టైటిల్‌: భైరవంనటీనటులు: బెల్లంకొండ సాయి శ్రీనివాస్, మనోజ్ మంచు, నారా రోహిత్, అతిధి శంకర్‌, ఆనంది , దివ్య తదితరులునిర్మాణ సంస్థ: శ్రీ సత్య సాయి ఆర్ట్స్నిర్మాత: కేకే రాధామోహన్‌దర్శకత్వం: విజయ్‌ కనకమేడలసంగీతం: శ్రీచరణ్‌ పాకాలసినిమాటోగ్రఫీ: హరి కె వేదాంతంఎడిటర్‌: చోటా కె ప్రసాద్‌విడుదల తేది: మే 30, 2025బెల్లంకొండ సాయి శ్రీనివాస్, మంచు మనోజ్, నారా రోహిత్.. ఈ ముగ్గురు హీరోల ఖాతాలో హిట్‌ పడి చాలా కాలమైంది. ఈ మధ్యకాలంలో వీరి నుంచి సినిమాలే రాలేదు. చాలా గ్యాప్‌ తర్వాత ఈ ముగ్గురు కలిసి ఒకే సినిమాతో ప్రేక్షకుల ముందుకు వచ్చారు. అదే భైరవం. విజయ్‌ కనకమేడల దర్శకత్వం వహించారు. తమిళ బ్లాక్‌ బస్టర్‌ 'గరుడన్‌’ తెలుగు రీమేకే ఈ భైరవం. టాలీవుడ్‌ ప్రేక్షకులకు నచ్చేలా కొన్ని మార్పులు చేసి సినిమాను తెరకెక్కించామని మేకర్స్‌ చెప్పారు. మరి ఆ మార్పులలో తెలుగు ఆడియన్స్‌ని మెప్పించారా లేదా? సినిమా ఎలా ఉంది? రివ్యూలో చూద్దాం. (Bhairavam Review)భైరవం కథేంటంటే..?తూర్పు గోదావరి జిల్లా దేవిపురం గ్రామానికి చెందిన గజపతి(మనోజ్‌), వరద(నారా రోహిత్‌),శీను(బెల్లంకొండ సాయి శ్రీనివాస్‌) ముగ్గురు ప్రాణ స్నేహితులు. ఆ ఊరి వారాహి అమ్మవారి దేవాలయ ట్రస్టీగా ఉన్న నాగరత్నమ్మ(జయసుధ) మరణించడంతో అనుకోకుండా ఆ ఆలయ ధర్మకర్త బాధ్యతలు శీను చేతికి వస్తాయి. ఆ గుడి ఆస్తులపై మంత్రి వెదురుమల్లి కన్నుపడుతుంది. ఎలాగైనా గుడి భూమికి సంబంధించిన పత్రాలను దక్కించుకోవాలని కుట్ర పన్నుతాడు. (Bhairavam Review)మంత్రి చేసే కుట్రను అడ్డుకొని భూమికి సంబంధించిన పత్రాలను వరద తన దగ్గర పెట్టుకుంటాడు. భార్య నీలిమ(ఆనంది) ఒత్తిడితో గజపతి ఆ గుడి పత్రాలను మంత్రికి ఇస్తానని ఒప్పుకుంటాడు. ఈ విషయం వరదకు తెలుస్తుంది. ఆ తర్వాత ఏం జరిగింది? గుడి ఆస్తులను కాపాడేందుకు వరద ఏం చేశాడు? గజపతి మాట వింటూనే వరద ఫ్యామిలీని శీను ఎలా రక్షించాడు. గజపతి గురించి శీనుకు తెలిసిన నిజం ఏంటి? మంత్రి చేసిన కుట్ర కారణంగా ముగ్గురు స్నేహితుల మధ్య ఎలాంటి సమస్యలు వచ్చాయి. అమ్మవారి పూనకం వచ్చే శీను.. న్యాయం కోసం చివరకు ఏం చేశాడు? అనేది తెలియాలంటే సినిమా చూడాల్సిందే. ఎలా ఉందంటే.. ప్రేక్షకులు ఓటీటీలకు అలవాటు పడిన తర్వాత రీమేక్‌ చిత్రాలు రావడం తగ్గిపోయాయి. ఓ మంచి సినిమా ఏ భాషలో వచ్చినా సరే ఓటీటీల పుణ్యమా అని అన్ని ప్రాంతాల ప్రేక్షకులు చూసేస్తున్నారు. అలాంటి సమయంలో తమిళ బ్లాక్‌ బస్టర్‌ గరుడన్‌ని తెలుగులో రీమేక్‌ చేశాడు దర్శకుడు విజయ్‌ కనకమేడల. ఇది ఓ రకంగా పెద్ద సాహసమే. కానీ దానికి తగిన న్యాయం చేయలేకపోయాడు దర్శకుడు. ఒరిజినల్‌ సినిమాలోని ఎమోషన్‌ని ఇందులో క్యారీ చేయలేకపోయాడు. కథలో ఆయన చేసిన చిన్న చిన్న మార్పులే దీనికి కారణం. ముగ్గురు హీరోలను మేనేజ్‌ చేయడంలో సక్సెస్‌ అయ్యాడు కానీ సెంటిమెంట్స్‌ని పండించే విషయంలో తడబడ్డాడు.ఒరిజినల్‌లో బెల్లంకొండ పాత్రను సూరి పోషించాడు. ఆయనకున్న ఇమేజ్‌కి ఆ పాత్ర కొత్తగా అనిపించింది. కానీ బెల్లంకొండకు ఇక్కడ ఉన్న ఇమేజ్‌ వేరు. దీంతో ఆ పాత్రలో ఆయన ఒదిగినట్లుగా కాకుండా నటించినట్లుగానే అనిపిస్తుంది. అలాగే మనోజ్‌ పాత్ర కూడా. ముగ్గురు హీరోలకు ఎలివేషన్స్‌ ఇవ్వడంపైనే దర్శకుడు ఎక్కువ దృష్టి పెట్టాడు. అమ్మవారి ట్రాక్‌ని కూడా సరిగా వాడుకోలేకపోయాడు. సినిమా ప్రారంభం కాస్త ఆసక్తికరంగానే ఉంటుంది. గుడి నేపథ్యంతో పాటు ముగ్గురు హీరోల పరిచయం తర్వాత కథనం నెమ్మదిగా సాగుతుంది. శీను-వెన్నెల(అతిధి శంకర్‌) లవ్‌ ట్రాక్‌ అంతగా ఆకట్టుకోలేదు. ఇంటర్వెల్‌ ముందు వచ్చే యాక్షన్‌ సీన్‌ ఆకట్టుకునేలా ఉంటుంది. ఇక సెకండాఫ్‌లో కథనం సాగదీసినట్లుగా ఉంటుంది. గరుడన్‌ చూసిన వారికి ట్విస్టులు కూడా తెలుస్తాయి కనుక.. అవి కూడా ఆకట్టుకోలేవు. ఇక గరుడన్‌ చూడని ప్రేక్షకులకు మాత్రం కొన్ని ట్విస్టులు ఆకట్టుకుంటాయి. క్లైమాక్స్‌ బాగుంటుంది. ఎవరెలా చేశారంటే.. బెల్లంకొండ సాయి శ్రీనివాస్‌, మనోజ్‌, రోహిత్‌..ముగ్గురూ టాలెంటెడ్‌ నటులే. మంచి పాత్రలు పడాలేకానీ రెచ్చిపోయి నటిస్తారు. భైరవంలోనూ వారి వారి పాత్రల్లో ఒదిగిపోయారు. బెల్లంకొండ శ్రీనివాస్‌కి ఈ సినిమా ప్లస్‌ అవుతుందని చెప్పాలి. శీను పాత్రలో ఆయన జీవించేశాడు. ముఖ్యంగా క్లైమాక్స్‌లో వచ్చే పూనకాల సీన్‌లో అదరగొట్టేశాడు. నెగెటివ్‌ షేడ్స్‌ ఉన్న గజపతి వర్మగా మనోజ్‌ తనదైన నటనతో ఆకట్టుకున్నాడు. యాక్షన్‌ సీన్లలో బాగా నటించాడు. ఇక నారా రోహిత్‌ తన పాత్రకి న్యాయం చేశాడు. హీరోయిన్లు అదితి శంకర్, ఆనంది, దివ్య పిళ్లై తమ తమ పాత్రల పరిధిమేర నటించారు. వెన్నెల కిశోర్‌ , జయసుధ‌తో పాటు మిగిలిన నటీనటులు తమ పాత్రల పరిధిమేర నటించారు. సాంకేతికంగా సినిమా పర్వాలేదు. శ్రీచరణ్‌ పాకాల పాటలు, నేపథ్య సంగీతం సినిమాకు ప్లస్‌ అయింది. తనదైన బీజీఎంతో కొన్ని సీన్లకు ప్రాణం పోశాడు. సినిమాటోగ్రఫీ బాగుంది. ఎడిటర్‌ తన కత్తెరకు ఇంకాస్త పని చెప్పాల్సింది. సెకండాఫ్‌లోని కొన్ని సీన్లను మరింత క్రిస్పీగా కట్‌ చేయాల్సింది. నిర్మాణ విలువలు బాగున్నాయి.

‘‘నేను, మనోజ్, రోహిత్‌గార్లు సినిమాలకి కొంతకాలం బ్రేక్‌ ఇచ్చాం. తెలుగులో నా సినిమా వచ్చి దాదాపు నాలుగేళ్లవుతోంది. ‘భైరవం’ చిత్రంలో మాపాత్రలు చూస్తున్నప్పుడు అందరూ ఫ్రెష్‌గా ఫీల్‌ అవుతారు’’ అని బెల్లంకొండ సాయి శ్రీనివాస్‌ తెలిపారు. విజయ్‌ కనకమేడల దర్శకత్వం వహించిన చిత్రం ‘భైరవం’. సాయి శ్రీనివాస్, మంచు మనోజ్, నారా రోహిత్‌ హీరోలుగా అదితీ శంకర్, ఆనంది, దివ్య పిళ్లై హీరోయిన్లుగా నటించారు. డా. జయంతిలాల్‌ గడా సమర్పణలో శ్రీ సత్యసాయి ఆర్ట్స్‌పై కేకే రాధామోహన్‌ నిర్మించిన ఈ సినిమా ఈ నెల 30న విడుదలవుతోంది. ఈ నేపథ్యంలో సాయి శ్రీనివాస్‌ విలేకరులతో పంచుకున్న విశేషాలు... ⇒ తమిళ హిట్‌ మూవీ ‘గరుడన్‌’ని తెలుగులో ‘భైరవం’గా రీమేక్‌ చేశాం. అయితే రీమేక్‌లా కాకుండా స్ట్రైట్‌ తెలుగు చిత్రంలా మన ప్రేక్షకులకు తగ్గట్టు మార్పులు చేసి, అద్భుతంగా తీర్చిదిద్దారు విజయ్‌. ఈ కథ,పాత్ర నచ్చడంతో రోహిత్‌గారు వెంటనే అంగీకరించారు. ‘మిరాయ్‌’ సినిమా పోస్టర్లో మనోజ్‌గారిని చూసి, ‘భైరవం’పాత్రకి సంప్రదించగా, కథ నచ్చడంతో ఒప్పుకున్నారు.⇒ నన్ను ఇష్టపడిన ప్రతి ప్రేక్షకుడి కోసం ‘భైరవం’ చేశాను. ఈ సినిమా తప్పకుండా ప్రేక్షకులకు మంచి అనుభూతినిస్తుంది. శ్రీ చరణ్‌పాకాల అద్భుతమైన సంగీతం, నేపథ్య సంగీతం ఇచ్చారు. హరి కె. వేదాంతంగారి విజువల్స్‌ కొత్త అనుభూతిని ఇస్తాయి. ఈ సినిమా కోసం అద్భుతమైన ఆలయ సెట్‌ వేసిన ఆర్ట్‌ డైరెక్టర్‌ బ్రహ్మ కడలిగారికి థ్యాంక్స్‌. ఈ సినిమా ట్రైలర్లో పూనకం షాట్‌ ఉంటుంది. అందరూ చూసే ఉంటారు. ‘భైరవం’లో నాకు బాగా నచ్చినపార్ట్‌ అది. ఆపార్ట్‌ని ఆడియన్స్‌ ఎంజాయ్‌ చేస్తారు. ప్రేక్షకులకు ఎమోషనల్‌గా కనెక్ట్‌ అయ్యే సినిమా ఇది.⇒ రాధామోహన్‌గారు నాకిష్టమైన నిర్మాత. ఆయనతో రెండు మూడు ప్రాజెక్టులు అనుకున్నా కుదరలేదు. ‘భైరవం’తో సెట్‌ అయింది. చాలా ఫ్యాషన్‌తో సినిమా నిర్మిస్తారాయన.⇒ పూరి జగన్నాథ్‌గారిని ఒకటి రెండు సార్లు కలిశాను. మా కాంబోలో కచ్చితంగా సినిమా ప్లాన్‌ చేస్తాం. నా ప్రతి సినిమాలో కొత్తదనం ఇవ్వడానికే ప్రయత్నిస్తాను. విడుదలవుతున్న ‘భైరవం’, ప్రస్తుతం చేస్తున్న ‘టైసన్‌ నాయుడు, హైందవ, కిష్కిందపురి’ చిత్రాలు వేటికవే ప్రత్యేకంగా ఉంటాయి.

'భైరవం' సినిమా మే 30న విడుదల కానుంది. ఇప్పుడు ఈ సినిమా పరిస్థితి ఎలా ఉందంటే ముందు నుయ్యి.. వెనుక గొయ్యిలా ఉంది. ఈ సినిమా ఓరిజినల్‌ కాపీ అమెజాన్‌ ప్రైమ్‌లో ట్రెండ్‌ అవుతుంది. అలాంటప్పుడు రీమేక్‌ భైరవం కోసం జనాలు థియేటర్‌కు వస్తారా అనే సందేహాలు వస్తున్నాయి. మరోవైపు ఈ సినిమా దర్శకుడు విజయ్‌ కనకమేడల నోటిదురుసు వల్ల బాయ్‌కాట్‌ భైరవం (#BoycottBhairavam) అనే హ్యాష్‌ట్యాగ్‌ నెట్టింట వైరల్‌ అవుతుంది. ఒకవైపు వైఎస్సార్‌సీసీ ఫ్యాన్స్‌..మరోవైపు మెగా అభిమానులు భైరవం సినిమా చూడొద్దని సోషల్‌ మీడియాలో పెద్ద ఎత్తున్న ప్రచారం చేస్తున్నారు.తమిళ సినిమా 'గరుడన్‌'కు రీమేక్‌గా 'భైరవం' సినిమాను విజయ్‌ కనకమేడల తెరకెక్కించాడు. గతేడాదిలో తమిళ్‌లో మాత్రమే విడుదలైన గరుడన్‌ భారీ విజయాన్ని అందుకుంది. ఈ సినిమా అమెజాన్‌ ప్రైమ్‌లో స్ట్రీమింగ్‌ అవుతుంది.తమిళ నటుడు సూరి లీడ్ రోల్లో నటించగా అతని స్నేహితులుగా శశికుమార్, ఉన్నిముకుందన్ కీలకపాత్రలు పోషించారు. ఈ రూరల్ యాక్షన్ డ్రామాను ఆర్ఎస్ దురైసెంథిల్ కుమార్ డైరెక్ట్ చేశాడు. రూ. 20 కోట్ల బడ్జెట్‌తో తెరకెక్కిస్తే.. రూ. 50 కోట్లకు పైగానే కలెక్షన్స్‌ సాధించింది. వెట్రిమార‌న్ క‌థ‌ అందించాడు.భైరవంలో కూడా ముగ్గురు హీరోలు బెల్లంకొండ సాయి శ్రీనివాస్, మంచు మనోజ్, నారా రోహిత్‌ నటించారు. గరుడన్‌ కథ నచ్చే తెలుగు ప్రేక్షకులకు కూడా చూపించాలని భైరవం తీస్తున్నట్లు దర్శకుడు విజయ్‌ కనకమేడల ఒక ఇంటర్వ్యూలో చెప్పాడు. అయితే, మాతృకతో పోలిస్తే మన ప్రేక్షకులకు నచ్చేలా అవసరమైన మార్పులు చేసి ఈ సినిమాను తెరకెక్కించామన్నారు. ఒరిజినల్‌ వర్షన్‌ చూసిన వాళ్లకి కూడా కొత్త అనుభూతిని అందించేలా ఈ కథలో మార్పులు చేసినట్లు ఆయన అన్నారు.

‘సినిమాలు వేరు.. రాజకీయాలు వేరు. రెండిటిని మిక్స్‌ చేయడం కరెక్ట్‌ కాదు. కానీ కొంతమంది సినిమా స్టేజ్‌పై రాజకీయాలు మాట్లాడి..కాంట్రవర్సీ క్రియేట్‌ చేస్తున్నారు. వారి సొంత అభిప్రాయాన్ని స్టేజ్‌పై వెల్లడించి.. చేజేతులా సినిమాను చంపేసుకుంటున్నారు. తాజాగా బైరవం(Bhairavam Movie) సినిమా దర్శకుడు విజయ్‌ కనకమేడల కూడా అదే చేశాడు. ఆయన నోటి దురుసు కారణంగా ఇప్పుడు బాయ్‌కాట్‌ భైరవం(#BoycottBhairavam) అనే హ్యాష్‌ట్యాగ్‌ నెట్టింట ట్రెండింగ్‌గా మారింది. ఒకవైపు వైఎస్సార్‌సీసీ ఫ్యాన్స్‌..మరోవైపు మెగా అభిమానులు భైరవం సినిమా చూడొద్దని సోషల్‌ మీడియాలో పెద్ద ఎత్తున్న ప్రచారం చేస్తున్నారు. అసలేం జరిగింది?ఆ డైలాగ్‌ అవసరమా?మంచు మనోజ్, నారా రోహిత్, బెల్లంకొండ శ్రీనివాస్ ప్రధాన పాత్రల్లో నటించిన సినిమా 'భైరవం'. ఈ సినిమా ఎప్పుడో రిలీజ్‌ కావాల్సింది. కారణాలేంటో తెలీదు గానీ పలుమార్లు వాయిదాల మీద వాయిదాలు పడుతూ ఎ‍ట్టకేలకు ఈనెల 30న మూవీ థియేటర్లలోకి రానుంది. ఈ నేపథ్యం చిత్రబృందం వరుస ప్రమోషన్స్‌ కార్యక్రమాలు చేపట్టింది. ఇటీవల ట్రైలర్‌ రిలీజ్‌ ఈవెంట్‌ని ఏపీలో పెద్ద ఎత్తున​ నిర్వహించింది. అయితే ఆ స్టేజ్‌పై దర్శకుడు విజయ్‌ కనకమేడల చేసిన కామెంట్స్‌ కాంట్రవర్సీకి దారి తీశాయి.‘ధర్మాన్ని కాపాడడం కోసం ఎప్పుడు ఎవరో ఒకరు వస్తూనే ఉంటారు. కరెక్టుగా సంవత్సరం క్రితం మన రాష్ట్రంలో ధర్మాన్ని కాపాడడం కోసం ఒకరు వచ్చారు’అని సినిమా ఈవెంట్‌లో పొలిటికల్‌ కామెంట్స్‌ చేశాడు. దీంతో వైఎస్సార్‌సీసీ శ్రేణులు విజయ్‌ కామెంట్స్‌పై ఆగ్రహం వ్యక్తం చేశారు. సందర్భం లేకపోయినా..ఎందుకు రాజకీయాలు మాట్లాడుతున్నారంటూ మండిపడుతున్నారు. భైరవం సినిమాను బహిష్కరించాలంటూ ‘బాయ్‌కాట్‌ భైరవం’ అనే హ్యాష్‌ట్యాగ్‌ని ట్విటర్‌లో వైరల్‌ చేస్తున్నారు. విజయ్‌ నోటి దురుసు కారణంగానే ఈ వివాదం చెలరేగింది. ఇదిలా ఉంటే మరోవైపు మెగా ఫ్యాన్స్‌ కూడా విజయ్‌పై మండిపడుతున్నారు. దానికి కారణం కొన్నేళ్ల క్రితం ఫేస్‌బుక్‌లో విజయ్‌ పెట్టిన ఒక పోస్టే.No apology will make up for these filthy acts. Unanimously #BoycottBhairavam and TFI should call for a ban on this director, #VijayKanakamedala. Anyone who books a ticket for this film isn’t just insulting the stars, they’re disrespecting the entire art of cinema. pic.twitter.com/ynpUYmF9Gd— At Theatres (@attheatres) May 22, 2025కొంపముంచిన ‘ఛా’విజయ్‌ కనకమేడల ఫేస్‌బుక్‌లో 2011లో చిరంజీవి, రామ్‌ చరణ్‌లపై ఒక పోస్ట్‌ పెట్టాడు. హిందీలో అమితాబ్‌, అభిషేక్‌ కలిసి నటించిన ‘పా’ సినిమా పోస్టర్‌ని మార్పింగ్‌ చేసి చిరంజీవి, రామ్‌ చరణ్‌ ముఖాలను వాటిపై అతికించారు. ఆ పోస్టర్‌కి ‘ఛా’ అనే టైటిల్‌ పెట్టి.. ‘సామాజిక న్యాయం సమర్పించు ‘ఛా’ అని వ్యంగ్యంగా రాసుకొచ్చాడు. ఇప్పుడిదే మెగాఫ్యాన్స్‌ ఫైర్‌ అవ్వడానికి కారణం అయింది. చిరంజీవి, రామ్‌ చరణ్‌లను ఇంత దారుణంగా అవమానిస్తావా అంటూ మెగా ఫ్యాన్స్‌ అతనిపై ఆగ్రహం వ్యక్తం చేస్తున్నారు. విజయ్‌ దర్శకత్వం వహించిన భైరవం సినిమాను బహిష్కరించాలని మెగా ఫ్యాన్స్‌ పిలుపునిచ్చారు.హ్యాక్‌ అయిందా? అదేలా?సోషల్‌ మీడియాలో బాయికాట్‌ భైరవం ట్యాగ్‌ ట్రెండ్‌ కావడంలో విజయ్‌ కనకమేడల దీనిపై రియాక్ట్‌ అయ్యాడు. ఆ పోస్ట్‌ తాను పెట్టింది కాదని, హ్యాక్‌ అయిందని తప్పుని కప్పిపుచ్చుకునే ప్రయత్నం చేశాడు. కానీ మెగాఫ్యాన్స్‌ మాత్రం హ్యాకింగ్‌ అనేది పచ్చి అబద్దం అని, 2011లో నువ్వ ఎవరో కూడా తెలియదు.. నీ అకౌంట్‌ని ఎలా హ్యాక్‌ చేస్తారు? ఒకవేళ చేసినా 14 ఏళ్లుగా నీ ఫేస్‌బుక్‌ని చెక్‌ చేసుకోలేదా? అని మెగా ఫ్యాన్స్‌ కామెంట్స్‌ చేస్తున్నారు. మొత్తానికి దర్శకుడి నోటి దురుసు కారణంగా సినిమాకు ఎంతోకొంత నష్టం అయితే జరిగినట్లే.Mr. అతి @DirVijayK మాట పొదుపు గా ఉండాలి , చేతలకి అదుపు ఉండాలి 🤬🤬#BoycottBHAIRAVAM pic.twitter.com/1YFBJmPBQv— Aravind Reddy (@AravindOnAir) May 23, 2025 నమస్కారం అందరికీ గుడ్ ఈవెనింగ్ అండీ..మెగాస్టార్ చిరంజీవి గారి అభిమానులకి, పవర్ స్టార్ పవన్ కళ్యాణ్ గారి అభిమానులకి, మెగా పవర్ స్టార్ రామ్ చరణ్ గారి అభిమానులకు అందరికీ గుడ్ ఈవెనింగ్. మేము మే 18న భైరవం ట్రైలర్ రిలీజ్ చేసాం. అప్పటి నుంచి నా మీద సోషల్ మీడియాలో కొంచెం ట్రోలింగ్…— Vijay Kanakamedala (@DirVijayK) May 22, 2025#Hacked #Tollywood #director #BoycottBHAIRAVAM #dengey #megadogs #mogga pic.twitter.com/NPM4jtyhQl— 𝔾𝕙𝕠𝕤𝕥ℝ𝕚𝕕𝕖𝕣🐉 (@yashwanthpotter) May 23, 2025

తెలుగులో హీరోగా కెరీర్ మొదలుపెట్టిన బెల్లంకొండ శ్రీనివాస్.. మధ్యలో హిందీలో సినిమా చేశాడు. చాలా గ్యాప్ తీసుకుని మళ్లీ ఇక్కడ 'భైరవం' చిత్రం చేశాడు. మే 30న థియేటర్లలోకి రానుంది. ఈ క్రమంలోనే ప్రమోషన్లలో పాల్గొన్న ఇతడు.. ఛత్రపతి హిందీ రీమేక్ ఫ్లాప్ కావడం గురించి మాట్లాడాడు.(ఇదీ చదవండి: ఈ వారం ఓటీటీల్లోకి ఏకంగా 31 సినిమాలు)'హిందీలో సినిమాలు చేసిన తెలుగు హీరోలు పెద్దగా లేరు. ప్రస్తుతం రానా, రామ్ చరణ్ మాత్రమే చేశారు. చరణ్ చేసింది 'జంజీర్' రీమేక్. హిందీ మూవీని మళ్లీ హిందీలో చేయడం వల్ల ప్రేక్షకులు అలా తీసుకున్నారేమో తెలియదు. నేను చేస్తున్నది సౌత్ మూవీ కదా అనుకున్నాను. రాజమౌళి హిట్ సినిమా, ఎమోషన్స్ కి బాగా కనెక్ట్ అవుతారని అనుకున్నాం''పైగా సవతి తల్లి, బిడ్డల సెంటిమెంట్ లాంటివి హిందీలో పెద్దగా ఉండవని నిర్మాత భరోసా ఇచ్చారు. దీంతో వర్కౌట్ అవుతుందేమోనని అనుకున్నాం. కానీ ఛత్రపతి మూవీని రీమేక్ చేయకుండా ఉండాల్సింది. ఎందుకంటే అప్పటికే సౌత్ సినిమాల్ని హిందీ ప్రేక్షకులు బాగా చూసేశారు. ఆ మూవీ షూటింగ్ జరుగుతున్నప్పుడు కూడా ఇది వర్కౌట్ అవుతుందా? అనే టెన్షన్ వల్ల పూర్తిగా దృష్టి పెట్టలేకపోయాను' అని బెల్లంకొండ శ్రీనివాస్ చెప్పుకొచ్చాడు.(ఇదీ చదవండి: 'డ్రాగన్' షూటింగ్ లో ప్రేమ.. ఇప్పుడు ఏకంగా పెళ్లి)

‘‘చాలామంది ఫ్రీమేక్‌లు చేస్తున్నారు. కానీ... మేం అధికారికంగా రీమేక్‌ (తమిళ హిట్‌ ఫిల్మ్‌ ‘గరుడన్‌’కు తెలుగు రీమేక్‌ ‘భైరవం’) చేశాం. అయినా ప్రేక్షకులు ఏ సినిమా బాగున్నా చూస్తారు. అది రీమేకా... ఫ్రీమేకా? అని పెద్దగా ఆలోచించరు. ‘భైరవం’(Bhairavam Movie) సినిమా తెలుగు ప్రేక్షకులకు నచ్చుతుంది. నా ప్రతి సినిమాలో ఉండే ఓ సామాజిక సందేశం ఈ సినిమాలోనూ ఉంది’’ అని అన్నారు దర్శకుడు విజయ్‌ కనకమేడల(Vijay Kanakamedala). బెల్లంకొండ సాయి శ్రీనివాస్, మనోజ్‌ మంచు, నారా రోహిత్‌ హీరోలుగా నటించిన చిత్రం ‘భైరవం’. అదితీ శంకర్, ఆనంది, దివ్యా పిళ్ళై హీరోయిన్లుగా నటించారు. విజయ్‌ కనకమేడల దర్శకత్వంలో పెన్‌ స్టూడియోస్‌ అధినేత జయంతిలాల్‌ గడా సమర్పణలో కేకే రాధామోహన్‌ నిర్మించిన ఈ చిత్రం ఈ నెల 30న రిలీజ్‌ కానుంది. ఈ సందర్భంగా విజయ్‌ కనకమేడల మాట్లాడుతూ–‘‘తమిళ సినిమా ‘గరుడన్‌’ కథ కమర్షియల్‌గానూ నాకు నచ్చింది. తెలుగులోనూ ముగ్గురు హీరోలతో చేయొచ్చనిపించింది. కథ అనుకున్నప్పుడే సాయిగారిని హీరోగా ఫైనల్‌ చేశాం. రోహిత్, మనోజ్‌గార్లను ఆ తర్వాత కలిస్తే, వారూ ఓకే చెప్పారు. కథలో ఈ ముగ్గురు హీరోలకు సమ ప్రాధాన్యత ఉంటుంది. మొదట్లో ముగ్గురు హీరోలతో సినిమా చేయడం కష్టమేమో అనిపించింది. కానీ... ఈ ముగ్గురు ఆఫ్‌ స్క్రీన్‌లోనూ మంచి మిత్రులు. దాంతో నా పని సులువైంది. ఇక ‘భైరవం’ కథ విషయానికొస్తే... ముగ్గురు స్నేహితుల ఫ్యామిలీల మధ్య జరిగే కథ. ఒక గ్రామంలో గుడి ఉంటుంది. ఆ గుడికి క్షేత్రపాలకుడు భైరవుడు. ఆ భైరవుడి రూపం నుంచి సినిమాకి ‘భైరవం’ అని టైటిల్‌ పెట్టాం. కథలో ఒక హీరోకు (బెల్లంకొండ సాయిశ్రీనివాస్‌ పాత్రను ఉద్దేశించి) చిన్నప్పట్నుంచి కాలభైరవుడు పూనతాడు. ఎందుకు? ఏమిటి? అనేది సినిమా చూస్తే తెలుస్తుంది. సినిమాలో మంచి ఎమోషన్‌ ఉంది. యాక్షన్‌ సీక్వెన్స్‌లూ అలరిస్తాయి. నా తర్వాతి సినిమా ఇంకా ఖరారు కాలేదు. నా దగ్గర చిరంజీవి, బాలకృష్ణ, వెంకటేశ్‌గార్లకు తగిన కథలు ఉన్నాయి’’ అని అన్నారు.

టాలీవుడ్ హీరో బెల్లంకొండ శ్రీనివాస్ పోలీసుల ఎదుట హాజరయ్యారు. ఆయనపై కేసు నమోదు కావడంతో జూబ్లీహిల్స్ పీఎస్‌లో విచారణకు వచ్చారు. తన ఇంటికి వెళ్తున్న క్రమంలో జర్నలిస్ట్ కాలనీ చౌరస్తా వద్ద రాంగ్ రూట్‌లో కారు నడపడంతో ఆయనపై పోలీసులు కేసు నమోదు చేశారు. దీంతో విచారణకు హాజరు కావాల్సి వచ్చింది. అవసరమైతే మరోసారి కోర్టు విచారణకు రావాలని ఆయనకు పోలీసులు సూచించారు. ఇప్పటికే హీరో కారును సీజ్ చేసిన పోలీసులు నోటీసులు ఇచ్చి పంపించారు.(ఇది చదవండి: దురుసు ప్రవర్తన.. టాలీవుడ్‌ హీరోపై కేసు నమోదు!)అసలేం జరిగిందంటే..జూబ్లీహిల్స్‌లోని జర్నలిస్టుల కాలనీలో నివాసం ఉంటున్న బెల్లకొండ శ్రీనివాస్‌ ఇంటికి వెళ్తున్న సమయంలో రాంగ్‌ రూట్‌లో కారు నడిపినట్లు పోలీసులు గుర్తించారు. తనని అడ్డుకున్న ట్రాఫిక్ పోలీసుతో ఆయన దురుసుగా ప్రవర్తించారు. ఈ సంఘటనను ఓ వాహనదారుడు వీడియో తీసి సోషల్‌ మీడియాలో పోస్ట్‌ చేయడంతో ఇది కాస్తా వైరల్‌ కావడంతో జూబ్లీహిల్స్‌ పోలీసులు బుధవారం కేసు నమోదు చేశారు. ఇక సినిమాల విషయానికొస్తే బెల్లంకొండ శ్రీనివాస్ ప్రస్తుతం భైరవం మూవీలో నటిస్తున్నారు.

సాక్షి, బంజారాహిల్స్‌: రాంగ్‌రూట్‌లో కారు నడపడమే కాకుండా ట్రాఫిక్‌ పోలీసులపై దురుసుగా ప్రవర్తించిన సినీ హీరో బెల్లంకొండ శ్రీనివాస్‌(Bellamkonda Sai srinivas)పై జూబ్లీహిల్స్‌ పోలీస్‌ స్టేషన్‌లో కేసు నమోదైంది. వివరాల్లోకి వెళితే..జూబ్లీహిల్స్‌ జర్నలిస్ట్‌కాలనీలో నివసించే బెల్లంకొండ శ్రీనివాస్‌ మంగళవారం మధ్యాహ్నం కారులో జూబ్లీహిల్స్‌ రోడ్డునెంబర్‌–45 వైపు నుంచి జర్నలిస్ట్‌కాలనీ వరకు వచ్చి చౌరస్తాలో రాంగ్‌రూట్‌లో తన ఇంటికి వెళుతుండగా అక్కడ విధుల్లో ఉన్న ట్రాఫిక్‌ కానిస్టేబుల్‌ నరేష్‌ అతడిని అడ్డుకున్నాడు. (చదవండి: రాంగ్ రూట్ లో కారు నడిపిన తెలుగు హీరో)దీంతో బెల్లంకొండ శ్రీనివాస్‌ సదరు ట్రాఫిక్‌ కానిస్టేబుల్‌తో దురుసుగా ప్రవర్తించడమేగా అతడి పైకి దూసుకెళ్లేందుకు ప్రయతి్నంచాడు. దీంతో కానిస్టేబుల్‌ భయంతో పక్కకు తొలగిపోవడంతో ప్రమాదం తప్పింది. ఈ సంఘటనను ఓ వాహనదారుడు వీడియో తీసి సోషల్‌ మీడియాలో పోస్ట్‌ చేయడంతో ఇది కాస్తా వైరల్‌ కావడంతో జూబ్లీహిల్స్‌ పోలీసులు బుధవారం కేసు నమోదు చేశారు. ఆయన మద్యం సేవించి వాహనం నడుపుతున్నాడా? అన్న విషయం తేలాల్చి ఉంది. శ్రీనివాస్‌ను స్టేషన్‌కు పిలిపించి విచారించనున్నారు. జూబ్లీహిల్స్‌ పోలీసులు కేసు దర్యాప్తు చేస్తున్నారు.

తెలుగు హీరో బెల్లంకొండ శ్రీనివాస్ చాన్నాళ్లుగా తెరపై కనిపించలేదు. ఇతడి లేటెస్ట్ మూవీ 'భైరవం' మే 30న థియేటర్లలోకి రానుంది. ప్రస్తుతం ప్రమోషన్స్ నడుస్తున్నాయి. మరోవైపు ఈ హీరో ఇప్పుడు అనుకోని విషయంలో చర్చనీయాంశమయ్యాడు. రాంగ్ రూట్ లో కారు నడపడమే ఇందుకు కారణం.(ఇదీ చదవండి: ఓటీటీలోకి తమిళ కామెడీ థ్రిల్లర్.. తెలుగులో నేరుగా రిలీజ్) హైదరాబాద్ లోని జూబ్లీహిల్స్ జర్నలిస్ట్ కాలనీ దగ్గర రాంగ్ రూట్ లో బెల్లంకొండ శ్రీనివాస్ కనిపించాడు. అక్కడే ఉన్న ట్రాఫిక్ కానిస్టేబుల్.. సదరు హీరోని నిలదీశాడు. దీంతో శ్రీనివాస్ అక్కడి నుంచి వెళ్లిపోయాడు. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది.నిర్మాత కొడుకు అయిన సాయి శ్రీనివాస్.. 'అల్లుడు శ్రీను' మూవీతో హీరోగా పరిచయమయ్యాడు. ఇది ఓ మోస్తరు హిట్ అనిపించుకుంది. మధ్య రాక్షసుడు అనే సినిమా కాస్త పర్వాలేదనిపించింది. ఈ రెండు తప్పితే మిగిలిన చిత్రాలు బాక్సాఫీస్ దగ్గర ఫెయిలయ్యాయి. ప్రస్తుతం 'భైరవం' కాకుండా కిష్కిందపురి, టైసన్ నాయుడు, హైందవ అని మరో మూడు చిత్రాలు షూటింగ్ జరుపుకొంటున్నాయి.(ఇదీ చదవండి: తిరుమల శ్రీవారికి అవమానం? వివాదంపై స్పందించిన హీరో) రాంగ్ రూట్ లో కార్ డ్రైవింగ్ నటుడు బెల్లంకొండ ను వెనక్కి పంపిన ట్రాఫిక్ పోలీస్..!నటుడు బెల్లంకొండ శ్రీనివాస్ జూబ్లీహిల్స్ లో రాంగ్ రూట్ లో కారును తీసుకెళ్లడానికి యత్నించాడు... ఈ క్రమంలో కారు అక్కడే విధుల్లో ఉన్న ట్రాఫిక్ కానిస్టేబుల్ కు తాకినంత పనిచేసింది..!దీంతో… pic.twitter.com/BYcE9MA2lR— Telangana Awaaz (@telanganaawaaz) May 13, 2025

తెలుగులో చాలామంది హీరోలు ఉన్నారు. వాళ్లలో ఒకడు బెల్లంకొండ శ్రీనివాస్. పదేళ్లకు పైనే ఇండస్ట్రీలో ఉన్నాడు కానీ చెప్పుకోదగ్గ సినిమాలు ఒకటి రెండు మాత్రమే ఉన్నాయి. చివరగా 2023లో ఛత్రపతి చిత్రాని హిందీలో రీమేక్ చేసి ఘోరంగా ఫెయిలయ్యాడు.(ఇదీ చదవండి: మహేశ్ బాబు నయా లుక్.. ఎ‍ప్పుడు లేనంతగా) దీంతో చాలా గ్యాప్ తీసుకుని ఒకేసారి నాలుగు సినిమాల్ని రెడీ చేస్తున్నాడు. అందులో 'భైరవం' త్వరలో రిలీజ్ అవుతుంది. ఇప్పుడు 'కిష్కిందపురి' అని మరో మూవీ ప్రకటించాడు. తాజాగా గ్లింప్స్ రిలీజ్ చేశారు.పాడుబడ్డ పెద్ద భవంతి, అందులో హీరో అండ్ గ్యాంగ్ వెళ్తారు. తర్వాత ఎలాంటి అనుభవాలు ఎదురయ్యాయనే అంశాలతో ఈ 'కిష్కిందపురి' తీసినట్లు అనిపిస్తుంది. గతంలో బెల్లంకొండ హీరోతో 'రాక్షసుడు' సినిమాలో నటించిన అనుపమ.. ఇందులో హీరోయిన్.(ఇదీ చదవండి: 'కోర్ట్'ని మించిపోయేలా ఉంటుంది.. ఓటీటీ డేట్ ఫిక్స్) తొలిసారి హారర్ జానర్ సినిమాతో బెల్లంకొండ శ్రీనివాస్ రాబోతున్నాడు. ఈ వర్షాకాలంలోనే మూవీ రిలీజ్ చేయబోతున్నట్లు ప్రకటించారు. కౌశిక్ పెగళ్లపాటి దర్శకుడు. మరి ఈసారైనా బెల్లంకొండ హిట్ కొడతాడా?ఈ గ్లింప్స్ చూస్తుంటే విజువల్స్, బ్యాక్ గ్రౌండ్ మ్యూజిక్ బాగుంది. చివర్లో హీరో... అహం మృత్యు అని చెప్పిన డైలాగ్, ఆ టైంలో కళ్లు దెయ్యం కళ్లలా ఉండటం చూస్తుంటే ఈసారి ప్రేక్షకుల్ని భయపెడతారనిపిస్తోంది. గతంలో అనుపమతో థ్రిల్లర్ మూవీ చేయగా.. ఇప్పుడు హారర్ చేశాడు శ్రీనివాస్.(ఇదీ చదవండి: ‍అర్థరాత్రి నా హోటల్ రూంలోకి రావాలని చూశాడు: హీరోయిన్)

హీరోలు బెల్లంకొండ శ్రీనివాస్‌, మంచు మనోజ్‌, నారా రోహిత్‌ ప్రధాన పాత్రల్లో నటిస్తున్న చిత్రం భైరవం. ఇది తమిళ 'గరుడన్‌' సినిమాకు రీమేక్‌ అని తెలుస్తోంది. విజయ్‌ కనకమేడల దర్శకత్వం వహించిన ఈ సినిమా నుంచి సోమవారం (జనవరి 20) టీజర్‌ రిలీజ్‌ చేశారు. రాత్రి నాకో కల వచ్చింది. చుట్టూ తెగిపడిన తలలు, మొండాలు.. అంటూ జయ సుధ చెప్పే డైలాగ్‌తో టీజర్‌ మొదలవుతుంది. శీనుగాడి కోసం నా ప్రాణాలిస్తా.. వాడి జోలికెవడైనా వస్తే ప్రాణాలు తీస్తా అని మనోజ్‌ పవర్‌ఫుల్‌ డైలాగ్‌ చెప్పాడు. యాక్షన్‌కు ఢోకా లేదన్నట్లుగా ఉన్న ఈ టీజర్‌కు పాజిటివ్‌ రెస్పాన్స్‌ వస్తోంది. శ్రీచరణ్‌ పాకాల సంగీతం అందించిన ఈ సినిమాను కెకె రాధామోహన్‌ నిర్మిస్తున్నారు. సినిమాలో ప్రముఖ దర్శకుడు శంకర్‌ కుమార్తె అదితి శంకర్‌తో పాటు ఆనంది, దివ్య పిళ్లై హీరోయిన్లుగా నటిస్తున్నారు. అజయ్‌, రాజా రవీంద్ర, సంపత్‌ రాజ్‌, సందీప్‌ రాజ్‌, వెన్నెల కిశోర్‌ ముఖ్య పాత్రలు పోషిస్తున్నారు. చదవండి: అదివారం నాడు నాకో సెంటిమెంట్‌ ఉంది.. ఈ పని మాత్రం చేయను:బాలకృష్ణ

హీరో బెల్లంకొండ శ్రీనివాస్‌.. తొలి సినిమా ‘అల్లుడు శీను’తోనే హిట్‌ కొట్టి టాలీవుడ్‌లో తనకంటూ ప్రత్యేక గుర్తింపు తెచ్చుకున్నాడు . ఆ తర్వాత జయ జానకి నాయక, రాక్షసుడు వంటి హిట్‌ చిత్రాలతో స్టార్‌ హీరోల లిస్ట్‌లో చేరిపోయాడు. అయితే ఈ యంగ్‌ హీరో ఇటీవల నటించిన చిత్రాలేవి బాక్సాఫీస్‌ వద్ద విజయం సాధించలేకపోయాయి. అల్లుడు అదుర్స్ మూవీ తర్వాత తెలుగులో ఆయన మరే సినిమాలో నటించలేదు. అయితే, ఛత్రపతి హిందీ రీమేక్ కోసం బెల్లంకొండ శ్రీనివాస్ చాలా కష్టపడ్డాడు. ఆ ప్రాజెక్ట్‌ కోసం భారీగా ఖర్చు పెట్టాడు కూడా.. కానీ, ఫలితం దక్కలేదు. దీంతో ఆయన టాలీవుడ్ వైపే సీరియస్‌గా అడుగులు వేస్తున్నారు. ఇప్పుడు వరుస సినిమాలను లైన్‌లో పెట్టేశాడు. అందులో 'హైందవ' (Haindava Movie) చిత్రం నుంచి తాజాగా టైటిల్‌​ గ్లింప్స్‌ (Glimpse) విడుదల చేశారు.(ఇదీ చదవండి: 'డాకు మహారాజ్‌' ప్రీరిలీజ్‌ ఈవెంట్‌ రద్దు)బెల్లంకొండ శ్రీనివాస్‌ (Bellamkonda Srinivas) హీరోగా లుధీర్‌ బైరెడ్డి దర్శకత్వంలో హైందవ చిత్రాన్ని మహేశ్‌ చందు నిర్మిస్తున్నారు. పాన్‌ ఇండియా రేంజ్‌లో ఈ సినిమాను తెరకెక్కిస్తున్నారు. నాలుగువందల ఏళ్ల క్రితం నాటి గుడి కాన్సెప్ట్‌తో ఈ మూవీని చిత్రీకరిస్తున్నారు. హిందూ పురాణాల ఆధారంగా వచ్చిన చాలా సినిమాలు ఈ మధ్య కాలంలో మంచి విజయాన్ని అందుకున్నాయి. ఇప్పుడు శ్రీ మహా విష్ణువు దశావతారాల నుంచి హైందవ చిత్రం రానుందని తెలుస్తోంది. తాజాగా విడుదలైన టీజర్‌ చూస్తుంటే చాలా ఆసక్తిగా ఉంది. 2.40 నిమిషాలు ఉన్న ఈ టీజర్‌ ఆద్యంతం ప్రేక్షకులను ఆకట్టుకుంటోంది. పురాతన ఆలయాన్ని కొందరు దుండగలు నాశనం చేసేందుకు ప్రయత్నిస్తుండగా వారిని అడ్డుకోవడానికి ఓ బైకులో హీరో శ్రీనివాస్‌ పెద్ద సాహసమే చేస్తుంటాడు. ఇదే సమయంలో సింహం, వరాహం, గద్ద కూడా అతని బైకు వెంట వెళ్తూ ఉంటాయి. ఈ విజువల్‌ చాలా అద్భుతంగా ఉంటుంది. ఈ సినిమా చిత్రీకరణ ఇప్పటికే పూర్తి కావచ్చింది. కమర్షియల్‌ అంశాలతో కూడిన శక్తివంతమైన, ఆసక్తికరమైన కథను లుధీర్‌ సిద్ధం చేశారని తెలుస్తోంది. ఈ చిత్రానికి సంగీతం లియోన్‌ జేమ్స్‌ అందిస్తున్నారు.'భైరవం'లో శంకర్‌ కుమార్తె హీరోయిన్‌బెల్లంకొండ సాయి శ్రీనివాస్, మంచు మనోజ్, నారా రోహిత్‌ ప్రధాన పాత్రల్లో నటిస్తున్న చిత్రం ‘భైరవం’. విజయ్‌ కనకమేడల దర్శకత్వం వహిస్తున్న ఈ సినిమాలో ప్రముఖ దర్శకుడు శంకర్‌ కుమార్తె అదితీ శంకర్‌ హీరోయిన్‌. ఈ చిత్రానికి శ్రీ చరణ్‌ పాకాల సంగీతం అందించారు. ఈ చిత్రం నుంచి ఒక సాంగ్‌ కూడా విడుదలైంది. యాక్షన్‌ డ్రామాగా రూపొందుతున్న ఈ చిత్రం నుంచి ఇప్పటికే విడుదల చేసిన సాయి శ్రీనివాస్, మంచు మనోజ్, నారా రోహిత్‌ ఫస్ట్‌ లుక్‌ పోస్టర్స్‌ మంచి బజ్‌ను క్రియేట్‌ చేశాయని చెప్పవచ్చు.

బెల్లంకొండ సాయి శ్రీనివాస్ హీరోగా నటిస్తోన్న తాజా చిత్రం భైరవం. ఈ చిత్రంలో ఆదితి శంకర్‌ హీరోయిన్‌గా నటిస్తోంది. ఈ సినిమాకు విజయ్ కనకమేడల దర్శకత్వం వహిస్తున్నారు. తాజాగా ఈ చిత్రానికి సంబంధించిన అప్‌డేట్ ఇచ్చారు మేకర్స్. ఇవాళ సాయి శ్రీనివాస్ పుట్టిన రోజు కావడంతో ఈ మూవీ నుంచి ఫస్ట్ సింగిల్‌ లిరికల్ వీడియోను విడుదల చేశారు. టాలీవుడ్ హీరో నాని చేతుల మీదుగా ఈ పాటను రిలీజ్ చేశారు. ఈ సందర్భంగా ఆయన హీరోకు బర్త్‌ డే విషెస్ చెప్పారు. ఓ వెన్నెల అంటూ సాంగే పాట ఆడియన్స్‌ను తెగ ఆకట్టుకుంటోంది. తాజాగా విడుదలైన సాంగ్‌ ఓ వెన్నెల సాంగ్‌కు తిరుపతి జావన లిరిక్స్‌ అందించారు. ఈ పాటను అనురాగ్‌ కులకర్ణి, యామిని ఆలపించారు. శ్రీచరణ్ పాకాల సంగీతమందిస్తోన్న ఈ చిత్రంలో మంచు మనోజ్, నారా రోహిత్‌ కీలక పాత్రల్లో కనిపించనున్నారు. అదితి శంకర్‌తో పాటు దివ్యా పిళ్లై, ఆనంది కూడా హీరోయిన్లుగా నటిస్తున్నారు. ఈ మూవీ షూటింగ్ దాదాపు చివరిదశకు చేరుకున్నట్లు తెలుస్తోంది. త్వరలోనే ఈ సినిమా విడుదల తేదీని మేకర్స్ ప్రకటించనున్నారు.Happy to launch this soothing melody #OoVennela from #Bhairavam ▶️ https://t.co/BvAn6n84rt Happy Birthday @BSaiSreenivas, wish you all the luck and success this year.All the best @AditiShankarofl, @KKRadhamohan Garu , @DirVijayK, @sricharanpakala & Team pic.twitter.com/eZ9lNclFkK— Nani (@NameisNani) January 3, 2025

బెల్లంకొండ సాయి శ్రీనివాస్, మంచు మనోజ్, నారా రోహిత్‌ ప్రధాన పాత్రల్లో నటిస్తున్న చిత్రం ‘భైరవం’. విజయ్‌ కనకమేడల దర్శకత్వం వహిస్తున్న ఈ సినిమాలో ప్రముఖ దర్శకుడు శంకర్‌ కుమార్తె అదితీ శంకర్‌ హీరోయిన్‌. ఈ చిత్రానికి శ్రీ చరణ్‌ పాకాల సంగీతం అందించారు. ఈ నెల 3న బెల్లంకొండ సాయి శ్రీనివాస్‌ పుట్టిన రోజు. ఈ సందర్భంగా ‘భైరవం’ మూవీ నుంచి ‘ఓ వెన్నెల..’ అంటూ సాగే పాటని రిలీజ్‌ చేయనున్నట్లు మేకర్స్‌ ప్రకటించి, కొత్త పోస్టర్‌ని రిలీజ్‌ చేశారు. ‘‘యాక్షన్‌ డ్రామాగా రూపొందుతున్న చిత్రం ‘భైరవం’. ఈ మూవీ నుంచి ఇప్పటికే విడుదల చేసిన సాయి శ్రీనివాస్, మంచు మనోజ్, నారా రోహిత్‌ ఫస్ట్‌ లుక్‌ పోస్టర్స్‌ మంచి బజ్‌ను క్రియేట్‌ చేశాయి’’ అని చిత్రబృందం పేర్కొంది.

