అన్ని సినిమాల్లోలాగా ఫైట్స్‌, డైలాగ్స్‌, సాంగ్స్‌ వంటి కమర్షియల్‌ అంశాలు ఏవీ గామి చిత్రంలో ఉండవు. ఈ సినిమాకు ఉన్న ప్రధాన బలం భావోద్వేగం. 2017లోనే ఈ కథ విన్నాడు విశ్వక్‌ సేన్‌. ఒక్క ఏడాదిలో పూర్తి చేసే చిత్రం కాదని ఆనాడే అనుకున్నాడు.  అన్నట్లుగానే సినిమా పూర్తి చేయడానికి ఐదారేళ్ల సమయం పట్టింది. ఇందులో చాందీ చౌదరి హీరోయిన్‌గా నటించగా విద్యాధర్‌ కాగిత దర్శకత్వం వహించాడు. తొలిరోజు కలెక్షన్స్‌ ఎంతంటే? వి సెల్యులాయిడ్‌ సమర్పణలో కార్తీక్‌ శబరీష్‌ నిర్మించిన ఈ చిత్రం మార్చి 8న మహాశివరాత్రి సందర్భంగా ప్రేక్షకుల ముందుకు వచ్చింది. భారీ అంచనాల మధ్య విడుదలైన ఈ మూవీకి అంతటా హిట్‌ టాక్‌ వస్తోంది. తొలి రోజు ఈ మూవీ ప్రపంచవ్యాప్తంగా రూ.9.07 కోట్లు రాబట్టింది. సినీప్రియుల ఫస్ట్‌ చాయిస్‌ గామి అంటూ చిత్రయూనిట్‌ పోస్టర్‌ రిలీజ్‌ చేసింది. ఇది చూసిన ఫ్యాన్స్‌ మీ ఇన్నేళ్ల కష్టం వృథా పోలేదు అని కామెంట్లు చేస్తున్నారు. రానున్న రోజుల్లో ఈ వసూళ్ల సంఖ్య పెరిగే అవకాశం లేకపోలేదంటున్నారు. గామి ప్రత్యేకతలు.. ఇక గామి సినిమా కోసం చిత్రయూనిట్‌ ఎన్నో కష్టాలు పడింది. మైనస్‌ 25 డిగ్రీల చలిలో షూట్‌ చేశారు. వారి ప్రాణలు పణంగా పెట్టి సినిమా తీశారు. సినిమా మొత్తంలో విశ్వక్‌కు రెండు పేజీల డైలాగ్స్‌ మాత్రమే ఉన్నాయి. విశ్వక్‌కు అఘోరాగా మేకప్‌ వేయడానికే రెండు గంటలకు పైగా సమయం పట్టేది. ఈ సినిమాకు విశ్వక్‌ ఇంతవరకు పారితోషికం తీసుకోనేలేదు. సినిమా ఆరేళ్ల క్రితమే మొదలైంది. కానీ డైరెక్టర్‌ ఈ సినిమాపై తొమ్మిదేళ్లుగా వర్క్‌ చేయడం విశేషం. EPIC RESPONSE for 𝗧𝗛𝗘 𝗕𝗥𝗘𝗔𝗧𝗛𝗧𝗔𝗞𝗜𝗡𝗚 𝗘𝗣𝗜𝗖 𝗙𝗥𝗢𝗠 𝗧𝗘𝗟𝗨𝗚𝗨 𝗖𝗜𝗡𝗘𝗠𝗔 ❤‍🔥#Gaami collects a gross of 9.07 CRORES on Day 1 💥💥💥 A sensational first weekend on cards with fast fillings all over 🔥 🎟️ https://t.co/GPGN6SF5RL@VishwakSenActor… pic.twitter.com/itvPC6Z9Iw — UV Creations (@UV_Creations) March 9, 2024 చదవండి:  పందిలా తింటాడు.. ఇ‍ప్పటికీ నాన్న దగ్గర డబ్బులడుక్కుని..

అటు అయోధ్య రామమందిర ప్రారంభం ఎంత ఘనంగా జరిగిందో ఇటు హనుమాన్‌ కలెక్షన్స్‌ అంత భారీగా రాబడుతోంది. అక్కడ రాముడు పూజలు అందుకుంటున్నాడు. ఇక్కడ హనుమాన్‌ కోట్లాది రూపాయల వసూళ్లు రాబడుతున్నాడు. మొత్తానికి ఈ సినిమా సంక్రాంతి విజేతగా నిలిచింది. ప్రశాంత్‌ వర్మ దర్శకత్వం వహించిన ఈ కళాఖండంలో తేజ సజ్జ హీరోగా నటించాడు. హనుమాన్‌ ప్రభంజనం.. ఇప్పటికే రెండు వందల కోట్ల క్లబ్బులో చేరి ఈ మూవీ అందరినీ ఆశ్చర్యపరిచింది. నిన్న గణతంత్ర దినోత్సవం కావడంతో వసూళ్ల సంఖ్య మరింత పెరిగింది. తాజాగా ఈ చిత్రం మరో రికార్డు సృష్టించింది. ప్రపంచవ్యాప్తంగా రూ.250 కోట్లు కొల్లగొట్టింది. ఈ మేరకు చిత్రయూనిట్‌ పోస్టర్‌ రిలీజ్‌ చేసింది. చిన్న సినిమాగా వచ్చిన హనుమాన్‌ కేవలం 15 రోజుల్లోనే ఈ అరుదైన ఘనత సాధించడంతో అభిమానులు సంతోషం వ్యక్తం చేస్తున్నారు. డైరెక్టర్‌ చేతిలో 12 కథలు ఇక హనుమాన్‌ సినిమాకు సీక్వెల్‌గా జై హనుమాన్‌ ఉంటుందని దర్శకుడు ప్రకటించిన విషయం తెలిసిందే! ఇది భారీ బడ్జెట్‌తో పెద్ద ఎత్తున ఉండబోతుందని తెలిపాడు. సౌత్‌, బాలీవుడ్‌ హీరోలు కూడా ఇందులో ఉంటారని చెప్పాడు. ఈ ఒక్కటే కాదు తన దగ్గర మొత్తం 12 కథలు ఉన్నాయన్నాడు. మరి ఆ సినిమాలతో ప్రశాంత్‌ వర్మ ఇంకా ఎన్ని అద్భుతాలు చేస్తాడో చూడాలి! చదవండి: వచ్చే జన్మలో పూర్ణ కడుపున పుడతానన్న దర్శకుడు.. నటి ఎమోషనల్‌

