కరేబియన్‌ ప్రీమియర్‌ లీగ్‌(సీపీఎల్‌)-2024 చాంపియన్‌గా సెయింట్‌ లూసియా కింగ్స్‌ జట్టు అవతరించింది. గయానా అమెజాన్‌ వారియర్స్‌తో జరిగిన ఫైనల్లో ఆరు వికెట్ల తేడాతో గెలుపొంది తొలిసారి ట్రోఫీని ముద్దాడింది. లూసియా కింగ్స్‌ విజయంలో కీలక పాత్ర పోషించిన ఆల్‌రౌండర్‌ రోస్టన్‌ ఛేజ్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.ఆకట్టుకోలేకపోయిన బ్యాటర్లుగయానా వేదికగా.. భారత కాలమానం ప్రకారం సోమవారం తెల్లవారుజామున సెయింట్‌ లూసియా కింగ్స్‌- గయానా అమెజాన్‌ వారియర్స్‌ మధ్య సీపీఎల్‌ టైటిల్‌ పోరు జరిగింది. టాస్‌ గెలిచిన కింగ్స్‌ తొలుత బౌలింగ్‌ ఎంచుకోగా.. వారియర్స్‌ నిర్ణీత 20 ఓవర్లలో ఎనిమిది వికెట్ల నష్టానికి 138 పరుగులు చేసింది.దెబ్బ కొట్టిన నూర్‌ అహ్మద్‌వారియర్స్‌ బ్యాటర్లలో టెయిలెండర్‌ ప్రిటోరియస్‌ 25 పరుగులతో టాప్‌ స్కోర్‌గా నిలవడం గమనార్హం. మిగతా వాళ్లలో వికెట్‌ కీపర్‌ షాయీ హోప్‌ 22 పరుగులు సాధించాడు. ఇక కింగ్స్‌ బౌలర్లలో స్పిన్నర్‌ నూర్‌ అహ్మద్‌ నాలుగు ఓవర్ల కోటా పూర్తి చేసి కేవలం 19 పరుగులే ఇచ్చి.. మూడు వికెట్లు కూల్చాడు.ఓపెనర్‌ మొయిన్‌ అలీ(14), హిట్టర్‌ షిమ్రన్‌ హెట్‌మెయిర్‌(11) రూపంలో కీలక వికెట్లు తీసి.. వారియర్స్‌ బ్యాటింగ్‌ ఆర్డర్‌ను దెబ్బకొట్టాడు. కింగ్స్‌ జట్టులోని మిగిలిన బౌలర్లలో ఖారీ పియరీ, మాథ్యూ ఫోర్డ్‌, అల్జారీ జోసెఫ్‌, రోస్టన్‌ ఛేజ్‌, డేవిడ్‌ వీస్‌ ఒక్కో వికెట్‌ పడగొట్టారు.దంచికొట్టిన రోస్టన్‌, జోన్స్‌ఇక వారియర్స్‌ విధించిన నామమాత్రపు లక్ష్యంతో బరిలోకి దిగిన సెయింట్‌ లూసియా కింఘ్స్‌ 18.1 ఓవర్లలోనే పనిపూర్తి చేసింది. టాపార్డర్‌ విఫలమైనా మిడిలార్డర్‌ దంచికొట్టడంతో విజయం సాధ్యమైంది. ఓపెనర్లలో కెప్టెన్‌ ఫాఫ్‌ డుప్లెసిస్‌(21) ఫర్వాలేదనిపించగా.. జాన్సన్‌ చార్ల్స్‌(7) నిరాశపరిచాడు. వన్‌డౌన్‌ బ్యాటర్‌ టిమ్‌ సిఫార్ట్‌ 10 బంతులు ఎదుర్కొని మూడు పరుగులే చేశాడు.ఇలాంటి దశలో స్పిన్‌ బౌలింగ్‌ ఆల్‌రౌండర్‌ రోస్టన్‌ ఛేజ్‌ 22 బంతుల్లో 2 ఫోర్లు, 2 సిక్స్‌ల సాయంతో 39 పరుగులతో దుమ్ములేపాడు. ఐదో స్థానంలో వచ్చిన ఆరోన్‌ జోన్స్‌ 31 బంతుల్లో 2 ఫోర్లు, 4 సిక్స్‌లు బాది 48 రన్స్‌ చేశాడు. ఇద్దరూ కలిసి అజేయంగా నిలిచి.. లూసియా కింగ్స్‌ను విజయతీరాలకు చేర్చారు. PC: SLK Xవిజేతల జాబితా ఇదేకాగా సీపీఎల్‌లో లూసియా కింగ్స్‌కు ఇదే మొట్టమొదటి టైటిల్‌. ఇక 2013లో వెస్టిండీస్‌ వేదికగా మొదలైన ఈ టీ20 టోర్నీలో జమైకా తలైవాస్‌ అరంగేట్ర విజేతగా నిలిచింది. తర్వాత వరుసగా బార్బడోస్‌ ట్రిడెంట్స్‌, ట్రినిడాడ్‌ అండ్‌ టొబాగో రెడ్‌స్టీల్‌, జమైకా తలైవాస్‌, ట్రింబాగో నైట్‌ రైడర్స్‌, ట్రింబాగో నైట్‌ రైడర్స్‌, బార్బడోస్‌ ట్రిడెంట్స్‌, ట్రింబాగో నైట్‌ రైడర్స్‌, సెయింట​ కిట్స్‌ అండ్‌ నెవిస్‌ పేట్రియాట్స్‌, జమైకా తలైవాస్‌, గయానా అమెజాన్‌ వారియర్స్‌.. తాజాగా సెయింట్‌ లూసియా కింగ్స్‌ ట్రోఫీలు కైవసం చేసుకున్నాయి.చదవండి: నేను అలా బౌలింగ్‌ చేయడానికి కారణం వారే: మయాంక్‌ యాదవ్‌ The wait is over 🙌 The Saint Lucia Kings are CPL Champions 🇱🇨🏆#CPL24 #CPLFinals #SLKvGAW #CricketPlayedLouder #BiggestPartyInSport pic.twitter.com/nqVbnilsAH— CPL T20 (@CPL) October 7, 2024

కరీబియన్‌ ప్రీమియర్‌ లీగ్‌ 2024 ఎడిషన్‌ చివరి అంకానికి చేరుకుంది. సెయింట్‌ లూసియా కింగ్స్‌ ఫైనల్స్‌కు చేరింది. ఇవాళ (అక్టోబర్‌ 3) జరిగిన క్వాలిఫయర్‌-1లో లూసియా కింగ్స్‌ గయానా అమెజాన్‌ వారియర్స్‌పై 15 పరుగుల తేడాతో (డక్‌వర్త్‌ లూయిస్‌ పద్దతిన) గెలుపొందింది. ఈ మ్యాచ్‌లో తొలుత బ్యాటింగ్‌ చేసిన లూసియా కింగ్స్‌ నిర్ణీత 20 ఓవర్లలో 5 వికెట్ల నష్టానికి 198 పరుగులు చేసింది.భారీ లక్ష్యాన్ని ఛేదించేందుకు బరిలోకి దిగిన అమెజాన్‌ వారియర్స్‌కు వరుణుడు ఆడ్డు తగిలాడు. వారియర్స్‌ ఇన్నింగ్స్‌ 13 ఓవర్ల వరకు సజావుగా సాగింది. ఈ దశలో వర్షం మొదలై మ్యాచ్‌కు అంతరాయం కలిగించింది. వర్షం ఎంతకీ ఆగకపోవడంతో డక్‌వర్త్‌ లూయిస్‌ పద్దతిన లూసియా కింగ్స్‌ను విజేతగా ప్రకటించారు. వర్షం ప్రారంభమయ్యే సమయానికి అమెజాన్‌ వారియర్స్‌ స్కోర్‌ 4 వికెట్ల నష్టానికి 106 పరుగులుగా ఉంది. ఈ మ్యాచ్‌లో గెలుపుతో లూసియా కింగ్స్‌ నేరుగా ఫైనల్‌కు చేరుకుంది. అమెజాన్‌ వారియర్స్‌ బార్బడోస్‌ రాయల్స్‌తో క్వాలిఫయర్‌-2 ఆడనుంది. అక్టోబర్‌ 5న జరిగే క్వాలిఫయర్‌-2లో గెలిచే జట్టు అక్టోబర్‌ 7న జరిగే ఫైనల్లో లూసియా కింగ్స్‌తో తలపడుతుంది.రాణించిన డుప్లెసిస్‌, జాన్సన్‌ ఛార్లెస్‌అమెజాన్‌ వారియర్స్‌తో జరిగిన మ్యాచ్‌లో ఫాఫ్‌ డుప్లెసిస్‌ (57), జాన్సన్‌ ఛార్లెస్‌ (79) అర్ద సెంచరీలతో రాణించారు. వీరిద్దరు మినహా లూసియా ఇన్నింగ్స్‌లో ఎవ్వరూ చెప్పుకోదగ్గ స్కోర్‌ చేయలేదు. రోస్టన్‌ ఛేజ్‌, టిమ్‌ సీఫర్ట్‌ తలో 18 పరుగులు, డేవిడ్‌ వీస్‌ 13, మాథ్యూ ఫోర్డ్‌ 0, జెర్మియా 1 పరుగు చేశారు. వారియర్స్‌ బౌలర్లలో మొయిన్‌ అలీ, ప్రిటోరియస్‌ తలో రెండు, షమార్‌ జోసఫ్‌ ఓ వికెట్‌ తీశారు.లక్ష్య ఛేదనలో అమెజాన్‌ వారియర్స్‌ కూడా ధాటిగానే ఇన్నింగ్స్‌ ప్రారంభించింది. రహ్మానుల్లా గుర్బాజ్‌ 24, కీమో పాల్‌ 14, షాయ్‌ హోప్‌ 27, ప్రిటోరియస్‌ 2 పరుగులు చేసి ఔట్‌ కాగా.. హెట్‌మైర్‌ 37, మొయిన్‌ అలీ ఒక్క పరుగుతో అజేయంగా నిలిచారు. లూసియా కింగ్స్‌ బౌలర్లలో అల్జరీ జోసఫ్‌, డేవిడ్‌ వీస్‌, ఛేజ్‌, నూర్‌ అహ్మద్‌ తలో వికెట్‌ పడగొట్టారు.చదవండి: Irani Cup 2024: సెంచరీతో కదంతొక్కిన అభిమన్యు ఈశ్వరన్‌

క‌రేబియ‌న్ ప్రీమియ‌ర్ లీగ్‌-2024లో క్వాలిఫియ‌ర్‌-2కు బార్బడోస్ రాయల్స్ ఆర్హ‌త సాధించింది. ఈ లీగ్‌లో భాగంగా బుధ‌వారం ఎలిమినేటర్‌లో ట్రిన్‌బాగో నైట్ రైడర్స్‌పై 9 వికెట్ల తేడాతో బార్బడోస్ ఘ‌న విజ‌యం సాధించింది. ఫ్లడ్‌ లైట్స్‌ అంత‌రాయం క‌లిగించిన ఈ మ్యాచ్‌లో తొలుత బ్యాటింగ్ చేసిన నైట్ రైడ‌ర్స్ 19.1 ఓవ‌ర్ల‌లో 3 వికెట్ల న‌ష్టానికి 168 ప‌రుగులు చేసింది. నైట్‌రైడ‌ర్స్ బ్యాట‌ర్ల‌లో నికోల‌స్ పూర‌న్ మ‌రోసారి స‌త్తాచాటాడు. 60 బంతులు ఎదుర్కొన్న పూర‌న్‌.. 6 ఫోర్లు, 5 సిక్స్‌ల‌తో 90 ప‌రుగులు చేశాడు. అత‌డితో పాటు జాస‌న్ రాయ్ 25 ప‌రుగులతో రాణించాడు. డీఎల్‌ఎస్‌ ప్రకారం రాయ‌ల్స్ టార్గెట్‌ను 5 ఓవ‌ర్ల‌లో 60 ప‌రుగుల‌గా నిర్ణ‌యించారు.చెల‌రేగిన మిల్ల‌ర్‌..అనంత‌రం ల‌క్ష్య చేధ‌న‌లో బార్బ‌డోస్ స్టార్ ప్లేయ‌య్‌, ప్రోటీస్ విధ్వంస‌క‌ర వీరుడు డేవిడ్ మిల్ల‌ర్ ఆకాశ‌మే హ‌ద్దుగా చెల‌రేగాడు. కేవ‌లం 17 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. మిల్ల‌ర్‌ ఇన్నింగ్స్‌లో 3 ఫోర్లు, 5 సిక్స్‌లు ఉన్నాయి. అత‌డి ఊచ‌కోత ఫ‌లితంగా బార్బ‌డోస్ కేవ‌లం 4.2 ఓవ‌ర్ల‌లోనే ల‌క్ష్యాన్ని చేధించింది.

కరీబియన్‌ ప్రీమియర్‌ లీగ్‌-2024 చివరి లీగ్‌ దశ మ్యాచ్‌లో గయానా అమెజాన్‌ వారియర్స్‌పై ట్రిన్‌బాగో నైట్‌రైడర్స్‌ 74 పరుగుల భారీ తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన నైట్‌రైడర్స్‌ నికోలస్‌ పూరన్‌ సుడిగాలి శతకంతో (59 బంతుల్లో 101; 9 ఫోర్లు, 8 సిక్సర్లు) విరుచుకుపడటంతో నిర్ణీత 20 ఓవర్లలో 5 వికెట్ల నష్టానికి 211 పరుగులు చేసింది. HUNDRED FOR NICHOLAS POORAN IN CPL...!!!! 🙇- Pooran is a beast in T20s, What a remarkable consistency. pic.twitter.com/2gn9VaD5c6— Johns. (@CricCrazyJohns) September 30, 2024జేసన్‌ రాయ్‌ (26 బంతుల్లో 34), కీసీ కార్తీ (13 బంతుల్లో 27 నాటౌట్‌) ఓ మోస్తరు స్కోర్లు చేయగా.. పోలార్డ్‌ 19, రసెల్‌ 9, టిమ్‌ డేవిడ్‌, పార్రిస్‌ డకౌట్‌ అయ్యారు. వారియర్స్‌ బౌలర్లలో షమార్‌ జోసఫ్‌ మూడు వికెట్లు పడగొట్టగా.. ఇమ్రాన్‌ తాహిర్‌, ప్రిటోరియస్‌ తలో వికెట్‌ దక్కించుకున్నారు.137 పరుగులకే కుప్పకూలిన వారియర్స్‌212 పరుగుల భారీ లక్ష్య ఛేదనలో అమెజాన్‌ వారియర్స్‌ 137 పరుగులకే (18.5 ఓవర్లలో) కుప్పకూలింది. టెర్రన్స్‌ హిండ్స్‌, వకార్‌ సలాంకీల్‌, నాథన్‌ ఎడ్వర్డ్స్‌ తలో మూడు వికెట్లు తీసి వారియర్స్‌ను దెబ్బకొట్టారు. అకీల్‌ హొసేన్‌ ఓ వికెట్‌ దక్కించుకున్నాడు. వారియర్స్‌ ఇన్నింగ్స్‌లో రహ్మానుల్లా గుర్బాజ్‌ (36), షాయ్‌ హోప్‌ (28), గుడకేశ్‌ మోటీ (26 నాటౌట్‌), ఇమ్రాన్‌ తాహిర్‌ (20) మాత్రమే రెండంకెల స్కోర్లు చేశారు. హెట్‌మైర్‌ (9), కీమో పాల్‌ (1), మొయిన్‌ అలీ (5), రొమారియో షెపర్డ్‌ (0), ప్రిటోరియస్‌ (0) విఫలమయ్యారు.ఈ మ్యాచ్‌ ఫలితంతో ఎలిమినేటర్‌, క్వాలిఫయర్‌-1లో తలపడబోయే జట్లేవో తేలిపోయాయి. అక్టోబర్‌ 1న జరిగే ఎలిమినేటర్‌ మ్యాచ్‌లో ట్రిన్‌బ్రాగో నైట్‌రైడర్స్‌, బార్బడోస్‌ రాయల్స్‌ తలపడనుండగా.. అక్టోబర్‌ 2న జరిగే క్వాలిఫయర్‌-1లో గయానా అమెజాన్‌ వారియర్స్‌, సెయింట్‌ లూసియా కింగ్స్‌ పోటీ పడనున్నాయి. లీగ్‌ మ్యాచ్‌లన్నీ పూర్తయ్యాక గయానా అమెజాన్‌ వారియర్స్‌, సెయింట్‌ లూసియా కింగ్స్‌, ట్రిన్‌బాగో నైట్‌రైడర్స్‌, బార్బడోస్‌ రాయల్స్‌ పాయింట్ల పట్టికలో టాప్‌-4లో నిలిచాయి.చదవండి: చెలరేగిన అదైర్‌ బ్రదర్స్‌.. సౌతాఫ్రికాపై ఐర్లాండ్‌ సంచలన విజయం

కరీబియన్‌ ప్రీమియర్‌ లీగ్‌ 2024 ఎడిషన్‌ చివరి దశకు చేరుకుంది. లీగ్‌ దశలో మరో మ్యాచ్‌ మాత్రమే మిగిలి ఉంది. ఈ మ్యాచ్‌ తర్వాత ప్లే ఆఫ్స్‌ మొదలవుతాయి. ప్లే ఆఫ్స్‌ నాలుగు బెర్త్‌లు ఇదివరకే ఖరారైపోయినప్పటికీ.. ఏ జట్టు ఏ స్థానంలో ఉంటున్నది రేపటి మ్యాచ్‌తో తేలనుంది.లీగ్‌లో భాగంగా నిన్న (సెప్టెంబర్‌ 28) గయానా అమెజాన్‌ వారియర్స్‌, సెయింట్‌ లూసియా కింగ్స్‌ మధ్య మ్యాచ్‌ జరిగింది. ఈ మ్యాచ్‌లో అమెజాన్‌ వారియర్స్‌ 35 పరుగుల తేడాతో విజయం సాధించింది.రాణించిన హోప్‌, హోట్‌మైర్‌ఈ మ్యాచ్‌లో తొలుత బ్యాటింగ్‌ చేసిన వారియర్స్‌.. షాయ్‌ హోప్‌ (31 బంతుల్లో 56; 2 ఫోర్లు, 5 సిక్సర్లు), షిమ్రోన్‌ హెట్‌మైర్‌ (30 బంతుల్లో 58; 9 ఫోర్లు, సిక్స్‌) అర్ద సెంచరీలతో రాణించడంతో నిర్ణీత 20 ఓవర్లలో 7 వికెట్ల నష్టానికి 207 పరుగులు చేసింది. రహ్మానుల్లా గుర్బాజ్‌ (26), ఆజమ్‌ ఖాన్‌ (26), రొమారియో షెపర్డ్‌ (24) ఓ మోస్తరు స్కోర్లు చేశారు. లూసియా కింగ్స్‌ బౌలర్లలో డేవిడ్‌ వీస్‌ 3 వికెట్లు పడగొట్టగా.. నూర్‌ అహ్మద్‌, అల్జరీ జోసఫ్‌ తలో 2 వికెట్లు దక్కించుకున్నారు.సరిపోని డుప్లెసిస్‌ మెరుపులుఅనంతరం 208 పరుగుల భారీ లక్ష్యాన్ని ఛేదించేందుకు బరిలోకి దిగిన లూసియా కింగ్స్‌ నిర్ణీత ఓవర్లలో 7 వికెట్లు కోల్పోయి 172 పరుగులకే పరిమతమైంది. డుప్లెసిస్‌ (59 బంతుల్లో 92 నాటౌట్‌; 7 ఫోర్లు, 4 సిక్సర్లు) లూసియా కింగ్స్‌ను గెలిపించేందుకు విఫలయత్నం చేశాడు. అతనికి అల్జరీ జోసఫ్‌ (21 బంతుల్లో 25 నాటౌట్‌; ఫోర్‌, 2 సిక్సర్లు) తోడుగా నిలిచాడు. లక్ష్యం పెద్దది కావడంతో లూసియా కింగ్స్‌ గమ్యాన్ని చేరుకోలేకపోయింది. డుప్లెసిస్‌ మెరుపులు సరిపోలేదు. వారియర్స్‌ బౌలర్లలో మోటీ, మొయిన్‌, తాహిర్‌ తలో రెండు వికెట్లు తీసి లూసియా కింగ్స్‌ను దెబ్బకొట్టారు.చదవండి: NZ Vs SL 2nd Test: న్యూజిలాండ్‌ను చిత్తు చేసిన శ్రీలంక..

వెస్టిండీస్ స్టార్ ఆట‌గాడు నికోల‌స్ పూర‌న్ టీ20 క్రికెట్‌లో అద‌ర‌గొడుతున్నాడు. ప్ర‌స్తుతం కరేబియన్‌ ప్రీమియర్‌ లీగ్‌ 2024లో ట్రిన్‌బాగో నైట్ రైడర్స్‌ తరపున ఆడుతున్న పూరన్‌.. తాజా ఓ అరుదైన రికార్డును త‌న పేరిట లిఖించుకున్నాడు.టీ20ల్లో ఒక క్యాలెండర్ ఇయర్‌లో అత్యధిక పరుగులు చేసిన ఆటగాడిగా వ‌ర‌ల్డ్ రికార్డు సృష్టించాడు. శనివారం సీపీఎల్‌లో భాగంగా బార్బడోస్ రాయల్స్‌తో జరిగిన మ్యాచ్‌లో 28 పరుగులు చేసిన పూరన్ ఈ ఫీట్‌ను తన ఖాతాలో వేసుకున్నాడు. ఈ ఏడాది టీ20ల్లో ఇప్పటివరకు 65 ఇన్నింగ్స్‌ల్లో 42.02 సగటుతో 2,059 పరుగులు చేశాడు. అందులో 14 హాఫ్ సెంచరీలు ఉండడం గమనార్హం. కాగా ఇంతకుముందు ఈ రికార్డు పాకిస్తాన్ స్టార్ వికెట్ కీపర్ బ్యాటర్ మహ్మద్ రిజ్వాన్ పేరిట ఉండేది. 2021 ఏడాదిలో 45 టీ20 ఇన్నింగ్స్‌లలో 2,036 పరుగులు చేశాడు. తాజా మ్యాచ్‌తో రిజ్వాన్ ఆల్‌టైమ్ రి​కార్డును ఈ కరేబియన్ విధ్వంసకర వీరుడు బ్రేక్ చేశాడు. ఈ ఏడాదిలో టీ20ల్లో వెస్టిండీస్‌, డర్బన్ సూపర్ జెయింట్స్, లఖ్‌నవూ సూపర్ జెయింట్స్, ఎంఐ ఎమిరేట్స్, ఎంఐ న్యూయార్క్, నార్తర్న్ సూపర్ ఛార్జర్స్, రంగ్‌పూర్ రైడర్స్, ట్రిన్‌బాగో నైట్ రైడర్స్‌ జట్లకు పూరన్ ప్రాతినిథ్యం వహించాడు.

విండీస్‌ దిగ్గజం డ్వేన్‌ బ్రావో క్రికెట్‌లోని అన్ని ఫార్మాట్‌లకు రిటైర్మెంట్‌ ప్రకటించిన విషయం తెలిసిందే. కరీబియన్‌ ప్రీమియర్‌ లీగ్‌-2024లో సెప్టెంబర్‌ 24న సెయింట్‌ లూసియా కింగ్స్‌తో జరిగిన మ్యాచ్‌ బ్రావో కెరీర్‌లో చివరి మ్యాచ్‌. ఈ మ్యాచ్‌లో బ్రావో రిటైర్డ్‌ హర్ట్‌గా వెనుదిరిగాడు. మ్యాచ్‌ అనంతరం బ్రావో తీవ్ర భావోద్వేగానికి లోనయ్యాడు. ఉబికి వస్తున్న బాధను ఆపుకోలేక కన్నీటిపర్యంతమయ్యాడు. బ్రావో కన్నీరు పెట్టుకున్న దృశ్యాలు సోషల్‌మీడియాలో వైరలవుతున్నాయి. Champion Dwayne Bravo announces his retirement from all formats of cricket.Know more: https://t.co/ljuWjTsGQS— CricTracker (@Cricketracker) September 27, 20242021లో అంతర్జాతీయ క్రికెట్‌కు వీడ్కోలు పలికిన బ్రావో.. వెస్టిండీస్‌ టీ20 ప్రపంచకప్‌ గెలిచిన రెండు సందర్భాల్లో (2012, 2016) ఆ జట్టులో కీలక సభ్యుడిగా ఉన్నాడు. బ్రావో పొట్టి క్రికెట్‌లో అత్యధిక వికెట్లు తీసిన బౌలర్‌గా కొనసాగుతున్నాడు. బ్రావో తన టీ20 కెరీర్‌లో 582 మ్యాచ్‌లు ఆడి 631 వికెట్లు పడగొట్టాడు. బ్రావో తాజాగా ఐపీఎల్‌లో కేకేఆర్‌ ఫ్రాంచైజీ మెంటార్‌గా ఎంపికయ్యాడు. ఐపీఎల్‌ 2025 నుంచి బ్రావో కేకేఆర్‌ మెంటార్‌గా వ్యవహరిస్తాడు. కాగా, 40 ఏళ్ల బ్రావో 2004లో తన అంతర్జాతీయ కెరీర్‌ మొదలుపెట్టాడు. నాటి నుంచి 2021 వరకు అతను విండీస్‌ జాతీయ జట్టుకు సేవలందించాడు. ఈ మధ్యలో 40 టెస్ట్‌లు, 164 వన్డేలు, 91 టీ20లు ఆడాడు. బౌలింగ్‌ ఆల్‌రౌండర్‌ అయిన బ్రావో తన అంతర్జాతీయ కెరీర్‌లో 6300 పైచిలుకు పరుగులు సాధించి, 363 వికెట్లు పడగొట్టాడు. బ్రావో 2008 నుంచి 2022 వరకు వివిధ ఫ్రాంచైజీల తరఫున ఐపీఎల్‌లో ఆడాడు. క్యాష్‌ రిచ్‌ లీగ్‌లో బ్రావో 161 మ్యాచ్‌లు ఆడి 1560 పరుగులు చేసి 183 వికెట్లు తీశాడు. చదవండి: భారత్‌తో టెస్ట్‌ మ్యాచ్‌.. బంగ్లాదేశ్‌ వీరాభిమానిపై దాడి.. ఆసుపత్రికి తరలింపు

కరీబియన్‌ ప్రీమియర్‌ లీగ్‌-2024లో భాగంగా బార్బడోస్‌ రాయల్స్‌తో ఇవాళ (సెప్టెంబర్‌ 26) జరిగిన మ్యాచ్‌లో గయానా అమెజాన్‌ వారియర్స్‌ 47 పరుగుల తేడాతో విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన వారియర్స్‌.. షాయ్‌ హోప్‌ (37 బంతుల్లో 71; 5 ఫోర్లు, 5 సిక్సర్లు), షిమ్రోన్‌ హెట్‌మైర్‌ (34 బంతుల్లో 57; 4 ఫోర్లు, 3 సిక్సర్లు) మెరుపు అర్ద సెంచరీలతో విరుచుకుపడటంతో నిర్ణీత 20 ఓవర్లలో 8 వికెట్ల నష్టానికి 219 పరుగుల భారీ స్కోర్‌ చేసింది. ఆజమ్‌ ఖాన్‌ 17 బంతుల్లో 26 పరుగులు.. రొమారియో షెపర్డ్‌ 13 బంతుల్లో 23 పరుగులు చేశారు. రాయల్స్‌ బౌలర్లలో తీక్షణ అద్భుతంగా బౌలింగ్‌ చేసి మూడు వికెట్లు పడగొట్టగా.. జేసన్‌ హోల్డర్‌, కేశవ్‌ మహారాజ్‌, ఓబెద్‌ మెక్‌కాయ్‌ తలో వికెట్‌ దక్కించుకున్నారు.అనంతరం 220 పరుగుల భారీ లక్ష్యాన్ని ఛేదించేందుకు బరిలోకి దిగిన రాయల్స్‌.. నిర్ణీత ఓవర్లలో 9 వికెట్ల నష్టానికి 172 పరుగులు మాత్రమే చేసి 47 పరుగుల తేడాతో ఓటమిపాలైంది. డేవిడ్‌ మిల్లర్‌ (34 బంతుల్లో 71 నాటౌట్‌; 8 ఫోర్లు, 5 సిక్సర్లు) రాయల్స్‌ను గెలిపించేందుకు విఫలయత్నం చేశాడు. క్వింటన్‌ డికాక్‌ ఓ మోస్తరు స్కోర్‌ (35) చేశాడు. వీరిద్దరు మినహా రాయల్స్‌ ఇన్నింగ్స్‌లో ఎవరూ చెప్పుకోదగ్గ స్కోర్‌ చేయలేదు. గడకేశ్‌ మోటీ 3, మొయిన్‌ అలీ, ఇమ్రాన్‌ తాహిర్‌ తలో 2, ప్రిటోరియస్‌, రొమారియో షెపర్డ్‌ చెరో వికెట్‌ పడగొట్టారు. కాగా, ప్రస్తుత సీపీఎల్‌ ఎడిషన్‌లో సెయింట్‌ లూసియా కింగ్స్‌, గయానా అమెజాన్‌ వారియర్స్‌, బార్బడోస్‌ రాయల్స్‌, ట్రిన్‌బాగో నైట్‌రైడర్స్‌ ఇదివరకే ప్లే ఆఫ్స్‌కు అర్హత సాధించగా.. ఆంటిగ్వా అండ్‌ బార్బుడా ఫాల్కన్స్‌, సెయింట్‌ కిట్స్‌ అండ్‌ నెవిస్‌ పేట్రియాట్స్‌ టోర్నీ నుంచి ఎలిమినేట్‌ అయ్యాయి. చదవండి: విరాట్ కోహ్లి మ‌రో 35 ప‌రుగులు చేస్తే..

టీ20 క్రికెట్‌లో దక్షిణాఫ్రికా ఆటగాడు ఫాఫ్‌ డుప్లెసిస్‌ 74వ హాఫ్‌ సెంచరీ పూర్తి చేసుకున్నాడు. కరీబియన్‌ ప్రీమియర్‌ లీగ్‌ 2024లో భాగంగా ట్రిన్‌బాగో అండ్‌ నైట్‌రైడర్స్‌తో జరిగిన మ్యాచ్‌లో ఫాఫ్‌ ఈ ఫీట్‌ను సాధించాడు. సెంచరీలతో (6) కలుపుకుని ఫాఫ్‌ తన కెరీర్‌లో మొత్తం 80 సార్లు 50 పరుగుల మార్కును దాటాడు.పొట్టి క్రికెట్‌ చరిత్రలో కేవలం పది మంది (ఫాఫ్‌తో సహా) మాత్రమే ఈ ఘనత సాధించారు. ఈ జాబితాలో డేవిడ్‌ వార్నర్‌ టాప్‌లో (112) ఉండగా.. క్రిస్‌ గేల్‌ (110), విరాట్‌ కోహ్లి (106), బాబర్‌ ఆజమ్‌ (101), జోస్‌ బట్లర్‌ (90), అలెక్స్‌ హేల్స్‌ (88), రోహిత్‌ శర్మ (86), ఆరోన్‌ ఫించ్‌ (85), షోయబ్‌ మాలిక్‌ (83), ఫాఫ్‌ డెప్లెసిస్‌ (80) ఆతర్వాతి స్థానాల్లో ఉన్నారు.ట్రిన్‌బాగో అండ్‌ నైట్‌రైడర్స్‌తో జరిగిన మ్యాచ్‌ విషయానికొస్తే.. ఈ మ్యాచ్‌లో తొలుత బ్యాటింగ్‌ చేసిన సెయింట్‌ లూసియా కింగ్స్‌ నిర్ణీత 20 ఓవర్లలో 6 వికెట్ల నష్టానికి 218 పరుగులు చేసింది. ఓపెనర్లు ఫాఫ్‌ డుప్లెసిస్‌ (43 బంతుల్లో 59), జాన్సన్‌ ఛార్లెస్‌ (40 బంతుల్లో 89) అర్ద సెంచరీలతో రాణించారు. కీరన్‌ పోలార్డ్‌ నాలుగు వికెట్లు పడగొట్టాడు.అనంతరం భారీ లక్ష్య ఛేదనకు దిగిన నైట్‌రైడర్స్‌ 17.5 ఓవర్లలో 9 వికెట్ల నష్టానికి 138 పరుగులు మాత్రమే చేసింది. డ్వేన్‌ బ్రావో (0) రిటైర్డ్‌ హర్ట్‌గా వెనుదిరిగాడు. నూర్‌ అహ్మద్‌ (3/39), డేవిడ్‌ వీస్‌ (2/27) నైట్‌రైడర్స్‌ పతనాన్ని శాశించగా.. పియెర్రి, అల్జరీ జోసఫ్‌, రోస్టన్‌ ఛేజ్‌, సడ్రక్‌ డెస్‌కార్టే తలో వికెట్‌ పడగొట్టారు. నైట్‌రైడర్స్‌ ఇన్నింగ్స్‌లో హేమాహేమీ హిట్టర్లు ఉన్నా జేసన్‌ రాయ్‌ ఒక్కడే చెప్పుకోదగ్గ స్కోర్‌ (41) చేశాడు. చదవండి: న్యూజిలాండ్‌తో రెండో టెస్ట్‌.. శ్రీలంక తుది జట్టు ప్రకటన

మరో రెండేళ్ల పాటు తాను అంతర్జాతీయ క్రికెట్‌ ఆడేందుకు సిద్ధంగా ఉన్నానని వెస్టిండీస్‌ వెటరన్‌ ఆల్‌రౌండర్‌ ఆండ్రీ రసెల్‌ అన్నాడు. మునుపటి కంటే ఇప్పుడే మరింత ఫిట్‌గా ఉన్నానని.. టీ20 ప్రపంచకప్‌-2026లోనూ తనను చూస్తారని పేర్కొన్నాడు. తమ కోచ్‌ డారెన్‌ సామీ తనను మరికొన్నాళ్లపాటు ఇంటర్నేషనల్‌ క్రికెట్‌ ఆడాల్సిందిగా కోరాడని.. అలాంటపుడు తానెలా జట్టుకు దూరమవుతానని ప్రశ్నించాడు.హార్డ్‌ హిట్టర్‌కాగా 2010లో వెస్టిండీస్‌ తరఫున అరంగేట్రం చేసిన రసెల్‌.. టీ20 స్పెషలిస్టుగా గుర్తింపు పొందాడు. జాతీయ జట్టుతో పాటు ప్రపంచ వ్యాప్తంగా ఉన్న పొట్టిలీగ్‌లలో భాగమవుతూ హార్డ్‌ హిట్టర్‌గా పేరొందాడు. అంతర్జాతీయ స్థాయిలో ఇప్పటి వరకు 82 టీ20లు ఆడిన ఈ బౌలింగ్‌ ఆల్‌రౌండర్‌.. 60 వికెట్లు తీయడంతో పాటు 1033 పరుగులు చేశాడు.విధ్వంసకర వీరుడుఇక ఐపీఎల్‌లో అయితే తనబ్యాటింగ్‌ తీరుతో విధ్వంసకర వీరుడిగా పేరొందిన ఆండ్రీ రసెల్‌ 126 మ్యాచ్‌లలో.. 2484 పరుగులు చేశాడు. ఇందులో 170 ఫోర్లు, 209 సిక్సర్లు ఉన్నాయి. ఇక మొత్తంగా 115 వికెట్లు కూడా తన ఖాతాలో వేసుకున్నాడు ఈ రైటార్మ్‌ ఫాస్ట్‌బౌలర్‌.ట్రోఫీలు గెలిచిన జట్లలో సభ్యుడుఇక.. వెస్టిండీస్‌ తరఫున టీ20 ప్రపంచకప్‌-2012, 2016 ట్రోఫీలు గెలిచిన జట్లలో సభ్యుడైన రసెల్‌.. చివరగా టీ20 వరల్డ్‌కప్‌-2024 సందర్భంగా జాతీయ జట్టుకు ప్రాతినిథ్యం వహించాడు. ఈ ఐసీసీ టోర్నీలో సౌతాఫ్రికాతో మ్యాచ్‌లో ఆఖరిగా ఆడాడు. ప్రస్తుతం కరేబియన్ ప్రీమియర్‌ లీగ్‌-2024తో బిజీగా ఉన్న రసెల్‌.. ట్రింబాగో నైట్‌ రైడర్స్‌కు ఆడుతున్నాడు.ఇప్పటి వరకు ఐదు మ్యాచ్‌లలో 207కు పైగా స్ట్రైక్‌రేటుతో 56 పరుగులు రాబట్టిన రసెల్‌.. కేవలం ఒకే ఒక వికెట్‌ తీశాడు. ఇదిలా ఉంటే.. వెస్టిండీస్‌ త్వరలోనే శ్రీలంకతో మూడు టీ20 మ్యాచ్‌లు ఆడనుంది. ఈ సిరీస్‌కు తాను అందుబాటులో ఉంటానని 36 ఏళ్ల రసెల్‌ స్పష్టం చేశాడు.బంతిని బాదగల సత్తా నాకు ఉందిఇండియా టు డేతో మాట్లాడుతూ.. ‘‘2026 వరల్డ్‌కప్‌లో నేను కచ్చితంగా ఆడతాను. ఎందుకంటే నాలో క్రికెట్‌ ఆడగల సత్తా ఇంకా మిగిలే ఉందని మీకు కూడా తెలుసు. నేను ఇప్పటికే అంతర్జాతీయక్రికెట్‌ నుంచి తప్పుకొని ఉండవచ్చు. అలా చేస్తే యువ ఆల్‌రౌండర్లకు అవకాశాలు రావచ్చు.అయితే, నేను ఇప్పటికీ బంతిని అనుకున్న చోటకు బాదగలను. అద్భుతమైన పేస్‌తో బౌలింగ్‌ చేయగలను. ఇంకా ఫిట్‌గానే ఉన్నాను. కాబట్టి ఇక్కడితో ఎందుకు ఆగిపోవాలి’’ అంటూ రసెల్‌ ఆత్మవిశ్వాసం ప్రదర్శించాడు. తమ కోచ్‌ ఈ విషయం గురించి తనతో చర్చించాడని.. మరికొన్నాళ్లపాటు విండీస్‌కు ఆడతానని తెలిపాడు.చదవండి: వీవీఎస్‌ లక్ష్మణ్‌ క్యాచ్‌ డ్రాప్‌ చేశా.. నా కెరీర్‌ అంతటితో ఖతం!

విండీస్‌ విధ్వంసకర బ్యాటర్‌ నికోలస్‌ పూరన్‌ టీ20ల్లో ఓ అరుదైన సిక్సర్ల రికార్డు నెలకొల్పాడు. ప్రస్తుతం జరుగుతున్న కరీబియన్‌ ప్రీమియర్‌ లీగ్‌లో భీకర ఫామ్‌లో ఉన్న పూరన్‌.. టీ20ల్లో ఓ క్యాలెండర్‌ ఇయర్‌లో 150 సిక్సర్లు బాదిన తొలి క్రికెటర్‌గా చరిత్ర సృష్టించాడు. సెయింట్‌ కిట్స్‌ అండ్‌ నెవిస్‌ పేట్రియాట్స్‌తో నిన్న (సెప్టెంబర్‌ 23) జరిగిన మ్యాచ్‌లో ఏడు సిక్సర్లు బాదిన పూరన్‌ ఈ ఏడాది టీ20 ఫార్మాట్‌లో 63 ఇన్నింగ్స్‌లు ఆడి 151 సిక్సర్లు బాదాడు. పూరన్‌ కరీబియన్‌ ప్రీమియర్‌ లీగ్‌ 2024లో ఇప్పటివరకు 21 సిక్సర్లు బాదాడు. ఓ క్యాలెండర్‌ ఇయర్‌లో అత్యధిక టీ20 సిక్సర్లు బాదిన క్రికెటర్ల జాబితాలో పూరన్‌ తర్వాతి స్థానంలో క్రిస్‌ గేల్‌ ఉన్నాడు. గేల్‌ 2015లో 135.. 2012లో 121 సిక్సర్లు బాదాడు.పేట్రియాట్స్‌తో మ్యాచ్‌లో 43 బంతుల్లో 6 ఫోర్లు, 7 సిక్సర్ల సాయంతో అజేయమైన 93 పరుగులు చేసిన పూరన్‌.. మరో అరుదైన ఘనత కూడా తన పేరిట లిఖించుకున్నాడు. ఒకే క్యాలెండర్‌ ఇయర్‌లో అత్యధిక పరుగులు చేసిన ఆటగాళ్ల జాబితాలో రెండో స్థానానికి ఎగబాకాడు. పూరన్‌ ఈ ఏడాది టీ20ల్లో 2022 పరుగులు చేశాడు. ఒకే క్యాలెండర్‌ ఇయర్‌లో అత్యధిక పరుగులు చేసిన రికార్డు మొహమ్మద్‌ రిజ్వాన్‌ పేరిట ఉంది. రిజ్వాన్‌ 2021లో 48 ఇన్నింగ్స్‌ల్లో 2036 పరుగులు చేశాడు. పూరన్‌ తర్వాతి స్థానంలో అలెక్స్‌ హేల్స్‌ ఉన్నాడు. హేల్స్‌ 2022లో 61 మ్యాచ్‌లు ఆడి 1946 పరుగులు చేశాడు.సెయింట్‌ కిట్స్‌ అండ్‌ నెవిస్‌ పేట్రియాట్స్‌తో నిన్న జరిగిన మ్యాచ్‌ విషయానికొస్తే.. ఈ మ్యాచ్‌లో ట్రిన్‌బాగో నైట్‌రైడర్స్‌ (పూరన్‌ జట్టు) 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన పేట్రియాట్స్‌ నిర్ణీత 20 ఓవర్లలో 4 వికెట్ల నష్టానికి 193 పరుగులు చేసింది. ఆండ్రీ ఫ్లెచర్‌ (61 బంతుల్లో 93; 4 ఫోర్లు, 6 సిక్సర్లు), కైల్‌ మేయర్స్‌ (30 బంతుల్లో 60; 8 ఫోర్లు, 3 సిక్సర్లు) మెరుపు అర్ద సెంచరీలతో చెలరేగారు.అనంతరం 194 పరుగుల భారీ లక్ష్యాన్ని ఛేదించేందుకు బరిలోకి దిగిన నైట్‌రైడర్స్‌.. నికోలస్‌ పూరన్‌ విధ్వంసం సృష్టించడంతో 18.3 ఓవర్లలో 3 వికెట్లు కోల్పోయి విజయతీరాలకు చేరింది. పూరన్‌తో పాటు జేసన్‌ రాయ్‌ (34 బంతుల్లో 64; 6 ఫోర్లు, 4 సిక్సర్లు) కూడా మెరుపు ఇన్నింగ్స్‌తో చెలరేగాడు.కాగా, ఈ మ్యాచ్‌ గెలుపుతో సంబంధం లేకుండా నైట్‌రైడర్స్‌ ఇదివరకే ప్లే ఆఫ్స్‌ బెర్త్‌ ఖరారు చేసుకుంది. నైట్‌రైడర్స్‌తో పాటు సెయింట్‌ లూసియా కింగ్స్‌, గయానా అమెజాన్‌ వారియర్స్‌, బార్బడోస్‌ రాయల్స్‌ ఈ సీజన్‌ ప్లే ఆఫ్స్‌కు చేరుకున్నాయి. ఆంటిగ్వా అండ్‌ బార్బుడా ఫాల్కన్స్‌, సెయింట్‌ కిట్స్‌ అండ్‌ నెవిస్‌ పేట్రియాట్స్‌ ఈ సీజన్‌ నుంచి ఇదివరకే ఎలిమినేట్‌ అయ్యాయి. ప్లే ఆఫ్స్‌ మ్యాచ్‌లు అక్టోబర్‌ 1, 2, 4 తేదీల్లో జరుగనున్నాయి. అక్టోబర్‌ 6న ఫైనల్‌ జరుగుతుంది. చదవండి: రాణించిన గబ్బర్‌.. అయినా డీకే జట్టు చేతిలో ఓటమి

కరీబియన్‌ ప్రీమియర్‌ లీగ్‌ 2024లో ట్రిన్‌బాగో నైట్‌రైడర్స్‌ మరో విజయాన్ని సొంతం​ చేసుకుంది. సెయింట్‌ కిట్స్‌ అండ్‌ నెవిస్‌ పేట్రియాట్స్‌తో ఇవాళ (సెప్టెంబర్‌ 23) జరిగిన మ్యాచ్‌లో 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన పేట్రియాట్స్‌ నిర్ణీత 20 ఓవర్లలో 4 వికెట్ల నష్టానికి 193 పరుగులు చేసింది. ఆండ్రీ ఫ్లెచర్‌ (61 బంతుల్లో 93; 4 ఫోర్లు, 6 సిక్సర్లు), కైల్‌ మేయర్స్‌ (30 బంతుల్లో 60; 8 ఫోర్లు, 3 సిక్సర్లు) మెరుపు అర్ద సెంచరీలతో చెలరేగారు. రిలీ రొస్సో 20, మికైల్‌ లూయిస్‌ 10, ఎవిన్‌ లూయిస్‌ 2 పరుగులు చేశారు. నైట్‌రైడర్స్‌ బౌలర్లలో క్రిస్‌ జోర్డన్‌ 2, జేడన్‌ సీల్స్‌, అకీల్‌ హొసేన్‌ తలో వికెట్‌ పడగొట్టారు.THE NICHOLAS POORAN SHOW IN CPL.- 93* (43) with 6 fours and 7 sixes, the unreal dominance of Pooran. 🤯pic.twitter.com/k1f0CYfCaj— Mufaddal Vohra (@mufaddal_vohra) September 23, 2024అనంతరం 194 పరుగుల భారీ లక్ష్యాన్ని ఛేదించేందుకు బరిలోకి దిగిన నైట్‌రైడర్స్‌.. నికోలస్‌ పూరన్‌ (43 బంతుల్లో 93 నాటౌట్‌; 6 ఫోర్లు, 7 సిక్సర్లు) విధ్వంసం సృష్టించడంతో 18.3 ఓవర్లలో 3 వికెట్లు కోల్పోయి విజయతీరాలకు చేరింది. జేసన్‌ రాయ్‌ (34 బంతుల్లో 64; 6 ఫోర్లు, 4 సిక్సర్లు) కూడా మెరుపు ఇన్నింగ్స్‌తో చెలరేగాడు. కీసీ కార్టీ 13, టిమ్‌ డేవిడ్‌ 9, కీరన్‌ పోలార్డ్‌ 10 పరుగులు చేశారు. పేట్రియాట్స్‌ బౌలర్లలో కైల్‌ మేయర్స్‌, అన్రిచ్‌ నోర్జే, తబ్రేజ్‌ షంషి తలో వికెట్‌ పడగొట్టారు.కాగా, ప్రస్తుత మ్యాచ్‌ గెలుపుతో సంబంధం లేకుండా నైట్‌రైడర్స్‌ ఇదివరకే ప్లే ఆఫ్స్‌ బెర్త్‌ ఖరారు చేసుకుంది. నైట్‌రైడర్స్‌తో పాటు సెయింట్‌ లూసియా కింగ్స్‌, గయానా అమెజాన్‌ వారియర్స్‌, బార్బడోస్‌ రాయల్స్‌ ఈ సీజన్‌ ప్లే ఆఫ్స్‌కు చేరాయి. ఆంటిగ్వా అండ్‌ బార్బుడా ఫాల్కన్స్‌, సెయింట్‌ కిట్స్‌ అండ్‌ నెవిస్‌ పేట్రియాట్స్‌ ఈ సీజన్‌ నుంచి ఎలిమినేట్‌ అయ్యాయి. ప్లే ఆఫ్స్‌ మ్యాచ్‌లు అక్టోబర్‌ 1, 2, 4 తేదీల్లో జరుగనున్నాయి. అక్టోబర్‌ 6న ఫైనల్‌ జరుగుతుంది.చదవండి: క్లీన్‌ స్వీప్‌ పరాభవం తప్పించుకున్న సౌతాఫ్రికా

కరీబియన్‌ ప్రీమియర్‌ లీగ్‌ 2024 ఎడిషన్‌లో ట్రిన్‌బాగో నైట్‌ రైడర్స్‌ మరో విజయం సాధించింది. గయానా అమెజాన్‌ వారియర్స్‌తో ఇవాళ (సెప్టెంబర్‌ 19) జరిగిన మ్యాచ్‌లో 5 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన వారియర్స్‌ నిర్ణీత ఓవర్లలో 7 వికెట్ల నష్టానికి 148 పరుగులు చేయగా.. నైట్‌ రైడర్స్‌ 19.2 ఓవర్లలో 5 వికెట్లు కోల్పోయి లక్ష్యాన్ని ఛేదించింది.రసెల్‌ విధ్వంసం​149 పరుగుల లక్ష్య ఛేదనలో నైట్‌ రైడర్స్‌ 89 పరుగులకే సగం వికెట్లు కోల్పోయి కష్టాల్లో పడింది. ఈ దశలో ఆండ్రీ రసెల్‌ (36).. టిమ్‌ డేవిడ్‌తో (31) కలిసి నైట్‌ రైడర్స్‌ను గెలిపించాడు. రసెల్‌ 15 బంతుల్లో బౌండరీ, నాలుగు సిక్సర్ల సాయంతో విధ్వంసం సృష్టించాడు. నైట్‌ రైడర్స్‌ ఇన్నింగ్స్‌లో సునీల్‌ నరైన్‌ (11), పూరన్‌ (10), పోలార్డ్‌ (8) తక్కువ స్కోర్లకే ఔటయ్యారు.షెపర్డ్‌ మెరుపు హాఫ్‌ సెంచరీఅంతకుముందు రొమారియో షెపర్డ్‌ మెరుపు హాఫ్‌ సెంచరీతో (24 బంతుల్లో 51 నాటౌట్‌; 3 ఫోర్లు, 4 సిక్సర్లు) చెలరేగడంతో వారియర్స్‌ ఓ మోస్తరు స్కోర్‌ చేయగలిగింది. టిమ్‌ రాబిన్సన్‌ (34), ప్రిటోరియస్‌ (21 నాటౌట్‌), మొయిన్‌ అలీ (11) రెండంకెల స్కోర్లు చేశారు. నైట్‌ రైడర్స్‌ బౌలర్లలో నరైన్‌, వకార్‌ సలాంఖీల్‌ తలో రెండు, బ్రావో, అకీల్‌ హొసేన్‌ చెరో వికెట్‌ పడగొట్టారు.కాగా, ఈ సీజన్‌లో నైట్‌ రైడర్స్‌ ఐదు మ్యాచ్‌ల్లో నాలుగు విజయాలతో పాయింట్ల పట్టికలో రెండో స్థానంలో ఉంది. ఆరు మ్యాచ్‌ల్లో ఐదు విజయాలు సాధించిన బార్బడోస్‌ రాయల్స్‌ అగ్రస్థానంలో కొనసాగుతుంది. సెయింట్‌ లూసియా కింగ్స్‌, గయానా అమెజాన్‌ వారియర్స్‌ మూడు, నాలుగు స్థానాల్లో ఉన్నాయి. ఈ సీజన్‌లో పేలవ ప్రదర్శన కనబరుస్తున్న సెయింట్‌ కిట్స్‌ అండ్‌ నెవిస్‌ పేట్రియాట్స్‌, ఆంటిగ్వా అండ్‌ బార్బుడా ఫాల్కన్స్‌ చివరి నుంచి రెండు స్థానాల్లో ఉన్నాయి.చదవండి: IND VS BAN 1st Test: నిరాశపరిచిన రోహిత్‌