హారర్‌ సినిమాలు ఏ మాత్రం ఆడియన్స్‌కు కనెక్ట్‌ అయినా బాక్సాఫీస్‌ వద్ద కాసుల వర్షాన్ని కురిపిస్తాయి. అందుకే కథాబలం ఉన్న భయపెట్టే కథలు తమ దగ్గరకి వస్తే చేసేందుకు భయపడరు హీరోలు, హీరోయిన్లు. కథలోని భయాన్నే భరోసాగా చేసుకుని, ప్రస్తుతం కొందరు నటీనటులు హారర్‌ సినిమాలు చేస్తున్నారు. ఆ స్టార్స్‌ చేస్తున్న హారర్‌ చిత్రాల గురించి తెలుసుకుందాం.రాజా డీలక్స్‌ థియేటర్‌లో రాజా సాబ్‌ ప్రభాస్‌ కటౌట్‌ చాలు బాక్సాఫీస్‌ భయపడటానికి. కానీ వెండితెరపై ప్రభాస్‌ భయపడితే ఎలా ఉంటుంది? ఆడియన్స్‌ను ప్రభాస్‌ భయపెడితే ఎలా ఉంటుంది? అనేది ‘రాజా సాబ్‌’ సినిమాలో చూడొచ్చు. ‘ప్రేమకథా చిత్రమ్‌’తో ఆడియన్స్‌ని నవ్విస్తూనే భయపెట్టి, బాక్సాఫీస్‌ కాసులను కురిపించిన దర్శకుడు మారుతి ‘రాజా సాబ్‌’ సినిమాను తెరకెక్కిస్తున్నారు. ప్రభాస్‌ హీరోగా నటిస్తున్న ఈ చిత్రంలో నిధీ అగర్వాల్, మాళవికా మోహనన్‌ హీరోయిన్లుగా నటిస్తున్నారు. ఈ సినిమా చిత్రీకరణ తుది దశకు చేరుకుంది. ఈ చిత్రంలో ప్రభాస్‌ ద్విపాత్రాభినయం చేస్తున్నారని, తాతా మనవళ్ళుగా ప్రభాస్‌ కనిపిస్తారని, ఈ సినిమాలోని ఫ్లాష్‌బ్యాక్‌ ఎపిసోడ్స్‌లో సీరియస్‌ హారర్‌ సీన్స్‌ ఉన్నాయని సమాచారం. ‘రాజా డీలక్స్‌’ అనే థియేటర్‌లో జరిగే హారర్‌ సీన్స్‌ ఈ సినిమాకు కీలకమని ఫిల్మ్‌నగర్‌ భోగట్టా. పీపుల్‌ మీడియా ఫ్యాక్టరీ పతాకంపై టీజీ విశ్వప్రసాద్‌ ఈ సినిమాను నిర్మిస్తున్నారు. ఈ సినిమాకు చాలా సీజీ వర్క్‌ చేయాల్సి ఉంది. దీంతో వీలైనంత తొందరగా షూటింగ్‌ను కంప్లీట్‌ చేయాలని మేకర్స్‌ ప్లాన్‌ చేస్తున్నారు. హారర్‌ తరహా జానర్‌లో ప్రభాస్‌ ఇప్పటివరకు సినిమా చేయలేదు. దీంతో ‘రాజా సాబ్‌’ సినిమా ఎలా ఉండబోతుంది? అనే క్యూరియాసిటీ ప్రభాస్‌ అభిమానులతో పాటు ఆడియన్స్‌లోను నెలకొంది. ఈ చిత్రం వచ్చే ఏడాది ఏప్రిల్‌ 10న విడుదల కానుంది. ఇప్పుడు సినిమాలోనూ... నాగచైతన్య కెరీర్‌లో ఇప్పటివరకూ హారర్‌ బ్యాక్‌డ్రాప్‌ సినిమాలు లేవు. అయితే హారర్‌ టచ్‌ ఉన్న ‘ధూత’ అనే వెబ్‌ సిరీస్‌ చేశారు. ఈ సిరీస్‌కు వీక్షకుల నుంచి పాజిటివ్‌ రెస్పాన్స్‌ లభించింది. ఇప్పుడు ఓ పర్ఫెక్ట్‌ హారర్‌ మూవీతో వచ్చేందుకు రెడీ అవుతున్నారు నాగచైతన్య. ‘విరూపాక్ష’ సినిమాతో దర్శకుడు కార్తీక్‌వర్మ దండు ఆడియన్స్‌ను బాగా భయపెట్టి, బాక్సాఫీస్‌ వద్ద డబ్బులు రాబట్టుకున్నారు. ఈ దర్శకుడు తెరకెక్కించనున్న కొత్త సినిమాలో నాగచైతన్య హీరోగా నటించనున్నారు. ‘విరూపాక్ష’ను మించిన హారర్‌ ఎలిమెంట్స్‌ ఈ సినిమాలో ఉంటాయని, కథకు కాస్త మైథలాజికల్‌ టచ్‌ కూడా ఉంటుందని సమాచారం. ఈ సినిమాను ఇటీవల అధికారికంగా ప్రకటించారు. ఓ ఎత్తైన పర్వతం పైకి ఎక్కుతున్న నాగచైతన్యను ఓ పక్షి కన్నులో నుంచి చూపించారు మేకర్స్‌. దీంతో ఈ సినిమాపై ఆడియన్స్‌కు ఆసక్తి నెలకొంది. ఈ నెలాఖర్లో ఈ సినిమా చిత్రీకరణను ప్రారంభించాలనుకుంటున్నారు. నాగచైతన్య కెరీర్‌లోని ఈ 24వ సినిమాను బీవీఎస్‌ఎన్‌ ప్రసాద్‌ నిర్మించనున్నారు. కొరియన్‌ కనకరాజు లవ్‌స్టోరీ, యాక్షన్‌ జానర్స్‌లో సినిమాలు చేశారు వరుణ్‌ తేజ్‌. అయితే ఈసారి కొత్తగా ప్రయత్నించాలని వరుణ్‌ తేజ్‌ డిసైడ్‌ అయ్యారు. అందుకే ఓ హారర్‌ కామెడీ సినిమా చేసేందుకు గ్రీన్‌ సిగ్నల్‌ ఇచ్చారు వరుణ్‌. ‘రన్‌ రాజా రన్, వెంకటాద్రి ఎక్స్‌ప్రెస్‌’ వంటి చిత్రాలతో ఆడియన్స్‌ను ఆకట్టుకున్న మేర్లపాక గాంధీ ఈ సినిమాకు దర్శకత్వం వహించనున్నారు. యూవీ క్రియేషన్స్, ఫస్ట్‌ ఫ్రేమ్‌ ఎంటర్‌టైన్మెంట్స్‌ సంస్థలు ఈ సినిమాను నిర్మించనున్నాయి. ఈ సినిమా కథనం రాయలసీమ నేపథ్యంలో ఉంటుంది. మార్చిలో ఈ సినిమా రెగ్యులర్‌ షూట్‌ను ప్రారంభించాలనుకుంటున్నారు. ప్రస్తుతం ప్రీప్రొడక్షన్‌ వర్క్స్‌ జరుగుతున్నాయి. ఇది పీరియాడికల్‌ ఫిల్మ్‌గా ఉండొచ్చనే టాక్‌ వినిపిస్తోంది. అలాగే ఈ సినిమాకు ‘కొరియన్‌ కనకరాజు’ అనే టైటిల్‌ను పరిశీలిస్తున్నారని తెలిసింది. మార్చిలో చిత్రీకరణ అంటున్నారు కాబట్టి, వచ్చే ఏడాది చివర్లో ఈ సినిమా రిలీజ్‌ అయ్యే అవకాశాలు ఉన్నట్లుగా ఊహించవచ్చు. చీకటి–వెలుగుల మధ్యలో...! చీకటి వెలుగుల మధ్య దాగి ఉన్న ఓ మిస్టరీని చేధించే పనిలో పడ్డారట బెల్లకొండ సాయి శ్రీనివాస్‌. ఆయన హీరోగా కౌశిక్‌ పెగుళ్లపాటి దర్శకత్వంలో ఓ హారర్‌ మిస్టరీ థ్రిల్లర్‌ మూవీ రూపొందుతోంది. సాయి శ్రీనివాస్‌ కెరీర్‌లోని ఈ 11వ చిత్రంలో ‘కిష్కింధపురి’ అనే కల్పిత ప్రాంతం ఉంటుందని, అక్కడ కోతులు ఎక్కువగా ఉంటాయని, ఈ నేపథ్యంలో ఓ హారర్‌ కథను కౌశిక్‌ రెడీ చేసుకున్నారనీ భోగట్టా. ఈ సినిమాకు ‘కిష్కింధపురి’ అనే టైటిల్‌ అనుకుంటున్నారట. సాహు గారపాటి నిర్మిస్తున్న ఈ సినిమా వచ్చే ఏడాది రిలీజ్‌ కావొచ్చు. రహస్యాలను కనిపెట్టే యువతిగా∙ఈ ఏడాది ‘అరణ్మణై 4’ (తెలుగులో ‘బాకు’) వంటి హారర్‌ సినిమాతో ఆడియన్స్‌ను ఆలరించారు తమన్నా. ఈ సినిమాలో ఓ పాజిటివ్‌ ఆత్మగానే కనిపించారు. అలాగే ఈ ఏడాదే విడుదలైన హిందీ బ్లాక్‌బస్టర్‌ హారర్‌ ఫిల్మ్‌ ‘స్త్రీ 2’లోనూ మెరిశారు తమన్నా. కానీ ఆమె పాత్రకు హారర్‌ టచ్‌ లేదు. ఓ స్పెషల్‌ సాంగ్‌తోనే సరిపోయింది. కాగా ప్రస్తుతం తమన్నా ‘ఓదెల 2’ అనే మైథలాజికల్‌ హారర్‌ మూవీలో నటిస్తున్నారు. ఇందులో నాగసాధువు శివశక్తి పాత్రలో కనిపిస్తారు తమన్నా. హెబ్బా పటేల్, వశిష్ఠ ఈ చిత్రంలో కీలక పాత్రలు పోషిస్తున్నారు. ఓదెల మల్లన్న స్వామి తన గ్రామ ప్రజలను దుష్ట శక్తుల నుంచి ఏ విధంగా కాపాడారు? అన్నదే ఈ చిత్రం కథాంశం. సంపత్‌ నంది ఈ సినిమాకు కథ అందించారు. అశోక్‌ తేజ దర్శకత్వం వహిస్తున్న ఈ సినిమాను సంపత్‌ నంది టీమ్‌ వర్క్స్, మధు క్రియేషన్స్‌ పతాకాలపై డి. మధు ఈ నిర్మిస్తున్నారు. మరోవైపు గాంధారి కోటలోని రహస్యాలను కనిపెట్టే యువతి పాత్రలో నటించారు హన్సిక. ‘శ్రీ గాంధారీ’ సినిమా కోసం హన్సిక ఈ పాత్ర చేశారు. హారర్, మిస్టరీ, సస్పెన్స్, థ్రిల్‌ అంశాలతో రూపొందిన ఈ చిత్రంలో మెట్రో శిరీష్, మయిల్‌ సామి, తలైవాసల్‌ విజయ్‌ ఇతర కీలక పాత్రధారులు. ఆర్‌. కన్నన్‌ దర్శకత్వం వహించిన ఈ సినిమాను తెలుగులో రాజు నాయక్‌ రిలీజ్‌ చేస్తున్నారు. త్వరలోనే ఈ చిత్రం రిలీజ్‌ కానుంది. ఇంకా సత్యం రాజేశ్‌ ‘పొలిమేర 3’, తిరువీర్‌ ‘మసూద 2’, వంటి హారర్‌ సినిమాలు స్క్రిప్ట్‌ దశలో ఉన్నాయని తెలుస్తోంది. మరికొందరు యువ దర్శకులు కూడా హారర్‌ సినిమాలు చేసేందుకు రెడీ అవుతున్నారని తెలిసింది. - ముసిమి శివాంజనేయులు

*'ఛత్రపతి' రీమేక్ ఫలితం దెబ్బకు సైలెంట్ అయిపోయిన యంగ్ హీరో బెల్లంకొండ శ్రీనివాస్.. కొత్త సినిమాని రెడీ చేశాడు. 'భైరవం' టైటిల్ ఫిక్స్ చేయడంతో పాటు ఫస్ట్ లుక్ కూడా తాజాగా రిలీజ్ చేశారు. ఈ ఏడాది తమిళంలో వచ్చిన 'గరుడన్' చిత్రానికి ఇది రీమేక్ అని తెలుస్తోంది. మంచు మనోజ్, నారా రోహిత్ కూడా ఇందులో కీలక పాత్రల్లో నటిస్తున్నారు. విజయ్ కనకమేడల దర్శకుడు. వచ్చే నెలలో అంటే డిసెంబరు 3వ వారంలో రిలీజ్ ఉండొచ్చని టాక్.(ఇదీ చదవండి: మళ్లీ పెళ్లి చేసుకున్న నటి సన్నీ లియోన్!)*ప్రస్తుతం 'రాబిన్ హుడ్' చేస్తున్న నితిన్.. డిసెంబరు 20న ఈ సినిమాతో థియేటర్లలోకి రానున్నాడు. మరోవైపు 'వకీల్ సాబ్' తీసిన వేణు శ్రీరామ్ దర్శకత్వంలో 'తమ్ముడు' చేస్తున్నాడు. బ్రదర్-సిస్టర్ సెంటిమెంట్ కథతో తీస్తున్న ఈ మూవీని వచ్చే ఏడాది శివరాత్రికి రిలీజ్ చేస్తున్నట్లు ప్రకటించారు. ఈ మేరకు తాజాగా పోస్టర్ రిలీజ్ చేశారు.*అనుష్క శెట్టి ప్రస్తుతం 'ఘాటి' అనే సినిమా చేస్తోంది. క్రిష్ దర్శకుడు. చాలా వరకు షూటింగ్ పూర్తి కాగా.. ఈనెల 7న అంటే గురువారం చిత్ర గ్లింప్స్ రిలీజ్ చేయబోతున్నట్లు నిర్మాతలు ప్రకటించారు. ఇది వచ్చిన తర్వాత మూవీ ఎలా ఉండబోతుందని ఓ అంచనాకు రావొచ్చు.(ఇదీ చదవండి: ఈ వారం ఓటీటీల్లోకి ఏకంగా 23 సినిమాలు.. ఐదు స్పెషల్)

ఓ పురాతన గుడి ముందు తుపాకీ పట్టుకుని నిల్చున్నారు హీరో బెల్లంకొండ సాయిశ్రీనివాస్‌. ఆ గుడి నాలుగువందల ఏళ్ల క్రితం నాటిది. ఆ గుడికి హీరో ఎందుకు వెళ్లాలనుకుంటాడు? అనేది తెలుసుకోవడానికి కాస్త సమయం ఉంది. బెల్లంకొండ సాయిశ్రీనివాస్‌ హీరోగా లుధీర్‌ బైరెడ్డి దర్శకత్వంలో మహేశ్‌ చందు ఓ సినిమాను నిర్మిస్తున్నారు. దివంగత ప్రముఖ దర్శకులు కోడి రామకృష్ణ 75వ జయంతి, హీరో శ్రీనివాస్‌ ఇండస్ట్రీలోకి నటుడిగా వచ్చి పదేళ్లు పూర్తి కావడం... ఈ రెండు సందర్భాలను పురస్కరించుకుని ఈ సినిమాను మంగళవారం అధికారికంగా ప్రకటించారు. ‘‘ఈ సినిమా చిత్రీకరణ ఇప్పటికే మొదలైంది. జూలై 24న రెండో షెడ్యూల్‌ను మొదలు పెట్టనున్నాం. కమర్షియల్‌ అంశాలతో కూడిన శక్తివంతమైన, ఆసక్తికరమైన కథను సిద్ధం చేశారు లుధీర్‌’’ అని చిత్ర బృందం పేర్కొంది. ఈ చిత్రానికి సంగీతం: లియోన్‌ జేమ్స్‌.

బెల్లంకొండ సాయి శ్రీనివాస్ కొంత కాలం పాటు సినిమాలకు గ్యాప్‌ ఇచ్చారు. దాదాపు మూడేళ్ల తర్వాత మళ్లీ వెండితెరపై మెరిసేందుకు అడుగులు వేస్తున్నారు. చివరిగా బాలీవుడ్‌లో ఛత్రపతి సినిమాలో నటించిన ఆయన కొన్ని రోజుల క్రితం టైసన్‌ నాయుడు చిత్రాన్ని ప్రారంభించారు. అయితే, తాజాగా #BSS11 పేరుతో మరో కొత్త ప్రాజెక్ట్‌ను ఆయన పట్టాలెక్కించారు.బెల్లంకొండ సాయి శ్రీనివాస్, అనుపమ పరమేశ్వరన్ మరోసారి ఈ సినిమాలో జోడిగా కనిపించనున్నారు. గతంలో వారిద్దరూ 'రాక్షసుడు' సినిమాలో నటించిన విషయం తెలిసిందే. ఈ చిత్రాన్ని కౌశిక్ పెగళ్లపాటి దర్శకత్వం వహించనున్నారు. 'చావు కబురు చల్లగా' అనే సినిమాను ఆయన డైరెక్ట్‌ చేసి గుర్తింపు తెచ్చుకున్నారు. ఈ సినిమాను శ్రీమతి అర్చన సమర్పణలో షైన్ స్క్రీన్స్ ప్రొడక్షన్ నెం 8 పేరుతో సాహు గారపాటి ప్రొడ్యూస్ చేస్తున్నారు. తాజాగా అన్నపూర్ణ స్టూడియోస్‌లో #BSS11 ప్రాజెక్ట్‌కు సంబంధించిన పూజా కార్యక్రమం జరిగింది. ఇప్పటికే విడుదలైన ఫస్ట్‌ లుక్‌ అందరినీ మెప్పించేలా ఉంది. హారర్-మిస్టరీ కథాంశంతో తెరకెక్కనున్న ఈ సినిమాపై ఫ్యాన్స్‌లో భారీ అంచనాలు ఉన్నాయి. వచ్చే ఏడాదిలో ఈ సినిమా విడుదల కానుంది.

తొలి సినిమా ‘అల్లుడు శీను’తోనే హిట్‌ కొట్టి టాలీవుడ్‌లో తనకంటూ ప్రత్యేక గుర్తింపు తెచ్చుకున్నాడు హీరో బెల్లంకొండ శ్రీనివాస్‌. ఆ తర్వాత జయ జానకి నాయక, రాక్షసుడు వంటి హిట్‌ చిత్రాలతో స్టార్‌ హీరోల లిస్ట్‌లో చేరిపోయాడు. అయితే ఈ యంగ్‌ హీరో ఇటీవల నటించిన చిత్రాలేవి బాక్సాఫీస్‌ వద్ద విజయం సాధించలేకపోయాయి. దీంతో కాస్త గ్యాప్‌ తీసుకున్న ఈ సిక్స్‌ ప్యాక్‌ హీరో..ఇప్పుడు వరుస సినిమాలను లైన్‌లో పెట్టేశాడు. ప్రస్తుతం 14 రీల్స్‌ ప్రొడక్షన్‌ హౌస్‌ బ్యానర్‌పై టైసన్‌ నాయుడు అనే సినిమా చేస్తున్నాడు. ఈ సినిమాకి సాగర్ కె చంద్ర దర్శకత్వం వహిస్తున్నాడు. ప్రస్తుతం షూటింగ్‌ జరుపుకుంటున్న ఈ సినిమా త్వరలో పూర్తి కానుంది. దీంతోపాటు షైన్ స్క్రీన్స్ ప్రొడక్షన్స్‌తో మరియు‌ మూన్‌షైన్ పిక్చర్స్‌తో చేతులు కలిపాడు.వీటి కోసం..మునుపెన్నడూ చూడని లుక్‌లో శ్రీనివాస్‌ కనిపించనున్నాడు అని తెలుస్తుంది. ఇవీ అన్నీ కూడా చాలా ప్రత్యకమైన కథలు అని, ఇవి అతని కెరీర్‌లో కొత్త అధ్యాయాన్ని క్రియేట్‌ చేస్తాయి అని అంటున్నారు. యాక్షన్-ఓరియెంటెడ్ మరియు కంటెంట్-డ్రైవెన్ సినిమాలతో ప్రేక్షకులను అలరించడానికి రెడీ అవుతున్నాడు.  శ్రీనివాస్‌ రీ ఎంట్రీ కోసం ఎదురు చూస్తున్న ఫ్యాన్స్‌ ఈ సినిమాలు ఆయనకు మంచి కమ్‌ బ్యాక్‌ మూవీలు అవుతున్నాయి అని ప్రేక్షకులు ఆశిస్తున్నారు.

బెల్లంకొండ సాయి శ్రీనివాస్, రకుల్ ప్రీత్ సింగ్, ప్రగ్యా జైస్వాల్ నటించిన సూపర్‌ హిట్ చిత్రం 'జయ జానకి నాయక'. ఈ సినిమాకు బోయపాటి శ్రీను దర్శకత్వం వహించారు. మిర్యాల రవీందర్ రెడ్డి ఈ చిత్రాన్ని నిర్మించారు. అయితే ఈ సినిమా రిలీజై ఇప్పటికీ ఐదేళ్లు దాటిపోయినా క్రేజ్ ఏమాత్రం తగ్గడం లేదు. ఈ సినిమా హిందీ వర్షన్ యూట్యూబ్‌లో రిలీజ్ అయినప్పటీ నుంచి ఓ రేంజ్‌లో దూసుకెళ్తోంది. తాజాగా 800 మిలియన్ల వ్యూస్‌తో ప్రపంచ రికార్డ్ సృష్టించింది. కాగా.. ఈ సినిమాను హిందీలో ఖుంఖార్‌ పేరుతో రిలీజ్‌ చేశారు. సౌత్‌ డబ్బింగ్‌ మూవీస్‌లో ఇప్పటివరకు జయ జానకి నాయక మాత్రమే ఈ రికార్డ్‌ సాధించింది. యశ్ నటించిన కేజీఎఫ్‌ రెండో స్థానంలో కొనసాగుతోంది. కానీ తెలుగు ప్రేక్షకులను అంతగా మెప్పించలేకపోయిన ఈ సినిమా హిందీలో మాత్రం రికార్డులు బద్దలు కొడుతోంది. గతంలోనే హిందీ వర్షన్‌ కేజీఎఫ్‌ సినిమాను అధిగమించేసింది. ఇప్పటి వరకు కేజీఎఫ్‌ 772 మిలియన్ల వ్యూస్‌తో రెండోస్థానంలో కొనసాగుతోంది. కాగా.. అల్లుడు శీను సినిమాతో ఇండస్ట్రీలో ఎంట్రీ ఇచ్చిన బెల్లంకొండ సాయి శ్రీనివాస్.. ఆ తర్వాత స్పీడున్నోడు సినిమాలో నటించాడు. ఆ తర్వాత మాస్ యాక్షన్ సినిమాల స్పెషలిస్ట్ బోయపాటి శ్రీను దర్శకత్వంలో జయ జానకి నాయక సినిమాతో ప్రేక్షకులను అలరించాడు. ఈ మూవీ ఆగస్ట్‌ 11వతేదీ 2017లో థియేటర్లలో రిలీజైంది. ఈ చిత్రానికి దేవిశ్రీ ప్రసాద్ సంగీతమందించారు. ఈ చిత్రంలో జగపతి బాబు, శరత్ కుమార్ ప్రధాన పాత్రల్లో నటించారు.  #JayaJanakiNayaka 800M+ Views 💥👌@BSaiSreenivas @Rakulpreet #BellamkondaSrinivas #RakulPreetSingh #PenMovies pic.twitter.com/eC5M6cml89 — South Hindi Dubbed Movies (@SHDMOVIES) February 20, 2024

బెల్లంకొండ సాయి శ్రీనివాస్‌ హీరోగా నటిస్తున్న తాజా చిత్రానికి ‘టైసన్‌ నాయుడు’ అనే టైటిల్‌ని ఖరారు చేశారు. సాగర్‌ కె. చంద్ర దర్శకత్వంలో 14 రీల్స్‌ ప్లస్‌ బ్యానర్‌పై రామ్‌ ఆచంట, గోపీ ఆచంట ఈ సినిమా నిర్మిస్తున్నారు. బుధవారం (జనవరి 3న) సాయి శ్రీనివాస్‌ పుట్టినరోజు సందర్భంగా ఈ సినిమా టైటిల్‌ని ‘టైసన్‌ నాయుడు’గా ఫిక్స్‌ చేసి, ఫస్ట్‌ లుక్‌ విడుదల చేశారు మేకర్స్‌. సాయి శ్రీనివాస్‌ను బాక్సింగ్‌ లెజెండ్‌ మైక్‌టైసన్‌ అభిమానిగా ఈ చిత్రం వీడియో గ్లింప్స్‌ ద్వారా పరిచయం చేశారు. నిర్మాతలు మాట్లాడుతూ– ‘‘యునిక్‌ యాక్షన్‌ ఎంటర్‌టైనర్‌గా రూపొందుతోన్న చిత్రం ‘టైసన్‌ నాయుడు’. సాయి శ్రీనివాస్‌ను మునుపెన్నడూ చూడని మాస్, యాక్షన్‌ అవతార్‌లో చూపిస్తున్నారు సాగర్‌ కె. చంద్ర. హై బడ్జెట్‌తో ఈ సినిమా రూపొందుతోంది’’ అన్నారు. ఈ చిత్రానికి సంగీతం: భీమ్స్‌ సిసిరోలియో, కెమెరా: ముఖేష్‌ జ్ఞానేష్, ఎగ్జిక్యూటివ్‌ ్ర΄÷డ్యూసర్‌: హరీష్‌ కట్టా.

బెల్లంకొండ సాయి శ్రీనివాస్‌ హీరోగా నటిస్తున్న తాజా చిత్రం ‘బీఎస్‌ఎస్‌ 10’(వర్కింగ్‌ టైటిల్‌). ‘భీమ్లా నాయక్‌’ మూవీ తర్వాత సాగర్‌ కె.చంద్ర దర్శకత్వం వహిస్తున్న చిత్రమిది. 14 రీల్స్‌ ప్లస్‌ బ్యానర్‌పై రామ్‌ ఆచంట, గోపీ ఆచంట నిర్మిస్తున్న ఈ సినిమా కీలక షెడ్యూల్‌ పూర్తయింది. ‘‘యూనిక్‌ యాక్షన్‌ ఎంటర్‌టైనర్‌గా రూపొందుతోన్న చిత్రం ‘బీఎస్‌ఎస్‌ 10’.  భారీ బడ్జెట్‌తో అత్యున్నత సాంకేతిక విలువలతో ఈ సినిమా తెరకెక్కుతోంది. బెల్లంకొండ శ్రీనివాస్‌ని గతంలో ఎన్నడూ చూడని పవర్‌ ఫుల్‌ పాత్రలో సరికొత్తగా చూపించనున్నారు సాగర్‌ కె.చంద్ర. ఈ సినిమాలోని కీలకమైన షూటింగ్‌ షెడ్యూల్‌ను పూర్తి చేశాం. ఈ చిత్రంలో కొంతమంది ప్రముఖ నటీనటులు కీలక పాత్రలు పోషిస్తున్నారు. ఈ నెల 3న శ్రీనివాస్‌ పుట్టినరోజు సందర్భంగా ఈ సినిమా టైటిల్, ఫస్ట్‌ లుక్‌ విడుదల చేస్తాం’’ అని చిత్రయూనిట్‌ పేర్కొంది. ఈ చిత్రానికి ఎగ్జిక్యూటివ్‌ ్ర΄÷డ్యూసర్‌: హరీష్‌ కట్టా, సంగీతం: భీమ్స్‌ సిసిరోలియో, కెమెరా: ముఖేష్‌ జ్ఞానేష్‌. 

రీసెంట్ టైమ్స్‌లో థియేటర్లలో రిలీజైన ఎలాంటి సినిమా అయినా సరే నెల, నెలన్నరలోపే ఓటీటీల్లో అందుబాటులోకి వచ్చేస్తోంది. అలాంటిది ఓ సినిమాని దాదాపు ఐదారు నెలల రిలీజ్ చేయకుండా అలా ఉంచేశారు. ఇప్పుడేమో చడీచప్పుడు లేకుండా ఓటీటీలోకి తీసుకొచ్చేశారు. ఇంతకీ ఆ సినిమా సంగతేంటి? అసలు దీనికి కారణమేంటి? (ఇదీ చదవండి: ఈ వారం ఓటీటీల్లో రిలీజ్ కానున్న 24 సినిమాలు) ప్రస్తుతం పాన్ ఇండియా ట్రెండ్‌కి తగ్గట్లు మన హీరోలు.. బాలీవుడ్‌లోనూ అదృష్టం పరీక్షించుకుంటున్నారు. ఈ క్రమంలోనే యంగ్ హీరో బెల్లంకొండ శ్రీనివాస్.. 'ఛత్రపతి' రీమేక్‌తో హిందీలోకి ఎంట్రీ ఇచ్చాడు. తెలుగులోనే ఒక్కటి తప్ప మరో హిట్ కొట్టలేకపోయాడు. అలాంటిది హిందీలో, అదీ కూడా ఓ రీమేక్‌తో ప్రేక్షకుల్ని పలకరించాడు. కానీ ఘోరమైన టాక్ వచ్చింది. కలెక్షన్స్ అయితే మరీ దారుణం. ఈ ఏడాది మే 12న రిలీజైన ఈ సినిమాని థియేటర్లలో జనాలు చూడలేకపోయారు. దీనికి తోడు సోషల్ మీడియాలో విపరీతంగా ట్రోల్ చేశారు. ఆ తర్వాత కొన్నాళ్లకు ఈ మూవీ గురించి మర్చిపోయారు. ఓటీటీలో కూడా రిలీజ్ చేయలేదు. అలాంటిది ఇప్పుడు సడన్‌గా అమెజాన్ ప్రైమ్‌లో స్ట్రీమింగ్ అవుతున్నట్లు తెలిసింది. దీంతో మళ్లీ ట్రోలర్స్ బెల్లంకొండ మూవీపై విరుచుకుపడుతున్నారు. థియేటర్లలో చూడటానికి చాలా కష్టపడ్డారు. మరి ఓటీటీలో ఎలాంటి ఆదరణ దక్కించుకుంటుందో చూడాలి? (ఇదీ చదవండి: నెలన్నర నుంచి ఓటీటీ ట్రెండింగ్‌లో ఆ థ్రిల్లర్ మూవీ)

శ్రీనివాస్‌ బెల్లంకొండ హీరోగా కొత్త సినిమా షురూ అయింది. సాగర్‌ చంద్ర దర్శకత్వంలో రామ్‌ ఆచంట, గోపీ ఆచంట నిర్మిస్తున్న ఈ సినిమా గురువారం ప్రారంభమైంది. తొలి సన్నివేశానికి దర్శకుడు పరశురామ్‌ కెమెరా స్విచ్చాన్‌ చేయగా, దర్శకుడు హరీష్‌ శంకర్‌ క్లాప్‌ కొట్టి, డైరెక్టర్‌ పరశురామ్‌తో కలసి మేకర్స్‌కి స్క్రిప్ట్‌ను అందించారు. ‘‘యూనిక్‌ సబ్జెక్ట్‌తో కూడిన యాక్షన్‌ ఎంటర్‌టైనర్‌ సినిమా ఇది. శ్రీనివాస్‌ కెరీర్‌లో పదో చిత్రంగా రూపొందుతోంది. ఈ నెల రెండో వారంలో రెగ్యులర్‌ షూటింగ్‌ ప్రారంభిస్తాం’’ అని చిత్రయూనిట్‌ పేర్కొంది. ఈ కార్యక్రమంలో డైరెక్టర్‌ అనిల్‌ రావిపూడి పాల్గొన్నారు. ఈ చిత్రానికి సంగీతం: భీమ్స్‌ సిసిరోలియో, కెమెరా: జిమ్షి ఖలీద్, ఎగ్జిక్యూటివ్‌ ప్రొడ్యూసర్‌: హరీష్‌ కట్టా.

‘నేటి యువతలో చాలామంది తెలుగు ‘ఛత్రపతి’ (2005) సినిమాను చూసి ఉండరు. వారికి హిందీ రీమేక్‌ ‘ఛత్రపతి’ (2023) ఫ్రెష్‌గా ఉంటుంది. ఇక అప్పట్లో ‘ఛత్రపతి’ని చూసినవారు తెలుగు ‘ఛత్రపతి’ సినిమాను పాడు చేయకుండా బాగా తీశారని అనుకుంటారు. లొకేషన్స్, సాంగ్స్, యాక్షన్‌ సీక్వెన్స్‌లు కొత్తగా ఉంటాయి. ఓ ప్రాపర్‌ హిందీ సినిమా చూసిన ఫీలింగ్‌ కలుగుతుంది’’ అన్నారు దర్శకుడు వీవీ వినాయక్‌. (చదవండి: ‘తొలిప్రేమ’ తర్వాత అవకాశాలు వచ్చినా కాదనుకున్నాను: వాసుకి ) ప్రభాస్‌ హీరోగా రాజమౌళి దర్శకత్వంలో 2005లో వచ్చిన ‘ఛత్రపతి’ సినిమాను అదే టైటిల్‌తో హిందీలో రీమేక్‌ చేశారు. బెల్లంకొండ సాయి శ్రీనివాస్‌ హీరోగా వీవీ వినాయక్‌ దర్శకత్వంలో జయంతి లాల్‌ గడ నిర్మించిన ఈ సినిమా మే 12న హిందీలో రిలీజ్‌ కానుంది. ఈ సందర్భంగా హైదరాబాద్‌లో జరిగిన సమావేశంలో దర్శకుడు వీవీ వినాయక్‌ మాట్లాడుతూ – ‘‘తెలుగులో సాయి హీరోగా నటించిన సినిమాలు హిందీలో అనువాదమై, మంచి రెస్పాన్స్‌ తెచ్చుకున్నాయి. ‘ఛత్రపతి’ హిందీ రీమేక్‌ కోసం తను ఫిజిక్‌ బాగా మెయిన్‌టైన్‌ చేశాడు. హిందీ నేర్చుకున్నాడు. ఇంట్రవెల్, కొన్ని యాక్షన్‌ సీక్వెన్సెస్‌లో సాయి నటన చూసి నేనే ఆశ్చర్యపోయాను. (చదవండి: ఆ ఓటీటీలోకి రానున్న ది కేరళ స్టోరీ! ) ఈ చిత్రంతో సాయి బాలీవుడ్‌లో హీరోగా నిలబడిపోతాడనే నమ్మకం ఉంది. రీమేక్‌ అంటే కొన్ని ఐకానిక్‌ షాట్స్‌ను టచ్‌ చేయకపోవడమే మంచిది. మేమూ అదే చేశాం. ఇక యాక్టింగ్‌ పరంగా ప్రభాస్‌కు, సాయికి పోలికలు వద్దు. అయితే ‘ఛత్రపతి’ సినిమాలో హీరో క్యారెక్టర్‌కు సాయి న్యాయం చేశాడని మాత్రం చెప్పగలను. హిందీ ‘ఛత్రపతి’ విజయం సాధిస్తుందనే నమ్మకం ఉంది. ఈ సినిమాను కేవలం హిందీ భాషలోనే రిలీజ్‌ చేస్తున్నాం’’ అని అన్నారు. ‘‘మాస్‌ పల్స్‌ తెలిసిన దర్శకుల్లో వీవీ వినాయక్‌గారు ఒకరు. తెలుగులో ‘అల్లుడు శీను’తో మా అబ్బాయి (బెల్లంకొండ సాయి)ని ఇంట్రడ్యూస్‌ చేసిన వినాయక్‌గారు హిందీలోనూ పరిచయం చేస్తుండటం సంతోషంగా ఉంది. ఈ సినిమాను తెలుగులో కూడా డబ్‌ చేయవచ్చు. కానీ హిందీలో తీసిన సినిమాను హిందీ భాషలోనే ఆడియన్స్‌కు చూపిద్దామన్నారు వినాయక్‌గారు. రూ. 60 కోట్ల బడ్జెట్‌తో పెన్‌ స్టూడియోస్‌ లాంటి నిర్మాణసంస్థ మా అబ్బాయితో సినిమా నిర్మించడం నాకు గర్వంగా ఉంది’’ అన్నారు నిర్మాత బెల్లంకొండ సురేష్‌. 

అల్లుడు శీను సినిమాతో హీరోగా టాలీవుడ్‌లో ఎంట్రీ ఇచ్చాడు బెల్లంకొండ శ్రీనివాస్‌. ఈ సినిమా హిట్‌ అయినప్పటికీ దాదాపు రెండేళ్ల తర్వాతే మళ్లీ వెండితెరపై కనిపించాడు. తెలుగులో అల్లుడు అదుర్స్‌ సినిమాలో చివరగా నటించిన బెల్లంకొండ ప్రస్తుతం బాలీవుడ్‌లో ఎంట్రీ ఇచ్చేందుకు రెడీ అయ్యాడు. ఆయన హీరోగా నటించిన ఛత్రపతి హిందీ రీమేక్‌ ఈ నెల 12న విడుదల కానుంది. ఈ సినిమా ప్రమోషన్స్‌లో భాగంగా ఇచ్చిన ఓ ఇంటర్వ్యూలో ఆసక్తికర వ్యాఖ్యలు చేశాడు హీరో. 'నా తండ్రి నిర్మాత కావడం వల్లే నేను సినిమాల్లోకి చాలా సులభంగా రాగలిగానని అందరూ అనుకుంటారు. అది నిజమే, కానీ నేను హార్డ్‌ వర్క్‌ చేయడం వల్లే ఇక్కడ ఉన్నాను. నా తొలి సినిమా అల్లుడు శీను బ్లాక్‌బస్టర్‌ హిట్‌. ఆ సినిమాకు నాన్న నిర్మాత. ఆయన ఎంతగానో సపోర్ట్‌ చేశారు. మరి నా తొలి సినిమాలో నటించేందుకు సమంత, తమన్నా ఎందుకు ఒప్పుకున్నారు? నేను వారికి 5 నిమిషాల డ్యాన్స్‌, 5 నిమిషాల యాక్టింగ్‌, 5 నిమిషాల యాక్షన్‌ వీడియోలన్నింటినీ కలిసి ఒక డెమో వీడియో క్రియేట్‌ చేసి వారికి పంపించాను. అది చూసిన తర్వాతే వాళ్లు సినిమా ఓకే చేశారు. ఆ సినిమా సక్సెస్‌ అయింది. కానీ అప్పటికే మా కుటుంబం ఆర్థిక ఇబ్బందులు ఎదుర్కొంటోంది. నాన్న డిస్ట్రిబ్యూటర్‌గా వ్యవహరించిన 8 సినిమాలన్నీ నష్టాలు తెచ్చిపెట్టాయి. ఆ సమయంలో నాపై ఒత్తిడి పెరిగింది. ఫస్ట్‌ సినిమా హిట్‌ కావడంతో వరుసగా అవకాశాలు వచ్చాయి, కానీ తిరస్కరించాను. అలా ఏడాదిన్నర పాటు ఇంట్లోనే కూర్చుండిపోయాను. ఆ తర్వాత తక్కువ బడ్జెట్‌లో రెండో సినిమా చేశాను.  బోయపాటి శ్రీను డైరెక్షన్‌లో చేసిన జయ జానకీ నాయక చిత్రంతో అన్ని విధాలుగా నిలదొక్కుకున్నాను' అని చెప్పుకొచ్చాడు బెల్లంకొండ శ్రీనివాస్‌. చదవండి: ఇంటి గడప దాటడానికి కూడా పోరాటం చేయాల్సి వస్తోంది

ఛత్రపతి సినిమాతో బాలీవుడ్‌లో హీరోగా ఎంట్రీ ఇస్తున్నాడు బెల్లంకొండ శ్రీనివాస్‌.  వీవీ వినాయక్‌​ దర్శకత్వం వహించిన ఈ చిత్రం మే 12న విడుదల కానుంది. ఈ సినిమా కోసం బెల్లంకొండ శ్రీనివాస్‌ తరచూ ముంబై వెళ్లి వస్తున్న విషయం తెలిసిందే! ఈ క్రమంలో కొన్నిసార్లు ముంబై  ఎయిర్‌పోర్టులో రష్మికతో కలిసి కనిపించాడు. దీంట్లో అనుమానించడానికేం ఉంది, వాళ్లిద్దరూ ఫ్రెండ్స్‌ అని సౌత్‌ మీడియా లైట్‌ తీసుకుంది. కానీ బాలీవుడ్‌ మాత్రం వాళ్లిద్దరి మధ్య ఇంకేదో ఉందని, బహుశా డేటింగ్‌ చేస్తున్నారేమోనని కథనాలు రాసేసింది. అంతేకాదు, బెల్లంకొండ కోసం విజయ్‌ దేవరకొండకు బ్రేకప్‌ చెప్పిందని వార్త అల్లేశారు. తాజాగా ఓ ఇంటర్వ్యూలో పాల్గొన్న బెల్లంకొండ శ్రీనివాస్‌ ఈ రూమర్లపై స్పందించాడు. 'మేమిద్దరం కలుసుకోవడమే గగనమైపోయింది.. అలాంటిది మీరు ఏకంగా డేటింగ్‌ అనేస్తున్నారేంటి? మేము ప్రేమలో ఉన్నామనేది పచ్చి అబద్ధం. మేము మంచి స్నేహితులం మాత్రమే! కాకపోతే మా వృత్తిరీత్యా మేము తరచూ హైదరాబాద్‌ నుంచి ముంబై వెళ్లాల్సి వస్తోంది. అయినా కూడా కలిసి ఎప్పుడూ ప్రయాణించలేదు. కానీ అనుకోకుండా చాలా సార్లు ఎయిర్‌పోర్టులో ఒకరికొకరం తారసపడ్డాం. ఈ క్రమంలో బహుశా ఒకటీ, రెండుసార్లు మీడియాకు కనిపించామనుకుంటా! అంతే' అని చెప్పుకొచ్చాడు. దీంతో బెల్లంకొండ- రష్మిక డేటింగ్‌ అంటూ కొంతకాలంగా వస్తున్న వార్తలకు చెక్‌ పడినట్లైంది. చదవండి: బాక్సాఫీస్‌ను ఆవహించేందుకు వస్తున్న ఆత్మకథలు

బెల్లంకొండ శ్రీనివాస్‌ బాలీవుడ్‌లో హీరోగా ఎంట్రీ ఇస్తున్న చిత్రం ‘ఛత్రపతి’. విజయేంద్ర ప్రసాద్‌ కథ అందించిన ఈ సినిమాకి వీవీ వినాయక్‌ దర్శకత్వం వహించారు. నుష్రత్‌ బరుచ్చా హీరోయిన్‌గా నటించారు. ప్రభాస్‌ హీరోగా రాజమౌళి దర్శకత్వంలో వచ్చిన బ్లాక్‌బస్టర్‌ మూవీ ‘ఛత్రపతి’ (2005)ని అదే పేరుతో హిందీలో రీమేక్‌ చేశారు. డాక్టర్‌ జయంతి లాల్‌ గడా సమర్పణలో పెన్‌ స్టూడియోస్‌పై ధవల్‌ జయంతిలాల్‌ గడా, అక్షయ్‌ జయంతిలాల్‌ గడా నిర్మించిన ఈ సినిమా ఈ నెల 12న విడుదల కానుంది. ఈ సందర్భంగా ఈ చిత్రం ట్రైలర్‌ని విడుదల చేశారు మేకర్స్‌.  ‘‘తెలుగు ‘ఛత్రపతి’ సినిమా బ్యాక్‌డ్రాప్‌ని మార్చి, యాక్షన్‌ ఎంటర్‌టైనర్‌గా హిందీ ‘ఛత్రపతి’ని తెరకెక్కించారు వినాయక్‌. శ్రీనివాస్‌ రగ్డ్‌ అండ్‌ మాస్‌ లుక్‌లో కనిపిస్తాడు. భావోద్వేగ సన్నివేశాల్లోనూ అద్భుతంగా నటించాడు’’ అని చిత్రయూనిట్‌ పేర్కొంది. ఈ చిత్రానికి కెమెరా: నిజార్‌ అలీ షఫీ, సంగీతం: తనిష్క్‌ బాగ్చి, వరల్డ్‌ వైడ్‌ విడుదల: పెన్‌ మరుధర్‌ సినీ ఎంటర్‌టైన్‌మెంట్‌. 

పాన్‌ ఇండియా ఫార్ములా భాషాపరమైన హద్దులను చెరిపేసింది. ఒక భాషలో రూపొందించిన చిత్రాలను ఇతర భాషల్లో అనువదించి, విడుదల చేస్తున్నారు. ఈ నేపథ్యంలో తెలుగు హీరోలకు కూడా హిందీలో మంచి మార్కెట్‌ ఏర్పడింది. ఇప్పుడు బాలీవుడ్‌ మేకర్స్‌ ‘ఆజా రాజా’ (రా రాజా) అంటూ తెలుగు హీరోలతో స్ట్రయిట్‌ హిందీ చిత్రాలు నిర్మించడానికి ముందుకొస్తున్నారు. ప్రస్తుతం తెలుగు స్టార్స్‌ చేస్తున్న హిందీ స్ట్రయిట్‌ ఫిలింస్‌ విశేషాలు తెలుసుకుందాం.. రవితేజ హీరోగా నటించిన పలు హిట్‌ సినిమాలు హిందీలో డబ్బింగ్‌ అయి, అక్కడి బుల్లితెరపై అడపాదడపా ప్రదర్శితమవుతున్నాయి. ఆ విధంగా హిందీ ప్రేక్షకుల్లో రవితేజకు మంచి పాపులారిటీ ఉంది. ఇప్పుడు స్ట్రయిట్‌గా రవితేజ బాలీవుడ్‌కు వెళ్లనున్నట్లు టాలీవుడ్‌ టాక్‌. తమిళ హిట్‌ ఫిల్మ్‌ ‘మానాడు’ రీమేక్‌లో (హిందీ, తెలుగు) రవితేజ, బాలీవుడ్‌ యాక్టర్‌ వరుణ్‌ ధావన్‌ కలిసి నటించనున్నారట. ఈ చిత్రానికి ప్రవీణ్‌ సత్తారు దర్శకత్వం వహిస్తారని సమాచారం. ఈ చిత్రాన్ని హీరో రానా, ఏషియన్‌ సునీల్‌ నిర్మిస్తారట. ► ‘ఆర్‌ఆర్‌ఆర్‌’తో ఎన్టీఆర్‌ క్రేజ్‌ మరింత పెరిగిందనడంలో ఏ మాత్రం సందేహం లేదు. ఈ క్రేజ్‌ను క్యాష్‌ చేసుకోవడంలో యశ్‌ రాజ్‌ ఫిలింస్‌ నిర్మాత ఆదిత్యా చోప్రా ఫస్ట్‌ సక్సెస్‌ అయ్యారు. యశ్‌ రాజ్‌ ఫిలింస్‌ నిర్మించనున్న స్పై మూవీ ‘వార్‌ 2’లో హృతిక్‌ రోషన్‌తో కలిసి ఎన్టీఆర్‌ నటించనున్నట్లు తెలుస్తోంది. ‘బ్రహ్మాస్త్రం’ ఫేమ్‌ అయాన్‌ ముఖర్జీ ఈ సినిమాకు దర్శకత్వం వహించనున్నారని సమాచారం. ప్రస్తుతం బీ టౌన్‌లో బలంగా వినిపిస్తున్న ఈ వార్తలు నిజమైతే ఎన్టీఆర్‌ నటించే తొలి స్ట్రయిట్‌ హిందీ చిత్రం ఇదే అవుతుంది. ► బాలీవుడ్‌లో అల్లు అర్జున్‌ ఎంట్రీ గురించిన టాక్‌ ఎప్పట్నుంచో ఉంది. అల్లు అర్జున్‌తో ఓ హిందీ సినిమా చేయాలని బాలీవుడ్‌ నిర్మాత దినేష్‌ విజన్‌ ప్రయత్నించారు... కుదర్లేదు. ఆ తర్వాత దర్శక–నిర్మాత సంజయ్‌లీలా భన్సాలీతో అల్లు అర్జున్‌ సమావేశమవగానే ఈ ఇద్దరి కాంబినేషన్‌లో సినిమా అంటూ బాలీవుడ్‌ మీడియా కోడై కూసింది. కానీ అల్లు అర్జున్‌తో స్ట్రయిట్‌ హిందీ ఫిల్మ్‌ చేసే అవకాశం టీ సిరీస్‌ అధినేత భూషణ్‌ కుమార్‌కు లభించింది. సందీప్‌ రెడ్డి వంగా దర్శకత్వంలో అల్లు అర్జున్‌ హీరోగా ఓ సినిమా తెరకెక్కనుంది. టీ సిరీస్, భద్రకాళి ప్రొడక్షన్స్‌ పతాకంపై భూషణ్‌ కుమార్, క్రిషణ్‌ కుమార్, ప్రణవ్‌ రెడ్డి వంగా ఈ సినిమాను నిర్మించనున్నారు. ► దేశభక్తి నేపథ్యంతో కూడిన చిత్రంతో బాలీవుడ్‌కు పరిచయం అవుతున్నారు వరుణ్‌ తేజ్‌. శక్తి ప్రతాప్‌సింగ్‌ను దర్శకునిగా పరిచయం చేస్తూ, సోనీ పిక్చర్స్‌ ఇండియా, రెనైసాన్స్‌ పిక్చర్స్‌ పతాకంపై సందీప్‌ ఈ సినిమాను నిర్మిస్తున్నారు. తెలుగు, హిందీ భాషల్లో తెరకెక్కుతున్న ఈ సినిమాలో వరుణ్‌ తేజ్‌ జెట్‌ పైలెట్‌గా చేస్తున్నారు. ప్రపంచ సుందరి మానుషీ చిల్లర్‌ హీరోయిన్‌. ఈ సినిమాను వచ్చే ఏడాది విడుదల చేయాలనుకుంటున్నారు.  ► బెల్లంకొండ సాయి శ్రీనివాస్‌కు హిందీ వ్యూయర్స్‌లో క్రేజ్‌ ఉంది. శ్రీనివాస్‌ హీరోగా నటించిన ‘జయ జానకి నాయక’ హిందీ వెర్షన్‌కు యూట్యూబ్‌లో 700 మిలియన్‌ వ్యూస్‌ రావడమే ఇందుకు నిదర్శనం. సాయి శ్రీనివాస్‌ నటించిన తెలుగు చిత్రాల హిందీ అనువాదాలకు అక్కడి ప్రేక్షకుల్లో మంచి ఆదరణ లభించింది. దీంతో ‘ఛత్రపతి’గా బాలీవుడ్‌కు వెళ్తున్నారు బెల్లంకొండ సాయిశ్రీనివాస్‌. ప్రభాస్‌ హీరోగా రాజమౌళి దర్శకత్వంలో రూపొందిన ‘ఛత్రపతి’ సినిమాకి రీమేక్‌ ఇది. అదే టైటిల్‌తో హిందీలో రీమేక్‌ అయిన ఈ సినిమాకు వీవీ వినాయక్‌ దర్శకత్వం వహించారు. జయంతి లాల్‌ గడ నిర్మించిన ఈ చిత్రం మే 12న విడుదల కానుంది.   మరికొందరు తెలుగు స్టార్స్‌ కూడా హిందీలో స్ట్రయిట్‌ ఫిల్మ్స్‌ చేసే చాన్స్‌ ఉంది. ‘బాహుబలి’ సక్సెస్‌తో లేటెస్ట్‌ జనరేషన్‌లో పాన్‌ ఇండియా స్టార్‌గా పేరు తెచ్చుకున్న తొలి హీరోగా ప్రభాస్‌ను చెప్పుకోవచ్చు. ఆ చిత్రం తర్వాత ప్రభాస్‌ నటించిన ‘సాహో’, ‘రాధేశ్యామ్‌’ చిత్రాల బడ్జెట్స్‌ పెరిగాయి. బాలీవుడ్‌లో కూడా భారీ ఎత్తున రిలీజ్‌ చేశారు. ప్రభాస్‌ హీరోగా నటించిన తాజా హిందీ చిత్రం ‘ఆదిపురుష్‌’. ఓం రౌత్‌ దర్శకత్వంలో ఈ చిత్రాన్ని భూషణ్‌కుమార్, క్రిషణ్‌ కుమార్, ఓం రౌత్, ప్రసాద్‌ సుతార్, రాజేష్‌ నాయర్, వంశీ, ప్రమోద్‌ ఈ సినిమాను నిర్మించారు. రామాయణంగా ఆధారంగా రూపొందిన ఈ చిత్రం జూన్‌ 16న విడుదల కానుంది. అలాగే ప్రభాస్‌ హీరోగా కమిటైన మరో చిత్రం ‘స్పిరిట్‌’. ప్రభాస్‌ కెరీర్‌లో 25వ చిత్రంగా రూపుదిద్దుకోనున్న ఈ చిత్రానికి సందీప్‌ రెడ్డి వంగా దర్శకత్వం వహించనున్నారు. టీ సిరీస్‌ భూషణ్‌కుమార్, భద్రకాళి పిక్చర్స్‌ సందీప్‌రెడ్డి వంగా, యూవీ క్రియేషన్స్‌ వంశీ, ప్రమోద్‌ ఈ సినిమాను నిర్మించనున్నారు. 2024 చివర్లో ఈ సినిమా సెట్స్‌పైకి వెళుతుందని టాక్‌. దాదాపు పదేళ్ల క్రితమే హిందీలో ‘జంజీర్‌’ (తెలుగులో ‘తుఫాన్‌’)తో ఎంట్రీ ఇచ్చారు రామ్‌చరణ్‌. ఆ తర్వాత తెలుగు చిత్రాలకే పరిమితం అయ్యారు చరణ్‌. అయితే గత ఏడాది విడుదలైన ‘ఆర్‌ఆర్‌ఆర్‌’లో ఓ హీరోగా నటించిన రామ్‌చరణ్‌కు బాలీవుడ్‌లో సూపర్‌ క్రేజ్‌ దక్కింది. హిందీలో స్ట్రయిట్‌ చిత్రాలు చేసే దిశగా చర్చలు జరుగుతున్న నేపథ్యంలో పదేళ్ల తర్వాత ఓ గెస్ట్‌ రోల్‌లో హిందీ తెరపై కనిపించనున్నారు చరణ్‌. సల్మాన్‌ ఖాన్, వెంకటేశ్‌ నటించిన ‘కిసీ కా భాయ్‌ కీసీ కా జాన్‌’ చిత్రంలో రామ్‌చరణ్‌ గెస్ట్‌ రోల్‌ చేశారు. ఈద్‌ సందర్భంగా ఈ నెల 21న ఈ చిత్రం రిలీజ్‌ కానుంది. మరోవైపు స్ట్రయిట్‌ హిందీ ఫిల్మ్‌ చేసేందుకు కూడా చరణ్‌ కొన్ని కథలు విన్నారు.

రష్మిక మందన్నా, విజయ్‌ దేవరకొండ ప్రేమలో ఉన్నారని ప్రచారం జరగడం.. అదంతా తూచ్‌ అని ఇద్దరూ కొట్టిపారేయడం.. చివరికి జంటగా కనిపించడం సదా మామూలే! మేమిద్దరం మంచి ఫ్రెంట్స్‌ అంటారు వాళ్లు.. కాదు కాదు, మీరు కచ్చితంగా ప్రేమికులే అంటారు అభిమానులు. రీల్‌ లైఫ్‌లోని గీతాగోవిందం రియల్‌ లైఫ్‌లో కూడా ఒక్కటైతే చూడాలని ఉందని తహతహలాడుతుంటారు. కానీ వాళ్లు మాత్రం ఎప్పుడూ ఓపెన్‌ అయింది లేదు. అయితే తాజాగా రష్మిక.. విజయ్‌కు బ్రేక్‌ చెప్పిందని ఇప్పుడు మరో హీరోకు దగ్గరైందంటూ బీటౌన్‌లో పుకార్లు షికార్లు చేస్తున్నాయి. ఇంతకీ ఆ మరో హీరో ఎవరో కాదు, మన తెలుగు హీరో బెల్లంకొండ శ్రీనివాసే! వీరిద్దరూ రెండుమూడు సార్లు కలిసి కనిపించడం పాపం.. ప్రేమ మొదలైందంటూ కథనాలు అల్లేస్తున్నారు. ఏకంగా విజయ్‌కే బ్రేకప్‌ చెప్పిందని వార్తలు ప్రచారం చేస్తున్నారు. రష్మిక, బెల్లంకొండ శ్రీనివాస్‌.. ఈ మధ్య తరచూ కలుస్తున్న విషయం వాస్తవమే కానీ వారిది కేవలం స్నేహం మాత్రమే! అంతకు మించి అంటే ఒప్పుకునేది లేదంటున్నారు అభిమానులు. అయినా సరే కొందరు నెటిజన్లు మాత్రం వీరి వ్యవహారం ఏదో తేడాగా ఉందే అంటూ కామెంట్లు చేస్తున్నారు. కాగా రష్మిక చివరిసారిగా వారిసు చిత్రంలో నటించింది. ప్రస్తుతం ఆమె సందీప్‌రెడ్డి వంగా డైరెక్షన్‌లో యానిమల్‌ మూవీ చేస్తోంది. బెల్లంకొండ శ్రీనివాస్‌ విషయానికి వస్తే అతడు ఛత్రపతి సినిమాతో బాలీవుడ్‌లో ఎంట్రీ ఇచ్చేందుకు రెడీ అయ్యాడు.

