్‌ చేయనున్నట్లు మేకర్స్‌ తెలి పారు.అప్‌ డేట్స్‌⇒ చిరంజీవి ఇంట్లో దీ పావళి సంబరాలు ఘనంగా జరిగాయి. హీరోలు నాగార్జున, వెంకటేశ్, సతీసమేతంగా హాజరయ్యారు. ఈ వేడుకల్లో నీరజ (వెంకటేశ్‌ భార్య), అమల (నాగార్జున భార్య)లతో పాటు చిరంజీవి తాజా చిత్రం ‘మన శంకర వరప్రసాద్‌గారు’లో హీరోయిన్‌గా నటిస్తున్న నయనతార కూడా పాల్గొన్నారు. ఈ వేడుకల్లోని ఫొటోలను చిరంజీవి సోషల్‌ మీడియా వేదికగా షేర్‌ చేశారు. మరోవైపు చిరంజీవి, నయనతార హీరో హీరోయిన్లుగా నటిస్తున్న ‘మన శంకర వరప్రసాద్‌గారు’ సినిమా నుంచి ఓ కొత్త పోస్టర్‌ను రిలీజ్‌ చేశారు మేకర్స్‌. అనిల్‌ రావిపూడి దర్శకత్వంలో సుస్మిత కొణిదెల, సాహు గార పాటి నిర్మిస్తున్న ఈ సినిమా సంక్రాంతి సందర్భంగా విడుదల కానుంది.⇒ విశాల్‌ హీరోగా నటిస్తున్న తాజా చిత్రం ‘మకుటం’. ఈ సినిమా సెకండ్‌ లుక్‌ను రిలీజ్‌ చేశారు. అలాగే ఈ సినిమాకు తానే దర్శకత్వం వహిస్తున్నట్లుగా కూడా విశాల్‌ తెలి పారు. ‘‘పరిస్థితులు నన్ను ఈ సినిమాకు దర్శకత్వం వహించాలనే నిర్ణయం తీసుకునేలా చేశాయి. ఈ నిర్ణయం బలవంతం వల్ల కాదు, బాధ్యతగా తీసుకోవడం జరిగింది’’ అంటూ ఓ లాంగ్‌ నోట్‌ను విశాల్‌ షేర్‌ చేశారు. విశాల్‌కు దర్శకుడిగా ఇదే తొలి చిత్రం కావడం విశేషం. ఈ సినిమాలో దుషారా విజయన్, అంజలి ప్రధాన పాత్రల్లో నటిస్తున్నారు. కాగా, ఈ సినిమాకు తొలుత దర్శకుడిగా ఉన్న రవి అరసు ఇప్పుడు ఈ చిత్రానికి కథ అందిస్తున్నారు. సూపర్‌ గుడ్‌ ఫిల్మ్స్‌ పతాకంపై ఆర్‌బి చౌదరి నిర్మిస్తున్నారు. ⇒ హీరో వెంకటేశ్, దర్శకుడు త్రివిక్రమ్‌ కాంబినేషన్‌లో ఓ ఫ్యామిలీ ఎంటర్‌టైనర్‌ సినిమా రూ పొందనున్న సంగతి తెలిసిందే. త్రివిక్రమ్‌ దర్శకత్వంలో సూర్యదేవర రాధాకృష్ణ (చినబాబు) నిర్మించనున్నారు. కాగా ఈ సినిమాలోని హీరోయిన్‌ పాత్రలో శ్రీనిధి శెట్టి నటించనున్నారు. మంగళవారం (అక్టోబరు 21) శ్రీనిధి శెట్టి బర్త్‌ డే సందర్భంగా ఈ చిత్రంలో ఆమె హీరోయిన్‌గా నటించనున్నట్లుగా మేకర్స్‌ అధికారికంగా తెలి పారు.⇒ నవీన్‌ పొలిశెట్టి, మీనాక్షీ చౌదరి హీరో హీరోయిన్లుగా నటిస్తున్న ఫ్యామిలీ ఎంటర్టైనర్‌ ‘అనగనగా ఒక రాజు’. మారి దర్శకత్వంలో సూర్యదేవర నాగవంశీ, సాయి సౌజన్య ఈ సినిమాను నిర్మిస్తున్నారు. ఈ సినిమా స్పెషల్‌ ్ర΄ోమో వీడియోను రిలీజ్‌ చేశారు చేశారు మేకర్స్‌. అలాగే త్వరలోనే ‘అనగనగా ఒక రాజు’ సినిమా నుంచి పాటను రిలీజ్‌ చేయనున్నట్లుగా కూడా తెలి పారు. ఈ సినిమా సంక్రాంతి సందర్భంగా జనవరి 14న విడుదల కానుంది.⇒ ఫాహద్‌ ఫాజిల్‌ ప్రధాన పాత్రలో నటిస్తున్న ఫ్యాంటసీ ఎంటర్‌టైనర్‌ ‘డోంట్‌ ట్రబుల్‌ ది ట్రబుల్‌’. శశాంక్‌ యేలేటి దర్శకత్వంలో శోభు యార్లగడ్డ, ప్రసాద్‌ దేవినేని, ఎస్‌ఎస్‌ కార్తికేయ ఈ సినిమాను నిర్మిస్తున్నారు. ఈ సినిమా రెగ్యులర్‌ షూటింగ్‌ ్ర పారంభమైంది. ‘‘తొలి షూటింగ్‌ షెడ్యూల్‌ నవంబరు 8 వరకు కొనసాగుతుంది. వచ్చే ఏడాది ద్వితీయార్ధంలో ఈ చిత్రాన్ని రిలీజ్‌ చేస్తాం’’ అని చిత్రయూనిట్‌ పేర్కొంది.ఫస్ట్‌ లుక్‌⇒ మోటార్‌ సైకిల్‌ రేసర్‌గా హీరో శర్వానంద్‌ నటిస్తున్న చిత్రానికి ‘బైకర్‌’ టైటిల్‌ ఖరారు చేసి, లుక్‌ని విడుదల చేశారు. ఈ చిత్రంలో మాళవికా నాయర్‌ హీరోయిన్‌. అభిలాష్‌ రెడ్డి దర్శకత్వంలో విక్రమ్‌ సమర్పణలో యూవీ క్రియేషన్స్‌పై వంశీ, ప్రమోద్‌ నిర్మిస్తున్నారు. 1990, 2000ల నేపథ్యంలో రేసింగ్‌ డ్రీమ్స్, ఎమోషన్స్‌ ప్రధానంగా ఫ్యామిలీ డ్రామాగా ఈ చిత్రం రూ పొందుతోంది.⇒ రష్మికా మందన్నా నటిస్తున్న ఫీమేల్‌ సెంట్రిక్‌ యాక్షన్‌ ఎంటర్‌టైనర్‌ ‘మైసా’. రవీంద్ర పుల్లె దర్శకత్వంలో అన్‌ఫార్ములా ఫిల్మ్స్‌ ఈ పాన్‌ ఇండియా చిత్రాన్ని నిర్మిస్తోంది. ఈ చిత్రంలోని రష్మిక లుక్‌ విడుదలైంది. గోండు తెగల నేపథ్యంలో ఎమోషనల్‌ యాక్షన్‌ థ్రిల్లర్‌గా రూ పొందుతున్న ఈ చిత్రం గ్లింప్స్‌ త్వరలో విడుదల కానుంది.⇒ సంయుక్త నటిస్తున్న తొలి ఉమన్‌ సెంట్రిక్‌ ఫిల్మ్‌కి ‘ది బ్లాక్‌ గోల్డ్‌’ టైటిల్‌ని ఖరారు చేసి, లుక్‌ని విడుదల చేశారు. యోగేష్‌ ఏఎంసి దర్శకత్వంలో ఈ యాక్షన్‌ మూవీని రాజేశ్‌ దండ నిర్మిస్తున్నారు. హాస్య మూవీస్, మాగంటి పిక్చర్స్‌ కలిసి నిర్మిస్తున్న ఆరవ సినిమా ఇది. ఈ చిత్రంలో నటించడంతో పాటు సంయుక్త సమర్పకురాలిగానూ వ్యవహరిస్తుండటం విశేషం. తెలుగు, తమిళ, కన్నడ, మలయాళ, హిందీ భాషల్లో పాన్‌ ఇండియా మూవీగా రిలీజ్‌ కానుంది.⇒ ఎంజీఆర్‌ తుకారాం దర్శకత్వంలో కీర్తన నరేశ్, టీఆర్‌ ప్రసాద్‌ రెడ్డి వెంకట్రాజుల, గాయిత్రమ్మ అంజనప్ప నిర్మిస్తున్న చిత్రం ‘కాగితం పడవలు’. వర్ధన్, కృష్ణప్రియ జటంగా నటిస్తున్న ఈ ప్రేమకథా చిత్రం గ్లింప్స్‌ను విడుదల చేశారు. ఓ తీరంలో ప్రేమికులు మాట్లాడుకోవడంతో ఈ వీడియో సాగుతుంది. త్వరలో ఈ చిత్రం విడుదల కానుంది.⇒ గ్రామీణ నేపథ్యంలో రూ పొందుతోన్న ఎమోషనల్‌ మూవీ. ‘రోలుగుంట సూరి’. ఈ చిత్రం ఫస్ట్‌ లుక్‌ విడుదలైంది. నాగార్జున పల్లా, ఆధ్యారెడ్డి, భావన నీలిపి హీరో హీరోయిన్లు. చక్కని భావోద్వేగాలతో, జీవిత సత్యాలు మిళితమైన కథతో అనిల్‌ కుమార్‌ పల్లా దర్శకత్వంలో సౌమ్య చాందిని పల్లా ఈ చిత్రాన్ని నిర్మిస్తున్నారు.

న్యూఢిల్లీ: భారతదేశం అంతటా దీపావళి వేడుకలు అత్యంత వైభవంగా జరిగాయి. దేశప్రజలంతా ఉత్సాహంగా టపాసులు కాల్చారు. అయితే వీటి ప్రభావం పొరుగునున్న పాకిస్తాన్‌పై పడింది. దేశ సరిహద్దు ప్రాంతాల్లో కాల్చిన బాణసంచా పాక్‌వైపు పొగమంచుగా వెళ్లింది. పాకిస్తాన్‌లోని పంజాబ్ ప్రావిన్స్‌, రాజధాని నగరం లాహోర్‌లో గాలి నాణ్యత బాగా క్షీణించిందని పాక్‌ ప్రభుత్వం ఆందోళన వ్యక్తం చేసింది. తక్షణం కాలుష్య నివారణ చర్యలు చేపట్టింది.దీపావళి నేపధ్యంలో భారత్‌లో విడుదలైన ఉద్గారాలు, కాలుష్యకారకాలు పాక్‌లోకి ప్రవేశించి, అక్కడి ప్రజలను ఉక్కిరిబిక్కిరి చేస్తున్నాయని కరాచీలోని డాన్‌ పత్రిక పేర్కొంది. పంజాబ్ పర్యావరణ పరిరక్షణ విభాగం (ఈపీడీ) తెలిపిన వివరాల ప్రకారం న్యూఢిల్లీ, ఇతర ఉత్తర భారత నగరాల నుండి విడుదలైన కాలుష్య కారకాలను మోసుకెళ్లే గాలులు.. పాకిస్తాన్ పంజాబ్‌లో వాయు పరిస్థితులు దిగజారడానికి గణనీయంగా దోహదపడ్డాయి. మంగళవారం ఉదయం నాటికి లాహోర్ లో గాలినాణ్యత(ఏక్యూఐ)266కు దిగజారింది. దీంతో ప్రపంచంలో రెండవ అత్యంత కలుషిత నగరంగా లాహార్‌ మారిపోయింది. న్యూఢిల్లీ తర్వాత ఈ జాబితాలో అగ్రస్థానానికి చేరింది. پنجاب حکومت نے دیوالی کے دوران فضائی آلودگی سے نمٹنے کے لئے جامع پلان پر عملدرآمد شروع کر دیا امرتسر، لدھیانہ اور ہریانہ سے آنے والی ہوائیں فضا میں آلودگی لائیں گی، لاہور کا AQI 210 سے 230 تک رہنے کا امکان، آلودہ ہاٹ اسپاٹس پر اینٹی سموگ گنز اور پانی کے چھڑکاؤ کا آپریشن رات سے… pic.twitter.com/IkqtTdyTkJ— Marriyum Aurangzeb (@Marriyum_A) October 20, 2025విషపూరిత గాలిని తట్టకునేందుకు పాకిస్తాన్‌లోని పంజాబ్ ప్రభుత్వం లాహోర్‌లోని ముఖ్య రహదారులపై యాంటీ స్మోగ్ గన్‌లను వినియోగించడం, నీరు చల్లడం లాంటి అత్యవసర చర్యలను ప్రారంభించింది. కాలుష్య నియంత్ర కార్యకలాపాల కోసం తొమ్మిది విభాగాలను ఏర్పాటు చేశారు. స్మోగ్ రెస్పాన్స్ స్క్వాడ్‌లను కూడా ఏర్పాటు చేయడంతో పాటు, గాలిని కలుషితం చేస్తున్న వారిపై అధికారులు దాడులకు ఉపక్రమించారు. గంటకు 4 నుండి 7 కి.మీ వేగంతో గాలి వీచడంతో, గాలిలోని కణాలు సరిహద్దులు దాటి లాహోర్, ఫైసలాబాద్, గుజ్రాన్‌వాలా, సహివాల్, ముల్తాన్ తదితర పాకిస్తాన్ నగరాలను ప్రభావితం చేస్తున్నాయి.పాక్‌ మంత్రి మరియం ఔరంగజేబ్ ప్రస్తుత పరిస్థితిని పెను పర్యావరణ సవాలుగా అభివర్ణించారు. అమృత్సర్, లూథియానా, హర్యానా నుండి వచ్చే గాలులు కాలుష్యాన్ని మోసుకొస్తున్నాయని ఆరోపించారు. కాలుష్య నివారణ చర్యల్లో భాగంగా బహిరంగ ప్రాంతాలలో నిర్మాణాలను నిలిపివేయనున్నామని, కీలక రహదారుల్లో ట్రాఫిక్‌ను పరిమితం చేస్తామని, పొగను విడుదల చేసే వాహనాలపై జరిమానా విధించనున్నమని ఆమె హెచ్చరించారు. మరోవైపు లాహోర్ పోలీసులు పలు ప్రాంతాల్లో కాలుష్యాన్ని వ్యాప్తిచేస్తున్న 83 మందిని అరెస్టు చేశారు. వీరిలో పరిశ్రమల నిర్వాహకులు, టైర్లు లాంటివి తగలబెడుతున్నవారు ఉన్నారు. ఇది కూడా చదవండి: Karnataka: ‘వరల్డ్‌ రికార్డు’తో సీఎం సిద్దరామయ్య నవ్వులపాలు?