కరీబియన్‌ ప్రీమియర్‌ లీగ్‌లో బార్బడోస్‌ రాయల్స్‌ ప్లే ఆఫ్స్‌కు క్వాలిఫై అయ్యింది. ఈ సీజన్‌లో ప్లే ఆఫ్స్‌కు క్వాలిఫై అయిన తొలి జట్టు రాయల్సే. ఇవాళ (సెప్టెంబర్‌ 18) జరిగిన మ్యాచ్‌లో రాయల్స్‌ సెయింట్‌ కిట్స్‌ అండ్‌ నెవిస్‌ పేట్రియాట్స్‌పై 9 వికెట్ల తేడాతో ఘన విజయం సాధించింది.ఈ మ్యాచ్‌లో తొలుత బ్యాటింగ్‌ చేసిన పేట్రియాట్స్‌.. రకీమ్‌ కార్న్‌వాల్‌ (4-0-16-5), నవీన్‌ ఉల్‌ హక్‌ (4-0-21-3), ఓబెద్‌ మెక్‌కాయ్‌ (2.1-0-11-2) ధాటికి 110 పరుగులకే (19.1 ఓవర్లలో) కుప్పకూలింది. పేట్రియాట్స్‌ ఇన్నింగ్స్‌లో ఆండ్రీ ఫ్లెచర్‌ (32), జాషువ డసిల్వ (25), అన్రిచ్‌ నోర్జే (22), హసరంగ (10) మాత్రమే రెండంకెల స్కోర్లు చేయగలిగారు.అనంతరం స్వల్ప లక్ష్యాన్ని ఛేదించేందుకు బరిలోకి దిగిన రాయల్స్‌ 11.2 ఓవర్లలో వికెట్‌ మాత్రమే కోల్పోయి ఆడుతూపాడుతూ విజయతీరాలకు చేరింది. క్వింటన్‌ డికాక్‌ (59 నాటౌట్‌) అర్ద సెంచరీతో రాణించాడు. ఈ సీజన్‌లో డికాక్‌కు ఇది మూడో ఫిఫ్టి ప్లస్‌ స్కోర్‌. డికాక్‌ గత మ్యాచ్‌లో సెంచరీ చేశాడు.పాయింట్ల పట్టిక విషయానికొస్తే.. ఈ సీజన్‌లో రాయల్స్‌ వరుస విజయాలతో దూసుకుపోతుంది. ఇప్పటివరకు ఆడిన ఆరు మ్యాచ్‌ల్లో ఐదు విజయాలతో అగ్రస్థానంలో కొనసాగుతుంది. మరోవైపు సెయింట్‌ కిట్స్‌ అండ్‌ నెవిస్‌ పేట్రియాట్స్‌ ఈ సీజన్‌లో పేలవ ప్రదర్శనలు కనబరుస్తూ పాయింట్ల పట్టికలో చివరి స్థానానికి పరిమితమైంది. ఆ జట్టు ఇప్పటివరకు ఆడిన ఎనిమిది మ్యాచ్‌ల్లో కేవలం ఒక్క దాంట్లో మాత్రమే విజయం సాధించింది. ప్రస్తుతం పాయింట్ల పట్టికలో సెయింట్‌ లూసియా కింగ్స్‌ రెండో స్థానంలో, గయానా అమెజాన్‌ వారియర్స్‌ మూడు, ట్రిన్‌బాగో నైట్‌రైడర్స్‌ నాలుగో స్థానంలో, ఆంటిగ్వా అండ్‌ బార్బుడా ఫాల్కన్స్‌ ఐదో స్థానంలో ఉన్నాయి.చదవండి: ఐదు వికెట్లతో చెలరేగిన భారీకాయుడు

కరీబియన్‌ ప్రీమియర్‌ లీగ్‌లో క్రికెట్‌ భారీకాయుడు రకీమ్‌ కార్న్‌వాల్‌ చెలరేగిపోయాడు. బార్బడోస్‌ రాయల్స్‌కు ప్రాతినిథ్యం వహించే రకీమ్‌.. సెయింట్‌ కిట్స్‌ అండ్‌ నెవిస్‌ పేట్రియాట్స్‌తో జరుగుతున్న మ్యాచ్‌లో ఐదు వికెట్లు తీశాడు. భారీ సిక్సర్లు అలవోకగా కొట్టగలడని పేరున్న రకీమ్‌ ఈసారి బంతితో సత్తా చాటాడు. FIVE WICKET HAUL FOR RAHKEEM CORNWALL. ⚡🤯- The Magician of Barbados Royals in CPL 2024...!!!! pic.twitter.com/49zUlypBjZ— Johns. (@CricCrazyJohns) September 18, 2024ఈ మ్యాచ్‌లో రకీమ్‌ తన కోటా నాలుగు ఓవర్లలో కేవలం 16 పరుగులు మాత్రమే ఇచ్చి ఐదు వికెట్లు తీశాడు. రకీమ్‌తో పాటు నవీన్‌ ఉల్‌ హక్‌ (4-0-21-3), ఓబెద్‌ మెక్‌కాయ్‌ (2.1-0-11-2) రాణించడంతో పేట్రియాట్స్‌ 110 పరుగులకే (19.1 ఓవర్లలో) కుప్పకూలింది. పేట్రియాట్స్‌ ఇన్నింగ్స్‌లో ఆండ్రీ ఫ్లెచర్‌ (32), జాషువ డసిల్వ (25), అన్రిచ్‌ నోర్జే (22), హసరంగ (10) మాత్రమే రెండంకెల స్కోర్లు చేయగలిగారు.కాగా, ప్రస్తుత కరీబియన్‌ ప్రీమియర్‌ లీగ్‌ ఎడిషన్‌లో బార్బడోస్‌ రాయల్స్‌ వరుస విజయాలతో దూసుకుపోతుంది. ఈ సీజన్‌లో ఆ జట్టు ఇప్పటివరకు ఆడిన ఐదు మ్యాచ్‌ల్లో నాలుగింట విజయాలు సాధించింది. తద్వారా పాయింట్ల పట్టికలో అగ్రస్థానంలో కొనసాగుతుంది. మరోవైపు సెయింట్‌ కిట్స్‌ అండ్‌ నెవిస్‌ పేట్రియాట్స్‌ ఈ సీజన్‌లో పేలవ ప్రదర్శనలు కనబరుస్తూ పాయింట్ల పట్టికలో చివరి స్థానంలో కొనసాగుతుంది. ఆ జట్టు ఇప్పటివరకు ఆడిన ఏడు మ్యాచ్‌ల్లో కేవలం ఒక్క దాంట్లో మాత్రమే విజయం సాధించింది. ప్రస్తుతం పాయింట్ల పట్టికలో సెయింట్‌ లూసియా కింగ్స్‌ రెండో స్థానంలో, గయానా అమెజాన్‌ వారియర్స్‌ మూడు, ట్రిన్‌బాగో నైట్‌రైడర్స్‌ నాలుగో స్థానంలో, ఆంటిగ్వా అండ్‌ బార్బుడా ఫాల్కన్స్‌ ఐదో స్థానంలో ఉన్నాయి.చదవండి: ఆసియా ఛాంపియ‌న్స్ హాకీ ట్రోఫీ విజేతగా భారత్‌..

కరీబియన్‌ ప్రీమియర్‌ లీగ్‌లో భాగంగా ఆంటిగ్వా అండ్‌ బార్బుడా ఫాల్కన్స్‌తో ఇవాళ (సెప్టెంబర్‌ 16) జరిగిన మ్యాచ్‌లో సెయింట్‌ లూసియా కింగ్స్‌ 26 పరుగుల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన కింగ్స్‌.. నిర్ణీత ఓవర్లలో 8 వికెట్ల నష్టానికి 152 పరుగులు చేసింది. డేవిడ్‌ వీస్‌ మెరుపు ఇన్నింగ్స్‌తో (26 బంతుల్లో 43 నాటౌట్‌; ఫోర్‌, 4 సిక్సర్లు) రాణించగా.. అకీమ్‌ అగస్ట్‌ (35), జాన్సన్‌ చార్లెస్‌ (25) ఓ మోస్తరు స్కోర్లు చేశారు. డుప్లెసిస్‌ (14), రోస్టన్‌ ఛేజ్‌ (0), టిమ్‌ సీఫర్ట్‌ (13), భానుక రాజపక్స (1) తక్కువ స్కోర్లకే ఓటయ్యారు. ఫాల్కన్స్‌ బౌలర్లలో క్రిస్‌ గ్రీన్‌ 4, షమార్‌ స్ప్రింగర్‌ 3, కోఫి జేమ్స్‌ ఓ వికెట్‌ పడగొట్టారు.అనంతరం ఓ మోస్తరు లక్ష్యాన్ని ఛేదించేందుకు బరిలోకి దిగిన ఫాల్కన్స్‌ను కింగ్స్‌ స్పిన్నర్లు చాలా ఇబ్బంది పెట్టారు. ఖారీ పియెర్‌ (4-1-24-3), రోస్టన్‌ ఛేజ్‌ (3-1-15-1), నూర్‌ అహ్మద్‌ (4-0-13-2) పొదుపుగా బౌలింగ్‌ చేయడంతో పాటు వికెట్లు తీసి ఫాల్కన్స్‌ పతనాన్ని శాశించారు. వీరి ధాటికి ఫాల్కన్స్‌ 28 పరుగులకే సగం వికెట్లు కోల్పోయి, 8 వికెట్ల నష్టానికి 125 పరుగుల వద్ద ఇన్నింగ్స్‌ను ముగించింది. ఆఖర్లో క్రిస్‌ గ్రీన్‌ (48).. షమార్‌ స్ప్రింగర్‌ (24), రోషన్‌ ప్రైమస్‌ (17 నాటౌట్‌) సహకారంతో ఫాల్కన్స్‌ను గెలిపించేందుకు విఫలయత్నం చేశాడు. చదవండి: ఇంగ్లండ్‌పై ఐర్లాండ్‌ సంచలన విజయం

కరేబియన్ ప్రీమియర్ లీగ్‌-2024లో బార్బడోస్ రాయల్స్ మరో అద్భుత విజయం సాధించింది. కెన్సింగ్టన్ ఓవల్‌ వేదికగా గయానా అమెజాన్ వారియర్స్‌తో జరిగిన మ్యాచ్‌లో 32 పరుగుల తేడాతో బార్బడోస్ రాయల్స్ గెలుపొందింది. 206 పరుగుల భారీ లక్ష్యంతో బరిలోకి దిగిన గయానా నిర్ణీత 20 ఓవర్లలో 5 వికెట్లు కోల్పోయి 173 పరుగులకే పరిమితమైంది. గయానా బ్యాటర్లలో షాయ్‌ హోప్‌(40) పరుగులతో టాప్‌ స్కోరర్‌గా నిలిచాడు. అతడితో పాటు మొయిన్‌ అలీ(33), కీమో పాల్‌​(30) తమవంతు ప్రయత్నం చేసినప్పటకి జట్టును మాత్రం గెలిపించలేకపోయారు. బార్బడోస్‌ బౌలర్లలో కేశవ్‌ మహారాజ్‌ 3 వికెట్లు పడగొట్టగా.. హోల్డర్‌ రెండు వికెట్లు సాధించారు.డికాక్‌ విధ్వంసకర సెంచరీ..అంతకముందు బ్యాటింగ్‌ చేసిన బార్బోడస్‌ రాయల్స్‌ నిర్ణీత 20 ఓవర్లలో 6 వికెట్ల నష్టానికి 205 పరుగుల భారీ స్కోర్‌ సాధించింది. బార్బోడస్‌ ఓపెనర్‌ క్వింటన్‌ డికాక్‌ విధ్వంసకర సెంచరీతో చెలరేగాడు. ప్రత్యర్ధి బౌలర్లకు చుక్కలు చూపించాడు.ఈ మ్యాచ్‌లో 68 బంతులు ఎదుర్కొన్న డికాక్‌.. 8 ఫోర్లు, 9 సిక్స్‌లతో 115 పరుగులు చేశాడు. డికాక్‌కు ఇదే తొలి సీపీఎల్‌ సెంచరీ కావడం గమనార్హం. అతడితో పాటు హోల్డర్‌(10 బంతుల్లో 28,3 సిక్స్‌లు, ఒక ఫోర్‌) మెరుపులు మెరిపించాడు.టాప్‌లో గయానా..ఇక ఈ విజయంతో బార్బోడస్‌ రాయల్స్‌ పాయింట్ల పట్టికలో అగ్రస్ధానానికి చేరుకుంది. ఇప్పటివరకు 5 మ్యాచ్‌లు ఆడిన బార్బోడస్‌ నాలుగింట విజయం సాధించి టాప్‌లో కొనసాగుతోంది. బార్బోడస్‌ తర్వాత గయానా, ట్రినాబాగో నైట్‌రైడర్స్‌, సెయింట్‌ లూసియా వరుసగా ఉన్నాయి.చదవండి: ఇద్దరం ఒకే జట్టుకు ఆడాము.. అయినా నన్ను స్లెడ్జ్‌ చేశాడు: ధ్రువ్‌

కరేబియన్‌ ప్రీమియర్ లీగ్‌-2024లో సెయింట్‌ లూసియా కింగ్స్‌ తమ మూడో విజయాన్ని నమోదు చేసింది. గ్రాస్ ఐలెట్‌ వేదికగా సెయింట్ కిట్స్ అండ్‌ నెవిస్ పేట్రియాట్స్ జరిగిన మ్యాచ్‌లో 5 వికెట్ల తేడాతో గెలుపొందింది. తొలుత బ్యాటింగ్‌ చేసిన సెయింట్‌ కిట్స్‌ నిర్ణీత 20 ఓవర్లలో 5 వికెట్ల నష్టానికి 173 పరుగులు చేసింది. సెయింట్‌ కిట్స్‌ బ్యాటర్లలో ఆండ్రీ ఫ్లెచర్‌(62), రూసో హాఫ్‌ సెంచరీలతో మెరిశారు. సెయింట్‌ లూసియా బౌలర్లలో ఆల్జారీ జోషఫ్‌ రెండు వికెట్లు పడగొట్టగా.. ఛేజ్‌, వీస్‌, సద్రక్‌ తలా వికెట్‌ సాధించారు.డుప్లెసిస్‌ ఊచకోత..అనంతరం 174 పరుగుల లక్ష్యాన్ని సెయింట్‌ లూసియా కింగ్స్‌ 16.3 ఓవర్లలో కేవలం 5 వికెట్లు మాత్రమే కోల్పోయి ఊదిపడేసింది. లక్ష్య చేధనలో ఓపెనర్లు ఫాప్‌ డుప్లెసిస్‌, జాన్సెన్‌ చార్లెస్‌ విధ్వంస​ం సృష్టించారు. ప్రత్యర్ధి బౌలర్లను ఊతికారేశారు. చార్లెస్‌ 42 బంతుల్లో 4ఫోర్లు, 7 సిక్స్‌లతో 74 పరుగులు చేయగా.. డుప్లెసిస్‌ 31 బంతుల్లో 5 ఫోర్లు, 5 సిక్స్‌లతో 62 పరుగులు చేసి ఔటయ్యాడు. ప్రత్యర్ధి జట్టు బౌలర్లలో హసరంగా,క్లార్క్‌సన్‌ తలా రెండు వికెట్లు సాధించారు. కాగా డుప్లెసిస్‌ ఐపీఎల్‌లో రాయల్‌ ఛాలెంజర్స్‌ బెంగళూరుకు సారథ్యం వహిస్తున్న సంగతి తెలిసిందే. ఇక పాయింట్ల పట్టిక విషయానికి వస్తే.. గయానా ఆమెజాన్‌ వారియర్స్‌ తొలి స్ధానంలో ఉండగా.. సెయింట్‌ లూసియా మూడో స్ధానంలో కొనసాగుతోంది. చదవండి: అంతా అనుకున్నట్టే జరిగింది.. న్యూజిలాండ్‌- అఫ్గాన్ టెస్టు రద్దు pic.twitter.com/ex0bSYNHN4— Cricket Cricket (@cricket543210) September 13, 2024

కరీబియన్‌ ప్రీమియర్‌ లీగ్‌ 2024 ఎడిషన్‌లో భాగంగా ఇవాళ (సెప్టెంబర్‌ 12) బార్బడోస్‌ రాయల్స్‌, ఆంటిగ్వా అండ్‌ బార్బుడా ఫాల్కన్స్‌ జట్లు తలపడ్డాయి. ఈ మ్యాచ్‌లో ఫాల్కన్స్‌పై రాయల్స్‌ డక్‌వర్త్‌ లూయిస్‌ పద్దతిన 10 పరుగుల తేడాతో గెలుపొందింది. తొలుత బ్యాటింగ్‌ చేసిన ఫాల్కన్స్‌ నిర్ణీత 20 ఓవర్లలో 5 వికెట్ల నష్టానికి 176 పరుగులు చేసింది. జస్టిన్‌ గ్రీవ్స్‌ (61 నాటౌట్‌), సామ్‌ బిల్లింగ్స్‌ (56) అర్ద సెంచరీలతో రాణించారు. రాయల్స్‌ బౌలర్లలో జేసన్‌ హోల్డర్‌, నవీన్‌ ఉల్‌ హక్‌ తలో 2, కేశవ్‌ మహారాజ్‌ ఓ వికెట్‌ పడగొట్టారు.అనంతరం ఓ మోస్తరు ఛేదనకు దిగిన రాయల్స్‌కు వరుణుడు వరుస క్రమాల్లో అడ్డుతగిలాడు. 14.3 ఓవర్ల తర్వాత మొదలైన వర్షం ఎంతకీ ఆగకపోవడంతో డక్‌వర్త్‌ లూయిస్‌ పద్దతిన రాయల్స్‌ను విజేతగా ప్రకటించారు. ఆ సమయానికి రాయల్స్‌ 3 వికెట్ల నష్టానికి 127 పరుగులు చేసి డీఎల్‌ఎస్‌ స్కోర్‌కు 10 పరుగులు అధికంగా ఉండింది. రాయల్స్‌ ఇన్నింగ్స్‌లో క్వింటన్‌ డికాక్‌ (48), అలిక్‌ అథనాజ్‌ (34) ఓ మోస్తరు స్కోర్లతో రాణించారు. రోవ్‌మన్‌ పావెల్‌ 15, డేవిడ్‌ మిల్లర్‌ 19 పరుగులతో అజేయంగా నిలిచారు. ఫాల్కన్స్‌ బౌలర్లలో క్రిస్‌ గ్రీన్‌, రోషన్‌ ప్రైమస్‌ తలో వికెట్‌ పడగొట్టారు. ఈ మ్యాచ్‌లో గెలుపుతో రాయల్స్‌ హ్యాట్రిక్‌ విజయాలను నమోదు చేసింది. బ్యాటింగ్‌లో 48 పరుగులు చేసి, వికెట్‌కీపింగ్‌తో ముగ్గురిని ఔట్‌ చేసిన డికాక్‌కు ప్లేయర్‌ ఆఫ్‌ ద మ్యాచ్‌ అవార్డు లభించింది. చదవండి: పొలార్డ్‌ విధ్వంసకర బ్యాటింగ్‌: ఒక్క ఫోర్‌ లేదు! అన్నీ సిక్సర్లే!

వెస్టిండీస్‌ విధ్వంసక బ్యాటర్‌ కీరన్‌ పొలార్డ్‌ ధనాధన్‌ ఇన్నింగ్స్‌తో అదరగొట్టాడు. సిక్సర్ల వర్షం కురిపిస్తూ అభిమానులకు కనువిందు చేశాడు. కేవలం పందొమ్మిది బంతుల్లోనే 52 పరుగులు సాధించి సత్తా చాటాడు. కరేబియన్‌ ప్రీమియర్‌ లీగ్‌(సీపీఎల్‌)-2024లో భాగంగా సెయింట్‌ లూసియా కింగ్స్‌తో మ్యాచ్‌లో ఈ మేరకు తుఫాన్‌ ఇన్నింగ్స్‌తో అలరించాడు.రోస్టన్‌ చేజ్‌ హాఫ్‌ సెంచరీకాగా సీపీఎల్‌ తాజా ఎడిషన్‌లో పొలార్డ్‌ ట్రిన్‌బాగో నైట్‌ రైడర్స్‌కు కెప్టెన్‌గా వ్యవహరిస్తున్నాడు. ఈ క్రమంలో మంగళవారం రాత్రి సెయింట్‌ లూసియా కింగ్స్‌తో జరిగిన మ్యాచ్‌లో టాస్‌ గెలిచి తొలుత బౌలింగ్‌ ఎంచుకున్నాడు. దీంతో బ్యాటింగ్‌కు దిగిన లూసియా కింగ్స్‌ సొంత మైదానంలో మెరుగైన స్కోరు సాధించింది. ఓపెనర్లు, కెప్టెన్‌ ఫాఫ్‌ డుప్లెసిస్‌(26 బంతుల్లో 34), జె.చార్ల్స్‌(14 బంతుల్లో 29) శుభారంభం అందించగా.. రోస్టన్‌ చేజ్‌ హాఫ్‌ సెంచరీతో రాణించాడు. నాలుగో స్థానంలో బ్యాటింగ్‌కు దిగిన చేజ్‌ 40 బంతుల్లో 56 పరుగులతో అజేయంగా నిలిచాడు. అతడికి తోడుగా భనుక రాజపక్స(29 బంతుల్లో 33) కూడా ఫర్వాలేదనిపించాడు. ఫలితంగా లూసియా కింగ్స్‌ నిర్ణీత 20 ఓవర్లలో ఆరు వికెట్లు నష్టపోయి 187 పరుగులు సాధించింది. ట్రిన్‌బాగో బౌలర్లలో సునిల్‌ నరైన్‌, వకార్‌ సలామ్‌ఖీల్‌ రెండేసి వికెట్లు తీయగా.. టెర్రాన్స్‌ హిండ్స్‌, పొలార్డ్‌ తలా ఒక వికెట్‌ పడగొట్టారు. ఆకాశమే హద్దుగా పొలార్డ్‌ఈ క్రమంలో లూసియా కింగ్స్‌ విధించిన లక్ష్య ఛేదనకు దిగిన ట్రిన్‌బాగోకు ఆరంభంలోనే షాక్‌ తగిలింది. ఓపెనర్లు జేసన్‌ రాయ్‌(15 బంతుల్లో 16), సునిల్‌ నరైన్‌(8 బంతుల్లో 14) విఫలమయ్యారు. అయితే, వన్‌డౌన్‌ బ్యాటర్‌ షకెరె పారిస్‌ 33 బంతుల్లో 57 పరుగులతో రాణించి ఇన్నింగ్స్‌ చక్కదిద్దాడు.సిక్సర్ల వర్షంమిగతా వాళ్లలో నికోలస్‌ పూరన్‌(17), కేసీ కార్టీ(15) పూర్తిగా నిరాశపరచగా.. పొలార్డ్‌ రంగంలోకి దిగిన తర్వాత సీన్‌ మొత్తం మారిపోయింది. ప్రత్యర్థి జట్టు బౌలర్లకు చుక్కలు చూపిస్తూ ఆకాశమే హద్దుగా చెలరేగాడు ఈ ఆల్‌రౌండర్‌. ఏడు సిక్సర్ల సాయంతో 19 బంతుల్లోనే 52 పరుగులు చేసి అజేయంగా నిలిచాడు. పందొమ్మిదో ఓవర్లోనే నాలుగు సిక్సర్లు బాది జట్టును విజయతీరాలకు చేర్చాడు. ఇక ఆఖరి ఓవర్‌లో అకీల్‌ హొసేన్‌ ఫోర్‌ బాదడంతో.. మరో ఐదు బంతులు మిగిలి ఉండగానే ట్రిన్‌బాగో గెలుపు ఖరారైంది. లూయిస్‌ కింగ్స్‌పై నాలుగు వికెట్ల తేడాతో జయభేరి మోగించింది. కెప్టెన్‌ ఇన్నింగ్స్‌తో మెరిసిన కీరన్‌ పొలార్డ్‌ ప్లేయర్‌ ఆఫ్‌ ది మ్యాచ్‌గా నిలిచాడు.సెయింట్‌ లూయీస్‌ వర్సెస్‌ ట్రిన్‌బాగో నైట్‌ రైడర్స్‌ స్కోర్లులూయీస్‌ కింగ్స్‌- 187/6 (20 ఓవర్లు)నైట్‌ రైడర్స్‌- 189/6 (19.1 ఓవర్లు)ఫలితం- కింగ్స్‌పై నాలుగు వికెట్ల తేడాతో నైట్‌ రైడర్స్‌ విజయం.టాప్‌లో అమెజాన్‌ వారియర్స్‌కాగా కరేబియన్‌ ప్రీమియర్‌ లీగ్‌-2024లో గయానా అమెజాన్‌ వారియర్స్‌ మూడు విజయాల(ఆరు పాయింట్లు)తో పట్టికలో టాప్‌లో ఉండగా.. బార్బడోస్‌ రాయల్స్‌ రెండింట రెండు గెలిచి రెండో స్థానంలో కొనసాగుతోంది. ఇక ట్రిన్‌బాగో నైట్‌ రైడర్స్‌మూడింట రెండు గెలిచి మూడు, ఆంటిగ్వా-బర్బుడా ఫాల్కన్స్‌ ఆరింట రెండు గెలిచి నాలుగు, సెయింట్‌ లూసియా కింగ్స్‌ నాలుగింట రెండు గెలిచి ఐదు, సెయింట్‌ కిట్స్‌- నెవిస్‌ పేట్రియాట్స్‌ ఆరింట ఒకటి గెలిచి అట్టడుగున ఆరో స్థానంలో ఉంది.చదవండి: హిట్‌మ్యాన్‌ మరో 10 పరుగులు చేస్తే..! Kieron Pollard is awarded @Dream11 MVP! Well done Polly 🙌🏾 #CPL24 #SLKvTKR #CricketPlayedLouder #BiggestPartyInSport #Dream11 pic.twitter.com/AASf9KO7mC— CPL T20 (@CPL) September 11, 2024

కరీబియన్‌ ప్రీమియర్‌ లీగ్‌లో భాగంగా సెయింట్‌ లూసియా కింగ్స్‌తో జరిగిన మ్యాచ్‌లో గయానా అమెజాన్‌ వారియర్స్‌ ఆటగాడు రహ్మానుల్లా గుర్బాజ్‌ ఆకాశమే హద్దుగా చెలరేగిపోయాడు. కేవలం 19 బంతుల్లో 7 సిక్సర్ల సాయంతో 47 పరుగులు చేశాడు. 101 పరుగుల స్వల్ప లక్ష్య ఛేదనలో మాథ్యూ ఫోర్డ్‌ వేసిన మూడో ఓవర్‌లో గుర్బాజ్‌ శివాలెత్తిపోయాడు. హ్యాట్రిక్‌ సిక్సర్లు సహా మొత్తం నాలుగు సిక్సర్లు బాదాడు. గుర్బాజ్‌ ఇన్నింగ్స్‌లో ఒక్క బౌండరీ లేదు. అన్నీ సిక్సర్లే. గుర్బాజ్‌ ఊచకోత ధాటికి వారియర్స్‌ స్వల్ప లక్ష్యాన్ని కేవలం 10 ఓవర్లలో ఛేదించింది. గుర్బాజ్‌కు జతగా టిమ్‌ రాబిన్సన్‌ (20 బంతుల్లో 33; 3 ఫోర్లు, 2 సిక్సర్లు) రాణించాడు. pic.twitter.com/aXt21tOfvL— Cricket Cricket (@cricket543210) September 8, 2024వారియర్స్‌ ఇన్నింగ్స్‌లో షాయ్‌ హోప్‌ 11, ఆజమ్‌ ఖాన్‌ 0, హెట్‌మైర్‌ 8, కీమో పాల్‌ 1 పరుగు చేశారు. లూసియా కింగ్స్‌ బౌలర్లలో నూర్‌ అహ్మద్‌ 3 వికెట్లు పడగొట్టగా.. అల్జరీ జోసఫ్‌ ఓ వికెట్‌ దక్కించుకున్నాడు.ఈ మ్యాచ్‌లో తొలుత బ్యాటింగ్‌ చేసిన లూసియా కింగ్స్‌.. గుడకేశ్‌ మోటీ (3.3-0-16-3), ఇమ్రాన్‌ తాహిర్‌ (4-0-29-3), కీమో పాల్‌ (2-0-19-2), ప్రిటోరియస్‌ (2-0-10-1) ధాటికి 14.3 ఓవర్లలో 100 పరుగులకు ఆలౌటైంది. లూసియా కింగ్స్‌ ఇన్నింగ్స్‌లో మాథ్యూ ఫోర్డ్‌ (31), జాన్సన్‌ ఛార్లెస్‌ (19), టిమ్‌ సీఫర్ట్‌ (12), అకీమ్‌ అగస్ట్‌ (10) రెండంకెల స్కోర్లు చేయగలిగారు. ఈ గెలుపుతో వారియర్స్‌ సీజన్‌లో వరుసగా మూడో విజయం నమోదు చేసింది. లూసియా కింగ్స్‌ సీజన్‌ తొలి ఓటమిని ఎదుర్కొంది.

కరీబియన్‌ ప్రీమియర్‌ లీగ్‌లో మరో ఉ‍త్కంఠభరితమైన మ్యాచ్‌ జరిగింది. సెయింట్‌ కిట్స్‌ అండ్‌ నెవిస్‌ పేట్రియాట్స్‌తో జరిగిన మ్యాచ్‌లో బార్బడోస్‌ రాయల్స్‌ 2 వికెట్ల తేడాతో విజయం సాధించింది. 154 పరుగుల లక్ష్య ఛేదనలో రాయల్స్‌ మరో బంతి మిగిలుండగానే విజయతీరాలకు చేరింది. ర్యాన్‌ జాన్‌ బౌలింగ్‌లో న్యీమ్‌ యంగ్‌ సిక్సర్‌ బాది రాయల్స్‌ను గెలిపించాడు. దునిత్‌ వెల్లలగే ఆల్‌రౌండ్‌ షోతో (3/35, 39) అదరగొట్టి రాయల్స్‌ గెలుపులో కీలకపాత్ర పోషించాడు.ఈ మ్యాచ్‌లో తొలుత బ్యాటింగ్‌ చేసిన సెయింట్‌ కిట్స్‌ అండ్‌ నెవిస్‌ పేట్రియాట్స్‌ నిర్ణీత 20 ఓవర్లలో 8 వికెట్ల నష్టానికి 153 పరుగులు చేసింది. మిఖైల్‌ లూయిస్‌ 30, హసరంగ 40, జోష్‌ క్లార్క్‌సన్‌ 24, ర్యాన్‌ జాన్‌ 29 పరుగులు చేశారు. పేట్రియాట్స్‌ ఇన్నింగ్స్‌లో ఏకంగా నలుగురు డకౌట్లయ్యారు. రాయల్స్‌ బౌలర్లలో వెల్లలగే 3, తీక్షణ, మెక్‌కాయ్‌ తలో 2 వికెట్లు పడగొట్టారు.వెల్లలగే ఆల్‌రౌండ్‌ షో154 పరుగుల లక్ష్యాన్ని ఛేదించేందుకు బరిలోకి దిగిన రాయల్స్‌.. వెల్లలగే (39), కడీమ్‌ అలెన్‌ (30) రాణించడంతో 19.5 ఓవర్లలో విజయతీరాలకు చేరింది. బంతితో రాణించిన వెల్లలగే బ్యాట్‌తో కూడా రాణించాడు.

కరేబియన్‌ ప్రీమియర్‌ లీగ్‌-2024లో గయానా అమెజాన్‌ వారియర్స్‌ మరో అద్బుత విజయం సాధించింది. ఈ లీగ్‌లో భాగంగా గురువారం సెయింట్ కిట్స్ అండ్ నెవిస్ పేట్రియాట్స్‌తో జరిగిన మ్యాచ్‌లో 40 పరుగుల తేడాతో అమెజాన్‌ వారియర్స్‌ విజయభేరి మోగిచింది.267 పరుగుల భారీ లక్ష్యంతో బరిలోకి దిగిన సెయింట్ కిట్స్ 18 ఓవర్లలో 226 పరుగులకు ఆలౌటైంది. సెయింట్‌ కిట్స్‌ ఇన్నింగ్స్‌లో కెప్టెన్‌ ఆండ్రీ ఫ్లెచర్‌(33 బంతుల్లో 4 ఫోర్లు, 9 సిక్స్‌లతో 81 పరుగులు) అద్బుత ఇన్నింగ్స్‌ ఆడాడు. మిగితా బ్యాటర్ల నుంచి ఆశించినంత మేర సహకారం అందకపోవడంతో సెయింట్‌ కిట్స్‌ ఓటమి చవిచూడాల్సి వచ్చింది. గయానా బౌలర్లలో స్పిన్నర్లు ఇమ్రాన్‌ తహీర్‌, మోటీ తలా మూడు వికెట్లు సాధించారు. వీరితో పాటు ప్రిటోరియస్‌ రెండు, కిమో పాల్‌, రిఫర్‌ చెరో వికెట్‌ పడగొట్టారు.హెట్‌మైర్‌ విధ్వంసం..ఇక తొలుత బ్యాటింగ్‌ చేసిన గయానా నిర్ణీత 20 ఓవర్లలో 7 వికెట్ల నష్టానికి 266 పరుగుల భారీ స్కోర్‌ సాధించింది. గయానా బ్యాటర్లలో షిమ్రాన్‌ హెట్‌మైర్‌ విధ్వంసం సృష్టించాడు. తొలి మ్యాచ్‌లో నిరాశపరిచిన హెట్‌మైర్‌.. ఈ మ్యాచ్‌లో మాత్రం ఆకాశమే హద్దుగా చెలరేగిపోయాడు. ప్రత్యర్ధి బౌలర్లను ఊచకోత కోశాడు. 39 బంతులు ఎదుర్కొన్న ఈ కరేబియన్‌ ఆటగాడు 11 సిక్స్‌లు సాయంతో 91 పరుగులు చేశాడు.అతడితో పాటు గుర్బాజ్‌ 69 పరుగులతో అద్భుత ఇన్నింగ్స్‌ ఆడాడు.హెట్‌మైర్‌ వరల్డ్‌ రికార్డు..ఇక ఈ మ్యాచ్‌లో విధ్వంసం సృష్టించిన హెట్‌మైర్‌ ఓ వరల్డ్‌ రికార్డును తన పేరిట లిఖించుకున్నాడు. టీ20 క్రికెట్ చరిత్రలో ఒక ఇన్నింగ్స్‌లో ఒక్క ఫోర్ కూడా కొట్టకుండా పదికి పైగా సిక్సర్లు బాదిన తొలి క్రికెటర్‌గా హెట్‌మైర్ రికార్డులకెక్కాడు. ఈ మ్యాచ్‌లో 11 సిక్స్‌లు బాదిన హెట్‌మైర్ కనీసం ఒక్క ఫోరు కూడా కొట్టకపోవడం విశేషం. అంతకుముందు ఫోరు కూడా లేకుండా అత్యధిక సిక్సర్లు బాదిన రికార్డు ఇంగ్లండ్‌ ఇంగ్లండ్ ఆటగాడు రికీ వెసెల్స్ పేరిట ఉండేది. 2019లో టీ20 బ్లాస్ట్ మ్యాచ్‌లో నాటింగ్‌హామ్‌షైర్‌పై రికీ వెసెల్స్ బౌండరీ లేకుండా 9 సిక్స‌ర్లు బాదాడు. Shimron Hetmyer is today's Dream11 MVP. pic.twitter.com/dKFLBJoAmp— CPL T20 (@CPL) September 5, 2024

కరీబియర్‌ ప్రీమియర్‌ లీగ్‌ 2024 ఎడిషన్‌లో సెయింట్‌ లూసియా కింగ్స్‌ వరుస విజయాలతో దూసుకుపోతుంది. ఈ టోర్నీలో ఆ జట్టు వరుసగా రెండో మ్యాచ్‌లో జయభేరి మోగించింది. ఆంటిగ్వా అండ్‌ బార్బుడా ఫాల్కన్స్‌తో ఇవాళ జరిగిన మ్యాచ్‌లో 7 వికెట్ల తేడాతో ఘన విజయం సాధించింది. బౌలింగ్‌లో నూర్‌ అహ్మద్‌ (4-0-18-3), బ్యాటింగ్‌లో టిమ్‌ సీఫర్ట్‌ (11 బంతుల్లో 26 నాటౌట్‌; ఫోర్‌, 3 సిక్సర్లు) మెరుపులు మెరిపించి లూసియా కింగ్స్‌ను గెలిపించారు.ఈ మ్యాచ్‌లో తొలుత బ్యాటింగ్‌ చేసిన ఫాల్కన్స్‌.. నిర్ణీత 20 ఓవర్లలో 7 వికెట్ల నష్టానికి 142 పరుగులు చేసింది. జట్టులో ఎవరూ చెప్పుకోదగ్గ స్కోర్లు చేయలేదు. జస్టిన్‌ గ్రీవ్స్‌ (36), ఇమాద్‌ వసీం (29 నాటౌట్‌), ఫఖర్‌ జమాన్‌ (21) పర్వాలేదనిపించారు. లూసియా కింగ్స్‌ బౌలర్లలో నూర్‌ అహ్మద్‌తో పాటు డేవిడ్‌ వీస్‌, అల్జరీ జోసఫ్‌, రోస్టన్‌ ఛేజ్‌, ఖారీ పియెర్‌ తలో వికెట్‌ పడగొట్టారు.అనంతరం స్వల్ప లక్ష్య ఛేదనకు దిగిన లూసియా కింగ్స్‌.. 17 ఓవర్లలో 3 వికెట్లు కోల్పోయి లక్ష్యాన్ని చేరుకుంది. సీఫర్ట్‌ మెరుపు వేగంతో పరుగులు చేయగా.. జాన్సన్‌ ఛార్టెస్‌ (46 బంతుల్లో 47 నాటౌట్‌) బాధ్యతాయుతంగా ఆడాడు. డుప్లెసిస్‌ 28, రాజపక్ష 9, అకీమ్‌ 27 పరుగులు చేశారు. ఫాల్కన్స్‌ బౌలర్లలో ఇమాద్‌ వసీం, క్రిస్‌ గ్రీన్‌, ఫేబియన్‌ అలెన్‌ తలో వికెట్‌ పడగొట్టారు. లీగ్‌లో భాగంగా రేపు సెయింట్‌ కిట్స్‌, గయానా అమెజాన్‌ వారియర్స్‌ మధ్య మ్యాచ్‌ జరుగనుంది.

కరీబియర్‌ ప్రీమియర్‌ లీగ్‌ 2024 ఎడిషన్‌లో తొలి శతకం నమోదైంది. సెయింట్‌ లూసియా కింగ్స్‌తో జరిగిన మ్యాచ్‌లో సెయింట్‌ కిట్స్‌ అండ్‌ నెవిస్‌ పేట్రియాట్స్‌ ఆటగాడు ఎవిన్‌ లూయిస్‌ విధ్వంసకర శతకంతో విరుచుకుపడ్డాడు. ఈ మ్యాచ్‌లో లూయిస్‌ 54 బంతుల్లో 7 ఫోర్లు, 9 సిక్సర్ల సాయంతో 100 పరుగులు చేసి అజేయంగా నిలిచాడు. మరో ఎండ్‌లో కైల్‌ మేయర్స్‌ కూడా శతకానికి చేరువగా వచ్చి ఔటయ్యాడు. మేయర్స్‌ 62 బంతుల్లో 6 ఫోర్లు, 7 సిక్సర్ల సాయంతో 92 పరుగులు చేశాడు. వీరిద్దరూ ఆకాశమే హద్దుగా చెలరేగడంతో తొలుత బ్యాటింగ్‌ చేసిన పేట్రియాట్స్‌ నిర్ణీత 20 ఓవర్లలో 3 వికెట్ల నష్టానికి 201 పరుగులు చేసింది. లూసియా కింగ్స్‌ బౌలర్లలో డేవిడ్‌ వీస్‌ రెండు వికెట్లు పడగొట్టాడు.202 పరుగుల భారీ లక్ష్యాన్ని ఛేదించేందుకు బరిలోకి దిగిన లూసియా కింగ్స్‌.. భానుక రాజపక్స (35 బంతుల్లో 68 నాటౌట్‌; 6 ఫోర్లు, 4 సిక్సర్లు), టిమ్‌ సీఫర్ట్‌ (27 బంతుల్లో 64; 4 ఫోర్లు, 6 సిక్సర్లు) పేట్రేగిపోవడంతో 17.2 ఓవర్లలోనే విజయతీరాలకు చేరింది. ఆఖర్లో డేవిడ్‌ వీస్‌ (20 బంతుల్లో 34 నాటౌట్‌; 2 ఫోర్లు, 2 సిక్సర్లు) కూడా బ్యాట్‌ ఝులిపించాడు. పేట్రియాట్స్‌ బౌలర్లలో కైల్‌ మేయర్స్‌, అన్రిచ్‌ నోర్జే తలో రెండు వికెట్లు, ఓడియన్‌ స్మిత్‌ ఓ వికెట్‌ పడగొట్టారు. ఎవిన్‌ లూయిస్‌ సెంచరీతో చెలరేగినా పేట్రియాట్స్‌ ఓడిపోవడం గమనార్హం.

క‌రేబియ‌న్ ప్రీమియ‌ర్ లీగ్‌-2024ను బార్బడోస్ రాయల్స్ విజ‌యంతో ఆరంభించింది. ఆదివారం సర్ వివియన్ రిచర్డ్స్ స్టేడియం వేదిక‌గా ఆంటిగ్వా అండ్‌ బార్బుడా ఫాల్కన్స్‌తో జ‌రిగిన మ్యాచ్‌లో 9 వికెట్ల తేడాతో బార్బ‌డోస్ రాయ‌ల్స్ ఘ‌న విజ‌యం సాధించింది. ఈ మ్యాచ్‌లో తొలుత బ్యాటింగ్ చేసిన బార్బుడా ఫాల్కన్స్ నిర్ణీత 20 ఓవ‌ర్ల‌లో 9 వికెట్లు కోల్పోయి 145 ప‌రుగులు చేసింది. బార్బుడా బ్యాట‌ర్ల‌లో జ్యువెల్ ఆండ్రూ(48) మిగితా బ్యాటర్లంతా విఫ‌ల‌మ‌య్యారు. రాయల్స్ బౌల‌ర్లలో మెకాయ్ మూడు వికెట్లు ప‌డ‌గొట్టగా.. థీక్ష‌ణ‌, హోల్డ‌ర్ త‌లా రెండు వికెట్లు సాధించారు.డికాక్ ఊచ‌కోత‌..అనంత‌రం 146 ప‌రుగుల ల‌క్ష్యాన్ని బార్బడోస్ రాయల్స్ కేవ‌లం ఒక్క వికెట్ మాత్రమే కోల్పోయి ఊదిప‌డేసింది. ల‌క్ష్య చేధ‌న‌లో రాయ‌ల్స్ ఓపెన‌ర్ క్వింటన్ డికాక్ విధ్వంసం సృష్టించాడు. కేవలం 45 బంతుల్లోనే 9 ఫోర్లు, 6 సిక్స్‌లతో 87 పరుగులు చేసి ఆజేయంగా నిలిచాడు. అతడితో పాటు మరో ఓపెనర్ కార్న్‌వాల్‌(34) సైతం దూకుడుగా ఆడాడు. ఆంటిగ్వా బౌలర్లలో వసీం ఒక్కడే వికెట్ సాధించాడు.చదవండి: #Babar Azam: 'బాబర్‌ నీ పని అయిపోయింది.. వెళ్లి జింబాబ్వేలో ఆడుకో' Quinton de kock vs Antigua & Barbuda Falcons 87*(45) incl. 9 Fours | 5 Sixes | SR 193+ pic.twitter.com/4JXTBixj6Q— SuperGiantsArmy™ — LSG FC (@LucknowIPLCover) September 2, 2024

క‌రేబియ‌న్ ప్రీమియ‌ర్ లీగ్‌-2024లో సెయింట్ లూసియా కింగ్స్ శుభారంభం చేసింది. ఆదివారం సెయింట్ కిట్స్ అండ్‌ నెవిస్ పేట్రియాట్స్‌తో జ‌రిగిన మ్యాచ్‌లో 5 వికెట్ల తేడాతో సెయింట్ లూసియా ఘ‌న విజ‌యం సాధించింది. 202 ప‌రుగుల భారీ ల‌క్ష్యాన్ని 17.2 ఓవ‌ర్ల‌లో లూసియా కింగ్స్ 5 వికెట్లు కోల్పోయి ఊదిప‌డేసింది.అయితే ల‌క్ష్య చేధ‌న‌లో సెయింట్ లూసియా 24 ప‌రుగులకే 4 వికెట్లు కోల్పోయి పీక‌ల్లోతు క‌ష్టాల్లో ప‌డింది. ఈ స‌మ‌యంలో లూసియా బ్యాట‌ర్లు టిమ్ సీఫెర్ట్ , భానుక రాజపక్స అద్భుతం చేశారు. వీరిద్ద‌రూ సెయింట్ కిట్స్ బౌల‌ర్ల‌పై ఎదురుదాడికి దిగారు.సిక్స‌ర్ల వ‌ర్షం కురిపిస్తూ త‌మ జ‌ట్టును ల‌క్ష్యం వైపు తీసుకువెళ్లారు. సీఫెర్ట్‌(27 బంతుల్లో 64, 4 ఫోర్లు, 6 సిక్స్‌లు) ఔటైన‌ప్ప‌ట‌కి రాజ‌ప‌క్స(67 నాటౌట్‌) మాత్రం త‌న దూకుడును కొనసాగించాడు. వీరిద్ద‌రితో పాటు డేవిడ్ వీస్(20 బంతుల్లో 34) త‌న బ్యాట్‌కు ప‌నిచెప్పాడు. ఫ‌లితంగా భారీ ల‌క్ష్యాన్ని సెయింట్ లూసియా సునాయ‌సంగా ఛేదించింది.లూయిస్ సెంచ‌రీ వృధా..అంతకుముందు బ్యాటింగ్ చేసిన సెయింట్ కిట్స్ నిర్ణీత 20 ఓవర్లలో 3 వికెట్ల నష్టానికి 201 పరుగుల భారీ స్కోర్ సాధించింది. సెయింట్ కిట్స్ ఓపెనర్ ఎవెన్ లూయిస్ సెంచరీతో మెరిశాడు. 54 బంతులు ఎదుర్కొన్న 7 ఫోర్లు, 9 సిక్స్‌లతో 100 పరుగులు చేశాడు. అతడితో పాటు కైల్ మైర్స్‌(92) పరుగులతో అద్భుత ఇన్నింగ్స్ ఆడాడు. అయితే సెయింట్ కిట్స్ ఓటమి పాలవ్వడంతో వీరి ఇన్నింగ్స్ వృధా అయిపోయింది.

విండీస్‌ దిగ్గజ ఆల్‌రౌండర్‌ డ్వేన్‌ బ్రావో ప్రొఫెషనల్‌ టీ20 క్రికెట్‌కు రిటైర్మెంట్‌ ప్రకటించాడు. ప్రస్తుతం జరుగుతున్న కరీబియన్‌ ప్రీమియర్‌ లీగ్‌ ప్రొఫెషనల్‌ క్రికెట్‌లో తనకు చివరి టోర్నీ అని ఇన్‌స్టా వేదికగా వెల్లడించాడు. 40 ఏళ్ల బ్రావో ఇదివరకే అన్ని ఫార్మాట్ల క్రికెట్‌కు వీడ్కోలు పలికాడు. బ్రావో సీపీఎల్‌లో ట్రిన్‌బాగో నైట్‌రైడర్స్‌కు ప్రాతినిథ్యం వహిస్తున్నాడు. బ్రావో టీ20ల్లో అత్యధిక వికెట్ల వీరుడిగా కొనసాగుతున్నాడు. 2006 నుంచి ప్రొఫెషనల్‌ టీ20లు ఆడుతున్న బ్రావో తన కెరీర్‌లో మొత్తం 579 మ్యాచ్‌లు ఆడి 630 వికెట్లు పడగొట్టాడు. పొట్టి క్రికెట్‌ చరిత్రలో బ్రావోతో పాటు రషీద్‌ ఖాన్‌ మాత్రమే 600 వికెట్ల మైలురాయిని దాటాడు. View this post on Instagram A post shared by Dwayne Bravo aka SIR Champion🏆🇹🇹 (@djbravo47)బ్రావో తన రిటైర్మెంట్‌ సందేశంలో ఇలా రాసుకొచ్చాడు. "ఇది ఓ గొప్ప ప్రయాణం. ఈ రోజు నేను కరీబియన్‌ ప్రీమియర్‌ లీగ్‌ నుండి రిటైర్‌మెంట్‌ను ప్రకటించాలనుకుంటున్నాను. ఈ సీజన్ నా చివరిది. కరీబియన్ ప్రజల ముందు నా చివరి ప్రొఫెషనల్ టోర్నమెంట్ ఆడేందుకు ఎదురు చూస్తున్నాను. ట్రిన్‌బాగో నైట్‌రైడర్స్‌ను ఉద్దేశిస్తూ.. ఎక్కడైతే మొదలు పెట్టానో, అక్కడే ముగించాలని కోరుకుంటున్నాను.కాగా, ప్రపంచవ్యాప్తంగా దాదాపుగా అన్ని క్రికెట్‌ లీగ్‌ల్లో పాల్గొన్న బ్రావో.. వెస్టిండీస్‌ తరఫున 40 టెస్ట్‌లు, 164 వన్డేలు, 91 టీ20లు ఆడాడు. ఇందులో దాదాపు 6500 పరుగులు చేసి 363 వికెట్లు తీశాడు. బ్రావో ఖాతాలో 5 సెంచరీలు, 27 హాఫ్‌ సెంచరీలు ఉన్నాయి. బ్రావో అంతర్జాతీయ క్రికెట్‌తో పాటు ఐపీఎల్‌లోనూ సత్తా చాటాడు. అతను వివిధ ఫ్రాంచైజీల తరఫున 161 మ్యాచ్‌లు ఆడి 1560 పరుగులు చేసి, 183 వికెట్లు తీశాడు.

