TV
బెల్లంకొండ సాయి శ్రీనివాస్, మంచు మనోజ్, నారా రోహిత్‌ ప్రధాన పాత్రల్లో నటిస్తున్న చిత్రం ‘భైరవం’. విజయ్‌ కనకమేడల దర్శకత్వం వహిస్తున్న ఈ సినిమాలో ప్రముఖ దర్శకుడు శంకర్‌ కుమార్తె అదితీ శంకర్‌ హీరోయిన్. ఈ చిత్రానికి శ్రీ చరణ్‌ పాకాల సంగీతం అందించారు. ఈ నెల 3న బెల్లంకొండ సాయి శ్రీనివాస్ పుట్టిన రోజు.
ఈ సందర్భంగా ‘భైరవం’ మూవీ నుంచి ‘ఓ వెన్నెల..’ అంటూ సాగే పాటని రిలీజ్‌ చేయనున్నట్లు మేకర్స్‌ ప్రకటించి, కొత్త పోస్టర్‌ని రిలీజ్‌ చేశారు. ‘‘యాక్షన్‌ డ్రామాగా రూపొందుతున్న చిత్రం ‘భైరవం’. ఈ మూవీ నుంచి ఇప్పటికే విడుదల చేసిన సాయి శ్రీనివాస్, మంచు మనోజ్, నారా రోహిత్‌ ఫస్ట్‌ లుక్‌ పోస్టర్స్‌ మంచి బజ్‌ను క్రియేట్‌ చేశాయి’’ అని చిత్రబృందం పేర్కొంది.
