తెలుగులో ఈ వీకెండ్ చాలా సినిమాలు రిలీజయ్యాయి. రష్మిక 'గర్ల్‌ఫ్రెండ్'తో పాటు ద గ్రేట్ ప్రీ వెడ్డింగ్ షో, ప్రేమిస్తున్నా చిత్రాలతో పాటు ఆర్యన్, డీయస్ ఈరే లాంటి డబ్బింగ్ చిత్రాలు థియేటర్లలోకి వచ్చాయి. వీటన్నింటికి పాజిటివ్ టాక్ వచ్చింది. వీటితోనే రిలీజైన సుధీర్ బాబు 'జటాధర'కు మాత్రం తొలి షో నుంచే తెలుగు రాష్ట్రాల్లో నెగిటివ్ టాక్ వచ్చింది. కానీ ఈ సినిమా కలెక్షన్స్ మాత్రం షాకింగ్ అనిపిస్తున్నాయి.ఈ వారాంతం రిలీజైన సినిమాల్లో గర్ల్ ఫ్రెండ్, ద గ్రేట్ ప్రీ వెడ్డింగ్ చిత్రాలు ఉన్నంతలో ప్రేక్షకుల దృష్టిని ఆకర్షించాయి. జనాలు థియేటర్లకు వస్తున్నారు గానీ వీటికి చెప్పుకోదగ్గ వసూళ్లు రావట్లేదా అనిపిస్తుంది. ఎందుకంటే మేకర్స్ వైపు నుంచి ఎలాంటి పోస్టర్స్ బయటకు రాలేదు. మరోవైపు తెలుగు-హిందీలో రిలీజైన 'జటాధర' టీమ్ మాత్రం కలెక్షన్స్ పోస్టర్స్ రిలీజ్ చేస్తున్నారు.(ఇదీ చదవండి: 'రాము రాథోడ్‌' సెల్ఫ్‌ ఎలిమినేట్‌.. ఎంత సంపాదించాడంటే..)తొలిరోజు రూ.1.47 కోట్ల గ్రాస్ సాధించగా.. రెండు రోజులకు కలిపి రూ.2.91 కోట్ల గ్రాస్ కలెక్షన్స్ వచ్చినట్లు అధికారికంగా ప్రకటించారు. పాజిటివ్ టాక్ ఏ మాత్రం రాని 'జటాధర'కు ఈ రేంజు వసూళ్లు రావడం అంటే ఓ రకంగా షాకింగ్ అని చెప్పొచ్చు. వీకెండ్ పూర్తయ్యేసరికి మరి ఏ మూవీ రేసులో ముందు ఉంటుందో చూడాలి?'జటాధర' విషయానికొస్తే.. రుద్రారం అనే ఊరిలోని ఓ ఇంట్లో దాచిన లంకె బిందెలకు ఓ ధన పిశాచి (సోనాక్షి సిన్హా) కాపలా ఉంటుంది. ఓసారి బంధనానికి విఘాతం కలిగి ధనపిశాచి రక్తాన్ని మరుగుతుంది. దీంతో ఊరంతా ఖాళీ అయిపోతుంది.. మరోవైపు శివ(సుధీర్ బాబు) అనే ఘోస్ట్ హంటర్.. సైంటిఫిక్‌గా దెయ్యాలు లేవని నిరూపిస్తూ ఉంటాడు. శివకు తరుచుగా ఓ బాబుని అతడి తల్లి చంపుతున్నట్లు పీడకల వస్తూ ఉంటుంది. ఈ పీడకలకు, ధనపిశాచికి, శివకు మధ్య సంబంధమేంటి? అనేది మిగతా స్టోరీ.(ఇదీ చదవండి: 20 ఏళ్ల యువతిపై 'అనుపమ పరమేశ్వరన్‌' ఫిర్యాదు)

టైటిల్‌: జటాధరనటీనటులు: సుధీర్‌ బాబు, సోనాక్షి సిన్హా, శిల్పా శిరోద్కర్, దివ్య ఖోస్లా, రాజీవ్‌ కనకాల,ఝాన్సీ, అవసరాల శ్రీనివాస్‌ తదితరులునిర్మాతలు: ఉమేష్ కుమార్ బన్సల్, శివిన్ నారంగ్, అరు‍ణ అగర్వాల్, ప్రేరణ అరోరా, శిల్పా సింగ్‌హల్, నిఖిల్ నందాదర్శకత్వం: వెంకట్ కళ్యాణ్, అభిషేక్ జైస్వాసంగీతం: రాజీవ్‌ రాజ్‌విడుదల తేది: నవంబర్‌ 7, 2025కథేంటంటే..శివ(సుధీర్‌ బాబు) దెయ్యాలు ఉన్నాయని నమ్మని ఓ ఘోస్ట్‌ హంటర్‌. సైన్స్‌ని మాత్రమే నమ్ముతూ.. దెయ్యాలు ఉన్నాయని ప్రచారం జరిగిన చోటికి వెళ్లి రీసెర్చ్‌ చేస్తుంటాడు. అతని తల్లిదండ్రులకు(ఝాన్సీ, రాజీవ్‌ కనకాల) ఈ విషయం తెలియదు. ఓ రోజు ప్రముఖ ఘోస్ట్‌ హంటర్‌ మణిశర్మ(అవసరాల శ్రీనివాస్‌) అసిస్టెంట్‌ అంకిత్‌ అనుమానాస్పదంగా మరణించడంతో.. శివ రుద్రారం అనే గ్రామానికి వెళ్తాడు. ఈ విషయం అతని తల్లిదండ్రులకు తెలియడంతో ఆందోళన చెందుతారు. ఆ గ్రామానికి వెళ్లకూడదంటూ శివ గతం గురించి చెబుతారు. శివ గతం ఏంటి? రుద్రారం గ్రామానికి, అతనికి ఉన్న సంబంధం ఏంటి? ధన పిశాచి(సోనాక్షి సిన్హా) ఆ గ్రామంలోనే ఎందుకు తిష్ట వేసింది? ధన పిశాచి వల్ల శివ ఫ్యామిలీకి జరిగిన అన్యాయం ఏంటి? తన పేరెంట్స్‌ ఆత్మలకు శాంతి కలిగించేందుకు శివ ఎలాంటి నిర్ణయం తీసుకున్నాడు? ఈ సినిమాలో శిల్పా శిరోద్కర్‌ పాత్ర ఏంటి? అనేది తెలియాలంటే సినిమా చూడాల్సిందే.. ఎలా ఉందంటే..