ఫేమస్‌ అవడానికో లేదా డబ్బు సంపాదించడానికో బిగ్‌బాస్‌ షోకు వచ్చేవాళ్లు చాలామందే ఉన్నారు! అయితే వచ్చిన ప్రతి ఒక్కరూ అంతో ఇంతో డబ్బు వెనకేసుకుంటారేమో కానీ మంచి పేరు రావడం కష్టం. ఇక్కడ అడుగుపెట్టినవాళ్లలో నెగెటివిటీని మూటగట్టుకుని బయటకు వెళ్లినవాళ్లే ఎక్కువ. కొందరు మాత్రమే తామేంటో నిరూపించుకుని విజేతలుగా నిలిచి ప్రేక్షకుల మనసులు గెలిచారు. మరి ఇప్పటివరకు జరిగిన సీజన్లలో గెలిచినవారు ఇప్పుడు ఏం చేస్తున్నారో చూసేద్దాం..బిగ్‌బాస్‌ 1బిగ్‌బాస్‌ తెలుగు మొదటి సీజన్‌లో సినీ బ్యాక్‌గ్రౌండ్‌ ఉన్న కంటెస్టెంట్లనే ఎక్కువగా తీసుకొచ్చారు. నవదీప్‌, హరితేజ, ఆదర్శ్‌ అందరినీ వెనక్కు నెట్టి శివబాలాజీ విజేతగా నిలిచాడు. ఈ విజయంతో తన కెరీర్‌ ఏమైనా మారిందా? అంటే లేదనే చెప్పాలి. 2017లో బిగ్‌బాస్‌ 1 సీజన్‌ జరగ్గా దాదాపు ఐదేళ్ల విరామం తర్వాత 2022లో మళ్లీ బిగ్‌స్క్రీన్‌పై కనిపించాడు. ఒకప్పటి అంత స్పీడుగా సినిమాలు చేయకపోయినా ఆచితూచి ప్రాజెక్టులు ఎంపిక చేసుకుంటున్నాడు.బిగ్‌బాస్‌ 2బిగ్‌బాస్‌ రెండో సీజన్‌లో కౌశల్‌ మండా విజయం సాధించాడు. ఇతడి కోసం జనాలు ర్యాలీ చేయడం అప్పట్లో సంచలనం సృష్టించింది. తన చేతిలో బోలెడన్ని ఆఫర్లు ఉన్నాయి, సినిమాలు చేస్తున్నాను అని చెప్పుకునే అతడు ఎక్కువగా బుల్లితెరపై ప్రసారమయ్యే సీరియల్‌, షోలలోనే కనిపిస్తున్నాడు తప్ప సినిమాల ఊసే లేదు.బిగ్‌బాస్‌ 3శ్రీముఖిని వెనక్కు నెట్టి రాహుల్‌ సిప్లిగంజ్‌ బిగ్‌బాస్‌ 3 టైటిల్‌ ఎగరేసుకుపోయాడు. ఇతడికి ఉన్న టాలెంట్‌తో పెద్ద సినిమాల్లోనూ పాటలు పాడే ఛాన్సులు అందుకున్నాడు. అలా ఆర్‌ఆర్‌ఆర్‌ మూవీలోని ఆస్కార్‌ విన్నింగ్‌ సాంగ్‌ 'నాటు నాటు..'ను కాలభైరవతో కలిసి ఆలపించాడు. బిగ్‌బాస్‌కు వెళ్లొచ్చాక స్టార్‌ స్టేటస్‌ అందుకున్న ఏకైక విన్నర్‌ బహుశా ఇతడే కావచ్చు.బిగ్‌బాస్‌ 4కండబలం కన్నా బుద్ధిబలం ముఖ్యం అని నిరూపించాడు అభిజిత్‌. ఎక్కువగా టాస్కులు గెలవకపోయినా మైండ్‌ గేమ్‌ ఆడి, తన ప్రవర్తనతో టైటిల్‌ గెలిచేశాడు. బిగ్‌బాస్‌ తర్వాత రెండేళ్లు గ్యాప్‌ తీసుకుని మోడ్రన్‌ లవ్‌ హైదరాబాద్‌ అనే సిరీస్‌లో తళుక్కున మెరిశాడు. మళ్లీ రెండేళ్లు గ్యాప్‌ తీసుకుని మెగా కోడలు లావణ్య త్రిపాఠితో కలిసి మిస్‌ పర్ఫెక్ట్‌ అనే వెబ్‌ సిరీస్‌ చేశాడు. ఇప్పుడు మళ్లీ ఖాళీగానే ఉన్నట్లున్నాడు.బిగ్‌బాస్‌ 5బిగ్‌బాస్‌ ఐదో సీజన్‌లో వీజే సన్నీ విన్నర్‌గా నిలిచాడు. అప్పటివరకు సీరియల్స్‌లోనే కనిపించిన అతడిని వెండితెరకు పరిచయం చేయడానికి ఈ షో మంచి ప్లాట్‌ఫామ్‌ అని భావించాడు. బిగ్‌బాస్‌ విజేతగా బయటకు వచ్చి హీరోగా ఏడాదికో సినిమా చేశాడు. కానీ మంచి హిట్టు అందుకోలేకపోయాడు.'బిగ్‌బాస్‌ 6ఈ సీజన్‌ విన్నర్‌ సింగర్‌ రేవంత్‌ మంచి టాలెంటెడ్‌. అప్పటివరకు ఎన్నో హిట్‌ సాంగ్స్‌ పాడాడు. ఈ షో తర్వాత కూడా తన జీవితం అలాగే కొనసాగిందే తప్ప ఊహించని మలుపులు అయితే ఏమీ జరగలేదు. ఇంకా చెప్పాలంటే అప్పటికన్నా ఇప్పుడే కాస్త ఆఫర్లు తగ్గాయి.బిగ్‌బాస్‌ 7రైతుబిడ్డ.. ఈ ఒకే ఒక్క పదం అతడిని బిగ్‌బాస్‌ విన్నర్‌ను చేసింది. గెలిస్తే రైతులకు సాయం చేస్తానంటూ ఆర్భాటాలు పోయిన ఇతడు ఆ తర్వాత ఒకరిద్దరికి సాయం చేసి చేతులు దులిపేసుకున్నాడు. ఈ బిగ్‌బాస్‌ షో తర్వాత కూడా ఎప్పటిలాగే రోజూ పొలం వీడియోలు చేసుకుంటూ బతికేస్తున్నాడు.బిగ్‌బాస్‌ నాన్‌స్టాప్‌ (ఓటీటీ)హీరోయిన్‌ బిందుమాధవి.. లేడీ ఫైటర్‌గా పోరాడి బిగ్‌బాస్‌ నాన్‌స్టాప్‌ టైటిల్‌ ఎగరేసుకుపోయింది. ఈ తెలుగమ్మాయికి బిగ్‌బాస్‌ తర్వాత మంచి అవకాశాలే వచ్చాయి. యాంగర్‌ టేల్స్‌, న్యూసెన్స్‌, మాన్షన్‌ 24, పరువు వెబ్‌ సిరీస్‌లలో కనిపించింది. అయితే ఇప్పటికీ తమిళంలోనే సినిమాలు చేస్తోంది తప్ప టాలీవుడ్‌లో మాత్రం రీఎంట్రీ ఇవ్వలేదు.ఇప్పటివరకు బిగ్‌బాస్‌ గెలిచినవారి జాతకాలు ఇలా ఉన్నాయి. మరి ఈసారి ఇంట్లో అడుగుపెట్టిన పద్నాలుగో మందిలో ఎవరు గెలుస్తారో? తర్వాత వారి కెరీర్‌ ఎలా ఉంటుందో చూడాలి!

కొన్ని విషయాల పట్ల నేను చాలా సెలెక్టివ్‌గా ఉంటాను. నాకు నచ్చనిది ఏ పని చేయను. పెళ్లి విషయంలో కూడా ఇలానే  ఉన్నాను. మా అమ్మ పెళ్లి చేసుకోమని పోరు పెడుతుంటుంది. నాకేమో ఇప్పుడప్పుడే పెళ్లి చేసుకోవాలనే ఉద్దేశం లేదు. నాకు నచ్చిన క్వాలిటీస్‌ ఉన్న అమ్మాయి దొరికే వరకు కాంప్రమైజ్‌ కాలేను. ఇంత సెలెక్టివ్ గా ఉండటం కూడా నాకు కొద్దిగా మైనస్‌ అవుతుంది’అని అన్నారు యంగ్‌ హీరో, ‘బిగ్‌బాస్‌’ ఫేమ్‌ అభిజిత్‌.  చాలా కాలం తర్వాత ఆయన నటించిన తాజా వెబ్‌ సిరీస్‌ ‘మిస్ పర్ఫెక్ట్’. లావణ్య త్రిపాఠి హీరోయిన్‌గా నటించారు. విశ్వక్ ఖండేరావ్ దర్శకత్వం వహించారు. ఫిబ్రవరి 2వ తేదీ నుంచి డిస్నీ ఫ్లస్ హాట్ స్టార్ లో "మిస్ పర్ఫెక్ట్" స్ట్రీమింగ్ కు రెడీ అవుతోంది. ఈ సందర్భంగా తాజాగా అభిజిత్‌ మీడియాతో ముచ్చటించారు. ఆ విశేషాలు..  ► ‘మిస్ పర్ఫెక్ట్’ వెబ్ సిరీస్ లో నేను రోహిత్ అనే క్యారెక్టర్ లో నటిస్తున్నాను. చాలా లేజీ పర్సన్ గా కనిపిస్తా. జీవితంలో ఎలాంటి లక్ష్యమంటూ ఉండదు. ఏదో డబ్బు కోసం ఉద్యోగం చేస్తుంటాడు గానీ అదీ సీరియస్ గా తీసుకోడు. రోహిత్ కు ఇష్టమైన విషయం ఒక్కటే వంట చేయడం. అది మాత్రం శ్రద్ధగా చేస్తుంటాడు. ► నా రియల్ లైఫ్ లో రోహిత్ లాంటి క్యారెక్టర్స్ ను చాలామందిని చూశాను. నా ఫ్రెండ్స్ కూడా అలాంటి వాళ్లు ఉన్నారు. ఉద్యోగంలో ఇష్టంతో ఉండలేక...బయటకు వచ్చి బిజినెస్ తో రిస్క్ చేయలేక ఆ సంఘర్షణలో ఉండిపోతారు. ఎవరైనా ఉద్యోగం కాదని వేరే పనిచేయాలనుకుంటే అది 30-35 ఇయర్స్ లోనే చేయాలి. 40 దాటిన తర్వాత మీరు రిస్క్ చేయాలన్నా చేయలేరు. అప్పుడు ఇంకా బాధ్యతలు పెరిగిపోతాయి. ► ఈ మధ్య పెళ్లి గోల, మోడరన్ లవ్ అనే సిరీస్ లు చేశాను. ఆ తర్వాత నటించిన వెబ్ సిరీస్ ఇదే. "మిస్ పర్ఫెక్ట్" అనేది రొమాంటిక్ కామెడీ సిరీస్. ఏదైనా కథ విన్నప్పుడు నేను చేయగలనా, నాకు సెట్ అవుతుందా అనేది ఆలోచిస్తా. మనకు నచ్చనివి చేసి రిలీజ్ చేయడం ఈజీ. కానీ ఆడియెన్స్ కు నచ్చదు. వాళ్లు ఏదో చేసేస్తే చూసే ట్రెండ్ ఇప్పుడు లేదు. మనకు సెట్ అయ్యే మూవీ , క్యారెక్టర్ చేస్తేనే ఆదరిస్తున్నారు. ► బయటి వాళ్లకు నేను బాగా సెలెక్టివ్ అనుకున్నా సరే వచ్చిన అవకాశాలన్నీ ఒప్పుకోవడం లేదు. ఫిలింమేకర్స్ గా, యాక్టర్స్ గా మేము ముందు ఆ కథను పూర్తిగా నమ్మాలి. కన్విక్షన్ తో రూపొందించాలి. బ్యాడ్ కంటెంట్ ను ఆడియెన్స్ ఇష్టపడే పరిస్థితి ఇప్పుడు ఏమాత్రం లేదు. ► ‘మిస్ పర్ఫెక్ట్’ వెబ్ సిరీస్ మంచి రోమ్ కామ్ ..అయితే ఇందులో ఫన్ ఎలిమెంట్స్ ఉంటాయి. ఒక అపార్ట్ మెంట్ లో కొన్ని క్యారెక్టర్స్ మధ్య జరుగుతుంది. క్యారెక్టర్స్ మధ్య నవ్వించే డైలాగ్స్ ఉంటాయి. ప్లెజంట్ గా ఎంటర్ టైనింగ్ గా ఎపిసోడ్స్ వెళ్తుంటాయి. షూటింగ్ మాత్రం సమ్మర్ లో చేశాం. ఆ హీట్ కు ఇబ్బందిపడ్డాం. ► లావణ్య త్రిపాఠీ నటన అంటే నాకు ఇష్టం. తను మంచి కోస్టార్. ఆమెతో కలిసి వర్క్ చేయడం హ్యాపీగా ఉండేది. మా మధ్య చాలా ఫన్నీ సీన్స్ ఉంటాయి. ఈ సీన్స్ చేసే క్రమంలో మేము మంచి ఫ్రెండ్స్ అయ్యాం. నేను, తను దాదాపు ఒకే టైమ్ లో కెరీర్ స్టార్ట్ చేశాం. అయితే లావణ్య నాకంటే ఎక్కువ సినిమాల్లో నటించింది. నేను ఈ సిరీస్ చేయడం మా ఇంట్లో వాళ్లకు కూడా హ్యాపీనెస్ ఇచ్చింది. లావణ్య యాక్టింగ్ ను మా ఫ్యామిలీ మెంబర్స్ కూడా ఇష్టపడతారు.

గతేడాది వివాహబంధంలోకి అడుగుపెట్టిన టాలీవుడ్ హీరోయిన్ లావణ్య త్రిపాఠి.  మెగా హీరో వరుణ్‌ తేజ్‌ను పెళ్లాడిన ముద్దుగుమ్మ తాజాగా వెబ్ సిరీస్‌తో ప్రేక్షకుల ముందుకొస్తోంది. పెళ్లి తర్వాత తొలిసారిగా నటించిన వెబ్ సిరీస్ కావడంతో అభిమానుల్లో ఆసక్తిని పెంచుతోంది. తాజాగా అభిజిత్, లావణ్య లీడ్‌ రోల్స్‌లో నటించిన మిస్ ఫర్పెక్ట్ అనే సిరీస్ టీజర్‌ను మేకర్స్ రిలీజ్ చేశారు.  ఈ సిరీస్‌లో లావణ్య  త్రిపాఠి.. ఓవర్ క్లీన్‌నెస్ (ఓసీడీ) కలిగిన పాత్రని పోషిస్తున్నారు. ఈ సిరీస్‌లో అభిజ్ఞ, ఝాన్సీ, హర్ష వర్ధన్, మహేష్ విట్టా, హర్ష రోషన్ ముఖ్య పాత్రలు పోషిస్తున్నారు. ఈ వెబ్ సిరీస్‌ త్వరలోనే ప్రముఖ ఓటీటీ సంస్థ డిస్నీప్లస్ హాట్‌స్టార్‌లో స్ట్రీమింగ్ కానుంది.  అయితే రిలీజ్ తేదీని మాత్రం ఇంకా ప్రకటించలేదు.   

లావణ్యా త్రిపాఠి, అభిజీత్‌ ప్రధాన పాత్రల్లో నటిస్తున్న వెబ్‌ సిరీస్‌ ‘మిస్‌ పర్ఫెక్ట్‌’. విశ్వక్‌ ఖండేరావ్‌ దర్శకత్వంలో అన్నపూర్ణ స్టూడియోస్‌ పతాకంపై సుప్రియ యార్లగడ్డ ఈ సిరీస్‌ను నిర్మిస్తున్నారు. త్వరలోనే ఈ వెబ్‌ సిరీస్‌ డిస్నీ ప్లస్‌ హాట్‌ స్టార్‌ ఓటీటీలో స్ట్రీమింగ్‌ కానుంది. ఈ సందర్భంగా ఫస్ట్‌ లుక్‌ను విడుదల చేశారు. ‘‘న్యూ ఇయర్‌ను పర్ఫెక్ట్‌గా మొదలు పెట్టబోతున్నాం’’ అంటూ ‘ఎక్స్‌’లో షేర్‌ చేశారు లావణ్యా త్రిపాఠి. ‘‘ప్రతి పనిని పర్ఫెక్ట్‌గా చేసే మిస్టర్‌ పర్ఫెక్ట్‌ల గురించి మాట్లాడుకుంటుంటాం. కానీ మిస్‌ పర్ఫెక్ట్‌గా ఓ అమ్మాయి ఎంత పర్ఫెక్ట్‌గా వర్క్‌ చేస్తుంది? ఎలా పని చేయిస్తుంది? అనే అంశాలను హిలేరియస్‌గా ఈ వెబ్‌ సిరీస్‌లో చూపించబోతున్నాం’’ అన్నారు విశ్వక్‌ ఖండేరావ్‌. ‘‘అనుకోకుండా ఏర్పరచుకునే కొన్ని అనుబంధాలు మన జీవితాలపై ఎలాంటి ప్రభావం చూపిస్తాయి? అనే ప్రేమకథతో ‘మిస్‌ పర్ఫెక్ట్‌’ని రూపొందించాం’’ అన్నారు సుప్రియ యార్లగడ్డ. ఈ సిరీస్‌కు సంగీతం: ప్రశాంత్‌ ఆర్‌. విహారి, కెమెరా: ఆదిత్య జవ్వాదా. 

మెగా కోడలు లావణ్య త్రిపాఠి.. మళ్లీ రంగంలోకి దూకేసింది. నవంబరులో మెగాహీరో వరుణ్ తేజ్‌ని పెళ్లి చేసుకున్న ఈ బ్యూటీ..  హనీమూన్, భర్తతో టైమ్ స్పెండ్ చేయడం కోసం కొన్నాళ్లు బ్రేక్ తీసుకుంది. ఇప్పుడు సరికొత్త ఓటీటీ వెబ్ సిరీస్‌తో అలరించేందుకు సిద్ధమైపోయింది. తాజాగా ఫస్ట్ లుక్ రిలీజ్ చేయగా, ఇతర డీటైల్స్ త్వరలో వెల్లడించబోతున్నట్లు ప్రకటించారు. ఇంతకీ ఏ సిరీస్? 'అందాల రాక్షసి' మూవీతో హీరోయిన్‌గా తెలుగులోకి ఎంట్రీ ఇచ్చిన లావణ‍్య త్రిపాఠి.. మిడ్ రేంజ్ హీరోలతో కలిసి సినిమాలు చేసింది. అయితే 2016లో 'మిస్టర్' షూటింగ్ టైంలో మెగాహీరో వరుణ్ తేజ్‌తో ప్రేమలో పడింది. అప్పటినుంచి 2023 జూన్ వరకు తమ బంధాన్ని రహస్యంగా ఉంచారు. ఎంగేజ్‌మెంట్‌తో తమ రిలేషన్‌ని అఫీషియల్ చేశారు. నవంబరు 1న ఇటలీలో పెళ్లి చేసుకుని కొత్త జీవితం మొదలుపెట్టేశారు. (ఇదీ చదవండి: ఓటీటీలోకి 'యానిమల్'.. అనుకున్న టైమ్ కంటే ముందే స్ట్రీమింగ్?) ఇదే చివరి సిరీస్? 2022లో 'హ్యాపీ బర్త్ డే' అనే హీరోయిన్ ఓరియెంటెడ్ మూవీ చేసిన లావణ్య త్రిపాఠి.. గతేడాది ఒక్క మూవీలో నటించలేదు. కాకపోతే 'పులిమేక' అనే వెబ్ సిరీస్‌లో నటించింది. నటిగా మంచి మార్కులు కొట్టేసింది. ఇప్పుడు 'మిస్ ఫెర్ఫెక్ట్' సిరీస్‌లో ఈమెదే మెయిన్ లీడ్ అని తెలిసింది. తాజాగా ఫస్ట్ లుక్ బట్టి చూస్తే బిగ్‌బాస్ విన్నర్ అభిజిత్.. లావణ్యకు జోడీగా నటించనున్నాడు.  అయితే లావణ్య త్రిపాఠి చేతిలో ప్రస్తుతం 'మిస్ ఫెర్ఫెక్ట్' సిరీస్‌తో పాటు 'తనల్' అనే తమిళ మూవీ మాత్రమే ఉంది. కొత్తగా ఏ ప్రాజెక్టులు ఒప్పుకోవట్లేదు. అంటే ఈ రెండు చేసిన తర్వాత పూర్తిగా యాక్టింగ్ పక్కనబెట్టేస్తుందా అని డౌట్ వస్తుంది. లావణ్య కొత్త సినిమాలు చేసిన దానిబట్టి దీనిపై  క్లారిటీ వచ్చేస్తుంది. సో అదన్నమాట విషయం. (ఇదీ చదవండి: వేణుస్వామి నటించిన రెండు తెలుగు సినిమాలు... అవేంటో తెలుసా?) Starting this new year on a perfect note! Miss Perfect sir, Miss Perfect anthe 👌#MissPerfectonHotstar Coming Soon only on #DisneyPlusHotstar@Abijeet @abhignya_v #VishvakKhanderao @AnnapurnaStdios #SupriyaYarlagadda @adityajavvadi @prashanthvihari @disneyplushstel pic.twitter.com/An6XjCbWuk — LAVANYA (@Itslavanya) January 3, 2024

Bigg Boss Fame Abhijeet About His Movies: 'లైఫ్‌ ఈజ్‌ బ్యూటిఫుల్‌' సినిమాతో హీరోగా ఎంట్రీ ఇచ్చిన అభిజిత్‌ బిగ్‌బాస్‌ షోతో ఎంతోమంది అభిమానాన్ని సంపాదించుకున్నాడు. కండబలంతో కాకుండా బుద్ది బలంతో గేమ్‌ ఆడడం ప్రేక్షకులను ఎంతగానో ఆకర్షించింది. మిస్టర్‌ కూల్‌తో పాటు మిస్టర్‌ పర్‌ఫెక్ట్‌గా ఎంతోమంది అమ్మాయిల మనసు దోచుకున్న అభిజిత్‌ బిగ్‌బాస్‌ సీజన్‌-4 విజేతగా నిలిచిన సంగతి తెలిసిందే. షో అనంతరం మిగతా కంటెస్టెంట్లు పలు బర్త్‌డే, ప్రైవేట్‌ పార్టీల్లో పాల్గొంటే అభిజిత్‌ మాత్రం ఎక్కువగా కనపడలేదు. అంతేకాకుండా సోహైల్‌, అఖిల్‌, అరియానా సహా పలువురు  కంటెస్టెంట్లు వరుస ఆఫర్లతో ఫుల్‌ బిజీగా మారితే, సీజన్‌ విన్నర్‌గా నిలిచిన అభిజిత్‌ మాత్రం సెలైంట్‌ అయిపోయాడు. ఆ మధ్య మూడు ప్రాజెక్టులకు సైన్‌ చేసినట్లు చెప్పిన అభిజిత్‌ ఆ తర్వాత ఎలాంటి అప్‌డేట్‌ ఇవ్వలేదు. తాజాగా ట్విట్టర్‌లో 'ఆస్క్‌ మి ఎనీథింగ్‌' అనే సెషన్‌ను నిర్వహించిన అభిజిత్‌కు ఫ్యాన్స్‌ నుంచి కుప్పలు తెప్పలుగా క్వశ్చన్స్‌ వచ్చి పడ్డాయి. సినిమా అప్‌డేట్‌ గురించి చెప్పాల్సిందిగా పలువురు  అభిమానులు ప్రశ్నల వర్షం కురిపించారు. దీనిపై స్పందించిన అభిజిత్‌.. ప్రస్తుతం తన ఆరోగ్యం బాగోలేదని, అందుకే సినిమాలు చేయట్లేదని చెప్పి అందరికి షాక్‌ ఇచ్చాడు. ఇప్పుడు తనకు ఆరోగ్యమే ఎక్కువ ముఖ్యం అని తెలిపాడు.  అయితే ఎలాంటి అనారోగ్య సమస్యలతో బాధపడుతున్నాడో మాత్రం అభిజిత్‌ క్లారిటీ ఇవ్వలేదు. Guys, thanks so much for coming. It’s really difficult to see all your tweets but I can tell you that I have tried very much to reply to everyone. I only have one thing to say right now, my body is my only priority. Health is wealth 🙏🏽 — Abijeet (@Abijeet) September 12, 2021

అతి సర్వత్రా వర్జయేత్‌ అంటారు. అంటే ఏ విషయంలోనైనా అతిగా ఉండకూడదు అని! కానీ అతి ఎగ్జయిట్‌మెంట్‌తో ఆదిలోనే అడ్డంకులు ఎదుర్కొంటోంది ఆర్జే కాజల్‌. తనకు బిగ్‌బాస్‌ షో అంటే ఎంతో ఇష్టమని, అలాంటిది ఆ షోలో తను భాగం కావడం ఎంతో సంతోషంగా ఉందని తొలి రోజే ఉబ్బితబ్బిబ్బైపోయింది కాజల్‌. హౌస్‌ అంతా కలియతిరుగుతూ అందరితోనూ మాట కలుపుతూ హడావుడి చేస్తోంది. అయితే ఆమె ఉత్సుకత మిగతావారికి మింగుడు పడటం లేదు. ఇదంతా ఏదో కావాలని చేస్తున్నట్లు ఉందని కొందరు కంటెస్టెంట్లు అభిప్రాయపడుతున్నారు. దీంతో హౌస్‌లో ఆమె ఏం చేసినా ఒకరకంగా దాన్ని ఓవరాక్షన్‌ అనే వర్ణిస్తున్నారు. వాళ్లే కాదు సోషల్‌ మీడియాలోనూ నెటిజన్లు ఇదే అభిప్రాయపడుతున్నారు. నామినేషన్‌ ప్రక్రియలో 'బిగ్‌బాస్‌ తన కలల హౌస్‌' అంటూ డ్రీమ్‌ కార్డ్‌ వాడిన ఆమె, నేటి ప్రోమోలో కన్నీళ్లు పెట్టుకుని చైల్డ్‌ కార్డ్‌ వాడుతోందంటూ సెటైర్లు వేస్తున్నారు. గత సీజన్‌లో అభిజిత్‌ పీఆర్‌ టీమ్‌ పెట్టుకున్నాడంటూ నెగెటివిటీ వ్యాప్తి చేసిన ఆమెను అభి ఫ్యాన్స్‌ ఓ రేంజ్‌లో ఆడేసుకుంటున్నారు. పైగా తొలి రోజే కాజల్‌ అందరి దగ్గరకు వెళ్లి వారి పర్సనల్‌ విషయాల కూపీ లాగడం ఏంటని ప్రశ్నిస్తున్నారు. ఆమె హౌస్‌లో ఓ వైరస్‌ లాంటిదని, వీలైనంత తొందరగా తనను బయటకు పంపించేయండని అభి ఫ్యాన్స్‌ సూచిస్తున్నారు. కాజల్‌ అభిమానులు మాత్రం ఈ ట్రోలింగ్‌ను గట్టిగా తిప్పికొడుతున్నారు. ఆమె మీద ఇంత విషం చిమ్మడం దారుణమని కామెంట్లు చేస్తున్నారు. తన ఎగ్జయిట్‌మెంట్‌ను అందరూ తప్పుగా అర్థం చేసుకుంటున్నారని, ఆమె ఆటతీరు చూశాక మాట్లాడితే బాగుంటుందని హితవు పలుకుతున్నారు. మరి ఈ నెగెటివిటీ నుంచి కాజల్‌ ఎలా బయటపడుతుంది? అన్నది ఇంట్రస్టింగ్‌గా మారింది. Odiyamma badava idendayya idi😂 Iddaru strong ani nominate chestene vallani nominate chesav kada Khaja akka... Alantidi enno valid points tho nominate chesina #Abijeet ni ennesi matalu annav#BiggBoss Nee dream aithey Pakkodidhi enti ?icecream ha??#BiggBossTelugu5 #RJKajal pic.twitter.com/O6AHUxor3Y — Vamc Krishna (@vamccrishnaa) September 7, 2021 Karma hits back like BOOMERANG 🪃 @RJKajal tanu tesukunna gotilo thane padutundi🤣#kajalions #5muchdrama #BiggBossTelugu5 #biggboss5telugu #RJKajal pic.twitter.com/v6TgzJhL0O — PeddaDora (@DoraPedda) September 7, 2021 #Abijeet ni PR team ani cheppi negative ga spread chesina #RJKajal pakka preplanned ga motham PR set chesi ochindhi! #BiggBossTelugu5 'You don't have a point you need a point ' Nee dramal ki evdu karagadu! Infront there is crocodile festival.. pic.twitter.com/y5FvDEPvMF — Vamsi (@Darlingvamsi38_) September 7, 2021 5 much negativity on #Abijeet in Her Reviews kanipinchaledha 😌😌#RjKajal #BiggBossTelugu5 https://t.co/Oc9CxHJXks — Rooba_Rooba (@rooba_rooba) September 7, 2021 Bigg Boss ni pindesi ochina contestant laga ayite naku kanipinchaledu RJ Kajal. Emotions fake anipinchayi and also logic behind her nominations is the worst !!! #RJKajal #BiggBossTelugu5 #biggboss5telugu #BiggBossTeluguSeason5 — Hydrocker (@Hyd_Rocker) September 6, 2021

 ♦చీర కట్టులో దీప్తి సునయన  ♦ తమ్ముడి షర్ట్‌ను దొంగతనం చేసిన అనుపమ  ♦ క్యూట్‌ లుక్స్‌లో సనయా ఇరానీ  ♦ పొలం దున్నుతున్న అభిజీత్‌  ♦ బ్రేక్‌ ఫాస్ట్‌తో తమన్నా.. ఆ షో కోసమేనా?  ♦ వోగ్‌ ఫోటో షూట్‌లో సోనమ్‌ కపూర్‌  ♦ నిషా అగర్వాల్‌ను పొగిడేస్తున్న కాజల్‌ View this post on Instagram A post shared by D E E P T H I R E D D Y 🇮🇳 (@deepthi_sunaina) View this post on Instagram A post shared by Genelia Deshmukh (@geneliad) View this post on Instagram A post shared by Anupama Parameswaran (@anupamaparameswaran96) View this post on Instagram A post shared by Sanaya Irani (@sanayairani) View this post on Instagram A post shared by Jhansi (@anchor_jhansi) View this post on Instagram A post shared by pradeep machiraju (@pradeep_machiraju) View this post on Instagram A post shared by Abijeet (@abijeet11) View this post on Instagram A post shared by Kangana Ranaut (@kanganaranaut) View this post on Instagram A post shared by Sonam K Ahuja (@sonamkapoor) View this post on Instagram A post shared by Punarnavi Bhupalam🧿 (@punarnavib) View this post on Instagram A post shared by Tamannaah Bhatia (@tamannaahspeaks) View this post on Instagram A post shared by Nisha Aggarwal (@nishaaggarwal)

మొదటి స్టెప్‌ తప్ప ఏదీ గుర్తులేదు. కానీ ఏదో అలా శ్రుతి కలపడానికి ప్రయత్నించాను అంటూ ఓ డ్యాన్స్‌ వీడియోని పోస్ట్‌ చేసింది యాంకర్‌ విష్ణుప్రియ.  పెంచ్ మెమోరీస్ అంటూ హాట్‌ ఫోటోని షేర్‌ చేసింది శ్రీముఖి ముళ్లు లేని గులాబీని పొందలేము అంటూ ఓ బ్యూటిఫుల్‌ పిక్‌ని షేర్‌ చేసింది లక్ష్మీరాయ్‌  ఆర్జీవీతో చేసిన ఇంటర్వ్యూ నా జీవితాన్ని మార్చేసిందంటూ ఆయనతో జిమ్‌ చేస్తున్న ఫోటోని ఫ్యాన్స్‌తో పంచుకుంటి బిగ్‌బాస్‌ బ్యూటీ అరియానా  మత్తెక్కించే చూపులతో కుర్రకారుకు చెమటలు పుట్టిస్తుంది బాలీవుడ్‌ బ్యూటీ సారా అలీఖాన్‌  View this post on Instagram A post shared by Sara Ali Khan (@saraalikhan95) View this post on Instagram A post shared by Raai Laxmi (@iamraailaxmi) View this post on Instagram A post shared by Anupama Parameswaran (@anupamaparameswaran96) View this post on Instagram A post shared by Vishnupriya (@vishnupriyabhimeneni) View this post on Instagram A post shared by Sunny Leone (@sunnyleone) View this post on Instagram A post shared by Sreemukhi (@sreemukhi) View this post on Instagram A post shared by Hebah Patel (@ihebahp) View this post on Instagram A post shared by Varshini (@varshini_sounderajan) View this post on Instagram A post shared by Poonam Bajwa (@poonambajwa555) View this post on Instagram A post shared by Abijeet (@abijeet11) View this post on Instagram A post shared by Ariyana Glory (@ariyanaglory)

దేశవ్యాప్తంగా కరోనా విజృంభిస్తోంది. ఈ సెకండ్‌ వేవ్‌ మరింత తీవ్రంగా ఉండటంతో తెలుగు రాష్ట్రాల్లో  లాక్‌డౌన్‌ విధించిన సంగతి తెలిసిందే. దీంతో సామాన్య ప్రజలు మరోసారి నిత్యవసర సరుకులు లేక ఇబ్బందులు ఎదుర్కొంటున్నారు. ఈ ఆపత్కాలంలో పేద కటుంబాలను ఆదుకునేందుకు సామాన్య ప్రజల నుంచి సెలబ్రెటీల వరకు ముందుకు వస్తున్నారు. తాజాగా బిగ్‌బాస్‌ 4 సీజన్‌ విన్నర్‌ అభిజిత్‌ తన ఉదారతను చాటుకున్నాడు. సిద్దిపేటకు చెందిన ముడు పేద కుటుంబాలకు నిత్యావసర సరుకులు పంపిణి చేసి వారి అవసరాన్ని తీర్చాడు. ఇందుకు సంబంధించిన ఫొటోలను, వీడియోలు అభిజిత్‌ తన ఇన్‌స్టాగ్రామ్‌లో షేర్‌ చేశాడు. ‘మూడు కుటుంబాలు నిత్యవసర సరుకుల కోసం ఇబ్బంది పడుతున్నారని నిన్న సాయంత్రం సిద్దిపేట నుంచి ఓ వ్యక్తి నాకు ఫోన్‌ చేశాడు. వెంటనే నేను నాకు తెలిసిన యువకులను దీని గురించి తెలుసుకోమ్మని చెప్పాను. తెల్లారి లేచే సరికి ఈ ఫొటోలు, వీడియొలు నాకు పంపించారు. ఇందుకు సహకరించిన సిద్దిపేట యువకులకు ధన్యవాదాలు’ అంటూ అభిజిత్‌ రాసుకొచ్చాడు.  View this post on Instagram A post shared by Abijeet (@abijeet11)

తెలుగు బిగ్‌బాస్‌ నాల్గో సీజన్‌ విన్నర్‌ అభిజిత్‌ తల్లి కోవిడ్‌ బారిన పడింది. ఈ విషయాన్ని అభిజిత్‌ స్వయంగా సోషల్‌ మీడియా ద్వారా తన అభిమానులకు తెలియజేశాడు. "ఏదైతే  భయపడ్డామో అదే జరిగింది. అమ్మకు పాజిటివ్‌ అన్న విషయం మంగళవారం తెలిసింది. కుటుంబ సభ్యులం పరీక్ష చేయించుకుంటే అందరికీ నెగెటివ్‌ వచ్చింది. కాస్త ఊరటనిచ్చే విషయం ఏంటంటే అమ్మకు సీటీ లెవల్స్‌ బాగానే ఉన్నాయి. త్వరగానే కోలుకుంటుందని ఆశిస్తున్నా" "ఇకపోతే ఈ కోవిడ్‌ మానసిక ధైర్యానికి పరీక్ష పెడుతుంది. ఐసోలేషన్‌లో ఉండటం అనేది చెత్త విషయం. ఒక వ్యాధి సోకిన మనిషిని రూమ్‌లో బంధించడం అనేది దారుణం. కాబట్టి జాగ్రత్తగా ఉండండి. దురదృష్టవశాత్తూ మనం ఘోర పరిస్థితిలో ఉన్నాం. దీని గురించి ఇంకా మాట్లాడదల్చుకోలేదు. ఈ సమయాన్ని వృథాగా పోనీయకుండా ఏదైనా కొత్తది నేర్చుకోవాలనుకున్నా. అలా స్పానిష్‌ నేర్చుకుంటున్నాను" అని అభిజిత్‌  చెప్పుకొచ్చాడు. చదవండి: ఈ యంగ్‌ హీరోను గుర్తుపట్టారా?

తెలుగు నాట బిగ్‌బాస్‌ రియాలిటీ షోకు స్పెషల్‌ క్రేజ్‌ ఉంది. బిగ్‌బాస్‌ వస్తుందంటే చాలు సీరియళ్లకు ఫుల్‌స్టాప్‌ పెడ్తూ రిమోట్‌ మార్చేస్తుంటారు. మా టీవీలో ప్రసారమయ్యే బిగ్‌బాస్‌ హౌస్‌లోకి వీళ్లే నేరుగా ప్రవేశించినంత సంబరపడిపోతుంటారు. ఇక వారి ఫేవరెట్‌ సెలబ్రిటీలు కంటెస్టెంట్లుగా వస్తే వాళ్ల ఆనందాన్ని మాటలో చెప్పలేము. హాట్‌స్టార్‌ ఓట్లు మాత్రమే కాదు మిస్‌డ్‌ కాల్స్‌ కూడా ముఖ్యమేనంటూ లోపల ఉన్న పోటీదారులను ఎలిమినేషన్‌ నుంచి గట్టెక్కించేందుకు నానా రకాలుగా కష్టపడుతారు.  మొత్తానికి తెలుగు బిగ్‌బాస్‌ నాల్గో సీజన్‌లో అందరూ ఊహించినట్లుగానే అభిజిత్‌ విజేతగా అవతరించాడు. కానీ సోహైల్‌ రూ.25 లక్షలు తీసుకుని టైటిల్‌ రేసు నుంచి తప్పుకోవడంతో అభిజిత్‌ ప్రైజ్‌మనీలో కోత పడింది. దీంతో అతడు కూడా పాతిక లక్షలు తీసుకుని ట్రోఫీని పట్టుకెళ్లిపోయాడు. షో తర్వాత తనకున్న ఫ్యాన్‌ ఫాలోయింగ్‌ చూసి అభిజిత్‌ నోరెళ్లబెట్టాడు. తనను గెలిపించిన ప్రేక్షకులకు ఏమిచ్చి రుణం తీర్చుకోగలనని వారి మీద ప్రేమను వ్యక్తం చేశాడు. అయితే అతడు సినిమాల్లోకి వస్తే చూడాలని ఉందని చాలా మంది అభిమానులు ఎదురు చూస్తుండగా అభిజిత్‌ మాత్రం పలు కారణాలు చెప్తూ తన దగ్గరకు వచ్చిన కథలను రిజెక్ట్‌ చేశాడు. దీంతో ఫ్యాన్స్‌ కొంత నిరుత్సాహపడ్డారు. అయితే తాజాగా ఫిల్మీ దునియాలో వినిపిస్తున్న సమాచారం ప్రకారం.. అభిజిత్‌ ఏకంగా నాగార్జునతో డీల్‌ కుదుర్చుకున్నాడట. అవును, నాగ్‌ సొంత సంస్థ‌ అన్నపూర్ణ స్టూడియోస్‌తో ఓ మూడు సినిమాలు చేసేందుకు అభిజిత్‌ సంతకం చేసినట్లు వార్తలు వస్తున్నాయి. అయితే వీటికి దర్శకులను వెతికే పనిలో పడ్డారట. అంటే దర్శకులు దొరికేయగానే అభిజిత్‌ ఒకేసారి మూడు ప్రాజెక్టుల్లో పని చేస్తూ ఊపిరి సలపనంత బిజీగా ఉండబోతున్నాడని ఆయన అభిమానులు అభిప్రాయపడుతున్నారు. ఏదేమైనా అన్నపూర్ణ స్టూడియోస్‌ అభిజిత్‌తో ఓకేసారి మూడు సినిమాలకు డీల్‌ కుదుర్చుకోవడమంటే మామూలు విషయం కాదని కామెంట్లు చేస్తున్నారు. కానీ ఇప్పటివరకైతే దీని గురించి ఎటువంటి అధికారిక ప్రకటన మాత్రం రాలేదు. చదవండి: అనురాగ్ కశ్యప్‌, తాప్సీలపై ఐటీ దాడులు: రూ.350 కోట్లకు పన్ను ఎగవేత అఖిల్‌ సర్‌ప్రైజ్‌ గిఫ్ట్‌: అవాక్కైన బిగ్‌బాస్‌ కంటెస్టెంట్‌

పైన కనిపిస్తున్న ఫొటో ప్రస్తుతం సోషల్‌ మీడియాలో నానా హంగామా చేస్తోంది. తల్లి చంకనెక్కిన ఆ పాలబుగ్గల పసిపిల్లాడు ఎవరనుకుంటున్నారు? బిగ్‌బాస్‌ నాల్గో సీజన్‌లో బుద్దిబలంతో టాస్కులు గెలవడంతో పాటు అమ్మాయిల మనసు దోచుకున్న మిస్టర్‌ పర్‌ఫెక్ట్‌ అభిజిత్‌. చిన్నప్పుడు కూడా ఎంతో క్యూట్‌గా ఉన్న ఈ ఫొటో ఆయన అభిమానులకు విపరీతంగా ఆకర్షిస్తోంది. అమ్మ ప్రేమ అన్న క్యాప్షన్‌తో ఈ ఫొటోను అతడు సామాజిక మాధ్యమాల్లో పోస్ట్‌ చేశాడు. కాగా ఓ స్పెషల్‌ ఎపిసోడ్‌లో అభి అమ్మ కూడా హౌస్‌లోకి అడుగు పెట్టి తెగ సందడి చేసిన విషయం తెలిసిందే. మీరు కొట్టుకోండి, అదే కదా మజా అంటూ కంటెస్టెంట్లతో ఫ్రెండ్లీగా కలిసిపోవడంతో ఆమె కూడా పాపులర్‌ అయింది. (చదవండి: బిగ్‌బాస్‌ : అభిజిత్‌కి రోహిత్‌ శర్మ ఊహించని గిఫ్ట్‌) కేవలం ఎక్స్‌పీరియన్స్‌ కోసమే బిగ్‌బాస్‌ హౌస్‌లోకి వచ్చానన్న అభి తనకున్న ఫ్యాన్‌ ఫాలోయింగ్‌తో విజేతగా అవతరించి టైటిల్‌ను ఎగరేసుకుపోయాడు. ప్రేక్షకులు చూపించిన ప్రేమలో తడిసి ముద్దైన అతడు సోషల్‌ మీడియాలో వారికి నిత్యం టచ్‌లో ఉంటున్నాడు. ఆ మధ్య బిగ్‌బాస్‌ ప్రయాణంలో తనకు సపోర్ట్‌ చేసిన సెలబ్రిటీలను ప్రత్యేకంగా కలుసుకుని మరీ కృతజ్ఞతలు తెలిపాడు. ఈ మధ్యే తన స్నేహితుడు, క్రికెటర్‌ హనుమ విహారిని కలుసుకుని కబుర్లు చెప్పుకున్నారు. అయితే టీమిండియా వైస్ కెప్టెన్ రోహిత్‌ శర్మకు అభి వీరాభిమాని అని తెలిసిన హనుమ విహారి ఈ విషయాన్ని హిట్‌మ్యాన్‌ చెవిన వేశాడు. దీంతో రోహిత్‌ అభికి ఫోన్‌ చేసి మాట్లాడటమే కాక ప్రేమతో తన జెర్సీని అతడికి గిఫ్ట్‌గా పంపించాడు. (చదవండి: ఇండియా లాక్‌డౌన్‌.. టైటిల్‌ పోస్టర్‌ విడుదల) View this post on Instagram A post shared by Abijeet (@abijeet11)

బిగ్‌బాస్‌ నాలుగో సీజన్‌ విజేతగా మిస్టర్‌ కూల్‌ అభిజిత్‌ ఊహించని వ్యక్తి నుంచి  సర్‌ప్రైజ్  గిఫ్ట్‌ అందుకున్నాడు. టీమిండియా వైస్ కెప్టెన్, హిట్‌మ్యాన్‌ రోహిత్ శర్మ ఫోన్‌ చేసి మాట్లాడటమే కాకుండా.. ప్రేమతో తన జెర్సీని అతడికి గిఫ్ట్‌గా పంపించాడు. ఈ విషయాన్ని అభిజీతే సోషల్ మీడియా వేదికగా అభిమానులతో పంచుకున్నాడు. తన గురించి రోహిత్ శర్మకు చెప్పిన తెలుగు క్రికెటర్ హనుమ విహారికి ధన్యవాదాలు తెలిపాడు.  ఆస్ట్రేలియా పర్యటనలో ఉన్న రోహిత్‌ శర్మ, హనుమ విహారికి మధ్య జరిగిన సంభాషణలో బిగ్‌బాస్‌ షో గురించి చర్చకు వచ్చిందట. ఈ సందర్భంగా బిగ్‌బాస్‌ నాల్గో సీజన్‌ విన్నర్‌ అభిజిత్‌ గురించి రోహిత్‌కు చెప్పాడట హనుమ విహారి. అంతేకాకుండా అతను తనకు పెద్ద ఫ్యాన్‌ అన్న విషయం కూడా చెప్పాడట. దీంతో రోహిత్‌ అభిజిత్‌కు ఫోన్‌ చేసి విజేతగా నిలిచినందుకు కంగ్రాట్స్ తెలిపాడట. అలాగే అతన్ని అభినందిస్తూ తన జెర్సీని గిఫ్ట్ ఇచ్చాడట. రోహిత్ శర్మ జెర్సీ నెంబర్ 45. దానిపై విత్ లవ్, బెస్ట్ విషెస్... రోహిత్ శర్మ అంటూ సంతకం చేసి మరీ ఇచ్చాడని అభిజిత్ ట్వీటర్‌లో పేర్కొన్నాడు. అంతేకాకుండా రోహిత్ శర్మ తన ఫేవరెట్ క్రికెటర్ అని, అతని నుంచి గిఫ్ట్ రావడం సంతోషంగా ఉందని అభిజిత్ క్యాప్షన్‌గా రాసుకొచ్చాడు. ఇక రోహిత్ శర్మ తల్లి పూర్ణిమా శర్మది విశాఖపట్నం అన్న విషయం తెలిసిందే. రోహిత్‌ మహారాష్ట్రలోనే పుట్టిపెరిగినప్పటికీ.. తెలుగు మూలాల కారణంగా అతడికి తెలుగు అర్థం అవుతుంది. అంతే కాదు గతంలో అతడు డెక్కర్ ఛార్జర్స్ తరఫున ఐపీఎల్‌లో కూడా ఆడాడు. DAY MADE. The Hitman @ImRo45 says Hello from Australia! Thanks for this wonderful gift @Hanumavihari!! Get well soon. You showed amazing character at the highest level of the game, in a pressure situation. Contnd. pic.twitter.com/GMAVS6hgt8— Abijeet (@Abijeet) January 14, 2021

బిగ్‌బాస్‌ నాలుగో సీజన్‌ విజేతగా మిస్టర్‌ కూల్‌ అభిజిత్‌ ట్రోఫీని ఎగరేసుకుపోయాడు. ఎలాంటి పరిస్థితినైనా డీల్‌ చేయగలిగే నైపుణ్యం, హుందాగా మాట్లాడే వైఖరి, అన్నింటికీ మెంచి తెలివి.. అతడికి విజయాన్ని తెచ్చి పెట్టాయి. అయితే షో నుంచి బయటకు వచ్చాక తనకు వస్తున్న మద్దతు చూసి అభి ఆశ్చర్యపోయాడు. అభిమానుల కురిపిస్తున్న ప్రేమలో తడిసి ముద్దవుతున్నాడు. హౌస్‌లో అతడు వ్యవహరించిన తీరుకు ఫ్యాన్స్‌ మాత్రమే కాదు సెలబబ్రిటీలు కూడా మంత్రముగ్దులవడం విశేషం. ఇక షో ముగిశాక అభిజిత్‌ వరుస ఇంటర్వ్యూలు ఇస్తూ బిజీబిజీగా మారాడు. అదే సమయంలో తనకు సపోర్ట్‌ చేసిన సెలబ్రిటీలను సైతం కలుస్తున్నాడు. (చదవండి: మెహబూబ్‌ సైగలపై సోహైల్‌ రియాక్షన్‌) మొన్న నాగబాబును కలిసిన అభి నిన్న హీరో విజయ్‌ దేవరకొండను ప్రత్యేకంగా కలుసుకున్నాడు. ఈ మేరకు అతడితో కలిసి దిగిన ఫొటోను నెట్టింట షేర్‌ చేస్తూ 'ఫుల్‌ చిల్'‌ అని రాసుకొచ్చాడు. కాగా రౌడీ హీరో విజయ్‌.. అభి హౌస్‌లో ఉన్నప్పుడు సోషల్‌ మీడియా ద్వారా అతడికి మద్దతు తెలిపిన విషయం తెలిసిందే. ఇక అభి హీరోగా నటించిన 'లైఫ్‌ ఈజ్‌ బ్యూటిఫుల్'‌ సినిమాలో విజయ్‌ దేవరకొండ ఒక చిన్న నెగెటివ్‌ పాత్రలో నటించారు. ఆ సినిమాతో ఇద్దరూ క్లోజ్‌ అయ్యారు. అయితే మరోసారి రౌడీ విజయ్‌, పులి అభి కలిసి సినిమా చేస్తే చూడాలని ఉందని అభిమానులు కోరుతున్నారు. ఇదిలా వుంటే క్రిస్‌మస్‌ రోజు అభి సాంటాక్లాజ్‌గా మారిపోయి బహుమతులను పంచాడు. అనాథ శరణాలయాలను సందర్శించి అక్కడి పిల్లలతో వేడుకలు జరుపుకున్నాడు. చాక్టెట్లు, బ్యాడ్మింటర్‌ రాకెట్స్‌, క్యారమ్‌ బోర్డులు, ఇతర ఆటవస్తువులు సహా పలు బహుమతులు అందించాడు. (చదవండి: బిగ్‌బాస్‌ : హారిక నా చెల్లి.. అభిజిత్‌ షాకింగ్‌ కామెంట్స్‌)

సాక్షి, హైదరాబాద్‌ : రాజ్యసభ సభ్యులు జోగినపల్లి సంతోష్ కుమార్  ప్రారంబించిన గ్రీన్ ఇండియా ఛాలెంజ్‌లో భాగంగా బిగ్ బాస్ 4 విజేత అభిజిత్ ఇచ్చిన ఛాలెంజ్‌ను రెండో రన్నరప్‌ సోహైల్‌ స్వీకరించాడు. ఈ మేరకు జూబ్లీహిల్స్‌లోని పార్క్‌లో సోహైల్‌ మొక్కలు నాటారు. ఈ సందర్భంగా సోహైల్ మాట్లాడుతూ.. ప్రకృతి మనకు చాలా ఆనందాన్ని ఇస్తుందన్నారు. అలసిపోయి వచ్చిన పచ్చని చెట్టు కింద కూర్చుని పచ్చడి మెతుకులు వేసుకొని తింటే ఆ ఆనందమే వేరు ఉంటుందని పేర్కొన్నారు. మనం ఇప్పుడు మంచి నీటిని డబ్బులు ఇచ్చి కోనుకుంటున్నామని, రాబోయే రోజుల్లో ఆక్సిజన్ కొనుక్కొనే పరిస్థితి రాకుడదంటే బాధ్యతగా మనం అందరం మొక్కలు నాటాలని సోహైల్‌ కోరారు. చదవండి: హీరోగా ఎంట్రీ.. సోహైల్‌ కొత్త సినిమా ఫిక్స్‌!  దయచేసి నన్ను అభిమానించే అందరూ మొక్కలు నాటి ఎంపీ సంతోష్ కుమార్, నాకు ఇన్‌స్టాగ్రామ్‌లో ట్యాగ్ చేయగలరు అని పిలుపునిచ్చారు. ఇంత మంచి కార్యక్రమాన్ని చేపట్టి పచ్చదనం పెంచడం కోసం కృషి చేస్తున్న రాజ్యసభ సభ్యులు జోగినపల్లి సంతోష్ కుమార్‌కు కృతజ్ఞతలు తెలియజేశారు. ఈ సందర్భంగా తను మరో ముగ్గురికి( అరియానా, మెహబూబ్, అఖిల్) గ్రీన్ ఇండియా ఛాలెంజ్ స్వీకరించి మొక్కలు నాటాలని కోరారు  ఈ సందర్భంగా సోహైల్‌కు వృక్షవేదం పుస్తకాన్ని అందజేశారు. చదవండి: సమంతతో ఆఫర్‌ కొట్టేసిన అభిజిత్‌ బిగ్‌బాస్‌ 4 కథనాల కోసం ఇక్కడ క్లిక్‌ చేయండి..

బిగ్‌బాస్ నాల్గో సీజన్‌లో పాల్గొన్న కంటెస్టెంట్లను చూసి జనాలు పెదవి విరిచారు. ముక్కూమొహం తెలీని వాళ్లను హౌస్‌లోకి పంపించారేంటని విమర్శలు గుప్పించారు. కానీ షో నడిచే కొద్దీ జనాలు వారికి తెలీకుండానే కంటెస్టెంట్లకు అభిమానులుగా మారిపోయారు. వారిని ఎలాగైనా గెలిపించాలన్న కసితో సోషల్‌ మీడియాలో ఆన్‌లైన్‌ యుద్ధాలు చేశారు. అంతిమంగా మెజారిటీ ప్రేక్షకుల మనసున్న దోచుకున్న అభిజితే విజేతగా అవతరించాడు. అయితే సీజన్‌ అలా ముగిసిందో లేదో వరుస ఆఫర్లు కంటెస్టెంట్ల ఇంటి ముందు క్యూ కడుతున్నాయి. ఇప్పటికే సోహైల్‌ సినిమాలో ఒక్క రూపాయి తీసుకోకుండా నటిస్తామని మెగాస్టార్‌ చిరంజీవి, కమెడియన్‌ కింగ్‌  బ్రహ్మానందం మాటిచ్చారు. అటు దివి కూడా మెగాస్టార్‌ సినిమాలో నటించే ఛాన్స్‌ కొట్టేసింది.  సామ్‌తో అభిజిత్‌ ఈ క్రమంలో విన్నర్‌ అభిజిత్‌కు సైతం బంపరాఫర్‌ తగిలినట్లు కనిపిస్తోంది. హీరోయిన్‌ సమంత వ్యాఖ్యాతగా వ్యవహరిస్తున్న సామ్‌జామ్‌కు అభిని ఆహ్వానించినట్లు సమాచారం. ఈమేరకు ఓ స్పెషల్ ఎపిసోడ్‌ ప్లాన్‌ చేస్తున్నారట. ఇదే నిజమైతే ఈ బిగ్‌బాస్‌ స్టార్‌ త్వరలోనే సమంతతో సందడి చేయనున్నాడు. ఓటీటీ వేదిక ఆహాలో నిర్వహిస్తున్న సామ్‌జామ్‌లో రౌడీ హీరో విజయ్‌ దేవరకొండ మొదటి అతిథిగా హాజరయ్యారు. తర్వాత రానా, తమన్నా, రాకుల్‌ ప్రీత్‌సింగ్‌, నాగ్‌ అశ్విన్‌, క్రిష్‌ తదితరులు సామ్‌ షోలో మెరిశారు. మెగాస్టార్‌ చిరంజీవి సైతం ఈ షోలో పాల్గొనగా దీనికి సంబంధించిన ప్రోమో వైరల్‌గా మారింది. చూస్తుంటే త్వరలోనే అభి కూడా ఈ షోలో ప్రత్యక్షమవనున్నట్లు తెలుస్తోంది. (చదవండి: బిగ్‌బాస్‌: అభిజిత్‌ విజయానికి కారణాలివే) అభికి సినిమా ఆఫర్లు కాగా 'లైఫ్‌ ఈజ్‌ బ్యూటిఫుల్'‌ సినిమాతో వెండితెరకు పరిచయమైన అభిజిత్‌ తర్వాత కనిపించకుండా పోయాడు. తన సెకండ్‌ ఇన్నింగ్స్‌ ప్రారంభించేందుకు బిగ్‌బాస్‌ను వేదికగా మలుచుకున్నాడు. హౌస్‌లో అడుగు పెట్టిన క్షణం నుంచి ఎక్కడా నోరు జారకుండా, గొడవల్లో దూరకుండా, మెచ్యూర్డ్‌గా మాట్లాడుతూ, తెలివిగా టాస్క్‌లు ఆడుతూ ప్రేక్షకులను తనవైపు తిప్పుకున్నాడు. ఆయన సహనం, ప్రేమ, తెలివి, వ్యక్తిత్వం అన్నింటినీ మెచ్చి జనాలు ‍బ్రహ్మరథం పట్టారు. అతడిని గెలిపించారు. ఇది అతడి లైఫ్‌కు టర్నింగ్‌ పాయింట్‌ కానుంది. మళ్లీ సినిమా అవకాశాలు వస్తున్నాయి..పలువురు దర్శకనిర్మాతలు అభికి కథలు వినిపిస్తున్నారట. ఈ క్రమంలో ఓ మంచి సినిమాలో ప్రధాన పాత్రలో నటించేందుకు అభి ఓకే చెప్పినట్లు టాక్‌ వినిపిస్తోంది. అభికి మళ్లీ హిట్‌ దొరికి హీరోగా నిలదొక్కుకోగలిగితే అతడి లైఫ్‌ మరింత బ్యూటిఫుల్‌ అవడం ఖాయం! (చదవండి: 'విజయ్‌ దేవరకొండను కిస్‌‌ చేయాలని ఉంది')

బిగ్‌బాస్‌ నాల్గో సీజన్‌లో మొదట్లో  అభిజిత్‌-మోనాల్‌-అఖిల్‌ ట్రయాంగిల్‌ లవ్‌స్టోరీ ఎంత హైలెట్‌ అయిందో చెప్పనక్కర్లేదు. గంట సేపు ప్రసారమయ్యేలో షోలో.. ఈ ముగ్గురికే ఎక్కువ స్క్రీన్‌ స్పెస్‌ ఇచ్చేవాడు బిగ్‌బాస్‌. అయితే బిగ్‌బాస్‌ ఎత్తుగడను పసిగట్టిన మిస్టర్‌ కూల్‌ అభిజిత్‌.. మోనాల్‌తో కాస్త దూరంగా ఉండటం మొదలు పెట్టాడు. దీంతో అఖిల్‌- మోనాల్‌ ప్రేమాయణాన్ని హైలెట్‌ చేసి చూపించాడు బిగ్‌బాస్‌. ఇక వీరిద్దరంతా కాకపోయినా.. అభి-హారికల మధ్య కూడా ఏదో నడుస్తుందంటూ పుకార్లు పుట్టుకొచ్చాయి. నోయల్‌, లాస్య ఎలిమినేట్‌ అయ్యాక అభి, ఎక్కువగా హారికతోనే గడిపాడు. ఇద్దరు సరదాగా మాట్లాడుకున్న మాటలు, హగ్‌లు, ముద్దులను హైలెట్‌ చేసి చూపించాడు బిగ్‌బాస్‌. దీంతో అభికి హారిక మధ్య సమ్‌థింగ్‌.. సమ్‌థింగ్‌ అంటూ పుకార్లు పుట్టుకొచ్చాయి.  (చదవండి: బిగ్‌బాస్‌: అభిజిత్‌ విజయానికి కారణాలివే) ఇక ఆ పుకార్లు నిజమే అన్నట్లు హారిక కూడా అభిజిత్‌ లేకుండా ఒక్క క్షణం ఉండలేకపోయింది. చాలా సందర్భంలో వీళ్లిద్దరి మధ్య రొమాంటిక్ సీన్లను హైలైట్ చేస్తూ ఏదో నడుస్తుందని ప్రేక్షకులు ఫీల్ అయ్యేలా చేశారు బిగ్ బాస్. దీంతో అభి-హారిక పేర్లను ఏకం చేసి అభిక అని ఫ్యాన్స్ పేజ్‌లు కూడా వచ్చేశాయి. వీరిద్దరూ కొత్త లవ్ ట్రాక్ మొదలుపెట్టారని రూమర్లు పుట్టుకొచ్చాయి. ఇక వీరిద్దరి పేరెంట్స్‌ కూడా పరోక్షంగా వాళ్లు లవ్‌లోనే ఉన్నారని ఒప్పేసుకున్నారు. హారిక లాంటి కోడలు కావాలని అభి తల్లి.. ఆమె ఎలాంటి నిర్ణయం తీసుకున్నా మాకు ఓకే హారిక తల్లి చెప్పడంతో వీరద్దరి గుండెల్లో గంట మోగిందని ఫ్యాన్స్‌ సంబరపడ్డారు. అయితే ఇదంతా తప్పని, బిగ్‌బాస్‌ తమ రిలేషన్‌ని వేరేలా చూపించారని చెబుతున్నాడు నాల్గో సీజన్‌ విన్నర్‌ అభిజిత్‌.  తాజాగా ఆయన ఓ టీవీ చానల్‌కి  ఇచ్చిన ఇంటర్వ్యూలో మాట్లాడుతూ.. హారిక తన చెల్లి అంటూ షాకింగ్‌ కామెంట్స్‌ చేశాడు. తనకు ఒక తమ్ముడు ఉన్నాడని, ఇక హారిక లాంటి చెల్లెలు కూడా ఉంటే బాగుంటుందని అనుకునేవాడినని, అందుకే ఆమెతో ఎక్కు టైం స్పెండ్‌ చేశానని చెప్పుకొచ్చాడు. అంతేకాదు ఈ విషయాన్ని హౌస్‌లో హారికకు ఎన్నోసార్లు చెప్పానని, అది బయటకు రాలేదని ఇప్పుడే తెలిసిందని అభి చెప్పుకొచ్చాడు. రేటింగ్‌ కోసమే బిగ్‌బాస్‌ అభి, హారిక రిలేషన్‌ని వేరుగా చూపించినట్లు అర్థమవుతుంది.

బుల్లితెర ప్రేక్షకులను 106 రోజులపాటు అలరించిన బిగ్‌ రియాల్టీ రియాలిటీ షో బిగ్‌బాస్‌ నాల్గో సీజన్‌కు శుభం కార్డు పడింది. ఆదివారం జరిగిన గ్రాండ్‌ ఫినాలేకు  గ్రాండ్‌ ఫినాలే వేడుకలో సినీ తారలు అదిరిపోయే ప్రదర్శనతో అలరించారు. ముఖ్య అతిథిగా విచ్చేసిన మెగాస్టార్ చిరంజీవి ప్రత్యేక ఆకర్షణగా నిలిచారు. ఇక ఈ రియాలిటీ షో విజేతగా యువ హీరో, లైఫ్‌ ఈజ్‌ బ్యూటిఫుల్‌ చిత్రం ఫేమ్‌ అభిజిత్‌ నిలిచాడు. ట్రోఫీ కోసం 19 మంది బరిలోకి దిగి చివరికి ఫినాలే వరకు ఐదుగురు మాత్రమే మిగిలారు.  అయితే ఈ ఐదుగురు బిగ్ బాస్ విన్నింగ్ ట్రోఫీకి తీవ్రంగా కృషి చేశారు. కానీ చివరు గెలుపు మాత్రం మిస్టర్‌ కూల్‌ అభిజిత్‌ను వరించింది. అయితే ఇది ఒక వారం రోజులు పాటు చూసిన ఇచ్చిన ట్రోఫి కాదు. 105 రోజుల పాటు అతని ఆట తీరు, ప్రవర్తను బట్టి బిగ్‌బాస్‌ ట్రోఫీ లభించింది. మరి అంతమందిలో అభి మాత్రమే ఎలా విజయం సాధించాడు. అసలు ఆయన బిగ్‌బాస్‌ జర్నీలో ట్రోపి కొట్టడానికి ఉపయోగపడ్డ అంశాలు ఏంటో ఒక్కసారి చూసేద్దాం బుద్ది బలంతో కొట్టాడు లైఫ్‌ ఈజ్‌ బ్యూటిఫుల్‌తో  హీరోగా ఎంట్రీ ఇచ్చిన అభిజిత్‌ను ప్రేక్షకులు ఎప్పుడో మర్చిపోయారు. బిగ్‌బాస్‌లోకి వచ్చినప్పడు కూడా అభిజిత్‌పై ప్రేక్షకులు అంతగా ఆసక్తి చూపలేదు. షో ఆరంభంలో అతడిపై ఎలాంటి అంచనాలూ లేవు. షో హైపు కోసం, అమ్మాయిలతో ట్రాకులు నడపడం కోసమే అభిని ఎంచుకున్నారని అనుకున్నారు. కానీ క్రమ క్రమంగా అభిజిత్‌ టాలెంట్‌ బయటపడింది. కండబలంతో కాకుండా బుద్ది బలంతో గేమ్‌ ఆడడం ప్రేక్షకులను ఆకర్షించింది. మాస్టర్ మైండ్‌తో అతడు తీసుకున్న నిర్ణయాలు ప్రేక్షకులను ఆకట్టుకున్నాయి. టాస్క్‌ వచ్చిందంటే చాలు అందులో ఈజీగా ఎలా గెలవచ్చు అనేదానిపై అభి ఫోకస్‌ ఉండేది. అత్యధిక సార్లు నామినేషన్‌లో బిగ్‌బాస్‌లో అత్యంత కీలకమైనది నామినేషన్‌. ప్రతి సోమవారం జరిగే ఈ నామినేషన్‌ ప్రక్రియను చూసి ఇంటి సభ్యులంతా గజ గజ వణికిపోయేది.ఒక అభిజిత్‌ తప్ప. ఆయన నామినేషన్‌ను సానుకూలంగా స్వీకరించేవాడు. సరైన కారణాలతో ఇతరులను నామినేట్‌ చేసేవాడు. ఎవరైనా తనను నామినేట్‌ చేసినా మిగతా వాళ్లలాగా గొడవకు దిగకుండా.. నామినేషన్లను స్వాగతించేవాడు. అభిజీత్‌ను హౌస్‌మేట్స్ అంతా కలిసి 11 సార్లు నామినేట్ చేశారు. నామినేషన్ జరిగిన 14 వారాల్లో 11 సార్లు నామినేట్ అవడం వల్ల ప్రేక్షకులు అతడికి ఓట్లు వేయడానికి అలవాటు పడ్డారు. ఇది కూడా అతడి విజయానికి కారణమైంది. గత రెండు సీజన్ల విన్నర్లు రాహుల్‌, కౌషల్‌ కూడా 11 సార్లు నామినేట్‌ కావడం గమనార్హం. మిస్టర్‌ కూల్‌గా పేరు బిగ్‌బాస్‌ నాల్గో సీజన్‌లో అతి తక్కువ గొడవలు పెట్టుకున్న ఏకైక వ్యక్తి ఒక అభిజితే అని చెప్పొచ్చు. ఒక్క నామినేషన్‌ టాస్కుల్లో తప్ప ఆయన ఎప్పుడూ ఎవరితో గొడవపడలేదు. కామ్‌గా ఉంటూ.. నామినేషన్‌ను కూడా సీరియస్‌గా తీసుకునేవాడు కాదు. క్లిష్ట సమయంలోనూ సహనాన్ని ప్రదర్శిస్తూ ప్రేక్షకుల ఓట్లను సంపాదించాడు. అలాగే లవ్‌ ట్రాకులకు ఆయన దూరంగా ఉన్నాడు. మోనాల్‌ విషయంలోనూ అభి నిర్ణయం అందరిని అబ్బురపరిచింది. అఖిల్‌ ఆమెకు దగ్గరైనప్పుడు అభి దూరంగా ఉంటడం. ఆమెపై ఎలాంటి విమర్శలు చేయకపోవడం కలిసొచ్చింది. ఇక అఖిల్‌, మోనాల్‌ ప్రవర్తన కూడా అభికి ప్లస్‌ అయింది.  ఒక్క టాస్క్‌... అభిని హీరో చేసింది నాల్గో సీజన్‌ మొత్తంలో అతి తక్కువగా టాస్క్‌లు ఆడింది మాత్రం అభిజిత్‌. ఇందులో సందేహం లేదు. మిగతావాళ్లు వందశాతం ఎఫర్ట్స్‌ పెట్టి ఆడినా.. అభి మాత్రం ఫిజికల్‌ టాస్కులు మాత్రం అంతగా ఆడేవాడు కాదు. కానీ ఒకే ఒక టాస్క్‌ అభికి మంచి పేరు తెచ్చి విజయానికి కారణమైంది. అదే రోబో టాస్క్‌. బిగ్ బాస్ ఇచ్చిన రోబో టాస్క్‌లో అతడు దివిని కిడ్నాప్ చేయడం పెద్ద సంచలనం అయింది. అప్పుడు సోహెల్, మెహబూబ్, అఖిల్, మోనాల్‌లు అతడిని తిడుతూ ఆగ్రహం వ్యక్తం చేశారు. ఒకానొక సందర్భంలో కొట్టేందుకు మీదకెళ్లారు.  కానీ అభి మాత్రం తన సహనంతో గేమ్‌ ప్లాన్‌ను వివరించాడే తప్ప.. గొడవకు సై అనలేదు. అప్పుడే అభి పట్ల ప్రేక్షకుల్లో సానుభూతి పెరిగింది. గేమ్‌ను గేమ్‌లాగే ఆడాడని అతనికి ఓట్లు వేయడం మొదలుపెట్టారు.  నోయల్‌, లాస్యల ఫ్రెండ్‌షిప్‌ హౌస్‌ నుంచి ఎలిమినేట్‌ అయి బయటకు వచ్చిన నోయల్‌, లాస్యల మద్దతు కూడా అభికి కలిసొచ్చింది. హౌస్‌లో ఉన్నప్పుడు తక్కువ మాట్లాడినా.. అందరితో మాత్రం అభి టచ్‌లో ఉండేవాడు. అతను అంతగా మాట్లాడనప్పటికీ అభిపై మాత్రం ఇంటి సభ్యులకు కోపం ఉండేది కాదు. ప్రతి ఒక్కరు అభితో ఫ్రెండ్‌షిప్‌ చేయడానికే ఇష్టపడేవారు. ఇక నోయల్‌ అయితే తన సపోర్ట్‌ అభిజిత్‌కే అని బహిరంగంగా చెప్పేశాడు. అభి గెలుపును తన భుజానా వేసుకుంటానని, అయన ఇంట్లో గేమ్‌ ఆడితే తాను బయట అతనికి చేయాల్సిన సాయం చేస్తానని నాగార్జున ముందే చెప్పేశాడు. చెప్పడమే కాదు చేసి చూపించాడు కూడా. కలిసొచ్చిన సినీ పెద్దల మద్దతు  ఇక ఎలిమినేట్‌ అయిన ప్రతి ఒక్కరు అభి గురించి పాజిటివ్‌గానే చెప్పారు కానీ నెగెటివ్‌గా ఒక్కరు కూడా చెప్పకపోవడం కూడా అభికి ఓట్లు పడేలా చేశాయి. వీటితో పాటు సినీ ప్రముఖుల సపోర్టు కూడా అభికి కలిసొచ్చింది. స్టార్‌ హీరో విజయ్ దేవరకొండ, మెగా బ్రదర్ నాగబాబు, శ్రీకాంత్ సహా ఎంతో మంది అతడికి సపోర్ట్ చేశారు. నాగబాబు అయితే అవినాష్‌కి ఓట్లు వేయమని చెబుతూనే.. తనకు మాత్రం అభిజితే ఇష్టమని చెప్పాడు. అతను బాగా ఆడుతున్నాడని, తన ప్రవర్తన బాగా నచ్చిందని అభిని ఆకాశానికెత్తేశాడు. ఇక ప్రతి సీజన్‌ని ఫాలో అయ్యే శ్రీకాంత్‌ సైతం అభికే నా ఓటు అటు తేల్చేశాడు. సోషల్‌ మీడియా వేదికగా అతన్ని గెలిపించమని అభిమానులకు పిలుపునిచ్చారు. మొత్తానికి అభి ప్రవర్తననే ఆయన గెలుపుకు కారణమని చెప్పొచ్చు. 

తెలుగు బుల్లితెరపై 106 రోజులు వినోదాన్ని అందించిన బిగ్‌బాస్‌ సీజన్‌ 4 డిసెంబర్‌ 20న శుభంకార్డు పడిన విషయం తెలిసిందే. కరోనా కష్ట కాలంలో అసలు ఈ ఏడాది బిగ్‌బాస్‌ ఉంటుందో లేదో అనుకుంటున్న సమయంలో ఎంట్రీ ఇచ్చి అందరిని అలరించింది. 29 మంది కంటెస్టులతో ప్రారంభమైన బిగ్‌బాస్‌ సక్సెస్‌ఫుల్‌గా నాలుగో సీజన్‌ను పూర్తి చేసుకుంది. స్టార్‌ మా ప్రసారం చేసిన ఈ రియాలిటీ షో విజేతగా లైఫ్‌ ఈజ్‌ బ్యూటిఫుల్‌ చిత్రం ఫేమ్‌ అభిజిత్‌ నిలిచాడు. ఆదివారం అంగరంగ వైభవంగా జరిగిన గ్రాండ్‌ ఫినాలేకు ముఖ్య అతిథిగా విచ్చేసిన మెగాస్టార్‌ చిరంజీవి చేతుల మీదుగా అభిజత్‌ బిగ్‌బాస్‌–4 ట్రోఫీ అందుకున్నాడు. 25 లక్షల ప్రైజ్‌మనీతోపాటు ఓ బైక్‌ గెలుచుకున్నాడు. అఖిల్‌ సార్థక్‌ రన్నరప్‌గా నిలిచాడు. మూడో స్థానంలో సోహైల్‌, నాలుగు, అయిదు స్థానాల్లో అరియానా, హారిక నిలిచారు. టాప్‌ 5 కంటెస్టెంట్లందరికిరు హౌజ్‌ నుంచి బయటకు వచ్చిన అనంతరం గ్రాండ్‌గా బ్యాండ్‌ బాజాలతో ఇంటికి పయనమయ్యారు. చదవండి: బిగ్‌బాస్‌: అభి రెమ్యూనరేషన్‌ ఎంతో తెలుసా కాగా అభిజిత్‌ తన వ్యక్తిత్వంతో షో ప్రారంభం నుంచి పెద్ద సంఖ్యలో అభిమానులను దక్కించుకున్నాడు. చివరి వరకు అభిజిత్‌పై అదే అభిమానం కురిపిస్తూ అతన్ని విజయ తీరానికి నడిపించింది. గత రెండు రోజులుగా సోషల్‌ మీడియాలో కూడా అభిజిత్‌దే గెలుపు అంటూ పలువురు చెప్పిన జోస్యం, అంచనాలకు అనుగుణంగానే తుది ఫలితం ఉండడం విశేషం. ఇదిలా ఉండగా బిగ్‌బాస్‌ ముగిసినప్పటికీ ఈ షోకు సంబంధించిన వార్తలు సోషల్‌ మీడియాలో చక్కర్లు కొడుతున్నాయి. ముఖ్యంగా విన్నర్‌గా నిలిచిన అభిజిత్‌ షో మొత్తం రెమ్యునరేషన్‌ విషయం ఇప్పుడు హాట్‌ టాపిక్‌గా మారింది. తాజాగా విజేతగా నిలిచిన అభిజిత్‌ బిగ్‌బాస్‌ షో కోసం వారానికి 4 లక్షలు వసూలు చేసినట్లు తెలుస్తోంది. దీని ప్రకారం 106 రోజులకు 60 లక్షలు, ప్రైజ్‌ మనీ 25 లక్షలు కలిపి మొత్తం 85 లక్షలు అభికి మూటజెప్పినట్లు టాక్‌. వాస్తవానికి బిగ్‌బాస్‌ ప్రైజ్‌మనీ కంటే హౌజ్‌లో ఉన్నందుకే అభి అధికంగా రెమ్యునరేషన్‌ అందుకున్నాడు. అదే విధంగా టీవీ యాంకర్‌ లాస్యకు ఒక వారానికి లక్ష రూపాయల చొప్పున తీసుకుంటున్నట్లు అప్పట్లో వార్తలు వచ్చిన విషయం తెలిసిందే. వైల్డ్‌ కార్డ్‌ ఎంట్రీ ఇచ్చిన ముక్కు అవినాష్‌ కూడా వారానికి ఏకంగా 2 లక్షలు డిమాండ్‌ చేసినట్లు వదంతులు వ్యాపించాయి.

ఒక విజయం కోసం 105 రోజుల ఎదురుచూపు, రోజూ పిల్లలాటలు, కుమ్ములాటలు. అలకలు, బుజ్జగింపులు, ఎలిమినేషన్‌లు, వైల్డ్‌కార్డ్‌ ఎంట్రీలు... కొన్ని రాజీల మధ్య బిగ్‌బాస్‌ నాలుగో సీజన్‌ కూడా పూర్తయింది. విజేత అభిజీత్‌.  కంటెస్టెంట్‌లందరూ ఇన్ని రోజులు ప్రేక్షకుల ఇళ్లలో ఒకరిగా కలిసిపోయారు. ఒక్కో కంటెస్టెంటూ వెళ్లిపోతుంటే హౌస్‌లో ఉన్న తోటి కంటెస్టెంట్‌లతోపాటు ప్రేక్షకులు కూడా బాధపడ్డారు. ఇన్ని అడ్డంకులనూ దాటుకుని విజేతగా నిలిచిన అభిజీత్‌కు తెర ముందు కనిపించే ప్రశంసలతోపాటు తెర వెనుక కూడా ప్రశంసలు వెల్లువెత్తుతున్నాయి. ఈ విజయం అందరిదీ అదృష్టం అనాలో దేవుడి రాత అనాలో తెలియదు కానీ, నా ప్యాషన్‌ని ప్రదర్శించడానికి మంచి అవకాశం వచ్చింది. మనకేది ఇష్టమో అదే చేయాలి. ఆ పనిని పర్‌ఫెక్ట్‌గా చేయాలి. బిగ్‌బాస్‌ హౌస్‌లో ఉండగలగడం అంత సులభం ఏమీ కాదు. సవాళ్లతో కూడుకున్న పని, చాలా కష్టమైన విషయమే, అయితే ఇది చాలా మంచి అనుభవం. హౌజ్‌లో ఉన్నంత కాలం ఇంట్లో వాళ్లందరూ గుర్తుకువచ్చారు. ఫ్రెండ్స్‌ గుర్తొచ్చారు. నేను విజేతగా నిలవడానికి నాకు తెలియని వాళ్లు కూడా సహాయం చేశారు. అందరికీ కృతజ్ఞతలు. – అభిజీత్‌ బిగ్‌బాస్‌ 4 విజేత తనే అవుతాడని అభిజీత్‌ అనుకున్నాడో లేదో కానీ, వాళ్ల అమ్మ లక్ష్మీప్రసన్న మాత్రం బలంగా నమ్మారు. ఎందుకంటే అతను హౌస్‌లోకి వెళ్లిన కొద్దిరోజులకే ‘మా అబ్బాయిని 105 రోజులపాటు మిస్‌ అవుతున్నాం’ అని ఒక ఇంటర్వ్యూలో చెప్పారు. ‘హౌస్‌లోకి వెళ్లేటప్పుడే విజేతగా తిరిగి వస్తాడని ఊహించా’నని ఇప్పుడు  చెప్పారు లక్ష్మీ ప్రసన్న. అభిజీత్‌ విజేతగా నిలవడంతో అతని గురించి తెలుసుకోవాలన్న ఆసక్తి అందరిలోనూ పెరిగిపోయింది.  బ్యూటిపుల్‌ లైఫ్‌ అభిజీత్‌... మదనపల్లెలోని రిషీవ్యాలీ స్కూల్‌లో చదివాడు. హైదరాబాద్‌లోని లిటిల్‌ ఫ్లవర్స్‌ జూనియర్‌ కాలేజ్‌ తరవాత జేఎన్‌టీయూలో ఏరోనాటికల్‌ ఇంజనీరింగ్‌లో చేరాడు. క్యాంపస్‌ ప్లేస్‌మెంట్‌తో ఉద్యోగంలో చేరి ఉంటే అభిజీత్‌ అనే ఒక నటుడు తెలుగు తెరకు పరిచయమయ్యే వాడే కాదేమో! ఫైనల్‌ ఇయర్‌లో ఉండగానే ఫ్రెండ్‌తో కలిసి సరదాగా ‘లైఫ్‌ ఈజ్‌ బ్యూటిఫుల్‌’ ఆడిషన్‌కెళ్లాడు. శేఖర్‌ కమ్ముల అంచనా తప్పలేదు. స్పార్క్‌ ఉన్న కుర్రాడిని చేజార్చుకోలేదతడు. అలా తెర మీదకొచ్చాడు అభిజీత్‌. ఇదంతా జరిగింది 2012లో. ఆ సినిమా పూర్తయిన తర్వాత తిరిగి చదువుకోసం అమెరికాకి వెళ్లాడు. మసాచుసెట్స్, నార్త్‌ ఈస్టర్న్‌ యూనివర్సిటీలో ఇంజనీరింగ్‌ మేనేజ్‌మెంట్‌లో పోస్ట్‌ గ్రాడ్యుయేషన్‌ చేశాడు అభిజీత్‌. ఆ తర్వాత మళ్లీ ‘రామ్‌లీలా, మిర్చిలాంటి కుర్రాడు’ సినిమాలు చేశాడు. మూడేళ్ల కిందట వెబ్‌ సీరీస్‌ ‘పెళ్లిగోల’లో నటించాడు. అవి మూడు సీజన్‌లు పూర్తయ్యాయి. అంతలో బిగ్‌బాస్‌లో సహజ నటనకు తెరతీశాడు. ఇక ఆ తర్వాత అభిజీత్‌ అందరికీ తెలిసిన వాడయ్యాడు.  (చదవండి: అఖిల్‌ నిజంగానే బకరా అయ్యాడా?!) ప్రిన్సిపల్‌ నుంచి ఫోన్‌  అభిజీత్‌ గురించి ఎవరికీ తెలియని ఓ సరదా సంఘటన రిషీవ్యాలీ స్కూల్‌లో ఉన్నప్పుడు జరిగింది. పిల్లల్లో ఓ కుర్రాడు ‘ఎవరికైనా ధైర్యం ఉంటే ఆ పోల్‌ ఎక్కగలరా’ అన్నాడు. ఆ చాలెంజ్‌ని స్వీకరించి స్తంభాన్ని ఎక్కేశాడు అభిజీత్‌. అది ప్రిన్సిపల్‌కి తెలిసింది. తల్లిదండ్రులకు ఫోన్‌ వచ్చింది. ‘మీ వాడిని చదువు విషయంలో తప్పుపట్టడం లేదు. కానీ అల్లరి ఎక్కువ. ఇలా చేస్తుంటే కష్టం’ అన్నారు. పిల్లల చురుకుదనం తల్లిదండ్రులకు సంతోషాన్నిస్తుంది. కానీ మరీ ఇంత చురుగ్గా ఉంటే సంతోషంతోపాటు భయం కూడా వెంటాడుతుంటుంది. ‘‘మా అభి సవాళ్లను స్వీకరించడానికి ఎప్పుడూ సిద్ధంగా ఉంటాడు. గెలవాలనే ఆకాంక్ష మెండు. అతడు హౌస్‌లోకి వెళ్లేటప్పుడే విజేతగా తిరిగి వస్తాడని ఊహించాను. నా మనసుకు అలా అనిపించింది’’ అన్నారు లక్ష్మీ ప్రసన్న. స్కూల్‌ నేర్పిన పరిణతి ‘‘రిషీవ్యాలీ హాస్టల్‌లో ఉన్నప్పుడు కూడా రోజూ ఫోన్‌లో మాట్లాడేదాన్ని. యూఎస్‌లో ఉన్నన్ని రోజులు రోజూ వీడియో కాల్‌లో మాట్లాడేదాన్ని. ఇన్ని రోజులు అభితో మాట్లాడకుండా ఉన్నది ఇప్పుడే. బిగ్‌బాస్‌ షోలో రోజూ చూస్తూనే ఉన్నాను. కానీ మాట్లాడలేకపోవడంతో డిజప్పాయింట్‌మెంట్‌కు లోనయ్యాను. బిగ్‌బాస్‌ చాలెంజ్‌ అభికి కాదు అసలైన చాలెంజ్‌ నాకే’’ అన్నారు లక్ష్మీ ప్రసన్న. ‘‘అభిని నేను తీర్చిదిద్దానని చెప్పడం కంటే రిషీ వ్యాలీ స్కూలే అలా తీర్చిదిద్దింది. జిడ్డు కృష్ణమూర్తి ఫిలాసఫీని ఒంటపట్టించుకున్నాడు. స్వతంత్ర వ్యక్తిత్వంతోపాటు సరైన నిర్ణయాలు తీసుకోగలిగిన మానసిక పరిపక్వత వచ్చింది. ఆ లక్షణాలే అభిని ఈ రోజు విజేతగా నిలిపాయి’’ అన్నారామె సంతోషంగా. ‘‘తన కళ్ల ముందు అన్యాయం జరుగుతుంటే చూస్తూ ఊరుకోడు. వెంటనే స్పందిస్తాడు. రోడ్డు మీద ఎవరైనా రూల్స్‌ పాటించకుండా వాహనం నడుపుతున్నా కూడా వెంటనే వెళ్లి వాళ్లతో ‘ఇలా చేయడం తప్పు’ అంటాడు. అలాగని ఊరికే గొడవలు పడడు. స్వతహాగా తను స్మార్ట్‌ బాయ్, క్వైట్‌ కూడా’’ అన్నారు తండ్రి మన్‌మోహన్‌. (చదవండి: బిగ్‌బాస్‌ తీరుపై అభిమానుల ఆగ్రహం) ఇదీ కుటుంబం అభిజీత్‌ పూర్వికులు హైదరాబాద్‌ స్థానికులు. ముత్తాతలు చార్మినార్‌ నిర్మాణంలో భాగస్వాములు. తాత నాగయ్య ఆదిలాబాద్‌ కడెం ప్రాజెక్టు నిర్మాణంలో పాలుపంచుకున్నారు. హైదరాబాద్, దోమల్‌గూడలో తాత నాగయ్య దాదాపుగా ఎనభై ఏళ్ల కిందట కట్టిన ఇంట్లోనే ఇప్పుడు అభిజీత్‌ కుటుంబం నివసిస్తోంది. తండ్రి మన్‌మోహన్‌ భవన నిర్మాణ రంగం నుంచి వ్యవసాయరంగానికి మారారు. అభిజీత్‌ తమ్ముడు అభయ్‌ వ్యవసాయం పనులు చూస్తున్నాడు. తల్లి ప్రసన్న కేటరింగ్‌ అండ్‌ ఫుడ్‌ టెక్నాలజీ హోటల్‌ మేనేజ్‌మెంట్‌ కోర్సు చేశారు. కానీ కుటుంబ బాధ్యతల రీత్యా గృహిణిగా ఉండిపోయారు. అభిజిత్‌ పెట్‌ లవర్‌. మంచి శివభక్తుడు, పోకర్‌ ఆటను ఇష్టపడే అభిజీత్‌కి బైక్‌ రేసింగ్‌ అంటే మంచి సరదా.  స్థితప్రజ్ఞత బిగ్‌బాస్‌ ఇచ్చిన టాస్కులో గెలవడానికి తొందరపడకపోవడం, ఎలిమినేషన్‌ సమయంలో ఆందోళన పడకపోవడం... ఈ రెండు లక్షణాలూ అభిజీత్‌లో కనిపిస్తాయి. ఈ లక్షణాలే అందరిలో ఒకడిగా కాకుండా అతడిని ఒకే ఒక్కడిగా నిలిపాయి. ముప్పై రెండేళ్లకు ఇంతటి స్థితప్రజ్ఞత ఎలా అలవడింది అని ముచ్చటపడేలా చేశాయి. ‘చదువుకున్నవాడినని అతడికి గర్వం ఎక్కువ’ అనే అభిప్రాయాలకు కూడా కారణమయ్యాయి. ‘ఇక్కడ అందరూ సమానమే’ అని ఒక సందర్భంలో నాగార్జున హెచ్చరించారు కూడా. అభిజీత్‌ నటించిన సినిమాల్లో కూడా ‘అతడు తన పాత్రకు తగినట్లు హుందాగా నటిస్తాడు. పాత్రోచిత నటనకే పరిమితమవుతాడు తప్ప సన్నివేశంలో తనను డామినేట్‌ చేసే ప్రయత్నం చేయడు, పాత్రను తేలిక చేయడు అని సినీ విమర్శకుల ప్రశంసలు పొందిన నటుడు అభిజీత్‌.  – వాకా మంజులారెడ్డి, ఫీచర్స్‌ ప్రతినిధి

బిగ్‌బాస్‌-4 సీజన్‌ ఆదివారంతో ముగిసింది. ‘లైఫ్‌ ఈజ్‌ బ్యూటిఫుల్‌’ హీరో అభిజిత్‌ విన్నర్‌గా నిలిచాడు. అయితే, అభిజిత్‌కు దక్కాల్సిన ప్రైజ్‌ మనీ రూ.50 లక్షల్లో కోత పడింది. కంటెస్టెంట్లలో చివరగా అభిజిత్‌, అఖిల్‌, సోహైల్‌ మాత్రమే మిగలడంతో.. పోటీ నుంచి తప్పుకున్నవారికి రూ.25 లక్షలు ఇస్తామని చెప్పడంతో. బిగ్‌బాస్‌​ ఆఫర్‌ను స్వీకరించిన సోహైల్‌ పక్కకు తప్పుకునున్నాడు. ఇక అఖిల్‌, అభిజిత్‌ ఫైనలిస్టులుగా మిగలగా.. అభిని ట్రోఫీ వరించింది. అయితే, అభి అభిమానులు అగ్గిమీద గుగ్గిలం అవుతున్నారు. తమ అభిమాన కంటెస్టెంట్‌కు ఓట్లు వేసి గెలిపిస్తే రూ.25 లక్షలు కట్‌ చేయడమేంటని ట్రోల్‌ చేస్తున్నారు. బిగ్‌బాస్‌ నిర్వాహకులు అభిమానుల్ని అవమానించారని సోషల్‌ మీడియాలో తిట్టిపోస్తున్నారు. (చదవండి: సోహైల్‌, దివికి చిరు బంపర్‌ ఆఫర్‌!) కష్టపడి ఓట్లేస్తే ఇంత చెత్తగా ఆలోచిస్తారా అని కామెంట్లు చేస్తున్నారు. జీవితంలో మరోసారి బిగ్‌బాస్‌ చూసేది లేదని, కంటెస్టెంట్లకు ఓట్లు వేయమని తెగేసి చెప్తున్నారు. విన్నర్‌ అభిజిత్‌ రూ.25 లక్షలు మాత్రమే దక్కాయని, సెకండ్‌ రన్నరప్‌ సోహైల్‌కు అంతకన్నా ఎక్కువ మొత్తం, ఇంకా బెనిఫిట్స్‌ అందాయని అసహనం వ్యక్తం చేస్తున్నారు. దాంతోపాటు మెహబూబ్‌కు మెగాస్టార్‌ చిరంజీవి రూ.10 లక్షల చెక్‌ ఇవ్వడం గొప్ప విషయమని చెప్తూనే.. మిగతా కంటెస్టెంట్లు అరియానా, అవినాష్‌‌, హారిక పరిస్థితి ఏంటని ప్రశ్నిస్తున్నారు. హోస్ట్‌ నాగార్జున కూడా ఒకవైపే మొగ్గు చూపారని ఆరోపిస్తున్నారు. ఒకవేళ సోహైల్‌, అఖిల్‌.. అభిజిత్‌ కన్నా ఎక్కువ ఓట్లు సాధించి ఉంటే కూడా బిగ్‌బాస్‌ ఇలాగే ప్రైజ్‌ మనీలో కోత పెట్టేవారా అని ప్రశ్నిస్తున్నారు. (చదవండి: బిగ్‌బాస్‌– 4 విజేత అభిజిత్‌)

సాక్షి, హైదరాబాద్‌: బుల్లితెర వీక్షకులను 106 రోజులపాటు అలరించిన ప్రముఖ తెలుగు రియాలిటీ షో బిగ్‌బాస్‌–4 గ్రాండ్‌ ఫినాలే ఆదివారం ముగిసింది. స్టార్‌ మా ప్రసారం చేసిన ఈ రియాలిటీ షో విజేతగా వర్ధమాన నటుడు, లైఫ్‌ ఈజ్‌ బ్యూటిఫుల్‌ చిత్రం ఫేమ్‌ అభిజిత్‌ నిలిచాడు. పరిణతి చెందిన వ్యక్తిత్వంతో పెద్ద సంఖ్యలో మహిళాభిమానుల్ని, బిగ్‌బాస్‌ ప్రశంసల్ని కూడా దక్కించుకున్న అభిజిత్‌ను విజయం వరించింది. గత రెండు రోజులుగా సోషల్‌ మీడియాలో కూడా అభిజిత్‌దే గెలుపు అంటూ పలువురు చెప్పిన జోస్యం, అంచనాలకు అనుగుణంగానే తుది ఫలితం ఉండడం విశేషం. గ్రాండ్‌ ఫినాలేకు ముఖ్య అతిథిగా విచ్చేసిన మెగాస్టార్‌ చిరంజీవి చేతుల మీదుగా అభిజత్‌ బిగ్‌బాస్‌–4 ట్రోఫీ అందుకున్నాడు. అఖిల్‌ రన్నరప్‌గా నిలిచాడు. మొత్తం 16 మంది కంటెస్టెంట్లు ఈ షోలో పాల్గొనగా వారిలో వారానికి ఒకరు చొప్పున ఎలిమినేట్‌ అవుతూ వచ్చారు. చివరకు అఖిల్, అభిజిత్, సోహైల్, హారిక, అరియానాలు టాప్‌–5 ఫైనల్‌ కంటెస్టెంట్స్‌గా మిగిలారు. అయితే చివరి ముగ్గురిలో వెళ్లిపోవడానికి ఇష్టపడిన వారు రూ. 25 లక్షలు తీసుకొని వెళ్లిపోవచ్చన్న వ్యాఖ్యాత నాగార్జున ఆఫర్‌ను సోహైల్‌ అంగీకరించడంతో అభిజిత్‌ ప్రైజ్‌ మనీలో సగానికి కోత పడింది. అలరించిన ముగింపు..  బిగ్‌బాస్‌ సీజన్‌ 4 చివరి రోజున మెగాస్టార్‌ చిరంజీవి ఈ షో కంటెస్టెంట్స్‌తో సాగించిన ముచ్చట్లు వీక్షకులను ఆకట్టుకున్నాయి. ఈ షోలో పాల్గొన్న పోటీదారులంతా ఫినాలే సందర్భంగా హాజరై తమ అనుభవాలు పంచుకున్నారు. మెగాస్టార్‌తో మాట్లాడుతూ ఉద్వేగానికి లోనయ్యారు. సోషల్‌ మీడియా స్టార్‌ మెహబూబ్‌కు చిరంజీవి ఆర్థిక సాయం అందించడంతో ఆహూతులు అంతా హర్షధ్వానాలు చేశారు. హీరోయిన్లు ప్రణీత, లక్ష్మీరాయ్, మెహ్రీన్, దర్శకుడు అనిల్‌ రావిపూడి గ్రాండ్‌ ఫినాలేలో పాల్గొని స్పెషల్‌ అట్రాక్షన్‌గా నిలిచారు. సంగీత దర్శకుడు తమన్‌ మ్యూజికల్‌ కాన్సర్ట్‌తో అలరించారు. గత బిగ్‌ బాస్‌ సీజన్‌–3కు 8 కోట్ల మంది ఓట్లు వేయగా 4వ సీజన్‌కు మొత్తం 15 కోట్ల 65 లక్షల ఓట్లు వచ్చాయని హోస్ట్‌ నాగార్జున చెప్పారు.  