క‌థ‌లో ద‌మ్ముంటే చాలు జ‌నాలు ఇట్టే క‌నెక్ట్ అవుతారు. అది హ‌నుమాన్‌తో నిరూపిత‌మైంది. ఇప్ప‌టివ‌ర‌కు హాలీవుడ్ సూప‌ర్ హీరోల‌నే ఇష్ట‌ప‌డిన జ‌నాలు హ‌నుమాన్ చూసి యూట‌ర్న్ తీసుకుంటున్నారు. హ‌నుమాన్‌ను అంద‌రికంటే బెస్ట్ సూప‌ర్ హీరోగా కొనియాడుతున్నారు. పాజిటివ్ టాక్‌, సెల‌వుల కార‌ణంగా రోజురోజుకీ వ‌సూళ్లు పెంచుకుంటూ పోతోందీ చిత్రం. పుష్ప‌తో స‌మానంగా.. తాజాగా ఈ విష‌యాన్ని ప్ర‌ముఖ సినీ క్రిటిక్ త‌ర‌ణ్ ఆద‌ర్శ్ సోష‌ల్ మీడియా వేదిక‌గా వెల్ల‌డించాడు. '2024లో బోణీ కొట్టిన తొలి సినిమా హ‌నుమాన్‌. మొద‌టి మూడు రోజుల ఓపెనింగ్స్‌.. కేజీఎఫ్ ఫ‌స్ట్ పార్ట్‌, కాంతార హిందీ డ‌బ్బింగ్ వ‌ర్ష‌న్స్‌ వ‌సూళ్ల కంటే ఎక్కువ‌గా ఉన్నాయి. పుష్ప హిందీ వ‌ర్ష‌న్‌తో స‌మానంగా వ‌సూళ్లు రాబడుతోంది. కేవ‌లం హిందీ వ‌ర్ష‌న్ తొలి రోజు రూ.2.15 కోట్లు రాబ‌ట్ట‌గా రెండో రోజు రూ.4.05 కోట్లు, మూడో రోజు ఏకంగా రూ.6.06 కోట్లు వ‌చ్చాయి. జ‌న‌వ‌రి 25వ‌ర‌కు పెద్ద సినిమాలేమీ లేక‌పోవ‌డంతో హ‌నుమాన్ క‌లెక్ష‌న్స్ మ‌రింత పుంజుకునే ఛాన్స్ ఉంది' అని ఎక్స్‌(ట్విట‌ర్‌)లో రాసుకొచ్చాడు. హాఫ్ సెంచ‌రీకి చేరువ‌లో మ‌రోవైపు హ‌నుమాన్‌కు మౌత్ టాక్ ద్వారా ప‌బ్లిసిటీ జ‌రుగుతోంది. ఈ కార‌ణంగా రోజురోజుకీ క‌లెక్ష‌న్స్ పెరుగుతూ వ‌స్తున్నాయి., ఇప్ప‌టివ‌ర‌కు ఈ మూవీ క‌లెక్ష‌న్స్ రూ.40 కోట్ల పైనే వ‌సూళ్లు రాబ‌ట్టి ఉండొచ్చ‌ని ప్ర‌చారం జ‌రుగుతోంది. అయితే చిత్ర‌యూనిట్ బాక్సాఫీస్ లెక్క‌ల‌ను అధికారికంగా ప్ర‌క‌టించాల్సి ఉంది. కాగా సోష‌ల్ మీడియాలో ఓ వీడియో వైర‌ల్‌గా మారింది. హీరో రానా త‌న చెప్పులు ఓ మూల‌న విడిచేసి హ‌నుమాన్ పోస్ట‌ర్‌, గ‌ద ముందు ఫోటోలు దిగాడు. ఇది చూసిన జ‌నాలు రానాను మెచ్చుకుంటున్నారు. మొద‌టి విరాళం ఎన్ని ల‌క్ష‌లంటే? ఇదిలా ఉంటే ఈ సినిమా ఆడిన‌న్ని రోజులు ప్ర‌తి టికెట్‌పై వ‌చ్చే డ‌బ్బులో ఐదు రూపాయ‌లు అయోధ్య‌లోని రామ‌మందిరానికి విరాళంగా ఇస్తామ‌ని చిత్ర‌యూనిట్ ప్ర‌క‌టించింది. ఈ మేర‌కు తొలిరోజు క‌లెక్ష‌న్స్ ఆధారంగా రూ.14 ల‌క్ష‌ల‌ను అయోధ్య రామాల‌యానికి విరాళంగా ఇచ్చారు. బాక్సాఫీస్ ద‌గ్గ‌ర దూకుడు చూస్తుంటే రానున్న రోజుల్లో ద‌ర్శ‌కుడు ప్ర‌శాంత్ వ‌ర్మ, నిర్మాత నిరంజ‌న్ రెడ్డి.. కోట్ల రూపాయ‌లు విరాళంగా ఇచ్చేట్లు క‌నిపిస్తున్నారు. Here’s the BIGGG SURPRISE… #HanuMan first *3-day* [opening weekend] total is HIGHER than #KGF [first part] and #Kantara, at par with #Pushpa [note: all #Hindi dubbed versions]… Yes, you read it right!#HanuMan emerges FIRST HIT OF 2024… Packs an impressive total in its… pic.twitter.com/OkzYxnmkmc — taran adarsh (@taran_adarsh) January 15, 2024 South Indian actor #RanaDaggubati removing shoes before standing next to the poster of #HanumanMovie and Gada (mace). pic.twitter.com/568GOfGWc3 — Smriti Sharma (@SmritiSharma_) January 15, 2024 చ‌ద‌వండి: ఆఫీసుల చుట్టూ తిరిగా.. అవ‌మానించారు.. భ‌రించ‌లేక వెళ్లిపోదామ‌నుకున్నా!

మాస్‌ యాంగిల్‌లో దుమ్ములేపాడు మహేశ్‌బాబు. గుంటూరు కారం సినిమాలో తన యాక్టింగ్‌తో ఫ్యాన్స్‌కు ఫుల్‌ బిర్యానీ తినిపించాడు. కానీ మాటల మాంత్రికుడు త్రివిక్రమ్‌ శ్రీనివాసే అక్కడక్కడా తడబడ్డట్లు కనిపించింది. అయితే పాటలు, ట్రైలర్‌ బాగా క్లిక్‌ అవ్వడంతో అడ్వాన్స్‌ బుకింగ్స్‌ ఓ రేంజులో జరిగాయి. దీంతో సంక్రాంతి పందెంలో దిగిన గుంటూరు కారం తొలి రోజు బీభత్సంగా రాబట్టింది. జనవరి 12న ప్రేక్షకుల ముందుకు వచ్చిన ఈ మూవీ ఫస్ట్‌డే రూ.94 కోట్లు రాబట్టింది. కెరీర్‌ బెస్ట్‌ ఓపెనింగ్స్‌ సూపర్‌ స్టార్‌ మహేశ్‌ తన కెరీర్‌లోనే బెస్ట్‌ ఓపెనింగ్స్‌ అందుకున్నాడంటూ చిత్రయూనిట్‌ ప్రత్యేక పోస్టర్‌ రిలీజ్‌ చేసింది. ఇది చూసిన అభిమానులు జై బాబు, రికార్డ్స్‌ బ్రేకింగ్‌ రమణ అంటూ సంతోషంతో కామెంట్లు చేస్తున్నారు. కాగా ఈ సినిమాలో శ్రీలీల, మీనాక్షి చౌదరి హీరోయిన్లుగా నటించారు. జగపతిబాబు, రమ్యకృష్ణ, వెన్నెల కిషోర్‌, సునీల్‌, ప్రకాశ్‌ రాజ్‌ తదితరులు ముఖ్య పాత్రలు పోషించారు. తమన్‌ సంగీతమందించిన ఈ చిత్రాన్ని దిల్‌ రాజు నిర్మించారు. సంక్రాంతి బరిలో విజయం సాధించేనా? ఇప్పటికే గుంటూరు కారం చిత్రానికి పోటీగా హనుమాన్‌, సైంధవ్‌ రంగంలోకి దిగాయి. వీటిలో హనుమాన్‌ పాజిటివ్‌ టాక్‌తో దూసుకుపోతోంది. అయితే ఈ సినిమా తొలి రోజు ప్రపంచవ్యాప్తంగా దాదాపు రూ.20 కోట్ల మేర రాబట్టినట్లు తెలుస్తోంది. కానీ మౌత్‌ టాక్‌ వల్ల హనుమాన్‌ సినిమా కలెక్షన్లు మరింత పెరిగే ఛాన్స్‌ ఉంది. రేపు(జనవరి 14న) ఈ మూడు సినిమాలకు పోటీగా నా సామిరంగ రిలీజ్‌ కానుంది. బాక్సాఫీస్‌ వద్ద జరిగే ఫైట్‌లో ఈ నాలుగింటిలో ఏది విజేతగా నిలుస్తుందో రానున్న రోజుల్లో తేలనుంది! Biggest opening day ever for the Reigning Super 🌟 @urstrulyMahesh 🕺😎#GunturKaaram strikes a 𝐑𝐄𝐂𝐎𝐑𝐃 𝐁𝐑𝐄𝐀𝐊𝐈𝐍𝐆 𝟗𝟒 𝐂𝐑 𝐆𝐫𝐨𝐬𝐬 Worldwide on Day 1 ~ 𝗔𝗟𝗟 𝗧𝗜𝗠𝗘 𝗥𝗘𝗖𝗢𝗥𝗗 in regional cinema! 🔥🔥 Watch the #BlockbusterGunturKaaram at cinemas near you… pic.twitter.com/TNNMBjVLeI — Haarika & Hassine Creations (@haarikahassine) January 13, 2024 చదవండి: హను-మాన్ తొలి రోజు కలెక్షన్స్‌ ఎన్ని కోట్లంటే?  అప్పుడు శోభన్‌ బాబు.. ఇప్పుడు అక్కినేని నాగేశ్వర రావు

నేచురల్‌ స్టార్‌ నాని బాక్సాఫీస్‌ లెక్కల కన్నా ప్రేక్షకుల మనసులు గెలుచుకోవడమే ముఖ్యమని ఫీలవుతుంటాడు. అయితే తను ఎంచుకునే వైవిధ్యమైన కంటెంట్‌కు కొన్నిసార్లు బాక్సాఫీస్‌ వద్ద కూడా మంచి కలెక్షన్లే వస్తుంటాయి. అది దసరా సినిమాతో నిరూపితమైంది. తాజాగా హాయ్‌ నాన్నతో మరో బ్లాక్‌బస్టర్‌ హిట్‌ ఖాతాలో వేసుకున్నాడీ హీరో. డిసెంబర్‌ 7న రిలీజైన హాయ్‌ నాన్న నాని, మృణాల్‌ ఠాకూర్‌ జంటగా, బేబీ కియారా ఖన్నా కీలకపాత్రలో నటించిన చిత్రం ‘హాయ్‌ నాన్న’. శౌర్యువ్‌ దర్శకత్వం వహించిన ఈ సినిమాను మోహన్‌ చెరుకూరి, డాక్టర్‌ విజయేందర్‌ రెడ్డి తీగల నిర్మించారు. ఈ నెల 7న రిలీజైన ఈ చిత్రానికి పాజిటివ్‌ స్పందన లభించింది. ఫలితంగా మంచి కలెక్షన్లు రాబట్టింది. అయితే డిసెంబర్‌ 22న విడుదలైన సలార్‌ హాయ్‌ నాన్న మూవీకి గట్టి పోటీనిచ్చింది. ఇప్పటివరకు వచ్చిందెంతంటే? సోషల్‌ మీడియాలో అంత హడావుడి లేకపోయినా సైలెంట్‌గా బాగానే రాబట్టింది. తాజాగా ఈ సినిమా అధికారిక కలెక్షన్లను ప్రకటించింది చిత్రయూనిట్‌. హాయ్‌ నాన్న ఇప్పటివరకు ప్రపంచవ్యాప్తంగా రూ.75 కోట్లకు పైగా రాబట్టిందని తెలిపింది. ఇక ఈ మూవీ థియేటర్లలో ఆడుతుండగానే ఓటీటీ రిలీజ్‌ డేట్‌ కూడా ప్రకటించేశారు. నెట్‌ఫ్లిక్స్‌లో జనవరి 4 నుంచి అందుబాటులోకి రానున్నట్లు వెల్లడించారు. మరి థియేటర్లలో ఈ సినిమా చూడటం మిస్‌ అయినవారు ఓటీటీలో చూసి ఆనందించండి. Ending the year on a BLOCKBUSTER NOTE 💥🧨 Thank you all for embracing good cinema and giving us a warm hug 🤗#HiNanna magic has made a 75Crore+ Worldwide Gross ❤️‍🔥 and this is our victory 🤗#BlockbusterNanna Natural 🌟 @NameIsNani @Mrunal0801 @PriyadarshiPN @shouryuv… pic.twitter.com/Ywl7pFPAEz — Vyra Entertainments (@VyraEnts) December 31, 2023 చదవండి: తెలుగులో అదే చివరి సినిమా.. హీరోయిన్‌ నుంచి ప్రాధాన్యత లేని పాత్రల్లో..