నిధుల కోసం తవ్వకాలు.. వాటికి రక్షణగా క్షుద్రశక్తులు ఉండడం.. దెయ్యాలు అంటే నమ్మని హీరో అనుకోకుండా అక్కడికి వెళ్లడం.. ఫ్లాష్‌బ్యాక్‌లో ఆ ప్రాంతంతో హీరోకి సంబంధం ఉందనే విషయం తెలియడం.. చివరకు దైవశక్తి సహాయంతో హీరో క్షుద్రశక్తులను అంతం చేయడం.. మైథలాజికల్‌ జానర్‌లో వచ్చే హారర్‌ చిత్రాల నేపథ్యం దాదాపు ఇలాగే ఉంటుంది. అయితే ప్రేక్షకులను ఎంత మేరకు థ్రిల్‌కి గురిచేశారనేదానిపై ఫలితం ఆధారపడి ఉంటుంది. కాస్త భయపెట్టి.. ప్లాష్‌బ్యాక్‌ స్టోరీని ఎమోషనల్‌గా తీర్చిదిద్దితే చాలు సినిమాని హిట్‌ చేస్తారు. జటాధరలో అది మిస్సయింది. ఇటు పూర్తిగా భయపెట్టనూ లేదు.. అటు ఎమోషనల్‌గానూ ఆకట్టుకోలేకపోయారు. కథలో కొత్తదనం ఎలాగూ లేదు.. కథనాన్ని అయినా కాస్త ఆసక్తికరంగా నడిపించే ప్రయత్నం చేయలేదు. సినిమా ప్రారంభం నుంచి ఎండింగ్‌ వరకు ఎక్కడా కూడా హైప్‌ ఇచ్చే సీన్‌ కనిపించదు. శివుడి ఎపిసోడ్‌ కూడా పూర్తిగా ఆకట్టుకునేలా తీర్చిదిద్దలేకపోయారు. ఒకప్పుడు నిధులను ఎందుకు భూమిలో పాతిపెట్టేవారో వివరిస్తూ కథను ప్రారంభించారు దర్శకులు. ఆ నిధులకు రక్షణగా బంధనం వేసేవారని.. అందులో ధన పిశాచి బంధనం అతి భయంకరమైనదంటూ ఆసక్తికరంగా కథ ప్రారంభం అవుతుంది. ఆ వెంటనే ఘోస్ట్‌ హంటర్‌గా హీరోని పరిచయం చేశారు. దెయ్యాలు లేవని ఎందుకు బలంగా నమ్ముతున్నాడో వివరిస్తూ ఓ ప్లాష్‌బ్యాక్‌ స్టోరీ చెప్పడం వరకు కథనం ఇంట్రెస్టింగానే అనిపిస్తుంది. ఆ తర్వాత కథనం చప్పగా సాగుతుంది. ఘోస్ట్‌ హంటర్‌గా హీరో చేసే విన్యాసాలు ఆకట్టుకోకపోగా.. సాగదీతగా అనిపిస్తాయి. మధ్యలో వచ్చే హీరోహీరోయిన్ల లవ్‌స్టోరీ సహనానికి పరీక్షగా మారుతుంది. ఫస్టాఫ్‌ మొత్తం కథనం అక్కడక్కడే తిరుగుతున్నట్లు అనిపిస్తుంది. మధ్యమధ్యలో వచ్చిన ధన పిశాచి ప్రేక్షకులను భయపెట్టలేకపోయింది. ఇంటర్వెల్‌ సీన్‌ సెకండాఫ్‌పై కాస్త ఆసక్తిని పెంచుతుంది. కానీ ద్వితీయార్థంలో వచ్చే ప్లాష్‌బ్యాక్‌ స్టోరీ కూడా సాగదీసినట్లుగానే ఉంటుంది. ఒక్క సీన్‌లో చెప్పాల్సిన కథని ఐదారు సీన్లలో చెప్పినట్లుగా అనిపిస్తుంది. ధన పిశాచి ఎపిసోడ్‌ కూడా ఏమంత ఆకట్టుకోలేదు. ఇక చివరిలో వచ్చిన శివుడి ఎపిసోడ్‌ కూడా ప్రేక్షకుడిలో జోష్‌ నింపలేకపోయింది. ఈ సినిమాకు పార్ట్‌ 2 కూడా ఉందని చెబుతూ శుభం కార్డు వేశారు. ఎవరెలా చేశారంటే.. సుధీర్‌ బాబు తన పాత్రకు న్యాయం చేసేందుకు చాలా ప్రయత్నం చేశారు. కానీ ఆ పాత్రని తీర్చిదిద్దిన విధానంలోనే లోపం ఉండడంతో ఆయన పడిన కష్టం బూడిదలో పోసిన పన్నీరుగా మారింది. దివ్య ఖోస్లా పాత్ర నిడివి తక్కువే ఉన్నా.. నటన పరంగా పర్వాలేదు. కానీ సుధీర్‌కి జోడీగా మాత్రం సెట్‌ కాలేదనే చెప్పాలి. నెగెటివ్‌ షేడ్‌ ఉన్న శోభ పాత్రలో శిల్పా శిరోద్కర్‌ ఒదిగిపోయింది. ధన పిశాచిగా సోనాక్షి సిన్హా.. లుక్‌పరంగా భయంకరంగా ఉన్నా.. ప్రేక్షకుడిని భయపెట్టడంలో మాత్రం విఫలం అయింది. ఆమె పాత్రకు పెద్ద డైలాగులు కూడా లేవు. గట్టిగా నవ్వడం.. అరవడం తప్ప ఆమెకు సరైన డైలాగులే పడలేదు. రాజీవ్‌ కనకాల, శుభలేఖ సుధాకర్‌, రోహిత్‌ పాఠక్‌తో పాటు మిగిలిన నటీనటులు తమ పాత్రల పరధిమేర చక్కగా నటించారు. సాంకేతికంగా సినిమా పర్వాలేదు. నేపథ్య సంగీతం ఆకట్టుకునే విధంగా లేదు. సినిమాటోగ్రఫీ బాగుంది. వీఎఫ్‌ఎక్స్‌ విభాగం పనితీరు జస్ట్‌ ఓకే. నిర్మాణ విలువలు బాగున్నాయి.