తెలుగు నాట అత్యంత ప్రజాదరణ పొందిన రియాల్టీ షో బిగ్‌బాస్‌ నాల్గో సీజన్‌కు శుభం కార్డు ప‌డింది.‌ గ్రాండ్‌ ఫినాలేలో మెగాస్టార్ చిరంజీవి, నాగార్జున అభిజిత్‌ను విజేత‌గా ప్ర‌క‌టించారు. అఖిల్‌ను ర‌న్న‌ర‌ప్‌గా వెల్ల‌డించారు. మూడో సీజన్‌ ఫినాలేకు 8 కోట్ల ఓట్లు రాగా నాల్గో సీజన్‌కు రికార్డు స్థాయిలో 15.65 కోట్ల ఓట్లు వచ్చాయని నాగ్‌ వెల్లడించారు. కాగా 19 మంది కంటెస్టెంట్లతో.. వారానికి ఒక ఎలిమినేషన్ చొప్పున 105 రోజులపాటు సాగిన ఈ రియాటీ షో ప్రేక్షకులను గణనీయంగా అలరించింది. సెప్టెంబర్‌ 6న అట్టహాసంగా ప్రారంభమైన ఈ సీజన్‌ తెలుగు ప్రజలకు త్వరగానే చేరువైంది. తొలి రోజు నుంచే ప్రేక్షకులకు వినోదాన్ని పంచుతూ..15 వారాలపాటు ఒకే ఇంట్లో ఉంటూ ఎన్నో ఎమోషన్స్‌ను తట్టుకుంటూ ఐదుగురు ఇంటి సభ్యులు అభిజిత్‌, అఖిల్‌, సోహైల్‌, అరియానా, హారిక  ఫైనల్‌కు చేరుకున్న సంగతి తెలిసిందే. వీరిలో ఒక‌రిని విన్న‌ర్‌గా ప్ర‌క‌టించేందుకు ఏర్పాటు చేసిన‌ నేటి గ్రాండ్ ఫినాలే ఎపిసోడ్ విశేషాలేంటో చ‌దివేయండి.. క్షమాపణ చెప్పిన నోయల్‌ నాగార్జున‌, ఆ త‌ర్వాత ఎలిమినేట్ అయిన కంటెస్టెంట్లు 14 మంది స్టన్నింగ్ డ్యాన్స్ పెర్ఫార్మెన్స్‌తో ఎంటర్‌టైన్ చేశారు. దేవి నాగ‌వ‌ల్లి మాత్రం ఫినాలే ముగిసే స‌మ‌యానికి హాజ‌రైంది. ఇక‌ నోయల్ మాట్లాడుతూ.. 'బిగ్‌బాస్‌కు ముందు రాజమౌళి, సుకుమార్ ఇచ్చిన అవకాశాలతో నన్ను గుర్తు పట్టేవారు. బిగ్‌బాస్ తర్వాత నాకు మరింత పాపులారిటీ సంపాదించుకున్నాను. ఇంటిలో అవినాష్, అమ్మా రాజశేఖర్‌తో జరిగిన గొడవ వల్ల వాళ్లు ఏమైనా హర్ట్ అయితే అందుకు సారీ. అవినాష్ కామెడీ ఓ మెడిసిన్..  ఆయనలా ఎప్పుడు నేను కామెడీ చేయలేను' అంటూ ఇద్ద‌రికీ క్ష‌మాప‌ణ‌లు తెలిపాడు. బిగ్‌బాస్‌ తర్వాత నా లైఫ్ చాలా వేరుగా ఉంది : అవినాష్‌ గ్రాండ్‌ ఫినాలేకి వచ్చిన అవినాష్ నాగ్‌తో తన బిగ్‌బాస్‌ జర్నీ అనుభవాలను పంచుకుంటూ.. ‘మీరు చెప్పినట్టే.. బిగ్‌బాస్‌కు ముందు, బిగ్‌బాస్ తర్వాత నా లైఫ్ చాలా వేరుగా ఉంది. ఇంతకు ముందు మా ఊరు వాళ్లే ఫోటోలు దిగేవారు. కానీ బిగ్‌బాస్ తర్వాత ఇత‌ర‌ జిల్లాల వాళ్లు వచ్చి నాతో ఫోటో దిగుతున్నారు. నాతోనే కాకుండా నా తల్లితో కూడా ఫోటోలు దిగుతున్నారు అని సంతోషం వ్య‌క్తం చేశాడు. ఫొటోలు దిగలేకపోతున్నా : గంగవ్వ గంగవ్వ అయితే ఇంటికొచ్చే వాళ్లతో ఫొటోలు దిగలేకపోతున్నానని వాపోయింది. వచ్చిన వాళ్లు వారి కుటుంబ సభ్యులతో ఫోన్‌లో తనతో తెగ మాట్లాడిస్తున్నారని,  దాని వ‌ల్ల గొంతు నొప్పి పుడుతోందని నాగార్జునతో చెప్పుకొచ్చింది. దీనికి బ‌దులు బిగ్ బాస్ హౌస్‌లో ఉండిపోయినా బాగుండని అనిపిస్తోంద‌ని చెప్పింది. రోజుకి 500 మంది తనను కలవడానికి వస్తున్నారంది. త‌న కోరిక మేర‌కు ఇల్లు కట్టిస్తున్నార‌ని, చాలా సంతోషం అంటూ నాగార్జునకు ధన్యవాదాలు తెలిపింది. జర్నీ చూసి కంటెస్టెంట్స్‌ కంటతడి బిగ్‌బాస్‌ ఫినాలే​ సందర్భంగా ఇంటి సభ్యులందరికి 105 రోజుల జర్నీని చూపించి అందరినీ ఏడిపించారు. 19 మందితో మొదలైన బిగ్‌బాస్‌ నాల్గో సీజన్‌ ప్రస్తుతం 5 మంది ఉన్నారు. ఇన్నాళ్లు వాళ్లు చూపించిన ప్రేమ, కోపం,ఆప్యాయతలు అన్నింటినీ ఏవీలో వేసి చూపించారు. తమ జర్నీ చూసి ఇంట్లో ఉన్న టాప్‌ 5 కంటెస్టెం‍ట్స్‌ అభిజిత్‌, హారిక, అరియానా, సోహైల్‌, అఖిల్‌తో పాటు ఎలిమినేట్‌ అయినవారు కూడా కంటతడి పెట్టారు. అనిల్‌ రావిపుడి రచ్చ రచ్చ బిగ్‌బాస్‌ ఎలిమినేట్‌ అయిన వ్యక్తిని బయటకు తీసుకొచ్చే బాధ్యతను యంగ్‌ డైరెక్టర్‌ అనిల్‌ రావిపుడికి అప్పగించారు. అయితే తాను నవ్విస్తాను కానీ ఎలిమినేట్‌ చేయలేనని నాగ్‌కు విజ్ఞప్తి చేశాడు. దీంతో నాగ్‌ ఆ బాధ్యతను ఎఫ్‌2 హీరోయిన్‌ మెహరిన్‌కు అప్పగించారు. దీంతో బ్యాండ్‌ బాజాలతో అనిల్‌ రావిపుడి, మెహరిన్‌ హౌస్‌లోకి అడుగుపెట్టారు.ఇక ఇంట్లోకి వెళ్లిన అనిల్‌తో టాస్క్‌లు ఆడించారు నాగ్‌. పలు చిలిపి ప్రశ్నలు అడిగి ఎంటర్‌టైన్‌మ్మెంట్‌ చేశాడు. హౌస్‌మేట్స్‌ని ఇమిటేట్‌ చేసి క‌డుపుబ్బా నవ్వించాడు. ‌ హారిక అవుట్ ఫినాలే పోరులో నుంచి తొలుత‌గా హారిక ఎలిమినేట్‌ అయింది. హౌస్‌లోకి వెళ్లిన మెహరిన్‌, అనిల్‌ రావిపుడి కలిసి హారికను ఎలిమినేట్‌ చేశారు. మొదటగా హౌస్‌మేట్స్‌ అందరికి కళ్లకి గంతలు కట్టి ఎలిమినేట్‌ ప్రాసెస్‌ స్టార్ట్‌ చేశారు. టాప్‌ 5లో ఒకరిని ఎలిమినేట్‌ చేయాల్సిందిగా మెహరిన్‌కు నాగ్‌‌  సూచించారు. కాసెపు అందరికి టెన్షన్‌ పెట్టి చివరగా హారికను ఎలిమినేట్‌ అయినట్లు ప్రకటించారు. ఆ తరవాత హారిక గంతలు విప్పిన మెహ్రీన్, అనిల్.. ఆమెను తీసుకెళ్లి ఒక పంజరం లాంటి ఐరన్ రూమ్‌లోకి పంపారు. ఆ పంజరాన్ని ఒక క్రేన్ గాల్లోకి లేపుతూ బయటికి తీసుకెళ్లిపోయింది. హారిక గాల్లో ఉన్నప్పుడు మిగిలిన నలుగురు ఫైనలిస్ట్‌ల గంతలు విప్పగా దేత్త‌డి వెళ్లిపోవ‌డం చూసి విస్తుపోయారు.  10 లక్షలు తిరస్కరించిన హౌస్‌మేట్స్‌ రెండో వ్యక్తిని ఎలిమినేట్‌ చేయాల్సిన‌ బాధ్యతను నాగ్‌ హీరోయిన్లు లక్ష్మీరాయ్‌, ప్రణీతలకు అప్పగించారు. దీంతో ఆ ఇద్దరు బ్యూటీలు బ్యాండ్‌ బాజాలతో ఇంట్లోకి వెళ్లి రచ్చ రచ్చ చేశారు. మొదటగా ప్రణీత 10 లక్షలు రూపాయలు ఉన్న సూట్‌ కేస్‌తో వెళ్లి కంటెస్టెంట్స్‌ను టెంప్ట్‌ చేసే ప్రయత్నం చేశారు. రూ.10లక్షలు తీసుకొని ఎవరైనా వెళ్లొచ్చు అని ఆఫర్‌ ఇవ్వగా అందరూ తిరస్కరించారు. ప్రేక్షకులు మాకు ఓట్లు వేసి ఇంత దూరం తీసుకొచ్చారని, డబ్బుతో వాళ్ల ప్రేమను పొగొట్టుకోలేమని తేల్చి చెప్పారు. దీంతో ప్రణీత 10 లక్షలు తీసుకొని బయటకు వచ్చేసింది. త‌ర్వాత‌ హీరోయిన్ లక్ష్మీరాయ్‌ వెళ్లి అరియానాను ఎలిమినేట్‌ చేశారు. రూ. 25 లక్షలకు సోహైల్‌ టెంప్ట్‌ టాప్ 3లో ముగ్గురు అబ్బాయిలు మిగల‌గా.. బిగ్‌బాస్‌ నుంచి సోహైల్‌ స్వచ్ఛందంగా ఎలిమినేట్‌ అయ్యాడు. నాగార్జున ఇచ్చిన రూ.25లక్షల ఆఫర్‌కు సోహైల్‌ టెంప్ట్‌ అయ్యాడు. ఇంట్లో ఉన్న అభిజిత్‌, అఖిల్‌, సోహైల్‌లో ఎవరైనా 25లక్షల రూపాయలు తీసుకొని బయటకు రావొచ్చని నాగ్‌ సూచించగా.. అఖిల్‌, అభిజిత్‌ తిరస్కరించారు. సోహైల్‌ మాత్రం తాను ఈ డబ్బును తీసుకొని వెళ్తానని చెప్పాడు. సోహైల్‌ నిర్ణయాన్ని అతని కుటుంబ సభ్యులు కూడా స్వాగతించారు. వచ్చిన ఆ 25 లక్షల రూపాయాల్లో ఐదు ల‌క్ష‌లు అనాథశ్ర‌మానికి, మ‌రో ఐదు మెహ‌బూబ్ ఇల్లు క‌ట్టుకునేందుకు ఇస్తాన‌ని చెప్పాడు. కానీ మెహ‌బూబ్ అత‌డి ఆఫ‌ర్‌ను తిర‌స్క‌రిస్తూ ఆ ఐదు ల‌క్ష‌లు కూడా అనాథ‌శ్ర‌మానికే ఇచ్చేయ‌మ‌న్నాడు. వీరి ఆలోచ‌న మెచ్చిన నాగ్ ఆ ప‌ది ల‌క్ష‌లు అనాథ‌శ్ర‌మానికి తాను ఇస్తాన‌ని, సోహైల్‌ను 25 ల‌క్ష‌లు ఇంటికే తీసుకెళ్ల‌మ‌ని చెప్పారు. సోహైల్ ప‌ర్మిష‌న్ తీసుకున్న చిరు ల‌క్ష్మీ రాయ్ ప‌ర్ఫామెన్స్‌తో ఆక‌ట్టుకోగా త‌ర్వాత వ‌చ్చిన త‌మ‌న్ మ్యూజిక్‌తో మ్యాజిక్ చేశాడు. అనంత‌రం స్వ‌యంగా నాగార్జునే హౌస్‌లోకి వెళ్లి టాప్ 2 కంటెస్టెంట్లు అభిజిత్‌, అఖిల్‌ను స్టేజీ మీద‌కు తీసుకొచ్చారు. బిగ్‌బాస్ ట్రోఫీ ఇచ్చేందుకు మెగాస్టార్ చిరంజీవి ప్ర‌త్యేక అతిథిగా విచ్చేశారు. నాగార్జున ఫిట్‌నెస్‌ను చూస్తే కుళ్లు వేస్తోంద‌న్నారు. అలాగే ప‌ది సీజ‌న్ల వ‌ర‌కు కూడా నాగార్జునే వ్యాఖ్యాత‌గా ఉండాల‌న్నారు. ఆ త‌ర్వాత నాగ్ జ‌ర్నీ చూపించారు. అనంత‌రం అభిజిత్ మీద పంచులేస్తూనే అత‌డి వ్య‌క్తిత్వాన్ని మెచ్చుకున్నారు. ప్ర‌తిదాంట్లో గెల‌వాల‌న్న తాప‌త్ర‌యం క‌నిపించేద‌ని, ప్రేమోనాల్‌ను గెలిచేవాడ‌ని తెలిపారు. మ‌న క‌థ వేర‌న్న డైలాగ్ త‌ర్వాతి సినిమాలో పెడ‌తాను, అందుకు ప‌ర్మిష‌న్ ఇవ్వంటూ సోహైల్‌ను అడిగారు. అభి విన్న‌ర్‌ అభిజిత్, అఖిల్‌ను స్టేజీ మీద‌కు తీసుకొచ్చిన నాగ్‌.. అభి విజ‌యానికి సంకేతంగా అత‌డి చేయి పైకెత్తారు. ఇద్ద‌రు మిత్రులు చిరు, నాగ్ క‌లిసి అత‌డికి ట్రోఫీ అందించారు. స్టైలిష్ బైక్‌ను కూడా అంద‌జేశారు. ఈ విజ‌యాన్ని ఊహించ‌లేక‌పోయిన అభి సంతోషం క‌ట్ట‌లు తెంచుకుంది. త‌న‌కు ఓట్లేసిన ప్రేక్ష‌కుల‌కు పాదాభివంద‌నాలు తెలిపాడు.. 63 ఏళ్ల‌లో ఇది త‌న‌కు గొప్ప వేడుక‌లాంటిద‌ని అభిని చూసి అత‌డి తండ్రి గ‌ర్వ‌ప‌డ్డారు.

పోటీలో ముగ్గురు అబ్బాయిలు ఇద్దరు అమ్మాయిలు నిలిచారు. నాలుగో సీజన్‌ ఇది. మూడు సీజన్లనూ అబ్బాయిలే తన్నుకుపోయారు. ఈసారైనా అమ్మాయి విజేతగా నిలుస్తుందా? అరియానా, హారికలకు చాన్స్‌ ఉందా? 100 రోజుల పాటు ప్రేక్షకులను అలరించిన షో ఈరోజు ముగుస్తోంది. భావోద్వేగాల కేంద్రంగా సాగే ఈ షోలో అన్ని రకాల వొత్తిళ్లను అమ్మాయిలు దాటగలిగారు. టైటిల్‌ చేజిక్కించుకోగలరో లేదో చూద్దాం. ఒక అంచనా. సల్మాన్‌ ఖాన్‌ హోస్ట్‌గా నిర్వహించే హిందీ బిగ్‌బాస్‌లో ఇప్పుడు 14వ సీజన్‌ నడుస్తోంది. పూర్తయిన 13 సీజన్‌లలో ఐదు మంది మహిళా విజేతలు ఉన్నారు. పురుషులకే ఎక్కువగా ఓటింగ్‌ జరిగే క్రేజ్‌ ఉన్నచోట ఒకరకంగా పెద్ద నంబర్‌. హౌస్‌లో ఉన్న కంటెస్టెంట్‌లలో మహిళలే ఉత్తమ మానవ ప్రవర్తనను ప్రదర్శించారని దీనిని బట్టి రుజువైంది. ఎందుకంటే బిగ్‌బాస్‌ షో వ్యక్తుల బలాబలాలు, శక్తి సామర్థ్యాలను కాక మానవ ప్రవర్తనలను ప్రేక్షకుల ముందు పెట్టి ఎవర్ని ఎన్నుకుంటారో మీ ఇష్టం అని చెబుతుంది. మానవ ప్రవర్తనను బయటకు తేవడానికి బిగ్‌బాస్‌ హౌస్‌లో రకరకాల సందర్భాలను సృష్టిస్తారు. ఎత్తుకు ఎదగడానికి, పతనం కావడానికి కూడా సమాన అవకాశం ఉంటుంది. అలాంటి షోలో ఐదు మంది స్త్రీలు గెలిచి తాము మెరుగైన మానవులం అని చెప్పారు. కాని తెలుగులో కూడా అంతటి ప్రతిభావంతంగా రాణించినా పురుషులకు దీటుగా నిలిచినా స్త్రీలకు గత మూడు సీజన్‌లలో టైటిల్‌ దక్కలేదు. ఈసారైనా దక్కుతుందా... తెలియదు. మిస్సయిన శ్రీముఖి, గీతా మాధురి తెలుగు బిగ్‌బాస్‌ 1,2,3 సీజన్‌లలో మహిళా కంటెస్టెంట్‌లు గట్టి పోటీ ఇచ్చారు. సీజన్‌ 1లో నటి హరితేజ , నటి అర్చన చివరివరకూ నిలిచారు. సీజన్‌ 2లో గాయని గీతామాధురి రన్నర్‌ అప్‌గా నిలిచారు. నటుడు కౌశల్‌ ఆ సీజన్‌కు విన్నర్‌ అయినా గీతా మాధురి గెలుస్తుందని చాలామంది భావించారు. సీజన్‌ 3 లో శ్రీముఖి రన్నరప్‌గా నిలిచారు. రాహుల్‌ సిప్లిగంజ్‌ టైటిల్‌ గెలుచుకున్నారు. విజేత ఓటింగ్‌ ద్వారా నిర్ణయం అవుతారని నిర్వాహకులు చెబుతారు. కాని ఓటింగ్‌ సరళి పురుషుల ఫేవర్‌లో వెళుతోంది. స్త్రీలను విజేతలకు నిలబెట్టడానికి బయట సరైన బృందాలు పని చేయడం లేదనే భావన కూడా ఉంది. ఈసారి అరియానా, హారిక బిగ్‌బాస్‌ 4 సీజన్‌ కరోనాకు వెరవక అట్టహాసంగా సెప్టెంబర్‌ 6న మొదలైంది. మొత్తం 105 రోజుల ఈ షోలో చివరి రోజు ఇవాళ్టితో ముగియనుంది. ఈ సీజన్‌లో మొత్తం 20 మంది కంటెస్టెంట్‌లు పాల్గొన్నారు. వారిలో 10 మంది స్త్రీలు ఉన్నారు. సీజన్‌కు అట్రాక్షన్‌గా నిలుస్తుంది అనుకున్న గంగవ్వ ఆరోగ్య కారణాల రీత్యా నిష్క్రమించాల్సి వచ్చింది. ఫైనల్‌ వరకూ వెళుతుందనుకున్న లాస్య 77వ రోజున నిష్క్రమిస్తే గట్టి పోటీ ఇస్తూ వచ్చిన హీరోయిన్‌ మోనాల్‌ గజ్జర్‌ చివరి వారంలో ఎవిక్ట్‌ అయ్యింది. చివరి ఐదుమంది పోటీదారుల్లో టెలివిజన్‌ యాంకర్‌ అరియానా, యూ ట్యూబ్‌ స్టార్‌ హారికా మిగిలారు. అమ్మాయిలు గెలుస్తారా? ఓటింగ్‌ సరళిని, హౌస్‌లో అరియానా, హారికల గేమ్‌ తీరును, ప్రవర్తనను గమనించిన పరిశీలకులు చాలామంది ఈసారి బిగ్‌బాస్‌ టైటిల్‌ గెలిచేంత గట్టిగా వీరిరువురు లేరనే అభిప్రాయం వ్యక్తం చేస్తున్నారు. అరియానా ప్రవర్తన నిక్కచ్చిగా ఉండటం ఆమెకు మైనస్‌ అయ్యింది. ఒక దశలో హౌస్‌మేట్స్‌ అందరూ ఆమెను ఎలిమినేట్‌ చేయాలనే వరకూ వెళ్లారు. ఇక హారికా పట్ల అభ్యంతరాలు లేకున్నా ఆమె గట్టిగా ఒక అభిప్రాయాన్ని, ఒక సందర్భాన్ని, ఒక యాటిట్యూడ్‌ని చూపలేకపోయింది. మరోవైపు పురుష కంటెస్టెంట్‌లు అభిజిత్, సొహైల్, అఖిల్‌ తమ సొంత తీరుతో ఓట్లను నిలబెట్టుకున్నారు. 50 లక్షలు ప్రైజ్‌  బిగ్‌బాస్‌ 4 విజేతకు 50 లక్షల ప్రైజ్‌మనీ దక్కుతుంది. ఇప్పుడు పోటీలో నిలుచున్న ఐదుగురూ మధ్యతరగతి, ఎగువ మధ్యతరగతి అభ్యర్థులే. ఈ మొత్తం చాలా పెద్దది తమ దృష్టిలో అని వారే చెప్పుకున్నారు. అందరికీ సొంతింటి కలే లక్ష్యంగా ఉంది. ఈ 50 లక్షల కోసం బిగ్‌బాస్‌లో గత 100 రోజులుగా అభ్యర్థులు అనేక అగ్నిపరీక్షలకు లోనయ్యారు. హారికా, అరియానాలు కూడా ఎన్నోసార్లు గట్టి దెబ్బలు తిన్నా తట్టుకుని నిలుచున్నారు. హారికాకు సొహైల్‌కు మధ్య పెద్ద పెద్ద యుద్ధాలే గెలిచాయి. అరియానా సొహైల్‌కు మధ్య కూడా యుద్ధాలే జరిగాయి. హారికా అభిజిత్‌ ఒక జట్టు కడితే సొహైల్‌– అఖిల్‌ ఒక జట్టుగా మారి అరియానాను ఒంటరిని చేశారు. అయితే బయట ప్రేక్షకులలో అరియానా మద్దతుదారులు గట్టిగానే ఉన్నారు. ఎవిక్ట్‌ అయ్యి వెళ్లే ముందు మోనల్‌ గజ్జర్‌ విజేత అయ్యే ఏ లక్షణమూ అరియానాలో లేదు అని చెప్పి వెళ్లింది. కాని ప్రేక్షకుల తీర్పు ఈసారి అమ్మాయిల వైపు మొగ్గితే ఇద్దరిలో ఒకరు గెలిచి మహిళా విజేతల ఖాతా తెరుస్తారు. నేడే ఫైనల్స్‌ నేడు మా టీవీలో ప్రసారమయ్యే ఫైనల్స్‌లో విజేత ప్రకటన వెలువడుతుంది. చీఫ్‌గెస్ట్‌గా చిరంజీవి వస్తారనే వార్తలు వినిపిస్తున్నాయి. గత సీజన్‌లో వెంకటేశ్‌ హాజరయ్యారు. అంతకు ముందు సీజన్‌ చిరంజీవి వచ్చారు. మళ్లీ ఆయనే రావచ్చు అంటున్నారు. ఏమైనా లాక్‌డౌన్‌ కాలంలో మొదలైన ఈ షో పెద్ద ఆటంకాలు లేకుండా చివరి అంకానికి చేరడం వెనుక టీమ్‌ కష్టం ఎంతో ఉంటుంది. వారికి మెచ్చుకోళ్లు చెప్పక తప్పదు. విజేత ప్రకటన కోసం ఎదురు చూద్దాం. – సాక్షి ఫ్యామిలీ  

బిగ్‌బాస్ హౌస్‌లో కంటెస్టెంట్లు ఆఖ‌రుసారి సంతోషంగా డ్యాన్సులు చేసుకుంటూ గ‌డిపారు. ఎలిమినేట్ అయిన‌వాళ్ల‌ను తిరిగి హౌస్‌లో చూస్తున్నందుకు ఓప‌క్క సంతోషం, త‌ర్వాతి రోజు నుంచి ఈ హౌస్ ఉండ‌ద‌న్న మ‌రో వైపు బాధ వాళ్ల‌ను ఉక్కిరి బిక్కిరి చేశాయి. దీంతో హౌస్‌లో చివ‌రి రోజు కొంత ఎమోష‌న‌ల్‌గా సాగింది. అయితే దేవి నాగ‌వ‌ల్లి, సూర్య కిర‌ణ్‌, అమ్మ రాజ‌శేఖ‌ర్ మాత్రం రీయూనియ‌న్ పార్టీకి రాక‌పోవ‌డం గ‌మ‌నార్హం. మ‌రి సంతోషాలు వెల్లివెరిసిన నేటి బిగ్‌బాస్ ఎపిసోడ్ ఎలా సాగిందో చ‌దివేయండి.. ఇంటి నుంచి సందేశం.. అఖిలూ, ఓ అఖిలూ.. అని పిలుచుకుంటూనే గంగ‌వ్వ లోప‌ల‌కు వ‌చ్చింది. అవ్వ పిలుపు విన‌గానే అఖిల్ ఉత్సాహం ఉర‌క‌లెత్తింది. ఆమెను చూడ‌గానే పిల్లాడిలా సంబ‌ర‌ప‌డిపోయాడు. త‌ర్వాత‌ జోర్దార్ సుజాత లోనికి రాగా అవ్వ‌తో క‌లిసి ఫైన‌లిస్టుల‌తో ఆటాడించారు. న‌న్ను ఇంప్రెస్ చేస్తే మీ ఇంటి నుంచి వ‌చ్చిన మెస్సేజ్‌ను చూపిస్తాన‌‌ని సుజాత బంప‌ర్ ఆఫ‌ర్ ప్ర‌క‌టించింది. దీంతో అభిజిత్ సోహైల్ పోటీప‌డుతూ ఇంట్లోకి ప‌రుగెత్తారు. ఈ క్ర‌మంలో అభి మైకు విర‌గొట్టుకుని మ‌రీ మొద‌ట‌గా కాఫీ మ‌గ్గు తీసుకొచ్చాడు. త‌ర్వాత సోహైల్ ప్లేటు మీద ఐ ల‌వ్ యూ అని రాసుకొచ్చి మ‌రీ అందించాడు. ఇలా ఎవ‌రికి తోచిన ప్ర‌య‌త్నాలు వారు చేయ‌గా.. ఫైన‌లిస్టులంద‌రికీ కుటుంబ స‌భ్యులు మాట్లాడిన‌ వీడియోలు చూపించారు. అనంత‌రం గంగ‌వ్వ‌, సుజాత ఇద్ద‌రూ వీడ్కోలు తీసుకున్నారు. (చ‌ద‌వండి: కృష్ణుడిలాంటి భ‌ర్త కావాలి: మోనాల్‌) నేను నిన్ను గెలిచాను.. త‌ర్వాత వ‌చ్చిన‌ నోయ‌ల్‌ ర్యాప్‌తో ఊపేస్తూ అంద‌రి సంతోషాన్ని రెట్టింపు చేశాడు. అత‌డి కోసం ఓ సందేశాన్ని రాసిన బాటిల్‌ను అభి నోయ‌ల్ చేతికందించాడు. దానిపై 'నోయ‌ల్ టైటిల్ గెలిచేందుకు అర్హుడు' అని ఉంది. ఇది చ‌దివిన నోయ‌ల్ నేను నిన్ను గెలిచాను, ఇది చాల‌దా.. అంటూ అభిజిత్‌తో చెప్పుకొచ్చాడు. హౌస్‌ను మిస్స‌వ‌లేదు, కానీ మిమ్మ‌ల్ని మిస్ అవుతున్నానని పేర్కొన్నాడు. ఈ బిగ్‌బాస్ త‌న‌కు ఎంతో ఇచ్చింద‌ని, కానీ త‌ను ఏమీ తిరిగివ్వ‌లేక‌పోతే క్ష‌మించండి అంటూ హౌస్‌కు గుడ్‌బై చెప్పాడు. (చ‌ద‌వండి: బిగ్‌బాస్‌ : నోయల్‌కు వచ్చిన వ్యాధి ఇదే) దివి.. దీపిక ప‌దుకొణెలా ఉన్నావు త‌ర్వాత మెహ‌బూబ్‌ను చూడ‌గానే సోహైల్ తెగ ఎగ్జైట్ అయ్యాడు. అత‌డు మాత్రం త‌న ఆతృత‌ను లోలోప‌లే అణుచుకుంటూ దివితో స్టెప్పులేశాడు. అనంత‌రం త‌న జిగిరీ దోస్తులు సోహైల్‌, అఖిల్‌, అభిజిత్‌తో క‌బుర్లు చెప్పాడు. అటు అఖిల్ మాత్రం దీపిక పదుకొణెలా ఉన్నావంటూ దివిని పొగ‌డ్త‌ల‌తో ముంచెత్తాడు. చాలా బాగున్నావంటూ అభిజిత్ కూడా మెచ్చుకోవ‌డంతో ఏంటి పులిహోరా? అని దివి ప్ర‌శ్నించింది. మ‌రోప‌క్క మెహ‌బూబ్‌, సోహైల్ భావోద్వేగానికి లోనై క‌న్నీళ్లు పెట్టుకున్నారు. అనంత‌రం ఫైన‌లిస్టులు అన్ని హార్ట్ దిండుల‌ను మెహ‌బూబ్‌, దివికి బ‌హుమ‌తిగా ఇచ్చారు. మీ ఐదుగురు విన్న‌ర్లే అన్న విష‌యాన్ని గుర్తు పెట్టుకోండ‌ని మెహ‌బూబ్ ప‌దే ప‌దే చెప్తూ సెల‌వు తీసుకున్నాడు. (చ‌ద‌వండి: బిగ్‌బాస్‌: పెద్ద‌గా ఆక‌ట్టుకోని కంటెస్టెంట్లు వీళ్లే..) మిస్ అవుతున్నానంటూ ఏడ్చేసిన అరియానా త‌ర్వాత అవినాష్ ఎంట్రీ ఇవ్వ‌డంతో అరియానా ఆనందంతో గెంతులేసింది. కానీ ఆ వెంట‌నే నిన్ను మిస్ అవుతున్నానంటూ గుక్క‌పెట్టి ఏడ‌వటంతో ఆమెను ఓదార్చాడు. త‌న‌నిప్పుడు అవినాష్ అని కాకుండా ఎంట‌ర్‌టైన‌ర్ అని పిలుస్తున్నాడ‌ని చెప్పుకొచ్చాడు. త‌న ఇంటికి వేరే వేరే జిల్లాల నుంచి అభిమానులు క‌లిసేందుకు వ‌స్తున్నారని తెలిపాడు. అఖిల్ పులిహోర మామూలుగా క‌ల‌ప‌డం లేదంటూ సెటైర్లు వేశాడు. హారిక అలాగే చూస్తుండ‌టం చూసి ఏంటి? దినాల‌కు పిట్ట‌కు పెట్టిన‌ట్లు చూస్తున్నావు అని పంచ్ వేశాడు. అనంత‌రం అంద‌రి హౌస్‌కు గుడ్‌బై చెప్తూ అక్క‌డి నుంచి నిష్క్ర‌మించాడు. త‌ర్వాత ఫైన‌లిస్టులు డ్యాన్సులు చేస్తూ ఎంజాయ్ చేశారు. (చ‌ద‌వండి: బిగ్‌బాస్ విన్న‌ర్ అత‌డే: అలీ రెజా)

ప్రేమ పాఠాలు, గుణ‌ పాఠాలు, క‌థ‌లు, వ్య‌థ‌లు, పోరాటాలు, ఆరాటాలు, బాధ‌లు, బంధాలు, క‌ల‌యిక‌లు, విడిపోవ‌డాలు, ఆటపాట‌లు, అడ్డంకులు.. ఇలా అన్నీ క‌ల‌గ‌లిపితేనే అది బిగ్‌బాస్ రియాలిటీ షో. తెలుగులో ప్ర‌స్తుతం న‌డుస్తున్న నాల్గ‌వ సీజన్‌కు నాలుగు రోజుల్లో ఎండ్ కార్డ్ ప‌డ‌నుంది. ఈ సంద‌ర్భంగా బిగ్‌బాస్ టాప్ 5 కంటెస్టెంట్ల‌ను ఒక్కొక్క‌రిగా పిలుస్తూ వారి వంద రోజుల ప్ర‌యాణాన్ని క‌ళ్ల‌కు క‌ట్టిన‌ట్లు చూపిస్తున్నారు. నేడు అఖిల్‌, అభిజిత్ వారి ప్ర‌యాణాన్ని త‌రిచి చూసుకుని ఆనందంతో గాల్లో తేలుతున్నారు. మ‌రి ఈ జ‌ర్నీ గురించి వాళ్లేమ‌న్నారో తెలియాలంటే ఇది చ‌దివేయండి.. ప్రేక్ష‌కుల ప్రేమ చాలు.. బిగ్‌బాస్ హౌస్‌లో ఇప్ప‌టివ‌ర‌కు ఆడించిన టాస్కుల‌కు సంబంధించి అన్ని వ‌స్తువుల‌ను గార్డెన్ ఏరియాలో ఏర్పాటు చేశాడు. ముందుగా అఖిల్‌ను పిలిచి అత‌డి జ‌ర్నీ వీడియో ప్లే చేశారు. ఇందులో మోనాల్‌తో ఆట‌పాట‌లు, అభితో గొడ‌వ‌లు, సోహైల్ త్యాగాలు అన్నీ చూపించడంతో అఖిల్‌ కంట‌త‌డి పెట్టుకున్నాడు. త‌ను ఎఫ‌ర్ట్స్ పెట్టి ఆడాన‌ని  అఖిల్ మ‌రోసారి స్ప‌ష్టం చేశాడు. గెలుపోట‌ములు త‌న‌ చేతిలో లేవ‌ని, కానీ ప్ర‌య‌త్నం మాత్రం ఎప్ప‌టికీ మానుకోలేద‌ని చెప్పాడు. తోడు కోసం ప‌రిత‌పించాను కానీ ప్రేక్ష‌కుల ఓట్ల రూపంలో అంత ప్రేమ వ‌చ్చిన‌ప్పుడు ఇంకా ప్రేమ కావాల‌నుకోవ‌డం ఫూలిష్‌నెస్ అనిపిస్తోంద‌న్నాడు. త‌న‌కీ ప్రేక్ష‌కుల ప్రేమ చాలు అంటూ మోకాళ్ల‌పై మోక‌రిల్లి ఓట్లేసిన వారికి ధ‌న్య‌వాదాలు తెలిపాడు. బిగ్‌బాస్ వ‌ల్ల‌ తనేంటో త‌న‌కు తెలిసింద‌ని, త‌ప్ప‌కుండా విన్న‌ర్ అవుతానన్న న‌మ్మ‌కం ఉంద‌ని విశ్వాసం వ్య‌క్తం చేశాడు. అనంత‌రం బాల్క‌నీలో ఉన్న త‌న ఫొటోను తీసుకుని ఇంట్లోకి ప్ర‌వేశించాడు. (అభి ఫ్యాన్స్‌ఫై పోలీసుల‌కు మోనాల్ ఫిర్యాదు) ఇత‌రుల కోసం ఎక్కువ‌గా ఆలోచించావు అనంత‌రం అభిజిత్ గార్డెన్ ఏరియాలోకి  వెళ్లి త‌న‌కు పేరు తెచ్చిన రోబో టాస్క్‌లోని వ‌స్తువుల‌ను త‌నివితీరా చూసుకున్నాడు. బిగ్‌బాస్ అత‌డికి "మెచ్యూర్డ్ మ్యాన్ ఆఫ్ ద హౌస్" బిరుదునిచ్చాడు. నీ కంటే ఎక్కువ‌గా వేరేవాళ్ల‌కోసం ఆలోచించావ‌‌ని అభిని మెచ్చుకున్నాడు. ఇలాంటి ప‌రిప‌క్వ‌త చెందిన తెలివైన కంటెస్టెంటు హౌస్‌లో ఉన్నందుకు గ‌ర్వ‌ప‌డుతున్నాన‌ని బిగ్‌బాస్ చెప్పాడు. దీంతో అభి చేతులెత్తి న‌మ‌స్క‌రిస్తూ.. నేను బిగ్‌బాస్‌కు రావ‌డం అనేది నా జీవితంలోనే స‌రైన నిర్ణ‌యం అని భావిస్తున్నాను అని తెలిపాడు. అనంత‌రం అత‌డికి జ‌ర్నీ వీడియో చూపించ‌గా దాన్ని చూసి అభి మైమ‌రిచిపోయాడు. (ఓటింగ్‌లో అభిజిత్‌ను దాటేసిన అరియానా!) నేనంటే నీకిష్టం లేదా? ఆ వీడియోలో అభి మోనాల్‌తో పెట్టిన క‌బుర్ల‌నే ఎక్కువ‌గా చూపించారు. అందులో‌ 'నీకు నేనంటే ఇష్టం లేదా?' అని అభి మోనాల్‌ను ప్ర‌శ్నించాడు. అప్పుడు దానికి మోనాల్ స‌మాధానం చెప్ప‌క‌పోయినా త‌ర్వాత మాత్రం 'ఐ లైక్ యూ' అని చెప్పింది. కానీ త‌ర్వాత మారిన ప‌రిస్థితుల వ‌ల్ల‌ ఆమెతో దూరం కావ‌డం, అఖిల్‌తో గొడ‌వ‌లు, నామినేష‌న్లు అన్నింటినీ చూపించారు. హారిక అత‌డికి తోడుగా నిలిచిన సంద‌ర్భాల‌ను సైతం గుర్తు చేశారు. ఇవ‌న్నీ చూసి చ‌లించిపోయిన‌ అభి ఎంతో సంతోషించాడు. త‌ర్వాత‌ త‌న ఫొటోను తీసుకుని లోప‌ల‌కు వెళ్లాడు. రేప‌టి ఎపిసోడ్‌లో మిగ‌తా ముగ్గురి జ‌ర్నీలు చూపించ‌నున్నారు. (ఆ సెంటిమెంట్ క‌లిసొస్తే అభిజితే విన్న‌ర్‌?)

బిగ్‌బాస్ నాల్గో సీజ‌న్‌ ఓటింగ్ ఇప్ప‌టిదాకా ఒక లెక్క‌, ఇప్పుడొక లెక్క అన్న‌ట్లుగా మారింది. ఇంత‌కుముందు త‌మ అభిమాన‌ కంటెస్టెంట్లు నామినేష‌న్స్‌లో లేక‌పోతే వారికిష్ట‌మైన‌ ఫ్రెండ్స్‌ను సేవ్ చేసే బాధ్య‌త‌ను అభిమానులు వారి భుజాన వేసుకునేవారు. కానీ ఇప్పుడు ఆ ప‌రిస్థితి లేదు. కేవ‌లం త‌మ‌కిష్ట‌మైన కంటెస్టెంట్ల మీద‌నే ఫోక‌స్ చేస్తున్నారు. ఇదిలా వుంటే హౌస్‌లో ఉన్న ఫైన‌లిస్టుల‌తో బిగ్‌బాస్ "టైటిల్‌ గెలిచేందుకు ఎవ‌రు అన‌ర్హులు?" అని ఓ టాస్క్ ఆడించిన విష‌యం తెలిసిందే క‌దా! ఇందులో అఖిల్‌, హారిక.. అరియానా గెల‌వ‌డానికి అన‌ర్హురాలు అని చెప్పారు. సోహైల్ మాత్రం అభిజిత్‌, అరియానాకు విజేత‌గా నిలిచే అర్హ‌త లేద‌ని అభిప్రాయ‌ప‌డ్డాడు. హారిక‌కు ఝ‌లక్ ఇచ్చిన అభిజిత్‌ అటు అభిజిత్ మాత్రం హారిక అన‌ర్హురాలు కావాల‌ని కోరుకున్నాడు. ఈ ఆట‌లో ఇద్ద‌ర‌మే మిగిలితే అందులో హారిక ఓడిపోవ‌డం ఇష్టం లేద‌ని, అలా అని తాను ఓడిపోలేన‌ని, ఎలాగైనా గెల‌వాల‌ని, అందుకే ఆమె అన‌ర్హురాలుగా మిగిలిపోవాల‌ని కోరుకుంటున్న‌ట్లు వివ‌ర‌ణ ఇచ్చాడు. అభిజిత్ ఏం చెప్తున్నాడో అర్థం కాని హారిక కాస్త డ‌ల్ అయిన‌ట్లు అనిపించింది. ఏదేమైనా అభిజిత్ త‌న‌ను అన‌ర్హురాలు అని చెప్ప‌డాన్ని ఆమె మ‌న‌సులో నుంచి తీసేయ‌లేక‌పోయింది. ఈ క్ర‌మంలో అభిజిత్‌, హారిక ఫ్యాన్స్ మ‌ద్ద మాట‌ల యుద్ధం న‌డుస్తోంది. (చ‌ద‌వండి: మోనాల్ మ‌న‌సులో నేనున్నా అంది: అభి) చీలిపోతున్న అభిక ఓట్లు ఇప్పుడు కూడా అభిక అంటే కుద‌ర‌ద‌ని వారు వాదిస్తున్నారు. అభిజిత్‌, హారిక‌.. ఇద్ద‌రిలో ఒక‌రికే ఓటేయాల‌ని చెప్తున్నారు. దీంతో అభిక ఫ్యాన్స్ రెండు వ‌ర్గాలుగా చీలిపోయాయి. ఇందులో మొద‌టి వర్గం.. అభికి మాత్ర‌మే ఓటేయాల‌ని, అభి లేనిదే హారిక లేద‌ని అంటున్నారు. అభి ఫ్యాన్స్ ఆమెను చాలాసార్లు నామినేష‌న్ నుంచి సేవ్ చేశార‌ని గుర్తు చేస్తున్నారు. ఇప్పుడిక ఫినాలే వీక్‌లో ఆమెకు ఓటేయాల్సిన అవ‌స‌రం లేద‌ని, ప్ర‌తి ఓటు అభికే వేయండ‌ని ఆయ‌న అభిమానులు సూచిస్తున్నారు. పైగా క‌న్ఫెష‌న్ రూమ్‌లో నాగార్జున క్లాస్ పీకిన త‌ర్వాత ఆమె అభిని దూరం పెట్టి అఖిల్‌తో క్లోజ్ అయిందని విమ‌ర్శిస్తున్నారు. (చ‌ద‌వండి: అరియానాను కాపాడుకుందామంటోన్న దేవి) అభిక ఫ్యాన్స్ ఓటు ఎటువైపు? దీనిపై రెండో వ‌ర్గానికి చెందిన‌ హారిక ఫ్యాన్స్ కూడా దీటుగానే స్పందిస్తున్నారు. మా క్యూటీ లేక‌పోతే అభి లేడ‌ని కౌంట‌రిస్తున్నారు. హారిక.. అభిజిత్‌లాగా బ‌ద్ధ‌కంగా టాస్కు చేయ‌కుండా కూర్చోలేద‌ని, అన్నింట్లోనూ త‌న స‌త్తా చూపిస్తూ, ఒంట‌రి పోరాటంతో ఇక్క‌డివ‌ర‌కు వ‌చ్చిందంటున్నారు. అభిజిత్‌ను సేవ్ చేయ‌డం కోసం ఆమెను కెప్టెన్ చేసిన మోనాల్‌ను నామినేష‌న్‌లోకి పంపిన‌ విష‌యాన్ని గుర్తు చేస్తున్నారు. హారిక‌ను త‌క్కువ అంచనా వేయ‌కండ‌ని హెచ్చ‌రిస్తూ, ఆమెకు ఓటేయాలంటూ పిలుపునిస్తున్నారు. ఏదేమైనా గెలుపును నిర్దేశించ‌డంలో అభిక ఫ్యాన్స్ ఓట్లు కీల‌కంగా మార‌నున్న‌ట్లు క‌నిపిస్తోంది. (చ‌ద‌వండి: అభిజిత్‌ను గెలిపించండి: యువ హీరో)

సెంచ‌రీ ఎపిసోడ్లు విజ‌య‌వంతంగా పూర్తి చేసుకున్న బిగ్‌బాస్ నాల్గో సీజ‌న్‌ విజేత ఎవ‌రనేది నాలుగు రోజుల్లో తేలిపోనుంది. ఈ క్ర‌మంలో ఎవ‌రు విజేతగా నిలుస్తార‌ని ఫేస్‌బుక్‌, ట్విట‌ర్‌, ఇన్‌స్టాగ్రామ్‌, యూట్యూబ్ వంటి సోష‌ల్ మీడియా ప్లాట్‌ఫామ్స్‌లో నిర్వ‌హిస్తున్న పోల్స్‌లో అభిజిత్ ఎక్కువ ఓట్ల‌తో ముందు వ‌రుస‌లో ఉన్నాడు. ఏ అన‌ఫీషియ‌ల్ పోల్ చూసినా సుమారు 50 శాతం ఓట్లు  అభిజిత్‌కే ప‌డుతున్నాయి. త‌ర్వాతి స్థానంలో సోహైల్ ఉంటుండ‌గా అరియానా మూడో ప్లేస్‌లో ఉంది. కొన్నిసార్లు వీరిద్ద‌రి స్థానాలు తారుమారవుతూ వ‌స్తున్నాయి. కానీ అభి మాత్రం ఏ పోల్ చూసినా మొద‌టి స్థానం నుంచి క‌ద‌ల‌డ‌మే లేదు. ఇక అఖిల్‌, హారిక వ‌రుస‌గా నాలుగు, ఐదు స్థానాల్లో ఉన్నారు. (చ‌దవండి: శ్రీముఖి టాటూలు నిజ‌మైన‌వా? గ‌్రాఫిక్సా?) అయితే తాజాగా కొన్నింటి పోల్స్‌లో అరియానా ఏకంగా రెండు స్థానాలు ఎగ‌బాకి మొద‌టి స్థానంలో పాగా వేసిన‌ట్లు తెలుస్తోంది. రెండు రోజులుగా తొలి స్థానం నుంచి అంగుళం కూడా క‌ద‌ల‌ని అభిని ఆమె వెన‌క్కు నెట్టేయ‌డం అంద‌రినీ ఆశ్చ‌ర్యానికి గురి చేస్తోంది. మ‌రి ఇదెంత‌వ‌ర‌కు నిజ‌మో తెలీదు కానీ ఈ విష‌యం సోష‌ల్ మీడియాలో హాట్ టాపిక్‌గా మారింది. 50 శాతం ఓటింగ్‌తో ముందు వరుస‌లో ఉన్న అభి సెకండ్ ప్లేస్‌కు రావ‌డానికి ఛాన్సే లేద‌ని ఆయ‌న అభిమానులు అంటున్నారు. మ‌రికొంద‌రేమో అభికి ఓట్లు ప‌డేందుకు ఇలాంటి కొత్త ట్రిక్కులు ప్లే చేస్తున్నార‌ని కామెంట్లు చేస్తున్నారు. నిమిషానికోసారి స్థానాలు మారిపోయే ఈ ఓటింగ్ పోల్స్‌ను పూర్తిగా న‌మ్మ‌లేమ‌ని మ‌రికొంద‌రు అభిప్రాయ‌ప‌డుతున్నారు. ఏదేమైనా బ‌య‌ట న‌డుస్తున్న టాక్ ప్ర‌కారం అభిజిత్ విజేత‌గా నిలిచేందుకే ఎక్కువ అవ‌కాశాలు ఉన్నాయి. లేదంటే సోహైల్ ట్రోఫీ ఎగ‌రేసుకుపోయే సూచ‌న‌లు క‌నిపిస్తున్నాయి. ఏదైనా ట్విస్టులు చోటుచేసుకుంటే మాత్రం అరియానా విన్న‌ర్ లేదా ర‌న్న‌ర‌ప్‌గా నిలిచేందుకు ఆస్కార‌ముంది. (చ‌దవండి: మోనాల్ రెమ్యూన‌రేష‌న్ ఎంతంటే?)

బిగ్‌బాస్ నాల్గో సీజ‌న్ చివ‌రి ఘ‌ట్టానికి చేరుకునేస‌రికి అన్నీ మారిపోయాయి. అభిజిత్‌తో త‌ప్ప ఎవ‌రితో క‌ల‌వ‌ద‌నుకున్న హారిక అంద‌రితో క‌లిసిపోయింది. కోపిష్టి అనుకున్న‌ సోహైల్ ప్రేమ‌తో ఇంటి స‌భ్యుల మ‌న‌సులు గెలుచుకుని అంద‌రివాడయ్యాడు. టాస్కులు ఒక్క‌టే త‌న గోల్ అనుకున్న అఖిల్ ఇంట్లో వాళ్ల మ‌మ‌కారం కూడా అంతే ముఖ్య‌మ‌ని తెలుసుకున్నాడు. కేవ‌లం ఎక్స్‌పీరియ‌న్స్ కోసం వ‌చ్చాన‌న్న అభిజిత్ అభిమానుల స‌పోర్ట్ చూశాక ఎలాగైనా గెల‌వాల్సిందేనంటున్నాడు. ఎవ‌రికీ ఓ ప‌ట్టాన అర్థ‌మ‌వ‌దనుకున్న అరియానా ఏం చేసినా త‌న గెలుపుకోస‌మే చేశాన‌ని చెప్తోంది. ఆట ఎంత ముఖ్య‌మో ప్రేక్ష‌కుల మ‌న‌సు గెలుచుకోవ‌డం కూడా అంతే ముఖ్యం. ఈ విష‌యంలో టాప్ 5 కంటెస్టెంట్లు నూటికి నూరు మార్కులు సాధించారు. ఇక్క‌డివ‌ర‌కు రావ‌డానికి వాళ్లు ఎంత‌గానో కృషి చేశారు. ఇప్పుడు మిగిలిందంల్లా ప్రేక్ష‌కుల వంతు. వారిని ఏయే స్థానాల్లో నిల‌బెట్టాల‌నేది వీక్ష‌కులే నిర్ణ‌యించ‌నున్నారు. (ఆ సెంటిమెంట్ క‌లిసొస్తే అభిజితే విన్న‌ర్‌?) మ‌రో మూడు రోజుల్లో బిగ్‌బాస్ ముగుస్తుండ‌టంతో బిగ్‌బాస్‌ అంద‌రి జ‌ర్నీని వీడియో ద్వారా చూపించాడు. దీంతో కంటెస్టెంట్లు భావోద్వేగానికి లోన‌య్యారు. సోహైల్‌కు కోప్ప‌డిన సంద‌ర్భాల‌ను చూపిస్తూనే మెహ‌బూబ్ ఎలిమినేట్ అయిన‌ప్పుడు బాధ‌ప‌డటాన్ని చూపించ‌డంతో అత‌డు మ‌రోసారి ఏడ్చేశాడు. అభికి అత‌డి రాత‌నే మార్చేసిన రోబో టాస్క్‌ను క‌ళ్ల ముందుంచారు. అవినాష్‌కు కోపం తెప్పించాల‌నే సీక్రెట్ టాస్క్ హారిక ఎలా గెలిచిందో మ‌రోసారి చూపించ‌డంతో ఆమె న‌వ్వేసింది. అంతలోనే త‌న అన్న‌య్య‌కు ఇష్టం లేక‌పోయినా స‌రే, టాస్క్ కోసం జుట్టు క‌త్తిరించుకోవ‌డం చూసి క‌న్నీళ్లు పెట్టుకుంది. (తిండి కోసం అత‌డి ఇంటికి వెళ్లాను: అరియానా) సుమ త‌న‌ను ఇమిటేట్ చేయ‌డం, సోహైల్‌తో గొడ‌వలో కింద‌ప‌డి ఏడ్చేయ‌డం చూసి అరియానా స్థాణువులా నిల్చుండిపోయింది. ఇప్ప‌టికే మోనాల్ లేక‌పోవ‌డంతో ఊపిరి ఆడ‌న‌ట్లుగా ఉంద‌న్న అఖిల్‌కు ఆమెతో క‌లిసున్న క్ష‌ణాల‌ను చూపించి ఆ బాధ‌ను రెట్టింపు చేశారు. మొత్తానికి ఈ హౌస్‌లో అన్ని ఎమోష‌న్స్ పండించిన కంటెస్టెంట్లు వాళ్ల‌ను వాళ్లే వెన‌క్కు తిరిగి చూసుకుని ఎమోష‌న‌ల్ అవుతున్నారు. ఈ సంద‌ర్భంగా.. నేనేంటో నాకు బిగ్‌బాస్ హౌస్‌లోనే పూర్తిగా తెలిసింద‌ని అఖిల్ చెప్పుకొచ్చాడు. బిగ్‌బాస్‌కు రావ‌డం అనేది నా జీవితంలోనే నేను తీసుకున్న‌ గొప్ప నిర్ణయం అని అభిజిత్ అభిప్రాయ‌ప‌డ్డాడు. మ‌రి ఈ కంటెస్టెంట్ల‌ వంద రోజుల ప్ర‌యాణాన్ని మ‌రోసారి చూడాలంటే నేటి ఎపిసోడ్ వ‌చ్చేంత‌వ‌ర‌కు వేచి చూడాల్సిందే! (బిగ్‌బాస్‌: మాట మీద నిల‌బ‌డ్డ దేవి నాగ‌వ‌ల్లి)

తెలుగు బిగ్‌బాస్ హిందీ బిగ్‌బాస్‌ను ఫాలో అయినట్లు క‌నిపించింది. మాజీ కంటెస్టెంట్ల‌ను తీసుకువ‌చ్చి ఎంట‌ర్‌టైన్‌మెంట్ ప్లాన్ చేశారు. మొద‌టి ‌సీజన్ ఫైనలిస్ట్ హరితేజ, రెండో సీజన్ రన్నరప్ గీతా మాధురి, మూడో సీజన్ రన్నరప్ శ్రీముఖితో పాటు సీజన్ 3 కంటెస్టెంట్ అలీ రెజాలకు రెట్టించిన ఉత్సాహంతో షోను ముందుకు తీసుకెళ్లే బాధ్యతను అప్పగించారు. కానీ కోవిడ్ వ‌ల్ల నేరుగా హౌస్‌లోకి వెళ్ల‌కుండా ప్ర‌త్యేక గ‌దిలో నుంచే ఫైన‌లిస్టుల‌తో సంభాషించారు. మ‌రి 101వ ఎపిసోడ్‌లో ఈ మాజీ ఫైన‌లిస్టులు ఇప్పుడున్న కంటెస్టెంట్ల‌ను ఏమేం ప్ర‌శ్న‌లడిగారు? వారిని ఎలా ఆడుకున్నార‌నేది తెలియాలంటే ఈ స్టోరీని చ‌దివేయండి.. టాటూలు నిజ‌మైన‌వా? గ‌్రాఫిక్సా? గ‌త సీజ‌న్ల ఫైన‌లిస్టులు హ‌రితేజ‌, గీతా మాధురి, శ్రీముఖి, అలీ రెజా ఇంటిస‌భ్యుల‌ను స‌ర్‌ప్రైజ్ చేశారు. అప్ప‌ట్లో తాము దంచుతూ క‌ష్టాలు ప‌డుతుంటే మీరేమో మిక్సీలు వాడుతున్నారా? అని ఈ సీజ‌న్ కంటెస్టెంట్ల మీద అక్క‌సు వెళ్ల‌గ‌క్కారు. త‌మ‌ టాటూలు నిజ‌మైన‌వా? గ‌్రాఫిక్సా? అని అడుగుతున్నార‌ని, బ‌య‌ట ఇలాంటి టాస్కులు ఉంటాయ‌నుకోలేద‌ని శ్రీముఖి వాపోయింది. త‌ర్వాత ప్రేక్ష‌కుల త‌ర‌పున ప్ర‌శ్న‌లు అడుగుతూ వారికి స‌ర‌దాను పంచేందుకు సిద్ధ‌మ‌య్యారు. ఇంకొన్ని రోజులైతే ఆరిపోయేట్టు ఉన్నావు, కాస్త తిన‌మ‌ని శ్రీముఖి అరియానాకు స‌ల‌హా ఇచ్చింది. (చ‌ద‌వండి: ఏడ‌వ‌కుండా న‌వ్వుతూ  మోనాల్ వీడ్కోలు) మోనాల్ లేక‌పోవ‌డంతో ఊపిరాడ‌లేదు నీకు ఎలాంటి అమ్మాయి కావాలన్న ప్ర‌శ్న‌కు సోహైల్‌ త‌న కోపాన్ని కూల్ చేయ‌గ‌లగాలి అని చెప్పాడు. ఇది జ‌ర‌గ‌ని ప‌ని అని హ‌రితేజ కుండ బ‌ద్ధలు కొట్టింది. మోనాల్ వెళ్లాక సైలెంట్ అయ్యావేంట‌ని అఖిల్‌ను కూపీ లాగేందుకు ప్ర‌య‌త్నించ‌గా సోహైల్ మ‌ధ్య‌లో లేచి అంత లేదంటూ, ఇక్క‌డ ఇద్ద‌రికి సోపులేస్తున్నాడ‌ని పంచ్ వేశాడు. అయితే మోనాల్ వెళ్లిపోయాక కాసేప‌టివ‌ర‌కు ఊపిరి ఆడ‌లేద‌ని అఖిల్ చెప్పుకొచ్చాడు. త‌ర్వాత సీనియ‌ర్లు అరియానాను లౌడ్ స్పీక‌ర్‌గా అభివ‌ర్ణిస్తూ ఇమిటేట్ చేయ‌డంతో ఇంటి స‌భ్యులు ప‌డీప‌డీ న‌వ్వారు. అయితే కొన్నిసార్లు ఆమె లీడ్ తీసుకుని మాట్లాడ‌టాన్ని శ్రీముఖి మెచ్చుకుంది. దీనిపై అరియానా స్పందిస్తూ.. గత సీజ‌న్‌లో శ్రీముఖికే స‌పోర్ట్ చేశాను, ఆమె ఆడిన విధానం న‌చ్చిందంటూ చెప్పుకొచ్చింది. హౌస్ అంతా రివ‌ర్స్ అయిన‌ప్పుడు కూడా పాజిటివ్‌గా మాట్లాడ‌టం గ్రేట్ అని హ‌రితేజ సైతం మెచ్చుకుంది. (చ‌ద‌వండి: హౌస్‌లో శివ‌గామి ఎవ‌రో చెప్పిన అభిజిత్‌) అమ్మాయిల కోసం పాట పాడిన అభి కావాల‌ని త‌ప్పులు చేయండి, ఎందుకంటే వారంలో బిగ్‌బాస్ గొంతు మిస్స‌వుతారు అని సీనియ‌ర్లు ఉచిత‌ స‌ల‌హా ఇచ్చారు. త‌ర్వాత అంద‌రితో డ్యాన్స్ చేయించారు. గ‌ర్ల్ ఫ్యాన్స్ కోసం అభిజిత్‌తో పాట పాడించారు. అయితే లిరిక్స్ రాక‌పోయినా 'నీ ఎద‌లో నాకు చోటే వ‌ద్దు.. అంటూ బాగానే పాడాడు. త‌ర్వాత అలీ రెజా మాట్లాడుతూ..న‌న్ను అర్జున్‌రెడ్డి అనేవారు, కానీ నువ్వు న‌న్ను మించిపోయావ‌ని, గొడ‌వ‌య్యాక నువ్వే వెళ్లి క‌లిసిపోవ‌డం బాగుంద‌ని సోహైల్‌ను మెచ్చుకున్నాడు.  ఇలా కోప్ప‌డే ఒక‌రు ట్రోఫీ తీసుకెళ్లారు త‌న కోపం కార‌ణం లేకుండా రాద‌ని, ఎంత కోప్ప‌డినా మ‌ళ్లీ మ‌న‌వాళ్లే అని ద‌గ్గ‌ర‌కు తీసుకుంటా అని సోహైల్ చెప్ప‌గా ఇలా కోప్ప‌డే ఒక‌రు బిగ్‌బాస్ 1 ట్రోఫీని ప‌ట్టుకెళ్లార‌ని హ‌రితేజ శివ‌బాలాజీని గుర్తు చేసింది. త‌ర్వాత మోస్ట్ డిజైర‌బుల్ మ్యాన్ అఖిల్ మీద ప్ర‌శ్న‌ల వ‌ర్షం కురిపించారు. టాస్కుల్లో మామూలు స్పీడు లేద‌ని గీతా మాధురి మెచ్చుకుంది. న‌వ్వితే బాగుంటావు, కానీ ఎప్పుడూ సీరియ‌స్‌గా ముఖం పెడ‌తావేంట‌ని శ్రీముఖి నిల‌దీయడంతో అలాంటిదేమీ లేద‌ని అఖిల్ తెలిపాడు. పులిహోర మాత్రం మామూలుగా క‌ల‌ప‌డం లేద‌ని గీతా, హ‌రితేజ సెటైర్లు వేశారు. (చ‌ద‌వండి: ఆ సెంటిమెంట్ క‌లిసొస్తే అభిజితే విన్న‌ర్‌?) ఉన్న టైమ్‌ను ఎంజాయ్ చేయండి చివ‌ర్లో మాకు స‌ల‌హాలు ఇవ్వండ‌ని జూనియ‌ర్లు సీనియ‌ర్ల‌ను కోరారు. మొదట హ‌రితేజ మాట్లాడుతూ... ఇక్క‌డిదాకా వ‌చ్చాక మార్చుకోవాల్సిన‌వేమీ ఉండ‌వ‌ని చెప్పింది. ఉన్న స‌మ‌యాన్ని ఎంజాయ్ చేయ‌మ‌ని సూచించింది. గీతా మాధురి కూడా ఎంజాయ్ చేయ‌మ‌ని చెప్తూనే చివ‌ర్లో ఎవరినీ బాధ‌పెట్టే డైలాగులు మాట్లాడ‌కండ‌ని స‌ల‌హా ఇచ్చింది. శ్రీముఖి మాట్లాడుతూ.. 'గ‌త సీజ‌న్‌లో నేను సెట్‌లో ప్ర‌తి మూల‌మూల‌కు వెళ్లాను. ఎందుకంటే త‌ర్వాత‌ ఆ సెట్ తీసేస్తారు. కాబ‌ట్టి మీరు కూడా హౌస్‌లో చిల్ అవ్వండి. రూల్స్ బ్రేక్ చేసి బిగ్‌బాస్‌తో తిట్టించుకోండి. ఎందుకంటే మ‌ళ్లీ ఆ వాయిస్ విన‌లేరు' అని చెప్పింది. హౌస్‌లో ఎంత నెగెటివిటీ వ‌స్తుందో అంత పాజిటివిటీ వ‌స్తుంద‌ని అలీ ధైర్యం చెప్పాడు. మా అమ్మాయి బిగ్‌బాస్ చూస్తూనే అన్నం తింటుది, వారం త‌ర్వాత ప‌రిస్థితి ఏంటో అని గీతామాధురి త‌ల ప‌ట్టుకోగా తాము ఇంటికొచ్చి తినిపిస్తాం అని ఫైన‌లిస్టులు ముందుకొచ్చారు. అనంత‌రం మాజీలు టాప్ 5 కంటెస్టెంట్ల‌కు ఆల్ ద బెస్ట్ చెప్తూ వీడ్కోలు ప‌లికారు. (చ‌ద‌వండి: బిగ్‌బాస్: టైటిల్ గెలిచే అర్హ‌త హారిక‌, అరియానాకు లేదు!)

బిగ్‌బాస్ గూటికి చేరాక హీరోలు జీరోలవుతుంటారు, జీరోలు హీరోల‌వుతుంటారు. స్ట్రాంగ్ అనుకున్న‌వాళ్లు మ‌ధ్య‌లోనే ఎలిమినేట్ అవుతారు, ఊహించ‌ని కంటెస్టెంట్లు చివ‌రి వ‌ర‌కూ వెళ్తుంటారు. ఇలా ఎన్నో జంత‌ర్‌మంత‌ర్ మాయ‌లు చోటు చేసుకునే బిగ్‌బాస్ హౌస్‌లో ప్ర‌స్తుతం ఐదుగురు మాత్ర‌మే మిగిలారు. అరియానా, హారిక‌, అభిజిత్‌, సోహైల్‌, అఖిల్.. టైటిల్ కోసం పోటీప‌డుతున్నారు. మ‌రోప‌క్క‌ సోష‌ల్ మీడియాలో మాత్రం అభిజితే విన్న‌ర్ అవుతాడ‌ని బ‌ల‌మైన ప్ర‌చారం జ‌ర‌గుతోంది. దీనికి తోడు 11 సెంటిమెంట్ వ‌ర్క‌వుట్ అయితే ఇదే నిజ‌మ‌య్యే అవ‌కాశమూ లేక‌పోలేదు. ఇంత‌కీ ఈ 11 నెంబ‌ర్ ప్ర‌త్యేక‌త ఏంటేంటే.. ఈ సీజ‌న్‌లో అత‌డు 11 సార్లు నామినేట్ అయ్యాడు. 11 సార్లు నామినేట్‌.. మోనాల్ అత‌డిక‌న్నా ఒక‌సారి ఎక్కువ‌గా అంటే 12 సార్లు నామినేట్ అయిన‌ప్ప‌టికీ ఫినాలే వీక్‌కు ముందే ఎలిమినేట్ అయి రేసు నుంచి త‌ప్పుకుంది. ఆమె విష‌యాన్ని కాస్త‌ ప‌క్క‌న పెడితే ఎక్కువ సార్లు నామినేట్ కావ‌డం అభిజిత్‌కు క‌లిసొచ్చిన‌ట్లు క‌న్పిస్తోంది. ప్ర‌తిసారీ నామినేష‌న్‌లో ఉండ‌టం వ‌ల్ల అత‌డికి ప్రేక్ష‌కుల స‌పోర్ట్ ఎంత‌ ఉంద‌నే విష‌యం అర్థ‌మై ఉంటుంది. ఇక మొద‌టి సీజ‌న్ మిన‌హా రెండో సీజ‌న్‌లో కౌశ‌ల్ మండా కూడా 11 సార్లు నామినేట్ అయ్యాడు. గీతా మాధురి త‌న‌కు ల‌భించిన సూప‌ర్ ప‌వ‌ర్‌తో అత‌డిని సీజ‌న్ మొత్తం నామినేట్ చేసింది. అయినా స‌రే ప్ర‌తిసారి ఎక్కువ ఓట్ల‌తో సేవ్ అవుతూ చివ‌రికి విజేత‌గా అవ‌త‌రించాడు. (చ‌ద‌వండి: నీ వ‌ల్ల చాలా హ‌ర్ట్ అవుతున్నా: అభి) ఎక్కువ సార్లు నామినేట్‌ అయిన‌ రాహుల్ త‌ర్వాత మూడో సీజ‌న్‌లో రాహుల్ సిప్లిగంజ్ కూడా 11 సార్లు నామినేట్ అయ్యాడు. త‌న జిగిరీ దోస్త్ పున‌ర్న‌విని నామినేష‌న్స్ నుంచి సేవ్ చేయ‌డం కోసం సీజ‌న్ మొత్తం త‌న‌ను తాను నామినేట్ చేసుకున్నాడు. అయినా స‌రే ప్రేక్ష‌కుల స‌పోర్ట్‌తో చివ‌రికి ట్రోఫీని ఎగ‌రేసుకుపోయాడు. ఇక ఈసారి కూడా అభిజిత్ 11 సార్లు నామినేష‌న్‌లో ఉండి సేవ్ అవుతూ టాప్ 5లోకి చేరుకున్నాడు. దీంతో మ‌రోసారి 11 సెంటిమెంట్ వ‌ర్క‌వుట్ అయితే అభిజిత్ విజేతగా నిల‌వ‌డం ఖాయం అనిపిస్తోంది. మ‌రి అభిజిత్ ఆ సెంటిమెంట్‌ను రిపీట్ చేసి హిస్ట‌రీ క్రియేట్ చేస్తాడా? లేదా? అనేది తెలియాలంటే డిసెంబ‌ర్ 20న‌ గ్రాండ్ ఫినాలే‌ కోసం ఎదురు చూడాల్సిందే. (చ‌ద‌వండి: అరియానాను కాపాడుకుందామంటోన్న దేవి) Nominated for 11 times by housemates and saved with all your support & continued his journey in #BiggBossTelugu4. Let's finish this with his victory, Let's prove them that #Abijeet is the most Loved Contestant. Let's Vote For the #MostDeservingWinnerABI .#VoteForAbijeet pic.twitter.com/30rutWxnwh — Abijeet (@Abijeet) December 15, 2020

బిగ్‌బాస్ నాల్గో సీజ‌న్ ముగింపుకు చేరుకుంటున్న స‌మ‌యంలో లోప‌లున్న కంటెస్టెంట్ల‌ను గెలిపించేందుకు అభిమానులు విశ్వ ప్ర‌య‌త్నాలు చేస్తున్నారు. అయితే సోష‌ల్ మీడియా లెక్క ప్ర‌కారం ఇప్పుడున్న ఫైన‌లిస్టుల్లో అభిజిత్‌కే ప్రేక్ష‌కుల‌ స‌పోర్ట్ ఎక్కువ‌గా ఉంద‌ని తెలుస్తోంది. దీనికి తోడు రౌడీ హీరో విజ‌య్ దేవ‌ర‌కొండ సైతం అభికే మ‌ద్ద‌తు తెలిపాడు. వీరిద్ద‌రూ గ‌తంలో 'లైఫ్ ఈజ్ బ్యూటిఫుల్' చిత్రంలో క‌లిసి న‌టించారు. ఇదే సినిమాలో నటించిన మ‌రో హీరో సుధాక‌ర్ కోమాకుల కూడా మొద‌టి నుంచి అభికే త‌న మ‌ద్ద‌తు తెలుపుకుంటూ వ‌చ్చాడు. బిగ్‌బాస్ ఫైన‌ల్ వీక్‌లోకి అడుగు పెట్టిన సంద‌ర్భంగా సుధాక‌ర్ మ‌రో స్పెష‌ల్ వీడియోను రిలీజ్ చేశాడు. (చ‌ద‌వండి: బిగ్‌బాస్‌ : కుక్క అనుకున్నా పర్లేదు.. అఖిల్‌) ఏ కంటెస్టెంటుకు రాని పాపులారిటీ.. "బిగ్‌బాస్ కంటెస్టెంటు అభిజిత్ నా క్లోజ్ ఫ్రెండ్‌. టైటిల్ ద‌క్కించుకునేందుకు ముందు వ‌రుస‌లో ఉన్నాడు. రెండు నెల‌ల క్రితం అత‌డి గురించి వీడియో చేసిన‌ప్పుడు పాజిటివ్‌తో పాటు నెగెటివ్ కామెంట్లు కూడా వ‌చ్చాయి. అయితే అప్ప‌టికీ, ఇప్ప‌టికీ అభి గ్రాఫ్ పెరిగిపోయింది. అత‌డిని బిగ్‌బాస్ విన్న‌ర్‌గా చూడాల‌నుకుంటున్నా. అత‌డు హౌస్‌లో అంద‌రూ స‌ర్‌ప్రైజ్ అయ్యేలా ప‌ర్ఫామెన్స్ ఇచ్చాడు. ఇన్ని సీజ‌న్ల‌లో ఏ కంటెస్టెంటుకు రాని పాపులారిటీ అభికి వ‌చ్చింది. కానీ అత‌డు బిగ్‌బాస్‌లోకి వెళ్లిన‌ప్పుడు టైటిల్ ఫేవరెట్ కాద‌నే చెప్పాలి. లోప‌లికి వెళ్లే వారం ముందు నాతో మాట్లాడాడు. నేను నాలా ఉంటా. పార్టిసిపేట్ చేస్తా అన్నాడు. అరేయ్ మామా, మ‌నం ఒక్క‌సారి దిగిన‌మంటే సిక్స్ కొడితే బాల్‌ స్టేడియం అవ‌త‌ల పడాల్సిందే, టైటిల్ గెల‌వాల్సిందేన‌ని చెప్పాను. అత‌డేమో ఎక్స్‌పీరియ‌న్స్ కోసం వెళ్తున్నా కానీ చూద్దామ‌ని చెప్పాడు." (చ‌ద‌వండి: ఆ హౌజ్‌మెట్‌కే నా మద్దతు: విజయ్‌ దేవరకొండ) నీ కోసం అమెరికా నుంచి వ‌చ్చాను "ఎన్నిసార్లు నామినేష‌న్‌లోకి వెళ్లినా ప్రేక్ష‌కులు ఎక్కువ ఓట్లు వేసి సేఫ్ చేశారు. రోబో టాస్క్ త‌ర్వాత అత‌డికి పేరొచ్చింది. భుజాల నొప్పి, మోకాళ్ల  స‌మ‌స్య ఉండ‌టం వ‌ల్ల ఫిజిక‌ల్ టాస్కులు చేయ‌లేక‌పోయాడు. అయినా స‌రే త‌న బెస్ట్ ఇచ్చాడు. ఏ ప‌రిస్థితిలోనైనా బ్యాలెన్స్‌గా ఉంటాడు. బ‌య‌ట ఎలా ఉంటాడో అలాగే ఉన్నాడు. టాస్క్‌లో ఫ్రెండ్స్‌ను ప‌క్క‌న పెట్టాడు. ఎవ‌రికైనా ప్రాబ్ల‌మ్ వ‌స్తే వెళ్లి సాయం చేస్తాడు. ఏదైనా త‌ప్పు చేస్తే సారీ చెప్పి దాన్ని స‌రిదిద్దుకున్నాడు. ఇలా ఎన్నో గొప్ప ల‌క్ష‌ణాలు ఉన్న అభికి ఓటు వేసి గెలిపించండి" అని  సుధాక‌ర్‌ అభిమానుల‌ను కోరాడు. చివ‌ర్లో లైఫ్ ఈజ్ బ్యూటిఫుల్ సినిమాలోని నాగ‌రాజు పాత్ర‌లోకి దూరిపోయి ఓ డైలాగ్ విసిరాడు. "అరేయ్ మామా అభిజిత్‌, బిగ్‌బాస్ ట్రోఫీ తీసుకుని రా. బీ ఫేస్ మొత్తం వెయిట్ చేస్తుంది. మ‌స్త్ దావ‌త్ చేసుకుందాం. ఎంజాయ్ చేద్దాం. అమెరికా నుంచి వ‌చ్చిన‌రా బై నీకోసం.. బిగ్‌బాస్ 4 విన్న‌ర్ కావాలి చెప్తున్నా.." అంటూ అభిని విజేత‌గా నిల‌పండ‌ని ప్రేక్ష‌కుల‌కు పిలుపునిచ్చాడు. (చ‌ద‌వండి: అరియానాకు ఓటేయ‌మ‌ని ఆర్జీవీ పిలుపు)

బిగ్‌బాస్ నాల్గో సీజ‌న్ నేటితో విజ‌య‌వంతంగా వంద ఎపిసోడ్లు పూర్తి చేసుకుంది. టాప్ 5లోకి చేరుకున్న ఇంటిస‌భ్యుల మ‌ధ్య బిగ్‌బాస్ చిచ్చుపెట్టే ప్ర‌య‌త్నం చేశాడు కానీ అది పెద్ద‌గా వ‌ర్క‌వుట్ కాలేదు. ఇక ట్రోఫీ గెల్చుకునేందుకు అన‌ర్హురాలు ఎవ‌ర‌న్న ప్ర‌శ్న‌కు అమ్మాయిల పేర్లే ఎక్కువ‌గా వినిపించ‌డంతో వారిలో గెల‌వాల‌న్న క‌సి మ‌రింత పెరిగింది. సెంచ‌రీ కొట్టిన బిగ్‌బాస్‌ ఎపిసోడ్‌లో ఏమేం జ‌రిగాయో తెలియాలంటే ఈ స్టోరీ మీద ఓ లుక్కేయండి. మోనాల్ లేద‌ని బాధ‌ప‌డిన అఖిల్‌ ఎప్పుడూ సినిమా పాట‌తో నిద్ర లేచే కంటెస్టెంట్లు ఇవాళ మాత్రం బిగ్‌బాస్ జ‌ర్నీ ర్యాప్ సాంగ్‌తో మేలు‌కున్నారు. వాళ్ల అరుపులు, మాట‌లు, ఏడుపులు వారికే కొత్త‌గా అనిపించాయి. ఇక‌ ఈ మ‌ధ్య మోనాల్‌ను ప‌ట్టించుకోవ‌డం మానేసిన అఖిల్ ఆమె లేని లోటును ఫీల‌య్యాడు. తోడు లేక‌పోవ‌డంతో పిచ్చి లేస్తుంద‌ని హారిక ద‌గ్గ‌ర బాధ చెప్పుకున్నాడు. అనంత‌రం బిగ్‌బాస్ ముసుగు వెనుక దాగింది ఎవ‌రు? అనే టాస్క్ ఇచ్చాడు. అందులో భాగంగా ఇంట్లో మొద‌ట ముసుగు ధ‌రిస్తే దానిని బ‌య‌ట పెట్టింది ఎవ‌ర‌నే విష‌యాన్ని చెప్పాల్సి ఉంటుంది. టాస్క్ ప్రారంభం అవ‌గానే ఇంటి స‌భ్యులు ముఖాన మాస్కు పెట్టుకుని డ్యాన్స్ చేయ‌డం ప్రారంభించారు. (చ‌ద‌వండి: గెలిస్తే రైతుల అప్పు తీరుస్తానన్న అరియానా) అఖిల్ వ‌ల్ల పులిహోర క‌ల‌ప‌డం బ‌య‌ట‌ప‌డింది మ్యూజిక్ ఆగిపోగానే మొద‌ట అభిజిత్ మాట్లాడుతూ.. నా కోపాన్ని ఇంట్లోకి జంట‌గా అడుగు పెట్టిన‌ సోహైల్‌, అరియానా బ‌య‌ట‌ ప‌డేలా చేశార‌ని చెప్పాడు. త‌న‌కు వంట వ‌చ్చ‌న్న విష‌యం అమ్మ రాజ‌శేఖ‌ర్ వ‌ల్ల అంద‌రికీ తెలిసింద‌ని అరియానా చెప్పుకొచ్చింది. కోపం సోహైల్ వ‌ల్ల‌‌, కెమెరాల ముందు ఏడ‌వ‌డం అవినాష్ వ‌ల్ల బ‌య‌ట ప‌డింద‌ని పేర్కొంది. అనంత‌రం సోహైల్ మాట్లాడుతూ.. దివి వ‌ల్ల అగ్రెసివ్‌, అరియానా వ‌ల్ల వంట చేయ‌డం బ‌య‌ట‌ప‌డింద‌న్నాడు. అఖిల్‌.. నోయ‌ల్ వ‌ల్ల ఏడ‌వ‌డం, అభి వ‌ల్ల కోపం బ‌య‌ట‌ప‌డింద‌ని చెప్పాడు. హారిక‌.. సోహైల్ వ‌ల్ల‌ కోపాన్ని దాచుకోలేక‌పోయాన‌ని చెప్పింది. అభి వ‌ల్ల పొజెసివ్‌నె, అఖిల్ వ‌ల్ల పులిహోర క‌ల‌ప‌డం, అరియానా వ‌ల్ల త‌న‌కున్న స‌హ‌నం బ‌య‌ట‌ప‌డింద‌ని తెల‌పింది. (చ‌ద‌వండి: హారిక త‌మ‌న్నా, మోనాల్ అనుష్క అంటోన్న‌ అభి) సోహైల్‌ మ‌న‌సులో ఏదీ పెట్టుకోడు త‌ర్వాత ఒక‌రి గురించి మ‌రొక‌రు మాట్లాడారు. సోహైల్‌ ఎంత కోప్ప‌డ‌తాడో అంత‌కంటే ఎక్కువ బాధ‌ప‌డ‌తాడు. చిన్న‌పిల్లాడి మ‌న‌స్త‌త్వం, మ‌న‌సులో ఏదీ పెట్టుకోడ‌ని అరియానా చెప్పుకొచ్చింది. త‌ర్వాత సోహైల్‌.. అరియానా గురించి చెప్తూ ఆమె లోప‌ల ఉన్న ప్రేమ‌ను బ‌య‌ట‌పెట్ట‌ద‌ని చెప్పాడు. త‌ర్వాత‌ అభి గురించి నేను చెప్తానంటే నేను చెప్తాన‌ని అఖిల్‌, హారిక పోట్లాడారు. చివ‌రికి అఖిల్ అందుకుంటూ.. రిజ‌ర్వ్‌డ్‌గా క‌నిపిస్తాడు కానీ అభి ఎమోష‌న‌లేన‌ని, దాన్ని బ‌య‌ట‌పెట్ట‌ట్లేదు అని చెప్పాడు. త‌ర్వాత హారిక‌.. అఖిల్ గురించి చెప్తూ.. అత‌డిని కేర్ తీసుకునేందుకు ఒక‌రు కావాల‌ని ఎదురు చూస్తాడు అని మోనాల్ గురించి ప‌రోక్షంగా చెప్పుకొచ్చింది. అభిజిత్‌.. హారిక గురించి చెప్తూ ఆమె లోప‌ల ఉన్న విష‌యాన్ని బ‌య‌ట పెట్టద‌ని చెప్పాడు. త‌న‌కంటే ఎక్కువ ఇగో ఉంటుంద‌న్నాడు. మోనాల్‌, అరియానాను బాగున్నావ‌ని మెచ్చుకుంటే న‌న్ను ఎందుకు పొగ‌డ‌లేద‌ని ద‌బాయించేద‌ని చెప్పాడు. (చ‌ద‌వండి: బొమ్మ లొల్లి: శోకాలు పెట్టిన టామ్ అండ్ జెర్రీ) ముగ్గురి దృష్టిలో అరియానా అన‌ర్హురాలు త‌ర్వాత బిగ్‌బాస్ ఈ ఫైన‌లిస్టుల‌కు మ‌రో టాస్క్ ఇచ్చాడు. ఇందులో ఫైన‌లిస్టులు తాము విజేత కావ‌డానికి ఎందుకు అర్హులో చెప్తూ, అర్హ‌త లేని వ్య‌క్తి పేరును చెప్పాల్సి ఉంటుంది. మొద‌ట అభి మాట్లాడుతూ..  'ఎక్కువ సార్లు నామినేట్ అయి సేఫ్ అయ్యాను. నేను ట్రోఫీ గెలిచేందుకు అర్హుడిని అనుకుంటున్నాను. హారికతో పోటీప‌డ‌టం నేను త‌ట్టుకోలేను. కాబ‌ట్టి నేను గెల‌వాలంటే హారిక‌ అర్హురాలు కావ‌ద్దు' అని చెప్పాడు. త‌ర్వాత అఖిల్.. టాస్కుల్లో హ‌ద్దులు దాటినందుకు అరియానా అన‌ర్హురాలు అనుకుంటున్నాన‌ని చెప్పాడు. సోహైల్‌.. అరియానా, అభిజిత్ అన‌ర్హులు అని, హారిక.. అరియానా అన‌ర్హురాలు అని చెప్పింది. మెజారిటీ ఫైన‌లిస్టులు అరియానా విజేత అయ్యేందుకు అర్హురాలు కాద‌ని తేల్చి చెప్పారు అమ్మాయిలే ట్రోఫీ కొట్టాలి చివ‌ర‌గా అరియానా మాట్లాడుతూ.. 'ఆట‌లో నా పేరు గుర్తుండిపోవ‌డం బాగుంది. అంద‌రి బుర్ర‌ల్లోకి నా పేరే వ‌చ్చిందంటే నేను గేమ‌ర్‌నే. అంటే ట్రోఫీ తీసుకునేందుకు నేను అర్హురాలినే' అని చెప్పుకొచ్చింది. హారిక కొన్నిసార్లు స‌రైన నిర్ణ‌యాలు తీసుకోలేదంటూ ఆమెను అన‌ర్హురాల‌ని ప్ర‌క‌టించింది. ఈ టాస్క్ ముగిసిన త‌ర్వాత హారిక‌, అరియానా దీని గురించి చ‌ర్చించుకున్నారు. అన‌ర్హులుగా అమ్మాయిల పేర్లే రావ‌డాన్ని త‌ట్టుకోలేక‌పోయారు. దీంతో ట్రోఫీ ఎలాగైనా అమ్మాయే గెల‌వాల్సిందేన‌ని అభిప్రాయ‌ప‌డ్డారు.  (చ‌ద‌వండి: టోట‌ల్ డ్యామేజ్ చేసుకుంటున్న అఖిల్‌)

బుల్లితెరపై అతిపెద్ద రియాల్టీ షో బిగ్‌బాస్‌ నాల్గో సీజన్‌ ముగింపుదశకు వచ్చింది. మరో వారం రోజుల్లో ఈ షో ముగియనుంది. టాప్ 5 కంటెస్టెంట్లు అఖిల్‌, సోహైల్‌, అభిజిత్‌, హారిక‌, అరియానా ఫైన‌ల్‌లోకి అడుగుపెట్టిన సంగతి తెలిసిందే. ఎలాగైనా ట్రోఫీని గెలుచుకోవాల‌న్న క‌సితో ఇంటిస‌భ్యులు గేమ్‌పై ఫోక‌స్ చేస్తున్నారు. అభిమాన కంటెస్టెంట్‌ని ఎలాగైనా గెలిపించాల‌న్న త‌ప‌న‌తో అభిమానులు కూడా ఓట్ల ప్ర‌చారం చేస్తున్నారు. ఇక ఫ్యాన్స్‌తో పాటు పలువురు ప్రముఖులు కూడా బిగ్‌బాస్‌ హౌజ్‌లో తమ ఫేవరెట్‌ కంటెస్టెంట్లకు మద్దుతు తెలుపుతున్న సంగతి తెలిసిందే. (చదవండి: విన్న‌ర్ ఎవ‌రో తేల్చేసిన హీరో శ్రీకాంత్) ఇక హౌజ్‌లో స్ట్రాంగ్‌ కంటెస్టెంట్‌.. గెలుపు అవకాశాలు అధికంగా ఉన్నది ఎవరికంటే అభిజిత్ అనే చెప్పవచ్చు‌. ఈ సీజన్‌ విజేత అతడే అంటూ సోషల్‌ మీడియాలో తెగ ప్రచారం అవుతోంది.  ఇక ఇప్పటికే అభిజిత్‌కి నాగబాబు వంటి వారు మద్దతివ్వగా తాజాగా ఈ జాబితాలోకి ‘అర్జున్‌ రెడ్డి’ హీరో విజయ్‌ దేవరకొండ చేరారు. అభిజిత్‌కు బెస్ట్‌ ఆఫ్‌ లక్‌ చెప్తూ తన సోషల్‌ మీడియాలో ఓ ఫోటోని షేర్‌ చేశారు. శేఖర్‌ కమ్ముల దర్శకత్వంలో వచ్చిన ‘లైఫ్‌ ఈజ్‌ బ్యూటీఫుల్’‌ చిత్రం ద్వారా అభిజిత్‌ హీరోగా పరిచయం అయిన సంగతి తెలిసిందే. ఇదే సినిమాలో విజయ్‌ దేవరకొండ గోల్డ్‌ ఫేజ్‌ కుర్రాడి పాత్రలో మెప్పించారు. ఈ క్రమంలో విజయ్‌ దేవరకొండ.. లైఫ్‌ ఈజ్‌ బ్యూటిఫుల్‌ టీంతో కలిసి ఉన్న ఫోటోని షేర్‌ చేస్తూ.. ‘‘మై బాయ్స్‌.. ఎల్లప్పుడూ వారికి శుభాకాంక్షలు.. ఎక్కడైనా.. ఏదైనా’’ అంటూ​ పోస్ట్‌ చేశారు. ఈ ఫోటోలో విజయ్‌ దేవరకొండతో పాటు అభిజిత్‌,  సుధాకర్, అభితో పాటు మరోకరు ఉన్నారు. ఇక అభిజిత్‌కి రౌడీ హీరో మద్దతు కూడా దక్కడంతో అతడి ఫ్యాన్స్‌ ఫుల్లు ఖుషి అవుతున్నారు. 

ఎన్నో అనుమానాల మధ్య మొదలైన బిగ్‌బాస్‌ నాల్లో సీజన్‌.. అప్పుడే ముగింపు దశకు చేరుకుంది.  కరోనా, ఐపీఎస్‌ లాంటి ఎన్నో ఆటుపోటులను తట్టుకుంటూ వచ్చిన ఈ బిగ్‌ రియాల్టీ షో మరో వారం రోజుల్లో ముగియనుంది. కొద్ది సమయం మాత్రమే ఉండటంతో కంటెస్టెంట్స్‌ తుదిపోరుకు సిద్ధమవుతున్నారు. ప్రస్తుతం హౌస్‌లో ఉన్న ఆరుగురు కంటెస్టెంట్స్‌లో ఇప్పటికే  టాప్ 5లో ఇద్దరు చోటు దక్కించుకున్నారు. అఖిల్ , సోహైల్ ఇద్దరూ బిగ్ బాస్ 4 గ్రాండ్ ఫినాలే చేరుకున్నారు. ఈ రోజు ఒకరు ఎలిమినేట్‌ అయి మరో ముగ్గురు టాప్‌లోకి చేరుకుంటారు. ఇదిలా ఉంటే వారం రోజుల ముందే విన్నర్‌కు ఇచ్చే ప్రైజ్‌ మనీ ఎంతో నాగార్జున తేల్చేశాడు. నేడు ప్రసారం కాబోయే ఎపిసోడ్‌లో ప్రైజ్ మనీ పై క్లారిటీ ఇచ్చినట్లు తాజా ప్రోమో చూస్తే తెలుస్తోంది.  బిగ్‌బాస్‌ విన్నర్‌కు 50లక్షల రూపాయల ప్రైజ్ మనీని అందుకుంటారు. అయితే ఈ భారీ జాక్ పాట్ ఎవరు అందుకుంటారు? ఆ డబ్బుతో ఏమేం చేస్తారో చెప్పాలని నాగ్‌ అడగ్గా.. కంటెస్టెంట్స్ ఒక్కొక్కరు ఒక్కో విధంగా స్పందించారు. ముఖ్యంగా సోహెల్ ఒక్క డైలాగ్ తోనే ఎమోషనల్ గా టచ్ చేసినట్లు అర్ధమయ్యింది. ఇప్పటివరకు నా అకౌంట్ లో లక్ష దాటి లేదు అని వివరణ ఇచ్చాడు. ఇక హారిక మాత్రం ఆ డబ్బును గెలుచుకుంటే పూర్తిగా తన తల్లికే ఇస్తానని చెప్పింది. ఇక అభిజిత్ వంతు రావడంతో ఆ ప్రైజ్ మనీ మొత్తం ఇంట్లో వాళ్ళకే అంటూ ఏం చేసుకుంటారో మీ ఇష్టం అంటూ అని చెప్పాడు. ఇక అఖిల్ మంచి కేఫె ఓపెన్ చేస్తానని చెప్పాడు. దానికి ముఖ్య అతిథిగా రావాలని నాగ్‌ను కోరాడు. ఇక బిగ్ బాస్ విన్నర్‌గా ప్రకటిస్తే.. కంటెస్టెంట్స్ రియాక్షన్ ఎలా ఉంటుందో వేరే కంటెస్టెంట్స్ చూపించాలని నాగ్ కోరడంతో హారిక, మోనాల్ ను ఇమిటేట్ చేసింది. ఇక అఖిల్ అరియానా ఫీలింగ్ ను తెలుపగా..అరియానా అభిని ఇమిటేట్ చేసింది. మోనాల్, సోహెల్ డ్యాన్స్ ను చూపించగా.. హారిక ముద్దులు ఎలా పెడుతుందో సోహెల్ చూపించాడు. మరి వారి ఇమిటేట్‌ హౌస్‌లో ఏ మేరకు నవ్వులు పూయించిదో నేటి ఎపిసోడ్‌లో చూడాలి.   

