లార్డ్స్‌ వేదికగా సౌతాఫ్రికాతో జరుగుతున్న డబ్ల్యూటీసీ ఫైనల్‌ 2025లో ఆసీస్‌ ఆటగాడు ట్రవిస్‌ హెడ్‌ ఓ మైలురాయిని దాటాడు. ఈ మ్యాచ్‌లో విఫలమైనా హెడ్‌ (13 బంతుల్లో 11) ఓ ఘనత సాధించాడు. ఐసీసీ ఫైనల్స్‌లో అత్యధిక పరుగులు చేసిన ఆటగాళ్ల జాబితాలో రెండో స్థానంలో ఉన్న రోహిత్‌ శర్మను అధిగమించి, ఆ స్థానానికి చేరాడు.ఐసీసీ ఫైనల్స్‌లో రోహిత్‌ 11 ఇన్నింగ్స్‌ల్లో 322 పరుగులు చేయగా.. ఈ మ్యాచ్‌లో పరుగులతో కలుపుకొని హెడ్‌ 4 ఇన్నింగ్స్‌ల్లోనే 329 పరుగులు చేశాడు. ఐసీసీ ఫైనల్స్‌లో అత్యధిక పరుగులు చేసిన రికార్డు రికార్డుల రిరాజు విరాట్‌ కోహ్లి పేరిట ఉంది. విరాట్‌ 11 ఇన్నింగ్స్‌ల్లో 411 పరుగులు చేశాడు.వాస్తవానికి ఈ మ్యాచ్‌కు ముందు హెడ్‌ విరాట్‌ రికార్డుపైనే కన్నేశాడు. తొలి ఇన్నింగ్స్‌లో విఫలమైన రెండో ఇన్నింగ్స్‌లో అయినా హెడ్‌కు విరాట్‌ రికార్డు బద్దలు కొట్టే అవకాశం ఉంది. రెండో ఇన్నింగ్స్‌లో హెడ్‌ 83 పరుగులు చేస్తే విరాట్‌ పేరిట ఉన్న ఈ అల్‌టైమ్‌ రికార్డు బద్దలవుతుంది.ఘనమైన రికార్డుట్రవిస్‌ హెడ్‌కు ఐసీసీ ఫైనల్స్‌లో ఘనమైన ట్రాక్‌ రికార్డు ఉంది. 2021-23 డబ్ల్యూటీసీ ఫైనల్లో తొలి ఇన్నింగ్స్‌లో 163, రెండో ఇన్నింగ్స్‌లో 18 పరుగులు చేశారు. 2023 వన్డే వరల్డ్‌కప్‌ ఫైనల్లో 137 పరుగులు చేశాడు. తాజాగా జరుగుతున్న 2023-25 డబ్ల్యూటీసీ ఫైనల్లో 11 పరుగులు చేశాడు. హెడ్‌ ఐసీసీ ఫైనల్స్‌లో చేసిన రెండు సెంచరీలు భారత్‌నే చేయడం విశేషం. ఈ సైకిల్‌ డబ్ల్యూటీసీలో భారత్‌ ఫైనల్స్‌కు చేరలేదు. మూడో స్థానంతో సరిపెట్టుకుంది.మ్యాచ్‌ విషయానికొస్తే.. టాస్‌ ఓడి తొలుత బ్యాటింగ్‌ చేసిన ఆస్ట్రేలియా.. రబాడ (5/51), జన్సెన్‌ (3/49), కేశవ్‌ మహారాజ్‌ (1/19), మార్క్రమ్‌ (1/5) ధాటికి 56.4 ఓవర్లలో 212 పరుగులకే కుప్పకూలింది. 67 పరుగులకే నాలుగు వికెట్లు కోల్పోయిన ఆసీస్‌ను స్టీవ్‌ స్మిత్‌ (66), బ్యూ వెబ్‌స్టర్‌ (72) అర్ద సెంచరీలతో ఆదుకున్నారు. వీరిద్దరు ఐదో వికెట్‌కు 79 పరుగులు జోడించి ఆసీస్‌ గౌరవప్రదమైన స్కోర్‌ సాధించేందుకు దోహదపడ్డారు. వీరిద్దరు ఔటయ్యాక ఆసీస్‌ ఇన్నింగ్స్‌ మరోసారి పేకమేడలా కూలింది. మధ్యలో అలెక్స్‌ క్యారీ (23) కాసేపు పోరాడాడు.ఆసీస్‌ ఇన్నింగ్స్‌లో స్మిత్‌, వెబ్‌స్టర్‌, క్యారీతో పాటు లబూషేన్‌ (17), ట్రవిస్‌ హెడ్‌ (11) మాత్రమే రెండంకెల స్కోర్లు చేయగలిగారు. ఓపెనర్‌ ఉస్మాన్‌ ఖ్వాజా 20 బంతుల డకౌట్‌ కావడంతో ఆసీస్‌ పతనం మొదలైంది. ఈ మ్యాచ్‌తో ఖ్వాజాకు జోడీగా లబూషేన్‌తో ఓపెనింగ్‌ ప్రయోగం చేసినప్పటికీ సత్ఫలితం రాలేదు.ఖ్వాజాను రబాడ, లబూషేన్‌ను జన్సెన్‌ ఔట్‌ చేశారు. గాయం నుంచి కోలుకొని చాలాకాలం తర్వాత తిరిగి వచ్చిన కెమరూన్‌ గ్రీన్‌ (4) దారుణంగా విఫలమయ్యాడు. ఇతని వికెట్‌ కూడా రబాడకే దక్కింది. స్టీవ్‌ స్మిత్‌ను మార్క్రమ్‌, క్యారీని కేశవ​్‌ మహారాజ్‌.. హెడ్‌, లియోన్‌ను (0) జన్సెన్‌ ఔట్‌ చేశారు. వెబ్‌స్టర్‌, కమిన్స్‌ (1), స్టార్క్‌ (1) వికెట్లు రబాడ ఖాతాలోనే వెళ్లాయి.అనంతరం తొలి ఇన్నింగ్స్‌ ప్రారంభించిన సౌతాఫ్రికాకు కూడా ఆదిలోనే కష్టాలు మొదలయ్యాయి. తొలి ఓవర్‌లోనే మార్క్రమ్‌ను స్టార్క్‌ డకౌట్‌ చేశాడు. జట్టు స్కోర్‌ 19 పరుగుల వద్ద ఉండగా మరో ఓపెనర్‌ ర్యాన్‌ రికెల్టన్‌ను (16) స్టార్కే పెవిలియన్‌కు పంపాడు. వన్‌డౌన్‌ బ్యాటర్‌గా ప్రమోషన్‌ పొందిన వియాన్‌ ముల్దర్‌ (6) దారుణంగా విఫలమయ్యాడు. అతని వికెట్‌ కమిన్స్‌కు దక్కింది. అనంతరం వచ్చిన ట్రిస్టన్‌ స్టబ్స్‌ను (2) హాజిల్‌వుడ్‌ ఔట్‌ చేశాడు. దీంతో 30 పరుగులకే సౌతాఫ్రికా 4 వికెట్లు కోల్పోయి పీకల్లోతు కష్టాల్లో కూరుకుపోయింది. సౌతాఫ్రికాను గట్టెక్కించే బాధ్యత బవుమా (3), బెడింగ్హమ్‌ భుజస్కందాలపై ఉంది. తొలి రోజు ఆట ముగిసే సమయానికి సౌతాఫ్రికా తొలి ఇన్నింగ్స్‌ స్కోర్‌ 43/4గా ఉంది. ప్రస్తుతం ఆ జట్టు ఆసీస్‌ తొలి ఇన్నింగ్స్‌ స్కోర్‌కు ఇంకా 169 పరుగులు వెనుకపడి ఉంది.

లార్డ్స్ వేదికగా ఆస్ట్రేలియాతో జరుగుతున్న వరల్డ్ టెస్టు ఛాంపియన్‌షిప్ ఫైనల్లో సౌతాఫ్రికా వికెట్ కీపర్ కైల్ వెర్రీన్ అద్బుత క్యాచ్‌తో మెరిశాడు. ఆసీస్ డెంజరస్ బ్యాటర్ ట్రావిస్ హెడ్‌ను సంచలనాత్మక క్యాచ్‌తో వెర్రీన్ పెవిలియన్‌కు పంపాడు. లబుషేన్ ఔటయ్యాక క్రీజులోకి వచ్చిన హెడ్ ఓ బౌండరీ బాది మంచి టచ్‌లో కన్పించాడు. మొదటి సెషన్ చివరి ఓవర్ వేసిన మార్కో జానెసన్ రెండో బంతిని హెడ్‌కు లెగ్ సైడ్ సంధించాడు. ఆబంతిని హెడ్ లైగ్ సైడ్ ఫ్లిక్ షాట్ ఆడాడు. ఈ క్రమంలో వి​కెట్ కీపర్ వెర్రీన్ తన కుడివైపనకు డైవ్ చేస్తూ ఒంటి చేత్తో స్టన్నింగ్ క్యాచ్‌ను అందుకున్నాడు. ఇది చూసిన హెడ్ బిత్తరపోయాడు.చేసేదేమిలేక నిరాశతో హెడ్‌(11) పెవిలియన్‌కు చేరాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. ఇక ఈ తొలి రోజు ఆటలో ఆస్ట్రేలియా తడబడి నిలబడింది. మొదట 67 పరుగులకే నాలుగు వికెట్లు కోల్పోయి కష్టాల్లో పడిన ఆసీస్‌ను స్మిత్‌(66), వెబ్‌స్టెర్(56 నాటౌట్‌) ఆదుకున్నారు. 52 ఓవర్లు ముగిసే సరికి ఆసీస్‌ ఆరు వికెట్ల నష్టానికి 192 పరుగులు చేసింది. క్రీజులో కమ్మిన్స్‌, వెబ్‌స్టెర్ ఉన్నారు.#MarcoJansen dismisses TravisHead after a splendid catch by #KyleVerreynne behind the stumps! 🔥LIVE NOW 👉 https://t.co/9lZGHcdeVP #WTCFinal | #SAvAUS, Day 1, watch LIVE on Star Sports 1, Star Sports 1 Hindi & JioHotstar pic.twitter.com/i4HNMMtsrW— Star Sports (@StarSportsIndia) June 11, 2025

ఆస్ట్రేలియా, సౌతాఫ్రికా జట్ల మధ్య ప్రతిష్టాత్మకమైన లార్డ్స్‌ మైదానంలో ఇవాళ (జూన్‌ 11) మధ్యాహ్నం 3 గంటలకు వరల్డ్‌ టెస్ట్‌ ఛాంపియన్‌షిప్‌ ఫైనల్‌ ప్రారంభం కానుంది. ఈ మ్యాచ్‌కు ముందు ఇరు జట్లకు చెందిన ఆటగాళ్లను పలు రికార్డులు ఊరిస్తున్నాయి. ఆ రికార్డులు ఏంటో చూద్దాం.కోహ్లి ఆల్‌టైమ్‌ రికార్డుపై కన్నేసిన హెడ్‌ఈ మ్యాచ్‌లో (రెండు ఇన్నింగ్స్‌ల్లో) ఆసీస్‌ విధ్వంసకర ఆటగాడు ట్రవిస్‌ హెడ్‌ 94 పరుగులు చేస్తే ఐసీసీ టోర్నీల ఫైనల్స్‌లో అత్యధిక పరుగులు చేసిన ఆటగాడిగా విరాట్‌ కోహ్లి రికార్డును బద్దలు కొడతాడు. విరాట్‌ ఐసీసీ టోర్నీల ఫైనల్స్‌లో ఇప్పటివరకు 411 పరుగులు చేయగా.. ట్రవిస్‌ హెడ్‌ ఖాతాలో ప్రస్తుతం 318 పరుగులు (కేవలం 3 ఇన్నింగ్స్‌ల్లోనే) ఉన్నాయి.బుమ్రా రికార్డుకు ఎసరు పెట్టిన కమిన్స్‌, స్టార్క్‌నేటి నుంచి ప్రారంభం కాబోయే డబ్ల్యూటీసీ ఫైనల్లో ఆసీస్‌ స్పీడ్‌స్టర్లు పాట్‌ కమిన్స్‌, మిచెల్‌ స్టార్క్‌ ఐదు, ఆరు వికెట్లు తీస్తే, ప్రస్తుత డబ్ల్యూటీసీ సైకిల్‌లో (2023-2025) అత్యధిక వికెట్లు తీసిన బౌలర్లుగా అవతరిస్తారు. ప్రస్తుతం ఈ రికార్డు భారత పేసు గుర్రం జస్ప్రీత్‌ బుమ్రా పేరిట ఉంది. బుమ్రా ఈ సైకిల్‌లో 77 వికెట్లు తీయగా.. కమిన్స్‌ 73, స్టార్క్‌ 72 వికెట్లు తీశారు.చరిత్ర సృష్టించనున్న బవుమాఈ మ్యాచ్‌లో సౌతాఫ్రికా కెప్టెన్‌ టెంబా బవుమా మరో 46 పరుగులు చేస్తే (రెండు ఇన్నింగ్స్‌ల్లో) డబ్ల్యూటీసీ చరిత్రలో అత్యధిక పరుగులు చేసిన సౌతాఫ్రికా బ్యాటర్‌గా చరిత్ర సృష్టిస్తాడు. ప్రస్తుతం ఈ రికార్డు మాజీ కెప్టెన్‌ డీన్‌ ఎల్గర్‌ పేరిట ఉంది. ఎల్గర్‌ డబ్ల్యూటీసీలో 1935 పరుగులు చేయగా.. ప్రస్తుతం బవుమా ఖాతాలో 1890 పరుగులు ఉన్నాయి. ఈ మ్యాచ్‌లో సౌతాఫ్రికా గెలిస్తే బవుమా మరో రికార్డు కూడా తన ఖాతాలో వేసుకుంటాడు. డబ్ల్యూటీసీలో అత్యధిక విజయాలు సాధించిన సౌతాఫ్రికా కెప్టెన్‌గా రికార్డు నెలకొల్పుతాడు. ప్రస్తుతం ఈ రికార్డు డీన్‌ ఎల్గర్‌, బవుమాల పేరిట సంయుక్తంగా ఉంది. ఇద్దరు తలో 8 విజయాలు సాధించారు.లియోన్‌ ఊరిస్తున్న అశ్విన్‌ రికార్డుఈ మ్యాచ్‌లో ఆసీస్‌ స్పిన్నర్‌ నాథన్‌ లియోన్‌ ఐదు వికెట్ల ప్రదర్శన నమోదు చేస్తే డబ్ల్యూటీసీ చరిత్రలో అత్యధిక ఐదు వికెట్ల ప్రదర్శనలు నమోదు చేసిన బౌలర్‌గా చరిత్ర సృష్టిస్తాడు. ప్రస్తుతం ఈ రికార్డును లియోన్‌ టీమిండియా స్పిన్‌ దిగ్గజం రవిచంద్రన్‌ అశ్విన్‌తో కలిసి షేర్‌ చేసుకుంటున్నాడు. ఇప్పటివరకు ఇద్దరు తలో 11 ఐదు వికెట్ల ప్రదర్శనలు నమోదు చేశారు.చరిత్ర సృష్టించేందుకు 2 వికెట్ల దూరంలో ఉన్న మహారాజ్‌ఈ మ్యాచ్‌లో సౌతాఫ్రికా స్పిన్నర్‌ కేశవ్‌ మహారాజ్‌ రెండు వికెట్లు తీస్తే.. సౌతాఫ్రికా టెస్ట్‌ క్రికెట్‌ చరిత్రలో 200 వికెట్లు తీసిన తొలి స్పిన్నర్‌గా చరిత్ర సృష్టిస్తాడు. ప్రస్తుతం మహారాజ్‌ ఖాతాలో 198 వికెట్లు ఉన్నాయి.

కోల్‌కతా నైట్‌ రైడర్స్‌తో మ్యాచ్‌లో సన్‌రైజర్స్‌ హైదరాబాద్‌ స్టార్‌ హెన్రిచ్‌ క్లాసెన్‌ (Heinrich Klaasen) చిరస్మరణీయ ఇన్నింగ్స్‌ ఆడాడు. ఆద్యంతం ఆకాశమే హద్దుగా చెలరేగుతూ.. ఫోర్లు, సిక్సర్ల వర్షం కురిపిస్తూ పొట్టి క్రికెట్‌లోని అసలైన మజా అందించాడు.కేవలం 37 బంతుల్లోనే సెంచరీ పూర్తి చేసుకున్న క్లాసెన్‌.. క్యాష్‌ రిచ్‌ లీగ్‌లో వేగవంతమైన శతకం (Fastest Century) బాదిన మూడో క్రికెటర్‌గా యూసఫ్‌ పఠాన్‌ రికార్డును సమం చేశాడు. ఇక కేకేఆర్‌తో మ్యాచ్‌లో మొత్తంగా 39 బంతులు ఎదుర్కొన్న ఈ సౌతాఫ్రికా స్టార్‌ ఏడు ఫోర్లు, తొమ్మిది సిక్సర్ల సాయంతో 105 పరుగులతో అజేయంగా నిలిచాడు.ఐపీఎల్‌ చరిత్రలోనే తొలిసారిగా ఇలా..ఈ క్రమంలో క్లాసెన్‌ సరికొత్త రికార్డు సాధించాడు. ఐపీఎల్‌ చరిత్రలో అత్యధిక స్ట్రైక్‌రేటు (269.23)తో సెంచరీ బాదిన తొలి విదేశీ క్రికెటర్‌, ఓవరాల్‌గా రెండో బ్యాటర్‌గా నిలిచాడు. ఈ జాబితాలో యూసఫ్‌ పఠాన్‌ అతడి కంటే ముందున్నాడు. ఇలా కేకేఆర్‌తో ఆదివారం నాటి మ్యాచ్‌ సందర్భంగా క్లాసెన్‌ రెండు అరుదైన రికార్డులు తన ఖాతాలో వేసుకున్నాడు. కాగా ఓవరాల్‌గా క్లాసెన్‌కు ఐపీఎల్‌లో ఇది రెండో సెంచరీ.110 పరుగుల తేడాతో జయభేరి అంతేకాదు జట్టు విజయంలో కీలక పాత్ర పోషించి ‘ప్లేయర్‌ ఆఫ్‌ ది మ్యాచ్‌’గానూ ఈ వికెట్‌ కీపర్‌ బ్యాటర్‌ నిలిచాడు. ఇక మ్యాచ్‌ విషయానికొస్తే... ఢిల్లీలోని అరుణ్‌జైట్లీ స్టేడియంలో జరిగిన పోరులో సన్‌రైజర్స్‌ కేకేఆర్‌ను చిత్తు చేసింది. టాస్‌ గెలిచి తొలుత బ్యాటింగ్‌ చేసిన కమిన్స్‌ బృందం.. నిర్ణీత 20 ఓవర్లలో కేవలం మూడు వికెట్లు నష్టపోయి 278 పరుగుల మేర భారీ స్కోరు సాధించింది.ఓపెనర్లు అభిషేక్‌ శర్మ (16 బంతుల్లో 32), ట్రవిస్‌ హెడ్‌ (40 బంతుల్లో 76) శుభారంభం అందించగా.. క్లాసెన్‌ సునామీ ఇన్నింగ్స్‌తో స్కోరు బోర్డును పరుగులు తీయించాడు. మిగతా వాళ్లలో ఇషాన్‌ కిషన్‌ 29, అనికేత్‌ వర్మ 12(నాటౌట్‌) పరుగులు చేశారు.ఇక లక్ష్య ఛేదనలో కేకేఆర్‌ 18.4 ఓవర్లలో కేవలం 168 పరుగులు మాత్రమే చేసి ఆలౌట్‌ అయింది. ఫలితంగా సన్‌రైజర్స్‌ 110 పరుగుల తేడాతో జయభేరి మోగించి.. ఈ సీజన్‌ను విజయంతో ముగించింది. రైజర్స్‌ బౌలర్లలో జయదేవ్‌ ఉనాద్కట్‌ (3/24), ఇషాన్‌ మలింగ (3/31), హర్ష్‌ దూబే (3/34) మూడేసి వికెట్లతో అద్భుతంగా రాణించారు.హెన్రిచ్‌ క్లాసెన్‌ సాధించిన రికార్డులుఐపీఎల్‌లో అత్యంత వేగవంతమైన సెంచరీ వీరుల జాబితాలో చోటు1. క్రిస్‌ గేల్‌- 30 బంతుల్లో శతకం2. వైభవ్‌ సూర్యవంశీ- 35 బంతుల్లో శతకం3. యూసఫ్‌ పఠాన్‌- 37 బంతుల్లో శతకం4. హెన్రిచ్‌ క్లాసెన్‌- 37 బంతుల్లో శతకం5. డేవిడ్‌ మిల్లర్‌- 38 బంతుల్లో శతకంఐపీఎల్‌లో అత్యధిక స్ట్రైక్‌రేటుతో వందకు పైగా పరుగులు సాధించింది వీరే1. యూసఫ్‌ పఠాన్‌- రాజస్తాన్‌ రాయల్స్‌ తరఫున 2010లో ముంబై ఇండియన్స్‌పై 270.27 స్ట్రైక్‌రేటుతో 100 రన్స్‌2. హెన్రిచ్‌ క్లాసెన్‌- సన్‌రైజర్స్‌ తరఫున 2025లో కోల్‌కతా నైట్‌ రైడర్స్‌పై 169.23 స్ట్రైక్‌రేటుతో 105 రన్స్‌ (నాటౌట్‌)3. డేవిడ్‌ మిల్లర్‌- పంజాబ్‌ కింగ్స్‌ (కింగ్స్‌ ఎలెవన్‌ పంజాబ్‌) తరఫున 2013లో ఆర్సీబీపై 265.78 స్ట్రైక్‌రేటుతో 101 రన్స్‌ (నాటౌట్‌)4. వైభవ్‌ సూర్యవంశీ- రాజస్తాన్‌ రాయల్స్‌ తరఫున గుజరాత్‌ టైటాన్స్‌పై 2025లో 265.78 స్ట్రైక్‌రేటుతో 1015. క్రిస్‌ గేల్‌- ఆర్సీబీ తరఫున 2013లో పుణె వారియర్స్‌పై 265.14 స్ట్రైక్‌రేటుతో 175 రన్స్‌ (నాటౌట్‌).చదవండి: Pat Cummins: ఫైనల్‌ చేరాల్సిన జట్టు.. మా వాళ్లను చూస్తే నాకే భయమేసిందిSky is not the limit when he's batting! 🫡🎥 Glimpse of the 𝙃𝙚𝙞𝙣𝙧𝙞𝙘𝙝 𝙆𝙡𝙖𝙖𝙨𝙚𝙣 𝙨𝙝𝙤𝙬 en route his mind-blowing 105*(39) 🚀Scorecard ▶ https://t.co/4Veibn1bOs #TATAIPL | #SRHvKKR | @SunRisers pic.twitter.com/WaOSR90wrg— IndianPremierLeague (@IPL) May 25, 2025

ఐపీఎల్‌-2025 (IPL 2025) సీజన్‌ను అద్భుత విజయంతో ముగించామని సన్‌రైజర్స్‌ హైదరాబాద్‌ కెప్టెన్‌ ప్యాట్‌ కమిన్స్‌ (Pat Cummins) హర్షం వ్యక్తం చేశాడు. తమ బ్యాటర్లు విధ్వంసకర ఆటతో విరుచుకుపడుతుంటే తనకు కూడా కాస్త భయం వేసిందంటూ సరదాగా వ్యాఖ్యానించాడు. తమ జట్టులో అద్బుత ఆటగాళ్లు ఉన్నారని.. ఫైనల్‌ చేరే సత్తా ఉన్నా ఈసారి ఆ పని చేయలేకపోయామని పేర్కొన్నాడు.రేసు నుంచి నిష్క్రమించిన తర్వాతకాగా గతేడాది రన్నరప్‌గా నిలిచిన సన్‌రైజర్స్‌.. ఈసారి మాత్రం స్థాయికి తగ్గట్లు రాణించలేకపోయింది. తొలి మ్యాచ్‌లో రాజస్తాన్‌ రాయల్స్‌పై వీరబాదుడు మినహా ఆ తర్వాత పెద్దగా ఆకట్టుకోలేకపోయింది. అయితే, ప్లే ఆఫ్స్‌ రేసు నుంచి నిష్క్రమించిన తర్వాత మాత్రం కమిన్స్‌ బృందం వింటేజ్‌ బ్యాటింగ్‌తో రెచ్చిపోయింది.ఆఖరి మ్యాచ్‌లో ఆర్సీబీపై 42 పరుగుల తేడాతో గెలిచిన రైజర్స్‌.. తాజాగా కోల్‌కతా నైట్‌ రైడర్స్‌ను చిత్తు చిత్తుగా ఓడించింది. ఢిల్లీ వేదికగా ఆదివారం నాటి మ్యాచ్‌లో రహానే సేనపై 110 పరుగుల భారీ తేడాతో జయకేతనం ఎగురవేసింది. ఓపెనర్లలో అభిషేక్‌ శర్మ (16 బంతుల్లో 32) రాణించగా.. ట్రవిస్‌ హెడ్‌ (40 బంతుల్లో 76) ఆకాశమే హద్దుగా చెలరేగాడు.𝙃𝙚𝙖𝙙𝙞𝙣𝙜 towards a 𝙆𝙡𝙖𝙨𝙨𝙮 show 🍿#SRH cruising along at the moment ⛵Updates ▶ https://t.co/4Veibn1bOs #TATAIPL | #SRHvKKR | @SunRisers pic.twitter.com/AMKTayK7PS— IndianPremierLeague (@IPL) May 25, 2025క్లాసెన్‌కు పూనకాలు ఇక హెన్రిచ్‌ క్లాసెన్‌ పూనకం వచ్చినట్లుగా బౌండరీలు, సిక్సర్ల వర్షం కురిపించాడు. 37 బంతుల్లో శతక్కొట్టిన క్లాసెన్‌.. ఐపీఎల్‌లో మూడో ఫాస్టెస్ట్‌ సెంచరీ నమోదు చేసిన బ్యాటర్‌గా చరిత్రకెక్కాడు. మొత్తంగా 39 బంతులు ఎదుర్కొని 7 ఫోర్లు, 9 సిక్స్‌ల సాయంతో 105 పరుగులతో ఆఖరి వరకు అజేయంగా నిలిచాడు. ఫలితంగా నిర్ణీత 20 ఓవర్లలో మూడు వికెట్ల నష్టానికి 278 పరుగులు చేసింది సన్‌రైజర్స్‌.Sky is not the limit when he's batting! 🫡🎥 Glimpse of the 𝙃𝙚𝙞𝙣𝙧𝙞𝙘𝙝 𝙆𝙡𝙖𝙖𝙨𝙚𝙣 𝙨𝙝𝙤𝙬 en route his mind-blowing 105*(39) 🚀Scorecard ▶ https://t.co/4Veibn1bOs #TATAIPL | #SRHvKKR | @SunRisers pic.twitter.com/WaOSR90wrg— IndianPremierLeague (@IPL) May 25, 2025లక్ష్య ఛేదనలో కేకేఆర్‌ను 18.4 ఓవర్లలోనే ఆలౌట్‌ చేసింది. సన్‌రైజర్స్‌ బౌలర్ల విజృంభణతో రహానే సేన 168 పరుగులకే కుప్పకూలింది. ఇలా సమిష్టి ప్రదర్శనతో జట్టు రాణించడం పట్ల రైజర్స్‌ కెప్టెన్‌ ప్యాట్‌ కమిన్స్‌ సంతోషం వ్యక్తం చేశాడు.‘‘అద్భుతమైన ముగింపు. ఈ సీజన్‌లో గత కొన్ని మ్యాచ్‌లలో మేము సూపర్‌గా ఆడాము. మా వాళ్ల బ్యాటింగ్‌ భయంకరంగానే ఉందని చెప్పవచ్చు (నవ్వులు). మా ఆటగాళ్ల సమర్థత దృష్ట్యా నిజానికి ఈ సీజన్‌లో కొన్ని మ్యాచ్‌లు ఇంత చెత్తగా ఆడాల్సింది కాదు.ఫైనల్‌ చేరాల్సిన జట్టుఫైనల్‌కు చేర్చగల సత్తా ఉన్న ఆటగాళ్లు మా జట్టులో ఉన్నారు. కానీ ఈసారి మేము ఫైనల్‌ చేరలేకపోయాం. ఢిల్లీ వికెట్‌ మీద మా వాళ్లు అదరగొట్టారు. ఈసారి మా జట్టు బాగానే ఉంది. అయితే, కొంత మంది గాయాల వల్ల స్వదేశానికి వెళ్లిపోయారు. జట్టులోని 20 మంది ఆటగాళ్ల సేవలను మేము ఉపయోగించుకున్నాము’’ అని కమిన్స్‌ చెప్పుకొచ్చాడు.కాగా ఐపీఎల్‌-2025లో సన్‌రైజర్స్‌ పద్నాలుగింట ఆరు గెలిచి.. ఏడు ఓడిపోయింది. ఓ మ్యాచ్‌ వర్షం వల్ల రద్దైపోయింది. ఈ క్రమంలో 13 పాయింట్లతో ప్రస్తుతం పట్టికలో ఆరోస్థానంలో ఉంది. లక్నో సూపర్‌ జెయింట్స్‌ తమ ఆఖరి మ్యాచ్‌లో గెలిస్తే గనుక ఏడో స్థానానికి పడిపోతుంది.చదవండి: IPL: రిటైర్మెంట్‌పై ధోని కీల‌క వ్యాఖ్య‌లు

ఐపీఎల్‌-2025లో స‌న్‌రైజ‌ర్స్ హైద‌రాబాద్ జ‌ట్టు నామమాత్రమైన పోరుకు సిద్ధమైంది. ఈ మెగా టోర్నీలో భాగంగా సోమవారం ఏక్నా స్టేడియం వేదిక‌గా ల‌క్నో సూప‌ర్ జెయింట్స్‌తో ఎస్ఆర్‌హెచ్ త‌ల‌ప‌డ‌నుంది. ఇప్ప‌టికే ప్లే ఆఫ్స్ రేసు నిష్క్ర‌మించిన ఎస్ఆర్‌హెచ్‌.. కనీసం మిగిలిన మ్యాచ్‌లోనైనా గెలిచి ప‌రువు నిల‌బెట్టుకోవాల‌ని భావిస్తోంది. ఈ క్ర‌మంలో స‌న్‌రైజ‌ర్స్‌కు భారీ షాక్ త‌గిలింది. ల‌క్నోతో మ్యాచ్‌కు ముందు ఆ జ‌ట్టు స్టార్ ఓపెన‌ర్‌, ఆస్ట్రేలియా విధ్వంస‌క‌ర వీరుడు ట్రావిస్ హెడ్ కరోనా బారిన ప‌డ్డాడు. అత‌డు ఇంకా ఆస్ట్రేలియాలోనే ఉన్నాడు. దీంతో ల‌క్నో మ్యాచ్‌కు హెడ్ దూర‌మ‌య్యాడు. ఈ విష‌యాన్ని ఎస్ఆర్‌హెచ్ హెడ్ కోచ్ డేనియల్ వెట్టోరి ధ్రువీక‌రించాడు."ట్రావిస్ హెడ్‌కు దురదృష్టవశాత్తు కోవిడ్‌-19 సోకింది. దీంతో అత‌డు భారత్‌కు చేరుకోవ‌డం కాస్త ఆల‌స్యం కానుంది. అత‌డు సోమ‌వారం భార‌త్‌కు రాన‌నున్నాడు. హెడ్ ఇంకా పూర్తిగా కోలుకోలేదు. దీంతో ల‌క్నోతో మ్యాచ్‌కు దూరంగా ఉండ‌నున్నాడు. అత‌డు పూర్తిగా కోలుకుని తిరిగి మా త‌దుప‌రి మ్యాచ్‌కు అందుబాటులోకి వ‌స్తాడ‌ని ఆశిస్తున్నామ‌ని" ప్రీ మ్యాచ్ కాన్ఫ‌రెన్స్‌లో వెట్టోరీ పేర్కొన్నాడు. కాగా భారత్‌-పాకిస్తాన్‌ మధ్య ఉద్రిక్తతల నేపథ్యంలో ఐపీఎల్‌ వారం పాటు వాయిదా ప‌డిన విష‌యం విధిత‌మే. ఈ క్ర‌మంలో కెప్టెన్ ప్యాట్ క‌మ్మిన్స్‌తో పాటు హెడ్ త‌మ స్వ‌దేశానికి వెళ్లిపోయారు. ఐపీఎల్ రీస్టార్ట్ కావ‌డంతో క‌మ్మిన్స్ తిరిగి వ‌చ్చిన‌ప్ప‌టికి.. హెడ్ మాత్రం క‌రోనా కార‌ణంగా కాస్త ఆల‌స్యంగా జ‌ట్టులో చేర‌నున్నాడు.ఈ సీజన్‌లో హైదరాబాద్ జట్టుకు మూడు మ్యాచ్‌లు మిగిలి ఉన్నాయి. సోమవారం లక్నోతో, ఆ తర్వాత ఆర్‌సీబీ, కేకేఆర్‌తో మ్యాచులు ఆరెంజ్ ఆర్మీ ఆడ‌నుంది.చదవండి: 'అవ‌న్నీ రూమ‌ర్సే.. ఇంకా నిర్ణ‌యం తీసుకోలేదు': బీసీసీఐ

ఐపీఎల్-2025‌ (IPL 2025) వాయిదా పడటంతో స్వదేశం చేరిన ఆస్ట్రేలియా క్రికెటర్లకు ఆ దేశ క్రికెట్‌ బోర్డు అండగా నిలుస్తోంది. ఇష్టమైతేనే లీగ్‌లో మిగిలిన మ్యాచ్‌లకు వెళ్లాలని.. లేదంటే ఇక్కడే ఉండిపోవచ్చని క్రికెట్‌ ఆస్ట్రేలియా ( CA) సూచించిందని ఆ దేశ మీడియా కథనం వెలువరించింది.కాగా భారత్‌- పాకిస్తాన్‌ మధ్య ఉద్రిక్తతల నేపథ్యంలో ఐపీఎల్‌-2025ని వారం పాటు వాయిదా వేస్తున్నట్లు భారత క్రికెట్‌ నియంత్రణ మండలి (BCCI) శుక్రవారం ప్రకటించిన విషయం తెలిసిందే. ఈ నేపథ్యంలో వివిధ ఫ్రాంచైజీలకు ప్రాతినిధ్యం వహించిన ఆస్ట్రేలియన్‌ క్రికెటర్లంతా లీగ్‌ వాయిదా పడగానే స్వదేశానికి వెళ్లిపోయారు.వారు మాత్రం ఇక్కడేకోచింగ్‌ స్టాఫ్‌లో ఉన్న రికీ పాంటింగ్, బ్రాడ్‌ హాడిన్‌ తదితరులు మాత్రం భారత్‌లోనే ఉండిపోయారు. ప్రస్తుతం భారత్, పాక్‌ల మధ్య కాల్పుల విరమణ ఒప్పందం జరగడంతో ఈనెల 17 నుంచి తిరిగి ఐపీఎల్‌ను ప్రారంభించాలని బీసీసీఐ తాజాగా నిర్ణయం తీసుకుంది. ఇందులో భాగంగా విదేశీ క్రికెటర్లకు పిలిపించుకొని సిద్ధంగా ఉండాలని బోర్డు ఇదివరకే ఫ్రాంచైజీలకు తెలిపింది.అయితే ఆటగాళ్లంతా ఐపీఎల్‌ కోసం వెళ్లేందుకు పెద్దగా ఆసక్తి చూపడం లేదని తెలిసింది. ఈ నేపథ్యంలో సీఏ వారికి అండగా నిలవాలనుకుంటుందని ‘సిడ్నీ మార్నింగ్‌ హెరాల్డ్‌’ పత్రిక తమ కథనంలో పేర్కొంది. దాయాది దేశాల మధ్య నెలకొన్న యుద్ధవాతావరణ పరిస్థితులతో తమ ఆటగాళ్లంతా భయాందోళనకు గురయ్యారని అలాంటపుడు మళ్లీ ఐపీఎల్‌ కోసం వెళ్లమని క్రికెట్‌ ఆస్ట్రేలియా చెప్పబోదని ఆ కథనంలో రాసింది.ఫైనల్‌కు సిద్ధమయ్యే క్రమంలోనే?నిజానికి తమ ఆటగాళ్లకు మే 25తో ముగిసే ఐపీఎల్‌ షెడ్యూల్‌ వరకే ఆడేందుకు సీఏ అనుమతిచ్చింది. ఇప్పుడు గనక వారు మళ్లీ వెళ్లాలంటే సీఏ నుంచి మరోసారి నిరభ్యంతర పత్రం (ఎన్‌ఓసీ) తీసుకోవాల్సి ఉంటుందని ఆ పత్రిక వెల్లడించింది. పైకి భయం అంటూ కారణాలు చెబుతున్నా ప్రపంచ టెస్టు చాంపియన్‌షిప్‌-2025 ఫైనల్‌కు సిద్ధమయ్యే క్రమంలోనే ఆసీస్‌ క్రికెటర్లు ఐపీఎల్‌లో మిగిలిన మ్యాచ్‌లకు దూరంగా ఉండాలని నిర్ణయించుకున్నట్లు వార్తలు వినిపిస్తున్నాయి. ఈ విషయంపై ఫ్రాంఛైజీలు ఎలా స్పందిస్తాయో చూడాల్సి ఉంది.ఐపీఎల్‌-2025లో వివిధ ఫ్రాంఛైజీలకు ప్రాతినిథ్యం వహిస్తున్న ఆస్ట్రేలియా ఆటగాళ్లు👉సన్‌రైజర్స్‌ హైదరాబాద్‌: ప్యాట్‌ కమిన్స్‌, ట్రవిస్‌ హెడ్‌, ఆడం జంపా (గాయం కారణంగా ఇప్పటికే దూరం)👉రాయల్‌ చాలెంజర్స్‌ బెంగళూరు: జోష్‌ హాజిల్‌వుడ్‌, టిమ్‌ డేవిడ్‌👉పంజాబ్‌ కింగ్స్‌: మార్కస్‌ స్టొయినిస్‌, గ్లెన్‌ మాక్స్‌వెల్‌ (రూల్డ్‌ అవుట్‌), మిచ్‌ ఓవెన్‌ (ఇంకా జట్టుతో చేరలేదు), జోష్‌ ఇంగ్లిస్‌, ఆరోన్‌ హార్డీ, జేవియర్‌ బార్ట్‌లెట్‌👉లక్నో సూపర్‌ జెయింట్స్‌: మిచెల్‌ మార్ష్‌👉కోల్‌కతా నైట్‌ రైడర్స్‌: స్పెన్సర్‌ జాన్సన్‌👉ఢిల్లీ క్యాపిటల్స్‌: మిచెల్‌ స్టార్క్‌, జేక్‌ ఫ్రేజర్‌-మెగర్క్‌👉చెన్నై సూపర్‌ కింగ్స్‌: నాథన్‌ ఎల్లిస్‌.

ఢిల్లీ క్యాపిటల్స్‌కు భారీ ఎదురుదెబ్బ తగిలే అవకాశం ఉంది. ఆ జట్టు స్టార్‌ బౌలర్‌, ఆస్ట్రేలియా పేసర్‌ మిచెల్‌ స్టార్క్‌ (Mitchell Starc) ఐపీఎల్‌-2025 (IPL 2025)లో మిగిలిన మ్యాచ్‌లకు దూరం కానున్నట్లు తెలుస్తోంది. కాగా భారత్‌- పాకిస్తాన్‌ (IND vs PAK) మధ్య ఉద్రిక్తతల నేపథ్యంలో క్యాష్‌ రిచ్‌ లీగ్‌ను తాత్కాలికంగా వాయిదా వేసిన విషయం తెలిసిందే.అలిసా హేలీతో కలిసిఈ క్రమంలో కొంతమంది విదేశీ ఆటగాళ్లు స్వదేశాలకు తిరిగి వెళ్లిపోయారు. ఇందులో స్టార్క్‌ కూడా ఉన్నట్లు తెలుస్తోంది. తన భార్య అలిసా హేలీతో కలిసి ఈ పేస్‌ బౌలర్‌ సిడడ్నీకి చేరుకున్నాడు. అయితే, అక్కడి స్థానిక మీడియాతో మాట్లాడేందుకు అతడు నిరాకరించాడు.భారత్‌కు తిరిగి వెళ్లడు!ఈ నేపథ్యంలో స్టార్క్‌ మేనేజర్‌ స్పందిస్తూ.. ఐపీఎల్‌-2025 పునః ప్రారంభమైనా స్టార్క్‌ భారత్‌కు తిరిగి వెళ్లే అవకాశం లేదని ఆస్ట్రేలియా నైన్‌ న్యూస్‌కు తెలిపాడు. దీంతో మిగిలిన మ్యాచ్‌లలో ఢిల్లీ క్యాపిటల్స్‌ స్టార్క్‌ సేవలను కోల్పోనున్నట్లు తెలుస్తోంది.వారు కూడా దూరమే..!ఇక మెల్‌బోర్న్‌ వార్తా పత్రిక ‘ది ఏజ్‌’ కథనం ప్రకారం.. ఒకవేళ తమ ఆటగాళ్లు తిరిగి ఇండియాకు వెళ్లవద్దని నిర్ణయించుకుంటే.. క్రికెట్‌ ఆస్ట్రేలియా (CA) వారికి పూర్తి మద్దతుగా ఉండనుంది. కాగా స్టార్క్‌తో పాటు ఆసీస్‌ కెప్టెన్‌, సన్‌రైజర్స్‌ హైదరాబాద్‌ స్టార్లు ప్యాట్‌ కమిన్స్‌, ట్రవిస్‌ హెడ్‌ కూడా తిరిగి భారత్‌ రాకపోవచ్చు.ఫైనల్‌ ఆడాలిఇప్పటికే సన్‌రైజర్స్‌ ప్లే ఆఫ్స్‌ రేసు నుంచి అధికారికంగా నిష్క్రమించింది. మరోవైపు.. మే 16 నుంచి ఐపీఎల్‌-2025 తిరిగి మొదలైనా.. మే 30న ముగుస్తుందనే వార్తలు వస్తున్నాయి. అయితే, జూన్‌ 11 నుంచే ఆస్ట్రేలియా ప్రపంచ టెస్టు చాంపియన్‌షిప్‌-2025 ఫైనల్‌ ఆడాల్సి ఉంది.ఇంగ్లండ్‌ వేదికగా సౌతాఫ్రికాతో జరిగే ఈ మెగా మ్యాచ్‌కు ఆటగాళ్లు ముమ్మరంగా ప్రాక్టీస్‌ చేయాల్సి ఉంటుంది. ఇలాంటి తరుణంలో భారత్‌కు వెళ్లి వచ్చి.. వెంటనే మళ్లీ ఈ మ్యాచ్‌కు సిద్ధం కావడం కాస్త కష్టంగా మారుతంది. ఈ నేపథ్యంలో కమిన్స్, హెడ్‌లతో పాటు స్టార్క్‌ కూడా స్వదేశంలోనే ఉండిపోవాలని నిర్ణయించుకున్నట్లు సమాచారం.మరోవైపు.. న్యూజిలాండ్‌ క్రికెటర్లు కూడా ఇప్పటికే స్వదేశానికి చేరుకోగా.. సౌతాఫ్రికా క్రికెట్‌ బోర్డు మాత్రం ఇంకా ఏ నిర్ణయం తీసుకోలేదు. మే 25 వరకు నిరభ్యంతర పత్రాల గడువు ఉంది.. కాబట్టి ఆ తర్వాతే ఆటగాళ్లను తిరిగి రమ్మని ఆదేశించే అవకాశం ఉంది.రూ. 11.75 కోట్ల భారీ ధరకుకాగా.. ఐపీఎల్‌-2025 మెగా వేలంలో ఢిల్లీ క్యాపిటల్స్‌ మిచెల్‌ స్టార్క్‌ను రూ. 11.75 కోట్ల భారీ ధరకు సొంతం చేసుకుంది. ఇప్పటికి అతడు 14 వికెట్లు పడగొట్టాడు. ఢిల్లీ తరఫున ఈ సీజన్‌లో టాప్‌ వికెట్‌ టేకర్‌గా ఉన్నాడు. మరోవైపు.. ఢిల్లీ పదకొండు మ్యాచ్‌లు పూర్తి చేసుకుని ఆరు గెలిచి పట్టికలో ఐదో స్థానంలో ఉంది. కాగా పంజాబ్‌ కింగ్స్‌తో గురువారం నాటి ఢిల్లీ మ్యాచ్‌ ఉద్రిక్తతల కారణంగా అర్థంతరంగా ఆగిపోయిన విషయం తెలిసిందే. చదవండి: క్షిపణి దాడి నుంచి తప్పించుకున్న ఆసీస్‌ క్రికెటర్లు!

భారత్‌-పాక్‌ మధ్య ఉద్రిక్తతల నేపథ్యంలో ఐపీఎల్‌ 2025 భవితవ్యంపై నీలినీడలు కమ్ముకున్నాయి. లీగ్‌ కొనసాగింపుపై ఇవాళ (మే 9) అధికారిక ప్రకటన వచ్చే అవకాశం ఉంది. ఈ లోపే ఐపీఎల్‌లో పాల్గొంటున్న ఆస్ట్రేలియా క్రికెటర్లు భారత్‌ను విడిచి వెళ్లాలని భావిస్తున్నట్లు ప్రముఖ ఆస్ట్రేలియా దినపత్రిక సిడ్ని మార్నింగ్‌ హెరాల్డ్‌ ఓ కథనంలో పేర్కొంది. భారత్‌లో యుద్ద పరిస్థితుల నేపథ్యంలో ఆసీస్‌ ఆటగాళ్లు భయాందోళనలకు గురవుతున్నట్లు ఆటగాళ్ల ఏజెంట్లు క్రికెట్‌ ఆస్ట్రేలియా ద్వారా ఆస్ట్రేలియా ప్రభుత్వానికి సందేశం చేరవేశారట. ముఖ్యంగా భారత్‌, పాక్‌ సరిహద్దు ప్రాంతాల్లో ఉన్న ఆసీస్‌ ప్లేయర్లు బిక్కుబిక్కుమంటున్నట్లు సిడ్ని మార్నింగ్‌ హెరాల్డ్‌ పేర్కొంది. వీలైనంత త్వరగా తమను భారత్‌ నుంచి దాటించాలని కొందరు ఆసీస్‌ ప్లేయర్లు క్రికెట్‌ ఆస్ట్రేలియాకు విన్నవించుకున్నారట.ప్రస్తుత ఐపీఎల్‌ సీజన్‌లో ఆస్ట్రేలియాకు చెందిన పాట్‌ కమిన్స్‌, ట్రవిస్‌ హెడ్‌, మిచెల్‌ మార్ష్‌, మిచెల్‌ స్టార్క్‌, జోష్‌ హాజిల్‌వుడ్‌, మార్కస్‌ స్టోయినిస్‌, జేక్‌ ఫ్రేజర్‌ మెక్‌గుర్క్‌, జోస్‌ ఇంగ్లిస్‌, టిమ్‌ డేవిడ్‌, స్పెన్సర్‌ జాన్సన్‌, ఆరోన్‌ హార్డీ, నాథన్‌ ఇల్లిస్‌, జేవియర్‌ బార్ట్‌లెట్‌ వివిధ ఫ్రాంచైజీలకు ఆడుతున్నారు. వీరితో పాటు రికీ పాంటింగ్‌, బ్రాడ్‌ హడిన్‌, మైక్‌ హస్సీ వంటి వారు వేర్వేరు జట్ల తరఫున కోచింగ్‌ బాధ్యతలు నిర్వహిస్తున్నారు.కాగా, నిన్న (మే 8) ధర్మశాలలో జరగాల్సిన పంజాబ్‌, ఢిల్లీ మ్యాచ్‌ బ్లాక్‌ అవుట్‌ కారణంగా రద్దైంది. తొలుత ఫ్లడ్‌ లైట్ల సమస్య కారణంగా మ్యాచ్‌ను నిలిపివేశామని ప్రకటించిన ఐపీఎల్‌ వర్గాలు.. ఆతర్వాత అసలు విషయాన్ని వెల్లడించారు. పాక్‌ దాడులను తెగబడే అవకాశాలు ఉండటంతో ముందు జాగ్రత్త చర్యగా మ్యాచ్ రద్దు చేస్తున్నట్లు ఐపీఎల్‌ చీఫ్‌ అరుణ్‌ ధుమాల్‌ ప్రకటించాడు. మ్యాచ్‌ రద్దు ప్రకటన వచ్చిన వెంటనే ఆటగాళ్లంతా ప్రాణాలు అరచేతిలో పెట్టుకుని స్టేడియాన్ని వీడారు. ఆటగాళ్లతో పాటు ఇరు జట్ల బృందాలను హుటాహుటిన ప్రత్యేక ట్రయిన్‌ ద్వారా పఠన్‌కోట్‌ గుండా ఢిల్లీకి తరలించారు.బ్లాక్‌ అవుట్‌ అంటే యుద్ధం లేదా ఎమర్జెన్జీ పరిస్థితుల్లో నగరాన్ని మొత్తం చీకటి చేయడం. శత్రువుల వైమానిక దాడులను కష్టతరం చేయడమే దీని ముఖ్య ఉద్దేశం. ఇలా చేస్తే శత్రువుల టార్గెట్ మిస్ అవుతుంది. ఫలితంగా దాడుల నుంచి రక్షణ పొందొచ్చు. నేటి ఆర్సీబీ, లక్నో మ్యాచ్‌ జరుగుతుందా..?ధర్మశాలలో నిన్న జరగాల్సిన మ్యాచ్‌ రద్దయ్యాక ఐపీఎల్‌ 2025 కొనసాగుతుందా లేదా అన్న అనుమానాలు మొదలయ్యాయి. అయితే నిన్న ఈ విషయంపై ఐపీఎల్‌ చీఫ్‌ అరుణ్‌ ధుమాల్‌ స్పందిస్తూ.. ఇవాళ (మే 9) జరగాల్సిన ఆర్సీబీ, లక్నో మ్యాచ్‌ యధాతథంగా కొనసాగుతుందన్నట్లు చెప్పాడు. నేటి మ్యాచ్‌లో ఎలాంటి అపాయమూ లేని లక్నోలో జరుగనుండటమే అప్పుడు ధుమాల్‌ చేసిన ప్రకటనకు కారణం కావచ్చు. అయితే దీనిపై తుది నిర్ణయం మరి కాసేపట్లో వెలువడే అవకాశం ఉంది.

ఐపీఎల్‌ 2025లో భాగంగా ముంబై ఇండియన్స్‌తో ఇవాళ (ఏప్రిల్‌ 17) జరుగుతున్న మ్యాచ్‌లో ఎస్‌ఆర్‌హెచ్‌ ఓపెనర్‌ ట్రావిస్‌ హెడ్‌ తన శైలికి భిన్నంగా నిదానంగా ఆడుతున్నారు. ఈ మ్యాచ్‌లో ఎస్‌ఆర్‌హెచ్‌ టాస్‌ ఓడి తొలుత బ్యాటింగ్‌ చేస్తుంది. 10 ఓవర్ల తర్వాత సన్‌రైజర్స్‌ స్కోర్‌ 75/2గా ఉంది. అభిషేక్‌ శర్మ (28 బంతుల్లో 40; 7 ఫోర్లు), ఇషాన్‌ కిషన్‌ (3 బంతుల్లో 2) ఔట్‌ కాగా.. ట్రావిస్‌ హెడ్‌ (25 బంతుల్లో 25; 3 ఫోర్లు), నితీశ్‌ కుమార్‌ రెడ్డి (5 బంతుల్లో 3) క్రీజ్‌లో ఉన్నారు. ఇప్పటివరకు ముంబై బౌలర్లు అద్భుతంగా బౌలింగ్‌ చేసి సన్‌రైజర్స్‌ బ్యాటర్లను కట్టడి చేశారు. దీపక్‌ చాహర్‌ 3 ఓవర్లలో 26 పరుగులు.. బౌల్ట్‌ ఓ ఓవర్‌లో 10 పరుగులు.. బుమ్రా 2 ఓవర్లలో 10, విల్‌ జాక్స్‌ 2 ఓవర్లలో 12 (ఇషాన్‌ వికెట్‌), హార్దిక్‌ 2 ఓవర్లలో 17 పరుగులిచ్చారు (అభిషేక్‌ వికెట్‌). ఈ మ్యాచ్‌లో ఎస్‌ఆర్‌హెచ్‌ ఓపెనర్లు అభిషేక్‌, హెడ్‌లకు మూడు లైఫ్‌లు లభించాయి. దీపక్‌ చాహర్‌ వేసిన తొలి ఓవర్‌లోనే అభిషేక్‌, హెడ్‌ ఔటయ్యే ప్రమాదం నుంచి తప్పించుకున్నారు. హార్దిక్‌ వేసిన ఇన్నింగ్స్‌ 10వ ఓవర్‌లో హెడ్‌ క్యాచ్‌ ఔటైనప్పటికీ నో బాల్‌ కావడంతో బ్రతికిపోయాడు.1000 పరుగుల క్లబ్‌లో హెడ్‌ఈ మ్యాచ్‌లో హెడ్‌ ఐపీఎల్‌లో 1000 పరుగులు పూర్తి చేశాడు. హెడ్‌ కేవలం​ 575 బంతుల్లోనే ఈ ఘనత సాధించాడు. తద్వారా ఈ ఘనత సాధించిన రెండో వేగవంతమైన క్రికెటర్‌గా రికార్డుల్లోకెక్కాడు. ఐపీఎల్‌లో ఆండ్రీ రసెల్‌ మాత్రమే హెడ్‌ కంటే వేగంగా 1000 పరుగులు పూర్తి చేశాడు. రసెల్‌ 545 బంతుల్లోనే ఈ ఘనత సాధించాడు. హెడ్‌.. విధ్వంసకర వీరులు క్రిస్‌ గేల్‌ (615), మ్యాక్స్‌వెల్‌ (610) కంటే వేగంగా 1000 పరుగుల మైలురాయిని చేరుకున్నాడు.ఐపీఎల్‌లో అత్యంత వేగంగా (బంతుల పరంగా) 1000 పరుగులు పూర్తి చేసిన ఆటగాళ్లు.. 545 - ఆండ్రీ రస్సెల్575 - ట్రావిస్ హెడ్*594 - హెన్రిచ్ క్లాసెన్604 - వీరేంద్ర సెహ్వాగ్610 - గ్లెన్ మాక్స్వెల్615 - క్రిస్ గేల్617 - యూసుఫ్ పఠాన్617 - సునీల్ నరైన్

ఐపీఎల్‌-2025 (IPL 2025)లో సన్‌రైజర్స్‌ హైదరాబాద్‌తో మ్యాచ్‌లో పంజాబ్‌ కింగ్స్‌కు చేదు అనుభవమే మిగిలింది. ధనాధన్‌ బ్యాటింగ్‌తో దంచికొట్టినా.. ఆతిథ్య జట్టు ఓపెనింగ్‌ జోడీ ‘ట్రావిషేక్‌’ (Travis Head- Abhishek Sharma) చెలరేగడంతో శ్రేయస్‌ అయ్యర్‌ సేనకు పరాజయం తప్పలేదు. ఈ విధ్వంసకర బ్యాటర్లను కట్టడి చేసేందుకు పంజాబ్‌ బౌలర్లు ఎంతగా ప్రయత్నించినా సఫలం కాలేకపోయారు.భావోద్వేగాల డోలికల్లోఫలితంగా రైజర్స్‌ చేతిలో పంజాబ్‌ ఎనిమిది వికెట్ల తేడాతో ఓటమి పాలైంది. ఇక ఈ మ్యాచ్‌ సందర్భంగా పంజాబ్‌ కింగ్స్‌ ఆటగాళ్లు భావోద్వేగాల డోలికల్లో తేలిపోయారు. ముఖ్యంగా విధ్వంసకర ఇన్నింగ్స్‌ ఆడిన తర్వాత కెప్టెన్‌ శ్రేయస్‌ అయ్యర్‌ (Shreyas Iyer- 36 బంతుల్లో 82) ముఖం సంతోషంతో వెలిగిపోయింది.ఇక లోయర్‌ ఆర్డర్‌లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపు ఇన్నింగ్స్‌ ఆడి.. స్కోరును 230 దాటించిన వేళ పంజాబ్‌ శిబిరంలో నవ్వులు పూశాయి. అయితే, ఈ సంతోషం ఎక్కువ సేపు నిలవలేదు.Timber Strike and Outfoxed ⚡️Harshal Patel with a 4⃣-fer to provide calm amidst chaos 🧡Updates ▶ https://t.co/RTe7RlXDRq #TATAIPL | #SRHvPBKS | @HarshalPatel23 pic.twitter.com/pnLsDo8sJL— IndianPremierLeague (@IPL) April 12, 2025 ఆకాశమే హద్దుగాపంజాబ్‌ విధించిన 246 పరుగుల లక్ష్యాన్ని ఛేదించే క్రమంలో సన్‌రైజర్స్‌ ఓపెనర్లు ఆకాశమే హద్దుగా చెలరేగారు. పంజాబ్‌ ఫీల్డర్ల తప్పిదాలను క్యాష్‌ చేసుకుని మరో తొమ్మిది బంతులు మిగిలి ఉండగానే జట్టును గెలుపుతీరాలకు చేర్చడంలో కీలక పాత్ర పోషించారు.ట్రవిస్‌ హెడ్‌ 37 బంతుల్లో 66 పరుగులతో దుమ్ములేపగా.. అభిషేక్‌ శర్మ 55 బంతుల్లో ఏకంగా 14 ఫోర్లు, 10 సిక్సర్ల సాయంతో ఏకంగా 141 పరుగులతో చిరస్మరణీయ ఇన్నింగ్స్‌ ఆడాడు. ఆఖర్లో హెన్రిచ్‌ క్లాసెన్‌ (14 బంతుల్లో 21*), ఇషాన్‌ కిషన్‌ (6 బంతుల్లో 9*) కలిసి రైజర్స్‌ గెలుపును ఖరారు చేశారు. దీంతో పంజాబ్‌ ఆటగాళ్ల ముఖాలు వెలిసిపోయాయి.ముందు నన్ను అడగాలి కదా!ఇక ఈ మ్యాచ్‌ సందర్భంగా బౌలర్ల వైఫల్యం, ఫీల్డర్ల తప్పిదాల కారణంగా పంజాబ్‌ కెప్టెన్‌ శ్రేయస్‌ అయ్యర్‌ కోపం నషాళానికి అంటింది. ముఖ్యంగా గ్లెన్‌ మాక్స్‌వెల్‌, అంపైర్‌ చేసిన పనితో అతడు తీవ్ర స్థాయిలో ఆగ్రహం వ్యక్తం చేశాడు. సన్‌రైజర్స్‌ ఇన్నింగ్స్‌లో ఐదో ఓవర్‌ను స్పిన్‌ బౌలింగ్‌ ఆల్‌రౌండర్‌ మాక్సీ వేశాడు.అయితే, ఆ ఓవర్లో లెగ్‌ సైడ్‌ దిశగా సంధించిన ఫ్లాటర్‌ డెలివరీ (రెండో బంతి) అంపైర్‌ వైడ్‌గా ప్రకటించడం మాక్సీకి రుచించలేదు. దీంతో అతడు రివ్యూ (డీఆర్‌ఎస్‌) తీసుకోవాలనే ఉద్దేశంతో ‘T’ సంజ్ఞ చూపించాడు. అంపైర్‌ అందుకు అంగీకరించగా.. కెప్టెన్‌ శ్రేయస్‌ అయ్యర్‌కు కోపం వచ్చింది.సాధారణంగా ఫీల్డింగ్‌ టీమ్‌ రివ్యూ విషయంలో ఆన్‌ ఫీల్డ్‌ అంపైర్‌ కెప్టెన్‌ నిర్ణయం తర్వాతే స్పందిస్తాడు. కానీ ఇక్కడ అలా జరుగలేదు. దీంతో కోపోద్రిక్తుడైన శ్రేయస్‌ అయ్యర్‌.. ‘‘అంపైర్‌.. ముందు నన్ను అడగాలి కదా.. నన్ను.. నన్ను అడగాలి కదా!’’ అంటూ తనవైపు వేలు చూపిస్తూ అసంతృప్తి వెళ్లగక్కాడు. ఇందుకు సంబంధించిన దృశ్యాలు సోషల్‌ మీడియాలో చక్కర్లు కొడుతున్నాయి.ఐపీఎల్‌-2025: హైదరాబాద్‌ వర్సెస్‌ పంజాబ్‌👉వేదిక: రాజీవ్‌ గాంధీ అంతర్జాతీయ స్టేడియం, ఉప్పల్‌, హైదరాబాద్‌👉టాస్‌: పంజాబ్‌.. తొలుత బ్యాటింగ్‌👉పంజాబ్‌ స్కోరు: 245/6 (20)👉హైదరాబాద్‌ స్కోరు: 247/2 (18.3)👉ఫలితం: ఎనిమిది వికెట్ల తేడాతో హైదరాబాద్‌ చేతిలో పంజాబ్‌ చిత్తు👉ప్లేయర్‌ ఆఫ్‌ ది మ్యాచ్‌: అభిషేక్‌ శర్మ.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌నాకైతే నవ్వొస్తోంది.. అభిషేక్‌ లక్కీ.. అతడుంటే వికెట్లు తీసేవాడు: శ్రేయస్ Shreyash iyer i am the captain momentIn SRH vs PBKS high scoring matchGlenn Maxwell asked for review and umpire took itThen shreyash iyer came and said i am the captain ask me i will take review #SRHvsPBKSpic.twitter.com/bADvhNrLQw— Viraj Rk17 (@VirajRk17) April 12, 2025

ఐపీఎల్‌-2025 (IPL 2025)లో పంజాబ్‌ కింగ్స్‌ జైత్రయాత్రకు సన్‌రైజర్స్‌ హైదరాబాద్‌ (SRH) అడ్డుకట్ట వేసింది. భారీ స్కోరు సాధించినా.. పంజాబ్‌కు ఆ సంతోషాన్ని మిగలనివ్వలేదు. ఆడుతూ పాడుతూ.. లక్ష్యాన్ని ఛేదించి శ్రేయస్‌ అయ్యర్‌ సేనకు ఊహించని షాకిచ్చింది. విధ్వంసకర బ్యాటింగ్‌లో తమకు తిరుగులేదని మరోసారి చాటుకుని.. పంజాబ్‌ను ఏకంగా ఎనిమిది వికెట్లతో రైజర్స్‌ చిత్తు చేసింది.ఈ నేపథ్యంలో ఓటమి అనంతరం పంజాబ్‌ కింగ్స్‌ కెప్టెన్‌ శ్రేయస్‌ అయ్యర్‌ (Shreyas Iyer) చేసిన వ్యాఖ్యలు వైరల్‌గా మారాయి. ‘‘నిజం చెప్పాలంటే మేము అద్బుతంగా బ్యాటింగ్‌ చేసి భారీ స్కోరు సాధించాము. కానీ వాళ్లు.. మరో రెండు ఓవర్లు మిగిలి ఉండగానే దానిని ఛేదించేశారు.నాకైతే నవ్వొస్తోంది.. అభిషేక్‌ లక్కీ..ఇదెలా సాధ్యమైందో!.. నాకైతో నవ్వు వస్తోంది. మేము కొన్ని క్యాచ్‌లు మిస్‌ చేశాం. అభిషేక్‌ అదృష్టవంతుడు. అసాధారణ ఆటగాడు. మేము అంచనాలకు తగ్గట్లుగా బౌలింగ్‌ చేయలేకపోయాం. పొరపాట్లను సమీక్షించుకోవాలి.ఏదేమైనా అభిషేక్‌- ట్రవిస్‌ హెడ్‌ మధ్య ఓపెనింగ్‌ భాగస్వామ్యం అద్భుతం అనే చెప్పాలి. మాకు పుంజుకునే అవకాశమే ఇవ్వలేదు. ఫెర్గూసన్‌ వరుస విరామాల్లో వికెట్లు తీసేవాడు. కానీ.. అతడు గాయపడ్డాడు.అత్యుత్తమ ఇన్నింగ్స్‌లో ఒకటిఈ ఓటమి నుంచి పాఠాలు నేర్చుకుని ముందుకు సాగుతాం. నేను, వధేరా 230.. మంచి స్కోరు అనుకున్నాం. కానీ రెండో ఇన్నింగ్స్‌లో మంచు ప్రభావం చూపింది. ఇక సన్‌రైజర్స్‌ ఓపెనర్లు బ్యాటింగ్‌ చేసిన తీరును మాటల్లో వర్ణించలేము. ముఖ్యంగా అభిషేక్‌ శర్మ.. నేను ఇంత వరకు చూసిన అత్యుత్తమ ఇన్నింగ్స్‌లో ఒకటి ఇది’’ అని శ్రేయస్‌ అయ్యర్‌ ప్రత్యర్థి జట్టు ఓపెనర్లపై ప్రశంసల వర్షం కురిపించాడు.కాగా ఉప్పల్‌లో శనివారం రాత్రి జరిగిన మ్యాచ్‌లో పంజాబ్‌ సన్‌రైజర్స్‌తో తలపడింది. టాస్‌ గెలిచిన శ్రేయస్‌ అయ్యర్‌.. ఆతిథ్య జట్టును తొలుత బౌలింగ్‌కు ఆహ్వానించాడు. ఇక బ్యాటింగ్‌ అనుకూలించిన పిచ్‌పై పంజాబ్‌ బ్యాటర్లు దంచికొట్టారు.శ్రేయస్‌ అయ్యర్‌ ధనాధన్‌ఓ‍పెనర్లలో ప్రియాన్ష్‌ ఆర్య (13 బంతుల్లో 36) మెరుపు వేగంతో ఆడగా.. ప్రభ్‌సిమ్రన్‌ సింగ్‌ (23 బంతుల్లో 42) రాణించాడు. వన్‌డౌన్‌లో వచ్చిన కెప్టెన్‌ శ్రేయస్‌ అయ్యర్‌ భారీ అర్ధ శతకం (36 బంతుల్లో 82) దుమ్ములేపగా.. ఆఖర్లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపులు మెరిపించాడు. ఫలితంగా పంజాబ్‌ 20 ఓవర్లలో ఆరు వికెట్ల నష్టానికి 245 పరుగులు చేసింది.‘ట్రావిషేక్‌’ జోడీ బీస్ట్‌ మోడ్‌ఇక లక్ష్య ఛేదనను సన్‌రైజర్స్‌ 18.3 ఓవర్లలో కేవలం రెండు వికెట్లు నష్టపోయి పూర్తి చేసింది. చాన్నాళ్ల తర్వాత రైజర్స్‌ ఓపెనింగ్‌ ‘ట్రావిషేక్‌’ జోడీ బీస్ట్‌ మోడ్‌లో బ్యాటింగ్‌ చేసింది. ట్రవిస్‌ హెడ్‌ (37 బంతుల్లో 66) అర్ధ శతకంతో ఆకట్టుకోగా.. అభిషేక్‌ శర్మ (55 బంతుల్లో 141) భారీ సెంచరీతో మెరిసి.. రైజర్స్‌ విజయంలో కీలక పాత్ర పోషించాడు. వీరుడికి అదృష్టం కూడా కలిసి వచ్చిందిఅయితే, అభిషేక్‌ శర్మ హాఫ్‌ సెంచరీ పూర్తి చేసుకున్న తర్వాత.. రైజర్స్‌ ఇన్నింగ్స్‌లో ఎనిమిదో ఓవర్‌ చహల్‌ వేశాడు. అతడి బౌలింగ్‌లో అభి ఇచ్చిన రిటర్న్‌ క్యాచ్‌ను చహల్‌ మిస్‌ చేశాడు. అంతకంటే ముందు అంటే మూడో ఓవర్లో అభి రనౌట్‌ ప్రమాదం నుంచి తప్పించుకున్నాడు. తర్వాత(3.4 ఓ‍వర్‌) నోబాల్‌ ద్వారా లైఫ్‌ పొందాడు. ఆ తర్వాత.. అంటే 12.4 వద్ద అభి శతకం పూర్తి చేసుకుని ఐపీఎల్‌లో ఫాస్టెస్ట్‌ సెంచరీ (40 బంతుల్లో) నమోదు చేసిన బ్యాటర్ల జాబితాలో చేరాడు. మరోవైపు.. పంజాబ్‌ బౌలర్‌ ఫెర్గూసన్‌ రెండు బంతులు వేసిన తర్వాత గాయంతో మైదానం వీడాడు.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌ FORTUNE FAVOURS THE BRAVE, INDEED! 🙌#AbhishekSharma, what an innings 💪#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/x4FqzXsiWI— Star Sports (@StarSportsIndia) April 12, 2025WHAT. A. MOMENT. 🙌100 reasons to celebrate #AbhishekSharma's knock tonight! PS. Don't miss his special message for #OrangeArmy 🧡Watch the LIVE action ➡ https://t.co/HQTYFKNoGR#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/DECkzxRYhi— Star Sports (@StarSportsIndia) April 12, 20254, 6, CAUGHT but NO-BALL, 6 on Free-hit! 🔥Stop watch you're doing because it's all happening in Hyderabad 🥶Watch the LIVE action ➡ https://t.co/HQTYFKNoGR#IPLonJioStar 👉 #SRHvPBKS | LIVE NOW on Star Sports Network & JioHotstar! pic.twitter.com/vAEZNA65wD— Star Sports (@StarSportsIndia) April 12, 2025

ఐపీఎల్‌-2025లో సన్‌రైజర్స్‌ హైదరాబాద్‌- పంజాబ్‌ కింగ్స్‌ (SRH vs PBKS) మధ్య శనివారం నాటి మ్యాచ్‌ ఆద్యంత ఆసక్తికరంగా సాగింది. ఇరుజట్లు ఉప్పల్‌ మైదానంలో పరుగుల వరద పారిస్తూ.. టీ20 ప్రేమికులకు అసలైన మజా అందించాయి. అయితే, విధ్వంసకర బ్యాటింగ్‌కు పెట్టింది పేరైన సన్‌రైజర్స్‌ సొంతగడ్డపై పంజాబ్‌పై పైచేయి సాధించి విజయంతో ఈ హోరాహోరీ పోరును ముగించింది.ఇక ఈ మ్యాచ్‌ సందర్భంగా ఆస్ట్రేలియా స్టార్లు, పంజాబ్‌ కింగ్స్‌ ఆటగాళ్లు గ్లెన్‌ మాక్స్‌వెల్‌ (Glenn Maxwell), మార్కస్‌ స్టొయినిస్‌ (Marcus Stoinis).. సహచర ఆటగాడు, సన్‌రైజర్స్‌ ఓపెనర్‌ అయిన ట్రవిస్‌ హెడ్‌ మధ్య వాగ్వాదం జరిగింది. పంజాబ్‌ విధించిన 246 పరుగుల లక్ష్యాన్ని ఛేదించే క్రమంలో సన్‌రైజర్స్‌ ఓపెనర్లు హెడ్‌, అభిషేక్‌ శర్మ ఆది నుంచే దూకుడుగా ఆడారు.మాక్సీ బౌలింగ్‌లో వరుసగా రెండు సిక్సర్లుఈ క్రమంలో తొమ్మిదో ఓవర్లో పంజాబ్‌ స్పిన్‌ బౌలింగ్‌ ఆల్‌రౌండర్‌ గ్లెన్‌ మాక్స్‌వెల్‌ బంతితో రంగంలోకి దిగాడు. అతడి బౌలింగ్‌లో మొదటి బంతిని ఎదుర్కొన్న హెడ్‌ ఒక పరుగు తీయగా.. మరో బంతికి అభి కూడా సింగిల్‌తో సరిపెట్టుకున్నాడు.అయితే, ఆ తర్వాత హెడ్‌ గేరు మార్చాడు. మాక్సీ వేసిన మూడో బంతిని 78 మీటర్ల సిక్సర్‌గా మలిచిన ఈ కంగారూ బ్యాటర్‌.. మరుసటి బంతిని మరోసారి మిడ్‌ వికెట్‌గా తరలించి.. 84 మీటర్ల మేర భారీ సిక్సర్‌ నమోదు చేశాడు. దీంతో మాక్సీ విసుగెత్తిన మాక్సీ హెడ్‌ను చూస్తూ ఏదో అన్నాడు. ఆ తర్వాత రెండు బంతులను డాట్‌ చేశాడు.MAXIMUMS 🆚 Maxwell 👀Travis Head completes a blistering half-century 💥Updates ▶ https://t.co/RTe7RlXDRq#TATAIPL | #SRHvPBKS | @travishead34 pic.twitter.com/PuUmUbj1On— IndianPremierLeague (@IPL) April 12, 2025మాక్సీ, స్టొయినిస్‌తో గొడవ.. స్పందించిన ట్రవిస్‌ హెడ్‌ఈ క్రమంలో ఓవర్‌ ముగిసిన అనంతరం మాక్స్‌వెల్‌కు హెడ్‌ కూడా గట్టిగానే బదులిచ్చాడు. ఇద్దరూ కలిసి వాగ్వాదానికి దిగగా.. అంపైర్‌ వారిని నవ్వుతూనే సున్నితంగా మందలించాడు. ఇంతలో స్టొయినిస్‌ కూడా మధ్యలోకి వచ్చాడు. హెడ్‌తో అతడూ కాసేపు వాదించి వెళ్లిపోయాడు.ఇందుకు సంబంధించిన దృశ్యాలు నెట్టింట వైరల్‌ కాగా.. ‘‘ఆస్ట్రేలియా ఆటగాళ్లు... ఇప్పుడు తమ సహచర ప్లేయర్‌నే స్లెడ్జింగ్‌ చేసేంతగా ఎదిగిపోయారు’’ అంటూ నెటిజన్లు సెటైర్లు వేస్తున్నారు. ఈ నేపథ్యంలో మాక్సీ- స్టొయినిస్‌తో ‘గొడవ’పై ట్రవిస్‌ హెడ్‌ స్పందించాడు.బెస్ట్‌, వరస్ట్‌ అంటూ..పంజాబ్‌పై సన్‌రైజర్స్‌ విజయానంతరం మాట్లాడుతూ.. ‘‘మన గురించి బాగా తెలిసిన వాళ్లే.. మనలోని అధమస్థాయి, అత్యుత్తమ వ్యక్తిత్వాన్ని బయటకు తీయగలరు కదా!.. మా మధ్య వాగ్వాదం అంత తీవ్రమైనది కాదు.. ఏదో సరదాగా అలా టీజ్‌ చేసుకున్నాం అంతే’’ అని ట్రవిస్‌ హెడ్‌.. సహచర ఆటగాళ్లతో తనకున్న అనుబంధం గురించి చెప్పాడు. కాగా ట్రవిస్‌ హెడ్‌, గ్లెన్‌ మాక్స్‌వెల్‌, మార్కస్‌ స్టొయినిస్‌ అంతర్జాతీయ స్థాయిలో ఆస్ట్రేలియా తరఫున అగ్రశ్రేణి ఆటగాళ్లుగా కొనసాగుతున్న విషయం తెలిసిందే.కాగా పంజాబ్‌తో మ్యాచ్‌లో ట్రవిస్‌ హెడ్‌ 37 బంతుల్లో 9 ఫోర్లు, 3 సిక్సర్ల సాయంతో 66 పరుగులు సాధించాడు. యజువేంద్ర చహల్‌ బౌలింగ్‌లో మాక్స్‌వెల్‌కు క్యాచ్‌ ఇచ్చి పెవిలియన్‌ చేరాడు. మరోవైపు అభిషేక్‌ శర్మ విధ్వంసకర శతకం (55 బంతుల్లో 141)తో విరుచుకుపడి సన్‌రైజర్స్‌ గెలుపులో కీలక పాత్ర పోషించాడు.ఐపీఎల్‌-2025: హైదరాబాద్‌ వర్సెస్‌ పంజాబ్‌👉పంజాబ్‌ స్కోరు: 245/6 (20)👉హైదరాబాద్‌ స్కోరు: 247/2 (18.3)👉ఫలితం: ఎనిమిది వికెట్ల తేడాతో హైదరాబాద్‌ చేతిలో పంజాబ్‌ చిత్తు👉ప్లేయర్‌ ఆఫ్‌ ది మ్యాచ్‌: అభిషేక్‌ శర్మ.చదవండి: అతడి బ్యాటింగ్‌కు వీరాభిమానిని.. వాళ్లంతా అద్భుతం: కమిన్స్‌ఎగిరి గంతులేసిన కావ్యా మారన్‌.. అభిషేక్‌ తల్లిని హగ్‌ చేసుకుని మరీ! వీడియో Fight between Travis Head, Maxwell & Stoinis in IPL.IPL on peak#SRHvsPBKS pic.twitter.com/LaiRMAExIC— Hindutva Knight (@KinghtHindutva) April 12, 2025

వరుస పరాజయాల తర్వాత సన్‌రైజర్స్‌ హైదరాబాద్‌ (SRH) ఎట్టకేలకు గెలుపు బాట పట్టింది. సొంత మైదానంలో పంజాబ్‌ కింగ్స్‌ (PBKS)ను చిత్తు చేసి.. ఆరెంజ్‌ ఆర్మీని సంతోషపెట్టింది. ఉప్పల్‌లో పరుగుల వరద పారించి మరోసారి తమదైన దూకుడుతో జయభేరి మోగించింది. ఈ నేపథ్యంలో విజయానంతరం రైజర్స్‌ కెప్టెన్‌ ప్యాట్‌ కమిన్స్‌ (Pat Cummins) సంతోషం వ్యక్తం చేశాడు.అభిషేక్‌ శర్మ బ్యాటింగ్‌కు వీరాభిమానిని‘‘నిజంగా ఇదొక అద్బుత విజయం. మా శైలిలో దూకుడుగా ఆడి గెలిచాం. ఈ వికెట్‌ చాలా చాలా బాగుంది. ఇక్కడ బౌలర్‌ ఓ ఓవర్‌లో పది పరుగుల కంటే తక్కువ రన్స్‌ ఇచ్చాడంటే అదే గొప్ప. అందుకే మేము పంజాబ్‌ విధించిన లక్ష్యాన్ని సులువుగానే ఛేదించగలమనే ఆత్మవిశ్వాసం కలిగింది.నేను అభిషేక్‌ శర్మ బ్యాటింగ్‌కు వీరాభిమానిని. ఏదేమైనా మేము బ్యాటింగ్‌ శైలిని మార్చుకునేందుకు సిద్ధంగా లేము. గతేడాది మా వాళ్లు ఎలా ఆడారో అందరికీ తెలుసు. ఈసారి కూడా అదే శైలిని కొనసాగిస్తాం. మా బ్యాటర్ల నైపుణ్యాలపై మాకు నమ్మకం ఉంది.వాళ్లు అద్భుతమైన వాళ్లుఇక ఆరెంజ్‌ ఆర్మీ గురించి ప్రత్యేకంగా చెప్పేదేముంది?!... వాళ్లు అద్భుతమైన వాళ్లు.. మా కోసం సన్‌రైజర్స్‌ జెండాలు రెపరెపలాడిస్తూ.. చుట్టూ అందమైన, ఆహ్లాదకరమైన వాతావరణం కల్పిస్తారు’’ అంటూ ప్యాట్‌ కమిన్స్‌ తన ఆనందాన్ని పంచుకున్నాడు.వరుసగా నాలుగు ఓడికాగా ఐపీఎల్‌-2025లో తొలుత ఉప్పల్‌లో రాజస్తాన్‌ రాయల్స్‌తో మ్యాచ్‌ ఆడిన కమిన్స్‌ బృందం.. ఘన విజయంతో సీజన్‌ను మొదలుపెట్టింది. కానీ ఆ తర్వాత వరుసగా లక్నో సూపర్‌ జెయింట్స్‌, ఢిల్లీ క్యాపిటల్స్‌, కోల్‌కతా నైట్‌ రైడర్స్‌, గుజరాత్‌ టైటాన్స్‌ చేతిలో ఓటమి పాలైంది.విధ్వంసకర బ్యాటింగ్‌తో విజయాల బాట ఈ నేపథ్యంలో అగ్రెసివ్‌గా బ్యాటింగ్‌ చేసే సన్‌రైజర్స్‌ శైలిపై విమర్శలు వెల్లువెత్తగా కెప్టెన్‌ కమిన్స్‌తో పాటు.. హెడ్‌కోచ్‌ డానియల్‌ వెటోరీ కూడా తమ విధానం మారదని స్పష్టం చేశారు. అందుకు తగ్గట్టుగానే శనివారం నాటి మ్యాచ్‌లో సన్‌రైజర్స్‌ విధ్వంసకర బ్యాటింగ్‌తో తిరిగి విజయాల బాట పట్టింది.ఉప్పల్‌లో టాస్‌ గెలిచిన పంజాబ్‌ తొలుత బ్యాటింగ్‌ చేసింది. రైజర్స్‌ స్టైల్లోనే ఆడిన అయ్యర్‌ సేన నిర్ణీత 20 ఓవర్లలో ఆరు వికెట్ల నష్టానికి 245 పరుగులు సాధించింది. ప్రియాన్ష్‌ ఆర్య (13 బంతుల్లో 36), ప్రభ్‌సిమ్రన్‌ సింగ్‌ (23 బంతుల్లో 42).. కెప్టెన్‌ శ్రేయస్‌ అయ్యర్‌ (36 బంతుల్లో 82) ఆకాశమే హద్దుగా చెలరేగారు. ఆఖర్లో మార్కస్‌ స్టొయినిస్‌ (11 బంతుల్లో 34 నాటౌట్‌) మెరుపు ఇన్నింగ్స్‌ ఆడాడు.అభిషేక్‌ విశ్వరూపంసన్‌రైజర్స్‌ బౌలర్లలో హర్షల్‌ పటేల్‌ నాలుగు వికెట్లు తీయగా.. ఇషాన్‌ మలింగ రెండు వికెట్లు దక్కించుకున్నాడు. ఇక భారీ లక్ష్య ఛేదనలో రైజర్స్‌ ఏమాత్రం తడబడలేదు. సొంత మైదానంలో ట్రవిస్‌ హెడ్‌ (37 బంతుల్లో 66) బ్యాట్‌ ఝులిపించగా.. అభిషేక్‌ శర్మ (55 బంతుల్లో 14 ఫోర్లు, 10 సిక్సర్లతో 141) న భూతో న భవిష్యత్‌ అన్నట్లుగా భారీ శతకం బాదాడు. హెన్రిచ్‌ క్లాసెన్‌ (14 బంతుల్లో 21 నాటౌట్‌), ఇషాన్‌ కిషన్‌ (6 బంతుల్లో 9 నాటౌట్‌) పని పూర్తి చేశారు. 18.3 ఓవర్లలో రెండు వికెట్లు నష్టపోయిన రైజర్స్‌.. పంజాబ్‌ను ఎనిమిది వికెట్ల తేడాతో చిత్తు చేసింది. చదవండి: ఎగిరి గంతులేసిన కావ్యా మారన్‌.. అభిషేక్‌ తల్లిని హగ్‌ చేసుకుని మరీ! వీడియో 𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025