కరేబియ‌న్ ప్రీమియ‌ర్ లీగ్‌-2024లో ట్రిన్‌బాగో నైట్ రైడర్స్ శుభారంభం చేసింది. ఈ లీగ్‌లో భాగంగా శ‌నివారం(ఆగ‌స్టు 31) సెయింట్ కిట్స్ అండ్ నెవిస్ పేట్రియాట్స్‌తో జ‌రిగిన మ్యాచ్‌లో 44 ప‌రుగుల తేడాతో టీకేఆర్ ఘ‌న విజ‌యం సాధించింది. 251 ప‌రుగుల భారీ ల‌క్ష్యంతో బ‌రిలోకి దిగిన సెయింట్ కిట్స్ నిర్ణీత 20 ఓవ‌ర్ల‌లో 8 వికెట్లు కోల్పోయి 208 ప‌రుగులు మాత్ర‌మే చేసింది. సెయింట్స్‌ కిట్స్‌ బ్యాటర్లలో మైఖల్‌ లూయిస్‌(56), స్టబ్స్‌(39), ఎవిన్ లూయిస్(39) మెరుపులు మెరిపించినప్పటకి జట్టును మాత్రం గెలిచిపించలేకపోయారు. ట్రినిడాడ్‌ బౌలర్లలో లిటిల్‌,నరైన్‌, వఖార్‌ తలా రెండు వికెట్లు పడగొట్టగా.. ఎడ్వర్డ్స్‌, హిండ్స్‌ చెరో వికెట్‌ పడగొట్టారు.పూరన్‌, కీసీ కార్తీ ఊచకోత..తొలుత బ్యాటింగ్‌ చేసిన ట్రిన్‌బాగో నైట్ రైడర్స్ నిర్ణీత 20 ఓవర్లలో 4 వికెట్ల నష్టానికి 250 పరుగుల భారీ స్కోర్‌ సాధించింది. టేకేఆర్‌ బ్యాటర్లలో నికోలస్‌ పూరన్‌, కీస్‌ కార్తీ విధ్వంసం సృష్టించారు. వీరిద్దరూ ప్రత్యర్ధి బౌలర్లను ఊచకోత కోశారు. పూరన్‌ 43 బంతుల్లో 7 ఫోర్లు, 9 సిక్స్‌లతో 97 పరుగులు చేయగా.. కార్తీ 35 బంతుల్లో 9 ఫోర్లు, 3 సిక్స్‌లతో 79 పరుగులు చేసి ఔటయ్యాడు. సెయింట్స్‌ కిట్స్‌ బౌలర్లలో నోకియా ఒక్కడే రెండు వికెట్లు పడగొట్టాడు. కాగా సీపీఎల్‌ చరిత్రలో ఇది మూడో అత్యధిక స్కోర్‌ కావడం గమనార్హం. Nicholas Pooran is the six hitting Machine and having the form of his life.Scored another brilliant 97 and now holds the record of most sixes in a calendar year. Now He has 139 sixes and still 4 months is remaining 🥶https://t.co/tWApgR9iN1— Sujeet Suman (@sujeetsuman1991) September 1, 2024

క‌రేబియ‌న్ ప్రీమియ‌ర్ లీగ్‌లో భాగంగా రెండో మ్యాచ్‌లో ఆంటిగ్వా అండ్ బార్బుడా ఫాల్కన్స్‌, గయానా అమెజాన్ వారియర్స్ జ‌ట్లు త‌ల‌ప‌డ్డాయి. అయితే ఆఖరి వ‌ర‌కు ఉత్కంఠ భ‌రితంగా సాగిన‌ ఈ మ్యాచ్ అభిమానుల‌ను మునివేళ్ల‌పై నిల‌బెట్టింది. ఈ మ్యాచ్‌లో ఆంటిగ్వా అండ్ బార్బుడా ఫాల్కన్స్‌పై 3 వికెట్ల తేడాతో అమెజాన్ థ్రిల్లింగ్ విజ‌యం సాధించింది. ఈ విజ‌యంలో గ‌యానాకు ప్రాతినిథ్యం వ‌హిస్తున్న స‌ఫారీ ఆల్‌రౌండ‌ర్ డ్వేన్ ప్రిటోరియ‌స్ కీల‌క పాత్ర పోషించాడు. చివ‌రి బంతికి సిక్స్ కొట్టి మ‌రి ప్రిటోరియ‌స్ త‌న జ‌ట్టుకు అద్భుత విజ‌యాన్ని అందించాడు. చివ‌రి ఓవ‌ర్‌లో గ‌య‌నా విజ‌యానికి 16 ప‌రుగులు అవ‌స‌ర‌మ‌య్యాయి. ఈ క్ర‌మంలో ఆంటిగ్వా కెప్టెన్ క్రిస్ గ్రీన్ చివ‌రి ఓవ‌ర్ వేసే బాధ్య‌తను స్టార్ పేస‌ర్ మ‌హ్మ‌ద్ అమీర్‌కు అప్ప‌గించాడు. తొలి బంతిని ప్రిటోరియస్ పరుగులేమీ చేయలేకపోయాడు. దీంతో గ‌యానా డౌగ‌ట్‌లో టెన్ష‌న్ వాతావ‌ర‌ణం నెల‌కొంది. స‌రిగ్గా ఇదే స‌మ‌యంలో ప్రిటోరియ‌స్ అద్బుతం చేశాడు. తర్వాత నాలుగు బంతులకు మూడు ఫోర్లు కొట్టి మ్యాచ్ ను త‌మ‌వైపు మ‌లుపు తిప్పాడు. చివరి బంతికి విజయానికి నాలుగు పరుగులు కావాల్సిన దశలో కవర్స్ మీదుగా సిక్సర్ కొట్టి సంచ‌ల‌న విజ‌యాన్ని త‌న జ‌ట్టుకు అందించాడు. ప్రిటోరియ‌స్ 10 బంతుల్లో 3 ఫోర్లు, ఒక సిక్స‌ర్‌తో 20 ప‌రుగులు చేశాడు. అత‌డి మెరుపు ఇన్నింగ్స్ ఫ‌లితంగా గ‌యానా 169 ప‌రుగుల ల‌క్ష్యాన్ని 7 వికెట్లు కోల్పోయి ఛేదించింది. గ‌య‌నా ఇన్నింగ్స్‌లో షాయ్ హోప్‌(41), షెఫార్డ్‌(32) ప‌రుగుల‌తో కీల‌క ఇన్నింగ్స్ ఆడాడు. అంత‌కుముందు బ్యాటింగ్ చేసిన ఆంటిగ్వా అండ్ బార్బుడా ఫాల్కన్స్‌ నిర్ణీత 20 ఓవర్లలో 6 వికెట్ల నష్టానికి 168 పరుగులు చేసింది. ఆంటిగ్వా బ్యాట‌ర్ల‌లో ఫ‌ఖార్ జ‌మాన్‌(40), ఇమాద్ వసీం(40) ప‌రుగుల‌తో టాప్ స్కోర‌ర్ల‌గా నిలిచారు. DWAINE PRETORIUS WHAT HAVE YOU DONE 🔥pic.twitter.com/PIIuExsRtj— Durban's Super Giants (@DurbansSG) August 31, 2024

కరీబియన్‌ ప్రీమియర్‌ లీగ్‌ 2024 ఎడిషన్‌కు శుభారంభం లభించింది. ఆంటిగ్వా అండ్‌ బార్బుడా ఫాల్కన్స్‌, సెయింట్‌ కిట్స్‌ అండ్‌ నెవిస్‌ పేట్రియాట్స్‌ మధ్య జరిగిన తొలి మ్యాచ్‌ చివరి బంతి వరకు రసవత్తరంగా సాగింది. ఈమ్యాచ్‌లో ఫాల్కన్స్‌పై పేట్రియాట్స్‌ వికెట్‌ తేడాతో గెలుపొందింది. చివరి ఓవర్‌లో గెలుపుకు ఏడు పరుగులు అవసరం కాగా.. పేట్రియాట్స్‌ రెండు వికెట్లు కోల్పోయి లక్ష్యాన్ని ఛేదించింది. అన్రిచ్‌ నోర్జే చివరి బంతికి సింగిల్‌ తీసి పేట్రియాట్స్‌ను గెలిపించాడు.ఈ మ్యాచ్‌లో తొలుత బ్యాటింగ్‌ చేసిన ఫాల్కన్స్‌.. జువెల్‌ ఆండ్రూ (50 నాటౌట్‌), ఫఖర్‌ జమాన్‌ (43) రాణించడంతో నిర్ణీత 20 ఓవర్లలో 4 వికెట్ల నష్టానికి 163 పరుగులు చేసింది. కోఫి జేమ్స్‌ 22, ఫేబియన్‌ అలెన్‌ 24 (నాటౌట్‌), బిల్లింగ్స్‌ 18 పరుగులు చేశారు. పేట్రియాట్స్‌ బౌలర్లలో నోర్జే, డొమినిక్‌ డ్రేక్స్‌, అష్మెద్‌ నెడ్‌, షంషి తలో వికెట్‌ పడగొట్టారు.164 పరుగుల లక్ష్యాన్ని ఛేదించేందు​కు బరిలోకి దిగిన పేట్రియాట్స్‌.. 9 వికెట్లు కోల్పోయి చివరి బంతికి విజయం సాధించింది. పేట్రియాట్స్‌ ఇన్నింగ్స్‌లో ఎవిన్‌ లెవిస్‌ (29), ఆండ్రీ ఫ్లెచర్‌ (25), కైల్‌ మేయర్స్‌ (39), ఓడియన్‌ స్మిత్‌ (27), డొమినిక్‌ డ్రేక్స్‌ (17) రెండంకెల స్కోర్లు చేశారు. షమార్‌ స్ప్రింగర్‌ నాలుగు వికెట్లు తీసి పేట్రియాట్స్‌ను భయపెట్టాడు. రోషన్‌ ప్రైమస్‌ 2, మొహమ్మద్‌ ఆమిర్‌, ఇమాద్‌ వసీం తలో వికెట్‌ పడగొట్టారు. రేపటి మ్యాచ్‌లో ఆంటిగ్వా అండ్‌ బార్బుడా ఫాల్కన్స్‌, గయానా అమెజాన్‌ వారియర్స్‌ జట్లు తలపడనున్నాయి.

మహిళల కరీబియన్‌ ప్రీమియర్‌ లీగ్‌ 2024 ఎడిషన్‌ ఛాంపియన్‌గా బార్బడోస్‌ రాయల్స్‌ నిలిచింది. నిన్న (ఆగస్ట్‌ 29) జరిగిన ఫైనల్లో రాయల్స్‌ ట్రిన్‌బాగో నైట్‌రైడర్స్‌పై 4 వికెట్ల తేడాతో విజయం సాధించి వరుసగా రెండో ఏడాది టైటిల్‌ సొంతం చేసుకుంది. నిన్నటి మ్యాచ్‌లో తొలుత బ్యాటింగ్‌ చేసిన నైట్‌రైడర్స్‌ నిర్ణీత 20 ఓవర్లలో 8 వికెట్ల నష్టానికి 93 పరుగులు చేసింది. జెనీలియా గ్లాస్గో (24), శిఖా పాండే (28), కైసియా నైట్‌ (17 నాటౌట్‌) రెండంకెల స్కోర్లు చేశారు. ఆలియా అలెన్‌ 4 వికెట్లు తీసి నైట్‌రైడర్స్‌ను భారీ దెబ్బకొట్టింది. హేలీ మాథ్యూస్‌ 2, చినెల్‌ హెన్రీ ఓ వికెట్‌ పడగొట్టారు.94 పరుగుల లక్ష్యాన్ని ఛేదించేందుకు బరిలోకి దిగిన రాయల్స్‌.. చమారీ ఆటపట్టు (39 నాటౌట్‌) రాణించడంతో 15 ఓవర్లలో 6 వికెట్లు కోల్పోయి విజయతీరాలకు చేరింది. హేలీ మాథ్యూస్‌ (13), క్యియాన జోసఫ్‌(14), లారా హ్యారిస్‌ (15) రెండంకెల స్కోర్లు చేశారు. నైట్‌రైడర్స్‌ బౌలర్లలో సమారా రామ్‌నాథ్‌ 2, అనిసా మొహమ్మద్‌, జెస్‌ జొనాస్సెన్‌, శిఖా పాండే తలో వికెట్‌ పడగొట్టారు. నాలుగు వికెట్లు పడగొట్టి నైట్‌రైడర్స్‌ను దెబ్బకొట్టిన ఆలియా అలెన్‌కు ప్లేయర్‌ ఆఫ్‌ ద మ్యాచ్‌ అవార్డు దక్కగా.. టోర్నీ ఆధ్యాంతం రాణించిన హేలీ మాథ్యూస్‌కు ప్లేయర్‌ ఆఫ్‌ ద సిరీస్‌ అవార్డు లభించింది.

కరీబియర్‌ ప్రీమియర్‌ లీగ్‌ 2024 నుంచి సౌతాఫ్రికా విధ్వంసకర వీరుడు హెన్రిచ్‌ క్లాసెన్‌ వైదొలిగాడు. వ్యక్తిగత కారణాల చేత టోర్నీ నుంచి తప్పుకుంటున్నట్లు క్లాసెన్‌ ప్రకటించాడు. సీజన్‌ మొత్తానికి తాను దూరంగా ఉండనున్నట్లు క్లాసెన్‌ వెల్లడించాడు. క్లాసెన్‌ వైదొలగడం అతని ఫ్రాంచైజీ సెయింట్‌ లూసియా కింగ్స్‌కు కోలకోలేని ఎదురుదెబ్బ. సెయింట్‌ లూసియా క్లాసెన్‌ స్థానాన్ని న్యూజిలాండ్‌ ఆటగాడు టిమ్‌ సీఫర్ట్‌తో భర్తీ చేస్తున్నట్లు ప్రకటించింది. సెయింట్‌ లూసియా ఈ ఏడాది జూన్‌లో డ్రాఫ్ట్‌ కంటే ముందు క్లాసెన్‌ను సొంతం చేసుకుంది. అంతకుముందు (2022 ఎడిషన్‌లో) అతను గయానా అమెజాన్‌ వారియర్స్‌కు ఆడాడు. క్లాసెన్‌ రీప్లేస్‌మెంట్‌ అయిన టిమ్‌ సీఫర్ట్‌కు కూడా మంచి టీ20 ట్రాక్‌ రికార్డు ఉంది. సీఫర్ట్‌ 2020లో ట్రిన్‌బాగో నైట్‌రైడర్స్‌ ఛాంపియన్‌షిప్‌ గెలిచిన జట్టులో సభ్యుడిగా ఉన్నాడు.మరోవైపు కరీబియన్‌ ప్రీమియర్‌ లీగ్‌ ప్రస్తుత ఎడిషన్‌ నుంచి మరో స్టార్‌ ఆటగాడు కూడా వైదొలిగాడు. గాయం కారణంగా జింబాబ్వే ఆల్‌రౌండర్‌ సికందర్‌ రజా సీజన్‌ మొత్తానికి దూరం కానున్నట్లు ప్రకటించాడు. రజా సెయింట్‌ కిట్స్‌ అండ్‌ నెవిస్‌ పేట్రియాట్స్‌కు ప్రాతినిథ్యం వహించాల్సి ఉండింది. ఆ ఫ్రాంచైజీ రజా స్థానాన్ని భర్తీ చేయాల్సి ఉంది. కరీబియన్‌ ప్రీమియర్‌ లీగ్‌ ప్రస్తుత ఎడిషన్‌కు మరికొంత మంది స్టార్‌ ఆటగాళ్లు పాక్షికంగా దూరం కానున్నారు. ట్రిన్‌బాగో నైట్‌రైడర్స్‌ ఆల్‌రౌండర్‌ టిమ్‌ డేవిడ్‌ సీజన్‌ తొలి నాలుగు మ్యాచ్‌లకు దూరం కానుండగా.. బార్బడోస్‌ రాయల్స్‌ ఆటగాళ్లు డేవిడ్‌ మిల్లర్‌, కేశవ్‌ మహారాజ్‌ సీజన్‌ తొలి రెండు మ్యాచ్‌లు మిస్‌ కానున్నారు. టిమ్‌ డేవిడ్‌ స్థానాన్ని యూస్‌ఏ ఆండ్రియస్‌ గౌస్‌.. డేవిడ్‌ మిల్లర్‌ స్థానాన్ని దునిత్‌ వెల్లలగే.. కేశవ్‌ మహారాజ్‌ స్థానాన్ని షమారా బ్రూక్స్‌ భర్తీ చేయనున్నారు. కాగా, కరీబియన్‌ ప్రీమియర్‌ లీగ్‌ ఈ రోజు (ఆగస్ట్‌ 29) నుంచి ప్రారంభంకానుంది. భారతకాలమానం ప్రకారం ఈ మ్యాచ్‌లు మరుసటి రోజు ఉదయం ప్రారంభమవుతాయి.

మహిళల కరీబియన్‌ ప్రీమియర్‌ లీగ్‌లో గయానా అమెజాన్‌ వారియర్స్‌తో ఇవాళ జరిగిన మ్యాచ్‌లో ట్రిన్‌బాగో నైట్‌రైడర్స్‌ సూపర్‌ ఓవర్‌లో విజయం సాధించింది. ఈ మ్యాచ్‌లో నిర్ణీత ఓవర్లు ముగిసే సరికి ఇరు జట్లు 128 పరుగులకు పరిమితం కాగా.. మ్యాచ్‌ సూపర్‌ ఓవర్‌కు దారి తీసింది. సూపర్‌ ఓవర్‌లో తొలుత బ్యాటింగ్‌ చేసిన నైట్‌రైడర్స్‌ వికెట్‌ నష్టపోకుండా 19 పరుగులు చేయగా.. ఛేదనలో చేతులెత్తేసిన అమెజాన్‌ వారియర్స్‌ ఆరు బంతుల్లో 2 వికెట్లు కోల్పోయి ఐదు పరుగులకు మాత్రమే పరిమితమైంది. ఫలితంగా నైట్‌రైడర్స్‌ విజయబావుటా ఎగురవేసింది.వివరాల్లోకి వెళితే.. మహిళల కరీబియన్‌ ప్రీమియర్‌ లీగ్‌ మ్యాచ్‌-4లో ఇవాళ గయానా అమెజాన్‌ వారియర్స్‌, ట్రిన్‌బాగో నైట్‌రైడర్స్‌ జట్లు తలపడ్డాయి. ఈ మ్యాచ్‌లో తొలుత బ్యాటింగ్‌ చేసిన నైట్‌రైడర్స్‌ నిర్ణీత 20 ఓవర్లలో 8 వికెట్ల నష్టానికి 128 పరుగులు చేసింది. డియెండ్రా డొట్టిన్‌ (53) అర్దసెంచరీతో రాణించగా.. హర్షిత మాధవి (18), శిఖా పాండే (25), నైట్‌ (16) రెండంకెల స్కోర్లు చేశారు. వారియర్స్‌ బౌలర్లలో షబ్నిమ్‌ ఇస్మాయిల్‌, ఎరిన్‌ బర్న్స్‌, రామ్హరాక్‌ తలో రెండు వికెట్లు పడగొట్టగా.. క్లో టైరాన్‌ ఓ వికెట్‌ దక్కించుకుంది.129 పరుగుల స్వల్ప లక్ష్యాన్ని ఛేదించేందుకు బరిలోకి దిగిన వారియర్స్‌.. ఆది నుంచి నిదానంగా ఆడి విజయం సాధించలేకపోయింది. ఆ జట్టు నిర్ణీత ఓవర్లలో 5 వికెట్ల నష్టానికి నైట్‌రైడర్స్‌ చేసినన్ని పరుగులే చేసింది. ఎరిన్‌ బర్న్స్‌ (61) అర్ద సెంచరీతో రాణించగా.. షెమెయిన్‌ క్యాంప్‌బెల్‌ (25), లారెన్‌ హిల్‌ (11) రెండంకెల స్కోర్లు చేశారు. నైట్‌రైడర్స్‌ బౌలర్లలో జైదా జేమ్స్‌, గ్లాస్గో, సమారా రామ్‌నాథ్‌ తలో వికెట్‌ పడగొట్టారు.

హైదరాబాద్‌కు చెందిన మహిళా క్రికెటర్‌ ప్రణవి చంద్ర మహిళల కరీబియన్‌ ప్రీమియర్‌ లీగ్‌ (సీపీఎల్‌)2024 ఎడిషన్‌కు ఎంపికైంది. ఈ విషయాన్ని హైదరాబాద్‌ క్రికెట్‌ అసోసియేషన్‌ (హెచ్‌సీఏ) అధ్యక్షుడు జగన్‌మోహన్‌ రావు ఇన్‌స్టా వేదికగా వెల్లడించారు. కరీబియన్‌ ప్రీమియర్‌ లీగ్‌కు ఎంపికైన తొలి హైదరాబాదీ క్రికెటర్‌గా ప్రణవి రికార్డు నెలకొల్పింది. View this post on Instagram A post shared by Hyderabad Cricket Association (@hydcacricket)సీపీఎల్‌కు ఎంపికైన సందర్భంగా హెచ్‌సీఏ అధ్యక్షుడు జగన్‌మోహన్‌ రావు ప్రణవిని సన్మానించారు. అలాగే ఆమెకు ఆల్‌ ద బెస్ట్‌ చెప్పారు. ప్రణవి సీపీఎల్‌లో మెరుగ్గా రాణించాలని ఆశాభావం వ్యక్తం చేశారు. 22 ఏళ్ల ప్రణవి రైట్‌ హ్యాండ్‌ ఆఫ్‌ బ్రేక్‌ బౌలర్‌ కమ్‌ మిడిలార్డర్‌ బ్యాటర్‌. ఆమె ఇప్పటివరకు భారత జాతీయ జట్టుకు ఆడలేదు. హైదరాబాద్‌ టీమ్‌తో పాటు ప్రణవి సౌత్‌ జోన్‌ టీమ్‌ కూడా ప్రాతినిథ్యం వహించింది.

న్యూజిలాండ్‌ క్రికెట్‌ జట్టుకు ఘోర పరాభవం ఎదురైంది. టీ20 ప్రపంచకప్‌-2024 సెమీస్‌ ఫేవరెట్లలో ఒకటైన కివీస్‌ టీమ్‌ కనీసం గ్రూప్‌ దశ దాటకుండానే.. టోర్నీ నుంచి నిష్క్రమించింది.గ్రూప్‌ ‘సి’లో భాగంగా గురువారం జరిగిన పోరులో వెస్టిండీస్‌ చేతిలో 13 పరుగుల తేడాతో న్యూజిలాండ్‌ ఓడిపోయింది. ఫలితంగా ‘హ్యాట్రిక్‌’ విజయాలతో కరేబియన్‌ జట్టు టీ20 ప్రపంచకప్‌లో ‘సూపర్‌–8’ దశకు అర్హత సాధించింది. ఈ గెలుపుతో విండీస్‌ ఆరు పాయింట్లతో అగ్రస్థానంలో కొనసాగుతోంది.ట్రినిడాడ్‌ వేదికగా టాస్‌ నెగ్గిన న్యూజిలాండ్‌ బౌలింగ్‌ ఎంచుకోగా... మొదట బ్యాటింగ్‌కు దిగిన విండీస్‌ నిర్ణీత 20 ఓవర్లలో 9 వికెట్ల నష్టానికి 149 పరుగులు చేసింది. బ్యాటింగ్‌ ఆర్డర్‌లో బ్రాండన్‌ కింగ్‌ (9), చార్లెస్‌ (0), నికోలస్‌ పూరన్‌ (12 బంతుల్లో 17; 3 ఫోర్లు), చేజ్‌ (0), కెప్టెన్‌ రోవ్‌మన్‌ పావెల్‌ (1) ఇలా ఐదో వరుస బ్యాటర్‌దాకా అంతా చేతులెత్తేశారు.దీంతో 30 పరుగులకే 5 వికెట్లను కోల్పోయిన ఆతిథ్య జట్టును.. ‘ప్లేయర్‌ ఆఫ్‌ ద మ్యాచ్‌’ షెర్‌ఫెన్‌ రూథర్‌ఫర్డ్‌ (39 బంతుల్లో 68 నాటౌట్‌; 2 ఫోర్లు, 6 సిక్స్‌లు) వీరోచిత మెరుపులతో నిలబెట్టాడు. 33 బంతుల్లో ఫిఫ్టీతో అతను తన కెరీర్‌ బెస్ట్‌ స్కోరు సాధించాడు. ప్రత్యర్థి బౌలర్లు బౌల్ట్, సౌతీ, ఫెర్గూసన్‌ తలా 2 వికెట్లు తీశారు.అనంతరం కష్టమైన లక్ష్యం కాకపోయినా న్యూజిలాండ్‌ 20 ఓవర్లలో 9 వికెట్లకు 136 పరుగులకే పరిమితమై ఓడిపోయింది. గ్లెన్‌ ఫిలిప్స్‌ (33 బంతుల్లో 40; 3 ఫోర్లు, 2 సిక్స్‌లు) రాణించగా, ఫిన్‌ అలెన్‌ (23 బంతుల్లో 26; 3 ఫోర్లు, 1 సిక్స్‌), సాన్‌ట్నర్‌ (12 బంతుల్లో 21 నాటౌట్‌; 3 సిక్స్‌లు) ఫర్వాలేదనిపించారు.విండీస్‌ పేసర్‌ అల్జారి జోసెఫ్‌ (4/19), స్పిన్నర్‌ గుడకేశ్‌ మోతి (3/25) కివీస్‌ను దెబ్బ తీశారు. ఇక గ్రూప్‌-సిలో ఆడిన రెండు మ్యాచ్‌ల్లోనూ ఓడిన కివీస్‌ ఇంకా పాయింట్ల ఖాతానే తెరువలేదు. మరోవైపు.. ఇదే గ్రూపులో ఉన్న అఫ్గనిస్తాన్‌ పపువా న్యూగినియాను ఓడించి సూపర్‌-8 బెర్తును ఖరారు చేసుకుంది.ఫలితంగా 2021 రన్నరప్‌ న్యూజిలాండ్‌ ఈసారి లీగ్‌ దశ నుంచే ఇంటిముఖం పట్టడం ఖాయమైంది. ఈ నేపథ్యంలో న్యూజిలాండ్‌ మాజీ క్రికెటర్‌ మిచెల్‌ మెక్లెన్‌గన్‌ కివీస్‌ బోర్డు తీరుపై ఆగ్రహం వ్యక్తం చేశాడు. కరేబియన్‌ దీవుల్లో అద్భుతమైన రికార్డు ఉన్న కొలిన్‌ మున్రోను వెనక్కి పిలిచి.. టీ20 ప్రపంచకప్‌-2024 జట్టుకు ఎంపిక చేసి ఉంటే బాగుండేదని అభిప్రాయపడ్డాడు.‘‘కరేబియన్‌ గడ్డపై టీ20లలో 2146 పరుగులు సాధించిన ఆటగాడిని వాళ్లు పక్కనపెట్టారు. అతడు ఇప్పుడు న్యూజిలాండ్‌లో ఏం చేస్తున్నాడు? అని మాత్రమే మిమ్మల్ని ప్రశ్నించగలను.నాకు తెలిసి 2014లో బంగ్లాదేశ్‌లోని వరల్డ్‌కప్‌ తర్వాత ఇదే అత్యంత ప్రపంచకప్‌ టోర్నీ’’ అని మిచెల్‌ మెక్లెన్‌గన్‌ కివీస్‌ బోర్డు తీరుపై ఆగ్రహం వ్యక్తం చేశాడు. ఈఎస్‌పీక్రిక్‌ఇన్పోతో మాట్లాడుతూ ఈ వ్యాఖ్యలు చేశాడు.కాగా 37 ఏళ్ల లెఫ్టాండ్‌ బ్యాటర్‌ కొలిన్‌ మున్రో.. కరేబియన్‌ ప్రీమియర్‌ లీగ్‌లో గత కొన్నేళ్లుగా ఆడుతున్నాడు. ట్రింబాగో నైట్‌ రైడర్స్‌, సెయింట్‌ లూసియా కింగ్స్‌కు ప్రాతినిథ్యం వహించిన అతడు మొత్తంగా 79 మ్యాచ్‌లలో కలిపి 2353 పరుగులు సాధించాడు.బిగ్‌బాష్‌ లీగ్‌, పాకిస్తాన్‌ సూపర్‌ సూపర్‌ లీగ్‌లోనూ పరుగుల వరద పారించాడు. న్యూజిలాండ్‌ తరఫున మొత్తం 57 వన్డేలు, 65 టీ20లు ఆడిన అతడు ఆయా ఫార్మాట్లలో 1271, 1724 పరుగులు చేశాడు. ఆడిన ఒకే ఒక టెస్టులో 15 రన్స్‌ సాధించాడు.ఈ క్రమంలో 2020లో కివీస్‌ తరఫున ఆఖరి టీ20 ఆడిన మున్రో గత నెలలో అంతర్జాతీయ క్రికెట్‌కు వీడ్కోలు పలికాడు. ప్రపంచకప్‌-2024 ఆరంభానికి ముందే రిటైర్మెంట్‌ ప్రకటించాడు. కాగా ఈ మెగా టోర్నీకి అమెరికా- వెస్టిండీస్‌ ఆతిథ్యం ఇస్తున్న విషయం తెలిసిందే.

పాకిస్తాన్‌ బార్న్‌ సౌతాఫ్రికా వెటరన్‌ ప్లేయర్‌ ఇమ్రాన్‌ తాహిర్‌ అద్భుతం చేశాడు. 44 ఏళ్ల వయసులో గయానా అమెజాన్‌ వారియర్స్‌కు కరీబియన్‌ ప్రీమియర్‌ లీగ్‌ టైటిల్‌ను అందించి, ఆటకు వయసుతో సంబంధం లేదని నిరూపించాడు. వయసును సాకుగా చూపి తనను ఎగతాళి చేసిన వారందరిని నోళ్లను తాహిర్‌ సీపీఎల్‌ 2023 టైటిల్‌తో మూయించాడు. ముసలాడివి.. నువ్వేం చేస్తావ్‌ అని తనపై జోకులు పేల్చిన వారికి తాహిర్‌ టైటిల్‌తో బుద్ది చెప్పాడు. 11 ఎడిషన్లలో నాలుగుసార్లు రన్నరప్‌గా నిలిచిన వారియర్స్‌ను తాహిర్‌ ఐదవ ప్రయత్నంలో ఛాంపియన్‌గా నిలబెట్టి, పట్టుదలతో ప్రయత్నిస్తే కాదేదీ అనర్హం అని నిరూపించాడు. కాగా, వారియర్స్‌ టైటిల్‌ గెలిచిన అనంతరం తాహిర్‌ టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌కు థ్యాంక్స్‌ చెప్పాడు.  తన చుట్టూ ఉన్న చాలామంది తన వయసుపై జోకులు పేలుస్తున్న సమయంలో అశ్విన్‌ తనపై విశ్వాసం వ్యక్తం చేశాడని,  తాను వారియర్స్‌ కెప్టెన్‌గా బాధ్యతలు చేపట్టినప్పుడు అందరూ తనపై జోకులు పేల్చారని, తాను ఈ ఎడిషన్‌ కరీబియన్‌ ప్రీమియర్‌ లీగ్‌ టైటిల్‌ సాధిస్తానని యాష్‌ ముందు నుంచే గట్టిగా నమ్మి వెన్నుతట్టాడని తాహిర్‌ అన్నాడు. వయసు పైబడిన నాపై నమ్మకాన్ని ఉంచి, తనలో సూర్తిని రగిల్చినందుకు యాష్‌కు ధన్యవాదాలని తాహిర్‌ తెలిపాడు.  ధోని రికార్డు బద్దలు కొట్టిన తాహిర్‌.. 44 ఏళ్ల వయసులో వారియర్స్‌ను ముందుండి నడిపించి కరీబియన్‌  ఛాంపియన్‌గా నిలిపిన తాహిర్‌.. దిగ్గజ కెప్టెన్‌ మహేంద్ర సింగ్‌ ధోని పేరిట ఉన్న ఓ రికార్డును బద్దలు కొట్టాడు. ధోని 41 ఏ‍ళ్ల 325 రోజుల్లో తన ఐపీఎల్‌ జట్టు చెన్నై సూపర్‌ కింగ్స్‌ను ఛాంపియన్‌గా నిలబెడితే.. తాహిర్‌ 44 ఏళ్ల 181 రోజుల్లో అమెజాన్‌ వారియర్స్‌కు టైటిల్‌ను అందించి, లేటు వయసులో టీ20 టైటిల్‌ను అందించిన కెప్టెన్‌గా రికార్డుల్లోకెక్కాడు.  కాగా, నిన్న జరిగిన సీపీఎల్‌ 2023 ఫైనల్లో తాహిర్‌ సారథ్యం వహించిన గయానా అమెజాన్‌ వారియర్స్‌.. విధ్వంసకర ఆటగాళ్లతో నిండిన ట్రిన్‌బాగో నైట్‌రైడర్స్‌ను 9 వికెట్ల తేడాతో చిత్తు చేసి, తొట్టతొలి సీపీఎల్‌ టైటిల్‌ను సొంతం చేసుకుంది. ఈ మ్యాచ్‌లో తొలుత బ్యాటింగ్‌ చేసిన నైట్‌రైడర్స్‌ 18.1 ఓవర్లలో 94 పరుగులకు కుప్పకూలగా.. వారియర్స్‌ ఆడుతూపాడుతూ 14 ఓవర్లలోనే లక్ష్యాన్ని చేరుకుని విజేతగా ఆవిర్భవించింది. ఈ మ్యాచ్‌లో తాహిర్‌ అత్యంత పొదుపుగా బౌలింగ్‌ (4-0-8-2) చేసి వారియర్స్‌ గెలుపులో కీలకపాత్ర పోషించాడు.

కరీబియన్‌ ప్రీమియర్‌ లీగ్‌లో విండీస్‌ దిగ్గజ ఆల్‌రౌండర్‌ కీరన్‌ పోలార్డ్‌ నేతృత్వం వహిస్తున్న ట్రిన్‌బాగో నైట్‌రైడర్స్‌ జట్టు రికార్డు స్థాయిలో ఐదోసారి ఫైనల్‌కు చేరింది. ఈ లీగ్‌లో నైట్‌రైడర్స్‌తో పాటు అమెజాన్‌ వారియర్స్‌ కూడా ఐదుసార్లు ఫైనల్స్‌కు చేరినప్పటికీ, ఆ జట్టు ఒక్కసారి కూడా టైటిల్‌ సాధించలేకపోయింది. అయితే నైట్‌రైడర్స్‌ ఇప్పటివరకు ఆడిన నాలుగు ఫైనల్స్‌లో విజయాలు సాధించి, రికార్డు స్థాయిలో ఐదో టైటిల్‌పై కన్నేసింది. సీపీఎల్‌లో అత్యధిక టైటిల్స్‌ (4) రికార్డు నైట్‌రైడర్స్‌ పేరిటే ఉంది. నైట్‌రైడర్స్‌ తర్వాత జమైకా తల్లావాస్‌ మూడు సార్లు, బార్బడోస్‌ రాయల్స్‌ రెండు సార్లు, సెయింట్‌ కిట్స్‌ అండ్‌ నెవిస్‌ పేట్రియాట్స్‌ ఓసారి సీపీఎల్‌ టైటిల్‌ సాధించాయి.  ప్రస్తుతం జరుగుతున్న 2023 ఎడిషన్‌ పాయింట్ల పట్టికలో రెండో స్థానంలో నిలిచిన నైట్‌రైడర్స్‌, క్వాలిఫయర్‌ 1లో గయానా అమెజాన్‌ వారియర్స్‌పై విజయం సాధించి, నేరుగా ఫైనల్‌ బెర్త్‌ ఖరారు చేసుకుంది. ఇవాళ (సెప్టెంబర్‌ 21) జరిగిన క్వాలిఫయర్‌ 1 మ్యాచ్‌లో ఆ జట్టు అమెజాన్‌ వారియర్స్‌పై 7 వికెట్ల తేడాతో గెలుపొందింది. తొలుత బ్యాటింగ్‌ చేసిన వారియర్స్‌.. సైమ్‌ అయూబ్‌ (49), అజమ్‌ ఖాన్‌ (36) ఓ మోస్తరుగా రాణించడంతో నిర్ణీత 20 ఓవర్లలో 7 వికెట్ల నష్టానికి 166 పరుగులు చేసింది. నైట్‌రైడర్స్‌ బౌలర్లలో వకార్‌ సలామ్‌ఖీల్‌, టెర్రెన్స్‌ హిండ్స్‌ చెరో 2 వికెట్లు.. అకీల్‌ హొస్సేన్‌, అలీ ఖాన్‌ తలో వికెట్‌ పడగొట్టారు.  అనంతరం 167 పరుగుల లక్ష్యాన్ని ఛేదించేందుకు బరిలోకి దిగిన నైట్‌రైడర్స్‌.. 18.1 ఓవర్లలో 3 వికెట్లు మాత్రమే కోల్పోయి విజయతీరాలకు చేరింది. చాడ్విక్‌ వాల్టన్‌ అజేయమైన 80 పరుగులతో నైట్‌రైడర్స్‌ను గెలిపించాడు. పూరన్‌ (33), పోలార్డ్‌ (23) ఓ మోస్తరుగా రాణించారు. వారియర్స్‌ బౌలర్లలో డ్వేన్‌ ప్రిటోరియస్‌ 2, ఇమ్రాన్‌ తాహిర్‌ ఓ వికెట్‌ పడగొట్టారు. జమైకా తల్లావాస్‌, అమెజాన్‌ వారియర్స్‌ మధ్య సెప్టెంబర్‌ 23న జరిగే రెండో క్వాలిఫయర్‌ విజేతతో నైట్‌రైడర్స్‌ ఫైనల్స్‌లో తలపడుతుంది. ఈ మ్యాచ్‌ సెప్టెంబర్‌ 25న జరుగనుంది. 

ఇంగ్లండ్‌ మాజీ ఆటగాడు అలెక్స్‌ హేల్స్‌ కరీబియన్‌ ప్రీమియర్‌ లీగ్‌-2023లో విధ్వంసం సృష్టించాడు. సెయింట్‌ లూసియా కింగ్స్‌తో నిన్న (సెప్టెంబర్‌ 17) జరిగిన మ్యాచ్‌లో అజేయ శతకంతో (57 బంతుల్లో 119 నాటౌట్‌; 12 ఫోర్లు, 7 సిక్సర్లు) విరుచుకుపడ్డాడు. ఫలితంగా అతను ప్రాతినిథ్యం వహిస్తున్న జమైకా తల్లావాస్‌ 122 పరుగుల భారీ తేడాతో గెలుపొందింది.  ఈ మ్యాచ్‌లో తొలుత బ్యాటింగ్‌ చేసిన తల్లావాస్‌.. హేల్స్‌ శతక్కొట్టడంతో నిర్ణీత 20 ఓవర్లలో 5 వికెట్ల నష్టానికి 201 పరుగులు చేసింది. ఆఖర్లో కెప్టెన్‌ ఇమాద్‌ వసీం (24 బంతుల్లో 41; 3 ఫోర్లు, 3 సిక్సర్లు) మెరుపు ఇన్నింగ్స్‌తో చెలరేగడంతో తల్లావాస్‌ 200 పరుగుల మార్కును తాకింది. వీరిద్దరు మినహా తల్లావాస్‌ ఇన్నింగ్స్‌లో అంతా విఫలమయ్యారు. కిర్క్‌ మెకెంజీ 3, స్టీవెన్‌ టేలర్‌ 14, షమార్‌ బూక్స్‌ 13, ఫేబియన్‌ అలెన్‌ ఒక్క పరుగు చేసి నిరాశపరిచారు. లూసియా కింగ్స్‌ బౌలర్లలో రోస్టన్‌ ఛేజ్‌ 2, అల్జరీ జోసఫ్‌, మాథ్యూ ఫోర్డ్‌ తలో వికెట్‌ పడగొట్టారు. అనంతరం 202 పరుగుల భారీ లక్ష్యాన్ని ఛేదించేందుకు బరిలోకి దిగిన లూసియా కింగ్స్‌.. క్రిస్‌ గ్రీన్‌ (4-0-15-4), మహ్మద్‌ అమీర్‌ (2-0-7-2), ఇమాద్‌ వసీం (4-1-24-2), హేడెన్‌ వాల్ష్‌ (4-0-17-1) ధాటికి 15 ఓవర్లలో 79 పరుగులకు కుప్పకూలింది. లూసియా కింగ్స్‌ ఇన్నింగ్స్‌లో భానుక రాజపక్ష (22), అల్జరీ జోసఫ్‌ (10), మాథ్యూ ఫోర్డ్‌ (13) మాత్రమే రెండంకెల స్కోర్లు చేశారు. స్టార్‌ ప్లేయర్లు రోస్టన్‌ ఛేజ్‌ 5, సీన్‌ విలియమ్స్‌ 0, సికందర్‌ రజా 3, కొలిన్‌ మున్రో 4 నిరాశపరిచారు.  రోహిత్‌, రాహుల్‌ రికార్డు సమం చేసిన అలెక్స్‌ హేల్స్‌  లూసియా కింగ్స్‌తో జరిగిన మ్యాచ్‌లో సెంచరీతో కదంతొక్కిన హేల్స్‌ తన టీ20 కెరీర్‌లో 6వ శతకాన్ని నమోదు చేశాడు. ఈ క్రమంలో అతను టీ20ల్లో అత్యధిక శతకాలు సాధించిన ఆటగాళ్ల జాబితాలో ఐదో స్థానానికి ఎగబాకాడు. టీ20ల్లో హేల్స్‌తో పాటు టీమిండియా ఆటగాళ్లు రోహిత్‌ శర్మ, కేఎల్‌ రాహుల్‌, డికాక్‌, రిలీ రొస్సో, మార్టిన్‌ గప్తిల్‌, జేసన్‌ రాయ్‌, షేన్‌ వాట్సన్‌, జోస్‌ బట్లర్‌లు ఆరు సెంచరీలు చేశారు. ఈ జాబితాలో క్రిస్‌ గేల్‌ 22 సెంచరీలతో అగ్రస్థానంలో ఉండగా.. పాక్‌ కెప్టెన్‌ బాబర్‌ ఆజమ్‌ 10 శతకాలతో రెండో స్థానంలో, క్లింగర్‌, వార్నర్‌, కోహ్లి, ఫించ్‌ 8 శతకాలతో మూడో స్థానంలో, లూక్‌ రైట్‌, బ్రెండన్‌ మెక్‌కల్లమ్‌ 7 సెంచరీలతో నాలుగో స్థానంలో ఉన్నారు. బౌండరీల విషయంలో ఎవరికీ అందనంత ఎత్తులో.. టీ20ల్లో అత్యధిక బౌండరీలు సాధించిన ఆటగాళ్ల జాబితాలో అలెక్స్‌ హేల్స్‌ టాప్‌లో ఉన్నాడు. హేల్స్‌ 416 మ్యాచ్‌ల్లో 1285 బౌండరీలతో ఎవరికీ అందనంత ఎత్తులో ఉన్నాడు. హేల్స్‌ తర్వాత వార్నర్‌ 1180 ఫోర్లతో రెండో స్థానంలో ఉండగా.. గేల్‌ 1132 ఫోర్లతో మూడో ప్లేస్‌లో, ధవన్‌ (1090) నాలుగులో, ఫించ్‌ (1089) ఐదులో, జేమ్స్‌ విన్స్‌ (1069) ఆరులో, విరాట్‌ కోహ్లి (1069) ఏడో స్థానంలో ఉన్నారు. 

కరీబియన్‌ ప్రీమియర్‌ లీగ్‌ 2023 ఎడిషన్‌లో వరుస విజయాలతో దూసుకుపోతున్న గయనా అమెజాన్‌ వారియర్స్‌కు తొలి ఓటమి ఎదురైంది. సెయింట్‌ లూసియా కింగ్స్‌.. వారియర్స్‌కు తొలి ఓటమి రుచి చూపించింది. భారతకాలమానం ప్రకారం వారియర్స్‌తో ఇవాళ (సెప్టెంబర్‌ 15) ఉదయం జరిగిన మ్యాచ్‌లో లూసియా కింగ్స్‌ 7 వికెట్ల తేడాతో ఘన విజయం సాధించింది. శ్రీలంక వికెట్‌కీపర్‌ భానుక రాజపక్స (49 బంతుల్లో 86; 9 ఫోర్లు, 5 సిక్సర్లు).. కొలిన్‌ మున్రో (43 బంతుల్లో 55; 6 ఫోర్లు, 2 సిక్సర్లు) సాయంతో లూసియా కింగ్స్‌ను గెలిపించాడు. ఈ మ్యాచ్‌లో తొలుత బ్యాటింగ్‌ చేసిన అమెజాన్‌ వారియర్స్‌.. నిర్ణీత 20 ఓవర్లలో 5 వికెట్ల నష్టానికి 167 పరుగులు చేసింది. పాక్‌ ఆటగాడు ఆజమ్‌ ఖాన్‌ (25 బంతుల్లో 40; 4 ఫోర్లు, 3 సిక్సర్లు), షాయ్‌ హోప్‌ (35 బంతుల్లో 38; 5 ఫోర్లు) ఓ మోస్తరు స్కోర్లు చేయగా.. సైమ్‌ అయూబ్‌ 16, మాథ్యూ నందు 3, హెట్‌మైర్‌ 19 నాటౌట్‌, రొమారియో షెపర్డ్‌ 10 నాటౌట్‌, కీమో పాల్‌ 19 పరుగులు చేశారు. లూసియా కింగ్స్‌ బౌలర్లలో అల్జరీ జోసఫ్‌ 2 వికెట్లు పడగొట్టగా.. మాథ్యూ ఫోర్డ్‌, సికందర్‌ రజా తలో వికెట్‌ దక్కించుకన్నారు. మాథ్యూ నందు రనౌటయ్యాడు. అనంతరం 168 పరుగుల లక్ష్యాన్ని ఛేదించేందుకు బరిలోకి దిగిన లూసియా కింగ్స్‌.. రాజపక్స (86), మున్రో (55) రాణించడంతో 17.3 ఓవర్లలోనే 3 వికెట్లు కోల్పోయి విజయతీరాలకు చేరింది. లూసియా కింగ్స్‌ ఇన్నింగ్స్‌లో ఓపెనర్‌ జాన్సన్‌ చార్లెస్‌ (1) విఫలం కాగా.. సీన్‌ విలియమ్స్‌ (8), సికందర్‌ రజా (12) అజేయంగా నిలిచారు. అమెజాన్‌ వారియర్స్‌ బౌలర్లలో రొమారియో షెపర్డ్‌, కీమో పాల్‌, కెప్టెన్‌ ఇమ్రాన్‌ తాహిర్‌ తలో వికెట్‌ పడగొట్టారు. కాగా, ఈ గెలుపుతో లూసియా కింగ్స్‌ పాయింట్ల పట్టికలో మూడో స్థానానికి ఎగబాకి ప్లే ఆఫ్స్‌కు క్వాలిఫై అయ్యింది. గయానా వారియర్స్‌, ట్రిన్‌బాగో నైట్‌రైడర్స్‌ ఇదివరకే ప్లే ఆఫ్స్‌కు చేరుకున్నాయి.