మొదటి సారి తెలివైనోడు(అభిజిత్‌) టాస్క్‌ కండీషన్స్‌ మర్చిపోయి ఓడిపోయాడు. ప్రతి సారి టాస్క్‌ పేపర్‌ను ఒకటికి రెండు సార్లు క్షుణ్ణంగా చదివే అభిజిత్‌.. నేడు మాత్రం ఒక్కసారి కూడా టాస్క్‌ పేపర్‌ చదవలేదు. దీంతో  నిబంధనలు మర్చిపోయి మంచి చాన్స్‌ మిస్సయ్యాడు. ఇక తనకు కెప్టెన్సీ టాస్క్‌కు సహాయం చేసిన మోనాల్‌కు అరుదైన అవకాశం కల్పించి హారిక తన రుణం తీర్చుకుంది. అసలు మన తెలివైనోడు మర్చిపోయిన కండీషన్‌ ఏంటి? మోనాల్‌ రుణం హారిక ఎలా తీర్చుకుందో నేటి ఎపిసోడ్‌లో చదివేద్దాం. మరింత రెచ్చిపోయిన పులిహోర రాజా పులిహోర కలపడంతో అఖిల్‌ ఆరితేరిపోయాడు. చాన్స్‌ దొరికితే చాలు ఇంట్లోని అమ్మాయిలను ఇంప్రెస్‌ చేయడానికి ట్రై చేస్తున్నాడు. నిన్న పులిహోర రాజా అన్న మోనాల్‌తో గొడవ పడిన అఖిల్‌.. ఈ రోజు ఏమో ఆమె ముందే హారికను ఫ్లర్ట్‌ చేశాడు. హారిక ఏదో పనిచేసుకుంటూ కిచెన్‌లో ఉండగా.. అఖిల్ మెల్లగా ఆమె దగ్గరకు చేరాడు. సొహైల్ చూసి.. ఏంటి ఆమె దగ్గరకు పోతున్నావ్ అని అనడంతో.. హారికను వెనకనుంచి వాటేసుకుని ఏం షాంపూ ఇది.. మా దగ్గర లేదే నీ దగ్గరకు ఎలా వచ్చింది? అంటూ ఆమెతో మాటలు కలపడం స్టార్ట్‌ చేశాడు. ఏంట్రా ఇది అంటూనే హారిక కూడా అఖిల్‌తో డబుల్‌ మీనింగ్‌ వచ్చే మాటలు మాట్లాడింది. ఇక హారిక మాటలకు అఖిల్‌ మరింత రెచ్చిపోయి ఆమెపై పాట పాడుతూ.. పక్కనే ఉన్న మోనాల్‌ను ఏడిపించే ప్రయత్నం చేశాడు. కానీ మోనాల్‌ మాత్రం ఏమి విననట్లుగా అక్కడి నుంచి వెళ్లిపోయింది. ఇక ఎదురుగా ఉన్న సోహైల్‌.. పులిహోర కలపడంలో నువ్వే తోపువంటూ అఖిల్‌పై పంచ్‌ వేశాడు. ‘నన్ను కుక్క అనుకున్నా పర్లేదు.. కుక్కకు విశ్వాసం ఉంటుంది.. మా యాజమాని(హారిక) దగ్గరకి వస్తే కరిచేస్తా’ అంటూ ఘోరమైన పులిహోర కలిపాడు.  స్టెప్పులేసి.. గొల్డెన్‌ మైక్‌ పట్టు ప్రేక్ష‌కుల‌తో మ‌రింత‌ క‌నెక్ట్ అయ్యేందుకు హౌస్‌మేట్స్‌కు బిగ్‌బాస్ మరో అవకాశం ఇచ్చాడు. ఇప్పటికే మూడు రకాల టాస్క్‌లు ఇచ్చిన బిగ్‌బాస్‌.. నాల్లో టాస్క్‌గా వినోదాన్ని అందించే చాన్స్‌ ఇచ్చాడు. ఇందులో భాగంగా ఇంటి సభ్యులంతా తక్కువ సైజు షూ ధరించి స్లేజ్‌పై డాన్స్‌ చేయాలి. ఆ సమయంలో ఎవరూ కూడా స్జేజీపై కూర్చోవడం కానీ, నిలబడటం కానీ చేయకూడదు. అలాగే మధ్య మధ్య మ్యూజిక్‌ ఆపేస్తానని.. అప్పుడు ఒకరు కిందకు దిగాలని కండీషన్‌ పెట్టాడు. అయితే ఎవర దిగిపోతారో ఇంటి సభ్యల ఇష్టమని చెప్పాడు. ఈ టాస్క్‌కు అఖిల్‌ని సంచాలకుడిగా నియమించాడు. కిందికి ఎవరి దించాలో అఖిల్‌ కూడా సూచించవచ్చని బిగ్‌బాస్‌ చెప్పాడు. చివరి వరకు స్టేజీపై ఎవరు ఉంటారో వారికి గోల్డెన్‌ మైక్‌ లభిస్తుందని చెప్పాడు. అయ్యో అభి.. చూసుకోవాలిగా దీంటో భాగంగా ఇంటి సభ్యులంతా తక్కువ సైజ్‌ గల షూ ధరించి డాన్స్‌ చేశారు. మొదటి సారి మ్యూజిక్‌ ఆపేయగా.. అఖిల్‌ పాటు మిగతా ఇంటి సభ్యులంతా అరియానాను దిగాల్సిందిగా కోరారు. ఆమెకు ఇదివరకే రెండు సార్లు ప్రేక్షకులతో మాట్లాడే చాన్స్‌ వచ్చిందని, ఈ సారి మిగతా వారికి అవకాశం ఇవ్వాలన్నారు. అయితే ఇక్కడ అరియానా కొంచెం అతి చేసింది. తాను దిగేందుకు సిద్దంగా ఉన్నానంటునే ఇప్పుడు మాత్రం దిగనని, రెండోసారి దిగుతానని చెప్పుకొచ్చింది. మరి ఇప్పుడు ఎవరు దిగుతారని అభిజిత్‌ ప్రశ్నించగా.. సోహైల్‌ కూడా ప్రేక్షకులకు రిక్వెస్ట్‌ చేసే చాన్స్‌ వచ్చింది కదా.. ఆయన్ని దిగమని చెప్పింది. ఇప్పుడు నువ్వు ఎందుకు దిగవని చెబితే.. నాకు డాన్స్‌ చేయాలని ఉందని, ఏవోవో చెప్పుకొచ్చింది. ఇక అరియానా ఇప్పట్లో ఒప్పుకునేలా లేదనుకున్న అభిజిత్‌.. టాస్క్‌ కండీషన్‌ మర్చిపోయి కింద కూర్చున్నాడు. ఈ విషయాన్ని మోనాల్‌ గుర్తు చేసింది. దీంతో మొదటి సారి మన తెలివైనోడు.. తనకు ఈ విషయం తెలియదని, పొరపాటు జరిగిపోయిందంటూ స్టేజీ దిగేశాడు. ఇక అభి మొదటి సారి టాస్క్‌ కండీషన్స్‌ మర్చిపోవడంతో ఇంటి సభ్యులు అంతా అవాక్కయ్యారు. సోహైల్‌ అయితే.. ఏంటి అభి.. ప్రతిసారి టాస్క్‌ పేపర్‌ క్షుణ్ణంగా చదువుతావు.. ఈ సారి ఏమైంది చూసుకోవాలి కదా..అని నవ్వుతూ అభిపై సెటైర్లు వేశాడు. అందుకే దిగుతున్నా : అరియానా  ఇక రెండో సారి మ్యూజిక్‌ ఆగినప్పుడు అరియానా దిగుతూ..తనకు ఇప్పటికే రెండు సార్లు ప్రేక్షకులకు రిక్వెస్ట్‌ చేసుకునే చాన్స్‌ వచ్చిందని, మిగతవారికి కూడా రావాలనే స్టేజీ దిగుతున్నానని చెప్పి దిగిపోయింది. అలా మూడో సారి సోహైల్‌ దిగిపోయాడు. తానకు డాన్స్‌ చేయాలని ఉందని, కేవలం హౌస్‌మేట్స్‌ కోసమే కిందికి దిగుతున్నానని చెప్పాడు. అనంతరం వాష్‌రూమ్‌ దగ్గరకు వెళ్లి అరియానాపై బిగ్‌బాస్‌కు కంప్లైంట్‌ ఇచ్చాడు. ఇదివరకు జరిగిన టాస్క్‌లో ఇంటి సభ్యుల కోసం త్యాగం చేయమంటే చేయని అరియానా ఇప్పుడు ఎందుకు ఇచ్చిందని తప్పుపట్టాడు.   మోనాల్‌ రుణం తీర్చుకున్న హారిక ఇక స్టేజీపై చివరకు హారిక, మోనాల్‌ మాత్రమే మిగిలి ఉన్నారు.ఇద్దరిలో ఒకరు దిగాల్సిరావడంతో.. హారికను దిగాల్సిందిగా మోనాల్‌ రిక్వెస్ట్‌ చేసింది. ఒక టాస్క్‌లో లాస్ట్‌ వరకు ఉండటం ఇది రెండో సారి అని, ఈ చాన్స్‌ తనకు చాలా ముఖ్యమని హారికను రిక్వెస్ట్‌ చేసింది. ఒక్కనిమిషం ఆలోచించిన హారిక.. చివరకు గోల్డెన్‌ మైక్‌ను మోనాల్‌కు త్యాగం చేసింది. కెప్టెన్సీ టాస్క్‌లో తనను భుజాలపై ఎత్తుకొని గెలిపించావని, అందుకే ఇప్పుడు నేను ఈ చాన్స్‌ ఇస్తున్నా అని హారిక చెప్పి దిగిపోయింది. ఇక టాస్క్‌ గెలిచి గొల్డెన్‌ మైక్‌ సాధించిన మోనాల్‌.. కన్ఫెషన్‌ రూమ్‌కి వెళ్లి ఓట్లు వేయమని ప్రేక్షకులను రిక్వెస్ట్‌ చేసింది. అనంతరం గార్డెన్‌ ఏరియాకు వచ్చి సంతోషంతో బిగ్‌బాస్‌కు హగ్‌లు, ఫ్లైకింగ్‌ కిస్‌లు ఇచ్చేసింది. 

బిగ్‌బాస్‌ నాల్గో సీజన్‌ చివరి రోజులు అరియానాకు కలిసి రావడంలేదనే చెప్పాలి. ఈ వారం అంతా ఈ బోల్డ్‌ బ్యూటీ ఏడుస్తూనే ఉంది. టామ్‌ అండ్‌ జెర్రీలా ఎప్పుడు చిన్న చిన్న గొడవలు పెట్టుకుని కలిసిపోయే అరియానా, సోహైల్‌ ఈ వారంలో పెద్ద లొల్లి పెట్టుకున్నారు. అలాగే మోనాల్‌తో కూడా అరియానాకు గొడవ జరిగింది. అఖిల్‌ కూడా సోహైల్‌కు సపోర్ట్‌ చేస్తూ అరియానాతో కాస్త దూరంగానే ఉంటున్నాడు. ఇక ఇంట్లో అరియానాకు ప్రస్తుతం అంతో ఇంతో క్లోజ్‌గా ఉంది ఎవరంటే హారిక, అభిజిత్‌ అనే చెప్పాలి. అయితే చివరికి అభిజిత్‌తో కూడా అరియానాకు గొడవ జరిగినట్లు తాజాగా విడుదలైన ప్రోమో చూస్తే అర్థమవుతుంది.  బిగ్‌బాస్‌ నాల్గో సీజన్‌ ముగింపుకు ఇంకా తొమ్మిది రోజులు మాత్రమే ఉంది. ఈ నేపథ్యంలో  ప్రేక్ష‌కుల‌తో మ‌రింత‌ క‌నెక్ట్ అయ్యేందుకు హౌస్‌మేట్స్‌కు బిగ్‌బాస్ అవకాశం కల్పిస్తున్నాడు. చిన్న చిన్న టాస్క్‌లు ఇస్తూ గెలిచిన వారికి ఓట్లు అభ్యర్థించే అవకాశం కల్పిస్తున్నాడు. ఈ నేపథ్యంలో నేడు ఇంటి సభ్యులకు డాన్స్‌ టాస్క్‌ ఇచ్చినట్లు తెలుస్తోంది. మ్యూజిక్‌ ప్లే చేస్తున్నంతసేపు ఇంటి సభ్యులంతా స్టేజ్‌ మీద డాన్స్‌ చేయాలి. అయితే మ్యూజిక్‌ ఆపినప్పుడు మాత్రం స్టేజ్‌ మీద నుంచి ఒకరు దిగిపోవాలని కండిషన్‌ పెట్టాడు. దీంట్లో భాగంగా హారిక, మోనాల్‌, అఖిల్‌ ముందుగానే దిగిపోయినట్లు తెలుస్తోంది. చివరికి అభిజిత్‌, సోహైల్‌, అరియానా మిగిలారు. మరోసారి మ్యూజిక్‌ ఆగిపోగా.. ముగ్గురిలో ఒకరు దిగాల్సి వచ్చింది. వీరిలో ఏ ఒక్కరు కూడా దిగేందుకు ఇష్టపడలేదు. తనకు డాన్స్‌ చేయాలని ఉందని, తర్వాత మ్యూజిక్‌ ఆగితే ఆటోమెటిక్‌గా దిగుతానని అరియానా చెప్పుకొచ్చింది. అయితే ఇప్పుడు నువ్వు దిగకపోతే ఎవరో ఒకరు దిగాలి కదా అని అభిజిత్‌ అనగా..నేను, సోహైల్‌ ఇద్దరం వెళ్లాం కదా అని అరియానా చెప్పింది. అలా అయితే మీరిద్దరే మాట్లాడుకోవాలని హారిక సూచించగా.. నన్ను ఎందుకు ఇన్వాల్వ్‌ చేస్తున్నారి సోహైల్‌ గరం అయ్యారు. ఇక అరియానా ఏమో నా ఒపియన్‌ నేను చెప్పా అంటుంది. అభిజిత్‌ ఇట్స్‌ ఓకే.. డన్‌ లెట్స్‌ గో అంటూ స్టేజీ దిగి వెళ్లిపోయాడు. ఈ ప్రోమో చూస్తే అభి కూడా అరియానాకు కాస్త దూరమయినట్లే కనిపిస్తోంది. అసలు ఏం జరిగిందో. మరి అరియానా,అభి కలిశారా లేదో  తెలియాలంటే మరికొద్ది గంటల్లో ప్రసారమయ్యే నేటి ఎపిసోడ్‌లో చూడాలి.

బిగ్‌బాస్ నాల్గో సీజ‌న్‌లో టికెట్ టు ఫినాలే గెలిచిన అఖిల్ నేరుగా ఫైన‌ల్‌కు చేరుకున్నాడు. దీంతో అత‌డు మిన‌హా మిగ‌తా ఐదుగురు నామినేష‌న్స్‌లో ఉన్నారు. ఎంట‌ర్‌టైన్ చేసి ప్రేక్ష‌కుల‌ను ఆక‌ట్టుకోండ‌ని బిగ్‌బాస్ వీళ్ల‌కు వ‌రుస టాస్కులు ఇస్తున్నాడు. వాటిని ఎలాగైనా గెల‌వాల‌న్న క‌సితో కంటెస్టెంట్లు ఆడుతున్నారు. ఇప్ప‌టికే అధికారం టాస్కులో అరియానా, ఓపిక టాస్కులో సోహైల్  గెలిచి.. ప్రేక్ష‌కుల‌ను ఓట్లేయ‌మ‌ని అభ్య‌ర్థించే అవ‌కాశాన్ని చేజిక్కించుకున్నారు. ఈ క్ర‌మంలో బిగ్‌బాస్ ఏకాగ్రత అనే మ‌రో టాస్క్ ఇచ్చాడు. ఇందులో కంటెస్టెంట్లు ఏదైనా ప‌ని చేస్తూ 30 నిమిషాలు లెక్క‌పెట్టాల్సి ఉంటుంది. మిగ‌తావాళ్లు ఆ వ్య‌క్తిని డిస్ట‌ర్బ్ చేయొచ్చు. ఈ క్ర‌మంలో అభిజిత్ త‌న‌లోని కామెడీ టైమింగ్‌ను బ‌యట పెడుతున్న‌ట్లు తెలుస్తోంది. ఈ మేర‌కు తాజాగా ప్రోమో రిలీజైంది. (బొమ్మ లొల్లి: శోకాలు పెట్టిన టామ్ అండ్ జెర్రీ) ఇందులో టాస్క్ పూర్తి చేయ‌డంలో మునిగిపోయిన సోహైల్‌ను నీకు బాగా న‌చ్చిన పనేంట‌ని అభి ప్ర‌శ్నించ‌గా అత‌డు క్ష‌ణం ఆలోచించ‌కుండా నినిద్ర పోవ‌వ‌డం అని స‌మాధానమిచ్చాడు. త‌ర్వాత హారిక.. ఇక్క‌డున్న‌వాళ్ల‌లో ఎవ‌రిని శివ‌గామితో పోలుస్తావు? అని అడ‌గ్గా అభి తెలివిగా స‌మాధాన‌మిచ్చాడు. శివ‌గామిలో ఉన్న అందం మోనాల్‌కు ఉంది, శివ‌గామిలో ఉన్న టెర్ర‌ర్ అరియానాకు ఉంది. శివ‌గామిలో ఉన్న ప్రేమ హారిక‌కు ఉంది అని చాలా క్లారిటీగా చెప్పాడు. ఇక టాస్క్ చేస్తున్న మోనాల్‌ను అభి.. ఎవ‌రెస్ట్ శిఖ‌రం ఏ దేశంలో ఉంద‌ని ప్ర‌శ్నించ‌గా.. ఆమె న‌వ్వుతూ భార‌త్‌-చైనా స‌రిహ‌ద్దులో ఉంద‌ని చెప్పింది. ఈ సమాధానం విని షాక్ అయిన అభి ఉన్న‌చోటే కింద ప‌డిపోయాడు.  మొత్తానికి రెండు రోజులుగా గొడ‌వ‌ల‌తో వేడెక్కిపోయిన బిగ్‌బాస్ హౌస్‌లో అభి త‌న కామెడీ టైమింగ్‌తో న‌వ్వులు పంచ‌నున్న‌‌ట్లు తెలుస్తోంది. (బిగ్‌బాస్ విన్న‌ర్ అభిజితే‌: శ‌్రీకాంత్‌)

బిగ్‌బాస్ నాల్గో సీజ‌న్ విన్న‌ర్ ఎవ‌ర‌నేది మ‌రో రెండు వారాల్లో తేల‌నుంది. ఎలాగైనా ట్రోఫీని గెలుచుకోవాల‌న్న క‌సితో ఇంటిస‌భ్యులు గేమ్‌పై ఫోక‌స్ చేస్తున్నారు. వారిని ఎలాగైనా గెలిపించాల‌న్న త‌ప‌న‌తో అభిమానులు కూడా ఓట్ల ప్ర‌చారం చేస్తున్నారు. కొంద‌రు సెల‌బ్రిటీలు సైతం వీరికి తోడుగా నిలుస్తున్నారు. అయితే ముందు నుంచీ కూడా అభిజితే గెలుస్తాడన్న బ‌ల‌మైన‌ ప్ర‌చారం సోష‌ల్ మీడియాలో జ‌రుగుతూనే ఉంది. తాజాగా హీరో శ్రీకాంత్ కూడా ఇదే అభిప్రాయం వ్య‌క్తం చేశారు. అంద‌రి క‌న్నా అభిజిత్ చాలా స్ట్రాంగ్‌గా ఉన్నాడ‌ని పేర్కొన్నారు. అత‌డితో పాటు అరియానా, అఖిల్‌. సోహైల్‌, హారిక టాప్ 5లో ఉంటార‌ని జోస్యం చెప్పారు. ఇప్పుడున్న ప‌రిస్థితుల ప్ర‌కారమైతే అభిజిత్ విన్న‌ర్ అవుతాడ‌ని అనిపిస్తోంద‌ని ఆయ‌న త‌న అభిప్రాయాన్ని తెలిపారు. ఇక ఇప్ప‌టికే నాగ‌బాబు అభిజిత్‌కు స‌పోర్ట్ చేసిన విష‌యం తెలిసిందే. ఆయ‌న‌తో పాటు కొంద‌రు జ‌బ‌ర్ద‌స్త్ ఆర్టిస్టులు కూడా అభికే తమ ఓట‌ని తేల్చి చెప్పారు. (చ‌ద‌వండి: రంగంలోకి దిగిన ‘నారప్ప’... టీజర్‌ అప్పుడే) కాగా శ్రీకాంత్‌కు బిగ్‌బాస్ షో అంటే ఎంతో ఇష్టం. తెలుగులోనే కాకుండా ఇత‌ర భాష‌ల్లో కూడా ఈ బిగ్‌బాస్‌ను చూస్తుంటారు. గ‌తేడాది ఆయ‌న బిగ్‌బాస్ మూడో సీజ‌న్ గ్రాండ్ ఫినాలేకు అతిథిగా వెళ్లారు. కంటెస్టెంట్ల‌తో డీల్ కుదిర్చేందుకు వెళ్లారు కానీ, ఎవ‌రూ దానికి అంగీక‌రించ‌లేదు. ఇప్పుడు నాల్గో సీజ‌న్‌ను కూడా ఆయ‌న బాగా ఫాలో అవుతున్న‌ట్లు తెలుస్తోంది. (చ‌ద‌వండి: అభితో ఉండ‌ట్లేదని హారిక‌ను తిడుతున్న నెటిజ‌న్లు)

బిగ్‌బాస్ నాల్గో సీజ‌న్‌లో ఇప్పుడు మూడు జంట‌లు మాత్ర‌మే మిగిలాయి. అది అభిజిత్‌- హారిక‌, అఖిల్‌-మోనాల్‌, సోహైల్‌-అరియానా. వీరిలో సోహైల్‌ జంట ఎప్పుడూ తిట్టుకుంటూ కొట్టుకోవ‌డానికే స‌రిపోతుంది. మ‌రోవైపు అఖిల్ జోడీ మ‌ధ్య దూరం పెరిగిన‌ట్లు స్ప‌ష్టంగా క‌నిపిస్తోంది. మిగిలింది అభిక జోడీ. మొద‌టి నుంచి క‌లిసి ఉన్న ఈ జోడీ ఈ మ‌ధ్య పెద్ద‌గా క‌లిసి క‌నిపించ‌డం లేదు. నీకోసం ఎప్పుడూ నేనుంటా అని చెప్పిన హారిక ఈ మ‌ధ్య అభితో ఎక్కువ స‌మ‌యం గ‌డ‌ప‌ట్లేదు. నాగార్జున వ‌చ్చిన‌ప్పుడు కూడా అభి ఇదే విష‌యాన్ని చెప్తూ కాస్త డ‌ల్‌గా ఫీల‌య్యాడు. చూస్తుంటే అభిజిత్ చెప్పింది కూడా నిజ‌మేన‌నిపిస్తోంది. ఎప్పుడూ అత‌డితో మాత్ర‌మే ఉండే హారిక ఇప్పుడు అంద‌రితో క‌లిసిపోయింది. ముఖ్యంగా అఖిల్‌తో ఎక్కువ‌గా క‌నిపిస్తోంది. ఇది అభిజిత్ అభిమానుల‌కు బొత్తిగా న‌చ్చ‌డం లేదు. అభిని వదిలేసి, అఖిల్‌తో.. నిన్న‌టి టాస్కులో మ‌హారాణిగా అవ‌తార‌మెత్తిన హారిక త‌ను పిల‌వ‌గానే అభి రాలేద‌ని అత‌డి బ‌ట్ట‌ల‌ను స్విమ్మింగ్ పూల్‌లో ప‌డేసింది. అది చూసిన అభి ఆమెపై ఏ మాత్రం కోప్ప‌డ‌లేదు. అవి నోయ‌ల్ బ‌ట్ట‌లు అని ఆమెకు వివ‌ర‌ణ ఇచ్చాడు. పైగా హారిక అనుమ‌తి తీసుకుని ఆ బ‌ట్ట‌ల‌ను నీళ్ల‌లో నుంచి బ‌య‌ట‌కు తీసి ఆరేశాడు. అయితే హారిక కావాల‌నే అభి మీద కోపాన్ని చూపిస్తోంద‌ని కొంద‌రు త‌ప్పులో కాలేస్తున్నారు. హారిక తీరు ఈ మ‌ధ్య అస్స‌లు బాగోలేద‌ని విమ‌ర్శిస్తున్నారు. ముఖ్యంగా అభిజిత్‌కు దూరంగా ఉండ‌టంపై ఆయ‌న అభిమానులు కొంద‌రు గుర్రుగా ఉన్నారు. ఇన్ని వారాలు అభితో ఉండి, ఇప్పుడు మాత్రం అత‌డిని ఒంట‌రిగా వ‌దిలేసింద‌ని ఆగ్ర‌హం వ్య‌క్తం చేస్తున్నారు. ఆమెకు ఓట్లు వేసేదే లేద‌ని తేల్చి చెప్తున్నారు. (చ‌ద‌వండి: బిగ్‌బాస్‌: అంద‌రికీ దూరంగా నోయ‌ల్‌) గంట ఎపిసోడ్ చూసి జ‌డ్జ్ చేయ‌కండి: నోయ‌ల్‌ ఈ ట్రోలింగ్‌పై హారిక ఫ్యాన్స్ కూడా ధీటుగా స‌మాధాన‌మిస్తున్నారు. 'అభితో మాత్ర‌మే ఉంటే ఎవ‌రితో క‌ల‌వ‌ట్లేద‌ని తిడ‌తారు, ఇప్పుడు అంద‌రితో క‌లిస్తే అభిని వ‌దిలేసింద‌ని ట్రోల్ చేస్తారు, ఆమె ఏం చేసినా నిందిస్తారా?' అని ఘాటుగా ప్ర‌శ్నిస్తున్నారు. 'ఒక‌రితో క్లోజ్‌గా ఉన్న‌ట్లు చూపించినంత మాత్రాన అభితో ఉండట్లేద‌ని ఎలా అనుకుంటారు?' అని అస‌హ‌నం వ్య‌క్తం చేస్తున్నారు. హారిక‌ను టార్గెట్ చేయ‌డంపై ఎలిమినేట్ అయిన కంటెస్టెంట్ నోయ‌ల్ సైతం స్పందించారు. అభిజిత్‌, హారికల బంధం ఎలాంటిదో త‌న‌కు తెలుస‌ని, ఒక్క గంట ఎపిసోడ్ చూసి వారిని జడ్జ్ చేయ‌కండ‌ని కోరాడు. కేవ‌లం టాస్క్‌లో భాగంగానే హారిక‌ త‌న బ‌ట్ట‌ల‌ను నీళ్ల‌లో ప‌డేసింద‌ని స్ప‌ష్టం చేశాడు. (చ‌ద‌వండి: సోహైల్ చేస్తే ఒప్పు? హారిక చేస్తే త‌ప్పా?)

నిబంధ‌న‌లు పాటించ‌క‌పోతే కంటెస్టెంట్ల‌కు మొట్టికాయ‌లు వేసే బిగ్‌బాస్ తొలిసారి త‌ను పెట్టిన రూల్స్ కూడా మార్చుకోవ‌చ్చ‌ని బంప‌రాఫ‌ర్ ప్ర‌క‌టించాడు. కావాల‌నుకుంటే సొంతంగా రూల్స్ పెట్టుకుని మ‌రీ బిగ్‌బాస్ హౌస్‌ను మీకు నచ్చిన‌ట్లు వాడుకోండ‌ని చెప్పాడు. అయితే ఓ కండీష‌న్ పెట్టాడు. ఎంట‌ర్‌టైన్ చేయాల‌ని ఆదేశించాడు. అలా "రాజారాణి" టాస్కులో ఇంటిస‌భ్యులు వారికి వ‌చ్చిన అవ‌కాశాన్ని సద్వినియోగం చేసుకుంటూ జ‌నాల‌ను ఎంట‌ర్‌టైన్ చేసేందుకు ప్ర‌య‌త్నించారు. నిన్న సోహైల్‌, అభిజిత్‌, హారిక వంతు రాగా నేడు మోనాల్ వంతు వ‌చ్చింది. వినోదాన్ని పంచేందుకు మోనాల్‌ అంద‌రిలా కాకుండా కాస్త భిన్నంగా ఆలోచించిన‌ట్లు క‌నిపిస్తోంది. ఇంటిస‌భ్యుల‌తో ఫ‌న్నీ టాస్క్ చేయిస్తోంది. అందులో భాగంగా అభిజిత్‌-అరియానా, సోహైల్‌-హారిక జంట‌లుగా విడిపోయారు. కాక‌పోతే ఇందులో ఓ ట్విస్టుంది. అరియానా గ‌ర్ల్‌ఫ్రెండ్‌గా అభి, హారిక గ‌ర్ల్‌ఫ్రెండ్‌గా సోహైల్ పాత్ర‌లు పోషించిన‌ట్లు క‌నిపిస్తోంది. అరియానా గారూ.. అంటూ గెంతులు వేసుకుంటూ వ‌చ్చిన అభిని ఆమె బంగారం అంటూ ద‌గ్గ‌ర‌కు తీసుకుంది. ఇంత‌లో అభి మీద సోహైల్ రంకెలేయ‌డంతో అరియానా రెచ్చిపోయింది. ఎవ‌డ్రా? ‌నా గ‌ర్ల్‌ఫ్రెండ్ జోలికి వ‌చ్చేది అని శివాలెత్తించింది. ఆడ‌పిల్ల‌లు అంటే ఆట‌బొమ్మ‌లైపోయారా అంటూ హారిక‌ను కూడా గ‌ట్టిగానే వేసుకుంది. మొత్తానికి అరియానా ప‌ర్ఫామెన్స్‌తో ఈ స్కిట్టు బాగా పేలిన‌ట్లు క‌నిపిస్తోంది. చూస్తుంటే మ‌హారాణి మోనాల్ రాజ్యంలో మంత్రితో పాటు ప్ర‌జ‌లు కూడా సంతోషంగా ఫీలైన‌ట్లు తెలుస్తోంది. ఏదేమైనా ఈ అధికారం టాస్కులో అరియానా విజృంభిస్తోంది. మొత్తానికి ఈ ప్రేమికుల గొడ‌వ‌ను చూసి క‌డుపుబ్బా న‌వ్వుకోవాలంటే రాత్రి ప‌ది గంట‌ల వ‌ర‌కు వేచి చూడాల్సిందే! (బిగ్‌బాస్: అరియానాపై ఆర్జీవీ కామెంట్స్‌)

బ‌య‌ట జ‌నాలొక‌టి త‌లుస్తుంటే లోప‌ల కంటెస్టెంట్లు మ‌రోలా ఆలోచిస్తున్నారు. నిన్న బిగ్‌బాస్ ఇంట్లోవాళ్ల‌ను ఎవ‌రికి వారు ర్యాంకింగ్స్ ఇచ్చుకోమ‌ని చెప్ప‌గానే అంద‌రూ మొద‌టి స్థానాల వైపు క‌న్నేస్తే అభిజిత్ మాత్రం నేరుగా వెళ్లి ఆరో స్థానంలో నిల‌బ‌డ్డాడు. మొద‌టి నుంచి అన్ని టాస్కుల్లో వంద శాతం ఇవ్వ‌డానికి ప్ర‌య‌త్నిస్తున్న తాను జ‌లజ దెయ్యం ఇచ్చిన మోనాల్‌తో డేటింగ్ అనే టాస్కు మాత్రం చేయ‌లేద‌ని త‌న త‌ప్పును ప్ర‌స్తావించాడు. ఆ ఒక్క పొర‌పాటు కార‌ణంగా వ‌ర‌స్ట్ ప‌ర్ఫార్మ‌ర్‌గా నిలిచేందుకు సిద్ధ‌మేన‌ని చెప్పాడు. దీంతో బిగ్‌బాస్ అభిని వ‌ర‌స్ట్ పెర్ఫార్మ‌ర్‌గా ప్ర‌క‌టించి జైలుకు పంపాడు.  కంటెస్టెంట్ల‌ను వేధిస్తున్న అనారోగ్యం.. అయితే నేడు అత‌డి జైలు శిక్ష పూర్తి కానుంద‌ట‌. అలాగే హౌస్‌లో ల‌గ్జ‌రీ బ‌డ్జెట్ టాస్కు జ‌ర‌గ‌నున్న‌ట్లు తెలుస్తోంది. అందులో అభి స్విమ్మింగ్ పూల్ ద‌గ్గ‌ర టాస్కు చేస్తున్న క్ర‌మంలో గాయాల‌పాల‌య్యాడ‌ట‌. అత‌డి చేతికి, కాలికి స్వ‌ల్ప గాయ‌మైంద‌ని వార్త‌లు వినిపిస్తున్నాయి. అస‌లే ఈ సీజ‌న్‌లో కంటెస్టెంట్ల‌ను ఆరోగ్య స‌మ‌స్య‌లు వెంటాడుతున్నాయి. ఇప్ప‌టికే గంగ‌వ్వ‌, నోయ‌ల్ అనారోగ్యం కార‌ణంగా హౌస్ నుంచి అర్ధాంత‌రంగా నిష్క్ర‌మించారు. మ‌ధ్య‌లో అవినాష్ కూడా కాలు బెణికి కొంత ఇబ్బంది ప‌డ్డాడు. (చ‌ద‌వండి: బిగ్‌బాస్‌ : వరస్ట్‌ పెర్ఫార్మర్‌గా అభిజిత్‌.. జైలు శిక్ష) భుజాల నొప్పి వేధిస్తున్నా.. ఇక అభిజిత్ విష‌యానికివ‌స్తే గ‌తంలో అత‌డి భుజానికి గాయ‌మైంద‌ని ఆమె త‌ల్లి స్వ‌యంగా ఓ ఇంట‌ర్వ్యూలో వెల్ల‌డించింది. అందువ‌ల్లే టాస్కులు స‌రిగా ఆడ‌లేక‌పోతున్నాడ‌ని క్లారిటీ ఇచ్చింది. కానీ అభి మాత్రం ఈ విష‌యాన్ని ఎప్పుడూ షోలో వెల్ల‌డించ‌డానికి ఇష్ట‌ప‌డ‌లేదు. పైగా రోబో టాస్క్ మిన‌హా అభి ఇత‌ర‌ టాస్కులు పెద్ద‌గా ఆడింది లేద‌ని మిగ‌తా ఇంటి స‌భ్యులు అత‌డిని నామినేట్ చేశారు. ఈ క్ర‌మంలో క‌సితో ర‌గిలిపోయిన అత‌డు క‌మాండో ఇన్‌స్టిట్యూట్ గేమ్‌లో ఫిజిక‌ల్ టాస్కు ఆడి స్టార్ సంపాదించాడు. కెప్టెన్సీ పోటీదారునిగా ఎంపిక‌య్యాడు, కానీ కెప్టెన్ కాలేక‌పోయాడు. 'రేస్ టు ఫినాలే' టాస్క్‌లో సైతం త‌న‌వంతు అద్భుత ప్ర‌ద‌ర్శ‌న ఇచ్చాడు. ఇలా టాస్కుల్లోనూ విజృంభిస్తున్న త‌రుణంలో అభికి గాయాలు కావ‌డం ఆయ‌న అభిమానుల‌ను క‌ల‌వ‌ర‌పరుస్తోంది. అయితే అత‌డికి చిన్న‌చిన్న గాయాలే అయ్యాయంటున్నారు. మ‌రి అది ఎంత‌వ‌ర‌కు నిజ‌మనేది నేటి ఎపిసోడ్‌లో చూడాలి. (చ‌ద‌వండి: బిగ్‌బాస్‌లో ప‌నికి రానోళ్ల‌ను తోసేయండి: రాహుల్)

బిగ్‌బాస్‌ నాల్గో సీజన్‌ వరస్ట్‌ ఫెర్ఫార్మర్‌గా తనను ఎంచుకోండని అభిజిత్‌ బిగ్‌బాస్‌ను వేడుకున్నాడు. తాను గత వారం ఓ తప్పు చేశానని, అందుకు శిక్షగా తనను చెత్త ఆటగాడిగా ప్రకటించాలని కోరారు. ఇంతకీ అభిజిత్‌ చేసిన తప్పేంటి? ఇంట్లో ఎవరు బెస్ట్‌ ఫెర్ఫార్మర్‌ అయ్యారు? అసలు బెస్ట్‌, వరస్ట్‌ బిరుదు ఎవరు, ఎందుకు ప్రకటించారో చదివేద్దాం. టికెట్‌ టూ ఫినాలే విన్నర్‌ అఖిల్‌ 'టికెట్ టు ఫినాలే' రేస్‌లో భాగంగా సోహైల్‌, అఖిల్‌ రాత్రి మొత్తం ఉయ్యాలపైనే కునుకు తీశారు. ఇక వారితో పాటు సంచాలకుడిగా వ్యవహరిస్తున్న అఖిల్‌ కూడా గార్డెన్‌ ఏరియాలోనే ఉండిపోయాడు. ఉదయం అయినా పట్టు వదలని విక్రమార్కుడిలా ఇద్దరూ ఉయ్యాలలనే ఉండిపోయారు. ఇక ఎలాగో వీళ్లు దిగేలా లేరని ఫిక్సయినా అభి.. ఇద్దరూ ఆలోచించుకోండి అని సలహా ఇచ్చాడు. దీంతో సోహైల్‌ ఎమోషనల్‌ అయ్యాడు. ఇక అఖిల్‌ ఏమో అమ్మ సెంటిమెంట్‌ను తీసుకొచ్చాడు. ‘ఈ గేమ్ ఇద్దరికీ ఇంపార్టెంటే.  మా అమ్మ వచ్చి కెప్టెన్ అవ్వు అని అడిగినా నేను కాలేకపోయా. నేనే టాప్‌ 5 ఉంటానని అమ్మకు చెప్పా. మా అన్న వచ్చి కూడా నన్ను టాప్ 5లో పెట్టలేదు. అదే కొంచెం భయంగా ఉంది’ అంటూ సోహైల్‌ని సెంటిమెంట్‌ దెబ్బ కొట్టాడు. దీంతో కరిగిపోయిన సోహైల్‌.. ఉయ్యాల దిగేందుకు సిద్దమయ్యాడు. కానీ అఖిల్‌ అడ్డుకొని వద్దని వారించాడు.  పర్లేదు నేను దిగుతా.. ఈ గేమ్ నాకు కూడా ఇంపార్టెంటే కానీ.. నీ కోసం నేను దిగుతా.. మనం సాయంత్రం వరకూ ఉండమన్నా ఉంటాం.. అది బిగ్ బాస్‌కి కూడా తెలుసు. నా భయం ఏంటంటే మళ్లీ బిగ్ బాస్ ఎలాంటి అనౌన్స్‌మెంట్ ఇస్తారో గేమ్ అటూ ఇటూ కాకుండా పోతుంది. నువ్వూ నేనూ ఉడుము పట్టే వెనక్కి తగ్గం’ అని సొహైల్ అనడంతో అఖిల్ నేను నామినేషన్‌లో ఉన్నా.. ఒక వేళ నేను ఈ వీక్‌ ఎలిమినేట్‌ అయితే టికెట్‌ ఫినాలే వృధా అయిపోతుంది. అందుకే నువ్వే ఆ టికెట్‌ తీసుకో. నన్ను ఉయ్యాలలో నుంచి తోసెయ్‌ అని చెప్పాడు. దీంతో సోహైల్‌ మరోసారి ఎమోషనల్‌ అయి గట్టిగా ఏడ్చేశాడు.  అనంతరం ఏం చేద్దాం అని అఖిల్ అడగడంతో.. నాకేం అర్థం కావడం లేదు అఖిల్.. నువ్ నన్ను తమ్ముడిలా తీసుకున్నావ్.. ఎమోషనల్‌గా కనెక్ట్ అయ్యావ్.. ఎవర్నీ నన్న చూసుకున్నట్టు చూసుకోలేదు అని సొహైల్ ఎమోషనల్ కావడంతో అఖిల్ ఇంకా ఎక్కువ ఏడ్చేశాడు. చివరికి మా వల్ల కావడం లేదు బిగ్ బాస్ ఏదొకటి చేయండి అని రిక్వెస్ట్ చేశారు. అనంతరం కొంచె జరుగు అని చెప్పి సోహైల్‌ ఒక్కసారిగా ఉయ్యాల నుంచి కిందిగి దిగేశాడు. దీంతో షాకైన అఖిల్‌.. భోరున విలపించాడు. మొత్తానికి సొహైల్ చేసిన త్యాగంతో అఖిల్ టికెట్‌ టు ఫినాలే మెడల్ సాధించి టాప్ 5కి వెళ్లాడు.ఈ టాస్క్ విజేత కావడంతో బిగ్ బాస్ సీజన్ 4లో మొదటి ఫైనలిస్ట్ అయ్యాడని బిగ్ బాస్ అభినందించారు. ఈవారం ఎలిమినేషన్స్ నుంచి సేవ్ అయితే నేరుగా ఫినాలేకి వెళ్తారని చెప్పారు బిగ్ బాస్. థ్యాంక్స్‌ అభి.. అఖిల్‌ నిన్న హారికతో జరిగిన గొడవను అభిజిత్‌ క్లియర్‌ చేసుకున్నాడు. నా విషయంలో ఒక స్టాండ్‌ తీసుకోలేవు అంటూ బాధపడ్డాడు. ఒక్కసారి కూడా నాకు హెల్ఫ్‌ చేయలేదని, నేను చెప్పిన విషయాలను కూడా సీరియస్‌ తీసుకోవని కొంచెం అసహనం వ్యక్తం చేశాడు. ‘నేను నీ ఫ్రెండ్‌గా చెప్తున్నా.. కొన్ని కొన్ని విషయాలను అర్థం చేసుకుని నీ ప్రాబ్లమ్ ఇదీ అని చెప్తావని చూస్తా. కానీ నువ్ స్టాండ్ తీసుకోవు’ అని అభిజిత్‌ బాధపడ్డాడు. ‘స్టాండ్ తీసుకోవడం అంటే ఏంటి.. అభి? ఒకేదాని కోసం ఎందుకు ఆలోచిస్తూ కూర్చోవడం మర్చిపోవచ్చు కదా అని చెప్పా అంతేగా అని హారిక తనను తాను సమర్థించుకుంది. మర్చిపో అంటున్నావ్ తప్పితే హెల్ప్ చేయడం నీ వల్ల కావడం లేదా? నువ్ అర్థం చేసుకోవా? అని అభిజిత్ తిరిగి ప్రశ్నించాడు. అలాగే అఖిల్‌ గురించి మాట్లాడుతూ.. తాను నన్ను ఓరేయ్‌ అనొద్దని చెప్పినందుకు నామినేట్‌ చేశాడు. నేను ఎవరితో ఇలా మాట్లాడా అంటూ యాటిట్యూడ్‌ చూపించాడని అఖిల్‌పై  తన అక్కసును వెళ్లగక్కుతుండగా.. సడన్‌గా అఖిల్‌ వచ్చి అభికి థ్యాంక్స్‌ చెప్పాడు. దీంతో కంగుతిన్న అభి.. నీ గురించే మాట్లాడుకుంటున్నామని ఉన్న ముచ్చట చెప్పాడు. ఇక టికెట్‌ టూ ఫినాలేలో మాతో పాటు నువ్వు కూడా నిద్రపోకుండా ఉన్నావని, మంచిగా సపోర్ట్‌ చేశావంటూ మరోసారి అభిజిత్‌కి థ్యాంక్స్‌ చెప్పాడు అఖిల్‌. నాగార్జునకు జోడిగా నటిస్తా : మోనాల్‌ ఇంటి సభ్యులకు ట్రూత్‌ ఆర్‌ డేర్‌ గేమ్‌ను పెట్టాడు బిగ్‌బాస్‌. అందరూ రౌండ్‌గా నిలబడి రియల్‌ మ్యాంగో డ్రింక్‌ తాగుతూ ఒకరి నుంచి ఒకరికి పాస్‌ చేయాలని, ఎవరిదగ్గరైతే మ్యాంగో డ్రింక్‌ అయిపోతుందో వాళ్లు ట్రూత్‌ అండ్‌ డేర్‌ గేమ్‌ ఆడాలని చెప్పాడు. మొదటగా సోహైల్‌ ఓడిపోయి.. డేర్‌ ఎంచుకున్నాడు. అందుకుగాను మ్యాంగో డ్రింక్‌ బాటిల్‌ని చేతులతో టచ్‌ చేయకుండా నోటితో తాగి విజయం సాధించాడు. అనంతరం అభిజిత్‌ ఓడిపోయి ట్రూత్‌ ఎంచుకొని తన స్కూల్‌ డేస్‌లోని క్రష్‌ ఉన్నా అమ్మాయిల పేర్లు చెప్పాడు. ఆ తర్వాత మోనాల్‌ ట్రూత్‌ ఎంచుకుంది. వరణ్‌ తేజ్‌, నాగార్జున, విజయదేవరకొండ, అల్లు అర్జున్‌తో చాన్స్‌ వస్తే మొదట ఎవరితో సినిమా చేస్తావని అడగ్గా.. మోనాల్‌ తెలివిగా నాగార్జున పేరు చెప్పి మార్కులు కొట్టేసింది. అవినాష్‌ ఒగ్గు కథకు హౌస్‌మేట్స్‌ ఫిదా ఇక ఇంటి సభ్యులను నవ్వించడంలో ఎప్పుడు ముందుండే అవినాష్‌.. ఈ సారి ఒగ్గుకథతో ఇంటి సభ్యులను ఆకట్టుకున్నాడు. కిచెన్‌ వంట చేస్తున్న అరియానా, మోనాల్‌ దగ్గరికి వెళ్లి ఒగ్గుకథ రూపంలో వారిని పొగిడాడు. అరియానాను ఇలియానాలో పోల్చుతూ..తనదైన శైలీలో పొగిడేశాడు. అవినాష్‌ పొగడ్తలకు పొంగిపోయిన అరియానా.. ఒక్కసారిగా వచ్చి అతన్ని గట్టిగా కౌగిలించుకుంది. ఇలా ప్రతి ఒక్కరిని ఒగ్గుకథ రూపంలో పొగిడాడు. దీంతో ఇంటి సభ్యులంతా ఎమెషనల్‌ అయి.. అవినాష్‌ని హగ్‌ చేసుకున్నారు. ఇంటి సభ్యుల ప్రేమకు అవినాష్‌ కూడా ఫిదా అయిపోయాడు.   బెస్ట్‌ ఫెర్ఫార్మర్‌ సోహైల్‌.. వరస్ట్‌ ఫెర్ఫార్మర్‌ అభిజిత్‌ గత సీజన్ల మాదిరే ఈ సారి కూడా నెంబర్‌ గేమ్‌ టాస్క్‌ ఇచ్చాడు బిగ్‌బాస్‌. దీని ప్రకారం.. ప్రస్తుతం ఇంట్లో ఉన్న ఏడుగురిలో ఆరుగురు సభ్యులు తాము ఏ స్థానానికి అర్హులమో చెప్పి.. ఆ నెంబర్ ముందు నిల్చోవాల్సి ఉంటుంది. అందులో మొదటి స్థానంలో ఉన్న వ్యక్తిని బెస్ట్‌ ఫెర్మార్మర్‌ ఆఫ్‌ దీ సీజన్‌గా, చివరి స్థానంలో ఉన్న వారిని వరస్ట్‌ ఫెర్మార్మర్‌ ఆఫ్‌ది సీజన్‌గా ప్రకటిస్తానని బిగ్‌బాస్‌ ముందే అనౌన్స్‌ చేశాడు. టికెట్‌ టు ఫినాలే గెలినందున అఖిల్‌కు ఈ టాస్క్‌ నుంచి మినహాయింపు లభిచింది. ఇక ఉన్న మిగతా ఆరుగురిలో మొదటి స్థానంలో సోహైల్‌, రెండో స్థానంలో అరియానా, మూడో స్థానంలో హారిక, నాల్గో స్థానంలో మోనాల్‌, ఐదో, ఆరో స్థానాల్లో అవినాష్‌, అభిజిత్‌ నిలబడ్డారు. ఆ తర్వాత వారు ఏ స్థానం కోరుకుంటున్నారో ఇలా వివరించారు. సోహైల్‌ : ఏ టాస్క్‌ ఇచ్చినా 100 శాతం చేశా. తప్పు చేయకున్నా కొన్నిసార్లు సారీ చెప్పా. కోపం ఉన్నా.. టాస్క్‌లు మాత్రం ఎప్పుడు వదిలిపెట్టలేదు.అందుకే నాకు మొదటి స్థానం కావాలి అరియానా : బిగ్‌బాస్‌ ఆట వ్యక్తిగతం. కొన్ని టాస్క్‌లు కలిసి ఆడాల్సి వస్తోంది. మరికొన్ని వ్యక్తిగతంగా ఆడాలి. అలాంటి టాస్క్‌లను గేను సాధ్యమైనంత వరకు వ్యక్తిగతంగానే ఆడాను. అందుకే నేను కూడా మొదటి స్థానాన్ని కోరుకుంటున్నాను అవినాష్‌ : ఇంట్లో తక్కువ నామినేట్‌ అయింది నేను ఒక్కడినే. వరస్ట్‌ ఫెర్మారర్‌ అని ఒక్కరు కూడా అనలేదు. కొన్ని తప్పిదాలు చేశాను కాబట్టి నాకు రెండో స్థానం కావాలని కోరుకుంటున్నా. హారిక : కెప్టెన్‌గా ఉన్నప్పుడు చిన్న చిన్న మిస్టేక్స్‌ చేశాను. అందుకే టాప్‌ 2 కావాలి. మోనాల్‌ : జనాల వల్ల ప్రతి వారం నామినేషన్‌లో ఉన్నా.. సేవ్‌ అవుతూ 13వ వారానికి చేరుకున్న. గేమ్‌ కూడా ఆడుతున్నా. నాకు మూడో స్థానం కావాలి. అభిజిత్‌ : నేను మొదటి నుంచి గేమ్‌ బాగా ఆడాను.  ప్రతి టాస్క్‌ వంద శాతం ఎఫర్ట్ పెట్టి ఆడాను. గత వారం మిస్టేక్ తప్పితే(మోనాల్‌ని డేట్‌ తీసుకెళ్లనని చెప్పడం), టాస్క్‌ పరంగా నేను ఎప్పడు వెనుకడుగు వేయలేదు.  అయితే ఆ ఒక్క విషయంలో నేను పొరపాటు చేశాను. కాబట్టి ఈ సీజన్‌ వరస్ట్‌ ఫెర్ఫార్మర్‌ తీసుకోవాడిని రెడీగా ఉన్నా. ఇలా కొన్ని వాదలన అనంతరం అందరు తమ తమ స్థానాల్లోనే నిల్చోని.. ఇదే మా నిర్ణయం అంటూ బిగ్‌బాస్‌కు తెలియజేశారు. దీంతో బెస్ట్‌ ఫెర్ఫార్మర్‌గా సోహైల్‌ని, వరస్ట్‌ ఫెర్మార్మర్‌గా అభిజిత్‌ను ప్రకటించాడు బిగ్‌బాస్‌. అనంతరం ఈ సీజన్‌కి వరస్ట్‌ ఫెర్మార్మర్‌గా ఎన్నికైన అభిజిత్‌..జైలు శిక్ష అనుభవించాలని బిగ్‌బాస్‌ ఆదేశించారు. దీంతో అభిజిత్‌ ఖైదీ దుస్తులు ధరించి జైలుకి వెళ్లాడు. 

బిగ్‌బాస్‌ హౌస్‌లో గత సీజన్ల మాదిరే ఈ సారి కూడా నెంబర్‌ గేమ్‌ టాస్క్‌ మొదలైంది. ఈ వారం కెప్టెన్సీ టాస్క్ లేకపోవడంతో బిగ్ బాస్ హౌస్‌లో నెంబర్ గేమ్‌ నిర్వహించినట్లు తాజాగా విడుదలైన ప్రోమో చూస్తే తెలుస్తోంది. దీని ప్రకారం.. ప్రస్తుతం ఇంట్లో ఉన్న ఏడుగురిలో ఆరుగురు సభ్యులు తాము ఏ స్థానానికి అర్హులమో చెప్పి.. ఆ నెంబర్ ముందు నిల్చోవాల్సి ఉంటుంది. దీంట్లో భాగంగా అఖిల్‌, సోహైల్‌ మొదటి స్థానంలో నిలబడినట్లు ప్రోమోలో చూపించినప్పటికీ టికెట్‌ టు ఫినాలే గెలిచినందుకు అఖిల్‌ను ఈ టాస్క్‌ నుంచి మినహాయించినట్లు తెలుస్తోంది. దీంతో సోహైల్‌ ఒక్కడే మొదటి స్థానంలో నిలబడ్డాడని టాక్‌. ఇక రెండో స్థానంలో అరియానా నిలబడింది. (చదవండి : బిగ్‌బాస్‌ : ఫినాలేకు అతిథిగా స్టార్‌ హీరో!)  ఇక, మూడు నాలుగు స్థానాల్లో హారిక, మోనాల్ నిలిచారు. ఐదో స్థానంలో అవినాష్ ఉండగా, చిట్ట చివరన అభిజీత్ ఉన్నట్లు తెలిసింది. ఇక ఈ టాస్క్‌లో గొడవ కంటే ఎక్కువగా ఎమోషనల్‌ అయినట్లు తెలుస్తోంది. ప్రతి ఒక్కరం ఇక్కడ ఫిజికల్‌గా, ఎమోషనల్‌గా గ్రిల్‌ అయిపోయాం బిగ్‌బాస్‌ అని అరియానా అనగా.. ఇందాకే బిగ్‌బాస్‌ అందరం కలిసి హగ్‌ చేసుకున్నాం అని సోహైల్‌ కంటతడి పెట్టాడు. ఇదిలా ఉంటే బయట భారీ స్థాయిలో ఫ్యాన్‌ ఫాలోయింగ్‌ ఉన్న అభిజిత్‌.. ఆరోస్థానంలో నిలబడటం అందరిని అశ్చర్యపరిచింది.  గత నాలుగు వారాల క్రితం బిగ్‌బాస్‌ ఇచ్చిన టాస్క్‌లో ఇంటి సభ్యులంతా అభిజిత్‌కి నెంబర్‌ వన్‌ ర్యాంకు ఇచ్చారు. ఇప్పుడేమోఅందరి కంటే చివరి స్థానం ఇవ్వడం అభిజిత్‌కి అవమానమనే చెప్పాలి. ఇక నెంబర్‌ గేమ్‌లో అభికి చివరి ర్యాంకు రావడంతో అతనికి జైలు శిక్ష పడినట్లు లీకుల వీరులు చెబుతున్నారు. ఇదే గనుక జరిగితే అభిజిత్‌కి మరింత సానుభూతి కలిసిరావడం ఖాయం. అయితే అభి జైలుకెళ్లడం ఒట్టి పుకారేనా లేదా నిజమా తెలియాలంటే ఈ రోజు ప్రసారమయ్యే ఎపిసోడ్‌ చూడాల్సిందే.  

కెట్ టు ఫినాలే రేసు నేడు మూడో లెవ‌ల్‌లోకి అడుగుపెట్టింది. ఈసారి బిగ్‌బాస్‌ ఫిజిక‌ల్ టాస్కు లాంటివి కాకుండా స‌హ‌నానికి, ఓపిక‌కు ప‌రీక్ష పెట్టాడు. ఉయ్యాలో ఊగ‌మ‌ని చెప్పాడు. విన‌డానికి ఓస్ ఇంతేనా అనిపించినా, అది అంత ఈజీ కాదు. పూట‌కోసారి తీసుకొచ్చే జ్యూసులు తాగుతూ చ‌లిలో కూర్చున్న‌చోటు నుంచి క‌ద‌ల‌కూడ‌దు అంటే మాట‌లు కావు. పొట్ట ఉబ్బి అవ‌స్థ ప‌డుతూ ప‌ట్ట‌ప‌గ‌లే చుక్క‌లు చూస్తారు. ఈ టాస్కులో ఇద్ద‌రు స్నేహితులూ ప‌ట్టువిడ‌వ‌కుండా ఉయ్యాల మీదే ఉండిపోయారు. ఇక అభిజిత్ మోనాల్ గుట్టును బ‌య‌ట‌పెట్టాడు. ఆ వివ‌రాల‌న్నీ తెలియాలంటే ఈ స్టోరీని చ‌దివేయండి.. అవినాష్‌- బ్ర‌ద‌ర్ ఆఫ్ మోనాలి 'టికెట్ టు ఫినాలే' రేస్‌ మూడో లెవ‌ల్‌లో అఖిల్‌, సోహైల్‌ ఊయ‌ల‌పై కూర్చుని పాట‌లు పాడుకున్నారు, స‌ర‌దాగా కొట్టుకున్నారు కూడా! ఈ టాస్క్‌కు సంచాల‌కుడిగా వ్య‌వ‌హ‌రించిన‌ అభిజిత్ అఖిల్‌కు ఎండ కొడుతుంటే కాసేపు అత‌డికి నీడ‌లా నిల‌బ‌డ్డాడు. ఈ ఇద్ద‌రినీ 48 గంట‌లు ఉయ్యాల మీద నుంచి దింప‌కండ‌ని అవినాష్ త‌న అక్క‌సు వెళ్ల‌గ‌క్కుతూ బిగ్‌బాస్‌ను అభ్య‌ర్థించాడు. త‌ర్వాత మోనాల్‌ను వెంటేసుకుని అవినాష్ బ‌య‌ట‌కు రావడాన్ని చూసిన అఖిల్‌.. అత‌డు మీ త‌మ్ముడా అని మోనాల్‌ను అడిగాడు. అందుకు హ‌ర్ట్ అయిన అవినాష్ నేను నీకు అన్న‌య్య‌నా? అవినాష్‌నా? అని అడ‌గ్గా మోనాల్ అవినాష్ అన్న‌య్య అని ట‌పీమ‌ని చెప్పేసింది. దీంతో త‌లెక్క‌డ పెట్టుకోవాలో తెలీక అవినాష్ కాసేపు అవ‌మానంతో చ‌చ్చిపోయాడు. వీరి రిలేష‌న్‌కు అఖిల్ "బ్ర‌ద‌ర్ ఆఫ్ మోనాలి" అని టైటిల్ కూడా ఇచ్చేశాడు. (చ‌ద‌వండి: బిగ్‌బాస్‌: అవినాష్‌కు గడ్డు కాలం?) ఇద్ద‌రి మ‌ధ్య ఫిట్టింగ్ పెట్టిన బిగ్‌బాస్‌ పోటీదారుల‌ను తిప్ప‌లు పెట్టేందుకు బిగ్‌బాస్ పాల‌ను పంపించాడు. అఖిల్‌కు పాలు తాగ‌డం అల‌వాటు లేక‌పోయినా త‌ప్పక తాగాడు. త‌ర్వాత కూర్చున్న‌ద‌గ్గ‌రే ప‌ర‌దాలు చుట్టి వాష్‌రూమ్‌కు వెళ్లారు. రాత్రి బిగ్‌బాస్ తుపాకీ పేలుడు శ‌బ్ధాలు చేయ‌డంతో అంద‌రూ ఉలిక్కిప‌డ్డారు. కానీ అఖిల్‌, సోహైల్ మాత్రం కూర్చున్న‌చోట నుంచి అంగుళం కూడా క‌ద‌ల్లేదు. వీరు భ‌య‌ప‌డ‌టం లేద‌ని తెలుసుకున్న బిగ్‌బాస్ ఈసారి కొట్టుకుని చావండంటూ ఇద్ద‌రి మ‌ధ్య ఫిట్టింగ్ పెట్టాడు. ముల్లంగి ర‌సాన్ని ఒక‌రికి ఒక‌రు చెంచాతో తాగించుకోమ‌ని చెప్పాడు. అయితే తాగించే స‌భ్యుడు త‌ను ఉయ్యాల మీద ఉండ‌టానికి ఎందుకు అర్హుడు? ఎదుటివాడు ఎందుకు అన‌ర్హుడు? అన్న విష‌యాన్ని చెప్పాల‌ని ఆదేశించాడు.  ఈ క్ర‌మంలో ఇద్ద‌రికీ చిన్న‌పాటి గొడ‌వ జ‌రిగింది. త‌ర్వాత ఇదంతా కాద‌ని చిన్న‌చిన్న కార‌ణాలు చెప్తూ జ్యూస్ తాగించుకున్నారు. అక్క‌డే ఉన్న అరియానా మ‌ధ్య‌లో దూరి మీరు చెప్పే కార‌ణాలు స‌రిగా లేవ‌ని విమ‌ర్శించింది. దీంతో ఇద్ద‌రూ ఏక‌మై మాలో ఇద్ద‌రం అర్హులమే, అందుకే చిన్న‌చిన్న‌వి అయినా లెక్క‌లోకి తీసుకుంటున్నామ‌ని క్లారిటీ ఇఇస్తూ ఆమె నోరు మూయించారు. (చ‌ద‌వండి: హారిక బెస్ట్ కెప్టెన్ కానే కాదు: నాగార్జున‌) హారిక మీద సీరియ‌స్ అయిన అభి హారిక.. త‌నకు నాగ్ క్లాస్ పీకిన విష‌యాన్ని అభిజిత్ ముందు ఏక‌రువు పెట్టింది. ఒక కెప్టెన్‌గా మోనాల్‌తో డేట్‌కు వెళ్లాల్సిన టాస్క్ నీతో చేయించ‌క‌పోవ‌డం త‌ప్పని నాగ్ స‌ర్ చెప్పార‌ని బాధ‌ప‌డింది. దీంతో అభిజిత్ క‌ల‌గ‌జేసుకుంటూ ఎన్నో రోజులుగా త‌న గుండెలో దాచుకున్న నిజాన్ని బ‌య‌ట‌కు వెల్ల‌డించాడు. 'నేనంటే ఇష్ట‌మ‌ని మోనాల్ స్వ‌యంగా నాతో చెప్పింది. త‌ర్వాత‌ ప్ర‌తిసారి ఆమె మ‌న‌సులో ఒక A ఉందంటున్నారు క‌దా! ఆ A ఎవ‌రు అని అడిగితే నేనే అంది. కానీ ఇది ఎప్పుడూ అంద‌రి ముందు బ‌య‌ట పెట్ట‌లేదు. అయినా స‌రే ఆమె నాకు స్టాండ్ తీసుకోలేదు, ఇంకా నామినేట్ చేసింది' అని త‌న బాధను బ‌య‌ట‌కు కక్కాడు. అయితే అత‌డు ఇంగ్లీష్‌లో మాట్లాడుతుంటే.. హారిక తెలుగు తెలుగు అని ప‌దే ప‌దే గుర్తు చేసింది. దీంతో చిర్రెత్తిన అభి.. నువ్వు నాతో మాట్లాడాలంటే ఇంకో 5 సంవ‌త్స‌రాలు ఎద‌గాలి అన్నాడు. ఎప్పుడేం మాట్లాడాలో తెలీదు అని మండిప‌డ్డాడు. (బిగ్‌బాస్‌ : ఆ ఇద్దరికే నా సపోర్ట్‌.. నాగబాబు) అవినాష్ మీద అరియానా తిట్ల పురాణం ఇక టాస్క్ జ‌రిగేట‌ప్పుడు లైట్లు ఆర్పేయ‌మ‌ని బిగ్‌బాస్ తేల్చి చెప్ప‌డంతో కంటెస్టెంట్లు జాగ‌ర‌ణ చేశారు. అఖిల్ అరియానాతో పులిహోర క‌లుపుతున్నాడ‌ని హారిక మోనాల్ చెవిలో ఊదింది. ఇదెప్పుడు జ‌రిగింద‌ని మోనాల్ అవాక్కైంది. అవినాష్ జోకులు పేల్చుతూ అరియానా మీద కూడా జోకేశాడు. దీంతో ఆమె వ‌చ్చి అవినాష్‌కు నాలుగు త‌గిలించ‌డ‌మే కాక‌ అత‌డి మీద కొత్త కొత్త బూతుల‌ను ప్ర‌యోగించింది. ఇక తెల్ల‌వారు కోడి కూసే వేళ‌కు కూడా అఖిల్‌, సోహైల్ ఉయ్యాల మీద‌నే ఉన్న‌ట్లు చూపించారు. స‌హ‌నంతో కాలాన్ని నెట్టుకొచ్చిన ఈ ఇద్ద‌రు రేప‌టి ఎపిసోడ్‌లో మాత్రం ఉయ్యాల మీద నుంచి కింద‌కు దిగిన‌ట్లు తెలుస్తోంది. సోష‌ల్ మీడియా టాక్ ప్ర‌కారం అఖిల్ గెలిచాడా? లేదా సోహైలా? అన్న విష‌యం రేపు తేలనుంది. (చ‌ద‌వండి: సిటీకి దూరంగా నోయల్‌)

బిగ్‌బాస్ ట్రోఫీ గెలుచుకునేందుకు కంటెస్టెంట్లు హోరాహోరీగా పోరాడుతున్నారు. ఇప్ప‌టిదాకా ఒక లెక్క‌, ఇప్పుడొక లెక్క అన్న‌ట్లుగా త‌మ బుద్ధిబ‌లానికి, శ‌క్తిసామ‌ర్థ్యాల‌కు ఏక‌కాలంలో ప‌ని చెప్తున్నారు. ఇలాంటి స‌మ‌యంలో నామినేష‌న్స్ అనేవే లేకుండా నేరుగా ఫైన‌ల్‌కు వెళ్లేందుకు బిగ్‌బాస్ ఫినాలే మెడ‌ల్ ప్ర‌వేశ‌పెట్టాడు. దీన్ని చేజిక్కించుకునేందుకు ఇంటి స‌భ్యులు ఒక‌రికొక‌రు ఏమాత్రం త‌క్కువ కాద‌నేలా ప్రాణం పెట్టి పోరాడారు. కానీ న‌లుగురు మాత్ర‌మే లెవ‌ల్ 2కు అర్హ‌త సాధించారు. మ‌రి నేటి  87వ‌ బిగ్‌బాస్ ఎపిసోడ్‌లో ఏమేం జ‌రిగాయో తెలియాలంటే ఈ స్టోరీని చ‌దివేయండి.. మోనాల్‌తో మ‌న‌సు పెట్టి ఆడా: అఖిల్‌ నామినేష‌న్ షాక్‌ నుంచి తేరుకోలేని అఖిల్‌ ఫ్యామిలీ ఫొటో చూసుకుంటూ ఏడ్చేశాడు. త‌ర్వాత మోనాల్ అత‌డికి సారీ చెప్పే ప్ర‌య‌త్నం చేయ‌గా నీతో మాట్లాడ‌మే వ‌ద్ద‌ని దండం పెడుతూ తెగ‌తెంపులు చేసుకున్నాడు. ఆమె మ‌న‌సు పెట్టి ఆడుతుంద‌ట నేను మెద‌డుతో ఆడ‌తాన‌ట‌. ఇంట్లో అంద‌రితో బ్రెయిన్ గేమ్ ఆడాను కానీ ఆమె ద‌గ్గ‌ర మాత్రం మ‌న‌సు పెట్టి ఆడాను అని సోహైల్ ద‌గ్గ‌ర వాపోయాడు. ఈమెతో మ‌న‌సు పెట్టి ఆడినందుకు నేను హౌలాగాడినా అని సీరియ‌స్ అయ్యాడు. త‌న‌ స్నేహితులిద్ద‌రూ గొడ‌వ‌ప‌డ‌తుండ‌టం సోహైల్‌కు ఏమాత్రం న‌చ్చ‌లేదు. మోనాల్ కోసం స‌పోర్ట్‌గా నిల‌బ‌డ్డాడు. ఆమె వీక్ వీక్ అని ప‌దేప‌దే చెప్పే అవినాష్‌, అరియానా ద‌గ్గ‌ర‌కు వెళ్లి మోనాల్ ఆడుతోంద‌ని న‌చ్చ జెప్పాడు.  త‌న్నింది నువ్వంటే నువ్వు... అనంత‌రం 'రేస్ టు ఫినాలే'లో మొద‌టి లెవ‌ల్ ప్రారంభ‌మైంది. ఇందులో ఎవ‌రైతే ఎక్కువ‌ పాల బాటిళ్లు నింపుతారో వారు త‌ర్వాతి లెవ‌ల్‌కు అర్హ‌త సాధిస్తారు. ఈ లెవ‌ల్‌లో గెలిచేందుకు ఎలాంటి ప‌నులు చేస్తార‌నేది ఇంటిస‌భ్యుల ఇష్టానికే వ‌దిలేశాడు. మొద‌టగా ఆవు అంబా అన‌గానే కంటెస్టెంట్లు ప‌రుగెత్తుకుంటూ వెళ్లి పాలు ప‌ట్టుకున్నారు. ఈ గేమ్‌లో ఏమైనా చేసుకోవ‌చ్చ‌ని ఏకంగా బిగ్‌బాసే చెప్పాడు కాబ‌ట్టి సోహైల్‌, అఖిల్ క‌లిసి ఆడుతూ మిగ‌తావాళ్ల‌కు పాలు ద‌క్క‌కుండా చేశారు. ఇందులోనూ అఖిలే ఎక్కువ క‌ష్ట‌ప‌డ్డ‌ట్లు క‌నిపించింది. ఇంత‌లో మోనాల్ త‌న్నింద‌ని అవినాష్ గొడ‌వ ప‌డ్డాడు. నువ్వు కూడా న‌న్ను త‌న్నావంటూ సోహైల్ కాలి దెబ్బ‌ను చూపించాడు. (చ‌ద‌వండి: నాకొద్దు, ఎలిమినేట్ చేయండి: అవినాష్‌) సాయం అడిగిన అరియానాపై చికాకు అంద‌రూ క‌లిసి త‌న‌కు ద‌క్క‌కుండా పాలు ప‌ట్టుకుంటున్నార‌ని అవినాష్ అభిప్రాయ‌ప‌డ్డాడు. వ్య‌క్తిగ‌తంగా కాకుండా టీమ్‌గా ఏర్ప‌డి ఆడుతున్నార‌ని అస‌హ‌నంతో ఊగిపోయాడు. ఇంత‌లో అరియానా అంద‌రూ స‌పోర్ట్ చేసుకుంటూ ఆడుతున్నారు క‌దా‌, నాకు చెయ్య‌వా అని నోరు తెరిచి అడ‌గ్గా అత‌డు శివాలెత్తిపోయాడు. నా గేమ్ ఆడ‌టానికి వ‌చ్చా, స‌పోర్ట్ చేయ‌డానికి రాలేదు అని కుండ బ‌ద్ధ‌లు కొట్టి చెప్ప‌డంతో ఆమె ముఖం మాడిపోయింది. అంత‌లోనే మ‌ళ్లీ తాను ఆడ‌న‌ని, ఎలిమినేట్ చేసి పార‌దొబ్బండి అంటూ హౌస్ లోప‌లకు వెళ్లి ఏడ్చేశాడు. దిక్కులు చూస్తూ ఎవ‌రూ త‌న‌ను చూడ‌టం లేద‌ని నిర్దారించుకున్నాక కిచెన్‌లోని పాలు, నీళ్ల‌న్నింటినీ క్యాన్‌లో నింపుకోవ‌డం ప్రారంభించాడు. అవినాష్ చ‌ర్య‌తో అస‌లుకే ఎస‌రు కానీ అత‌డి అతితెలివి నీళ్ల‌పాలైంది. ఇంట్లోని పాలు, నీళ్లు నింపుకున్న కార‌ణంగా అవినాష్ రేసు నుంచి అవుట్ అయిన‌ట్లు బిగ్‌బాస్ వెల్ల‌డించాడు. త‌ను రేసు నుంచి నిష్క్ర‌మించ‌డాన్ని అత‌డు జీర్ణించుకోలేక‌పోయాడు. రేస్ టు ఫినాలే ఇలా పెడ‌తారా? అని బిగ్‌బాస్ మీద అస‌హ‌నం వ్య‌క్తం చేశాడు. త‌ర్వాతి రౌండ్‌లో హారిక మొద‌ట త‌న‌ద‌గ్గ‌ర 14 బాటిళ్లు ఉన్నాయ‌ని చెప్పింద‌ని, కానీ బిగ్‌బాస్‌కు మాత్రం 11 అని చెప్ప‌డంతో అఖిల్‌కు అనుమానం వ‌చ్చింది. బ‌హుశా మిగ‌తావి అభికి ఇచ్చి ఉండ‌ట‌మో లేదా లెక్క త‌ప్పుగా చెప్ప‌డ‌మో జ‌రిగి ఉంటుంది. (చ‌ద‌వండి: బిగ్‌బాస్‌: అభికి షాకుల మీద షాకులు) ఫినాలేలో బెర్త్ కోసం ఏడ్చేసిన అరియానా ఈ రౌండ్‌లో అరియానా అవుట్ అవ‌డంతో ఆమె గుక్క‌పెట్టి ఏడ్చింది. ఫినాలేలో ఉంటానో ఉండ‌నో అని భ‌య‌మేస్తుందంటూ అవినాష్‌ను హ‌త్తుకుని బాధ‌ప‌డింది. మూడో రౌండ్‌లో త‌క్కువ బాటిళ్లు నింపిన కార‌ణంగా మోనాల్ నిష్క్ర‌మించింది. దీంతో అఖిల్‌, సోహైల్‌, అభిజిత్‌, హారిక రెండో లెవ‌ల్‌కు అర్హ‌త సాధించారు. మ‌రి వీరిలో ఎవ‌రు ఫినాలే మెడ‌ల్ సొంతం చేసుకుంటారో చూడాలి. (చ‌ద‌వండి: ట్ర‌యాంగిల్ స్టోరీపై లాస్య స్పంద‌న‌)

పంతొమ్మిది కంటెస్టెంట్ల‌తో మొద‌లైన బిగ్‌బాస్ ప్ర‌యాణం ఇప్పుడు ఏడుగురి ద‌గ్గ‌ర ఉంది. వీరిలో ఒక‌రికి నేరుగా ఫినాలేలో పాగా వేసేందుకు బిగ్‌బాస్ బంప‌రాఫ‌ర్ ఇచ్చాడు. ఎవ‌రి ఎక్కువ పాలు సేక‌రిస్తే వారికి టికెట్ ఇచ్చేస్తాన‌ని చెప్పాడు. ఆ టికెట్ ద‌క్కించుకునేందుకు ఇంటిస‌భ్యులు నువ్వానేనా అన్న రీతిలో పోరాడుతున్నారు. ఇదేమీ లగ్జ‌రీ బ‌డ్జెట్ టాస్క్ కాదు, ఏదైనా యాడ్‌ ప్ర‌మోష‌న్స్ కోసం ఇచ్చిన టాస్క్ అంత‌క‌న్నా కాదు. ఎవరికి వారు సొంతంగా ఆడాల్సిన అత్యంత కీల‌క‌మైన‌ గేమ్‌. కానీ దీన్ని కూడా కొంద‌రు కలిసి ఆడుతున్న‌ట్లు క‌నిపిస్తోంది. తాజాగా రిలీజైన ప్రోమోలో అభిజిత్ ఇదే సందేహాన్ని లేవనెత్తాడు. అఖిల్ సోహైల్ క‌లిసి ఆడుతున్నారా? అని ప్ర‌శ్నించాడు. దానికి అఖిల్ తెలివిగా స‌మాధాన‌మిస్తూ.. 'నీకు ఓ క‌ప్పిచ్చాను.. ఫ‌స్ట్ నువ్వు ప‌ట్టుకో, త‌ర్వాత నేను ప‌ట్టుకుంటా అని చెప్పాను. అది కూడా క‌లిసి ఆడ‌ట‌మేనా? అని అడుగుతూనే ఇది క‌లిసి ఆడ‌టం కాదు క‌దా, అలాగే సోహైల్‌కు ఏదో కావాలంటే ఇస్తున్నా' అని జ‌వాబిచ్చాడు. అత‌ని స‌మాధానం విని అభి షాక‌య్యాడు. (చ‌ద‌వండి: దండం పెడ‌తా, గేమ్ ఆడండి: నాగార్జున‌) ఇక‌పోతే అఖిల్‌, సోహైల్ మిగ‌తావారికి పాలు ద‌క్కించుకునేందుకు ఏమాత్రం సందివ్వ‌ట్లేదు. దీంతో అరియానా ఫైర్ అవుతూ మొత్తం మీరే ప‌ట్టేసుకుంటూ మిగ‌తావారికి ఏం లాభం? అని సీరియ‌స్ అయింది. అటు హారిక త‌న‌కు అదృష్టం క‌లిసొస్తుందేమోన‌ని నోయ‌ల్‌‌ టీష‌ర్ట్‌నే ధ‌రించింది. చివరిసారి ఈ టీ ష‌ర్ట్ ధ‌రించిన‌ప్పుడే ఆమె కెప్టెన్ అయింది. ఇక ఈ ప్రోమోను చూసిన నెటిజ‌న్లు ఫినాలే టికెట్ ఇచ్చేందుకు మ‌రీ ఇలాంటి టాస్క్ ఇస్తారా? అని విమ‌ర్శిస్తున్నారు. అభిజిత్‌కు స‌పోర్ట్ చేసినందుకు హారిక‌ను ఫేవరెటిజ‌మ్ చూపిస్తుంద‌న్నారు. మ‌రి అఖిల్‌, సోహైల్ చేస్తున్న‌దేంట‌ని నిల‌దీస్తున్నారు. వీళ్ల‌కు ఇక్క‌డ కూడా ఒంట‌రిగా ఆడ‌టం చేత‌కాద‌ని విమ‌ర్శిస్తున్నారు? రెండో సీజ‌న్‌లో కౌశ‌ల్‌కు వ్య‌తిరేకంగా త‌నీష్, సామ్రాట్ క‌లిసి ఆడితే చివ‌రికి ఏమైందో ఓసారి గుర్తు చేసుకొమ్మ‌ని మ‌రికొంద‌రు సెటైర్లు విసురుతున్నారు. మొత్తానికి ఈ రేసు నుంచి అవినాష్‌, మోనాల్‌, అరియానా అవుట్ అవ‌గా మిగిలిన న‌లుగురు రేసులో ఉన్న‌ట్లు తెలుస్తోంది.

ఈసారి బిగ్‌బాస్ ఇంటిస‌భ్యుల‌కు కావాల్సిన‌న్ని గొడ‌వ‌లు పెట్టుకునేందుకు బంప‌రాఫ‌ర్ ఇచ్చాడు. ఇద్ద‌రి క‌న్నా ఎక్కువ మందిని కూడా నామినేట్ చేసుకోవ‌చ్చని తెలిపాడు. ఇద్ద‌రిని నామినేట్ చేయ‌డానికే కిందామీద ప‌డుతున్న కంటెస్టెంట్లు ఈ ఆప్ష‌న్ వాడ‌ద‌ల్చుకోలేదు. కానీ మోనాల్‌, అరియానా మాత్రం ఈ అవ‌కాశాన్ని చేజార్చుకోద‌ల్చుకోలేదు. అయితే అరియానా వేరేవాళ్ల‌తో మామూలుగా మాట్లాడి, మోనాల్‌తో మాత్రం గొంతు పెంచి డిమాండ్ చేసిన‌ట్లు మాట్లాడుతూ క‌య్యానికి కాలు దువ్వింది. మ‌రోవైపు అవినాష్ గ‌త ఎలిమినేష‌న్ నుంచి ఇప్ప‌టికీ బ‌య‌‌ట‌కు రావ‌డం లేదు. త‌న‌క‌న్నా వీక్ కంటెస్టెంట్లు ఉన్నారు అని మోనాల్‌నుద్దేశిస్తూ ప‌దేప‌దే దెప్పి పొడిచాడు. ఫ‌లితంగా మ‌రోసారి నామినేష‌న్‌లో వ‌చ్చిప‌డ్డాడు. అటు హారిక‌, అభి ఒక‌రినొక‌రు నామినేట్ చేసుకున్నా.. అర్థం చేసుకుని మ‌ళ్లీ క‌లిసిపోయారు. కానీ అఖిల్, మోనాల్ మాత్రం భ‌గ్గుమంటూ ఎదురు ప‌డ‌టానికి కూడా ఇష్ట‌ప‌డ‌లేదు. అభిని నామినేట్ చేసి ఏడ్చేసిన హారిక‌ బిగ్‌బాస్ హౌస్‌లో 13 వారానికిగానూ నామినేష‌న్ ప్ర‌క్రియ మొద‌లైంది. ఏడుగురు కంటెస్టెంట్ల ముందు కంటైన‌ర్స్ ఉంటాయి. నామినేట్ చేయాల‌నుకున్న ఇద్ద‌రు లేదా అంత‌క‌న్నా ఎక్కువ మంది కంటెస్టెంట్ల కంటైన‌ర్ల‌లో క‌ల‌ర్ నీళ్లు పోయాల్సి ఉంటుంది. ఎవ‌రి గిన్నెలో ఎక్కువ రంగు నీళ్లు ఉంటే వాళ్లు నామినేట్ అయిన‌ట్లు లెక్క‌. మొద‌ట‌గా హారిక నామినేష‌న్ ప్ర‌క్రియ‌ను మొద‌లు పెట్టింది. నీకు ఎవిక్ష‌న్ ఫ్రీ పాస్ రావ‌డానికి నేను కార‌ణం అయిన‌ప్ప‌టికీ, నాకు ప్రాధాన్య‌త ఇవ్వ‌లేద‌నిపించింద‌ని అవినాష్‌ను నామినేట్ చేసింది. నీకు విలువిచ్చాను. కాక‌పోతే నాకంటే వీక్ ఉన్న‌వాళ్లు నామినేష‌న్‌లో ఉన్నప్పుడు నేనెలా ఎలిమినేట్ అవుతాను అన్న సందేహ‌మే న‌న్ను వేధిస్తోంది అని అవినాష్ స్ప‌ష్టం చేశాడు. అనంత‌రం టాస్కు ఆడ‌టానికి నిరాక‌రించినందుకుగానూ అభిజిత్‌ను నామినేట్ చేస్తున్న‌ట్లు వెల్ల‌డించ‌గానే అత‌డి క‌ళ్ల‌లో నీళ్లు తిరిగాయి. క‌న్ఫెష‌న్ రూమ్‌లో జ‌రిగిన‌దానికి అభిని నామినేట్ చేయ‌లేద‌ని అంత‌కుముందే ఇది అనుకున్నాన‌ని హారిక కెమెరాల ముందు చెప్పుకుంటూ ఏడ్చింది.  నీకు ఓవ‌ర్ కాన్ఫిడెంట్‌.. త‌ర్వాత అవినాష్‌.. మోనాల్‌ను వీక్ అంటూ నామినేట్ చేశాడు. ఈ సంద‌ర్భంగా మోనాల్ మాట్లాడుతూ నేను వీక్ కాద‌ని జ‌నాలు నిరూపించారు, అది మ‌ళ్లీ చెప్పాల్సిన అవ‌స‌రం లేద‌ని చెప్పింది. దీంతో అవినాష్ అందుకుంటూ.. ఆమె వీక్ కాద‌ని నిరూపించార‌ట‌. 'అంటే నేను వీక్ క‌దా! ఎవిక్ష‌న్ ఫ్రీ పాస్ వ‌ల్లే సేవ్ అయ్యాను క‌దా. అందుకే ముఖం చూపించుకోలేక‌పోతున్నా..' అని అవినాష్ ఓవ‌ర్ ఎమోష‌న‌ల్ అయ్యాడు. త‌ర్వాత త‌న‌ను వ‌ర‌స్ట్ కెప్టెన్ అని చెప్పినందుకు అఖిల్‌ను నామినేట్ చేశాడు. అనంత‌రం అఖిల్‌.. నీకు ఓవ‌ర్ కాన్ఫిడెంట్ ఉందంటూ అవినాష్‌ను, గేమ్‌లో ఎఫ‌ర్ట్స్ త‌క్కువ‌గా ఉన్నాయ‌ని మోనాల్‌ను నామినేట్ చేశాడు. (చ‌ద‌వండి: హారిక‌ను పెళ్లి చేసుకుంటా: అవినాష్‌) నాకోసం స్టాండ్ తీసుకోవాల్సింది: అభి అనంత‌రం అభిజిత్‌.. 'మొద‌టి రోజు నుంచీ నీవ‌ల్ల‌ నేను ఎమోష‌న‌ల్‌గా హ‌ర్ట్ అవుతున్నా. ఇది నీ త‌ప్పు అన‌ట్లేదు. కానీ నీకు ద‌గ్గ‌ర‌గా ఉన్నా, దూరంగా ఉన్నా కూడా నీ విష‌యంలో ఎన్నో స‌మ‌స్య‌లు వ‌స్తున్నాయి. నువ్వు కావాల‌ని చేస్తున్నావో, దేనికి చేస్తున్నావో తెలీదు కానీ ఎక్క‌డో ఓసారి నాకోసం నువ్వు స్టాండ్ తీసుకుంటే బాగుండేద‌నిపించింద'‌ని మోనాల్‌ను నామినేట్ చేశాడు. 'టాస్కు చేయ‌క‌పోవ‌డం నాకు త‌ప్పు. కానీ ఎందుకు చేయ‌లేద‌నే విష‌యం నీకు బాగా తెలుసు. నువ్వే అర్థం చేసుకోక‌పోతే ఎవ‌రూ అర్థం చేసుకోలేరు' అంటూ హారిక‌ కంటైన‌ర్‌లో అతి త‌క్కువ రంగు నీళ్లు పోసి నామినేట్ చేశాడు. (చ‌ద‌వండి: రంగంలోకి ‘ఆర్జీవీ’, వణికిపోయిన హౌస్‌మేట్స్‌) ఆ ఇద్ద‌రినీ తొలిసారి నామినేట్ చేసిన మోనాల్‌ త‌ర్వాత వ‌చ్చిన మోనాల్ త‌న‌ను చుల‌క‌న‌గా చూస్తున్న‌ కంటెస్టెంట్ల‌కు గ‌ట్టి కౌంట‌ర్లు ఇచ్చింది. ముందుగా అవినాష్‌ను నామినేట్ చేస్తూ ఇక్క‌డున్న అంద‌రూ స్ట్రాంగే అని నొక్కి చెప్పింది. నామినేష‌న్‌కు భ‌య‌ప‌డ‌ట‌మే మీ వీక్‌నెస్ అని చెప్పింది. త‌ర్వాత టాస్క్ ఆడ‌నందున‌ అభిని నామినేట్ చేస్తూ.. మీరు నా వ‌ల్ల ఇబ్బంది ప‌డుతున్నారు. నేను కూడా మీకు దూరంగానే ఉంటున్నాను అని క్లారిటీ ఇచ్చింది. అలాగే త‌న క్లోజ్ ఫ్రెండ్ అఖిల్‌ను సైతం నామినేట్ చేసింది. ఈ క్ర‌మంలో ఇద్ద‌రి మ‌ధ్య పెద్ద యుద్ధ‌మే జ‌రిగింది, నువ్వు బ్రెయిన్‌తో గేమ్ ఆడితే, నేను మ‌న‌సుతో ఆడ‌తాన‌ని మోనాల్ తెలిపింది. న‌న్ను నామినేట్ చేయ‌న‌ని మాటిచ్చావు, కానీ చేస్తున్నావు అని అఖిల్ సీరియ‌స్ అవ‌గా నువ్వే క‌దా గేమ్ ఆడమ‌న్నావు అంటూ ఆమె బ‌దులిచ్చింది. అయినా స‌రే ఆమె మాట‌ల‌ను వినిపించుకోని అఖిల్‌.. నువ్వు ప్ర‌తిరోజు నా క‌ళ్లు తెరిపిస్తున్నావు అని మ‌న‌సులోని బాధ‌ను క‌క్కేశాడు. ఇక హౌస్‌లోకి వెళ్లి మోనాల్ ఏడ్చేసింది. మొద‌టి మూడు వారాలు ఎంతో ఒత్తిడికి లోన‌య్యాన‌ని, ప‌దే ప‌దే న‌న్ను వీక్ అంటున్నార‌ని హారిక‌తో త‌న గోడు వెల్ల‌బోసుకుంది. ముగ్గురిని నామినేట్ చేసిన అరియానా అరియానా.. త‌నను వ‌ర‌స్ట్ కెప్టెన్ అన్నందుకు హారిక‌, అవినాష్‌, సోహైల్‌ను నామినేట్ చేసింది. ఈ క్ర‌మంలో అరియానా.. మోనాల్‌ను డిమాండ్ చేస్తూ మాట్లాడింది. మ‌ధ్య‌లో అందుకుని అవినాష్ తెలుగులో మాట్లాడు అని చెప్ప‌గా మ‌ధ్య‌లో మాట్లాడ‌కు అని మోనాల్ హెచ్చ‌రించింది. సోహైల్‌.. అవినాష్‌ను నామినేట్ చేస్తూ మోనాల్ కూడా స్ట్రాంగ్ అయింద‌ని, ఆమెను వీక్ అనొద్ద‌ని అభ్య‌ర్థించాడు. మోనాల్ క‌న్నీళ్లు తుడిచాడు. ఈవారం అభిజిత్‌, అవినాష్‌, మోనాల్‌, అఖిల్‌, హారిక నామినేట్ అయ్యారు. (చ‌ద‌వండి: బిగ్‌బాస్‌ : తొలిసారి అభిజిత్‌ భావోద్వేగం)

బిగ్‌బాస్ నాల్గో సీజ‌న్‌లో అంద‌రిలో ఆస‌క్తి రేకెత్తించిన ట్ర‌యాంగిల్ స్టోరీ ఎన్నో మ‌లుపులు తిరుగుతూ ఉంది. మోనాల్ కోసం కొట్టుకు చచ్చిన అఖిల్‌, అభిజిత్ ఇప్పుడు ఆమెనే పెద్ద స‌మ‌స్య‌గా భావిస్తున్నారు. నిన్న‌టికి నిన్న నీకే గ‌న‌క శ‌క్తినిస్తే ఎవ‌రిని మాయం చేస్తావు అని అఖిల్‌ను అడిగితే అత‌ను క్ష‌ణం కూడా ఆలోచించ‌కుండా ట‌పీమ‌ని మోనాల్ పేరు చెప్పాడు. ఆమె త‌న గేమ్‌కు డిస్ట‌బెన్స్‌గా మారింద‌ని తెలిపాడు. మ‌రోవైపు అభిజిత్‌.. మోనాల్‌తో డేట్‌కు వెళ్లే టాస్క్‌ను చేయ‌న‌ని మొండికేసినందుకు నాగ్‌తో చీవాట్లు తిన్నాడు. బిగ్‌బాస్ ఇచ్చే ఏ టాస్క్ అయినా చేయాల్సిందేన‌ని మొట్టికాయ‌లు వేయించుకున్నాడు. అత‌డి చేత టాస్క్ చేయించాల్సిన బాధ్య‌త కెప్టెన్‌ది కాదా? అని నాగ్‌ హారిక‌ను కూడా గ‌ట్టిగానే వేసుకున్నారు. దీని ఎఫెక్ట్ అంతా నేటి ఎపిసోడ్‌లో స్ప‌ష్టంగా క‌నిపించ‌నున్న‌ట్లు ప్రోమో చూస్తేనే అర్థ‌మ‌వుతోంది. (చ‌ద‌వండి: మోనాల్‌తో లింక్ చేయ‌కండి: అభి వేడుకోలు) ఇప్ప‌టికే హారిక అభిని నామినేట్ చేసి షాకిచ్చింది. అందులో నుంచి తేరుకోక‌ముందే అభికి మ‌రో షాక్ త‌గిలింది. మోనాల్ తొలిసారి అభిని నామినేట్ చేసింది. అభి కూడా మోనాల్‌ను నామినేట్ చేస్తూ 'ఈ షో మొద‌టి రోజు నుంచే నీవ‌ల్ల ఎమోష‌న‌ల్‌గా హ‌ర్ట్ అవుతున్నాను. నీకు ద‌గ్గ‌ర‌గా ఉన్నా, దూరంగా ఉన్నా నేను ఇబ్బందిప‌డుతూనే ఉన్నా'న‌ని చెప్తూ మ‌న‌సులోని భారాన్ని దింపే ప్ర‌య‌త్నం చేశాడు. విడ్డూరంగా మోనాల్ నేడు అఖిల్‌, అభి ఇద్ద‌రినీ నామినేట్ చేసింది. ఏదేమైనా నామినేష‌న్ ప్ర‌క్రియ‌తో జంట‌ల‌ను విడ‌గొట్టాల‌నుకున్న బిగ్‌బాస్ ప‌థ‌కం విజ‌య‌వంత‌మైన‌ట్లే తెలుస్తోంది. ఎన్నో ట్విస్టులు, మ‌రెన్నో వింత‌లు చోటు చేసుకుంటున్న నామినేష‌న్ ప్ర‌క్రియ‌ను పూర్తిగా చూడాలంటే నేటి ఎపిసోడ్ వ‌చ్చేంత‌వ‌ర‌కు వేచి చూడాల్సిందే! (చ‌ద‌వండి: మ‌ధ్య‌లో మాట్లాడ‌కు: అవినాష్‌కు మోనాల్ వార్నింగ్‌)

బిగ్‌బాస్ హౌస్‌లోకి వ‌చ్చాక వంట‌ల‌క్క‌లా మారిన లాస్య ప‌ద‌కొండో వారం ఎలిమినేట్ అయింది. అయితే షో నుంచి వెళ్లిపోతున్నాన‌న్న బాధ క‌న్నా త‌న కుటుంబాన్ని క‌లుస్తాన‌న్న సంతోష‌మే ఆమెను ఉక్కిరిబిక్క‌రి చేసింది. దీంతో ఆనందంగా హౌస్‌మేట్స్ ద‌గ్గ‌ర నుంచి వీడ్కోలు తీసుకుంది. ఇక‌ ఈ సీజ‌న్ మొత్తంలో హైలెట్‌గా నిలిచిన‌ అఖిల్‌, మోనాల్‌, అభిజిత్ ట్ర‌యాంగిల్ ల‌వ్ స్టోరీ గురించి యాంక‌ర్ లాస్య స్పందించింది. త‌ను చూసినంత‌వ‌ర‌కు హౌస్‌లో ల‌వ్‌స్టోరీలేమీ లేవ‌ని చెప్పుకొచ్చింది. (చ‌ద‌వండి: బిగ్‌బాస్‌ బిగ్‌ షాక్‌‌.. వరస్ట్‌ పెర్ఫార్మర్‌గా అభిజిత్‌) "అభిజిత్‌కు మోనాల్ మీద ఎలాంటి ఫీలింగ్ లేదు. పైగా ఒకే ఇంట్లో ఉండి మాట్లాడ‌క‌పోతే బాగోద‌ని ఆమెతో మాట్లాడ‌మ‌ని అభికి మేమే చెప్పేవాళ్లం. అటు అఖిల్, మోనాల్ కూడా క్లోజ్‌ ఫ్రెండ్స్‌. అఖిల్ మోనాల్ త‌న బెస్ట్ ఫ్రెండ్ అని, మోనాల్ కూడా అఖిల్ త‌న బెస్ట్ ఫ్రెండ్ అనే చెప్పేవాళ్లు. ఎప్పుడూ వాళ్ల నోటి నుంచి ల‌వ్ అనేది రాలేదు. అలాంట‌ప్పుడు వాళ్ల మ‌ధ్య‌లో ఏదో ఉంద‌ని మేం ఎందుకు అనుకుంటాం?  కొన్ని మెంటాలిటీలు కొంద‌రికి మాత్ర‌మే ట్యూన్ అవుతారు. అలాగే నేను, అభి, నోయ‌ల్‌, హారిక‌లు ట్యూన్ అయ్యాం. అదే విధంగా అఖిల్ మోనాల్ క్లోజ్ అయ్యారు. నేనైతే వాళ్ల‌ను బెస్ట్‌ఫ్రెండ్స్ అనే అంటాను. అయితే ఎలాంటి క్లిప్పింగులు చూపించారో నాకు తెలీదు. కానీ బ‌య‌ట మాత్రం ఇది ట్ర‌యాంగిల్ ల‌వ్ స్టోరీలా క‌నిపించిందంటున్నారు. కానీ లోప‌ల మాత్రం అలాంటిదేమీ లేదు" అ‌ని లాస్య‌ స్ప‌ష్టం చేసింది. (చ‌ద‌వండి: టాప్ 2లో ఉండేది ఆ ఇద్ద‌రే: లాస్య‌)

బిగ్‌బాస్ నాల్గో సీజ‌న్ గ్రాండ్ ఫినాలేకు మ‌రో మూడు వారాలు మాత్ర‌మే మిగిలి ఉంది. ఈ క్ర‌మంలో కంటెస్టెంట్లు పోటీని తట్టుకుని ముందుకెళ్లాల్సి ఉంటుంది. ముఖ్యంగా నామినేష‌న్ అనే సంద్రాన్ని ఈదాల్సి ఉంటుంది. ఈ రోజు ఆ స‌మ‌యం రానే వ‌చ్చింది. ప‌ద‌మూడో వారానికిగా గానూ నామినేష‌న్ ప్ర‌క్రియ మొద‌లు కానుంది. దీనికి సంబంధించిన ప్రోమోను స్టార్ మా తాజాగా రిలీజ్ చేసింది. ఇందులో జంట ప‌క్షులు విడిపోయిన‌ట్లు క‌నిపిస్తోంది. ఇప్ప‌టి నుంచి త‌న గేమ్ ఆడ‌తాన‌ని చెప్పిన మోనాల్ అన్నంత‌ప‌నే చేసింది. కానీ మొద‌టి నుంచి ఆమెకు నీడ‌లా తోడున్న అఖిల్‌ను నామినేట్ చేసి అంద‌రికీ షాకిచ్చింది. క‌ల‌లో కూడా ఊహించ‌ని ఈ ప‌రిణామానికి అఖిల్ ఆగ్ర‌హానికి లోన‌య్యాడు. నీకోసం ఎంతో కొట్లాడాను,.. చివ‌రికి ప్రేక్ష‌కుల ద‌గ్గ‌ర న‌న్ను బ్యాడ్ చేయాల‌నుకుంటున్నావు, అంతే క‌దా! అని మండిప‌డ్డాడు. (చ‌ద‌వండి: బిగ్‌బాస్‌: నాగ్‌పై అభిజిత్ ఫ్యాన్స్‌ ఫైర్) ఓవ‌ర్ కాన్ఫిడెన్స్ నీకే ఎక్కువ‌ అటు అవినాష్‌, అఖిల్ కూడా ఒక‌రినొక‌రు నామినేట్ చేసుకున్న‌ట్లు తెలుస్తోంది. ఈ క్ర‌మంలో అవినాష్ నాక‌న్నా వీక్ ఉన్న‌వాళ్లు కూడా ఉన్నారు. నేనెందుకు ఎలిమినేట్ అవ్వాలని ఫ్ర‌స్టేట్ అయ్యాడు. అది ఓవ‌ర్ కాన్ఫిడెన్స్ అని అఖిల్ అభిప్రాయ‌ప‌డ్డాడు. మ‌రి అఖిలే నెంబ‌ర్ 1 అని నువ్వు అనుకోవ‌డం ఓవ‌ర్ కాన్ఫిడెన్స్ కాదా? అని అవినాష్‌ ఎదురు ప్ర‌శ్నించాడు. అస‌లు మొద‌టి నుంచి అరియానాకు, మోనాల్‌కు ప‌డద‌న్న విష‌యం ఈ నామినేష‌న్‌తో మ‌రోసారి బ‌య‌ట‌ప‌డింది. ఈ ఇద్ద‌రూ మాట‌ల తూటాలు పేల్చుకుంటుండ‌గా తెలుగులో మాట్లాడ‌మని అవినాష్ స‌ల‌హా ఇచ్చాడు. దీంతో రెచ్చిపోయిన మోనాల్ మ‌ధ్య‌లోకి రావ‌ద్ద‌ని స్ట్రాంగ్ వార్నింగ్ ఇచ్చింది. (చ‌ద‌వండి: బిగ్‌బాస్ కంటెస్టెంట్ ఇంట తీవ్ర‌ విషాదం ) నువ్వు కూడా అర్థం చేసుకోలేదా.. అన్నింటికీ మించి ప్రోమోలో అత్యంత ఆస‌క్తి రేకెత్తించిన అంశం హారిక అభిజిత్‌ను నామినేట్ చేయ‌డం! ఫేవరెటిజ‌మ్ చూపించ‌కుండా సొంతంగా గేమ్ ఆడంటూ నాగార్జున ఆమెకు క్లాస్ పీకిన విష‌యం తెలిసిందే క‌దా! దీంతో గ‌త‌వారంలో టాస్క్ ఆడ‌ని త‌న క్లోజ్ ఫ్రెండ్ అభిని ఆమె నామినేట్ చేస్తున్న‌ట్లుగా ప్రోమోలో చూపించారు. అయితే మ‌న‌సు వ‌ద్ద‌ని చెప్తున్నా త‌ప్ప‌ని ప‌రిస్థితుల్లో ఆమె ఈ నిర్ణ‌యం తీసుకుని ఉండ‌వ‌చ్చ‌ని హారిక ముఖం చూస్తే అర్థ‌మ‌వుతుంది. కానీ దీనివ‌ల్ల అభి మ‌న‌సు నొచ్చుకుంది. నువ్వు అర్థం చేసుకోక‌పోతే.. ఇక్క‌డ ఇంకెవ‌రూ అర్థం చేసుకోలేరు అని  బాధ‌ప‌డ్డాడు. ఏదేమైనా బిగ్‌బాస్ విజ‌య‌వంతంగా రెండు జంట‌ల‌ను విడ‌గొట్టిన‌ట్లు సులువుగా స్ప‌ష్ట‌మ‌వుతోంది. మొత్తానికి ఈ వారం అభిజిత్‌, అఖిల్‌, మోనాల్‌, అవినాష్‌, హారిక నామినేష‌న్‌లో ఉన్న‌ట్లు స‌మాచారం. టామ్ అండ్ జెర్రీ సోహైల్‌, అరియానా మాత్రం నామినేష‌న్ నుంచి త‌ప్పించుకున్నారు.