అభిషేక్‌ శర్మ... వరుస వైఫల్యాలకు చెక్‌ పెడుతూ అభిమానులను ఉర్రూతలూగించాడు.. ఉప్పల్‌లో బౌండరీలు, సిక్సర్ల వర్షం కురిపిస్తూ పరుగుల దాహం తీర్చుకున్నాడు.. నలభై బంతుల్లోనే వంద పరుగుల మార్కు అందుకున్న ఈ ఓపెనింగ్‌ బ్యాటర్‌.. ‘‘ఇది ఆరెంజ్‌ ఆర్మీ కోసం’’ అంటూ రాసిన పేపర్‌ చూపిస్తూ ఫ్యాన్స్‌ సంతోషం కోసం తాము ఎంతగా శ్రమిస్తున్నామో శతకనాదంతో చాటిచెప్పాడు.పంజాబ్‌ కింగ్స్‌తో శనివారం నాటి మ్యాచ్‌ సందర్భంగా సన్‌రైజర్స్‌ హైదరాబాద్‌ స్టార్‌ అభిషేక్‌ తన చేతికే బ్యాట్‌ మొలిచిందా అన్నట్లు అలవోకగా అలా షాట్లు బాదుతూ.. ప్రేక్షకులకు పైసా వసూల్‌ ప్రదర్శన ఇచ్చాడు. అతడలా ఫోర్లు, సిక్స్‌లు కొడుతుంటే పంజాబ్‌ బ్యాటర్లు అలా చూస్తూ ఉండిపోయారే తప్ప అతడి దూకుడుకు కళ్లెం వేయలేకపోయారు.ఈ క్రమంలో మొత్తంగా 55 బంతులు ఎదుర్కొన్న అభిషేక్‌ శర్మ 141 పరుగులతో దుమ్ములేపాడు. అతడి ఇన్నింగ్స్‌లో ఏకంగా పద్నాలుగు ఫోర్లు, పది సిక్సర్లు ఉండటం విశేషం. అర్ష్‌దీప్‌ సింగ్‌ బౌలింగ్‌లో ప్రవీణ్‌ దూబేకు క్యాచ్‌ ఇవ్వడంతో అభి తుఫాన్‌ ఇన్నింగ్స్‌కు తెరపడింది. అయితే, క్రీజులో ఉన్నంత సేపు చక్కటి షాట్లతో అలరించిన అభిషేక్‌ను చూస్తూ అభిమానులు మురిసిపోయారు.ఎగిరి గంతులేస్తూ.. అభిషేక్‌ ల్లి ఆలింగనం చేసుకునిఇక సన్‌రైజర్స్‌ హైదరాబాద్‌ జట్టు యజమాని కావ్యా మారన్‌ ఆనందానికైతే అవధుల్లేకుండా పోయాయి. అభి సెంచరీ పూర్తి చేసుకోగానే ఆమె సంబరాలు అంబరాన్నంటాయి. సీట్లో నుంచి లేచి ఎగిరి గంతులేస్తూ కావ్య.. కరతాళధ్వనులతో అభిని అభినందించింది. పక్కనే ఉన్న రైజర్స్‌ మద్దతుదారులతో కరచాలం చేసిన కావ్య.. అభిషేక్‌ ల్లి ఆలింగనం చేసుకుని సంతోషాన్ని పంచుకుంది. 𝘼 𝙣𝙤𝙩𝙚-𝙬𝙤𝙧𝙩𝙝𝙮 𝙏𝙊𝙉 💯A stunning maiden #TATAIPL century from Abhishek Sharma keeps #SRH on 🔝 in this chase 💪Updates ▶ https://t.co/RTe7RlXDRq#TATAIPL | #SRHvPBKS | @SunRisers pic.twitter.com/ANgdm1n86w— IndianPremierLeague (@IPL) April 12, 2025ఎన్నాళ్లకెన్నాళ్లకు..ఇందుకు సంబంధించిన వీడియోలు సోషల్‌ మీడియాలో వైరల్‌గా మారాయి. ఇది చూసిన నెటిజన్లు.. ‘‘ఎన్నాళ్లకెన్నాళ్లకు.. కావ్యా కళ్లలో ఆనందం.. ఈరోజు అభిషేక్‌ శర్మదే.. సన్‌రైజర్స్‌ది... ఆరెంజ్‌ ఆర్మీకి కన్నుల విందు అందించారు’’ అంటూ కామెంట్లు చేస్తున్నారు. కాగా ఐపీఎల్‌-2025లో తమ ఆరంభ మ్యాచ్‌లో రాజస్తాన్‌ రాయల్స్‌పై గెలిచిన సన్‌రైజర్స్‌ .. ఆ తర్వాత వరుసగా నాలుగు ఓటములు చవిచూసింది.ఈ క్రమంలో శుక్రవారం పంజాబ్‌ కింగ్స్‌తో తలపడ్డ ప్యాట్‌ కమిన్స్‌ బృందం తమదైన శైలిలో కమ్‌బ్యాక్ ఇచ్చింది. సొంత మైదానం ఉప్పల్‌లో టాస్‌ ఓడి తొలుత బౌలింగ్‌ చేసిన రైజర్స్‌.. బౌలర్లు పెద్దగా రాణించకపోవడంతో భారీగానే పరుగులు ఇచ్చుకుంది.పంజాబ్‌ ఫటాఫట్‌పంజాబ్‌ బ్యాటర్లలో ఓపెనర్లు ప్రియాన్ష్‌ ఆర్య (13 బంతుల్లో 36), ప్రభ్‌సిమ్రన్‌సింగ్‌ (23 బంతుల్లో 42) దంచికొట్టగా.. శ్రేయస్‌ అయ్యర్‌ కెప్టెన్‌ ఇన్నింగ్స్‌ (36 బంతుల్లో 82)తో చెలరేగాడు. మిగతా వాళ్లలో నేహల్‌ వధేరా (27), మార్కస్‌ స్టొయినిస్‌ (11 బంతుల్లో 34 నాటౌట్‌) రాణించారు.రైజర్స్‌ రైట్‌ రైట్‌ఇక లక్ష్య ఛేదనను దూకుడుగా ఆరంభించిన సన్‌రైజర్స్‌ 18.3 ఓవర్లలో కేవలం రెండు వికెట్లు నష్టపోయి పని పూర్తి చేసింది. ఓపెనర్లలో ట్రవిస్‌ హెడ్‌ (37 బంతుల్లో 66) ధనాధన్‌ ఇన్నింగ్స్‌ ఆడగా.. అభిషేక్‌ శర్మ (55 బంతుల్లో 141) విధ్వంసకర శతకంతో విరుచుకుపడ్డాడు. హెన్రిచ్‌ క్లాసెన్‌ (14 బంతుల్లో 21), ఇషాన్‌ కిషన్‌ (6 బంతుల్లో 9) కలిసి జట్టు విజయాన్ని ఖరారు చేశారు.చదవండి: IPL 2025: చ‌రిత్ర సృష్టించిన అభిషేక్ శర్మ.. తొలి క్రికెట‌ర్‌

ఆస్ట్రేలియా స్టార్‌, స‌న్‌రైజ‌ర్స్ హైద‌రాబాద్ ఓపెన‌ర్ ట్రావిస్ హెడ్ నెటిజ‌న్ల‌ అగ్ర‌హానికి గుర‌య్యాడు. ఓ మ‌హిళా అభిమానితో హెడ్‌ సెల్ఫీ తీసుకోవడానికి నిరాకరించడమే ఇందుకు కార‌ణం. ఐపీఎల్‌-2025లో వ‌రుస ఓట‌ముల‌తో స‌త‌మ‌త‌వుతున్న ఎస్ఆర్‌హెచ్ త‌మ త‌దుప‌రి మ్యాచ్‌లో హైదరాబాద్ వేదిక‌గా ఏప్రిల్ 12న పంజాబ్ కింగ్స్‌తో త‌ల‌ప‌డ‌నుంది.ఈ క్ర‌మంలో ట్రావిస్‌ హెడ్ తాజాగా హైదరాబాద్ లోని ఓ సూపర్ మార్కెట్ కి వెళ్ళాడు ఈ సంద‌ర్భంగా ఓ లేడి ఫ్యాన్ అత‌డికి వ‌ద్ద‌కు వ‌చ్చి సెల్ఫీ దిగేందుకు ప్ర‌య‌త్నించింది. అందుకు హెడ్ నో అంటూ నిరాకరించాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.దీంతో హెడ్‌పై నెటిజ‌న్లు విమ‌ర్శ‌ల వ‌ర్షం కురిపిస్తున్నాడు. సెల్ఫీ ఇవ్వ‌డానికి అంత క‌ష్ట‌మా అని మండిప‌డుతున్నారు. అయితే మ‌రికొంత‌మంది హెడ్‌కు మ‌ద్ద‌తుగా నిలుస్తున్నారు. బహిరంగ ప్రదేశాల్లో ఆట‌గాళ్ల‌ ప్రైవ‌సీని గౌర‌వించాల‌ని కామెంట్లు పెడుతున్నారు.ఇక ఈ ఏడాది సీజ‌న్‌లో స‌న్‌రైజ‌ర్స్ త‌మ స్దాయికి త‌గ్గ ప్ర‌ద‌ర్శ‌న చేయ‌లేక‌పోతుంది. ఈ ఏడాది సీజ‌న్‌లో ఇప్ప‌టివ‌ర‌కు ఐదు మ్యాచ్‌లు ఆడిన ఆరెంజ్ ఆర్మీ.. కేవ‌లం ఒక్క విజయంతో పాయింట్ల ప‌ట్టిక‌లో ఆఖ‌రి స్ధానంలో కొన‌సాగుతోంది. ట్రావిస్ హెడ్ కూడా త‌న మార్క్ చూపించ‌లేక‌పోతున్నాడు. ఐదు మ్యాచ్‌లు ఆడి 29.60 స‌గ‌టుతో 148 ప‌రుగులు మాత్ర‌మే చేశాడు. View this post on Instagram A post shared by Zayn khan (@zayn_vloggs)

సన్‌రైజర్స్‌ హైదరాబాద్‌ ఆట తీరు రోజురోజుకీ అధ్వానంగా తయారవుతోంది. ఐపీఎల్‌-2025 (IPL 2025)లో ఇప్పటికే హ్యాట్రిక్‌ పరాజయాలు నమోదు చేసిన కమిన్స్‌ బృందం.. తాజాగా గుజరాత్‌ టైటాన్స్‌ చేతిలో ఓటమిపాలైంది. సొంత మైదానం ఉప్పల్‌లో ఆదివారం జరిగిన మ్యాచ్‌లో ఏడు వికెట్ల తేడాతో ఓడిపోయింది.సమిష్టి వైఫల్యంతో పరాజయాల సంఖ్యను నాలుగుకు పెంచుకుని పాయింట్ల పట్టికలో అట్టడుగున కొనసాగుతోంది. ఇందుకు ప్రధాన కారణం టాపార్డర్‌ దారుణంగా విఫలం కావడమే. ముఖ్యంగా విధ్వంసకర ఓపెనర్లుగా పేరొందిన అభిషేక్‌ శర్మ (Abhishek Sharma), ట్రవిస్‌ హెడ్‌ (Travid Head) దూకుడుగా ఆడే క్రమంలో వికెట్‌ పారేసుకోవడం.. జట్టులోకి కొత్తగా వచ్చి వన్‌డౌన్‌లో ఆడుతున్న టీమిండియా స్టార్‌ ఇషాన్‌ కిషన్‌ కూడా వరుస మ్యాచ్‌లలో చేతులెత్తేయడం తీవ్ర ప్రభావం చూపుతోంది.టాపార్డర్‌ మరోసారి కుదేలుగుజరాత్‌ టైటాన్స్‌తో మ్యాచ్‌లోనూ ఈ బ్యాటింగ్‌ త్రయం దారుణంగా విఫలమైంది. అభిషేక్‌ 16 బంతుల్లో 18 చేసి నిష్క్రమించగా.. హెడ్‌ ఐదు బంతులు ఎదుర్కొని కేవలం 8 పరుగులే చేశాడు. ఈ ఇద్దరి వికెట్లను హైదరాబాదీ స్టార్‌, గుజరాత్‌ పేసర్‌ మహ్మద్‌ సిరాజ్‌ తన ఖాతాలో వేసుకున్నాడు.Hyderabad + New ball = Miyan Magic!#MohammedSiraj rocks #SRH early with the big wicket of #TravisHead in the opening over! 👊🏻Watch LIVE action ➡ https://t.co/meyJbjwpV0#IPLonJioStar 👉 SRH 🆚 GT | LIVE NOW on Star Sports 1, Star Sports 1 Hindi, Star Sports 2, Star Sports 2… pic.twitter.com/Vokiul9meR— Star Sports (@StarSportsIndia) April 6, 2025 సహనం కోల్పోయిన కావ్యా మారన్‌ఇక ఓపెనర్ల వరుస వైఫల్యాలతో విసుగెత్తిన సన్‌రైజర్స్‌ యజమాని కావ్యా మారన్‌ తీవ్ర నిరాశకు గురయ్యారు. ‘‘అసలు మీరు ఏం చేస్తున్నారు? ఇంత ఘోరంగా అవుటవుతారా? ఇదేం బ్యాటింగ్‌’’ అన్నట్లుగా హావభావాలు పలికిస్తూ తలను బాదుకున్నారు. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.Ruk jao bhai kya kar rahe ho Normal cricket khel lo ab 🤣🤣Kavya maran's reactions 🤌🏽🤣 pic.twitter.com/O39QTMNgPc— ••TAUKIR•• (@iitaukir) April 6, 2025సిరాజ్‌ ‘స్ట్రోక్‌’ఇక మ్యాచ్‌ విషయానికొస్తే.. టాస్ ఓడి తొలుత బ్యాటింగ్‌ చేసిన సన్‌రైజర్స్‌ నిర్ణీత 20 ఓవర్లలో ఎనిమిది వికెట్ల నష్టానికి 152 పరుగులు చేసింది. అభిషేక్‌ శర్మ (18), ట్రవిస్‌ హెడ్‌ (8), ఇషాన్‌ కిషన్‌ (17) మరోసారి చేతులెత్తేయగా.. నితీశ్‌ రెడ్డి (31) రాణించాడు. హెన్రిచ్‌ క్లాసెన్‌ (19 బంతుల్లో 27), కమిన్స్‌ (9 బంతుల్లో 22) వేగంగా ఆడి స్కోరును 150 పరుగుల మార్కు దాటించారు.గుజరాత్‌ బౌలర్లలో లోకల్‌ బాయ్‌ సిరాజ్‌ నాలుగు వికెట్లతో చెలరేగగా.. ప్రసిద్‌ కృష్ణ, సాయి కిషోర్‌ రెండేసి వికెట్లు కూల్చారు. లక్ష్య ఛేదనకు దిగిన గుజరాత్‌కు రైజర్స్‌ పేసర్‌ షమీ ఆరంభంలోనే షాకిచ్చాడు. ఓపెనర్‌ సాయి సుదర్శన్‌ను 5 పరుగులకే పెవిలియన్‌కు పంపించాడు.గిల్‌, వాషీ, రూథర్‌ఫర్డ్‌ ధనాధన్‌అదే విధంగా.. ప్రమాదకర బ్యాటర్‌ జోస్‌ బట్లర్‌ను కెప్టెన్‌ కమిన్స్‌ డకౌట్‌ చేశాడు. అయితే, రెండు కీలక వికెట్లు తీసిన ఆనందం సన్‌రైజర్స్‌కు ఎక్కువ సేపు నిలవలేదు. ఓపెనర్‌ శుభ్‌మన్‌ గిల్‌ (43 బంతుల్లో 61 నాటౌట్‌) కెప్టెన్‌ ఇన్నింగ్స్‌తో మెరవగా.. నాలుగో స్థానంలో వచ్చిన ఆల్‌రౌండర్‌ వాషింగ్టన్‌ సుందర్‌ ధనాధన్‌ (29 బంతుల్లో 49) దంచికొట్టాడు.ఆఖర్లో షెర్ఫానే రూథర్‌ఫర్డ్‌ (16 బంతుల్లో 6 ఫోర్లు, ఒక సిక్సర్‌ సాయంతో 35) తన పవర్‌ హిట్టింగ్‌తో గిల్‌తో కలిసి జట్టును విజయతీరాలకు చేర్చాడు. గిల్‌, వాషీ, రూథర్‌ఫర్డ్‌ ఇన్నింగ్స్‌ కారణంగా 16.4 ఓవర్లలోనే లక్ష్యాన్ని ఛేదించిన గుజరాత్‌ ఏడు వికెట్ల తేడాతో సన్‌రైజర్స్‌పై విజయఢంకా మోగించింది.Glorious shots on display 🫡Captain Shubman Gill led from the top and remained unbeaten with a well constructed innings of 61(43) 👏Scorecard ▶ https://t.co/Y5Jzfr7tkC#TATAIPL | #SRHvGT | @ShubmanGill pic.twitter.com/1CWQU5gd82— IndianPremierLeague (@IPL) April 6, 2025 చదవండి: SRH VS GT: వారి పేసర్లను ఎదుర్కోవడం మా బ్యాటర్ల వల్ల కాలేదు: కమిన్స్‌

సన్‌రైజర్స్‌ హైదరాబాద్‌ (SRH) బ్యాటింగ్‌ తీరుపై టీమిండియా మాజీ క్రికెటర్‌ వీరేంద్ర సెహ్వాగ్‌ విమర్శలు గుప్పించాడు. పేరుకే జట్టులో ‘విధ్వంసకర బ్యాటర్లు’ ఉన్నారని.. కానీ వారి వల్ల ప్రేక్షకులకు ఎలాంటి వినోదం లభించడం లేదని పేర్కొన్నాడు. బౌలర్లకు అంతగా సహకరించని ఈడెన్‌ గార్డెన్స్‌ పిచ్‌పై కూడా పరుగులు చేయలేక.. చేతులెత్తేయడం వారి పేలవ ప్రదర్శనకు నిదర్శనమని పేర్కొన్నాడు.ఐపీఎల్‌-2024లో అద్భుత బ్యాటింగ్‌తో ఫైనల్‌ వరకు చేరుకున్న సన్‌రైజర్స్‌.. టైటిల్‌ పోరులో మాత్రం 113 పరుగులకే ఆలౌట్‌ అయింది. అనంతరం బౌలింగ్‌లోనూ విఫలమై.. తద్వారా రన్నరప్‌తో సరిపెట్టుకుంది. ఇక ఐపీఎల్‌-2025 (IPL 2025)ని ఘనంగా ఆరంభించినప్పటికీ హ్యాట్రిక్‌ పరాజయాలతో చతికిల పడింది.ఒక్కరూ నిలబడలేదుతాజాగా కోల్‌కతా నైట్‌ రైడర్స్‌తో గురువారం నాటి మ్యాచ్‌లో సన్‌రైజర్స్‌ బ్యాటర్లు మూకుమ్మడిగా విఫలమయ్యారు. లక్ష్య ఛేదనలో ఫోర్‌తో ఇన్నింగ్స్‌ ఆరంభించిన ఓపెనర్‌ ట్రవిస్‌ హెడ్‌ (Travis Head) మరుసటి బంతికే అవుట్‌ కాగా.. మరో ఓపెనర్‌ అభిషేక్‌ శర్మ 2, వన్‌డౌన్‌ బ్యాటర్‌ ఇషాన్‌ కిషన్‌ 2 పరుగులకే పెవిలియన్‌ చేరారు.ఆ తర్వాత నితీశ్‌ కుమార్‌ రెడ్డి (19) కాసేపు నిలదొక్కుకునే ప్రయత్నం చేసి విఫలం కాగా.. భాగస్వామ్యం నెలకొల్పుతారనుకున్న కమిందు మెండిస్‌ (27), హెన్రిచ్‌ క్లాసెన్‌ (33) కూడా నిరాశపరిచారు. మెరుపు బ్యాటింగ్‌తో అలరిస్తున్నాడనుకున్న అనికేత్‌ వర్మ (6) కూడా ఇలా వచ్చి అలా వెళ్లిపోయాడు. ఫలితంగా 16.4 ఓవర్లలో కేవలం 120 పరుగులకే సన్‌రైజర్స్‌ ఆలౌట్‌ అయింది.80 పరుగుల తేడాతో ఓటమిఅంతకు ముందు ఇదే పిచ్‌పై చక్కటి షాట్లు ఆడుతూ కేకేఆర్‌ బ్యాటర్లు 200 పరుగులు స్కోరు చేశారు. అయితే, ఈ టార్గెట్‌ను ఎస్‌ఆర్‌హెచ్‌ సులువుగానే ఛేజ్‌ చేస్తుందనుకుంటే.. 120 పరుగులకే కుప్పకూలి.. 80 పరుగుల తేడాతో ఓటమిపాలైంది. రైజర్స్‌ బ్యాటర్లలో మెజారిటీ మంది సులువైన క్యాచ్‌లు ఇచ్చి పెవిలియన్‌ చేరడం గమనార్హం.ఈ నేపథ్యంలో కేకేఆర్‌- సన్‌రైజర్స్‌ ఫలితంపై స్పందించిన వీరేంద్ర సెహ్వాగ్‌ హైదరాబాద్‌ జట్టు తీరుపై ఘాటు విమర్శలు చేశాడు. ‘‘ఒకప్పుడు పంజాబ్‌ జట్టుకు ఇలాంటి పేరుండేది. ముందు నుంచి రాణించడం ఆఖర్లో చేతులెత్తేయడం.. ఇప్పుడు సన్‌రైజర్స్‌ పరిస్థితి అలాగే కనిపిస్తోంది.కేకేఆర్‌ బౌలింగ్‌ అంత గొప్పగా ఏమీ లేదు.. కానీవాళ్లు 190 పరుగులు చేసి ఓడిపోయారు.. 160 రన్స్‌ చేసి ఓడిపోయారు. ఇప్పుడేమో 200 పరుగులు ఛేదించే క్రమంలో 120 పరుగులకే ఆలౌట్‌ అయ్యారు. నిజానికి కేకేఆర్‌ బౌలింగ్‌ అంత గొప్పగా ఏమీ లేదు. బంతి కూడా టర్న్‌ కావడం లేదు. ఇదే పిచ్‌పై వాళ్ల బ్యాటర్లు 200 పరుగులు సాధించారు.అంతేకాదు రెండో ఇన్నింగ్స్‌లో బౌలర్లకు పిచ్‌ నుంచి అంతగా సహకారం కూడా అందలేదు. వికెట్‌ కాస్త స్లోగా ఉంది. అందుకే వాళ్లు ఎక్కువగా స్లో బాల్స్‌ వేశారు. ఇలాంటి పరిస్థితుల్లో బ్యాటర్‌ క్రీజులో నిలదొక్కుకునేందుకు కాస్త ఓపికగా ఎదురుచూడాలి. పరిస్థితులకు అలవాటుపడిన తర్వాత పరుగుల వేట మొదలుపెట్టాలి.కానీ ఈరోజు వాళ్లు పూర్తిగా నిరాశపరిచారు. జట్టులో ఎంతో మంది బ్యాటర్లు ఉన్నారు. కానీ ఏం లాభం అవసరమైనపుడు ఒక్కరూ పరుగులు చేయలేకపోయారు. 120 పరుగులకే ఆలౌట్‌ అయ్యారు. జనాలు డబ్బు ఇచ్చి మరీ మీ ఆటను చూడటానికి వస్తారు.ఈసారి మ్యాచ్‌ ఈడెన్‌ గార్డెన్స్‌లో జరిగినా చాలా మంది సన్‌రైజర్స్‌ బ్యాటింగ్‌ చూసేందుకు వచ్చారనడం అతిశయోక్తి కాదు. కానీ మీరు వారందరినీ నిరాశకు గురిచేశారు’’ అని సెహ్వాగ్‌ విమర్శల వర్షం కురిపించాడు.ఐపీఎల్‌-2025: కేకేఆర్‌ వర్సెస్‌ సన్‌రైజర్స్‌👉కేకేఆర్‌ స్కోరు: 200/6 (20)👉సన్‌రైజర్స్‌ స్కోరు: 120 (16.4)👉ఫలితం: 80 పరుగుల తేడాతో సన్‌రైజర్స్‌పై కేకేఆర్‌ గెలుపు.చదవండి: రూ. 20 లక్షలు.. రూ. 20 కోట్లు.. ఏదైనా ఒకటే.. ఎక్కువ డబ్బు ఇస్తే ప్రతి మ్యాచ్‌లో స్కోరు చేయాలా?

సన్‌రైజర్స్‌ హైదరాబాద్‌ ఆట తీరు మారలేదు. ఐపీఎల్‌-2025 (IPL 2025)లో తమ ఆరంభ మ్యాచ్‌లో మురిపించిన కమిన్స్‌ బృందం.. ఆ తర్వాత పరాజయాల పరంపర కొనసాగిస్తోంది. లక్నో సూపర్‌ జెయింట్స్‌, ఢిల్లీ క్యాపిటల్స్‌.. తాజాగా కోల్‌కతా నైట్‌ రైడర్స్‌ (KKR) చేతిలో ఓడి హ్యాట్రిక్‌ ఓటములు నమోదు చేసింది.ఈడెన్‌ గార్డెన్స్‌లో గురువారం డిఫెండింగ్‌ చాంపియన్‌ కేకేఆర్‌.. ఐపీఎల్‌-2024 రన్నరప్‌ సన్‌రైజర్స్‌ మధ్య మ్యాచ్‌ జరిగింది. టాస్‌ గెలిచిన రైజర్స్‌ తొలుత బౌలింగ్‌ ఎంచుకుని.. ఆరంభంలో బాగానే రాణించింది. కానీ మ్యాచ్‌ సాగుతున్న కొద్దీ కేకేఆర్‌ క్రమంగా పుంజుకుంది.దుమ్ములేపిన కేకేఆర్‌ బ్యాటర్లుకెప్టెన్‌ అజింక్య రహానే (38), అంగ్‌క్రిష్‌ రఘువన్షీ(32 బంతుల్లో 50), వెంకటేశ్‌ అయ్యర్‌ (29 బంతుల్లో 60), రింకూ సింగ్‌ (17 బంతుల్లో 32 నాటౌట్‌).. ధనాధన్‌ ఇన్నింగ్స్‌ కారణంగా నిర్ణీత 20 ఓవర్లలో ఆరు వికెట్ల నష్టానికి 200 పరుగులు సాధించింది. రైజర్స్‌ బౌలర్లలో కెప్టెన్‌ ప్యాట్‌ కమిన్స్‌ (Pat Cummins), మహ్మద్‌ షమీ, జీషన్‌ అన్సారీ, హర్షల్‌ పటేల్‌, కమిందు మెండిస్‌ ఒక్కో వికెట్‌ తమ ఖాతాలో వేసుకున్నారు.Lighting up Eden Gardens with some fireworks 💥 Sit back and enjoy Rinku Singh and Venkatesh Iyer's super striking 🍿👏5⃣0⃣ up for Iyer in the process!Updates ▶ https://t.co/jahSPzdeys#TATAIPL | #KKRvSRH | @KKRiders pic.twitter.com/AAAqnOsRy8— IndianPremierLeague (@IPL) April 3, 2025 మూకుమ్మడిగా విఫలంఇక భారీ లక్ష్యంతో బరిలోకి దిగిన సన్‌రైజర్స్‌ 16.4 ఓవర్లలో కేవలం 120 పరుగులకే కుప్పకూలింది. ఓపెనర్లు ట్రవిస్‌ హెడ్‌ (4), అభిషేక్‌ శర్మ(2).. వన్‌డౌన్‌లో వచ్చిన ఇషాన్‌ కిషన్‌(2) మూకుమ్మడిగా విఫలమయ్యారు. నితీశ్‌ కుమార్‌ రెడ్డి (19), కమిందు మెండిస్‌ (27), హెన్రిచ్‌ క్లాసెన్‌ (33) కూడా నిరాశపరిచారు.ఫలితంగా కేకేఆర్‌ చేతిలో 80 పరుగుల భారీ తేడాతో రైజర్స్‌కు ఓటమి తప్పలేదు. ఈ నేపథ్యంలో మ్యాచ్‌ అనంతరం కెప్టెన్‌ ప్యాట్‌ కమిన్స్‌ తీవ్ర విచారం వ్యక్తం చేశాడు. ‘‘వికెట్‌ బాగానే ఉంది. కానీ మేమే సరిగ్గా ఆడలేకపోయాం.తొలుత క్యాచ్‌లు వదిలేశాం. ఆఖర్లో పరుగులు సమర్పించుకున్నాం. వరుసగా మూడు మ్యాచ్‌లు ఓడిపోయాం. ఇప్పటికైనా పొరపాట్లు సరిచేసుకోవాలి. సమీక్ష నిర్వహించి .. మరింత మెరుగైన ఆప్షన్ల కోసం ప్రయత్నించాలి.ఫీల్డింగ్‌ తప్పిదాల వల్లే ఓటమిమా బ్యాటర్లు అత్యుత్తమ ప్రదర్శనతో ఎన్నోసార్లు విజయాలు సాధించారు. కానీ ఈసారి మాత్రం అలా జరుగలేదు. అయితే, ఫీల్డింగ్‌ తప్పిదాల వల్లే మేము భారీ మూల్యం చెల్లించాం. ఓవరాల్‌గా చూస్తే బౌలింగ్‌ మాత్రం ఫర్వాలేదు.ఆరంభంలో క్యాచ్‌లు వదిలేయడం తీవ్ర ప్రభావం చూపింది. మేము కేవలం మూడు ఓవర్లే స్పిన్‌ వేశాం. బంతిపై మాకు అంతగా గ్రిప్‌ దొరకలేదు. అందుకే ఆడం జంపాను ఆడించలేదు. వరుస ఓటములు నిరాశపరిచాయి.అయితే, ఈ విషయాన్ని తలచుకుని కుంగిపోవాల్సిన పనిలేదు. తదుపరి సొంత మైదానంలో ఆడబోతున్నాం. అది మాకు సానుకూలాంశం’’ అని కమిన్స్‌ ఓటమికి గల కారణాలు విశ్లేషించాడు. ​కాగా సీజన్‌ ఆరంభంలో రాజస్తాన్‌ రాయల్స్‌పై 44 పరుగుల తేడాతో గెలిచిన సన్‌రైజర్స్‌.. ఆ తర్వాత లక్నో చేతిలో ఐదు వికెట్ల తేడాతో, ఢిల్లీ చేతిలో ఏడు వికెట్ల తేడాతో ఓటమి పాలైంది.ఐపీఎల్‌-2025: కేకేఆర్‌ వర్సెస్‌ సన్‌రైజర్స్‌👉కేకేఆర్‌ స్కోరు: 200/6 (20)👉సన్‌రైజర్స్‌ స్కోరు: 120 (16.4)👉ఫలితం: సన్‌రైజర్స్‌పై 80 పరుగుల తేడాతో కేకేఆర్‌ గెలుపు👉ప్లేయర్‌ ఆఫ్‌ ది మ్యాచ్‌: వైభవ్‌ అరోరా (3/29).చదవండి: IPL 2025: గుజరాత్‌కు భారీ షాక్‌.. స్వ‌దేశానికి వెళ్లిపోయిన ర‌బాడ‌

ఐపీఎల్‌-2025లో వైజాగ్ వేదిక‌గా ఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో సన్‌రైజర్స్ హైదరాబాద్ ఓపెన‌ర్ అభిషేక్ శ‌ర్మ‌ను దుర‌దృష్టం వెంటాడింది. తోటి బ్యాటర్ ట్రావిస్ హెడ్‌తో సమన్వయ లోపం వల్ల అభిషేక్ రనౌటయ్యాడు. తొలి రెండు మ్యాచ్‌ల్లో నిరాశపరిచిన అభిషేక్‌.. ఈ మ్యాచ్‌లో కూడా సింగిల్ డిజిట్ స్కోర్‌కే పరిమితం కావాల్సి వచ్చింది. అభిషేక్ కేవలం ఒక్క పరుగు మాత్రమే చేసి ఔటయ్యాడు.అసలేం జరిగిందంటే?ఎస్‌ఆర్‌హెచ్ ఇన్నింగ్స్ తొలి ఓవర్ వేసిన మిచెల్ స్టార్క్ బౌలింగ్‌లో ఆఖరి బంతిని ట్రావిస్ హెడ్ కవర్స్ దిశగా ఆడాడు. హెడ్ షాట్ ఆడిన వెంటనే క్విక్ సింగిల్ కోసం నాన్‌స్టైకర్ ఎండ్ వైపు పరిగెత్తాడు. కానీ నాన్ స్టైక్ ఎండ్‌లో అభిషేక్ మాత్రం పరుగుకు సిద్దంగా లేడు. అతడు హెడ్‌ను ఆపడానికి చేయి పైకెత్తాడు. కానీ హెడ్ మాత్రం అభిషేక్‌ను గమనించకుండా బంతిని చూస్తూ పరుగు కోసం ముందుకు వచ్చాడు. దీంతో అభిషేక్ కాస్త ఆలస్యంగా పరిగెత్తడం ప్రారంభించాడు. ఈ క్రమంలో బంతిని అందుకున్న ఢిల్లీ ఫీల్డర్ విప్రజ్ నిగమ్ అద్భుతమైన త్రోతో స్టంప్స్‌ను గిరాటేశాడు. ఫలితంగా అభిషేక్ శర్మ రనౌట్ రూపంలో పెవిలియన్‌కు చేరాల్సి వచ్చింది. ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది.ఐదేసిన స్టార్క్‌..ఇక ఈ మ్యాచ్‌లో తొలుత బ్యాటింగ్ చేసిన టాస్ గెలిచి బ్యాటింగ్‌కు దిగిన ఎస్‌ఆర్‌హెచ్‌.. 18.4 ఓవర్లలో 163 పరుగులకు ఆలౌటైంది. ఎస్‌ఆర్‌హెచ్ బ్యాటర్లలో అనికేత్ వర్మ(74) టాప్ స్కోరర్‌గా నిలవగా.. క్లాసెన్‌(32), హెడ్‌(22) పరుగులతో రాణించారు. ఢిల్లీ క్యాపిటల్స్ బౌలర్లలో మిచెల్ స్టార్క్ ఐదు వికెట్లతో చెలరేగాడు. అతడితో పాటు కుల్దీప్ యాదవ్ మూడు, మొహిత్ శర్మ ఒక్క వికెట్ సాధిం‍చారు. SRH ನ ಮೊದಲ ವಿಕೆಟ್ ಪತನ 👏ರನ್ ಔಟ್ ಮೂಲಕ Abhishek Sharma ತಮ್ಮ ವಿಕೆಟ್ ಕೈಚೆಲ್ಲಿದ್ದಾರೆ 👀📺 ವೀಕ್ಷಿಸಿ | TATA IPL 2025 | #DCvSRH | LIVE NOW | ನಿಮ್ಮ JioHotstar & Star Sports ಕನ್ನಡದಲ್ಲಿ.#IPLOnJioStar #IPL2025 #TATAIPL pic.twitter.com/tKwl18nYPF— Star Sports Kannada (@StarSportsKan) March 30, 2025చ‌ద‌వండి: IPL 2025: హార్దిక్‌ పాండ్యాకు మరో షాక్‌

ఐపీఎల్‌-2025లో ల‌క్నో సూప‌ర్ జెయింట్స్ తొలి విజ‌యాన్ని అందుకుంది. గురువారం ఉప్ప‌ల్ వేదిక‌గా జ‌రిగిన మ్యాచ్‌లో స‌న్‌రైజ‌ర్స్ హైదరాబాద్‌ను 5 వికెట్ల తేడాతో ల‌క్నో చిత్తు చేసింది. ఈ విజ‌యంలో ల‌క్నో ఆట‌గాడు నికోల‌స్ పూర‌న్‌ది కీల‌క పాత్ర. 191 ప‌రుగుల ల‌క్ష్య చేధ‌న‌లో పూర‌న్ విధ్వంసం సృష్టించాడు.కేవలం 26 బంతుల్లో 6 ఫోర్లు, 6 సిక్స్‌లతో 70 పరుగలు చేశాడు. ఈ క్రమంలో పూరన్‌పై భారత మాజీ స్పిన్నర్ హర్భజన్ సింగ్ ప్రశంసల వర్షం కురిపించాడు. ప్రస్తుత టీ20 క్రికెట్‌లో పూరన్ మించిన వారు లేరని అశ్విన్ కొనియాడాడు. ఢిల్లీతో జరిగిన తొలి మ్యాచ్‌లో లక్నో ఓట‌మి పాలైన‌ప్ప‌టికి.. ఆ మ్యాచ్‌లో కూడా పూర‌న్ అద్భుత‌మైన హాఫ్ సెంచ‌రీతో చెల‌రేగాడు. ఇటీవ‌ల కాలంలో పూర‌న్ టీ20ల్లో మాత్రం సంచ‌ల‌న ప్ర‌ద‌ర్శ‌న చేస్తున్నాడు. ప్రపంచ‌వ్యాప్తంగా ఫ్రాంచైజీ క్రికెట్ లీగ్స్‌లో పూర‌న్ ఆడుతున్నాడు. ఆడిన ప్ర‌తీ చోట త‌న మార్క్‌ను నిక్కీ చూపిస్తున్నాడు. ప్ర‌స్తుతం టీ20 ఫార్మాట్‌లో నికోల‌స్ పూర‌న్ అత్యుత్త‌మ ఆట‌గాడు అంటూ లక్నో-ఎస్ఆర్‌హెచ్ మ్యాచ్ అనంత‌రం భ‌జ్జీ ఎక్స్‌లో రాసుకొచ్చాడు. ప్ర‌స్తుత ఐపీఎల్ సీజ‌న్‌లో పూర‌న్ 145 ప‌రుగుల‌తో ఆరెంజ్ క్యాప్ హోల్డ‌ర్‌గా కొన‌సాగుతున్నాడు. అదేవిధంగా కేఎల్ రాహుల్ త‌ర్వాత ల‌క్నో త‌ర‌పున 1000 పరుగుల మైలురాయిని రెండవ ఆటగాడిగా పూరన్ నిలిచాడు. అతడు కేవలం 31 మ్యాచ్‌ల్లోనే ఈ ఘనతను సాధించాడు. ఈ కరేబియ‌న్ స్టార్ ప్లేయ‌ర్ ల‌క్నో త‌ర‌పున 31 మ్యాచ్‌ల్లో 1002 పరుగులు చేశాడు. కాగా టీ20 క్రికెట్‌లో హార్డ్ హిట్ట‌ర్ల‌గా పేరు గాంచిన ట్రావిస్ హెడ్‌, హెన్రిస్ క్లాసెన్‌ల‌ను కాకుండా పూర‌న్‌ను బెస్ట్ ప్లేయ‌ర్‌గా భ‌జ్జీ ఎంచుకోవ‌డం గ‌మ‌నార్హం.చ‌ద‌వండి: IPL 2025: ట్రావిస్ హెడ్‌నే బెంబేలెత్తించాడు.. ఎవ‌రీ ప్రిన్స్ యాద‌వ్‌?

ఐపీఎల్‌-2025లో ఉప్ప‌ల్ వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో ల‌క్నో సూప‌ర్ జెయింట్స్ యువ పేస‌ర్ ప్రిన్స్ యాద‌వ్ అద్భుత‌మైన ప్ర‌ద‌ర్శ‌న క‌న‌బ‌రిచాడు. త‌న అరంగేట్ర మ్యాచ్‌లో ఢిల్లీ క్యాపిట‌ల్స్‌పై విఫ‌ల‌మైన ప్రిన్స్ యాద‌వ్‌.. రెండో మ్యాచ్‌లో మాత్రం ప్ర‌త్య‌ర్ధి ముప్పు తిప్ప‌లు పెట్టాడు. ఎస్ఆర్‌హెచ్‌ను భారీ స్కోర్ సాధించ‌కుండా ఆప‌డంలో ప్రిన్స్‌ది కీల‌క పాత్ర‌. త‌న నాలుగు ఓవ‌ర్ల కోటాలో కేవ‌లం 29 ప‌రుగులు మాత్ర‌మే ఇచ్చి ఓ వికెట్ ప‌డ‌గొట్టాడు. ఎస్ఆర్‌హెచ్ విధ్వ‌సంక‌ర ఆట‌గాడు ట్రావిస్ హెడ్‌ను ఈ యువ పేస‌రే ఔట్ చేశాడు. ప్రిన్స్ యాద‌వ్ అద్భుత‌మైన బంతితో హెడ్‌ను క్లీన్ బౌల్డ్ చేశాడు. యాద‌వ్ వేసిన బంతికి హెడ్ ద‌గ్గ‌ర స‌మాధానమే లేకుండా పోయింది. అతడి వేసిన డెలివరికి హెడ్ బిత్తర పోయాడు. హెడ్ వికెటే కాకుండా హెన్రిచ్ క్లాసెన్ రనౌట్ కావడంలో కూడా ప్రిన్స్‌దే కీకల పాత్ర. ఈ క్రమంలో ఎవరీ ప్రిన్స్‌యాదవ్ అని నెటిజన్లు తెగవేతికేస్తున్నారు.ఎవరీ ప్రిన్స్‌ యాదవ్‌?23 ఏళ్ల ప్రిన్స్ యాదవ్‌.. దేశవాళీ క్రికెట్‌లో ఢిల్లీ తరపున ఆడుతున్నాడు. ఢిల్లీ ప్రీమియర్ లీగ్-2024లో పురానీ ఢిల్లీ తరపున ఆడిన ప్రిన్స్‌.. 10 మ్యాచ్‌ల్లో 13 వికెట్లు పడగొట్టాడు. ఈ క్రమంలో ఢిల్లీ వైట్ బాల్ జట్టులో ప్రిన్స్ చోటు దక్కించుకున్నాడు. సయ్యద్ ముస్తాక్ అలీ ట్రోఫీ-2024లో కూడా ఈ యువ బౌలర్ సత్తాచాటాడు. ఈ టోర్నీలో ప్రిన్స్ 11 వికెట్లు పడగొట్టి.. ఢిల్లీ సెమీస్‌కు చేరడంలో ప్రధాన పాత్ర పోషించాడు. విజయ్ హజారే ట్రోఫీలో ప్రిన్స్ 11 వికెట్లు సాధించాడు. దీంతో ఢిల్లీ క్యాపిటల్స్ స్కౌట్స్ దృష్టిలో ఈ ప్రిన్స్ యాదవ్ పడ్డాడు. గత డిసెంబర్‌లో జరిగిన మెగా వేలంలో రూ. 30 లక్షల కనీస ధరకు అతడిని ఢిల్లీ క్యాపిటల్స్ సొంతం చేసుకుంది. అతడికి అద్భుతమైన వైడ్ యార్కర్ డెలివరీలు బౌలింగ్ చేసే సత్తా ఉంది. అంతేకాకుండా గుడ్ లైన్ అండ్ లెంగ్స్‌తో కూడా బౌలింగ్ చేస్తున్నాడు. ఈ యువ పేసర్ కచ్చితంగా ఫ్యూచర్ స్టార్‌గా మారుతాడు అనడంలో ఎటువంటి సందేహం లేదు. ఇక ఈ మ్యాచ్‌లో ఎస్‌ఆర్‌హెచ్‌పై 44 పరుగుల తేడాతో లక్నో ఘన విజయం సాధించింది.చ‌ద‌వండి: అది ప్రపంచంలోనే బెస్ట్‌ వికెట్‌.. వాళ్లు అద్భుతంగా ఆడారు: కమిన్స్‌

సొంత మైదానంలో సన్‌రైజర్స్‌ హైదరాబాద్‌ (Sunrisers Hyderabad) మరోసారి బ్యాటింగ్‌ పవర్‌ చూపిస్తుందనుకుంటే.. ఆరెంజ్‌ ఆర్మీకి నిరాశే మిగిలింది. లక్నో సూపర్‌ జెయింట్స్‌ (Lucknow Super Giants)తో మ్యాచ్‌.. ఈసారి మూడు వందలు పక్కా అని మురిసిపోయిన అభిమానులు.. రైజర్స్‌ కనీసం 200 పరుగుల స్కోరు దాటకపోవడంతో ఉసూరుమన్నారు.ఈసారి బౌలర్లను నమ్ముకుందాంపర్లేదు.. ఈసారి బౌలర్లను నమ్ముకుందాం.. నామమాత్రపు స్కోరును మన కెప్టెన్‌ కమిన్స్‌ మామ, షమీ భయ్యా, హర్షల్‌ అన్న.. జంపా మావ కాపాడుతారులే అని సరిపెట్టుకున్నారు. కానీ ప్రత్యర్థి జట్టు బ్యాటర్లను కట్టడి చేయడంలో వీళ్లంతా పెద్దగా ఆకట్టుకోలేకపోయారు. ఫలితంగా రైజర్స్‌ ఓటమిపాలు కాగా.. ఆరెంజ్‌ ఆర్మీ హృదయం ముక్కలైంది.లీగ్‌ మ్యాచ్‌.. అందులోనూ ఈ సీజన్‌లో రెండోదే అయినప్పటికీ హోం గ్రౌండ్‌లో రైజర్స్‌.. తమదైన శైలి బ్యాటింగ్‌ను.. ప్రత్యర్థి తమపైనే ప్రయోగించి సఫలం కావడాన్ని జీర్ణించుకోలేకపోయింది. ఇక ఈ మ్యాచ్‌ ఆసాంతం అభిమానులు కూడా భావోద్వేగ డోలికల్లో తేలిపోయారు.కావ్యా మారన్‌ ఎమోషనల్‌ రోలర్‌కోస్టర్‌ఓసారి సంతోషం.. మరోసారి బాధ.. ఆఖరికి ఓటమి.. ఇలా ప్రతి సమయంలో తమ భావాలను వ్యక్తం చేస్తూ కెమెరాలకు చిక్కారు. సన్‌రైజర్స్‌ యజమాని కావ్యా మారన్‌ (Kavya Maran) కూడా ఇందుకు అతీతం కాదు. మ్యాచ్‌ మొదలైనప్పటి నుంచి ముగిసేంత వరకు ఆమె హావభావాలను కెమెరా కన్ను ఒడిసిపట్టింది. ఇందుకు సంబంధించిన దృశ్యాలు వీక్షకులను ఆకర్షించాయి.ట్రవిస్‌ హెడ్‌ ఇచ్చిన క్యాచ్‌ను లక్నో ఫీల్డర్లు డ్రాప్‌ చేసినప్పుడు చిన్నపిల్లలా గంతులేసిన కావ్య.. అతడు అవుట్‌ కాగానే బుంగమూతి పెట్టుకుంది. హెన్రిచ్‌ క్లాసెన్‌ రనౌట్‌ కాగానే ఆమె కోపం కట్టలుతెంచుకుంది. ఇక లక్ష్య ఛేదనలో లక్నో సూపర్‌స్టార్‌ నికోలస్‌ పూరన్‌ పవర్‌ ప్లేలోనే విశ్వరూపం చూపించడంతో.. కావ్య తీవ్ర నిరాశకు గురైంది.Kavya maran has more expressions than all bollywood heroines combined 🔥❤️Kavya maran >>heroines pic.twitter.com/IWzfyIQZI7— Mask 🎭 (@Mr_LoLwa) March 27, 2025 తమ బౌలింగ్‌ను చితక్కొడుతూ పూరన్‌ ఉప్పల్‌లో బౌండరీలు, సిక్సర్ల వర్షం కురిపించడంతో కావ్య నెత్తికి చేతులు పెట్టుకుంది. సాధారణంగా తమ బ్యాటర్ల నుంచి వచ్చే ఈ పవర్‌ఫుల్‌ ఇన్నింగ్స్‌.. ప్రత్యర్థి నుంచి రావడం చూడలేక ముఖం తిప్పేసుకుంది. అప్పుడు ఇలా ఆనందంఇందుకు సంబంధించిన ఫొటోలు సోషల్‌ మీడియాలో వైరల్‌ అవుతున్నాయి. ఇక గత మ్యాచ్‌లో రాజస్తాన్‌ రాయల్స్‌పై రైజర్స్‌ ఘన విజయం సాధించగా.. కావ్యా ఆనందంతో గంతులేసిన వీడియో వైరల్‌ అయిన విషయం తెలిసిందే.An epic run-fest goes the way of @SunRisers 🧡The Pat Cummins-led side registers a 4️⃣4️⃣-run win over Rajasthan Royals 👏Scorecard ▶ https://t.co/ltVZAvInEG#TATAIPL | #SRHvRR pic.twitter.com/kjCtGW8NdV— IndianPremierLeague (@IPL) March 23, 2025లక్నోతో మ్యాచ్‌ విషయానికొస్తే..కాగా గురువారం ఉప్పల్‌లో లక్నోతో జరిగిన మ్యాచ్‌లో టాస్‌ ఓడిన సన్‌రైజర్స్‌ తొలుత బ్యాటింగ్‌ చేసింది. స్టార్‌ ఓపెనర్‌ అభిషేక్‌ శర్మ(6)తో పాటు గత మ్యాచ్‌లో విధ్వంసకర శతకం బాదిన ఇషాన్‌ కిషన్‌ (0) ఈసారి పూర్తిగా విఫలమయ్యాడు. మరో ఓపెనర్‌ ట్రవిస్‌ హెడ్‌ (28 బంతుల్లో 47) తనదైన షాట్లతో కాసేపు అలరించగా.. నితీశ్‌ రెడ్డి(28 బంతుల్లో 32) ఫర్వాలేదనిపించాడు.అయితే, జోరు మీదున్న హెన్రిక్‌ క్లాసెన్‌ (17 బంతుల్లో 26) రనౌట్‌ కాగా.. తుపాన్‌ ఇన్నింగ్స్‌తో చెలరేగిన అనికేత్‌ వర్మ (13 బంతుల్లో 36)కు దిగ్వేశ్‌ రాఠీ చెక్‌ పెట్టాడు. శార్దూల్‌ ఠాకూర్‌ ఫోర్‌ఆఖర్లో కెప్టెన్‌ ప్యాట్‌ కమిన్స్‌ (4 బంతుల్లో 18) మెరుపు ఇన్నింగ్స్‌ ఆడగా.. ఆవేశ్‌ ఖాన్‌ అతడికి కళ్లెం వేశాడు. ఫలితంగా నిర్ణీత ఇరవై ఓవర్లలో రైజర్స్‌ తొమ్మిది వికెట్ల నష్టానికి 190 పరుగులే చేయగలిగింది.లక్నో బౌలర్లలో శార్దూల్‌ ఠాకూర్‌ నాలుగు వికెట్లతో రైజర్స్‌ బ్యాటింగ్‌ ఆర్డర్‌ పతనాన్ని శాసించగా.. ఆవేశ్‌ ఖాన్‌, దిగ్వేశ్‌ రాఠీ, రవి బిష్ణోయి, ప్రిన్స్‌ యాదవ్‌ ఒక్కో వికెట్‌ తమ ఖాతాలో వేసుకున్నారు. మరోవైపు.. లక్ష్య ఛేదనకు దిగిన లక్నోకు రైజర్స్‌ పేసర్‌ మహ్మద్‌ షమీ.. ఐడెన్‌ మార్క్రమ్‌(1)ను ఆదిలోనే అవుట్‌ చేసి షాకిచ్చాడు.పూరన్‌ను పూనకాలుఅయితే, మరో ఓపెనర్‌ మిచెల్‌ మార్ష్‌ (31 బంతుల్లో 52), నికోలస్‌ పూరన్‌ (26 బంతుల్లో 70) ఆ ఆనందాన్ని ఎక్కువసేపు నిలవనీయలేదు. ధనాధన్‌ ఇన్నింగ్స్‌తో రైజర్స్‌ బౌలర్లకు కొరకరాని కొయ్యగా మారి అర్ధ శతకాలతో దుమ్ములేపారు. ఈ క్రమంలో 16.1 ఓవర్లలో ఐదు వికెట్లు నష్టపోయి 193 పరుగులు చేసిన లక్నో.. ఐదు వికెట్ల తేడాతో గెలుపొందింది. శార్దూల్‌ ఠాకూర్‌కు ప్లేయర్‌ ఆఫ్‌ ది మ్యాచ్‌ అవార్డు ద‍క్కింది.చదవండి: IPL 2025: నికోల‌స్ పూర‌న్ ఫాస్టెస్ట్ ఫిప్టీ! వీడియో వైర‌ల్‌

ఐపీఎల్‌-2025ను స‌న్‌రైజ‌ర్స్ స్టార్ ఓపెన‌ర్ ట్రావిస్ హెడ్ త‌నదైన స్టైల్లో ఆరంభించాడు. ఈ మెగా టోర్నీలో భాగంగా ఉప్ప‌ల్ స్టేడియంలో రాజ‌స్తాన్ రాయ‌ల్స్‌తో జ‌రుగుతున్న మ్యాచ్‌లో హెడ్ విధ్వంస‌కర‌ హాఫ్ సెంచ‌రీతో చెల‌రేగాడు. రాజ‌స్తాన్ బౌల‌ర్లను హెడ్ ఊచ‌కోత కోశాడు. ఉప్ప‌ల్ మైదానంలో ఈ ఆసీస్ ఓపెన‌ర్ బౌండ‌రీల వర్షం కురిపించాడు. రాజ‌స్తాన్ స్టార్ పేస‌ర్ జోఫ్రా అర్చ‌ర్‌ను అయితే హెడ్ ఓ ఆట ఆడేసికున్నాడు. 5వ ఓవ‌ర్ వేసిన అర్చ‌ర్ బౌలింగ్‌లో హెడ్ ఏకంగా 22 ప‌రుగులు పిండుకున్నాడు. ఈ క్ర‌మంలో హెడ్ కేవ‌లం 21 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. ఓవ‌రాల్‌గా 31 బంతులు ఎదుర్కొన్న హెడ్‌.. 9 ఫోర్లు, 3 సిక్స్‌ల‌తో 67 ప‌రుగులు చేసి ఔట‌య్యాడు. అత‌డి ఇన్నింగ్స్‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.ఆనందంలో కావ్య‌పాప‌..కాగా ఈ మ్యాచ్‌లో హెడ్ ఓ భారీ సిక్స‌ర్ బాదాడు. జోఫ్రా ఆర్చర్ బౌలింగ్‌లో డీప్ మిడ్ వికెట్ మీద‌గా 105 మీటర్ల సిక్స్‌ను హెడ్ కొట్టాడు. ఈ క్ర‌మంలో స్టాండ్స్‌లో ఉన్న ఎస్ఆర్‌హెచ్ ఓన‌ర్ కావ్య మార‌న్ ఎగిరి గంతేసింది. చ‌ప్ప‌ట్లు కొడుతూ హెడ్‌ను అభినందించింది. ఆ షాట్ చూసి ఎస్ఆర్‌హెచ్ కెప్టెన్ ప్యాట్ క‌మ్మిన్స్ కూడా షాకయ్యాడు.Hurricane Head graces #TATAIPL 2025 🤩Travis Head smashing it to all parts of the park in Hyderabad 💪👊Updates ▶️ https://t.co/ltVZAvInEG#SRHvRR | @SunRisers pic.twitter.com/cxr6iNdR3S— IndianPremierLeague (@IPL) March 23, 2025

ఐసీసీ చాంపియన్స్‌ ట్రోఫీ-2025(ICC Champions Trophy)లో భారత జట్టు అజేయంగా ఫైనల్‌కు చేరుకుంది. ఆస్ట్రేలియా(India vs Australia)తో మంగళవారం నాటి సెమీస్‌లో సమిష్టి ప్రదర్శనతో అదరగొట్టి.. టైటిల్‌ పోరుకు అర్హత సాధించింది. అయితే, ఈ మ్యాచ్‌కు ముందు భారత మాజీ క్రికెటర్లలో అత్యధిక మంది టీమిండియాకు చేసిన ప్రధాన సూచన.. ఆసీస్‌ విధ్వంసకర వీరుడు ట్రవిస్‌ హెడ్‌ను వీలైనంత త్వరగా అవుట్‌ చేయాలనే!!...ఎందుకంటే.. రోహిత్‌ సేన సొంతగడ్డపై వన్డే వరల్డ్‌కప్‌-2023(ODI World Cup) గెలవకుండా అడ్డుపడి.. ఆస్ట్రేలియాను ఒంటిచేత్తో గెలిపించిన ఘనత అతడి సొంతం. అందుకే ‘తలనొప్పి’ తెచ్చిపెట్టే ఈ బ్యాటర్‌పైనే ముందుగా దృష్టి సారించాలని సంజయ్‌ మంజ్రేకర్‌, హర్భజన్‌ సింగ్‌, దినేశ్‌ కార్తిక్‌ తదితరులు భారత బౌలర్లకు సూచించారు. అందుకు తగ్గట్లుగానే మంగళవారం హెడ్‌ను టీమిండియా తక్కువ స్కోరుకే పెవిలియన్‌కు పంపించింది.టీమిండియా మిస్టరీ స్పిన్నర్‌ వరుణ్‌ చక్రవర్తి బౌలింగ్‌లో శుబ్‌మన్‌ గిల్‌కు క్యాచ్‌ ఇచ్చి హెడ్‌ అవుటయ్యాడు. మొత్తంగా 33 బంతులు ఎదుర్కొని ఐదు ఫోర్లు, రెండు సిక్సర్ల సాయంతో 39 పరుగులు చేసి నిష్క్రమించాడు. ‘అతి’ ఆనందంఅయితే, హెడ్‌ ఇచ్చిన క్యాచ్‌ పట్టిన తర్వాత గిల్‌ చేసిన తప్పిదం టీమిండియా కొంపముంచేది. హెడ్‌ క్యాచ్‌ పట్టినప్పుడు శుబ్‌మన్‌ గిల్‌ ప్రదర్శించిన ‘అతి’ ఆనందం అంపైర్‌ నుంచి హెచ్చరికకు గురయ్యేలా చేసింది. క్యాచ్‌ అందుకోగానే కొద్ది సేపయినా తన చేతిలో ఉంచకుండా గిల్‌ బంతిని గాల్లోకి విసిరేశాడు.నిజానికి క్యాచ్‌ పట్టడంలో అతడు ఎక్కడా తడబడలేదు. అయితే బాల్‌ను ఎంతసేపు చేతిలో ఉంచుకోవాలనే విషయంలో నిబంధనలు సరిగ్గా లేకపోయినా... కనీసం 2–3 సెకన్ల పాటు ఫీల్డర్‌ బంతిని తన నియంత్రణలో ఉంచుకోవాలి.క్లీన్‌’గా ఉన్నా.. వార్నింగ్‌ ఎందుకు?ఇదే విషయాన్ని అంపైర్‌ ఇల్లింగ్‌వర్త్‌ ప్రత్యేకంగా గిల్‌కు వివరించాడు. ఇలాంటి సందర్భాల్లో అవుట్‌/నాటౌట్‌ ఇచ్చే విషయంలో అంపైర్‌కు విచక్షణాధికారం ఉంటుంది. ఒకవేళ ఇల్లింగ్‌వర్త్‌ గనుక గిల్‌ వెనువెంటనే బంతిని విసిరేయడాన్ని సీరియస్‌గా తీసుకుని నాటౌట్‌ ఇచ్చి ఉంటే పరిస్థితి వేరేలా ఉండేది. ఒక్కసారి లైఫ్‌ లభిస్తే హెడ్‌ను ఆపటం అంత తేలికేమీ కాదు. అందుకే గిల్‌ చర్య విమర్శలకు దారి తీసింది.ఇదిలా ఉంటే.. ఓపెనర్‌ హెడ్‌ అవుటైన తర్వాత కెప్టెన్‌ , వన్‌డౌన్‌ బ్యాటర్‌ స్టీవ్‌ స్మిత్‌ ఇన్నింగ్స్‌ చక్కదిద్దే బాధ్యతను తీసుకున్నాడు. మార్నస్‌ లబుషేన్‌(29) మరో ఎండ్‌ నుంచి సహకారం అందించగా అర్ధ శతకం పూర్తి చేసుకున్నాడు.నిజానికి అక్షర్‌ పటేల్‌ వేసిన ఇన్నింగ్స్‌ 14వ ఓవర్లో అనూహ్యం చోటు చేసుకుంది. స్మిత్‌ డ్రైవ్‌ చేయగా బంతి అతడి ప్యాడ్‌ల మీదుగా స్టంప్స్‌ను తాకింది. అయితే బెయిల్స్‌ పడకపోవడంతో స్మిత్‌ బతికిపోయాడు. ఆపే ప్రయత్నం చేస్తే తన కాలితోనే స్టంప్స్‌ పడిపోతాయని భావనతో కావచ్చు స్మిత్‌ అలా కూడా చేయలేదు. ఆ సమయంలో అతని స్కోరు 23 పరుగులు. అతని స్కోరు 36 వద్ద ఉన్నప్పుడు షమీ బౌలింగ్‌లో బలంగా షాట్‌ కొట్టగా... తన ఎడమ చేత్తో క్యాచ్‌ పట్టే ప్రయత్నం చేసిన షమీ విఫలమయ్యాడు. అయితే ఇది చాలా కఠినమైన క్యాచ్‌. ఏదేమైనా స్మిత్‌ 73 పరుగుల చేసి షమీ బౌలింగ్‌లో బౌల్డ్‌ కాగా.. అలెక్స్‌ క్యారీ అర్ధ శతకం(61) కారణంగా ఆసీస్‌ 264 పరుగులు చేయగలిగింది.వరల్డ్‌ చాంపియన్స్‌ను నాలుగు వికెట్ల తేడాతో ఓడించిఅయితే, లక్ష్య ఛేదనలో దూకుడుగా ఆరంభించిన టీమిండియా ఆ తర్వాత తడబడ్డప్పటికీ విరాట్‌ కోహ్లి(98 బంతుల్లో 84) అద్భుతం చేశాడు. అతడికి తోడుగా శ్రేయస్‌ అయ్యర్‌(45), వికెట్‌ కీపర్‌ కేఎల్‌ రాహుల్‌(34 బంతుల్లో 42) రాణించారు. గ్లెన్‌ మాక్స్‌వెల్‌ బౌలింగ్‌లో రాహుల్‌ కొట్టిన సిక్సర్‌తో టీమిండియా విజయం ఖరారైంది. ఫలితంగా వరల్డ్‌ చాంపియన్స్‌ను నాలుగు వికెట్ల తేడాతో ఓడించి రోహిత్‌ సేన ఫైనల్‌కూ దూసుకెళ్లింది.చదవండి: #Steve Smith: భార‌త్ చేతిలో ఓట‌మి.. స్టీవ్ స్మిత్ సంచ‌ల‌న నిర్ణ‌యం

ఐసీసీ ఛాంపియ‌న్స్ ట్రోఫీ-2025లో భార‌త్-ఆస్ట్రేలియా మ‌ధ్య తొలి సెమీఫైన‌ల్‌కు రంగం సిద్ద‌మైంది. మంగ‌ళ‌వారం(మార్చి 4) దుబాయ్ వేదిక‌గా ఈ హైవోల్టేజ్ మ్యాచ్ జ‌ర‌గ‌నుంది. ఈ మ్యాచ్‌లో గెలిచి గత వన్డే ప్రపంచకప్ ఫైనల్‌ ఓటమికి ప్రతీకారం తీర్చుకోవాలని టీమిండియా పట్టుదలతో ఉంది. మ‌రోవైపు ఆస్ట్రేలియా సైతం ఈ మ్యాచ్‌లో గెలిచి తమ ఫైనల్ బెర్త్‌ను ఖారారు చేసుకోవాలని వ్యూహాలు రచిస్తోంది.ఈ నేపథ్యంలో ఆసీస్ స్టార్ ఓపెనర్ ట్రావిస్ హెడ్‌ను ఉద్దేశించి భారత మాజీ క్రికెటర్ సంజయ్ మంజ్రేకర్ కీల‌క వ్యాఖ్య‌లు చేశాడు. సెమీస్ పోరులో హెడ్ నుంచి భార‌త్‌కు భారీ ముప్పు పొంచి ఉంద‌ని మంజ్రేకర్ అభిప్రాయపడ్డాడు. కాగా ప్రత్యర్ధి భారత్ అంటేనే చాలు ట్రావెస్ హెడ్ ఆకాశమే హద్దుగా చెలరేగిపోతాడు. వరల్డ్ టెస్టు ఛాంపియన్‌షిప్‌-2023 నుంచి హెడ్ ఐసీసీ ఈవెంట్లలో భారత్‌కు కొరకరాని కోయ్యగా మారాడు.ఆస్ట్రేలియాతో సెమీస్‌లో ట్రావిస్ హెడ్‌ను ఔట్ చేసేందుకు భారత్ ప్రత్యేక వ్యూహాలను రచించాలి. అతడిని వీలైనంత త్వరగా ఔట్ చేసి డ్రెస్సింగ్ రూమ్‌కి పంపించాలి. అప్పుడే నాతో పాటు భారత అభిమానులంతా ఊపిరిపీల్చుకుంటారు. అతడు ఎక్కువ సమయం క్రీజులో ఉంటే ఏమి చేయగలడో మనందరికి తెలుసు అని ESPNCricinfoకు ఇచ్చిన ఇంటర్వ్యూలో మంజ్రేకర్ పేర్కొన్నాడు.వన్డే ప్రపంచకప్‌-2023లో భారత్‌పై హెడ్(137 నాటౌట్‌) మ్యాచ్ విన్నింగ్ నాక్ ఆడాడు. అంతకుముందు వరల్డ్‌ టెస్టు ఛాంపియ‌న్‌షిప్ ఫైన‌ల్లోనూ భార‌త్‌పై సెంచ‌రీతో మెరిశాడు. గ‌తేడాది జ‌రిగిన టీ20 వ‌ర‌ల్డ్‌క‌ప్‌లో భార‌త్ ఆస్ట్రేలియా ఓట‌మి పాలైన‌ప్ప‌టికి.. హెడ్ మాత్రం(76 పరుగులు) విధ్వంసం సృష్టించాడు. ఇటీవ‌ల జ‌రిగిన బోర్డ‌ర్‌-గ‌వాస్క‌ర్ ట్రోఫీలో హెడ్ ప‌రుగుల వ‌ర‌ద పారించాడు.టీమిండియాపై వ‌న్డేల్లో ట్రావిస్ హెడ్‌కు ఘనమైన రికార్డు ఉంది. ఇప్ప‌టివ‌ర‌కు భార‌త్‌పై 9 వ‌న్డేలు ఆడిన హెడ్‌.. 43.12 స‌గ‌టుతో 345 పరుగులు చేశాడు. అందులో ఒక సెంచ‌రీతో పాటు హాఫ్ సెంచ‌రీ కూడా ఉన్నాయి. హైయెస్ట్ స్కోర్ 137 ప‌రుగులుగా ఉంది. టెస్టుల్లో భార‌త్‌పై 27 మ్యాచ్‌లు ఆడి 46.52 స‌గ‌టుతో 1163 ప‌రుగులు సాధించాడు.చదవండి: Champions Trophy: సెమీస్‌లో విజ‌యం టీమిండియాదే.. ఐరెన్ లెగ్ అంపైర్ లేడు!?

ఐసీసీ ఛాంపియన్స్ ట్రోఫీ-2025 గ్రూపు స్టేజిలో ఆజేయంగా నిలిచిన భార‌త జ‌ట్టు.. ఇప్పుడు కీల‌క స‌మ‌రానికి సిద్ద‌మైంది. ఈ మెగా టోర్నీ తొలి సెమీఫైన‌ల్లో మంగ‌ళ‌వారం దుబాయ్ వేదిక‌గా ఆస్ట్రేలియాతో భార‌త్ అమీతుమీ తెల్చుకోనుంది. ఈ మ్యాచ్‌లో ఎలాగైనా గెలిచి వ‌న్డే ప్ర‌పంచ‌క‌ప్‌-2023 ఓట‌మికి బదులు తీర్చుకోవాల‌ని రోహిత్ సేన క‌సితో ఉంది. అందుకు త‌గ్గ‌ట్టు త‌మ ఆస్త‌శాస్త్రాల‌ను భార‌త జ‌ట్టు సిద్దం చేసుకుంటుంది. మరోవైపు ఆస్ట్రేలియా కూడా టీమిండియాను మరోసారి మట్టికర్పించాలని పట్టుదలతో ఉంది. ఈ టోర్నీకి సీనియర్ ప్లేయర్లు దూరమైనప్పటికి స్టీవ్ స్మిత్ సారథ్యంలోని ఆసీస్ జట్టు అదరగొడుతోంది. దీంతో మరోసారి ఆసీస్‌-భారత్ పోరు రసవత్తరంగా సాగడం ఖాయమన్పిస్తోంది.మరోసారి 'హెడ్' ఏక్ తప్పదా?అయితే తొలి సెమీఫైనల్ నేపథ్యంలో అందరి కళ్లు ఆస్ట్రేలియా విధ్వంసకర బ్యాటర్‌​ ట్రావిస్ హెడ్‌పైనే ఉన్నాయి. ప్రత్యర్ధి భారత్ అయితే చెలరేగిపోయే హెడ్‌.. ఈ మ్యాచ్‌లో ఎలా ఆడుతాడో అని అభిమానులు తెగ టెన్షన్ పడుతున్నారు. వన్డే ప్రపంచకప్‌-2023లో​ ఫైనల్లో అతడి చేసిన విధ్వంసం సగటు క్రికెట్ అభిమాని ఎప్పటికి మర్చిపోరు.ఈ డేంజరస్ బ్యాటర్ ఒంటి చేత్తో మ్యాచ్‌ను భారత్ నుంచి లాగేసుకున్నాడు. గ‌తేడాది జ‌రిగిన టీ20 వ‌ర‌ల్డ్‌క‌ప్‌లో భార‌త్ ఆస్ట్రేలియా ఓట‌మి పాలైన‌ప్ప‌టికి.. హెడ్ మాత్రం అద్బుత‌మైన ఇన్నింగ్స్ ఆడాడు. కేవ‌లం 43 బంతుల్లో 76 ప‌రుగులు చేసి త‌న జ‌ట్టును గెలిపించే అంత ప‌నిచేశాడు. అంత‌కుముందు వ‌ర‌ల్డ్ టెస్టు ఛాంపియ‌న్‌షిప్ ఫైన‌ల్లోనూ భార‌త్‌పై సెంచ‌రీతో మెరిశాడు. ఇటీవ‌ల జ‌రిగిన బోర్డ‌ర్‌-గ‌వాస్క‌ర్ ట్రోఫీలో హెడ్ ప‌రుగుల వ‌ర‌ద పారించాడు. అందుకే ఆస్ట్రేలియాతో మ్యాచ్ అంటే భార‌త అభిమానులు భ‌య‌ప‌డుతున్నారు. మ‌రి హెడ్‌ను అడ్డుకునేందుకు భార‌త్ ఎటువంటి వ్యూహాలు రచిస్తుందో మ‌రో 24 గంట‌లు వేచి చూడాలి.భార‌త్‌పై హెడ్ రికార్డు..టీమిండియాపై వ‌న్డేల్లో ట్రావిస్ హెడ్‌కు మంచి రికార్డు ఉంది. ఇప్ప‌టివ‌ర‌కు భార‌త్‌పై 9 వ‌న్డేలు ఆడిన హెడ్‌.. 43.12 స‌గ‌టుతో 345 పరుగులు చేశాడు. అందులో ఒక సెంచ‌రీతో పాటు హాఫ్ సెంచ‌రీ కూడా ఉన్నాయి. హైయెస్ట్ స్కోర్ 137 ప‌రుగులుగా ఉంది. టెస్టుల్లో భార‌త్‌పై 27 మ్యాచ్‌లు ఆడి 46.52 స‌గ‌టుతో 1163 ప‌రుగులు సాధించాడు.భారత్‌దే పైచేయి..కాగా ఛాంపియ‌న్స్ ట్రోఫీలో ఆసీస్‌పై భార‌త్‌దే పై చేయిగా ఉంది. ఇరు జ‌ట్లు నాలుగు మ్యాచ్‌ల్లో ముఖాముఖి త‌ల‌ప‌డ‌గా.. భార‌త్ రెండింట‌, ఆసీస్ కేవ‌లం ఒక మ్యాచ్‌లో విజ‌యం సాధించింది. మ‌రో మ్యాచ్ ఫలితం లేకుండా ముగిసింది. చదవండి: Champions Trophy: అక్షర్ పటేల్ కాళ్లు మొక్క‌బోయిన కోహ్లి.. వీడియో వైర‌ల్

ఛాంపియన్స్‌ ట్రోఫీ-2025 గ్రూప్‌-బిలో భాగంగా ఆస్ట్రేలియాతో జరుగుతున్న కీలక సమరంలో ఆఫ్ఘనిస్తాన్‌ తొలుత బ్యాటింగ్‌ చేసి ఓ మోస్తరు స్కోర్‌ చేసింది. వన్‌ డౌన్‌ బ్యాటర్‌ సెదిఖుల్లా అటల్‌ (95 బంతుల్లో 85; 6 ఫోర్లు, 3 సిక్సర్లు), ఆల్‌రౌండర్‌ అజ్మతుల్లా ఒమర్‌జాయ్‌ (63 బంతుల్లో​ 67; ఫోర్‌, 5 సిక్సర్లు) అర్ద సెంచరీలతో సత్తా చాటడంతో ఆఫ్ఘనిస్తాన్‌ నిర్ణీత 50 ఓవర్లలో 273 పరుగులకు ఆలౌటైంది. సెదిఖుల్లా, ఒమర్‌జాయ్‌.. ఇబ్రహీం జద్రాన్‌ (22), రహ్మత్‌ షా (12), కెప్టెన్‌ హష్మతుల్లా షాహిది (20), రషీద్‌ ఖాన్‌తో (19) కలిసి కీలక భాగస్వామ్యాలు నెలకొల్పి ఆసీస్‌ ముందు ఫైటింగ్‌ టోటల్‌ను ఉంచారు. ఆఫ్ఘనిస్తాన్‌ ఇన్నింగ్స్‌లో రహ్మానుల్లా గుర్భాజ్‌ (0), మహ్మద్‌ నబీ (1), గుల్బదిన్‌ నైబ్‌ (4), నూర్‌ అహ్మద్‌ (6) నిరాశపరిచారు. ఆసీస్‌ బౌలర్లలో బెన్‌ డ్వార్షుయిష్‌ 3, స్పెన్సర్‌ జాన్సన్‌, ఆడమ్‌ జంపా తలో 2, ఎల్లిస్‌, మ్యాక్స్‌వెల్‌ చెరో వికెట్‌ పడగొట్టారు.274 పరుగుల లక్ష్యాన్ని ఛేదించేందుకు బరిలోకి దిగిన ఆస్ట్రేలియాకు శుభారంభం లభించింది. ఓపెనర్‌ మాథ్యూ షార్ట్‌ తొలి ఓవర్‌ నుంచే ఆఫ్ఘన్‌ బౌలర్లపై ఎదురుదాడికి దిగాడు. ఒమర్‌జాయ్‌ వేసిన ఇన్నింగ్స్‌ తొలి ఓవర్‌లో ఓ బౌండరీ బాదిన షార్ట్‌.. మూడో ఓవర్‌లో శివాలెత్తిపోయాడు. ఒమర్‌జాయ్‌ వేసిన ఈ ఓవర్‌లో షార్ట్‌ 2 బౌండరీలు, ఓ సిక్సర్‌ బాదాడు. ఫలితంగా ఈ ఓవర్‌లో 14 పరుగులు వచ్చాయి. మరో ఎండ్‌లో విధ్వంసకర ఆటగాడు ట్రవిస్‌ హెడ్‌ కూడా ఫజల్‌ హక్‌ ఫారూకీ బౌలింగ్‌లో బౌండరీ బాది మాంచి టచ్‌లో ఉన్నట్లు కనిపించాడు. వీరిద్దరు రెచ్చిపోవడంతో ఆస్ట్రేలియా 3 ఓవర్లలో 32 పరుగులు చేసింది.హెడ్‌ క్యాచ్‌ జారవిడిచిన రషీద్‌ ఖాన్‌ఫజల్‌ హక్‌ ఫారూకీ వేసిన నాలుగో ఓవర్‌ తొలి బంతికి డేంజరెస్‌ బ్యాటర్‌ ట్రవిస్‌ హెడ్‌ను ఔట్‌ చేసే సువర్ణావకాశాన్ని ఆఫ్ఘనిస్తాన్‌ చేజార్చుకుంది. హెడ్‌ మిడ్‌ ఆన్‌ దిశగా అందించిన క్యాచ్‌ను రషీద్‌ ఖాన్‌ జారవిడిచాడు. ఈ క్యాచ్‌ ఎంత మూల్యమైందో ఆఫ్ఘనిస్తాన్‌ కొద్ది సేపటిలోనే తెలిసింది. లైఫ్‌ లభించిన అనంతరం హెడ్‌ చెలరేగిపోయాడు. ఆతర్వాతి బంతికే సిక్సర్‌ బాదాడు. అదే ఓవర్‌ చివరి బంతికి బౌండరీ కొట్టాడు. దీంతో 4 ఓవర్ల అనంతరం ఆసీస్‌ స్కోర్‌ వికెట్‌ నష్టపోకుండా 42కు చేరింది.సింపుల్‌ క్యాచ్‌ను జారవిడిచిన ఖరోటేఅనంతరం ఐదో ఓవర్‌ తొలి బంతికి ఆఫ్ఘనిస్తాన్‌ సబ్‌స్టిట్యూట్‌ ఫీల్డర్‌ ఖరోటే సింపుల్‌ క్యాచ్‌ను జారవిడిచాడు. ఈ సారి మాథ్యూ షార్ట్‌కు లైఫ్‌ లభించింది. ఒమర్‌జాయ్‌ బౌలింగ్‌ షార్ట్‌ డీప్‌ స్క్వేర్‌ లెగ్‌ దిశగా షాట్‌ ఆడాడు. చేతిలోకి వచ్చిన క్యాచ్‌ను ఖరేటో వదిలేశాడు. దీంతో 7 బంతుల వ్యవధిలో ఆఫ్ఘనిస్తాన్‌ ఫీల్డర్లు రెండు క్యాచ్‌లు జారవిడిచినట్లైంది.ఆఫ్ఘనిస్తాన్‌ ఊపిరిపీల్చుకుందిఖరోటే క్యాచ్‌ వదిలేశాక రెండు బంతులకే షార్ట్‌ ఔటయ్యాడు. ఒమర్‌జాయ్‌ బౌలింగ్‌లో గుల్బదిన్‌ క్యాచ్‌ పట్టడంతో షార్ట్‌ మెరుపు ఇన్నింగ్స్‌కు (15 బంతుల్లో 20; 3 ఫోర్లు, సిక్స్‌) తెరపడింది. దీంతో ఆఫ్ఘన్లు ఊపిరిపీల్చుకున్నారు. షార్ట్‌కు ఔట్‌ చేసిన ఆనందం ఆఫ్ఘన్లకు ఎంతో సేపు మిగల్లేదు. స్టీవ్‌ స్మిత్‌ వచ్చీ రాగానే రెండు వరుసగా బౌండరీలతో విరుచుకుపడ్డాడు. ఫలితంగా ఆసీస్‌ 5 ఓవర్లలోనే 50 పరుగుల మార్కును దాటింది.మూల్యం చెల్లించుకుంటున్న ఆఫ్లన్లుహెడ్‌ క్యాచ్‌ను జారవిడిచినందుకు ఆఫ్ఘన్లు తగిన మూల్యం చెల్లించుకుంటున్నారు. లైఫ్‌ లభించాక హెడ్‌ చెలరేగిపోయాడు. ఇన్నింగ్స్‌ ఆరో ఓవర్‌లో 3 బౌండరీలు.. తొమ్మిదో ఓవర్‌లో హ్యాట్రిక్‌ బౌండరీలు సాధించి ఆఫ్ఘన్లను పశ్చాత్తాపపడేలా చేశాడు. అనంతరం హెడ్‌ నూర్‌ అహ్మద్‌ వేసిన 11వ ఓవర్‌లో రెండు పరుగులు తీసి కెరీర్‌లో 17వ హాఫ్‌ సెంచరీని పూర్తి చేసుకున్నాడు. 12 ఓవర్లలోనే ఆస్ట్రేలియా వికెట్‌ నష్టపోయి 100 పరుగుల మార్కును తాకింది.ఈ మ్యాచ్‌లో ఆఫ్ఘనిస్తాన్‌ గెలిస్తే సెమీస్‌కు చేరుకుంటుంది. ఓడితే మాత్రం టోర్నీ నుంచి నిష్క్రమిస్తుంది. ఆసీస్‌కు మాత్రం ఈక్వేషన్స్‌ అలా లేవు. ఆసీస్‌ ఈ మ్యాచ్‌లో ఓడినా.. రేపు జరుగబోయే మ్యాచ్‌లో ఇంగ్లండ్‌ సౌతాఫ్రికాను ఓడిస్తే సెమీస్‌కు చేరే అవకాశం (మెరుగైన రన్‌రేట్‌ కలిగి ఉంటే) ఉంటుంది.

చాంపియన్స్‌ ట్రోఫీ-2025(ICC Champions Trophy)కి ఎనిమిది జట్లు సన్నద్ధమవుతున్నాయి. ఇప్పటికే ఆతిథ్య వేదికలకు చేరుకుని ఐసీసీ టోర్నమెంట్‌కు సన్నాహకాలు మొదలుపెట్టాయి. ఇక ఈ మెగా ఈవెంట్‌ నిర్వహణ హక్కులను పాకిస్తాన్‌(Pakistan) దక్కించుకోగా.. టీమిండియా మాత్రం భద్రతా కారణాల దృష్ట్యా దుబాయ్‌(Dubai)లో తమ మ్యాచ్‌లు ఆడనుంది. ఈ నేపథ్యంలో ఇప్పటికే అక్కడికి చేరుకున్న రోహిత్‌ సేన ప్రాక్టీస్‌ కూడా మొదలుపెట్టేసింది.ఈ నేపథ్యంలో ఇప్పటికే పలువురు మాజీ క్రికెటర్లు చాంపియన్స్‌ ట్రోఫీ తాజా ఎడిషన్‌ సెమీ ఫైనలిస్టులు, ఫైనలిస్టులు, విజేతపై తమ అంచనాలు తెలియజేశారు. వెస్టిండీస్‌ దిగ్గజ క్రికెటర్‌ క్రిస్‌ గేల్‌ టీమిండియాను టైటిల్‌ ఫేవరెట్‌గా పేర్కొనగా.. పాకిస్తాన్‌ లెజెండరీ ఫాస్ట్‌బౌలర్‌ షోయబ్‌ అక్తర్‌ ఈసారి కూడా భారత్‌- పాక్‌ ఫైనల్లో తలపడతాయని జోస్యం చెప్పాడు.ఇక ఓవరాల్‌గా మెజారిటీ మంది భారత్‌, పాకిస్తాన్‌, సౌతాఫ్రికా, ఆస్ట్రేలియా టాప్‌-4కు చేరతాయని అంచనా వేశారు. ఈ క్రమంలో ఆస్ట్రేలియా మాజీ కెప్టెన్‌ మైకేల్‌ క్లార్క్‌(Michael Clarke) సైతం ఈ ఐసీసీ ఈవెంట్‌కు సంబంధించి ఆసక్తికర వ్యాఖ్యలు చేశాడు. చాంపియన్స్‌ ట్రోఫీ-2025లో అత్యధిక పరుగుల, వికెట్ల వీరులు, ప్లేయర్‌ ఆఫ్‌ ది టోర్నమెంట్‌, టోర్నీ విజేతపై తన అంచనాలు తెలియజేశాడు.టాప్‌ రన్‌ స్కోరర్‌, లీడింగ్‌ వికెట్‌ టేకర్‌గా వారే‘‘ఈసారి టీమిండియా చాంపియన్స్‌ ట్రోఫీ గెలవబోతోంది. వాళ్ల కెప్టెన్‌ ఫామ్‌లోకి వచ్చాడు. అంతేకాదు.. ఈసారి అతడే చాంపియన్స్‌ ట్రోఫీలో టాప్‌ రన్‌స్కోరర్‌ కాబోతున్నాడు. అతడు మునుపటి లయను అందుకోవడం సంతోషంగా ఉంది. టీమిండియాకు అతడి సేవలు అవసరం.ఇక ఈసారి ఇంగ్లండ్‌ పేసర్‌ జోఫ్రా ఆర్చర్‌ అత్యధిక వికెట్ల వీరుడిగా నిలవబోతున్నాడు. అయితే, ఇంగ్లండ్‌ జట్టు ప్రదర్శనపై మాత్రం నేను ఎక్కువగా అంచనాలు పెట్టుకోలేదు. అయితే, ఆర్చర్‌ మాత్రం ఓ సూపర్‌స్టార్‌. అందుకే అతడే ఈసారి లీడింగ్‌ వికెట్‌ టేకర్‌ అని చెప్పగలను.‘ప్లేయర్‌ ఆఫ్‌ ది టోర్నమెంట్‌’గా హెడ్‌ఇక ఈ టోర్నమెంట్లో ట్రవిస్‌ హెడ్‌ ‘ప్లేయర్‌ ఆఫ్‌ ది టోర్నమెంట్‌’ అవుతాడు. ప్రస్తుతం అతడు భీకర ఫామ్‌లో ఉన్నాడు. ఐపీఎల్‌లో గతేడాది అదరగొట్టాడు. ఇటీవల టెస్టుల్లోనూ దుమ్ములేపాడు. అయితే, శ్రీలంక పర్యటనలో కాస్త వెనుకబడినట్లు అనిపించినా మళ్లీ త్వరలోనే బ్యాట్‌ ఝులిపించగలడు.అయితే, ట్రవిస్‌ హెడ్‌ ప్లేయర్‌ ఆఫ్‌ ది టోర్నమెంట్‌ స్థాయిలో ప్రదర్శన ఇచ్చినా.. ఈసారి ఆస్ట్రేలియా మాత్రం ఫైనల్లో ఓడిపోతుందని అనిపిస్తోంది. ఏదేమైనా హెడ్‌ మాత్రం హిట్టవ్వడం ఖాయం. నిజానికి అతడి బౌలింగ్‌ కూడా బాగుంటుంది. కానీ.. బౌలింగ్‌లో అతడి సేవలను ఆస్ట్రేలియా ఎక్కువగా ఉపయోగించుకోవడం లేదు’’ అని మైకేల్‌ క్లార్క్‌ బియాండ్‌23 క్రికెట్‌ పాడ్‌కాస్ట్‌లో అతన అభిప్రాయాలు పంచుకున్నాడు. క్లార్క్‌ వ్యాఖ్యలు నెట్టింట వైరల్‌ అవుతుండగా.. విరాట్‌ కోహ్లి అభిమానులు తమదైన శైలిలో స్పందిస్తున్నారు. ఈసారి కింగ్‌ కోహ్లినే టాప్‌ రన్‌స్కోరర్‌, ప్లేయర్‌ ఆఫ్‌ ది టోర్నమెంట్‌గా నిలుస్తాడంటూ కామెంట్లు చేస్తున్నారు. కాగా చాంపియన్స్‌ ట్రోఫీ-2025లో భారత్‌, ఆస్ట్రేలియా, పాకిస్తాన్‌, సౌతాఫ్రికా, న్యూజిలాండ్‌, అఫ్గనిస్తాన్‌, బంగ్లాదేశ్‌, ఇంగ్లండ్‌ పాల్గొంటున్నాయి.చదవండి: ఐపీఎల్‌ 2025లో SRH షెడ్యూల్‌ ఇదే.. హైదరాబాద్‌లో జరుగబోయే మ్యాచ్‌లు ఇవే..!