‘‘దెయ్యం వేట, ఫ్యామిలీ ఎమోషన్, భక్తి, శివుడు గురించి కథలు... ఇలా చాలా లేయర్స్‌ ఉన్న చిత్రం ‘జటాధర’. అరుణాచల ప్రస్తావన కూడా ఉంది. మన పురాణాల్లో ఉన్న కొన్ని కథలకి సొల్యూషన్‌గా ఈ మూవీ చేశాం. ఈ సినిమా చేయడానికి ఫ్లాష్‌బ్యాక్‌ ఎపిసోడ్‌ నన్ను చాలా ఎగ్జయిట్‌ చేసింది. యాక్షన్, ఫ్యామిలీ, మైథాలజీ... ఇలా అన్ని భావోద్వేగాలు కుదిరిన సినిమా ‘జటా ధర’’ అని సుధీర్‌ బాబు తెలిపారు. వెంకట్‌ కల్యాణ్, అభిషేక్‌ జైస్వాల్‌ దర్శకత్వంలో సుధీర్‌బాబు హీరోగా నటించిన చిత్రం ‘జటాధర’. సోనాక్షీ సిన్హా, శిల్పా శిరోద్కర్‌ తదితరులు కీలక పాత్రధారులు. జీ స్టూడియోస్, ప్రేరణ అరోరా సమర్పణలో ఉమేశ్‌ కుమార్‌ బన్సల్, శివన్‌ నారంగ్, అరుణ అగర్వాల్, ప్రేరణ, శిల్పా సింఘాల్, నిఖిల్‌ నంద నిర్మించిన ఈ చిత్రం తెలుగు, హిందీ భాషల్లో ఈ నెల 7న రిలీజ్‌ కానుంది. ఈ నేపథ్యంలో సుధీర్‌బాబు పంచుకున్న విశేషాలు... → చిన్నప్పుడు మనం జానపద, చందమామ కథలు విని ఉంటాం. గతంలో బ్యాంకులు లేని సమయంలో ధనాన్ని భూమిలో పాతి, ఒక బంధనం వేసేవారని, దానికి ఒక పిశాచి కాపలాగా ఉండేదని ఓ కథ ప్రచారంలో ఉండేది. అలాంటి కథని ప్రజెంట్‌ టైమ్‌లోకి తీసుకొచ్చి మా ‘జటాధర’లో చాలా ఆసక్తిగా చూపించాం. ఈ చిత్రకథ విన్నప్పుడు బిగ్‌ స్క్రీన్‌ మీద చూడదగ్గ కథలా అనిపించింది. ఈ సినిమాలో దెయ్యాల వేటగాడిలా కనిపిస్తాను. అయితే తనకి మాత్రం దెయ్యాలున్నాయంటే నమ్మకం ఉండదు. దేవునిపై నమ్మకం ఉంటుంది. సైన్స్‌ని నమ్ముతాడు. అలా ఎందుకు? అనేది సినిమాలో చాలా ఆసక్తికరంగా ఉంటుంది. ఏ, బీ, సీ సెంటర్‌ అనే తేడా లేకుండా అందరికీ నచ్చే సినిమా ఇది. ధన పిశాచి పాత్రలో సోనాక్షీ సిన్హా నటన అందర్నీ ఆకట్టుకుంటుంది. శిల్పా శిరోద్కర్‌గారు శోభ అనే బలమైన పాత్రలో అద్భుతంగా నటించారు. → రాజీవ్‌ అద్భుతమైన సంగీతం, నేపథ్య సంగీతం ఇచ్చారు. ఈ మూవీలో శివతాండవం ఎపిసోడ్‌ ఉంటుంది. నేనెప్పుడూ క్లాసికల్‌ డ్యాన్స్‌ చేయలేదు. ఆ సీక్వెన్స్‌ కోసం దాదాపు పది రోజులు ప్రాక్టీస్‌ చేసి, చేశాను. చిత్ర పరిశ్రమలో బ్యాక్‌గ్రౌండ్‌ ఉన్నవాళ్లకి అవకాశాలు సులభం అని... కొత్తవాళ్లకి, ఇండస్ట్రీ నేపథ్యం లేనివారికి కష్టం అనే కామెంట్స్‌ వినిపిస్తుంటాయి. నిజానికి బయటవాళ్లకే కాదు.. నాకు కూడా కష్టమే. → మా సినిమాలో శివుడు కనిపించే ఒక ఎపిసోడ్‌ ఉంది. అక్కడ సూపర్‌స్టార్‌ కృష్ణ గారిని చూపించాలనుకున్నాం. కానీ వీఎఫ్‌ఎక్స్‌కి ఎక్కువ సమయం కుదరలేదు. ఈ మూవీలో కృష్ణగారు కానీ, మహేశ్‌ బాబుగారు కానీ కనిపించరు. ఇక నా తర్వాతి చిత్రం రాహుల్‌ రవీంద్రన్‌ దర్శకత్వంలో ఉంటుంది. కాన్సెప్ట్‌ పరంగా అది ఒక ‘బాహుబలి’ లాంటి సినిమా. అలాగే బ్యాడ్మింటన్‌ స్టార్‌ పుల్లెల గోపీచంద్‌ బయోపిక్‌ కూడా చేయాల్సి ఉంది.

టాలీవుడ్ యంగ్ హీరో సుధీర్ బాబు(Sudheer Babu) మరో మూవీతో ప్రేక్షకుల ముందుకు వచ్చేందుకు సిద్ధమయ్యారు. ఆయన హీరోగా వస్తోన్న డివోషనల్ బ్యాక్ డ్రాప్ కథా చిత్రం 'జటాధర'(JATADHARA Release Trailer). ఈ సినిమాలో బాలీవుడ్ బ్యూటీ సోనాక్షి సిన్హా కూడా కీలక పాత్రలో నటించింది. ఇప్పటికే ట్రైలర్‌ రిలీజ్ చేయగా.. ‍అభిమానులను విపరీతంగా ఆకట్టుకుంది. ఈ మూవీ విడుదలకు ఇంకా రెండు రోజుల సమయం మాత్రమే మిగిలి ఉంది.ఈ నేపథ్యంలో మరో ట్రైలర్‌ను మేకర్స్ రిలీజ్ చేశారు. మీ ఇంట్లో లంకె బిందెలున్నాయి ‍అనే డైలాగ్‌లో ట్రైలర్ ప్రారంభమైంది. దెయ్యాలు, భూతాలు అనే కాన్సెప్ట్‌తోనే ఈ మూవీని తీసినట్లు క్లియర్‌ కట్‌ ట్రైలర్ చూస్తే అర్థమవుతోంది. మరి ఇలాంటి కాన్సెప్ట్‌ అభిమానులను అలరిస్తుందా? ఎప్పటిలాగే అలా వచ్చి ఇలా వెళ్లిపోతుందా? తెలియాలంటే మరో రెండు రోజులు వెయిట్ చేయాల్సిందే. మరి ఇంకెందుకు ఆలస్యం రిలీజ్ ట్రైలర్ చూసేయండి.ఈ సినిమాకు వెంకటేశ్ కల్యాణ్- అభిషేక్ జైస్వాల్ దర్శకత్వం వహించారు. జీ స్టూడియోస్-ప్రేరణ అరోరా సంయుక్తంగా నిర్మించారు. ఈ చిత్రాన్ని తెలుగు, హిందీ భాషల్లో నవంబర్ 7న రిలీజ్ కానుంది. ఈ మూవీ ద్వారానే బాలీవుడ్ బ్యూటీ సోనాక్షి సిన్హా టాలీవుడ్ ఎంట్రీ ఇస్తుండగా.. నమ్రతా శిరోద్కర్ సిస్టర్ శిల్పా శిరోద్కర్ కీలక పాత్రలో మెప్పించనుంది.