బిగ్‌బాస్ నాల్గో సీజ‌న్‌ ట్రోఫీ గెలుచుకునేందుకు ఇంకా మూడు వారాలే మిగిలి ఉన్నాయి. కానీ ఇప్ప‌టికీ కంటెస్టెంట్లు ఎవ‌రి ఆట వాళ్లు ఆడ‌టం లేద‌న్న విష‌యం నాగార్జున కంట్లో ప‌డింది. అంతేకాక బెస్ట్ కెప్టెన్‌గా హారిక‌ను‌, వ‌ర‌స్ట్ కెప్టెన్‌గా అరియానాను ఎన్నుకోవ‌డాన్ని కూడా ఆయ‌న స‌మ‌ర్థించ‌లేదు. దీంతో హారిక‌ను క‌న్ఫెష‌న్‌ రూమ్‌లోకి పిలిచి నువ్వు బెస్ట్ కెప్టెన్ కాద‌ని తేల్చి చెప్పారు. ఈ మేర‌కు ఈ వారమంతా ఆమె చేసిన త‌ప్పులను వీడియోల మీద వీడియోలు వేసి మ‌రీ క‌ళ్ల‌కు క‌ట్టిన‌ట్లు చూపించారు. మోనాల్ వ‌ల్ల కెప్టెన్ అయిన నువ్వు అభిజిత్ కోసం ప‌ని చేశావని నిందించారు. అభి మీద ఫేవరెటిజ‌మ్ చూపించావ‌ని విమ‌ర్శించారు. బిగ్‌బాస్ షోలో గెల‌వాలంటే నీ గేమ్ నువ్వు ఆడాల్సిందే అని ఆమెకు స‌ల‌హా ఇచ్చారు. ఇద్ద‌రి త‌ప్పులే క‌నిపించాయా? మ‌రోవైపు బిగ్‌బాస్ ఇచ్చిన‌ టాస్కులు ఆడ‌లేద‌ని అభిజిత్ మీద‌ మండిప‌డ్డారు. ఇందుకు సంబంధించిన వీడియో కూడా చూపించారు. గేట్లు ఎత్తి పంపించేస్తాన‌ని బెదిరించారు. ఈ క్రమంలో అభి కాస్త ఎమోష‌న‌ల్ అయ్యి మోకాళ్ల మీద కూచుని త‌న త‌ప్పును క్ష‌మించ‌మ‌ని అభ్య‌ర్థించారు. అయితే నాగార్జున ఈ ఇద్ద‌రి వీడియోలు మాత్ర‌మే చూపించి క్లాస్ పీకడం నెటిజ‌న్ల‌కు మింగుడు ప‌డ‌లేదు. కావాల‌నే హారిక‌, అభిజిత్‌ను నాగ్ టార్గెట్ చేశార‌ని  విశ్వ‌సించారు. దీంతో సోష‌ల్ మీడియా వేదిక‌గా నాగ్ తీరును త‌ప్పుప‌డుతున్నారు. (చ‌ద‌వండి: మోనాల్‌తో లింక్ చేయ‌కండి: అభి వేడుకోలు) నాగ్ సినిమాను అట్ట‌ర్ ఫ్లాప్ చేస్తాం అస‌లు సిస‌లు ఫేవరెటిజ‌మ్ చూపించేది నాగార్జునే అని దుమ్మెత్తిపోస్తున్నారు. ఆయ‌న క‌ళ్ల‌కు ఎవ‌రి త‌ప్పులూ క‌నిపించ‌డం లేదా అని క‌డిగిపారేశారు. ఆయ‌న న‌టించిన‌ వైల్డ్ డాగ్ సినిమాను అట్ట‌ర్‌ ఫ్లాప్ చేస్తామ‌ని ప్ర‌తిజ్ఞ పూనుతున్నారు. ఈ ట్రోలింగ్ చూసిన నాగ్ అభిమానులు అగ్గి మీద గుగ్గిల‌మ‌వుతున్నారు. ఓ మామూలు కంటెస్టెంటు కోసం స్టార్ హీరో నాగ్‌ను అన్నేసి మాట‌లంటారా? అని గ‌ర‌మ‌వుతున్నారు. ఉన్న మాట చెప్పినందుకు ఎగిరెగిరిప‌డ‌తారా? అని ఆగ్ర‌హం వ్య‌క్తం చేస్తున్నారు. మీరు ఎంత‌ నెగెటివ్‌ ట్రెండ్ చేసినా మా కింగ్‌కు అది గ‌డ్డ ప‌ర‌క‌తో స‌మానం అని ఏకిపారేస్తున్నారు. (చ‌ద‌వండి: బిగ్‌బాస్‌: టాప్ 5 కంటెస్టెంట్లు వీళ్లే) అప్పుడు నాని, ఇప్పుడు నాగ్‌ నిజానికి నాగార్జున‌ కంటెస్టెంట్ల త‌ప్పుల‌ను ఎత్తి చూపి వారిని చ‌క్క‌దిద్దే ప్ర‌య‌త్నం చేశారు. ఈ వారంలో ఎవ‌రైతే దిద్దుకోలేని త‌ప్పులు చేశారో, వాటినే ప్ర‌స్తావిస్తూ ఆ త‌ప్పు మ‌ళ్లీ జ‌ర‌గ‌కుండా చూసుకోమ‌ని స‌ల‌హా ఇచ్చారు. అది త‌మ మంచి కోరే చెప్పార‌న్న విష‌యం హారిక‌, అభిజిత్‌ల‌కు అర్థ‌మైంది కూడా. కానీ వాళ్ల‌‌ అభిమానులే అన‌వ‌స‌రంగా రెచ్చిపోయి నాగ్‌తో పెట్టుకుంటున్నారు. నోటికొచ్చిన‌ట్లుగా విమ‌ర్శిస్తున్నారు. కాగా రెండో సీజ‌న్‌లో కౌశ‌ల్ మండా అభిమానులు హోస్ట్‌ నానిని విప‌రీతంగా ట్రోల్ చేశారు. ఈ వ్య‌తిరేక‌త‌ను త‌ట్టుకోలేక నాని మ‌రోసారి బిగ్‌బాస్ షోనే చేయ‌న‌ని క‌రాఖండిగా చెప్పేశారు. ఈ సీజ‌న్‌లో అభిజిత్ కోసం ఏకంగా నాగార్జున‌నే ట్రోల్ చేస్తున్నారు. మ‌రి ఈ ప‌రిణామాలు ఎటు దారి తీస్తాయో చూడాలి.

బిగ్‌బాస్ ప్ర‌యాణం చివ‌రి మ‌జిలీకి చేరుకుంటున్న ద‌శ‌లో కొంద‌రి గ్రాఫ్ త‌గ్గుతోంటే మ‌రికొంద‌రి గ్రాఫ్ పెరుగుతున్న‌ట్లు క‌నిపిస్తోంది. సోష‌ల్ మీడియాలో ఎప్పుడూ ట్రోలింగ్‌కు గుర‌య్యే మోనాల్‌కు ఈ సారి అత్య‌ధిక ఓట్లు వ‌చ్చిన‌ట్లుగా వార్త‌లు వినిపిస్తుండ‌గా నాగ్ సైతం తొలుత మోనాల్‌నే సేవ్ చేయ‌డం విశేషం. ఇక హౌస్‌లో ఎవ‌రూ త‌ప్పు చేయ‌కుండా చూసుకోవాల్సిన కెప్టెన్ హారికే సరిదిద్దుకోలేని త‌ప్పులు చేసింది. దీంతో మ‌రోసారి ఇలాంటి త‌ప్పులు చేయ‌కుండా నాగ్ ఆమెకు గ‌ట్టి క్లాస్ పీకారు. అభి ఇంగ్లీష్ మాట్లాడుతున్నా ఆప‌లేద‌ని, టాస్క్ చేయ‌క‌పోయినా శిక్షించ‌కుండా వెన‌కేసుకొస్తూ ఫేవెరెటిజిమ్ చూపించావ‌ని మండిప‌డ్డారు. మోనాల్‌కు ఎప్పుడు సాయం చేశావు? అఖిల్ కోసం సోహైల్ నామినేట్ అవడానికి రెడీగా ఉన్న‌ప్ప‌టికీ‌ నిన్ను కెప్టెన్ చేసిన మోనాల్‌ను అభి కోసం నామినేష‌న్‌లోకి పంపావ‌ని గ‌ర‌మ‌య్యారు. మోనాల్‌కు సాయం చేశావ‌ని ప‌దేప‌దే చెప్పావు కానీ ఎక్క‌డ చేశావంటూ వీడియో చూపించారు. అందులో హారిక బ‌ట్ట‌లు ప‌ట్టుకుని శిలా విగ్ర‌హంలా నిల‌బ‌డిందే త‌ప్ప మోనాల్ పేరు రాసి ఉన్న బుట్ట‌లో వేయ‌లేదు. బ‌జ‌ర్ మోగిన త‌ర్వాతే ఆమె బెడ్ ద‌గ్గ‌ర నుంచి క‌ద‌లింది, కానీ దానివ‌ల్ల ఏ ప్ర‌యోజ‌న‌మూ లేదు. ఇలా ఎన్నో త‌ప్పిదాలు చేసినందున హారిక బెస్ట్ కెప్టెన్ కాద‌ని నాగార్జున తేల్చేశారు. అరియానాను మాత్రం వ‌ర‌స్ట్ కెప్టెన్ కాద‌ని, బిగ్‌బాస్ నియ‌మాలు అంద‌రూ పాటించేలా కృషి చేసింద‌ని వెన‌కేసుకొచ్చారు. (చ‌ద‌వండి: బిగ్‌బాస్‌: ఆ వీడియోలు వేసి ఇజ్జత్‌ తీయకండి) బ‌హుశా అఖిల్‌తో స్వాప్ చేయ‌క‌పోవ‌డ‌మే నా పొర‌పాటు త‌ర్వాత హౌస్‌లో ఈ వారం ఎవ‌రెవ‌రు ఏమేం త‌ప్పులు చేశారో చెప్ప‌మ‌ని నాగ్ ఆదేశించారు. తొలుత‌ సోహైల్ మాట్లాడుతూ‌.. త‌ను అరియానాను వెక్కిరించ‌డం త‌ప్ప‌ని చెప్తూ ఆమెకు సారీ చెప్పాడు. అలాగే దెయ్యం టాస్కులో అఖిల్‌, నేను భ‌య‌ప‌డ్డామంటూ అస‌లు నిజాన్ని బ‌య‌ట‌పెట్టాడు. త‌ర్వాత అరియానా వంతు రాగా ఆమె వ‌ర‌స్ట్ కెప్టెన్ కాద‌ని గుడ్ కెప్టెన్ అని మెచ్చుకున్నారు. అవినాష్‌.. నేను వెర్రిప‌ప్ప‌లా క‌న‌ప‌డుతున్నానానా అని అరియానా మీద సీరియ‌స్ అయ్యాను అని చెప్పుకురాగా ఫ్రెండ్స్ మీద‌ నోరు జారొద్దని నాగ్ అత‌డిని హెచ్చ‌రించారు. దీంతో అవినాష్.. అరియానాను లైఫ్‌లో మ‌ర్చిపోలేని ఫ్రెండ్ అని తెలిపాడు. అలాగే శ్మ‌శానం టాస్కులో ఎక్కువ ఆలోచించడం కూడా త‌ప్పేన‌ని పేర్కొన్నాడు. మోనాల్‌.. అఖిల్‌తో స్వాప్ చేయ‌క‌పోవ‌డమే త‌న‌ పొర‌పాటు అనిపిస్తోంద‌ని తెలిపింది. చివ‌రికి క‌రెక్ట్ ప‌ర్స‌న్‌తో స్వాప్ చేయ‌మంటే హారిక.. అఖిల్‌తో కాకుండా అభితో చేసింద‌ని బాధ‌ప‌డింది. (చ‌ద‌వండి: ఇలాగైతే బిగ్‌బాస్ నుంచి త‌ప్పుకుంటా: నాగ్ వార్నింగ్‌) మోనాల్‌తో లింక్ చేయ‌కండి: అభి త‌ర్వాత‌ అఖిల్ మాట్లాడుతూ‌.. సీక్రెట్ రూమ్ నుంచి వ‌చ్చిన‌ప్పుడు హారిక ఐ హేట్ యూ అంటే నువ్వు ఎప్పుడు న‌న్ను ఇష్ట‌ప‌డ్డావు అని ఏదో కోపంలో అన్నాను, కానీ త‌ర్వాత సారీ చెప్పాను అని తెలిపాడు. అనంత‌రం నాగ్ బిగ్‌బాస్ హౌస్ గేట్లు తెర‌వండ‌ని చెప్పి అభి వైపు తిరిగి అత‌డిని‌ త‌ప్పుల చిట్టా చ‌ద‌మ‌న్నారు. దీంతో అభి టాస్కు చేయ‌లేద‌ని నిర్మొహ‌మాటంగా చెప్పేశాడు. మోనాల్‌తో లింక్ చేయ‌కండ‌ని ఎన్నోసార్లు అభ్య‌ర్థించాను. పైగా దెయ్యం ఇచ్చిన టాస్క్‌లో నేను మోనాల్‌ను ఏడిపించాన‌ని చెప్పారు. కానీ నేను ఏడిపించ‌లేద‌ని చెప్ప‌డంతో నాగ్ ఓ వీడియో చూపించారు. అందులో అభిజితే మోనాల్‌ను ఏడిపించిన‌ట్లు ఒప్పుకున్నాడు. క‌ళ్లెదురుగా త‌ను మాట్లాడింది క‌నిపించడంతో అభి సారీ చెప్పాడు. (చ‌ద‌వండి: రంగంలోకి ‘ఆర్జీవీ’, వణికిపోయిన హౌస్‌మేట్స్‌) కంటెస్టెంట్ల తీరుతో చేతులెత్తి వేడుకున్న నాగ్‌ ఇది మొద‌టిసారి కాద‌ని నాగ్ మండిప‌డటంతో అభి మోకాళ్ల మీద కూర్చుని అభ్య‌ర్థించాడు. నా సీజ‌న్‌లో మోనాల్ కోణ‌మే న‌న్ను ఇబ్బందికి గురి చేస్తోంద‌ని వివ‌రించాడు. చివ‌రాఖ‌ర‌కు టాస్కు చేయ‌క‌పోవ‌డ‌మే త‌న త‌ప్ప‌ని అంగీక‌రించ‌డంతో నాగ్‌ గేట్స్ క్లోజ్ చేయ‌మ‌న్నాడు. త‌ప్పును అంగీక‌రించ‌క‌పోతే నువ్వు బ‌య‌ట‌కు వెళ్లిపోయేవాడివ‌ని నాగ్ హెచ్చ‌రించారు. ప‌న్నెండు వారాలు ముగుస్తున్నా, ఎన్నిసార్లు హెచ్చ‌రించినా, న‌వ్వుతూ చెప్పినా ఇంకా స‌రిగా గేమ్ ఆడ‌టం లేద‌ని నాగ్ ఆవేద‌న చెందారు. మీ అంద‌రికీ దండం పెడుతున్నా, గేమ్ ఆడండి అంటూ కంటెస్టెంట్ల‌ను చేతులెత్తి వేడుకున్నారు. దీంతో సారీ సార్ అంటూ ఇంటి స‌భ్యులు బాగా ఆడ‌తామ‌ని హామీ ఇచ్చారు. త‌ర్వాత మోనాల్ సేఫ్ అయిన‌ట్లు ప్ర‌క‌టించారు.‌

బిగ్‌బాస్ షో అంటే ఒక మ‌నిషి ఎలా ఉంటాడో చూపించ‌డ‌మే కాదు. అత‌డి శ‌క్తి సామ‌ర్థ్యాలు కూడా వెలికి తీస్తూ అంద‌రినీ ఎంట‌ర్‌టైన్ చేయ‌డం. కానీ ఈ సీజ‌న్‌లో ఈ రూల్ బ్రేక్ అవుతోంద‌ని తేట‌తెల్ల‌మ‌వుతోంది. కొంద‌రు టాస్కుల్లోనే విప‌రీతంగా క‌ష్ట‌ప‌డుతుండ‌గా, మ‌రికొంద‌రు మాత్రం ఎలా ఉన్నామో అలానే ఉంటే స‌రిపోతుందంటై వేటిలోనూ ఆస‌క్తి చూపించ‌కుండా బ‌ద్ధ‌క‌స్తులుగా ప్ర‌వ‌ర్తిస్తున్నారు. విచిత్ర‌మేమిటంటే ఇక్క‌డ మొద‌టి కేట‌గిరీవారిక‌న్నా బ‌ద్ధ‌క‌స్తుల కేట‌గిరీలోని వారికే అభిమానులు మెండుగా ఉన్నారు. అయితే ప్ర‌తిసారి టాస్కులు త‌న వ‌ల్ల కాదంటూ చేతులెత్తేస్తే బిగ్‌బాస్ చూస్తూ ఊరుకోడు. అందులోనూ ఇది ప‌న్నెండో వారం. షో ముగింపుకు వ‌స్తున్నా కూడా బిగ్‌బాస్ ఆదేశాలను బేఖాత‌రు చేయ‌డాన్ని నాగార్జున కూడా స‌హించ‌లేక‌పోయాడు. వెర‌సి నేటి ఎపిసోడ్‌లో నాగ్‌ అభిజిత్‌కు చీవాట్లు పెట్టాడు.  మోనాల్‌ను డేట్‌కు తీసుకెళ్ల‌ని అభిజిత్‌ జ‌ల‌జ ద‌య్యం ఇంట్లో వాళ్ల‌ను ఎలా ఆడేసుకుందో ప్ర‌త్యేకంగా చెప్ప‌న‌క్క‌ర్లేదు. ఆ ద‌య్యం ఇంటిస‌భ్యుల‌కు టాస్కులు కూడా ఇచ్చింది. చెట్టుకున్న ఆకులు లెక్క‌పెట్ట‌మ‌ని అభిని ఆదేశించింది. కొమ్మ‌కు 50 ఆకుల చొప్పున సుమారు ఇంత అని చెప్పేస్తాను అని లెక్క‌లు వేసుకున్నాడు.. మ‌ళ్లీ అంత‌లోనే ఈ ఆకులు లెక్కించాలంటే అవ‌న్నీ తెంపాల‌ని, అలా చేయ‌డం బిగ్‌బాస్ నియ‌మాల‌ను ఉల్లంఘించిన‌ట్లేన‌ని టాస్కు చేయ‌కుండా తెలివిగా జారుకున్నాడు. త‌ర్వాత‌ అఖిల్‌, అభిజిత్‌.. మోనాల్‌ను ఏడిపించిన కార‌ణంగా ఈ ఇద్ద‌రిలో ఒక‌రు ఆమెను డేట్‌కు తీసుకెళ్లాలంటూ మ‌రో టాస్క్ ఇచ్చింది. ఎప్పుడు ఏడిపించాను? ఎందుకు డేట్‌కు తీసుకెళ్లాలి? అని అభి జుట్టు పీక్కుని ఏడ్చినంత ప‌ని చేశాడు. మోనాల్‌తో త‌న‌ను క‌ల‌పొద్దు అంటున్నా ఇప్ప‌టికీ అదే జ‌రుగుతోంద‌ని అని అస‌హ‌నం వ్య‌క్తం చేశాడు. ఏదైతే అది అయింద‌ని అస‌లు ఈ టాస్కే చేయ‌న‌ని తేల్చి చెప్పేశాడు. (చ‌ద‌వండి: బిగ్‌బాస్ స్కెచ్‌: టాప్ 5లోకి అవినాష్‌!) హౌస్ నుంచి పంపించేస్తాన‌ని వార్నింగ్‌ తాజా ప్రోమోలో ఇదే విష‌యాన్ని నాగార్జున లేవనెత్త‌గా.. మోనాల్‌ను ఏడిపించ‌లేదు అంటూ అభి త‌న‌ను తాను స‌మ‌ర్థించుకునే ప్ర‌య‌త్నం చేశాడు. దీంతో నాగ్.. అభి మాట్లాడిన‌ వీడియో చూపించాడు. నువ్వు చెప్పిన మాట‌లే బిగ్‌బాస్ టాస్క్‌లో పంపించాడు అని స్ప‌ష్టం చేశాడు. దీంతో అభి క్ష‌మాప‌ణ చెప్ప‌గా నాగ్ అందుకు అంగీక‌రించ‌లేదు. ఇది మొద‌టి సారి కాదని సీరియ‌స్ అయ్యాడు. త‌ప్పు చేయ‌డం సారీ చెప్ప‌డం అల‌వాటు అయింద‌ని మండిప‌డ్డారు. టాస్కు చేయ‌క‌పోవ‌డం త‌ప్పు అని చెప్తూ గేట్లు ఓపెన్ చేయండి.. అని అభిని భ‌య‌పెట్టే ప్ర‌య‌త్నం చేశారు. అత‌డు టాస్క్ చేయ‌నంటే స‌పోర్ట్ చేసిన కెప్టెన్ హారిక‌ను కూడా నాగ్ నిల‌దీశాడు. అయితే ఇలా కంటెస్టెంట్ల‌ను ఉన్న‌ఫ‌ళంగా పంపించేస్తామ‌ని బెదిరించ‌డం కొత్తేమీ కాదు. రెండో సీజ‌న్‌లో గ‌ణేశ్‌ను, మూడో సీజ‌న్‌లో మ‌హేశ్‌ను నాల్గో సీజ‌న్‌లో హారిక‌తో మ‌రికొంద‌రిని కూడా ఇలానే అర్ధాంత‌రంగా పంపించేస్తామ‌ని భ‌య‌పెడుతూనే ఉన్నారు. (చ‌ద‌వండి: బిగ్‌బాస్‌లోకి జలజ.. గజ గజ వణికిన బోల్డ్‌ గర్ల్‌)

బిగ్‌బాస్ నాల్గో సీజ‌న్‌ ఫినాలేలో చోటు ద‌క్కించుకునేందుకు రేసు మొద‌లైంది. కంటెస్టెంట్లు బంధాలు, అనుబంధాల‌ను ప‌క్క‌కు నెట్టి పూర్తిగా గేమ్‌పైనే ఫోక‌స్ పెడుతున్నారు. పంతొమ్మిది మందితో మొద‌లైన ఈ ప్ర‌యాణంలో ప్ర‌స్తుతం ఏడుగురు కంటెస్టెంట్లు.. అఖిల్‌, అభిజిత్‌, అరియానా, అవినాష్‌, మోనాల్‌, సోహైల్‌, హారిక‌ మాత్ర‌మే మిగిలారు. టాప్ 5లో చోటు ద‌క్కించుకోవ‌డ‌మే కాకుండా ట్రోఫీని ఎగ‌రేసుకుపోవ‌డ‌మే ల‌క్ష్యంగా క‌ష్ట‌ప‌డుతున్నారు. అయితే వీరు లోప‌లెంత క‌ష్ట‌ప‌డుతున్నారో వారిని గెలిపించేందుకు అంత‌క‌న్నా ఎక్కువే కష్ట‌ప‌డుతున్నారు వారి అభిమానులు. ఇక బిగ్‌బాస్ ప్ర‌యాణం ముగింపుకు వ‌స్తున్న త‌రుణంలో సెల‌బ్రిటీలు కూడా రంగంలోకి దిగుతూ వారి ఫేవరెట్ కంటెస్టెంట్లకే స‌పోర్ట్ చేయాల‌ని కోరుతున్నారు. ఇప్ప‌టికే ప‌లువురు సీరియ‌ల్ న‌టీన‌టులు అఖిల్‌కు ఓటేయాల‌ని కోరుతుండ‌గా హీరో సందీప్ కిష‌న్ త‌న ఫుల్ స‌పోర్ట్ సోహైల్‌కే అని మొద‌ట్లోనే చెప్పేశాడు. (చ‌ద‌వండి: ఎన్ని కోట్లు ఇచ్చినా బిగ్‌బాస్‌లోకి వెళ్లను : యాంకర్‌) అవినాష్‌కు జీవితాన్ని ప్ర‌సాదించిన జ‌బ‌ర్ద‌స్త్ యూనిట్ కూడా ఈ ప్ర‌చారంలోకి దిగింది. ఆటో రాంప్ర‌సాద్‌, గెట‌ప్ శ్రీను.. అవినాష్‌కు ఓటేసి గెలిపించాల‌ని కోరారు. అయితే మెగా బ్ర‌ద‌ర్ నాగ‌బాబు మాత్రం అవినాష్ చివ‌రి వ‌ర‌కు ఉండాల‌ని కోరుకుంటూనే అభిజిత్ అంటే ఇష్ట‌మ‌ని చెప్పారు. అభి ఎమోష‌న్స్ బాగా కంట్రోల్ చేసుకుంటూ మొద‌టి నుంచి ఒకేలా ఉంటున్నాడంటూ అత‌డికి కూడా స‌పోర్ట్ చేశారు. తాజాగా బుల్లెట్ భాస్క‌ర్ సైతం అభిజిత్‌కే మ‌ద్ద‌తు తెలిపాడు. 'అంద‌రూ బాగా ఆడుతున్నారు, కానీ నా ఫేవ‌రెట్ మాత్రం అభిజిత్‌. అత‌డే గెల‌వాల‌ని కోరుకుంటున్నా. ఎమోష‌న్స్ కంట్రోల్ చేసుకుంటాడు. నిజాయితీగా ఉంటాడు. స‌హ‌నంగా ఉండ‌టం చాలా గొప్ప. అయితే జ‌బ‌ర్ద‌స్త్ ఆర్టిస్ట్‌గా అవినాష్ గెల‌వాలని ఆశిస్తాను. కానీ ఓటు మాత్రం అభిజిత్‌కే" అని స్ప‌ష్టం చేశాడు. (చ‌ద‌వండి: వారిద్దరిలో ఎవరు గెలిచినా నాకు ఓకే : నాగబాబు)

బిగ్‌బాస్‌ నాల్గో సీజన్‌ మొత్తం మోనాల్‌ చుట్టే నడుస్తోంది. కాదు.. మోనాల్‌ చుట్టూ నడిచేలా చేస్తున్నాడు బిగ్‌బాస్‌. బిగ్‌బాస్‌ హౌస్‌లో ఇన్ని రోజులు ఏంమేం జరిగాయోనని ఒక్కసారి వెనక్కి వెళ్లి చూస్తే.. మెనాల్‌, అభి, అఖిల్‌ల ట్రైయాంగిల్‌ లవ్‌ స్టోరీ, మోనాల్‌ అఖిల్‌ల రొమాన్స్‌.. గొడవలు, ఏడుపులు.. రోమాంటిక్‌ ముచ్చట్లు ఇవే కనిపిస్తాయి. మోనాల్‌తో విడిపోదామనుకున్న ప్రతి సారి అభి, అఖిల్‌లను మోనాల్‌తో కలిసేలా చేయడమే బిగ్‌బాస్‌ పనిగా పెట్టుకున్నాడు.ఇక నేటి ఎపిసోడ్‌లో కూడా తన దత్త పుత్రిక మోనాల్‌ని హైలెట్‌ చేసే ప్రయత్నం చేశాడు బిగ్‌బాస్‌. మోనాల్‌ని అభిజిత్‌, అఖిల్‌ బాగా ఏడ్పించారని, అందుకే వీరిద్దరిలో ఎవరో ఒకరు ఆమెతో డేట్‌కు వెళ్లాలని ఫిటింగ్‌ పెట్టాడు బిగ్‌బాస్‌.  (చదవండి : వారిద్దరిలో ఎవరు గెలిచినా నాకు ఓకే : నాగబాబు) మోనాత్‌తో డేట్ అనగానే అభిజిత్ తెగ ఫీల్ అవుతున్నాడు. మోనాల్‌ విషయంలో నేను ఇన్వాల్వ్‌ కావొద్దనుకుంటున్నా. ఆమె పాయింట్‌ వచ్చిన ప్రతిసారి ఏదోఒక రాడ్‌ పడుతోంది. నా జర్నీ మొత్తంలో ఈ మోనాల్‌ టాపికే బిస్కెట్‌ అవుతుంది’ అంటూ అభి ఎమోషనల్‌ కాగా, హరిక, సోహైల్‌ వెళ్లి ఓదార్చారు. మరోవైపు అఖిల్ మాత్రం.. ‘ఇక్కడ ఫిటింగ్ ఏం లేదు.. చేయాలనిపిస్తే చేయి లేదంటే లేదు’  అంటున్నాడు. ఇక బిగ్‌బాస్‌ దత్తపుత్రిక మాత్రం డేట్‌ అనగానే చిరునవ్వులు చిందిస్తూ.. అందంగా ముస్తాబవుతోంది. మరి అభి అంతాలా ఎమోషనల్‌ కావడానికి కారణమేంటి? మోనాల్‌ ఎవరితో డేట్‌కి వెళ్లింది అని తెలియాలంటే ఈ రోజు ఎపిసోడ్‌ చూడాల్సిందే.

ప‌న్నెండో వారానికి గానూ జ‌రిగిన నామినేష‌న్స్‌తో బిగ్‌బాస్ హౌస్ క‌కావిక‌లం అయింది. ఒక‌ర్ని విడిచి ఒక‌రం ఉండ‌లేం అన్న‌ట్లుగా ఉండే జంట ప‌క్షులు అఖిల్‌, మోనాల్ అర్ధాంతరంగా విడిపోయారు. నామినేష‌న్ అంటే చాలు ఠారెత్తిపోయే అవినాష్ త‌ను సేవ్ అయ్యేందుకు ఓ ర‌కంగా మోనాల్‌తో యుద్ధ‌మే చేశాడు. గ‌ట్టిగా మాట్లాడుతూ త‌న వాద‌నే నిజ‌మ‌ని నిరూపించుకునేందుకు ప్ర‌య‌త్నించిన అరియానా ప‌థ‌కం కూడా పార‌లేదు. ఇంత‌మందితో పోరాడిన మోనాల్ చివ‌రికి కెప్టెన్ హారిక వ‌ల్ల నామినేష‌న్స్‌లోకి వెళ్లింది. అస‌లు మోనాల్‌తో స్వాప్‌(స్థానాల‌ను ఇచ్చిపుచ్చుకోవ‌డం) చేసుకోన‌ని అభి తేల్చి చెప్పినప్ప‌టికీ కెప్టెన్ త‌న ప‌వ‌ర్‌ను ఉపయోగిస్తూ అత‌డిని నామినేష‌న్ గండం నుంచి గ‌ట్టెక్కించి మోనాల్‌ను బ‌లి చేసింది. మొత్తానికి నిన్న‌టి ఎపిసోడ్ హౌస్‌లోని వాతావ‌ర‌ణాన్ని హీటెక్కిచ్చింది. (బిగ్‌బాస్‌: రికార్డుల వేట‌లో అభిజిత్ ఫ్యాన్స్‌) ముఖ్యంగా అఖిల్‌, మోనాల్ ప‌రిస్థితి మ‌రీ దారుణంగా మారింది. మోనాల్ త‌నను మోసం చేసింద‌న్న భ్ర‌మ‌లో అఖిల్ కూరుకుపోయాడు. అటు మోనాల్ మాత్రం హారిక‌తో అఖిల్ సూప‌ర్‌ జెన్యూన్ అని, కానీ ఈ మ‌ధ్య అత‌డికి ఏమైందో అర్థం కావ‌ట్లేద‌ని కంట‌త‌డి పెట్టుకుంది. బాధ‌లో ఉన్న మోనాల్‌ను ఓదార్చేందుకు అభి ఆమెతో మాట‌లు క‌లిపాడు. నువ్వు మా నాన్న‌కు నచ్చ‌డ‌మేంటో అని ఆశ్చ‌ర్యం వ్య‌క్తం చేశాడు. దీంతో అభి, మోనాల్ క‌థ‌ మ‌ళ్లీ మొద‌టికి వ‌చ్చింద‌ని నెటిజ‌న్లు అంటున్నారు. మరోవైపు అవినాష్‌కు ఫ్ర‌స్టేష‌న్ ఏమాత్రం త‌గ్గ‌లేదు. నామినేట్ అయినందుకు అరియానా క‌న్నీళ్లు పెట్టుకోగా ఏడ‌వ‌కు, ఏడిస్తే మ‌నం సేవ్ అవ‌మూ అంటూ వ్యంగ్యంగా మాట్లాడాడు. క‌ష్ట‌ప‌డి టాస్కులు ఆడ‌న‌వ‌స‌రం లేద‌ని అర్థ‌మైందంటూ అభిప్రాయ‌ప‌డ్డాడు. ఇక‌ ఈ వారం అవినాష్ డేంజ‌ర్ జోన్‌లో ఉన్నాడు. (బిగ్‌బాస్‌: టాప్ 5 కంటెస్టెంట్లు వీళ్లే)

పోయిన‌సారి నామినేష‌న్ అఖిల్‌, అభిజిత్ మ‌ధ్య చిచ్చు పెడితే ఈసారి మాత్రం అఖిల్ మోనాల్ మ‌ధ్య అగాధాన్ని సృష్టించింది. ఇద్ద‌రి ఫ్రెండ్‌షిప్ క‌ట్ట‌య్యేవ‌ర‌కు వ‌చ్చిందీ ప‌రిస్థితీ. అఖిల్ కోసం కూడా త్యాగానికి సిద్ధ‌ప‌డ‌ని మోనాల్ చివ‌రికి కెప్టెన్ వ‌ల్ల అభిజిత్ కోసం నామినేష‌న్‌లోకి వ‌చ్చింది. మ‌రోవైపు ఎప్ప‌టిలాగే అవినాష్ నామినేష‌న్‌ను త‌ట్టుకోలేక‌పోయాడు. స్ట్రాంగ్ కంటెస్టెంట్ ఎలిమినేట్ అవ్వాల్సిందేనా అంటూ చిందులు తొక్కాడు. మ‌రి నేటి బిగ్‌బాస్ ఎపిసోడ్ ఎలా సాగిందో తెలియాలంటే ఈ స్టోరీని చ‌దివేయండి.. కిచెన్‌లో అభిజిత్ క‌ష్టాలు వంట రాదంటూ ఇన్నాళ్లు త‌ప్పించుకు తిరిగిన అభిజిత్ లాస్య వేసిన బిగ్‌బాంబ్ వ‌ల్ల కిచెన్‌లో దూరాడు. 20 దోశెలైనా ఆవురావురుమంటూ తినే సోహైల్‌తో క‌లిసి దోశెలు వేశాడు. అది చూసిన సోహైల్ దోశె వేయ‌‌మంటే అభిజిత్ ప‌రోటా చేస్తున్నాడ‌‌ని ఆట‌ప‌ట్టించాడు. ఇజ్జ‌త్ కా స‌వాల్‌.. ఇప్పుడు చేస్తా చూడంటూ మ‌రోసారి దోశె వేసేందుకు ప్ర‌య‌త్నించిన అభి ఈసారి ఏకంగా ఊత‌ప్పం చేశాడు. మ‌రోవైపు కొద్ది రోజులుగా డ‌ల్ అయిన అఖిల్‌.. 'నా జీవితంలో ముందు నుంచీ ట్ర‌స్ట్ ఇష్యూస్ ఉన్నాయి. అందుకే నీతో ఎంత మాట్లాడాలో అంతే మాట్లాడ‌తా. నీ వ‌ల్ల చాలా ఎఫెక్ట్ అవుతున్నా, నీతో అటాచ్‌మెంటే వ‌ద్దు' అంటూ రిలేష‌న్‌కు క‌టీఫ్ చెప్ప‌డంతో మోనాల్ కంట‌త‌డి పెట్టుకుంది. (చ‌ద‌వండి: సోహైల్‌ అర్ధ‌రాత్రి అమ్మాయిల‌తో ఛాటింగ్ చేస్తాడు) ఫ‌స్ట్ రౌండ్‌లో సోహైల్‌, మోనాల్ సేవ్‌ త‌ర్వాత అవినాష్‌ను అరియానా అంకుల్ అని పిల‌వ‌గా సోహైల్, అఖిల్ మ‌ధ్య‌లో దూరి అవినాష్‌ను ఏడిపించారు. అవినాష్‌కు ఈపాటికే పెళ్లి అయితే న‌లుగురు పిల్ల‌లుండేవారంటూ ఆట ప‌ట్టించారు. అనంత‌రం ప‌న్నెండోవారానికి గానూ నామినేష‌న్ ప్ర‌క్రియ మొద‌లైంది. బ‌జ‌ర్ మోగ‌గానే ఇంటి స‌భ్యులు ప‌రుగెత్తుకెళ్లి త‌ల‌పై టోపీ పెట్టుకున్నారు. గ్రీన్ టోపీలు ధ‌రించిన సోహైల్‌, మోనాల్ సేవ్ అవ‌గా ఎర్ర టోపీలు ధ‌రించిన అరియానా, అఖిల్‌, అభిజిత్‌, అవినాష్ నామినేట్ అయ్యారు. ఈ న‌లుగురు శ‌వ పేటిక‌లో నిల‌బడ‌టంతో రెండో లెవ‌ల్ ప్రారంభమైంది. ఇందులో నామినేట్ అయిన‌వారు సేఫ్ అయిన‌వారితో స్వాప్ చేసుకునే అవకాశాన్ని బిగ్‌బాస్ క‌ల్పించాడు.  నువ్వు బిగ్‌బాస్ షోకు అన‌ర్హురాలివి మొద‌ట‌గా అవినాష్ మాట్లాడుతూ.. నిన్న వీకెండ్‌లో నాక‌ర్థ‌మైంది నువ్వు ఎంత స్ట్రాంగ్ కంటెస్టెంటో అంటూ సోహైల్‌ను స్వాప్ చేయ‌మ‌ని అభ్య‌ర్థించగా అత‌డు అందుకు ఒప్పుకోలేదు. త‌ర్వాత మోనాల్‌తో మాట్లాడుతూ.. నీ క‌న్నా నేను స్ట్రాంగ్‌, ఎప్పుడూ వ‌ర‌స్ట్ ప‌ర్ఫామెన్స్ అనిపించుకోలేదు. బ‌ల్ల‌గుద్ది మ‌రీ చెప్తున్నా నీ క‌న్నా 200 % బాగా ఆడుతున్నాను.. నువ్వు కేవ‌లం మూడు వారాల నుంచి ప‌ర్ఫామెన్స్ చేసి క‌ప్పు గెలుస్తా అంటే కుద‌రదు. ఈ షోకు నువ్వు అన‌ర్హురాలివి అని గ‌ర‌మ‌య్యాడు. నేను అర్హురాలినో కాదో చెప్ప‌డానికి నువ్వు బిగ్‌బాస్ కాదు అని ఆమె కౌంట‌రిచ్చింది. నువ్వు స్ట్రాంగ్ అనుకున్న‌ప్పుడు ఇంకా భ‌య‌మెందుకు? నామినేష‌న్‌లో ఉండు అని తేల్చి చెప్పింది. (చ‌ద‌వండి: ఆ అల‌వాటు మాత్రం పోలేదు: హారిక త‌ల్లి) అఖిల్‌- మోనాల్ మ‌ధ్య రాజుకున్న గొడ‌వ‌ త‌ర్వాత అఖిల్ మోనాల్‌ను త‌న‌కోసం నామినేష‌న్‌లోకి ర‌మ్మ‌ని కోర‌గా ఆమె అందుకు ఒప్పుకోలేదు. 'న‌న్ను ఎలిమినేట్ చేయాల‌న్న‌ప్పుడు ట‌పీమ‌ని నా పేరు చెప్పావు. కానీ కెప్టెన్సీలో మాత్రం నాకు స‌పోర్ట్ చేయ‌లేదు. నేను నీ కోసం బ‌ట్ట‌లు, వ‌స్తువులు అన్నీ త్యాగం చేశాను. స‌పోర్ట్ చేస్తావ‌నుకున్నా. కానీ చేయ‌లేదు. ఇప్ప‌టికీ చేయ‌ట్లేదు!' అని చెప్పుకొచ్చాడు. నేను స్ట్రాంగ్ అని నిరూపించుకునేందుకే కెప్టెన్సీ టాస్క్‌లో హారిక‌కు స‌పోర్ట్ చేసి ఆడాను అని మోనాల్ స‌మాధాన‌మిచ్చింది. అలా ఇద్ద‌రి మ‌ధ్య గొడ‌వ రాజుకోవ‌డంతో అటు మోనాల్‌, ఇటు అఖిల్ బాధ‌ప‌డ్డారు. వీళ్లిద్ద‌రినీ చూసి సోహైల్‌కు మ‌రింత బాధేసింది. దీంతో‌ నీకోసం నామినేష‌న్‌లోకి వెళ్తాన‌ని అఖిల్‌తో చెప్పినప్ప‌టికీ అత‌డు దానికి అంగీక‌రించ‌లేదు. మ‌న‌సులోని మాట చెప్పిన అభిజిత్‌ అరియానా వంతు రాగా..  ఈ సారి నీ సాయం కావాలంటూ సోహైల్‌ను కోర‌గా అత‌డు స‌సేమీరా నిరాక‌రించాడు. నీక‌న్నా నేను బెస్ట్ ప‌ర్ఫామెన్స్ ఇస్తున్నాను అని మోనాల్‌తో చెప్పుకు రాగా ఆమె మాత్రం స్వాప్ అవ‌న‌ని తేల్చి చెప్పింది. ఇక్క‌డ అరియానాకు మోనాల్‌కు మ‌ధ్య వాడివేడిగా చ‌ర్చ జ‌రుగుతుంటే అవినాష్ మ‌ధ్య‌లో దూరి ఈ చ‌ర్చ‌ను గొడ‌వ‌గా మార్చాడు. త‌ర్వాత అభిజిత్ మాట్లాడుతూ.. మీ అమ్మ వ‌చ్చి నన్ను ఫేవరెట్ అని చెప్పిన మాట నా మ‌నసును తాకింది. కాబ‌ట్టి నాకోసం నిన్ను త్యాగం చేయ‌మ‌ని అడ‌గ‌ను అని మోనాల్‌కు మ‌న‌సులోని మాట చెప్పాడు. ఎవ‌రూ స్వాప్‌కు ఒప్పుకోక‌పోవ‌డంతో అవినాష్ తెగ ఫ్ర‌స్టేట్ అయ్యాడు. ఇప్పుడు బాగా ఆడే కంటెస్టెంటు ఎలిమినేట్ అయి ఇంట్లో వెళ్లి కూర్చోవాలా అని ఆవేశ‌ప‌డ్డాడు. దీంతో అభి స్పందిస్తూ ఈ న‌లుగురిలో నువ్వు బాగా ఆడ‌క‌పోతే ఎలిమినేట్ అవుతావు త‌ప్ప అదృష్టం లేక కాదు అని క్లారిటీ ఇచ్చాడు. హారిక మీద భారం వేసిన బిగ్‌బాస్‌ వీళ్ల గొడ‌వ‌కు చెక్ పెడుతూ బిగ్‌బాస్ పెద్ద ట్విస్టు ఇచ్చాడు. కెప్టెన్ హారిక త‌న ప‌వ‌ర్‌ ఉప‌యోగించి ఒక స్వాప్ చేయాల‌ని బాధ్య‌త అప్ప‌జెప్పాడు. దీంతో హారిక నీకోసం నేనున్నా అంటూ అభిజిత్‌ను సేవ్ చేస్తూ త‌న‌కు కెప్టెన్సీ ఫ‌లాన్ని అందించిన మోనాల్‌ను నామినేష‌న్‌లోకి పంపించింది. దీంతో త‌న‌కు సేవ్ అయ్యే అవ‌కాశం వ‌చ్చిన‌ట్టే వ‌చ్చి చేజారింద‌ని మోనాల్ ఏడ్చేసింది. అటు హారిక కూడా త‌న‌కు స్వాప్ చేయ‌క త‌ప్ప‌లేద‌ని ఎమోష‌న‌ల్ అయింది. మొత్తానికి ఈ వారం అవినాష్‌, అఖిల్‌, అరియానా, మోనాల్ నామినేట్ అయ్యారు. (చ‌ద‌వండి: ఈ ఇద్ద‌రిలో ఒక‌రే బిగ్‌బాస్ విజేత‌: కౌశ‌ల్)

బిగ్‌బాస్ నాల్గో సీజ‌న్ ప‌న్నెండో వారంలోకి అడుగు పెట్టింది. ప్ర‌స్తుతం హౌస్‌లోఏడుగురు కంటెస్టెంట్లు మాత్ర‌మే మిగిలారు. రోజులు త‌గ్గేకొద్దీ వారి మ‌ధ్య పోటీ మ‌రింత పెరుగుతోంది. మొద‌ట్లో పెద్ద‌గా క‌ష్ట‌ప‌డిన‌ట్లు క‌నిపించ‌ని మోనాల్.. ఏడుసార్లు కెప్టెన్సీ కోసం పోరాడి ఓడిన హారిక‌ను ఇంటి కెప్టెన్‌గా గెలిపించిచి అంద‌రి మ‌నసుల‌ను దోచుకుంది. దీంతో త‌ను కూడా స్ట్రాంగేన‌ని ఇంటిస‌భ్యుల‌కు చెప్ప‌క‌నే చెప్పింది. ఇక ప్ర‌తివారం నామినేట్ అయ్యే మోనాల్ ఈ ఈసారి కూడా నామినేష‌న్ లిస్టులో ఉన్న‌ట్లు క‌నిపిస్తోంది. అయితే ఇందులో ఓ ట్విస్టు ఉంది.. తాజాగా రిలీజ్ చేసిన ప్రోమోలో ఓట్ల ఆధారంగా కాకుండా ప్ర‌త్యేక టాస్క్ ద్వారా నామినేష‌న్ నిర్వ‌హించారు. అందులో భాగంగా బ‌జ‌ర్ మోగ‌గానే కెప్టెన్ హారిక మిన‌హా మిగ‌తా ఇంటి స‌భ్యులు బ‌య‌ట ఉన్న టోపీల‌ను ధ‌రించారు. అందులో ఎరుపు రంగు టోపీ ధ‌రించిన అవినాష్‌, అభిజిత్‌, అఖిల్‌, అరియానా నేరుగా నామినేట్ అయిన‌ట్లు బిగ్‌బాస్ తెలిపాడు. అవినాష్‌కు కౌంట‌రిచ్చిన మోనాల్‌ కానీ వారు సేవ్ అయ్యేందుకు ఓ అవ‌కాశం క‌ల్పించాడు. బ‌య‌ట ఉన్న స‌భ్యుల్లో ఒక‌రితో స్వాప్(ఒక‌రి స్థానంలోకి మరొక‌రు రావ‌డం) చేసుకోవ‌చ్చ‌ని సూచించాడు. దీంతో ఎక్కువ మంది మోనాల్‌ను టార్గెట్ చేసిన‌ట్లు తెలుస్తోంది. 'బ‌ల్ల‌గుద్ది చెప్తున్నా.. నీకన్నా 100 కాదు 200% ఈ షోకు నేను అర్హుడిని' అని అవినాష్ చెప్ప‌గా.. అలాంట‌ప్పుడు భ‌య‌మెందుకు, నామినేష‌న్‌లో ఉండు అని మోనాల్ కౌంట‌రిచ్చింది. మంచి గేమ్ ఆడుతున్నాను అనుకున్న‌ప్పుడు ఎందుకు భ‌య‌ప‌డుతున్నావు? అంటూ అవినాష్ నోరు మూయించింది. అరియానా కూడా స్వాప్ కోసం మోనాల్‌ను అభ్య‌ర్థించ‌గా కుద‌ర‌ద‌ని ఆమె క‌రాఖండిగా తేల్చి చెప్పింది. (చ‌ద‌వండి: అభిజిత్ ల‌వ్ స్టోరీ చెప్పండి: నాగ్‌) అఖిల్‌- మోనాల్ మ‌ధ్య పెరుగుతున్న దూరం ఇక అఖిల్‌.. 'నాకు చాలా స‌పోర్ట్ చేస్తున్నావు అని అంతా అనుకుంటున్నారు. ఎప్పుడు చేశావు?' అని ప్ర‌శ్నించాడు. దీంతో మోనాల్‌.. 'అది చేశాను, ఇది చేశాను అని నేను చెప్ప‌ను. నువ్వు నా కోసం చాలా మంచి చేశావు' అంటూ దండం పెట్టేసి స్వాప్ చేసుకునే ఆలోచ‌నే లేద‌న్న‌ట్టుగా నిల‌బ‌డిపోయింది. చివ‌ర్లో మాత్రం మోనాల్ అంద‌రికీ దిమ్మ‌తిరిగిపోయే షాక్ ఇచ్చింది. ఆమె అభిజిత్‌తో స్వాప్ చేసుకుంటూ అత‌న్ని సేవ్ చేస్తూ నామినేష‌న్‌లోకి వెళ్లిన‌ట్లు చూపించారు. ఇక్క‌డ అఖిల్ ఎక్స్‌ప్రెష‌న్స్ మ‌రింత హైలెట్‌గా మారాయి. త‌న‌ను కాద‌ని మోనాల్..  అభి కోసం త్యాగానికి సిద్ధ‌మ‌వ‌డం అత‌డు జీర్ణించుకోలేన‌ట్లు క‌నిపిస్తున్నాడు. అయితే మోనాల్ అభి కోసం నామినేష‌న్‌లోకి వెళ్లిందా? లేదా హారిక కెప్టెన్సీ ప‌వ‌ర్‌తో అభిని సేవ్ చేసి మోనాల్‌ను నామినేష‌న్‌లోకి పంపించిందా? అన్న‌ది ఆస‌క్తిక‌రంగా మారింది. మొత్తానికి ఈ ప్రోమో సోష‌ల్ మీడియాలో సెన్సేష‌న్‌గా మారింది. (చ‌ద‌వండి: మోనాల్ మాత్రం కోడ‌లిగా రాదు: అఖిల్ త‌ల్లి)

బిగ్‌బాస్ నాల్గో సీజ‌న్ ప‌ద‌కొండో వారంలో లాస్య జున్నును క‌లిసేందుకు ఇంటికి వెళ్లిపోయింది. అస‌లే లాస్య ఇల్లు విడిచి 70 రోజులు దాటిపోవ‌డంతో జున్ను ఆమెను పూర్తిగా మార్చిపోయాడు. దీంతో ఆమె జున్ను చెంత‌కు చేరి త‌ల్లి ప్రేమ‌ కురిపించి మ‌ళ్లీ ద‌గ్గ‌ర‌కు తీసుకోనుంది. ఇక వెళ్తూ వెళ్తూ కిచెన్ బాధ్య‌త‌ల‌నే బిగ్‌బాంబ్‌ను ఆమెకు ఎంతో ఇష్ట‌మైన వ్య‌క్తి మీద వేసింది. వాళ్లెవ‌రు? నేటి బిగ్‌బాస్ ఎపిసోడ్ ఎలా సాగిందో తెలియాలంటే ఈ స్టోరీ మీద ఓ క‌న్నేయండి.. సేఫ్‌గా ఆడ‌టం మీ స్ట్రాట‌జీనా? సండేను ఫండేగా మార్చేందుకు సిద్ధ‌మైన నాగార్జున‌ ఇంటి స‌భ్యుల‌ను రెండు టీమ్‌లుగా విడగొట్టారు. అవినాష్‌, అరియానా, సోహైల్‌, మోనాల్ ఏ టీమ్‌గా మిగిలిన‌వారు బీ టీమ్‌గా ఏర్పడ్డారు. వీరికి కొన్ని ఫొటోల‌ను చూపించి దాని ఆధారంగా పాట‌ల పేర్ల‌ను చెప్ప‌మని గేమ్ ఆడించారు. పోటాపోటీగా సాగిన ఈ గేమ్ ముగిసేస‌రికి బీ టీమ్ గెలిచింది. బీ టీమ్‌ కెప్టెన్‌ హారిక సేఫ్‌ అయిన‌ట్లు నాగ్ ప్ర‌క‌టించారు. అనంత‌రం ఓ ప్రేక్ష‌కురాలు సంధించిన ప్ర‌శ్న‌ను వినిపించారు. సేఫ్‌గా ఆడ‌టం మీ గేమ్ స్ట్రాట‌జీనా అని ఓ అభిమాని లాస్య‌ను అడ‌గ్గా తాను సేఫ్ గేమ్ ఆడ‌టం లేద‌ని ఆమె స్ప‌ష్టం చేసింది. త‌ర్వాత మోనాల్ సేఫ్ అయిన‌ట్లు నాగ్‌ ప్ర‌క‌టించారు. (చ‌ద‌వండి: సెల్ఫ్‌డ‌బ్బా కొట్టుకున్న హారిక‌) అవినాష్‌కు నెయిల్ పాలిష్ రుద్దిన సోహైల్‌ ఇంటిస‌భ్యుల‌తో వెరైటీగా లూడో గేమ్ ఆడించారు. ఇందులో సోహైల్‌, అవినాష్ ఉన్న‌ అరియానా టీమ్‌లో మోనాల్‌,  మిగిలిన స‌భ్యులు ఉన్న‌ హారిక టీమ్‌లో అభిజిత్ డైస్ రోల్ చేశారు. సోహైల్‌, అఖిల్ డైస్ రోల్ చేసిన నంబ‌ర్ల ఆధారంగా ఒక్కో గ‌డిని దాటుకుంటూ ముందుకు వెళ్లారు. ఇందులో సోహైల్ నోటితో నెయిల్ పాలిష్‌ను అవినాష్ వేళ్ల‌కు అందంగా రుద్దాడు. అటు అఖిల్ రొమాంటిక్ సాంగ్‌ను ఏడుస్తూ, ఫాస్ట్ ఫార్వ‌ర్డ్‌లో, స్లో మోష‌న్‌లో ఖూనీ చేయ‌కుండా పాడి మెప్పించాడు. త‌ర్వాత లాస్య నాలుక బ‌య‌ట‌పెట్టి డైలాగులు చెప్ప‌డం అంద‌రికీ న‌వ్వు తెప్పించింది. అరియానా సేఫ్‌, లాస్య అవుట్‌ ఇక అవినాష్ ఒక్క నిమిషంలో చీర క‌ట్టుకుని చిందులు వేయగా..‌ రాత్రి తొమ్మిది త‌ర్వాత నువ్వు చేసేది ఇదే అన్న‌మాట అని నాగ్ కౌంట‌ర్ వేశారు. ఈ దెబ్బ‌తో త‌న పెళ్లి సంబంధాలు గోవిందా అని డీలా ప‌డ్డ‌ అవినాష్ త‌ర్వాత టాస్కులో భాగంగా నిమ్మ‌కాయ‌ను న‌మిలిపారేశాడు. మొత్తానికి లూడో గేమ్‌లో అరియానా టీమ్ గెల‌వ‌గా హారిక టీమ్ ఓడిపోయింది. త‌ర్వాత అభిజిత్‌, అరియానా సేఫ్ అయిన‌ట్లు ప్ర‌క‌టించ‌గా లాస్య ఎలిమినేట్ అయిన‌ట్లు వెల్ల‌డించారు. (చ‌ద‌వండి: సోష‌ల్ మీడియాలో అభిజిత్ ఫ్యాన్స్ ర‌చ్చ ర‌చ్చ‌..) అంద‌రి క‌న్నా వీక్ అనుకున్నా..  స్టేజీ మీద‌కు వ‌చ్చిన లాస్య ముందుగా త‌న‌ న‌వ్వు నిజ‌మైన‌దేన‌ని, క‌న్నింగ్ కాద‌ని చెప్పుకొచ్చింది. ఆ విష‌యం ప్రేక్ష‌కుల‌కు కూడా తెలుస‌ని నాగ్ భ‌రోసా క‌ల్పించారు. త‌ర్వాత లాస్య.. సోహైల్‌, అభిజిత్ టాప్ 2లో ఉంటార‌ని జోస్యం చెప్పింది. దీంతో భావోద్వేగానికి సోహైల్‌.. అంద‌రిక‌న్నా వీక్ అనుకున్నా కానీ అక్క‌ టాప్ 2లొ ఉంటాను చెప్ప‌గానే ఈ మాట చాలు అనిపించిందని చెప్పుకొచ్చాడు. అవినాష్‌.. ఎంట‌ర్‌టైన‌ర్ కానీ నామినేష‌న్‌ను తీసుకోలేడ‌‌ని చెప్పింది. మోనాల్ బాగా ఆడుతుంది కానీ క‌న్ఫ్యూజ‌న్‌లో ఉంటుంద‌ని పేర్కొంది. అరియానా బోల్డ్‌గా మాట్లాడుతుంది, కానీ కొన్నిసార్లు త‌ప్పును కూడా ఒప్పుకోవాల‌ని స‌ల‌హా ఇచ్చింది. (చ‌ద‌వండి: మొద‌టిసారి నాకు ముద్దు పెట్టావు: అఖిల్‌) అభిజిత్ అంటే ఇష్టం అంటూనే అత‌డిపై బిగ్‌బాంబ్‌ సోహైల్‌కు ఎంత కోపం వ‌స్తుందో అంత త్వ‌ర‌గా క‌రిగిపోతుంది అని చెప్పుకొచ్చింది. అఖిల్ బాగా ఆడ‌తాడు. కానీ కోపం ఎక్కువ‌. ఎదుటివాళ్ల‌కు మాట్లాడే అవ‌కాశం ఇవ్వడ‌ని, అది మార్చుకోమ‌ని సూచించింది. అభి నాకు చాలా ఇష్టం. అంద‌రినీ ఒకేలా ట్రీట్ చేస్తాడు. హారిక‌తో స‌మ‌యం గ‌డ‌ప‌డం మ‌రీమ‌రీ ఇష్టం. అల్ల‌రి పిల్ల. త‌న‌కు అన్యాయం జ‌రిగింద‌ని అనిపిస్తే వాదించి సాధిస్తుంది. త‌ను టాప్ 3 నుంచి 1కి వెళ్లాల‌ని తెలిపింది. అనంత‌రం కింగ్ ఆఫ్ ద కిచెన్ బిరుదును అభిజిత్‌కు ఇచ్చింది. దీంతో వారం రోజుల పాటు వంట చేయాల‌న్న బిగ్‌బాంబ్ అభి మీద ప‌డింది. కానీ అభి మాత్రం బ్రేక్‌ఫాస్ట్ ఒక్క‌టే చేస్తాన‌ని చెప్పేశాడు. (చ‌ద‌వండి: అభి, నీ బ్ర‌ద‌ర్‌ను బాగా చూసుకో: అఖిల్ అమ్మ‌)

తెలుగు రాష్ట్రాల్లో అత్యంత ప్ర‌జాద‌ర‌ణ పొందిన రియాలిటీ షోగా‌ బిగ్‌బాస్ త‌న పేరు లిఖించుకుంది. ఏ యేటికాయేడు రెట్టింపు ఉత్సాహంతో అంత‌కు మించిన వినోదంతో ప్రేక్ష‌కుల ముందుకు వ‌స్తూనే ఉంది. ఈ క్ర‌మంలో వ‌చ్చిన నాల్గో సీజ‌న్ స‌క్సెస్‌ఫుల్‌గా 11 వారం ముగింపుకు చేరుకుంది. హౌస్‌లో వంట‌ల‌క్క‌గా స్థిప‌ర‌డిపోయిన లాస్య నేడు ఎలిమినేట్ కానుంద‌ని లీకువీరులు ట‌ముకేసి మ‌రీ చెప్తున్నారు. ఈ విష‌యాన్ని ప‌క్క‌న పెడితే ఈ సారి టాప్ 5 లో ఎవ‌రుంటార‌నేది కంటెస్టెంట్ల ఫ్యామిలీలు కూడా కుండ బ‌ద్ధ‌లు కొట్టిన‌ట్లు క్లారిటీగా చెప్పాయి. అభిజిత్ ప‌క్కాగా టాప్ 2 ఉంటార‌ని తేల్చి చెప్పాయి. నిజానికి అభిజిత్‌కు సినిమాల ద్వారా రాని గుర్తింపు బిగ్‌బాస్ ద్వారా వ‌స్తోంది. ఎదుటివారు రెచ్చ‌గొట్టేందుకు ప్ర‌య‌త్నించినా ఎక్క‌డా త‌ప్ప‌టడుగు వేయ‌కుండా జాగ్ర‌త్త‌ప‌డ‌తాడు. కూల్‌గా మాట్లాడుతూ స‌మ‌స్య పరిష్క‌రించుకుందామ‌ని చెప్తాడు. (చ‌ద‌వండి: అభిజిత్‌తో నాకు ఫ్రెండ్‌షిప్ వ‌ద్దు: సోహైల్‌) ఫేమ‌స్ అయిన అభిక జంట‌ అన్నింటికీ మంచి అత‌డికో క్లారిటీ ఉంటుంది. త‌న మాట‌ల్లో చేత‌ల్లో అది స్ప‌ష్టంగా క‌నిపిస్తుంది. అందుకే మోనాల్‌తో వ్య‌వ‌హారం ఏదో తేడా కొడుతుంద‌ని ఆమెను ప‌క్క‌న పెట్టేశాడు. హారిక‌తో దోస్తీ చేయ‌డం ప్రారంభించాడు. దీంతో వీళ్ల జంట ఫేమ‌స్ అవగా, నెటిజ‌న్లు వారికి 'అభిక' అని పేరు కూడా పెట్టేశారు. అయితే అభి ఫిజిక‌ల్ టాస్క్‌లో వెన‌కడుగు వేస్తాడు. దాన్ని కూడా మైండ్ గేమ్‌తో ఆడి గెల‌వాల‌నుకుంటాడు. దీంతో ఒక్క రోబో టాస్కు‌ మిన‌హా మిగ‌తావాటిలో అత్యుత్త‌మ ప్ర‌ద‌ర్శ‌న క‌న‌బ‌ర్చ‌లేదు. ఈ కార‌ణాన్ని సాకుగా చెప్తూ ఇత‌ర కంటెస్టెంట్లు అభిని నామినేట్ చేయ‌డంతో అత‌డు త‌న రూటు మార్చాడు. అభికి లేరెవ‌రూ పోటీ.. ఈ వారం కెప్టెన్సీ పోటీదారుల ఎంపిక కోసం ఇచ్చిన ఫిజిక‌ల్‌ టాస్క్‌లో త‌న స్టామినా ఏంటో చూపించాడు. ఇది చూసిన ఆయ‌న అభిమానుల సంబ‌రం చెప్ప‌న‌ల‌వి కాదు. అభిని ఆకాశానికెత్తుతూ పండ‌గ చేసుకుంటున్నారు. 'మా అభికి లేరెవ‌రూ పోటీ, రారెవ‌రూ సాటి' అంటూ సోష‌ల్ మీడియాలో సంద‌డి చేస్తున్నారు. అందులో భాగంగా #WeAdmireAbijeet అనే హ్యాష్‌ట్యాగ్‌ను ట్విట‌ర్‌లో ట్రెండ్ చేస్తున్నారు. ఈ ట్యాగ్ మీద ఇప్ప‌టికే నాలుగు ల‌క్ష‌ల పైచిలుకు ట్వీట్లు రావ‌డం విశేషం. మొత్తానికి సోష‌ల్ మీడియాలో అభి పేరున రికార్డులు క్రియేట్ చేయాల‌ని వీళ్లు కంక‌ణం క‌ట్టుకున్నట్లే క‌నిపిస్తోంది. (చ‌ద‌వండి: అభిజిత్ క‌చ్చితంగా టాప్ 2లో ఉంటాడు)

బిగ్‌బాస్ నాల్గో సీజ‌న్‌లో మ‌రోసారి ఫ్యామిలీ ఎపిసోడ్ న‌డిచింది. కాక‌పోతే వ‌చ్చిన‌వారితో కూడా నాగార్జున గేమ్ ఆడించారు. ఎవ‌రు టాప్ 5లో ఉంటారో అంచ‌నా వేయ‌మ‌న్నారు. దీనివ‌ల్ల‌ ఓర‌కంగా కంటెస్టెంట్ల‌కు లాభ‌మే జ‌రిగింది.అటు అయిన‌వారితో మాట్లాడే వెసులుబాటుతో పాటు వారి అంచ‌నాల‌ను బ‌ట్టి ప్రేక్ష‌కుల నాడి తెలుసుకునే అవ‌కాశం దొరికింది. కానీ అవినాష్‌ను మాత్రం దురదృష్టం వెంటాడింది. అత‌డి ఫ్యామిలీని క‌లుసుకునే ఛాన్స్ చేజేతులా పోగొట్టుకున్నాడు. ఇక ఈ సీజ‌న్ మొత్తంలో ఈ వారంలోనే అత్య‌ధికంగా 9.5 కోట్ల ఓట్లు వ‌చ్చాయ‌ని నాగార్జున స‌గ‌ర్వంగా ప్ర‌క‌టించారు. మ‌రి నేటి బిగ్‌బాస్ ఎపిసోడ్ ఎలా సాగిందో తెలుసుకోవాలంటే ఈ స్టోరీ మీద ఓ క‌న్నేయండి.. అవినాష్ టాప్ 2లో ఉండ‌కూడ‌దు: ‌హారిక‌ కుటుంబ స‌భ్యుల‌ను క‌లుసుకునేందుకు నాగ్ కంటెస్టెంట్ల‌కు బంప‌రాఫ‌ర్ ప్ర‌క‌టించారు. త‌ను అడిగే ప్ర‌శ్న‌ల‌కు సూటిగా స‌మాధానాలు చెప్తే వారి ఫ్యామిలీ మెంబ‌ర్స్‌తో మాట్లాడిస్తాన‌ని చెప్పారు. దీనికి ఇంటిస‌భ్యులు స‌రేనంటూ త‌లాడించారు. మొద‌ట‌గా హారిక వంతు రాగా.. నువ్వు టాప్ 2లో ఉంటే ఎవ‌రు నీతో పాటు ఉండ‌టానికి ఇష్ట‌ప‌డ‌వు అని నాగ్ ప్ర‌శ్నించారు. అందుకు ఆమె అవినాష్ పేరును చెప్పింది. దీంతో హారిక అన్న‌య్య‌, స్నేహితుడు స్టేజీపైకి వ‌చ్చారు. వ‌చ్చిన‌ వాళ్ల‌తో నాగ్ గేమ్ ఆడించారు. ఎవ‌రు టాప్ 5లో ఉంటారో చెప్ప‌మ‌న‌గా.. హారిక‌, అభిజిత్‌, లాస్య‌, సోహైల్‌, అరియానా ముందు వరుసలో ఉంటార‌ని తెలిపారు. (చ‌ద‌వండి: ఆ అల‌వాటు మాత్రం పోలేదు: హారిక త‌ల్లి) ముందు ఒక‌లా, వెన‌క ఒక‌లా ఉండేది అభి బిగ్‌బాస్ ఇంట్లో ముందు ఒక‌లాగా, వెన‌క ఒక‌లాగా ప్ర‌వ‌ర్తించేది ఎవ‌రు అన్న ప్ర‌శ్న‌కు అభిజిత్ అని అఖిల్ ఆన్స‌ర్ ఇచ్చాడు. ఈ క్ర‌మంలో మ‌రోసారి ఇద్ద‌రి మ‌ధ్య వాగ్వాదం జ‌రగ్గా ఈ స‌మస్య‌ను మీరే ప‌రిష్క‌రించుకోవాల‌ని నాగ్ చేతులెత్తేశారు. త‌ర్వాత అఖిల్ అన్న బ‌బ్లూ‌, ఆయ‌న‌ కొడుకు అరుష్‌ స్టేజీ మీద‌కు వ‌చ్చారు. సోహైల్‌, అఖిల్‌, అభిజిత్‌, అరియానా, అవినాష్‌ టాప్ 5లో ఉంటార‌ని బ‌బ్లూ అభిప్రాయ‌ప‌డ్డాడు. షో కోసం అన్నివిధాలా త‌మ వంతు కృషి చేయ‌నిది ఎవ‌ర‌న్న ప్ర‌శ్న‌కు అరియానా మోనాల్ అని చెప్పింది. త‌ర్వాత‌ అరియానా చెల్లి మృ గ‌న‌య‌ని(ముగ్గు), స్నేహితుడు కార్తీక్ వ‌చ్చారు. (చ‌ద‌వండి: ఐ ల‌వ్ యూ విన‌య్: అరియానా) అవినాష్ సేఫ్ గేమ్ ఆడుతున్నాడు: లాస్య‌ ఈ సంద‌ర్భంగా అరియానా చెల్లి మాట్లాడుతూ నువ్వు ఏడ‌వ‌కు, న‌న్ను ఏడిపించ‌కు అని అక్క‌కు స‌ల‌హా ఇచ్చింది. టాప్ 5లో అరియానా, అఖిల్‌, సోహైల్‌, హారిక‌, అవినాష్ ఉంటార‌ని చెప్పుకొచ్చారు. కూర‌లో ఉప్పు ఎంత అవ‌స‌ర‌మో బిగ్‌బాస్‌కు అవినాష్ అంత అవ‌స‌ర‌మ‌ని ముగ్గు అభిప్రాయ‌ప‌డింది. కానీ అత‌డు అరియానాను పడేసేందుకు ప్ర‌య‌త్నిస్తున్నాడ‌ని చెప్ప‌గా వెంట‌నే అవినాష్‌.. తాము క్లోజ్ ఫ్రెండ్స్ అని క్లారిటీ ఇచ్చాడు. ఇక‌ సేఫ్ గేమ్ ఆడుతూ ఇంత‌వ‌ర‌కు నెట్టుకొచ్చింది ఎవ‌ర‌న్న ప్ర‌శ్న‌కు లాస్య అవినాష్ పేరు చెప్పింది. దీంతో స్టేజీ మీద‌కు వ‌చ్చిన లాస్య త‌ల్లి శాంత‌మ్మ‌ త‌న కూతురు షోకు వ‌చ్చాక‌ ఎన్నో షాకులిచ్చింద‌ని తెలిపింది. లాస్య‌, అభిజిత్‌, సోహైల్‌, అఖిల్‌, హారిక టాప్ 5లో ఉంటార‌ని చెప్పుకొచ్చింది. (చ‌ద‌వండి: అఖిల్ బ‌ర్త్‌డే: ముద్దులు కురిపించిన మోనాల్‌) అభితో ఫ్రెండ్‌షిప్ వ‌ద్దు: సోహైల్‌ బిగ్‌బాస్ హౌస్ నుంచి బ‌య‌ట‌కు వెళ్లాక ఇంటిస‌భ్యుల్లో ఎవ‌రితో స్నేహాన్ని కొన‌సాగించ‌వు? అన్న ప్ర‌శ్న‌కు సోహైల్ అభిజిత్ పేరు చెప్పాడు. దీంతో సోహైల్ బ్ర‌ద‌ర్స్ స‌బిల్‌, రామారావు స్టేజీ మీద‌కు వ‌చ్చారు. సోహైల్‌, అభిజిత్‌, అఖిల్‌, అవినాష్‌, అరియానా టాప్ 5లో ఉంటార‌ని చెప్పుకొచ్చారు. రాత్రి తొమ్మిది త‌ర్వాత నుంచి ఒంటి గంట వ‌ర‌కు సోహైల్‌‌ అమ్మాయిల‌తో ఛాటింగ్ చేస్తాడ‌ని చెప్పడంతో అంద‌రూ షాక‌య్యారు. త‌ర్వాత నాగ్ ఓ గాడిద సామెత‌ను చెప్ప‌గా అభిజిత్ చేయి లేపుతూ అది‌ హారిక గురించే చెప్పానని స‌మాధాన‌మిచ్చాడు. (చ‌ద‌వండి: మొద‌టి బిడ్డ‌ను చంపుకున్నా: లాస్య క‌న్నీళ్లు) మెహ‌బూబ్‌కు బ‌దులు మోనాల్ వెళ్లిపోవాల్సింది: అభి పోయిన వారం మెహ‌బూబ్‌కు బ‌దులు ఎవ‌రు ఎలిమినేట్ కావాల్సింది అన్న ప్ర‌శ్న‌కు మోనాల్ అని అభి స‌మాధాన‌మిచ్చాడు. త‌ర్వాత అభి మామ‌, నాన్న స్టేజీ మీద‌కు రాగా అత‌డి ల‌వ్ స్టోరీ చెప్ప‌మ‌ని నాగ్ అడిగారు. అయితే అభి వ‌ద్ద‌న‌గానే మామ ఏమీ లేద‌ని దాట వేశారు. టాప్ 5లో అభిజిత్‌, సోహైల్‌, హారిక‌, అఖిల్‌, మోనాల్ ఉంటార‌ని తెలిపాడు. ఇంట్లో ఎవ‌రిని న‌మ్మ‌కుండా ఉంటే బాగుండేది అనుకున్నావు అన్న ప్ర‌శ్న‌కు మోనాల్ అభిజిత్ పేరు చెప్పింది. స్టేజీ మీద‌కు వ‌చ్చిన మోనాల్ త‌ల్లి నాగ్‌కు గిఫ్ట్ ఇచ్చింది. సోహైల్ సేఫ్‌ త‌ర్వాత అభిజిత్, మోనాల్‌, అఖిల్‌, లాస్య‌, సోహైల్ టాప్ 5లో ఉంటార‌ని ఆశీర్వాద‌మిచ్చింది. అంతేకాక‌ త‌న‌కు అభిజిత్ ఫేవరె‌ట్ అని చెప్పింది. త‌ర్వాత అవినాష్‌.. అంద‌రిక‌న్నా లాస్య సెల్ఫిష్ అని చెప్పాడు. కానీ స‌రైన కార‌ణం చెప్ప‌క‌పోవ‌డంతో అత‌డి ఫ్యామిలీ మెంబ‌ర్స్‌ను స్టేజీ మీద‌కు రాకుండా వెనుదిరిగి పోయారు. అనంత‌రం టాప్ 5 ఓట్లు త‌క్కువగా ప‌డ్డ ముగ్గురు కంటెస్టెంట్లు వారికి ఇష్ట‌మైన వ‌స్తువుల‌ను స్టోర్ రూమ్‌లో పెట్టాల‌ని నాగార్జున ఆదేశించారు. దీంతో లాస్య‌.. జున్ను ఫొటో, అవినాష్.. ప‌ర్ఫ్యూమ్‌, మోనాల్ త‌న స్పెష‌ల్ గిఫ్ట్‌ను పంపించేశారు. త‌ర్వాత సోహైల్ సేఫ్ అయిన‌ట్లు ప్ర‌క‌టించారు. మొత్తానికి కంటెస్టెంట్ల ఫ్యామిలీ మెంబ‌ర్స్‌ అభిజిత్‌, సోహైల్‌, అఖిల్‌, హారిక‌, అరియానా టాప్ 5లో ఉంటార‌ని తేల్చి చెప్పారు (చ‌ద‌వండి: మోనాల్ సేఫ్‌, లాస్య ఎగ్జిట్‌!)

