Pulivendula

సాక్షి, అమరావతి: వైఎస్సార్‌ జిల్లా, పులివెందుల మున్సిపాలిటీ ఎన్నికలు స్వేచ్ఛగా, నిష్పక్షపాతంగా, ప్రశాంత వాతావరణంలో నిర్వహించేలా తగిన ముందస్తు రక్షణ చర్యలు తీసుకోవాలని కోరుతూ కడప ఎంపీ వైఎస్‌ అవినాశ్‌రెడ్డి సమర్పించిన వినతి పత్రాన్ని పరిగణనలోకి తీసుకోవాలని హైకోర్టు శుక్రవా­రం ఎన్నికల సంఘాన్ని ఆదేశించింది. ఈ వినతిపై తగిన నిర్ణయాన్ని వెలువరించాలని స్పష్టం చేసింది. తదుపరి విచారణను నవంబర్‌ 2కి వాయిదా వేసింది. ఈ మేరకు న్యాయమూర్తి జస్టిస్‌ మండవ కిరణ్మయి శుక్రవారం ఉత్తర్వులు జారీ చేశారు. 2025లో జరిగిన పులివెందుల జెడ్పీటీసీ ఉపఎన్నికల్లో అధికార పార్టీ నాయకులు, బయటి ప్రాంతాల నుంచి వచ్చి­­న వారు పెద్ద ఎత్తున రిగ్గింగ్‌కు పాల్పడ్డారని, ఓటర్లను భయభ్రాంతులకు గురిచేశారని, ఈ నేపథ్యంలో త్వరలో జరిగే ము­ని­సిపల్‌ ఎన్నికలు ప్ర­శాం­తంగా సాగేందుకు చర్యలు తీసుకోవాలని కోరు­తూ వైఎస్సార్‌సీపీ ఎంపీ వైఎస్‌ అవి­నాశ్‌­రెడ్డి ఇటీవల రాష్ట్ర ఎన్నికల సంఘానికి వినతి పత్రం ఇచ్చారు. అయితే ఎస్‌ఈసీ ఈ వినతి పత్రాన్ని జిల్లా ఎస్‌పీకి పంపి చేతులు దులుపుకుంది. దీంతో రాష్ట్ర ఎన్నికల సంఘం నిర్లిప్తతను ప్రశ్నిస్తూ అవినాశ్‌రెడ్డి, పులివెందుల మున్సిపల్‌ అభ్యర్థి వైఎస్‌ ప్రమీలమ్మ శుక్రవారం అత్యవసరంగా హైకోర్టును ఆశ్రయించారు. పిటిషనర్ల తరఫున సీనియర్‌ న్యాయవాది సుబ్రమణ్య శ్రీరాం వాదనలు వినిపించారు. జెడ్పీటీసీ ఉపఎన్నికల్లో విధ్వంసమే పునరావృతమయ్యే అవకాశం 2025లో జరిగిన పులివెందుల జెడ్పీటీసీ ఉపఎన్నికల్లో అధికార పార్టీ నేతలు విధ్వంసం సృష్టించారు. పోలింగ్‌ ఏజెంట్లను అడ్డుకున్నారు. ఇప్పుడు మున్సిపల్‌ ఎన్నికలలో కూడా అలాంటి పరిస్థితులే పునరావృతమయ్యే అవకాశం ఉంది. పులివెందుల మున్సిపాలిటీకి సంబంధం లేని ఇతర ప్రాంతాల రాజకీయ నాయకులు, కార్యకర్తలు ఎన్నికల ప్రచారం ముగిసిన తర్వాత కూడా మున్సిపల్‌ పరిధిలోనే తిరుగుతూ ఓటర్లను భయపెడుతున్నారు.పులివెందుల మున్సిపాలిటీలోని సమస్యాత్మక పోలింగ్‌ స్టేషన్లను గుర్తించి తగిన పోలీస్‌ బందోబస్తును ఏర్పాటు చేయాలి. ఓటర్లను భయపెట్టకుండా, పోలింగ్‌ ఏజెంట్లను అడ్డుకోకుండా ఉండేందుకు కఠిన చర్యలు తీసుకోవాలి. పులివెందుల స్థానికులు కాని ఇతర ప్రాంతాల రాజకీయ నాయకులు, కార్యకర్తలు ప్రచారం ముగిసిన వెంటనే మున్సిపల్‌ సరిహద్దులను దాటి వెళ్లిపోయేలా ఆదేశాలు ఇవ్వాలి. అన్ని పోలింగ్‌ కేంద్రాల వద్ద నిరంతర సీసీటీవీ నిఘా, వెబ్‌కాస్టింగ్, వీడియోగ్రఫీ ఏర్పాట్లు చేసేలా ఎన్నికల సంఘాన్ని ఆదేశించాలి. – పిటిషనర్ల తరఫున సీనియర్‌ న్యాయవాది సుబ్రమణ్య శ్రీరాం వాదనలు

సాక్షి, అమరావతి: వైఎస్సార్‌సీపీ కంచుకోట పులివెందులలో టీడీపీకి అనుకూలంగా భారీ రిగ్గింగ్‌కు ముఖ్యమంత్రి చంద్రబాబు బరితెగిస్తున్నారు. సజావుగా పోలింగ్‌ జరిగితే పులివెందులలో వైఎస్సార్‌సీపీ ఘన విజయం ఖాయమన్నది బహిరంగ రహస్యమే. అందుకే అసలు పోలింగ్‌ ప్రక్రియను పూర్తిగా హైజాక్‌ చేసేందుకు టీడీపీ కూటమి పక్కా పన్నాగానికి తెరతీసింది. సామాన్య ఓటరు అన్నవారు ఎవరూ కనీసం పోలింగ్‌ బూత్‌ దరిదాపులకూ వెళ్లకుండా బీభత్సం సృష్టించాలని లక్ష్యంగా పెట్టుకుంది. మరోవైపు పోలింగ్‌ బూత్‌లను పూర్తిగా ఆధీనంలోకి తీసుకోవాలని, యథేచ్ఛగా రిగ్గింగ్‌కు పాల్పడేందుకు కుట్రపన్నింది. దీనికోసం ఇతర నియోజకవర్గాల నుంచి టీడీపీ రౌడీమూకలను ఇప్పటికే మోహరించింది. ఇతర ప్రాంతాల నుంచి వచ్చిన టీడీపీ రౌడీ మూకలే అల్లర్లు సృష్టించి.. ఇదంతా వైఎస్సార్‌సీపీ కార్యకర్తలే చేస్తున్నారని దుష్ప్రచారం చేయాలన్నది కుట్రలో ప్రధాన భాగం. వెంటనే ఎల్లో మీడియా, టీడీపీ సోషల్‌ మీడియా అదే దుష్ప్రచారంతో ప్రజలను తప్పుదోవ పట్టించేందుకు రంగంలోకి దిగేందుకు వ్యూహం పన్నుతున్నాయి. అందుకోసమే కాచుకుని ఉన్న పోలీసులు వెంటనే వైఎస్సార్‌సీపీ నేతలు, కార్యకర్తలను కట్టడి చేసేందుకు విరుచకుపడాలని ప్రణాళిక రచించినట్టు సమాచారం. మాజీ ముఖ్యమంత్రి వైఎస్‌ జగన్‌మోహన్‌రెడ్డికి నోటీసులు ఇవ్వడంతోపాటు హౌస్‌ అరెస్టు చేసేందుకు కూడా సన్నద్ధమవుతుండడం ప్రభుత్వ కుట్రకు పరాకాష్ట. ఇక ఎంపీ అవినాశ్‌ రెడ్డి, ఇతర కీలక నేతలు, ప్రధాన కార్యకర్తలను అక్రమ అరెస్టులతో కట్టడి చేసేందుకు రంగం సిద్ధం చేస్తోంది. ముఖ్యమంత్రి కార్యాలయం, డీజీపీ కార్యాలయం పర్యవేక్షణలో.. డీఐజీ కోయ ప్రవీణ్, ఎస్పీ విశ్వనాథ్‌ సూత్రధారులుగా... టీడీపీ రౌడీ మూకలు పాత్రధారులుగా పోలింగ్‌ రోజు బీభత్సం సృష్టించేందుకు సన్నద్ధమవుతోంది. రాష్ట్ర చరిత్రలోనే కనీవినీ ఎరుగని రీతిలో రిగ్గింగ్‌తో బెంబెలెత్తించేందుకు చంద్రబాబు ప్రభుత్వ పక్కా స్కెచ్‌ ఇలా ఉంది. పోలింగ్‌ ప్రక్రియ హైజాక్‌కు చంద్రబాబు కుట్ర పులివెందుల మున్సిపాలిటీలో టీడీపీ ఎన్నికల అక్రమాలు అంతూపొంతూ లేకుండా సాగుతున్నాయి. మున్సిపాలిటీ పరిధిలోని 40 వార్డుల్లో వైఎస్సార్‌సీపీ అభ్యర్థుల నామినేషన్లను అడ్డుకునేందుకు టీడీపీ బరితెగించి గూండాగిరీతో బెంబేలెత్తించిన విషయం తెలిసిందే. టీడీపీ ఆవిర్భావం నుంచి పులివెందుల నియోజకవర్గంలో ఆ పార్టీ ఒక్కసారి కూడా గెలవనే లేదు. గతంలో పులివెందుల మేజర్‌ పంచాయతీలో, అనంతరం మున్సిపాలిటీగా మారిన తరువాత కూడా టీడీపీ ఒక్కసారి కూడా విజయం సాధించలేకపోయింది. వైఎస్‌ రాజశేఖరరెడ్డి కుటుంబానికి పులివెందుల పెట్టని కోటగా నిలుస్తోంది. అటువంటి పులివెందుల మున్సిపాలిటీలో సక్రమంగా ఎన్నికలు నిర్వహిస్తే ఈసారి కూడా టీడీపీ అభ్యర్థి డిపాజిట్‌ గల్లంతే అవుతుందన్నది సుస్పష్టం. అందుకే అసలు ఎన్నికల ప్రక్రియనే హైజాక్‌ చేసి అడ్డదారిలో విజయం సాధించేందుకు చంద్రబాబు కుతంత్రానికి తెరతీశారు. మున్సిపాలిటీ నామినేషన్ల ప్రక్రియకు ముందు నుంచే టీడీపీ గూండాలు దాడులు, దౌర్జన్యాలతో భీతావహ పరిస్థితులు సృష్టించారు.మొత్తం 40 వార్డులలో కూడా వైఎస్సార్‌సీపీ అభ్యర్థులు కనీసం నామినేషన్‌ కూడా వేయకుండా అడ్డుకోవడమే లక్ష్యంగా విధ్వంసకాండకు పాల్పడ్డారు. యావత్‌ పోలీసు యంత్రాంగం టీడీపీ గూండాగిరీకి కొమ్ముకాసింది. వైఎస్సార్‌సీపీకి తిరుగులేని పట్టున్న పులివెందుల మున్సిపాలిటీలో 20 వార్డులలో ఆ పార్టీ అభ్యర్థులు నామినేషన్‌ వేయకుండా అడ్డుకోవడమే అందుకు తార్కాణం.అయినా సరే టీడీపీ, పోలీసుల బెదిరింపులు, దాడులను ఎదురొడ్డి మరీ 20 వార్డులలో వైఎస్సార్‌సీపీ అభ్యర్థులు నామినేషన్లు వేశారు.ఘర్షణలు సృష్టిద్దాం... అక్రమ అరెస్టులు చేసేద్దాం...ఇదీ చంద్రబాబు పన్నాగం వైఎస్‌ జగన్, ఎంపీ అవినాశ్‌లపై పోలీసుల గురి భారీ ఎత్తున అక్రమ అరెస్టులకు కుతంత్రం పులివెందులలో పోలింగ్‌ రోజు అంటే నవంబరు 1న తెల్లవారుజామునే ఘర్షణలు సృష్టించేందుకు టీడీపీ, పోలీసు యంత్రాంగం కుతంత్రం పన్నింది. అందుకోసం ప్రత్యేకంగా 500మంది గూండాలను ఇతర ప్రాంతాల నుంచి రప్పించినట్టు విశ్వసనీయ సమాచారం. మున్సిపాలిటీ పరిధిలో రెండు మూడు చోట్ల టీడీపీ గూండాలు ఉద్దేశపూర్వకంగానే వైఎస్సార్‌సీపీ నేతలు, కార్యకర్తలతోపాటు సామన్యులపై దాడులకు తెగబడేందుకు సన్నద్ధమవుతున్నారు. తద్వారా మున్సిపాలిటీలో ఘర్షణలు సృష్టించాలన్నది లక్ష్యం. అందుకోసమే కాచుకుని ఉన్న టీడీపీ వీర విధేయ పోలీసు అధికారులు రంగ ప్రవేశం చేస్తారు. వాస్తవంగా దాడులు, ఘర్షణలకు పాల్పడిన టీడీపీ గూండాలపై మాత్రం ఎటువంటి చర్యలూ తీసుకోరు. కానీ శాంతిభద్రతల సమస్య తలెత్తింది. ముందస్తు చర్యల పేరుతో వైఎస్సార్‌సీపీ నేతలు, కార్యకర్తలను అక్రమంగా అరెస్టు చేయాలన్నది అసలు పన్నాగం. ముందుగా వైఎస్సార్‌సీపీ అధినేత. మాజీ ముఖ్యమంత్రి వైఎస్‌ జగన్‌ మోహన్‌ రెడ్డినే అక్రమంగా అరెస్టు చేయాలన్నది పోలీసు శాఖ లక్ష్యమని విశ్వసనీయ సమాచారం. ఆయన తన ఓటు హక్కు వినియోగించుకున్న తరువాత హౌస్‌ అరెస్టు చేయాలన్నది ప్రభుత్వ పెద్దల పన్నాగంగా ఉంది. అదే ఊపులో ఎంపీ అవినాశ్‌ రెడ్డితోపాటు వైఎస్సార్‌సీపీ ప్రధాన నేతలు, ద్వితీయ శ్రేణినేతలు, కార్యకర్తలను భారీస్థాయిలో ముందస్తు అరెస్టులు చేయాలన్నది కుతంత్రం. భారీ సంఖ్యలో వైఎస్సార్‌సీపీ నేతలను అదుపులోకి తీసుకుని తరలించేందుకు పులివెందులలో ఓ కల్యాణ మండపాన్ని కూడా ఇప్పటికే గుర్తించి సిద్ధం చేశారు. ఆ విధంగా వైఎస్‌ జగన్‌మోహన్‌ రెడ్డి, ఎంపీ అవినాశ్‌రెడ్డిలతోపాటు వైఎస్సార్‌సీపీ నేతలు, శ్రేణులను సాయంత్రం పోలింగ్‌ ముగిసే వరకు బయటకు రాకుండా కట్టడి చేయడమే ప్రభుత్వ పెద్దల లక్ష్యమన్నది సుస్పష్టమవుతోంది.బాబులో గుబులు..మున్సిపల్‌ చైర్‌పర్సన్‌ అభ్యర్థిగా వైఎస్‌ ప్రమీలమ్మ నామినేషన్‌ వేసి బరిలో నిలిచారు. దాంతో నవంబరు 1న పోలింగ్‌ నిర్వహించక తప్పనిసరి పరిస్థితి ఎదురవడంతో చంద్రబాబులో గుబులు మొదలైంది. సజావుగా పోలింగ్‌ నిర్వహిస్తే వైఎస్సార్‌సీపీ విజయం ఖాయమని ఆయనకు తెలుసు. అందుకే రెండో దశ విధ్వంసకాండకు పక్కా పన్నాగం పన్నారు. దాడులు, దౌర్జన్యాలతో వైఎస్సార్‌సీపీ అభ్యర్థులు, నేతలు, కార్యకర్తలతోపాటు సామాన్య ఓటర్లను బెంబేలెత్తించడం... తద్వారా మొత్తం పోలింగ్‌ ప్రక్రియనే హైజాక్‌ చేసేయడం... అదే అదనుగా టీడీపీకి అనుకూలంగా భారీ రిగ్గింగ్‌కు పాల్పడేందుకు పక్కాగా పన్నాగం పన్నారు. ఈ మొత్తం ఎన్నికల అక్రమాల బాధ్యతను డీఐజీ కోయ ప్రవీణ్‌కు అప్పగించింది ముఖ్యమంత్రి కార్యాలయం. టీడీపీ వీర విధేయ ఐపీఎస్‌గా గుర్తింపు పొందిన ఆయన రెండున్నరేళ్లుగా రాయలసీమలో దందా సాగిస్తూ బెంబేలెత్తిస్తున్న విషయం తెలిసిందే. ప్రస్తుతం పులివెందుల మున్సిపల్‌ ఎన్నికల రిగ్గింగ్‌ బాధ్యతను కూడా ఆయన భుజానికెత్తుకున్నట్టు పోలీసువర్గాలే వ్యాఖ్యానిస్తున్నాయి. డీజీపీ కార్యాలయం పర్యవేక్షణలో కడప ఎస్పీ విశ్వనాథ్, ఇతర పోలీసు అధికారులను పాత్రధారులుగా చేసుకుని కోయ ప్రవీణ్‌ పోలింగ్‌ ప్రక్రియను టీడీపీకి అనుకూలంగా హైజాక్‌ చేసేందుకు పక్కా స్కెచ్‌ వేశారు. యథేచ్ఛగా రిగ్గింగ్‌ స్కెచ్‌మొత్తం వైఎస్సార్‌సీపీ నేతలు, శ్రేణుల అక్రమ అరెస్టుతో టీడీపీ ఎన్నికల అక్రమాలకు మార్గం సుగమం చేయాలన్నది పోలీసు పెద్దల కుతంత్రం. ఈ క్రమంలో ఇతర ప్రాంతాల నుంచి ముందుగా రప్పించిన టీడీపీ గూండాలను రంగంలోకి దించుతారు. ఎన్నికల నిబంధనల ప్రకారం మున్సిపాలిటీ పరిధిలో ప్రజలు కానివారు.. పోలింగ్‌ రోజున అక్కడ ఉండ కూడదు. కానీ బీజేపీలో టీడీపీ కోవర్ట్‌ ఎమ్మెల్యేగా ఉన్న ఆదినారాయణరెడ్డి, టీడీపీ మాజీ ఎమ్మెల్సీ బీటెక్‌ రవి మాత్రం ఈ నిబంధనలను పట్టించుకోవడమే లేదు. జమ్మలమడుగు, కమలాపురం తదితర నియోజకవర్గాల నుంచి టీడీపీ గూండాలు, కార్యకర్తలను భారీస్థాయిలో రప్పిస్తున్నారు. ఒక్కో పోలింగ్‌ బూత్‌కు 100 మంది చొప్పున మోహరించాలన్నది లక్ష్యం. మొత్తం 80 పోలింగ్‌ బూత్‌లను తమ ఆధీనంలోకి తీసుకునేందుకు అన్ని ఏర్పాట్లూ చేశారు. పోలింగ్‌కు ముందు రోజు అంటే అక్టోబరు 31 సాయంత్రానికే వారంతా పులివెందులలో తిష్ట వేస్తారు. పోలింగ్‌ రోజున అంటే నవంబరు 1న వైఎస్సార్‌సీపీ నేతలను అక్రమంగా అరెస్టు చేయగానే.. వారంతా రంగంలోకి దిగుతారు. బూత్‌లను క్యాప్చర్‌ చేయడం.. వైఎస్సార్‌సీపీ ఏజెంట్లను బెదిరించడం.. వైఎస్సార్‌సీపీ ఓటర్లు, తటస్థ ఓటర్లను పోలింగ్‌ బూత్‌ల వద్ద అడ్డుకోవడం.. వారు ఎవరూ ఓటు వేసేందుకు అనుమతించక పోవడం.. ఓటరు స్లిప్పులను చింపి వేయడం.. దాడులకు పాల్పడటం...తరిమి కొట్టడం.. ఇలా దేనికైనా సరే బరితెగిస్తారు. తటస్థ ఓటర్లను సైతం ఓటు హక్కు వినియోగించుకోనివ్వకూడదని ప్రభుత్వ పెద్దలు ఆదేశించినట్లు తెలిసింది. మరోవైపు టీడీపీ గూండాలే పోలింగ్‌ బూత్‌లలో దూరి టీడీపీకి అనుకూలంగా రిగ్గింగ్‌కు పాల్పడాలన్నది పన్నాగం. జమ్మలమడుగు, కమలాపురం ప్రాంతాల నుంచి భారీగా మహిళలను కూడా తీసుకొచ్చి వారిని స్థానిక ఓటర్లుగా చూపిస్తూ దొంగ ఓట్లు వేయించాలన్నది టీడీపీ పన్నాగంలో ఓ కీలక అంశం.పోలీసులతో కలిసి పక్కా కుతంత్రం అన్ని వార్డుల్లో బరితెగించి రిగ్గింగ్‌కు పాల్పడి టీడీపీని అడ్డదారిలో గెలిపించేందుకు ప్రభుత్వ పెద్దలు, పోలీసు బాస్‌లు పక్కా కుతంత్రానికి పదును పెడుతున్నారు. అందుకోసం ఎంతటి విధ్వంసానికైనా పాల్పడండి... ఎందరిపైనా అయినా దాడులు, దౌర్జన్యాలకు తెగబడండి...మేం అండగా ఉంటామని గూండాలు, సంఘ విద్రోహ శక్తులకు పచ్చజెండా ఊపారు. పులివెందులలో టీడీపీ రిగ్గింగ్‌కు సన్నద్ధమవుతున్న తీరుపై వైఎస్సార్‌సీపీ ఎన్నికల కమిషన్‌తోపాటు పోలీసు అధికారుల దృష్టికి తీసుకువెళ్లింది. కానీ చంద్రబాబు మాటే శిరోధార్యంగా అటు ఎన్నికల కమిషన్‌ ఇటు పోలసు యంత్రాంగం టీడీపీ రిగ్గింగ్‌కు వత్తాసు పలుకుతుండటం విభ్రాంతి కలిగిస్తోంది. పులివెందుల మున్సిపాలిటీలో అడ్డదారిలో విజయం సాధించేందుకు చంద్రబాబు బరితెగించి సాగిస్తున్న విధ్వంసకాండ దిగజారుడు రాజకీయాలకు నిదర్శనంగా నిలుస్తోంది.

స్థానిక ఎన్నికల్లో అంతులేని అక్రమాలు, దౌర్జన్యాలు, ఏకంగా నామినేషన్ల కేంద్రాలనే రిగ్గింగ్‌ చేస్తున్న దుస్థితి. వైఎస్సార్‌సీపీ అభ్యర్థులను నామినేషన్‌ వేయనివ్వడం లేదు. అభ్యర్థుల చేతిలోని నామినేషన్‌ పత్రాలు లాక్కుని చింపేస్తున్నారు. చివరకు ఆర్‌వో చేతుల్లోని పత్రాలు కూడా లాక్కుంటున్నారు. అయినా ఆర్‌ఓలు ఫిర్యాదు చేయడం లేదు. ఇదంతా పోలీసుల సమక్షంలోనే జరుగుతున్నా కళ్లు మూసుకున్నారు. ఇన్ని జరుగుతున్నా ఎస్‌ఈసీ అస్సలు పట్టించుకోవడం లేదు. చంద్రబాబు కుట్రలో అందరూ భాగస్వాములవుతున్నారు. మా టైమ్‌ తప్పక వస్తుంది.. అప్పుడు వడ్డీతో సహా చెల్లిస్తాం. విపక్షం నామినేషన్లు వేయకుండానే ఎన్నికలు ఏకగ్రీవం అంటూ నిస్సిగ్గుగా ప్రచారం.. ఆపై ఎల్లో మీడియాలో జోరుగా కథనాల పర్వం.. పోటీలో ఎవరూ లేకుండా చేసి గెల్చామంటూ సంబరాలు చేసుకోవడానికి మీకు ఏ మాత్రం సిగ్గు, బుద్ధి, జ్ఞానం ఉన్నాయా? అసలు స్థానిక ఎన్నికంటే మీకెందుకంత భయం? అలాంటప్పుడు ఎన్నికల నిర్వహణ డ్రామా ఎందుకు? ఇన్ని దారుణాలు చేస్తున్నందుకు సిగ్గు పడాలి. రేపు పులివెందులలో పోలింగ్‌ రోజు నేను ఇక్కడే ఉంటాను. ప్రతి అభ్యర్థికి, కార్యకర్తకు అండగా నిలబడతాను. దమ్ముంటే అక్రమాలు చేసి చూపండి. ఇప్పుడు మీరు మా పార్టీ కార్యకర్తలను వేధిస్తున్నారు. వారిపై పడుతున్న ప్రతి దెబ్బ నా మీద పడుతున్నట్లే. ఇప్పుడు మీ టైమ్‌ నడుస్తోంది. అందుకే రెచ్చి పోతున్నారు. రేపు మా టైమ్‌ వచ్చినప్పుడు అక్రమాలకు పాల్పడ్డ వారిని వదిలే ప్రసక్తే లేదు. ఎక్కడ ఉన్నా తీసుకొచ్చి చట్టం ముందు నిలబెడతాం. పోలీసులు, అధికారులు ఇకనైనా వైఖరి మార్చుకొండి. మీరు సేవ చేయాల్సింది చంద్రబాబుకు కాదు. భారత రాజ్యాంగానికి లోబడి పని చేయండి. ఈ వ్యవస్థను గౌరవిస్తూ, మీ బాధ్యతలు నెరవేర్చండి. – వైఎస్‌ జగన్‌సాక్షి ప్రతినిధి, కడప: స్థానిక సంస్థల ఎన్నికల్లో వెన్నుపోటు పార్టీ కూటమి ప్రభుత్వం ఇకపై అక్రమాలకు పాల్పడితే.. పులివెందులలో కొడితే గూబ గుయ్యిమంటుందని.. అది రాష్ట్రమంతా వినిపిస్తుందని వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి తీవ్రంగా హెచ్చరించారు. మీ వెంట నేనున్నాను.. తిరగబడండని పార్టీ శ్రేణులు, ప్రజలకు పిలుపునిచ్చారు. మున్సిపల్‌ పోలింగ్‌ రోజున తాను పులివెందులలో ఉంటానని.. వెన్నుపోటు పార్టీ కూటమి ప్రభుత్వానికి దమ్ముంటే, అక్రమాలు చేసి చూపాలని సవాల్‌ విసిరారు. ‘స్థానిక ఎన్నికల్లో ఓటింగ్‌కు ముందు రోజు రాత్రి నేను ఇక్కడికే వస్తాను. ఓటింగ్‌ రోజున మీ జగన్‌ కూడా బూత్‌లోకి వెళ్లి ఓటు వేస్తాడు. అయినా అన్యాయం చేయడానికి ముందుకు వస్తారా.. రండి. స్లీవ్‌ (చొక్కా చేతులు) ఎట్లాగూ మడిచాం. ఎంత మంది వస్తారో రండి. గట్టిగా తగులుదాం. నిలబడి మేమేంటో చూపిస్తాం’ అని హెచ్చరించారు. ప్రజాస్వామ్యంలో ఎవరు మంచి చేశారో వారికే ప్రజలు తోడుగా నిలబడతారన్న సంకేతాన్ని కచ్చితంగా పంపిస్తామన్నారు. వైఎస్సార్‌ జిల్లా పులివెందులలోని భాకరాపురం క్యాంప్‌ కార్యాలయంలో మంగళవారం నియోజకవర్గ స్థాయి పార్టీ అభ్యర్థులు, పార్టీ నాయకులు, కార్యకర్తల సమావేశంలో ఆయన మాట్లాడారు. రాష్ట్రంలో జరుగుతున్న స్థానిక సంస్థల ఎన్నికల్లో కౌరవుల కుట్రలు కనిపిస్తున్నాయని చెప్పారు. శకునిలా చంద్రబాబు విసిరిన మాయా పాచికలు కూడా స్పష్టంగా కనబడుతున్నాయని.. ప్రజాస్వామ్యాన్ని కాపాడాల్సిన వారే దాన్ని ఖూనీ చేస్తున్నారని మండిపడ్డారు. స్థానిక ఎన్నికల్లో అంతులేని అక్రమాలు, దౌర్జన్యాలు సాగిస్తున్నారని నిప్పులు చెరిగారు. ఏకంగా నామినేషన్ల పర్వంలోనే చంద్రబాబు రిగ్గింగ్‌కు పాల్పడుతున్నారని, యథేచ్ఛగా నామినేషన్‌ కేంద్రాలను ఆక్రమించి, వైఎస్సార్‌సీపీ అభ్యర్థులను నామినేషన్‌ వేయనివ్వలేదని ధ్వజమెత్తారు. అభ్యర్థుల చేతిలోని నామినేషన్‌ పత్రాలు లాక్కుని చింపేస్తున్నారని, చివరకు ఆర్‌ఓ చేతుల్లోని పత్రాలు కూడా లాక్కుంటున్నారని, అయినా వారు ఎక్కడా ఫిర్యాదు చేయడం లేదని ఆగ్రహం వ్యక్తం చేశారు. ఇవన్నీ పోలీసుల సమక్షంలోనే జరుగుతున్నా, వారు చోద్యం చూస్తున్నారన్నారు. రాష్ట్రంలో ఇంత జరుగుతున్నా రాష్ట్ర ఎన్నికల కమిషన్‌ (ఎస్‌ఈసీ) అస్సలు పట్టించుకోవడం లేదని ఆక్షేపించారు. ఇప్పుడు అన్యాయంగా తమ పార్టీ అభ్యర్థులు, కార్యకర్తలు, నాయకులను వేధిస్తున్నారని.. వారిపై పడుతున్న ప్రతి దెబ్బ తనపైనే పడుతోందని, భవిష్యత్తులో తమ టైమ్‌ వచ్చినప్పుడు వడ్డీతో సహా బదులిస్తామని స్పష్టం చేశారు. ఇప్పుడు తప్పు చేస్తున్న ఎవ్వరినీ విడిచిపెట్టబోమని, వారు ఎక్కడున్నా.. చివరకు రిటైర్‌ అయినా సరే తీసుకొచ్చి చట్టం ముందు నిలబెడతామని చెప్పారు. చేసిన తప్పుకు శిక్ష తప్పదని హెచ్చరించారు ఈ సమావేశంలో వైఎస్‌ జగన్‌ ఇంకా ఏం మాట్లాడారంటే.. శకుని పాచికల్లా చంద్రబాబు రాజకీయం నిజంగా ఈ రోజు ఎన్నికలు జరుగుతున్న తీరు చూస్తుంటే, మహాభారతంలో కౌరవుల కుతంత్రాలన్నీ కనిపిస్తున్నాయి. చంద్రబాబులో శకుని క్యారెక్టర్‌ కనిపిస్తుంది. ఆ రోజు ఏ రకంగా అయితే శకుని మాయా పాచికలు వేసి, తనకు అనుకూలంగా జూదాన్ని మల్చుకున్నాడో, సరిగ్గా ఈరోజు చంద్రబాబు అదే పని చేస్తూ అధికారాన్ని తనకు అనుకూలంగా మార్చుకుంటూ దుర్వినియోగం చేస్తున్నారు. ఆ రోజు ఆ సభలో పక్కనే ఉన్న వాళ్లంతా అలా చూస్తూ ఉండిపోయి.. శకునికి, దుర్యోధనుడికి సహకరించినట్లే.. ఈ రోజు పోలీసులు, అధికారగణం చంద్రబాబుకు పూర్తిగా సహకరిస్తోంది. ఎస్‌ఈసీ, పోలీస్‌ అధికారులు, మిగిలిన అధికారులు ఏ మాత్రం స్పందించరు. వ్యవస్థలన్నీ పూర్తిగా నీరు గారి తానా అంటే తందానా అంటూ చంద్రబాబునాయుడుకు సపోర్ట్‌ చేస్తున్న పరిస్థితి కనిపిస్తోంది. ప్రజాస్వామ్యాన్ని పరిరక్షించాల్సిన వారే ఖూనీ చేస్తున్న పరిస్థితి చూసినప్పుడు బాధ అనిపిస్తుంది. భావితరాలకు మనం ఎలాంటి లీడర్లను ఇవ్వబోతున్నాం.. ఎలాంటి మెసేజ్‌ ఇవ్వబోతున్నాం అన్నది ఈరోజు చంద్రబాబు పాపంలో భాగస్తులైన ప్రతి అధికారి, ప్రతి పోలీసు, ఎస్‌ఈసీ, ప్రతి వ్యవస్థ ఆలోచించాలి. నామినేషన్ల పర్వంలోనే రిగ్గింగ్‌ గతంలో పోలింగ్‌ బూత్‌లు స్వా«దీనం చేసుకుని రిగ్గింగ్‌ చేయడం చూశాం. ఇప్పుడు ఏకంగా నామినేషన్ల పర్వంలోనే రిగ్గింగ్‌ చూస్తున్నాం. ఇలా ఇంత వరకు బహుశా దేశ చరిత్రలో ఎప్పుడూ జరిగి ఉండదు. నామినేషన్‌ సెంటర్లను ఆక్రమించుకోవడం అన్నది ఇంత వరకు దేశంలోనే ఎక్కడా చూసి ఉండం. ఇప్పుడు మన రాష్ట్రంలో చంద్రబాబునాయుడు సీఎంగా ఉండగా, ఆ పరిస్థితి చూస్తున్నాం. ప్రజాస్వామ్యం ఎంత దరిద్రంగా ఉందో చెప్పడానికి నిదర్శనాలు ఇవి. పోటీయే లేకుండా గెల్చామంటూ సంబరాలా! మామూలుగా ఎక్కడ పోటీ జరిగినా, అందరూ పాల్గొంటారు. అప్పుడు గెలిచి, నేను గెలిచానని గర్వంగా కాలర్‌ ఎగరేసుకొని చెప్పుకునే పరిస్థితి చూస్తాం. కానీ ఇవాళ పోటీలో మిగిలిన ప్లేయర్లను ఎవ్వరినీ రానివ్వకుండా, వారికి ఆడే అవకాశం ఇవ్వకుండా, వారిని తప్పించి.. ఆ తర్వాత మేమే గెలిచామంటూ సంకలు గుద్దుకుంటున్నారు. ఇలాంటి వాళ్లను బహుశా ఎక్కడా చూసి ఉండం. పోటీ అంటే నువ్వు తలపడు.. నేనూ తలపడుతా.. ప్రజలు ఎవరికి ఓటు వేయాలనుకుంటే వారికే వేస్తారు. ప్రజలు ఒకవేళ నీకు ఓటు వేస్తే నువ్వు సంతోషపడు. నాకు ఓటు వేస్తే, నేను సంతోషపడతా.. దాన్ని పోటీ అంటారు. సిగ్గు, బుద్ధి, జ్ఞానం ఉన్నాయా? ఇవాళ అసలు పోటీ అనేది ఉండదు. అటువైపున పోటీ పడే మనిషి ఉండకూడదు. అలాంటి పోటీ లేకుండా గెలిచి, గెలిచాము అని చెప్పి, ఆ రౌడీయిజాన్ని, ఆ దౌర్జన్యాన్ని ఈ మాదిరిగా బ్యానర్లుగా రాస్తున్నారు. ‘‘17 పట్టణ స్థానిక సంస్థల్లో మొత్తం కూటమి ఖాతాల్లోకి’’ అని రాశారు. ఈ మాదిరిగా వాళ్ల పేపర్లలో వాళ్లు గొప్పగా ఏదో చేసినట్టుగా రాసుకుంటారు. ౖచైర్‌ప­ర్సన్‌ ఎన్నికల్లో తెలుగుదేశం పారీ్టకి 15, జనసేనకు ఒకటి, బీజేపీకి ఒకటి. అన్నీ ఏకగ్రీవం అట! మొత్తం వార్డుల్లో 21.08 శాతం, డివిజన్లలో 12.58 శాతం ఏకగ్రీవం అట! జగన్‌ సొంత జిల్లాలో కూటమి ఖాతాల్లోకి ఆరు పురపాలక సంఘాలట! నగర పంచాయతీలు కూడానట! మాజీ మంత్రి పెద్దిరెడ్డి అడ్డాలో తెలుగుదేశం జెండా అట! ఇవి వాళ్ల కరపత్రం ఈనాడులో వార్తలు. సిగ్గు, బుద్ధి, జ్ఞానం ఉన్న వాళ్లు ఎవరైనా ఈ మాదిరిగా ఎన్నికలు జరిపించి, ఇలా ఎన్నికల్లో గెలిచామని చెప్పి సంకలు గుద్దుకుంటారా.. అంటే, వాళ్లకన్నా తెలివి లేనోళ్లు ఈ ప్రపంచ చరిత్రలో ఎవరైనా ఉంటారా అని అడుగుతున్నా. అసలు మీకు ఎన్నికలంటే ఎందుకు భయం? ఎన్నికల్లో పోటీ పెట్టించడానికి ఎందుకు భయపడుతున్నారని చంద్రబాబునాయుడును, ఆయనకు వత్తాసు పలుకుతున్న ఇలాంటి దిక్కుమాలిన పేపర్లు, దిక్కుమాలిన టీవీలు, ఇలాంటి వాళ్లందరినీ అడుగుతున్నాను. అందుకు కారణం ఒక్కటే. సూపర్‌ సికుŠుస్ల లేవు, సూపర్‌ సెవెన్లు లేవు. గత ఎన్నికలప్పుడు ఇంటింటికీ పంచిన బాండ్లను ఎవరూ మర్చిపోలేదు. ప్రజలంతా ఆ బాండ్లు చూపించి తెలుగుదేశం పార్టీని నిలదీసే పరిస్థితి వచ్చింది. అదే చర్చ ప్రతి ఇంట్లో జరుగుతోంది. ఏకంగా 143 హామీలు ఇచ్చి, దాదాపు మూడేళ్లు అవుతుంటే వాటిని బోడి సున్నా చేశారు. అందుకే ఈరోజు ప్రజల దగ్గరికి వెళ్లే ముఖం లేక, ఎన్నికల్లో పోటీకి నిలబడే ధైర్యం లేక, మాయా పాచికలతో చంద్రబాబు శకుని రాజకీయం చేస్తున్నారు. ఇలా జరుగుతుంటే సిగ్గనిపించడం లేదా? మీ వల్ల అందరికన్నా ఎక్కువగా నష్టపోయింది ఎవరో తెలుసా.. అని చంద్రబాబు, ఈ దౌర్భాగ్యపు పేపర్లు, టీవీ ఛానళ్లు నడుపుతున్న వారిని అడుగుతున్నా.. 50 శాతం రిజర్వేషన్‌ ప్రకారం, ఈ ఎన్నికల్లో సగానికి పైగా సీట్లలో పోటీ చేసేది నా అక్కచెల్లెమ్మలే. నామినేషన్‌ వేయడానికి వస్తున్నారంటే గౌరవిస్తూ సంతోషించాలి. కానీ, అందుకు భిన్నంగా వారిని నడి రోడ్డు మీద అడ్డుకుంటున్నారు. చెక్‌ పోస్టులు పెడుతున్నారు. ఆ చెక్‌ పోస్టు దాటి, దాదాపు కిలోమీటర్‌ దూరంలో ఉన్న ఆర్వో కేంద్రానికి వారు రావాల్సి వస్తోంది. అభ్యర్థినితో పాటు, కేవలం ముగ్గురిని మాత్రమే అనుమతిస్తున్నారు. దీంతో మధ్యలో దాదాపు నాలుగు చోట్ల టీడీపీ గూండాలు అక్కచెల్లెమ్మల మీద దాడులు చేయడం, చీరలు లాగడం, అగౌరవంగా వ్యవహరించడం, చివరికి ఆ నామినేషన్‌ పత్రాలను చించేయడం చేస్తున్నారు. ఈ అడ్డంకులూ దాటుకుని నామినేషన్‌ కేంద్రంలోకి వెళితే.. అప్పటికే అక్కడ టీడీపీ గూండాలు ఆక్రమించి తిష్ట వేసి ఉంటారు. ఇలా జరుగుతుంటే నీకు సిగ్గనిపించడం లేదా.. చంద్రబాబూ. మా ప్రభుత్వ హయాంలో అక్కచెల్లెమ్మలు ఎలా ఉన్నారంటే.. నా అక్కచెల్లెమ్మల ముఖంలో చిరునవ్వు ఉండాలని, వారు సంతోషంగా ఉంటే, ఆ కుటుంబాలు బాగుంటాయని చెప్పి తపన, తాపత్రయ పడ్డ ప్రభుత్వం వైఎస్సార్‌ కాంగ్రెస్‌ పార్టీ ప్రభుత్వం. వారి కోసం ఆసరా, చేయూత, ఓబీసీ నేస్తం, కాపు నేస్తం, ఇంకా పొదుపు సంఘాల అక్కచెల్లెమ్మల కోసం సున్నా వడ్డీ, అక్కచెల్లెమ్మల పిల్లలైన నా మేనల్లుళ్లు, మేనకోడళ్ల కోసం అమ్మఒడి, విద్యా దీవెన, వసతి దీవెన పథకాలు తీసుకొచ్చాం. తద్వారా ఆయా పథకాల నగదును నా అక్కచెల్లెమ్మల కుటుంబాల ఖాతాల్లో జమ చేశాం. దేశ చరిత్రలో ఎక్కడా లేని విధంగా ఏకంగా 31 లక్షల ఇళ్ల పట్టాలు, 21 లక్షల ఇళ్లు అక్కచెల్లెమ్మల పేరిట రిజిస్ట్రేషన్‌ చేయించి, కట్టించి ఇచ్చే బృహత్తర కార్యక్రమం కూడా చేపట్టాం. అక్కచెల్లెమ్మలను చేయి పట్టుకొని నడిపించడమే కాకుండా, వారు ఆర్థికంగా, రాజకీయంగా, సామాజికంగా కూడా ఎదగాలని చెప్పి.. నామినేటెడ్‌ పదవుల్లో, నామినేటెడ్‌ కాంట్రాక్టుల్లో ఏకంగా 50% రిజర్వే­షన్‌ ఇస్తూ చట్టం చేసి మరీ అమలు చేశాం. అలాంటి అక్కచెల్లెమ్మల గౌరవాన్ని ఈరోజు నిర్దాక్షిణ్యంగా మంట గలుపుతున్నాడు ఈ పెద్ద మనిషి చంద్రబాబునాయుడు. 80 ఏళ్ల వయసులో చేస్తున్న ఇలాంటి దౌర్భా­గ్యకర పనులకు ఆయన సిగ్గుతో తల దించుకోవాలి. నిజంగా పోటీ మధ్య ఎన్నికలు జరిగితే ఎవరు ప్రజలకు మంచి చేశారనేది తెలుస్తుంది. అప్పుడు ఆ గెలుపునకు ఒక సంతో­షం అనేది ఉంటుంది. కానీ, ఈ రోజు అలా జరగడం లేదు. పులివెందులలో మరీ దారుణం పులివెందులలో జరిగిన ఈ ఘటనలు వింటే గుండె తరుక్కుపోతుంది. 40 వార్డులున్న పులివెందులలో కేవలం 20 వార్డుల్లో మాత్రమే నామినేషన్లు వేయనిచ్చారు. అంటే, మనం నిజంగా ప్రజాస్వామ్యంలో ఉన్నామా? లేదా? అని ఈ పాలకులంతా సిగ్గుతో తల దించుకోవాలి. ఇదే నియోజకవర్గంలో ఏడు జెడ్పిటీసి స్థానాలకు గాను నాలుగింటిలో మాత్రమే పోటీ జరుగుతోంది. ఒక స్థానంలో దగ్గరుండి తెలుగుదేశం పార్టీ ఇన్‌చార్జ్‌ క్యాండిడేట్‌ భార్య దగ్గరుండి వైఎస్సార్‌సీపీ అభ్యర్థి నామినేషన్‌ చింపేశారు. మరో వైపు స్క్రూటినీ పేరిట రెండు నామినేషన్లు రిజెక్ట్‌ చేసిన పరిస్థితి కనిపిస్తోంది. ఇంకో వైపు పోలీసులే స్వయంగా అడ్డుకోవడం దారుణం. అక్టోబరు 17న, మన కౌన్సిలర్లు నామినేషన్‌ వేయడానికి అక్కడికి వెళ్తే, పరిస్థితి ఉద్రిక్తంగా ఉంది కాబట్టి, మధ్యాహ్నం రావాలని పోలీçసులు తిప్పి పంపించారు. మధ్యాహ్నం దాకా వేచి చూసి, 1 గంటకు నామినేషన్లు వేయడానికి వెళ్తే అదే పోలీసులు మళ్లీ అడ్డుకోవడం అన్నది ఎప్పుడూ చూడలేదు. పైగా నామినేషన్లు వేయడానికి వీలు లేదని హుకుం జారీ చేశారు. దీంతో ఎంపీ అవినాష్‌, దుష్యంత్‌ ఏం చెప్పారంటే.. ‘అయ్యా మేము ఇక్కడే ఉంటాం. మా పార్టీ కౌన్సిలర్‌ అభ్యర్థులంతా మూడు వాహనాల్లో ఎక్కుతారు. అప్పుడు మీరే స్వయంగా వారిని తీసుకుపోయి, మీరే దగ్గరుండి నామినేషన్లు వేయించండి’ అని విజ్ఞప్తి చేశారు. ఇందుకు కూడా పోలీసులు ససేమిరా అనడంతో, మా పార్టీ నాయకులు ఇదెక్కడి న్యాయమని ప్రశ్నించారు. పైగా మానవత్వం అన్నది పూర్తిగా మర్చిపోయి లాఠీఛార్జ్‌ చేశారు. ఏకే–47తో ఏకంగా 37 రౌండ్లు కాల్పులు జరిపారు. దాంతో ఇద్దరి కాళ్లు, తొడల్లోకి గుండ్లు దూసుకుపోయాయి. నిజంగా ఇలాంటి ఘటనల గురించి నాడు స్వాతంత్య్ర పోరాట సమయంలోనే విన్నాం. పులివెందులలో పోలీసులు కేవలం కాల్పులతోనే ఆగిపోలేదు. 20 స్టన్‌ షెల్స్, 40 స్మోక్‌ షెల్స్‌ కూడా ప్రయోగించారు. ఇంకా ఏడు హ్యాండ్‌ గ్రెనేడ్స్‌ కూడా ఉపయోగించారు. అసలు మా పార్టీ అభ్యర్థులు చేసిన తప్పేమిటి? అంతæ బల ప్రయోగం ఎందుకు చేశారు? కేవలం నామినేషన్లు వేయడానికి రావడమే మా అభ్యర్థులు చేసిన తప్పా? అని చంద్రబాబునాయుడును గట్టిగా నిలదీస్తున్నా. కాల్పులతో అడ్డుకున్న పోలీసులనూ అడుగుతున్నా. 924 మందిపై హత్యాయత్నం కేసులా!? ఎన్నికల్లో పోటీ చేయడానికే ఇంతగా భయపడుతున్నప్పుడు మీరు అసలు ఎన్నికలు ఎందుకు పెట్టారు? అన్ని నామినేషన్‌ పద్ధతిలో మీరే నింపుకోవచ్చు కదా? అందుకు చంద్రబాబునాయుడు సిగ్గు పడాల్సిన పరిస్థితి. పులివెందులలో దౌర్జన్యాలు ఇంకా అక్కడితో ఆగిపోలేదు. ఆయా ఘటనల్లో బాధితులైన వారిలో 924 మంది మీద ఏకంగా హత్యాయత్నం సెక్షన్‌–307 కింద కేసు నమోదు చేశారు. అంటే పోలీసులను చంపడానికి వీరంతా ప్రయత్నించారట! తొండి.. దౌర్జన్యం.. అన్యాయం నిజానికి మమ్మల్ని చంపడానికి నువ్వు తుపాకులు కాల్చావు. ఏకంగా 37 రౌండ్లు కాల్చారు. బాంబులు విసిరారు. దాంతో మా వాళ్లకి గాయాలయ్యాయి. ఇన్ని పనులు చేసిన మీరు, తిరిగి మా వాళ్లు 924 మందిపై హత్యాయత్నం కేసులు పెట్టడం అత్యంత హేయం. నిజం చెప్పాలంటే వారంతా ఈ ఎన్నికల్లో కనిపించకుండా ఉండడమే మీ లక్ష్యం. అదే మీ కుట్ర. అందుకే అంత దారుణంగా కేసులు పెట్టారు. తొండి తొండి.. అని చిన్న పిల్లలు ఆడుకుంటున్నప్పుడు అంటుంటారు. మరి ఇది కూడా తొండి కాకపోతే మరేమిటి? తొండి ఒక్కటే కాదు.. అడుగడు­గునా దౌర్జన్యం, అన్యాయం. నిజంగా సుప్రీంకోర్టు ఆదేశాలు ఇచ్చినా కూడా చంద్రబాబులో మార్పు రాలేదు. ఎస్‌ఈసీలో మార్పు రాలేదు. కలెక్టర్లలో మార్పు రాలేదు. ఇలాంటి అధికారులు ఇలాగే కొనసాగుతుంటే, ఎన్నికలు సజావుగా జరుగుతాయా? నీవు ఎన్నికలు నిర్వహిస్తున్నావా? లేక నామినేషన్‌ పద్ధతిలో ఎన్నికలకు పోతున్నావా? చంద్రబాబు గుండెపై చెయ్యి వేసుకొని సమాధానం చెప్పాలి. కడప జిల్లాలో 39 మంది జెడ్పిటీసీలు పోటీ చేయాల్సి ఉంటే, వాటిలో ఏకంగా 17 చోట్ల పోటీ లేకుండా చేశారు. 6 చోట్ల నామినేషన్లు వేయనివ్వలేదు. మరో 11 చోట్ల, అర్ధరాత్రి దాటాక స్రూ్కటినీ పేరుతో నామినేషన్లు తిరస్కరించారు. అలా 39 చోట్లలో 17 చోట్ల అసలు ఎన్నిక లేకుండా, పోటీ లేకుండా చేసి, కడప జెడ్పీ స్థానాన్ని గెల్చుకున్నామని రేపు చెప్పుకుంటారు. అందుకు మీకు సిగ్గు ఉండాలి. రేపు ఆస్తులు లాగేసుకుంటారు ఈరోజు ఈ వెన్నుపోటు పార్టీ, వెన్నుపోటు పార్టీ నాయకుడు చేస్తున్న రాజకీయాల ద్వారా మన హక్కులు లాగేసుకున్నారు. పోలీసులు, అధికారుల సమక్షంలోనే నామినేషన్‌ పత్రాలను చింపేశారు. ఇలాగే చూస్తూ ఊరకుంటే రేప్పొద్దున మీ ఆస్తి పత్రాలను ఇదే మాదిరిగా వీళ్లు లాక్కుంటారు. వీళ్లే ఆ పత్రాలను చింపేస్తారు. ఇక ఆ ఆస్తి మీది కాదు.. మాది అని చెప్పే రోజు కూడా త్వరలోనే వస్తుంది. పులివెందుల నుంచి మొదలయ్యే ఈ ఆలోచనను రాష్ట్రంలో ఉన్న ప్రతి ఒక్కరూ ఆలోచించాల్సిన అవసరం ఉంది. రేపు మనం సబ్‌ రిజిస్ట్రార్‌ ఆఫీసుకు వెళితే అక్కడ వాళ్లే మన పేపర్లు చింపేసి, ఇక ఈ ఆస్తి నీది కాదు.. నాది అని చెప్పే పరిస్థితి త్వరలోనే వస్తుంది. కాబట్టి దీని గురించి ప్రతి ఒక్కరూ ఆలోచించాలని కోరుతున్నా’ అని వైఎస్‌ జగన్‌ అన్నారు. ఈ కార్యక్రమంలో కడప ఎంపీ వైఎస్‌ అవినాష్‌రెడ్డి, ప్రొద్దుటూరు మాజీ ఎమ్మెల్యే రాచమల్లు ప్రసాదరెడ్డి, పులివెందుల మున్సిపల్‌ చైర్‌పర్సన్‌ అభ్యర్థి వైఎస్‌ ప్రమీలమ్మ, ఇన్‌ఛార్జి వైఎస్‌ మనోహరరెడ్డి, నేతలు వైఎస్‌ మధురెడ్డి, చవ్వా దుష్యంత్‌రెడ్డి పాల్గొన్నారు. తిరగబడండి.. మీ అన్న తోడుగా ఉంటాడు మన హక్కులను మనం కాపాడుకోకపోతే, మన హక్కులు మనకు ఎప్పటికీ దక్కకుండా పోతాయన్న విషయాన్ని గుర్తు పెట్టుకోండి. అందుకే అందరినీ ఒక్కటే కోరుతున్నా. తిరగబడండి.. మీ అన్న మీకు తోడుగా ఉంటాడని గట్టిగా చెబుతున్నా. పులివెందులలో మీరు కొట్టే దెబ్బకు కూటమి గూబ గుయ్యిమనాలి. అది రాష్ట్రమంతా వినిపించాలి. ఎందుకంటే, ఇక్కడ చాలా దారుణంగా వ్యవహరించారు. ఇక్కడి మున్సిపాలిటీలో మనం కేవలం 29 స్థానాల్లోనే ఉండేలా చేశారు. అదే వారు మాత్రం మొత్తం స్థానాల్లో పోటీ చేస్తున్నారు. అలాగే జెడ్పీటీసీల్లో వారు మొత్తం ఏడు చోట్ల పోటీ చేస్తుంటే, మనం నాలుగింటిలోనే పోటీకి దిగుతున్నాం. అంతగా తొండి, అన్యాయం, దౌర్జన్యం చేస్తున్నారు. చూస్తుండగానే రెండున్నర ఏళ్లు గడిచిపోయాయి. కళ్లు మూసుకుని తెరిచేలోగా మరో రెండేళ్లు. వచ్చే సంవత్సరం సెపె్టంబర్‌లో నా పాదయాత్ర ప్రారంభం అవుతుంది. ఆ తర్వాత ఏడాదికి ఈ ప్రభుత్వం పూర్తిగా తుడిచిపెట్టుకుపోబోతుంది. ఇది నేను గట్టిగా చెబుతున్నా. తనకు ఆహ్వానం పలకడానికి వచ్చిన కార్యకర్తలకు అభివాదం చేస్తున్న వైఎస్‌ జగన్‌మోహన్‌రెడ్డి ఆ చేయి నా మీద వేసినట్లే పులివెందులలో ప్రతి పోలీస్‌ అధికారికి, అధికారికి చెబుతున్నా. పులివెందులలో మా వాళ్ల మీద చెయ్యి వేశారంటే దానర్థం, మీరు నా మీద చేయి వేసినట్లే. అదే గట్టిగా చెబుతున్నాను. ఈ రోజు టైమ్‌ మీది. మా మీద చేయి వేస్తున్నారు. రేపు మా టైమ్‌ వస్తుంది. అప్పుడు వడ్డీతో సహా చెల్లిస్తాం. అన్యాయం చేసిన ఏ అధికారిని వదిలిపెట్టబోం. ఇప్పుడు అన్యాయం చేసిన, చేస్తున్న ఏ అధికారి ఎక్కడికీ పోలేడు. ఒకవేళ రిటైర్‌ అయిపోయి ఉన్నా కూడా తీసుకొస్తాం. చంద్రబాబునాయుడుకు కూడా గట్టిగా చెబుతున్నా. ప్రతి పోలీస్‌ అధికారికి, ప్రతి అధికారికి చెబుతున్నా. మీరు డ్యూటీ చేస్తోంది మీ టోపీ మీద ఉన్న మూడు సింహాల కోసం అని ఒకసారి గుర్తు చేసుకోండి. మీరు డ్యూటీ చేస్తోంది భారత రాజ్యాంగ వ్యవస్థ కోసం అని కూడా గుర్తు పెట్టుకోండి. మనం ప్రజాస్వామ్యంలో ఉన్నాం. ప్రజాస్వామ్యంలో ప్రజలను గౌరవించలేని పరిస్థితికి వస్తే, రక్షకులుగా ఉండాల్సిన వారే దౌర్జన్యం చేస్తే, ఇక రక్షించే వాడు ఎవడు? అని ఒకసారి ఆలోచించండి. ఇప్పటికైనా సమయం మించి పోలేదు. మీలో మార్పు రావాలి. ఆ మార్పు తెచ్చుకొని మీరు అడుగులు ముందుకు వేయండి.మనకు పోరాటాలు కొత్త కాదు ⇒ ప్రతిపక్షంలో ఉన్నప్పుడు ఇవన్నీ మనకు కొత్త కాదని గుర్తు చేస్తున్నా. మన పార్టీ పుట్టింది ప్రతిపక్షంలోనే. మన పార్టీ నడిచింది కష్టాల్లోనే. కానీ ఎన్ని కష్టాలు పెట్టినా, ఎన్ని రకాలుగా ఇబ్బంది పెట్టినా చివరికి జరి­గింది ఏమిటి? కొంచెం ఆలస్యమైనా మనం సీఎం సీట్లో కూర్చున్నాం. ఈ విషయాన్ని కచ్చితంగా గుర్తు పెట్టుకోండి. ఆ రోజు జగన్‌ తప్పకుండా మంచి చేస్తాడు అన్న నమ్మకంతో మనల్ని గెలిపించారు. మనం ముఖ్యమంత్రి స్థానంలో కూర్చున్నాం. ⇒ ఈ రోజు జగన్‌ చేసిన మంచి ప్రతి ఇంట్లో బతికే ఉంది. అందుకే చంద్రబాబునాయుడు పాలన, జగన్‌ పాలన మధ్య తేడాపై ప్రతి ఇంట్లో ఈ రోజు చర్చ జరుగుతోంది. అందుకే ఈసారి ప్రజలు ఓటు వేస్తే చంద్రబాబునాయుడుకు సింగిల్‌ డిజిట్‌ కూడా రాని పరి­స్థితి వచ్చింది. రెండు సంవత్సరాలు కాస్త ఓపి­క పట్టండి. ఆ తర్వాత వచ్చేది జగన్‌ 2.0 అన్నది మాత్రం గుర్తు పెట్టుకోండి. జగన్‌ 2.0 లో జగన్‌ ఒకటైతే.. పార్టీ కార్యకర్త రెండు అని గుర్తు పెట్టుకోండి. మీ ద్వారానే ప్రజలకు మంచి చేస్తాను. మీ సంక్షేమం నా లక్ష్యం. మీ సమ­స్యలు నా సమస్యగా భావించి మీకు తోడుగా ఉంటాను. ⇒ మీ మీద దెబ్బ పడితే మీ అన్న ఊర్కే చూస్తూ ఉండిపోడు. పులివెందుల ప్రజలు ఎప్పుడూ, నాన్న చనిపోయిన తర్వాత కూడా నా కుటుంబ సభ్యులుగానే అండగా నిలబడ్డారు. నాకు కష్టం వచ్చినా, దుఃఖం వచ్చినా.. ఎవరి భుజానైనా నేను కన్నీళ్లు పెట్టుకోవాలని అంటే అది పులివెందుల ప్రజలే. మీరు నన్ను గెలిపించారు కాబట్టే ఈ రాష్ట్రానికి నేను ముఖ్యమంత్రి కాగలిగాను. ⇒ మీ బిడ్డకు మీరు ఇలాగే తోడుగా నిలబడండి. ప్రజాస్వామ్యాన్ని కాపాడుకునే కార్యక్రమానికి పులివెందుల నుంచే బీజం వేస్తాం. ఇక్కడి నుంచి పడే బీజం రేప్పొద్దున ఒక చెట్టుగా మారి చంద్రబాబునాయుడు కుటిల రాజకీయాన్ని కూకటి వేళ్లతో సహా పెకిలించి వేస్తుంది. ⇒ ఇప్పుడు జరుగుతున్న ఎన్నికల ప్రక్రియలో దెబ్బలు తగిలిన వాళ్లు, కష్టాలు అనుభవించిన వాళ్లు, అన్నింటికీ ధైర్యంగా నిలబడ్డ నా అక్కచెల్లెమ్మలు, అన్నదమ్ములు, మరీ ముఖ్యంగా ఈ నియోజకవర్గం, మున్సిపాలిటీకి సంబంధించిన అందరికీ కృతజ్ఞతలు.