బాలీవుడ్‌ స్టార్‌ రణ్‌బీర్‌ కపూర్‌, రష్మికా మందన్నా, అనిల్‌ కపూర్, బాబీ డియోల్‌ ప్రధాన పాత్రల్లో నటించిన చిత్రం యానిమల్‌. ఫస్ట్‌ లుక్‌ రిలీజైనప్పటి నుంచి ఈ సినిమాకు బోలెడంత హైప్‌ వచ్చింది. టీజర్‌, ట్రైలర్‌ రిలీజయ్యాక ఆ అంచనాలు ఆకాశాన్నంటాయి. రణ్‌బీర్‌ యాక్టింగ్‌ చూసి మెంటలొచ్చేసిందని సూపర్‌స్టార్‌ మహేశ్‌బాబే చెప్పడం విశేషం. తండ్రీకొడుకుల భావోద్వేగం చుట్టూ తిరిగే ఈ చిత్రం తెలుగు, తమిళం, కన్నడ, మలయాళ, హిందీ భాషల్లో డిసెంబర్‌ 1న ప్రేక్షకుల ముందుకు వచ్చింది. మూడుగంటల ఇరవై నిమిషాల నిడివి ఉన్నప్పటికీ ఈ చిత్రానికి పాజిటివ్‌ స్పందన లభిస్తోంది. అర్జున్‌ రెడ్డి ఫేమ్‌ సందీప్‌ వంగా దర్శకత్వం వహించిన సినిమా కావడంతో టికెట్లు హాట్‌ కేకుల్లా అమ్ముడవుతున్నాయి. తాజాగా ఈ సినిమా తొలిరోజు ఎంత రాబట్టిందనే విషయాన్ని యానిమల్‌ మూవీ నిర్మాణ సంస్థ టీ సిరీస్‌ అధికారికంగా వెల్లడించింది. మొదటి రోజు ప్రపంచవ్యాప్తంగా రూ.116 కోట్ల కలెక్షన్లు సాధించిందని పోస్టర్‌ రిలీజ్‌ చేసింది. ఈ దూకుడు ఇలాగే కొనసాగితే యానిమల్‌ రూ.500 కోట్ల క్లబ్బులో చేరడం ఖాయమని అభిమానులు ధీమా వ్యక్తం చేస్తున్నారు. మరి యానిమల్‌ రానున్న రోజుల్లో ఎటువంటి రికార్డులు బద్ధలు కొడుతుందో చూడాలి! He has come to conquer all the records 🤙🏼🔥🪓#AnimalHuntBegins Book Your Tickets 🎟️ https://t.co/QvCXnEetUb#Animal#AnimalInCinemasNow #AnimalTheFilm @AnimalTheFilm @AnilKapoor #RanbirKapoor @iamRashmika @thedeol @tripti_dimri23@imvangasandeep #BhushanKumar… pic.twitter.com/bF8nV2Nw09 — T-Series (@TSeries) December 2, 2023 చదవండి: అందుకే నా సినిమా కలెక్షన్స్‌ తగ్గుతున్నాయి: సల్మాన్‌ ఖాన్‌

ఈ మ‌ధ్య కాలంలో కామెడీ సినిమాలు భ‌లే క్లిక్ అవుతున్నాయి. ఇటీవ‌ల వ‌చ్చిన మ్యాడ్ మూవీ జ‌నాల‌ను పొట్ట చెక్క‌ల‌య్యేలా న‌వ్వించింది. శుక్ర‌వారం (న‌వంబ‌ర్ 3న‌) రిలీజైన కీడా కోలా సినిమా కూడా అదే కోవ‌లోకి వ‌స్తుంది. ఈ కామెడీ మూవీని ద‌ర్శ‌కన‌టుడు త‌రుణ్ భాస్క‌ర్ తెర‌కెక్కించాడు. ఈ న‌గ‌రానికి ఏమైంది సినిమా త‌ర్వాత దాదాపు ఐదేండ్లు గ్యాప్ తీసుకుని ఈ మూవీని డైరెక్ట్ చేశాడు. ద‌ర్శ‌కుడిగానే కాకుండా కీడా కోలాలో ముఖ్య‌పాత్ర‌లోనూ న‌టించాడు. ఈ చిత్రానికి తొలిరోజు భారీగా వ‌సూళ్లు వ‌చ్చాయి. ప్ర‌పంచ‌వ్యాప్తంగా కీడాకోలా తొలి రోజు రూ. 6.03 కోట్లు రాబ‌ట్టింది. శ‌ని, ఆది వారాల్లో ఈ క‌లెక్ష‌న్స్ మ‌రింత పెరిగే అవ‌కాశం ఉంది. మ‌రోవైపు న‌వంబ‌ర్ 3న స‌త్యం రాజేశ్ మా ఊరి పొలిమేర 2 సినిమా రిలీజైంది. 2021 డిసెంబ‌ర్‌లో ఓటీటీలో రిలీజైన పొలిమేర సినిమాకు ఇది సీక్వెల్‌గా తెర‌కెక్కింది. తొలి భాగానికి ద‌ర్శ‌క‌త్వం వ‌హించిన డాక్ట‌ర్ అనిల్ విశ్వ‌నాథ్‌యే ఈ సీక్వెల్ బాధ్య‌లు భుజాన వేసుకున్నాడు భారీ అంచ‌నాల మ‌ధ్య ప్రేక్ష‌కుల ముందుకు వ‌చ్చిచ్చిన‌ ఈ మూవీ తొలి రోజు రూ.3 కోట్ల క‌లెక్ష‌న్స్ రాబ‌ట్టింది. కీడా కోల, మా ఊరి పొలిమేర 2 సినిమాలు వీకెండ్‌లో ఏ మేర క‌లెక్ష‌న్స్ రాబ‌డ‌తాయో చూడాలి! A BLOCKBUSTER OPENING for the #BlockbusterKeedaaCola 🥁 6.03crs worldwide gross Day 1 Book your tickets now for #KeedaaColahttps://t.co/YynaYuDRr2@TharunBhasckerD @RanaDaggubati @VGSainma @IamChaitanyarao @smayurk @tweetfromRaghu @JeevanKumar459 @IamVishnuOi @RavindraVijay1 pic.twitter.com/ZmMDGxpdKu — Suresh Productions (@SureshProdns) November 4, 2023 Blockbuster Opening - Day 1 World Wide Gross 3 Cr + #Polimera2 💥🎊 pic.twitter.com/58wZCfzO5H — Hanu (@HanuNews) November 4, 2023 చ‌ద‌వండి: శోభ సేఫ్‌, తేజ ఎలిమినేట్‌.. చేసిన పాపం ఊరికే పోతుందా?

నందమూరి బాలకృష్ణ పండల మీద గురి పెట్టాడు. సంక్రాంతికి వీరసింహారెడ్డితో పలకరించిన ఈయన భగవంత్‌ కేసరితో దసరా బరిలోకి దిగాడు. కామెడీ సినిమాలకు కేరాఫ్‌ అడ్రస్‌ అయిన అనిల్‌ రావిపూడి తొలిసారి ఆ జానర్‌ను వదిలేసి ఈ ఫ్యామిలీ ఎంటర్‌టైనర్‌ను తెరకెక్కించాడు. షైన్‌ స్క్రీన్స్‌ బ్యానర్‌పై హరీశ్‌ పెద్ది, సాహు గారపాటి నిర్మించారు. తమన్‌ సంగీత దర్శకుడిగా వ్యవహరించిన ఈ మూవీ అక్టోబర్‌ 19న ప్రేక్షకుల ముందుకు వచ్చింది. భగవంత్‌ కేసరి సినిమా రివ్యూ కోసం ఇక్కడ క్లిక్‌ చేయండి తొలి రోజు ప్రపంచవ్యాప్తంగా రూ.32.33 కోట్లు రాబట్టింది. తాజాగా రెండు రోజుల కలెక్షన్స్‌ను వెల్లడించింది చిత్రయూనిట్‌. రెండో రోజు ఈ చిత్రం దాదాపు రూ.19 కోట్ల మేర రాబట్టింది. అంటే రెండు రోజుల్లో రూ.51.12 కోట్ల కలెక్షన్స్‌ వచ్చినట్లు తెలిపింది. ఈ మేరకు ప్రత్యేక పోస్టర్‌ విడుదల చేసింది. మొదటి రోజుతో పోలిస్తే రెండో రోజు వసూళ్లు కొంత నెమ్మదించినట్లు కనిపిస్తోంది. మరి వీకెండ్‌లో అయినా భగవంత్‌ కేసరి పుంజుకుంటుందేమో చూడాలి! మరోపక్క టైగర్‌ నాగేశ్వరరావు, లియో సినిమాలు భగవంత్‌ కేసరి సినిమాకు గట్టి కాంపిటీషనే ఇస్తున్నాయి. ఈ పోటీని తట్టుకుని బాలకృష్ణ మూవీ బాక్సాఫీస్‌ దగ్గర నిలబడుతుందా? కలెక్షన్లు పెంచుకుంటుందా? లేదా? చూడాలి! A #BlockbusterDawath at the Box office 🔥#BhagavanthKesari Grosses 51.12 CR WORLDWIDE IN 2 DAYS 💥💥 - https://t.co/rrWPhVwU6B In cinemas now❤️‍🔥#NandamuriBalakrishna @AnilRavipudi @MsKajalAggarwal @sreeleela14 @MusicThaman @harish_peddi @sahugarapati7 @JungleeMusicSTH pic.twitter.com/puSAke2was — Shine Screens (@Shine_Screens) October 21, 2023 చదవండి: సింగర్‌ గీతా మాధురితో విడాకులు.. క్లారిటీ ఇచ్చిన నందు!