అక్కినేని నాగచైతన్య(Naga Chaitanya) దంపతులు దీపావళిని సెలబ్రేట్ చేసుకున్నారు. పెళ్లి తర్వాత వీరిద్దరు జంటగా తొలిసారి దివాళీని జరుపుకున్నారు. దీనికి సంబంధించిన ఫోటోలను చైతూ సతీమణి శోభిత ధూలిపాల సోషల్ మీడియా వేదికగా షేర్ చేసింది. ప్రస్తుతం ఈ ఫోటోలు నెట్టింట వైరల్‌గా మారాయి. కాగా.. గతేడాది డిసెంబర్‌లో చైతూ-శోభిత వివాహం చేసుకున్నారు. అన్నపూర్ణ స్టూడియోస్‌లో జరిగిన ఈ పెళ్లి వేడుకలో టాలీవుడ్ సినీ ప్రముఖులంతా సందడి చేశారు. మెగాస్టార్‌ చిరంజీవితో పాటు వెంకటేశ్‌ కూడా పాల్గొన్నారు. కాగా.. అక్కినేని నాగచైతన్య (Naga Chaitanya) గతేడాది తండేల్ మూవీతో సూపర్‌ హిట్‌ తన ఖాతాలో వేసుకున్నారు. చందు మొండేటి డైరెక్షన్‌లో వచ్చిన ఈ చిత్రం బాక్సాఫీస్ వద్ద అదిరిపోయే కలెక్షన్స్ రాబట్టింది. ప్రస్తుతం చైతూ విరూపాక్ష ఫేమ్‌ కార్తీక్‌ వర్మ దండు డైరెక్షన్‌లో పని చేస్తున్నారు. వీరిద్దరి కాంబోలో వస్తోన్న మూవీకి వృషకర్మ అనే (వర్కింగ్‌ టైటిల్‌) ఖరారు చేశారు. ఇది నాగచైతన్య కెరీర్‌లో 24వ చిత్రంగా నిలవనుంది. ఈ చిత్రంలో నాగచైతన్య సరసన మీనాక్షీ చౌదరి హీరోయిన్‌గా నటిస్తున్నారని టాక్. బీవీఎస్‌ఎన్‌ ప్రసాద్, సుకుమార్‌ నిర్మిస్తున్న ఈ చిత్రం 2026లో విడుదలయ్యే అవకాశం ఉంది. View this post on Instagram A post shared by Sobhita Dhulipala (@sobhitad)

దేశవ్యాప్తంగా దీపావళి సంబరాలు అంబరాన్నంటాయి. బాలీవుడ్ సూపర్ స్టార్ షారుఖ్ ఖాన్ తన ఇంట్లో జరిగిన దీపావళి పూజ వివరాలను సోషల్‌ మీడియాలో పంచుకున్నారు. ప్రతీ ఏడాదిలాగానే బాద్‌షా దీపావళి వేడుకలను నిర్వహించారు. తన భార్య గౌరీ ఖాన్ పూజ చేస్తున్న ఫోటోను సోషల్ మీడియాలో షేర్ చేశాడు. "అందరికీ దీపావళి శుభాకాంక్షలు! లక్ష్మీదేవి మీకు శ్రేయస్సు మరియు ఆనందాన్ని ప్రసాదించాలి. అందరికీ ప్రేమ, కాంతి మరియు శాంతిని కోరుకుంటున్నాను" అని క్యాప్షన్ ఇచ్చారు. దీంతో ఖాన్ కుటుంబానికి నెటిజన్లు దీపావళి శుభాకాంక్షలు అందించారు. ప్రతీ ఏడాది లాగానే ఈ సంవత్సరం కూడా అన్నీ శుభాలే జరగాలని ఫ్యాన్స్‌ ఆయనను అభినందించారు. అలాగే షారూఖ్‌ మతసామరస్యంపై ప్రశంసలు కురిపించారు. ఇదీ చదవండి: ముచ్చటగా మూడోసారి: తన రాక్‌స్టార్స్‌కు బ్రాండ్‌ న్యూ కార్లు గిఫ్ట్స్‌కాగా షారూఖ్‌ 60వ పుట్టినరోజు సందర్భంగా ఈ ఏడాది నవంబర్ 2 ఆయనను ఫిల్మ్ ఫెస్టివల్‌తో సత్కరిస్తారు. అక్టోబర్ 31 నుంచి PVR INOX ఒక ప్రత్యేక ఫిల్మ్ ఫెస్టివల్‌ జరగనుంది. ఇందులో షారూఖ్‌ సినీ జీవితంలో బ్లాక్‌బస్టర్ చిత్రాలను ప్రదర్శిస్తారు. రెండు వారాల పాటు జరిగే ఫిల్మ్ ఫెస్టివల్, 30 కి పైగా నగరాలు , దాదాపు View this post on Instagram A post shared by Shah Rukh Khan (@iamsrk)

దీపావళికి బోనస్‌లు, స్వీట్లు, గిఫ్ట్‌లు సహజమే. కానీ ఖరీదైన బహుమతు లివ్వడం వార్తల్లో నిలుస్తాయి. తాజాగా హెల్త్‌కేర్ సంస్థ వ్యవస్థాపకుడు సామాజిక కార్యకర్త ఎంకే భాటియా ముచ్చటగా మూడోసారి తన ఉద్యోగులకు వచ్చిన విలువైన బహుమతులు నెట్టింట సందడిగా మారాయి.చండీగఢ్‌కు చెందిన వ్యాపారవేత్త ‘మిట్స్ నేచురా లిమిటెడ్‌’ కంపెనీ అధినేత ఎంకే భాటియా దీపావళి వేడుకల్లో భాగంగా తన ఉద్యోగుల పట్ల కృతజ్ఞతా భావంతో ఉద్యోగులకు 51 సరికొత్త కార్లను బహుమతిగా ఇచ్చారు. స్వయంగా తాళాలు అందజేసి వారిని అభినందించారు. అత్యుత్తమ పనితీరు కనబరిచిన బృంద సభ్యులకు ఎస్‌యూవీ, స్కార్పియో వంటి ఖరీదైన కార్లను అందించారు. ఎంకే బాటియా ఇలా కార్లను బహుమతిగా ఇవ్వడం వరుసగా ఇది మూడోసారి. ఇదీ చదవండి: గౌరీ పూజ, షారూఖ్‌ ఖాన్‌ దీపావళి శుభాకాంక్షలు, నెటిజన్లు ఫిదా!లింక్డ్‌ఇన్‌ పోస్ట్‌లో, భాటియా ఏమన్నారంటే. ‘‘గత రెండు సంవత్సరాలుగా, అత్యంత అంకితభావంతో పనిచేసే ఉద్యోగులకు కార్లను బహుమతిగా ఇచ్చాం. అసలు వారిని ఉద్యోగులు లేదా సిబ్బంది అని ఎప్పుడూ పిలవలేదు. వారు నా జీవితంలో రాక్‌స్టార్ సెలబ్రిటీలు, మా ప్రయాణంలోని ప్రతి దశనూ బ్లాక్‌బస్టర్‌గా మార్చేసే తారలు. ఈ దీపావళి ఎక్స్‌ట్రా స్పెషల్‌" అంటూ కార్లను హ్యాండ్ఓవర్ చేసిన ఫోటోలను షేర్‌ చేశారు. తన కంపెనీకి వారే వెన్నెముక అనీ, వారి కృషి, నిజాయితీ, అంకితభావమే తమ కంపెనీవిజయానికి పునాది. అందుకే వారి శ్రమను గుర్తించడం, ప్రోత్సహించడం, కంపెనీని మరింత అభివృద్ధి దిశ,ఉన్నత శిఖరాలకు నడిపించడం ఏకైక లక్ష్యమని తెలిపారు. వార్తా సంస్థ PTI ప్రకారం, భాటియా ఈ వారంలో ఉద్యోగులకు వాహనాలను అందజేశారు. ఆ తర్వాత షోరూమ్ నుండి కంపెనీ మిట్స్ హౌస్ ఆఫీస్ వరకు వేడుకగా "కార్ గిఫ్ట్ ర్యాలీ" కూడా జరిగిందట.మీ విజయాన్ని లాభాలను ఉద్యోగులతో పంచుకోవడం చాలా సంతోషం అంటూ భాటియాను చాలామంది నెటిజన్లు ప్రశంసించారు. అంతేకాదు ఈ వీడియోను తన మేనేజర్‌కి చూపిస్తే ఏఐ జనరేటెడ్‌ వీడియో అన్నారనీ, ఆ తరువాత డ్రైఫ్రూట్స్, 4 దీపాలు ఇచ్చారంటూ తన అనుభవాన్ని పంచుకున్నారు. వరుసగా మూడోసారిగత ఏడాది 15 కార్లను, అంతకు ముందు సంవత్సరం, 12 కార్లను బహుమతిగా ఇచ్చి వార్తల్లో నిలిచిన సంగతి తెలిసిందే. అంతేకాదు రాబోయే సంవత్సరంలో 50 కార్లను బహుమతిగా ఇవ్వాలని భావిస్తున్నట్టు భాటియా గత దీపావళికే ప్రకటించడం విశేషం.

న్యూఢిల్లీ: పాక్‌ ప్రధాని షెహబాజ్ షరీఫ్ దీపావళి సందర్భంగా హిందువులకు అందించిన శుభాకాంక్షలు తీవ్ర విమర్శలకు దారితీశాయి. ఆయన సోషల్ మీడియా వేదికగా చేసిన పోస్టుపై నెటిజన్లు తీవ్ర ఆగ్రహం వ్యక్తం చేస్తూ, విమర్శలతో విరుచుకు పడుతున్నారు. ఒకవైపు పాకిస్తాన్‌లోని మైనారిటీలైన హిందువులపై దాడులు జరుగుతుండగా, మరోవైపు ఈ రకంగా ఈ శుభాకాంక్షలు చెప్పడమేమిటని ప్రశ్నిస్తున్నారు. పైగా దీపావళి శుభాకాంక్షలు చెప్పేందుకు ప్రధాని షరీఫ్‌ ‘ఏఐ’ వినియోగించారని ఆరోపిస్తున్నారు. పాక్‌ ప్రధాని షెహబాజ్ షరీఫ్ తన సోషల్ మీడియా ఖాతాలో హిందువులకు దీపావళి శుభాకాంక్షలు తెలియజేశారు. ‘చీకటిపై వెలుగు, చెడుపై మంచి సాధించిన విజయానికి దీపావళి ఒక గుర్తు. ఈ పండుగ శాంతి, సామరస్యం, కరుణలను మనలో పెంపొందించి, ఉమ్మడి శ్రేయస్సు వైపు నడిపించాలి’ అని పేర్కొన్నారు. ఈ పోస్ట్ చూసిన నెటిజన్లు ప్రధాని షరీఫ్‌పై తీవ్ర ఆగ్రహం వ్యక్తం చేస్తున్నారు. పాక్‌లో హిందువులు ఎదుర్కొంటున్న హింసను గుర్తు చేస్తూ, ప్రధాని అందించిన ఈ సందేశానికి ఏమైనా అర్థం ఉందా? అంటూ ప్రశ్నిస్తున్నారు. On the auspicious occasion of Diwali, I extend my heartfelt greetings to our Hindu community in Pakistan and around the world.As homes and hearts are illuminated with the light of Diwali, may this festival dispel darkness, foster harmony, and guide us all toward a future of…— Shehbaz Sharif (@CMShehbaz) October 20, 2025ఒక యూజర్‌ ‘అసలు పాకిస్తాన్‌లో హిందువులెవరైనా మిగిలి ఉన్నారా? అని ప్రశ్నించగా, మరొకరు అక్కడి బలవంతపు మతమార్పిడులు, దేవాలయాలపై దాడుల ఘటనలను ప్రస్తావించారు. ‘పహల్గామ్‌లో హిందువులను హత్య చేశాక ఇలా దీపావళి శుభాకాంక్షలు చెప్పడం సిగ్గుచేటంటూ మరొకరు తీవ్రస్థాయిలో మండిపడ్డారు. ఒక యూజర్‌ ‘ఇది దౌత్యమా? లేక చాట్‌ జీపీటీ మీ ఖాతాను హ్యాక్ చేసిందా?’ అని ప్రశ్నించారు. On the auspicious occasion of Diwali, I extend my heartfelt greetings to our Hindu community in Pakistan and around the world.As homes and hearts are illuminated with the light of Diwali, may this festival dispel darkness, foster harmony, and guide us all toward a future of…— Shehbaz Sharif (@CMShehbaz) October 20, 2025

ఢిల్లీ: ఆపరేషన్‌ సిందూర్‌కు రాముడే స్ఫూర్తి అంటూ ప్రజలకు ప్రధాని నరేంద్ర మోదీ లేఖ రాశారు. దీపావళి సందర్భంగా ఆయన లేఖ రాస్తూ.. ఈ ఆపరేషన్‌లో భారత్‌ తన ధర్మాన్ని నిలబెట్టుకొంటూనే.. ఉగ్రవాదంపై ప్రతీకారం కూడా తీర్చుకొందన్నారు. అయోధ్యలో శ్రీరాముని ఆలయం నిర్మాణం తర్వాత ఇది రెండో దీపావళి. శ్రీరాముడు ధర్మాన్ని నిలబెట్టాలని మనకు బోధిస్తారు, అదే సమయంలో అన్యాయంపై పోరాడే ధైర్యాన్ని కూడా ఇస్తారు. దీనికి సజీవ ఉదాహరణను మనం కొన్ని నెలల క్రితం ఆపరేషన్ సింధూర్ సమయంలో చూశాం’’ అంటూ ప్రధాని లేఖలో పేర్కొన్నారు.‘‘ఈ దీపావళి ప్రత్యేకమైంది. ఎందుకంటే మొట్టమొదటిసారిగా, మారుమూల ప్రాంతాలతో సహా దేశవ్యాప్తంగా అనేక జిల్లాల్లో దీపాలు వెలిగించబడ్డాయి. ఈ జిల్లాల నుంచి మావోయిస్టులను నిర్మూలించాం. ఇటీవల కాలంలో మావోయిస్టులు హింస మార్గాన్ని విడిచిపెట్టి.. మన దేశ రాజ్యాంగంపై విశ్వాసం వ్యక్తం చేస్తూ జ‌న‌జీవ‌న స్ర‌వంతిలోకి చేరడాన్ని మనం చూశాము. ఇది దేశానికి ఒక పెద్ద విజయం...ప్రపంచ సంఘర్షణలు ఉన్నప్పటికీ, దేశం స్థిరత్వం, సున్నితత్వం రెండింటికీ చిహ్నంగా ఉద్భవించింది. సమీప భవిష్యత్తులో మనం ప్రపంచంలో మూడవ అతిపెద్ద ఆర్థిక వ్యవస్థగా కూడా అవతరించబోతున్నాం’’ అని ప్రధాని మోదీ పేర్కొన్నారు.