సాక్షి ప్రతినిధి, కడప: వైఎస్సార్‌ కాంగ్రెస్‌ పార్టీ అధ్య­క్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి పులివెందులలో మంగళవారం సాయంత్రం కడప నగర పాలక సంస్థకు చెందిన పార్టీ నేతలు, ప్రజా­ప్రతినిధులతో సమావేశమయ్యారు. కడప కార్పొరే­షన్‌ ఎన్నికల నేపథ్యంలో తాజా రాజకీయ పరిణా­మాలు, ఎన్నికల సన్నాహాలు, నామినేషన్ల సంద­ర్భంగా చోటుచేసుకున్న ఘటనలపై సమీక్షించారు. పార్టీ నేతలకు దిశా నిర్దేశం చేశారు. నామినేషన్ల దా­ఖలు సందర్భంగా టీడీపీ నేతలు, కార్యకర్తలు చేసిన దాడులు, బెదిరింపులపై ఆరా తీశారు. ఎదురైన ఆటంకాలు, పార్టీ అభ్యర్థులు ఎదుర్కొన్న ఇబ్బందు­లపై చర్చించారు.ఈ సందర్భంగా మాట్లాడుతూ.. అధికార బలంతో ప్రతిపక్షాలను అణచి వేయాలని చూడటం ప్రజాస్వామ్య స్ఫూర్తికి విరుద్ధమన్నారు. ఎన్నికల్లో ప్రజల తీర్పే అంతిమమని.. దాడులు, బెదిరింపులతో ప్రజాస్వామ్య ప్రక్రియను అడ్డుకోలే­రని స్పష్టం చేశారు. దాడులు, బెదిరింపులపై నిష్పక్ష­పాత విచారణ జరిపించాలని, బాధ్యులపై చట్టపర­మైన చర్యలు తీసుకోవాలని డిమాండ్‌ చేశారు. ఎన్ని దాడులు చేసినా వెనక్కు తగ్గకుండా ధైర్యంగా పోరా­డి ఎన్నికల బరిలో నిలిచిన పార్టీ నాయకులు, కార్య­కర్తలను ఆయన అభినందించారు. పార్టీ శ్రేణులు ఆత్మస్థైర్యంతో ముందుకు సాగాలని సూచించారు. నేతలు, కార్యకర్తలు ఐక్యంగా, సమన్వయంతో పని చేసి మేయర్‌ అభ్యర్థి బండి దీప్తిరెడ్డి గెలుపునకు కృషి చేయాలని పిలుపునిచ్చారు. ఎన్నికల ప్రక్రియ పారదర్శకంగా, నిష్పక్షపాతంగా జరిగేలా అధికారు­లు చర్యలు తీసుకోవాలని, అభ్యర్థులకు తగిన భద్రత కల్పించాలని కోరారు. సమస్యలు వింటూ.. ఆప్యాయంగా పలకరిస్తూవైఎస్‌ జగన్‌ పులివెందుల పర్యటనలో భాగంగా మంగళవారం భాకరాపురంలోని తన క్యాంపు కా­ర్యాలయంలో ప్రజా దర్బార్‌ నిర్వహించారు. వివిధ ప్రాంతాల నుంచి వచ్చిన ప్రజలు, పార్టీ నాయకు­లు, కార్యకర్తలు, అభిమానులు పెద్ద సంఖ్యలో ఆయన్ను కలిశారు. రాజకీయాల పరంగా, వ్యక్తిగత సమస్యలు, స్థానికంగా ఎదుర్కొంటున్న ఇబ్బందులను ఆయన దృష్టికి తీసుకువచ్చారు. ప్రతి ఒక్కరినీ వైఎస్‌ జగన్‌ ఆప్యాయంగా పలకరిస్తూ, వారి సమస్యలను ఓపికగా విని.. యోగ క్షేమాలను అడిగి తెలుసుకున్నారు. ఎవరూ అధైర్య పడొద్దని, ఎలాంటి కష్టాలు ఎదురైనా సోదరుడిలా ఎల్లప్పు­డూ అండగా ఉంటానని భరోసా ఇచ్చారు. ప్రజలకు ఎలాంటి ఇబ్బందులు ఎదురైనా వైఎస్సార్‌ కాంగ్రెస్‌ పార్టీ అండగా ఉంటుందని, పార్టీ తరఫున అవసర­మైన సహాయ, సహకారాలు అందిస్తామని స్పష్టం చేశారు. ప్రజల నుంచి వచ్చిన వినతులు, విజ్ఞప్తు­లపై సంబంధిత పార్టీ నాయకులతో చర్చించిన జగన్‌.. ఆయా సమస్యల పరిష్కారానికి అవసర­మైన చర్యలపై దృష్టి సారించాలని సూచించారు. ఆయా కార్యక్రమాల్లో కడప ఎంపీ వైఎస్‌ అవినాష్‌­రెడ్డి, వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనాథ్‌రెడ్డి, మాజీ ఉప ముఖ్యమంత్రి అంజాద్‌­బాషా, ఎమ్మెల్సీలు రామసుబ్బారెడ్డి, రామచంద్రారెడ్డి, రమేష్‌ యాదవ్, మేయర్‌ అభ్యర్థి బండి దీప్తిరెడ్డి, మాజీ మేయర్లు కొత్తమద్ది సురేష్‌బాబు, పాకా సురేష్, మాజీ ఎమ్మెల్యే రఘురామిరెడ్డి తదితరులు పాల్గొన్నారు.

సాక్షి, వైఎస్సార్‌ జిల్లా: ‘‘మున్సిపల్‌ ఎన్నికల ఓటింగ్‌ రోజు నేను పులివెందుల వస్తా. అయినా మీరు అక్రమాలు చేయాలనుకున్నారో?. ఎంత మంది వస్తారో రండి. గట్టిగా తగులుదాం. ప్రజాస్వామ్యంలో ఎవరు మంచి చేశారో ప్రజలు వాళ్లకు మాత్రమే తోడుగా నిలబడతారనే సంకేతం కచ్చితంగా పంపిస్తాం’’ అంటూ టీడీపీ గూండాలను వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి హెచ్చరించారు.‘‘మీ మీద పడ్డ దెబ్బను మీ అన్న చూస్తూ ఊరుకోడు. జగన్‌ 2.0లో జగన్‌ ఒక్కటైతే.. రెండోది కార్యకర్తే. మీరు తోడుగా నిలబడ్డారు కాబట్టే నేను సీఎం అయ్యాను. వచ్చే ఎన్నికల్లో వైఎస్సార్‌సీపీ గెలుపు ఖాయమన్న ఆయన.. మన హక్కులు మనమే కాపాడుకోవాలి. తిరగబడండి.. మీ అన్న మీకు తోడుగా ఉంటాడు. మీ మీద పడ్డ దెబ్బను మీ అన్న చూస్తూ ఊరుకోడు. పులివెందులలో కొడితే చెంప గుయ్‌మనాలి. పులివెందులలో సౌండ్‌ రాష్ట్రంలో మోగాలి’’ అని వైఎస్‌ జగన్‌ పేర్కొన్నారు.‘‘మీరు డ్యూటీ చేస్తున్నది చంద్రబాబు కోసం కాదు. మీ టోపీపై మూడు సింహాలను చూసి డ్యూటీ చేయండి. రక్షకులుగా ఉండాల్సినవారే దౌర్జన్యం చేస్తే కాపాడేదెవరు?. అరెస్టులు చేసినా, కేసులు పెట్టినా భయపడేది లేదు. మా వాళ్లపై చెయ్యి వేస్తే.. నాపై వేసినట్టే..!’’ అని వైఎస్‌ జగన్‌ స్పష్టం చేశారు.ఇదీ చదవండి: ఈ రెండేళ్లు ఓపిక పట్టండి.. వచ్చేది జగన్‌ 2.0

సాక్షి, వైఎస్సార్‌ జిల్లా: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి.. పులివెందుల నేతలు, కార్యకర్తలతో భేటీ అయ్యారు. మున్సిపల్, జడ్పీటీసీ ఎన్నికల బరిలో ఉన్న అభ్యర్థులు హాజరయ్యారు. ఎన్నికల నేపథ్యంలో నేతలు, కార్యకర్తలకు వైఎస్‌ జగన్‌ దిశానిర్దేశం చేశారు. ఈ సందర్భంగా ఆయన మాట్లాడుతూ.. స్థానిక ఎన్నికల్లో దౌర్జనాలు చూశాం.. కష్టాలు ఎదురైనా, దెబ్బలు తగిలినా ధైర్యంగా నిలబడ్డారన్నారు.‘‘ఎన్నికలను చూస్తూంటే కౌరవుల కుట్రలన్నీ కనిపిస్తున్నాయి. శకునిలా చంద్రబాబు చేసిన మాయా పాచికలే ఇక్కడ కనబడుతున్నాయి. రాష్ట్రంలో వ్యవస్థలను నిర్వీర్యం చేశారు. ప్రజాస్వామ్యం కాపాడాల్సిన వ్యక్తులే ఖూనీ చేస్తున్నారు. భావితరాలకు మనం ఎలాంటి మెసేజ్‌ ఇస్తున్నాం. చంద్రబాబు పాపాల్లో భాగస్తులైన ప్రతి అధికారి ఆలోచించాలి. నామినేషన్‌ కేంద్రాలను ఆక్రమించడం దేశంలోనే ఎక్కడా లేదు’’ అని వైఎస్‌ జగన్‌ మండిపడ్డారు.‘‘పోటీ లేకుండా గెలిచి తామే గెలిచామనడం కరెక్టేనా?. సిగ్గు, బుద్ధి, జ్ఞానం ఉన్నవాళ్లు ఎవరూ ఇలా చేయరు. సూపర్‌ సిక్స్‌లు లేవు.. సూపర్‌ సెవెన్‌లూ లేవు. ఎన్నికల్లో పోటీకి ఎందుకు అంత భయపడుతున్నారు’’ అంటూ వైఎస్‌ జగన్‌ నిలదీశారు.సమావేశంలో వైఎస్సార్‌సీపీ ఎంపీ వైఎస్‌ అవినాష్‌రెడ్డి మాట్లాడుతూ.. స్థానిక ఎన్నికల్లో అధికార పార్టీ అరాచకాలు సృష్టించిందని ఆగ్రహం వ్యక్తం చేశారు. వైఎస్సార్‌సీపీ అభ్యర్థుల నామినేషన్లు అడ్డుకున్నారు. అధికార దుర్వినియోగంతో ఎన్నికలు నిర్వహిస్తున్నారు. నామినేషన్‌ వేయాలంటేనే యుద్ధం చేయాల్సిన పరిస్థితి. కార్యకర్తలపై దాడి చేసి బాధితులపైనే కేసులు పెట్టారుఇవాళ, రేపు (మంగళ, బుధవారాల్లో) వైఎస్‌ జగన్‌.. పులివెందులలో పర్యటిస్తున్నారు. ఇందుకోసం వైఎస్‌ జగన్‌.. ఇవాళ (మంగళవారం) ఉదయం పులివెందుల చేరుకున్నారు. భాకరాపురంలోని తన క్యాంపు కార్యాలయంలో ప్రజలకు అందుబాటులో ఉన్నారు. రాత్రికి పులివెందులలోని తన నివాసంలో బస చేస్తారు. బుధవారం ఉదయం పులివెందుల నుంచి బయలుదేరి తాడేపల్లి చేరుకుంటారు.ఇదీ చదవండి: ఖాకీ తీసేసి.. పచ్చచొక్కాలేసి!

సాక్షి, అమరావతి: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి ఈ నెల 27, 28 తేదీల్లో (మంగళ, బుధవారాల్లో) పులివెందులలో పర్యటించనున్నారు. ఇందుకోసం ఆయన మంగళవారం ఉదయం 10.30 గంటలకు పులివెందుల చేరుకుంటారు. అనంతరం భాకరాపురంలోని తన క్యాంపు కార్యాలయంలో ప్రజలకు అందుబాటులో ఉంటారు. రాత్రికి పులివెందులలోని తన నివాసంలో బస చేస్తారు. బుధవారం ఉదయం పులివెందుల నుంచి బయలుదేరి తాడేపల్లి చేరుకుంటారు.

తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌ రెడ్డి మంగళ, బుధవారాల్లో (అక్టోబర్‌ 27, 28) పులివెందులలో పర్యటిస్తారు. మంగళవారం ఉదయం 10.30 గంటల నుంచి క్యాంపు ఆఫీసులో ప్రజలను కలవనున్నారు. బుధవారం పులివెందుల నుంచి తిరిగి తాడేపల్లికి చేరుకోనున్నారు. ఇదీ చదవండి: మాజీ ఎమ్మెల్యే హఫీజ్ ఖాన్‌పై టీడీపీ గూండాలు దాడికి యత్నం

సాక్షి, అమరావతి: పులివెందులలో అసలు ఏం జరుగుతోంది? అక్కడ ఎన్నికల నిర్వహణకు సంబంధించి నెలకొన్న పరిస్థితులు ఏమిటి? అన్న అంశాలపై పూర్తి వివరాలను తమ ముందుంచాలని రాష్ట్ర ఎన్నికల సంఘాన్ని (ఎస్‌ఈసీ) హైకోర్టు గురువారం ఆదేశించింది. ఈ వ్యవహారంపై తదుపరి విచారణను శుక్రవారానికి వాయిదా వేసింది. స్థానిక ఎన్నికల్లో అధికార పార్టీకి కొమ్ముకాస్తున్న వైఎస్సార్‌ జిల్లా, పులివెందుల డీఎస్పీ మురళీ నాయక్‌ను ఎన్నికల విధుల నుంచి తప్పించేలా రాష్ట్ర ఎన్నికల కమిషన్‌ (ఎస్‌ఈసీ)ను ఆదేశించాలని కోరుతూ కడప పార్లమెంట్‌ సభ్యుడు వైఎస్‌ అవినాష్‌ రెడ్డి దాఖలు చేసిన పిటిషన్‌ను విచారించిన న్యాయమూర్తి జస్టిస్‌ ఆలపాటి గిరిధర్‌ ఈమేరకు ఉత్తర్వులు జారీ చేశారు. వైఎస్‌ అవినాష్‌ రెడ్డి తరఫు న్యాయవాది వీఆర్‌రెడ్డి కొవ్వూరి వాదనల్లో ముఖ్యాంశాలు.. » డీఎస్‌పీ మురళీ నాయక్‌ పూర్తిగా అధికార పార్టీకి తొత్తుగా వ్యవహరిస్తున్నారు. » దాడుల్లో గాయపడిన ప్రతిపక్ష పార్టీ నేతలపై కేసులు నమోదు చేసి, దాడులకు పాల్పడిన అధికార పార్టీ నేతలను వదిలేస్తున్నారు. » 2025 ఆగస్టు 12 న జరిగిన పులివెందుల జెడ్పీటీసీ ఉప ఎన్నిక సమయంలోనూ మురళీ నాయక్‌ అధికార తెలుగు దేశం పార్టీకి అనుకూలంగా పక్షపాత ధోరణితో వ్యవహరించారు. నాయక్‌ మద్దతుతో దాదాపు 300 నుంచి 400 మంది అధికార పార్టీ మద్దతుదారులు పోలింగ్‌ కేంద్రాల వద్ద ఓటర్లను స్వేచ్ఛగా ఓటు హక్కు వినియోగించుకోకుండా అడ్డుకున్నారు. ఇప్పుడూ ఇలాంటి అకృత్యాలకే పాల్పడుతున్నారు. » డీఎస్‌పీ మురళీ నాయక్‌ సృష్టిస్తున్న సమస్యలకు సంబంధించిన ఆధారాలు, పత్రాలన్నింటినీ జతచేసి, అతన్ని బదిలీ చేయాలని కోరుతూ ఈ నెల 19వ తేదీన ఎస్‌ఈసీకి ఫిర్యాదు చేశాము. స్వేచ్ఛగా, నిష్పక్షపాతంగా ఎన్నికలు నిర్వహించాల్సిన బాధ్యత ఎన్నికల కమిషన్‌పై ఉన్నప్పటికీ, సంబంధిత ఫిర్యాదుపై ఎస్‌ఈసీ ఇప్పటివరకు ఎలాంటి చర్యలు తీసుకోలేదు.‘వైఎస్సార్‌సీపీ అభ్యర్థులను ఇబ్బంది పెట్టడమే లక్ష్యంగా అరాచకం అక్టోబర్‌ 17 న వైఎస్సార్‌సీపీ అభ్యర్థులు నామినేషన్లు వేయడానికి వెళుతుండగా పోలీసులు వారిని నామినేషన్‌ కేంద్రానికి 90 నుంచి 100 మీటర్ల దూరంలో అడ్డుకున్నారు. అభ్యర్థులు, కార్యకర్తలు శాంతియుతంగా నిరసన తెలుపుతుండగా పోలీసులు లాఠీచార్జ్‌ చేసి, పిస్టళ్లతో గాల్లోకి కాల్పులు జరిపారు. ఈ ఘటనలో ప్రతిపక్ష వైఎస్సార్‌సీపీకి చెందిన పలువురు గాయపడ్డారు. ఈ సంఘటనపై పులివెందుల అప్‌గ్రేడెడ్‌ పోలీస్‌ స్టేషన్‌లో నమోదైన ఎఫ్‌ఐఆర్‌ ప్రకారం... డీఎస్పీ 8 రౌండ్లు, సర్కిల్‌ ఇన్‌స్పెక్టర్‌ 10 రౌండ్లు, తొండూరు ఎస్సై 8 రౌండ్లు, ఇతర సిబ్బంది కాల్పులు జరిపినట్లు నమోదైంది. అంతేకాకుండా స్టన్‌ షెల్స్, స్మోక్‌ షెల్స్, గ్యాస్‌ గన్స్, హ్యాండ్‌ గ్రెనేడ్లను ఉపయోగించినట్లు అందులో నమోదైంది. ఈ కేసులో 62 మంది పేర్లు, మరో 500 మంది అజ్ఞాత వ్యక్తులను నిందితులుగా చేర్చారు. ఎన్నికల సమయంలో వైఎస్సార్‌సీపీ అభ్యర్థులను ఇబ్బందులకు గురిచేయడానికే ఇంత మంది అజ్ఞాత వ్యక్తులను నిందితులుగా చేర్చారు’అని న్యాయవాది వీఆర్‌రెడ్డి కొవ్వూరి హైకోర్టుకు వివరించారు.

సాక్షి, పులివెందుల: పులివెందులలో రాజకీయ ఉద్రిక్తతలు కొనసాగుతున్నాయి. ఎంపీ వైఎస్ అవినాష్ రెడ్డి నివాసం వద్ద పోలీసులు భారీగా మోహరించడంతో ఉద్రిక్తత నెలకొంది. అవినాష్‌ రెడ్డి ఇంటి పరిసరాల్లో కంచెలు ఏర్పాటు చేసి, పోలీసులు భద్రతను కట్టుదిట్టం చేశారు. గురువారం తెల్లవారుజామున అవినాష్‌ రెడ్డిని హౌస్‌ అరెస్ట్‌ చేసే ప్రయత్నం చేశారు.ఇంటి నుంచి బయటకు వెళ్లేందుకు ఎంపీ వైఎస్ అవినాష్ రెడ్డి ప్రయత్నించగా పోలీసులు అడ్డుకున్నారు. ఈ పరిణామాలతో పులివెందులలో ఉత్కంఠ నెలకొంది. మరోవైపు, పోలీసుల చర్యలపై వైఎస్సార్‌సీపీ నేతలు అభ్యంతరాలు వ్యక్తం చేస్తున్నారు. అభ్యర్థులు, పార్టీ నేతలు స్వేచ్ఛగా తమ రాజకీయ కార్యకలాపాలు నిర్వహించేందుకు అవకాశం కల్పించాలని కోరుతున్నారు. అయితే, మున్సిపల్ ఎన్నికల నామినేషన్ల సందర్భంగా పులివెందులలో చోటుచేసుకున్న పరిణామాల నేపథ్యంలో పోలీసులు.. అవినాష్‌ రెడ్డిని హౌస్‌ అరెస్ట్‌ చేసేందుకు ప్రయత్నించినట్టు తెలిసింది. ఇదీ చదవండి: టీడీపీకి భారీ షాక్‌.. కన్నీరు పెడుతూ కీలక నేత రాజీనామా

సాక్షి, వైఎస్సార్‌ జిల్లా: పులివెందులలో టీడీపీ గూండాలు తగలబెట్టిన వాహనాలను వైఎస్సార్‌సీపీ ఎంపీ అవినాష్‌రెడ్డి పరిశీలించారు. టీడీపీ గూండాలు, పోలీసులు ఇష్టారీతిన వ్యవహరిస్తున్నారని.. వాహనాల ధ్వంసం, షాపుల దగ్ధంతో పాటు కాల్పులకు తెగబడ్డారు. ఓటమి భయంతో అరాచకాలకు తెరలేపారు. అరాచకాలు చేసి గెలిస్తే ఒక గెలుపు అవుతుందా?’’ అంటూ అవినాష్‌రెడ్డి మండిపడ్డారు.పులివెందుల డీఎస్పీకి ఫోన్‌ చేసిన ఎంపీ అవినాష్‌రెడ్డి.. పోలీసులకు జీతాలు ఇచ్చేది కూటమి నేతలు కాదన్నారు. పోలీసులు దగ్గరుండి దాడులకు ప్రోత్సహిస్తున్నారు. షాపులు దగ్ధం ఘటనలో సీసీ ఫుటేజ్‌ ఉన్నా చర్యలేవీ?. వరస్ట్‌ పోలీసింగ్‌ పులివెందులలోనే కనిపిస్తుందంటూ అవినాష్‌రెడ్డి ఆగ్రహం వ్యక్తం చేశారు.స్థానిక సంస్థల ఎన్నికల్లో టీడీపీ గూండాలు అరాచకం సృష్టిస్తున్నారు. పులివెందులలో టీడీపీ గూండాలు బీభత్సం సృష్టించారు. మున్సిపల్‌ ఎన్నికల్లో కౌన్సిలర్‌గా నామినేషన్ వేసిన నిరంజన్ రెడ్డి, అంజనప్ప ఇళ్లపై దాడి చేశారు. నిరంజన్‌రెడ్డి ఇంటిపై బీరు బాటిళ్లతో దాడి చేసిన పచ్చమూకలు.. ఇంటి ముందు ఉన్న లారీ తగలబెట్టారు. అంజనప్ప ఇంటి వద్ద స్కూటీకి టీడీపీ గూండాలు నిప్పంటించారు. నామినేషన్ వేసిన వారిని ప్రచారం చేసుకోనివ్వకుండా పచ్చమూకలు భయబ్రాంతులకు గురి చేస్తున్నాయి.ఇదీ చదవండి: ఎంపీపీ కుర్చీకి రూ.2 కోట్ల బేరమంట!