CPL 2023 - Guyana Amazon Warriors vs Jamaica Tallawahs: జమైకా తల్లావాస్‌ ఆల్‌రౌండర్‌ ఫాబియన్‌ అలెన్‌ అద్భుత షాట్‌తో అలరించాడు. గయానా అమెజాన్‌ వారియర్స్‌తో మ్యాచ్‌లో మాసివ్‌ సిక్సర్‌తో మెరిశాడు. అతడు కొట్టిన భారీ సిక్స్‌ దెబ్బకు గయానా స్టేడియం వద్ద గల కిటికీ అద్దం పగిలిపోయింది.  ఇందుకు సంబంధించిన వీడియో సోషల్‌ మీడియాలో వైరల్‌గా మారింది. కాగా కరేబియన్‌ ప్రీమియర్‌ లీగ్‌-2023లో భాగంగా బుధవారం జమైకా తల్లావాస్‌, గయానా అమెజాన్‌ వారియర్స్‌ మధ్య మ్యాచ్‌ జరిగింది. ఆ రెండు సిక్సర్లు హైలైట్‌ గయానాలో జరిగిన ఈ మ్యాచ్‌లో టాస్‌ గెలిచి తొలుత బ్యాటింగ్‌ ఎంచుకున్న వారియర్స్‌.. జమైకాను బ్యాటింగ్‌కు ఆహ్వానించింది. ఈ క్రమంలో కెప్టెన్‌, ఓపెనర్‌ బ్రాండన్ కింగ్‌ అర్ధ శతకం(52)తో మెరవగా.. ఫాబియన్‌ అలెన్‌ 21 పరుగులతో రెండో టాప్‌ స్కోరర్‌(నాటౌట్‌)గా నిలిచాడు. 14 బంతులు ఎదుర్కొన్న ఈ విండీస్‌ ఆల్‌రౌండర్‌ ప్రిటోరియస్‌, ఇమ్రాన్‌ తాహిర్‌ బౌలింగ్‌లో రెండు అదిరిపోయే సిక్సర్లు బాదడం హైలైట్‌గా నిలిచింది. డ్వేన్‌ ప్రిటోరియస్‌ బౌలింగ్‌లో 18వ ఓవర్‌ ఆఖరి బంతికి కిటికీని పగలగొట్టిన అలెన్‌.. తదుపరి ఓవర్లో తాహిర్‌ వేసిన బంతిని 103 మీటర్ల సిక్సర్‌గా మలిచాడు. ఓపెనర్‌ సంచలన ఇన్నింగ్స్‌ కింగ్‌, అలెన్‌ మినహా మిగతా వాళ్లు విఫలం చెందిన క్రమంలో.. నిర్ణీత 20 ఓవర్లలో జమైకా జట్టు 5 వికెట్ల నష్టానికి 152 పరుగులు చేసింది. అయితే, లక్ష్య ఛేదనకు దిగిన వారియర్స్‌కు సయీమ్‌ అయూబ్‌ 53 బంతుల్లో 85 పరుగులతో దంచికొట్టాడు. మరో ఓపెనర్‌ మాథ్యూ నందు 37 పరుగులతో రాణించడంతో 18.3 ఓవర్లలోనే టార్గెట్‌ పూర్తి చేసి విజయం సాధించింది. సయీమ్‌ అయూబ్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. Fabian Allen SMASHES a window with an enormous six for the @BetBarteronline Magic Moment 💥#CPL23 #GAWvJT #CricketPlayedLouder #BiggestPartyInSport #BetBarter pic.twitter.com/aNDkImZH72 — CPL T20 (@CPL) September 14, 2023

కరీబియన్‌ ప్రీమియర్‌ లీగ్‌ 2023లో భాగంగా సెయింట్‌ లూసియా కింగ్స్‌తో ఇవాళ (సెప్టెంబర్‌ 11) జరిగిన మ్యాచ్‌లో ట్రిన్‌బాగో నైట్‌రైడర్స్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన లూసియా కింగ్స్‌.. ఓపెనర్‌ కొలిన్‌ మున్రో (51 బంతుల్లో 72 నాటౌట్‌; 6 ఫోర్లు, 3 సిక్సర్లు) బాధ్యతాయుతమైన అజేయ అర్ధసెంచరీతో రాణించడంతో నిర్ణీత 20 ఓవర్లలో 3 వికెట్ల నష్టానికి 167 పరుగులు చేయగా.. మార్క్‌ దెయాల్‌ (45 బంతుల్లో 57; 6 ఫోర్లు, 2 సిక్సర్లు) అర్ధసెంచరీతో, ఆఖర్లో ఆండ్రీ రసెల్‌ (13 బంతుల్లో 29 నాటౌట్‌; 2 ఫోర్లు, 3 సిక్సర్లు) మెరుపు ఇన్నింగ్స్‌తో విరుచుకుపడటంతో నైట్‌రైడర్స్‌ మరో 7 బంతులు మిగిలుండగానే కేవలం 3 వికెట్లు మాత్రమే కోల్పోయి విజయతీరాలకు చేరుకుంది.  మున్రో మెరుపు ఇన్నింగ్స్‌ వృధా.. ఈ మ్యాచ్‌లో తొలుత బ్యాటింగ్‌ చేసిన లూసియా కింగ్స్‌ను మున్రో  బాధ్యతాయుతమైన అజేయ అర్ధసెంచరీతో ఆదుకున్నాడు. అతను చివరి వరకు క్రీజ్‌లో ఉండటంతో లూసియా కింగ్స్‌ ఈ మాత్రం స్కోరైనా (167/3) చేయగలిగింది. మున్రోకు రోస్టన్‌ ఛేజ్‌ (31 బంతుల్లో 32; 3 ఫోర్లు, సిక్స్‌), సీన్‌ విలియమ్స్‌ (17 బంతుల్లో 34 నాటౌట్‌; 4 ఫోర్లు, సిక్స్‌) సహకరించగా.. జాన్సన్‌ చార్లెస్‌ (13), సికందర్‌ రజా (8) విఫలమయ్యారు. నైట్‌రైడర్స్‌ బౌలర్లలో జేడన్‌ సీల్స్‌, సునీల్‌ నరైన్‌, వకార్‌ సలామ్‌ తలో వికెట్‌ పడగొట్టారు. రాణించిన మార్క్‌ దెయాల్‌, రఫ్ఫాడించిన రసెల్‌ 168 పరుగుల సాధారణ లక్ష్యాన్ని ఛేదించేందుకు బరిలోకి దిగిన నైట్‌రైడర్స్‌ ఓపెనర్‌ మార్క్‌ దెయాల్‌, ఆఖర్లో ఆండ్రీ రసెల్‌ మెరుపు ఇన్నింగ్స్‌తో విజృంభించడంతో 18.5 ఓవర్లలో కేవలం 3 వికెట్లు మాత్రమే కోల్పోయి విజయతీరాలకు చేరుకుంది. నైట్‌రైడర్స్‌ ఇన్నింగ్స్‌లో మార్టిన్‌ గప్తిల్‌ (16), నికోలస్‌ పూరన్‌ (15) విఫలం కాగా.. దెయాల్‌, రసెల్‌తో పాటు లోర్కాన్‌ టక్కర్‌ (38 నాటౌట్‌) రాణించాడు. లూసియా బౌలర్లలో అల్జరీ జోసఫ్‌ 2 వికెట్లు పడగొట్టగా.. రోస్టన్‌ ఛేజ్‌ ఓ వికెట్‌ దక్కించుకున్నాడు.

కరీబియన్‌ ప్రీమియర్‌ లీగ్‌-2023లో భాగంగా బార్బడోస్‌ రాయల్స్‌తో నిన్న (సెప్టెంబర్‌ 2) జరిగిన మ్యాచ్‌లో సెయింట్‌ లూసియా కింగ్స్‌ 90 పరుగుల భారీ తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన లూసియా కింగ్స్‌.. జాన్సన్‌ చార్లెస్‌ (52 బంతుల్లో 78; 6 ఫోర్లు, 5 సిక్సర్లు) విధ్వంసకర హాఫ్‌ సెంచరీతో చెలరేగడంతో నిర్ణీత 20 ఓవర్లలో 6 వికెట్ల నష్టానికి 195 పరుగుల భారీ స్కోర్‌ చేసింది. జాన్సన్‌తో పాటు కొలిన్‌ మున్రో (33) ఓ మోస్తరుగా రాణించగా.. రోషన్‌ ప్రైమస్‌ (19), సికందర్‌ రజా (18), రోస్టన్‌ ఛేజ్‌ (11 నాటౌట్‌) రెండంకెల స్కోర్లు చేశారు. బార్బడోస్‌ బౌలర్లలో వాన్‌ డర్‌ మెర్వ్‌ 3 వికెట్లు పడగొట్టగా.. జేసన్‌ హోల్డర్‌ 2, ఓబెద్‌ మెక్‌కాయ్‌ ఓ వికెట్‌ దక్కించుకున్నాడు.  196 పరుగుల భారీ లక్ష్యఛేదనకు దిగిన బార్బడోస్‌.. అల్జరీ జోసఫ్‌ (2.3-0-7-3), పీటర్‌ హ్యాట్జోగ్లో (3-0-4-2), రోషన్‌ ప్రైమస్‌ (2-0-11-2), సికందర్‌ రజా (1/21), మాథ్యూ ఫోర్డ్‌ (1/28), ఖారీ పిమెర్‌ (1/28) ధాటికి 17.3 ఓవర్లలో 105 పరుగులకు చాపచుట్టేసింది. బార్బడోస్‌ ఇన్నింగ్స్‌లో న్యీమ్‌ యంగ్‌ (20), రకీమ్‌ కార్న్‌వాల్‌ (18), జేసన్‌ హోల్డర్‌ (18),  వాన్‌ డర్‌ మెర్వ్‌ (11) మాత్రమే రెండంకెల స్కోర్లు చేశారు. ఈ మ్యాచ్‌లో గెలుపుతో లూసియా కింగ్స్‌ పాయింట్ల పట్టికలో అగ్రస్థానానికి ఎగబాకగా.. బార్బడోస్‌ ఆఖరి నుంచి రెండో స్థానానికి (ఐదో ప్లేస్‌) పడిపోయింది. పాయింట్ల పట్టికలో గయానా రెండో స్థానంలో ఉండగా.. ట్రిన్‌బాగో నైట్‌రైడర్స్‌, జమైకా తలైవాస్‌ 3, 4 స్థానాల్లో, సెయింట్‌ కిట్స్‌ పేట్రియాట్స్‌ ఆఖరి స్థానంలో నిలిచాయి.

కరీబియన్‌ ప్రీమియర్‌ లీగ్‌-2023లో భాగంగా సెయింట్‌ కిట్స్‌ నెవిస్‌ అండ్‌ పేట్రియాట్స్‌తో నిన్న (సెప్టెంబర్‌ 2) జరిగిన మ్యాచ్‌లో గయానా అమెజాన్‌ వారియర్స్‌ 98 పరుగుల భారీ తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన గయానా.. సైమ్‌ అయూబ్‌ (13 బంతుల్లో 21; 3 ఫోర్లు, సిక్స్‌), షిమ్రోన్‌ హెట్‌మైర్‌ (22 బంతుల్లో 36; ఫోర్‌, 3 సిక్సర్లు), కీమో పాల్‌ (31 బంతుల్లో 41 నాటౌట్‌; ఫోర్‌, 3 సిక్సర్లు), ప్రిటోరియస్‌ (20 బంతుల్లో 27; 2 ఫోర్లు, సిక్స్‌), రొమారియో షెపర్డ్‌ (7 బంతుల్లో 26 నాటౌట్‌; ఫోర్‌, 3 సిక్సర్లు) ఓ మోస్తరు స్కోర్లతో రాణించడంతో నిర్ణీత 20 ఓవర్లలో 6 వికెట్ల నష్టానికి 186 పరుగులు చేసింది. పేట్రియాట్స్‌ బౌలర్లలో ఒషేన్‌ థామస్‌ 3 వికెట్లు పడగొట్టగా.. కోర్బిన్‌ బోష్‌, జార్జ్‌ లిండే, డొమినిక్‌ డ్రేక్స్‌ తలో వికెట్‌ దక్కించుకున్నారు. అనంతరం 187 పరుగుల లక్ష్యాన్ని ఛేదించేందుకు బరిలోకి దిగిన పేట్రియాట్స్‌.. ప్రిటోరియస్‌ (3-0-17-3), గుడకేశ్‌ మోటీ (4-0-15-2), రొమారియో షెపర్డ్‌ (1/19), జూనియర్‌ సింక్లెయిర్‌ (1/10), సైమ్‌ అయూబ్‌ (1/2) ధాటికి 17.1 ఓవర్లలో 88 పరుగులకే కుప్పకూలింది. పేట్రియాట్స్‌ ఇన్నింగ్స్‌లో అందరూ దారుణంగా విఫలమయ్యారు. కోర్బిన్‌ బోష్‌ (27), జార్జ్‌ లిండే (13), ఆండ్రీ ఫ్లెచర్‌ (11), యాన్నిక్‌ కారియా (13) రెండంకెల స్కోర్లు చేయగా.. మిగతావారంతా సింగిల్‌ డిజిట్‌ స్కోర్లకే పరిమితమయ్యారు. ఈ ఓటమితో ప్రస్తుత ఎడిషన్‌లో పేట్రియాట్స్‌ పరాజయాల సంఖ్య 5కు చేరింది. ఆ జట్టు ఆడిన 7 మ్యాచ్‌ల్లో ఒక్క మ్యాచ్‌లోనూ గెలువలేదు. 2 మ్యాచ్‌లు వర్షం కారణంగా రద్దయ్యాయి. 

కరీబియన్‌ ప్రీమియర్‌ లీగ్‌-2023లో టీమిండియా మాజీ క్రికెటర్‌ అంబటి రాయుడు ప్రయాణం మూన్నాళ్ల ముచ్చటగా సాగింది. వ్యక్తిగత కారణాల చేత రాయుడు సీపీఎల్‌ మధ్యలోనే స్వదేశాని​కి వచ్చేశాడు. ప్రవీణ్‌ తాంబే తర్వాత కరీబియన్‌ లీగ్‌ ఆడిన రెండో భారత క్రికెటర్‌గా రికార్డుల్లోకెక్కిన రాయుడు.. సెయింట్‌ కిట్స్‌ అండ్‌ నెవిస్‌ పేట్రియాట్స్‌కు ప్రాతినిథ్యం వహిస్తూ మూడు మ్యాచ్‌లు ఆడాడు. ఇందులో ఓ మ్యాచ్‌లో (తొలి మ్యాచ్‌) డకౌట్‌ కాగా.. మిగతా రెండిటిలో 32, 15 పరుగులు చేశాడు. 3 మ్యాచ్‌ల్లో రాయుడు 15.66 సగటున 117.50 స్ట్రయిక్‌రేట్‌తో 47 పరుగులు చేసి నిరాశపర్చాడు. ఐపీఎల్‌ 2023 తర్వాత అంతర్జాతీయ క్రికెట్‌కు, భారత దేశవాలీ క్రికెట్‌కు గుడ్‌బై చెప్పిన రాయుడు బీసీసీఐతో బంధాన్ని తెంచుకుని కరీబియన్‌ ప్రీమియర్‌ లీగ్‌లో ఆడాడు. 37 ఏళ్ల రాయుడు ఐపీఎల్‌ 2023 ఎడిషన్‌ ఛాంపియన్‌ చెన్నై సూపర్‌ కింగ్స్‌లో సభ్యుడిగా ఉండిన విషయం తెలిసిందే. మరోవైపు అంబటి రాయుడుతో పాటు జింబాబ్వే పేస్‌ బౌలర్‌ బ్లెస్సింగ్‌ ముజరబానీ కూడా కరీబియన్‌ ప్రీమియర్‌ లీగ్‌ నుంచి మధ్యలోనే నిష్క్రమించాడు. సెయింట్‌ కిట్స్‌ అండ్‌ నెవిస్‌ పేట్రియాట్స్‌కే ప్రాతినిథ్యం వహిస్తున్న ముజరబానీ కూడా వ్యక్తిగత కారణాలచే సీపీఎల్‌ను మధ్యలోనే వీడాడు. ఇతను కూడా రాయుడు లాగే మూడంటే మూడే మ్యాచ్‌లు ఆడాడు. ఈ 3 మ్యాచ్‌ల్లో అతను కేవలం ఒకే వికెట్‌ పడగొట్టి దారుణంగా విఫలమయ్యాడు. రాయుడు, ముజరబానీ జట్టును వీడటంతో సెయింట్‌ కిట్స్‌ అండ్‌ నెవిస్‌ పేట్రియాట్స్‌ వీరికి  రీప్లేస్‌మెంట్‌గా ఇంగ్లండ్‌ ఆటగాళ్లు విల్‌ స్మీడ్‌, బెన్నీ హోవెల్‌లను తమ పంచన చేర్చుకుంది. వీరిలో స్మీడ్‌ విధ్వంసకర బ్యాటర్‌ కాగా.. హోవెల్‌ ఫాస్ట్‌ బౌలింగ్‌ ఆల్‌రౌండర్‌గా ఉన్నాడు.  ఇదిలా ప్రస్తుత సీపీఎల్‌ ఎడిషన్‌లో సెయింట్‌ కిట్స్‌ అండ్‌ నెవిస్‌ పేట్రియాట్స్‌ ప్రదర్శన దారుణంగా ఉంది. ఆ జట్టు ఇంత వరకు ఒక్క మ్యాచ్‌ కూడా గెలవలేదు. తొలి 2 మ్యాచ్‌లు వర్షం కారణంగా రద్దు కాగా.. ఆతర్వాత ఆడిన 4 మ్యాచ్‌ల్లో ఎవిన్‌ లెవిస్‌ సేన ఓటమిపాలైంది. ఫలితంగా పాయింట్ల పట్టికలో చివరిస్థానంలో కొనసాగుతుంది.

కరీబియన్‌ ప్రీమియర్‌ లీగ్‌ 2023 ఎడిషన్‌లో తొలి సెంచరీ నమోదైంది. బార్బడోస్‌ రాయల్స్‌తో నిన్న (ఆగస్ట్‌ 31) జరిగిన మ్యాచ్‌లో ట్రిన్‌బాగో నైట్‌రైడర్స్‌ ఓపెనర్‌ మార్టిన్‌ గప్తిల్‌ విధ్వంసకర శతకంతో విరుచుకుపడ్డాడు. 58 బంతుల్లో బౌండరీ, 9 సిక్సర్ల సాయంతో అజేయమైన 100 పరుగులు చేశాడు. గప్తిల్‌కు పోలార్డ్‌ (32 బంతుల్లో 46; ఫోర్‌, 4 సిక్సర్లు), మార్క్‌ దెయాల్‌ (19 బంతుల్లో 27; 2 ఫోర్లు, 2 సిక్సర్లు) తోడవ్వడంతో తొలుత బ్యాటింగ్‌ చేసిన నైట్‌రైడర్స్‌ నిర్ణీత 20 ఓవర్లలో 5 వికెట్ల నష్టానికి 194 పరుగులు చేసింది. Raise your bat Martin Guptill. What a knock from the kiwi sensation 🙌 #CPL23 #BRvTKR #CricketPlayedLouder #BiggestPartyInSport #Betbarter @BetBarteronline pic.twitter.com/GdqWmEzPx5 — CPL T20 (@CPL) August 31, 2023 నైట్‌రైడర్స్‌లో గప్తిల్‌, పోలార్డ్‌తో పాటు నికోలస్‌ పూరన్‌ (6), ఆండ్రీ రసెల్‌ (5), డ్వేన్‌ బ్రావో (0) లాంటి హేమాహేమీలు ఉన్నప్పటికీ, వారు తక్కువ స్కోర్లకే ఔటయ్యారు. గప్తిల్‌ ధాటికి బార్బడోస్‌ బౌలర్‌ ఓబెద్‌ మెక్‌కాయ్‌ బలయ్యాడు. అతను 4 ఓవర్లు వేసి వికెట్లేమీ తీయకుండా 47 పరుగులు సమర్పించుకున్నాడు. గప్తిల్‌ మరో బార్బడోస్‌ బౌలర్‌ రకీమ్‌ కార్న్‌వాల్‌ను కూడా ఆడుకున్నాడు. కార్న్‌వాల్‌ కేవలం 2 ఓవర్లు వేసి 21 పరుగులు సమర్పించుకున్నాడు. బార్బడోస్‌ బౌలర్లలో జేసన్‌ హోల్డర్‌ 2.. కైస్‌ అహ్మద్‌, వాన్‌ డర్‌ మెర్వ్‌ తలో వికెట్‌ దక్కించుకున్నారు.  వకార్‌ దెబ్బకు కుప్పకూలిన బార్బడోస్‌.. నైట్‌రైడర్స్‌ నిర్ధేశించిన 195 పరుగుల భారీ లక్ష్యాన్ని ఛేదించేందుకు బరిలోకి దిగిన బార్బడోస్‌.. వకార్‌ సలామ్‌ కైల్‌ (3.1-0-14-4), ఆండ్రీ రసెల్‌ (2-0-13-2), అకీల్‌ హొసేన్‌ (4-0-16-2), సునీల్‌ నరైన్‌ (2-0-11-1) దెబ్బకు 12.1 ఓవర్లలో 61 పరుగులు మాత్రమే చేసి చాపచుట్టేసింది. బార్బడోస్‌ ఇన్నింగ్స్‌లో ఓపెనర్లు రకీమ్‌ కార్న్‌వాల్‌, కైల్‌ మేయర్స్‌ డకౌట్లు కాగా.. లారీ ఈవాన్స్‌ (5), అథనేజ్‌ (2), కెవిన్‌ విక్హమ్‌ (9), యంగ్‌ (3), వాన్‌ డర్‌ మెర్వ్‌ (3), ఓబెద్‌ మెక్‌ కాయ్‌ (1) సింగిల్‌ డిజిట్‌ స్కోర్లకే పరిమితమయ్యారు. జేసన్‌ హోల్డర్‌ (14), రోవ్‌మన్‌ పావెల్‌ (10), కైస్‌ అహ్మద్‌ (10 నాటౌట్‌) అతికష్టం మీద రెండంకెల స్కోర్లు చేశారు. 

క్రికెట్‌లో తొలిసారి రెడ్‌ కార్డ్‌ జారీ చేయబడింది. కరీబియన్‌ ప్రీమియర్‌ లీగ్‌ 2023 ఎడిషన్‌లో భాగంగా సెయింట్‌ కిట్స్‌ అండ్‌ నెవిస్‌ పేట్రియాట్స్‌తో నిన్న (ఆగస్ట్‌ 27) జరిగిన మ్యాచ్‌లో ట్రిన్‌బాగో నైట్‌రైడర్స్‌ ఆటగాడు సునీల్‌ నరైన్‌కు అంపైర్‌ రెడ్‌ కార్డ్‌ చూపించి, మైదానాన్ని వీడాల్సిందిగా ఆదేశించాడు. దీంతో రెడ్‌ కార్డ్‌ కారణంగా మైదానం వీడిన తొలి క్రికెటర్‌గా సునీల్ నరైన్ చరిత్రపుటల్లోకెక్కాడు.  Red Card in cricket. So apparently, captain gets to pick who they have to send out of the field. Dhoni might have a lot of options if this comes in IPL.pic.twitter.com/gycU62MmAF — Silly Point (@FarziCricketer) August 28, 2023 స్లో ఓవర్‌రేట్‌ కారణంగా జట్టులో ఎవరో ఒక ఆటగాడు మైదానం వీడాల్సి ఉండటంతో, అప్పటికే తన కోటా ఓవర్లు పూర్తి చేసుకున్న సునీల్‌ నరైన్‌ పేరును ట్రిన్‌బాగో నైట్‌రైడర్స్‌ కెప్టెన్‌ కీరన్‌ పోలార్డ్‌ ప్రతిపాదించగా.. ఫీల్డ్‌ అంపైర్‌ నరైన్‌కు రెడ్‌ కార్డ్‌ చూపించాడు. కరీబియన్‌ ప్రీమియర్‌ లీగ్‌ ప్రస్తుత ఎడిషన్‌లోనే తొలిసారి క్రికెట్‌లో ఈ రెడ్‌ కార్డ్‌ రూల్‌ అమల్లోకి వచ్చింది.  ఫుట్‌బాల్‌లో ఈ రెడ్‌ కార్డ్‌ విధానాన్ని మనం తరుచూ చూస్తుంటాం. అయితే క్రికెట్‌లో మాత్రం ఇదే తొలిసారి. ఫుట్‌బాల్‌లో ఓ ఆటగాడు కఠినమైన ఫౌల్‌కు పాల్పడినప్పుడు రిఫరీ అతనికి రెడ్‌ కార్డ్‌ చూపించి, మైదానాన్ని వీడాల్సిందిగా ఆదేశిస్తాడు. అయితే క్రికెట్‌లో ఫుట్‌బాల్‌లోలా కాకుండా స్లో ఓవర్‌ రేట్‌కు పెనాల్టీగా ఈ రెడ్‌ కార్డ్‌ను ఇష్యూ చేస్తారు. ఓ ఇన్నింగ్స్‌లో 3 సార్లు నిర్ధేశిత సమయంలో ఓవర్‌ను పూర్తి చేయకపోతే, రెడ్‌ కార్డ్‌ను జారీ చేస్తారు. తొలిసారి నిర్ధేశిత సమయంలో ఓవర్‌ను పూర్తి చేయకపోతే ఓ ఫీల్డర్‌ను (ఐదో ఫీల్డర్‌), రెండో సారి అదే రిపీటైతే మరో ఫీల్డర్‌ను (ఆరో ఫీల్డర్‌) 20 యార్డ్స్‌ సర్కిల్‌లోకి తీసుకరావాల్సి ఉంటుంది. ఇక ఇదే మూడోసారి రిపీటైతే మాత్రం జట్టులోకి ఓ ఆటగాడు మైదానాన్ని వీడాల్సి ఉంటుంది. నిన్నటి మ్యాచ్‌లో ట్రిన్‌బాగో నైట్‌రైడర్స్‌  17, 18, 19వ ఓవర్లను కోటా సమయంలో పూర్తి చేయకపోవడంతో అంపైర్‌ ఆ జట్టులోని ఓ ఫీల్డర్‌ను మైదానం వీడాల్సిందిగా ఆదేశించాడు. దీంతో నైట్‌రైడర్స్‌ 10 మంది ఆటగాళ్లతోనే చివరి ఓవర్‌ కొనసాగించింది.  ఇదిలా ఉంటే, ఈ మ్యాచ్‌లో సెయింట్‌ కిట్స్‌ అండ్‌ నెవిస్‌ పేట్రియాట్స్‌పై ట్రిన్‌బాగో నైట్‌రైడర్స్‌ 6 వికెట్ల తేడాతో గెలుపొందింది. తొలుత బ్యాటింగ్‌ చేసిన సెయింట్‌ కిట్స్‌.. షెర్ఫాన్‌ రూథర్‌ఫోర్డ్‌ (38 బంతుల్లో 62 నాటౌట్‌; 4 ఫోర్లు, 5 సిక్సర్లు) రాణించడంతో నిర్ణీత ఓవర్లలో 5 వికెట్ల నష్టానికి 178 పరుగులు చేసింది. నైట్‌రైడర్స్‌ బౌలర్లలో సునీల్‌ నరైన్‌ 3 వికెట్లతో రాణించగా.. బ్రావో 2 వికెట్లు పడగొట్టాడు. 179 పరుగుల లక్ష్యఛేదనలో నికోలస్‌ పూరన్‌ (32 బంతుల్లో 61; 5 ఫోర్లు, 4 సిక్సర్లు), కీరన్‌ పోలార్డ్‌ (16 బంతుల్లో 37 నాటౌట్‌; 5 సిక్సర్లు), ఆండ్రీ రసెల్‌ (8 బంతుల్లో 23 నాటౌట్‌; 2 ఫోర్లు, 2 సిక్సర్లు) చెలరేగిపోవడంతో నైట్‌రైడర్స్‌ 17.1 ఓవర్లలో కేవలం​ 4 వికెట్లు మాత్రమే కోల్పోయి విజయతీరాలకు చేరుకుంది. సెయింట్‌ కిట్స్‌ బౌలర్లలో బోష్‌ 3, ముజరబానీ ఓ వికెట్‌ పడగొట్టారు.

కరీబియన్‌ ప్రీమియర్‌ లీగ్‌ 2023లో భాగంగా నిన్న జరిగిన రెండు మ్యాచ్‌ల్లో సిక్సర్ల మోత మోగింది. పలువురు విండీస్‌ జాతీయ జట్టు ఆటగాళ్లు ఆకాశమే హద్దుగా చెలరేగిపోయారు. వీరి సిక్సర్ల సునామీలో మైదానాలు కొట్టుకుపోయాయి. వీరి బాదుడు అభిమానులకు అసలుసిసలు టీ20 క్రికెట్‌ మజాను అందించింది. బంతి పడటమే ఆలస్యం అన్నట్లుగా బౌలర్లను ఊచకోత కోశారు. ఫలితంగా భారీ స్కోర్లు నమోదవ్వడంతో పాటు పలు రికార్డులు కూడా బద్దలయ్యాయి. హెట్‌మైర్‌, కీమో పాల్‌ ఊచకోత జమైకా తల్లావాస్‌-గయానా అమెజాన్‌ వారియర్స్‌ మధ్య జరిగిన మ్యాచ్‌ విషయానికొస్తే.. ఈ మ్యాచ్‌లో తొలుత బ్యాటింగ్‌ చేసిన గయానా.. షిమ్రోన్‌ హెట్‌మైర్‌ (45 బంతుల్లో 60; 3 ఫోర్లు, 4 సిక్సర్లు), కీమో పాల్‌ (29 బంతుల్లో 57; ఫోర్‌, 7 సిక్సర్లు) సుడిగాలి అర్ధశతకాలతో విరుచుకుపడటంతో నిర్ణీత 20 ఓవర్లలో 7 వికెట్ల నష్టానికి 210 పరుగులు చేసింది. కీమో పాల్‌ ఆకాశమే హద్దుగా చెలరేగి దాదాపుగా ప్రతి బంతిని సిక్సర్‌గా మలిచాడు. THE CHAMPION! What a way to mark your 100th CPL match by taking a wicket in your first ball 🙌 @DJBravo47 strikes again! #CPL23 #SKNPvTKR #CricketPlayedLouder #BiggestPartyInSport #RepublicBank pic.twitter.com/aRoSZv9J2B — CPL T20 (@CPL) August 28, 2023 వీరికి షాయ్‌ హోప్‌ (17 బంతుల్లో 25; 2 సిక్సర్లు), రొమారియో షెపర్డ్‌ (9 బంతుల్లో 19 నాటౌట్‌; 2 ఫోర్లు, సిక్స్‌) జతకావడంతో గయానా టీమ్‌ 200 పరుగుల మార్కును దాటింది. జమైకా బౌలర్లలో మహ్మద్‌ ఆమిర్‌ 3 వికెట్లు పడగొట్టగా.. క్రిస్‌ గ్రీన్‌ 2, సల్మాన్‌ ఇర్షాద్‌, రీఫర్‌ తలో వికెట్‌ దక్కించుకున్నారు. సరిపోని ఇమాద్‌ వసీం, ఫేబియన్‌ అలెన్‌ మెరుపులు 211 పరుగుల భారీ లక్ష్యఛేదనలో ఇమాద్‌ వసీం (36 బంతుల్లో 63; 3 ఫోర్లు, 5 సిక్సర్లు), ఫేబియన్‌ అలెన్‌ (25 బంతుల్లో 47; 6 సిక్సర్లు) మెరుపు ఇన్నింగ్స్‌లు ఆడినా జమైకా విజయతీరాలకు చేరలేకపోయింది. వీరు మినహా మిగతావారెవ్వరూ రాణించడకపోవడంతో జమైకా ఇన్నింగ్స్‌ 18.4 ఓవర్లలోనే ముగిసింది. ఆ జట్టు 176 పరుగులు మాత్రమే చేసి ఆలౌటైంది. ఫలితంగా గయానా 34 పరుగుల తేడాతో గెలుపొందింది. రొమారియో షెపర్డ్‌ (3-1-7-3) అద్భుతమైన ప్రదర్శనతో జమైకా పతనాన్ని శాసించగా.. ప్రిటోరియస్‌ (2/35), సింక్లెయిర్‌ (2/17) రాణించారు.  Rutherford Relishes Responsibility💪 Captain's knock from Sherfane👏#CPL23 #SKNPvTKR #CricketPlayedLouder #BiggestPartyInSport #Skyfair pic.twitter.com/lSvN2Kehfi — CPL T20 (@CPL) August 28, 2023 రూథర్‌పోర్డ్‌ ప్రయాస వృధా..  సెయింట్‌ కిట్స్‌ అండ్‌ నెవిస్‌ పేట్రియాట్స్‌తో నిన్న జరిగిన మ్యాచ్‌లో ట్రిన్‌బాగో నైట్‌రైడర్స్‌ బ్యాటర్లు ఉగ్రరూపం దాల్చారు. ఫలితంగా వారి జట్టు 6 వికెట్ల తేడాతో ఘన విజయం సాధించింది. తొలుత బ్యాటింగ్‌ చేసిన సెయింట్‌ కిట్స్‌.. షెర్ఫాన్‌ రూథర్‌ఫోర్డ్‌ (38 బంతుల్లో 62 నాటౌట్‌; 4 ఫోర్లు, 5 సిక్సర్లు), ఆండ్రీ ఫ్లెచర్‌ (17 బంతుల్లో 32; 3 ఫోర్లు, 3 సిక్సర్లు), కోర్బిన్‌ బాష్ (21 బంతుల్లో 30; 3 ఫోర్లు, సిక్స్‌)‌ రాణించడంతో నిర్ణీత ఓవర్లలో 5 వికెట్ల నష్టానికి 178 పరుగులు చేసింది. నైట్‌రైడర్స్‌ బౌలర్లలో సునీల్‌ నరైన్‌ 3 వికెట్లతో రాణించగా.. బ్రావో 2 వికెట్లు పడగొట్టాడు. Nicky P with an entertaining innings 🙌!#CPL23 #SKNPVTKR #CricketPlayedLouder #BiggestPartylnSport #Skyfair pic.twitter.com/WAcooLRBgu — CPL T20 (@CPL) August 28, 2023 Wowza 🤩 @KieronPollard55 SMASHES 4 💯 meter sixes in a row 🔥 #CPL23 #SKNPvTKR #CricketPlayedLouder #BiggestPartyInSport #BetBarter pic.twitter.com/qVpn0fRKA1 — CPL T20 (@CPL) August 28, 2023 విధ్వంసం సృష్టించిన పూరన్‌, పోలార్డ్‌, రసెల్‌ 179 పరుగుల లక్ష్యాఛేదనలో నికోలస్‌ పూరన్‌ (32 బంతుల్లో 61; 5 ఫోర్లు, 4 సిక్సర్లు), కీరన్‌ పోలార్డ్‌ (16 బంతుల్లో 37 నాటౌట్‌; 5 సిక్సర్లు), ఆండ్రీ రసెల్‌ (8 బంతుల్లో 23 నాటౌట్‌; 2 ఫోర్లు, 2 సిక్సర్లు) చెలరేగిపోవడంతో నైట్‌రైడర్స్‌ 17.1 ఓవర్లలో కేవలం​ 4 వికెట్లు మాత్రమే కోల్పోయి లక్ష్యాన్ని చేరుకుంది. సెయింట్‌ కిట్స్‌ బౌలర్లలో బోష్‌ 3, ముజరబానీ ఓ వికెట్‌ పడగొట్టారు. SUPER SALMAN takes 4 🤩 #CPL23 #CricketPlayedLouder #BiggestPartyInSport pic.twitter.com/jSr1RT24G4 — CPL T20 (@CPL) August 28, 2023

కరేబియన్‌ ప్రీమియర్‌ లీగ్‌-2023లో ట్రిన్‌బాగో నైట్ రైడర్స్ బోణీ కొట్టింది. ఈ లీగ్‌లో భాగంగా సోమవారం సెయింట్ కిట్స్ అండ్ నెవిస్ పేట్రియాట్స్‌తో జరిగిన మ్యాచ్‌లో 6 వికెట్ల తేడాతో నైట్ రైడర్స్ విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన సెయింట్ కిట్స్ నిర్ణీత 20 ఓవర్లలో 5 వికెట్ల నష్టానికి 178 పరుగులు చేసింది. సెయింట్స్‌ కిట్స్‌ బ్యాటర్లలో రుథర్‌ఫర్డ్‌(38 బంతుల్లో 62 నాటౌట్‌) అద్బుత ఇన్నింగ్స్‌ ఆడాడు. నైట్ రైడర్స్ బౌలర్లలో నరైన్‌ మూడు వికెట్లు పడగొట్టగా.. బ్రావో రెండు వికెట్లు సాధించాడు. పూరన్‌, పొలార్డ్‌ విధ్వంసం.. ఇక 179 పరుగుల లక్ష్యాన్ని నైట్ రైడర్స్ ఊదిపడేసింది. 17.1 ఓవర్లలో కేవలం నాలుగు వికెట్లు మాత్రమే కోల్పోయి ఛేదించింది. ట్రిన్‌బాగో ఇన్నింగ్స్‌లలో పూరన్‌, పొలార్డ్‌ విధ్వంసకర ఇన్నింగ్స్‌లు ఆడారు. 32 బంతుల్లో 5 ఫోర్లు, 4 సిక్స్‌లతో పూరన్‌ 61 పరుగులు చేయగా.. పొలార్డ్‌ 16 బంతుల్లో 5 సిక్స్‌లతో 37 పరుగులు చేసి ఆజేయంగా నిలిచాడు. ముఖ్యంగా ఆఫ్గానిస్తాన్‌ స్పిన్నర్‌ ఇజారుల్హక్ నవీద్‌కు పొలార్డ్‌ చుక్కలు చూపించాడు. ఇజారుల్హక్ వేసిన 14వ ఓవర్లో వరుసగా నాలుగు సిక్స్‌లు బాదాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. చదవండి: Glenn Maxwell Ankle Injury: ప్రపంచకప్‌కు ముందు ఆస్ట్రేలియాకు బిగ్‌ షాక్‌.. విధ్వంసకర ఆటగాడు దూరం! Wowza 🤩 @KieronPollard55 SMASHES 4 💯 meter sixes in a row 🔥 #CPL23 #SKNPvTKR #CricketPlayedLouder #BiggestPartyInSport #BetBarter pic.twitter.com/qVpn0fRKA1 — CPL T20 (@CPL) August 28, 2023

కరేబియన్‌ ప్రీమియర్‌ లీగ్‌లో​ భాగంగా సెయింట్ లూసియా కింగ్స్, ట్రింబాగో నైట్ రైడర్స్ మధ్య జరిగిన మ్యాచ్‌లో ఓ భయంకర సంఘటన చోటు చేసుకుంది. ఈ మ్యాచ్‌లో సెయింట్ లూసియా కింగ్స్‌ బ్యాటర్‌, విండీస్‌ స్టార్‌ ఓపెనర్‌ జాన్సన్ చార్లెస్‌ పెను ప్రమాదం తృటిలో తప్పించుకున్నాడు. మైదానంలో బౌలర్లను ఎదుర్కొనేటప్పుడు బ్యాటర్లు చాలా జాగ్రత్త వహించాలి. ముఖ్యంగా ఫాస్ట్‌ బౌలర్లకు వ్యతిరేకంగా విభిన్న షాట్‌లు ఆడాలనుకున్నప్పుడు బ్యాటర్లకు కొంచెం తెలివితో పాటు ప్రాక్టీస్‌ కూడా ఉండాలి. ఏదో గుడ్డిగా ప్రయోగాలు చేద్దామంటే గాయాల బారిన పడక తప్పదు. ఇప్పటికే ఇటువంటి ప్రయోగాలు చేసి చాలా మంది ఆటగాళ్లు గాయపడిన సందర్భాలు ఉన్నాయి. తాజాగా చార్లెస్‌ విషయంలో కూడా ఇదే జరిగింది. అయితే అదృష్టవశాత్తూ అతడికి ఎటువంటి గాయాలు కాలేదు. ఏం జరిగిదంటే? సెయింట్ లూసియా ఇన్నింగ్స్‌ 12 ఓవర్‌లో  డ్వేన్ బ్రావో నాలుగో బంతిని ఫుల్‌ టాస్‌గా సంధించాడు. ఈ క్రమంలో  చార్లెస్ బంతిని వికెట్‌ కీపర్‌ పై నుంచి పంపేందుకు స్కూప్‌ షాట్‌కు ప్రయత్నించాడు. అయితే బంతిని పూర్తిగా మిస్ అయ్యాడు. ఈ క్రమంలో బంతి వచ్చి అతడి గడ్డానికి తాకింది. బంతి తగిలిన దెబ్బకు అతని హెల్మెట్‌ ఎగిరి పడింది. అయితే ఈ సమయంలో తెలివిగా వ్యవహరించిన చార్లెస్..  హెల్మెట్‌ వికెట్లపై పడకుండా కాలితో తన్నాడు. కాగా వెంటనే ఫిజియో పరిగెత్తు కుంటూ వచ్చి అతడిని పరీక్షించాడు. అతడికి ఎటువంటి గాయం కాకపోవడంతో అంతా ఊపిరి పీల్చుకున్నారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. ఈ వీడియెపై నెటిజన్లు విభిన్న రీతిలో స్పందిస్తున్నారు. "మనకు రానిది అవసరమా భయ్యా.. కొంచెం తేడా జరిగింటే ఏంటి పరిస్థితి" అని ఓ యూజర్‌ కామెంట్‌ చేశాడు. చదవండి: భారత ట్రిపుల్‌ సెంచరీ వీరుడి సంచలన నిర్ణయం.. ఇకపై! What just happened!?! Johnson Charles almost dismissed by his own helmet! @BetBarteronline magic moment!#CPL23 #SLKvTKR #BetBarter pic.twitter.com/Ts6YxZY1m0 — CPL T20 (@CPL) August 26, 2023

కరీబియన్‌ ప్రీమియర్‌ లీగ్‌లో భారత ఆటగాడు అంబటి తిరుపతి రాయుడు ఎట్టకేలకు బ్యాట్‌ ఝులిపించాడు. సీపీఎల్‌-2023లో సెయింట్‌ కిట్స్‌ అండ్‌ నెవిస్‌ పేట్రియాట్స్‌కు ప్రాతినిథ్యం వహిస్తున్న రాయుడు.. గయానా వారియర్స్‌తో నిన్న (ఆగస్ట్‌ 25) జరిగిన మ్యాచ్‌లో ఓ మోస్తరు స్కోర్‌తో (24 బంతుల్లో 32; 2 ఫోర్లు, 2 సిక్సర్లు) రాణించాడు. అయితే రాయుడు రాణించినా అతని జట్టు సెయింట్‌ కిట్స్‌ మాత్రం ఓటమిపాలైంది. రాయుడుతో పాటు ఎవిన్‌ లెవిస్‌ (24 బంతుల్లో 48; ఫోర్‌, 6 సిక్సర్లు) చెలరేగాడు. సెయింట్‌ కిట్స్‌ ఇన్నింగ్స్‌లో రాయుడు, లెవిస్‌, జాషువ డిసిల్వ (10) మాత్రమే రెండంకెల స్కోర్లు చేశారు. గయానా బౌలర్‌ గుడకేశ్‌ మోటీ (4-0-29-4) తన స్పిన్‌ మాయాజాలంతో సెయింట్‌ కిట్స్‌ పతనాన్ని శాశించాడు. మోటీకి ఇమ్రాన్‌ తాహిర్‌ (2/35), ఓడియన్‌ స్మిత్‌ (1/13), కీమో పాల్‌ (1/25), రొమారియో షెపర్డ్‌ (1/14), డ్వేన్‌ ప్రిటోరియస్‌ (1/12) సహకరించారు.  అంతకుముందు గయానా తొలుత బ్యాటింగ్‌ చేస్తూ.. నిర్ణీత 20 ఓవర్లలో 7 వికెట్ల నష్టానికి 197 పరుగుల భారీ స్కోర్‌ చేసింది. షాయ్‌ హోప్‌ (54) అర్ధసెంచరీతో రాణించగా.. సైమ్‌ అయూబ్‌ (31), హెట్‌మైర్‌ (26), కీమో పాల్‌ (25), రొమారియో షెపర్డ్‌ (25 నాటౌట్‌) పర్వాలేదనిపించారు. సెయింట్‌ కిట్స్‌ బౌలర్లలో ఓషేన్‌ థామస్‌ 3 వికెట్లు పడగొట్టగా.. డోమినిక్‌ డ్రేక్స్‌ 2, కాట్రెల్‌, నవీద్‌ తలో వికెట్‌ దక్కించుకున్నారు. అనంతరం 198 పరుగుల భారీ లక్ష్యఛేదనకు దిగిన సెయింట్‌ కిట్స్‌.. మోటీ ధాటికి 16.5 ఓవర్లలోనే (132 ఆలౌట్‌) చాపచుట్టేసింది. 

విండీస్‌ ఓపెనింగ్‌ బ్యాటర్‌ బ్రాండన్‌ కింగ్‌ భీకర ఫామ్‌లో ఉన్నాడు. కరీబియన్‌ ప్రీమియర్‌ లీగ్‌ 2023 ప్రారంభానికి ముందు టీమిండియాతో జరిగిన 5 మ్యాచ్‌ల టీ20 సిరీస్‌లో ఫామ్‌ను అందుకున్న కింగ్‌.. ఆ సిరీస్‌లో నిర్ణయాత్మక ఐదో మ్యాచ్‌లో 55 బంతుల్లో అజేయమైన 85 పరుగులు (5 ఫోర్లు, 6 సిక్సర్లు) చేసి, తన జట్టు సిరీస్‌ కైవసం (3-2) చేసుకునేలా చేశాడు. తాజాగా సీపీఎల్‌లోనూ అదే ఫామ్‌ను కొనసాగిస్తున్న కింగ్‌ వరుసగా రెండు హాఫ్‌ సెంచరీలు చేసి (81, 67), ఇక్కడ కూడా తన జట్టుకు వరుస విజయాలు అందిస్తున్నాడు.  Brandon King’s 22 ball FIFTY takes our Republic Bank play of the day! #CPL23 #SKNPvJT #CricketPlayedLouder #BiggestPartyInSport #RepublicBank pic.twitter.com/7TeGR8xevA — CPL T20 (@CPL) August 24, 2023 సీపీఎల్‌లో జమైకా తల్లావాస్‌కు సారధ్యం వహిస్తున్న కింగ్‌.. సెయింట్‌ కిట్స్‌ అండ్‌ నెవిస్‌ పేట్రియట్స్‌తో నిన్న (ఆగస్ట్‌ 23) జరిగిన మ్యాచ్‌లో 33 బంతుల్లో 7 ఫోర్లు, 4 సిక్సర్ల సాయంతో 67 పరుగులు చేసి, తన జట్టు విజయంలో ప్రధానపాత్ర పోషించాడు. ఈ మ్యాచ్‌లో తొలుత బ్యాటింగ్‌ చేసిన సెయింట్‌ కిట్స్‌.. జాషువ డిసిల్వ (36), డోమినిక్‌ డ్రేక్స్‌ (29 నాటౌట్‌), ఆండ్రీ ఫ్లెచర్‌ (23) ఓ మోస్తరు స్కోర్లు సాధించడంతో నిర్ణీత 20 ఓవర్లలో 9 వికెట్ల నష్టానికి 156 పరుగులు చేసింది. Super Salman 🇵🇰 Salman Irshad takes the wickets of Ambati Rayudu, Andre Fletcher and Corbin Bosch in the same over 🤯 #CPL23 #SKNPvJT #CricketPlayedLouder #BiggestPartyInSport pic.twitter.com/eNS4sS2Kib — CPL T20 (@CPL) August 23, 2023 జాషువ, డ్రేక్స్‌, ఫ్లెచర్‌ మినహా మిగతా వారెవ్వరూ రాణించలేకపోయారు. కెప్టెన్‌ ఎవిన్‌ లెవిస్‌ 9 పరుగులు చేయగా, ఈ మ్యాచ్‌తో సీపీఎల్‌లోకి ఎంట్రీ ఇచ్చిన అంబటి రాయుడు డకౌటయ్యాడు. జమైకా బౌలర్లలో సల్మాన్‌ ఇర్షాద్‌ 4 వికెట్లతో విజృంభించగా.. మహ్మద్‌ అమిర్‌ 3 వికెట్లతో చెలరేగాడు. ఇమాద్‌ వసీం, నికోల్సన్‌ గోర్డన్‌ తలో వికెట్‌ దక్కించుకున్నారు. Tonight's @BetBarteronline magic moment sees @iamamirofficial in the wickets yet again! #CPL23 #SLKvBR #CricketPlayedLouder #BiggestPartyInSport #BetBarter pic.twitter.com/NEX8k9HfN1 — CPL T20 (@CPL) August 24, 2023 157 పరుగుల లక్ష్యాన్ని ఛేదించేందుకు బరిలోకి దిగిన తల్లావాస్‌.. బ్రాండన్‌ కింగ్‌, షామారా బ్రూక్స్‌ (28 నాటౌట్‌), కిర్క్‌ మెకెన్జీ (23) రాణించడంతో 16.3 ఓవర్లలో కేవలం 2 వికెట్లు మాత్రమే కోల్పోయి విజయతీరాలకు చేరింది. సెయింట్‌ కిట్స్‌ బౌలర్లలో డ్రేక్స్‌, ఒషేన్‌ థామస్‌ తలో వికెట్‌ పడగొట్టారు. కాగా, ప్రస్తుత సీపీఎల్‌ ఎడిషన్‌లో భారత్‌ నుంచి ఒక్క అంబటి రాయుడు మాత్రమే ప్రాతినిథ్యం వహిస్తున్న విషయం తెలిసిందే. A dominant 8-wicket win for the Tallawahs!!!🐊#CPL23 #SKNPvJT #CricketPlayedLouder #BiggestPartyInSport pic.twitter.com/0O6sdesLty — CPL T20 (@CPL) August 24, 2023 Salman Irshad's T20 stock continues to rise 📈. He turns out a Man of the Match performance tonight 💫#CPL23 #SKNPvJT #CricketPlayedLouder #BiggestPartyInSport #iflycaribbean pic.twitter.com/KDeYuIWtdi — CPL T20 (@CPL) August 24, 2023

భారత మాజీ క్రికెటర్‌ అంబటి రాయుడు సెయింట్ కిట్స్ నెవిస్ అండ్ పేట్రియాట్స్ తరపున కరేబియన్‌ ప్రీమియర్‌ లీగ్‌లో అరంగేట్రం చేశాడు. అయితే తన తొలి మ్యాచ్‌లోనే రాయుడు నిరాశపరిచాడు. గురువారం జమైకా తల్లావాస్‌తో జరిగిన మ్యాచ్‌లో రాయుడు డకౌట్‌గా వెనుదిరిగాడు. ఐదో స్ధానంలో బ్యాటింగ్‌కు వచ్చి ఖాతా తెరవకుండానే పెవిలియన్‌కు చేరాడు. సెయింట్స్‌ కిట్స్‌ ఇన్నింగ్స్‌ 4 ఓవర్‌ వేసిన సల్మాన్‌ ఇర్షద్‌ బౌలింగ్‌లో రాయుడు భారీ షాట్‌కు ప్రయత్నించాడు. అయితే బంతి ఎడ్జ్‌తీసుకుని థర్డ్‌మాన్‌ ఫీల్డర్‌ దిశగా వెళ్లింది. ఈ క్రమంలో ఇమాద్‌ వసీం క్యాచ్‌ను అందుకున్నాడు. దీంతో నిరాశతో రాయుడు మైదాన్ని వీడాడు.  అతడు ఔట్‌కు సంబంధించిన వీడియో సోషల్‌ మీడియాలో వైరల్‌గా మారింది. అయ్యో రాయుడు తొలి మ్యాచ్‌లోనే ఇలా జరిగిందేంటి అంటూ అభిమానులు కామెంట్లు చేస్తున్నారు. కాగా సీపీఎల్‌లో ఆడిన రెండో భారత ఆటగాడిగా రాయుడు నిలిచాడు. ఇక ఐపీఎల్‌-2023 తర్వాత అన్నిరకాల ఫార్మాట్‌లకు రాయుడు గుడ్‌ బై చెప్పిన విషయం తెలిసిందే. ఐదోసారి చెన్నైసూపర్‌ కింగ్స్‌ ఛాంపియన్స్‌గా నిలవడంలో రాయుడు కీలక పాత్ర పోషించాడు. అహ్మదాబాద్‌ వేదికగా గుజరాత్‌తో జరిగిన ఫైనల్లో రాయుడు మెరుపు ఇన్నింగ్స్‌ ఆడాడు. ఫైనల్లో 8 బంతులు ఎదుర్కొని 19 పరుగులు చేశాడు. ఇక సీఎస్‌కే విజయంతో ఓ అరుదైన ఘనతను కూడా తన పేరిట లిఖించుకున్నాడు. ఐపీఎల్‌లో అత్యధిక సార్లు విజేతగా నిలిచిన జట్టులో భాగమైన రెండో ఆటగాడిగా చరిత్రకెక్కాడు. రాయుడు మొత్తంగా ఆరుసార్లు (ముంబై ఇండియన్స్‌ తరఫున 3, సీఎస్‌కే తరఫున 3)టైటిల్స్‌ సాధించిన జట్లలో రాయుడు భాగంగా ఉన్నాడు. రాయుడు కంటే ముందు ఈ ఘనత సాధించిన జాబితాలో రోహిత్‌ శర్మ ముందన్నాడు. ఇక ఐపీఎల్‌లో 203 మ్యాచ్‌లు ఆడిన అంబటి.. 4348 పరుగులు చేశాడు. అతడి ఐపీఎల్‌ కెరీర్‌లో ఒక సెంచరీ ఉంది. చదవండి: Virat Kohli: యో- యో టెస్టులో పాసయ్యాను.. ఫొటో షేర్‌ చేసిన కోహ్లి! స్కోరెంతంటే..  Super Salman 🇵🇰 Salman Irshad takes the wickets of Ambati Rayudu, Andre Fletcher and Corbin Bosch in the same over 🤯 #CPL23 #SKNPvJT #CricketPlayedLouder #BiggestPartyInSport pic.twitter.com/eNS4sS2Kib — CPL T20 (@CPL) August 23, 2023

టీమిండియా మాజీ క్రికెటర్‌, ఐపీఎల్‌ సూపర్‌ స్టార్‌ అంబటి తిరుపతి రాయుడు కరీబియన్‌ ప్రీమియర్‌ లీగ్‌లో అధికారికంగా జాయిన్‌ అయ్యాడు. రేపు (ఆగస్ట్‌ 19) ట్రిన్‌బాగో నైట్‌రైడర్స్‌తో జరిగే మ్యాచ్‌తో సెయింట్‌ కిట్స్‌ నెవిస్‌ పేట్రియాట్స్‌ తరఫున సీపీఎల్‌ అరంగేట్రం చేయనున్నాడు. సౌతాఫ్రికా ఆల్‌రౌండర్‌ ట్రిస్టన్‌ స్టబ్స్‌కు ప్రత్యామ్నాయంగా రాయుడు రేపటి మ్యాచ్‌లో బరిలోకి దిగనున్నాడు. దీంతో ప్రవీణ్‌ తాంబే తర్వాత కరీబియన్‌ ప్రీమియర్‌ లీగ్‌ ఆడనున్న రెండో భారత క్రికెటర్‌గా రికార్డుల్లోకెక్కనున్నాడు. 2020 సీజన్‌లో ప్రవీణ్‌ తాంబే ట్రిన్‌బాగో నైట్ రైడర్స్‌ తరఫున సీపీఎల్‌లోకి ఎంట్రీ ఇచ్చాడు.  Awesome to be back on the park.. excited to be a part of the @sknpatriots and the @CPL.. pic.twitter.com/dsHC4xtsi8 — ATR (@RayuduAmbati) August 17, 2023 సీపీఎల్‌లో తన తొలి మ్యాచ్‌కు ముందు రాయుడు తన ట్విటర్‌ ఖాతా ద్వారా ఓ మెసేజ్‌ షేర్‌ చేశాడు.  మళ్లీ బ్యాట్‌ పట్టి బరిలోకి దిగడం​ అద్భుతంగా ఉంది.. కరీబియన్‌ లీగ్‌లో, ముఖ్యంగా సెయింట్‌ కిట్స్‌ నెవిస్‌ పేట్రియాట్స్‌లో భాగమైనందుకు చాలా ఆనందంగా ఉందంటూ పేట్రియాట్స్‌ జెర్సీలోని తన ఫోటోను షేర్‌ చేశాడు.  ఇదిలా ఉంటే, 2023 సీజన్‌ తర్వాత ఐపీఎల్‌కు రిటైర్మెంట్‌ ప్రకటించిన రాయుడు.. ఇటీవల అమెరికా వేదికగా జరిగిన మేజర్‌ లీగ్‌ క్రికెట్‌లో టెక్సాస్‌ సూపర్‌ కింగ్స్‌ తరఫున బరిలోకి దిగుతాడని అంతా అనుకున్నారు. అయితే, ఏదో బలమైన కారణం చేత రాయుడు ఆ లీగ్‌లో ఆడలేకపోయాడు. మరోవైపు రాయుడు ఆంధ్రప్రదేశ్‌ రాజకీయాల్లోకి ఎంట్రీ ఇస్తాడనే ప్రచారం కూడా జరుగుతున్న విషయం తెలిసిందే. 