బాలీవుడ్ భామ సోనాక్షి సిన్హా టాలీవుడ్‌ ఎంట్రీ ఇస్తోంది. సుధీర్ బాబు హీరోగా వస్తోన్న జటాధర మూవీతో తెలుగు ఇండస్ట్రీలో అడుగుపెడుతోంది. ఇప్పటికే ట్రైలర్ రిలీజ్‌ కాగా.. సోనాక్షి రోల్ అభిమానులను విపరీతంగా ఆకట్టుకుంటోంది. ఈ మూవీ నవంబర్‌ 7న రిలీజవుతోంది. ఈ నేపథ్యంలో ప్రమోషన్లతో బిజీగా ఉన్న బాలీవుడ్ నటి సౌత్ ఇండస్ట్రీపై ఆసక్తికర కామెంట్స్ చేసింది. తెలుగు పరిశ్రమలో పనిచేసిన తన అనుభవాన్ని పంచుకుంది.దక్షిణాది సినీ‌ ఇండస్ట్రీని చూసి బాలీవుడ్‌ కొన్ని విషయాలు నేర్చుకోవాలని సోనాక్షి సిన్హా అభిప్రాయం వ్యక్తం చేసింది. దక్షిణాది సినీ పరిశ్రమలో సమయపాలన పాటిస్తారని తెలిపింది. తొమ్మిది గంటలకు షూటింగ్‌కు వస్తే సాయంత్రం ఆరు వరకే ఉంటుందని.. ఈ విషయంలో వారిని అభినందించాల్సిందేనని అన్నారు. వారిని చూసి బాలీవుడ్‌ మేకర్స్ నేర్చుకోవాలని హితవు పలికింది. బాలీవుడ్‌లో అర్ధరాత్రి వరకు షూటింగ్స్ జరుగుతుంటాయని విమర్శించింది. సౌత్‌లా చేయాలంటే క్రమశిక్షణ అవసరమని సోనాక్షి వెల్లడించింది. తెలుగు చిత్ర పరిశ్రమను చూసైనా బాలీవుడ్ మారాలని సలహా ఇచ్చింది.తన మొదటి తెలుగు ప్రాజెక్ట్ గురించి మాట్లాడుతూ..' స్క్రిప్ట్ నాకు బాగా నచ్చింది. ప్రాంతీయ భాషల్లో సినిమాలు చేసేందుకు ఉత్సాహంగా ఉన్నా. గతంలో నేను (లింగా) ఒక తమిళ సినిమా చేశా. ఇప్పుడు తెలుగు ఇండస్ట్రీలో చేశా. ఎల్లప్పుడూ ఇలాంటి చిత్రాలు చేసేందుకు సిద్ధంగా ఉన్నా. కానీ అంతకు ముందు నా షెడ్యూల్‌ కుదరక సినిమాలు ఒప్పుకోలేదు' అని చెప్పిందిఆ తర్వాత వర్క్ లైఫ్ ప్రస్తావిస్తూ..' హిందీ, తెలుగు సినిమా పని సంస్కృతిని పోల్చి చూస్తే.. దక్షిణది పరిశ్రమలో సమయపాలన గ్రేట్. అక్కడ పని, లైఫ్‌ బ్యాలెన్స్ చాలా బాగుంది. ఈ విషయాన్ని వారి నుంచి మనం కచ్చితంగా నేర్చుకోవాల్సిందే. సెట్‌లోని క్రమశిక్షణ తనకు ప్రత్యేకంగా అనిపించింది. ఉదయం తొమ్మిది గంటలకు షూటింగ్‌కు వెళ్తే.. ఆరు గంటల తర్వాత అస్సలు షూట్ చేయరు. అది నిజంగా చాలా గ్రేట్. ఇక్కడ తెలుగు సినీ పరిశ్రమలో క్రమశిక్షణను అంగీకరించాల్సిన విషయం' అని తెలిపింది. కాగా.. జటాధర మూవీలో ధన పిశాచి పాత్రలో సోనాక్షి సిన్హా కనిపించనుంది.

‘‘ఒక్క సినిమా చాలు అనుకున్న నేను 20 సినిమాలు చేశాను. వీటిలో హిట్‌ చిత్రాలకు కారణం నా కష్టమైతే ఫెయిల్యూర్స్‌కి కారణం కూడా నేనే. మహేశ్‌గారు హెల్ప్‌ చేయడానికి రెడీగా ఉన్నా, నేను అడగలేదు. నేను ఇరవై సినిమాలు చేయడానికి కారాణం ఒక్కటే. కృష్ణగారి అల్లుడు, మహేశ్‌గారి బావ... సుధీర్‌బాబు. అయితే నా యాక్షన్‌ వీడియోలు పట్టుకుని ప్రతి ఆఫీస్‌కి తిరిగాను. నాకు కృష్ణానగర్‌ కష్టాలు తెలియకపోవచ్చు కానీ ఫిల్మ్‌నగర్‌ బాధలు తెలుసు. అవకాశాల కోసం బస్సులో నేను ట్రావెల్‌ చేయకపోవచ్చు. కానీ కారులో కూర్చుని ఏడవడం తెలుసు.ఇవన్నీ నేను సింపతీ కోసం చెప్పట్లేదు. మీరందరూ (వేడుకలో వీక్షకులను ఉద్దేశిస్తూ..) మహేశ్‌బాబుగారిపై ప్రేమతోనే వచ్చారు. థ్యాంక్యూ సో మచ్‌. కానీ ఇందులో ఎవరో ఒకరు ఏదో మూలన నాకోసం వచ్చి ఉంటారని, నా కోసం చప్పట్లు కొట్టి ఉంటారని నా మనసుకు తెలుస్తోంది. నేను మరింత కష్టపడతాను’’ అని హీరో సుధీర్‌బాబు అన్నారు. సుధీర్‌బాబు, సోనాక్షి సిన్హా లీడ్‌ రోల్స్‌లో, శిల్పా శిరోద్కర్‌ కీ రోల్‌లో నటించిన చిత్రం ‘జటాధర’.ఈ ద్విభాషా (తెలుగు, హిందీ) చిత్రానికి వెంకట్‌ కల్యాణ్, అభిషేక్‌ జైస్వాల్‌ దర్శకత్వం వహించారు. జీ స్టూడియోస్, ప్రేరణ అరోరా సమర్పణలో ఉమేష్‌ కుమార్‌ బన్సల్, శివిన్‌ నారంగ్, అరుణ అగర్వాల్, శిల్పా సింఘాల్, నిఖిల్‌ నందా నిర్మించిన ఈ చిత్రం ఈ నెల 7న రిలీజ్‌ కానుంది. ఈ చిత్రం ప్రీ రిలీజ్‌ ఈవెంట్‌లో సుధీర్‌బాబు మాట్లాడుతూ– ‘‘నేను చేసిన 20 సినిమాల్లో ‘జటాధర’ బెస్ట్‌ స్క్రిప్ట్‌. ఇందులో ఘోస్ట్‌ హంటర్‌ క్యారెక్టర్‌ చేశాను. ఈ సినిమా కోసం శివ తాండవం చేయడం అద్భుతమైన అనుభూతి. ఇది ఆ శివుని దీవెనగా భావిస్తున్నాను’’ అని తెలిపారు. ‘‘ఈ సినిమా ఆడియన్స్‌కు నచ్చుతుంది’’ అని పేర్కొన్నారు శివిన్, ప్రేరణ.