గాలే వేదికగా శ్రీలంకతో (Sri Lanka) జరుగుతున్న రెండో టెస్ట్‌ తొలి రోజు ఆస్ట్రేలియా (Australia) పైచేయి సాధించింది. ఆ జట్టు బౌలర్లు విజృంభించడంతో తొలి రోజు ఆట ముగిసే సమయానికి శ్రీలంక 9 వికెట్ల నష్టానికి 229 పరుగులు మాత్రమే చేసింది. మిచెల్‌ స్టార్క్‌, నాథన్‌ లయోన్‌ తలో మూడు వికెట్లు తీసి శ్రీలంకను దెబ్బేశారు. మాథ్యూ కుహ్నేమన్‌ 2, ట్రవిస్‌ హెడ్‌ ఓ వికెట్‌ పడగొట్టారు. లంక ఇన్నింగ్స్‌లో దినేశ్‌ చండీమల్‌ (74), కుసాల్‌ మెండిస్‌ (59 నాటౌట్‌) అర్ద సెంచరీలతో రాణించగా.. మిగతా ఆటగాళ్లంతా విఫలమయ్యారు. పథుమ్‌ నిస్సంక 11, దిముత్‌ కరుణరత్నే 36, ఏంజెలో మాథ్యూస్‌ 1, కమిందు మెండిస్‌ 13, ధనంజయ డిసిల్వ 0, రమేశ్‌ మెండిస్‌ 28, ప్రభాత్‌ జయసూర్య 0, నిషాన్‌ పెయిరిస్‌ డకౌట్‌ అయ్యారు. కుసాల్‌ మెండిస్‌కు జతగా లహీరు కుమార (0) క్రీజ్‌లో ఉన్నాడు. లంక ఇన్నింగ్స్‌లో ముగ్గురు డకౌట్‌ అయ్యారు.pic.twitter.com/IRsGEkTBll— rohitkohlirocks@123@ (@21OneTwo34) February 6, 2025హెడ్‌ వినూత్న సంబురాలుఈ మ్యాచ్‌లో కమిందు మెండిస్‌ను ఔట్‌ చేసిన అనంతరం ట్రవిస్‌ హెడ్‌ వినూత్న రీతిలో సంబురాలు చేసుకున్నాడు. చేయి నొప్పి పెడితే కాని, కాలితే కాని ఎలా విదిలించుకుంటామో అలా చేశాడు. హెడ్‌ ఇలాంటి వెరైటీ సంబురాలు చేసుకోవడం ఇది తొలిసారి కాదు. కొద్ది రోజుల కిందట భారత్‌తో జరిగిన టెస్ట్‌ మ్యాచ్‌ సందర్భంగా కూడా ఇంచుమించు ఇలాంటి సంబురాలే చేసుకున్నాడు.కాగా, రెండు టెస్ట్‌లు, రెండు వన్డే మ్యాచ్‌ల సిరీస్‌ల కోసం​ ఆస్ట్రేలియా శ్రీలంకలో పర్యటిస్తుంది. తొలి టెస్ట్‌లో ఆస్ట్రేలియా ఇన్నింగ్స్‌ 242 పరుగుల భారీ తేడాతో గెలుపొందింది. ఈ మ్యాచ్‌లో ఉస్మాన్‌ ఖ్వాజా (232) డబుల్‌ సెంచరీతో కదంతొక్కగా.. జోష్‌ ఇ​ంగ్లిస్‌ (102), స్టీవ్‌ స్మిత్‌ (141) సెంచరీలతో మెరిశారు. అనంతరం బ్యాటింగ్‌కు దిగిన శ్రీలంక తొలి ఇన్నింగ్స్‌లో 165 పరుగులకే ఆలౌటై ఫాలో ఆన్‌ ఆడింది. సెకెండ్‌ ఇన్నింగ్స్‌లోనూ (247 ఆలౌట్‌) లంక పరిస్థితి మారలేదు. ఫలితంగా ఘోర పరాభవాన్ని మూటగట్టుకుంది. ఆసీస్‌ బౌలర్లు కుహ్నేమన్‌ 9, నాథన్‌ లయోన్‌ 7 వికెట్లు తీసి లంక పతనాన్ని శాశించారు.టెస్ట్‌ సిరీస్‌ అనంతరg ఫిబ్రవరి 12, 14 తేదీల్లో కొలొంబో వేదికగా శ్రీలంక, ఆస్ట్రేలియా మధ్య రెండు వన్డేలు జరుగనున్నాయి. అనంతరం ఆసీస్‌ ఇక్కడి నుంచే నేరుగా పాకిస్తాన్‌కు వెళ్తుంది (ఛాంపియన్స్‌ ట్రోఫీలో పాల్గొనేందుకు). ఛాంపియన్స్‌ ట్రోఫీలో ఆసీస్‌ తమ తొలి మ్యాచ్‌ను ఫిబ్రవరి 22న ఆడుతుంది. లాహోర్‌లో జరిగే ఆ మ్యాచ​్‌లో ఆసీస్‌.. ఇంగ్లండ్‌తో తలపడుతుంది.

ఐసీసీ చాంపియన్స్‌ ట్రోఫీ-2025(ICC Champions Trophy) టోర్నమెంట్లో ఆస్ట్రేలియాను ముందుండి నడిపించడానికి తాను సిద్ధంగా ఉన్నట్లు స్టీవ్‌ స్మిత్‌(Steve Smith) ప్రకటించాడు. ప్యాట్‌ కమిన్స్‌(Pat Cummins) అందుబాటులోకి రాకపోతే కెప్టెన్సీ చేపట్టేందుకు తనకు ఎలాంటి అభ్యంతరం లేదని పేర్కొన్నాడు. కాగా ఫిబ్రవరి 19 నుంచి పాకిస్తాన్‌- దుబాయ్‌ వేదికలుగా చాంపియన్స్‌ ట్రోఫీ ఆరంభం కానున్న విషయం తెలిసిందే.అయితే, ఈ మెగా ఈవెంట్‌కు ముందు ఆస్ట్రేలియాకు వరుస ఎదురుదెబ్బలు తగులుతున్నాయి. ఇప్పటికే స్టార్‌ పేసర్‌ జోష్‌ హాజిల్‌వుడ్‌తో పాటు ఆల్‌రౌండర్‌ మిచెల్‌ మార్ష్‌ కూడా గాయాల బారిన పడగా.. కెప్టెన్‌ కమిన్స్‌ కూడా చీలమండ నొప్పితో బాధపడుతున్నాడు. ఈ క్రమంలో ఈ ముగ్గురు ఐసీసీ టోర్నీకి అందుబాటులో ఉండే పరిస్థితి కనిపించడం లేదు. ఈ విషయాన్ని ఆస్ట్రేలియా హెడ్‌కోచ్‌ ఆండ్రూ మెక్‌డొనాల్డ్‌ స్వయంగా ధ్రువీకరించాడు.చారిత్రాత్మక విజయంకాగా టీమిండియాతో స్వదేశంలో ప్రతిష్టాత్మ​ ‘బోర్డర్‌–గావస్కర్‌ ట్రోఫీ’లో చారిత్రాత్మక విజయం అందుకున్నాడు ప్యాట్‌ కమిన్స్‌. పదేళ్ల తర్వాత ఈ సిరీస్‌ గెలిచి తన కెప్టెన్సీ రికార్డులలో ప్రత్యేకమైన పేజీని లిఖించుకున్నాడు. ఆ తర్వాత వ్యక్తిగత కారణాలతో జట్టుకు దూరమైన కమిన్స్‌... చీలమండ గాయానికి చికిత్స చేయించుకుంటున్నాడు. అదే విధంగా తన భార్య తమ రెండో సంతానానికి జన్మనివ్వనున్న నేపథ్యంలో శ్రీలంక పర్యటనకు కూడా దూరంగా ఉన్నాడు.ఈ నేపథ్యంలో కమిన్స్‌ స్థానంలో మాజీ సారథి స్మిత్‌ లంక టూర్‌లో ఆస్ట్రేలియా జట్టుకు తాత్కాలిక కెప్టెన్‌గా వ్యవహరిస్తున్నాడు. ఇదిలా ఉంటే.. కమిన్స్‌ ఇంకా కోలుకోలేదని హెడ్‌కోచ్‌ మెక్‌డొనాల్డ్‌ బుధవారం వెల్లడించాడు. చాంపియన్స్‌ ట్రోఫీలో ఆడటం అసాధ్యం‘కమిన్స్‌ పూర్తిగా కోలుకోలేదు. ఇప్పటి వరకు ఇంకా శిక్షణ కూడా మొదలు పెట్టలేదు. ఇలాంటి స్థితిలో అతడు నేరుగా చాంపియన్స్‌ ట్రోఫీలో ఆడటం అసాధ్యం. మరోవైపు.. పేసర్‌ హాజల్‌వుడ్‌ కూడా గాయం నుంచి పూర్తిగా కోలుకోలేదు’ అని మెక్‌డొనాల్డ్‌ తెలిపాడు.ఈ క్రమంలో చాంపియన్స్‌ ట్రోఫీలో స్టీవ్‌ స్మిత్‌ లేదంటే ట్రవిస్‌ హెడ్‌ ఆస్ట్రేలియా సారథులుగా వ్యవహరించే అవకాశం ఉంది. ఈ విషయంపై స్పందించిన స్మిత్‌ మెగా టోర్నీలో నాయకుడిగా ఉండేందుకు తాను సిద్ధంగా ఉన్నానంటూ మనసులోని మాటను వెల్లడించాడు. ‘‘ఈ విషయం గురించి నేను పెద్దగా ఆలోచించాల్సిన అవసరం లేదు.సారథిగా ఉండటాన్ని పూర్తిగా ఆస్వాదిస్తాఅయితే, జట్టు గురించి పూర్తి అప్‌డేట్‌ వచ్చే వరకు వేచి చూడాల్సి ఉంది. ప్రస్తుతం నేను టెస్టు సిరీస్‌ మీద దృష్టి సారించాను. ఈ సిరీస్‌ గెలిచిన తర్వాత వన్డేలపైకి దృష్టి మళ్లిస్తాం. క్లిష్ట పరిస్థితుల్లో కెప్టెన్సీ చేయడం నాకు మరింత ఇష్టం.ఆటపై నాకు పూర్తి అవగాహన ఉంది. ఎలాంటి వ్యూహాలతో ముందుకు వెళ్లాలన్న విషయంపై స్పష్టత ఉంది. పరిస్థితులకు తగ్గట్లుగా పావులు కదపడాన్ని నేను ఎంతగానో ఇష్టపడతా. సారథిగా ఉండటాన్ని పూర్తిగా ఆస్వాదిస్తా’’ అని స్టీవ్‌ స్మిత్‌ తెలిపాడు.కాగా శ్రీలంక పర్యటనలో భాగంగా తొలుత టెస్టు సిరీస్‌ జరుగుతోంది. గాలెలో జరిగిన తొలి టెస్టులో ఆతిథ్య లంక జట్టును ఆస్ట్రేలియా ఏకంగా ఇన్నింగ్స్‌ 242 పరుగుల తేడాతో మట్టికరిపించింది. ఈ మ్యాచ్‌లో స్మిత్‌ అద్భుత శతకం(141)తో మెరిశాడు.ఇక ఇరుజట్ల మధ్య అదే వేదికపై గురువారం ఆఖరిదైన రెండో టెస్టు మొదలైంది. అనంతరం లంక- ఆసీస్‌ మధ్య రెండు వన్డేలు జరుగుతాయి. ఇదిలా ఉంటే.. చాంపియన్స్‌ ట్రోఫీ జట్టులో మార్పులకు ఫిబ్రవరి 12 వరకు అవకాశం ఉంది.చాంపియన్స్‌ ట్రోఫీకి ఆసీస్‌(ప్రాథమిక​) జట్టు..పాట్‌ కమిన్స్‌ (కెప్టెన్‌), ట్రవిస్‌ హెడ్‌, మాథ్యూ షార్ట్‌, మార్నస్‌ లబూషేన్‌, స్టీవ్‌ స్మిత్‌, ఆరోన్‌ హార్డీ, మార్కస్‌ స్టోయినిస్‌, గ్లెన్‌ మ్యాక్స్‌వెల్‌, అలెక్స్‌ క్యారీ, జోష్‌ ఇంగ్లిస్‌, నాథన్‌ ఇల్లిస్‌, జోష్‌ హాజిల్‌వుడ్‌, మిచెల్‌ స్టార్క్‌, ఆడమ్‌ జంపా.చదవండి: Rohit Sharma: బుమ్రా గాయంపై అప్‌డేట్‌.. వరుణ్‌ చక్రవర్తి పోటీలో ఉంటాడు!

మెల్‌బోర్న్‌: ఆ్రస్టేలియా క్రికెట్‌ బోర్డు (సీఏ) తమ ఆటగాళ్ల అత్యుత్తమ ప్రదర్శనకు ఇచ్చే వార్షిక అవార్డులను ప్రకటించింది. పురుషుల విభాగంలో ఉత్తమ ఆటగాడిగా ట్రవిస్‌ హెడ్‌ ఎంపికయ్యాడు. గత ఏడాది కాలంలో ఆసీస్‌కు కీలక విజయాలు అందించిన హెడ్‌ ‘అలెన్‌ బోర్డర్‌ మెడల్‌’ను గెలుచుకున్నాడు. మూడు ఫార్మాట్‌లలో కలిపి 1427 పరుగులు సాధించిన హెడ్‌... అవార్డు కోసం జరిగిన ఓటింగ్‌లో 208 ఓట్లతో అగ్ర స్థానంలో నిలవగా, హాజల్‌వుడ్‌కు రెండో స్థానం (158) దక్కింది. బోర్డర్‌–గావస్కర్‌ ట్రోఫీలో భాగంగా అడిలైడ్‌లో భారత్‌తో జరిగిన రెండో టెస్టులో 141 బంతుల్లో 140 పరుగులు చేసిన హెడ్‌ ప్రదర్శన హైలైట్‌గా నిలిచింది. వన్డేల్లో అత్యుత్తమ ఆటగాడి అవార్డు కూడా హెడ్‌కే దక్కడం విశేషం. ఉత్తమ టెస్టు క్రికెటర్‌గా హాజల్‌వుడ్, ఉత్తమ టి20 క్రికెటర్‌గా ఆడమ్‌ జంపా నిలిచారు. ‘బ్రాడ్‌మన్‌ యంగ్‌ క్రికెటర్‌ ఆఫ్‌ ద ఇయర్‌’గా స్యామ్‌ కొన్‌స్టాస్‌ ఎంపికయ్యాడు. ప్రస్తుతం శ్రీలంక పర్యటనలో ఉన్న కారణంగా ఆస్ట్రేలియా జట్టు పురుషుల క్రికెటర్లు ఎవరూ ఈ అవార్డులను అందుకోలేకపోయారు. మహిళల విభాగంలో అత్యుత్తమ క్రికెటర్‌గా అనాబెల్‌ సదర్లాండ్‌ నిలిచింది. ఓటింగ్‌లో యాష్లీ గార్డ్‌నర్‌ (143 పాయింట్లు)ను వెనక్కి నెట్టిన సదర్లాండ్‌ (168) ప్రతిష్టాత్మక ‘బెలిండా క్లార్క్‌ అవార్డు’కు ఎంపికైంది. గత ఏడాదిలో దక్షిణాఫ్రికాతో టెస్టులో డబుల్‌ సెంచరీ చేసిన అనాబెల్‌... ఎంసీజీలో టెస్టు సెంచరీ బాదిన (ఇంగ్లండ్‌పై) తొలి మహిళా క్రికెటర్‌గా నిలిచింది. మహిళల వన్డేల్లో ఉత్తమ క్రికెటర్‌ అవార్డు యాష్లీ గార్డ్‌నర్‌ గెలుచుకోగా, ఉత్తమ టి20 ప్లేయర్‌ పురస్కారం బెత్‌ మూనీకి దక్కింది. ఆ్రస్టేలియా క్రికెట్‌ ‘హాల్‌ ఆఫ్‌ ఫేమ్‌’లో మైకేల్‌ క్లార్క్, మైకేల్‌ బెవాన్, క్రిస్టీనా మాథ్యూస్‌ చోటు దక్కించుకున్నారు.

2025 ఆస్ట్రేలియన్‌ క్రికెట్‌ అవార్డ్స్ విజేతల వివరాలను క్రికెట్‌ ఆస్ట్రేలియా ఇవాళ (ఫిబ్రవరి 3) ప్రకటించింది. ట్రవిస్‌ హెడ్‌, జోష్‌ హాజిల్‌వుడ్‌, ఆడమ్‌ జంపా, అన్నాబెల్‌ సదర్‌ల్యాండ్‌, ఆష్లే గార్డ్‌నర్‌, బెత్‌ మూనీ వివిధ ఫార్మాట్లకు సంబంధించిన అవార్డులు గెలుచుకున్నారు. విధ్వంసకర బ్యాటర్‌ ట్రవిస్‌ హెడ్‌ తొలిసారి అలెన్‌ బోర్డర్‌ మెడల్‌ను గెలుచుకున్నాడు. ఈ మెడల్‌ కోసం జోష్‌ హాజిల్‌వుడ్‌, పాట్‌ కమిన్స్‌ హెడ్‌తో పోటీపడ్డారు. ఔహెడ్‌కు మొత్తం 208 ఓట్లు వచ్చాయి. హాజిల్‌వుడ్‌ కంటే 50 ఓట్లు, కమిన్స్‌ కంటే 61 ఓట్లు ఎక్కువ పోలయ్యాయి. గతేడాది ఫార్మాట్లకతీతంగా రాణించినందుకు హెడ్‌కు అలెన్‌ బోర్డర్‌ మెడల్‌ దక్కింది. హెడ్‌ 2024లో మూడు ఫార్మాట్లలో 1427 పరుగులు చేశాడు. ఇందులో నాలుగు సెంచరీలు ఉన్నాయి. హెడ్‌.. అలెన్‌ బోర్డర్‌ మెడల్‌తో పాటు మెన్స్‌ వన్డే ప్లేయర్‌ ఆఫ్‌ ద ఇయర్‌ అవార్డు కూడా గెలుచుకున్నాడు. ఈ అవార్డు కోసం అలెక్స్‌ క్యారీ హెడ్‌తో పోటీపడ్డాడు.హాజిల్‌వుడ్‌కు టెస్ట్‌ ప్లేయర్‌, జంపాకు టీ20 ప్లేయర్‌ ఆఫ్‌ ద ఇయర్‌ అవార్డులుగతేడాది టెస్ట్‌ల్లో ఇరగదీసిన జోష్‌ హాజిల్‌వుడ్‌కు షేన్‌ వార్న్‌ టెస్ట్‌ ప్లేయర్‌ ఆఫ్‌ ద ఇయర్‌ అవార్డు దక్కింది. హాజిల్‌వుడ్‌ 2024లో 13.17 సగటున 30 వికెట్లు పడగొట్టాడు. ఈ ప్రదర్శన కారణంగా హాజిల్‌వుడ్‌కు టెస్ట్‌ ప్లేయర్‌ ఆఫ్‌ ద ఇయర్‌ అవార్డు దక్కింది. గతేడాది పొట్టి ఫార్మాట్‌లో విశేషంగా రాణించిన ఆడమ్‌ జంపాకు మెన్స్‌ టీ20 ప్లేయర్‌ ఆఫ్‌ ద ఇయర్‌ అవార్డు లభించింది.మహిళల విభాగానికి వస్తే.. అన్నాబెల్‌ సదర్‌ల్యాండ్‌ తొలిసారి బెలిండా క్లార్క్‌ అవార్డు గెలుచుకుంది. సదర్‌ల్యాండ్‌ గతవారం యాషెస్‌ సిరీస్‌ ఏకైక టెస్ట్‌లో ఇంగ్లండ్‌పై సెంచరీ సాధించింది. గత సీజన్‌ చివర్లో సదర్‌ల్యాండ్‌ సౌతాఫ్రికాపై టెస్ట్‌ల్లో డబుల్‌ సెంచరీ (210) చేసింది. సదర్‌ల్యాండ్‌ గతేడాది మూడు ఫార్మాట్లలో 46.94 సగటున 798 పరుగులు చేసి 34 వికెట్లు పడగొట్టింది.గార్డ్‌నర్‌కు వన్డే, మూనీకి టీ20 ప్లేయర్‌ ఆఫ్‌ ద ఇయర్‌ అవార్డులుఆష్లే గార్డ్‌నర్‌ 2024 ఆస్ట్రేలియా మహిళల వన్డే ప్లేయర్‌ ఆఫ్‌ ద ఇయర్‌ అవార్డు గెలుచుకుంది. గార్డ్‌నర్‌ గతేడాది వన్డేల్లో 385 పరుగులు చేసి 23 వికెట్లు పడగొట్టింది. బెత్‌ మూనీ ఆస్ట్రేలియా మహిళల టీ20 ప్లేయర్‌ ఆఫ్‌ ద ఇయర్‌ అవార్డు గెలుచుకుంది. మూనీ గతేడాది టీ20ల్లో 47.53 సగటున, 129.83 స్ట్రయిక్‌రేట్‌తో 618 పరుగులు చేసింది.మ్యాక్స్‌వెల్‌, పెర్రీలకు బిగ్‌బాష్‌ లీగ్‌ అవార్డులుఆల్‌రౌండర్లు గ్లెన్‌ మ్యాక్స్‌వెల్‌, కూపర్‌ కన్నోలీ జాయింట్‌గా మెన్స్‌ బిగ్‌బాష్‌ లీగ్‌ ప్లేయర్‌ ఆఫ్‌ ద టోర్నీ అవార్డు గెలుచుకున్నారు. ఎల్లిస్‌ పెర్రీ, జెస్‌ జొన్నాసెన్‌ జాయింట్‌గా మహిళల బిగ్‌బాష్‌ లీగ్‌ ప్లేయర్‌ ఆఫ్‌ ద టోర్నీ అవార్డు గెలుచుకున్నారు.

గాలే వేదిక‌గా శ్రీలంక‌తో జ‌రుగుతున్న తొలి టెస్టులో ఆస్ట్రేలియా ప‌ట్టు బిగిస్తోంది. రెండో రోజు ఆట ముగిసే స‌మ‌యానికి శ్రీలంక 15 ఓవర్లలో 3 వికెట్ల నష్టానికి 44 పరుగులు చేసింది. ఒషాడో ఫెర్నాండో (7), దిముత్‌ కరుణరత్నె (7), ఏంజెలో మాథ్యూస్‌ (7) అవుట్‌ కాగా... దినేశ్‌ చండీమల్‌ (9 బ్యాటింగ్‌), కమిందు మెండిస్‌ (13 బ్యాటింగ్‌) క్రీజులో ఉన్నారు. లంక ఇంకా ప్రత్యర్థి తొలి ఇన్నింగ్స్‌ స్కోరుకు ఇంకా 610 పరుగులు వెనుకబడి ఉంది. అంతకముందు ఆ్రస్టేలియా 154 ఓవర్లలో 6 వికెట్ల నష్టానికి 654 పరుగులు చేసి తమ తొలి ఇన్నింగ్స్‌ను డిక్లేర్‌ చేసింది. ఆసీస్ బ్యాటర్లలో ఓపెనర్‌ ఉస్మాన్‌ ఖ్వాజా (352 బంతుల్లో 232; 16 ఫోర్లు, 1 సిక్స్‌) కెరీర్‌లో తొలి డబుల్‌ సెంచరీ నమోదు చేసుకోగా... అరంగ్రేట ఆటగాడు జోస్‌ ఇంగ్లిస్‌ (94 బంతుల్లో 102; 10 ఫోర్లు, 1 సిక్స్‌), స్టీవ్‌ స్మిత్‌ (251 బంతుల్లో 141; 12 ఫోర్లు, 2 సిక్స్‌లు) సెంచరీలతో మెరిశారు.హెడ్ సూపర్ క్యాచ్‌..కాగా రెండో రోజు ఆటలో ఆసీస్ స్టార్ ప్లేయర్ ట్రావిస్ హెడ్ అద్భుతమైన క్యాచ్‌తో మెరిశాడు. స్టన్నింగ్ క్యాచ్‌తో శ్రీలంక వెటరన్ ఏంజెలో మాథ్యూస్‌ను హెడ్ పెవిలియన్‌కు పంపాడు. లంక ఇన్నింగ్స్ 10వ ఓవర్ వేసిన ఆసీస్ స్పిన్నర్ నాథన్ లియాన్‌.. మూడో బంతిని మాథ్యూస్‌కు ఆఫ్‌బ్రేక్ డెలివరీగా సంధించాడు. ఆ లూపీ డెలివరీని మాథ్యూస్ ఫ్రంట్ ఫుట్‌ డిఫెన్స్ ఆడేందుకు ప్రయత్నం చేశాడు.కానీ బంతి బ్యాట్ ఎడ్జ్ తీసుకుని షార్ట్-లెగ్ ఫీల్డర్‌ కుడివైపునకు వెళ్లింది. ఈ క్రమంలో అక్కడే ఉన్న హెడ్ తన కుడివైపునకు లాంగ్ డైవ్ చేస్తూ సింగిల్ హ్యాండ్‌తో క్యాచ్ అందుకున్నాడు. దీంతో మాథ్యూస్‌ ఒక్కసారిగా షాక్ అయ్యాడు. చేసేదేమి లేక మాథ్యూస్‌(7) నిరాశతో మైదానాన్ని వీడాడు.ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. కాగా తొలి ఇన్నింగ్స్‌లో హెడ్‌ బ్యాట్‌తో కూడా సత్తాచాటాడు. ఓపెనర్‌గా వచ్చిన హెడ్‌ 40 బంతుల్లో 10 ఫోర్లు, ఒక​ సిక్సర్‌తో 57 పరుగులు చేసి ఔటయ్యాడు. ఇక ఆస్ట్రేలియా ఇప్పటికే డబ్ల్యూటీసీ ఫైనల్‌కు ఆర్హత సాధించిన సంగతి తెలిసిందే.చదవండి: దినేష్ కార్తీక్ విధ్వంసం.. హ్యాట్రిక్ సిక్స్‌ల‌తో హాఫ్ సెంచ‌రీ! వీడియో Travis Head flies at bat pad! ✈️Nathan Lyon gets Australia's THIRD #SLvAUS pic.twitter.com/Nx4KxB0bwy— 7Cricket (@7Cricket) January 30, 2025

శ్రీలంకతో తొలి టెస్టు(Sri Lanka Vs Australia)లో ఆస్ట్రేలియా స్టార్‌ క్రికెటర్‌ ట్రవిస్‌ హెడ్‌(Travis Head) ధనాధన్‌ దంచికొట్టాడు. తనను ఓపెనర్‌గా పంపినందుకు... అద్భుతమైన ఇన్నింగ్స్‌తో ఆకట్టుకుని జట్టుకు శుభారంభం అందించాడు. మెరుపు అర్ధశతకంతో సత్తా చాటి తన విలువను చాటుకున్నాడు.కాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఎడిషన్‌లో ఆస్ట్రేలియా ఇప్పటికే ఫైనల్‌కు చేరుకుంది. టైటిల్‌ పోరులో సౌతాఫ్రికాతో జూన్‌లో తలపడనుంది. అంతకంటే ముందు ఈ సీజన్‌లో ఆఖరిగా శ్రీలంకతో రెండు టెస్టులు ఆడేందుకు అక్కడికి వెళ్లింది.ఈ క్రమంలో ఇరుజట్ల మధ్య గాలె వేదికగా బుధవారం తొలి టెస్టు ఆరంభమైంది. ఈ మ్యాచ్‌లో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఉస్మాన్‌ ఖవాజా(Usman Khawaja)కు ఓపెనింగ్‌ జోడీగా ప్రమోట్‌ అయిన టీ20 వీరుడు ట్రవిస్‌ హెడ్‌ ఆది నుంచే లంక బౌలర్లపై అటాక్‌ చేశాడు.తొలి ఓవర్లోనే మూడు బౌండరీలు.. మెరుపు ఫిఫ్టీఇన్నింగ్స్‌ ఆరంభంలోనే తన మార్కు చూపించిన హెడ్‌.. తొలి ఓవర్లోనే మూడు బౌండరీలు బాదాడు. లంక పేసర్‌ అసిత ఫెర్నాండో బౌలింగ్‌లో మూడు, ఐదు, ఆరో బంతికి ఫోర్లు బాదాడు. అదే జోరులో వీలుచిక్కినప్పుడల్లా బంతిని బౌండరీకి తరలించిన ఈ ఎడమచేతి వాటం బ్యాటర్‌.. 35 బంతుల్లోనే యాభై పరుగుల మార్కు అందుకున్నాడు.మొత్తంగా నలభై బంతులు ఎదుర్కొన్న ట్రవిస్‌ హెడ్‌.. 57 పరుగుల వ్యక్తిగత స్కోరు వద్ద అవుటయ్యాడు. లంక స్పిన్నర్‌ ప్రబాత్‌ జయసూర్య బౌలింగ్‌లో చండీమాల్‌కు క్యాచ్‌కు ఇచ్చి పెవిలియన్‌ చేరాడు. ఇక హెడ్‌ ఇన్నింగ్స్‌లో పది ఫోర్లతో పాటు.. ఒక సిక్సర్‌ కూడా ఉంది.టీ20 తరహా వీరబాదుడుఈ నేపథ్యంలో తనను టెస్టుల్లో ఓపెనర్‌గా ప్రమోట్‌ చేసినందుకు హెడ్‌.. మేనేజ్‌మెంట్‌కు పైసా వసూల్‌ ప్రదర్శన ఇచ్చాడంటూ అభిమానులు ప్రశంసిస్తున్నారు. టెస్టు ఫార్మాట్లోనూ టీ20 తరహా వీరబాదుడు బాదడం అతడికి మాత్రమే చెల్లుతుందంటూ కొనియాడుతున్నారు. ఇక సన్‌రైజర్స్‌ హైదరాబాద్‌ ఫ్యాన్స్‌ అయితే.. హెడ్‌ ఇప్పటి నుంచే ఐపీఎల్‌ మోడ్‌లోకి వెళ్లిపోయాడంటూ ఆకాశానికెత్తుతున్నారు.స్టీవ్‌ స్మిత్‌ సారథ్యంలోకాగా శ్రీలంకతో టెస్టులకు ఆస్ట్రేలియా రెగ్యులర్‌ టెస్టు కెప్టెన్‌ ప్యాట్‌ కమిన్స్‌ దూరంగా ఉన్నాడు. ఈ నేపథ్యంలో మాజీ సారథి స్టీవ్‌ స్మిత్‌ ఈ సిరీస్‌లో కంగారూ జట్టును ముందుండి నడిపిస్తున్నాడు. ఇక తాజా పర్యటనలో భాగంగా ఆస్ట్రేలియా శ్రీలంకతో రెండు టెస్టులతో పాటు.. కొలంబో వేదికగా రెండు వన్డేల సిరీస్‌ కూడా ఆడనుంది. ఫిబ్రవరి 14న రెండో వన్డేతో ఆసీస్‌ లంక టూర్‌ ముగుస్తుంది. ఇదిలా ఉంటే.. తొలి టెస్టులో హెడ్‌తో పాటు మరో ఓపెనర్‌ ఉస్మాన్‌ ఖవాజా కూడా అర్ధ శతకం పూర్తి చేసుకోగా.. వన్‌డౌన్‌ బ్యాటర్‌ మార్నస్‌ లబుషేన్‌ అతడికి సహకారం అందిస్తున్నాడు. లంకతో తొలి రోజు ఆటలో భాగంగా 29 ఓవర్లు ముగిసేసరికి ఆస్ట్రేలియా వికెట్‌ నష్టానికి 132 పరుగులు చేసింది.శ్రీలంక వర్సెస్‌ ఆస్ట్రేలియా తొలి టెస్టుతుదిజట్లుశ్రీలంకదిముత్ కరుణరత్నే, ఓషద ఫెర్నాండో, దినేష్ చండిమాల్, ఏంజెలో మాథ్యూస్, కమిందు మెండిస్, ధనంజయ డి సిల్వా (కెప్టెన్‌), కుశాల్ మెండిస్ (వికెట్), ప్రబాత్ జయసూర్య, నిషాన్ పీరిస్, జెఫ్రీ వాండర్సే, అసిత ఫెర్నాండో.ఆస్ట్రేలియాఉస్మాన్ ఖవాజా, ట్రవిస్ హెడ్, మార్నస్ లబుషేన్‌, స్టీవెన్ స్మిత్ (కెప్టెన్‌), జోష్ ఇంగ్లిస్, బ్యూ వెబ్‌స్టర్, అలెక్స్ కారీ (వికెట్‌ కీపర్‌), మిచెల్ స్టార్క్, మాథ్యూ కుహ్నెమాన్, నాథన్ లియోన్, టాడ్ మర్ఫీ.చదవండి: Suryakumar Yadav: అతడొక వరల్డ్‌క్లాస్‌ బౌలర్‌.. మా ఓటమికి కారణం అదేA Travis Head half century inside the first hour of Day 1 👀#SLvAUS pic.twitter.com/e5QNF4FaK3— 7Cricket (@7Cricket) January 29, 2025

గాలే వేదిక‌గా శ్రీలంక‌తో బుధ‌వారం(జ‌న‌వ‌రి29) నుంచి ప్రారంభం కానున్న తొలి టెస్టుకు ఆస్ట్రేలియా అన్ని విధాల సిద్ద‌మైంది. ఈ రెండు మ్యాచ్‌ల సిరీస్ కోసం దుబాయ్‌లో ఏర్పాటు చేసిన స్పెష‌ల్ ట్రైనింగ్ క్యాంపులో కంగారులు తీవ్రంగా శ్ర‌మించారు.లంక స్పిన్న‌ర్ల‌ను ఎదుర్కొనేందుకు ప్ర‌త్యేకంగా స్పిన్ ట్రాక్‌లను ఏర్పా టు చేసుకుని మ‌రి ఆస్ట్రేలియా ప్రాక్టీస్ చేసింది. ఈ టూర్‌కు ఆసీస్ రెగ్యూల‌ర్ కెప్టెన్ ప్యాట్ క‌మ్మిన్స్ వ్య‌క్తిగ‌త కార‌ణాల‌తో దూర‌మ‌య్యాడు. దీంతో స్టీవ్ స్మిత్ ఆసీస్ జ‌ట్టు కెప్టెన్‌గా వ్య‌హ‌రించ‌నున్నాడు.వ‌ర‌ల్డ్ టెస్టు ఛాంపియ‌న్‌షిప్ ఫైన‌ల్ 2023-25లో ఆసీస్‌కు ఇదే ఆఖ‌రి సిరీస్‌. కాగా ఆసీస్ ఇప్ప‌టికే డ‌బ్ల్యూటీసీ ఫైన‌ల్ బెర్త్‌ను ఖారారు చేసుకుంది. బోర్డ‌ర్-గ‌వాస్క‌ర్ ట్రోఫీలో భార‌త్‌ను ఓడించి డ‌బ్ల్యూటీసీ ఫైన‌ల్లో క‌మ్మిన్స్ సేన అడుగుపెట్టింది.ఆసీస్ ఓపెన‌ర్‌గా ట్రావిస్ హెడ్‌..ఇక శ్రీలంక‌తో తొలి టెస్టులో ఆస్ట్రేలియా ఓపెన‌ర్‌గా స్టార్ బ్యాట‌ర్ ట్రావిస్ హెడ్ బ‌రిలోకి దిగ‌నున్నాడు. ఉస్మాన్ ఖవాజాతో క‌లిసి ఆసీస్ ఇన్నింగ్స్‌ను హెడ్ ప్రారంభించ‌నున్నాడు. జట్టులో సామ్ కాన్‌స్టాస్‌, నాథ‌న్ మెక్‌స్వీనీ ఉన్న‌ప్పటికి ఆసీస్ టీమ్‌ మెనెజ్‌మెంట్ మాత్రం హెడ్‌కే ప్రాధాన్య‌త ఇచ్చింది.హెడ్ సాధ‌ర‌ణంగా వైట్ బాల్ ఫార్మాట్‌లో ఆసీస్ ఇన్నింగ్స్‌ను ప్రారంభిస్తుంటాడు. టెస్టుల్లో మాత్రం ఎక్కువ‌గా మిడిలార్డ‌ర్‌లో బ్యాటింగ్ వ‌స్తుంటాడు. అయితే రెడ్‌బాల్ క్రికెట్‌లో కూడా అత‌డు ఓపెనింగ్ వ‌చ్చిన సంద‌ర్భాలు ఉన్నాయి. దీంతో మ‌రోసారి అత‌డిని ఓపెన‌ర్‌గా పంపి ప‌రీక్షించాల‌ని ఆస్ట్రేలియా టీమ్‌ మెనెజ్‌మెంట్ మాత్రం భావిస్తుంది.ఈ విష‌యాన్ని ఆసీస్ స్టాండింగ్ కెప్టెన్ స్టీవ్ స్మిత్ ధ్రువీక‌రించాడు. కాగా వార్న‌ర్ రిటైరయ్యాక ఆసీస్ ఓపెన‌ర్ల‌గా నాథన్ మెక్‌స్వీనీ, సామ్ కాన్‌స్టాస్‌కు సెల‌క్ట‌ర్లు అవ‌కాశ‌మిచ్చారు. నాథన్ మెక్‌స్వీనీ విఫ‌ల‌మైన‌ప్ప‌టికి కాన్‌స్టాస్ మాత్రం త‌న ఆట తీరుతో ఆక‌ట్టుకున్నాడు. అయిన‌ప్ప‌ట‌కి లంక‌తో సిరీస్‌కు అత‌డికి ఓపెన‌ర్‌గా చోటు ద‌క్క‌లేదు.ట్రావిస్ హెడ్ మా ఇన్నింగ్స్‌ను ప్రారంభించ‌నున్నాడు. టాపార్డర్డ్‌లో కూడా అత‌డు త‌న సూప‌ర్ ఫామ్‌ను కొన‌సాగిస్తాడ‌ని భావిస‌తున్నాను. అత‌డు ఏ పొజిషేన్‌లోనైనా ఒకేలా బ్యాటింగ్ చేస్తాడు. గ‌తంలో భార‌త్‌లో అత‌డు ఓపెన‌ర్‌గా వ‌చ్చి అద్బుత‌మైన ఇన్నింగ్స్‌లు ఆడాడు. దీంతో సెల‌క్ట‌ర్లు మ‌రోసారి ఛాన్స్ ఇచ్చారు అని ప్రీమ్యాచ్ కాన్ఫరెన్స్‌లో స్మిత్ పేర్కొన్నాడు. ఓపెన‌ర్‌గా మూడు టెస్టులు ఆడిన ట్రావిస్‌.. 223 ప‌రుగులు చేశాడు.కాగా హెడ్ అద్బుత‌మైన ఫామ్‌లో ఉన్నాడు. భార‌త్‌తో జ‌రిగిన టెస్టు సిరీస్‌లో 448 ప‌రుగుల‌తో లీడింగ్ ర‌న్‌స్కోర‌ర్‌గా నిలిచాడు.శ్రీలంకతో టెస్టులకు ఆసీస్‌ జట్టు: స్టీవ్ స్మిత్ (కెప్టెన్), సీన్ అబాట్, స్కాట్ బోలాండ్, అలెక్స్ కారీ, కూపర్ కొన్నోలీ, ట్రావిస్ హెడ్, జోష్ ఇంగ్లిస్, ఉస్మాన్ ఖవాజా, సామ్ కాన్స్టాస్, మాట్ కుహ్నెమాన్, మార్నస్ లాబుషేన్‌, నాథన్ లియోన్, నాథన్ మెక్‌స్వీనీ, టోడ్ మర్ఫీ చదవండి: Rohit Sharma: కొంపదీసి అందుకోసమేనా ఇదంతా?: గావస్కర్‌

ఐసీసీ చాంపియన్స్‌ ట్రోఫీ-2025(ICC Champions Trophy 2025)కి క్రికెట్‌ ఆస్ట్రేలియా తమ జట్టును ప్రకటించింది. ఈ మెగా టోర్నీకి పదిహేను మంది సభ్యులతో కూడిన ప్రాథమిక జట్టును ఎంపిక చేసినట్లు సోమవారం వెల్లడించింది. అయితే, గాయం కారణంగా దూరమవుతాడనుకున్న ప్యాట్‌ కమిన్స్‌(Pat Cummins) సారథ్యంలోనే ఆస్ట్రేలియా ఈ ఈవెంట్లో పాల్గొననుంది.తొలిసారిగా ఆ ఇద్దరికి చోటుఇక బ్యాటర్‌ మాథ్యూ షార్ట్‌తో పాటు ఆల్‌రౌండర్‌ ఆరోన్‌ హార్డీ(Aaron Hardie) తొలిసారిగా ఐసీసీ టోర్నమెంట్‌లో ఆడే అవకాశం దక్కించుకున్నారు. మరోవైపు.. బిగ్‌ బాష్‌ లీగ్‌లో భాగంగా పొట్టి ఫార్మాట్‌లో పరుగుల వరద పారించిన నాథన్‌ ఎల్లిస్‌ కూడా ఈ జట్టులో స్థానం సంపాదించాడు. ఇప్పటికే రిటైర్‌ అయిన డేవిడ్‌ వార్నర్‌, గాయం వల్ల జట్టుకు దూరమైన కామెరాన్‌ గ్రీన్‌, పేసర్‌ సీన్‌ అబాట్‌ స్థానాల్లో మాథ్యూ, హార్డీ, ఎల్లిస్‌ ఈ జట్టులోకి వచ్చారు.మోకాలి గాయంకాగా టీమిండియాతో బోర్డర్‌- గావస్కర్‌ ట్రోఫీలో ఆస్ట్రేలియా అదరగొట్టిన విషయం తెలిసిందే. ఈ ఐదు మ్యాచ్‌ల టెస్టు సిరీస్‌ను కమిన్స్‌ బృందం 3-1తో గెలిచి పదేళ్ల తర్వాత ట్రోఫీని కైవసం చేసుకుంది. అయితే, ఈ మెగా సిరీస్‌ నేపథ్యంలో కెప్టెన్‌, స్టార్‌ పేసర్‌ కమిన్స్‌ గాయపడినట్లు వార్తలు వచ్చాయి.శ్రీలంక పర్యటనలో భాగంగా రెండు టెస్టులు ఆడే జట్టుకు కమిన్స్‌దూరంగా ఉన్నాడు. ఈ నేపథ్యంలో ఆసీస్‌ చీఫ్‌ సెలక్టర్‌ జార్జ్‌ బెయిలీ అతడి గాయాన్ని ధ్రువీకరిస్తూ మోకాలి నొప్పితో కమిన్స్‌ బాధపడుతున్నట్లు తెలిపాడు. దీంతో అతడు చాంపియన్స్‌ ట్రోఫీకి దూరం కానున్నాడనే ఊహాగానాలు వినిపించాయి. అయితే, తాజా ప్రకటనతో అవన్నీ వట్టి వదంతులేనని తేలిపోయింది.వన్డే ప్రపంచకప్‌-2023 విజేతఇదిలా ఉంటే.. భారత్‌ వేదికగా జరిగిన వన్డే ప్రపంచకప్‌-2023లో ప్యాట్‌ కమిన్స్‌ ఆస్ట్రేలియాను చాంపియన్‌గా నిలిపిన విషయం తెలిసిందే. ఫైనల్లో టీమిండియాను ఓడించి.. కంగారూ జట్టుకు టైటిల్‌ అందించాడు. ఈ క్రమంలో ఏకంగా ఆరోసారి వన్డే వరల్డ్‌కప్‌ గెలిచిన ఆస్ట్రేలియా.. మరో వన్డే మెగా టోర్నీ చాంపియన్స్‌ ట్రోఫీకి అర్హత సాధించింది.వరల్డ్‌కప్‌ ఈవెంట్లో రన్నరప్‌గా నిలిచిన టీమిండియాతో పాటు సౌతాఫ్రికా, న్యూజిలాండ్‌, అఫ్గనిస్తాన్‌, ఇంగ్లండ్‌, బంగ్లాదేశ్‌ కూడా ఈ టోర్నమెంట్లో ఆడేందుకు క్వాలిఫై అయ్యాయి. అయితే, 2017లో చాంపియన్స్‌ ట్రోఫీ విజేతగా నిలిచిన పాకిస్తాన్‌ ఆతిథ్య జట్టు హోదాలో నేరుగా ఈ ఐసీసీ ఈవెంట్లో అడుగుపెట్టింది.గ్రూప్‌- ‘బి’లోఇదిలా ఉంటే.. వన్డే ఫార్మాట్‌లో జరిగే చాంపియన్స్‌ ట్రోఫీ ఆడేందుకు టీమిండియాను పాకిస్తాన్‌కు పంపేందుకు బీసీసీఐ నిరాకరించగా... దుబాయ్‌ వేదికగా రోహిత్‌ సేన తమ మ్యాచ్‌లు ఆడనుంది. ఇక ఫిబ్రవరి 19 నుంచి మొదలుకానున్న ఈ టోర్నీలో ఆస్ట్రేలియా.. అఫ్గనిస్తాన్‌, బంగ్లాదేశ్‌, ఇంగ్లండ్‌లతో కలిసి గ్రూప్‌-బిలో ఉంది. ఇక గ్రూప్‌-‘ఎ’లో భారత్‌తో పాటు న్యూజిలాండ్‌, పాకిస్తాన్‌, సౌతాఫ్రికా ఆడనున్నాయి. కాగా ఆస్ట్రేలియా ఫిబ్రవరి 22న లాహోర్ వేదికగా తమ తొలి మ్యాచ్‌లో ఇంగ్లండ్‌తో తలపడనుంది.ఐసీసీ చాంపియన్స్‌ ట్రోఫీ-2025కి ఆస్ట్రేలియా క్రికెట్‌ జట్టుప్యాట్‌ కమిన్స్‌(కెప్టెన్‌), అలెక్స్‌ క్యారీ, నాథన్‌ ఎల్లిస్‌, ఆరోన్‌ హార్డీ, జోష్‌ హాజిల్‌వుడ్‌, ట్రవిస్‌ హెడ్‌, జోష్‌ ఇంగ్లిస్‌, మార్నస్‌ లబుషేన్‌, మిచెల్‌ మార్ష్‌, గ్లెన్‌ మాక్స్‌వెల్‌, మాథ్యూ షార్ట్‌, స్టీవ్‌ స్మిత్‌, మిచెల్‌ స్టార్క్‌, మార్కస్‌ స్టొయినిస్‌, ఆడం జంపా.చదవండి: IPL 2025: కెప్టెన్‌ పేరును ప్రకటించిన పంజాబ్‌ కింగ్స్‌చాంపియన్స్ ట్రోఫీ షెడ్యూల్ విడుదల.. భారత్ మ్యాచ్‌లు ఎక్కడంటే?

ఐసీసీ పురుషుల టీ20 క్రికెట్ ఆఫ్ ది ఇయర్-2024కు సంబంధించిన నామినీస్‌ వివరాలను అంతర్జాతీయ క్రికెట్ కౌన్సిల్ ఆదివారం(డిసెంబర్ 29) ప్రకటించింది. ఈ ప్రతిష్టాత్మకమైన అవార్డు కోసం మొత్తం నలుగురు ఆటగాళ్లను ఐసీసీ నామినేట్‌ చేసింది.ఈ జాబితాలో భారత్‌ నుంచి యువ ఫాస్ట్ బౌలర్ అర్ష్‌దీప్ సింగ్‌కు చోటు దక్కించుకున్నాడు. ఈ ఏడాది టీ20ల్లో అర్ష్‌దీప్‌ సింగ్‌ అద్బుతమైన ప్రదర్శన కనబరిచాడు. ఈ ఏడాది కేవలం 18 టీ20లు మాత్రమే ఆడిన అర్ష్‌దీప్‌ 7.49 ఏకనామీతో 36 వికెట్లు పడగొట్టాడు. టీ20 వరల్డ్‌కప్‌-2024లోనూ అర్షదీప్‌ అత్యుత్తమ ప్రదర్శన చేశాడు. మొత్తం 8 మ్యాచ్‌ల్లో 17 వికెట్లు పడగొట్టి ఈ మెగా ఈవెంట్‌లో లీడింగ్‌ వికెట్‌ టేకర్‌గా నిలిచాడు. ఇక ఈ అవార్డు కోసం అర్ష్‌దీప్‌ సింగ్‌తో పాటు పాకిస్తాన్‌ స్టార్‌ ప్లేయర్‌ బాబర్‌ ఆజం, జింబాబ్వే కెప్టెన్‌ సికిందర్‌ రజా, ఆస్ట్రేలియా విధ్వంసకర వీరుడు ట్రావిస్‌ హెడ్‌ పోటీ పడుతున్నారు.ఈ ఏడాది టీ20ల్లో బాబర్‌ పర్వాలేదన్పించాడు. 23 ఇన్నింగ్స్‌లో 738 పరుగులతో పాక్‌ తరపున లీడింగ్‌ స్కోరర్‌గా నిలిచాడు. అదే విధంగా సికిందర్‌ రజా ఈ ఏడాది టీ20 క్రికెట్‌లో ఆల్‌రౌండ్ షోతో అదరగట్టాడు. మొత్తం 23 ఇన్నింగ్స్‌లలో 573 పరుగులతో పాటు 24 కూడా వికెట్లు పడగొట్టాడు. ఇక ట్రావిస్‌ హెడ్‌ విషయానికి వస్తే.. ఈ ఏడాది 15 ఇన్నింగ్స్‌లో 539 పరుగులు చేశాడు.బుమ్రాకు నో ఛాన్స్‌.. కాగా ఈ నామినీస్ జాబితాలో టీమిండియా పేస్ ‍గుర్రం జస్ప్రీత్ బుమ్రా పేరు లేకపోవడం అందరిని ఆశ్చర్యపరుస్తోంది. ఈ ఏడాది జరిగిన టీ20 వరల్డ్‌కప్‌లో బుమ్రా అద్భుతమైన ప్రదర్శన కనబరిచాడు. ఈ మెగా టోర్నీలో బుమ్రా ఎనిమిది మ్యాచ్‌లలో 4.17 ఎకానమీతో 15 వికెట్లు పడగొట్టి ప్లేయర్‌ ఆఫ్‌ది టోర్నీగా బుమ్రా నిలిచాడు. అయినప్పటికి బుమ్రాను టీ20 క్రికెట్ ఆఫ్ ది ఇయర్ అవార్డుకు నామినేట్‌ చేయకపోవడం గమనార్హం.

మెల్‌బోర్న్ వేదికగా జరుగుతున్న బాక్సింగ్ టెస్టులో టీమిండియాకు ట్రావిస్ హెడ్ 'హెడేక్‌' త‌ప్పింది. ఈ నాలుగో టెస్టు తొలి ఇన్నింగ్స్‌లో హెడ్ డ‌కౌట‌య్యాడు. టీమిండియా పేస్ గుర్రం జస్ప్రీత్ బుమ్రా అద్బుత‌మైన బంతితో హెడ్‌ను క్లీన్ బౌల్డ్ చేశాడు.దీంతో అత‌డు ఏడు బంతులు ఆడి ఖాతా తెర‌వ‌కుండానే పెవిలియ‌న్‌కు చేరాడు. ఆసీస్ ఇన్నింగ్స్ 67వ ఓవ‌ర్ వేసిన బుమ్రా మూడో బంతిని హెడ్‌కు ఆఫ్ స్టంప్ దిశ‌గా గుడ్-లెంగ్త్ డెలివ‌రీగా సంధించాడు. అయితే ఆ బంతిని సరిగ్గా అంచనా వేయ‌లేకపోయిన హెడ్ వెనక్కి విడిచిపెట్టేయాల‌ని నిర్ణ‌యించుకున్నాడు.కానీ వైడ్‌ ఆఫ్ స్టంప్ వెలుపుల ప‌డ్డ బంతి అద్బుతంగా స్వింగ్ అయ్యి ఆఫ్ స్టంప్‌ను గిరాటేసింది. బుమ్రా దెబ్బ‌కు హైడ్ మైండ్ బ్లాంక్ అయిపోయింది. ఇందుకు సంబంధించిన వీడియో సోష‌ల్ మీడియాలో వైర‌ల‌వుతోంది. కాగా అంతర్జాతీయ క్రికెట్‌లో భారత్‌పై ట్రావిస్‌ హెడ్‌ డకౌట్‌ కావడం ఇదే తొలిసారి. ఇక ఈ సిరీస్‌లో ఇప్పటికే హెడ్‌ విధ్వంసం సృష్టించిన సంగతి తెలిసిందే. తొలి మూడు టెస్టుల్లో హెడ్‌ రెండు సెంచరీలను నమోదు చేసి భారత్‌కు తల నొప్పిగా మారాడు.ఈ క్రమంలో నాలుగో టెస్టులో హెడ్‌ డకౌట్‌ కావడం భారత్‌ కలిసొచ్చే ఆంశంగా చెప్పాలి. ఇక 83 ఓవర్లు ముగిసే సరికి ఆసీస్‌ తమ తొలి ఇన్నింగ్స్‌లో 6 వికెట్ల నష్టానికి 300 పరుగులు చేసింది. What a sight for an Indian fan!!! Watch on loop! #Jaspritbumrah𓃵#INDvsAUS#BGT2024pic.twitter.com/DMLC4eCyox— Cricketwood (@thecricketwood) December 26, 2024చదవండి: #Virat Kohli: యువ క్రికెటర్‌తో గొడవ.. విరాట్‌ కోహ్లికి ఐసీసీ భారీ షాక్

మెల్‌బోర్న్‌: భారత్‌తో నాలుగో టెస్టుకు ముందుఆ్రస్టేలియాకు ఆందోళన పెంచే విషయమిది! సిరీస్‌లో చెలరేగిపోతున్న ట్రావిస్‌ హెడ్‌ ‘బాక్సింగ్‌ డే’ టెస్టులో ఆడటంపై కొంత సందిగ్ధత కనిపిస్తోంది. తొడ కండరాల గాయంతో బాధపడుతున్న హెడ్‌ ఇంకా పూర్తిగా కోలుకోలేదు. దాంతో తుది జట్టు ఎంపిక విషయంలో ఆసీస్‌కు ఇంకా స్పష్టత రాలేదు. మ్యాచ్‌కు ముందు రోజు హెడ్‌కు ఫిట్‌నెస్‌ పరీక్ష నిర్వహించే అవకాశం ఉంది. అప్పుడే టీమ్‌ను ప్రకటిస్తారు. ఈ సిరీస్‌లో హెడ్‌ వరుసగా 11, 89, 140, 152, 17 పరుగులు చేశాడు. బ్రిస్బేన్‌ టెస్టు రెండో ఇన్నింగ్స్‌ సమయంలోనే హెడ్‌ కండరాల నొప్పితో బాధపడ్డాడు. ఆ తర్వాత అతను ఫీల్డింగ్‌కు కూడా దిగలేదు. సోమవారం ప్రాక్టీస్‌కు పూర్తిగా దూరంగా ఉన్న అతను...మంగళవారం మాత్రం కాసేపే సాధన చేశాడు. హెడ్‌ స్థానం ఇంకా ఖాయం లేదని అంగీకరించిన కోచ్‌ ఆండ్రూ మెక్‌డొనాల్డ్‌... బ్యాటింగ్‌ చేయడంలో ఇబ్బంది లేకపోతే కచ్చితంగా బరిలోకి దిగుతాడని ఆశాభావం వ్యక్తం చేశాడు. మరోవైపు ఆసీస్‌ తుది జట్టులో రెండు మార్పులు ఖాయమయ్యాయి. మెక్‌స్వీనీ స్థానంలో స్యామ్‌ కొంటాస్‌ అరంగేట్రం చేయనుండగా... హాజల్‌వుడ్‌కు బదులుగా బోలండ్‌ జట్టులోకి వస్తాడు.

మెల్‌బోర్న్ వేదిక‌గా డిసెంబ‌ర్ 26 నుంచి భార‌త్‌తో జ‌ర‌గ‌నున్న నాలుగో టెస్టుకు ముందు ఆస్ట్రేలియాకు భారీ షాక్‌ త‌గిలే అవ‌కాశ‌ముంది. బాక్సింగ్ డే టెస్టుకు ఆ జ‌ట్టు స్టార్ ఆట‌గాడు ట్రావిస్ హెడ్ గాయం కార‌ణంగా దూరం కానున్న‌ట్లు తెలుస్తోంది.హెడ్ ప్రస్తుతం తొడ కండరాల గాయంతో బాధపడుతున్నట్లు సమాచారం. బ్రిస్బేన్‌​ వేదికగా జరిగిన మూడో టెస్టు రెండో ఇన్నింగ్స్‌లో హెడ్ కుంటుతూ కన్పించాడు. అతడు భారత్ రెండో ఇన్నింగ్స్ సందర్భంగా ఫీల్డింగ్‌కు కూడా రాలేదు.అయితే కాసేపటికే వర్షం కారణంగా మ్యాచ్ డ్రా కావడంతో అతడు డ్రెస్సింగ్ రూమ్‌కే పరిమితమయ్యాడు. కాగా సిడ్నీ మార్నింగ్ హెరాల్డ్ నివేదిక ప్రకారం.. 30 ఏళ్ల హెడ్ నాలుగో టెస్టు కోసం ఏర్పాటు చేసిన ప్రాక్టీస్ సెషన్‌లో కూడా కన్పించలేదంట.అతడు మెల్‌బోర్న్ క్రికెట్ గ్రౌండ్‌లో మంగళవారం ఫిట్‌నెస్ టెస్ట్‌లో పాల్గోనున్నట్లు సిడ్నీ మార్నింగ్ హెరాల్డ్ తమ కథనంలో పేర్కొం‍ది. కాగా హెడ్ ప్రస్తుతం అద్బుతమైన ఫామ్‌లో ఉన్నాడు. తొలి మూడు టెస్టుల్లో హెడ్ రెండు సెంచరీలు నమోదు చేశాడు.ఒకవేళ బాక్సింగ్‌​ డే టెస్టుకు హెడ్ దూరమైతే అసీస్‌కు నిజంగా గట్టి ఎదురు దెబ్బ అనే చెప్పాలి. మరోవైపు జోషల్ హాజిల్‌వుడ్ సైతం గాయం కారణంగా ఈ సిరీస్ నుంచి తప్పుకున్నాడు.చదవండి: SA vs PAK: చరిత్ర సృష్టించిన పాక్‌ ఓపెనర్‌.. ప్రపం‍చంలోనే తొలి ప్లేయర్‌గా

టీమిండియాతో మూడో టెస్టు డ్రాగా ముగియడం పట్ల ఆస్ట్రేలియా కెప్టెన్‌ ప్యాట్‌ కమిన్స్‌ స్పందించాడు. వర్షం అడ్డుపడకపోయి ఉంటే తాము తప్పక గెలిచేవాళ్లమని పేర్కొన్నాడు. ఈ మ్యాచ్‌లో ఫలితం తేలకపోయినా.. తమ జట్టు సమిష్టిగా రాణించడం పట్ల సంతృప్తి వ్యక్తం చేశాడు. ప్రతి ఒక్కరు గెలుపు కోసం తమ వంతు కృషి​ చేయడం ఎంతో బాగుందని సహచర ఆటగాళ్లను కొనియాడాడు.బోర్డర్‌- గావస్కర్‌ ట్రోఫీలో భాగంగా సొంతగడ్డపై ఆసీస్‌.. భారత్‌తో ఐదు టెస్టులు ఆడుతోంది. ఈ క్రమంలో ఇరుజట్ల మధ్య పెర్త్‌ మ్యాచ్‌లో భారత్‌ గెలుపొందగా.. అడిలైడ్‌ పింక్‌ బాల్‌ టెస్టులో ఆతిథ్య ఆస్ట్రేలియా జయభేరి మోగించింది. దీంతో సిరీస్‌ 1-1తో సమమైంది.పదే పదే అడ్డుపడ్డ వరుణుడుఅయితే, సిరీస్‌లో ఎంతో కీలకమైన మూడో టెస్టు మాత్రం డ్రాగా ముగిసిపోయింది. బ్రిస్బేన్‌లోని గబ్బా మైదానంలో శనివారం మొదలైన ఈ టెస్టుకు తొలి రోజు నుంచే వర్షం ఆటంకం కలిగించింది. మరోవైపు.. వెలుతురులేమి వల్ల కూడా మ్యాచ్‌కు అంతరాయం కలిగింది.ఆది నుంచి పటిష్ట స్థితిలోనే ఆసీస్‌ఈ నేపథ్యంలో బుధవారం నాటి ఐదో రోజు ఆటలో కూడా ఇలాంటి అవాంతరాలు ఎదురుకావడంతో.. అంపైర్ల సూచన మేరకు ఆసీస్‌- భారత కెప్టెన్లు కమిన్స్‌, రోహిత్‌ శర్మ డ్రాకు అంగీకరించారు. నిజానికి గబ్బా టెస్టులో ఆది నుంచి ఆతిథ్య జట్టు పటిష్ట స్థితిలోనే ఉంది. తొలి ఇన్నింగ్స్‌లో ట్రవిస్‌ హెడ్‌(152), స్టీవ్‌ స్మిత్‌(101) శతకాల కారణంగా పైచేయి సాధించింది.భారత్‌కు ఫాలో ఆన్‌ గండం తప్పిందిభారత్‌ ఆహ్వానం మేరకు తొలుత బ్యాటింగ్‌కు దిగి 445 పరుగులు మేర భారీ స్కోరు సాధించింది. అయితే, ఆసీస్‌ బ్యాటర్లు చెలరేగిన చోట.. టీమిండియా మాత్రం తడబడింది. కేఎల్‌ రాహుల్‌(84), రవీంద్ర జడేజా(77)తో పాటు ఆఖర్లో జస్‌ప్రీత్‌ బుమ్రా(10*), ఆకాశ్‌ దీప్‌(31) విలువైన ఇన్నింగ్స్‌ కారణంగా ఫాలో ఆన్‌ గండం నుంచి తప్పించుకుంది. మొదటి ఇన్నింగ్స్‌లో 260 పరుగులతో మెరుగైన స్కోరు సాధించింది.ఐదోరోజూ ఆటంకాలుఈ క్రమంలో ఆఖరి రోజు రెండో ఇన్నింగ్స్‌ను మొదలుపెట్టిన ఆసీస్‌.. 89/7 వద్ద స్కోరును డిక్లేర్‌ చేసింది. తద్వారా భారత్‌ ముందు 275 పరుగుల భారీ లక్ష్యాన్ని ఉంచింది. అయితే, పదే పదే వర్షం రావడంతో పాటు.. వెలుతురులేమి కారణంగా అంపైర్లు ఆటను నిలిపివేసి.. ఇరుజట్ల కెప్టెన్లను సంప్రదించారు. భారత్‌ స్కోరు 8/0 వద్ద ఉండగా.. ఇరువురూ డ్రాకు అంగీకరించారు. నిజానికి ఈ మ్యాచ్‌కు వర్షం అడ్డుపడపకపోయి ఉంటే ఫలితం వచ్చేదే.2-1తో మేము ఆధిక్యంలో నిలిచేవాళ్లంఈ నేపథ్యంలో ఆస్ట్రేలియా సారథి ప్యాట్‌ కమిన్స్‌ మాట్లాడుతూ.. ‘‘వర్షం పదే పదే అడుడ్డుపడింది. లేదంటే 2-1తో మేము ఆధిక్యంలో నిలిచేవాళ్లం. అయినా, మన చేతుల్లో లేని విషయం గురించి ఆలోచించడం అనవసరం. ఏదేమైనా ఈ టెస్టులో మా జట్టు ప్రదర్శన సంతృప్తినిచ్చింది.మేము భారీ స్కోరు సాధించడంతో పాటు ప్రత్యర్థిని తక్కువ స్కోరుకే కట్టడి చేశాం. స్టార్క్‌, నేను బాగానే రాణించాం. కానీ దురదృష్టవశాత్తూ మేము జోష్‌ హాజిల్‌వుడ్‌ సేవలు కోల్పోయాం. ఇక ఐదో రోజు ఆటలో కూడా వర్షం వల్ల ఇబ్బందులు ఎదురయ్యాయి.ఆ ఇద్దరు అద్భుతంకొత్త బంతిని ఎదుర్కోవడం సవాలుగా మారింది. తొలి ఇన్నింగ్స్‌లో హెడ్‌, స్మిత్‌ అద్భుతంగా ఆడారు. అలెక్స్‌ క్యారీ మెరుగ్గా బ్యాటింగ్‌ చేశాడు. నాథన్‌ లియోన్‌ కూడా తన వంతు పాత్ర పోషించాడు. స్టార్క్‌ వికెట్లు తీశాడు. ఇలా ప్రతి ఒక్కరు తమ బాధ్యతను చక్కగా నెరవేర్చారు.బాక్సింగ్‌ డే టెస్టుకు ముందు మాకు ఇలా ఎన్నో సానుకూలాంశాలు ఉండటం సంతోషం’’ అని పేర్కొన్నాడు. పూర్తి ఆత్మవిశ్వాసంతో తదుపరి టెస్టు బరిలో దిగుతామని కమిన్స్‌ ఈ సందర్భంగా తెలిపాడు. కాగా భారత్‌- ఆస్ట్రేలియా మధ్య డిసెంబరు 26 నుంచి మెల్‌బోర్న్‌లో నాలుగో టెస్టు మొదలుకానుంది.చదవండి: Kohli- Gambhir: వారికి మ్యాచ్‌ గెలిచినంత సంబరం.. రోహిత్‌ మాత్రం అలా.. వీడియో

భార‌త్‌తో టెస్టు సిరీస్ అనంత‌రం ఆస్ట్రేలియా శ్రీలంక ప‌ర్య‌ట‌న‌కు వెళ్ల‌నుంది. ఈ టూర్‌లో భాగంగా ఆతిథ్య శ్రీలంకతో రెండు మ్యాచ్‌ల టెస్టు సిరీస్‌లో కంగారులు తలపడనున్నారు. అయితే ఈ పర్యటనకు ఆసీస్ రెగ్యూలర్ ప్యాట్ కమ్మిన్స్ దూరం కానున్నట్లు తెలుస్తోంది.ఈ సిరీస్ జ‌న‌వ‌రి 27 నుంచి ప్రారంభం కానుంది. స‌రిగ్గా ఇదే స‌మ‌యంలో క‌మ్మిన్స్ భార్య బెకీ తమ‌ రెండవ బిడ్డకు జన్మ‌నిచ్చే అవ‌కాశ‌ముంది. ఈ క్ర‌మంలోనే క‌మ్మిన్స్ శ్రీలంక‌తో సిరీస్‌కు దూరంగా ఉండాల‌ని నిర్ణ‌యించుకున్న‌ట్లు తెలుస్తోంది.త‌న కొడుకు అల్బీ పుట్టిన‌ప్పుడు ప‌క్క‌నలేని క‌మ్మిన్స్.. ఈసారి రెండో బిడ్డ విష‌యంలో మాత్రం ఫ్యామిలీతోనే ఉండాల‌ని భావిస్తున్న‌డంట‌. క‌మ్మిన్స్ ఇప్ప‌టికే త‌న నిర్ణ‌యాన్ని క్రికెట్ ఆస్ట్రేలియాకు తెలియ‌జేసిన‌ట్లు ప‌లు రిపోర్ట్‌లు పేర్కొంటున్నాయి.ఆసీస్ కెప్టెన్‌గా ట్రావిస్ హెడ్‌?ఇక స్వ‌దేశంలో భార‌త్‌తో జ‌రుగుతున్న టెస్టు సిరీస్‌లో స‌త్తాచాటుతున్న ఆసీస్ స్టార్ ప్లేయ‌ర్ ట్రావిస్ హెడ్‌కు ప్ర‌మోష‌న్ ద‌క్క‌నున్న‌ట్లు వార్త‌లు వినిపిస్తున్నాయి. శ్రీలంక టూర్‌కు ఒకవేళ క‌మ్మిన్స్ దూర‌మైతే, కెప్టెన్సీ బాధ్య‌త‌లు హెడ్‌కు అప్ప‌గించాల‌ని క్రికెట్ ఆస్ట్రేలియా భావిస్తున్న‌ట్లు తెలుస్తోంది.వైస్‌ కెప్టెన్‌ స్మిత్‌ ఉన్నప్పటికి హెడ్‌ వైపే క్రికెట్‌ ఆస్ట్రేలియా పెద్దలు మొగ్గు చూపుతున్నారంట. అయితే హెడ్ ఇప్ప‌టివ‌ర‌కు ఒక్కసారి కూడా టెస్టుల్లో కెప్టెన్సీ చేయ‌లేదు. కానీ వైట్‌ క్రికెట్‌లో మాత్రం సారథిగా హెడ్‌కు అనుభవం ఉంది. బిగ్‌ బాష్‌ లీగ్‌లో అడిలైడ్‌ స్ట్రైకర్స్‌కు కెప్టెన్‌గా హెడ్‌ వహించాడు. కాగా బోర్డర్‌- గవాస్కర్‌ ట్రోఫీలో హెడ్‌ ఇప్పటికే రెండు సెంచరీలు సాధించాడు. పింక్‌బాల్‌ టెస్టులో ఆసీస్‌ ఘన విజయం సాధించడంలో హెడ్‌ కీలక పాత్ర పోషించాడు.

భారత్‌తో మూడో టెస్టులో ఆస్ట్రేలియా బ్యాటర్‌ ట్రవిస్‌ హెడ్‌ శతకంతో చెలరేగాడు. రెండో రోజు ఆటలో భాగంగా ఆదివారం వంద పరుగుల మార్కు అందుకున్నాడు. ఈ క్రమంలో ట్రవిస్‌ హెడ్‌ సరికొత్త చరిత్ర సృష్టించాడు. కాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు మ్యాచ్‌ల టెస్టు సిరీస్‌ ఆడుతోంది.తొలిరోజు వర్షం వల్ల అంతరాయంపెర్త్‌ వేదికగా ఇరుజట్ల మధ్య తొలి టెస్టులో భారత్‌ గెలుపొందగా.. అడిలైడ్‌ పింక్‌బాల్‌ మ్యాచ్‌లో ఆసీస్‌ విజయం సాధించింది. దీంతో సిరీస్‌ 1-1తో సమమైంది. ఈ క్రమంలో భారత్‌- ఆస్ట్రేలియా మధ్య బ్రిస్బేన్‌లో శనివారం మూడో టెస్టు ఆరంభమైంది. గబ్బా మైదానంలో జరుగుతున్న ఈ మ్యాచ్‌లో టాస్‌ గెలిచిన టీమిండియా తొలుత బౌలింగ్‌ ఎంచుకుని.. కంగారూలను బ్యాటింగ్‌కు ఆహ్వానించింది.ఆరంభంలో భారత పేసర్ల జోరుఅయితే, వర్షం కారణంగా తొలి రోజు ఆట 13.2 ఓవర్ల వద్ద ముగిసిపోయింది. ఈ నేపథ్యంలో 28/0 ఓవర్‌నైట్‌ స్కోరుతో ఆదివారం ఆట మొదలుపెట్టిన ఆసీస్‌ను భారత పేసర్లు కట్టడి చేశారు. ఓపెనర్లలో నాథన్‌ మెక్‌స్వీనీ(9) అవుట్‌ చేసిన భారత ప్రధాన పేసర్‌ జస్‌ప్రీత్‌ బుమ్రా.. ఉస్మాన్‌ ఖవాజా(21) వికెట్‌ను కూడా తన ఖాతాలో వేసుకున్నాడు.టీమిండియా బౌలర్లకు తలనొప్పిఇక ఆంధ్ర కుర్రాడు, టీమిండియా నయా సంచలనం నితీశ్‌ రెడ్డి మార్నస్‌ లబుషేన్‌(12)ను పెవిలియన్‌కు పంపడంతో.. 75 పరుగుల స్కోరు వద్ద ఆసీస్‌ మూడో వికెట్‌ కోల్పోయింది. అయితే, ట్రవిస్‌ హెడ్‌ రాకతో సీన్‌ రివర్స్‌ అయింది. స్టీవ్‌ స్మిత్‌తో కలిసిన ఈ ఎడమచేతి వాటం బ్యాటర్‌.. టీమిండియా బౌలర్లకు తలనొప్పిగా మారాడు.ట్రవిస్‌ హెడ్‌ వరల్డ్‌ రికార్డు.. సరికొత్త చరిత్రక్రీజులో పాతుకుపోయిన హెడ్‌.. ధనాధన్‌ బ్యాటింగ్‌తో 115 బంతుల్లోనే సెంచరీ పూర్తి చేసుకున్నాడు. ఈ క్రమంలో అతడు వరల్డ్‌ రికార్డును సాధించాడు. ఒకే ఏడాదిలో ఒక వేదికపై రెండు ఇన్నింగ్స్‌లోనూ గోల్డెన్‌ డకౌట్‌(కింగ్‌ పెయిర్‌) కావడంతో పాటు.. అదే వేదికపై సెంచరీ చేసిన తొలి బ్యాటర్‌గా నిలిచాడు.గత ఏడు ఇన్నింగ్స్‌లో ఇలాగబ్బా మైదానంలో గత మూడు ఇన్నింగ్స్‌లోనూ ట్రవిస్‌ హెడ్‌ ఎదుర్కొన్న తొలి బంతికే అవుటయ్యాడు. తాజాగా టీమిండియాతో మ్యాచ్‌లో మాత్రం శతక్కొట్టాడు. ఈ క్రమంలోనే అరుదైన ఘనత అతడి ఖాతాలో జమైంది. గబ్బా స్టేడియంలో గత ఏడు ఇన్నింగ్స్‌లో హెడ్‌ సాధించిన పరుగులు వరుసగా.. 84(187), 24(29), 152(148), 92(96), 0(1), 0(1), 0(1).ఇక ఒక క్యాలెండర్‌ ఇయర్‌లో ఒకే వేదికపై రెండు ఇన్నింగ్స్‌లో డకౌట్‌ కావడంతో పాటు సెంచరీ చేసిన క్రికెటర్ల జాబితాలోనూ ట్రవిస్‌ హెడ్‌ చోటు దక్కించుకున్నాడు. ఈ లిస్టులో ఉన్నది వీరే..1. వాజిర్‌ మహ్మద్‌- పోర్ట్‌ ఆఫ్‌ స్పెయిన్‌- 19582. అల్విన్‌ కాళిచరణ్‌- పోర్ట్‌ ఆఫ్‌ స్పెయిన్‌- 19743. మార్వన్‌ ఆటపట్టు- కొలంబో ఎస్‌ఎస్‌సీ- 20014. రామ్‌నరేశ్‌ శర్వాణ్‌- కింగ్‌స్టన్‌- 20045. మహ్మద్‌ ఆఫ్రాఫుల్‌- చట్టోగ్రామ్‌ ఎంఏ అజీజ్‌- 20046. ట్రవిస్‌ హెడ్‌- బ్రిస్బేన్‌ గబ్బా- 2024.బుమ్రా బౌలింగ్‌లోఇదిలా ఉంటే.. ఆదివారం టీ విరామ సమయానికి ఆసీస్‌ 70 ఓవర్లలో మూడు వికెట్ల నష్టానికి 234 పరుగులు చేసింది. హెడ్‌ సెంచరీ, స్మిత్‌ హాఫ్‌ సెంచరీ(65*) పూర్తి చేసుకున్నారు. కాగా టెస్టుల్లో హెడ్‌కి ఇది తొమ్మిదో శతకం. అదే విధంగా టీమిండియా మీద మూడోది. అంతేకాదు.. ఇందులో రెండు(అడిలైడ్‌, గబ్బా) వరుసగా బాదడం విశేషం.బ్రేక్‌ అనంతరం.. సెంచరీ(101) పూర్తి చేసుకున్న స్మిత్‌, 152 పరుగులు సాధించిన హెడ్‌ను బుమ్రా అవుట్‌ చేశాడు. ఈ స్పీడ్‌స్టర్‌ బౌలింగ్‌లో రోహిత్‌ శర్మకు క్యాచ్ ఇచ్చి స్మిత్‌, పంత్‌కు క్యాచ్‌ ఇచ్చి హెడ్‌ పెవిలియన్‌ చేరారు.చదవండి: రోహిత్‌ శర్మ నిర్ణయం సరికాదు.. కమిన్స్‌ సంతోషించి ఉంటాడు: ఇంగ్లండ్‌ మాజీ కెప్టెన్‌HE'S DONE IT AGAIN!Travis Head brings up another hundred ⭐️#AUSvIND | #PlayOfTheDay | @nrmainsurance pic.twitter.com/10yBuL883X— cricket.com.au (@cricketcomau) December 15, 2024

ఆసీస్‌ స్టార్‌ బ్యాటర్‌ ట్రవిస్‌ హెడ్‌కు బ్రిస్బేన్‌లోని గబ్బా పిచ్‌ అస్సలు అచ్చిరాదని గణాంకాలు చెబుతున్నాయి. ఈ వేదికపై హెడ్‌ ఆడిన గత మూడు టెస్ట్‌ ఇన్నింగ్స్‌ల్లో గోల్డెన్‌ డకౌట్లయ్యాడు. గబ్బాలో హెడ్‌ వైఫల్యాల పరంపర 2022లో మొదలైంది. ఆ ఏడాది సౌతాఫ్రికాతో జరిగిన మ్యాచ్‌లో హెడ్‌ కగిసో రబాడ బౌలింగ్‌లో వికెట్‌కీపర్‌కు క్యాచ్‌ ఇచ్చి ఔటయ్యాడు. అనంతరం​ వెస్టిండీస్‌తో జరిగిన మ్యాచ్‌లో హెడ్‌ కీమర్‌ రోచ్‌ బౌలింగ్‌లో వికెట్‌కీపర్‌కే క్యాచ్‌ ఇచ్చి ఔటయ్యాడు. గబ్బాలో హెడ్‌ మూడో గోల్డెన్‌ డకౌట్‌ కాస్త వైవిధ్యంగా జరిగింది. విండీస్‌ యువ పేసర్‌ షమార్‌ జోసఫ్‌ వేసిన అద్భుతమైన యార్కర్‌కు హెడ్‌ క్లీన్‌ బౌల్డ్‌ అయ్యాడు.భారత్‌పై ఫార్మాట్లకతీతంగా రెచ్చిపోయే హెడ్‌, గబ్బా పిచ్‌పై మరోసారి డకౌటవుతాడా లేక యధావిధిగా తన ఫామ్‌ను కొనసాగిస్తాడా అన్నది వేచి చూడాల్సి ఉంది. హెడ్‌ ప్రస్తుతం అద్బుతమైన ఫామ్‌లో ఉన్నాడు. భారత్‌తో ఇటీవల ముగిసిన అడిలైడ్‌ టెస్ట్‌లో మెరుపు వేగంతో 141 పరుగులు చేశాడు. మరోవైపు గబ్బాలో భారత్‌ మంచి ట్రాక్‌ రికార్డు ఉంది. ఈ ట్రాక్‌పై టీమిండియా గత పర్యటనలో ఆసీస్‌పై సంచలన విజయం సాధించింది. నాటి మ్యాచ్‌లో రిషబ్‌ పంత్‌ చిరస్మరణీయమైన ఇన్నింగ్స్‌ (89 నాటౌట్‌) ఆడి భారత్‌ను విజయతీరాలకు చేర్చాడు. ఈ మ్యాచ్‌లో గెలుపుతో భారత్‌ నాలుగు మ్యాచ్‌ల సిరీస్‌ను 2-1 తేడాతో కైవసం చేసుకుంది. కాగా, భారత్‌-ఆస్ట్రేలియా మధ్య గాబ్బా వేదికగా జరుగబోయే మూడో టెస్ట్‌ డిసెంబర్‌ 14 నుంచి ప్రారంభం​ కానుంది. ఐదు మ్యాచ్‌ల ఈ సిరీస్‌లో భారత్‌, ఆస్ట్రేలియా చెరో మ్యాచ్‌ గెలిచిన విషయం తెలిసిందే. పెర్త్‌ వేదికగా జరిగిన తొలి టెస్ట్‌లో భారత్‌ 295 పరుగుల తేడాతో గెలుపొందగా.. అడిలైడ్‌లో జరిగిన రెండో టెస్ట్‌లో ఆస్ట్రేలియా 10 వికెట్ల తేడాతో ఘన విజయం సాధించింది.

టీమిండియాకు ఆస్ట్రేలియా స్టార్‌ బ్యాటర్ ట్రావిస్ హెడ్ పెద్ద త‌ల‌నొప్పిగా మారాడు. భార‌త్ అంటే చాలు ఫార్మాట్‌తో సంబంధం లేకుండా చెల‌రేగిపోతున్నాడు. బోర్డర్-గవాస్కర్ ట్రోఫీలో భాగంగా అడిలైడ్ వేదిక‌గా జ‌రిగిన పింక్ బాల్ టెస్టులో హెడ్ విధ్వంస‌క‌ర సెంచ‌రీతో మెరిశాడు.ఈ మ్యాచ్‌లో 140 ప‌రుగులు చేసిన హెడ్‌.. ఆసీస్ సిరీస్‌ను స‌మం చేయ‌డంలో కీల‌క పాత్ర పోషించాడు. ఈ క్ర‌మంలో శ‌నివారం నుంచి గ‌బ్బా వేదిక‌గా ప్రారంభం కానున్న మూడో టెస్టులో ఈ డేంజ‌ర‌స్ ఆసీస్ బ్యాట‌ర్‌ను అడ్డుకునేందుకు భార‌త్ ప్ర‌త్యేక వ్యూహాల‌ను ర‌చిస్తోంది.అత‌డిని ఎలాగైనా ఆదిలోనే పెవిలియ‌న్‌కు పంపాల‌ని రోహిత్ అండ్ కో భావిస్తోంది. ఈ నేప‌థ్యంలో హెడ్‌పై ఆసీస్ మాజీ కెప్టెన్ రికీ పాంటింగ్ ప్ర‌శంస‌ల వ‌ర్షం కురిపించాడు. ఆసీస్ దిగ్గ‌జం ఆడ‌మ్ గిల్‌క్రిస్ట్‌తో హెడ్‌ను రికీ పోల్చాడు. అయితే ఇప్పటి నుంచే అత‌డిని 'గ్రేట్‌' అని పిలువద్దని అతడు అభిప్రాయపడ్డాడు."ట్రవిస్‌ హెడ్ గొప్ప క్రికెటర్లలో ఒకడిగా ఎదుగుతున్నాడు. అయితే, ఏదో ఒక ఇన్నింగ్స్‌ చూపి అతడిని గ్రేట్‌ క్రికెటర్‌ అని చెప్పలేము. కానీ అతడేం చేసినా అత్యద్భుతంగా చేస్తున్నాడు. జట్టు కోసం తాను చేయగలిగినంతా చేస్తూనే ఉన్నాడు. అయినప్పటికీ ప్రశంసలకు తాను అర్హుడిని కానన్నట్లుగా హుందాగా ఉంటాడు.హెడ్ బ్యాటింగ్ చేసే విధానం గిల్‌క్రిస్ట్ అప్రోచ్‌కు ద‌గ్గ‌ర‌గా ఉంటుంది. బ్యాటింగ్ ఆర్డర్‌లో రెండు స్థానాలు ఎక్కువగా ఉన్నప్పటికీ గిల్లీ, హెడ్ ఒకేలా బ్యాటింగ్ చేస్తున్నారు. గిల్లీ ఆరు లేదా ఏడో స్ధానంలో బ్యాటింగ్ వ‌చ్చి అద్బుత ఇన్నింగ్స్‌లు ఆడగా.. ఇప్పుడు హెడ్ ఐదో డౌన్ వ‌చ్చి అదే ప‌నిచేస్తున్నాడు. క్రీజులోకి వ‌చ్చిన‌ప్ప‌టి నుంచే పాజిటివ్ యాటిట్యూడ్‌తో బ్యాటింగ్ చేస్తాడు. అతడిలో ఔటవ్వతానన్న భయం కూడా కన్పించడం లేదు. ప్రతికూల ఫలితంతో అతడికి అస్సలు పనిలేదు. తనకు తెలిసిందల్లా ఒకటే. క్రీజులో ఉన్నంతసేపు పరుగులు రాబట్టడమే అతడి పని అని ఐసీసీ రివ్యూలో అతడు పేర్కొన్నాడు.చదవండి: IND vs AUS: మూడో టెస్టుకు ఆసీస్ తుది జ‌ట్టు ప్ర‌క‌ట‌న‌.. వికెట్ల వీరుడు వ‌చ్చేశాడు

అడిలైడ్‌ టెస్ట్‌ సందర్భంగా టీమిండియా పేసర్‌ మొహహ్మద్‌ సిరాజ్‌- ఆసీస్‌ బ్యాటర్‌ ట్రవిస్‌ హెడ్‌ మధ్య జరిగిన ఫైట్‌ గురించి అందరికీ తెలిసిందే. ఈ అంశంపై గత కొద్ది రోజులుగా సోషల్‌మీడియాలో భారీ ఎత్తున చర్చ సాగుతోంది. కొందరు సిరాజ్‌ అతి చేశాడని అంటుంటే, మరికొందరు హెడ్‌ను తప్పుబడుతున్నాడు. ఏదిఏమైనప్పటికీ ఐసీసీ ఇద్దరిపై చర్యలు తీసుకుంది. హెడ్‌కు ఓ డీ మెరిట్‌ పాయింట్‌ ఇవ్వగా.. సిరాజ్‌కు డీ మెరిట్‌ పాయింట్‌తో పాటు 20 శాతం మ్యాచ్‌ ఫీజులో కోత పడింది.సిరాజ్‌-హెడ్‌ గొడవపై సోషల్‌మీడియాలో డిబేట్లు జరుగుతున్నప్పటికీ వారిద్దరూ మ్యాచ్‌ జరుగుతుండగానే రాజీ పడ్డారు. ఒకరినొకరు కౌగిలించుకుని, షేక్‌ హ్యాండ్‌ ఇచ్చుకున్నాడు. హెడ్‌ చేసిన వ్యాఖ్యలను తాను తప్పుగా అర్దం చేసుకున్నానని సిరాజ్‌ బహిరంగంగా ఒప్పుకున్నాడు. ఈ గొడవలో సిరాజ్‌ తప్పు ఎంతన్నది పక్కన పెడితే, అతని ఆన్‌ ఫీల్డ్‌ ప్రవర్తన ఏమాత్రం బాగోలేదని చాలామంది అభిప్రాయపడుతున్నారు. సిరాజ్‌ను తప్పుబట్టే వారిలో టీమిండియా మాజీ ఓపెనర్‌ కృష్ణమాచారి శ్రీకాంత్‌ కూడా చేరిపోయాడు.హెడ్‌ పట్ల సిరాజ్‌ది పిచ్చి ప్రవర్తన అని దుయ్యబట్టాడు. హెడ్‌ మ్యాచ్‌ విన్నింగ్‌ సెంచరీ చేసినందుకు అభినందించాల్సి పోయి అతనితో వాగ్వాదానికి దిగడం ఎంత మాత్రం సరికాదని అభిప్రాయపడ్డాడు. తన యూట్యూబ్‌ ఛానల్‌లో మాట్లాడుతూ శ్రీకాంత్‌ ఇలా అన్నాడు.హే సిరాజ్‌.. హెడ్‌ నీ బౌలింగ్‌ను నిర్దాక్షిణ్యంగా ఛేదించాడు. అతను నీ బౌలింగ్‌ను ఎడాపెడా వాయించాడు. నీ బౌలింగ్‌లో బౌండరీలు, సిక్సర్లు అలవోకగా కొట్టగలిగాడు. ఇందుకు సిగ్గు పడాల్సింది పోయి.. అతనికి సెండ్‌ ఆఫ్‌ ఇస్తావా..? అసలు నీకు బుద్ధి ఉందా..? పిచ్చి పట్టినట్లు ప్రవర్తించావు. దీన్ని స్లెడ్జింగ్ అంటారా? ఇది కేవలం పిచ్చి మాత్రమే అని అన్నాడు.హెడ్‌ను అగౌరవపరిచినందుకు శ్రీకాంత్‌ సిరాజ్‌ను లెఫ్ట్ అండ్‌ రైట్ వాయించాడు. భారత బౌలర్ల పట్ల, ముఖ్యంగా అశ్విన్ లాంటి అనుభవజ్ఞుల పట్ల హెడ్‌ నిర్భయ విధానాన్ని మెచ్చుకున్నాడు.శ్రీకాంత్‌ మాటల్లో.. "ఓ బ్యాటర్ 140 పరుగులు చేశాడు. అతనికి క్రెడిట్ ఇవ్వాలి. అతని నాక్‌ను మెచ్చుకోవాలి. అలా చేయాల్సింది పోయి అగౌరవపరిచే రీతిలో సెండ్‌ ఆఫ్‌ ఇస్తావా..? నువ్వు హెడ్‌ను సున్నా పరుగులకో లేక పది పరుగులకో ఔట్‌ చేసి ఉంటే అది వేరే విషయం. నువ్వు ఏదో ప్లాన్‌ చేసి అతని వికెట్‌ తీసినట్లు సంబురపడిపోయావు. అతను నీ బౌలింగ్‌ను ఎడాపెడా వాయించిన విషయం ఎలా మరిచిపోతావు..? హెడ్‌ విరుచుకుపడుతుంటే ఏ ఒక్క భారత బౌలర్‌ దగ్గర సమాధానం‍ లేదు. అతను ఇష్టారీతిన సిక్సర్లు కొట్టాడు. అతను అశ్విన్‌ అసలు స్పిన్నర్‌గా గుర్తించలేదు. వికెట్లు వదిలి ముందుకు వచ్చి అలవోకగా సిక్సర్లు బాదాడు"

అడిలైడ్‌: మైదానంలో భారత పేస్‌ బౌలర్‌ మొహమ్మద్‌ సిరాజ్, ఆ్రస్టేలియా స్టార్‌ బ్యాటర్‌ ట్రవిస్‌ హెడ్‌ల అనుచిత ప్రవర్తనపై అంతర్జాతీయ క్రికెట్‌ మండలి (ఐసీసీ) క్రమశిక్షణ చర్యలు తీసుకుంది. డే నైట్‌ రెండో టెస్టు సందర్భంగా ధాటిగా శతకం బాదిన హెడ్‌ను సిరాజ్‌ క్లీన్‌»ౌల్డ్‌ చేశాడు. ప్రత్యర్థి బ్యాటర్‌ ని్రష్కమిస్తుంటే చేతిని అతనివైపు చూపిస్తూ ‘పో... పో...’ అని సంజ్ఞలు చేశాడు. దీనికి బదులుగా హెడ్‌ కూడా ఏదో పరుషంగా మాట అని పెవిలియన్‌ వైపు నడిచాడు. మ్యాచ్‌ ముగిసిన అనంతరం ఇద్దరు ఆటగాళ్లను మ్యాచ్‌ రిఫరీ రంజన్‌ మదుగళె పిలిచి మాట్లాడారు. ఇద్దరు తమ తప్పును అంగీకరించడంతో తదుపరి విచారణేది లేకుండా ఐసీసీ శిక్షలు ఖరారు చేసింది. నోరు పారేసుకోవడం, దూషించడంతో ఐసీసీ ప్రవర్తనా నియమావళిలోని ఆరి్టకల్‌ 2.5ను అతిక్రమించినట్లేనని ఇందుకు శిక్షగా మ్యాచ్‌ ఫీజులో 20 శాతం జరిమానా విధించింది. పరుషంగా మాట అని వెళ్లిపోయిన హెడ్‌ నియమావళిలోని 2.13 ఆరి్టకల్‌ను అతిక్రమించాడని, దీంతో అతను జరిమానా నుంచి తప్పించుకున్నప్పటికీ... డీ మెరిట్‌ పాయింట్‌ను విధించింది. సిరాజ్‌కు జరిమానాతో పాటు ఒక డీ మెరిట్‌ పాయింట్‌ను విధించింది. వచ్చే 24 నెలల్లో ఇలాంటి ప్రవర్తనతో మళ్లీ డీ మెరిట్‌ పాయింట్లకు గురైతే మ్యాచ్‌ నిషేధం విధించే అవకాశాలుంటాయి. ఇదిలా ఉండగా ఆదివారం మ్యాచ్‌ ముగియగానే ఇద్దరు కరచాలనం చేసుకొని అభినందించుకున్నారు. మా మధ్య వివాదమేమీ లేదని చెప్పారు. సిరాజ్‌...ఏమైనా పిచ్చిపట్టిందా? సిరాజ్‌ ప్రవర్తనను భారత దిగ్గజాలు విమర్శిస్తున్నారు. ఇదివరకే గావస్కర్, రవిశా్రస్తిలాంటి వారు అలా సంజ్ఞలు చేయాల్సింది కాదని అన్నారు. తాజాగా కృష్ణమాచారి శ్రీకాంత్‌ ఘాటుగా విమర్శించారు. ‘హెడ్‌ మనతో ఓ ఆట ఆడుకున్నాడు. నిర్దాక్షిణ్యంగా బాదాడు. సిరాజ్‌ నీకేమైనా మతి చెడిందా? నువ్వేం చేశావో తెలుసా? నీ బౌలింగ్‌లో అతను అదేపనిగా దంచేశాడు. చకచకా 140 పరుగులు సాధించాడు. అతని ప్రదర్శనకు ప్రశంసించాల్సింది పోయి ఇలా చేస్తావా? ఒకవేళ నీవు అతన్ని డకౌట్‌ లేదంటే 10 పరుగుల లోపు అవుట్‌ చేస్తే సంబరాలు చేసుకోవాలి. కానీ నువ్వు అదరగొట్టిన ఆటగాడిపై దురుసుగా ప్రవర్తించావు’ అని శ్రీకాంత్‌ తీవ్రంగా విరుచుకుపడ్డారు.