బెల్లంకొండ సాయి శ్రీనివాస్, రకుల్ ప్రీత్ సింగ్, ప్రగ్యా జైస్వాల్ నటించిన చిత్రం జయ జానకి నాయక. ఈ సినిమాకు బోయపాటి శ్రీను దర్శకత్వం వహించారు. మిర్యాల రవీందర్ రెడ్డి ఈ చిత్రాన్ని నిర్మించారు. అయితే ఈ సినిమా రిలీజై ఇప్పటికీ ఐదేళ్లు దాటిపోయినా కూడా క్రేజ్ ఏమాత్రం తగ్గట్లేదు. ఈ సినిమా హిందీ వర్షన్ యూట్యూబ్‌లో దూసుకెళ్తోంది. ఇప్పటి వరకు 709 మిలియన్ల వ్యూస్‌తో ప్రపంచ రికార్డ్ సృష్టించింది. తెలుగు ప్రేక్షకులను అంతగా మెప్పించలేకపోయిన ఈ సినిమా హిందీలో రికార్డులు సృష్టిస్తోంది. ఏకంగా హిందీ వర్షన్‌ కేజీఎఫ్‌ సినిమాను అధిగమించేసింది. ఇప్పటి వరకు కేజీఎఫ్‌ 702 మిలియన్ల వ్యూస్‌తో రెండోస్థానంలో నిలిచింది. అల్లుడు శీను సినిమాతో ఇండస్ట్రీలో ఎంట్రీ ఇచ్చిన బెల్లంకొండ సాయి శ్రీనివాస్.. ఆ తర్వాత స్పీడున్నోడు సినిమాలో నటించాడు. ఆ తర్వాత మాస్ యాక్షన్ సినిమాల స్పెషలిస్ట్ బోయపాటి శ్రీను దర్శకత్వంలో జయ జానకి నాయక సినిమాతో ప్రేక్షకులను అలరించాడు. ఈ మూవీ ఆగస్ట్‌ 11వతేదీ 2017లో థియేటర్లలో రిలీజైంది. ఈ చిత్రానికి దేవిశ్రీ ప్రసాద్ సంగీతమందించారు. ఈ చిత్రంలో జగపతి బాబు, శరత్ కుమార్ ప్రధాన పాత్రల్లో నటించారు. 

‍ప్రభాస్‌-రాజమౌళి కాంబినేషన్‌లో వచ్చిన ఛత్రపతి సినిమా ఎంత పెద్ద హిట్‌ అయ్యిందో ప్రత్యేకంగా చెప్పనక్కర్లేదు. ప్రభాస్‌కు మాస్‌ ఇమేజ్‌ను తెచ్చిపెట్టిన ఈ సినిమా బాక్సాఫీస్‌ వద్ద వసూళ్ల సునామీ సృష్టించింది. ఇప్పుడీ సినిమా బాలీవుడ్‌లో రీమేక్‌ అవుతున్న సంగతి తెలిసిందే. బెల్లంకొండ శ్రీనివాస్‌ ఈ సినిమాతో బాలీవుడ్‌లో తెరంగేట్రం చేస్తున్నాడు. వి.వి వినాయక్‌ రీమేక్‌కు దర్శకత్వం వహిస్తున్నారు. తాజాగా ఈ సినిమాను వేసవి కానుకగా మే12న ప్రేక్షకుల ముందుకు తీసుకురానున్నట్లు మేకర్స్‌ తెలిపారు. దీనికి సంబంధించిన పోస్టర్‌ను కూడా రిలీజ్‌ చేశారు. కండలు తిరిగిన దేహంతో బెల్లంకొండ శ్రీనివాస్‌  లుక్‌ అంచనాలను పెంచేస్తుంది. మరి ఈ సినిమాతో బెల్లంకొండ సక్సెస్‌ అందుకుంటారా? లేదా అన్నది చూడాల్సి ఉంది.  The wait is over #Chatrapathi in cinemas on 12th May, 2023. Cannot wait to show you all our hardwork & this action-packed dhamaka.🔥 Written by the one and only #VijayendraPrasad, directed by #VVVinayak.@Penmovies #Bss9 pic.twitter.com/VSLYTWQkrT — Bellamkonda Sreenivas (@BSaiSreenivas) March 27, 2023

తిరుమల : తిరుమలలో రెండేళ్ల తర్వాత శ్రీవారి బ్రహ్మోత్సవ వాహనసేవలను మాడ వీధుల్లో నిర్వహించేందుకు టీటీడీ ఏర్పాట్లు చేస్తోంది. ఈ నెల 26 నుంచి అక్టోబర్‌ 5వ తేదీ వరకు తిరుమలలో శ్రీవారి బ్రహ్మోత్సవాలు నిర్వహించనున్నారు. కరోనా కారణంగా గతంలో రెండు బ్రహ్మోత్సవాలు శ్రీవారి ఆలయంలో ఏకాంతంగా నిర్వహించిన విషయం తెలిసిందే. ఈసారి బ్రహ్మోత్సవాలకు పెద్దసంఖ్యలో భక్తులు విచ్చేసే అవకాశం ఉంది. దీంతో సామాన్య భక్తులకు పెద్దపీట వేస్తూ సర్వదర్శనం మాత్రమే అమలు చేయాలని టీటీడీ నిర్ణయించింది.  బ్రహ్మోత్సవాల రోజుల్లో భక్తుల రద్దీని దృష్టిలో పెట్టుకుని వీఐపీ బ్రేక్‌ దర్శనాలు, వృద్ధులు, దివ్యాంగులు, చంటిపిల్లల తల్లిదండ్రులకు ప్రత్యేక దర్శనం తదితర ప్రివిలేజ్డ్‌ దర్శనాలను టీటీడీ రద్దు చేసింది. ఆర్జిత సేవలు, రూ.300 దర్శన టికెట్లతోపాటు శ్రీవాణి ట్రస్ట్‌ దాతలు, ఇతర ట్రస్ట్‌ల దాతలకు దర్శన టికెట్లను రద్దు చేసింది. స్వయంగా వచ్చే ప్రొటోకాల్‌ వీఐపీలకు మాత్రమే బ్రేక్‌ దర్శనం ఉంటుంది.  గదులకు సంబంధించి 50 శాతం ఆన్‌లైన్‌లో భక్తులు బుక్‌ చేసుకునేందుకు వీలుగా అందుబాటులో ఉంచారు. మిగిలిన గదులను ఆఫ్‌లైన్‌లో తిరుమలలోని వివిధ కౌంటర్ల ద్వారా భక్తులకు కేటాయిస్తారు. అక్టోబర్‌ ఒకటో తేదీన గరుడసేవ కారణంగా భక్తుల రద్దీని దృష్టిలో పెట్టుకుని ట్రస్ట్‌ల దాతలకు, కాటేజీ దాతలకు సెప్టెంబర్‌ 30 నుంచి అక్టోబర్‌ రెండో తేదీ వరకు ఆన్‌లైన్, ఆఫ్‌లైన్‌లో గదుల కేటాయింపును నిలిపివేయాలని టీటీడీ నిర్ణయించింది.     శ్రీవారి దర్శనానికి 4 గంటలు  తిరుమలలో భక్తుల రద్దీ సాధారణంగా ఉంది. రెండు కంపార్ట్‌మెంట్లు నిండాయి. ఆదివారం అర్ధరాత్రి వరకు 71,158 మంది స్వామిని దర్శించుకోగా.. 27,968 మంది తలనీలాలు సమర్పించారు. శ్రీవారి హుండీలో కానుకల రూపంలో భక్తులు రూ.3.73 కోట్లు సమర్పించుకున్నారు. దర్శనానికి నాలుగు గంటల సమయం పడుతోంది. మరోవైపు సోమవారం శ్రీవారిని సినీనటుడు బెల్లంకొండ శ్రీనివాస్, సినీనటి మాళవిక నాయర్, హాస్య నటుడు బ్రహ్మానందం, నేషనల్‌ చెస్‌ చాంపియన్‌ గూకేష్‌ దర్శించుకున్నారు. (క్లిక్‌: అహ్మదాబాద్‌లో శ్రీవారి ఆలయానికి భూమి)

ప్రముఖ టాలీవుడ్‌ నిర్మాత బెల్లంకొండ సురేశ్‌, అతని తనయుడు, హీరో బెల్లంకొండ శ్రీనివాస్‌పై చీటింగ్‌ కేసు నమోదైన విషయం తెలిసిందే. సినిమా తీయడానికి డబ్బులు అవసరమంటూ తన దగ్గర నుంచి రూ.85 లక్షలు తీసుకుని ఇప్పటికీ తిరిగి ఇవ్వడం లేదంటూ బంజారాహిల్స్‌కు చెందిన శరణ్‌ అనే వ్యక్తి కోర్టును ఆశ్రయించాడు.ప్రస్తుతం ఈ ఇష్యూ టాలీవుడ్‌లో హాట్‌ టాపిక్‌గా మారింది. ఈ నేపథ్యంలో తాజాగా ఈ చీటింగ్‌ కేసుపై బెల్లంకొండ సురేశ్‌ స్పందించారు. తనను, తన ఫ్యామిలీని ఇబ్బంది పెట్టేందుకు కొంత మంది పన్నిన కుట్రలో భాగంగా చీటింగ​ కేసు నమోదైందని ఆయన ఆరోపించారు. శరణ్‌ తనకు ఒక్క రూపాయి కూడా ఇవ్వలేదని తెలిపారు. ‘కొంతమంది కావాలనే నాపై, నా కొడుకుపై కుట్ర చేసి ఇబ్బందులకు గురి చేస్తున్నారు. శరణ్‌ నాకు ఒక్క పైసా కూడా ఇవ్వలేదు. డబ్బులు ఇచ్చినట్టు సాక్ష్యాలు ఉంటే పోలీసులకు  ఇవ్వాలి. శరణ్‌తో కలిసి కొంతమంది వ్యక్తులు కుట్ర పన్నారు . నాకు డబ్బులు ఇచ్చినట్టు సాక్ష్యాలు బయటకు పెట్టక పోతే పరువునష్ట దావా వేస్తా .బెల్లంకొండ ఫ్యామిలీ ఎదుగుదల చూడలేకనే  కేసులు పెడ్తున్నారు. శరణ్ ను లీగల్ గా ఎదుర్కొంటా. నాకు కోర్టు నుండి కాని సీసీఎస్ నుండి ఎలాంటి నోటీసులు రాలేదు. నా పై ఆరోపణలు చేసిన వ్యక్తికే నోటీసులు ఇచ్చారు.నా పై చేసిన ఆరోపణల పై ఆధారాలు ఉంటే ఇవ్వాలని శరణ్ కు నోటీసులు ఇచ్చారు. శరణ్ది మా ఊరే. పదేళ్ల క్రితం పరిచయమయ్యాడు. సినిమా టికెట్ల కోసం అప్పుడప్పుడు ఫోన్ చేస్తూ ఉండేవాడు. ఇప్పుడు బ్లాక్ మెయిల్ ల్లో భాగంగానే ఇలా నాపై ఆరోపణలు చేస్తున్నాడు. అనవసరంగా నా కొడుకు పేరును బ్లేమ్‌ చేస్తున్నాడు. అతన్ని వదిలిపెట్టే ప్రసక్తే లేదు’అని బెల్లంకొండ అన్నారు. 

టాలీవుడ్‌ హీరో బెల్లంకొండ సాయి శ్రీనివాస్‌ ఈ రోజు తిరుమల శ్రీవారిని దర్శించుకున్నారు. నేడు (సోమవారం) తన పుట్టిన రోజు సందర్భంగా శ్రీవారి ఆశీస్సులు పొందేందుకు కుటుంబ సభ్యులతో కలిసి తిరుమలకు వచ్చారు.  ఉదయం విఐపి దర్శనంలో కుటుంబ సభ్యులతో స్వామివారిని దర్శించుకొని మొక్కులు చెల్లించుకున్నారు. అనంతరం ఆలయ అర్చకులు ఆశీర్వదించి తీర్ధప్రసాదాలు అందచేసారు. ఆలయం వెలుపల మీడియాతో మాట్లాడుతూ నేడు తన పుట్టిన రోజు సందర్భంగా స్వామివారిని దర్శించుకొన్నానని అన్నారు. ప్రస్తుతం హాట్ టాఫిక్గా మారిన సినిమా టికెట్లు ధరలపై స్పందించడానికి నిరాకరించారు.

యంగ్‌ హీరో బెల్లంకొండ సాయి శ్రీనివాస్‌.. సాలిడ్‌ హిట్‌ కోసం ఎదురుచూస్తున్నాడు. అల్లుడు శ్రీను సినిమాతో ఎంట్రీ ఇచ్చిన ఈ యంగ్‌ హీరో..తొలి మూవీతోనే సూపర్‌ హిట్‌ని తన ఖాతాలో వేసుకున్నాడు. ఆ తర్వాత శ్రీనివాస్‌కు సరైన హిట్‌ లభించలేదు. దీంతో ఈ యంగ్‌ మీరో ఆచితూచి కథలను ఎంచుకుంటున్నాడు. ప్రస్తుతం తెలుగులో బ్లాక్‌బ‌స్ట‌ర్ అయిన `ఛ‌త్ర‌ప‌తి` బాలీవుడ్‌ రీమేక్‌లో నటిస్తున్నాడు. ఈ చిత్రానికి వి.వి. వినాయక్‌ దర్శకత్వం వహిస్తున్నాడు. ఇదిలా ఉంటే.. తాజాగా ఈ యంగ్‌ హీరో మరో ఎగ్జయిటింగ్‌ ప్రాజెక్ట్‌కు గ్రీన్‌ సిగ్నల్‌ ఇచ్చాడు. ఈ సినిమాకి ‘స్టూవర్ట్‌పురం దొంగ’ అనే పేరుని ఖరారు చేస్తూ టైటిల్‌ పోస్టర్‌ని విడుదల చేశారు.  1970 కాలంలో స్టూవ‌ర్టుపురం ప్రాంతానికి చెందిన ప్ర‌ముఖ గ‌జ‌దొంగ `టైగ‌ర్ నాగేశ్వ‌ర రావు` బ‌యోపిక్ ఇది.  నాగేశ్వ‌ర‌రావు త‌న జీవిత కాలంలో పోలీసుల నుంచి జైళ్ల నుంచి ఎన్నోసార్లు చాక చాక్యంగా త‌ప్పించుకున్నాడు. చెన్నై జైలు నుంచి నాగేశ్వ‌ర‌రావు త‌ప్పించుకున్న తీరుతో ఆయ‌న‌కు `టైగ‌ర్‌` అనే పేరు వ‌చ్చింది. పోలీసుల‌ను ముప్ప తిప్ప‌లు పెట్టిన ఈ దొంగ 1987లో పోలీసుల కాల్పుల్లో మ‌ర‌ణించాడు. ఈ విష‌యాల‌తో  `స్టూవ‌ర్టుపురం దొంగ‌` సినిమాను తెర‌కెక్కించ‌బోతున్నారు.  ఈ చిత్రానికి ఎ.ఎస్‌. దర్శకత్వం వహించగా, ప్రెస్టీజియ‌స్ బ్యాన‌ర్ ల‌క్ష్మీ న‌ర‌సింహ ప్రొడ‌క్ష‌న్స్ బ్యాన‌ర్‌పై బెల్లంకొండ సురేశ్‌ నిర్మాతగా వ్యవహరిస్తున్నాడు. 1970-80 బ్యాక్‌డ్రాప్‌లో తెర‌కెక్క‌బోతున్న ఈ హై బ‌డ్జెట్ ఎంట‌ర్‌టైన‌ర్ కోసం ప్ర‌ముఖ టెక్నీషియ‌న్స్ అంద‌రూ ప‌నిచేస్తున్నారు.  మెలోడి బ్రహ్మ మ‌ణిశ‌ర్మ సంగీతాన్ని అందిస్తుండ‌గా, శ్యామ్ కె.నాయుడు సినిమాటోగ్రాఫ‌ర్‌గా వ‌ర్క్ చేస్తున్నారు. త్వ‌ర‌లోనే సినిమాకు సంబంధించిన వివ‌రాల‌ను త్వ‌ర‌లోనే తెలియ‌జేస్తామ‌ని చిత్ర‌యూనిట్ ప్ర‌క‌టించింది. 

రెజీనీ కసాండ్రా.. కొన్నాళ్ల క్రితం తెలుగులో వరుస విజయాలతో దూసుకుపోయిన ఈ చెన్నై చిన్నది ఈ మధ్యకాలంలో రేసులో వెనకబడింది. వరుస ఫ్లాపులతో టాలీవుడ్‌లో సినిమాలు తగ్టించిన ఈ బ్యూటీ ప్రస్తుతం కోలీవుడ్‌లో వరుసగా సినిమాలు చేస్తుంది. తాజాగా ఈ అమ్మడికి బాలీవుడ్‌లో బంపర్‌ ఆఫర్‌ వచ్చిందని సమాచారం. ‘ఛత్రపతి’ హిందీ రీమేక్‌లో రెజీనాను ఫైనల్‌ చేసినట్లు టాక్‌ వినిపిస్తోంది. 2005లో ఎస్‌ఎస్‌ రాజమౌళి డైరెక్షన్‌లో వచ్చిన ఛత్రపతి సినిమాను ప్రస్తుతం హిందీలో వీవీ వినాయక్ తెరకెక్కిస్తున్నారు. ఈ చిత్రంతో బెల్లంకొండ సాయి శ్రీనివాస్ హీరోగా బాలీవుడ్‌కు ఎంట్రీ ఇస్తున్నాడు. అయితే హీరోయిన్‌ విషయంలో మొదటి నుంచి సస్పెన్స్‌ కొనసాగింది. ఇప్పటికే ఛత్రపతి రీమేక్‌ కోసం పలువురు స్టార్‌ హీరోయిన్లను సంప్రదించినా వారు సున్నితంగా ఆఫర్‌ తిరస్కరించినట్లు తెలుస్తుంది. ఆ మధ్య అనన్య పాండే హీరోయిన్‌గా ఫైనలైజ్‌ అయ్యిందంటూ ఓ వార్త చక్కర్లు కొట్టింది. అయితే ఇటీవలె హైదరాబాద్‌లో షూటింగ్‌ ప్రారంభించిన చిత్ర బృందం..రెజీనాను హీరోయిన్‌గా ఎంపిక చేసినట్లు తెలుస్తుంది. 

అల్లుడు శీను సినిమాతో హీరోగా తెరంగేట్రం చేసిన  బెల్లంకొండ శ్రీనివాస్ త్వరలోనే బాలీవుడ్‌ ఎంట్రీ ఇస్తున్న సంగతి తెలిసిందే. రాజమౌళి దర్శకత్వంలో ప్రభాస్‌ హీరోగా వచ్చిన ‘ఛత్రపతి’ హిందీ రీమేక్‌లో బెల్లంకొండ నటించనున్నారు. వివి వినాయక్ దర్శకత్వం వహిస్తున్నారు. పెన్‌ స్టూడియోస్‌ బ్యానర్‌లో తెరకెక్కునున్న ఈ మూవీ శుక్రవారం హైదరాబాద్‌లో పూజా కార్యక్రమాలను జరుపుకుంది. ఈ కార్యక్రమానికి రాజమౌళి ముఖ్య అతిథిగా విచ్చేశారు. దీనికి సంబంధించిన ఫోటోలు నెట్టింట హల్‌చల్‌ అవుతున్నాయి. 2005లో తెలుగులో విడుదలైన ఛత్రపతి సినిమా ఎంతటి ఘన విజయాన్ని సాధించిందో ప్రత్యేకంగా చెప్పనక్కర్లేదు. ప్రభాస్‌ను స్టార్‌ హీరోగా నిలబెట్టిన సినిమా ఇది. ఛత్రపతి హిట్‌తో మాస్‌ ఆడియెన్స్‌కు బాగా దగ్గరయ్యాడు. దాదాపు 16 ఏళ్ల అనంతరం ఈ సినిమా హిందీ రేమేక్‌ ద్వారా బాలీవుడ్‌లో ఎంట్రీకి సిద్ధమయ్యాడు బెల్లంకొండ. విజ‌యేంద్ర‌ప్ర‌సాద్ స్క్రిప్ట్ అందించిన ఈ సినిమా త్వరలోనే సెట్స్‌పైకి వెళ్లనుంది.  (ఫొటో గ్యాలరీ కోసం ఇక్కడ క్లిక్ చేయండి)

Chatrapathi: యంగ్‌ హీరో బెల్లకొండ సాయి శ్రీనివాస్‌ ‘ఛత్రపతి’హిందీ రీమేక్‌తో బాలీవుడ్‌ ఎంట్రీ ఇస్తున్న సంగతి తెలిసిందే.  వీవీ వినాయక్‌ దర్శకత్వంలో పెన్‌ స్టూడియోస్‌ పతాకంపై జయంతిలాల్‌ గడ ఈ రీమేక్‌ని నిర్మిస్తున్నారు. 2005లో ప్రభాస్‌ హీరోగా నటించిన ‘ఛత్రపతి’ సినిమా అప్పట్లో బ్లాక్‌బస్టర్‌గా నిలిచింది. దీంతో సేమ్‌ రిజల్ట్‌ను బాలీవుడ్‌లోనూ రిపీట్‌ చేయాలని బెల్లంకొండ సాయిశ్రీనివాస్‌ తీవ్రంగా శ్రమిస్తున్నారు. లాక్‌డౌన్‌ కారణంగా వాయిదా పడ్డ ‘ఛత్రపతి’ హిందీ రీమేక్‌ సినిమా షూటింగ్‌ జూలై రెండో వారంలో ప్రారంభంకానుంది. అయితే లాక్‌డౌన్‌ సమయాన్ని బెల్లంకొండ సాయిశ్రీనివాస్‌ చక్కగా సద్వినియోగం చేసుకున్నారు. ‘ఛత్రపతి’ హిందీ రీమేక్‌ షూటింగ్‌లో పాల్గొనేందుకు మరింత బాగా సంసిద్దుడైయ్యాడు. సినిమాలో తన లుక్, బాడీ లాంగ్వేజ్‌ పర్‌ఫెక్ట్‌గా ఉండాలని డిసైడైన బెల్లంకొండ సాయిశ్రీనివాస్‌ ఇందుకోసం ఇంట్లోనే జిమ్‌ ఏర్పాటు చేసుకున్నారు. సరైన పద్దతిలో కసరత్తులు చేస్తూ తీవ్రంగా శ్రమిస్తున్నారు. మజిల్స్‌ విషయం స్పెషల్‌ కేర్‌ తీసుకున్నాడు. అంతే కాదు...‘ఛత్రపతి’ హిందీ రీమేక్‌లో తన వాయిస్‌కు తనే డబ్బింగ్‌ చెప్పుకోవాలని నిర్ణయించుకున్నారు బెల్లంకొండ సాయిశ్రీనివాస్‌. హిందీ భాషపై అవగాహన ఉన్నప్పటికీ మరింత పట్టుసాధించేందుకు, ఉచ్ఛారణ పరంగా మరింత స్పష్టత ఉండాలని భావించి ఫేమస్‌ హిందీ కోచ్‌ ఇంతియాజ్‌ దగ్గర కోచింగ్ తీసుకుంటున్నారట.  బెల్లకొండ సాయి శ్రీనివాస్‌ కష్టానికి ఏ మేర ఫలితం లభిస్తుందో చూడాలి. 

యంగ్‌ హీరో బెల్లంకొండ సాయి శ్రీనివాస్ త‌న అభిమానికి సర్‌ప్రైజ్‌ ఇచ్చాడు. తన నూతన ఇంటి గృహప్రవేశ వేడుకకు ఆహ్వానించి సదరు అభిమాని ఫంక్షన్‌కు వెళ్లి అతడికి జీవితాంతం గుర్తుండిపోయే జ్ఞాప‌కాన్ని అందించాడు బెల్లంకొండ. అసలు విషయం ఎంటంటే.. క‌ర్నూలుకు చెందిన ఓ వ్య‌క్తి బెల్లంకొండ శ్రీనివాస్‌కు వీరాభిమాని. అయితే ఇటీవల అతడు నూతన ఇంటిని నిర్మించుకున్నాడు. దీంతో గృహప్రవేశ వేడుకకు రావాల్సిందిగా శ్రీనివాస్‌కు ఆహ్వానం అందించాడు. దీంతో అభిమాని కోరిక మేరకు శ్రీనివాస్ ఆ కార్యక్రమానికి హాజరయ్యాడు. అయితే తాను వెళ్లడమే కాకుండా తనతో పాటు తండ్రి బెల్లంకోండ సురేశ్‌, తల్లి  పద్మ, సోదరుడు గణేశ్‌ను కూడా తీసుకుని హైదరాబాద్‌ నుంచి కర్నూలుకు పయనమయ్యాడు. కరోనా ‍కారణంగా కాలు బయటక పెట్టలేని పరిస్థితిలో కూడా అభిమాని ఫంక్షన్‌కు కుటుంబ సమేతంగా హాజరవ్వడం అనేది సాధారణ విషయం కాదు. ఇలా ఆ అభిమాని కోరికను మన్నించి కుటుంబ సమేంతంగా ఆ ఫంక్షన్‌కు హాజరై అతడికి, అతడి కుటుంబానికి బెల్లంకొండ ఫ్యామిలీ మరిచిపోలేని జ్ఞాపకాన్ని అందించింది. అది చూసి నెటిజన్లు, అభిమానులు బెల్లకొండ శ్రీనివాస్‌, అతడి ఫ్యామిలీపై ప్రశంసలు కురిపిస్తున్నారు.

ప్రభాస్‌ హీరోగా రాజమౌళి దర్శకత్వంలో 2005లో వచ్చిన ‘ఛత్రపతి’ ఎంత హిట్‌ అయ్యిందో ప్రత్యేకించి చెప్పక్కర్లేదు. బెల్లంకొండ సాయి శ్రీనివాస్‌ హీరోగా ఈ సినిమా హిందీలో రీమేక్‌ కానుంది. వీవీ వినాయక్‌ దర్శకత్వంలో డా. జయంతి లాల్‌ గడ ఈ రీమేక్‌ని నిర్మించనున్నారు. తెలుగు ‘ఛత్రపతి’కి కథ అందించిన విజయేంద్రప్రసాద్‌  హిందీకి తగ్గట్టు కొన్ని మార్పులతో కథను తయారు చేస్తున్నారట. ఈ చిత్రం కోసం హైదరాబాద్‌లో 3 కోట్ల భారీ బడ్జెట్‌తో ఆరు ఎకరాల్లో ఆర్ట్‌ డైరెక్టర్‌ సునీల్‌బాబు ఓ విలేజ్‌ సెట్‌ను ఏర్పాటు చేశారు. ఏప్రిల్‌ 22న షూటింగ్‌ ఆరంభం కావాల్సి ఉండగా కరోనా సెకండ్‌ వేవ్‌ కారణంగా వాయిదా పడింది. ఈలోపు అకాల వర్షాల వల్ల ఈ సెట్‌ బాగా దెబ్బతింది. దీంతో ఈ సెట్‌ను పునరుద్ధరించే పనిలో పడ్డారు. ఈ సెట్‌ని మళ్లీ సెట్‌ చేసి, కోవిడ్‌ పరిస్థితులు చక్కబడ్డాక షూటింగ్‌ను ప్రారంభించనున్నారు.

టాలీవుడ్‌ యంగ్‌ హీరో బెల్లంకొండ శ్రీనివాస్‌ హిందీ రీమేక్‌ చిత్రం ‘ఛత్రపతి’ మేకర్స్‌కు భారీ నష్టం వాటిల్లినట్లు సమాచారం. వివి వినాయక్‌ దర్శకత్వం వహిస్తున్న ఈ తెలుగు రీమేక్‌ చిత్రం ఏప్రిల్‌లో సెట్స్‌పైకి వెళ్లాల్సి ఉంది. కానీ కరోనా కారణంగా షూటింగ్‌ వాయిదా పడింది. ఈ నేపథ్యంలో ఛత్రపతి కోసం మేకర్స్‌ హైదరాబాద్‌లో 6 ఎకరాల స్థలంలో ఓ భారీ విలేజ్‌ సేట్‌ వేశారట. ఇప్పటికే కోవిడ్‌తో నష్టపోయిన నిర్మాతలకు ప్రస్తుతం కురుస్తున్న వరుస వర్షాల కారణంగా దాదాపు 3 కోట్ల రూపాయల నష్టం వచ్చినట్లు తెలుస్తోంది. అప్పడు షూటింగ్‌ కోసం వేసిన ఈ భారీ విలేజ్‌ సేట్‌ ఈ వర్షాలకు తీవ్రంగా దెబ్బతినట్లు సమాచారం. ఇంకా సినిమా షూటింగ్‌ మొదలు కాకముందే మేకర్స్‌కు 3 కోట్ల నష్టం రావడం నిజంగా బాధించే విషయమే. ఇక ఈ సెట్‌ సినిమాకు చాలా కీలకం కానుండటంతో మరో ఆలోచన లేకుండా నిర్మాతలు దీనిని పున:నిర్మించే ఆలోచనలో పడ్డారట. ఈ వర్షాలు తగ్గిన వెంటనే తిరిగి సెట్‌ను నిర్మించే పనులు చేపట్టాలని మేకర్స్‌ నిర్ణయించినట్లు సినీ వర్గాల నుంచి సమాచారం. కాగా అల్లుడు శీను సినిమాతో హీరోగా తెలుగు తెరకు పరిచయం అయిన బెల్లంకొండ శ్రీనివాస్‌కు ఇప్పటిదాకా ఒక్క పెద్ద హిట్‌ కూడా పడలేదు. దీంతో రీమేక్‌ చిత్రాలనే నమ్ముకొని సినిమాలు చేస్తున్నాడు. తమిళ రీమేక్‌ రాక్షసుడు అనంతరం ప్రస్తుతం బెల్లంకొండ చేస్తోన్న రీమేక్‌ చిత్రం ఛత్రపతి. రాజమౌళి దర్శకత్వంలో వచ్చిన ఈ సినిమా ఎంత పెద్ద సక్సెస్‌ సాధించిందో ప్రత్యేకంగా చెప్పానక్కర్లేదు. ఈ మూవీతో బాలీవుడ్‌ ఎంట్రీ ఇస్తున్న బెల్లంకొండ సరసన అనన్య పాండే నటిస్తున్నట్లు సమాచారం. చదవండి:  ఛత్రపతి రీమేక్‌లో సాయి శ్రీనివాస్‌

టాలీవుడ్‌ యంగ్‌ హీరో బెల్లంకొండ  శ్రీనివాస్ తెలుగులో సూపర్‌ హిట్‌ అయిన ‘ఛత్రపతి’ రీమేక్‌లో నటిస్తున్నాడు. దర్శకుడు వీవీ వినాయక్ దర్శకత్వంలో తెరకెక్కుతున్న ఈ సినిమాతో సాయి శ్రీనివాస్‌ బాలీవుడ్‌లోకి ఎంట్రీ ఇవ్వనున్నాడు. ప్రస్తుతం ఈ సినిమా కోసం హీరోయిన్‌ల వేట కానసాగుతోంది. ఇందుకోసం ఇప్పటికే కొందరు స్టార్‌ హీరోయిన్లను కూడా సంప్రదించినట్లు సమాచారం. అయితే తాజాగా బెల్లంకొండకు జోడీగా హీరోయిన్‌ అనన్య పాండేను సంప్రదించారట చిత్ర బృందం. ఇందుకోసం ఆమెకు భారీ రెమ్యునరేషన్‌ ఇచ్చేందుకు కూడా రెడీ అయ్యారట. మరి ఈ ఆఫర్‌కు అనన్య గ్రీన్‌సిగ్నల్‌ ఇస్తుందా లేదా అన్నది తెలియాల్సి ఉంది. ప్రస్తుతం అనన్య పూరీ జగన్నాథ్‌ దర్శకత్వంలో తెరకెక్కుతున్న లైగర్‌ సినిమాలో నటిస్తుంది.  2005లో ఎస్‌ఎస్‌ రాజమౌళి డైరెక్షన్‌లో ప్రభాస్‌ హీరోగా నటించిన ఛత్రపతి బాక్స్‌ ఆఫీస్‌ కలెక్షన్లను వసూలు చేసిన విషయం తెలిసిందే. కాగా సాయి శ్రీనివాస్‌ను హీరోగా అల్లుడు శీను సినిమాతో వీవీ వినాయక్‌ టాలీవుడ్‌కు పరిచయం చేశారు. ఇప్పుడు మళ్లీ వీరిద్దరి కాంబినేషన్‌లో ఛత్రపతి రీమేక్‌ తెరకెక్కనుండటం విశేషం.  చదవండి : (ఆ నటుడితో బిగ్‌బీ మనవరాలు ప్రేమాయణం.. ‍స్పందించిన తండ్రి) (కంగనాపై ఆర్జీవీ ట్వీట్‌, ఆ వెంటనే డిలీట్‌!)  

చిత్రం: ‘అల్లుడు అదుర్స్‌’; తారాగణం: బెల్లంకొండ సాయి శ్రీనివాస్, నభా నటేశ్, ప్రకాశ్‌ రాజ్, సోనూసూద్, అనూ ఇమ్మాన్యుయేల్‌; సంగీతం: దేవిశ్రీ ప్రసాద్‌; కెమేరా: ఛోటా కె. నాయుడు; ఫైట్స్‌: రామ్‌ – లక్ష్మణ్, స్టన్‌ శివ; ఎడిటింగ్‌: తమ్మిరాజు; నిర్మాత: గొర్రెల సుబ్రహ్మణ్యం; దర్శకత్వం: సంతోష్‌ శ్రీనివాస్‌; రిలీజ్‌: జనవరి 14 అల్లుడు పాత్ర తెలుగు సినిమాకు మంచి కమర్షియల్‌ ఎలిమెంట్‌. సంక్రాంతికి అత్తారింటికి కొత్త అల్లుళ్ళు వచ్చినట్టే... ఈ సినీ సంక్రాంతికి థియేటర్లకు వచ్చిన చిత్రం ‘అల్లుడు అదుర్స్‌’. కానీ, అన్నిసార్లూ అల్లుడి సెంటిమెంట్‌ వర్కౌట్‌ అవుతుందా? విలన్‌ మామ గారిని ఒప్పించి, హీరోయిన్‌తో ప్రేమ పెళ్ళి చేసుకున్న హీరో కథలు కొన్ని వందల సినిమాల్లో చూశాం. మరోసారి ఆ ఫార్ములాను వాడి, తీసిన సినిమా ఇది. కథేమిటంటే..: ఫ్యాక్షనిస్ట్‌ తరహా లీడర్‌ – నిజామాబాద్‌ జైపాల్‌ రెడ్డి (ప్రకాశ్‌ రాజ్‌). అతనికి ఇద్దరు కూతుళ్ళు. పెద్దమ్మాయి వసుంధర (అనూ ఇమ్మాన్యుయేల్‌). చిన్నప్పటి స్కూల్‌ ఫ్రెండ్‌ అయిన ఆ అమ్మాయంటే శీను (బెల్లంకొండ సాయి శ్రీనివాస్‌)కు ఇష్టం. కానీ, ఆమె రియల్‌ ఎస్టేట్‌ గజ (సోనూసూద్‌)ను ప్రేమిస్తుంది. ఇది ఇలా ఉండగా, తెలియకుండానే వసుంధర చెల్లెలు కౌముది (నభా నటేశ్‌)తో లవ్‌ ఎట్‌ ఫస్ట్‌ సైట్‌లో పడతాడు హీరో. ఆ పెళ్ళి వద్దనే ఆడపిల్ల తండ్రిని మన హీరో ఎలా మెప్పించి, ఒప్పించాడన్నది కథ. సోనూసూద్‌కూ, ప్రకాశ్‌ రాజ్‌కూ మధ్య సినిమా కథలో సంబంధం ఏమిటి? సోనూసూద్‌ విఫల ప్రేమకథ ఎలా చివరకు సక్సెసైంది అన్నది ఓపిగ్గా చూడాల్సిన మెయిన్‌ కథలోని కీలక ఉపకథ. ఎలా చేశారంటే..: బెల్లంకొండ సాయి శ్రీనివాస్‌ ఎప్పటిలానే డ్యాన్సులు, ఫైట్లు బాగా చేశారు. హిందీ డబ్బింగ్, శాటిలైట్‌ మార్కెట్‌ ఉన్నందు వల్లనో ఏమో – ఒకటి రెండు హిందీ డైలాగులూ చెప్పారు. హీరోయిజాన్ని ఎలివేట్‌ చేసేలా ‘‘శీనుగాడు నా ఫ్రెండు. యాక్షన్‌ సీన్లలో వీడిది సెపరేట్‌ ట్రెండు’’ (హీరో గురించి వెన్నెల కిశోర్‌) లాంటి మాస్‌ డైలాగులూ పెట్టారు. ఫైట్స్‌తో పాటు కామెడీ పండించేందుకు హీరో తెగ ప్రయత్నించారు. నభా నటేశ్‌ ఓకే అనిపిస్తారు. అనూ ఇమ్మాన్యుయేల్‌ది నిడివి పరంగా చిన్న పాత్రే. ప్రకాశ్‌ రాజ్, సోనూసూద్‌ తదితరులు – ఈ పాత్రల్లో ప్రత్యేకించి చేయడానికీ, నిరూపించుకోవడానికీ ఇవాళ కొత్తగా ఏమీ లేదు. హీరో తల్లి పాత్రలో ఒకప్పటి హీరోయిన్‌ ఇంద్రజ, హీరో ఇంట పనిమనిషి రత్తాలుగా హరితేజ లాంటి వాళ్ళూ ఉన్నారు. ఎలా తీశారంటే..: సినిమాటోగ్రఫీ నుంచి దర్శకత్వం వైపు వచ్చిన సంతోష్‌ శ్రీనివాస్‌కు దర్శకుడిగా ఇది నాలుగో సినిమా. తొలి చిత్రం ‘కందిరీగ’ విజయంతోనే ఇప్పటికీ అందరికీ గుర్తుండే ఆయన... ఆ సక్సెస్‌ ఫార్ములాను ఇవాళ్టికీ వదులుకోలేకపోవడం అర్థం చేసుకోదగినదే. అందుకే, ఆ ఫార్ములానే వీలైనంత తిరగేసి, మరగేసి, బోర్లేసి... ‘అల్లుడు అదుర్స్‌’గా మరోసారి వండి వడ్డించారు. దానికి లారెన్స్‌ ‘కాంచన’ సినిమాతో పాపులరైన హార్రర్‌ కామెడీని కలిపారు. కానీ, ఎంత సక్సెస్‌ఫుల్‌ సూత్రమైనా, పదే పదే వాడితే చీకాకే. అది ఈ సినిమాకున్న పెద్ద ఇబ్బంది. దానికి తోడు ప్రేమకథను సాఫీగా కాకుండా, పలు పాత్రలు, సంఘటనల మధ్య అటూ ఇటూ తిప్పి, తిప్పి చెప్పే కథనం సహనానికి పరీక్ష పెడుతుంది. సెకండాఫ్‌లో వచ్చే హార్రర్‌ కామెడీ, ప్రకాశ్‌ రాజ్‌ – సత్యల ఊహా ప్రపంచం సీన్లు మాత్రం హాలులో అడపాదడపా బాగానే నవ్వులు పూయిస్తాయి. నిర్మాణ విలువలు బాగున్న ఈ సినిమాలో ఛోటా కె. నాయుడు కెమెరా వర్క్, దేవిశ్రీ ప్రసాద్‌ నేపథ్య సంగీతం ప్రత్యేకించి స్పష్టంగా తెలుస్తాయి. సినిమాకు కొంత బలంగా నిలుస్తాయి. తెర నిండా సుపరిచితులైన నటీనటులు కనిపిస్తారు. వినోదం కోసం సత్య, శ్రీనివాసరెడ్డి, సప్తగిరి, చమ్మక్‌ చంద్ర – ఇలా చాలామందే వస్తూ పోతూ ఉంటారు. ఇటీవల కరోనా కాలంలో మరణించిన నటులు జయప్రకాశ్‌ రెడ్డి, కమెడియన్‌ వేణుగోపాల్‌ కోసూరి లాంటి వాళ్ళూ తెరపై తమ చివరి సినిమాల్లో ఒకటిగా ఇందులో ఎదురవుతారు. ‘బిగ్‌ బాస్‌4’ ఫేమ్‌ మోనాల్‌ గజ్జర్‌ చేసిన ఐటమ్‌ సాంగ్‌ ‘రంభ ఊర్వశి మేనక అందరు కలిసి నేనిక...’ లాంటివి మాస్‌ను ఆకర్షిస్తాయి. కాశ్మీర్‌లోని పహల్‌ గావ్‌ ప్రాంతాల్లో ఇటీవలే ఈ జనవరి చలిలో తీసిన హీరో, హీరోయిన్ల డ్యుయట్‌... మంచు కురిసే దృశ్యాలు విజువల్‌గా బాగున్నాయి. ఏ విదేశాల్లోనో తీసిన ఫీలింగ్‌ కలిగిస్తాయి. అయితే, అన్నీ ఉన్నా... అల్లుడి... అదేదో అన్నట్టు స్క్రిప్టులోని బలహీనతలు ఈ సినిమాకు శాపం. కామెడీ చేస్తున్నాం అనుకొని దర్శక, రచయితలు కథన విధానంలో లేనిపోని కన్‌ఫ్యూజన్లు పెట్టుకున్నారు. ఎంత సక్సెస్‌ఫుల్‌ ఫార్ములా వాడుకున్నా, దాన్ని ఆకట్టుకొనేలా చెప్పడానికి ప్రయత్నించకపోవడంలో పొరపాటు జరిగిందనిపిస్తుంది. ఇది ‘కందిరీగ’కు మరో రీమేక్‌ అనే కామెంట్‌నూ భరించాల్సి వస్తుంది. వెరసి, రెండున్నర గంటల సాగదీతను భరించాలంటే... జనం బెదుర్స్‌ అనాలనిపిస్తుంది. కొసమెరుపు:  ‘కందిరీగ’ ఫార్ములా  + ‘కాంచన’ హార్రర్‌ కామెడీ = ‘అల్లుడు అదుర్స్‌’ బలాలు: ∙హీరో చేసిన డ్యాన్సులు, ఫైట్లు ∙తెర నిండా నటీనటులు, నిర్మాణ విలువలు ∙నేపథ్య సంగీతం, కెమెరా వర్కు బలహీనతలు: ∙చాలా ప్రిడిక్టబుల్‌ ఫార్ములా ∙పాత సినిమాలే చూస్తున్న ఫీలింగిచ్చే స్క్రిప్టు ∙సహనాన్ని పరీక్షించే సా....గ దీత కథనం ∙దర్శకత్వ లోపం ∙కన్‌ఫ్యూజింగ్‌... కామెడీ  -రివ్యూ: రెంటాల జయదేవ

టైటిల్‌ : అల్లుడు అదుర్స్ జానర్ : రొమాంటిక్‌ కామెడీ నటీనటులు :  బెల్లంకొండ సాయి శ్రీనివాస్, నభా నటేష్, అను ఇమ్మాన్యుయేల్, సోను సూద్, ప్రకాష్ రాజ్, వెన్నెల కిషోర్, సత్య అక్కల, సప్తగిరి, శ్రీనివాస్ రెడ్డి, బ్రహ్మజీ నిర్మాణ సంస్థ :  సుమంత్‌ మూవీస్ నిర్మాత :   గొర్రెల సుబ్రహ్మణ్యం దర్శకత్వం : సంతోష్‌ శ్రీనివాస్‌ సంగీతం : దేవి శ్రీ ప్రసాద్ సినిమాటోగ్రఫీ : చోటా కె. నాయుడు ఎడిటర్‌ :  తమ్మిరాజు విడుదల తేది : జనవరి 14, 2021 వరుస పరాజయాలతో ఇబ్బందులు పడుతోన్న సమయంలో 'రాక్షసుడు' సినిమాతో కెరీర్‌లోనే మొట్టమొదటి భారీ విజయాన్ని అందుకున్నాడు బెల్లంకొండ సాయి శ్రీనివాస్‌. ఈ మూవీ ఫలితం ఇచ్చిన జోష్‌తో అతడు ప్రస్తుతం ఎనర్జిటిక్ డైరెక్టర్ సంతోష్ శ్రీనివాస్‌తో 'అల్లుడు అదుర్స్' అనే సినిమా చేశాడు. సంక్రాంతి కానుకగా గురువారం ప్రేక్షకుల ముందుకు వచ్చిన ఈ అల్లుడిని ప్రేక్షకులు ఏ మేరకు ఆదరించారో రివ్యూలో చూద్దాం. కథ శ్రీను( బెల్లం కొండ శ్రీనివాస్ ) చిన్నప్పుడే వసుందర ( అను ఇమాన్యుల్ )ను ప్రేమిస్తాడు. కాని ఆమె మాత్రం ఇతన్ని ఇష్టపడదు. తన తొలి ప్రేమ విఫలం అవడంతో శ్రీను ఇక అమ్మాయిలకు దూరంగా ఉండాలనుకుంటాడు. కానీ పెద్దవాడైన తర్వాత  కౌముది ( నభనటేష్ )తో మరోసారి ప్రేమలో పడతాడు.ఇదే సమయంలో శ్రీను జీవితంలోకి గజా( సోనూసూద్ ) అడుగు పెడతాడు. మరోవైపు తన ప్రేమను దక్కించుకునే క్రమంలో కౌముది తండ్రి జైపాల్ రెడ్డి (ప్రకాష్ రాజ్)తో ఓ ఒప్పందానికి రావాల్సి వస్తుంది.అసలు శ్రీను చేసుకున్న ఒప్పందమేంటి? ఈ గజా ఎవరు ? అతనికి వసుంధరకి సంబంధం ఏమిటీ ? చివరకు శ్రీను తన ప్రేమను ఎలా గెలుచుకున్నాడు ? అనేదే మిగత కథ. నటీనటులు గత సినిమాలతో పోల్చుకుంటే ఈ సినిమాలో మంచి నటనను కనబరిచాడు. ముఖ్యంగా ఫైట్స్, యాక్షన్ సన్నివేశాల్లో ఆకట్టుకున్నాడు. రియల్‌ హీరో సోనూ సూద్ తన నటన మరోసారి ప్రేక్షకులను కట్టిపడేశాడు. ప్రకాష్‌ రాజు ఎప్పటిలాగే తండ్రి పాత్రలో పరకాయప్రవేశం చేశాడు. మరో హీరోయిన్ అను ఇమ్మాన్యుయేల్‌ మెయిన్ హీరోయిన్ కాకపోయినప్పటికీ కథలో కీలక మలుపు తిప్పే పాత్రను చేజిక్కించుకుంది. కమెడియన్స్ శ్రీనివాస్ రెడ్డి, సత్య, చమ్మక్ చంద్ర రోల్స్ కామెడీ పార్ట్‌ సినిమాకు హైలెట్‌గా నిలుస్తాయి. మిగిలిన నటీనటులు కూడా తమ పాత్రలపరిధి మేరకు నటించారు. విశ్లేషణ 'కందిరీగ' లో కన్ఫ్యూజింగ్‌ కామెడీ చూపించి హిట్‌ కొట్టిన దర్శకుడు సంతోష్‌ శ్రీనివాస్‌.. ఈ సినిమాకు కూడా అలాంటి కామెడినే నమ్ముకున్నాడు. కథనంలో ఎక్కడా కామెడీని మిస్ కాకుండా నడిపించాడు. కందిరీగ సినిమాలో ఎలాగైతే కన్ఫ్యూజింగ్ హౌస్ కామెడీని హైలైట్ చేశారో ఇందులో కూడా అదే రిపీట్ చేశారు. కాన్సెప్ట్‌లో కొత్తదనం లేకున్నా డిఫరెంట్ నెరేషన్‌తో సినిమా ఆసక్తి రేకెత్తించే ప్రయత్నం చేశాడు.సినిమా ఇంట్రస్ట్ గా మొదలైనప్పటికీ, ఆ ఇంట్రస్ట్ ను దర్శకుడు చివరి వరకు నిలబెట్టలేకపోయాడు. అలాగే నవ్మశక్యం కాని సన్నివేశాలను పెట్టి ప్రేక్షకులు తలలు పట్టుకునేలా చేశాడు. అలాగే సినిమాలో ఎక్కడా బలమైన కంటెంట్ లేకపోవడం సినిమా ఫలితాన్ని దెబ్బ తీసింది. ఇక ఈ సినిమాకు ప్రధాన బలం సంగీతం. తన పాటలు, నేపథ్య సంగీతంతో సినిమాను నిలబెట్టే ప్రయత్నం చేశాడు. రామ్ లక్ష్మణ్ కంపోజ్ చేసిన ఫైట్స్ కూడా చాలా బాగున్నాయి. ప్రతీ ఫైట్ క్లైమాక్స్ ఫైట్ లానే ఉంటుంది. ఎడిటింగ్ బాగున్నా, ఎడిటింగ్ బాగున్నా, సెకండాఫ్‌లోని సాగతీత సీన్లను తొలగిస్తే బాగుండేది. సినిమాటోగ్రఫీ, నిర్మాణ విలువలు కథానుసారం బాగున్నాయి.

‘‘తెలుగువాళ్లకు సినిమానే పండగ. సంక్రాంతికి తప్పకుండా సినిమాలు చూసి, పండగ జరుపుకుంటారు. ఈ సంక్రాంతికి విడుదలవుతున్న సినిమాలన్నీ బాగా ఆడాలి.. ఇండస్ట్రీ బాగుండాలి. హిందీ తర్వాత పెద్ద బడ్జెట్‌ సినిమాలు, ఎక్కువ సినిమాలు, ఎక్కువ వసూళ్లు, ఎక్కువ వ్యాపారం జరిగేది టాలీవుడ్‌లోనే.. హ్యాట్సాఫ్‌ టు తెలుగు సినిమా’’ అన్నారు బెల్లంకొండ సాయి శ్రీనివాస్‌. సంతోష్‌ శ్రీనివాస్‌ రౌతు దర్శకత్వంలో బెల్లంకొండ సాయి శ్రీనివాస్‌ హీరోగా, నభా నటేష్, అనూ ఇమ్మాన్యుయేల్‌ హీరోయిన్లుగా తెరకెక్కిన చిత్రం ‘అల్లుడు అదుర్స్‌’. రమేష్‌ కుమార్‌ గంజి సమర్పణలో గొర్రెల సుబ్రహ్మణ్యం నిర్మించిన ఈ సినిమా నేడు విడుదలవుతోంది. ఈ సందర్భంగా సాయి శ్రీనివాస్‌ చెప్పిన విశేషాలు. ∙‘రాక్షసుడు’ వంటి హిట్‌ సినిమా తర్వాత మూడు నెలలు విరామం తీసుకున్నాను. మంచి కథ, కొత్తదనం ఉండాలి.. నన్ను నేను నిరూపించుకునేలా ఉండాలి. ఆ సమయంలో సంతోష్‌ శ్రీనివాస్‌ అన్న చెప్పిన పాయింట్‌ ఎగ్జయిటింగ్‌గా అనిపించి వెంటనే ఓకే చెప్పేశా. సెకండాఫ్‌ బాగా నచ్చింది. నా సినిమా ఫ్లాప్‌ అయితే వెంటనే మరో సినిమా చేస్తా.. హిట్‌ అయితే కొంచెం వెయిట్‌ చేసి, మళ్లీ మంచి కథతో మరో హిట్‌ సినిమా చేయాలనుకుంటాను. చదవండి: ‘ఒక్కసారి నాది అనుకుంటే ప్రాణం ఇచ్చేస్తా’ ∙‘అల్లుడు అదుర్స్‌’ కామెడీ థ్రిల్లర్‌.. చిన్నపిల్లలకు కూడా బాగా నచ్చుతుంది. 2018 నుంచి నేను కమర్షియల్‌ సినిమా చేయలేదు.. బాగా ఆకలి మీద ఉన్నాను. ఆ లోటుని ‘అల్లుడు అదుర్స్‌’ తీర్చింది. ఈ సినిమా కోసం కశ్మీర్‌లో మూడు రోజులు విపరీతమైన మంచులో ఓ పాట చిత్రీకరించాం.. చాలా కష్టంగా అనిపించింది. అక్కడ షూటింగ్‌కి వెళ్లినప్పుడు ఆర్మీ వాళ్లు నన్ను గుర్తు పట్టి మాట్లాడటం చూస్తే నా కష్టాన్ని గుర్తించారనే సంతృప్తి కలిగింది. ఈ లాక్‌డౌన్‌లో నేను బాగా మిస్‌ అయింది పనిని మాత్రమే. ఇంట్లో రెండు నెలల పాటు అమ్మ, తమ్ముడి చేతి వంట తింటూ బాగా ఎంజాయ్‌ చేశాను. ► దేవుడి ఆశీర్వాదాల వల్లే బాలీవుడ్‌కి వెళుతున్నాను. బాలీవుడ్‌లో రెండు మూడు సినిమాలకు అడిగారు కానీ ‘ఛత్రపతి’ రీమేక్‌ అనడంతో రాజమౌళిగారి సినిమా అని వెంటనే ఓకే చెప్పేశా. ఈ సినిమాని ►బాహుబలి, కేజీఎఫ్‌’ చిత్రాల రేంజ్‌లో ప్యాన్‌ ఇండియా స్థాయిలో తెరకెక్కించాలనుకుంటున్నాం. తెలుగు ‘ఛత్రపతి’లో ప్రభాస్‌గారు చేసిన పాత్రని చాలెంజింగ్‌గా తీసుకుని నా స్థాయిలో వంద శాతం  కష్టపడతా.. నాకు చాలెంజ్‌లు అంటే ఇష్టం. నాకు హిందీ చదవడం, రాయడం వచ్చు.. హైదరాబాద్‌ హిందీ మాట్లాడతాను. అయితే ఈ సినిమా కోసం ముంబయ్‌లో ట్యూటర్‌ని పెట్టుకుని పక్కా హిందీ నేర్చుకుంటున్నాను.. అన్నీ కుదిరితే హిందీలోనూ డబ్బింగ్‌ చెబుతా. ‘ఛత్రపతి’ రీమేక్‌ మినహా ఏ కొత్త సినిమాని ప్రస్తుతానికి అంగీకరించలేదు.