ప్రపంచక్రికెట్‌లో భారీకాయం ఉన్న ఆటగాళ్లు ఎవరంటే మనకు టక్కను గుర్తు వచ్చేది వెస్టిండీస్‌ క్రికెటర్‌ రఖీమ్‌ కార్నివాల్‌. కార్నివాల్‌కు అద్బుతమైన టాలెంట్‌ ఉన్నప్పటికీ.. ఫిట్‌నెస్‌ మాత్రం అతడికి పెద్ద సమస్యగా ఉంది. అతడు దాదాపు 6 అడుగుల ఆరు అంగుళాల ఎత్తు.. 140 పైగా కిలోల బరువు ఉంటాడు. ఇంతటి భారీ కాయం ఉన్న రఖీమ్‌ వికెట్ల మధ్య పరిగెత్తడానికి చాలా కష్టపడతుంటాడు. మరోసారి కార్నివాల్‌ తన ఫిట్‌నెస్‌ సమస్యకు బలైపోయాడు. పాపం కార్నివాల్‌.. కార్నివాల్‌ ప్రస్తుతం కరేబియన్‌ ప్రీమియర్‌ లీగ్‌లో బార్బడోస్ రాయల్స్‌కు ప్రాతినిథ్యం వహిస్తున్నాడు. ఈ లీగ్‌లో భాగంగా బార్బడోస్,సెయింట్‌ లూసియా మధ్య జరిగిన మ్యాచ్‌లో కార్నివాల్‌ రనౌట్‌గా వెనుదిరిగాడు. బార్బోడస్‌ ఇన్నింగ్స్‌ తొలి ఓవర్‌ వేసిన ఫోర్డే బౌలింగ్‌లో మొదటి బంతిని షార్ట్‌లెగ్‌ దిశగా కార్నివాల్‌ ఆడాడు. అయితే అక్కడ ఉన్న ఫీల్డర్‌ బంతిని సరిగ్గా అందుకోలేకపోయాడు. ఈ క్రమంలో నాన్‌స్ట్రైక్‌లో ఉన్న కైల్‌ మైర్స్‌ పరుగు కోసం కార్నివాల్‌కు పిలుపునిచ్చాడు. అవతలి ఎండ్‌ నుంచి మైర్స్‌ వికెట్‌ కీపర్‌వైపు చేరుకున్నప్పటికీ.. కార్నివాల్‌ మాత్రం బౌలింగ్‌ ఎండ్‌వైపు చేరుకోలేకపోయాడు. కార్నివాల్‌ వేగంగా పరిగెత్తుకుంటూ వెళ్లలేకపోయాడు. ఈ క్రమంలో క్రిస్‌ సోలే డైరక్ట్‌ త్రో చేయడంతో కార్నివాల్‌ రనౌట్‌గా వెనుదిరిగాడు. ఇందుకు సంబంధించిన వీడియో సోషల్‌ మీడియాలో వైరల్‌గా మారింది. పాపం కార్నివాల్‌ అంటూ నెటిజన్లు కామెంట్లు చేస్తున్నారు. చదవండి: #Virat Kohli: అరంగేట్రంలో విఫలం.. కట్‌ చేస్తే.. ప్రపంచంలోనే రారాజుగా! ఏకంగా సచిన్‌తో పోటీ Tonight's @BetBarteronline magic moment is the run out of Rahkeem Cornwall that set the Saint Lucia Kings off on a fantastic PowerPlay! #CPL23 #SLKvBR #CricketPlayedLouder #BiggestPartyInSport #BetBarter pic.twitter.com/HgDtLWTjmK — CPL T20 (@CPL) August 18, 2023

కరేబియన్‌ లీగ్‌-2023 సీజన్‌ను జమైకా తల్లావాస్‌ విజయంతో ఆరంభించింది. ఈ లీగ్‌లో భాగంగా గురువారం సెయింట్ లూసియా కింగ్స్‌తో జరిగిన మ్యాచ్‌లో 11 పరుగుల తేడాతో జమైకా విజయం సాధించింది. వెస్టిండీస్‌ స్టార్‌ ఆటగాడు, జమైకా తల్లావాస్‌ కెప్టెన్‌ బ్రాండన్‌ కింగ్‌ తన అద్భుతఫామ్‌ను కొనసాగిస్తున్నాడు. భారత్‌తో జరిగిన ఆఖరి టీ20లో సంచలన ఇన్నింగ్స్‌ ఆడిన కింగ్‌.. ఇప్పుడు సీపీఎల్‌ తొలి మ్యాచ్‌లో కూడా చెలరేగాడు. ఈ మ్యాచ్‌లో 53 బంతులు ఎదుర్కొన్న కింగ్‌ 9 ఫోర్లు, 3 సిక్స్‌లతో 81 పరుగులు చేశాడు. కింగ్‌ విధ్వంసకర ఇన్నింగ్స్‌ ఫలితంగా  జమైకా తల్లావాస్‌ నిర్ణీత 20 ఓవర్లలో 187 పరుగులు చేసింది.   సెయింట్‌ లూసియా బౌలర్లలో ఛేజ్‌ మూడు వికెట్లతో మెరిశాడు. అనంతరం 188 పరుగుల లక్ష్యంతో బరిలోకి దిగిన సెయింట్‌ లూసియా.. నిర్ణీత 20 ఓవర్లలో 8 వికెట్లు కోల్పోయి 176 పరుగులు మాత్రమే చేయగల్గింది. సెయింట్‌ లూసియా బ్యాటర్లలో రోస్టన్‌ ఛేజ్‌(53), రోషన్‌ ప్రైమస్(37) పరుగులతో రాణించారు. జమైకా బౌలర్లలో ఇమాడ్‌ వసీం మూడు వికెట్లు పడగొట్టగా.. గ్రీన్‌, సల్మాన్‌ ఇర్షద్‌ తలా రెండు వికెట్లు సాధించారు. చదవండి: Asia Cup 2023: భారత జట్టు ప్రకటనకు ముహూర్తం ఫిక్స్‌.. రాహుల్‌ ఎంట్రీ! స్టార్‌ ఆటగాడు దూరం

కరేబియన్‌ ప్రీమియర్‌ లీగ్‌-2023 సీజన్‌ ఆగస్టు 16 నుంచి ప్రారంభమైంది. భారత కాలమానం ప్రకారం గురువారం(ఆగస్టు17) ఉదయం జరిగిన తొలి మ్యాచ్‌లో సెయింట్ లూసియా కింగ్స్‌పై జమైకా తల్లావాస్‌ 11 పరుగుల తేడాతో విజయం సాధించింది. తొలుత బ్యాటింగ్‌ చేసిన జమైకా తల్లావాస్‌ నిర్ణీత 20 ఓవర్లలో 187 పరుగులకు ఆలౌటైంది. జమైకా బ్యాట్లరలో కెప్టెన్‌ బ్రాండన్‌ కింగ్‌(81) పరుగులతో అదరగొట్టాడు. సెయింట్‌ లూసియా బౌలర్లలో ఛేజ్‌ మూడు వికెట్లతో మెరిశాడు. అనంతరం 188 పరుగుల లక్ష్యంతో బరిలోకి దిగిన సెయింట్‌ లూసియా.. నిర్ణీత 20 ఓవర్లలో 8 వికెట్లు కోల్పోయి 176 పరుగులు మాత్రమే చేయగల్గింది. సెయింట్‌ లూసియా బ్యాటర్లలో రోస్టన్‌ ఛేజ్‌(53), రోషన్‌ ప్రైమస్(37) పరుగులతో రాణించారు. జమైకా బౌలర్లలో ఇమాడ్‌ వసీం మూడు వికెట్లు పడగొట్టగా.. గ్రీన్‌, సల్మాన్‌ ఇర్షద్‌ తలా రెండు వికెట్లు సాధించారు. అమీర్‌కు ఫ్యూజ్‌లు ఔట్‌.. ఈ మ్యాచ్‌లో జమైకా తల్లావాస్‌ బౌలర్‌, పాక్‌ మాజీ పేసర్‌ మహ్మద్‌ అమీర్‌ భారీగా పరుగులు సమర్పించుకున్నాడు. తన నాలుగు ఓవర్ల కోటాలో వికెట్ పడగొట్టకుండా 47 పరుగులు సమర్పించుకున్నాడు. ముఖ్యంగా సెయింట్‌ లూసియా బ్యాటర్‌ షన్‌ ప్రైమస్.. అమీర్‌ను ఓ ఆట ఆడుకున్నాడు. తన బౌలింగ్‌లో ప్రైమస్ కొట్టిన ఓ భారీ సిక్సర​్‌కు అమీర్‌ ఆశ్చర్యపోయాడు. సెయింట్‌ లూసియా ఇన్నింగ్స్‌ 17 ఓవర్‌ వేసిన అమీర్‌ బౌలింగ్‌లో తొలి బంతికే ప్రైమస్ 96 మీటర్ల భారీ సిక్సర్‌ బాదాడు. అది చూసిన అమీర్‌ షాకింగ్‌ రియాక్షన్‌ ఇచ్చాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. చదవండి: IND vs WI: ఐర్లాండ్‌తో తొలి టీ20.. సంజూ శాంసన్‌పై వేటు! సిక్సర్ల కింగ్‌ ఎంట్రీ Primus SMASHES Mohammed Amir with a 96 meter six for our @republicbanktt play of the day! #CPL23 #SLKvJT #CricketPlayedLouder #BiggestPartyInSport #RepublicBank pic.twitter.com/nPhn1RBI6Q — CPL T20 (@CPL) August 17, 2023

భారత అప్‌కమింగ్‌ మహిళా క్రికెటర్‌ శ్రేయాంక పాటిల్‌ అరుదైన ఘనత సాధించింది. కరీబియన్‌ ప్రీమియర్‌ లీగ్‌ (సీపీఎల్‌) ఆడనున్న తొలి భారత క్రికెటర్‌గా (పురుషుల లేదా మహిళల క్రికెట్‌) రికార్డుల్లో నిలిచింది. ఇటీవల ముగిసిన మహిళల ఐపీఎల్‌లో ఆర్సీబీ తరఫున లీడింగ్‌ వికెట్‌ టేకర్‌గా నిలిచిన శ్రేయాంక.. అంతర్జాతీయ స్థాయిలో ఒక్క మ్యాచ్‌ కూడా ఆడనప్పటికీ సీపీఎల్‌ ఆడే జాక్‌పాట్‌ కొట్టేసింది. సీపీఎల్‌లో గయానా అమెజాన్‌ వారియర్స్‌ ఫ్రాంచైజీ శ్రేయాంకతో ఒప్పందం కుదుర్చుకుంది. కాగా, భారత పురుషుల క్రికెటర్ల తరహాలో మహిళా క్రికెటర్లు విదేశీ లీగ్‌ల్లో పాల్గొనడంపై ఎలాంటి అంక్షలు లేవు. గతంలో భారత మహిళా క్రికెటర్లు స్మృతి మంధన, దీప్తి శర్మ, హర్మన్‌ప్రీత్‌ కౌర్‌ ఆస్ట్రేలియా బిగ్‌బాష్‌ లీగ్‌, ఇంగ్లండ్‌ హండ్రెడ్‌ టోర్నీల్లో పాల్గొన్నారు. అయితే ఏ భారత క్రికెటర్‌ సీపీఎల్‌లో మాత్రం ఆడింది లేదు. తాజాగా శ్రేయాంకకు మాత్రమే ఈ అరుదైన గౌరవం దక్కింది.  20 ఏళ్ల స్పిన్‌ అల్‌రౌండర్‌ అయిన శ్రేయాంక.. మహిళ ఐపీఎల్‌ ద్వారా వెలుగులోకి వచ్చింది. అనంతరం జరిగిన ఏసీసీ మహిళల ఎమర్జింగ్‌ టీమ్స్‌ కప్‌లో సత్తా చాటి (ప్లేయర్‌ ఆఫ్‌ ద సిరీస్‌) లీగ్‌ క్రికెట్‌లో విదేశీ ఫ్రాంచైజీల దృష్టిని ఆకర్శించింది. త్వరలో ప్రారంభంకానున్న సీపీఎల్‌లో శ్రేయాంక.. స్టెఫానీ టేలర్‌ నేతృత్వంలో గయానా ఆమెజాన్‌ వారియర్స్‌కు ఆడనుంది. శ్రేయాంకతో పాటు ఆమె ఆర్సీబీ సహచరిణులైన సుజీ బేట్స్‌, సోఫీ డివైన్‌లను కూడా ఆమెజాన్‌ వారియర్స్‌ ఎంపిక చేసుకుంది. లెజెండరీ సౌతాఫ్రికా పేసర్‌ షబ్నిమ్‌ ఇస్మాయిల్‌ కూడా ఆమెజాన్‌ వారియర్స్‌కు ఆడనుంది. కరీబియన్‌ ప్రీమియర్‌ లీగ్‌.. ఆగస్ట్‌ 31న మొదలై సెప్టెంబర్‌ 10 వరకు సాగనుంది. ఈ లీగ్‌లో మొత్తం 3 జట్లు పాల్గొంటాయి. లీగ్‌ దశలో ఒక్కో జట్టు మిగతా జట్లతో రెండేసి మ్యాచ్‌లు ఆడుతుంది. 

Caribbean Premier League 2022 - Barbados Royals vs Jamaica Tallawahs, Final: కరేబియన్‌ ప్రీమియర్‌ లీగ్‌- 2022 విజేతగా జమైకా తలైవాస్‌ అవతరించింది. గయానాలో బార్బడోస్‌ రాయల్స్‌తో జరిగిన ఫైనల్లో 8 వికెట్ల తేడాతో గెలుపొంది చాంపియన్‌గా నిలిచింది. ఒబెడ్‌ మెకాయ్‌ బౌలింగ్‌లో బ్రాండన్‌ కింగ్‌ సిక్సర్‌ బాది తలైవాస్‌ విజయం ఖరారు చేశాడు.  CHAMPIONS!!!!! 🏆🏆🏆#CPL22 #BRvJT #CricketPlayedLouder #BiggestPartyInSport #CPLFinal pic.twitter.com/DFMixoADQ0 — CPL T20 (@CPL) October 1, 2022 ఆజం ఖాన్‌ ఒక్కడే ఇక తాజా సీజన్‌లో విజయంతో జమైకా మూడోసారి ట్రోఫీ అందుకుంది. దీంతో రోవ్‌మన్‌ పావెల్‌ బృందం సంబరాలు అంబరాన్నంటాయి. సీపీఎల్‌-2022 ఫైనల్‌లో టాస్‌ గెలిచిన బార్బడోస్‌ తొలుత బ్యాటింగ్‌ ఎంచుకుంది. వన్‌డౌన్‌ బ్యాటర్‌ ఆజం ఖాన్‌ అర్ధ శతకంతో రాణించగా.. నిర్ణీత 20 ఓవర్లలో 7 వికెట్ల నష్టానికి 161 పరుగులు చేసింది. కింగ్‌ అదరగొట్టాడు లక్ష్య ఛేదనకు దిగిన జమైకా తలైవాస్‌కు ఓపెనర్‌ బ్రాండన్‌ కింగ్‌ అద్భుత ఆరంభం అందించాడు. 50 బంతుల్లో 13 ఫోర్లు, 2 సిక్సర్ల సాయంతో 83 పరుగులు సాధించి చివరి వరకు అజేయంగా నిలిచాడు. వన్‌డౌన్‌ బ్యాటర్ షామర్‌ బ్రూక్స్‌ 47 పరుగులతో రాణించాడు. ఈ క్రమంలో 16.1 ఓవర్లలోనే తలైవాస్‌ జట్టు టార్గెట్‌ ఛేదించింది.  రెండు వికెట్లు నష్టపోయి 162 పరుగులు చేసి 8 వికెట్ల తేడాతో విజయఢంకా మోగించింది. తద్వారా మూడోసారి సీపీఎల్‌ టైటిల్‌ విజేతగా నిలిచింది. బార్బడోస్‌ను కట్టడి చేయడంలో సఫలమైన తలైవాస్‌ ఆల్‌రౌండర్‌  ఫాబియన్‌ అలెన్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. కాగా అంతకుముందు 2013, 2016 సీజన్లలో తలైవాస్‌ టీమ్‌ సీపీఎల్‌ చాంపియన్‌గా నిలిచింది.  మాటల్లో వర్ణించలేను విజయానంతరం తలైవాస్‌ కెప్టెన్‌ రోవ్‌మన్‌ పావెల్‌ మాట్లాడుతూ.. ఈ సంతోషాన్ని వర్ణించడానికి మాటలు చాలడం లేదంటూ ఉద్వేగానికి లోనయ్యాడు. ఒకానొక దశలో కనీసం ప్లే ఆఫ్స్‌ చేరకుండానే నిష్క్రమిస్తానే స్థితి నుంచి చాంపియన్లుగా అవతరించడం గొప్పగా అనిపిస్తోందన్నాడు. జట్టు సమిష్టి కృషితోనే ఇది సాధ్యమైందంటూ ఆటగాళ్లపై ప్రశంసలు కురిపించాడు. గయానాలో తమకు ప్రేక్షకుల నుంచి పూర్తి మద్దతు లభించిందని.. ఈ విజయాన్ని వారికి అంకితమిస్తున్నట్లు పేర్కొన్నాడు.   King produces a regal knock!!! He guides his team to win the tournament with an unbeaten 83 from 50 balls earning the CPL22 Final’s @Dream11 MVP award. #CPL22 #BRvJT #CricketPlayedLouder #Dream11 #BiggestPartyInSport pic.twitter.com/QPiuhDoj2F — CPL T20 (@CPL) October 1, 2022

కరేబియన్‌ ప్రీమియర్‌ లీగ్‌(సీపీఎల్‌ 2022)లో జమైకా తలైవాస్‌ ఫైనల్లో అడుగుపెట్టింది. బుధవారం రాత్రి గయానా అమెజాన్‌ వారియర్స్‌తో జరిగిన సెమీఫైనల్‌ మ్యాచ్‌లో జమైకా తలైవాస్‌ 37 పరుగులతో విజయాన్ని అందుకుంది. విండీస్‌ హార్డ్‌ హిట్టర్‌ షమ్రా బ్రూక్స్‌ కీలక సమయంలో సెంచరీతో మెరిసి జట్టు విజయంలో కీలకపాత్ర పోషించాడు. తొలుత బ్యాటింగ్‌ చేసిన జమైకా తలైవాస్‌ నిర్ణీత 20 ఓవర్లలో 4 వికెట్ల నష్టానికి 226 పరుగుల భారీస్కోరు చేసింది. షమ్రా బ్రూక్స్‌(52 బంతుల్లో 109 నాటౌట్‌, 7 ఫోర్లు, 8 సిక్సర్లు) ఆకాశమే హద్దుగా చెలరేగగా.. రోవ్‌మెన్‌ పావెల్‌ 23 బంతుల్లో 37 పరుగులు చేయగా.. చివర్లో ఇమాద్‌ వసీమ్‌ 15 బంతుల్లో 4 ఫోర్లు, 3 సిక్సర్లతో 41 పరుగులతో మెరుపు ఇన్నింగ్స్‌ ఆడాడు. గయానా వారియర్స్‌ బౌలర్లలో రొమెరియో షెపర్డ్‌  రెండు వికెట్లు తీయగా.. తాహిర్‌, ఓడియన్‌ స్మిత్‌లు చెరొక వికెట్‌ తీశారు. అనంతరం బ్యాటింగ్‌ చేసిన గయానా అమెజాన్‌ వారియర్స్‌ నిర్ణీత 20 ఓవర్లలో 8 వికెట్ల నష్టానికి 189 పరుగులు మాత్రమే చేసింది. కీమో పాల్‌ 56 పరుగులతో టాప్‌ స్కోరర్‌ కాగా.. షెయ్‌ హోప్‌ 31 పరుగులు, ఓడెన్‌ స్మిత్‌ 24 పరుగులు చేశారు. జమైకా తలైవాస్‌ బౌలర్లలో ఇమాద్‌ వసీమ్‌, క్రిస్‌ గ్రీన్‌లు చెరో రెండు వికెట్లు తీయగా.. మహ్మద్‌ ఆమిర్‌, ఫాబియెన్‌ అలెన్‌, రోవ్‌మెన్‌ పావెలు తలా ఒక వికెట్‌ తీశారు.  

కరేబియన్‌ ప్రీమియర్‌ లీగ్‌(సీపీఎల్‌ 2022)లో దక్షిణాఫ్రికా యువ బ్యాటర్‌.. బేబీ ఏబీ అని పిలుచుకున్న డెవాల్డ్‌ బ్రెవిస్‌ విధ్వంసం సృష్టించాడు. ఆరు బంతుల్లో ఆరు సిక్సర్లు కొట్టే అవకాశం కొద్దిలో మిస్‌ అయింది. అయినప్పటికి వరుసగా ఐదు బంతులను సిక్సర్లుగా మలిచిన బ్రెవిస్‌ 30 పరుగులు పిండుకున్నాడు. సీపీఎల్‌లో డెవాల్డ్‌ బ్రెవిస్‌ సెంట్‌ కిట్స్‌ అండ్‌ నెవిస్‌ పాట్రియాట్స్‌కు ప్రాతినిధ్యం వహిస్తున్నాడు. గురువారం ట్రిన్‌బాగో నైట్‌రైడర్స్‌తో జరిగిన మ్యాచ్‌లో బ్రెవిస్‌ ఈ ఫీట్‌ నమోదు  చేశాడు. అకిల్‌ హొసెన్‌ వేసిన ఇన్నింగ్స్‌ 19వ ఓవర్లో తాను ఎదుర్కొన్న తొలి బంతిని మిస్‌ చేసిన బ్రెవిస్‌.. ఆ తర్వాత వరుస మూడు బంతులను సిక్సర్లుగా మలిచాడు. ఆ తర్వాత ఓవర్‌ పూర్తయింది. 20వ ఓవర్‌ బౌలింగ్‌కు వచ్చిన డారిన్‌ దుపావిల్లన్‌ బౌలింగ్‌లో చివరి రెండు బంతులు ఆడిన బ్రెవిస్‌ రెండు సిక్సర్లు బాదాడు. అలా తాను ఎదుర్కొన్న వరుస ఐదు బంతులను సిక్సర్లుగా మలిచినప్పటికి... ఓవర్లు అయిపోవడంతో తృటిలో ఆరు సిక్సర్ల రికార్డు మిస్‌ అయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌లో సెంట్‌ కిట్స్‌ ఏడు పరుగుల తేడాతో విజయం సాధించింది. తొలుత బ్యాటింగ్‌ చేసిన సెంట్‌ కిట్స్‌ నిర్ణీత 20 ఓవర్లలో ఆరు వికెట్ల నష్టానికి 163 పరుగులు చేసింది. రూథర్‌ఫోర్డ్‌ 7 పరుగులుతో టాప్‌ స్కోరర్‌గా నిలవగా.. డెవాల్డ్‌ బ్రెవిస్‌ 30 నాటౌట్‌, బ్రావో 23 పరుగులు చేశాడు. అనంతరం 164 పరుగుల లక్ష్యంతో బరిలోకి దిగిన ట్రిన్‌బాగో నైట్‌ రైడర్స్‌ 20 ఓవర్లలో ఏడు వికెట్ల నష్టానికి 156 పరుగులు చేసి ఏడు పరుగుల తేడాతో పరాజయం పాలైంది.  Dewald Brevis 5 sixes in a row 30*(6) 🔥🔥🔥 pic.twitter.com/faGyEvD84z — ° (@anubhav__tweets) September 22, 2022 చదవండి: ఆ ఒక్క సిక్స్‌తో '1998 షార్జా'ను గుర్తుచేశాడు డుప్లెసిస్‌ అద్భుత సెంచరీ.. టీ20 ఫార్మాట్‌లో నాలుగోది! కానీ పాపం..

Caribbean Premier League 2022 - Faf Du Plessis 4th T20 Century: కరేబియన్‌ ప్రీమియర్‌ లీగ్‌-2022లో భాగంగా గయానా అమెజాన్‌ వారియర్స్‌తో మ్యాచ్‌లో సెయింట్‌ లూసియా కింగ్స్‌ కెప్టెన్‌ ఫాఫ్‌ డుప్లెసిస్‌ అద్భుత సెంచరీతో మెరిశాడు. 59 బంతుల్లో 10 ఫోర్లు, 6 సిక్స్‌ల సాయంతో 103 పరుగులు చేశాడు. తద్వారా టీ20 ఫార్మాట్‌లో తన నాలుగో శతకాన్ని నమోదు చేశాడు ఈ దక్షిణాఫ్రికా ఆటగాడు.  అయితే, గయానా అమెజాన్‌ వారియర్స్‌ బ్యాటర్లు రాణించడంతో.. భారీ స్కోరు చేసినా సెయింట్‌ లూసియా కింగ్స్‌కు ఓటమి తప్పలేదు. దీంతో ఫాఫ్‌ డుప్లెసిస్‌ సెంచరీ ఇన్నింగ్స్‌ వృథాగా పోయింది.  Century for Faf!! Faf’s superb 103 runs from 59 balls earns him the @Dream11 MVP for match 27!! #CPL22 #GAWvSLK #CricketPlayedLouder #Dream11 #BiggestPartyInSport pic.twitter.com/R5Rkal9UCW — CPL T20 (@CPL) September 23, 2022 టాస్‌ గెలిచి.. భారీ స్కోరు చేసి Guyana Amazon Warriors vs Saint Lucia Kings: గయానాలోని ప్రొవిడెన్స్‌ స్టేడియం వేదికగా జరిగిన మ్యాచ్‌లో సెయింట్‌ లూసియా కింగ్స్‌, గయానా అమెజాన్‌ వారియర్స్‌ జట్లు తలపడ్డాయి. టాస్‌ గెలిచిన కింగ్స్‌ కెప్టెన్‌ డుప్లెసిస్‌ తొలుత బ్యాటింగ్‌ ఎంచుకున్నాడు.  ఓపెనర్‌గా బరిలోకి దిగి సెంచరీ సాధించాడు. అయితే, మిగతా ఆటగాళ్లలో వన్‌డౌన్‌ బ్యాటర్‌ డిక్‌విల్లా(36 పరుగులు) మినహా ఎవరూ రాణించలేకపోయారు. ఈ క్రమంలో నిర్ణీత 20 ఓవర్లలో 5 వికెట్ల నష్టానికి కింగ్స్‌ జట్టు 194 పరుగులు చేసింది. అర్ధ శతకాలతో మెరిసి.. సమిష్టి కృషితో.. భారీ లక్ష్యంతో బరిలోకి దిగిన వారియర్స్‌ జట్టుకు ఓపెనర్లు రహ్మనుల్లా గుర్బాజ్‌(26 బంతుల్లో 52 పరగులు), చంద్రపాల్‌ హేమ్‌రాజ్‌ (29 పరుగులు) శుభారంభం అందించారు. ఇక వన్‌డౌన్‌ బ్యాటర్‌ షాయీ హోప్‌ 30 బంతుల్లో 59 పరుగులతో రాణించాడు. నాలుగో స్థానంలో బ్యాటింగ్‌కు వచ్చినా షకీబ్‌ అల్‌ హసన్‌ మాత్రం డకౌట్‌గా వెనుదిరిగి నిరాశపరిచాడు. అయితే, ఆఖర్లో వారియర్స్‌ కెప్టెన్‌ షిమ్రన్‌ హెట్‌మెయిర్‌ 36 పరుగులు చేసి జట్టును విజయం దిశగా నడిపాడు.  ఆఖరి ఓవర్‌ రెండో బంతికి ఒక పరుగు తీసి రొమారియో షెఫర్డ్‌ లాంఛనం పూర్తి చేశాడు. ఇలా 19.2 ఓవర్లలో నాలుగు వికెట్లు పోయి వారియర్స్‌ లక్ష్యాన్ని ఛేదించింది. ఆరు వికెట్ల తేడాతో విజయం సాధించింది. ఇక విలువైన ఇన్నింగ్స్‌ ఆడిన షాయీ హోప్‌ ప్లేయర్‌ ఆఫ్‌ ది మ్యాచ్‌గా నిలిచాడు. ఇదిలా ఉంటే.. ఐపీఎల్‌-2022లో రాయల్‌ చాలెంజర్స్‌ బెంగళూరుకు కెప్టెన్‌గా వ్యవహరించిన ఫాఫ్‌ డుప్లెసిస్‌.. 16 ఇన్నింగ్స్‌లో 468 పరుగులు సాధించిన విషయం తెలిసిందే. ఈ సీజన్‌లో అతడి అత్యధిక స్కోరు 96.  What an innings!!! Faf brings up his 4th T20 century in emphatic style as this evenings @fun88eng Magic Moment. #CPL22 #GAWvSLK #CricketPlayedLouder #Fun88 #BiggestPartyInSport pic.twitter.com/eBZpOUusyM — CPL T20 (@CPL) September 23, 2022

సీపీఎల్‌-2022 సీజన్‌కు గానూ గయానా అమెజాన్ వారియర్స్ కెప్టెన్‌గా విండీస్‌ పవర్‌ హిట్టర్‌ షిమ్రాన్ హెట్‌మైర్‌ ఎంపికయ్యాడు. నికోలస్ పూరన్ స్థానంలో గయానా సారథిగా హెట్‌మైర్‌ నియమితుడయ్యాడు . ఈ ఏడాది సీజన్‌లో ట్రిన్‌బాగో నైట్ రైడర్స్ తరపున నికోలస్ పూరన్ ఆడనుండడంతో గయానా మేనేజేమెంట్‌ ఈ నిర్ణయం తీసుకుంది. హెట్‌మైర్‌ 2016లో కరీబియన్ ప్రీమియర్ లీగ్‌లో అగేంట్రం చేసినప్పటి నుంచి అమెజాన్ వారియర్స్‌ జట్టలోనే కొనసాగుతున్నాడు. ఇప్పటి వరకు పూరన్, షోయబ్ మాలిక్‌, క్రిస్ గ్రీన్ కెప్టెన్సీలో గయానాకు ప్రాతినిధ్యం వహించాడు. "2013 సీజన్ తర్వాత మా తొలి కెప్టెన్‌గా షిమ్రాన్ హెట్‌మైర్‌ నియమితుడైనందుకు మేము సంతోషిస్తున్నాము. గత కొన్ని సీజన్ల నుంచి హెట్‌మైర్‌ మా జట్టులో కీలక ఆటగాడిగా ఉన్నాడు. అతడు నాయకత్వం వహించడానికి ఇదే సరైన సమయం" అని అమెజాన్ వారియర్స్ చైర్మన్ బాబీ రామ్‌రూప్ పేర్కొన్నారు. ఇక సీపీఎల్‌లో ఇప్పటివరకు 47 మ్యాచ్‌లు ఆడిన హెట్‌మైర్‌ 1149 పరుగులు సాధించాడు. కాగా కరీబీయన్‌ ప్రీమియర్ లీగ్‌ ఆగస్టు 31 నుంచి ప్రారంభం కానుంది. తొలి మ్యాచ్‌లో జమైకా తల్లావాస్, సెయింట్ కిట్స్ జట్లు తలపడనున్నాయి. చదవండి: ENG vs SA: పాపం ప్రోటీస్‌ కెప్టెన్‌.. దురదృష్టం వెంటాడితే ఇలాగే ఉంటుంది!

కరేబియన్ ప్రీమియర్ లీగ్-2022 సీజన్‌కు ముందు బార్బడోస్ రాయల్స్ కీలక నిర్ణయం తీసుకుంది. తమ జట్టు కెప్టెన్‌గా దక్షిణాఫ్రికా స్టార్‌ బ్యాటర్ డేవిడ్ మిల్లర్‌ను నియమించింది. కాగా వెస్టిండీస్‌ ఆల్‌ రౌండర్‌ జాసన్‌ హోల్డర్‌ స్థానంలో బార్బడోస్ నూతన సారథిగా మిల్లర్‌ బాధ్యతలు చేపట్టనున్నాడు. ఈ ఏడాది సీజన్‌కు  హోల్డర్‌తో పాటు కైల్‌ మైర్స్‌, ఒషానే థామస్, ఒబెడ్ మెక్‌కాయ్, హేడెన్ వాల్ష్ జూనియర్ వంటి కీలక ఆటగాళ్లను బార్బడోస్ రీటైన్‌ చేసుకుంది. అదే విధంగా దక్షిణాఫ్రికా స్టార్‌  ఓపెనర్‌ క్వింటన్‌ డికాక్‌, ఆఫ్టానిస్తాన్‌ స్పిన్నర్‌ ముజీబ్ ఉర్ రెహ్మాన్‌తో బార్బడోస్ ఒప్పందం కుదుర్చుకుంది. ఇక మిల్లర్‌ చివర సారిగా 2018లో జమైకా తల్లావాస్ తరఫున కరేబియన్ ప్రీమియర్ లీగ్‌లో ఆడాడు. అదే విధంగా 2016లో సెయింట్ లూసియా జౌక్స్‌కు ప్రాతినిధ్యం వహించాడు. కరేబియన్ ప్రీమియర్ లీగ్‌లో 15 మ్యాచ్‌లు ఆడిన మిల్లర్‌ 332 పరుగులు సాధించాడు.  కాగా కరేబియన్ ప్రీమియర్ లీగ్-2022 ఆగస్టు 31 నుంచి ప్రారంభం కానుంది. ఇక ఐపీఎల్‌-2022లో గుజరాత్‌ టైటాన్స్‌కు ప్రాతినిధ్యం వహించిన మిల్లర్‌ అద్భుతంగా రాణించాడు. గుజరాత్‌ టైటాన్స్‌ టైటిల్‌ కైవసం చేసుకోవడంలో మిల్లర్‌ కీలక పాత్ర పోషించాడు. ఇక ఈ ఏడాది ఐపీఎల్‌ సీజన్‌కు ముందు మిల్లర్‌ రాజస్తాన్‌ రాయల్స్‌ జట్టులో భాగంగా ఉన్నాడు. కాగా బార్బడోస్ రాయల్స్ ఫ్రాంఛైజీలో కూడా రాజస్తాన్‌ వాటా కలిగి ఉంది. ఇక కెప్టెన్‌గా ఎంపికైన మిల్లర్‌ మాట్లాడుతూ.. "ఐపీఎల్‌లో రాజస్తాన్‌ జట్టుతో నాకు ప్రత్యేకమైన అనుబంధం ఉంది. ఇప్పడు అదే జట్టుతో సంబంధం ఉన్న బార్బడోస్ రాయల్స్‌లో భాగం కావడం చాలా సంతోషంగా ఉంది. అదే విధంగా కెప్టెన్‌గా ఎంపిక కావడం నాకు దక్కిన అదృష్టంగా భావిస్తున్నాను. కరేబియన్ ప్రీమియర్ లీగ్‌లో బార్బడోస్ జట్టు యువ ఆటగాళ్లతో కూడి ఉన్నంది.  ఈ ఏడాది సీజన్‌లో జట్టుకు నా వంతు కృషి చేయడానికి ఆతృతగా ఎదురు చూస్తున్నాను" అని మిల్లర్‌ పేర్కొన్నాడు. చదవండి: IND Vs WI: కొంపముంచిన అత్యుత్సాహం.. గిల్‌ విషయంలో తప్పుడు ట్వీట్‌

సెయింట్‌ కిట్స్‌: పొట్టి క్రికెట్‌లో వెస్టిండీస్‌ ఆల్‌రౌండర్‌ డ్వేన్‌ బ్రావో అరుదైన ఘనతను సొంతం చేసుకున్నాడు. ఈ ఫార్మాట్‌లో 500 మ్యాచ్‌లు ఆడిన రెండో ఆటగాడిగా చరిత్ర సృష్టించాడు. బుధవారం జరిగిన కరీబియన్‌ ప్రీమియర్‌ లీగ్‌ (సీపీఎల్‌-2021)లో ఫైనల్‌ మ్యాచ్‌ ఆడడం ద్వారా ఈ ఘనతను సొంతం చేసుకున్నాడు.  మొత్తంగా 500 టీ20లు ఆడిన బ్రావో.. 6,566 పరుగులు సాధించడంతో పాటు 540 వికెట్లు కూడా పడగొట్టాడు. ఈ జాబితాలో విండీస్‌కే చెందిన మరో ఆల్‌రౌండర్‌ కీరన్‌​ పొలార్డ్‌ మొదటి స్థానంలో కొనసాగుతున్నాడు. పొలార్డ్‌ 561 మ్యాచ్‌ల్లో 11,159 పరుగులు చేయడంతో పాటు 298 వికెట్లను తన ఖాతాలో వేసుకున్నాడు.  ఇదిలా ఉంటే, సీపీఎల్‌లో బుధవారం జరిగిన ఫైనల్‌ మ్యాచ్‌లో బ్రావో సారథ్యంలోని సెయింట్‌ కిట్స్‌ అండ్‌ నెవిస్‌ పేట్రియాట్స్‌ జట్టు విజేతగా నిలిచింది. ఫైనల్‌లో ఆ జట్టు సెయింట్‌ లూసియా కింగ్స్‌పై మూడు వికెట్ల తేడాతో గెలిచింది. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన సెయింట్‌ లూసియా జట్టు నిర్ణీత ఓవర్లలో 7 వికెట్ల నష్టానికి 159 పరుగులు చేసింది. రకీమ్‌ కార్న్‌వాల్‌(32 బంతుల్లో 43; 5 ఫోర్లు, 2 సిక్సర్లు), రోస్టన్‌ ఛేజ్(40 బంతుల్లో 43; ఫోర్లు, 2 సిక్సర్లు), కీమో పాల్‌(21 బంతుల్లో 39; 5 సిక్సర్లు) రాణించారు. అనంతరం ఛేదనలో సెయింట్‌ కిట్స్‌ ఆటగాడు డొమినిక్‌ బ్రేక్స్‌(24 బంతుల్లో 48 నాటౌట్‌; 3 ఫోర్లు, 3 సిక్సర్లు) కీలక ఇన్నింగ్స్‌ ఆడి తన జట్టును విజయతీరాలకు చేర్చాడు.  చదవండి: 'ఆ ఒక్కటి' మినహా.. ధోనితో పోలిస్తే కోహ్లినే బెటర్‌..!  

St Kitts and Nevis Patriots CPL 2021 Champions.. కరీబియన్‌ ప్రీమియర్‌ లీగ్‌(సీపీఎల్‌ 2021)లో కొత్త చాంపియన్‌గా సెంట్‌ కిట్స్‌ అండ్‌ నెవిస్‌ పాట్రియెట్స్‌ అవతరించింది. సెంట్‌ లూసియా, సెంట్‌ కిట్స్‌ అండ్‌ నెవిస్‌ పాట్రియెట్స్‌ మధ్య బుధవారం ఫైనల్‌ మ్యాచ్‌ జరిగింది. ఈ మ్యాచ్‌లో 3 వికెట్ల తేడాతో విజయం అందుకున్న సెంట్‌ కిట్స్‌ తొలిసారి సీపీఎల్‌ టైటిల్‌ను గెలుచుకుంది. టోర్నీ ఆధ్యంతం నిలకడగా రాణించిన సెంట్‌ కిట్స్‌ ఫైనల్లోనూ అదే జోరు కనబరిచింది. క్రిస్‌ గేల్‌ డకౌట్‌ అయినప్పటికి.. భీకరఫామ్‌లో ఉ‍న్న ఎవిన్‌ లూయిస్‌ 6 పరుగులకే వెనుదిరిగినప్పటికీ.. వికెట్‌ కీపర్‌ జోషువా డిసిల్వా రాణించగా.. చివర్లో డొమినిక్‌ డ్రేక్స్‌ మ్యాచ్‌ విన్నర్‌గా నిలిచి తన జట్టుకు తొలిసారి టైటిల్‌ను అందించాడు. చదవండి: CPL 2021: వికెట్‌ తీశానన్న ఆనందం.. బౌలర్‌ వింత ప్రవర్తన మ్యాచ్‌ విన్నర్‌ డొమినిక్‌ డ్రేక్స్‌ ఇక మ్యాచ్‌ విషయాని​కి వస్తే తొలుత బ్యాటింగ్‌ చేసిన సెంట్‌ లూసియా కింగ్స్‌ నిర్ణీత 20 ఓవర్లలో 7 వికెట్ల నష్టానికి 159 పరుగులు చేసింది. ఓపెనర్‌ కార్న్‌వాల్‌ 43, రోస్టన్‌ చేజ్‌ 43 రాణించారు. సెంట్‌ కిట్స్‌ బౌలర్లలో ఫాబియెన్‌ అలెన్‌ , నసీమ్‌ షా తలా రెండు వికెట్లు తీశారు. అనంతరం 160 పరుగుల లక్ష్యంతో బరిలోకి దిగిన సెంట్‌ కిట్స్‌కు ఆదిలోనే షాక్‌ తగిలింది. గేల్‌ డకౌట్‌గా వెనుదిరగ్గా.. కాసేపటికే ఎవిన్‌ లూయిస్‌ ఆరు పరుగులు చేసి ఔటయ్యాడు. ఆ తర్వాత జోషుహ డిసిల్వా(37), షెర్ఫెన్‌ రూథర్‌ఫోర్డ్‌(25)లు కలిసి ఇన్నింగ్స్‌ను చక్కదిద్దారు. విజయం దిశగా సాగిపోతున్న సమయంలో సెంట్‌ కిట్స్‌ వరుసగా వికెట్లు కోల్పోయింది. చదవండి: Chris Gayle: గేల్‌ బ్యాటింగ్‌.. బ్యాట్‌ రెండు ముక్కలు; వీడియో వైరల్‌ ఈ దశలో డొమినిక్‌ డ్రేక్‌ అద్భుతం చేశాడు. 24 బంతుల్లో 3 ఫోర్లు, 3 సిక్సర్లతో విజృంభించిన అతను చివరి వరకు నాటౌట్‌గా నిలిచి జట్టును చాంపియన్‌గా నిలబెట్టాడు. అతనికి ఫాబియెన్‌ అలెన్‌(20 పరుగులు) నుంచి చక్కని సహకారం లభించింది. ఫైనల్‌ హీరోగా నిలిచిన డొమినిక్‌ డ్రేక్స్ ప్లేయర్‌ ఆఫ్‌ ది మ్యాచ్‌గా నిలవగా.. రోస్టన్‌ చేజ్‌ ప్లేయర్‌ ఆఫ్‌ ది సిరీస్‌ అవార్డును గెలుచుకున్నాడు. WHAT A FINISH! Dominic Drakes seals the win with a @fun88eng Magic moment. pic.twitter.com/tvyn72hbmP — CPL T20 (@CPL) September 15, 2021

Kevin Sinclair Flipout CPL 2021: విండీస్‌ ఆటగాళ్లు ఎక్కడ ఉంటే అక్కడ మజా ఇంకో లెవల్లో ఉంటుందని ప్రత్యేకంగా చెప్పనవసరం లేదు. బ్రేవో, గేల్‌, కాట్రెల్‌ లాంటి ఆటగాళ్లు తన హావభావాలతో ఫ్యాన్స్‌ను ఎన్నోసార్లు మెప్పించారు. తాజాగా సీపీఎల్‌ 2021లో భాగంగా కెవిన్‌ సింక్లెయిర్‌ చేసిన పని సోషల్‌ మీడియాలో వైరల్‌గా మారింది. వికెట్‌ తీశానన్న ఆనందంలో సింక్లెయిర్‌ మైదానంలోనే గెంతులు వేశాడు. గయానా అమెజాన్‌ వారియర్స్‌, సెంట్‌ కిట్స్‌ మధ్య సెమీ ఫైనల్‌ మ్యాచ్‌ జరిగింది.   చదవండి: Chris Gayle: గేల్‌ బ్యాటింగ్‌.. బ్యాట్‌ రెండు ముక్కలు; వీడియో వైరల్‌ అప్పటికే గేల్‌, లూయిస్‌లు సిక్సర్లు, ఫోర్ల వర్షం కురిపిస్తున్నారు. ఇన్నింగ్స్‌ 8వ ఓవర్‌లో సింక్లెయిర్‌ వేసిన రెండో బంతిని గేల్‌ లాంగాన్‌ దిశగా భారీ షాట్‌ కొట్టాడు. అయితే బౌండరీ లైన్‌ వద్ద ఉన్న హెట్‌మైర్‌ ఏ మాత్రం తడబడకుండా క్యాచ్‌ అందుకున్నాడు. దీంతో సింక్లెయిర్‌ ఆనందానికి అవధులు లేకుండా పోయాయి. గేల్‌ వికెట్‌ తీశానన్న ఆనందంలో ఫ్లిప్స్‌(గెంతులు)తో రెచ్చిపోయాడు. ఈ వీడియోనూ సీపీఎల్‌ టి20 తన ట్విటర్‌లో షేర్‌ చేసింది. చివర్లో హెట్‌మైర్‌, పూరన్‌లు వచ్చి సింక్లెయిర్‌ను ప్రోత్సహించడం హైలెట్‌గా నిలిచింది.  ఇక ఇదే మ్యాచ్‌లో గేల్‌ 42 పరుగులు చేయడం ద్వారా సీపీఎల్‌లో 2500 పరుగులను పూర్తి చేసుకున్నాడు. ఇక ఈ మ్యాచ్‌లో గయానా అమెజాన్‌ వారియర్స్‌పై విజయం సాధించిన సెంట్‌ కిట్స్‌ ఫైనల్లో అడుగుపెట్టింది. చదవండి: వరల్డ్‌కప్‌ ఉంది.. ప్రతీ విషయాన్ని భూతద్దంలో చూడడం ఆపండి Kevin Sinclair is literally flipping out over the last wicket 😯 #GAWvSKNP #CPL21 #CricketPlayedLouder #BiggestPartyInSport pic.twitter.com/0FhYbfe4nn — CPL T20 (@CPL) September 14, 2021