జవాన్‌ సినిమాకు సినీప్రియులు జై కొడుతున్నారు. షారుక్‌ ఖాన్‌ యాక్టింగ్‌, యాక్షన్‌ ఇంకా కళ్లముందే కదలాడుతోందంటున్నారు. జవాన్‌ చిత్రాన్ని ఒక్కసారి చూస్తే తనివి తీరదని మరోసారి చూస్తే కానీ దిల్‌ ఖుష్‌ అయ్యేలా లేదని ఫీలవుతున్నారు. మొత్తానికి రికార్డులు సృష్టించాలన్నా నేనే, రికార్డులు తిరగరాయాలన్నా నేనే అన్నట్లుగా షారుక్‌ బాక్సాఫీస్‌ దగ్గర విజృంభిస్తున్నాడు. పఠాన్‌ మొదటి రోజు రూ.106 కోట్లు రాబడితే జవాన్‌ ఆ రికార్డును బ్రేక్‌ చేసింది. తొలిరోజు ఈ సినిమా రూ.126 కోట్లు రాబట్టి సంచలనం సృష్టించింది. రెండో రోజు కూడా తగ్గేదేలే అన్న రీతిలో కలెక్షన్స్‌ రాబట్టింది. ఏకంగా రూ.113 కోట్ల మేర వసూలు చేసినట్లు తెలుస్తోంది. అంటే రెండు రోజుల్లోనే రూ.200 కోట్ల క్లబ్బులో చేరింది. ఈ వీకెండ్‌ పూర్తయ్యేసరికి రూ.500 కోట్ల క్లబ్బులో చేరే ఛాన్స్‌ ఉందంటున్నారు సినీప్రియులు. మరోపక్క బాక్సాఫీస్‌ దగ్గర తిరుగు లేకుండా దూసుకుపోతున్న గదర్‌ 2 చిత్రానికి జవాన్‌ బ్రేక్‌ వేసింది. ఈ మూవీ నిన్నటివరకు రూ.510 కోట్లు రాబట్టింది. తాజాగా రిలీజైన జవాన్‌ గట్టి పోటీ ఇస్తుండటంతో గదర్‌ 2 కలెక్షన్స్‌కు భారీ స్థాయిలో గండి పడనున్నట్లు కనిపిస్తోంది. చదవండి: అర్ధరాత్రి శివాజీ, షకీలా డ్రామా.. పిచ్చోళ్లను చేస్తున్నారా?

నవీన్‌ పొలిశెట్టి, అనుష్క శెట్టి తొలిసారి జంటగా నటించిన చిత్రం మిస్‌ శెట్టి మిస్టర్‌ పొలిశెట్టి. కామెడీ, ఎమోషన్స్‌ కలగలిపి తీసిన ఈ సినిమా సెప్టెంబర్‌ 7న రిలీజైంది. పాజిటివ్‌ టాక్‌ తెచ్చుకున్న ఈ సినిమాకు తొలి రోజు కలెక్షన్స్‌ మాత్రం పేలవంగా వచ్చాయి. ఇండియాలో కేవలం రూ.4 కోట్లు మాత్రమే రాబట్టినట్లు తెలుస్తోంది. రిలీజ్‌కు ముందు పెద్దగా బజ్‌ లేకపోవడం, ప్రమోషన్స్‌కు అనుష్క దూరం కావడం వల్లే వసూళ్లు ఇంత పేలవంగా ఉన్నట్లు కనిపిస్తోంది. అయితే మౌత్‌ టాక్‌ బాగుండటంతో రానున్న రోజుల్లో కలెక్షన్స్‌ నెంబర్‌ పెరిగే అవకాశం ఉంది. మరోపక్క అదేరోజు రిలీజైన బాలీవుడ్‌ మూవీ జవాన్‌ బాక్సాఫీస్‌ దగ్గర ఓ రేంజ్‌లో దూసుకుపోతోంది. తొలిరోజే ప్రపంచవ్యాప్తంగా రూ.125 కోట్ల మేర వసూళ్లు రాబట్టి రికార్డుల వేటకు సిద్ధమని సమరశంఖం పూరించింది. జవాన్‌, మిస్‌ శెట్టి మిస్టర్‌ పొలిశెట్టి చిత్రాలు ఒకేరోజు రిలీజవడం నవీన్‌-అనుష్కల సినిమాకు పెద్ద మైనస్‌గా మారింది. జవాన్‌కు హిట్‌ టాక్‌ రావడంతో థియేటర్లు హౌస్‌ఫుల్‌ అవుతున్నాయి. మరి జవాన్‌ పోటీని తట్టుకుని మిస్‌ శెట్టి మిస్టర్‌ పొలిశెట్టి బాక్సాఫీస్‌ దగ్గర నిలదొక్కుకుంటుందా? లేదా? అన్నది చూడాలి! చదవండి: బేబి పెళ్లికొడుకు.. రియల్‌ లైఫ్‌లోనూ బేబి స్టోరీ.. మూడు బ్రేకప్‌లు.. సూసైడ్‌ ఆలోచనలు..

దుల్కర్‌ సల్మాన్‌.. ఎప్పుడూ కొత్త కాన్సెప్ట్‌లను ఎంచుకుంటూ కొత్తదనాన్ని ఎంకరేజ్‌ చేస్తుంటాడీ హీరో. సీతారామం సినిమాతో తెలుగువారికీ దగ్గరైన ఈ హీరో తొలిసారి పూర్తి మాస్‌ యాక్షన్‌ సినిమా చేశాడు. దుల్కర్‌ సల్మాన్, ఐశ్వర్య లక్ష్మి జంటగా నటించిన చిత్రం ‘కింగ్‌ ఆఫ్‌ కొత్త’. అభిలాష్‌ జోషి దర్శకత్వం వహించిన ఈ సినిమాను జీ స్టూడియోస్, వేఫేరర్‌ ఫిల్మ్స్‌ నిర్మించాయి. తెలుగు, మలయాళం, తమిళ్, హిందీలో ఈ నెల 24న ఈ సినిమా రిలీజైంది. అన్నట్లు అన్ని భాషల్లోనూ దుల్కర్‌ తనే స్వయంగా డబ్బింగ్‌ చెప్పాడు. గురువారం విడుదలైన ఈ సినిమాకు మిశ్రమ స్పందన లభించింది. ఈ గ్యాంగ్‌స్టర్‌ సినిమా అంతగా వర్కవుట్‌ కానట్లు కనిపించింది. ఫలితంగా ఈ చిత్రం రూ.7.70 కోట్ల మేర కలెక్షన్స్‌ రాబట్టినట్లు తెలుస్తోంది. దాదాపు రూ.60 కోట్ల మేర బడ్జెట్‌తో తెరకెక్కిన ఈ సినిమా ఫస్ట్‌ డే పది కోట్లు కూడా రాబట్టలేకపోవడంతో అభిమానులు నిరాశ చెందుతున్నారు. రానున్న రోజుల్లోనూ కలెక్షన్స్‌ ఇలాగే ఉంటే డిజాస్టర్‌ దిశగా ‍ప్రయాణించడం ఖాయం అని చెప్తున్నారు. ఈ సినిమా ఓటీటీ హక్కుల విషయానికి వస్తే.. ఇప్పటికే డిస్నీ ప్లస్‌ హాట్‌స్టార్‌ ఈ మూవీ డిజిటల్‌ హక్కులను సొంతం చేసుకున్నట్లు తెలుస్తోంది. సినిమాకు పెద్దగా పాజిటివ్‌ బజ్‌ లేదు, కలెక్షన్స్‌ కూడా డల్‌ ఉన్నందున వచ్చే నెలలో ఓటీటీలో ప్రత్యక్షం కానున్నట్లు తెలుస్తోంది. ఇకపోతే మొదట్లో ఈ సినిమా పేరును కింగ్‌ ఆఫ్‌ కోతగానే ఉంచారు. దుల్కర్‌ సైతం అలాగే పలికాడు. కానీ మలయాళంలో కొత్త అంటే టౌన్‌ అని అర్థం వస్తుండటంతో దాన్ని మార్చేసి కింగ్‌ ఆఫ్‌ కొత్తగా రిలీజ్‌ చేశారు. చదవండి: థియేటర్‌లో రిలీజైన వారం రోజులకే ఓటీటీలోకి.. మరో మూడు సినిమాలు స్ట్రీమింగ్‌.. ఎక్కడంటే?