సాక్షి, వైఎస్సార్‌ జిల్లా: స్థానిక సంస్థల ఎన్నికల్లో చంద్రబాబు సర్కార్‌ అరాచకపర్వం కొనసాగుతోంది. పులివెందులలో అర్ధరాత్రి టీడీపీ గూండాలు బీభత్సం సృష్టించారు. మున్సిపల్‌ ఎన్నికల్లో కౌన్సిలర్‌గా నామినేషన్ వేసిన నిరంజన్ రెడ్డి, అంజనప్ప ఇళ్లపై దాడి చేశారు. నిరంజన్‌రెడ్డి ఇంటిపై బీరు బాటిళ్లతో దాడి చేసిన పచ్చమూకలు.. ఇంటి ముందు ఉన్న లారీ తగలబెట్టారు. అంజనప్ప ఇంటి వద్ద స్కూటీకి టీడీపీ గూండాలు నిప్పంటించారు. నామినేషన్ వేసిన వారిని ప్రచారం చేసుకోనివ్వకుండా పచ్చమూకలు భయబ్రాంతులకు గురి చేస్తున్నాయి.పులివెందులలో పచ్చమూకలు దాడి చేసిన ప్రదేశాన్ని కడప ఎంపీ వైఎస్ అవినాష్ రెడ్డి పరిశీలించారు. వారం రోజులుగా టీడీపీ గూండాలు, పోలీసులు ఇష్టారీతిగా వ్యవహరిస్తున్నారని ఆయన మండిపడ్డారు. వాహనాల ధ్వంసం, షాపుల దహనాలతో పాటు కాల్పులు చేస్తున్నారు. టీడీపీకి ఓటమి భయం పట్టుకుందని.. అందుకే అరాచకాలకు తెరలేపారంటూ ధ్వజమెత్తారు.‘‘ఎంపీటీసీ, జడ్పీటీసీ ఎన్నికల్లో మా పార్టీ లీడర్లందరినీ అరెస్టులు చేస్తున్నారు. నామినేషన్లు వేయకుండా అడ్డుకునేందుకు అరెస్టుల పర్వానికి తెరలేపారు. ఫైరింగ్ రోజు మా కార్యకర్తలపై అక్రమ కేసులు పెట్టీ ఇప్పుడు అరెస్టులు చేస్తున్నారు. ఇన్ని అరాచకాలు చేసి గెలిచే గెలుపును ఒక గెలుపు అంటారా?’’ అంటూ అవినాష్‌రెడ్డి నిలదీశారు.కాగా, కడప వైఎస్సార్‌సీపీ మేయర్‌ అభ్యర్థి బండి దీప్తి రెడ్డి ఇంటిపై సోమవారం అర్ధరాత్రి పచ్చ టీడీపీ గూండాలు దాడికి దిగిన సంగతి తెలిసిందే. అర్ధరాత్రి బీరు బాటిళ్లతో ఇంటిపై దాడికి దిగి అరాచకం సృష్టించారు. వాహనంలో వచ్చి వేటకొడవల్లు, బీరు బాటిళ్లు ఇంట్లోకి విసిరిన మూకలు.. ఇంటి అద్దాలు ధ్వంసం చేశారు. అధికార పక్షానికి బండిదీప్తి కంటగింపుగా మారింది. పైగా మేయర్‌ అభ్యర్థిగా ఆమె నామినేషన్‌ ఆమోదం లభించింది. దీంతో మేయర్‌ స్థానానికి పోటీ అనివార్యం కానుంది. ఈ నేపథ్యంలో ఎలాగైనా పోటీ నుంచి విరమించాలన్న లక్ష్యంతో టీడీపీ శ్రేణులు పనిచేస్తున్నాయి.ఇదీ చదవండి: ‘ప్రజాస్వామ్యంలో బ్యాలెట్లు కావాలి.. బుల్లెట్లు కాదు’

సాక్షి ప్రతినిధి, కడప: పులివెందులలో పోలీసుల కేసులే ఆయుధాలుగా మారాయి. వైఎస్సార్‌సీపీ నేతలే లక్ష్యమయ్యారు. స్థానిక సంస్థల ఎన్నికల వేళ పులి­వెందులలో చోటుచేసుకుంటున్న పరిణామాలు తీవ్ర రాజకీయ దుమారం రేపుతున్నాయి. నామినేషన్లు దాఖలు చేసేందుకు వచ్చిన అభ్యర్థులకు అడ్డంకులు.. ఆ తర్వాత ఘర్షణ.. వెంటనే రెండు క్రిమినల్‌ కేసుల నమోదు.. ఇప్పుడు వందలాది మంది నాయ­కులను అరెస్టు చేసేందుకు పోలీసుల సన్నాహాలు.. వరుసగా చోటుచేసుకుంటున్న ఈ పరిణామాలు స్థానిక ఎన్నికల బరిలో వైఎస్సార్‌సీపీ నాయకులు లేకుండా చేయాలన్న కుట్రలో భాగమన్న ఆరోపణలకు బలం చేకూరుస్తున్నాయి. ప్రజా మద్దతుతో రాజ­కీయంగా ఎదుర్కోవాల్సిన ప్రత్యర్థులను కేసుల ద్వారా కట్టడి చేయడం ప్రజాస్వామ్య స్ఫూర్తికే విరుద్ధం. పులివెందులలో పోలీసు యంత్రాంగం తీరు, నమోదు చేసిన కేసుల స్వరూపం, అరెస్టుల సన్నాహాలు ఇప్పుడు చర్చనీయాంశాలుగా మారాయి. నామినేషన్ల వేళ అడ్డంకులు.. ఘర్షణకు బీజం! శనివారం మధ్యాహ్నం 1.30 సమయానికి వైఎస్సార్‌­సీపీ అభ్యర్థులు నామినేషన్లు దాఖలు చేసేందుకు పోలీసులు గడువు ఇచ్చారు. ఆ సమయానికి అభ్య­ర్థులు నామినేషన్‌ కేంద్రాలకు వెళ్లగా, ఇప్పుడు కాదు.. మరుసటి రోజు రావాలంటూ అడ్డుకున్నా­రని వైఎస్సార్‌సీపీ వర్గాలు పేర్కొంటున్నాయి. గడువు ఇచ్చిన తర్వాత అదే సమయానికి వచ్చిన అభ్యర్థులను అడ్డుకోవడం ఉద్రిక్తతలకు దారితీసింది. నామినేషన్ల ప్రక్రియను సజా­వుగా నిర్వహించాల్సిన అధికారులే అడ్డంకులు సృష్టిస్తే అభ్యర్థులకు న్యాయం ఎక్కడ దక్కుతుంది? ఏకే–47తో కాల్పులు.. ముగ్గురికి గాయాలు! పోలీసుల ఏకపక్ష చర్యలతో పరిస్థితి ఉద్రిక్తంగా మారిందని వైఎస్సార్‌సీపీ నేతలు పేర్కొంటున్నారు. ఎంపీ వైఎస్‌ అవినాష్‌రెడ్డి నేతృత్వంలో శాంతియుతం­గా నిరసన చేపట్టగా పోలీసుల నుంచి రాళ్ల దాడి, టియర్‌ గ్యాస్‌ ప్రయోగం, ఏకే–47తో కా­ల్పులు జరిగాయని పేర్కొంటున్నారు. ఈ ఘటన­లో ముగ్గురికి గాయాలైనట్లు సమాచారం. చట్టాన్ని అ­మ­లు చేయాల్సిన పోలీసులే బలప్రయోగానికి దిగారు. పోలీసుల ఫిర్యాదులతో రెండు కేసులు అనంతరం పోలీసుల ఫిర్యాదుల ఆధారంగా రెండు కేసులు నమోదయ్యాయి. సీఐ నాగార్జున ఫిర్యాదుతో నమోదు చేసిన కేసులో బండి రాఘవరెడ్డితో పాటు సుమారు 60 మంది పేర్లను నిందితులుగా చే­ర్చినట్లు సమాచారం. మరోవైపు సీఐ పురుషోత్తంరాజు ఫిర్యా­దుతో మరో కేసు నమోదైంది. రెండు కేసుల్లోనూ కొందరు వ్యక్తులు ఉమ్మడిగా ఉండగా, మరికొందరిని అదనంగా చేర్చినట్లు తెలుస్తోంది. ఒకే ఘటనపై రెండు కేసులు నమోదు కావడం, వాటిలో నిందితుల జాబితాలు విస్తరించడం ఇప్పుడు కీలకంగా మారింది. ప్రతి కేసులోని ఆరోపణలు, వ్యక్తుల పాత్ర, అందు­బాటులో ఉన్న ఆధారాలు పారదర్శకంగా పరిశీ­లిం­చాల్సిన అవసరం ఉంది. అయితే ఈ కేసులనే ఆధారంగా చేసుకుని పెద్దఎత్తున వైఎస్సార్‌సీపీ నాయకులను అరెస్టు చేసే చర్యలు మొదలైతే, అవి ఎన్నికలపై చూపే ప్రభావం తీవ్రంగా ఉంటుంది. 900 మంది నేతలే లక్ష్యంగా అరెస్టుల వేట! రెండు కేసుల పరిధిని విస్తరించి సుమారు 900 మంది వైఎస్సార్‌సీపీ క్రియాశీలక నాయకులను నిందితులుగా చేర్చేందుకు సన్నాహాలు జరుగుతున్నాయి. నియోజకవర్గవ్యాప్తంగా మూడు పోలీసు బృందాలతో నాయకులను అదుపులోకి తీసుకునేందుకు ప్రయ­త్నాలు ముమ్మరమయ్యాయి. నాన్‌ బెయిలబుల్‌ కేసుల్లో అరెస్టు చేస్తే నాయకులు నామినేషన్లు దాఖలు చేసే అవకాశాన్ని కోల్పోతారన్నదే ఈ చర్యల వెనుక ఉద్దేశమని వైఎస్సార్‌సీపీ వర్గాలు అభ్యంతరం వ్యక్తం చేస్తున్నాయి. ఎన్నికల సమయంలో అభ్యర్థులు, పార్టీ నాయకులు అందుబాటులో లేకుండా పోతే ప్రచారం, నామినేషన్లు, స్థానిక ఎన్నికల నిర్వహణపై ప్రభావం పడుతుంది. వైఎస్‌ కుటుంబానికి పులివెందుల అండ పులివెందుల పేరు చెప్పగానే వైఎస్‌ కుటుంబమే గుర్తొస్తుంది. 1978 నుంచి ఇప్పటివరకు ఈ ప్రాంతంలో వైఎస్‌ కుటుంబం ప్రజా మద్దతుతో రాజకీయంగా ఆధిపత్యం కొనసాగిస్తోంది. ఇద్దరు ముఖ్యమంత్రులను ఇచ్చిన నియోజకవర్గం. ఈ నియోజకవర్గంలో స్థానిక ఎన్నికల్లో ఆధిపత్యం సాధించేందుకు టీడీపీ నేతలు అడ్డదారులు ఎంచుకున్నారని వైఎస్సార్‌సీపీ వర్గాలు ఆరోపిస్తున్నాయి. స్పాన్సర్డ్‌ హింసకు పోలీసులే అండగా?ప్రజలకు రక్షణ కల్పించాల్సిన పోలీసులే రాజకీయ అధికారానికి అనుకూలంగా వ్యవహరిస్తే, ప్రజాస్వామ్య వ్యవస్థలో చట్టబద్ధమైన పోటీకి ముప్పు ఏర్పడుతుంది. నామినేషన్ల ప్రక్రియలో అడ్డంకులు, ఘర్షణ అనంతరం కేసులు, పెద్దఎత్తున అరెస్టుల సన్నాహాలుౄఈ పరిణామాలన్నీ కలిపి చూస్తే పులివెందులలో ఎన్నికల ప్రక్రియపై తీవ్ర సందేహాలు వ్యక్తమవుతున్నాయి. పోలీసుల చర్యలు స్వతంత్రంగా సాగడం లేదు. రాజకీయ ప్రయోజనాలకు అనుగుణంగా వినియోగిస్తున్నారు.

సాక్షి ప్రతినిధి, కడప : మున్సిపల్‌ ఎన్నికల నేపథ్యంలో కూటమి సర్కారు అరాచకపర్వం మూడోరోజూ కొనసాగింది. వైఎస్సార్‌ కడప, అన్నమయ్య జిల్లాల్లో టీడీపీ గూండాలు భౌతిక దాడులతో భీతావహ వాతావరణం సృష్టించారు. తెలుగుదేశం నేతలు ‘దుశ్శాసన పర్వానికి’ తెరలేపారు. పచ్చోసిన ఖాకీలు పులివెందుల వైఎస్సార్‌సీపీ కార్యాలయం చుట్టూ ముళ్ల కంచెలు వేసి నాయకులను బయటకు రాకుండా కట్టడి చేశారు. నామినేషన్లు వేయకుండా హౌస్‌ అరెస్టులకు తెగబడ్డారు. చైర్‌పర్సన్‌ అభ్యర్థులనూ అనుమతించలేదు. తమ సమక్షంలోనే మహిళలపైనా పచ్చగూండాలు దాడులకు పాల్పతున్నా పోలీసులు నిలువరించలేదు. వైఎస్సార్‌సీపీ కౌన్సిలర్‌ అభ్యర్థులను నామినేషన్లు వేయనివ్వకుండా ఖాకీలే అడ్డుకోవడం గమనార్హం. పట్టపగలే ఇంతటి దౌర్జన్యకాండ సాగుతున్నా.. ఎన్నికల అధికారులు చేష్టలుడిగి చూస్తుండిపోయారు. జమ్మలమడుగు చైర్‌పర్సన్‌ అభ్యర్థి పొన్నపురెడ్డి ఇందిర నామినేషన్‌ వేయకుండా గుండ్లకుంటలోని ఆమె స్వగృహంలోనే పోలీసులు హౌస్‌ అరెస్టు చేశారు. ఇవే పరిస్థితులు ఎర్రగుంట్ల, మైదుకూరు, కమలాపురం, రాయచోటి, పుంగనూరు మున్సిపాలిటీల్లోనూ చోటుచేసుకోవడం ప్రజాస్వామ్యానికి మాయని మచ్చగా మారింది. మరోవైపు టీడీపీ గూండాల అరాచకాలకు పచ్చఖాకీలు నిస్సిగ్గుగా సహకరించారు. కొండాపురం నుంచి పులివెందులకు దాదాపు 40 కార్లలో టీడీపీ గూండాలు తరలివచ్చినా అడ్డుకున్న పాపానపోలేదు. అంతేకాకుండా వైఎస్సార్‌సీపీ కౌన్సిలర్‌ అభ్యర్థులు నామినేషన్లు వేయడానికి వెళ్లకుండా అడుగడుగునా అడ్డుతగిలారు. వైఎస్సార్‌సీపీ నేతలను ఎక్కడికక్కడ నిర్బంధించారు. మున్సిపాలిటీ పరిధిలోనే కాకుండా చుట్టపక్కల ప్రాంతాల్లో సైతం వైఎస్సార్‌సీపీ నేతల్ని కట్టడి చేశారు. మండల కేంద్రాల్లో వేకువజామున్నే పోలీసుస్టేషన్లకు తీసుకువచ్చి కూర్చోబెట్టారు. ఎర్రగుంట్లలో నామినేషన్‌ వేయకుండా తుంగా వెంకటరావిురెడ్డిని ఉదయాన్నే సీఐ విశ్వనాథరెడ్డి ముద్దనూరుకు తీసుకెళ్లి నిర్బంధించారు. బద్వేలులో ఎమ్మెల్సీ డీసీ గోవిందరెడ్డితోపాటు వైఎస్సార్‌సీపీ నేతల్ని ఓ ఫంక్షన్‌ హాల్‌లో నిర్బంధించారు. ఎమ్మెల్యే డాక్టర్‌ సుధా, మాజీ మంత్రి అంజద్‌బాషా, జిల్లా అధ్యక్షుడు రవీంద్రనాథరెడ్డి, మాజీ ఎమ్మెల్యే రాచమల్లు ప్రసాదరెడ్డి, ప్రొద్దుటూరు చైర్మన్‌ అభ్యర్థి నరసింహారెడ్డిని వారి ఇళ్లలోనే హౌస్‌ అరెస్టు చేశారు. హైకోర్టు ఉత్తర్వులూ బేఖాతర్‌...హైకోర్టు ఉత్తర్వులనూ పోలీసులు బేఖాతర్‌ చేశారు. నామినేషన్లు వేసేందుకు రక్షణ కల్పించాల్సిందిగా కడపకు చెందిన 18 మంది వైఎస్సార్‌సీపీ కార్పొరేటర్‌ అభ్యర్థులు, మేయర్‌ అభ్యర్థి బండి దీప్తిరెడ్డి హైకోర్టును ఆశ్రయించారు. బాధితుల అభ్యర్థనను పరిశీలించిన హైకోర్టు ఆయా అభ్యర్థులకు రక్షణ కల్పించాల్సిందిగా కలెక్టర్, ఎస్పీలను ఆదేశించింది. ఆ మేరకు అదే విషయాన్ని మేయర్‌ అభ్యర్థి బండి దీప్తిరెడ్డి ఎస్పీ నచికేత్‌ విశ్వనాథ్, డీఎస్పీ భవాని, డీఆర్వో మల్లికార్జునను కలిసి హైకోర్టు ఉత్తర్వులతోపాటు విజ్ఞాపన పత్రం అందజేశారు. హైకోర్టు ఉత్తర్వులను గౌరవించి వైఎస్సార్‌సీపీ అభ్యర్థుల నామినేషన్లు కోసం రక్షణ కల్పించాలని కోరినా యంత్రాంగం నిమ్మకు నీరెత్తినట్లుగా మిన్నకుండిపోయింది. నామినేషన్లు గడువు ముగిసే వరకూ హైకోర్టు ఆదేశాలనూ ఖాకీలు పెడచెవిన పెట్టడం గమనార్హం.ఎర్రగుంట్లలో దౌర్జన్యకాండఎర్రగుంట్ల మున్సిపల్‌ కార్యాలయానికి నామినేషన్‌ వేయడానికి వెళ్లిన చంద్రకళ అనే యువతిపై కూటమి రౌడీలు దాడి చేశారు. పోలీసుల సమక్షంలోనే నామినేషన్‌కు వెళ్తున్న మహిళలపై కర్రలు, రాళ్లు, చెప్పులతో దాడికి తెగబడ్డారు. దీంతో టీడీపీ గూండాలపై మహిళలు తిరగబడ్డారు. సర్కారు తీరుపై నిప్పులు చెరిగారు. అధికారపారీ్టకి అంత సత్తా ఉంటే తమతో నామినేషన్లు వేయించి ప్రజాక్షేత్రంలో తేల్చుకోవాలని సవాల్‌ విసిరారు. నామినేషన్‌ కేంద్రాల వద్ద ప్రత్యక్షమైన కంకర రాళ్లునామినేషన్ల చివర రోజున కుతంత్రాలకు టీడీపీ మరింత పదునుపెట్టింది. దాడులకు వ్యూహం పన్నింది. కడప, రాజంపేటలో నామినేషన్ల కేంద్రాల వద్ద కంకర రాళ్లను టీడీపీ గూండాలు ముందే సిద్ధం చేసుకున్నారు. నామినేషన్‌ కేంద్రాల సమీపంలో కంకర కుప్పలున్న విషయం ఫొటోలతో సహా సోషల్‌ మీడియాలో వైరల్‌ కావడంతో కడప గాంధీనగర్‌ స్కూల్‌ వద్ద యంత్రాలతో తొలగించారు. రాజంపేటలో తొలగించే యత్నం చేస్తుంటే టీడీపీ ఇన్‌చార్జి జగన్‌మోహన్‌రాజు కంకర కుప్పులు అలాగే ఉంచాలని హుకుం జారీ చేశారు. వైఎస్సార్‌సీపీ నేతలపై అక్రమ కేసులుపులివెందుల, కడపలో వైఎస్సార్‌సీపీ నేతలపై అక్రమ కేసులు బనాయించారు. పోలీసుల విధులకు ఆటంకం కలిగించారని, హత్యాయత్నాలకుకు పాల్పడ్డారనే తప్పుడు ఆరోపణలతో నాన్‌బెయిల్‌బుల్‌ కేసులు నమోదు చేశారు. ఎంపీ వైఎస్‌ అవినాష్‌రెడ్డితో సహా వందలాది మందిని కేసులలో ఇరికించే చర్యలకు ఉపక్రమించారు. ఇదే విషయమై పులివెందుల ప్రాంతానికి చెందిన టీడీపీ నేతతో ఓ పోలీసు అధికారి ఏకాంత చర్చలు జరిపి వైఎస్సార్‌సీపీ నేతల జాబితా తీసుకున్నట్లు సమాచారం. ఆ మేరకు అక్రమ కేసుల్లో నేతల పేర్లు చేరుస్తున్నట్లు తెలుస్తోంది. అలాగే జిల్లా కేంద్రమైన కడపలో ఓ వాహనాన్ని దుండగులు కాల్చివేశారు. ఆ కేసులో నగరంలో క్రియాశీలక నేతలను చేరుస్తున్నట్లు పోలీసు వర్గాలు బహిరంగంగానే చెబుతున్నాయి.

సాక్షి, వైఎస్సార్‌ జిల్లా: పులివెందులలో పోలీసుల దాష్టీకం కొనసాగుతోంది. వైఎస్సార్‌సీపీ ఆఫీస్‌ చుట్టూ ముళ్ల కంచెలు వేసిన పోలీసులు.. పలువురు వైఎస్సార్‌సీపీ నేతలను అరెస్ట్‌ చేస్తున్నారు. పులివెందుల మున్సిపల్ ఎన్నికల్లో వైఎస్సార్‌సీపీ కౌన్సిలర్ అభ్యర్థుల నామినేషన్లు అడ్డుకోవాలని టీడీపీ, పోలీసులు, ప్లాన్ చేస్తున్నారు. వైఎస్సార్‌సీపీ ముఖ్య నేతలను పోలీసులు హౌస్ అరెస్ట్ చేస్తున్నారు. పులివెందుల నియోజక వర్గం నుంచి వైసీపీ కార్యకర్తలు పులివెందుల టౌన్‌కి వస్తే కేసులు పెడతాయంటూ పోలీసులు భయపెడుతున్నారు. నిన్న(శనివారం) పులివెందులలో వైఎస్సార్‌సీపీ కార్యకర్తలపై పోలీసులు దాష్టీకానికి దిగిన సంగతి తెలిసిందే. నిన్న దాడికి సంబంధించి పులివెందుల డీఎస్పీ, టీడీపీ నేత బిటెక్ రవి అర్థరాత్రి రహస్య సమావేశమైనట్లు సమాచారం.వైఎస్సార్‌సీపీ నేతలపై కేసులకు పెట్టాలని డీఎస్పీకి టీడీపీ నేత బీటెక్ రవి సూచించినట్లు తెలిసింది. వైఎస్సార్‌సీపీ నేతలకు పోలీసులు ఆంక్షలు పెడుతున్నారు. వైఎస్సార్‌సీపీ నేతలపై దాడికి ఇతర ప్రాంతాల నుంచి టీడీపీ గుండాలను తరలిస్తున్నారని.. పోలీసులే టీడీపీ గూండాలకు రక్షణ కల్పిస్తున్నారని.. పోలీసుల చొరవతోనే టీడీపీ గూండాలు పులివెందులకు వస్తున్నారనే ఆరోపణలు ఉన్నాయి.ఇదీ చదవండి: ఏపీలో రాష్ట్రపతి పాలన విధించాలి

సాక్షి ప్రతినిధి, కడప/పులివెందుల: ఎన్నికల్లో నామినేషన్లు వేయనివ్వకుంటే ఇక ఎన్నికలు ఎందుకు జరిపించడం ఎందుకని కడప ఎంపీ వైఎస్‌ అవి­నాష్‌ రెడ్డి ప్రభుత్వాన్ని ప్రశ్నించారు. పులివెందులలో నామినేషన్లు వేసేందుకు వెళ్లిన వైఎస్సార్‌సీపీ అభ్యర్థులు, పార్టీ శ్రేణులపై పోలీసులు లాఠీ­చార్జ్‌ చేసి.. టియర్‌ గ్యాస్‌ ప్రయోగించడం దారుణం అని మండిపడ్డారు. పోలీసుల తీరుకు నిరసనగా ఎంపీ రోడ్డుపై బైఠాయించి ఆందోళన చేపట్టా­రు. ఈ సందర్భంగా మీడియాతో మాట్లాడుతూ.. ‘కౌన్సిలర్‌ అభ్యర్థులు నామినేషన్లు వేయడానికి వెళ్తే లాఠీ దెబ్బలు, రాళ్ల దాడులు ఎదుర్కోవా­లా? ఎన్నికల సంఘం అసలు ఉన్నట్టా, లేనట్టా? ఇలాంటి పరిస్థితుల్లో ఎన్నికలు నిర్వహించడం ఎందుకు? డీఐజీ, ఎస్పీ, డీఎస్పీలను సంప్రదిస్తే మధ్యాహ్నం 1.30 గంటలకు రండి.. మీ అభ్యర్థులందరితో నామినేషన్లు వేయిస్తాం.. ఎలాంటి ఇబ్బందీ ఉండదని చెప్పారు. వాళ్లు చెప్పిన మాటను నమ్మి మా అభ్యర్థులతో వస్తే, ఈ రోజు వద్దు.. రేపు (ఆదివారం) రండి అంటున్నారు. ఈ రోజు మాకు నామినేషన్లు వేసే హక్కు ఎందుకు లేదు? పోలీసులే హామీ ఇచ్చి, మళ్లీ మాట తప్పడం ఏంటి? ఇదెక్కడి న్యాయం?’ అని నిలదీశారు.తుపాకులు గురిపెట్టడం ఏమిటి?‘మున్సిపల్‌ కార్యాలయం ఎదుట టీడీపీ కార్యకర్తలు ఉంటే పోలీసులు వారి జోలికి వెళ్లరు. మేము 100 మీటర్ల దూరంలో ఉన్నప్పటికీ.. డీఎస్పీ ఏకే–47 తుపాకీ గురిపెట్టి మా మీదకు వస్తారు. టీడీపీ శ్రేణుల వద్ద వేట కొడవళ్లు, కత్తులు, కర్రలు, ఇనుప రాడ్లు, రాళ్లు ఉన్నా పోలీసులు ఎందుకు చర్యలు తీసుకోలేదు? నామినేషన్లు వేయడానికి వచ్చిన మా అభ్యర్థుల పత్రా­లను లాక్కొని చించేశారు. రిటర్నింగ్‌ అధికారికి ఇచ్చిన తర్వాత కూడా పత్రాలను తీసుకెళ్లారు. అధికారులు, పోలీసులు తమ బాధ్యతలను నిర్వహిస్తున్నారా? లేక అధికార పార్టీకి అనుకూలంగా వ్యవహరిస్తున్నారా? ప్రజాస్వామ్యబద్ధంగా ఎన్నికలు నిర్వహించాల్సిన బాధ్యత పోలీసుల­పై లేదా? రాష్ట్రంలో ఎన్నికల కమిషన్‌ ఉన్నట్టా, లేనట్టా? ప్రజాస్వామ్యబద్ధంగా ఎన్నికలు నిర్వహిస్తే ఒక్క మున్సిపాలిటీలోనైనా, ఒక్క కౌన్సిలర్‌ స్థానంలోనైనా గెలుస్తామనే నమ్మకం కూటమి ప్రభుత్వానికి లేదనే విధంగా పరిణామాలు కనిపిస్తున్నాయి. పోలీసులను అడ్డుపెట్టుకుని ఎన్నికలను ప్రభావితం చేసే ప్రయత్నాలను ఆపాలి. ఎన్నికల కమిషన్‌ తక్షణమే జోక్యం చేసుకుని, నామినేషన్లు వేసే ప్రతి అభ్యర్థికి రక్షణ కల్పించాలి’ అని అవినాశ్‌రెడ్డి డిమాండ్‌ చేశారు.

పులివెందులలో తీవ్ర ఉద్రిక్తత కొనసాగుతోంది. పోలీసులు మరోసారి లాఠీఛార్జ్‌, టియర్‌ గ్యాస్‌ ప్రయోగించారు. నామినేషన్‌ వేసేందుకు వచ్చిన వైఎస్సార్‌సీపీ కౌన్సిలర్లపై లాఠీఛార్జ్‌ జరిగింది. టీడీపీ గూండాల చేతుల్లో కర్రలు, రాడ్లు, వేటకొడవళ్లు, పెట్రోల్‌ ఉన్నాయని వైఎస్సార్‌సీపీ నేత, ఎంపీ వైఎస్‌ అవినాశ్‌రెడ్డి అన్నారు. టీడీపీ గూండాలను వదిలేసి తమపై లాఠీఛార్జ్‌ చేశారని తెలిపారు. ఎన్నికల కమిషన్‌ ఉన్నట్టా? లేనట్టా? అని అన్నారు. ఇప్పటికైనా ఎన్నికల కమిషన్‌ మొద్దునిద్ర వీడాలని చెప్పారు. ఇది పిరికి పందెల ప్రభుత్వమని అన్నారు. నామినేషన్‌ కోసం పోలీసులు మధ్యాహ్నం 1.30 గంటలకు రమ్మన్నారని తెలిపారు. ఇక్కడికి వచ్చాక.. ఇవాళ వద్దు.. రేపు రమ్మంటున్నారని చెప్పారు. ఇవాళ నామినేషన్‌ వేసే రైట్‌ తమకెందుకు లేదని అవినాశ్‌ రెడ్డి ప్రశనించారు. కాల్పులు జరుపుతున్నారు..పోలీసులే తమపై దాడులు చేస్తున్నారని, కాల్పులు జరుపుతున్నారని అవినాశ్‌ రెడ్డి అన్నారు. ‘‘పోలీసుల ఫైరింగ్‌లో మా కార్యకర్తలకు గాయాలయ్యాయి. ఒక కార్యకర్త కాలులోకి బుల్లెట్‌ దూసుకెళ్లింది. మరో కార్యకర్త చెవికి తీవ్రగాయమైంది. పోలీసుల ఫైరింగులో ఇంకో కార్యకర్త వేలు విరిగింది. మేం టీడీపీని కాదు.. పోలీసులను ఎదుర్కోవాల్సి వస్తుంది. పోలీసులే స్వయంగా మాపై రాళ్ల దాడి చేస్తున్నారు. పారదర్శకంగా ఎన్నికలు జరిపే దమ్ము కూటమికి లేదు. పోలీసులను అడ్డం పెట్టుకుని కుట్రలు చేస్తున్నారు’’ అని తెలిపారు. ఇదీ చదవండి: పులివెందులలో కాల్పులు

సాక్షి, వైఎస్సార్‌ జిల్లా: వైఎస్సార్‌సీపీ నేతలు, కార్యకర్తలపై పోలీసులు దాష్టీకం ప్రదర్శించారు. వైఎస్సార్‌సీపీ నేతల వాహనాలు ధ్వంసం చేసిన పోలీసులు.. టీయర్‌ గ్యాస్‌ ప్రయోగించడంతో పాటు గాల్లోకి కాల్పులు జరిపారు. నామినేషన్‌ వేసేందుకు వైఎస్సార్‌సీపీ కౌన్సిలర్లు రాగా.. వారిని అడ్డుకున్నారు. ఎంపీ అవినాష్‌ సహా నేతలను పోలీసులు అడ్డుకున్నారు.నామినేషన్‌ వేయకుండా కూటమి కుట్రలకు పాల్పడుతోంది. పోలీసులను అడ్డుపెట్టుకుని వైఎస్సార్‌సీపీ నేతలపై లాఠీచార్జ్‌, టియర్‌ గ్యాస్‌ ప్రయోగాలకు దిగింది. పులివెందులలో హైటెన్షన్‌ వాతావరణం నెలకొంది. సమయం ముగిసే వరకు నామినేషన్‌ సెంటర్‌లోకి వైఎస్సార్‌సీపీ అభ్యర్థులను పంపకుండా కుతంత్రాలు చేస్తున్నారు. వైఎస్సార్‌సీపీ నేతలపైకి రాళ్లు రువ్వుతున్నారు పోలీసులు. మరొకవైపు ఏకే 47తో కాల్పులకు దిగారు పోలీసులు.నామినేషన్‌ సెంటర్‌ దగ్గర టీడీపీ గూండాలు మోహరించారు. వైఎస్సార్‌సీపీ అభ్యర్థులపై దాడి చేసేందుకు టీడీపీ గూండాలు యత్నించారు. టీడీపీ గూండాలను మాత్రం అడ్డుకోని పోలీసులు.. వైఎస్సార్‌సీపీ నేతలు, కార్యర్తలపై ప్రతాపం చూపించారు. వైఎస్సార్‌సీపీ శ్రేణులనే లక్ష్యంగా చేసుకుని పోలీసులు రాళ్లు విసరడం, కాల్పులు జరపడం వంటి చర్యలకు దిగారు. పోలీసుల దాష్టీకానికి నిరసనగా వైఎస్సార్‌సీపీ నేతలు ధర్నాకు దిగారు. ఇదీ చదవండి: ఎంపీ చేతుల్లోంచి నామినేషన్‌ పేపర్లు లాక్కుని..

సాక్షి, వైఎస్సార్‌ జిల్లా: స్థానిక సంస్థల ఎన్నికల నేపథ్యంలో రాష్ట్రంలో టీడీపీ దౌర్జన్యకాండ కొనసాగుతోంది. వైఎస్‌ జగన్‌ మోహన్‌రెడ్డి నియోజకవర్గం పులివెందులలో అర్ధరాత్రి టీడీపీ మూకలు దాష్టీకానికి పాల్పడ్డాయి. వైఎస్సార్‌సీపీ నేతకు చెందిన ఆస్తులకు నిప్పు పెట్టాయి. ఈ ఘటనపై సమాచారం అందుకున్న కడప ఎంపీ వైఎస్‌ అవినాష్‌రెడ్డి హుటాహుటిన అక్కడి చేరుకున్నారు. ఘటనా స్థలాన్ని పరిశీలించి బాధిత నేతను పరామర్శించి ధైర్యం చెప్పారు.పులివెందులలో సదరు నేతకు చెందిన చికెన్‌ సెంటర్‌తో పాటు ఇతర సామగ్రికి కూడా టీడీపీ గూండాలు నిప్పు పెట్టాయి. నామినేషన్ల నేపథ్యంలోనే బెదిరింపులకు దిగుతూ ఈ చర్యకు పాల్పడినట్లు తెలుస్తోంది. ఈ చర్యను తీవ్రంగా ఖండించిన ఎంపీ అవినాశ్‌ రెడ్డి.. బెదిరింపులకు, దాడులకు తలవంచబోమని, ఎన్నికలను సమర్థవంతంగా ఎదుర్కొని తీరతామన్నారు. ఆ సమయంలో ఆయన వెంట మున్సిపల్ ఇంచార్జిలు వైఎస్ మనోహర్ రెడ్డి, దుష్యంత్ రెడ్డిలు ఉన్నారు.నిన్న ఘోరంరెండేళ్ల కూటమి పాలనపై రాష్ట్రంలో తీవ్ర వ్యతిరేకత ఉంది. స్థానిక సంస్థల ఎన్నికల్లో ఓడిపోతామనే భయంతో చంద్రబాబు రాక్షసక్రీడకు తెర తీశారు. ఆయన ఆదేశాలతో టీడీపీ శ్రేణులు రెచ్చిపోతున్నాయి. నిన్న పుంగనూరులో వైఎస్సార్‌సీపీ నేతల నామినేషన్లను అడ్డుకునేందుకు ఏకంగా ఎంపీ మిథున్‌రెడ్డిపై దాడి చేసి పలు వాహనాలను ధ్వంసం చేశారు. అలాగే రాయచోటిలో వైఎస్సార్‌సీపీ కార్యాలయానికి, పలు వాహనాలకు నిప్పు పెట్టారు. మాజీ ఎమ్మెల్యే గడికోట శ్రీకాంత్‌ ఆ దాడి నుంచి తృటిలో తప్పించుకున్నారు. నేడు కూడా కొనసాగుతున్న..రాష్ట్రంలో పచ్చమూక అరాచకాలు ఇవాళ కూడా కొనసాగుతున్నాయని వైఎస్సార్‌సీపీ అంటోంది. తమ పార్టీ శ్రేణులపై దాడులకు దిగడం, బెదిరింపులకు పాల్పడటం వంటి ఘటనలు జరుగుతున్నా పోలీసులు, అధికారులు చోద్యం చూస్తున్నారని విమర్శిస్తోంది. దాడులు యథేచ్ఛగా కొనసాగుతున్నాయని, ఎన్నికల కోడ్‌ ఉల్లంఘనలు జరుగుతున్నాయని పేర్కొంటోంది. పైగా మాట వినకుంటే తప్పుడు కేసులతో అక్రమ అరెస్టులు చేస్తున్నారని అంటోంది. ఈ ఘటనలను ఖండించిన వైఎస్సార్‌సీపీ అధినేత, మాజీ సీఎం వైఎస్‌ జగన్‌ మోహన్‌రెడ్డి.. రాష్ట్రాన్ని జంగిల్‌రాజ్‌గా మార్చిన చంద్రబాబుపై ధ్వజమెత్తారు. టీడీపీ హింసాకాండను కోర్టు దృష్టికి తీసుకెళ్తామని.. కేంద్ర బలగాలు రంగంలోకి దిగితేనే ఎన్నికలు సజావుగా సాగుతాయని అంటున్నారు.ఇదీ చదవండి: అర్ధరాత్రి ఖాకీ బూచోళ్లు!.. పల్నాడులో దారుణం

సాక్షి,వైఎస్సార్‌: పులివెందుల మున్సిపల్ వైఎస్సార్‌సీపీ అభ్యర్థిగా వైఎస్‌ ప్రమీలమ్మ నామినేషన్‌ దాఖలు చేశారు. నామినేషన్ దాఖలు చేయడానికి ముందు వైఎస్ ప్రమీలమ్మ స్థానిక నేతలు, కార్యకర్తలతో కలిసి పులివెందులలోని దివంగత వైఎస్ జయమ్మ రాజారెడ్డి విగ్రహానికి పూలమాలలు వేసి నివాళులు అర్పించారు. అనంతరం అక్కడి నుంచి భారీ సంఖ్యలో పార్టీ శ్రేణులు, అభిమానులతో కలిసి ర్యాలీగా నామినేషన్ కేంద్రానికి బయలుదేరారు.ఈ కార్యక్రమంలో వైఎస్సార్‌సీపీ కడప ఎంపీ వైఎస్ అవినాష్ రెడ్డి, వైఎస్ మనోహర్ రెడ్డి తదితరులు ప్రత్యక్షంగా పాల్గొని వైఎస్ ప్రమీలమ్మకు సంఘీభావం తెలిపారు. నాయకులు, కార్యకర్తల భారీ ర్యాలీతో పులివెందుల పట్టణంలో సందడి నెలకొంది.