బెల్లంకొండ శ్రీనివాస్ నటిస్తున్న 'అల్లుడు అదుర్స్‌' బృందం చివరి పాట చిత్రీకరణ కోసం కశ్మీర్ కు వెళ్లారు. షూటింగ్ ముగించుకుని వస్తున్న క్రమంలో కశ్మీరులో మంచు తుఫాను కురుస్తున్న కారణంగా హీరోతో పాటు చిత్రబృందం అక్కడే చిక్కుకుంది. విమాన రాకపోకలు కూడా పూర్తిగా నిలిచిపోయాయి. గత కొన్ని రోజులుగా శ్రీనగర్, కశ్మీర్ లోని ఇతర ప్రాంతాల్లో భారీ హిమపాతం కురుస్తుంది. ప్రత్యేక విమానం ద్వారా కూడా హీరో హైదరాబాద్‌కు చేరుకోలేని పరిస్థితి ఉంది. రేపు(జనవరి 8న) సినిమా ప్రీ రిలీజ్ వేడుకకు అన్ని ఏర్పాట్లు చేసుకోగా ఇప్పుడు హీరో  వస్తాడా రాడా అనే విషయంలో పెద్ద సందేహం నెలకొంది. ప్రీ రిలీజ్ వేడుకను వాయిదా వేయాలన్న ఆలోచనలో చిత్ర బృందం ఉన్నట్లు తెలుస్తుంది. సంతోష్ శ్రీనివాస్ డైరెక్ష‌న్ లో తెర‌కెక్కుతున్న ఈ చిత్రం సంక్రాంతికి జ‌న‌వ‌రి 15న ప్రేక్ష‌కుల ముందుకు రానుంది.(చదవండి: రికార్డుల మోత మోగిస్తోన్న స్టైలిష్‌ స్టార్‌)    

టాలీవుడ్‌ హీరో బెల్లంకొండ శ్రీనివాస్‌ హీరోగా సంతోష్‌ శ్రీనివాస్‌ దర్శకత్వంలో తెరకెక్కుతున్న రొమాంటిక్‌ ఎంటర్‌టైనర్‌ ‘అల్లుడు అదుర్స్‌’.. నభా నటేశ్‌, అను ఇమ్మాన్యుయేల్‌ కథానాయికలుగా నటిస్తున్న ఈ సినిమాలో ప్రకాశ్‌రాజ్‌, సోనూసూద్‌ కీలక పాత్రలు పోషిస్తున్నారు. ఈ సినిమా సంక్రాంతి కానుకగా జనవరి 15న ప్రేక్షకుల ముందుకు రానుంది. విడుదల తేది దగ్గర పడుతుండటంతో మూవీ ప్రమోషన్‌ను వేగవంతం చేసింది. ఈ సందర్భంగా మంగళవారం సాయంత్రం అల్లుడు అదుర్స్‌ సినిమా ట్రైలర్‌ను చిత్ర బృందం విడుదల చేసింది. 2 నిమిషాల 10 సెకన్ల నిడివి గల ఈ ట్రైలర్‌లో డైలాగులు, కామెడీ, థ్రిల్లర్‌, యాక్షన్‌, పాటలు, లవ్‌ ట్రాక్‌ ఇలా నవ రసాలు కలిపి చూపించారు. ట్రైలర్‌ చూస్తుంటే సినిమాపై అంచనాలను మరింత పెంచేలా కనిపిస్తోంది. చదవండి: అంతకు మించిన కిక్‌ ఏముంటుంది? ట్రైలర్‌ అంతా పూర్తిగా అల్లుడైన బెల్లంకొండ శ్రీనివాస్‌ పాత్ర చుట్టే ఉండటంతో హీరో క్యారెక్ట‌రైజేష‌న్ చూపించే ప్రయత్నం చేశారు. అయితే ‘ఒక్కసారి నాది అనుకుంటే నా ప్రాణం ఇచ్చేస్తా. జాన్ దేదూంగా... పద్దతిగా ట్రై చేస్తే ఏ అమ్మాయి అయినా పడాల్సిందే కదండి. నా కూతురు ప్రేమ వాడి పాలిట చావు. శీనుగాడు నా ఫ్రెండు.. యాక్ష‌న్ సీక్వెన్స్‌లో వాడిది సెప‌రేట్ ట్రెండు.. ఇక్క‌డ హ్యాష్ ట్యాగ్స్ లేవ‌మ్మా’.. అని చెప్పే పలు డైలాగులు ప్రేక్షకులను ఆకట్టుకుంటున్నాయి. కొన్ని అనివార్య‌మైన కార‌ణాల వ‌ల్ల‌ ల‌వ్ అంటే నాన్సెస్ అని ఫీల‌య్యే అబ్బాయి.. ప్రేమ‌లో ప‌డితే ఎలా ఉంటుంద‌న్న‌ది సినిమా. సుమంత్‌ మూవీ ప్రొడక్షన్స్‌ బ్యానర్‌పై సుబ్రహ్మణ్యం ఈ సినిమాను నిర్మిస్తున్నారు. దేవి శ్రీ ప్రసాద్‌ సంగీతం అందిస్తున్నారు. మొత్తానికి ఈ సంక్రాంతికి థియేటర్లలో జనాలకు కావాల్సినంత వినోదాన్ని అందించేందుకు ‘అల్లుడు’ సిద్ధమవుతున్నాడు. మరి ఈ  సినిమా ప్రేక్షకులకు ఎంత వరకు నచ్చుతుందో వేచి చూడాలి.

‘‘కరోనా లాక్‌డౌన్‌ తర్వాత విడుదలైన ‘సోలో బ్రతుకే సో బెటర్‌’కి మంచి ప్రేక్షకాదరణ లభించడంతో మా అందరికీ ధైర్యం వచ్చింది. సంక్రాంతి అనేది అల్లుళ్ల పండుగ. అల్లుడు ఎలాంటివాడైనా అత్తమామలకు అదుర్సే.. అందుకే ఈ సంక్రాంతికి ‘అల్లుడు అదుర్స్‌’ టైటిల్‌తో వస్తున్నాం’’ అని దర్శకుడు సంతోష్‌ శ్రీనివాస్‌ అన్నారు. బెల్లంకొండ సాయి శ్రీనివాస్‌ హీరోగా, నభానటేష్, అనూ ఇమ్మాన్యుయేల్‌  కథానాయికలుగా నటించిన చిత్రం ‘అల్లుడు అదుర్స్‌’. సంతోష్‌ శ్రీనివాస్‌ దర్శకత్వంలో గొర్రెల సుబ్రహ్మణ్యం నిర్మించిన ఈ సినిమా ఈ నెల 15న రిలీజవుతోంది. ఈ సందర్భంగా సంతోష్‌ శ్రీనివాస్‌ మాట్లాడుతూ– ‘‘అల్లుడు అదుర్స్‌’ కథ చెప్పగానే బెల్లంకొండ సురేష్‌గారు ‘రాక్షసుడు’ తర్వాత సాయితో ఇలాంటి ఎంటర్‌టైన్‌మెంట్‌ జోనర్‌ సినిమా చేయాలని చూస్తున్నాను. తప్పకుండా మనం ఈ సినిమా చేస్తున్నాం’ అన్నారు. నా ‘కందిరీగ’ సినిమాలో ఉన్నట్టే ఇందులో ఫ్యామిలీ ఎంటర్‌టైన్‌మెంట్‌ ఉంటుంది. సినిమా చూసిన ప్రేక్షకులు ఫుల్‌గా ఎంజాయ్‌ చేసి సంతోషంగా ఇంటికెళ్తారు. కరోనా తర్వాత సోనూ సూద్‌ ఇమేజ్‌ని దృష్టిలో పెట్టుకుని ఆయన పాత్రలో కొన్ని చిన్న చిన్న మార్పులు చేశాం. దేవిశ్రీ ప్రసాద్‌గారి సంగీతంతో మా సినిమా రేంజ్‌ పెరిగింది. బేసిక్‌గా నేను సినిమాటోగ్రాఫర్‌ని కాబట్టి 150 రోజుల్లో తీసే సినిమాని 110 రోజుల్లో పూర్తి చేయగలను. ఈ సంక్రాంతికి విడుదలయ్యే అన్ని సినిమాలూ మంచి విజయం సాధించి ఇండస్ట్రీకి మంచి రెవెన్యూ వస్తే ఫిబ్రవరిలో మరికొన్ని మంచి సినిమాలు వస్తాయి. ‘కందిరీగ’ సీక్వెల్‌ ‘కందిరీగ 2’ ఐడియా రెడీగా ఉంది. మరికొన్ని ప్రాజెక్టులు చర్చల దశలో ఉన్నాయి’’ అన్నారు.

‘‘నేనెప్పుడూ ఏదీ ప్లాన్‌ చేసుకుని చేయలేదు. నా దారిలో వచ్చే బెస్ట్‌ని ఎంపిక చేసుకుంటూ ముందు కెళ్తాను. నా బాలీవుడ్‌ ఎంట్రీ కూడా ప్లాన్‌ చేయలేదు. మంచి ఆఫర్‌ వచ్చింది. అందుకున్నాను’’ అన్నారు బెల్లంకొండ సాయి శ్రీనివాస్‌. ఇవాళ తన పుట్టినరోజు. సాయి శ్రీనివాస్‌ నటించిన ‘అల్లుడు అదుర్స్‌’ ఈ నెల 15న రిలీజ్‌ కానుంది. ఈ సందర్భంగా ఆయన పలు విశేషాలు పంచుకున్నారు. ► కొత్త సంవత్సరంలో కొత్త నిర్ణయాలు తీసు కోవడంలాంటివేమీ పెట్టుకోను. గడచిన ఏడాది కంటే ఈ సంవత్సరం ఇంకా సంతోషంగా ఉండాలి. గుర్తుండిపోయేలా చేసుకోవాలని మాత్రమే అనుకుంటాను. గత బర్త్‌డేకి సెట్లోనే ఉన్నాను. ఈ బర్త్‌డేకి కూడా పని చేస్తున్నాను. నాకు సినిమా అంటే ఇష్టం. పుట్టినరోజున నచ్చిన పని చేయడాన్ని మించిన కిక్‌ ఏముంటుంది? ► 2020లో షూటింగ్‌ని చాలా మిస్సయ్యాను. ఈ బ్రేక్‌ని సినిమాలు చూడటానికి ఎక్కువ ఉపయోగించుకున్నాను. నా వర్క్‌ని మళ్లీ సమీక్షించుకున్నాను. ఫ్రెండ్స్‌తో చాలా సమయం గడిపే వీలు దొరికింది. వేసవి సెలవుల్లా అనిపించాయి. ► కథలో భాగంగా ‘అల్లుడు అదుర్స్‌’ అని టైటిల్‌ పెట్టాం. దర్శకుడు సంతోష్‌ శ్రీనివాస్‌ నన్ను ఓ కొత్త కోణంలో చూపించాలనుకున్నారు. నాకు కథ నచ్చింది. చేసేశాను. ఇందులో సోనూ సూద్, ప్రకాశ్‌రాజ్‌ లాంటి భారీ తారాగణం ఉన్నారు. సినిమా కచ్చితంగా అందర్నీ చాలా ఎంటర్‌టైన్‌ చేస్తుంది. ► ‘అల్లుడు అదుర్స్‌’ నా తొలి సంక్రాంతి రిలీజ్‌. జనవరి నెల నాకు స్పెషల్‌. చాలా ఇష్టం. కొత్త ఎనర్జీ వస్తుంది. ఇప్పుడు ఈ సినిమా కూడా విడుదలవుతోంది. ఈ సినిమా షూటింగ్‌ ఇంకా ఆరు రోజులు ఉంది. 10 రోజులుగా పగలు, రాత్రి పని చేస్తున్నాం. నిర్మాత (బెల్లంకొండ సురేశ్‌) అబ్బాయిని నేను. నిర్మాతకు నష్టం రాకూడదనుకుంటాను. అందుకే ఈ సినిమాను త్వరగా పూర్తి చేయడానికి కష్టపడుతున్నాం. ► బాలీవుడ్‌ ఆఫర్‌ (హిందీలో ‘ఛత్రపతి’ రీమేక్‌ను వినాయక్‌ డైరెక్షన్‌లో చేస్తున్నారు శ్రీనివాస్‌) ఊహించలేదు. కానీ వచ్చింది. వచ్చిన మంచి అవకాశాన్ని అస్సలు పోగొట్టుకోను. మన పని పది మంది కాదు వెయ్యి మంది చూస్తారంటే ఏ యాక్టర్‌కి అయినా ఇష్టమేగా! రాజమౌళిగారి సినిమా రీమేక్‌ చేస్తే ఆయనతో సినిమా చేసినట్టే. మంచి ప్రొడక్షన్‌. భారీ స్థాయిలో చేయాలనుకుంటున్నారు. వినాయక్‌గారితో మళ్లీ వర్క్‌ చేయడం ఎగ్జయిటింగ్‌గా ఉంది. ‘అల్లుడు అదుర్స్‌’ ట్రైలర్‌ చూసి నటుడిగా చాలా ఎదిగావని వినాయక్‌గారు మెచ్చుకున్నారు.   ► ‘ఛత్రపతి’ రీమేక్‌ కోసం హిందీ డిక్షన్‌ మీద ఇంకా బాగా వర్క్‌ చేస్తాను. శారీరకంగా కూడా వర్కౌట్‌ చేస్తాను. తెలుగు సినిమా ప్రస్తుతం బెస్ట్‌ ఇండస్ట్రీ. ఎందులోనూ తక్కువ కాదు. ఏ కథ వస్తే ఆ సినిమా చేస్తాను. తొలి సినిమాలా కష్టపడతాను. బాలీవుడ్‌ ఆఫర్‌ వచ్చినప్పుడు నాన్న ముఖంలో చాలా సంతోషం చూశాను. ఆ ఆనందం ఎప్పటికీ చూడాలని ఇంకా ఇంకా కష్టపడాలనుంటుంది.   ► ఓటీటీ వర్సెస్‌ థియేటర్స్‌ గురించి చెప్పాలంటే హోమ్‌ థియేటర్‌ ఇంటి భోజనంలాంటిది. థియేటర్‌ బిర్యాని. దేని టేస్ట్‌ దానిదే. కానీ థియేటర్స్‌ ఇచ్చే అనుభూతి ఏదీ ఇవ్వలేదు. హాలీవుడ్‌లోనూ చాలా సినిమాలు ఓటీటీలో విడుదలవుతాయి. పెద్ద పెద్ద యాక్షన్‌ సినిమాలే థియేటర్స్‌లో విడుదలవుతాయి. అది నమ్మే యాక్షన్‌ సినిమాలు చేస్తూ ఉంటాను (నవ్వుతూ).

2020.. చిత్ర పరిశ్రమకు భారీ నష్టాన్ని మిగిల్చింది. కరోనా మహమ్మారి వల్ల సినిమా షూటింగ్స్‌ ఆగిపోయాయి. థియేటర్లు మూతపడడంతో షూటింగ్‌ పూర్తయిన సినిమాలు విడుదలకు నోచుకోలేదు. దీంతో గత ఏడాది మొత్తం సినీ ప్రియులకు నిరాశే మిగిలింది. ఇప్పుడిప్పుడే థియేటర్లు తెరుచుకోవడం, ఇటీవల థియేటర్లలో రిలీజైన సోలో బ్రతుకే సో బెటర్ సినిమా హిట్‌ కావడం దర్శకనిర్మాతలకు నూతనోత్సాహాన్ని ఇచ్చింది. దీంతో ఈ  సంక్రాంతికి థియేటర్లలో మోత మోగించడానికి స్టార్‌  హీరోలు రెడీ అవుతున్నారు. వరుసగా భారీ సినిమాలను విడుదల చేస్తూ ఇంత కాలం సినీ ప్రియులు కోల్పోయిన వినోదాన్ని వడ్డీతో సహా ఇవ్వడానికి సిద్దమయ్యారు. ఈ సంక్రాంతిలో సందడి చేయనున్న సినిమాలు ఏంటో ఓ లుక్కేద్దాం. రచ్చ చేయనున్న మాస్‌ మహారాజ్‌ మాస్‌ మహారాజ్‌ రవితేజ, గోపిచంద్‌ మలినేని దర్శకత్వంలో వస్తున్న హ్యాట్రిక్‌ చిత్రం ‘క్రాక్‌’. ఈ సినిమా సంక్రాంతి సందర్భంగా జనవరి 9న ప్రేక్షకుల ముందుకు రాబోతోంది. ఇప్పటికే విడుదలైన ట్రైలర్‌, టీజర్‌ ప్రేక్షకులను ఎంతగానో ఆకట్టుకున్నాయి. డాన్‌ శీను, బలుపు చిత్రాల తర్వాత రవితేజ, గోపిచంద్‌ కాంబినేషన్‌లో వస్తున్న హ్యాట్రిక్‌ సినిమా కావడంతో ‘క్రాక్‌’పై భారీ అంచనాలు ఉన్నాయి.  థియేటర్లలో  పాఠాలు చెప్పనున్న ‘మాస్టర్‌’ తమిళ స్టార్‌ హీరో విజయ్ నటించిన ‘మాస్టర్’ సినిమాను జనవరి 13న ప్రేక్షకుల ముందుకు రాబోతుంది.  మాళవిక మోహన్ హీరోయిన్‌గా నటిస్తోన్న ఈ చిత్రంలో  విజయ్‌ సేతుపతి విలన్‌గా నటించాడు. ఈ చిత్రంలో ఆండ్రియా జెరెమియా, రమ్య సుబ్రమణియన్, అర్జున్ దాస్, శాంతను భాగ్యరాజ్, నాసర్, ధీనా, సంజీవ్, శ్రీనాథ్, శ్రీమాన్, సునీల్ రెడ్డి కీలకపాత్రల్లో నటించారు. తొలుత ఈ చిత్రాన్ని ఈ ఏడాది ఏప్రిల్ 9 న విడుదల చేయాలని భావించారు.  కానీ కరోనా లాక్‌డౌన్ కారణంగా వాయిదా పడింది. దీంతో సంక్రాంతిని పురస్కరించుకొని జనవరి 13న ప్రేక్షకుల ముందుకు రానుంది.  రెడీగా ఉన్న ‘రెడ్‌’ ఎనర్జిటిక్ స్టార్ రామ్ ప్రధాన పాత్రలో తెరకెక్కిన తాజా చిత్రం ‘రెడ్’. తమిళ మూవీ ‘తడమ్‌’కు ఇది రీమేక్‌. కిషోర్‌ తిరుమల దర్శకత్వంలో వహించిన ఈ సినిమాలో రామ్‌ ద్విపాత్రాభినయం చేస్తున్నారు. నివేదా పేతురాజ్, మాళవికా శర్మ, అమృతా అయ్యర్‌లు కథానాయికలుగా నటిస్తున్న ఈ చిత్రానికి మణిశర్మ సంగీతమందిస్తున్నారు. ఈ సినిమాను సంక్రాంతి కానుకగా జనవరి 14న ప్రేక్షకుల ముందుకు రాబోతుంది. అలరించేందుకు రెడీ అంటున్న ‘అల్లుడు’  బెల్లంకొండ సాయి శ్రీనివాస్ తాజాగా నటిస్తున్న సినిమా అల్లుడు అదుర్స్. కందిరీగ ఫేమ్ సంతోష్ శ్రీనివాస్ ఈ చిత్రాన్ని తెరకెక్కించారు. ఈ సినిమాలో నభా నటేష్, అను ఇమ్మాన్యుయేల్ హీరోయిన్లుగా నటించారు. ఈ ఫ్యామిలీ ఎంటర్ టైనర్ ను సంక్రాంతి కానుకగా ప్రేక్షకుల ముందుకు తీసుకురానున్నారు చిత్రయూనిట్. అల్లుడు అదుర్స్ ను జనవరి 15న రిలీజ్ చేస్తున్నట్టు చిత్ర యూనిట్ ప్రకటించింది. వీటితో పాటు దాదాపు  కొన్ని చిన్న సినిమాలు కూడా రిలీజ్ కి రెడీ అవుతున్నాయి. ఇలా వరుస సినిమాలను విడుదల చేస్తూ.. ఇన్ని రోజులు  మిస్ అయిన వినోదాన్ని అందించేందుకు చిత్రపరిశ్రమ సిద్దమైంది. మరీ ఇందులో ఏ  సినిమా ప్రేక్షకులను అలరించి సంక్రాంతి హిట్‌గా నిలుస్తుందో చూడాలి. 

బెల్లంకొండ సాయి శ్రీనివాస్‌ హీరోగా నభా నటేశ్, అనూ ఇమ్మాన్యుయేల్‌ హీరోయిన్లుగా నటిస్తున్న చిత్రం ‘అల్లుడు అదుర్స్‌’. సంతోష్‌ శ్రీనివాస్‌ దర్శకత్వంలో సుబ్రహ్మణ్యం గొర్రెల నిర్మిస్తున్న ఈ చిత్రం జనవరి 15న విడుదల కానుంది. ప్రస్తుతం హైదరాబాద్‌లో కీలక తారాగణం పాల్గొనగా డ్యాన్స్‌ మాస్టర్‌ శేఖర్‌ ఆధ్వర్యంలో పాట చిత్రీకరణ జరుగుతోంది. ఈ ప్రత్యేక పాటలో మోనాల్‌ గజ్జర్‌ నర్తిస్తున్నారు. సాయి శ్రీనివాస్‌ మాట్లాడుతూ– ‘‘అల్లుడు శ్రీను’ తర్వాత నేను చేస్తున్న కంప్లీట్‌ ఫ్యామిలీ ఎంటర్‌టైనర్‌ ‘అల్లుడు అదుర్స్‌’. సంక్రాంతికి మా సినిమా ప్రేక్షకులందరినీ వినోదంతో అలరిస్తుంది’’ అన్నారు. ‘‘ఫుల్‌ ఫన్‌తో మా సినిమా విందుభోజనంలా ఉంటుంది’’ అన్నారు సంతోష్‌ శ్రీనివాస్‌. ‘‘నిర్మాత బెల్లంకొండ సురేశ్‌గారు చాలా సపోర్ట్‌ చేశారు. మా సినిమాతో పాటు విడుదలయ్యే అన్ని సినిమాలను ప్రేక్షకులు థియేటర్‌లో చూడాలని కోరుకుంటున్నా’’ అన్నారు సుబ్రహ్మణ్యం. ‘‘ఇంత మంచి సినిమాలో భాగం అయినందుకు గర్వంగా ఉంది’’ అన్నారు సోనూ సూద్‌. ‘‘దాదాపు ఐదేళ్ల తర్వాత నేను పెర్ఫామ్‌ చేస్తున్న సినిమా ఇది’’ అన్నారు మోనాల్‌ గజ్జర్‌.

‘బిగ్‌బాస్‌ 4’లో తన ఎమోషన్స్‌తో బుల్లితెర  ప్రేక్షకుల మనసును షేక్‌ చేసిన మోనాల్‌ గజ్జర్‌ బిగ్‌ స్క్రీన్‌పై స్టెప్పులతో షేక్‌ చేయటానికి రెడీ అయ్యారు. బెల్లంకొండ సాయి శ్రీనివాస్‌ ïß రోగా నటిస్తున్న ‘అల్లుడు అదుర్స్‌’ సినిమాలో స్పెషల్‌ సాంగ్‌లో కాలు కదుపుతున్నారు మోనాల్‌. ‘సుడిగాడు’ చిత్రం ద్వారా తెలుగు తెరకు పరిచయమైన మోనాల్‌ ఆ తర్వాత పలు చిత్రాల్లో కథానాయికగా నటించారు. గడచిన మూడేళ్లలో గుజరాతీ, మరాఠీ చిత్రాలు చేశారు. ప్రస్తుతం ఓ హిందీ సినిమా, ఓ గుజరాతీ సినిమా చేస్తున్నారు. ఇప్పుడు ‘అల్లుడు అదుర్స్‌’లో స్పెషల్‌ సాంగ్‌లో కనిపించనున్నారు. శేఖర్‌ మాస్టర్‌ కొరియోగ్రఫీ అందిస్తున్న ఈ పెప్పీ నెంబర్‌లో సినిమాలోని ప్రధాన తారాగణమంతా స్టెప్పులేస్తారు. సుమంత్‌ మూవీ ప్రొడక్షన్స్‌ పతాకంపై సుబ్రహ్మణ్యం గొర్రెల నిర్మిస్తున్న ఈ చిత్రానికి ‘కందిరీగ’ ఫేమ్‌ సంతోష్‌ శ్రీనివాస్‌ దర్శకుడు. శ్రీనివాస్‌ సరసన అనూ ఇమ్మాన్యుయేల్, నభా నటేశ్‌ కథానాయికలుగా నటిస్తున్నారు. దేవీశ్రీ ప్రసాద్‌ స్వరకర్త. సంక్రాంతి సందర్భంగా ఈ చిత్రం జనవరి 15న విడుదల కానుంది.

అప్పటి వరకు వాళ్ల ఫేమ్‌ ఎలా ఉన్నప్పటికీ ఒకసారి బిగ్‌బాస్‌ హౌజ్‌లోకి అడుగుపెట్టి వచ్చాక ఏదైనా జరగవచ్చు. అవకాశాలు లేని వారికి తలుపుతట్టి మరి రావొచ్చు. బిజీగా ఉన్నవారికి అవకాశాలు తగ్గిపోవచ్చు. కంటెస్టెంట్ల జీవితాల్లో బిఫొర్‌ బిగ్‌బాస్‌ ఆఫ్టర్‌ బిగ్‌బాస్‌ అనేంతలా మార్పు వస్తుంది. అయితే మిగతా సీజన్‌లతో పోలీస్తే బిగ్‌బాస్‌ నాలుగో సీజన్‌ కంటెస్టెంట్లకు హౌజ్‌ నుంచి బయటొచ్చాక సినిమా ఆఫర్లు తన్నుకుంటూ వస్తున్నాయి. ఇప్పటికే సోహైల్‌ ఓ సినిమాకు సైన్‌ చేయగా.. తన తదుపరి చిత్రంలో అవకాశం ఇస్తానని మెగాస్టార్‌ మాటిచ్చాడు. ఇక అభిజిత్‌ ఎఫ్‌ 3లో కీలక పాత్రల్లో నటిస్తున్నట్లు ఫిల్మ్‌ ఇండస్ట్రీలో టాక్‌ వినిపిస్తోంది. చదవండి: విజయ్‌ ‘మాస్టర్‌’ రిలీజ్‌ డేట్‌ వచ్చేసింది.. ఈ జాబితాలోకి తాజాగా మోనాల్‌ గజ్జర్‌ చేరిపోయింది. ఇప్పటికే బుల్లితెరలో ప్రసారమవుతున్న ఓ డ్యాన్స్‌ షోలో జడ్జీగా వ్యవహరిస్తోంది. ఈ క్రమంలో మరోసారి తెలుగు సినిమాలో నటించే అవకాశం కొట్టేసింది ఈ గుజరాత్‌ భామ. టాలీవుడ్‌ నటుడు బెల్లంకొండ శ్రీనివాస్‌ ప్రస్తుతం అల్లుడు అదుర్స్‌ అనే సినిమా చేస్తున్న విషయం తెలిసిందే. ఈ మూవీలో అను ఎమ్మాన్యుయేల్‌, న‌భాన‌టేశ్ హీరోయిన్లుగా న‌టిస్తున్నారు. ఈ సినిమా స్పెష‌ల్ సాంగ్‌లో మోనాల్‌.. బెల్లంకొండ శ్రీనివాస్‌తో ఆడిపాడనుంది. ఈ పాట కోసం అన్న‌పూర్ణ స్టూడియోలో ఆర్ట్ డైరెక్ట‌ర్ అవినాష్ కొల్ల సార‌థ్యంలో సెట్‌ వేసినట్లు, దీనికి శేఖ‌ర్ మాస్ట‌ర్ కొరియోగ్రాఫీ చేయనున్నారని సమాచారం. ఇక మోనాల్‌ ఎంట్రీతో సినిమాకు మ‌రింత గ్లామ‌ర్ యాడ్ కానుందనడంలో సందేహం లేదు. సంతోష్ శ్రీనివాస్ దర్శకత్వం వహిస్తున్న ఈ చిత్రాన్ని గొర్రెల సుబ్ర‌హ్మ‌ణ్యం నిర్మిస్తున్నారు. దేవీ శ్రీ ప్ర‌సాద్ స్వరాలు సమకూరుస్తున్నాడు. సంక్రాంతి కానుక‌గా జ‌న‌వ‌రి 15న‌ థియేటర్లలో సందడి చేసేందుకు సిద్ధమవుతోంది. చదవండి: అభిమానులకు రకుల్‌ గుడ్‌న్యూస్‌ #BiggBoss beauty #MonalGajjar shaking legs with @BSaiSreenivas for a special song in #AlluduAdhurs.🕺💃 Movie releasing on Jan 15th 2021.✨ #SanthoshSrinivas @ThisIsDSP @prakashraaj @SonuSood @NabhaNatesh @ItsAnuEmmanuel @shekarmaster #AvinashKolla #SumanthMovieProductions pic.twitter.com/7fFof5xE7u — Shreyas Group (@shreyasgroup) December 29, 2020

‘రాక్షసుడు’ వంటి హిట్‌ మూవీ తర్వాత బెల్లంకొండ సాయిశ్రీనివాస్‌ హీరోగా నటిస్తున్న చిత్రం ‘అల్లుడు అదుర్స్‌’. ‘కందిరీగ’ ఫేమ్‌ సంతోష్‌ శ్రీనివాస్‌ దర్శకత్వం వహిస్తున్నారు. నభా నటేష్, అనూ ఇమ్మాన్యుయేల్‌ కథానాయికలుగా నటిస్తున్నారు. సుమంత్‌ మూవీ ప్రొడక్షన్స్‌ బ్యానర్‌పై సుబ్రహ్మణ్యం గొర్రెల నిర్మిస్తున్న ఈ చిత్రాన్ని సంక్రాంతి కానుకగా జనవరి 15న విడుదల చేయనున్నట్లు ప్రకటించారు. ‘‘ఫ్యామిలీ ఎంటర్‌టైనర్‌గా రూపొందుతోన్న ఈ సినిమా షూటింగ్‌ ముగింపు దశలో ఉంది. పండగ సీజన్లలో ఫ్యామిలీ ఎంటర్‌టైనర్స్‌ చూసేందుకు ప్రేక్షకులు ఇష్టపడతారు. ఈ సంక్రాంతికి మా ‘అల్లుడు అదుర్స్‌’ చిత్రం ప్రేక్షకులకు సరైన ఎంపిక అని కచ్చితంగా చెప్పవచ్చు’’ అని చిత్రవర్గాలు పేర్కొన్నాయి. ప్రకాష్‌ రాజ్, సోనూ సూద్, ‘వెన్నెల’ కిశోర్, సత్య కీలక పాత్రల్లో నటిస్తున్న ఈ చిత్రానికి సంగీతం: దేవిశ్రీ ప్రసాద్, కెమెరా: ఛోటా కె. నాయుడు, సమర్పణ: రమేష్‌ కుమార్‌ గంజి.

బెల్లంకొండ సాయి శ్రీనివాస్‌కి ‘అల్లుడు శీను’ తొలి సినిమా. డైనమిక్‌ డైరెక్టర్‌ వీవీ వినాయక్‌ ఈ సినిమాతో శ్రీనివాస్‌ను హీరోగా తెలుగుకు పరిచయం చేశారు. మంచి సక్సెస్‌ను కూడా తనకు అందించారు. ఇప్పుడు మరోసారి తన తొలి దర్శకుడితో బాలీవుడ్‌కి పరిచయం కాబోతున్నారు సాయి శ్రీనివాస్‌. రాజమౌళి దర్శకత్వంలో ప్రభాస్‌ నటించిన సూపర్‌ హిట్‌ చిత్రం ‘ఛత్రపతి’ హిందీలో రీమేక్‌ కాబోతోంది. ఈ రీమేక్‌ను వీవీ వినాయక్‌ డైరెక్ట్‌ చేయనున్నారు. ప్రభాస్‌ చే సిన రోల్‌ను సాయి శ్రీనివాస్‌ చేస్తారు. ఈ రీమేక్‌ సాయి శ్రీనివాస్‌కే కాదు వినాయక్‌కి కూడా హిందీలో తొలి సినిమా అవుతుంది. పెన్‌ స్టూడియోస్‌ పతాకంపై జయంతిలాల్‌ గడ ఈ సినిమాను నిర్మిస్తారు. సాయి శ్రీనివాస్‌ మాట్లాడుతూ – ‘‘నా బాలీవుడ్‌ ఎంట్రీకి ఇదే సరైన ప్రాజెక్ట్‌ అని నమ్ముతున్నాను. ఈ పాత్ర చేయడం గొప్ప బాధ్యతలా ఫీల్‌ అవుతున్నాను’’ అన్నారు. ‘‘ఛత్రపతి’ కథకు సాయి శ్రీనివాస్‌ కరెక్ట్‌. రీమేక్స్‌లో వినాయక్‌గారి నైపుణ్యం అందరికీ తెలిసిందే’’ అన్నారు జయంతిలాల్‌ గడ.  

తెలుగులో సూపర్‌ హిట్‌ అయిన ‘ఛత్రపతి’  సినిమా హిందీలో రీమేక్‌ అవుతోంది. దర్శకుడు వీవీ వినాయక్ దర్శకత్వంలో బెల్లంకొండ సాయి శ్రీనివాస్ హీరోగా బాలీవుడ్‌కు ఎంట్రీ ఇస్తున్నాడు. 2005లో ఎస్‌ఎస్‌ రాజమౌళి డైరెక్షన్‌లో ప్రభాస్‌ హీరోగా నటించిన ఛత్రపతి బాక్స్‌ ఆఫీస్‌ కలెక్షన్లను వసూలు చేసిన విషయం తెలిసిందే. కాగా సాయి శ్రీనివాస్‌ను హీరోగా అల్లడు శీను సినిమాతో వీవీ వినాయక్‌ టాలీవుడ్‌కు పరిచయం చేశారు. ఇప్పుడు మళ్లీ వీరిద్దరి కాంబినేషన్‌లో ఛత్రపతి రీమేక్‌ తెరకెక్కనుండటం విశేషం. ప్రస్తుతం సాయి శ్రీనివాస్‌ అల్లుడు అదుర్స్‌ సినిమాలో నటిస్తున్నాడు. ఈ చిత్రానికి సంతోష్‌ శ్రీనివాస్‌ దర్శకత్వం వహిస్తున్నాడు.   చదవండి: (సీఎం జగన్‌కు ధన్యవాదాలు: ఎస్పీ చరణ్‌)

ప్రభాస్‌ని మంచి మాస్‌ హీరోగా నిలబెట్టిన చిత్రాల్లో ‘ఛత్రపతి’ (2005) ఒకటి. రాజమౌళి దర్శకత్వం వహించిన ఈ భారీ యాక్షన్‌ ఎంటర్‌టైనర్‌ భారీ వసూళ్లు సాధించింది. ఇప్పుడు ఈ చిత్రం హిందీలో రీమేక్‌ కానుంది. హీరోగా బెల్లంకొండ సాయిశ్రీనివాస్‌ నటించనున్నారు. ‘అల్లుడు శీను’ చిత్రంతో గ్రాండ్‌గా ఎంట్రీ ఇచ్చారు నిర్మాత బెల్లంకొండ సురేశ్‌ తనయుడు సాయిశ్రీనివాస్‌. తన ప్రతి చిత్రాన్ని హిందీలోకి డబ్బింగ్‌ చేసుకుంటూ వచ్చారు. అలా డబ్బింగ్‌ సినిమాల ద్వారా బాలీవుడ్‌లో ఫ్యాన్‌ ఫాలోయింగ్‌ను సొంతం చేసుకున్నారు శ్రీను. ఇప్పుడు డైరెక్ట్‌ సినిమాతో హిందీ తెరపై కనిపించాలనుకున్నారు. మంచి మాస్‌ కథాంశంతో రూపొందిన ‘ఛత్రపతి’ రీమేక్‌ అయితే బాగుంటుందనుకున్నారు. ఈ రీమేక్‌ కోసం ఓ ఫోటోషూట్‌ చేశారట సాయి. బాలీవుడ్‌కి చెందిన ఓ ప్రముఖ నిర్మాణ సంస్థ నిర్మించనున్న ఈ చిత్రానికి ఇంకా దర్శకుడు ఖరారు కాలేదు.

2014లో విడుదలైన అల్లుడు శీను సినిమాతో టాలీవుడ్‌ ఇండస్ట్రీలోకి అడుగు పెట్టాడు బెల్లంకొండ శ్రీనివాస్‌. వివి వినాయక్‌ దర్శకత్వం వహించిన ఈ సినిమాలో సమంత హీరోయిన్‌గా నటించారు. ఆ తర్వాత జయాపజయాలతో సంబంధం లేకుండా వరుసగా స్పీడున్నోడు, జయ జానకి నాయక, సాక్ష్యం, కవచం, సీత, రాక్షసుడు వంటి చిత్రాల్లో నటించి మెప్పించాడు. ప్రస్తుతం ‘అల్లుడు అదుర్స్’‌ అనే సినిమా చేస్తున్నాడు. తాజాగా ఆ హీరో తన బెస్ట్‌ ఫ్రెండ్‌ పెళ్లికి హాజరవుతున్నట్లు వెల్లడించారు. ఆ బెస్ట్‌ ఫ్రెండ్‌ ఎవరో కాదు తనతోపాటు రెండు చిత్రాల్లో కలిసి నటించిన కాజల్‌ అగర్వాల్‌. చదవండి: పెళ్లి డేటు చెప్పిన కాజల్‌ అగర్వాల్‌‌ కాజల్ అగర్వాల్‌, శ్రీనివాస్‌ మంచి స్నేహితులు. కాబట్టి ఆమె పెళ్లికి హాజరుకాబోతున్న అతిథులలో తాను కూడా ఒకడిని అంటూ బెల్లంకొండ శ్రీనివాస్ తెలిపారు. ప్రస్తుతం సినిమా షూటింగ్‌లో బిజీగా ఉన్నప్పటికీ పెళ్లి నాటికి వీలు చేసుకొని తప్పక ముంబై వెళతానని స్పష్టం చేశారు. ‘కాజల్ నా బెస్ట్ ఫ్రెండ్. ఆమె నా కుటుంబంలోని వ్యక్తితో సమానం. కాజల్‌కు మంచి జీవిత భాగస్వామి దొరకడం సంతోషంగా ఉంది. గౌతమ్ గొప్ప వ్యక్తి. వారిద్దరికీ నా శుభాకాంక్షలు. నేనిప్పుడు షూటింగ్‌లో ఉన్నాను. కానీ విరామం తీసుకుని కాజల్ పెళ్లికి హాజరు కావాలి. మిగిలిన పనుల కోసం తన పెళ్లి మిస్ చేయలేను’ అంటూ పేర్కొన్నారు. చదవండి: ఇల్లు సర్దుతున్నాం.. ఎనీ సజేషన్స్‌? కాగా టాలీవుడ్‌ స్టార్ హీరోయిన్ కాజల్ అగర్వాల్ త్వరలో పెళ్లి పీటలు ఎక్కబోతున్న విషయం తెలిసిందే. ఈ నెల 30న ముంబైకు చెందిన బిజినెస్‌మెన్ గౌతమ్ కిచ్లును వివాహామాడనున్నారు. అయితే కరోనా మహమ్మారి కారణంగా అతితక్కువ మంది బంధువులు సమక్షంలో ముంబైలో ఈ వేడుక జరగనుంది. అంతేగాక కేవలం 20 మందిని మాత్రమే పెళ్లికి ఆహ్వానించినట్లు తెలుస్తుంది. మరోవైపు కాజల్‌ ప్రస్తుతం మెగాస్టార్‌ చిరంజీవి ప్రధాన పాత్రలో తెరకెక్కుతున్న ఆచార్య సినిమాలో ఫీమేల్‌ లీడ్‌ రోల్‌ చేస్తున్నారు. పెళ్లి తర్వాత రెండు వారాల తర్వాత తిరిగి షూటింగ్‌లో పాల్గొననున్నారు. చదవండి: ‘అల్లుడు అదుర్స్’‌లోకి సోనూ సూద్‌ ఎంట్రీ

‘రాక్షసుడు’ సినిమాతో మంచి విజయాన్ని సాధించి ఫుల్‌ జోష్‌లో ఉన్నారు బెల్లంకొండ సాయిశ్రీనివాస్‌. ప్రస్తుతం ఆయన ‘అల్లుడు అదుర్స్‌’ అనే సినిమాలో నటిస్తున్నారు. సంతోష్‌ శ్రీనివాస్‌ దర్శకత్వంలో సుబ్రహ్మణ్యం గొర్రెల నిర్మిస్తున్నారు. అనూ ఇమ్మాన్యుయేల్, నభా నటేశ్‌ కథానాయికలుగా నటిస్తున్నారు. ఈ సినిమా చివరి షెడ్యూల్‌ హైదరాబాద్‌లో జరుగుతోంది. ఈ చిత్రంలో కీలక పాత్ర చేస్తున్న నటుడు సోనూ సూద్‌ సోమవారం షూటింగ్‌లో ఎంటర్‌ అయ్యారు. ఈ సందర్భంగా నిర్మాత సుబ్రహ్మణ్యం మాట్లాడుతూ– ‘‘ఇంతకుముందు విడుదలైన ‘అల్లుడు అదుర్స్‌’ టైటిల్‌కు, ఫస్ట్‌ లుక్‌ పోస్టర్‌కు చక్కని రెస్పాన్స్‌ వచ్చింది. త్వరలోనే టీజర్‌ను విడుదల చేస్తాం. వచ్చే సంక్రాంతికి సినిమాను విడుదల చేయటానికి సన్నాహాలు చేస్తున్నాం’’ అన్నారు. ప్రస్తుతం బెల్లంకొండ శ్రీనివాస్, ప్రకాశ్‌ రాజ్, సోనూ సూద్‌ తదితరులపై కీలక సన్నివేశాలు చిత్రీకరిస్తున్నారు. ఈ చిత్రానికి సంగీతం: దేవీశ్రీ ప్రసాద్, కెమెరా: చోటా.కె. నాయుడు.

బెల్లంకొండ శ్రీనివాస్‌ హీరోగా నటిస్తున్న చిత్రం ‘అల్లుడు అదుర్స్‌’. సంతోష్‌ శ్రీనివాస్‌ దర్శకత్వంలో సుబ్రహ్మణ్యం గొర్రెల నిర్మిస్తున్న ఈ చిత్రం షూటింగ్‌ హైదరాబాద్‌లో సోమవారం పునఃప్రారంభమైంది. బెల్లంకొండ శ్రీనివాస్, ప్రకాష్‌ రాజ్‌లపై కీలక సన్నివేశాలు చిత్రీకరిస్తున్నారు. ఈ సందర్భంగా సుబ్రహ్మణ్యం గొర్రెల మాట్లాడుతూ– ‘‘పూర్తి స్థాయి ఫ్యామిలీ ఎంటర్‌టైనర్‌గా రూపొందుతున్న చిత్రమిది. ‘అల్లుడు అదుర్స్‌’ టైటిల్‌కు, ఇటీవల రిలీజ్‌ చేసిన ఫస్ట్‌ లుక్‌ పోస్టర్‌కు అన్ని వర్గాల నుంచి మంచి స్పందన వచ్చింది. త్వరలో టీజర్‌ను విడుదల చేస్తాం. 2021 సంక్రాంతికి ఈ చిత్రాన్ని విడుదల చేయడానికి సన్నాహాలు చేస్తున్నాం’’ అన్నారు. నభా నటేష్, అను ఇమ్మాన్యుయేల్‌ కథానాయికలుగా నటిస్తున్న ఈ చిత్రానికి సంగీతం: దేవిశ్రీ ప్రసాద్, కెమెరా: ఛోటా కె. నాయుడు, సమర్పణ: రమేష్‌కుమార్‌ గంజి.

‘అల్లుడు శీను’తో కెరీర్‌ ప్రారంభించిన బెల్లంకొండ సాయి శ్రీనివాస్‌ తన ఎనిమిదో సినిమా టైటిల్‌ను ‘అల్లుడు అదుర్స్‌’గా ఖరారు చేశారు. నభా నటేశ్, అనూ ఇమ్మాన్యుయేల్‌ హీరోయిన్లుగా నటిస్తున్నారు. ‘కందిరీగ’, ‘రభస’ చిత్రాల దర్శకుడు సంతోష్‌ శ్రీనివాస్‌ దర్శకత్వంలో ఈ చిత్రాన్ని సుబ్రహ్మణ్యం గొర్రెల నిర్మిస్తున్నారు. గురువారం ఈ చిత్రం టైటిల్‌ని ప్రకటించి, సాయి శ్రీనివాస్‌ లుక్‌ని రిలీజ్‌ చేశారు. ప్రస్తుతం హైదరాబాద్‌లో ప్రధాన తారాగణంపై కీలక సన్నివేశాలు చిత్రీకరిస్తున్నారు. ‘‘వేసవిలో ప్రేక్షకులను అలరించే ఆహ్లాదకరమైన సినిమా ఇది’’ అని చిత్రబృందం తెలిపింది. ఏప్రిల్‌ 30న విడుదల కానున్న ఈ చిత్రానికి సంగీతం: దేవిశ్రీ ప్రసాద్, కెమెరా: చోటా.కె. నాయుడు.   

అ‍ల్లుడు శ్రీను సినిమాతో వెండితెరకు పరిచయమైన బెల్లంకొండ సాయి శ్రీనివాస్‌ తొలి చిత్రంతోనే ప్రేక్షకులను ఆకట్టుకున్నాడు. ఆ తర్వాత వరుసగా సినిమాలు చేసుకుంటూ పోయినా పెద్దగా బ్రేక్‌ రాలేదు. కానీ అతడు ప్రధాన పాత్రలో నటించిన ప్రయోగాత్మక చిత్రం ‘రాక్షసుడు’ హిట్‌ కావడంతో తిరిగి సక్సెస్‌ బాట పట్టాడు. ప్రస్తుతం ఆయన ‘కందిరీగ’, ‘హైపర్‌’ చిత్రాల దర్శకుడు సంతోష్‌ శ్రీనివాస్‌ డైరెక్షన్‌లో ఓ సినిమా చేస్తున్నాడు. దీనికి ‘అల్లుడు అదుర్స్‌’ అనే టైటిల్‌ ఖరారు చేసినట్లు చిత్రబృందం గురువారం వెల్లడించింది. ఈమేరకు టైటిల్‌తోతో పాటు హీరో ఫస్ట్‌ లుక్‌ పోస్టర్‌ను విడుదల చేసింది. (హ్యాపీ బర్త్‌ డే బెల్లంకొండ శ్రీనివాస్‌) ‘అల్లుడు అదుర్స్‌’తో బెల్లంకొండ సాయి మరోసారి అ‍ల్లుడి సెంటిమెంట్‌ను నమ్ముకున్నాడు. అయితే రెండూ ఒకటి కావని, మొదటిది వినోదాత్మక చిత్రమని, కానీ ఇది పూర్తి స్థాయి వినోదాత్మక చిత్రమని అంటున్నాడీ హీరో. ఈ సినిమాలో ఇస్మార్ట్‌ హీరోయిన్‌ నభా నటేష్‌, అనూ ఇమ్మాన్యుయేల్‌ హీరోతో జోడీ కడుతున్నారు. సుమంత్‌ మూవీ ప్రొడక్షన్స్‌పై జి. సుబ్రహ్మణ్యం ఈ చిత్రాన్ని నిర్మిస్తున్నారు. దేవిశ్రీప్రసాద్‌ సంగీతమందిస్తున్నారు. ఈ సినిమాను ఏప్రిల్‌ 30న విడుదల చేయనున్నట్లు చిత్ర యూనిట్‌ ప్రకటించింది. (నా సినిమా కథలను ముందు నాన్నగారే వింటారు)

‘శైలజా రెడ్డి అల్లుడు’ సినిమా తర్వాత తెలుగు తెరపై కనిపించలేదు అనూ ఇమ్మాన్యుయేల్‌. చిన్న గ్యాప్‌ తర్వాత బెల్లంకొండ సాయి శ్రీనివాస్‌ లేటెస్ట్‌ సినిమాలో హీరోయిన్‌గా నటిస్తున్నారామె. సంతోష్‌ శ్రీనివాస్‌ దర్శకత్వంలో బెల్లంకొండ సాయి శ్రీనివాస్‌ హీరోగా ఈ  సినిమా తెరకెక్కుతోంది. జి. సుబ్రహ్మణ్యం నిర్మిస్తున్న ఈ సినిమాలో నభా నటేశ్‌ ఓ కథానాయిక. ఇప్పుడు అనూ ఇమ్మాన్యుయేల్‌ని మరో హీరోయిన్‌గా సెలెక్ట్‌ చేశారు. ఈ చిత్రం కొత్త షెడ్యూల్‌లో అనూ చిత్రీకరణలో పాల్గొంటున్నారు. ‘‘సినిమాలో ఇద్దరి కథానాయి కలకూ ప్రాధాన్యముంటుంది. వేసవిలో సినిమాను రిలీజ్‌ చేస్తాం’’ అని చిత్రబృందం తెలిపింది.

ప్రముఖ నిర్మాత బెల్లంకొండ సురేష్‌ వారసుడిగా చిత్రపరిశ్రమలోకి ఎంట్రీ ఇచ్చిన బెల్లంకొండ శ్రీనివాస్‌ ఎప్పుడూ వైవిధ్యమైన కథలనే ఎంచుకుంటాడు. తొలి సినిమాతోనే ఫిల్మ్‌ఫేర్‌ అవార్డు అందుకున్నాడు. ‘అల్లుడు శ్రీను’తో వెండితెరకు పరిచయమైన బెల్లంకొండ శ్రీనివాస్‌ ఇప్పటివరకు చేసింది ఏడు సినిమాలే అయినా కావాల్సినంత గుర్తింపు సంపాదించుకున్నాడు. కానీ అతన్ని ఎక్కువగా పరాజయాలే పలకరించినా మొక్కవోని దీక్షతో వైవిధ్యమైన సినిమాలు చేసుకుంటూ పోతున్నాడు. ఈ క్రమంలో గతేడాది ఆయన నటించిన ‘రాక్షసుడు’ సూపర్‌ హిట్‌ను అందుకుంది. విమర్శకులు సైతం ఈ చిత్రానికి ప్రశంసలు కురిపించారు. బెల్లంకొండ సాయి శ్రీనివాస్, నభా నటేశ్‌ జంటగా ఓ సినిమా తెరకెక్కుతోన్న సంగతి తెలిసిందే. నేడు బెల్లంకొండ పుట్టినరోజు సందర్భంగా చిత్రబృందం బెల్లంకొండ శ్రీనివాస్‌ లుక్‌ను విడుదల చేసింది. ఇందులో బెల్లంకొండ కత్తుల్ని దించుతున్న చూపులతో వేడి పుట్టిస్తున్నాడు. ‘కందిరీగ’, ‘హైపర్‌’ వంటి హిట్‌ సినిమాలు అందించిన సంతోష్‌ శ్రీనివాస్‌ ఈ సినిమాకు దర్శకత్వం వహిస్తున్నాడు.  సుమంత్‌ మూవీ ప్రొడక్షన్స్‌పై జి. సుబ్రహ్మణ్యం ఈ చిత్రాన్ని నిర్మిస్తున్నారు. మ్యూజిక్‌ డైరెక్టర్‌: దేవిశ్రీప్రసాద్‌. చదవండి: సవాళ్లంటే ఇష్టం

‘‘కొత్త ఏడాది, పుట్టిన రోజు సందర్భంగా ఎటువంటి కొత్త నిర్ణయాలు తీసుకోలేదు. కాకపోతే కథల ఎంపికలో ఇకపై జాగ్రత్త వహిస్తా. ఏడాదికి ఒకటి రెండు సినిమాలైనా సరే మంచివి చేయాలనుకుంటున్నా. క్వాంటిటీ కంటే క్వాలిటీకి ప్రాధాన్యత ఇస్తా’’ అన్నారు బెల్లంకొండ సాయి శ్రీనివాస్‌. ‘కందిరీగ, రభస’ చిత్రాల ఫేమ్‌ సంతోష్‌ శ్రీనివాస్‌ దర్శకత్వంలో బెల్లంకొండ సాయి శ్రీనివాస్, నభా నటేశ్‌ జంటగా ఓ సినిమా తెరకెక్కుతోన్న సంగతి తెలిసిందే. సుమంత్‌ మూవీ ప్రొడక్షన్స్‌ పతాకంపై జి.సుబ్రహ్మణ్యం నిర్మిస్తున్న ఈ సినిమా మొదటి షెడ్యూల్‌ పూర్తయింది. కాగా నేడు తన పుట్టినరోజుని పురస్కరించుకుని సాయి శ్రీనివాస్‌ విలేకరులతో పంచుకున్న విశేషాలు.   ► నా తొలి చిత్రం ‘అల్లుడు శీను’ తర్వాత వినోదంతో కూడిన పాత్ర చేయలేదు. సంతోష్‌ శ్రీనివాస్‌ అన్న తెరకెక్కిస్తోన్న చిత్రంలో తొలి సారి పూర్తి స్థాయి వినోదం నిండిన పాత్ర చేస్తున్నా. ఇందులో కాస్త ప్రేమకథ, చివరి 20 నిమిషాలు భావోద్వేగాలుంటాయి. ఈ చిత్రంలో చాలామంది హాస్యనటులున్నారు. దాదాపు రెండు గంటల సేపు ప్రేక్షకులు కడుపుబ్బా నవ్వుకునేలా సన్నివేశాలుంటాయి. నా పాత్ర కొత్తగా ఉంటుంది. వినోదం పండించడం కష్టమే.. కానీ చాలెంజింగ్‌ పాత్రలు చేయడం చాలా ఇష్టం.   ► సంతోష్‌ అన్న మా బ్యానర్‌లో తీసిన ‘కందిరీగ, రభస’ చిత్రాల కథలు విన్నా.. ఇప్పుడు ఆయనతో సినిమా చేస్తున్నా.. చాలా ప్రతిభ ఉన్న దర్శకుడాయన. ఏ సినిమాకైనా కథే రాజు అని నా ‘రాక్షసుడు’ సినిమా నేర్పింది. పైగా ప్రేక్షకులు చాలా స్మార్ట్‌ అయ్యారు. అందుకే కథల ఎంపికలో జాగ్రత్త పడుతున్నా. ఇందులో నాది, నభా నటేశ్‌ పాత్రలు వాస్తవానికి దగ్గరగా ఉంటాయి. సంతోష్‌ శ్రీనివాస్‌ వర్కింగ్‌ స్టైల్‌ నచ్చింది. దేవిశ్రీ ప్రసాద్‌గారితో నాకిది మూడో సినిమా. ఈ చిత్రకథ పెద్దది. అందుకే ఇందులో 4 పాటలు మాత్రమే ఉంటాయి. మార్చి చివరికి షూటింగ్‌ పూర్తి చేస్తాం. మేలో సినిమాను విడుదల చేయాలనుకుంటున్నాం.   ► ఇప్పటి వరకూ 7సినిమాలు చేశా. వాటిలో కొత్త దర్శకులతో చేసిన సినిమాలూ ఉన్నాయి. నేనెప్పుడూ పాత, కొత్త దర్శకులకు అందుబాటులో ఉంటా. మంచి కథలు ఉంటే కొత్తవారితో చేయడానికి ఎటువంటి అభ్యంతరం లేదు. నా సినిమా కథలను ముందు మా నాన్నగారు (బెల్లంకొండ సురేశ్‌) వింటారు.. ఆయనకు నచ్చింది నన్ను వినమంటారు. చివరగా ఇద్దరికీ నచ్చిన కథకి పచ్చజెండా ఊపుతా (నవ్వుతూ).   ► నాన్నతో కలిసి నా తమ్ముడు గణేశ్‌ ప్రొడక్షన్‌ చూసుకునేవాడు.. రోజూ షూటింగ్స్‌కి వెళ్లేవాడు. అందుకే హీరోగా బాగా నటిస్తున్నాడు.. పైగా మంచి టీమ్‌ కుదిరింది. ఓ రోజు షూటింగ్‌కి వెళ్లినప్పుడు వాడు నటిస్తున్న భావోద్వేగ సన్నివేశం చూసి కన్నీళ్లొచ్చాయి. నటనలో వాడికి నేనేమీ సలహాలు ఇవ్వలేదు.. వాడే నాకు ఇచ్చేలా ఉన్నాడు (నవ్వుతూ).   ► ఈ 2020 కొత్త దశాబ్దానికి ప్రారంభం. ఇప్పటి వరకూ నేను చేసినవి ఒక ఎత్తు.. ఈ పదేళ్లు మరో ఎత్తు. ఇప్పటి నుంచి నా మొదటి సినిమాలా భావిస్తా. యాడ్స్‌ అవకాశాలొస్తున్నాయి కానీ ప్రస్తుతానికి ఆసక్తి లేదు. నాకు పెళ్లి చేయాలని నాన్నగారు తొందర పెడుతున్నారు.. కానీ, నేను ఒప్పుకోవడం లేదు (నవ్వుతూ). సంతోష్‌ అన్న సినిమా తర్వాత ‘దిల్‌’ రాజుగారి బ్యానర్‌లో ఓ సినిమా చేస్తా. ఆ తర్వాత ఏ సినిమా అంగీకరించలేదు.. కథలు వింటున్నా.  