న్యూఢ్లిలీ: దేశమంతటా దీపావళి వేడుకలు ఎంతో ఆనందంగా జరిగాయి. ఈ సందర్భంగా చాలామంది పరస్పరం స్వీట్లను పంచుకుని అభినందనలు తెలియజేసుకున్నారు. ఈ నేపధ్యంలో ఒక ఆసక్తికర ఉదంతం వెలుగు చూసింది. దీపావళి వేళ కాంగ్రెస్‌ అగ్రనేత రాహుల్‌ గాంధీ ముందుకు మరోమారు పెళ్లి ప్రస్తావన వచ్చింది. ఒక మిఠాయి దుకాణం యజమాని ఆ వివరాలు వెల్లడించారు.దీపావళి వేళ ఓల్డ్ ఢిల్లీలోని ప్రముఖ ఘంటేవాలా స్వీట్స్‌ దుకాణానికి మిఠాయిలు కొనుగోలు చేసేందుకు లోక్‌సభలో ప్రతిపక్ష నేత రాహుల్ గాంధీ వచ్చారు. ఈ సందర్భంగా రాహుల్‌తో జరిగిన సంభాషణను యజమాని సుశాంత్ జైన్ మీడియాకు తెలిపారు. ముందుగా ఆయన రాహుల్ గాంధీని భారతదేశంలోనే మోస్ట్ ఎలిజిబుల్ బ్యాచిలర్‌గా అభివర్ణించారు. ఆయన త్వరలోనే పెళ్లి చేసుకోబోతున్నారని, తనకు అతని వివాహ స్వీట్ల ఆర్డర్ అందుతుందని ఆశాభావం వ్యక్తం చేశారు. తమ దుకాణానికి ఎన్నో ఏళ్లుగా గాంధీ కుటుంబంతో అనుబంధం ఉందని, వారికి స్వీట్లు కావాల్సినప్పుడు తామే అందిస్తామని తెలిపారు. पुरानी दिल्ली की मशहूर और ऐतिहासिक घंटेवाला मिठाइयों की दुकान पर इमरती और बेसन के लड्डू बनाने में हाथ आज़माया।सदियों पुरानी इस प्रतिष्ठित दुकान की मिठास आज भी वही है - ख़ालिस, पारंपरिक और दिल को छू लेने वाली।दीपावली की असली मिठास सिर्फ़ थाली में नहीं, बल्कि रिश्तों और समाज… pic.twitter.com/bVWwa2aetJ— Rahul Gandhi (@RahulGandhi) October 20, 2025రాహుల్‌ తమ దుకాణానికి రాగానే తాను.. ‘రాహుల్ జీ.. దయచేసి త్వరలోనే పెళ్లి చేసుకోండి. మీ వివాహ స్వీట్ల ఆర్డర్ కోసం ఆశగా ఎదురు చూస్తున్నామని’ అన్నానని తెలిపారు. రాహుల్‌​ తమ దుకాణంలోకి వచ్చిక అతని తండ్రి, దివంగత ప్రధాని రాజీవ్‌ను గుర్తుచేసుకుంటూ, అతనికి ‘ఇమారి’ స్వీట్‌ ఇష్టమని చెప్పారన్నారు. అలాగే ఆయన దానిని తయారు చేసేందుకు ప్రయత్నించారన్నారు. రాహుల్‌కు బేసన్‌ లడ్డూ ఇష్టమని తెలుసుకున్న తాను.. అతనితో దానిని కూడా తయారు చేసేందుకు కూడా ప్రయత్నించమని చెప్పానని సుశాంత్ జైన్ తెలిపారు.దుకాణానికి వచ్చిన రాహుల్‌ అక్కడి సిబ్బంది ఆప్యాయంగా పలుకరించారు. పండుగను ఎలా చేసుకుంటున్నారో అడిగి తెలుసుకున్నారు. దీనికి సంబంధించిన వీడియోను రాహుల్‌ తన ‘ఎక్స్‌’ ఖాతాలో షేర్‌ చేశారు. ‘పాత ఢిల్లీలోని చారిత్రక ఘంటేవాలా స్వీట్ దుకాణంలో ఇమార్తి, బేసన్ లడ్డూలు తయారుచేశాను. ఈ షాపులోని శతాబ్దాల నాటి తీపిదనం ఇప్పటికీ మనసుకు హత్తుకునేలా ఉంది. అసలైన దీపావళి గొప్పదనం స్వీట్లలోనే కాదు, సంబంధాలు, సమాజంలో కూడా ఉంటుంది" అని రాహుల్ రాశారు.

సౌత్‌ ఇండియా నటి సమంతతో బాలీవుడ్‌ దర్శకుడు రాజ్‌ నిడిమోరు (Raj Nidimoru) డేటింగ్‌లో ఉన్నారని కొద్దిరోజులుగా వార్తలు వస్తున్నాయి. ఈ విషయంపై వారిద్దరూ క్లారిటీ ఇవ్వకపోడం తరుచుగా కలిసి కెమెరా కంటపడుతున్నడంతో నిజమనే సంకేతాలు కనిపిస్తున్నాయి. అయితే, తాజాగా రాజ్‌ కుటుంబంతో పాటుగా సమంత(Samantha) దీపావళి సెలబ్రేట్‌ చేసకున్నారు. అందుకు సంబంధించిన ఫోటోలను సోషల్‌మీడియాలో పంచుకోవడంతో వైరల్‌ అవుతున్నాయి. ఈ డేటింగ్‌ రూమర్స్‌ విషయంలో ఇప్పుడు మరింత ప్రాధాన్యం ఇచ్చేలా సమంత పోస్ట్‌ చేశారని నెటిజన్లు అభిప్రాయ పడుతున్నారు.ది ఫ్యామిలీ మ్యాన్‌ సీజన్‌ 2 నుంచి రాజ్‌ నిడిమోరుతో సమంతకు పరిచయం ఉంది. ఈ క్రమంలోనే వారిద్దరూ ప్రేమలో పడ్డారని తెలుస్తోంది.ఈ దీపావళి సందర్బంగా పలు ఫోటోలతో పాటు నా హృదయం ఎంతో కృతజ్ఞతతో నిండిపోయిందని సమంత ఒక క్యాప్షన్‌ ఇచ్చింది. ఆపై ఆమె షేర్‌ చేసిన ఫోటోలలో రాజ్‌ తల్లిదండ్రులు ఉన్నారు. కానీ, అతని సతీమణి శ్యామాలి లేదు. దీంతో ఈ రూమర్స్‌కు మరింత బలాన్ని ఇచ్చేసినట్లు అయింది. శ్యామాలి కూడా రాజ్‌తో దూరంగా ఉన్నారని సమాచారం. అయితే, సమంత- రాజ్‌ రిలేషన్‌ గురించి ఆమె అప్పుడప్పుడు పరోక్షంగా పోస్టులు చేసేవారు. శ్యామాలి చివరిసారి 2023లో రాజ్‌తో దిగిన ఒక ఫొటోను పంచుకున్నారు. ఆ సమయం తర్వాత వారిద్దరు కలిసి ఎక్కడా కూడా కనిపించలేదు. రాజ్‌తో ఆమె విడిపోతున్నారంటూ కొన్ని రోజుల క్రితం వార్తలు కూడా వచ్చాయి. ఆ విషయంలో క్లారిటీ ఇవ్వలేదు. ఆపై సమంత- రాజ్‌లు కూడా డేటింగ్‌ అంశంపై స్పందించలేదు. View this post on Instagram A post shared by Samantha (@samantharuthprabhuoffl)

ఢిల్లీ: దేశ రాజధాని ఢిల్లీలో కాలుష్యం (Air Pollution) రెడ్ జోన్‌ను తాకింది. దీపావళి వేడుకల అనంతరం వాయు కాలుష్యం ప్రమాదకర స్థాయికి చేరుకుంది. ఇవాళ ఉదయం (అక్టోబర్‌ 21, మంగళవారం) 7 గంటల సమయానికి గాలి నాణ్యత సూచీ (ఏక్యూఐ) 347 పాయింట్లకు పెరిగింది. వెరీ పూర్ కేటగిరిలో గాలి నాణ్యత కొనసాగుతోంది. ఇది చాలా ప్రమాదకరమని కేంద్ర కాలుష్య నియంత్రణ మండలి (సీపీసీబీ) పేర్కొంది. కాలుష్యం పెరగడంతో ప్రజలు కళ్లు, ముక్కు, గొంతులో మంట, దురద సమస్యలు తలెత్తుతున్నాయి. మాస్క్ ధరించాలని వైద్య నిపుణులు సూచిస్తున్నారు.ఊపిరి ఆడక ఢిల్లీ ప్రజలు ఉక్కిరిబిక్కిరవుతున్నారు. పట్టపగలు కూడా ఇళ్లలోంచి బయటకు రావొద్దని ప్రజలకు అధికారులు సూచించారు. బుధవారం వరకు ఇదే పరిస్థితి ఉంటుందని అధికారులు హెచ్చరిస్తున్నారు. పలు ప్రాంతాల్లో AQI 400 దాటింది. పలు ప్రాంతాలను రెడ్‌జోన్‌గా అధికారులు ప్రకటించారు. 38 ఎయిర్‌ మానిటరింగ్‌స్టేషన్లలో 36 రెడ్‌జోన్‌లోనే ఉన్నాయి. వజీర్‌పూర్‌ 423, ద్వారకా 417, అశోక్‌ విహార్‌ 404, ఆనంద్‌ విహార్‌లో 404గా AQI నమోదైంది.గత ఏడాది దీపావళి మరుసటి రోజు ఉదయం నమోదైన 296 ఏక్యూఐతో పోలిస్తే ఈసారి కాలుష్యం మరింత పెరిగింది. నిన్న సాయంత్రం (సోమవారం) సాయంత్రం 4 గంటలకే ఢిల్లీలో ఏక్యూఐ 345గా 'వెరీ పూర్' కేటగిరీలో నమోదైంది. బాణాసంచా మోతతో రాత్రికి రాత్రే గాలి నాణ్యత మరింత క్షీణించింది.పర్యావరణ పరిరక్షణ, ప్రజల ఆరోగ్యాన్ని దృష్టిలో ఉంచుకొని ఈ ఏడాది అక్టోబర్ 15న సుప్రీంకోర్టు గ్రీన్ క్రాకర్స్ కాల్చడానికి మాత్రమే అనుమతి ఇచ్చిన సంగతి తెలిసిందే. ఉదయం 6 గంటల నుంచి 7 గంటల వరకు, రాత్రి 8 నుంచి 10 గంటల వరకు మాత్రమే టపాసులు కాల్చాలని ఆదేశాలు జారీ చేసింది. అయితే, కోర్టు ఆదేశాలను ప్రజలు పట్టించుకోలేదు. దీంతో కాలుష్య తీవ్రత మరింత పెరిగింది.#WATCH | Visuals from the India Gate as GRAP-2 invoked in Delhi. The Air Quality Index (AQI) around the India Gate was recorded at 342, in the 'Very Poor' category, in Delhi this morning as per the Central Pollution Control Board (CPCB). pic.twitter.com/ITc38aoGgQ— ANI (@ANI) October 21, 2025గత ఆరు రోజులుగా ఢిల్లీలో వాయు కాలుష్యం ప్రమాదకర స్థితిలో కొనసాగుతోంది. ఎయిర్‌ క్వాలిటీ ఇండెక్స్‌ (AQI) 0-100 మధ్య ఉంటే గాలి నాణ్యత బాగా ఉండి కాలుష్యం లేదని.. అదే 100-200 మధ్య ఉంటే గాలి నాణ్యత మధ్యస్తంగా ఉందని.. ఇక 200-300 మధ్య ఉంటే గాలి నాణ్యత అధ్వాన్నంగా ఉందని, 300-400 మధ్య ఉంటే గాలి నాణ్యత మరింత అధ్వాన్నంగా ఉందని, AQI 400-500 మధ్య ఉంటే కాలుష్యం తీవ్ర స్థాయిలో ఉందని ఎయిర్‌ క్వాలిటీ అండ్‌ వెదర్‌ ఫోర్‌కాస్టింగ్‌ అండ్‌ రిసెర్చ్‌ చెబుతుంది.