సాక్షి, వైఎస్సార్ జిల్లా: పులివెందులలో ఈసీ గంగిరెడ్డి ఆరో వర్ధంతి కార్యక్రమం నేడు జరిగింది. ఈసీ గంగిరెడ్డి ఘాట్‌ వద్ద ఆయన కుమార్తె వైఎస్‌ భారతిరెడ్డి, సతీమణి సుగుణమ్మ, కుమారుడు ఈసీ దినేష్ రెడ్డితో పాటు ఇతర కుటుంబ సభ్యులు నివాళులర్పించారు. ఈసీ గంగిరెడ్డి వర్ధంతి సందర్భంగా భాకరాపురంలోని దినేష్‌ నర్సింగ్‌ హోమ్‌లో ప్రత్యేక ప్రార్థనలు, అన్నదాన కార్యక్రమాన్ని నిర్వహించారు.మాజీ ఎమ్మెల్యే చెవిరెడ్డి భాస్కర్‌ రెడ్డి, వైఎస్‌ ప్రతాప్‌ రెడ్డి, వైఎస్‌ మనోహర్‌ రెడ్డి, వైఎస్‌ భాస్కర్‌ రెడ్డి సతీమణి లక్ష్మీదేవమ్మ, మున్సిపల్‌ మాజీ చైర్మన్‌ వైఎస్‌ ప్రమీలమ్మతో పాటు పలువురు వైఎస్‌ కుటుంబ సభ్యులు ఈ కార్యక్రమంలో పాల్గొని ఈసీ గంగిరెడ్డికి నివాళులు అర్పించారు. పేదల డాక్టర్‌... ఈసీ గంగిరెడ్డిదివంగత డాక్టర్‌ ఈసీ గంగిరెడ్డి పేదల డాక్టర్‌గా పులివెందుల ప్రాంతంలో గుర్తింపు పొందారు. ఆయన హస్తవాసి తగిలితే ఎంతటి రోగమైనా ఇట్టే నయమవుతుందని ఈ ప్రాంత వాసుల నమ్మకం. ప్రముఖ వైద్యుడు డాక్టర్‌ ఈసీ గంగిరెడ్డి చిన్నపిల్లల డాక్టర్‌గా ప్రాచుర్యం పొందారు. 1949 ఏప్రిల్‌ 20వ తేదీన ఈసీ సిద్ధారెడ్డి, తులశమ్మ దంపతులకు రెండవ సంతానంగా వేముల మండలంలోని గొల్లలగూడూరులో ఈసీ గంగిరెడ్డి జన్మించారు. ఆయన తన విద్యాభ్యాసం 1వ తరగతి నుంచి 5వ తరగతి వరకు గొల్లలగూడూరు ఆర్‌సీఎం స్కూలు, 6వ తరగతి నుంచి 8వ తరగతి వరకు పులివెందులలోని జెడ్పీ హైస్కూలు, 9వ తరగతి నుంచి 11వ తరగతి వరకు వేముల జెడ్పీ హైస్కూలు, అనంతరం ఎంబీబీఎస్‌ వారణాసిలోని బెనారస్‌ యూనివర్సిటీలో విద్యనభ్యసించారు.బెనారస్‌ యూనివర్సిటీలో ఆయన పీడీ కూడా పూర్తి చేశారు. అనంతరం పులివెందులలోని వైఎస్‌ రాజారెడ్డి ఆసుపత్రిలో వైద్య సేవలు ప్రారంభించారు. అనంతరం పులివెందులలోని శ్రీనివాసహాలు వీధిలో తన సతీమణి డాక్టర్‌ ఈసీ సుగుణమ్మతో కలిసి గంగిరెడ్డి ఆసుపత్రి స్థాపించి దంపతులిద్దరూ వైద్య సేవలు అందించేవారు. పులివెందులలోని గంగిరెడ్డి ఆసుపత్రి అంటే ఎంతో ప్రాచుర్యం పొందింది. పులివెందుల ప్రాంతంలో పేదల వైద్యునిగా ఆయన పేరు తెచ్చుకున్నారు. వైద్యం చేయడమే ప్రధాన ఆశయంగా ప్రతిఫలం ఆశించని డాక్టర్‌గా ఇక్కడ గుర్తింపు పొందారు. ఎలాంటి రోగమైనా ఆయన దగ్గరకు వెళ్లి ఆయన చేయి పడితే నయమవుతుందని పులివెందుల ప్రాంత ప్రజల నమ్మకం.పులివెందుల ప్రాంత ప్రజలే కాకుండా జిల్లాలోని నలుమూలల నుంచి పక్క జిల్లాలైన అనంతపురం, కర్నూలు, చిత్తూరు జిల్లాల నుంచి కూడా ఆయన వద్దకు వచ్చి రోగులు వైద్య సేవలు పొందేవారు. వైద్య సేవలలో మారుతున్న కాలాన్ని బట్టి ఆయన భాకరాపురంలో అత్యాధునిక వైద్య పరికరాలతో తన కుమారుడి పేరిట దినేష్‌ నర్సింగ్‌ హోం (ఈసీ గంగిరెడ్డి ఆసుపత్రి)ని స్థాపించి వైద్య సేవలు అందించారు. ఈసీ గంగిరెడ్డి కుమారుడు ఈసీ దినేష్‌రెడ్డి కూడా వైద్యునిగా సేవలు అందిస్తున్నారు. ఈసీ గంగిరెడ్డి తన దగ్గరకు వచ్చే రోగుల పట్ల ఎంతో ప్రేమ, ఆప్యాయతను కనబరిచే వారు. ఉదయం 6 గంటల నుంచి రాత్రి 12 గంటల వరకు నిరంతరాయంగా వైద్య సేవలు అందించేందుకు తపన పడేవారు. దినేష్‌ నర్సింగ్‌ హోం ద్వారా అనేక ఉచిత మెగా మెడికల్‌ క్యాంపులు నిర్వహించి పేద ప్రజలకు సేవ చేశారు. రాజకీయ ప్రస్థానం డాక్టర్‌ ఈసీ గంగిరెడ్డి 2001 నుంచి 2005 వరకు పులివెందుల మండల ప్రెసిడెంట్‌గా ప్రజలకు సేవలు అందించారు. వైఎస్‌ కుటుంబం పోటీ చేసే ప్రతి ఎన్నికలలోనూ ఆయన తనవంతు పాత్ర పోషించారు. ఎన్నికల సమయంలో వైఎస్‌ కుటుంబానికి మద్దతుగా నియోజకవర్గంలో ప్రచారం నిర్వహించారు. 2003 రబీ సీజన్‌లో అప్పటి టీడీపీ ప్రభుత్వం రైతులకు విత్తనాలు సక్రమంగా సరఫరా చేయలేదని పులివెందుల నుంచి కడప కలెక్టరేట్‌ వరకు పాదయాత్ర చేశారు. నేడు అన్నదానం దివంగత డాక్టర్‌ ఈసీ గంగిరెడ్డి ఆరో వర్ధంతి కార్యక్రమం శనివారం పులివెందులలో జరగనుంది. డిగ్రీ కళాశాల రోడ్డులో గల వైఎస్సార్‌ సమాధుల తోటలో ఉన్న డాక్టర్‌ ఈసీ గంగిరెడ్డి ఘాట్‌ వద్ద డాక్టర్‌ ఈసీ గంగిరెడ్డి కుమార్తె వైఎస్‌ భారతిరెడ్డి, సతీమణి ఈసీ సుగుణమ్మ, కుమారుడు ఈసీ దినేష్‌రెడ్డి, వైఎస్‌ కుటుంబీకులు నివాళులు అర్పించి ప్రత్యేక ప్రార్థనలు నిర్వహించనున్నారు. అనంతరం స్థానిక భాకరాపురంలో గల దినేష్‌ నర్సింగ్‌ హోంలో ప్రత్యేక ప్రార్థనలు, అన్నదాన కార్యక్రమం నిర్వహించనున్నారు.

పులివెందుల రూరల్‌ : దివంగత డాక్టర్‌ ఈసీ గంగిరెడ్డి పేదల డాక్టర్‌గా పులివెందుల ప్రాంతంలో గుర్తింపు పొందారు. ఆయన హస్తవాసి తగిలితే ఎంతటి రోగమైనా ఇట్టే నయమవుతుందని ఈ ప్రాంత వాసుల నమ్మకం. ప్రముఖ వైద్యుడు డాక్టర్‌ ఈసీ గంగిరెడ్డి చిన్నపిల్లల డాక్టర్‌గా ప్రాచుర్యం పొందారు. 1949 ఏప్రిల్‌ 20వ తేదీన ఈసీ సిద్ధారెడ్డి, తులశమ్మ దంపతులకు రెండవ సంతానంగా వేముల మండలంలోని గొల్లలగూడూరులో ఈసీ గంగిరెడ్డి జన్మించారు. ఆయన తన విద్యాభ్యాసం 1వ తరగతి నుంచి 5వ తరగతి వరకు గొల్లలగూడూరు ఆర్‌సీఎం స్కూలు, 6వ తరగతి నుంచి 8వ తరగతి వరకు పులివెందులలోని జెడ్పీ హైస్కూలు, 9వ తరగతి నుంచి 11వ తరగతి వరకు వేముల జెడ్పీ హైస్కూలు, అనంతరం ఎంబీబీఎస్‌ వారణాసిలోని బెనారస్‌ యూనివర్సిటీలో విద్యనభ్యసించారు. బెనారస్‌ యూనివర్సిటీలో ఆయన పీడీ కూడా పూర్తి చేశారు. అనంతరం పులివెందులలోని వైఎస్‌ రాజారెడ్డి ఆసుపత్రిలో వైద్య సేవలు ప్రారంభించారు. అనంతరం పులివెందులలోని శ్రీనివాసహాలు వీధిలో తన సతీమణి డాక్టర్‌ ఈసీ సుగుణమ్మతో కలిసి గంగిరెడ్డి ఆసుపత్రి స్థాపించి దంపతులిద్దరూ వైద్య సేవలు అందించేవారు. పులివెందులలోని గంగిరెడ్డి ఆసుపత్రి అంటే ఎంతో ప్రాచుర్యం పొందింది. పులివెందుల ప్రాంతంలో పేదల వైద్యునిగా ఆయన పేరు తెచ్చుకున్నారు. వైద్యం చేయడమే ప్రధాన ఆశయంగా ప్రతిఫలం ఆశించని డాక్టర్‌గా ఇక్కడ గుర్తింపు పొందారు. ఎలాంటి రోగమైనా ఆయన దగ్గరకు వెళ్లి ఆయన చేయి పడితే నయమవుతుందని పులివెందుల ప్రాంత ప్రజల నమ్మకం. పులివెందుల ప్రాంత ప్రజలే కాకుండా జిల్లాలోని నలుమూలల నుంచి పక్క జిల్లాలైన అనంతపురం, కర్నూలు, చిత్తూరు జిల్లాల నుంచి కూడా ఆయన వద్దకు వచ్చి రోగులు వైద్య సేవలు పొందేవారు. వైద్య సేవలలో మారుతున్న కాలాన్ని బట్టి ఆయన భాకరాపురంలో అత్యాధునిక వైద్య పరికరాలతో తన కుమారుడి పేరిట దినేష్‌ నర్సింగ్‌ హోం (ఈసీ గంగిరెడ్డి ఆసుపత్రి)ని స్థాపించి వైద్య సేవలు అందించారు. ఈసీ గంగిరెడ్డి కుమారుడు ఈసీ దినేష్‌రెడ్డి కూడా వైద్యునిగా సేవలు అందిస్తున్నారు. ఈసీ గంగిరెడ్డి తన దగ్గరకు వచ్చే రోగుల పట్ల ఎంతో ప్రేమ, ఆప్యాయతను కనబరిచే వారు. ఉదయం 6 గంటల నుంచి రాత్రి 12 గంటల వరకు నిరంతరాయంగా వైద్య సేవలు అందించేందుకు తపన పడేవారు. దినేష్‌ నర్సింగ్‌ హోం ద్వారా అనేక ఉచిత మెగా మెడికల్‌ క్యాంపులు నిర్వహించి పేద ప్రజలకు సేవ చేశారు. రాజకీయ ప్రస్థానం డాక్టర్‌ ఈసీ గంగిరెడ్డి 2001 నుంచి 2005 వరకు పులివెందుల మండల ప్రెసిడెంట్‌గా ప్రజలకు సేవలు అందించారు. వైఎస్‌ కుటుంబం పోటీ చేసే ప్రతి ఎన్నికలలోనూ ఆయన తనవంతు పాత్ర పోషించారు. ఎన్నికల సమయంలో వైఎస్‌ కుటుంబానికి మద్దతుగా నియోజకవర్గంలో ప్రచారం నిర్వహించారు. 2003 రబీ సీజన్‌లో అప్పటి టీడీపీ ప్రభుత్వం రైతులకు విత్తనాలు సక్రమంగా సరఫరా చేయలేదని పులివెందుల నుంచి కడప కలెక్టరేట్‌ వరకు పాదయాత్ర చేశారు. నేడు అన్నదానం దివంగత డాక్టర్‌ ఈసీ గంగిరెడ్డి ఆరో వర్ధంతి కార్యక్రమం శనివారం పులివెందులలో జరగనుంది. డిగ్రీ కళాశాల రోడ్డులో గల వైఎస్సార్‌ సమాధుల తోటలో ఉన్న డాక్టర్‌ ఈసీ గంగిరెడ్డి ఘాట్‌ వద్ద డాక్టర్‌ ఈసీ గంగిరెడ్డి కుమార్తె వైఎస్‌ భారతిరెడ్డి, సతీమణి ఈసీ సుగుణమ్మ, కుమారుడు ఈసీ దినేష్‌రెడ్డి, వైఎస్‌ కుటుంబీకులు నివాళులు అర్పించి ప్రత్యేక ప్రార్థనలు నిర్వహించనున్నారు. అనంతరం స్థానిక భాకరాపురంలో గల దినేష్‌ నర్సింగ్‌ హోంలో ప్రత్యేక ప్రార్థనలు, అన్నదాన కార్యక్రమం నిర్వహించనున్నారు.

సాక్షి ప్రతినిధి, కడప/పులివెందుల రూరల్‌: వైఎస్సార్‌ కడప జిల్లాలో అధికార టీడీపీ నేతలకు అడిగిందే తడవుగా చంద్రబాబు ప్రభుత్వం గన్‌మెన్‌ను కేటాయించడంతో, వారిని అడ్డుపెట్టుకొని నాయకులు చెలరేగిపోతున్నారు. ఒకరూ ఇద్దరూ కాదు.. ఏకంగా 25 మంది గన్‌మెన్‌ను ఇచ్చేంత పెద్ద అధికార హోదా లేని చోటా మోటా నాయకులు కూడా గన్‌మెన్‌ను వెంటేసుకొని తిరుగుతూ పట్టణంలో దందాలు, జూ­దం, దాడులతో అరాచకం సృష్టిస్తున్నారు. ఇటీవల తుమ్మలపల్లెకు చెందిన ఓ టీడీపీ నాయకుడు తన గన్‌మేన్‌తో గ్రామంలోని వైఎస్సార్‌సీపీ నాయకులపైన దాడికి దిగగా.., సోమవారం మరోసారి టీడీపీ నేత గన్‌మేన్‌ కాల్పులు జరపడం పట్టణ ప్రజలను తీవ్ర భయాందోళనలకు గురిచేసింది. టీడీపీ పులివెందుల నియోజకవర్గ ఇన్‌ఛార్జి బీటెక్‌ రవి వర్గంలోని రెండు గ్రూపులు సోమవారం ఉదయం నుంచి రాత్రి వరకు ఒకరిపై ఒకరు దాడులకు తెగబడ్డాయి. వినాయక ఉత్సవాల్లో వివాదం పట్టణంలోని మైత్రి లేఅవుట్‌లో టీడీపీ నాయకుడు పుష్పనాథరెడ్డి ఆధ్వర్యంలో వినాయక విగ్రహాన్ని ఏర్పాటు చేశారు. సోమవారం జరిగిన వినాయక చవితి ఉత్సవాల్లో టీడీపీ నియోజకవర్గ ఇన్‌ఛార్జి బీటెక్‌ రవి, ఇతర నాయకులను సన్మానించారు. అక్కడే ఉన్న మరో టీడీపీ నాయకుడు అక్కులగారి విజయ్‌కుమార్‌రెడ్డిని సన్మానించలేదు. దీంతో పుష్పనాథరెడ్డి, విజయకుమార్‌ రెడ్డి వర్గాల మధ్య ఘర్షణ జరిగింది. ఆ తర్వాత పుష్పనాథరెడ్డి, తొండూరు మండలానికి చెందిన మల్లికార్జునరెడ్డి, కొత్తపల్లె మాజీ సర్పంచ్‌ ప్రసాద్, గంగాధరరెడ్డి, మంజునాథరెడ్డి ఓ బీజేపీ నాయకుడి ఇంటికి వెళ్లారు. విజయ్‌కుమార్‌ రెడ్డికి ఫోన్‌ చేసి అక్కడికి రమ్మన్నారు. విజయ్‌కుమార్‌ రెడ్డి అక్కడికి వెళ్లగా రెండు వర్గాల మధ్య మళ్లీ ఘర్షణ జరిగి, చెప్పులతో కొట్టుకొన్నారు. దీంతో ‘నీ ఇల్లు కూల్చేస్తాను’ అని పుష్పనాథ్‌ రెడ్డిని విజయ్‌కుమార్‌ రెడ్డి హెచ్చరించి వెళ్లిపోయాడు. దీంతో పుష్పనాథరెడ్డి రాత్రి 10.30 గంటల తర్వాత వంద మందితో విజయ్‌కుమార్‌రెడ్డి ఇంటికి వెళ్లి హజ్‌ కమిటీ డైరెక్టర్‌ మహబూబ్‌ బాషా, టీడీపీ నాయకుడు భాస్కర్‌రెడ్డిపై దాడి చేశారు. రాళ్లు, కర్రలతో ఇంటి ముందు ఉన్న మూడు కార్లను ధ్వంసం చేశారు. ఇదే సమయంలో హజ్‌ కమిటీ డైరెక్టర్‌ మహబూబ్‌ బాషా గన్‌మేన్‌ రబ్బాని గాలిలోకి కాల్పులు జరిపాడు. పులివెందుల డీఎస్పీ మురళీ నాయక్‌ భారీ పోలీసు బలగాలతో అక్కడికి చేరుకుని ఇరువర్గాలను చెదరగొట్టాల్సి వచ్చింది. ఈ ఘర్షణపై ఇరు వర్గాలకు చెందిన పుష్పనాథరెడ్డి, మల్లికార్జునరెడ్డి, ప్రసాద్, గంగాధరరెడ్డి, మంజునాథరెడ్డితోపాటు అక్కులగారి విజయ్‌కుమార్‌రెడ్డిపై కేసు నమోదు చేసినట్లు చెప్పారు. వాస్తవానికి అక్కడ ఉన్న ఏ ఒక్క నాయకుడికీ చట్ట ప్రకారం గన్‌మెన్‌ను ఇచ్చే హోదా లేదు. అంతకుమించిన ప్రాణముప్పు కూడా లేదని పరిశీలకులు చెబుతున్నారు. కానీ, పుష్పనాథరెడ్డి, విజయ్‌కుమార్‌ రెడ్డి సహా అక్కడున్న అందరికీ ప్రభుత్వం గన్‌మెన్‌ను ఇచ్చింది.ముప్పున్న వైఎస్సార్‌సీపీ నేతలకు రక్షణ కరవు.. కోర్టు ఆదేశాలూ బేఖాతరు మరోవైపు వైఎస్సార్‌సీపీలో నిజంగా ప్రాణాలకు ముప్పు ఉన్న నాయకులకు రక్షణ కరువైంది. వైఎస్సార్‌సీపీ నాయకునికి గన్‌మెన్‌ ఇవ్వాలన్న హైకోర్టు ఆదేశాలనూ పోలీసులు బేఖాతరు చేశారు. వైఎస్సార్‌సీపీకి చెందిన వేల్పుల రామలింగారెడ్డి (రాము)పై టీడీపీ నాయకులు హత్యాయత్నం చేయడంతో తనకు రక్షణ కల్పించాలని ఆయన హైకోర్టును ఆశ్రయించారు. తనపై జరిగిన దాడిలో తగిలిన గాయాలు, ఇతర బలమైన ఆధారాలను హైకోర్టుకు సమరి్పంచారు. వాటన్నింటినీ పరిశీలించిన హైకోర్టు.. రాముకు తక్షణమే గన్‌మెన్‌ను కేటాయించాలని కడప జిల్లా పోలీసులను ఆదేశించింది. అయినా, కడప జిల్లా పోలీసు అధికారులు రామలింగారెడ్డికి గన్‌మెన్‌ను ఇవ్వలేదు. ఇలా నిజమైన బాధితులకు రక్షణ నిరాకరిస్తూ, ఎలాంటి ప్రాణహాని లేని టీడీపీ నాయకులకు ప్రభుత్వం గన్‌మెన్‌ను కేటాయించడం పట్ల పులివెందుల వాసులు మండిపడుతున్నారు.

సాక్షి,వైఎస్సార్‌ జిల్లా: పులివెందులలో ఉద్రిక్తత చోటుచేసుకుంది. గణేష్ విగ్రహం వద్ద టీడీపీ నాయకుల మధ్య జరిగిన ఘర్షణ తీవ్ర రూపం దాల్చింది. టీడీపీ నేతలు పుష్పనాథ్‌రెడ్డి, విజయ్‌రెడ్డిల మధ్య స్థానిక వివాదం కారణంగా వాగ్వాదం మొదలైంది. ఈ గొడవలో విజయ్‌రెడ్డి, పుష్పనాథ్‌రెడ్డిపై చేయి చేసుకున్నాడు. దీంతో ఇరువర్గాలూ పరస్పరం రాళ్లతో దాడి చేసుకున్నాయి. ఈ ఘర్షణలో విజయ్‌కుమార్‌రెడ్డి ఇంటి వద్ద నిలిపి ఉంచిన మూడు వాహనాలు ధ్వంసమయ్యాయి.పరిస్థితిని అదుపులోకి తెచ్చి, ఇరువర్గాలను శాంతింపజేసేందుకు హజ్ కమిటీ డైరెక్టర్ భాషా మధ్యవర్తిగా రంగంలోకి దిగారు. అయితే ఆయన అక్కడకు వెళ్లిన సమయంలో పరిస్థితి మరింత ఉద్రిక్తతంగా మారడంతో, ఆయన గన్‌మెన్ గాల్లోకి ఒక రౌండ్ కాల్పులు జరిపాడు. ఈ ఘటన స్థానికంగా కలకలం సృష్టించింది.

సాక్షి ప్రతినిధి, కడప: ‘రాబోయే స్థానిక సంస్థల ఎన్నికలను వైఎస్సార్‌సీపీ నేతలు చాలెంజ్‌గా తీసుకోవాలి. ప్రతి చోటా నాయకులు కేడర్‌కు అండగా నిలవాలి. అధికార బలం, పోలీసులను అడ్డుపెట్టుకొని ఏకగ్రీవాలు చేసుకునే ప్రయత్నం చేస్తారు. ఏకగ్రీవాలకు అవకాశం ఇవ్వకుండా ప్రతి స్థానంలో పోటీకి సిద్ధం కావాలి’ అని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పార్టీ నాయకులు, శ్రేణులకు పిలుపునిచ్చారు. పులివెందుల పర్యటనలో భాగంగా మంగళవారం భాకరాపురంలోని క్యాంప్‌ కార్యాలయంలో ఆయన ప్రజాదర్బార్‌ నిర్వహించారు. ఈ సందర్భంగా పెద్ద సంఖ్యలో వైఎస్సార్‌సీపీ నాయకులు, కార్యకర్తలు, అభిమానులు, ప్రజలు పార్టీ అధినేత, మాజీ సీఎం వైఎస్‌ జగన్‌ను కలిశారు. వివిధ ప్రాంతాల నుంచి వచ్చిన ప్రజలు వారి సమస్యలను వైఎస్‌ జగన్‌ దృష్టికి తీసుకువచ్చారు. వినతులు సమర్పించారు. వైఎస్‌ జగన్‌ వారి సమస్యలను ఓపికగా విన్నారు. వారికి భరోసా ఇచ్చారు. స్థానిక సంస్థల ఎన్నికలకు ముందుగానే సిద్ధం కావాలి అనంతరం పార్టీ నాయకులతో వైఎస్‌ జగన్‌ మాట్లాడారు. స్థానిక రాజకీయ పరిస్థితులు, పార్టీ కార్యక్రమాలు, రానున్న స్థానిక సంస్థల ఎన్నికల్లో అనుసరించాల్సిన వ్యూహంపై నాయకులకు పలు సూచనలు చేశారు. స్థానిక సంస్థల ఎన్నికలను ప్రతి ఒక్కరూ ఛాలెంజ్‌గా తీసుకోవాలని వారికి చెప్పారు. గ్రామస్థాయి నుంచి పార్టీని మరింత బలోపేతం చేయాలని, ప్రజలతో నిరంతరం మమేకమై వారి సమస్యల పరిష్కారానికి అండగా నిలవాలని సూచించారు. ఎక్కడా ఏకగ్రీవ ఎన్నికలకు అవకాశం ఇవ్వకుండా ప్రతి స్థానంలో వైఎస్సార్‌సీపీ అభ్యర్థులు పోటీలో ఉండేలా ముందుగానే సిద్ధం కావాలని దిశానిర్దేశం చేశారు. పార్టీ క్యాడర్‌ను సమన్వయం చేసుకుని, గ్రామాలు, వార్డులవారీగా కార్యాచరణ రూపొందించుకోవాలని సూచించారు. బెదిరింపులు, దౌర్జన్యాలకు లొంగొద్దు అధికార బలాన్ని అడ్డుపెట్టుకుని ప్రతిపక్షంపై ఒత్తిళ్లు తీసుకురావడం, పోలీసులను ఉపయోగించి బెదిరింపులు, దౌర్జన్యాలకు పాల్పడే ప్రయత్నాలు జరిగితే వాటిని ధైర్యంగా, సంఘటితంగా ఎదుర్కోవాలని పార్టీ శ్రేణులకు వైఎస్‌ జగన్‌ సూచించారు. కార్యకర్తలకు పార్టీ అన్ని విధాలుగా అండగా ఉంటుందని, ఎవరూ భయపడాల్సిన అవసరం లేదని భరోసా ఇచ్చారు. వైఎస్సార్‌సీపీ ప్రభుత్వ హయాంలో అమలు చేసిన సంక్షేమ, అభివృద్ధి కార్యక్రమాల వల్ల ప్రతి కుటుంబానికి కలిగిన మేలును ప్రజలకు మరోసారి గుర్తు చేయాలని చెప్పారు. గ్రామ సచివాలయాలు, వలంటీర్‌ వ్యవస్థ, నాడు–నేడు, ఆరోగ్యశ్రీ విస్తరణ, విద్యా రంగంలో సంస్కరణలు, రైతులు, మహిళలు, విద్యార్థులు, పేదలకు అందించిన సంక్షేమ కార్యక్రమాలను ప్రజల్లోకి విస్తృతంగా తీసుకెళ్లాలని చెప్పారు. కూటమి ప్రభుత్వ వైఫల్యాలను ప్రజలకు వివరించండి ప్రజలకు ఇచ్చిన హామీలు, వాగ్దానాలను అమలు చేయకుండా కూటమి ప్రభుత్వం పాలన సాగిస్తోందని వైఎస్‌ జగన్‌ అన్నారు. ఎన్నికల సమయంలో చెప్పిన మాటలకు భిన్నంగా కూటమి వ్యవహరిస్తోందని మండిపడ్డారు. ప్రభుత్వ వైఫల్యాలు, ప్రజలు ఎదుర్కొంటున్న ఇబ్బందులను గ్రామస్థాయి నుంచి ప్రజల్లోకి తీసుకెళ్లాలని పార్టీ నాయకులకు సూచించారు. ప్రజల మధ్యే ఉండాలని, వారి సమస్యలపై పోరాడాలని, వైఎస్సార్‌సీపీ పాలనలో వారికి జరిగిన మంచిని గుర్తు చేయాలని చెప్పారు. అలా చేస్తే స్థానిక సంస్థల ఎన్నికల్లో విజయం అతి సునాయాసమని తెలిపారు. కూటమి ప్రభుత్వ ప్రజా వ్యతిరేక విధానాలపై పోరాటాన్ని నిరంతరం కొనసాగించాలని చెప్పారు. పార్టీ కార్యకర్తలు ఐక్యంగా పనిచేసి స్థానిక సంస్థల ఎన్నికలకు ఇప్పటి నుంచే పూర్తిస్థాయిలో సిద్ధం కావాలని పిలుపునిచ్చారు. గ్రామస్థాయి నుంచి పార్టీ నిర్మాణాన్ని మరింత పటిష్టం చేసి, ప్రజల విశ్వాసాన్ని మరింతగా పొందేలా ప్రతి నాయకుడు, కార్యకర్త బాధ్యతగా పనిచేయాలని వైఎస్‌ జగన్‌ సూచించారు. పోలీసుల వైఖరిపై వైఎస్‌ జగన్‌ ఆగ్రహం వైఎస్‌ జగన్‌ భాకరాపురం క్యాంపు కార్యాలయానికి వచ్చిన సమయానికి ఆయన్ని కలిసేందుకు భారీ సంఖ్యలో ప్రజలు, పార్టీ నేతలు, కార్యకర్తలు అక్కడికి చేరుకున్నారు. అయితే వారెవ్వరూ క్యాంపు కార్యాలయంలోకి వెళ్లకుండా పోలీసులు మెయిన్‌ గేట్లు మూయించి, అడ్డుకోవడంతో వైఎస్‌ జగన్‌ తీవ్ర ఆగ్ర­హం వ్యక్తం చేశారు. కార్యాలయం ప్రాంగణంలోకి వెళ్లకుండా అడ్డుకోవడం ఏమిటని నిలదీశారు. గేట్లు తెరవాలంటూ వాహనంలో నుంచే ఆదేశించారు. పోలీసులు గేట్లు తెరవడంతో బయట గంటల తరబడి వేచి ఉన్నవారంతా కార్యాలయంలోకి వచ్చారు. పులివెందులలో ఘన స్వాగతం వైఎస్సార్‌సీపీ అధినేత, మాజీ ముఖ్యమంత్రి, వైఎస్‌ జగన్‌మోహన్‌రెడ్డికి మంగళవారం పులివెందులలో ఘన స్వాగతం లభించింది. మధ్యాహ్నం 11.50 గంటలకు భాకరాపురం హెలిప్యాడ్‌కు చేరకున్న ఆయనకు ఎంపీ వైఎస్‌ అవినాష్ రెడ్డి, ఎమ్మెల్యేలు డాక్టర్‌ సుధ, ఆకేపాటి అమర్‌నాథరెడ్డి, మాజీ ఎమ్మెల్యేలు గడికోట శ్రీకాంత్‌రెడ్డి, మాజీ మంత్రి ఎస్‌బి అంజాద్‌బాషా, మాజీ మేయర్‌ సురేష్ బాబు, పార్టీ రాష్ట్ర ప్రధాన కార్యదర్శి ఎస్వీ సతీష్‌కుమార్‌ రెడ్డి, చవ్వా దుష్యంత్‌రెడ్డి తదితరులు స్వాగతం పలికారు.అనంతరం జరిగిన ప్రజాదర్బార్‌ కార్యక్రమంలో మాజీ ఎమ్మెల్యేలు రాచమల్లు శివప్రసాదరెడ్డి, కొరముట్ల శ్రీనివాసులు, పోచంరెడ్డి రవీంద్రనాథరెడ్డి, పార్టీ రాష్ట్ర కార్యదర్శులు పూల శ్రీనివాసులరెడ్డి, కల్లూరు నాగేంద్రరెడ్డి, రెడ్యం వెంకట సుబ్బారెడ్డి, పులివెందుల మున్సిపల్‌ ఇన్‌ఛార్జి వైఎస్‌ మనోహర్‌ రెడ్డి, రాజోలి వీరారెడ్డి, మున్సిపల్‌ మాజీ ఛైర్‌పర్సన్‌ వరప్రసాద్‌ తదితరులు పాల్గొన్నారు.అంబటి సురేష్‌ను పరామర్శిస్తున్న మాజీ సీఎం వైఎస్‌ జగన్‌మోహన్‌రెడ్డి అంబటి సురేష్‌ కుటుంబానికి అండగా ఉంటాంటీడీపీ నేతల దాడులకు భయపడాల్సిన అవసరం లేదు మాజీ ముఖ్యమంత్రి వైఎస్‌ జగన్‌వైఎస్సార్‌ కడప జిల్లా కమలాపురం పట్టణంలో ఇటీవల టీడీపీ నాయకులు కిడ్నాప్‌ చేసి, దాడి చేసిన వైఎస్సార్‌సీపీ కమలాపురం వాణిజ్య విభాగం అధ్యక్షుడు, ఆర్యవైశ్య సామాజికవర్గానికి చెందిన అంబటి సురేష్ , ఆయన కుటుంబ సభ్యులు వైఎస్‌ జగన్‌మోహన్‌రెడ్డిని మంగళవారం క్యాంపు కార్యాలయంలో కలిశారు. మాజీ మంత్రి వెలంపల్లి శ్రీనివాస్, పార్టీ జిల్లా అధ్యక్షుడు పోచంరెడ్డి రవీంద్రనాథరెడ్డి, కమలాపురం నియోజకవర్గ ఇన్‌చార్జి నరేన్‌రెడ్డి వారిని వైఎస్‌ జగన్‌కు పరిచయం చేశారు. సురేష్ , ఆయన కుటుంబ సభ్యులతో మాట్లాడిన వైఎస్‌ జగన్‌ ఘటన వివరాలను తెలుసుకున్నారు. టీడీపీ ఎమ్మెల్యే పుత్తా నరసింహారెడ్డి అనుచరులు ఆరోజు తనపై చేసిన దౌర్జన్యాన్ని వైఎస్‌ జగన్‌కు సురేష్‌ వివరించారు. కమలాపురంలో ఆర్వోబీ నిర్మాణంలో ఇళ్లు కోల్పోతున్న వారికి పరిహారం చెల్లించిన తర్వాతే పనులు చేపట్టాలని గట్టిగా డిమాండ్‌ చేసినందుకే టీడీపీ ఎమ్మెల్యే పుత్తా అనుచరులు నడిరోడ్డుపైనే ఆటోలో కిడ్నాప్‌ చేసి, దాడి చేసి, ఎమ్మెల్యే కార్యాలయంలో నిర్బంధించారని తెలిపారు. ఆటోలో తీసుకెళ్తూ తనపై దాడి చేశారని చెప్పారు. ఈ విషయం తెలుసుకున్న వైఎస్సార్‌సీపీ కమలాపురం ఇన్‌ఛార్జి నరేన్‌రెడ్డి పార్టీ నాయకులు, కార్యకర్తలతో కలిసి టీడీపీ కార్యాలయానికి బయల్దేరడంతో తనను విడిచిపెట్టారని సురేష్‌ తెలిపారు. సురేష్‌ కుటుంబానికి వైఎస్‌ జగన్‌ ధైర్యం చెప్పారు. అధైర్య పడొద్దని, పార్టీ అండగా ఉంటుందని భరోసా ఇచ్చారు. అవసరమైతే న్యాయ పోరాటం చేస్తామని చెప్పారు. రాజకీయంగా ఎన్ని ఒత్తిళ్లు, దాడులు ఎదురైనా భయపడాల్సిన అవసరం లేదని, పార్టీ ఎల్లప్పుడూ కార్యకర్తలు, ప్రజలకు అండగా నిలుస్తుందని భరోసా ఇచ్చారు. అధికారాన్ని అడ్డుపెట్టుకుని ప్రతిపక్ష కార్యకర్తలు, సామాన్య ప్రజలను బెదిరించే ప్రయత్నాలు జరిగితే పార్టీ వారికి పూర్తిస్థాయిలో అండగా నిలుస్తుందని వైఎస్‌ జగన్‌మోహన్‌రెడ్డి స్పష్టం చేశారు.

పులివెందుల: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పులివెందుల పర్యటనలో భాగంగా భాకరాపురంలోని క్యాంప్‌ కార్యాలయంలో ప్రజాదర్బార్‌ నిర్వహించారు. ఈ సందర్భంగావివిధ ప్రాంతాల నుంచి వచ్చిన పలువురు మహిళలు, యువతులు వైఎస్‌ జగన్‌ను కలిసి రాఖీలు కట్టి తమ అభిమానం, ఆప్యాయతను చాటుకున్నారు. వారందరితో ఆత్మీయంగా మాట్లాడి వైఎస్‌ జగన్‌.. సోదరుడిలా ఎప్పుడూ అండగా ఉంటానని భరోసా ఇచ్చారు.ప్రజాదర్బార్‌కు వచ్చిన మరికొంత మంది తమ వ్యక్తిగత, స్థానిక సమస్యలను వైఎస్‌ జగన్‌ దృష్టికి తీసుకువచ్చారు. వారి సమస్యలను ఓపికగా విన్న ఆయన, వాటికి సంబంధించి వివరాలు తెలుసుకున్నారు.ప్రజలకు ఎలాంటి ఇబ్బందులు ఎదురైనా వైఎస్సార్‌ కాంగ్రెస్‌ పార్టీ అండగా ఉంటుందని, వారి సమస్యల పరిష్కారం కోసం పార్టీ తరఫున అవసరమైన సహకారం అందిస్తామని వైఎస్‌ జగన్‌ హామీ ఇచ్చారు. పెద్ద సంఖ్యలో పార్టీ నాయకులు, కార్యకర్తలు, అభిమానులు, ప్రజలు వైఎస్‌ జగన్‌ను కలిశారు.

పులివెందుల: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌ రెడ్డి పులివెందుల పర్యటన కొనసాగుతోంది. భాకరాపురం క్యాంప్‌ కార్యాలయంలో ఆయన ప్రజాదర్బార్‌ నిర్వహించారు. వివిధ ప్రాంతాల నుంచి వచ్చిన ప్రజలు తమ సమస్యలు, వినతులను వైఎస్‌ జగన్‌ దృష్టికి తీసుకువచ్చారు. వారి సమస్యలను ఓపికగా విన్న ఆయన, పార్టీ నాయకులతో కూడా మాట్లాడారు.స్థానిక రాజకీయ పరిస్థితులు, పార్టీ కార్యక్రమాలు, రానున్న స్థానిక సంస్థల ఎన్నికల నేపథ్యంలో అనుసరించాల్సిన వ్యూహంపై నాయకులకు వైఎస్‌ జగన్‌ పలు సూచనలు చేశారు. స్థానిక సంస్థల ఎన్నికలను ఛాలెంజ్‌గా తీసుకోవాలని అన్నారు. ఎక్కడా ఏకగ్రీవాలకు అవకాశం ఇవ్వకుండా ప్రతి స్థానంలో పోటీకి సిద్ధం కావాలన్నారు.ప్రభుత్వ వైఫల్యాలను ఎండగట్టాలి ‘‘వైఎస్సార్‌సీపీ పాలనలో ప్రజలకు జరిగిన మేలును ప్రతి ఇంటికీ తీసుకెళ్లాలి. కూటమి ప్రభుత్వ వైఫల్యాలను ప్రజల్లో ఎండగట్టాలి. గ్రామస్థాయి నుంచి పార్టీని మరింత బలోపేతం చేయాలి. ప్రజలతో నిరంతరం మమేకమై వారి సమస్యల పరిష్కారానికి అండగా నిలవాలి. పార్టీ క్యాడర్‌ను సమన్వయం చేసుకుని, గ్రామాలు, వార్డుల వారీగా కార్యాచరణ రూపొందించుకోవాలి. అధికార బలాన్ని అడ్డుపెట్టుకుని ప్రతిపక్షంపై ఒత్తిళ్లు తీసుకురావడం, పోలీసులను ఉపయోగించి బెదిరింపులు, దౌర్జన్యాలకు పాల్పడే ప్రయత్నాలు జరిగితే వాటిని ధైర్యంగా, సంఘటితంగా ఎదుర్కోవాలి.కార్యకర్తలకు పార్టీ అన్ని విధాలుగా అండగా ఉంటుంది. ఎవరూ భయపడాల్సిన అవసరం లేదు. గ్రామ సచివాలయాలు, వాలంటీర్‌ వ్యవస్థ, నాడు–నేడు, ఆరోగ్యశ్రీ విస్తరణ, విద్యా రంగంలో సంస్కరణలు, రైతులు, మహిళలు, విద్యార్థులు, పేదలకు అందించిన సంక్షేమ కార్యక్రమాలను ప్రజల్లోకి విస్తృతంగా తీసుకెళ్లాలి. ప్రజలకు ఇచ్చిన హామీలు, వాగ్దానాలను అమలు చేయకుండా కూటమి ప్రభుత్వం పాలన సాగిస్తోంది. ఎన్నికల సమయంలో చెప్పిన మాటలకు అధికారంలోకి వచ్చిన తర్వాత భిన్నంగా వ్యవహరిస్తోంది. ప్రభుత్వ వైఫల్యాలు, ప్రజలు ఎదుర్కొంటున్న ఇబ్బందులను గ్రామస్థాయి నుంచి ప్రజల్లోకి తీసుకెళ్లాలి. ప్రజల మధ్యే ఉండాలి... వారి సమస్యలపై పోరాడాలి... వైఎస్సార్‌సీపీ పాలనలో వారికి జరిగిన మంచిని గుర్తుచేయాలి. అలా చేస్తే స్థానిక సంస్థల ఎన్నికల్లో విజయం సాధించడం కష్టం కాదు. కూటమి ప్రభుత్వ ప్రజావ్యతిరేక విధానాలపై నిరంతరం పోరాటం కొనసాగించాలి. పార్టీ కార్యకర్తలు ఐక్యంగా పనిచేసి స్థానిక సంస్థల ఎన్నికలకు ఇప్పటి నుంచే పూర్తిస్థాయిలో సిద్ధం కావాలి. గ్రామస్థాయి నుంచి పార్టీ నిర్మాణాన్ని మరింత పటిష్ఠం చేసి, ప్రజల విశ్వాసాన్ని మరింతగా పొందేలా ప్రతి నాయకుడు, కార్యకర్త బాధ్యతగా పనిచేయాలి’’ అని వైఎస్‌ జగన్‌ సూచించారు.

సాక్షి, అమరావతి: వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌­రెడ్డి పులివెందుల చేరుకున్నారు. ఇవాళ, రేపు (సెప్టెంబర్‌ 1,2) పులి­­వెం­దులలో పర్యటించనున్నారు. ఇవాళ మధ్యా­హ్నం 12 గంటలకు వైఎస్‌ జగన్‌ పులివెందుల చేరుకున్నారు. హెలిప్యాడ్‌ వద్ద వైఎస్‌ జగన్‌కు వైఎస్సార్‌సీపీ నేతలు, శ్రేణులు ఘనస్వాగతం పలికారు.భాకరాపురం క్యాంపు కార్యాలయంలో ప్రజలకు అందుబాటులో ఉన్నారు. క్యాంప్‌ కార్యాలయంలో ఆయన ప్రజాదర్బార్‌ నిర్వహిస్తున్నారు. ప్రజల సమస్యలను తెలుసుకుంటున్నారు.రాత్రికి పులివెందులలోని తన నివాసంలో బసచేస్తారు. రెండో తేదీ ఉదయం 7.45కు ఇడుపులపాయ చేరుకుంటారు. అక్కడ వైఎస్సార్‌ ఘాట్‌ వద్ద తన తండ్రి వైఎస్‌ రాజశేఖరరెడ్డి వర్థంతి సందర్భంగా నిర్వహించే కార్యక్రమంలో పాల్గొని నివాళులర్పిస్తారు. అనంతరం వైఎస్‌ జగన్‌ అక్కడి నుంచి తిరుగు ప్రయాణమవుతారు.