టీమిండియా పేసర్‌ మొహమ్మద్‌ సిరాజ్‌, ఆస్ట్రేలియా విధ్వంసకర బ్యాటర్‌ ట్రవిస్‌ హెడ్‌లకు ఐసీసీ షాకిచ్చింది. భారత్‌-ఆసీస్‌ మధ్య జరిగిన అడిలైడ్‌ టెస్ట్‌లో వీరిద్దరూ పరస్పరం దూషించుకున్న విషయం​ తెలిసిందే. ఈ కారణంగా ఐసీసీ వీరిద్దరి మ్యాచ్‌ ఫీజుల్లో 20 శాతం కోత విధించింది. ఐసీసీ ప్రవర్తనా నియమావళి ఉల్లంఘించినందుకు గానూ వీరిద్దరికి చెరో డీమెరిట్‌ పాయింట్‌ కూడా లభించింది. గత 24 నెలల్లో చేసిన మొదటి తప్పిదం కావడంతో సిరాజ్‌, హెడ్‌ నిషేధం బారి నుంచి తప్పించుకున్నారు. వీరిద్దరు తాము చేసిన తప్పిదాలను ఒప్పుకుని మ్యాచ్‌ రిఫరీ విధించిన పెనాల్టీని స్వీకరిస్తున్నట్లు ప్రకటించారు.కాగా, అడిలైడ్‌ వేదికగా భారత్‌-ఆస్ట్రేలియా మధ్య జరిగిన పింక్‌ బాల్‌ టెస్ట్‌లో సిరాజ్‌, హెడ్‌ మధ్య తీవ్ర వాగ్వాదం జరిగింది. అప్పటికే సెంచరీ పూర్తి చేసుకుని జోష్‌ మీద ఉన్న హెడ్‌ను సిరాజ్‌ క్లీన్‌ బౌల్డ్‌ చేశాడు. ఈ క్రమంలో సహనం కోల్పోయిన హెడ్‌.. సిరాజ్‌ను అసభ్య పదజాలంతో దూషించాడు. ఇందుకు ప్రతిగా సిరాజ్‌ కూడా నోటికి పని చెప్పాడు. సిరాజ్‌ ఒక అడుగు ముందుకేసి హెడ్‌ను పెవిలియన్‌కు వెళ్లాల్సిందిగా సైగలు చేశాడు. ఈ ఉదంతాన్ని సీరియస్‌గా తీసుకున్న ఐసీసీ.. సిరాజ్‌, హెడ్‌ మ్యాచ్‌ ఫీజ్‌ల్లో 20 శాతం కోత విధించడంతో పాటు చెరో డీమెరిట్‌ పాయింట్‌ సాంక్షన్‌ చేసింది.ఇదిలా ఉంటే, అడిలైడ్‌ టెస్ట్‌లో భారత్‌ ఆస్ట్రేలియా చేతిలో 10 వికెట్ల తేడాతో ఘెర పరాజయాన్ని ఎదుర్కొన్న విషయం తెలిసిందే. భారత్‌ బ్యాటింగ్‌, బౌలింగ్‌ విభాగాల్లో దారుణంగా విఫలమైంది. బౌలింగ్‌లో సిరాజ్‌, బుమ్రా పర్వాలేదనిపించారు. బ్యాటింగ్‌ విషయానికొస్తే.. టీమిండియా రెండు ఇన్నింగ్స్‌ల్లో పేక మేడలా కూలింది. నితీశ్‌ కుమార్‌ రెడ్డి మెరుపులు మినహా బ్యాటింగ్‌లో చెప్పుకోదగ్గ విశేషాలేవీ లేవు. అంతకుముందు తొలి టెస్ట్‌లో భారత్‌ 295 పరుగుల తేడాతో ఘన విజయం సాధించిన విషయం తెలిసిందే. రెండో టెస్ట్‌ గెలుపుతో ఐదు మ్యాచ్‌ల సిరీస్‌లో ఆసీస్‌ 1-1తో సమంగా నిలిచింది. మూడో టెస్ట్‌ డిసెంబర్‌ 14 నుంచి మొదలవుతుంది.

అడిలైడ్ వేదికగా భారత్‌తో జరిగిన పింక్ బాల్ టెస్టులో 10 వికెట్ల తేడాతో ఆస్ట్రేలియా ఘ‌న విజ‌యం సాధించిన సంగ‌తి తెలిసిందే. ఈ విజ‌యంలో ఆసీస్ స్టార్ బ్యాట‌ర్ ట్రావిస్ హెడ్‌ది కీల‌క పాత్ర‌. మ‌రోసారి భార‌త్‌పై హెడ్ స‌త్తాచాటాడు. ఈ డే అండ్ నైట్ టెస్టు మ్యాచ్ తొలి ఇన్నింగ్స్‌లో హెడ్ విధ్వంస‌క‌ర సెంచ‌రీతో చెల‌రేగాడు. త‌న మెరుపు శ‌త‌కంతో మ్యాచ్‌ను కంగారూల వైపు తిప్పాడు. భార‌త బౌల‌ర్ల‌ను ఉతికారేశాడు. కేవ‌లం 111 బంతుల్లోనే త‌న సెంచరీ మార్క్‌ను అందుకున్నాడు. ఓవ‌రాల్‌గా 141 బంతులు ఎదుర్కొన్న ట్రావిస్‌.. 4 సిక్స్‌లు, 17 బౌండ‌రీల‌తో 140 ప‌రుగులు చేశాడు. త‌న అద్బుత ప్ర‌ద‌ర్శ‌న‌కు గాను హెడ్ ప‌లు అరుదైన రికార్డుల‌ను త‌న పేరిట లిఖించుకున్నాడు.ట్రావిస్‌ హెడ్‌ వరల్డ్‌ రికార్డు.. 👉టీమిండియాపై పింక్‌, రెడ్‌, వైట్ బంతులతో జ‌రిగిన మ్యాచ్‌ల్లో సెంచ‌రీ చేసిన తొలి బ్యాట‌ర్‌గా హెడ్ ప్రపంచ రికార్డు సృష్టించాడు. ఇప్ప‌టివ‌ర‌కు ఈ ఫీట్ ఎవ‌రికి సాధ్యం కాలేదు. ప్రపంచ టెస్ట్ ఛాంపియన్‌షిప్ ఫైనల్‌-2023లో భార‌త్‌పై తొలి రెడ్ బాల్ సెంచ‌రీని హెడ్ నమోదు చేశాడు. ఆ మ్యాచ్‌లో హెడ్ 163 ప‌రుగుల‌తో మ్యాచ్ విన్నింగ్ నాక్ ఆడాడు. ఆ త‌ర్వాత వ‌న్డే వ‌ర‌ల్డ్‌క‌ప్‌-2023 ఫైన‌ల్లో(వైట్‌బాల్‌) భార‌త్‌పై హెడ్ ఆజేయ సెంచ‌రీతో చెల‌రేగాడు. 137 ప‌రుగులు చేసి త‌మ జ‌ట్టును ఆరోసారి వ‌న్డే వ‌ర‌ల్డ్‌క‌ప్‌ను అందించాడు. ఇప్పుడు పింక్‌బాల్‌తో జ‌రిగిన టెస్టులో కూడా త‌న సెంచ‌రీ మార్క్‌ను అందుకున్నాడు. అయితే టీ20ల్లో మాత్రం భార‌త్‌పై హెడ్ సెంచరీ చేయలేదు.👉అదే విధంగా డే అండ్ నైట్ టెస్ట్ చరిత్రలోనే అత్యంత వేగంగా శతకం బాదిన బ్యాటర్‌గా నిలిచాడు. ట్రావిస్ హెడ్ 111 బంతుల్లో సెంచరీ పూర్తి చేసిన హెడ్‌.. త‌న రికార్డును త‌నే బ‌ద్దులు కొట్టాడు. 2022లో ఇంగ్లండ్‌తో హోబర్ట్ వేదికగా జరిగిన పింక్ బాల్ మ్యాచ్‌లో 112 బంతుల్లో శతకం సాధించాడు.

అడిలైడ్ వేదికగా జరిగిన పింక్ బాల్ టెస్టులో 10 వికెట్ల తేడాతో టీమిండియాను ఆతిథ్య ఆస్ట్రేలియా చిత్తు చేసిన సంగతి తెలిసిందే. అయితే ఈ మ్యాచ్‌లో ఆసీస్ విజయం కన్న స్టార్ ప్లేయర్లు ట్రావిస్ హెడ్‌, మహ్మద్ సిరాజ్‌ల మధ్య జరిగిన వాగ్వాదమే ఎక్కువగా హైలెట్ అయింది.రెండో రోజు ఆట సందర్భంగా ఈ స్టార్ ఆటగాళ్ల మధ్య చిన్నపాటి మాటల యుద్దం చోటు చేసుకుంది. సెంచరీతో చెలరేగిన హెడ్‌(140)ను సిరాజ్ అద్భుతమైన బంతితో క్లీన్ బౌల్డ్ చేశాడు. మంచి ఊపుమీద ఉన్న సిరాజ్ ట్రావిస్ హెడ్‌ను పెవీలియన్‌కు వెళ్లాల్సిందిగా సైగ చేశాడు. హెడ్ కూడా బౌల్డ్ అయ్యాక సిరాజ్‌ను ఏదో అనడం కెమెరాలో రికార్డు అయింది. ఇదే విషయంపై రెండో రోజు ఆట అనంతరం వారిద్దరూ స్పందించారు.బాగా బౌలింగ్ చేశావని సిరాజ్‌ను మెచ్చుకున్నాని, అతడు తప్పుగా ఆర్ధం చేసుకున్నాడని హెడ్ తెలిపాడు. సిరాజ్ మాత్రం హెడ్ అబద్దం చెబుతున్నాడని పేర్కొన్నాడు. ఏదమైనప్పటికి వీరిద్దరూ వివాదం క్రికెట్ వర్గాల్లో హాట్‌టాపిక్‌గా మారింది.ఐసీసీ సీరియస్‌..!ఈ క్రమంలో వీరిద్దరిపై అంతర్జాతీయ క్రికెట్ కౌన్సిల్(ఐసీసీ) చర్యలకు సిద్దమైనట్లు తెలుస్తోంది. ది డైలీ టెలిగ్రాఫ్ నివేదిక ప్రకారం.. సిరాజ్‌, హెడ్ ఇద్దరూ ఐసీసీ క్రమశిక్షణా విచారణను ఎదుర్కోనున్నట్లు సమాచారం.అయితే ఐసీసీ ప్రవర్తనా నియమావళిని వీరిద్దరూ పూర్తి స్ధాయిలో ఉల్లఘించకపోవడంతో సస్పెన్షన్ నుంచి తప్పించుకోనున్నారు. ఇది నిజంగా ఇరు జట్లు బిగ్ రిలీఫ్ అనే చెప్పుకోవాలి. అయితే ఐసీసీ వీరిద్దరిని కేవలం మందలింపుతో విడిచిపెట్టే అవకాశముంది.చదవండి: జట్టులో బుమ్రా ఒక్కడే లేడు కదా.. అందరూ ఆ బాధ్యత తీసుకోవాలి: రోహిత్‌

అడిలైడ్ వేదికగా జరిగిన పింక్ బాల్ టెస్టులో ఆసీస్ స్టార్ ట్రావిస్ హెడ్‌, మహ్మద్ సిరాజ్ మధ్య వాగ్వాదం చోటు చేసుకున్న సంగతి తెలిసిందే. హెడ్‌ను అద్బుతమైన యార్కర్‌తో ఔట్ చేసిన అనంతరం సిరాజ్.. కాస్త దూకుడుగా సెలబ్రేషన్స్ చేసుకున్నాడు.అందుకు హెడ్ సైతం ఏదో అంటూ కౌంటరిచ్చాడు. దీంతో సిరాజ్ మరింత సీరియ‌స్ అయ్యాడు. ఇక్కడి నుంచి త్వరగా వెళ్లిపో అన్న‌ట్లు సైగ‌లు చేశాడు. ఈ క్ర‌మంలో సిరాజ్ తీరును చాలా మంది త‌ప్పుబ‌ట్టారు. ఇదే విష‌యంపై రెండో రోజు ఆట అనంత‌రం ట్రావిస్ హెడ్ స్పందించాడు.హెడ్ మాట్లాడుతూ.. తాను బాగా బౌలింగ్ చేశావని సిరాజ్‌ను మెచ్చుకున్నానని, అంత‌కుమించి ఏమి అన‌లేద‌ని చెప్పుకొచ్చాడు. కానీ సిరాజ్ మాత్రం త‌న మాట‌ల‌ను త‌ప్పుగా ఆర్ధం చేసుకున్నాడ‌ని, అత‌డి ప్ర‌వ‌ర్త‌న చూసి ఆశ్చ‌ర్య‌పోయాన‌ని ఈ ఆసీస్ స్టార్ తెలిపాడు. అయితే తాజాగా హెడ్ వ్యాఖ్య‌ల‌కు సిరాజ్ కౌంట‌రిచ్చాడు. హెడ్ అబద్దం చెబుతున్నాడ‌ని, నిజంగానే హెడ్‌ దుర్భాషలాడాడని సిరాజ్"ట్రావిస్ హెడ్‌ను ఔట్ చేసిన త‌ర్వాత నేను నా స్టైల్లో సంబరాలు చేసుకున్నాను. ఆ తర్వాత నన్ను అత‌డు దుర్భాషలాడాడు. ఇది లైవ్‌లో కూడా క‌న్పించింది. కావాలంటే ఇప్పుడు టీవీ రిప్లేలో కూడా చూడవచ్చు.నా సెల‌బ్రేష‌న్స్‌ను నేను చేసుకున్నా అంతే. అత‌డిని నేను ఏమి అన‌లేదు. విలేకరుల సమావేశంలో అత‌డు అబ‌ద్దం చెప్పాడు. అతడు న‌న్ను బాగా బౌలింగ్ చేశావ‌ని అన‌లేదు. మేము ప్ర‌తీ ఒక్క ప్లేయ‌ర్‌ను గౌర‌విస్తాము.ఎందుకంటే క్రికెట్‌ను జెంటిల్‌మ‌న్ గేమ్‌గా భావిస్తాము కాబ‌ట్టి. ట్రావిస్ హెడ్ తీరు నాకు న‌చ్చ‌లేదు" అని స్టార్ స్పోర్ట్స్‌కు ఇచ్చిన ఇంట‌ర్వ్యూలో సిరాజ్ పేర్కొన్నాడు. కాగా ఈ మ్యాచ్‌లో భారత్‌ 10 వికెట్ల తేడాతో ఓటమి చవిచూసింది.చదవండి: IND vs AUS 2nd Test: పింక్‌ బాల్‌ టెస్టులో టీమిండియా ఘోర ఓటమి..

అడిలైడ్ వేదిక‌గా ఆస్ట్రేలియాతో జ‌రుగుతున్న పింక్‌బాల్ టెస్టులో భార‌త పేస‌ర్ మ‌హ్మ‌ద్ సిరాజ్ తీరుపై విమ‌ర్శ‌లు వ్య‌క్తం అవుతున్నాయి. ఈ మ్యాచ్‌లో రెండో రోజు ఆట సంద‌ర్భంగా ఆసీస్ స్టార్ బ్యాట‌ర్ ట్రావిస్ హెడ్‌ను ఔట్ చేసిన అనంతరం సిరాజ్ మితిమీరి ప్ర‌వ‌ర్తించాడు.అద్భుతమైన యార్కర్‌తో హెడ్‌ను క్లీన్ బౌల్డ్ చేసిన సిరాజ్‌.. అత‌డి వ‌ద్ద‌కు వెళ్లి గ‌ట్టిగా అరుస్తూ సెల‌బ్రేష‌న్స్ చేసుకున్నాడు. అందుకు హెడ్ రియాక్ట్ కావ‌డంతో సిరాజ్ మ‌రింత రెచ్చిపోయాడు. ఆడింది చాలు ముందు ఇక్క‌డ నుంచి వెళ్లు అన్న‌ట్లు సైగ‌లు చేశాడు. దీంతో ప‌రిస్థితి ఒక్కసారిగా వేడెక్కింది. ఆ త‌ర్వాత ఈ హైద‌రాబాదీ అసీస్ అభిమానుల అగ్ర‌హానికి గుర‌య్యాడు. బౌండరీ లైన్ వ‌ద్ద ఫీల్డింగ్‌ను చేస్తున్న సిరాజ్‌ను ఫ్యాన్స్ స్లెడ్జింగ్ చేశారు. దీంతో భార‌త కెప్టెన్ రోహిత్ శ‌ర్మ సిరాజ్ ఫీల్డింగ్ పొజిషన్‌ను మార్చేశాడు.ఈ నేప‌థ్యంలో సిరాజ్‌పై భార‌త మాజీ కెప్టెన్ సునీల్ గవాస్కర్ అగ్ర‌హం వ్య‌క్తం చేశాడు. అద్బుత‌మైన సెంచ‌రీ చేసిన‌ ఆట‌గాడి ప‌ట్ల సిరాజ్ ప్రవ‌ర్తించిన తీరు స‌రికాద‌ని గ‌వాస్క‌ర్ మండిప‌డ్డాడు."సిరాజ్ అలా ప్ర‌వ‌ర్తించ‌డం స‌రి కాదు. హెడ్ అద్బుత‌మైన ఇన్నింగ్స్ ఆడాడు. అత‌డేమి నాలుగైదు ప‌రుగులు చేసి ఔట్ కాలేదు. 140 పరుగులు చేసిన ఆట‌గాడిని గౌరవించాల్సింది పోయి అంత ఆగ్ర‌హాంగా సెంఢాఫ్ ఇవ్వాల్సిన అవ‌స‌రం ఏముంది? సిరాజ్‌ ఇలా చేసినందుకు ఆసీస్‌ అభిమానుల నుంచి వచ్చిన ప్రతిస్పందన నన్ను ఏ మాత్రం ఆశ్చర్యపరచలేదు.ట్రావిస్ హెడ్ లోక‌ల్ హీరో. సెంచ‌రీ చేసి ఔటైన త‌ర్వాత సిరాజ్ చ‌ప్ప‌ట్లు కొట్టి అత‌డిని అభినందించి ఉంటే క‌చ్చితంగా హీరో అయ్యి ఉండేవాడు. కానీ మితి మీరి ప్ర‌వ‌ర్తించ‌డంతో సిరాజ్ ఇప్పుడు విలన్ అయ్యాడు" అని స్టార్ స్పోర్ట్స్ టీ టైమ్ షోలో స‌న్నీ పేర్కొన్నాడు. కాగా ఈ మ్యాచ్ తొలి ఇన్నింగ్స్‌లో సిరాజ్ 4 వికెట్లు ప‌డ‌గొట్టాడు.చదవండి: IND vs AUS: జస్ప్రీత్‌ బుమ్రాకు గాయం.. కీలక అప్‌డేట్‌ ఇచ్చిన బౌలింగ్‌ కోచ్‌

వరల్డ్‌ టెస్టు చాంపియన్‌షిప్‌ ఫైనల్‌...వన్డే వరల్డ్‌ కప్‌ ఫైనల్‌...గతంలో రెండు కీలక సందర్భాల్లో భారత్‌ ఓటమిని శాసించిన ట్రవిస్‌ హెడ్‌ మరోసారి మనపై చెలరేగిపోయాడు. టీమిండియా బౌలర్లపై విరుచుకుపడిన అతను మెరుపు సెంచరీతో రెండో టెస్టులో ఆ్రస్టేలియాకు విజయావకాశం కల్పించాడు. 157 పరుగులు వెనుకబడి రెండో ఇన్నింగ్స్‌ బరిలోకి దిగిన రోహిత్‌ సేన ఇంకా ఆ లోటును పూడ్చుకోకుండానే సగం వికెట్లను కోల్పోయింది. ప్రస్తుతానికి ఆసీస్‌దే పూర్తి ఆధిపత్యం కాగా... పంత్, నితీశ్‌ పోరాటంపైనే ఆదివారం భారత్‌ ఆశలు మిగిలి ఉన్నాయి. అడిలైడ్‌: గులాబీ బంతితో డే అండ్‌ నైట్‌ టెస్టులో భారత్‌ వైఫల్యం రెండో ఇన్నింగ్స్‌లోనూ కొనసాగింది. ముందుగా తొలి ఇన్నింగ్స్‌లో ఆ్రస్టేలియా భారీ ఆధిక్యంతో అదరగొట్టగా... టీమిండియా ఓటమిని తప్పించుకునేందుకు పోరాడుతోంది. రెండో రోజు ఆస్ట్రేలియా తమ తొలి ఇన్నింగ్స్‌లో 87.3 ఓవర్లలో 337 పరుగులకు ఆలౌటైంది. ట్రవిస్‌ హెడ్‌ (141 బంతుల్లో 140; 17 ఫోర్లు, 4 సిక్స్‌లు) భారీ సెంచరీతో విజృంభించగా... మార్నస్‌ లబుషేన్‌ (126 బంతుల్లో 64; 9 ఫోర్లు) అర్ధ శతకంతో ఆకట్టుకున్నాడు. దీంతో ఆ్రస్టేలియా తొలి ఇన్నింగ్స్‌లో 157 పరుగుల ఆధిక్యం సాధించింది. భారత బౌలర్లలో జస్‌ప్రీత్‌ బుమ్రా, మొహమ్మద్‌ సిరాజ్‌ చెరో నాలుగు వికెట్లు పడగొట్టారు. అనంతరం శనివారం ఆట ముగిసే సమయానికి రోహిత్‌సేన రెండో ఇన్నింగ్స్‌లో 24 ఓవర్లలో 5 వికెట్ల నష్టానికి 128 పరుగులు చేసింది. యశస్వి జైస్వాల్‌ (24; 4 ఫోర్లు), శుబ్‌మన్‌ గిల్‌ (28; 3 ఫోర్లు) మంచి ఆరంభాలను భారీ స్కోర్లుగా మలచలేకపోయారు. రిషబ్‌ పంత్‌ (25 బంతుల్లో 28 బ్యాటింగ్‌; 5 ఫోర్లు), నితీశ్‌ కుమార్‌ రెడ్డి (15 బ్యాటింగ్‌; 3 ఫోర్లు) క్రీజులో ఉన్నారు. చేతిలో 5 వికెట్లు ఉన్న భారత్‌... కంగారూల తొలి ఇన్నింగ్స్‌ స్కోరుకు ఇంకా 29 పరుగులు వెనుకబడి ఉంది. లబుషేన్‌ అర్ధ సెంచరీ... ఓవర్‌నైట్‌ స్కోరు 86/1తో ఆసీస్‌ రెండో రోజు ఆటను కొనసాగించింది. మరోసారి బుమ్రా చెలరేగిపోతూ 13 బంతుల వ్యవధిలో మెక్‌స్వీనీ (109 బంతుల్లో 39; 6 ఫోర్లు), స్టీవ్‌ స్మిత్‌ (2)లను పెవిలియన్‌ పంపించాడు. అయితే లబుషేన్, హెడ్‌ భాగస్వామ్యంలో ఆసీస్‌ కోలుకుంది. భారత బౌలర్లను వీరిద్దరు సమర్థంగా ఎదుర్కొన్నారు. ముఖ్యంగా హర్షిత్‌ రాణా భారీగా పరుగులిచ్చుకున్నాడు. చాన్నాళ్లుగా ఫామ్‌లేమితో సతమతమవుతున్న మార్నస్‌ లబుషేన్‌ ఎట్టకేలకు 114 బంతుల్లో అర్ధ శతకంతో టచ్‌లోకి వచ్చాడు. రాణా ఓవర్లో అతను మూడు ఫోర్లు బాదడం విశేషం. ఎట్టకేలకు లబుషేన్‌ను అవుట్‌ చేసి నితీశ్‌ ఈ జోడీని విడదీయగా... మరో ఎండ్‌లో హెడ్‌ తనదైన శైలిలో ధనాధన్‌ ఇన్నింగ్స్‌ ఆడాడు. అశ్విన్‌ బౌలింగ్‌లో రెండు భారీ సిక్స్‌లు కొట్టిన అతను 63 బంతుల్లోనే హాఫ్‌ సెంచరీని చేరుకున్నాడు. మిచెల్‌ మార్‌‡్ష (9), క్యారీ (15) కొద్ది సేపు హెడ్‌కు అండగా నిలిచారు. అశ్విన్‌ బౌలింగ్‌లో కీపర్‌కు క్యాచ్‌ ఇచి్చన మార్‌‡్ష అంపైర్‌ నిర్ణయం కోసం కూడా చూడకుండా వెళ్లిపోయాడు. రీప్లేలో బంతి బ్యాట్‌కు తాకలేదని తేలింది! వికెట్లు పడినా మరో వైపు జోరు తగ్గించని హెడ్‌కు హాఫ్‌ సెంచరీ నుంచి శతకం అందుకునేందుకు 48 బంతులు సరిపోయాయి. రాణా వరుస ఓవర్లలో రెండేసి ఫోర్లు కొట్టిన అతను 111 బంతుల్లో కెరీర్‌లో ఎనిమిదో సెంచరీ పూర్తి చేసుకున్నాడు. అనంతరం రాణా మరో ఓవర్లో అతను మళ్లీ మూడు ఫోర్లు కొట్టాడు. భారత్‌ కొత్త బంతిని తీసుకున్న తర్వాత హెడ్‌ సహా 27 పరుగుల వ్యవధిలో ఆస్ట్రేలియా చివరి 4 వికెట్లు కోల్పోయింది. రెండో రోజు 54.3 ఓవర్లు ఆడిన ఆ జట్టు 251 పరుగులు జోడించింది. కోహ్లి, రోహిత్‌ విఫలం... ఫ్లడ్‌లైట్ల వెలుతురులో రెండో ఇన్నింగ్స్‌ ప్రారంభించిన టీమిండియాకు ఆరంభంలోనే గట్టి షాక్‌ తగిలింది. అప్పటికే ప్రత్యరి్థకి భారీ ఆధిక్యం సమర్పించుకున్న భారత్‌... నాలుగో ఓవర్‌లోనే కేఎల్‌ రాహుల్‌ (7) వికెట్‌ కోల్పోయింది. అయితే యశస్వి జైస్వాల్, గిల్‌ నిలకడగా ఆడటంతో మళ్లీ ఆశలు చిగురించగా... బోలండ్‌ టీమిండియాను దెబ్బకొట్టాడు. మొదట జైస్వాల్‌ను అవుట్‌ చేసిన అతడు... కాసేపటికి విరాట్‌ కోహ్లి (11)ని కూడా వెనక్కి పంపాడు. ఆ తర్వాత గిల్‌ను అద్భుత బంతితో స్టార్క్‌ క్లీన్‌ బౌల్డ్‌ చేయగా...కమిన్స్‌ వేసిన పదునైన ఇన్‌స్వింగర్‌ కెపె్టన్‌ రోహిత్‌ శర్మ (6) స్టంప్స్‌ను ఎగరగొట్టింది. క్రీజ్‌లో ఉన్నంత సేపు కొన్ని చక్కటి షాట్లు ఆడిన పంత్, నితీశ్‌ మరో 19 బంతుల పాటు వికెట్‌ పడకుండా ఆటను ముగించారు. స్కోరు వివరాలు భారత్‌ తొలి ఇన్నింగ్స్‌: 180; ఆ్రస్టేలియా తొలి ఇన్నింగ్స్‌: ఖ్వాజా (సి) రోహిత్‌ (బి) బుమ్రా 13; మెక్‌స్వీనీ (సి) పంత్‌ (బి) బుమ్రా 39; లబుõÙన్‌ (సి) జైస్వాల్‌ (బి) నితీశ్‌ రెడ్డి 64; స్మిత్‌ (సి) పంత్‌ (బి) బుమ్రా 2; హెడ్‌ (బి) సిరాజ్‌ 140; మార్‌‡్ష (సి) పంత్‌ (బి) అశ్విన్‌ 9; క్యారీ (సి) పంత్‌ (బి) సిరాజ్‌ 15; కమిన్స్‌ (బి) బుమ్రా 12; స్టార్క్‌ (సి) హర్షిత్‌ (బి) సిరాజ్‌ 18; లయన్‌ (నాటౌట్‌) 4; బోలండ్‌ (బి) సిరాజ్‌ 0; ఎక్స్‌ట్రాలు 21; మొత్తం (87.3 ఓవర్లలో ఆలౌట్‌) 337. వికెట్ల పతనం: 1–24, 2–91, 3–103, 4–168, 5–208, 6–282, 7–310, 8–332, 9–332, 10–337, బౌలింగ్‌: బుమ్రా 23–5–61–4; సిరాజ్‌ 24.3–5–98–4; హర్షిత్‌ 16–2–86–0; నితీశ్‌ రెడ్డి 6–2–25–1; అశ్విన్‌ 18–4–53–1. భారత్‌ రెండో ఇన్నింగ్స్‌: జైస్వాల్‌ (సి) క్యారీ (బి) బోలండ్‌ 24; రాహుల్‌ (సి) క్యారీ (బి) కమిన్స్‌ 7; గిల్‌ (బి) స్టార్క్‌ 28; కోహ్లి (సి) క్యారీ (బి) బోలండ్‌ 11; పంత్‌ (బ్యాటింగ్‌) 28; రోహిత్‌ (బి) కమిన్స్‌ 6; నితీశ్‌ రెడ్డి (బ్యాటింగ్‌) 15; ఎక్స్‌ట్రాలు 9; మొత్తం (24 ఓవర్లలో 5 వికెట్లకు) 128. వికెట్ల పతనం: 1–12, 2–42, 3–66, 4–86, 5–105, బౌలింగ్‌: స్టార్క్‌ 9–0–49–1; కమిన్స్‌ 8–0–33–2; బోలండ్‌ 7–0–39–2. హెడ్‌ X సిరాజ్‌ అడిలైడ్‌ ట్రవిస్‌ హెడ్‌ సొంత మైదానం. చుట్టూ 51,642 మంది ప్రేక్షకులు...99.29 స్ట్రైక్‌రేట్‌తో చేసిన మెరుపు సెంచరీతో స్టేడియం ఊగిపోతోంది...ఎట్టకేలకు ఆసీస్‌ ఆధిక్యం 130 పరుగులకు చేరాక ఒక ఫుల్‌టాస్‌ యార్కర్‌తో హెడ్‌ను సిరాజ్‌ బౌల్డ్‌ చేసి తన ఆవేశాన్ని ప్రదర్శించాడు. అంతటితో ఆగిపోకుండా పెవిలియన్‌ వైపు వెళ్లమంటూ రెండు సార్లు సైగ కూడా చేశాడు. హెడ్‌ కూడా ఏదో చెబుతూ నిష్క్రమించాడు. కానీ ఫ్యాన్స్‌ ఊరుకోలేదు. తమ బ్యాటర్‌తో తలపడిన సిరాజ్‌ను ఒక్కసారిగా అంత భారీ సమూహం గేలి చేసింది. తర్వాతి బంతికి స్టార్క్‌ ఫోర్‌ కొట్టడంతో ఇది మరింత పెరిగింది. ఆ ఓవర్‌ మాత్రమే కాదు...ఆ తర్వాత అతను వేసిన ప్రతీ అడుగుకు ఇలాగే స్పందించారు. సిరాజ్‌ డీప్‌ థర్డ్‌మ్యాన్‌ వద్ద ఫీల్డింగ్‌ చేస్తుండగా ప్రేక్షకుల హేళన ఇంకా పెరిగిపోవడంతో రోహిత్‌ అతడిని లోపలి వైపు పాయింట్‌ వద్దకు మార్చాల్సి వచ్చింది. సిరాజ్‌ బౌలింగ్‌లో హెడ్‌ 4 ఫోర్లు, ఒక సిక్స్‌ కొట్టాడు. ఆ సిక్స్‌ తర్వాతి బంతికే వికెట్‌ దక్కింది. హెడ్‌ 76 పరుగుల వద్ద ఉన్నప్పుడు సిరాజ్‌ క్యాచ్‌ వదిలేశాడు కూడా. దాంతో సహజంగానే హైదరాబాదీ తన భావోద్వేగాన్ని చూపించాడు. అయితే ఏకంగా 140 పరుగులు చేసిన తర్వాత ఇలాంటి సైగలు చేయడాన్ని మాజీ క్రికెటర్‌ గావస్కర్‌ కూడా తప్పుపట్టాడు.2023 నుంచి అన్ని ఫార్మాట్‌లలో కలిపి ట్రవిస్‌ హెడ్‌ భారత్‌పై 19 ఇన్నింగ్స్‌లలో 61.9 సగటుతో 1052 పరుగులు చేయడం విశేషం. ఇందులో 3 సెంచరీలు, 4 అర్ధసెంచరీలు ఉన్నాయి. ఇతర జట్లపై మాత్రం 54ఇన్నింగ్స్‌లలో కేవలం 36.8 సగటుతో 1875 పరుగులు మాత్రమే చేయగలిగిన అతను 3 సెంచరీలు, 10 అర్ధసెంచరీలు సాధించాడు.

టీమిండియాతో పింక్‌ బాల్‌ టెస్టులో ఆస్ట్రేలియా మెరుగైన స్కోరు సాధించింది. శుక్రవారం నాటి తొలి రోజు ఆటలో భారత్‌ను 180 పరుగులకే ఆలౌట్‌ చేసిన కంగారూలు.. తమ మొదటి ఇన్నింగ్స్‌లో 337 పరుగులు చేసింది. 86/1 ఓవర్‌నైట్‌ స్కోరుతో శనివారం నాటి రెండో రోజు ఆటను మొదలుపెట్టిన కమిన్స్‌ బృందం మరో 251 పరుగులు జమ చేసి ఆలౌట్‌ అయింది.ఆస్ట్రేలియా బ్యాటర్లలో మార్నస్‌ లబుషేన్‌(64) అర్ధ శతకంతో మెరవగా.. ఐదో నంబర్‌ బ్యాటర్‌ ట్రవిస్‌ హెడ్‌(140) భారీ శతకం బాదాడు. టీమిండియా బౌలర్లకు కొరకాని కొయ్యగా మారి.. 141 బంతుల్లోనే 140 పరుగులు స్కోరు చేశాడు. అతడి ఇన్నింగ్స్‌లో ఏకంగా 17 ఫోర్లు, 4 సిక్సర్లు ఉండటం విశేషం.అద్భుత యార్కర్‌తో హెడ్‌కు చెక్‌అయితే, ప్రమాదకారిగా మారిన హెడ్‌ను పెవిలియన్‌కు పంపేందుకు భారత బౌలర్లు కఠినంగా శ్రమించాల్సి వచ్చింది. ఎట్టకేలకు సిరాజ్‌కు అతడి వికెట్‌ దక్కించుకోవడంతో టీమిండియా ఊపిరి పీల్చుకుంది. ఆసీస్‌ మొదటి ఇన్నింగ్స్‌ 82వ ఓవర్‌లో బంతితో బరిలోకి దిగిన సిరాజ్‌.. అద్భుత యార్కర్‌తో హెడ్‌ను బౌల్డ్‌ చేశాడు.‘‘ఇక్కడి నుంచి త్వరగా వెళ్లిపో’’ ఇక కీలక వికెట్‌ దక్కిన ఆనందంలో సిరాజ్‌.. హెడ్‌ను ఉద్దేశించి ‘‘ఇక వెళ్లు’’ అన్నట్లుగా సైగ చేస్తూ వైల్డ్‌గా సెలబ్రేట్‌ చేసుకున్నాడు. ఇందుకు బదులుగా హెడ్‌ సైతం అతడికి గట్టిగానే కౌంటర్‌ ఇచ్చాడు. దీంతో మరింతగా కోపం తెచ్చుకున్న సిరాజ్‌.. ‘‘ఇక్కడి నుంచి త్వరగా వెళ్లిపో’’ అన్నట్లు ఉగ్రరూపం ప్రదర్శించాడు. అయితే, హెడ్‌ మాత్రం తన సెంచరీ సెలబ్రేట్‌ చేసుకుంటున్న ప్రేక్షకులకు అభివాదం చేస్తూ మైదానాన్ని వీడాడు.డీఎస్‌పీ సర్‌కు కోపం వచ్చిందిఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి. ఈ నేపథ్యంలో.. ‘‘డీఎస్‌పీ సర్‌కు కోపం వచ్చింది. శతకం బాదిన ఆటగాడికి తనదైన స్టైల్లో సెండాఫ్‌ ఇచ్చాడు’’ అంటూ అభిమానులు సరదాగా ట్రోల్‌ చేస్తున్నారు. మరికొందరు మాత్రం.. ‘‘అతి చేయవద్దు సిరాజ్‌.. కాస్త సంయమనం పాటించు’’ అని హితవు పలుకుతున్నారు.కాగా భారత బౌలర్లలో పేసర్లు జస్‌ప్రీత్‌ బుమ్రా, మహ్మద్‌ సిరాజ్‌ నాలుగేసి వికెట్లతో చెలరేగగా..నితీశ్‌ రెడ్డి ఒక వికెట్‌ దక్కించుకున్నాడు. సీనియర్‌ స్పిన్నర్‌ రవిచంద్రన్‌ అశ్విన్‌ ఒక వికెట్‌ తన ఖాతాలో వేసుకున్నాడు. ఇక బోర్డర్‌- గావస్కర్‌ ట్రోఫీ ఆడేందుకు టీమిండియా ఆస్ట్రేలియా పర్యటనకు వెళ్లింది. పెర్త్‌ వేదికగా తొలి టెస్టులో 295 పరుగులతో ఆసీస్‌ను ఓడించిన భారత్‌.. రెండో టెస్టులో కాస్త తడబడుతోంది. అడిలైడ్‌ వేదికగా ఈ డే అండ్‌ నైట్‌ మ్యాచ్‌లో ఇరుజట్ల తొలి ఇన్నింగ్స్‌ ముగిసే సరికి కమిన్స్‌ బృందం.. రోహిత్‌ సేనపై 157 పరుగుల ఆధిక్యంలో నిలిచింది.చదవండి: IND vs AUS: జైశ్వాల్ కళ్లు చెదిరే క్యాచ్‌.. విరాట్ కోహ్లి రియాక్ష‌న్ వైర‌ల్‌The end of a sensational innings! 🗣️#AUSvIND pic.twitter.com/kEIlHmgNwT— cricket.com.au (@cricketcomau) December 7, 2024

టీమిండియాతో తొలి టెస్టులో ఆస్ట్రేలియా ఘోర ఓటమిని చవిచూసిన విషయం విదితమే. పెర్త్‌ వేదికగా జరిగిన ఈ మ్యాచ్‌లో బుమ్రా సారథ్యంలోని భారత జట్టు.. కంగారూలను 295 పరుగుల తేడాతో చిత్తు చిత్తు చేసింది. ముఖ్యంగా బ్యాటర్లంతా మూకుమ్మడిగా విఫలం కావడంతో కమిన్స్‌ బృందానికి ఈ మేర ఘోర పరాభవం తప్పలేదు. ఈ క్రమంలో మొదటి టెస్టు ఫలితం తర్వాత ఆస్ట్రేలియా జట్టులోని ఆటగాళ్ల మధ్య విభేదాలు వచ్చాయంటూ వార్తలు వినిపించాయి.పెర్త్‌లో పరాజయం తర్వాత బ్యాటర్లదే తప్పు అన్నట్లుగా ఆసీస్‌ పేసర్ జోష్‌‌ హాజిల్‌వుడ్‌ పరోక్షంగా చేసిన వ్యాఖ్యలు ఇందుకు దారి తీశాయి. ఈ నేపథ్యంలో ఆసీస్‌ స్టార్‌ బ్యాటర్‌ ట్రవిస్‌ హెడ్‌.. ఇవన్నీ వట్టి వదంతులేనని కొట్టిపారేశాడు. విభేదాలనే మాటకు తావు లేదు‘ఏ జట్టులోనైనా గెలుపోటముల్లో బ్యాటర్లు, బౌలర్లందరి సమాన బాధ్యత ఉంటుంది. ఏ ఆటగాడైనా విజయం కోసం తాను వ్యక్తిగతంగా కూడా కీలకపాత్ర పోషించేందుకు ప్రయత్నిస్తాడు.మేం భారీ స్కోరు చేస్తే బౌలర్ల పని సులువవుతుందని తెలుసు. కాబట్టి సమష్టిగా ఉండటం తప్ప విభేదాలనే మాటకు తావు లేదు. మేం 0–1తో వెనుకబడి ఉన్నామనేది వాస్తవం. కానీ మాకు ఇంకా చాలా అవకాశం ఉంది. ఎన్నో సార్లు ప్రతికూల పరిస్థితుల్లో కోలుకొని చెలరేగిన సత్తా మా సొంతం’ అని హెడ్‌ ఆత్మవిశ్వాసం వ్యక్తం చేశాడు. బుమ్రా సూపర్‌.. ‘బుమ్రా బౌలింగ్‌ ఎంత అద్భుతంగా ఉందో ఇప్పుడు మాకు అనుభవంలోకి వస్తోంది. అతను విసిరే సవాల్‌ను ఎదుర్కొంటూ పోటీ పడటం ప్రత్యేకంగా అనిపిస్తోంది. కెరీర్‌ ముగిసిన తర్వాత నేనూ బుమ్రాను ఎదుర్కొన్నాను అని మా మనవలకు చెప్పుకోగలను. ఈ సిరీస్‌లో మరికొన్నిసార్లు అతడితో తలపడే అవకాశం ఎలాగూ వస్తుంది. నా దృష్టిలో క్రికెట్‌ చరిత్రలో అత్యుత్తమ ఫాస్ట్‌ బౌలర్లలో ఒకడిగా బుమ్రా నిలిచిపోయాడు’ అని హెడ్‌ వ్యాఖ్యానించాడు.పెర్త్‌ టెస్టులో హెడ్‌ ఒక్కడే కాస్త బుమ్రాను సమర్థంగా ఎదుర్కొని అర్ధ సెంచరీ సాధించగా... స్మిత్, లబుషేన్‌, ఖాజా పూర్తిగా విఫలమయ్యారు. ‘బుమ్రా ప్రత్యేకమైన బౌలర్‌. అయితే ఏ బౌలర్‌నైనా ఎదుర్కొనేందుకు ప్రతీ బ్యాటర్‌కు తనదైన శైలి ఉంటుంది. వారు ఎలా ఆడగలరనేది వారికి మాత్రమే తెలుసు. నేను కాస్త మెరుగ్గా ఆడినంత మాత్రాన నా సహచరులు సలహాలు, సూచనల కోసం నా వద్దకు రాలేదు కదా’ అని బుమ్రా బౌలింగ్‌ గురించి హెడ్‌ అభిప్రాయపడ్డాడు.‘పింక్‌ బాల్‌’ టెస్టు ఆడి చాలా కాలమైందినాలుగేళ్ల క్రితం ‘పింక్‌ బాల్‌’ టెస్టులో భారత్‌ 36 పరుగులకు ఆలౌట్‌ అయిన విషయం తనకు గుర్తుందని, అయితే ఈసారి అలాంటిది జరగకపోవచ్చని అతను అన్నాడు. తాము కూడా ‘పింక్‌ బాల్‌’ టెస్టు ఆడి చాలా కాలమైందని... పరిస్థితులకు తగినట్లుగా మన ఆటను మార్చుకోవడమే ఇరు జట్లకు కీలకమని హెడ్‌ చెప్పాడు. కాగా భారత్‌- ఆసీస్‌ మధ్య అడిలైడ్‌ వేదికగా శుక్రవారం నుంచి రెండో టెస్టు(పింక్‌ బాల్‌) మొదలుకానుంది.చదవండి: ‘గిల్‌ను బెంచ్‌కే పరిమితం చేయండి.. అతడికి మరొక్క ఛాన్స్‌ ఇవ్వాలి’

టీమిండియా ప్రధాన పేసర్‌ జస్‌ప్రీత్‌ బుమ్రాపై ఆస్ట్రేలియా బ్యాటర్‌ ట్రవిస్‌ హెడ్‌ ప్రశంసల వర్షం కురిపించాడు. ప్రపంచంలోని అత్యుత్తమ, గొప్ప బౌలర్లలో బుమ్రా ఒకడని కొనియాడాడు. అతడి బౌలింగ్‌లో ఆడటం తనకు దక్కిన గౌరవమని.. తన మనవళ్లకు కూడా ఈ విషయం గురించి గర్వంగా చెప్పగలనంటూ బుమ్రాను ఆకాశానికెత్తాడు.భారత జట్టు బోర్డర్‌- గావస్కర్‌ ట్రోఫీ ఆడేందుకు ఆసీస్‌ గడ్డపై అడుగుపెట్టిన విషయం తెలిసిందే. ఐదు మ్యాచ్‌ల టెస్టు సిరీస్‌లో భాగంగా పెర్త్‌ మ్యాచ్‌లో టీమిండియా భారీ విజయం సాధించింది. బుమ్రా కెప్టెన్సీలో ఆసీస్‌ను ఏకంగా 295 పరుగుల తేడాతో మట్టికరిపించి.. కంగారూ గడ్డపై అతిపెద్ద విజయాన్ని నమోదు చేసింది.ఇటు కెప్టెన్‌గా.. అటు బౌలర్‌గానూఫలితంగా పెర్త్‌ వేదికగా తొలి టెస్టులో ఇటు కెప్టెన్‌గా.. అటు బౌలర్‌గానూ బుమ్రాకు మంచి మార్కులు పడ్డాయి. ఈ మ్యాచ్‌లో రైటార్మ్‌ పేసర్‌ బుమ్రా మొత్తంగా ఎనిమిది వికెట్లు కూల్చి.. ఆసీస్‌ బ్యాటింగ్‌ ఆర్డర్‌ను కుదేలుచేశాడు. తద్వారా టీమిండియా గెలుపులో కీలక పాత్ర పోషించి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. బుమ్రా వంటి గొప్ప బౌలర్‌ను ఎదుర్కొన్నాననిఈ నేపథ్యంలో బుమ్రా నైపుణ్యాలను కొనియాడిన ఆసీస్‌ టెస్టు మిడిలార్డర్‌ బ్యాటర్‌ ట్రవిస్‌ హెడ్‌.. ‘‘ప్రపంచంలోని అత్యుత్తమ, గొప్పనైన ఫాస్ట్‌ బౌలర్లలో ఒకడిగా బుమ్రా ఎదుగుతాడు. మన కెరీర్‌ ముగిసిన తర్వాత.. వెనక్కి తిరిగి చూసుకుంటే.. బుమ్రా వంటి గొప్ప బౌలర్‌ను ఎదుర్కొన్నానని మనవలు, మనవరాళ్లకు చెప్పడం ఎంతో బాగుంటుంది’’ అని పేర్కొన్నాడు.89 పరుగులతో ఆసీస్‌ టాప్‌ స్కోరర్‌గాకాగా తొలి టెస్టు మొదటి ఇన్నింగ్స్‌లో 11 పరుగులు చేసి.. భారత అరంగేట్ర పేసర్‌ హర్షిత్‌ రాణా బౌలింగ్‌లో హెడ్‌ బౌల్డ్‌ అయ్యాడు. ఇక రెండో ఇన్నింగ్స్‌లో 89 పరుగులతో ఆసీస్‌ టాప్‌ స్కోరర్‌గా నిలిచిన ఈ ఎడమచేతి వాటం బ్యాటర్‌.. బుమ్రా బౌలింగ్‌లో వికెట్‌ కీపర్‌ రిషభ్‌ పంత్‌కు క్యాచ్‌ ఇచ్చి వెనుదిరిగాడు. ఇక ఐపీఎల్‌లో సన్‌రైజర్స్‌ విధ్వంసకర ఓపెనర్‌గా హెడ్‌ ఆరెంజ్‌ ఆర్మీకి ఫేవరెట్‌ ప్లేయర్‌గా మారిపోయిన విషయం తెలిసిందే.ఇదిలా ఉంటే.. భారత్‌- ఆస్ట్రేలియా మధ్య అడిలైడ్‌ వేదికగా రెండో టెస్టు జరుగనుంది. డిసెంబరు 6- 10 వరకు పింక్‌ బాల్‌తో ఈ మ్యాచ్‌ను నిర్వహించేందుకు షెడ్యూల్‌ ఖరారైంది. ఇక తొలి టెస్టు నాలుగు రోజుల్లోనే ముగిసిపోగా.. రెండో టెస్టు ఎన్నిరోజుల పాటు సాగనుందనే అంశంపై క్రీడా వర్గాల్లో చర్చ జరుగుతోంది.గిల్‌ అర్ధ శతకంకాగా వ్యక్తిగత కారణాల దృష్ట్యా తొలి టెస్టుకు దూరంగా ఉన్న భారత జట్టు రెగ్యులర్‌ కెప్టెన్‌ రోహిత్‌ శర్మ.. రెండో మ్యాచ్‌కు అందుబాటులోకి వచ్చాడు. దీంతో బుమ్రా రోహిత్‌ సారథ్యంలో వైస్‌ కెప్టెన్‌గా వ్యవహరించనున్నాడు. మరోవైపు.. గాయం నుంచి కోలుకున్న భారత యువ బ్యాటర్‌ శుభ్‌మన్‌ గిల్‌ కూడా తిరిగి జట్టుతో చేరాడు. గులాబీ బంతితో ప్రైమ్‌ మినిస్టర్స్‌ ఎలెవన్‌తో జరిగిన మ్యాచ్‌లో గిల్‌ అర్ధ శతకం(50- రిటైర్డ్‌ హర్ట్‌)తో చెలరేగాడు. రోహిత్‌ మాత్రం మూడు పరుగులే చేసి నిష్క్రమించాడు. ఈ మ్యాచ్‌లో టీమిండియా ఆరు వికెట్ల తేడాతో గెలిచింది.చదవండి: SMAT 2024 PUN Vs HYD: తిలక్‌ వర్మ విఫలం.. అన్‌మోల్‌ప్రీత్‌ సింగ్‌ విధ్వంసం

బోర్డర్-గావస్కర్ ట్రోఫీ సిరీస్‌ (Border-Gavaskar Trophy) ప్రారంభానికి సమయం అసన్నమైంది. మరో రెండు రోజుల్లో భారత్‌-ఆసీస్ మధ్య ఈ ప్రతిష్టాత్మక ట్రోఫీకి తెరలేవనుంది. ఈ బీజీటీ ట్రోఫీలో భాగంగా తొలి టెస్టు నవంబర్ 22 నుంచి పెర్త్ వేదికగా ఆరంభం కానుంది.అయితే ఈ మ్యాచ్‌కు టీమిండియా కెప్టెన్ రోహిత్ శర్మ దూరం కానున్నాడు.రోహిత్ భార్య రితికా సజ్దే కొన్నిరోజుల కిందటే పండింటి మగబిడ్డకు జన్మనిచ్చింది. దీంతో రోహిత్ జ‌ట్టుతో పాటు ఆస్టేలియాకు వెళ్ల‌కుండా భార‌త్‌లోనే ఉండిపోయాడు. అయితే మ‌రి కొన్ని రోజుల పాటు భార్య‌తో పాటే ఉండాల‌ని హిట్‌మ్యాన్ నిర్ణ‌యించుకున్నాడు. ఈ క్ర‌మంలో పెర్త్ టెస్టుకు రోహిత్ దూర‌మ‌య్యాడు.అయితే రోహిత్ నిర్ణ‌యాన్ని కొంతమంది అభిమానులు సోష‌ల్ మీడియా త‌ప్పుబ‌ట్టారు. ముందుగానే త‌న భార్య బిడ్డ‌కు జ‌న్మ‌నివ్వ‌డంతో రోహిత్ తొలి టెస్టులో ఆడింటే బాగుండేద‌ని అభిప్రాయప‌డుతున్నారు. ఈ నేప‌థ్యంలో ఆస్ట్రేలియా స్టార్ బ్యాటర్ ట్రావిస్ హెడ్ మాత్రం రోహిత్‌కు సపోర్ట్‌గా నిలిచాడు. టీమిండియా కెప్టెన్ తీసుకున్న నిర్ణ‌యం స‌రైన‌దేన‌ని హెడ్ తెలిపాడు."రోహిత్ శ‌ర్మ తీసుకున్న నిర్ణ‌యం వంద శాతం స‌రైన‌దే. అత‌డికి నేను పూర్తి మ‌ద్ద‌తు ఇస్తున్నాను. అదే పరిస్థితిలో నేను ఉన్నా రోహిత్‌లానే ఆలోచిస్తాను. క్రికెటర్లగా మేము ఎన్నో త్యాగాలు చేస్తున్నాము. వృత్తిని, ఫ్యామిలీని రెండూ బ్యాలెన్స్ చేయాల్సి ఉంటుంది. కొన్నిసార్లు ముఖ్యమైన మ్యాచ్‌లు కూడా కోల్పోవాల్సి వస్తుంది.ఇక ఆస్ట్రేలియా గడ్డపై భారత్‌కు మంచి రికార్డు ఉంది. గత రెండు పర్యటనలలో కీలక ఆటగాళ్లు గాయాలతో దూరంగా ఉన్నప్పటికి భారత్ అద్భుతమైన విజయాలు నమోదు చేసింది. మా దృష్టిలో భారత్ ఎప్పుడూ బలమైన జట్టే" అని ఓ ఛానల్‌కు ఇచ్చిన ఇంటర్వ్యూలో హెడ్ పేర్కొన్నాడు.చదవండి: న్యూజిలాండ్‌ స్టార్‌ క్రికెటర్‌పై నిషేధం..

ఆస్ట్రేలియా స్టార్ ఓపెన‌ర్, ఎస్‌ఆర్‌హెచ్‌ విధ్వంసకర వీరుడు ట్రావిస్ హెడ్ రెండో సారి తండ్ర‌య్యాడు. అత‌డి భార్య జెస్సికా సోమవారం పండింటి మ‌గ బిడ్డ‌కు జ‌న్మ‌నిచ్చింది. తాజాగా ఈ శుభవార్త‌ను జెస్సికా తన ఇన్‌స్టాగ్రామ్‌లో అభిమానుల‌తో పంచుకుంది. తన భర్త హెడ్‌, కుమార్తె మీలా, కొడుకుతో కలిసి ఉన్న ఫోటోలను జెస్సికా షేర్ చేసింది.హెడ్‌-జెస్సికా జోడీ తమ కుమారుడికి హారిసన్ జార్జ్ అని నామ‌క‌ర‌ణం చేశారు. "వెల్‌కమ్ టూ వరల్డ్ హారిసన్ జార్జ్ హెడ్‌" అంటూ ఆమె క్యాప్షన్‌గా రాసుకొచ్చింది. కాగా వీరిద్దిరికి తొలి సంతానంగా 2022 ఏడాదిలో మీలా జన్మించింది.బీజీటీతో రీఎంట్రీ?ఇక గ‌త కొంత‌కాలంగా అవిరామంగా క్రికెట్ ఆడుతున్న హెడ్ ప్ర‌స్తుతం విశ్రాంతి తీసుకుంటున్నాడు. తన కుటుంబంతో సమయం గ‌డిపేందుకు పాకిస్తాన్‌తో వైట్‌బాల్ సిరీస్‌ల‌కు హెడ్ దూర‌మ‌య్యాడు. అత‌డు తిరిగి బోర్డర్-గవాస్కర్ ట్రోఫీతో మ‌ళ్లీ మైదానంలో అడుగుపెట్ట‌నున్నాడు. నవంబర్ 22న పెర్త్‌లో ఈ బీజీటీ ట్రోఫీ ప్రారంభం కానుంది.ఎస్‌ఆర్‌హెచ్‌ రిటైన్‌..ఇక ఐపీఎల్‌-2024లో సన్‌రైజర్స్‌ హైదరాబాద్‌ తరపున ఆడిన ట్రావిస్‌ హెడ్‌ విధ్వంసకర ప్రదర్శనలు చేశాడు. ఈ ఏడాది సీజన్‌లో 15 మ్యాచ్‌లు ఆడిన హెడ్‌.. 191.55 స్ట్రైక్‌ రేటుతో 567 పరుగులు చేశాడు. దీంతో హెడ్‌ను ఐపీఎల్‌​-2025 సీజన్‌కు ముందు ఎస్‌ఆర్‌హెచ్‌ రిటైన్‌ చేసుకుంది. View this post on Instagram A post shared by JESSICA DAVIES (@jess_head)

ఇంగ్లండ్‌తో జరిగిన ఐదు మ్యాచ్‌ల వన్డే సిరీస్‌ను ఆస్ట్రేలియా 3-2 తేడాతో కైవసం చేసుకుంది. నిన్న (సెప్టెంబర్‌ 29) జరిగిన నిర్ణయాత్మక ఐదో మ్యాచ్‌లో ఆస్ట్రేలియా డక్‌వర్త్‌ లూయిస్‌ పద్దతిలో 49 పరుగుల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ 49.2 ఓవర్లలో 309 పరుగులకు ఆలౌటైంది. ఛేదనలో ఆస్ట్రేలియా స్కోర్‌ 165/2 (20.4 ఓవర్లు) వద్ద ఉండగా వర్షం ప్రారంభమైంది. వర్షం ఎంతకీ తగ్గకపోవడంతో డక్‌వర్త్‌ లూయిస్‌ పద్దతిన ఆస్ట్రేలియాను విజేతగా ప్రకటించారు. మ్యాచ్‌ ఆగిపోయే సమయానికి ఆస్ట్రేలియా స్కోర్‌ ఇంగ్లండ్‌ స్కోర్‌ కంటే మెరుగ్గా ఉంది.డకెట్‌ సెంచరీఇంగ్లండ్‌ ఇన్నింగ్స్‌లో బెన్‌ డకెట్‌ (91 బంతుల్లో 107; 13 ఫోర్లు, 2 సిక్సర్లు) మెరుపు సెంచరీతో కదంతొక్కాడు. హ్యారీ బ్రూక్‌ (52 బంతుల్లో 72; 3 ఫోర్లు, 7 సిక్సర్లు), ఫిలిప్‌ సాల్ట్‌ (27 బంతుల్లో 45; 5 ఫోర్లు, 3 సిక్సర్లు) సుడిగాలి ఇన్నింగ్స్‌లతో అలరించారు. విల్‌ జాక్స్‌ (0), జేమీ స్మిత్‌ (6), లియామ్‌ లివింగ్‌స్టోన్‌ (0), జేకబ్‌ బేథెల్‌ (13), బ్రైడన్‌ కార్స్‌ (9), మాథ్యూ పాట్స్‌ (6) విఫలం కాగా.. ఆఖర్లో ఆదిల్‌ రషీద్‌ అత్యంత కీలకమైన ఇన్నింగ్స్‌ (25 బంతుల్లో 36; 4 ఫోర్లు) ఆడాడు. రషీద్‌ ఈ పరుగులు చేయకుండి ఉంటే ఇంగ్లండ్‌ 300 పరుగుల మార్కును తాకేది కాదు. ఆసీస్‌ బౌలర్లలో ట్రవిస్‌ హెడ్‌ నాలుగు వికెట్లు పడగొట్టగా.. మ్యాక్స్‌వెల్‌, ఆరోన్‌ హార్డీ, ఆడమ్‌ జంపా తలో రెండో వికెట్లు దక్కించుకున్నారు.రాణించిన షార్ట్‌ఛేదనలో ఆస్ట్రేలియా ఆది నుంచి వేగంగా ఆడింది. తొలి 10 ఓవర్లలోనే ఆ జట్టు 100 పరుగుల మార్కును దాటింది. మాథ్యూ షార్ట్‌ మెరుపు హాఫ్‌ సెంచరీ (30 బంతుల్లో 58; 7 ఫోర్లు, 4 సిక్సర్లు) చేయగా.. బంతితో మ్యాజిక్‌ చేసిన ట్రవిస్‌ హెడ్‌ ఓ మోస్తరు ఇన్నింగ్స్‌ (26 బంతుల్లో 31; 4 ఫోర్లు, 2 సిక్సర్లు) ఆడాడు. మ్యాచ్‌ నిలిచిపోయే సమయానికి స్టీవ్‌ స్మిత్‌ (48 బంతుల్లో 36), జోష్‌ ఇంగ్లిస్‌ (20 బంతుల్లో 28) క్రీజ్‌లో ఉన్నారు. ఇంగ్లండ్‌ బౌలర్లలో మాథ్యూ పాట్స్‌, బ్రైడన్‌ కార్స్‌ తలో వికెట్‌ పడగొట్టారు. ఈ మ్యాచ్‌లో బంతితో రాణించి, సిరీస్‌ ఆధ్యాంతం బ్యాట్‌తో అలరించిన ట్రవిస్‌ హెడ్‌కు ప్లేయర్‌ ఆఫ్‌ ద మ్యాచ్‌, ప్లేయర్‌ ఆఫ్‌ ద సిరీస్‌ అవార్డులు లభించాయి. ఈ సిరీస్‌లోని తొలి రెండు వన్డేలు, ఐదో వన్డే ఆసీస్‌ గెలువగా.. ఇంగ్లండ్‌ మూడు, నాలుగు వన్డేల్లో విజయాలు సాధించింది.చదవండి: భారత్‌తో టీ20 సిరీస్‌.. బంగ్లాదేశ్‌ జట్టు ప్రకటన

ఆస్ట్రేలియాతో నాలుగో వన్డేలో ఇంగ్లండ్‌ ఘన విజయం సాధించింది. ప్రత్యర్థిని ఏకంగా 186 పరుగుల తేడాతో మట్టికరిపించింది. తద్వారా ఐదు మ్యాచ్‌ల సిరీస్‌ను 2-2తో సమం చేసింది. కాగా మూడు టీ20లు, ఐదు వన్డేలు ఆడేందుకు ఆస్ట్రేలియా ఇంగ్లండ్‌ పర్యటనకు వెళ్లింది.ఈ క్రమంలో పొట్టి సిరీస్‌లో ఇరు జట్లు చెరో విజయం సాధించగా.. మూడో మ్యాచ్‌ వర్షం వల్ల రద్దైంది. దీంతో 1-1తో టీ20 సిరీస్‌ డ్రాగా ముగిసిపోయింది. ఇక వన్డేల విషయానికొస్తే.. తొలి రెండు మ్యాచ్‌లలో ఆస్ట్రేలియా విజయం సాధించగా.. మూడో వన్డే నుంచి ఇంగ్లండ్‌ గెలుపుబాట పట్టింది.39 ఓవర్లకు మ్యాచ్‌ కుదింపుచెస్టెర్‌ లీ స్ట్రీట్‌ వేదికగా డీఎల్‌ఎస్‌ పద్ధతిలో ఆసీస్‌ను 46 పరుగుల తేడాతో ఓడించింది. అదే విధంగా.. లార్డ్స్‌ వేదికగా శుక్రవారం రాత్రి ముగిసిన మ్యాచ్‌లోనూ జయభేరి మోగించింది. లండన్‌ మ్యాచ్‌లో టాస్‌ గెలిచిన ఆస్ట్రేలియా తొలుత బౌలింగ్‌ బౌలింగ్‌ ఎంచుకుంది.బౌండరీల వర్షం కురిపించిన బ్రూక్‌అయితే, వర్షం కారణంగా 39 ఓవర్లకే కుదించిన ఈ మ్యాచ్‌లో ఇంగ్లండ్‌ బ్యాటర్లు అద్భుత ప్రదర్శనతో ఆకట్టుకున్నారు. టాపార్డర్‌లో ఓపెనర్‌ బెన్‌ డకెట్‌ 62 బంతుల్లో 63 పరుగులు చేయగా.. హ్యారీ బ్రూక్‌ కెప్టెన్‌ ఇన్నింగ్స్‌తో దుమ్ములేపాడు. Leading from the front 💪Batted, Harry Brook! 👏 🏴󠁧󠁢󠁥󠁮󠁧󠁿 #ENGvAUS 🇦🇺 | @IGcom pic.twitter.com/RGV0rEZeWT— England Cricket (@englandcricket) September 27, 2024నాలుగో స్థానంలో బ్యాటింగ్‌కు దిగిన ఈ కుడిచేతి వాటం బ్యాటర్‌.. ఫోర్ల వర్షం కురిపించాడు. మొత్తంగా 58 బంతులు ఎదుర్కొని 11 ఫోర్లు, ఒక సిక్సర్‌ సాయంతో 87 పరుగుల సాధించాడు. ఆడం జంపా బౌలింగ్‌లో గ్లెన్‌ మాక్స్‌వెల్‌కు క్యాచ్‌ ఇవ్వడంతో బ్రూక్‌ ధనాధన్‌ ఇన్నింగ్స్‌కు తెరపడింది. ఆసీస్‌ బౌలింగ్‌ను ఊచకోత కోసిన లివింగ్‌స్టోన్‌ఇక వికెట్‌ కీపర్‌ జేమీ స్మిత్‌ 28 బంతుల్లో 39 రన్స్‌ చేయగా.. లియామ్‌ లివింగ్‌ స్టోన్‌ ఆసీస్‌ బౌలింగ్‌ను ఊచకోత కోశాడు. కేవలం 27 బంతుల్లోనే 3 ఫోర్లు, 7 సిక్స్‌లతో చెలరేగి ఏకంగా 62 పరుగులతో అజేయంగా నిలిచాడు. ఈ క్రమంలో ఇంగ్లండ్‌ నిర్ణీత 39 ఓవర్లలో కేవలం ఐదు వికెట్లు నష్టపోయి 312 పరుగులు స్కోరు చేసింది.6️⃣▪️6️⃣6️⃣6️⃣4️⃣Incredible final over hitting from Liam Livingstone 💪💥🏴󠁧󠁢󠁥󠁮󠁧󠁿 #ENGvAUS 🇦🇺 | @liaml4893 pic.twitter.com/qfEDxOM88N— England Cricket (@englandcricket) September 27, 2024ఆసీస్‌ 126 పరుగులకే ఆలౌట్‌ఇక భారీ లక్ష్యంతో బరిలోకి దిగిన ఆస్ట్రేలియా కనీస పోరాటపటిమ ప్రదర్శించలేకపోయింది. 24.4 ఓవర్లలో కేవలం 126 పరుగులు చేసి ఆలౌట్‌ అయింది. ఓపెనర్‌ ట్రవిస్‌ హెడ్‌ 34 పరుగులతో కంగారు జట్టు ఇన్నింగ్స్‌లో టాప్‌ స్కోరర్‌గా నిలిచాడు. మరో ఓపెనర్‌, కెప్టెన్‌ మిచెల్‌ మార్ష్‌ 28 రన్స్‌ చేశాడు. స్టీవ్‌ స్మిత్‌(5), జోష్‌ ఇంగ్లిస్‌(8), మార్నస్‌ లబుషేన్‌(4), గ్లెన్‌ మాక్స్‌వెల్‌(2), స్టార్క్‌(3 నాటౌట్‌) సింగిల్‌ డిజిట్లకే పరిమితం కాగా.. ఆడం జంపా, హాజిల్‌వుడ్‌ డకౌట్‌ అయ్యారు.మాథ్యూ పాట్స్‌కు నాలుగు వికెట్లుమిగతా వాళ్లలో అలెక్స్‌ క్యారీ 13, సీన్‌ అబాట్‌ 10 పరుగులు రాబట్టారు. ఇంగ్లండ్‌ బౌలర్లలో మాథ్యూ పాట్స్‌ అత్యధికంగా నాలుగు వికెట్లు తీయగా.. బ్రైడన్‌ కార్సే మూడు, జోఫ్రా ఆర్చర్‌ రెండు, ఆదిల్‌ రషీద్‌ ఒక వికెట్‌ దక్కించుకున్నారు. కెప్టెన్‌ ఇన్నింగ్స్‌తో అలరించిన హ్యారీ బ్రూక్‌ ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు. ఇక ఇంగ్లండ్‌- ఆస్ట్రేలియా మధ్య నిర్ణయాత్మక ఐదో వన్డే ఆదివారం జరుగనుంది. ఇందుకు బ్రిస్టల్‌లోని కౌంటీ గ్రౌండ్‌ వేదిక.చదవండి: జడేజా ప్రపంచ రికార్డు.. 147 ఏళ్ల చరిత్రలో ఇదే తొలిసారి

పరిమిత ఓవర్ల క్రికెట్‌లో ఆకాశమే హద్దుగా చెలరేగిపోతున్నాడు ఆస్ట్రేలియా స్టార్‌ ఓపెనర్‌ ట్రవిస్‌ హెడ్‌. విధ్వంసకర బ్యాటింగ్‌తో బౌలర్లకు చుక్కలు చూపిస్తూ తనకు తానే సాటి అన్నట్లుగా ముందుకు సాగుతున్నాడు. ఇప్పటికే టీ20 ఫార్మాట్లో పవర్‌ ప్లేలో అత్యధిక స్ట్రయిక్‌రేటుతో అత్యధిక పరుగులు రాబట్టిన క్రికెటర్‌గా కొనసాగుతున్న హెడ్‌.. వన్డేల్లోనూ హవా కొనసాగిస్తున్నాడు.ఆరోజు టీమిండియాపైటీమిండియాతో వన్డే వరల్డ్‌కప్‌-2023 ఫైనల్లో ఈ లెఫ్టాండర్‌ బ్యాటర్‌ సృష్టించిన పరుగుల సునామీని ఎవరూ అంత తేలికగా మర్చిపోలేరు. నీలిసంద్రమైన అహ్మదాబాద్‌ స్టేడియంలో.. అశేష టీమిండియా అభిమానుల నడుమ.. 137 పరుగులతో హెడ్‌ చెలరేగాడు. బౌండరీల వర్షం కురిపిస్తూ చేతికే బ్యాట్‌ మొలిచిందా అన్నట్లు పరుగుల వరద పారించాడు. 120 బంతుల్లో 15 ఫోర్లు, 4 సిక్సర్ల సాయంతో అద్భుత శతకం సాధించి.. రోహిత్‌ సేనకు పీడకలను మిగిల్చాడు. తాజాగా.. ట్రవిస్‌ హెడ్‌ మరోసారి అదే తరహా సునామీ ఇన్నింగ్స్‌తో ప్రేక్షకులను అలరించాడు. అతడి పరుగుల దాహానికి ఇంగ్లండ్‌ బౌలర్లు బలిఈసారి అతడి పరుగుల దాహానికి ఇంగ్లండ్‌ బౌలర్లు బలయ్యారు. నాటింగ్‌హామ్‌లోని ట్రెంట్‌బ్రిడ్జ్‌ వేదికగా గురువారం జరిగిన వన్డేలో హెడ్‌ పరుగుల సునామీ సృష్టించాడు. 129 బంతులు ఎదుర్కొన్న అతడు ఇంగ్లండ్‌ బౌలింగ్‌ను చీల్చి చెండాడుతూ.. ఏకంగా 20 ఫోర్లు, 5 సిక్స్‌లు బాదాడు.రికార్డులు సాధించిన హెడ్‌మొత్తంగా 154 పరుగులతో అజేయంగా నిలిచి ఇంగ్లండ్‌పై ఆస్ట్రేలియాకు విజయాన్ని అందించాడు. ఈ క్రమంలో పలు రికార్డులను ట్రవిస్‌ హెడ్‌ తన ఖాతాలో జమచేసుకున్నాడు. ఆస్ట్రేలియా తరఫున ఇంగ్లండ్‌పై వన్డేల్లో అత్యధిక వ్యక్తిగత స్కోరు సాధించిన రెండో ప్లేయర్‌గా నిలిచాడు. అంతకు ముందు షేన్‌ వాట్సన్‌ 2011లో 161 పరుగులతో అజేయంగా నిలిచాడు.ఇక ఆస్ట్రేలియా తరఫున వన్డే ఇన్నింగ్స్‌లో అత్యధిక ఫోర్లు(20) బాదిన మూడో క్రికెటర్‌గానూ హెడ్‌ మరో రికార్డు సాధించాడు. ఈ జాబితాలో డేవిడ్‌ వార్నర్‌(24), గ్లెన్‌ మాక్స్‌వెల్‌(21) హెడ్‌ కంటే ముందున్నారు. అయితే, ఈ రెండు ఘనతలతో పాటు మరో అరుదైన ఫీట్‌ను కూడా ఈ లెఫ్టాండర్‌ బ్యాటర్‌ అందుకున్నాడు. రోహిత్‌ శర్మ పేరిట ఉన్న రికార్డు బద్దలుట్రెంట్‌బ్రిడ్జి స్టేడియంలో వన్డే లక్ష్య ఛేదనలో విజయవంతమైన జట్టు తరఫున అత్యధిక వ్యక్తిగత స్కోరు నమోదు చేసిన క్రికెటర్‌గా హెడ్‌ చరిత్రకెక్కాడు. తద్వారా టీమిండియా కెప్టెన్‌ రోహిత్‌ శర్మ పేరిట ఉన్న రికార్డును బద్దలుకొట్టాడు. 2018లో రోహిత్‌ ఇదే స్టేడియంలో 114 బంతుల్లో 137 పరుగులు చేసి భారత్‌ను గెలిపించాడు.ఇదిలా ఉంటే.. ఇప్పటికే రోహిత్‌ శర్మ సృష్టించిన ఓ అరుదైన రికార్డును హెడ్‌ బ్రేక్‌ చేసిన విషయం తెలిసిందే. వన్డే ప్రపంచకప్‌-2023 సందర్భంగా.. న్యూజిలాండ్‌పై హెడ్‌ 59 బంతుల్లోనే శతకం పూర్తి చేసుకున్నాడు. తద్వారా వన్డే వరల్డ్‌కప్‌ చరిత్రలో ఫాస్టెస్ట్‌ సెంచరీ నమోదు చేసిన తొలి ఓపెనర్‌గా హెడ్‌ నిలిచాడు. అంతకుముందు ఈ రికార్డు రోహిత్‌ పేరిట ఉండేది.ఇదే ఎడిషన్‌లో అఫ్గనిస్తాన్‌తో మ్యాచ్‌లో రోహిత్‌ 63 బంతుల్లోనే సెంచరీ మార్కు అందుకున్నాడు. ఇలా రోహిత్‌ సాధించిన రెండు అరుదైన రికార్డులను బద్దలు కొట్టాడు హెడ్‌. అత్యంత దురదృష్టవంతుడైన వ్యక్తిఇక వరల్డ్‌కప్‌ ఫైనల్లో టీమిండియాపై ఆసీస్ విజయం తర్వాత హెడ్‌ మాట్లాడుతూ.. ప్రపంచంలోనే అత్యంత దురదృష్టవంతుడైన వ్యక్తి బహుశా రోహితే అయ్యుంటాడని పేర్కొన్న విషయం తెలిసిందే. అద్భుత ఫామ్‌లో ఉన్నా జట్టుకు ట్రోఫీ అందించలేకపోయాడనే ఉద్దేశంతో హెడ్‌ అలా వ్యాఖ్యానించాడు.చదవండి: Eng Vs Aus: లబుషేన్‌ ప్రపంచ రికార్డు.. వన్డే చరిత్రలోనే తొలి క్రికెటర్‌గాThe perfect 𝐇𝐄𝐀𝐃 start for the Aussies in the ODI series 💯 🇦🇺#SonySportsNetwork #ENGvAUS #TravisHead | @travishead34 pic.twitter.com/PBItCBhPKE— Sony Sports Network (@SonySportsNetwk) September 20, 2024

ఆస్ట్రేలియా బ్యాటర్‌ మార్నస్‌ లబుషేన్‌ సరికొత్త చరిత్ర సృష్టించాడు. ఇంగ్లండ్‌తో వన్డేలో ఆల్‌రౌండ్‌ ప్రతిభతో అదరగొట్టిన అతడు.. ప్రపంచంలో ఇంతవరకు ఏ క్రికెటర్‌కూ సాధ్యం కాని అత్యంత అరుదైన ఘనత సాధించాడు. కాగా పరిమిత ఓవర్ల సిరీస్‌లు ఆడేందుకు ఆసీస్‌ జట్టు ఇంగ్లండ్‌కు వెళ్లింది.హెడ్‌ విధ్వంసకర శతకం.. లబుషేన్‌ అజేయ హాఫ్‌ సెంచరీఇందులో భాగంగా మూడు టీ20ల సిరీస్‌ను 1-1తో డ్రా చేసుకున్న కంగారూ టీమ్‌.. గురువారం నుంచి ఐదు వన్డేల సిరీస్‌ మొదలుపెట్టింది. ఈ క్రమంలో నాటింగ్‌హామ్‌లో జరిగిన తొలి మ్యాచ్‌లో ఇంగ్లండ్‌ను ఏడు వికెట్ల తేడాతో చిత్తుగా ఓడించింది. ఓపెనర్‌ ట్రవిస్‌ హెడ్‌ (129 బంతుల్లో 154 నాటౌట్‌) విధ్వంసకర శతకంతో ఆసీస్‌ విజయంలో కీలక పాత్ర పోషించాడు.మొత్తంగా 129 బంతులు ఎదుర్కొని 20 ఫోర్లు, 5 సిక్సర్ల సాయంతో ఇంగ్లండ్‌ బౌలింగ్‌ను ఊచకోత కోశాడు. అతడికి తోడుగా ఐదో నంబర్‌ బ్యాటర్‌ మార్నస్‌ లబుషేన్‌ సైతం రాణించాడు. 61 బంతుల్లో ఏడు ఫోర్లు, 2 సిక్స్‌ల సాయంతో 77 పరుగులతో అజేయంగా నిలిచి.. ఆసీస్‌ను విజయతీరాలకు చేర్చడంలో హెడ్‌కు సహకరించాడు.మూడు వికెట్లు తీసిన లబుషేన్‌ఇక అంతకు ముందు.. టాస్‌ గెలిచి ముందుగా బ్యాటింగ్‌కు దిగిన ఆతిథ్య ఇంగ్లండ్‌ 49.4 ఓవర్లలో 315 పరుగులకు ఆలౌటైంది. ఆసీస్‌ స్పిన్నర్‌ ఆడం జంపా మూడు వికెట్లతో చెలరేగగా.. రైటార్మ్‌ లెగ్‌బ్రేక్‌ స్పిన్‌ బౌలింగ్‌ చేయగల లబుషేన్‌ సైతం మూడు వికెట్లు పడగొట్టాడు. ట్రవిస్‌ హెడ్‌ రెండు, డ్వార్షుయిస్‌, మాథ్యూ షార్ట్‌ ఒక్కో వికెట్‌ దక్కించుకున్నారు.నాలుగు క్యాచ్‌లతో మెరిసిన లబుషేన్‌ఇక ఈ మ్యాచ్‌లో బెన్‌ డకెట్‌ (91 బంతుల్లో 95; 11 ఫోర్లు), కెప్టెన్‌ హ్యారీ బ్రూక్‌(31 బంతుల్లో 39; 2 ఫోర్లు, 3 సిక్స్‌లు) రూపంలో కీలక వికెట్లు తీసి ఇంగ్లండ్‌ను దెబ్బకొట్టిన లబుషేన్‌.. జోఫ్రా ఆర్చర్‌(4) వికెట్‌ కూడా తన ఖాతాలో వేసుకున్నాడు. అంతేకాదు.. డకెట్‌, బ్రూక్‌, జాకబ్‌ బెతెల్‌ (34 బంతుల్లో 35; 3 ఫోర్లు, 1 సిక్స్‌), ఆదిల్‌ రషీద్‌(0) క్యాచ్‌లు కూడా తానే అందుకున్నాడు.𝐃𝐮𝐜𝐤𝐞𝐭𝐭 𝐦𝐮𝐬𝐭 𝐛𝐞 𝐠𝐮𝐭𝐭𝐞𝐝 😤Catching practice for Labuschagne off his own bowling 😎Watch #ENGvAUS LIVE on #SonyLIV 🍿 pic.twitter.com/p0IxZKhQZY— Sony LIV (@SonyLIV) September 19, 2024 వన్డే చరిత్రలోనే తొలి క్రికెటర్‌గాఅలా మూడు వికెట్లు పడగొట్టడంతో పాటు నాలుగు క్యాచ్‌లు అందుకుని.. లక్ష్య ఛేదనలో 77 పరుగులతో ఆఖరి వరకు అజేయంగా నిలిచాడు లబుషేన్‌. తద్వారా ఈ కుడిచేతి వాటం ఆటగాడు ప్రపంచ రికార్డు నెలకొల్పాడు. ఒక వన్డే మ్యాచ్‌లో అర్ధ శతకం బాదడంతో పాటు.. మూడు వికెట్లు తీసి.. మూడు కంటే ఎక్కువ క్యాచ్‌లు అందుకున్న తొలి క్రికెటర్‌గా చరిత్రకెక్కాడు. ఇదీ 30 ఏళ్ల లబుషేన్‌ సాధించిన అత్యంత అరుదైన ఘనత!!.. ఇక ఇంగ్లండ్‌- ఆస్ట్రేలియా మధ్య రెండో వన్డే లీడ్స్‌ వేదికగా శనివారం జరుగనుంది. చదవండి: IND vs BAN: బుమ్రా సూపర్‌ బాల్‌.. బంగ్లా బ్యాటర్‌ ఫ్యూజ్‌లు ఔట్‌! వీడియో

ఇంగ్లండ్‌తో మూడు వన్డేల సిరీస్‌లో ఆస్ట్రేలియా శుభారంభం చేసింది. నాటింగ్‌హామ్‌ వేదికగా జరిగిన తొలి వన్డేలో 7 వికెట్ల తేడాతో ఆసీస్‌ ఘన విజయం సాధించింది. 316 పరుగుల లక్ష్యంతో బరిలోకి దిగిన ఆస్ట్రేలియా కేవలం 3 వికెట్లు మాత్రమే కోల్పోయి చేధించింది. భారీ లక్ష్య చేధనలో కంగారుల ఓపెనర్‌ ట్రావిస్‌ హెడ్‌ విధ్వంసం సృష్టించాడు. తనదైన శైలిలో ఇంగ్లండ్‌ బౌలర్లను ఊతికారేశాడు. కేవలం 129 బంతుల్లో 20 ఫోర్లు, 5 సిక్స్‌లతో 154 పరుగులు చేసి ఆజేయంగా నిలిచాడు. అతడితో మార్నస్‌ లబుషేన్‌(77) పరుగులతో రాణించాడు. ఇంగ్లండ్‌ బౌలర్లలో పొట్స్‌, బెతల్‌, లివింగ్‌స్టోన్‌ తలా వికెట్‌ సాధించారు. అంతకముందు బ్యాటింగ్‌ చేసిన ఇంగ్లండ్‌ 49.4 ఓవర్లలో 315 పరుగులకు ఆలౌటైంది. బెన్‌ డకెట్‌ (91 బంతుల్లో 95; 11 ఫోర్లు) త్రుటిలో శతకం చేజార్చుకోగా...విల్‌ జాక్స్‌ (56 బంతుల్లో 62; 5 ఫోర్లు, 2 సిక్స్‌లు) అర్ధ సెంచరీ సాధించాడు. కెపె్టన్‌ హ్యారీ బ్రూక్‌ (31 బంతుల్లో 39; 2 ఫోర్లు, 3 సిక్స్‌లు), జాకబ్‌ బెతెల్‌ (34 బంతుల్లో 35; 3 ఫోర్లు, 1 సిక్స్‌) కూడా రాణించారు. ఆ్రస్టేలియా బౌలర్లలో లబుషేన్‌, జంపా చెరో 3 వికెట్లు పడగొట్టగా...ట్రవిస్‌ హెడ్‌కు 2 వికెట్లు దక్కాయి. ఇరు జట్ల మధ్య రెండో వన్డే శనివారం లీడ్స్‌లో జరుగుతుంది.