జమైకా: యునివర్సల్‌ బాస్‌ క్రిస్‌ గేల్‌  బ్యాట్‌ రెండు ముక్కలవడం సోషల్‌ మీడియాలో వైరల్‌గా మారింది. సీపీఎల్‌ 2021లో భాగంగా గయానా అమెజాన్‌  వారియర్స్‌, సెంట్‌ కిట్స్‌ మధ్య జరిగిన సెమీ ఫైనల్‌ మ్యాచ్‌లో ఇది చోటుచేసుకుంది. సెంట్‌ కిట్స్‌ ఇన్నింగ్స్‌ సమయంలో ఇన్నింగ్స్‌ 4వ ఓవర్‌ను ఒడియన్ స్మిత్ వేశాడు. ఓవర్‌ రెండో బంతిని స్మిత్ లెగ్‌స్టంప్‌ దిశగా వేశాడు. గేల్‌ దానిని ఆఫ్‌సైడ్‌ ఆడుదామని భావించాడు. అయితే బంతి బ్యాట్‌కు బలంగా తగలడంతో రెండు ముక్కలైంది. బ్యాట్‌ కింద పడిపోగా.. హ్యాండిల్‌ మాత్రం గేల్‌ చేతిలో ఉండిపోయింది. ఆ తర్వాత గేల్‌ పడిపోయిన బ్యాట్‌ను పరిశీలించి కొత్త బ్యాట్ తెప్పించుకొని ఇన్నింగ్స్‌ కొనసాగించాడు. చదవండి: Chris Gayle: గేల్‌ సిక్స్‌ కొడితే మాములుగా ఉంటుందా.. చదవండి: SL Vs SA: డికాక్‌ మెరుపులు.. 10 వికెట్లతో విజయం; దక్షిణాఫ్రికా క్లీన్‌స్వీప్‌ ఇక సెమీస్‌లో సెంట్‌ కిట్స్‌ గయానాపై గెలుపొంది ఫైనల్లో అడుగుపెట్టింది. గయానా గయానా విధించిన 179 పరుగుల లక్ష్యాన్ని సెంట్‌ కిట్స్‌ మూడు వికెట్లు మాత్రమే కోల్పయి 17.5 ఓవర్లలోనే లక్ష్యాన్ని చేధించింది. ఓపెనర్‌ లూయిస్‌ (39 బంతుల్లో 77 నాటౌట్‌, 3 ఫోర్లు, 8 సిక్సర్లు) విధ్వంసం సృష్టించాడు.  అంతకముందు తొలుత బ్యాటింగ్‌ చేసిన గయానా అమెజాన్‌ వారియర్స్‌ 9 వికెట్ల నష్టానికి 178 పరుగులు చేసింది. హెట్‌మైర్‌ (45, 20 బంతులు; 2 ఫోర్లు, 4 సిక్సర్లు) రాణించాడు. చదవండి: Evin Lewis CPL 2021: లూయిస్‌ సిక్సర్ల విధ్వంసం.. దర్జాగా ఫైనల్‌కు Batting malFUNction for @henrygayle #GAWvSKNP #CPL21 #CricketPlayedLouder #BiggestPartyInSport pic.twitter.com/kuPgIs7DuY — CPL T20 (@CPL) September 14, 2021

జమైకా: కరీబియన్‌ ప్రీమియర్‌ లీగ్‌(సీపీఎల్‌ 2021)లో ఎవిన్‌ లూయిస్‌ మరోసారి విధ్వంసం సృష్టించాడు. సిక్సర్ల వర్షం కురిపిస్తూ చివరి వరకు నాటౌట్‌గా నిలిచిన లూయిస్‌ ఒంటిచేత్తో జట్టును ఫైనల్‌కు చేర్చాడు. గయానా అమెజాన్‌ వారియర్స్‌తో జరిగిన సెమీ ఫైనల్‌ మ్యాచ్‌లో సెంట్‌ కిట్స్‌ అండ్‌ నెవిస్‌ పాట్రియెట్స్‌ ఘన విజయాన్ని సాధించి దర్జాగా ఫైనల్‌లో అడుగుపెట్టింది. చదవండి: Lasit Malinga: నాలుగు బంతుల్లో నాలుగు వికెట్లు; ఇక ఎవరికి సాధ్యం   గయానా విధించిన 179 పరుగుల లక్ష్యాన్ని సెంట్‌ కిట్స్‌ మూడు వికెట్లు మాత్రమే కోల్పయి 17.5 ఓవర్లలోనే లక్ష్యాన్ని చేధించింది. ఓపెనర్‌ లూయిస్‌ (39 బంతుల్లో 77 నాటౌట్‌, 3 ఫోర్లు, 8 సిక్సర్లు) విధ్వంసానికి తోడూ క్రిస్‌ గేల్‌ (27 బంతుల్లో 42, 5 ఫోర్లు, 3 సిక్సర్లు), కెప్టెన్‌ బ్రేవో 31 బంతుల్లో 34,3 ఫోర్లు, 1 సిక్సర్‌) తోడవ్వడంతో సునాయాసంగా విజయం సాధించింది. అంతకముందు తొలుత బ్యాటింగ్‌ చేసిన గయానా అమెజాన్‌ వారియర్స్‌ 9 వికెట్ల నష్టానికి 178 పరుగులు చేసింది. హెట్‌మైర్‌ (45, 20 బంతులు; 2 ఫోర్లు, 4 సిక్సర్లు) రాణించగా.. ఓపెనర్లు బ్రాండన్‌ కింగ్‌ 27, చంద్రపాల్‌ 27 పరుగులు చేశారు.  Evin Lewis: 11 సిక్సర్లతో లూయిస్‌ విధ్వంసం.. సెంచరీతో గెలిపించాడు Yet again Evin Lewis produces a batting masterclass and earns the @Dream11 MVP from semi final two. #CPL21 #GAWvSKNP #CricketPlayedLouder #Dream11 pic.twitter.com/qoKzrsz9fi — CPL T20 (@CPL) September 14, 2021

సెంట్‌కిట్స్‌: కరీబియన్‌ ప్రీమియర్‌ లీగ్‌(సీపీఎల్‌ 2021)లో ఎవిన్‌ లూయిస్‌ విధ్వంసకర ఇన్నింగ్స్‌ ఆడాడు. మ్యాచ్‌ ఆద్యంతం సిక్సర్లు, ఫోర్లతో విధ్వంసం సృష్టించిన లూయిస్‌ సెంచరీతో నాటౌట్‌గా నిలిచి జట్టుకు విజయాన్ని అందించాడు. 52 బంతుల్లో 102 పరుగులు చేసిన లూయిస్‌ ఇన్నింగ్స్‌లో  11 సిక్సర్లు, 5 ఫోర్లు ఉన్నాయి. ఈ విజయంతో సెంట్‌ కిట్స్‌ పాయింట్ల పట్టికలో టాప్‌ స్థానానికి చేరుకొని ప్లేఆఫ్‌కు క్వాలిఫై అయింది.  చదవండి: Nicholas Pooran: సిక్సర్లతో శివమెత్తిన పూరన్‌.. ఫ్లే ఆఫ్‌కు మరింత చేరువగా మ్యాచ్‌ విషయానికి వస్తే తొలుత బ్యాటింగ్‌ చేసిన ట్రిన్‌బాగో నైట్‌రైడర్స్‌ నిర్ణీత 20 ఓవర్లలో ఏడు వికెట్ల నష్టానికి 159 పరుగులు చేసింది. కొలిన్‌ మున్రో 47 పరుగులతో టాప్‌ స్కోరర్‌గా నిలవగా.. ఆఖర్లో సునీల్‌ నరైన్‌( 18 బంతుల్లో 33, 4 సిక్సర్లు, ఒక ఫోర్‌) ఆకట్టుకున్నాడు. సెంట్‌ కిట్స్‌ బౌలర్లలో డొమినిక్‌ డ్రేక్స్‌ , జాన్‌ జాగేసర్‌ చెరో 3 వికెట్లు తీశారు. అనంతరం 160 పరుగుల లక్ష్యంతో బరిలోకి దిగిన సెంట్‌ కిట్స్‌కు ఓపెనర్లు గేల్‌, లూయిస్‌లు శుభారంభం ఇచ్చారు. ముఖ్యంగా గేల్‌ ఉన్నంతసేపు దడదడలాడించాడు. 18 బంతుల్లో 35 పరుగులు చేసిన గేల్‌ ఇన్నింగ్స్‌లో 6 ఫోర్లు, సిక్సర్‌ ఉన్నాయి. గేల్‌ ఔటైన తర్వాత బాధ్యతను ఎత్తుకున్న లూయిస్‌ మిగతా పనిని పూర్తి చేశాడు. ఈ క్రమంలోనే సిక్సర్‌తో సెంచరీ పూర్తి చేసిన లూయిస్‌ మ్యాచ్‌ను గెలిపించాడు.   చదవండి: IPL 2021: బెయిర్‌ స్టో స్థానంలో విండీస్‌ స్టార్‌ ఆటగాడు Evin Lewis 💯 This #IPL gonna be good! @rajasthanroyals 🔥🔥 #RR pic.twitter.com/kumGve2Hrc — Frank (@franklinnnmj) September 12, 2021

జమైకా: కరీబియన్‌ ప్రీమియర్‌ లీగ్‌(సీపీఎల్‌ 2021)లో నికోలస్‌ పూరన్‌ మరోసారి సిక్సర్ల వర్షం కురిపించాడు. (39 బంతుల్లో 75 పరుగులు నాటౌట్‌, 4 ఫోర్లు, 7 సిక్సర్లతో) రెచ్చిపోయిన పూరన్‌ కెప్టెన్‌ ఇన్నింగ్స్‌తో గయానా అమెజాన్‌ వారియర్స్‌కు కీలక విజయాన్ని అందించాడు. జమైకా తలైవాస్‌తో జరిగిన మ్యాచ్‌లో గయానా విజయం సాధించడంతో పాయింట్ల పట్టికలో మూడో స్థానంలో నిలవడంతో పాటు ప్లేఆఫ్‌ ఆశలు సజీవంగా ఉంచుకుంది. ఇక జమైకా తలైవాస్‌ వరుస ఓటములతో మరింత అట్టడుగుకు చేరింది. లీగ్‌లో నిలవాలంటే జమైకా అన్ని మ్యాచ్‌లు గెలవాల్సిన పరిస్థితి ఏర్పడింది. చదవండి: Viral Video: రనౌట్‌ అవకాశం; ఊహించని ట్విస్ట్‌.. ఫీల్డర్ల పరుగులు మ్యాచ్‌లో తొలుత బ్యాటింగ్‌ చేసిన గయానా అమెజాన్‌ వారియర్స్‌ నిర్ణీత 20 ఓవర్లలో 6 వికెట్ల నష్టానికి 169 పరుగులు చేసింది. బ్రాండన్‌ కింగ్‌, చంద్రపాల్‌, హెట్‌మైర్‌, షోయబ్‌ మాలిక్‌లు మంచి ఆరంభాలే ఇచ్చినప్పటికీ పెద్ద స్కోర్లుగా మలచడంలో విఫలమయ్యారు. అయితే ఫామ్‌లో ఉన్న పూరన్‌ మాత్రం తన విధ్వంసాన్ని కొనసాగించాడు. కొడితే ఫోర్‌ లేదంటే సిక్స్‌ అన్న తరహాలో పూరన్‌ ఇన్నింగ్స్‌ సాగింది. 18వ ఓవర్‌ వరకు సాదాసీదాగా ఉన్న వారియర్స్‌ స్కోరు పూరన్‌  ధాటికి చివరి రెండు ఓవర్లలో 30 పరుగులతో 160కి పైగా పరుగులు చేసింది. అనంతరం 170 పరుగుల లక్ష్యంతో బరిలోకి దిగిన జమైకా తైలవాస్‌ 19.1 ఓవర్లలో 123 పరుగులకు ఆలౌటై 46 పరుగుల తేడాతో పరాజయం చవిచూసింది. కిర్క్‌ మెకెంజీ 28 పరుగులతో టాప్‌ స్కోరర్‌గా నిలిచాడు. గయానా బౌలర్లలో ఓడియన్‌ స్మిత్‌ 3 వికెట్లు తీశాడు. చదవండి: CPL 2021: వసీమ్‌, రసెల్‌ ఆల్‌రౌండ్‌ మెరుపులు.. సెమీస్‌ ఆశలు సజీవం MASSIVE!!! Nicholas Pooran goes LARGE with the @OmegaXL hit from match 26, #CPL21 #JTvGAW #CricketPlayedLouder #OmegaXL pic.twitter.com/7fRnfIRBEA — CPL T20 (@CPL) September 11, 2021

జమైకా: కరీబియన్‌ ప్రీమియర్‌ లీగ్‌( సీపీఎల్‌ 2021)లో భాగంగా గురువారం జమైకా తలైవాస్‌, సెంట్‌ లూసియా మధ్య మ్యాచ్‌ జరిగింది. ఈ మ్యాచ్‌లో జమైకా తలైవాస్‌ ఘన విజయాన్ని అందుకుంది. రసెల్‌ ఆల్‌రౌండ్‌ ప్రదర్శన కనబరచడంతో జమైకా తలైవాస్‌ వరుసగా రెండో విజయాన్ని నమోదు చేసి సెమీస్‌ ఆశలు సజీవంగా ఉంచుకుంది.. ఇక సెంట్‌ లూసియా వరుసగా మూడో పరాజయాన్ని మూటగట్టుకుంది.  చదవండి: విండీస్‌ టీ20 జట్టు ఇదే.. ఆరేళ్ల తర్వాత ఆ ఆటగాడికి పిలుపు మ్యాచ్‌లో తొలుత బ్యాటింగ్‌ చేసిన జమైకా తలైవాస్‌ నిర్ణీత 20 ఓవర్లలో 211 పరుగులకు ఆలౌట్‌ అయింది. ఓపెనర్‌ కెన్నర్‌ లూయిస్‌ 56 పరుగులతో టాప్‌ స్కోరర్‌గా నిలవగా.. చివర్లో పొలార్డ్‌(31,15 బంతులు; 4 సిక్సర్లు), ఇమాద్‌ వసీమ్‌(27, 10 బంతులు; 1 ఫోర్‌, 3 సిక్సర్లు) మెరుపులు మెరిపించారు. సెంట్‌ లూసియా బౌలింగ్‌లో జెవర్‌ రాయల్‌, కదీమ్ అలీన్‌ చెరో మూడు వికెట్లు తీశారు. అనంతరం భారీ లక్ష్యంతో బరిలోకి దిగిన సెంట్‌ లూసియా 156 పరుగులకే ఆలౌట్‌ అయింది. మార్క్‌ డేయల్‌ 33, ఆండ్రీ ఫ్లెచర్‌ 30 పరుగులు చేశారు.  ఇమాద్‌ వసీమ్‌ 3, రసెల్‌ 2, కార్లోస్‌ బ్రాత్‌వైట్‌ 2 వికెట్లతో రాణించారు. ఈ విజయంతో తలైవాస్‌ 8 మ్యాచ్‌ల్లో 4 విజయాలు.. 4 ఓటములతో పాయింట్ల పట్టికలో 3వ స్థానంలో ఉండగా.. సెంట్‌ లూసియా కూడా 8 మ్యాచ్‌ల్లో 4 విజయాలు.. 4ఓటములతోనే ఉంది. అయితే నెట్‌ రన్‌రేట్‌ విషయంలో మైనస్‌లో ఉండడంతో నాలుగో స్థానంలో ఉంది. చదవండి: ఇదేం ఫీల్డింగ్‌రా బాబు.. ఒట్టి పుణ్యానికి నాలుగు పరుగులు MVP!!! An all round performance with bat and ball sees Imad Wasim pick up the @Dream11 MVP for match 24. #CPL21 #SLKvJT #CricketPlayedLouder #Dream11 pic.twitter.com/tFBWoJvGRu — CPL T20 (@CPL) September 10, 2021

జమైకా: కరీబియన్‌ ప్రీమియర్‌ లీగ్‌(సీపీఎల్‌ 2021)లో ఉ‍త్కంఠభరితమైన మ్యాచ్‌లతో పాటు ఫన్నీ ఘటనలు చాలానే చోటుచేసుకుంటున్నాయి. ''క్యాచెస్‌ విన్‌ మ్యాచెస్‌'' అనే పాత నానుడి ఇప్పుడు అక్షరాల నిజమైంది. ఫీల్డర్‌ చేసిన తప్పు ప్రత్యర్థి జట్టుకు ఒట్టి పుణ్యానికి నాలుగు పరుగుల వచ్చేలా చేశాయి. అయితే మిస్‌ఫీల్డ్‌తో బౌండరీ దాటిందనుకుంటే పొరపాటే.. కేవలం ఫీల్డర్ల వైఫల్యంతో ప్రత్యర్థి బ్యాట్స్‌మన్‌ నాలుగు పరుగులు రాబట్టారు. చదవండి: BAN VS NZ: చరిత్ర సృష్టించిన బంగ్లాదేశ్‌.. కివీస్‌పై తొలిసారి.. ట్రిన్‌బాగో నైట్‌రైడర్స్‌, జమైకా తలైవాస్‌ మధ్య మంగళవారం జరిగిన మ్యాచ్‌లో ఇది జరిగింది. ట్రిన్‌బాగో నైట్‌రైడర్స్‌ బ్యాటింగ్‌ సమయంలో ఇన్నింగ్స్‌ ఆఖరి ఓవర్‌ నాలుగో బంతిని ప్రిటోరియస్‌ పొలార్డ్‌కు వేశాడు. పొలార్డ్‌ లాంగాన్‌ దిశగా భారీ షాట్‌ ఆడగా.. అక్కడే ఉన్న ఫీల్డర్‌ క్యాచ్‌ను మిస్‌ చేశాడు. కనీసం రనౌట్‌ అయ్యే అవకాశం ఉందోమోనని అందుకొని ప్రిటోరియస్‌ వైపు బంతిని త్రో విసిరాడు. అయితే ప్రిటోరియస్‌ బంతిని అందుకోలేకపోయాడు. అప్పటికే రెండు పరుగులు పూర్తి చేసిన పొలార్డ్‌- స్టీఫర్ట్‌ జంట మరోసారి పరిగెత్తారు. ఈసారి ప్రిటోరియస్‌ వేసిన బంతి మరోసారి వికెట్లకు దూరంగా వెళ్లడంతో పొలార్డ్‌ జంట మరోసారి పరుగుపెట్టారు. మొత్తానికి ఫీల్డర్ల పుణ్యానా నాలుగు పరుగులు వచ్చేశాయి. ఓవరాల్‌గా ఆ ఓవర్‌ మొత్తంలో 28 పరుగులు పిండుకున్నారు. దీనికి సంబంధించిన వీడియో ప్రస్తుతం ట్రెండింగ్‌గా మారింది. ఇక ఈ మ్యాచ్‌లో ట్రిన్‌బాగో నైట్‌రైడర్స్‌ విజయాన్ని అందుకుంది. మొదట బ్యాటింగ్‌ చేసిన ట్రిన్‌బాగో 20 ఓవర్లలో 4 వికెట్లు కోల్పోయి 167 పరుగులు చేసింది. అనంతరం బ్యాటింగ్‌ చేసిన జమైకా తలైవాస్‌ 18.2 ఓవర్లలో 92 పరుగులకే ఆలౌటైంది. చదవండి: అరంగేట్ర మ్యాచ్‌లోనే నాలుగు వికెట్లు.. ఎవరు ఆ బౌలర్‌? #KieronPollard 😍 pic.twitter.com/J3qDc0MsF3 — Kart Sanaik (@KartikS25864857) September 7, 2021

సెంట్‌కిట్స్‌: కరీబియన్‌ ప్రీమియర్‌ లీగ్‌(సీపీఎల్‌ 2021)లో మ్యాచ్‌లు రోజురోజుకు ఆసక్తికరంగా మారుతున్నాయి. ఆదివారం సెంట్‌ కిట్స్‌, సెంట్‌ లూసియాల మధ్య మ్యాచ్‌ జరిగింది. ఈ మ్యాచ్‌లో​ సెంట్‌ లూసియా ఘన విజయాన్ని అందుకుంది. అయితే సెంట్‌ కిట్స్‌ బ్యాట్స్‌మన్‌ షెర్ఫేన్ రూథర్‌ఫోర్డ్ ఔటయ్యానన్న కోపాన్ని ఎవరిపై చూపించాలో తెలియక తన హెల్మెట్‌పై చూపించాడు. ఇన్నింగ్స్‌ 10వ ఓవర్లో ఇది చోటుచేసుకుంది. 10వ ఓవర్‌ రెండో బంతిని రూథర్‌ఫోర్డ్‌ మిడాన్‌ దిశగా ఆడాడు. సింగిల్‌ పూర్తి చేసి రెండో పరుగుకు పిలవగా.. నాన్‌స్ట్రైక్‌ ఎండ్‌లో ఉన్న ఆసిఫ్‌ అలీ వద్దని వారించాడు. అప్పటికే రూథర్‌ఫోర్ట్‌ క్రీజు దాటి భయటకు వచ్చేశాడు. దీంతో రోస్టన్‌ చేజ్‌ మెరుపువేగంతో రనౌట్‌ చేశాడు. మ్యాచ్‌లో 14 పరుగులు మాత్రమే చేసి అనూహ్యంగా రనౌట్‌గా వెనుదిరిగిన రూథర్‌ఫోర్డ్‌ కోపంతో పెవిలియన్‌ బాట పట్టాడు. బౌండరీలైన్‌ వద్దకు రాగానే తలకున్న హెల్మెట్‌ తీసి కిందకు విసిరేశాడు. ఈ ఘటనతో అభిమానులు షాక్‌కు గురయ్యారు. వాస్తవానికి లీగ్‌లో రూథర్‌ఫోర్డ్‌ మంచి ఆటతీరును కనబరుస్తున్నాడు.  ఇప్పటివరకు ఆడిన 7 మ్యాచ్‌ల్లో 201 పరుగులతో టోర్నమెంట్‌లో రెండో స్థానంలో కొనసాగుతున్నాడు. నాన్‌స్ట్రైక్‌ ఎండ్‌ బ్యాట్స్‌మన్‌ ఆసిఫ్‌ అలీ పొరపాటు వల్లే అనవసరంగా రనౌట్‌ అయ్యాననే బాధతో హెల్మెట్‌ను విసిరేసి ఉంటాడని ఫ్యాన్స్‌ భావిస్తున్నారు. దీనికి సంబంధించిన వీడియోను సీపీఎల్‌ టీ 20 నిర్వాహకులు ట్విటర్‌లో షేర్‌ చేయగా అది కాస్త వైరల్‌ అయింది.  చదవండి: BAN Vs NZ: చిత్తుగా ఓడిన బంగ్లాదేశ్‌.. పదేళ్లలో కివీస్‌కు రెండో విజయం ఇక మ్యాచ్‌లో తొలుత బ్యాటింగ్‌ చేసిన సెంట్‌ కిట్స్‌ 19.3 ఓవర్లలో 118 పరుగులకే ఆలౌట్‌ అయింది. ఫాబియన్‌ అలెన్‌ 34 పరుగులతో టాప్‌స్కోరర్‌గా నిలిచాడు. సెంట్‌ లూసియా బౌలర్ల దాటికి ఏడుగురు సింగిల్‌ డిజిట్‌కే పరిమితమయ్యారు. అనంతరం బ్యాటింగ్‌  చేసిన సెంట్‌ లూసియా 15.4 ఓవర్లలో నాలుగు వికెట్లు కోల్పోయి చేధించింది. రోస్టన్‌ చేజ్‌ (51 పరుగులు, 38 బంతులు; 4 ఫోర్లు, 2 సిక్సర్లు) మెరుపులు మెరిపించాడు. Give that man an #angosturachill 😬#SKNPvSLK #CPL21 #CricketPlayedLouder #BiggestPartyInSport pic.twitter.com/Q9ZHoKs5Ek — CPL T20 (@CPL) September 5, 2021

సెయింట్ కిట్స్‌: కరీబియన్‌ ప్రిమియర్‌ లీగ్‌ 2021లో భాగంగా బార్బడోస్ రాయల్స్‌తో జరిగిన మ్యాచ్‌లో గయానా అమెజాన్ వారియర్స్ ఓపెనింగ్‌ బ్యాట్స్‌మెన్‌ చంద్రపాల్‌ హేమరాజ్‌(56 బంతుల్లో 105 నాటౌట్‌; 14 ఫోర్లు, 5 సిక్సర్లు) సెంచరీతో చెలరేగిపోయాడు. ప్రత్యర్ధి నిర్ధేశించిన లక్ష్యాన్ని ఒంటిచేత్తో ఛేదించాడు. టాస్‌ గెలిచి తొలుత బ్యాటింగ్‌ చేసిన బార్బడోస్ రాయల్స్‌.. నిర్ణీత ఓవర్లలో 130 పరుగులకు ఆలౌటైంది. గయానా వారియర్స్ బౌలర్లు ఇమ్రాన్‌ తాహిర్‌(3/34), రోమారియో షెపర్డ్‌(2/33), మోటీ(1/15), ఓడియన్‌ స్మిత్‌(1/22) దెబ్బకు బార్బడోస్ జట్టు పేకమేడలా కూలింది.  An amazing performance by Chandrapaul Hemraj sees the Warriors star receive our @Dream11 MVP for match 16. #CPL21 #GAWvBR #Dream11 @CricketPlayedLouder pic.twitter.com/STQ2xb6N0r— CPL T20 (@CPL) September 4, 2021 ఈ ఇన్నింగ్స్‌లో బార్బడోస్ ఆటగాళ్లు ముగ్గురు రనౌట్‌ కాగా, వికెట్‌కీపర్‌ అజామ్‌ ఖాన్‌(28) టాప్‌ స్కోరర్‌గా నిలిచాడు. అనంతరం​ 131 పరుగుల ఛేదనలో హేమరాజ్‌ ఒక్కడే అజేయమైన 105 పరుగులు సాధించడంతో గయానా జట్టు 14.2 ఓవర్లలో ఒక్క వికెట్‌ మాత్రమే కోల్పోయి లక్ష్యాన్ని చేరుకుంది. ఫలితంగా ప్రత్యర్ధిపై 9 వికెట్ల తేడాతో ఘన విజయం సాధించింది. గయానా మరో ఓపెనర్‌ బ్రెండన్‌ కింగ్‌(17 బంతుల్లో 19; 2 ఫోర్లు) వికెట్‌ బార్బడోస్‌ బౌలర్‌ యంగ్‌కు దక్కింది. వన్‌డౌన్‌ బ్యాట్స్‌మెన్‌ షోయబ్‌ మాలిక్‌(13 బంతుల్లో 8 నాటౌట్‌; ఫోర్‌)తో కలసి హేమరాజ్‌ గయానాను విజయతీరాలకు తీర్చాడు.  Take a bow Chandrapaul Hemraj what a performance 👏👏👏 #CPL21 #GAWvBR #CricketPlayedLouder pic.twitter.com/FA9xjmN7GU— CPL T20 (@CPL) September 4, 2021 చదవండి: వైరలవుతున్న రోహిత్‌ ఐదేళ్ల కిందటి ట్వీట్‌.. ‘చెప్పాడంటే చేస్తాడంతే’

సెయింట్‌ కిట్స్‌: కరీబియన్‌ ప్రిమియర్‌ లీగ్‌ 2021లో భాగంగా సెయింట్‌ కిట్స్‌ అండ్‌ నెవిస్‌ పేట్రియాట్స్‌తో జరిగిన మ్యాచ్‌లో సెయింట్‌ లూసియా కింగ్స్‌ ఓపెనర్‌, దక్షిణాఫ్రికా మాజీ కెప్టెన్‌ ఫాప్‌ డుప్లెసిస్‌ ఉగ్రరూపం దాల్చాచాడు. 51 బంతుల్లోనే శతక్కొట్టి ప్రత్యర్ధి బౌలర్లను ఊచకోత కోశాడు. ఈ ఇన్నింగ్స్‌లో డుప్లెసిస్‌.. 60 బంతుల్లో 13 ఫోర్లు, 5 భారీ సిక్సర్ల సాయంతో 120 పరుగులతో అజేయంగా నిలిచాడు. మరో ఎండ్‌లో రోస్టన్‌ ఛేజ్‌(31 బంతుల్లో 64 నాటౌట్‌; 7 ఫోర్లు, 3 సిక్సర్లు) కూడా చెలరేగడంతో సెయింట్‌ లూసియా జట్టు నిర్ణీత 20 ఓవర్లలో 2 వికెట్లు కోల్పోయి 224 పరుగుల భారీ స్కోర్‌ చేసింది.  100 for @faf1307 but the skippa still thinks there is work to be done‼️ #SLKvSKNP #CPL21 #CricketPlayedLouder #BiggestPartyInSport pic.twitter.com/cqPzGFnTAg — CPL T20 (@CPL) September 4, 2021 అనంతరం ఛేదనలో సెయింట్‌ కిట్స్‌ 16.5 ఓవర్లలో కేవలం 124 పరుగులు మాత్రమే చేసి చాప చాట్టేయడంతో ప్రత్యర్ధి 100 పరుగుల తేడాతో భారీ విజయాన్ని నమోదు చేసింది. ఇటీవలే రాజస్థాన్‌ రాయల్స్‌ ఎంచుకున్న విధ్వంసకర వీరుడు ఎవిన్‌ లూయిస్‌(42 బంతుల్లో 73; 5 ఫోర్లు, 6 సిక్సర్లు) ఒంటిరి పోరాటం చేశాడు.సెయింట్‌ లూసియా బౌలర్లు అల్జరీ జోసఫ్‌(3/27), కీమో పాల్‌(3/23) ప్రత్యర్ధి పతనాన్ని శాసించగా, వాహబ్‌ రియాజ్, రోస్టన్‌ ఛేజ్‌, కెస్రిక్‌ విలియమ్స్‌ తలో వికెట్‌ పడగొట్టారు. ఇదిలా ఉంటే, ఐపీఎల్‌లో చెన్నై సూపర్‌ కింగ్స్‌కు ప్రాతినిధ్యం వహించే డుప్లెసిస్‌.. శతక్కొట్టడంతో సీఎస్‌కే ఆభిమానులు తెగ సంబరపడిపోతున్నారు. సెప్టెంబర్‌ 19 నుంచి మొదలయ్యే ఐపీఎల్‌ సెకెండ్‌ లెగ్‌ మ్యాచ్‌ల్లో కూడా డుప్లెసిస్‌ ఇదే తరహాలో రాణించాలని ఆశిస్తున్నారు. దుబాయ్‌ వేదికగా సెప్టెంబర్‌ 19న జరిగే మ్యాచ్‌లో సీఎస్‌కే.. ముంబై ఇండియన్స్‌తో తలపడనుంది.  చదవండి: గాయం వేధిస్తున్నా పెయిన్‌ కిల్లర్‌ తీసుకుని మరీ ఆడాడు..  

సెంట్‌ కిట్స్‌: కరీబియన్‌ ప్రీమియర్‌ లీగ్‌(సీపీఎల్‌ 2021)లో భాగంగా బుధవారం సెంట్‌ కిట్స్‌, బార్బడోస్‌ రాయల్స్‌ మధ్య జరిగిన మ్యాచ్‌ ఉత్కంఠను రేపింది. ఈ మ్యాచ్‌లో సెంట్‌ కిట్స్‌ ఆఖరి బంతికి విజయాన్ని అందుకుంది. మ్యాచ్‌లో సూపర్‌ క్యాచ్‌తో పాటు ఆఖరి బంతికి సిక్స్‌ కొట్టి గెలిపించిన షెల్డన్‌ కాట్రెల్‌ విన్నింగ్‌ హీరోగా నిలిచాడు. బార్బడోస్‌ రాయల్స్‌ ఇన్నింగ్స్‌ 13వ ఓవర్‌లో ఇది చోటుచేసుకుంది. డ్వేన్‌ బ్రావో వేసిన ఓవర్‌ తొలి బంతిని గ్లెన్‌ పిలిఫ్స్‌ మిడ్‌ వికెట్‌ మీదుగా భారీ షాట్‌ ఆడాడు. అయితే బౌండరీ వద్ద ఉన్న కాట్రెల్‌ ఒంటిచేత్తో అందుకున్నాడు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక మ్యాచ్‌ విషయానికి వస్తే... తొలుత బ్యాటింగ్‌ చేసిన బార్బడోస్‌ రాయల్స్‌ నిర్ణీత 20 ఓవర్లలో 8 వికెట్ల నష్టానికి 160 పరుగులు చేసింది. స్మిత్‌ పటేల్‌ 54 పరుగులతో టాప్‌ స్కోరర్‌గా నిలిచాడు. సెంట్‌ కిట్స్‌ బౌలర్లలో డ్వేన్‌ బ్రావో 4 వికెట్లు తీశాడు. అనంతరం 161 పరుగుల లక్ష్యంతో బరిలోకి దిగిన సెంట్‌ కిట్స్‌ 8 వికెట్లు కోల్పోయి లక్ష్యాన్ని చేధించింది. గేల్‌ 42 పరుగులు చేశాడు. అయితే ఆఖరి ఓవర్‌లో విజయానికి 10 పరుగులు అవసరమైన దశలో మ్యాచ్‌ ఉత్కంఠగా మారింది. క్రీజులో కాట్రెల్‌, డ్రేక్స్‌ ఉన్నారు. తొలి రెండు బంతుల్లో ఒక పరుగు మాత్రమే రావడంతో.. నాలుగు బంతుల్లో 9 పరుగులు చేయాల్సి ఉంది. అయితే మూడో బంతికి డ్రేక్స్‌ బౌండరీ సాధించాడు. నాలుగు బంతుల్లో 5 పరుగులు అవసరం కాగా... నాలుగో బంతికి డ్రేక్స్‌ ఔటయ్యాడు. దీంతో ఐదో బంతికి సింగిల్‌ రాగా.. చివరి బంతికి 3 పరుగులు చేస్తే చాలు అనుకుంటున్న దశలో కాట్రెల్‌ ఎవరు ఊహించని విధంగా లాంగాఫ్‌ మీదుగా భారీ సిక్స్‌ సంధించాడు. దీంతో సెంట్‌ కిట్స్‌ లీగ్‌లో ఐదో విజయాన్ని నమోదు చేసిన సెంట్‌ కిట్స్‌ 10 పాయింట్లతో టేబుల్‌ టాపర్‌గా నిలిచింది.

సెంట్‌ కిట్స్‌: కరీబియన్‌ ప్రీమియర్‌ లీగ్‌(సీపీఎల్‌ 2021)లో బుధవారం గయానా అమెజాన్‌ వారియర్స్‌, ట్రిన్‌బాగో నైట్‌రైడర్స్‌ మధ్య జరిగిన లీగ్‌ మ్యాచ్‌ థ్రిల్లర్‌ను తలపించింది. లీగ్‌లో తొలిసారి  సూపర్‌ ఓవర్‌కు దారి తీసిన ఈ మ్యాచ్‌లో  గయానా వారియర్స్‌ విజయాన్ని అందుకుంది. మ్యాచ్‌ విషయానికి వస్తే.. తొలుత బ్యాటింగ్‌ చేసిన  ట్రిన్‌బాగో నైట్‌రైడర్స్‌ 20 ఓవర్లలో 9 వికెట్ల నష్టానికి 138 పరుగులు చేసింది. కొలిన్‌ మున్రో 32 పరుగులతో టాప్‌ స్కోరర్‌గా నిలవగా.. ఉడాన 21, నరైన్‌ 21 పరుగులు చేశారు. రొమారియె షెఫర్డ్‌ , మహ్మద్‌ హఫీజ్‌లు చెరో 3 వికెట్లు తీశారు. అనంతరం బ్యాటింగ్‌ చేసిన గయానా అమెజాన్‌ వారియర్స్‌ నిర్ణీత 20 ఓవర్లలో 9 వికెట్ల నష్టానికి 138 పరుగులే చేసింది. హెట్‌మైర్‌ , నికోలస్‌ పూరన్‌లు 27 పరుగులు చేశారు. చదవండి: పొట్టి క్రికెట్‌లో అరుదైన మైలురాయిని దాటేసిన విండీస్‌ యోధుడు  మ్యాచ్‌లో ఫలితం రాకపోవడంతో అంపైర్లు సూపర్‌ ఓవర్‌ నిర్వహించారు. సూపర్‌ ఓవర్‌లో తొలుత బ్యాటింగ్‌ చేసిన గయానా వారియర్స్‌ 2 వికెట్లు కోల్పోయి 6 పరుగులు మాత్రమే చేసింది. ఇక ట్రిన్‌బాగో సులువుగా గెలుస్తుందని అంతా భావించారు. కానీ ఇక్కడే షెఫర్డ్‌ తన బౌలింగ్‌ మ్యాజిక్‌ను చూపించాడు. షెఫర్డ్‌ వేసిన తొలి బంతికే పొలార్డ్‌ ఔట్‌ కావడంతో విజయానికి ఐదు బంతుల్లో ఆరు పరుగులు కావాల్సి ఉంది. రెండో బంతికి సింగిల్‌ రాగా.. మూడు బంతికి పరుగు రాలేదు. ఇక నాలుగో బంతికి రెండు పరుగులు రాగా.. చివరి రెండు బంతుల్లో మూడు పరుగులు కావాలి. ఐదో బంతికి పరుగు రాకపోవడం.. ఆరో బంతికి సింగిల్‌ రావడంతో ట్రిన్‌బాగో నాలుగు పరుగులు మాత్రమే చేసి పరాజయం పాలైంది. ఈ విజయంతో గయానా వారియర్స్‌ పాయింట్ల పట్టికలో నాలుగో స్థానంలో ఉండగా.. మ్యాచ్‌లో ఓడినప్పటికీ ట్రిన్‌బాగో మూడో స్థానంలోనే కొనసాగుతుంది. చదవండి: వైడ్‌ ఇవ్వలేదన్న కోపంలో పోలార్డ్‌ ఏం చేశాడో చూడండి..

సెయింట్ కిట్స్: టీ20 క్రికెట్‌లో విండీస్‌ పరిమిత ఓవర్ల సారధి, ముంబై ఇండియన్స్‌ స్టార్‌ ఆటగాడు కీరన్‌ పోలార్డ్‌ ఓ అరుదైన మైలురాయిని క్రాస్‌ చేశాడు. ఈ ఫార్మాట్‌లో 11వేల పరుగుల ల్యాండ్‌ మార్క్‌ను దాటిన రెండో బ్యాట్స్‌మెన్‌గా చరిత్ర సృష్టించాడు. ఇప్పటివరకు పొట్టి ఫార్మాట్‌లో 554 మ్యాచ్‌లు ఆడిన పోలార్డ్‌(11,008).. కరీబియన్‌ ప్రీమియర్ లీగ్‌ (సీపీఎల్‌) 2021లో భాగంగా సెయింట్ లూసియా కింగ్స్‌తో మంగళవారం జరిగిన మ్యాచ్‌లో ఈ అరుదైన ఫీట్‌ను సాధించాడు.  ఈ జాబితాలో యూనివర్సల్‌ బాస్‌ క్రిస్‌ గేల్‌.. 14,108 పరుగులతో అగ్రస్థానంలో కొనసాగుతుండగా, పాకిస్థాన్ వెటరన్‌ ఆటగాడు షోయబ్ మాలిక్(10,741) మూడో స్థానంలో, ఆసీస్‌ స్టార్‌ ప్లేయర్‌ డేవిడ్ వార్నర్(10,0017) నాలుగో ప్లేస్‌లో,  టీమిండియా కెప్టెన్‌ విరాట్‌ కోహ్లి(9922) ఐదో స్థానంలో కొనసాగుతున్నారు. పోలార్డ్‌ బౌలింగ్‌లో 297 వికెట్లు పడగొట్టి.. పొట్టి క్రికెట్‌ చరిత్రలో అత్యుత్తమ ఆల్ రౌండర్లలో ముఖ్యుడిగా గుర్తింపు తెచ్చుకున్నాడు. చదవండి: విండీస్‌ విధ్వంసకర ఆటగాడిని దక్కించుకున్న రాజస్తాన్‌ రాయల్స్‌

సెయింట్ కిట్స్: కరీబియన్‌ ప్రీమియర్ లీగ్‌ (సీపీఎల్‌) 2021లో భాగంగా ట్రిన్‌బాగో నైట్ రైడర్స్, సెయింట్ లూసియా కింగ్స్ జట్ల మధ్య మంగళవారం జరిగిన మ్యాచ్‌లో ఓ ఆసక్తికర ఘటన చోటు చేసుకుంది. ఇన్నింగ్స్ 19వ ఓవర్ ఐదో బంతిని సెయింట్ లూసియా కింగ్స్ పేసర్‌ వాహబ్ రియాజ్ వేయగా సీఫెర్ట్ ఎదుర్కొన్నాడు. పూర్తిగా ఆఫ్ సైడ్ వెళ్లిన ఆ బంతిని(డబుల్‌ వైడ్‌) సీఫెర్ట్ కిందపడి మరి ఆడినా.. అందలేదు. కనీస క్రికెట్‌ పరిజ్ఞానం లేని వారు కూడా దీన్ని వైడ్‌గా ప్రకటిస్తారు. అయితే, ఫీల్డ్‌ అంపైర్ నిగెల్ డుగుయిడ్ ఈ బంతిని వైడ్‌గా ప్రకటించకపోవడం అందరినీ ఆశ్చర్యానికి గురిచేసింది.  Polly : Are you blind? Umpire : Yes Pollard walks away 😂😂😂 #TKRvSLK #CPL2021 @KieronPollard55 pic.twitter.com/NGjSdMqmYu — Thakur (@hassam_sajjad) August 31, 2021 దీనిపై నాన్ స్ట్రైక్ ఎండ్‌లో ఉన్న ట్రిన్‌బాగో కెప్టెన్ పొలార్డ్ తనదైన శైలిలో అసహనం వ్యక్తం చేశాడు. నిర్ధేశిత ప్రాంతంలో కాకుండా వికెట్లకు దూరంగా వెళ్లి 30 యార్డ్‌ సర్కిల్‌ దగ్గర నిలబడి తన నిరసన వ్యక్తం చేశాడు. ఈ మొత్తం తతంగానికి సంబంధించిన వీడియో ప్రస్తుతం సోషల్ మీడియాలో వైరలవుతోంది. వీడియో చూసిన అభిమానుల తమదైన శైలిలో స్పందిస్తున్నారు. అంపైర్ తప్పిదాలు రోజురోజుకు ఎక్కువ అవుతున్నాయని కొందరంటుంటే.. వైడ్ బాల్ కూడా థర్డ్ అంపైరే చూసుకోవాలని మరికొందరు ట్వీటారు. మొత్తానికి అభిమానులు సదరు అంపైర్‌ నిర్ణయంపై మండిపడుతున్నారు.  ఇదిలా ఉంటే, ఈ మ్యాచ్‌లో టాస్‌ గెలిచి తొలుత బ్యాటింగ్ చేసిన ట్రిన్‌బాగో నైట్ రైడర్స్ నిర్ణీత 20 ఓవర్లలో 7 వికెట్ల నష్టానికి 158 పరుగులు చేసింది. కీరన్ పొలార్డ్‌ (29 బంతుల్లో 41; 6 ఫోర్లు, సిక్స్‌), టిమ్ సీఫెర్ట్ (25 బంతుల్లో 37; 4 ఫోర్లు, 2 సిక్సర్లు) రాణించారు. సెయింట్ లూసియా కింగ్స్ పేసర్ కేస్రిక్ విలియమ్స్ నాలుగు వికెట్లు పడగొట్టాడు. లక్ష్య ఛేదనలో సెయింట్ లూసియా కింగ్స్ నిర్ణీత ఓవర్లలో 7 వికెట్ల నష్టానికి కేవలం 131 పరుగులు మాత్రమే చేసి 27 పరుగుల తేడాతో ఓటమిపాలైంది. ఆండ్రీ ఫ్లెచర్ ( 55 బంతుల్లో 81; 6 ఫోర్లు, నాలుగ సిక్సర్లు) ఒంటరి పోరాటం వృధా అయ్యింది. రవి రాంపాల్ మూడు వికెట్లతో లూసియా కింగ్స్ పతనాన్ని శాసించాడు.  చదవండి: ఏ దేశ క్రికెట్‌ జట్టైనా అఫ్గాన్‌లో పర్యటించవచ్చు: తాలిబన్‌ ప్రతినిధి  

సెంట్‌కిట్స్‌: కరీబియన్‌ ప్రీమియర్‌ లీగ్‌(సీపీఎల్‌ 2021)లో సెంట్‌ లూసియా కింగ్స్‌, ట్రిన్‌బాగో నైట్‌రైడర్స్‌ మధ్య ఆదివారం లీగ్‌ మ్యాచ్‌ జరిగింది. ఈ మ్యాచ్‌లో సెంట్‌ లూసియా కింగ్స్‌ 5 పరుగుల తేడాతో విజయాన్ని అందుకుంది. ఈ విషయం కాసేపు పక్కనపెడితే సెంట్‌ లూసియా కింగ్స్‌ ఓపెనర్‌ ఆండ్రీ ఫ్లెచర్‌ కొట్టిన ఒక సిక్స్‌ వైరల్‌గా మారింది. ఇసురు ఉడాన వేసిన బంతిని ఫ్లెచర్‌ డీప్‌ మిడ్‌వికెట్‌ మీదుగా సిక్స్‌ కొట్టాడు. అయితే ఫ్లెచర్‌ కనీసం బంతి ఎక్కడ పడిందనేది చూడకుండానే ఆడాడంటే అతని కాన్ఫిడెంట్‌ ఎంతలా ఉందనేది అర్థం చేసుకోవచ్చు. ఇన్నింగ్స్‌ 8.4 ఓవర్‌లో ఇది చోటుచేసుకుంది. చదవండి: 20 ఓవర్లలో 32 పరుగులు.. టీ20 మ్యాచ్‌ను కాస్త టెస్టు మ్యాచ్‌గా కాగా భారీ షాట్లకు పెట్టింది పేరైన ఫ్లెచర్‌ను అందరూ ముద్దుగా స్పైస్‌మన్‌ అని పిలుచుకుంటారు.కాగా ఈ మ్యాచ్‌లో ఫ్లెచర్‌ 28 పరుగులు చేశాడు. ఇక మ్యాచ్‌ విషయానికి వస్తే.. తొలుత బ్యాటింగ్‌ చేసిన సెంట్‌ లూసియా కింగ్స్‌ 20 ఓవర్లో 5 వికెట్ల నష్టానికి 157 పరుగులు చేసింది. టిమ్‌ డేవిడ్‌ 43 పరుగులతో టాప్‌ స్కోరర్‌గా నిలిచారు. ట్రిన్‌బాగో నైట్‌రైడర్స్‌ బౌలర్‌ రామ్‌పాల్‌ 3 వికెట్లతో చెలరేగాడు. అనంతరం బ్యాటింగ్‌ చేసిన ట్రిన్‌బాగో 20 ఓవర్లలో 3 వికెట్ల నష్టానికి 152 పరుగులు మాత్రమే చేసి 5 పరుగుల తేడాతో ఓటమిపాలయ్యింది. టిమ్‌ స్టిఫర్ట్‌ 16 బంతుల్లో 40 పరుగులు చేసినప్పటికి గెలిపించలేకపోయాడు. చదవండి: రిటైర్మెంట్ ప్రకటించిన టీమిండియా ఆల్‌రౌండర్ NO LOOK SIX! The SPICEMAN Andre Fletcher with the @OmegaXL HIT from match 7. #CPL21 #SLKvTKR #CricketPlayedLouder pic.twitter.com/b3PC3lZwBa — CPL T20 (@CPL) August 29, 2021

సెయింట్‌ కిట్స్‌: కరీబియన్‌ ప్రిమియర్‌ లీగ్‌(సీపీఎల్‌) 2021 సీజన్‌లో భాగంగా సెయింట్‌ లూసియా కింగ్స్‌తో జరిగిన మ్యాచ్‌లో విండీస్‌ విధ్వంసకర యోధుడు ఆండ్రీ రసెల్‌(14 బంతులో 50; 3 ఫోర్లు, 6 సిక్సర్లు) ఆకాశమే హద్దుగా చెలరేగిపోయాడు. ప్రత్యర్ధి బౌలర్లను చితక్కొటి సీపీఎల్‌ చరిత్రలో తన జట్టు రెండో అతి భారీ స్కోర్‌ సాధించడంలో కీలకపాత్ర పోషించాడు. రసెల్‌ విధ్వంసానికి తోడు చాడ్విక్‌ వాల్టన్‌(29 బంతులో 47; 6 ఫోర్లు, 2 సిక్సర్లు), కెన్నార్‌ లూయిస్‌(21 బంతులో 48; 2 ఫోర్లు, 5 సిక్సర్లు), హైదర్‌ అలీ(32 బంతులో 45; 4 ఫోర్లు, 2 సిక్సర్లు), కెప్టెన్‌ రోమన్‌ పావెల్‌(26 బంతులో 38; 3 ఫోర్లు,  సిక్సర్లు) చెలరేగి ఆడటంతో జమైకా తైలవాస్‌ జట్టు నిర్ణీత 20 ఓవర్లలో 5 వికెట్ల నష్టానికి 255 పరుగుల భారీ స్కోర్‌ సాధించింది. జమైకా తైలవాస్‌ టాపార్డర్‌ ధాటికి ప్రత్యర్ధి బౌలర్లు వణిపోయారు. సెయింట్‌ లూసియా కింగ్స్‌ బౌలర్లలో ఓబెద్‌ మెక్‌ కాయ్‌ 3 వికెట్లు పడగొట్టగా, రోస్టన్‌ ఛేజ్‌ 2 వికెట్లు దక్కించుకున్నాడు. అనంతరం 256 పరుగుల భారీ లక్ష్యాన్ని ఛేదించే క్రమంలో సెయింట్‌ లూసియా జట్టు ఆరంభంలోనే తడబడింది. జమైకా బౌలర్‌ ప్రిటోరియస్‌(3/25) సెయింట్‌ లూసియా జట్టును దారుణంగా దెబ్బకొట్టాడు. అతనికి క్రిస్‌ గ్రీన్‌(1/22), ఆండ్రీ రసెల్‌(1/9) తోడవ్వడంతో  5 ఓవర్ల తర్వాత సెయింట్‌ లూసియా స్కోర్‌ 56/5. ఆ జట్టు గెలవాలంటే  90 బంతుల్లో 200 పరుగులు చేయాల్సి ఉంది. చదవండి: నీకంత సీన్‌ లేదంటూ ఆ ఇద్దరు ఆంటీలు నన్ను రెచ్చగొట్టేవారు..