సయ్యద్‌ సోహైల్‌ రియాన్‌.. బిగ్‌బాస్‌ తర్వాతే ఈ పేరు చాలామందికి తెలిసొచ్చింది. అప్పటికే కొత్తబంగారు లోకం, జనతా గ్యారేజ్‌ వంటి చిత్రాల్లో హీరో ఫ్రెండ్స్‌ గ్యాంగ్‌లో ఒకరిగా కనిపించిన అతడు వెండితెరపై హీరోగా రాణించే ప్రయత్నం చేస్తున్నాడు. ఇప్పటికే యురేక, లక్కీ లక్ష్మణ్‌ సినిమా చేసిన సోహైల్‌ ఇటీవలే మిస్టర్‌ ప్రెగ్నెంట్‌తో ప్రేక్షకుల ముందుకు వచ్చాడు. ఇందులో రూపా కొడువాయుర్‌ హీరోయిన్‌గా నటించింది. ఆగస్టు 18న థియేటర్లలో విడుదలైన ఈ చిత్రానికి ఫ్యామిలీ ఆడియన్స్‌ నుంచి మంచి స్పందన లభించింది. ఫలితంగా రోజురోజుకూ వసూళ్ల సంఖ్య పెరుగుతూ వచ్చింది. ఈ చిత్రం ప్రపంచవ్యాప్తంగా కేవలం 4 రోజుల్లోనే రూ.4.6 కోట్లు రాబట్టింది. ఈ మేరకు చిత్రయూనిట్‌ స్పెషల్‌ పోస్టర్‌ విడుదల చేసింది. సోహైల్‌ ఎట్టకేలకు మంచి హిట్‌ కొట్టడంతో అభిమానులు సంతోషం వ్యక్తం చేస్తున్నారు. ఇక ఈ సినిమాతో శ్రీనివాస్‌ వింజనంపాటి దర్శకుడిగా పరిచయమయ్యాడు. మైక్ మూవీస్ బ్యానర్‌లో అప్పి రెడ్డి, రవీందర్ రెడ్డి సజ్జల, వెంకట్ అన్నపరెడ్డి నిర్మించారు. నిజానికి మిస్టర్‌ ప్రెగ్నెంట్‌ సినిమాను శ్రీనివాస్‌ ఎవరైనా పెద్ద హీరోతో చేయాలనుకున్నాడు. ఎందుకంటే కొత్తవాళ్లతో చేస్తే సినిమాకు క్రేజ్‌ రాదని భావించాడు. అలా తన స్నేహితుడైన సోహైల్‌ను పక్కనపెట్టాడు. కానీ అతడు బిగ్‌బాస్‌ నుంచి రాగానే నువ్వే హీరో అని చెప్పి సోహైల్‌తో సినిమా తీసి హిట్‌ కొట్టాడు. ప్రస్తుతం సోహైల్‌.. బూట్ కట్ బాలరాజుతో పాటు, కథ వేరే ఉంటది అనే సినిమా చేస్తున్నాడు. View this post on Instagram A post shared by Mic Movies (@mic_movies) View this post on Instagram A post shared by 𝐒𝐘𝐄𝐃 𝐒𝐎𝐇𝐄𝐋 𝐑𝐘𝐀𝐍 (@syedsohelryan_official) చదవండి: బర్త్‌డే పార్టీలో డ్యాన్స్‌ చేసేదాన్ని.. ఆ డబ్బుతో పూట గడిచేది..

బాక్సాఫీస్‌ దగ్గర జైలర్‌ జోరు కొనసాగుతోంది. చాలాకాలంగా హిట్‌ కోసం ఎదురుచూస్తున్న రజనీకాంత్‌కు బ్లాక్‌బస్టర్‌ హిట్‌ పడింది. ఆగస్టు 10న తమిళ, తెలుగు, కన్నడ, మలయాళ, హిందీ భాషల్లో రిలీజైన ఈ చిత్రం తమిళనాట మాత్రమే కాదు, తెలుగులోనూ భారీగా కలెక్షన్స్‌ రాబడుతోంది. కేవలం నాలుగురోజుల్లోనే ఇక్కడ రూ.32 కోట్ల గ్రాస్‌ వసూలు చేసింది. నిజానికి రజనీకాంత్‌ గత సినిమాలు పెద్దగా ఆడకపోవడంతో జైలర్‌ తెలుగు రైట్స్‌కు పెద్ద ధర పలకలేదు. తక్కువ బిజినెస్‌.. ఎక్కువ లాభాలు గతంలో కబాలి సినిమా రైట్స్‌ తెలుగు రాష్ట్రాల్లో రూ.31 కోట్లకు అమ్మారు. రోబో 2.0 సినిమాకు దాదాపు రూ.70 కోట్ల మేర బిజినెస్‌ జరిగింది. కానీ పేట, దర్బార్‌ మాత్రం పదిహేను కోట్లలోపే బిజినెస్‌ జరిగింది. ఈ క్రమంలో జైలర్‌ థియేట్రికల్‌ హక్కులను కేవలం రూ.12 కోట్లకు మాత్రమే ఇచ్చినట్లు తెలుస్తోంది. కానీ తలైవా సినిమాకు తొలి రోజే పెట్టిన పెట్టుబడి అంతా వచ్చేయగా ఈ నాలుగురోజుల్లో దాదాపు మూడు రెట్ల లాభాలు వచ్చాయి. రానున్న రోజుల్లోనూ కలెక్షన్స్‌ పెరిగే అవకాశం ఉండటంతో నిర్మాతలకు మరింత లాభం చేకూరనుంది. రూ.300 కోట్ల క్లబ్బులో జైలర్‌ జైలర్‌ సినిమా ప్రపంచవ్యాప్తంగా ఇప్పటివరకు రూ.300 కోట్లు రాబట్టింది. రజనీకి ఈ రికార్డు కొత్తేం కాదు, గతంలో ఆయన నటించిన రోబో 2.0, కబాలి, ఎంతిరన్‌ సినిమాలు సైతం రూ.300 కోట్ల క్లబ్బులో చేరాయి. అయితే జైలర్‌ హవా ఇక్కడితో ఆగిపోయేట్లు కనిపించడం లేదు. లాంగ్‌ రన్‌లో రూ.500 కోట్లు సులువుగా సాధించేట్లు కనిపిస్తోంది. జైలర్‌ సినిమా విషయానికి వస్తే రజనీకాంత్‌, రమ్యకృష్ణ, శివరాజ్‌కుమార్‌, మోహన్‌లాల్‌, తమన్నా, ప్రియాంక మోహన్‌, జాకీ ష్రాఫ్‌, మీర్నా మీనన్‌, వసంత రవి ప్రధాన పాత్రలు పోషించారు. నెల్సన్‌ దిలీప్‌ కుమార్‌ దర్శకత్వం వహించగా అనిరుధ్‌ రవిచంద్రన్‌ సంగీతం అందించాడు. Super 🌟 @rajinikanth's Rampage Continues at the Telugu box office grossing 32CR in just 4⃣ Days Across AP/TS 🔥💥 Book Your Tickets Now 🎟 https://t.co/xMpl1jGcVT@Nelsondilpkumar @tamannaahspeaks @anirudhofficial @sunpictures @AsianCinemas_ @UrsVamsiShekar #JailerTelugu pic.twitter.com/hov3e6m2Ro — Suresh Productions (@SureshProdns) August 14, 2023 #Jailer crossed the ₹ 300 Crs gross Mark at the WW Box office in 4 days! This is the 4th movie for #SuperStar @rajinikanth to enter the 300cr Club.. #Enthiran#Kabali#2Point0#Jailer — Ramesh Bala (@rameshlaus) August 14, 2023 చదవండి: నేనలా అనలేదు, ఇమేజ్‌ దెబ్బ తీయొద్దు: కార్తికేయ