ఇంగ్లండ్‌ విధ్వంసకర వీరుడు లియామ్‌ లివింగ్‌స్టోన్‌ ప్రపంచ నంబర్‌ వన్‌గా అవతరించాడు. ఐసీసీ తాజా టీ20 ర్యాంకింగ్స్‌ ఆల్‌రౌండర్ల జాబితాలో అగ్రస్థానంలో నిలిచాడు. ఆస్ట్రేలియాతో ఇటీవల జరిగిన టీ20 సిరీస్‌లో సత్తా చాటి.. ఏకంగా ఏడు స్థానాలు ఎగబాకి.. నంబర్‌ వన్‌ ర్యాంకును సొంతం చేసుకున్నాడు. అంతేకాదు.. తన కెరీర్‌లోనే అత్యుత్తమంగా 253 రేటింగ్‌ పాయింట్లతో లివింగ్‌స్టోన్‌ నంబర్‌ వన్‌ ఆల్‌రౌండర్‌గా నిలిచాడు. ఆస్ట్రేలియా స్టార్‌ మార్కస్‌ స్టొయినిస్‌(211 రేటింగ్‌ పాయింట్లు)ను అగ్రస్థానం నుంచి వెనక్కి నెట్టి.. అతడికి అందనంత ఎత్తులో నిలిచాడు. కాగా ఇటీవల ఆస్ట్రేలియాతో జరిగిన మూడు మ్యాచ్‌ల టీ20 సిరీస్‌లో లివింగ్‌స్టోన్‌ అదరగొట్టాడు.ఆసీస్‌తో సిరీస్‌లో అదరగొట్టిసౌతాంప్టన్‌లో జరిగిన తొలి మ్యాచ్‌లో బ్యాటర్‌గా 37 పరుగులు చేయడంతో పాటు.. 22 పరుగులు మాత్రమే ఇచ్చి.. మూడు వికెట్లు తీసిన ఈ స్పిన్‌ బౌలింగ్‌ ఆల్‌రౌండర్‌.. రెండో టీ20లో విశ్వరూపం ప్రదర్శించాడు. కార్డిఫ్‌లో జరిగిన ఈ మ్యాచ్‌లో 47 బంతుల్లోనే 87 పరుగులు చేసిన లివింగ్‌స్టోన్‌.. కేవలం 16 పరుగులు ఇచ్చి రెండు వికెట్లు తీశాడు. నంబర్‌ వన్‌ బ్యాటర్‌ అతడేతద్వారా ఇంగ్లండ్‌ను గెలిపించి ప్లేయర్‌ ఆఫ్‌ ది మ్యాచ్‌గా నిలిచాడు. ఇక ఈ సిరీస్‌లో ఆసీస్‌- ఇంగ్లండ్‌ చెరో మ్యాచ్‌ గెలవగా.. మూడో టీ20 వర్షం కారణంగా రద్దైంది. కాగా 2017లో ఇంగ్లండ్‌ తరఫున అంతర్జాతీయ క్రికెట్‌లో అరంగేట్రం చేసిన 31 ఏళ్ల లివింగ్‌స్టోన్‌.. ఇప్పటి వరకు ఒక టెస్టు, 25 వన్డేలు, 50 టీ20లు ఆడాడు. ఆయా ఫార్మాట్లలో వరుసగా 16, 558, 815 పరుగులు చేయడంతో పాటు.. వన్డేల్లో 17, టీ20లలో 29 వికెట్లు పడగొట్టాడు. ఇదిలా ఉంటే.. ఐసీసీ టీ20 బ్యాటర్ల జాబితాలో ఆస్ట్రేలియా స్టార్‌ ట్రవిస్‌ హెడ్‌ తన టాప్‌ ర్యాంకును మరింత పదిలం చేసుకోగా.. లివింగ్‌స్టోన్‌ 17 స్థానాలు మెరుగుపరచుకుని 33వ ర్యాంకు సంపాదించాడు. బౌలర్ల టాప్‌-5 యథాతథంఇక బౌలర్ల విషయానికొస్తే.. ఇంగ్లండ్‌ స్పిన్నర్‌ ఆదిల్‌ రషీద్‌ నంబర్‌ వన్‌గా కొనసాగుతుండగా.. వెస్టిండీస్‌ పేసర్‌ అకీల్‌ హొసేన్‌, అఫ్గనిస్తాన్‌ స్పిన్నర్‌ రషీద్‌ ఖాన్‌, వెస్టిండీస్‌ బౌలర్‌ గుడకేశ్‌ మోటీ, శ్రీలంక వనిందు హసరంగ టాప్‌-5లో తమ స్థానాలను నిలబెట్టుకున్నారు. అయితే, ఆస్ట్రేలియా స్పిన్నర్‌ ఆడం జంపా సౌతాఫ్రికా స్పీడ్‌స్టర్‌ అన్రిచ్‌ నోర్జేను వెనక్కినెట్టి ఆరోస్థానానికి చేరుకున్నాడు. కాగా టీ20 ఆల్‌రౌండర్ల జాబితాలో టీమిండియా నుంచి హార్దిక్‌ పాండ్యా ఒక్కడే టాప్‌-10(ఏడో స్థానం)లో ఉన్నాడు.ఐసీసీ తాజా టీ20 ఆల్‌రౌండర్ల ర్యాంకింగ్స్‌- టాప్‌ 51. లియామ్‌ లివి​ంగ్‌స్టోన్‌(ఇంగ్లండ్‌)- 252 రేటింగ్‌ పాయింట్లు2. మార్కస్‌ స్టొయినిస్‌(ఆస్ట్రేలియా)- 211 రేటింగ్‌ పాయింట్లు3. సికందర్‌ రజా(జింబాబ్వే)- 208 రేటింగ్‌ పాయింట్లు4. షకీబ్‌ అల్‌ హసన్‌(బంగ్లాదేశ్‌)- 206 రేటింగ్‌ పాయింట్లు5. వనిందు హసరంగ(శ్రీలంక)- 206 రేటింగ్‌ పాయింట్లు.చదవండి: నాకంటే నీకే బాగా తెలుసు కదా: కోహ్లికి షాకిచ్చిన గంభీర్‌!

పొట్టి క్రికెట్‌లో ఆసీస్‌ విధ్వంసకర ఓపెనర్‌ ట్రావిస్‌ హెడ్‌ ఆకాశమే హద్దుగా చెలరేగిపోతున్నాడు. పవర్‌ ప్లేల్లో అతను పట్టపగ్గాల్లేకుండా దూసుకుపోతున్నాడు. ఈ ఏడాది హెడ్‌ పవర్‌ ప్లేల్లో (టీ20 ఫార్మాట్‌లో) అత్యధిక స్ట్రయిర్‌రేట్‌తో అత్యధిక పరుగులు చేసిన ఆటగాడిగా కొనసాగుతున్నాడు. హెడ్‌ ఈ ఏడాది ఇప్పటివరకు (పవర్‌ ప్లేల్లో) 192.32 స్ట్రయిర్‌రేట్‌తో 1027 పరుగులు చేశాడు. ఈ విభాగానికి సంబంధించి హెడ్‌ దరిదాపుల్లో కూడా ఎవరూ లేరు. హెడ్‌ తర్వాత పవర్‌ ప్లేల్లో ఫిల్‌ సాల్ట్‌ అత్యధిక పరుగులు చేశాడు. సాల్ట్‌ 173.73 స్ట్రయిక్‌రేట్‌తో 827 పరుగులు చేశాడు. సాల్ట్‌ తర్వాతి స్థానాల్లో డుప్లెసిస్‌ (156.09 స్ట్రయిక్‌రేట్‌తో 807 పరుగులు), అలెక్స్‌ హేల్స్‌ (136.08 స్ట్రయిక్‌రేట్‌తో 792 పరుగులు), జేమ్స్‌ విన్స్‌ (124.64 స్ట్రయిక్‌రేట్‌తో 703 పరుగులు) ఉన్నారు.హెడ్‌ తాజా ప్రదర్శన విషయానికొస్తే.. ఇంగ్లండ్‌తో నిన్న జరిగిన టీ20లో చెలరేగిపోయాడు. కేవలం 23 బంతుల్లో 8 ఫోర్లు, 4 సిక్సర్ల సాయంతో 59 పరుగులు చేశాడు. పవర్‌ ప్లేలో సామ్‌ కర్రన్‌ వేసిన ఓ ఓవర్లో హెడ్‌ ఏకంగా 30 పరుగులు పిండుకున్నాడు. ఇందులో మూడు సిక్సర్లు, మూడు ఫోర్లు ఉన్నాయి. ఈ మ్యాచ్‌లో ఇంగ్లండ్‌పై ఆస్ట్రేలియా 28 పరుగుల తేడాతో గెలుపొందింది. ఫలితంగా మూడు మ్యాచ్‌ల సిరీస్‌లో 1-0 ఆధిక్యంలోకి దూసుకెళ్లింది.ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. 19.3 ఓవర్లలో 179 పరుగులకు ఆలౌటైంది. ఆసీస్‌ ఇన్నింగ్స్‌లో హెడ్‌ (59), మాథ్యూ షార్ట్‌ (41), జోష్‌ ఇంగ్లిస్‌ (37) రాణించారు. ఇంగ్లండ్‌ బౌలర్లలో లివింగ్‌స్టోన్‌ 3, జోఫ్రా ఆర్చర్‌, సకీబ్‌ మహమూద్‌ తలో 2, సామ్‌ కర్రన్‌, ఆదిల్‌ రషీద్‌ చెరో వికెట్‌ పడగొట్టారు.180 పరుగుల లక్ష్యాన్ని ఛేదించేందుకు బరిలోకి దిగిన ఇంగ్లండ్‌.. ఆసీస్‌ బౌలర్లు సమిష్టిగా రాణించడంతో 19.2 ఓవర్లలో 151 పరుగులకు ఆలౌటైంది. సీన్‌ అబాట్‌ 3, హాజిల్‌వుడ్‌, జంపా చెరో 2, బార్ట్‌లెట్‌, గ్రీన్‌, స్టోయినిస్‌ తలో వికెట్‌ పడగొట్టారు. ఇంగ్లండ్‌ ఇన్నింగ్స్‌లో లివింగ్‌స్టోన్‌ (37), ఫిలిప్‌ సాల్ట్‌ (20), సామ్‌ కర్రన్‌(18), జోర్డన్‌ కాక్స్‌ (17), జేమీ ఓవర్టన్‌ (15), సాకిబ్‌ మహమూద్‌ (12) మాత్రమే రెండ​ంకెల స్కోర్లు చేయగలిగారు. ఇరు జట్ల మధ్య రెండో టీ20 సెప్టెంబర్‌ 13న జరుగుతుంది. చదవండి: ఒకే ఓవ‌ర్‌లో 30 ప‌రుగులు.. హెడ్ అరుదైన రికార్డు

ఆస్ట్రేలియా స్టార్ ఓపెన‌ర్ ట్రావిస్ హెడ్ త‌న సూప‌ర్ ఫామ్‌ను కొనసాగిస్తున్నాడు. స్కాట్లాండ్‌తో టీ20 సిరీస్‌లో విధ్వంసం సృష్టించిన హెడ్‌.. ఇప్పుడు ఇంగ్లండ్ సిరీస్‌లో కూడా అదే దూకుడును కనబరుస్తున్నాడు.సౌత్ంప్టాన్ వేదికగా ఇంగ్లండ్‌తో జరిగిన తొలి టీ20 హెడ్ ఆకాశమే హద్దుగా చెలరేగాడు. కేవ‌లం 19 బంతుల్లోనే త‌న హాఫ్ సెంచ‌రీ మార్క్‌ను అందుకున్నాడు. ఓవ‌రాల్‌గా 23 బంతులు ఎదుర్కొన్న హెడ్‌.. 8 ఫోర్లు, 4 సిక్స్‌ల‌తో 59 ప‌రుగులు చేసి ఔట‌య్యాడు.కుర్రాన్‌ను ఊతికారేసిన ట్రావిస్‌..ఈ మ్యాచ్‌లో ముఖ్యంగా ఇంగ్లండ్ పేస‌ర్ సామ్ కుర్రాన్‌ను హెడ్ ఊతికారేశాడు. ఆసీస్ ఇన్నింగ్స్ ఐదవ‌ ఓవ‌ర్ వేసిన కుర్రాన్ బౌలింగ్‌లో 3 ఫోర్లు, 3 సిక్స్‌ల‌తో హెడ్ ఏకంగా 30 ప‌రుగులు రాబ‌ట్టాడు. తొలి రెండు బంతుల‌ని బౌండ‌రీలు బాదిన‌ హెడ్‌.. ఆ త‌ర్వాత మూడు బంతుల‌ను హ్యాట్రిక్ సిక్సర్ల‌గా మలిచాడు. చివ‌రి బంతికి మ‌ళ్లీ ఫోర్ బాదాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.హెడ్ అరుదైన రికార్డు..ఇక ఈ మ్యాచ్‌లో సామ్ కుర్రాన్‌కు చుక్క‌లు చూపించిన హెడ్ ఓ అరుదైన ఘ‌న‌త‌ను త‌న పేరిట లిఖించుకున్నాడు. అంత‌ర్జాతీయ టీ20ల్లో ఒకే ఓవ‌ర్‌లో అత్య‌ధిక ప‌రుగులు సాధించిన ఆస్ట్రేలియా క్రికెట‌ర్ల స‌ర‌స‌న నిలిచాడు. హెడ్ కంటే ముందు పాంటింగ్‌, డానియ‌ల్ క్రిష్టియ‌న్‌, ఫించ్‌, మిచెల్ మార్ష్ ఒకే ఓవ‌ర్‌లో 30 ప‌రుగులు బాదారు.చదవండి: క్రికెట్ ఫ్యాన్స్‌కు పండ‌గే.. ఒకే జ‌ట్టులో విరాట్ కోహ్లి, బాబ‌ర్ ఆజం? 6️⃣6️⃣6️⃣: Number of the batting beast, i.e. Travis Head 🔥The explosive Aussie opener hit 30 runs off a Sam Curran over, including 3 successive sixes! #RivalsForever #ENGvAUSonFanCode pic.twitter.com/R6Bac6Sd6R— FanCode (@FanCode) September 11, 2024

యూకే పర్యటనలో ఆస్ట్రేలియా జోరు కొనసాగుతోంది. స్కాట్లాండ్‌తో టీ20 సిరీస్‌ను క్లీన్‌ స్వీప్‌ చేసిన ఆసీస్‌.. ఇప్పుడు ఇంగ్లండ్‌తో సిరీస్‌ను కూడా విజయంతో ఆరంభించింది. సౌతాంప్టన్ వేదికగా జరిగిన తొలి టీ20లో 28 పరుగుల తేడాతో ఆస్ట్రేలియా ఘన విజయం సాధించింది.180 పరుగుల లక్ష్యంతో బరిలోకి దిగిన ఇంగ్లండ్‌ 19.2 ఓవర్లలో 151 పరుగులకు ఆలౌటైంది. ఇంగ్లండ్‌ బ్యాటర్లలో లివింగ్‌స్టోన్‌(37) టాప్‌ స్కోరర్‌గా నిలిచాడు. ఆసీస్‌ బౌలర్లలో సీన్‌ అబాట్‌ 3 వికెట్లు పడగొట్టగా.. హాజిల్‌ వుడ్‌, జంపా తలా రెండు వికెట్లు సాధించారు. వీరితో పాటు బ్రాట్‌లెట్‌, గ్రీన్‌, స్టోయినిష్‌ చెరో వికెట్‌ పడగొట్టారు.హెడ్‌ విధ్వంసం..ఇక తొలుత బ్యాటింగ్‌ చేసిన ఆసీస్‌ 19.3 ఓవర్లలో 179 పరుగులకు ఆలౌటైంది. ఆస్ట్రేలియా ఓపెనర్‌ ట్రావిస్‌ హెడ్‌ విధ్వంసం​ సృష్టించాడు. కేవలం 23 బంతుల్లోనే 8 ఫోర్లు, 4 సిక్స్‌లతో 59 పరుగులు చేశాడు.అతడితో పాటు మాథ్యూ షార్ట్‌(41), ఇంగ్లిష్‌(37) కీలక ఇన్నింగ్స్‌లు ఆడారు. ఇంగ్లండ్‌ బౌలర్లలో లివింగ్‌స్టోన్‌ 3 వికెట్లు పడగొట్టగా.. ఆర్చర్‌, మహ్మద్‌ తలా రెండు వికెట్లు సాధించారు. కాగా ఇరు జట్ల మధ్య రెండో టీ20 సెప్టెంబర్‌ 13న కార్డిప్‌ వేదికగా జరగనుంది.చదవండి: Duleep Trophy 2024: రింకూ, శ్రేయస్, సుందర్‌లపై దృష్టి

ఎడిన్‌బర్గ్ వేదికగా స్కాట్లాండ్‌తో జరిగిన తొలి టీ20లో ఆస్ట్రేలియా 7 వికెట్ల తేడాతో ఘన విజయం సాధించింది. స్కాట్లాండ్ నిర్ధేశించిన 155 పరుగుల లక్ష్యాన్ని కంగారులు ఊదిపడేశారు. కేవలం 9.4 ఓవర్లలో మూడు వికెట్లు మాత్రమే కోల్పోయి లక్ష్యాన్ని ఆసీస్ చేధించింది.ఆస్ట్రేలియా బ్యాటర్లలో ఓపెనర్ ట్రావిస్ హెడ్ విధ్వంసం సృష్టించాడు. ఈ మ్యాచ్‌లో కేవలం 25 బంతులు మాత్రమే ఎదుర్కొన్న హెడ్‌.. 12 ఫోర్లు, 5 సిక్సర్లతో 80 పరుగులు చేశాడు. అతడితో పాటు కెప్టెన్ మిచెల్‌ మార్ష్‌ (12 బంతుల్లో 39; 5 ఫోర్లు, 3 సిక్సర్లు) విధ్వంసకర ఇన్నింగ్స్ ఆడారు.దక్షిణాఫ్రికా వరల్డ్ రికార్డు బద్దలు..ఇక ఈ మ్యాచ్‌లో పవర్ ప్లేలో ఆస్ట్రేలియా వికెట్ నష్టానికి ఏకంగా 113 పరుగులు చేసింది. తద్వారా అంతర్జాతీయ టీ20ల్లో పవర్ ప్లేలో అత్యధిక స్కోర్ సాధించిన జట్టు ఆసీస్ రికార్డులకెక్కింది. ఇంతకుముందు ఈ రికార్డు దక్షిణాఫ్రికా పేరిట ఉండేది.గతేడాది వెస్టిండీస్‌తో జరిగిన ఓ టీ20 మ్యాచ్‌లో సఫారీలు పవర్‌ప్లేలో వికెట్ నష్టపోకుండా 102 పరుగులు చేశారు. ఇప్పటివరకు ఇదే అత్యధికం కాగా.. తాజా మ్యాచ్‌తో ప్రోటీస్ ఆల్‌టైమ్ రికార్డును ఆసీస్ బ్రేక్ చేసింది.

ఎడిన్‌బర్గ్‌ వేదికగా స్కాట్లాండ్‌తో జరిగిన టీ20 మ్యాచ్‌లో ఆస్ట్రేలియా బ్యాటర్లు ట్రవిస్‌ హెడ్‌, మిచెల్‌ మార్ష్‌ శివాలెత్తిపోయారు. పవర్‌ ప్లేలో (తొలి ఆరు ఓవర్లలో) రికార్డు స్థాయిలో వికెట్‌ నష్టానికి 113 పరుగులు చేశారు. అంతర్జాతీయ టీ20 చరిత్రలో (పవర్‌ ప్లేల్లో) ఇదే అత్యధిక స్కోర్‌. పవర్‌ ప్లే ముగిసే సమయానికి ట్రవిస్‌ హెడ్‌ 22 బంతుల్లో 12 ఫోర్లు, 4 సిక్సర్ల సాయంతో 73 పరుగులు చేయగా.. మిచెల్‌ మార్ష్‌ 11 బంతుల్లో 5 ఫోర్లు, 3 సిక్సర్ల సాయంతో 39 పరుగులు చేశాడు. పవర్‌ ప్లే మొత్తంలో కేవలం రెండు సింగల్స్‌ మాత్రమే రాగా.. 17 ఫోర్లు, 7 సిక్సర్లు వచ్చాయి. ట్రవిస్‌ హెడ్‌ ఆకాశమే హద్దుగా చెలరేగిపోయి కేవలం 17 బంతుల్లోనే హాఫ్‌ సెంచరీ చేశాడు.ఈ మ్యాచ్‌లో తొలుత బ్యాటింగ్‌ చేసిన స్కాట్లాండ్‌.. నిర్ణీత 20 ఓవర్లలో 9 వికెట్ల నష్టానికి 154 పరుగులు చేసింది. ఆసీస్‌ బౌలర్లు తలో చేయి వేసి స్కాట్లాండ్‌ బ్యాటర్లను కట్టడి చేశారు. సీన్‌ అబాట్‌ 3 వికెట్లతో రాణించగా.. జేవియర్‌ బార్ట్‌లెట్‌, ఆడమ్‌ జంపా తలో 2, రిలే మెరిడిత్‌, కెమరూన్‌ గ్రీన్‌ చెరో వికెట్‌ పడగొట్టారు. స్కాట్లాండ్‌ ఇన్నింగ్స్‌లో మున్సే 28, క్రాస్‌ 27, బెర్రింగ్టన్‌ 23 పరుగులు చేశారు. మిగతావారంతా తక్కువ స్కోర్లకే ఔటయ్యాడు.అరంగేట్రంలోనే డకౌట్‌ఈ మ్యాచ్‌తో అంతర్జాతీయ క్రికెట్‌లోకి అరంగేట్రం చేసిన జేక్‌ ఫ్రేజర్‌ మెక్‌గుర్క్‌.. తొలి మ్యాచ్‌లోనే డకౌటయ్యాడు. మెక్‌గుర్క్‌ మూడు బంతులు ఆడి బ్రెండన్‌ మెక్‌ముల్లెన్‌ బౌలింగ్‌లో చార్లీ కాసెల్‌కు క్యాచ్‌ ఇచ్చి పెవిలియన్‌ బాట పట్టాడు. కేవలం 9.4 ఓవర్లలోనే ఛేదన155 పరుగుల లక్ష్యాన్ని ఛేదించేందుకు బరిలోకి దిగిన ఆస్ట్రేలియా.. ట్రవిస్‌ హెడ్‌ (25 బంతుల్లో 80; 12 ఫోర్లు, 5 సిక్సర్లు), మిచెల్‌ మార్ష్‌ (12 బంతుల్లో 39; 5 ఫోర్లు, 3 సిక్సర్లు), జోస్‌ ఇంగ్లిస్‌ (13 బంతుల్లో 27 నాటౌట్‌; 3 ఫోర్లు, సిక్స్‌) ఆకాశమే హద్దుగా చెలరేగడంతో కేవలం 9.4 ఓవర్లలోనే (3 వికెట్ల నష్టానికి) విజయతీరాలకు చేరింది. ఈ గెలుపుతో ఆస్ట్రేలియా మూడు మ్యాచ్‌ల సిరీస్‌లో 1-0 ఆధిక్యంలోకి దూసుకెళ్లింది.

మేజర్‌ లీగ్‌ క్రికెట్‌లో వాషింగ్టన్‌ ఫ్రీడం ఓపెనర్‌ ట్రవిస్‌ హెడ్‌ భీకర ఫామ్‌ను కొనసాగిస్తున్నాడు. ఈ సీజన్‌లో ఇప్పటికే నాలుగు హాఫ్‌ సెంచరీలు బాదిన హెడ్‌.. తాజాగా శాన్‌ ఫ్రాన్సిస్కో యూనికార్న్స్‌ జరిగిన క్వాలిఫయర్‌ మ్యాచ్‌లో మరో మెరుపు అర్ద సెంచరీతో మెరిశాడు. ఈ సీజన్‌లో ఇప్పటిదాకా 8 మ్యాచ్‌లు ఆడిన హెడ్‌ 54.5 సగటున 173కు పైగా స్ట్రయిక్‌రేట్‌తో 327 పరుగులు చేసి వాషింగ్టన్‌ విజయాల్లో కీలకపాత్ర పోషించాడు. మేజర్ లీగ్‌ క్రికెట్‌ 2024 ఎడిషన్‌లో హెడ్‌ చేసిన స్కోర్లు ఇలా ఉన్నాయి. 1, 32 నాటౌట్‌, 0, 54 నాటౌట్‌, 54, 53, 56, 77 నాటౌట్‌.యూనికార్న్స్‌తో జరిగిన క్వాలిఫయర్‌ విషయానికొస్తే.. ఈ మ్యాచ్‌లో హెడ్‌తో పాటు (44 బంతుల్లో 77 నాటౌట్‌; 10 ఫోర్లు, 3 సిక్సర్లు), గ్లెన్‌ మ్యాక్స్‌వెల్‌ (23 బంతుల్లో 54 నాటౌట్‌; 4 ఫోర్లు, 5 సిక్సర్లు) అజేయ ఇన్నింగ్స్‌లతో చెలరేగడంతో వాషింగ్టన్‌ ఫ్రీడం సునాయాస విజయం (15.3 ఓవర్లలో 3 వికెట్ల నష్టానికి) సాధించింది. ఈ మ్యాచ్‌లో తొలుత బ్యాటింగ్‌ చేసిన యూనికార్న్స్‌.. రచిన్‌ రవీంద్ర (2.4-1.11-4), మార్కో జన్సెన్‌ (4-0-46-3), నేత్రావల్కర్‌ (4-0-23-2), ఫెర్గూసన్‌ (3.2-0-24-1) ధాటి​​కి 19 ఓవర్లలో 145 పరుగులకు ఆలౌటైంది. యూనికార్న్స్‌ ఇన్నింగ్స్‌లో హసన్‌ ఖాన్‌ (57) టాప్‌ స్కోరర్‌గా నిలిచాడు.అనంతరం స్వల్ప లక్ష్యాన్ని ఛేదించేందుకు బరిలో​​కి దిగిన వాషింగ్టన్‌.. ట్రవిస్‌ హెడ్‌, గ్లెన్‌ మ్యాక్స్‌వెల్‌ చెలరేగడంతో ఆడుతూపాడుతూ విజయతీరాలకు చేరింది. వాషింగ్టన్‌ ఇన్నింగ్స్‌లో స్టీవ్‌ స్మిత్‌ (1), ఆండ్రియస్‌ గౌస్‌ (9), రచిన్‌ రవీంద్ర (3) తక్కువ స్కోర్లకే పెవిలియన్‌కు చేరారు. యూనికార్న్స్‌ బౌలర్లలో హసన్‌ ఖాన్‌ 2, పాట్‌ కమిన్స్‌ ఓ వికెట్‌ పడగొట్టారు. ఈ గెలుపుతో వాషింగ్టన్‌ నేరుగా ఫైనల్‌కు చేరుకోగా.. యూనికార్న్స్‌ రేపు జరుగబోయే ఎలిమినేటర్‌ మ్యాచ్‌లో టెక్సాస్‌ సూపర్‌ కింగ్స్‌ను ఢీకొట్టనుంది. ఈ మ్యాచ్‌లో విజేత జులై 29న జరిగే ఫైనల్లో వాషింగ్టన్‌ ఫ్రీడంతో అమీతుమీ తేల్చుకోనుంది.

మేజర్‌ లీగ్‌ క్రికెట్‌ 2024లో వాషింగ్టన్‌ ఫ్రీడం ఫైనల్‌కు చేరింది. ఇవాళ (జులై 26) జరిగిన క్వాలిఫయర్‌లో ఆ జట్టు శాన్‌ఫ్రాన్సిస్కో యూనికార్న్స్‌పై 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన యూనికార్న్స్‌.. రచిన్‌ రవీంద్ర (2.4-1.11-4), మార్కో జన్సెన్‌ (4-0-46-3), నేత్రావల్కర్‌ (4-0-23-2), ఫెర్గూసన్‌ (3.2-0-24-1) ధాటి​​కి 19 ఓవర్లలో 145 పరుగులకు ఆలౌటైంది. యూనికార్న్స్‌ ఇన్నింగ్స్‌లో హసన్‌ ఖాన్‌ (57) టాప్‌ స్కోరర్‌గా నిలిచాడు.అనంతరం స్వల్ప లక్ష్యాన్ని ఛేదించేందుకు బరిలో​​కి దిగిన వాషింగ్టన్‌.. ట్రవిస్‌ హెడ్‌ (44 బంతుల్లో 77 నాటౌట్‌; 10 ఫోర్లు, 3 సిక్సర్లు), గ్లెన్‌ మ్యాక్స్‌వెల్‌ (23 బంతుల్లో 54 నాటౌట్‌; 4 ఫోర్లు, 5 సిక్సర్లు) అజేయ ఇన్నింగ్స్‌లతో చెలరేగడంతో సునయాస విజయం (15.3 ఓవర్లలో 3 వికెట్ల నష్టానికి) సాధించింది. వాషింగ్టన్‌ ఇన్నింగ్స్‌లో స్టీవ్‌ స్మిత్‌ 1, ఆండ్రియస్‌ గౌస్‌ (9), రచిన్‌ రవీంద్ర (3) తక్కువ స్కోర్లకే పెవిలియన్‌కు చేరారు. యూనికార్న్స్‌ బౌలర్లలో హసన్‌ ఖాన్‌ 2, పాట్‌ కమిన్స్‌ ఓ వికెట్‌ పడగొట్టారు. ఈ గెలుపుతో వాషింగ్టన్‌ నేరుగా ఫైనల్‌కు చేరుకోగా.. యూనికార్న్స్‌ రేపు జరుగబోయే ఎలిమినేటర్‌ మ్యాచ్‌లో టెక్సాస్‌ సూపర్‌ కింగ్స్‌ను ఢీకొట్టనుంది. ఈ మ్యాచ్‌లో విజేత జులై 29న జరిగే ఫైనల్లో వాషింగ్టన్‌ ఫ్రీడంతో అమీతుమీ తేల్చుకోనుంది.

మేజర్‌ లీగ్‌ క్రికెట్‌ 2024 ఎడిషన్‌లో స్టీవ్‌ స్మిత్‌ నేతృత్వలోని వాషింగ్టన్‌ ఫ్రీడం తొలి ఓటమి చవి చూసింది. శాన్‌ఫ్రాన్సిస్కోతో ఇవాళ (జులై 23) జరిగిన నామమాత్రపు మ్యాచ్‌లో ఆ జట్టు 6 వికెట్ల తేడాతో (డక్‌వర్త్‌ లూయిస్‌ పద్దతి) పరాజయంపాలైంది. తొలుత బ్యాటింగ్‌ చేసిన వాషింగ్టన్‌ 15.3 ఓవర్లలో 3 వికెట్ల నష్టానికి 174 పరుగులు చేసింది. ఈ దశలో వర్షం అంతరాయం కలిగించడంతో డక్‌వర్త్‌ లూయిస్‌ పద్దతిన యూనికార్న్స్‌కు టార్గెట్‌ నిర్దేశించారు. యూనికార్న్స్‌ టార్గెట్‌ 14 ఓవర్లలో 177 పరుగులుగా నిర్దారించబడింది. భారీ లక్ష్య ఛేదనలో ఆది నుంచే దూకుడుగా ఆడిన యూనికార్న్స్‌.. మరో రెండు బంతులు మిగిలుండగానే విజయతీరాలకు చేరింది. జోస్‌ ఇంగ్లిస్‌ (17 బంతుల్లో 45; ఫోర్‌, 6 సిక్సర్లు), సంజయ్‌ కృష్ణమూర్తి (42 బంతుల్లో 79 నాటౌట్‌; 5 ఫోర్లు, 6 సిక్సర్లు), హసన్‌ ఖాన్‌ (11 బంతుల్లో 32 నాటౌట్‌; 4 ఫోర్లు, 2 సిక్సర్లు) సిక్సర్ల వర్షం కురిపించి తమ జట్టును గెలిపించారు. వాషింగ్టన్‌ బౌలర్లలో ఆండ్రూ టై 3 వికెట్లు పడగొట్టగా.. అకీల్‌ హొసేన్‌ ఓ వికెట్‌ దక్కించుకున్నాడు. అంతకుముందు ట్రవిస్‌ హెడ్‌ (36 బంతుల్లో 56; 5 ఫోర్లు, 3 సిక్సర్లు), స్టీవ్‌ స్మిత్‌ (31 బంతుల్లో 56; 5 ఫోర్లు, 4 సిక్సర్లు) చెలరేగడంతో వాషింగ్టన్‌ భారీ స్కోర్‌ చేసింది. ఆండ్రియస్‌ గౌస్‌ (29 నాటౌట్‌), రచిన్‌ రవీంద్ర (16) ఓ మోస్తరు స్కోర్లు చేశారు. ఆండర్సన్‌కు రెండు వికెట్లు దక్కాయి.కాగా, ప్లే ఆఫ్స్‌ బెర్తులు ఇదివరకే ఖరారు కావడంతో వాషింగ్టన్‌, యూనికార్న్స్‌ మ్యాచ్‌కు అంత ప్రాధాన్యత లేదు. పాయింట్ల పట్టికలో వాషింగ్టన్‌, యూనికార్న్స్‌ తొలి రెండు ప్లే ఆఫ్స్‌ బెర్త్‌లను ఖరారు చేసుకోగా.. టెక్సాస్‌ సూపర్‌కింగ్స్‌, ముంబై ఇండియన్స్‌ న్యూయార్క్‌ మూడు, నాలుగు స్థానాల్లో ఉన్నాయి.

మేజర్‌ లీగ్‌ క్రికెట్‌ 2024 ఎడిషన్‌లో స్టీవ్‌ స్మిత్‌ మెరుపులు కొనసాగుతున్నాయి. ప్రస్తుత ఎడిషన్‌లో శైలికి భిన్నంగా రెచ్చిపోయి ఆడుతున్న స్మిత్‌.. తాజాగా మరో విధ్వంసకర ఇన్నింగ్స్‌ ఆడాడు. శాన్‌ఫ్రాన్సిస్కో యూనికార్న్స్‌తో జరుగుతున్న మ్యాచ్‌లో కేవలం 23 బంతుల్లో హాఫ్‌ సెంచరీ చేశాడు. ఈ ఇన్నింగ్స్‌లో మొత్తంగా 31 బంతులు ఎదుర్కొన్న స్మిత్‌.. 5 ఫోర్లు, 4 సిక్సర్ల సాయంతో 56 పరుగులు చేశాడు. ప్రస్తుత ఎడిషన్‌లో స్మిత్‌కి ఇది వరసగా రెండో హాఫ్‌ సెంచరీ.Steven Smith on fire in the MLC. 😲🔥pic.twitter.com/rMFbQPRpM1— Mufaddal Vohra (@mufaddal_vohra) July 23, 2024మరో ఎండ్‌లో ట్రవిస్‌ హెడ్‌ సైతం మెరుపు ఇన్నింగ్స్‌లతో చెలరేగిపోతున్నాడు. వాషింగ్టన్‌ ఫ్రీడంకు ఓపెనర్లుగా వస్తున్న ఈ ఇద్దరు ఆకాశమే హద్దుగా ప్రత్యర్థులపై విరుచుకుపడుతున్నారు. యూనికార్న్స్‌తో జరుగుతున్న మ్యాచ్‌లో హెడ్‌ కూడా మెరుపు హాఫ్‌ సెంచరీతో అలరించాడు. 36 బంతుల్లో 5 ఫోర్లు, 3 సిక్సర్ల సాయంతో 56 పరుగుల చేసి ఔటయ్యాడు. ఈ సీజన్‌లో హెడ్‌కు ఇది మూడో హాఫ్‌ సెంచరీ.మ్యాచ్‌ విషయానికొస్తే.. తొలుత బ్యాటింగ్‌ చేసిన వాషింగ్టన్‌ ఫ్రీడం.. 15.3 ఓవర్లలో 3 వికెట్ల నష్టానికి 174 పరుగులు చేసింది. ఈ దశలో వర్షం అంతరాయం కలిగించడంతో వాషింగ్టన్‌ ఇన్నింగ్స్‌ను అక్కడే ముగించారు. ఈ మ్యాచ్‌ 14 ఓవర్లకు కుదించి యూనికార్న్స్‌ లక్ష్యాన్ని 177 పరుగులుగా నిర్దారించారు. ఈ ఎడిషన్‌లో ప్లే ఆఫ్స్‌ బెర్తులు ఇదివరకే ఖరారు కావడంతో ఈ మ్యాచ్‌కు అంత ప్రాధాన్యత లేదు. వాషింగ్టన్‌, యూనికార్న్స్‌ తొలి రెండు ప్లే ఆఫ్స్‌ బెర్త్‌లను ఖరారు చేసుకోగా.. టెక్సాస్‌ సూపర్‌కింగ్స్‌, ముంబై ఇండియన్స్‌ న్యూయార్క్‌ మూడు, నాలుగు స్థానాల్లో ఉన్నాయి. ఈ ఎడిషన్‌లో వాషింగ్టన్‌ జట్టు ఇంత వరకు ఒక్క మ్యాచ్‌లో కూడా ఓడలేదు.

మేజ‌ర్ లీగ్ క్రికెట్‌-2024లో ఆస్ట్రేలియా స్టార్ ఓపెన‌ర్ ట్రావిస్ హెడ్ త‌న సూప‌ర్ ఫామ్‌ను కొన‌సాగిస్తున్నాడు. ఈ లీగ్‌లో వాషింగ్టన్ ఫ్రీడమ్ ఫ్రాంచైజీకి హెడ్ ప్రాతినిథ్యం వ‌హిస్తున్న సంగ‌తి తెలిసిందే. అయితే ఈ లీగ్‌లో భాగంగా శనివారం ఉద‌యం టెక్సాస్ సూప‌ర్ కింగ్స్‌తో మ్యాచ్‌లో హెడ్ విధ్వంసం సృష్టించాడు.సూపర్ కింగ్స్ బౌలర్లను ఊచకోత కోశాడు. తొలి ఓవర్ నుంచే సూపర్ కింగ్స్ బౌలర్లపై హెడ్ విరుచుకుపడ్డాడు. ఈ క్రమంలో హెడ్‌ కేవలం 20 బంతుల్లోనే తన హాఫ్ సెంచరీ మార్క్‌ను అందుకున్నాడు. తద్వారా ఈ ఏడాది మేజర్ లీగ్ క్రికెట్ సీజన్‌లో ఫాస్టెస్ట్ హాఫ్ సెంచరీ నమోదు చేసిన ఆటగాడిగా హెడ్ నిలిచాడు.ఓవరాల్‌గా ఈ మ్యాచ్‌లో 22 బంతులు ఎదుర్కొన్న హెడ్‌.. 8 ఫోర్లు, 2 సిక్స్‌లతో 53 పరుగులు చేసి ఔటయ్యాడు. ఇక ఈ మ్యాచ్‌లో మొదట బ్యాటింగ్ చేసిన వాషింగ్టన్ ఫ్రీడమ్ 5 వికెట్ల న‌ష్టానికి 206 ప‌రుగుల భారీ స్కోర్ సాధించింది. వాషింగ్ట‌న్ బ్యాట‌ర్ల‌లో హెడ్‌తో పాటు కెప్టెన్ స్టీవ్ స్మిత్‌(57), ఓబుస్ పియెనార్(33) ప‌రుగుల‌తో రాణించారు.అసలేంటి ఈ మేజ‌ర్ లీగ్ క్రికెట్‌?తమ దేశంలో క్రికెట్‌ను అభివృద్ది చేసేందుకు అమెరికా క్రికెట్ ఆసోయేషిన్ ఈ మేజర్ లీగ్ క్రికెట్ టోర్నీని ప్రారంభించింది. తొట్ట‌ తొలి సీజ‌న్ గ‌తేడాది జూలై 13 నుంచి 30 వ‌ర‌కు జ‌రిగింది. ప్ర‌స్తుతం జ‌రుగుతున్న సీజ‌న్ రెండో సీజ‌న్‌. మొత్తం ఈ క్రికెట్ లీగ్‌లో ఆరు జ‌ట్లు పాల్గోంటున్నాయి.ఇందులో సీటెల్ ఓర్కాస్, ఎంఐ న్యూయ‌ర్క్ లాస్ ఏంజిల్స్ నైట్ రైడర్స్, టెక్సాస్ సూపర్ కింగ్స్, వాషింగ్టన్ ఫ్రీడమ్, శాన్ ఫ్రాన్సిస్కో యునికార్న్స్ ఫ్రాంచైజీలు ఉన్నాయి. ఇందులో ఎంఐ న్యూయ‌ర్క్, లాస్ ఏంజిల్స్ నైట్ రైడర్స్, టెక్సాస్ సూపర్ కింగ్స్ ఫ్రాంజైలు ఐపీఎల్ యాజ‌మాన్యంకు సంబంధించిన‌వే గ‌మ‌నార్హం.

మేజర్‌ లీగ్‌ క్రికెట్‌ 2024 ఎడిషన్‌లో వాషింగ్టన్‌ ఫ్రీడం జట్టు వరుసగా మూడో విజయం సాధించింది. ముంబై ఇండియన్స్‌ న్యూయార్క్‌తో ఇవాళ జరిగిన మ్యాచ్‌లో 94 పరుగుల తేడాతో ఘన విజయం సాధించింది. ఈ గెలుపుతో ఫ్రీడం టీమ్‌ ప్లే ఆఫ్స్‌కు క్వాలిఫై అయిన తొలి జట్టుగా (ఈ సీజన్‌లో) నిలిచింది.హెడ్‌, గౌస్‌, రచిన్‌ మెరుపులు..ఈ మ్యాచ్‌లో తొలుత బ్యాటింగ్‌ చేసిన వాషింగ్టన్‌.. ట్రవిస్‌ హెడ్‌ (33 బంతుల్లో 54; 9 ఫోర్లు, 2 సిక్సర్లు), ఆండ్రియస్‌ గౌస్‌ (48 బంతుల్లో 59; 3 ఫోర్లు, 4 సిక్సర్లు), రచిన్‌ రవీంద్ర (14 బంతుల్లో 31; 2 ఫోర్లు, 2 సిక్సర్లు) మెరుపు ఇన్నింగ్స్‌లు ఆడటంతో నిర్ణీత ఓవర్లలో 5 వికెట్ల నష్టానికి 182 పరుగులు చేసింది. వాషింగ్టన్‌ ఇన్నింగ్స్‌లో స్టీవ్‌ స్మిత్‌ (8), మ్యాక్స్‌వెల్‌ (15) తక్కువ స్కోర్లకే ఔటయ్యారు. ముంబై ఇండియన్స్‌ బౌలర్లలో రషీద్‌ ఖాన్‌, కీరన్‌ పోలార్డ్‌ తలో 2 వికెట్లు.. రొమారియో షెపర్డ్‌ ఓ వికెట్‌ పడగొట్టారు.88 పరుగులకే కుప్పకూలిన ముంబై ఇండియన్స్‌183 పరుగుల లక్ష్యాన్ని ఛేదించేందుకు బరిలోకి దిగిన ముంబై ఇండియన్స్‌.. వాషింగ్టన్‌ బౌలర్లు మూకుమ్మడిగా చెలరేగడంతో 13.3 ఓవర్లలో 88 పరుగులకే కుప్పకూలింది. జస్‌దీప్‌ సింగ్‌ 3.. మార్కో జన్సెన్‌, లోకీ ఫెర్గూసన్‌, మ్యాక్స్‌వెల్‌ తలో 2.. రచిన్‌ రవీంద్ర ఓ వికెట్‌ పడగొట్టారు. ముంబై ఇండియన్స్‌ ఇన్నింగ్స్‌లో రొమారియో షెపర్డ్‌ (25), ట్రెంట్‌ బౌల్ట్‌ (16) మాత్రమే రెండంకెల స్కోర్లు చేశారు. ఈ ఓటమితో ముంబై ఇండియన్స్‌ ప్లే ఆఫ్స్‌ అవకాశాలను సంక్లిష్టం చేసుకుంది.

స్టార్లతో నిండిన ఆస్ట్రేలియా క్రికెట్‌ జట్టు ఇటీవల ముగిసిన టీ20 వరల్డ్‌కప్‌లో సూపర్‌-8 దశలోనే నిష్క్రమించిన విషయం తెలిసిందే. ఈ టోర్నీలో ఆసీస్‌.. స్థాయికి తగ్గ ప్రదర్శన కనబర్చలేక సెమీస్‌లోనే ఇంటిదారి పట్టింది. సూపర్‌-8లో ఆసీస్‌.. ఆఫ్ఘనిస్తాన్‌, భారత్‌ చేతుల్లో ఓడి ఫైనల్‌ ఫోర్‌కు అర్హత సాధించలేకపోయింది. ప్రస్తుతం ఆసీస్‌ జట్టులోని కీలక సభ్యులందరూ మేజర్‌ లీగ్‌ క్రికెట్‌తో బిజీగా ఉన్నారు. ఆసీస్‌ అంతర్జాతీయ కమిట్‌మెంట్స్‌ సెప్టెంబర్‌ నుంచి ప్రారంభమవుతాయి. సెప్టెంబర్‌ 4 నుంచి 7 వరకు స్కాట్లాండ్‌తో టీ20 సిరీస్‌, ఆ వెంటనే (సెప్టెంబర్‌ 11- 29) ఇంగ్లండ్‌తో టీ20, వన్డే సిరీస్‌లు జరుగనున్నాయి. ఈ సిరీస్‌ల కోసం క్రికెట్‌ ఆస్ట్రేలియా వేర్వేరు జట్లను ప్రకటించింది. ఈ రెండు సిరీస్‌లలో టీ20తో పాటు వన్డే జట్టుకు కూడా మిచెల్‌ మార్షే సారథ్యం వహించనున్నాడు. ఆసీస్‌ సెలెక్టర్లు రెగ్యులర్‌ వన్డే కెప్టెన్‌ పాట్‌ కమిన్స్‌కు విశ్రాంతినిచ్చారు. స్కాట్లాండ్‌, ఇంగ్లండ్‌ సిరీస్‌ల కోసం ఎంపిక చేసిన జట్లలో చిచ్చరపిడుగు జేక్‌ ఫ్రేజర్‌ మెక్‌గుర్క్‌కు చోటు కల్పించారు ఆసీస్‌ సెలెక్టర్లు. ఈ సిరీస్‌లలో ఫ్రేజర్‌.. మరో విధ్వంసకర ఆటగాడు ట్రవిస్‌ హెడ్‌తో కలిసి ఆసీస్‌ ఇన్నింగ్స్‌ను ఆరంభిస్తాడు. ఈ ఇద్దరు విధ్వంసకర ఆటగాళ్లు ఓపెనర్లుగా బరిలోకి దిగితే ఏ స్థాయి విధ్వంసం ఉంటుందో చూడాలని ప్రతి క్రికెట్‌ అభిమాని కోరుకుంటున్నాడు. ఫ్రేజర్‌, హెడ్‌ ఇద్దరు ఒకే మ్యాచ్‌లో క్లిక్‌ అయితే ప్రత్యర్ది బౌలర్లకు ఇబ్బందులు తప్పవు. వీరిద్దరు ఏ స్థాయిలో విధ్వంసం సృష్టించగలరో ఐపీఎల్‌ 2024లో చూశాం. ఈ ఎడిషన్‌లో జేక్‌ (ఢిల్లీ క్యాపిటల్స్‌) 234 స్ట్రయిక్‌రేట్‌తో 330 పరుగులు చేయగా.. హెడ్‌ 191.55 స్ట్రయిక్‌రేట్‌తో 567 పరుగులు చేశాడు. జేక్‌, హెడ్‌ల నుంచి ఇలాంటి ప్రదర్శన కోసం క్రికెట్‌ అభిమానులు ఆసక్తిగా ఎదురుచూస్తున్నారు.స్కాట్లాండ్‌, ఇంగ్లండ్‌తో టీ20లకు ఆసీస్‌ జట్టు..మిచెల్‌ మార్ష్ (కెప్టెన్), జేవియర్ బార్ట్‌లెట్, కూపర్ కొన్నోలీ, టిమ్ డేవిడ్, నాథన్ ఎల్లిస్, జేక్ ఫ్రేజర్ మెక్‌గుర్క్, కామెరాన్ గ్రీన్, ఆరోన్ హార్డీ, జోష్ హాజిల్‌వుడ్, ట్రవిస్ హెడ్, జోష్ ఇంగ్లిస్, స్పెన్సర్ జాన్సన్, మార్కస్ స్టోయినిస్, ఆడమ్ జంపా.ఇంగ్లండ్‌తో వన్డేలకు ఆస్ట్రేలియా జట్టు..మిచెల్‌ మార్ష్ (కెప్టెన్), సీన్ అబాట్, అలెక్స్ కారీ, నాథన్ ఎల్లిస్, జేక్ ఫ్రేజర్ మెక్‌గుర్క్‌, ఆరోన్ హార్డీ, కామెరాన్ గ్రీన్, జోష్ హాజిల్‌వుడ్, ట్రవిస్ హెడ్, జోష్ ఇంగ్లిస్, మార్నస్ లాబూషేన్‌, గ్లెన్ మాక్స్‌వెల్, మాథ్యూ షార్ట్, స్టీవ్ స్మిత్, మిచెల్ స్టార్క్, ఆడమ్ జంపా.

మేజర్‌ లీగ్‌ క్రికెట్‌ 2024 ఎడిషన్‌లో భాగంగా లాస్‌ ఏంజెలెస్‌ నైట్‌రైడర్స్‌, వాషింగ్టన్‌ ఫ్రీడం జట్ల మధ్య ఇవాళ (జులై 15) జరిగిన మ్యాచ్‌లో ఓ ఆసక్తికర ఘటన చోటు చేసుకుంది. నైట్‌రైడర్స్‌ ఆటగాడు‌ ఆండ్రీ రసెల్‌ బౌలింగ్‌లో వాషింగ్టన్‌ ఆటగాడు ట్రవిడ్‌ హెడ్ పుల్‌ షాట్‌ ఆడబోగా బ్యాట్‌ రెండు ముక్కలైంది. ఈ ఘటన వాషింగ్టన్‌ ఇన్నింగ్స్‌ రెండో ఓవర్‌లో జరిగింది. దీనికి సంబంధించిన వీడియో నెట్టింట చక్కర్లు కొడుతుంది.Russell broke Travis head's bat with a Fierce bowlMajor league cricket #Russell#travishead#mlc#majorleaguecricket #Cricket #smith#head#funnyincident pic.twitter.com/0cFLoYDB1Y— जंबारू (@jambr123356) July 14, 2024ఈ మ్యాచ్‌లో నైట్‌రైడర్స్‌పై వాషింగ్టన్‌ ఫ్రీడం 8 వికెట్ల తేడాతో ఘన విజయం సాధించింది. తొలుత బ్యాటింగ్‌ చేసిన నైట్‌రైడర్స్‌.. వాషింగ్టన్‌ బౌలర్లు నేత్రావల్కర్‌ (3.4-0-35-4), మ్యాక్స్‌వెల్‌ (4-0-15-3), లోకీ ఫెర్గూసన్‌ (4-0-31-2), రచిన్‌ రవీంద్ర (2-0-7-1) చెలరేగడంతో 18.4 ఓవర్లలో 129 పరుగులకు ఆలౌటైంది. నైట్‌రైడర్స్‌ ఇన్నింగ్స్‌లో సైఫ్‌ బదార్‌ అత్యధికంగా 35 పరుగులు చేయగా.. స్టార్‌ ఆటగాళ్లు జేసన్‌ రాయ్‌ (12), సునీల్‌ నరైన్‌ (0), ఉన్ముక్త్‌ చంద్‌ (1), షకీబ్‌ (0), మిల్లర్‌ (1) దారుణంగా విఫలమయ్యారు. ‌ఆఖర్లో రసెల్‌ (20), వాన్‌ స్కాల్విక్‌ (12 నాటౌట్‌), స్పెన్సర్‌ జాన్సన్‌ (16), అలీ ఖాన్‌ (11) బ్యాట్‌ ఝులిపించడంతో నైట్‌రైడర్స్‌ 100 పరుగుల మార్కు దాటగలిగింది.అనంతరం​ స్వల్ప లక్ష్య ఛేదనకు దిగిన వాషింగ్టన్‌.. ఓపెనర్లు ట్రవిస్‌ హెడ్‌ (2 బంతుల్లో 54; 2 ఫోర్లు, 6 సిక్సర్లు), స్టీవ్‌ స్మిత్‌ (36 బంతుల్లో 42 నాటౌట్‌; 2 ఫోర్లు, 2 సిక్సర్లు) సత్తా చాటడంతో 16 ఓవర్లలో కేవలం​ రెండు వికెట్లు మాత్రమే కోల్పోయి విజయతీరాలకు చేరింది. వాషింగ్టన్‌ ఇన్నింగ్స్‌లో రచిన్‌ రవీంద్ర 11 పరుగులు చేసి ఔట్‌ కాగా.. స్మిత్‌తో పాటు ఆండ్రియస్‌ గౌస్‌ (15) అజేయంగా నిలిచాడు. నైట్‌రైడర్స్‌ బౌలర్లలో స్పెన్సర్‌ జాన్సన్‌, వాన్‌ స్కాల్విక్‌ తలో వికెట్‌ పడగొట్టారు.కాగా, మేజర్‌ లీగ్‌ క్రికెట్‌ రెండో ఎడిషన్‌ జులై 5న మొదలైన విషయం తెలిసిందే. ఈ ఎడిషన్‌లో ఇప్పటివరకు 12 మ్యాచ్‌లు పూర్తయ్యాయి. ప్రస్తుతం పాయింట్ల పట్టికలో వాషింగ్టన్‌ ఫ్రీడం (4 మ్యాచ్‌ల్లో 3 విజయాలు) టాప్‌లో ఉండగా.. టెక్సాస్‌ సూపర్‌ కింగ్స్‌, ముంబై ఇండియన్స్‌ న్యూయార్క్‌, శాన్‌ఫ్రాన్సిస్కో యూనికార్న్స్‌, లాస్‌ ఏంజెలెస్‌ నైట్‌రైడర్స్‌, సీయాటిల్‌ ఓర్కాస్‌ వరుస స్థానాల్లో ఉన్నాయి. లీగ్‌లో భాగంగా రేపు (రాత్రి ఒంటి గంటకు) జరుగబోయే మ్యాచ్‌లో సీయాటిల్‌ ఓర్కాస్‌, శాన్‌ఫ్రాన్సిస్కో యూనికార్న్‌ తలపడనున్నాయి.

ఐసీసీ టీ20 ర్యాంకింగ్స్‌లో టీమిండియా స్టార్‌ బ్యాటర్‌ సూర్యకుమార్‌ యాదవ్‌ తన అగ్రస్థానం కోల్పోయాడు. దాదాపు ఏడాదిన్నర కాలంగా టాప్‌ ర్యాంకులో కొనసాగుతున్న ఈ ముంబై క్రికెటర్‌ రెండో స్థానానికి పడిపోయాడు.గత కొంతకాలంగా పొట్టి ఫార్మాట్‌లో నిలకడగా రాణిస్తున్న ఆస్ట్రేలియా విధ్వంసకర ఓపెనర్‌ ట్రవిస్‌ హెడ్‌ నంబర్‌ వన్‌ ర్యాంకు సాధించాడు. అయితే, ఈ ఇద్దరి మధ్య కేవలం రెండు రేటింగ్‌ పాయింట్ల తేడా మాత్రమే ఉండటం గమనార్హం.ఆరంభంలో తడ‘బ్యా’టు కాగా టీ20 ప్రపంచకప్‌-2024 టోర్నీ ఆరంభంలో సూర్యకుమార్‌ యాదవ్‌ పరుగులు రాబట్టలేక సతమతమయ్యాడు. ఆ తర్వాత అమెరికా(50 నాటౌట్‌), అఫ్గనిస్తాన్‌(28 బంతుల్లో 53) జట్లపై వరుసగా హాఫ్‌ సెంచరీలతో మెరిశాడు.ఇక వరల్డ్‌కప్‌ తాజా ఎడిషన్‌లో 33 ఏళ్ల ఈ ముంబై బ్యాటర్‌.. ఇప్పటి వరకు ఆరు ఇన్నింగ్స్‌లో కలిపి 139.25 స్ట్రైక్‌రేటుతో 149 పరుగులు చేశాడు.అద్భుత ప్రదర్శనమరోవైపు.. 30 ఏళ్ల ఎడమచేతి వాటం బ్యాటర్‌ ట్రవిస్‌ హెడ్‌ టీ20 ప్రపంచకప్‌-2024లో అద్భుత ప్రదర్శనతో ఆకట్టుకున్నాడు. సూపర్‌-8 మ్యాచ్‌లో టీమిండియాపై అర్థ శతకం(43 బంతుల్లో 76)తో దుమ్ములేపాడు. ఆడిన ఏడు ఇన్నింగ్స్‌లో కలిపి ఓవరాల్‌గా సగటు 42.50, స్ట్రైక్‌రేటు 158.38తో 255 పరుగులు సాధించాడు.ఇందులో మూడు హాఫ్‌ సెంచరీలు ఉన్నాయి. ఈ క్రమంలో హెడ్‌ ఐసీసీ ర్యాంకింగ్స్‌లో ఏకంగా నాలుగు స్థానాలు ఎగబాకి అగ్రపీఠం కైవసం చేసుకున్నాడు. ఇదిలా ఉంటే.. టీమిండియా ఈ టోర్నీలో సెమీస్‌ చేరగా.. ఆస్ట్రేలియా సూపర్‌-8 దశలోనే నిష్క్రమించింది.ఐసీసీ టీ20 బ్యాటింగ్‌ తాజా ర్యాంకింగ్స్‌- టాప్‌-5 బ్యాటర్లు వీరే1. ట్రవిస్‌ హెడ్‌(ఆస్ట్రేలియా)- 844 రేటింగ్‌ పాయింట్లు2. సూర్యకుమార్‌ యాదవ్‌(ఇండియా)- 842 రేటింగ్‌ పాయింట్లు3. ఫిల్‌ సాల్ట్‌(ఇంగ్లండ్‌)- 816 రేటింగ్‌ పాయింట్లు4. బాబర్‌ ఆజం(పాకిస్తాన్‌)- 755 రేటింగ్‌ పాయింట్లు5. మహ్మద్‌ రిజ్వాన్‌(పాకిస్తాన్‌)- 746 రేటింగ్‌ పాయింట్లు.

టీ20 ప్రపంచకప్‌-2024లో ఆస్ట్రేలియా మరో ముందడుగు వేసింది. నమీబియాతో మ్యాచ్‌లో సమిష్టి ప్రదర్శనతో ఆకట్టుకుని సూపర్‌-8 దశకు అర్హత సాధించింది. ప్రత్యర్థిని 72 పరుగులకే పరిమితం చేసి.. 5.4 ఓవర్లలోనే లక్ష్యాన్ని ఛేదించింది.తద్వారా ఏకంగా తొమ్మిది వికెట్ల తేడాతో నమీబియాపై జయభేరి మోగించి భారీ రన్‌రేటుతో సూపర్‌-8లో అడుగుపెట్టింది. ఈ నేపథ్యంలో ఆస్ట్రేలియా కెప్టెన్‌ మిచెల్‌ మార్ష్‌ నమీబియాపై భారీ విజయం పట్ల హర్షం వ్యక్తం చేశాడు. తమ జట్టులో కీలక సభ్యుడైన ఆడం జంపా ఈ మ్యాచ్‌లో ప్రధాన పాత్ర పోషించాడని ప్రశంసించాడు.అతడు మా జట్టులో ఉండటం మా అదృష్టం‘‘ఈరోజు మా బౌలింగ్‌ విభాగం అత్యద్భుతంగా రాణించింది. సమిష్టి కృషితో దక్కిన విజయం ఇది. సూపర్‌-8కు అర్హత సాధించడం ఎంత ముఖ్యమో మాకు తెలుసు.రానున్న రోజుల్లో కూడా ఇలాంటి ప్రదర్శనతో వరుస గెలుపులు నమోదు చేయాలని పట్టుదలగా ఉన్నాం. ఇక జంపా గురించి ప్రత్యేకంగా చెప్పాల్సింది ఏమీ లేదు.గత నాలుగైదేళ్లుగా మా జట్టులో అతడు అత్యంత ముఖ్యమైన సభ్యుడిగా ఎదిగాడు. ఒత్తిడిలోనూ అద్భుతంగా రాణించడం తన ప్రత్యేకత. అతడు మా జట్టులో ఉండటం నిజంగా మా అదృష్టం’’ అంటూ రైటార్మ్‌ లెగ్‌ బ్రేక్‌ స్పిన్నర్‌ ఆడం జంపాను కొనియాడాడు.విండీస్‌లో బీచ్‌లు సూపర్‌ఇక వెస్టిండీస్‌ ఆతిథ్యం గురించి మార్ష్‌ మాట్లాడుతూ.. ‘‘ఇక్కడ రోజులు అద్భుతంగా గడుస్తున్నాయి. చాలా బీచ్‌లు ఇక్కడున్నాయి. ఒక్కోసారి మాకు పెర్త్‌లో ఉన్న అనుభూతి కలుగుతోంది’’ అని సంతోషం వ్యక్తం చేశాడు. కాగా అమెరికాతో కలిసి విండీస్‌ ఈ ఐసీసీ టోర్నీకి ఆతిథ్యం ఇస్తున్న విషయం తెలిసిందే.టీ20 ప్రపంచకప్‌-2024 గ్రూప్‌-డి: ఆస్ట్రేలియా వర్సెస్‌ నమీబియా👉వేదిక: సర్‌ వివియన్‌ రిచర్డ్స్‌ స్టేడియం, నార్త్‌ సౌండ్‌, ఆంటిగ్వా👉టాస్‌: ఆస్ట్రేలియా.. తొలుత బౌలింగ్‌👉నమీబియా స్కోరు: 72 (17)👉టాప్‌ స్కోరర్‌: గెర్హార్డ్‌ ఎరాస్మస్‌(43 బంతుల్లో 36 పరుగులు)👉ఆస్ట్రేలియా స్కోరు: 74/1 (5.4)👉టాప్‌ స్కోరర్‌: ట్రావిస్‌ హెడ్‌ (17 బంతుల్లో 34 రన్స్‌, నాటౌట్‌)👉ఫలితం: తొమ్మిది వికెట్ల తేడాతో నమీబియాను చిత్తు చేసిన ఆస్ట్రేలియా. సూపర్‌-8కు అర్హత👉ప్లేయర్‌ ఆఫ్‌ ది మ్యాచ్‌: ఆడం జంపా(4/12).చదవండి: T20 WC 2024: గెలిచి నిలిచిన పాక్‌ View this post on Instagram A post shared by ICC (@icc)

ఐపీఎల్‌-2024 లీగ్ మ్యాచ్‌ల్లో అద‌ర‌గొట్టిన స‌న్‌రైజ‌ర్స్ హైద‌రాబాద్ ఓపెన‌ర్లు అభిషేక్ శ‌ర్మ‌, ట్రావిస్ హెడ్ కీల‌క‌మైన ప్లే ఆఫ్స్‌లో చేతులెత్తేశారు. ఈ మెగా ఈవెంట్‌లో భాగంగా క్వాలిఫ‌య‌ర్‌-1, క్వాలిఫ‌య‌ర్‌-2లో నిరాశ‌ప‌రిచిన ఈ విధ్వంస‌క‌ర జోడీ.. ఇప్పుడు చెపాక్ వేదిక‌గా కోల్‌క‌తా నైట్‌రైడ‌ర్స్‌తో త‌స్సుమ‌న్పించారు.ఫైనల్‌ మ్యాచ్‌లో అభిషేక్ శ‌ర్మ‌ రెండు పరుగులు చేయగా.. ట్రావిస్‌ హెడ్‌ అయితే ఏకంగా గోల్డెన్‌ డక్‌గా వెనుదిరిగాడు. కేకేఆర్‌ స్టార్‌ పేసర్‌ మిచెల్‌ స్టార్క్‌.. అద్భుతమైన బంతితో అభిషేక్‌ను క్లీన్‌ బౌల్డ్‌ చేశాడు. మరోవైపు హెడ్‌ను వైభవ్‌ ఆరోరా సంచలన బంతితో బోల్తా కొట్టించాడు.హెడ్‌ విషయానికి వస్తే.. ఆఖరి 4 మ్యాచ్‌ల్లో కేవలం 34 పరుగులు మాత్రమే చేశాడు. అందులో మూడు సార్లు హెడ్‌ డకౌటయ్యాడు.అదే విధంగా అభిషేక్‌ కూడా ఆఖరి మూడు మ్యాచ్‌ల్లో కేవలం 16 పరుగులు మాత్రమే చేశాడు. ఈ క్రమంలో నెటిజన్లు వీరిద్దరిని ట్రోలు చేస్తున్నారు.

ఐపీఎల్‌-2024 ఫైనల్‌ రేసులో మరో పోరుకు రంగం సిద్ధమైంది. క్వాలిఫయర్‌-1లో సన్‌రైజర్స్‌ హైదరాబాద్‌ను ఓడించి కోల్‌కతా నైట్‌ రైడర్స్‌ ఇప్పటికే తుదిపోరుకు అర్హత సాధించిన విషయం తెలిసిందే.‌ఈ క్రమంలో క్వాలిఫయర్‌-2 రూపంలో మరో అవకాశం దక్కించుకున్న సన్‌రైజర్స్‌ హైదరాబాద్‌ శుక్రవారం రాజస్తాన్‌ రాయల్స్‌తో‌ తాడోపేడో తేల్చుకోనుంది. చెన్నైలోని చెపాక్‌ స్టేడియంలో ఇరు జట్ల మధ్య ఈ కీలక మ్యాచ్‌ జరుగనుంది.ఈ నేపథ్యంలో టీమిండియా మాజీ ఓపెనర్‌, ​కామెంటేటర్‌ ఆకాశ్‌ చోప్రా సన్‌రైజర్స్‌ హైదరాబాద్‌ జట్టు గురించి కీలక వ్యాఖ్యలు చేశాడు. ఓపెనర్లు ట్రావిస్‌ హెడ్‌, అభిషేక్‌ శర్మ రాణిస్తే తప్ప ఈ మ్యాచ్‌లో ఎస్‌ఆర్‌హెచ్‌ ముందంజ వేయలేదని అభిప్రాయపడ్డాడు.సన్‌రైజర్స్‌ బలం వాళ్ల ఓపెనర్లేఈ మేరకు.. ‘‘సన్‌రైజర్స్‌ బలం వాళ్ల ఓపెనర్లే. వీరిద్దరూ గనుక బ్యాట్‌ ఝులిపిస్తే ఆపటం ఎవరితరం కాదు. క్రీజులో ఒక్కసారి పాతుకుపోతే తొలి 8- 10 ఓవర్లలోపే మ్యాచ్‌ ఫలితాన్ని తమకు అనుకూలంగా మార్చేస్తారు.ముఖ్యంగా ట్రావిస్‌ హెడ్‌ దంచికొడితే తిరుగే ఉండదు. అయితే, గత రెండు మ్యాచ్‌లలో వరుసగా అతడు డకౌట్‌ అయ్యాడు. అయినప్పటికీ తిరిగి పుంజుకోగలడనే ఆశిద్దాం.ఈసారి వాళ్లు అతడి ఆటకు చెక్‌ పెట్టేందుకుఈ సీజన్‌లో ట్రావిస్‌ హెడ్‌ గణాంకాలు అద్భుతంగా ఉన్నాయి. గత మ్యాచ్‌లో అవుట్‌ చేసినప్పటికీ ట్రెంట్‌ బౌల్ట్‌ అతడిని పెద్దగా ఇబ్బంది పెట్టలేదు. రియాన్‌ పరాగ్‌ క్యాచ్‌ వదిలేయడంతో లైఫ్‌ పొందిన హెడ్‌ బాగా ఆడాడు.అర్ధ శతకం కూడా సాధించాడు. అయితే, ఈసారి వాళ్లు అతడి ఆటకు చెక్‌ పెట్టేందుకు మరింత గట్టిగానే ప్రయత్నం చేయడం ఖాయం. ట్రావిస్‌ హెడ్‌ గనుక ఈసారి పరుగులు రాబట్టకపోతే సన్‌రైజర్స్‌ ముందుకు సాగలేదు’’ అని ఆకాశ్‌ చోప్రా పేర్కొన్నాడు.ట్రావిస్‌ హెడ్‌తో పాటు అభిషేక్‌ శర్మ కూడా రాణిస్తే మాత్రం రాజస్తాన్‌ బౌలర్లు వాళ్లను ఆపలేరని పేర్కొన్నాడు. ఇక ఈ సీజన్‌లో దుమ్ములేపుతున్న అభిషేక్‌ శర్మ త్వరలోనే టీమిండియాకు ఆడటం ఖాయమని ఆకాశ్‌ చోప్రా ఈ సందర్భంగా జోస్యం చెప్పాడు.వరుసగా రెండుసార్లు డకౌట్‌కాగా సన్‌రైజర్స్‌ హైదరాబాద్‌కు ఓపెనర్లు ట్రావిస్‌ హెడ్‌, అభిషేక్‌ శర్మ, హెన్రిచ్‌ క్లాసెన్‌ ప్రధాన బలం అన్న విషయం తెలిసిందే. అయితే, గత రెండు మ్యాచ్‌లలో హెడ్‌ లెఫ్టార్మ్‌ సీమర్ల చేతికి చిక్కి పరుగుల ఖాతా తెరవకుండానే నిష్క్రమించాడు. ఈ క్రమంలో క్వాలిఫయర్‌-2లో రాజస్తాన్‌ సీమర్‌ ట్రెంట్‌ బౌల్ట్‌ నుంచి అతడికి గండం పొంచి ఉంది. కాగా ఈ సీజన్‌లో హెడ్‌ ఇప్పటి వరకు 13 ఇన్నింగ్స్‌ ఆడి 199.62 స్ట్రైక్‌రేటుతో 533 పరుగులు సాధించాడు.చదవండి: T20: బంగ్లాదేశ్‌కు ఊహించని షాకిచ్చిన పసికూన.. సిరీస్‌ సొంతం

ఐపీఎల్‌-2024లో స‌న్‌రైజ‌ర్స్ హైద‌రాబాద్ యువ ఓపెన‌ర్ అభిషేక్ శ‌ర్మ త‌న సూప‌ర్ ఫామ్‌ను కొన‌సాగిస్తున్నాడు. ఈ మెగా ఈవెంట్‌లో భాగంగా బుధ‌వారం ల‌క్నో సూప‌ర్ జెయింట్స్‌తో జ‌రిగిన మ్యాచ్‌లో అభిషేక్ శ‌ర్మ విధ్వంసం సృష్టించాడు. కేవలం 28 బంతులు మాత్రమే ఎదుర్కొన్న అభిషేక్‌.. 8 ఫోర్లు, 6 సిక్స్‌లతో 75 పరుగులు చేసి ఆజేయంగా నిలిచాడు. అతడితో పాటు మరో ఓపెనర్ ట్రావిస్ హెడ్‌(30 బంతుల్లో 89) మెరుపు ఇన్నింగ్స్ ఆడాడు. వీరిద్దరి ఊచకోత ఫలితంగా సన్‌రైజర్స్ ఫలితంగా 166 పరుగుల లక్ష్యాన్ని ఎస్‌ఆర్‌హెచ్ కేవలం 9.4 ఓవర్లలో ఊదిపడేసింది. ఈ ఏడాది సీజన్‌లో 12 మ్యాచ్‌లు ఆడిన అభిషేక్ 205 అద్భుతమైన స్ట్రైక్ రేట్‌తో 401 పరుగులు చేశాడు. ​ఇక ఈ మ్యాచ్ అనంతరం మాట్లాడిన అభిషేక్ ఆసక్తికర వ్యాఖ్యలు చేశాడు. కెప్టెన్ ప్యాట్ కమ్మిన్స్ సపోర్ట్ కారణంగానే ఈ తరహా ప్రదర్శన చేయగల్గుతున్నానని అభిషేక్ తెలిపాడు. "మా కోచింగ్‌ స్టాప్‌, కెప్టెన్‌ పాట్‌ కమ్మిన్స్‌ ఆటగాళ్లందరకి చాలా సపోర్ట్‌గా ఉంటారు. ఎటువంటి కెప్టెన్‌ను, సపోర్ట్‌ స్టాప్‌ను ఇప్పటివర​కు చూడలేదు. స్వేచ్చగా ఆడి మమ్మల్ని మేము వ్యక్తిపరిచేందుకు ఫుల్‌ సపోర్ట్‌ వారి నుంచి మాకు ఉంటుంది. ఇటువంటి వాతావరణం మా జట్టులో ఉండడం చాలా సంతోషం. ఈ తరహా బ్యాటింగ్‌ను సయ్యద్ ముస్తాక్ అలీ ట్రోఫీలో కూడా చేశాను. భారీ షాట్లు ఆడి బౌలర్‌ను ఒత్తడిలోకి నెట్టేందుకు నేను ఎల్లప్పుడూ ప్రయత్నిస్తాను. ఇక ట్రావిస్‌ హెడ్‌కు నేను వీరాభిమానిని. అతడితో కలిసి ఓపెనింగ్‌ చేసే అవకాశం రావడం నా అదృష్టం. ట్రావిస్‌ స్పిన్నర్లను అద్భుతంగా ఎదుర్కొంటాడు. కృష్ణప్ప గౌతమ్‌ బౌలింగ్‌లో అతడి ఆడిన షాట్లు గురించి ఎంత చెప్పుకున్న తక్కువే" అని జియోసినిమాకు ఇచ్చిన ఇంటర్వ్యూలో అభిషేక్‌ పేర్కొన్నాడు.

ఐపీఎల్‌-2024లో స‌న్‌రైజ‌ర్స్ హైదరాబాద్ ఓపెన‌ర్లు ట్రావిస్ హెడ్‌, అభిషేక్ శర్మ మ‌రోసారి విధ్వంసం సృష్టించారు. బుధవారం ఉప్పల్ వేదికగా లక్నో సూపర్ జెయింట్స్‌తో జరిగిన మ్యాచ్‌లో హెడ్‌, అభిషేక్ శర్మ ఆకాశమే హద్దుగా చెలరేగిపోయారు. వీరిద్దరి తుపాన్ ఇన్నింగ్స్‌ల ఫలితంగా 166 పరుగుల లక్ష్యాన్ని ఎస్‌ఆర్‌హెచ్ వికెట్ నష్టపోకుండా కేవలం 9.4 ఓవర్లలో చేధించింది. అభిషేక్‌ (28 బంతుల్లో 75 నాటౌట్‌; 8 ఫోర్లు, 6 సిక్సర్లు), హెడ్‌ (30 బంతుల్లో 89 నాటౌట్‌; 8 ఫోర్లు, 8 సిక్సర్లు) ఆజేయంగా నిలిచి సన్‌రైజర్స్‌కు రికార్డు విజయాన్ని అందించాడు. ఈ క్రమంలో వీరిద్దరి బ్యాటింగ్‌కు సచిన్ టెండూల్కర్ వంటి దిగ్గజం సైతం ఫిదా అయిపోయాడు. ఎక్స్ వేదికగా ఈ ఓపెనింగ్ జోడీపై సచిన్ ప్రశంసల వర్షం కురిపించాడు.ఉప్పల్‌లో ఈ రోజు విధ్వంసకర ఓపెనింగ్ భాగస్వామ్యాన్ని చూశాం. ఒకవేళ ఎస్‌ఆర్‌హెచ్‌ ఫస్ట్‌ బ్యాటింగ్‌ చేసుంటే.. తప్పకుండా ‘300’ స్కోరు చూసేవాళ్లమే’’ అని సచిన్‌ ఎక్స్‌ వేదికగా పోస్టు పెట్టాడు. ఈ విధ్వంసకర జోడీను ప్రశంసిస్తూ భారత మాజీ కెప్టెన్ మిథాలీ రాజ్ సైతం ఎక్స్‌లో పోస్ట్ చేసింది. ఈ మ్యాచ్‌లో హెడ్‌, అభిషేక్ ఓపెనింగ్ భాగస్వామ్యాన్ని ఎంత చెప్పుకున్న తక్కువే. అదే జోరులో 300 పరుగులైనా ఛేజ్ చేసేవాళ్లు అని ఎక్స్‌లో మిథాలీ రాసుకొచ్చింది.

ఐపీఎల్‌ 2024 సీజన్‌లో సన్‌రైజర్స్‌ హైదరాబాద్‌ బ్యాటర్లు ఆకాశమే హద్దుగా చెలరేగిపోతున్నారు. దాదాపుగా ప్రతి మ్యాచ్‌లో పట్టపగ్గాల్లేకుండా విరుచుకుపడుతున్నారు. ఓపెనర్లు అభిషేక్‌ శర్మ, ట్రవిస్‌ హెడ్‌ విధ్వంసం మాటల్లో వర్ణించలేనట్లుగా ఉంది. వీరిద్దరి ఊచకోత ధాటికి పొట్టి క్రికెట్‌ రికార్డులు బద్దలవుతున్నాయి. నిన్న లక్నోతో జరిగిన మ్యాచ్‌లో వీరి విధ్వంసం వేరే లెవెల్లో ఉంది. వీరిద్దరు లక్నో బౌలర్లపై నిర్దాక్షిణ్యంగా విరుచుకుపడ్డారు. ఫలితంగా 166 పరుగుల ఓ మోస్తరు లక్ష్యం 9.4 ఓవర్లలోనే తునాతునకలైంది. అభిషేక్‌ (28 బంతుల్లో 75 నాటౌట్‌; 8 ఫోర్లు, 6 సిక్సర్లు), హెడ్‌ (30 బంతుల్లో 89 నాటౌట్‌; 8 ఫోర్లు, 8 సిక్సర్లు) ఊహకందని విధ్వంసం​ సృష్టించి తమ జట్టుకు చిరస్మరణీయ విజయాన్నందించారు. ఈ విజయంతో సన్‌రైజర్స్‌ ప్లే ఆఫ్స్‌ అవకాశాలను మరింత మెరుగుపర్చుకుంది.పిచ్‌ స్వరూపం మారిందా.. ఆ ఇద్దరూ మార్చేశారా..?నిన్నటి మ్యాచ్‌లో అభిషేక్‌, హెడ్‌ విధ్వంసం ఏ రేంజ్‌లో సాగిందన్నదానికి ఓ విషయం అద్దం పడుతుంది. ఈ మ్యాచ్‌లో లక్నో టాస్‌ గెలిచి తొలుత బ్యాటింగ్‌ ఎంచుకుంది. ఉప్పల్‌ మైదానంలోని పిచ్‌ ఆనవాయితీగా తొలుత బ్యాటింగ్‌ చేసే జట్లకు సహకరిస్తుంది. అయితే సన్‌రైజర్స్‌ బౌలర్లు, ముఖ్యంగా భువీ చెలరేగడంతో లక్నో ఇన్నింగ్స్‌ నత్తనడకలా సాగింది. ఆఖర్లో పూరన్‌, బదోని మెరుపులు మెరిపించడంతో లక్నో గౌరవప్రదమైన స్కోర్‌ చేయగలిగింది.ఇక్కడ ఓ ఆసక్తికర విషయం ఏంటంటే.. లక్నో తొలుత బ్యాటింగ్‌ చేస్తూ పవర్‌ ప్లేలో (తొలి 6 ఓవర్లలో) 2 వికెట్లు కోల్పోయి కేవలం 27 పరుగులు మాత్రమే చేసింది. అదే సన్‌రైజర్స్‌ తొలి ఆరు ఓవర్లలో మాటల్లో వర్ణించలేని విధ్వంసాన్ని సృష్టించి ఏకంగా 107 పరుగులు పిండుకుంది. సన్‌రైజర్స్‌ ఓపెనర్ల విధ్వంసం చూశాక అభిమానులు పలు సందేహాలు వ్యక్తం చేస్తున్నారు. పిచ్‌ స్వరూపం మారిందా లేక ఆ ఇద్దరూ మార్చేశారా..? అంటూ కామెంట్లు చేస్తున్నారు. ఒకే మ్యాచ్‌లో పవర్‌ ప్లేల్లో మరీ ఇంత వ్యత్యాసమా అని ముక్కునవేల్లేసుకుంటున్నారు. ఇరు జట్ల పవర్‌ ప్లే స్కోర్లలో 80 పరుగుల వ్యత్యాసం ఉంది. మొత్తానికి నిన్నటి మ్యాచ్‌లో సన్‌రైజర్స్‌ ఓపెనర్ల విధ్వంసం ధాటికి పలు రికార్డులు బద్దలయ్యాయి. వాటిపై ఓ లుక్కేద్దాం.ఐపీఎల్‌ పవర్‌ ప్లేల్లో రెండో అత్యధిక స్కోర్‌ (107/0)ఐపీఎల్‌లో సన్‌రైజర్స్‌ మాత్రమే రెండు సందర్భాల్లో (ఇదే సీజన్‌లో ఢిల్లీతో జరిగిన మ్యాచ్‌లో (125/0) పవర్‌ ప్లేల్లో 100 పరుగుల మార్కును దాటింది.ఓ మ్యాచ్‌ పవర్‌ ప్లేల్లో అత్యధిక వ్యత్యాసం (80 పరుగులు- లక్నో 27/2, సన్‌రైజర్స్‌ 107/0)లక్నోకు పవర్‌ ప్లేల్లో ఇదే అత్యల్ప స్కోర్‌ (27/2)ఈ సీజన్‌ బ్యాటింగ్‌ పవర్‌ ప్లేల్లో ట్రవిస్‌ హెడ్‌కు ఇది నాలుగో అర్ద సెంచరీ. ఓ సీజన్‌ పవర్‌ ప్లేల్లో ఇవే అత్యధికం.ఒకే సీజన్‌లో 20 బంతుల్లోపే మూడు హాఫ్‌ సెంచరీలు సాధించిన హెడ్‌. ఐపీఎల్‌ చరిత్రలో ఢిల్లీ ఆటగాడు జేక్‌ ఫ్రేజర్‌, హెడ్‌ మాత్రమే ఈ ఘనత సాధించారు.ఐపీఎల్‌ చరిత్రలో రెండో వేగవంతమైన 100 పరుగుల భాగస్వామ్యం (అభిషేక్‌, హెడ్‌ (34 బంతుల్లో). ఇదే జోడీ పేరిటే వేగవంతమైన 100 పరుగుల భాగస్వామ్యం రికార్డు కూడా నమోదై ఉంది. ఇదే సీజన్‌లో ఢిల్లీతో జరిగిన మ్యాచ్‌ల్లో ఈ ఇద్దరు 30 బంతుల్లోనే 100 పరుగుల పార్ట్‌నర్‌షిప్‌ను నమోదు చేశారు.ఐపీఎల్‌ చరిత్రలోనే తొలి 10 ఓవర్లలో అత్యధిక​ స్కోర్‌ (సన్‌రైజర్స్‌ 9.4 ఓవర్లలో 167/0)100కు పైగా లక్ష్య ఛేదనలో అత్యధిక మార్జిన్‌తో విజయం (166 పరుగుల లక్ష్యాన్ని మరో 62 బంతులు మిగిలుండగానే ఛేదించిన సన్‌రైజర్స్‌)మూడో వేగవంతమైన 100 పరుగులు (జట్టు స్కోర్‌)-5.4 ఓవర్లలో 100 పరుగులు టచ్‌ చేసిన సన్‌రైజర్స్‌ఓ సింగిల్‌ ఎడిషన్‌లో అత్యధిక సిక్సర్లు బాదిన జట్టుగా రికార్డుల్లోకెక్కిన సన్‌రైజర్స్‌. ఆరెంజ్‌ ఆర్మీ ఈ సీజన్‌లో ఇప్పటికే 146 సిక్సర్లు బాదింది. 2018 సీజన్‌లో సీఎస్‌కే 145 సిక్సర్లతో రెండో స్థానంలో ఉంది.