అక్టోబరు నెలలో చిన్నా పెద్దా కలుపుకుని దాదాపు డజను సినిమాలకు పైగానే విడుదలయ్యాయి. ఫైనల్లీ ‘మాస్‌ జాతర, ‘బాహుబలి: ది ఎపిక్‌’ సినిమాల విడుదల (అక్టోబరు 31)తో ఈ నెల ముగుస్తుంది. ఆ తర్వాత మొదలయ్యే నవంబరులోనూ ‘లెక్క తగ్గేదే లే’ అంటూ... సినిమాల సందడి జోరుగా ఉండబోతోంది. ‘జటాధర, కాంత, ఆంధ్ర కింగ్‌ తాలూకా, ది గర్ల్‌ ఫ్రెండ్‌’ వంటి పలు సినిమాలు ప్రేక్షకులను అలరించేందుకు సిద్ధంగా ఉన్నాయి. అదే విధంగా పలు బాలీవుడ్, హాలీవుడ్‌ మూవీస్‌ కూడా ఆడియన్స్‌ ముందుకు రానున్నాయి. ఆ సినిమాలేంటో చూద్దాం...యాక్షన్‌ డ్రామా... మలయాళ స్టార్‌ హీరోల్లో ఒకరైన మోహన్‌లాల్‌ లీడ్‌ రోల్‌లో నటించిన తాజా పాన్‌ ఇండియన్‌ చిత్రం ‘వృషభ’. రాగిణి ద్వివేది, సమర్జిత్‌ లంకేష్, నయన సారిక ముఖ్య పాత్రలు పోషించారు. నందకిశోర్‌ దర్శకత్వం వహించారు. ఈ సినిమాని కనెక్ట్‌ మీడియా, బాలాజీ టెలీ ఫిల్మ్స్, అభిషేక్‌ ఎస్‌. వ్యాస్‌ స్టూడియోస్‌ బ్యానర్లపై శోభా కపూర్, ఏక్తా ఆర్‌. కపూర్, సి.కె. పద్మ కుమార్, వరుణ్‌ మాథుర్, సౌరభ్‌ మిశ్రా, అభిషేక్‌ ఎస్‌. వ్యాస్, ప్రవీర్‌ సింగ్, విశాల్‌ గుర్నాని, జూహి పరేఖ్‌ మెహతా నిర్మించారు. తెలుగు, మలయాళ భాషల్లో ఏకకాలంలో రూపొందిన ఈ చిత్రం నవంబరు 6న ప్రపంచవ్యాప్తంగా విడుదల కానుంది. తెలుగు, మలయాళ భాషల్లోనే కాదు... హిందీ, కన్నడలోనూ ఈ మూవీ రిలీజ్‌ కానుంది. ‘‘హిస్టారికల్‌ యాక్షన్‌ డ్రామాగా రూపొందిన ‘వృషభ’లో అద్భుతమైన విజువల్స్‌ ఉంటాయి. బంధాలు, త్యాగాల కలయికగా రూపొందిన ఈ సినిమా ప్రేక్షకులకు గొప్పగా కనెక్ట్‌ అవుతుంది. అలాగే చక్కని అనుభూతిని పంచుతుంది’’ అని చిత్రయూనిట్‌ పేర్కొంది. సరికొత్త ప్రేమకథ ఓ వైపు హీరోయిన్‌గా నటిస్తూనే మరోవైపు లేడీ ఓరియంటెడ్‌ సినిమాలతో బిజీగా దూసుకెళుతున్నారు రష్మికా మందన్నా. ఆమె ప్రధాన పాత్రలో నటించిన పాన్‌ ఇండియన్‌ మూవీ ‘ది గర్ల్‌ ఫ్రెండ్‌’. ఈ సినిమాలో రష్మికకి జోడీగా దీక్షిత్‌ శెట్టి నటించారు. నటుడు, దర్శకుడు రాహుల్‌ రవీంద్రన్‌ ఈ చిత్రాన్ని తెరకెక్కించారు. ప్రముఖ నిర్మాత అల్లు అరవింద్‌ సమర్పణలో గీతా ఆర్ట్స్, ధీరజ్‌ మొగిలినేని ఎంటర్‌టైన్‌మెంట్‌ బ్యానర్స్‌పై ధీరజ్‌ మొగిలినేని, విద్య కొప్పినీడి ఈ మూవీ నిర్మించారు.ఈ సినిమా నవంబరు 7న తెలుగు, తమిళ, మలయాళ, కన్నడ, హిందీ భాషల్లో వరల్డ్‌ వైడ్‌గా గ్రాండ్‌ థియేట్రికల్‌ రిలీజ్‌ కాబోతోంది. ‘‘సరికొత్త ప్రేమకథగా తెరకెక్కిన చిత్రం ‘ది గర్ల్‌ ఫ్రెండ్‌’. ఈ బ్యూటిఫుల్‌ లవ్‌స్టోరీని తనదైన శైలిలో చక్కగా తెరకెక్కించారు రాహుల్‌ రవీంద్రన్‌. రష్మికా మందన్నా, దీక్షిత్‌ శెట్టిల జోడీ ప్రేక్షకులను ఆకట్టుకుంటుంది. హేషమ్‌ అబ్దుల్‌ వాహబ్‌ అందించిన సంగీతం మా మూవీకి ప్లస్‌ అవుతుంది’’ అని పేర్కొన్నారు మేకర్స్‌. సూపర్‌ నేచురల్‌ బ్యాక్‌డ్రాప్‌లో... సుధీర్‌ బాబు హీరోగా రూపొందిన పాన్‌ ఇండియన్‌ చిత్రం ‘జటాధర’. ఈ సినిమాలో సోనాక్షీ సిన్హా, శిల్పా శిరోద్కర్, ‘శుభలేఖ’ సుధాకర్, రాజీవ్‌ కనకాల, ఝాన్సీ, అవసరాల శ్రీనివాస్, రవిప్రకాశ్, ఇందిరా కృష్ణన్, రోహిత్‌ పాఠక్‌ తదితరులు ఇతర పాత్రలు పోషించారు. జీ స్టూడియోస్, ప్రేరణ అరోరా సమర్పణలో ఉమేశ్‌ కుమార్‌ బన్సాల్, శివన్‌ నారంగ్, అరుణ అగర్వాల్, ప్రేరణ అరోరా, శిల్పా సింఘాల్, నిఖిల్‌ నంద నిర్మించిన ఈ చిత్రం తెలుగు, హిందీ భాషల్లో నవంబరు 7న విడుదల కానుంది. సూపర్‌ నేచురల్‌ థ్రిల్లర్‌గా రూపొందిన ఈ చిత్రంలో సుధీర్‌ బాబు పాత్ర కొత్తగా ఉండనుంది.బాలీవుడ్‌ నటి సోనాక్షీ సిన్హా ధన పిశాచి అనే పవర్‌ఫుల్‌ రోల్‌ చేశారు. ఆమె నటించిన తొలి తెలుగు చిత్రం ఇదే కావడం విశేషం. ‘‘సూపర్‌ నేచురల్‌ థ్రిల్లర్‌గా రూపొందిన చిత్రం ‘జటాధర’. అద్భుతమైన కథ, భావోద్వేగాలతో రూపొందిన ఈ మూవీ ప్రేక్షకులకు ఓ గొప్ప అనుభూతి ఇచ్చేలా ఉంటుంది. ఈ సినిమా కోసం సుధీర్‌ బాబు ఎంతో కష్టపడ్డారు. రాయిస్, జైన్, సామ్‌ సంగీతం అందించిన ఈ సినిమాలోని పాటలు ఇప్పటికే విడుదల కాగా అద్భుతమైన స్పందన వచ్చింది. నటీనటులు, సాంకేతిక నిపుణుల సినీ ప్రయాణంలో ‘జటాధర’ ఓ మైలురాయిగా నిలుస్తుంది’’ అని చిత్రబృందం పేర్కొంది.