సక్సెస్‌ కోసం రజనీకాంత్‌.. రజనీ సినిమా కోసం అభిమానులు ఎంతగానో ఎదురుచూశారు. జైలర్‌ చిత్రంతో వీరి కల నిజమైంది. తలైవా స్టైల్‌, యాక్షన్‌, డైలాగ్‌ డెలివరీకి అభిమానులు ముచ్చటపడిపోతుంటే.. పాజిటివ్‌ టాక్‌ రావడంతో రజనీ పండగ చేసుకుంటున్నాడు. నెల్సన్‌ దిలీప్‌ కుమార్‌ దర్శకత్వం వహించిన ఈ చిత్రం ప్రపంచవ్యాప్తంగా ఆగస్టు 10న థియేటర్లలో విడుదలైంది. ఒక్క తమిళనాడులోనే ఈ చిత్రం రూ.24 కోట్ల గ్రాస్‌ రాబట్టినట్లు తెలుస్తోంది. కేరళలో రూ.6 కోట్లు, తెలుగు రాష్ట్రాల్లో చెరో రూ.5 కోట్లు, కర్ణాటకలో రూ.10 కోట్లు వసూలు చేసింది. ఓవర్సీస్‌లోనూ అదిరిపోయే కలెక్షన్స్‌ రాగా.. వీటన్నింటినీ కలుపుకుని మొత్తంగా ప్రపంచవ్యాప్తంగా తొలి రోజు రూ.75-85 కోట్ల మేర సాధించినట్లు తెలుస్తోంది. వీకెండ్‌ కాకపోయినా ఇన్ని కోట్లు రాబట్టిందంటే మామూలు విషయం కాదంటున్నారు ఫ్యాన్స్‌. కొందరు హీరోలకు ఇవి లైఫ్‌టైమ్‌ వసూళ్లు అని కామెంట్లు చేస్తున్నారు. ఇక తొలి రోజు థియేటర్ల వద్ద రజనీ అభిమానులు సందడి చేశారు. ఈ క్రమంలో సినిమా బాలేదని నెగెటివ్‌ రివ్యూ ఇచ్చిన ఇద్దరినీ చెన్నైలో చితక్కొట్టారు. సోషల్‌ మీడియా ప్రచారం ఎలా ఉన్నా మౌత్‌ టాక్‌తో సినిమాకు లాభాల పంట పండటం ఖాయంగా కనిపిస్తోంది. జైలర్‌ సినిమా విషయానికి వస్తే.. ఇందులో మోహన్‌ లాల్‌, శివ రాజ్‌కుమార్‌, యోగిబాబు, రమ్యకృష్ణ తమన్నా, సునీల్‌, జాకీ ష్రాఫ్‌ ముఖ్యపాత్రలు పోషించారు. అనిరుధ్‌ రవిచందర్‌ సంగీతం అందించాడు. ఇతడి సంగీతం సినిమాకు ప్రత్యేక ఆకర్షణగా నిలిచినట్లు తెలుస్తోంది. చదవండి: జేమ్స్‌బాండ్‌లా పోజు కొడుతున్న ఈ స్టార్‌ హీరోను గుర్తుపట్టారా?

అతివృష్టి, అనావృష్టి.. వర్షం విషయంలోనే కాదు బాక్సాఫీస్‌ విషయంలోనూ ఇది జరుగుతూ ఉంటుంది. ఒక్కోసారి భారీ బడ్జెట్‌ సినిమాలు కనీస వసూళ్లు కూడా రాబట్టలేక చతికిలపడుతుంటే చిన్న చిత్రాలు మాత్రం ఊహించని స్థాయిలో కలెక్షన్స్‌ వసూలు చేస్తుంటాయి. మొదటి సందర్భంలో నిర్మాత పీకల్లోతు నష్టాల్లో కూరుకుపోతే రెండో సందర్భంలో మాత్రం నిర్మాత పంట పండినట్లే! మరి ప్రపంచంలోనే అత్యధికంగా లాభాలు తెచ్చిపెట్టిన సినిమా ఏదో మీకు తెలుసా? లక్షలు పెట్టి తీస్తే వేల కోట్లు కొల్లగొట్టిన ఆ సినిమా ఏంటో తెలియాలంటే ఈ స్టోరీ చదివేయాల్సిందే! కశ్మీర్‌ ఫైల్స్‌.. పెట్టుబడి రూ.15 కోట్లు వసూళ్లు.. కలెక్షన్స్‌ రూ.350 కోట్లు. వావ్‌, గ్రేట్‌ అని నోరెళ్లబెడుతున్నారేమో.. 'పారానార్మల్‌ యాక్టివిటీ' సినిమా సంగతి చెప్తే దిమ్మ తిరిగి బొమ్మ కనబడటం ఖాయం! ఈ హాలీవుడ్‌ సినిమా ఏకంగా 13,30,000 శాతం లాభాలను అందుకుంది. ఈ సినిమాను 2007లో హాలీవుడ్‌ డైరెక్టర్‌ ఓరెన్‌ పెలి తెరకెక్కించాడు. తనే కథ రాసుకుని, దర్శకత్వం వహించి స్వయంగా నిర్మించాడు. ఈ సినిమాలో నలుగురు మనుషులు, ఒక అస్థిపంజరం ఇవి మాత్రమే కనిపిస్తాయి. ఈ సినిమా తీయడానికి ఆయనకు 15 వేల డాలర్లు (2007లో భారతీయ కరెన్సీ ప్రకారం రూ.6 లక్షలు) ఖర్చయ్యాయి. అయితే పారామౌంట్‌ పిక్చర్స్‌ బ్యానర్‌ ఈ సినిమాను సొంతం చేసుకుని క్లైమాక్స్‌లో కాస్త మార్పులుచేర్పులు చేసి దానికి మరిన్ని హంగులు అద్ది రిలీజ్‌ చేసింది. దీనికి దాదాపు రూ.90 లక్షలు ఖర్చయ్యాయి. ఈ సినిమా ఎవరూ ఊహించనంతగా హిట్టయింది. ప్రపంచవ్యాప్తంగా ఏకంగా 193 మిలియన్‌ డాలర్లు (2007లో భారతీయ కరెన్సీ ప్రకారం రూ.800 కోట్లు) రాబట్టింది. ప్రపంచంలోనే తక్కువ బడ్జెట్‌లో ఎక్కువ వసూళ్లు రాబట్టిన చిత్రంగా రికార్డు సృష్టించింది. అప్పటివరకు లాభాల పంట పండించిన చిత్రంగా 'ద బ్లైయిర్‌ విచ్‌ ప్రాజెక్ట్‌' పేరిట ఉన్న రికార్డును పారానార్మల్‌ యాక్టివిటీ మూవీ తన స్వాధీనం చేసుకుంది. ఈ ఊపుతో  'పారానార్మల్‌ యాక్టివిటీ' సినిమాకు సీక్వెల్స్‌ కూడా తీశారు. వరుసగా ఆరు సీక్వెల్స్‌ తీయగా ఇవి మొత్తంగా రూ.7320 కోట్లు రాబట్టాయి. ఇలా తక్కువ బడ్జెట్‌తో ఎక్కువ లాభాలు తీసుకొచ్చిన సినిమాల్లో ద బ్లెయిర్‌ విచ్‌ ప్రాజెక్ట్‌ రెండో స్థానంలో ఉంటుంది. 1999లో వచ్చిన 'ద బ్లెయిర్‌ విచ్‌ ప్రాజెక్ట్‌' రూ.85 లక్షలతో తెరకెక్కగా రూ.1045 కోట్లు రాబట్టింది. 2003లో వచ్చిన టార్నేషన్‌ కేవలం రూ10,000తో తెరకెక్కగా రూ.5.5 కోట్లు సాధించింది. రెండు లక్షలతో తెరకెక్కిన పోర్నోగ్రఫీ చిత్రం 'డీప్‌ త్రోట్‌' రూ.17 కోట్ల కలెక్షన్స్‌ రాబట్టింది. రూ.87వేలతో నిర్మితమైన 'ఎరేజర్‌ హెడ్‌' సినిమా బాక్సాఫీస్‌ దగ్గర రూ.6 కోట్లు కలెక్షన్ల వర్షం కురిపించింది. చదవండి: బ్రో సహా మరో బాలీవుడ్‌ సినిమాకు ఆదరణ కరువు, రిటైర్‌మెంట్‌ తీసుకోమన్న కంగనా పెళ్లైన 6 ఏళ్లకే విడాకులు.. విడిపోవడం కష్టంగా ఉందని నటి పోస్ట్‌

ఆదిపురుష్‌ సినిమాను పొగిడేవాళ్లు పొగుడుతున్నారు, తిట్టేవాళ్లు తిడుతున్నారు. ఏదేమైనా భారీ అంచనాల నడుమ విడుదలైన ఈ సినిమా అనుకున్నంత పాజిటివ్‌ స్పందనను మాత్రం రాబట్టలేకపోయింది. పైపెచ్చు వివాదాలు, విమర్శలు సినిమాను చుట్టుముట్టాయి. అయినప్పటికీ ఈ అడ్డంకులను అధిగమించి ఆదిపురుష్‌ సినిమా బాక్సాఫీస్‌ దగ్గర ప్రభంజనం సృష్టిస్తోంది. మొదటి రోజు రూ.140 కోట్ల గ్రాస్‌ వసూలు చేయగా రెండో రోజు రూ.100 కోట్లు రాబట్టింది. ముచ్చటగా మూడో రోజు కూడా సెంచరీ కొట్టిందీ చిత్రం. దీంతో ఇప్పటివరకు సినిమా కలెక్షన్స్‌ రూ.340 కోట్లకు చేరాయి. ఈ మేరకు స్పెషల్‌ పోస్టర్‌ రిలీజ్‌ చేసింది చిత్రయూనిట్‌. శని, ఆది వారాలు కలిసి వచ్చాయి కాబట్టి సినిమా ఈ రేంజ్‌లో వసూళ్లు రాబట్టింది. సోమవారం నుంచి సినిమాకు అసలు సిసలు పరీక్ష మొదలు కానుంది. ఈరోజు నుంచి వచ్చే కలెక్షన్సే సినిమా ఫలితాన్ని నిర్దేశించనున్నాయి. మరి వీక్‌ డేస్‌లో ఆదిపురుష్‌ ఏ మేర వసూళ్లు రాబడుతుందో చూడాలి! ఇకపోతే ఆదిపురుష్‌ చిత్రంలో ప్రభాస్‌, కృతీ సనన్‌, సన్నీ సింగ్‌, సైఫ్‌ అలీ ఖాన్‌, దేవదత్తా నాగే.. తదితరులు ముఖ్యపాత్రలు పోషించారు. ఓం రౌత్‌ దర్శకత్వం వహించారు. దాదాపు రూ.500 కోట్ల భారీ బడ్జెట్‌తో నిర్మితమైన ఈ చిత్రం జూన్‌ 16న విడుదలైంది. Adipurush continues to captivate audiences across generations, crossing an astounding ₹340 crores on the opening weekend at the box office! Jai Shri Ram 🙏#AdipurushBlockbusterWeekend Book your tickets on: https://t.co/0gHImE23yj#Adipurush now in cinemas near you ✨… pic.twitter.com/vwIubHPGbK — T-Series (@TSeries) June 19, 2023 చదవండి: రాకేశ్‌ మాస్టర్‌ భౌతిక కాయాన్ని చూసి ఏడ్చేసిన శేఖర్‌, జానీ మాస్టర్‌