ఐపీఎల్‌-2024లో ముంబై ఇండియన్స్‌ చేతిలో ఓటమి తర్వాత అదిరిపోయే కమ్‌బ్యాక్‌ ఇచ్చింది సన్‌రైజర్స్‌ హైదరాబాద్‌. సొంత మైదానం ఉప్పల్‌లో లక్నో సూపర్‌ జెయింట్స్‌ను చిత్తు చిత్తుగా ఓడించింది.ఓపెనర్లు అభిషేక్‌ శర్మ, ట్రావిస్‌ హెడ్‌ తుఫాన్‌ ఇన్నింగ్స్‌ కారణంగా క్యాష్‌ రిచ్‌ లీగ్‌ చరిత్రలో తొలిసారి లక్నోపై విజయం నమోదు చేసింది. అదే విధంగా ఈ సీజన్‌లో ఆడిన 12 మ్యాచ్‌లలో ఏడో గెలుపు నమోదు చేసింది.విధ్వంసకర బ్యాటింగ్‌తద్వారా 14 పాయింట్లతో పట్టికలో మూడోస్థానానికి ఎగబాకి.. ప్లే ఆఫ్స్‌ రేసులో ముందుకు దూసుకువచ్చింది. కాగా లక్నోతో మ్యాచ్‌ సందర్భంగా సన్‌రైజర్స్‌ సరికొత్త ప్రపంచ రికార్డు సాధించింది. ఓపెనర్లు అభిషేక్‌ శర్మ, ట్రావిస్‌ హెడ్‌ విధ్వంసకర బ్యాటింగ్‌ వల్లే ఇది సాధ్యమైంది.ఉప్పల్‌లో టాస్‌ గెలిచిన లక్నో తొలుత బ్యాటింగ్‌ చేసిన విషయం తెలిసిందే. ఈ క్రమంలో నిర్ణీత 20 ఓవర్లలో నాలుగు వికెట్ల నష్టానికి 165 పరుగులు చేసింది రాహుల్‌ సేన.సునామీ ఇన్నింగ్స్‌అయితే, లక్ష్య ఛేదనకు దిగిన తర్వాత లక్నోకు ఏమాత్రం అవకాశం ఇవ్వలేదు రైజర్స్‌ ఓపెనర్లు. ట్రావిస్‌ హెడ్‌ ఆది నుంచే దూకుడుగా బ్యాటింగ్‌ చేస్తూ లక్నో బౌలర్లను ఒత్తిడిలోకి నెట్టాడు. అతడి ప్రోద్బలంతో అభిషేక్‌ శర్మ కూడా హిట్టింగ్‌తో మెరిశాడు.హెడ్‌ 30 బంతుల్లోనే 89 పరుగులతో దుమ్ములేపగా.. అభిషేక్‌ 28 బంతుల్లో 75 పరుగులతో విరుచుకుపడ్డాడు. వీరిద్దరి సునామీ ఇన్నింగ్స్‌ కారణంగా 8.2 ఓవర్లలోనే 150 పరుగుల మార్కు అందుకుంది.ప్రపంచంలోనే తొలి జట్టు👉టీ20 చరిత్రలో అత్యంత తక్కువ ఓవర్లలో ఇలా 150 స్కోరు చేసిన తొలి జట్టు సన్‌రైజర్స్‌ కావడం విశేషం. ఇక హెడ్‌, అభి విధ్వంసం కారణంగా సన్‌రైజర్స్‌ 9.4 ఓవర్లలోనే లక్నో విధించిన 166 పరుగుల లక్ష్యాన్ని ఛేదించింది.తద్వారా మరో వరల్డ్‌ రికార్డు కూడా సాధించింది. టీ20 క్రికెట్‌ చరిత్రలో 150కి పైగా లక్ష్యాన్ని అత్యంత వేగంగా ఛేదించిన జట్టుగా నిలిచింది. లక్నోతో మ్యాచ్‌ సందర్భంగా సన్‌రైజర్స్‌ సాధించిన ప్రపంచ రికార్డులు క్లుప్తంగా..టీ20 హిస్టరీలో ఫాస్టెస్ట్‌ 150+ ఛేజింగ్‌1. సన్‌రైజర్స్‌ హైదరాబాద్‌- లక్నో సూపర్‌ జెయింట్స్‌ మీద- 9.4 ఓవర్లలోఏ 166 పరుగుల లక్ష్య ఛేదన.2. బ్రిస్బేన్‌ హీట్‌- మెల్‌బోర్న్‌ స్టార్స్‌ మీద- 10 ఓవర్లలో 157 పరుగుల లక్ష్య ఛేదన.3. గయానా అమెజాన్‌ వారియర్స్‌- జమైకా తలావాస్‌- 10.3 ఓవర్లలో 150 పరుగుల లక్ష్య ఛేదన.ఐపీఎల్‌ చరిత్రలో 10 ఓవర్లలోపే మూడుసార్లు అత్యధిక పరుగులు సాధించిన ఏకైక జట్టు సన్‌రైజర్స్‌ హైదరాబాద్👉లక్నో సూపర్‌ జెయింట్స్‌ మీద- 167/0 (9.4)- 2024లో👉ఢిల్లీ క్యాపిటల్స్‌ మీద- 157/4- 2024లో👉ముంబై ఇండియన్స్‌ మీద- 148/2- 2024లో.WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

#Abhishek Sharma: లక్నో సూపర్‌ జెయింట్స్‌తో మ్యాచ్‌ సందర్భంగా సన్‌రైజర్స్‌ యువ ఓపెనర్‌ అభిషేక్‌ శర్మ మరోసారి తన బ్యాటింగ్‌ పవర్‌ చూపించాడు. గత కొన్ని రోజులుగా భారీ స్కోర్లు నమోదు చేయలేక చతికిల పడిన ఈ లెఫ్టాండర్‌ బ్యాటర్‌.. ఉప్పల్‌లో మాత్రం శివాలెత్తిపోయాడు.మరో ఓపెనర్‌ ట్రావిస్‌ హెడ్‌(30 బంతుల్లో 89)తో కలిసి ఆకాశమే హద్దుగా చెలరేగాడు. లక్నో విధించిన 166 పరుగుల లక్ష్యాన్ని ఛేదించే క్రమంలో 8 ఫోర్లు, 6 సిక్సర్ల సాయంతో 28 బంతుల్లోనే 75 పరుగులు సాధించాడు అభిషేక్‌ శర్మ.హెడ్‌తో కలిసి అజేయంగా నిలిచి 9.4 ఓవర్లలోనే సన్‌రైజర్స్‌ టార్గెట్‌ పూర్తి చేసి ఉప్పల్‌ స్టేడియాన్నిహోరెత్తించాడు. ఈ నేపథ్యంలో అభిషేక్‌ శర్మపై ప్రశంసల వర్షం కురుస్తోంది.That's Sunrisers Hyderabad for you 💥#IPLonJioCinema #SRHvLSG #TATAIPL pic.twitter.com/xFiuuafuXa— JioCinema (@JioCinema) May 8, 2024యువీ పాజీకి థాంక్స్‌ఇక మ్యాచ్‌ అనంతరం అభిషేక్‌ శర్మ మాట్లాడుతూ.. ‘‘ఈ టోర్నీ ఆరంభానికి ముందు నేను చేసిన హార్డ్‌వర్క్‌ ఫలితాన్నిస్తోంది. యువీ పాజీ(యువరాజ్‌ సింగ్‌), బ్రియన్‌ లారా, నా తండ్రికి ధన్యవాదాలు. మా నాన్నే నా మొదటి కోచ్‌’’ అంటూ ఉద్వేగానికి లోనయ్యాడు 23 ఏళ్ల అభిషేక్‌.కాస్త ఓపికగా పట్టుఈ నేపథ్యంలో యువరాజ్‌ సింగ్‌ స్పందిస్తూ.. ‘‘అద్భుతంగా ఆడావు అభిషేక్‌ శర్మ. ఇలాగే నిలకడగా ఆడు. కాస్త ఓపికగా ఉండు! త్వరలోనే నీకూ టైమ్‌ వస్తుంది’’ అంటూ టీమిండియాలో ఎంట్రీ ఇవ్వాలని ఆకాంక్షించాడు.అదే విధంగా ట్రావిస్‌ హెడ్‌ గురించి ప్రస్తావిస్తూ.. ‘‘నువ్వు ఏ గ్రహం నుంచి వచ్చావు ఫ్రెండ్‌? అస్సలు నమ్మలేకున్నాం’’ అని యువీ అతడిని ఆకాశానికెత్తాడు. కాగా టీమిండియా మాజీ ఆల్‌రౌండర్‌ యువరాజ్‌ సింగ్‌ పంజాబ్‌ యువ సంచలనం అభిషేక్‌ శర్మకు మెంటార్‌!!సూపర్‌ అభికాగా ఐపీఎల్‌-2024లో అభిషేక్‌ శర్మ నమోదు చేసిన స్కోర్లు వరుసగా.. 32(19), 63(23), 29(20), 37(12), 16(11), 34(22), 46(12), 31(13), 15(9), 12(10), 11(16), 75*(28). మొత్తం 195 బంతుల్లో 35 సిక్సర్ల సాయంతో 401 పరుగులు.సన్‌రైజర్స్‌ హైదరాబాద్‌ వర్సెస్‌ లక్నో సూపర్‌ జెయింట్స్‌ స్కోర్లు👉వేదిక: ఉప్పల్ స్టేడియం.. హైదరాబాద్‌👉టాస్‌: లక్నో.. బ్యాటింగ్‌👉లక్నో స్కోరు: 165/4 (20)👉సన్‌రైజర్స్‌ స్కోరు: 167/0 (9.4)👉ఫలితం: 10 వికెట్ల తేడాతో లక్నోను చిత్తు చేసిన సన్‌రైజర్స్‌👉ప్లేయర్‌ ఆఫ్‌ ది మ్యాచ్‌: ట్రావిస్‌ హెడ్‌ (30 బంతుల్లో 8 ఫోర్లు, 8 సిక్స్‌ల సాయంతో 89 రన్స్‌- నాటౌట్‌).

IPL 2024 SRH vs LSG: ఉప్పల్‌ స్టేడియంలో మరోసారి పరుగుల వరద పారింది. మ్యాచ్‌కు వాన గండం పొంచి ఉందంటూ అభిమానులు ఆందోళన పడిన వేళ.. ఫోర్లు, సిక్సర్ల వర్షం కురిపించి అసలైన టీ20 మజాను అందించారు సన్‌రైజర్స్‌ ఓపెనర్లు అభిషేక్‌ శర్మ, ట్రావిస్‌ హెడ్‌.తమ బ్యాటింగ్‌ విధ్వంసంతో లక్నో సూపర్‌ జెయింట్స్‌ జట్టు కళ్లు తేలేసేలా చేసి జట్టుకు అపూర్వ విజయాన్ని అందించారు. రాహుల్‌ సేన పరుగులు చేసేందుకు తడబడిన పిచ్‌పై.. 166 పరుగుల లక్ష్యాన్ని అలవోకగా ఛేదించారు.కనీవినీ ఎరుగని రీతిలో 62 బంతులు మిగిలి ఉండగానే సన్‌రైజర్స్‌ను గెలుపుతీరాలకు చేర్చారు. తమ కెప్టెన్‌ ప్యాట్‌ కమిన్స్‌కు ఈ విజయాన్ని పుట్టినరోజు కానుకగా అందించారు. న భూతో న భవిష్యతి అన్న చందంగా ప్రత్యర్థి జట్టు బౌలింగ్‌ను ఊచకోత కోశారు అభిషేక్‌, హెడ్‌.వాళ్లిద్దరు పిచ్‌ను మార్చేశారుఈ నేపథ్యంలో మ్యాచ్‌ అనంతరం ప్యాట్ కమిన్స్‌ మాట్లాడుతూ.. ‘‘బహుశా ట్రావిస్‌, అభిషేక్‌ కలిసి పిచ్‌ను మార్చేసి ఉంటారు(నవ్వుతూ). వాళ్లు ఏం చేయగలరో మాకు తెలుసు. అందుకే వారికి పూర్తి స్వేచ్ఛనిచ్చాం.నిజానికి నేనొక బౌలర్‌ను. కాబట్టి ఆ బ్యాటర్లకు పెద్దగా ఇన్‌పుట్స్‌ ఇవ్వలేను. ట్రావిస్‌ హెడ్‌ విషయానికొస్తే.. అతడు గత రెండేళ్లుగా ఇలాగే ఆడుతున్నాడు.అతడొక అద్భుతంకఠినమైన పిచ్‌లపై కూడా అద్భుతంగా రాణిస్తున్నాడు. ఇక అభిషేక్‌ శర్మ.. అతడొక అద్భుతమైన ఆటగాడు. స్పిన్‌, పేస్‌ బౌలింగ్‌ను సమర్థవంతంగా ఎదుర్కోగలడు.పవర్‌ ప్లేలో వీళ్లిద్దరిని ఎదుర్కోవడం ప్రత్యర్థి బౌలర్లకు కష్టమే. ఈ సీజన్‌లో మా వాళ్లు సూపర్‌గా ఆడుతున్నారు. అయితే, పది కంటే తక్కువ ఓవర్లలోనే లక్ష్యాన్ని ఛేదించడం నమ్మలేకపోతున్నాం’’ అంటూ హర్షం వ్యక్తం చేశాడు.10 వికెట్ల తేడాతో గెలుపుకాగా లక్నోతో బుధవారం నాటి మ్యాచ్‌లో టాస్‌ ఓడిన సన్‌రైజర్స్‌ తొలుత బౌలింగ్‌ చేసింది. భువనేశ్వర్‌ కుమార్‌(2/12)కు తోడు ఫీల్డర్లు అద్భుతంగా రాణించడంతో లక్నోను 165/4 స్కోరుకు కట్టడి చేసింది.ఇక లక్ష్య ఛేదనకు దిగిన సన్‌రైజర్స్‌.. ఓపెనర్లు‌ అభిషేక్‌ శర్మ(28 బంతుల్లో 8 ఫోర్లు, 6 సిక్స్‌లు), ‘ప్లేయర్‌ ఆఫ్‌ ది మ్యాచ్‌’ ట్రావిస్‌ హెడ్‌(30 బంతుల్లో 8 ఫోర్లు, 8 సిక్సర్లు) తుఫాన్‌ ఇన్నింగ్స్‌ కారణంగా 10 వికెట్ల తేడాతో గెలుపొందింది. తద్వారా ప్లే ఆఫ్స్‌ రేసులో మరో ముందడుగు వేసింది.‌‌ WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

250 పరుగుల లక్ష్యమైనా సన్‌రైజర్స్‌ ఛేదించేదేమో? ఓటమి తర్వాత లక్నో సూపర్‌ జెయింట్స్‌ జట్టు కెప్టెన్ రాహుల్‌ వ్యాఖ్య... ప్రత్యర్థి బ్యాటర్ల వీర బాదుడుకు మైదానంలో మొదటి బాధితుడిగా అతను చెప్పిన మాట అక్షరసత్యం. తొలుత బ్యాటింగ్‌ చేస్తూ సీజన్‌లో రికార్డు స్కోర్లు సాధించిన హైదరాబాద్‌ ఇప్పుడు ఛేదనలోనూ వి«ధ్వంసం సృష్టించింది. వీడియోగేమ్‌ తరహాలో ట్రవిస్‌ హెడ్, అభిõÙక్‌ శర్మ విరుచుకుపడుతుంటే స్టేడియంలో పరుగుల ఉప్పెన వచ్చింది. 16 ఫోర్లు, 14 సిక్స్‌లంటే 148 పరుగులు బౌండరీలతోనే... లక్నో విధించిన 166 పరుగుల లక్ష్యం మరీ చిన్నదేమీ కాదు. కానీ 10 ఓవర్లకు ముందే కేవలం 52 నిమిషాల్లో రైజర్స్‌ ఛేదించిపడేసింది. రైజర్స్‌ ఛేజింగ్‌ రాత్రి 9 గంటల 23 నిమిషాలకు మొదలై 10 గంటల 15 నిమిషాలకు ముగిసింది. ఈ గెలుపుతో సన్‌రైజర్స్‌ పాయింట్ల పట్టికలో మూడో స్థానానికి ఎగబాకింది. లక్నో పరాజయంతో ముంబై ఇండియన్స్‌ జట్టు ప్లే ఆఫ్స్‌ రేసు నుంచి నిష్క్రమించింది.సాక్షి, హైదరాబాద్‌: సన్‌రైజర్స్‌ హైదరాబాద్‌ తమ బ్యాటింగ్‌ పవర్‌ను మరోసారి చూపించింది. బుధవారం ఉప్పల్‌ స్టేడియంలో జరిగిన ఐపీఎల్‌ మ్యాచ్‌లో సన్‌రైజర్స్‌ 10 వికెట్ల తేడాతో లక్నో సూపర్‌ జెయింట్స్‌ను చిత్తుగా ఓడించింది. టాస్‌ గెలిచి బ్యాటింగ్‌ ఎంచుకున్న లక్నో 20 ఓవర్లలో 4 వికెట్ల నష్టానికి 165 పరుగులు చేసింది. ఆయుశ్‌ బదోని (30 బంతుల్లో 55 నాటౌట్‌; 9 ఫోర్లు), నికోలస్‌ పూరన్‌ (26 బంతుల్లో 48 నాటౌట్‌; 6 ఫోర్లు, 1 సిక్స్‌) కీలక ఇన్నింగ్స్‌లు ఆడారు. అనంతరం హైదరాబాద్‌ కేవలం 9.4 ఓవర్లలో వికెట్‌ నష్టపోకుండా 167 పరుగులు సాధించి గెలిచింది. ఓపెనర్లు ‘ప్లేయర్‌ ఆఫ్‌ ద మ్యాచ్‌’ ట్రవిస్‌ హెడ్‌ (30 బంతుల్లో 89 నాటౌట్‌; 8 ఫోర్లు, 8 సిక్స్‌లు), అభిషేక్‌ శర్మ (28 బంతుల్లో 75 నాటౌట్‌; 8 ఫోర్లు, 6 సిక్స్‌లు) మరో అవకాశం ఇవ్వకుండా చెలరేగి కేవలం 58 బంతుల్లోనే మ్యాచ్‌ను ముగించారు. లక్నో ఓటమితో ముంబై ఇండియన్స్‌ జట్టు ప్లే ఆఫ్స్‌ రేసు నుంచి నిష్క్రమించింది. ముంబై తమ చివరి రెండు మ్యాచ్‌ల్లో నెగ్గినా 12 పాయింట్లతో టాప్‌–4లో స్థానాన్ని దక్కించుకునే అవకాశం లేదు. రాహుల్‌ విఫలం... భువనేశ్వర్‌ చక్కటి బౌలింగ్‌ వల్ల లక్నో ఇన్నింగ్స్‌ పేలవంగా ప్రారంభమైంది. భువీ తన వరుస ఓవర్లలో డికాక్‌ (2), స్టొయినిస్‌ (3)లను పెవిలియన్‌ పంపించాడు. ఈ రెండు సందర్భాల్లో ఆంధ్ర క్రికెటర్‌ నితీశ్‌ కుమార్‌ రెడ్డి, సన్వీర్‌ సింగ్‌ అద్భుత క్యాచ్‌లు కారణంగా నిలిచాయి. పవర్‌ప్లే ముగిసేసరికి లక్నో 27 పరుగులకే పరిమితమైంది. ఈ దశలో రాహుల్, కృనాల్‌ ఆదుకునే ప్రయత్నం చేసినా వీరిద్దరూ నెమ్మదిగా ఆడటంతో పరుగులు రావడం మందగించింది. పదో ఓవర్‌ చివరి బంతికి రాహుల్‌ అవుట్‌ కాగా... లక్నో స్కోరు 57 పరుగులకు చేరింది. అవుటయ్యే వరకు కూడా ఏ దశలోనూ రాహుల్‌ స్ట్రయిక్‌రేట్‌ కనీసం 100 కూడా లేకపోవడం జట్టు అవకాశాలను దెబ్బ తీసింది. ఆ తర్వాత కొద్ది సేపటికే కృనాల్‌ రనౌట్‌ కావడంతో స్కోరు 66/4గా మారింది. ఇలాంటి స్థితిలో పూరన్, బదోని బ్యాటింగ్‌ లక్నో కాస్త గౌరవప్రదమైన స్కోరును అందించింది. చివరి 5 ఓవర్లలో 63 పరుగులు రాగా... వీరిద్దరు 52 బంతుల్లోనే అభేద్యంగా 99 పరుగులు జోడించారు. మెరుపు వేగంతో... 8, 17, 22, 17, 23, 20, 19, 17, 14, 10... ఛేదనలో సన్‌రైజర్స్‌ ఒక్కో ఓవర్‌లో చేసిన పరుగులు ఇవి. తొలి ఓవర్‌ మినహాయిస్తే ఎక్కడా తగ్గకుండా హెడ్, అభిషేక్‌ చెలరేగిపోయారు. యశ్‌ ఓవర్లో అభిషేక్‌ 4 ఫోర్లు కొట్టగా, గౌతమ్‌ ఓవర్లో హెడ్‌ 3 సిక్స్‌లు, ఫోర్‌ బాదాడు. నవీనుల్‌ ఓవర్లో వరుసగా 4, 4, 6, 4, 4 బాదిన హెడ్‌... ఈ క్రమంలో 16 బంతుల్లోనే అర్ధ సెంచరీ పూర్తి చేసుకున్నాడు. యశ్‌ ఓవర్లో 2 ఫోర్లు, 2 సిక్స్‌లు కొట్టిన అభిషేక్‌ హాఫ్‌ సెంచరీ 19 బంతులకు పూర్తయింది. పవర్‌ప్లేలో 107 పరుగులు చేసిన రైజర్స్‌ ఆట ముగించేందుకు ఎక్కువ సమయం పట్టలేదు. యశ్‌ వేసిన పదో ఓవర్‌ నాలుగో బంతిని అభిõÙక్‌ సిక్స్‌గా మలచడంతో ఉప్పల్‌ స్టేడియంలో సంబరాలు మొదలయ్యాయి. స్కోరు వివరాలు లక్నో సూపర్‌ జెయింట్స్‌ ఇన్నింగ్స్‌: కేఎల్‌ రాహుల్‌ (సి) నటరాజన్‌ (బి) కమిన్స్‌ 29; డికాక్‌ (సి) నితీశ్‌ (బి) భువనేశ్వర్‌ 2; స్టొయినిస్‌ (సి) సన్వీర్‌ (బి) భువనేశ్వర్‌ 3; కృనాల్‌ పాండ్యా (రనౌట్‌) 24; పూరన్‌ (నాటౌట్‌) 48; బదోని (నాటౌట్‌) 55; ఎక్స్‌ట్రాలు 4; మొత్తం (20 ఓవర్లలో 4 వికెట్లకు) 165. వికెట్ల పతనం: 1–13, 2–21, 3–57, 4–66. బౌలింగ్‌: భువనేశ్వర్‌ 4–0–12–2, కమిన్స్‌ 4–0–47–1, షహబాజ్‌ 2–0–9–0, విజయకాంత్‌ 4–0–27–0, ఉనాద్కట్‌ 2–0–19–0, నటరాజన్‌ 4–0–50–0. సన్‌రైజర్స్‌ హైదరాబాద్‌ ఇన్నింగ్స్‌: అభిషేక్‌ శర్మ (నాటౌట్‌) 75; హెడ్‌ (నాటౌట్‌) 89; ఎక్స్‌ట్రాలు 3; మొత్తం (9.4 ఓవర్లలో వికెట్‌ నష్టపోకుండా) 167. బౌలింగ్‌: గౌతమ్‌ 2–0–29–0, యశ్‌ ఠాకూర్‌ 2.4–0–47–0, బిష్ణోయ్‌ 2–0–34–0, నవీనుల్‌ హక్‌ 2–0–37–0, బదోని 1–0–19–0. ఐపీఎల్‌లో నేడుపంజాబ్‌ X బెంగళూరు వేదిక: ధర్మశాలరాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

ఐపీఎల్‌-2024లో భాగంగా ముంబై ఇండియన్స్‌తో మ్యాచ్‌లో సన్‌రైజర్స్ హైదరాబాద్ బ్యాటర్లు పర్వాలేదన్పించారు. టాస్ ఓడి తొలుత బ్యాటింగ్ చేసిన ఎస్‌ఆర్‌హెచ్ నిర్ణీత 20 ఓవర్లలో 8 వికెట్ల నష్టానికి 173 పరుగులు చేసింది. ఎస్‌ఆర్‌హెచ్ బ్యాటర్లలో​ ఓపెనర్ ట్రావిస్ హెడ్‌(48) పరుగులతో టాప్ స్కోరర్‌గా నిలవగా.. కెప్టెన్ ప్యాట్ కమ్మిన్స్ ఆఖరిలో కీలక ఇన్నింగ్స్ ఆడాడు. 17 బంతులు ఎదుర్కొన్న కమ్మిన్స్ 2 సిక్స్‌లు, 2 ఫోర్లతో 35 పరుగులతో ఆజేయంగా నిలిచాడు.వీరిద్దరితో పాటు నితీష్ రెడ్డి(20), జానెసన్(17) రాణించారు. ఇక ముంబై బౌలర్లలో కెప్టెన్ హార్దిక్ పాండ్యా, చావ్లా తలా మూడు వికెట్లు సాధించగా.. అన్షుల్ కాంబోజ్, బుమ్రా చెరో వికెట్ సాధించారు.

ఐపీఎల్‌-2024లో భాగంగా మరోసారి సన్‌రైజర్స్ హైదరాబాద్ బ్యాటర్లు చెలరేగారు. ఉప్పల్ వేదికగా రాజస్తాన్ రాయల్స్‌తో మ్యాచ్‌లో తొలుత బ్యాటింగ్ చేసిన ఎస్‌ఆర్‌హెచ్ నిర్ణీత 20 ఓవర్లలో 3 వికెట్ల నష్టానికి 201 పరుగుల భారీ స్కోర్ సాధించింది. ఎస్‌ఆర్‌హెచ్ బ్యాటర్లలో ఆంధ్ర ఆటగాడు నితీష్ కుమార్ రెడ్డి విధ్వంసం సృష్టించాడు. 41 బంతులు ఎదుర్కొన్న నితీష్‌.. 3 ఫోర్లు, 8 సిక్స్‌లతో 76 పరుగులు చేసి ఆజేయంగా నిలిచాడు. అతడితో పాటు ఓపెనర్ ట్రావిస్ హెడ్‌(58), క్లాసెన్‌(42 నాటౌట్‌) పరుగులతో సత్తాచాటారు. రాజస్తాన్ బౌలర్లలో అవేష్ ఖాన్ రెండు వికెట్లు పడగొట్టగా.. సందీప్ శర్మ ఒక్క వికెట్ సాధించాడు.

ఐపీఎల్‌-2024లో చాంపియన్‌గా నిలవడానికి గల అర్హత ఇదేనంటూ ఢిల్లీ క్యాపిటల్స్‌ హెడ్‌ కోచ్‌ రిక్కీ పాంటింగ్‌ ఆసక్తికర వ్యాఖ్యలు చేశాడు. దూకుడైన బ్యాటింగ్‌తో ముందుకు సాగే జట్టే టైటిల్‌ సాధిస్తుందని అభిప్రాయపడ్డాడు. కాగా క్యాష్‌ రిచ్‌ తాజా ఎడిషన్‌లో ఇప్పటి వరకు 31 మ్యాచ్‌లు జరుగగా.. తొమ్మిదికి పైగా మ్యాచ్‌లలో.. ఒక ఇన్నింగ్స్‌లో 200.. అంతకంటే పైచిలుకు స్కోర్లు నమోదయ్యాయి. ఇక ఈ సీజన్‌లో కొత్త కెప్టెన్‌ ప్యాట్‌ కమిన్స్‌ సారథ్యంలో రెట్టించిన ఉత్సాహంతో ముందుకు సాగుతున్న సన్‌రైజర్స్‌ హైదరాబాద్‌ రోజుల వ్యవధిలోనే తమ రికార్డు తామే బద్దలు కొట్టింది. దుమ్మురేపుతున్న సన్‌రైజర్స్‌ తొలుత ముంబై ఇండియన్స్‌పై  277 పరుగులు సాధించిన ఎస్‌ఆర్‌హెచ్‌.. ఆ తర్వాత ఆర్సీబీపై 287 పరుగులు స్కోరు చేసింది. తద్వారా ఐపీఎల్‌ చరిత్రలో అత్యధిక స్కోరు సాధించిన జట్టుగా రికార్డులకెక్కింది. Captain Pat reflects on the game ➕ who clinched the dressing room awards? 👀🏅 Watch as we soak in the post match vibes from our strong win in #RCBvSRH 🧡 pic.twitter.com/Ey7VhksA6B — SunRisers Hyderabad (@SunRisers) April 16, 2024 తగ్గేదేలే అంటున్న కేకేఆర్‌ మరోవైపు కోల్‌కతా నైట్‌ రైడర్స్‌ సైతం ఢిల్లీ క్యాపిటల్స్‌పై 272 పరుగులతో సత్తా చాటింది. ఇక తాజాగా మంగళవారం నాటి మ్యాచ్‌లో రాజస్తాన్‌ రాయల్స్‌, కేకేఆర్‌ వరుసగా 224, 223 పరుగులు స్కోరు చేశాయి. ఈ పరిణామాల నేపథ్యంలో రిక్కీ పాంటింగ్‌ కీలక వ్యాఖ్యలు చేశాడు. ‘‘ఇప్పటికే రెండుసార్లు భారీ స్కోరు చేసిన జట్టుగా ఎస్‌ఆర్‌హెచ్‌ రికార్డులు సాధించింది. కేకేఆర్‌ కూడా మా జట్టు మీద 272 రన్స్‌ స్కోరు చేసింది.  సన్‌రైజర్స్‌ సూపర్‌ ఫామ్‌ నాకు తెలిసి ఇంపాక్ట్‌ ప్లేయర్‌ కారణంగానే బ్యాటింగ్‌ జట్లకు ఈ మేరకు ప్రయోజనం చేకూరుతున్నట్లు అనిపిస్తోంది. ఆర్సీబీతో మ్యాచ్లో ట్రావిస్‌ హెడ్‌ ఎంతగా ప్రభావం చూపాడో చూశాం. ఎంతో ఆత్మవిశ్వాసం ఉంటేగానీ ఆ మాదిరి షాట్లు ఆడలేరు. బ్యాటింగ్‌ ఆర్డర్‌లో డెప్త్‌ ఉన్న కారణంగా కూడా అతడు స్వేచ్ఛగా బ్యాట్‌ ఝులిపించగలిగాడు. ఐపీఎల్‌ వంటి మేజర్‌ టోర్నీల్లో లేదా బిగ్‌ బాష్‌ లీగ్‌లో.. ఇలా ఎక్కడ చూసినా సరే లక్ష్యాన్ని కాపాడుకోగలిగి జట్లే విజయం సాధించాయి. అయితే.. ఈసారి ఐపీఎల్‌ మాత్రం భిన్నంగా సాగుతోంది.  ఆ జట్టుదే టైటిల్‌ బౌలర్లను చితక్కొడుతూ భారీ స్కోర్లు సాధించిన జట్లే టైటిల్‌ దిశగా వెళ్లే సూచనలు కనిపిస్తున్నాయి. డిఫెన్సివ్‌ బౌలింగ్‌పై ఆధారపడే జట్ల కంటే దూకుడుగా బ్యాటింగ్‌ చేసే జట్లకే విజయావకాశాలు ఎక్కువగా ఉన్నాయి’’ అని రిక్కీ పాంటింగ్‌ అభిప్రాయపడ్డాడు.  అలా అయితే ఈసారి సన్‌రైజర్స్‌దే టైటిల్‌! ఇక పాంటింగ్‌ వ్యాఖ్యలను బట్టి చూస్తే సీజన్‌ ఆరంభం(కేకేఆర్‌తో మ్యాచ్‌లో 204) నుంచి దూకుడుగా బ్యాటింగ్‌ చేస్తున్న సన్‌రైజర్స్‌కే టైటిల్‌ విన్నర్‌గా నిలిచే ఛాన్స్‌ ఉందని ఆరెంజ్‌ ఆర్మీ ఫ్యాన్స్‌ క్రేజీ కామెంట్లు చేస్తున్నారు. ఇదిలా ఉంటే.. పాంటింగ్‌ మార్గదర్శనంలోని ఢిల్లీ క్యాపిటల్స్‌ ఈ సీజన్‌లో ఇప్పటి వరకు ఆడిన ఆరు మ్యాచ్‌లలో కేవలం రెండే గెలిచి పాయింట్ల పట్టికలో తొమ్మిదో స్థానంలో ఉంది. ఇక పంత్‌ సేన తమ తదుపరి మ్యాచ్‌లో భాగంగా బుధవారం గుజరాత్‌ టైటాన్స్‌ను అహ్మదాబాద్‌లో ఢీకొట్టనుంది. చదవండి: #Pat Cummins: శెభాష్‌.. ఇది సరైన నిర్ణయం! కమిన్స్‌ అన్నతో అట్లుంటది మరి.. var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

(43 X 4) + (38 X 6).. మొత్తం 81.. ఇదేంటి లెక్క తప్పు చెప్తున్నారు అనుకుంటున్నారా? కాదండీ.. ఐపీఎల్‌-2024లో సన్‌రైజర్స్‌ వర్సెస్‌ ఆర్సీబీ మ్యాచ్‌లో నమోదైన ఫోర్లు, సిక్సర్లూనూ!! చిన్నస్వామి స్టేడియం బౌండరీ చిన్నదే కావొచ్చు.. అయినా.. ఇలా బ్యాట్‌ తాకించగానే అలా బంతి అవతల పడదు కదా.. ఫోర్స్‌గా కొడితేనే ఫోర్లు, సిక్సర్ల వర్షం కురుస్తుంది. అలా తమ పవర్‌ హిట్టింగ్‌తో ప్రేక్షకులకు కనువిందు చేశారు ఇరు జట్ల బ్యాటర్లు. తొలుత బ్యాటింగ్‌ చేసిన సన్‌రైజర్స్‌ జట్టులో అభిషేక్‌ శర్మ 2, ట్రావిస్‌ హెడ్‌ 8, హెన్రిచ్‌ క్లాసెన్‌ 7, ఐడెన్‌ మార్క్రమ్‌ 2, అబ్దుల్‌ సమద్‌ 3 సిక్స్‌లు బాదారు. The art 🎨 of nailing practice to execution for a record breaking total! 🧡 Travis Head 🤝 Heinrich Klaasen#TATAIPL | #RCBvSRH | @SunRisers pic.twitter.com/gA5HcYGwFM — IndianPremierLeague (@IPL) April 16, 2024 ఇలా ఓవరాల్‌గా ఎస్‌ఆర్‌హెచ్‌ ఖాతాలో 22 సిక్సర్లు నమోదు కాగా.. ఐపీఎల్‌ చరిత్రలో ఒక ఇన్నింగ్స్‌లో అత్యధిక సిక్స్‌లు కొట్టిన జట్టుగా రికార్డులకెక్కింది. మరోవైపు.. ఆర్సీబీ బ్యాటర్లలో విరాట్‌ కోహ్లి రెండు, ఫాఫ్‌ డుప్లెసిస్‌ 4, దినేశ్‌ కార్తిక్‌ 7, మహిపాల్‌ లామ్రోర్‌ రెండు సిక్స్‌లు బాదారు.  తడిసి ముద్దైన చిన్నస్వామి స్టేడియం మ్యాచ్‌ ఆద్యంతం ఇలా సిక్సర్ల వర్షంలో చిన్నస్వామి స్టేడియం తడిసి ముద్దవుతుంటే టీ20 ప్రేమికులంతా కేరింతలు కొట్టారు. న భూతో న భవిష్యతి అన్నట్లుగా బ్యాటర్లు హిట్టింగ్‌ చేస్తుంటే ఇది కదా పొట్టి ఫార్మాట్‌ మజా అనుకుంటూ మురిసిపోయారు. బ్యాటర్‌ను అయినా బాగుండు ఫలితం ఎలా ఉన్నా మంచినీళ్ల ప్రాయంలా సన్‌రైజర్స్‌- ఆర్సీబీ బ్యాటర్లు చితక్కొట్టిన తీరు అభిమానులను ఆకట్టుకుంది. అంతేకాదు.. ఈ మ్యాచ్‌లో బాధితులుగా మిగిలిపోయిన బౌలర్లు కూడా తాము కూడా అప్పటికప్పుడు బ్యాటర్‌ అయి పోయి ఉంటే బాగుండు అనుకునేంతగా అసూయ పడేలా చేశారు. విజయానంతరం సన్‌రైజర్స్‌ కెప్టెన్‌, మూడు వికెట్లు తీసిన పేసర్‌ ప్యాట్‌ కమిన్స్‌ వ్యాఖ్యలే ఇందుకు నిదర్శనం. ‘‘నేను బ్యాటర్‌ను అయినా బాగుండు. సూపర్‌ మ్యాచ్‌. అద్భుతమైన దృశ్యాలు. అంతకు మించిన వినోదం. చిన్నస్వామి స్టేడియం పిచ్‌ ఈరోజు పొడిగా ఉంది. దానిని మేము చక్కగా సద్వినియోగం చేసుకోగలిగాం’’ అని కమిన్స్‌ సంతోషం వ్యక్తం చేశాడు. ఆర్సీబీతో మ్యాచ్‌ సందర్భంగా సన్‌రైజర్స్‌ సృష్టించిన అరుదైన రికార్డులు ►ఐపీఎల్‌ ఇన్నింగ్స్‌లో అత్యధిక సిక్సర్లు- 22 ►టీ20 క్రికెట్‌లో నేపాల్‌(314) తర్వాత రెండో అత్యధిక స్కోరు నమోదు చేసిన జట్టు(287). ►ఐపీఎల్‌లో అత్యధిక స్కోరు నమోదు చేసిన జట్టు- 287/3. సన్‌రైజర్స్‌ వర్సెస్‌ ఆర్సీబీ స్కోర్లు: ►టాస్‌: ఆర్సీబీ.. బౌలింగ్‌ ►సన్‌రైజర్స్‌ స్కోరు: 287/3 (20) ►ఆర్సీబీ స్కోరు: 262/7 (20) ►ఫలితం: ఆర్సీబీపై 25 పరుగుల తేడాతో సన్‌రైజర్స్‌ విజయం చదవండి: #RCBvsSRH: ఏంట్రా ఈ బ్యాటింగ్‌?.. ఆగ్రహం వెళ్లగక్కిన కోహ్లి.. వీడియో వైరల్‌

SRH Fans Hails Pat Cummins Captaincy: ఐపీఎల్‌లో గత మూడేళ్లుగా పేలవ ప్రదర్శనతో విమర్శలు మూటగట్టుకున్న  జట్టు సన్‌రైజర్స్‌ హైదరాబాద్‌. ఐపీఎల్‌-2023లో పద్నాలుగింట కేవలం నాలుగు మ్యాచ్‌లు మాత్రమే గెలిచి పట్టికలో అట్టడుగున పదోస్థానంలో నిలిచింది. ఫలితంగా ఇక ఈ జట్టు ఇంతే! ఊరించి ఉసూరుమనిపించడం.. గెలుస్తారనుకున్న మ్యాచ్లో కూడా ఓడిపోవడం.. అనే విమర్శలు ఎదుర్కొంది. సరైన కెప్టెన్‌, ఓపెనింగ్‌ జోడీ లేకపోవడం.. డెత్‌ ఓవర్లలో బౌలింగ్‌ చేసే ప్రధాన పేసర్‌ భువనేశ్వర్‌ కుమార్‌ విఫలం కావడం వంటివి తీవ్ర ప్రభావం చూపాయి. భారీ ధరకు కొనుక్కున్న హ్యారీ బ్రూక్‌ రాణించకపోవడం.. హెన్రిచ్‌ క్లాసెన్‌తో పాటు గ్లెన్‌ ఫిలిప్స్‌ను బరిలోకి దింపినా అప్పటికే ఆలస్యం కావడం గతేడాది ఎస్‌ఆర్‌హెచ్‌ కొంపముంచింది. అయితే, తప్పుల నుంచి పాఠాలు నేర్చుకుని.. లోపాలు సరిచేసుకుని ముందు సాగడం కూడా సన్‌రైజర్స్‌కు చేతకాదు అనే అభిప్రాయాలు వ్యక్తమయ్యాయి. వన్డే వరల్డ్‌కప్‌-2023 విన్నింగ్‌ కెప్టెన్‌ కోసం 20 ‍కోట్లు కానీ.. సన్‌రైజర్స్‌ యాజమాన్యం వ్యూహాత్మంగా అడుగులు వేసింది. ఐపీఎల్‌-2024 వేలంలో భాగంగా వన్డే వరల్డ్‌కప్‌-2023 విజేత ఆస్ట్రేలియా కెప్టెన్‌ ప్యాట్‌ కమిన్స్‌ను భారీ ధరకు కొనుగోలు చేసింది. అతడి కోసం ఏకంగా రూ. 20.50 కోట్లు వెచ్చించింది. అదే విధంగా వరల్డ్‌కప్‌ హీరో ట్రావిస్‌ హెడ్‌ను కూడా రూ. 6.80 కోట్లు పెట్టి కొనుక్కుంది. అయితే.. టీ20లలో అంతగా అనుభవం లేని కమిన్స్‌ను కెప్టెన్‌ చేయడం సన్‌రైజర్స్‌ పొరపాటేనని మరోసారి విమర్శలు వచ్చాయి. అతడి కోసం అంత ఖర్చు చేయడం అవసరమా అనే పెదవి విరుపులు కూడా! నమ్మకం నిలబెట్టుకుంటున్న కమిన్స్‌ కానీ మేనేజ్‌మెంట్‌ తనమీద పెట్టుకున్న నమ్మకాన్ని నిజం చేస్తూ సన్‌రైజర్స్‌ను విజయపథంలో నడుపుతున్నాడు కమిన్స్‌. అభిషేక్‌ శర్మ, ట్రావిస్‌ హెడ్‌, హెన్రిచ్‌ క్లాసెన్‌, మార్క్రమ్‌ వంటి హిట్టర్లకు తోడు నితీశ్‌ కుమార్‌రెడ్డి, అబ్దుల్‌ సమద్‌ సేవలను సరైన సమయంలో సరిగ్గా ఉపయోగించుకుంటూ ఫలితాలు రాబడుతున్నాడు. ఇక బౌలింగ్‌ విభాగంలో ఈ స్టార్‌ పేసర్‌ తనతో పాటు భువీ, నటరాజన్‌, జయదేవ్‌ ఉనాద్కట్‌లతో పాటు స్పిన్నర్‌ మయాంక్‌ మార్కండేను కూడా అవసరమైన సమయంలో రంగంలోకి దించుతున్నాడు.  మాస్టర్‌ మైండ్‌ ఆర్సీబీతో సోమవారం నాటి మ్యాచ్‌లో పిచ్‌ను సరిగ్గా రీడ్‌ చేసిన కమిన్స్‌ వన్‌డౌన్‌లో క్లాసెన్‌ను దింపి ఫలితం రాబట్టాడు. అందుకు తగ్గట్లే క్లాసెన్‌(31 బంతుల్లో 67) ట్రావిస్‌ హెడ్‌(41 బంతుల్లో 102)కు సహకారం అందిస్తూనే.. ఆచితూచి ఆడుతూ వీలు చిక్కిన్నపుడల్లా బంతిని బౌండరీకి తరలించాడు. ఆఖర్లో మార్క్రమ్‌(17 బంతుల్లో 32), అబ్దుల్‌ సమద్‌(10 బంతుల్లో 37) ధనాధన్‌ ఇన్నింగ్స్‌తో అజేయంగా నిలిచి ఐపీఎల్‌ చరిత్రలోనే అత్యధిక స్కోరు(287) నమోదు చేసిన జట్టుగా ఆల్‌టైమ్‌ రికార్డు సృష్టించడంలో తమ వంతు పాత్ర పోషించారు. Abdul Samad in the house now 😎 Flurry of sixes at the Chinnaswamy 💥 Watch the match LIVE on @JioCinema and @StarSportsIndia 💻📱#TATAIPL | #RCBvSRH pic.twitter.com/eWFCtZ5Usq — IndianPremierLeague (@IPL) April 15, 2024 ఇక ఆర్సీబీ లక్ష్య ఛేదనలో ఆరంభంలో దూకుడుగా ఆడినా ప్యాట్‌ కమిన్స్‌ ముఖంపై నవ్వులు పూశాయే గానీ.. అతడు ఏమాత్రం తడబడలేదు. ముందుగా పార్ట్‌టైమ్‌ స్పిన్నర్‌ అభిషేక్‌ శర్మ చేతికి బంతినిచ్చాడు. ఐదో బంతికే క్యాచ్‌ డ్రాప్‌ చేయడంతో కోహ్లికి లైఫ్‌ లభించగా అతడు దూకుడు మరింత పెంచాడు. ఆ తర్వాత భువీని రంగంలోకి దింపాడు. అనంతరం మళ్లీ లెఫ్టార్మ్‌ స్పిన్నర్‌ షాబాజ్‌ అహ్మద్‌..నటరాజన్‌ ఇలా ఒక్కో ఓవర్‌కు వైవిధ్యం చూపించాడు. పిచ్‌ పరిస్థితిని అంచనా వేస్తూ మరో స్పిన్నర్‌ మయాంక్‌తో బౌలింగ్‌ చేయించి ఫలితం రాబట్టాడు. ఆర్సీబీని దెబ్బకొట్టడంలో సఫలం మయాంక్‌ మార్కండే కోహ్లి(42) బౌల్డ్‌ కావడంతో అప్పటిదాకా ఆర్సీబీ విజయంపై ఆశలు పెట్టుకున్న అభిమానులు ఒక్కసారిగా నీరుగారిపోయారు. అయితే, కెప్టెన్‌ ఫాఫ్‌ డుప్లెసిస్‌(28 బంతుల్లో 62), దినేశ్‌ కార్తిక్‌(35 బంతుల్లో 83) ఇన్నింగ్స్‌ నిలబెట్టే ప్రయత్నం చేసినా ఫలితం లేకుండా పోయింది. తన వ్యూహాలను పక్కాగా అమలు చేసిన ప్యాట్‌ కమిన్స్‌ మూడు వికెట్లు తీయడంతో పాటు కెప్టెన్‌గానూ తానేంటో మరోసారి నిరూపించాడు. మిస్టర్‌ కూల్‌ ధోనిలా కూల్‌గా డీల్‌ చేస్తూ సన్‌రైజర్స్‌ను 25 పరుగుల తేడాతో గెలిపించాడు. తద్వారా రైజర్స్‌ ఖాతాలో నాలుగో(ఆరింట) విజయం చేరింది. ఇక కమిన్స్‌ చేరిక జట్టుకు నష్టం చేకూరుస్తుందే తప్ప లాభం ఉండదన్న విమర్శకులకు అద్బుత నైపుణ్యాలతో సమాధానమిస్తున్న ఈ పేస్‌ బౌలర్‌..  తొలుత ప్లే ఆఫ్స్‌నకు గురిపెట్టాడు.  Nothing but bright smiles and 𝙜𝙤𝙤𝙤𝙤𝙤𝙤𝙙 vibes after a historic night of cricket 😁🔥#PlayWithFire #RCBvSRH pic.twitter.com/RXn6mb5pF1 — SunRisers Hyderabad (@SunRisers) April 16, 2024 అంతా సవ్యంగా సాగితే ఈసారి ఫైనల్లోనూ రైజర్స్‌ను చూస్తామంటూ హర్షం వ్యక్తం చేస్తున్నారు ఆరెంజ్‌ ఆర్మీ ఫ్యాన్స్‌. డేవిడ్‌ వార్నర్‌ తర్వాత తమకు దొరికిన మరో ఆణిముత్యం కెప్టెన్‌ ప్యాట్‌ కమిన్స్‌ అంటూ కొనియాడుతున్నారు. విశ్లేషకులు సైతం కమిన్స్‌ కెప్టెన్సీకి మంచి మార్కులే వేస్తున్నారు. పనిలో పనిగా రిస్క్‌ తీసుకున్నా సరే అనుకున్న ఫలితాలు వస్తున్నాయి అంటూ సన్‌రైజర్స్‌ ఓనర్‌ కావ్యా మారన్‌పై ప్రశంసలు కురిపిస్తున్నారు. చదవండి: #T20WorldCup2024: రోహిత్‌తో ద్రవిడ్‌, అగార్కర్‌ చర్చలు.. హార్దిక్‌ పాండ్యాకు నో ఛాన్స్‌! Captain Pat reflects on the game ➕ who clinched the dressing room awards? 👀🏅 Watch as we soak in the post match vibes from our strong win in #RCBvSRH 🧡 pic.twitter.com/Ey7VhksA6B — SunRisers Hyderabad (@SunRisers) April 16, 2024

‘‘నేను కొడితే అదోలా ఉంటుందని..ఆళ్లూ.. ఈళ్లూ చెప్పడమే గానీ.. నాకు కూడా తెలియదు.. ఇప్పుడు మీకు తెలుస్తుంది’’.. బిజినెస్‌మేన్‌ సినిమాలో మహేశ్‌ బాబు చెప్పిన మాదిరే సన్‌రైజర్స్‌ హైదరాబాద్‌ బ్యాటర్లు కూడా ఆర్సీబీ బౌలింగ్‌ను చితక్కొట్టారు. ఏమాత్రం కనికరం లేకుండా బెంగళూరు బౌలర్లపై విరుచుపడుతూ చిన్నస్వామి స్టేడియంలో పరుగుల వరద పారించాడు. కో..డితే సిక్స్‌.. లేదంటే ఫోర్‌.. తగ్గేదేలే అన్నట్లు ట్రావిస్‌ హెడ్‌(41 బంతుల్లో 102) ఓవైపు ఊచకోత కోస్తుంటే మరోవైపు హెన్రిచ్‌ క్లాసెన్‌(31 బంతుల్లో 67) ఛాన్స్‌ వచ్చినప్పుడల్లా వీరబాదుడు బాదాడు. THE SHOOTING STAR...!!! 💫 - 106M monster by Heinrich Klaasen. 🥵 pic.twitter.com/raWQGOLOiM — Mufaddal Vohra (@mufaddal_vohra) April 15, 2024 వీరిద్దరి తుఫాన్‌ ఇన్నింగ్స్‌ చూసి ఆరెంజ్‌ ఆర్మీ కేకలతో స్టేడియం హోరెత్తిపోగా.. ఆర్సీబీ ఫ్యాన్స్‌ మాత్రం జరుగుతున్న పరుగుల విధ్వంసాన్ని చూడలేక తమలో తామే మదనపడిపోతూ సతమతమయ్యారు. అభిమానుల పరిస్థితే ఇలా ఉంటే.. మరి ఆర్సీబీ బౌలర్లు, ఫీల్డర్ల పరిస్థితి ఇంకెలా ఉంటుంది? వికెట్‌ తీయడం సంగతి దేవుడెరుగు.. ముందు పరుగుల ప్రవాహానికి కట్టడి చేయడం ఎలా అని తలలు పట్టుకున్నారంతా!  కాలితో తంతూ ఆగ్రహం వెళ్లగక్కిన కోహ్లి ఇక ఆర్సీబీ ముఖచిత్రంగా భావించే స్టార్‌ విరాట్‌ కోహ్లి అయితే తీవ్ర అసహానికి లోనయ్యాడు. రైజర్స్‌ బ్యాటర్లు తమ సొంత మైదానంలో దుమ్ములేపుతుంటే అస్సలు చూడలేకపోయాడు. ఏ దశలోనూ వారిని కట్టడి చేయలేక బౌలర్లు చేతులెత్తేస్తుంటే గాల్లోకి కాలితో పంచ్‌లు విసురుతూ కోపాన్ని వెళ్లగక్కాడు. అదే సమయంలో వికెట్‌ పడినప్పుడల్లా జట్టును ఉత్సాహపరుస్తూ.. చప్పట్లు కొడుతూ సంతోషం వ్యక్తం చేశాడు. సన్‌రైజర్స్‌ బ్యాటింగ్‌ పూర్తయ్యేంత వరకు కోహ్లి ఇచ్చిన వైవిధ్యమైన ఎక్స్‌ప్రెషన్స్‌, రియాక్షన్స్‌ చూసి ఫ్యాన్స్‌.. ‘‘అయ్యో పాపం ఆర్సీబీ’’ అంటూ కామెంట్లు చేస్తున్నారు. Everyone's mental health after watching RCB bowlers #RCBvsSRH pic.twitter.com/dSy38RctKC — Rohan Naik (@RohanNaik_) April 15, 2024 ఆర్సీబీ బౌలర్లపై ఫ్యాన్స్‌ మండిపాటు ఇలాగే ఆడితే ఆర్సీబీ ఈసారి కనీసం ప్లే ఆఫ్స్‌ కూడా చేరదంటూ ఆర్సీబీ బౌలర్లను పెద్ద ఎత్తున ట్రోల్‌ చేస్తున్నారు. కాగా బెంగళూరులో సోమవారం జరిగిన మ్యాచ్‌లో టాస్‌ ఓడి తొలుత బ్యాటింగ్‌ చేసిన సన్‌రైజర్స్‌ నిర్ణీత 20 ఓవర్లలో మూడు వికెట్ల నష్టానికి 287 పరుగులు చేసింది. తద్వారా ఐపీఎల్‌ చరిత్రలో తమ రికార్డును తామే బ్రేక్‌ చేసి.. అత్యధిక పరుగులు సాధించిన జట్టుగా చరిత్రకెక్కింది. ఇక లక్ష్య ఛేదనలో కోహ్లి(42), ఫాఫ్‌ డుప్లెసిస్‌(28 బంతుల్లో 62) శుభారంభం అందించినా.. మిడిలార్డర్‌ పూర్తిగా విఫలమైంది. ఇక ఆఖర్లో దినేశ్‌ కార్తిక్‌(35 బంతుల్లో 83) విధ్వంసకర అర్ధ శతకం బాదినా.. అనూజ్‌ రావత్‌(14 బంతుల్లో 25 నాటౌట్‌) మెరుపులు మెరిపించినా లక్ష్యాన్ని ఛేదించడంలో ఆర్సీబీ విఫలమైంది. ఫలితంగా 25 పరుగుల తేడాతో ఓడిపోయి వరుసగా ఐదో పరాజయం నమోదు చేసింది. చదవండి: #T20WorldCup2024: రోహిత్‌తో ద్రవిడ్‌, అగార్కర్‌ చర్చలు.. హార్దిక్‌ పాండ్యాకు నో ఛాన్స్‌! var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); A 1⃣0⃣8⃣m monster! 💥 The bowlers can finally breathe at the Chinnaswamy as the batting carnage comes to an end! 🥶 Recap the match on @StarSportsIndia and @JioCinema 💻📱#TATAIPL | #RCBvSRH pic.twitter.com/lclY9rs2Kf — IndianPremierLeague (@IPL) April 15, 2024

ఐపీఎల్‌ 2024 సీజన్‌లో నిన్న (ఏప్రిల్‌ 15) అత్యంత రసవత్తరమైన సమరం జరిగింది. ఆర్సీబీ, సన్‌రైజర్స్‌ మధ్య జరిగిన భారీ స్కోరింగ్‌ మ్యాచ్‌లో ఎన్నో టీ20 రికార్డులు బద్దలయ్యాయి. ఐపీఎల్‌లో అత్యధిక టీమ్‌ స్కోర్‌.. ఓ టీ20 మ్యాచ్‌లో ఇరు జట్లు కలిపి చేసిన అత్యధిక స్కోర్‌ (సన్‌రైజర్స్‌ 287 + ఆర్సీబీ 262 = 549 పరుగులు).. ఐపీఎల్‌లో అత్యధిక సిక్సర్ల రికార్డు (ఆర్సీబీ-22).. ఓ టీ20 మ్యాచ్‌లో నమోదైన అత్యధిక బౌండరీలు (43 ఫోర్లు, 38 సిక్సర్లు= 81).. ఇలా ఈ మ్యాచ్‌లో చాలావరకు పొట్టి క్రికెట్‌ రికార్డులన్నీ బద్దలయ్యాయి. ఇదే మ్యాచ్‌లో మరో భారీ రికార్డు కూడా నమోదైంది. ఆర్సీబీ మ్యాచ్‌ ఓడినప్పటికీ సెకెండ్‌ ఇన్నింగ్స్‌లో అత్యధిక స్కోర్‌ (262) చేసిన జట్టుగా రికార్డుల్లోకెక్కింది. ఈ మ్యాచ్‌కు ముందు ఈ రికార్డు ముంబై ఇండియన్స్‌ పేరిట ఉండేది. ముంబై ఇండియన్స్‌ ఇదే సీజన్‌లో సెకెండ్‌ బ్యాటింగ్‌ చేస్తూ (సన్‌రైజర్స్‌తో మ్యాచ్‌లో 278 పరుగుల లక్ష్యాన్ని ఛేదిస్తూ) 246 పరుగులు చేసింది.  ఈ మ్యాచ్‌లో సెకెండ్‌ బ్యాటింగ్‌ చేస్తూ అత్యధిక స్కోర్‌ నమోదు చేసిన ఆర్సీబీ.. మరో రికార్డును కూడా తమ ఖాతాలో వేసుకుంది. సెకెండ్‌ ఇన్నింగ్స్‌లో అత్యధిక పరుగులు చేసిన జట్టుగా.. సెకెండ్‌ ఇన్నింగ్స్‌లో అత్యల్ప స్కోర్‌ చేసిన జట్టుగా డ్యూయల్‌ రికార్డు నమోదు చేసింది. 2017 సీజన్‌లో కేకేఆర్‌తో జరిగిన మ్యాచ్‌లో ఆర్సీబీ 131 పరుగుల లక్ష్యాన్ని ఛేదిస్తూ.. 49 పరుగులకే ఆలౌటైంది. ఈ స్కోర్‌ ఐపీఎల్‌ చరిత్రలోనే అత్యల్ప స్కోర్‌గానూ రికార్డైంది.  మ్యాచ్‌ విషయానికొస్తే.. భారీ స్కోర్లు నమోదైన ఈ మ్యాచ్‌లో ఆర్సీబీ.. సన్‌రైజర్స్‌ చేతిలో 25 పరుగుల తేడాతో ఓటమిపాలైంది. సన్‌రైజర్స్‌ నిర్దేశించిన 288 పరుగుల కష్టసాధ్యమైన లక్ష్యాన్ని ఛేదిస్తూ ఆర్సీబీ 262 పరుగులకు పరిమితమైంది.  తొలుత బ్యాటింగ్‌ చేసిన సన్‌రైజర్స్‌.. ట్రవిస్‌ హెడ్‌ (41 బంతుల్లో 102; 9 ఫోర్లు, 8 సిక్సర్లు), హెన్రిచ్‌ క్లాసెన్‌ (31 బంతుల్లో 67; 2 ఫోర్లు, 7 సిక్సర్లు), అబ్దుల్‌ సమద్‌ (10 బంతుల్లో 37 నాటౌట్‌; 4 ఫోర్లు, 3 సిక్సర్లు), అభిషేక్‌ శర్మ (22 బంతుల్లో 34; 2 ఫోర్లు, 2 సిక్సర్లు), మార్క్రమ్‌ (10 బంతుల్లో 37 నాటౌట్‌; 4 ఫోర్లు, 3 సిక్సర్లు) శివాలెత్తిపోవడంతో నిర్ణీత ఓవర్లలో 3 వికెట్ల నష్టానికి 287 పరుగులు చేసింది.  ఛేదనలో ఆర్సీబీ చివరి వరకు గెలుపు కోసం పోరాటం చేసినప్పటికీ ఓటమి తప్పలేదు. విరాట్‌ కోహ్లి (20 బంతుల్లో 42; 6 ఫోర్లు, 2 సిక్సర్లు), డుప్లెసిస్‌ (28 బంతుల్లో 62; 7 ఫోర్లు, 4 సిక్సర్లు), దినేశ్‌ కార్తీక్‌ (35 బంతుల్లో 83; 5 ఫోర్లు, 7 సిక్సర్లు), మహిపాల్‌ లోమ్రార్‌ (11 బంతుల్లో 19; 2 సిక్సర్లు), అనూజ్‌ రావత్‌ (14 బంతుల్లో 25 నాటౌట్‌; 5 ఫోర్లు) మెరుపు ఇన్నింగ్స్‌లు ఆడినా ఆర్సీబీ లక్ష్యానికి 26 పరుగుల దూరంలో నిలిచిపోయింది. డీకే ఆఖర్లో జూలు విదిల్చినప్పటికీ లక్ష్యం పెద్దది కావడంతో ప్రయోజనం లేకుండా పోయింది.   

ఐపీఎల్‌ 2024 సీజన్‌లో భాగంగా ఆర్సీబీ-సన్‌రైజర్స్‌ హైదరాబాద్‌ జట్ల మధ్య నిన్న (ఏప్రిల్‌ 15) జరిగిన మ్యాచ్‌ చాలా వరకు టీ20 రికార్డులను బద్దలు కొట్టింది. ఈ మ్యాచ్‌లో సన్‌రైజర్స్‌ చేసిన స్కోర్‌ (287/3) 17 ఏళ్ల ఐపీఎల్‌ చరిత్రలోనే అత్యధికం కాగా.. పొట్టి క్రికెట్‌ చరిత్రలో రెండో అత్యధిక టీమ్‌ స్కోర్‌గా (గతేడాది ఏషియన్‌ గేమ్స్‌లో నేపాల్‌ మంగోలియాపై చేసిన 314 పరుగుల స్కోర్‌ టీ20ల్లో అత్యధికం) రికార్డైంది.  ఈ మ్యాచ్‌లో ఇరు జట్లు కలిపి చేసిన స్కోర్‌ (సన్‌రైజర్స్‌ 287 + ఆర్సీబీ 262=549) టీ20 హిస్టరీలో (ఓ మ్యాచ్‌లో) నమోదైన అత్యధిక స్కోర్‌గా నిలిచింది.  ఈ మ్యాచ్‌లో 22 సిక్సర్లు కొట్టిన సన్‌రైజర్స్‌.. ఐపీఎల్‌ చరిత్రలో అత్యధిక సిక్సర్లు (ఓ ఇన్నింగ్స్‌లో) కొట్టిన జట్టుగా ఆల్‌టైమ్‌ రికార్డు నెలకొల్పింది.  ఈ మ్యాచ్‌లో ట్రవిస్‌ హెడ్‌ (39 బంతులు) చేసిన సెంచరీ సన్‌రైజర్స్‌ తరఫున వేగవంతమైన శతకంగా రికార్డుల్లోకెక్కింది.  ఈ మ్యాచ్‌లో నమోదైన బౌండరీలు (43 ఫోర్లు, 38 సిక్సర్లు= 81), సిక్సర్లు (38) (ఇరు జట్లు కలిపి కొట్టినవి) పొట్టి క్రికెట్‌ చరిత్రలోనే ఓ మ్యాచ్‌లో నమోదైన అత్యధిక బౌండరీలు, సిక్సర్లుగా రికార్డయ్యాయి.  ఈ రికార్డులే కాక ఈ మ్యాచ్‌లో మరెన్నో చిన్నా చితక రికార్డులు నమోదయ్యాయి. మ్యాచ్‌ విషయానికొస్తే.. తొలుత బ్యాటింగ్‌ చేసిన సన్‌రైజర్స్‌.. ట్రవిస్‌ హెడ్‌ (41 బంతుల్లో 102; 9 ఫోర్లు, 8 సిక్సర్లు), హెన్రిచ్‌ క్లాసెన్‌ (31 బంతుల్లో 67; 2 ఫోర్లు, 7 సిక్సర్లు), అబ్దుల్‌ సమద్‌ (10 బంతుల్లో 37 నాటౌట్‌; 4 ఫోర్లు, 3 సిక్సర్లు), అభిషేక్‌ శర్మ (22 బంతుల్లో 34; 2 ఫోర్లు, 2 సిక్సర్లు), మార్క్రమ్‌ (10 బంతుల్లో 37 నాటౌట్‌; 4 ఫోర్లు, 3 సిక్సర్లు) శివాలెత్తిపోవడంతో నిర్ణీత ఓవర్లలో 3 వికెట్ల నష్టానికి 287 పరుగులు చేసింది. ఆర్సీబీ బౌలర్లలో ఫెర్గూసన్‌ 2, టాప్లే ఓ వికెట్‌ పడగొట్టాడు.  కష్టసాధ్యమైన లక్ష్యాన్ని ఛేదించేందుకు బరిలోకి దిగిన ఆర్సీబీ.. పోరాడితే పోయేదేమీ లేదనుకుని చివరి నిమషం వరకు గెలుపు కోసం ప్రయత్నించింది. విరాట్‌ కోహ్లి (20 బంతుల్లో 42; 6 ఫోర్లు, 2 సిక్సర్లు), డుప్లెసిస్‌ (28 బంతుల్లో 62; 7 ఫోర్లు, 4 సిక్సర్లు), దినేశ్‌ కార్తీక్‌ (35 బంతుల్లో 83; 5 ఫోర్లు, 7 సిక్సర్లు), మహిపాల్‌ లోమ్రార్‌ (11 బంతుల్లో 19; 2 సిక్సర్లు), అనూజ్‌ రావత్‌ (14 బంతుల్లో 25 నాటౌట్‌; 5 ఫోర్లు) మెరుపు ఇన్నింగ్స్‌లు ఆడినప్పటికీ ఆర్సీబీ లక్ష్యానికి 26 పరుగుల దూరంలో నిలిచిపోయింది. డీకే ఆఖర్లో జూలు విదిల్చినప్పటికీ లక్ష్యం పెద్దది కావడంతో ప్రయోజనం లేకుండా పోయింది. సన్‌రైజర్స్‌ బౌలర్లలో కమిన్స్‌ 3, మయాంక్‌ మార్కండే 2, నటరాజన్‌ ఓ వికెట్‌ పడగొట్టాడు.

ఐపీఎల్‌-2024లో భాగంగా చిన్నస్వామి స్టేడియం వేదికగా రాయల్‌ ఛాలెంజర్స్‌ బెంగళూరుతో మ్యాచ్‌లో సన్‌రైజర్స్‌ హైదరాబాద్‌  ఓపెనర్‌ ట్రావిస్‌ హెడ్‌ అద్బుతమైన సెంచరీతో చెలరేగాడు. ఆర్సీబీ బౌలర్లకు చుక్కలు చూపించాడు. ఈ మ్యాచ్‌లో హెడ్‌ కేవలం 39 బంతుల్లోనే తన సెంచరీ మార్క్‌ను అందుకున్నాడు. ఓవరాల్‌గా 41 బంతులు ఎదుర్కొన్న హెడ్‌ 9 ఫోర్లు, 8 సిక్స్‌లతో 102 పరుగులు చేశాడు. ఈ మ్యాచ్‌లో సెంచరీతో మెరిసిన హెడ్‌ ఓ అరుదైన ఘనతను తన ఖాతాలో వేసుకున్నాడు. ఐపీఎల్‌లో సన్‌రైజర్స్ హైదరాబాద్ తరఫున అత్యంత వేగంగా శతకం నమోదు చేసిన ఆటగాడిగా హెడ్‌ రికార్డులకెక్కాడు. అదే విధంగా ఐపీఎల్ చరిత్రలోనే నాలుగో ఫాస్టెస్ట్ సెంచరీని నమోదు చేశాడు. ఈ జాబితాలో యూనివర్సల్‌ బాస్‌ క్రిస్ గేల్(30 బంతులు) అగ్రస్ధానంలో కొనసాగుతుండగా.. యూసఫ్ పఠాన్(37 బంతులు), డేవిడ్ మిల్లర్(38 బంతులు) తర్వాతి స్ధానాల్లో ఉన్నారు. ఇ​క​ ఈ మ్యాచ్‌ విషయానికి వస్తే.. ఆర్సీబీపై 25 పరుగుల తేడాతో ఎస్‌ఆర్‌హెచ్‌ విజయం సాధించింది.

ఐపీఎల్‌-2024లో భాగంగా చిన్నస్వామి స్టేడియం వేదికగా ఆర్సీబీతో మ్యాచ్‌ సన్‌రైజర్స్‌ హైదరాబాద్‌ ఓపెనర్‌ ట్రావిస్‌ హెడ్‌ విధ్వంసకర సెంచరీతో చెలరేగాడు. ఈ మ్యాచ్‌లో బెంగళూరు బౌలర్లకు హెడ్‌ చుక్కలు చూపించాడు. ఇన్నింగ్స్‌ ఆరంభం నుంచే ప్రత్యర్ధి బౌలర్లపై హెడ్‌ విరుచుకుపడ్డాడు. అభిషేక్‌ శర్మతో స్కోర్‌ను బోర్డును పరుగులు పెట్టించాడు.  ఈ క్రమంలో కేవలం 39 బంతుల్లో హెడ్‌ తన సెంచరీ మార్క్‌ను అందుకున్నాడు. హెడ్‌కు ఇది తొలి ఐపీఎల్‌ సెంచరీ కావడం విశేషం. అంతేకాకుండా ఐపీఎల్‌ సన్‌రైజర్స్‌ తరపున ఫాస్టెస్ట్‌ సెంచరీ చేసిన ఆటగాడిగా హెడ్‌ నిలిచాడు. ఓవరాల్‌గా 41 బంతులు ఎదుర్కొన్న హెడ్‌.. 9 ఫోర్లు, 8 సిక్స్‌లతో 102 పరుగులు చేశాడు. సెంచరీ చేసిన తర్వాత లూకీ ఫెర్గూసన్‌ బౌలింగ్‌లో హెడ్‌ ఔటయ్యాడు. అతడి ఇన్నింగ్స్‌కు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. దీంతో అతడిపై నెటిజన్లు ప్రశంసల వర్షం కురిపిస్తున్నారు. TRAVIS HEAD - FASTEST HUNDRED BY SRH BATTER IN IPL HISTORY 🤯pic.twitter.com/GvWCPFpRkd — Johns. (@CricCrazyJohns) April 15, 2024

అమెరికా వేదికగా జరిగే మేజర్‌ లీగ్‌ క్రికెట్‌ బరిలో మరో ఆస్ట్రేలియా ఆటగాడు నిలిచాడు. ఐపీఎల్‌లో సన్‌రైజర్స్‌కు హైదరాబాద్‌కు ప్రాతినిథ్యం వహిస్తున్న ట్రవిస్‌ హెడ్‌ వాషింగ్టన్‌ ఫ్రీడం ఫ్రాంచైజీతో ఒప్పందం కుదుర్చుకున్నాడు. ఈ ఫ్రాంచైజీకి ఇదివరకే చాలా మంది ఆసీస్‌ ఆటగాళ్లు ప్రాతినిథ్యం వహిస్తున్నారు. ఆసీస్‌ లిమిటెడ్‌ ఓవర్స్‌ స్పెషలిస్ట్‌ మోసస్‌ హెన్రిక్స్‌ ఈ జట్టుకు సారధ్యం వహిస్తుండగా.. స్టీవ్‌ స్మిత్‌, తన్వీర్‌ సంగా, బెన్‌ డ్వార్షుయిస్‌, జోష్‌ ఫిలిప్‌ లాంటి ఆసీస్‌ ప్లేయర్స్‌ ఆటగాళ్లుగా బరిలోకి దిగనున్నారు. వాషింగ్టన్‌ ఫ్రీడంతో ఇటీవలే ఆసీస్‌ దిగ్గజం రికీ పాంటింగ్‌ కూడా ఒప్పందం కుదుర్చుకున్నాడు. పాంటింగ్‌ ఎంఎల్‌సీ తదుపరి సీజన్‌ నుంచి ఈ ఫ్రాంచైజీకి హెడ్‌ కోచ్‌గా వ్యవహరించనున్నాడు. ఈ ఆసీస్‌ ఆటగాళ్లంతా కలిసి జులై 4 నుంచి ప్రారంభంకాబోయే ఎంఎల్‌సీ సెకెండ్‌ ఎడిషన్‌లో వాషింగ్టన్‌ ఫ్రీడంకు ప్రాతినిథ్యం వహిస్తారు. వీరితో పాటు మరో ముగ్గురు ఆసీస్‌ ఆటగాళ్లు ఎంఎల్‌సీలో వేర్వేరు ఫ్రాంచైజీలకు ఆడనున్నారు. ఆడమ్‌ జంపా, స్పెన్సర్‌ జాన్సన్‌ లాస్‌ ఏంజెల్స్‌ నైట్‌రైడర్స్‌కు.. టిమ్‌ డేవిడ్‌ ముంబై ఇండియన్స్‌ న్యూయార్క్‌కు ప్రాతినిథ్యం వహించనున్నారు. మేజర్‌ లీగ్‌ టీ20 వరల్డ్‌ కప్‌ ముగిసిన వెంటనే ప్రారంభమవుతుంది. ఈ లీగ్‌లో ఆసీస్‌ ఆటగాళ్లే కాక చాలామంది విదేశీ ఆటగాళ్లు పాల్గొననున్నారు. న్యూజిలాండ్‌ ఆటగాడు రచిన్‌ రవీంద్ర కూడా కొత్తగా వాషింగ్టన్‌ ఫ్రీడంతో ఒప్పందం కుదుర్చుకున్నట్లు తెలుస్తుంది. సౌతాఫ్రికా మార్కో జన్సెన్‌, వెస్టిండీస్‌ అకీల్‌ హొసేన్‌ను వాషింగ్టన్‌ ఫ్రీడం తిరిగి రీటైన్‌ చేస్తున్నట్లు సమాచారం. ఆటగాళ్లకు సంబంధించిన పూర్తి సమాచారం త్వరలో వెల్లడికానుంది. 

సునామీ బ్యాటింగ్‌... విధ్వంస ప్రదర్శన... వీర విజృంభణ... అద్భుతం...  అసాధారణం... అసమానం... ఎలాంటి విశేషణాలు ఉపయోగించుకుంటారో మీ ఇష్టం... ఎన్నాళ్లుగానో ఇలాంటి ఇన్నింగ్స్‌ ఎదురు చూస్తున్న సన్‌రైజర్స్‌ ఆట సగటు  అభిమానికి ఫుల్‌ జోష్‌ను పంచింది... సంపూర్ణ ఆనందాన్ని అందించింది... బౌండరీల వర్షంతో ఉప్పల్‌ స్టేడియంలో పరుగుల వరద పారింది... 19 ఫోర్లు, 18 సిక్సర్లు...  ముంబై బౌలింగ్‌పై హైదరాబాద్‌ ఊచకోత మామూలుగా సాగలేదు... ముగ్గురు బ్యాటర్లు ఒకరితో మరొకరు పోటీ పడి పరుగులు సాధించడంతో ఐపీఎల్‌ చరిత్రలో అత్యధిక టీమ్‌ స్కోరు నమోదైంది. ముందుగా హెడ్‌ 18 బంతుల్లో హాఫ్‌ సెంచరీ చేస్తే...  కొద్ది క్షణాల్లోనే 16 బంతుల్లో అర్ధ సెంచరీ చేసి అభిషేక్‌ శర్మ తానూ తక్కువ కాదని చూపించాడు. నన్ను ఎలా మరచిపోతారన్నట్లుగా ఆ తర్వాత క్లాసెన్‌ తనదైన శైలిలో  చెలరేగిపోయాడు... భారీ ఛేదనలో ముంబై కొంత వరకు ప్రయత్నించినా లక్ష్యం మరీ పెద్దదైపోయింది... చివరకు సొంతగడ్డపై సన్‌రైజర్స్‌ విజయగర్జన చేసింది. ఓవరాల్‌గా టి20ల్లోనే అత్యధిక పరుగులు, అత్యధిక సిక్స్‌లు నమోదైన మ్యాచ్‌గా సన్‌రైజర్స్,  ముంబై ఇండియన్స్‌ మ్యాచ్‌ చరిత్ర పుటల్లోకి ఎక్కింది.    సాక్షి, హైదరాబాద్‌: సొంతగడ్డపై సన్‌రైజర్స్‌ హైదరాబాద్‌ సత్తా చాటింది. ఉప్పల్‌ స్టేడియంలో ఐపీఎల్‌ 17వ సీజన్‌ తొలి మ్యాచ్‌లో కమిన్స్‌ బృందం ఘన విజయాన్ని అందుకుంది. బుధవారం జరిగిన పోరులో రైజర్స్‌ 31 పరుగుల తేడాతో ముంబై ఇండియన్స్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన సన్‌రైజర్స్‌ 20 ఓవర్లలో 3 వికెట్ల నష్టానికి 277 పరుగులు చేసింది. హెన్రిచ్‌ క్లాసెన్‌ (34 బంతుల్లో 80 నాటౌట్‌; 4 ఫోర్లు, 7 సిక్స్‌లు)... ‘ప్లేయర్‌ ఆఫ్‌ ద మ్యాచ్‌’ అభిషేక్‌ శర్మ (23 బంతుల్లో 63; 3 ఫోర్లు, 7 సిక్స్‌లు)... ట్రవిస్‌ హెడ్‌ (24 బంతుల్లో 62; 9 ఫోర్లు, 3 సిక్స్‌లు) విధ్వంసకర బ్యాటింగ్‌తో చెలరేగారు. అనంతరం ముంబై 20 ఓవర్లలో 5 వికెట్లకు 246 పరుగులు సాధించింది. ‘లోక్‌ బాయ్‌’ తిలక్‌ వర్మ (34 బంతుల్లో 64; 2 ఫోర్లు, 6 సిక్స్‌లు), టిమ్‌ డేవిడ్‌ (22 బంతుల్లో 42 నాటౌట్‌; 2 ఫోర్లు, 3 సిక్స్‌లు) రాణించారు.   వీర విధ్వంసం...  7, 11, 22, 5, 13, 23, 21, 15, 11, 20 (తొలి 10 ఓవర్లలో 148)... 13, 12, 7, 11, 11, 12, 18, 11, 13, 21 (తర్వాతి 10 ఓవర్లలో 129)... సన్‌రైజర్స్‌ ఇన్నింగ్స్‌ సాగిన తీరిది. ఓపెనర్‌ మయాంక్‌ అగర్వాల్‌ (11) విఫలం కాగా... మిగిలిన నలుగురు బ్యాటర్లు ముంబై బౌలర్లపై విరుచుకు పడ్డారు. అండర్‌–19 వరల్డ్‌ కప్‌లో ‘ప్లేయర్‌ ఆఫ్‌ ద టోర్నీ’గా నిలిచి తొలి ఐపీఎల్‌ మ్యాచ్‌ ఆడుతున్న 18 ఏళ్ల క్వెనా మఫాకా వీరిలో ముందుగా బలయ్యాడు. అతని తొలి ఓవర్లో వరుసగా 6, 6, 4, 4 బాదిన హెడ్‌... హార్దిక్‌ ఓవర్లో వరుసగా 3 ఫోర్లు కొట్టాడు. కొయెట్జీ ఓవర్లోనూ వరుసగా 4, 4, 6 బాదిన హెడ్‌ 18 బంతుల్లో అర్ధసెంచరీ పూర్తి చేసుకున్నాడు. చావ్లా వేసిన తర్వాతి ఓవర్లో అభిషేక్‌ 3 భారీ సిక్సర్లతో స్వాగతం పలికాడు. హెడ్‌ వెనుదిరిగిన తర్వాత అభిషేక్‌ మరింత చెలరేగిపోయాడు. మఫాకా ఓవర్లో వరుసగా 4, 6, 6, 4 కొట్టిన అతను 16 బంతులకే హాఫ్‌ సెంచరీ మార్క్‌ను చేరుకున్నాడు.  11వ ఓవర్‌ చివరి బంతికి అభిషేక్‌ అవుట్‌ కాగా... తర్వాతి 9 ఓవర్ల బాధ్యతను క్లాసెన్‌ తీసుకున్నాడు. మిత్రుడు మార్క్‌రమ్‌ (28 బంతుల్లో 42 నాటౌట్‌; 2 ఫోర్లు, 1 సిక్స్‌) సహకారంతో అతను సిక్సర్లతోనే పరుగులు రాబడుతూ దూసుకుపోయాడు. మఫాకా ఓవర్లో 2 ఫోర్లు, సిక్స్‌ కొట్టిన అతను 23 బంతుల్లో హాఫ్‌ సెంచరీ సాధించాడు. 14.4 ఓవర్లలోనే జట్టు స్కోరు 200 పరుగులు దాటింది. తన తొలి 3 ఓవర్లలో 23 పరుగులు ఇచ్చి ఒకింత మెరుగైన ప్రదర్శన ఇచ్చిన బుమ్రా కూడా తన చివరి ఓవర్లో క్లాసెన్‌ జోరుకు 13 పరుగులు ఇచ్చుకున్నాడు. ములానీ వేసిన ఆఖరి ఓవర్లోనూ వరుసగా 4, 6, 6 బాదిన క్లాసెన్‌ ఐపీఎల్‌ చరిత్రలో అత్యధిక స్కోరును తన జట్టును అందించాడు. సన్‌రైజర్స్‌ హెడ్‌ స్థానంలో ఇంపాక్ట్‌ ప్లేయర్‌గా ఉమ్రాన్‌ మలిక్‌ను బరిలోకి దించింది.   తిలక్‌ వర్మ పోరాటం...  ఓవర్‌కు 13.9 పరుగులు... భారీ లక్ష్య ఛేదనలో ఈ రన్‌రేట్‌తో పరుగులు చేయాల్సిన స్థితిలో ముంబై బ్యాటింగ్‌కు దిగింది. ఓపెనింగ్, ఆ తర్వాత మూడో వికెట్‌ భాగస్వామ్యాలు దూకుడుగానే సాగినా... ఇది సరిపోలేదు. రోహిత్‌ శర్మ (12 బంతుల్లో 26; 1 ఫోర్, 3 సిక్స్‌లు), ఇషాన్‌ కిషన్‌ (13 బంతుల్లో 34; 2 ఫోర్లు, 4 సిక్స్‌లు) ధాటిగా ఆరంభించి తొలి వికెట్‌కు 20 బంతుల్లోనే 56 పరుగులు జోడించారు. ఉనాద్కట్‌ ఓవర్లో 2 సిక్స్‌లు, ఫోర్‌ కొట్టిన కిషన్‌... భువీ వేసిన తర్వాతి ఓవర్లో 3 సిక్స్‌లు, ఫోర్‌ బాదాడు. అయితే వీరిద్దరిని 10 పరుగుల వ్యవధిలో అవుట్‌ చేసి రైజర్స్‌ పైచేయి సాధించింది. ఆ తర్వాత తిలక్, నమన్‌ ధీర్‌ (14 బంతుల్లో 30; 2 ఫోర్లు, 2 సిక్స్‌లు) మరింత దూకుడు ప్రదర్శించారు. వీరిద్దరు 37 బంతుల్లోనే 84 పరుగులు జత చేశారు. నమన్‌ వెనుదిరిగాక, షహబాజ్‌ ఓవర్లో 3 భారీ సిక్సర్లు కొట్టిన తిలక్‌ 24 బంతుల్లో అర్ధసెంచరీ సాధించాడు. చివర్లో డేవిడ్, హార్దిక్‌ పాండ్యా (24) పోరాటం ఫలితమివ్వలేదు.    స్కోరు వివరాలు సన్‌రైజర్స్‌ హైదరాబాద్‌ ఇన్నింగ్స్‌: మయాంక్‌ (సి) డేవిడ్‌ (బి) పాండ్యా 11; హెడ్‌ (సి) నమన్‌ (బి) కొయెట్జీ 62; అభిషేక్‌ శర్మ (సి) నమన్‌ (బి) చావ్లా 63; మార్క్‌రమ్‌ (నాటౌట్‌) 42; క్లాసెన్‌ (నాటౌట్‌) 80; ఎక్స్‌ట్రాలు 19; మొత్తం (20 ఓవర్లలో 3 వికెట్లకు) 277. వికెట్ల పతనం: 1–45, 2–113, 3–161. బౌలింగ్‌: మఫాకా 4–0–66–0, పాండ్యా 4–0–46–1, బుమ్రా 4–0–36–0, కొయెట్జీ 4–0–57–1, చావ్లా 2–0–34–1, షమ్స్‌ ములానీ 2–0–33–0.   ముంబై ఇండియన్స్‌ ఇన్నింగ్స్‌: రోహిత్‌ (సి) అభిషేక్‌ (బి) కమిన్స్‌ 26; ఇషాన్‌ కిషన్‌ (సి) మార్క్‌రమ్‌ (బి) షహబాజ్‌ 34; నమన్‌ ధీర్‌ (సి) కమిన్స్‌ (బి) ఉనాద్కట్‌ 30; తిలక్‌ వర్మ (సి) మయాంక్‌ (బి) కమిన్స్‌ 64; పాండ్యా (సి) క్లాసెన్‌ (బి) ఉనాద్కట్‌ 24; టిమ్‌ డేవిడ్‌ (నాటౌట్‌) 42; షెఫర్డ్‌ (నాటౌట్‌) 15; ఎక్స్‌ట్రాలు 11;  మొత్తం (20 ఓవర్లలో 5 వికెట్లకు) 246. వికెట్ల పతనం: 1–56, 2–66, 3–150, 4–182, 5–224.  బౌలింగ్‌: భువనేశ్వర్‌ 4–0–53–0, ఉనాద్కట్‌ 4–0–47–2, షహబాజ్‌ 3–0–39–1, కమిన్స్‌ 4–0–35–2, ఉమ్రాన్‌ 1–0–15–0, మర్కండే 4–0–52–0.   523  ఓవరాల్‌ టి20 క్రికెట్‌లో అత్యధిక  పరుగులు నమోదైన మ్యాచ్‌గా హైదరాబాద్, ముంబై ఇండియన్స్‌ మ్యాచ్‌ నిలిచింది. గత ఏడాది మార్చి 26న సెంచూరియన్‌ పార్క్‌లో దక్షిణాఫ్రికా (18.5 ఓవర్లలో 259/4), వెస్టిండీస్‌ (20 ఓవర్లలో 258/5) జట్ల మధ్య జరిగిన మ్యాచ్‌లో ఏకంగా 517 పరుగులు నమోదయ్యాయి. ఇక ఐపీఎల్‌ మ్యాచ్‌ల విషయానికొస్తే 2010లో చెన్నై సూపర్‌ కింగ్స్‌ (246/5), రాజస్తాన్‌ రాయల్స్‌ (223/5) మ్యాచ్‌లో మొత్తం 469 పరుగులు వచ్చాయి.   38 హైదరాబాద్, ముంబై ఇండియన్స్‌ మ్యాచ్‌లో నమోదైన సిక్స్‌లు. ఒక టి20 మ్యాచ్‌లో ఇవే అత్యధికం. 2018లో అఫ్గానిస్తాన్‌ ప్రీమియర్‌ లీగ్‌లో భాగంగా లెజెండ్స్, కాబుల్‌ జ్వానన్‌ మ్యాచ్‌లో మొత్తం 37 సిక్స్‌లు వచ్చాయి.   148 ముంబైతో మ్యాచ్‌లో హైదరాబాద్‌ తొలి 10 ఓవర్లలో చేసిన పరుగులు. ఒక ఐపీఎల్‌ మ్యాచ్‌లో ఇవే అత్యధికం.  ఐపీఎల్‌లో నేడు రాజస్తాన్‌ X ఢిల్లీ  వేదిక: జైపూర్‌  రాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం 

ఐపీఎల్‌ 2024లో భాగంగా ముంబై ఇండియన్స్‌తో ఇవాళ (మార్చి 27) జరుగుతున్న మ్యాచ్‌లో సన్‌రైజర్స్‌ ఆటగాళ్లు ఆకాశమే హద్దుగా చెలరేగిపోతున్నారు. ఈ మ్యాచ్‌లో టాస్‌ ఓడి ముంబై ఇండియన్స్‌ ఆహ్వానం మేరకు తొలుత బ్యాటింగ్‌కు దిగిన సన్‌రైజర్స్‌ వీర లెవెల్లో విధ్వంసం సృష్టిస్తున్నారు. తొలుత ఓపెనర్‌ ట్రవిస్‌ హెడ్‌ 18 బంతుల్లోనే హాఫ్‌ సెంచరీ పూర్తి చేసి, ఐపీఎల్‌ చరిత్రలో సన్‌రైజర్స్‌ తరఫున వేగవంతమైన హాఫ్‌ సెంచరీ నమోదు చేయగా.. నిమిషాల వ్యవధిలోనే ఆ రికార్డును అభిషేక్‌ శర్మ బద్దలు కొట్టాడు. అభిషేక్‌ కేవలం 16 బంతుల్లోనే హాఫ్‌ సెంచరీ పూర్తి చేసి హెడ్‌ రికార్డును బద్దలు కొట్టాడు. హెడ్‌, అభిషేక్‌ శివాలెత్తడంతో పవర్‌ ప్లేల్లో అత్యధిక టీమ్‌ స్కోర్‌ను (81/1) నమోదు చేసిన సన్‌రైజర్స్‌.. ఐపీఎల్‌లో 10 ఓవర్ల తర్వాత అత్యధిక టీమ్‌ స్కోర్‌ (148/2) రికార్డును కూడా తమ ఖాతాలో వేసుకుంది. ఈ మ్యాచ్‌లో హెడ్‌ 24 బంతులు ఎదుర్కొని 9 ఫోర్లు, 3 సిక్సర్ల సాయంతో 62 పరుగులు చేయగా.. అభిషేక్‌ 23 బంతుల్లో 3 ఫోర్లు, 7 సిక్సర్ల సాయంతో 63 పరుగులు చేశాడు. 13 ఓవర్ల తర్వాత సన్‌రైజర్స్‌ స్కోర్‌ 161/3గా ఉంది. అంతకుముందు మయాంక్‌ అగర్వాల్‌ 13 బంతుల్లో బౌండరీ సాయంతో 11 పరుగులు చేసి హార్దిక్‌ బౌలింగ్‌ ఔటయ్యాడు. హార్దిక్‌, పియుశ్‌ చావ్లా, కొయెట్జీ తలో వికెట్‌ పడగొట్టారు. 