బిగ్‌బాస్ హౌస్‌లో ఉన్న కంటెస్టెంట్లు ఓ ర‌కంగా అదృష్ట‌వంతులు. క‌రోనా దూర‌ని కుటీరంలా బిగ్‌బాస్ హౌస్ వారికి ర‌క్ష‌ణ క‌ల్పిస్తోంది. అయితే ఆ మాయ‌దారి రోగం వ‌ల్ల కంటెస్టెంట్లకు వారి కుటుంబాల‌కు మ‌ధ్య గాజు తెర అడ్డుగా నిలిచింది. కానీ అది వారి ప్రేమ‌ను అడ్డుకోలేదు. క‌న్న‌వారిని క‌ళ్లారా చూసుకుని ఇంటి స‌భ్యులు భావోద్వేగానికి లోన‌య్యారు. మంచీచెడ్డ‌లు అడిగి తెలుసుకున్నారు. 70 రోజుల‌కు పైగా ఇంట్లో ఉంటున్న కంటెస్టెంట్ల‌కు ర‌క్త‌సంబంధీకుల‌తో ఎంత మాట్లాడినా త‌నివి తీర‌లేదు. అందుక‌ని నాగార్జున ఇంటిస‌భ్యుల కోసం నేడు మ‌రోసారి వారి కుటుంబాల‌ను తీసుకువ‌చ్చారు. అఖిల్ ఫ్యామిలీ నుంచి వ‌చ్చిన బుడ్డోడు త‌న‌కు అఖిల్ బాబాయ్‌తో పాటు మోనాల్ కూడా ఇష్ట‌మ‌ని చెప్పుకొచ్చాడు. (చ‌ద‌వండి: బిగ్‌బాస్‌: అఖిల్‌కి హ్యాండిచ్చిన మోనాల్‌) ఇక మోనాల్ అమ్మ త‌న కూతురు త‌ర్వాత అభిజిత్ ఇష్ట‌మ‌ని చెప్ప‌డంతో అఖిల్ ముఖం మాడిపోయింది. ఆవేశాన్ని ఆప‌గ‌లం కానీ అభిమానాన్ని ఆప‌లేమ‌ని అరియానా సోద‌రి పంచ్ వేసింది. రాత్రి తొమ్మిది త‌ర్వాత సోహైల్ క‌థ వేరే ఉంట‌ద‌ని అత‌డి ఫ్యామిలీ మెంబ‌ర్ ఏదో ర‌హ‌స్యాన్ని చెప్ప‌బోతుంటే వ‌ద్ద‌ని సోహైల్ వేడుకున్నాడు. ఇక‌ అభిజిత్ ల‌వ్ స్టోరీ గురించి చెప్ప‌మ‌ని నాగ్‌ అత‌డి బంధువును అడ‌గ్గా.. నాన్న ముందు చెప్తే బాగోద‌ని అభి దాట‌వేసే ప్ర‌య‌త్నం చేశాడు. త‌ర్వాత అవినాష్ నాగ్ అడిగిన ప్ర‌శ్న‌కు సూటిగా స‌మాధానం చెప్ప‌క‌పోవ‌డంతో అత‌డి ఫ్యామిలీ మెంబ‌ర్‌ను క‌లుసుకునే అవ‌కాశం కోల్పోయిన‌ట్లు క‌నిపిస్తోంది. ఇక ఈ ప్రోమోను చూసిన నెటిజ‌న్లు అఖిల్‌కు పంచ్ ప‌డింద‌ని కామెంట్లు చేస్తున్నారు. మోనాల్ సోద‌రి అభికి కౌంట‌రిస్తే వాళ్ల అమ్మ మాత్రం అత‌డికే స‌పోర్ట్ చేయ‌డం విశేషమ‌ని చెప్తున్నారు. (చ‌ద‌వండి: ఐ హేట్ యూ అన్నావు, అస‌లు న‌న్నో ఫ్రెండ్‌గా ఎప్పుడు ఇష్ట‌ప‌డ్డావు)

కంటెస్టెంట్లు క‌లిసి ఉండాల‌న్నా, గొడ‌వ‌లు పెట్టుకోవాల‌న్నా అదంతా బిగ్‌బాస్ చేతిలో ఉంటుంది. అఖిల్‌-అభిజిత్ విష‌యంలో ఇది తేట‌తెల్ల‌మ‌వుతోంది. బిగ్‌బాస్ నాల్గో సీజ‌న్ ప్రారంభ‌మైన తొలినాళ్ల‌లో ఏ స‌మ‌స్యా లేక‌పోయినా అఖిల్‌, అభిజిత్ గొడ‌వ‌లు ప‌డేవారు. కేవ‌లం మోనాల్ కోసం కొట్టుకు చచ్చేవారు. త‌ర్వాత ఏమైందో ఏమో కానీ ఇద్ద‌రూ ఆమెను వ‌దిలేసి స్నేహం గీతం పాడుకుంటూ క‌లిసిపోయారు. ఇంత‌లో నామినేష‌న్ పెంట పెట్టి బిగ్‌బాస్ అఖిల్‌, అభి మ‌ధ్య నిప్పు రాజేసే ప్ర‌య‌త్నం చేశాడు. త‌ర్వాత సీక్రెట్ రూమ్ ట్విస్టుతో ఆ నిప్పు అగ్ని ప‌ర్వ‌తంలా మార‌గా.. రీఎంట్రీతో అఖిల్ దాన్ని బ‌ద్ధ‌లు చేస్తూ ఫైర్ అయ్యాడు. నామినేష‌న్‌లోనూ.. మ‌ట‌న్ షాపు ఓనర్ మేక‌కు గ‌డ్డి చూపించాడు. మేక లోప‌లికి వెళ్లిపోయింది.. త‌ర్వాత ఏమైంది అంటూ అభి త‌న గురించి వెన‌కాల మాట్లాడిన మాట‌ల‌ను ప్ర‌స్తావిచాడు. ఆ మేక ఇప్పుడు పులై వ‌చ్చింద‌ని చెప్తూ అత‌డిని నామినేట్ చేశాడు. ఈ క్ర‌మంలో ఇద్ద‌రూ ఒక‌రినొక‌రు దూషించుకునే స్థాయికి వెళ్లారు. (చ‌ద‌వండి: ఆఫ్ట్రాల్ ఓ బ‌చ్చాగానివి, ప‌క్క‌కు పో: అభి ఫైర్‌) కానీ మొన్న అఖిల్ అమ్మ హౌస్‌లోకి వెళ్లి అభిజిత్‌, నీ బ్ర‌ద‌ర్‌ను బాగా చూసుకో అని అఖిల్ గురించి చెప్పుకొచ్చింది. అటు అభి అమ్మ కూడా ఏం ప‌ర్లేదు కొట్టుకోండి అని స‌ల‌హా ఇచ్చింది. ఈ ఒక్క ఎపిసోడ్‌తో బ‌ద్ధ శ‌త్రువుల్లా మారిన అఖిల్‌, అభిజిత్ సొంత అన్న‌ద‌మ్ముల్లా క‌లిసిపోయారు. కానీ ఇది బిగ్‌బాస్‌కు బొత్తిగా న‌చ్చన‌ట్లు క‌నిపిస్తోంది. దీంతో నాగార్జున నేడు మ‌రోసారి మేక గొడ‌వ‌ను లేవనెత్తారు. దీనిపై అభి స్పందిస్తూ.. త‌ను అన్న‌దాంట్లో త‌ప్పేముంద‌ని అడిగాడు. అఖిల్ ముందు చెప్ప‌మ‌న్నా చెప్తాన‌ని స్ప‌ష్టం చేశాడు. దీంతో అఖిల్ అప్పుడు మాట్లాడిన టోన్ ఏంటి? ఇప్పుడు మాట్లాడిన టోన్ ఏంట‌ని మండిప‌డ్డాడు. అయినా ల‌క్‌తో పాటు బిగ్‌బాస్ త‌ల్చుకోవ‌డం వ‌ల్లే అఖిల్‌ హౌస్‌లోకి మ‌ళ్లీ వ‌చ్చాడ‌ని అభిజిత్ చెప్పుకొచ్చాడు. దీంతో మ‌రోసారి ఈ ఇద్ద‌రి మ‌ధ్య గొడ‌వ రాజుకున్న‌ట్లు తేట‌తెల్ల‌మ‌వుతోంది. (చ‌ద‌వండి: తిండి కోసం అత‌డి ఇంటికి వెళ్లాను: అరియానా)

బిగ్‌బాస్ జ‌ర్నీలో కంటెస్టెంట్లు వారి కుటుంబాల‌ను క‌ల‌సుకునే ఎపిసోడ్ ఎంతో ప్ర‌త్యేక‌మైన‌ది. ఇంటిస‌భ్యుల‌ తప్పొప్పుల‌ను స‌రిచేస్తూ ఆట‌తీరు మెరుగుప‌ర్చుకునేందుకు వారిచ్చే స‌ల‌హాలు ఎంతో విలువైన‌వి. కానీ ఈసారి అలాంటి అవ‌కాశ‌మేమీ ల‌భించ‌లేదు. ప‌ర్స‌న‌ల్‌గా మాట్లాడుకునే స్పేస్ దొర‌క్క‌పోయినా కావాల్సినంత ప్రేమ‌ను పంచారు. అదేంటో కానీ కంటెస్టెంట్ల ఒక్కో పేరెంట్ లోనికి అడుగు పెట్టేకొద్దీ లోప‌ల ఉన్న కంటెస్టెంట్ల మ‌న‌సులు శుద్ధిగా మారిపోయాయి. నామినేష‌న్ గొడ‌వ‌ల‌ను గాలికొదిలేసి అంతా ఒకే కుటుంబం అన్న‌ట్లుగా క‌లిసిపోవ‌డం అంద‌రినీ ఆశ్చ‌ర్య‌ప‌రిచింది. మ‌రి ఇన్ని వింత‌లు చోటు చేసుకున్న‌ నేటి 74వ ఎపిసోడ్‌లో ఏమేం జ‌రిగాయో తెలుసుకోవాలంటే ఆల‌స్యం చేయ‌కుండా చ‌దివేసేయండి.. అవినాష్‌ను ఆడుకున్న సోహైల్‌ ‌ఓ వైపు మ‌ట‌న్ పాడు చేసినందుకు కంటెస్టెంట్ల‌తో చీవాట్లు, మ‌రోవైపు నాన్‌వెజ్ తిన‌కూడ‌ద‌న్న బిగ్‌బాంబ్ అవినాష్‌ను ఉక్కిరి బిక్కిరి చేశాయి. ఇలాంటి స‌మ‌యంలో‌ సోహైల్, అవినాష్ ప‌క్కన చేరి మ‌ట‌న్ ఆవురావురుమ‌ని లాగిస్తూ అత‌డికి ఊరిళ్లు తెప్పించాడు. దీంతో అవినాష్ త‌న జిహ్వ చాప‌ల్యాన్ని కంట్రోల్ చేసుకునేందుకు నానా తంటాలు ప‌డ్డాడు. సోహైల్ మాత్రం నేల మీద పాకుతూ మ‌రీ ప్లేటు ఖాళీ చేశాడు. త‌ర్వాత హౌస్‌లోకి కంటెస్టెంట్ల ఫ్యామిలీ మెంబ‌ర్స్‌ను ఒక్కొక్క‌రిగా పంపించాడు. ముందుగా అఖిల్ అమ్మ దుర్గ‌ రాగానే అత‌డు చంటిపిల్లాడిలా ఏడ్చాడు. (చ‌ద‌వండి: బిగ్‌బాస్‌: హారిక‌కు ఇచ్చి ప‌డేసిన సోహైల్‌) మోనాల్ ఇచ్చిన చాక్లెట్‌ను అమ్మ‌కు.. మోనాల్ ఇచ్చిన చాక్లెట్‌ను అఖిల్ త‌న అమ్మ‌కు ఇచ్చాడు. ఆమె హారిక‌ను ప‌ట్టుకుని నీలాంటి ఆడ‌పిల్ల కావాలి అన‌డంతో హారిక ఆనందంతో గాల్లో తేలియాడింది. అంద‌రి గురించి అన్నీ చెప్తున్న ఆమె మోనాల్ గురించి ఏమీ మాట్లాడ‌క‌పోవ‌డంతో త‌న గురించి కూడా చెప్పమ‌ని అఖిల్ నోరు తెరిచి అడిగాడు. దీంతో ఆమె మోనాల్ నీ బెస్ట్ ఫ్రెండ్ అని చెప్పుకొచ్చింది. అద్దం తెర చాటు నుంచే కొడుక్కు ముద్దు పెట్టింది. అలాగే అఖిల్‌కు అభిజిత్ అన్న‌, లాస్య అక్క అని చెప్పింది. ఆమె వీడ్కోలు తీసుకోగానే ఏదో మంత్రం వేసిన‌ట్టుగా అభిజిత్‌, అఖిల్‌, సోహైల్ క‌లిసిపోయారు. (చ‌ద‌వండి: ఇక చాలు ఆపండి, అభిజిత్ విన్న‌రేంటి?) హారిక‌తో చ‌క్క‌ర్లు కొట్టేందుకు అభి ప్లానింగ్‌ ప్లాంక్ వాక్(నేల‌మీద పాక‌డం) పెట్ట‌కండ‌ని అరియానా బిగ్‌బాస్‌ను వేడుకుంది. ఆ వెంట‌నే అంద‌రూ పాకాల‌ని బిగ్‌బాస్ బజ‌ర్ మోగించాడు. దీంతో చ‌చ్చిన‌ట్లు నేల‌మీద ప‌డి పాక‌డం మొద‌లుపెట్టారు. వారిని ప‌వ‌ర్ సేవ్ మోడ్‌లో ఉంచిన బిగ్‌బాస్ హారిక త‌ల్లి జ్యోతిని లోనికి పంపించారు. హారిక‌ను చూసుకుంటున్నందుకు ఆమె అభిజిత్‌కు ధ‌న్య‌వాదాలు తెలిపింది. కెప్టెన్సీ పోటీదారులుగా నిలిచాన‌ని హారిక గుడ్‌న్యూస్‌ చెప్ప‌గా ఈసారైనా గెలుస్తావా? అని ఏడిపించింది. ఇంత‌లో అభిజిత్ అందుకుంటూ మీరు అనుమ‌తిస్తే హారిక‌ను ఓసారి ఓ చోటుకు తీసుకెళ్తాను అని అడ‌గ్గా ఆమె అందుకు గ్రీన్ సిగ్న‌ల్ ఇచ్చింది. వేస్ట్‌గాడు అన్నందుకు సారీ: హారిక‌ త‌ర్వాత లోనికి వ‌చ్చిన అభిజిత్ అమ్మ ల‌క్ష్మి‌ కొడుకును చూడ‌గానే సంతోషంతో ఏడ్చేసింది. దీంతో ఎమోష‌న‌ల్ అవొద్దు అంటూ అభి త‌ల్లిని ఓదార్చాడు. ఆమె కొడుకు క‌న్నా ఎక్కువ‌గా అంద‌రి యోగ‌క్షేమాల‌ను అడిగి తెలుసుకుంది. ఈ సంద‌ర్భంగా త‌న‌కు కూడా హౌస్‌లో ఓ రోజు ఉండాల‌నుంద‌ని మ‌న‌సులోని మాట చెప్పింది. ఈ అవ‌కాశం మ‌ళ్లీ దొర‌క‌ద‌ని బాగా ఎంజాయ్ చేయండి, కొట్టుకోండి అని స‌ల‌హా ఇచ్చింది. సంతోషం ప‌ట్ట‌లేని కంటెస్టెంట్లు డ్యాన్సు చేస్తూ కుప్పిగంతులు వేశారు. బ‌య‌ట‌కు వెళ్లాక‌ మ‌నం కొట్టుకున్న‌ది చూసి న‌వ్వుకుంటామ‌ని అభిజిత్ చెప్పుకొచ్చాడు.  దానికంత‌టికీ కార‌ణ‌మైనందుకు అఖిల్‌, సోహైల్‌కు థ్యాంక్స్ చెప్పిన అభి హారిక‌కు ధ‌న్య‌వాదాలు చెప్ప‌కుండా హారిక‌కు హ‌గ్గిచ్చాడు. త‌ర్వాత హారిక వేస్ట్‌గాడు అన్నందుకు సోహైల్‌కు సారీ చెప్పింది. (చ‌ద‌వండి: నేను గేమ్ ఆడ‌టానికి రాలేదు‌: అభిజిత్) ప్ర‌తిసారి పెళ్లి అన‌కు, వ‌చ్చాక చేస్తా త‌ర్వాత అవినాష్ అమ్మ మ‌ల్ల‌వ్వ‌ లోప‌ల‌కు వ‌చ్చింది. కొడుకు మీద ముద్దుల వ‌ర్షం కురిపించింది. కంటెస్టెంట్లు అంద‌రూ బాగుండాల‌ని రోజూ దేవుళ్ల‌కు పూజ‌లు చేస్తున్నాన‌ని చెప్పుకొచ్చింది. ఊరికే పెళ్లి అంటూ క‌ల‌వ‌రించొద్ద‌ని, బ‌య‌ట‌కు వ‌చ్చాక చేస్తాన‌ని హామీ ఇచ్చింది. చాలా మంది ఇంటికొచ్చి త‌న‌ను సెల్ఫీ అడుగుతున్నార‌ని తెలిపింది. వెళ్లిపోయే ముందు హౌస్‌మేట్స్‌తో క‌లిసి హుషారుగా స్టెప్పులేసింది. ఆమె వెళ్లిపోగానే అవినాష్ క‌న్నీళ్లు పెట్టుకున్నాడు. త‌న రెండు మోకాళ్లు అరిగిపోయి ఆప‌రేష‌న్ అయింద‌ని, తాను వ‌చ్చేముందు న‌డ‌వ‌లేని స్థితిలో ఉండేద‌ని అరియానాతో చెప్పుకొచ్చాడు. కానీ ఇప్పుడు న‌డ‌వ‌గ‌లుగుతోంద‌ని ఎమోష‌న‌ల్ అయ్యాడు. మొత్తానికి నేటి ఎపిసోడ్ కొంత భారంగా మ‌రికొంత వినోదాత్మ‌కంగా సాగింది. వ‌చ్చిన వాళ్లంద‌రూ అఖిల్‌కు బ‌ర్త్‌డే విషెస్ చెప్తూ అవినాష్‌కు పిల్ల‌ను చూస్తున్నామ‌ని చెప్పుకొచ్చారు. కానీ ఈ ఎపిసోడ్ అంద‌రినీ మార్చేసింది. వారి మ‌ధ్య ఉన్న గొడ‌వ‌లను తుంచి, మ‌న‌స్ప‌ర్థ‌ల‌ను చెరిపేసింది. అంద‌రి మ‌న‌సుల్లో ప్రేమ‌ను మాత్ర‌మే వ్యాపింప‌జేసింది.

పోటీదారులు ఎంత‌మంది ఉన్నా విజేత ఒక్క‌రే. ప్ర‌స్తుతం బిగ్‌బాస్ నాల్గో సీజ‌న్ ట్రోఫీ కోసం ఎనిమ‌ది మంది పోరాడుతున్నారు. అభిజిత్‌, అఖిల్‌, హారిక‌, సోహైల్‌, మోనాల్‌, అరియానా, అవినాష్‌, లాస్య ఎవ‌రికి వారే టైటిల్ ద‌క్కించుకోవాల‌ని ఉవ్విళ్లూరుతున్నారు. ఇందుకోసం ఇప్ప‌టికే వారు బ‌ల‌హీన‌త‌ల‌ను అధిగ‌మించి, ఎమోష‌న్స్‌ను జ‌యించి,  బ‌లాన్ని కూడ‌దీసుకుని, టాస్కుల‌ను ఒంటిచేత్తో పూర్తి చేసి విజ‌యాన్ని అందుకునేందుకు ఒక్కో మెట్టు ఎక్కుతున్నారు. కానీ ఎంత క‌ష్ట‌ప‌డ్డా వీరిలో ఐదుగురు మాత్ర‌మే గ్రాండ్‌ ఫినాలే వ‌ర‌కు వెళ్తారు. అందులో ఒక్క‌రికే టైటిల్ సొంత‌మ‌వుతుంది. అలా మ‌రో మూడు వారాల్లో  షోకు శుభం కార్డు ప‌డ‌నుంది. ఈ క్ర‌మంలో ట్రోఫీని అందుకునే అవ‌కాశం ఎవ‌రికి పుష్క‌లంగా ఉంద‌నే విష‌యాన్ని బిగ్‌బాస్ మాజీ కంటెస్టెంటు కౌశ‌ల్ మండా వెల్ల‌డించాడు. కానీ హౌస్‌లో ఒక‌టి అనుకుంటే మ‌రొక‌టి జ‌రుగుతోంద‌ని చెప్పుకొచ్చాడు. ఆయ‌న ఇంకా ఏమేం అన్నాడో అత‌డి మాట‌ల్లోనే.. సీక్రెట్ రూమ్ అట్ట‌ర్ ఫ్లాప్‌.. అభిజిత్‌.. మైండ్ గేమ్ ఆడుతున్నాడు. ఫిజిక‌ల్‌గా స్ట్రాంగ్ కాక‌పోవ‌చ్చు. కానీ అత‌డు చెప్పే ప్ర‌తీదీ జ‌నాల‌కు అర్థ‌మ‌య్యేట్టు చెప్తాడు. మా సీజ‌న్‌లో త‌నీష్‌కు ఆ అల‌వాటు ఉంది. ఇత‌డు క‌చ్చితంగా టాప్ 2లో ఉంటాడు. సోహైల్‌.. మంచి ప్లేయ‌ర్‌. కోప‌మే అత‌డి బ‌లం. అత‌డు కోపంలో మాట్లాడే మాట‌లు విని ఎంజాయ్ చేయొచ్చు. సోహైల్ కూడా ప‌క్కా టాప్ 2లో ఉంటారు. అఖిల్‌.. మిగ‌తావాళ్ల‌తో పోలిస్తే బాగా ఆడ‌తాడు. మొద‌ట్లో మోనాల్‌తో ట్రాక్ న‌డిపాడు. కానీ స‌డ‌న్‌గా ఆ రిలేష‌న్‌షిప్‌కు ఫుల్‌స్టాప్ పెట్టాడు. త‌ర్వాత మ‌ళ్లీ గేమ్‌లోకి వ‌చ్చాడు. అఖిల్‌ సీక్రెట్ రూమ్‌కు వెళ్తున్నాడ‌ని అత‌నితో పాటు ఇంటిస‌భ్యుల‌కు కూడా తెలుసు. అయితే ప్ర‌తి సీజ‌న్‌కు సీక్రెట్ రూమ్ వ‌ర్క‌వుట్ కాదు. పైగా అఖిల్ ఆ సీక్రెట్ రూమ్‌లోకి వెళ్లి టెంప‌ర్ లూజ్ అయ్యాడు. అదే అత‌డికి మైన‌స్ అవుతోంది. (చ‌ద‌వండి: మొద‌టిసారి నాకు ముద్దు పెట్టావు: అఖిల్‌) అవినాష్ కామెడీ త‌గ్గించేశాడు అవినాష్‌.. కామెడీ చేస్తున్నాడు, గేమ్ ఆడ‌టానికి ప్ర‌య‌త్నిస్తున్నాడు. కానీ చిల్ల‌ర కామెడీ అన్న‌ప్ప‌టి నుంచి కామెడీ త‌గ్గించేశాడు. ఎత్తుకు పై ఎత్తుకు వేసుకుంటూ వెళ్తే టాప్ 5లోకి వెళ్తాడు. అరియానా.. అగ్రెసివ్‌. ఒక‌సారి పీక్స్‌కు వెళుతుంది మ‌ళ్లీ డ్రాప‌వుట్ అవుతుంది. అదే పీక్‌నెస్‌ మెయింటెన్ చేస్తే బాగుంటుంది. ఇక అవినాష్, అరియానా మ‌ధ్య బంధం బ‌లంగా ఉంది. హారిక.. ఇద్ద‌రు ముగ్గురితోనే మాట్లాడుతుంది. అంద‌రితో ఓపెన్ అవ్వ‌ట్లేదు. క్యూట్ అండ్ బ‌బ్లీనెస్‌తోనే ఉండిపోతోంది. కానీ అక్క‌డ‌ స‌మ‌యం మించిపోతోంది. అయినా స‌రే త‌ర్వాత చేద్దాం, త‌ర్వాత ఆడ‌దాం అనుకుంటే కుద‌ర‌దు. ఇప్ప‌టి నుంచే ఆడాల్సిందే. (చ‌ద‌వండి: అరియానా నాకు కాంపిటీష‌నే కాదు: లాస్య‌) లాస్య అస‌లు స్వ‌రూపం చూపించాలి లాస్య‌.. గేర్ లేని కారును న‌డుపుతున్న‌ట్లుగా ఆమె ఆట ఉంది. మొద‌టి నుంచి కూల్‌గా వెళ్తోంది. అంద‌రూ ఆమె న‌వ్వునే చూశారు, కానీ కోపాన్ని కూడా చూడాల‌నుకుంటున్నారు. అవ‌కాశం దొరికిన‌ప్పుడు అస‌లు స్వ‌రూపాన్ని చూపింస్తుంద‌ని కోరుకుందాం. మోనాల్.. ఇప్పుడిప్పుడే రియ‌లైజ్ అవుతోంది. అఖిల్‌తో రిలేష‌న్ నుంచి బ‌య‌ట‌కు వ‌చ్చి గేమ్ మీద దృష్టి పెడితే బాగా ఆడ‌గ‌ల‌దు. భాష రాక‌పోవ‌డం వ‌ల్ల చెప్పాల‌నుకున్న‌ది క‌రెక్ట్‌గా చెప్ప‌లేక‌పోతోంది. ఎమోష‌న‌ల్‌గా కాకుండా అగ్రెసివ్‌గా ఆడితే బాగుంటుందని కౌశ‌ల్‌ చెప్పుకొచ్చాడు. మ‌రి ఈ జోస్యం ఎంత‌వ‌రకు నిజ‌మ‌వుతుందో చూడాలి. (చ‌ద‌వండి: బిగ్‌బాస్‌ : నీకు పడిపోతా అవినాష్‌.. అరియానా)

బిగ్‌బాస్ నాల్గో సీజ‌న్ ప్రారంభ‌మై 70 రోజులు దాటిపోయింది. ఈ సీజ‌న్‌లో 16 మంది కంటెస్టెంట్లు పాల్గొన్నారు. వీరికి తోడుగా మ‌రో ముగ్గురు వైల్డ్ కార్డ్ కంటెస్టెంట్లు లోనికి వెళ్ల‌డంతో పార్టిసిపెంట్ల సంఖ్య 19కి చేరింది. కానీ ప‌ద‌కొండో వారానికి వ‌చ్చేస‌రికి మాత్రం కేవ‌లం ఎనిమిది మంది మాత్ర‌మే మిగిలారు. అయితే కంటెస్టెంట్లు లోనికి వెళ్లే ముందు 14 రోజులు క్వారంటైన్‌లో ఉన్న విష‌యం తెలిసిందే క‌దా! క‌రోనా కాలం కాబ‌ట్టి ఆ ముందు జాగ్ర‌త్త చ‌ర్య‌లు త‌ప్ప‌లేవు. ఇదిలా వుంటే షో ముగింపుకు వ‌స్తున్న త‌రుణంలో ఇంటిస‌భ్యులు వారి కుటుంబీకుల‌ను క‌లుసుకునేందుకు బిగ్‌బాస్ ప్లాన్ చేశాడు. కానీ కోవిడ్ కార‌ణంగా ఒక‌రినొక‌రు ట‌చ్ చేయ‌డానికి కూడా వీలు లేకుండా అడ్డుగోడ క‌ట్టారు. కుటంబ స‌భ్యులు వారి పిల్ల‌లతో క‌లిసి తిర‌గ‌కుండా ఓ గాజు తెర‌లో నుంచే మాట్లాడే స‌దుపాయం క‌ల్పించారు. (చ‌ద‌వండి: నేను స్ట్రాంగ్ కాదు, పంపించేయండి: అరియానా) దీంతో నేడు హౌస్‌లోకి అఖిల్‌, అభిజిత్‌, అవినాష్, హారిక, అరియానా త‌ల్లులు వ‌చ్చారు. వాళ్ల‌ను చూసి స‌ర్‌ప్రైజ్ అయిన ఇంటిస‌భ్యులు క‌న్నీళ్లు పెట్టుకున్నారు. వారి క‌న్నీళ్లు తుడిచే అవ‌కాశం లేక‌పోయినా మాట‌ల‌తో ఓదార్చుతూ అద్దంలో నుంచే త‌మ పిల్ల‌ల‌కు మ‌మ‌కార‌పు ముద్దులు కురిపిస్తూ ఓదార్చారు. కాగా ఎన్ని గొడ‌వ‌లు జ‌రిగినా కేవ‌లం గేమ్ వ‌ర‌కే అని అవినాష్ చెప్తుంటే అభిజిత్ అమ్మ మాత్రం కొట్టుకోండి, మ‌జా వ‌స్తుంది అని ఎంక‌రేజ్ చేసింది. అఖిల్ త‌ల్లి మాట్లాడుతూ హారిక లాంటి కూతురు కావాల‌ని దేత్త‌డి మీద ప్రేమ కురిపించింది. అవినాష్ లాగే అత‌డి త‌ల్లి కూడా డ్యాన్సు చేస్తూ ఎంట‌ర్‌టైన్ చేసింది. ఇక హారిక అమ్మ మాట్లాడుతూ.. ఈసారైనా కెప్టెన్ అవుతావా? అని కూతురిని ఏడిపించింది. కుటుంబ స‌భ్యుల‌ను క‌లుసుకున్న కంటెస్టెంట్లు ఆనందంతో గాల్లో తేలియాడుతున్నారు. కేరింత‌లు కొడుతూ డ్యాన్స్ చేస్తున్నారు. మ‌రి ఈ ఎమోష‌న‌ల్ ఎపిసోడ్ వీక్షించాలంటే మ‌రికొన్ని గంట‌లు ఆగాల్సిందే! (చ‌ద‌వండి: అవ‌మానాల‌ను గెలుపుగా మార్చుకున్న దేత్త‌డి)

క్ర‌మ‌శిక్ష‌ణ లేకుండా పోయిన హౌస్‌ను బిగ్‌బాస్‌ క‌మాండో ఇన్‌స్టిట్యూట్‌గా మార్చాడు. ఇది టాస్క్ కాదు శిక్ష అనేట్టుగా వారితో స‌క‌ల‌‌ ఆట‌లు ఆడించాడు. ప‌డుతూ లేస్తూ, న‌వ్వుతూ తుళ్లుతూ, ఆయాస‌ప‌డుతూ ఆటాడుతూ చ‌చ్చిన‌ట్లు బిగ్‌బాస్ చెప్పిన‌ట్లు న‌డుచుకుంటున్నారు. మ‌రోవైపు నామినేష‌న్ ప్ర‌క్రియ రోజు నిప్పులు తొక్కిన కంటెస్టెంట్ల ఆవేశం నేడు చ‌ల్లారిన‌ట్లు క‌నిపిస్తోంది. గొడ‌వ‌లు ప‌క్క‌న‌పెట్టి తిరిగి ఎప్ప‌టిలాగే మాట్లాడుకున్నారు. మ‌రి నేటి బిగ్‌బాస్ షోలోని 73వ ఎపిసోడ్‌లో ఇంకా ఏమేం జ‌రిగాయో చ‌దివేయండి.. క‌మాండోలుగా మారిన కంటెస్టెంట్లు బిగ్‌బాస్ ఇల్లు క‌మాండో ఇన్‌స్టిట్యూట్‌గా మారింది. ఈ టాస్క్‌లో యూనిఫామ్ ధ‌రించిన ఇంటిస‌భ్యులు కొన్ని డ్రిల్స్ చేయాలి. అఖిల్‌ కేడ‌ట్స్‌కు కెప్టెన్‌గా వ్య‌వ‌హ‌రించారు. ట్రంపెట్ సౌండ్ వ‌స్తే మార్చి ఫాస్ట్‌, ఎక్స‌ర్‌సైజ్‌, గ‌న్‌షాట్స్ వ‌స్తే దాక్కోవ‌డం, ప‌వ‌ర్ సేవ్ అన‌గానే ఫ్రీజ్ అవ‌డం, స్లో మోష‌న్ అన్న‌ప్పుడు స్లో మోష‌న్‌లో, ఫాస్ట్ ఫార్వ‌ర్డ్ అన్న‌ప్పుడు ఫాస్ట్ ఫార్వ‌ర్డ్‌లో, డ్ర‌మ్ రోల్స్ వ‌స్తే నేల‌పై పాక‌డం వంటివి అన్నీ చేయాలి. బ‌జ‌ర్ మోగిన‌ప్పుడు దాన్ని ముందుగా కొట్టే వ్య‌క్తి ఒక ఛాలెంజ్ చేసే అవ‌కాశం పొందుతారు. ఇలా నాలుగు సార్లు బ‌జ‌ర్ మోగుతుంది. ఒక‌సారి ఛాలెంజ్ పూర్తి చేసిన వ్య‌క్తికి మ‌రోసారి బ‌జ‌ర్ కొట్టే అవ‌కాశం లేదు. (చ‌ద‌వండి: కెప్టెన్ అఖిల్‌: ఆ ముగ్గురికీ దుమ్ము దులిపాడు) పోరాడి ఓడిన సోహైల్‌ టాస్క్ మొద‌ల‌వ‌గానే బిగ్‌బాస్ చెప్పిన‌ట్టుగా ఆడుతూ ఎంజాయ్ చేశారు. కానీ ప‌దేప‌దే స్టంట్లు చేసేందుకు మాత్రం తెగ ఆయాస‌ప‌డ్డారు. మొద‌టి బ‌జ‌ర్ మోగ‌గానే సోహైల్ అన్నింటిక‌న్నా క‌ఠిన‌మైన‌ ఛాలెంజ్ స్వీక‌రించాడు. ఇందులో సోహైల్ స్విమ్మింగ్ పూల్‌లో ఒక‌వైపున ఉన్న బ‌రువైన వ‌స్తువుల‌ను మ‌రోవైపుకు తీసుకెళ్లాల్సి ఉంటుంది. మెహ‌బూబ్ కోసం ఈ ఆటాడుతున్నాన‌ని చెప్పిన సోహైల్ చివ‌రికి ఓడిపోవ‌డంతో ఎమోష‌న‌ల్ అయ్యాడు. త‌ర్వాత బ‌జ‌ర్ కొట్టిన అఖిల్‌.. పోల్‌ను వాటేసుకుని కిందకు దిగ‌కూడ‌ద‌న్న స‌వాలు స్వీక‌రించి విజ‌యం సాధించాడు. (చ‌ద‌వండి: బిగ్‌ స‌ర్‌ప్రైజ్‌: హౌస్‌లోకి కంటెస్టెంట్ల‌ ఫ్యామిలీ‌స్‌!) ఇక నుంచి నామినేట్ చేయ‌కండి: అభి త‌ర్వా‌తది నువ్వే కొట్టాల‌ని హారిక అభిజిత్‌కు చెప్పింది. అనుకున్న‌ట్లుగానే అభి బ‌జ‌ర్ కొట్టి మంకీ బార్ ఛాలెంజ్ స్వీక‌రించి గెలుపొందాడు. 100 శాతం ఇస్తున్నా క‌దా, ఈ సారి న‌న్ను నామినేట్ చేయ‌కండి అని అభి అభ్య‌ర్థించాడు. మ‌రోవైపు అవినాష్‌ స‌రిగా దాక్కోలేద‌ని అభిజిత్ ఫిర్యాదు చేయ‌గా అవున‌ని అరియానా స‌మ‌ర్థించింది. దీంతో అవినాష్‌, అరియానా కొట్టుకు చచ్చారు. నాకెవ్వ‌రితో మాట్లాడాల్సిన అవ‌స‌రం లేదు అని అరియానా స్ప‌ష్టం చేసింది. త‌ర్వాత బ‌జ‌ర్ కొట్టిన హారిక టైర్‌ను గార్డెన్ ఏరియాలో ప‌ది రౌండ్లు ఫ్లిప్ చేసే స‌వాలును స్వీక‌రించి పూర్తి చేసింది. (చ‌ద‌వండి: నాతో మ‌ర్యాద‌గా మాట్లాడు: అభిజిత్‌) అఖిల్‌కు మోనాల్ రొమాంటిక్ గిఫ్ట్‌ అనంత‌రం రాత్రి పూట హౌస్‌లో అఖిల్ పుట్టిన‌రోజు వేడుక‌లు జ‌రిపారు. అఖిలే నం.1 అని కేక్ మీద రాసి బ‌ర్త్‌డే బాయ్‌తో కేక్ క‌ట్ చేయించారు. మొద‌ట ఎవ‌రికి తినిపిస్తాడు అన్న స‌స్పెన్స్‌కు తూట్లు పొడుస్తూ కేకు ముక్క తనే తిన్నాడు. త‌ర్వాత మోనాల్ అఖిల్‌ను హ‌త్తుకుని తొలిసారిగా ముద్దులు కురిపించింది. దీంతో గాల్లో తేలిపోయిన అఖిల్‌ రోజు నా బ‌ర్త్‌డే ఉంటే బాగుండ‌ని మ‌నసులోని మాట బ‌య‌ట‌పెట్టాడు. ఇక‌ ఈ సెల‌బ్రేష‌న్స్‌లో సోహైల్ ఎక్క‌డా క‌నిపించ‌లేదు. (చ‌ద‌వండి: ఎలిమినేష‌న్‌: సోహైల్‌కు షాకుల మీద షాకులు)

బిగ్‌బాస్ హౌస్‌లో ప్ర‌స్తుతం మేక పులి గేమ్ న‌డుస్తోంది. పులి ఎదురు చూసి పంజా విసురుతుంద‌ని అభి త‌న‌కు తానే పులి అని ప్ర‌క‌టించుకున్నాడు. అప్ప‌టి నుంచి నాగార్జున కూడా అత‌డిని పులి అని పిల‌వ‌డం మొదలు పెట్టారు. ఇది స‌హించ‌లేక‌పోయాడో లేదా త‌న‌ను మేక అన‌డం భ‌రించ‌లేక‌పోయాడో కానీ అఖిల్ త‌న‌కు తానే పులి అని ప్ర‌క‌టించుకున్నాడు. త‌న మీద జోకులేసిన అభి మీద మాట‌ల‌తో క‌త్తులు దూశాడు. అలా వీళ్లిద్ద‌రి మ‌ధ్య గొడ‌వ‌లు అనే అగ్నిగుండం బ‌ద్ధ‌లై ఒక‌రిని ఒక‌రు దూషించుకునే స్థాయికి వెళ్లారు. దీంతో బిగ్‌బాస్ సీక్రెట్ రూమ్ స‌క్సెస్ అయింది. కానీ అఖిల్ ఇమేజ్ మాత్రం డ్యామేజ్ అవుతోంది. క‌రెక్ట్‌ పాయింట్‌ మాట్లాడినా ఆటిట్యూడ్ చూపించ‌డంతో త‌న గొయ్యి తానే తాన త‌వ్వుకుంటున్నట్ల‌వుతోంది. ఇక నామినేష‌న్ ప్ర‌క్రియ‌లో అవినాష్‌, అరియానా, అఖిల్‌, సోహైల్‌.. టాస్కులు ఆడ‌టం లేదంటూ అభిజిత్‌ను నామినేట్ చేశారు. దీనివ‌ల్ల ఓ ర‌కంగా మంచే జ‌రిగిన‌ట్లు క‌నిపిస్తోంది. (చ‌ద‌వండి: నాతో జాగ్ర‌త్త‌: సోహైల్‌కు అభిజిత్‌ వార్నింగ్‌) ఇప్ప‌టివ‌ర‌కు నిద్ర‌పోయిన పులి అభిజిత్ మొద‌టి సారి టాస్కులో త‌న ప్ర‌తాపం చూపిస్తున్న‌ట్లు తెలుస్తోంది. తాజాగా రిలీజైన ప్రోమోలో.. బిగ్‌బాస్ ఇంటిని క‌మాండో ఇన్‌స్టిట్యూట్‌గా మార్చారు. ఇంటిస‌భ్యులంద‌రూ బుల్లెట్ల‌ను త‌ప్పించుకుంటూ బిగ్‌బాస్ చెప్పిన టాస్కుల‌ను పూర్తి చేయాల్సి ఉంటుంది. అంద‌రితోపాటు అభి కూడా తొలిసారి గేమ్‌ను ఎంజాయ్ కోసం కాకుండా గెల‌వాల‌న్న‌ట్టుగా ఆడుతున్న‌ట్లు అనిపిస్తోంది. మొత్తానికి అభిజిత్‌, హారిక‌, అఖిల్‌ కెప్టెన్సీ పోటీదారులుగా నిలిచిన‌ట్లు టాక్. ఇక ఈ ప్రోమోను చూసిన నెటిజ‌న్లు లాస్య ఎప్పుడూ టాస్క్ పేప‌రు చ‌దివి వినిపించ‌డ‌మే త‌ప్ప ఆడ‌ద‌ని సెటైర్లు విసురుతున్నారు. పులి వేటాడ‌టం మొద‌లు పెట్టింది, ఇక ఎవ్వ‌రూ తప్పించుకోలేరు అని అభిజిత్ అభిమానులు అంటున్నారు. మ‌రి ఈ టాస్క్‌లో ఎవ‌రెవ‌రు త‌మ సత్తా చూపించారో తెలియాలంటే నేటి ఎపిసోడ్ వ‌చ్చేంత‌వ‌ర‌కు వేచి చూడాల్సిందే! (చ‌ద‌వండి: అభిజిత్ ఆలోచ‌న దిగ‌జారిపోయింది..)

ఓర‌కంగా బిగ్‌బాస్ హౌస్ మాంత్రికుడి మాయాజాలం వంటిదే. కంటెస్టెంట్లు ఎప్పుడు క‌లిసిపోతారో, ఎప్పుడు విడిపోతారో ఎవ్వ‌రూ ఊహించ‌లేరు. సీజ‌న్ మొద‌టి నుంచే మోనాల్ కోసం కొట్టుకు చస్తూ బ‌ద్ధ శ‌త్రువుల్లా మారిన‌ అఖిల్‌, అభిజిత్ త‌ర్వాత మంచి ఫ్రెండ్స్ అయ్యారు. మోనాల్‌ను పక్క‌న పెట్టేశారు. త‌ర్వాత ఏమైందో ఏమో కానీ ఇప్పుడు ఇద్ద‌రి మ‌ధ్య మ‌ళ్లీ గొడ‌వ‌లు ప్రారంభ‌మ‌య్యాయి. నేటి నామినేష‌న్‌లో అది తారాస్థాయికి చేరుకోనున్న‌ట్లు తెలుస్తోంది. తాజాగా రిలీజైన ప్రోమోలో అఖిల్ అభిజిత్‌ను నామినేట్ చేస్తున్న‌ట్లు తెలుస్తోంది. ఈ సంద‌ర్భంగా అఖిల్ మాట్లాడుతూ త‌ను సీక్రెట్ రూమ్‌లో విన్న డైలాగుల‌ను ఏక‌రువు పెట్టాడు. ఇంత జ‌రిగినా బుద్ధి రాలేదు.. "మ‌ట‌న్ షాపు ఓనర్ మేక‌కు గ‌డ్డి చూపించాడు. మేక లోప‌లికి వెళ్లిపోయింది.." అని అభి త‌న గురించి అన్న మాట‌నే తిరిగి వ‌ల్లించాడు. కానీ లోప‌లికి వెళ్లిన మేక పులిలా వ‌చ్చింద‌ని చెప్ప‌గా మేక ఎప్పుడూ పులి కాద‌ని, బ‌ల‌వుతుంద‌ని అభిజిత్ కౌంట‌రిచ్చాడు. అక్క‌డితో ఆగ‌కుండా మ‌ళ్లీ లోప‌లికి వ‌స్తాన‌న్న న‌మ్మ‌కంతోనే వెళ్లిపోయావు అని అస‌లు పాయింట్ లాగాడు. "ఇంత జ‌రిగినా బుద్ధి రాలేదు. అయినా నా గురించి చెప్ప‌డానికి నువ్వెవ‌రు? ఆఫ్ట్రాల్.." అంటూ గ‌ర‌మ‌య్యాడు. నీకు నువ్వు తురుమ్‌ఖాన్ అనుకుంటున్నావా? నువ్వో బ‌చ్చాగానివి, ఏం తెల్వ‌దు పో.. అన‌డంతో అఖిల్ ఫేస్ మాడిపోయింది. (చ‌ద‌వండి: నువ్వు ఫేక్‌, ఇది నీ ఎథిక్స్: అఖిల్ ఫైర్‌‌) అఖిల్ మీద నెటిజ‌న్ల జోకులు దీంతో మంట మీదున్న అఖిల్ 'నువ్వు బిగ్‌బాస్‌కు రావ‌డానికి 32 ఏళ్లు ప‌ట్టిందేమో, నాకు 25 ఏళ్లే ప‌ట్టింది' అని అఖిల్ రివ‌ర్స్ కౌంట‌రిచ్చాడు. అగ్నిగుండంలా ర‌గిలిపోతున్న ఈ ఇద్ద‌రి గొడ‌వ నామినేష‌న్ త‌ర్వాత చ‌ల్లారిపోతుందేమో కానీ వాళ్ల అభిమానులు మాత్రం సోష‌ల్ మీడియాలో కొట్టుకు చ‌స్తున్నారు. సీక్రెట్ రూమ్‌లో పిల్లిలా ఏడ్చిన అఖిల్ పులి ఏంట‌ని విమ‌ర్శిస్తున్నారు. బిగ్‌బాస్ హౌస్‌కు బ‌య‌ట ఉండే మేక‌లు మేమేమే అని అరిస్తే లోప‌ల ఉన్న మేక‌ మ‌మ్మీ అంటుంద‌ని సెటైర్లు వేస్తున్నారు. ఇక అఖిల్ అభిమానులు మాత్రం అత‌డు సింహం అని, అత‌డి మీద కుళ్లు జోకులు వేస్తే ఎందుకు స‌హిస్తాడ‌ని వెన‌కేసుకొస్తున్నారు. మిగ‌తా నెటిజ‌న్లు.. అన‌వ‌స‌రంగా అఖిల్ ఓవ‌ర్ కాన్ఫిడెన్స్‌తో మాట్లాడుతూ త‌న ఇమేజ్ తానే డ్యామేజ్ చేసుకుంటున్నాడ‌ని అంటున్నారు. మొత్తానికి సీక్రెట్ రూమ్ వ‌ల్ల ఇద్ద‌రి మ‌ధ్య అగ్నిప‌ర్వ‌తం బ‌ద్ధ‌లైంద‌ని చెప్తున్నారు. (చ‌ద‌వండి: గే బార్‌కు వెళ్లాను: అభిజిత్ షాకింగ్ సీక్రెట్‌)

ఒక‌ప్పుడు నాగార్జున ఓవ‌ర్ కాన్ఫిడెన్స్ వ‌ద్ద‌ని అభిజిత్‌ను హెచ్చ‌రించేవారు. కానీ ఇప్పుడు సీను మారింది. అంత ఓవ‌ర్ కాన్ఫిడెన్స్ వ‌ద్దంటూ అఖిల్‌కు చీవాట్లు పెట్టారు. అఖిల్‌ను వెళ్ల‌గొట్టినంత ప‌ని చేసి తిరిగి లోనికి పంపించారు. ఇక‌ కంటెస్టెంట్ల కోసం నాగార్జున భార్య అమ‌ల డ్రైఫ్రూట్స్ పంపించ‌గా, నాగ్ మ‌ట‌న్ పంపిస్తాన‌ని మాటిచ్చారు. మ‌రి నేటి బిగ్‌బాస్‌ ఎపిసోడ్‌లో ఇంకా ఏమేం జ‌రిగాయో చ‌దివేయండి.. బిగ్‌బాస్ సంధించిన ప్ర‌శ్న‌లు అర్థం చేసుకోరా? కంటెస్టెంట్లు అంద‌రూ జంట‌లుగా విడిపోయి నాగార్జున సాంగ్స్‌కు డ్యాన్స్ చేసి ఆయ‌న్ను స‌ర్‌ప్రైజ్ చేశారు. అంద‌రితోపాటు అభిజిత్ కూడా డ్యాన్స్ బాగా చేశాడ‌ని నాగ్ మెచ్చుకున్నారు. అనంతరం త‌న భార్య అమ‌ల ఇచ్చిన బ‌హుమ‌తుల‌ను పంపించాడు. అందులో సంచుల కొద్దీ డ్రైఫ్రూట్స్ ఉండ‌టంతో ఇంటిస‌భ్యులు సంతోషంతో ఎగిరి గంతేశారు. త‌ర్వాత అఖిల్ ఎలిమినేష‌న్ గురించి మాట్లాడారు. బిగ్‌బాస్ మిమ్మ‌ల్ని ఒంటిగంట‌కు నిద్ర లేపి ఏక‌గ్రీవంగా ఒక పేరు చెప్ప‌మ‌న్నాడు. ఎవ‌రు స్ట్రాంగ్ అనుకుంటున్నారు? ఎవ‌రు మీ గేమ్‌కు అడ్డుప‌డ‌తారు? ఫైన‌ల్స్‌కు మీకు అడ్డొచ్చేది ఎవ‌రు? అని మూడు కండీష‌న్లు పెట్టారు. కానీ మీరంద‌రూ మొద‌టి కండీష‌న్‌ను మాత్ర‌మే ప‌ట్టుకుని వేలాడారు. అభిజిత్‌, లాస్య‌, హారిక ఎవ‌రి పేరు వాళ్లే చెప్పుకోవ‌డాన్ని కూడా త‌ప్పు ప‌ట్టారు. ఈ చ‌ర్చ‌తో హౌస్‌లో వాతావ‌ర‌ణం వేడెక్క‌గా దాన్ని చ‌ల్ల‌బ‌రిచేందుకు గేమ్ ఆడించారు. సెల్ఫ్‌డ‌బ్బా కొట్టుకున్న హారిక‌ త్వ‌ర‌గా ఆరిపోయే చిచ్చుబుడ్డి, అంద‌ర్నీ షేక్ చేసే ఆటంబాంబు ఎవ‌రు అని ఆటాడించారు. మెహ‌బూబ్.. అరియానా చిచ్చుబుడ్డి, అభిజిత్ ఆటంబాంబు అని చెప్పాడు ఇక అరియానా.. చాలా ఎఫెక్టివ్‌గా క‌నిపించాల‌నుకుంటాడు, కానీ ఏమీ ఉండ‌దని మెహ‌బూబ్‌ను చిచ్చుబుడ్డి, దొంగ మొహ‌పోడు అవినాష్ ఆటంబాంబు అని చెప్పుకొచ్చింది. సోహైల్‌.. అరియానా చిచ్చుబుడ్డి, అభి ఆటంబాంబ్ అని అభిప్రాయ‌ప‌డ్డాడు. మోనాల్‌.. సోహైల్ చిచ్చుబుడ్డి, అభి ఆటంబాంబ్ అని తెలిపింది. అభి.. సోహైల్ చిచ్చుబుడ్డి, మెహ‌బూబ్ ఆటంబాంబు అని తెలిపాడు. హారిక‌.. సోహైల్ వేస్ట్‌గాడు, ఎవ్వ‌రూ ప‌ట్టించుకోరు అంటూ‌ అత‌డికి చిచ్చుబుడ్డి ఇచ్చింది. తానే ఆటంబాంబు అని సెల్ఫ్‌డ‌బ్బా కొట్టుకుంది. స‌రే కానీ ఎవ‌రికి ఇస్తావు అని నాగ్ కూడా విసుగు చెందుతూ ఆమెలా గెంతుతూ నాగ్‌ ఇమిటేట్ చేయ‌డంతో కంటెస్టెంట్లు ప‌డీ ప‌డీ న‌వ్వారు. అవినాష్‌, నువ్వు పెళ్లికి ప‌నికి రావేమో దీంతో బుంగ‌మూతి పెట్టిన హారిక‌.. మెహ‌బూబ్‌కు ఆటంబాంబు ఇచ్చింది. లాస్య‌.. సోహైల్‌కు చిచ్చుబుడ్డి, అభికి ఆటంబాంబు ఇచ్చింది. అవును కానీ లాస్యను ఆంటీ అని ఏడిపించారేంటి అంటూ నాగ్ ఆమెను ప‌దే ప‌దే ఆంటీ అని గుచ్చి గుచ్చి పిలిచారు. త‌ర్వాత అవినాష్‌.. మోనాల్ చిచ్చుబుడ్డి, అరియానా ఆటంబాంబు అని చెప్పాడు. ఈ సంద‌ర్భంగా నాగ్ మాట్లాడుతూ నువ్వు ఆటంబాంబు ఇచ్చినా ఆమె ప‌డదు అని తేల్చి చెప్పారు. దీంతో అవినాష్ తాము ఫ్రెండ్స్ మాత్ర‌మేన‌ని స్ప‌ష్టం చేశాడు. అయినా స‌రే నాగ్ మాత్రం నువ్వు పెళ్లికి ప‌నికిరావేమో అని అవినాష్ మీద జోకేశారు. (చ‌ద‌వండి: అబ్బాయితో రిలేష‌న్‌లో ఉన్నా, కానీ బ్రేక‌ప్ అయింది: హారిక) చంటి‌పిల్లాడిలా ఏడ్చేసిన అఖిల్‌ సీక్రెట్ రూమ్‌లో ఉన్న అఖిల్‌తో నాగ్ మాట్లాడుతూ.. "నువ్వు ఫైట‌ర్, మ‌రి అంత ఈజీగా ఎందుకు వ‌చ్చేశావు?" అని నాగ్ అనుమానం వ్య‌క్తం చేశారు. దీనికి అఖిల్ స‌మాధాన‌మిస్తూ.. "ఇంత స్ట్రాంగ్ కంటెస్టెంటును ఎందుకు పంపిస్తారు. వీక్ కంటెస్టెంట్ల‌తో గేమ్స్ ఆడిస్తారా? న‌న్ను పంపించ‌రు అని న‌మ్మ‌కముండే" అని చెప్పుకొచ్చాడు. దీనికి నాగ్ స్పందిస్తూ 'నీ అంచ‌నా త‌ప్పు. చాలా సీజ‌న్ల‌లో ఇలాగే కంటెస్టెంట్లను సీక్రెట్ రూమ్ నుంచే ఇంటికి పంపించేసిన సంద‌ర్భాలున్నాయి. నువ్వు బ్యాగు స‌ర్దుకొని బ‌య‌ట‌కు వ‌చ్చేయ్' అని ఆదేశించారు. దీంతో ఖంగు తిన్న అఖిల్ త‌న‌ను పంపించొద్ద‌ని ప్రాధేయ‌ప‌డ్డాడు. ద‌యచేసి పంప‌కండ‌ని క‌న్నీళ్లు పెట్టుకున్నాడు. అయినా స‌రే అంగీక‌రించని నాగ్ కంటెస్టెంట్లతో ఫొటో దిగి వ‌చ్చేయ్ అని చెప్పాడు. (చ‌ద‌వండి: మాస్ట‌ర్ మీద కావాల‌ని కాఫీ పోసిన హారిక) అభిజిత్ ఆలోచ‌న దిగ‌జారిపోయింది.. ఈ విష‌యం తెలిసిన మోనాల్ అఖిల్‌కు బ‌దులు తాను వెళ్లిపోతానంటూ ముందుకొచ్చింది. కానీ అది కుద‌ర‌ద‌ని నాగ్ తేల్చి చెప్పారు. అనంత‌రం అఖిల్‌తో టాస్క్ ఆడించారు. ఇద్ద‌రు ఫ్రెండ్స్, న‌లుగురు శ‌త్రువుల పేర్లు చెప్ప‌మ‌న్నారు. దీంతో అఖిల్‌.. సోహైల్‌కు, మోనాల్‌కు ఫ్రెండ్‌షిప్ బ్యాండ్ క‌ట్టాడు. అభి ఆమె‌ను ఛీ కొట్టినా అత‌డు టాప్ 5లో ఉంటాడ‌ని మోనాల్‌ పాజిటివ్‌గా మాట్లాడేదని చెప్పాడు. ఇక‌ అభిజిత్‌, లాస్య‌, హారిక‌, మెహ‌బూబ్‌ను శ‌త్రువుల జాబితాలో చేర్చాడు. మొద‌ట అభిజిత్ గురించి మాట్లాడుతూ నీ ఆలోచ‌న దిగ‌జారిపోయింది అని విమ‌ర్శించాడు. "ప‌చ్చ‌కామెర్లు ఉన్నోడికి లోక‌మంత ప‌చ్చ‌గ క‌నిపిస్త‌ద‌ట‌. నువ్వు ఫేక్ అయితేనే నీకు వేరేవారు ఫేక్ అనిపిస్తారు" అని చెంపపెట్టుగా స‌మాధాన‌మిచ్చాడు.  (చ‌ద‌వండి: ఒక్క‌మాట‌తో మ‌న‌సు దోచుకున్న మోనాల్‌) నా మీద అలాంటి జోకులా, ఇది నీ ఎథిక్స్‌ "సింప‌థీ కార్డు ఎప్పుడు ప‌ని చేయ‌దు అన్నావు. నువ్వెన్నిసార్లు వాడావు. నేను వెళ్లిపోయేట‌ప్పుడు ఐ హేట్ యూ అని చెప్పావు. అస‌లు న‌న్నో ఫ్రెండ్‌గా ఎప్పుడు ఇష్ట‌ప‌డ్డావు" అని హారిక‌ను నిల‌దీశాడు. నేను లేన‌ప్పుడు నా మీద జోక్స్ వేశావు. అది నీ మెచ్యూరిటీ, ఎథిక్స్ అని లాస్య‌ను విమ‌ర్శించాడు. ఎప్పుడూ నీకే అన్నీ చేయాలి అంటే ఎవ‌రూ ఏం చేయ‌రు అని మెహ‌బూబ్‌కు బోధించాడు. త‌ర్వాత లాస్య త‌న జోక్‌కు హ‌ర్ట్ అయినందుకు సారీ చెప్ప‌గా హారిక మొద‌టి సారి ఐ ల‌వ్‌యూ అని అఖిల్‌తో చెప్పింది. అనంత‌రం అఖిల్ హౌస్‌లోనే ఉంటున్నాడ‌‌ని నాగ్ స్ప‌ష్టం చేయ‌డంతో సోహైల్‌, మోనాల్ తెగ‌ సంతోష‌ప‌డ్డారు. త‌ర్వాత అఖిల్‌కు బంప‌రాఫ‌ర్ ఇచ్చారు. రెండు కుండ‌లు పెట్టి అందులో ఒక‌దాంట్లో నామినేష‌న్‌, మ‌రొక‌దాంట్లో కెప్టెన్సీ ఉంటుంద‌ని చెప్పాడు. అఖిల్ చేయి పెట్టిన కుండ‌లోకెప్టెన్ ట్యాగ్ ఉండ‌టంతో త‌ర్వాతి వారం ఇమ్యూనిటీ పొందాడు. త‌ర్వాత అభిజిత్ సేఫ్ అయిన‌ట్లు ప్రక‌టించారు. చివ‌ర్లో రెండు కిలోల మ‌ట‌న్ పంపించండ‌ని అవినాష్ నాగ్‌ను అభ్య‌ర్థించాడు. దీంతో అత‌డి విన్న‌పాన్ని ఆల‌కించిన నాగ్ త‌ప్ప‌కుండా పంపుతాన‌ని హామీ ఇచ్చారు.

బిగ్‌బాస్ నాల్గో సీజ‌న్‌ ప‌దోవారం ముగింపుకు వ‌చ్చింది. ఇప్ప‌టికే ప‌ది మంది షో నుంచి నిష్క్ర‌మించ‌గా ఇంకా తొమ్మిది మంది కంటెస్టెంట్లు హౌస్‌లో ఉన్నారు. వీరిలో ఎవ‌రికి ఎక్కువ పాపులారిటీ ఉంది? ఎవ‌రికి అభిమాన గ‌ణం మెండుగా ఉంది? అన్న ప్ర‌శ్న‌ వ‌స్తే క్ష‌ణం ఆల‌స్యం చేయ‌కుండా అభిజిత్ అని ట‌క్కున చెప్పేస్తారు. అవును మ‌రి, షో ప్రారంభ‌మైన‌ప్ప‌టి నుంచే అభిజిత్ కోసం ఆర్మీలు పుట్టుకొచ్చాయి. అత‌డేం చేసినా వెన‌కేసుకు రావ‌డం, హౌస్‌లో అత‌డికి ఎవ‌రు యాంటీగా ప్ర‌వ‌ర్తిస్తే వారిని ట్రోల్ చేయ‌డమే ప‌నిగా పెట్టుకున్నాయి. ముఖ్యంగా అభితో వైరం పెట్టుకున్న అఖిల్‌ను ఇప్ప‌టికీ ఆడుకుంటూనే ఉన్నాయి త‌న గేమ్ త‌నిష్టం, అరియానా విష‌యంలో మాత్రం ఇదిలా వుంటే బిగ్‌బాస్ ప్ర‌యాణం తుది ద‌శ‌కు చేరుకుంటోంది. అయినా కంటెస్టెంట్లు సిల్లీ రీజ‌న్స్ చెప్తూ ఇతరుల‌ను నామినేట్ చేస్తూనే ఉన్నారు. ఈ క్ర‌మంలో అరియానా  ఆట తీరు బాగోలేద‌ని చెప్తూ అభిజిత్ ఆమెను నామినేట్ చేశాడు. అక్క‌డితో ఆగ‌కుండా ఎలా ఆడాలో ఆమెకు వివ‌రిస్తూ, కొన్ని గెల‌వాలి, మ‌రికొన్ని ఓడిపోవాల‌ని ఉప‌దేశించాడు. అయితే అఖిల్ కూడా గేమ్ గురించే అభిజిత్‌ను నామినేట్ చేశాడు. ఇమ్యూనిటీ టాస్క్‌లో అంద‌రి క‌న్నా ముందే త‌న‌వ‌ల్ల కాద‌ని చేతులెత్తేయ‌డం క‌రెక్ట్ కాద‌ని అఖిల్ చెప్పాడు. కానీ అభి మాత్రం అందుకు ఏకీభ‌వించ‌క‌పోవ‌డం గ‌మ‌నార్హం. అది త‌నిష్ట‌మ‌ని, అవ‌స‌ర‌మైతే ఇంటికి పోతా, నీకెందుకు మ‌ధ్య‌లో అని మొహం మీదే చెప్పాడు. (నీ కాళ్లు ప‌ట్టుకుంటా, ఏం చేసుకోకు: అరియానా కన్నీళ్లు) గేమ్ ఆడ‌టానికి రాలేదు, ఎక్స్‌పీరియ‌న్స్ కోస‌మే త‌ను గేమ్ ఆడ‌టానికి రాలేద‌ని, కేవ‌లం ఎక్స్‌పీరియన్స్ కోసం వ‌చ్చాన‌ని కూడా మ‌రోసారి స్ప‌ష్టం చేశాడు. అంటే టైటిల్ విన్న‌ర్ అవ్వాల‌న్న ఆశ‌, ప‌ట్టుద‌ల అభిలో ఏమాత్రం క‌నిపించ‌డం లేదు. కానీ బ‌య‌ట ఆయ‌న‌ అభిమానులు మాత్రం అభిజితే విన్న‌ర్ అవుతాడ‌ని బ‌ల్ల‌గుద్ది చెప్తున్నారు. పోనీ అభికి విన్న‌ర్ అవ్వాల‌ని ఆశ‌లు లేక‌పోయినా అత‌డి ప‌ర్ఫామెన్స్ వ‌ల్ల గెలిచే అవ‌కాశాలున్నాయా? అంటే అదీ లేదు. రోబో టాస్క్ మిన‌హా మ‌రేదీ తాను గొప్ప‌గా ఆడింది లేద‌ని స్వ‌యంగా అభిజితే అంగీక‌రించాడు. ఫిజిక‌ల్ టాస్కులోనూ బుర్ర ఉప‌యోగించడానికి ప్ర‌య‌త్నిస్తాడే కానీ బాడీని వాడ‌డు. ఇలా బ‌ద్ధ‌కంగా క‌నిపించే అభి ఎమోష‌న్స్‌ను నియంత్ర‌ణ‌లో ఉంచుకోవ‌డంలో దిట్ట‌. త‌ను చెప్పిన మాట‌కు క‌ట్టుబ‌డి ఉంటాడు. ఇలాంటి క్వాలిటీసే అత‌డిని టాప్ 5కి తీసుకెళ్తున్నాయి. కానీ గెలుపు మాత్రం ఆయ‌న చేతిలోనే ఉంది.  (అప్పులున్నాయి, ప్లీజ్ స‌పోర్ట్‌: అవినాష్ సింప‌థీ గేమ్‌?) టాప్ 5లో ఉండేదెవ‌రు? షో ముగియ‌డానికి ఇంకా నాలుగు వారాలు మాత్ర‌మే ఉంది. ఎవ‌రికి టైటిల్ గెలిచే అర్హ‌త ఉందో తెలుసుకునేందుకు బిగ్‌బాస్ రానున్న రోజుల్లో ఇంకా క‌ఠిన‌త‌ర‌మైన టాస్కులు ప్ర‌వేశ‌పెడ‌తాడు. అప్ప‌టికి కూడా చూస్తాను కానీ చేయ‌న‌ని వెన‌క‌డుగు వేస్తే మాత్రం అభిజిత్ ర‌న్న‌ర‌ప్‌గా కూడా నిల‌వ‌లేడు. అలా కాకుండా అత‌డికి బుద్ధిబ‌లంతో పాటు కండబ‌లం తోడైతే మాత్రం విజేత‌గా నిలిచే అవ‌కాశాలు పుష్క‌లంగా ఉన్నాయి. ఇక సోష‌ల్ మీడియాలో విన్న‌ర్ ఎవ‌రంటూ ఇప్పుడే చ‌ర్చ‌లు మొద‌లెట్టేశారు. క‌నీసం ఎంట‌ర్‌టైన్ చేయ‌కుండా, టాస్కులు ఆడ‌కుండా ఉండే అభి విన్న‌ర్ కాలేడ‌ని కొంద‌రు వాదిస్తున్నారు. అయినా స‌రే ఓట్లు ప‌డుతున్నాయ కదా అని ప‌ర్ఫామెన్స్‌ను ప‌క్క‌న పెట్టి అత‌డికి కిరీటం తొడిగితే మాత్రం బిగ్‌బాస్ హిస్ట‌రీలోనే ఇది పెద్ద త‌ప్పుగా నిలిచిపోతుంద‌ని అభిప్రాయ‌ప‌డుతున్నారు. అలాగే టాప్ 5లో అభితో పాటు అఖిల్‌, అవినాష్‌, సోహైల్‌, లాస్య ఉండే అవ‌కాశ‌ముంది.

బిగ్‌బాస్ హౌస్‌లో ఉన్న కంటెస్టెంట్లు వారి ర‌హ‌స్యాల గుట్టును బ‌య‌ట‌పెట్ట‌గా లేఖ‌లు అందుకుని ఎమోష‌న‌ల్ అయ్యారు. అయితే ఇద్ద‌రికి మాత్రం అఖిల్ లేఖ‌లు పంప‌లేదు. వాళ్ల‌కు లెట‌ర్స్ ఎందుకు పంప‌లేదు? క‌ంటెస్టెంట్లు ఏయే సీక్రెట్‌ల‌ను వెల్ల‌డించారో చ‌దివేయండి..బిగ్‌బాస్‌ లైఫ్ చూపిస్తుంది అని అఖిల్‌కు బోధ‌ప‌డింది. మ‌రోవైపు అఖిల్ గురించి అభిజిత్ అత‌డి స్నేహితుల‌తో మాట్లాడాడు. మ‌ళ్లీ లోప‌లికి పంపిస్తారన్న న‌మ్మ‌కంతోనే క‌దా.. అంద‌రూ అత‌డి పేరు చెప్ప‌గానే‌ ఏమీ మాట్లాడ‌కుండా వెళ్లిపోయాడు అని చెప్పుకొచ్చాడు. సీక్రెట్ రూమ్‌లో ఉన్న అఖిల్ ఈ మాట‌ల‌ను పూర్తిగా వ్య‌తిరేకించాడు.  అయితే ఇదంతా ఏదో స్క్రిప్టెడ్ అని అభికి లోప‌ల బ‌ల‌మైన అనుమానమే ఉంది.  ఇక మ‌ట‌న్ చెడిపోవ‌డంతో రేష‌న్ మేనేజ‌ర్ అవినాష్ మీద అంద‌రూ గ‌ర‌మ‌య్యారు. దీంతో ఒక్క కిలో మట‌న్ పంప‌మ‌ని అత‌డు కెమెరాల ముందు వేడుకున్నాడు. అయినా స‌రే శాంతించ‌ని సోహైల్‌, మెహ‌బూబ్‌, అరియానా.. అవినాష్‌ను చిత‌క‌బాదారు. అత‌డిని స్విమ్మింగ్ పూల్‌లో నిమ‌జ్జ‌నం చేశారు. లాఠీల‌తో కొట్టి స్టేష‌న్‌లో వేశారు: మెహ‌బూబ్‌ అనంత‌రం ఇంటిస‌భ్యుల కోసం వారి ఆప్తులు లేఖ‌లు పంపించారు. వాటిని హౌస్‌మేట్స్‌కు ఇవ్వాలా? వ‌ద్దా? అనేది అఖిల్ నిర్ణ‌యానికి వ‌దిలేశారు. మ‌రోవైపు హౌస్‌లో ఉన్న ఇంటిస‌భ్యులు ఇప్పటికీ ఎవ‌రితోనూ పంచుకోని అతిపెద్ద ర‌హ‌స్యాన్ని చెప్పాల‌ని బిగ్‌బాస్‌ ఆదేశించాడు. అప్పుడే వారికి లేఖ‌లు అందుతాయ‌ని స్ప‌ష్టం చేశాడు. మొద‌ట క‌న్ఫెష‌న్ రూమ్‌లోకి వెళ్లిన మెహ‌బూబ్ మాట్లాడుతూ.. "నా బెస్ట్ ఫ్రెండ్‌ను రైల్వే స్టేష‌న్ ద‌గ్గ‌ర డ్రాప్ చేశాను. ఆమె కోసం టికెట్ తీసుకోడానికి లోప‌ల‌కు వెళ్లాను. అయితే హ‌డావుడిలో రాంగ్ ప్లేస్‌లో బండి పార్క్ చేశాను. దీంతో అక్క‌డ పోలీసులు ఆమ్మాయిని అనుమానిస్తూ ప్ర‌శ్న‌ల వ‌ర్షం కురిపిస్తున్నారు. నేను వెళ్లేస‌రికి ఆమె ఏడుస్తుండ‌టంతో పోలీసుల మీద‌కు తిర‌గ‌బ‌డ్డాను. అప్పుడు వాళ్లు నా కాల‌ర్ ప‌ట్టుకుని లాఠీల‌తో కొట్టారు. న‌న్ను, అమ్మాయిని స్టేష‌న్‌కు తీసుకెళ్లారు. అమ్మాయిని వెంట‌నే వ‌దిలేశారు. కానీ న‌న్ను మాత్రం రెండు రోజుల వ‌ర‌కు పోలీస్ స్టేష‌న్ నుంచి పంపించ‌లేదు" అని చెప్పుకొచ్చాడు. దీంతో అఖిల్ అత‌డికి లేఖ పంపించాడు.  అవ‌మానాల‌ను గెలుపుగా మార్చుకున్న దేత్త‌డి హారిక మాట్లాడుతూ.. "అమ్మ ద‌గ్గ‌ర దాచిన ఏకైక ర‌హ‌స్యం ఇది. ఆరేళ్లుగా చెప్పాల‌నుకుంటున్నా, ధైర్యం స‌రిపోలేదు. ఇప్పుడు చెప్తున్నా. హారిక‌ను చూసి నేర్చుకోండి. ల‌వ్వుల జోలికే వెళ్ల‌దు అని న‌న్ను ఆదర్శంగా తీసుకోమ‌ని అంద‌రికీ చెప్పేదాని‌వి. సారీ అమ్మా.. నాలుగ‌న్న‌రేళ్లు ఓ అబ్బాయితో రిలేష‌న్‌లో ఉన్నాను. ఇది రెండేళ్ల క్రితం ముచ్చ‌ట‌. ఎక్కువ కేరింగ్ చూపించేస‌రికి అలా జ‌రిగిపోయింది. కానీ ఇప్పుడు బ్రేక‌ప్ అయింది" అని చెప్పుకొచ్చింది. దీంతో హారిక‌కు కూడా లేఖ అందింది. అవ‌మానాల‌ను గెలుపుగా మార్చుకున్నావు త‌ల్లీ అంటూ ఆమె అన్న‌య్య రాసిన ఒక్కో వాక్యం చ‌దువుతూ క‌న్నీటి ప‌ర్యంతం అయ్యింది. (ఇప్పటికిప్పుడు హ‌గ్గిస్తే కుర్చీలో నుంచి కింద ప‌డిపోతావు) సినిమా ఛాన్స్ అన‌గానే రూ.80 వేలు ఇచ్చాను అవినాష్ మాట్లాడుతూ.. "సినిమా అవ‌కాశాల కోసం ప్ర‌య‌త్నిస్తూనే కిరాణ షాపులో, త‌ర్వాత ఓ కంపెనీలో ఆఫీసు బాయ్‌గా ప‌ని చేశాను. ఓసారి ఆడిష‌న్ కోసం మ‌ణికొండ వెళ్లాను. రూ.80 వేలు ఇస్తే లీడ్ క్యారెక్ట‌ర్ ఇస్తామ‌ని చెప్పారు. సినిమా పిచ్చితో నేను మా నాన్న‌ను అడిగితే ఆయ‌న అప్పు చేసి మ‌రీ తెచ్చారు. దాన్ని తీసుకెళ్లి నిర్మాత చేతిలో పెట్టాను. నువ్విక్క‌డే ఉండు, రెండు రోజుల్లో ఖ‌మ్మం షూటింగ్ వెళ్తున్నాం అని చెప్పి జంప్ అయ్యారు. మొద‌టిసారి అలా మోసపోయాను. ఇప్ప‌టికీ ఇది మా త‌ల్లిదండ్రుల‌కు తెలీదు" అని చెప్పాడు. అయితే ఈ విష‌యం త‌న‌తో చెప్పాడ‌ని అఖిల్ అత‌డి లేఖను చించేశాడు. కానీ అవినాష్‌ మాత్రం చించిన లేఖ ముక్క‌లను ఒక‌చోట చేర్చి చ‌దివే ప్ర‌య‌త్నం చేశాడు. (జ‌బ‌ర్ద‌స్త్‌లోకి మ‌ళ్లీ తీసుకుంటారు: అవినాష్ త‌మ్ముళ్లు) నా భ‌ర్త నాకంటే ఓ ఏడాది చిన్న‌: లాస్య‌ లాస్య మాట్లాడుతూ.. 2017లో పెద్ద‌ల స‌మ‌క్షంలో పెళ్లయింది. నేను పెళ్లాడిన వ్య‌క్తి పేద‌వాడు, నాక‌న్నా ఒక ఏడాది చిన్న‌. ఈ విష‌యం ఎవ‌రికీ తెలీదు. ఈ షోకు వ‌చ్చాక అమ్మ‌కు షాకుల మీద షాకులిస్తున్నా. వ‌య‌సు చిన్న‌దే అయినా మ‌న‌సు గొప్ప‌ది" అని లాస్య క‌న్నీళ్ల‌తో చెప్పుకొచ్చింది. ఆమెకు లేఖ అంద‌గా దాన్ని చ‌దువుకుంటూ మ‌రోసారి కంట‌త‌డి పెట్టుకుంది. అభిజిత్ మాట్లాడుతూ.. "మొద‌టిసారి అమెరికా వెళ్లిన‌ప్పుడు న్యూయార్క్‌లో ఓ రెస్టారెంటుకు వెళ్లాను. ఆర్డ‌ర్ ఇచ్చాను. అక్క‌డున్న ఓ వ్య‌క్తి నీకోసం నేను డ్రింక్ తీసుకోవ‌చ్చా అని అడిగాడు. ఇదేదో బాగుందని స‌రే అన్నాను. ఇద్ద‌రం ఒక‌రి గురించి ఒక‌రం మాట్లాడుకున్నాం. నెంబ‌ర్ అడిగాడు. అనుమాన‌ప‌డుతూనే ఇచ్చాను. ఆ త‌ర్వాత‌ అత‌డు మీద‌మీద‌కొస్తుంటే ఏం చేస్తున్నావు అని అడిగితే ఇది గే బార్ అని చెప్పాడు. అప్పుడు నేను బ‌య‌ట‌కు వెళ్లి బోర్డు చ‌దివాను" అని సీక్రెట్‌ను వెల్ల‌డించాడు. అఖికి అందిన లేఖ చ‌ద‌వ‌డం పూర్త‌వ‌గానే హారిక వెళ్లి అత‌డికి హ‌గ్గిచ్చింది. అర్ధ‌రాత్రి కారు యాక్సిడెంట్‌.. అరియానా మాట్లాడుతూ.. "ఈ జూలై 13కు నాతో పాటు న‌లుగురు చ‌నిపోయి ఒక సంవ‌త్స‌రం అయ్యేది. మా ఊరుకు వెళ్దాం అని అర్ధ‌రాత్రి కారులో బ‌య‌లుదేరాం.. ఒక మ‌నిషి బైకు మీద అడ్డు వ‌చ్చాడు. ఏం జ‌రిగిందో అర్థం కాలేదు. ఒక కిలోమీట‌ర్ వ‌ర‌కు కారు దూసుకెళ్లి ఎల‌క్ట్రిక్ పోల్‌ను గుద్దింది. కారు నుజ్జ‌య్యింది. బ‌య‌ట‌కు వ‌స్తే వైరులు త‌గిలి షాక్ కొట్టేది. ఆ ప్ర‌మాదం నుంచి బ‌య‌ట ప‌డ‌కుండే ఈ రోజు నేనిక్క‌డ ఉండేదాన్నే కాదు" అని ఎమోష‌న‌ల్ అయింది. ఇది సీక్రెట్ కాద‌ని అఖిల్ ఆమె లెట‌ర్ చించేశాడు. (మొద‌టి బిడ్డ‌ను చంపుకున్నా: లాస్య క‌న్నీళ్లు) కుటుంబం కోసం చ‌దువు త్యాగం చేశా: మోనాల్‌ మోనాల్ మాట్లాడుతూ.. "ప‌న్నెండో త‌ర‌గ‌తి పూర్త‌య్యాక‌ నాకు బ్యాంక్‌లో జాబ్ వ‌చ్చింది. ఉద్యోగం చేస్తూనే డిగ్రీ చ‌ద‌వాల‌నుకున్నాను. కానీ కాలేజీ టైమింగ్‌, జాబ్‌ టైమింగ్ సెట్ కాలేదు. దీంతో ఫైన‌లియ‌ర్ డ్రాప్ అవుట్ అయ్యాను. ఎందుకంటే నా ఫ్యామిలీ కోసం చ‌దువు త్యాగం చేశాను. ఇది ఇప్ప‌టివ‌ర‌కు ఎవ‌రికీ చెప్ప‌లేదు" అని ఏడ్చేసింది. దీంతో అఖిల్ ఆమెకు లేఖ పంపించాడు. అది చ‌దువుతున్న మోనాల్ క‌న్నీటిని సోహైల్ తుడుస్తూ ద‌గ్గ‌ర‌కు తీసుకున్నాడు. (బిగ్‌బాస్‌: సోహైల్‌కు గ‌ట్టి షాక్‌ ఇచ్చిన మెహ‌బూబ్) డ్రంక్ అండ్ డ్రైవ్‌లో 102 రీడింగ్ వ‌చ్చింది: సోహైల్‌ సోహైల్ మాట్లాడుతూ.. "ఇప్పుడు మందు మానేశాను. కానీ కొన్నేళ్ల క్రితం ఓసారి ప‌బ్బు నుంచి తాగొస్తున్నా. అప్పుడు డ్రంక్ అండ్ డ్రైవ్ టెస్ట్ చేస్తే 102 రీడింగ్ వ‌చ్చింది. కారు తీసుకుపోయారు. త‌ర్వాతి రోజు స్టేష‌న్‌కు వెళ్లి చ‌లానా క‌ట్టిన. అప్పుడు కోర్టు స్లాట్ తీసుకోమ‌న్నారు. త‌ల్లిదండ్రుల‌ను తీసుకుర‌మ్మ‌న్నారు. డూప్లికేట్ పేరెంట్స్‌ను మాట్లాడిన‌. కానీ మా ఫ్రెండ్ అట్లా న‌డ‌వ‌ద‌ని చెప్పిండు. కోర్టుకు వెళ్లాక ప్ర‌తి ఒక్క‌డూ ప‌దో త‌ర‌గ‌తి రిజ‌ల్ట్ వ‌చ్చిన‌ట్టు నీ రీడింగ్ ఎంత అని అడుగుతూనే ఉన్నారు. ఆఖ‌రికి మా త‌మ్ముడిని పిలిపించిన‌. ఇది అమ్మావాళ్ల‌కు తెల్వ‌దు" అని సీక్రెట్ బ‌య‌ట‌పెట్టాడు. బిగ్‌బాస్‌ను అర్థిస్తున్న అఖిల్‌ మా త‌మ్ముడు ఈ ర‌హ‌స్యం నాకు కూడా చెప్ప‌లేద‌ని అఖిల్ అత‌డికి లేఖ‌ను అందించాడు. అందులో మంచి పెళ్లి సంబంధాలు వ‌స్తున్నాయ‌ని, అఖిల్‌, మెహ‌బూబ్ నిన్ను బాగా చూసుకుంటున్నార‌ని చెప్పిన‌ప్పుడు సంతోషంగా అనిపించింది అని అత‌ని తండ్రి రాసుకొచ్చాడు. లేఖ‌ను చ‌దివి సోహైల్ ఒక్క‌సారిగా ఏడ్చేశాడు. అఖిల్ గుర్తొచ్చి బాధ‌ప‌డ్డాడు. మ‌రోవైపు అఖిల్ త‌న‌కు లెట‌ర్ కావాల‌ని బిగ్‌బాస్‌ను ప్రాధేయ‌ప‌డుతున్నాడు. మ‌రి అత‌నికి లేఖ అందిందా? లేదా? అనేది రేపు తేల‌నుంది.

ఇప్పుడు కానీ బిగ్‌బాస్ క‌ళ్లు చ‌ల్లార‌వు.. ఈ మాట అంటోంది మేము కాదు, నెటిజ‌న్లు.. ఎందుకో ఈ స్టోరీ చ‌దివితే మీకే అర్థ‌మ‌వుతుంది.,.. ఈ సీజ‌న్‌లో ఎక్కువ స్క్రీన్ స్పేస్ ఆక్ర‌మించింది మోనాల్‌, అఖిల్‌, అభిజిత్‌. బిగ్‌బాస్ ఫ‌స్టాఫ్ అంతా ఆమె కోసం ఈ ఇద్ద‌రూ కొట్టుకోవ‌డంతోనే స‌రిపోయింది. వాళ్లిద్ద‌రి మ‌ధ్య ప్ర‌త్యేకించి గొడ‌వ‌లు లేక‌పోయినా మోనాల్ వ‌ల్ల శ‌త్రువులుగా మారిపోయారు. ఆ త‌ర్వాత అభి.. మోనాల్‌కు దూర‌మ‌వడం, ఆమె అఖిల్‌కు మ‌రింత ద‌గ్గ‌ర‌వ‌డం జ‌రిగింది. అయితే అనూహ్యంగా అఖిల్ కూడా మోనాల్‌ను ప‌క్క‌న పెట్టేసి అభిజిత్‌కు ద‌గ్గ‌ర‌య్యాడు. అత‌డితో స్నేహ గీతం పాడాడు. దీంతో గొడ‌వ‌లు జ‌రిగేందుకు ఆస్కారం లేకుండా పోయింది. కానీ అంద‌రికీ షాకిస్తూ త‌మ్ముడు త‌మ్ముడే పేకాట పేకాటే అంటూ అఖిల్ అభిజిత్‌ను నామినేట్ చేశాడు. త‌ర్వాత చాక్లెట్ ఇచ్చి కూల్ చేశాడు. అయిపోయింది. ఇక్క‌డ కూడా ఎలాంటి గొడ‌వా లేదు, గంద‌ర‌గోళం లేదు. ఇది బిగ్‌బాస్‌కు బొత్తిగా న‌చ్చ‌న‌ట్లుంది. అందుకే మ‌రో ప్లాన్‌ వేశాడు. అఖిల్‌ను సీక్రెట్ రూమ్‌లోకి పంపించి అత‌డికి అభికి మ‌ధ్య ప‌చ్చ‌గ‌డ్డి వేస్తే భ‌గ్గుమ‌నేలా చిచ్చు పెట్ట‌నున్నాడు. అభి అభిప్రాయాల‌న్నింటినీ అఖిల్ చెవిన వేస్తున్నాడు. అస‌లే ఎవ‌రి మాట‌తోనూ ఏకీభ‌వించ‌ని అఖిల్ అభి వ్యాఖ్య‌ల‌కు సీక్రెట్ రూమ్‌నుంచే కౌంట‌రిస్తున్నాడు. ఈ మేర‌కు స్టార్ మా తాజాగా ప్రోమోను రిలీజ్ చేసింది. ఇందులో అభి ఈ వారం ర‌ద్దైన కెప్టెన్సీ టాస్క్ మీద మ‌రోసారి చ‌ర్చ లేవనెత్తాడు. ఒక వారం ఇమ్యూనిటీ కోసం ఇంత కొట్లాడిన వాడు స‌డ‌న్‌గా పంపించేస్తే ఎందుకు ఊరుకున్నాడ‌ని సందేహిస్తున్నాడు. అంటే ఇదంతా ఫేకే క‌దా! ఎలాగో మ‌ళ్లీ హౌస్‌లోకి పంపిస్తారులే అన్న న‌మ్మ‌క‌మే క‌దా! అని వాదించాడు. దీనికి అఖిల్‌.. నీ అంత కాన్ఫిడెన్స్ మాకు లేద‌య్యా అని సీక్రెట్ రూమ్‌లో నుంచి ఉన్న‌మాట చెప్పాడు. (చ‌ద‌వండి: నేను ఆడ‌టానికి రాలేదు, జ‌స్ట్ ఎక్స్‌పీరియ‌న్స్ కోసం..) ఒక‌వేళ నిజంగా పంపించ‌లేక‌పోతే ఎంత భ‌యంగా ఉంటుంది? అని అభి అన‌గా నీకు కావాల్సింది కూడా అదేగా అని అఖిల్ కౌంట‌రిచ్చాడు. ఇక ఈ ప్రోమో చూసిన నెటిజ‌న్లు మీరిద్ద‌రూ మ‌న‌సులో ఏదో పెట్టుకుని బ‌య‌ట‌కు మాత్రం క‌లిసి ఉంటూ ఫేక్ ఎమోష‌న్స్ ప్ర‌ద‌ర్శించ‌కండ‌ని హిత‌వు ప‌లుకుతున్నారు. అభిజిత్‌.. అఖిల్‌కోసం పాజిటివ్‌గానే మాట్లాడుతున్నార‌ని అత‌ని అభిమానులు అభిని స‌మ‌ర్థించుకుంటున్నారు. అఖిల్ స్నేహితుల ద‌గ్గ‌రే అత‌డి గురించి త‌ప్పులు తీస్తూ మాట్లాడటం ఏంట‌ని అఖిల్ అభిమానులు మండిప‌డుతున్నారు. ఏదేమైనా క‌లిశారు అనుకున్న అఖిల్‌, అభిజిత్ మ‌ధ్య ప‌చ్చ‌గ‌డ్డి వేస్తే భ‌గ్గుమ‌నే ప‌రిస్థితిని బిగ్‌బాస్ కావాల‌ని క్రియేట్ చేస్తున్నాడ‌ని నెటిజ‌న్లు కామెంట్లు చేస్తున్నారు. ఈ ఎపిసోడ్‌తో అభి, అఖిల్ మ‌ధ్య పుల్ల‌లు పెట్టే మిష‌న్‌ను బిగ్‌బాస్ విజ‌య‌వంతంగా పూర్తి చేయ‌నున్నాడ‌ని చెప్తున్నారు. (చ‌ద‌వండి: బిగ్‌బాస్‌: అభిజిత్ రూటులో అఖిల్‌?)

బిగ్‌బాస్ హౌస్‌లో కంటెస్టెంట్లు చేసే‌ రచ్చ క‌న్నా వారి అభిమానులు సోష‌ల్ మీడియాలో చేసే ర‌చ్చ మ‌రీ దారుణంగా ఉంటుంది. అభిమాన కంటెస్టెంటును వెన‌కేసుకు రావ‌డం క‌న్నా, ఇత‌రుల మీద ప‌డి ట్రోలింగ్ చేయ‌డ‌మే వీళ్లు ముఖ్య‌మైన ప‌నిగా పెట్టుకున్నారు. రెండో సీజ‌న్‌లో కౌశ‌ల్ ఆర్మీ నెట్టింట ఎంత హ‌డావుడి చేసిందో ప్ర‌త్యేకంగా చెప్ప‌న‌వ‌స‌రం లేదు. ఈ సీజ‌న్‌లో మాత్రం అందరిక‌న్నా ఎక్కువ‌గా అభిజిత్ పేరుతో ఏర్పాటైన ఆర్మీలు ఏకంగా సోష‌ల్ మీడియాను ఆక్ర‌మించుకున్న‌ట్లే క‌నిపిస్తున్నాయి. అయితే అభి త‌ప్పు చేసినా, ఒప్పు చేసినా, ప‌ని చేసినా, చేయ‌క‌పోయినా.. ఇలా ప్ర‌తిదాన్ని గుడ్డిగా వెన‌కేసుకొస్తున్నాయి. హౌస్‌లో అభి మీద ఈగ వాలినా బ‌య‌ట వీళ్లు చేసే హ‌డావుడి మామూలుగా ఉండ‌టం లేదు. అఖిల్‌కు ఆక్సిజ‌న్‌లా మారిన సీక్రెట్ రూమ్‌ ఈ విష‌యాన్ని కాసేపు పక్క‌న పెడితే ఈ సీజ‌న్‌లో ప్ర‌స్తుతం ప‌దోవారం కొన‌సాగుతోంది. ఇంకా ఐదువారాల ఆట మాత్ర‌మే మిగిలి ఉంది. ప్ర‌స్తుతం తొమ్మిది మంది కంటెస్టెంట్లు ఉన్నారు. అందులో ఒక‌రైన అఖిల్ ఫేక్ ఎలిమినేట్ అయ్యాడు. అయితే నిజంగానే త‌న ప్ర‌యాణం ముగిసిందేమోన‌ని ఒక్క క్ష‌ణం గుండె ఆగిన అఖిల్‌కు బిగ్‌బాస్.. సీక్రెట్ రూమ్ అనే ఆక్సిజ‌న్ అందించాడు. దీంతో హ‌మ్మ‌య్యా.. నా బెర్త్ ఎక్క‌డికి పోలేద‌ని గుండెల‌మీద చెయ్యేసుకున్నాడు. అయితే ఈ ర‌హ‌స్య గ‌దిలో కేవ‌లం ఇంటిస‌భ్యులు ఏం మాట్లాడుకుంటారో ఆ క్లిప్పింగులు చూస్తూ గ‌డిపేయ‌డ‌మేన‌నుకున్నాడు. కానీ సోహైల్ మాట‌లో చెప్పాలంటే క‌థ వేరే ఉంది. (చ‌ద‌వండి: బిగ్‌బాస్‌: హోస్ట్‌, గెస్ట్‌గా తండ్రీకొడుకులు) అభికి లెట‌ర్ వ‌చ్చిందా? లేదా? కంటెస్టెంట్లకు వ‌చ్చిన లెట‌ర్ల‌ను పంపించి వారిని సంతోష‌ర్చ‌డం లేదా, వాటిని తునాతున‌క‌లు చేసి బాధ‌ప‌ర్చ‌డం అంతా అఖిల్ చేతిలోనే ఉందని బిగ్‌బాస్ స్ప‌ష్టం చేశాడు. ఈ క్ర‌మంలో త‌న స్నేహితుల‌కు లెట‌ర్స్ పంపి వారి ముఖంలో న‌వ్వులు చూసి అఖిల్‌ సంతోష‌ప‌డుతున్న‌ట్లు ప్రోమోలో స్ప‌ష్టంగా తెలుస్తోంది. అయితే అభిజిత్ కోసం వ‌చ్చిన‌ లెటర్‌ను హౌస్‌లోకి చేర‌వేశాడా? లేదా? అన్న‌ది ప్ర‌శ్నార్థ‌కంగా మారింది. అభిజిత్ మాత్రం త‌న ఎదుట కాగిత‌పు ముక్క‌ల‌ను క‌లిపేందుకు ప్ర‌య‌త్నిస్తున్నాడు. దీన్ని బ‌ట్టి అభికి లెట‌ర్ రాలేద‌ని ఆయ‌న అభిమానులు ఫీల‌వుతున్నారు. దీంతో అఖిల్‌ను క‌రివేపాకుతో పోల్చుతూ అత‌డి మీద మండిప‌డుతున్నారు. (చ‌ద‌వండి: బిగ్‌బాస్‌: అఖిల్‌కు ఏమైంది?) నిజ‌మేంటో తెలీకుండానే ట్రోలింగ్‌ ఒక‌వేళ అభి చేతికి లెట‌ర్ అంద‌క‌పోతే అఖిల్‌ను ఆ దేవుడు కూడా కాపాడ‌లేర‌ని వార్నింగ్ ఇస్తున్నారు. 'ఇప్ప‌టికే నామినేట్ చేసి త‌ప్పు చేశావు, ఇప్పుడు లెట‌ర్ ఇవ్వ‌కుండా మ‌రో త‌ప్పు చేస్తావా? అయినా మీరు ఎన్ని వేషాలు అభి ఇంకా స్ట్రాంగ్ అవుతాడు" అని ధీమా వ్య‌క్తం చేస్తున్నారు. అయితే అంద‌రికీ లేఖ‌లు పంపిచ‌డానికి వీల్లేద‌ని బిగ్‌బాస్ ష‌రతు పెట్టి ఉండొచ్చేమోన‌ని అఖిల్ అభిమానులు అత‌డిని వెన‌కేసుకొస్తున్నారు. మ‌రికొంద‌రు మాత్రం ప్రోమోను చూసి త‌ప్పులో కాలేయ‌కండ‌ని, అభికి కూడా లెట‌ర్ వ‌స్తుంద‌ని ఆశించండి అని సానుకూలంగా ఆలోచించ‌మ‌ని హిత‌వు ప‌లుకుతున్నారు. ఎపిసోడ్ చూడ‌కుండా ఒక‌ర్ని ట్రోల్ చేయ‌డ‌మేంట‌ని తిట్టిపోస్తున్నారు. ఏదేమైనా అత‌డికి లెట‌ర్ అంద‌లేదేమోన‌న్న ఆలోచ‌న‌కే సోష‌ల్ మీడియా షేక్ అయిపోతుంటే ఇక ఎపిసోడ్‌లో అదే నిజ‌మైతే, అఖిల్‌ను ఏ రేంజ్‌లో ఆడుకుంటారో! అఖిల్ కూడా త‌న చ‌ర్య‌ను ఎలా స‌మ‌ర్థంచుకుంటాడో చూడాలి!

ఇంట్లో ఒక్క‌రూ నాకు స‌పోర్ట్ చేయ‌లేదు అని అఖిల్ ఎప్పుడూ బాధ‌ప‌డుతూ ఉండేవాడు. మొద‌టిసారి అభి మిన‌హా అంద‌రూ ఏకాభిప్రాయంతో అఖిల్ పేరు చెప్పారు.. కానీ అత‌డిని హౌస్ నుంచి బ‌య‌ట‌కు పంపించ‌డానికి. అయితే ఓ ర‌కంగా ఇది అత‌నికి మంచే చేసింది. ఎవ‌రేంటని తెలుసుకునేందుకు మంచి అవ‌కాశం ల‌భించింది. అయితే అఖిల్ ఎలిమినేట్ కావ‌డంలో మోనాల్‌, సోహైల్ కీల‌క పాత్ర వ‌హించ‌డం అంద‌రినీ ఆశ్చ‌ర్య‌ప‌రిచే అంశం. మ‌రి నేటి బిగ్‌బాస్ ఎపిసోడ్‌లో ఇంకా ఏమేం జ‌రిగాయో తెలియాలంటే ఇది చ‌దివేయండి.. గేమ్ కోసం ఫ్రెండ్ పేరు చెప్పిన సోహైల్‌, మోనాల్‌ అర్ధ‌రాత్రి ఇంటిస‌భ్యుల‌ను నిద్ర లేపిన బిగ్‌బాస్ అంద‌రినీ బ్యాగు స‌ర్దుకోమ‌ని ఆదేశించాడు. అనంత‌రం ఫినాలే వ‌ర‌కు సాగే మీ ప్ర‌యాణంలో ఎవ‌రు మీకు అడ్డుప‌డ‌తార‌ని భావిస్తారో ఆ వ్య‌క్తి పేరును ఏకాభిప్రాయంతో తెలియ‌జేయాల‌ని, అత‌డు త‌క్ష‌ణ‌మే హౌస్‌ను వీడి వెళ్లాల్సి ఉంటుంద‌ని చెప్పాడు. దీంతో ఏం చేయాలో అర్థం కాక‌ కంటెస్టెంట్లు త‌లలు ప‌ట్టుకున్నారు. అభిజిత్ మాత్రం త‌న‌కు అ‌డ్డు ప‌డేంత స్ట్రాంగ్ ఎవ‌రూ అనిపించ‌ట్లేదు అంటూనే ఇక్క‌డికి క‌చ్చితంగా గెల‌వ‌డానికి రాలేదు, ఎక్స్‌పీరియ‌న్స్ కోసం మాత్ర‌మే వ‌చ్చాన‌ని త‌న‌లో త‌నే మాట్లాడుకున్నాడు. అనంత‌రం సోహైల్‌, మోనాల్‌, అరియానా.. అఖిల్; మెహ‌బూబ్, అవినాష్‌‌.. అరియానా; అఖిల్‌, లాస్య, అభిజిత్ వాళ్ల‌ పేరును వాళ్లే చెప్పుకున్నారు. అంద‌రూ ఏ పేరు చెప్తే దానితో తాను ఏకీభ‌విస్తాన‌ని హారిక తెలిపింది. (చ‌ద‌వండి: నాకొక గ‌ర్ల్‌ఫ్రెండ్ కావాలి: అఖిల్‌) ఎలిమినేష‌న్‌తో మూగ‌బోయిన అఖిల్‌ అఖిల్‌కు ఎక్కువ మెజారిటీ ఓట్లు ప‌డ‌టంతో అత‌డు హౌస్‌ నుంచి నిష్క్ర‌మించాడు. ఇది ఊహించ‌ని అత‌డు క‌న్నీళ్లు ఆపుకునేందుకు విశ్వ ప్ర‌య‌త్నం చేశాడు. మొద‌టి సారి ఏకాభిప్రాయంతో న‌న్ను సెల‌క్ట్ చేసుకున్నారు అంటూ త‌న బాధ‌ను చెప్పుకునేందుకు మాట‌లు వెతుక్కున్నాడు. సోహైల్‌, మోనాల్ క‌న్నీళ్ల ప‌ర్యంతం అవ‌గా అభిజిత్ మాత్రం క‌నీసం ద‌గ్గ‌ర‌కు కూడా వెళ్ల‌లేదు. అఖిల్ లాగే సోహైల్‌, మోనాల్ గేమ్ ఈజ్ గేమ్ అని ఆలోచించారు. కానీ స్ట్రాంగ్ అని చెప్తూనే త‌న ఫ్రెండును బ‌య‌ట‌కు పంపించ‌డం ఎంత‌వ‌ర‌కు క‌రెక్ట్ అని లాస్య‌, అభి, హారిక‌.. మోనాల్ తీరు మీద చ‌ర్చ‌లు పెట్టారు. తామైతే అలా చేయ‌లేమ‌ని అభిప్రాయ‌ప‌డ్డారు. (చ‌ద‌వండి: మోనాల్‌తో తెగ‌తెంపులు చేసుకున్న అభిజిత్‌!) అబ‌ద్ధం చెప్పిన అభి, దండం పెట్టిన అఖిల్‌ మ‌రోవైపు అఖిల్ ఫేక్ ఎలిమినేష‌న్‌తో నేరుగా సీక్రెట్ రూమ్‌లోకి వెళ్లాడు. ఈ అవ‌కాశం ల‌భించినందుకు ఆనందించిన అఖిల్‌ ఇప్పుడు త‌న‌కు క్లారిటీ దొరుకుతుంద‌ని భావించాడు. కానీ అక్క‌డ హౌస్‌లో మాత్రం మోనాల్‌, సోహైల్ చంటిపిల్ల‌ల్లా ఏడ్చారు. ఇక‌ త‌ర్వాతి రోజు నుంచి ఇంట్లో ఏం జ‌రుగుతుంద‌నేది అఖిల్ టీవీలో చూశాడు. ఈ సంద‌ర్భంగా మోనాల్ అత‌డిని తలుచుకుని క‌న్నీళ్లు కార్చ‌డం చూసి ఫీల‌య్యాడు. ఇక కెప్టెన్సీ టాస్కులో  సోహైల్ బ‌య‌ట‌కు వ‌చ్చేయ‌డం ఏంట‌ని అభి హారిక‌తో అన్నాడు. వాళ్లు గొడ‌వ‌ప‌డి ప‌ది రోజులు మాట్లాడుకోలేదు అనడంతో ఇది పెద్ద అబద్ధ‌మంటూ అఖిల్ లోప‌ల నుంచే దండం పెట్టాడు. ఇక అభి కూడా ఇది క‌నక నువ్వు చూస్తుంటే వ‌చ్చాక దీని గురించి మాట్లాడ‌తాను అని అఖిల్‌ను ఉద్దేశించి చెప్పాడు. అఖిల్ వెళ్లిపోయాక ఇల్లు చాలా సైలెంట్‌గా అయిపోయింద‌ని మోనాల్ వెలితిగా ఫీల‌వుతుంటే త‌న‌కు మాత్రం ఎప్ప‌టిలాగే ఉంద‌ని అభి కౌంట‌రిచ్చాడు.