ఈ మధ్య భారీ బడ్జెట్‌ సినిమాలు కనీస వసూళ్లు రాబట్టడానికి అపసోపాలు పడుతుంటే చిన్న సినిమాలు మాత్రం కేవలం మౌత్‌ టాక్‌తోనే భారీగా కలెక్షన్స్‌ రాబడుతూ రికార్డులు సృష్టిస్తున్నాయి. చిన్న సినిమాల పని అయిపోయిందనుకున్న సమయంలో బలమున్న కంటెంట్‌తో బరిలోకి దిగి బడా సినిమాలను సైతం వెనక్కు నెట్టి విజయాలు సాధిస్తున్నాయి. ఆ కోవలేకే వస్తుంది ది కేరళ స్టోరీ. తీవ్ర వ్యతిరేకత మధ్య విడుదలైన ది కేరళ స్టోరీ మూవీ తొలి రోజు నుంచే దూసుకుపోతోంది. రికార్డుల దుమ్ము దులుపుతున్న ఈ సినిమా ఇప్పటిదాకా రూ.198 కోట్లు వసూలు చేసింది. నేడు వచ్చే కలెక్షన్స్‌తో రూ.200 కోట్ల క్లబ్‌లో చేరడం ఖాయంగా కనిపిస్తోంది. ఈ లెక్కన బాలీవుడ్‌లో ఇటీవల వచ్చిన రణ్‌బీర్‌ తు ఝూఠీ మై మక్కర్‌ సినిమా లాంగ్‌ రన్‌లో రెండు వందల కోట్లు సాధిస్తే కేరళ స్టోరీ మాత్రం కేవలం రెండున్నర వారాల్లోనే ఆ మార్క్‌ను దాటేస్తుండటం విశేషం.  ఇక ఈ సినిమాపై సంచలన దర్శకుడు రామ్‌ గోపాల్‌ వర్మ మరోసారి ప్రశంసలు కురిపించాడు. 'మనకు అబద్ధాలు అలవాటైపోయాయి. అలాంటిది ఎవరైనా నిజం చెప్తున్నారంటే, ఆ నిజాన్ని వెలికి తీసి చూపిస్తుంటే షాకవుతాం. కేరళ స్టోరీ విజయం బాలీవుడ్‌ను చావుదెబ్బ కొట్టింది' అని ట్వీట్‌ చేశాడు. కాగా ది కేరళ స్టోరీ సినిమాలో హీరోయిన్‌ అదా శర్మ ప్రధాన పాత్రలో నటించింది. సుదీప్తో సేన్‌ దర్శకత్వం వహించగా విపుల్‌ షా నిర్మాతగా వ్యవహరించాడు. We are so comfortable in telling lies to both others and ourselves that when someone goes ahead and shows the truth we get SHOCKED..That explains the DEATH like SILENCE of BOLLYWOOD on the SHATTERING SUCCESS of #KeralaStory — Ram Gopal Varma (@RGVzoomin) May 21, 2023 The #KeralaStory is like a BEAUTIFUL GHOSTLY MIRROR showing the DEAD face of Main stream BOLLYWOOD to itself in all its UGLINESS — Ram Gopal Varma (@RGVzoomin) May 21, 2023 The #KeralaStory will haunt like a mysterious fog in every story discussion room and every corporate house in BOLLYWOOD forever — Ram Gopal Varma (@RGVzoomin) May 21, 2023 It’s difficult to learn from #KeralaStory because it’s EASY to copy a LIE but very DIFFICULT to copy TRUTH — Ram Gopal Varma (@RGVzoomin) May 21, 2023 DOUBLE CENTURY… #TheKeralaStory will hit ₹ 200 cr TODAY [Mon; Day 18]… The second #Hindi film to cross the coveted number in 2023, after #Pathaan [Jan 2023]… [Week 3] Fri 6.60 cr, Sat 9.15 cr, Sun 11.50 cr. Total: ₹ 198.97 cr. #India biz. Nett BOC. #Boxoffice pic.twitter.com/PIdIwl4c8J — taran adarsh (@taran_adarsh) May 22, 2023 చదవండి: ఈ వారం థియేటర్‌, ఓటీటీలో రిలీజయ్యే సినిమాలివే! గ్రాండ్‌గా నిర్మాత డీవీవీ దానయ్య తనయుడి వివాహం

ది కేరళ స్టోరీ.. ట్రైలర్‌ రిలీజైనప్పటి నుంచి ఈ సినిమాపై వివాదం చెలరేగింది. బలవంత మతమార్పిడికి గురై ఐసిస్‌లో చేరిన మహిళల కథే కేరళ స్టోరీ. సుదీప్తో సేన్‌ దర్శకత్వం వహించిన ఈ సినిమాలో అదా శర్మ ప్రధాన పాత్రలో నటించింది. విపుల్‌ షా నిర్మాతగా వ్యవహరించిన ఈ సినిమా మే 5న విడుదలైంది. ఒక వర్గాన్ని కించపరిచేలా ఉన్న ఈ సినిమాను నిషేధించాలంటూ కేరళ, తమిళనాడుల్లోకి కొన్ని ప్రాంతాల్లో ఆందోళనలు సైతం జరిగాయి. ఈ వివాదాల మధ్య కేరళ స్టోరీ బాక్సాఫీస్‌ దగ్గర కలెక్షన్ల వర్షం కురిపిస్తోంది. మొదటి రోజు రూ.8.03 కోట్లు రాబట్టిన ఈ సినిమా రెండో రోజుకు అంతకుమించిన వసూళ్లు రాబట్టింది. శనివారం ఒక్కరోజే రూ.11.22 కోట్లు వసూలు చేసింది. మొదటి రోజుతో పోలిస్తే రెండో రోజు 39.73% వృద్ధి కనబర్చింది. కేవలం రెండు రోజుల్లోనే ఈ సినిమా రూ.19.25 కోట్లు వసూలు చేసింది. ఆదివారం కలెక్షన్స్‌ మరింత పెరిగే అవకాశం ఉన్నట్లు తెలుస్తోంది. కాగా ఈ చిత్రంలో యోగితా బిహానీ, సిద్ధి ఇద్నానీ, సోనియా బల్రానీ ముఖ్య పాత్రలు పోషించారు. చాలామంది ఈ సినిమాను వ్యతిరేకిస్తుంటే మధ్యప్రదేశ్‌ ప్రభుత్వం మాత్రం ది కేరళ స్టోరీ సినిమాకు ట్యాక్స్‌ రద్దు చేయడం విశేషం. #TheKeralaStory is SENSATIONAL, sets the #BO on 🔥🔥🔥 on Day 2… Shows BIGGG GAINS across all circuits… Hits double digits, a REMARKABLE ACHIEVEMENT for a film that’s *not* riding on stardom, but word of mouth… Fri 8.03 cr, Sat 11.22 cr. Total: ₹ 19.25 cr. #India biz.… pic.twitter.com/3FDHvSApjt — taran adarsh (@taran_adarsh) May 7, 2023 చదవండి: బలవంతంగా బంధాల్లో ఉండేకంటే ఒంటరిగా ఉండటమే బెటర్‌: సదా