సాక్షి, అమరావతి: వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌­రెడ్డి సెప్టెంబర్ 1, 2 తేదీల్లో పులి­­వెం­దులలో పర్యటించనున్నారు. 2న ఇడుపులపాయలో జరిగే దివంగత సీఎం వెఎస్‌ రాజశేఖరరెడ్డి వర్థంతి కార్యక్రమంలో పాల్గొని వైఎస్సార్‌ ఘాట్‌ వద్ద నివాళులర్పిస్తారు. తొలుత.. సెప్టెంబర్ 1వ తేదీ మధ్యా­హ్నం 12 గంటలకు వైఎస్‌ జగన్‌ పులివెందుల చేరుకుంటారు. అనంతరం భాకరాపురం క్యాంపు కార్యాలయంలో ప్రజలకు అందుబాటులో ఉంటారు. రాత్రికి పులివెందులలోని తన నివాసంలో బసచేస్తారు. రెండో తేదీ ఉదయం 7.45కు ఇడుపులపాయ చేరుకుంటారు. అక్కడ వైఎస్సార్‌ ఘాట్‌ వద్ద తన తండ్రి వైఎస్‌ రాజశేఖరరెడ్డి వర్థంతి సందర్భంగా నిర్వహించే కార్యక్రమంలో పాల్గొని నివాళులర్పిస్తారు. అనంతరం వైఎస్‌ జగన్‌ అక్కడి నుంచి తిరుగు ప్రయాణమవుతారు.

సాక్షి, వైఎ‍స్సార్‌: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి పులివెందులలో పర్యటిస్తున్నారు. ఆయనకు వరుసకు పెదనాన్న అయ్యే వైఎస్‌ ఆనంద్‌రెడ్డి కన్నుమూసిన సంగతి తెలిసిందే. ఈ నేపథ్యంలో ఆయన పార్థీవదేహానికి వైఎస్‌ జగన్‌ దంపతులు నివాళులర్పించారు. కడప ఎంపీ వైఎస్‌ అవినాష్‌రెడ్డికి సొంత పెదనాన్న అయిన వైఎస్‌ ఆనంద్‌రెడ్డి (87) గురువారం వృద్ధాప్య సంబంధిత సమస్యలతో మృతి చెందారు. ఈ నేపథ్యంలో పులివెందుల వెళ్లిన వైఎస్‌ జగన్‌ దంపతులు.. ఆనంద్‌రెడ్డి కుటుంబ సభ్యులను ఓదార్చారు. వైఎస్‌ ఆనంద్‌రెడ్డికి నివాళులర్పించేందుకు వైఎస్సార్‌సీపీ నేతలు, కార్యకర్తలు నివాళులర్పించేందుకు వస్తున్నారు. కుటుంబ సభ్యులు వైఎస్‌ ప్రకాష్‌రెడ్డి, వైఎస్‌ ప్రతాప్‌రెడ్డి, వైఎస్‌ మనోహర్‌రెడ్డి, వైఎస్‌ మధురెడ్డి, ఆనంద్‌రెడ్డి కుమారుడు వైఎస్‌ రాజేష్‌రెడ్డి, కుమార్తెలు సాధన, సునీత తదితరులు ఆయన భౌతికకాయం వద్ద ఇదివరకే నివాళులర్పించారు.సమాధుల తోటలో అంత్యక్రియలువైఎస్‌ ఆనంద్‌రెడ్డి అంత్యక్రియలను మరికాసేపట్లో పులివెందుల డిగ్రీ కళాశాల రోడ్డులోని వైఎస్‌ కుటుంబ సభ్యుల సమాధుల తోటలో నిర్వహించనున్నారు. కుటుంబ సభ్యులు, బంధువులు, పార్టీ నేతల సమక్షంలో అంత్యక్రియలు జరగనున్నాయి.

సాక్షి, వైఎస్సార్‌ జిల్లా: వైఎస్సార్‌సీపీ అధినేత, మాజీ సీఎం వైఎస్ జగన్‌మోహన్‌రెడ్డిని ఇవాళ ఉపాధ్యాయ సంఘం నేతలు కలిశారు. తమ సమస్యలపై వైఎస్‌ జగన్‌కు ఉపాధ్యాయులు వినతి పత్రం ఇచ్చారు. సర్వీసులో ఉన్న ఉపాధ్యాయులకు టెట్ నిబంధన సరికాదని వైఎస్ జగన్‌కు ఉపాధ్యాయులు వివరించారు.బీఈడీతో ఉద్యోగం పొందిన 25 ఏళ్ల తర్వాత మళ్లీ టెట్‌ రాయాలనడం సరికాదని ఉపాధ్యాయులు అన్నారు. ఈ అంశంపై వైఎస్సార్సీపీ ఎంపీలు కేంద్రంతో మాట్లాడతారని హామీ ఇచ్చిన వైఎస్‌ జగన్‌.. సమస్యను కేంద్ర విద్యా మంత్రి ధర్మేంద్ర ప్రధాన్‌ దృష్టికి తీసుకెళ్తామన్నారు.

సాక్షి, వైఎస్సార్‌ జిల్లా: పులివెందుల నియోజకవర్గంలో వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి రేపు, ఎల్లుండి(మంగళ,బుధ) పర్యటించనున్నారు. ఆయన రేపు(మంగళవారం) ఉదయం 11.30 గంటలకు పులివెందుల చేరుకుంటారు. అనంతరం భాకరాపురం క్యాంప్‌ కార్యాలయంలో ప్రజాదర్భార్‌ నిర్వహించి ప్రజల నుంచి వినతులు స్వీకరిస్తారు. రాత్రికి అక్కడి నివాసంలో బస చేస్తారు.బుధవారం ఉదయం పులివెందుల నుంచి బయలుదేరి ఉదయం 7.30 గంటలకు ఇడుపులపాయ చేరుకుంటారు. దివంగత ముఖ్యమంత్రి డాక్టర్‌ వైఎస్‌ రాజశేఖర్‌రెడ్డి జయంతి సందర్భంగా ఇడుపులపాయలోని వైఎస్సార్‌ ఘాట్‌ వద్ద నిర్వహించనున్న ప్రత్యేక ప్రార్థనల్లో పాల్గొని నివాళులర్పిస్తారు. కార్యక్రమం అనంతరం వైఎస్‌ జగన్‌ అక్కడి నుంచి తిరుగు ప్రయాణం అవుతారు.

సాక్షి ప్రతినిధి, కడప: వైఎస్సార్‌ కడప జిల్లా భూమయ్యగారిపల్లెలో అభిమాన జనం పోటెత్తారు. తమ ఇష్ట దైవం గట్టు శ్రీలక్ష్మీ నరసింహ స్వామి దేవాలయం ప్రారంబోత్సవంలో అభిమాన నాయకుడు వైఎస్‌ జగన్‌మోహన్‌రెడ్డి పాల్గొంటున్నారనే విషయం తెలుసుకొని ప్రజలు భారీగా తరలివచ్చారు. వైఎస్సార్‌ కాంగ్రెస్‌ పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌ బుధవారం పులివెందుల పర్యటనలో భాగంగా వేముల మండలంలోని భూమయ్యగారిపల్లె గ్రామంలో నూతనంగా నిర్మించిన గట్టు శ్రీలక్ష్మీ నరసింహస్వామి ఆలయ ప్రారంబోత్సవ కార్యక్రమంలో పాల్గొన్నారు. ఆలయానికి చేరుకున్న వైఎస్‌ జగన్‌కు అర్చకులు వేద మంత్రాల మధ్య పూర్ణకుంభంతో ఘన స్వాగతం పలికారు. అనంతరం ఆయన జలాభిషేకం, కలశ స్థాపన, సుదర్శన హోమంలో పాల్గొని ప్రత్యేక పూజలు చేశారు. అనంతరం తీర్థ ప్రసాదాలను స్వీకరించారు. రాష్ట్ర ప్రజలందరికీ నరసింహ స్వామి దీవెనలు ఎల్లప్పుడూ ఉండాలని ఆకాంక్షించారు. ప్రజలు సుఖ సంతోషాలతో, ఆయురారోగ్యాలతో ఉండాలని స్వామి వారిని ప్రార్థించారు. ఆలయానికి విచ్చేసిన భక్తులను, గ్రామస్తులను ఆప్యాయంగా పలకరించారు. అంతకు ముందు వేముల జెడ్పీటీసీ సభ్యుడు బయపురెడ్డి నేతృత్వంలో గ్రామస్తులు వైఎస్‌ జగన్‌కు భారీ గజ మాలతో ఘన స్వాగతం పలికారు. గట్టు శ్రీలక్ష్మీనరసింహ స్వామికి భక్తిశ్రద్ధలతో అభిషేకం చేస్తున్న వైఎస్‌ జగన్‌ అనంతరం వైఎస్‌ జగన్‌ గ్రామంలో ఇటీవల మృతి చెందిన పార్టీ నేత ఓబుళరెడ్డి శ్రీరామిరెడ్డి నివాసానికి వెళ్లి కుటుంబ సభ్యులను పరామర్శించారు. శ్రీరామిరెడ్డి కుటుంబానికి పార్టీ ఎల్లప్పుడూ అండగా ఉంటుందని భరోసా ఇచ్చారు. ఆ తర్వాత ఇదే గ్రామంలోని జెడ్పీటీసీ సభ్యుడు బయపురెడ్డి ఇంటికి వెళ్లి.. కాసేపు గడిపి యోగ క్షేమాలు తెలుసుకున్నారు. ప్రజలతో మమేకం భూమయ్యగారి పల్లెలో 92 ఏళ్ల వృద్ధురాలు అన్నపూర్ణమ్మ వైఎస్‌ జగన్‌ వద్దకు వచ్చి బుగ్గలు తడిమి, తలపై చేతులు వేసి ఎంతో అప్యాయంగా ఆదరించింది. మరో వృద్ధురాలు తోటలో కోసుకొచ్చిన మల్లెపూలను వైఎస్‌ జగన్‌ చేతుల్లో పోసింది. అవే మల్లెపూలు తిరిగి ఆయన ఆమె వడిలో వేశారు. వైఎస్‌ జగన్‌ పట్ల వృద్ధులకు ఉన్న ప్రేమ, ఆప్యాయతలకు ఈ ఘటనలు నిదర్శనంగా నిలిచాయి. అనంతరం వైఎస్సార్‌సీపీ ఎస్సీ సెల్‌ జిల్లా ప్రధాన కార్య­దర్శి కృష్ణమూర్తి మనవరాలు.. పల్లవి, నరేష్‌ దంపతుల కుమార్తెకు ‘దైవిక’గా నామకరణం చేశారు. అంబకపల్లెకు చెందిన భాస్కరరెడ్డి, భార్గవి దంపతుల కుమారుడు జగన్‌మోహన్‌రెడ్డి చేయి పట్టుకొని పలక (స్లేట్‌)పై అక్షరాలు రాయించారు. పెండ్లిమర్రి మండలం పాతసంగటిపల్లె గ్రామానికి చెందిన మాజీ సర్పంచ్, మాజీ ఎంపీటీసీ సభ్యుడు నాగమల్లేశ్వరరెడ్డి అనారోగ్యం గురించి తెలుసుకున్న వైఎస్‌ జగన్‌.. ఆయన్ను ఫోన్‌లో పరామర్శించారు. భూమయ్యగారిపల్లె నుంచి పులివెందులకు తిరుగు ప్రయాణంలో తన కాన్వాయ్‌ వెనుక అంబులెన్సు వస్తుండటాన్ని గమనించి.. వెంటనే తన వాహన శ్రేణిని రోడ్డు పక్కన ఆపించి, అంబులెన్స్‌కు దారిచ్చారు. పులివెందుల అభివృద్ధిలో మరో ముందడుగు పులివెందుల పట్టణం 31వ వార్డులోని వైఎస్సార్‌ కాలనీలో నిర్మించిన సిమెంట్‌ రోడ్లను బుధవారం వైఎస్‌ జగన్‌ ప్రారంభించారు. ఈ సందర్భంగా యర్రగుడిపల్లె వద్ద ఏర్పాటు చేసిన శిలాఫలకాలను పులి­వెందుల మున్సిపల్‌ ఇన్‌చార్జి వైఎస్‌ మనోహర్‌రెడ్డి, చవ్వా దుష్యంత్‌రెడ్డిలతో కలిసి ఆవిష్కరించారు. ధైర్యంగా ఉండండి బుధవారం వైఎస్‌ జగన్‌ను వివిధ ప్రాంతాలకు చెందిన వైఎస్సార్‌సీపీ నేతలు, చంద్రబాబు కూట­మి ప్రభుత్వ బాధితులు, ప్రజలు కలిశారు. ఈ సందర్భంగా జగన్‌ మాట్లాడుతూ.. వైఎస్సార్‌సీపీ అందరికీ అండగా నిలుస్తుందని భరోసా ఇచ్చారు. పార్టీ కోసం రాబోయే మూ­డేళ్లు విశేషంగా కృషి చేయాలని సూచించారు. ఎవరూ అ«ధైర్య పడకుండా కార్యకర్తలకు అండగా ఉంటూ రెట్టింపు ఉత్సాహంతో పని చేయాలన్నారు. వచ్చేది మన ప్రభుత్వమే అని ధైర్యం చెప్పారు. ఆయా కార్యక్రమాల్లో వైఎస్‌ జగన్‌ వెంట కడప ఎంపీ వైఎస్‌ అవినాష్ రెడ్డి, జడ్పీ చైర్మన్‌ ముత్యాల రామగోవిందురెడ్డి, అనంతపురం జెడ్పీ చైర్మన్‌ గిరిజమ్మ, ఆలూరు ఎమ్మెల్యే విరూపాక్షి, ఎమ్మెల్సీ రమేష్‌ యాదవ్, రాష్ట్ర ప్రధాన కార్యదర్శి ఎస్వీ సతీష్ కుమార్‌రెడ్డి, వైఎస్సార్‌సీపీ జిల్లా అధ్యక్షుడు పోచంరెడ్డి రవీంద్రనాథరెడ్డి, మాజీ డిప్యూటీ సీఎం అంజద్‌బాషా, మా­జీ మేయర్‌ సురేష్‌బాబు, పులివెందుల పట్ట­ణ ఇన్‌చార్జి చవ్వా దుష్యంత్‌రెడ్డి, కదిరి ఇన్‌చార్జి మక్బుల్‌బాషా, మాజీ ఎమ్మెల్యే అత్తార్‌ చాంద్‌బాషా, పార్టీ నేతలు రాజోలి వీరారెడ్డి, వేల్పుల రాము, సాంబశివారెడ్డి తదితరులు ఉన్నారు.

సాక్షి, వైఎస్సార్‌ జిల్లా: అంబులెన్స్‌కు దారిచ్చి.. వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి తన మానవత్వాన్ని చాటుకున్నారు. భూమయ్యగారిపల్లె నుంచి పులివెందుల మార్గమధ్యలో ఘటన జరిగింది. అభిమానులతో మాట్లాడుతున్న సందర్భంలో 108 సైరన్ విన్న వైఎస్ జగన్.. వెంటనే తన కాన్వాయ్‌ని పక్కకు ఆపి అంబులెన్స్‌కు దారిచ్చారు. వైఎస్ జగన్ ఆదేశాలతో ఎంపీ వైఎస్ అవినాష్‌రెడ్డి, అభిమానులు రోడ్డు క్లియర్ చేశారు.పులివెందుల పర్యటనలో వైఎస్ జగన్‌కు ప్రజలు బ్రహ్మరథం పట్టారు. అడుగడుగునా అభిమానులు ఘన స్వాగతం పలికారు. షెడ్యూల్ కంటే ఆలస్యంగా వైఎస్ జగన్ పర్యటన సాగింది. ఉదయం 9 గంటలకు భూమయ్యగారిపల్లె లక్ష్మీ నరసింహస్వామి దేవాలయ కలశ స్థాపనలో ఆయన పాల్గొన్నారు. అనంతరం భూమయ్యగారిపల్లెలో ఇటీవల మృతిచెందిన మాజీ సర్పంచ్ ఓబులరెడ్డి శ్రీరామిరెడ్డి కుటుంబ సభ్యులను పరామర్శించారు.వైఎస్‌ జగన్‌తో సెల్ఫీల కోసం అభిమానులు ఉర్రూతలూగారు. ప్రతి ఒక్కరి వద్ద ఆగి సెల్ఫీలు తీసుకున్న వైఎస్‌ జగన్‌.. పేరుపేరునా పలకరించారు. 12 గంటలకు పులివెందుల చేరుకోవాల్సిన వైఎస్ జగన్ సాయంత్రం 4.30 గంటలకు చేరుకున్నారు. బాకరాపేటలో ఓ చిన్నారికి ఓనమాలు దిద్దించిన వైఎస్‌ జగన్‌ అక్షరాభ్యాసం చేయించారు.

సాక్షి, వైఎస్సార్ జిల్లా: పులివెందుల మున్సిపాలిటీ యర్రగుడిపల్లెలో సీసీ రోడ్లను వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి ప్రారంభించారు. కడప ఎంపీ వైఎస్ అవినాష్ రెడ్డి నిధులు రూ.1.5 కోట్లతో 3 సీసీ రోడ్ల నిర్మాణం జరిగింది.కాగా, ఈ పర్యటనలో భాగంగా అంతకుముందు వైఎస్‌ జగన్‌.. వేముల మండలంలోని భూమయ్యగారిపల్లె గ్రామంలో నూతనంగా నిర్మించిన గట్టు శ్రీలక్ష్మీనరసింహస్వామి ఆలయ ప్రారంభోత్సవ కార్యక్రమంలో పాల్గొన్నారు. గట్టు శ్రీలక్ష్మీనరసింహస్వామి ఆలయానికి చేరుకోగానే అర్చకులు ఆయనకు పూర్ణకుంభంతో స్వాగతం పలికారు. అనంతరం.. ఆలయ ప్రారంభోత్సవ కార్యక్రమంలో ఆయన పాల్గొన్నారు. ఆలయంలో ప్రత్యేక పూజలు నిర్వహించి.. కలశ శంకుస్థాపన కార్యక్రమంలో పాల్గొన్నారు. అలాగే, ఆలయంలో స్వామివారికి నిర్వహిస్తున్న సుదర్శన హోమంలోనూ పాల్గొన్నారు.

సాక్షి, పులివెందుల: వైఎస్సార్‌సీపీ అధినేత వైఎస్‌ జగన్‌ పులివెందుల పర్యటనలో ఉన్నారు. ఈ పర్యటనలో భాగంగా వైఎస్‌ జగన్‌.. వేముల మండలంలోని భూమయ్యగారిపల్లె గ్రామంలో నూతనంగా నిర్మించిన గట్టు శ్రీలక్ష్మీనరసింహస్వామి ఆలయ ప్రారంభోత్సవ కార్యక్రమంలో పాల్గొన్నారు. వైఎస్సార్‌సీపీ అధినేత వైఎస్‌ జగన్‌.. గట్టు శ్రీలక్ష్మీనరసింహస్వామి ఆలయానికి చేరుకోగానే అర్చకులు ఆయనకు పూర్ణకుంభంతో స్వాగతం పలికారు. అనంతరం, ఆలయ ప్రారంభోత్సవ కార్యక్రమంలో ఆయన పాల్గొన్నారు. ఆలయంలో ప్రత్యేక పూజలు నిర్వహించి.. కలశ శంకుస్థాపన కార్యక్రమంలో పాల్గొన్నారు. అలాగే, ఆలయంలో స్వామివారికి నిర్వహిస్తున్న సుదర్శన హోమంలోనూ పాల్గొన్నారు.👉 ఆలయ కార్యక్రమం అనంతరం సమీపంలోని బండలాగుడు మైదానానికి చేరుకుని రాష్ట్రస్థాయి బండలాగుడు పోటీలను ప్రారంభిస్తారు. ఈ సందర్భంగా పోటీల్లో పాల్గొనే క్రీడాకారులను, నిర్వాహకులను అభినందించనున్నారు. అనంతరం వైఎస్సార్‌సీపీ సీనియర్ నాయకులు ఓబుళరెడ్డి శ్రీరామిరెడ్డి నివాసానికి వెళ్లి ఆయన కుటుంబ సభ్యులను పరామర్శించనున్నారు.

భాకరాపురం: బ్రెయిన్‌ టీబీతో బాధపడుతున్న పులివెందుల భాకారాపురానికి చెందిన ఆయేషాను వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పరామర్శించారు. మూడు రోజుల పర్యటన నిమిత్తం పులివెందులకు వైఎస్‌ జగన్‌ వస్తున్నారని తెలిసి.. ఆయన రాకకోసం ఆయేషాతో పాటు ఆమె భర్త బాబా ఫక్రూద్దీన్‌ రోడ్డు పక్కన ఎదురుచూశారు. ఈ విషయం తెలుసుకున్న వైఎస్‌ జగన్‌.. తన కాన్వాయ్‌ దిగి ఆయేషాను పరామర్శించారు. వైద్య సహాయం అందిస్తామని వైఎస్‌ జగన్‌ భరోసా ఇచ్చారు. మూడేళ్ల క్రితం ఆయేషాకు వైఎస్‌ జగన్‌ వైద్య సహాయం అందించడంతో ఆమె ఆరోగ్యం అప్పుడు కాస్త మెరుగైంది. అయితే ఇప్పుడు మళ్లీ ఆయేషా ఆరోగ్యం క్షీణించింది. ఈ క్రమంలోనే వైఎస్‌ జగన్‌.. పులివెందులకు వస్తున్నారని తెలిసి.. ఆయన కోసం రోడ్డు పక్కనే ఎదురు చూశారు. వారి విషయం తెలుసుకున్న వైఎస్‌ జగన్‌.. రోడ్డు పక్కన కాన్వాయ్‌ ఆపి వారిని పరామర్శించారు. వారికి ధైర్యం చెప్పిన వైఎస్‌ జగన్‌.. ఆయేషాకు అండగా ఉంటామని, తగిన వైద్య సహాయం అందిస్తామని భరోసా ఇచ్చారు.దీనిపై ఆయేషా భర్త బాబా ఫక్రూద్దీన్‌ ఆనందం వ్యక్తం చేస్తున్నారు. గతంలో వైఎస్‌ జగన్‌ దయవల్లే ఆయేషాకు మెరుగైన వైద్యం అందిందన్నారు. వైఎస్‌ జగన్‌ మేలును ఎప్పటికీ మర్చిపోలేమన్నారు.

పులివెందుల: వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి మూడు రోజుల పర్యటన నిమిత్తం మంగళవారం వైఎస్సార్ జిల్లాలోని తన సొంత నియోజకవర్గమైన పులివెందులకు చేరుకున్నారు.పులివెందులలోని హెలిప్యాడ్ వద్దకు చేరుకున్న వైఎస్ జగన్‌కు వైఎస్సార్‌సీపీ ముఖ్య నాయకులు, ప్రజాప్రతినిధులు, భారీ సంఖ్యలో తరలివచ్చిన కార్యకర్తలు ఘన స్వాగతం పలికారు.స్వాగతం పలికిన వారిలో కడప ఎంపీ వైఎస్ అవినాష్ రెడ్డి, ఎమ్మెల్సీలు రమేష్ యాదవ్, పొన్నపురెడ్డి రామసుబ్బారెడ్డి, బద్వేలు ఎమ్మెల్యే డాక్టర్ సుధా, మాజీ మంత్రి అంజాద్ బాషా, మాజీ ఎమ్మెల్యే కోరుమట్ల శ్రీనివాసులు తదితరులు ఉన్నారు.హెలిప్యాడ్ వద్ద నాయకులు, శ్రేణులకు అభివాదం చేసిన అనంతరం వైఎస్ జగన్‌మోహన్‌రెడ్డి నేరుగా పులివెందులలోని తన క్యాంప్ కార్యాలయానికి బయలుదేరి వెళ్లారు. ఈ మూడు రోజుల పర్యటనలో భాగంగా ఆయన నియోజకవర్గ పరిధిలోని స్థానిక నాయకులు, కార్యకర్తలు, ప్రజలతో ముఖాముఖి భేటీ కానున్నారు. క్షేత్రస్థాయిలో పార్టీ బలోపేతం, స్థానిక సమస్యలపై ఈ పర్యటనలో చర్చించనున్నట్లు పార్టీ వర్గాలు వెల్లడించాయి.ప్రజల నుంచి వినతుల స్వీకరణపులివెందులలోని తన క్యాంప్ కార్యాలయానికి వైఎస్‌ జగన్ చేరుకున్నారు. ఆయనను కలిసేందుకు ప్రజలు, అభిమానులు, పార్టీ శ్రేణులు భారీగా తరలివచ్చారు. క్యాంప్ కార్యాలయంలో నిర్వహిస్తున్న ప్రజాదర్బార్‌లో వైఎస్‌ జగన్ ప్రజల నుంచి వినతులు స్వీకరిస్తున్నారు. స్థానిక సమస్యలు, వ్యక్తిగత అభ్యర్థనలు, అభివృద్ధి పనులపై ప్రజలు తమ వినతులను సమర్పించారు. ప్రజలతో నేరుగా మమేకమవుతూ, వారి సమస్యలను విని పరిష్కారానికి చర్యలు తీసుకోవాలని వైఎస్‌ జగన్ హామీ ఇస్తున్నట్లు పార్టీ వర్గాలు వెల్లడించాయి.

పులివెందుల : వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి ఈనెల 23వ తేదీనుంచి మూడు రోజులపాటు జిల్లాలో పర్యటించనున్నారు. ఇందులో భాగంగా మంగళవారం మధ్యాహ్నం 3గంటలకు బెంగుళూరు ఎయిర్‌డ్రోం నుంచి హెలీకాప్టర్‌ ద్వారా బయలుదేరి 3.30గంటలకు పులివెందులలోని భాకరాపురం హెలీప్యాడ్‌కు చేరుకుంటారు. అక్కడి నుంచి రోడ్డు మార్గాన బయలుదేరి 4గంటలకు పులివెందులలోని తన క్యాంపు ఆఫీస్‌కు చేరుకుంటారు. అనంతరం రాత్రి 7గంటల వరకు క్యాంపు ఆఫీస్‌లో ప్రజలతో మమేకమవుతారు. 24వ తేదీ బుధవారం ఉదయం 9.00గంటలకు పులి వెందులలోని తన నివాసం నుంచి రోడ్డు మార్గాన వేము ల మండలం భూమయ్యగారిపల్లె గ్రామంలోని శ్రీలక్ష్మీనరసింహస్వామి ఆలయానికి బయలుదేరుతారు. 10 గంటలకు ఆలయానికి చేరుకుని శ్రీలక్ష్మీనరసింహస్వామి విగ్రహ ప్రతిష్ట వేడుకలో పాల్గొననున్నారు. అనంతరం అక్కడి నుంచి పులివెందుల భాకరాపురంలోని తన క్యాంపు ఆఫీస్‌కు బయలుదేరుతారు. మధ్యా హ్నం 1గంట నుంచి రాత్రి 7గంటల వరకు తన క్యాంప్‌ ఆఫీస్‌లో ప్రజా దర్బార్‌ నిర్వహించనున్నారు. 25వ తేదీ ఉదయం 8.10గంటలకు బెంగళూరుకు తిరుగుపయనమవుతారు.

సాక్షి, వైఎస్సార్ జిల్లా: మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌.. రేపు(మంగళవారం) సాయంత్రం పులివెందులకు వెళ్లనున్నారు. మూడు రోజులు పర్యటనలో భాగంగా వైఎస్‌ జగన్‌ పులివెందులలో పలు కార్యక్రమాల్లో పాల్గొననున్నారు. అనంతరం, ఈనెల 25వ తేదీ ఉదయం పులివెందుల నుంచి వైఎస్‌ జగన్ తిరుగు ప్రయాణం కానున్నారు.వైఎస్సార్‌సీపీ అధినేత వైఎస్‌ జగన్‌.. ఈ నెల 23 నుంచి 25వ తేదీ వరకు పులివెందులలో పలు కార్యక్రమాల్లో పాల్గొననున్నారు. మంగళవారం(రేపు) సాయంత్రం పులివెందులకు చేరుకోనున్న వైఎస్‌ జగన్.. క్యాంపు కార్యాలయంలో పార్టీ నేతలు, కార్యకర్తలు, ప్రజలతో సమావేశం కానున్నారు. అనంతరం ప్రజాదర్బార్ నిర్వహించనున్నారు.అలాగే, 24వ తేదీన వేముల మండలం భూమయ్యగారిపల్లిలోని లక్ష్మీనరసింహ స్వామి దేవాలయాన్ని సందర్శించనున్నారు. ఈ ఆలయ అభివృద్ధికి ముఖ్యమంత్రిగా ఉన్న సమయంలో వైఎస్సార్‌సీపీ ప్రభుత్వం కోటిన్నర రూపాయలకు పైగా నిధులు మంజూరు చేసింది. ఆలయంలో ప్రత్యేక పూజలు నిర్వహించిన అనంతరం వైఎస్‌ జగన్ తిరిగి పులివెందుల క్యాంపు కార్యాలయానికి చేరుకుంటారు. మధ్యాహ్నం నుంచి ప్రజాదర్బార్ నిర్వహించనున్నారు. ఈ సందర్భంగా జిల్లాలోని వివిధ ప్రాంతాల నుంచి వచ్చే ప్రజలు, పార్టీ శ్రేణులతో ఆయన మాట్లాడతారు. 25వ తేదీ ఉదయం పులివెందుల నుంచి వైఎస్‌ జగన్ తిరుగు ప్రయాణం కానున్నారు.

సాక్షి, వైఎస్సార్‌ జిల్లా: ముఖ్యమంత్రి చంద్రబాబుకు అసలు బుద్దుందా?.. ఎవరిది గొడ్డలి పార్టీ అని వైఎస్సార్‌సీపీ ఎంపీ వైఎస్‌ అవినాష్‌ రెడ్డి ప్రశ్నించారు. వైఎస్‌ జగన్‌ ప్రశ్నలకు సమాధానం చెప్పకుండా ఎదురుదాడి చేస్తారా?. దస్తగిరిని నెత్తిన పెట్టుకుంది టీడీపీ కాదా?. బీటెక్‌ రవిపై ఆగ్రహం వ్యక్తం చేస్తూ నువ్వెంత.. నీ బతుకెంత.. నోరు అదుపులో పెట్టుకుని మాట్లాడాలని హెచ్చరించారు.పులివెందులలో వైఎస్సార్‌సీపీ బూత్‌ లెవల్‌ కార్యకర్తల సమావేశం జరిగింది. స్పెషల్‌ ఇంటెన్సివ్‌ రివిజన్‌పై ప్రత్యేక శిక్షణ ఇచ్చారు. ఈ కార్యక్రమానికి కడప ఎంపీ వైఎస్‌ అవినాష్‌రెడ్డి, ఇతర కీలక నాయకులు హాజరయ్యారు. ఈ సందర్బంగా అవినాష్‌ రెడ్డి మాట్లాడుతూ.. ‘అమరావతిలో చంద్రబాబు కట్టే బిల్డింగుల అద్దాలకు అయ్యే ఖర్చుతో రాష్ట్రంలోని మెడికల్‌ కాలేజీలన్నిటినీ పూర్తి చేయవచ్చు. ఇలాంటి దోపిడీని ప్రశ్నిస్తే సమాధానం ఉండదు.. ఎదురుదాడికి దిగుతారు. గతంలో పన్నులు తగ్గిస్తే.. పెట్రోల్, డీజిల్‌ ధరలు తగ్గుతాయన్నారు. ఇప్పుడు అధికారంలోకి రాగానే ఆ పని మాత్రం చేయడం లేదు. వీటన్నిటిపై వైఎస్‌ జగన్‌ ప్రశ్నిస్తే జవాబు లేదు.మీరు చేస్తున్న తప్పులను సరిచేసుకోండి అంటే వాళ్లు.. స్వర్గీయ రాజారెడ్డి గురించి మాట్లాడుతున్నారు. లేదంటే వైఎస్సార్‌ గురించి మాట్లాడతారు. గొడ్డలి పార్టీ అంటారు. అసలు చంద్రబాబుకు బుద్ధుందా?. తానే గొడ్డలితో కిరాతకంగా చంపానని దస్తగిరి చెప్తే.. అతన్ని నెత్తిన పెట్టుకుని మోస్తున్నది మీ పార్టీ కాదా?. ఏరకంగా మాది గొడ్డలి పార్టీ అవుతుంది.. గొడ్డలి పార్టీ మీది. గొడ్డలితో నరికి చంపిన వాడిని నెత్తిన పెట్టుకుని ఊరేగిస్తున్నది మీరు. మా ప్రశ్నలకి సమాధానం లేక.. చేతిలో అధికారం ఉందని నోటికొచ్చిన మాటలన్నీ మాట్లాడుతున్నారు. ఇక్కడ పులివెందులలో ఉన్న టీడీపీ నాయకులు కూడా మాట్లాడటం మొదలుపెట్టారు. వీళ్లు అధికారంలోకి వచ్చిన ఈ రెండేళ్లలో పులివెందులకు కన్నం వేసి దోచేసుకుంటున్నారు.నోరు జాగ్రత్తగా పెట్టుకో..ఇక్కడి బైరెటిస్, ఇసుక మొత్తాన్ని అధికారాన్ని అడ్డుపెట్టుకుని దోచుకుంటున్నారు. పులివెందులలో వీళ్లు ఏ ఒక్క సమస్యనైనా పట్టించుకుంటున్నారా?. పులివెందుల ప్రజలు పట్టరు కానీ.. కేవలం జగన్నను తిడితే మీకు రాజకీయంగా మనుగడ అని భ్రమల్లో బతుకుతున్నారు. మీ ప్రతి ఒక్క మాటకూ జవాబు తప్పకుండా చెప్తాం. నిన్న బీటెక్‌ రవి.. వాడు వీడు అనే లెవల్‌లో మాట్లాడాడు. నీ గురించి అలా మాట్లాడాలంటే మాకు ఎంత సేపు?. నువ్వెంత.. నీ బతుకెంత? ఇసుక, ముగ్గురాయికి కన్నం వేసి బతికేవాడివి నువ్వు. అలాంటి నువ్వు వైఎస్‌ జగన్‌ను నోటికొచ్చినట్లు మాట్లాడేవాడివా? నోరు జాగ్రత్తగా పెట్టుకో.బీజేపీలోకి వెళ్తానన్నది నిజం కాదా?మేం అధికారంలో ఉన్నప్పుడు నువ్వు విజయసాయిరెడ్డి ఇంటికి వచ్చావ్‌.. ఎందుకొచ్చావో ప్రజలకు చెప్పు. ఆయన ఎమ్మెల్సీ పదవి అమ్ముకోడానికి 12 కోట్లు ఇప్పించండని విజయసాయిరెడ్డి ఇంటికి వచ్చాడు. ఆనాడు జగన్‌ అలాంటి పనులు చేయన‌ని తిరస్కరించారు. తన ఎమ్మెల్సీ పదవి అమ్మేస్తా.. మీరు ఒప్పుకుంటే వైఎస్సార్‌సీపీ కండువా కప్పుకుంటా అన్నది నువ్వు కాదా?. మా పార్టీలో చేర్చుకోకపోతే సీఎం రమేష్‌ను పట్టుకుని బీజేపీలోకి వెళ్తానన్నది నిజం కాదా?. ఇదీ బీటెక్‌ రవి బతుకు. ప్రజలు ఇచ్చిన పదవిని అమ్ముకునే దౌర్భాగ్యమైన బతుకు అతనిది. అలాంటి వ్యక్తి ఈరోజు పెద్దపెద్ద మాటలు మాట్లాడుతున్నాడు. ఇలాంటి వారందరికీ మనం అధికారంలోకి రాగానే మంచి సమాధానం చెబుదాం. కక్షలు, కార్పణ్యాలు కాకుండా.. మనం ప్రజలకు మంచి చేసి ఇలాంటి వారికి బుద్ధి చెబుదాం.

పులివెందుల: టీడీపీ నేత పేర్ల పార్థసారథిరెడ్డి మాటలు దెయ్యాలు వేదాలు వల్లించినట్టుందని వేముల మండల వైఎస్సార్‌సీపీ కన్వీనర్‌ నాగేళ్ల సాంబశివారెడ్డి, జెడ్పీటీసీ బయపురెడ్డి మండిపడ్డారు. వైఎస్సార్‌ కడప జిల్లా పులివెందుల భాకరాపురంలో వైఎస్‌ జగన్‌ క్యాంపు కార్యాలయంలో ఆదివారం వారు మీడియాతో మాట్లాడుతూ.. వైఎస్‌ రాజారెడ్డిని చంపిన నీచ చరిత్ర కలిగిన పార్థసారధిరెడ్డి తనకు దారుణమైన అన్యాయం జరిగిందని గగ్గోలు పెడుతూ వైఎస్‌ కుటుంబంపై ఆరోపణలు చేస్తున్నాడన్నారు. మాజీ సీఎం, వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి తన తాతను చంపిన వారిని తాను, తన తండ్రి పట్టించుకోలేదని ఇటీవల చెప్పారన్నారు. వైఎస్‌ రాజశేఖర్‌రెడ్డి, వైఎస్‌ జగన్‌మోహన్‌రెడ్డి 11 ఏళ్లు ముఖ్యమంత్రులుగా ఉన్నారని, వారిద్దరూ తలచుకుంటే నువ్వు పులివెందుల ప్రాంతంలో స్వేచ్ఛగా తిరిగేవాడివా అని ప్రశ్నించారు. వైఎస్‌ రాజశేఖరరెడ్డి సీఎం అయిన తర్వాత రాయలసీమలో ఎక్కడా ఫ్యాక్షన్‌ ఉండకూడదని నిశ్చయించుకుని పూర్తిగా రూపుమాపారని చెప్పారు. కర్నూలు జిల్లాలో కాటసాని కుటుంబానికి, బిజ్జల పార్థసారథి కుటుంబానికి ఉన్న ఫ్యాక్షన్‌ రాజకీయాలకు కూడా వైఎస్‌ రాజీ కుదిర్చారని గుర్తు చేశారు. ప్రస్తుతం వేముల, వేంపల్లె మండలాల్లో అక్రమ మైనింగ్‌ ద్వారా పార్థసారథిరెడ్డి, టీడీపీ నాయకులు రూ.కోట్లు దోచుకోలేదా అని ప్రశ్నించారు. గనుల కోసమే తమ పార్టీ నాయకుడు వేల్పుల రాముపై పార్థసారథిరెడ్డి హత్యాయత్నం చేశాడన్నారు. టీడీపీ నాయకులు ప్రతిసారి వివేకాను హత్య చేస్తున్నారని, గొడ్డలిపార్టీ అంటూ విమర్శిస్తున్నారని మండిపడ్డారు. అసలు వైఎస్‌ వివేకాను ఎవరు చంపారో రాష్ట్ర ప్రజలకు తెలుసన్నారు. వైఎస్‌ వివేకాను చంపాల్సిన అవసరం వైఎస్‌ జగన్, వైఎస్‌ అవినాష్ రెడ్డిలకు ఎందుకు ఉంటుందని ప్రశ్నించారు. వైఎస్‌ వివేకానందరెడ్డి చనిపోయే ముందురోజు వరకు వైఎస్‌ జగన్, వైఎస్‌ అవినాష్‌ గెలుపు కోసం పనిచేశారన్నారు. అసలైన వెన్నుపోటు పార్టీ టీడీపీయేనన్నారు. ఇప్పటికైనా పార్థసారథిరెడ్డి నిరాధారణమైన ఆరోపణలు, ప్రేలాపనలు మానుకోవాలన్నారు. గత ప్రభుత్వంలో వేముల చెరువు నీరు లేకుండా కనపడిందా, ప్రస్తుతం ఆ చెరువు పరిస్థితి ఎలా ఉంది అని ప్రశ్నించారు. ఎవరేమిటో ప్రజలు గమనిస్తున్నారని, తమతో పోటీ పడాలంటే అభివృద్ధిలో పోటీపడాలన్నారు. పార్థసారథిరెడ్డి ఇకపై చౌకబారు విమర్శలు చేస్తే ఊరుకునే పరిస్థితి ఉండదని హెచ్చరించారు. కార్యక్రమంలో వేముల మాజీ సర్పంచ్‌ రాఘవరెడ్డి, ఎంపీపీ గంగాదేవి వెంకటనారాయణ, ఎంపీటీసీలు మల్‌రెడ్డి, రామచంద్రారెడ్డి, గంగిరెడ్డి, మాజీ ఎంపీటీసీలు మదర్సావలీ, రాధాకృష్ణయ్య, డీసీసీ మాజీ వైస్‌ చైర్మన్‌ ఆంజనేయులు, కో–ఆప్షన్‌ సభ్యుడు మహబూబ్‌పీరా, వైఎస్సార్‌సీపీ నాయకులు చలమారెడ్డి, రాజారెడ్డి, చలపతి, నాగభూషణం, గంగాధర్, మల్లారెడ్డి, శ్రీనివాసులు, శివశంకర్‌రెడ్డి పాల్గొన్నారు.