సెయింట్‌ కిట్స్‌: కరీబియన్ గడ్డపై ధనాధన్ సందడి(సీపీఎల్-2021) మొదలైంది. ఐపీఎల్‌ను మరిపించేలా భారీ షాట్లతో కనువిందు చేసేందుకు ప్రపంచవ్యాప్తంగా ఉన్న విధ్వంసకర యోధులు మన ముందుకు వచ్చేశారు. అయితే, ఈ లీగ్‌కు సంబంధించిన ఓ అంశం క్రికెట్‌ వర్గాల్లో చర్చనీయాంశంగా మారింది. వివరాల్లోకి వెళితే.. సీపీఎల్-2021 సీజన్‌ ద్వారా ఓ సరికొత్త టెక్నాలజీ క్రికెట్‌లోకి అడుగుపెట్టింది.  ఇప్పటికే స్నికో మీటర్, హాట్ స్పాట్, అల్ట్రా ఎడ్జ్, స్పీడ్ గన్స్, స్టంప్ మైక్రోఫోన్స్ అనే పలు టెక్నాలజీలు ఆటలో భాగం కాగా, తాజాగా ఈ జాబితాలోకి స్మార్ట్ బాల్ వచ్చి చేరింది. ఈ స్మార్ట్ బాల్‌ను సీపీఎల్-2021 లీగ్‌లోనే మొదటి సారిగా ఉపయోగిస్తున్నారు. ప్రముఖ బంతుల తయారీ సంస్థ కూకాబురాతో కలిసి ‘స్పోర్ట్‌కోర్‌' అనే కంపెనీ దీన్ని రూపొందించింది. చదవండి: వివాదంలో చిక్కుకున్న పంత్‌.. మందలించి వదిలిపెట్టిన అంపైర్లు ఆకారం, బరువు అన్ని విషయాల్లోనూ ఇది సాధారణ బంతిలానే ఉంటుంది. కాకపోతే ఈ బంతి లోపల కార్క్‌ స్థానంలో ఎలక్ట్రానిక్‌ చిప్‌ను అమర్చి తయారు చేస్తారు. ఈ చిప్‌కున్న సెన్సార్ల సాయంతో బంతి నేల మీద పడ్డాక దాని వేగం, స్పిన్(నిమిషానికి ఎన్నిసార్లు తిరుగుతుంది), బౌలర్‌ శక్తి తదితర విషయాలను బ్లూటూత్‌ సాంకేతికత ద్వారా ఎప్పటికప్పుడు తెలుసుకోవచ్చు. ఇందుకోసం ఓ ప్రత్యేక యాప్‌ను కూడా రూపొందించారు. ఈ యాప్‌లో ఓ బటన్‌ నొక్కితే బంతిలోని సెన్సార్లు సమాచారాన్ని గ్రహించి వాటిని బ్లూటూత్‌ ద్వారా పంపిస్తాయి.  ఆ పంపిన సమాచారం ఫోన్‌ లేదా కంప్యూటర్‌ తెరలపై సగటున 5 సెకన్లలో ప్రత్యక్షమవుతుంది. ఈ బంతిలోని చిప్‌లో ఉండే బ్యాటరీ 30 గంటల పాటు పనిచేస్తుంది. కాగా, ప్రస్తుతం ఉన్న సాంకేతికత ఆధారంగా బౌలర్‌ చేతి నుంచి విడుదలైన బంతి పిచ్‌ను తాకే ముందు ఉన్న వేగాన్ని మాత్రమే కనుక్కోవచ్చు. ఈ స్మార్ట్‌ బాల్‌ రాకతో క్రికెట్‌ కొత్త పుంతలు తొక్కనుందని విశ్లేషకులు అభిప్రాయపడుతున్నారు. అయితే, ప్రస్తుతానికి ఈ బంతులు అంతర్జాతీయ క్రికెట్‌లో వాడేందుకు అనుమతి లభించలేదు. పూర్తి స్థాయి టెస్టింగ్ అనంతరం అనుమతి లభించే అవకాశం ఉంది. చదవండి: మనతో ఆట అంటే మజాకా.. రికార్డులు బద్దలవ్వాల్సిందే..!

వెస్ట్రన్‌పార్క్‌: యునివర్సల్‌ బాస్ క్రిస్‌ గేల్‌ అంటేనే విధ్వంసానికి మారుపేరు. భారీ సిక్సర్లు అలవోకగా బాదే గేల్‌ ఎన్నోసార్లు తన పవర్‌హిట్టింగ్‌ను రుచి చూపించాడు. ఫాంలో ఉన్నాడంటే ప్రత్యర్థులకు చుక్కలు చూపిస్తాడు. తాజాగా కరీబియన్‌ ప్రీమియర్‌ లీగ్‌ 2021లో గేల్‌ కొట్టిన భారీ సిక్స్‌కు స్కోర్‌కార్డ్‌ డిస్‌ప్లే చేసే స్ర్కీన్‌గ్లాస్‌ పగిలిపోయింది. దీనికి సంబంధించిన వీడియో సోషల్‌ మీడియాలో వైరల్‌గా మారింది. లీగ్‌లో సెంట్‌ కిట్స్‌ నెవిస్‌ పాట్రియోట్స్‌కు ప్రాతినిధ్యం వహిస్తున్న గేల్‌.. బార్బడోస్‌ రాయల్స్‌తో జరిగిన మ్యాచ్‌లో ఈ ఫీట్‌ను నమోదు చేశాడు. జాసన్‌ హోల్డర్‌ వేసిన ఇన్నింగ్స్‌ ఐదో ఓవర్‌ ఐదో బంతిని నేరుగా స్ట్రెయిట్‌ సిక్స్‌ సంధించాడు. బంతి నేరుగా ఉ‍న్న స్కోరుబోర్డు స్క్రీన్‌కు తగిలింది. ఇంకేముంది ఇది చూసిన నెటిజన్లు ''గేల్‌ సిక్స్‌ కొడితే మాములుగా ఉండదు కదా.. గ్లాస్‌ పగిలింది'' అంటూ కామెంట్లు చేశారు. ఇక ఈ మ్యాచ్‌లో గేల్‌ అంతగా ఆకట్టుకోలేకపోయాడు. 9 బంతులెదుర్కొన్న గేల్‌ ఒక సిక్సర్‌, ఒక ఫోర్‌తో 12 పరుగులు చేసి పెవిలియన్‌ చేరాడు.  ఈ మ్యాచ్‌లో సెంట్‌ కిట్స్‌ విజయాన్ని అందుకుంది. మొదట బ్యాటింగ్‌ చేసిన సెంట్‌కిట్స్‌ 20 ఓవర్లలో 5 వికెట్ల నష్టానికి 175 పరుగులు చేసింది. టాపార్డర్‌ విఫలమైనప్పటికి లోయర్‌ ఆర్డర్‌లో ష్రెఫాన్‌ రూథర్‌ఫర్డ్‌ 53 నాటౌట్‌, డ్వేన్‌ బ్రావో 47 నాటౌట్‌తో రాణించారు. అనంతరం బ్యాటింగ్‌ చేసిన బార్బడోస్‌ రాయల్స్‌ నిర్ణీత 20 ఓవర్లలో 7 వికెట్ల నష్టానికి 154 పరుగులు చేసింది. షై హోప్‌ 44 పరుగులతో టాప్‌ స్కోరర్‌గా నిలవగా.. మిగిలినవారు విఫలమయ్యారు. సెంట్‌ కిట్స్‌ బౌలింగ్‌లో షెల్డన్‌ కాట్రెల్‌, డొమినిక్‌ డ్రేక్స్‌ చెరో రెండు వికెట్లు, ఫాబియన్‌ అలెన్‌ ఒక వికెట్‌ తీశాడు. చదవండి: ENG Vs IND: టీమిండియా చెత్త ప్రదర్శన.. కోహ్లి, రోహిత్‌లదే బాధ్యత A SMASHING HIT by the Universe Boss @henrygayle sees him with the @OmegaXL hit from match 2. #CPL21 #BRvSKNP #CricketPlayedLouder #OmegaXL pic.twitter.com/8001dFwNWQ — CPL T20 (@CPL) August 27, 2021

ముంబై: భారత్‌లో కరోనా కేసులు అధికమవడం కారణంగా అర్ధంతరంగా నిలిచిపోయిన ఐపీఎల్‌ 2021 సీజన్‌ను యూఏఈ వేదికగా సెప్టెంబర్‌ 18 నుంచి అక్టోబర్‌ 10 మధ్యలో నిర్వహించాలని బీసీసీఐ శత విధాల ప్రయత్నిస్తుంది. ఇందు కోసం కరీబియన్‌ ప్రీమియర్‌ లీగ్‌(సీపీఎల్‌) షెడ్యూల్‌ను వారం నుంచి పది రోజులు ముందుకు జరపాలని క్రికెట్‌ వెస్టిండీస్‌తో సంప్రదింపులకు సమాయత్తమవుతోంది. ప్రస్తుత షెడ్యూల్‌ ప్రకారం సీపీఎల్‌ ఆగస్టు 28న ప్రారంభమై సెప్టెంబర్‌ 19న ముగుస్తుంది. ఇదే జరిగితే సీపీఎల్‌లో పాల్గొనే ఆటగాళ్లు ఐపీఎల్‌లో ఆడేందుకు బయో బబుల్‌ ఇబ్బందులు తలెత్తడంతో పాటు లీగ్‌లోని కొన్ని మ్యాచ్‌లకు దూరమయ్యే అవకాశం ఉంది.  దీంతో రెండు లీగ్‌ల మధ్య క్లాష్‌ జరగకుండా, సీపీఎల్‌ను ప్రీపోన్‌ చేసుకోవాలని బీసీసీఐ వెస్టిండీస్‌ క్రికెట్‌ బోర్డును కోరనుంది. ఇప్పటికే ఇంగ్లండ్‌, ఆస్ట్రేలియా క్రికెటర్లు వివిధ కారణాల చేత ఐపీఎల్‌లో ఆడేది అనుమానంగా మారిన నేపథ్యంలో బీసీసీఐ ముందు జాగ్రత్త చర్యలు చేపట్టనున్నట్లు తెలుస్తోంది. ఎట్టి పరిస్థితుల్లోను ఒప్పందం కుదుర్చుకున్న అందరు విదేశీ ఆటగాళ్లతో లీగ్‌ను నిర్వహించాలని బీసీసీఐ పట్టుదలతో ఉన్నట్లు సమాచారం. ఇందులో భాగంగా ఐపీఎల్‌ సెకండాఫ్‌ జరుగుతున్న సమయంలో ఏ కారణం చేత కూడా విదేశీ ఆటగాళ్లు దూరం కాకుండా ఆయా బోర్డులతో బీసీసీఐ చర్చలు ప్రారంభించింది.  చదవండి: ధోని లాంటి ఫినిషర్‌ లేకపోతే ఎంత మేటి జట్టైనా ఏం ప్రయోజనం..?

న్యూఢిల్లీ: ఈ సీజన్‌ కరీబియన్‌ ప్రీమియర్‌ లీగ్‌(సీపీఎల్‌)లో ఒక్క మ్యాచ్‌ కూడా ఓడిపోకుండా టైటిల్‌ గెలుచుకున్న ట్రిన్‌బాగో నైట్‌రైడర్స్‌  ఆటగాళ్లపై ఫ్రాంచైజీ యాజమాని, బాలీవుడ్‌ బాద్‌షా షారుక్‌ ఖాన్‌ ప్రశంసలు కురిపించాడు.  ‘ఈ సీపీఎల్‌ను మనం శాసించాం. సమష్టి కృషితోనే అది సాధ్యమైంది. మాకు మీరు గర్వకారణం. ఈ విజయాన్ని వేడుకగా జరుపుకుందాం. అదే సమయంలో ఎటువంటి జన తాకిడి లేకుండా పార్టీ చేసుకుందాం. ఇది పర్‌ఫెక్ట్‌ 12( మొత్తం మ్యాచ్‌లు గెలవడంపై). ఇక ఐపీఎల్‌కు రండి. పొలార్డ్‌ గ్యాంగ్‌ ధన్యవాదాలు. ప్రత్యేకంగా డ్వేన్‌ బ్రేవో, డారెన్‌ బ్రేవో, పొలార్డ్‌లకు నా అభినందనలు. ఇది నైట్‌రైడర్స్‌కు నాల్గో టైటిల్‌. లవ్‌ యూ’ అని షారుక్‌ ట్వీట్‌ చేశాడు. నిన్న జరిగిన సీపీఎల్‌ ఫైనల్‌ పోరులో ట్రిన్‌బాగో 8 వికెట్ల తేడాతో సెయింట్‌ లూసియా జూక్స్‌ను చిత్తు చేసింది. ముందుగా బ్యాటింగ్‌కు దిగిన జూక్స్‌ 19.1 ఓవర్లలో 154 పరుగులకే ఆలౌటైంది. ఆండ్రీ ఫ్లెచర్‌ (27 బంతుల్లో 39; 4 ఫోర్లు, 2 సిక్సర్లు) టాప్‌స్కోరర్‌గా నిలవగా...కీరన్‌ పొలార్డ్‌ (4/30) చక్కటి బౌలింగ్‌తో ప్రత్యర్థిని కట్టడి చేశాడు. అనంతరం నైట్‌రైడర్స్‌ 18.1 ఓవర్లలో 2 వికెట్లకు 157 పరుగులు సాధించింది. లెండిన్‌ సిమన్స్‌ (49 బంతుల్లో 84 నాటౌట్‌; 8 ఫోర్లు, 4 సిక్సర్లు), డారెన్‌ బ్రావో (47 బంతుల్లో 58 నాటౌట్‌; 2 ఫోర్లు, 6 సిక్సర్లు) మెరుపు బ్యాటింగ్‌తో జట్టును గెలిపించారు.  డారెన్‌ బ్రావో ఫోర్‌ కొట్టడంతో నైట్‌రైడర్స్‌ టైటిల్‌ను ఖాతాలో వేసుకుంది. ఇది ట్రిన్‌బాగో నైట్‌రైడర్స్‌కు నాల్గో టైటిల్‌.  ఫలితంగా సీపీఎల్‌ చరిత్రలో అత్యధిక టైటిల్స్‌ గెలిచిన జట్టుగా నైట్‌రైడర్స్‌ నిలిచింది. నైట్‌రైడర్స్‌ జట్టుకు పొలార్డ్‌ కెప్టెన్‌గా వ్యవహరిస్తుండగా డ్వేన్‌ బ్రేవో, డారెన్‌ బ్రావో, సిమ్మన్స్‌ వంటి స్టార్లు ఆ జట్టులో ఉన్నారు. (చదవండి: ‘ఆ గన్‌ ప్లేయర్‌తో రైనా స్థానాన్ని పూడుస్తాం’) Ami TKR we rule. Awesome display boys...u make us proud, happy and make us party even without a crowd. Love u team.@TKRiders @54simmo and my fav @DMBravo46 well done @KieronPollard55 & my man @DJBravo47 love you how many now4!!! @Bazmccullum come to IPL lov u — Shah Rukh Khan (@iamsrk) September 10, 2020

తరోబా (ట్రినిడాడ్‌): కరీబియన్‌ ప్రీమియర్‌ లీగ్‌ (సీపీఎల్‌)లో ట్రిన్‌బాగో నైట్‌రైడర్స్‌ విజయ యాత్ర టైటిల్‌ గెలుచుకోవడంతో ముగిసింది. టోర్నీలో పరాజయమనేదే లేకుండా సాగిన ఈ జట్టు వరుసగా 12వ మ్యాచ్‌ గెలిచి ట్రోఫీని సొంతం చేసుకుంది. గురువారం జరిగిన ఫైనల్లో ట్రిన్‌బాగో 8 వికెట్ల తేడాతో సెయింట్‌ లూసియా జూక్స్‌ను చిత్తు చేసింది. ముందుగా బ్యాటింగ్‌కు దిగిన జూక్స్‌ 19.1 ఓవర్లలో 154 పరుగులకే ఆలౌటైంది. ఆండ్రీ ఫ్లెచర్‌ (27 బంతుల్లో 39; 4 ఫోర్లు, 2 సిక్సర్లు) టాప్‌స్కోరర్‌గా నిలవగా...కీరన్‌ పొలార్డ్‌ (4/30) చక్కటి బౌలింగ్‌తో ప్రత్యర్థిని కట్టడి చేశాడు. అనంతరం నైట్‌రైడర్స్‌ 18.1 ఓవర్లలో 2 వికెట్లకు 157 పరుగులు సాధించింది. లెండిన్‌ సిమన్స్‌ (49 బంతుల్లో 84 నాటౌట్‌; 8 ఫోర్లు, 4 సిక్సర్లు), డారెన్‌ బ్రావో (47 బంతుల్లో 58 నాటౌట్‌; 2 ఫోర్లు, 6 సిక్సర్లు) మెరుపు బ్యాటింగ్‌తో జట్టును గెలిపించారు. వీరిద్దరు మూడో వికెట్‌కు 88 బంతుల్లో అభేద్యంగా 138 పరుగులు జోడించారు. ట్రినిడాడ్‌ జట్టు సీపీఎల్‌ టైటిల్‌ గెలవడం నాలుగో సారి కావడం విశేషం.   

జ‌మైకా : టీ20 క్రికెట్ అంటేనే ధ‌నాధ‌న్ ఆట‌లా ఉంటుంది.. బ్యాట్స్‌మ‌న్ వీర బాదుడు, ఫీల్డింగ్ నైపుణ్యాలు, బౌల‌ర్లు బంతితో చేసే మేజిక్‌లు క‌ళ్ల ముందు క‌దులుతాయి. అటువంటి టీ20 క్రికెట్‌లో వికెట్ దొర‌క‌డ‌మే క‌ష్టం..  ఆరంభం నుంచి బాదుడే ప‌నిగా పెట్టుకునే బ్యాట్స్‌మెన్ల‌కు బౌల‌ర్లు చుక్కులు చూపించ‌డం కొంచెం క‌ష్ట‌మే. అందుకేనేమో టీ20 ఆట‌లో బౌల‌ర్‌కు వికెట్ ల‌భించగానే పెద్ద పండ‌గ‌లా చేసుకుంటారు. ఇంకొంద‌రు మాత్రం మ‌రికాస్త ముందుకెళ్లి త‌మ‌దైన శైలిలో సెల‌బ్రేష‌న్ నిర్వ‌హించుకుంటారు. సీపీఎల్ 2020 లీగ్ సంద‌ర్భంగా గురువారం గ‌యానా వారియ‌ర్స్, బార్బ‌డోస్ ట్రైడెంట్స్ మ‌ధ్య జ‌రిగిన మ్యాచ్‌ను ఉదాహ‌ర‌ణ‌గా చెప్పొచ్చు. గ‌యానా వారియ‌ర్స్ బౌల‌ర్ కెవిన్ సింక్లెయిర్ కీల‌క ఆట‌గాడిని ఔట్ చేసా అన్న ఆనందంలో దొమ్మ‌రిగ‌డ్డ‌లు వేస్తూ త‌న స‌ర‌దాను తీర్చుకున్నాడు. సాధార‌ణంగా సోమ‌ర్‌సాల్ట్స్‌(దొమ్మ‌రిగ‌డ్డ‌లు) కాళ్ల‌తో వేస్తుంటారు. కానీ సింక్లెయిర్ ఒక‌సారి మాత్ర‌మే కాళ్ల‌ను ఉప‌యోగించి మిగ‌తా రెండుసార్లు గాలిలోనే ప‌ల్టీలు కొట్టాడు. ఇది చూసిన మిగ‌తా ఆట‌గాళ్ల  సింక్లెయిర్ చిన్నప్పుడు ఎమైనా స్రింగులు మింగాడా అనే సందేహం క‌లిగింది. ప్ర‌స్తుతం సింక్లెయిర్ చేసిన ప‌ని సోష‌ల్ మీడియాలో వైరల్‌గా మారింది.(చదవండి : ‘సచిన్‌ను మర్చిపోతారన్నాడు’) బార్బ‌డోస్ బ్యాటింగ్ చేస్తున్న 16 వ ఓవ‌ర్‌లో సింక్లెయిర్ ఈ విన్యాసం చేశాడు. లీగ్‌లో మంచి ఫామ్‌లో ఉన్న‌ మిచెల్ సాంట్న‌ర్.. త‌న బౌలింగ్‌లో వికెట్‌గా వెనుదిరగ‌డంతోనే ఇలా చేసిన‌ట్లు సింక్లెయిర్ చెప్పుకొచ్చాడు. కాగా ఈ మ్యాచ్‌లో మొద‌ట బ్యాటింగ్ చేసిన బార్బ‌డోస్ జ‌ట్టు 20 ఓవ‌ర్లలో 9వికెట్ల న‌ష్టానికి 89 ప‌రుగులే చేసింది. 90 ప‌రుగుల ల‌క్ష్యంతో బ‌రిలోకి దిగిన గ‌యానా అమెజాన్ వారియ‌ర్స్ 15 ఓవ‌ర్ల‌లో 4 వికెట్లు కోల్పోయి విజ‌యం సాధించింది. ఈ విజ‌యంతో లీగ్‌లో రెండోస్థానానికి చేరుకున్న గ‌యానా వారియ‌ర్స్ సెమీఫైన‌ల్ బెర్త్ ఖ‌రారు చేసుకుంది. ఆడిన 10 మ్యాచ్‌ల్లో కేవ‌లం రెండు విజ‌యాలు మాత్ర‌మే న‌మోదు చేసిన డిపెండింగ్ చాంపియ‌న్ బార్బ‌డోస్ ట్రైడెంట్స్ పాయింట్ల ప‌ట్టిక‌లో చివ‌రి నుంచి రెండో స్థానంలో నిలిచి లీగ్ నుంచి నిష్క్ర‌మించింది. Double?? Treble?? Definitely Double Trouble in the Bubble!! What a celebration! #CPL20 #CricketPLayedLouder pic.twitter.com/3N2oKNAzRy — CPL T20 (@CPL) September 3, 2020

ట్రినిడాడ్‌: కరీబియన్‌ ప్రీమియర్‌ లీగ్‌(సీపీఎల్‌)లో విండీస్‌ ఆటగాళ్ల బ్యాటింగ్‌ విధ్వంసం కొనసాగుతోంది. శనివారం ఆటలో ట్రిన్‌బాగో నైట్‌రైడర్స్‌కు కెప్టెన్‌ కీరోన్‌ పొలార్డ్‌ 28 బంతుల్లో 9 సిక్స్‌లు, 2 ఫోర్లతో దుమ్ములేపి 72 పరుగులు సాధిస్తే, ఆదివారం నాటిలో గయానా అమెజాన్‌ వారియర్స్‌ వికెట్‌ కీపర్‌ నికోలస్‌ పూరన్‌ పరుగుల దాహం తీర్చుకున్నాడు.  సెయింట్‌ కిట్స్‌ అండ్‌ నెవిస్‌ పాట్రియోట్స్‌తో జరిగిన మ్యాచ్‌లో ఆకాశమే హద్దుగా చెలరేగిపోయిన పూరన్‌.. 45 బంతుల్లో 10 సిక్స్‌లు, 4 ఫోర్లతో శతకం సాధించాడు.  ఇందులో హాట్రిక్‌ సిక్స్‌లు ఉండటం విశేషం. సెయింట్‌ కిట్స్‌ బౌలర్‌ ఇష్‌ సోథీ వేసిన 18 ఓవర్‌లో వరుసగా మూడు సిక్స్‌లు కొట్టి మ్యాచ్‌ను ఒంటిచేత్తో గెలిపించాడు. జట్టు విజయానికి మూడు పరుగులు కావాల్సిన తరుణంలో సిక్స్‌ కొట్టి ఇన్నింగ్స్‌ను ముగించాడు. దాంతో  మ్యాచ్‌ గెలవడమే కాకుండా పూరన్‌ సెంచరీ పూర్తి చేసుకున్నాడు. ఇది టీ20ల్లో పూరన్‌కు తొలి శతకం. పూరన్‌ దాటికి గయానా అమెజాన్‌ 17.3 ఓవర్లలో మూడు వికెట్లు కోల్పోయి విజయాన్ని అందుకుంది.(చదవండి: పొలార్డ్‌ కుమ్మేశాడుగా..) ఈ మ్యాచ్‌లో టాస్‌ గెలిచిన గయానా అమెజాన్‌ వారియర్స్‌ ముందుగా సెయింట్‌ కిట్స్‌ను బ్యాటింగ్‌కు ఆహ్వానించింది. దాంతో సెయింట్‌ కిట్స్‌ 20 ఓవర్లలో ఐదు వికెట్లు కోల్పోయి 150 పరుగులు చేసింది. జోషువా డా సిల్వా(59) హాఫ్‌ సెంచరీ సాధించాడు. అనంతరం బ్యాటింగ్‌ ఆరంభించిన గయానా అమెజాన్‌ వారియర్స్‌ 25 పరుగులకే మూడు వికెట్లు కోల్పోయి కష్టాల్లో పడింది. ఆ తరుణంలో బ్యాటింగ్‌కు దిగిన పూరన్‌ తొలుత ఆచితూచి ఆడాడు. పిచ్‌పై పట్టుదొరికిన తర్వాత బౌండరీలతో విరుచుకుపడ్డాడు. క్రీజ్‌లో కుదురుకున్నాక కనీసం ఓవర్‌కు సిక్స్‌ కొట్టాలన్న కసితో పూరన్‌ బ్యాట్‌ ఝుళిపించాడు. ఈ క్రమంలోనే 18 ఓవర్‌లో హ్యాట్రిక్‌ సిక్స్‌లతో సెంచరీ పూర్తి చేసుకోవడమే కాకుండా జట్టుకు ఘన విజయాన్ని అందించాడు. ఈ మ్యాచ్‌లో విజయంలో గయానా ఆరు పాయింట్లతో మూడో స్థానానికి చేరింది.(చదవండి: తొలి బంతికే భయపడ్డాను: కోహ్లి)

ట్రినిడాడ్‌: వెస్టిండీస్‌ ఆల్‌రౌండర్‌ కీరోన్‌ పొలార్డ్‌ వీరోచిత ఇన్నింగ్స్‌తో అదరగొట్టాడు.  కరీబియన్‌ ప్రీమియర్‌ లీగ్‌(సీపీఎల్‌)లో భాగంగా ట్రిన్‌బాగో నైట్‌రైడర్స్‌కు కెప్టెన్‌గా వ్యవహరిస్తున్న పొలార్డ్‌ బౌండరీల మోత మోగించి జట్టుకు గొప్ప విజయాన్ని అందించాడు. బార్బోడాస్‌ ట్రిడెంట్స్‌తో శనివారం జరిగిన మ్యాచ్‌లో పొలార్డ్‌ 28 బంతుల్లో 9 సిక్సర్లు, 2 ఫోర్లతో 72 పరుగులు చేసి ఓటమి ఖాయమనుకున్న జట్టుకు విజయం సాధించిపెట్టాడు. ఇది కదా కెప్టెన్సీ ఇన్నింగ్స్‌ అన్న చందంగా సాగిన పొలార్డ్‌ ఇన్నింగ్స్‌తో నైట్‌రైడర్స్‌ జట్టు రెండు వికెట్ల తేడాతో గెలిచింది. ఈ మ్యాచ్‌లో తొలుత బ్యాటింగ్‌ చేసిన బార్బోడాస్‌ జట్టు నిర్ణీత 20 ఓవర్లలో ఏడు వికెట్లకు 148 పరుగులు చేసింది. అనంతరం 149 పరుగుల విజయ లక్ష్యంతో బ్యాటింగ్‌ ఆరంభించిన నైట్‌రైడర్స్‌ 62 పరుగులకే ఐదు వికెట్లు కోల్పోయి కష్టాల్లో పడింది. (చదవండి: రైనా నిష్క్రమణ.. వాట్సన్‌ ఆవేదన) మరో 15 పరుగుల వ్యవధిలో లెండి సిమ్మన్స్‌(32) ఔట్‌ కావడంతో జట్టు భారం పొలార్డ్‌పై పడింది. తనపై పెట్టుకున్న అంచనాలకు తగ్గట్టే ఏడో స్థానంలో బ్యాటింగ్‌కు వచ్చిన పొలార్డ్‌ ఆది నుంచి బార్బోడాస్‌ బౌలర్లకు చుక్కలు చూపించాడు. కొడితే సిక్స్‌ అయినా కావాలి.. లేకపోతే ఫోర్‌ అయినా కావాలి అన్న విధంగా సాగింది పొలార్డ్‌ ఆట. పరిస్థితులకు తగ్గట్టు బ్యాట్‌ ఝుళిపిస్తూ నైట్‌రైడర్స్‌ స్కోరును పరుగులు పెట్టించాడు. 17 ఓవర్‌లో నాలుగు సిక్సర్లు కొట్టి ఒక్కసారిగా నైట్‌రైడర్స్‌లో ఊపుతెచ్చాడు. యువ ఆఫ్‌ స్పిన్నర్‌ హేడెన్‌ వాల్ష్‌ బౌలింగ్‌లో సిక్సర్లతో దుమ్మురేపాడు. ఆ తర్వాత ఓవర్‌లో రెండు బౌండరీలు కొట్టి హాఫ్‌ సెంచరీ పూర్తి చేసుకున్నాడు. హాఫ్‌ సెంచరీని 22 బంతుల్లో పూర్తి చేసుకున్న పొలార్డ్‌.. చివరి ఓవర్‌ రెండో బంతికి అనవసరపు పరుగు కోసం యత్నించి రనౌట్‌ అయ్యాడు. అప్పటికి నైట్‌రైడర్స్‌ స్కోరు 141. దాంతో నైట్‌రైడర్స్‌ నాలుగు బంతుల్లో ఎనిమిది పరుగులు చేయాల్సి రావడంతో  ఖారీ పీర్‌ బ్యాట్‌కు పని చెప్పి ఇంకా బంతి ఉండగానే విజయంలో భాగమయ్యాడు. ఆ చివరి ఓవర్‌ మూడో బంతికి సీల్స్‌ సింగిల్‌ తీయగా, నాల్గో బంతిని పీర్‌ సిక్స్‌ కొట్టాడు. ఒక ఆఖరి బంతికి పీర్‌ సింగిల్‌ తీయడంతో నైట్‌రైడర్స్‌ గెలుపును అందుకుంది.  ఇది నైట్‌రైడర్స్‌కు వరుసగా ఆరో విజయం. ఇప్పటివరకూ ఒక్క మ్యాచ్‌ కూడా ఓడిపోని నైట్‌రైడర్స్‌ పాయింట్ల పట్టికలో అగ్రస్థానంలో కొనసాగుతోంది.

జమైకా : కరీబియన్ ప్రీమియర్ లీగ్‌లో(సీపీఎల్‌ 2020) బుధవారం జమైకా తలైవాస్‌, గుయానా అమెజాన్ వారియర్స్ మధ్య మ్యాచ్‌ జరిగింది. క్వీన్స్ పార్క్ ఓవల్ వేదికగా జరిగిన మ్యాచ్‌లో జమైకా జట్టు తరపున బ్యాటింగ్ చేస్తున్న పాకిస్తాన్ క్రికెటర్ ఆసిఫ్ అలీ 3 పరుగులకే ఔటయ్యాడు. కరీబియన్‌ లీగ్‌లో మంచి ప్రదర్శన కనబరుస్తున్న ఆసిఫ్ అలీ.. ఈ మ్యాచ్‌లోనూ బారీషాట్‌ ఆడబోయి డీప్ మిడ్-వికెట్ రీజియన్‌లో క్రిస్ గ్రీన్ అద్భుత డ్రైవ్‌తో క్యాచ్‌ను అందుకున్నాడు. అయితే అప్పటికే పరుగు కోసం సగం క్రీజులోకి పరిగెత్తుకొచ్చిన ఆసిఫ్ అలీని ఉద్ధేశించి ఆసిఫ్‌..'నువ్వు ఔట్ అయ్యావు.. క్రీజు వదిలి వెళ్లు..' అంటూ కీమో పాల్‌ సైగ చేశాడు. అప్పటికే ఔట్ అయ్యాననే కోపంలో ఉన్న ఆసిఫ్‌ కీమో పాల్ వైపు బ్యాట్ ఎత్తాడు. అయితే ఆసిఫ్ బ్యాట్ నుంచి తృటిలో తప్పించుకున్న కీమో.. ఊహించని పరిణామానికి ఒక్కసారిగా షాకయ్యాడు. అయితే కీమో పాల్‌ కోపంతో ఆసిఫ్‌ వైపు తిరిగినా అప్పటికే అతను వెళ్లిపోయాడు. ఈ మ్యాచ్‌లో జమైకా జట్టు ఐదు వికెట్ల తేడాతో విజయం సాధించింది. అయితే ఆసిఫ్ అలీకి చేసిన పనికి మాత్రం క్రమశిక్షణ చర్యల కింద జరిమానాతో విధించే అవకాశం ఉంది. చదవండి : కోహ్లి, రోహిత్‌ల ఆధిపత్యం మ్యాచ్‌లోనూ మాస్క్‌.. కీమో పాల్‌ వీడియో వైరల్‌

క్రికెట్‌ మైదానంలో ఒక్కో ఆటగాడికి ఒక్కోలా ప్రవర్తిసాడు. ఇతరుల కంటే భిన్నంగా ప్రవర్తించి అభిమానులను ఆకట్టుకుంటారు. ముఖ్యంగా వెస్టిండిస్ బౌలర్లు మైదానంతో తమదైన శైలీని ప్రదర్శించి మీడియాను ఆకర్షిస్తారు. వికెట్లు తీసిన తర్వాత మైదానంలో వారు జరుపుకునే సంబరాలు అభిమానులను ఆకట్టుకుంటాయి. షెల్డన్ కాట్రెల్ మార్చ్‌ సెల్యూట్‌ మొదలు.. కేస్రిక్ విలియమ్స్ నోట్‌బుక్‌ టిక్‌ వరకు ఒక్కొక్కొరు  ఒక్కో స్టైల్లో సంబరాలు జరుపుకుంటారు. ఇప్పుడు వారి సరనన కీమో పాల్‌  కూడా చేరాడు. కరీబియన్‌ ప్రీమియర్‌ లీగ్ ‌(సీపీఎల్‌)మొదటి మ్యాచ్‌లో వికెట్‌ తీసిన అనంతరం పాల్‌ ప్రదర్శించిన తీరు అందరిని ఆకట్టుకుంది. వికెట్‌ తీసిన ఆనందంలోనూ కోవిడ్‌ నిబంధనలు పాటించి క్రికెట్‌ అభిమానులతో పాటు నెటిజన్ల మనసును దోచుకున్నాడు.  అసలు ఏం జరిగిదంటే.. క్రికెట్లో బౌలర్‌ వికెట్‌ తీయగానే ఫీల్డర్లు అతణ్ని చుట్టుముట్టి కరచాలనం చేస్తారు. ఒక్కోసారి బౌలర్‌ను  ఎత్తుకొని చిందులేస్తారు. ఇవన్ని ఒక​ప్పుడు సర్వసాధారణం కానీ ఇప్పుడు కాదు. ఇది కరోనా కాలం. ఈ  సమయంలో మనుషుల మధ్య దూరం ఎంత  ఎక్కువగా ఉంటే అంత మంచిది. సామాజిక దూరం పాటిస్తే తన ఆరోగ్యంతో పాటు ఇతరులు ఆరోగ్యం కూడా కాపాడినవాళ్లం అవుతాం. సరిగ్గా ఇదే పని చేశాడు వెస్టిండిస్‌ ఆటగాడు కిమో పాల్‌. బుధవారం సెయింట్ కిట్స్ అండ్స్ పేట్రియాట్స్ మరియు గయానా అమెజాన్‌ వారియర్స్‌ మధ్య తొలి సీపీఎల్‌ మ్యాచ్‌ జరిగిన విషయం తెలిసిందే. గయానా జట్టు తరుపున బౌలింగ్‌ చేసిన కీమో పాల్‌.. ఏడో ఓవర్లో కీలక వికెట్‌ తీశాడు. ఈ సందర్భంగా తోటి ఆటగాళ్లు పాల్‌ను అభినందించేందుకు వచ్చారు. అయితే వారిని దగ్గరకు రావద్దని సైగలు చేస్తూ మాస్క్‌ ధరించిన దూరంగా వెళ్లాడు. కరోనా మహమ్మారిని దృష్టిలో ఉంచుకుని ఆయన ఈ రకంగా ప్రవర్తించాడు. ఈ సంఘటన యొక్క వీడియోను సీసీఎల్‌ తన ట్విట్టర్ హ్యాండిల్‌లో షేర్ చేసింది, అక్కడ అభిమానులు సురక్షితంగా ఉండమని కోరింది. ప్రస్తుతం ఈ వీడియో వైరల్‌ అవుతోంది. (చదవండి : ధోని కంటతడి పెట్టాడు!) కాగా, బుధవారం జరిగిన సీపీఎల్‌ తొలి మ్యాచ్‌లో గయానా అమెజాన్‌ వారియర్స్‌ బోణీ కొట్టింది. సెయింట్ కిట్స్ అండ్స్ పేట్రియాట్స్ జట్టు‌తో జరిగిన మ్యాచ్‌లో రెయాడ్ ఎమ్రిట్‌ నేతృత్వంలోని గయానా మూడు వికెట్ల తేడాతో గెలిచింది. విండీస్ స్టార్ ఆటగాళ్లు షిమ్రాన్ హెట్‌మైర్ హాఫ్ సెంచరీ (71; 44 బంతుల్లో 8 ఫోర్లు, 3 సిక్స్‌లు) బాది.. కీమో పాల్ నాలుగు వికెట్లు తీసి గయానా విజయంలో కీలక పాత్ర పోషించారు.    MASK ON! Keemo knows the drill! #StaySafe #CPL20 pic.twitter.com/pkABEf472p — CPL T20 (@CPL) August 19, 2020

పోర్ట్‌ ఆఫ్‌ స్పెయిన్‌: క్రికెట్‌ అభిమానులకు నేటి నుంచి ధనాధన్‌ వినోదం లభించనుంది. ట్రినిడాడ్‌ అండ్‌ టొబాగో వేదికగా కరీబియన్‌ ప్రీమియర్‌ లీగ్‌ (సీపీఎల్‌) టి20 టోర్నమెంట్‌ నేడు ప్రారంభంకానుంది. కరోనా వైరస్‌ నేపథ్యంలో ఈసారి ఈ టోర్నీలోని మొత్తం 33 మ్యాచ్‌లను పోర్ట్‌ ఆఫ్‌ స్పెయిన్‌లోని బ్రియాన్‌ లారా స్టేడియం, క్వీన్స్‌ పార్క్‌ ఓవల్‌ మైదానాల్లో మాత్రమే నిర్వహిస్తారు. మొత్తం ఆరు జట్లు (ట్రిన్‌బాగో నైట్‌రైడర్స్, గయానా అమెజాన్‌ వారియర్స్, బార్బడోస్‌ ట్రైడెంట్స్, సెయింట్‌ కిట్స్‌ అండ్‌ నెవిస్‌ పేట్రియాట్స్, జమైకా తలవాస్, సెయింట్‌ లూసియా జూక్స్‌) లీగ్‌ కమ్‌ నాకౌట్‌ పద్ధతిలో తలపడనున్నాయి. లీగ్‌ దశ ముగిశాక టాప్‌–4లో నిలిచిన జట్లు సెమీఫైనల్లో ‘ఢీ’కొంటాయి. సెప్టెంబర్‌ 10న ఫైనల్‌తో ఈ టోర్నీ ముగుస్తుంది.  భారత కాలమానం ప్రకారం రాత్రి 7 గంటల 30 నిమిషాలకు మొదలయ్యే లీగ్‌ తొలి మ్యాచ్‌లో ట్రిన్‌బాగో నైట్‌రైడర్స్‌తో గయానా అమెజాన్‌ వారియర్స్‌ జట్టు ఆడుతుంది. ముంబైకి చెందిన 48 ఏళ్ల ప్రవీణ్‌ తాంబే ట్రిన్‌బాగో నైట్‌రైడర్స్‌ తరఫున బరిలోకి దిగనున్నాడు. ఇదే జట్టు తరఫున డ్వేన్‌ బ్రావో, డారెన్‌ బ్రావో, కీరన్‌ పొలార్డ్, సునీల్‌ నరైన్, లెండిల్‌ సిమన్స్‌ (వెస్టిండీస్‌), కొలిన్‌ మున్రో (న్యూజిలాండ్‌), సికందర్‌ రజా (జింబాబ్వే) తదితరులు ఆడనున్నారు. ఇతర స్టార్‌ క్రికెటర్లు క్రిస్‌ లిన్‌ (ఆస్ట్రేలియా), రషీద్‌ ఖాన్, మొహమ్మద్‌ నబీ (అఫ్గానిస్తాన్‌), రాస్‌ టేలర్, సాన్‌ట్నెర్‌ (న్యూజిలాండ్‌) కూడా ఈ టోర్నీలో ఆడనున్నారు. సీపీఎల్‌ టి20 టోర్నీ మ్యాచ్‌లను  స్టార్‌ స్పోర్ట్స్‌–1, స్టార్‌ స్పోర్ట్స్‌–2 చానెల్స్‌ ప్రత్యక్ష ప్రసారం చేయనున్నాయి.    ఇక్కడ చదవండి:  'పాక్‌లో క్రికెట్‌ ఆడేందుకు ఇష్టపడతా' ‘ధోనితో కలిసి పనిచేయడం గొప్ప గౌరవం’ వ్యాపారులకు ధోని పాఠాలివే..

జమైకా : విండీస్‌ స్టార్‌ ఆటగాడు క్రిస్‌ గేల్‌  రామ్‌నరేశ్‌ శర్వాణ్‌పై గతంలో చేసిన వ్యాఖ్యలకు తాను కట్టుబడే ఉన్నట్లు మరోసారి స్పష్టం చేశాడు. కరీబియన్‌ ప్రీమియర్‌ లీగ్‌(సీపీఎల్‌) ఫ్రాంచైజీ జమైకా తలవాస్‌ జట్టు నుంచి తనను తొలగించడానికి ఆ జట్టు కోచ్‌ రామ్‌ నరేశ్‌ శర్వాణ్‌ కారణమంటూ క్రిస్‌ గేల్‌ గతంలో ధ్వజమెత్తిన సంగతి తెలిసిందే. ఆ జట్టు తనను కొనసాగించకపోవడానికి రామ్‌ నరేశ్‌ పాత్ర కీలకపాత్ర పోషించాడంటూ గేల్‌ మండిపడిన విషయం విధితమే. దీనిపై తాను మరోసారి మాట్లాడదలచుకున్నట్లు గేల్‌ పేర్కొన్నాడు. ('సందేహం లేదు.. జడ్డూనే అత్యుత్తమ ఫీల్డర్‌') 'జమైకా అభిమానులకు జమైకా తలవాస్‌ జట్టు గురించి వివరించడానికే ఆ వీడియో చేశాను. శర్వాణ్‌ను కించపరిచే ఉద్దేశం నాకు లేదు. అయినా నేను ఇప్పటికీ అదే మాట మీద నిలబడుతున్నా. ఆరోజు నేను చేసిన వ్యాఖ్యలు నా మనుసులో నుంచే వచ్చాయి. నా సీపీఎల్‌ కెరీర్ ప్రయాణం జమైకా తలవాస్‌ జట్టుతో అద్భుతంగా సాగింది. ఎందుకంటే నా సొంత  ప్రేక్షకుల మధ్య సబీనా పార్క్‌లో ఆడడం ఎప్పటికి మరిచిపోనూ. టి20 టోర్నమెంట్‌ను దెబ్బతీసే నా ఉద్దేశ్యం ఎప్పుడూ లేదు. ఏడు సంవత్సరాల సీపీఎల్‌ కెరీర్‌లో ఇది నాకు వచ్చిన అవకాశంగానే భావిస్తున్నా తప్ప నా హక్కు అని మాత్రం అనుకోలేదంటూ' చెప్పుకొచ్చాడు. కాగా గేల్‌ శర్వాణ్‌ పై చేసిన వ్యాఖ్యలు పెద్ద దుమారం రేపాయి. 'శర్వాణ్‌... నువ్వు పాములాంటోడివి. ప్రతీకారం తీర్చుకునేందుకు విషం చిమ్ముతావు. వెన్నుపోటు పొడిచి చంపడానికి కూడా వెనుకాడవు. ఇప్పుడున్న కరోనా వైరస్‌ కంటే నీవే ప్రమాదకరం' అంటూ పేర్కొన్నాడు.

జమైకా : వెస్టిండీస్‌ ఆల్‌రౌండర్‌ ఆండ్రీ రసెల్‌ కరేబియన్‌ ప్రీమియర్‌ లీగ్‌ ప్రాంచైజీపై అసహనం వ్యక్తం చేశాడు. రసెల్‌ కరేబియన్‌ ప్రీమియర్‌ లీగ్‌లో  జమైకా తలవాస్‌‌కు ఆడుతున్న సంగతి తెలిసిందే. ఇప్ప‌టివ‌ర‌కు  జమైకా తలవాస్‌ లాంటి విచిత్ర జ‌ట్టును మ‌రొకటి చూడలేదంటూ రసెల్‌ పేర్కొన్నాడు. కాగా రెండు రోజుల క్రిత‌మే ఇదే ఫ్రాంచైజీకి సహాయ కోచ్‌గా ఉన్న మాజీ విండీస్‌ ఆటగాడు రామ్‌నరేశ్‌ శర్వాణ్‌పై విండీస్ విధ్వంస‌క వీరుడు క్రిస్ గేల్ తీవ్రస్థాయిలో ధ్వజమెత్తిన సంగతి తెలిసిందే. శర్వాణ్‌ కరోనా మహమ్మారి కంటే చెత్త అని గేల్‌ విరుచుకుపడ్డాడు. ఈ సీజన్‌లో ఫ్రాంచైజీ తనను రీటెయిన్‌ చేసుకోకుండా వదిలించుకోవడానికి శర్వాణే కారణమని గేల్‌ ఆరోపించాడు. తాజాగా రసెల్‌  జమైకా తలవాస్‌‌పై తనదైన శైలిలో విరుచుకుపడ్డాడు.(శర్వాణ్‌... నీవు కరోనా వైరస్‌ కంటే డేంజర్) 'నేను ప్రాతినిథ్యం వహించిన అన్ని జట్లలోకెల్లా  జమైకా తలవాస్‌ విచిత్ర‌మైన‌ది. ఇది నిజంగా ఒక చెత్త ఫ్రాంచైజీ.. ఇలాంటి ఫ్రాంచైజీని నేనెప్పుడు చూడలేదు. ఇది నేను ఊరికే చేస్తున్న ఆరోప‌ణ కాదు. ఆ జ‌ట్టుతో క‌లిసి సుధీర్ఘంగా కొనసాగుతున్నా. అంతే కాదు ఒక‌ప్పుడు లీడ‌ర్ టీమ్‌లో మెంబ‌ర్‌గానూ ఉన్నా. వారి ఆలోచ‌నా ధోర‌ణిని ద‌గ్గ‌రి నుంచి ప‌రిశీలించా. ఆ జ‌ట్టు త‌ర‌ఫున ఆడ‌టం కంటే ఊరుకోవ‌డం ఉత్త‌మం. ఇప్పటికైనా యాజ‌మాన్య తీరు మార‌క‌పోతే ఆ జ‌ట్టు మ‌నుగ‌డ క‌ష్ట‌మేనంటూ' ర‌సెల్ పేర్కొన్నాడు.   ('రసెల్‌తో ఆడితే అదే ఫీలింగ్‌ కలుగుతుంది') (షోయబ్‌ అక్తర్‌పై ‘పీసీబీ’ పరువు నష్టం కేసు)

గయానా: పాకిస్తాన్‌ ఆల్‌ రౌండర్‌ షోయబ్‌ మాలిక్‌ మరో అరుదైన ఘనతను సొంతం చేసుకున్నాడు. కరీబియన్‌ ప్రీమియర్‌ లీగ్‌(సీపీఎల్‌)లో గయానా అమెజాన్‌ వారియర్స్‌కు ప్రాతినిథ్యం వహిస్తున్న  మాలిక్‌ ఆ జట్టు విజయాల్లో కీలక పాత్ర పోషిస్తున్నాడు.  ఆదివారం జరిగిన క్వాలిఫయర్‌-1లో అమెజాన్‌ వారియర్స్‌.. బార్బోడాస్‌ ట్రిడెంట్స్‌పై గెలిచి ఫైనల్‌కు చేరింది. బ్రాండన్‌ కింగ్‌(132 నాటౌట్‌72 బంతుల్లో 10 ఫోర్లు, 11 సిక్సర్లు) శుభారంభాన్ని ఇవ్వగా, ఆ తర్వాత చంద్రపాల్‌ మహరాజ్‌(27) సమయోచితంగా ఆడాడు. ఆపై మాలిక్‌ 19 బంతుల్లో 3 సిక్సర్ల సాయంతో 32 పరుగులు చేయడంతో అమెజాన్‌ వారియర్స్‌ 20 ఓవర్లలో మూడు వికెట్ల నష్టానికి 218 పరుగులు చేసింది. ఇక బార్బోడాస్‌ 188 పరుగులకే పరిమితం కావడంతో ఓటమి పాలైంది. కాగా, నిన్నటి మ్యాచ్‌ ద్వారా షోయబ్‌ మాలిక్‌ తొమ్మిది వేల టీ20 పరుగుల్ని పూర్తి చేసుకున్నాడు. ప్రస్తుతం 9,014 పరుగులతో ఉన్న మాలిక్‌..  ప్రపంచ క్రికెట్‌లో ఈ ఘనత సాధించిన నాల్గో బ్యాట్స్‌మన్‌గా నిలిచాడు. అంతకుముందు తొమ్మిదివేల పరుగుల్ని పూర్తి చేసుకున్న జాబితాలో క్రిస్‌ గేల్‌(13,051) అగ్రస్థానంలో ఉండగా మెకల్లమ్‌(9,922) రెండో స్థానంలో ఉన్నాడు. ఇక పొలార్డ్‌(9,757) పరుగులు సాధించాడు. ఆ తర్వాత స్థానంలో మాలిక్‌ నిలిచాడు.