మైథలాజికల్‌ థ్రిల్లర్‌ రాజ్‌ తరుణ్‌ హీరోగా నటించిన తాజా చిత్రం ‘చిరంజీవ’. ఈ సినిమాకి ‘జబర్దస్త్‌’ ఫేమ్‌ అభినయ కృష్ణ (అదిరే అభి) దర్శకత్వం వహించారు. ఈ మూవీలో కుషిత హీరోయిన్ గా నటించగా, శ్రీరంజని, అమిత్‌ భార్గవ్, గడ్డం నవీన్, ఇమ్మాన్యుయేల్, టేస్టీ తేజ కీలక పాత్రధారులు. స్ట్రీమ్‌ లైన్‌ ప్రోడక్షన్‌ బ్యానర్‌పై రాహుల్‌ యాదవ్, సుహాసిని నిర్మించారు. ఈ మూవీని నేరుగా ఆహా ఓటీటీలో నవంబరు 7న రిలీజ్‌ చేస్తున్నారు మేకర్స్‌. దసరా పండగ సందర్భంగా విడుదలైన ఈ చిత్రం టీజర్‌లో ‘నీ స్పీడుకు నువ్వు చేయాల్సిన జాబ్‌ ఏంటో తెలుసా?.. అంబులెన్స్ డ్రైవర్‌.. ’ వంటి డైలాగ్స్‌ ఆసక్తిగా ఉన్నాయి. ‘‘మైథలాజికల్‌ థ్రిల్లర్‌గా రూపొందిన చిత్రం ‘చిరంజీవ’. ఈ చిత్రంలో శివ అనే పాత్రలో రాజ్‌ తరుణ్‌ కనిపించనున్నారు. తనకి సూపర్‌ పవర్స్‌తో పాటు ఎవరి చావు ఎప్పుడు వస్తుందో ముందే తెలిసే పవర్‌ ఉంటుంది. ఈ పవర్స్‌ వల్ల శివ ఎలా లాభపడ్డాడు? ఎలాంటి ఇబ్బందులకు గురయ్యాడు? వంటి విషయాలు మా చిత్రంలో ఆసక్తిగా ఉంటాయి’’అని మేకర్స్‌ తెలిపారు. నవ్వుల్‌ నవ్వుల్‌ ‘మసూద’ (2022) సినిమాతో తొలి విజయాన్ని తన ఖాతాలో వేసుకున్న తిరువీర్‌ హీరోగా నటించిన తాజా చిత్రం ‘ది గ్రేట్‌ ప్రీ వెడ్డింగ్‌ షో’. రాహుల్‌ శ్రీనివాస్‌ దర్శకత్వం వహించిన ఈ సినిమాలో టీనా శ్రావ్య హీరోయిన్‌గా నటించారు. 7 పి.ఎం ప్రోడక్షన్స్, పప్పెట్‌ షో ప్రోడక్షన్స్ బ్యానర్స్‌పై సందీప్‌ అగరం, అస్మితా రెడ్డి బాసిని నిర్మించిన ఈ చిత్రం నవంబరు 7న విడుదల కానుంది. పూర్తి స్థాయి వినోదాత్మకంగా ఈ చిత్రం రూపొందింది. డైరెక్టర్‌ శేఖర్‌ కమ్ముల విడుదల చేసిన ‘ది గ్రేట్‌ ప్రీ వెడ్డింగ్‌ షో’ మూవీ టీజర్‌కి మంచి స్పందన వచ్చింది. ‘‘ఈ మూవీ టీజర్‌ చూడగానే సినిమా చూడాలనిపిస్తోంది. ఇలాంటి కంటెంట్‌ ఓరియెంటెడ్‌ సినిమాలు నిర్మించడానికి ధైర్యం, ΄్యాషన్‌ ఉండాలి’’ అంటూ శేఖర్‌ కమ్ముల చెప్పడంతో ఈ సినిమాపై మంచి బజ్‌ నెలకొంది. ‘‘ది గ్రేట్‌ ప్రీ వెడ్డింగ్‌ షో’ కథ వింటున్నప్పుడు నవ్వుతూనే ఉన్నాను. మా సినిమా ప్రారంభం నుంచి చివరి వరకు ప్రేక్షకులను నవ్విస్తుంది. ఈ కథ నచ్చడంతో పప్పెట్‌ షో అనే బ్యానర్‌ని స్థాపించి, పారితోషికం తీసుకోకుండా ఈ సినిమా నిర్మాణంలో భాగం అయ్యాను’’ అని తిరువీర్‌ పేర్కొనడం విశేషం. పీరియాడికల్‌ డ్రామా ‘మహానటి, సీతారామం, లక్కీ భాస్కర్‌’ వంటి విజయవంతమైన చిత్రాలతో తెలుగు ప్రేక్షకుల్లో తనకంటూ ప్రత్యేకమైన గుర్తింపు సొంతం చేసుకున్నారు దుల్కర్‌ సల్మాన్‌. ఆయన హీరోగా నటించిన తాజా చిత్రం ‘కాంత’. సెల్వమణి సెల్వరాజ్‌ దర్శకత్వం వహించిన ఈ సినిమాలో భాగ్యశ్రీ బోర్సే కథానాయిక. సముద్ర ఖని కీలక పాత్ర పోషించారు. స్పిరిట్‌ మీడియా ప్రైవేట్‌ లిమిటెడ్, వేఫేరర్‌ ఫిల్మ్స్‌ ప్రైవేట్‌ లిమిటెడ్‌ పతాకాలపై రానా దగ్గుబాటి, దుల్కర్‌ సల్మాన్, ప్రశాంత్‌ ΄÷ట్లూరి, జోమ్‌ వర్గీస్‌ నిర్మించిన ఈ చిత్రం నవంబరు 14న రిలీజ్‌ కానుంది.‘‘పీరియాడికల్‌ డ్రామాగా రూపొందిన చిత్రం ‘కాంత’. 1950 చెన్నై నేపథ్యంతో పాటు గోల్డెన్‌ ఏజ్‌ బ్యాక్‌డ్రాప్‌లో రూపొందిన చిత్రమిది. అద్భుతమైన ప్రేమకథ కూడా ఉంటుంది. ఝను చంతర్‌ సంగీతం అందించిన ఈ సినిమా నుంచి ఇప్పటికే విడుదలైన పాటలకు అద్భుతమైన స్పందన వచ్చింది. ఈ చిత్రంలో దుల్కర్‌ సల్మాన్, భాగ్యశ్రీ బోర్సే మధ్య కెమిస్ట్రీ, వింటేజ్‌ లవ్‌స్టోరీ ఆకట్టుకుంటుంది’’ అని చిత్రయూనిట్‌ తెలిపింది. వినోదాల సంతాన ప్రాప్తిరస్తు విక్రాంత్, చాందినీ చౌదరి జంటగా నటించిన చిత్రం ‘సంతాన ప్రాప్తిరస్తు’. సంజీవ్‌ రెడ్డి దర్శకత్వం వహించిన ఈ సినిమాలో ‘వెన్నెల’ కిశోర్, తరుణ్‌ భాస్కర్, శ్రీలక్ష్మి, అభినవ్‌ గోమటం, మురళీధర్‌ గౌడ్, హర్షవర్ధన్, బిందు చంద్రమౌళి, జీవన్‌ కుమార్, సత్యకృష్ణ, తాగుబోతు రమేశ్‌ కీలక పాత్రలు పోషించారు. మధుర ఎంటర్‌టైన్‌మెంట్, నిర్వి ఆర్ట్స్‌ బ్యానర్స్‌పై మధుర శ్రీధర్‌ రెడ్డి, నిర్వి హరిప్రసాద్‌ రెడ్డి నిర్మించిన ఈ చిత్రం నవంబరు 14న రిలీజ్‌ అవుతోంది.