పులివెందుల : పులివెందుల చరిత్రలో పెద్దాయనది ఒక ప్రత్యేకత. తమ కుటుంబాన్ని నమ్ముకున్నవారికి అండగా నిలుస్తూ..కరువు లాంటి విపత్కర పరిస్థితుల్లోనూ ఆదుకున్న నాయకుడు దివంగత వైఎస్‌ రాజారెడ్డి. అప్పట్లో రాష్ట్ర రాజకీయాల్లో దివంగత సీఎం వైఎస్‌ రాజశేఖరరెడ్డి బిజీగా ఉన్నా పులివెందులలో అంతా తానై నడిపించేవారు. వైఎస్‌ రాజారెడ్డి 1925లో వెంకటరెడ్డి, మంగమ్మ దంపతులకు జన్మించారు. ప్రజల కష్ట సుఖాల్లో పాలు పంచుకుంటూ అందరిని ఏకతాటిపై నడిపించిన దివంగత వైఎస్‌ రాజారెడ్డికి పులివెందుల పెద్దాయనగా పేరు వచ్చింది. అంతేకాకుండా పులివెందుల అభివృద్ధికి సంబంధించి గ్రామ సర్పంచ్‌గా ఎనలేని సేవలు అందించారు. క్రమశిక్షణ గల కార్యకర్తలను తీర్చిదిద్దడంలోనూ కుమారులు, కుమార్తెలు ఉన్నతస్థానంలో నిలపడంలోనూ కుటుంబ పెద్దగా పెద్దాయన పాత్ర ఎనలేనిది. పులివెందుల గ్రామ సర్పంచ్‌గా.. రాజకీయాల్లోకి రాకముందు నుంచి పులివెందుల్లో వై.ఎస్‌.రాజారెడ్డికి ప్రత్యేక గుర్తింపు ఉంది. ఎలాంటి సమస్య అయినా ఆయన దగ్గరికి వెళితే పరిష్కారమవుతుందని ప్రజల నమ్మకం.ఈ నాటికి ఆయన వెంట ఉన్న అభిమానులు రాజారెడ్డిని దేవునిగా కొలుస్తున్నారంటే ఎంత ఆరాధిస్తున్నారో అర్థమవుతోంది. ప్రజల మనిషిగా గుర్తింపు పొందిన రాజారెడ్డి పులివెందుల గ్రామ సర్పంచ్‌గా ఎన్నికై ప్రజాప్రస్థానం ప్రారంభించారు. ఆయన పులివెందుల సర్పంచ్‌గా 1988 నుంచి 1995 వరకు పనిచేశారు. ఆయన సర్పంచ్‌గా ఉన్న సమయంలోనే పులివెందులలో వీధిలైట్లు, రోడ్లు, విద్యా సంస్థలను ఏర్పాటు చేయడంతోపాటు మంచినీటి చెరువులను తవి్వంచారు. అభివృద్ధి పనులు చేపడుతూనే ఈ ప్రాంత ప్రజల కష్టసుఖాలు తెలుసుకునేవారు. మంచినీటి సమస్య తీవ్రరూపం దాల్చినప్పుడు అన్నింటా తానే ఎన్నో వ్యయప్రయాసాలకు ఓర్చి నీటిసమస్య తీర్చడమే కాదు.. రాష్ట్రంలోనే ఇలాంటి సమస్య ఎప్పుడూ రాకూడదని పుత్రులకు హితబోధ చేసిన మహా మనిషి ఆయన. తన ఆశయాల సాధనకు రాష్ట్ర సర్వతోముఖాభివృద్ధికి తన సుపుత్రులలో ఇద్దరిని ప్రజల కోసం అంకితం చేశారు. రైతులను అన్నివిదాలా ఆదుకున్న దివంగత వై.ఎస్‌.రాజశేఖర్‌రెడ్డి కృషికి తోడుగా అక్కడక్కడ పెద్దాయన పేరుతో కూడా సేవా కార్యక్రమాలు, ప్రజా సంక్షేమ కార్యక్రమాలు అప్పట్లో రూపుదిద్దుకున్నాయి. పులివెందుల ప్రాంతంలో ప్రత్యేకంగా ఆయన పేరుతో కాలనీలు కూడా వెలిశాయి. పులివెందుల ప్రజల మనస్సులో ప్రత్యేక స్థానం దివంగత వైఎస్‌ రాజారెడ్డి, దివంగత జయమ్మ దంపతులు పులివెందుల ప్రాంత ప్రజల మనస్సులో ప్రత్యేక స్థానం ఏర్పరుచుకున్నారు. వైఎస్‌ రాజారెడ్డి బతికున్న కాలంలో ఈ ప్రాంత ప్రజలకు ఏ కష్టం వచ్చినా అండగా ఉండేవాడు. ప్రజలు కూడా తమకు ఏ కష్టం వచ్చినా పులివెందుల పెద్దాయనగా పిలువబడే వైఎస్‌ రాజారెడ్డి ఇంటి వద్దకు వెళ్లి మొరపెట్టుకునేవారు. ప్రజల కోసం వైఎస్‌ రాజారెడ్డి ఇంటి వాకిళ్లు ఎప్పుడు తెరిచి ఉండేవి. అంతేకాకుండా దివంగత మహా నాయకుడు ముఖ్యమంత్రి వైఎస్‌ రాజశేఖరరెడ్డి రాజకీయ అభివృద్ధికి వైఎస్‌ రాజారెడ్డి ఎంతో తోడ్పాటునందించారు. వైఎస్‌ రాజశేఖరరెడ్డి రాష్ట్ర రాజకీయాల్లో తలమునకలై ఉండగా.. వైఎస్‌ రాజారెడ్డి పులివెందుల ప్రాంతంలో ప్రజల సమస్యలపట్ల, రాజకీయాలపట్ల అన్నీ తానై చూసుకొనేవాడు. దీంతో వైఎస్‌ రాజశేఖరరెడ్డి ప్రశాంతంగా రాష్ట్ర రాజకీయాల్లో చురుకైన పాత్ర పోషించేవాడు. వైఎస్‌ రాజారెడ్డి తనయుడు వైఎస్‌ఆర్‌ను ముఖ్యమంత్రిగా చూడాలని తపించేవాడు. విద్యా ప్రదాతగా.. : దివంగత వైఎస్‌ రాజారెడ్డి పులివెందుల పేదల ప్రజల అభ్యున్నతికి కృషి చేస్తూనే పులివెందులలో పేద విద్యార్థుల కోసం డిగ్రీ కళాశాల, పాల్‌టెక్నికల్‌ కళాశాలలు నెలకొల్పాడు. వైఎస్‌ రాజారెడ్డి, వైఎస్సార్‌లు చూపిన బాటలోనే వైఎస్‌ జగన్‌మోహన్‌రెడ్డి, వైఎస్‌ అవినా‹Ùరెడ్డి, ఇతర కుటుంబ సభ్యులు నడుస్తున్నారని చెప్పవచ్చు. ఏదీ ఏమైనా పులివెందుల ప్రాంత ప్రజలు ఈనాటికి పెద్దాయనను మర్చిపోలేకపోతున్నారు. నివాళులర్పించనున్న వైఎస్‌ కుటుంబ సభ్యులు దివంగత వైఎస్‌ రాజారెడ్డి 28వ వర్ధంతి సందర్భంగా శనివారం పులివెందులలోని డిగ్రీ కళాశాల రోడ్డులో గల వైఎస్సార్‌ సమాధుల తోటలో గల వైఎస్‌ జయమ్మ, రాజారెడ్డి సమాధుల వద్ద మాజీ సీఎం వైఎస్‌ జగన్‌ తల్లి, మాజీ ఎమ్మెల్యే వైఎస్‌ విజయమ్మ, వైఎస్సార్‌ సోదరుడు వైఎస్‌ సు«దీకర్‌రెడ్డి, ఇతర కుటుంబీకులు నివాళులరి్పంచనున్నారు. అనంతరం వైఎస్‌ రాజారెడ్డి పార్కులోని వైఎస్‌ రాజారెడ్డి విగ్రహం వద్ద నివాళులరి్పంచనున్నారు.

సాక్షి ప్రతినిధి,కడప: కాలం ఎప్పుడూ ఒకేలా ఉండదని, చీకటి కొన్నాళ్లేనని.. రాబోయే రోజులు మనవేనని.. మంచి కాలం ముందుందని వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పార్టీ శ్రేణులు, చంద్రబాబు కూటమి ప్రభుత్వ బాధితులకు ధైర్యం చెప్పారు. ప్రజలతో రోజంతా మమేకమయ్యారు. బుధవారం ఉదయం నుంచి రాత్రి పొద్దుపోయే వరకు జనం కోసం క్యాంపు కార్యాలయంలోనే ఉండిపోయారు. వివిధ ప్రాంతాల నుంచి తరలివచ్చిన అభిమానులు, పార్టీ శ్రేణులు, వివిధ వర్గాల ప్రజలను కలుసుకున్నారు. కార్యకర్తల కష్టసుఖాలు అడుగుతూ.. టీడీపీ నేతల అరాచకాలతో ఇబ్బందులు పడిన వారి బాధలు వింటూ.. నేనున్నాను.. మీకేం కాదని వైఎస్‌ జగన్‌ భరోసా ఇచ్చారు. వారి ఆగడాలను ధైర్యంగా ఎదుర్కోవాలన్నారు. పార్టీ నేతలు, కార్యకర్తలను పేరు పేరున పలకరించారు. ఎంపీ వైఎస్‌ అవినాష్‌రెడ్డితో మాట్లాడి పలు సమస్యలకు అక్కడికక్కడే పరిష్కార మార్గం చూపారు. వైఎస్సార్‌ కడప జిల్లా పులివెందుల నియోజకవర్గంలో రెండో రోజు బుధవారం వైఎస్‌ జగన్‌ పర్యటించారు. ఈ సందర్భంగా స్థానిక ప్రజలు, పార్టీ నేతలు, కార్యకర్తలు ఆయనకు ఘన స్వాగతం పలికారు. రాష్ట్ర ప్రజల శ్రేయస్సు, శాంతిని కాంక్షిస్తూ ఉదయం ఇప్పట్ల గ్రామ శివార్లలో ఉన్న శివాలయంలో ప్రత్యేక పూజలు చేశారు. అనంతరం గ్రామ ప్రజలతో మాట్లాడారు. ఇటీవల మరణించిన వైఎస్సార్‌సీపీ నేత సుధాకర్‌ రెడ్డి నివాసానికి వెళ్లి కుటుంబ సభ్యులను పరామర్శించారు. పార్టీ బలోపేతానికి, ప్రజలకు ఆయన అందించిన సేవలను గుర్తు చేసుకుంటూ వారి కుటుంబానికి ధైర్యం చెప్పారు. పార్టీ కార్యకర్తల త్యాగాలు, కృషి ఎల్లప్పుడూ స్మరణీయమన్నారు. అదే గ్రామానికి చెందిన వైఎస్సార్‌సీపీ నేత వెంకట్రామిరెడ్డి ఇంటికి వెళ్లి కుటుంబ యోగ క్షేమాలు తెలుసుకున్నారు. కొన్ని నెలల క్రితం మృతి చెందిన పుల్లారెడ్డి ఇంటికి చేరుకుని ఆయన చిత్రపటం వద్ద పుష్పాంజలి ఘటించి నివాళులు అర్పించారు. పుల్లారెడ్డి కుటుంబ సభ్యులతో మాట్లాడి సానుభూతి వ్యక్తం చేశారు. ఇటీవల వివాహం చేసుకున్న ఆయన కుమారుడు విష్ణువర్ధన్‌రెడ్డి, అమృతరెడ్డి దంపతులను ఆశీర్వదించి వారికి వివాహ శుభాకాంక్షలు తెలిపారు. అలాగే, పార్నపల్లి రహదారిపై వైఎస్‌ జగన్‌ను రాజారెడ్డి కాలనీ వాసులు కలిశారు. జాతీయ రహదారి నిర్మాణంలో ఇళ్లు కోల్పోతున్నామని, పరిహారం విషయంలో తమను ప్రభుత్వం సంప్రదించడం లేదని వారు ఆవేదన వ్యక్తం చేశారు. వారితో వైఎస్‌ జగన్‌ మాట్లాడుతూ.. న్యాయం కోసం పోరాడుదామని చెప్పారు. న్యాయం జరగకపోతే అధికారంలోకి వచ్చిన వెంటనే తప్పకుండా న్యాయం చేస్తానని వారికి భరోసా ఇచ్చారు. దారి పొడవునా జనమే జనం వైఎస్‌ జగన్‌ ఇప్పట్ల పర్యటన సందర్భంగా గ్రామస్తులు భారీగా తరలివచ్చి ఘన స్వాగతం పలికారు. పులివెందుల నుంచి ఇప్పట్ల వరకు దారిపొడవునా అనేక గ్రామాలకు చెందిన పార్టీ కార్యకర్తలు, అభిమానులు పెద్ద ఎత్తున రోడ్డుపైకి తరలి వచ్చారు. ఇప్పట్ల గ్రామంలో వైఎస్‌ జగన్‌ను చూడగానే అవ్వాతాతలు కన్నీళ్లు పెట్టుకున్నారు. వైఎస్‌ జగన్‌ గడ్డం నిమురుతూ అభిమానాన్ని చాటుకున్నారు. భయపడొద్దు అవ్వా.. మనకు మళ్లీ మంచి రోజులొస్తాయి.. ధైర్యంగా ఉండండంటూ వారికి భరోసా కలి్పంచారు. అభిమాన నేతను చూసేందుకు గ్రామంలోని మహిళలంతా తరలి వచ్చారు. దారి వెంబడి చేతులు ఊపుతూ అభిమానం చాటుకున్నారు. తిరుగు ప్రయాణంలో సైతం గుంపులు గుంపులుగా రోడ్డుపైకి చేరి వైఎస్‌ జగన్‌ను కలుసుకునేందుకు వేచి ఉన్నారు. వైఎస్‌ జగన్‌ వారందరికీ అభివాదం చేస్తూ.. వారి కష్టాలు విని ధైర్యం చెబుతూ ముందుకు సాగారు. వైఎస్‌ జగన్‌ను కలిసిన పిన్నెల్లి బ్రదర్స్‌ ఇటీవల అక్రమ కేసులో బెయిల్‌పై విడుదలైన మాజీ ఎమ్మెల్యే పిన్నెల్లి రామకృష్ణారెడ్డి, ఆయన సోదరుడు పిన్నెల్లి వెంకట్రామిరెడ్డిలు బుధవారం పులివెందుల క్యాంపు కార్యాలయంలో మాజీ సీఎం వైఎస్‌ జగన్‌మోహన్‌రెడ్డిని కలుసుకున్నారు. ఈ సందర్భంగా వైఎస్‌ జగన్‌ స్పందిస్తూ.. అక్రమ కేసులతో నియంత్రించాలనుకోవడం అవివేకమని, కాలం ఎప్పుడూ ఒకేలా ఉండదని, మంచి రోజులు వస్తాయన్నారు. అన్యాయంగా ప్రవర్తించి, ఏకపక్ష చర్యలు చేపట్టిన వారెవ్వరినీ వదిలే ప్రసక్తే లేదని తేల్చి చెప్పారు. రోడ్డు నాణ్యతపై సోషల్‌ మీడియాలో వీడియో పోస్టు చేస్తే కేసు నమోదు చేసి రిమాండ్‌కు పంపారని మర్రిపాడు మండలానికి చెందిన యువకులు జగన్‌ దృష్టికి తీసుకొచ్చారు. అక్రమ కేసులకు జడవాల్సిన పనిలేదని, వచ్చేది మన ప్రభుత్వమేనని జగన్‌ ధైర్యం చెప్పారు. కార్యాలయం వద్ద జన సందోహంవైఎస్‌ జగన్‌ పర్యటన నేపథ్యంలో పులివెందుల క్యాంపు కార్యాలయం జనసంద్రంగా మారింది. పార్టీ అభిమానులు, క్యాడర్‌తోపాటు యువత, వికలాంగులు, వృద్ధులు, మహిళలు ఇలా అందరూ తరలి రావడంతో ఎక్కడా చూసినా జనమే కనిపించారు. ఒక దశలో జనాన్ని అదుపు చేయడం పోలీసులకు కూడా కష్టం అనిపించింది. కార్యాలయ ప్రాంగణమంతా జై జగన్‌ నినాదాలతో హోరెత్తింది. వైఎస్‌ జగన్‌ వారందరికీ అభివాదం చేస్తూ.. కరచాలనం చేసుకుంటూ, సెల్ఫీలు ఇస్తూ ముందుకు కదిలారు. ఈ కార్యక్రమంలో కడప ఎంపీ వైఎస్‌ అవినాష్‌రెడ్డి, ఎమ్మెల్యేలు డాక్టర్‌ సుధ, ఆకేపాటి అమర్‌నాథరెడ్డి, తాటిపర్తి చంద్రశేఖర్, విరూపాక్షి, ఎమ్మెల్సీలు రామసుబ్బారెడ్డి, రమేష్‌ యాదవ్, రామచంద్రారెడ్డి, మాజీ ఎమ్మెల్యేలు పోచంరెడ్డి రవీంద్రనాథరెడ్డి, ఎస్‌ రఘురామిరెడ్డి, చెవిరెడ్డి భాస్కరరెడ్డి, నల్లపురెడ్డి ప్రసన్నకుమార్‌రెడ్డి, కొరముట్ల శ్రీనివాసులు, పిన్నెల్లి రామకృష్ణారెడ్డి, ఎస్‌బీ అంజద్‌బాషా, చాంద్‌బాషా, పార్టీ రాష్ట్ర ప్రధాన కార్యదర్శి ఎస్వీ సతీష్‌కుమార్‌రెడ్డి, మాజీ మేయర్లు సురేష్‌బాబు, పాకా సురేష్‌, పార్టీ నేతలు వైఎస్‌ మనోహర్‌రెడ్డి, వరప్రసాద్‌ తదితరులు పాల్గొన్నారు.

సాక్షి, వైఎస్సార్‌ జిల్లా: వైఎస్సార్‌సీపీ అధ్యక్షుడు, మాజీ ముఖ్యమంత్రి, వైఎస్‌ జగన్‌మోహన్‌రెడ్డి ప్రజలతో మమేకమయ్యారు. మంగళవారం సాయంత్రం పులివెందులకు చేరుకున్న ఆయన క్యాంపు కార్యాలయంలో తనను కలిసేందుకు వచ్చిన అభిమానులు, పార్టీ శ్రేణులు, అన్ని వర్గాల ప్రజలతో మాట్లాడారు. ప్రధానంగా కార్యకర్తల కష్టసుఖాలు అడుగుతూ.. టీడీపీ నేతల అరాచకాలతో ఇబ్బందులు పడిన బాధితుల వెతలు వింటూ నేనున్నానని.. మీకేం కాదని భరోసా ఇచ్చారు.ధైర్యంగా ముందుకు పోవడమే ఆలస్యమని.. కాలం ఎప్పుడు ఒకేలా ఉండదు.. మంచి కాలం ముందు ఉందంటూ వివరించారు. ప్రధానంగా కార్యకర్తలు, నాయకులు ప్రతి ఒక్కరితో మాట్లాడుతూ కష్టాలు అడిగి తెలుసుకున్నారు. అంతేకాకుండా వారి బాధలు విన్న ఆయన కొన్నింటికి సంబంధించి ఎంపీ వైఎస్‌ అవినాష్‌రెడ్డితో మాట్లాడుతూ మార్గం చూపారు.వైఎస్‌ జగన్‌ ఉదయం ఇప్పట్ల పర్యటన తర్వాత భాకరాపురంలోని క్యాంపు కార్యాలయంలో ప్రజలతో మాట్లాడారు. ముఖ్యమైన నాయకులతోనూ చర్చించారు. క్యాంపు కార్యాలయంలో పార్టీ కార్యకర్తలు, నాయకులు, వివిధ వర్గాలకు చెందిన ప్రజలు, సమస్యల పరిష్కారం కోసం వచ్చిన బాధితుల నుంచి వినతులను స్వీకరించారు. తెలిసిన ప్రతి ఒక్క కార్యకర్తను పేరు పేరునా పలకరించడమే కాకుండా కష్ట, సుఖాలు, ఇబ్బందుల గురించి అడిగి తెలుసుకున్నారు.వారిని ఆప్యాయంగా పలకరిస్తూ అక్కున చేర్చుకున్నారు. ఎలాంటి ఇబ్బందులు ఉన్నా నేనున్నానని.. ఏదైనా సమస్యలున్నా పార్టీ అండగా ఉంటుందని వివరించారు. కొంతమంది దివ్యాంగులు, యువత ఆయనను అభిమానంగా వచ్చి కలుసుకున్నారు. వారి కోరిక మేరకు సెల్ఫీలు దిగుతూనే మరోవైపు ప్రతి ఒక్కరితో విడివిడిగా మాట్లాడుతూ వచ్చారు.వైఎస్‌ జగన్‌ పులివెందులకు వస్తున్నారని తెలుసుకున్న జనాలు భారీగా తరలి వచ్చారు. పార్టీ అభిమానులు, క్యాడర్‌తోపాటు యువత, దివ్యాంగులు, వృద్ధులు, మహిళలు ఇలా అందరూ తరలి రావడంతో ఎక్కడ చూసినా జనమే కనిపించారు. కార్యాలయ ప్రాంగణమంతా జగన్‌ను చూసేందుకు వచ్చిన అభిమానులతో పోటెత్తింది. వైఎస్‌ జగన్‌ నినాదాలతో హోరెత్తింది. వైఎస్‌ జగన్‌ను చూడగానే ఉప్పొంగిన అభిమానంతో జై జగన్‌ నినాదాలతో నినదించారు.

వైఎస్‌ జగన్‌ ఇప్పట్ల పర్యటన అప్‌డేట్స్‌.. సుధాకర్ రెడ్డి కుటుంబాన్ని పరామర్శించిన వైఎస్ జగన్ఇప్పట్ల చేరుకున్న వైఎస్‌ జగన్‌సుధాకర్ రెడ్డి ఇంటికి చేరుకున్న వైఎస్ జగన్ఇటీవల మృతి చెందిన సుధాకర్ రెడ్డి కుటుంబాన్ని పరామర్శించిన వైఎస్ జగన్పార్నపల్లి నిర్వాసితులకు భరోసా.. కడపపార్నపల్లి రహదారిపై వైఎస్‌ జగన్‌ను కలిసిన రాజారెడ్డి కాలనీ వాసులు..జాతీయ రహదారి నిర్మాణంలో ఇళ్లు కోల్పోతున్నామని నిర్వాసితులు ఆవేదన.పరిహారం విషయంలో ప్రభుత్వం స్పందించడం లేదని ఆవేదనపరిహారం ఇప్పించి ఆదుకోవాలని వైఎస్‌ జగన్‌కు వినతి.న్యాయం కోసం పోరాటం చేద్దాం.న్యాయం జరగకపోతే మూడేళ్లు ఆగండి మనం అధికారంలోకి వస్తాం..తప్పకుండా న్యాయం చేస్తామన్న వైఎస్ జగన్మీకు అన్యాయం జరగదు.. జగన్ సార్ చూసుకుంటాడని ఎంపీ అవినాష్ రెడ్డి భరోసా ఇప్పట్ల బయలుదేరిన వైఎస్‌ జగన్‌పులివెందులలో తన నివాసం నుంచి ఇప్పట్ల బయలుదేరిన మాజీ సీఎం వైఎస్ జగన్మరికాసేపట్లో ఇప్పట్ల చేరుకోనున్న వైఎస్ జగన్ఇప్పట్ల లో ఇటీవల మృతి చెందిన వైఎస్సార్‌సీపీ నాయకుడు సుధాకర్ రెడ్డి కుటుంబాన్ని పరామర్శించనున్న వైఎస్ జగన్అనంతరం పులివెందుల క్యాంప్ ఆఫీసుకు వైఎస్ జగన్క్యాంప్ కార్యాలయంలో ప్రజాదర్బార్, ప్రజల నుంచి వినతుల స్వీకరణ👉లింగాల మండలం ఇప్పట్ల శివాలయంలో ప్రత్యేక పూజలు నిర్వహించిన మాజీ సీఎం వైఎస్ జగన్👉వైఎస్సార్‌సీపీ అధినేత వైఎస్‌ జగన్‌ పులివెందుల పర్యటనలో ఉన్నారు. రెండో రోజు పర్యటనలో భాగంగా వైఎస్‌ జగన్‌.. వైఎస్సార్‌సీపీ నేత దివంగత సుధాకర్‌రెడ్డికి ఇంటికి వెళతారు. అక్కడ సుధాకర్‌రెడ్డి కుటుంబ సభ్యులను పరామర్శిస్తారు.👉వైఎస్‌ జగన్‌ పులివెందులలోని తన నివాసం నుంచి రోడ్డు మార్గాన ఇప్పట్లకు బయలుదేరుతారు. నేరుగా లింగాల మండలం ఇప్పట్ల గ్రామంలోని వైఎస్సార్‌సీపీ నేత దివంగత సుధాకర్‌రెడ్డికి ఇంటికి వెళతారు. అక్కడ సుధాకర్‌రెడ్డి కుటుంబ సభ్యులను పరామర్శిస్తారు.

సాక్షి, కడప: కష్టాలు చెప్పుకున్న వారందరికీ నేనున్నానంటూ వైఎస్సార్‌సీపీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ధైర్యం చెప్పారు. వచ్చేది మన ప్రభుత్వమేనని, అందరికీ పార్టీ అండగా ఉంటుందని భరోసా ఇచ్చారు. మంగళవారం సాయంత్రం వైఎస్సార్‌ కడప జిల్లా పులివెందులకు చేరుకున్న జగన్‌కు స్థానిక ప్రజలు ఘనంగా స్వాగతం పలికారు. భాకరాపురం సమీపంలోని హెలిప్యాడ్‌ నుంచి ఇంటికి చేరుకునే వరకు జగన్‌ను చూసేందుకు దారి పొడవునా ప్రజలు పెద్ద సంఖ్యలో రోడ్డుకు ఇరువైపులా బారులుతీరారు. యువత జై జగన్‌ నినాదాలతో హోరెత్తించారు.ఈ సందర్భంగా వైఎస్‌ జగన్‌.. నాయకులు, కార్యకర్తలు, స్థానికులను పేరు పేరునా పలుకరించారు. పలువురితో సెల్పిలు దిగారు. మధ్యలో కాన్వాయ్‌ని ఆపిన అభిమానులతో కరచాలనం చేశారు. ప్రజల నుంచి వినతులు సైతం స్వీకరించారు. ఈ సందర్భంగా టీడీపీ అరాచకాలను ధైర్యంగా ఎదుర్కోవాలని పార్టీ శ్రేణులకు సూచించారు. కష్టాలు ఎల్లకాలం ఉండవని, పోరాట పంథాను ఎంచుకుని ముందుకు సాగాలని పిలుపునిచ్చారు. కాగా, క్యాంపు కార్యాలయంలో వేద పండితులు వైఎస్‌ జగన్‌ను ఆశీర్వదించారు. పులివెందులలోని తన నివాసానికి వచ్చే మార్గంలో కాన్వాయ్‌ ఆపి ప్రజల కష్టాలు వింటున్న మాజీ సీఎం వైఎస్‌ జగన్‌ పార్టీ నేతలతో చర్చలు వైఎస్‌ జగన్‌మోహన్‌రెడ్డిని ఆయన నివాసంలో వైఎస్సార్‌సీపీ నేతలు కలిశారు. వివిధ అంశాలపై వారితో వైఎస్‌ జగన్‌ చర్చించారు. వివిధ ప్రాంతాలకు చెందిన అనేక మంది వైఎస్‌ జగన్‌ను కలిసి వివాహ శుభ లేఖలు, వినతులు అందించారు. కడప ఎంపీ వైఎస్‌ అవినాష్ రెడ్డితోపాటు వైఎస్సార్‌సీపీ జిల్లా అధ్యక్షుడు పి.రవీంద్రనాథరెడ్డి, అన్నమయ్య జిల్లా అధ్యక్షుడు, రాజంపేట ఎమ్మెల్యే ఆకేపాటి అమర్‌నాథరెడ్డి, చంద్రగిరి మాజీ ఎమ్మెల్యే చెవిరెడ్డి భాస్కర్‌రెడ్డి, బద్వేలు ఎమ్మెల్యే డాక్టర్‌ సుధ, వైఎస్సార్‌సీపీ రాష్ట్ర అధికార ప్రతినిధి రాచమల్లు శివప్రసాద్‌రెడ్డి, ఎమ్మెల్సీలు పి.రామసుబ్బారెడ్డి, డీసీ గోవిందరెడ్డి, రామచంద్రారెడ్డి, రమేష్‌ యాదవ్, మాజీ ఎమ్మెల్యేలు రఘురామిరెడ్డి, అత్తార్‌ చాంద్‌బాషా, రాజంపేట పార్లమెంటరీ నియోజకవర్గ ఇన్‌చార్జి కె.సురేష్ బాబు, రాష్ట్ర నాయకులు రెడ్యం వెంకటసుబ్బారెడ్డి తదితరులు వైఎస్‌ జగన్‌ను కలిసిన వారిలో ఉన్నారు. నేడు ఇప్పట్లకు వైఎస్‌ జగన్‌ వైఎస్‌ జగన్‌మోహన్‌రెడ్డి బుధవారం లింగాల మండలం ఇప్పట్ల గ్రామంలో పర్యటించనున్నారు. గ్రామానికి చెందిన వైఎస్సార్‌సీపీ నాయకుడు సుధాకర్‌రెడ్డి ఇటీవల అనారోగ్యంతో మృతి చెందారు. ఆయన కుటుంబ సభ్యులను వైఎస్‌ జగన్‌ పరామర్శించనున్నారు.

కడప: మూడు రోజుల వైఎస్సార్‌ కడప జిల్లా పర్యటనలో భాగంగా వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పులివెందులకు చేరుకున్నారు. వైఎస్‌ జగన్‌కు వైఎస్సార్‌సీపీ శ్రేణులు ఘనస్వాగతం పలికాయి. నేటి నుంచి(ఏప్రిల్‌ 21వ తేదీ) మూడు రోజులపాటు వైఎస్సార్‌ కడప జిల్లాలో పర్యటించనున్నారు. రేపు(బుధవారం, ఏప్రిల్‌ 22వ తేదీ) ఉదయం 9 గంటలకు పులివెందులలోని తన నివాసం నుంచి రోడ్డు మార్గాన లింగాల మండలం ఇప్పట్ల గ్రామంలోని వైఎస్సార్‌సీపీ నేత దివంగత సుధాకర్‌రెడ్డి ఇంటికి బయలుదేరి వెళతారు వైఎస్‌ జగన్‌. 9.45గంటలకు సుధాకర్‌రెడ్డి ఇంటికి చేరుకుని ఆయన కుటుంబ సభ్యులను పరామర్శిస్తారు. 10.15గంటలకు అక్కడ నుంచి బయలుదేరి 11గంటలకు పులివెందులలోని భాకరాపురంలో ఉన్న క్యాంపు కార్యాలయానికి చేరుకుంటారు. 11 గంటల నుంచి రాత్రి 6.25గంటల వరకు తన క్యాంప్‌ ఆఫీస్‌లో ప్రజా దర్బార్‌ నిర్వహిస్తారు. అనంతరం తన నివాసానికి చేరుకుని రాత్రికి అక్కడే బస చేస్తారు. 23వ తేదీ గురువారం ఉదయం 8గంటలకు పులివెందుల భాకరాపురంలోని తన నివాసం నుంచి తిరగుపయనమవుతారు.

సాక్షి, వైఎస్సార్‌ జిల్లా: వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి ఈనెల 21వ తేదీనుంచి మూడు రోజులపాటు వైఎస్సార్‌ కడప జిల్లాలో పర్యటించనున్నారు. ఈ నెల 21వ తేదీన మంగళవారం మధ్యాహ్నం 2.30గంటలకు బెంగుళూరులోని తన నివాసం నుంచి బెంగుళూరు ఎయిర్‌డ్రోంకు బయలుదేరుతారు. అక్కడి నుంచి 3గంటలకు హెలీకాప్టర్‌ ద్వారా బయలుదేరి 3.40గంటలకు పులివెందులలోని భాకరాపురం హెలీప్యాడ్‌కు చేరుకుంటారు.అక్కడి నుంచి 4గంటలకు పులివెందులలోని తన క్యాంపు ఆఫీస్‌కు చేరుకుంటారు. 4 నుంచి రాత్రి 7గంటల వరకు పులివెందులలోని తన క్యాంపు ఆఫీస్‌లో ప్రజలతో మమేకమవుతారు. 22వ తేదీ బుధవారం ఉదయం 9 గంటలకు పులివెందులలోని తన నివాసం నుంచి రోడ్డు మార్గాన లింగాల మండలం ఇప్పట్ల గ్రామంలోని వైఎస్సార్‌సీపీ నేత దివంగత సుధాకర్‌రెడ్డి ఇంటికి బయలుదేరుతారు.9.45గంటలకు సుధాకర్‌రెడ్డి ఇంటికి చేరుకుని ఆయన కుటుంబ సభ్యులను పరామర్శిస్తారు. 10.15గంటలకు అక్కడ నుంచి బయలుదేరి 11గంటలకు పులివెందులలోని భాకరాపురంలో ఉన్న క్యాంపు కార్యాలయానికి చేరుకుంటారు. 11 గంటల నుంచి రాత్రి 6.25గంటల వరకు తన క్యాంప్‌ ఆఫీస్‌లో ప్రజా దర్బార్‌ నిర్వహిస్తారు. అనంతరం తన నివాసానికి చేరుకుని రాత్రికి అక్కడే బస చేస్తారు. 23వ తేదీ గురువారం ఉదయం 8గంటలకు పులివెందుల భాకరాపురంలోని తన నివాసం నుంచి హెలీప్యాడ్‌కు రోడ్డు మార్గాన వైఎస్‌ జగన్‌ బయలుదేరుతారు. అనంతరం అక్కడి నుంచి హెలీకాఫ్టర్‌ ద్వారా బెంగళూరుకు తిరగుపయనమవుతారు.

సాక్షి, తాడేపల్లి: వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌ మోహన్‌రెడ్డి తన సొంత నియోజకవర్గం పులివెందులలో పర్యటించనున్నారు. రేపటి నుంచి మూడు రోజుల పాటు ఈ పర్యటన కొనసాగనుంది. తన పర్యటనలో బాగంగా వైఎస్‌ జగన్‌ మంగళవారం సాయంత్రం పులివెందులకు చేరుకుంటారు. అక్కడ భాకరాపురం క్యాంప్‌ ఆఫీస్‌లో ప్రజాదర్బార్‌ నిర్వహిస్తారు. రాత్రికి అక్కడి నివాసంలో బస చేస్తారు. మరుసటిరోజు(22న) ఉదయం పులి­వెందుల నుంచి బయలుదేరి లింగాల మండలం ఇప్పట్ల వెళతారు.స్థానిక వైఎస్సార్‌సీపీ నేత సుధాకర్‌ రెడ్డి ఇటీవలె మరణించారు. ఈ నేపథ్యంలో ఆయన కుటుంబాన్ని వైఎస్‌ జగన్‌ ఓదార్చనున్నారు. తిరిగి పులివెందుల క్యాంప్‌ కార్యాలయానికి చేరుకుని ప్ర­జాదర్బార్‌ నిర్వహిస్తారు. 23వ తేదీన ఉదయం పర్యటన ముగించుకుని పులి­వెందుల నుంచి తిరుగు పయనమవుతారు.