బెల్లంకొండ సాయిశ్రీనివాస్‌ హీరోగా ‘కందిరీగ’ ఫేమ్‌ సంతోష్‌ శ్రీనివాస్‌ దర్శకత్వంలో తెరకెక్కనున్న చిత్రానికి శుక్రవారం కొబ్బరికాయ కొట్టారు. ఇందులో నభా నటేష్‌ కథానాయికగా నటిస్తున్నారు. సుమంత్‌ మూవీ ప్రొడక్షన్స్‌ పతాకంపై సుబ్రహ్మణ్యం నిర్మిస్తున్నారు. ముహూర్తపు సన్నివేశానికి నిర్మాత పి. కిరణ్‌ కెమెరా స్విచ్చాన్‌ చేయగా, డైరెక్టర్‌ వీవీ వినాయక్‌ క్లాప్‌ ఇచ్చారు.  నిర్మాత ‘దిల్‌’ రాజు గౌరవ దర్శకత్వం వహించారు. ఈ సందర్భంగా సంతోష్‌ శ్రీనివాస్‌ మాట్లాడుతూ– ‘‘లవ్‌ అండ్‌ యాక్షన్‌ ఎంటర్‌టైనర్‌గా ఈ సినిమాను రూపొందించనున్నాం. నటనకు మంచి అవకాశం ఉన్న పాత్రలో సాయి శ్రీనివాస్‌ కనిపిస్తాడు. తన కెరీర్‌లో గుర్తుండిపోయే సినిమా అవుతుంది. డిసెంబర్‌ 6న రెగ్యులర్‌ షూటింగ్‌ ప్రారంభిస్తాం. హైదరాబాద్, దుబాయ్‌లో చిత్రీకరణ జరపనున్నాం. వచ్చే ఏడాది వేసవిలో సినిమా విడుదలకు సన్నాహాలు చేస్తున్నాం’’ అన్నారు. బెల్లంకొండ సాయిశ్రీనివాస్‌ మాట్లాడుతూ– ‘‘కందిరీగ’ సినిమా నుంచి సంతోష్‌ పరిచయం. తనతో పని చేయడం నా కుటుంబ సభ్యులతో చేసినట్టుగా ఉంది. నా గత చిత్రాలతో పోల్చితే ఇందులో కొత్త తరహా పాత్ర పోషిస్తున్నాను’’ అన్నారు. ‘‘నన్ను నిర్మాతగా పరిచయం చేస్తున్న బెల్లంకొండ సురేష్, పద్మగార్లకి ధన్యవాదాలు. ఏ మాత్రం రాజీ పడకుండా గ్రాండ్‌గా ఈ సినిమా రూపొందిస్తాం’’ అన్నారు సుబ్రహ్మణ్యం. ‘‘సాయిశ్రీనివాస్‌తో పని చేయడానికి ఉత్సుకతతో ఎదురు చూస్తున్నాను. నటనకి ఆస్కారం ఉన్న పాత్ర పోషించనుండటం సంతోషంగా ఉంది’’ అన్నారు నభా నటేష్‌. ‘‘బాలీవుడ్‌లో ఎన్నో సూపర్‌ హిట్‌ చిత్రాలకు పని చేశాను. తెలుగులో నా తొలి చిత్రమిది’’ అన్నారు కెమెరామేన్‌ డుడ్లీ. ఆర్ట్‌ డైరెక్టర్‌ అవినాష్‌ కొల్ల మాట్లాడారు.  

ఒకరేమో బెల్లంకొండ సాయిశ్రీనివాస్‌.. మరొకరేమో సంతోష్‌ శ్రీనివాస్‌. ఈ ఇద్దరి శ్రీనివాస్‌ల కాంబినేషన్‌లో ఓ సినిమా షురూ అయింది. ఈ ఏడాది ‘రాక్షసుడు’ చిత్రంతో సూపర్‌ హిట్‌ అందుకున్న బెల్లంకొండ శ్రీనివాస్‌ హీరోగా ‘కందిరీగ, రభస, హైపర్‌’ ఫేమ్‌ సంతోష్‌ శ్రీనివాస్‌ డైరెక్షన్‌లో ఓ సినిమా రూపొందనుంది. సుమంత్‌ మూవీ ప్రొడక్షన్స్‌ బ్యానర్‌పై జి.సుబ్రహ్మణ్యం నిర్మించనున్న ఈ చిత్రం ఈ నెల 29న హైదరాబాద్‌లో ప్రారంభంకానుంది. ‘‘బెల్లంకొండ శ్రీనివాస్‌ కోసం సంతోష్‌ శ్రీనివాస్‌ పర్‌ఫెక్ట్‌ స్క్రిప్ట్‌ను సిద్ధం చేశాడు. ఈ చిత్రంలో బెల్లంకొండ సరికొత్త లుక్‌లో కనపడబోతున్నారు. అందుకోసం 8 ప్యాక్స్‌తో మేకోవర్‌ అయ్యారు. ‘అల్లుడు శీను, జయజానకి నాయక’ చిత్రాల తర్వాత బెల్లంకొండ శ్రీనివాస్, సంగీత దర్శకుడు దేవిశ్రీ ప్రసాద్‌ కాంబినేషన్‌లో రూపొందుతోన్న చిత్రమిది.  రెగ్యులర్‌ షూటింగ్‌ డిసెంబర్‌లో ప్రారంభం అవుతుంది’’ అని చిత్ర వర్గాలు పేర్కొన్నాయి. ఈ చిత్రానికి ‘సింగం, చెన్నై ఎక్స్‌ప్రెస్‌’ చిత్రాల ఫేమ్‌ డూడ్లే కెమెరామేన్‌గా పనిచేయబోతున్నారు.

‘రాక్షసుడు’ సినిమాతో ఈ ఏడాది సూపర్‌ సక్సెస్‌ను ఖాతాలో వేసుకుని మంచి ఫామ్‌లో ఉన్నారు బెల్లంకొండ సాయి శ్రీనివాస్‌. ఇదే ఉత్సాహంలో తన తర్వాతి చిత్రాన్ని సెట్స్‌పైకి తీసుకెళ్లే పనులను మొదలుపెట్టారు. ఈ కొత్త సినిమాకు ‘కందిరీగ’ ఫేమ్‌ సంతోష్‌ శ్రీనివాస్‌ దర్శకత్వం వహిస్తారు. సాయి శ్రీనివాస్‌ కోసం ఓ పవర్‌ఫుల్‌ మాస్‌ ఎంటర్‌టైన్‌మెంట్‌ కథను సిద్ధం చేశారట సంతోష్‌. ఈ మాస్‌ కథ చాలా వెరైటీగా ఉంటుందట. ప్రస్తుతం ప్రీ–ప్రొడక్షన్‌ పనులు జరుగుతున్నాయి.

‘‘రాక్షసుడు’ సినిమా చాలా పెద్ద విజయాన్ని సాధించింది. ఆడపిల్లల పెంపకం విషయంలో తల్లిదండ్రులు తీసుకోవాల్సిన జాగ్రత్తలను సందేశాత్మకంగా చూపించిన సినిమా ఇది’’ అన్నారు నిర్మాత కోనేరు సత్యనారాయణ. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేష్‌ వర్మ దర్శకత్వంలో కోనేరు సత్యనారాయణ నిర్మించిన చిత్రం ‘రాక్షసుడు’. ఆగస్టు 2న విడుదలైన ఈ చిత్రం విజయవంతంగా మూడు వారాలు పూర్తి చేసుకుని నాలుగో వారంలోకి అడుగుపెట్టింది. ఈ సందర్భంగా ఏర్పాటు చేసిన విలేకరుల సమావేశంలో కోనేరు సత్యనారాయణ మాట్లాడుతూ– ‘‘పిల్లల నుంచి పెద్దల వరకు ఈ సినిమా అందరినీ ఆకట్టుకుంది. మరో రెండు వారాల వరకూ వసూళ్లను సాధించే అవకాశం ఉందని ట్రేడ్‌ వర్గాలు చెబుతున్నాయి. మా ‘ఏ స్టూడియోస్‌ బ్యానర్‌’పై తొలి చిత్రంగా తెరకెక్కిన ‘రాక్షసుడు’  ఇంత పెద్ద విజయాన్ని సాధించడం ఆనందంగా ఉంది’’ అన్నారు. ‘‘కథపై నమ్మకంతో ఈ సినిమా చేశాం. ఈ రోజు మా నమ్మకం నిజమైంది. ఒరిజినల్‌ కంటెంట్‌లోని అంశాలను మిస్‌ చేయకుండా మనకు తగ్గట్లు చేశాం’’ అన్నారు రమేష్‌ వర్మ. ‘‘ఆర్టిస్టులు, టెక్నీషియన్‌ల కెరీర్‌లకు మంచి సినిమా ఎప్పుడూ ఉపయోగపడుతూనే ఉంటుంది. అలాంటి సినిమానే ‘రాక్షసుడు’’ అన్నారు అనుపమా పరమేశ్వరన్‌.

అవకాశాలు అంత తొందరగా రావు. వాటి కోసం పోరాడి సాధించుకుని నలుగురుని మెప్పిస్తే కలిగే సంతోషమే వేరు. మరో విషయం ఏమిటంటే కొన్ని పాత్రలు కొందరు చేస్తేనే నప్పుతాయి. అందుకే ఒక భాషలో వచ్చిన చిత్రాన్ని మరో భాషలో రీమేక్‌ చేసినా, అందులో ఒరిజినల్‌ చిత్రంలో పాత్ర పోషించిన నటుడినే వరిస్తాయి. నటుడు వినోద్‌సాగర్‌ విషయంలోనూ అదే జరిగింది. తమిళంలో విష్ణువిశాల్, అమలాపాల్‌ జంటగా నటించిన చిత్రం రాక్షసన్‌. రామ్‌కుమార్‌ తెరకెక్కించిన ఈ చిత్రం సంచలన విజయాన్ని సాధించింది. ఇందులో వినోద్‌సాగర్‌ ఉపాధ్యాయుడి పాత్రలో నటించి విలనిజాన్ని రక్తికట్టించాడు. ఆ పాత్రలో మంచి పేరు తెచ్చుకున్నాడు. కాగా అదే చిత్రం తెలుగులో రాక్షసుడు పేరుతో రీమేక్‌ అయ్యింది. బెల్లంకొండ శ్రీనివాస్, అనుపమ పరమేశ్వరన్‌ నటించారు. ఈ సినిమాలో విలన్‌ పాత్ర మాత్రం తమిళంలో నటించిన వినోద్‌సాగర్‌నే వరించింది. తమిళంలో మాదిరిగానే తెలుగులోనూ ఆయన నటనకు మంచి పేరు వచ్చింది. ఈ ఆనందాన్ని ఆయన పంచుకుంటూ తాను దుబాయ్‌లో రేడీయో జాకీగా పని చేసి ఆ తరువాత చెన్నైకి వచ్చానన్నారు. ఇక్కడ డబ్బింగ్‌ ఆర్టిస్ట్‌గా చేరి ఆపై నటుడిగా మారానని తెలిపారు. తన సినీ జీవితంలో ఇంటిని, తల్లిదండ్రుల్ని చాలా మిస్‌ అయ్యానని చెప్పారు. అలాంటి సమయంలో రాక్షసన్‌ చిత్రంలో నటించే అవకాశం వచ్చిందన్నారు. ఆ చిత్రం తెలుగులోనూ రీమేక్‌ కావడంతో అందులోని ఉపాధ్యాయుడి పాత్రను మీరే పోషించాలని అడిగారన్నారు. అందుకు అంగీకరించి నటించినట్లు తెలిపారు. అంతకు ముందు బిచ్చైక్కారన్‌ చిత్ర అనువాదంతో తెలుగు ప్రేక్షకులకు పరిచయం అయిన తనకు రాక్షసుడు చిత్రం చాలా మంచి పేరు తెచ్చిపెట్టిందన్నారు. ఇలాంటి చిత్రాల్లో నటించాలన్నది తనకు చిరకాల ఆశ అని చెప్పారు. రాక్షసుడు చిత్రం తనకు జీవితంలో మరచిపోలేనంతగా గుర్తింపు తెచ్చి పెట్టిందన్నారు. ప్రేక్షకుల స్పందన తెలుచుకోవడానికి థియేటర్లకు వెళ్లగా చిత్రం చూసిన వారు తనను తిట్టుకుంటున్నారని అన్నారు. తాను గడ్డం పెంచుకుని ఉండటంతో అక్కడ తననెవరూ గుర్తించలేదని అన్నారు. అలా వారి ఒక్కో తిట్టును అభినందనగా భావిస్తున్నానని అన్నారు. రాక్షసుడు చిత్రం తన జీవితానికి పెద్ద శక్తినిచ్చిందనే అభిప్రాయాన్ని వ్యక్తం చేశారు. ఆ చిత్రంతో తెలుగులో పలు అవకాశాలు వస్తున్నట్లు తెలిపారు. అయితే సవాల్‌తో కూడిన పాత్రల్లో నటించాలని కోరుకుంటున్నట్లు వినోద్‌సాగర్‌ అంటున్నారు.

‘‘రాక్షసుడు’ సినిమా బడ్జెట్‌ రూ.22 కోట్లు అయ్యింది. ఆంధ్ర, సీడెడ్, నైజాం థియేట్రికల్‌ రైట్స్‌ రూ.12 కోట్లు అమ్ముడు కాగా, హిందీ శాటిలైట్‌ రూ.12 కోట్లు, తెలుగు శాటిలైట్‌ రూ.5.90కోట్లు వ్యాపారం జరిగింది. మొత్తంగా రూ.30 కోట్లకు ఈ సినిమాను అమ్మాం. థియేట్రికల్‌ రైట్స్‌కు పెట్టిన ఖర్చు రూ.12 కోట్లు సోమవారానికే వచ్చాయి’’ అని బెల్లంకొండ సురేశ్‌ అన్నారు. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేశ్‌ వర్మ పెన్మత్స దర్శకత్వంలో తెరకెక్కిన చిత్రం ‘రాక్షసుడు’. కోనేరు సత్యనారాయణ నిర్మించిన ఈ సినిమా ఈ నెల 2న విడుదలైంది. మంగళవారం జరిగిన ప్రెస్‌మీట్‌లో బెల్లంకొండ సురేశ్‌ మాట్లాడుతూ– ‘‘చాలా చోట్ల వర్షం వల్ల ‘రాక్షసుడు’ కలెక్షన్లకు అంతరాయం కలిగింది. వర్షం లేకుంటే కలెక్షన్స్‌ సునామీ సృష్టించేది. ఫస్ట్‌ వీక్‌ కంటే సెకండ్‌ వీక్‌ బాగున్నాయి. వైజాగ్, ఈస్ట్‌ హక్కులను నేనే కొన్నాను. వైజాగ్‌లో సోమవారానికే రూ.2 కోట్లు వచ్చాయి. ఇంత మంచి సినిమాను నాకు ఇచ్చిన రమేశ్‌ వర్మగారికి, కోనేరు సత్యనారాయణగారికి, హవీశ్‌గారికి రుణపడి ఉంటాను. ఈ సినిమాకు కథే హీరో.. ఆ తర్వాత పని చేసినవారందరూ హీరోలే. జీబ్రాన్‌ ఫస్ట్‌ హీరో, ఆ తర్వాతే మా అబ్బాయే హీరో. ఈ నెల 15 తర్వాత టూర్‌ ప్లాన్‌ చేస్తాం. ‘అల్లుడు శీను’కి మించిన వినోదం, పాటలుండి స్క్రిప్ట్‌ కుదిరితే మా అబ్బాయితో సినిమా చేస్తాను. గ్రాండ్‌ సినిమానే తీస్తాను. ‘జయజానకీ నాయకా’ భారీ బడ్జెట్‌తో తీశాం. కొంచెం నష్టపోయాం. మంచి కథ కుదరగానే మిర్యాల రవీందర్‌ రెడ్డితో కలిసి ఓ సినిమా చేస్తాను. అభిషేక్‌తో ‘సాక్ష్యం’ సినిమా చేశాను. ఆ తర్వాత ‘కవచం, సీత’ లాంటి సినిమాలు  కొని, నష్టపోయినవాళ్లతో మా అబ్బాయి సినిమా చేసేలా చూస్తాను. మా అబ్బాయిని స్టార్‌ హీరోని చేయాలనే పెద్ద సినిమాలు చేసుకుంటూ వచ్చాను. ఎవరైనా తమ పిల్లలు పెద్ద పొజిషన్‌లోనే ఉండాలనుకుంటారు కదా. ఇండస్ట్రీలో, యూ ట్యూబ్‌లో తనకు మంచి బిజినెస్‌ క్రియేట్‌ అయ్యింది’’ అన్నారు. ‘‘రాక్షసుడు’ సినిమాకి 10రోజుల్లోనే లాభాలు సాధించాం’’ అన్నారు నిర్మాత ‘మల్టీడైమన్షన్‌’ వాసు. ‘‘తొలివారంలో నాలుగో రోజు వసూళ్లు కాస్త డల్‌ కాగానే భయపడ్డా. రెండో వారంలో అద్భుతంగా ఉన్నాయి’’ అన్నారు రమేశ్‌ వర్మ. సాయి శ్రీనివాస్‌ మాట్లాడుతూ– ‘‘మా సినిమా విడుదలైన 10వ రోజుకే డిస్ట్రిబ్యూటర్స్, ఎగ్జిబిటర్స్‌ సేఫ్‌ అయ్యారు. ఆర్టిస్ట్‌గా పేరు రావడం చాలా ఆనందంగా ఉంది. మా నాన్నను గర్వపడేలా చేయాలనుకున్నాను. అందరూ హీరోగా నా జాబ్‌ ఈజీ అనుకుంటారు. ఇక్కడికి రావడానికి చాలా కష్టపడ్డాను. ఇక్కడ పేరు తెచ్చుకుంటే నాన్నకు అది సంతోషం ఇస్తుంది. రీమేక్‌ సినిమా హిట్‌ చేయడం చాలా కష్టం. ఇందులో నేను చేసిన పాత్ర మిగతా సినిమాల్లా కాదు. చాలా అండర్‌ ప్లే చేయాల్సిన క్యారెక్టర్‌ నాది. అందుకే ప్రయోగాత్మక సినిమా అని చెప్పొచ్చు. ఇక పై కూడా మంచి కథల్ని ఎంపిక చేసుకుంటూ అలరిస్తాను’’ అన్నారు. ‘మా అబ్బాయి సినిమాల్లో నేనెక్కువగా ఇన్వాల్స్‌ అవుతానని అందరూ అనుకుంటారు. కానీ పెద్దగా జోక్యం చేసుకోను. సెట్‌కి కూడా తక్కువ వెళ్తాను. తమిళ ‘రాక్షసన్‌’లో ఓ ఎమోషనల్‌ సీన్‌ ఉంది. ఆ సీన్‌ మా అబ్బాయి ఎలా చేస్తాడా? అనుకున్నా. ఆ సీన్‌ తీశాక చూశాను. అప్పుడే హిట్‌ అవుతుందనుకున్నా. మా రెండో అబ్బాయి గణేశ్‌ని కూడా హీరోని  చేయబోతున్నాను. కథ, డైలాగ్‌ వెర్షన్‌  రెడీ అయ్యాయి’ అని బెల్లంకొండ సురేష్‌ అన్నారు. 

‘‘తెలుగు రాష్ట్రాల్లో ‘రాక్షసుడు’ సినిమా పేరు మార్మోగుతోంది. కొన్ని థియేటర్స్‌ కూడా పెంచాం. అనుకున్న ఫలితాన్ని సాధించినందుకు ఆనందంగా ఉంది’’ అన్నారు నిర్మాత కోనేరు సత్యనారాయణ. బెల్లంకొండ సాయిశ్రీనివాస్‌ హీరోగా నటించిన చిత్రం ‘రాక్షసుడు’. రమేష్‌ వర్మ పెన్మత్స దర్శకత్వంలో కోనేరు సత్యనారాయణ నిర్మించారు. అభిషేక్‌ నామా ఈ నెల 2న ఈ సినిమాని విడుదల చేశారు. హైదరాబాద్‌లో జరిగిన సక్సెస్‌మీట్‌లో కోనేరు సత్యనారాయణ మాట్లాడుతూ–‘‘రాక్షసుడు’ బాగుందని అందరూ అంటుంటే సంతోషంగా ఉంది. మంచి కలెక్షన్స్‌ వస్తున్నాయి. సాయిశ్రీనివాస్‌ ఇదివరకు హీరోయిజం ఉన్న సినిమాలు చేశారు. ‘రాక్షసుడు’ లో హీరో పాత్రకు వందశాతం న్యాయం చేశాడు. రమేష్‌ వర్మ నా పేరును నిలబెట్టాడని గర్వంగా చెప్పగలను. ఈ సినిమాను లెక్కలు వేసుకుని తీయలేదు. మంచి సినిమా తీశారని అందరూ ప్రశంసిస్తుంటే సంతృప్తిగా ఉంది. చేసే పనిలో మనం ఆనందం వెతుక్కుంటే డబ్బు దానంతటదే వస్తుంది’’ అన్నారు. ‘‘రాక్షసన్‌’కి ‘రాక్షసుడు’ పర్‌ఫెక్ట్‌ రీమేక్‌. రమేష్‌వర్మ సిన్సియర్‌గా తీశారు’’ అన్నారు దర్శకుడు మారుతి. ‘‘రాక్షసన్‌’ లాంటి సినిమాను ధైర్యంగా తెలుగులో రీమేక్‌ చేశారు రమేష్‌గారు. సాయి ఇలాంటి పాత్రలు మరెన్నో చేయాలి. ఈ సినిమా వందరోజుల వేడుకలో పాల్గొనాలని ఉంది’’ అన్నారు నటి అమలా పాల్‌. ‘‘కొన్ని సినిమాలు కమర్షియల్‌గా హిట్‌ సాధిస్తాయి. మరికొన్ని విమర్శకుల ప్రసంశలు దక్కించుకుంటాయి. మా సినిమాకు ఆ రెండూ వచ్చినందుకు సంతోషంగా ఉంది’’ అన్నారు సాయి శ్రీనివాస్‌. ‘ ‘తొలివారంలో ‘రాక్షసుడు’ చిత్రం దాదాపు 32కోట్ల గ్రాస్‌ను కలెక్ట్‌ చేసింది. సెకండ్‌వీక్‌లోనూ మంచి కలెక్షన్స్‌ వస్తున్నాయి. బయ్యర్స్‌ హ్యాపీ’’ అన్నారు అభిషేక్‌ నామా. ‘‘సాయితో నేను బాగా నటింపజేశానని అందరూ అంటున్నారు.. కానీ సాయి అంత బాగా నటించాడు’’ అన్నారు రమేష్‌వర్మ. ‘‘సత్యనారాయణగారిలాంటి నిర్మాతలు ఇండస్ట్రీకి అవసరం’’ అన్నారు నిర్మాత భరత్‌ చౌదరి. నిర్మాత మల్టీడైమెన్షన్‌ వాసు, కెమెరామేన్‌ వెంకట్‌  పాల్గొన్నారు.

‘‘నేను హీరోగా పరిచయం చేసిన సాయి శ్రీనివాస్‌కి ‘రాక్షసుడు’ సినిమాతో హిట్‌ రావడం చాలా ఆనందంగా ఉంది. తనకంటే కూడా నాకే ఎక్కువ సంతోషంగా అనిపించింది. దానికి కారణమైన రమేశ్‌ వర్మకి నా అభినందనలు’’ అని డైరెక్టర్‌ వీవీ వినాయక్‌ అన్నారు. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేష్‌ వర్మ పెన్మత్స దర్శకత్వంలో తెరకెక్కిన చిత్రం ‘రాక్షసుడు’. కోనేరు సత్యనారాయణ నిర్మించిన ఈ సినిమాని అభిషేక్‌ నామా ఈ నెల 2న విడుదల చేశారు . ఆ సినిమా మంచి హిట్‌ కావడం సంతోషంగా ఉందని వినాయక్‌ పేర్కొన్నారు. ఈ సందర్భంగా ఆయన మాట్లాడుతూ– ‘‘రాక్షసుడు’ నిర్మాత కోనేరు సత్యనారాయణగారి అబ్బాయి హవీష్‌ కూడా హీరోనే. అయినా కూడా ‘రాక్షసుడు’ కథకి సాయి కరెక్ట్‌గా సరిపోతాడని, నిర్మాణంలో ఎక్కడా రాజీ పడకుండా ఓ సూపర్‌హిట్‌ సినిమాని సాయికి అందించినందుకు మనస్ఫూర్తిగా అభినందిస్తున్నా. అందరూ రీమేక్‌ చేయడం చాలా ఈజీ అంటారు.. కానీ చాలా కష్టం. ‘రాక్షసన్‌’ తమిళ సినిమా నేను చూశా. మొదటి నుంచి చివరి వరకు ఆ సినిమా టెంపోని ఎక్కడా మిస్‌ అవకుండా రమేశ్‌ చాలా బాగా తెరకెక్కించాడు. డైరెక్షన్‌ వైపు ఎందుకొచ్చావని రమేశ్‌ని అడిగితే.. దాదాపు 800 సినిమాలకు డిజైనర్‌గా పనిచేశాను.. బోర్‌ కొట్టి డైరెక్షన్‌ వైపు వచ్చానని చెప్పడం నాకు చాలా బాగా నచ్చింది. అయితే డైరెక్షన్‌ ఎప్పుడూ బోర్‌ కొట్టదు.. నువ్వు ఇంకా మంచి మంచి సినిమాలు తీయాలి. సాయితో మళ్లీ హిట్‌ సినిమా తీయాలి. సాయికి ఇంకా మంచి హిట్లు రావాలని మనస్ఫూర్తిగా కోరుకుంటున్నా’’ అన్నారు.  ఈ సందర్భంగా విలేకరులు అడిగిన ప్రశ్నలకు ఆయన బదులిస్తూ.... ► ఓ కమర్షియల్‌ హీరోగా ఇండస్ట్రీకి పరిచయం చేయాలంటే ఏ అంశాలు అవసరమో అవన్నీ సాయితో తీసిన ‘అల్లుడు శీను’లో ఉన్నాయి. కొన్ని కథకి అవసరం లేకున్నా యాడ్‌ చేశాం.. ఎందుకంటే హీరోని (సాయి శ్రీనివాస్‌) ఎలివేట్‌ చేయడానికి చేసిన మ్యాజిక్‌ అది.. సినిమాకి అది బాగా వర్కవుట్‌ అయింది. ► ఈ మధ్య పేపర్లో చదివా.. ‘మా అబ్బాయి శ్రీనుని ‘రాక్షసుడు’ సినిమాతో ప్రేక్షకులు నటుడిగా గుర్తించారు’ అని బెల్లంకొండ సురేశ్‌గారు అన్నారు. అది అబద్ధం. ‘అల్లుడు శీను’ నుంచి ‘రాక్షసుడు’ వరకూ అన్ని సినిమాలకు సాయిని నటుడిగా గుర్తించారు ప్రేక్షకులు. ► తొలి సినిమా ‘అల్లుడు శీను’కే ది బెస్ట్‌ ఇచ్చాడు. వినోదం పండించడం చాలా కష్టం.. కానీ ఆ సినిమాలో బాగా చేశాడు. ‘రాక్షసుడు’లో కథ టెంపో ఏ మాత్రం తగ్గకుండా, బాగా ఇన్‌వాల్వ్‌ అయి నటించాడు.. దాంతో తనకు మంచి పేరొచ్చింది. తను ఏ పాత్ర అయినా చేయగలడు. ► ‘అల్లుడు శీను’ సినిమా వచ్చి ఐదేళ్లు అయిందంటే రోజులు ఎంత స్పీడుగా అయిపోతున్నాయా అనిపిస్తోంది. ఆ సినిమా నిన్నకాక మొన్ననే విడుదల చేసినట్లుంది నాకు. ప్రతి ఒక్కరూ సినిమా సినిమాకి కొంచెం నేర్చుకుంటూ ఉంటారు. సాయి మాత్రం అనుభవం ఉన్నవాడిలా అన్నీ ఒకే టేక్‌లోనే చేసేవాడు. నాకు చాలా సంతోషంగా, పెద్ద హీరోతో చేసినట్టు అనిపించింది. అప్పటికీ ఇప్పటికీ తనలో నాకు తేడా కనిపించడం లేదు. కథకు ఏది అవసరమో దాన్ని చేస్తున్నాడు. నేను–సాయి కలిసి మళ్లీ సినిమా చేయాలనుంది. అయితే పెద్ద సినిమా తీయాలి. అందుకు మంచి కథ కుదిరితే చేస్తాం. ► నేను సినిమా చేస్తున్నదే ఫిట్‌ అవడానికి.. అంతేకానీ హీరో అయిపోవాలని కాదు (నవ్వుతూ). బాడీ ఫిట్‌ అవడానికి ఏదో ఓ కారణం కావాలి.. అందుకు సినిమాని కారణంగా పెట్టుకుని చేస్తున్నా’’ అంటూ హీరోగా తాను ఓ సినిమా కమిట్‌ అయిన విషయం గురించి చెప్పారు వినాయక్‌.

‘‘నేను సినిమా ఇండస్ట్రీకి వచ్చి 30 ఏళ్లయింది. సినిమాలు నిర్మించడం ప్రారంభించి 21 సంవత్సరాలైంది. ఇన్నేళ్లలో 25 స్ట్రయిట్‌ సినిమాలు నిర్మించా.. 8 చిత్రాలు డబ్బింగ్‌ చేశా. అవేవీ నాకు ఆనందం ఇవ్వలేదు. మా అబ్బాయి చేసిన ‘రాక్షసుడు’ సినిమాకి అందరి ప్రశంసలు దక్కడంతో చాలా ఆనందంగా ఉంది. ఇప్పటి వరకూ తను చేసిన ఆరు సినిమాలు ఒక ఎత్తయితే ‘రాక్షసుడు’ మరో ఎత్తు. ఫస్ట్‌ టైమ్‌ ఓవర్‌సీస్‌లో మా సినిమాకి 100 ప్రీమియర్‌ షోలు పడటం విశేషం’’ అని  నిర్మాత  బెల్లంకొండ సురేశ్‌ అన్నారు. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేష్‌ వర్మ పెన్మత్స దర్శకత్వంలో తెరకెక్కిన చిత్రం ‘రాక్షసు డు’. కోనేరు సత్యనారాయణ నిర్మించిన ఈ సినిమాని అభిషేక్‌ నామా గత శుక్రవారం విడుదల చేశారు. ఈ సినిమాకి ప్రేక్షకుల నుంచి మంచి స్పందన వస్తున్న సందర్భంగా బెల్లంకొండ సురేశ్‌ తన ఆనందాన్ని మీడియాతో పంచుకున్నారు.. ఆ విశేషాలు. ► మా అబ్బాయి ఈ ఐదేళ్లలో 7 సినిమాలు చేశాడు. ‘అల్లుడు శీను’ సినిమాకి చాలా మంది హీరోలకి తీసిపోని విధంగా ఎక్స్‌ట్రార్డినరీ ఓపెనింగ్స్‌తో 6 రోజుల్లో 34కోట్ల షేర్‌ వచ్చింది. అన్ని వాణిజ్య అంశాలతో వీవీ వినాయక్‌గారి దర్శకత్వంలో ఆ సినిమాలో మా అబ్బాయిని హీరోగా పరిచయం చేశా. ఆ తర్వాత బోయపాటి శ్రీనుగారి సినిమాని భారీ బడ్జెట్‌తో, భారీ నటీనటులతో నిర్మించాం. కానీ, వాటికి దర్శకులకు, తోటి నటీనటులకు పేరొచ్చింది. అయితే ‘రాక్షసుడు’ మాత్రం మా అబ్బాయికి మంచి పేరు తీసుకొచ్చింది. రెవెన్యూ సైడ్‌ కూడా సూపర్‌ హిట్‌ అయింది. మాకు ఇంత పెద్ద సూపర్‌ హిట్‌ ఇచ్చిన తెలుగు ప్రేక్షకులకు కృతజ్ఞతలు. ► ‘రాక్షసుడు’ కచ్చితంగా హిట్‌ అవుతుంది.. తెలుగులో మంచి పేరు వస్తుందని నెలన్నర పాటు రమేశ్‌ వర్మ తమిళ ‘రాక్షసన్‌’ హక్కుల కోసం ప్రయత్నించాడు.. నేను కూడా తనకు సపోర్ట్‌గా ప్రయత్నించాను. ఈ రోజుల్లో స్ట్రయిట్‌ సినిమా తీయడం ఈజీ కానీ, రీమేక్‌ తీయడం చాలా కష్టం. సరిగ్గా తీయకపోతే మంచి సినిమాని చెడగొట్టారంటూ తిడతారు. రమేశ్‌ వర్మకి కోనేరు సత్యనారాయణ వంటి మంచి నిర్మాత కుదిరారు. మా అబ్బాయికి మంచి సినిమా ఇచ్చినందుకు నిర్మాతకి పాదాభివందనం. సాయిని అందంగా, యూత్‌ఫుల్‌గా చూపించిన కెమెరామేన్‌ వెంకట్‌కి హ్యాట్సాఫ్‌. ► మా అబ్బాయి ‘అల్లుడు శీను, జయ జానకి నాయక’ సూపర్‌ హిట్స్‌.. స్పీడున్నోడు, కవచం, సీత’ వంటి ఫ్లాప్‌ సినిమాలు కూడా ఉన్నాయి. వీటన్నింటినీ మరచిపోయేలా ‘రాక్షసుడు’ హిట్‌ కొట్టింది. సౌత్‌ నుంచి హిందీలో డబ్బింగ్‌ అయిన íహీరోల సినిమాల్లో నంబర్‌ వన్‌గా ఉన్నవన్నీ మా అబ్బాయి సినిమాలే. కావాలంటే యూ ట్యూబ్‌లో చూసుకోవచ్చు. ‘జయ జానకి నాయక’ సినిమాకి సరైన విడుదల తేదీ, థియేటర్లు దొరక్కపోవడం వల్ల కొంచెం నష్టం జరిగింది. లేకుంటే ఆ సినిమానే పెద్ద బ్లాక్‌ బస్టర్‌ హిట్‌ కావాల్సింది.. దీంతో హిట్‌తోనే సరిపెట్టుకున్నాం. ► సాయితో బాలీవుడ్‌లో స్ట్రయిట్‌ హిందీ సినిమా చేస్తామంటూ హాలీవుడ్‌ సినిమాలు తీసే ఓ పెద్ద కంపెనీ నుంచి సోమవారమే మెయిల్‌ వచ్చింది. మేమింకా ఓకే చెప్పలేదు. అన్నీ కుదిరితే తప్పకుండా చేస్తాం. లేదంటై వచ్చే ఏడాది మా సొంత బ్యానర్‌లో తెలుగులో హిట్‌ అయిన ఓ సినిమాని హిందీలో రీమేక్‌ చేస్తాం. ఇప్పటి వరకూ మా అబ్బాయి ఫైట్స్, డ్యాన్సులు బాగా చేయగలడనే పేరుంది.. ‘రాక్షసుడు’తో బాగా నటించగలడని పేరొచ్చింది. ► హీరో అవ్వాలని ఐదో తరగతిలోనే సాయి అనుకున్నాడు. అప్పటి నుంచే ఓ వైపు చదువుతూనే మరోవైపు డ్యాన్స్, ఫైట్స్, జిమ్నాస్టిక్‌ నేర్చుకున్నాడు. నిర్మాత కొడుకు హీరోగా ఎదగడం చాలా కష్టం. కానీ, మా అబ్బాయిది ఎంతో కష్టపడే తత్వం.. దానికి దేవుడి ఆశీర్వాదం, ప్రేక్షకులు అభిమానం తోడవడంతో సక్సెస్‌ అందుకున్నాడు. దానికితోడు మంచి సినిమాని ఎప్పుడూ మన ప్రేక్షకులు ఆదరిస్తారు. ► ‘రాక్షసన్‌’ రీమేక్‌ చేయాలనుకున్నప్పుడు వెంకటేశ్‌బాబు రీమేక్‌ సినిమాల్లా ఏం మార్పులు చేయకుండా చేస్తే సరిపోతుందని చెప్పా. అలా చేయడం వల్లే ‘రాక్షసుడు’ మంచి విజయం సాధించింది. ఇకపై మంచి కథా చిత్రాలే చేయాలనుకున్నాం. మా అబ్బాయి తర్వాతి సినిమాని నిర్మాత ‘దిల్‌’ రాజుగారికి అప్పచెప్పా.. ఆయనే నిర్మిస్తారు. ఆ తర్వాత మా సొంత బ్యానర్‌లో ఓ సినిమా ఉంటుంది.  

భారీ క్యాస్టింగ్‌తో, హై బడ్జెట్‌ చిత్రాలతో సినిమాలు చేస్తూ మాస్‌ హీరోగా నిలదొక్కుకునేందుకు ప్రయత్నించాడు బెల్లంకొండ శ్రీనివాస్‌. తాజాగా రాక్షసుడు చిత్రంతో ప్రేక్షకులను పలకరించాడు. మాస్‌ మంత్రం జపిస్తూ వచ్చిన ఈ హీరో.. తన పంథాను మార్చుకుని ఓ సస్పెన్స్‌ థ్రిల్లర్‌ మూవీలో నటించాడు. ఈ సినిమా శుక్రవారం విడుదలై సక్సెస్‌ఫుల్‌గా రన్‌ అవుతోంది. ఈ సందర్భంగా ప్రముఖ నిర్మాత బెల్లంకొండ సురేష్‌ మాట్లాడుతూ..‘ ‘రాక్షసుడు’ సినిమా ఇంత పెద్ద హిట్ చేసిన తెలుగు ప్రేక్షకులకు కృతజ్ఞతలు. ‘అల్లుడు శీను।.. అప్పట్లో చాలా మంది హీరోలకు సమానంగా రూ.34 కోట్లు షేర్ వచ్చింది. గ్రాండియర్, కమర్షియల్ వేల్యూస్ ఉన్న ఈ సినిమాతో వి.వి.వినాయక్ డైరెక్షన్‌ ద్వారా బెల్లంకొండ శ్రీనివాస్ హీరోగా పరిచయం అయ్యారు. అలాగే బోయపాటి శ్రీను దర్శకత్వంలో రూపొందిన `జయజానకి నాయక` భారీ క్యాస్టింగ్, బడ్జెట్‌తో రూపొందింది. అవన్నీ డైరెక్టర్‌కి, ఇతర క్యాస్టింగ్‌కి పేరుని తెచ్చిపెట్టాయి. అయితే `రాక్షసుడు` సినిమా మా అబ్బాయి బెల్లంకొండ సాయి శ్రీనివాస్‌కి చాలా మంచి పేరు తీసుకొచ్చింది. సినిమా సూపర్ డూపర్ హిట్ అయ్యింది. ఈ సినిమా నుంచి మా అబ్బాయి ప్రతి సినిమాకు జర్నలిస్ట్ అసోసియేషన్‌కు రూ.10 లక్షలను ఇవ్వాలని నిర్ణయించుకున్నాను’ అని తెలిపారు. రమేష్‌ వర్మ దర్శకత్వంలో తెరకెక్కిన ఈ చిత్రంలో అనుపమా పరమేశ్వరణ్‌ హీరోయిన్‌గా నటించింది.

‘‘నా చిన్నప్పటి నుంచి సూపర్‌గుడ్‌ ఫిలిమ్స్‌లో చాలా రీమేక్‌లు చేయడం చూశా. అవన్నీ సక్సెస్‌లే. నేనెప్పుడూ రీమేక్‌ సినిమా చేయాలనుకోలేదు. కానీ, ‘రాక్షసుడు’ కథ నచ్చింది. ఒక పెయింటింగ్‌ని మళ్లీ వేయడం మామూలు విషయం కాదు. అలాగే రీమేక్‌ చేయడం కూడా ఈజీ కాదు. ఇండియాలో రీమేక్‌ అవుతున్న సినిమాలన్నీ హిట్‌ అయ్యాయా? నేను సక్సెస్‌ అయ్యాను’’ అని రమేష్‌ వర్మ అన్నారు. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేష్‌ వర్మ పెన్మెత్స దర్శకత్వంలో తెరకెక్కిన చిత్రం ‘రాక్షసుడు’. కోనేరు సత్యనారాయణ నిర్మించిన ఈ సినిమా శుక్రవారం విడుదలైంది. ఈ సందర్భంగా రమేష్‌ వర్మ పంచుకున్న విశేషాలు... ► సాయిశ్రీనివాస్‌కి ఇంత పెద్ద బ్లాక్‌ బస్టర్‌ ఇచ్చింది నేనే అని వింటుంటే చాలా ఆనందంగా ఉంది. బెల్లంకొండ సురేష్‌గారు వాళ్లబ్బాయిని నా చేతిలో పెట్టినప్పుడు ‘రాక్షసుడు’  సినిమాను ఎంపిక చేసుకున్నా. దీనికన్నా ముందు ఆయన ఓ లవ్‌ స్టోరీతో డబుల్‌ బడ్జెట్‌ ఉన్న సినిమా ఇచ్చారు. ఇద్దరు హీరోయిన్లు, దేవీశ్రీ మ్యూజిక్, లండన్‌లో సినిమా... ఇలా చాలా బెటర్‌ అవకాశం ఇచ్చారు. కానీ గమ్యం నన్ను ‘రాక్షసుడు’ వైపు తీసుకెళ్లింది. ► ‘కవచం’ సినిమా తర్వాత నేను సాయి శ్రీనివాస్‌కి ఈ కథ చెబితే ‘మళ్లీ పోలీస్‌గా చేయను’ అన్నాడు. బెల్లంకొండ సురేష్‌గారి దగ్గరకు వెళ్లి ‘రాక్షసన్‌’ సినిమా చూడమని చెప్పా. వాళ్ల ఫ్యామిలీ మొత్తం చూశారు.. అందరికీ నచ్చడంతో ‘రాక్షసుడు’ ఓకే అయింది. ► ఈ సినిమాలో ఫైట్స్‌ పెట్టాలని శ్రీనివాస్‌ కొంచెం ఒత్తిడి చేశాడు. కానీ, నేను ఒప్పుకోలేదు. ‘ఎందుకండీ రమేశ్‌తో రిస్క్‌. మీ అబ్బాయి హవీశ్‌తో చేసుకుని, వేరే పెద్ద డైరెక్టర్‌ని పెడితే, ఈ సినిమా పెద్ద హిట్‌ అవుతుంది’ అని కొందరు సత్యనారాయణగారితో అన్నారు. కానీ ఆయన పట్టించుకోలేదు.   ► ఇండియాలో టాప్‌ గ్రాసర్‌ సినిమాను ఓ సౌత్‌ ఇండియన్‌ డైరెక్టర్‌ తీస్తే అట్టర్‌ ఫ్లాప్‌ అయింది. ఐఎండీబీలో టాప్‌ సెకండ్‌ సినిమాను మేం చేశాం.. ప్రూవ్‌ చేసుకున్నాం. ‘రాక్షసుడు’ తో ఆత్మసంతృప్తి కలిగింది. ‘మా అబ్బాయికి బ్లాక్‌ బస్టర్‌ ఇచ్చావు’ అని సురేష్‌గారు మెసేజ్‌ చేయడం హ్యాపీ. ► ప్రస్తుతానికి ‘రాక్షసుడు’ సినిమాను ఇంకా ప్రమోట్‌ చేసుకోవాలని ఉంది. ‘రాక్షసుడు’ టైమ్‌లో నితిన్‌ వాళ్ల నాన్నగారు సుధాకర్‌రెడ్డిగారిని కలిసి కథ చెప్పా.. వాళ్లకు నచ్చింది. అయితే మీడియాలో ఆ విషయం రావడం వల్ల డిస్టర్బెన్స్‌ జరిగింది. ఆ కథను, ఆ ప్రేమకథని నితిన్‌తో చేయాలని ఉంది.

బెల్లంకొండ సాయి శ్రీనివాస్‌ హీరోగా తెరకెక్కిన క్రైమ్‌ థ్రిల్లర్‌ మూవీ రాక్షసుడు. తమిళ సినిమా రాక్షసన్‌కు రీమేక్‌గా తెరకెక్కిన ఈ మూవీకి తెలుగులోనూ పాజిటివ్‌ టాక్‌ వచ్చింది. చాలా కాలం తరువాత బెల్లంకొండ సాయి శ్రీనివాస్‌ సినిమాకు పాజిటివ్‌ టాక్‌ రావటంతో చిత్రయూనిట్ హ్యాపీగా ఉన్నారు. అయితే కలెక్షన్లు మాత్రం ఆ స్థాయిలో లేవు. సాయి శ్రీనివాస్ గత చిత్రం ‘సీత’ డిజాస్టర్‌ కావటంతో ఈ మూవీపై పెద్దగా అంచనాలు లేవు. దీనికి తోడు ఎడతెరపి లేకుండా కురుస్తున్న వర్షాలు వసూళ్ల మీద ప్రభావం చూపిస్తున్నాయి. తొలి రోజు ఈ సినిమా కేవలం 2.3 కోట్ల షేర్‌ మాత్రమే సాధించగలిగింది. వీకెండ్‌లోనే పరిస్థితి ఇలా ఉంటే సోమవారం నుంచి వసూళ్లు మరింతగా పడిపోతాయన్న టెన్షన్‌ నిర్మాతల్లో కనిపిస్తుంది. దీనికి తోడు వచ్చే వారం మూడు ఇంట్రస్టింగ్ సినిమాలు ప్రేక్షకుల ముందుకు రానున్నాయి. నాగార్జున హీరోగా తెరకెక్కిన ‘మన్మథుడు 2’, భారీ పౌరాణిక చిత్రం ‘కురుక్షేత్రం’తో పాటు అనసూయ లీడ్‌ రోల్‌లో నటించిన ‘కథనం’ చిత్రాలు విడుదల కానున్నాయి. ఈ పరిస్థితుల్లో రాక్షసుడు సేఫ్‌ జోన్‌లోకి వస్తాడా లేదా.? అన్న అనుమానాలు కలుగుతున్నాయి. ఈ సినిమా బ్రేక్‌ ఈవెన్‌ సాధించాలంటే రూ. 17 కోట్లకు పైగా షేర్‌ సాధించాల్సి ఉంటుంది. మరి బెల్లంకొండ సాయి శ్రీనివాస్‌ ఆ స్థాయిలో వసూళ్లు సాధిస్తాడో లేదో చూడాలి.

‘‘ఈ రోజు నాకు చాలా మెమొరబుల్‌. ఇలాంటి రోజు కోసమే రెండేళ్లుగా ఎదురుచూస్తున్నాను. నాకు ‘రాక్షసుడు’తో మంచి హిట్‌ ఇచ్చిన సత్యనారాయణగారికి రుణపడి ఉంటాను’’ అన్నారు బెల్లంకొండ సాయి శ్రీనివాస్‌. రమేష్‌ వర్మ పెన్మత్స దర్శకత్వంలో కోనేరు సత్యనారాయణ నిర్మించిన చిత్రం ‘రాక్షసుడు’. నిర్మాత అభిషేక్‌ నామా ఈ చిత్రాన్ని నిన్న (శుక్రవారం) విడుదల చేశారు. ఈ సినిమాకు ప్రేక్షకుల నుంచి మంచి స్పందన లభిస్తోందని చిత్రబృందం చెబుతోంది. ఈ సందర్భంగా ఏర్పాటు చేసిన విలేకర్ల సమావేశంలో సాయి శ్రీనివాస్‌ మాట్లాడుతూ– ‘‘అందరూ సినిమా గురించి పాజిటివ్‌గా చెబుతున్నారు. కమర్షియల్‌గానే కాదు.. క్రిటిక్స్‌ దగ్గర నుంచి కూడా మంచి స్పందన వచ్చింది. సత్యనారాయణగారు ఖర్చుకు వెనకాడకుండా తెలుగు రీమేక్‌ రైట్స్‌ కొని మాపై నమ్మకంతో మాకు ఇవ్వడమే బిగ్గెస్ట్‌ సక్సెస్‌ అని భావిస్తున్నాం. టీమ్‌ అంతా బాగా కష్టపడ్డాం. ఆదరిస్తున్న ప్రేక్షకులకు థ్యాంక్స్‌’’ అన్నారు.‘‘నాపై నమ్మకంతో సినిమా చేసిన సత్యనారాయణగారికి, బెల్లంకొండ సురేశ్, హీరో సాయి శ్రీనివాస్‌కు థ్యాంక్స్‌. ఈ సినిమా రిజల్ట్‌ గురించి మూడు రోజులుగా టెన్షన్‌ పడ్డాను. సినిమా చూసిన తర్వాత నా శ్రీమతి ఫోన్‌ చేసి ‘బ్లాక్‌బస్టర్‌ హిట్‌ కొట్టారు’ అని చెప్పింది. నా సక్సెస్‌లో భాగమైన అందరికీ థ్యాంక్స్‌’’ అన్నారు రమేశ్‌ వర్మ. ‘‘ఈ సినిమాను రమేష్‌ వర్మ ఓ కసితో డైరెక్ట్‌ చేశాడు. సాయి కూడా ఈ సినిమాతో హిట్‌ కొట్టాలని వెయిట్‌ చేశాడు. మామూలు వర్షమే కాదు.. కలెక్షన్ల వర్షం కూడా పడుతోంది. సత్యనారా యణగారు మమ్మల్ని పట్టుదలగా ముందుకు నడిపించారు’’ అన్నారు అభిషేక్‌ నామా. ‘‘సాయి తన ఇమేజ్‌ను పక్కనపెట్టి కంటెంట్‌ ఉన్న సినిమా చేయడానికి అంగీకరించినప్పుడే సక్సెస్‌ డిసైడై పోయింది’’ అన్నారు మల్టీ డైమన్షన్‌ వాసు. సినిమా టోగ్రఫర్‌ వెంకట్‌ మాట్లాడారు.