‘‘మ్యూజికల్‌ ఫ్యామిలీ ఎంటర్‌టైనర్‌గా రూపొందిన చిత్రం ‘సంతాన ప్రాప్తిరస్తు’. ఒక సమకాలీన అంశాన్ని కథలో చూపిస్తూ వినోదాత్మకంగా తీశాడు సంజీవ్‌ రెడ్డి. విక్రాంత్, చాందినీ చౌదరి జోడీ ప్రేక్షకులను అలరిస్తుంది. ఈ సినిమాలోని వినోదం ప్రేక్షకులను కడుపుబ్బా నవ్విస్తుంది. కల్యాణి ఓరుగంటి పాత్రలో చాందినీ చౌదరి ఆకట్టుకోనున్నారు. రచయిత షేక్‌ దావూద్‌ జి. అందించిన స్క్రీన్‌ ప్లే మా చిత్రానికి అదనపు ఆకర్షణ. సునీల్‌ కశ్యప్‌ సంగీతం హైలైట్‌గా నిలుస్తుంది’’ అని మేకర్స్‌ పేర్కొన్నారు. వీరాభిమాని సందడి రామ్‌ పోతినేని హీరోగా రూపొందుతోన్న చిత్రం ‘ఆంధ్ర కింగ్‌ తాలూకా’. ‘మిస్‌ శెట్టి మిస్టర్‌ ΄÷లిశెట్టి’ మూవీ ఫేమ్‌ పి. మహేశ్‌బాబు దర్శకత్వం వహిస్తున్న ఈ సినిమాలో ‘మిస్టర్‌ బచ్చన్‌’ చిత్రం ఫేమ్‌ భాగ్యశ్రీ బోర్సే హీరోయిన్‌. ఈ మూవీలో ఉపేంద్ర, రావు రమేశ్, మురళీ శర్మ, సత్య, రాహుల్‌ రామకృష్ణ, తులసి రామ్‌ ఇతర పాత్రలు పోషిస్తున్నారు. మైత్రీ మూవీ మేకర్స్‌పై నవీన్‌ యెర్నేని, వై. రవిశంకర్‌ నిర్మిస్తున్న ఈ చిత్రం నవంబరు 28న ప్రేక్షకుల ముందుకొస్తోంది. ఈ సినిమాలో సూర్య కుమార్‌ అనే ఆన్‌ స్క్రీన్‌ సూపర్‌ హీరో పాత్రలో నటిస్తున్నారు ఉపేంద్ర. ఆయన వీరాభిమానిగా రామ్‌ కనిపించనున్నారు.వివేక్‌– మెర్విన్‌ సంగీతం అందించిన ఈ సినిమా నుంచి ఇప్పటికే రిలీజైన పాటలకు సూపర్‌ రెస్పాన్స్‌ వస్తోంది. ఈ చిత్రం కోసం రామ్‌ స్వయంగా ఓ పాట పాడటం విశేషం. ‘‘ఈ చిత్రంలో సూపర్‌ స్టార్‌ సూర్య కుమార్‌ (ఉపేంద్ర) వీరాభిమాని సాగర్‌గా రామ్‌ నటిస్తున్నారు. ఆయన నటన సూపర్బ్‌గా ఉంటుంది. ప్రతి హీరో అభిమాని... రామ్‌ పాత్రలో తమను తాము చూసుకుంటారు. భాగ్యశ్రీ అందం, అభినయం ఈ చిత్రానికి ప్లస్‌. తొలి చిత్రం ‘మిస్‌ శెట్టి మిస్టర్‌ ΄÷లిశెట్టి’తో పెద్ద విజయాన్ని అందించిన డైరెక్టర్‌ మహేశ్‌బాబు ‘ఆంధ్ర కింగ్‌ తాలూకా’ అనే మరో మంచి కథతో రాబోతున్నాడు. టీజర్‌తో సినిమాపై భారీ అంచనాలు పెరిగాయి’’ అని చిత్రబృందం పేర్కొంది.పైన పేర్కొన్న సినిమాలే కాదు.. మరికొన్ని చిత్రాలు నవంబరులో విడుదలకు ముస్తాబయ్యే అవకాశాలున్నాయి. టాలీవుడ్‌లోనే కాదు... బాలీవుడ్‌లో, హాలీవుడ్‌లోనూ పలు చిత్రాలు నవంబరులో ప్రేక్షకుల ముందుకు రానున్నాయి. ఇమ్రాన్‌ హష్మి, యామీ గౌతమ్‌ జోడీగా నటించి ‘హక్‌’ చిత్రం నవంబరు 7న విడుదల కానుంది. అలాగే ‘ప్రిడేటర్‌: బాడ్‌ల్యాండ్స్‌’ అనే హాలీవుడ్‌ మూవీ కూడా అదే రోజు రిలీజ్‌ అవుతోంది. ఇక అజయ్‌ దేవగన్, ఆర్‌. మాధవన్, రకుల్‌ప్రీత్‌ సింగ్‌ ప్రధాన పాత్రల్లో నటించిన బాలీవుడ్‌ మూవీ ‘దే దే ΄్యార్‌ దే 2’ నవంబరు 14న విడుదల కానుంది. అదే విధంగా అమితాబ్‌ బచ్చన్, ఫర్హాన్‌ అక్తర్, రాశీ ఖన్నా లీడ్‌ రోల్స్‌లో నటించిన ‘120 బహదూర్‌’ అనే హిందీ చిత్రం, ‘వికెడ్‌ 2’ అనే హాలీవుడ్‌ మూవీ నవంబరు 21న రిలీజ్‌ అవుతున్నాయి. అలాగే ధనుష్, కృతీ సనన్‌ జోడీగా నటించిన హిందీ చిత్రం ‘తేరే ఇష్క్‌ మే’, ‘జూటోపియా 2’ అనే హాలీవుడ్‌ మూవీ నవంబరు 28న విడుదలకు ముస్తాబయ్యాయి. వీటితో పాటు మరికొన్ని మూవీస్‌ కూడా రిలీజ్‌కి రెడీ అవుతున్నాయి. – డేరంగుల జగన్‌ మోహన్‌

‘‘చిన్నప్పుడు ‘ఓ స్త్రీ రేపు రా, లంకె బిందెలు’ వంటి కథలు విన్నప్పుడు చాలా థ్రిల్‌ ఫీల్‌ అవుతాం. వెంకట్‌ ‘జటాధర’(Jatadhara Movie) కథ చెప్పినప్పుడు అంతే థ్రిల్‌గా అనిపించింది. మా సినిమా చూసినప్పుడు ఆడియన్స్‌ థియేటర్స్‌లో అదే థ్రిల్‌ ఫీల్‌ అవుతారు’’ అని సుధీర్‌బాబు(Sudheer Babu) తెలిపారు. ఆయన హీరోగా నటించిన పాన్‌ ఇండియన్‌ మూవీ ‘జటాధర’. వెంకట్‌ కల్యాణ్, అభిషేక్‌ జైస్వాల్‌ దర్శకత్వం వహించిన ఈ మూవీలో సోనాక్షీ సిన్హా, శిల్పా శిరోద్కర్, ‘శుభలేఖ’ సుధాకర్, రాజీవ్‌ కనకాల, అవసరాల శ్రీనివాస్, ఝాన్సీ కీలక ΄ాత్రలు పోషించారు. జీ స్టూడియోస్, ప్రేరణ అరోరా సమర్పణలో ఉమేశ్‌ కుమార్‌ బన్సాల్, శివన్‌ నారంగ్, అరుణ అగర్వాల్, ప్రేరణ అరోరా, శిల్పా సింఘాల్, నిఖిల్‌ నంద నిర్మించిన ఈ చిత్రం తెలుగు, హిందీ భాషల్లో నవంబరు 7న విడుదల కానుంది. ఈ సినిమా ట్రైలర్‌ని హీరో మహేశ్‌బాబు రిలీజ్‌ చేశారు. ఈ సందర్భంగా నిర్వహించిన ఈవెంట్‌లో సుధీర్‌బాబు మాట్లాడుతూ–‘‘జటాధర’లో అద్భుతమైన కథ, భావోద్వేగాలు ఉంటాయి. ధన పిశాచి అనే పవర్‌ఫుల్‌ రోల్‌లో సోనాక్షి నటనను ఇంకెవరూ మ్యాచ్‌ చేయలేరు. మా సినిమా ఒక ధమ్‌ బిర్యానీలా తయారైంది’’ అని చెప్పారు. ‘‘జటాధర’ నా తొలి తెలుగు సినిమా. ధన పిశాచిలాంటి పాత్ర నేనిప్పటివరకూ చేయలేదు’’ అని తెలిపారు సోనాక్షీ సిన్హా. ‘‘బ్రహ్మ’ నా తొలి తెలుగు చిత్రం. మళ్లీ ‘జటాధర’తో తెలుగుకి రావడం హ్యాపీగా ఉంది’’ అని శిల్పా శిరోద్కర్‌ పేర్కొన్నారు. ‘‘మా ‘జటాధర’ పెద్ద సక్సెస్‌ అవుతుందని నమ్మకంగా ఉన్నాం’’ అని ఉమేశ్‌ కుమార్‌ బన్సల్, ప్రేరణ అరోరా, శివిన్‌ నారంగ్‌ తెలి΄ారు. ‘‘కొత్త కాన్సెప్ట్‌తో ప్రేక్షకుల ముందుకొస్తున్నాం. ఈ సినిమాని గట్టిగా ఎంజాయ్‌ చేస్తారు. ఇందుకు 100 శాతం మాది గ్యారంటీ’’ అని వెంకట్‌ కల్యాణ్‌ – అభిషేక్‌ జైస్వాల్‌ అన్నారు.