మెగాస్టార్ చిరంజీవీ ఈ దీపావళిని గ్రాండ్‌గా సెలబ్రేట్ చేసుకున్నారు. ఈ ఏడాది హైదరాబాద్‌లోని తన నివాసంలో టాలీవుడ్‌ ప్రముఖులతో జరుపుకున్నారు. ఈ వేడుకల్లో విక్టరీ వెంకటేశ్, అక్కినేని నాగార్జున, నయనతార సైతం పాల్గొన్నారు. దీనికి సంబంధించిన ఫోటోలను చిరంజీవి ట్విటర్‌లో పోస్ట్ చేశారు. ఈ సందర్భంగా అభిమానులతో పాటు అందరికీ దీపావళి శుభాకాంక్షలు తెలిపారు.కాగా.. మెగాస్టార్ ప్రస్తుతం అనిల్ రావిపూడి దర్శకత్వంలో నటిస్తున్నారు. వీరిద్దరి కాంబోలో వస్తోన్న తొలి చిత్రం కావడంతో అభిమానుల్లో భారీ అంచనాలు నెలకొన్నాయి. ఇటీవలే మనశివశంకరవరప్రసాద్‌గారు మూవీ నుంచి సూపర్ సాంగ్‌ను రిలీజ్ చేశారు. మీసాల పిల్లా అంటూ సాగే పాటను విడుదల చేయగా..యూట్యూబ్‌లో దూసుకెళ్తోంది. ఈ ఫ్యామిలీ ఎంటర్‌టైనర్‌ వచ్చే ఏడాది సంక్రాంతికి కానుకగా థియేటర్లలో సందడి చేయనుంది. Very delighted to have celebrated the Festival of Lights with my dear friends, @iamnagarjuna, @VenkyMama and my co-star #Nayanthara, along with our families 🤗✨Moments like these fill the heart with joy and remind us of the love, laughter, and togetherness that make life truly… pic.twitter.com/qJHpVkk9og— Chiranjeevi Konidela (@KChiruTweets) October 20, 2025

స్టాక్‌మార్కెట్‌ ఇన్వెస్టర్లలో దీపావళి అంటేనే ప్రత్యేక సందడి నెలకొంటుంది. దీపావళి పర్వదినాన్ని పురస్కరించుకొని అక్టోబర్‌ 21న లక్ష్మీ పూజ నిర్వహిస్తున్నారు. ఈ నేపథ్యంలో రేపు మార్కెట్లకు సెలవు. అయినా మధ్యాహ్నం సమయంలో మదుపుదారులు, ట్రేడర్లకు వీలుగా గంటసేపు స్టాక్ ఎక్స్ఛేంజీలు ముహూరత్‌ ట్రేడింగ్‌ను నిర్వహిస్తాయని గుర్తుంచుకోవాలి. ప్రపంచంలో ఇలాంటి ప్రత్యేక ట్రేడింగ్ సెషన్ నిర్వహించే ఏకైక దేశం మనదే. ఈ ముహూరత్‌ ట్రేడింగ్‌ రోజును ఇన్వెస్టర్లు, వ్యాపారులు శుభదినంగా భావిస్తారు.ముహూరత్‌ ట్రేడింగ్ఈ ముహూరత్‌ ట్రేడింగ్ అనవాయితీ ఏళ్లనాటిదే. 1957లో బీఎస్‌ఈ ముహూరత్‌ ట్రేడింగ్ సంప్రదాయాన్ని ప్రారంభించింది. 1992లో ఎన్‌ఎస్‌ఈ దీన్ని అందిపుచ్చుకుంది. మార్కెట్ పెట్టుబడిదారులకు అదృష్టాన్ని తెచ్చే విధంగా అన్ని గ్రహాలు, నక్షత్రాలను గమనించి నిర్వహించే శుభ ముహూర్తంగా దీన్ని పరిగణిస్తారు. ఈ సందర్భంగా వ్యాపారులు పెట్టుబడికి అనుకూలమైనదిగా భావిస్తారు. ఈక్విటీ సెగ్మెంట్, ఈక్విటీ డెరివేటివ్ సెగ్మెంట్, ఎస్‌ఎల్‌బీ సెగ్మెంట్ విభాగాల్లో ట్రేడింగ్‌ నిర్వహిస్తారు.ఈ ఏడాది క్యాలెండర్ ప్రకారం అక్టోబర్‌ 21న ఈ ముహూరత్‌ ట్రేడింగ్‌ జరుగనుంది. సాధారణంగా దేశంలోని వ్యాపార సంఘాలు కొత్త ఖాతాలను తెరవడంతోపాటు ఈ రోజున మునుపటి బ్యాలెన్స్ షీట్‌ను క్లోజ్‌ చేస్తారు. అంటే ఈ రోజును వ్యాపారులు కొత్త వ్యాపార సంవత్సరంగా పరిగణిస్తారు. అలాగే ట్రేడ్‌ ఎక్స్‌పర్ట్‌లు, ఎనలిస్టులు, బ్రోకరేజ్‌ సంస్థలు పలు స్టాక్స్‌ను ట్రేడర్లకు రికమెండ్‌ చేస్తారు. దీపావళి బలిప్రతిపద సందర్భంగా అక్టోబర్‌ 22న ఎక్స్ఛేంజీలు పనిచేయవు.ఇదీ చదవండి: నా సోదరుడి ఆత్మహత్యకు ఓలా సీఈఓ కారణంముహూరత్‌ ట్రేడింగ్ సెషన్ సమయాలుఅక్టోబర్‌ 21 మధ్యాహ్నం 1:45కు మార్కెట్‌ ఓపెన్‌ అవుతుంది.మధ్యాహ్నం 2:45కు ముగుస్తుంది.అక్టోబర్‌ 22న బలిప్రతిపద సందర్భంగా స్టాక్‌ మార్కెట్‌ సెలవు.

టాలీవుడ్ నటి అనసూయ దీపావళి వైబ్‌ను గ్రాండ్‌గా సెలబ్రేట్ చేసుకుంది. పండుగను సెలబ్రేట్ చేసుకున్నట్లు సోషల్ మీడియాలో పోస్ట్ చేసింది. ఈ సందర్భంగా తన చిన్ననాటి జ్ఞాపకాలను గుర్తు చేసుకుంది. ఇంట్లో నా సోదరీమణులతో కలిసి ఎంతో ఉత్సాహంగా దీపావళిని జరుకునేదాన్ని అని పోస్ట్ చేసింది. కానీ ఇప్పుడేమే ఒక భార్యగా, తల్లిగా.. నేను అన్నింటినీ చాలా భిన్నంగా చూస్తున్నట్లు అనసూయ తన ఇన్‌స్టాలో రాసుకొచ్చింది.అనసూయ ఇన్‌స్టాలో రాస్తూ.. 'నా చిన్నప్పుడు దీపావళి కోసం ఏడాది పొడవునా నా కళ్లు ఎదురు చూసేవి. ఆ రోజుల్లో తెల్లవారుజామునే మంగళారతి.. పాపాజీ ఆశీస్సులు ఇచ్చే ఆ మధురమైన క్షణం.. అలాగే పాకెట్ మనీ.. నేను, నా సోదరీమణులు దాని కోసం ఎల్లప్పుడూ ఉత్సాహంగా ఎదురు చూసేవాళ్లం. ఇంట్లో తయారుచేసిన స్వీట్ల వాసనతో ఆనందంతో నిండిపోయేది. కొత్త బట్టలు.. రంగురంగుల రంగోలి.. ఇంటిని వెలిగించే దీపాల వరుసలు.. క్రాకర్స్, చిచ్చుబుడ్డీలు, ఉల్లిపాయ బాంబులతో సంతోషంగా జరుపుకునేవాళ్లం. కానీ నేడు.. ఒక భార్యగా, తల్లిగా అన్నింటినీ చాలా భిన్నంగా చూస్తున్నా. అప్పుడు అమ్మ అన్ని చిరునవ్వుల వెనుక కొంచెం ఆందోళన చెందుతున్నట్లు నాకిప్పుడు అర్థమైంది.. ఆమె మా బాల్యంలో కురిపించిన ఆనందం, ప్రేమ, వెలుగు అంతా మేము అస్వాదించామని' పోస్ట్ చేసింది.కానీ ఇప్పుడు నేను అమ్మ స్థానంలో ఉన్న వ్యక్తినని.. అది ఒక అందమైన అనుభవమని గ్రహించానని అనసూయ రాసుకొచ్చింది. ప్రతి ఇంట్లోని మహిళలకు అపారమైన గౌరవం మన పండుగలను జ్ఞాపకాలుగా మార్చిందని వెల్లడించింది. ఈ రోజు.. నేను అలసిపోయినా చాలా సంతృప్తిగా ఉన్నా.. నా చిన్ననాటి దీపావళిని మిస్ అవుతున్నా. కానీ ఏదో ఒక రోజు.. నా పిల్లలు ఈ దీపావళిని తిరిగి చూసుకుని.. నాలాగే అదే రకమైన ఫీలింగ్‌ను అనుభవిస్తారని ఆశిస్తున్నట్లు తెలిపింది. ఈ దీపాల కాంతి అందరి జీవితాల్లో చాలా కాలం పాటు నిలిచి ఉండాలని, ప్రేమ, ఆనందంతో నిండిన మీ అందరికీ, మీ ప్రియమైన వారికి సంతోషకరమైన, ప్రకాశవంతమైన, సురక్షితమైన దీపావళి శుభాకాంక్షలు అంటూ అనసూయ విషెస్ తెలిపింది. ఈ పోస్ట్‌ సోషల్ మీడియాలో వైరల్‌గా మారింది. View this post on Instagram A post shared by Anasuya Bharadwaj (@itsme_anasuya)

వెలుగులు విరజిమ్మే దీపావళి కాంతులు ప్రతి ఒక్కరి జీవితాల్లో చీకట్లను పారదోలి సంతోషాలను పంచుతుంది. అయితే అలాంటి దీపావళికి ప్రతి ఒక్కరూ అప్రమత్తతతో వ్యవహరించాలి. మన ఆనందం మరొకరికి బాధ కలిగించొద్దని, వ్యక్తిగత బాధ్యత, శ్రద్ధ, జాగ్రత్తలతో పాటు, పర్యావరణ స్పృహ, సామాజిక బాధ్యతను గుర్తించాలని పలువురు విశ్లేషకులు చెబుతున్నారు. మరీ ముఖ్యంగా టపాసులు కాల్చే క్రమంలో చుట్టుపక్కల వారికి హాని కలుగకుండా జాగురూకతతో మెలగాలి. భారీ శబ్దాలతో చిన్నపిల్లలు, వృద్ధులు, హార్ట్‌ పేషెంట్లకు ఇబ్బంది కలుగుతుంది. పశువులు, పెంపుడు జంతువులు, పక్షులకు ఇబ్బంది కలుగకుండా చూసుకోవాల్సిన బాధ్యత ప్రతి ఒక్కరిపై ఉందని గుర్తెరగాలి. వీటితో పాటు టపాసుల నుంచి వచ్చే పొగ, స్పార్క్స్‌ వల్ల కళ్లకు, ఊపిరితిత్తులకు ప్రమాదం వాటిల్లే పరిస్థితి ఉంది. అగ్ని ప్రమాదాలు సంభవించే ఆస్కారం ఉందని గ్రహించి తదనుగుణంగా వ్యవహరించి సహజమైన, సంప్రదాయ వెలుగులతో పండుగను ఆస్వాదించాలని పర్యావరణ వేత్తలు, నిపుణులు సూచిస్తున్నారు. – సాక్షి, సిటీబ్యూరో మన జీవితాల్లో వెలుగులు పంచే దీపావళి మరొకరి జీవితాల్లో చీకట్లు నింపకుండా జాగురూకతతో వ్యవహరించాల్సిన బాధ్యత మనందరిపై ఉంది. నేడు దేశవ్యాప్తంగా దీపావళి సంబరాలు అంబరాన్నంటనున్నాయి. అయితే మారుతున్న కాలానికి అనుగుణంగా పండుగల్లోనూ అధునాత పోకడలు సంతరించుకుంటున్నాయి. ఈ దీపావళికి ముఖ్యంగా యువత పర్యావరణ సంరక్షణ, జంతు సంక్షేమం వంటి అంశాలను గౌరవిస్తూ.. నవ సమాజ నిర్మాణానికి నాంది పలుకుతున్నారు. సంబంధిత అధికారులు సైతం పండుగ నియమావళి, సూచనలపై ముందస్తుగానే ప్రచారం చేశారు. పండుగ ఉత్సాహం, సంతోషం బాధ్యతతో కూడిన సమతుల్యాన్ని పాటించాలని నగర పోలీసు శాఖ, పర్యావరణ సంస్థలు విజ్ఞప్తి చేస్తున్నాయి. జంతు సంరక్షణ, పర్యావరణ బాధ్యత.. భారీ శబ్దాల వల్ల జంతువులు భయపడి జనాలపై దాడికి దిగే ప్రమాదం ఉంది. ఒక్కోసారి మనం కాల్చిన టపాసుల కారణంగా అవి గాయపడే ప్రమాదం ఉంది. వీటిని గుర్తించాలి. ముందుగా ఇళ్లలోని పెంపుడు జంతువులను సురక్షిత ప్రాంతాల్లో ఉంచాలి. దీంతో పాటు వీధుల్లోని జంతువులకు హాని కలగకుండా చూసుకోవాల్సిన బాధ్యత మనపై ఉందని గుర్తించాలి. మన చుట్టూ ఉండే ప్రదేశాల పట్ల కూడా బాధ్యతతో మెలగాలి. నిర్లక్ష్యంగా వ్యవహరించడం వల్ల మనతో పాటు ఇతర పౌరులూ ఇబ్బంది పడకుండా చూసుకోవాలి. కొద్దిసేపు ఆనందాన్ని ఇచ్చే స్మోక్‌ క్రాకర్స్‌ దీర్ఘకాలం పాటు మనకు హాని కలిగిస్తాయని గ్రహించాలి. ప్రభుత్వం సూచించిన గ్రీన్, ఎకో ఫ్రెండ్లీ క్రాకర్లను మాత్రమే వినియోగించి పర్యావరణ పరిరక్షణకు దోహదపడాలి. ఇదీ చదవండి: 35 మంది, 3,670 గంటలు : పింక్‌ బాల్‌ ఈవెంట్‌లో మెరిసిన ఇషా అంబానీనిబంధనలు ఇవే.. సైబరాబాద్, రాచకొండ పోలీస్‌ కమిషనరేట్లు టపాసుల అమ్మకాలు, వినియోగానికి ప్రత్యేక నియమాలు అమలు చేస్తున్నాయి. అనుమతులు లేని చోట టపాసులు నిల్వ చేయడం, అమ్మకం చట్టరీత్యా నేరం. భారీ శబ్దాలు చేసే, అధికంగా పొగను విడుదల చేసే టపాసులకు పరిమితులు పెట్టారు. ప్రభుత్వ నిబంధనల మేరకు రాత్రి 10 గంటల తర్వాత టపాసులు పేల్చకూడదని పోలీసులు హెచ్చరిస్తున్నారు. ప్రజలు అపార్ట్‌మెంట్‌లలో, బహిరంగ ప్రదేశాల్లో టపాసులు పేల్చేటప్పుడు ఇతరుల ప్రైవసీ, వృద్ధులు, చిన్నపిల్లలు, రోగులను పరిగణలోకి తీసుకోవాలని విజ్ఞప్తి చేశారు. నగరంలోని పలు హౌసింగ్‌ సొసైటీలు, యువజన సంఘాలు ‘గ్రీన్‌ దీపావళి’ కార్యక్రమాలను చేపట్టాయి. క్రాకర్‌ ఫ్రీ జోన్‌లను ఏర్పరచి, పర్యావరణ స్నేహపూర్వక పండుగకు ఆయా కమ్యూనిటీలు ప్రోత్సహిస్తున్నాయి. కేవలం విద్యుత్‌ కాంతులు, లేదా సంప్రదాయంగా వస్తున్న నూనె దీపాలు, కొవ్వుతులను వినియోగించి పండుగను జరుపుకోవాలని, పిల్లల్లోనూ ఆ దిశగా చైతన్యం తీసుకురావాలని, ఆటపాటలతో, సాంస్కృతిక కార్యక్రమాలతో పండుగను చేసుకోవాలని నిర్ణయం తీసుకున్నాయి. చదవండి: ఈ తియ్యటి పండుతో షుగర్‌కి చెక్‌ : తాజా అధ్యయనంప్రజల్లో కొత్త చైతన్యం.. అగ్నిమాపక సూచనలు.. నగరంలోని అగి్నమాపక శాఖ, వైద్యులు పౌరులకు పలు సూచనలు జారీ చేశారు. టపాసులు వాడేటప్పుడు పిల్లల పక్కన పెద్దవారు తప్పనిసరిగా ఉండాలి. వదులుగా ఉండే దుస్తులు, పొడవైన దుపట్టాలు ధరించడం ప్రమాదకరం. ఇళ్లల్లో దీపాల వద్ద కర్టెన్లు, పేపర్‌ అలంకరణల విషయంలో జాగ్రత్త పాటించాలి. ఫస్ట్‌ ఎయిడ్‌ కిట్, నీటి బకెట్, ఫైర్‌ కంట్రోలర్స్‌ వంటి భద్రతా సామగ్రి ఇళ్లల్లో, గేటెడ్‌ కమ్యూనిటీల్లో సిద్ధంగా ఉంచుకోవాలి. ఏదైనా ప్రమాదవ శాత్తూ గాయాలైతే తక్షణ వైద్య సహాయం పొందలని వైద్య నిపుణులు సూచిస్తున్నారు. పొగతో కళ్లకు ప్రమాదం.. క్రాకర్స్‌ కాల్చే సమయంలో వచ్చే ప్రమాదకరమైన పొగ వల్ల కళ్లు దెబ్బతినే అవకాశం ఉంది. ఆ పొగ నేరుగా కంటికి తగలకుండా జాగ్రత్తలు తీసుకోవాలి. కంటికి వీలైనంత దూరంగా కాల్చాలి. కొన్ని రకాల క్రాకర్స్‌ నుంచి వెలువడే నిప్పు రవ్వలు కంట్లో పడే ప్రమాదం ఉంటుంది. వీటితో పాటు క్రాకర్స్‌ నుంచి వెలువడే కాంతి కూడా కంటిలోని నల్లగుడ్డుని దెబ్బతీసే ప్రమాదం ఉంది. అందుకే అదే పనిగా ఆ వెలుగును చూడకుండా ఉంటే మంచిది. ఏవైనా జరిగి కళ్లు మండుతున్నట్లు అనిపిస్తే వెంటనే వాటిని నలపకుండా స్వచ్ఛమైన చల్లటి నీటితో కడుక్కోవాలి. కొద్ది సేపటి తర్వాత కూడా అదే పరిస్థితి ఉంటే వైద్యులను సంప్రదించాలి. కళ్లలో దురద వస్తే వైద్యుల సూచన మేరకు చుక్కల మందు స్వేస్తే సరిపోతుంది. కొందరు ఏడాది పిల్లలతో కూడా క్రాకర్స్‌ కాలి్పస్తుంటారు.. ఇది ప్రమాదకరమైన చర్యగా గుర్తించాలి. వీలైతే సన్‌గ్లాస్, సాధారణ కళ్ల జోడు పెట్టుకుంటే మంచిది.– పి.సత్యవాణి, ప్రొఫెసర్, సరోజినీదేవి నేత్రాలయం, మెహిదీపట్నం