టైటిల్‌ : రాక్షసుడు జానర్‌ : సస్పెన్స్‌ క్రైమ్‌ థిల్లర్‌ తారాగణం : బెల్లంకొండ శ్రీనివాస్‌, అనుపమా పరమేశ్వరణ్‌, రాజీవ్‌ కనకాల తదితరులు సంగీతం : గిబ్రాన్‌ నిర్మాత : కోనేరు సత్యనారాయణ దర్శకత్వం : రమేష్‌ వర్మ మాస్‌ ఫాలోయింగ్‌ పెంచుకుందామని రొటీన్‌ సినిమాలను చేస్తూ వచ్చిన బెల్లంకొండ శ్రీనివాస్‌.. ఈ సారి మాత్రం క్రైమ్‌ థ్రిల్లర్‌ నేపథ్యాన్ని ఎంచుకున్నాడు. ఇంతవరకు సరైన విజయాన్ని అందుకోలేకపోయిన ఈ హీరో.. మొదటి సారి ఓ రీమేక్‌(తమిళ మూవీ రాక్షసన్‌)ను ఎంచుకున్నాడు. రాక్షసుడు చిత్రంతో ఈ శుక్రవారం ప్రేక్షకులకు ముందుకు వచ్చిన ఈ హీరోకు.. విజయం లభించిందా? లేదా తెలియాలంటే కథలోకి వెళ్లాల్సిందే. కథ స్కూల్‌ ఏజ్‌ అమ్మాయిలనే టార్గెట్‌ చేస్తూ నగరంలో వరుసగా హత్యలు జరుగుతూ ఉంటాయి. అరుణ్‌ (బెల్లంకొండ శ్రీనివాస్‌) సినీ రంగంలో తన ప్రయత్నాలను కొనసాగిస్తూ ఉంటాడు. దర్శకత్వం చేపట్టాలని ప్రతీ ఆఫీస్‌ గడప తొక్కుతూ ఉంటాడు. తన సినిమాకు సంబంధించిన స్క్రిప్ట్‌ కోసం ప్రపంచంలో నలుమూలలా జరిగే సైకో హత్యల గురించి తెలుసుకుంటూ ఉంటాడు. అయితే అరుణ్‌కు సినీ రంగంలో అవకాశాలు రాక.. చివరకు కుటుంబం ఒత్తిడి మేరకు పోలీస్‌ ఉద్యోగంలో చేరతాడు. అరుణ్‌.. పోలీస్‌ ఆఫీసర్‌గా జాయిన్‌ అయిన తరువాత మళ్లీ ఓ హత్య జరగుతుంది. ఇక ఆ హత్యలను చేసేది ఎవరనే విషయాన్ని అరుణ్‌ కనిపెట్టాడా? అసలు ఆ హత్యలు చేసే వ్యక్తి ఎవరు? ఎందుకు ఆ హత్యలు చేస్తున్నాడు? అనేదే మిగతా కథ. నటీనటులు ఈ చిత్రంలో బెల్లంకొండ శ్రీనివాస్‌.. యాక్షన్‌ సీన్స్‌తోపాటు, ఎమోషనల్‌ సీన్స్‌లోనూ బాగా నటించాడు. ఇంతకుముందు కూడా పోలీస్‌ ఆఫీసర్‌ పాత్రను పోషించినా.. ఈ మూవీలో మాత్రం ఇంటెన్సిటీతో నటించాడు. ఇక టీచర్‌గా కృష్ణవేణి పాత్రలో అనుపమా.. లుక్స్‌తో బాగానే ఆకట్టుకుంది. కనిపించింది తక్కువే అయినా ప్రేక్షకులకు గుర్తుండిపోతుంది. పోలీస్‌ ఆఫీసర్‌ పాత్రలో రాజీవ్‌ కనకాల మెప్పించాడు. ఎమోషనల్‌ సీన్స్‌లో తన అనుభవాన్ని చూపించాడు. రాక్షసుడు పాత్రను తెరపై చూస్తేనే ఆ థ్రిల్‌ను ఫీల్‌ అవ్వొచ్చు. మిగతా పాత్రల్లో అందరూ తమ పరిధి మేరకు మెప్పించారు. విశ్లేషణ సినిమాకు కథ ముఖ్యం. కథే సినిమాను నడిపించాలి. అలా ఓ కథ.. ఒక భాషలో విజయవంతం అయినా.. మిగతా భాషల్లో అదే మ్యాజిక్‌ను రిపీట్‌ చేస్తుందా అంటే చెప్పలేం. అయితే హారర్‌, సైకో థ్రిల్లర్‌, క్రైమ్‌ ఇలాంటివాటికి భాషతో పని ఉండదు. ఇలాంటి వాటిని ఓ వార్గం వారు మాత్రమే ఇష్టపడతారు. అలా తమిళంలో హిట్‌ కొట్టిన రాక్షసన్‌ చిత్రాన్ని ‘రాక్షసుడు’గా తెలుగు ప్రేక్షకులకు అందించారు. రీమేక్‌ చేయడం కత్తి మీద సాములాంటింది. కొత్తవి చేరిస్తే.. పాడు చేశారు అంటారు. ఉన్నవి తీసేస్తే ఫీల్‌ మిస్‌ చేశారంటారు. అలా రీమేక్‌ను జాగ్రత్తగా తెరకెక్కించాల్సి వస్తుంది. రాక్షసుడు చిత్రానికి కూడా అలాంటి సమస్యే వచ్చింది. ఇలాంటి సస్పెన్స్‌ థ్రిల్లర్‌ను ఎలాంటి రిపేర్‌ చేయకుండా యథాతథంగా తెరకెక్కించారు. అయినా సరే థ్రిల్లింగ్‌కు గురి చేసే ఎన్నో అంశాలు ఉండటం.. సీటు అంచున కూర్చోబెట్టే మూమెంట్స్‌ ఉండటం సినిమాకు కలిసొచ్చే అంశాలు. ఫస్ట్‌ టైమ్‌ ఈ చిత్రాన్ని చూస్తున్నవారికి మాత్రమే అలాంటి థ్రిల్‌కు గురవుతారు. థ్రిల్లర్‌ మూవీతో వచ్చే చిక్కే అది.. ఓ సారి కథాకమామీషు తెలిశాక సినిమాను చూడలేం. తమిళ్‌లో ఓ మూవీ హిట్‌ అయింది.. బాగుంది అని తెలిశాక మనవాళ్లు చాలామంది చూసేస్తున్నారు. మరి అలా చూసిన వారిని ఈ సినిమా అంత ఆశ్చర్యానికి గురి చేయకపోవచ్చు. మాతృకను చూడని వారిని రాక్షసుడు మాత్రం కచ్చితంగా భయపెట్టిస్తాడు.. థ్రిల్‌కు గురిచేస్తాడు. ఇక గిబ్రాన్‌ అందించిన నేపథ్య సంగీతం సినిమాకు ప్రాణం. బ్యాక్‌ గ్రౌండ్‌ స్కోర్‌తో ప్రతీ సన్నివేశాన్ని ఎలివేట్‌ చేశాడు. సినిమాటోగ్రఫీ, ఎడిటింగ్‌ అన్నీ సినిమాకు చక్కగా కుదిరాయి. నిర్మాణ విలువలు సినిమా స్థాయికి తగ్గట్లు ఉన్నాయి. ప్లస్‌ పాయింట్స్‌ కథ, కథనం బ్యాక్‌ గ్రౌండ్‌ స్కోర్‌ మైనస్‌ పాయింట్స్‌ ఎంటర్‌టైన్మెంట్‌ లేకపోవడం తమిళ వర్షన్‌ చూసినవారికి థ్రిల్లింగ్‌గా అనిపించకపోవడం బండ కళ్యాణ్‌, సాక్షి వెబ్‌డెస్క్‌.  

‘‘నేనెప్పుడూ కథని నమ్ముతా.. హీరోయిజాన్ని కాదు. నా తొలి, మలి సినిమాలు ‘అల్లుడు శీను, స్పీడున్నోడు’ హీరోయిజం కోసం చేశాను. ఆ తర్వాత కథకి ప్రాధాన్యం ఉన్న సినిమాలు చేస్తున్నా. అవి సరిగ్గా ఆడినా, ఆడకున్నా ఆయా పాత్రల్లో నా కష్టం మాత్రం 100 శాతం ఉంటుంది. ప్రతిదీ నా తొలి సినిమాలానే భావిస్తా’’ అని బెల్లంకొండ సాయి శ్రీనివాస్‌ అన్నారు. రమేష్‌ వర్మ పెన్మత్స దర్శకత్వంలో బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా నటించిన చిత్రం ‘రాక్షసుడు’. కోనేరు సత్యనారాయణ నిర్మించారు. అభిషేక్‌ నామా విడుదల చేస్తున్న ఈ సినిమా నేడు ప్రేక్షకుల ముందుకు వస్తోంది. ఈ సందర్భంగా బెల్లంకొండ సాయి శ్రీనివాస్‌ చెప్పిన విశేషాలు. ► ‘రాక్షసన్‌’ తమిళ సినిమా చూశా. ఇన్వెస్టిగేటివ్‌ థ్రిల్లర్‌ కావడంతో చాలా బాగా నచ్చింది. కిడ్నాప్‌ లాంటి సంఘటనలు సమాజంలో ఎన్నో జరుగుతుండటం పేపర్లలో, టీవీల్లో చూస్తున్నాం. అందుకే ఈ చిత్రాన్ని మనసు పెట్టి చేశా. బయట శవాల మధ్య, మార్చురీలో ఎక్కువ షూటింగ్‌ చేశాం. చిత్రీకరణ తర్వాత కూడా ఆ జ్ఞాపకాలు నన్ను వెంటాడుతూ ఉండేవి. ► టీనేజ్‌ అమ్మాయిలను కిడ్నాప్‌ చేసి దారుణంగా హతమార్చే సైకో కిల్లర్‌ని పట్టుకుని, హత మార్చే పోలీసు అధికారి పాత్రలో నటించాను. 2018 డిసెంబరులోనే తమిళ సినిమా ‘రాక్షసన్‌’ చూశా.. విపరీతంగా నచ్చడంతో రీమేక్‌ హక్కుల కోసం రెండు నెలలు ప్రయత్నించాం. మనకు తెలిసిన, మనతో ఉన్న అమ్మాయిలకు ఏమైనా జరిగితే తట్టుకోలేం. అలాంటి పాయింట్‌నే ఈ సినిమాలో చర్చించాం. నా మరదలు పాత్ర చేసిన సిరి కిడ్నాప్‌కి గురై చనిపోతుంది. సినిమాలో రెండవ భాగం మొత్తం నా పాత్ర చాలా సీరియస్‌గా, భావోద్వేగంగా సాగుతుంది. ► ఈ సినిమాకి కథే హీరో. ఆ తర్వాతే నేను. గ్లామర్, కమర్షియల్‌ అంశాలు ఉండవు. ఇదొక తమిళ చిత్రం కంటే మా సినిమాలో సీన్స్‌ని ఇంకా బాగా తీశాం. రీమేక్‌ సినిమా చేయడం 90 శాతం సులభం, 10 శాతం ఒత్తిడి ఉంటుంది. గత జూలై నుంచి ఈ జూలైకి మూడు పెద్ద సినిమాలు చేశా.. చాలా కష్టపడ్డా.. అందుకే ఓ నెల సరదాగా అమెరికా వెళుతున్నా. ► నా ఫ్రెండ్స్‌ అంతా నెట్‌ఫ్లిక్స్‌ బ్యాచ్‌. ‘రాక్షసుడు’ ప్రివ్యూ చూసి, ‘నిజమైన పోలీస్‌ అనిపించావ్‌.. గర్వంగా ఉంది’ అన్నారు. మా ఫ్యామిలీ మెంబర్స్‌ కూడా తమిళ్‌ కంటే తెలుగులోనే బాగా చేశారని అన్నారు. ఇంత మంచి కథ నాకు ఎప్పుడూ దొరకలేదు. ఇలాంటి సినిమా చేసినందుకు గర్వపడుతున్నా. ఇందులో అంతర్జాతీయ స్థాయి క్లయిమాక్స్‌ ఉంటుంది. ► రమేష్‌ వర్మ బాగా తీశాడు. నేనెప్పుడూ దర్శకత్వంలో కల్పించుకోను. డైరెక్టర్లు ఎలా చెబితే అలా చేస్తా. వీవీ వినాయక్, బోయపాటి శీనుగార్ల వంటి మాస్‌ డైరెక్టర్లతో కమర్షియల్‌ సినిమాలు చేశా. నటుడిగా నేనేంటో నిరూపించుకోవాలి. అందుకే ‘సీత, రాక్షసుడు’ వంటి వైవిధ్యమైన సినిమాలు ఎంచుకున్నా. సినిమా సినిమాకి వైవిధ్యమైన పాత్రలు చేయాలనుంది. కానీ, టాలీవుడ్‌లోనే కాదు.. ఇతర భాషల్లోనూ కొత్త కథలు దొరకడం కష్టమైపోతోంది. నా ‘సాక్ష్యం, కవచం, సీత’ సరిగ్గా ఆడనప్పుడు ‘ఇంత కష్ట పడ్డాం. ఎందుకిలా?’ అని బాధపడ్డా. అయితే సక్సెస్‌కంటే ఫెయిల్యూర్స్‌తోనే ఎక్కువ నేర్చుకుంటాం. ► నాన్నగారు (బెల్లంకొండ సురేశ్‌) పక్కా కమర్షియల్‌ నిర్మాత. ‘సీత, రాక్షసుడు’ వంటి కథలతో ఆయన సినిమాలు తీయరు. ఇండస్ట్రీ నేపథ్యం ఉన్నవారైనా, లేనివారైనా ఇక్కడ కష్టపడాల్సిందే. కొన్ని కథలను మనం జడ్జ్‌ చేయలేం. మనకి బాగా అనిపించినవి ప్రేక్షకులకు నచ్చకపోవచ్చు. ఈ మధ్య రెండు మూడు కథలు విన్నా ఏదీ ఫైనల్‌ చేయలేదు. రెండు బాలీవుడ్‌ అవకాశాలొచ్చాయి. కానీ, హిందీపై నాకు అంత పట్టు లేదు. అందుకే చేయలేదు.

‘‘అల్లుడు శీను’ సినిమా ఐదేళ్ల క్రితం విడుదలైంది. అభిమానుల ప్రేమ, ప్రోత్సాహం వల్లే ఇంత దూరం రాగలిగాను. చిన్న చిన్న తప్పులు చేశాను. ఇకపై ఓటమి లేకుండా ఉండటానికి కృషిచేస్తా. మంచి సినిమాలతో మీ ముందుకు రావడానికి ప్రయత్నిస్తాను’’ అని బెల్లంకొండ సాయి శ్రీనివాస్‌ అన్నారు. రమేష్‌ వర్మ పెన్మత్స దర్శకత్వంలో బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా నటించిన చిత్రం ‘రాక్షసుడు’. కోనేరు సత్యనారాయణ నిర్మించిన ఈ సినిమాని అభిషేక్‌ నామా రేపు (ఆగస్ట్‌ 2) విడుదల చేస్తున్నారు. హైదరాబాద్‌లో నిర్వహించిన ప్రీ రిలీజ్‌ ఫంక్షన్‌లో ‘రాక్షసుడు’ ట్రైలర్‌ను నిర్మాత నారాయణ్‌దాస్‌ నారంగ్‌ విడుదల చేశారు. తొలి టికెట్‌ను సాయిశ్రీనివాస్, అనుపమ, కోనేరు సత్యనారాయణ విడుదల చేయగా, తలసాని సాయి యాదవ్‌ కొన్నారు. ఈ సందర్భంగా బెల్లంకొండ సాయి శ్రీనివాస్‌ మాట్లాడుతూ– ‘‘అభిమానుల ప్రేమ, ఆదరణ పొందడానికి ఇంకా కష్టపడతాను. ఇప్పటి నుండి మన కెరీర్‌ స్టార్ట్‌ అయింది. ‘రాక్షసుడు’ నా మొదటి సినిమా. రెండో సినిమా కోసం వేచి చూడండి. నాకు వ్యక్తిగతంగా చాలా ఇష్టమైన సినిమా ‘రాక్షసుడు’. అరుదుగా దొరికే కథ ఇది. ఇంత మంచి స్క్రిప్ట్‌ దొరకడం  అదృష్టంగా భావిస్తున్నా’’ అన్నారు. నిర్మాత బెల్లంకొండ సురేశ్‌ మాట్లాడుతూ– ‘‘తొలి సినిమా ‘అల్లుడు శీను’తోనే ఏ ఇతర హీరోల సినిమాలకు తీసిపోని విధంగా రికార్డు కలెక్షన్స్‌ను సాధించాడు మా అబ్బాయి శ్రీనివాస్‌. సొంత ప్రతిభతో పైకి వస్తున్నాడు. కొన్ని సినిమాలకు తెలిసోతెలియకో తప్పులు చేశాం. ఇకపై ఆ తప్పులు చేయకూడదని, అభిమానులను నిరుత్సాహ పరచకూడదనిపించి ఇంత వరకు మరో సినిమాకి కమిట్‌ కాకుండా ‘రాక్షసుడు’ సినిమాపైనే ఫోకస్‌ పెట్టాడు. ఇకపై ప్రేక్షకులు ఎలాంటి సినిమాలను ఇష్టపడతారో అలాంటివాటిలోనే నటిస్తాడు. తనను ఓ మెట్టు పైకి ఎక్కించే సినిమా ‘రాక్షసుడు’’ అన్నారు. ‘‘చాలా ఉద్విగ్నంగా ఉండే చిత్రం ‘రాక్షసుడు’. చిత్రీకరణలో అస్సలు రాజీపడలేదు. రీషూట్స్‌ కూడా చేశాం. ఈ సినిమాకు కథే మూలం. ఇలాంటి కథతో నాలుగేళ్లుగా సౌతిండియాలో ఏ సినిమా రాలేదు’’ అన్నారు కోనేరు సత్యనారాయణ. ‘‘ఈ ఏడాది బెస్ట్‌ హిట్‌ మూవీస్‌లో ‘రాక్షసుడు’ ఉంటుంది. ఈసారి వందశాతం గట్టిగా హిట్‌ కొడుతున్నాం’’ అన్నారు అభిషేక్‌ నామా. ‘‘మా సినిమాలో పనిచేసిన నటీనటులు, సాంకేతిక నిపుణులకు థ్యాంక్స్‌’’ అని రమేశ్‌వర్మ పెన్మత్స అన్నారు. ‘‘రాక్షసుడు’ సినిమాలో అవకాశం ఇచ్చిన దర్శక, నిర్మాతలకు థ్యాంక్స్‌. శ్రీనివాస్‌ కెరీర్‌కు ఇది టర్నింగ్‌ పాయింట్‌’’ అన్నారు అనుపమా పరమేశ్వరన్‌. ‘‘బెల్లంకొండ సురేశ్‌గారు నన్ను దర్శకుడిగా పరిచయం చేయాలనుకున్నారు. కానీ అప్పుడు నేను సిద్ధంగా లేకపోవడంతో కుదరలేదు. హీరోగా ఎదిగే క్రమంలో సాయి ప్రతి సినిమాకు కొత్తగా ప్రయత్నిస్తూ ఈ స్థాయికి చేరుకున్నాడు’’ అన్నారు దర్శకుడు అనిల్‌ రావిపూడి. నిర్మాత మల్టీడైమన్షన్‌ వాసు, డైరెక్టర్‌ సాగర్, నిర్మాతలు బెక్కం వేణుగోపాల్, నల్లమలుపు బుజ్జి, నటులు మాదాల రవి, రాజీవ్‌ కనకాల, కెమెరామేన్‌ వెంకట్, ఎడిటర్‌ అమర్, ఆర్ట్‌ డైరెక్టర్‌ గాంధీ తదితరులు పాల్గొన్నారు.

‘‘40 ఏళ్లుగా కేఎల్‌ యూనివర్శిటీలు నడిపిస్తున్నాం. హైదరాబాద్‌లో కొత్త బ్రాంచ్‌ కూడా ప్రారంభించాం. మా అబ్బాయి హవీష్‌ చేసిన ‘జీనియస్‌’కు నిర్మాణంలో భాగస్వామిగా ఉన్నాను. కానీ నిర్మాణంలో ఇన్వాల్వ్‌ కాలేదు. పూర్తిస్థాయి ప్రొడక్షన్‌లోకి వద్దామనుకొని ‘ఏ స్టూడియోస్‌’ బ్యానర్‌ స్థాపించాం’’ అన్నారు  కోనేరు సత్యనారాయణ. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేశ్‌ వర్మ దర్శకత్వం వహించిన చిత్రం ‘రాక్షసుడు’. కేఎల్‌యు సంస్థల చైర్మన్‌ కోనేరు సత్యనారాయణ నిర్మించిన ఈ చిత్రం ఆగస్ట్‌ 2న రిలీజ్‌ కానుంది. ఈ సందర్భంగా కోనేరు సత్యనారాయణ చెప్పిన విశేషాలు. ► తమిళంలో ‘రాక్షసన్‌’ రిలీజ్‌ అయిన వారంలోనే చూశాను. గ్రిప్పింగ్‌గా ఉంది. మా అబ్బాయితో రీమేక్‌ చేయాలనుకున్నాను. అప్పటికే మావాడు థ్రిల్లర్‌ జానర్‌లో ‘7’ సినిమా చేస్తున్నాడు. దాంతో బెల్లంకొండ సాయి శ్రీనివాస్‌ హీరోగా బావుంటాడనుకున్నాం. సాయి శ్రీనివాస్‌ చాలా బాగా చేశాడు. ► ‘ఒరిజినల్‌లో ఉన్నదానికి ఒక్క సీన్‌ కూడా మార్చకుండా తీయండి’ అని దర్శకుడితో అన్నాను. ఉన్నది ఉన్నట్టు తీయడం కూడా కష్టమే! రమేష్‌ వర్మ చాలా కష్టపడ్డాడు. సినిమాను ఎలా తీయాలనుకున్నామో అలానే తీశాం. ► నా చిత్రాల్లో మెసేజ్‌ ఉండాల నుకుంటాను. ‘జీనియస్‌’లో హీరోలను, క్రికెటర్స్‌ను అభిమానించండి.. ఆరాధిం చొద్దని చెప్పాం. ‘రాక్షసుడు’లో ఆడపిల్లల్ని జాగ్రత్తగా చూసుకోవాలని చెప్పాం. ► కాలేజీలో ఒక పని చేయాలంటే చాలామంది ఉంటారు. ఒకరికి చెబితే పని అయిపోతుంది. షూటింగ్‌లోనూ అదే అప్లై చేశాను. సినిమా బిజినెస్‌ పూర్తయింది. థియేట్రికల్‌ రైట్స్‌ అభిషేక్‌ పిక్చర్స్‌ వాళ్లకి ఇచ్చేశాం. నెక్ట్స్‌ 2, 3 సినిమాలు అనుకుంటున్నాం. వాటిలో హవీష్‌తో ఓ సినిమా ఉంటుంది. ► ఎంటర్‌టైన్‌మెంట్‌ యూనివర్శిటీ స్థాపించాలనుకుంటున్నాను. ఆ యూనివర్శిటీలో సినిమా, టీవీ, యానిమేషన్, గ్రాఫిక్స్‌ అన్నీ నేర్చుకునేలా ఏర్పాటు చేస్తాం.

‘‘రాక్షసుడు’ కథ నచ్చింది. ఇది తమిళ ‘రాక్షసన్‌’ సినిమాకి రీమేక్‌. నేను తమిళ సినిమా చూడలేదు. మా నాన్నగారు చూసి ‘రాక్షసన్‌’ చాలా బాగుంది.. చూడమంటే చూశా. కథ అద్భుతంగా ఉంది’’ అన్నారు అనుపమా పరమేశ్వరన్‌. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేష్‌ వర్మ పెన్మత్స దర్శకత్వంలో రూపొందిన చిత్రం ‘రాక్షసుడు’. కోనేరు సత్యనారాయణ నిర్మించారు. అభిషేక్‌ నామా ఈ చిత్రాన్ని ఆగస్ట్‌ 2న విడుదల చేస్తున్నారు. ఈ సందర్భంగా అనుపమా పరమేశ్వరన్‌ పంచుకున్న విశేషాలు. ► క్రైమ్‌ థ్రిల్లర్‌గా రూపొందిన చిత్రం ఇది. నాకు థ్రిల్లర్‌ సినిమాలంటే ఇష్టం. అందుకే ఈ కథకి బాగా కనెక్ట్‌ అయ్యాను. ఇందులో నేను టీచర్‌ పాత్రలో కనిపిస్తాను. సినిమాలో ఎక్కువ భాగం చీరలో ఉండటం సౌకర్యంగానే అనిపించింది. ఎందుకంటే ఐదో తరగతి నుంచే నాకు చీరలు కట్టుకోవడం అలవాటు. డ్యాన్స్, ఇతర ప్రోగ్రామ్స్‌ టైమ్‌లో చీరలో ఉండేదాన్ని. సినిమాలో నన్ను చూసి ప్రేక్షకులు ఎలా ఫీల్‌ అవుతారో అనే టెన్షన్‌ ఉంది. ► తమిళ ‘రాక్షసన్‌’లో అమలా పాల్‌ చేశారు. ఆమె కళ్లు చాలా బాగుంటాయి. అమలా పాల్‌ పాత్ర నేను చేయడం హ్యాపీగా ఉంది. అయితే ఆమెలా కాకుండా నా శైలిలో నటించాను. ఈ సినిమాకి నేనే డబ్బింగ్‌ చెప్పాను. ఆ సమయంలో నా వాయిస్‌ బాగాలేదు. ఎవరితోనైనా డబ్బింగ్‌ చెప్పించమని రమేష్‌ వర్మగారితో అంటే, ఆయన నేనే చెప్పాలనడంతో చెప్పాను. ► దుల్కర్‌ సల్మాన్‌ నిర్మిస్తున్న ఓ మలయాళ సినిమాకి డైరెక్టర్‌ శ్యాంసు జ్యభ వద్ద అసిస్టెంట్‌ డైరెక్టర్‌గా పనిచేశా. ఓ సినిమా కోసం యూనిట్‌ పడే కష్టం ఏంటో తెలుసుకోవాలి.. అప్పుడే వృత్తిపై నాకు మరింత గౌరవం పెరుగుతుందని అసిస్టెంట్‌గా చేశా. వైవిధ్యమైన అనుభూతి కలిగింది.  భవిష్యత్తులో దర్శకత్వం చేస్తా. కొన్ని ఐడియాలు ఉన్నాయి. నేను దర్శకత్వం వహించే సినిమాల్లో జీవితం కనిపించాలి.   ► నా మాతృభాష మలయాళం అయినా తెలుగులోనే ఎక్కువ సినిమాలు చేశాను కాబట్టి ఇక్కడే నాకు ఎక్కువ సౌకర్యంగా ఉంటుంది. తెలుగు ఫిల్మ్‌ ఇండస్ట్రీ నాకు రెండో ఇల్లు లాంటిది. నటిగా సంతృప్తి ఉండదు. మంచి సినిమాలు, పాత్రలు వస్తున్నాయి. కానీ, ఇప్పటి వరకూ నాకు చాలెంజింగ్‌ పాత్ర రాలేదు. తెలుగు ‘నిన్ను కోరి’ తమిళ్‌ రీమేక్‌లో నటిస్తున్నా. నివేదా థామస్‌ పాత్రను నా శైలిలో చేయనున్నా. ఇది నాకు చాలెంజిగ్‌ పాత్ర అనుకుంటున్నా. ‘ఫిదా’ సినిమాలో సాయిపల్లవి, ‘మహానటి’లో కీర్తీ సురేశ్‌ చేసిన పాత్రలంటే చాలా ఇష్టం. నటిగా నేనేంటో నిరూపించుకునే అలాంటి పాత్రలు చేయాలనుంది. ‘రంగస్థలం’ సినిమా అవకాశం కోల్పోవడం కొంచెం బాధగానే ఉంది. అయితే ఆ పాత్రలో సమంతకంటే నేను బాగా చేయలేనేమో? అనిపించింది. 

‘నేనంటే భయానికే భయం.. నన్ను పట్టుకోవాలనుకోకు... పట్టుకుందామనుకున్నా అది నేనవను’ అంటూ పోలీస్‌ అధికారి బెల్లంకొండ సాయి శ్రీనివాస్‌కు ఓ కిల్లర్‌ వార్నింగ్‌ ఇస్తున్న డైలాగ్‌తో ప్రారంభమైన ‘రాక్షసుడు’ ట్రైలర్‌ ఉత్కంఠ రేకెత్తించేలా ఉంది. ‘మనం వెతుకుతున్నవాడు రేపిస్టో, కిడ్నాపరో లేకపోతే వన్‌సైడ్‌ లవరో కాదు... పథకం ప్రకారం హత్యలు చేసే ఒక మతిస్థిమితం లేని వ్యక్తి’, ‘మనం ఊహించిన దానికంటే ఈ కేసులో ఏదో సీరియస్‌నెస్‌ ఉంది మేడమ్‌’ అంటూ బెల్లంకొండ శ్రీనివాస్‌ చెప్పే డైలాగులు సినిమాపై ఆసక్తిని పెంచుతున్నాయి.  బెల్లంకొండ శ్రీనివాస్, అనుపమా పరమేశ్వరన్‌ జంటగా రమేష్‌ వర్మ పెన్మత్స దర్శకత్వంలో తెరకెక్కిన చిత్రం ‘రాక్షసుడు’. ఎ హవీష్‌ లక్ష్మణ్‌ కోనేరు ప్రొడక్షన్స్‌ పతాకంపై కోనేరు సత్యనారాయణ నిర్మించిన ఈ సినిమా నిర్మాణానంతర కార్యక్రమాలు జరుపుకుంటోంది. అభిషేక్‌ పిక్చర్స్‌ పతాకంపై అభిషేక్‌ నామా ఈ చిత్రాన్ని ఆగస్ట్‌ 2న విడుదల చేస్తున్నారు. ఈ సందర్భంగా హైదరాబాద్‌లో ‘రాక్షసుడు’ ట్రైలర్‌ని విడుదల చేశారు. కోనేరు సత్యనారాయణ మాట్లాడుతూ– ‘‘ఏడాది క్రితం నేను, రమేష్‌ వర్మ కలిసి చెన్నైలో తమిళ చిత్రం ‘రాక్షసన్‌’ని చూశాం. బాగా నచ్చడంతో రీమేక్‌ చేశాం. హీరోగా నలుగురైదుగురు పేర్లు అనుకుని, సాయిశ్రీనివాస్‌ను తీసుకున్నాం. పోలీసాఫీసర్‌ పాత్రలో బాగా నటించాడు. ఒక మంచి సినిమా తీశామనే తృప్తి కలిగింది’’ అన్నారు. ‘‘సాయిశ్రీనివాస్‌ కెరీర్‌లో ఈ సినిమా చాలా పెద్ద హిట్‌ అవుతుంది’’ అన్నారు అభిషేక్‌ నామా. ‘‘డైరెక్టర్‌గా చాన్స్‌ ఇచ్చిన కోనేరు సత్యనారాయణగారికి, బెల్లంకొండ సురేశ్‌గారికి థ్యాంక్స్‌’’ అన్నారు రమేశ్‌ వర్మ. ‘‘కవచం’ సమయంలో రమేష్‌ వర్మ ఈ రీమేక్‌ గురించి చెప్పారు. మళ్లీ పోలీస్‌ పాత్రే అనుకుని ముందు ఆసక్తి చూపలేదు. కానీ, తమిళ సినిమా చూశాక అద్భుతంగా అనిపించింది. ఇలాంటి సినిమాను మిస్‌ చేసుకోకూడదనిపించి చేశా. అద్భుతమైన థ్రిల్లర్‌. కోనేరు సత్యనారాయణలాంటి నిర్మాత ఈ చిత్రానికి లభించడం అదృష్టం. ఈ బ్యానర్‌లో తొలి చిత్రం నాదే కావడం హ్యాపీ. రమేష్‌ వర్మతో సహా అందరూ ఈ సినిమా కోసం చాలా కష్టపడ్డారు’’ అన్నారు బెల్లంకొండ సాయి శ్రీనివాస్‌. నటుడు కాశీ విశ్వనాథ్, బేబీ దువా కౌశిక్, కెమెరామేన్‌ వెంకట్‌ సి. దిలీప్, ఎడిటర్‌ అమర్‌ రెడ్డి తదితరులు పాల్గొన్నారు.

బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా ‘రైడ్, వీర’ చిత్రాల దర్శకుడు రమేష్‌ వర్మ పెన్మత్స దర్శకత్వంలో తెరకెక్కిన చిత్రం ‘రాక్షసుడు’. ఎ. హవీష్‌ లక్ష్మణ్‌ కోనేరు ప్రొడక్షన్‌ బ్యానర్‌పై కోనేరు సత్యనారాయణ నిర్మించిన ఈ సినిమా పోస్ట్‌ ప్రొడక్షన్‌ పనులు జరుపుకుంటోంది. అభిషేక్‌ పిక్చర్స్‌ పతాకంపై అభిషేక్‌ నామా ఈ చిత్రాన్ని ఆగస్ట్‌ 2న విడుదల చేస్తున్నారు. ఈ సందర్భంగా హవీష్‌ కోనేరు మాట్లాడుతూ–‘‘తమిళంలో హిట్‌ అయిన ‘రాక్షసన్‌’ చిత్రాన్ని ‘రాక్షసుడు’ పేరుతో రీమేక్‌ చేశాం. ఇదొక క్రైమ్‌ ఇన్వెస్టిగేటివ్‌ థ్రిల్లర్‌. బెల్లంకొండ శ్రీనివాస్‌ సిన్సియర్‌ పోలీస్‌ ఆఫీసర్‌గా నటించారు. సినిమా నిర్మాణంలో ఎక్కడా రాజీ పడలేదు. ప్రముఖ సంగీత దర్శకుడు దేవిశ్రీ ప్రసాద్‌ తమ్ముడు సాగర్‌ ఈ చిత్రంతో మాటల రచయితగా పరిచయం అవుతున్నారు’’ అన్నారు. ఈ చిత్రానికి కెమెరా: వెంకట్‌ సి.దిలీప్, సంగీతం: జిబ్రాన్‌.

యువ కథానాయకుడు బెల్లంకొండ సాయి శ్రీనివాస్‌ హీరోగా రమేష్ వర్మ దర్శకత్వంలో తెరకెక్కుతున్న సినిమా రాక్షసుడు. తమిళ నాట ఘనవిజయం సాధించిన రాక్షసన్‌ సినిమాకు రీమేక్‌గా తెరకెక్కుతున్న ఈ సినిమాలో అనుపమా పరమేశ్వరన్‌ హీరోయిన్‌గా నటిస్తున్నారు. ఇప్పటికే షూటింగ్ పూర్తి చేసుకున్న ఈ సినిమాను జూలై 18న రిలీజ్ చేస్తున్నట్టుగా ప్రకటించారు చిత్రయూనిట్. అయితే తాజా సమాచారం ప్రకారం రాక్షసుడు విడుదలను వాయిదా వేసే ఆలోచనలో ఉన్నారట. జూలై 18న రామ్‌, పూరిల ఇస్మార్ట్‌ శంకర్‌ రిలీజ్ అవుతుండటంతో రిలీజ్‌ను వాయిదా వేస్తే బెటర్‌ అని భావిస్తున్నారట. పూర్తి స్థాయి రీమేక్‌లా కాకుండా చాలా భాగం సన్నివేశాలను తమిళ్‌లో తెరకెక్కించినవే వాడుతూ రూపొందించిన ఈ సినిమాపై పెద్దగా బజ్‌ లేదు. ఈ పరిస్థితుల్లో మంచి అంచనాలతో రిలీజ్‌ అవుతున్నా ఇస్మార్ట్ శంకర్‌తో పోటి పడటం కన్నా వాయిదా వేయటమే బెటర్‌ అని భావిస్తున్నారట. ముందుగా అనుకున్నట్టుగా జూలై 18న కాకుండా ఆగస్టు 2న సినిమాను రిలీజ్ చేసే ఆలోచన చేస్తున్నట్టుగా తెలుస్తోంది.

డాషింగ్ డైరెక్టర్ పూరి జగన్నాథ్‌, ఎనర్జిటిక్‌ స్టార్‌ రామ్‌ కాంబినేషన్‌లో రూపొందుతున్న మాస్‌ యాక్షన్‌ ఎంటర్‌టైనర్‌ ఇస్మార్ట్‌ శంకర్‌. పూరి, రామ్‌ల కెరీర్‌కు కీలకం కావటంతో ఈ సినిమా విషయంలో చాలా జాగ్రత్తలు తీసుకుంటున్నారు చిత్రయూనిట్. అందుకే సినిమాను వారం పాటు వాయిదా వేసి మరి పోస్ట్‌ ప్రొడక్షన్‌ కార్యక్రమాలను పక్కాగా ప్లాన్‌ చేస్తున్నారు. ఇస్మార్ట్‌ శంకర్‌ సినిమాను ముందుగా జూలై 12న రిలీజ్ చేయాలని భావించినా తాజాగా జూలై 18న రిలీజ్ చేస్తున్నట్టుగా ప్రకటించారు. దీంతో అదే రోజు రిలీజ్ అవుతున్న రీమేక్‌ సినిమా రాక్షసుడుకి కష్టాలు తప్పేలా లేవు. బెల్లంకొండ సాయి శ్రీనివాస్‌ హీరోగా రమేష్‌ వర్మ రూపొందిస్తున్న సినిమా రాక్షసుడు. తమిళ సూపర్‌ హిట్‌ రాక్షసన్‌కు రీమేక్‌గా తెరకెక్కుతున్న ఈ సినిమాపై పెద్దగా బజ్‌ క్రియేట్ అవ్వటం లేదు. ఇలాంటి పరిస్థితుల్లో ఇస్మార్ట్‌ శంకర్‌ లాంటి మాస్‌ సినిమా పోటి వస్తే రాక్షసుడుకు ఇబ్బందులు తప్పవంటున్నారు విశ్లేషకులు. రీమేక్‌ సినిమా కావటంతో పాటు చాలా సన్నివేశాలు ఒరిజినల్‌లోవే వాడటంతో రాక్షసుడుపై పెద్దగా అంచనాలు లేవు. దీనికి తోడు బెల్లంకొండ చివరి సినిమా ‘సీత’కు దారుణమైన రిజల్ట్ రావటం కూడా సినిమా మీద హైప్‌ రాకపోవటానికి కారణమన్న టాక్‌ వినిపిస్తోంది. అందుకే ఫస్ట్‌ నుంచి ఈ సినిమా సోలో రిలీజ్ ఉండేలా జాగ్రత్త పడ్డారు చిత్రయూనిట్‌, ఇప్పుడు సడన్‌గా ఇస్మార్ట్‌ శంకర్‌ పోటి రావటంలో రాక్షసుడు టీం ఆలోచనలో పడ్డారు.

‘రాక్షసుడు’ అనగానే రామాయణ, మహాభారతాల్లోని విలన్లే గుర్తుకు వస్తారు. సినిమా వాళ్లకు అయితే గతంలో చిరంజీవి హీరోగా నటించిన సూపర్‌హిట్‌ సినిమా గుర్తుకు వస్తుంది. ఇప్పుడు మరోసారి అదే టైటిల్‌తో త్వరలోనే ప్రేక్షకుల ముందుకు రానున్నారు బెల్లంకొండ సాయి శ్రీనివాస్‌.   సాయి శ్రీనివాస్, అనుపమా పరమేశ్వరన్‌ జంటగా నటించిన చిత్రం ‘రాక్షసుడు’. ఏ స్టూడియోస్‌ పతాకంపై ఈ చిత్రం తెరకెక్కింది. హీరో హవీశ్‌ ప్రొడక్షన్‌లో రమేశ్‌ వర్మ దర్శకత్వం వíß ంచారు. చిత్రీకరణ పూర్తయిన ఈ సినిమా ప్రసుత్తం పోస్ట్‌ ప్రొడక్షన్‌ కార్యక్రమాలు జరుపుకుంటోంది. ఈ సినిమా హక్కులను ప్రముఖ నిర్మాణ సంస్థ అభిషేక్‌ పిక్చర్స్‌ ఫ్యాన్సీ రేటుకు సొంతం చేసుకుంది. అన్ని కార్యక్రమాలు పూర్తి చేసి జూలై 18న ప్రపంచవ్యాప్తంగా సినిమాను విడుదల చేయనున్నట్లు నిర్మాత కోనేరు సత్యనారాయణ తెలిపారు. ఈ సందర్భంగా ఆయన మాట్లాడుతూ– ‘‘ఫిబ్రవరి 21న ప్రారంభమైన మా ‘రాక్షసుడు’  చిత్రం సింగిల్‌ షెడ్యూల్‌లో 85రోజుల పాటు షూటింగ్‌ జరుపుకుంది. ఇప్పుడే సినిమా రష్‌ చూశాను. అద్భుతంగా ఉంది. సినిమా మొదలు పెట్టిన రోజు నుండే ఓ మంచి సినిమా తీస్తున్నామనే ఫీలింగ్‌ ఉండేది. ఈ రోజు రష్‌ చూశాక బ్లాక్‌బస్టర్‌ సినిమా తీశాం అని నమ్మకంగా ఉంది’’ అన్నారు. రమేశ్‌వర్మ మాట్లాడుతూ– ‘‘నాకు ఇంత మంచి  అవకాశం ఇచ్చిన నిర్మాత సత్యనారాయణగారికి కృతజ్ఞతలు. మంచి టీమ్‌ కుదరడంతో అనుకున్న ప్రకారం సినిమాను ముగించగలిగాం’’ అన్నారు.

బెల్లంకొండ సాయి శ్రీనివాస్‌ హీరోగా తెరకెక్కుతున్న రీమేక్‌ మూవీ రాక్షసుడు. తమిళ్‌లో ఘన విజయం సాధించిన రాక్షసన్‌ సినిమాను రమేష్‌ వర్మ దర్శకత్వంలో తెలుగులో రీమేక్‌ చేస్తున్నారు. ఇటీవల రిలీజ్‌ అయిన రాక్షసుడు టీజర్‌కు మంచి రెస్పాన్స్‌ రావటంతో హిందీ డబ్బింగ్ రైట్స్‌కు భారీ ఆఫర్‌ వచ్చినట్టుగా తెలుస్తోంది. గతంలో బెల్లంకొండ సాయి శ్రీనివాస్‌ హీరోగా తెరకెక్కిన కొన్ని సినిమాల హిందీ డబ్బింగ్‌ వర్షన్‌లు యూట్యూబ్‌లో భారీగా వ్యూస్‌ సాధించాయి. దీంతో రాక్షసుడు హిందీ డబ్బింగ్‌ రైట్స్‌ కోసం 12.5 కోట్లు ఆఫర్‌ చేశారు. కంటెట్‌పరంగా కూడా యూనివర్సల్‌ అప్రోచ్‌ ఉంటుందన్న నమ్మకంతో భారీ ఆఫర్‌లు వచ్చినట్టుగా తెలుస్తోంది. ఈ సినిమా తెలుగు శాటిలైట్‌ రైట్స్‌ కూడా 6 కోట్లకు పైగా అమ్ముడయ్యాయి. అనుపమా పరమేశ్వరన్‌ హీరోయిన్‌గా నటిస్తున్న ఈ సినిమాలో ఎక్కువ సన్నివేశాలు తమిళ ఒరిజినల్‌ వర్షన్‌లో చిత్రీకరించినవే వాడుతున్నారు. కేవలం హీరో హీరోయిన్లు కనిపించే సీన్స్‌ను మాత్రమే రీ షూట్ చేసి రిలీజ్ చేస్తున్నారు.

టాలీవుడ్‌ మోస్ట్‌ వాంటెడ్‌ మ్యూజిక్‌ డైరెక్టర్‌ దేవీ శ్రీ ప్రసాద్‌ సోదరుడు సాగర్‌ మాటల రచయితగా అవతారమెత్తాడు. ఇప్పటివరకు పాటలు పాడి ప్రేక్షకులను మెప్పించిన సాగర్‌.. ఇకపై మాటలతోనూ పలకరించనున్నాడు. తన సోదరుడు డైలాగ్‌ రైటర్‌గా మారిన విషయాన్ని సోషల్‌ మీడియా వేదికగా తెలియజేశాడు. సింగర్‌గా ఉన్న తన సోదరుడు ‘రాక్షసుడు’ చిత్రంతో మాటల రచయితగా మారాడని.. ఈ విషయాన్ని పంచుకోవడం తనకు ఎంతో సంతోషంగా ఉందని అన్నారు. తమ తండ్రి (రచయిత సత్యమూర్తి) వారసత్వాన్ని కొనసాగించేందుకు అందరి ఆశీస్సులు కావాలని ట్విటర్‌ వేదికగా కోరారు. బెల్లంకొండ శ్రీనివాస్‌, అనుపమా పరమేశ్వరణ్‌ కాంబోలో తమిళ సూపర్‌హిట్‌ రాక్షసన్‌కు రీమేక్‌గా ‘రాక్షసుడు’ చిత్రం తెరకెక్కుతోంది. Am Glad 2 share dat my brother @sagar_singer whom U all know as a SINGER is bein introduced as a DIALOGUE WRITER in #RAKSHASUDU 😁🎶 Need all ur blessings 4 him to take up my Father’s Love 4 Writing n continue his Legacy🙏🏻❤️@BSaiSreenivas @anupamahere https://t.co/HbgmZO1rt7 — DEVI SRI PRASAD (@ThisIsDSP) June 8, 2019

అమాయకులను అన్యాయంగా, రాక్షసానందం కోసం చంపుతుంటాడు ఓ సైకో. అతడిని పట్టుకోవడానికి పరిగెత్తే పోలీస్‌. ఇంతకీ రాక్షస సైకో ఎవరు? అతడిని ఈ పోలీస్‌ పట్టుకున్నాడా? లేదా? తెలియాలంటే ‘రాక్షసుడు’ సినిమా చూడాలంటున్నారు చిత్రబృందం. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేశ్‌ వర్మ పెన్మత్స దర్శకత్వంలో తెరకెక్కుతున్న చిత్రం ‘రాక్షసుడు’. ఎ హవీష్‌ లక్ష్మణ్‌ కోనేరు ప్రొడక్షన్‌ బ్యానర్‌పై కోనేరు సత్యనారాయణ నిర్మిస్తున్నారు. ఈ చిత్రం టీజర్‌ శనివారం రిలీజ్‌ అయింది. టీజర్‌కు అద్భుతమైన రెస్పాన్స్‌ వస్తుందని చిత్రబృందం తెలిపింది. ఈ సందర్బంగా నిర్మాత హవీష్‌ మాట్లాడుతూ – ‘‘తమిళ సూపర్‌హిట్‌ చిత్రం ‘రాక్షసన్‌’ రీమేక్‌గా ఈ చిత్రం తెరకెక్కిస్తున్నాం.  ఇందులో సాయి శ్రీనివాస్‌ సీరియస్‌ పోలీసాఫీసర్‌గా కనిపిస్తారు. మేకింగ్‌లో ఎక్కడా కాంప్రమైజ్‌ అవ్వలేదు. షూటింగ్‌ దాదాపు పూర్తయింది. పోస్ట్‌ ప్రొడక్షన్‌ పనులు జరుగుతున్నాయి. జూలై 18న మా చిత్రాన్ని రిలీజ్‌ చేయడానికి ప్లాన్‌ చేస్తున్నాం’’ అని చెప్పారు. ఈ చిత్రానికి సంగీతం: జిబ్రాన్, కెమెరా: వెంకట్‌ సి. దిలీప్‌.

కోలీవుడ్ లో సూపర్‌ హిట్ అయిన థ్రిల్లర్‌ మూవీ రాక్షసన్‌. విష్ణు విశాల్‌, అమలాపాల్‌ ప్రధాన పాత్రల్లో తెరకెక్కిన ఈ సినిమాను తెలుగులో రీమేక్‌ రిలీజ్‌కు రెడీ అవుతోంది. రాక్షసుడు పేరుతో తెరకెక్కిన ఈ సినిమాలో బెల్లంకొండ సాయి శ్రీనివాస్‌, అనుపమా పరమేశ్వరన్‌లు హీరో హీరోయిన్లుగా నటించారు. చిత్రీకరణ చివరి దశకు చేరుకోవటంతో ప్రమోషన్‌ కార్యక్రమాలు ప్రారంభించారు చిత్రీయూనిట్‌. జూలై 18న రిలీజ్‌కు రెడీ అవుతున్న ఈ సినిమా టీజర్‌ను విడుదలైంది. ఈ సినిమాలో బెల్లంకొండ శ్రీనివాస్‌ పోలీస్‌ పాత్రలో కనిపించనున్నాడు. రమేష్ వర్మ దర్శకత్వంలో తెరకెక్కుతున్న ఈ సినిమాకు గిబ్రాన్‌ సంగీతమందిస్తున్నాడు. హవీష్ పిక్చర్స్‌, అభిషేక్‌ పిక్చర్స్‌ బ్యానర్‌లు సంయుక్తంగా నిర్మిస్తున్నాయి.

ఈ ఏడాది కవచం, సీత చిత్రాలతో పలకరించిన బెల్లంకొండ శ్రీనివాస్‌కు ఆశించిన విజయం మాత్రం దక్కలేదు. తేజ దర్శకత్వంలో వచ్చిన సీత సినిమా కాస్త పర్వాలేదనిపించినా.. మంచి విజయాన్ని మాత్రం నమోదు చేయలేకపోయింది. ఇక ఇదే ఏడాది మరో చిత్రంతో ఈ హీరో పలకరించేందుకు రెడీ అవుతున్నాడు. తమిళ హిట్‌ చిత్రం రాక్షసన్‌ను తెలుగులో బెల్లంకొండ శ్రీనివాస్‌, అనుపమా పరమేశ్వరణ్‌ హీరోహీరోయిన్లుగా తెరకెక్కిస్తున్న సంగతి తెలిసిందే. ఇటీవలె విడుదల చేసిన ‘రాక్షసుడు’ టైటిల్‌ లోగోకు విశేష స్పందన వచ్చింది. తాజాగా ఈ చిత్రం నుంచి టీజర్‌ను విడుదల చేయనున్నుట్లు చిత్రబృందం ప్రకటించింది. జూన్‌ ఒకటో తేదీన ఈ మూవీ టీజర్‌ను విడుదల చేయనున్నారు. ఈ చిత్రానికి గిబ్రాన్‌ సంగీతాన్ని అందిస్తుండగా.. రమేష్‌ వర్మ దర్శకత్వం వహిస్తున్నారు. ఈ సినిమా జూలై 18న ప్రేక్షకుల ముందుకు రానుంది.