లాస్‌ ఏంజిల్స్‌లో ఇటీవల జరిగిన 95వ ఆస్కార్‌ అవార్డు ప్రదానోత్సవంలో ‘ఆర్‌ఆర్‌ఆర్‌’ సినిమాలోని ‘నాటు నాటు’ పాటకు బెస్ట్‌ ఒరిజినల్‌ స్కోర్‌ విభాగంలో సంగీతదర్శకుడు కీరవాణి, రచయిత చంద్రబోస్‌ ఆస్కార్‌ అవార్డులను అందుకున్న విషయం తెలిసిందే. ఈ అవార్డు వేడుక కోసం లాస్‌ ఏంజిల్స్‌ వెళ్లిన దర్శకుడు రాజమౌళి, ఆయన సతీమణి, కాస్ట్యూమ్‌ డిజైనర్‌ రమా రాజమౌళి, తనయుడు కార్తికేయ, సంగీతదర్శకుడు కీరవాణి, గాయకుడు కాలభైరవ, నటుడు శ్రీ సింహా తదితరులు శుక్రవారం హైదరాబాద్‌ చేరుకున్నారు. కాగా ఆస్కార్‌ అవార్డు సాధించడం గురించి రాజమౌళిని స్పందించమని విలేకర్లు అడగ్గా.. ఆయన ‘జైహింద్‌’ అన్నారు. ఇక ఓ కార్యక్రమంలో పాల్గొనేందుకు లాస్‌ ఏంజిల్స్‌ నుంచి శుక్రవారం ఢిల్లీ చేరుకున్నారు రామ్‌చరణ్‌. ‘నాటు నాటు’ పాటకు ఆస్కార్‌ అవార్డు రావడం గురించి స్పందిస్తూ– ‘‘భారతీయ అభిమానులందరూ ‘ఆర్‌ఆర్‌ఆర్‌’ను ఆదరించారు. ‘నాటు నాటు’ పాటను సూపర్‌ హిట్‌ చేశారు. ‘నాటు నాటు’ పాట మాది కాదు.. ప్రజల పాట. ప్రేక్షకుల అభిమానమే ఆస్కార్‌కి దారి వేసింది, అవార్డు వరించేలా చేసింది. వారితో పాటు కీరవాణి, చంద్రబోస్, రాజమౌళిగార్లకి కూడా థ్యాంక్స్‌ చెబుతున్నాను’’ అని పేర్కొన్నారు రామ్‌చరణ్‌. తప్పుగా అర్థం చేసుకున్నారు: కాలభైరవ  ఆస్కార్‌ వేదికపై ‘నాటు నాటు’ పాటను పాడినందుకు ఆనందంగా ఉందంటూ ఓ నోట్‌ను సోషల్‌ మీడియాలో షేర్‌ చేశారు కాలభైరవ. ‘‘ఆస్కార్‌ వేదికపై ‘నాటు నాటు’ పాటను ప్రదర్శించినందుకు గర్వపడుతున్నాను. నాకు ఈ విలువైన క్షణాలు దక్కడానికి రాజమౌళి బాబా, నాన్న (కీరవాణి), కొరియోగ్రాఫర్‌ ప్రేమ్‌రక్షిత్‌ మాస్టర్, కార్తికేయ అన్న, అమ్మ, పెద్దమ్మ... ఇలా మరికొందరు ప్రత్యక్షంగానో, పరోక్షంగానో కారణమయ్యారు. యూఎస్‌ టీమ్‌ కూడా హెల్ప్‌ చేసింది. వీరి సహకారం, ప్రోత్సాహం లేకపోతే ఆస్కార్‌ వేదికపై నా ప్రదర్శన వీలయ్యేది కాదు’’ అని ఆ నోట్‌లో చెప్పు కొచ్చారు కాలభైరవ. కాగా ఎన్టీఆర్, రామ్‌చరణ్‌ల పేర్లను కాలభైరవ ప్రస్తావించకపోవడంతో ఈ ఇద్దరి హీరోల అభిమానులు, కొందరు నెటిజన్లు తప్పుబడుతూ కామెంట్స్‌ చేశారు. దీంతో ఈ విషయంపై సోషల్‌ మీడియా వేదికగా కాలభైరవ స్పందించారు. ‘‘ఆర్‌ఆర్‌ఆర్‌’ సినిమా, ఇందులోని ‘నాటు నాటు’ పాట సక్సెస్‌కు తారక్‌ అన్న, చరణ్‌ అన్న ముఖ్యులు. అందులో సందేహం లేదు. అయితే నేను ఆస్కార్‌ వేదికపై నా ప్రదర్శనకు సంబంధించిన విషయం గురించి మాత్రమే ఆ నోట్‌లో ప్రస్తావించాను. అది తప్పుగా అర్థమైనట్లుంది. అయినప్పటికీ నా మాటలను క్షమించమని అడుగుతున్నాను’’ అని కాలభైరవ పేర్కొన్నారు.   ఆస్కార్‌ వేదికపై షాక్‌ అయ్యా: గునీత్‌ మోంగా ‘ది ఎలిఫెంట్‌ విస్పరర్స్‌’కు డాక్యుమెంటరీ షార్ట్‌ సబ్జెక్ట్‌ విభాగంలో ఆస్కార్‌ అవార్డు వచ్చిన సంగతి తెలిసిందే. ఈ డాక్యుమెంటరీ నిర్మాత గునీత్‌ మోంగా శుక్రవారం ముంబై చేరుకున్నారు. ఈ సందర్భంగా ఆమె చేసిన వ్యాఖ్యలు వైరల్‌గా మారాయి. మామూలుగా ఆస్కార్‌ అవార్డు అందుకున్నవారు తమ యాక్సెప్టెన్సీ స్పీచ్‌ను 45 సెకన్లలో పూర్తి చేయాలి. ‘ది ఎలిఫెంట్‌ విస్పరర్స్‌’ దర్శకురాలు కార్తీకి అన్ని సెకన్లలోనే  పూర్తి చేశారు. కానీ నిర్మాత గునీత్‌ మోంగా  కాస్త ఎక్కువ టైమ్‌ తీసుకుని మాట్లాడుతుండగా స్పీచ్‌ ఆపాలన్నట్లుగా వెనకనుంచి మ్యూజిక్‌ ప్లే చేశారు ఆస్కార్‌ నిర్వాహకులు. అలాగని నిర్వాహకులు ఈ 45 సెకన్ల నియమంలో కఠినంగా ఏమీ లేరు. బెస్ట్‌ యానిమేటెడ్‌ షార్ట్‌ ఫిల్మ్‌ విభాగంలో ఆస్కార్‌ అవార్డు గెల్చుకున్న చార్లీ మాక్సే, మ్యాథ్యూ ఫ్రౌండ్‌లు 45 సెకన్ల కన్నా ఎక్కువగా మాట్లాడినా, నిర్వాహకులు అభ్యంతరం వ్యక్తం చేయలేదు. ఈ విషయంపై గునీత్‌ మోంగా స్పందించారు. ‘‘ఇండియాకు తొలి ఆస్కార్‌ అవార్డును సాధించామనే గొప్ప విషయం గురించి చాలా మాట్లాడాలనుకున్నాను. కానీ నా స్పీచ్‌ను కట్‌ చేశారు. షాక్‌ అయ్యాను. ఇండియా తరఫున నేను మాట్లాడే అవకాశాన్ని నా నుంచి ఎవరో లాగేసుకున్నట్లుగా అనిపించింది. నేను మళ్లీ ఆస్కార్‌కు వెళతాను. అప్పుడు తప్పకుండా నా గొంతు మళ్లీ వినిపిస్తాను’’ అని పేర్కొన్నారు గునీత్‌.   అత్యధిక కలెక్షన్ల జాబితాలో ఆర్‌ఆర్‌ఆర్‌ మూడో స్థానం.. భారతీయ చిత్రాల్లో అత్యధిక గ్రాస్‌ కలెక్షన్స్‌ను సాధించిన జాబితాలో ‘ఆర్‌ఆర్‌ఆర్‌’ మూడోస్థానంలో నిలిచింది. ఇదివరకు ఈ స్థానంలో ‘కేజీఎఫ్‌: చాఫ్టర్‌ 2’ ఉండేది. తొలుత అత్యధిక గ్రాస్‌ కలెక్షన్స్‌ను సాధించిన ఇండియన్‌ చిత్రాల జాబితాలో వరుసగా ‘దంగల్‌’ (దాదాపు రూ. 1900 కోట్లు), ‘బాహుబలి: ది కన్‌క్లూజన్‌’(రూ. 1800 కోట్లు),  ‘కేజీఎఫ్‌: చాప్టర్‌ 2’ (రూ. 1230 కోట్లు), ‘ఆర్‌ఆర్‌ఆర్‌’ (దాదాపు రూ. 1150 కోట్లు), ‘పఠాన్‌’ (రూ. 1050 కోట్లు.. ఇంకా ప్రదర్శిత మవుతోంది) ఉన్నాయి. అయితే గత ఏడాది అక్టోబరులో జపాన్‌లో విడుదలైన ‘ఆర్‌ఆర్‌ఆర్‌’ ఇప్పటికీ ప్రదర్శితమవుతోంది. జపాన్‌ బాక్సాఫీస్‌ వద్ద ‘ఆర్‌ఆర్‌ఆర్‌’ ఇప్పటివరకు రూ. 80 కోట్లకు పైగా గ్రాస్‌ కలెక్షన్స్‌ సాధించింది. అలాగే ‘ఆస్కార్‌’ ప్రచారంలో భాగంగా అమెరికాలో ఈ నెల 3న, తెలుగు రాష్ట్రాల్లో ఈ నెల 10న ‘ఆర్‌ఆర్‌ఆర్‌’ను రీ రిలీజ్‌ చేశారు. దీంతో మరికొన్ని కలెక్షన్స్‌ వచ్చాయి. ఈ వసూళ్లు మొత్తాన్ని కలిపితే ‘కేజీఎఫ్‌: చాప్టర్‌ 2’ గ్రాస్‌ కలెక్షన్స్‌ను ‘ఆర్‌ఆర్‌ఆర్‌’ దాటిందని ట్రేడ్‌ విశ్లేషకులు చెబుతున్నారు.