ప‌దో వారానికిగానూ హౌస్‌కు కెప్టెన్ అవ్వండి అని బిగ్‌బాస్ బంతి టాస్క్ ఇచ్చాడు. ఇందులో అఖిల్‌, మెహ‌బూబ్ ఫైన‌ల్ వ‌ర‌కు వెళ్లారు. కానీ ఇద్ద‌రూ ఒక‌రికి ఒక‌రు స‌పోర్ట్ చేసుకోవ‌డం ఇష్టం లేదు. నేనే కెప్టెన్ అవుతానంటే నేను అని కీచులాడుకున్నారు. బిగ్‌బాస్ బ‌జ‌ర్ మోగించినా ఇంకా ఓ అండ‌ర్‌స్టాండింగ్‌కు రాకుండా వాదులాడుకుంటూనే ఉన్నారు. ఎవ‌రి ముఖం ఉన్న బంతి వారు ప‌ట్టుకునేందుకు వీల్లేద‌ని చెప్పినా స‌రే అదే ప‌ని చేసి మూర్ఖంగా ప్ర‌వ‌ర్తించారు. ఫ‌లితంగా బాస్‌కు కోప‌మొచ్చింది. టాస్క్ ర‌ద్ద‌యింది, కెప్టెన్సీ ఎవ‌రికీ అంద‌కుండా పోయింది. అప్ప‌టి వ‌ర‌కు ప‌డ్డ క‌ష్టం బూడిద‌లో పోసిన పన్నీర‌య్యింది. దీనికి కార‌ణ‌మైన అఖిల్‌, మెహ‌బూబ్‌కు బిగ్‌బాస్ బాగానే చీవాట్లు పెట్టాడు. త‌న ఆదేశాల‌ను బేఖాత‌రు చేశార‌ని మండిప‌డ్డారు. ఇదే ఆవేశంలో బిగ్‌బాస్‌.. ఇంటిస‌భ్యులకు అర్ధ‌రాత్రి ప‌రీక్ష పెడుతున్నాడు. హాయిగా నిద్ర‌పోతున్న ఇంటిస‌భ్యుల‌ను లేపి ముల్లెమూట స‌ర్దుకోమ‌న్నాడు. అనంత‌రం గార్డెన్ ఏరియాకు ర‌మ్మ‌ని పిలిచాడు. ప్ర‌తిసారి మిమ్మ‌ల్ని బ‌య‌ట‌కు పంపే నిర్ణ‌యం ప్రేక్ష‌కుల చేతిల్లో ఉంటుంద‌ని, కానీ ఈసారి మీ చేతులోనే ఉంద‌ని హౌస్‌మేట్స్‌కు చెప్పాడు.  (అఖిల్ న‌న్ను కాద‌ని నిన్నే సేవ్ చేస్తాడు: మోనాల్‌) మీరు ఫైన‌ల్‌కు వెళ్ల‌కుండా అడ్డుప‌డే స్ట్రాంగ్ ప్లేయ‌ర్ ఎవ‌రు అనే ప్ర‌శ్న‌ను సంధించిన‌ట్లు క‌నిపిస్తోంది. దీనికి స‌మాధానం చెప్పేందుకు ఇంటిస‌భ్యులు త‌ర్జ‌న‌భ‌ర్జ‌న ప‌డ్డారు. మొత్తానికి ప్రోమోలో మాత్రం అవినాష్‌.. అరియానా స్ట్రాంగ్ అని, సోహైల్.. మెహ‌బూబ్‌, అరియానా.. అఖిల్ పేర్లు చెప్పారు. అఖిల్ వంతు వ‌చ్చేస‌రికి త‌న‌కు అడ్డు పడేవారు ఎవ‌రూ లేర‌ని, త‌న గేమ్ తాను ఆడ‌గ‌లుగుతాన‌ని కాన్ఫిడెంట్‌గా చెప్పాడు. అభిజిత్ మాత్రం.. బిగ్‌బాస్ ఒక పేరు చెప్ప‌మ‌న్నారు అని ముందే ఓ క్లారిటీ ఇస్తూ త‌న పేరునే చెప్పుకున్నాడు. దీన్ని కొంద‌రు ఓవ‌ర్ కాన్ఫిడెన్స్ అని విమ‌ర్శిస్తుంటే మ‌రికొంద‌రు మాత్రం ఒక్క మాట‌తో అంద‌రికీ పంచ్ వేశాడు. ఇక అంద‌రూ వారివారి అభిప్రాయాలు చెప్పాక అఖిల్‌ను ఎలిమినేట్ అయిన‌ట్లు న‌మ్మించి సీక్రెట్ రూమ్‌లోకి పంపే అవ‌కాశ‌ముందంటున్నారు. అదే క‌న‌క జ‌రిగితే చాలామంది లోలోప‌ల సంతోష‌ప‌డ‌తారు. కానీ మోనాల్ మాత్రం త‌న‌లోని న‌ర్మ‌ద‌కు ప‌ని చెప్తుంది. మ‌రి నిజంగా అఖిల్‌ను సీక్రెట్ రూమ్‌లోకి పంపుతారా? ఏదైనా ట్విస్టు ఉండ‌బోతుందా? అనేది తెలియాలంటే నేటి ఎపిసోడ్ వ‌చ్చేవ‌ర‌కు ఆగాల్సిందే!

కండ‌బ‌లం ఉంది కానీ బుద్ధి బ‌లం లేద‌ని నిరూపించుకున్నారు అఖిల్‌, మెహ‌బూబ్‌. కెప్టెన్సీ నాకు త‌ప్ప నా ఫ్రెండుకు కూడా ద‌క్క‌కూడ‌ద‌న్న మూర్ఖ‌త్వంతో ప్ర‌వ‌ర్తించి టాస్కు ర‌ద్ద‌య్యేందుకు కార‌ణ‌మ‌య్యారు. ఫ‌లితంగా హౌస్‌లో ఉండేందుకు అవ‌స‌ర‌మైన ప్రాణ‌వాయువులాంటి ఇమ్యూనిటీ ఎవ‌రికీ అంద‌కుండా పోయింది. వీళ్ల గొడ‌వ‌ను చూసి అగ్లీ అన్న‌ అభిజిత్.. హారిక‌తో అంత‌క‌న్నా అగ్లీ గొడ‌వ‌కు దిగాడు. త‌న‌ను ప‌క్క‌న‌పెట్టి అఖిల్‌కే హ‌గ్గులిస్తుంద‌ని నొచ్చుకున్నాడు. వెళ్లి వాళ్ల‌కే నీ హ‌గ్గులు ఇచ్చుకో అని ప‌దే ప‌దే అంటూ జ‌నాల‌కు విసుగు తెప్పించాడు. మ‌రి నేటి బిగ్‌బాస్ ఎపిసోడ్‌లో ఏమేం జ‌రిగాయో తెలియాలంటే దీన్ని చ‌దివేయండి.. గేమ్‌లో ఒంట‌రైన మోనాల్‌ బిగ్‌బాస్ ఈ వారం బాస్కెట్ బాల్స్‌ను గోల్ చేసే టాస్క్ ఇచ్చాడు. ఇందులో ఎవ‌రి బంతిని వాళ్లే కాకుండా మిగ‌తావాళ్లు గోల్ చేయాల్సి ఉంటుంది. బ‌జ‌ర్ మోగిన‌ప్పుడు ఆల‌స్యంగా గోల్ చేసిన బంతి మీద ఎవ‌రి ముఖం ఉంటే వాళ్లు అవుట్ అవుతారు. ఆఖ‌రి రౌండ్‌లో గోల్ చేసిన బంతి మీద ఎవ‌రి ముఖం ఉంటే వాళ్లే గెలిచిన‌ట్లు. ఈ గేమ్‌లో అభిజిత్ మైండ్ గేమ్ ఆడాడు. అత‌డు, హారిక క‌లిసి త‌న‌కు గిట్ట‌ని వ్య‌క్తి ముఖం ఉన్న బంతిని తీసుకుని కావాల‌ని ఆల‌స్యంగా వేశారు. మోనాల్ బంతిని ఎవ‌రూ తీసుకోలేదు. ఈ గేమ్‌లో చివ‌రికి మెహ‌బూబ్‌, అఖిల్ ఇద్ద‌రే మిగిలారు. (అభిజిత్‌కు హౌస్‌లో ఉండే అర్హ‌త లేదు: అమ్మ రాజ‌శేఖ‌ర్ ) తొక్క‌లో రిలేష‌న్స్‌, అంతా న‌టిస్తారు: అఖిల్‌ ఈసారి నాకు స‌పోర్ట్ కావాలంటే నాకు స‌పోర్ట్ కావాలని ఇద్ద‌రూ వాదులాడుకున్నారు. బ‌జ‌ర్ మోగిన విష‌యం మ‌ర్చిపోయి బాల్ వేయ‌కుండా కీచులాడుతూనే ఉన్నారు. చివ‌రికి నిబంధ‌న‌ల‌కు తూట్లు పొడుస్తూ ఎవ‌రి బంతి వారు గోల్ చేసేందుకు సిద్ధ‌ప‌డ్డారు. దీంతో ఆగ్ర‌హం వ్య‌క్తం చేసిన బిగ్‌బాస్ ఇద్ద‌రి బాధ్య‌తారాహిత్యం కార‌ణంగా టాస్క్ మొత్తాన్ని ర‌ద్దు చేస్తున‌ట్లు వెల్ల‌డించారు. ఈ వారానికి హౌస్‌లో కెప్టెనే ఉండ‌ర‌ని ప్ర‌క‌టించాడు. దీంతో స్నేహితుల కోసం గేమ్ నుంచి త‌ప్పుకున్న‌ సోహైల్ చిందులు తొక్కాడు. అన‌వ‌స‌రంగా ఇమ్యూనిటీ రాకుండా చేసుకున్నార‌ని బాధ‌ప‌డ్డాడు. ఇంట్లో నాకు ఒక్క‌డు స‌పోర్ట్ చేయ‌లేదు. ఈ ఒక్క‌సారి చేయుమ‌న్నా.. అని అఖిల్ ఫ్ర‌స్టేట్ అయ్యాడు. అందుకే ఈ తొక్క‌లో రిలేష‌న్స్ వ‌ద్దంటా, అంతా న‌టిస్తారు అని అలిగాడు. ప‌నిలో ప‌నిగా మోనాల్ మీద విసుగు ప్ర‌ద‌ర్శించాడు. ప్ర‌తిసారి నీ కోసం ఆడ‌తా అని ఎందుకనుకుంటున్నావు అని మోనాల్ ముఖం ప‌ట్టుకుని అడ‌గ్గా నా‌కోసం ఆడ‌మ‌ని నీకు చెప్ప‌లేద‌ని ఆమె స్ప‌ష్టం చేసింది. మ‌రోవైపు త‌న నెత్తి మీద ద‌రిద్రం డ్యాన్స్ చేస్తోంద‌ని మెహ‌బూబ్ క‌న్నీళ్లు పెట్టుకోగా మోనాల్, సోహైల్ ఓదార్చారు. నేను హ‌గ్గిస్తే కుర్చీలో నుంచి ప‌డిపోతావు.. కెప్టెన్సీ చేజారిన బాధ‌లో నుంచి బ‌య‌ట‌కు రాని అఖిల్.. మెహ‌బూబ్‌, సోహైల్‌తో మాట్లాడుతూ మీరిద్ద‌రే ఫ్రెండ్స్, నేనే అప్పుడ‌ప్పుడు మ‌ధ్య‌లోకి వ‌స్తా. ఈ రిలేష‌న్స్‌, ఫ్రెండ్‌షిప్స్ బక్వాస్‌. అందుకే దివాళీ గిఫ్ట్‌కు మీ ఇద్ద‌రితో పాటు మోనాల్ పేరు కూడా రాయ‌లేదు అని అస‌లు విష‌యం చెప్పాడు. వీళ్ల పంచాయితీ మీద‌ అభిజిత్ సెటైర్లు వేశాడు. ఎందుకింత అగ్లీగా ప్ర‌వ‌ర్తిస్తున్నారు, మంచిగా ఆడొచ్చు క‌దా అని త‌న టీమ్‌తో చ‌ర్చించాడు. కానీ మ‌రుక్ష‌ణ‌మే అత‌డు అగ్లీ టాపిక్‌కు తెర తీశాడు. పోయి(అఖిల్‌కు) హ‌గ్గులిచ్చుకో పో అని హారిక మీద కోప్ప‌డ్డాడు. నాకు హ‌గ్గిచ్చి ఎన్ని రోజులైతుందో తెలుసా? అని అభి అలగ‌డంతో ఈరోజు పొద్దున్నే క‌దా ఇచ్చాన‌ని హారిక జ‌వాబిచ్చింది. అయినా ఇప్పటికిప్పుడు నేను హ‌గ్గిస్తే కుర్చీలో నుంచి కింద ప‌డిపోతావు అని హెచ్చ‌రించింది. ఎప్పుడూ ఏదో అని, దాన్ని క‌వ‌ర్ చేసేందుకు హ‌గ్గిచ్చావే కానీ సొంతంగా హ‌గ్గిచ్చావా అని నిల‌దీశాడు. అలా కాసేప‌టి వ‌ర‌కు ఈ హ‌గ్గుల గురించి హ‌ద్దులు దాటి మాట్లాడుకున్నారు. (మ‌న‌సు గెలిచేసిన మోనాల్‌) సూట్‌కేసులు స‌ర్దుకున్న కంటెస్టెంట్లు మ‌రోవైపు అల‌క బూనిన‌ ఇద్ద‌రు ఫ్రెండ్స్ మ‌ధ్య సోహైల్ న‌లిగిపోయాడు. రేపు ఇలాంటి ప‌రిస్థితి వ‌చ్చిన‌ప్పుడు నేను, అఖిల్ ఉంటే.. నువ్వు క‌చ్చితంగా అఖిల్‌నే సేఫ్ చేస్తావు అని మోనాల్‌తో అన్నాడు. దానికి ఆమె స్పందిస్తూ కానీ నేను, నువ్వు ఉంటే మాత్రం అఖిల్ నిన్నే సేఫ్ చేస్తాడ‌ని క్లారిటీ ఇచ్చింది. ఎటొచ్చీ ఈరోజు మోనాల్ మ‌ళ్లీ ఒంట‌రిగా మార‌గా అప్ప‌టివ‌ర‌కూ గొడ‌వ‌ప‌డ్డ సోహైల్‌, అఖిల్‌, మెహ‌బూబ్‌ మ‌ళ్లీ ఒక్క‌టైపోయారు. ఇక అరియానా ద‌గ్గ‌ర మోనాల్ సేఫ్ గేమ్‌ ఆడుతుంద‌ని చెప్పిన అవినాష్‌.. త‌ర్వాత మాత్రం ఆమె ద‌గ్గ‌ర‌కు వెళ్లి టాప్ 5లో ఉంటావంటూ క్రీమ్ బిస్కెట్లు వేశాడు. అనంతరం అర్ధ‌రాత్రి ఇంటిస‌భ్యుల‌ను నిద్ర లేపిన బిగ్‌బాస్ వారి సూట్‌కేసుల‌ను స‌ర్దుకోమ‌న్నాడు. ఫినాలేకు వెళ్ల‌డానికి ఎవ‌రు అడ్డుప‌డుతార‌నుకుంటున్నారో వారి పేర్ల‌ను చెప్ప‌మ‌న్నాడు. ఎవ‌రు ఎవ‌రి పేర్ల‌ను చెప్ప‌నున్నారో రేప‌టి ఎపిసోడ్‌లో తేల‌నుంది. (అభికి జీరో టాలెంట్‌, అఖిల్‌కు అహంకారం)

బిగ్‌బాస్ నాల్గో సీజ‌న్‌లో ఎప్పుడో వెళ్లిపోవాల్సిన కంటెస్టెంటు అమ్మ రాజ‌శేఖ‌ర్‌. అదృష్టం బాగుండి, బిగ్‌బాస్ టీమ్ కాపాడ‌టం వ‌ల్ల కొన్నివారాలు ఎలిమినేష‌న్ నుంచి త‌ప్పించుకోగ‌లిగాడు. కానీ ఆయ‌న‌ను బ‌య‌ట‌కు పంపించేందుకు ప్రేక్ష‌కులు కాచుకుని కూర్చున్నారు. తీరా నామినేష‌న్‌లోకి వ‌చ్చాడు. వేటు వేశారు. వెళ్లిపోయారు. అయితే అఖిల్ చెప్పిన‌ట్లు అమ్మ రాజ‌శేఖ‌ర్ త‌న‌కు న‌చ్చిన‌వాళ్ల‌తో బాగా మాట్లాడ‌తారు. న‌చ్చ‌క‌పోతే ఎదుటివాళ్ల‌ను మాట్లాడ‌నిచ్చేవారే కాదు. తాజాగా ఆయ‌న బిగ్‌బాస్ బ‌జ్‌లో రాహుల్ సిప్లిగంజ్ ద‌గ్గ‌ర ఇంటిస‌భ్యుల గురించి త‌న అభిప్రాయాల‌ను వెల్ల‌డించాడు.త‌న ఎంట‌ర్‌టైన్‌మెంట్‌కు న‌వ్వుతూనే, అందులో త‌ప్పులు వెతుకుతూ నామినేట్ చేస్తార‌ని చెప్పుకొచ్చారు. (చ‌ద‌వండి: ప్యాంటులో మాస్క్ పెట్టుకుంటావా?: స‌ల్మాన్ ఫైర్‌) లాస్య సింప‌థీ గేమ్ ఆడుతోంది "అభిజిత్‌ను చూసి చాలామంది ప‌ని చేయ‌కుండా బ‌ద్ధ‌క‌స్తుల‌వుతున్నారు. అత‌డు పొద్దున డ్యాన్స్ చేయ‌డు, గేమ్ ఆడ‌డు, టాస్క్‌ను మ‌ధ్య‌లో ఆపేస్తాడు. అస‌లు బిగ్‌బాస్‌కు అభిజిత్‌ సూట్ కాడు. ఇక అఖిల్‌కు యాటిట్యూడ్ ఎక్కువ‌. అరియానా ముక్కుసూటిగా మాట్లాడుతుంది. కానీ, టాస్కులో మాత్రం ర‌ఫ్ఫాడిస్తుంది. దేవి నాగ‌వ‌ల్లి ప్ర‌తీది నెగెటివ్‌గా ఆలోచిస్తుంది. దివి.. నేను జ‌నాల్లో బ్యాడ్ అవ‌కుండా కాపాడింది. ఆమెకు నేను దిండు పెట్టిన గొడ‌వ‌లో ఆమె నావైపు నిల్చుని దేవ‌త‌లా కాపాడింది. అప్ప‌టి నుంచి ఆమె నా బెస్ట్ ఫ్రెండ్‌. గంగ‌వ్వ‌.. నేను ఏడుస్తుంటే చీర కొంగుతో క‌న్నీళ్లు తుడిచింది. నేను వెళ్లిపోతే బిగ్‌బాస్ షోనే ఉండ‌దు అంటూ ఓదార్చింది. హారిక‌.. ఇంగ్లీషులో మాట్లాడేవాళ్ల‌తో ఉంటుంది. లాస్యకు ఆమె ముఖంలో ఉన్న క్లారిటీ లోప‌ల ఉండ‌దు. ఆమె న‌వ్వుకు ఏదో ఒక అర్థం ఉంటుంది. సింప‌థీ గేమ్‌ ఆడుతోంది. మెహ‌బూబ్‌ను చూస్తే చిన్న‌ప్పుడు న‌న్ను నేను చూసుకున్న‌ట్లు ఉంటుంది. ఫైర్ ఉంది కానీ తెలివి లేదు. మోనాల్‌.. ఏం చేస్తుందో ఆమెకే అర్థం కాదు. చిన్న‌వాటికి ఎమోష‌న‌ల్ అయిపోతుంది" (చ‌ద‌వండి: బిగ్‌బాస్‌: కెప్టెన్‌గా మాస్ట‌ర్‌, మ‌రి ఎలిమినేష‌న్‌?) నోయ‌ల్ ఫేక్‌, ఎనిమ‌ది వారాలు న‌టించాడు "నోయ‌ల్‌.. ఫేక్ కంటెస్టెంటు‌. నిజానికి నోయ‌ల్ కోస‌మే బిగ్‌బాస్‌కు వ‌చ్చాను. మొద‌ట జాలీగా ఉన్నాం. త‌ర్వాత అత‌డికి కాళ్ల‌నొప్పి రావ‌డంతో గేమ్ ఆడ‌లేక‌పోయాడు. త‌ర్వాత ఫాద‌ర్‌, ఆ త‌ర్వాత‌ గురూజీ అయిపోయాడు. అత‌డికి హ‌గ్గింగ్ డాక్ట‌ర్ అని పేరు కూడా పెట్టాను. కానీ అత‌డి క్యారెక్ట‌ర్ చివ‌ర్లో బ్లాస్ట్ అయింది. అంటే హౌస్‌లో ఎనిమిది వారాలు న‌టించాడంటే ఆస్కారు అవార్డు ఇవ్వాల్సిందే. సోహైల్‌కు కోప‌మెక్కువ‌. అంద‌రితో బాగుండాల‌ని తాప‌త్ర‌య‌ప‌డ‌తాడు. అవినాష్‌.. నాలాగే ఎంట‌ర్‌టైన్ చేస్తాడు. నోయ‌ల్ అత‌డిని చిల్ల‌ర కామెడీ అన‌డం చాలా త‌ప్పు" అని విమ‌ర్శించాడు. దీంతో రాహుల్ మ‌ధ్య‌లో క‌ల‌గ‌జేసుకుని నోయ‌ల్ ఆ మాట మిమ్మ‌ల్ని అన్నాడు కానీ అవినాష్‌ను కాద‌ని వెన‌కేసుకొచ్చాడు. అయితే మాస్ట‌ర్ మాత్రం అత‌డు ఎవ‌రి పేరూ చెప్ప‌లేద‌ని, ఇద్ద‌రికీ వేలు చూపించాడ‌ని చెప్పుకొచ్చాడు. ఇక త‌న‌కు స్విచ్ అయ్యే అవ‌కాశం వ‌స్తే.. అభిని బ‌య‌ట‌కు పంపించి తాను లోప‌లికి వెళ్తాన‌ని పేర్కొన్నాడు. త‌న‌ వ‌ల్ల క‌నీసం టీఆర్పీ అయినా పెరుగుతుంద‌ని, వాడి వ‌ల్ల ఏదీ అవ‌ద‌ని కుండ‌బ‌ద్ధ‌లు కొట్టిన‌ట్లు చెప్పాడు.

బిగ్‌బాస్ నాల్గో సీజ‌న్‌లో అమ్మ రాజ‌శేఖ‌ర్‌కు కెప్టెన్సీ మూన్నాళ్ల ముచ్చ‌ట‌గానే మారింది. ఆయ‌న ఎలిమినేట్ అవుతూ త‌న కెప్టెన్సీని మెహ‌బూబ్‌కు ధార పోశాడు కానీ ఇమ్యూనిటీ మాత్రం అంద‌లేదు. ఇక నాగ్ ఇచ్చిన ఇమ్యూనిటీ టాస్క్‌లో గెలిచిన అవినాష్‌కు నామినేష‌న్ నుంచి మిన‌హాయింపు ల‌భించింది. కెప్టెన్‌గా ఇంట్లో క‌ఠిన రూల్స్ అమ‌లు చేసిన అరియానాను ఇంటిస‌భ్యులంద‌రూ టార్గెట్ చేశారు. ఇక అఖిల్ కూడా క్లోజ్‌గా ఉంటున్న అభిజిత్‌ను నామినేట్ చేయ‌డం అంద‌రికీ ఆశ్చ‌ర్యాన్ని క‌లిగించింది. మ‌రి నేటి బిగ్‌బాస్ ఎపిసోడ్‌లో ఇంకా ఏమేం జ‌రిగాయో చ‌దివేయండి.. పుణ్యం ఉంటుంది, పంపించేయండి: అరియానా అమ్మ రాజ‌శేఖ‌ర్ వెళ్లిపోయినందుకు సోహైల్‌, మెహ‌బూబ్ గుక్క‌పెట్టి ఏడ్చారు. అటు అరియానా కూడా త‌న‌ను ఎందుకు ఇంకా ఒంట‌రి చేస్తున్నారు అంటూ బిగ్‌బాస్‌ను నిల‌దీసింది. "నాకుండాల‌నిపించ‌ట్లేదు, పంపించేయండి. మీరు అనుకున్నంత స్ట్రాంగ్ కాదు, ఇంత మందిని ఫేస్ చేయ‌లేను, మా ఇంటికెళ్లిపోతా. వీరెవ‌రూ నాకు న‌చ్చ‌ట్లేదు, మీకు పుణ్యం వ‌స్తుంది న‌న్ను పంపించేయండి" అంటూ బోరున విల‌పిస్తూ బిగ్‌బాస్‌ను వేడుకుంది. (చ‌ద‌వండి: శ‌భాష్‌ అరియానా, నీకో న్యాయం, ఎదుటోడికో న్యాయం) ప్యాకేజీ అన‌డం న‌చ్చ‌లేదు: అవినాష్‌ హిందీ పాట పాడినందుకు మోనాల్‌ను జైల్లో వేశారు. కానీ నామినేష‌న్ ప్ర‌క్రియ కోసం ఆమె కాసేప‌టికే బ‌య‌ట‌కు వ‌చ్చింది. ప‌దోవారం నామినేష‌న్ ప్ర‌క్రియ మెహ‌బూబ్‌తో షురూ అయింది. అతడు వ‌చ్చీరాగానే.. ‌కొంత‌మంది కంఫ‌ర్ట్ కోసం కెప్టెన్‌గా అంద‌రికీ స‌మానంగా ప‌నులు ఇవ్వ‌లేద‌ని అరియానాను, నీతో ఇప్ప‌టికీ ఓ బంధం అనేది ఏర్ప‌డ‌లేదంటూ హారిక‌ను నామినేట్ చేశాడు. తర్వాత హారిక‌.. త‌న‌కు క‌ళ్లు తిరుగుతున్నాయ‌ని చెప్పినా టీ స్టాండ్ టాస్కులో ముఖాన నీళ్లు విసిరి కొట్టింద‌ని అరియానా, ఆపై మెహ‌బూబ్ త‌ల‌ మీద బాటిల్ ప‌గ‌ల‌గొట్టింది, ఇక అవినాష్‌.. త‌న‌ను అరియానాను ప్యాకేజ్ అన‌డం న‌చ్చ‌లేద‌ని హారిక‌ను, త‌న ప‌ని న‌చ్చ‌డం లేద‌ని మోనాల్‌ను నామినేట్ చేశాడు. కొన్ని గెల‌వాలి, కొన్ని ఓడాలి: అభిజిత్‌ సోహైల్‌.. టాస్క్ చేసేట‌ప్పుడు యాటిట్యూడ్ వేరే ఉంటుంది అని అరియానా, టీ స్టాండు టాస్కు నుంచి మొద‌ట త‌ప్పుకున్నాడ‌ని అభిజిత్ మీద బాటిల్ ప‌గ‌ల‌గొట్టాడు. ఇక అభిజిత్ వంతు రాగా.. టాస్కు ఇచ్చారు క‌దా అని ప్ర‌తిసారి టాస్కు నాది నాది అని చెప్పుకుంటావు, కొన్ని టాస్కులు గెల‌వాలి, కొన్ని ఓడిపోవాలి. అది నువ్వు అర్థం చేసుకోవాలి.. అని అరియానాను నామినేట్ చేశాడు. అయితే అంద‌రూ టాస్కుల గురించే నామినేట్ చేస్తుంటే తాను క‌రెక్ట్ దారిలోనే ఉన్నాన‌నిపిస్తోందని అరియానా కౌంట‌రిచ్చింది. అనంత‌రం రెండో బాటిల్‌ను సోహైల్‌ త‌ల మీద ప‌గ‌ల‌గొట్టాడు. (చ‌ద‌వండి: అవినాష్‌ జ‌బ‌ర్ద‌స్త్ రీఎంట్రీ ఉంటుంది) నా మాట విన‌కుండా వెళ్లిపోయావు: మోనాల్‌ ఇక అఖిల్‌ కూడా టీ టీ స్టాండు టాస్కులో గివ‌ప్ చేయ‌డం ఒక్క‌టే కార‌ణ‌మంటూ అభిజిత్‌ను.. ప‌ల్లెకు పోదాం చ‌లో చ‌లో టాస్కులో గ‌డ‌స‌రిత‌నం క‌న‌బ‌డ‌లేద‌ని అరియానాను నామినేట్ చేశాడు. లాస్య‌.. ప్ర‌తి చిన్న‌దాన్ని పెద్ద‌విగా చూస్తున్నావ‌ని అరియానా మీద , టాస్కులో అగ్రెసివ్ అయిపోతావ‌ని మెహ‌బూబ్ త‌ల మీద బాటిళ్లు ప‌గ‌ల‌గొట్టింది. మోనాల్‌.. నా మీద ప‌గ ఉందా? న‌చ్చ‌ద‌ని తెలిసినా నా మీద గుడ్డు ప‌గ‌ల‌గొట్టావు. టీ స్టాండు టాస్కులో కూడా నేను బాధ‌తో విల‌విల్లాడితే 'ఏంటి, ఇలా అరుస్తుంద'‌ని అన్నావంటూ అరియానాను నామినేష‌న్‌లోకి తోసింది. ఇక‌ స‌పోర్ట్ చేయ‌మ‌ని అడ‌గ‌డానికి వ‌స్తే నా మాట విన‌లేదు అని మెహ‌బూబ్‌ను నామినేట్ చేసింది. ఆ టాస్కులో కావాల‌నే అరిచింది: అరియానా అంద‌రూ త‌న నెత్తిన బాటిల్స్ ప‌గ‌ల‌గొట్ట‌డంతో అరియానా త‌ట్టుకోలేక‌పోయింది. త‌న వంతు రావ‌డంతో త‌న‌లోని ఆవేద‌న‌ను క‌క్కేసింది. ముందుగా హారిక గురించి చెచెప్తుండ‌గా ఆమె మ‌ధ్య‌లో అడ్డు చెప్ప‌బోయింది. కానీ అరియానా హారిక‌ను మాట్లాడించేందుకు అనుమ‌తించ‌లేదు. నువ్వు గౌర‌వంతో మాట్లాడ‌క‌పోతే నేను వినను అని హారిక తేల్చి చెప్ప‌డంతో అవ‌స‌రమే లేదు అని అరియానా స్ప‌ష్టం చేసింది. త‌న‌కు మోనాల్ ఫేక్ అనిపిస్తోంద‌ని, టీ స్టాండు టాస్కులో కావాల‌ని అరిచింద‌ని, వేరే ద‌గ్గ‌ర ఫోక‌స్ ఉంటుంద‌ని ఆమె మీద బాటిల్ ప‌గ‌ల‌గొట్టింది. (చ‌ద‌వండి: మొద‌టి బిడ్డ‌ను చంపుకున్నా: లాస్య క‌న్నీళ్లు) నువ్వు త‌ప్ప అంద‌రూ నామినేట్ చేశారు త‌ర్వాత వేరే వాళ్ల‌తో మంచిగా ఉండేందుకు ట్రై చేస్తున్నావు అని సోహైల్‌ను నామినేట్ చేసింది. ఈ క్ర‌మంలో ఇద్ద‌రూ మ‌రోసారి టామ్ అండ్ జెర్రీలా మారి గొడ‌వ ప‌డ్డారు. కాసేపు కీచులాడుకున్నారు. చివ‌రికి మంచిగ మాట్లాడుకుందాం అని ఇద్ద‌రూ ప్రామిస్ చేసుకున్నారు. మొత్తానికి అరియానా, మెహ‌బూబ్‌, అభిజిత్‌, హారిక‌, మోనాల్‌, సోహైల్ నామినేష‌న్‌లో నిలిచారు. ఈ ప్ర‌క్రియ ముగియ‌గానే అరియానా.. నువ్వు త‌ప్ప న‌న్ను అంద‌రూ నామిట్ చేశారు. నాకూ వెళ్లిపోవాల‌నుంది.. అని అవినాష్‌తో చెప్పుకొచ్చింది. మ‌రోవైపు అభిని కూల్ చేసేందుకు అఖిల్ అత‌డికి చాక్లెట్ ఇచ్చాడు. కానీ అభి మాత్రం అది నా ఇష్టం, టాస్కులో నేను స్వ‌చ్ఛందంగా బ‌య‌ట‌కు వ‌చ్చాను. రావ‌ద్ద‌ని నువ్వెలా అంటావు అంటూ బెట్టు చేశాడు.

మోనాల్ గ‌జ్జ‌ర్‌.. ఈ గుజ‌రాతీ బ్యూటీ బిగ్‌బాస్ నాల్గో సీజ‌న్ కంటెస్టెంటు కూడా! క‌ష్ట‌ప‌డి తెలుగు నేర్చుకుంటోంది, ముద్దుముద్దుగా మాట్లాడుతోంది. కానీ ఎమోష‌న్స్ ఆపుకోలేన‌ప్పుడు మాత్రం హిందీలోనో, ఇంగ్లీషులోనో బోరుమ‌నేస్తుంది. దీంతో నాగార్జున ఆమెకు న‌ర్మ‌ద అని పేరు కూడా పెట్టారు. అయితే షో స‌గం పూర్తి కావ‌చ్చినా ఇప్ప‌టికీ ఆమె క‌న్నీళ్లు ఇంకిపోవ‌డంలేదు. పాతాళ గంగ‌లా ఉబికి వ‌స్తూనే ఉన్నాయి. కార‌ణం.. అఖిల్‌, అభిజిత్‌..! ఇద్ద‌రూ వ‌దిలేశారు.. బిగ్‌బాస్ హౌస్‌లోకి వెళ్లిన‌ప్ప‌టి నుంచే మోనాల్.. అభి, అఖిల్ ఇద్ద‌రితో చ‌నువుగా ఉండేది. ఆమెతో మాట్లాడే స‌మ‌యం కోసం ఆ ఇద్ద‌రు కూడా పోటీ ప‌డిన‌ట్లు క‌నిపించేవారు. ఆమె కోసం ఏదైనా చేసేవారు. కానీ కాలం మారింది. ప‌రిస్థితులు కూడా మారిపోయాయి. బంధాలు వేరైపోయాయి. శ‌త్ర‌వులు మిత్రువుల‌య్యారు. మిత్రువులు శ‌త్రువుల‌య్యారు. అయితే ఇదంతా ఎలా జ‌రిగిందంటే.. అభి, అఖి ఇద్ద‌రి మ‌ధ్య న‌లిగిపోయిన‌ మోనాల్ ఒక్కోసారి ఏం మాట్లాడుతుందో త‌న‌కే అర్థం కాని ప‌రిస్థితిలోకి వెళ్లిపోయింది. (చ‌ద‌వండి: మోనాల్‌-అభి మ‌ధ్య దూరాన్ని అఖిల్ త‌గ్గిస్తాడా?) క్ష‌మించ‌మ‌న్నా వినిపించుకోని అభిజిత్‌ పొరపాటునే అన్న‌దో, కావాల‌నే అన్న‌దో తెలీదు కానీ అభిజిత్‌ను మానిప్యులేట‌ర్ అని పెద్ద త‌ప్పు చేసింది. అక్క‌డ రాజుకున్న వివాదంతో అభికి దూర‌మైంది. అలా అన‌డం త‌ప్పేన‌ని మోనాల్ క్ష‌మాప‌ణ‌లు కోరినా అభి వినిపించుకోలేదు. దూరంగా ఉంటే ఇద్ద‌రికీ మంచిద‌ని క‌రాఖండిగా చెప్పాడు. ఈ గొడ‌వ త‌ర్వాత అఖిల్- మోనాల్ క‌లిసున్నారు. కానీ అఖిల్‌ గురించి సోహైల్ వెన‌కాల ఏదో మాట్లాడుతున్నాడ‌ని మోనాల్ అఖిల్‌తో చెప్ప‌డంతో మ‌రో గొడ‌వ‌లో ఇరుక్కుంది. అక్క‌డ నుంచి అఖిల్‌కు మోనాల్ మీద న‌మ్మ‌కం స‌న్న‌గిల్లింది. ఆమెపై ఉన్న‌ ఇష్టం ఆవిరయ్యింది. కానీ ఇదే కార‌ణాన్ని ప్ర‌స్తావించ‌కుండా టాస్క్ బాగా ఆడ‌లేదంటూ ఏవేవో కార‌ణాలు చెప్తూ మోనాల్‌ను నామినేట్ చేశాడు. ఆమె క‌న్నీళ్లు కారుస్తున్నా ప‌ట్టించుకోకుండా వెళ్లిపోయాడు. ఇప్ప‌టికీ ఆమెతో మాట్లాడ‌ట‌మే మానేశాడు. ఏ గ్రూపులోనూ చేర‌లేక ఒంట‌ర‌వుతున్న మోనాల్‌ అఖిల్ కూడా దూర‌మ‌వుతాడ‌ని ఊహించ‌ని మోనాల్ ఒంట‌రిన‌య్యానంటూ మాస్ట‌ర్ ద‌గ్గ‌ర భోరున ఏడ్చేసింది. దీంతో నేను నీకు సపోర్ట్ చేస్తా అని మాస్ట‌ర్ ఆమెకు మాటిచ్చాడు. కానీ మాస్ట‌ర్ గ్రూపులో ఆమె క‌ల‌వ‌లేక‌పోతోంది. మ‌రోవైపు అఖిల్‌.. అభిజిత్‌, హారిక‌, లాస్య గ్రూపులో ఒక‌డిగా చేరిపోయాడు. ఎలాగో ఈ గ్రూపులో క‌ల‌వ‌డానికి ఆమె ధైర్యం చేయ‌దు. కానీ మోనాల్ ప‌రిస్థితిని అర్థం చేసుకున్న అభిజిత్ అప్పుడో ఇప్పుడో ఆమెతో మాట్లాడి సంతోషపెట్టేందుకు ప్ర‌య‌త్నిస్తున్నాడు. మ‌రి ఏకాకిగా మారిన మోనాల్ బాధ‌ను నాగార్జున తొల‌గించే ప్ర‌య‌త్నం చేస్తారా? తిరిగి ఆమెను అఖిల్‌తో క‌లుపుతారా? అందుకు అఖిల్ ఒప్పుకుంటాడా? అన్న‌ది ఆస‌క్తిక‌రంగా మారింది. (చ‌ద‌వండి: అఖిల్ ఇంకేదో ఆశించాడు, అందుకే..: మోనాల్‌)

'ప‌ల్లెకు పోదాం ఛ‌లో ఛ‌లో' టాస్కులో న‌వ్వుతూ ఉన్న అమ్మ రాజ‌శేఖ‌ర్ కెప్టెన్ అవ‌గానే ఊస‌ర‌వెల్లిలా రంగులు మార్చాడు. పాత గొడ‌వ‌ల‌ను మ‌నుసులో పెట్టుకుని త‌నకు గిట్ట‌నివాళ్ల మీద ప్ర‌తీకారం తీర్చుకున్నాడు. సోహైల్‌ నా ఫ్రెండు నా ఫ్రెండూ అని జ‌బ్బ‌లు చ‌రిచే మెహ‌బూబ్ మాస్ట‌ర్‌తో జ‌త క‌ట్టాడు. ఇంకేముందీ ఆయ‌న వేసిన‌ ప్లానులో చిక్కుకున్న మెహ‌బూబ్‌ నీ ఫ్రెండ్‌షిప్ వ‌ద్దంటూ సోహైల్‌కు సినిమా చూపించాడు. అఖిల్‌.. మోనాల్ అనే కంటెస్టెంటు ఇంట్లో ఉంద‌న్న విష‌య‌మే మ‌ర్చిపోయిన‌ట్టున్నాడు. మ‌రి నేటి బిగ్‌బాస్‌ ఎపిసోడ్‌లో ఇంకా ఏమేం జ‌రిగాయో చ‌దివేసేయండి.. మోనాల్ ఎలా చేస్తుందో నాకు తెలుసు: అభిజిత్‌ "రింగులో రంగు" అనే కెప్టెన్సీ టాస్క్ ఇచ్చారు. ఇందులో హారిక‌, అరియానా, అమ్మ రాజ‌శేఖ‌ర్ రింగులో క‌ళ్ల‌కు గంత‌లు కట్టుకుని ఉంటారు. చేతిని రంగులో ముంచి ఒక‌రికి మ‌రొక‌రు అంటించుకోవాలి. ఈ టాస్కులో మాస్ట‌ర్ హారిక మీద ప‌డి ఆమె టీషర్ట్‌ను ఎరుపురంగు మ‌యం చేశాడు. అరియానా మీద కూడా రంగు ప‌డింది. అస‌లు రంగు ప‌డ‌కుండా త‌ప్పించుకున్న అమ్మ రాజ‌శేఖ‌ర్ కెప్టెన్ అయ్యాడు. ఒక్కొక్క‌రికి త‌న త‌డాఖా చూపిద్దామ‌ని ఫిక్స‌య్యాడు. ఇంగ్లీషులో మాట్లాడితే జైలులో వేస్తాన‌న్నాడు. అలా అన్నాడో లేదో బిగ్‌బాస్ జైలు తాళాలు పంపించ‌డం గ‌మ‌నార్హం. అవినాష్‌ను రేష‌న్ మేనేజ‌ర్‌గా నియ‌మించాడు. త‌ర్వాత క్యారెట్ హ‌ల్వా చేయ‌మ‌ని బిగ్‌బాస్‌ టాస్క్ ఇచ్చాడు. ఇందులో మోనాల్‌, లాస్య చెఫ్‌లుగా అవ‌తార‌మెత్తి హ‌ల్వా చేశారు. నాకు మోనాల్ చేతి వంట ఎలా ఉంటుందో తెలుసు, లాస్య‌క్క‌నే బాగా చేస్తుంద‌ని అభిజిత్ రుచి చూడ‌క‌ముందే ఓ నిర్ణ‌యానికి వ‌చ్చేశాడు. కానీ కెప్టెన్ మాత్రం ఇద్ద‌రినీ విజేత‌లుగా ప్ర‌క‌టించాడు. కెప్టెన్ కొత్త రూల్స్‌: దిమ్మ‌తిరిగిపోయింది ఇక కెప్టెన్ అమ్మ రాజ‌శేఖ‌ర్ ఇంట్లో కొత్త నిబంధ‌న‌లు ప్ర‌వేశ‌పెట్టాడు. మూలిగే న‌క్క మీద తాటికాయ ప‌డ్డట్టు ప‌ని చేసేవాళ్ల‌కు మ‌రిన్ని ప‌నులు అప్ప‌గించాడు. అరియానాను ఏ ప‌నీ చేయ‌నీయ‌కుండా త‌న‌ అసిస్టెంటుగా నియ‌మించుకున్నాడు. మైకు మ‌ర్చిపోతే జైలుకు పంపిస్తానన్నాడు. నిద్ర పోతే బెడ్‌రూమ్ మొత్తం శుభ్రం చేయాల‌ని ఆదేశించాడు. ఇంగ్లీషులో మాట్లాడితే త‌న‌కు న‌చ్చినంత సేపు నిల‌బెడ‌తాన‌న్నాడు. మైకుల బ్యాట‌రీ కోసం బ‌జ‌ర్ మోగిన‌ప్పుడు స్టోర్ రూమ్‌లోకి చిట్ట చివ‌ర వ‌చ్చిన‌వారి వారి గుడ్డు మొద‌ట అడుగు పెట్టిన వాళ్ల ఖాతాలోకి వెళుతుంద‌ని చెప్పుకొచ్చాడు. ఈ రూల్స్ చూసి ఇంటిస‌భ్యులు గుడ్లు తేలేశారు. (చ‌ద‌వండి: బిగ్‌బాస్‌కు త‌ల‌నొప్పిగా మారుతోన్న మెహ‌బూబ్‌!) హౌస్‌లో మ‌హానాట‌కానికి తెర దీసిన మాస్ట‌ర్‌ మెహ‌బూబ్‌, అవినాష్ బాత్రూమ్‌ క్లీన్ చేస్తార‌ని మిగిలిన‌ ప‌నుల‌న్నీ మిగ‌తావాళ్ల‌పై భారం వేశాడు. దీంతో షాకైన‌ ఇంటిస‌భ్యులు తాము చేయ‌మ‌ని తేల్చి చెప్పారు. ఎవ‌డిని బెదిరిస్తున్నాడు? కెప్టెన్ అంటే హిట్ల‌ర్ డ్యూటీ కాదు అని హారిక మండిప‌డింది. ఈ క్ర‌మంలో హౌస్‌లో పెద్ద ర‌భ‌స చోటు చేసుకోవ‌డంతో మెహ‌బూబ్‌, అవినాష్ మ‌రికొన్ని ప‌నులు చేసేందుకు స్వ‌చ్ఛందంగా ముందుకు వ‌చ్చారు. ఇది మాస్ట‌ర్‌కు అస్స‌లు మింగుడు ప‌డ‌లేదు. పైగా ఈ గొడ‌వ పురాణాన్ని ప్లాన్ చేసిన మాస్ట‌ర్ త‌న‌కు అంద‌రూ స‌మాన‌మే అంటూ నాట‌క‌మాడ‌టం కొస‌మెరుపు. ఎవ‌రూ గొడ‌వ‌ప‌డొద్దు అని నీతిసూక్తులు వ‌ల్లించాడు. కానీ ప‌క్క‌కు వెళ్లి మెహ‌బూబ్‌, అవినాష్‌ల‌కు క్లాసు పీకాడు. వేరే ప‌నులు చేస్తామ‌ని ఎందుకు ఒప్పుకుంటున్నార‌ని తిట్టిపోశాడు. (చ‌ద‌వండి: కాపురాలు కూలిపోతాయ్ అట‌!: హిమ‌జ‌) అభిజిత్‌ను శిక్షించిన మాస్ట‌ర్‌ ఓవైపు గొడ‌వ‌ల‌ద్ద‌ని చెప్తూనే మాస్ట‌ర్ కావాల‌ని అభిజిత్‌ను టార్గెట్ చేసి త‌గాదా పెట్టుకున్నాడు. దీని గురించి అభి త‌న టీమ్‌తో మాట్లాడుతూ ఎన్నిసార్లు ఊరుకోవాలి అని అస‌హ‌నం వ్య‌క్తం చేశాడు. ఫ్ర‌స్టేష‌న్‌లో పొర‌పాటున‌ రెండు ఇంగ్లీషు ముక్క‌లు మాట్లాడాడో లేదో తెలుగులో మాట్లాడాల‌ని బిగ్‌బాస్ వార్నింగ్ ఇచ్చాడు. అది వినిపించ‌డంతోనే బుస‌లు కొడుతున్న పాములా మాస్ట‌ర్ వెంట‌నే లేచి చ‌ప్ప‌ట్లు కొడుతూ విల‌నిజం ప్ర‌ద‌ర్శించాడు. త‌ను చెప్పేంత‌వ‌ర‌కు నిల‌బ‌డ‌మ‌ని ప‌నిష్మెంట్ ఇచ్చాడు. (చ‌ద‌వండి: రెచ్చిపోయిన నోయ‌ల్‌; ఆ ఇద్ద‌రికీ వాచిపోయిందంతే!) మాస్ట‌ర్ ఉచ్చులో ప‌డిపోయిన మెహ‌బూబ్‌ మ‌రోవైపు మాస్ట‌ర్ రూల్స్ వ‌ల్ల సోహైల్‌, మెహ‌బూబ్ మ‌ధ్య మ‌న‌స్ప‌ర్థ‌లు వ‌చ్చాయి. అయితే వాటిని తేలిక‌గా తీసుకున్న సోహైల్ స్నేహితుడికి చాక్లెట్ చేయికందించాడు. కానీ మెహ‌బూబ్ మాత్రం నీ ఫ్రెండ్‌షిప్‌ వ‌ద్దు, ఏం వ‌ద్దు, నా ఆట ఆడుకుంటా అనేశాడు. అంతే.. సోహైల్‌కు తిక్క లేచింది. ఫ్రెండ్‌షిప్ వ‌ద్దు అన్న‌ మాట‌తో అత‌నికి న‌రాలు క‌ట్ట‌యిపోయాయి. చేతికి అందిన వ‌స్తువున‌ల్లా విసిరిపారేశాడు. దీంతో అఖిల్.. సోహైల్‌ ద‌గ్గ‌ర‌కు వెళ్లి బుజ్జ‌గించి ఇద్ద‌రి స‌మ‌స్య‌ను ప‌రిష్క‌రించే ప్ర‌య‌త్నం చేశాడు. త‌ర్వాత మైక్‌ బ్యాట‌రీలు మార్చుకోమ‌ని బ‌జ‌ర్ మోగింది. ఎక్క‌డ గుడ్డు పోతుందోన‌ని ఇంటిస‌భ్యులు ప‌రుగెత్తుకుంటూ వెళ్లారు. మొద‌ట అవినాష్ వెళ్ల‌గా, చివ‌ర‌గా అమ్మ రాజ‌శేఖ‌ర్ తాపీగా న‌డుచుకుంటూ వెళ్లాడు.

బిగ్‌బాస్‌ హౌస్‌లో తొమ్మిదో వారానికి జరిగిన నామినేషన్ల ప్రక్రియ ప్రకంపనాలు సృష్టించింది. హౌస్‌మేట్స్‌ మధ్య మాటల యుద్దం తారాస్థాయి చేరింది. అయితే ఈ వారం నామినేషన్‌ ప్రక్రియ గత వారాలకంటే కాస్త విరుద్ధంగా జరిగింది. ప్రతి వారం ఒక్క ఎపిసోడ్‌లోనే నామినేషన్‌ ప్రక్రియ పూర్తయ్యేది. కానీ ఈ వారం మాత్రం అది రెండు ఎపిసోడ్లకు చేరింది. ఇక రోజు జరిగిన నామినేషన్‌ ప్రక్రియలో కోడిగుడ్ల మోత మోగింది. చుక్కలు చూపిపించిన కెప్టెన్‌ అరియానా, అవినాష్‌, అభిజిత్‌ మధ్య చిచ్చు రేపిన నోయల్‌ వ్యాఖ్యలు, గుడ్డు కొట్టొదని మోనాల్‌ ఏడుపులు.. ఇంకా ఈ రోజు ఎపిసోడ్‌లో ఏమేం జరిగాయో చదివేయండి. టామ్‌ అండ్‌ జెర్రీ లొల్లి అఖిల్‌కి ఏమైందో ఏమో కానీ మోనాల్‌తో కాస్త దూరంగా ఉన్నాడు. దీంతో మోనాల్‌ అఖిల్‌ దగ్గరికి వచ్చి ఏమైంది.. ఎందుకు దూరంగా ఉంటున్నావు అని అడిగితే.. అదేం లేదు అన్నట్లు అఖిల్‌ చెప్పుకొచ్చాడు. హగ్ ఇవ్వు అయితే అని మోనాల్‌ అడగ్గా.. అఖిల్ మనస్పూర్తిగా కౌగిలించుకోలేదు. దీంతో మనసు చిన్నబుచ్చుకున్న మోనాల్‌ ‘ నా అఖిల్ అయితే ఇలా కౌగిలించుకోడు’ అంటూ బుగ్గమూతి పెట్టింది. నీకు స్పేస్ కావాలా?? ఏమైంది నీకు.. నాకు అఖిల్ గురించి నాకు తెలుసు.. ఏమైంది అని మోనాల్ అడిగితే... నాకు కొంత టైం కావాలి’ అంటూ ఎప్పటిలాగే తనదైన శైలిలో చెప్పేశాడు అఖిల్‌.  ఇక ఉదయం 11 గంటలు అయినా మెహబూబ్‌, సోహైల్‌ నిద్ర పోయారు. దీంతో హౌస్‌లో కుక్కలు మోరిగాయి. ఇక్కేముంది కెప్టెన్‌ అరియానా వచ్చి పనిష్మెంట్‌ ఇచ్చారు. స్నానం చేయాలని సూచించింది. అయితే ఇక్కడ సోహైల్‌ తెలివిగా తప్పించుకున్నాడు. నేను నిద్రపోలేదని, మెహబూబ్‌ మాత్రమే నిద్రపోయాడని చెప్పుకొచ్చాడు. దీంతో మెహబూబ్‌ మాత్రమే పనిష్మెంట్‌ కింద స్నానం చేశాడు. ఇళ్లు ఊడ్చే విషయంతో అరియానా, మెహబూబ్‌కు మధ్య వాదన జరిగింది. ప్రతి సారి నన్నే టార్గెట్‌ చేస్తున్నావంటూ కెప్టెన్‌ అరియానాపై మెహబూబ్‌ ఆగ్రహం వ్యక్తం చేశాడు. మరోవైపు గార్డెన్‌ ఏరియాలో కూర్చున్న లాస్య, అభిజిత్‌..నామినేషన్లు ఎలా ఉండబోతున్నాయో జోస్యం చేప్పారు.  నేను గిట్లనే ఉంటా : సోహైల్‌ మరోసారి సోహైల్‌ నిద్ర పోవడంతో అరియానా వచ్చి పనిష్మెంట్‌ కింద స్నానం చేయాల్సిందిగా సూచించింది. అయితే తాను కాసేపటి క్రితమే స్నానం చేశానని, సాయంత్రం చేస్తానని నచ్చజెప్పే ప్రయత్నం చేశాడు. కానీ అరియానా మాత్రం 15 నిమిషాల్లో స్నానం చేయాలని కోరింది. దీంతో కోపోద్రిక్తుడైనా సోహైల్‌.. పరుగునా వచ్చి స్విమ్మింగ్‌పూల్‌లో దూకేశాడు. తనకు ఆరోగ్యం బాగాలేదని చెప్పిన వినిపించుకోకుండా స్నానం చేయమని చెప్పడం ఏంటి. కెప్టెన్‌ అయినంత మాత్రనా ఏది చెబితే అది చేయాలా అంటూ..స్విమ్మింగ్‌పూల్‌లోనే జలదీక్ష చేపట్టాడు. మెహబూబ్‌, అవినాష్‌ వచ్చి ఎంత నచ్చజెప్పినా పూల్‌లో నుంచి బయటకు రాలేదు. చివరకు అమ్మరాజశేఖర్‌ మాస్టర్‌, అవినాష్‌, మెహబూబ్‌ బ్రతిమిలాడడంతో తడి దుస్తులతో ఇంట్లోకి వెళ్లాడు. దుస్తులు మార్చుకోవాలని ఇంటి సభ్యులు చెప్పినా.. పట్టించుకోకుండా నేను గిట్లనే ఉంటా. ఏం చేస్తారో చూస్తా అంటూ తడి దుస్తులతో భీష్మించుకు కూర్చున్నాడు. దీంతో అఖిల్‌ కలగజేసుకొని ఆయన్ని అలాగే వదిలేయండి అంటూ అవినాష్‌, మెహబూబ్‌లను పక్కకు తీసుకెళ్లాడు. దీంతో మరింత రెచ్చిపోయిన సోహైల్‌.. ఏంటి అఖిల్‌..నీకేం తెలుసు నా బాధ అంటూ ఫైర్‌ అయ్యాడు. బ్రతిమిలాడినకొద్ది నువ్వు ఎక్కువ చేస్తున్నావు. హౌస్‌మేట్స్‌తో ఇలాగేనా మాట్లాడేది అని అఖిల్‌ సోహైల్‌పై ఆగ్రహం​వ్యక్తం చేశాడు. అనంతరం బెడ్‌పై కూర్చోబెట్టుకొని అలా మాట్లాడడం సరికాదని సూచించాడు. అయితే సోహైల్‌ మాత్రం ఎవరి మాటవినకుండా అరియానాపై అరుస్తూనే ఉన్నాడు. ఈ క్రమంలో సోహైల్‌ మైక్‌ మర్చిపోయాడు. దీంతో బిగ్‌బాస్‌ మైక్‌ ధరించాలని సోహైల్‌కి సూచించాడు. ఇక మరోసారి క్రమశిక్షణ తప్పావంటూ.. అరియానా వచ్చి పనిష్మెంట్‌ కింద బిగ్‌బాస్‌కు క్షమాపణ చెప్పాలని కోరింది. కానీ సోహైల్‌ ఆ పనిచేయనని కరాఖండిగా చెప్పేశాడు.  షూ లేస్‌ ఇవ్వకుంటే పనిష్మెంట్‌ ఇస్తా ఇక డే మొత్తం అరియానాపై చిందులేసిన సోహైల్‌.. సాయంత్రం సమయంలో ఆమెను కూల్‌ చేసే పనిలో పడ్డాడు. తన షూ లేస్‌ ఎక్కడ పెట్టావో చెప్పాలని అరియానాను అడిగాడు. అయితే తాను గత రెండు వారాల క్రితం తీసుకొని మళ్లీ ఇచ్చానని అరియానా చెప్పుకొచ్చింది. అయితే తనకు లేస్‌ ఇవ్వలేదని, అవి పోగొట్టిన కారణంగా పనిష్మెంట్‌ ఇస్తా అని సోహైల్‌ గొడవకు దిగాడు.  దీంతో పనిష్మెంట్ ఏంటి అని అడిగింది అరియానా. ఆలోచించుకొని చెప్తా అంటూ.. వెళ్లిపోయాడు. ఆ తరువాత నామినేషన్ ప్రక్రియ స్టార్ట్ కావడంతో ఈ ఇద్దరి మధ్య రచ్చ మరింత రెట్టింపు అయ్యింది. నామినేషన్‌ ప్రక్రియ షురూ.. మోతమోగిన కోడి గుడ్లు అయితే ఎప్పటిలా అందరికీ ఒకేసారి కాకుండా.. బిగ్ బాస్ అనౌన్స్ మెంట్ వచ్చినప్పుడు బిగ్ బాస్ ఎవరి పేరు చెప్తారో వాళ్లు వెళ్లి ఇద్దరి తలపై కోడు గుడ్లు పగలకొట్టాల్సి ఉంటుందని చెప్పారు. అయితే ఎగ్అంటే నాకు పడదని.. నా తలపై పగలగొట్టించుకోనానని బిగ్ బాస్‌కి రిక్వెస్ట్ చేసింది మొనాల్.. ఎలాగూ నామినేట్ అయినా బిగ్ బాస్ సేవ్ చేస్తూ ఉంటారు.. ఇక ఈ గుడ్డు కొట్టించుకోవడం నామినేషన్ అవసరమా బిగ్ బాస్ అనుకుందో ఏమో కానీ.. దీని నుంచి మినహాయింపు ఇవ్వాలని బిగ్ బాస్‌‌ని ఏడుస్తూ రిక్వెస్ట్ చేసింది అతని దత్త పుత్రిక మోనాల్. అయితే మోనాల్ అడగాలే కాని బిగ్ బాస్ కాదంటారా.. మీకు బదులుగా మీరు నామినేట్ చేసేవాళ్ల తలపై పగల గొట్టాలని కోరవచ్చని చెప్పారు. ఈ సారి నామినేషన్‌ ప్రక్రియను కాస్త భిన్నంగా తిర్చిదిద్దాడు బిగ్‌బాస్‌. ఎప్పటిలాగా అందరిని ఒకేసారి కాకుండా.. బిగ్ బాస్ అనౌన్స్ మెంట్ వచ్చినప్పుడు బిగ్ బాస్ ఎవరి పేరు చెప్తారో వాళ్లు వెళ్లి ఇద్దరి తలపై కోడు గుడ్లు పగలకొట్టి నామినేట్‌కు గల కారణాలు చెప్పాల్సి ఉంటుందని చెప్పాడు. అయితే తనకు కోడు గుడ్‌ వాసన పడదని, తన తలపై ఎగ్‌ పగలగొట్టకుండా చూడాలని మోనాల్‌ బిగ్‌బాస్‌ని రిక్వెస్ట్‌ చేసింది. దీంతో ఈ ప్రక్రియ నుంచి ఆమెకు మినాహాయింపు ఇస్తూ.. ఆమె నామినేట్‌ చేసేవాళ్ల తలపై వెరేవాళ్లు కోడి గుడ్లను పగలగొట్టవచ్చని అవకాశం ఇచ్చాడు.  పెద్ద పుడింగిలా పీల్‌ అవ్వకు అరియానా : సోహైల్‌ మొదటిగా కెప్టెన్ అరియానాకి బిగ్ బాస్ అనౌన్స్ మెంట్ ఇచ్చారు. ఆమె మొదటి గుడ్డుని హారిక తలపై పగలగొడుతూ.. రాక్షసుల టాస్క్‌లో ఆమె ప్రవర్తన నచ్చలేదని చెప్పింది. రెండో గుడ్డుని అందరూ ఊహించినట్లే తన చిలిపి శత్రువు సొహైల్ తలపై కొట్టింది. నేను స్ట్రిక్ట్‌గా కెప్టెన్సీ చేయాలని అనుకున్నా.. కానీ నువ్ మార్నింగ్ నేను పనిష్మెంట్ ఇచ్చినా నువ్ చేయను అని అన్నావ్ అందుకే నిన్ను నామినేట్ చేశా.. అని చెప్పింది. దీంతో సోహైల్‌ మరోసారి రెచ్చిపోయాడు. ‘ఇప్పటి వరకూ 8 మంది కెప్టెన్లు అయ్యారు.. నేనూ అయ్యా.. నీలా ఎవరూ చేయలేదు.. నీ యాటిట్యూడ్ చూపించకు.. నువ్ పెద్ద పుడింగిలా ఫీల్ అయిపోకు. గలీజ్‌ రీజన్‌ చెప్పి నామినేట్‌ చేయకు. కెప్టెన్‌ అయినంత మాత్రనా ఏది చెబితే అది చేయ్యం. నీ ప్రతాపం అంతా నామీద, మెహబూబ్‌ మీదే చూపిస్తావు. ఇది గలీజ్‌ నామినేషన్’ అంటూ అరియానాపై చిందులు వేశాడు సోహైల్‌. తెరపైకి చిల్లర కామెడీ.. అవినాష్‌-అభిల మధ్య మాటల యుద్దం ఇక రెండో అవకాశం అవినాష్ ఇచ్చాడు బిగ్‌బాస్‌. దీంతో అవినాష్‌ తన మొదటి గుడ్డుని అభిజిత్‌పై కొట్టాడు. నోయల్ చిల్లర కామెడీ అని అన్నప్పుడు నువ్వు లేచి సీరియస్ అవ్వడం నాకు నచ్చలేదు. నోయల్ పర్సనల్‌గా నన్ను టార్గెట్ చేసినప్పుడు మీరు మధ్యలో జోక్యం చేసుకోవడం కరెక్ట్ కాదని చెప్పాడు అవినాష్. ఇక రెండో గుడ్డును హారిక తలపై పగలగొట్టాడు. కేర్‌టేకర్‌ టాస్క్‌లో సరైన ఫర్మార్మెన్స్‌ ఇవ్వలేదని, టాస్క్‌ చేయకుండా నీకు ఇష్టమైన వాళ్ల దగ్గరు వెళ్లి కూర్చున్నావని చెబుతూ హారికను నామినేట్ చేశాడు. ఆ తరువాత సొహైల్ వంతు రావడంతో.. నాకు అరియానాని నామినేట్ చేయాలని ఉంది కానీ.. ఆమె కెప్టెన్ కావడంతో చేయట్లేదు. ఆమె నెక్స్ట్ వీక్ ఉంటే చేస్తా అని చెప్పి. మొదటి గుడ్డును మోనాల్ తలపై పగలగొట్టాడు. నువ్ ఇక్కడ విషయం అక్కడ అక్కడ విషయం ఇక్కడ చెప్పడం వల్ల అఖిల్‌కి నాకు మధ్య మనస్పర్థలు వస్తున్నాయని.. అంతేకాకుండా టాస్క్‌లలో బాగా ఆడటం లేదని అందుకే నామినేట్ చేస్తున్నానని మోనాల్‌‌తో చెప్పాడు సొహైల్. కేర్‌టేకర్‌ టాస్క్‌ ఇంకా బాగా ఆడితే బాగుండేదని చెప్పాడు. ఇక రెండో గుడ్డుని అభిజిత్‌పై కొట్టాడు. నాకు అబద్దాల కోరు అని ట్యాగ్ ఇచ్చారని నేను ఫీల్ అవుతున్నప్పుడు.. నువ్ వచ్చి అన్నీ నీకు సెట్ అవుతాయని అన్నావ్.. అందుకే నామినేట్ చేస్తున్నట్టు చెప్పాడు. అది కామెడీగా అన్నప్పటికీ కాస్త బాధ కలిగిందని చెప్పాడు. అయితే నేను మంచి చెబితే నువ్వు వేరేలా రీసీవ్‌ చేసుకున్నావ్‌.. ఇకపై  నువ్వు నా మీద జోకులు వేయకు.. నేను నీమీద జోకులు వేయా అని అభిజిత్‌ చెప్పాడు.  కామెడీ ఆపేస్తే బాగుంటుంది  ఇక అభిజిత్.. అవినాష్‌ని నామినేట్ చేస్తూ.. నువ్ ఎప్పుడూ నేను ఎంటర్ టైన్మెంట్ చేస్తా, హెల్దీగా చేస్తా అని మీరు అనుకుంటారు తప్పితే.. నాకు అలా అనిపించదు. నువ్ కామెడీ చేయడానికి వచ్చి ఉండొచ్చు.. కానీ మేం కామెడీ తీసుకోవడానికి రెడీగా లేము.. కామెడీ ఆపేస్తే బాగుంటుందని అవినాష్‌కి చెప్పాడు. అయితే నేను ఇక్కడకి వినోదం చేయడానికి వచ్చా.. నేను కమెడియన్‌గా ఎంటర్‌టైన్ చేయడానికే వచ్చా.. చేస్తా నువ్ వద్దు అనుకుంటే రాకూడదు.. ప్రాణం పోయే వరకూ పెర్ఫామెన్స్ చేస్తా.. నువ్వేం చేయకుండా కూర్చుంటావ్.. నన్ను కామెడీ చేయొద్దని చెప్పడానికి నువ్ ఎవడివి? అంటూ అభిపై అవినాష్‌ ఫైర్‌ అయ్యాడు. ఇంతటితో ఈ రోజు ఎపిసోడ్‌ ముగిసింది. ఇక రేపటి ఎపిసోడ్‌లో కూడా కోడి గుడ్ల మోత మోగనుంది. అమ్మ రాజశేఖర్‌ చిందులు, అనూహ్యంగా అఖిల్‌ని మోనాల్‌ని నామినేట్‌ చేశాడు. అసలు అఖిల్‌ ఏ రీజన్‌తో మోనాల్‌ని నామినేట్‌ చేశాడో రేపటి ఎపిసోడ్‌లో చూసేద్దాం.

బిగ్‌బాస్‌ హౌస్‌లో ఆదివారం కొన్ని ఊహించని ట్విస్టులు జరిగాయి. ఎలిమినేట్‌ అవుతాడనుకున్న అమ్మ రాజశేఖర్‌ సేవ్‌ అవ్వడమే కాకుండా ఈ వారం కెప్టెన్సీ పోటీ దారునిగా నేరుగా ఎంపికయ్యాడు.  మోనాల్‌ నామినేట్‌ చేసిన అభిజిత్‌ చేతే ఆమెను సేవ్‌ చేయించాడు. ఈ సందర్భంగా హోస్ట్‌ నాగార్జున సాక్షిగా మోనాల్‌కు అభిజిత్‌ ఓ ప్రామిస్‌ ఇచ్చాడు. ఇకపై తనను నామినేట్‌ చేయబోనని ప్రకటించాడు. గత వారం ఎలిమినేట్ అయిన వారిలో ఒక్కొక్కరిని నాగార్జున సేవ్ చేసుకుంటూ వస్తోన్న తరుణంలో అభిజిత్‌కి ఒక అవకాశం ఇచ్చారు. బుట్టలో కొన్ని ఆపిల్స్‌ని తీసుకొచ్చి అభిజిత్‌తో కట్‌ చేయించారు. ఆపిల్స్‌ని కట్‌ చేస్తే.. అందులో ఎవరి ఫోటో​ వస్తుందో వారి సేవ్‌ అవుతారని నాగార్జున తెలిపారు. దీంతో అభిజిత్‌ ఆపిల్స్‌ని కోయడం మొదలు పెట్టారు. రెండో ఆపిల్‌ కట్‌ చేయగానే.. మోనాల్ ఫొటో రాగా ఆమె సేవ్ అయినట్లు నాగ్ ప్రకటించారు. ఈ సందర్భంగా అభి, మోనాల్‌కి ఒక భరోసా ఇచ్చారు. ఇకపై మోనాల్‌ని నామినేట్‌ చేయనని అభి ప్రకటించారు. కాగా, మోనాల్‌తో అభిజిత్‌కి విభేధాలు ఉన్నప్పటికీ గత వారం మినహా ఒక్కసారి కూడా ఆమెను నామినేట్‌ చేయలేదు. గతవారం తప్పనిసరి పరిస్థితుల్లో మోనాల్‌ని నామినేట్‌ చేశాడు. బలమైన రీజన్‌ ఉంటేనే ఎలిమినేషన్‌కి నామినేట్‌ చేయాలని అభి వాదన. మరి మోనాల్‌కి ఇచ్చిన మాటను అభి నిలబెట్టుకుంటాడో లేదో చూడాలి. 

బిగ్‌బాస్ నాల్గో సీజ‌న్‌లో అనారోగ్య స‌మ‌స్య‌ల‌తో బాధ‌ప‌డుతున్న నోయ‌ల్ చికిత్స నిమిత్తం షో నుంచి స్వ‌ల్ప విరామం తీసుకుంటున్నాడు. మ‌ళ్లీ వ‌స్తాడ‌ని తెలుసు కాబ‌ట్టి ఎవ‌రూ పెద్ద‌గా ఎమోష‌న‌ల్ అవ‌లేదు. కానీ అత‌డిని తండ్రిగా ఫీలైన‌ హారిక మాత్రం క‌న్నీరుమున్నీరుగా విల‌పించింది. ఇక‌ ఈ ఘ‌ట‌న‌తో హౌస్‌లో నెల‌కొన్న‌ స్త‌బ్ద వాతావ‌ర‌ణాన్ని చెల్లాచెదురు చేసేందుకు బిగ్‌బాస్ కంక‌ణం క‌ట్టుకున్న‌ట్లు తెలుస్తోంది. ఇంటిస‌భ్యుల మ‌ధ్య చిచ్చు పెట్టేందుకు మ‌రో కొత్త టాస్క్ ఇచ్చాడు. అందులో భాగంగా ప్ర‌స్తుతం ఇంట్లో ఉన్న 10 మందిని ఐదు జోడీలుగా విడ‌గొట్టాడు. అభిజిత్-హారిక‌, అఖిల్‌-మోనాల్‌, మెహ‌బూబ్‌-సోహైల్‌, అమ్మ రాజ‌శేఖ‌ర్‌-లాస్య‌, అరియానా- అవినాష్‌ జంట‌లుగా విడిపోయారు. (చ‌ద‌వండి: విశ్వాసం లేదు, చెప్పుతో కొట్టిన‌ట్లు ఉంది: మాస్ట‌ర్‌) అబ‌ద్ధాలు ఆడుతున్నారు: అఖిల్‌ వారి కోసం అబ‌ద్ధాల కోరు, బ‌ద్ద‌క‌స్తులు, జీరో టాలెంట్‌, గ‌జిబిజి, అహంకారుల జంట అనే బోర్డులు సిద్ధం చేసి ఉన్నాయి. ఇక ఒక్కో జంట‌ను క‌న్ఫెష‌న్ రూమ్‌లోకి పిలిచిన బిగ్‌బాస్‌ మిగ‌తా జంట‌ల గురించి ఏమ‌నుకుంటున్నారో చెప్పడంతోపాటు, వారికి ఏ బోర్డు స‌రిగ్గా సూట‌వుతుందో పేర్కొనాల‌ని ఆదేశించాడు. మొద‌ట క‌న్ఫెష‌న్ రూమ్‌లో అడుగు పెట్టిన‌ అభిక‌(అభి-హారిక జంట‌) మాస్ట‌ర్-లాస్య‌ జోడీని గ‌జిబిజి జంట‌గా పేర్కొంది. ఎక్కువ ప‌ని చేయ‌దు అంటూ సోహైల్.. అరియానా-అవినాష్‌ జంట‌ను బ‌ద్ధ‌క‌స్తులుగా అభివ‌ర్ణించాడు. మోనాల్ ఎఫెక్టో, ఏమో కానీ.. చిన్న చిన్న అబద్ధాలు ఆడుతున్నారిన‌పిస్తోంద‌ని అఖిల్ "అబ‌ద్ధాల కోరులు"గా సోహైల్ జోడీని చెప్పుకొచ్చాడు. (చ‌ద‌వండి: మోనాల్‌కు మంచి చెప్పినా చెడే చేసింది) అహంకారుల జంట‌గా అఖిల్‌- మోనాల్‌ అరియానా జోడీ "అహంకారుల జంట‌"గా అఖిల్‌-మోనాల్‌ను, అమ్మ రాజ‌శేఖ‌‌ర్ "జోడీ జీరో టాలెంట్ జంట"‌గా అభిజిత్‌-హారిక‌ల‌ను ఎంపిక చేశారు. త‌మ‌కు వ‌చ్చిన బోర్డులు చూసి ఆయా జంట‌లు ఎలా స్పందిస్తాయి? మ‌ళ్లీ ఎలాంటి గొడ‌వ‌లు మొద‌ల‌వుతాయనేది నేటి ఎపిసోడ్‌లో చూడాలి. ఇక ఈ ప్రోమో చూసిన నెటిజ‌న్లు అభి, హారిక‌లకు జీరో టాలెంట్ అన‌డాన్ని పూర్తిగా ఖండిస్తున్నారు. అలాగే సోహైల్‌-మెహ‌బూబ్ జోడీ అబ‌ద్ధాలు ఆడార‌ని అఖిల్ చెప్ప‌డం అస్స‌లు బాగోలేదంటున్నారు. అఖిల్ ఇలా అన్నాడ‌ని తెలిస్తే సోహైల్ ఫీల‌వుతాడ‌ని, వారి ఫ్రెండ్‌షిప్‌ దెబ్బ‌తింటుంద‌ని కామెంట్లు చేస్తున్నారు.

బీబీ డే కేర్ బిగ్‌బాస్ హౌస్‌లోని కేర్‌టేక‌ర్ల‌కు మాత్ర‌మే కాదు, బ‌య‌ట ప్రేక్ష‌కుల‌కు కూడా విసుగును తెప్పించింది. దీంతో బిగ్‌బాస్‌ నేడు ఆ టాస్క్‌కు ముగింపు పలికాడు. అందులో హింస‌-స‌హ‌నానికి మారుపేర్లుగా నిలిచిన‌ అరియానా- సోహైల్ జోడీ విజేత‌గా నిలిచింది. దీంతో అప్ప‌టివ‌ర‌కు ఎంతో అల్ల‌రి చేస్తూ కొంటె ప‌నులు చేసిన హారిక క‌ష్టం బూడిద‌లో పోసిన ప‌న్నీరయ్యింది. ఇక‌ గ‌త కొంత కాలంగా టాస్కులు ఆడ‌లేక ఇబ్బందులు ప‌డుతున్న నోయ‌ల్ మ‌రింత అనారోగ్యానికి గుర‌య్యాడు. న‌డ‌వ‌డానికి కూడా చాలా ఇబ్బంది ప‌డ్డ అత‌డిని వైద్యులు ప‌రీక్షించ‌నున్నారు. మ‌రి నేటి ఎపిసోడ్‌లో ఇంకా ఏమేం జ‌రిగాయో చ‌దివేయండి.. చాక్లెట్ దొంగిలించిన పాపానికి హారిక‌పై కోపం చిన్న‌పిల్లల్లా మారిన కంటెస్టెంట్లు దాగుడు మూత‌లు ఆడుకున్నారు. త‌ర్వాత మాస్ట‌ర్ జేబులో నుంచి హారిక చాక్లెట్‌ కొట్టేసింది. దీంతో మాస్టర్‌తో పాటు అత‌డి కేర్ టేక‌ర్ అభిజిత్ కూడా కోపానికి వ‌చ్చాడు. చాక్లెట్ పోయింద‌ని మాస్ట‌ర్ పెద్ద సీన్ క్రియేట్ చేశాడు. అంద‌రిమీద కోపంతో కేక‌లేశాడు. చివ‌రికి హారిక త‌నే స్వ‌యంగా వెళ్లి ఆయ‌న‌తో మాట్లాడి సారీ చెప్పినా అత‌డు కూల్ అవ‌లేదు. చాక్లెట్ కొట్టేసింద‌న్న‌ కోపంలో అత‌డు హారిక మెడ‌లు ప‌ట్టుకున్నాడ‌ని అభిజిత్‌.. లాస్య‌, నోయ‌ల్‌తో చెప్పుకొచ్చాడు. (చ‌ద‌వండి: నాగ్ క‌న్నా ఎక్కువ తీసుకుంటున్న స‌మంత‌) హారిక మీద సీరియ‌స్ అయిన అభి పాకెట్‌లో నుంచి తీసుకోవ‌డం లాక్కోవ‌డ‌మా? దొంగ‌త‌న‌మా అని అభి ప్ర‌శ్నించాడు. అది దొంగ‌త‌న‌మే అని క్లారిటీ ఇచ్చిన హారిక ఆ సంఘ‌ట‌న జ‌రిగిన‌ప్పుడే మాట్లాడ‌క‌పోయావేన‌ని తిరిగి ప్ర‌శ్నించింది. ఎదురు ప్ర‌శ్న‌కు చిర్రెత్తిన అభి.. నేనెప్పుడు మాట్లాడాలో నువ్వు నాకు నేర్ప‌కు. ఏం మాట్లాడుతున్నావు?  నాకు న‌చ్చిన‌ప్పుడే చెప్తాన‌ని సీరియ‌స్ అయ్యాడు. అయితే అంత‌కుముందు వీరిద్ద‌రి మ‌ధ్య చ‌ర్చ జ‌రిగిన‌ట్లుంది. దాన్ని అభి ప్ర‌స్తావిస్తూ.. అప్పుడు వేస్ట్ అనుకుంటూ మ‌ధ్య‌లో నుంచి ఎందుకు వెళ్లిపోయావు? అని మండిప‌డ్డాడు. దీంతో హారిక అత‌డికి క్ష‌మాప‌ణ‌లు చెప్పి, ఇంకోసారి అలా చేయ‌నంటూ అక్క‌డ నుంచి బ‌య‌ట‌కు వెళ్లిపోయింది. అభి మాట‌ల‌తో క‌న్నీళ్లు పెట్టుకున్న హారిక ఈ గొడ‌వ‌కంత‌టికీ మూల‌కార‌ణ‌మైన‌ చాక్లెట్‌ను మాస్ట‌ర్‌కు తిరిగిచ్చేసింది. (చ‌ద‌వండి: ఈసారి మ‌హిళా విజేత ఉండ‌క‌పోవ‌చ్చు: కౌశ‌ల్‌) అది నా గేమ్ ప్లాన్‌: అభి స‌మ‌యం చూసి పులిలా పంజా కొట్ట‌డ‌మే త‌న‌ గేమ్ ప్లాన్ అని అభిజిత్ మెహ‌బూబ్‌తో చెప్పుకొచ్చాడు. ఎంత సేపు అబ్జ‌ర్వ్ చేస్తే అన్ని స‌మాధానాలు దొరుకుతాయ‌ని, అది మోనాల్ విష‌యంలో తెలిసొచ్చిందని చెప్పాడు. మ‌రోవైపు హారిక అంద‌రూ ప‌డుకున్నాక లాస్య ద‌గ్గ‌ర చాక్లెట్లు కొట్టేసి భ‌ద్రంగా దాచుకుంది. త‌ర్వాతి రోజు పొద్దున లేవ‌గానే చాక్లెట్లు క‌నిపించ‌క లాస్య కంగారు ప‌డింది. రాత్రి హారిక ఇల్లంతా క‌లియ‌ తిర‌గ‌డం తాను చూశాన‌ని అవినాష్ చెప్పాడు. దీంతో ఆమె వెళ్లి హారిక‌ను అడ‌గ‌డంతో దొంగిలించిన చాక్లెట్లు ఇచ్చేస్తానంది. (చ‌ద‌వండి: ప‌ట్ట‌ప‌గ‌లే చుక్క‌లు చూపించిన అరియానా) న‌డ‌వ‌డానికి కూడా ఇబ్బంది ప‌డుతున్న నోయ‌ల్‌ పాపం సోహైల్‌కు అరియానా బాధ నుంచి క్ష‌ణం కూడా విముక్తి దొర‌క‌డం లేదు. ఆమెను మ‌ళ్లీ ఎత్తుకుని ఆడించాడు. నిమ్మ‌కాయ‌ను పిండు కానీ త‌న‌ను పిండ‌ద్దొని వేడుకున్నాడు. ఎప్పుడూ త‌న‌ మీదే ఎక్కుతున్నావు, నేల మీద కూడా న‌డ‌వాల‌ని అరియానాకు సూచించాడు. త‌ర్వాత మెహ‌బూబ్ సోహైల్‌ను గ‌ట్టిగా కొరికేయ‌డంతో ఏడ‌వ‌లేక న‌వ్వేశాడు. ఇక మోనాల్ క్లాస్ చెప్ప‌డం కోసం అఖిల్‌ బ్లాక్‌బోర్డ్ మీద బొమ్మ వేశాడు. క్లాసు మొద‌ల‌వ‌గానే ల‌వ్ అంటే మోనాల్ అని అవినాష్ ప్రేమ‌పాఠాలు వ‌ల్లించాడు. నోయ‌ల్‌కు ఆరోగ్యం బాగోలేక‌పోవ‌డంతో అవినాష్‌కు కూడా అభిజితే కేర్ టేక‌ర్‌గా వ్య‌వ‌హ‌రించాడు. భుజాలు క‌ద‌ల‌డం లేద‌ని, మెడ‌పై న‌రాలు ప‌ట్టేశాయ‌ని, కాళ్లు న‌డ‌వ‌డానికి కూడా రావ‌ట్లేద‌ని నోయ‌ల్ బాధ‌ప‌డ్డాడు. రాత్రంతా నిద్ర కూడా పోలేద‌ని చెప్పాడు. అయితే ఇవ‌న్నీ భ‌విష్య‌త్తులో పెద్దది కాకుండా చూసుకోమ‌ని అభి అత‌డికి స‌ల‌హా ఇచ్చాడు. బిగ్‌బాస్ కూడా అనారోగ్యం కార‌ణంగా నోయ‌ల్‌కు విశ్రాంతి క‌ల్పించాడు. అల్ల‌రితో ఏడిపించి చివ‌రికి త‌నే ఏడ్చేసింది త‌ర్వాత బిగ్‌బాస్ ఇంటిస‌భ్యుల‌తో స‌ర‌దాగా నేల‌, నీళ్లు, మంట ఆడించారు. ఈ టాస్క్‌లో అభి కాళ్లు జారి కింద‌ప‌డ‌గా అఖిల్‌ గెలిచాడు. అనంత‌రం బీబీ డే కేర్ టాస్క్ ముగిసిన‌ట్లు బిగ్‌బాస్ ప్ర‌క‌టించాడు. ఈ టాస్క్‌లో విన్న‌ర్ జోడీని ఎంపిక చేయ‌మ‌ని లాస్య‌ను ఆదేశించ‌గా ఆమె సోహైల్‌-అరియానా పేర్ల‌ను వెల్ల‌డించింది. దీంతో బిగ్‌బాస్ వారికి స్పెష‌ల్ గిఫ్టులు పంపారు. ఇక‌ త‌న‌కొచ్చిన మ‌ట‌న్‌ను ఎవ‌రికీ ఇవ్వ‌న‌ని, ఒక్క‌డినే తింటాన‌ని, ఎవ‌రాపుతారో చూస్తాన‌ని సోహైల్‌.. అవినాష్‌కు స‌వాలు విసిరాడు. మ‌రోవైపు అప్ప‌టివ‌ర‌కు టాస్క్‌లో భాగంగా ఆడుకున్న‌ చింపాంజీ బొమ్మ‌ను త‌న‌కే ఇచ్చేయ‌మ‌ని, దాన్ని చూస్తే ఇంట్లోవాళ్ల‌ను చూసిన‌ట్లుంద‌ని అరియానా ఏడ్చేసింది. (చ‌ద‌వండి: నామినేష‌న్ అప్పుడు చూపిస్తా: అవినాష్‌)

బిగ్‌బాస్ హౌస్‌లో 50 రోజులు దాటినా ఇప్ప‌టికీ ఫిజిక‌ల్ టాస్కులు చేయ‌డానికి చాలామంది వెన‌క‌డుగు వేస్తున్నారు. దీంతో పోటీ లేని ఫైట్లు పెట్టే బ‌దులు ఎంట‌ర్‌టైన్‌మెంట్ ఇచ్చే టాస్కులు పెడ‌దామ‌నుకున్నాడు బిగ్‌బాస్‌. అలా ఇంటిస‌భ్యుల‌కు బీబీ డేకేర్ అనే టాస్క్ ఇచ్చాడు. ఈ టాస్కులో అరియానా, అవినాష్‌, హారిక‌, మెహ‌బూబ్‌, అమ్మ రాజ‌శేఖ‌ర్‌ చిన్న‌పిల్ల‌ల్లా మారిపోయి తెగ‌ అల్ల‌రి చేస్తూ హౌస్‌ను ద‌ద్ద‌రిల్లేలా చేశారు. వారి పిచ్చి చేష్ట‌ల‌ను భ‌రిస్తూ లాలించ‌డం డేకేర్ల‌కు క‌త్తి మీద సాముగా మారింది. ఇక నిన్న‌టి ఎపిసోడ్ చూసిన ప్రేక్ష‌కులు కొంద‌రు అది బిగ్‌బాస్ హౌసా? ఎర్ర‌గ‌డ్డ పిచ్చాసుప‌త్రా? అని విమ‌ర్శిస్తున్నారు. మ‌రీ ఇంత అరాచ‌కంగా ప్ర‌వ‌ర్తిస్తారా? అని ముక్కున వేలేసుకుంటున్నారు. అయితే వాళ్లు స‌ర‌దాగా చేసిన అల్ల‌రి నేడు గొడ‌వ‌ల‌కు కార‌ణ‌మ‌వనున్న‌ట్లు తెలుస్తోంది. (చ‌ద‌వండి: మా ఆయ‌నేంటో నాకు తెలుసు: మాస్ట‌ర్ భార్య‌ ఫైర్‌) పెన్సిల్ గొడ‌వ‌లో దెబ్బ‌లు త‌గిలించుకున్నారు పిల్ల‌లంటేనే చిలిపిచేష్ట‌లు, అల్ల‌రి, గిల్లిక‌జ్జాలు, మారాం చేయ‌డం చేస్తుంటారు. ఈ క్ర‌మంలో కొంటె పిల్ల‌గా మారిన‌ హారిక.. అమ్మ రాజ‌శేఖ‌ర్‌ను ప‌దేప‌దే ఏడిపించ‌సాగింది. ఆయ‌న కూడా గుక్క‌పెట్టి నోట్లో వేలేసుకుని ఏడ్చిన‌ట్లు న‌టించాడు. త‌ర్వాత మాస్ట‌ర్‌ హారిక ద‌గ్గ‌ర నుంచి పౌచ్ దొంగిలించాడు. అప్పుడు ఇద్ద‌రికీ త‌గ‌వులాట జ‌రిగింది. ఇది పూర్త‌వ‌గానే హారిక‌.. అరియానా ద‌గ్గ‌ర పెన్సిల్ లాక్కుని మ‌రో గొడ‌వ రాజేసింది. అయితే త‌న వ‌స్తువు లాక్కుంటే అరియానా ఊరుకుంటుందా.. మీద ప‌డి మ‌రీ తీసుకోవ‌డంతో హారిక‌కు దెబ్బ‌లు త‌గిలాయి. (చ‌ద‌వండి: ప‌ట్ట‌ప‌గ‌లే చుక్క‌లు చూపించిన అరియానా) పంచాయితీకి దారి తీస్తున్న అల్ల‌రి ప‌నులు ఇక ఈ పిల్ల గొడ‌వ‌లు నేడు పెద్ద త‌గాదాలుగా మార‌నున్న‌ట్లు క‌నిపిస్తోంది. దొంగ‌త‌నం గురించి తెలియ‌క‌పోతే మ‌ధ్య‌లో రాకు అని మాస్ట‌ర్ మోనాల్ మీద అరిచాడు. ఇక హారికపై కూడా అభి ఫైర్ అయ్యాడు. పాకెట్ల‌లో నుంచి తీసుకోవ‌డ‌మంటే లాక్కోవ‌డ‌మా? దొంగ‌త‌న‌మా? అని అడిగాడు. అది అప్పుడే మాట్లాడాల్సి ఉంటుంది అని హారిక కౌంట‌ర్ వేయ‌డంతో నేనెప్పుడు మాట్లాడాలో నువ్వు నాకు నేర్ప‌కు అని సీరియ‌స్ అయ్యాడు. నేనేమైనా బేకార్ గాడినా, నీతో కూర్చుని మాట్లాడ‌టం త‌ప్పితే వేరే ప‌నిలేదా? అని నోటికొచ్చిన‌ట్లు అంటున్నాడు. అభి అంత క‌ఠినంగా మాట్లాడ‌తాడ‌ని క‌ల‌లో కూడా ఊహించ‌ని హారిక వెంట‌నే అక్క‌డి నుంచి లేచి వెళ్లిపోయింది. మ‌రి ఈ గొడ‌వ స‌ద్దుమ‌ణుగుతుందా? లేదా? అనేది తెలియాంటే నేటి ఎపిసోడ్ వ‌చ్చేవ‌ర‌కు వేచి చూడాల్సిందే.