‘‘ఇండస్ట్రీలో శుక్రవారం నుంచి శుక్రవారానికి ఈక్వేషన్లు మారిపోతుంటాయి. శుక్రవారానికి నా సినిమా హిట్‌ అయితే నా తదుపరి సినిమాకు పెద్ద స్టార్‌ వస్తాడు. యావరేజ్‌గా ఆడితే యావరేజ్‌ స్టారే వస్తాడు. ఫ్లాప్‌ అయితే కొత్తవాళ్లతో సినిమా తీసుకోవడమే. ‘బెగ్గర్స్‌ కెనాట్‌ బీ చూజర్స్‌’ అనే సామెత ఉంటుంది ఇంగ్లీష్‌లో. అడుక్కునే వాడికి ఆప్షన్స్‌ ఉండవు అని. ప్రేక్షకుల నుంచి మన కొత్త చిత్రానికి వచ్చిన స్పందనే మన నెక్ట్స్‌ సినిమా అవుతుంది’’ అని దర్శకుడు తేజ అన్నారు. బెల్లంకొండ సాయి శ్రీనివాస్, కాజల్‌ జంటగా తేజ దర్శకత్వంలో తెరకెక్కిన చిత్రం ‘సీత’. అనిల్‌ సుంకర నిర్మించిన ఈ చిత్రం గత శుక్రవారం రిలీజైంది. ఈ సందర్భంగా తేజ మీడియాతో పలు విశేషాలు పంచుకున్నారు. ► రామాయణానికి, మా కథకు ఏ సంబంధం లేదు. టైటిల్‌ సీత, కొన్ని డైలాగ్స్‌ చూసి అలా కొందరు ఊహించుకున్నారంతే. సీత పాత్ర ప్రస్తుత సమాజంలో ఉన్న ధన దాహం, పేరు కోసం పరిగెడుతున్న వారందరికీ ప్రతీక. న్యాయంగా, పద్ధతిగా ఉండాలి అనేది రామ్‌ పాత్ర తెలుపుతుంది. సమాజం ఎలా ఉండాలన్న దానికి ఉదాహరణ  రామ్‌ అయితే ఎలా ఉంది అన్నది సీత పాత్రలో చూపించాను. రామ్, సీత ఇద్దరికీ మధ్య జరిగే క్లాషే ఈ చిత్రకథ. ► సీత అనే పాత్ర ప్రస్తుతం ఉన్న మనుషులందర్నీ ఉద్దేశించింది. కేవలం స్త్రీలని కాదు. గట్టిగా చెప్పాలంటే స్త్రీలు ఎంతో ఫార్వార్డ్‌ థింకింగ్‌తో ఉన్నారు. చాలా స్ట్రాంగ్‌గా ఉన్నారు. కానీ మేమే సినిమాల్లో హీరోయిన్లను కేవలం హీరో వెనక పాటలు పాడుకునేట్టు చూపిస్తాం. దానికి కారణం మనం ఒక ఫార్మాట్‌ సినిమాకు అలవాటు పడి ఉండటమే. దీన్ని ఒకేసారి బద్దలుకొట్టడం కష్టం. మెల్లిమెల్లిగా జరగాలి. ► నా సినిమాలన్నింటికి రివ్యూస్‌ బావుండవు. ఆ విషయానికి నేను అలవాటు పడ్డాను. ‘సీత’ సినిమా కూడా ఫర్వాలేదని రివ్యూలు రాశారు. జనమైతే బావుంది అంటున్నారు. ‘నేనే రాజు నేనే మంత్రి’ కూడా రివ్యూలు డివైడ్‌గానే వచ్చాయి. కానీ సినిమా సక్సెస్‌ అయింది. మన ప్రోడక్ట్‌ను మనం జడ్జ్‌ చేయలేం. మనం ఒకటి అనుకుంటాం.. ఒకటి జరుగుతుంది. ప్రీ–రిలీజ్‌ వేడుకలో నేను తీసిన సినిమాను జడ్జ్‌ చేయడం నాకు రాదని చెప్పింది అందుకే. ఈ సినిమా ఆడుతుందో లేదో మనం చెప్పలేం. అదే తెలిస్తే ఎవ్వరం ఫ్లాప్‌ సినిమా తీయం కదా? తేజ దగ్గర నుంచి జేమ్స్‌ కామెరూన్‌ వరకూ ఎవ్వరూ ఫ్లా‹ప్‌ తీయాలనుకోరు. ► యాక్టర్స్‌ నుంచి బెస్ట్‌ రాబట్టాలంటే వాళ్లను ఆ పాత్ర మూడ్‌లోకి తీసుకెళ్లాలి.  లేకపోతే యాక్టింగ్‌ అనేది కేవలం గొంతులో నుంచి వచ్చే డైలాగ్‌తో ఆగిపోతుంది. పాత్ర మూడ్‌లోకి వెళ్తే డైలాగ్‌ కడుపులో నుంచి వస్తుంది. ప్రతీ సీన్‌ ముందు యాక్టర్‌ని హిప్నటైజ్‌ చేయాలి. అప్పుడు యాక్టర్స్‌కి ఈజీ అవుతుంది. కొన్నిసార్లు యాక్టర్స్‌కి యాక్టింగ్‌ వచ్చినా ఒక గోడ కట్టుకొని లోపల ఉండిపోతారు. చాలా మంది దర్శకులు ఆ గోడ బయట నుంచే ఏదోటి చెప్పి చేయించేస్తుంటారు. నేను మాత్రం ఆ గోడ బద్దలు కొట్టి ఆ యాక్టర్‌ను బయటకు తీసుకొచ్చి నాకు కావాల్సినట్టు చేయించుకుంటాను. ► నాకు నా పాత సినిమా ఏది చూసినా ఇంకా బాగా చేసి ఉంటే బావుండు అనిపిస్తుంటుంది. మొన్న టీవీలో ‘నువ్వు–నేను’ సినిమా వస్తుంటే చూశా. మా ఎడిటర్‌కి ఫోన్‌ చేసి ‘క్లైమాక్స్‌లో హీరోయిన్‌ గోడ దూకే దగ్గర నాలుగు ఫ్రేములు తగ్గించొచ్చు కదా?’ అన్నాను. ‘ఊరుకోవయ్యా బాబు. ఆల్రెడీ ఆ సినిమా సూపర్‌ హిట్‌ అయిపోయింది’ అని సమాధానమిచ్చారు. నేనెప్పుడూ సంతృప్తి చెందను. ఇంకా బెటర్‌ చేయొచ్చు అనుకుంటాను. ► సినిమా కథ రాసుకున్నాక హీరో ఎవరైతే బావుంటుందని ఆలోచిస్తాను. ఈ పాత్రకు స్ట్రాంగ్‌ బాడీ ఉండి, అమాయకత్వం ఉండాలి. సాయి శ్రీనివాస్‌ బావుంటాడనిపించింది.  హీరో కంటే విలన్‌ బలంగా ఉన్నప్పుడే కథ పండుతుంది. సమస్య పరిష్కరించలేని విధంగా ఉన్నప్పుడు, నువ్వు దాన్ని ఛేదిస్తేనే నీ పవర్‌ తెలుస్తుంది. హీరోయిజమ్‌ ఎలివేట్‌ అవుతుంది. హీరో ఆల్రెడీ చాలా స్ట్రాంగ్‌గా ఉండి విలన్‌ వీక్‌ అయితే సినిమా నిలబడదు. ► ఆడియన్స్‌ మూడ్‌ బట్టి సినిమాలు ఆడతాయి. సినిమా తీసేవాళ్లం సినిమాను కేవలం ఒక ప్రోడక్ట్‌లాగా చూస్తాం. ప్రేక్షకుడికి మాత్రం చాలా కారణాలుంటాయి. మొన్న శుక్రవారం ఇంకా ఎన్నికల మూడ్‌లోనే ఉండబట్టే మార్నింగ్‌ షోలు స్లోగా స్టార్ట్‌ అయ్యాయి. నైట్‌ షో నుంచి కలెక్షన్స్‌ పెరిగాయి.   ► కథ మొదలయ్యాక పూర్తి అవ్వాలి.  పూర్తయ్యే వరకూ ఉండేదే కథ.  అది చూడకుండా క్యాలిక్యులేటర్‌ పట్టుకొని అది బావుంది, ఇది బాలే దు అని కూర్చొని లెక్కలు వేస్తే ఎలా? కామన్‌ ఆడియన్‌ మాత్రం సినిమా బావుండాలని ఆలోచనతో మాత్రమే వెళ్తాడు. మనం (రివ్యూ రైటర్స్‌ని ఉద్దేశిస్తూ) మాత్రం చెక్‌ చేయడానికి మాత్రమే వెళ్తాం. ఏది బాలేదో చూసి దర్శకుడి కంటే మనం గొప్ప అని నిరూపించుకోవడానికి సినిమా చూస్తాం. సినిమాను ఆస్వాదించాలి. సినిమానే కాదు జీవితాన్ని కూడా. పోలికలు ఆపేయాలి. ఆడు ఇది చేశాడు, ఈడు ఇది చేశాడని పోలికలు పెట్టుకుంటే కష్టం. అందుకే రివ్యూల కంటే ఆడియన్స్‌ ఏం చెబుతారన్నదే ముఖ్యం. ► నా సినిమాల్లో కథకు కావాల్సినంతే ఖర్చు పెడతాను. ప్రస్తుతం ఇండస్ట్రీ తప్పు దోవలో వెళ్లిపోతుందనిపిస్తుంది. బడ్జెట్‌ ఉందని ఖర్చు పెట్టకూడదు. కథ గుడిసె ఉండాలని అడిగితే గుడిసె ఉండాలి. బిల్డింగ్‌ ఉండకూడదు. దీనివల్ల ఖర్చు పెరిగి కథ బయటకు వెళ్లిపోతుంది. ► ప్రస్తుతం కొత్త దర్శకులు మంచి ఆలోచనలతో వస్తున్నారు. కొత్తోళ్లు వస్తే పాతోళ్లంతా పోతాం. అప్పుడే ఇండస్ట్రీ బెస్ట్‌ అవుతుంది. కొత్తవాళ్లు ఎలా వస్తారు? హై బడ్జెట్‌ సినిమాలతో కొత్తవాళ్లు రారు. అది కేవలం చిన్న సినిమాల వల్లే కుదురుతుంది. అందుకే చిన్న సినిమాలకు సపోర్ట్‌ ఇవ్వాలి. ఆదరించాలి. థియేటర్స్‌ ఇవ్వాలి. ► రామారావుగారికి న్యాయం చేయలేనని ‘ఎన్టీఆర్‌’ బయోపిక్‌ నుంచి తప్పుకున్నాను. ఆ సినిమా వదిలేసి వచ్చినందుకు చాలా మంది తప్పు చేస్తున్నావు అన్నట్టు చెప్పారు. రిలీజ్‌ అయ్యాక ‘మంచి పని చేశావు’ అన్నారు. మీడియా మాత్రం నన్ను పొగిడారు. ‘తేజ తీసి ఉంటే ఇంకా బాగా వచ్చేది’ అని. సినిమా తీయకుండా మంచి పేరు వచ్చింది. ► నేనెప్పుడూ అడ్వాన్స్‌డ్‌ సినిమాలే తీస్తుంటాను. ‘చిత్రం’ సినిమా ఇప్పటికీ రిలవెంట్‌గా ఉంటుంది. కొన్నిసార్లు నేనే స్క్రిప్ట్‌లో కొంచెం డోస్‌ తగ్గించుకుంటుంటా. ఇందులో కూడా కాజల్‌ – సోనూ సూద్‌ అగ్రిమెంట్‌ కాన్సెప్ట్‌ ఫస్ట్‌ వద్దన్నారు మా వాళ్లు. కానీ నేనే పెట్టించాను. బౌండెడ్‌ స్క్రిప్ట్‌ తీసుకొనే షూటింగ్‌కు వెళ్తాను. కామెడీ వరకు ఆన్‌ లొకేషన్‌లో మార్పులు చేర్పులు చేస్తుంటాం. ఎమోషన్స్‌ను మార్చను. మారిస్తే కథ మారిపోతుంది. ► నా మూడ్‌ బాలేక బాలకృష్ణ, వెంకటేశ్‌తో చేయాల్సిన రెండు సినిమాలు ఒకే రోజు వదిలేశా. ఆ సినిమాలు వదిలేశా అని బాధపడను. అదే కాదు ఏ విషయంలోనూ రిగ్రెట్‌ ఫీల్‌ అవ్వను. నెక్ట్స్‌ ప్రాజెక్ట్‌ ఏంటో ఇంకా తెలియదు. ఈ సినిమా ఆడటాన్ని బట్టి ఉంటుంది. ► ‘తేజ కథలో ఎవ్వరూ చేయి పెట్టకూడదు, యాక్టర్స్‌ని కొడతాడు’ అని అనుకుంటారు.  కానీ కథ గురించి టీమ్‌ అంతా కూర్చొని మాట్లాడుకుంటాం. సినిమా తీశాక కూడా నిర్మాతలకు చూపిస్తాను. మార్పులు చెబితే వింటాను. కొడతాడనే అభిప్రాయం కూడా ఒకందుకు మంచిదైంది. టైమ్‌పాస్‌ చేసేవాళ్లు రారు. సీరియస్‌గా, సిన్సియర్‌గా ఉండేవాళ్లే వస్తారు. ► మన జనాభా విపరీతంగా పెరిగిపోయింది. అందరికీ పని దొరకడం లేదు. దాంతో కొందరు సినిమాలను ఆపేయాలి, మా మనోభావాలు దెబ్బతిన్నాయి అన వివాదం చేయడానికి ఓ పనిగా పెట్టుకుంటున్నారు. పని ఉండి ఉంటే ఇవన్నీ పట్టించుకోడు ఎవ్వడూ. ఇండియాలో వెబ్‌సైట్‌లు చూస్తూ కూర్చునేవాళ్లు ఎక్కువ. అందుకే యూట్యూబ్, నెట్‌ఫ్లిక్స్‌ ఇండియా, చైనా మీద దృష్టి పెడుతుంటాయి. మేం తీసే పిచ్చివో, మంచివో సినిమాలకు కలెక్షన్స్‌ ఎందుకు ఇంత వస్తున్నాయి? ఎక్కువ మంది సినిమా చూస్తున్నారు కాబట్టే. ఖాళీగా ఉండేవాళ్లే మాకు దేవుళ్లు.

టైటిల్ : సీత జానర్ : రొమాంటిక్‌ డ్రామా తారాగణం : బెల్లంకొండ సాయి శ్రీనివాస్‌, కాజల్‌ అగర్వాల్‌, సోనూసూద్‌ సంగీతం : అనూప్‌ రుబెన్స్‌ దర్శకత్వం : తేజ నిర్మాత : రామబ్రహ్మం సుంకర ఇన్నాళ్లు మాస్‌ యాక్షన్‌ హీరోగా ప్రూవ్‌ చేసుకునేందుకు ప్రయత్నించి ఫెయిల్ అయిన బెల్లంకొండ సాయి శ్రీనివాస్ ఈ సారి కొత్తగా ప్రయత్నించాడు. లేడి ఓరియంటెడ్‌ సినిమాగా తెరకెక్కిన సీత చిత్రంతో ప్రేక్షకుల ముందుకు వచ్చాడు. నేనే రాజు నేనే మంత్రి సినిమాతో ఘనవిజయం సాధించిన తేజ దర్శకత్వంలో కాజల్‌ అగర్వాల్ ప్రధాన పాత్రలో తెరకెక్కిన సీత చిత్రంలో బెల్లంకొండ ఓ చాలెంజింగ్‌ రోల్‌లో కనిపించాడు. మరి ఈ సినిమా అయిన బెల్లంకొండకు ఆశించిన సక్సెస్‌ అందించిందా..? తేజ వరుసగా మరో సక్సెస్‌ సాధించాడా..? కథ‌ : సీతా మహాలక్ష్మి (కాజల్‌ అగర్వాల్‌) డబ్బుకు తప్ప మనుషులకు, బంధాలకు ఏ మాత్రం విలువ ఇవ్వని పొగరుబోతు. తండ్రితో గొడవపడి సొంతంగా బిజినెస్‌ చేసి చిక్కుల్లో పడుతుంది. తను కొన్న ఓ స్థలం సమస్యల్లో ఉండటంతో లోకల్ ఎమ్మెల్యే బసవరాజు (సోనూసూద్‌) సాయం కోరుతుంది. అయితే బసవ అందుకు బదులుగా తనతో నెల రోజులు గడపాలని అగ్రిమెంట్ రాయించుకుంటాడు. అగ్రిమెంట్‌ ముందు ఒప్పుకున్న సీత, తన పని పూర్తయిన తరువాత కాదనటంతో వ్యాపరపరంగా సీతకు అడ్డంకులు సృష్టిస్తాడు బసవ. ఆ ఇబ్బందుల నుంచి బయటపడాలంటే తనకు డబ్బు కావాలి. కానీ సీత తండ్రి తన ఆస్తినంత భూటన్‌లో బాబాల దగ్గర పెరుగుతున్న రఘురామ్‌ (బెల్లంకొండ సాయి శ్రీనివాస్‌) పేరిట రాసేస్తాడు. దీంతో ఆస్తి కోసం రామ్‌ను కలుస్తుంది సీత. చిన్నతనంలో ‘సీతను నువ్వు చూసుకోవాలి, నిన్ను సీత చూసుకుంటుంది’ అని మామయ్య చెప్పిన మాటలకు కట్టుబడిన రామ్‌, సీతతో సిటీ వచ్చేస్తాడు. అలా వచ్చిన సీతా రామ్‌లకు బసవ నుంచి ఎలాంటి ఇబ్బందులు ఎదురయ్యాయి.? వాటి నుంచి ఎలా బయటపడ్డారు? అన్నదే మిగతా కథ. న‌టీన‌టులు : ఇన్నాళ్లు మాస్‌ యాక్షన్‌ హీరోగా కనిపించిన బెల్లంకొండ సాయి శ్రీనివాస్ ఈ సినిమాలో కొత్తగా కనిపించే ప్రయత్నం చేశాడు. తన బాడీ లాంగ్వేజ్‌కు, ఇమేజ్‌కు ఏ మాత్రం సెట్ అవని అమాయకుడి పాత్రలో పూర్తిగా నిరాశపరిచాడు. సినిమా చూశాక అసలు ఈ సినిమాకు సాయి శ్రీనివాస్‌ ఎలా ఓకె చెప్పాడా అన్న అనుమానం రాక మానదు. హీరోయిన్‌గా సీత పాత్రకు కాజల్‌ అగర్వాల్ పూర్తి న్యాయం చేశారు. తల పొగరు ప్రదర్శించే సన్నివేశాలతో పాటు సెంటిమెంట్‌ సీన్స్‌లోనూ మెప్పించారు. విలన్‌గా సోనూసూద్‌ ఆకట్టుకున్నాడు. బసవ క్యారెక్టర్‌లో తేజ గత చిత్రాల పాత్రల ఛాయలు కనిపించినా.. సోనూ తనదైన మేనరిజమ్స్‌తో ఆకట్టుకునే ప్రయత్నం చేశాడు. ఇతర పాత్రల్లో మన్నార చోప్రా, భాగ్యరాజ, తనికెళ్ల భరణి, అభిమన్యూ సింగ్‌లు తమ పరిధి మేరకు ఆకట్టుకున్నారు. విశ్లేష‌ణ‌ : సినిమా మొదలైన పది నిమిషాల్లోనే కథ అంతా చెప్పేసిన దర్శకుడు తేజ... తరువాత కథనాన్ని ముం‍దుకు నడిపించేందుకు చాలా కష్టపడ్డాడు. తన గత చిత్రాల్లోని పాత్రలు, సన్నివేశాలు చాలా రిపీట్ అయిన భావన కలుగుతుంది. కథపరంగా పెద్దగా మలుపులు లేకపోయినా కథనంలో ట్విస్ట్‌లను ఇరికించే ప్రయత్నం చేశాడు. ముఖ్యంగా ప్రీ క్లైమాక్స్‌ నుంచి క్లైమాక్స్‌ వరకు ఇక సినిమా అయిపోయిందని ప్రేక్షకుడు అనుకున్న ప్రతీ సారి కొత్త ట్విస్ట్‌తో షాక్‌ ఇచ్చాడు. చాలా రోజుల తరువాత సంగీత దర్శకత్వం చేసిన అనూప్‌ రుబెన్స్‌ పరవాలేదనిపించాడు. ఎడిటర్‌ తన కత్తెరకు ఇంకాస్త పని చెప్పాల్సింది. సినిమాట్రోగఫి, నిర్మాణవిలువలు సినిమా స్థాయికి తగ్గటుగా ఉన్నాయి. ప్లస్‌ పాయింట్స్‌ : కాజల్‌ అగర్వాల్‌ మైనస్‌ పాయింట్స్‌ : బెల్లంకొండ సాయి శ్రీనివాస్‌ స్క్రీన్‌ప్లే క్లైమాక్స్‌ సతీష్ రెడ్డి జడ్డా, ఇంటర్‌నెట్ డెస్క్‌.

‘‘జనరల్‌గా ఏదైనా కథ విన్న తర్వాత ఈ సినిమా చేస్తే ఆడియన్స్‌కి నచ్చుతుందా? కమర్షియల్‌ అంశాలు ఏం ఉన్నాయి? అని ఆలోచిస్తాను. కానీ ఫస్ట్‌ టైమ్‌ కథ నచ్చి రిజల్ట్‌ గురించి ఆలోచించకుండా ‘సీత’ సినిమాలో నటించాను. యాక్టర్‌గా మరింత ఇంప్రూవ్‌ అయ్యే ఏ అవకాశాన్నీ వదులుకోను’’ అని బెల్లంకొండ సాయిశ్రీనివాస్‌ అన్నారు. తేజ దర్శకత్వంలో బెల్లంకొండ సాయిశ్రీనివాస్, కాజల్‌ అగర్వాల్‌ జంటగా నటించిన సినిమా ‘సీత’. మన్నారా చోప్రా మరో కథానాయిక. రామబ్రహ్మం సుంకర నిర్మించారు. అజయ్‌ సుంకర, అభిషేక్‌ అగర్వాల్‌ సహ–నిర్మాతలు. ఈ సినిమా రేపు విడుదల కానుంది. ఈ సందర్భంగా బెల్లంకొండ సాయిశ్రీనివాస్‌ చెప్పిన విశేషాలు. ► తేజగారు నాకు రెండు కథలు చెప్పారు. ‘సీత’ కథ నాకు నచ్చింది. మా నాన్నగారికి (బెల్లంకొండ సురేశ్‌) మరో కథ నచ్చింది. కానీ రియలిస్టిక్‌ అప్రోచ్‌గా ఉందని ‘సీత’ చిత్రాన్ని ఓకే చేశాం. నా కెరీర్‌కు మంచి హెల్ప్‌ అవుతుందనిపించింది. ఈ చిత్రంలో మానవ సంబంధ, బాంధవ్యాలకు విలువ ఇచ్చే రఘురాం పాత్రలో నేను నటించాను. నా పాత్రలో వేరియేషన్స్‌ ఉంటాయి. నా పాత్రకు ఓ ప్రాబ్లమ్‌ ఉంటుంది. అందుకే పోస్టర్‌లో నాకు రెండు వాచ్‌లు ఉంటాయి. జీవితంలో డబ్బే ముఖ్యమనే పాత్రలో కాజల్‌ నటించారు. సినిమాలోని మొదటి రెండు గంటలు చాలా ఎంటర్‌టైనింగ్‌గా సాగుతుంది. క్లైమాక్స్‌ ఎమోషనల్‌గా ఉంటుంది. ► ఏ సినిమా సెట్స్‌లో అయినా నేను పూర్తిగా డైరెక్టర్‌కు సరెండరైపోతాను. ఈ సినిమాకీ అంతే. తేజగారి ఇన్‌పుట్స్‌ నా కెరీర్‌కు బాగా ప్లస్‌ అవుతాయి.  ఆయనతో ఈ సినిమా జర్నీ నాకు మంచి ఎక్స్‌పీరియన్స్‌ను ఇచ్చింది. ఈ సినిమా ఫస్ట్‌డే సెట్‌లో తేజగారు నాకు ఓ పేజీ డైలాగ్స్‌ ఇచ్చారు. నాలోని యాక్టర్‌ని పరీక్షిస్తున్నారేమో అనిపించింది. క్యారవ్యాన్‌లోకి వెళ్లి ఆ డైలాగ్స్‌ను బాగా ప్రాక్టీస్‌ చేసి వచ్చి కెమెరా ముందు చెప్పాను. తేజగారు షాక్‌ అయ్యారు. ‘నీలో నటుడు ఉన్నాడని తెలుసు కానీ ఇంత మంచి నటుడు ఉన్నాడని ఇప్పుడే తెలిసింది’ అన్నారు. చాలా హ్యాపీ ఫీలయ్యా. చాలా కష్టపడి కంబోడియాలోని అంగోర్‌ వాట్‌ టెంపుల్‌లో షూటింగ్‌ చేశాం. అక్కడ షూటింగ్‌ చేసుకున్న రెండో సినిమా మాదేనట. ► ఈ సినిమా కథ విన్నప్పుడే ఇందులో కాజల్‌ అగర్వాల్‌ హీరోయిన్‌గా నటిస్తారని తెలిసింది. ఇంతకుముందు కాజల్, నేను కలిసి ‘కవచం’ సినిమా చేశాం. ‘సీత’ సినిమాలోని సీత క్యారెక్టర్‌కు కాజల్‌నే కరెక్ట్‌ అనిపించింది. ఇక ఈ సినిమాకు సరిగ్గా సరిపోతుందనే ‘సీత’ టైటిల్‌ను పెట్టాం. ‘మీరు హీరో అయ్యుండి లేడీ ఓరియంటెడ్‌ టైటిల్‌ పెట్టారేంటి?’ అని చాలామంది అడిగారు. నా క్యారెక్టర్‌ బాగున్నప్పుడు ఇవన్నీ ప్రాబ్లమ్‌ కాదనుకున్నాను. ‘అల్లుడు శీను’ సినిమా తర్వాత మళ్లీ ఈ సినిమాలో కామెడీ చేశాను. ► జనరల్‌గా పోలీస్‌ పాత్రను నా డ్రీమ్‌ రోల్‌గా భావిస్తుంటాను. ‘కవచం’ సినిమాలో పోలీస్‌ పాత్ర చేశాను. అంతగా సక్సెస్‌ కాలేదు. అందుకే ‘రాక్షసుడు’లో మళ్లీ పోలీస్‌ పాత్ర చేస్తున్నాను. పోగొట్టుకున్న చోటే వెతుక్కోమంటారు కదా. నా సినిమాల హిందీ వెర్షన్స్‌కు యూట్యూబ్‌లో మంచి వ్యూస్‌ వస్తున్నాయి. హిందీలో నాకు మంచి మార్కెట్‌ ఏర్పడుతోంది. బన్నీ, నా సినిమాలకే ఇలా ఎక్కువగా వ్యూస్‌ వస్తున్నాయి. కొత్త దర్శకులతో వర్క్‌ చేయడానికి ఆసక్తికరంగా ఎదురు చూస్తున్నా. సరైన కథ దొరకాలి. ప్రస్తుతం ‘రాక్షసుడు’ సినిమా చేస్తున్నాను. జూలైలో విడుదల అనుకుంటున్నాం. అజయ్‌ భూపతితో చేయాల్సిన సినిమా గురించి చర్చలు జరుగుతున్నాయి. ► ఈ సినిమాతో మీకు యాక్టర్‌గా మంచి గౌరవం వస్తుందని యూనిట్‌ సభ్యులు అన్నారు. ఈ మాట ఆడియన్స్‌ కూడా అంటే చాలా సంతోషపడతాను. ‘సీత’ కథను నాన్నగారు ఓకే చేయలేదు అంటే.. ఆయన ఇంకా ఏదైనా ఎక్స్‌పెక్ట్‌ చేశారేమో. ఈ సినిమాను మా అమ్మగారికి, మా తమ్ముడికి చూపించాను. వారికి నచ్చింది. అమ్మ అయితే క్లైమాక్స్‌ సన్నివేశాలకు ఏడ్చారు. మా నాన్నగారికి మే 24న ఈ సినిమాతో గిఫ్ట్‌ ఇవ్వబోతున్నాను.

‘‘సీత’ సినిమా స్టోరీ తేజగారు నాకు ఎప్పుడో చెప్పారు. అప్పటి టైమ్‌కు సెట్‌ అవుతుందా? అనుకున్నాం. అప్పుడు నా డేట్స్‌ కూడా ఖాళీ లేవు. అలా ఆ ప్రాజెక్ట్‌ను పక్కన పెట్టాం. ‘నేనే రాజు నేనే మంత్రి’ సమయంలో ‘సీత’ సినిమా నాతోనే తీయాలి. వేరే హీరోయిన్‌తో మిమ్మల్ని చేయనివ్వనని ఆటపట్టించేదాన్ని. పెర్ఫామ్‌ చేయడానికి చాలా స్కోప్‌ ఉన్న పాత్ర ఇది. అందుకే మిస్‌ చేసుకోకూడదు అనుకున్నాను’’ అని కాజల్‌ అగర్వాల్‌ చెప్పారు. బెల్లంకొండ సాయి శ్రీనివాస్, కాజల్‌ జంటగా తేజ దర్శకత్వంలో తెరకెక్కిన చిత్రం ‘సీత’. ఏకే ఎంటర్‌టైన్‌మెంట్స్‌ బ్యానర్‌పై అనిల్‌ సుంకర నిర్మించారు. ఈ నెల 24న ఈ చిత్రం రిలీజ్‌ కానుంది. ఈ సందర్భంగా కాజల్‌ అగర్వాల్‌ మీడియాతో పలు విశేషాలు పంచుకున్నారు. ► నాకు పురాణాలంటే చాలా ఇష్టం. కానీ ఈ సినిమాకు పురాణాలకు ఎక్కువ సంబంధం లేదు. ఇదంతా ప్రస్తుత కాలంలో జరిగే కథ. సినిమాలో ఎక్కువ మానవ సంబంధాలు, లక్ష్యాల గురించి చర్చించాం. కొందరమ్మాయిలు సింపుల్‌గా పెళ్లి చేసుకుని సెటిలైతే చాలు అనుకుంటున్నారు. కొందరమ్మాయిలు ఏదైనా సాధించాలనుకుంటారు. ఇందులో నా పాత్రకు ఓ గోల్‌ ఉంటుంది. దాన్ని అందుకోవడం కోసం ప్రయత్నిస్తుంటుంది. తను చాలా స్వార్థపరురాలు. ► తేజగారు స్క్రిప్ట్‌కు తగ్గ టైటిల్‌ మాత్రమే పెడతారని మనకు తెలుసు. దీనికి అలానే పెట్టారు. నటిగా నా కెరీర్‌ స్టార్ట్‌ చేసినప్పటి నుంచి నా ప్లస్, మైనస్సులు ఆయనకు తెలుసు. ఇందులో నటిగా నన్ను ఇంకా పుష్‌ చేశారు. తేజగారంటే నాకు చాలా గౌరవం. సినిమా మీద ఆయనకున్న డ్రైవ్‌ ‘లక్ష్మీ కల్యాణం’ సమయంలో ఎలా ఉందో ఇప్పుడూ అలానే ఉంది. ఆయన నాకు లక్కీ. ► సాయిశ్రీనివాస్‌తో మంచి కెమిస్ట్రీ ఏర్పడింది. మేమిద్దరం ‘కవచం’ సినిమా చేయడం వల్ల ఈ సినిమాకు ఇంకా ప్లస్‌ అయిందనుకుంటున్నాను. నా పాత్ర కంటే కూడా తనది ఇంకా కష్టమైన పాత్ర. చాలా బాగా చేశాడు. యంగ్‌ హీరోలతో యాక్ట్‌ చేసినా డామినేట్‌ చేయను. సరదాగా టీజ్‌ చేస్తానేమో. ► ఈ సినిమాలో నా పాత్రను కొందరు రిలేట్‌ చేసుకోవచ్చు. కొందరు ఇలా ఉందేంటి? అని కూడా అనుకోవచ్చు. నా పాత్రకు నెగటివ్‌ షేడ్స్‌ ఉంటాయి. ఈ పాత్రను కొన్నిసార్లు నేనూ రిలేట్‌ చేసుకున్నా, కొన్నిసార్లు ఇది టూమచ్‌ అనుకున్నాను. ప్రతీ సీన్‌ ముందు తేజగారు కొంచెం బ్రెయిన్‌ వాష్‌ కూడా చేశారు. ఆ పాత్ర అలాంటిది. ► సీత పాత్ర చేయడానికి హోమ్‌వర్క్‌ అంటే.. తేజగారితో చాలా డిస్కషన్స్‌ చేశాను. సీత ఎలా ఉంటుంది అని నోట్స్‌ రాసుకున్నాను. చాలా పుస్తకాలు చదివాను. అలాగే ఈ సినిమాలో నా స్టంట్స్‌ నేనే చేసుకున్నాను. గాయాలు కూడా అయ్యాయి. నా వీపు అంతా ప్లాస్టర్స్‌తో నిండిపోయింది. నిటారుగా కూర్చోలేని సందర్భాలు కూడా ఉన్నాయి. ఫిజియోథెరఫీ కూడా చేయించుకోవాల్సి వచ్చింది. ► నా తోటి హీరోయిన్లు ఫీమేల్‌ ఓరియంటెడ్‌ సినిమాలు చేస్తున్నారని నేను చేయను. నాకు నచ్చాలి కదా? పక్కవారితో పోల్చి చూసుకోను. నా దగ్గరకు వచ్చిన వాటిలో బెస్ట్‌ పిక్‌ చేసుకుంటాను. ► 23న ఎన్నికల రిజల్ట్స్‌ రాబోతున్నాయి. 24న మా సినిమా రిలీజ్‌ కాబోతోంది. భవిష్యత్తులో రాజకీయాల్లోకి వస్తారా అంటే ఆ ఉద్దేశమే లేదు. ప్రస్తుతం నా ఫోకస్‌ అంతా సినిమాలపైనే ఉంది. సినిమాలు చేసే ప్రాసెస్‌ను చాలా ఎంజాయ్‌ చేస్తున్నాను. భవిష్యత్తు గురించి ఆలోచించను. ► తెలుగులో శర్వానంద్‌తో ఓ సినిమా, తమిళంలో క్వీన్‌ రీమేక్‌ ‘ప్యారిస్‌ ప్యారిస్‌’, ‘జయం’ రవితో చేసిన ‘కోమలి’ రిలీజ్‌కు రెడీ అవుతున్నాయి. ‘భారతీయుడు 2’ జూన్‌ నుంచి తిరిగి ప్రారంభం అవుతుంది. మరో ప్రాజెక్ట్‌ వివరాలు రెండు రోజుల్లో తెలియజేస్తాను.

ఇంగ్లిష్‌లో ‘రూమర్‌ మిల్‌’ అనే మాట ఉంది. అంటే.. పిడి మరలాగే రూమర్‌లకూ ఒక మర ఉంటుందని!ఆ పిండితో ఏ రొట్టే చెయ్యలేం. కానీ ఆకలి తీరుతుంది!రూమరో రామచంద్రా..అన్నంతగా ఉన్న..ఆకలి తీరుతుంది. కానీ.. రూమర్‌లు లైట్‌గా ఉండాలి. లైట్‌గా ఉంటే..మరమరాల్లా ఎంజాయ్‌ చెయ్యొచ్చు.మోతాదు మించితేనే ముంచినంత పని చేస్తాయి!  ప్రాణి పుట్టుకకు ఎక్స్‌వై క్రోమోజోములు అవసరం. ప్రాణం లేని రూమర్‌ పుట్టుకకు ‘డెవిల్స్‌ వర్క్‌షాప్‌’ ఒకటి చాలు! పనిలేని బుర్ర! అది పుట్టిస్తుంది అందమైన రూమర్లు. బాధించే రూమర్లు. కంపెనీలను లాస్‌ చేయించే రూమర్లు. కెరీర్‌ను దెబ్బదీసే రూమర్లు. మంచి రూమర్‌లు ఎక్కువ కాలం బతకవు. బతికినా వెంటనే చనిపోతాయి. చెడ్డ రూమర్లే.. ‘పాపి చిరాయువు’లా బతికేస్తుంటాయి! రూమర్‌లంటే ఎవరైనా భయపడి చచ్చేది అందుకే. సెలబ్రిటీలకైతే రూమర్‌లంటే మహా వణుకు. నోరు మెదపరు. వాళ్ల నోట్లో వేలుపెట్టి కోపం తెప్పించి, వేలు కొరికించుకుని రూమర్‌లు క్రియేట్‌ చేసేవాళ్లు కూడా ఉంటారు. అసలు నోరు, వేలు, కోపం, కొరకడం.. ఇవేవీ లేకుండానే పుట్టే రూమర్‌లూ ఉంటాయి! నానీ ‘జెర్సీ’ బాగుందని జూ‘‘ ఎన్టీఆర్‌ ఎక్కడో ఒక ట్వీటో, చిన్న మాటో వేశాడు. అక్కడో రూమర్‌ పుట్టేసింది. ‘కథానాయకుడు’ బాగుందని అనలేదు. ‘మహానాయకుడు’ బాగుందని అనలేదు. ‘జెర్సీ’ బాగుందని అన్నాడు. తాతగారి మీద తీసిన ఆ రెండు బయోపిక్కుల్లో తనకు పాత్రే లేకుండా చేసినందుకు జూ‘‘ ఎన్టీఆర్‌ అలా రివెంజ్‌ తీర్చుకున్నాడని రూమర్‌. అర్థం లేని రూమర్‌లపై ఎవరైనా ఎందుకు మాట్లాడతారు. ఎన్టీఆర్‌ కూడా మాట్లాడలేదు. లోకంలో ఎన్ని ఇండస్ట్రీలు ఉన్నా రూమర్‌లకు అనువుగా ఉండేది సినిమా ఇండస్ట్రీ ఒక్కటే. హాలీవుడ్‌లో రోజుకు లక్ష రూమర్‌లు పుట్టుకొస్తుంటాయి. బాలీవుడ్‌లో వెయ్యి రూమర్‌లు ఉసురు పోసుకుంటాయి. మన తెలుగువుడ్‌ ఇంకా అంత ‘డెవలప్‌’ కాలేదు. నయం అనుకోవాలి అంతగా డెవలప్‌ కాకపోవడం. షూటింగ్‌ స్పాట్‌ వరకైతే ఓకే. మరీ ఇళ్లలోకి వెళ్లిపోకూడదు కదా. కానీ పబ్లిక్‌ పర్సన్స్‌ ప్రైవేట్‌ లైఫ్‌ ఈజ్‌ మోర్‌ ఇంట్రెస్టింగ్‌ దేన్‌ ప్రైవేట్‌ పర్సన్స్‌ పబ్లిక్‌ లైఫ్‌. మానవ నైజం. ‘సైరా’ సెట్‌లో చిరంజీవి గెటప్‌ ఎలా ఉంటుందో అందరికీ తెలిసిందే. ఇంటికెళ్లాక పెరట్లో మొక్కలకు ట్యూబ్‌ పట్టుకుని నీళ్లు పడుతున్నప్పుడు చిరంజీవి గెటప్‌ ఎలా ఉంటుందో తెలుసుకోవడం ఇంట్రెస్టింగ్‌గా ఉంటుంది. ‘‘సరే రావయ్యా.. మొక్కలకు  నీళ్లు పడుతున్నప్పుడు ఒక ఫొటో తీసుకో’’ అని చిరంజీవి అంటారేమో. అయితే ఇండస్ట్రీలో అంత ఈజీగా ఏదీ ఉండదు. ఈజీగా లేని పరిస్థితుల్లో ఈజీగా పుట్టేవే రూమర్‌లే.  దసరాకి కాదా సైరా  ‘సైరా నరసింహారెడ్డి’ ఈ దసరాకు విడుదల కానట్లేనా! అనే రూమర్‌ ఇప్పుడు రౌండ్లు కొడుతోంది. మెగాస్టార్‌ అభిమానుల డీలా పడిపోయారు. ‘శంకర్‌ దాదా జిందాబాద్‌’ తర్వాత పదేళ్లకు ‘ఖైదీ నెం.150’గా సాక్షాత్కరించారు చిరు. మళ్లీ రెండేళ్ల గ్యాప్‌! సైరా కోసం అవురావురుమని చూస్తున్నారు. సినిమా రిలీజ్‌ అవుతుందని చూస్తుంటే రూమర్‌ రిలీజ్‌ అయింది.. దసరాకు విడుదల కావడం లేదని!! దర్శకుడు సురేందర్‌రెడ్డి. నిర్మాత రామ్‌ చరణ్‌. భారీగా తీస్తున్నారు. శరవేగంతో షూటింగ్‌ అవుతోందనీ, క్లయిమాక్స్‌కి వచ్చేశామని కూడా చెప్పారు. ఇప్పుడేమిటి దసరాకు కాదంటున్నారు? సెట్‌లో అగ్నిప్రమాదం జరిగింది కదా, అందుకే లేట్‌ అవుతోందని ఒక రూమర్‌. లేట్‌ చేయించడానికే అగ్నిప్రమాదం సృష్టించారని ఇంకో రూమర్‌. రామ్‌ చరణ్‌కి ప్రకటన ఇవ్వక తప్పలేదు. ‘‘అవును.. సైరా దసరాకు విడుదల కావడం లేదు’’ అన్నాడు. ఆ వెంటనే.. ‘‘అక్టోబర్‌ 2కి విడుదల చేస్తున్నాం’’ అన్నాడు. చిరు అభిమానులు ఆనందంతో షాక్‌లోకి వెళ్లిపోయారు. అక్టోబర్‌ 2.. ఈ ఏడాది దసరాకంటే ముందొచ్చేస్తోంది మరి! దసరా అక్టోబర్‌ 8న. ఆశించినదానికి ఆరు రోజులే ముందే అయినా ఫ్యాన్స్‌కి అదో పెద్ద పండుగ. అయితే రామ్‌ చరణ్‌ నిజంగానే అలా అన్నారా లేక అన్నారని ఒక రూమరా?! ఏమైనా ఉల్లాసం కలిగించే సంగతే. గుడ్‌ రూమర్‌. ఏమి సేస్తిరి.. ఏమి సేస్తిరి?!  చిరు ఇంట్లోనే సగానికి పైగా సినిమా ఇండస్ట్రీ ఉంది. హీరోలు, హీరోయిన్‌లు, నిర్మాతలు, పొలిటికల్‌ లీడర్స్‌ అంతా కలిపి పదిమందికి పైగా ఉన్నారు. అంత పెద్ద ఇల్లు కాబట్టి వాళ్లతో ఎప్పుడూ ఏదో ఒక రూమర్‌ సహజీవనం చేస్తుంటుంది. పవన్‌ కల్యాణ్‌ ఆ ఇంట్లోంచి బయటికి వచ్చేశాడని ఆ మధ్య ఒక రూమర్‌ వచ్చింది. ఇప్పుడు అల్లు అరవింద్‌కి, ఆయన కొడుకు అల్లు అర్జున్‌కి సినిమాలు తీసే విషయంలో మాటామాట వచ్చింది మరో రూమర్‌! రాజకీయంగా కూడా చిరంజీవి మీద, పవన్‌ కల్యాణ్‌ మీద అనేక రూమర్‌లు వచ్చాయి. అవన్నీ ఇప్పుడు అవుట్‌ డేటెడ్‌. అప్‌డేట్‌ ఏంటంటే.. పవన్‌ కల్యాణ్‌కు హీరో రాజశేఖర్‌ కౌంటర్‌ ఇచ్చాడని! ఇవ్వడం అంటే డైరెక్ట్‌గా కాదు. ఇన్‌డైరెక్ట్‌గా. ‘కల్కి’లో రాజశేఖర్‌ హీరో. గత గురువారం విడుదలైన ‘కల్కి’ టీజర్‌లో రాజశేఖర్‌ ‘ఏం సెప్తిరి, ఏం సెప్తిరి.. ఎప్పుడూ ఇలాగే సెప్తారా?’ అంటూ ‘గబ్బర్‌సింగ్‌’లో పవన్‌ని ఇమిటేట్‌ చేస్తాడు. గబ్బర్‌సింగ్‌లోని రౌడీల అంత్యాక్షరి సీన్‌లో.. రౌడీలను కమెడియన్‌లా పాడిస్తూ పవన్‌ ఎంజాయ్‌ చేస్తుంటాడు. ఒక కమెడియన్‌ లేచి, హీరో రాజశేఖర్‌ సూపర్‌ హిట్‌ సాంగ్‌ ‘రోజ్‌ రోజ్‌ రోజ్‌ రోజా పువ్వా’ అనే సాంగ్‌ని ఎత్తుకుంటాడు. రాజశేఖర్‌ని ఇమిటేట్‌ చేస్తూ సేమ్‌ అలాగే ఎక్స్‌ప్రెషన్స్‌ ఇస్తాడు. ప్రేక్షకులు నవ్వలేక చచ్చిన సీన్‌ అది. ఆ రౌడీ కమెడియన్‌.. సాంగ్‌ని పూర్తి చెయ్యగానే ‘ఏం సేస్తిరి.. ఏం సేస్తిరి. ఎప్పుడూ ఇలాగే సేస్తురా.. ఈ మధ్యనే ఇలాగే సేస్తున్నారా?’ అంటాడు. అప్పట్లో రాజశేఖర్‌కి, చిరంజీవికి మధ్య చిన్నపాటి మాటల యుద్ధం నడుస్తోంది. అది దృష్టిలో పెట్టుకుని పవన్‌ కావాలనే ఆ డైలాగులతో రాజశేఖర్‌కి కౌంటర్‌ ఇచ్చారని ఒక రూమర్‌ వచ్చింది. ఆ సీన్‌ని దృష్టిలో పెట్టుకుని ‘కల్కి’లో ఇప్పుడు రాజశేఖర్‌ పవన్‌కి కౌంటర్‌ ఇచ్చాడని రూమర్‌. ఈ రూమర్‌కి బొత్తిగా బేస్‌ లేకుండా ఏమీ లేదు. కల్కి టీజర్‌ ఎండింగ్‌లో.. సేమ్‌ అదే కమెడియన్‌ని... పోలీస్‌ గెటప్‌లో ఉన్న రాజశేఖర్‌ (గబ్బర్‌సింగ్‌లోని రౌడీ అంత్యాక్షరిలో పవన్‌దీ పోలీస్‌ గెటప్పే) కాలితో తంతాడు.. ‘ఏంట్రా ఆ ఊపుడు’ అంటూ.. నన్నే ఇమిటేట్‌ చేస్తావా అన్నట్లు. దీంతో రూమర్‌ క్రియేట్‌ అయి చక్కర్లు కొడుతోంది.. గబ్బర్‌సింగ్‌తో రాజశేఖర్‌ని పవన్‌ దెబ్బకొడితే, కల్కితో పవన్‌ని రాజశేఖర్‌ దెబ్బకు దెబ్బ కొట్టాడని.    కనిపించవేం ప్రభాస్‌  ‘సైరా’లా, అభిమానులు ఏళ్లుగా ఎదురుచూస్తున్న ఇంకో సినిమా ప్రభాస్‌ నటిస్తున్న ‘సాహో. 2017 జూన్‌లో షూటింగ్‌ మొదలైంది. ఇప్పటికింకా షూటింగ్‌ నడుస్తూనే ఉంది. సినిమా మాట తర్వాత సంగతి విడిగానైనా ప్రభాస్‌ని చూద్దామంటే ఆయనెక్కడా కనిపించడం లేదు. ఎలా ఉన్నాడో, ఏం తింటున్నాడో అని బెంగ పెట్టేసుకున్నారు ఫాన్స్‌. సాహో డైరక్టర్‌ సుజీత్‌ని తిట్టుకుంటున్నారు కూడా. అంత లావున ఏం తీస్తున్నాడో అని. అప్పుడప్పుడు ప్రభాస్‌ని కూడా! డార్లింగ్‌ అనీ, మిస్టర్‌ పర్‌ఫెక్ట్‌ అనీ హాయిగా ఏడాదికి రెండు సినిమాల్లో కనిపించక ఎందుకీ భారీ ప్రాజెక్టులు అని వారి ఆవేదన. ప్రభాస్‌ కెరీర్‌ గురించి కూడా అభిమానులు ఆందోళన చెందుతున్నారు. బాహుబలి, సాహో.. ఇలా ఒక్కో సినిమాను ఏళ్ల తరబడి తీసుకుంటూ పోతుంటే ప్రభాస్‌ బాడీ ఏమౌతుంది? ఆ తర్వాత కెరీర్‌ ఏమవుతుంది? కెరీర్‌ని పనిగట్టుకునేం నిర్మించుకోనవసరం లేదు. ప్రభాస్‌కి క్రేజ్‌ ఉంది. నిర్మాతలు వచ్చేస్తారు. పాత్రల కోసం బాడీని ఫ్లక్చువేట్‌ చేసుకుంటూ పోతుంటే.. ఫిట్‌నెస్‌ దెబ్బతిన్నాక ఏ నిర్మాత దగ్గరికొస్తాడు? ఇవన్నీ రూమర్‌లు కాదు. చింతాక్రాంతులైన అభిమానుల సందేహాలు. మరి రూమర్‌ ఏమిటి? సాహూలో ఇప్పటికే చిత్రీకరించిన కొన్ని సన్నివేశాలపై ప్రభాస్‌ తీవ్ర అసంతృప్తితో ఉన్నారట! చిత్రాన్ని యూవీ క్రియేషన్స్‌ సంస్థ 300 కోట్ల రూపాయల భారీ బడ్జెట్‌తో నిర్మిస్తోంది. ఆ లెవల్‌లో అంటే.. ప్రేక్షకుల అంచనాలు అంతకుమించిన లెవల్‌లోనే ఉంటాయి. అయితే దర్శకుడు సుజి  తెరకెక్కించిన కొన్ని కీలకమైన సీన్స్‌ ప్రేక్షకుల అంచనాలను అందుకోలేనంత వీక్‌గా ఉన్నాయని, వాటిని మళ్లీ రీషూట్‌ చేయాలని దర్శకుడిని అడిగితే అతడి ఇగో హర్ట్‌ అయిందని రూమర్స్‌ వస్తున్నాయి. రీషూట్‌ కోసం ప్రభాస్‌ అడగడం నిజమైతే ఉండొచ్చు కానీ, దర్శకుడి ఇగో హర్ట్‌ అవడం మనవాళ్లు కల్పించిన రూమర్‌ అయి ఉండడానికి ఎక్కువ చాన్సెస్‌ ఉన్నాయి. సుజీత్‌ నిన్నమొన్నటి కుర్రాడు. ఇరవై మూడేళ్ల వయసులో ‘రన్‌ రాజా రన్‌’ తో దర్శకుడిగా ఇండస్ట్రీలోకి వచ్చాడు. హిట్‌ కొట్టాడు. తర్వాత మూడేళ్లకు సాహో మొదలు పెట్టాడు. రెండు సినిమాలకే మనిషి ఎదగవచ్చేమో కానీ, మనిషిలోని ఇగో సాధారణంగా ఎదగదు. ముందనుకున్న డేట్‌ ప్రకారం ఆగస్టు 15న సాహో విడుదల కావాలి. అయితే రీషూట్‌ల కారణంగా ఆ తేదీకి విడుదల కాకపోవచ్చని ఒక రూమర్‌. నిప్పు లేకుండా పొగ రాదని అంటారు. కానీ నిప్పు లేకుండానే పొగ తెప్పించేస్తుంది రూమర్‌. ఎంటర్‌టైన్‌మెంట్‌ ఇండస్త్రీలో రూమర్‌లు సాధారణమే. అయితే అవి వ్యక్తిగతాల్లోకి వెళ్లి మనసుల్ని పాడు చేసేంతగా ఉండకూడదు. ఇమేజ్‌ని దెబ్బతీయకూడదు. భవిష్యత్తును నాశనం చేయకూడదు. సినిమా రిలీజ్‌ అయ్యేలోపు రూమర్‌ ఒక టీజర్‌లా ఉండాలి తప్ప, ఎవర్నీ టీజ్‌ చేసేలా ఉండకూడదు.   ఎప్పుడు పిలిస్తే అప్పుడు... ఈ మధ్య డైరెక్టర్‌ తేజ మీద కూడా కొన్ని రూమర్‌లు వచ్చాయి. ఈ మధ్యే అనేం ఉంది. తేజ నిక్కచ్చిగా మాట్లాడతాడు. దానిని అర్థం చేసుకోలేనివాళ్లు రూమర్స్‌ క్రియేట్‌ చేస్తారు. కావాలని చెయ్యరు. వాళ్లన్నవి, అనుకున్నవి రూమర్స్‌ అయిపోతాయి. చెప్పినట్లు చెయ్యకపోతే తేజ హీరోయిన్‌లపై చెయ్యి చేసుకుంటాడని ఎప్పటి నుంచో ఉన్న రూమర్‌. ఈ మధ్య ఒక న్యూస్‌ చానెల్‌కు తేజ ఇంటర్వ్యూ ఇచ్చినప్పుడు.. ఇలాంటి రూమర్‌లను నవ్వుతూ కొట్టిపడేశారు. ఆ ఇంటర్వ్యూలోనే తేజ.. ‘నేనెప్పుడు పిలిస్తే అప్పుడు కాజల్‌ వచ్చేస్తుంది.. వెంటపడి మరీ’ అన్నాడు. ఇక రూమర్‌లు మొదలయ్యాయి. ఆయన అన్న సందర్భం వేరు. తేజ ‘సీత’ అనే సినిమా డైరెక్ట్‌ చేస్తున్నాడు. మే 24న విడుదల అవుతోంది. ఆ సినిమా కథ చెప్పడం కోసం కాజల్‌తో కూర్చుంటే.. ఆ పాత్రకు తను బాగా కనెక్టయి.. ఎప్పుడు డిస్కషన్స్‌కి కూర్చుందాం అన్నా వెంట పడి వచ్చేస్తుంది అనే అర్థంలో తేజ ఆ మాట అన్నారు. ముందు వెనకల్ని వదిలేసి ‘ఎప్పుడు పిలిస్తే అప్పుడు’ అనే ముక్కను పట్టుకోవడంతో అది రూమర్‌ అయింది. మహిళలకు తేజ రెస్పెక్ట్‌ ఇస్తారు. అతడి సినిమాల్లోని మహిళల పాత్రలూ ఇండివిడ్యువాలిటీతో ఉంటాయి. సీతనే తీసుకుందాం. అందులో కాజల్‌ డామినేటెడ్‌ రోల్‌లో డిఫరెంట్‌గా కనిపించబోతోంది. సీత అంటే మనకో సంప్రదాయ భావన ఉంటుంది కదా. దానికి భిన్నంగా ఉంటుంది కాజల్‌. అలాగని సంప్రదాయ విరుద్ధంగా ఏమీ ఉండదు. టీవీ ఇంటర్వ్యూలో కాజల్‌ గురించి తేజ మరో మాట కూడా చెప్పారు. ఇండస్ట్రీలో.. ఎవరు సక్సెస్‌లో ఉంటే వారి వెనుక పడి వస్తారు. కాజల్‌ అలాక్కాదు. తనకు సక్సెస్‌లు, ఫెయిల్యూర్స్‌తో నిమిత్తం లేదు. కథ నచ్చితే వెంటపడి చేస్తుంది అని అన్నారు. తేజ స్ట్రయిట్‌ ఫార్వార్డ్‌. అనవసరంగా ఒకర్ని పొగడరు. తిట్టాల్సి వస్తే తిట్టకుండా వదలరు. ఈ ముక్కుసూటి ధోరణి కారణంగా రూమర్స్‌కి ఆయనో నాణ్యమైన ముడిసరుకు అవుతున్నారు ఎప్పటికప్పుడు.

‘‘నా మ్యూజిక్‌ గురించి పాజిటివ్‌ రివ్యూస్‌ను తీసుకున్నప్పుడు నెగటివ్‌ రివ్యూస్‌ను కూడా తీసుకోవాలి. కెరీర్‌లో 50కి పైగా సినిమాలు చేశాను. తెలిసో తెలియకో కొన్ని ట్యూన్స్‌ రిపీటై ఉండొచ్చు. అది ఒకేసారి ఆరుకి పైగా ప్రాజెక్ట్స్‌ను డీల్‌ చేస్తున్నప్పుడు కలిగిన ఓవర్‌ స్ట్రెస్‌ వల్ల కావొచ్చు. కావాలని ఎవరూ ట్యూన్స్‌ను రిపీట్‌ చేయరు’’ అని సంగీత దర్శకుడు అనూప్‌ రూబెన్స్‌ అన్నారు. బెల్లంకొండ సాయి శ్రీనివాస్, కాజల్‌ అగర్వాల్‌ హీరోహీరోయిన్లుగా తేజ దర్శకత్వంలో రూపొందిన చిత్రం ‘సీత’. ఏ టీవీ సమర్పణలో రామబ్రహ్మం సుంకర నిర్మించారు. అజయ్‌ సుంకర, అభిషేక్‌ అగర్వాల్‌ సహ–నిర్మాతలు. ఈ సినిమా ఈ నెల 24న విడుదల కానుంది. ఈ సందర్భంగా చిత్రసంగీతదర్శకుడు అనూప్‌ రూబెన్స్‌ చెప్పిన విశేషాలు. ► నా కెరీర్‌లో ‘సీత’ 54వ చిత్రం. ఇందులో ఐదు పాటలు, ఒక బిట్‌సాంగ్‌ ఉన్నాయి. ఒక్క కమర్షియల్‌ సాంగ్‌ తప్ప మిగతా అన్నీ సందర్భానుసారంగానే వస్తాయి. ఇప్పటికే రిలీజ్‌ చేసిన ‘బుల్‌రెడ్డి’, ‘నిజమేనా’ పాటలకు మంచి స్పందన లభిస్తోంది. త్వరలోనే అన్ని పాటలను విడుదల చేస్తాం. ఈ సినిమాకు ఆర్‌ఆర్‌ (రీ రికార్డింగ్‌) చేయడం చాలెంజింగ్‌గా అనిపించింది. సినిమా చూసినవారు ఆర్‌ఆర్‌ బాగుందని అంటున్నారు. ► దర్శకులు తేజగారితో ఇంతకుముందు జై, ధైర్యం సినిమాలకు వర్క్‌ చేశాను. ఇప్పుడు ఆయన బ్యాక్‌ టు బ్యాక్‌ ‘నేనే రాజు నేనే మంత్రి, సీత’ చిత్రాలకు వర్క్‌ చేయడం హ్యాపీ. ఆయనతో వర్కింగ్‌ ఎక్స్‌పీరియన్స్‌ గురించి భిన్నాభిప్రాయాలు వినిపించి ఉండొచ్చు. కానీ తేజగారితో వర్క్‌ చేయడం నాకు ఫుల్‌ కంఫర్ట్‌గా ఉంటుంది. ► లవ్, యాక్షన్, ఎంటర్‌టైన్‌మెంట్, ఎమోషన్స్‌ ఇలా అన్నీ ఉన్న చిత్రం ఇది. ఇలాంటి సినిమాను నేను ఇంతవరకు చూడలేదు. హీరో హీరోయిన్లు సాయి, కాజల్‌లతో పాటు విలన్‌ పాత్రలు చాలా కొత్తగా ఉంటాయి. యాక్టింగ్‌కు స్కోప్‌ ఉన్న పాత్ర కావడంతో బెల్లంకొండ సాయి శ్రీనివాస్‌ బాగా పెర్ఫార్మ్‌ చేశాడు. ► అనుకున్నవి జరగకపోవడంతో నా కెరీర్‌లో చిన్న గ్యాప్‌ వచ్చింది. ఒక విధంగా ఈ గ్యాప్‌ నాకు మేలే చేసింది. గత మూడేళ్లలో నాన్‌స్టాప్‌గా వర్క్‌ చేశాను. సో... ఈ గ్యాప్‌ టైమ్‌లో కాస్త రిలాక్స్‌ అయ్యాను. కొన్ని కొత్త విషయాలు నేర్చుకున్నాను. ఇటీవల కన్నడ ‘సీతారామకల్యాణ’ చిత్రానికి సంగీతం అందించాను. అలాగే కన్నడ హీరో గణేశ్‌ సినిమాకు వర్క్‌ చేస్తున్నాను. తెలుగులో కార్తికేయ హీరోగా తెరకెక్కుతోన్న ఓ సినిమాకు సంగీత దర్శకుడిగా చేస్తున్నాను.