ఎవరినీ తక్కువగా అంచనా వేయకూడదని, ప్రతీ పనికిరాని అని మనం అనుకునే వ్యక్తికీ కూడా ఒక రోజంటూ వస్తుందని వాడుకగా చెప్పుకుంటాం. అయితే నేపాల్‌లో నిజంగానే కుక్కలకు అంటూ ఒక రోజు వస్తుంది. కుక్కలకే కాదు కాకులకు కూడా. ఈ వివరాలు తెలియాలంటే దీపావళి సందర్భంగా నేపాల్‌ లో కనిపించే ఆచార వ్యవహారాలు తెలుసుకోవాలి.యమ పంచక్‌ లేదా దీపావళి అని కూడా పిలిచే తీహార్‌ , నేపాల్‌లో జరుపుకునే అత్యంత ముఖ్యమైన హిందూ పండుగలలో ఒకటి. తరచుగా లైట్ల పండుగ అని కూడా పేర్కొనే తీహార్, ఉత్సాహభరితమైన ఆచారాలు, కుటుంబ బంధాలు ప్రకృతితో సహజీవనపు వేడుకగా గుర్తింపు పొందింది. నేపాల్‌ అంతటా హిందువులు, బౌద్ధులు కూడా జరుపుకునే పండుగ ఇది. ఐదు రోజుల పాటు దేవతలు, జంతువులు సోదర సోదరీమణుల మధ్య అను బంధాన్ని ఈ పండుగ గౌరవిస్తుంది. హిందూ చాంద్రమాన క్యాలెండర్‌ (కార్తీక మాసం) ఆధారంగా ఈ ఏడాది అక్టోబర్‌ 19 నుంచి అక్టోబర్‌ 23 వరకు తీహార్‌ వేడుకలు జరుపు కుంటున్నారు. ఈ ఉత్సవం నేపాల్‌ ఇళ్లు, వీధులను కాంతులతో, సంగీత సంబరాలతో నింపుతుంది. దాదాపుగా మన దగ్గర జరిగే దీపావళి తరహాలోనే ఈ పండుగ కూడా ఉంటుంది. రంగు రంగుల లైట్లు రంగులను ఆస్వాదించడం, లక్ష్మీ దేవిని పూజించడం, రుచికరమైన ఆహారాన్ని తయారు చేయడం వరకూ కాకపోతే.. మానవులు జంతువులు, సోదరులు సోదరీ మణుల మధ్య బలమైన సంబంధాన్ని ప్రదర్శించడం ప్రత్యేకత అని చెప్పాలి.తీహార్‌ అంటే?కాంతి ప్రేమ ల పండుగ, ఇది జంతువుల ప్రాముఖ్యత, కుటుంబ సంబంధాల విలువలను, దైవిక ఆశీర్వాదాలను నొక్కి చెబుతుంది. ఇది యముడు (మరణ దేవుడు) , లక్ష్మీదేవి (సంపద శ్రేయస్సు నిచ్చే దేవత) లను గౌరవించడానికి ప్రకృతిలో అంతర్భాగంగా ఉన్న జంతువుల పట్ల కృతజ్ఞతను తెలియజేయడానికి జరుపుకుంటారు. చెడుపై మంచి విజయంపై సాధించే మాదిరిగా కాకుండా, తీహార్‌ పండుగ ఐక్యత, శ్రేయస్సు మానవులు, దేవతల మధ్య అనుబంధాన్ని చూపించేదిగా ఉంటుంది. చదవండి: ఈ తియ్యటి పండుతో షుగర్‌కి చెక్‌ : తాజా అధ్యయనంప్రత్యేకం ‘‘కుకర్‌ తిహార్‌’’ (Kukur Tihar )ఐదు రోజుల పాటు జరిగే పండుగలో రెండవ రోజు కుకర్‌ తిహార్‌ గా జరుపుకుంటారు. ఆ రోజు కుక్కలకు గజ్రాలు (పూల హారం) వేసి అలంకరిస్తారు, తిలకం (కుంకుమ బొట్టు) పెడతారు, ప్రత్యేకమైన ఆహారం ఇస్తారు. ఈ ఆచారం వెనుక భావన ఏమిటంటే హిందూ పురాణాల్లో కుక్కలను యమ« దర్మరాజు దూతలుగా పరిగణిస్తారు. కాబట్టి వాటిని గౌరవిస్తే మనకు రక్షణ లభిస్తుందని నమ్మకం. విశేషం ఏమిటంటే ఆ రోజున వీధి కుక్కలకు సైతం పూజ చేస్తారు మన దేశంలోనూ గోవులకు పూజలు చేసే సంప్రదాయం ఉన్నా ఈ విధంగా కుక్కలకు పూజ చేయడం మాత్రం ఒక్క నేపాల్‌లో తప్ప మరెక్కడా లేదు.ఐదు రోజులు ఐదు విధాలుగా...–1వ రోజున కాగ్‌ తిహార్‌ జరుపుతారు. ఆ రోజున కాకులకు, గద్దలకు పూజ చేస్తారు. అన్నం, తీపి పదార్థాలు ఇస్తారు. వీటిని గౌరవిస్తే చెడు శకునాలు దరిచేరవనీ నమ్మకం.–2వ రోజు కుకర్‌ తీహార్‌ పేరుతో కుక్కలకు పూల హారం, తిలకం వేసి పూజ చేస్తారు. వీటిని కూడా యమధర్మరాజు దూతలుగా పరిగణిస్తారు.–3వ రోజు గై తిహార్‌ పేరుతో ఉదయం వేళలో ఆవులను పూజిస్తారు. ఆవు సంపద, శాంతి, మాతృత్వానికి చిహ్నం గా నమ్ముతారు. అదే రోజునసాయంత్రం ఇళ్లు శుభ్రపరచి దీపాలతో అలంకరించి లక్ష్మీ పూజ చేస్తారు.–4వ రోజున గోవర్ధన్‌ పూజ / ‘మ్హ ’ పూజ చేస్తారు. ఆ రోజున ఎద్దులను పూలతో, పసుపుతో అలంకరించి పూజిస్తారు.. అంతేకాదు అదే రోజు ‘‘మ్హా పూజ’’ అంటే స్వశరీరాన్ని పూజించి ఆత్మశుద్ధి పొందడం.ఇదీ చదవండి: 35 మంది, 3,670 గంటలు : పింక్‌ బాల్‌ ఈవెంట్‌లో మెరిసిన ఇషా అంబానీ–5వ రోజున భాయ్‌ తికా పేరుతో అక్కాచెల్లెమ్మలు, అన్నా తమ్ముళ్ల అనుబంధంను వేడుకగా జరుపుకుంటారు.ఆ రోజు అక్కాచెల్లెమ్మలు తమ అన్నల తలపై రంగురంగుల తికా (ఏడు రంగులతో) వేస్తారు. అన్నలు చెల్లెమ్మలకు బహుమతులు ఇస్తారు. ఇది ప్రేమ, రక్షణ, బంధుత్వానికి ప్రతీకగా భావిస్తారు.

బ్యాంకులు తమ వినియోగదారులకు దీపావళి ధమాకా ఆఫర్లను ప్రకటించాయి. అందులో కొత్తగా వస్తువులు కొనుగోలు చేసే వారి నుంచి పర్సనల్‌ లోన్లు తీసుకునే వారి వరకు బ్యాంకును అనుసరించి చాలా ఆఫర్లు అందిస్తున్నాయి. వీటిలో క్యాష్‌బ్యాక్ ఆఫర్లు, వడ్డీ రేట్ల తగ్గింపులు కూడా ఉన్నాయి. ఏయే బ్యాంకులు ఎలాంటి ఆఫర్లు ఇస్తున్నాయో తెలుసుకుందాం.హెచ్‌డీఎఫ్‌సీ బ్యాంక్దేశంలో అతిపెద్ద ప్రైవేట్ బ్యాంకు అయిన HDFC బ్యాంక్ కార్డులు, రుణాలు, పేజాప్, ఈజీ ఈఎంఐల్లో 10,000 కంటే ఎక్కువ ఆఫర్లను ప్రకటించింది. 9.99% వడ్డీ రేటుతో వ్యక్తిగత రుణాలు, 72 నెలల వరకు కాలపరిమితి, జీరో ఫోర్‌క్లోజర్ ఫీజు (రుణ మొత్తం రూ. 15 లక్షలకు పైన, కస్టమర్ సిబిల్ స్కోర్ 730 కంటే ఎక్కువ ఉంటే)ను ఆఫర్‌ చేస్తుంది. అక్టోబర్ చివరి వరకు 7.4% నుంచి ప్రారంభమయ్యే వడ్డీ రేట్లను ప్రకటించింది.ఈ సందర్భంగా హెచ్‌డీఎఫ్‌సీ బ్యాంక్ ఎండీ & సీఈఓ శశిధర్ జగదీషన్ మాట్లాడుతూ..‘జీఎస్టీ, వడ్డీ రేట్ల తగ్గింపు కారణంగా ఆర్థిక కార్యకలాపాలు ఊపందుకున్నాయి. రుణ వృద్ధిని వేగవంతం చేయడానికి ఇదే సరైన సమయం’ అన్నారు.ఐసీఐసీఐ బ్యాంక్గృహ రుణాలు: ప్రత్యేక ప్రాసెసింగ్ ఫీజు రూ.5,000.ఆటో రుణాలు: ప్రాసెసింగ్ ఫీజు రూ.999.క్యాష్‌బ్యాక్ ఆఫర్లు: ఐఫోన్ 17 కొనుగోలుపై రూ.6,000 తక్షణ క్యాష్‌బ్యాక్.ఎల్‌జీ, హైయర్, పానాసోనిక్, బ్లూస్టార్, జేబీఎల్‌ వంటి ఎలక్ట్రానిక్స్ బ్రాండ్ల వస్తువుల కొనుగోలుపై రూ.50,000 వరకు క్యాష్‌బ్యాక్, డిస్కౌంట్లు.బ్యాంక్ ఆఫ్ బరోడాగృహ రుణాలు: సున్నా ప్రాసెసింగ్ ఫీజుతో 7.45% నుంచి ప్రత్యేక వడ్డీ రేట్లు.మహిళా రుణగ్రహీతలకు, జన్‌ జీ(2000 తర్వాత పుట్టినవారు), మిలీనియల్స్ (40 సంవత్సరాల కంటే తక్కువ వయస్సు ఉన్నవారు)కు వడ్డీ రేటులో రాయితీలు ఇస్తోంది.ఇండస్‌ఇండ్ బ్యాంక్గృహ, వాహన, వ్యక్తిగత రుణాలు, ఆస్తిపై రుణాలు వంటి రుణ ఉత్పత్తులన్నింటిపై ప్రాసెసింగ్ ఫీజుపై 50% వరకు తగ్గింపు.వ్యక్తిగత రుణాలు: 10.49% నుంచి ప్రారంభమయ్యే వడ్డీ రేట్లు, రూ.50 లక్షల వరకు రుణ మొత్తాలు, 84 నెలల వరకు కాలపరిమితి ఆఫర్‌ చేస్తుంది.దీర్ఘకాలిక గృహ రుణాలు: రూ.10 కోట్ల వరకు రుణ మొత్తాలకు రూ.10,000 ఫ్లాట్ ప్రాసెసింగ్ ఫీజుతో పాటు పొడిగించిన కాలపరిమితులు, బ్యాలెన్స్ ట్రాన్స్‌ఫర్ ఆఫ్లన్లు ఉంటాయి.ఇదీ చదవండి: ఆన్‌లైన్‌ షాపింగ్‌.. డబ్బు మిగలాలంటే ఇలా చేయాల్సిందే..