ఐపీఎల్‌ 2024లో భాగంగా ముంబై ఇండియన్స్‌తో ఇవాళ (మార్చి 27) జరిగిన మ్యాచ్‌లో సన్‌రైజర్స్‌ ఓపెనర్‌ ట్రవిస్‌ హెడ్‌ శివాలెత్తిపోయాడు. కేవలం 18 బంతుల్లోనే హాఫ్‌ సెంచరీ పూర్తి చేశాడు. ఐపీఎల్‌ చరిత్రలో సన్‌రైజర్స్‌ తరఫున ఇదే వేగవంతమైన హాఫ్‌ సెంచరీ. ఐపీఎల్‌లో ముంబై ఇండియన్స్‌పై ఇది రెండో వేగవంతమైన హాఫ్‌ సెంచరీ.  ముంబైపై వేగవంతమైన హాఫ్‌ సెంచరీ రికార్డు పాట్‌ కమిన్స్‌ పేరిట ఉంది. 2022 సీజన్‌లో కమిన్స్‌ కేకేఆర్‌ తరఫున ఆడుతూ ముంబై ఇండియన్స్‌పై 14 బంతుల్లోనే హాఫ్‌ సెంచరీ పూర్తి చేశాడు. 2018 సీజన్‌లో పంత్‌ (ఢిల్లీ) ముంబైపై 18 బంతుల్లో ఫిఫ్టి పూర్తి చేశాడు. తాజాగా హెడ్‌.. పంత్‌ రికార్డును సమం చేశాడు.  A 𝙃𝙚𝙖𝙙 𝙎𝙩𝙖𝙧𝙩 for @SunRisers 🧡 Travis Head is back in #TATAIPL & how! 🔥 Follow the match ▶️https://t.co/oi6mgyCP5s #SRHvMI pic.twitter.com/VYeXa36Ptt — IndianPremierLeague (@IPL) March 27, 2024 ఈ మ్యాచ్‌లో ఓవరాల్‌గా 24 బంతులు ఎదుర్కొన్న హెడ్‌ 9 ఫోర్లు, 3 సిక్సర్ల సాయంతో 62 పరుగులు చేసి ఔటయ్యాడు. హెడ్‌ పేట్రేగిపోవడంతో సన్‌రైజర్స్‌ పవర్‌ ప్లేల్లో తమ అత్యధిక స్కోర్‌ను (81/1) నమోదు చేసింది. మరో ఎండ్‌లో అభిషేక్‌ శర్మ కూడా రెచ్చిపోతున్నాడు. ఇన్నింగ్స్‌ ఏడో ఓవర్‌లో 3 సిక్సర్లు కొట్టిన అభిషేక్‌.. ఎనిమిదో ఓవర్‌లో వరుసగా రెండు బౌండరీలు బాది జోరుమీదున్నాడు. 8 ఓవర్ల తర్వాత సన్‌రైజర్స్‌ స్కోర్‌ 117/2గా ఉంది. అభిషేక్‌తో పాటు మార్క్రమ్‌ (4) క్రీజ్‌లో ఉన్నాడు. ఈ మ్యాచ్‌లో ముంబై టాస్‌ గెలిచి సన్‌రైజర్స్‌ను బ్యాటింగ్‌కు ఆహ్వానించి మూల్యం చెల్లించుకుంది.

ఐపీఎల్‌-2024 సీజన్‌ ఆరంభానికి కేవలం 4 రోజుల సమయం మాత్రమే మిగిలి ఉంది.  మార్చి 22న చెపాక్‌ వేదికగా ఆర్సీబీ, సీఎస్‌కే మధ్య జరగనున్న మ్యాచ్‌తో ఈ ధనాధన్‌ లీగ్‌కు తెరలేవనుంది. ఈ క్రమంలో ఆటగాళ్లు ఒక్కొర్కిగా  ఆయా ఫ్రాంచైజీలతో కలుస్తున్నారు. ఇప్పటికే భారత స్టార్‌ బ్యాటర్‌ విరాట్‌ కోహ్లి ఆర్సీబీ జట్టుతో చేరగా.. తాజాగా ఆసీస్‌ సూపర్‌ స్టార్‌ ట్రావిస్‌ హెడ్‌ సన్‌రైజర్స్‌ హైదరాబాద్‌ జట్టుతో కలిశాడు. ఇందుకు సంబంధించిన ఫోటోలు, వీడియోలు సోషల్‌ మీడియాలో వైరలవతున్నాయి. కాగా ఐపీఎల్ 2024 వేలంలో ట్రావిస్ హెడ్‌ను రూ.6.8 కోట్ల భారీ ధరకు ఎస్‌ఆర్‌హెచ్‌ కొనుగోలు చేసింది. హెడ్‌ ప్రస్తుతం అద్బుతమైన ఫామ్‌లో ఉన్నాడు. ఫార్మాట్‌తో సంబంధం లేకుండా అదరగొడుతున్నాడు. గతేడాది జరిగిన వన్డే వరల్డ్‌కప్‌ను ఆసీస్‌ కైవసం చేసుకోవడంలో హెడ్‌ది కీలక పాత్ర. భారత్‌తో జరిగిన ఫైనల్లో సెంచరీతో చెలరేగిన హెడ్‌ ఆరోసారి తన జట్టును విశ్వవిజేతగా నిలిపాడు. ఇప్పుడు ఐపీఎల్‌లో కూడా ఈ ఆసీస్‌ స్టార్‌ మెరుపులు మెరిపించాలని సన్‌రైజర్స్‌ ఫ్యాన్స్‌ కోరుకుంటున్నారు. ఇక ఈ ఏడాది సీజన్‌లో ఎస్‌ఆర్‌హెచ్‌ తమ తొలి మ్యాచ్‌లో మార్చి 23న కోల్‌కతా నైట్‌రైడర్స్‌తో తలపడనుంది.   

న్యూజిలాండ్‌ స్టార్‌ బౌలర్‌ ట్రెంట్‌ బౌల్ట్‌కు పునరాగమనంలో చేదు అనుభవం ఎదురైంది. దాదాపు ఏడాదిన్నర విరామం తర్వాత కివీస్‌ తరఫున పొట్టి ఫార్మాట్లో రీఎంట్రీ ఇచ్చిన ఈ లెఫ్టార్మ్‌ పేసర్‌ బౌలింగ్లో.. ఆస్ట్రేలియా బ్యాటర్‌ ట్రవిస్‌ హెడ్‌ చితక్కొట్టాడు. కాగా కివీస్‌ పర్యటనలో భాగంగా ఆసీస్‌ ఆతిథ్య జట్టుతో మూడు మ్యాచ్‌ల టీ20 సిరీస్‌లో 1-0తో ఆధిక్యంలో ఉంది. ఈ క్రమంలో ఇరు జట్ల మధ్య శుక్రవారం నాటి రెండో టీ20కి అక్లాండ్‌ వేదికైంది. ఈడెన్‌ పార్క్‌ మైదానంలో టాస్‌ గెలిచిన న్యూజిలాండ్‌ తొలుత ఫీల్డింగ్‌ ఎంచుకుంది. ఈ నేపథ్యంలో కివీస్‌ బౌలింగ్‌ అటాక్‌ మొదలుపెట్టిన ట్రెంట్‌ బౌల్ట్‌కు దిమ్మతిరిగే షాకిచ్చాడు ఆసీస్‌ ఓపెనర్‌ ట్రవిస్‌ హెడ్‌. మొదటి ఓవర్‌ తొలి బంతినే ఫోర్‌గా మలిచిన హెడ్‌.. ఆ తర్వాత పరుగు తీయలేకపోయినా.. మరుసటి బంతికి సిక్సర్‌ బాదాడు. అదే జోరును కొనసాగిస్తూ వరుసగా మరో సిక్స్‌, ఫోర్‌ కొట్టాడు. ఇలా బౌల్ట్‌ బౌలింగ్లో ఒక్క ఓవర్లోనే 20 పరుగులు పిండుకున్నాడు. ఇక ఈ మ్యాచ్‌లో మొత్తంగా 4 ఓవర్ల బౌలింగ్‌లో బౌల్ట్‌ ఏకంగా 49 పరుగులు ఇచ్చి ఒక్క వికెట్‌ కూడా తీయలేకపోయాడు. కాగా న్యూజిలాండ్‌తో రెండో టీ20లో ఆస్ట్రేలియా 19.5 ఓవర్లలో 174 పరుగులు చేసి ఆలౌట్‌ అయింది. ఓపెనర్‌ ట్రవిస్‌ హెడ్‌ (22 బంతుల్లో 45), కెప్టెన్‌ మిచెల్‌ మార్ష్‌(26), ప్యాట్‌ కమిన్స్‌(28) మాత్రమే చెప్పుకోదగ్గ స్కోర్లు చేశారు. కివీస్‌ బౌలర్లలో లాకీ ఫెర్గూసన్‌ అత్యధికంగా 4 వికెట్లు తీయగా.. ఆడం మిల్నే, బెన్‌ సియర్స్‌, మిచెల్‌ సాంట్నర్‌ తలా రెండు వికెట్లు తీశారు. ఇదిలా ఉంటే.. ప్రపంచవ్యాప్తంగా లీగ్‌ క్రికెట్‌ ఆడే క్రమంలో సెంట్రల్‌ కాంట్రాక్ట్‌ వదులుకున్న బౌల్ట్‌ కొన్నాళ్లుగా జాతీయ జట్టుకు దూరమయ్యాడు. 2022 నవంబరులో కివీస్‌ తరఫున ఆఖరి టీ20 ఆడిన బౌల్ట్‌.. 2023లో వన్డే ఆడాడు. ఈ క్రమంలో ఆసీస్‌తో రెండో టీ20 సందర్భంగా టిమ్‌ సౌతీ స్థానంలో జట్టులోకి వచ్చాడు.

టెస్ట్‌ల్లో వరల్డ్‌ ఛాంపియన్‌ ఆస్ట్రేలియా వరుసగా నాలుగో విజయం​ సాధించింది. ఇటీవలే స్వదేశంలో పాక్‌ను 3-0 తేడాతో క్లీన్‌ స్వీప్‌ చేసిన ఛాంపియన్‌ టీమ్‌.. తాజాగా అడిలైడ్‌లో జరిగిన టెస్ట్‌ల్లో (తొలి) విండీస్‌ను 10 వికెట్ల తేడాతో చిత్తు చేసి, రెండు మ్యాచ్‌ల సిరీస్‌లో 1-0 ఆధిక్యంలోకి వెళ్లింది. హాజిల్‌వుడ్‌ (9/79), ట్రవిస్‌ హెడ్‌ (119) విజృంభించడంతో మ్యాచ్‌ కేవలం మూడు రోజుల్లోనే ముగిసింది. కఠినమైన పిచ్‌పై అద్భుత సెంచరీ చేసిన ట్రవిస్‌ హెడ్‌కు ప్లేయర్‌ ఆఫ్‌ ది మ్యాచ్‌ అవార్డు లభించింది.  ఈ మ్యాచ్‌లో తొలుత బ్యాటింగ్‌ చేసిన విండీస్‌.. హాజిల్‌వుడ్‌ (4/44), కమిన్స్‌ (4/41) ధాటి​కి తొలి ఇన్నింగ్స్‌లో 188 పరుగులకే చాపచుట్టేసింది. విండీస్‌ ఇన్నింగ్స్‌లో కిర్క్‌ మెక్‌కెంజీ (50), 11వ నంబర్‌ ఆటగాడు షమార్‌ జోసఫ్‌ (36) మాత్రమే ఓ మోస్తరుగా రాణించారు. అనంతరం తొలి ఇన్నింగ్స్‌ ప్రారంభించిన ఆసీస్‌.. ట్రవిస్‌ హెడ్‌ సెంచరీతో కదంతొక్కడంతో 283 పరుగులకు ఆలౌటైంది. హెడ్‌ మినహా ఆసీస్‌ ఇన్నింగ్స్‌లో ఎవరూ చెప్పుకోదగ్గ స్కోర్‌ చేయలేదు. విండీస్‌ ఆరంగేట్రం​ పేసర్‌ షమార్‌ జోసఫ్‌ (5/94) ఆసీస్‌ను  దెబ్బతీశాడు.  95 పరుగులు వెనుకపడి సెకెండ్‌ ఇన్నింగ్స్‌ ప్రారంభించిన విండీస్‌ను హాజిల్‌వుడ్‌ మరోసారి దారుణంగా దెబ్బకొట్టాడు. హాజిల్‌వుడ్‌ ఈసారి ఐదు వికెట్ల ప్రదర్శనతో విజృంభించడంతో విండీస్‌ 120 పరుగులకే కుప్పకూలింది. విండీస్‌ ఇన్నింగ్స్‌లో కిర్క్‌ మెక్‌కెంజీ (26) టాప్‌ స్కోరర్‌గా నిలిచాడు. 26 పరుగుల స్వల్ప లక్ష్యాన్ని ఛేదించేందుకు బరిలోకి దిగిన ఆసీస్‌.. ఆడుతూపాడుతూ వికెట్‌ నష్టపోకుండా విజయతీరాలకు చేరింది. స్టీవ్‌ స్మిత్‌ 11, లబూషేన్‌ 1 పరుగుతో అజేయంగా నిలిచారు. ఉస్మాన్‌ ఖ్వాజా (9) రిటైర్డ్‌ హర్ట్‌గా వెనుదిరిగాడు. ఈ సిరీస్‌లో రెండో టెస్ట్‌  జనవరి 25 నుంచి ప్రారంభమవుతుంది.

రెండు మ్యాచ్‌ల టెస్ట్‌ సిరీస్‌లో భాగంగా అడిలైడ్‌ వేదికగా వెస్టిండీస్‌తో జరుగుతున్న తొలి టెస్ట్‌లో ఆస్ట్రేలియా 95 పరుగుల విలువైన తొలి ఇన్నింగ్స్‌ ఆధిక్యాన్ని సాధించింది. ట్రావిస్‌ హెడ్‌ (119) సెంచరీతో కదంతొక్కడంతో ఆసీస్‌ తొలి ఇన్నింగ్స్‌లో 283 పరుగులు చేసి ఆలౌటైంది. హెడ్‌ మినహా ఆసీస్‌ ఇన్నింగ్స్‌లో ఎవరూ రాణించలేకపోయారు. వన్డే వరల్డ్‌కప్‌ ఫైనల్లో భారత్‌పై సెంచరీ తర్వాత హెడ్‌కు ఇదే తొలి సెంచరీ కావడం విశేషం. ఈ ఇన్నింగ్స్‌లో 15వ పరుగుతో​ హెడ్‌ టెస్ట్‌ల్లో మూడు వేల పరుగులు పూర్తి చేశాడు. ఉస్మాన్‌ ఖ్వాజా (45), నాథన్‌ లయోన్‌ (24) ఓ మోస్తరు స్కోర్లు చేయగా.. స్టీవ్‌ స్మిత్‌ 12, లబూషేన్‌ 10, కెమరూన్‌ గ్రీన్‌ 14, మిచెల్‌ మార్ష్‌ 5, అలెక్స్‌ క్యారీ 15, మిచెల్‌ స్టార్క్‌ 10, పాట్‌ కమిన్స్‌ 12 స్వల్ప స్కోర్లకు పరిమితమయ్యారు. విండీస్‌ అరంగేట్రం పేసర్‌ షమార్‌ జోసఫ్‌ అద్భుతంగా బౌలింగ్‌ చేసి ఐదు వికెట్ల ప్రదర్శనను నమోదు చేయగా.. కీమర్‌ రోచ్‌, మరో అరంగ్రేటం బౌలర్‌ జస్టిన్‌ గ్రీవ్స్‌ తలో రెండు వికెట్లు, అ‍ల్జరీ జోసఫ్‌ ఓ వికెట్‌ పడగొట్టారు. అనంతరం​ రెండో ఇన్నింగ్స్‌ ప్రారంభించిన విండీస్‌.. మూడో రెండో రోజు మూడో సెషన్‌ సమయానికి 3 వికెట్లు కోల్పోయి కేవలం 7 పరుగులు మాత్రమే చేసి, కష్టాల్లో చిక్కుకుంది. ఇంకా ఆ జట్టు ఆసీస్‌ తొలి ఇన్నింగ్స్‌ స్కోర్‌కు 88 పరుగులు వెనుకపడి ఉంది. తేజ్‌నరైన్‌ చంద్రపాల్‌, అలిక్‌ అథనాజ్‌ డకౌట్లు కాగా.. క్రెయిగ్‌ బ్రాత్‌వైట్‌ ఒక్క పరుగులు చేసి ఔటయ్యారు. కిర్క్‌ మెక్‌కెంజీ (5), కవెమ్‌ హాడ్జ్‌ క్రీజ్‌లో ఉన్నారు. విండీస్‌ను రెండో ఇన్నింగ్స్‌లో హాజిల్‌వుడ్‌ దారుణంగా దెబ్బతీశాడు. ఈ ఇన్నింగ్స్‌లో విండీస్‌ కోల్పోయిన మూడు వికెట్లు హాజిల్‌వుడే తీశాడు. అంతకుముందు విండీస్‌ను తొలి ఇన్నింగ్స్‌లోనూ హాజిల్‌వుడే (4/44) దెబ్బకొట్టాడు. హాజిల్‌, కమిన్స్‌​ (4/41) ధాటికి విండీస్‌ తొలి ఇన్నింగ్స్‌లో 188 పరుగులకే కుప్పకూలింది. మిచెల్‌ స్టార్క్‌, నాథన్‌ లయోన్‌ తలో వికెట్‌ పడగొట్టారు. విండీస్‌ ఇన్నింగ్స్‌లో వన్‌డౌన్‌ బ్యాటర్‌ కిర్క్‌ మెక్‌కెంజీ (50) ఒక్కడే అర్ధసెంచరీతో రాణించాడు. ఓపెనర్లు బ్రాత్‌వైట్‌ (13), తేజ్‌నరైన్‌ చంద్రపాల్‌ (6), అలిక్‌ అథనాజ్‌ (13), కవెమ్‌ హాడ్జ్‌ (12), జస్టిన్‌ గ్రీవ్స్‌ (5), జాషువ డిసిల్వ (6), అల్జరీ జోసఫ్‌ (14), మోటీ (1) నిరాశపర్చగా.. 11వ నంబర్‌ ఆటగాడు షమార్‌ జోసఫ్‌ (35) ఎంతో ఉపయోగకరమైన ఇన్నింగ్స్‌ ఆడి విండీస్‌ పరువు కాపాడాడు. 

ఐపీఎల్-2024 వేలానికి సమయం ఆసన్నమైన తరుణంలో టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ ఆసక్తికర వ్యాఖ్యలు చేశాడు. మంగళవారం(డిసెంబరు 19)నాటి వేలంలో భారీ ధరకు అమ్ముడుపోయే ఆటగాళ్లు వీరేనంటూ తన అంచనాలు తెలియజేశాడు. అయితే, ఈ వేలంలో హాట్‌కేక్‌గా మారతాడనుకున్న వన్డే వరల్డ్‌కప్‌-2023 హీరో ట్రవిస్‌ హెడ్‌ విషయంలో మాత్రం అశ్విన్‌ ట్విస్ట్‌ ఇవ్వడం విశేషం. అశ్విన్‌ అంచనా ప్రకారం.. దుబాయ్‌ వేదికగా జరుగునున్న క్యాష్‌ రిచ్‌ లీగ్‌ వేలంలో తమిళనాడు బ్యాటింగ్‌ ఆల్‌రౌండర్‌ షారుఖ్‌ ఖాన్‌ 10 -14 కోట్ల రూపాయలకు అమ్ముడుపోతాడు. న్యూజిలాండ్‌ ఆల్‌రౌండర్‌, ప్రపంచకప్‌-2023లో సెంచరీలతో విరుచుకుపడిన రచిన్‌ రవీంద్రకి రూ. 4- 7 కోట్ల మేర దక్కే అవకాశం ఉంది.   ఇక టీమిండియా బౌలర్‌ హర్షల్‌ పటేల్‌, వెస్టిండీస్‌ బ్యాటర్‌ రోవ్‌మన్‌ పావెల్‌, సౌతాఫ్రికా బౌలర్‌ గెరాల్డ్‌ కోయెట్జీలు రూ. 7- 10 కోట్ల మేర ధర పలికే ఛాన్స్‌ ఉంది. మరోవైపు.. ఆస్ట్రేలియా బ్యాటర్‌ ట్రవిస్‌ హెడ్‌ రేంజ్‌ మాత్రం రూ. 2- 4 కోట్ల మధ్యే ఉంటుందని అశ్విన్‌ అంచనా వేయడం గమనార్హం.  ఇదిలా ఉంటే.. టీమిండియా పేసర్‌ ఉమేశ్‌ యాదవ్ ఐపీఎల్‌-2024 వేలంలో రూ. 4- 7 కోట్లకు అమ్ముడుపోగలడని అశ్విన్‌ పేర్కొన్నాడు. అదేవిధంగా.. ఆస్ట్రేలియా స్టార్‌ పేసర్లు ప్యాట్‌ కమిన్స్‌, మిచెల్‌ స్టార్క్‌ మాత్రం రూ. 14 కోట్ల మార్కును దాటగలరని అశూ పేర్కొనడం విశేషం.  సోషల్‌ మీడియా వేదికగా ఈ మేరకు తన అంచనాలు తెలియజేసిన అశ్విన్‌.. క్రికెట్‌ షాట్ల రూపంలో ఎవరు ఎంత ధర పలికే అవకాశం ఉందని తెలియజేయడం మరో విశేషం. డిఫెన్స్‌ షాట్‌(రూ. 2-4 కోట్ల మధ్య), డ్రైవ్‌(రూ. 4-7), పుల్‌షాట్‌(రూ. 7- 10 కోట్లు), స్లాగ్‌(రూ. 10-14 కోట్లు), హెలికాప్టర్‌ షాట్‌(14+ కోట్లకు పైగా) అంటూ అశ్విన్‌ వివిధ రేంజ్‌ల మధ్య ఉంటారనుకున్న ప్లేయర్ల పేర్లను ఇలా షాట్లతో పోల్చి వెల్లడించాడు. ఇందుకు సంబంధించిన వీడియోపై లుక్కేయండి! View this post on Instagram A post shared by Ashwin (@rashwin99)

Australia vs Pakistan, 1st Test: పాకిస్తాన్‌తో తొలి టెస్టుకు ఆస్ట్రేలియా తమ తుది జట్టును ప్రకటించింది. షాన్‌ మసూద్‌ బృందంతో తలపడబోయే జట్టులో వెటరన్‌ స్పిన్నర్‌ నాథన్‌ లియోన్‌కు చోటిచ్చినట్లు తెలిపింది. కాగా మూడు మ్యాచ్‌ల టెస్టు సిరీస్‌ ఆడేందుకు పాకిస్తాన్‌ ఇప్పటికే ఆస్ట్రేలియాకు చేరుకుంది. కంగారూ వంటి పటిష్ట జట్టుతో పోరుకు సన్నద్ధమయ్యే క్రమంలో ప్రైమ్‌ మినిస్టర్స్‌ ఎలెవన్‌తో నాలుగు రోజుల వార్మప్‌ మ్యాచ్‌ కూడా ఆడింది. కాన్‌బెర్రాలోని మనుకా ఓవల్‌ వేదికగా జరిగిన ఈ మ్యాచ్‌ డ్రాగా ముగిసింది. ఇదిలా ఉంటే.. గురువారం (డిసెంబరు 14) నుంచి అసలైన సిరీస్‌ ఆరంభం కానుంది. వైస్‌ కెప్టెన్‌గా వరల్డ్‌కప్‌-2023 హీరో పెర్త్‌లో జరుగనున్న ఈ మ్యాచ్‌కు సంబంధించిన తమ తుది జట్టు ఇదేనంటూ ఆస్ట్రేలియా కెప్టెన్‌ ప్యాట్‌ కమిన్స్‌ బుధవారం వివరాలు వెల్లడించాడు. వన్డే వరల్డ్‌కప్‌-2023 ఫైనల్‌ హీరో ట్రవిస్‌ హెడ్‌ ఈ మ్యాచ్‌లో తనకు డిప్యూటీగా వ్యవహరించనున్నట్లు తెలిపాడు. మర్ఫీకి బైబై.. లియోన్‌ ఇన్‌ మాజీ సారథి స్టీవ్‌ స్మిత్‌తో కలిసి హెడ్‌.. కో-వైస్‌ కెప్టెన్‌గా ఉంటాడని కమిన్స్‌ పేర్కొన్నాడు. కాగా పాకిస్తాన్‌తో మ్యాచ్‌తో నాథన్‌ లియోన్‌ రీఎంట్రీ ఇవ్వనున్నాడు. యువ స్పిన్నర్‌ టాడ్‌ మర్ఫీ స్థానాన్ని అతడు భర్తీ చేయనున్నాడు. ఇక పాక్‌తో తొలి టెస్టులో ఆస్ట్రేలియా ముగ్గురు పేసర్లు, ఒక స్పిన్నర్‌తో బరిలోకి దిగనుంది. అదే విధంగా ఆల్‌రౌండర్‌ స్లాట్‌లో కామెరాన్‌ గ్రీన్‌తో పోటీ పడ్డ మిచెల్‌ మార్ష్‌వైపే మేనేజ్‌మెంట్‌ మొగ్గు చూపడంతో అతడు ఈ మ్యాచ్‌లో భాగం కానున్నాడు. ఇదిలా ఉంటే..  స్టార్‌ బ్యాటర్‌ ట్రవిస్‌ హెడ్‌ వైస్‌ కెప్టెన్‌ అయినప్పటికీ.. ఒకవేళ కమిన్స్‌ గైర్హాజరైతే ఈ మ్యాచ్‌లో కెప్టెన్‌గా స్టీవ్‌ స్మిత్‌కే తొలి ప్రాధాన్యం ఉంటుంది. పాకిస్తాన్‌తో తొలి టెస్టుకు ఆస్ట్రేలియా తుది జట్టు ఇదే: డేవిడ్ వార్నర్, ఉస్మాన్ ఖవాజా, మార్నస్ లబుషేన్, స్టీవ్ స్మిత్, ట్రవిస్ హెడ్, మిచెల్ మార్ష్, అలెక్స్ క్యారీ, మిచెల్ స్టార్క్, ప్యాట్‌ కమిన్స్ (కెప్టెన్), నాథన్ లియాన్, జోష్ హాజిల్‌వుడ్‌. చదవండి: Ind vs SA: అందుకే ఓడిపోయాం.. మాకు ఇదొక గుణపాఠం: సూర్యకుమార్‌

IPL 2024 Auction: ఐపీఎల్‌–2024 సీజన్‌ కోసం ఆటగాళ్ల వేలానికి సర్వం సిద్ధమైంది. ఈనెల 19న  దుబాయ్‌లో వేలం కార్యక్రమం జరుగుతుంది. మొత్తం 1166 మంది ఆటగాళ్లు నమోదు చేసుకున్నారు. ఈ నేపథ్యంలో.. ఫ్రాంచైజీలతో సంప్రదించాక ఐపీఎల్‌ గవర్నింగ్‌ కౌన్సిల్‌ 333 మందితో సోమవారం తుది జాబితాను ప్రకటించింది. ఇందులో 119 మంది విదేశీ ఆటగాళ్లు ఉన్నారు. ఫ్రాంచైజీల కళ్లన్నీ అతడిపైనే ఇక వన్డే వరల్డ్‌కప్‌లో ఆస్ట్రేలియాను విజేతగా నిలపడంలో కీలకపాత్ర పోషించిన ట్రావిస్‌ హెడ్‌పై ఫ్రాంచైజీలన్నీ కన్నేశాయి. కమిన్స్, మిచెల్‌ స్టార్క్‌లు కూడా ఆసీస్‌ తరఫున హాట్‌ కేక్‌లు కానున్నారు. ప్రపంచకప్‌లో సెమీఫైనలిస్టుగా నిలిచిన న్యూజిలాండ్‌ తరఫున మెరిసిన రచిన్‌ రవీంద్రపై కూడా కోట్లు కురిసే అవకాశాలున్నాయి. 77 స్థానాలు.. కేకేఆర్‌కు అత్యధికంగా అదే విధంగా.. ఫ్రాంచైజీల విషయానికొస్తే మొత్తం 10 జట్లకు కావాల్సింది 77 మంది ఆటగాళ్లయితే ఇందులో 30 విదేశీ బెర్తులున్నాయి. ఇందుకోసం రూ. 262.95 కోట్లు వెచ్చించాల్సి ఉంది. ఖాళీల పరంగా చూస్తే అత్యధికంగా కోల్‌కతా నైట్‌రైడర్స్‌ 12 మందిని కొనుక్కోవాల్సి ఉండగా... ఆ జట్టు చేతిలో రూ. 32.70 కోట్లు అందుబాటులో ఉన్నాయి. టైటాన్స్‌ వద్ద  రూ.38.15 కోట్లు ఇక అత్యధిక మొత్తం రూ.38.15 కోట్లు గుజరాత్‌ వద్ద ఉంటే వారికి 8 మంది ఆటగాళ్లు కావాలి. కనిష్ట మొత్తం రూ. 13.15 కోట్లు లక్నో సూపర్‌ జెయింట్స్‌ ఖాతాలో ఉండగా... వారు ఆరు బెర్తుల్ని భర్తీ చేసుకోవాల్సి ఉంటుంది. బరిలో ఉ‍న్న తెలుగు క్రికెటర్లు వీరే! మరోవైపు.. ధోని టీమ్‌ చెన్నై ఖాతాలో రూ. 31.40 కోట్లు, కోహ్లి జట్టు బెంగళూరు ఖాతాలో రూ. 23.25 కోట్లు అందుబాటులో ఉండగా ఇరుజట్లకు ఆరుగురు చొప్పున ఖాళీలున్నాయి. ఇక హైదరాబాద్‌ నుంచి అభిషేక్‌ మురుగన్, రాహుల్‌ బుద్ధి, రోహిత్‌ రాయుడు, అనికేత్‌ రెడ్డి, రవితేజ, తనయ్‌ త్యాగరాజన్, అరవెల్లి అవినాశ్‌రావు, రక్షణ్‌ రెడ్డి, మనీశ్‌ రెడ్డి... ఆంధ్ర నుంచి కోన శ్రీకర్‌ భరత్, రికీ భుయ్, హనుమ విహారి, పృథ్వీరాజ్‌ వేలంలో ఉన్నారు.       జట్టు-    ఖాళీల సంఖ్య -   మిగిలిన మొత్తం  ►చెన్నై-         6-                   రూ. 31.4 కోట్లు  ►ఢిల్లీ-           9 -                  రూ. 28.95 కోట్లు  ►గుజరాత్‌-     8-                  రూ. 38.15 కోట్లు  ►కోల్‌కతా -     12-                 రూ. 32.7 కోట్లు  ►లక్నో-          6  -                రూ. 13.15 కోట్లు  ►ముంబై -      8 -                 రూ. 17.75 కోట్లు  ►పంజాబ్‌-     8-                   రూ. 29.1 కోట్లు  ►బెంగళూరు-    6 -               రూ. 23.25 కోట్లు  ►రాజస్తాన్‌ -      8-                రూ. 14.5 కోట్లు  ►హైదరాబాద్‌-    6-              రూ. 34 కోట్లు  ►మొత్తం-          77-             రూ. 262.95 కోట్లు  

2023 నవంబర్‌ నెల ప్లేయర్‌ ఆఫ్‌ ద మంత్‌ అవార్డుల వివరాలను ఐసీసీ కొద్దిసేపటి క్రితమే ప్రకటించింది. పురుషుల విభాగానికి సంబంధించి ఈ అవార్డును వరల్డ్‌కప్‌ హీరో, ఆసీస్‌ ఆటగాడు ‍ట్రవిస్‌ హెడ్‌ దక్కించుకోగా.. మహిళల విభాగంలో బంగ్లాదేశ్‌ యువ స్పిన్నర్‌ నహీద అక్తర్‌ ఈ అవార్డును గెలుచుకుంది. పురుషుల విభాగంలో ప్లేయర్‌ ఆఫ్‌ ద మంత్‌ అవార్డు కోసం ట్రవిస్‌ హెడ్‌, మొహమ్మద్‌ షమీ, గ్లెన్‌ మ్యాక్స్‌వెల్‌ మధ్య తీవ్రపోటీ జరిగినప్పటికీ.. అంతింమంగా హెడ్‌నే అవార్డు వరించింది. వరల్డ్‌కప్‌ సెమీస్‌లో (2 వికెట్లు, 62 పరుగులు), ఫైనల్లో (రోహిత్‌ శర్మ క్యాచ్‌తో పాటు 137 పరుగులు) అద్భుత ప్రదర్శనల కారణంగా మెజార్టీ శాతం ఓట్లు హెడ్‌కే దక్కాయి. 29 ఏళ్ల హెడ్‌కు ఇది తొలి ప్లేయర్‌ ఆఫ్‌ ద మంత్‌ అవార్డు కాగా.. ఆసీస్‌ తరఫున వార్నర్‌ తర్వాత ఈ అవార్డు దక్కించుకున్న ఆటగాడు హెడే కావడం మరో విశేషం.  మహిళల ప్లేయర్‌ ఆఫ్‌ ద మంత్‌ అవార్డు విషయానికొస్తే.. ఈ అవార్డు కోసం బంగ్లాదేశ్‌ యువ క్రికెటర్‌ నహీద అక్తర్‌.. సహచర క్రికెటర్‌ ఫర్జానా హాక్‌, పాక్‌ స్పిన్నర్‌ సైదా ఇక్బాల్‌ నుంచి పోటీ ఎదుర్కొంది. అయితే నవంబర్‌ నెలలో విండీస్‌తో జరిగిన వన్డే సిరీస్‌లో అద్భుత ప్రదర్శనకు (14.14 సగటున 7 వికెట్లు) గానూ నహీద ఈ అవార్డును ఎగరేసుకుపోయింది. విండీస్‌తో సిరీస్‌లో నహీద ప్లేయర్‌ ఆఫ్‌ సిరీస్‌ అవార్డును సైతం సొంతం చేసుకుంది. ప్లేయర్‌ ఆఫ్‌ ద మంత్‌ అవార్డు గెలుచుకున్న తొలి బంగ్లాదేశీ మహిళా క్రికెటర్‌ నహీదానే కావడం విశేషం.   

వన్డే వరల్డ్‌కప్‌లో ఆస్ట్రేలియా స్టార్‌ ఓపెనర్‌ ట్రావిస్‌ హెడ్‌ అద్భుతమైన ప్రదర్శన కనబరిచాడు. ఆసీస్‌ ఆరోసారి వరల్డ్‌ ఛాంపియన్స్‌గా నిలవడంలో హెడ్‌ది కీలక పాత్ర. . భారత్‌తో జరిగిన ఫైనల్లో 137 పరుగులతో హెడ్‌ కీలక ఇన్నింగ్స్‌ ఆడాడు. ఓవరాల్‌గా మెగా టోర్నీలో కేవలం 5 మ్యాచ్‌లు మాత్రమే ఆడిన హెడ్‌​.. 44 సగటుతో 220 పరుగులు చేశాడు. కాగా ఈ వరల్డ్‌కప్‌ హీరో ఐపీఎల్‌-2024 మినీ వేలంలో రూ.2 కోట్ల కనీస తన పేరును రిజిస్టర్‌ చేసుకున్నాడు. అద్భుత ఫామ్‌లో ఉన్న అతడి కోసం ఫ్రాంచైజీలు కాసుల వర్షం కురిపించే అవకాశం ఉంది. ఈ నేపథ్యంలో భారత మాజీ ఓపెనర్‌ ఆకాష్‌ చోప్రా ఆసక్తికర వ్యాఖ్యలు చేశాడు. వేలంలో ట్రావిస్‌ హెడ్‌ను దక్కించుకోవడానికి పంజాబ్‌ కింగ్స్‌ ఫ్రాంచైజీ ప్రయత్నించాలని అకాష్‌ చోప్రా అభిప్రాయపడ్డాడు.  "మిని వేలంలో పంజాబ్‌ కింగ్స్‌ అఫ్గాన్‌ ఆల్‌రౌండర్‌ అజ్మతుల్లా ఒమర్జాయ్ కోసం ప్రయత్నించనున్నట్లు తెలుస్తోంది. సామ్‌​ కుర్రాన్‌ స్ధానంలో అతడిని ఆడించే ఛాన్స్‌ ఉంది. నా వరకు అయితే కుర్రాన్‌ కంటే ఒమర్జాయ్ బాగా రాణిస్తాడని అనుకుంటున్నాను. అయితే ఒమర్జాయ్‌తో పాటు ట్రావిడ్‌ హెడ్‌ కోసం కూడా పంజాబ్‌ ట్రై చేయాలి. అతడు జానీ బెయిర్‌స్టోకు హెడ్‌ ప్రత్యామ్నయంగా ఉంటాడు. అతడికి బ్యాటింగ్‌తో పాటు బౌలింగ్‌ చేసే స్కిల్‌ కూడా ఉంది. అదే విధంగా భారత బౌలర్‌ కావాలనుకుంటే లార్డ్ శార్ధూల్‌ ఠాకూర్ కూడా అందుబాటులో ఉన్నాడు" అని తన యూట్యాబ్‌ ఛానల్‌లో చోప్రా పేర్కొన్నాడు. కాగా ఐపీఎల్‌-2024 మినీవేలం డిసెంబర్‌ 19న దుబాయ్‌ వేదికగా జరగనుంది. చదవండి: World Cup 2023: వన్డే వరల్డ్‌కప్‌ ఫైనల్‌ పిచ్‌కు ఐసీసీ రేటింగ్‌.. ఎంతంటే?

నవంబర్‌ నెలకు గానూ ప్లేయర్‌ ఆఫ్‌ది మంత్‌ అవార్డుకు నామినేట్‌ అయిన ఆటగాళ్ల జాబితాను అంతర్జాతీయ క్రికెట్ కౌన్సిల్ గురువారం ప్రకటించింది. పురుషుల విభాగంలో ఈ అవార్డు కోసం ముగ్గురు ఆటగాళ్లను ఐసీసీ షార్ట్‌లిస్ట్‌ చేసింది. ఈ లిస్ట్‌లో వన్డే వరల్డ్‌కప్‌-2023 హీరోలు టీమిండియా వెటరన్‌ పేసర్‌ మహ్మద్‌ షమీ, ఆసీస్‌ స్టార్‌ ఓపెనర్‌ ట్రావిస్‌ హెడ్‌, ఆల్‌రౌండర్‌ గ్లెన్‌ మాక్స్‌వెల్‌ ఉన్నారు. భారత్‌ వేదికగా జరిగిన వన్డే ప్రపంచకప్‌లో వీరిముగ్గురు దుమ్మురేపారు.  మహ్మద్‌ షమీ.. వన్డే ప్రపంచకప్‌ టోర్నీ లీడింగ్‌ వికెట్‌ టేకర్‌గా షమీ నిలిచాడు. ఈ మెగా టోర్నీలో కేవలం 7 మ్యాచ్‌లు మాత్రమే ఆడిన షమీ.. 24 వికెట్లు పడగొట్టి సత్తాచాటాడు. ఈ క్రమంలోనే అతడిని ప్లేయర్‌ ఆఫ్‌ది మంత్‌ అవార్డుకు ఐసీసీ నామినేట్‌ చేసింది. ట్రావిస్‌ హెడ్‌.. ఆస్ట్రేలియా ఆరోసారి వరల్డ్‌ ఛాంపియన్స్‌గా నిలవడంలో ట్రావిస్‌ హెడ్‌ది కీలక పాత్ర. భారత్‌తో జరిగిన ఫైనల్లో హెడ్‌ 137 పరుగులతో అద్బుత ఇన్నింగ్స్‌ ఆడాడు. ఈ టోర్నీలో కేవలం 5 మ్యాచ్‌లు మాత్రమే ఆడిన హెడ్‌.. 44 సగటుతో 220 పరుగులు చేశాడు. గ్లెన్‌ మాక్స్‌వెల్‌.. వన్డే వరల్డ్‌కప్‌తో పాటు టీమిండియాతో జరిగిన టీ20 సిరీస్‌లో మాక్స్‌వెల్‌ దుమ్మురేపాడు. ప్రపంచకప్ టోర్నీలో అఫ్గానిస్తాన్‌తో జరిగిన మ్యాచ్‌లో విధ్వంసకర డబుల్‌ సెంచరీతో మాక్సీ చెలరేగాడు. ఓడిపోవాల్సిన మ్యాచ్‌ను ఒంటి చేత్తో మాక్సీ గెలిపించాడు. అదే విధంగా గౌహతి వేదికగా భారత్‌తో జరిగిన మూడో టీ20లో కూడా ​మెరుపు శతకంతో విరుచుకుపడ్డాడు. చదవండి: T20 WC 2024: టీ20 వరల్డ్‌కప్‌కు కోహ్లి దూరం.. విధ్వంసకర ఆటగాడికి ఛాన్స్‌!?

ఈ ఏడాది డిసెంబర్‌ 19న జరిగే ఐపీఎల్‌ 2024 వేలంలో వరల్డ్‌కప్‌-2023 హీరోలకు ఫుల్‌ డిమాండ్‌ ఉంటున్నది కాదనలేని సత్యం. దుబాయ్‌ వేదికగా జరిగే ఈ మెగా ఆక్షన్‌లో న్యూజిలాండ్‌కు చెందిన రచిన్‌ రవీంద్ర, ఆసీస్‌ స్టార్‌ బ్యాటర్‌ ట్రవిస్‌ హెడ్‌ల కోసం ఫ్రాంచైజీల మధ్య తీవ్రమైన పోటీ నెలకొనే అవకాశం ఉంది.  భారత్‌ వేదికగా కొద్ది రోజుల క్రితం జరిగిన వరల్డ్‌కప్‌లో రచిన్‌ బ్యాట్‌తో చెలరేగిపోయిన విషయం తెలిసిందే. భారత్‌ మూలాలున్న రచిన్‌ తన పెద్దల సొంతగడ్డపై పరుగుల వరద పారించాడు. ఈ టోర్నీలో రచిన్‌ 10 మ్యాచ్‌ల్లో 3 సెంచరీలు, 2 అర్ధసెంచరీల సాయంతో 578 పరుగులు చేసి లీడింగ్‌ రన్‌ స్కోరర్‌ల జాబితాలో విరాట్‌, రోహిత్‌, డికాక్‌ తర్వాతి స్థానంలో నిలిచాడు.  ట్రవిస్‌ హెడ్‌ విషయానికొస్తే.. ఈ ఆసీస్‌ బ్యాటర్‌ ప్రపంచకప్‌లోకి లేట్‌గా ఎంట్రీ ఇచ్చినా టోర్నీని ఘనంగా ముగించాడు. భారత్‌తో జరిగిన ఫైనల్లో చిరస్మరణీయ శతకం (137) సాధించిన హెడ్‌ తన జట్టును ఆరోసారి జగజ్జేతగా నిలిపాడు. ఈ ఒక్క ప్రదర్శనతో హెడ్‌ ఐపీఎల్‌ మోస్ట్‌ వాంటెడ్‌ జాబితాలో చేరిపోయాడు.  రచిన్‌, హెడ్‌ ఇద్దరు బ్యాట్‌తో పాటు బంతితోనూ మాయ చేయగల సమర్దులు కావడంతో ఐపీఎల్‌ ఫ్రాంచైజీలు వీరి కోసం ఎగబడే అవకాశం ఉంది. వీరిద్దరితో పాటు వరల్డ్‌కప్‌ బౌలింగ్‌ హీరోలు దిల్షన్‌ మధుషంక (శ్రీలంక), గెరాల్డ్‌ కొయెట్జీ (సౌతాఫ్రికా) కోసం కూడా ఫ్రాంచైజీలు పోటీపడవచ్చు.  ప్రస్తుతం ఆయా ఫ్రాంచైజీల వద్ద మిగులు బడ్జెట్‌ ప్రకారం చూస్తే.. రచిన్‌, మధుషంక కోసం ఆర్సీబీ.. హెడ్‌ కోసం ఢిల్లీ.. కొయెట్జీ కోసం సీఎస్‌కే పోటీపడవచ్చని తెలుస్తుంది. ఈ ఫ్రాంచైజీలు వదిలించుకున్న ఆటగాళ్ల జాబితా చూసినా వారికి ఈ రోల్స్‌లో ఆటగాళ్ల అవసరం ఉంది. మిగులు బడ్జెట్‌ గుజరాత్‌ వద్ద అధికంగా (38.15 కోట్లు) ఉండగా, ఎక్కువ మంది ఆటగాళ్లను తీసుకునే వెసులుబాటు కోల్‌కతా నైట్‌రైడర్స్‌కు (12 మందిని) ఉంది. పైన పేర్కొన్న ఆటగాళ్ల కోసం పోటీపడే ఫ్రాంచైజీల్లో ఢిల్లీ వద్ద 28.95 కోట్లు, సీఎస్‌కే వద్ద 31.4 కోట్లు, ఆర్సీబీ వద్ద 23.25 కోట్ల పర్స్‌ వ్యాల్యూ మిగిలి ఉంది.

CWC 2023 Winner Australia- Pat Cummins Comments: భారత గడ్డపై వన్డే ప్రపంచకప్‌ గెలవడం రెట్టింపు సంతోషాన్నిచ్చిందని ఆస్ట్రేలియా కెప్టెన్‌ ప్యాట్‌ కమిన్స్‌ హర్షం వ్యక్తం చేశాడు. జట్టు సమిష్టిగా రాణించడం వల్లే ఈ అపురూప విజయం సాధ్యమైందని పేర్కొన్నాడు. భారత్‌లో ఐసీసీ ట్రోఫీ గెలవడం అద్భుతమైన అనుభూతి అని.. తన జీవితంలో ఈ క్షణాలు మధుర జ్ఞాపకాలుగా మిగిలిపోతాయని ఉద్వేగానికి లోనయ్యాడు. లక్ష పైచిలుకు అభిమానుల నడుమ కాగా ప్రపంచకప్‌-2023లో ఆదిలో ఓటముల పాలైన ఆస్ట్రేలియా అనూహ్య రీతిలో పుంజుకుని ఫైనల్‌కు దూసుకువచ్చింది. సౌతాఫ్రికాతో సెమీస్‌లో పోరాడి గెలిచిన కంగారూ జట్టు తుదిపోరులో ఆతిథ్య టీమిండియాపై జయభేరి మోగించింది. అహ్మదాబాద్‌లోని నరేంద్ర మోదీ స్టేడియం లక్ష పైచిలుకు భారత అభిమానుల మధ్య ఆతిథ్య జట్టును ఓడించి.. గెలిచి టైటిల్‌ సొంతం చేసుకుంది. టాస్‌ గెలిచి తొలుత టీమిండియాను బ్యాటింగ్‌కు ఆహ్వానించిన ఆసీస్‌ 240 పరుగులకే కట్టడి చేసింది. లక్ష్య ఛేదనలో ఆరంభంలో తడబడ్డా ఓపెనర్‌ ట్రవిస్‌ హెడ్‌ శతకం(137)తో చెలరేగి జట్టును విజయతీరాలకు చేర్చాడు. View this post on Instagram A post shared by ICC (@icc) పిచ్‌కు అనుగుణంగా వ్యూహాలు మార్చుకున్నాం ఈ సందర్భంగా కమిన్స్‌ మాట్లాడుతూ.. ‘‘మా అత్యుత్తమ ప్రదర్శనను ఫైనల్‌ కోసం దాచి ఉంచినట్లుంది. కీలక మ్యాచ్‌లలో ఆడే సత్తా ఉన్నవారంతా సరైన సమయంలో స్పందించారు. ఇలాంటి ఛేదన సులువని మేం భావించాం. మా బౌలింగ్‌ చాలా బాగా సాగింది. పిచ్‌కు అనుగుణంగా వ్యూహాలు మార్చుకున్నాం. జట్టులో ఎక్కువ వయస్సున్నవాళ్లు ఉన్నా అంతా రాణించారు.  టీమిండియాను 300 లోపు కట్టడి చేద్దామనుకుంటే 240కే ఆపగలిగాం. ఛేదనలో నా గుండె దడ కూడా పెరిగింది. కానీ హెడ్, లబుషేన్‌ కలిసి గెలిపించారు. చేయి విరిగిన తర్వాత కూడా హెడ్‌పై మేం నమ్మకం ఉంచి జట్టుతో కొనసాగించడం పని చేసింది.  ఆటపై విపరీత అభిమానం చూపించే భారత గడ్డపై మ్యాచ్‌ ఆడటమే ఒక మంచి జ్ఞాపకం. అలాంటిది మేం ఇక్కడ ప్రపంచకప్‌ గెలుచుకోవడం అద్భుతమైన అనుభూతి. ఈ క్షణాన్ని చిరస్మరణీయంగా మార్చుకోగలిగాం. మేము సాధించిన విజయాల్లో ఇది ఎప్పుటికీ శిఖరాగ్రాన నిలిచిపోతుంది’’ అని సంతోషం వ్యక్తం చేశాడు.  View this post on Instagram A post shared by ICC (@icc)

CWC 2023 Winner Australia: ‘2015 కంటే ఈ విజయమే గొప్పది, ఎందుకంటే ఇది భారత గడ్డపై వచ్చింది’... హాజల్‌వుడ్‌ వ్యాఖ్య ఇది. ఇదే ఈ విజయం విలువేమిటో చెబుతోంది. టోర్నీ ఆరంభంలో 2 మ్యాచ్‌లలో ఓడిన తర్వాత పాయింట్ల పట్టికలో ఆ్రస్టేలియా అట్టడుగున ఉంది. ఫలితం మాత్రమే కాదు ప్రదర్శన కూడా చెత్తగా ఉంది. రెండు మ్యాచ్‌లలో జట్టు 199, 177 పరుగులే చేయగలిగింది. దాంతో అందరూ ఆసీస్‌ని తేలిగ్గా తీసుకున్నారు. కానీ తర్వాతి మ్యాచ్‌ నుంచి మొదలు పెడితే సెమీస్‌ వరకు వరుసగా ఎనిమిదో విజయాలతో ఆ జట్టు దూసుకుపోయింది. న్యూజిలాండ్‌తో, సెమీస్‌లో దక్షిణాఫ్రికాతో అతి కష్టమ్మీద గెలవడంతో ఫైనల్‌ కూడా భారతే ఫేవరెట్‌గా కనిపించింది. కానీ పట్టుదల, చివరి వరకు ఓటమిని అంగీకరించని తర్వాత ఉన్న కంగారూ బృందం ఎప్పటిలాగే ఐసీసీ టోర్నీలో అసలు సమరంలో సత్తా చాటింది. ప్రధాన పోటీల్లో ఒత్తిడికి తలవంచని తమ బలాన్ని మళ్లీ చూపించింది. ప్రపంచ కప్‌కు ముందు హెడ్‌ చేతికి గాయమైంది. అతని స్థానంలో మరో ఆటగాడిని ఎంచుకునే అవకాశం ఉన్నా ఆసీస్‌ ఆ పని చేయక 14 మందితోనే జట్టును కొనసాగించింది. ఇప్పుడు అతను సెమీస్, ఫైనల్లో ‘ప్లేయర్‌ ఆఫ్‌ ద మ్యాచ్‌’గా నిలిచిన అరుదైన ఆటగాళ్ల జాబితాలో నిలిచాడు. టోర్నీకి ప్రకటించిన టీమ్‌లో లబుషేన్‌కు చోటు దక్కలేదు. స్పిన్నర్‌ అగర్‌ గాయపడగా... అతని స్థానంలో మరో స్పిన్నర్‌ను ఎంచుకోకుండా లబుషేన్‌ను తీసుకుంది. జట్టు కుప్పకూలిపోకుండా మిడిలార్డర్‌లో ఇన్నింగ్స్‌ను చక్కదిద్దేందుకు సరైన వాడని ఆసీస్‌ భావించింది. ఫైనల్లో అతను అదే చేసి చూపించాడు. వార్నర్, మ్యాక్స్‌వెల్‌ ఐపీఎల్‌ అనుభవం ఇక్కడా బాగా పని చేయగా, మార్ష్‌ కూడా రెండు కీలక శతకాలు బాదాడు. ముఖ్యంగా అఫ్గానిస్తాన్‌పై 91/7తో ఓటమికి చేరువైన దశలో మ్యాక్స్‌వెల్‌ చేసిన డబుల్‌ సెంచరీ నభూతో నభవిష్యత్‌. స్టార్క్, హాజల్‌వుడ్‌ చెరో 16 వికెట్లతో జట్టుకు చుక్కానిలా నిలవగా, లెగ్‌స్పిన్నర్‌ జంపా 23 వికెట్లతో సత్తా చాటాడు. అన్నింటికి మించి పేసర్‌గా, కెప్టెన్‌ కమిన్స్‌ ముద్ర ప్రత్యేకం. బౌలింగ్‌లో 15 వికెట్లు పడగొట్టడంతో పాటు వ్యూహాలపరంగా అతను చూపించిన సాహసం, తెగువ కమిన్స్‌ను ప్రత్యేకంగా నిలిపాయి. ఫైనల్లో తన 10 ఓవర్లలో ఒక్క బౌండరీ కూడా ఇవ్వకుండా భారత్‌ను కట్టి పడేయగలిగాడు. 2023లో డబ్ల్యూటీసీ, యాషెస్, వరల్డ్‌ కప్‌ కోసం సన్నద్ధమయ్యేందుకు ఐపీఎల్‌కు దూరంగా ఉంటున్నానని ప్రకటించిన కమిన్స్‌... ఈ మూడింటిలోనూ అద్భుత విజయాలతో ఆసీస్‌ గొప్ప నాయకుల్లో ఒకడిగా తన స్థానాన్ని లిఖించుకున్నాడు.  –సాక్షి క్రీడా విభాగం  View this post on Instagram A post shared by ICC (@icc)

ఆస్ట్రేలియా వంటి ప్రమాదకరమైన జట్టుతో జాగ్రత్త.. డేంజరస్‌ టీమ్‌.. ఫైనల్‌కు వచ్చిందంటే కప్‌ ఎగురేసుకుపోకుండా ఉండదు.. వన్డే వరల్డ్‌కప్‌-2023 ఫైనల్‌కు ముందు టీమిండియాకు మాజీ క్రికెటర్లు జారీ చేసిన హెచ్చరికలు.. ఇప్పుడు ఆ మాటలే నిజమయ్యాయి. స్టేడియంలో లక్ష మందికిపైగా టీమిండియా అభిమానుల మధ్య రోహిత్‌ సేనపై అలవోకగా విజయం సాధించింది కంగారూ జట్టు. రికార్డు స్థాయిలో ఏకంగా ఆరోసారి వన్డే ప్రపంచకప్‌ టైటిల్‌ను కైవసం చేసుకుంది. భారత జట్టుకు మద్దతుగా నరేంద్ర మోదీ స్టేడియం మొత్తం హోరెత్తుతుందని తెలుసు.. వాళ్లందరినీ నిశ్శబ్దంగా ఉంచడమే లక్ష్యం.. అంతకంటే సంతృప్తి మరొకటి ఉండదు.. అన్నట్లుగానే కోట్లాది మంది టీమిండియా అభిమానుల హృదయాలను ముక్కలు చేశాడు ఆసీస్‌ సారథి ప్యాట్‌ కమిన్స్‌.  టాస్‌ గెలిచి బౌలింగ్‌ ఎంచుకోవడం మొదలు.. పదే పదే బౌలర్లను మారుస్తూ భారత బ్యాటర్లను కట్టడి చేసిన విధానం.. ఆపై లక్ష్య ఛేదనలో ఆరంభం నుంచే భారత బౌలర్లపై ఒత్తిడి పెంచేలా వ్యూహాలు రచించిన తీరు అద్భుతం. మ్యాచ్‌ ఆసాంతం పూర్తి ఆత్మవిశ్వాసంతో ముందుకు సాగిన విధానం కమిన్స్‌ నాయకత్వ ప్రతిభకు అద్దంపట్టాయి. ఆసీస్‌కు వరల్డ్‌కప్‌ అందించిన దిగ్గజ కెప్టెన్ల సరసన నిలిపాయి. టాస్‌ గెలిచి ఫీల్డింగ్‌ ఎంచుకుని క్రికెట్‌ ప్రపంచం మొత్తం ఆసక్తిగా ఎదురుచూసిన ప్రపంచకప్‌-2023 ఫైనల్‌ ఆదివారంతో ముగిసింది. అహ్మదాబాద్‌ వేదికగా జరిగిన తుదిపోరులో ఆతిథ్య టీమిండియాను ఓడించిన ఆస్ట్రేలియా చాంపియన్‌గా అవతరించింది. మోదీ స్టేడియంలో టాస్‌ గెలిచిన ప్యాట్‌ కమిన్స్‌ తొలుత బౌలింగ్‌ ఎంచుకున్నాడు.  గిల్‌, అయ్యర్‌ పూర్తిగా విఫలం ఈ క్రమంలో బ్యాటింగ్‌కు దిగిన భారత జట్టు నిర్ణీత 50 ఓవర్లలో 240 పరుగులకు ఆలౌట్‌ అయింది. ఓపెనర్‌ రోహిత్‌ శర్మ ఆది నుంచే దూకుడుగా ఆడుతూ 31 బంతుల్లో 47 పరుగులు సాధించాడు. అయితే, మరో ఓపెనర్‌ శుబ్‌మన్‌ గిల్‌ మాత్రం పూర్తిగా తేలిపోయాడు. మొత్తంగా ఏడు బంతులు ఎదుర్కొన్న ఈ యువ బ్యాటర్‌ 4 పరుగులు మాత్రమే చేసి పెవిలియన్‌ చేరాడు. వన్‌డౌన్‌లో వచ్చిన విరాట్‌ కోహ్లి, 54 పరుగులతో రాణించగా.. నాలుగో నంబర్‌ బ్యాటర్‌, గత మ్యాచ్‌లలో వరుసగా సెంచరీలు చేసిన శ్రేయస్‌ అయ్యర్‌ కీలక మ్యాచ్‌లో మాత్రం 4 పరుగులకే నిష్క్రమించాడు.   రాహుల్‌ బాధ్యతాయుత ఇన్నింగ్స్‌ ఈ క్రమంలో రాహుల్‌ బాధ్యతాయుత ఇన్నింగ్స్‌ ఆడాడు. 107 బంతులు ఎదుర్కొని 66 పరుగులు సాధించి టీమిండియా ఇన్నింగ్స్‌లో టాప్‌ స్కోరర్‌గా నిలిచాడు. మిగతా వాళ్లలో సూర్యకుమార్‌ యాదవ్‌ (18), కుల్దీప్‌ యాదవ్‌(10) మాత్రమే డబుల్‌ డిజిట్‌ స్కోర్లు చేయగలిగారు. ఆసీస్‌ బౌలర్లలో పేసర్లు మిచెల్‌ స్టార్క్‌ మూడు వికెట్లు దక్కించుకోగా.. హాజిల్‌వుడ్‌, కమిన్స్‌ తలా రెండు వికెట్లు తీశారు. స్పిన్నర్లు మాక్స్‌వెల్‌, జంపా చెరో వికెట్‌ తమ ఖాతాలో వేసుకున్నారు. హెడ్‌ అద్భుత సెంచరీ ఇక స్వల్ప లక్ష్యంతో బరిలోకి దిగిన ఆస్ట్రేలియాను ఆరంభంలో టీమిండియా కట్టడి చేయగలిగింది. ఓపెనర్‌ డేవిడ్‌ వార్నర్‌(7)ను షమీ పెవిలియన్‌కు చేర్చగా.. వన్‌డౌన్‌ బ్యాటర్‌ మిచెల్‌ మార్ష్‌(15)ను బుమ్రా అవుట్‌ చేశాడు. ఆరోసారి జగజ్జేతగా ఆస్ట్రేలియా కానీ మరో ఓపెనర్‌ ట్రవిస్‌ హెడ్‌ అద్భుత ఇన్నింగ్స్‌తో మ్యాచ్‌ను టీమిండియా నుంచి లాగేసుకున్నాడు. అద్భుత శతకం(120 బంతుల్లో 137 పరుగులు)తో రాణించి ఆరోసారి ఆస్ట్రేలియా విశ్వవిజేతగా నిలవడంలో కీలక పాత్ర పోషించాడు. ఇక అతడి తోడుగా మార్నస్‌ లబుషేన్‌ 58 పరుగులతో అజేయంగా నిలవగా.. మాక్స్‌వెల్‌ రెండు పరుగులు తీసి విజయ లాంఛనం పూర్తి చేశాడు. దీంతో 43 ఓవర్లలోనే లక్ష్యాన్ని ఛేదించిన కంగారూ జట్టు 6 వికెట్ల తేడాతో జయకేతనం ఎగురవేసింది. ఆశగా ఎదురుచూసిన టీమిండియా అభిమానులకు కోలుకోలేని షాకిచ్చింది.  View this post on Instagram A post shared by ICC (@icc)

వన్డే వరల్డ్‌కప్‌-2023లో దక్షిణాఫ్రికా పోరాటం ​ముగిసింది. మరోసారి నాకౌట్స్‌ దశను సౌతాఫ్రికా దాటలేకపోయింది. ఈ ​మెగా టోర్నీలో భాగంగా ఆస్ట్రేలియాతో జరిగిన రెండో సెమీఫైనల్లో 3 వికెట్ల తేడాతో దక్షిణాఫ్రికా ఓటమి పాలైంది. ఆఖరివరకు సఫారీ బౌలర్లు పోరాడినప్పటికీ విజయాన్ని మాత్రం అందించలేకపోయారు. 213 పరుగుల స్వల్ప లక్ష్యంతో బరిలోకి దిగిన ఆసీస్‌.. 47.2 ఓవర్లలో 7 వికెట్లు కోల్పోయి ఛేదించింది. దీంతో ఎనిమిదో సారి వన్డే వరల్డ్‌కప్‌ ఫైనల్లో ఆస్ట్రేలియా అడుగుపెట్టింది. ఆస్ట్రేలియా బ్యాటర్లలో ఓపెనర్‌ ట్రావిస్‌ హెడ్‌(62) పరుగులతో టాప్‌ స్కోరర్‌గా నిలవగా.. స్మిత్‌(30), ఇంగ్లీష్‌(28) కీలక ఇన్నింగ్స్‌లు ఆడారు. వీరితో పాటు టెయిలెండర్లు ప్యాట్‌ కమ్మిన్స్‌(14), స్టార్క్‌(16) కూడా ఆసీస్‌ విజయంలో తమ వంతు పాత్ర పోషించారు. దక్షిణాఫ్రికా బౌలర్లలో షమ్సీ, కొయెట్జీ తలా రెండు వికెట్లు సాధించగా.. మహారాజ్‌, రబాడ, మార్‌క్రమ్‌ తలా వికెట్‌ సాధించారు. ఇక ఈ మ్యాచ్‌లో తొలుత బ్యాటింగ్‌ చేసిన దక్షిణాఫ్రికా  49. 4 ఓవర్లలో 212 పరుగులకు ఆలౌటైంది. దక్షిణాఫ్రికా గౌరవప్రదమైన స్కోర్‌ సాధించడం‍లో డేవిడ్‌ మిల్లర్‌ కీలక​ పాత్ర పోషించాడు. మిల్లర్‌ విరోచిత శతకంతో చెలరేగాడు. 116 బంతుల్లో 8 ఫోర్లు, 5 సిక్స్‌లతో 101 పరుగులు చేసి  జట్టుకు ఫైటింగ్‌ స్కోర్‌ను అందించాడు.  24 పరుగులు 4 వికెట్లు కోల్పోయి కష్టాల్లో పడిన ప్రోటీస్‌ను మిల్లర్‌, క్లాసెన్‌(47) అదుకున్నారు.  క్లాసెన్‌ ఔటైన తర్వాత  మిల్లర్‌  పూర్తి బాధ్యతను తన భుజాన వేసుకున్నాడు. ఇక ఆస్ట్రేలియా బౌలర్లలో స్టార్క్‌, కమ్మిన్స్‌ 3వికెట్లు పడగొట్టగా.. హాజిల్‌వుడ్‌, హెడ్‌ తలా రెండు వికెట్లు సాధించారు. ప్లేయర్‌ ఆఫ్‌ది మ్యాచ్‌ అవార్డు ఆసీస్‌ ఆల్‌రౌండర్‌ ట్రావిస్‌ హెడ్‌కు దక్కింది. ఇక  నవంబర్‌ 19న అహ్మదాబాద్‌ వేదికగా జరగనున్న ఫైనల్‌ పోరులో టీమిండియాతో ఆస్ట్రేలియా తలపడనుంది. View this post on Instagram A post shared by ICC (@icc)

ఆ్రస్టేలియాతో మ్యాచ్‌లో న్యూజిలాండ్‌ విజయలక్ష్యం 389... ఇంత భారీ స్కోరు చూడగానే సాధారణంగా ఛేదన చేసే జట్టు మానసికంగా ముందే ఓటమికి సిద్ధమవుతుంది. కానీ న్యూజిలాండ్‌ తలవంచకుండా చివరి వరకు పోరాడింది... ఒక వైపు వికెట్లు  పడుతున్నా, మరో వైపు జోరు తగ్గించలేదు.  చివరకు ఆఖరి ఓవర్లో 19 పరుగులు చేయాల్సిన స్థితి వరకు మ్యాచ్‌ను తీసుకొచ్చింది. ఇక్కడా అవకాశం ఉన్నా... ఆ్రస్టేలియా అద్భుత ఫీల్డింగ్‌తో కివీస్‌ను నిలువరించడంలో సఫలమైంది. బౌండరీని దాటగలిగే  రెండు బంతులను మెరుపు వేగంతో దూసుకెళ్లి ఆపడంతో పాటు రెండో పరుగు కోసం చేసిన ప్రయత్నాన్ని రనౌట్‌తో పడగొట్టింది! దాంతో ఆఖరికి 5 పరుగుల తేడాతో గెలిచి ఆ్రస్టేలియా ఊపిరి పీల్చుకుంది. రచిన్,  నీషమ్‌ల పోరాటం చివరకు వృథా అయింది.  అంతకు ముందు తన తొలి ప్రపంచకప్‌ మ్యాచ్‌లో హెడ్‌ మెరుపు సెంచరీ, వార్నర్‌ దూకుడు వెరసి ఆసీస్‌కు భారీ స్కోరును  అందించాయి. వరల్డ్‌ కప్‌లో వరుసగా రెండో రోజు అభిమానులకు ఉత్కంఠభరితమైన మ్యాచ్‌ చూసే అవకాశం దక్కగా... ఈ మ్యాచ్‌లో ఇరు జట్లు కలిపి చేసిన 771  పరుగులు ప్రపంచకప్‌ చరిత్రలో అత్యధిక మొత్తం కావడం విశేషం.   ధర్మశాల: మ్యాచ్‌ మ్యాచ్‌కూ మరింత పదునెక్కుతున్న ఆ్రస్టేలియా ప్రపంచకప్‌లో మరో కీలక విజయాన్ని అందుకుంది. ఐదు సార్లు విజేత అయిన ఆసీస్‌కు ఈ టోర్నీలో ఇది వరుసగా నాలుగో విజయం కాగా, వరుసగా మూడో మ్యాచ్‌లోనూ ఆ జట్టు 350 పరుగుల స్కోరు దాటగలిగింది. శనివారం జరిగిన ఈ మ్యాచ్‌లో ఆసీస్‌ 5 పరుగుల తేడాతో న్యూజిలాండ్‌ను ఓడించింది. టాస్‌ ఓడి ముందుగా బ్యాటింగ్‌కు దిగిన ఆసీస్‌ 49.2 ఓవర్లలో 388 పరుగులకు ఆలౌటైంది. ‘ప్లేయర్‌ ఆఫ్‌ ద మ్యాచ్‌’ ట్రవిస్‌ హెడ్‌ (67 బంతుల్లో 109; 10 ఫోర్లు, 7 సిక్స్‌లు) వన్డేల్లో నాలుగో శతకం సాధించగా, డేవిడ్‌ వార్నర్‌ (65 బంతుల్లో 81; 5 ఫోర్లు, 4 సిక్స్‌లు) వరుసగా మూడో సెంచరీ అవకాశాన్ని చేజార్చుకున్నాడు. వీరిద్దరు తొలి వికెట్‌కు 115 బంతుల్లోనే 175 పరుగులు జోడించడం విశేషం. అనంతరం న్యూజిలాండ్‌ 50 ఓవర్లలో 9 వికెట్లకు 383 పరుగులు సాధించింది. రచిన్‌ రవీంద్ర (89 బంతుల్లో 116; 9 ఫోర్లు, 5 సిక్స్‌లు) టోర్నీ రెండో సెంచరీ సాధించగా... జేమ్స్‌ నీషమ్‌ (39 బంతుల్లో 58; 3 ఫోర్లు, 3 సిక్స్‌లు), డరైల్‌ మిచెల్‌ (51 బంతుల్లో 54; 6 ఫోర్లు, 1 సిక్స్‌) రాణించారు.   వరల్డ్‌ కప్‌ కోసం ఆసీస్‌ ప్రకటించిన 15 మంది సభ్యుల జట్టులో ట్రవిస్‌ హెడ్‌ ఉన్నాడు. అయితే అనూహ్యంగా అతని చేతికి గాయమైంది. అయినా సరే అతని స్థానంలో మరొకరిని తీసుకోకుండా 14 మందితోనే ఆసీస్‌ జట్టును కొనసాగించింది. తొలి ఐదు మ్యాచ్‌లకు దూరమైన అతను తనపై ఉంచి నమ్మకాన్ని నిలబెట్టుకుంటూ వచ్చీ రాగానే తన విలువేంటో చూపించాడు. హెడ్, వార్నర్‌ కలిసి కివీస్‌ బౌలర్లపై విరుచుకుపడటంతో తొలి 10 ఓవర్లలోనే ఆసీస్‌ ఏకంగా 118 పరుగులు చేసింది. ఈ క్రమంలో వార్నర్‌ 28 బంతుల్లో, హెడ్‌ 25 బంతుల్లో అర్ధ సెంచరీలు పూర్తి చేసుకున్నారు. 19 ఓవర్ల తర్వాత ఆసీస్‌ స్కోరు 175/0 కాగా, ఈ స్కోరు వద్ద జోడీని విడదీయడంలో కివీస్‌ సఫలమైంది. అనంతరం 59 బంతుల్లోనే హెడ్‌ శతకాన్ని అందుకున్నాడు. ఈ దశలో ఆసీస్‌ మిడిలార్డర్‌ తడబాటుకు లోనై తక్కువ వ్యవధిలో వరుసగా వికెట్లు కోల్పోయింది. అయితే చివర్లో మ్యాక్స్‌వెల్‌ (24 బంతుల్లో 41; 5 ఫోర్లు, 2 సిక్స్‌లు), ఇన్‌గ్లిస్‌ (28 బంతుల్లో 38; 4 ఫోర్లు, 1 సిక్స్‌), ప్యాట్‌ కమిన్స్‌ (14 బంతుల్లో 37; 2 ఫోర్లు, 4 సిక్స్‌లు) కలిసి పరిస్థితిని చక్కదిద్దారు.  ఛేదనను కివీస్‌ దూకుడుగానే ఆరంభించింది. ఓపెనర్లు యంగ్‌ (28), కాన్వే (28) సరైన ఆరంభాన్ని ఇవ్వగా, రచిన్‌ ఆ జోరును కొనసాగించాడు. రచిన్, మిచెల్‌ కలిసి 96 పరుగుల భాగస్వామ్యంతో జట్టును గెలుపు దిశగా నడిపించారు. 77 బంతుల్లోనే రచిన్‌ సెంచరీ పూర్తయింది. 59 బంతుల్లో 96 పరుగులు చేయాల్సిన దశలో రచిన్‌ వెనుదిరగ్గా... ఆ తర్వాత నీషమ్‌ బాధ్యతను తీసుకున్నాడు. కానీ దురదృష్టవశాత్తూ అతని రనౌట్‌ జట్టు ఓటమిని ఖాయం చేసింది.   స్కోరు వివరాలు ఆ్రస్టేలియా ఇన్నింగ్స్‌: వార్నర్‌ (సి) అండ్‌ (బి) ఫిలిప్స్‌ 81; హెడ్‌ (బి) ఫిలిప్స్‌ 109; మార్ష్ (బి) సాన్‌ట్నర్‌ 36; స్మిత్‌ (సి) బౌల్ట్‌ (బి) ఫిలిప్స్‌ 18; లబుషేన్‌ (సి) రవీంద్ర (బి) సాన్‌ట్నర్‌ 18; మ్యాక్స్‌వెల్‌ (సి) బౌల్ట్‌ (బి) నీషమ్‌ 41; ఇన్‌గ్లిస్‌ (సి) ఫిలిప్స్‌ (బి) బౌల్ట్‌ 38; కమిన్స్‌ (ఎల్బీ) (బి) బౌల్ట్‌ 37; స్టార్క్‌ (సి) నీషమ్‌ (బి) హెన్రీ 1; జంపా (బి) బౌల్ట్‌ 0; హాజల్‌వుడ్‌ (నాటౌట్‌) 0; ఎక్స్‌ట్రాలు 9; మొత్తం (49.2 ఓవర్లలో ఆలౌట్‌) 388. వికెట్ల  పతనం: 1–175, 2–200, 3–228, 4–264, 5–274, 6–325, 7–387, 8–388, 9–388, 10–388.  బౌలింగ్‌: హెన్రీ 6.2–0–67–1, బౌల్ట్‌ 10–0–77–3, ఫెర్గూసన్‌ 3–0–38–0, సాన్‌ట్నర్‌ 10–0–80–2, ఫిలిప్స్‌ 10–0–37–3, రచిన్‌ 8–0–56–0, నీషమ్‌ 2–0–32–1.   న్యూజిలాండ్‌ ఇన్నింగ్స్‌: కాన్వే (సి) స్టార్క్‌ (బి) హాజల్‌వుడ్‌ 28; యంగ్‌ (సి) స్టార్క్‌ (బి) హాజల్‌వుడ్‌ 32; రచిన్‌ (సి) లబుషేన్‌ (బి) కమిన్స్‌ 116; మిచెల్‌ (సి) స్టార్క్‌ (బి) జంపా 54; లాథమ్‌ (సి) హాజల్‌వుడ్‌ (బి) జంపా 21; ఫిలిప్స్‌ (సి)లబుషేన్‌ (బి) మ్యాక్స్‌వెల్‌ 12; నీషమ్‌ (రనౌట్‌) 58; సాన్‌ట్నర్‌ (సి) మ్యాక్స్‌వెల్‌ (బి) జంపా 17; హెన్రీ (సి) హాజల్‌వుడ్‌ (బి) కమిన్స్‌ 9; బౌల్ట్‌ (నాటౌట్‌) 10; ఫెర్గూసన్‌ (నాటౌట్‌) 0; ఎక్స్‌ట్రాలు 26; మొత్తం (50 ఓవర్లలో 9 వికెట్లకు) 383. వికెట్ల పతనం: 1–61, 2–72, 3–168, 4–222, 5–265, 6–293, 7–320, 8–346, 9–383. బౌలింగ్‌: స్టార్క్‌ 9–0–89–0, హాజల్‌వుడ్‌ 9–0–70–2, కమిన్స్‌ 10–0–66–2, మ్యాక్స్‌వెల్‌ 10–0–62–1, జంపా 10–0–74–3, మార్ష్ 2–0–18–0.

న్యూజిలాండ్‌తో ఇవాళ (అక్టోబర్‌ 28) జరుగుతున్న మ్యాచ్‌లో టాస్‌ ఓడి తొలుత బ్యాటింగ్‌ చేసిన ఆస్ట్రేలియా భారీ స్కోర్‌ చేసింది. ఓపెనర్లు డేవిడ్‌ వార్నర్‌ (65 బంతుల్లో 81; 5 ఫోర్లు, 6 సిక్సర్లు), ట్రవిస్‌ హెడ్‌ (67 బంతుల్లో 109; 10 ఫోర్లు, 7 సిక్సర్లు) సుడిగాలి ఇన్నింగ్స్‌లతో శివాలెత్తడంతో ఆసీస్‌ 49.2 ఓవర్లలో 388 పరుగులకు ఆలౌటైంది. ఆఖర్లో మ్యాక్స్‌వెల్‌ (24 బంతుల్లో 41; 5 ఫోర్లు, 2 సిక్సర్లు), జోష్‌ ఇంగ్లిస్‌ (28 బంతుల్లో 38; 4 ఫోర్లు, సిక్స్‌), పాట్‌ కమిన్స్‌ (14 బంతుల్లో 37; 2 ఫోర్లు, 4 సిక్సర్లు) కూడా మెరుపు ఇన్నింగ్స్‌లతో విరుచుకుపడ్డారు. ఓ దశలో ఆసీస్‌ జోరు చూసి ఈ మ్యాచ్‌లో 500 పరుగుల స్కోర్‌ దాటడం ఖాయమని అంతా అనుకున్నారు. అయితే ఆఖర్లో కివీస్‌ బౌలర్లు పుంజుకోవడంతో ఆసీస్‌ 400 లోపు స్కోర్‌కే పరిమితమైంది. ఆసీస్‌ ఆఖరి 4 వికెట్లు పరుగు వ్యవధిలో కోల్పోవడం విశేషం. 49 ఓవర్‌లో ట్రెంట్‌ బౌల్ట్‌ కేవలం ఒక్క పరుగు మాత్రమే ఇచ్చి 3 వికెట్లు తీయగా.. ఆఖరి ఓవర్‌ రెండో బంతికి మ్యాట్‌ హెన్రీ.. స్టార్క్‌ వికెట్‌ తీయడంతో ఆసీస్‌ ఇన్నింగ్స్‌ సమాప్తమైంది. కివీస్‌ బౌలర్లలో గ్లెన్‌ ఫిలిప్స్‌ అత్యుత్తమ బౌలింగ్‌ గణాంకాలు (10-0-37-3) నమోదు చేయగా.. బౌల్ట్‌ 3, సాంట్నర్‌ 2, మ్యాట్‌ హెన్రీ, నీషమ్‌ తలో వికెట్‌ తీశారు. కివీస్‌ బౌలర్లలో ఫిలిప్స్‌ తప్పించి మిగతావారంతా ధారాళంగా పరుగులు సమర్పించుకున్నారు.  రెండు బంతుల్లో 21 పరుగులు.. ఆసీస్‌ బ్యాటింగ్‌ చేస్తుండగా ఇన్నింగ్స్‌ మూడో ఓవర్‌లో ఓ అరుదైన ఫీట్‌ నమోదైంది. మ్యాట్‌ హెన్రీ బౌలింగ్‌లో ఆసీస్‌ ఓపెనర్లు వార్నర్‌, హెడ్‌లు 2 బంతుల్లో ఏకంగా 21 పరుగులు పిండుకున్నారు. ఓవర్‌ తొలి బంతిని వార్నర్‌ సిక్సర్‌గా మలచగా.. రెండో బంతిని అంపైర్‌ నో బాల్‌గా ప్రకటించాడు. ఈ బంతికి వార్నర్‌ సింగిల్‌ తీశాడు. దీంతో స్ట్రయిక్‌లోకి వచ్చిన హెడ్‌కు ఫ్రీ హిట్‌ లభించింది. ఈ బంతిని కూడా హెన్రీ క్రీజ్‌ దాటి బౌలింగ్‌ చేయడంతో అంపైర్‌ మరోసారి నో బాల్‌గా ప్రకటించాడు. ఈ బంతిని హెడ్‌ సిక్సర్‌గా మలిచాడు. దీంతో రెండో బంతి పడకుండానే ఆసీస్‌ 15 పరుగులు పిండుకుంది. ఎట్టకేలకు హెన్రీ రెండో బంతిని సరిగ్గా బౌల్‌ చేసినప్పటికీ.. ఆ బంతిని కూడా హెడ్‌ సిక్సర్‌గా మలిచాడు. దీంతో ఆసీస్‌ 2 బంతుల్లో 21 పరుగులు సాధించింది.  

ఆస్ట్రేలియా స్టార్‌ ఓపెనర్‌ ట్రావిస్‌ హెడ్‌ తన వన్డే వరల్డ్‌కప్‌ ఎంట్రీని ఘనంగా చాటుకున్నాడు. వన్డే ప్రపంచపకప్‌-2023లో భాగంగా ధర్మశాల వేదికగా న్యూజిలాండ్‌తో ఆస్ట్రేలియా తలపడుతోంది. తొలి ఐదు మ్యాచ్‌లకు గాయం కారణంగా దూరంగా ఉన్న హెడ్‌కు.. కివీస్‌తో మ్యాచ్‌లో మాత్రం చోటు దక్కింది. తన వరల్డ్‌కప్‌ తొలి మ్యాచ్‌లోనే హెడ్‌ అద్బుతమైన సెంచరీతో చెలరేగాడు. కివీస్‌ బౌలర్లను హెడ్‌ ఊచకోత కోశాడు. కేవలం 59 బంతుల్లోనే హెడ్‌ తన సెంచరీ మార్క్‌ను అందుకున్నాడు. ఓవరాల్‌గా ఈ మ్యాచ్‌లో 67 బంతులు ఎదుర్కొన్న హెడ్‌.. 10 ఫోర్లు, 7 సిక్స్‌లతో 109 పరుగులు చేసి ఔటయ్యాడు. అదే విధంగా  వార్నర్‌తో కలిసి తొలి వికెట్‌కు 175 పరుగుల భాగస్వామ్యం నెలకొల్పాడు. ఇక తన తొలి వరల్డ్‌కప్‌ మ్యాచ్‌లోనే సెంచరీతో చెలరేగిన పలు రికార్డులను తన పేరిట లిఖించుకున్నాడు. వన్డే ప్రపంచకప్‌లో ఆస్ట్రేలియా తరపున ఫాస్టెస్ట్‌ సెంచరీ చేసిన నాలుగో ఆటగాడిగా హెడ్‌ రికార్డులకెక్కాడు. అదే విధంగా వన్డే ప్రపంచకప్‌ అరంగేట్ర మ్యాచ్‌లోనే సెంచరీ చేసిన ఐదో ఆసీస్‌ క్రికెటర్‌గా హెడ్‌ నిలిచాడు. చదవండి: WC 2023: అంతా తెలిసే చేశావంటే నిన్నేమనుకోవాలి? నువ్వింకా ఏ లోకంలో ఉన్నావు? View this post on Instagram A post shared by ICC (@icc)

ప్రస్తుత ప్రపంచకప్‌లో ఆడిన రెండు మ్యాచ్‌ల్లో ఓటమిపాలై పాయింట్ల పట్టికలో చివరి నుంచి రెండో స్థానంలో నిలిచిన ఫైవ్‌ టైమ్‌ వరల్డ్‌ ఛాంపియన్‌ ఆస్ట్రేలియాకు పాకిస్తాన్‌తో జరుగబోయే తదుపరి మ్యాచ్‌కు (అక్టోబర్‌ 20) ముందు ఓ బిగ్‌ న్యూస్‌ తెలిసింది. వరల్డ్‌కప్‌కు ముందు సౌతాఫ్రికా టూర్‌ సందర్భంగా గాయపడ్డ (ఎడమ చేతి ఫ్రాక్చర్‌) స్టార్‌ ఆల్‌రౌండర్‌ ట్రవిస్‌ హెడ్‌ పూర్తిగా కోలుకుని ప్రాక్టీస్‌ సెషన్‌లో పాల్గొన్నాడని తెలుస్తుంది. ఈ గురువారం హెడ్‌ భారత్‌కు పయనమవుతాడని సమాచారం. హెడ్‌.. అక్టోబర్‌ 25న నెదర్లాండ్స్‌తో జరిగే మ్యాచ్‌ నుంచి జట్టుకు అందుబాటులో ఉంటాడని తెలుస్తుంది. ఈ విషయంపై క్రికెట్ ఆస్ట్రేలియా నుంచి అధికారిక ప్రకటన వెలువడాల్సి ఉంది. కాగా, వరల్డ్‌కప్‌ కోసం ప్రకటించిన ఆస్ట్రేలియా జట్టులో హెడ్‌కు చోటు లభించిన విషయం తెలిసిందే. గాయం నుంచి కోలుకుంటే హెడ్‌ సేవలను ఏ సమయంలోనైనా వినియోగించుకోవాలనే ఉద్దేశంతో క్రికెట్‌ ఆస్ట్రేలియా (సీఏ) అతనికి రీప్లేస్‌మెంట్‌గా ఎవరిని ఎంపిక చేయలేదు. సీఏ ఆశించిన విధంగానే హెడ్‌ ప్రస్తుతం కష్టాల్లో ఉన్న ఆస్ట్రేలియాను ఆదుకునేందుకు భారత్‌కు బయల్దేరనున్నాడు.  ఇదిలా ఉంటే, ప్రస్తుత వరల్డ్‌కప్‌లో ఆసీస్‌.. భారత్‌, సౌతాఫ్రికా చేతుల్లో ఓటమిపాలైంది. భారత్‌ చేతిలో 6 వికెట్ల తేడాతో పరాజయంపాలైన ఆసీస్‌.. సౌతాఫ్రికా చేతుల్లో 134 పరుగుల భారీ తేడాతో ఓడింది. 