ఆమె పేరు సీత. డబ్బుకు చాలా విలువ ఇస్తుంది. అందుకే పర్మినెంట్‌ ఆస్తి కోసం ఓ టెంపరరీ పెళ్లి చేసుకోవడానికి రెడీ అవుతుంది. ఇంతలో అనుకోని మలుపు ఎదురవుతుంది? అది ఏంటన్నది తెలియాలంటే ఈ నెల 24 వరకూ వేచి చూడాల్సిందే. బెల్లకొండ శ్రీనివాస్, కాజల్‌ అగర్వాల్‌ జంటగా తేజ దర్శకత్వంలో తెరకెక్కిన చిత్రం ‘సీత’. ఏ టీవీ సమర్పణలో రామబ్రహ్మం సుంకర నిర్మించిన ఈ సినిమా ఈ నెల 24న విడుదల కానుంది. ఈ సందర్భంగా ఈ సినిమా ట్రైలర్‌ను విడుదల చేశారు.  సోనూ సూద్, మన్నారా చోప్రా కీలక పాత్రలు చేసిన ఈ చిత్రంలో ‘ఆర్‌ఎక్స్‌ 100’ ఫేమ్‌ పాయల్‌ రాజ్‌పుత్‌ స్పెషల్‌సాంగ్‌ చేశారు. ఈ చిత్రానికి సహ నిర్మాతలు: అజయ్‌ సుంకర, అభిషేక్‌ అగర్వాల్, సంగీతం: అనూప్‌ రూబెన్స్, ఎగ్జిక్యూటివ్‌ ప్రొడ్యూసర్‌: కిషోర్‌ గరికపాటి.

వరుసగా మాస్‌ సినిమాలు చేస్తూ సక్సెస్‌ కోసం పోరాడుతున్న యంగ్ హీరో బెల్లంకొండ సాయి శ్రీనివాస్‌. ఇన్నాళ్లు మాస్‌ ఇమేజ్‌ కోసం ప్రయత్నించినా పెద్దగా వర్క్‌ అవుట్ కాకపోవటంతో ఇప్పుడు రూట్ మార్చి ఓ లేడి ఓరియంటెడ్‌ సినిమా చేశాడు. నేనే రాజు నేనే మంత్రి సినిమాతో తిరిగి ఫాంలోకి వచ్చిన తేజ దర్శకత్వంలో సీత సినిమాలో నటిస్తున్నాడు‌. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమాలో టైటిల్‌ రోల్‌లో  కాజల్‌ అగర్వాల్‌ నటిస్తున్నారు. ఇప్పటికే పలుమార్లు వాయిదా పడిన ఈ సినిమాను మే 24న రిలీజ్ చేస్తున్నట్టుగా ప్రకటించారు చిత్రయూనిట్. ఇప్పటికే టీజర్‌తో ఆకట్టుకున్న చిత్రయూనిట్ తాజాగా ట్రైలర్‌ను రిలీజ్‌ చేశారు. సినిమాలో కీలక పాత్రలను పరిచయం చేస్తూ రూపొందించిన ఈ ట్రైలర్‌ సినిమా మీద అంచనాలు పెంచేస్తోంది. ఇన్నాళ్లు సీరియస్‌ యాక్షన్‌ రోల్స్‌ లో కనిపించిన శ్రీనివాస్‌ ఈ సినిమా కామెడీ టచ్‌ ఉన్న పాత్రలో నటించాడు. అయితే తన మార్క్‌ యాక్షన్ మాత్రం మిస్‌ అవ్వకుండా జాగ్రత్తగా పడినట్టుగా తెలుస్తోంది. ఏకే ఎంటర్‌టైన్మెంట్స్‌ బ్యానర్‌పై తెరకెక్కుతున్న ఈ సినిమాకు అనూప్‌ రుబెన్స్‌ సంగీతమందిస్తున్నాడు.

పురాణాల్లో సీత కథ అందరికీ తెలుసు. మరి ఈ సీత కథ ఏంటి? తెలియాలంటే మా ‘సీత’ విడుదల వరకూ ఆగాల్సిందే అంటున్నారు ‘సీత’ చిత్రబృందం. బెల్లంకొండ సాయిశ్రీనివాస్, కాజల్‌ అగర్వాల్‌ జంటగా తేజ దర్శకత్వంలో తెరకెక్కిన చిత్రం ‘సీత’. ఏకే ఎంటర్‌టైన్‌మెంట్స్‌ బ్యానర్‌పై అనిల్‌ సుంకర నిర్మించిన ఈ సినిమాను ఈనెల 24న రిలీజ్‌ చేస్తున్నట్లు ప్రకటించారు. ‘‘కవచం’ తర్వాత సాయిశ్రీనివాస్, కాజల్‌ జంటగా నటించిన చిత్రమిది. సాయి శ్రీనివాస్‌ సరికొత్త పాత్రలో కనిపిస్తారు. ఈ సినిమాలో సోనూసూద్‌ నెగటివ్‌ రోల్‌ పోషించారు. పాయల్‌ రాజ్‌పుత్‌ స్పెషల్‌ సాంగ్‌ చేశారు’’ అని చిత్రబృందం పేర్కొంది. ఈ చిత్రానికి ఎగ్జిక్యూటివ్‌ ప్రొడ్యూసర్‌: కిషోర్‌ గరికపాటి, సహ నిర్మాతలు: అజయ్‌ సుంకర, అభిషేక్‌ అగర్వాల్‌.

‘కవచం’ సినిమాతో రీసెంట్‌గా పలకరించిన బెల్లంకొండ శ్రీనివాస్‌కు ఆశించిన విజయం దక్కలేదు. కెరీర్‌ స్టార్టింగ్‌ నుంచీ సరైన సక్సెస్‌ కోసం ఎదురుచూస్తున్న ఈ యువహీరో వరుస సినిమాలతో బిజీగా ఉన్నాడు.  ఈ హీరో మరోసారి కాజల్‌ అగర్వాల్‌తో కలిసి తెరపై సందడి చేసేందుకు రెడీ అయ్యాడు. వీరి కాంబినేషన్‌లో రాబోతోన్న మరో చిత్రం ‘సీత’ రిలీజ్‌ డేట్‌ ఖరారైంది. ఈపాటికే విడుదల కావల్సిన ఈ చిత్రాన్ని సరైన సమయం కోసం చూసి వేసవి చివర్లో విడుదల చేసేందుకు సిద్దమయ్యారు మేకర్స్‌. మే 24న ఈ చిత్రాన్ని విడుదల చేయనున్నట్లు నిర్మాతలు ప్రకటించారు. సోనూసూద్‌ విలన్‌గా నటిస్తున్న ఈ చిత్రంలో పాయల్‌ రాజ్‌పుత్‌ ఓ ప్రత్యేక గీతంలో నటించింది. ఎ.కె.ఎంట‌ర్‌టైన్‌మెంట్ బ్యాన‌ర్‌పై రామ‌బ్ర‌హ్మం సుంక‌ర ఈ చిత్రాన్ని నిర్మించంగా డైరెక్టర్‌ తేజ తెరకెక్కిస్తున్నారు. ఈ సినిమాకు అనూప్ రూబెన్స్ సంగీతాన్ని అందిస్తున్నారు.

యంగ్ హీరో బెల్లంకొండ సాయి శ్రీనివాస్‌ హీరోగా కాజల్‌, మెహరీన్‌ హీరోయిన్లుగా తెరకెక్కిన థ్రిల్లర్ మూవీ కవచం. సాయి శ్రీనివాస్ పోలీస్‌ ఆఫీసర్‌గా నటించిన ఈ సినిమాకు శ్రీనివాస్‌ మామిల్ల దర్శకుడు. తెలుగు ప్రేక్షకులను పెద్దగా ఆకట్టుకోలేకపోయిన ఆ సినిమా ఆన్‌లైన్‌ మాత్రం సత్తా చాటుతోంది. సోమవారం ఈ సినిమా హిందీ డబ్బింగ్ వర్షన్‌ యూట్యూబ్‌లో రిలీజ్‌ అయ్యింది. ఇన్స్‌పెక్టర్ విజయ్‌ పేరుతో రిలీజ్‌ అయిన ఈ సినిమాను 24 గంటల్లోనే కోటీ 60 లక్షల మందికిపైగా వీక్షించారు. మాస్‌ యాక్షన్ సినిమా కావటంతో పాటు బాలీవుడ్ నటుడు నీల్‌ నితిన్‌ ముఖేష్‌ విలన్‌గా నటించటంతో బాలీవుడ్‌ ప్రేక్షకులు కవచం డబ్బింగ్‌ వర్షన్‌పై ఇంట్రస్ట్‌ చూపిస్తున్నారు.

యంగ్ హీరో బెల్లంకొండ సాయి శ్రీనివాస్‌ హీరోగా తెరకెక్కుతున్న తాజా చిత్రం సీత. ఇటీవల వరుస ఫ్లాప్‌లతో ఇబ్బందుల్లో ఉన్న సాయి శ్రీనివాస్‌, ఈ సినిమా మీద చాలా ఆశలు పెట్టుకున్నాడు. కెరీర్‌ స్టార్టింగ్‌ నుంచి భారీ చిత్రాలు చేస్తూ వస్తున్న ఈ యువ కథానాయకుడు కమర్షియల్ సక్సెస్‌లు మాత్రం సాధించలేకపోతున్నాడు. ఇటీవల కవచం సినిమాతో ప్రేక్షకుల ముందుకు వచ్చిన బెల్లంకొండ తరువాత తేజ దర్శకత్వంలో సీత సినిమాను ప్రారంభించాడు. గత ఏడాది జూలైలోనే తేజ దర్శకత్వంలో సినిమాను ప్రారంభించాడు సాయి శ్రీనివాస్‌. ఈ సినిమా సెట్స్‌ మీద ఉండగానే కవచం సినిమాను తెరకెక్కించి రిలీజ్ కూడా చేశారు. అయితే ఆ సినిమా ఆడియన్స్‌ను మెప్పించలేకపోయింది. దీంతో సీత విషయంలో మరిన్ని జాగ్రత్తలు తీసుకుంటున్నారు. ముందుగా అన్ని కార్యక్రమాలు పూర్తి చేసి ఏప్రిల్‌ 25న సినిమాను రిలీజ్ చేసేందుకు ప్లాన్‌ చేశారు. కానీ తాజా సమాచారం ప్రకారం ఈ సినిమా మే నెలాఖరుకు వాయిదా పడిందన్న టాక్‌ వినిపిస్తోంది. మే 1 నుంచి వరుస రిలీజ్‌లు ఉండటంతో మే 24 న సీత సినిమాను రిలీజ్‌ చేసేందుకు ప్లాన్ చేస్తున్నారట. మరి ఆ డేట్‌కి అయిన వస్తుందో లేదో చూడాలి. సాయి శ్రీనివాస్‌కు జోడిగా కాజల్ అగర్వాల్ నటిస్తున్న ఈ సినిమా ఏకే ఎంటర్‌టైన్మెంట్స్‌ బ్యానర్‌పై రూపొందుతోంది. అనూప్‌ రుబెన్స్‌ సంగీతమందిస్తున్నారు.

డిఫరెంట్‌ సబ్జెక్ట్‌లను ఎంపిక చేసుకుంటూ సినిమాలు చేస్తున్నారు యంగ్‌ హీరో బెల్లంకొండ సాయిశ్రీనివాస్‌. లేటెస్ట్‌గా తమిళ చిత్రం ‘రాక్షసన్‌’ తెలుగు రీమేక్‌ ‘రాక్షసుడు’లో నటిస్తున్నారు. శనివారం ఈ చిత్రం ఫస్ట్‌ లుక్‌ను రిలీజ్‌ చేశారు. బెల్లంకొండ సాయి శ్రీనివాస్, అనుపమా పరమేశ్వరన్‌ జంటగా రమేష్‌ వర్మ పెన్మత్స ఈ చిత్రాన్ని తెరకెక్కిస్తున్నారు. ఎ హవీష్‌ లక్ష్మణ్‌ కోనేరు నిర్మిస్తున్నారు. ‘‘ఇదో క్రైమ్‌ ఇన్వెస్టిగేటివ్‌ థ్రిల్లర్‌. కాంప్రమైజ్‌ కాకుండా నిర్మిస్తున్నాం. సంగీత దర్శకుడు దేవిశ్రీ ప్రసాద్‌ తమ్ముడు సాగర్‌ రచయితగా పరిచయం అవుతున్నారు. 60 శాతం చిత్రీకరణ పూర్తయింది. ఈద్‌కు రిలీజ్‌ ప్లాన్‌ చేస్తున్నాం’’ అన్నారు నిర్మాత హవీష్‌. ఈ చిత్రానికి కెమెరా: వెంకట్‌ సి. దిలీప్, సంగీతం: జిబ్రాన్‌.

‘కవచం’ సినిమాతో రీసెంట్‌గా పలకరించిన యువ హీరో బెల్లంకొండ సాయి శ్రీనివాస్‌.. చిత్ర ఫలితాలతో సంబంధం లేకుండా వరుసగా ప్రాజెక్ట్‌లను పట్టాలెక్కిస్తున్నాడు. తాజాగా మరో చిత్రం నుంచి ఫస్ట్‌లుక్‌ ను విడుదల చేశారు.  తమిళ హిట్‌ మూవీ రాక్షసన్‌ను తెలుగులో రాక్షసుడుగా బెల్లంకొండ హీరో రీమేక్‌ చేస్తోన్న సంగతి తెలిసిందే. ఉగాది కానుకగా.. ఈ మూవీ నుంచి ఫస్ట్‌ లుక్‌ను విడుదల చేశారు. సైకో థ్రిల్లర్‌నేపథ్యంలో తెరకెక్కిన ఈ చిత్రం తమిళనాట సంచలన విజయాన్ని నమోదు చేసింది. ఈ చిత్రాన్ని తెలుగులో వీర, రైడ్‌ ఫేమ్‌ రమేష్‌ వర్మ తెరకెక్కిస్తున్నారు. ఈ మూవీలో అనుపమా పరమేశ్వరణ్‌ హీరోయిన్‌గా నటిస్తోంది. డైరెక్టర్‌ తేజ కాంబినేషన్‌లో రాబోతోన్న ‘సీత’ చిత్రం విడుదలకు సిద్దంగా ఉంది. తాజాగా రిలీజ్‌ చేసిన ‘సీత’ మూవీ టీజర్‌కు మంచి స్పందన వచ్చింది. Here comes the first look poster of #Rakshasudu an interesting and unique psycho thriller on the way !!@anupamahere #kaushik#RakshasuduFirstLook#HappyUgadi #eid2019 release 😃 pic.twitter.com/H3HG6jMSWr — Sai bellamkonda (@BSaiSreenivas) April 6, 2019

సినిమా ఫలితాలతో సంబంధం లేకుండా.. వరుసగా చిత్రాలను చేస్తూ ఉన్నాడు యువహీరో బెల్లంకొండ సాయి శ్రీనివాస్‌. తాజాగా కవచం సినిమాతో ఆడియన్స్‌ను పలకరించిన ఈ హీరో.. సీత చిత్రంలో త్వరలోనే మళ్లీ ప్రేక్షకుల ముందుకు రాబోతోన్నాడు. ఈ హీరో ఓ రీమేక్‌ చిత్రంలో కూడా నటించనున్నాడన్న సంగతి తెలిసిందే. కోలీవుడ్‌ హిట్‌ మూవీ రాక్షసన్‌ను.. తెలుగులో రాక్షసుడుగా తెరకెక్కిస్తున్నాడు. ఈ మూవీ షూటింగ్‌ కూడా శరవేగంగా జరుపుకుంటున్నట్లు తెలుస్తోంది. ఈ సినిమాకు సంబంధించిన ఫస్ట్‌ లుక్‌ను రేపు విడుదల చేయనున్నట్లు.. ఓ పోస్టర్‌ను విడుదల చేసింది చిత్రయూనిట్‌. ఈ పోస్టర్‌కు మంచి స్పందన వస్తోంది. సైకో కిల్లర్‌ నేపథ్యంలో తెరకెక్కుతున్న ఈ మూవీలో అనుపమా పరమేశ్వరణ్‌ హీరోయిన్‌గా నటిస్తోంది. రైడ్‌, వీర ఫేమ్‌ రమేష్‌ వర్మ ఈ చిత్రానికి దర్శకత్వం వహిస్తున్నాడు. Here is the Pre-Look of Bellamkonda Sai Sreenivas & Anupama Parameswaran’s #Rakshasudu. First look will be out tomorrow at 11am. Directed by Ramesh Varma Penmetsa. Produced by Satyanarayana Koneru. A Havish Lakshman Koneru Production.@BSaiSreenivas @anupamahere pic.twitter.com/Bcq7seNwOo — ABHISHEK PICTURES (@AbhishekPicture) 5 April 2019

‘మళ్లీ మళ్లీ ఇది రాని రోజు.. మల్లి జాజి అల్లుకున్న రోజు, జాబిలంటి ఈ చిన్నదాన్ని.. చూడకుంటే నాకు వెన్నెలేది...’ పాట వినగానే చిరంజీవి నటించిన ‘రాక్షసుడు’ సినిమా గుర్తుకురాకమానదు. రాధ, సుహాసిని హీరోయిన్లుగా ఎ.కోదండరామిరెడ్డి దర్శకత్వంలో తెరకెక్కిన ‘రాక్షసుడు’ సినిమా 1986లో విడుదలై మంచి విజయం అందుకుంది. ఇప్పుడు ఈ ప్రస్తావన ఎందుకంటే.. బెల్లంకొండ సాయి శ్రీనివాస్‌ నటిస్తున్న తాజా చిత్రానికి ‘రాక్షసుడు’ అనే టైటిల్‌ని ఖరారు చేశారు. ‘రైడ్, వీర’ చిత్రాల ఫేమ్‌ రమేష్‌ వర్మ దర్శకత్వం వహిస్తున్న ఈ సినిమా తమిళంలో బ్లాక్‌ బస్టర్‌ అయిన ‘రాచ్చసన్‌’ చిత్రానికి రీమేక్‌గా తెరకెక్కుతోంది. హవీష్‌ లక్ష్మణ్‌ ప్రొడక్షన్‌లో ఏ స్టూడియోస్‌ పతాకంపై కోనేరు సత్యనారాయణ నిర్మిస్తున్న ఈ సినిమా ఇప్పటికే 60 శాతం షూటింగ్‌ పూర్తి చేసుకుంది. జూన్‌లో సినిమా విడుదల చేయనున్నారు. ఈ చిత్రానికి సంగీతం: జిబ్రాన్‌.

కోలీవుడ్ లో సూపర్‌ హిట్ అయిన థ్రిల్లర్‌ మూవీ రాక్షసన్‌. విష్ణు విశాల్‌, అమలాపాల్‌ ప్రధాన పాత్రల్లో తెరకెక్కిన ఈ సినిమాను తెలుగులో రీమేక్‌చేసే ఆలోచనలో ఉన్నాడు బెల్లంకొండ సాయి శ్రీనివాస్‌. ఈ సినిమాకు రైడ్‌, వీర చిత్రాల ఫేం రమేష్‌ వర్మ దర్శకత్వం వహించనున్నాడు.ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈ సినిమాకు ‘రాక్షసుడు’ అనే టైటిల్‌ను పరిశీలిస్తున్నారట. కథా కథనాల పరంగా ఈ టైటిల్‌ పర్ఫెక్ట్ అన్న ఆలోచనలో ఉన్నట్టుగా తెలుస్తోంది. పూర్తి వివరాలు త్వరలోవెల్లడించనున్నారు. మీడియం రేంజ్‌ సినిమాలతో ఆకట్టుకుంటున్న యంగ్ హీరో బెల్లంకొండ సాయి శ్రీనివాస్‌ వరుస సినిమాలతో బిజీ అవుతున్నాడు. ప్రస్తుతం తేజ దర్శకత్వంలో సీత సినిమాలో నటిస్తున్న బెల్లంకొండ, ఆర్‌ఎక్స్‌ 100 ఫేం అజయ్‌ భూపతి దర్శకత్వంలో సినిమా చేసేందుకు ఓకె చెప్పాడు. ఈ సినిమాతో పాటే రాక్షసన్‌ రీమేక్‌లో నటించేందుకు బెల్లంకొండ ఓకే చెప్పాడు. తేజ దర్శకత్వంలో తెరకెక్కిన సీత సినిమా  పనులు చివరి దశకు చేరుకున్నాయి. ఇప్పటికే ప్రమోషన్‌ కార్యక్రమాలు ప్రారంభించిన చిత్రయూనిట్ ఈ నెలలోనే సినిమాను రిలీజ్‌ చేసేందుకు ప్లాన్‌ చేస్తున్నారు.

మాస్‌ సినిమాల హీరోగా గుర్తింపు తెచ్చుకున్న బెల్లంకొండ సాయి శ్రీనివాస్ హీరోగా తెరకెక్కుతున్న తాజా చిత్రం సీత. కాజల్‌ అగర్వాల్ హీరోగా నటిస్తున్న ఈ సినిమాకు తేజ దర్శకుడు. ప్రస్తుతం నిర్మాణ దశలో ఉన్న ఈ సినిమాను ఏకే ఎంటర్‌టైన్మెంట్స్ బ్యానర్‌పై సుంకర రామబ్రహ్మం నిర్మిస్తున్నారు. చాలా కాలంగా షూటింగ్ జరుపుకుంటున్న ఈ  సినిమాను త్వరలో రిలీజ్ చేసేందుకు ప్లాన్ చేస్తున్నారు చిత్రయూనిట్. ఇటీవల టీజర్‌ రిలీజ్ చేసిన సీత యూనిట్ తాజాగా సినిమాలోని మాస్ సాంగ్‌ను విడుదల చేశారు. ఆర్‌ఎక్స్‌ 100 ఫేం పాయల్ రాజ్‌పుత్‌పై చిత్రీకరించిన స్సెషల్‌ సాంగ్‌ను బుధవారం రిలీజ్ చేశారు. అనూప్‌ రుబెన్స్‌ సంగీత సారధ్యంలో ఉమ నేహ, తేజ సంతోష్‌, అమిటోలు ఆలపించిన ఈ పాటకు సురేంద్ర కృష్ణ సాహిత్యమందించారు. ప్రస్తుతం చిత్రీకరణ దశలో ఉన్న ఈ సినిమాను ఏప్రిల్‌లోనే రిలీజ్ చేసేందుకు ప్లాన్‌ చేస్తున్నారు చిత్రయూనిట్‌.

బంజారాహిల్స్‌లో ఉన్న స్థలాన్ని ఖాళీ చేయించినందుకు... అనే డైలాగ్‌తో ప్రారంభమవుతుంది ‘సీత’ సినిమా టీజర్‌. నువ్వు నాలా ఉన్న మగాడికి హెల్ప్‌ చెయ్‌ పెళ్లి చేసుకుని(సోనూసూద్‌)... ఈ పెళ్లి, పర్మనెంట్‌ అటాచ్‌మెంట్స్‌ నాకు వర్కవుట్‌ అవ్వదు(కాజల్‌), నువ్వు మట్టికొట్టుకుపోతావే.. నువ్వు సీతవికాదే సూర్పణఖవి, ఇంత కంత్రీ పిల్లకి ఆపేరు పెట్టారేమిటా అనుకున్నాను.. పక్కనే శ్రీరాముడు ఉన్నాడన్న సంగతి అర్థం కాలేదు నాకు(తనికెళ్ల భరణి), హలో సార్‌.. నా పేరు రఘురామ్‌.. సీతని నేను చూసుకోవాలి, సీత నన్నుచూసుకోవాలని మావయ్య చెప్పారు(సాయి శ్రీనివాస్‌)... వంటి డైలాగులు సినిమాపై ఆసక్తి రేకెత్తిస్తున్నాయి. బెల్లంకొండ శ్రీనివాస్‌ హీరోగా తేజ దర్శకత్వంలో తెరకెక్కుతోన్న చిత్రం ‘సీత’. కాజల్‌ అగర్వాల్, మన్నారా చోప్రా హీరోయిన్స్‌గా నటిస్తున్నారు. ఏటీవీ సమర్పణలో ఏకే ఎంటర్‌టైన్‌మెంట్స్‌ పతాకంపై రామబ్రహ్మం సుంకర నిర్మించిన ఈ సినిమా టీజర్‌ని విజయవాడలోని వి.ఆర్‌.సిద్ధార్థ ఇంజనీరింగ్‌ కాలేజ్‌ గ్రౌండ్స్‌లో రిలీజ్‌ చేశారు. ‘‘ఈ ఫంక్షన్‌లో బెల్లంకొండ, పాయల్‌ రాజ్‌పుత్‌ స్టన్నింగ్‌ డ్యాన్స్‌ పెర్ఫామెన్స్, అనూప్‌ రూబెన్స్‌ లైవ్‌ పెర్ఫామెన్స్‌ స్పెషల్‌ ఎట్రాక్షన్‌గా నిలిచాయి. సినిమాని ఏప్రిల్‌ 25న విడుదల చేయనున్నాం’’ అని చిత్రవర్గాలు పేర్కొన్నాయి. ఈ వేడుకలో తేజ, నిర్మాత అనీల్‌ సుంకర, కిషోర్‌ గరికపాటి పాల్గొన్నారు.  

వరుసగా మాస్‌ సినిమాలు చేస్తూ సక్సెస్‌ కోసం పోరాడుతున్న యంగ్ హీరో బెల్లంకొండ సాయి శ్రీనివాస్‌. ఇన్నాళ్లు మాస్‌ ఇమేజ్‌ కోసం ప్రయత్నించినా పెద్దగా వర్క్‌ అవుట్ కాకపోవటంతో ఇప్పుడు రూట్ మార్చి ఓ లేడి ఓరియంటెడ్‌ సినిమాకు ఓకె చెప్పాడు. తేజ దర్శకత్వంలో సీత సినిమాలో నటిస్తున్నాడు సాయి శ్రీనివాస్‌‌. ప్రస్తుతం చిత్రీకరణ జరుపుకుంటున్న ఈ సినిమాలో టైటిల్‌ రోల్‌లో సీనియర్‌ హీరో కాజల్‌ అగర్వాల్‌ నటిస్తోంది. చాలా రోజులుగా షూటింగ్ జరుపుకుంటున్న ఈ సినిమా నిర్మాణం చివరి దశకు చేరుకోవటంతో ప్రమోషన్‌ కార్యక్రమాలు ప్రారంభించారు చిత్రయూనిట్. తాజాగా సినిమా టీజర్‌ను రిలీజ్ చేశారు. సినిమాలో కీలకమైన సీత పాత్రను పరిచయం చేస్తూ రూపొందించిన ఈ టీజర్‌ ఆకట్టుకుంటోంది. టీజర్‌లో కూడా ఎక్కువగా హీరోయిన్‌ పాత్రనే ఫోకస్‌ చేశారు. ఇన్నాళ్లు సీరియస్‌ యాక్షన్‌ రోల్స్‌ లో కనిపించిన శ్రీనివాస్‌ ఈ సినిమా కామెడీ టచ్‌ ఉన్న పాత్రలో నటించాడు. ఏకే ఎంటర్‌టైన్మెంట్స్‌ బ్యానర్‌పై తెరకెక్కుతున్న ఈ సినిమాకు అనూప్‌ రుబెన్స్‌ సంగీతమందిస్తున్నాడు.

హిట్టూ, ఫ్లాపులతో సంబంధం లేకుండా వరుస సినిమాలతో ప్రేక్షకులను మెప్పించే ప్రయత్నం చేస్తున్న యంగ్ హీరో బెల్లంకొండ సాయి శ్రీనివాస్. కెరీర్‌ స్టార్టింగ్‌ నుంచి భారీ చిత్రాలు చేస్తూ వస్తున్న ఈ యువ కథానాయకుడు కమర్షియల్ సక్సెస్‌లు మాత్రం సాధించలేకపోతున్నాడు. ఇటీవల కవచం సినిమాతో ప్రేక్షకుల ముందుకు వచ్చిన బెల్లంకొండ తరువాత తేజ దర్శకత్వంలో సీత సినిమాను ప్రారంభించాడు. గత ఏడాది జూలైలోనే తేజ దర్శకత్వంలో సినిమాను ప్రారంభించాడు సాయి శ్రీనివాస్‌. ఈ సినిమా సెట్స్‌ మీద ఉండగానే కవచం సినిమాను తెరకెక్కించి రిలీజ్ కూడా చేశారు. కవచం గత ఏడాది డిసెంబర్‌లో ప్రేక్షకుల ముందుకు వచ్చింది. ఇంకా సీతకు సంబంధించి ప్రమోషన్‌ ప్రారంభం కాలేదు. గతంలో ఏప్రిల్ 25న సినిమా రిలీజ్‌కు ప్లాన్‌ చేస్తున్నట్టుగా ప్రకటించినా ప్రస్తుతం అలాంటి పరిస్థితి కనిపించటం లేదు. ఇప్పటి వరకు రెండు పోస్టర్స్‌ తప్ప సినిమా ప్రమోషన్ ప్రారంభం కాలేదు. దీంతో సీత ఏప్రిల్‌లో ప్రేక్షకుల ముందుకు రావటం కూడా అనుమానమే అన్న ప్రచారం జరుగుతోంది. సాయి శ్రీనివాస్‌కు జోడిగా కాజల్ అగర్వాల్ నటిస్తున్న ఈ సినిమా ఏకే ఎంటర్‌టైన్మెంట్స్‌ బ్యానర్‌పై రూపొందుతోంది. అనూప్‌ రుబెన్స్‌ సంగీతమందిస్తున్నారు.

‘ఆర్‌ఎక్స్‌ 100’ సూపర్‌హిట్‌ సాధించడంతో అజయ్‌ భూపతి క్రేజీ దర్శకుడిగా మారిపోయారు. అతను చేయబోయే తదుపరి ప్రాజెక్ట్‌పై ఆసక్తి నెలకొంది. మల్టీస్టారర్‌ చిత్రంగా అజయ్‌ తన రెండో ప్రాజెక్ట్‌ను ఎంచుకున్న సంగతి తెలిసిందే. ఇందులో ఓ హీరోగా బెల్లంకొండ సాయిశ్రీనివాస్‌ నటించనున్నారు. మరో హీరో ఎవరన్నది ఇంకా ఫిక్స్‌ కాలేదు. ఈ చిత్రం రెగ్యులర్‌ షూటింగ్‌ మే నెలలో ప్రారంభం కానుందని సమాచారం. మొదటి చిత్రం ‘ఆర్‌ఎక్స్‌ 100’ వంటి రా సబ్జెక్ట్‌నే అజయ్‌ తయారు చేశారని సమాచారం.

తేజ దర్శకత్వంలో బెల్లంకొండ సాయి శ్రీనివాస్, కాజల్‌ అగర్వాల్‌ జంటగా రూపొందుతున్న సినిమా ‘సీత’. రామబ్రహ్మాం సుకంర నిర్మిస్తున్నారు. అజయ్‌ సుకంర, అభిషేక్‌ అగర్వాల్‌ సహ–నిర్మాతలు. శుక్రవారం అంతర్జాతీయ మహిళా దినోత్సవం సందర్భంగా ఈ సినిమా కొత్త పోస్టర్స్‌తో పాటు సినిమాను ఏప్రిల్‌ 25న విడుదల చేయనున్నట్లు ప్రకటించారు చిత్రబృందం. ప్రస్తుతం ఈ సినిమా ఫైనల్‌ షెడ్యూల్‌ చిత్రీకరణ హైదరాబాద్‌లో జరుగుతోంది. కీలక సన్నివేశాలను చిత్రీకరిస్తున్నారు. సోనూ సూద్, మన్నారా చోప్రా కీలక పాత్రలు చేస్తున్న ఈ సినిమాకు అనూప్‌ రూబెన్స్‌ సంగీతం అందిస్తున్నారు. ఇందులో కాజల్‌ పాత్రలో నెగటివ్‌ షేడ్స్‌ ఉంటాయి. పురాణాల్లో సీత ఫుల్‌ పాజిటివ్‌. ఆ సీతకు ఈ రీల్‌ సీతకు సంబంధం లేదు. ఈ రీల్‌ సీతలో కొత్త యాంగిల్‌ చూడబోతున్నామన్న మాట. ఈ సినిమాకు కిషోర్‌ గరికపాటి ఎగ్జిక్యూటివ్‌ ప్రొడ్యూసర్‌.

ఒక భాషలో హిట్‌ అయిన చిత్రాలను మరో భాషలో తెరకెక్కించేందుకు ముందుకు వస్తారు మేకర్స్‌. అయితే అలా ఒక చోట విజయం సాధించిన సినిమా.. మరో చోట సక్సెస్‌ అవుతుందన్న గ్యారెంటీ లేదు. ప్రస్తుతం తమిళ హిట్‌ మూవీ ‘రాక్షసన్‌’ను తెలుగులో బెల్లంకొండ శ్రీనివాస్‌ హీరోగా చేస్తున్న సంగతి తెలిసిందే. సస్పెన్స్‌ థ్రిల్లర్‌ నేపథ్యంలో తెరకెక్కే ఈ సినిమాలో హీరోయిన్‌ను ఎంపిక చేసినట్టు సమాచారం. కేరళ బ్యూటీ అనుపమా పరమేశ్వరణ్‌ను ఈ చిత్రంలో కథానాయికగా ఎంపికయ్యారని టాక్‌ వినిపిస్తోంది. అయితే గతంలో ఈ చిత్రంలో రకుల్‌ను తీసుకున్నట్లు వార్తలు రాగా.. ప్రస్తుతం అనుపమా లైన్లోకి వచ్చారు. వీటిలో ఏది నిజమో తెలియాలంటే.. చిత్రయూనిట్‌ అధికారికంగా ప్రకటించే వరకు వేచి చూడాల్సిందే. ‘వీర’ ఫేమ్‌ రమేష్‌ వర్మ ఈ చిత్రానికి దర్శకత్వం వహిస్తున్నాడు.

తమిళంలో గతేడాది వచ్చిన బ్లాక్‌బస్టర్‌ చిత్రాల్లో ‘రాక్షసన్‌’ ఒకటి. ప్రస్తుతం ఈ సస్పెన్స్‌ ఇన్వెస్టిగేటివ్‌ థ్రిల్లర్‌ను తెలుగులో రీమేక్‌ చేస్తున్నారు. బెల్లంకొండ సాయి శ్రీనివాస్‌ హీరోగా రమేష్‌వర్మ పెన్మత్స తెరకెక్కిస్తారు.  హవీష్‌ లక్ష్మణ్‌ కోనేరు బ్యానర్‌పై కోనేరు సత్యనారాయణ నిర్మిస్తున్నారు. ఈ చిత్రం ముహూర్తం గురువారం జరిగింది. తొలి సన్నివేశానికి నిర్మాత కె.ఎల్‌.నారాయణ కెమెరా స్విచ్చాన్‌ చేయగా హీరో హవీష్‌ క్లాప్‌ ఇచ్చారు. ఈ సందర్భంగా హవీష్‌ మాట్లాడుతూ – ‘‘రాక్షసన్‌’ చిత్రాన్ని తెలుగులో మా బ్యానర్‌పై నిర్మించడం సంతోషంగా ఉంది. ప్రతిష్టాత్మకంగా, భారీగా నిర్మించనున్నాం. ఈ సినిమా కోసం శ్రీనివాస్‌ తన లుక్‌ని మార్చుకోబోతున్నారు. గురువారం నుంచి రెగ్యులర్‌ షూటింగ్‌ మొదలైంది’’ అన్నారు. ఈ సినిమాలో హీరోయిన్‌గా రకుల్‌ ప్రీత్‌ నటించనున్నారని టాక్‌. ఈ చిత్రానికి సంగీతం: జిబ్రాన్, కెమెరా: వెంకట్‌ సి. దిలీప్‌.

పవర్‌ స్టార్‌ పవన్‌ కల్యాన్‌ సరసన బద్రి సినిమాతో టాలీవుడ్‌ పరిచయం అయిన భామ రేణూ దేశాయ్. తొలి సినిమాతోనే మంచి గుర్తింపు తెచ్చుకున్న రేణూ తరువాత పవన్‌తోనే జానీ సినిమాలో కలిసి నటించారు. పవన్‌ను వివాహం చేసుకున్న తరువాత సినిమాలకు పూర్తిగా దూరమైన రేణూ దేశాయ్‌ తరువాత పవన్‌ నుంచి విడిపోయిన తెలుగు ప్రేక్షకులకు పూర్తిగా దూరమయ్యారు. ఇటీవల ఓ టీవీ షోతో తెలుగు ప్రజలను పలకరించిన రేణూ, త్వరలో సిల్వర్‌ స్క్రీన్‌పై కూడా రీ ఎంట్రి ఇచ్చేందుకు రెడీ అవుతున్నారట. బెల్లంకొండ సాయి శ్రీనివాస్‌ హీరోగా తెరకెక్కనున్న బయోగ్రాఫికల్‌ మూవీ తో రేణూ రీ ఎంట్రీ ఇచ్చేందుకు రెడీ అవుతున్నట్టుగా ప్రచారం జరుగుతోంది. దొంగాట ఫేం వంశీ కృష్ణ దర్శకత్వంలో తెరకెక్కుతున్న ఈ సినిమా స్టూవర్ట్‌పురం గజదొంగ టైగర్‌ నాగేశ్వరరావు జీవితకథ ఆధారంగా తెరకెక్కిస్తున్నారు.

సినిమాల ఫలితాలతో సంబంధం లేకుండా తన పని తాను చేసుకుంటూ పోతాడు బెల్లంకొండ శ్రీనివాస్‌. రీసెంట్‌గా కవచం మూవీతో ప్రేక్షకులను పలకరించాడు. కానీ అది ఆశించినంత విజయాన్ని ఇవ్వలేకపోయింది. ఈ యువ హీరో ప్రస్తుతం తేజ దర్శకత్వంలో సీత షూటింగ్‌లో బిజీగా ఉన్నాడు. ఇదే కాకుండా ఆర్‌ఎక్స్‌ 100 ఫేమ్‌ అజయ్‌ భూపతి డైరెక్షన్‌లో ఓ మూవీకి ఓకే చెప్పాడు.  ఈ రెండు చిత్రాలే కాకుండా  మరో ప్రాజెక్ట్‌ను కూడా లైన్లో పెట్టాడు ఈ యంగ్‌ హీరో. తమిళ సూపర్‌ హిట్‌ మూవీ రాక్షసన్‌ రీమేక్‌లో ఈ హీరో నటించబోతోన్నాడు. వీర ఫేమ్‌ రమేష్‌ వర్మ దర్శకత్వంలో రాబోతోన్న ఈ చిత్రంలో రకుల్‌ ప్రీత్‌ను హీరోయిన్‌గా తీసుకోబోతోన్నట్లు తెలుస్తోంది. కెరీర్‌ స్టార్టింగ్‌ నుంచీ.. టాప్‌ హీరోయిన్లతోనే జత కడుతున్న ఈ కుర్ర హీరో మరో సారి.. రకుల్‌తో జోడీ కట్టనున్నాడని సమాచారం. మరి తమిళంలో హిట్‌ కొట్టిన మూవీ.. తెలుగులో ఏ మేరకు ఆకట్టుకుంటుందో చూడాలి. గతంలో ఈ జోడీ ‘జయ జానకి నాయక’ అంటూ ప్రేక్షకులను పలకరించిన సంగతి తెలిసిందే.

మీడియం రేంజ్‌ సినిమాలతో ఆకట్టుకుంటున్న యంగ్ హీరో బెల్లంకొండ సాయి శ్రీనివాస్‌ వరుస సినిమాలతో బిజీ అవుతున్నాడు. ప్రస్తుతం తేజ దర్శకత్వంలో సీత సినిమాలో నటిస్తున్న బెల్లంకొండ, ఆర్‌ఎక్స్‌ 100 ఫేం అజయ్‌ భూపతి దర్శకత్వంలో సినిమా చేసేందుకు ఓకె చెప్పాడు. ఈ సినిమాతో పాటు మరో క్రేజీ ప్రాజెక్ట్‌ కు కూడా బెల్లంకొండ ఓకే చెప్పినట్టుగా తెలుస్తోంది. ఇటీవల కోలీవుడ్ లో సూపర్‌ హిట్ అయిన థ్రిల్లర్‌ మూవీ రాక్షసన్‌. విష్ణు విశాల్‌, అమలాపాల్‌ ప్రధాన పాత్రల్లో తెరకెక్కిన ఈ సినిమాను తెలుగులో రీమేక్‌చేసే ఆలోచనలో ఉన్నాడు బెల్లంకొండ సాయి శ్రీనివాస్‌. ఈ సినిమాకు రైడ్‌, వీర చిత్రాల ఫేం రమేష్‌ వర్మ దర్శకత్వం వహించనున్నాడు. ప్రస్తుతం చర్చల దశలో ఉన్న ఈ ప్రాజెక్ట్ పై త్వరలోనే అధికారిక ప్రకటన వెలువడనుంది.

తొలి చిత్రం ఆర్‌ఎక్స్‌ 100తోనే ఘన విజయం సాధించిన యంగ్ డైరెక్టర్‌ అజయ్‌ భూపతి. ఈ సినిమా సక్సెస్‌తో అజయ్‌ భూపతికి వరుస అవకాశాలు క్యూ కట్టాయి. నితిన్‌ లాంటి యంగ్‌ హీరోస్‌ అజయ్‌తో సినిమా చేసేందుకు ఇంట్రస్ట్‌ చూపించారు. తాజాగా అజయ్‌ భూపతి తన నెక్ట్స్ ప్రాజెక్ట్ ను ఫైనల్ చేసే పనిలో ఉన్నాడు. యంగ్ హీరో బెల్లంకొండ సాయి శ్రీనివాస్‌ హీరోగా సినిమా చేయనున్నాడు అజయ్‌. ప్రస్తుతం ప్రీ ప్రొడక్షన్‌ కార్యక్రమాలు జరుపుకుంటున్న ఈ సినిమాకు మహా సముద్రం అనే టైటిల్‌ను పరిశీలిస్తున్నట్టుగా తెలుస్తోంది. మాఫియా నేపథ్యంలో తెరకెక్కుతున్న ఈ సినిమాలో సాయి శ్రీనివాస్‌కు జోడిగా ఓ స్టార్‌ హీరోయిన్‌ను తీసుకునే ఆలోచనలో ఉన్నారు చిత్రయూనిట్. త్వరలోనే సినిమాకు సంబంధించి పూర్తి వివరాలు వెల్లడించనున్నారు.

బెల్లంకొండ సాయి శ్రీనివాస్, కాజల్‌ అగర్వాల్‌ జంటగా తేజ దర్శకత్వంలో తెరకెక్కుతోన్న చిత్రానికి ‘సీత’ అనే టైటిల్‌ ఖరారు చేశారు. ఈ చిత్రాన్ని రామబ్రహ్మం సుంకర నిర్మిస్తున్నారు. అజయ్‌ సుంకర, అభిషేక్‌ అగర్వాల్‌ సహ నిర్మాతలు. శనివారం ఈ సినిమా ఫస్ట్‌ లుక్‌ను విడుదల చేశారు. ‘‘డిఫరెంట్‌ స్టోరీతో దర్శకులు తేజ చక్కగా తెరకెక్కిస్తున్నారు. హీరో సాయి శ్రీనివాస్‌ ఇలాంటి జోనర్‌లో తొలిసారి నటిస్తున్నారు. హీరోయిన్‌ కాజల్‌ పాత్ర ఆసక్తికరంగా ఉంటుంది. సోనూ సూద్, మన్నారా చోప్రా కీలక పాత్రలు చేస్తున్నారు. అనూప్‌ రూబెన్స్‌ మంచి సంగీతాన్ని అందిస్తున్నారు. ఈ సినిమా చిత్రీకరణ తుది దశకు చేరుకుంది. త్వరలో సినిమాను గురించిన మరిన్ని విశేషాలను ప్రేక్షకులకు తెలియజేస్తాం’’ అని చిత్రబృందం పేర్కొంది. ఈ సినిమాలో కాజల్‌ క్యారెక్టర్‌లో నెగటివ్‌ షేడ్స్‌ ఉంటాయని తెలిసింది. కిషోర్‌ గరికపాటి ఈ సినిమాకు ఎగ్జిక్యూటివ్‌ ప్రొడ్యూసర్‌.

బెల్లంకొండ శ్రీనివాస్‌ హిట్‌ కోసం ప్రయత్నిస్తూ.. వరుసగా సినిమాలను చేస్తున్నాడు. రీసెంట్‌గా కవచం మూవీతో పలకరించినా.. ఆశించినంత స్థాయిలో విజయం సాధించలేదు. గణతంత్ర దినోత్సవ సందర్భంగా.. ఆయన హీరోగా నటిస్తున్న ‘సీత’ చిత్రానికి సంబంధించిన ఫస్ట్‌లుక్‌ను విడుదల చేశారు. ఈ ఫస్ట్‌లుక్‌ను బెల్లంకొండ శ్రీనివాస్‌ సోషల్ మీడియాలో షేర్‌ చేశారు. ‘నేనే రాజు నేనే మంత్రి’ సినిమాతో మంచి ఫామ్‌లోకి వచ్చిన డైరెక్టర్‌ తేజ.. ప్రస్తుతం బెల్లంకొండ శ్రీనివాస్‌, కాజల్‌ అగర్వాల్‌ కాంబినేషన్‌లో ‘సీత’ అనే చిత్రాన్ని తెరకెక్కిస్తున్నారు. మరి ఈ సినిమా అయిన బెల్లంకొండ హీరోకు విజయాన్ని అందిస్తుందో లేదో చూడాలి. ఈ మూవీకి అనూప్‌రూబెన్స్‌ సంగీతాన్ని అందిస్తున్నాడు.  Gear up guys.. Here it is!!! Presenting #sitafirstlook.#DirectorTeja @MsKajalAggarwal #freakycouple 😉#HappyRepublicDay2019 pic.twitter.com/CuMyCxFAu9 — Sai bellamkonda (@BSaiSreenivas) January 26, 2019

ఫలితాలతో సంబంధం లేకుండా వరుసగా సినిమాలు చేస్తూ బిజీగా ఉన్నాడు యువ హీరో బెల్లకొండ శ్రీనివాస్‌. రీసెంట్‌గా కవచం సినిమాతో ప్రేక్షకుల ముందుకు వచ్చిన ఈ హీరోకు ఈ మూవీ కూడా ఆశించిన ఫలితాన్ని ఇవ్వలేకపోయింది. పట్టువదలని విక్రమార్కుడిలా విజయం కోసం ప్రయత్నిస్తూనే ఉన్నాడు.  తాజాగా ఈ హీరో జిమ్‌లో వర్కౌట్లు చేస్తూ కష్టపడుతున్న ఫోటోలను సోషల్ మీడియాలో పోస్ట్‌ చేశాడు. సిక్స్‌ ప్యాక్‌తో అదరగొడుతున్న ఈ ఫోటోల్లో స్టైలీష్‌గా ఉన్నాడు. రమేష్‌ వర్మతో చేయబోయే సినిమాకోసం బాడీని బిల్డప్‌ చేస్తున్నాడట. ఈ హీరో ప్రస్తుతం తేజ దర్శకత్వంలో ఓ ప్రాజెక్ట్‌ను చేస్తున్నాడు. ఈ రెండు సినిమాల్లో కాజల్‌ అగర్వాల్‌ హీరోయిన్‌గా నటిస్తుండటం విశేషం.  Hard work is the only path to success! For a brighter and successful 2019! :) #Sweat #Sacrifice #success #2019goals pic.twitter.com/LNugYmeBAk — Sai bellamkonda (@BSaiSreenivas) January 19, 2019

ఇండస్ట్రీలో పదేళ్లకుపైగా ఉంటూ అగ్రకథానాయికల లిస్ట్‌లో తన పేరు తప్పిపోకుండా కష్టపడుతూనే ఉన్నారు కాజల్‌ అగర్వాల్‌. ఇటు టాలీవుడ్, అటు కోలీవుడ్‌లో వరుస ఆఫర్లు అందుకుంటూ కెరీర్‌లో స్పీడ్‌ పెంచారీ బ్యూటీ. మీ సక్సెస్‌ మంత్ర ఏంటి? అని కాజల్‌ని అడిగితే...‘‘నాకు సూట్‌ అయ్యే పాత్రలనే ఎంపిక చేసుకుంటాను. సినిమా సినిమాకి నా పాత్రల మధ్య వైవిధ్యం ఉండేలా జాగ్రత్త పడతా. నా పాత్రకు ఆడియన్స్‌ ఎంత కనెక్ట్‌ అవుతారనే విషయం కూడా మైండ్‌లో ఉంచుకుంటా. క్వాలిటీ ఆఫ్‌ పెర్ఫార్మెన్స్‌ ముఖ్యం. రోల్‌ మోడల్‌ అంటూ నాకు ప్రత్యేకంగా ఎవరూ లేరు. ప్రముఖ నటీనటుల నుంచి ఒక్కో డిఫరెంట్‌ క్వాలిటీని తీసుకుంటాను’’ అని పేర్కొన్నారు. ప్రస్తుతం తేజ దర్శకత్వంలో రూపొందుతున్న ‘సీత’ అనే సినిమాలో టైటిల్‌ రోల్‌ చేస్తున్నారు కాజల్‌.  బెల్లంకొండ సాయి శ్రీనివాస్‌ హీరో. ఈ సినిమాలో కాజల్‌ క్యారెక్టర్‌లో నెగటివ్‌ షేడ్స్‌ ఉంటాయట. కమల్‌హాసన్‌–శంకర్‌ కాంబినేషన్‌లో రాబోతున్న ‘ఇండియన్‌ 2’ చిత్రంలో కాజల్‌ కథానాయికగా నటిస్తారు. తమిళంలో ఆమె నటించిన ‘ప్యారిస్‌ ప్యారిస్‌’ చిత్రం విడుదలకు సిద్ధంగా ఉంది.

బిగ్ హిట్ కోసం ఎదురుచూస్తున్న యంగ్ హీరో బెల్లంకొండ సాయి శ్రీనివాస్‌. వరుసగా భారీ బడ్జెట్‌ సినిమాలు చేస్తున్న ఈ యువ కథానాయకుడు భారీ హిట్ మాత్రం అందుకోలేకపోతున్నాడు. బోయపాటి దర్శకత్వంలో తెరకెక్కిన జయ జానకి నాయకకు మంచి టాక్ వచ్చిన హిట్‌ లిస్ట్‌లో చేరలేకపోయింది. తరువాత చేసిన సాక్ష్యం, కవచం సినిమాలు కూడా ఆశించిన స్థాయిలో అలరించలేకపోయాయి. దీంతో ప్రస్తుతం చేస్తున్న సినిమాకు రూట్ మార్చాడు ఈ యంగ్‌ హీరో. తేజ దర్శకత్వంలో బెల్లంకొండ సాయి శ్రీనివాస్‌ హీరోగా తెరకెక్కుతున్న సినిమాకు సాఫ్ట్ టైటిల్‌ను ఫిక్స్‌ చేసినట్టుగా తెలుస్తోంది. చాలా రోజులుగా షూటింగ్ జరుపుకుంటున్న ఈ సినిమాకు సీత అనే టైటిల్‌ను పరిశీలిస్తున్నారట. కాజల్ అగర్వాల్‌ హీరోయిన్‌గా నటిస్తున్న ఈ సినిమా షూటింగ్ దాదాపుగా పూర్తి కావచ్చింది. అన్ని కార్యక్రమాలు పూర్తి చేసి సినిమాను మార్చిలో రిలీజ్‌ చేసేందుకు ప్లాన్‌ చేస్తున్నారు.

పక్క భాషల్లో హిట్‌ అయిన సినిమాలను తెరకెక్కించడానికి అందరూ ముందుంటారు. అయితే ఈ ఏడాది తమిళ్‌లో సూపర్‌ హిట్‌ అయిన రాచ్చసన్‌ మూవీని తెలుగులో కూడా రీమేక్‌ చేయడానికి సిద్దమయ్యారు. అయితే ఈ సినిమా హక్కులను నితినే కొన్నాడని, ఆయనే హీరోగా నటించనున్నాడని అప్పట్లో టాక్‌ వినిపించింది. అయితే దీనికి సంబంధించిన మరో విషయం ఇప్పుడు ప్రచారంలోకి వచ్చింది.  ఇటీవలె కవచం సినిమాతో ప్రేక్షకులను పలకరించిన బెల్లంకొండ శ్రీనివాస్‌.. ఈ రీమేక్‌లో నటించనున్నాడనే వార్త వినిపిస్తోంది. క్రైమ్‌ నేపథ్యంలో సినిమాలను తెరకెక్కించాలనే లక్ష్యంతో డైరెక్టర్‌గా ట్రై చేస్తూ ఉండే యువకుడు.. తప్పని పరిస్థితుల్లో పోలీస్‌ ఆఫీసర్‌గా మారడం.. మిస్టరీగా మారిన ఓ కేసును చేధించే కథతో తెరకెక్కిన ఈ చిత్రం తమిళనాట రికార్డులు సృష్టించింది. మరి ఇదే కథ తెలుగు ప్రేక్షకులకు ఏమేరకు మెప్పిస్తుందో చూడాలి.