నామినేష‌న్ అంటేనే గ‌డిచిన రోజుల్లోకి తొంగి చూస్తూ త‌ప్పొప్పుల‌ను ఎత్తి చూప‌డం. ఈ క్ర‌మంలో నిన్న జ‌రిగిన నామినేష‌న్ ప్రక్రి‌యలో ఇంటి స‌భ్యులు అంద‌రూ ఎప్పుడో జ‌రిగిన ఘ‌ట‌న‌ల‌ను ప్ర‌స్తావిస్తూ నామినేట్ చేశారు. అయితే అంద‌రూ వారివారి వ్య‌క్తిగ‌త విష‌యాల మీద దృష్టి పెడితే అమ్మ రాజ‌శేఖ‌ర్ మాత్రం అభిజిత్‌, మోనాల్‌, అఖిల్ ట్రాక్‌ను తెర‌మీద‌కు తీసుకువ‌చ్చాడు. మోనాల్ అభిజిత్ మాట్లాడుకోవ‌డం లేదు. కానీ నువ్వు అభిజిత్‌తో మాట్లాడుతున్నావ్. మోనాల్‌ నీ బెస్ట్‌ఫ్రెండ్ అని చెప్తావు. అలాంట‌ప్పుడు ఆమె అభితో దూరంగా ఉంటే నువ్వు మాత్ర‌మే అత‌నితో మాట్లాడ‌టం న్యాయం కాదు" అని మాస్ట‌ర్ సెల‌విచ్చాడు. దీనిపై అఖిల్ స్పందిస్తూ.. తానెప్పుడూ మోనాల్‌ను అభితో మాట్లాడ‌వ‌ద్ద‌ని చెప్ప‌లేద‌ని, అది వారిష్టానికి వ‌దిలేశాన‌ని స్ప‌ష్టం చేశాడు. (చ‌ద‌వండి: బిగ్‌బాస్‌కు నో ఆప్ష‌న్‌: మోనాల్‌ను పంపించాల్సిందే) మ‌రోవైపు అభిజిత్ కూడా నామినేష‌న్ ప్ర‌క్రియ‌లో ఎప్పుడో జ‌రిగిన సంఘ‌ట‌న‌ను గుర్తు చేశాడు. త‌న‌ను మానిప్యులేట్ అన‌డం, దాని గురించి వేరేవాళ్ల‌తో మోనాల్ మాట్లాడ‌టం న‌చ్చ‌లేదంటూ ఆమెను నామినేట్ చేశాడు. ఎటొచ్చీ ఈ నామినేష‌న్ ప్ర‌క్రియ‌లో అంద‌రూ త‌న‌నే పాయింట్ అవుట్ చేయ‌డంతో మోనాల్ క‌న్నీళ్లు పెట్టుకున్న విష‌యం తెలిసిందే. ఆమె బాధ చూడ‌లేక‌పోయిన అఖిల్ ఒక‌సారి అభితో మాట్లాడుకుని మ్యాట‌ర్‌ క్లియ‌ర్ చేసుకొమ్మ‌ని మోనాల్‌కు సూచించాడు. ఎన్నిసార్లు చేసుకోవాలి, నేను అలిసిపోయానంటూ మోనాల్ కంట‌త‌డి పెట్టుకోవ‌డంతో అఖిల్ బుజ్జ‌గించాడు.  పోనీ, నేను మాట్లాడ‌నా? అంటూ ఆమె అనుమ‌తి తీసుకుని అభితో చ‌ర్చించాడు. ఈ చ‌ర్చ స‌ఫ‌ల‌మ‌వుతుందా? వ‌ఇఫ‌ల‌మ‌వుతుందా? అనేది తెలియాలంటే నేటి ఎపిసోడ్ వ‌చ్చేవ‌ర‌కు వేచి చూడ‌క త‌ప్ప‌దు. (చ‌ద‌వండి: నీ వ‌ల్లే అభికి నాకు గొడ‌వ‌లు పెద్ద‌వ‌య్యాయి: మోనాల్‌)

అఖిల్‌, అభిజిత్ బ‌ద్ధ శ‌త్రువులుగానే అంద‌రికీ తెలుసు. కానీ నేటి ఎపిసోడ్‌లో మాత్రం ఒక‌రి మీద ఒక‌రు జోకులు వేసుకోవ‌డంతో పాటు ఇద్ద‌రూ క‌లిసి మోనాల్‌పై పంచులు వేశారు. ఒక గొడ‌వ‌లో అయితే అఖిల్ అభికి స‌పోర్ట్ చేశాడు. ఇక అభి.. అఖిల్‌, మోనాల్‌కు ల‌వ్ సీన్లు ఎలా చేయాలో వివ‌రించడం గ‌మ‌నార్హం. ఇక ఎప్పుడూ న‌వ్వుతూ, న‌వ్విస్తూ ఉండే అవినాష్ షూటింగ్‌లో తెగ ఫ్ర‌స్టేట్ అయ్యాడు. టాస్క్‌లో స్క్రీన్ రైట‌ర్ అయిన‌ప్ప‌టికీ సినిమాలో ప‌ల్లెటూరి బావ పాత్ర‌లో న‌టించాడు. ఇక ఈ సినిమా షూటింగ్ ఎలా జ‌రిగిందో చ‌దివేసేయండి.. గంట ఎక్స్‌ట్రా నిద్ర కోసం త‌న్నుకు చ‌చ్చారు బిగ్‌బాస్ ఓ టాస్క్ ఇచ్చాడు. అందులో భాగంగా ఏ కంటెస్టెంటు మ్యాట్రెస్ మీద చివ‌రి వ‌ర‌కు ఉంటారో వారికి ఒక‌రోజు ఓ గంట ఎక్కువ సేపు ప‌డుకునే అవ‌కాశం క‌ల్పించాడు. ఈ టాస్క్‌లో దివి విజ‌యం సాధించింది. దీంతో నేడు ఆమె ఆ బెడ్‌పై ప‌డుకునే ఛాన్స్ కొట్టేయ‌డంతో పాటు త‌ర్వాతి రోజు ఓ గంట ఆల‌స్యంగా లేచే అవ‌కాశాన్ని పొందింది. బిగ్‌బాస్ బ్లాక్‌బ‌స్ట‌ర్ సినిమా చేయాల్సి ఉంటుంద‌ని బిగ్‌బాస్ ఇంటిస‌భ్యుల‌ను ఆదేశించాడు. (ఎలిమినేష‌న్‌: మోనాల్‌పై తీవ్ర వ్య‌తిరేక‌త‌) హారిక‌కు గోరుముద్ద‌లు పెట్టిన సోహైల్‌ అభిజిత్ ద‌ర్శ‌కుడిగా, దివి అసిస్టెంట్ ద‌ర్శ‌కుడిగా, అవినాష్ స్క్రిప్ట్ రైట‌ర్‌గా, నోయ‌ల్ డీఓపీగా, అమ్మ రాజ‌శేఖ‌ర్ కొరియోగ్రాఫ‌ర్‌గా,  లాస్య‌ మేక‌ప్ అండ్ స్టైలిష్, హారిక‌, సోహైల్ ఐట‌మ్ సాంగ్ డ్యాన్స‌ర్లుగా ఉంటారు. మేక‌ప్ లేకుండా క‌నిపిస్తే మా సినిమా ప‌రువు పోతుంది అని అభి అన‌డంతో దివి ఆమెను లోప‌ల‌కు తీసుకెళ్లింది. ఇక మాస్ట‌ర్ హారిక జోడీకి ఐట‌మ్ సాంగ్ నేర్పించే ప‌నిలో ప‌డ్డాడు. త‌ర్వాత సోహైల్ హారిక‌కు తినిపించాడు. ఐట‌మ్ సాంగ్ ఎక్క‌డ చేయాల‌న్న విష‌యంలో మాస్ట‌ర్ అభిజిత్ సీరియ‌స్ అయ్యారు. (వాళ్ల‌కు సాయం చేయ‌ను: ఏడ్చేసిన‌ హారిక‌) సోహైల్‌ను ఏడిపించిన లాస్య‌ అఖిల్‌, మోనాల్‌ను ప‌క్క‌న పెట్టేసి ద‌ర్శ‌కుడు అరియానా, అవినాష్‌ల మీద ఫోక‌స్ పెట్టాడు. ఇక నోయ‌ల్ అరియానాను ఏడిపించే తుంట‌రి అబ్బాయిగా న‌టించాడు. అప్పుడు అవినాష్ సీన్‌లోకి దిగి ఆమెను కాపాడ‌తాడు. సోహైల్‌ను ఐట‌మ్ అని కాసేపు ఏడిపించారు. 'బిగ్‌బాస్ 4 కంటెస్టెంట్లు తోపు ద‌మ్ముంటే ఆపు' అని లాస్య ప్రాస‌తో ఉన్న టైటిల్ చెప్ప‌గా మాస్ట‌ర్, మోనాల్‌ బాగుంద‌ని మెచ్చుకున్నారు. డైలాగుల విష‌యంలో అవినాష్‌కు, అభికి బేధాభిప్రాయాలు వ‌చ్చాయి. ఈ విష‌యంలో అఖిల్ అభికి స‌పోర్ట్ చేశాడు. త‌న రెండు సీన్ల‌కే సినిమా మొత్తం నాదే అంటున్నార‌ని అవినాష్ వాపోయాడు. స్క్రిప్ట్ రైట‌ర్‌గా తాను డైలాగులు చెప్పినా తీసుకోవ‌డం లేద‌ని విసుగు ప్ర‌ద‌ర్శించాడు. క్లైమాక్స్ కూడా వ‌ద్దంటున్నార‌ని అలిగాడు. అఖిల్ ఒడిలో ఒదిగిపోయిన మోనాల్‌ ఇక అఖిల్‌, మోనాల్ ల‌వ్ ట్రాక్‌ను అభి డైరెక్ట్ చేయ‌క త‌ప్ప‌లేదు. దీంతో అభి ఏం ఫిట్టింగ్ పెట్టారు బిగ్‌బాస్ అని త‌న‌ను తానే తిట్టుకుంటూనే అఖిల్‌ను ఓ పాట‌తో ఆమెను ప‌డేయ‌మ‌ని సూచించాడు. ఇంత మంచి  అవ‌కాశం వ‌చ్చాకా అఖిల్ వ‌దులుకుంటాడా? మొన్న క‌నిపించావు, మైమ‌రిచిపోయాను.. అంటూ సాంగ్ మొద‌లుపెట్ట‌గానే మోనాల్ అత‌డి ఒడిలో చేరిపోయింది. వాళ్లు పాత్ర‌లో న‌టించ‌డం కాదు నిజంగానే జీవించేయ‌డం అభి కూడా మెచ్చుకోక త‌ప్ప‌లేదు. త‌ర్వాత హారిక‌, సోహైల్ కెవ్వు కేక‌ ఐట‌మ్ సాంగ్‌కు డ్యాన్స్ ప్రాక్టీస్ చేశారు.  ఎట్ట‌కేల‌కు సినిమా షూటింగ్ పూర్తి త‌ర్వాత ఓ సీన్ చేయాల్సి ఉండ‌గా అస్త‌మానం ట‌చప్‌లు ఇస్తూ లాస్య‌, జోకులు పేలుస్తూ దివి అంద‌రినీ డిస్ట‌ర్బ్ చేస్తున్నారు. దీంతో కావాల‌ని ఎక్కువ టేకులు తీసుకుంటున్నార‌ని ఈ సీన్‌లో తాను చేయ‌నంటూ అవినాష్ మండిప‌డ్డారు. షూటింగ్‌లో సీరియ‌స్‌గా ఉండ‌క‌పోతే త‌న‌కు న‌చ్చ‌ద‌ని చెప్పుకొచ్చాడు. వాళ్లంద‌రికీ నామినేష‌న్ స‌మ‌యంలో చూపిస్తాన‌ని కోపాన్ని అణుచుకునేందుకు ప్ర‌య‌త్నించాడు‌. ఎట్ట‌కేల‌కు అర్ధ‌రాత్రి మూడున్న‌ర‌కు సినిమా పూర్తి చేశారు. (మ‌నాలిలో నాగ్‌: బిగ్‌బాస్‌కు స‌మంత‌?)

టాస్కేదైనా అమ్మ రాజ‌శేఖ‌ర్‌కు గొడ‌వ ప‌డ‌టం మామూలైపోయింది. బిగ్‌బాస్ సినిమా తీయ‌మ‌ని చెప్తే అందులో కూడా మాస్ట‌ర్ అభిజిత్‌తో వాగ్వాదానికి దిగాడు. అయితే ఇది కూడా సినిమాలో ఒక భాగ‌మా? లేదా నిజంగానే త‌గ‌వు ప‌డ్డారా? తెలియాల్సి ఉంది. ఇక సినిమాలో అఖిల్‌, మోనాల్ హీరోహీరోయిన్లుగా ద‌ర్శ‌న‌మిస్తున్నారు. వారికి ఓ ద‌ర్శ‌కుడిగా అభిజిత్ ప్రేమ‌పాఠాలు నేర్పించాల్సి ఉంటుంది. దీంతో అభి వీళ్ల ల‌వ్ ట్రాక్‌కు తాను డైరెక్ష‌న్ చేయ‌డ‌మేంట్రా దేవుడా అని త‌ల ప‌ట్టుకున్నాడు. ఈ ప్రేమ ఎపిసోడ్ చూడ‌లేక మాస్ట‌ర్ బ‌య‌ట‌కు వెళ్లిపోతాన‌ని పంచ్ వేశాడు. అరియానా, అవినాస్ బావామ‌ర‌ద‌ళ్లుగా న‌టిస్తున్న విష‌యం తెలిసిందే. అయితే అన్నీ మంచి పాత్ర‌లే ఉంటే అది సినిమా ఎందుక‌వుతుంది. అందుకే ఈ ప్రేమ పావురాల‌ను విడ‌దీసేందుకు విల‌న్‌ మెహ‌బూబ్ జైలు నుంచి బ‌య‌ట‌కు వ‌చ్చాడు. వ‌చ్చీరాగానే హీరో మీద ప‌డి చిత‌క్కొడుతున్నాడు. (ఫిజిక‌ల్ టాస్కుల‌‌కు దూరంగా అభిజిత్) ఇక ఏదో సంద‌ర్భంలో సీన్ బాలేద‌ని అవినాష్ అభిజిత్ డైరెక్ష‌న్‌ను అన్నాడు. మాస్ట‌ర్ కూడా.. ఏంట‌స‌లు? నేనొక‌టి అడుగుతుంటే నువ్వు వేరేలా మాట్లాడుతున్నావేంటి అని అభిపై సీరియ‌స్ అయ్యాడు ఓవ‌ర్ సీన్ చూపిస్తున్నావ్ అని అస‌హ‌నం వ్య‌క్తం చేశాడు. హారిక‌, సోహైల్ ఐట‌మ్ సాంగ్‌కు చిందులేశారు. చాలా రోజుల త‌ర్వాత లాస్య మ‌ళ్లీ ఫామ్‌లోకి వ‌చ్చిన‌ట్లు క‌నిపిస్తోంది. మొన్న రాక్ష‌సుల టాస్కులో కూడా జోకుటు వేయ‌గా వీళ్లు చేస్తున్న సినిమాకు బిగ్‌బాస్ సీజ‌న్ 4 కంటెస్టెంట్స్ తోపు.. ద‌మ్ముంటే ఆపు అని ఓ ప‌వ‌ర్‌ఫుల్ టైటిల్ చెప్పింది. ఏదైతేనేం.. ఈరోజు కంటెస్టెంట్లు మ‌నంద‌రికీ పసందైన‌ సినిమా చూపించ‌బోతున్నారన్న‌మాట‌. (అంద‌రి కోసం అభిజిత్‌కు అన్యాయం చేసిన అరియానా)

బిగ్‌బాస్ నాల్గో సీజ‌న్‌లో ఏడో కెప్టెన్‌గా అవినాష్ ఎన్నిక‌య్యాడు. కెప్టెన్ అయ్యాడ‌న్న మాటేకానీ త‌న స్నేహితురాలు అరియానా కెప్టెన్ అవ్వ‌లేద‌న్న బాధే అత‌నిలో ఎక్కువ‌గా క‌నిపించింది. ఇక అరియానాకి ఉన్న క్లారిటీ రోజురోజుకూ పెరిగిపోతోంది. బిగ్‌బాస్ ఇచ్చిన ట్విస్ట్‌లో అభిజిత్ కోసం అంద‌రి క‌డుపులు మాడ్చుతుందా అనుకునే స‌మ‌యానికి ఆమె రేష‌న్ తీసుకునేందుకు మొగ్గు చూపడం ప్ర‌శంస‌లు అందుకుంటోంది. త‌న‌కు ఉన్న క్లారిటీ ఇంట్లో ఎవ‌రికీ లేద‌ని నిరూపించింది. మ‌రోవైపు బ‌య‌ట జ‌రిగిన విష‌యాల కోసం అమ్మ రాజ‌శేఖ‌ర్‌, నోయ‌ల్ గొడ‌వ‌పడ్డారు. దీంతో వాళ్లిద్ద‌రి మ‌ధ్య ప‌చ్చ‌గ‌డ్డి వేస్తే భ‌గ్గుమ‌నేలా త‌యారైంది ప‌రిస్థితి. మ‌రి నేటి బిగ్‌బాస్ ఎపిసోడ్‌లో ఇంకా ఏమేం జ‌రిగాయో చ‌దివేయండి.. నువ్వు ప్రామిస్ మీద నిల‌బ‌డ‌లేదు: మాస్ట‌ర్‌ నోయ‌ల్ మిమ్మ‌ల్ని నామినేట్ చేసిన‌ప్పుడు ఎలా రియాక్ట్ అయ్యార‌ని అభిజిత్ మాస్ట‌ర్‌ను ప్ర‌శ్నించాడు. న‌వ్వుతూనే మొద‌లైన ఈ చర్చ నెమ్మ‌దిగా గొడ‌వ‌కు దారి తీసింది. త‌న సినిమాకు ర్యాప్ సాంగ్ రాసివ్వ‌మ‌ని చెప్పాను. కానీ అది చేయ‌లేదని మాస్ట‌ర్ నోయ‌ల్‌పై మండిప‌డ్డాడు. మ‌ళ్లీ అంత‌లోనే మాట మారుస్తూ.. రాశావు, కానీ అంద‌రికీ అర్థం అయ్యేలా రాయ‌మ‌ని అడిగా, కానీ ఆ ప్రామిస్ మీద నిల‌బ‌డ‌లేదని త‌ప్పు ప‌ట్టాడు. దీనిపై నోయ‌ల్ మాట్లాడుతూ.. తాను రాసిచ్చాన‌ని, పాట కూడా రిలీజ్ అయింద‌ని చెప్పాడు. దానికి త‌న‌కు డ‌బ్బులు ఎందుకు ఇవ్వ‌లేద‌ని కూడా ఇంత‌వ‌ర‌కు ప్ర‌శ్నించ‌లేద‌ని చెప్పుకొచ్చాడు. ఈ గొడ‌వ‌తో మ‌న‌సు పాడైన నోయ‌ల్ అభిపై త‌న విసుగును ప్ర‌ద‌ర్శించాడు. ఇప్పుడు సంతోషంగా ఉందా అని అడిగాడు. మ‌రోవైపు ఆవేశం త‌గ్గ‌ని మాస్ట‌ర్ మాత్రం.. కెమెరా కోసం డైలాగులు చెప్తావు, ప్రామిస్ మీద నిల‌బ‌డే క్యారెక్ట‌ర్ కాదు. బ‌య‌ట‌కు వెళ్లిపోయినా కూడా నిన్ను ఎన్ని అనాలో అనేస్తాను అంటూ హెచ్చ‌రించాడు. (చ‌ద‌వండి: నువ్వు పెద్ద తోపు, తురుమేం కాదు: అఖిల్‌) నా భ‌ర్త యాక్ట‌ర్‌: మోనాల్‌ త‌ర్వాతి రోజు ఉద‌యం మాస్ట‌ర్‌ను చూసి విల‌న్‌లా ఉన్నావ‌ని సోహైల్ అన్నాడు. డ్యాన్స్ బాగా చేస్తున్నావు కానీ ఒక్క స్టెప్పు నేర్పించ‌లేద‌ని దివి బుంగ‌మూతి పెట్టుకుంది. ఈ వ‌య‌సులో కూడా బాగా చేస్తున్నాడు అని సోహైల్ పంచ్ వేశాడు. ఇది మ‌న‌సులో పెట్టుకున్న మాస్ట‌ర్ దివి ప‌క్క‌కు వెళ్ల‌గానే అత‌డికి అక్షింత‌లు వేశాడు. ప‌క్క‌న గ‌ర్ల్‌ఫ్రెండ్ ఉంటే నువ్వు ఇలా మాట్లాడుతున్నావేంట్రా అని ప్ర‌శ్నించాడు. నువ్వు న‌న్ను అలా అన‌గానే దివి ఫీలైంద‌ని, నిజానికి త‌న డ్యాన్సు చేసి ఆమె ప‌డిపోయింద‌ని మాస్ట‌ర్ చెప్పుకొచ్చాడు. ఇక మోనాల్ అఖిల్‌ను స‌ర‌దాగా ఓ ఆటాడుకుంది. త‌న భ‌ర్త న‌టుడ‌ని పేర్కొంది. అన్ని భాష‌ల్లో న‌టిస్తాడ‌ని సిగ్గులు ఒల‌క‌బోసింది. కానీ పేరు అడిగితే మాత్రం గుజ‌రాత్‌తో పేరు చెప్పరంటూ త‌ప్పించుకుంది. (చ‌ద‌వండి: బిగ్‌బాస్‌: మామ స్థానంలో కోడ‌లు సామ్‌?) మాస్ట‌ర్ సైగ‌తో అవినాష్ స్టేష‌న్‌లోకి మోనాల్‌ బండి తోయ‌రా బాబు కెప్టెన్సీ టాస్కులో అరియానా, అవినాష్ త‌ల‌ప‌డ్డారు. ఎవ‌రి స్టేష‌న్‌లో ఎక్కువ మందిని తోసి దింపేస్తారో వారే గెలిచిన‌ట్లు లెక్క‌. ఇద్ద‌రూ చెరో ఐదుగురిని త‌మ‌త‌మ స్టేష‌న్ల‌లో దింప‌డంతో గేమ్ టై అయింది. దీంతో ప్ర‌త్య‌ర్థి టీమ్‌లో దింపిన‌వాళ్ల‌ను ఆక‌ర్షించి త‌మ స్టేష‌న్‌కు రప్పించాల్సి ఉంటుంది. ఇందుకోసం పోటీదారులిద్ద‌రూ ఇంటిస‌భ్యుల‌తో బేర‌సారాలు జ‌రిపారు. త‌న‌కోసం నామినేట్ అయినందుకు సోహైల్ అవినాష్‌ను స‌పోర్ట్ చేయ‌క త‌ప్ప‌లేదు. వార‌మంతా ఏ ప‌నీ చేయ‌న‌న్న అభిజిత్ మాట‌కు అంగీక‌రించినందుకు అత‌డు అవినాష్ టీమ్‌లోనే ఉండిపోయాడు. కానీ చివ‌రి నిమిషంలో మోనాల్‌ను ర‌మ్మ‌ని మాస్ట‌ర్ సైగ చేయ‌డంతో ఆమె అవినాష్ టీమ్‌లోకి వ‌చ్చేసింది. కానీ దివి మాత్రం ఎంత‌కూ రాలేద‌ని మాస్ట‌ర్ ఆమెతో ఇక ఫ్రెండ్‌షిప్ క‌ట్ అన్నాడు. ఇక టాస్క్ ముగిసే స‌మ‌యానికి అవినాష్ స్టేష‌న్‌లో ఆరుగురు(అఖిల్‌, మోనాల్‌, లాస్య‌, అభిజిత్‌, మాస్ట‌ర్, సోహైల్‌) ఉండ‌టంతో అతడు గెలిచి కెప్టెన్ అయ్యాడు. క‌ఠిన రూల్స్ ప్ర‌వేశ‌పెట్టిన అవినాష్‌ తాను కెప్టెన్ అయితే అరియానా కూడా కెప్టెన్ అయిన‌ట్టేన‌ని వెల్ల‌డించాడు. అనంత‌రం ఆమెను రేష‌న్ మేనేజ‌ర్‌గా ఎన్నుకున్నాడు. అవినాష్ ఇంట్లో కొత్త రూల్స్ పెట్టాడు. ఎవ‌రైనా మైక్ మ‌ర్చిపోతే... 50 సార్లు మైక్ మ‌ర్చిపోయాన‌ని చెప్పాల‌ని ఆదేశించాడు. రెండుసార్లు క‌న్నా ఎక్కువ‌ నిద్ర‌పోతే రెండుసార్లు స్విమ్మింగ్‌ పూల్‌లో దూకాలి. తెలుగులో మాట్లాడ‌క‌పోతే కెమెరా ద‌గ్గ‌ర‌కు వెళ్లి ఇంకోసారి ఇంగ్లీషులో మాట్లాడ‌ను అని చిన్న‌పిల్లాడిలా న‌టిస్తూ చెప్పాల‌ని పేర్కొన్నాడు. వీట‌న్నింటికీ ఇంటిస‌భ్యులు ఎలాంటి అభ్యంత‌రం చెప్ప‌కుండా త‌లాడించ‌డం విశేషం. త‌ర్వాత‌ రేష‌న్ మేనేజ‌ర్ అరియానాను బిగ్‌బాస్ ఇర‌కాటంలో ప‌డేశాడు. (చ‌ద‌వండి: బిగ్‌బాస్‌: మోనాల్ కోసం అరియానా త్యాగం అభిజిత్ ల‌గేజీ వ‌చ్చిన‌ట్టే వ‌చ్చి వెళ్లిపోయింది అభిజిత్ వ‌స్తువులు లేదా రేష‌న్ స‌రుకుల్లో ఏదో ఒక‌టిని మాత్ర‌మే తీసుకోవాల‌ని చెప్పాడు. అంద‌రూ అరియానా రేష‌న్ సామాను ప‌ట్టుకొస్తుంద‌నుకున్నారు. కానీ ఆమె మాత్రం మ‌రోలా ఆలోచించింది. తోటి కంటెస్టెంటు బ‌ట్ట‌లు లేకుండా సీజ‌న్ మొత్తం బాధ‌ప‌డ‌టం నాకిష్టం లేదు, కావాలంటే ఈ ఒక్క‌వారం ఎలాగోలా అంద‌రం స‌ర్దుకుపోతాం అని ఆమె చెప్పుకొచ్చింది. కానీ చివ‌రి నిమిషంలో మాత్రం ఇంటిస‌భ్యులు ఆక‌లితో అల‌మ‌టించ‌డం ఇష్టం లేద‌ని, అభికి సారీ చెప్తూ రేష‌న్ తీసుకువ‌చ్చింది. ఇక‌ రాత్రిపూట హారిక అద్దంపై తాను బిగ్‌బాస్ విన్న‌ర్ అని రాసుకుని మురిసిపోయింది.

బిగ్‌బాస్‌ అంటేనే వివాదాలు, కాంట్రవర్సీలు, ఒకరినొకరు అరుచుకోవడం. ఎంత ప్రేమగా ఉండాలని ట్రై చేసిన కంటెస్టెంట్స్‌ మధ్య చిచ్చు పెట్టడమే బిగ్‌బాస్‌ పని. అయితే ఈ చిచ్చులకు పునాది వేదేది మాత్రం ప్రతి సోమవారమే. అవును ఆ రోజు ప్రసారమయ్యే ఎపిసోడ్‌లో ఎలిమినేషన్‌ ప్రక్రియ ఉంటుంది. దీంతో ఆ రోజంతా హౌస్‌మేట్స్‌ మధ్య గొడవలు, ఏడుపులు, అలగడాలు ఉంటాయి. ఇక ఎప్పటిలాగే ఈ వారం కూడా ఎలిమినేషన్‌ ప్రక్రియలో హౌస్‌మేట్స్‌ మధ్య చిచ్చు పెట్టాడు బిగ్‌బాస్‌. ఎలిమినేషన్‌ ప్రక్రియలో భాగంగా హౌస్‌మేట్స్‌ని జతలుగా విడదీసి, ఇద్దరిలో ఎవరు ఎలిమినేట్‌ అవుతారో చెప్పి వారిపై రంగు నీళ్లు పోయాల్సిందిగా బిగ్‌బాస్‌ ఆదేశించారు. తాజాగా విడుదలైన ప్రోమోను బట్టి చూస్తే  అభిజిత్‌-హారిక, అవినాష్‌-సోహైల్‌, మోనాల్‌-అఖిల్‌, అరియానా-మెహబూబ్, లాస్య-దివి‌లను జంటలుగా విడిపోయారు.   ఇక కెప్టెన్‌ కారణంగా నోయల్, నాగార్జున ఇచ్చిన ఆఫర్‌తో రాజశేఖర్‌ మాస్టర్‌ ఈ నామినేషన్‌ ప్రక్రియకు దూరంగా ఉన్నారు. ఇక తాజా ప్రోమో చూస్తే.. అభిజిత్‌- హారిక మధ్య పెద్ద గొడవే జరిగినట్టు ఉంది. త్యాగాలు, సర్దుబాట్లు చేసుకునే వారం కాదు ఇది అంటూ హారిక అభికి హారిక సలహా ఇచ్చింది. అయితే ఎక్కువగా నేను నామినేట్‌ అయ్యానని, ఈ వారం తనను సేవ్‌ చేయాలని హారికను అభి కోరాడు. తర్వాత ఏం జరిగిందో తెలియదు కానీ హారిక మాత్రం మాఇద్దరిది అన్‌పేయిర్‌ అని, షటప్‌ అంటూ అభిపై సీరియస్‌ అయింది. ఇక అరియానా- మెహబూబ్‌, అవినాష్‌-సోహైల్‌ కూడా నేనే ఉంటా అంటే నేనే ఉంటా అంటూ గొడవకు దిగారు. మరి ఈ వారం ఎవరెవరిపై రంగుపడిందో తెలియాలంటే నేటి ఎపిసోడ్‌ చూడాల్సిందే.

అప్పుడెప్పుడో సినిమాలో త‌ళుక్కున మెరిసి మాయ‌మైపోయిన హీరో అభిజిత్‌. ఇప్పుడు బిగ్‌బాస్ షో ద్వారా త‌న ఉనికిని చాటుకునే ప్ర‌య‌త్నం చేస్తున్నాడు. గొడ‌వ‌ల‌కు దూరంగా ఉంటూ స‌హ‌నంతో త‌న ప్ర‌యాణాన్ని నెట్టుకొస్తున్నాడు. అయితే అభిజిత్ చెప్పే మాట‌ల‌కు, అత‌ని ఆట తీరుకు అస‌లు పొంత‌న లేకుండా పోతోంది. అయినా స‌రే నామినేషన్‌లోకి వ‌చ్చిన ప్ర‌తిసారి అత‌డికి బీభ‌త్సంగా ఓట్లు గుద్దేస్తున్నారు. అత‌డి ప‌ర్ఫామెన్స్ ఆ రేంజ్‌లో ఉందా? అంటే అదీ లేదు. బ్రెయిన్ గేమ్‌లో అభిజిత్ దిట్ట అనే విష‌యం రోబో టాస్కులో బ‌య‌ట‌ప‌డింది. కానీ హోట‌ల్ టాస్కులో కూడా అదే బ్రెయిన్  గేమ్ ఆడి బోల్తా కొట్టాడు. ఇక ఫిజిక‌ల్ టాస్కులో అలాంటి ఆలోచ‌న‌లు చేయ‌డానికి ఛాన్సే ఉండ‌దు. తాడోపేడో తేల్చుకుందామ‌నే రీతిలో ఆడి తీరాల్సిందే. కానీ అభిజిత్ మాత్రం మొద‌టి నుంచి ఫిజిక‌ల్ టాస్క్‌కు కాస్త దూరంగా ఉంటూ వ‌స్తున్నాడు. (చ‌ద‌వండి: బిట్టూ అని వాళ్లే పిల‌వ‌మ‌న్నారు: సుజాత‌) నిన్నటి "రేస‌ర్ ఆఫ్ ది హౌస్" అనే ఫిజిక‌ల్ టాస్క్‌లో కూడా అభిజిత్ ఎక్కువ సేపు పుష‌ప్స్ చేయ‌లేక మొద‌టి రౌండ్‌లోనే ఓడిపోయాడు. దీంతో రెండో రౌండ్‌కు సంచాల‌కుడిగా వ్య‌వ‌హ‌రించాడు. మొన్న‌టి బిగ్‌బాస్ డీల్స్‌లో త‌ల‌కు మాస్కు ధ‌రించి అర‌టిపండు తినాలంటే అతి తెలివి ప్ర‌ద‌ర్శించాడు. స‌గం మాస్కు ధ‌రించి తిన‌బోయాడు. కానీ అది కుద‌ర‌ద‌ని వారించ‌డంతో అవినాష్ ఆ టాస్క్ పూర్తి చేశాడు. కాయిన్ల టాస్కులోనూ అంతంత‌మాత్రంగానే ఆడాడు. కాగా అభికి ఒక్క‌సారిగా క్రేజ్ తెచ్చి పెట్టిన టాస్క్ 'రోబో టాస్క్'‌. అత‌డు చెప్పిన‌ దివి కిడ్నాప్ ప్లాన్ వ‌ర్క‌వుట్ అవ‌డంతో అంద‌రూ అత‌డిని మెచ్చుకున్నారు. కానీ ఆ త‌ర్వాత అమ్మాయిలతో ముచ్చ‌ట్లు త‌ప్పితే టాస్కుల్లో పెద్ద‌గా ఆడింది లేదు. (చ‌ద‌వండి: హారిక అల‌కను హ‌గ్గుతో పోగొట్టిన అభిజిత్‌) సోహైల్ చెప్పిన‌ట్టుగా ఫిజిక‌ల్ టాస్కుల్లో అభి చాలా వీక్ అనే ప‌రిస్థితి క‌నిపిస్తోంది. దీంతో అత‌డి ఆట‌తీరుపై ఓ వ‌ర్గం నెటిజ‌న్లు మండిప‌డుతున్నారు. ఫిజిక‌ల్‌ టాస్కులు ఆడటం అభికి చేత‌కాద‌ని, టాస్కుల్లో అభి అన్‌ఫిట్ అంటూ విమ‌ర్శిస్తున్నారు. అమ్మాయిల‌తో పులిహోర క‌ల‌ప‌డం, హారిక‌తో సోది ముచ్చ‌ట్లు పెట్ట‌డం మాత్రం బాగా వ‌చ్చ‌ని సెటైర్లు వేస్తున్నారు. కానీ ఎమోష‌న్స్ కంట్రోల్ చేసుకోవ‌డం, మోనాల్ వ్య‌వ‌హారంలో సైడ్ అయిపోవ‌డం, క‌రెక్ట్ పాయింట్లు మాట్లాడ‌టం వంటివి అత‌నికి మంచి పేరును తీసుకువ‌స్తున్నాయి. కాస్త టాస్కుల పైన కూడా దృష్టి పెడితే ఆయ‌న అభిమానులు కోరుకుంటున్న‌ట్లు అభిజిత్‌ విన్న‌ర్ అయ్యే అవ‌కాశాలూ లేక‌పోలేదు. (చ‌ద‌వండి: అలాంటి అమ్మాయి ఇష్టం: అభిజిత్‌)

బిగ్‌బాస్ నాల్గ‌వ సీజ‌న్ న‌ల‌భై రోజుల‌కు చేరింది. నిన్న రియ‌ల్ లైఫ్ క‌ష్టాలు చెప్పుకుంటూ బాధ‌ప‌డ్డ కంటెస్టెంట్లు ఇవాళ పార్టీ చేసుకుని మ‌న‌సు తేలిక చేసుకున్నారు. కెప్టెన్ నోయ‌ల్ త‌న‌కు టాస్కులో పాల్గొనే అవ‌కాశం వ‌చ్చిన‌ప్ప‌టికీ కుమార్‌తో గొడ‌వ కార‌ణంగా ఆట నుంచి వైదొల‌గాడు. ఈవారంతో పాటు వ‌చ్చేవారంలోనూ నామినేష‌న్‌లో ఉన్న నోయ‌ల్ టాస్క్ ద్వారా త‌న స‌త్తా చూపించుకునే అవ‌కాశాన్ని చేజేతులా నాశ‌నం చేసుకుని పెద్ద త‌ప్పే చేశాడు. ఇక అమ్మాయిల‌కు బిగ్‌బాస్ ఇవాళ స్పెష‌ల్ ఆఫ‌ర్ ప్ర‌క‌టించాడు. వారికి పార్టీ చేసుకునేందుకు అవ‌కాశం క‌ల్పించాడు. ప‌నిలో ప‌నిగా పార్టీలో అబ్బాయిల‌ను ర్యాగింగ్ కూడా చేశారు. మ‌రి వాళ్ల ర్యాగింగ్‌కు ఎవ‌రెవ‌రు బ‌ల‌య్యారో చ‌దివేసేయండి.. పుష‌ప్స్ చేయ‌లేక చేతులెత్తేసిన అమ్మాయిలు బిగ్‌బాస్ హౌస్‌లో కంటెస్టెంట్లు అంద‌రూ హౌస్‌లో ఏదో ఒక ప‌ని చేయాల్సిందే. అయితే దివి మాత్రం త‌న‌కు కేటాయించిన ప‌ని రాదంటూ స‌రిగా ఊడ‌వ‌ట్లేద‌ని ఇత‌ర‌ కంటెస్టెంట్లు త‌ర‌చూ ఫిర్యాదు చేస్తున్నారు. ఈ విష‌యం దివి వ‌ర‌కు వెళ్లినా ఆమెలో ఎలాంటి మార్పు రాక‌పోవ‌డం గ‌మ‌నార్హం.  బిగ్‌బాస్ ఇంటిస‌భ్యుల‌కు రేస‌ర్ ఆఫ్ ద హౌస్ టాస్క్ ఇచ్చాడు. ఇందులో రెండు రౌండ్లు ఉంటాయి. మొద‌టిదానిలో ఎక్కువ పుష‌ప్స్ చేసిన ఐదుగురు రెండో రౌండ్‌కు అర్హ‌త సాధిస్తారు. ఆ రౌండ్‌లో ఏడు అడ్డంకుల‌ను త‌క్కువ స‌మ‌యంలో దాటాల్సి ఉంటుంది. టైర్ల మ‌ధ్య నుంచి దూక‌డం, తాళ్ల మ‌ధ్య‌లో నుంచి దాట‌డం, ఇసుక మూట‌ల‌ను స్విమ్మింగ్ పూల్‌లో ఒక‌వైపు నుంచి మ‌రొక‌వైపుకు తీసుకెళ్ల‌డం, ఏట‌వాలుగా ఉన్న‌దానిపై న‌డ‌వ‌డం, ముళ్ల కంచె కింద నుంచి పాకడం, మార్బుల్స్ మీద ప‌రిగెత్త‌డం, మంకీ బాస్‌ను చేతులతో ప‌ట్టుకుని వేలాడ‌టం వంటివి చేయాలి. అమ్మాయిలందరూ మొదటి రౌండ్ మ‌ధ్య‌లోనే చేతులెత్తేశారు. నోయ‌ల్ స్థానంలో టాస్కు ఆడి ఓడిన అవినాష్‌ కానీ కుమార్ సాయి, అఖిల్‌, మెహ‌బూబ్‌, సోహైల్‌, నోయ‌ల్‌ ఎక్కువ పుష‌ప్స్ చేసి త‌ర్వాతి రౌండ్‌కు అర్హత సాధించారు. అయితే పుష‌ప్స్ చేసేట‌ప్పుడు మ‌ధ్య‌లో ఆగావ‌ని నోయ‌ల్ కుమార్‌ను త‌ప్పుప‌ట్టాడు. లేద‌ని బుకాయిస్తున్న కుమార్‌ను ఒక్క‌రోజైనా నిజం చెప్పమ‌ని, నిజాయితీగా ఉండ‌మ‌ని ఘాటు స‌ల‌హా ఇచ్చాడు. ఈ విష‌యంలో చిరాకు ప్ర‌ద‌ర్శించిన నోయ‌ల్‌ తాను ఆడ‌న‌ని త‌ప్పుకోవ‌డంతో అత‌ని స్థానంలో అవినాష్ ఆట‌లో దిగాడు. కానీ స‌రిగా ఆడ‌లేక‌ కింద ప‌డిపోయాడు. మెహ‌బూబ్ మాత్రం రేసుగుర్రంలా 49 సెకండ్ల‌లో టాస్క్ పూర్తి చేసి "రేస‌ర్ ఆఫ్ ద హౌస్‌"గా నిలిచాడు. కుమార్‌, అఖిల్‌, సోహైల్ స్వ‌ల్ప సెకండ్ల తేడాతో ఓట‌మిపాల‌య్యారు. అనంత‌రం తాను 101 పుష‌ప్స్ చేస్తే దాని గురించి మెహ‌బూబ్ త‌క్కువ చేసి మాట్లాడాడ‌ని అఖిల్ ఫీల‌య్యాడు. ఆ కోపం సోహైల్ మీద తీశాడు. ఈ విష‌యం తెలుసుకుని మెహ‌బూబ్ అఖిల్‌కు సారీ చెప్పాడు. అలాంటి అమ్మాయి ఇష్టం: అభిజిత్‌ బిగ్‌బాస్ అమ్మాయిల‌కు నైట్ ఔట్ పార్టీ చేసుకునే అవ‌కాశాన్నిచ్చాడు. అయితే ప‌నిలో ప‌నిగా అబ్బాయిల‌ను ఆడుకునేందుకు ప్లాన్ చేసుకున్నారు. ఈ క్ర‌మంలో అభిజిత్‌ను పిల్చుకుని మ‌రీ పొగిడించుకున్నారు. ఎలాంటి అమ్మాయి న‌చ్చుతుందన్న ప్ర‌శ్న‌కు.. అమ్మాయి లెవ‌ల్ హెడెడ్‌గా, నిజాయితీగా ఉండాలి, కరెక్ట్ నిర్ణ‌యాలు తీసుకోగల‌గాలని చెప్పుకొచ్చాడు. ఇక అక్క‌డున్న వాళ్ల‌లో ఎవ‌రితో డేట్‌కు వెళ్తావని అడ‌గ్గా అభి.. అరియానా పేరు చెప్పాడు. దీంతో ఆమె కాళ్లు భూమి మీద‌ ఆగ‌లేవు. అనంత‌రం మాస్ట‌ర్‌ను లోనికి ర‌మ్మ‌న్నారు. వీరు పాట‌లు పాడుతుంటే అత‌డిని అమ్మాయిలా డ్యాన్స్ చేయ‌మంటూ కాసేపు టీజింగ్ చేశారు. (చ‌ద‌వండి: నాగార్జున ఒక్క‌సారి కూడా మెచ్చుకోలేదు) సోహైల్ లుంగీ లాగిన హారిక‌ త‌ర్వాత సోహైల్ లోనికి వెళ్లి దివికి ఒక్క‌టిచ్చుకోవ‌‌డంతో అమ్మాయిలు షాక‌య్యారు. మేము అంద‌రినీ ఆడుకుంటే వీడేంటి మాతో ఆడుకుంటున్నాడ‌ని నిశ్చేష్టుల‌య్యారు. త‌ర్వాత‌ అక్క‌డున్న అమ్మాయిలంద‌రి గురించి త‌న‌దైన స్టైల్‌లో చెప్పుకొచ్చాడు. మ‌రీ ఉన్న‌దున్న‌ట్టుగా చెప్పాడే త‌ప్ప ఎక్క‌డా పొగ‌డ‌లేద‌ని చింతించిన‌ అమ్మాయిలు చిత‌క‌బాది లుంగీ లాగారు. మీకు అన్న‌ద‌మ్ముల్లేరా అని అత‌డు ప్ర‌శ్నించ‌డంతో హారిక‌ లుంగీ లాగ‌డం వ‌దిలేసింది. కానీ సారీ చెప్పాల‌ని ప‌ట్టు ప‌ట్టినా అత‌డు మాత్రం చెవికెక్కించుకోలేదు. త‌ర్వాత అరియానా సోహైల్‌తో క్యాట్ వాక్ చేయించింది. (చ‌ద‌వండి: నామినేష‌న్స్ పిచ్చ లైట్‌, ఎందుకు ఫీల‌వుతా) నీ అందం అంద‌రూ చూస్తే త‌ట్టుకోలేను: అరియానా అఖిల్ లోనికి రావ‌డంతోనే మోనాల్ సంబ‌ర‌ప‌డిపోయింది. కొత్త‌గా పెళ్లైన అమ్మాయిగా న‌టించ‌మ‌ని అఖిల్‌కు అరియానా టాస్క్ ఇచ్చింది. అఖిల్ అమ్మాయిలా ముగ్గు వేస్తుంటే ప‌క్కింటి అబ్బాయిగా హారిక లైనేసింది. అదే స‌మ‌యంలో భ‌ర్త‌ అరియానా కాఫీ ఇవ్వ‌మ‌ని కేకేయ‌డంతో ప‌రుగు ప‌రుగున వెళ్లి కాఫీ ఇచ్చాడు. అరియానా అత‌డిని ద‌గ్గ‌ర‌కు తీసుకుని ముద్దు పెట్టుకున్న‌ట్లు న‌టించింది. ఆఫీసుకు వెళ్తున్నా.. సాయంత్రం మ‌ల్లెపూలు తేనా అని అడుగుతూనే అమ్మ ప‌డుకున్నాక సినిమాకు వెళ్దాం.. నీ అందం అంద‌రూ చూస్తే నేను త‌ట్టుకోలేను అంటూ పాత్ర‌లో లీన‌మైపోయింది. అర్ధ‌రాత్రి అబ్బాయిలు, అమ్మాయిలు అంద‌రూ క‌లిసి చిందులేశారు. కానీ మోనాల్‌, అవినాష్ మాత్రం అంద‌రూ ప‌డుకున్నాక కూడా ఇద్ద‌రూ సాల్సా డ్యాన్స్ చేశారు. యూ ఆర్ మై ఎవ్రీథింగ్.. అంటూ ఇష్ట‌మొచ్చిన‌ట్లుగా చిందేశారు. ఇప్పుడు మ‌న‌సుకు హాయిగా ఉంద‌ని ఇద్ద‌రూ సంతోషంలో మునిగి తేలారు. (చ‌ద‌వండి: న‌న్ను పంపించేయండి: చేతులెత్తి వేడుకున్న గంగ‌వ్వ‌)

బిగ్‌బాస్ నాల్గో సీజ‌న్‌లో మోనాల్ వ్య‌వ‌హారమే అన్నిటిక‌న్నా బాగా హైలెట్ అవుతోంది. అటు అఖిల్‌తో, ఇటు అభిజిత్‌తో ఉంటూ ఆమె త‌న‌కు తానుగా చెడ్డ‌పేరు తెచ్చుకోవ‌డ‌మే కాకుండా వాళ్లిద్ద‌రికీ కూడా కొత్త స‌మ‌స్య‌లు తెచ్చిపెడుతోంది. నిజానికి మొద‌ట్లో అఖిల్‌, అభిజిత్ మ‌రీ అంత శ‌త్రువులుగా ఉండేవారు కాదు. కానీ మోనాల్ వ‌ల్ల వీరిద్ద‌రి మ‌ధ్య ప‌చ్చ‌గ‌డ్డి వేస్తే భ‌గ్గుమ‌నే ప‌రిస్థితి వ‌చ్చింది. దీని వ‌ల్ల అటు ఆమెకు, ఇటు వీళ్ల‌కు మ‌న‌శ్శాంతి లేకుండా పోయింది. ఈ క్ర‌మంలో అభిజిత్ ఓ కీల‌క నిర్ణ‌యం తీసుకున్నాడు. ద‌గ్గ‌ర‌గా ఉండి ఇబ్బందులు ప‌డేక‌న్నా దూరంగా ఉండ‌ట‌మే మంచిద‌న్న అభిప్రాయానికి వ‌చ్చాడు.  ప‌గ‌లంతా అఖిల్‌తో, రాత్ర‌వ‌గానే అభితో ఇప్ప‌టివ‌ర‌కు ఎలిమినేట్ అయిన కంటెస్టెంట్లు కూడా ఈ ట్ర‌యాంగిల్ స్టోరీలో మోనాల్‌నే త‌ప్పు ప‌ట్టారు. ఆమె మ‌నుషుల ఎమోష‌న్స్‌తో ఆడుకుంటోంద‌ని విమ‌ర్శించారు. పైగా ప‌గ‌లంతా అఖిల్‌తో, రాత్ర‌వ‌గానే అభిజిత్‌తో ముచ్చ‌ట్లు పెడుతుంద‌ని పేర్కొన్నారు. ఇదిలా వుంటే నాగార్జున కూడా మోనాల్ విష‌యంలో త‌నపై సెటైర్లు వేయ‌డం, గ‌త నామినేష‌న్‌లో త‌న త‌ప్పు కూడా ఉంద‌ని ఆమె అంద‌రి ముందు చెప్ప‌డం అభిజిత్‌కు మింగుడు ప‌డ‌లేదు. ఈ వ్య‌వ‌హారం ఏదో తేడా కొడుతోంద‌ని అనుమానించాడు. మోనాల్‌తో దూరంగా ఉండేందుకు డిసైడ్ అయ్యాడు. ఇదే విష‌యాన్ని ఆమె ఎదుట ప్ర‌స్తావించి, ఆమె అభిప్రాయాన్ని అడిగాడు. కానీ ఆమె ఏమీ చెప్ప‌కుండా నిస్తేజంగా ఉండిపోయింది. (చ‌ద‌వండి: బిగ్‌బాస్‌: సుజాత అవుట్‌!) క‌లిసిపోండ‌న్న నోయ‌ల్‌, విడిపోతామ‌న్న అభి ఈ గొడ‌వ ఓ కొలిక్కి వ‌చ్చేలా క‌నిపించ‌క‌పోవ‌డంతో వీరి స‌మ‌స్య‌ను ప‌రిష్క‌రించేందుకు నోయ‌ల్ ప్ర‌య‌త్నించాడు. అన్నీ మర్చిపోయి కొత్త స్నేహితుల్లా ఉండండి, కొత్త జ‌ర్నీ స్టార్ చేయండి అంటూ కొన్ని మంచి మాట‌లు చెప్పాడు. కానీ అభిజిత్ మాత్రం అందుకు ఒప్పుకోలేదు. మ‌న‌తో ఇబ్బంది ఉన్న‌ప్పుడు క‌ట్ చేయ‌డ‌మే బెట‌ర్ అంటూ కుండ బ‌ద్ధ‌లు కొట్టేశాడు. నీ సంతోషం నీది, నా సంతోషం నాది అంటూ విడిపోదామ‌ని మోనాల్‌కు అర్థ‌మ‌య్యేలా చెప్పేందుకు ప్ర‌య‌త్నించాడు. అలాగే తాను మధ్య‌లో కామెడీ అవ‌డం ఇష్టం లేద‌ని తేల్చి చెప్పాడు. నువ్వు ఎవ‌రితోనైనా ఉండు, అది పూర్తిగా నీ ఇష్ట‌మ‌ని, త‌న‌కెలాంటి అభ్యంత‌రం లేద‌ని స్ప‌ష్టం చేశాడు. (చ‌ద‌వండి: ఇక్కడ రిలేష‌న్స్ పెట్టుకోవ‌డం వేస్ట్‌: అఖిల్‌) అభిని దూరం చేసుకోలేక మోనాల్ అంత‌ర్మ‌థ‌నం కానీ అభితో తెగ‌దింపులు చేసుకోవ‌డం ఇష్టం లేని మోనాల్ ఏం స‌మాధానం చెప్పాలో తెలీక‌ శూన్యంలోకి చూస్తూ మౌనంగా ఉండిపోయింది. అభిజిత్ తీసుకున్న నిర్ణ‌యాన్ని ఆచ‌ర‌ణ‌లో పెడితే మోనాల్ రెండు ప‌డ‌వ‌ల ప్ర‌యాణం ముగిసిన‌ట్లే అవుతుంది. అఖిల్‌కు లైన్ క్లియ‌ర్ అవుతుంది. కానీ ఇప్పుడిప్పుడే బ‌య‌ట‌ప‌డుతున్న మోనాల్ నిజ‌స్వ‌రూపాన్ని చూసి అఖిల్ కూడా ఆమెను న‌మ్మ‌డానికి వెన‌క‌డుగు వేస్తున్నాడు. మ‌రి ఇద్ద‌రి ద‌గ్గ‌ర న‌మ్మ‌కం కోల్పోయిన మోనాల్ ఇప్పుడు ఏ దారిని ఎంచుకుంటుంది? ఎవ‌రి చెంత‌కు చేర‌నుంది? అనేది ఆస‌క్తిక‌రంగా మారింది. (చ‌ద‌వండి: అఖిల్‌, మోనాల్‌ను గంగ‌వ్వ విడ‌దీస్తోందా?)

బిగ్‌బాస్ నాల్గ‌వ సీజ‌న్ ఇప్పుడు ఐదో వారం ముగింపుకు వచ్చింది. కానీ ఈ సారి ఎలిమినేష‌న్ గంద‌ర‌గోళంగా మారింది. నామినేష‌న్‌లో లేని గంగ‌వ్వ‌ను అనారోగ్య కార‌ణాల‌తో బ‌య‌ట‌కు పంపించిన‌ట్లు లీకువీరులు సోష‌ల్ మీడియాలో ప్ర‌చారం చేస్తున్నారు. ఇదే నిజ‌మైతే ఈ వారం ఎలిమినేష‌న్ ఉంటుందా? లేదా? అన్న సందిగ్ధ‌త నెల‌కొంది. అయితే బిగ్‌బాస్ హౌస్‌లో ఇంక ఆ కంటెస్టెంటు ఉండ‌టం అన‌వ‌స‌రం అనుకుంటే మాత్రం ఎలిమినేష‌న్ జ‌ర‌గ‌క త‌ప్ప‌దు. ఇదిలా వుంటే నాగార్జున తొలిసారి కంటెస్టెంట్ల‌పై విశ్వ‌రూపం చూపించాడు. ప్ర‌తిదానికి సుతి మెత్త‌గా న‌చ్చ‌జెప్పే ఆయ‌న ఇంటిస‌భ్యుల తీరుపై తీవ్ర‌స్థాయిలో విరుచుకుప‌డ్డారు. కొట్ట‌డానికి కూడా వెన‌కాడ‌ను అని సంకేతాలు ఇవ్వ‌డంతో హౌస్‌మేట్స్‌ షాక్‌లో ఉండిపోయారు. (నేడు బిగ్‌బాస్ హౌస్‌ను వీడ‌నున్న గంగ‌వ్వ‌) తాజాగా రిలీజ్ చేసిన ప్రోమో ప్ర‌కారం... నామినేష‌న్ ప్ర‌క్రియ‌లో అఖిల్‌, అభిజిత్.. మోనాల్‌ను మ‌ధ్య‌లోకి తీసుకురావ‌డంపై నాగ్ సీరియ‌స్ అయ్యారు. ఆమె ఏడుస్తున్నా కూడా ఆమె గురించే మాట్లాడట‌మేంట‌ని ప్ర‌శ్నించారు. నోయ‌ల్‌, అమ్మ రాజ‌శేఖ‌ర్‌ల‌కు కూడా క్లాస్ పీకారు. ఒక‌రికి నువ్వు న‌చ్చ‌లేదంటే అరిచేస్తావా అని సోహైల్‌ను తిట్టిపోశారు. ఇంకోసారి ఇంట్లో ఆడ‌పిల్ల‌ల మీద అరిస్తే కొర‌డా దెబ్బ‌లు తప్ప‌వంటూ కొర‌డాను ఘుళిపించారు. మ‌రి నేటి ఎపిసోడ్‌లో నాగ్ కోపాన్ని ఇంటిస‌భ్యులు ఎలా కూల్ చేస్తారో, ఆయ‌న ఎవ‌రెవ‌రిని సేవ్ చేస్తారో తెలియాలంటే ఇంకొద్ది గంట‌లు ఓపిక ప‌ట్టాల్సిందే. (బిగ్‌బాస్‌: ప్ర‌తిసీజ‌న్‌లో అర్జున్‌రెడ్డిలు వీరే..)

బిగ్‌బాస్ హౌస్‌లో ముప్పై రెండ‌వ రోజు కెప్టెన్సీ టాస్క్ కాస్త‌ ఆస‌క్తిక‌రంగా సాగింది. కానీ కెప్టెన్ సోహైల్ అనే విష‌యం ఎపిసోడ్ ప్రారంభానికి ముందే లీక‌వ‌డం గ‌మ‌నార్హం. ఇక చాప కింద నీరులా అవినాష్‌, అరియానాల మ‌ధ్య ప్రేమ వ్య‌వ‌హారం సాగుతున్న‌ట్లు కనిపిస్తోంది. కెప్టెన్సీ టాస్కులో అవినాష్‌కు ఆమె తెగ సపోర్ట్ చేసింది. నిన్న అభి స్టార్లు లాక్కున్నాడ‌ని అలిగిన హారిక‌కు అత‌డు హ‌గ్ ఇవ్వ‌డంతో ఆమె ముఖం మ‌తాబులా వెలిగిపోయింది. కానీ నామినేష‌న్ ప్ర‌క్రియ నుంచి వేర‌యిన అఖిల్‌, మోనాల్ మాత్రం ఇప్ప‌టికీ క‌లివిడిగా ఉండ‌లేక‌పోతున్నారు. నిన్న మోనాల్ వెన‌క నుంచి వ‌చ్చి హ‌గ్గిచ్చినా కూడా అఖిల్‌కు కోపం త‌గ్గ‌లేదు. ఈ రోజు కూడా ఆమె మాట్లాడ‌మ‌ని ఎంత‌గా బ‌తిమిలాడిన‌ప్ప‌టికీ మౌన‌మే స‌మాధాన‌మైంది. ఇక నేటి బిగ్‌బాస్ ఎపిసోడ్‌లో ఇంకా ఏమేం జ‌రిగాయో చ‌దివేయండి.. ఘోరంగా విఫ‌ల‌మైన అభిజిత్ ప్లాను అభిజిత్ త‌న చేతిలోని స్టార్లు లాగేసుకున్నాడ‌ని హారిక ప‌దేప‌దే త‌ల్చుకుంటూ ఏడ్చింది. త‌ర్వాత బీబీ హోట‌ల్ టాస్క్ ముగిసింద‌ని బిగ్‌బాస్ ప్ర‌క‌టించాడు. హోట‌ల్ సిబ్బంది ద‌గ్గ‌ర ఐదు స్టార్లు ఉన్న‌ప్ప‌టికీ అవి అతిథులు ఇష్ట‌పూర్వ‌కంగా ఇచ్చిన‌వి కానందున అతిథులే గెలిచిన‌ట్లు వెల్ల‌డించారు. దీంతో అభిజిత్ ప్లాన్ అంతా బూడిద‌లో పోసిన ప‌న్నీరయ్యింది. దీనికోసం హారిక‌తో గొడ‌వ కూడా పెట్టుకున్నానే అని బుంగ‌మూతి పెట్టుకున్న‌ హారిక ద‌గ్గ‌ర‌కు వెళ్లి ఆమెను హ‌త్తుకుని ఓదార్చాడు. ఒక్క హ‌గ్గుతో ఆమె అల‌క‌, కోపం అన్నీ ప‌టాపంచ‌ల‌య్యాయి. (చ‌ద‌వండి: సుజాత‌ది ఫేక్ న‌వ్వు, మోనాల్ ఆడుకుంటోంది) ఒంట‌రిగా గేమ్ ఆడిన అఖిల్‌, సుజాత గోరుముద్ద‌లు గెలిచిన టీమ్ నుంచి బెస్ట్ ప‌ర్‌ఫార్మ‌ర్ పేరును ఏకాభిప్రాయంతో చెప్ప‌మ‌న్నాడు. అప్పుడు మొద‌లైంది అస‌లు ముస‌లం.. ఎవ‌రికి వారే తానే బెస్ట్ అని చెప్పుకున్నారు. అందరూ క‌లిసి ఒక్క పేరు చెప్ప‌డానికి ముందుకు రాలేదు. దీంతో ఫ్రెండ్‌షిప్‌కు విలువిస్తే నాకు స‌పోర్ట్ చెయ్ అని మెహ‌బూబ్‌కు ఒక్క ముక్కలో తేల్చి చెప్పాడు సోహైల్‌. అలా సోహైల్ పేరును బెస్ట్ ప‌ర్‌ఫార్మ‌ర్‌గా ఎంపిక చేశారు. అంద‌రిక‌న్నా ఎక్కువ డ‌బ్బు ఉన్న అఖిల్‌, సీక్రెట్ టాస్క్‌లో గెలిచిన అవినాష్ కూడా కెప్టెన్సీ టాస్క్‌లో పోటీ చేసేందుకు అర్హ‌త సాధించారు. హోట‌ల్ సిబ్బందిలో వ‌రస్ట్ ప‌ర్‌ఫార్మ‌ర్‌గా ప్ర‌క‌టించుకున్న అమ్మ రాజ‌శేఖ‌ర్‌ను ఉల్లిపాయ‌లు త‌రిగి స్టోర్ రూమ్‌లో పెట్ట‌మ‌న్నాడు. రాత్రి అఖిల్‌కు సుజాత గోరుముద్ద‌లు తినిపించింది. ఇవాళ నేను ఒక్క‌డినే ఆడినందుకు మ‌జా అనిపించింది అన్నాడు. (చ‌ద‌వండి: బిగ్‌ బాస్‌ : దివి ‘పప్పు’ రీజన్‌పై నెటిజన్ల ట్రోలింగ్‌) మంచు నిప్పు టాస్క్‌ను జ‌యించిన సోహైల్‌ ముప్పై రెండ‌వ రోజు బిగ్‌బాస్ ఇంటి స‌భ్యుల‌కు "మంచు నిప్పు- మ‌ధ్య‌లో ఓర్పు" అనే కెప్టెన్సీ టాస్క్ ఇచ్చాడు. ఈ టాస్కుకు అభిజిత్ సంచాల‌కుడిగా వ్య‌వ‌హ‌రించారు. అఖిల్‌కు అభి ఆల్ ద బెస్ట్ చెప్ప‌డం విశేషం. త‌ర్వాత టాస్కు మొద‌ల‌వ‌గా కింద మంట‌ల వేడి, చేతిలోని ఐస్ గ‌డ్డ చ‌ల్ల‌ద‌నాన్ని త‌ట్టుకునేందుకు గ‌ట్టిగానే ప్ర‌య‌త్నించారు. అఖిల్‌కు కాళ్లు వ‌ణ‌కడం ప్రారంభ‌మ‌య్యాయి. త‌ర్వాత నొప్పులు భ‌రించ‌లేక ఒక్కొక్క‌రు అరవ‌డం ప్రారంభించాడు. అఖిల్ ప‌డిపోవ‌డంతో మిగ‌తా ఇంటి స‌భ్యులు వెళ్లి అత‌డి చేతులు రుద్దారు. త‌ర్వాత అవినాష్‌, ఆ వెంట‌నే సోహైల్ బ‌య‌ట‌కు వ‌చ్చేశారు. దీంతో సోహైల్ ఇంటి కెప్టెన్‌గా ఎన్నిక‌య్యాడు. (చ‌ద‌వండి: ఈ వారం నామినేష‌న్‌లో ఉన్న‌ది వీళ్లే) ఇంటికి పోతా: గ‌ంగ‌వ్వ‌ త‌ర్వాత నేల‌పై ప‌డుకున్న అఖిల్ ద‌గ్గ‌ర‌కు వెళ్లి మోనాల్ ముద్దుముద్దుగా కోప‌మొస్తే ఏదైనా చెయ్ కానీ నువ్వు నాతో ఎందుకు మాట్లాడ‌ట్లేదురా అని అడిగింది. నేనేం చేశానో చెప్పు అని నిల‌దీసింది. అయినా అత‌డు మౌనం వీడ‌క‌పోవ‌డంతో చేసేదేం లేక రుస‌రుసా వెళ్లిపోయింది. కానీ అఖిల్ ఓ మూల‌న కూర్చుని బాధ‌ను కక్కేస్తూ‌ ఏడ్చేశాడు. అఖిల్ బాధ‌ను ప‌సి గ‌ట్టిన గంగ‌వ్వ ఏమైందంటూ వెళ్లి అరుచుకుంది. త‌ర్వాత అవినాష్ పులిహోర క‌బుర్లు మొద‌లుపెట్టేశాడు. దివి హైట్ త‌క్కువ ఉంటుందేమో, నాకేమైనా క‌లిసొస్తుంద‌నుకున్నా అని నిరుత్సాహ‌ప‌డ్డాడు. మ‌గ‌వాడిలా న‌డుస్తుంద‌ని ఓసారి న‌డిచి చూపించాడు. నువ్వు దివిని చూస్తున్నావ‌ని మొద‌టిరోజే ప‌సిగ‌ట్టాన‌ని అరియానా అన‌డంతో లేదు, నిన్ను చూశానంటూ డైలాగ్ కొట్టాడు. మ‌ళ్లీ ట్ర‌యాంగిల్ ల‌వ్ స్టోరీ గురించి దివి, అవినాష్ గుసగుస‌లు పెట్టుకున్నారు. గంగ‌వ్వ‌కు మ‌ళ్లీ ఇంటి మీద మన‌సు ప‌డింది. అన్నం పోత‌లేదు, ఇంటికి పోతా అని అఖిల్‌తో త‌న బాధ చెప్పుకొచ్చింది. (చ‌ద‌వండి: బిగ్‌ బాస్‌లో ఇక నాగార్జున కనిపించడా?)

బిగ్‌బాస్ ఇచ్చిన బీబీ హోట‌ల్ టాస్క్‌లో అతిథులు స‌క‌ల మ‌ర్యాదలు చేయించుకుంటూ అన్ని సేవ‌ల‌ను పొందారు. కానీ హోట‌ల్ సిబ్బంది మాత్రం నానా క‌ష్టాలు ప‌డినా కేవ‌లం టిప్పు ద‌క్కించుకున్నారే త‌ప్పితే స్టార్లు మాత్రం పొంద‌లేదు. అయితే అతిథులెవ‌రూ స్టార్లు ఇచ్చేలా క‌నిపించ‌క‌పోవ‌డంతో అభిజిత్ త‌న మెద‌డుకు ప‌దును పెట్టాడు. అత‌ను 5 స్టార్ల‌ను దొంగిలించి హారిక చేతిలో పెట్టాడు. త‌ర్వాత ఆమె ఒక్క స్టార్ ఇస్తానంటుంటే విన‌కుండా ఉన్న‌వ‌న్నీ లాగేసుకున్నాడు. హారిక బాధ‌ప‌డుతున్నా వినలేదు. కానీ ఈ టాస్క్‌లో అత‌ని ఎత్తు పార‌లేద‌ని తెలుస్తోంది. కెప్టెన్సీ టాస్క్‌లో పాల్గొనేందుకు సోహైల్ మెహ‌బూబ్‌తో చ‌ర్చిస్తుండ‌టాన్ని చూస్తుంటే అతిథులే విజేత‌లుగా నిలిచార‌ని స్ప‌ష్ట‌మ‌వుతోంది. (చ‌ద‌వండి: అభిజిత్‌ మైండ్‌ గేమ్‌.. కంటతడి పెట్టిన హారిక) ఇక గ‌తంలో ఆడిన కాయిన్ల టాస్కులో కంటి మీద కునుకు లేకుండా క‌ష్ట‌ప‌డి దొంగిలించిన కాయిన్ల‌ను సోహైల్.. త‌న స్నేహితుడు మెహ‌బూబ్‌కు త్యాగం చేసిన విష‌యం తెలిసిందే. ఈ విష‌యాన్ని అత‌డు ప‌రోక్షంగా ప్ర‌స్తావిస్తూ.. "ఇంత‌కుముందు నేను నీకు ఛాన్స్ ఇచ్చాను. కాబ‌ట్టి ఈసారి నాకు ఛాన్స్ ఇవ్వు. ఫ్రెండ్‌షిప్‌కు విలువిస్తే నాకు అవ‌కాశ‌మివ్వు, లేదంటే నీ ఇష్టం" అని దిల్‌సేను ముక్కుసూటిగా అడిగాడు. దీంతో అయోమ‌యంలో ప‌డ్డ మెహ‌బూబ్ స్నేహితుడికి స‌పోర్ట్ చేస్తాడా? లేదా? చూడాలి. మ‌రోవైపు బిగ్‌బాస్ హౌస్‌కు సోహైల్ ఐదో కెప్టెన్‌గా ఎన్నిక‌య్యాడ‌ని లీకువీరులు ట‌ముకు వేసి మ‌రీ చెప్తున్నారు. ఇక‌ అభిజిత్ స్టార్లను దొంగిలించ‌డంపై సెటైర్లు వినిపిస్తున్నాయి. 'నొక్కేయాల్సిన కాయిన్ల టాస్కులో సైలెంట్‌గా కూర్చున్న‌దే కాకుండా దొంగ‌త‌నం చేసిన‌వాళ్ల‌పై అరిచాడు.. ఇప్పుడేమో సంపాదించాల్సిన చోట నొక్కేశాడు. ఇదేం గేమ్‌రా బాబూ‌!", "రేపు అభిజిత్ త‌న సినిమాకు 5 స్టార్ రేటింగ్ ఇస్తేనే సినిమా విడుద‌ల చేస్తాడేమో"న‌ని వ్యంగ్యాస్త్రాలు సంధిస్తున్నారు. (చ‌ద‌వండి: బిగ్‌బాస్‌ను వ‌దిలేది లేదంటున్న నాగ్‌!)

బిగ్‌బాస్ హౌస్‌లో వినోదాత్మకంగా మొదలైన బీబీ హోటల్‌ టాస్క్‌ కాస్త సీరియస్‌గా మారింది. అతిథుల మెప్పు కోసం సిబ్బంది నానా కష్టాలు పడింది. ముఖ్యంగా అవినాష్‌ సీక్రెట్‌ టాస్క్‌తో హౌస్‌లో ప్రకంపనలు చెలరేగాయి. మోనాల్‌పై అఖిల్‌ సీరియస్‌ అయ్యాడు. అమ్మ రాజశేఖర్‌ మాస్టర్‌ స్వీమ్మింగ్‌ టాస్క్‌ విజయవంతంగా పూర్తి చేశాడు. ముఖ్యంగా అభిజిత్‌ మైండ్‌ గేమ్‌, హారిక ఏడుపు, మెహబూబ్‌పై అవినాష్‌ ఫైర్‌ లాంటి సన్నివేశాలు నేటి ఎపిసోడ్‌లో ఆసక్తికరంగా మారాయి. ఇంకా ఈ రోజు బిగ్‌ బాస్‌ హౌస్‌లో ఏమేం జరిగాయో డిటైల్డ్‌గా చూసేద్దాం.. పిన్ను పెట్టిన చిచ్చు తనకు మటన్‌ బిర్యానీ కావాలని సోహైల్‌ ఆర్డర్‌ ఇవ్వగా.. హోటల్‌ సిబ్బంది కష్టపడి వండింది. అయితే దాంట్లో పొరపాటున చిన్న వెంట్రుక వచ్చింది. ఇంకేముంది సోహైల్‌ రెచ్చిపోయాడు. వెంటనే సిబ్బంది అంతా వచ్చి క్షమాపణలు చెప్పింది. ఇక సోహైల్‌ తీరును అమ్మ రాజశేఖర్‌ తప్పుపట్టాడు. కష్టపడి వండితే.. గుర్తింపులేదని అసహనానికి గురయ్యాడు. ఇదిలా ఉంటే సీక్రెట్‌ టాస్క్‌లో భాగంగా అవినాష్‌  సోహైల్‌కి పెట్టిన పుడ్‌లో హెయిర్‌పిన్ను ను పెట్టాడు. అయితే ఆ పిన్ను హోటల్‌ సిబ్బందే పెట్టిందని సోహైల్‌ ఫైర్‌ అయ్యాడు. అయితే సోహైలే పిన్ను పెట్టి తమను బ్లేమ్‌ చేస్తున్నాడని హోటల్‌ సిబ్బంది అనుమానించింది. దీంతో సోహైల్‌ ఒట్టుపెట్టుకొని మరీ నేను పెట్టలేదని చెప్పాడు. దీంతో అయోమయానికి గురైన సిబ్బంది... పొరపాటు పడి ఉండవచ్చని సోహైల్‌కి క్షమాపణలు చెప్పారు.  అలకెందుకని అఖిల్‌ని నిలదీసిన మోనాల్‌ నామినేషన్‌ ప్రక్రియ రోజు జరిగిన గొడవతో తనకు దూరంగా ఉంటున్న అఖిల్‌ను కూల్‌ చేసే ప్రయత్నం చేసింది మోనాల్‌. రిసెప్షన్‌లో ఉండి ఫోన్ మాట్లాడుతూ అఖిల్‌ని చూసి మెలికలు తిరుగుతూ..ఎందుకు మాట్లాడటం లేదని అని అఖిల్‌ని ప్రశ్నించింది. అయినప్పటికీ అఖిల్‌ స్పందించకపోవడంతో పరుగున వచ్చి అఖిల్‌ని వెనుక నుంచి వాటేసుకుంది. దూరంగా ఉండటానికి గల కారణమేంటని అడగ్గా.. తాను ఎవరితో మాట్లాడతలేనని అఖిల్‌ చెప్పాడు. ఇక టిప్‌ కావాలంటే  తన బెడ్‌ను రెండు నిమిషాల్లో సర్ధాలని హారిక సూచించగా..నోయల్‌ ఆ పనిచేశాడు. దీంతో నోయల్‌కు 2500 టిప్పు దొరికింది. సొమ్మసిల్ల పడ్డ రాజశేఖర్‌ మాస్టర్‌ ఇక రిచ్‌మేన్లుగా ఉన్న మెహబూబ్‌, సోహైల్‌ అయితే హోటల్‌ సిబ్బందికి చుక్కలు చూపించారు. హోటల్ టీంలో ఉన్న రాజశేఖర్ మాస్టర్‌కు 100 సార్లు స్విమ్మింగ్‌ పూల్‌లో దూకాలని టాస్క్‌ ఇచ్చారు. ఆయాసం వచ్చినప్పటికీ మాస్టర్‌ స్విమ్మింగ్‌ పూల్‌లో దూకుతూ లేస్తూ ఒళ్లు హూనం చేసుకున్నాడు. టాస్క్‌ని విజయవంతంగా కంప్లీట్‌ చేసిన మాస్టర్‌.. స్విమ్మింగ్‌ పూల్‌ నుంచి బయటకు వచ్చి కిందపడిపోయాడు. రాజశేఖర్‌ మాస్టర్‌ హార్డ్‌వర్క్‌ చూసి 3000 రూపాయల టిప్‌ ఇచ్చాడు మెహబూబ్‌.  ఇక అఖిల్‌కి 150 పుష్అప్‌లు  చేయాలని టాస్క్ ఇచ్చారు గెస్ట్‌లు.. అయితే అఖిల్ అతి కష్టం మీద 75 మాత్రమే తీయగలిగాడు. ఆ తరువాత అభిజిత్‌తో 20 కేజీలు ఎత్తించి 59 పుష్ అప్‌లు తీయించారు. ఈ క్రమంలో అభిజిత్‌ కూడా కిందపడిపోయాడు. అయితే అభిజిత్ కష్టపడుతుంటే సుజాత తెగ ఫీల్ అయిపోయింది.. ఏడుస్తూ వీళ్లను చూస్తుంటే భయంగా ఉంది అంటూ బాధపడింది. లాస్య ఆమెను ఓదార్చింది. అభి.. టాస్క్‌ను కంప్లీట్‌ చేయనప్పటికీ.. సోహైల్‌ 1000 రూపాయల టిప్పు ఇచ్చాడు.  ఒక్క మాట తేడా వచ్చినా.. పుచ్చెలు ఎగిరిపోతాయి : మెహబూబ్‌ తనకు సర్వీస్‌ సరిగా అందించడంలేదని పదే పదే చెప్పడంతో మెహబూబ్‌పై హోటల్‌ సిబ్బంది అసహనం వ్యక్తం చేసింది. ఈ క్రమంలో మెహబూబ్‌ సీరియస్‌ అయ్యాడు. ఒక్క మాట తేడా వచ్చినా... పుచ్చు పగిలిపోతుంది అంటూ హోటల్‌ సిబ్బందికి వార్నింగ్‌ ఇచ్చాయి. దీంతో ఆగ్రహానికి లోనైనా అఖిల్‌.. మెహబూబ్‌పై విరుచుకుపడ్డాడు.   రౌడీయిజం ఊర్లో చేస్కో.. అవినాష్‌  మెహబూబ్‌ అలాగే రెచ్చిపోతుండటంతో అవినాష్ రంగంలోకి.. రౌడీయిజం చూపించుకోవాలంటే ఊర్లో చూపించుకో.. ఇది బిగ్‌ బాస్‌ హౌస్‌.. ఇక్కడ చేసుకుంటే వేరేలా ఉంటుందంటూ గట్టి వార్నింగ్‌ ఇచ్చాడు. మధ్యలో ఇంటి సభ్యులు వచ్చి సముదాయించడంతో అక్కడితో గొడవ ఆగింది. తర్వాత మెహబూబ్‌ ఒక్కరికి సారీ చెబుతూ వచ్చాడు. ఇక అవినాష్‌కు సారీ చెప్పడమే కాకుండా.. సర్వీస్‌ నచ్చిందంటూ టిప్పు కూడా ఇచ్చాడు. ఇక గంగవ్వ తనకు సర్వీస్ బాగా చేసిన వాళ్లకి వరుసగా డబ్బులు ఇచ్చుకుంటూ పోతుంటే.. మెహబూబ్ సీరియస్ అయ్యాడు. అలా డబ్బులు ఇవ్వొద్దు అవ్వా.. నీ దగ్గర ఇంకా ఎంత ఉన్నాయ్.. ఆ మిగిలిన డబ్బులు నాకు ఇచ్చెయ్ అని తీసేసుకున్నాడు. అయితే గంగవ్వ ఇచ్చినట్టే ఇచ్చి నాకు ఎవరితోనూ పనిలేదు. రూపాయి కూడా ఇవ్వను అంటూ తిరిగి తీసేసుకుంది. హారిక- అభిజిత్ చిలిపి ముచ్చట్లు అభిజిత్-హారికలు వేరు వేరు టీంలలో ఉన్నందుకు తెగ ఫీలైపోయారు.నాకు ఏ సర్వీస్ కావాలన్నా నీ ద్వారా చేపించుకోవచ్చు.. అంటూ అభి కళ్లలోకి కళ్లు పెట్టు చూసిన హారిక.. బిగ్ బాస్ మా ఇద్దర్నీ ఇలా ఆపోజిట్ టీంలో ఎందుకు వేశావ్ చెప్పు.. దొంగ అంటూ తెగ సిగ్గు పడిపోయింది. ఆ తరవాత అభి సేవల్ని ఉపయోగించుకుంటూ అతనితో మసాజ్ చేయించుకుంది. టిప్‌ కోసం అభి.. అమ్మల లొల్లి అతిథులు ఇచ్చే టిప్‌ విషయంలో అభిజిత్‌, రాజశేఖర్‌ మాస్టర్ల మధ్య వివాదం చెలరేగింది. వచ్చిన దాంట్లో సగం టిప్‌ తనకు ఇవ్వాలని మాస్టర్‌ను అభి అడగ్గా.. ఇవ్వనని రాజశేఖర్‌ మాస్టర్‌ ముఖం మీదే చెప్పే చేశాడు.దీంతో అభిజిత్‌ మరోసారి మైండ్‌ గేమ్‌ ఆడుతూ.. నేను మేనేజర్‌ని..సర్వీస్ చేయడం మానేయమని చెప్తుంటే నువ్వు ఎందుకు వినవు.. అంటూ అభి మాస్టర్‌పై ఫైర్‌ కాగా, నువ్ చెప్తే నేను వినాలా? నేను వాళ్లకి చేసి పెడతా అంటూ గెస్ట్‌లకు పుడ్‌ ఇచ్చి టిప్‌ సంపాదించాడు రాజశేఖర్‌ ఇక మోనాల్‌తో మసాజ్ చేయించుకుని గోర్లు కట్ చేయించుకున్నాడు సొహైల్. అతనికి మసాజ్ చేస్తూ పాట కూడా పాడిన మోనాల్.. ఆ తరువాత అభిజిత్‌తో  మాట్లాడుతూ.. దివి కోసం మాస్టర్ ఆడుతున్నాడని.. ఆమెను కెప్టెన్ చేయడానికి మాస్టర్ చాలా కష్టపడుతున్నాడని చెప్పింది. నిజమే అన్నట్లు తల ఊపిన అభి.. కెప్టెన్సీ టాస్క్‌లో నాకు హెల్ఫ్‌ చేస్తానని మాట తప్పారని మాస్టర్‌పై అసంతృప్తిని వెల్లగక్కాడు. అఖిల్‌ మైండ్‌ గేమ్‌.. హారిక కంటతడి ఇక హోటల్‌ సిబ్బంది సర్వీస్‌కు మెచ్చి హారిక ఒక స్టార్‌ ఇవ్వడానికి ముందుకు రాగా, అది ఆమె వ్యక్తిగతం అని మెహబూబ్‌ చెప్పాడు. అయితే అప్పటికే 5 స్టార్లను దొంగిలించిన అఖిల్‌.. హారికకు ఈ విషయం చెప్పాడు. అయితే తన స్టార్‌ తనకు ఇస్తే తిరిగి ఇస్తానని హారిక చెప్పగా.. అభిజిత్‌ తెలివిగా 5 స్టార్లను తన చేతిలో పెట్టి..తిరిగి తీసుకున్నాడు. దీంతో 5 స్టార్లు అతిథులు ఇచ్చినట్లే అని అభి చెప్పగా.. లేదు లేదు నేను ఒక్కటే స్టార్‌ ఇచ్చానని హారిక చెప్పింది. అయినప్పటికీ గేమ్‌ ప్రకారం 5 స్టార్లు నువ్వే నా చేతికి ఇచ్చావని చెప్పడంతో బిత్తిరి ముఖం వేసింది. పదే పదే బిగ్‌బాస్ కెమెరా ముందుకు వచ్చి నేను ఒకటే స్టార్ ఇచ్చాను. ఐదు స్టార్స్ ఇవ్వలేదని కంటతడి పెట్టింది.

బిగ్‌బాస్ షోలో ట్ర‌యాంగిల్ ల‌వ్ స్టోరీ న‌డిపిద్దామ‌నుకుంటే అది కాస్తా ఎన్నో మ‌లుపులు తిరుగుతోంది. నిన్న‌టి నామినేష‌న్ ప్ర‌క్రియ‌లో మోనాల్ కోసం అఖిల్‌, అభిజిత్ కొట్టుకునే ప‌రిస్థితికి వెళ్లారు. దీంతో ద‌య‌చేసి త‌న పేరును తీయొద్దంటూ మోనాల్ గ‌ద్గ‌ద స్వ‌రంతో అరుస్తూ బోరుమ‌ని ఏడ్చింది. ఇది నేష‌న‌ల్ మీడియా అని, త‌న క్యారెక్ట‌ర్‌ను బ్యాడ్ చేయొద్దంటూ చేతులెత్తి వేడుకుంది. అన‌వ‌స‌రంగా మోనాల్ మ‌న‌సును బాధ‌పెట్టామే అని భావించిన అఖిల్‌, అభిజిత్ ఆమెను క్ష‌మించ‌మ‌ని కోరారు. ఓ వైపు సారీ చెప్తూనే, నేను మాత్రం ఈ టాపిక్ తీయ‌లేదు అని అభిజిత్ త‌న అభిప్రాయాన్ని చెప్తూ ఉంటే మోనాల్ మాత్రం పాతాళ‌గంగ‌లా మారి ఏడుస్తూ ఉండిపోయింది. దీంతో అత‌డు స్వ‌యంగా క‌న్నీళ్లు తుడిచి ఓదార్చాడు. అటు అఖిల్‌.. వేరే అమ్మాయికి నీ గురించి చెప్ప‌డం త‌ప్పు, అందుకే నీ కోసం కొట్లాడాను, త‌ప్ప నాకు ఒక టాపిక్ దొర‌కాల‌ని కాదు అని మోనాల్‌కు అర్థ‌మ‌య్యేలా వివ‌రించాడు. దీంతో అత‌డికి హ‌గ్ ఇచ్చి కూల్ అయిపోయింది. నిన్న నామినేష‌న్‌లో అన‌వ‌స‌రంగా మోనాల్‌ను మ‌ధ్య‌లోకి లాగి ఏడిపించి ఇప్పుడు సారీ చెప్తున్నారా? అని నెటిజ‌న్లు విమ‌ర్శిస్తున్నారు. కానీ ఈ గొడ‌వ ఇక్క‌డివ‌రకు రావ‌డానికి మూల కార‌ణ‌మే మోనాల్‌. మొద‌టి నుంచి ఇద్ద‌రితో క‌లిసి మాట్లాడ‌కుండా ఒక‌రి త‌ర్వాత ఒక‌రితో మాట్లాడేది. పైగా అభి ఏమంటున్నాడనేది అఖిల్‌తో, అఖిల్ ఏమంటున్నాడనేది అభితో చెప్పుకొచ్చేది. అక్క‌డి విష‌యాలు ఇక్క‌డ చెప్ప‌క‌ని అఖిల్ కోప‌గించుకోవ‌డంతో ఆమె కాస్త వెన‌క‌డుగు వేసింది. ఇక స్టోర్ రూమ్‌లో అభికి ఐ లైక్ యూ అని చెప్ప‌డం, దీంతో తెగ ఫీలైపోయిన అభి ఈ విష‌యాన్ని దివి, హారిక‌ల‌తో చెప్ప‌డం, వారు సెటైర్లు వేయడం, దీన్ని నాగార్జున వీకెండ్‌లో అడ‌గటం, మోనాల్ ప‌రువు గంగ‌లో క‌లిసిపోవ‌డం జ‌రిగింది. అప్ప‌టి నుంచి చాలామంది ఇది బిగ్‌బాస్ షో కాదు మోనాల్ షో అని విమ‌ర్శిస్తున్నారు. కంటెస్టెంట్లు అంద‌రికీ ఒక్క‌రే బిగ్‌బాస్ అయితే మోనాల్‌కు మాత్రం ఇద్ద‌రు బిగ్‌బాస్‌లు ఉన్నార‌ని సెటైర్లు వేస్తున్నారు.