ఉత్తరప్రదేశ్‌లోని పవిత్ర నగరం అయోధ్య ఆదివారం 2025 దీపోత్సవంలో సరికొత్తగారెండు ప్రపంచ రికార్డును సృష్టించింది. 2.6 మిలియన్ల దీపాల ప్రదర్శనతో గిన్నిస్ ప్రపంచ రికార్డును సృష్టించింది. దీంతో గత ఏడాది అక్టోబర్‌లో అయోధ్యలో 25.12 లక్షల దీపాలను సాధించిన గిన్నిస్‌ వరల్డ్‌ రికార్డ్‌ను తిరిగ రాసింది. రెండోది 2,128 మంది పూజారులు , భక్తులు ఒకేసారి మా సరయు ఆరతి ప్రదర్శించడం మరో విశేషంగా నిలిచింది. ఈ సందర్భంగా బాణా సంచా పేలుళ్లతో ఆకాశం మిరుమిట్లు కాంతులతో వెలిగిపోయింది.వేలాది మంది భక్తులు, యాత్రికులు , సందర్శకులు ఈ వేడుకలలో పాల్గొనేందుకు తరలి వచ్చారు. ఇది ఇది భారతదేశంలో అత్యంత ప్రసిద్ధ సాంస్కృతిక ,ఆధ్యాత్మిక కార్యక్రమాలలో ఒకటిగా నిలిచింది. ఉత్తరప్రదేశ్ పర్యాటక , సాంస్కృతిక శాఖ నిర్వహించిన ఈ ప్రత్యేక వేడుకలో లక్షలాది దీపాలు (మట్టి దీపాలు) సరయు నదీ ఒడ్డు దీదీప్య మానంగా వెలిగిపోయింది. భక్తులకు అద్భుతమైన ఆనందాన్ని పంచింది. ఈ సందర్బంగా ఈ ఏడాది 2100 మంది భక్తులు సరయూ నదీ తీరాన దీపాలను వెలిగించి తరించారు. అయోధ్య అభివృద్ధి అథారిటీ ఏర్పాటు చేసిన ఘాట్‌లలో 26,17,215 దివ్య దీపాలు వెలిగించడం ఆశ్చర్యాన్ని కలిగించింది. డ్రోన్ల సాయంతో ప్రమిదలను లెక్కించి గిన్నిస్‌ పుస్తక ప్రతినిధులు ప్రపంచ రికార్డ్‌ను ధ్రువీకరించారు. ఇది 14 సంవత్సరాల వనవాసం ,రావణుడిపై విజయం తర్వాత శ్రీరాముడు అయోధ్యకు తిరిగి రావడాన్ని గౌరవంగా దీపావళి వేడుకలు ఘనంగా నిర్వహించారు.2017లో మొదలైన ఈ వేడుక ఇలా సాగింది. యూపీ ముఖ్యమంత్రి యోగి నాయత్వంలో 2025లో తొమ్మిదవ ఎడిషన్ 26.17 లక్షలకు పైగా దీపాలతో రికార్డు సృష్టించింది. 2017లో 1.71 లక్షల దీపాల నుండి 2018లో 3.01 లక్షలు, 2019లో 4.04 లక్షలు, 2020లో 6.06 లక్షలు, 2021లో 9.41 లక్షలు, 2022లో 15.76 లక్షలు, 2023లో 22.23 లక్షలు , 2024లో 25.12 లక్షలకు చేరింది. 2025లో తొమ్మిదవ ఎడిషన్ 26.17 లక్షలకు పైగా దీపాలతో రికార్డు సృష్టించిన సంగతి తె లిసిందే. Ayodhya lit up with 26 lakh diyas this Deepotsav 2025, making two world records! 🪔Diwali celebrates Lord Ram’s return and the victory of light over darkness. ✨Happy Deepawali! 🪔 💫#Diwali #Deepotsav #Ayodhyapic.twitter.com/oaQLbLWsuR— Swapnil Srivastav (@theswapnilsri) October 20, 2025

భారతీయులందరూ అత్యంత ఆనందోత్సాహాలతో జరుపుకునే ముఖ్యమైన పండుగలలో ఒకటి దీపావళి.మన మహర్షులు ఏర్పరచిన పండుగలన్నీ ఆధ్యాత్మిక, సాంస్కృతిక విలువలు కలిగి, ఆచార వ్యవహారాలతో కలిసి ఉంటాయి. ఈ పండుగల వెనుక అపారమైన శాస్త్రీయత, సమాజానికి హితకరమైన అంశాలు అనేకం దాగి ఉంటాయి. ఈనేపథ్యంలో వివిధ ప్రాంతాల్లోజరుపుకునే వేడుకల గురించి తెలుసుకుందాం.దీపావళి పూట...శివాజీ కోట! దీపావళి సీజన్‌లో మహారాష్ట్రలోని చాలా ప్రాంతాల్లో శివాజీ పాలించిన కోటకు ప్రతిరూపంగా మట్టికోటలను తయారుచేయడం అనేది ఆచారం. ఈ కోటను నిర్మించే క్రమంలో బురదలో విత్తనాలు నాటుతారు. కోట చుట్టూ పచ్చదనం ఉండేలా చేస్తారు. రాత్రివేళల్లో ఈ మట్టి కోటపై చిన్న చిన్న దీపాను వెలిగిస్తారు.జార్ఖండ్‌లో దీపావవళి పండగ సందర్భంగా సోహ్రై వేడుకను జరుపుకుంటారు.ఈ వేడుకలో భాగంగా దేవతలను స్వాగతించడానికి ఘరోండాలు(మట్టి బొమ్మల ఇళ్ళు) తయారు చేస్తారు. లక్ష్మీదేవిని స్వాగతించడానికి అగరువత్తులు కాల్చుతారు. సోహ్రై వేడుకలలో పశువులకు స్నానం చేయించి పూజలు చేస్తారు.పేడ పూసుకునివేడుక చేసుకుంటారు: కర్నాటక, తమిళనాడు సరిహద్దులలోని గుమతాపుర గ్రామంలో దీపావళి ముగింపును పురస్కరించుకొని ‘గోరెహబ్బ’ వేడుక జరుపుకుంటారు. ఈ వేడుకలో భాగంగా మగవాళ్లు ఆవు పేడను ఒకరిపై ఒకరు విసురుకుంటారు. ఆడవాళ్లు ఒంటికి రాసుకుంటారు. ఆవుపేడలో ఔషధగుణాలు ఉన్నాయనే నమ్మకంతో ఏర్పడిన శతాబ్దాల నాటి సంప్రదాయం ఇది.దీపావళి తరువాత పదిహేను రోజులకు వారణాసిలో దేవ దీపావళిని జరుపుకుంటారు. కార్తిక పూర్ణిమ రాత్రి గంగానది వెంబడి ఉన్న ఘాట్లు లక్షలాది దీపాలతో వెలుగుతాయి. ఆ వెలుగులప్రతిబింబాలు నదిలో అందమైన చిత్రాలను ఆవిష్కరిస్తాయి. గంగానదిలో స్నానం చేయడానికి దేవతలు భూమి మీదికి దిగి వచ్చిన రోజుగా ఈ రోజును జరుపుకుంటారు.ఈ సారి రికార్డ్‌ బ్రేక్‌ : గత సంవత్సరం అక్టోబర్‌లో అయోధ్యలో 25.12 లక్షల దీపాలను వెలిగించి ఉత్తర్‌ప్రదేశ్‌ ప్రభుత్వం గిన్నిస్‌ వరల్డ్‌ రికార్డ్‌ను సెట్‌ చేసింది. తాజాగా...28 లక్షల దీపాలను వెలిగించి తన రికార్డ్‌ను తానే బ్రేక్‌ చేయాలనుకుంటోంది.

గత కొన్ని రోజులుగా ఆగకుండా దూసుకెళ్తున్న పసిడి ధరలు (Gold Price) ఎట్టకేలకు దిగివచ్చాయి. ధనత్రయోదశి (Dhanteras) రోజున కొనుగోలుదారులకు భారీ ఉపశమనాన్ని కలిగించిన బంగారం ధరలు దీపావళి (Diwali) రోజున కూడా ఊరట కలిగించాయి. వెండి ధరలు (Silver Price) కూడా నిలకడగా కొనసాగుతున్నాయి. ఆదివారంతో పోలిస్తే సోమవారం బంగారం, వెండి ధరలు ఎంత తగ్గాయి.. దేశంలోని వివిధ నగరాల్లో ప్రస్తుతం వాటి ధరలు ఎలా ఉన్నాయో కింద తెలుసుకుందాం.. (Disclaimer: పైన పేర్కొన్న బంగారం, వెండి ధరలు సూచనపూర్వకమైనవి మాత్రమే. వీటిపై జీఎస్టీ, టీసీఎస్‌, ఇతర పన్నులు, సుంకాలు అదనంగా ఉండవచ్చు. ఖచ్చితమైన ధరల కోసం మీ స్థానిక నగల దుకాణంలో సంప్రదించండి.)

గార, టెక్కలి: శ్రీకాకుళం జిల్లాలో దీపావళి పేరిట రెండు గ్రామాలు ఉన్నాయి. గార మండలంలోని ఓ గ్రామం ఉంటే.. టెక్కలి మండలంలో మరో గ్రామం ఉంది. గార మండలంలోని దీపావళి గ్రామానికి ఆ పేరు రావడానికి ఓ కథ ప్రచారంలో ఉంది. దాని ప్రకారం.. ఓ కళింగ రాజు ఇటుగా వస్తూ ఈ గ్రామానికి దీపావళి అనే పేరు పెట్టారు. అప్పటి వరకు ఈ ప్రాంతాన్ని గూడెం అని పిలిచేవారట. ఆ రాజు ప్రతి రోజూ శ్రీకాకుళం నుంచి శ్రీకూర్మం వరకు గుర్రంపై వెళ్లేవారట. మార్గం మధ్యలో లక్ష్మీనారాయణ స్వామి ఆలయం వద్ద ఆగి స్వామిని దర్శించుకునేవారు. ఒక రోజు శ్రీకూర్మం వెళ్లి వస్తూ ఇక్కడ సొమ్మసిల్లి పడిపోయారు. ఇక్కడి వారు ఆయనకు సాయం చేయగా కోలుకున్నారు. ఊరి వారిని గ్రామం పేరు అడగ్గా పేరేమీ లేదని చెప్పారు. ఆ రోజు దీపావళి కావడంతో ఆ ఊరికి దీపావళి అనే పేరును పెట్టారు. రెవెన్యూ రికార్డుల్లోనూ ఈ పేరే ఉంది. టెక్కలి మండలం అయోధ్యపురం పంచాయతీ పరిధిలో ‘దీపావళి’ గ్రామం ఒకటి. టెక్కలి నుంచి బన్నువాడ గ్రామం మీదుగా సుమారు 7 కిలోమీటర్ల దూరంలో మారుమూల ప్రాంతంలో ఈ దీపావళి గ్రామం ఉంది. పండగ పేరుతో ఉన్న ఈ గ్రామంలో మొత్తం 50 కుటుంబాలు జీవనం సాగిస్తున్నాయి. దీపావళి పేరుతో గ్రామానికి ప్రత్యేక గుర్తింపు ఉంది.