ఆస్ట్రేలియా వరల్డ్‌కప్‌ జట్టులో కీలక పరిణామం చోటు చేసుకుంది. గాయం కారణంగా ప్రపంచకప్‌ తొలి భాగానికి దూరమవుతాడనుకున్న ట్రవిస్‌ హెడ్‌ జట్టులో తన స్థానాన్ని నిలబెట్టుకున్నట్లు తెలుస్తుంది. హెడ్‌ స్థానంలో ప్రపంచకప్‌ జట్టులోకి వస్తాడనుకున్న మార్నస్‌ లబూషేన్‌ ఇతర ఆటగాడి రీప్లేస్‌మెంట్‌గా ఎంపిక కానున్నట్లు సమాచారం. ఆసీస్‌ ప్రొవిజనల్‌ జట్టులో చోటు దక్కించుకున్న ఆల్‌రౌండర్‌ ఆస్టన్‌ అగర్‌ కాలి కండరాల గాయం నుంచి పూర్తిగా కోలుకోకపోవడంతో అతని స్థానంలో లబూషేన్‌ ఆసీస్‌ వరల్డ్‌కప్‌ జట్టులోకి రానున్నట్లు తెలుస్తుంది. తొలుత అగర్‌కు రీప్లేస్‌మెంట్‌గా మాథ్యూ షార్ట్‌ లేదా తన్వీర్‌ సంగాను ఎంపిక చేస్తారని ప్రచారం జరిగింది. అయితే టీమిండియాతో ఆఖరి వన్డేలో మ్యాక్స్‌వెల్‌ బంతితో రాణించడంతో (4 వికెట్లు) స్పిన్నర్‌కు బదులు ప్రొఫెషనల్‌ బ్యాటర్‌ను జట్టులోకి తీసుకోవాలని క్రికెట్‌ ఆస్ట్రేలియా నిర్ణయించుకున్నట్లు సమాచారం. మొత్తంగా చూస్తే క్రికెట్‌ ఆస్ట్రేలియా ట్రవిస్‌ హెడ్‌కు రీప్లేస్‌మెంట్‌గా ఎవరిని ప్రకటించకపోగా.. లబూషేన్‌ను అగర్‌ స్థానంలో జట్టులోకి తీసుకోవాలని నిర్ణయించుకుందని తెలుస్తుంది. అగర్‌ స్థానంలో వరల్డ్‌కప్‌ జట్టులోకి వస్తామని కలలు కన్న మాథ్యూ షార్ట్‌, తన్వీర్‌ సంగాకు ఈ ఊహించని పరిణామంతో నిరాశే ఎదురైంది. మ్యాక్స్‌వెల్‌ స్పిన్నర్‌గా రాణించి ఈ ఇద్దరి ఆశలను అడియాసలు చేశాడు. పార్ట్‌ టైమ్‌ స్పిన్నర్‌ స్థానాన్ని మ్యాక్సీ భర్తీ చేస్తాడని క్రికెట్‌ ఆస్ట్రేలియా నమ్మకంగా ఉంది. పై పేర్కొన్న మార్పులకు సంబంధించి క్రికెట్‌ ఆస్ట్రేలియా అధికారిక ప్రకటన చేయాల్సి ఉంది. ఇదిలా ఉంటే, వరల్డ్‌కప్‌లో ఆసీస్‌ తమ తొలి మ్యాచ్‌ను అక్టోబర్‌ 8న ఆడనున్న విషయం తెలిసిందే. చెన్నైలో జరిగే ఈ మ్యాచ్‌లో ఆసీస్‌.. టీమిండియాను ఢీకొంటుంది. దీనికి ముందు ఆసీస్‌ రెండు వార్మప్‌ మ్యాచ్‌లు ఆడుతుంది. సెప్టెంబర్‌ 30న నెదర్లాండ్స్‌తో.. అక్టోబర్‌ 3న పాకిస్తాన్‌తో కమిన్స్‌ సేన తలపడుతుంది. వరల్డ్‌కప్‌ కోసం​ ముందుగా ప్రకటించిన ఆస్ట్రేలియా టీమ్‌: పాట్‌ కమిన్స్‌ (కెప్టెన్‌), స్టీవ్‌ స్మిత్‌, డేవిడ్‌ వార్నర్‌, ట్రవిస్‌ హెడ్‌, కెమరూన్‌ గ్రీన్‌, మిచెల్‌ మార్ష్‌, గ్లెన్‌ మ్యాక్స్‌వెల్‌, మార్కస్‌ స్టోయినిస్‌, సీన్‌ అబాట్‌, అస్టన్‌ అగర్‌, అలెక్స్‌ క్యారీ, జోష్‌ ఇంగ్లిస్‌, జోష్‌ హాజిల్‌వుడ్‌, ఆడమ్‌ జంపా, మిచెల్‌ స్టార్క్‌

వన్డే ప్రపంచకప్‌-2023కు ముందు ఆస్ట్రేలియా ఊహించని షాక్‌ తగిలింది. ఆ జట్టు స్టార్‌ బ్యాటర్‌ ట్రావిస్‌ హెడ్‌ గాయం కారణంగా టోర్నీ ఫస్ట్‌ హాఫ్‌కు దూరమయ్యాడు. సౌతాఫ్రికాతో నాలుగో వన్డే సందర్భంగా అతడి ఎడమ చెయ్యి ఫ్రాక్చర్‌ అయింది. దీంతో అతడు ప్రోటీస్‌ పర్యటన నుంచి స్వదేశానికి పయనమయ్యాడు. అయితే అతడు గాయం నుంచి కోలుకోవడానికి దాదాపు నెలరోజుల సమయం పట్టనున్నట్లు తెలుస్తోంది. ఈ క్రమంలోనే ఈ మెగా టోర్నీకి హెడ్‌ దూరమయ్యాడు. ఈ విషయాన్ని ఆసీస్‌ హెడ్‌కోచ్‌ ఆండ్రూ మెక్‌డొనాల్డ్ కూడా దృవీకరించాడు. "హెడ్‌ పూర్తిగా కోలుకోవడానికి కొంచెం సమయం పడుతోంది.  అతడికి ఎటువంటి  శస్త్రచికిత్స అవసరములేదని మా వైద్య బృదం నిర్ధారించింది. ఇది మాకు ఊరట కలిగించే ఆంశం. స్కానింగ్‌లో ఎడమ చేతి వేలి  జాయింట్‌లో ఫ్రాక్చర్ అయినట్లు తేలింది. వరల్డ్‌కప్‌ తొలి ఆర్ధబాగానికి హెడ్‌ దూరమయ్యే అవకాశాలు ఎక్కువగా ఉన్నాయి. అతడు ప్రస్తుతం మా వైద్య బృందం పరిశీలనలో ఉన్నాడని" మెక్‌డొనాల్డ్ విలేకరుల సమావేశంలో పేర్కొన్నాడు. హెడ్‌ ప్రపంచకప్‌తో పాటు భారత్‌తో వన్డే సిరీస్‌కు కూడా దూరమయ్యాడు. వరల్డ్‌కప్‌ సన్నహాకాల్లో భాగంగా మూడు వన్డేల సిరీస్‌లో భారత్‌-ఆస్ట్రేలియా తాడోపేడో తెల్చుకోనున్నాయి. చదవండి: అంతా బానే ఉంది కానీ.. రోహిత్‌కు అసలు పరీక్ష అదే! అప్పట్లో కోహ్లి, ద్రవిడ్‌..: మాజీ క్రికెటర్‌ వార్నింగ్‌

Heinrich klaasen 174: ఆస్ట్రేలియాతో నాలుగో వన్డేలో సౌతాఫ్రికా బ్యాటర్‌ హెన్రిచ్‌ క్లాసెన్‌ ఆకాశమే హద్దుగా చెలరేగాడు. ఐదో స్థానంలో బ్యాటింగ్‌కు దిగి ఫోర్లు, సిక్సర్లతో ప్రత్యర్థి జట్టు ఆటగాళ్ల బౌలింగ్‌ను చీల్చి చెండాడు. 83 బంతుల్లో 13, 13 సిక్సర్ల సాయంతో ఏకంగా 174 పరుగులు సాధించాడు. టీమిండియా ప్రపంచ రికార్డు బద్దలు 57 బంతుల్లోనే సెంచరీ సాధించిన క్లాసెన్‌.. వన్డే ఫార్మాట్లో ఐదో వేగవంతమైన శతకం నమోదు చేశాడు. ఈ రైట్‌హ్యాండ్‌ బ్యాటర్‌ సునామీ ఇన్నింగ్స్‌ కారణంగా సౌతాఫ్రికా నిర్ణీత 50 ఓవర్లలో 5 వికెట్ల నష్టానికి ఏకంగా 416 పరుగుల భారీ స్కోరు నమోదు చేసింది. ఈ క్రమంలో టీమిండియా పేరిట ఉన్న ప్రపంచ రికార్డు బద్దలు కొట్టింది. అంతర్జాతీయ వన్డేల్లో 400కు పైగా స్కోరు నమోదు చేసిన జట్ల జాబితాలో భారత్‌ను వెనక్కి నెట్టి అగ్రస్థానానికి దూసుకెళ్లింది.  ఆసీస్‌పై 164 పరుగుల తేడాతో సౌతాఫ్రికా ఘన విజయం.. సిరీస్‌ సమం మూడు టీ20లు, ఐదు వన్డేలు ఆడేందుకు ఆస్ట్రేలియా జట్టు దక్షిణాఫ్రికా పర్యటనకు వెళ్లింది. ఈ క్రమంలో టీ20 సిరీస్‌ను 3-0తో క్లీన్‌స్వీప్‌ చేసిన కంగారూలు.. తొలి రెండు వన్డేల్లోనూ జయభేరి మోగించారు. ఈ క్రమంలో వరుస ఓటముల నుంచి తేరుకున్న ఆతిథ్య ప్రొటిస్‌ జట్టు మూడో మ్యాచ్‌లో 111 పరుగుల తేడాతో భారీ విజయం సాధించింది.  ఆసీస్‌కు ఊహించని షాక్‌లు ఈ క్రమంలో శుక్రవారం ఇరు జట్లు సెంచూరియన్‌ వేదికగా నాలుగో వన్డేలో తలపడ్డాయి. టాస్‌ గెలిచి బౌలింగ్‌ ఎంచుకున్న ఆసీస్‌కు హెన్రిచ్‌ క్లాసెన్‌ చుక్కలు చూపించాడు. అద్భుత శతకంతో మెరిసి.. సౌతాఫ్రికాకు 416 పరుగుల భారీ స్కోరు అందించాడు. ఇక లక్ష్య ఛేదనలో కంగారూలకు ఊహించని షాక్‌లు తగిలాయి. ఓపెనర్‌ డేవిడ్‌ వార్నర్‌ 12 పరుగులకే పెవిలియన్‌ చేరగా.. ట్రవిస్‌ హెడ్‌ ఎడమ చెయ్యి ఫ్రాక్చర్‌ అయింది. అలెక్స్‌ క్యారీ 99 పరుగులతో పోరాడినా అప్పటికే జరగాల్సిన నష్టం జరిగిపోయింది. వరుస వికెట్లు కోల్పోవడంతో 34.5 ఓవర్లలో 252 పరుగులకు ఆలౌట్‌ అయిన ఆసీస్‌.. 164 పరుగుల తేడాతో ఓడిపోయింది. దక్షిణాఫ్రికా వన్డే సిరీస్‌ను 2-2తో సమం చేసింది.  వన్డేల్లో అత్యధికసార్లు 400కు పైగా స్కోర్లు నమోదు చేసిన జట్లు ►సౌతాఫ్రికా- 7 సార్లు ►టీమిండియా- 6 సార్లు ►ఇంగ్లండ్‌- 5 సార్లు ►ఆస్ట్రేలియా- 2 సార్లు ►శ్రీలంక- 2 సార్లు. చదవండి: అతడు అద్భుతం.. క్రెడిట్‌ వాళ్లకు ఇవ్వాల్సిందే.. మేం ఓడినా: రోహిత్‌ శర్మ #Klassen🥵@Heini22 🔥#OrangeArmy 💥@SunRisers 🧡#SAvsAUS😺😸 pic.twitter.com/DEoOrZuCpp — Bhagi👰 (@orangearmylub) September 16, 2023 💯 for Klassen infront of his home crowd !! 100(57)* He was batting on 29(28) Scored the next 71 runs off 29 balls#Klassen #SAvAus pic.twitter.com/wCrMXYiB0r — Karthik Rao (@Cric_Karthikk) September 15, 2023 What a Finish by #Klassen #CSA pic.twitter.com/Vn95QIvIqE — sivakumar (@sivakumar90) September 15, 2023

Travis Head Injury: వన్డే ప్రపంచకప్‌-2023 టోర్నీకి ముందు ఆస్ట్రేలియా భారీ ఎదురుదెబ్బ తగిలింది. ఆసీస్‌ స్టార్‌ బ్యాటర్‌ ట్రావిస్‌ హెడ్‌ ఐసీసీ ఈవెంట్‌కు దూరమయ్యే పరిస్థితి తలెత్తింది. సౌతాఫ్రికాతో నాలుగో వన్డే సందర్భంగా అతడి ఎడమ చెయ్యి ఫ్రాక్చర్‌ అయింది. దీంతో మ్యాచ్‌ మధ్యలోనే హెడ్‌ రిటైర్డ్‌హర్ట్‌గా వెనుదిరిగాడు. ఎప్పుడు కోలుకుంటాడో తెలియదు ప్రపంచకప్‌ టోర్నీకి ముందు ఇలా కీలక బ్యాటర్‌ గాయపడటం ఆసీస్‌ను ఆందోళనలోకి నెట్టేసింది. ఈ నేపథ్యంలో ట్రావిస్‌ హెడ్‌ గాయం గురించి ఆస్ట్రేలియా కోచ్‌ ఆండ్రూ మెక్‌డొనాల్డ్‌ అప్‌డేట్‌ ఇస్తూ.. ‘‘ఫ్రాక్చర్‌ అయిన మాట వాస్తవమే. అయితే, హెడ్‌ కోలుకోవడానికి ఎంత సమయం పడుతుందో చెప్పలేం. ఇప్పటికే నలుగురు స్టార్లకు గాయాలు స్కానింగ్‌ తర్వాతే గాయం తీవ్రత గురించి తెలుస్తుంది. ప్రపంచకప్‌నకు సమయం సమీపిస్తున్న తరుణంలో ఇలా జరగడం దురదృష్టకరం’’ అని పేర్కొన్నాడు. ఇక ఇప్పటికే స్టీవ్‌ స్మిత్‌, కెప్టెన్‌ ప్యాట్‌ కమిన్స్‌, మిచెల్‌ స్టార్క్‌, గ్లెన్‌ మాక్స్‌వెల్‌ వంటి స్టార్లు ఫిట్‌నెస్‌ సమస్యలతో సతమతమవుతున్న వేళ హెడ్‌ గాయంతో ఆస్ట్రేలియాకు భారీ షాక్‌ తగిలినట్లయింది. అదొక్కటే కాస్త ఊరట కాగా కమిన్స్‌కు మణికట్టు భాగంలో ఫ్రాక్చర్‌ అయింది. స్టార్క్‌ గజ్జల్లో గాయంతో బాధపడుతున్నాడు. మాక్స్‌వెల్‌కు మడిమ నొప్పితో సతమతమవుతున్నాడు. అయితే, స్టీవ్‌ స్మిత్‌ మణికట్టు గాయం నుంచి కోలుకుని నెట్స్‌లో ప్రాక్టీస్‌ చేస్తున్నా.. పూర్తి స్థాయిలో ఫిట్‌నెస్‌ సాధించడానికి సమయం పట్టే అవకాశం ఉంది. అయితే.. సౌతాఫ్రికాతో తొలి వన్డే సందర్భంగా గాయపడిన  ఆల్‌రౌండర్‌ కామెరాన్‌ గ్రీన్‌ కోలుకుని వైద్య బృందం పరీక్షల్లో పాస్‌ కావడం ఆస్ట్రేలియాకు కాస్త ఊరట కలిగించింది. గాయాల బెడద.. మాజీ చాంపియన్‌ ఏం చేస్తుందో? ఇక భారత్‌ వేదికగా అక్టోబరు 5 నుంచి వన్డే వరల్డ్‌కప్‌ ఈవెంట్‌ ఆరంభం కానున్న సంగతి తెలిసిందే.  ఇందులో భాగంగా.. అక్టోబరు 8న టీమిండియాతో ఆసీస్‌ తమ తొలి మ్యాచ్‌ ఆడనుంది. ఇదిలా ఉంటే.. సెప్టెంబరు 28 వరకు ప్రపంచకప్‌ జట్టులో మార్పులు చేసుకునేందుకు జట్లకు అవకాశం ఉంది. ఆటగాళ్ల గాయాల నేపథ్యంలో.. వన్డే వరల్డ్‌కప్‌ ట్రోఫీని అత్యధికంగా 5 సార్లు గెలిచిన ఆసీస్‌ ఈసారి టీమ్‌ను ఎలా బ్యాలెన్స్‌ చేసుకుంటుందో చూడాలి!  ప్రపంచకప్‌-2023కి ఆస్ట్రేలియా జట్టు: ప్యాట్ కమిన్స్ (కెప్టెన్), స్టీవ్ స్మిత్, అలెక్స్ క్యారీ, జోష్ ఇంగ్లిస్, సీన్ అబాట్, ఆష్టన్‌ అగర్, కామెరూన్ గ్రీన్, జోష్ హాజిల్‌వుడ్‌, ట్రావిస్ హెడ్, మిచెల్ మార్ష్, గ్లెన్ మ్యాక్స్‌వెల్‌, మార్కస్ స్టొయినిస్, డేవిడ్ వార్నర్, ఆడమ్ జంపా, మిచెల్ స్టార్క్. చదవండి: అతడు అద్భుతం.. క్రెడిట్‌ వాళ్లకు ఇవ్వాల్సిందే.. మేం ఓడినా: రోహిత్‌ శర్మ

ఆస్ట్రేలియాతో స్వదేశంలో జరుగుతున్న మూడు మ్యాచ్‌ల టీ20 సిరీస్‌ను సౌతాఫ్రికా 0-3 తేడాతో కోల్పోయింది. డర్బన్‌ వేదికగా ఇవాళ (సెప్టెంబర్‌ 3) జరిగిన నామమాత్రపు మూడో మ్యాచ్‌లో ఆ జట్టు 5 వికెట్ల తేడాతో ఓటమిపాలైంది. ఫలితంగా ఆసీస్‌ 3-0 తేడాతో ప్రొటీస్‌ను క్లీన్‌ స్వీప్‌ చేసింది. అరంగేట్రంలోనే అదరగొట్టిన ఫెర్రెయిరా  ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన సౌతాఫ్రికా.. ఓపెనర్‌ రీజా హెండ్రిక్స్‌ (30 బంతుల్లో 42; 2 ఫోర్లు, 2 సిక్సర్లు), కెప్టెన్‌ మార్క్రమ్‌ (23 బంతుల్లో 41; 4 ఫోర్లు, 2 సిక్సర్లు), అరంగేట్రం ఆటగాడు డొనొవన్‌ ఫెర్రెయిరా (21 బంతుల్లో 48; ఫోర్‌, 5 సిక్సర్లు) చెలరేగడంతో నిర్ణీత 20 ఓవర్లలో 8 వికెట్ల నష్టానికి 190 పరుగులు చేసింది.  ఆఖర్లో ఫెర్రెయిరా.. ట్రిస్టన్‌ స్టబ్స్‌ (16 బంతుల్లో 25; ఫోర్‌, 2 సిక్సర్లు)తో పాటు సిక్సర్ల వర్షం కురిపించడంతో సౌతాఫ్రికా భారీ స్కోర్‌ చేసింది. ఆసీస్‌ బౌలర్లలో సీన్‌ అబాట్‌ 4 వికెట్లు పడగొట్టగా.. మార్కస్‌ స్టోయినిస్‌ 2, తన్వీర్‌ సంగా ఓ వికెట్‌ దక్కించుకున్నాడు.  హెడ్‌, ఇంగ్లిస్‌, స్టొయినిస్‌ల ఊచకోత.. 191 పరుగుల లక్ష్యాన్ని ఛేదించేందుకు బరిలోకి దిగిన ఆసీస్‌.. ట్రవిస్‌ హెడ్‌ (48 బంతుల్లో 91; 8 ఫోర్లు, 6 సిక్సర్లు), జోష్‌ ఇంగ్లిస్‌ (22 బంతుల్లో 42; ఫోర్‌, 4 సిక్సర్లు), మార్కస్‌ స్టోయినిస్‌ (21 బంతుల్లో 37 నాటౌట్‌; 2 ఫోర్లు, 3 సిక్సర్లు) విధ్వంసకర ఇన్నింగ్స్‌లతో విరుచుకుపడటంతో 17.5 ఓవర్లలోనే (5 వికెట్లు కోల్పోయి) విజయతీరాలకు చేరింది. భీకర ఫామ్‌లో ఉండిన కెప్టెన్‌ మిచెల్‌ మార్ష్‌ (15) ఈ మ్యాచ్‌లో విఫలమయ్యాడు.  కాగా, ఈ సిరీస్‌లో తొలి రెండు మ్యాచ్‌లను ఆసీస్‌ గెలిచిన విషయం తెలిసిందే. ఈ పర్యటనలో తదుపరి 5 మ్యాచ​్‌ల వన్డే సిరీస్‌ జరుగనుంది. సెప్టెంబర్‌ 7, 9, 12, 15, 17 తేదీల్లో ఈ మ్యాచ్‌లు జరుగనున్నాయి. 

మాంచెస్టర్‌ వేదికగా ఆస్ట్రేలియాతో జరుగుతున్న యాషెస్‌ సిరీస్‌ నాలుగో టెస్ట్‌లో ఇంగ్లండ్‌ వెటరన్‌ పేసర్‌ స్టువర్ట్‌ బ్రాడ్‌ 600 వికెట్ల మైలురాయిని అందుకున్న విషయం తెలిసిందే. ఈ మ్యాచ్‌లో ట్రావిస్‌ హెడ్‌ (48) వికెట్‌ పడగొట్టడం ద్వారా బ్రాడ్‌ ఈ అత్యంత అరుదైన ఘనత సాధించాడు. క్రికెట్‌ చరిత్రలో బ్రాడ్‌ సహా కేవలం ఐదుగురు మాత్రమే టెస్ట్‌ల్లో 600 వికెట్ల మార్కును అందుకున్నారు. బ్రాడ్‌కు ముందు మురళీథరన్‌ (800), షేన్‌ వార్న్‌ (708), జేమ్స్‌ ఆండర్సన్‌ (688), అనిల్‌ కుంబ్లే (619) 600 వికెట్ల ల్యాండ్‌ మార్క్‌ను దాటారు. వీరిలో బ్రాడ్‌, అతని సహచరుడు ఆండర్సన్‌ మాత్రమే పేసర్లు కావడం విశేషం.  కాగా, టెస్ట్‌ల్లో 600 వికెట్ల మార్కును దాటిన ఇద్దరు పేసర్ల విషయంలో ఓ కామన్‌ ఇష్యూ వెలుగులోకి వచ్చింది. అదేంటంటే.. ఆండర్సన్‌ 600వ వికెట్‌లో, బ్రాడ్‌ 600వ వికెట్‌లో వీరి సహచరుడు జో రూట్‌ పాత్ర ఉంది. ఆండర్సన్‌, బ్రాడ్‌లకు చిరకాలం గుర్తుండిపోయే ఈ సందర్భాల్లో రూట్‌ భాగమయ్యాడు. ఇద్దరి 600వ వికెట్ల క్యాచ్‌లను రూటే అందుకున్నాడు. Joe Root 🤝 Getting Anderson and Broad to 600 Test wickets#CricketTwitter #Ashes #ENGvAUS pic.twitter.com/LAjtRmbp1p — ESPNcricinfo (@ESPNcricinfo) July 20, 2023 ఆండర్సన్‌ 600వ వికెట్‌ పాక్‌ ఆటగాడు అజహర్‌ అలీ క్యాచ్‌ను, బ్రాడ్‌ 600వ వికెట్‌ ట్రవిస్‌ హెడ్‌ క్యాచ్‌ను రూటే పట్టుకున్నాడు. ఇక్కడ మరో విశేషమేమిటంటే, బ్రాడ్‌ తన 600వ వికెట్‌ను ఆండర్సన్‌ సొంత మైదానంలో అండర్సన్‌ ఎండ్‌ నుంచి బౌలింగ్‌ చేస్తూ సాధించాడు. ఈ విషయాన్ని బ్రాడ్‌ తొలి రోజు ఆట అనంతరం ప్రస్తావిస్తూ.. తన సహచరుడి ఎండ్‌ నుంచి బౌలింగ్‌ చేస్తూ ఈ అరుదైన ఘనత సాధించడం ఆనందంగా ఉందని అన్నాడు.  ఇదిలా ఉంటే, నాలుగో టెస్ట్‌ తొలి రోజు ఇంగ్లండ్‌ పేసర్లు రాణించడంతో ఆస్ట్రేలియా తొలి ఇన్నింగ్స్‌లో  8 వికెట్ల నష్టానికి 299 పరుగులు చేసింది. మిచెల్‌ మార్ష్‌ (51), లబుషేన్‌ (51) అర్ధ సెంచరీలు సాధించగా, హెడ్‌ (48), స్టీవ్‌ స్మిత్‌ (41) రాణించారు. ఇంగ్లండ్‌ బౌలర్లలో క్రిస్‌ వోక్స్‌ (4/52) ప్రత్యర్థిని దెబ్బ తీయగా, బ్రాడ్‌ 2 వికెట్లు పడగొట్టాడు. అత్యధిక వికెట్లు సాధించిన బౌలర్‌గా.. ఆస్ట్రేలియాతో జరిగిన టెస్ట్‌ల్లో ఇంగ్లండ్‌ తరఫున అత్యధిక వికెట్లు సాధించిన బౌలర్ల జాబితాలో స్టువర్ట్‌ బ్రాడ్‌ (149) అగ్రస్థానానికి ఎగబాకాడు. ఈ మ్యాచ్‌కు ముందు ఈ రికార్డు ఇయాన్‌ బోథమ్‌ (148) పేరిట ఉండేది. ఈ జాబితాలో ఆండర్సన్‌ (115) నాలుగో స్థానంలో ఉన్నాడు. 

ICC Test Ranikngs: ఆస్ట్రేలియా స్టార్‌ ట్రవిస్‌ హెడ్‌ ఐసీసీ ర్యాంకింగ్స్‌లో దుమ్ములేపాడు. ఇంగ్లండ్‌తో ప్రతిష్టాత్మక యాషెస్‌ సిరీస్‌లో రాణిస్తున్న ఈ లెఫ్టాండ్‌ బ్యాటర్‌ నంబర్‌ 1 స్థానానికి గురిపెట్టాడు. అంతర్జాతీయ క్రికెట్‌ మండలి తాజాగా ప్రకటించిన టెస్టు బ్యాటింగ్‌ ర్యాంకింగ్స్‌లో రెండు స్థానాలు మెరుగుపరచుకుని రెండో స్థానానికి చేరుకున్నాడు.  ఇక న్యూజిలాండ్‌ వెటరన్‌ బ్యాటర్‌ కేన్‌ విలియమ్సన్‌ అగ్రస్థానాన్ని నిలబెట్టుకోగా.. టాప్‌-10లో టీమిండియా నుంచి రిషభ్‌ పంత్‌ ఒక్కడే నిలకడగా కొనసాగుతున్నాడు. మరోవైపు.. టీమిండయా కెప్టెన్‌ రోహిత్‌ శర్మ ఒక స్థానం దిగజారి 13వ ర్యాంకుకు పడిపోయాడు. భారత స్టార్‌ బ్యాటర్‌ విరాట్‌ కోహ్ల 14వ స్థానంలో కొనసాగుతున్నాడు.  అశ్విన్‌ నంబర్‌ 1గానే.. జడ్డూ మాత్రం ఇదిలా ఉంటే.. బౌలింగ్‌ ర్యాంకింగ్స్‌లో టీమిండియా వెటరన్‌ స్పిన్నర్‌ రవిచంద్రన్‌ అశ్విన్‌ అగ్రస్థానాన్ని నిలబెట్టుకున్నాడు. ఇక బౌలింగ్‌ విభాగంలో టీమిండియా నుంచి పేసర్‌ జస్‌ప్రీత్‌ బుమ్రా(9), స్పిన్‌ బౌలర్‌ రవీంద్ర జడేజా(10) ఒక్కో స్థానం చేజార్చుకుని టాప్‌-10లో కొనసాగుతున్నారు. విండీస్‌తో సిరీస్‌లో బిజీ కాగా ప్రపంచ టెస్టు చాంపియన్‌షిప్‌ ఫైనల్‌-2023లో ఘోర ఓటమి తర్వాత టీమిండియా ప్రస్తుతం వెస్టిండీస్‌ పర్యటనలో ఉంది. డబ్ల్యూటీసీ 2023-25 సైకిల్‌లో భాగంగా రోహిత్‌ సేన విండీస్‌తో తమ తొలి మ్యాచ్‌ ఆడనుంది. జూలై 12 నుంచి ఇరు జట్ల మధ్య రెండు మ్యాచ్‌ల టెస్టు సిరీస్‌ ఆరంభం కానుంది.  ఐసీసీ టెస్టు బ్యాటింగ్‌ తాజా ర్యాంకింగ్స్‌: టాప్‌-5లో ఉన్నది వీళ్లే 1. కేన్‌ విలియమ్సన్‌- న్యూజిలాండ్‌- 883 పాయింట్లు 2. ట్రవిస్‌ హెడ్‌- ఆస్ట్రేలియా- 874 పాయింట్లు 3. బాబర్‌ ఆజం- పాకిస్తాన్‌- 862 పాయింట్లు 4. స్టీవ్‌ స్మిత్‌- ఆస్ట్రేలియా- 855 పాయింట్లు 5. మార్నస్‌ లబుషేన్‌- ఆస్ట్రేలియా- 849 పాయింట్లు. చదవండి: జట్టు నుంచి తప్పించడం కంటే కూడా అదే ఎక్కువగా బాధిస్తోంది: టీమిండియా స్టార్‌ Ind Vs WI: ఛీ.. మరీ ఘోరంగా ఉంది.. నాకైతే!

లీడ్స్‌: ‘యాషెస్‌’ సిరీస్‌ మూడో టెస్టు రసవత్తర ముగింపునకు సిద్ధమైంది. 251 పరుగుల లక్ష్యంతో రెండో ఇన్నింగ్స్‌ బరిలోకి దిగిన ఇంగ్లండ్‌ మ్యాచ్‌ మూడో రోజు ఆట ముగిసే సమయానికి 5 ఓవర్లలో వికెట్‌ నష్టపోకుండా 27 పరుగులు చేసింది. డకెట్‌ (18 నాటౌట్‌), క్రాలీ (9 నాటౌట్‌) క్రీజ్‌లో ఉన్నారు. ఆ జట్టు మరో 224 పరుగులు చేయాల్సి ఉంది. లక్ష్యం చిన్నదిగానే కనిపిస్తున్నా పిచ్‌ బ్యాటింగ్‌కు కష్టంగా మారుతున్న స్థితిలో ఆసీస్‌ పదునైన బౌలింగ్‌ను ఎదుర్కొని ఇంగ్లండ్‌ ఎలా ఛేదిస్తుందనేది ఆసక్తికరం. శనివారం వాన టెస్టుకు తీవ్ర అంతరాయం కలిగించింది. వర్షం కారణంగా తొలి సెషన్‌లో ఆట పూర్తిగా తుడిచిపెట్టుకుపోగా... మొత్తం 25.1 ఓవర్ల ఆట మాత్రమే సాధ్యమైంది. ఓవర్‌నైట్‌ స్కోరు 116/4తో ఆట కొనసాగించిన ఆ్రస్టేలియా తమ రెండో ఇన్నింగ్స్‌లో 224 పరుగులకు ఆలౌటైంది. ఇంగ్లండ్‌ బౌలర్లు చెలరేగిపోవడంతో ఆసీస్‌కు పరుగులు రావడం కష్టంగా మారింది. 20.1 ఓవర్లలోనే ఆ జట్టు మిగిలిన 6 వికెట్లు కోల్పోయింది.  అయితే ప్రతికూల పరిస్థితుల్లోనూ ట్రవిస్‌ హెడ్‌ (112 బంతుల్లో 77; 7 ఫోర్లు, 3 సిక్స్‌లు) పట్టుదలగా ఆడి అర్ధ సెంచరీ సాధించాడు. అతనికి కొద్ది సేపు మిచెల్‌ మార్‌‡్ష (28) అండగా నిలిచాడు. ఇంగ్లండ్‌ బౌలర్లలో బ్రాడ్, వోక్స్‌ చెరో 3 వికెట్లు పడగొట్టగా...మొయిన్‌ అలీ, మార్క్‌వుడ్‌ చెరో 2 వికెట్లు తీశారు.  

యాషెస్‌ సిరీస్‌లో భాగంగా లార్డ్స్‌ వేదికగా జరుగుతున్న రెండో టెస్టులో ఇంగ్లండ్‌ తొలి ఇన్నింగ్స్‌లో 325 పరుగులకు ఆలౌట్‌ అయింది. 278/4 ఓవర్‌నైట్‌ స్కోరుతో మూడో రోజు ఆటను ప్రారంభించిన ఇంగ్లండ్‌ మరో 47  పరుగులు మాత్రమే జత చేసి మిగతా ఆరు వికెట్లను కోల్పోయింది.  దీంతో ఆసీస్‌కు 91 పరుగుల తొలి ఇన్నింగ్స్‌ ఆధిక్యం లభించినట్లయింది. ఇంగ్లండ్‌ బ్యాటింగ్‌లో బెన్‌ డకెట్‌ 98 పరుగులు చేసి రెండు పరుగుల తేడాతో సెంచరీ మిస్‌ చేసుకున్నాడు. హ్యారీ బ్రూక్‌ 50, జాక్‌ క్రాలీ 48, ఓలీ పోప్‌ 42 పరుగులు చేశారు. ఆసీస్‌ బౌలర్లలో మిచెల్‌ స్టార్క్‌ మూడు వికెట్లు తీయగా.. ట్రెవిస్‌ హెడ్‌, హాజిల్‌వుడ్‌ తలా రెండు వికెట్లు తీయగా.. పాట్‌ కమిన్స్‌, నాథన్‌ లియోన్‌, కామెరాన్‌ గ్రీన్‌ తలా ఒక వికెట్‌ తీశారు. అనంతరం రెండో ఇన్నింగ్స్‌ ప్రారంభించిన ఆస్ట్రేలియా లంచ్‌ విరామ సమయానికి ఆరు ఓవర్లలో వికెట్‌ నష్టపోకుండా 12 పరుగులు చేసింది. ఆసీస్‌ ప్రధాన స్పిన్నర్‌ నాథన్‌ లియోన్‌ సేవలను కోల్పోయినప్పటికి ట్రెవిస్‌ హెడ్‌ సహా పేస్‌ బౌలర్లు ఇంగ్లండ్‌ను ఆలౌట్‌ చేయడంలో కీలకపాత్ర పోషించారు. చదవండి: Dhananjaya-De-Silva: దెబ్బకొట్టిన నెదర్లాండ్స్‌; కెరీర్‌ బెస్ట్‌ ప్రదర్శనతో పరువు నిలిపాడు ఆసియా కప్‌ విజేతగా భారత్‌.. ఎనిమిదోసారి టైటిల్‌ కైవసం

ఇంగ్లండ్‌ స్టార్‌ క్రికెటర్‌ జో రూట్‌ ఇటీవలీ కాలంలో తన ఆటను పూర్తిగా మార్చేశాడు. ఒకప్పుడు టెస్టులు, వన్డే క్రికెట్‌పై మాత్రమే ఎక్కువగా ఫోకస్‌ చేసిన రూట్‌ టి20ల్లోనూ తన పాగా వేసేందుకు ఆటశైలిని మార్చాడు. యాషెస్‌ సిరీస్‌లో భాగంగా ఆస్ట్రేలియాతో జరిగిన తొలి టెస్టులో సెంచరీతో మెరిసిన సంగతి తెలిసిందే. మ్యాచ్‌ ఫలితం ఇంగ్లండ్‌కు వ్యతిరేకంగా వచ్చినప్పటికి రూట్‌ తన బ్యాటింగ్‌తో ఆకట్టుకున్నాడు.  ఒక మంచి బ్యాటర్‌గా పేరు పొందిన రూట్‌ ఈ మధ్య కాలంలో బౌలర్‌గానూ రాణిస్తూ ఆల్‌రౌండర్‌ అవతారం ఎత్తినట్లుగా అనిపిస్తున్నాడు. తాజాగా లార్డ్స్‌ వేదికగా మొదలైన రెండో టెస్టులో తొలి రోజే తన బౌలింగ్‌ మాయాజాలన్ని ప్రదర్శించాడు. ప్రధాన బౌలర్లకు తీసిపోని విధంగా ప్రదర్శన చేసిన రూట్.. ఆసీస్‌ ప్రధాన బ్యాటర్లు కామెరూన్‌ గ్రీన్‌, ట్రెవిస్‌ హెడ్‌లు ఒకే ఓవర్లో వెనక్కి పంపాడు. ఈ నేపథ్యంలో రూట్‌ ఒక అరుదైన మైలురాయిని అందుకున్నాడు. అదేంటంటే.. యాషెస్‌ చరిత్రలో బ్యాటింగ్‌లో 2వేల పరుగులు పూర్తి చేయడంతో పాటు 20 వికెట్లు తీసిన మూడో క్రికెటర్‌గా రూట్‌ చరిత్రకెక్కాడు. ఇంతకముందు ఆస్ట్రేలియాకు చెందిన వార్విక్‌ ఆర్మ్‌స్ట్రాంగ్‌(2172 పరుగులు, 74 వికెట్లు), ఇంగ్లండ్‌కు చెందిన వాలీ హామండ్‌(2852 పరుగులు, 36 వికెట్లు) పడగొట్టారు. ఇక​ తొలిరోజు ఆటలో ఆస్ట్రేలియా స్పష్టమైన ఆధిక్యం కనబరిచింది. తొలిరోజు ఆట ముగిసే సమయానికి ఆస్ట్రేలియా ఐదు వికెట్ల నష్టానికి 339 పరుగులు చేసింది. స్మిత్‌ 85 పరుగులు నాటౌట్‌ మరో సెంచరీ వైపు దూసుకెళుతుండగా.. అలెక్స్‌ కేరీ 11 పరుగులతో స్మిత్‌కు సహకరిస్తున్నాడు. అంతకముందు ట్రెవిస్‌ హెడ్‌(77 పరుగులు), డేవిడ్‌ వార్నర్‌(66 పరుగులు) వన్డే తరహాలో ఆడారు. ఇంగ్లండ్‌ బౌలర్లలో జో రూట్‌, జోష్‌ టంగ్‌లు చెరో రెండు వికెట్లు తీయగా.. ఓలి రాబిన్సన్‌ ఒక వికెట్‌ పడగొట్టాడు. Joe Root strikes twice in an over and Australia are 5️⃣ down! #EnglandCricket | #Ashes pic.twitter.com/wmn9hC5K6c — England Cricket (@englandcricket) June 28, 2023 చదవండి: పిచ్‌ మీదకు దూసుకొచ్చే యత్నం.. ఎత్తిపడేసిన బెయిర్‌ స్టో అరుదైన మైలురాయిని దాటిన స్టీవ్‌ స్మిత్‌.. ఇతని కంటే కోహ్లి ఒక్కడే బెటర్‌

లండన్‌: బ్యాటర్లు క్రీజులో పాతుకుపోవడంతో రెండో టెస్టు ఆ్రస్టేలియా ఆధిపత్యంతో మొదలైంది. యాషెస్‌ సిరీస్‌లో భాగంగా ‘క్రికెట్‌ మక్కా’ లార్డ్స్‌ మైదానంలో జరుగుతున్న ఈ టెస్టులో తొలిరోజు ఆట ముగిసే సమయానికి ఆ్రస్టేలియా తొలి ఇన్నింగ్స్‌లో 83 ఓవర్లలో 5 వికెట్లకు 339 పరుగులు చేసింది. స్టీవ్‌ స్మిత్‌ (85 బ్యాటింగ్‌; 10 ఫోర్లు) అజేయ అర్ధసెంచరీతో నిలువగా, ట్రావిస్‌ హెడ్‌ (77; 14 ఫోర్లు), వార్నర్‌ (66; 8 ఫోర్లు, 1 సిక్స్‌) వన్డేలా ఆడి వేగంగా ఫిఫ్టీలు చేశారు. ఇంగ్లండ్‌ బౌలర్లలో జోష్‌ టంగ్, రూట్‌ చెరో 2 వికెట్లు తీశారు. టాస్‌ నెగ్గిన ఇంగ్లండ్‌ ఫీల్డింగ్‌కే మొగ్గు చూపింది. దీనికి తగ్గట్లే బౌలర్లు కూడా ఓపెనర్లను పెవిలియన్‌కు పంపేవారు! కానీ పేలవమైన ఫీల్డింగ్‌ విలువైన వికెట్‌ అందిపుచ్చుకోలేకపోయింది. 13వ ఓవర్‌ ఆఖరి బంతి వార్నర్‌ బ్యాట్‌ అంచును తాకుతూ నాలుగో స్లిప్‌లో ఉన్న పోప్‌ వైపు వెళ్లింది. కానీ సునాయాసమైన ఈ క్యాచ్‌ను అతను నేలపాలు చేశాడు. అప్పటికి వార్నర్‌ స్కోరు 20 పరుగులే. కాసేపటికి ఉస్మాన్‌ ఖ్వాజా (17; 2 ఫోర్లు)ను టంగ్‌ బౌల్డ్‌ చేయగా, లైఫ్‌తో వార్నర్‌ ఎంచక్కా అర్ధసెంచరీ పూర్తి చేసుకున్నాడు. వన్డే ఫార్మాట్‌లా ఆడుతున్న అతన్ని కూడా టంగ్‌ బౌల్డ్‌ చేయగా, లబుషేన్‌–స్మిత్‌ జోడీ ఆతిథ్య బౌలర్లకు మింగుడుపడని భాగస్వామ్యాన్ని నమోదు చేసింది. ఇద్దరు మూడో వికెట్‌కు 102 పరుగులు జత చేశారు. అనంతరం లబుషేన్‌ ఆటకు రాబిన్సన్‌ ముగింపు పలికాడు. అయితే హెడ్‌ వచ్చాక స్మిత్‌ తన నిలకడైన బ్యాటింగ్‌ను కొనసాగించడంతో ఆతిథ్య బౌలర్లకు మళ్లీ కష్టాలు తప్పలేదు. ఇద్దరు ఆఖరి సెషన్‌లో అదరగొట్టారు. ఈ జోడీ ఇంగ్లండ్‌ పాలిట కొరకరానికొయ్యలా మారింది. నాలుగో వికెట్‌కు 118 పరుగులు జోడించాక రూట్‌ ఒకే ఓవర్లో హెడ్‌తో పాటు, గ్రీన్‌ (0)ను అవుట్‌ చేయడంతో ఇంగ్లండ్‌ శిబిరం ఊపిరి పీల్చుకుంది. స్మిత్‌తో పాటు క్యారీ (11 బ్యాటింగ్‌) క్రీజులో ఉన్నాడు.  1  ఈ మ్యాచ్‌తో ఆ్రస్టేలియా స్పిన్నర్‌ నాథన్‌ లయన్‌ తన కెరీర్‌లో 100 టెస్టులు పూర్తి చేసుకున్నాడు. ఈ క్రమంలో వరుసగా 100 టెస్టులు ఆడిన తొలి  బౌలర్‌గా లయన్‌ ఘనత సాధించాడు. గతంలో ఆలిస్టర్‌ కుక్‌ (159 టెస్టులు), బోర్డర్‌ (153), మార్క్‌ వా (107), సునీల్‌ గావస్కర్‌ (106), మెకల్లమ్‌ (101) వరుసగా 100కుపైగా టెస్టులు ఆడినా వారందరూ బ్యాటర్లు కావడం గమనార్హం.   

Roger Binny: ఆస్ట్రేలియాతో జరిగిన వరల్డ్‌ టెస్ట్‌ ఛాంపియన్‌షిప్‌ 2021-23 ఫైనల్లో టీమిండియా ఘోర పరాజయం పాలైన నేపథ్యంలో సర్వత్రా విమర్శలు వెల్లువెత్తుతున్నాయి. అభిమానులు, మాజీలు, విశ్లేషకులు టీమిండియాను ఏకి పారేస్తున్నారు. ఫ్యాన్స్‌ అయితే సోషల్‌మీడియా వేదికగా భారత ఆటగాళ్లను ఓ రేంజ్‌లో ఎండగడుతున్నారు. మాజీలు, విశ్లేషకులు సైతం ఎన్నడూ లేనంతగా స్వరం పెంచి టీమిండియా వైఫల్యాలను తూర్పారబెడుతున్నారు. బీసీసీఐ బాస్‌ రోజర్‌ బిన్నీ సైతం టీమిండియాను వదిలిపెట్టలేదు. డబ్ల్యూటీసీ ఫైనల్లో టీమిండియా తొలి రోజే ఓడిపోయిందని సంచలన వ్యాఖ్యలు చేశాడు. తొలి ఇన్నింగ్స్‌లో ట్రవిస్‌ హెడ్‌, స్టీవ్‌ స్మిత్‌ చేసిన సెంచరీలే భారత్‌కు ఆసీస్‌కు మధ్య వత్యాసమని తెలిపాడు. హెడ్‌, స్మిత్‌ భాగస్వామ్యమే టీమిండియా కొంపముంచిందని అభిప్రాయపడ్డాడు. ఈ పార్ట్‌నర్‌షిపే ఆసీస్‌ టీమిండియాపై ఆధిక్యత ప్రదర్శించేలా చేసిందని అన్నాడు. హెడ్‌, స్మిత్‌ సెం‍చరీ చేయకపోయుంటే పరిస్థితి మరోలా ఉండేదని తెలిపాడు. భారత ఆటగాళ్ల పోరాటం మూలాన మ్యాచ్‌ ఆఖరి రోజు వరకు వచ్చింది కాని, నా దృష్టిలో టీమిండియా తొలి రోజే ఓడిపోయిందంటూ ప్రముఖ వార్తా సంస్థకు ఇచ్చిన ఇంటర్వ్యూలో వ్యాఖ్యానించాడు.  ఇదిలా ఉంటే, నిన్న (జూన్‌ 11) ముగిసిన డబ్ల్యూటీసీ ఫైనల్లో టీమిండియా ఆసీస్‌ చేతిలో 209 పరుగుల తేడాతో ఓటమిపాలైన విషయం తెలిసిం‍దే. 444 పరుగుల భారీ లక్ష్య ఛేదనలో భారత్‌ 234 పరుగులకే ఆలౌటై, ఘోర పరాభవాన్ని మూటగట్టుకుంది. 164/3 స్కోర్‌ వద్ద ఐదో రోజు ఆటను ప్రారంభించిన భారత్‌ కనీస ప్రతిఘటన కూడా లేకుండా చేతులెత్తేసింది. ఈ మ్యాచ్‌లో తొలుత బ్యాటింగ్‌ చేసిన ఆసీస్‌.. ట్రవిస్‌ హెడ్‌ (163), స్టీవ్‌ స్మిత్‌ (121) శతకాలతో చెలరేగడంతో 469 పరుగుల భారీ స్కోర్‌ చేసి ఆలౌట్‌ కాగా.. భారత్‌ తొలి ఇన్నింగ్స్‌లో 296 పరుగులకే చాపచుట్టేసింది. అనంతరం ఆసీస్‌ 270/8 స్కోర్‌ వద్ద రెండో ఇన్నింగ్స్‌ను డిక్లేర్‌ చేయగా... భారత్‌ 234 పరుగులకు ఆలౌటైంది. చదవండి: ఐపీఎల్‌లో అలా అడగడం లేదు కదా.. రోహిత్ శర్మపై మాజీ లెజెండ్‌ ఫైర్‌

వరల్డ్‌ టెస్ట్‌ ఛాంపియన్‌షిప్‌ 2021-23 ఫైనల్లో సెంచరీ చేసి, ఐసీసీ టెస్ట్‌ ఫార్మాట్‌ ఫైనల్లో సెంచరీ చేసిన తొలి ఆటగాడిగా ట్రవిస్‌ హెడ్‌ రికార్డుల్లోకెక్కిన విషయం తెలిసిందే. ఈ మ్యాచ్‌లో హెడ్‌ సెంచరీ చేసిన తీరుపై సర్వత్రా ప్రశంసలు వెల్లువెత్తుతున్నాయి. జట్టు కష్టకాలంలో ఉన్నప్పుడు హెడ్‌ ఎదురుదాడికి దిగి చిరస్మరణీయమైన ఇన్నింగ్స్‌ ఆడిన తీరును అందరూ కొనియాడుతున్నారు. నిలకడగా ఆడటమే కాకుండా వేగంగా పరుగులు చేసిన విధానాన్ని ఆకాశానికెత్తుతున్నారు. తొలి రోజు టీమిండియా బౌలర్ల సహనానికి పరీక్ష పెట్టిన హెడ్‌.. ఆట ముగిసే సమయానికి 156 బంతుల్లో 22 ఫోర్లు, సిక్స్‌ సాయంతో అజేయమైన 146 పరుగులతో క్రీజ్‌లో ఉన్నాడు. అతనికి జతగా స్టీవ్‌ స్మిత్‌ (95 నాటౌట్‌) క్రీజ్‌లో ఉన్నాడు. ఫలితంగా ఆసీస్‌ తొలి రోజు ఆట ముగిసే సమయానికి 3 వికెట్ల నష్టానికి 327 పరుగులు చేసింది.  కాగా, హెడ్‌.. డబ్ల్యూటీసీ ఫైనల్లో టీమిండియాపై ఆడిన లాంటి ఇన్నింగ్స్‌లు కెరీర్‌లో చాలా ఆడాడు. కెరీర్‌లో 36 టెస్ట్‌లు ఆడిన హెడ్‌.. తాను చేసిన 5 సెంచరీల్లో 3 జట్టు కష్టకాలంలో ఉన్నప్పుడు సాధించినవే. 2021లో గబ్బా వేదికగా ఇంగ్లండ్‌తో జరిగిన మ్యాచ్‌లో జట్టు స్కోర్‌ 195/5 వద్ద బరిలోకి దిగిన హెడ్‌.. 85 బంతుల్లో మెరుపు శతకం చేసి తన జట్టు విజయంలో ప్రధాన పాత్ర పోషించాడు. 2022లో హోబర్ట్‌ వేదికగా ఇంగ్లండ్‌తో జరిగిన మ్యాచ్‌లో జట్టు స్కోర్‌ 12/3 వద్ద బరిలోకి దిగిన హెడ్‌.. 112 బంతుల్లో శతకం బాది ఆసీస్‌ను గెలిపించాడు.  2022లో గబ్బా వేదికగా సౌతాఫ్రికాతో జరిగిన మ్యాచ్‌లో జట్టు స్కోర్‌ 27/3 వద్ద ఉండగా బరిలోకి దిగిన హెడ్‌.. 96 బంతుల్లో 92 పరుగులు చేసి తన జట్టును విజయపథంలో నడిపించాడు.  తాజాగా ఓవల్‌ వేదికగా టీమిండియాతో జరుగుతున్న డబ్ల్యూటీసీ ఫైనల్లో జట్టు స్కోర్‌ 76/3 వద్ద ఉండగా బరిలోకి దిగిన హెడ్‌.. మెరుపు దాడే లక్ష్యంగా ఆడి 106 బంతుల్లో శతక్కొట్టాడు.  ఇవే కాక, ఈ ఏడాది జనవరిలో సిడ్నీ వేదికగా సౌతాఫ్రికాతో జరిగిన మ్యాచ్‌లో మెరుపు హాఫ్‌ సెంచరీ (59 బంతుల్లో 70).. 2022 డిసెంబర్‌లో విండీస్‌తో జరిగిన టెస్ట్‌లో భారీ శతకం (175), ఇదే సిరీస్‌లో అంతకుముందు టెస్ట్‌లో 95 బంతుల్లో 99 పరుగుల ఇన్నింగ్స్‌ హెడ్‌ కెరీర్‌లో హైలైట్‌గా నిలిచాయి. హెడ్‌ టెస్ట్‌ల్లో సెంచరీ చేసిన 4 సందర్భాల్లో ఆసీస్‌ గెలుపొందిందంటే, ఆ జట్టు విజయాల్లో అతని పాత్ర ఏంటో అర్ధమవుతుంది.  చదవండి: అన్ని ఫార్మాట్ల ఐసీసీ టోర్నీ ఫైనల్స్‌లో తొలి సెంచరీలు చేసింది ఎవరు..?

నిన్న (జూన్‌ 7) ప్రారంభమైన వరల్డ్‌ టెస్ట్‌ ఛాంపియన్‌షిప్‌ 2021-23 ఫైనల్లో సెంచరీ చేయడం ద్వారా ట్రవిస్‌ హెడ్‌ చరిత్ర పుటల్లోకెక్కాడు. ఈ ఆసీస్‌ ఆటగాడు డబ్ల్యూటీసీ ఫైనల్లో సెంచరీ చేసిన తొలి ఆటగాడిగా రికార్డు నెలకొల్పాడు. టెస్ట్‌ ఫార్మాట్‌లో జరిగే ఐసీసీ మెగా ఈవెంట్‌ (డబ్ల్యూటీసీ) ఫైనల్లో సెంచరీ చేసిన తొలి ఆటగాడిగా హెడ్‌ రికార్డుల్లోకెక్కిన అనంతరం వివిధ ఫార్మాట్ల ఐసీసీ ఈవెంట్స్‌ ఫైనల్స్‌లో ఎవరు శతక్కొట్టారనే విషయంపై నెటిజన్లు ఆరా తీయడం మొదలుపెట్టారు.  వన్డే వరల్డ్‌కప్‌, టీ20 వరల్డ్‌కప్‌, ఛాంపియన్స్‌ ట్రోఫీల ఫైనల్స్‌లో ఎవరు తొలి సెంచరీ చేశారని ఆరా తీయగా.. వన్డే వరల్డ్‌కప్‌ ఫైనల్లో తొలి సెంచరీ క్లైవ్‌ లాయిడ్‌ (1975 వరల్డ్‌కప్‌, వెస్టిండీస్‌), ఛాంపియన్స్‌ ట్రోఫీ ఫైనల్లో తొలి సెంచరీ ఫిలో వాలెస్‌ (1998, వెస్టిండీస్‌) పేరిట నమోదై ఉన్నాయి. టీ20 ఫార్మాట్‌ విషయానికొస్తే.. ఈ ఫార్మాట్‌లో జరిగే ఐసీసీ టోర్నీ ఫైనల్స్‌లో ఇప్పటివరకు ఎవరూ సెంచరీ సాధించలేదు. టీ20 వరల్డ్‌కప్‌లో 11 సెంచరీలు నమోదైనప్పటికీ అన్నీ వివిధ దశల్లో వచ్చినవే.  ఇదిలా ఉంటే, ఓవల్‌ వేదికగా నిన్న మొదలైన డబ్ల్యూటీసీ ఫైనల్లో ఆస్ట్రేలియా పటిష్ట స్థితిలో ఉంది. ట్రావిస్‌ హెడ్‌ (146 నాటౌట్‌), స్టీవ్‌ స్మిత్‌ (95 నాటౌట్‌) సత్తా చాటడంతో టాస్‌ ఓడి తొలుత బ్యాటింగ్‌కు దిగిన ఆసీస్‌ తొలి రోజు ఆట ముగిసే సమయానికి 3 వికెట్ల నష్టానికి 327 పరుగులు చేసింది. వార్నర్‌ (43), ఉస్మాన్‌ ఖ్వాజా (0), మార్నస్‌ లబూషేన్‌ (26) ఔటయ్యారు. షమీ, సిరాజ్‌, శార్దూల్‌కు తలో వికెట్‌ దక్కింది. చదవండి: డబ్ల్యూటీసీ ఫైనల్లో గెలుపెవరిది..? ఆర్టిఫిషియల్‌ ఇంటలిజెన్స్‌ (AI)ను ఆశ్రయించిన ఆసీస్‌

పిచ్‌పై తేమ, కాస్త పచ్చిక, ఆకాశం మేఘావృతం... అన్నీ పేస్‌ బౌలింగ్‌కు అనుకూలించే పరిస్థితులే. రోహిత్‌ శర్మ టాస్‌ గెలిచాడు. ఈ స్థితిలో ఏ కెప్టెనైనా ఏం చేస్తాడో అతను కూడా అదే చేస్తూ ఫీల్డింగ్‌ ఎంచుకున్నాడు. మ్యాచ్‌ ఆరంభంలో షమీ, సిరాజ్‌ బౌలింగ్‌ చూస్తుంటే ఫీల్డింగ్‌ ఎంచుకున్న నిర్ణయం సరైందనిపించింది... ఒక గంట గడిచింది. వాతావరణం అంతా మారిపోయింది... పిచ్‌ ఒక్కసారిగా బ్యాటర్ల పక్షాన చేరింది... హెడ్, స్మిత్‌ దీనిని అద్భుతంగా వాడుకున్నారు.  సంపూర్ణ ఆధిపత్యం కనబరుస్తూ ఆసీస్‌ భారీ స్కోరుకు బాటలు వేశారు. మెరుపు వేగంతో ఆడిన హెడ్‌ సెంచరీతో చెలరేగగా, స్మిత్‌ శతకానికి చేరువయ్యాడు. చివరి సెషన్‌లోనైతే మన బౌలర్లు పూర్తిగా చేతులెత్తేసిన పరిస్థితి... డబ్ల్యూటీసీ ఫైనల్‌ పోరులో తొలి రోజు పూర్తిగా ఆ్రస్టేలియాదే. రెండో రోజు వారిని నిలువరించలేకపోతే భారత్‌ ఈ టెస్టుపై ఆశలు కోల్పోవాల్సిందే!   లండన్‌: వరల్డ్‌ టెస్టు చాంపియన్‌షిప్‌ (డబ్ల్యూటీసీ) ఫైనల్‌ మొదటి రోజును ఆస్ట్రేలియా ఘనంగా ముగించింది. భారత్‌తో బుధవారం ప్రారంభమైన ఈ మ్యాచ్‌లో ఆట ముగిసే సమయానికి ఆసీస్‌ తొలి ఇన్నింగ్స్‌లో 85 ఓవర్లలో 3 వికెట్ల నష్టానికి 327 పరుగులు చేసింది. ట్రవిస్‌ హెడ్‌ (156 బంతుల్లో 146 బ్యాటింగ్‌; 22 ఫోర్లు, 1 సిక్స్‌), స్టీవ్‌ స్మిత్‌ (227 బంతుల్లో 95 బ్యాటింగ్‌; 14 ఫోర్లు) చెలరేగారు. వీరిద్దరు నాలుగో వికెట్‌కు అభేద్యంగా 251 పరుగులు జోడించారు. భారత తుది జట్టులో అశ్విన్‌కు స్థానం దక్కకపోగా, కీపర్‌గా భరత్‌కే చోటు లభించింది. ఇటీవల ఒడిశాలో జరిగిన రైలు ప్రమాదంలో మరణించిన వారి కోసం టీమిండియా ఆటగాళ్లు మౌనం పాటించగా, ఇరు జట్ల క్రికెటర్లు నల్లబ్యాండ్‌లు ధరించి బరిలోకి దిగారు.   రాణించిన వార్నర్‌...  పేసర్లు షమీ, సిరాజ్‌ పదునైన బంతులతో ఆసీస్‌ ఆటగాళ్లను తీవ్రంగా ఇబ్బంది పెట్టారు. మొదటి మూడు ఓవర్లు మెయిడిన్‌ కాగా, తర్వాతి ఓవర్లో ఫలితం దక్కింది. సిరాజ్‌ బంతిని ఆడలేక ఉస్మాన్‌ ఖ్వాజా (10 బంతుల్లో 0) కీపర్‌ భరత్‌కు క్యాచ్‌ ఇచ్చి వెనుదిరిగాడు. తొలి గంటలో 12 ఓవర్లు ఆడిన ఆస్ట్రేలియా 29 పరుగులే చేసింది. చెరో 2 ఓవర్లు వేసిన షమీ, సిరాజ్‌ వేసిన అనేక బంతులు వార్నర్‌ (60 బంతుల్లో 43; 8 ఫోర్లు), లబుషేన్‌ (62 బంతుల్లో 26; 3 ఫోర్లు) శరీరానికి తాకాయి. అయితే ఇద్దరు బ్యాటర్లు పట్టుదలగా నిలబడి ఇన్నింగ్స్‌ను నడిపించారు. ఉమేశ్‌ ఓవర్లో నాలుగు ఫోర్లు బాది జోరు ప్రదర్శించిన వార్నర్‌ ఆ తర్వాతా దానిని కొనసాగించాడు. ఆసీస్‌ పటిష్ట స్థితికి చేరుతున్న దశలో శార్దుల్‌ భారత్‌కు కీలక వికెట్‌ అందించాడు. లంచ్‌ సమయానికి కాస్త ముందు లెగ్‌సైడ్‌ వెళుతున్న బంతిని వార్నర్‌ వెంటాడగా భరత్‌ అద్భుతంగా అందుకున్నాడు. వార్నర్, లబుషేన్‌ రెండో వికెట్‌కు 69 పరుగులు జోడించారు. విరామం తర్వాత షమీ చక్కటి బంతితో లబుషేన్‌ ను బౌల్డ్‌ చేయడంతో భారత్‌ ఊపిరి పీల్చుకుంది.   భారీ భాగస్వామ్యం...  ఐదు పరుగుల వ్యవధిలో రెండు వికెట్లు పడగొట్టిన టీమిండియా ఆనందాన్ని తర్వాతి భాగస్వామ్యం పూర్తిగా దెబ్బ కొట్టింది. స్మిత్, హెడ్‌ కలిసి ఇన్నింగ్స్‌ను నిర్మించారు. తాను ఎదుర్కొన్న తొలి 16 బంతుల్లోనే 6 ఫోర్లతో దూకుడు చూపించిన హెడ్‌ 60 బంతుల్లోనే అర్ధ సెంచరీ పూర్తి చేసుకోగా, రెండో సెషన్‌లో భారత్‌కు వికెట్‌ దక్కలేదు. చివరి సెషన్‌లోనూ ఈ జంట మరింత పట్టుదలగా ఆడింది. 144 బంతుల్లో స్మిత్‌ హాఫ్‌ సెంచరీ పూర్తయిన కొద్ది సేపటికే హెడ్‌ 106 బంతుల్లోనే కెరీర్‌లో ఆరో శతకాన్ని అందుకున్నాడు. ఇదే ఊపులో భాగస్వామ్యం 200 పరుగులు దాటగా, భారత బృందం బేలగా చూస్తుండిపోయింది.  స్కోరు వివరాలు  ఆస్ట్రేలియా తొలి ఇన్నింగ్స్‌: వార్నర్‌ (సి) భరత్‌ (బి) శార్దుల్‌ 43; ఖ్వాజా (సి) భరత్‌ (బి) సిరాజ్‌ 0; లబుషేన్‌ (బి) షమీ 26; స్మిత్‌ (బ్యాటింగ్‌) 95; హెడ్‌ (బ్యాటింగ్‌) 146; ఎక్స్‌ట్రాలు 17; మొత్తం (85 ఓవర్లలో 3 వికెట్లకు) 327.  వికెట్ల పతనం: 1–2, 2–71, 3–76.  బౌలింగ్‌: షమీ 20–3–77–1, సిరాజ్‌ 19–4– 67–1, ఉమేశ్‌ 14–4–54–0, శార్దుల్‌ 18–2– 75–1, జడేజా 14–0–48–0.  

టీమిండియా, ఆస్ట్రేలియా మధ్య జరుగుతున్న ప్రతిష్టాత్మక డబ్ల్యూటీసీ ఫైనల్లో తొలిరోజు ఆట ముగిసింది. తొలిరోజు ఆటలో ఆస్ట్రేలియా స్పష్టమైన ఆధిక్యం చూపించింది. తొలి సెషన్‌ నుంచి నిలకడగా ఆడిన ఆస్ట్రేలియా తొలి రోజే 300 మార్క్‌ దాటి భారీ స్కోరుపై కన్నేసింది. ట్రెవిస్‌ హెడ్‌(146 పరుగులు బ్యాటింగ్‌), స్టీవ్‌ స్మిత్‌(95 పరుగులు బ్యాటింగ్‌) టీమిండియా బౌలర్లకు కొరకరాని కొయ్యగా మారారు. ఈ ఇద్దరు ఇప్పటికే నాలుగో వికెట్‌కు రికార్డు స్థాయిలో 251 పరుగులు జోడించారు. తొలి సెషన్‌లో రెండు వికెట్లు తీసిన టీమిండియా బౌలర్లు.. మలి రెండు సెషన్లు కలిపి కేవలం ఒకే ఒక్క వికెట్‌ పడగొట్టారు. ఇక రోజంతా కలిపి కేవలం మూడు వికెట్లు మాత్రమే తీసిన బౌలర్లు పూర్తిగా తేలిపోయారు.  ఆస్ట్రేలియాకు ఓపెనర్‌ డేవిడ్‌ వార్నర్‌ ఇచ్చిన మంచి ఆరంభాన్ని ట్రెవిస్‌ హెడ్‌, స్టీవ్‌ స్మిత్‌ కొనసాగించారు. భారత బౌలర్లకు ఏమాత్రం అవకాశమివ్వకుండా పరుగులు రాబట్టారు. ముఖ్యంగా ట్రెవిస్‌ హెడ్‌ వన్డే తరహా బ్యాటింగ్‌తో ఆకట్టుకున్నాడు. రోజు ముగిసే సరికి 150 పరుగులు చేసిన ట్రెవిస్‌ హెడ్‌ ఇదే దూకుడు కొనసాగిస్తే రెండోరోజు ఆటలో డబుల్‌ సెంచరీ మార్క్‌ అందుకున్నా ఆశ్చర్యపోనక్కర్లేదు. అటు తన మార్క్‌ ఇన్నింగ్స్‌తో ఆకట్టుకున్న స్మిత్‌ 95 పరుగులతో బ్యాటింగ్‌ చేస్తూ డబ్ల్యూటీసీ ఫైనల్లో సెంచరీ చేసిన రెండో బ్యాటర్‌గా రికార్డులకెక్కే పనిలో ఉన్నాడు. రెండో రోజు ఆటలో స్మిత్‌ సెంచరీ చేయడం ఖాయంగా కనిపిస్తోంది.  చదవండి: WTC Final: ట్రెవిస్‌ హెడ్‌ చరిత్ర.. సెంచరీ చేసిన తొలి బ్యాటర్‌గా

ఆస్ట్రేలియా బ్యాటర్‌ ట్రెవిస్‌ హెడ్‌ చరిత్ర సృష్టించాడు. డబ్ల్యూటీసీ ఫైనల్లో సెంచరీ బాదిన తొలి ఆటగాడిగా రికార్డులకెక్కాడు. బుధవారం టీమిండియాతో ఆరంభమైన డబ్ల్యూటీసీ ఫైనల్లో హెడ్‌ (106 బంతుల్లో 100 బ్యాటింగ్‌) వన్డే తరహాలో ఆడి సెంచరీ మార్క్‌ అందుకున్నాడు. అతని ఇన్నింగ్స్‌లో 14 ఫోర్లు, ఒక సిక్సర్‌ ఉన్నాయి. ఇప్పటివరకు డబ్ల్యూటీసీ ఫైనల్లో డెవాన్‌ కాన్వే చేసిన 54 పరుగులే అత్యధిక స్కోరుగా ఉంది. ఇప్పుడు హెడ్‌ ఆ రికార్డును బ్రేక్‌ చేయడమే కాకుండా ఏకంగా సెంచరీతో మెరిశాడు. ఇక ట్రెవిస్‌ హెడ్‌కు తన టెస్టు కెరీర్‌లో ఇది ఆరో సెంచరీ కాగా.. టీమిండియాపై, విదేశాల్లో ఇదే తొలి సెంచరీ కావడం విశేషం. History - Travis Head becomes first player to have scored Hundred in WTC Final. pic.twitter.com/PKsEQeFSsw — CricketMAN2 (@ImTanujSingh) June 7, 2023

అహ్మదాబాద్‌ వేదికగా భారత్‌-ఆస్ట్రేలియా మధ్య నాలుగో టెస్టు ప్రారంభమైంది. ఈ మ్యాచ్‌ను వీక్షించేందుకు భారత ప్రధాని నరేంద్ర మోదీ, ఆస్ట్రేలియా ప్రధాని ఆంటోనీ ఆల్బనీస్‌ స్టేడియంకు వచ్చారు. ఇక​ ఈ మ్యాచ్‌లో టాస్‌ గెలిచి బ్యాటింగ్‌ దిగిన ఆస్ట్రేలియా నిలకడగా ఆడుతోంది. ఆసీస్‌ ఓపెనర్లు ఉస్మాన్‌ ఖవాజా, హెడ్‌లు భారత పేసర్లను దీటుగా ఎదుర్కొంటున్నారు. కాగా 7 పరుగుల వ్యక్తిగత స్కోర్‌ వద్ద ఓపెనర్‌ ట్రావిస్‌ హెడ్‌ ఔటయ్యే ప్రమాదం నుంచి తృటిలో తప్పించుకున్నాడు. ఈజీ క్యాచ్‌ను వికెట్‌ కీపర్‌ శ్రీకర్‌ భరత్‌ వదిలేయడంతో హెడ్‌ బతికిపోయాడు.  ఆసీస్‌ ఇన్నింగ్స్‌ 6వ ఓవర్‌ వేసిన ఉమేశ్‌ యాదవ్‌ బౌలింగ్‌లో ఐదో బంతిని హెడ్‌ ఆఫ్‌ సైడ్‌ ఆడటానికి ప్రయత్నించాడు. అయితే బంతి ఎడ్జ్‌ తీసుకుని వికెట్‌ కీపర్‌ చేతికి వెళ్లింది. అయితే సునాయాస క్యాచ్‌ను అందుకోవడంలో భరత్‌ విఫలమయయ్యాడు. ఇక భరత్‌ విడిచి పెట్టిన క్యాచ్‌కు టీమిండియా ఎంత మూల్యం చెల్లించుకుంటుందో వేచి చూడాలి. తుది జట్లు భారత్ : రోహిత్ శర్మ(కెప్టెన్‌) శుబ్‌మన్‌ గిల్‌ ఛెతేశ్వర్ పుజారా, విరాట్ కోహ్లీ, శ్రేయాస్ అయ్యర్, శ్రీకర్ భరత్(వికెట్‌ కీపర్‌), రవీంద్ర జడేజా, అక్షర్ పటేల్, రవిచంద్రన్ అశ్విన్, మహ్మద్ షమీ, ఉమేష్ యాదవ్ ఆస్ట్రేలియా: ట్రావిస్ హెడ్, ఉస్మాన్ ఖవాజా, మార్నస్ లాబుస్‌చాగ్నే, స్టీవెన్ స్మిత్(కెప్టెన్‌), పీటర్ హ్యాండ్‌స్కాంబ్, కామెరాన్ గ్రీన్, అలెక్స్ కారీ(వికెట్‌కీపర్‌), మిచెల్ స్టార్క్, టాడ్ మర్ఫీ, మాథ్యూ కుహ్నెమాన్, నాథన్ లియాన్

కర్డుడి చావుకు సవాలక్ష కారణాలు అన్నట్లుగా తయారైంది ఆస్ట్రేలియా జట్టు పరిస్థితి. ఆటపై దృష్టి పెట్టకుండా అనవసర విషయాల జోలికి వెళ్లి మూల్యం చెల్లించుకుంది. పిచ్‌పై లేనిపోని నిందలేసి మానసికంగా కుంగదీయాలని చూసి దెబ్బతింది. ఆడలేక మద్దలదెరువు అన్నట్లు.. తమ ఆటను కేవలం మాటలకే పరిమితం చేసింది. టీమిండియాను ఈసారి ధీటుగా ఎదుర్కొంటాం.. స్పిన్‌ను చీల్చి చెండాడుతామంటూ బీరాలు పలికిన ఆస్ట్రేలియా జట్టు ఇప్పుడు అదే స్పిన్‌ ఉచ్చుకు బలైపోయింది. అంతా ముగిసిన తర్వాత ఇప్పుడు ఓటమికి కారణాలు విశ్లేషిస్తున్న ఆస్ట్రేలియా మొదట జట్టు కూర్పు సరిగ్గా ఉందా లేదా అన్నది పరిశీలించుకోవడం ముఖ్యం. ఇక ఆస్ట్రేలియా ఓటమికి కారణాలు ఏంటని విశ్లేషిస్తే.. మొదటగా బ్యాటింగ్‌ గురించి మాట్లాడుకోవాలి. 2021-22 యాషెస్‌ సిరీస్‌ హీరో ట్రెవిస్‌ హెడ్‌ను పక్కనబెట్టి ఆసీస్‌ పెద్ద మూల్యం చెల్లించుకుంది. ఫామ్‌లో ఉన్న బ్యాటర్‌ను ఆడించకుండా తప్పు చేసి ఓటమిని కొనితెచ్చుకుంది. డేవిడ్‌ వార్నర్‌ స్థానంలో ట్రెవిస్‌ హెడ్‌కు అవకాశం ఇచ్చి ఉంటే బాగుండేదని చాలా మంది క్రికెటర్లు అభిప్రాయపడ్డారు. భారత్‌తో సిరీస్‌కు ముందు గతేడాది డిసెంబర్‌ సౌతాఫ్రికాతో జరిగిన టెస్టు సిరీస్‌లో ట్రెవిస్‌ హెడ్‌ 92 పరుగులు చేసి జట్టును గెలిపించాడు. ఆ తర్వాత మెల్‌బోర్న్‌లో జరిగిన రెండో టెస్టులోనూ హాఫ్‌ సెంచరీతో రాణించాడు. ఈ మ్యాచ్‌లో ఆస్ట్రేలియా ఇన్నింగ్స్‌ తేడాతో ప్రొటిస్‌ను ఓడించి సిరీస్‌ను 2-0తో కైవసం చేసుకుంది. ఈ ఏడాది జనవరిలో సిడ్నీ వేదికగా జరిగిన మూడో టెస్టులోనూ హెడ్‌ అదరగొట్టాడు. మ్యాచ్‌ డ్రాగా ముగిసినప్పటికి హెడ్‌ 70 పరుగులతో రాణించాడు. వరల్డ్‌ టెస్టు ర్యాంకింగ్స్‌లో ట్రెవిస్‌ హెడ్‌ నాలుగో స్థానంలో ఉన్నాడు. అయితే డేవిడ్‌ వార్నర్‌ కోసం హెడ్‌ను పక్కనబెట్టినట్లు తెలుస్తోంది. దీనికి ప్రధాన కారణం.. ఇంతకముందు వార్నర్‌కు భారత్‌ పిచ్‌లపై ఆడిన అనుభవం ఉంటే.. అది హెడ్‌కు లేదు. టీమిండియాతో టెస్టు సిరీస్‌కు ముందు వార్నర్‌ పెద్దగా చెప్పుకోదగ్గ ఫామ్‌లో లేడు. అయితే సౌతాఫ్రికాతో మెల్‌బోర్న్‌లో జరిగిన రెండో టెస్టులో డబుల్‌ సెంచరీ చేశాడు. ఈ ఇన్నింగ్స్‌ తప్ప ముందు వెనుక వార్నర్‌ పెద్దగా ఆడింది ఏం లేదు. ఎంత సీనియర్‌ క్రికెటర్‌ అయినా ఫామ్‌లో లేకపోతే నిర్ధాక్షిణ్యంగా పక్కనబెట్టడం క్రికెట్‌ ఆస్ట్రేలియా నైజం. కానీ వార్నర్‌ విషయంలో అలా చేయలేకపోయింది. ఫామ్‌ కన్నా అనుభవానికే విలువనిచ్చింది. ఇది మంచిదే కావొచ్చు.. కానీ జట్టుకు చేటు తెస్తేనే ప్రమాదం. ఇప్పుడు ఆ ప్రమాదం పొంచి ఉంది. అందుకే ఢిల్లీ వేదికగా జరగనున్న రెండో టెస్టులో వార్నర్‌పై వేటు పడడం ఖాయంగా కనిపిస్తోంది. ఇక మిచెల్‌ స్టార్క్‌, కామెరున్‌ గ్రీన్‌ దూరం కావడం కూడా ఆసీస్‌కు ఎదురుదెబ్బే. అయితే కామెరున్‌ గ్రీన్‌ రెండో టెస్టుకు అందుబాటులో ఉండే అవకాశం ఉంది. ఇక నాగ్‌పూర్‌ వేదికగా టీమిండియా, ఆస్ట్రేలియా మధ్య జరిగిన తొలి టెస్టు మూడు రోజుల్లోనే ముగిసింది. టీమిండియా స్పిన్నర్లు రవీంద్ర జడేజా, రవిచంద్రన్‌ అశ్విన్‌ల ధాటికి ఆసీస్‌ ఇన్నింగ్స్‌ 132 పరుగుల తేడాతో ఘోర పరాజయం చవిచూసింది. పిచ్‌ స్పిన్నర్లకు విపరీతంగా అనుకూలిస్తున్నప్పటికి భారత బ్యాటర్లు అదరగొట్టిన పిచ్‌పై ఆసీస్‌ బ్యాటర్లు తేలిపోయారు. ఒక్కరంటే ఒక్కరు కూడా కనీసం అర్థశతకం మార్క్‌ను అందుకోలేకపోయారు.  ఇక ఇరుజట్ల మధ్య రెండో టెస్టు ఢిల్లీ వేదికగా ఫిబ్రవరి 17 నుంచి జరగనుంది. చదవండి: ముందే భయపడ్డారు; పిచ్‌పై ఉన్న శ్రద్ద ఆటపై పెడితే బాగుండు

గబ్బా వేదికగా సౌతాఫ్రికాతో జరిగిన తొలి టెస్ట్‌లో ఆతిధ్య ఆస్ట్రేలియా 6 వికెట్ల తేడాతో గెలుపొందింది. ఫలితంగా 3 మ్యాచ్‌ల టెస్ట్‌ సిరీస్‌లో 1-0 ఆధిక్యంలోకి దూసుకెళ్లింది. ఈ మ్యాచ్‌లో ఇరు జట్ల పేస్‌ బౌలర్లు నిప్పులు చెరిగినప్పటికీ.. సఫారీలతో పోలిస్తే ఆస్ట్రేలియా కాస్త మెరుగ్గా బ్యాటింగ్ చేయడంతో విజయం సాధించగలిగింది. ఆస్ట్రేలియా తొలి ఇన్నింగ్స్‌లో ట్రవిస్‌ హెడ్‌ (96 బంతుల్లో 92; 13 ఫోర్లు, సిక్స్‌) అద్భుతమైన ఇన్నింగ్స్‌ ఆడి ఆసీస్‌ గెలుపులో కీలకపాత్ర పోషించాడు.  ఆట తొలి రోజు 15 వికెట్లు నేలకూలిన ఈ టెస్ట్‌ మ్యాచ్‌లో రెండో రోజు ఏకంగా 19 వికెట్లు పడ్డాయి. దీంతో ఈ మ్యాచ్‌ కేవలం రెండు రోజుల్లోనే ముగిసింది. ఓవర్‌నైట్‌ స్కోర్‌ 145/5 వద్ద రెండో రోజు ఆటను కొనసాగించిన ఆసీస్‌ తొలి ఇన్నింగ్స్‌లో మరో 73 పరుగులు జోడించి 218 పరుగుల వద్ద ఆలౌటైంది. ట్రవిస్‌ హెడ్‌ 8 పరుగుల తేడాతో సెంచరీ చేసే అవకాశాన్ని చేజార్చుకున్నాడు. సఫారీ బౌలర్లలో రబాడ 4 వికెట్లు పడగొట్టగా.. జన్సెన్‌ 3, నోర్జే 2, ఎంగిడి ఓ వికెట్‌ దక్కించుకున్నారు. అనంతరం రెండో ఇన్నింగ్స్‌ ప్రారంభించిన సౌతాఫ్రికా.. పాట్‌ కమిన్స్‌ (5/42), మిచెల్‌ స్టార్క్‌ (2/26), స్కాట్‌ బోలాండ్‌ (2/14), నాథన్‌ లయోన్‌ (1/17) ధాటికి 99 పరుగులకే కుప్పకూలింది. 34 పరుగుల నామమాత్రపు లక్ష్యాన్ని ఛేదించేందుకు బరిలోకి దిగిన ఆసీస్‌ను సఫారీ ఏస్‌ పేసర్‌ రబాడ వణికించాడు. 4 ఓవర్లలో కేవలం 13 పరుగులిచ్చి 4 వికెట్లు పడగొట్టాడు. ఓపెనర్లు ఉస్మాన్‌ ఖ్వాజా (2), డేవిడ్‌ వార్నర్‌ (3), స్టీవ్‌ స్మిత్‌ (6), ట్రవిస్‌ హెడ్‌ (0) సింగిల్‌ డిజిట్‌ స్కోర్లకే పరిమితమైప్పటికీ 19 పరుగులు ఎక్స్‌ట్రాల రూపంలో రావడంతో ఆసీస్‌ గెలుపొందింది. అంతకుముందు సౌతాఫ్రికా తొలి ఇన్నింగ్స్‌లో 152 పరుగులకే ఆలౌటైన విషయం తెలిసిందే. సఫారీ ఇన్నింగ్స్‌లో వికెట్‌కీపర్‌ వెర్రిన్‌ (64) ఒక్కడే హాఫ్‌ సెంచరీతో రాణించాడు.   

ఆస్ట్రేలియా- సౌతాఫ్రికా జట్ల మధ్య గబ్బా వేదికగా జరుగుతున్న తొలి టెస్ట్‌లో ఇరు జట్ల పేస్‌ బౌలర్లు నిప్పులు చెరిగారు. ఫలితంగా ఆట తొలి రోజే ఏకంగా 15 వికెట్లు పడ్డాయి. టాస్‌ గెలిచి తొలుత బౌలింగ్‌ చేసిన ఆస్ట్రేలియా పర్యాటక సౌతాఫ్రికాను 152 పరుగులకే కుప్పకూల్చింది. అనంతరం సఫారీ బౌలర్లు సైతం రెచ్చిపోయి 145 పరుగులకే సగం ఆసీస్‌ వికెట్లను పడగొట్టారు. ఆసీస్‌ మిడిలార్డర్‌ బ్యాటర్‌ ట్రవిస్‌ హెడ్‌ (77 బంతుల్లో 78 నాటౌట్‌; 13 ఫోర్లు, సిక్స్‌) ఒక్కడే ఒంటరి పోరాటం​ చేస్తున్నాడు.  ఆసీస్‌ ఇన్నింగ్స్‌ తొలి బంతికే కగిసో రబాడ.. డేవిడ్‌ వార్నర్‌ను పెవిలియన్‌కు పంపగా, ఉస్మాన్‌ ఖ్వాజా (11), స్టీవ్‌ స్మిత్‌ (36)లను నోర్జే.. మార్నస్‌ లబూషేన్‌ (11)ను జన్సెన్‌ ఔట్‌ చేశారు. స్కాట్‌ బోలాండ్‌ (1)ను రబాడ ఔట్‌ చేయడంతో తొలి రోజు ఆట ముగిసింది. అంతకుముందు మిచెల్‌ స్టార్క్‌ (3/41), పాట్‌ కమిన్స్‌ (2/35), బోలాండ్‌ (2/28), నాథన్‌ లయోన్‌ (3/14) ధాటికి సౌతాఫ్రికా 152 పరుగులకే చాపచుట్టేసింది. సఫారీ ఇన్నింగ్స్‌లో వికెట్‌కీపర్‌ వెర్రిన్‌ (64) ఒక్కడే హాఫ్‌ సెంచరీతో రాణించాడు. వెర్రిన్‌తో పాటు సరెల్‌ ఎర్వీ (10), టెంబా బవుమా (38), రబాడ (10 నాటౌట్‌) మాత్రమే రెండంకెల స్కోర్‌ చేశారు. కెప్టెన్‌ డీన్‌ ఎల్గర్‌ (3), వాన్‌ డెర్‌ డస్సెన్‌ (5), జోండో (0), జన్సెన్‌ (2), మహారాజ్‌ (2), నోర్జే (0), ఎంగిడి (3) దారుణంగా విఫలమయ్యారు. కాగా, ఈ ఆస్ట్రేలియా పర్యటనలో సౌతాఫ్రికా 3 టెస్ట్‌లు, 3 వన్డేలు ఆడనుంది.