Prabhas Adipurush Movie Day 3 Box Office Collections, Deets Inside - Sakshi
Sakshi News home page

Adipurush Movie: విమర్శల హోరు.. అయినా తగ్గని ఆదిపురుష్‌ జోరు.. మూడో రోజు కలెక్షన్స్‌ ఎంతంటే?

Published Mon, Jun 19 2023 2:01 PM

Adipurush Movie: Day 3 Box Office Collection - Sakshi

ఆదిపురుష్‌ సినిమాను పొగిడేవాళ్లు పొగుడుతున్నారు, తిట్టేవాళ్లు తిడుతున్నారు. ఏదేమైనా భారీ అంచనాల నడుమ విడుదలైన ఈ సినిమా అనుకున్నంత పాజిటివ్‌ స్పందనను మాత్రం రాబట్టలేకపోయింది. పైపెచ్చు వివాదాలు, విమర్శలు సినిమాను చుట్టుముట్టాయి. అయినప్పటికీ ఈ అడ్డంకులను అధిగమించి ఆదిపురుష్‌ సినిమా బాక్సాఫీస్‌ దగ్గర ప్రభంజనం సృష్టిస్తోంది.

మొదటి రోజు రూ.140 కోట్ల గ్రాస్‌ వసూలు చేయగా రెండో రోజు రూ.100 కోట్లు రాబట్టింది. ముచ్చటగా మూడో రోజు కూడా సెంచరీ కొట్టిందీ చిత్రం. దీంతో ఇప్పటివరకు సినిమా కలెక్షన్స్‌ రూ.340 కోట్లకు చేరాయి. ఈ మేరకు స్పెషల్‌ పోస్టర్‌ రిలీజ్‌ చేసింది చిత్రయూనిట్‌. శని, ఆది వారాలు కలిసి వచ్చాయి కాబట్టి సినిమా ఈ రేంజ్‌లో వసూళ్లు రాబట్టింది. సోమవారం నుంచి సినిమాకు అసలు సిసలు పరీక్ష మొదలు కానుంది. ఈరోజు నుంచి వచ్చే కలెక్షన్సే సినిమా ఫలితాన్ని నిర్దేశించనున్నాయి. మరి వీక్‌ డేస్‌లో ఆదిపురుష్‌ ఏ మేర వసూళ్లు రాబడుతుందో చూడాలి!

ఇకపోతే ఆదిపురుష్‌ చిత్రంలో ప్రభాస్‌, కృతీ సనన్‌, సన్నీ సింగ్‌, సైఫ్‌ అలీ ఖాన్‌, దేవదత్తా నాగే.. తదితరులు ముఖ్యపాత్రలు పోషించారు. ఓం రౌత్‌ దర్శకత్వం వహించారు. దాదాపు రూ.500 కోట్ల భారీ బడ్జెట్‌తో నిర్మితమైన ఈ చిత్రం జూన్‌ 16న విడుదలైంది.

చదవండి: రాకేశ్‌ మాస్టర్‌ భౌతిక కాయాన్ని చూసి ఏడ్చేసిన శేఖర్‌, జానీ మాస్టర్‌

Advertisement
 

తప్పక చదవండి

Advertisement