దీపావళి పండగకి సంబంధించి తినుబండారాల కోణంలో మార్కెట్లను అభివర్ణించాల్సి వస్తే .. జిలేబీగా అభివర్ణించవచ్చు. అవును, మార్కెట్లు కూడా జిలేబీలాగే మెరిసిపోతూ, వంకర్లు తిరుగుతూ, అనూహ్యమైన విధంగా ఉంటాయి. వీటిని అర్థం చేసుకోవాలంటే బోలెడంత సహనం ఉండాల్సిందే.జిలేబీ ఆకారంలాగే ఈ ఏడాదంతా అంతర్జాతీయంగా ఒడిదుడుకులు, వడ్డీ రేట్ల అంచనాల్లో మార్పులు, భౌగోళికరాజకీయపరంగా ఆశ్చర్యపర్చే పరిణామాలు, సోషల్‌ మీడియా ప్లాట్‌ఫాంలలో రణగొణ ధ్వనులతో గడిచింది. అయినప్పటికీ ప్రశాంతంగా, పెట్టుబడులను కొనసాగించిన ఇన్వెస్టర్లకు చాలా తియ్యని అనుభవాలే ఎదురయ్యాయి. స్పెక్యులేషన్‌కి పోకుండా క్రమశిక్షణతో ఉంటూ, ఓర్పు వహించినందుకు బహుమతిగా చిన్న చిన్న విజయాలు, నేర్చుకునే అవకాశాలు లభించాయి.ఈ ఏడాది బంగారం, వెండి టపాసుల్లాగా పేలాయి. సంప్రదాయ సిద్ధంగా సురక్షిత పెట్టుబడి సాధనంగా పసిడి తన పాత్రను చక్కగా పోషించింది. అనిశ్చితి నెలకొన్న తరుణంలో స్థిరత్వాన్ని అందించింది. ఒక్కసారిగా ఎగిసిన వెండి దీనికి మరింత హంగులు దిద్దింది. పాతతరం వివేకం, కొత్త తర పు ఉత్సాహం రెండూ కూడా కలిసి మెరిసేందుకు అవకాశం ఉందని ఇవి తెలియజేశాయి. అవకాశం, భద్రత మధ్య సమతుల్యతను పాటించడమే పోర్ట్‌ఫోలియో పటిష్టతకు కీలకమని తెలియజేశాయి. ఒకవేళ దీపావళి బహుమతులను తనదైన ప్రత్యేకత ఉన్న అసెట్‌ క్లాస్‌గా వరి్ణంచాల్సి వస్తే బంగారాన్ని వారసత్వ నెక్లెస్‌గా అభివరి్ణంచవచ్చు. కాలాతీతమైనదై, భావోద్వేగాలతో కూడుకున్నదై, తరతరాలుగా తన విలువను కాపాడుకుంటూ వస్తోంది పసిడి. ఇక బాండ్లను డ్రై ఫ్రూట్‌ బాక్సుగా అభివర్ణించవచ్చు. ఆకట్టుకునే మెరుపులు ఉండకపోయినా, ఇవి నమ్మకమైనవిగా, నిశ్శబ్దంగా అండగా నిలుస్తాయి.ఈక్విటీల విషయానికొస్తే.. ఇంట్లో తయారు చేసిన స్వీట్లలాంటి. చాలా ఓపిగ్గా, నమ్మకంతో, ఆశాభావంతో ఇవి తయారవుతాయి. అప్పుడప్పుడు గందరగోళంగా అనిపించినా ఆ తర్వాత చాలా సంతృప్తిని కలిగిస్తాయి. మరి క్రిప్టో విషయమేంటి? ఇవి పక్కింటివాళ్ల డ్రోన్‌ షో లాంటివి. చాలా ఆర్భాటంగా, పట్టించుకోకుండా ఉండలేని విధంగా ఉంటాయి. కానీ వీటిని కాస్త సురక్షితమైన దూరం నుంచే ఆస్వాదించడం మేలు. సంక్షోభ సమయాల్లోనే పసిడి రాణిస్తుందనే అపోహ ఒకటుంది. ఈ పండుగ సీజన్‌లో దాన్నుంచి బైటపడాలి. వాస్తవానికి బంగారమంటే, మార్కెట్లు బాగా లేనప్పుడు నీడనిచ్చే సాధనం మాత్రమే కాదు. ఎలాంటి పరిస్థితుల్లోనైనా పోర్ట్‌ఫోలియోకు స్థిరత్వాన్నికూడా అందిస్తుంది. పర్ఫెక్ట్‌ దీపావళి పోర్ట్‌ఫోలియో ఎలా ఉంటుందంటే.. సమతూకంగా గల మల్టీ–అసెట్‌ థాలీలాగా ఉంటుంది. వృద్ధి కోసం ఈక్విటీలు .. స్థిరత్వం కోసం పసిడి .. క్రమశిక్షణ కోసం బాండ్లు .. ఇక సమర్ధత, డైవర్సిఫికేషన్, ప్రొఫెషనల్‌ మేనేజ్‌మెంట్‌ కోసం మ్యుచువల్‌ ఫండ్‌లో చక్కగా చుట్ట చుట్టినట్లుగా ఉంటుంది. సాధారణంగా పండుగల సందర్భంలో మార్కెట్‌ సెంటిమెంటు ఉత్సాహంగా ఉంటుంది. కానీ, ఊదరగొట్టే అన్‌లిస్టెడ్‌ ఐడియాలు, సైక్లికల్‌ థీమ్‌లు ఇక ముగింపు దశకొస్తున్నాయనే వార్తలు, ‘దీపావళి టిప్‌’ స్టాక్‌లు మొదలైన వాటి విషయంలో ఇన్వెస్టర్లు అప్రమత్తంగా ఉండాలి. మార్కెట్లు ఉత్సాహభరిత వాతావరణాన్ని ప్రతిబింబించవచ్చు కానీ అంతిమంగా మాత్రం ఎమోషన్లను కాకుండా ఆదాయాలనే ఫాలో అవుతాయి. వచ్చే దశాబ్దకాలం కోసం పోర్ట్‌ఫోలియోను రూపొందించుకోవడమే ఈ దీపావళికి మీకు మీరు ఇచ్చుకునే అత్యుత్తమ బహుమతి అవుతుంది. ఎందుకంటే సిసలైన సంపద కూడా, అందమైన రంగవల్లిలాంటిదే. ఓ లక్ష్యం పెట్టుకుని, ఎంతో ఓపిగ్గా, సమతూకాన్ని పాటిస్తూ డిజైన్‌ చేసుకోవాల్సి ఉంటుంది. కొన్నాళ్లకి దీపం కొండెక్కినా, ఈ సుగుణాలే దీర్ఘకాలం పాటు నిలిచి ఉంటాయి.

సాక్షి, హైదరాబాద్‌: దీపావళి పండుగ సందర్భంగా ఒకరికొకరు శుభాకాంక్షల సందేశాలు పంపుకోవడం అత్యంత సాధారణం. ఇటీవల వాట్సాప్‌లో ఇలాంటి సందేశాలు ట్రెండీగా మారాయి. తమ బంధువులు, స్నేహితులకు వినూత్నంగా శుభాకాంక్షలు చెప్పాలన్న తొందరలో కొందరు సైబర్‌ భద్రతా మరుస్తున్నారు. పండుగ శుభాకాంక్షల పేరిట సైబర్‌ నేరగాళ్లు ఏపీకే (ఆండ్రాయిడ్‌ ప్యాకేజీ కిట్‌) ఫైల్స్‌ పంపుతున్నట్టు సైబర్‌ భద్రత నిపుణులు హెచ్చరి స్తున్నారు. దీపావళి ఆఫర్లు, గిఫ్ట్‌ కూపన్లతోపాటు ఇప్పుడు శుభాకాంక్షలకు సంబంధించిన మోసపూ రిత లింక్‌లు పంపుతున్నట్టుగా వారు చెపుతున్నారు.ఏదైనా కంపెనీ తరఫున మీకు పండుగ శుభాకాంక్షలు తెలియజేస్తున్నట్టుగా పంపే ఈ లింక్‌లలో ‘మీ పేరు, ఫొటోతో మీకు తెలిసిన వారికి శుభాకాంక్షలు వినూత్నంగా చెప్పండి’అనే సందేశాన్ని జోడిస్తున్న ట్టు తెలిపారు. ఇలాంటి లింక్‌లపై క్లిక్‌ చేయగానే మన మొబైల్‌ ఫోన్‌ సైబర్‌ నేరగాళ్ల అధీనంలోకి వెళ్లడంతోపాటు వారు మన ఫోన్‌లో మాల్వేర్‌ యాప్‌లు ఇన్‌స్టాల్‌ చేసి ఆన్‌లైన్‌ బ్యాంకు ఖాతాల నుంచి డబ్బులు కొల్లగొట్టే ప్రమాదం ఉందని సైబర్‌ భద్రతా నిపుణులు హెచ్చరిస్తున్నారు.తెలంగాణ సైబర్‌ సెక్యూరిటీ బ్యూరో (టీజీ సీఎస్‌బీ) సమాచా రం ప్రకారం అక్టోబర్‌ 1 నుంచి ఈనెల 16 వరకు రాష్ట్రవ్యాప్తంగా మొత్తం 390 మంది బాధితులు ఈ తరహా నకిలీ లింక్‌లపై క్లిక్‌ చేయడం ద్వారా రూ.8.5 లక్షలు కోల్పోయారు. ఈ నేపథ్యంలో తెలియనివారి వాట్సాప్‌ నంబర్ల నుంచి వచ్చే సందేశాల్లోని లింకులపై క్లిక్‌ చేయవద్దని, ఏపీకే ఫైళ్లను డౌన్‌లోడ్‌ చేయవద్దని నిపుణులు సూచిస్తున్నారు. సైబర్‌ మోసానికి గురైతే వెంటనే 1930 టోల్‌ ఫ్రీ నంబర్‌కు సమాచారం ఇవ్వాలని అధికారులు సూచిస్తున్నారు.

వెలుగులు విరజిమ్మే దీపావళి కాంతులు ప్రతి ఒక్కరి జీవితాల్లో చీకట్లను పారదోలి సంతోషాలను పంచుతుంది. అయితే అలాంటి దీపావళికి ప్రతి ఒక్కరూ అప్రమత్తతతో వ్యవహరించాలి. మన ఆనందం మరొకరికి బాధ కలిగించొద్దని, వ్యక్తిగత బాధ్యత, శ్రద్ధ, జాగ్రత్తలతో పాటు, పర్యావరణ స్పృహ, సామాజిక బాధ్యతను గుర్తించాలని పలువురు విశ్లేషకులు చెబుతున్నారు. మరీ ముఖ్యంగా టపాసులు కాల్చే క్రమంలో చుట్టుపక్కల వారికి హాని కలుగకుండా జాగురూకతతో మెలగాలి. భారీ శబ్దాలతో చిన్నపిల్లలు, వృద్ధులు, హార్ట్‌ పేషెంట్లకు ఇబ్బంది కలుగుతుంది. పశువులు, పెంపుడు జంతువులు, పక్షులకు ఇబ్బంది కలుగకుండా చూసుకోవాల్సిన బాధ్యత ప్రతి ఒక్కరిపై ఉందని గుర్తెరగాలి. వీటితో పాటు టపాసుల నుంచి వచ్చే పొగ, స్పార్క్స్‌ వల్ల కళ్లకు, ఊపిరితిత్తులకు ప్రమాదం వాటిల్లే పరిస్థితి ఉంది. అగ్ని ప్రమాదాలు సంభవించే ఆస్కారం ఉందని గ్రహించి తదనుగుణంగా వ్యవహరించి సహజమైన, సంప్రదాయ వెలుగులతో పండుగను ఆస్వాదించాలని పర్యావరణ వేత్తలు, నిపుణులు సూచిస్తున్నారు. – సాక్షి, సిటీబ్యూరో మన జీవితాల్లో వెలుగులు పంచే దీపావళి మరొకరి జీవితాల్లో చీకట్లు నింపకుండా జాగురూకతతో వ్యవహరించాల్సిన బాధ్యత మనందరిపై ఉంది. నేడు దేశవ్యాప్తంగా దీపావళి సంబరాలు అంబరాన్నంటనున్నాయి. అయితే మారుతున్న కాలానికి అనుగుణంగా పండుగల్లోనూ అధునాత పోకడలు సంతరించుకుంటున్నాయి. ఈ దీపావళికి ముఖ్యంగా యువత పర్యావరణ సంరక్షణ, జంతు సంక్షేమం వంటి అంశాలను గౌరవిస్తూ.. నవ సమాజ నిర్మాణానికి నాంది పలుకుతున్నారు. సంబంధిత అధికారులు సైతం పండుగ నియమావళి, సూచనలపై ముందస్తుగానే ప్రచారం చేశారు. పండుగ ఉత్సాహం, సంతోషం బాధ్యతతో కూడిన సమతుల్యాన్ని పాటించాలని నగర పోలీసు శాఖ, పర్యావరణ సంస్థలు విజ్ఞప్తి చేస్తున్నాయి. జంతు సంరక్షణ, పర్యావరణ బాధ్యత.. భారీ శబ్దాల వల్ల జంతువులు భయపడి జనాలపై దాడికి దిగే ప్రమాదం ఉంది. ఒక్కోసారి మనం కాలి్చన టపాసుల కారణంగా అవి గాయపడే ప్రమాదం ఉంది. వీటిని గుర్తించాలి. ముందుగా ఇళ్లలోని పెంపుడు జంతువులను సురక్షిత ప్రాంతాల్లో ఉంచాలి. దీంతో పాటు వీధుల్లోని జంతువులకు హాని కలగకుండా చూసుకోవాల్సిన బాధ్యత మనపై ఉందని గుర్తించాలి. మన చుట్టూ ఉండే ప్రదేశాల పట్ల కూడా బాధ్యతతో మెలగాలి. నిర్లక్ష్యంగా వ్యవహరించడం వల్ల మనతో పాటు ఇతర పౌరులూ ఇబ్బంది పడకుండా చూసుకోవాలి. కొద్దిసేపు ఆనందాన్ని ఇచ్చే స్మోక్‌ క్రాకర్స్‌ దీర్ఘకాలం పాటు మనకు హాని కలిగిస్తాయని గ్రహించాలి. ప్రభుత్వం సూచించిన గ్రీన్, ఎకో ఫ్రెండ్లీ క్రాకర్లను మాత్రమే వినియోగించి పర్యావరణ పరిరక్షణకు దోహదపడాలి. ప్రజల్లో కొత్త చైతన్యం.. నగరంలోని పలు హౌసింగ్‌ సొసైటీలు, యువజన సంఘాలు ‘గ్రీన్‌ దీపావళి’ కార్యక్రమాలను చేపట్టాయి. క్రాకర్‌ ఫ్రీ జోన్‌లను ఏర్పరచి, పర్యావరణ స్నేహపూర్వక పండుగకు ఆయా కమ్యూనిటీలు ప్రోత్సహిస్తున్నాయి. కేవలం విద్యుత్‌ కాంతులు, లేదా సంప్రదాయంగా వస్తున్న నూనె దీపాలు, కొవ్వుతులను వినియోగించి పండుగను జరుపుకోవాలని, పిల్లల్లోనూ ఆ దిశగా చైతన్యం తీసుకురావాలని, ఆటపాటలతో, సాంస్కృతిక కార్యక్రమాలతో పండుగను చేసుకోవాలని నిర్ణయం తీసుకున్నాయి. నిబంధనలు ఇవే.. సైబరాబాద్, రాచకొండ పోలీస్‌ కమిషనరేట్లు టపాసుల అమ్మకాలు, వినియోగానికి ప్రత్యేక నియమాలు అమలు చేస్తున్నాయి. అనుమతులు లేని చోట టపాసులు నిల్వ చేయడం, అమ్మకం చట్టరీత్యా నేరం. భారీ శబ్దాలు చేసే, అధికంగా పొగను విడుదల చేసే టపాసులకు పరిమితులు పెట్టారు. ప్రభుత్వ నిబంధనల మేరకు రాత్రి 10 గంటల తర్వాత టపాసులు పేల్చకూడదని పోలీసులు హెచ్చరిస్తున్నారు. ప్రజలు అపార్ట్‌మెంట్‌లలో, బహిరంగ ప్రదేశాల్లో టపాసులు పేల్చేటప్పుడు ఇతరుల ప్రైవసీ, వృద్ధులు, చిన్నపిల్లలు, రోగులను పరిగణలోకి తీసుకోవాలని విజ్ఞప్తి చేశారు.అగ్నిమాపక సూచనలు..నగరంలోని అగ్నిమాపక శాఖ, వైద్యులు పౌరులకు పలు సూచనలు జారీ చేశారు. టపాసులు వాడేటప్పుడు పిల్లల పక్కన పెద్దవారు తప్పనిసరిగా ఉండాలి. వదులుగా ఉండే దుస్తులు, పొడవైన దుపట్టాలు ధరించడం ప్రమాదకరం. ఇళ్లల్లో దీపాల వద్ద కర్టెన్లు, పేపర్‌ అలంకరణల విషయంలో జాగ్రత్త పాటించాలి. ఫస్ట్‌ ఎయిడ్‌ కిట్, నీటి బకెట్, ఫైర్‌ కంట్రోలర్స్‌ వంటి భద్రతా సామగ్రి ఇళ్లల్లో, గేటెడ్‌ కమ్యూనిటీల్లో సిద్ధంగా ఉంచుకోవాలి. ఏదైనా ప్రమాదవ శాత్తూ గాయాలైతే తక్షణ వైద్య సహాయం పొందలని వైద్య నిపుణులు సూచిస్తున్నారు. పొగతో కళ్లకు ప్రమాదం.. క్రాకర్స్‌ కాల్చే సమయంలో వచ్చే ప్రమాదకరమైన పొగ వల్ల కళ్లు దెబ్బతినే అవకాశం ఉంది. ఆ పొగ నేరుగా కంటికి తగలకుండా జాగ్రత్తలు తీసుకోవాలి. కంటికి వీలైనంత దూరంగా కాల్చాలి. కొన్ని రకాల క్రాకర్స్‌ నుంచి వెలువడే నిప్పు రవ్వలు కంట్లో పడే ప్రమాదం ఉంటుంది. వీటితో పాటు క్రాకర్స్‌ నుంచి వెలువడే కాంతి కూడా కంటిలోని నల్లగుడ్డుని దెబ్బతీసే ప్రమాదం ఉంది. అందుకే అదే పనిగా ఆ వెలుగును చూడకుండా ఉంటే మంచిది.ఏవైనా జరిగి కళ్లు మండుతున్నట్లు అనిపిస్తే వెంటనే వాటిని నలపకుండా స్వచ్ఛమైన చల్లటి నీటితో కడుక్కోవాలి. కొద్ది సేపటి తర్వాత కూడా అదే పరిస్థితి ఉంటే వైద్యులను సంప్రదించాలి. కళ్లలో దురద వస్తే వైద్యుల సూచన మేరకు చుక్కల మందు స్వేస్తే సరిపోతుంది. కొందరు ఏడాది పిల్లలతో కూడా క్రాకర్స్‌ కాల్పిస్తుంటారు.. ఇది ప్రమాదకరమైన చర్యగా గుర్తించాలి. వీలైతే సన్‌గ్లాస్, సాధారణ కళ్ల జోడు పెట్టుకుంటే మంచిది. – పి.సత్యవాణి, ప్రొఫెసర్, సరోజినీదేవి నేత్రాలయం, మెహిదీపట్నం