మొన్న జ‌రిగిన కాయిన్ల టాస్క్ గురించి నాగ్ పంచాయితీ పెట్టారు. ఈ గేమ్‌లో ఎవ‌రెవ‌రికి ఎవ‌రు దోషులుగా అనిపించార‌నేది గేమ్ ఆడించారు. కాయిన్ల వేట‌లో విల‌న్‌గా మారిన సోహైల్‌, మెహ‌బూబ్‌ల‌ను బాగా ఆడార‌ని మెచ్చుకున్నారు. నోరు తెరిస్తే చాలు ఇంగ్లీషు ముక్క‌లే మాట్లాడుతున్న హారిక‌, అభిజిత్‌ల‌కు శిక్ష విధించారు. నేటి ఎపిసోడ్‌లో సేఫ్ జోన్ కంటెస్టెంట్ల‌ను ప్ర‌క‌టించ‌కుండా నేరుగా స్వాతి దీక్షిత్‌ను ఎలిమినేట్ చేయ‌డం గ‌మ‌నార్హం. ఊహించ‌ని ప‌రిణామానికి ఇంటిస‌భ్యులు షాక్‌కు లోన‌య్యారు. బిగ్‌బాస్ షోలోని నేటి ఎపిసోడ్‌లో ఇంకా ఏమేం జ‌రిగాయో చ‌దివేసేయండి.. ఇంటి స‌భ్యుల‌తో దొంగా పోలీసు ఆట ఎప్ప‌టిలాగే మ‌ళ్లీ సుజాత నాగ్‌ను బిట్టు అని పిలుస్తూ, కిల‌కిల‌మ‌ని న‌వ్వుతూ ఉండ‌గా షో ప్రారంభ‌మైంది. ఇక ఈ వారం టాస్క్ ఎందుకు ఆడ‌లేద‌ని నాగ్ గంగ‌వ్వను ప్ర‌శ్నించారు. త‌న‌కు చేత కావ‌డం లేద‌ని ఆమె చెప్పడంతో త‌ర్వాత నుంచి బాగా ఆడాల‌ని హిత‌వు ప‌లికారు. నోయ‌ల్ నేర్పిన తెలుగు ర్యాప్ సాంగ్‌ను మోనాల్‌ పాడి అంద‌రినీ ఆక‌ట్టుకుంది. అనంత‌రం ఇంటి స‌భ్యుల‌తో దొంగా పోలీసు ఆట ఆడించారు. అరియానా.. అమ్మ రాజ‌శేఖ‌ర్‌ను దోషిగా నిల‌బెట్ట‌గా అత‌డిని మిగ‌తా ఇంటి స‌భ్యులు నిర్దోషిగా తేల్చి చెప్పారు. సుజాత‌.. సోహైల్‌ను దోషిగా బోనులో నిల‌బెట్టింది. కానీ నాగ్ మాత్రం సోహైల్‌కు స‌పోర్ట్ చేస్తూ, బాగా ఆడావ‌ని మెచ్చుకున్నారు. ఇంటి స‌భ్యులు కూడా అత‌డిని నిర్దోషిగా ప్ర‌క‌టించారు. అమ్మ రాజ‌శేఖ‌ర్ కూడా సోహైల్‌నే దోషిగా నిల‌బెట్టగా ప్ర‌తీ ఒక్క‌రూ అత‌డు నిర్దోషి అనే ప్ర‌క‌టించారు రుజువు చేశారు. కుమార్ సాయి.. అమ్మ రాజ‌శేఖ‌ర్‌ను దోషిగా అన్న‌ప్ప‌టికీ హౌస్‌మేట్స్ ఆయ‌న్ను అమాయ‌కుడిగా ప్ర‌క‌టించారు. (చ‌ద‌వండి:  బిగ్‌బాస్‌: లక్ష రూపాయలు పట్టేసిన గంగవ్వ) హారిక‌, అభిజిత్‌కు ప‌నిష్మెంట్ ఎప్పుడూ ఇంగ్లీషులోనే మాట్లాడుతున్నందుకు అభిజిత్‌, హారిక‌కు నాగ్ క్లాస్ పీకారు. రాక‌పోయినా తెలుగులో మాట్లాడుతున్నావ‌ని మోనాల్‌ను మెచ్చుకుంటూనే ఈ ఇద్ద‌రికీ అక్షింత‌లు వేశారు. ఇంగ్లీషులోనే వాగేస్తున్న అభిజిత్‌, హారిక‌ల వీడియోను నాగ్ ప్లే చేశారు. దీంతో ఏం చెప్పాలో అర్థం కాని అయోమ‌యంలో ప‌డిపోయిన అభిజిత్‌ త‌న ఆలోచ‌న‌ల‌ను తెలుగులో చెప్ప‌డానికి స‌మ‌యం ప‌డుతుంద‌ని, అందుకే ఇంగ్లీషులో మాట్లాడాన‌ని త‌ప్పును క‌ప్పి పుచ్చే ప్ర‌య‌త్నం చేశాడు. మీరు మాట్లాడేది చాలామందికి అర్థం కావ‌డం లేద‌ని అస‌హ‌నం వ్య‌క్తం చేసిన నాగ్‌ ఈ రోజు ఎపిసోడ్ పూర్త‌య్యేంత‌వ‌ర‌కు వీరిద్ద‌రూ నిల్చునే ఉండాలని శిక్ష విధించారు. అనంత‌రం సోహైల్.. దివిని దోష‌ని చెప్పగా.. ఆమెను నిర్దోషిగా రుజువు చేశారు. త‌ర్వాత‌ దివి సోహైల్‌నే దోషి అని ప్రక‌టించింది. అనంత‌రం అఖిల్.. మాస్ట‌ర్‌ను దోషిగా నిల‌బెట్ట‌గా అంద‌రూ అదే అభిప్రాయాన్ని వ్య‌క్తం చేశారు. అవినాష్‌.. దివిని దోషిగా బోనులోకి ర‌మ్మ‌న‌గా ఆమె బాగా ఆడ‌లేద‌ని అంద‌రూ పెద‌వి విరిచారు. అనంత‌రం అరియానా, అవినాష్‌ల సీక్రెట్ వ్య‌వ‌హారాన్ని నాగ్‌ బ‌య‌ట‌పెట్టారు. నువ్వు చాలా కూల్ అని అరియానా ‌గురించి రాశాడ‌ని నాగ్ వెల్ల‌డించారు. (చ‌ద‌వండి: నాతో జీవితంలో మాట్లాడ‌కు: అమ్మ రాజ‌శేఖ‌ర్‌) ట్ర‌యాంగిల్ ల‌వ్ స్టోరీపై చ‌ర్చ‌ లాస్య‌.. స్వాతిని దోషిగా చెప్ప‌గా నాగ్ కూడా అదే అభిప్రాయాన్ని తెలిపారు. నోయ‌ల్ దోషిగా నిల‌బెట్టిన సుజాతనే  మిగ‌తావారంద‌రూ దోషిగా తేల్చారు. మెహ‌బూబ్‌.. లాస్య సేఫ్ గేమ్ ఆడింద‌ని చెప్ప‌గా అదే నిజ‌మ‌ని రుజువైంది. మోనాల్‌.. అభిజిత్‌ను దోషిగా నిల‌బెట్ట‌గా అంద‌రూ అవున‌ని చెప్పారు. త‌ర్వాత హౌస్‌లో ట్ర‌యాంగిల్ లవ్ స్టోరీ గురించి చ‌ర్చ మొద‌లైంది  నువ్వంటే ఇష్టం అని మోనాల్‌.. అభికి చెప్పిన విష‌యాన్ని దివి బ‌య‌ట‌పెట్టింది. అఖిల్‌ ప‌డుకున్నాకే అభి ద‌గ్గ‌ర‌కు వ‌చ్చి మాట్లాడుతుంద‌ని చెప్పుకొచ్చింది. ఈ విష‌యంలో అభిపై జోకులు వేశామ‌ని తెలిపింది. కానీ ఆమె చెప్పిన పాయింట్ల‌కు బాధ‌ప‌డ్డ మోనాల్ క‌న్నీళ్లు పెట్టుకుంటూ దీన్ని ట్ర‌యాంగిల్ చేయ‌కండి, త‌న క్యారెక్ట‌ర్ కించ‌ప‌ర్చ‌కండంటూ బోరున ఏడ్చేసింది. కాయిన్ల టాస్క్‌లో పాల్గొన‌నందుకు గంగ‌వ్వ‌, తెలుగు మాట్లాడ‌నందుకు శిక్ష అనుభ‌విస్తున్న‌ అభి, హారికల‌కు ఈ గేమ్ ఆడేందుకు చాన్స్ ఇవ్వ‌లేదు. త‌ర్వాత స్వాతి దీక్షిత్ ఎలిమినేట్ అయిన‌ట్లు ప్ర‌క‌టించారు. దీంతో నోయ‌ల్ చిన్న‌పిల్లాడిలా ఏడ్చాడు. (ఫొటో గ్యాలరీ కోసం ఇక్కడ క్లిక్ చేయండి)

బిగ్‌బాస్ నాల్గ‌వ సీజ‌న్ ప్రారంభ‌మైన నాటి నుంచి షోపై ప్రేక్ష‌కుల‌కు ఒక ఫిర్యాదు ఉంది. అదేంటంటే చాలామంది ఇది తెలుగు బిగ్‌బాస్ అన్న విష‌యాన్ని మర్చిపోతూ నానా భాష‌లు మాట్లాడేస్తున్నారు. మొద‌ట్లో గుర్రు పెట్టి నిద్ర‌పోయిన బిగ్‌బాస్ దీన్నంత‌గా ప‌ట్టించుకోలేదు. కానీ సోష‌ల్ మీడియాలో ఈ ఇంగ్లీష్ పీస్ మా వ‌ల్ల కాదంటూ నెటిజ‌న్లు త‌మ గోడు ఏక‌రువు పెట్టారు. దీంతో బిగ్‌బాస్ ఇంటి స‌భ్యుల‌ను హెచ్చ‌రించాడు. కానీ ఇప్ప‌టికీ కొంద‌రిలో ఎలాంటి మార్పు రావ‌డం లేదు. గుజ‌రాతీ భామ మోనాల్ క‌ష్ట‌ప‌డి ఇష్టంతో తెలుగు నేర్చుకుని మాట్లాడుతుంటే తెలుగు రాష్ట్రాల్లోనే పుట్టి పెరిగిన ఓ ఇద్ద‌రు మాత్రం ఎప్పుడు చూసినా ఇంగ్లీషులోనే క‌బుర్లు చెప్పుకుంటున్నారు. ఇది ప్రేక్ష‌కుల స‌హనానికి ప‌రీక్ష‌గా మారింది. చ‌క్క‌గా తెలుగులో మాట్లాడ‌కుండా, ఇదేం గోల, వీళ్ల ఓవ‌ర్ యాక్ష‌న్ వ‌ల్ల‌ ఎపిసోడ్ చూడాలంటేనే విసుగు వ‌స్తోందంటూ చాలామంది సోష‌ల్ మీడియాలో కామెంట్లు చేస్తున్నారు. (చ‌ద‌వండి: బిగ్‌బాస్‌: ఈ వారం నామినేషన్‌లో ఏడుగురు) ఈ విష‌యం నాగ్ చెవిన కూడా ప‌డిన‌ట్లు క‌నిపిస్తోంది. ఇంగ్లీషులో మాట్లాడినందుకు హారిక‌, అభిజిత్ మీద నాగ్ గ‌ర‌మ‌య్యారు. తెలుగు వ‌చ్చినా ఇంగ్లీషులో మాట్లాడుతున్నారని క్లాస్ పీకారు. కాగా అభిజిత్ తెలుగులో మాట్లాడుతున్నా హారిక ఇంగ్లీషులో ముచ్చ‌ట ప్రారంభించ‌డంతో అత‌ను కూడా తెలుగును ప‌క్క‌న పెట్టేస్తున్నాడు. నిజానికి హారిక  తెలంగాణ యాస‌తో వీడియోలు చేయ‌డం వ‌ల్లే యూట్యూబ్ స్టార్‌గా ఎదిగింది‌. హౌస్‌లోనూ త‌న యాస‌తో అంద‌రినీ మెప్పిస్తుంద‌నుకుంటే యాస కాదు క‌దా తెలుగునే ప‌క్క‌న‌పెట్టేసి అభిమానుల‌ను కూడా నిరుత్సాహ‌ప‌రుస్తోంది. మ‌రి ఇప్ప‌టికైనా ఈ ఇద్ద‌రు కంటెస్టెంట్లు నాగ్ మాట‌ను చెవినెక్కించుకుంటారో, లేదోన‌ని కొంద‌రు నెటిజ‌న్లు అనుమానం వ్యక్తం చేస్తున్నారు. అస‌లు ఈ రోజు కోసం ఎంత‌లా వేచి చూశామోనంటూ మ‌రికొంద‌రు సంతోషప‌డుతున్నారు. (చ‌ద‌వండి: బిగ్‌బాస్‌: అదృష్టాన్ని కాలితో త‌న్నేశాడు)

బిగ్‌బాస్ నాల్గ‌వ సీజ‌న్‌లో ఈ మ‌ధ్యే జ‌రిగిన ఫిజిక‌ల్ టాస్క్ నుంచి ఏ ఒక్క‌రూ బ‌య‌ట‌ప‌డిన‌ట్లు క‌నిపించ‌డం లేదు. ఆ మ‌ధ్య త‌న‌కు అనిపించింద‌ని చెప్పినందుకు లాస్య విల‌న్ అవ‌గా అప్ప‌టినుంచి సైలెంట్ అయిపోయింది. అభిజిత్‌, అఖిల్ ఇద్ద‌రితో క‌లివిడిగా తిరిగే మోనాల్ ఇప్పుడు అఖిల్‌ను మాత్రమే అంటిపెట్టుకొని ఉంటోంది. అటు హారిక‌తో క్లోజ్‌గా ఉండే అభి కొత్త‌గా వ‌చ్చిన స్వాతి దీక్షిత్‌తోనే ఎక్కువ స‌మ‌యం ఉంటూ దేత్త‌డిని ప‌క్కన పెట్టేశాడు. మాస్ట‌ర్ అంద‌రినీ త‌న మాయ‌మాట‌ల‌తో న‌మ్మిస్తూ నేటి టాస్క్‌లో బాగానే బురిడీ కొట్టించాడు. నేటి ఎపిసోడ్‌లో ఇంకా ఏమేం జ‌రిగాయో చ‌దివేయండి.. ఓట‌మి నుంచి బ‌య‌ట‌ప‌డ‌ని మెహ‌బూబ్‌ మార్నింగ్ మ‌స్తీలో సోహైల్ దొంగ‌త‌నాలు నేర్పించాడు. త‌ర్వాత టాస్క్ కోసం నాగ్ న‌న్ను మెచ్చుకున్నారంటే న‌న్ను మెచ్చుకున్నాడ‌ని అభిజిత్‌, సోహైల్ చిన్న‌పిల్ల‌ల్లా మాట‌ల యుద్ధానికి దిగారు. 'కోప‌మొస్తే రేప్పొద్దున న‌న్ను కొట్టినా కొట్టేస్త‌వ్' అని అభి అంటే లేద‌ని సోహైల్ స‌మాధాన‌మిచ్చాడు. కానీ నువ్వు మామూలోడివి కావు, మ‌గాడిలా ఆడ‌ని సోహైల్ స‌ల‌హా ఇచ్చాడు. కండ‌లు వాడేస్తే మ‌గాడివైత‌వా? బ్రెయిన్ కూడా వాడ‌ని అభి తిరిగి కౌంట‌ర్ ఇచ్చాడు. దీంతో కోపం న‌షాళానికంటిన సోహైల్‌ అమ్మాయిల‌ను పెట్టుకుని ఆడ‌త‌వు, మ‌గాడిలా ఆడు అని చిర్రుబుర్రులాడాడు. దీంతో అన‌వ‌స‌రంగా కోపానికి రాకు అని అఖిల్‌ సోహైల్‌ను ఊర‌డించాడు. ఆ త‌ర్వాత అభిజిత్‌, మెహబూబ్ సైతం మ‌ళ్లీ అదే టాస్క్ గురించి గొడ‌వ ప‌డ్డారు. 'మా మ‌నుషుల టీమ్ ఓడిపోవ‌డానికి కార‌ణం నువ్వు కాబ‌ట్టి నిన్ను నామినేట్ చేశా'న‌ని మెహ‌బూబ్ చెప్ప‌డంతో ఓటమిని జీర్జించుకోలేక‌పోతున్నార‌ని చెప్ప‌క‌నే తెలుస్తోంది. అభి, కుమార్ ద‌గ్గ‌ర కాయిన్లు కొట్టేసిన దివి అనంత‌రం బిగ్‌బాస్‌ కెప్టెన్సీ టాస్క్ ఇచ్చాడు. ఇందులో ఎవ‌రిద‌గ్గ‌ర ఎక్కువ కాయిన్స్ ఉంటే వారికి ప్ర‌త్యేక ప్ర‌యోజ‌నాలు ల‌భిస్తాయ‌ని తెలిపాడు. ఆట మొద‌ల‌వ‌గానే ఇంటి స‌భ్యులంద‌రూ పోటాపోటీగా కాయిన్స్ సేక‌రించారు. అయితే మోనాల్‌, అఖిల్ క‌లిసి ఆడారు. అటు స్వాతి కూడా త‌న కాయిన్స్ అభికి ఇచ్చేస్తా అంది. అభి, కుమార్ దాచుకున్న కాయిన్ల‌ను దివి ఒక్క‌టి కూడా మిగ‌ల్చ‌కుండా ఎత్తుకుపోయింది. దీంతో త‌న‌వి తాను తీసుకుంటానని వ‌చ్చిన‌ కుమార్‌ను మాస్ట‌ర్ అడ్డుకుని దివికి స‌పోర్ట్ చేశాడు. సోహైల్ అంద‌‌రివీ కొట్టేస్తున్నాడని ఎవ‌రో అన‌డంతో గేమ్ గేమ్‌లా ఆడండ‌ని అంద‌రి మీదా విరుచుకుప‌డ్డాడు. త‌న‌ను దొంగ అంటూ ఏదో చెప్పబోయిన దివిని కూడా నువ్వేం త‌క్కువ కాదు, కుమార్ ద‌గ్గ‌ర బాగానే కొట్టేశావ్ అని చుర‌క‌లంటించాడు. (చ‌ద‌వండి: చెర‌సాల‌లో చెత్త‌గా ఆడిన నోయల్!) ఆవేశంతో అరిచి, ఆపై సారీ చెప్పిన సోహైల్‌ త‌ర్వాత సుజాత కూడా సోహైల్‌ఫై ఫైర్ అవ‌డంతో అంద‌రూ దొంగ‌లే, నేను ఆడ‌ను, మీరే ఆడుకోండి అని ఆవేశంతో ఊగిపోయాడు. కానీ ఆ వెంట‌నే సుజాత‌కు సారీ చెప్పాడు. దివికి మాత్రం చెప్ప‌న‌న్నాడు. ఎందుకంటే ఆమె త‌న‌ను దొంగ అన‌డం న‌చ్చ‌లేద‌ని వాపోయాడు. త‌ర్వాత అంద‌రి ద‌గ్గ‌రా మంచిత‌నాన్ని న‌టిస్తున్న మాస్ట‌ర్ అరియానా కాయిన్ల‌ను లేపేశాడు. ఆ విష‌యం తెలీని ఆవిడ నేరుగా మాస్ట‌ర్ ద‌గ్గ‌ర‌కు వెళ్లి త‌న గోడు వెల్ల‌బోసుకుంది. కానీ మాస్ట‌ర్ మాత్రం తీసింది తానేన‌ని కాసేప‌టి వ‌ర‌కు చెప్ప‌నేలేదు. (చ‌ద‌వండి: బిగ్‌బాస్ హౌస్‌లో త‌ల‌నొప్పిగా మారుతోన్న గంగ‌వ్వ‌!) హౌస్‌మేట్స్‌కు బిగ్‌బాస్ వార్నింగ్‌ పైగా అయ్యో, నేనిస్తాలేన‌ని అతిగా న‌టిస్తూ బాగానే బురిడీ కొట్టించాడు. త‌ర్వాత మోనాల్.. నోయ‌ల్‌ను వెన‌క నుంచి హ‌గ్ చేసుకుని తినిపించ‌డంతో ప‌క్క‌నే ఉన్న అభి ముఖం కోపంతో మాడిపోయింది. త‌ర్వాతి టాస్కులు ఎలా ఉంటాయో అని స్వాతి అంటుంటే కూడా ఆ కోపం నుంచి బ‌య‌ట‌కు రాలేక‌ ఆలోచించాల‌నిపించ‌డం లేద‌ని చెప్పుకొచ్చాడు. కాగా ఎవ‌రి ఆట వాళ్లే ఆడాల‌ని బిగ్‌బాస్ వార్నింగ్ ఇచ్చాడు. దీంతో రేపు జంటలు, గ్రూపులుగా కాకుండా ఒక్కొక్క‌రే రంగంలోకి దిగుతారేమో చూడాలి. (చ‌ద‌వండి: బిగ్‌బాస్‌: హౌస్‌లో అవినాష్ బ‌ర్త్‌డే వేడుక‌లు)

బిగ్‌బాస్ నాల్గ‌వ సీజన్‌లో ఎవ‌రూ పెద్ద‌గా ప‌రిచ‌యం లేని ముఖాలే కాబ‌ట్టి వారి ప‌ర్‌ఫార్మెన్స్ ఆధారంగా ఓట్లేద్దామ‌ని చాలామంది ప్రేక్ష‌కులు డిసైడ్ అయి ఉన్నారు. ఈ క్ర‌మంలో గ‌త‌వారం జ‌రిగిన ఫిజిక‌‌ల్ టాస్క్‌తో అభిజిత్‌ మ‌హానాయ‌కుడిగా మారిపోయాడు. ఆ టాస్క్‌లో ప్ర‌త్య‌ర్థి టీమ్‌కు మాత్రం అభి విల‌న్‌గా మారిపోయాడు. టాస్క్ పూర్తై రోజులు గ‌డుస్తున్నా మ‌నుషుల టీమ్ అందులో నుంచి బ‌య‌ట‌ప‌డిన‌ట్లు క‌నిపించ‌డం లేదు. నిన్న‌టి నామినేష‌న్‌లోనూ మెహ‌బూబ్ టాస్క్‌లోని సాకుల‌ను చూపుతూ అభిజిత్‌ను నామినేట్ చేశాడు. కానీ అదే టాస్కును అడ్డం పెట్టుకుని హారిక.. మెహ‌బూబ్‌ను, అఖిల్‌.. హారిక‌ను నామినేట్ చేశారు. దీంతో వాళ్లింకా టాస్కును మ‌నసులోనే పెట్టుకున్నార‌ని స్ప‌ష్ట‌మ‌వుతోంది. (అభిజిత్‌లో ధోనీని చూశా: యాంక‌ర్ ర‌వి) ఈ క్ర‌మంలో నేడు మ‌రోసారి టాస్క్ గురించి చ‌ర్చ జ‌ర‌గ‌నున్న‌ట్లు తాజా ప్రోమో నిరూపిస్తోంది. అందులో భాగంగా కూల్ అభికి, హైప‌ర్ సోహైల్‌కు మాట‌ల యుద్ధం జ‌రగనున్నట్లు క‌నిపిస్తోంది. ఆ టాస్కులో జ‌రిగిన వాటి గురించి మాట్లాడుతూ 'నీకు ద‌మ్ము లేదు, అందుకే రాలేదు' అని సోహైల్ అభి ముఖం ప‌ట్టుకుని అనేశాడు. 'కండ‌లుంటే నువ్వు మ‌గాడివి అయిపోతావా?' అని అభి కూడా గ‌ట్టిగానే కౌంట‌ర్ వేశాడు. దీంతో 'ఫిజిక‌ల్ టాస్క్ ఇవ్వ‌కండి, పాపం.. అభి చాలా వీక్‌, లేదంటే మ‌ళ్లీ అమ్మాయిల‌ను పెట్టి ఆడ‌తాడ‌'ని సోహైల్‌ బిగ్‌బాస్‌కే స‌ల‌హా ఇచ్చాడు. కాగా ఈ ప్రోమో చూసిన నెటిజన్లు అభి క‌రెక్ట్ అని, సోహైల్ అన‌వ‌స‌రంగా వాగుతున్నాడ‌ని అంటున్నారు. మ‌రికొంద‌రేమో మెహ‌బూబ్ కావాల‌నే సోహైల్‌ను అభి మీద‌కు ఉసిగొల్పుతున్నాడ‌ని అనుమానం వ్య‌క్తం చేస్తున్నారు. అస‌లు ఇంత‌కీ ఈ గొడ‌వ ఎవ‌రు ప్రారంభించారు? ఈ లొల్లి ఎక్క‌డివ‌ర‌కూ వెళ్లింద‌నేది తెలియాలంటే నేటి ఎపిసోడ్ చూడాల్సిందే. (బిగ్‌బాస్‌: ఈ వారం ఎవరు ఇళ్లు వదిలి వెళ్లనున్నారు!)

ఈ వారం జ‌రిగిన 'ఉక్కు హృద‌యం' టాస్క్ గురించి కింగ్ నాగార్జున ఏ రేంజ్‌లో క్లాసులు పీకుతాడో అని ప్రేక్ష‌కులు గ‌త కొద్ది రోజుల నుంచి తెగ‌ ఆస‌క్తిగా ఎదురు చూస్తున్నారు. కానీ నాగ్ ఫైర్ అవ‌డం ప‌క్క‌నపెడితే ఇంటి స‌భ్యులే ఒక‌రి మీద మ‌రొక‌రు అరుచుకునేలా క‌నిపిస్తున్నారు. తాజాగా రిలీజైన ప్రోమోలో నాగ్ గంగ‌వ్వ ఆటాడిన విధానాన్ని మెచ్చుకోకుండా ఉండ‌లేక‌పోయారు. కిడ్నాప్ ప్లాన్ పారేందుకు కార‌ణ‌మైన అవ్వ‌ను 'దొంగా.. బాగా ఆడుతున్నారు' అని ప్ర‌శంసించారు. మాస్ట‌ర్‌కే తెలీకుండా అత‌ని ద‌గ్గ‌ర అవినాష్ చార్జింగ్ కొట్టేయ‌డాన్ని కూడా నాగ్ ప్ర‌స్తావించారు. మీరు అమ్మ రాజ‌శేఖ‌ర్ కాదు, అమాయ‌క రాజ‌శేఖ‌ర్ అని సంభోదించారు. (చ‌ద‌వండి: అభిజిత్‌లో ధోనీని చూశా: యాంక‌ర్ ర‌వి) అఖిల్‌కు అభి క్ష‌మాప‌ణ‌లు చెప్పాల్సిందే 'అభిజిత్ నీకే ఎందుకు చార్జింగ్ ఇచ్చాడు' అని హారిక‌ను ప్ర‌శ్నించ‌డంతో ఆమె ఏం స‌మాధానం చెప్పాలో తెలియ‌క దిక్కులు చూసింది. ఇక‌ టాస్క్‌లో క‌నీసం త‌న‌కు మాట్లాడే ఛాన్స్ కూడా ఇవ్వ‌ని అభిజిత్‌పై కుమార్ సాయి ప్ర‌తీకారం తీర్చుకున్న‌ట్లు క‌నిపిస్తోంది. ఇప్ప‌టికే భిన్న ధృవాలైన అభి, అఖిల్‌కు మ‌ధ్య అగ్గి రాజేసిన‌ట్లు క‌నిపిస్తోంది. 'నాకు ముప్పై ఏళ్లు, పెద్ద చ‌దువులు చ‌దివాను.. న‌న్ను అఖిల్‌ ఒరేయ్ అంటాడా?' అని అభిజిత్ అన‌డం న‌చ్చ‌లేద‌ని, అత‌డు సారీ చెప్పాల‌ని కుమార్ పట్టుప‌ట్టాడు. లేదంటే తాను ఎలిమినేట్ అయ్యేంత‌వ‌ర‌కు అభినే నామినేట్ చేస్తాన‌ని చెప్పుకొచ్చాడు. నిజానికి త‌న‌కంటే చిన్న‌వాడైన అఖిల్ త‌న‌ను 'రా, అరేయ్' అని పిల‌వ‌డం న‌చ్చ‌లేద‌ని అభి గ‌తంలోనూ ఇంటిస‌భ్యుల‌తో చెప్పుకొచ్చాడు. అన‌వ‌స‌రంగా జోక్యం చేసుకున్న కుమార్‌! కానీ విద్యార్హ‌త గురించి మాట్లాడాడా?  లేడా అన్న విష‌యంపై మాత్రం స్ప‌ష్ట‌త లేదు. మ‌రి కుమార్ ఆరోప‌ణ‌ల‌ను అంగీక‌రిస్తూ అభిజిత్ క్ష‌మాప‌ణ‌కు సిద్ధ‌మ‌వుతాడా? లేదా త‌ను అలాంటి వ్యాఖ్య‌లు చేయ‌లేద‌ని ఖండిస్తాడా? అనేది మ‌రికొద్ది గంట‌ల్లో తేల‌నుంది. అయితే వారిద్ద‌రి మ‌ధ్య‌లోకి మూడో వ్య‌క్తి కుమార్ సాయి ఎందుకు వెళ్లాడ‌ని కొంద‌రు నెటిజ‌న్లు ప్ర‌శ్నిస్తున్నారు. ఈ విష‌యంలో కుమార్ పెద్ద త‌ప్పు చేశాడ‌ని అభిప్రాయ‌ప‌డుతున్నారు. (చ‌ద‌వండి: నాతో జీవితంలో మాట్లాడ‌కు: అమ్మ రాజ‌శేఖ‌ర్‌)

బిగ్‌బాస్ నాల్గ‌వ సీజ‌న్‌లో ఇచ్చిన "ఉక్కు హృద‌యం" టాస్క్ వ‌ల్ల‌ హౌస్ ఎంత ర‌సాభాస‌గా మారిందో తెలిసిందే క‌దా. అయితే ఎదురుగా ఉన్న ప్ర‌త్య‌ర్థులు బ‌ల‌మైన వార‌ని తెలిసి అభిజిత్ బుద్ధికి ప‌ని చెప్పాడు. కిడ్నాప్ ప్లాన్ ర‌చించ‌గా, అది వీర లెవల్లో స‌క్సెస్ అయింది. ఊహించ‌ని దెబ్బ‌కు మ‌నుషుల టీమ్ గిల‌గిలా కొట్టుకున్నారు. న‌మ్మ‌క‌ద్రోహం అంటూ అభిజిత్‌పై పూన‌కం వ‌చ్చిన‌ట్లు ఊగిపోయారు. ఈ క్ర‌మంలో త‌న‌ను ఎన్ని మాట‌ల‌న్నా, ప‌రుష ప‌ద‌జాలం ఉప‌యోగించినా అభి స‌హ‌నాన్ని కోల్పోలేదు. అంత కోప‌మొంటే నామినేట్ చేయండి అని సింపుల్‌గా గొడ‌వ‌కు ముగింపు ప‌లికాడు. ఇది జ‌నాల‌ను ఆశ్చ‌ర్యానికి గురి చేసింది. కానీ త‌ను మాత్రం ఏమీ ఆశ్చ‌ర్య‌పోలేదంటున్నాడు యాంక‌ర్ ర‌వి. ఇత‌డు అభిజిత్‌కు బంధువు అవుతాడు. (చ‌ద‌వండి: వ‌ర్క‌వుట్ అయిన కిడ్నాప్‌; నాకిది అగ్ని ప‌రీక్ష‌) తాజాగా ఓ మీడియాకు ఇచ్చిన ఇంట‌ర్వ్యూలో ర‌వి మాట్లాడుతూ.. "నేను బిగ్‌బాస్ ప్రోమోలు చూస్తున్నాను. గేమ్‌లో ప‌రిస్థితిని అంచ‌నా వేసి అప్ప‌టిక‌ప్పుడు అభిజిత్ కిడ్నాప్ ప్లాన్ చేయ‌డం ప్ర‌శంస‌నీయం. పైగా అంద‌రూ అత‌డిపై అరుస్తున్నా స‌హ‌నంగా ఉన్నాడు. అది చూసి నేనేమీ షాక్ అవలేదు. ఎందుకంటే అత‌డిలో నాకు ఎమ్ఎస్ ధోనీ క‌నిపిస్తున్నాడు. అభి.. ఏదైనా గొడ‌వ జ‌రిగితే తిరిగి అరవ‌డం బ‌దులు కూర్చుని మాట్లాడుకుందాం అనే టైపు. అత‌డు రియ‌ల్ లైఫ్‌లో కూడా ఇలానే ఉంటాడు. చాలా సైలెంట్‌. అవ‌స‌ర‌మైతేనే మాట్లాడ‌తాడు. ఓ ఫంక్ష‌న్‌లో మేము మాస్ డ్యాన్స్ చేస్తున్నాం. అక్క‌డే ఉన్న అభిని డ్యాన్స్ చేయ‌మ‌ని పిలిచాం. కానీ అత‌ను సాల్సా వంటి పాట‌ల‌కైతేనే స్టెప్పులేస్తాన‌న్నాడు. కానీ అభి ఒక్క‌సారి న‌మ్మాడంటే అది ఏదైనా స‌రే విడిచిపెట్ట‌డు. అత‌డు త‌ప్ప‌కుండా టాప్ 3లో ఉంటాడు. కానీ రేపు పొద్దున ఏదైనా త‌ప్పు చేస్తే మొద‌ట నేనే అత‌డిని విమ‌ర్శిస్తా" అని చెప్పుకొచ్చాడు. (చ‌ద‌వండి: ఒకవైపు టీవీల్లో నటిస్తూనే మరోవైపు..)

నిన్న అస‌లు గేమే ఆడ‌ని అభిజిత్‌కు నేడు మెద‌డు పాద‌ర‌సంలా ప‌ని చేసింది. అత‌డు చెప్పిన కిడ్నాప్ ప్లాన్ బాగా వ‌ర్క‌వుట్ అయింది. అస‌లీ ప్లాన్‌తో ఏమాత్రం సంబంధం లేని కుమార్ సాయి మాత్రం అటు త‌న టీమ్‌తోనూ, ఇటు ప్ర‌త్య‌ర్థి టీమ్‌తోనూ తిట్లు తినిపించుకున్నాడు. అత‌నికి ఇంటి స‌భ్యులు క‌నీస మ‌ర్యాద కూడా ఇవ్వ‌డం లేదు. అత‌ను చెప్పే మాట‌ను వినిపించుకోవ‌డం స‌రిక‌దా క‌నీసం మాట్లాడే అవ‌కాశం కూడా ఇవ్వ‌క పోవ‌డం గ‌మ‌నార్హం. ఇక‌ కిడ్నాప్ చేసిన రోబోల‌కు సోహైల్ త‌న‌ ఉగ్ర‌రూపం చూపించాడు. నేటి బిగ్‌బాస్‌ ఎపిసోడ్‌లో ఇంకా ఏమేం జ‌రిగాయో చ‌దివేయండి... భీభ‌త్సంగా వ‌ర్క‌వుట్ అయిన కిడ్నాప్ ప్లాన్‌ మ‌నుషుల టీమ్‌లో ఒక అమ్మాయిని కిడ్నాప్ చేద్దామ‌ని అభి రోబోల‌కు స‌ల‌హా ఇచ్చాడు. లాస్య‌, అరియానా వ‌ద్దంటూనే దీనికి ఒప్పుకున్నారు. అనంత‌రం రోబో టీమ్ స‌భ్యులు కిడ్నాప్ రిహార్స‌ల్ కూడా ట్రై చేశారు. ఆ వెంట‌నే అభి వెళ్లి అమ్మాయిలు వాష్‌రూమ్ వాడుకునేందుకు అవ‌కాశ‌మిస్తామ‌ని స‌ల‌హా ఇచ్చాడు. గంగ‌వ్వ కూడా టాస్క్‌లో లీన‌మై మ‌నుషులును ట్రాప్ చేసేందుకు ప్ర‌య‌త్నించింది. దీంతో దివి వాష్‌రూమ్‌కు వెళ్లింది. కానీ తిరిగి వ‌చ్చే స‌మ‌యంలో రోబోలు మూకుమ్మ‌డిగా అటాక్ చేసి ఆమెను అమాంతం ప‌ట్టేసుకున్నాయి. ఊహించ‌ని దెబ్బ‌కు షాక్ అయిన దివి 'హెల్ప్' అని అర‌వ‌డంతో మ‌నుషులు త‌న‌కు ఏమైందోన‌ని కంగారు ప‌డ్డారు. తాము హ‌ర్ట్ చేయ‌ట్లేద‌ని అభి చెప్పిన‌ప్ప‌టికీ మ‌నుషుల టీమ్ మాత్రం టెంప‌ర్ లూజై నోటికొచ్చిన బూతులు అనేశారు. కానీ లోప‌ల దివికి ఎంచ‌క్కా భోజ‌నం కూడా తినిపించారు. మ‌నుషుల‌ ఆవేశాన్ని చ‌ల్లార్చిన దివి మ‌నిషి ఇంపార్టెంటా?  గేమ్ ఇంపార్టెంటా? అంటూ డోర్ ఓపెన్ చేయ‌మ‌ని అమ్మ రాజ‌శేఖ‌ర్  బిగ్‌బాస్‌ను అడిగాడు. మ‌నుషుల టీమ్‌ ఎంత‌ మొత్తుకున్నా ఆ డోర్ మాత్రం తెరవ‌లేదు. అమ్మాయిని అడ్డు పెట్టుకుని గేమ్ ఆడినందుకు మాస్ట‌ర్‌, మెహ‌బూబ్‌, మోనాల్‌, సుజాత కంట‌త‌డి పెట్టుకున్నారు. దీంతో రోబోలు డోర్ ద‌గ్గ‌ర‌కు రాగానే గార్డెన్ ఏరియాలో ఉన్న ‌మ‌నుషులు విరుచుకుప‌డ్డారు. దీంతో అప్పుడే అక్క‌డ‌కు వ‌చ్చిన‌‌ దివి అస‌లేం జ‌రిగిందో కూల్‌గా వివ‌రించింది. ఆమె చిప్పింది విన‌గానే మ‌నుషుల కోపాగ్నిపై నీళ్లు చ‌ల్లిన‌ట్లైంది. కిడ్నాప్ త‌ప్ప ఇంకో ఆప్ష‌న్ లేదు 'మా‌ ద‌గ్గ‌ర ఇంకో ఆప్ష‌న్ లేదు, అందుకే కిడ్నాప్ చేశాం, ఆమెను నేను ప‌ట్టుకోలే'ద‌ని అభి నోయ‌ల్‌కు చెప్పాడు. త‌రువాత మ‌నుషుల టీమ్ దివిని బ‌య‌ట‌కు తీసుకెళ్లేందుకు లోనికి వ‌చ్చారు. ఈ క్ర‌మంలో సోహైల్‌, మెహబూబ్‌, అఖిల్‌.. అభిజిత్‌తో, అవినాష్‌తో గొడ‌వ ప‌డ్డారు. 'మీకంత కోపముంటే, నేను త‌ప్పు చేశాను అనిపిస్తే, వెన్నుపోటు పొడిచాన‌నుకుంటే న‌న్ను నామినేట్ చేయండి. నాకిది అగ్ని ప‌రీక్ష' అని అభి తేల్చి చెప్పాడు. ఇంట్లోకి వ‌చ్చిన మ‌నుషులు వాష్‌రూమ్ వాడుకున్నారు కానీ రోబోల‌కు చార్జింగ్ ఇవ్వ‌లేదు, వాళ్లు కూడా అడ‌గ‌లేదు. తీరా మ‌నుషులు వెళ్లిపోయాక ఇదే విష‌యం గురించి హారిక‌, అరియానా గొడ‌వ ప‌డ్డారు. (గుమ్మడికాయలు అమ్మే చిరు వ్యాపారి కుమారుడు..మెహబూబ్‌ దిల్‌సే) హారిక‌, అరియానాల‌కు గొడ‌వ‌ అంతేకాకుండా మోసానికి మోస‌మే స‌మాధానంగా బ‌య‌ట‌కు వెళ్లేట‌ప్పుడు కొన్ని పండ్ల‌ను కూడా ప‌ట్టుకెళ్లార‌ని తెలిసి రోబోలు నిర్ఘాంత‌పోయారు. క‌ష్ట‌ప‌డి ఒక‌రిని లోనికి ర‌ప్పించి చార్జింగ్ తీసుకున్నారు, కానీ అంద‌రూ లోప‌లికి వ‌చ్చీ అన్నీ వాడేసుకుంటే మాత్రం ఎవ‌రూ ప‌ట్టించుకోకుండా రోబోలు త‌ప్పు చేశారు. త‌ర్వాత అంద‌రూ మొద్దు నిద్ర‌లో ఉన్న‌ప్పుడు దొంగ‌చాటుగా చార్జింగ్ పెట్టుకుందామ‌ని అరియానా ప్లాన్ వేసింది. ముసుగు దొంగ‌లా బెడ్‌షీటు క‌ప్పుకుని మాస్ట‌ర్ ద‌గ్గ‌ర‌కు ప్ర‌వేశించింది. ఇంత‌లో సోహైల్ నిద్ర లేచి చూసేయ‌డంతో అరియానా అడ్డంగా దొరికిపోయింది. దీంతో చార్జింగ్ పెట్టుకుందామ‌నే వ‌చ్చాన‌ని చెప్పేసింది. ఇక ఈ గేమ్ ఇప్ప‌ట్లో ముగిసేట‌ట్లు క‌నిపించ‌డం లేదు. రేపు కూడా ఈ ఫిజిక‌ల్ టాస్క్ కొన‌సాగ‌నుంది. (అవును, నాకు క‌రోనా సోకింది: బిగ్‌బాస్ విజేత)

సేఫ్ గేమ్ ఆడుతున్న ఇంటి స‌భ్యుల ఆట క‌ట్టించేందుకు నామినేష‌న్ ప్ర‌క్రియ‌తో వారి మ‌ధ్య అగ్గి రాజేశాడు బిగ్‌బాస్‌. దీంతో అప్ప‌టివ‌ర‌కు డ‌ల్‌గా సాగిన ఆట కాస్త ర‌స‌వ‌త్త‌రంగా మారింది. ఇక త‌ర్వాత‌ది.. ఫిజిక‌ల్ టాస్క్‌.. అస‌లే వేడి మీదున్న కంటెస్టెంట్ల‌కు వారేంటో చూపించుకునేందుకు దొరికిన‌ స‌రైన అవ‌కాశ‌మిది. దీన్ని చేజార్చుకోనివ్వ‌కుండా ఉండేందుకు ప‌క్కోడిని ప‌డగొట్టైనా స‌రే గెల‌వాల‌నుకుంటున్నారు. బిగ్‌బాస్ కూడా ప‌క్కా ప్లాన్‌తోనే కంటెస్టెంట్ల‌ను మ‌నుషులు, రోబోల టీమ్‌లుగా విడ‌గొట్టారు. అయితే మ‌నుషులు టీమ్‌లో బ‌ల‌మైన కంటెస్టెంట్లు ఉన్నార‌ని, వీరిని ఆప‌డం మ‌న త‌రం కాదంటూ రోబోల టీమ్‌లోని అభి ముందే చేతులెత్తేశాడు. దీంతో సోష‌ల్ మీడియాలో అభిపై విమ‌ర్శ‌లు వెల్లువెత్తాయి. (చ‌ద‌వండి: డ‌బుల్ ఎలిమినేష‌న్; క‌ళ్యాణి అవుట్‌!) okarini minchi okadu iragdeesthunnaru ferformances 🤣🤣🤣🤣promo lo#Mehboob :dhammunte nannu teeskellandra ammayini teeskelladam kadu#ammarajasekhar :meeku game imp ha manishi imp ha#Sohel : siggundala meeku..thu..#Sujatha : intha chandalanga game adthara#BiggBossTelugu4 — Vamc Krishna (@vamccrishnaa) September 23, 2020 అభి ప్లాన్‌తో గెలుపు దిశ‌గా రోబోలు 'అతనికి ఎలాగో ఆడ‌టం చేత‌కాదు, క‌నీసం ప‌క్క‌న‌వాళ్ల‌ని కూడా ఆడ‌నివ్వ‌డు' అని సెటైర్లు విసిరారు. కానీ అనూహ్యంగా నేడు రిలీజ్ చేసిన ప్రోమోలో అభి మైండ్‌గేమ్ ఆడాడు. దివిని ప‌క్కా ప్లాన్‌తో కిడ్నాప్ చేశారు. ఇది త‌ట్టుకోలేక‌పోయిన మనుషుల టీమ్ ఆవేశంతో ఊగిపోయారు. అయితే దెబ్బ‌కు దెబ్బ కొట్టేందుకు మ‌నుషుల టీమ్ సిద్ధ‌మైంది. రోబోల దూకుడుకు బ్రేక్ వేయ‌నుంది. వీరు ఎలా ప్ర‌తీకారం తీర్చుకుంటార‌నేది నేటి ఎపిసోడ్‌లో చూడాలి. మ‌రోవైపు ఈ టాస్క్‌పై సోష‌ల్ మీడియాలో పెద్ద చ‌ర్చే న‌డుస్తోంది. నిన్న సోమ‌రిపోతుగా ఆటాడ‌కుండా ప్ర‌వ‌ర్తించిన‌ అభిని తిట్టిన‌వారే నేడు అత‌డి ప్లాన్‌ను మెచ్చుకోకుండా ఉండ‌లేక‌పోతున్నారు. (చ‌ద‌వండి: అతి త్వ‌ర‌లోనే మ‌రో వైల్డ్ కార్డ్ ఎంట్రీ) కుమార్ సాయిని గ‌డ్డిపోచ‌లా తీసేస్తున్నారు అత‌డి ప్లాన్‌పై మ‌నుషుల టీమ్ ఎందుకంత మండిప‌డుతుంద‌ని నెటిజ‌న్లు ప్ర‌శ్నిస్తున్నారు. అటు మెహ‌బూబ్‌, సోహైల్ విప‌రీత ప్ర‌వ‌ర్త‌న‌ను క‌డిగి పారేస్తున్నారు. కుమార్ సాయిని గ‌డ్డిపోచ‌లా చూస్తున్నార‌ని అత‌డిపై జాలి చూపిస్తున్నారు. సుజాత ఏడుపు పైనా వ్యంగ్యాస్త్రాలు సంధిస్తున్నారు. చివ‌రికి రోబోల టీమ్ గెలుస్తుంద‌ని, నోయ‌ల్ జైలుకు వెళ్తాడ‌ని మ‌రికొంద‌రు అంచ‌నా వేస్తున్నారు. ఇవ‌న్నీ ఎంత‌వ‌ర‌కు నిజ‌మ‌నేది నేటి ఎపిసోడ్‌లో తేల‌నుంది. (చ‌ద‌వండి: బిగ్‌బాస్‌: గెలవడం‌ కోసం ఆమె ఏమైనా చేస్తుంది!) Door open avagane kompateesi Noel team "idi fun idi fun" ani rap paadatara enti.. promo lo maatrame e elevations.. episode Noel rap laga untundi #BiggBossTelugu4 pic.twitter.com/EKbIL8HjLs — #̷7̷ ̷F̷o̷r̷e̷v̷e̷r̷ (@M_a_h_iiii) September 23, 2020 #Abijeet as professor 🤓#BiggBossTelugu4 https://t.co/FYBmxa9QUS — Believer! Living on a PALE BLUE DOT🌏 (@Human9368) September 23, 2020 Abhi kidnap cheddam annappudu... ariyanaa ila react ayithey bhale undedi “So adi nee character. Bayata kidnaps chesthu bathukutaav nuvvu” want to see his reaction. Atleast nagarjuna anna ila adigite baagundu weekend lo.. #BiggBossTelugu4 — Arjun (@nj_politics2020) September 23, 2020 Door open chesina ventane Divi - akada em kaleeeee 😂#BiggBossTelugu4 https://t.co/0UfIckOWlf pic.twitter.com/HEB4gQepTt — ʌınɐʎ (@VintageVinnu) September 23, 2020 Sujatha Ferformance 😂😂#BiggBossTelugu4 pic.twitter.com/yN7fJEcleS — Canford Cliffs (@Canford_Cliff) September 23, 2020 ROBOTS ARE BEHAVING LIKE HUMANS BUTTTT HUMANS ARE BEHAVING LIKE WILD ANIMALS 🙏 HENCE PROVED ROBOTS ARE FAR BETTER THAN HUMANS 🤣😂#BiggBossTelugu4 — BIGG BOSS ADDICTS (@BiggBossAddicts) September 23, 2020

బిగ్‌బాస్ ఇచ్చిన టాస్క్‌లో అస‌లు ఎత్తుగ‌డ‌లు నేడు మొద‌లు కానున్నాయి. టాస్క్ కోసం ఎంత‌కైనా తెగించేందుకు రెండు టీమ్‌లు హోరాహోరీగా పోరాడుతున్నాయి. స్ట్రాంగ్‌గా ఉన్న మ‌నుషుల టీమ్ బ‌లాన్ని ఎలాగైనా అణగ‌దొక్కాల‌ని రోబోల టీమ్ కొత్త  ప‌థ‌కం ర‌చించిన‌ట్లు క‌నిపిస్తోంది. అయితే నిన్న‌టి ఎపిసోడ్‌లో టాస్క్ ప్రారంభం అవ‌గానే మ‌న‌వ‌ల్ల కాదు, గెల‌వ‌లేం, ప్ర‌త్య‌ర్థుల‌ను ఆప‌లేము అంటూ అభిజిత్ రోబోల టీమ్‌లో నిరుత్సాహాన్ని నింపాల‌ని ప్ర‌య‌త్నించాడు. బిగ్‌బాస్ ఇచ్చిన టాస్క్‌లో అస‌లు ఎత్తుగ‌డ‌లు నేడు మొద‌లు కానున్నాయి. అభిజిత్ ఆట తీరుపై నెటిజ‌న్లు కూడా మండిప‌డ్డారు. కానీ నేటి ఎపిసోడ్‌లో అభి త‌న మెద‌డుకు బుద్ధి చెప్పిన‌ట్లు క‌నిపిస్తోంది. ఆట గెల‌వ‌డం కోసం మ‌నుషుల టీమ్‌లో ఒక‌రిని కిడ్నాప్ చేద్దామ‌ని సూచించాడు. అలా రోబోలంద‌రం చార్జింగ్ పెట్టుకుందామ‌న్నాడు. (చ‌ద‌వండి: కెమెరాకు దిండు అడ్డుపెట్టి ఆరుబ‌యటే కానిచ్చేశారు) అనుకున్న‌ట్టుగానే క‌రెక్ట్‌ స‌మ‌యం చూసి లోనికి వ‌చ్చిన దివిపై రోబోలు మూకుమ్మ‌డిగా ప‌డిపోయి, క‌నీసం ఆమె క‌ద‌ల‌డానికి కూడా వీలు లేకుండా ప‌ట్టేసుకున్నారు. సాయం కోసం అర్థించిన దివి కేక‌లు విని, బ‌య‌టున్న మ‌నుషుల టీమ్ తీవ్ర ఆగ్ర‌హానికి గురయ్యారు. సిగ్గుండాలి.. థూ అంటూ సోహైల్ బూతుల‌తో రెచ్చిపోయాడు. అమ్మ రాజ‌శేఖ‌ర్‌, నోయ‌ల్‌, మెహ‌బూబ్‌, మోనాల్, సుజాత‌ కూడా తీవ్రంగా క‌ల‌త చెందారు. ఏదైతేనేం.. నిన్న అభి గేమ్ చెడ‌గొట్టే ప్ర‌య‌త్నం చేసినా ఇవాళ మాస్ట‌ర్ ప్లాన్ వేశాడంటూ మెచ్చుకుంటున్నారు. అతిగా రియాక్ట్ అవుతున్న మెహ‌బూబ్‌, సోహైల్‌ను కొంద‌రు నెటిజ‌న్లు విమ‌ర్శిస్తున్నారు. మ‌నుషుల టీమ్ కాబ‌ట్టి మ‌నుషుల్లాగానే ప్ర‌వ‌ర్తిస్తున్నార‌ని మ‌రికొంద‌రు వెన‌కేసుకొస్తున్నారు. మ‌రి ఈ ఉక్కు హృద‌యం టాస్క్ ఎన్ని మ‌లుపులు తిరుగుతుందో చూడాలి! (చ‌ద‌వండి: బిగ్‌బాస్: ఇవాళంతా పులిహోర ఎపిసోడే..)

అస‌లే నామినేష‌న్ ప్ర‌క్రియ‌తో మంట మీదున్న కంటెస్టెంట్లు నేటి టాస్క్‌లో త‌మ స‌త్తా ఏంటో చూపించేందుకు ప్ర‌య‌త్నించారు. అయితే ఈ ఫిజిక‌ల్ టాస్క్ గొడ‌వ‌ల‌కు దారి తీసింది. దేవీ, మెహ‌బూబ్ మ‌ధ్య మాటామాటా పెర‌గ‌డంతో ఇంటి స‌భ్యులు క‌ల్పించుకుని స‌ర్ది చెప్పాల్సి వ‌చ్చింది. ఫిజిక‌ల్ టాస్క్ ఆడ‌గ‌లుగుతుందా అన్న అనుమానాన్ని గంగ‌వ్వ ప‌టాపంచ‌లు చేసింది. రోబో వేషం క‌ట్టిన అవ్వ ప్ర‌త్య‌ర్థుల‌ను ద‌గ్గ‌రికి కూడా రానీయ‌లేదు. ఇక‌ తెలుగు మాట్లాడ‌ట‌మే క‌ష్టంగా ఉండే మోనాల్ ఏకంగా తెలుగు ప‌ద్యాల‌ను అప్ప‌జెప్పింది. ఇన్ని విశేషాలు చోటు చేసుకున్న నేటి బిగ్‌బాస్‌ ఎపిసోడ్ పూర్తి వివ‌రాలు చ‌దివేసేయండి.. కెప్టెన్సీ పోటీకి ఈ టాస్కే కీల‌కం మోనాల్ ఇంటి స‌భ్యుల‌కు బావా బావా ప‌న్నీరు ప‌ద్యం నేర్పించింది. కానీ ఇది లాఫింగ్ థెర‌పీలా మారిపోయింది. 'ప్రేమించాను నిన్నే..' అంటూ అవినాష్ మోనాల్ కోసం పాట పాడుతూ ఆమె ముందు కుప్పిగంతులు వేశాడు. మ‌రోవైపు నిన్న‌టి నామినేష‌న్ ప్ర‌క్రియ నుంచి గంగవ్వ ఇంకా బ‌య‌ట‌ప‌డ‌లేదు. ఫొటోలు మంట‌ల్లో వేయ‌డం త‌న‌కు న‌చ్చ‌లేద‌ని బాధ‌ప‌డింది. అనంత‌రం బిగ్‌బాస్ ఇంటి స‌భ్యుల‌కు "ఉక్కు హృద‌‌యం" టాస్క్ ఇచ్చాడు. గార్డెన్ ఏరియాలో ఉన్న సిల్వ‌ర్ బాల్‌ను మ‌నుషులు ప‌గ‌ల‌గొడితే ఓ రోబో చ‌నిపోయిన‌ట్లు. అలా అన్ని రోబోల‌ను చంపేస్తే మ‌నుషుల టీమ్ గెలిచిన‌ట్లు లెక్క‌. ఒక్క రోబో బ‌తికున్నా రోబోల టీమ్ గెలిచిన‌ట్లే. ఇక్కడో ట్విస్ట్ ఉంది. గెలిచిన టీమ్ స‌భ్యులు మాత్ర‌మే కెప్టెన్ పోటీకి అర్హులు. (చ‌ద‌వండి:అతి త్వ‌ర‌లోనే మ‌రో వైల్డ్ కార్డ్ ఎంట్రీ) పాజిటివ్‌గా మాట్లాడ‌ని అభి మ‌నుషుల టీమ్‌లో అఖిల్‌, అమ్మ రాజ‌శేఖ‌ర్‌, దివి, నోయ‌ల్‌, సోహైల్, సుజాత‌,ఉన్నారు. రోబోల టీమ్‌లో దేవి, అరియానా, కుమార్ సాయి, లాస్య‌,అవినాష్‌, అభిజిత్‌, గంగ‌వ్వ‌, హారిక‌ ఉన్నారు. బ‌జ‌ర్ మోగ‌క‌ముందే అత్యుత్సాహంతో ఇరు టీమ్‌లు ఆట మొద‌లెట్టేశారు. కిచెన్‌లో ఉన్న ఆహారాన్నంతా మ‌నుషులు కోతుల్లా దోచుకుంటూ తీసుకువెళ్ల‌డంతో రేష‌న్ మేనేజ‌ర్ అభి వారిపై సీరియ‌స్ అయ్యాడు. మ‌నుషుల టీమ్‌ను మ‌నం ఆప‌లేమ‌ని త‌న రోబో టీమ్ మెంబ‌ర్స్‌లో నిరుత్సాహాన్ని నింపాడు. మ‌నం ఏం చేయ‌లేమ‌ని ఆట కూడా స‌రిగా ఆడ‌లేదు. జోష్‌తో ఆడుతున్న‌ మ‌నుషుల టీమ్‌పై దేవి మండిప‌డింది. ఏంటీ పిచ్చి గేమ్ అని అరిచింది. దీంతో ఆమెనే టార్గెట్ చేసిన ప్ర‌త్య‌ర్థి గేమ్ మొద‌ట దేవినే చంపేసింది. (చ‌ద‌వండి:బిగ్‌బాస్‌: ఏడుగురిలో ఇంటికెళ్లేది ఎవరు?) గెలుపు కోసం క‌ష్ట‌ప‌డుతున్న మ‌నుషుల టీమ్‌ కాసేప‌టివ‌ర‌కు రోబోలు మ‌నుషుల్ని ఆడుకోగా త‌ర్వాత వీళ్ల వంతు రావ‌డంతో ఇంటి లోప‌ల ఉన్న రోబోల‌ను డ్యాన్సుతో ఉడికించారు. పైగా లోన ఉన్న రోబోలు పుష్టిగా భోజ‌నం చేస్తే బ‌య‌ట ఉన్న మ‌నుషులు మాత్రం తిన‌కుండా మాడిపోయారు, క‌నీసం వాష్ రూమ్ ఉప‌యోగించుకోడానికి కూడా లేదు. దీంతో అంద‌రూ దుప్ప‌టి అడ్డుపెట్ట‌డంతో సుజాత వాష్‌రూమ్‌కు వెళ్లింది. వీరి తెగింపును చూసి రోబోలు షాక్‌కు లోన‌య్యారు. అయితే కెమెరాల‌కు అడ్డుగా నిలిస్తే తీవ్ర ప‌రిణామాలుంటాయ‌ని బిగ్‌బాస్‌ హెచ్చ‌రించాడు. త‌ర్వాత‌ అవినాష్‌ బ‌ర్త్‌డేను మ‌నుషుల టీమ్ సెల‌బ్రేట్ చేశారు. (చ‌ద‌వండి: హీరో- జీరో గేమ్‌తో విల‌న్‌గా మారిన లాస్య‌) అవినాష్ బ‌ర్త్‌డే వేడుక‌లు బ‌ర్త్‌డే పాట పాడుతూ  ప్రోటీన్ పౌడ‌ర్‌ను కేక్‌గా ఊహించుకోమ‌ని అత‌డికి తినిపించారు. కాగా ఏదేమైనా గెల‌వాల‌న్న క‌సి మీద మ‌నుషులు ఉన్నారు. కానీ వారిని ఓడించాల‌న్న ప‌ట్టుద‌ల మాత్రం అంద‌రు రోబోల‌లో క‌నిపించ‌లేదు. ముఖ్యంగా టీమ్ స‌భ్యుల‌ను ఎంక‌రేజ్ చేయాల్సింది అభి వారిని నీరుగార్చే ప‌నిలో ఉన్నాడు. దీంతో అరియానా పోరాడి ఓడిపోదామ‌ని చెప్పిన‌ప్ప‌టికీ అత‌డు వినిపించుకోలేదు. ఆమె చెప్పే స‌ల‌హాను కూడా చిల్ల‌ర ప్ర‌య‌త్నాలు అని, ఇది నీ క్యారెక్ట‌ర్ అని నోరు జారుతూ త‌క్కువ చేసి మాట్లాడాడు. అభి ప్ర‌వ‌ర్త‌న చూస్తుంటే అస‌లు రోబోల టీమ్‌కు అభి క‌ట్ట‌ప్ప‌లా త‌యారైన‌ట్లు క‌నిపిస్తోంది.

బిగ్‌బాస్ అంటేనే కోపాలు, క‌లిసిపోవ‌డాలు, చిరాకులు, చిలిపి చేష్ట‌లు, ప్రేమ‌లు, ప‌ట్టింపులు, టాస్కులు, ట‌ఫ్ ఫైట్లు అన్నీ ఉంటాయి. కానీ మొద‌టి వారంలో అన‌వ‌స‌ర‌మైన వాటికే అతిగా ఆవేశ‌ప‌డ‌టం క‌నిపించింది. అయితే ఇప్పుడిప్పుడే మిగిలిన ఎమోష‌న్స్ కూడా బ‌య‌ట‌కు వ‌స్తున్నాయి. నిన్న‌టి ఎపిసోడ్‌లో హారిక‌కు అభిజిత్  అంటే ఇష్ట‌మ‌ని తేలిపోయింది. ఎంత ఇష్టం లేక‌పోతే హారిక‌ అత‌డి ద‌గ్గ‌ర‌కు వెళ్లి మ‌రీ గోరు ముద్ద‌లు తినిపిస్తుంది. కానీ వీరిది స్నేహమేన‌ని భావిస్తున్నారు. ఎందుకంటే అభిజిత్‌కు మోనాల్ అంటే మ‌రీ మ‌రీ ఇష్టం. అప్పుడు లైట్‌.. ఇప్పుడు క్లోజ్‌ మొద‌ట్లో ఆమెను ప‌ట్టించుకోన‌ట్లు క‌‌నిపించినా ఇప్పుడు ఆమెను వ‌దిలి ఉండ‌లేక‌పోతున్నాడు. త‌న‌తో మాట్లాడంటూ ఒట్టేయ‌మ‌ని మోనాల్‌ను అభ్య‌ర్థించాడు. ఎవ‌ర్నీ ప్రేమించ‌ట్లేదు క‌దా అని మ‌న‌సులోని భ‌యాన్ని బ‌య‌ట‌పెట్టేశాడు. అందుకు ఆమె అలాంటిదేం లేద‌ని చెప్ప‌డంతో అత‌ని మ‌న‌సు తేలిక‌ప‌డింది. ఇప్పుడు ఆమెతో ఇంకా క్లోజ్‌గా మూవ్ అయ్యేందుకు ప్ర‌య‌త్నిస్తున్నాడు. అయితే స్టైలింగ్ ఐకాన్ అఖిల్ కూడా మోనాల్‌తో ముచ్చ‌టించేందుకు స‌మ‌యం కేటాయిస్తున్నాడు. ఆమెకు గోరుముద్ద‌లు తినిపిస్తూ క్లోజ్‌గా ఉంటున్నాడు. కానీ ఇది అభిజిత్‌కు ఏమాత్రం న‌చ్చ‌ట్లేద‌ని అత‌డి ముఖం చూస్తేనే అర్థ‌మ‌వుతుంది. దీంతో ఈ ఇద్ద‌రి మ‌ధ్య మోనాల్ న‌లిగిపోతోంది. (చ‌ద‌వండి: ఈ వారం ఎలిమినేషన్‌లో ఉన్నది వీళ్లే) అభి ప్ర‌శ్న‌కు స‌మాధానం చెప్ప‌ని అఖిల్‌ తాజాగా స్టార్ మా రిలీజ్ చేసిన ప్రోమోలో.. "సాధార‌ణంగా స్నేహితుల‌ను, పార్ట్‌న‌ర్స్‌ను మ‌న‌మే ఎంపిక చేసుకుంటాం, కానీ ఇక్క‌డ అలా జ‌ర‌గ‌దు" అంటూ మోనాల్ తినుకుంటూ ముచ్చ‌ట్లు చెప్తుంది. అందుకు అభి బ‌దులిస్తూ నువ్వేమైనా స్కూల్‌కు వెళ్లిన‌ప్పుడు నీ క్లాస్‌మేట్‌ను నువ్వే సెల‌క్ట్ చేసుకున్నావా? అని కౌంట‌ర్ వేస్తాడు. అప్పుడే మోనాల్‌కు ద‌గ్గు రావ‌డంతో అభి వెంట‌నే నీళ్లు తీసుకు రావ‌డానికి వెళ్తాడు. కానీ వీరికి‌ దూరంలో ఉన్న అఖిల్ మాత్రం బాటిల్ నింపుకుని ఆమెకు ఇచ్చేస్తాడు. 'నీళ్లు ఇస్తున్నావా?' అని అభి అడిగినా స‌మాధానం చెప్ప‌కుండా వెళ్లిపోతాడు. (చ‌ద‌వండి: రొమాంటిక్ డ్యాన్స్‌; క‌ళ్లు మూసుకున్న అరియానా) ఇదంతా బిగ్‌బాస్ డ్రామానే ఇక ఈ ప్రోమో చూసిన నెటిజ‌న్లు నానా ర‌కాలుగా మాట్లాడుకుంటున్నారు. మోనాల్ అంత చిన్న‌గా ద‌గ్గినా కూడా అఖిల్‌కు వినిపించిందా? అంటే వీళ్లేం మాట్లాడుకుంటున్నారనేది అత‌డు వింటున్నాడ‌ని అంటున్నారు. క‌నీసం అభి అడిగిన‌ప్పుడు స‌మాధానం చెప్పొచ్చు క‌దా అని విమ‌ర్శిస్తున్నారు. అస‌లు అభిజిత్‌-మోనాల్‌-అఖిల్ మ‌ధ్య న‌డుస్తున్న‌ ఈ ట్ర‌యాంగిల్ ల‌వ్ స్టోరీ నిజ‌మా లేక బిగ్‌బాస్ క్రియేట్ చేశాడా? అని చాలామంది సందేహం వ్య‌క్తం చేస్తున్నారు. ఈ ప్రేమ క‌థ ఇంకా ఎంత‌దూరం వెళుతుందో చూద్దామ‌ని కామెంట్లు చేస్తున్నారు. ఇది అచ్చంగా ఆర్య సినిమాను గుర్తు చేస్తోందంటున్నారు. మ‌రికొంద‌రు మాత్రం ఎప్పుడూ వీళ్ల ప్రేమ‌ గొడ‌వేనా, కాస్త‌ మంచి టాస్కులు ఆడించ‌డంపై ఫోక‌స్ చేయండ‌ని బిగ్‌బాస్‌కు మొట్టికాయ‌లు వేస్తున్నారు. (చ‌ద‌వండి: నిన్ను చూస్తే పులిహోర క‌ల‌ప‌డం వ‌చ్చిన‌ట్లుందే: దివి)

బిగ్‌బాస్ షోలో కాస్త సంద‌డి మొద‌లైంది. కంటెస్టెంట్లు అన‌వ‌స‌ర విష‌యాల‌కు కొట్టుకోవ‌డం మానేసి టాస్క్‌లో పూర్తిగా లీన‌మైపోయారు. ఒక‌రిని మించి మ‌రొక‌రు ప‌ర్ఫార్మెన్స్‌ల‌తో అద‌ర‌గొట్టారు. కానీ అబ్బాయిలను మించిపోయేలా, ప్రేక్ష‌కులు మైమ‌రిచిపోయేలా హారిక డ్యాన్స్‌, దివి న‌ట‌న‌, దేవి కామెడీ అద్భుతహ అనిపించాయి. అభిజిత్‌, మోనాల్ ప‌ర్స‌న‌ల్ విష‌యాలు మాట్లాడుకోగా అఖిల్ మోనాల్‌కు తినిపించాడు. మ‌రి నేటి ఎపిసోడ్‌లో ఇంకేమేం జ‌రిగాయో చూసేద్దాం.. నాతో మాట్లాడ‌తాన‌ని ప్రామిస్ చెయ్యు: అభిజిత్‌ అభిజిత్ వ‌ద్ద‌న్నా గారాబం చేస్తూ అత‌నికి గోరు ముద్దలు పెడుతూ అదే ప్లేటులో హారిక‌ కూడా భోజ‌నం చేసింది. ఇక‌ ఇంటి స‌భ్యులు పాట పాడుతుంటే అమ్మ రాజ‌శేఖ‌ర్‌, క‌రాటే క‌ళ్యాణి డ్యాన్సు చేయ‌బోయారు. ఇంత‌లో మాస్ట‌ర్ ద‌డేలుమ‌ని కింద ప‌డిన‌ట్లు న‌టించడంతో ప‌డీప‌డీ న‌వ్వారు. ఈ ఘోరాన్ని చూడ‌లేక అరియానా రెండు క‌ళ్లు మూసుకుంది. నాకు ముగ్గురు గ‌ర్ల్‌ఫ్రెండ్స్ ఉండేవార‌ని అభిజిత్ మోనాల్‌కు చెప్పుకొచ్చాడు. నాకూ ఒకరు ఉండేవారని మోనాల్ చెప్పుకొచ్చింది. స‌రేగానీ నాతో మాట్లాడతా అని ఒట్టేయ‌మ‌ని అభిజిత్ మ‌రీ మ‌రీ అడిగాడు. ఆ త‌ర్వాత హారిక‌కు నువ్వంటే ఇష్టమ‌ని మోనాల్ చెప్పింది. కానీ నీకు మాత్రం నేనంటే ఇష్టం లేదు క‌దూ అని అడిగాడు. ఇష్టం లేక‌పోతే నీతో కూర్చుని ఇన్ని గంట‌లు మాట్లాడ‌తారా? అనిమోనాల్ ముసిముసిగా న‌వ్వుతూ స‌మాధాన‌మిచ్చింది. (నోయ‌ల్ సింప‌తీ కార్డ్ ప్లే చేశాడా?) డ్యాన్సు, స్కిట్‌తో అద‌ర‌గొట్టిన హారిక‌ అఖిల్ పులిహోర‌ క‌లిపితే, సోహైల్ తాళింపు పులిహోర చేస్తాడ‌ని దివి అంది. ఆ త‌ర్వాత మార్నింగ్ మ‌స్తీలో హారిక పొట్టి బ‌ట్ట‌లేసుకుని ఐట‌మ్ సాంగ్‌కు డ్యాన్స్ చేసింది. అఖిల్‌తో క‌లిసి ర్యాంప్ వాక్ చేసింది. త‌ర్వాత అవ్వ‌తో క‌లిసి చేసిన స్కిట్ వీర లెవల్లో పండింది. ఈ స్కిట్‌లో నోయ‌ల్ బ‌ల‌య్యాడు. మెహ‌బూబ్ కాసేపు కండ‌ల ప్ర‌ద‌ర్శ‌న చేశాడు. ఆ త‌ర్వాత మెహ‌బూబ్‌‌ అమ్మ రాజ‌శేఖ‌ర్ ముందు కావాల‌ని దివిని ఎత్తుకుని తిప్పాడు. దీంతో క‌డుపు మండిపోయిన మాస్ట‌ర్‌ క‌ళ్యాణిని ఎత్తుకుని చూపించ‌రా అన‌గానే ముందు దండం పెట్టి త‌న వ‌ల్ల కాద‌న్న‌ప్ప‌టికీ త‌ర్వాత మ‌ళ్లీ అదే సాహ‌సానికి పూనుకుని విజ‌య‌వంతంగా ఎత్తాడు. భోజనం స‌మ‌యంలో అఖిల్ మోనాల్‌కు తినిపించ‌డంతో అభిజిత్ ముఖం వాడిపోయింది. అనంత‌రం సుజాత క‌న్ఫెష‌న్ రూమ్‌కు వెళ్లి టాస్క్ వివ‌రాలు రాసి ఉన్న లేఖ‌ను తీసుకెళ్లి చ‌దివింది. ల‌గ్జరీ బ‌డ్జెట్ టాస్క్‌లో భాగంగా బీబీ టీవీ టాస్క్ ఇచ్చారు, దీని ఏకైక ల‌క్ష్యం ఎంట‌ర్‌టైన్‌మెంట్‌. (బిగ్‌బాస్‌: దేత్త‌డి హారిక‌పై నెటిజ‌న్ల ఫైర్‌!) బురిడీ కొట్టించిన‌ ప‌నిమనిషి దేవి టాస్క్‌లో భాగంగా ఇంటిస‌భ్యులు అత్తా అల్లుడు-అమెరికా మోజు సీరియ‌ల్ చేశారు. గ‌య్యాలి అత్త‌గా క‌ళ్యాణి, ఆమె కొడుకు, కోడ‌లుగా అభిజిత్‌, సుజాత, ‌క‌ళ్యాణి కూతురిగా దివి, అమెరికా అబ్బాయిగా అఖిల్, పుల్ల‌లు పెట్టే ప‌నిమనిషిగా దేవి, మ‌తిమ‌రుపు అకౌంటెంట్‌గా సాయికుమార్‌ పాత్ర‌లను అల్లుకుపోయారు. సీరియ‌ల్ మ‌ధ్య‌లో క‌మ‌ర్షియ‌ల్ యాడ్ చేస్తున్న నోయ‌ల్‌, హారిక‌, సోహైల్‌, అరియానాల‌ను గంగ‌వ్వ చీపురు ప‌ట్టుకుని చిత‌క్కొట్టింది. అయితే ఇదంతా చీపురు పబ్లిసిటీ కోసమే. త‌ర్వాత ప‌నిమ‌నిషి దేవి మ‌తిమ‌రుపు అకౌంటెంట్‌తో క‌లిసి హొయ‌లు పోతూ అత‌డిని బురిడీ కొట్టించి డ‌బ్బులు గుంజింది. ఇంత‌లో మ‌ళ్లీ యాడ్‌.. ఇందులో అటు మోనాల్ కుటుంబం, ఆమెను చూడ‌టానికి వ‌చ్చే పెళ్లికొడుకుగా అమ్మ రాజ‌శేఖ‌ర్‌ కుటుంబం కూడా విగ్గు బ్యాచే. కానీ నిజ‌మైన జుట్టులా ఇద్ద‌రూ తెగ న‌టించి చివ‌ర్లో విగ్గూడ‌గొట్టుకుని దానికి ప్ర‌చారం క‌ల్పించారు. (హౌస్‌లో ఫ‌స్ట్ ఫిజిక‌ల్ టాస్క్‌) అమెరికా అబ్బాయికి దివి పంచ్‌లు బ్రేక్ అయిపోగానే మ‌ళ్లీ సీరియ‌ల్ స్టార్ట్‌.. కాస్త స్పీడెక్కువ‌న్న అఖిల్‌‌, దివితో క‌లిసి ఏకాంతంగా మాట్లాడ‌తాన‌న్నాడు. అలా ఏ ఫుడ్ అంటే ఇష్ట‌మ‌ని అఖిల్ అడ‌గ్గానే దివి పులిహోర అని చెప్పింది. అంటే ఏంటో తెలీదన‌గానే, 'నిన్ను చూస్తే బాగానే క‌ల‌ప‌డం వ‌చ్చిన‌ట్లుగా ఉందే" అని అనుమానం వ్య‌క్తం చేసింది. మ‌ధ్య‌లో దేవి వ‌చ్చి ఆ అబ్బాయి పేప‌రు మీద అమ్మాయి అని రాసున్నా వ‌ద‌ల‌డు అని పెళ్లిచూపుల‌ను పెటాకులు చేసే ప్ర‌య‌త్నం చేసింది. ఆ ప్ర‌య‌త్నం స‌ఫ‌ల‌మ‌వుతున్న‌ట్లు క‌నిపించినా చివర్లో అఖిల్ త‌న‌కు దివి పిచ్చిపిచ్చిగా న‌చ్చింద‌ని ల‌గ్గానికి ముహూర్తాలు పెట్టేయ‌మన్నాడు.  కొన్ని డైలాగులు వాడి, డ్రామా పండించి అత్త క‌ళ్లు తెరిపించాడు. ప‌నిమ‌నిషికి, అకౌంటెంట్‌కు మ్యాచ్ క‌లిపేశారు. ఇది అటూఇటుగా కాస్త‌ తెలిసిన స్కిట్టే అయినా బాగానే చేశారు. అనంత‌రం ఇంటి స‌భ్యులంద‌రూ క‌లిసి ర్యాప్ సాంగ్‌కు డ్యాన్స్ చేశారు. మొత్తానికి నేటి ఎపిసోడ్ బాగానే జ‌రిగింది. ఇక రేప‌టి ఎపిసోడ్‌లోఅభిజిత్‌,  మోనాల్‌, అఖిల్‌ ట్ర‌యాంగిల్ ల‌వ్ స్టోరీ మ‌రింత ముందుకు వెళ్తున్న‌ట్లు క‌నిపిస్తోంది.

నాలుగు రోజులుగా నాన్చుతూ వ‌చ్చిన క‌ట్ట‌ప్ప ఎపిసోడ్‌ ఉత్తిదేన‌ని తేలింది. హౌస్‌లో అలాంటి పాత్రే లేద‌ని, కానీ మీలో ఉన్న అనుమాన‌మే క‌ట్ట‌ప్ప అని, దాన్ని ప‌క్క‌న ప‌డేయండ‌ని నాగార్జున‌ సూచించారు. వారం రోజులు కావ‌స్తున్నా ఇంటి స‌భ్యులు ఒక‌రికొక‌రు స‌రిగ్గా క‌నెక్ట్ అయిన‌ట్లు క‌నిపించ‌డం లేద‌ని చెప్పాడు. హౌస్‌మేట్స్ చేసిన త‌ప్పొప్పుల‌ను స‌రిదిద్దే ప్ర‌య‌త్నం చేశారు. ఎన్న‌డూ లేనంత‌గా రికార్డు స్థాయిలో ఈ వారం 5 కోట్ల ఓట్లు వ‌చ్చాయన్నారు. ఎలిమినేష‌న్ జోన్‌లో ఉన్న ఇద్ద‌రిని ఆ గండం నుంచి బ‌య‌ట‌ప‌డేశారు. ఆ ఇద్ద‌రు ఎవ‌రు? నేటి ఎపిసోడ్ హైలెట్స్ ఏంటో చూసేద్దాం.. ఎన్నో వారాలు ఉండ‌లేను: గ‌ంగ‌వ్వ‌ బిగ్‌బాస్‌లో క‌ట్ట‌ప్ప ఎవ‌రో తేల్చేద్దాం అంటూ బాహుబ‌లి పాట‌తో ఎంట్రీ ఇచ్చాడు కింగ్ నాగార్జున‌. అనంత‌రం శుక్ర‌వారం నాడు హౌస్‌లో ఏం జ‌రిగిందో చూపించారు. ఆ రోజు వర్షం ప‌డుతుండ‌టంతో "ఎన్నాళ్ల‌కు గుర్తొచ్చానా వాన" సాంగ్ వేశారు. ఇంకేముందీ.. ఇంటి స‌భ్యులు వ‌ర్షంలోనే త‌డుచుకుంటూ మ‌రీ చిందేశారు.  ఆ త‌ర్వాత మాస్ట‌ర్ క‌ట్ట‌ప్ప మీద పాట పాడాడు. క‌ల్యాణి కూడా బాగా పాడుతుందంటూ పొగ‌డ‌టంతో గొంతు స‌వ‌రించుకుని పాటందుకుంది. అంతే.. చ‌టుక్కున‌ అక్క‌డున్న అబ్బాయిలంతా వెన‌క్కి తిరిగి చూడ‌కుండా వెళ్లిపోయి ఆమెను బ‌కరా చేశారు. ఐదేళ్లున్న‌ప్పుడు పెళ్లి చేశారు. మ‌రోవైపు గంగ‌వ్వ‌ "నా భ‌ర్త తాగుడు, కొట్టుడు, చెప్పిన‌మాట విన‌కుండా అయిపోయిండు" అని త‌న బాధ‌ల‌ను ఇంటి స‌భ్యుల‌తో  వెళ్ల‌బోసుకుంది. ఎన్నో వారాలు ఇంట్లో ఉండ‌లేన‌ని చెప్పుకొచ్చింది. (చ‌ద‌వండి: బిగ్‌బాస్: 'అత‌ను‌ ఓవ‌రాక్ష‌న్ త‌గ్గించుకుంటే మంచిది) అప్పుడు పెళ్ల‌న్నాడు, ఇప్పుడు మాట కూడా లేదు వీకెండ్ ఎపిసోడ్ కావ‌డంతో హౌస్‌మేట్స్ అంద‌రూ అందంగా ముస్తాబ‌య్యారు. వారం రోజుల‌కు నాగార్జున క‌నిపించ‌డంతో ఇంటిస‌భ్యులు ఆనందానికి లోన‌య్యారు. గంగ‌వ్వ నాగార్జున‌ను న‌డిప‌న్న(రెండో అన్న‌) అని పిలుచుకుంటూ పాట పాడింది. నోయ‌ల్ నువ్వు ఓవ‌ర్ థింక్ చేస్తావ్ క‌దా అని నాగ్ అన్నారు. అన్నింటిని అలాగేపెంట చేశావ్ అని చెప్పారు. నువ్వు టాలెంటే కానీ, ఓవ‌ర్ థింకింగ్ త‌గ్గించుకో అని సూచించారు. అరియానాకు ఇంకోసారి తినిపించ‌య‌ని అఖిల్‌ను ఆదేశించారు. ఆ త‌ర్వాత నాగ్‌, ఇంటిస‌భ్యుల కోరిక మేర‌కు సోహైల్ అరియానాను వీపుపై మోస్తూ పుష‌ప్స్ చేశాడు. నువ్వెప్పుడైనా ఇలా ట్రై చేశావా అని నాగ్ అడ‌గ్గా ఇలాంటి అమ్మాయి ఇంకా దొర‌క‌లేద‌ని అఖిల్ స‌మాధాన‌మిచ్చాడు. న‌ర్మ‌ద న‌దిలో ఎప్పుడు నీళ్లు ఉంటాయి. దానికి డ్యామ్ క‌ట్టేశార‌ని, నువ్వు కూడా అలాంటిది వేసుకోవాల‌ని నాగ్ మోనాల్‌ను కోరారు. లాస్యకు గోడ మీద పిల్లిలా ఉన్నావ్‌, జోష్ త‌గ్గిపోయింద‌ని చెప్పారు. షో ప్రారంభం రోజు అభిజిత్ ఎవ‌ర్ని పెళ్లి చేసుకుంటావు అంటే మోనాల్‌ను చేసుకుంటాన‌న్న విష‌యం తెలిసిందే. కానీ ఇప్పుడు త‌ను నేరుగా వ‌చ్చి మాట్లాడిచ్చినా స్పందించ‌ట్లేద‌ని మోనాల్ వాపోయింది. మ‌రోవైపు సైలెంట్‌గా ఉంటూ.. అంద‌రి గురించి బాగా చెప్పావ్ అని దివిని పొగిడారు. సూర్య‌కిర‌ణ్‌కు మొట్టికాయ‌లు వేసిన నాగ్‌ క‌ట్ట‌ప్ప గురించి తెలుసుకోడానికి వెయిటింగ్ అంటూ హౌస్‌మేట్స్ అద్భుత‌మైన ర్యాప్ సాంగ్ పాడారు. నా చెవులు గిల్లుమంటున్నాయి ఆపండి అని గంగ‌వ్వ వారించ‌డంతో అంద‌రూ నోళ్లు మూసుకున్నారు. ఆ త‌ర్వాత బిగ్‌బాస్ హౌస్‌లో జ‌రుగుతున్న‌దాని గురించి బ్రేకింగ్ అండ్ హెడ్‌లైన్స్ చెప్ప‌మ‌ని నాగ్ దేవి నాగ‌వ‌ల్లిని కోరారు. అందుకు ఆమె వ్యాసం చెప్ప‌డంతో 'ప్రేక్ష‌కుల‌కు గుడ్ న్యూస్‌.. దేవి వార్త‌లు చెప్ప‌డం మ‌ర్చిపోయింద‌'ని కింగ్ న‌వ్వుతూ చెప్పుకొచ్చారు. అన‌వ‌స‌ర‌మైన దానిలో దూరి లెక్చ‌ర్లు ఇవ్వ‌‌కండని సూర్య‌కిర‌ణ్‌కు మొట్టికాయ‌లు వేశారు. అక్క‌డిది ఇక్క‌డ‌.. ఇక్క‌డిది అక్క‌డ చెప్ప‌డమేంట‌ని క‌రాటే క‌ల్యాణిపై అస‌హ‌నం ప్ర‌ద‌ర్శించారు. వేరేవాళ్ల‌ని మాట్లాడ‌నివ్వండ‌ని ఉచిత స‌ల‌హా ఇచ్చారు. (చ‌ద‌వండి: దివి ధ్యాస‌లో వంట‌ పెంట‌ చేసిన మాస్ట‌ర్‌) గంగ‌వ్వ తోపు, లాస్య బ‌క‌రా ఆ త‌ర్వాత సోహైల్‌, అరియానాతో ఓ ఆటాడించారు. ర‌క‌ర‌కాల బొమ్మ‌లు ఉన్న మెడ‌ల్స్‌ను కంటెస్టెంట్ల మెడ‌లో వేయాల‌న్నారు. అలా సుజాత ఊస‌ర‌వెల్లి, దివి కాక‌ర‌కాయ‌, క‌ల్యాణి చిచ్చు పెట్ట‌డం, హారిక‌ డ్రామా క్వీన్‌, సూర్య కిర‌ణ్ బ‌ద్ధ‌కం, అభిజిత్ చెత్త‌కుండీ, నోయ‌ల్‌ లౌడ్ స్పీక‌ర్‌, గంగ‌వ్వ తోపు, దేవి ప‌ర్ఫెక్ట్‌, మోనాల్ ఏడ్చే బేబీ, లాస్య బ‌క‌రా, మెహ‌బూబ్ మిర్చి, అమ్మ రాజ‌శేఖ‌ర్‌ను ‌జోక‌ర్‌గా చెప్పుకొచ్చారు. అనంత‌రం నాగ్‌ ఎలిమినేష‌న్ జోన్లో ఉన్న ఏడుగురిలో మొద‌ట‌ అభిజిత్‌ను, త‌ర్వాత‌ సుజాత, గంగ‌వ్వ‌ను సేవ్ చేశారు. ఇక‌ మెజారిటీ ఇంటి స‌భ్యులు లాస్య‌ను క‌ట్ట‌ప్ప అనుకున్నారు, కానీ అలాంటి క్యారెక్ట‌రే లేదని నాగ్ వెల్ల‌డించారు. లాస్య‌ను ఫ‌స్ట్‌ కెప్టెన్‌గా ప్ర‌క‌టించారు. (చ‌ద‌వండి: అమ్మ రాజ‌శేఖ‌ర్ కుళ్లు జోకులు మానేయండి)

బిగ్‌బాస్ నాల్గ‌వ సీజ‌న్ ప్ర‌స్తుతం నీర‌సంగా సాగుతోంది. ప్రోమోలతో ఆకాశ‌మంత హైప్ క్రియేట్ చేసినా ఎపిసోడ్‌లు మాత్రం చ‌ప్ప‌గా సాగుతున్నాయి. అస‌లే ఐపీఎల్ గండం ముంచుకొస్తుంది. ఆట‌ను రంజుగా మార్చ‌క‌పోతే ప్రేక్ష‌కులు షోతో డిస్‌క‌నెక్ట్ అయ్యే అవ‌కాశం ఉంది. బిగ్‌బాస్ ప్లాన్ మారుస్తే త‌ప్ప ప్రేక్ష‌కులు షోలో లీన‌మ‌య్యే అవ‌కాశాలు క‌నిపించ‌డం లేదు. ఇదిలా వుంటే గంగ‌వ్వ‌, అభిజిత్‌, మెహ‌బూబ్ దిల్‌సే, అఖిల్ సార్థ‌క్‌, సూర్య కిర‌ణ్‌, సుజాత‌, దివి వైద్య మొద‌టి వారం ఎలిమినేష‌న్ రౌండ్‌లో ఉన్నారు. ఇప్ప‌టివ‌ర‌కు వ‌చ్చిన ఓట్ల ఆధారంగా ఇద్ద‌రు కంటెస్టెంట్లు డేంజ‌ర్ జోన్‌లో ఉన్న‌ట్లు తెలుస్తోంది. (చ‌ద‌వండి: బిగ్‌బాస్: 'అత‌ను‌ ఓవ‌రాక్ష‌న్ త‌గ్గించుకుంటే మంచిది') ఒక్క ఎపిసోడ్‌తో పెరిగిన దివి క్రేజ్‌ 50 శాతానికిపైగా ఓట్ల‌తో గంగ‌వ్వ ఎప్పుడో సేఫ్ జోన్‌లోకి వెళ్లిపోయింది. ఆమె త‌ర్వాత ఎక్కువ ఓట్లు గెలుచుకున్న అభిజిత్ కూడా ఎలిమినేష‌న్ గండం నుంచి బ‌య‌ట‌ప‌డ్డాడు. సోష‌ల్ మీడియాలో ఫాలోయింగ్ ఉన్న  అఖిల్‌, మెహ‌బూబ్ కూడా ఈసారికి ఎలిమినేష‌న్ నుంచి బ‌తికి బ‌ట్ట‌క‌ట్టారు. మిగిలింది దివి, సుజాత‌, సూర్య‌కిర‌ణ్‌.. నిన్న‌టి ఎపిసోడ్ ముందు వ‌ర‌కు దివికి త‌క్కువ ఓట్లు ప‌డ్డాయి. కానీ ఒక్క ఎపిసోడ్ ఆమె రాత‌నే మార్చేసింది. దివి సైలెంట్ కిల్ల‌ర్ అని, ఆమె హౌస్‌లో ఉండాల్సిందేనంటూ ఓట్లు గుద్దుదుతున్నారు. సుజాత‌.. తొంద‌ర‌పాటు, త‌త్త‌ర‌పాటు చ‌ర్య‌ల‌తో ఆమెకు త‌క్కువ ఓట్లు వ‌చ్చాయి. (చ‌ద‌వండి: బిగ్‌బాస్‌: సూర్య ‌కిర‌ణ్‌తో దివి ఫైట్‌!) త‌న కోప‌మె త‌న శ‌త్రువు తొలి రోజు నుంచే ఎవ‌రి మీద ప‌డితే వారిమీద త‌న కోపాగ్నిని ప్ర‌ద‌ర్శించి సూర్య కిర‌ణ్ అప్ర‌తిష్ట మూట గ‌ట్టుకున్నాడు. ఎదుటివారిని మాట్లాడ‌నివ్వ‌క‌పోవ‌డం, త‌న మాటే వినాలనేలా మూర్ఖ‌త్వంగా ప్ర‌వ‌ర్తించ‌డమే ఓట్ల గండికి ప్ర‌ధాన కార‌ణం. 'త‌న కోప‌మె త‌న శ‌త్రువు' అన్న మాట ఇత‌ని విష‌యంలో అక్ష‌రాలా నిజ‌మ‌య్యేట్లు క‌నిపిస్తోంది. కోపావేశాల కార‌ణంగా హౌస్‌లో విల‌న్‌గా మారిపోయిన సూర్య కిర‌ణ్‌ను బ్యాగు స‌ర్దేసి బిగ్‌బాస్ హౌస్ నుంచి బ‌య‌ట‌కు పంపిచాల‌ని చాలామంది ఎదురు చూస్తున్నారు. అయితే చివ‌రి స్థానాల్లో ఉన్న కంటెస్టెంట్ల మ‌ధ్య ఓట్ల వ్య‌త్యాసంలో పెద్ద తేడా కూడా లేదు. పైగా నేడు రాత్రి 12 గంట‌ల వ‌ర‌కు‌ ఓటింగ్ వేసేందుకు అవ‌కాశం ఉండ‌టంతో చివ‌రి రెండు స్థానాలు తారుమారైనా ఆశ్చ‌ర్య‌పోన‌క్క‌ర్లేదు. కాబ‌ట్టి ఎవ‌రు ఎలిమినేట్ అవుతార‌నేది నాగార్జున వ‌చ్చి చెప్పేవ‌ర‌కు వెయిట్ చేయ‌క త‌ప్ప‌దు. (చ‌ద‌వండి: అమ్మ రాజ‌శేఖ‌ర్ కుళ్లు జోకులు మానేయండి)

పుట్టిన తేదీ: 11 అక్టోబ‌ర్ 1988 స్వ‌స్థ‌లం: హైద‌రాబాద్‌ వృత్తి: న‌టుడు విద్య: ఏరోనాటిక‌ల్ ఇంజ‌నీరింగ్‌ 'లైఫ్ ఈజ్ బ్యూటిఫుల్' చిత్రంతో పాపుల‌ర్ అయ్యాడు అభిజిత్‌. తొలి చిత్రంతోనే అంద‌రినీ ఆక‌ట్టుకున్న అభిజిత్  మిర్చి లాంటి కుర్రాడు సినిమాతో మ‌రోసారి అల‌రించాడు. ఆ త‌ర్వాత అత‌ను న‌టించిన‌ పెళ్లి గోల వెబ్ సిరీస్ ఎంత హిట్ అయిందో ప్ర‌త్యేకంగా చెప్ప‌క్క‌ర్లేదు. వెండితెర‌పై మ‌ళ్లీ క‌నిపించ‌కుండా పోయిన ఆయ‌న ఇప్పుడు బిగ్‌బాస్‌తో బుల్లితెర‌పై తొలిసారి అడుగు పెడుతున్నాడు.  అక్కినేని కుటుంబంతో ఇత‌నికి మంచి అనుబంధం కూడా ఉంది. కింగ్ నాగార్జున త‌న‌యుడు అఖిల్ చ‌దివిన కిండ‌ర్ గార్డెన్‌(చైత‌న్య విద్యాల‌య‌) పాఠ‌శాల‌లోనే ఇత‌ను కూడా చ‌దువుకున్నాడు. అఖిల్ స్కూల్‌మేట్ మాత్ర‌మే కాదు, అత‌ని క్లాస్‌మేట్‌, ఫ్రెండ్ కూడా. కాగా అభిజిత్ పూర్వీకులు చార్మినార్ నిర్మాణంలో పాలుపంచుకోవ‌డం విశేషం. 'లైఫ్ ఈజ్ బ్యూటిఫుల్' సినిమాలో అమాయ‌కంగా క‌నిపించే అభిజిత్ బిగ్‌బాస్‌లోనూ అమాయ‌కంగా ఉంటాడా? అంద‌రినీ ఓ ఆటాడిస్తాడా చూడాలి.


 ముంబై: బాలీవుడ్‌ గాయకుడు సోనూ నిగమ్‌(43) సంచలనం నిర్ణయం తీసుకున్నాడు. ఇవాల్టి నుంచి తాను ట్విట్టర్‌కు గుడ్‌ బై చెబుతున్నట్టు  ప్రకటించాడు. మంగళవారం వరుస ట్వీట్లలో తన  నిర్ణయాన్ని వెల్లడించాడు. సింగ‌ర్ అభిజీత్ భ‌ట్టాచార్య అకౌంట్‌ను ట్విట్టర్‌ తొల‌గించ‌డాన్ని సోనూ తీవ్రంగా త‌ప్పుబ‌ట్టిన  తన ట్విట్టర్‌ ఖాతాను  రద్దు చేశాడు.
  
 భావ ప్రకటన స్వేచ్ఛకు గౌర‌వం లేని చోట తాను ఉండ‌ద‌ల‌చుకోలేద‌ని  సోనూ స్పష్టం చేశాడు.  బీజేపీపీ ఎంపీ,నటుడు, పరేష్‌రావెల్‌,  అభిజిత్‌ వివాదాస్పద ట్వీట్లను వెనకేసుకొచ్చిన సోనూ మొత్తం 24 ట్వీట్లలో  తన ఆగ్రహాన్ని వ్యక్తం చేశాడు. నిద్రపోతున్న వాళ్లని మేల్కొల్పవచ్చు గానీ.. నిద్ర నటిస్తున్నవారిని నిద్ర లేపడం కష్టమని  తనకు అర్థమైందంటూ వాపొయాడు.   పనిలోపనిగా మీడియాపై విమర్శలు గుప్పించాడు.మీడియా జాతీయవాదులుగా,కోల్డ్‌ బ్లడెడ్ సూడోలుగా చీలిపోయిందని,దోహద్రోహుల గురించి తెలుసుకోవడానికి వీరు సిద్ధంగా లేరంటూ దుయ్యబట్టాడు. అంతేకాదు కాసేప‌ట్లో త‌న అకౌంట్ ఉండ‌బోద‌ని అందుకే తన ట్వీట్లను ముందే  స్క్రీన్‌షాట్స్ తీసుకోవాల‌ంటూ  మీడియాకు కూడా  సలహా ఇచ్చాడు. తను ట్విట్టర్‌ ను వీడడం సుమారు 7మిలియన్ల  తన ఫాలోయర్లకు బాధకలింగవచ్చని..అలాగే కొంతమంది సాడిస్టులకు ఆనందంగా ఉంటుందటూ   ట్వీట్‌ చేశాడు.
 ట్విట్టర్‌ సంయమనం పాటించడంలేదనీ, ఏకపక్షంగా వ్యవహరిస్తోందని మండిపడ్డాడు. "బ్యాలెన్స్ ఎక్కడ ఉందంటూ ట్వీట్ చేశాడు  సున్నితమైన చర్చ ఎందుకు జరగడంలేదని అని ప్రశ్నించాడు..ప్రజలు "మానవులు ఉండటం నిలిపివేశారు" ప్రౌడ్‌  ముస్లిం, హిందువు, పాకిస్థానీయులుయ భారతీయులుగా  ఉంటున్నారు తప్ప అంతకు  మించి లేరని  ఒక ట్వీట్‌లో రాసుకొచ్చాడు. చివరగా తను  ట్విట్టర్‌కు  వ్యతిరేకం కాదంటూ అభిమానులకు వివరణ ఇచ్చాడు. కానీ ట్విట్టర్‌ ఒక గేమ్‌ చేంజర్‌ గా నిలుస్తుందన్నారు.  ట్విట్టర్‌  గ్రేటర్ ప్లాట్‌ఫాంగా  నిలవొచ్చు అంటూనే.. థియేటర్లలో చూపించే  పోర్న్ షోతో ట్విట్టర్‌ నో పోల్చాడు.  
 
 
 కాగా  బీజేపీఎంపీ పరేష్‌ రావల్‌  కశ్మీర్‌లో ఆర్మీ వాహనానికి రాళ్లురువ్వే యువకుడికి బదులుగా,ప్రముఖ రచయిత్రి  అరుంధతి రాయ్‌ని కట్టాంటూ ట్వీట్‌  చేయడం వివాదాన్ని సృష్టించింది.  జేఎన్‌యూ విద్యార్థిని   సెహ్లా రహీద్ ప‌ట్ల అస‌భ్యకర ట్వీట్లు చేశాడ‌న్న కార‌ణంతో అభిజీత్ అకౌంట్‌ను ట్విట్టర్‌ స‌స్పెండ్ చేసిన విష‌యం తెలిసిందే.  మైక్రో బ్లాగింగ్‌ సైట్‌ ట్విట్టర్‌ లో సోనూకు 6.5 మిలియన్ల  ఫాలోయర్లు  ఉన్నారు.
  


 నేటి తరం యువతీయువకులు ప్రేమించి పెళ్లి చేసుకుంటున్నారు. నిండు నూరేళ్లు కలిసుండాల్సిన వాళ్లు తీరా చిన్న చిన్న కారణాలతో విడాకుల కోసం కోర్టు మెట్లు ఎక్కుతున్నారు. తద్వారా బంగారు భవిష్యత్తు నాశనం చేసుకుంటున్నారు. ఈ పరిస్థితి ఎందుకొస్తోంది? దీనికి పరిష్కారం ఏమిటి? అనే కథాంశంతో తెరకెక్కిన చిత్రం ‘జీలకర్ర -బెల్లం’. అభిజీత్, రేష్మ జంటగా శ్రీచరణ్ కార్తికేయ మూవీస్ పతాకంపై విజయ్ శ్రీనివాస్ దర్శకత్వంలో శోభారాణి, నౌరోజీ రెడ్డి నిర్మించిన ఈ చిత్రం ఈ శుక్రవారం విడుదల కానుంది.
 
 ఈ సందర్భంగా  నిర్మాతలు మాట్లాడుతూ- ‘‘కామెడీ, క్రైమ్, రొమాన్స్ అన్ని ఎలిమెంట్స్‌తో తెరకెక్కిన చిత్రమిది. ఈ చిత్రం ద్వారా యువతకు మంచి సందేశం ఇస్తున్నాం. ఇటీవల విడుదలైన పాటలకు మంచి స్పందన వస్తోంది. తప్పకుండా అన్ని వర్గాల ప్రేక్షకులకు నచ్చే చిత్రమవుతుంది. ఈ నెల 29న మా సినిమాను ఆంధ్ర, తెలంగాణ రాష్ట్రాలతో పాటు కర్ణాటకలో కూడా విడుదల చేస్తున్నాం’’ అని తెలిపారు.
 
  ‘‘ప్రేమించి పెళ్లి చేసుకున్న జంట మధ్య అహం వల్ల ఎలాంటి సమస్యలొచ్చాయి. చివరకు ప్రేమ గెలిచిందా? అహం గెలిచిందా? అన్నదే ఈ చిత్ర కథాంశం. సంగీతాన్ని ఆదరించినట్టు సినిమాను కూడా ప్రేక్షకులు ఆదరిస్తారనే నమ్మకముంది’’ అని హీరో అభిజీత్ పేర్కొన్నారు. హీరోయిన్ రేష్మ, మాటల రచయిత కొమ్మనాపల్లి గణపతిరావు తదితరులు మాట్లాడారు. ఈ చిత్రానికి సంగీతం: ‘వందేమాతరం’ శ్రీనివాస్, కెమేరా: చిట్టిబాబు.
  


  యువత ఎంత ట్రెండీగా ఉన్నా, ఫార్వార్డ్‌గా ఆలోచించినా మన మూలాల్ని మాత్రం మరచిపోకూడదు. ఈ నేపథ్యంలోనే ‘రామ్‌లీల’ సినిమా ఉంటుందంటున్నారు దాసరి కిరణ్‌కుమార్. ‘జీనియస్’ తర్వాత రామదూత క్రియేషన్స్ పతాకంపై ఆయన నిర్మిస్తోన్న సినిమా ఇది. హవీష్, అభిజిత్, నందిత ముఖ్యతారలు. రచయిత శ్రీపురం కిరణ్ దర్శకునిగా పరిచయమవుతున్నారు.
  
  3 పాటలు, 5 రోజుల టాకీ మినహా షూటింగ్ మొత్తం పూర్తయింది. దాసరి కిరణ్‌కుమార్ మాట్లాడుతూ -‘‘అమెరికాలో ఓ తెలుగబ్బాయి నిజ జీవితంలో జరిగిన కథ ఇది. స్క్రీన్‌ప్లే అద్భుతంగా ఉంటుంది. మలేసియాలోని అందమైన ప్రదేశాల్లో 21 రోజులు చిత్రీకరణ జరిపాం’’ అని తెలిపారు. ఎస్. గోపాలరెడ్డి ఛాయాగ్రహణం, విస్సు సంభాషణలు ఈ సినిమాకు హైలైట్స్ అని దర్శకుడు చెప్పారు. ఈ చిత్రానికి ఎగ్జిక్యూటివ్ నిర్మాత: ముత్యాల రమేశ్, సమర్పణ: లంకాల బుచ్చిరెడ్డి, సారథ్యం: కోనేరు సత్యనారాయణ.
  


 ప్రభాస్, అల్లు అర్జున్, నితిన్, మంచు మనోజ్ లు సిక్స్ ప్యాక్ తో టాలీవుడ్  ప్రేక్షకులను ఆలరించారు.  టాలీవుడ్ లో సిక్స్ ప్యాక్ తో మరో హీరో అదృష్టాన్ని పరీక్షించుకోవడానికి సిద్దమయ్యారు.
  
 శేఖర్ కమ్ముల దర్శకత్వం వహించిన 'లైఫ్ ఈజ్ బ్యూటిఫుల్' చిత్రంతో టాలీవుడ్ కు పరిచమైన అభిజిత్ తాజాగా 'మిర్చిలాంటి కుర్రోడు' చిత్రంలో నటిస్తున్నారు.
  
 మిర్చిలాంటి కుర్రోడు చిత్రంలో సిక్స్ ప్యాక్ తో అభిజిత్ సెన్సెషన్ క్రియేట్ చేశాడు. మిర్చిలాంటి కుర్రోడు చిత్ర విజయంపై అభిజిత్ విశ్వాసంతో ఉన్నారు.
  
 అభిజిత్ సిక్స్ ప్యాక్ కు టాలీవుడ్ లో మంచి స్పందన లభించింది. సిక్స్ ప్యాక్ తో అభిజిత్ యూత్ ను ఎట్రాక్ట్ చేస్తున్నాడు. త్వరలోనే 'మిర్చిలాంటి కుర్రాడు' చిత్రం విడుదల కానుంది.