పులివెందుల/రూరల్‌: ప్రజా వ్యతిరేక విధానాలను వీడకపోతే టీడీపీ కూటమి ప్రభుత్వానికి పతనం తప్పదని వివిధ పార్టీలతో కూడిన అఖిలపక్షం హెచ్చరించింది. పులివెందుల సహా రాష్ట్రంలో నిర్మాణంలో ఉన్న ప్రభుత్వ వైద్య కళాశాలలను త్వరలో పూర్తిచేసి ఈ విద్యా సంవత్సరం నుంచే ప్రభుత్వ రంగంలో ప్రారంభించాలని డిమాండ్‌ చేసింది. పులివెందుల ప్రభుత్వ మెడికల్‌ కళాశాలను అఖిలపక్ష బృందం గురువారం సందర్శించింది. కళాశాలలో అత్యాధునికంగా నిర్మించిన అవుట్‌ పేషెంట్‌ (ఓపీ), ఇన్‌పేషెంట్‌(ఐపీ) విభాగాలను పరిశీలించింది. పులివెందుల మెడికల్‌ కాలేజీకి వచ్చిన 50 సీట్లను టీడీపీ కూటమి ప్రభుత్వం వెనక్కి పంపడంపై అఖిలపక్షం మండిపడింది. కాలేజీలోని అత్యాధునిక పరికరాలు వేరే ప్రాంతాలకు తరలించడంతోపాటు గత సీఎం వైఎస్‌ జగన్‌మోహన్‌రెడ్డి హయాంలో నియ­మించిన ప్రొఫెసర్లు, అసిస్టెంట్‌ ప్రొఫెసర్లతోపాటు భారీగా సిబ్బందిని ఇతర ప్రాంతాలకు బదిలీ చేయడమేంటని ప్రశ్నించింది.అన్ని వసతులు ఉన్నా నేడు సాధారణ ఆస్ప­త్రిలా పులివెందుల మెడికల్‌ కాలేజీని మార్చేయడమేంటని నిలదీసింది. రోగులు, ఆస్పత్రి సిబ్బందితో మాట్లాడి వివరాలు తెలుసు­కున్న అఖిలపక్ష బృందం రాష్ట్రంలోని ప్రభుత్వ మెడికల్‌ కాలేజీల ప్రైవేటీకరణపై నిరసన వ్యక్తం చేసింది. పీపీపీ విధానాన్ని రద్దుచేసి వైద్య కళాశాలల్ని ప్రభుత్వమే నిర్వహించాలని డిమాండ్‌ చేసింది. అఖిలపక్ష బృందంలో వైఎస్సార్‌సీపీ రాష్ట్ర ప్రధాన కార్యదర్శి ఎస్వీ సతీష్‌కుమార్‌రెడ్డి, సీపీఐ రాష్ట్ర కార్య­దర్శి గుజ్జుల ఈశ్వరయ్య, కాంగ్రెస్‌ నాయకుడు తులసిరెడ్డి, సీపీఎం నేత కె.ప్రభాకర్‌రెడ్డి, సామాజిక ఉద్యమనేత ప్రొఫెస­ర్‌ సి.రామచంద్రయ్య, వెనుకబడిన ప్రాంతాల అభివృద్ధి వేదిక అధ్యక్షుడు కె.నారాయణ, బీసీ చైతన్య సమితి అధ్యక్షుడు బీసీ రమణ, విద్యార్థి, యువజన, పౌరసంస్థల కన్వినర్‌ డాక్టర్‌ వెంకటేశ్వర్లు, జనచైతన్య వేదిక అధ్యక్షుడు వల్లంరెడ్డి లక్ష్మణ్‌రెడ్డి, సామాజికవేత్త డాక్టర్‌ వసుంధరతదితరులు ఉన్నారు. ప్రభుత్వ మొండివైఖరి తగదు ఈ సందర్భంగా అఖిలపక్ష బృందంలోని ప్రతినిధులు మాట్లాడుతూ.. వైఎస్‌ జగన్‌మోహన్‌రెడ్డి ప్రభుత్వం ఒకేసారి 17 ప్రభుత్వ వైద్య కళాశాలలకు అనుమతులు తెచ్చి.. అందులో 7 కళాశాలలను ప్రారంభించిందన్నారు. మిగిలిన 10 కళాశాలలు నిర్మాణంలో ఉండగా కూటమి ప్రభుత్వం ఏమాత్రం పట్టించుకోకపోవడం దురదృష్టకరమన్నారు. రాష్ట్రంలో వివిధ పార్టీలు, ప్రజాసంఘాలు, విద్యార్థి, యువజన సంఘాలు, పౌర సంస్థలు ప్రభుత్వ వైద్య కళాశాలలను పీపీపీ విధానంలో ప్రైవేటు వ్యక్తులకు కట్టబెట్టడాన్ని వ్యతిరేకిస్తున్నా ప్రభుత్వం మొండిగా వ్యవహరించడం తగదన్నారు. పీపీపీ విధానంలో వైద్య కళాశాలలను ప్రైవేటుకు అప్పజెబితే రిజర్వేషన్లు అమలు కావని, పేద విద్యార్థులు, ప్రతిభావంతులైన విద్యార్థులు నష్టపోతారని చెప్పారు. పేద రోగులకు ఉచిత వైద్యం అందదన్నారు. ప్రభుత్వం వైద్య రంగంలో పీపీపీ విధానానికి స్వస్తి పలకాలని డిమాండ్‌ చేశారు. దాదాపు రూ.150 కోట్ల విలువ చేసే 50 ఎకరాల భూమిని, రూ.412 కోట్లతో నిర్మించిన భవనాలను ప్రైవేటు వ్యక్తులకు అప్పగించాలనే ధోరణిని విడనాడాలన్నారు. 2024–25 సంవత్సరంలోనే కేటాయించిన 50 ఎంబీబీఎస్‌ సీట్లను చంద్రబాబు ప్రభుత్వం వద్దనడం దుర్మార్గమని మండిపడ్డారు. ఫీజులు కట్టలేక వందలాది సీట్లు ఖాళీ ప్రభుత్వ మెడికల్‌ కళాశాలల పరిరక్షణ కమిటీ కన్వినర్‌ డాక్టర్‌ ఆలా వెంకటేశ్వర్లు మాట్లాడుతూ.. ప్రైవేటు వైద్య కళాశాలల్లో అధిక ఫీజులు కట్టలేక వందలాది సీట్లు ఖాళీగా ఉన్నాయన్నారు. ఈ కారణంగానే పీపీపీ టెండర్లలో ఎవరూ పాల్గొనడం లేదనే విషయాన్ని రాష్ట్ర ప్రభుత్వం గ్రహించాలన్నారు. జన చైతన్య వేదిక అధ్యక్షుడు వల్లంరెడ్డి లక్ష్మణరెడ్డి మాట్లాడుతూ.. సీఎం చంద్రబాబు ఈవెంట్ల పేరిట వేలాది కోట్ల రూపాయలను మంచినీళ్లప్రాయంగా దుబారా చేస్తున్నారన్నారు. అందులో ఏ కొంచెం ఖర్చుపెట్టినా నిర్మాణంలో ఉన్న 10 ప్రభుత్వ మెడికల్‌ కళాశాలలు పూర్తవుతాయని, లక్షలాదిమంది పేద రోగులకు ఉచిత వైద్యం అందుబాటులోకి వస్తుందని చెప్పారు. ప్రభుత్వం నిర్లక్ష్యంగా వ్యవహరిస్తోంది గ్రామీణ ప్రాంతాల్లోని ప్రజలకు మెరుగైన వైద్య సేవలందించాలనే లక్ష్యంతో గత ముఖ్యమంత్రి వైఎస్‌ జగన్‌మోహన్‌రెడ్డి రాష్ట్రవ్యాప్తంగా 17 మెడికల్‌ కళాశాలల ఏర్పాటుకు అనుమతులు తెచ్చారు. వాటిలో 7 కళాశాలలను ప్రారంభించారు. నిర్మాణంలో ఉన్న 10 కళాశాలలను టీడీపీ కూటమి ప్రభుత్వం ప్రైవేటీకరించాలనుకోవడం దురదృష్టకరం. ప్రభుత్వం మొండిగా ముందుకెళితే వైఎస్సార్‌సీపీ తరఫున పెద్దఎత్తున ఉద్యమాలు చేస్తాం. – ఎస్వీ సతీష్‌కుమార్‌రెడ్డి, వైఎస్సార్‌సీపీ రాష్ట్ర ప్రధాన కార్యదర్శి వైఎస్సార్‌ కడప జిల్లాపై టీడీపీకి కక్ష వైఎస్సార్‌ కడప జిల్లా అన్నా, పులివెందుల నియోజకవర్గమన్నా తెలుగుదేశం పార్టీకి కక్ష ఉంది. వైఎస్‌ జగన్‌మోహన్‌రెడ్డి ముఖ్యమంత్రిగా ఉన్నప్పుడు రాష్ట్రంలో 17 మెడికల్‌ కళాశాలలు తీసుకొచ్చారు. చంద్రబాబు ప్రభుత్వం వచ్చాక భవన నిర్మాణాలు ఎక్కడ వేసిన గొంగళి అక్కడే అన్న చందంగా ఉంది. పులివెందులలోనూ కళాశాల అభివృద్ధి జరగలేదు. పిడుగురాళ్ల, పులివెందుల మెడికల్‌ కళాశాలలను వెంటనే ప్రారంభించాలి. – తులసిరెడ్డి, కాంగ్రెస్‌ పార్టీ నాయకుడు 50 సీట్లు వెనక్కిచ్చిన బాబువైఎస్సార్‌సీపీ హయాంలో పులివెందులలో సుమారు 50 ఎకరాలలో రూ.500 కోట్లతో ప్రభుత్వ మెడి కల్‌ కళాశాల నిర్మించారు. కూటమి ప్రభుత్వం వచ్చాక 50 మెడికల్‌ సీట్లు కేటాయిస్తే వాటిని రద్దుచేసి వెనక్కి పంపిన ఘనత చంద్రబాబుకే దక్కుతుంది. రాష్ట్రవ్యాప్తంగా 2,500 సీట్లు ప్రైవేటీకరణైతే విద్యార్థులు భవిష్యతేం కావాలి. – గుజ్జుల ఈశ్వరయ్య, సీపీఐ రాష్ట్ర కార్యదర్శి కార్పొరేట్‌కు ఇస్తే ఒప్పుకోం రాష్ట్రంలోని మెడికల్‌ కళాశాలలను ప్రైవేటుపరం చేసేందుకు ప్రభుత్వం యత్నిస్తోంది. ప్రజల సొమ్ముతో ఏర్పాటు చేసిన మెడికల్‌ కళాశాలలను కార్పొరేట్‌కు ఇస్తే ఒప్పుకునే ప్రసక్తే లేదు. – డాక్టర్‌ వసుంధర, సామాజికవేత్త

సాక్షి, వైఎస్సార్‌ జిల్లా: పులివెందులలో వైఎస్సార్‌సీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి రెండో రోజు పర్యటన కొనసాగింది. భాకరాపురంలో క్యాంప్ కార్యాలయంలో వైఎస్‌ జగన్‌ ప్రజాదర్బార్ నిర్వహించారు. కార్యకర్తలు, ప్రజలు, నేతలు, అభిమానులతో మమేకమయ్యారు. వారి బాధలు, కష్టాలు, సమస్యలు వింటూ నేనున్నాను అంటూ భరోసాతో పాటు ధైర్యాన్ని కల్పించారు.వివిధ ప్రాంతాల నుంచి వచ్చిన వారిని ఆప్యాయంగా పలకరించి, యోగక్షేమాలు తెలుసుకుని, వారి సమస్యలు ఓపిగ్గా విని, వారికి భరోసా కల్పించారు. కూటమి ప్రభుత్వం చాలా దారుణంగా వ్యవహరిస్తోందని, అరాచక పాలన సాగిస్తోందని, అకారణంగా దాడులు చేస్తున్నారని పలువురు వైఎస్సార్‌సీపీ నేతలు, కార్యకర్తలు వైఎస్‌ జగన్‌ వద్ద వాపోయారు.ఆయన స్పందిస్తూ.. ఎవరూ అధైర్యపడొద్దని, మంచి రోజులు వస్తాయని, సమస్యలు శాశ్వతం కాదంటూ భరోసా కల్పించారు. త్వరలోనే మన ప్రభుత్వం మళ్లీ వస్తుందని, అప్పుడు అందరికీ మంచి జరుగుతుందని చెప్పారు. టీడీపీ అరాచకాలను పార్టీ శ్రేణులు ధైర్యంగా ఎదుర్కోవాలని ఆయన సూచించారు. కష్టాలు ఎల్లకాలం ఉండవని, ప్రతి ఒక్కరూ పోరాట పంథాను ఎంచుకుని ముందుకు సాగాలని పార్టీ శ్రేణులకు ఆయన పిలుపునిచ్చారు.ఇటీవల హింసాత్మక రాజకీయాలకు పాల్పడుతున్న కూటమి నేతల తీరుపై ఆయన ఆగ్రహం వ్యక్తం చేశారు. ఈ సందర్భంగా పులివెందులలోని క్యాంపు కార్యాలయం కార్యకర్తలు, పార్టీ శ్రేణులు, ప్రజలతో కిక్కిరిసిపోయింది. కష్టకాలంలో పార్టీ కార్యకర్తలకు నేతలు అండగా నిలబడాలని వైఎస్సార్‌ కాంగ్రెస్‌ పార్టీ ప్రజాప్రతినిధులకు వైఎస్‌ జగన్‌ సూచించారు.ఆపన్నులకు అండగా..వివిధ సమస్యలతో బాధపడుతున్న పలువురు వైఎస్‌ జగన్‌ వద్ద వారి సమస్యలు విన్నవించుకున్నారు. వారి సమస్యలను ఆలకించిన ఆయన వారికి అన్నలా అండగా ఉంటానని ధైర్యాన్నిచ్చారు. స్వయంగా పరిష్కరించగల వాటికి తక్షణమే స్పందించారు. వారి సమస్య పరిష్కారానికి ఏమి చెయ్యాలో పక్కనే ఉన్న కడప ఎంపీ వైఎస్‌ అవినాష్‌రెడ్డికి సూచించారు. ప్రభుత్వం నుంచి తమకు ఎలాంటి మేలు ఒకటి కూడా జరగలేదని వచ్చిన వారంతా తమ గోడు వెళ్ళబోసుకున్నారు. అన్ని వర్గాలకు వైఎస్సార్‌సీపీ అండగా ఉంటుందని భరోసానిచ్చిన వైఎస్‌ జగన్‌.. వారి పక్షాన ప్రభుత్వాన్ని నిలదీస్తామన్నారు.దీంతో పాటు పులివెందుల పర్యటనలో అనారోగ్యంతో బాధపడుతున్న వైఎస్‌ రాజారెడ్డి సోదరి కమలమ్మను ఆమె ఉంటున్న జీసస్‌ ఛారిటీస్‌కు వెళ్ళి వైఎస్‌ జగన్‌ పరామర్శించారు, కమలమ్మ ఆరోగ్య పరిస్థితిపై వాకబు చేశారు. అనంతరం అనారోగ్యంతో బాధపడుతున్న సింగిల్‌ విండో మాజీ ఛైర్మన్‌ ఈశ్వరయ్యను కూడా ఆయన నివాసంలో పరామర్శించి, ఆరోగ్య పరిస్థితి అడిగి తెలుసుకున్నారు.

సాక్షి కడప ప్రతినిధి: మంచి రోజులు ముందున్నాయని, అందరూ ధైర్యంగా ఉండాలని వైఎస్సార్‌ కాంగ్రెస్‌ పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి తనను కలిసి కష్టాలు చెప్పుకున్న వారికి భరోసా ఇచ్చారు. చంద్రబాబు ప్రభుత్వ దుర్మార్గాలతో నష్టపోయిన వారికి పార్టీ అండగా ఉంటుందని ధైర్యం చెప్పారు. వైఎస్‌ జగన్‌ రాకతో వైఎస్సార్‌ కడప జిల్లా పులివెందుల కోలాహలంగా మారింది. మంగళవారం సాయంత్రం నాలుగు గంటలకు పులివెందులకు చేరుకున్న ఆయనకు స్థానికులు ఘన స్వాగతం పలికారు. నేరుగా తన క్యాంపు కార్యాలయానికి విచ్చేసి మూడు గంటలకు పైగా ప్రజలతో మమేకమై మాట్లాడారు. క్యాంపు కార్యాలయంలో ఆయన అభిమానులు, పార్టీ శ్రేణులు, అన్ని వర్గాల ప్రజలను కలుసుకున్నారు. కార్యకర్తల కష్టసుఖాలు ఆరా తీస్తూ.. టీడీపీ నేతల అరాచకాలతో ఇబ్బందులు పడిన బాధితుల కష్టాన్ని వింటూ.. నేనున్నానని వైఎస్‌ జగన్‌ భరోసా ఇచ్చారు. తర్వాత ఇంటి వద్ద వేచి ఉన్న నాయకులతోనూ చర్చించారు. క్యాంపు కార్యాలయంలో పార్టీ కార్యకర్తలు, నాయకులు, వివిధ వర్గాలకు చెందిన ప్రజలు, సమస్యల పరిష్కారం కోసం వచ్చిన బాధితుల నుంచి వినతులను స్వీకరించారు. ప్రతి ఒక్క కార్యకర్తను పేరు పేరునా పలకరించడమే కాక ఇబ్బందుల గురించి అడిగి తెలుసుకున్నారు. పార్టీ అండగా ఉంటుందని ధైర్యం చెప్పారు. కొంత మంది యువకులు జగన్‌ను దగ్గరి నుంచి చూడాలని, ఆయనతో కరచాలనం చేయాలని అభిమానంతో ముందుకు రాగా, వారి కోరిక మేరకు సెల్ఫీలు దిగుతూ వారితో మాట్లాడారు.వైఎస్‌ జగన్‌ను కలిసేందుకు పార్టీ కార్యాలయానికి తరలివచ్చిన వైఎస్సార్‌సీపీ కార్యకర్తలు, నేతలు, ప్రజలు కార్యాలయం వద్ద జన సందోహంవైఎస్‌ జగన్‌ పులివెందులకు వస్తున్నారని తెలుసుకున్న ప్రజలు భారీగా తరలివచ్చారు. వైఎస్‌ జగన్‌ క్యాంపు కార్యాలయం ఆవరణమంతా జన సంద్రంగా మారింది. పార్టీ అభిమానులు, కేడర్‌తోపాటు యువత, దివ్యాంగులు, వృద్ధులు, మహిళలు ఇలా అందరూ తరలి రావడంతో ఆ ప్రాంతం కిక్కిరిసింది. యువకులు వైఎస్‌ జగన్‌ నినాదాలతో హోరెత్తించారు. వైఎస్‌ జగన్‌ వాహనంపై నుంచి అందరికీ అభివాదం చేస్తూ.. కరచాలనం చేస్తూ.. సెల్ఫీలు దిగుతూ ముందుకు కదిలారు. కాగా, పార్టీనేతలు తదితరులు వైఎస్‌ జగన్‌ను కలిశారు.

పులివెందుల(వైఎస్సార్‌ జిల్లా): మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి పులివెందుల చేరుకున్నారు. రెండు రోజుల పర్యటనలో భాగంగా ఈరోజు(మంగళవారం, ఫిబ్రవరి 24వ తేదీ) వైఎస్‌ జగన్‌ పులివెందులకు బయల్దేరి వెళ్లారు. ఆయన ప్రజలను ప్రత్యక్షంగా కలుసుకుని సమస్యలు తెలుసుకోనున్నారు. పులివెందులలోని భాకరా­పురం క్యాంప్‌ ఆఫీస్‌లో ప్రజాదర్బార్‌ నిర్వహిస్తారు. రాత్రికి అక్కడి నివాసంలో బస చేస్తారు.25వ తేదీ ఉదయం 9.30 గంటలకు పులివెందుల నివాసం నుంచి బయలుదేరి వేంపల్లి మండలం నందిపల్లి చేరుకుంటారు. అక్కడ వెలసిన నూతన నందీశ్వర ఆలయ విగ్రహ ప్రతిష్ట మహోత్సవాల సందర్భంగా జరిగే ప్రత్యేక పూజల్లో పాల్గొంటారు. మధ్యా­హ్నం పులివెందుల చేరుకుని భాకరాపురం క్యాంప్‌ ఆఫీస్‌లో ప్రజాదర్బార్‌ నిర్వహిస్తారు. రాత్రికి అక్కడి నివాసంలో బస చేస్తారు.

సాక్షి, అమరావతి: మాజీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఈ నెల 24, 25 తేదీల్లో వైఎస్సార్‌ కడప జిల్లా పులివెందులలో పర్యటించనున్నారు. ఆయన ప్రజలను ప్రత్యక్షంగా కలుసుకుని సమస్యలు తెలుసుకోనున్నారు. ఈ నెల 24వ తేదీ మధ్యా­హ్నం పైన పులివెందుల చేరుకుని భాకరా­పురం క్యాంప్‌ ఆఫీస్‌లో ప్రజాదర్బార్‌ నిర్వహిస్తారు. రాత్రికి అక్కడి నివాసంలో బస చేస్తారు.25వ తేదీ ఉదయం 9.30 గంటలకు పులివెందుల నివాసం నుంచి బయలుదేరి వేంపల్లి మండలం నందిపల్లి చేరుకుంటారు. అక్కడ వెలసిన నూతన నందీశ్వర ఆలయ విగ్రహ ప్రతిష్ట మహోత్సవాల సందర్భంగా జరిగే ప్రత్యేక పూజల్లో పాల్గొంటారు. మధ్యా­హ్నం పులివెందుల చేరుకుని భాకరాపురం క్యాంప్‌ ఆఫీస్‌లో ప్రజాదర్బార్‌ నిర్వహిస్తారు. రాత్రికి అక్కడి నివాసంలో బస చేస్తారు.

సింహాద్రిపురం: వైఎస్సార్‌ జిల్లాలోని సింహాద్రిపురం పోలీస్‌ స్టేషన్‌పై ఏసీబీ జరిపిన దాడుల్లో సీఐ కేవీ రమణ, ఎస్‌ఐ అనిల్‌లు రెడ్‌ హ్యాండెడ్‌గా పట్టుబడ్డారు. ఒక కేసు విషయంలో బాధితుడిని నుంచి రూ. 3 లక్షల లంచం డిమాండ్‌ చేయడంతో అతను ఏసీబీకి సమాచారం ఇచ్చాడు. దాంతో ఏసీబీ అధికారులు పక్కా ప్లాన్‌తో సీఐ, ఎస్‌ఐలను పట్టుకున్నారు. బాధితుల ఫిర్యాదు మేరకు ఏసీబీ అధికాలు దాడులు చేశారు. పులివెందుల రూరల్‌ సీఐ, సింహాద్రిపురం ఎస్‌ఐలను ఈ దాడుల్లో ఏసీబీకి దొరికేశారు. పులివెందులలో అత్యంత వివాదాస్పద సీఐగా కేవీ రమణకు పేరుంది. తాజాగా పోలీస్‌ స్టేషన్‌లోనే లంచం తీసుకుంటూ పట్టుబడ్డ వైనం కేవీ రమణను మరింత ఇరకాటంలోకి నెట్టింది. విజయనగరం: జిల్లాలోని చాకివలస ఇంచార్జ్‌ వీఆర్వో ఏసీబీకి చిక్కారు. రూ. లక్ష లంచం తీసుకుంటూ ఏసీబీకి పట్టుబడ్డారు ఇంచార్జ్‌ వీఆర్‌ఓ చిట్టిబాబు.

కడప: మెడికల్‌ కాలేజీ ఉద్యోగులపై మరోసారి కక్ష సాధింపు చర్యలకు దిగింది కూటమి ప్రభుత్వం. మెడికల్‌ కాలేజ్‌ ఔట్‌ సోర్సింగ్‌ సిబ్బందిని పిడుగురాళ్ల మెడికల్‌ కాలేజీకి బదిలీ చేసింది. .పిడుగురాళ్ల మెడికల్ కాలేజీకి 100 సీట్లు రావడంతో పీపీపీ కింద ప్రైవేట్ పరం చేయనున్న కాలేజీల్లో ఉద్యోగుల బదిలీ చేస్తోంది ప్రభుత్వం. వారిని పొమ్మనలేక పొగబెట్టినట్లు చేస్తోంది కూటమి ప్రభుత్వం. పులివెందుల, మదనపల్లి, మార్కాపురం, ఆదోని కాలేజీల నుంచి 600 మంది ఉద్యోగుల బదిలీ చేసింది. తక్కువ జీతంతో పనిచేస్తున్న చిరు ఉద్యోగులకు ఈ బదిలీలు శరాఘాతంగా మారాయి. మరొకవైపు 600 మంది ఉద్యోగుల బదిలీతో ప్రశ్నార్థకంగా మారింది ఆయా మెడికల్ కాలేజీల భవితవ్యం. వైఎస్ జగన్ హయాంలో వారి నియామకం జరిగిందనే అక్కసుతోనే ఈ బదిలీలు అనే విమర్శ వినిపిస్తోంది. ఆయా మెడికల్ కాలేజీల నుంచి జగన్ ప్రభుత్వం ఏర్పాటు చేసిన అత్యాధునిక పరికరాలు తరలింపు ఇప్పటికే జరిగిపోగా, ఇప్పుడు ఉద్యోగుల బదిలీ కార్యక్రమం చేపట్టింది కూటమి సర్కారు. పులివెందుల మెడికల్ కాలేజీకి వచ్చిన 50 సీట్లను కూటమి సర్కార్ వెనక్కి పంపగా, పలువురు ప్రొఫెసర్లు, అసిస్టెంట్ ప్రొఫెసర్లు సైతం బదిలీ చేస్తూ వస్తుంది. మరో వైపు పీపీపీ టెండర్లలో ఆయా మెడికల్ కాలేజీలను తీసుకునేందుకు సంస్థలు ముందుకు రాకపోగా, బదిలీలతో పులివెందుల, మదనపల్లి, ఆదోని, మార్కాపురం మెడికల్ కాలేజీలు పూర్తిగా నిర్వీర్యం అయ్యే పరిస్థితి కనిపిస్తోంది.

పులివెందుల: మాజీ సీఎం, వైఎస్సార్‌సీపీ అధ్యక్షులు వైఎస్‌ జగన్‌మోహన్‌రెడ్డి వైఎస్సార్‌ జిల్లా పులివెందులలోని సీఎస్‌ఐ చర్చిలో ప్రత్యేక ప్రార్థనలు చేశారు.అక్కడికి హాజరైన వారిని ఆప్యాయంగా, చిరునవ్వుతో పలకరించారు. కుటుంబ సభ్యులతో కలిసి గురువారం ఉదయం క్రిస్మస్‌ ప్రత్యేక ప్రార్థనలలో వైఎస్‌ జగన్‌ పాల్గొన్నారు. ఈ సందర్భంగా మాజీ సీఎం వైఎస్‌ జగన్‌ ఇక్కడికి విచ్చేసిన బంధువర్గానికి, స్నేహితులు, ఆప్తులు, అభిమానులకు క్రిస్మస్‌ పర్వదినం, ముందస్తు నూతన సంవత్సర శుభాకాంక్షలు తెలియజేశారు. ఈ సందర్భంగా ఆయన మాట్లాడుతూ.. ‘ఏటా క్రిస్మస్‌ పర్వదినం రోజున నా సొంత గడ్డపై కుటుంబ సభ్యులు, బంధుగణం, స్నేహితులతో కలిసి పండుగలో పాల్గొనడం మనసుకు ఆనందాన్ని ఇచ్చింది. మీ అందరి అభిమానం, ఆశీస్సులు, దేవుని చల్లని దీవెనలు ఎల్లవేళలా ఉండాలని కోరుకుంటున్నాను’ అని చెప్పారు. అనంతరం వైఎస్‌ జగన్‌ తన మాతృమూర్తి వైఎస్‌ విజయమ్మ, కుటుంబ సభ్యులు, ఎంపీ వైఎస్‌ అవినాష్ రెడ్డి, పారిశ్రామికవేత్త వైఎస్‌ ప్రకాష్ రెడ్డి, దివంగత వైఎస్‌ జార్జిరెడ్డి సతీమణి వైఎస్‌ భారతమ్మ, చర్చి ఫాదర్లు రెవరెండ్‌ డాక్టర్‌ థామస్‌ ప్రసాదరావుబాబు, నరేష్ బాబు, మృత్యుంజయరావులతో కలిసి క్రిస్మస్‌ కేక్‌ కట్‌ చేశారు. 2026 నూతన సంవత్సర చర్చి క్యాలెండర్‌ను ఆవిష్కరించారు. వైఎస్‌ జగన్‌ సతీమణి వైఎస్‌ భారతిరెడ్డి ప్రత్యేక ప్రార్థనలు చేసి క్రిస్మస్‌ శుభాకాంక్షలు తెలిపారు. అనంతరం చర్చిలో ప్రతి ఒక్కరిని ఆప్యాయంగా పలకరిస్తూ ముందుకు సాగారు. కార్యక్రమంలో ఎమ్మెల్యేలు ఆకేపాటి అమరనాథరెడ్డి, డాక్టర్‌ సుధ, మాజీ మంత్రి అంజాద్‌ బాషా, మాజీ ఎమ్మెల్యే శ్రీకాంత్‌రెడ్డి, ఎమ్మెల్సీ రమేష్ యాదవ్, మాజీ మేయర్‌ సురేష్, కడప మేయర్‌ పాకా సురేష్, మున్సిపల్‌ ఇన్‌చార్జి వైఎస్‌ మనోహర్‌రెడ్డి, వైఎస్‌ ప్రతాప్‌రెడ్డి, వైఎస్‌ మధురెడ్డి, వైఎస్‌ జోసఫ్‌రెడ్డి పాల్గొన్నారు.

సాక్షి, వైఎస్సార్‌ జిల్లా: వైఎస్సార్‌సీపీ అధినేత వైఎస్‌ జగన్‌ పులివెందుల పర్యటనలో ఉన్నారు. క్రిస్టమస్ పర్వదినాన్ని పురస్కరించుకుని వైఎస్ జగన్ పులివెందులలోని సీఎస్‌ఐ చర్చిలో వేడుకల్లో పాల్గొన్నారు. ప్రతీ ఏటా క్రమం తప్పకుండా ఆయన ఈ చర్చిలో ప్రత్యేక ప్రార్థనలు నిర్వహిస్తారు. కుటుంబ సభ్యులంతా కలిసి పులివెందుల వాసులతో ఈ వేడుకల్లో పాల్గొంటారు.

సాక్షి, వైఎస్సార్ జిల్లా: వైఎస్సార్‌సీపీ అధినేత వైఎస్‌ జగన్‌ అస్వస్థతకు గురయ్యారు. వైఎస్‌ జగన్‌ జ్వరంతో బాధపడుతున్నారు. ఈ నేపథ్యంలో డాక్టర్ల సూచన మేరకు ఈరోజు కార్యక్రమాలను రద్దు చేసుకున్నారు. ఈ మేరకు వైఎస్సార్‌సీపీ ట్విట్టర్‌ వేదికగా ఈ ప్రకటనను విడుదల చేసింది. పులివెందులజ్వరంతో బాధపడుతున్న మాజీ ముఖ్యమంత్రి శ్రీ వైయస్‌ జగన్‌డాక్టర్‌ల సూచన మేరకు పులివెందుల పర్యటనలో ఇవ్వాళ్టి కార్యక్రమాలను రద్దు చేసుకున్న వైయస్‌ జగన్‌— YSR Congress Party (@YSRCParty) December 24, 2025కాగా, పులివెందుల పర్యటనలో భాగంగా వైఎస్‌ జగన్‌ నేడు ఇడుపులపాయలో ప్రార్థనల్లో పాల్గొనాల్సి ఉంది. అలాగే, మధ్యాహ్నం పులివెందుల క్యాంపు కార్యాలయంలో ప్రజలకు అందుబాటులో ఉండాల్సి ఉండగా.. అనారోగ్యం కారణంగా ఈ కార్యక్రమాలు రద్దు అయ్యాయి. ఇక, రేపు పులివెందుల సీఎస్ఐ చర్చి క్రిస్టమస్ వేడుకల్లో వైఎస్‌ జగన్‌ పాల్గొనే అవకాశం ఉంది.ఇదిలా ఉండగా.. వైఎస్‌ జగన్‌ మంగళవారం పులివెందులో నియోజకవర్గ కార్యకర్తలు, ప్రజలతో మమేకమయ్యారు. సాయంత్రం పులివెందులకు చేరుకున్న ఆయనకు పార్టీ శ్రేణులతో పాటు స్థానికులు ఘన స్వాగతం పలికారు. అందరినీ పేరుపేరున పలకరించి వారి యోగక్షేమాలు తెలుసుకున్నారు. ఈ సందర్భంగా పలువురు తమ కష్టాలను జగన్‌తో వెళ్లబోసుకున్నారు. వారి కష్టాలన్ని ఓపికతో విని.. నేనున్నానని, రాబోయే రోజులు మనవేనంటూ ధైర్యం చెప్పారు. సాయంత్రం 3.30 గంటల నుంచి రాత్రి 7 గంటల వరకు వివిధ ప్రాంతాల నుంచి వచ్చిన ప్రజల కష్టాలు వింటూ సమస్యలకు పరిష్కార మార్గం చూపారు. వైఎస్‌ జగన్‌ పులివెందులకు వస్తున్నారన్న విషయం తెలుసుకున్న పార్టీ అభిమానులు, క్యాడర్‌తో పాటు ప్రజలు కూడా పెద్ద ఎత్తున తరలి రావడంతో క్యాంపు కార్యాలయ ప్రాంగణం నిండిపోయింది. జగన్‌ అక్కడకు రాగానే జై జగన్‌ నినాదాలతో కార్యాలయం ప్రాంగణం హోరెత్తింది. ఈ సందర్భంగా టీచర్లను ప్రభుత్వం వేధిస్తున్న తీరును వైఎస్సార్‌టీఏ నేతలు వివరించారు. ఇన్‌ సర్వీస్‌ ఉపాధ్యాయులకు టెట్‌ గుది బండగా మారిందని జగన్‌ దృష్టికి తెచ్చారు. తద్వారా రాష్ట్రంలోని 1.30 లక్షల మంది ఉపాధ్యాయులు ఇబ్బందులు పడుతున్నారని వివరించారు. టీచర్ల సమస్యలను సావధానంగా విన్న వైఎస్‌ జగన్‌.. మన ప్రభుత్వంలో టీచర్లకు అన్ని విధాలుగా మేలు చేశామని, ఈ ప్రభుత్వం నాలుగు డీఏలు పెండింగ్‌ పెట్టిందని, ఇప్పటి వరకు పీఆర్‌సీ చైర్మన్‌ను నియమించలేదని, పీఆర్‌సీ కూడా ప్రకటించలేదన్నారు. వైఎస్సార్‌సీపీ ప్రభుత్వం అధికారంలోకి రాగానే ఉపాధ్యాయులందరికీ మేలు చేస్తామని వారికి భరోసా ఇచ్చారు.

సాక్షి కడప ప్రతినిధి/పులివెందుల: రాబోయే రోజులు మనవేనని, ధైర్యంగా ఉండాలని వైఎస్సార్‌ కాంగ్రెస్‌ పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి తనను కలిసి సమస్యలు చెప్పుకున్న వారికి భరోసా ఇచ్చారు. టీడీపీ నేతల అరాచకాలతో ఇబ్బందులు పడిన వారి కష్టం విని.. నేనున్నానని ధైర్యం చెప్పి ఊరడించారు. మంగళవారం ఆయన తన సొంత నియోజకవర్గం కార్యకర్తలు, ప్రజలతో మమేకమయ్యారు. సాయంత్రం పులివెందులకు చేరుకున్న ఆయనకు పార్టీ శ్రేణులతో పాటు స్థానికులు ఘన స్వాగతం పలికారు. అందరినీ పేరుపేరున పలకరించి వారి యోగక్షేమాలు తెలుసుకున్నారు. ఈ సందర్భంగా పలువురు తమ కష్టాలను జగన్‌తో వెళ్లబోసుకున్నారు. వారి కష్టాలన్ని ఓపికతో విని.. నేనున్నానని, రాబోయే రోజులు మనవేనంటూ ధైర్యం చెప్పారు. సాయంత్రం 3.30 గంటల నుంచి రాత్రి 7 గంటల వరకు వివిధ ప్రాంతాల నుంచి వచ్చిన ప్రజల కష్టాలు వింటూ సమస్యలకు పరిష్కార మార్గం చూపారు. వైఎస్‌ జగన్‌ పులివెందులకు వస్తున్నారన్న విషయం తెలుసుకున్న పార్టీ అభిమానులు, క్యాడర్‌తో పాటు ప్రజలు కూడా పెద్ద ఎత్తున తరలి రావడంతో క్యాంపు కార్యాలయ ప్రాంగణం నిండిపోయింది. జగన్‌ అక్కడకు రాగానే జై జగన్‌ నినాదాలతో కార్యాలయం ప్రాంగణం హోరెత్తింది. నూతన డైరీ, క్యాలెండర్‌ ఆవిష్కరణ వైఎస్సార్‌టీఏ నూతన డైరీ, క్యాలెండర్లను వైఎస్‌ జగన్‌ ఆవిష్కరించారు. ఈ సందర్భంగా టీచర్లను ప్రభుత్వం వేధిస్తున్న తీరును వైఎస్సార్‌టీఏ నేతలు వివరించారు. ఇన్‌ సర్వీస్‌ ఉపాధ్యాయులకు టెట్‌ గుది బండగా మారిందని జగన్‌ దృష్టికి తెచ్చారు. తద్వారా రాష్ట్రంలోని 1.30 లక్షల మంది ఉపాధ్యాయులు ఇబ్బందులు పడుతున్నారని వివరించారు. టీచర్ల సమస్యలను సావధానంగా విన్న వైఎస్‌ జగన్‌.. మన ప్రభుత్వంలో టీచర్లకు అన్ని విధాలుగా మేలు చేశామని, ఈ ప్రభుత్వం నాలుగు డీఏలు పెండింగ్‌ పెట్టిందని, ఇప్పటి వరకు పీఆర్‌సీ చైర్మన్‌ను నియమించలేదని, పీఆర్‌సీ కూడా ప్రకటించలేదన్నారు. వైఎస్సార్‌సీపీ ప్రభుత్వం అధికారంలోకి రాగానే ఉపాధ్యాయులందరికీ మేలు చేస్తామని వారికి భరోసా ఇచ్చారు. కడప ఎంపీ వైఎస్‌ అవినాష్ రెడ్డి, పార్టీ జిల్లా అధ్యక్షుడు పోచంరెడ్డి రవీంద్రనాథరెడ్డి, మాజీ డిప్యూటీ సీఎం అంజాద్‌బాషా, పార్టీ అన్నమయ్య జిల్లా అధ్యక్షుడు, రాజంపేట ఎమ్మెల్యే ఆకేపాటి అమరనాథరెడ్డి, బద్వేలు ఎమ్మెల్యే డాక్టర్‌ సు«ధ, జెడ్పీ చైర్మన్‌ రామగోవిందురెడ్డి, ఎమ్మెల్సీలు రామచంద్రారెడ్డి, డీసీ గోవిందరెడ్డి, మాజీ ఎమ్మెల్యే రఘురామిరెడ్డి, రాష్ట్ర ప్రధాన కార్యదర్శి ఎస్వీ సతీష్‌ కుమార్‌రెడ్డి, కమలాపురం ఇన్‌చార్జి నరేన్‌ రామాంజులరెడ్డి తదితరులు వైఎస్‌ జగన్‌ను కలిశారు.

సాక్షి, అమరావతి: మా­జీ ముఖ్యమంత్రి, వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి ఈ నెల 23 నుంచి మూడు రోజులపాటు వైఎస్సార్‌ కడప జిల్లా పులివెందులలో పర్యటించనున్నారు. ఆయన మంగళవారం సా­యంత్రం 4 గంటలకు పులివెందుల చేరుకుని భాకరాపురం క్యాంప్‌ ఆఫీస్‌లో ప్రజాదర్బార్‌ నిర్వహిస్తారు. రాత్రికి అక్కడి నివాసంలో బస చేస్తా­రు.బుధవారం ఉదయం 10.30 గంటలకు పులివెందుల నుంచి ఇడుపులపాయకు చేరుకుని ప్రేయర్‌ హాల్‌లో జరిగే క్రిస్మస్‌ ప్రత్యేక ప్రార్థనల్లో పాల్గొంటారు. మధ్యాహ్నం ఒంటి గంటకు ఇడుపులపాయ నుంచి బయలుదేరి పులివెందులకు చేరుకుని భాకరాపేట క్యాంప్‌ ఆఫీస్‌లో ప్రజాదర్బార్‌ నిర్వహిస్తారు. రాత్రికి అక్కడి నివాసంలో బస చేస్తారు. గురువారం ఉదయం 8.30 గంటలకు క్రిస్మస్‌ సందర్భంగా సీఎస్‌ఐ చర్చిలో జరిగే వేడుకల్లో పాల్గొంటారు.

సాక్షి, తాడేపల్లి: రేపటి(డిసెంబర్‌ 23 మంగళవారం) నుంచి వైఎస్సార్‌సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి పులివెందులలో పర్యటించనున్నారు. మూడు రోజుల పాటు పలు కార్యక్రమాలకు హాజరుకానున్నారు. రేపు(మంగళవారం) పులివెందుల క్యాంప్ ఆఫీస్‌లో ప్రజాదర్భార్‌ నిర్వహించనున్నారు.ఎల్లుండి(బుధవారం) ఉదయం ఇడుపులపాయలో క్రిస్మస్‌ ప్రత్యేక ప్రార్ధనలకు హాజరుకానున్నారు. సాయంత్రం భాకరాపురం క్యాంప్ ఆఫీస్‌లో ప్రజాదర్భార్‌ నిర్వహించనున్నారు. 25న ఉదయం 8.30 గంటలకు సీఎస్‌ఐ చర్చిలో జరిగే క్రిస్మస్‌ వేడుకలకు హాజరు కానున్నారు.23.12.2025(మంగళవారం) షెడ్యూల్‌:సాయంత్రం 4 గంటలకు పులివెందుల చేరుకుని భాకరాపురం క్యాంప్ ఆఫీస్‌లో ప్రజాదర్భార్‌ నిర్వహిస్తారు. రాత్రికి అక్కడి నివాసంలో బస చేస్తారు.24.12.2025(బుధవారం) షెడ్యూల్‌:ఉదయం 10.30 గంటలకు పులివెందుల నుంచి ఇడుపులపాయ చేరుకుని ప్రేయర్‌ హాల్‌లో జరిగే క్రిస్మస్‌ ప్రత్యేక ప్రార్ధనల్లో పాల్గొంటారు. మధ్యాహ్నం 1 గంటకు ఇడుపులపాయ నుంచి పులివెందుల బయలుదేరి వెళ్ళి భాకరాపురం క్యాంప్ ఆఫీస్‌లో ప్రజాదర్భార్‌ నిర్వహిస్తారు. రాత్రికి అక్కడ నివాసంలో బస చేస్తారు25.12.2025(గురువారం) షెడ్యూల్‌:ఉదయం 8.30 గంటలకు క్రిస్మస్‌ సందర్భంగా సీఎస్‌ఐ చర్చిలో జరిగే క్రిస్మస్‌ వేడుకల్లో పాల్గొంటారు, ఆ తర్వాత 10.30 గంటలకు పులివెందుల నుంచి తిరుగు పయనమవుతారు.

సాక్షి, వైఎస్సార్‌ జిల్లా: పులివెందులలో బీటెక్ రవికి నిరసన సెగ తగిలింది. వేంపల్లి మండలం అమ్మగారిపల్లి గ్రామంలో టీడీపీ కండువాలు వేసేందుకు బీటెక్ రవి వెళ్లారు. ఆయన రాకతో గ్రామస్తులు.. తమ ఇళ్లకు తాళాలు వేసి ఊరు వదిలి వెళ్లారు.పోలీసు ఇబ్బందులు పెడుతున్నారని గ్రామస్తులు ఆవేదన వ్యక్తం చేశారు. వైఎస్సార్‌సీపీ హయాంలో నుంచి గ్రామం మొత్తం వైఎస్‌ కుటుంబం వెంటనే నడుస్తున్నామన్న గ్రామస్తులు.. టీడీపీ ఊరిలో అడుగు పెట్టడంతోనే ఊరు వదిలి రావాల్సి వచ్చిందని గ్రామస్తులు చెప్పారు.వైఎస్సార్‌సీపీ రాష్ట్ర ప్రధాన కార్యదర్శి సతీష్‌కుమార్‌రెడ్డి మాట్లాడుతూ.. ‘‘టీడీపీ నాయకులు గ్రామంలోకి రావడంతో ఊరు మొత్తం ఖాళీ చేశారు. ఇళ్లకు తాళాలు వేసి వైఎస్సార్‌సీపీకి అమ్మగారిపల్లి గ్రామస్తులు మద్దతుగా నిలిచారు. అమ్మగారిపల్లి గ్రామస్తులు ఇచ్చిన స్ఫూర్తి వైఎస్సార్‌సీపీకి వెయ్యి ఏనుగుల బలం.‘‘టీడీపీ రాష్ట్ర వ్యాప్తంగా బలహీనపడింది. ఎన్నికలు ప్రజాస్వామ్యబద్ధంగా జరగాలని వైఎస్‌ జగన్‌ కోరుకున్నారు. పోలీసులను అడ్డం పెట్టుకొని టీడీపీ నాయకులు అక్రమాలకు పాల్పడుతున్నారు. పోలీసుల ఒత్తిళ్లకు లొంగకుండా అమ్మగారిపల్లి గ్రామస్తులు తెగువ చూపించారు’’ అని సతీషరెడ్డి పేర్కొన్నారు.