న్యూఢిల్లీ: బీసీసీఐ నిబంధనలు ఉల్లంఘించడంపై భారత సీనియర్‌ క్రికెటర్‌ దినేశ్‌ కార్తీక్‌ ‘బేషరతుగా క్షమాపణలు’ చెప్పారు. బోర్డు కాంట్రాక్టు ప్లేయర్‌ అయిన కార్తీక్‌.. కరీబియన్‌ ప్రీమియర్‌ లీగ్‌ (సీపీఎల్‌)లో ట్రిన్‌బాగో నైట్‌రైడర్స్‌ తరఫున ప్రచార కార్యక్రమంలో పాల్గొనడం.. బీసీసీఐకి ఆగ్రహం తెప్పించిన సంగతి తెలిసిందే. ఈ నేపథ్యంలో బీసీసీఐ అనుమతి తీసుకోకుండా.. ఈ మ్యాచ్‌లకు హాజరుకావడంపై బోర్డుకు బేషరతుగా కార్తీక్‌ క్షమాపణ చెప్పారు. బీసీసీఐ అనుమతి లేకుండానే సీపీఎల్‌ మ్యాచ్‌లను వీక్షించేందుకు వెళ్లిన కార్తీక్‌.. అక్కడ ట్రిన్‌బాగో జట్టు జెర్సీ ధరించి.. ఆ జట్టు డ్రెస్సింగ్‌ రూమ్‌లో కూచొని.. సీపీఎల్‌ మ్యాచ్‌లను తిలకించాడు. ట్రిన్‌బాగో జట్టు బాలీవుడ్‌ బాద్‌షా షారుక్‌ ఖాన్‌ది కావడం.. అతని యాజమాన్యంలోని కోల్‌కతా నైట్‌రైడర్స్‌కు ఐపీఎల్‌లో దినేశ్‌ కార్తీక్‌ సారథిగా వ్యవహరిస్తుండటం తెలిసిందే. నిబంధనలకు విరుద్ధంగా సీపీఎల్‌ జట్టు డ్రెసింగ్‌ రూమ్‌లో కార్తీక్‌ కనిపించడంతో అతని కాంట్రాక్టును ఎందుకు రద్దు చేయకూడదో వివరణ ఇవ్వాలంటూ బీసీసీఐ సీఈఓ రాహుల్‌ జోహ్రి షోకాజ్‌ నోటీసులు ఇచ్చారు. చదవండి: దినేశ్‌ కార్తీక్‌కు బీసీసీఐ షోకాజ్‌ నోటీసు

న్యూఢిల్లీ: భారత సీనియర్‌ క్రికెటర్‌ దినేశ్‌ కార్తీక్‌కు బీసీసీఐ షోకాజ్‌ నోటీసు జారీ చేసింది. బోర్డు కాంట్రాక్టు ప్లేయర్‌ అయిన కార్తీక్‌ కరీబియన్‌ ప్రీమియర్‌ లీగ్‌ (సీపీఎల్‌)లో ట్రిన్‌బాగో నైట్‌రైడర్స్‌ తరఫున ప్రచార కార్యక్రమంలో పాల్గొన్నాడు. ఆ జట్టు డ్రెస్సింగ్‌ రూమ్‌లో జెర్సీ వేసుకొని కనిపించాడు. ఈ జట్టు బాలీవుడ్‌ బాద్‌షా షారుక్‌ ఖాన్‌ది కావడంతో అతని యాజమాన్యంలోని కోల్‌కతా నైట్‌రైడర్స్‌ కెప్టెన్‌ అయిన కార్తీక్‌ సీపీఎల్‌లో పాల్గొనడం వివాదం రేపింది. ఈ ఫొటోలు బీసీసీఐ కంటబడటంతో సీఈఓ రాహుల్‌ జోహ్రి అతని కాంట్రాక్టును ఎందుకు రద్దు చేయకూడదో వివరణ కోరారు. 

క్రికెట్‌లో విచిత్రమైన ఘటన. బ్యాట్స్‌మన్‌ ఒకే బంతికి రెండు విధాల అవుటయ్యాడు. దీంతో ఫీల్డ్‌ అంపైర్‌ కూడా ఒకసారి ఆలోచించాల్సిన పరిస్థితి ఏర్పడింది. ఈ విచిత్రమైన ఘటన కరీబియన్‌ ప్రీమియర్‌ లీగ్‌లో చోటుచేసుకుంది. ఆంపైర్‌నే తికమకపెట్టిన బ్యాట్స్‌మన్‌ ఆస్ట్రేలియా మాజీ కెప్టెన్‌ స్టీవ్‌ స్మీత్‌. బాల్‌ ట్యాంపరింగ్‌ వివాదం కారణంగా స్మిత్‌ అంతర్జాతీయ క్రికెట్‌కు ఏడాది పాటు దూరమవ్వడంతో లీగ్‌ క్రికెట్‌ ఆడుతున్న విషయం తెలిసిందే.  కరీబియన్‌ లీగ్‌లో బార్బడోస్‌ ట్రెడెంట్స్‌ తరుపున స్మిత్‌ ప్రాతినిథ్యం వహిస్తున్నాడు. గురువారం జమైకా తల్లావాస్‌తో జరిగిన మ్యాచ్‌లో స్మిత్‌ విచిత్రంగా వెనుదిరగడం అందరినీ ఆశ్చర్యానికి గురిచేసింది. మరో రెండు బంతుల్లో ఇన్నింగ్స్‌ ముగుస్తుందనగా రస్సెల్‌ బౌలింగ్‌లో స్మిత్‌ లాంగాన్‌ మీదుగా షాట్‌ ఆడే ప్రయత్నం చేశాడు, అయితే బౌండరీ లైన్‌ వద్ద ఉన్న పావెల్‌ సునాయసంగా క్యాచ్‌ అందుకున్నాడు. ఇంతలోనే స్మిత్‌ బ్యాట్‌ వికెట్లను తాకడంతో హిట్‌ వికెట్‌ కూడా అయ్యాడు. దీంతో ఫీల్డ్‌ అంపైర్‌ తికమకపడి చివరికి క్యాచ్‌ ఔట్‌గా డిక్లేర్‌ చేశాడు. టీవీ వ్యాఖ్యాతలు కూడా స్మిత్‌ రెండు విధాల ఔట్‌ అంటూ నవ్వుకున్నారు. ఇక ఈ మ్యాచ్‌లో జమైకా తల్లావాస్‌పై బార్బొడోస్‌ జట్టు అతి కష్టం మీద రెండు పరుగుల తేడాతో విజయం సాధించింది. స్మిత్‌ ఆల్‌రౌండ్‌ షోతో ఆకట్టుకున్నాడు. మొదట బ్యాటింగ్‌లో స్మిత్‌ (63; 44 బంతుల్లో 5ఫోర్లు, 3 సిక్సర్లు) అర్థ సెంచరీతో ఆకట్టుకోగా.. అనంతరం బౌలింగ్‌లో రెండు వికెట్లు తీసి బార్బడోస్‌ విజయంలో కీలకపాత్ర పోషించాడు.

పోర్ట్‌ ఆఫ్‌ స్పెయిన్‌ : పాకిస్తాన్‌ పేస్‌బౌలర్‌ సోహైల్‌ తన్వీర్‌పై నెటిజన్లు దుమ్మెత్తిపోస్తున్నారు. ఇదేం ఆట అంటూ మండిపడుతున్నారు. కరేబియన్‌ ప్రీమియర్‌ లీగ్‌లో గయాన అమెజాన్‌ వారియర్స్‌కు ప్రాతినిథ్యం వహిస్తున్న ఈ పాక్‌ బౌలర్‌ గురువారం కిట్టిస్‌ అండ్‌ నెవిస్‌ పాట్రియోట్స్‌ జట్టుతో జరిగిన మ్యాచ్‌లో క్రీడాస్పూర్తిని మరిచి ప్రవర్తించాడు. ఇదే అతనిపై అభిమానుకులకు ఆగ్రహం తెప్పించింది. పాట్రియోట్స్‌ బ్యాట్స్‌మన్‌ బెన్‌ కట్టింగ్‌ను ఔట్‌ చేసిన ఆనందంలో సోహైల్‌ తన్వీర్‌ హద్దులు దాటి ప్రవర్తించాడు. రెండు వేళ్లతో అసభ్యకరమైన సంజ్ఞలు చేశాడు. ఈ ఘటనకు సంబంధించిన వీడియో ప్రస్తుతం నెట్టింట్లో హల్‌చల్‌ చేస్తోంది. మాజీ క్రికెటర్లు సైతం సోహైల్‌ను తప్పుబడుతున్నారు. చిన్నపిల్లలు సైతం మ్యాచ్‌ చూస్తారని మైదానంలో మీ చర్యలను అనుకరిస్తే పరిస్థితి ఏంటని మండిపడుతున్నారు. సోహైల్‌ చర్యల పట్ల మ్యాచ్‌ రిఫరీలు సైతం ఆగ్రహం వ్యక్తం చేశారు. మ్యాచ్‌ ఫీజులో 15 శాతం కోతం విధిస్తూ జరిమానా విధించారు.

పోర్ట్‌ ఆఫ్‌ స్పెయిన్‌ : కరేబీయన్‌ ప్రీమియర్‌ లీగ్‌లో బాలీవుడ్‌ బాద్‌షా షారుఖ్‌ ఖాన్‌ సందడి చేశారు. శుక్రవారం జమైకా తలవాస్‌తో జరగిన మ్యాచ్‌కు షారుఖ్‌ హాజరై తన జట్టు ట్రిన్‌బాగో నైట్‌ రైడర్స్‌(టీకేఆర్‌)కు మద్దతు తెలిపాడు. ఇక మ్యాచ్‌కు ముందు చీర్‌ గర్ల్స్‌తో కలిసి మైదానంలో చిందేశాడు. దీనికి సంబంధించిన వీడియోను సీపీఎల్‌ తమ అధికారిక ట్విటర్‌ షేర్‌ చేసింది. ప్రస్తుతం ఈ వీడియో నెట్టింట్లో హల్‌చల్‌ చేస్తోంది. ఇక షారుఖ్‌ ఉత్సాహాన్ని జమైకా తలవాస్‌ సారథి ఆండ్రూ రస్సెల్‌ ఆవిరి చేశాడు. భారీ లక్ష్యం నిర్దేశించిన తమ జట్టు గెలుస్తుందని భావించిన షారుఖ్‌కు నిరాశే ఎదురైంది. రస్సెల్‌ ఆల్‌రౌండ్‌ షోతో షారుఖ్‌ టీమ్‌ 4 వికెట్ల తేడాతో ఓడింది. ఇక ఐపీఎల్‌లో రస్సెల్‌ షారుఖ్‌ జట్టు కోల్‌కతా నైటరైడర్స్‌ అన్న విషయం తెలిసిందే. ❤❤😘😘😘😍 #cpl18 #biggestpartyinsport @iamsrk pic.twitter.com/eA7VPFbKuq — CPL T20 (@CPL) August 11, 2018 టీకేఆర్‌ ప్రమోషనల్‌ సాంగ్‌.. ఇక తమ జట్టు ప్రచార సాంగ్‌ను బ్రావో తన ట్విటర్‌ వేదికగా విడుదల చేశారు. టీకేఆర్‌ ప్రమోషన్‌ సాంగ్‌ను విడుదల చేస్తున్నానని, ఫ్రాంచైజీ యజమాని షారుఖ్‌ ఖాన్‌కు ధన్యవాదాలంటూ బ్రావో ట్విట్‌ చేశాడు. ఇక ఈ ప్రమోషన్‌ సాంగ్‌ ప్రేక్షకులను ఆకట్టుకుంటోంది. (చదవండి: ఆండ్రూ రస్సెల్‌ అద్భుత రికార్డు!)

పోర్ట్‌ ఆఫ్‌ స్పెయిన్‌ : వెస్టిండీస్‌ ఆల్‌రౌండర్‌ ఆండ్రూ రస్సెల్‌ అద్భుత రికార్డు నమోదు చేశాడు. కరేబీయన్‌ ప్రీమియర్‌ లీగ్‌(సీపీఎల్‌)లో అటు బ్యాటింగ్‌, ఇటు బౌలింగ్‌లో రెచ్చిపోయాడు. శుక్రవారం ట్రిన్‌బాగో నైట్‌ రైడర్స్‌తో జరిగిన మ్యాచ్‌లో జమైకా తలవాస్‌ కెప్టెన్‌ అయిన రస్సెల్‌ ఆల్‌రౌండ్‌ ప్రదర్శనతో తమ జట్టును ఒంటి చేత్తో గెలిపించాడు. తొలుత హ్యాట్రిక్‌తో రెచ్చిపోయిన జమైకన్‌ స్టార్‌ అనంతరం బ్యాటింగ్‌లో సెంచరీతో చెలరేగాడు. దీంతో ఒకే మ్యాచ్‌లో హ్యాట్రిక్‌తో పాటు సెంచరీ సాధించిన రెండో టీ20 ప్లేయర్‌గా రస్సెల్‌ గుర్తింపు పొందాడు. అంతకు ముందు ఇంగ్లండ్‌ ఆటగాడు జోయ్‌ డెన్లీ మాత్రమే ఈ ఘనతను అందుకున్నాడు. డ్వాన్‌బ్రేవో జట్టైన ట్రిన్‌బాగో నైట్‌ రైడర్స్‌ తొలుత బ్యాటింగ్‌ చేయగా.. రస్సెల్‌ ఇన్నింగ్స్‌ చివరి ఓవర్‌ తొలి మూడు బంతుల్లో మెకల్లమ్(56)‌, బ్రావో(29), రామ్‌దిన్‌(0)లను పెవిలియన్‌కు చేర్చి హ్యాట్రిక్‌ సాధించాడు. దీంతో బ్రేవో జట్టు 224 పరుగుల లక్ష్యాన్ని నిర్ధేశించింది. రస్సెల్‌ వీరవిహారం.. 224 పరుగుల భారీ లక్ష్యంతో బరిలోకి దిగిన జమైకా తలవాస్‌.. ఆ బాధ్యతలను సారథిగా రస్సెల్‌ స్వీకరించాడు. ఒక వైపు త్వరగా వికెట్లు కోల్పోయినా 7 స్థానంలో బ్యాటింగ్‌కు దిగి లూయిస్‌(51) సహకారంతో ఆకాశమే హద్దుగా చెలరేగాడు. కేవలం 49 బంతుల్లో  6 ఫోర్లు 13 సిక్సర్లతో 121 పరుగులు సాధించి నాటౌట్‌గా నిలిచాడు. దీంతో జమైకా తలవాస్‌ 3 బంతులు మిగిలి ఉండగానే విజయాన్నందుకుంది. ఇక సీపీఎల్‌లో రస్సెల్‌దే వేగవంతమైన సెంచరీ కావడం విశేషం. ఇక ఐపీఎల్‌లో రస్సెల్‌ కోల్‌కతా నైట్‌ రైడర్స్‌కు ప్రాతినిథ్యం వహించిన విషయం తెలిసిందే.

కాన్‌బెర్రా : బాల్‌ ట్యాంపరింగ్‌ వివాదం కారణంగా ఆస్ట్రేలియా మాజీ కెప్టెన్‌ స్టీవ్‌ స్మిత్‌ అంతర్జాతీయ క్రికెట్‌కు ఏడాది పాటు దూరమైన విషయం తెలిసిందే. ఒకవైపు అంతర్జాతీయ మ్యాచ్‌ల నిషేధం కొనసాగుతుండగానే.. గ్లోబల్‌ టీ20(కెనడా) లీగ్‌లో టొరంటో నేషనల్స్‌ తరపున బరిలోకి దిగాడు. నిషేధం తర్వాత తొలిసారిగా మైదానంలో అడుగుపెట్టిన స్మిత్‌ అర్ధశతకంతో ఆకట్టుకున్నాడు కూడా. ఈ నేపథ్యంలో మరో టీ20 లీగ్‌లోనూ సత్తా చాటేందుకు స్మిత్‌ సిద్ధమయ్యాడు. ఆగస్టు 8 నుంచి ప్రారంభం కానున్న కరేబియన్‌ ప్రీమియర్‌ లీగ్‌(సీపీఎల్‌)లో బార్బడోస్‌ ట్రెడెంట్స్‌కు స్మిత్‌ ప్రాతినిథ్యం వహించనున్నట్లు సదరు ఫ్రాంచైజీ తెలిపింది. షకీబ్‌ స్థానంలో స్మిత్‌.. బంగ్లాదేశ్‌ ఆల్‌ రౌండర్‌ షకీబ్‌ అల్‌ హసన్‌ కరేబియన్‌ ప్రీమియర్‌ లీగ్‌కు దూరమవడంతో అతని స్థానంలో స్మిత్‌ను తుది జట్టులోకి ఎంపిక చేసినట్లు ట్రెడెంట్స్‌ జట్టు కోచ్‌ రాబిన్‌ సింగ్‌ తెలిపాడు. స్మిత్‌ రాకతో బ్యాటింగ్‌ లైనప్‌ మరింత బలపడుతుందని, వరల్డ్‌ క్లాస్‌ క్రికెటర్‌ తమ జట్టులోకి రావడం చాలా ఆనందంగా ఉందని వ్యాఖ్యానించాడు. ట్రెడెంట్స్‌ జట్టు విజయాల్లో స్మిత్‌ కీలక పాత్ర పోషిస్తాడని ఆశాభావం వ్యక్తం చేశాడు. కాగా ట్రెడెంట్స్‌ జట్టు ఆగస్టు 12న గయానా అమెజాన్‌ వారియర్స్‌తో తొలి మ్యాచ్‌ ఆడనుంది.

బాల్‌ ట్యాంపరింగ్‌ కారణంగా ఏడాదిపాటు నిషేధాన్ని ఎదుర్కొంటున్న ఆస్ట్రేలియా బ్యాట్స్‌మన్‌ డేవిడ్‌ వార్నర్‌ మళ్లీ బ్యాట్‌ పట్టనున్నాడు. కరీబియన్‌ ప్రీమియర్‌ లీగ్‌ (సీపీఎల్‌)లో సెయింట్‌ లూసియా స్టార్స్‌ జట్టు తరఫున ఆడనున్నాడు. ఈ విషయాన్ని సెయింట్‌ లూసియా జట్టు మేనేజర్‌ మొహమ్మద్‌ ఖాన్‌ స్పష్టం చేశాడు.  ‘వార్నర్‌ ఒక దిగ్గజ ఆటగాడు. అతని రాకతో డ్రెస్సింగ్‌ రూమ్‌తో పాటు మైదానంలోనూ మా జట్టు పటిష్టంగా మారుతుంది. మేం సీపీఎల్‌ టైటిల్‌ గెలిచేందుకు వార్నర్‌ కీలకంగా వ్యవహరిస్తాడు’అని ఆయన అన్నారు.  

టోరెంటో : ఇండియా, పాకిస్తాన్‌, కరేబియన్‌ సంతతి వ్యక్తులతో కెనడా జనాభా పెరగడంతో అక్కడ క్రికెట్‌పై ఆసక్తి పెరిగింది. ఐపీఎల్‌ తరహాలోనే అక్కడ కూడా కెనడా ప్రీమియర్‌ లీగ్‌ ప్రారంభించేందుకు సన్నాహాలు జరుగుతున్నాయి. భారత సంతతి వ్యాపార వేత్త రాయ్‌ సింగ్‌ ఈ క్రికెట్‌లీగ్‌ను ప్రారంభించేందుకు ఉత్సాహం చూపుతున్నారు. ఈ మేరకు తన ఆలోచనలను మీడియాతో పంచుకున్నారు.  ‘ ఇండియన్‌ ప్రీమియర్‌ లీగ్‌ విజయవంత కావడం చూశాను. ఇట్లాంటిదే కెనడా, అమెరికాలో ప్రారంభించేందుకు ప్రయత్నాలు చేస్తున్నాను. దీనికి సరియైన మౌళిక సదుపాయాలు అవసరం. వాటిని సమకూర్చేందుకు తీవ్రంగా శ్రమిస్తున్నాను. నయాగారా జలపాతానికి కొద్ది దూరంలోనే 153 ఎకరాల భూమి కొంటున్నాము. అక్కడే ఇండోర్‌ క్రికెట్‌ స్టేడియం నిర్మించేందుకు ప్రయత్నాలు మొదలెట్టాము.’ ‘ఇది ఖర్చుతో కూడుకున్న విషయం. కెనడా ప్రీమియర్‌ లీగ్‌లో ప్రతీ ఏడాది 27 మ్యాచ్‌లు జరుగుతాయి. మొత్తం 10 టీంలను రెండు గ్రూపులుగా విభజిస్తాము. క్రికెట్‌ను అభిమానించే, ఇష్టపడే  వ్యాపారవేత్తగా టీ20 క్రికెట్‌ను పెద్ద వ్యాపారంగా చూస్తున్నాను. ఐపీఎల్‌ తరహాలో మ్యాచ్‌ బ్రాడ్‌కాస్టింగ్‌, అభిమానులను స్టేడియానికి రప్పించడం వంటివి ఖర్చుతో కూడి విషయాలు. టిక్కెట్లు, స్పాన్సర్‌షిప్‌లు, ప్రొమోషన్స్‌, బ్రాడ్‌కాస్టింగ్‌ ద్వారా ఆదాయం పొందవచ్చు.’ ‘ఒక్క అమెరికాలోనే 27 మిలియన్ల మంది ప్రీమియర్‌ లీగ్‌ చూస్తారని అంచనా ఉంది. ఈ లీగ్‌ను ఇండియా, కరీబియన్‌తో పాటు క్రికెట్‌ చూసే అన్నిదేశాలలో బ్రాడ్‌కాస్టింగ్‌ చేస్తాం. నాకు వివ్‌ రిచర్డ్స్‌, రిచీ రిచర్డ్‌సన్‌, క్లైవ్‌ లాయిడ్‌, డినేష్‌ రాందిన్‌, డ్వేన్‌ బ్రావో తెలుసు. వాళ్లందరినీ తీసుకువచ్చి కెనడియన్‌ ప్రీమియర్‌ లీగ్‌ను ప్రొమోట్‌ చేస్తా. కెనడాలో మొదటి టీ20 మ్యాచ్‌ 2008 మేలో జరిగింది.’  ‘నిజానికి క్రికెట్‌ చరిత్రలో మొదటి టెస్టు మ్యాచ్‌ 1844, సెప్టెంబర్‌ 25న జరిగింది. మూడు రోజుల పాటు కెనడా, అమెరికా జట్ల మధ్య జరిగిన మ్యాచ్‌లో కెనడా 23 పరుగుల తేడాతో గెలిచింది.  కానీ క్రికెట్‌ రికార్డులో ఈ విషయం నమోదు కాలేదు. అధికారికంగా 1877 సంవత్సరం మెల్‌బోర్న్‌లో ఇంగ్లాండ్‌, ఆసీస్‌ జట్ల మధ్య జరిగింది. 150 సంవత్సరాల క్రితం వరకూ కెనడా అధికార క్రీడ క్రికెట్‌..స్పోర్ట్ట్స్‌ గవర్నింగ్‌ బాడీ నుంచి క్రికెట్‌ను తొలగించే వరకూ. కెనడియన్‌ క్రికెట్‌ అసోసియేషన్‌ 1892లో ఏర్పాటు అయింది. 2008 లో కెనడియన్ ప్రభుత్వం ఒక జాతీయ క్రీడగా క్రికెట్‌ను గుర్తించి నిధులు కేటాయిస్తామని హామీ ఇచ్చిందని’ అని రాయ్‌ సింగ్‌ వివరించారు.  


 ఆంటిగ్వా: ఏ గేమ్లోనైనా స్లెడ్జింగ్ అనేది సర్వ సాధారణంగా కనిపిస్తూ ఉంటుంది. అయితే క్రికెట్ క్రీడలో ఆటగాళ్లు ఒకర్నొకరు కవ్వించుకోవడం ఎక్కువగా చూస్తూ ఉంటాం. ఒక్కోసారి  స్లెడ్జింగ్  అనేది శ్రుతి మించితే, మరొకొన్ని సందర్భాల్లో సరదాగా సరదాగా సాగుతుంది. ఇటీవల జరిగిన ఒక ట్వంటీ 20 మ్యాచ్ లో ఇద్దరు క్రికెటర్లు మధ్య జరిగిన స్లెడ్జింగ్ స్టేడియంలో ఉన్న ప్రేక్షకుల్లో నవ్వులు తెప్పించింది.
 
 
 
 
 అసలేం జరిగిందంటే.. కరీబియన్ ప్రీమియర్ లీగ్(సీపీఎల్)లో భాగంగా  జమైకా తల్హాస్-అమెజాన్ వారియర్స్ జట్ల మధ్య తొలుత జరిగిన మ్యాచ్ లో విలియమ్స్.. వాల్టన్ పై స్లెడ్జింగ్ కు దిగాడు. తన బౌలింగ్ లో వాల్టన్ అవుటైన క్రమంలో విలియమ్స్ చేతిలో ఏదో రాస్తూ ఇది గుర్తు పెట్టుకో అంటూ స్లెడ్జ్ చేశాడు. అయితే ఆపై ఇరు జట్లు తలపడ్డ తదుపరి మ్యాచ్ లో వాల్టన్ రెచ్చిపోయాడు. ప్రధానంగా విలియమ్స్ బౌలింగ్ నే టార్గెట్ చేసి బౌండరీల మోత మోగించాడు. మరీ ముఖ్యంగా విలియమ్స్ వేసిన ఇన్నింగ్స్ నాల్గో ఓవర్ లో  వరుస బంతుల్ని బౌండరీలు దాటించి తన బ్యాటింగ్ లో పవర్ చూపించాడు. కాగా, ఇలా బంతిని కొట్టిన ప్రతీసారి బ్యాట్పై ఏదో రాస్తూ అంతకుముందు విలియమ్స్ చేసిన దానికి స్వీట్ గా రివేంజ్ తీర్చుకున్నాడు.  ఆ మ్యాచ్ లో వాల్టన్ 40 బంతుల్లో 84 పరుగులు నమోదు చేశాడు. ఆ రెండు మ్యాచ్ లకు సంబంధించి ఆయా ఆటగాళ్ల మధ్య జరిగిన స్లెడ్జింగ్ వీడియా ఒకటి ఇప్పుడు సోషల్ మీడియాలో హల్ చల్ చేస్తోంది.


 క్రికెట్ బాహుబలిగా పేరొందిన వెస్టిండీస్ ప్లేయర్ రకీమ్ కార్న్‌వాల్ మరోసారి అద్బుత ఇన్నింగ్స్ తో మెరుపులు మెరిపించాడు. అయితే మ్యాచ్ ఉత్కంఠగా జరుగుతున్న సమయంలో రిటైర్డ్ హర్ట్‌గా రకీమ్ వెనుదిరడగంతో అతడు ప్రాతినిధ్యం మహిస్తున్న జట్టు ఓటమి పాలైంది. దాదాపు 150 కిలోల బరువుతో, తనదైన బ్యాటింగ్ శైలితో అభిమానులకు ఆకట్టుకుంటున్నాడు రకీమ్. తాజాగా కరీబియన్‌ ప్రీమియర్‌ లీగ్‌ (సీపీఎల్)లో భాగంగా 27వ మ్యాచ్‌లో అలవోకగా సిక్సర్లు బాదుతూ పరుగుల వరద పారించాడు.  
 
 సీపీఎల్‌లో బార్బడోస్‌ ట్రిడెంట్స్‌, సెయింట్‌ లూసియా స్టార్స్‌ మధ్య హోరాహోరీ మ్యాచ్‌ జరిగింది. తొలుత బార్బడోస్‌ ప్లేయర్ డ్వేన్‌ బ్రావో సెంచరీ చేయడంతో ఆ జట్టు 4 వికెట్ల నష్టానికి 195 పరుగులు చేసింది. 196 పరుగుల లక్ష్యంతో బ్యాటింగ్‌కు దిగిన సెయింట్‌ లూయిస్‌ వెనువెంటనే రెండు వికెట్లు కోల్పోయింది. అయితే క్రికెట్ 'బాహుబలి' రకీమ్‌ కార్న్‌వాల్‌ ఎడాపెడా బౌండరీలు, సిక్సర్లు బాదడంతో జట్టు విజయానికి చేరువైంది. ఐతే 18వ ఓవర్‌ రెండో బంతికి కార్న్‌వాల్‌ రిటైర్డ్ హర్ట్ అయ్యాడు.
 
 అంతకు ముందే ఫిజియోను సంప్రదించిన రకీమ్ మళ్లీ బ్యాటింగ్‌ చేయాలని చూశాడు. కడుపు నొప్పితో విలవిల్లాడిన అతడు తన భారీకాయంతో పరుగులు తీయలేనని చెప్పి రిటైర్డ్ హర్ట్ గా వెళ్లిపోయాడు. ఆపై ఆ జట్టు 29 పరుగుల తేడాతో ఓడింది. ఆరు సిక్సర్ల బాదిన రకీమ్ 44 బంతుల్లోనే 78 పరుగులు చేసినా.. ఆట మధ్యలోనే మైదానాన్ని వీడటంతో సెయింట్ లూసియాకు ఓటమి తప్పలేదు.


 బ్రిడ్జ్‌టౌన్‌‌: పాకిస్తాన్‌ క్రికెటర్‌ సొహైల్‌ తన్వీర్ మరోసారి మెరిశాడు. వెస్టిండీస్‌లో జరుగుతున్న కరేబియన్‌ ప్రీమియర్‌ లీగ్‌(సీపీఎల్‌)లో అద్భుతం చేశాడు. గయానా అమెజాన్‌ వారియర్స్‌ తరపున ఆడుతున్న తన్వీర్‌ తన పదునైన బౌలింగ్‌తో జట్టుకు ఒంటిచేత్తో విజయాన్ని అందించాడు. మంగళవారం బార్బడోస్‌ ట్రైడెంట్స్‌తో జరిగిన మ్యాచ్‌లో సత్తా చాటాడు. 4 ఓవర్లలో కేవలం మూడు పరుగులు మాత్రమే ఇచ్చి 5 వికెట్లు పడగొట్టాడు. అతడు వేసిన నాలుగు ఓవర్లలో ఒక వైడు బాల్‌ మాత్రమే వేశాడు. ఒక ఓవర్‌లో పరుగులేమి ఇవ్వలేదు.
 
 ముందుగా బ్యాటింగ్‌ చేసిన వారియర్స్‌ 20 ఓవర్లలో 8 వికెట్లు కోల్పోయి 158 పరుగులు చేసింది. తర్వాత బరిలోకి దిగిన బార్బడోస్‌ టీమ్‌ తన్వీర్‌ ధాటికి 13.4 ఓవర్లలో 59 పరుగులకే కుప్పకూలింది. ముగ్గురు బ్యాట్స్‌మెన్‌ మాత్రమే రెండంకెల స్కోరు చేయగలిగారు. 99 పరుగుల తేడాతో బార్బడోస్‌ జట్టు చిత్తుగా ఓడిపోయింది. 5 వికెట్లు తీసి వారియర్స్‌కు విజయాన్ని అందించిన తన్వీర్‌కు 'మ్యాన్‌ ఆఫ్ ది మ్యాచ్‌' దక్కింది.
 
 ఇండియన్‌ ప్రీమియర్‌ లీగ్‌(ఐపీఎల్‌)లో తన్వీర్‌ సృష్టించిన రికార్డు ఇప్పటికీ చెక్కుచెదరకుండా ఉంది. గతంలో రాజస్థాన్‌ రాయల్స్‌ తరపున ఆడిన తన్వీర్‌ 4 ఓవర్లలో 14 పరుగులు మాత్రమే ఇచ్చి 6 వికెట్లు పడగొట్టాడు. జైపూర్‌లో 2008, మే 4న చెన్నై సూపర్‌ కింగ్స్‌తో జరిగిన మ్యాచ్‌లో అతడు ఈ ఘనత సాధించాడు.


 సెయింట్ లూసియా:ప్రపంచ వ్యాప్తంగా క్రికెట్ కు మరింత ఆదరణ పెరుగుతోంది. భారత్లో జరిగే ఇండియన్ ప్రీమియర్ లీగ్(ఐపీఎల్)కు ఎంతటి క్రేజ్ ఉందో, వెస్టిండీస్లో జరుగుతున్న కరీబియన్ ప్రీమియర్ లీగ్(సీపీఎల్) కూడా దాదాపు అదే స్థాయిలో ప్రేక్షకుల్ని అలరిస్తుంది.  తాజాగా సీపీఎల్ నిర్వహకులు విడుదల చేసిన గణాంకాలు ఆ లీగ్ పట్ల ఆదరణను చెబుతున్నాయి. ఈ సీజన్లో ప్రపంచవ్యాప్తంగా134 మిలియన్లు(దాదాపు 11 కోట్లు)మంది ప్రేక్షకులు సీపీఎల్ ను వీక్షించారు. ఇది కరీబియన్ ప్రీమియర్ లీగ్ చరిత్రలో అత్యధికం కావడం విశేషం.
 
 ఇది గతేడాది కంటే 44  శాతం అధికమని సీపీఎల్ యాజమాన్యం స్పష్టం చేసింది.  ఈ తరహాలో ఆదరణ పెరగడానికి అమెరికా తో పాటు, యూకే, భారత్, మిడిల్ ఈస్ట్ దేశాల ప్రేక్షకులే కారణమన్నారు. తమ దేశంలో జరిగే ఒక క్రికెట్ లీగ్ కు ఇంతటి స్థాయిలో ఆదరణ లభించడం చాలా గర్వంగా ఉందని సీపీఎల్ చీఫ్ ఎగ్జిక్యూటివ్ డామెన్ ఓ డొనోహో తెలిపారు. ఇది తాము  గర్వపడే రోజుగా డామెన్ అభివర్ణించారు. 2103లో ఈ లీగ్ను 36 మిలియన్లు మంది వీక్షించగా, 2014లో రికార్డు స్థాయిలో 66 మిలియన్లు మందిని ఆకట్టుకుంది. గతేడాది 93 మిలియన్ల మంది కరీబియన్ ప్రీమియర్ లీగ్ను వీక్షించారు.


 సెయింట్ కిట్స్: క్రిస్ గేల్ నాయకత్వంలోని జమైకా తల్వాస్ టీమ్.. కరేబియన్ ప్రీమియర్ లీగ్(సీపీఎల్)-2016 విజేతగా నిలిచింది. శనివారం రాత్రి జరిగిన ఫైనల్ మ్యాచ్ లో గయానా అమెజాన్ వారియర్స్ ను 9 వికెట్ల తేడాతో ఓడించి టైటిల్ దక్కించుకుంది. కెప్టెన్ క్రిస్ తనదైన శైలిలో ఆడి జట్టుకు సునాయాస విజయాన్ని అందించాడు.
 
 94 పరుగుల స్వల్ప లక్ష్యాన్ని జమైకా టీమ్ 43 బంతులు మిగిలివుండగానే ఛేదించింది. 12.5 ఓవర్లలో వికెట్ నష్టపోయి 95 పరుగులు చేసింది. గేల్ 27 బంతుల్లో 6 సిక్సర్లు, 3 ఫోర్లతో 54 పరుగులు చేసి అవుటయ్యాడు. వాల్టన్(25), సంగక్కర(12) నాటౌట్ గా నిలిచారు.
 
 టాస్ ఓడిపోయి ముందుగా బ్యాటింగ్ చేసిన జమైకా 16.1 ఓవరల్లో 93 పరుగులకు ఆలౌటైంది. జమైకా బౌలర్లలో ఇమాద్ వసీం 3, షకీబ్ అల్ హసన్ 2, విలియమ్స్ 2 వికెట్లు పడగొట్టారు. రసెల్, థామస్ చెరో వికెట్ తీశారు. ఇమాద్ వసీం 'మ్యాన్ ఆఫ్ ది మ్యాచ్' అందుకున్నాడు. రసెల్ కు 'మ్యాన్‌ ఆఫ్ ది సిరీస్' దక్కింది. జమైకా తల్వాస్.. సీపీఎల్ దక్కించుకోవడం ఇది రెండోసారి.


 క్రికెట్ అభిమానులకు ఇక పండగే. మొట్టమొదటిసారి హీరో కరీబియన్ ప్రీమియం లీగ్(సీపీఎల్) మ్యాచ్ లను సోషల్ మీడియా దిగ్గజం ఫేస్ బుక్ లైవ్ గా ప్రసారం చేయబోతోంది. కంపెనీ ప్రముఖ ప్రొడక్ట్ ఫీచర్ ఫేస్ బుక్ లైవ్ ద్వారా ఈ మ్యాచ్ లను ప్రసారం చేసేందుకు బ్రాడ్ కాస్టింగ్ డీల్ కుదుర్చుకుంది.  ట్వంటీ 20 టోర్నమెంట్ లో జరగబోయే 34 మ్యాచ్ లను భారత్ తో పాటు 40 దేశాల్లో ఫేస్ బుక్ లైవ్ ద్వారా ప్రసారం చేయబోతున్నామని క్రికెట్ లీగ్ గురువారం వెల్లడించింది. ఫేస్ బుక్ లైవ్ ప్లాట్ ఫామ్ తో 40 దేశాల్లో ప్రసారం చేసే మొట్టమొదటి స్పోర్ట్ లీగ్ సీపీఎల్ మాత్రమేనని, పాకిస్తాన్, దక్షిణ ఆఫ్రికా, ఫిలిప్పీన్స్ దేశాల్లో కూడా ఈ లైవ్ ను వీక్షించవచ్చని సీపీఎల్ ప్రకటించింది. ఫేస్ బుక్ లైవ్ తో అందించే మొదటి అంతర్జాతీయ క్రికెట్ మ్యాచ్ కూడా ఇదేనని పేర్కొంది.
 ఈ బ్రాండ్ కాస్టింగ్ తో సీపీఎల్ ను విస్తరించుకుని అంతర్జాతీయ ప్రేక్షకులను పెంచకుంటామని సీపీఎల్ చీఫ్ ఆపరేషన్స్ ఆఫీసర్ పీట్ రస్సెల్ పేర్కొన్నారు. 2015లో 930లక్షల ప్రపంచ వీక్షకులను సంపాదించిందని, వచ్చే టోర్నమెంట్ తో వీక్షకులను మరింత పెంచుతామని ఆయన ఆశాభావం వ్యక్తంచేశారు. దీంతో అంతర్జాతీయంగా ఎక్కువ ఫాలోవర్స్ ను సంపాదిస్తామని పేర్కొన్నారు. క్రికెట్ అభిమానులకు ఈ లైవ్ తో క్రికెట్ ప్రసారాలను అందించడమే కాకుండా.. పేవరెట్ స్టార్లను కనెక్ట్ అయ్యేలా సౌకర్యం కల్పిస్తామన్నారు. ఆరు టీమ్ లతో బుధవారం నుంచి ఈ లీగ్ ప్రారంభమైంది. క్రిస్ గేల్, ఏబీ డీ విలియర్స్, కుమార్ సంగక్కర, డేల్ స్టెయిన్, డ్వేన్ బ్రేవో, కీరాన్ పోలార్డ్, బ్రెండన్ మెక్కలమ్ ఇతర క్రికెటర్లు ఈ మ్యాచ్ లో పాల్గొంటున్నారు. మొబైల్ వీడియో, అడ్వర్ టైజింగ్ కంపెనీ గ్రేబ్యో ద్వారా ఈ లైవ్ ను ఫేస్ బుక్ బ్రాండ్ కాస్ట్ చేస్తుంది.
  


 సాధారణంగా క్రికెటర్లంతా ఐపీఎల్ కోసం ఎగబడేది అందులో వచ్చే భారీ మొత్తం డబ్బు కోసం. అయితే దక్షిణాఫ్రికా లెగ్ స్పిన్నర్ ఎడీ లెయీ మాత్రం ఐపీఎల్‌లో తనను ఆడిస్తే తానే ఎదురు డబ్బులు ఇస్తానంటున్నాడు. చాలాకాలం నుంచి ఐపీఎల్‌లో ఆడాలనేది అతడి కోరిక. ఎన్నిసార్లు వేలం కోసం తన పేరు పంపినా ఏ జట్టూ అతణ్ని తీసుకోలేదు. ఎలాగైనా ఐపీఎల్ ఆడాలనే తన కలను నిజం చేసుకోవడానికి అవసరమైతే తానే ఎదురు డబ్బులిస్తానని అంటున్నాడు ఈ స్పిన్నర్.
 
 ప్రస్తుతం ‘ఎ’ జట్ల ముక్కోణపు సిరీస్‌లో దక్షిణాఫ్రికా తరఫున ఆడేందుకు అతను భారత్‌కు వచ్చాడు. ఇటీవల కరీబియన్ ప్రీమియర్ లీగ్‌లో అతను ఆడాడు. మరి ఫ్రాంచైజీ అధికారుల దృష్టికి ఈ వార్త వెళ్లిందో లేదో..!


 పోర్ట్ ఆఫ్ స్పెయిన్: కరీబియన్ ప్రీమియర్ లీగ్ (సీపీఎల్) టైటిల్‌ను ట్రినిడాడ్ అండ్ టొబాగో రెడ్‌స్టీల్ జట్టు గెలుచుకుంది. భారత కాలమానం ప్రకారం సోమవారం ఉదయం జరిగిన ఫైనల్లో ట్రినిడాడ్ జట్టు 20 పరుగుల తేడాతో బార్బడోస్ ట్రైడెంట్స్‌ను ఓడించింది. టాస్ గెలిచి బ్యాటింగ్ ఎంచుకున్న ట్రినిడాడ్ 20 ఓవర్లలో ఐదు వికెట్లకు 178 పరుగులు చేసింది. డెల్‌పోర్ట్ (50), కమ్రాన్ అక్మల్ (60) అర్ధసెంచరీలు చేశారు. కెప్టెన్ డ్వేన్ బ్రేవో (29 నాటౌట్) మెరుపు ఇన్నింగ్స్ ఆడాడు. పొలార్డ్, ఎమ్రిట్ రెండేసి వికెట్లు తీశారు. బార్బడోస్ జట్టు 20 ఓవర్లలో నాలుగు వికెట్లకు 158 పరుగులు మాత్రమే చేసి ఓడింది.
 
 డ్వేన్ స్మిత్ (49) టాప్‌స్కోరర్. కెప్టెన్ పొలార్డ్ (20 నాటౌట్) చివర్లో పోరాడినా ఫలితం లేకపోయింది. బెన్‌కు రెండు వికెట్లు దక్కాయి. ట్రినిడాడ్ కెప్టెన్ డ్వేన్ బ్రేవో ‘ప్లేయర్ ఆఫ్ ద టోర్నీ’గా ఎంపికయ్యాడు. ఐపీఎల్ జట్టు కోల్‌కతా నైట్‌రైడర్స్... సీపీఎల్‌లో ఈ ఏడాది ట్రినిడాడ్ జట్టులో వాటా కొనుక్కుంది. టైటిల్ గెలిచే క్రమంలో ఈ డ్వేన్ బ్రేవో సేన వరుసగా మూడు నాకౌట్ మ్యాచ్‌లలో విజయం సాధించడం విశేషం.
  


 అనంతపురం : అనంతపురం జిల్లా సమస్యలపై ముఖ్యమంత్రి నారా చంద్రబాబు నాయుడుకు వినతిపత్రం ఇచ్చేందుకు వెళుతున్న సీపీఐ నేతలను పోలీసులు ముందస్తుగా అరెస్ట్‌ చేసి వన్ టౌన్ పోలీస్ స్టేషన్‌లో తరలించారు. సోమవారం ఉదయం సీఎం జిల్లాలో పర్యటించనున్నసందర్భంగా జిల్లా సమస్యలను విన్నవించేందుకు సీపీఐ నేతలు ప్రయత్నించారు. ఆయనకు వినతిపత్రం ఇచ్చేందుకు వెళుతున్న సీపీఐ జిల్లా కార్యదర్శి జగదీష్, నేతలు నారాయణ. జాఫర్ తదితరులను పోలీసులు ఉదయం అడ్డగించి అరెస్ట్ చేశారు. సీఎం పర్యటనలో గొడవ చేసేందుకు సీపీఐ నేతలు పథకం పన్నారని పోలీసులు వాధిస్తున్నారు.
 విషయం తెలుసుకున్న సీపీఐ శ్రేణులు వన్ టౌన్ పోలీస్ స్టేషన్ వద్దకు చేరుకుని ఆందోళనకు దిగారు. చంద్రబాబు దిష్టి బొమ్మను దహనం చేశారు. ఆయనకు వ్యతిరేకంగా నినాదాలు చేశారు. ఈ సందర్భంగా పోలీసులకు, సీపీఐ కార్యకర్తలకు మధ్య వాగ్వాదం చోటుచేసుకుంది. తమ నేతలను విడిచి పెట్టాలని వారు స్టేషన్ ముందు బైఠాయించారు. సీఎం పర్యటన ముగిశాక వారిని వదులుతామని పోలీసులు చెప్పడంతో అక్కడ ఉద్రిక్త వాతావరణం నెలకొంది.
  


 అనంతపురం టౌన్: విభజన చట్టం ప్రకారం రాష్ట్రానికి ప్రత్యేక హోదా కల్పించాలని అడిగిన సీపీఐ నాయకులను జైల్లో పెడతారా..? రాష్ట్రాభివృద్ధి కోరడం తప్పా..? వారేమన్నా సంఘ విద్రోహ పనులు చేశారా..? హామీలు ఇచ్చి నెరవేర్చకుండా రాష్ట్రానికి అన్యాయం చేసిన వారు బాగున్నారు. అడిగిన వారిపై కేసులు పెడతారా.. అంటూ సీపీఐ జాతీయ కార్యవర్గ సభ్యుడు నారాయణ ధ్వజమెత్తారు. ప్రత్యేక హోదా అమలు కోరుతూ కేంద్ర కార్యాలయ ముట్టడి సందర్భంగా అరెస్టు అయి రిమాండ్‌లో ఉన్న సీపీఐ రాష్ట్ర కార్యదర్శి రామకృష్ణ, జిల్లా కార్యదర్శి జగదీష్, ఇతర నాయకులను పరామర్శించేందుకు శుక్రవారం ఆయన జిల్లాకు వచ్చారు.
 అరెస్టులకు నిరసనగా సీపీఐ జిల్లా కమిటీ ఆధ్వర్యంలో చేపట్టిన మోటర్ సైకిల్ ర్యాలీలో ఆయన పాల్గొన్నారు. రాష్ట్రానికి ప్రత్యేక హోదా ఇచ్చే విషయంలో కేంద్ర ప్రభుత్వం వెనక్కి తగ్గిందన్నారు. కేంద్రం తోక పట్టుకుని నడుస్తున్న టీడీపీ సైతం అడగడం లేదన్నారు. ఇచ్చిన హామీలు నెరవేర్చకుండా ప్రజలను మోసం చేస్తూ రాష్టానికి అన్యాయం చేస్తున్న వారు బయట ఉంటే, అభివృద్ధి జరగాలంటూ సీపీఐ పార్టీ ఉద్యమిస్తే దేశద్రోహం చేసినట్లుగా జైలులో పెట్టారంటూ మండిపడ్డారు. ఇది అంతం కాదు ఆరంభం మాత్రమే అన్నారు. రాష్ట్రానికి ప్రత్యేక హోదా సాధించేంత వరకు ఉద్యమం ఆగదని ఆయన హెచ్చరించారు.
  


 
 అనంతపురం: ఆంధ్రప్రదేశ్ రాష్ట్రానికి కేంద్ర ప్రభుత్వం ప్రత్యేక హోదా కల్పించాలనే డిమాండ్‌తో అనంతపురం పట్టణంలో బుధవారం సీపీఐ తలపెట్టిన కేంద్ర ప్రభుత్వ కార్యాలయాల ముట్టడి కార్యక్రమం ఉద్రిక్తంగా మారింది. సీపీఐ రాష్ట్ర కార్యదర్శి రామకృష్ణ, జిల్లా కార్యదర్శి జగదీష్‌తో పాటు, ఏఐఎస్‌ఎఫ్, ఏవైఎఫ్ నేతలు, కార్యకర్తలను పోలీసులు అడ్డుకునేందుకు ప్రయత్నించగా వారి మధ్య తీవ్ర పెనుగులాట జరిగింది. ఈ సందర్భంగా మల్లికార్జున్ అనే కార్యకర్తకు గాయాలయ్యాయి. దీంతో కార్యకర్తలు పట్టణంలోని క్లాక్‌టవర్ సెంటర్‌లో ఉన్న బీఎస్‌ఎన్‌ఎల్, తపాల కార్యాలయంపై రాళ్ల దాడికి దిగారు. కార్యాలయం అద్దాలు, ఫర్నిచర్‌ను ధ్వంసం చేశారు. దీంతో పోలీసులు రామకృష్ణ, జగదీష్‌తో పాటు ముఖ్య నేతలను అరెస్ట్ చేసి పోలీస్‌స్టేషన్‌కు తరలించారు.
  


 అలనాటి వెస్టిండీస్ స్టార్ బ్యాట్స్మన్ బ్రయాన్ లారా, ఇంగ్లండ్ ఆల్రౌండర్ ఇయన్ బోథమ్.. వీళ్లంతా మళ్లీ వచ్చి క్రికెట్ ఆడితే ఎలా ఉంటుంది? త్వరలో జరగబోయే ఆల్ స్టార్ ఛారిటీ ట్వంటీ 20 పోటీలకు వీళ్లిద్దరినీ కెప్టెన్లుగా ఎంపిక చేశారు. ఆగస్టు 12న వార్నర్ పార్కులో జరిగే ఈ మ్యాచ్లో అలనాటి సెలబ్రిటీలు, నేటి క్రికెట్ తారలు అందరూ పాల్గొంటారని భావిస్తున్నారు. కరేబియన్ ప్రీమియర్ లీగ్ (సీపీఎల్) పేరుతో వెస్టిండీస్ దీవుల్లోని వివిధ జట్ల మధ్య మ్యాచ్లు జరగనున్నాయి.
 
 బ్రిటిష్ మీడియా కింగ్ పియర్స్ మోర్గాన్ ఇప్పటికే బోథమ్ జట్టులో ఆడతానని తెలిపారు. కరేబియన్ ప్రీమియర్ లీగ్ ఈ ప్రాంతంలో ఉండే క్రికెట్ అభిమానులకు షడ్రసోపేతమైన విందులాంటిదని బోథమ్ చెప్పారు. 2007లో క్రికెట్ నుంచి రిటైరైన లారా వెస్టిండీస్ తరఫున టెస్టుల్లోను, ఫస్ట్క్లాస్ క్రికెట్లోను అత్యధిక పరుగులు చేసిన బ్యాట్స్మన్గా నిలిచాడు.