దీపావళికి ముందు కేంద్ర ప్రభుత్వం తన ఉద్యోగులకు ఆనందకరమైన బహుమతిని ప్రకటించింది. కమ్యూనికేషన్ల మంత్రిత్వ శాఖ పరిధిలోని తపాలా శాఖ 2024-25 ఆర్థిక సంవత్సరానికి ఉత్పాదకత-లింక్డ్ బోనస్‌ను ప్రకటిస్తూ అధికారిక ఉత్తర్వులను జారీ చేసింది. ఈ ఉత్తర్వుల ప్రకారం పోస్టల్ ఉద్యోగులకు 60 రోజుల వేతనానికి సమానమైన బోనస్ లభిస్తుంది.ఈ బోనస్‌ను పొందే ఉద్యోగుల వర్గాలుపోస్టల్ శాఖ ఉత్తర్వుల ప్రకారం.. ఈ బోనస్ పొందడానికి ఈ కింది వర్గాల ఉద్యోగులు అర్హులురెగ్యులర్ ఉద్యోగులు - గ్రూప్ సి, మల్టీ టాస్కింగ్ స్టాఫ్ (ఎంటీఎస్), నాన్ గెజిటెడ్ గ్రూప్ బి ఉద్యోగులు.గ్రామీణ డాక్ సేవకులు - రెగ్యులర్ సర్వీస్‌లో ఉన్నవారుతాత్కాలిక, ఫుల్‌టైమ్‌ క్యాజువల్‌ ఉద్యోగులుఅదనంగా, 2025 మార్చి 31 తర్వాత పదవీ విరమణ చేసిన, రాజీనామా చేసిన లేదా డిప్యుటేషన్‌కు వెళ్లిన ఉద్యోగులు కూడా ఈ బోనస్ కు అర్హులు.బోనస్ లెక్కింపు విధానంబోనస్‌ లెక్కించడానికి పోస్టల్ శాఖ స్పష్టమైన ఫార్ములాను కూడా అందించింది. రెగ్యులర్ ఉద్యోగులకు బోనస్ = (సగటు వేతనం × 60 రోజులు ÷ 30.4). అయితే, బోనస్ లెక్కించడానికి గరిష్ట జీతం పరిమితిని నెలకు రూ .7,000 గా నిర్ణయించారు.గ్రామీణ డాక్ సేవకులకు (జీడీఎస్)కు వారి టైమ్ రిలేటెడ్ కంటిన్యూటీ అలవెన్స్ (టీఆర్‌సీఏ), డియర్ నెస్ అలవెన్స్ ఆధారంగా బోనస్ నిర్ణయిస్తారు.తాత్కాలిక లేదా ఫుల్ టైమ్ క్యాజువల్ వర్కర్లకు వారి అంచనా వేతనం రూ.1,200 ఆధారంగా వారికి అడ్‌హాక్ బోనస్ ఇస్తారు.సర్వీసు విడిచిపెట్టిన అంటే 2025 మార్చి 31 తర్వాత పదవీ విరమణ చేసిన, రాజీనామా చేసిన లేదా బదిలీ అయిన ఉద్యోగులకు కూడా ప్రో-రేటా ప్రాతిపదికన బోనస్ లభిస్తుందని ఉత్తర్వులో పోస్టల్‌ శాఖ పేర్కొంది.

హీరోయిన్ రేణు దేశాయ్ తన అభిమానులకు దీపావళి శుభాకాంక్షలు తెలిపింది. ఈ సమయంలో అందరూ పండుగను సంతోషంగా సెలబ్రేట్ చేసుకోవాలని ఆకాంక్షించింది. అదే సమయంలో ప్రజలకు ఓ చిన్న విజ్ఞప్తి చేసింది. దయచేసి రాత్రి 9 గంటల తర్వాత ఎక్కువ శబ్దం వచ్చే క్రాకర్స్‌ను పేల్చవద్దని కోరింది. ఈ విషయాన్ని సోషల్ మీడియాలో పోస్ట్ చేసింది.రేణు దేశాయ్ తన ఇన్‌స్టాలో రాస్తూ..' మీ అందరికీ దీపావళి శుభాకాంక్షలు. ఇది అందరూ సంతోషంగా పండుగ జరుపుకునే సమయమని నాకు కూడా తెలుసు. కానీ రాత్రి 9 గంటల తర్వాత చాలా ఎక్కువుగా శబ్ధం వచ్చే క్రాకర్లు పేల్చకండి. ఎందుకంటే చాలా మంది వృద్ధులు, చిన్న పిల్లలు నిజంగా ఆ విపరీతమైన శబ్దాలకు ప్రభావితమవుతారు. ఈ సమయంలో మీరు చాలా మెరుపులు, పూల కుండలు, చక్రాలతో ఆనందించండి. ఎక్కువ శబ్దం చేయకుండా కేవలం లైటింగ్‌తో పండుగను మరింత ఆనందంగా జరుపుకోండి' అంటూ విజ్ఞప్తి చేసింది.కాగా.. రేణు దేశాయ్, పవన్ కల్యాణ్ బద్రి, జానీ చిత్రాల్లో జంటగా నటించారు. 2009లో వీరిద్దరు వివాహం చేసుకున్నారు. ఈ జంటకు అకీరా నందన్‌, ఆద్య అనే ఇద్దరు పిల్లలు జన్మించారు. అయితే ఇద్దరి మధ్య రిలేషన్‌లో మనస్పర్థలు రావడంతో 2012లో విడాకులు తీసుకున్నారు. ఆమె చివరిసారిగా రవితేజ హీరోగా వచ్చిన టైగర్ నాగేశ్వరరావు చిత్రంలో కనిపించింది. View this post on Instagram A post shared by renu desai (@renuudesai)

గుంటూరు, సాక్షి: దీపావళిని పురస్కరించుకుని తెలుగు రాష్ట్రాలతో పాటు ప్రపంచ వ్యాప్తంగా ఉన్న తెలుగువారందరికి వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి పండుగ శుభాకాంక్షలు తెలియజేశారు. ఈ మేరకు ఒక ప్రకటన విడుదల చేశారాయన.‘ప్రతి ఇంటా దీపాలు వెలగాలి. ఆనందాలు వెల్లువలా పొంగాలి’.వెలుగుల పండుగ దీపావళి తెలుగువారి జీవితాల్లో వేల కాంతులు నింపాలని కోరుకుంటున్నాను. దీపావళి సందర్భంగా రెండు తెలుగు రాష్ట్రాల ప్రజలకు, ప్రపంచ వ్యాప్తంగా ఉన్న తెలుగు వారందరికీ శుభాకాంక్షలు. దీపావళి అంటేనే కాంతి, వెలుగుతో పాటు, చీకటిపై వెలుగు, చెడుపై మంచి, అజ్ఞానంపై జ్ఞానం, దుష్టశక్తులపై దైవశక్తి .. సాధించిన విజయాలకు ప్రతీకగా జరుపుకునే పండుగ. ఈ దీపావళి పండుగ, ప్రజలందరి జీవితాల్లో ఆనంద కాంతులు నింపాలి. తెలుగు ప్రజలందరికీ సకల శుభాలు, సంపదలు, సౌభాగ్యాలు, విజయాలు కలగాలని, దివ్వెల వెలుగులలో ప్రతి కుటుంబం సుఖ సంతోషాలతో విరాజిల్లాలని కోరుకుంటున్నా. చీకటిని జయించిన వెలుగుల పండుగ దీపావళి. అజ్ఞానంపై జ్ఞానం, చెడుపై మంచి సాధించిన విజ‌యానికి ప్రతీకగా నిలిచే ఈ దీపావళి పండుగ అందరి జీవితాల్లో మరిన్ని వెలుగులు తీసుకురావాలని కోరుకుంటూ ప్రపంచ వ్యాప్తంగా ఉన్న తెలుగు వారందరికీ దీపావళి శుభాకాంక్షలు అని ట్విట్టర్‌ వేదికగా పోస్టు పెట్టారు. చీకటిని జయించిన వెలుగుల పండుగ దీపావళి. అజ్ఞానంపై జ్ఞానం, చెడుపై మంచి సాధించిన విజ‌యానికి ప్రతీకగా నిలిచే ఈ దీపావళి పండుగ అందరి జీవితాల్లో మరిన్ని వెలుగులు తీసుకురావాలని కోరుకుంటూ ప్రపంచ వ్యాప్తంగా ఉన్న తెలుగు వారందరికీ దీపావళి శుభాకాంక్షలు.#Deepavali— YS Jagan Mohan Reddy (@ysjagan) October 20, 2025

దీపావళి అంటేనే సంబరాలు అంబరాన్ని అంటుతాయి. అయితే రాజస్థాన్‌లోని జోద్‌పూర్‌కు పది కిలోమీటర్‌ల దూరంలో ఉన్న మండోల్‌లో దీపావళి రోజు దీపాలు వెలిగించడం, బాణసంచ కాల్చడం ఉండదు. నిశ్శబ్దాన్ని పాటిస్తారు. కారణం ఏమిటి? అనే విషయానికి వస్తే స్థానిక పురాణం తెలుసుకోవాల్సిందే. దీని ప్రకారం... రావణుడి భార్య మండోదరి జన్మస్థలం మండేరే. రావణుడు మండోదరిని ఈ గ్రామంలోనే వివాహం చేసుకున్నాడని నమ్ముతారు. మండేరేకి చెందిన మౌద్గిల్‌ బ్రాహ్మణులు తమను తాము మండోదరి కుటుంబ వారసులుగా భావిస్తారు. అందువల్ల వారు రావణుడిని రాక్షస రాజుగా కాకుండా గౌరవనీయమైన బంధువుగా చూస్తారు! (చదవండి: మధుమేహ వ్యాధిగ్రస్తులకు దీపావళి ‘స్వీట్‌’ వార్నింగ్‌..!)

అయోధ్య: శ్రీ రాముని జన్మస్థలమైన అయోధ్య నేడు (ఆదివారం) జరిగే ‘దీపోత్సవ్‌’కు ముస్తాబయ్యింది. ఉత్తర ప్రదేశ్ ముఖ్యమంత్రి యోగి ఆదిత్యనాథ్ నాయకత్వంలో ఈ వేడుక ప్రారంభం కానుంది. ముఖ్యమంత్రి కార్యాలయం సోషల్ మీడియా వేదికగా ఈ విషయాన్ని వెల్లడించింది. ‘దీపోత్సవం-2025’కు అందరినీ ఆహ్వానించింది.2017లో ఆదిత్యనాథ్ నాయకత్వంలో రాష్ట్రంలో బీజేపీ ప్రభుత్వం ఏర్పాటయ్యాక అయోధ్యలో దీపోత్సవ వేడుకలు ప్రారంభమయ్యాయి. ఈ ఏడాది తొమ్మిదవ దీపోత్సవానికి విస్తృత సన్నాహాలు చేశారు. ధరంపత్ నుండి లతా చౌక్, రామ్‌కథా పార్క్, సరయు ఘాట్ వరకు అంతటా వెలుగులు విరజిమ్మనున్నాయని ఒక అధికారి తెలిపారు. ఈ కార్యక్రమంలో 33 వేల మంది వాలంటీర్లు పాల్గొననున్నారు. 26 లక్షల11 వేల 101 దీపాలను వెలిగించి గిన్నిస్ వరల్డ్ రికార్డ్ సృష్టించనున్నారు.దీపోత్సవ్‌ నోడల్ అధికారి ప్రొఫెసర్ సంత్ శరణ్ మిశ్రా మాట్లాడుతూ ఇప్పటికే రెండు లక్షలకు పైగా దీపాలను వెలిగించారని తెలిపారు. గిన్నిస్ బుక్ ఆఫ్ వరల్డ్ రికార్డ్స్ బృందం ఘాట్ల వారీగా దీపాల సంఖ్యను లెక్కిస్తోందన్నారు. ఘాట్ నంబర్ 10 వద్ద, విశ్వవిద్యాలయ వాలంటీర్లు 80 వేల దీపాలతో స్వస్తిక్‌ చిహ్నాన్ని రూపొందించడానికి ఏర్పాట్లు చేశారు. కాగా ఐడి కార్డు లేకుండా ఘాట్లలోకి ప్రవేశించడాన్ని నిషేధించారు. ఆదివారం సాయంత్రం ముఖ్యమంత్రి యోగి ఆదిత్యనాథ్‌ ఈ కార్యక్రమంలో పాల్గొననున్నారు. రాత్రి 8:30 గంటలకు రామ్ కీ పైడిలో లేజర్ షో, లైట్ అండ్ సౌండ్ షో, డ్రోన్ షో నిర్వహించనున్నారని మీడియాకు అయోధ్య జిల్లా మేజిస్ట్రేట్ నిఖిల్ తెలిపారు.