వైఎస్‌ జగన్‌ అంటే ఒక అభిమానం.. ఒక అనుబంధం.. ఒక బాధ్యత.. ఒక భరోసా. మొత్తంగా వెరిసి చూస్తే కష్టాల్లో ఉన్న ప్రతీ గుండెకి జగన్‌ ఒక నమ్మకం. జగన్‌పై ఉన్న ఆ నమ్మకమే ‘జన కెరటమై’ కేరింతలు కొడుతుంది. కష్టాల కన్నీటిలో ఉన్న ప్రజలకి జగన్‌ ఆప్యాయ పలకరింపు.. కొండంత ఆశగా మారుతంది.పులి వెందుల పర్యటన సూపర్‌ సక్సెస్‌జగన్‌ అంటే జన సునామీ. వైఎస్‌ జగన్‌ తలపెట్టిన పులివెందుల పర్యటన సూపర్‌ సక్సెస్‌తో ఈ విషయం మరోసారి రుజవైంది. వైఎస్‌ జగన్‌ మూడు రోజుల పులివెందుల పర్యటనలో అనేక సమస్యలతో కొట్టుమిట్టాడుతున్న ప్రజల్ని కలుసుకున్నారు. దారి పొడవునా వైఎస్‌ జగన్‌కు అందిన ఫిర్యాదులతో పాటు మద్దతు ధర లేక అల్లాడిపోతున్న అరటి రైతుల్ని జగన్‌ పరామర్శించారు. వారి కష్టాలను ఫిర్యాదులను స్వీకరించారు. ఇక ప్రజాదర్బార్‌ పేరుతో కూడా పులివెందుల క్యాంప్‌ ఆఫీస్‌లో సమీక్షలు చేశారు. అయితే జగన్‌ ఎక్కడకి వెళ్లినా జనాభిమానం పోటెత్తుతంది. జై జగన్‌ నినాదాలతో హోరెత్తితుంది. ది. పులివెందుల పర్యటనతో జగన్‌ అనే నమ్మకం మాకు ఎప్పడూ అండగానే ఉంటుందనేది రుజువు అవుతూనే ఉంది కాబట్టే జై జగన్‌ నినాదంతో గ్రాండ్‌గా సంఘీభావం తెలిపారు అక్కడి ప్రజలు.దోపిడీనే నడుస్తుంది.. హామీల అమలు లేదుపులివెందుల అరటి రైతుల్ని పరామర్శించిన క్రమంలో కూటమి ప్రభుత్వంపై వైఎస్‌ జగన్‌ ధ్వజమెత్తారు. ‘సూపర్‌ సిక్స్, సూపర్‌ సెవెన్‌ గాలికెగిరిపోయా­యి. అక్కచెల్లెమ్మలకు నెలకు రూ.1500 ఇస్తాన­న్నా­డు. అలా ఏటా రూ.18 వేలు. అలా వారికి రూ.­36 వేలు బాకీ. నిరుద్యోగ భృతి నెలకు రూ.­3 వేలు ఇస్తానన్నాడు. అలా రెండేళ్లకు రూ.72 వేలు బాకీ. అమ్మ ఒడి రూ.15 వేలు అన్నాడు. రూ.2 వేలు కట్‌ చేశారు. రూ.13 వేలు కూడా ఇవ్వకుండా రూ.8 వేలు, రూ.9 వేలు మాత్రమే ఇచ్చారు. అందులోనూ 30 లక్షల మందికి కోత పెట్టారు. పెన్షన్లు కొత్తవి ఇవ్వకపోగా, ఐదు లక్షలు కట్‌ చేశా­రు. మా ప్రభుత్వ హయాంలో ఎన్నికల నాటికి 66 లక్షలకు పైగా పెన్షన్లు ఇస్తే, ఈ రోజు 61 లక్షల మందికే ఇస్తున్నారు. ఈ ప్రభుత్వంలో ఎవ్వరూ సంతోషంగా లేరనేందుకు ఈ లెక్కలే నిదర్శనం’ అని మండిపడ్డారు.ప్రజలతో కలిసి మరింతగా ఉద్యమిస్తాం చంద్రబాబూ ఇప్పటికైనా మారండి. ఇలాగే ఉంటూ రైతులను పట్టించుకోకపోతే.. విద్యార్థులు, ప్రజల­ను ఇలాగే కష్టాలపాలు చేస్తామంటే వారితో కలిసి మ­రింత పెద్ద ఎత్తున ఉద్యమం చేస్తాం. రాబోయే రోజుల్లో వీళ్లందరి తరఫున తీవ్రమైన ఉద్యమాలు ఖాయం. చంద్రబాబును గద్దె దింపే కాలం త్వరలో­నే వస్తుంది. దేవుడు కూడా మొట్టికాయలు వేస్తాడు’ అని వైఎస్‌ జగన్‌ హెచ్చరించారు.కష్టమొచ్చిన ప్రతీ ఒక్కరి ధైర్యం జగన్‌..‘నేను ఉన్నాను.. నేను విన్నాను’ అనేది దివంగత ప్రియతమ నేత వైఎస్సార్‌ మాట. వైఎస్సార్‌ అనేక సంక్షేమ పథకాలు ప్రవేశపెట్టడానికి కారణమైన చప్పుడే ‘ నేనున్నాను.. నేను విన్నాను’. మరి ‘ నేనున్నాను.. అండగా ఉంటాను.. అవసరమైతే అడ్డంగా నిలబడిపోతాను’ అనేది వైఎస్‌ జగన్‌ బాట. అధికారంలో ఉన్నప్పుడు అర్హులైన ప్రతీ ఒక్కరికీ సంక్షేమాన్ని అందించి.. ప్రజల ఆలనా పాలనా చూసుకుని అండగా ఉన్నారు. ఇప్పుడు అదే ప్రజలకి కష్టమొచ్చింది అందుకే అవసరమైతే అడ్డంగా నిలబడిపోతాను అంటున్నారు వైఎస్‌ జగన్‌. మనకు ఏదైనా కష్టమొస్తే ఎవరైనా కనీసం మాట సాయం చేస్తే బాగుండు అనుకుంటాం. ఆ సమయంలో నేను ఉన్నాను.. అంతా నేను చూసుకుంటాను అనే ధైర్యం ఒకటి మన దగ్గరికొస్తే ఎలా ఉంటుఉంది. అది దేవుడు పంపించినట్లే అనుకుంటాం. ఇప్పుడు ఏపీ రాష్ట ప్రజలకు కష్టమొచ్చింది.. దాన్ని చూసుకోవడానికి జగన్‌ రూపంలో ఒక భరోసా లభించింది.జగన్‌ది ఒకటే మాట.. చెప్పానంటే చేస్తాను.. చేసేదే చెబుతాను అనేది ఆయన సూత్రం. మరి ఆచరణ సాధ్యం కాని హామీలతో అధికారంలోకి వచ్చిన కూటమి ప్రభుత్వం.. ఇప్పుడు ఏరుదాటాకా తెప్పతగలేసిన చందంగా మారిపోయింది. ఇప్పుడు జగన్‌ చేసేది పోరాటం.. అధికార పార్టీ కపట వైఖరిపై.అధికారంలో ఉన్నారు కాబట్టి.. కష్టాలు, నష్టాలు చవిచూస్తున్న ఏపీ ప్రజానీకాన్ని పట్టించుకోమనే వైఎస్‌ జగన్‌ పోరాడుతున్నారు. ప్రకృతి విపత్తలు వస్తే ప్రజల్ని పట్టించుకోరు.. రైతులకు మద్దతు ధర కల్పిస్తూ వారికేమైనా భరోసా కల్పిస్తున్నారంటే అదీ లేదు. ఇలా ప్రతీదాంట్లోనే ప్రభుత్వ పెద్దలు వ్యవహరిస్తున్న తీరునే జగన్‌ ప్రశ్నిస్తున్నారు. అధికారంలో ఉన్నారు కాబట్టి ఆదుకోవాల్సింది ప్రభుత్వమేనని.. దాన్ని తప్పించుకుని తిరుగుతున్న ప్రభుత్వాన్ని హెచ్చరిస్తున్నారు. నికార్సైన ప్రతిపక్ష నాయకుడిగా ప్రభుత్వ చర్యలను ఎండగడుతున్నారు.ఎక్కడకేగినా.. ఎందు అడుగిడినా..జగన్‌ పర్యటనలకు జన సునామీ అనేది కొత్తగా తెలుసుకోవాల్సిందేమీ కాదు. అది అందరికీ అనుభవమే వైఎస్‌ జగన్‌ చేసిన ఓదార్పు యాత్ర వద్ద నుంచి మొదలుకొని చూస్తే నేటి వరకూ ఆ ఆదరణ ఎక్కడా తగ్గలేదు. ఇటీవల తెలంగాణ రాష్ట్రంలోని హైదరాబాద్‌క వచ్చిన సందర్భంలో వైఎస్‌ జగన్‌కు జనం పోటెత్తారు. తెలంగాణలో వైఎస్సార్‌సీపీ లేదు. అయినా జగన్‌ హైదరాబాద్‌కు వచ్చిన క్రమంలో ‘ జై జగన్‌ నినాదం’ హోరెత్తిపోయింది. అది చూసిన కొంతమంది కూడా ఓర్వలేనితనాన్ని ప్రదర్శించారు. ఏదో బూటకపు మాటలు చెప్పే యత్నం చేశారు. వారికి తెలియదేమో.. అభిమానం ఉంటే అభిమాన నాయకుడ్ని చూడటానికి ఇక్కడ ప్రాంతాలతో సంబంధం ఉండదనే విషయం. జగన్‌ వెళుతున్న పర్యటనలకు జనాన్ని కట్టడి చేయాలంటే అది కుదిరే పనికాదు. అభిమానం నోటికి తాళం వేయాలంటే కూడా అంతకంటే కదరదు. దటీజ్‌ జగన్‌.ఇదీ చదవండి:కూటమి ప్రభుత్వంపై నిప్పులు చెరిగిన వైఎస్‌ జగన్‌

పులివెందుల: వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి పులివెందుల పర్యటనలో భాగంగా పలువురు కలిసి తమ సమస్యలు, కష్టాలు చెప్పుకున్నారు.. ఈ సందర్భంగా ప్రభుత్వ మెడికల్ కాలేజీలను ప్రైవేట్‌పరం చేయాలన్న చంద్రబాబు ప్రభుత్వ నిర్ణయం వల్ల తాము ఎలా నష్టపోయామన్నది వైద్య విద్యార్థిని, ఘామె తండ్రి వైఎస్‌ జగన్‌ దృష్టికి తీసుకొచ్చారు.పులివెందులకు చెందిన నాగసుందర రెడ్డి తన కుమార్తె పూజితతో కలిసివచ్చి వెలమవారిపల్లె క్రాస్‌ వద్ద వైఎస్‌ జగన్‌ను కలిశారు. పూజితకు నీట్‌లో 467 మార్కులు వచ్చాయని, రెండు మూడు మార్కుల తేడాతో తన కుమార్తె మెడికల్ సీట్‌ కోల్పోయిందని పూజిత తండ్రి నాగసుందర రెడ్డి ఆవేదన వ్యక్తం చేశారు. తన కుమార్తెలాగా అనేక మంది వైద్య విద్య కోసం కష్టపడి చదివినా మెడికల్ సీట్లు పొందలేకపోయారన్నారు. కూటమి ప్రభుత్వ నిర్లక్ష్యం కారణంగా పులివెందుల మెడికల్‌ కాలేజీకి 50 సీట్లు, పాడేరు వైద్య కళాశాలకు రావాల్సిన 50 సీట్లు కోల్పోయామని వైఎస్‌ జగన్‌ అన్నారు. ఈ రెండు మెడికల్ కాలేజీలకు మంజూరైన సీట్లు వచ్చి ఉంటే పూజితా లాంటి విద్యార్ధులు వైద్య విద్యను అభ్యసించి మంచి డాక్టర్లయ్యేవారన్నారు. కూటమి ప్రభుత్వం వైద్యరంగాన్ని నిర్వీర్యం చేసిందని, తమ ప్రభుత్వం ప్రతిష్టాత్మకంగా 17 మెడికల్ కాలేజీలను ఏర్పాటుచేసి వైద్య విద్యను అందించే ప్రయత్నాన్ని కూటమి నాయకులు దూరం చేయడం దారుణమని వైఎస్‌ జగన్‌ మండిపడ్డారు. మెడికల్‌ కాలేజీల ప్రైవేటీకరణపై వైఎస్సార్‌ కాంగ్రెస్‌ పార్టీ పోరాడుతుందని వారికి వైఎస్‌ జగన్‌ భరోసా ఇచ్చారు.ఇదీ చదవండి: జగనన్న వస్తున్నాడంటే.. మీకు భయం!

సాక్షి, వైఎస్సార్‌ జిల్లా: పులివెందుల పర్యటనలో ఉన్న వైఎస్సార్‌సీపీ అధినేత, మాజీ సీఎం వైఎస్‌ జగన్‌ మోహన్‌రెడ్డి బుధవారం ఓ వివాహ వేడుకకు హాజరయ్యారు. ఈ క్రమంలో దారి పొడవునా.. వివాహ వేదిక వద్ద ఆయన్ని చూసేందుకు ప్రజలు భారీగా తరలి వచ్చారు. ఆయన్ని ఫొటోలు తీసేందుకు, ఆయనతో సెల్ఫీలు దిగేందుకు ఉత్సాహం ప్రదర్శించారు. మున్సిపాలిటీ 23వ వార్డు ఇంఛార్జి, వైఎస్సార్‌సీపీ నేత కొంగనపల్లి మురళీమోహన్ ఇంట శుభకార్యం జరిగింది. ఆయన కుమారుడి వివాహ వేడుకకు వైఎస్‌ జగన్‌ హాజరయ్యారు. నూతన వధూవరులు సాయికిరణ్, వినీతలను ఆశీర్వదించి శుభాకాంక్షలు తెలియజేశారు. జగన్‌ రాకతో ఆ ప్రాంతమంతా కోలాహలంగా మారింది. వైఎస్సార్‌సీపీ శ్రేణులు, అభిమానులు తండోప తండాలుగా అక్కడికి తరలి వచ్చారు. ఆ సమయంలో అందరినీ ఆప్యాయంగా పలకరించుకుంటూ ముందుకు సాగారాయన.

సాక్షి కడప: మాజీ ముఖ్యమంత్రి, వైఎస్సార్‌ కాంగ్రెస్‌ పార్టీ అధ్యక్షుడు వైఎస్‌ జగన్‌మోహన్‌రెడ్డి ప్రజలతో మమేకమయ్యారు. మంగళవారం సాయంత్రం పులివెందులకు చేరుకున్న ఆయన క్యాంపు కార్యాలయంలో తనను కలిసేందుకు వచ్చిన అభిమానులు, పార్టీ శ్రేణులు, అన్ని వర్గాల ప్రజలతో మాట్లాడారు. ప్రధానంగా కార్యకర్తల కష్టసుఖాలు అడుగుతూ.. టీడీపీ నేతల అరాచకాలతో ఇబ్బందులు పడిన బాధితుల వెతలు వింటూ నేనున్నానని.. మీకేం కాదని భరోసా ఇచ్చారు. ధైర్యంగా ముందుకు పోవడమే ఆలస్యమని.. కాలం ఎప్పుడు ఒకేలా ఉండదు, మంచి కాలం ముందు ఉందంటూ వివరించారు. ప్రధానంగా కార్యకర్తలు, నాయకులు ప్రతి ఒక్కరితో మాట్లాడుతూ కష్టాలు అడిగి తెలుసుకున్నారు. అంతేకాకుండా వారి బాధలు విన్న ఆయన అధికారులతో మాట్లాడి పరిష్కరించారు. కొన్నింటికి సంబంధించి ఎంపీ వైఎస్‌ అవినాష్‌రెడ్డితో మాట్లాడుతూ మార్గం చూపారు. కష్టాలు వింటూ.. అక్కున చేర్చుకుంటూ.. మాజీ సీఎం వైఎస్‌ జగన్‌మోహన్‌రెడ్డి మంగళవారం సాయంత్రం 4 గంటల నుంచి రాత్రి 7 గంటల వరకు భాకరాపురంలోని క్యాంపు కార్యాలయంలో ప్రజలతో మాట్లాడారు. తర్వాత కూడా ఇంటి వద్ద వేచి ఉన్న ముఖ్యమైన నాయకులతోనూ చర్చించారు. క్యాంపు కార్యాలయంలో పార్టీ కార్యకర్తలు, నాయకులు, వివిధ వర్గాలకు చెందిన ప్రజలు, సమస్యల పరిష్కారం కోసం వచ్చిన బాధితుల నుంచి వినతులను స్వీకరించారు. తెలిసిన ప్రతి ఒక్క కార్యకర్తను పేరు పేరునా పలకరించడమే కాకుండా కష్ట, సుఖాలు, ఇబ్బందుల గురించి అడిగి తెలుసుకున్నారు. వారిని ఆప్యాయంగా పలకరిస్తూ అక్కున చేర్చుకున్నారు. ఎలాంటి ఇబ్బందులు ఉన్నా నేనున్నానని.. ఏదైనా సమస్యలున్నా పార్టీ అండగా ఉంటుందని వివరించారు. కొంతమంది దివ్యాంగులు, యువత ఆయనను అభిమానంగా వచ్చి కలుసుకున్నారు. వారి కోరిక మేరకు సెల్ఫీలు దిగుతూనే మరోవైపు ప్రతి ఒక్కరితో విడివిడిగా మాట్లాడుతూ వచ్చారు. దివ్యాంగురాలితో ఆప్యాయంగా వైఎస్‌ జగన్‌ గిట్టుబాటు లేదు.. ధర రాదు.. పులివెందుల నియోజకవర్గానికి చెందిన రైతు శంకర్‌తో పాటు మరికొంతమంది వివిధ పంటలు సాగు చేసిన రైతులు మాజీ సీఎం వైఎస్‌ జగన్‌మోహన్‌రెడ్డిని కలిశారు. ప్రస్తుతం అరటి పంటతోపాటు ఇతర అనేక రకాల పంటలకు గిట్టుబాటు ధర లేదు.. బయట మార్కెట్‌లో ధర రాదు.. పండించిన పంటను ఎలా అమ్ముకోవాలి, ప్రస్తుత చంద్రబాబు సర్కార్‌లో ఇంతటి దారుణమైన పరిస్థితులు ఉన్నాయని.. వారు వైఎస్‌ జగన్‌కు వివరించారు. అలాగే మీ ప్రభుత్వంలో రైతులు పండించే పంటలకు మంచి గిట్టుబాటు ధర ఉండేదని, సకాలంలో పెట్టుబడి సాయం, ఇన్సూరెన్స్, పరిహారాలు అందుతుండటంతో రైతులు సుభిక్షంగా ఉండేవారని తెలిపారు. చంద్రబాబు ప్రభుత్వం ఏర్పడిన నాటి నుంచి రైతులు కష్టాలు కడగండ్లతో కాలం వెల్లదీస్తున్నారని, ప్రభుత్వం మొద్దునిద్ర వీడేలా రైతుల తరపున అండగా ఉండాలని కోరారు. ప్రజల వినతులు పరిశీలిస్తున్న మాజీ సీఎం వైఎస్‌ జగన్‌మోహన్‌రెడ్డి, పక్కన ఎంపీ వైఎస్‌ అవినాష్‌రెడ్డి కార్యాలయం వద్ద జనమే జనం.. మాజీ ముఖ్యమంత్రి వైఎస్‌ జగన్‌మోహన్‌రెడ్డి పులివెందులకు వస్తున్నారని తెలుసుకున్న జనాలు భారీగా తరలి వచ్చారు. పార్టీ అభిమానులు, క్యాడర్‌తోపాటు యువత, దివ్యాంగులు, వృద్ధులు, మహిళలు ఇలా అందరూ తరలి రావడంతో ఎక్కడ చూసినా జనమే కనిపించారు. ఒక దశలో పోలీసులకు కూడా అదుపు చేయడం కష్టంగా మారింది. కార్యాలయ ప్రాంగణమంతా జగన్‌ను చూసేందుకు వచ్చిన అభిమానులతో పోటెత్తింది. వైఎస్‌ జగన్‌ నినాదాలతో హోరెత్తింది. జగన్‌ను చూడగానే ఉప్పొంగిన అభిమానంతో జై జగన్‌ నినాదాలతోపాటు సీఎం, సీఎం అంటూ నినదించారు. వైఎస్‌ జగన్‌ను కలిసిన పలువురు నేతలు.. మాజీ సీఎం వైఎస్‌ జగన్‌మోహన్‌రెడ్డిని మంగళవారం సాయంత్రం క్యాంపు కార్యాలయంలో పలువురు వైఎస్సార్‌ కాంగ్రెస్‌ పార్టీ నాయకులు కలిసి చర్చించారు. ప్రధానంగా కడప ఎంపీ వైఎస్‌ అవినాష్‌రెడ్డితోపాటు మాజీ డిప్యూటీ సీఎం అంజద్‌ బాషా, అన్నమయ్య జిల్లా వైఎస్సార్‌సీపీ అధ్యక్షుడు, రాజంపేట ఎమ్మెల్యే ఆకేపాటి అమరనాథరెడ్డి, బద్వేలు ఎమ్మెల్యే డాక్టర్‌ సుధ, రాయచోటి, రైల్వేకోడూరు, జమ్మలమడుగు, ప్రొద్దుటూరు మాజీ ఎమ్మెల్యేలు గడికోట శ్రీకాంత్‌రెడ్డి, కొరముట్ల శ్రీనివాసులు, డాక్టర్‌ సు«దీర్‌రెడ్డి, రాచమల్లు శివప్రసాద్‌రెడ్డి, ఎమ్మెల్సీలు పొన్నపురెడ్డి రామసుబ్బారెడ్డి, రమేష్‌ యాదవ్, రామచంద్రారెడ్డి, వైఎస్సార్‌సీపీ రాష్ట్ర ప్రధాన కార్యదర్శి ఎస్వీ సతీష్‌కుమార్‌రెడ్డి, కదిరి వైఎస్సార్‌సీపీ ఇన్‌చార్జి మగ్బూల్‌ బాషా, వైఎస్సార్‌సీపీ నేతలు రెడ్యం వెంకటసుబ్బారెడ్డి, పూల శ్రీనివాసరెడ్డి, పులివెందుల మున్సిపల్‌ ఇన్‌చార్జి చవ్వా దుష్యంత్‌రెడ్డిలతోపాటు వైఎస్సార్‌సీపీ నేతలు కలిశారు. అలాగే విజయవాడ, నల్గొండ, శ్రీకాకుళం తదితర ప్రాంతాల నాయకులు కలిశారు.

వైఎస్సార్‌సీపీ అధ్యక్షుడు, మాజీ సీఎం వైఎస్‌ జగన్‌మోహన్‌రెడ్డి తన హయాంలో రైతులకు కొండంత అండగా నిలిచారు. రైతుకు భరోసా దగ్గర్నుంచీ రైతు మద్దతు ధర వరకూ అన్నింటా తోడుగా ఉన్నారు. ముందెన్నడూ లేని విధంగా తొలిసారిగా రూ.3,000 కోట్లతో ధరల స్థిరీకరణ నిధి ఏర్పాటు చేశారు.. కొన్ని నిర్దేశిత పంటలకు గనక ధర పడిపోతే... జగన్‌ ప్రభుత్వం జోక్యం చేసుకుని ఈ నిధి సాయంతో వాటిని కనీస మద్దతు ధరకు కొనుగోలు చేసింది. పొగాకుతో సహా ప్రధాన వ్యవసాయ వాణిజ్య పంటలైన జొన్నలు, సజ్జలు, రాగులు, కొర్రలు, మొక్కజొన్న, కందులు, పెసలు, మినుములు, వేరుశనగ, పత్తి, పసుపు, ఉల్లి, టమాటా తదితర పంటలకు మార్కెట్‌ జోక్యంతో కనీస మద్దతు ధరలు దక్కేలా చేసింది వైఎస్సార్‌సీపీ ప్రభుత్వం.(What YS Jagan Did For Farmers)కేంద్రం మద్దతు ధరలు ప్రకటించని మిర్చి, పసుపు, ఉల్లి, చిరుధాన్యాలు, అరటి, చీనీ పంటలకు దేశంలో కనీస మద్దతు ధర ప్రకటించిన ప్రభుత్వమేదైనా ఉందీ అంటే... అది వైఎస్సార్‌ సీపీ ప్రభుత్వమే. రైతులకు బాసటగా నిలవాలనే ఉద్దేశంతో... వారి పంటలను దారుణమైన పరిస్థితుల్లో కూడా తక్కువకు అమ్ముకోరాదన్న ఉద్దేశంతో దేశంలోనే తొలిసారిగా గత జగన్‌ ప్రభుత్వం కొన్ని పంటలకు కనీస మద్దతు ధరలను ప్రకటించింది. సహజంగా మద్దతు ధరలు ప్రకటించేది కేంద్రమే. కాకుంటే చాలా పంటలను కేంద్రం కొనుగోలు చేయదు. అలాంటి పంటలు వేసే రైతులకూ గిట్టుబాటు ఉండాలన్న ఉద్దేశంతో రాష్ట్ర ప్రభుత్వం మూడున్నరేళ్ల కిందట ఇతర పంటలకు ఉదారంగా గిట్టుబాటు ధరలు ప్రకటించింది. అంతకన్నా ఎక్కువ ధరలుంటే రైతులు మార్కెట్లోనే విక్రయించుకుంటారు. ఎలాంటి ఇబ్బందీ ఉండదు. కానీ అనుకోని విపత్కర పరిస్థితులు తలెత్తి కొన్ని ప్రత్యేక పంటలకు గనక మార్కెట్లో ధర పడిపోతే... వారిని ఆదుకోవటానికి రాష్ట్రం ప్రకటించిన కనీస మద్దతు ధర ఉంటుంది.2014 నుంచి 2019 వరకూ ఐదేళ్ల చంద్రబాబు పాలనలో వివిధ పంటల కొనుగోలు కోసం చేసిన ఖర్చు కేవలం రూ.3,322 కోట్లు. మరి వైఎస్‌ జగన్‌ ప్రభత్వం మూడున్నరేళ్లలోనే ప్రభుత్వం వివిధ పంటల కొనుగోలు కోసం ఎంత వెచ్చించిందో తెలుసా? అక్షరాలా ఏడువేల నూటయాభై ఏడు కోట్లు. ఐదేళ్లలో ధాన్యం కొనుగోలు కోసం చంద్రబాబు ప్రభుత్వం వెచ్చించిన మొత్తం రూ.43,134 కోట్లయితే... మూడేళ్లలోనే వైఎస్సార్‌సీపీ ప్రభుత్వం 48,793 కోట్లు వెచ్చించింది. అంటే సగటున చంద్రబాబు ప్రభుత్వం ఏడాదికి రూ.8,600 కోట్లు ధాన్యం సేకరణకు వెచ్చిస్తే... ఈ ప్రభుత్వం సగటున ఏడాదికి రూ.16,200 కోట్లు వెచ్చించింది. విత్తనాలు, పురుగు మందులు దగ్గర నుంచి..రైతుకు విత్తనాలు, పురుగు మందులు అందించే దగ్గర నుంచి... వారి నుంచి పంట కొనుగోలు చేసేందుకు కూడా వీలుగా గ్రామ స్థాయిలో ఏకంగా 10,778 ఆర్బీకేలను ఏర్పాటయ్యాయి. పైపెచ్చు ఆర్బీకేల ద్వారానే కొనుగోలు చేయటం... రైతుల నుంచి మాత్రమే కొనేలా ఆధార్‌ ఆధారిత బయోమెట్రిక్‌ తీసుకోవటం... కొనుగోళ్లలో చిన్న, సన్నకారు రైతులకు ప్రాధాన్యమివ్వటం... నాణ్యతకు పెద్దపీట... నేరుగా రైతు ఖాతాల్లోకే నగదు జమ అనే పంచ సూత్రాలూ నిక్కచ్చిగా అమలు చేశారు. . దీన్నిబట్టి వైఎస్‌ జగన్‌ ఎంత విప్లవాత్మక మార్పులు తీసుకొచ్చారో వేరుగా చెప్పాల్సిన పనిలేదు.(YS Jagan Reforms In Agriculture)అప్పుడు కనీస మద్దతు ధరకన్నా మార్కెట్‌ ధర భేష్‌..గత వైఎస్సారసీపీ ప్రభుత్వం తీసుకున్న పలు చర్యల ఫలితంగా ప్రస్తుతం ఎమ్మెస్పీ ధరల కంటే మిరప, పత్తి, పసుపు, వేరుశనగ, మినుము, మొక్కజొన్న పంటలకు మిన్నగా మార్కెట్‌లో ధర పలికింది. దీంతో వాటిని కొనుగోలు చేయాల్సిన అవసరం పెద్దగా రాలేదు. తొలి మూడేళ్లలో ధరలు పడిపోయినపుడు చరిత్రలో ఎన్నడూ లేని విధంగా రూ.139.90 కోట్ల విలువైన పొగాకుతో పాటు రూ.1789 కోట్ల విలువైన పత్తిని సైతం వైఎస్‌ జగన్‌ ప్రభుత్వం కొనుగోలు చేసింది. ఈ రకమైన భరోసా ఇవ్వటంతో మార్కెట్లో ధరలు స్థిరంగా నిలిచాయి.మరి ఇప్పుడు ఆ పరిస్థితి ఏది?వ్యవసాయరంగాన్ని ఉద్ధరిస్తున్నామన్నట్టుగా 10వేలమందితో టెలికాన్ఫరెన్స్‌ పెట్టామని గొప్పగా వారి ఎల్లో మీడియాలో రాయించుకుంటున్న చంద్రబాబు సర్కార్‌.. అదే నోటితో కనీసం 10 మంది కలెక్టర్లకు ఫోన్‌ చేసి వారికి తుపాను కారణంగా నష్టపోయిన రైతులకు మంచి రేట్లు వచ్చేలా చేయమని ఎందుకు చెప్పలేకపోయారన్నది ప్రధానంగా చూడాలి.ఇక ధరలు పతనమై, దీన స్థితిలో ఉన్న రైతన్నను ఆదుకుంటూ ధరల స్థిరీకరణకు వెంటనే డబ్బులు మంజూరుచేసి, రైతుల్ని ఆదుకునే చర్యలను ఎందుకు చేపట్టడంలేదనేది ఆ చంద్రబాబు సర్కారుకే తెలియాలి. ఇప్పుడు కూడా ధాన్యం, మొక్కజొన్న, అరటి, కొబ్బరి, పత్తి ధరలు దారుణంగా పడిపోయినా, అధికారంలోకి వచ్చిన ఏడాదిలోనే ధాన్యం, కందులు, మినుములు, పెసలు, సజ్జలు, మిర్చి, పొగాకు, ఉల్లి, టమోటా, కోకో, చీనీ, మామిడి ధరలు పడిపోయినా పట్టనట్లే వ్యవహరించింది చంద్రబాబు సర్కార్‌.ఈ 18 నెలల కాలంలో దాదాపు 16 సార్లు ప్రకృతి విపత్తుల వల్ల రైతులు నష్టపోతే కనీసం ఒక్కసారైనా ఇన్‌పుట్‌ సబ్సిడీ ఇచ్చి ఆదుకున్న దాఖలాలు లేవు. రైతులకు ఏ కష్టం వచ్చినా, ఒక ముఖ్యమంత్రిగా చంద్రబాబు స్పందించి ఆదుకున్న సందర్భం కూడా ఎక్కడా రాలేదు.రైతులు, వారి తరఫున వైఎస్‌ జగన్‌ పోరాటాలు చేస్తే, దాన్ని డైవర్ట్‌ చేయడానికి ఎదురుదాడి చేయడం.. రైతుల పరామర్శకు వెళ్తే అన్యాయంగా కేసులు పెడతారు. రైతులను ఆదుకోవడానికి హడావిడి ప్రకటనలు చేయడం తప్పితే, ఆచరణ వరకూ వచ్చేసరికి ఏమీ లేదు. మిర్చి, పొగాకు, మామిడి, ఉల్లి పంటల విషయంలో చంద్రబాబు వ్యహరించిన తీరు దీనికి నిదర్శనం. నష్ట పరిహారం ఊసే లేదు..గత వైఎస్సార్‌సీపీ ప్రభుత్వ హయాంలో రైతులకు కల్పించిన భద్రత, భరోసా, గ్యారంటీలను పూర్తిగా తొలగించడమో నిర్వీర్యం చేయడమే చంద్రబాబు సర్కారు పెట్టుకున్న పని. ఉచిత పంటల బీమా లేదు.. తుపాను సహా ప్రకృతి వైపరీత్యాల కారణంగా నష్టపోయిన, బీమా పరిధిలో లేని లక్షల మంది రైతులకు నష్టపరిహారం ఎప్పుడు చెల్లిస్తారో కనీసం ఊసైనా చెప్పడం లేదు. ఉచిత పంటల బీమాను రద్దుచేశారు, తుపాను సహా ప్రకృతి వైపరీత్యాల కారణంగా నష్టపోయిన, బీమా పరిధిలో లేని లక్షల మంది రైతులకు ఏంచేస్తారో చెప్పడంలేదు. పోనీ వారికి ఇన్సూరెన్స్‌ లేకపోయినా మీరే పంట నష్టపరిహారం ఎప్పుడు చెల్లిస్తారో మాటమాత్రమైనా చెప్పలేకపోతున్నారు. రైతులకు ఇవ్వాల్సిన రూ.600 కోట్ల ఇన్‌పుట్ సబ్సిడీ బకాయిలు ఎప్పుడిస్తారు? పోనీ నిన్నటి తుపాను కారణంగా నష్టపోయిన రైతులకు ఇన్‌పుట్‌ సబ్సిడీ ఎప్పుడు ఇస్తారో కూడా చెప్పడంలేదు. మంచి విషయాల కోసం చంద్రబాబు కనీసం ఆలోచన కూడా చేయరన్నది ప్రస్తుతం మనకు కళ్లకు కనిపిస్తున్న వైనం.కర్షక బంధువు వైఎస్‌ జగన్‌..అప్పుడు.. ఇప్పుడు రైతులకు బాసటగా నిలవాలన్నది వైఎస్‌ జగన్‌ సంకల్పం. (How YS Jagan Helped Farmers) ప్రభుత్వంలో ఉండగా రైతులకు ఎంత మేలు చేసిన వైఎస్‌ జగన్‌.. ఇప్పుడు కూడా అదే సంకల్పంతో పోరాడుతున్నారు. ప్రతిపక్ష నాయకుడిగా రైతులకు జరుగుతున్న అన్యాయాలను నిలదీస్తూనే ఉన్నారు. రైతుకు కష్టమొస్తే అక్కడకు వెళ్లి వారికి భరోసా, ధైర్యాన్ని ఇస్తున్నారు వైఎస్‌ జగన్‌. పులివెందుల వైఎస్‌ జగన్‌ మూడు రోజుల పర్యటనలో అరటి పంటలను నష్టపోయిన రైతులను జగన్‌ పరామర్శించనున్నారు. కూటమి ప్రభుత్వం ఎన్ని కుట్రలు చేసినా దాన్ని అధిగమించి రైతులకు అండగా నిలుస్తూ కర్షక బంధువు అనిపించుకుంటున్నారు వైఎస్‌ జగన్‌.

వైఎస్‌ జగన్‌.. జనం నుంచి వచ్చిన.. వారి కోసం పుట్టిన జననేత. జగన్‌ వెంట నడిచే జన ప్రభంజాన్ని చూస్తే ఈ విషయం తేటతెల్లం. కానీ ఇదే జనసంద్రం కూటమి నేతల గుండెల్లో రైళ్లు పరుగెత్తిస్తుంది! చంద్రబాబుకు గుటకలు.. లోకేష్‌కు గుబులు.. పవన్‌ కళ్యాణ్‌కు నేల చూపులు మిగులుస్తాయి.అధికారంలో ఉన్నా తమ వెంట జనం నిలవడం లేదన్న వాస్తవం కూటమి నేతల్లో భయం పుట్టిస్తోంది. ఈ అక్కసునే వారు జగన్‌ పర్యటనపై ఆంక్షలు, ప్రతిబంధకాల రూపంలో తీర్చుకుంటున్నారు. అయితే కూటమి పప్పులు ఎన్నడూ ఉడికింది లేదు. గోడకేసి కొట్టిన బంతి ఎంత వేగంగా వెనక్కు వస్తుందో.. జగన్‌ పర్యటనలకు ఆంక్షలు ఎక్కువైన కొద్దీ జన ప్రవాహం అంతకంత పెరిగింది. (YS Jagan Following In Public) )జగన్‌ వెంట ఎంతమంది నడవాలో కూడా వారే నిర్ణయిస్తారు.అంతే ఆంక్షలు అమల్లో పెడతారు. పోలీసుల్ని ఉపయోగించుకుంటూ ఫ్లెక్సీల ద్వారా కూడా .జగన్‌ పర్యటనలకు జనం వెళ్లకండనే ప్రచారం చేయిస్తారు స్థానిక నాయకులు. మరి ఇవన్నీ తమ జననేతను చూడటానికి వచ్చే ప్రజలకు తెలియవు. అభిమాన నాయకుడు వస్తున్నాడంటే జనహోరు హుషారెత్తుంది. జగన్‌ అంటే మీకు భయం.. మాకు కాదు అని ఎలుగెత్తుతుంది జగన్‌ పర్యటన ఉన్న ప్రాంతం. కూటమి నాయకులకు ఇవన్నీ స్వీయ అనుభవాలే. వైఎస్‌ జగన్‌ తాజా పులివెందుల నియోజక వర్గం పర్యటన కూడా కూటమి నేతల్లో టెన్షన్‌ పెంచేసే ఉంటుంది.జగన్‌ పర్యటనలపై కూటమి నేతల భయాన్ని అభిమానుల మాటల్లో చెప్పాలంటే....జగన్‌ వస్తున్నాడంటే మీకు భయం.. రోడ్లన్నీ జన నంద్రం అయిపోతాయనిజగన్‌ వస్తున్నాడంటే మీకు భయం .. ఊరూ-వాడా, మిద్దె-మేడా అంతా ఏకమవుతాయని...జగన్‌ వస్తున్నాడంటే మీకు భయం.. సందు-గొందు కిక్కిరిసిపోతాయని...జగన్‌ వస్తున్నాడంటే మీకు భయం... రహదారులన్నీ జై జగన్‌ నినాదాలతో హోరెత్తిపోతాయనిజగన్‌ వస్తున్నాడంటే మీకు భయం.. మీ మాట వినేవారు ఒక్కరూ మిగలరనిజగన్‌ వస్తున్నాడంటే మీకు భయం.. సామాన్యుడికి కొండంత భరోసా దక్కుతుందని, ఆప్యాయమైన పలకరింపులు దొరుకుతాయని!జగన్‌ వస్తున్నాడంటే మీకు భయం.. ఏ ప్రశ్నలతో ముచ్చెమటలు పట్టిస్తాడోనని!-మణిశ్రీ

సాక్షి, తాడేపల్లి: ఆంధ్రప్రదేశ్‌ మాజీ ముఖ్యమంత్రి, వైఎస్సార్‌ కాంగ్రెస్‌ పార్టీ అధ్యక్షుడు వై.ఎస్‌.జగన్‌ రెండు రోజుల పర్యటన కోసం మంగళవారం పులివెందుల రానున్నారు. కూటమి ప్రభుత్వ నిర్వాకం కారణంగా దారుణంగా నష్టపోయిన అరటి రైతుల పరామర్శతోపాటు పలు సామాజిక కార్యక్రమాల్లో పాల్గొననున్నారు. జగన్‌ బెంగళూరులోని తన నివాసం నుంచి మంగళవారం మధ్యాహ్నం బయలుదేరి హెలికాప్టర్‌ ద్వారా సాయంత్రం నాలుగు గంటల ప్రాంతానికి పులివెందుల చేరుకోనున్నారు. అక్కడి నుంచి రోడ్డు మార్గం ద్వారా భాకరాపురంలోని క్యాంపు కార్యాలయానికి వస్తారు. సుమారు మూడు గంటల పాటు క్యాంపు కార్యాలయంలో పలువురి కలవనున్నారు. ఆ తరువాత స్వగృహంలో విశ్రాంతి తీసుకుంటారు.బుధవారం ఉదయం పులివెందులలోని వాసవి కళ్యాణ మండపంలో జరిగే ఒక వివాహ కార్యక్రమానికి హాజరై వధూ వరులను ఆశీర్వదిస్తారు. ఆ తరువాత బ్రాహ్మణ పల్లె ప్రాంతంలో దెబ్బతిన్న అరటితోటలను సందర్శిస్తారు. రైతులతో ముఖాముఖి మాట్లాడతారు. వారి కష్టనష్టాలను తెలుసుకుంటారు. అరటి రైతుల పరామార్శ తరువాత వై.ఎస్‌.జగన్‌ లింగాల మాజీ సర్పంచ్‌ మహేశ్‌ రెడ్డి కుటుంబాన్ని పులివెందుల్లోని వారి స్వగృహంలో కలుసుకుంటారు. ఇటీవలే మరణించిన మహేశ్‌ రెడ్డి కుటుంబ సభ్యులను పరామార్శిస్తారు. మధ్యాహ్నం 12 గంటలకు స్వగృహానికి చేరుకుంటారు. రెండు గంటల పాటు అక్కడే ఉంటారు. అనంతరం వేల్పుల గ్రామంలోని రామలింగా రెడ్డి ఇంటివెళ్లనున్నారు. అక్కడి నుంచి సాయంత్రం నాలుగు గంటలకు భాకరాపురంలోని క్యాంపు ఆఫీసుకు ఆ తరువాత ఏడు గంటలకు స్వగృహానికి చేరుకుంటారు. రాత్రి బస చేస్తారు.గురువారం ఎనిమిది గంటలకు భాకరాపురం నుంచి హెలికాప్టర్‌ ద్వారా బెంగళూరులోని జక్కూరుకు ఆ తరువాత యలహంకలోని తన ఇంటికి వెళ్లడంతో ఈ పర్యటన పూర్తవుతుంది.తాడేపల్లిరేపటి నుంచి మూడు రోజుల పాటు మాజీ ముఖ్యమంత్రి, వైఎస్సార్‌సీపీ అధ్యక్షులు శ్రీ వైయస్‌ జగన్‌ పులివెందుల పర్యటన25.11.2025 షెడ్యూల్‌సాయంత్రం 4 గంటలకు పులివెందుల చేరుకుని క్యాంప్‌ ఆఫీస్‌లో రాత్రి 7 గంటల వరకు ప్రజాదర్భార్‌ నిర్వహిస్తారు, రాత్రికి అక్కడి నివాసంలో బస…— YSR Congress Party (@YSRCParty) November 24, 2025