టాలీవుడ్ యంగ్ హీరో సుధీర్ బాబు లేటెస్ట్ మూవీ 'జటాధర'. డివోషనల్ బ్యాక్ డ్రాప్ స్టోరీతో తీస్తున్న ఈ సినిమాలో బాలీవుడ్ బ్యూటీ సోనాక్షి సిన్హా కూడా నటిస్తోంది. ఇప్పటికే టీజర్ రిలీజ్ చేసిన మేకర్స్.. తాజాగా ట్రైలర్ విడుదల చేశారు. ప్రిన్స్ మహేశ్ బాబు చేతుల మీదుగా ట్రైలర్ రిలీజైంది. కాగా.. ఈ సినిమాకు వెంకటేశ్ కల్యాణ్- అభిషేక్ జైస్వాల్ దర్శకత్వం వహిస్తుండగా.. జీ స్టూడియోస్-ప్రేరణ అరోరా సంయుక్తంగా నిర్మిస్తున్నారు. ఈ చిత్రాన్ని తెలుగు, హిందీ భాషల్లో నవంబర్ 7న రిలీజ్ చేయనున్నారు. 'పూర్వం ధనాన్ని దాచిపెట్టి... మంత్రాలతో బంధనాలు వేసేవాడు' అనే డైలాగ్‌తో ట్రైలర్ ప్రారంభమైంది. ఇవాళ విడుదలైన ట్రైలర్ చూస్తే.. ఈ కథను ధనపిశాచి అనే కాన్సెప్ట్‌తో తెరకెక్కించినట్లు తెలుస్తోంది. ట్రైలర్‌లో సోనాక్షి సిన్హా ధనపిశాచి పాత్రలో విశ్వరూపం చూపించింది. నమ్రతా సిస్టర్‌ శిల్పా శిరోద్కర్‌ సీన్స్‌ ఈ సినిమాపై అంచనాలు పెంచేస్తున్నాయి. ఈ సినిమా కథేంటో ట్రైలర్‌ చూస్తేనే ప్రేక్షకులను తెలిసిపోతోంది.

‘ట్రెండ్‌ సెట్‌ చెయ్‌ పిల్లోడా... ట్రెండ్‌ సెట్‌ చెయ్‌...’ అంటూ సుధీర్‌బాబుతో ఆడి పాడుతున్నారు బాలీవుడ్‌ బ్యూటీ శ్రేయా శర్మ. సుధీర్‌ బాబు హీరోగా రూపొందిన పాన్‌ ఇండియన్‌ చిత్రం ‘జటాధర’. వెంకట్‌ కల్యాణ్, అభిషేక్‌ జైస్వాల్‌ దర్శకత్వం వహించిన ఈ మూవీలో సోనాక్షీ సిన్హా, శిల్పా శిరోద్కర్, ‘శుభలేఖ’ సుధాకర్, రాజీవ్‌ కనకాల, ఝాన్సీ కీలక పాత్రలు ΄ోషించారు. జీ స్టూడియోస్, ప్రేరణ అరోరా సమర్పణలో ఉమేశ్‌ కుమార్‌ బన్సల్, శివన్‌ నారంగ్, అరుణ అగర్వాల్, ప్రేరణ అరోరా, శిల్పా సింఘాల్, నిఖిల్‌ నంద నిర్మించిన ఈ చిత్రం తెలుగు, హిందీ భాషల్లో నవంబరు 7న రిలీజ్‌ కానుంది. రాయిస్, జైన్, సామ్‌ సంగీతం అందించిన ఈ సినిమా నుంచి ‘ట్రెండ్‌ సెట్‌ చెయ్‌...’ అంటూ సాగే వీడియో సాంగ్‌ని బుధవారం విడుదల చేశారు. పబ్‌ నేపథ్యంలో సాగే ఈ పాటకి శ్రీమణి సాహిత్యం అందించగా, స్ఫూర్తి జితేందర్, రాజీవ్‌ రాజ్‌ పాడారు. జీతూ నృత్యరీతులు సమకూర్చారు. ‘‘సూపర్‌ నేచురల్‌ థ్రిల్లర్‌గా రూపొందిన చిత్రం ‘జటాధర’’ అని చిత్రబృందం పేర్కొంది.

సుధీర్‌బాబు హీరోగా నటిస్తున్న తాజా పా న్స్ ఇండియా సినిమా ‘జటాధర’. వెంకట్‌ కల్యాణ్, అభిషేక్‌ జైస్వాల్‌ దర్శకత్వం వహిస్తున్న ఈ చిత్రంలో సోనాక్షీ సిన్హా, దివ్య ఖోస్లా, శిల్పా శిరోద్కర్, ఇంద్రకృష్ణ, రవిప్రకాశ్‌ ముఖ్య పాత్రలు పోషిస్తున్నారు. ప్రేరణ అరోరా సమర్పణలో జీ స్టూడియోస్‌పై ఉమేష్‌ కుమార్‌ బన్సల్, శివిన్స్ నారంగ్, అరుణ అగర్వాల్, శిల్పా సింఘాల్, నిఖిల్‌ నందా తెలుగు, హిందీ భాషల్లో నిర్మిస్తున్నారు.ఈ చిత్రం నవంబరు 7న విడుదల కానుంది. సూపర్‌ నేచురల్‌ మైథలాజికల్‌ థ్రిల్లర్‌గా రూపొందిన ఈ సినిమా నుంచి ‘ధన పిశాచి రాబోతోంది’ అంటూ ఓ సాంగ్‌ని విడుదల చేయనున్నట్లు ప్రకటిస్తూ సోనాక్షీ సిన్హా పోస్టర్‌ని విడుదల చేశారు. ‘‘సెప్టెంబర్‌ 30న ధన పిశాచి రాబోతోంది.. చెడు నయా అవతారాన్ని చూసేందుకు సిద్ధంగా ఉండండి’’ అంటూ క్యాప్షన్‌ని జత చేశారు మేకర్స్‌. ఇక ఈ పోస్టర్‌ని బట్టి చూస్తే డబ్బు అంటే పిచ్చి ఉన్న పాత్రలో సోనాక్షి కనిపించనున్నారని తెలుస్తోంది. ఈ చిత్రానికి సహ నిర్మాతలు: అక్షయ్‌ కేజ్రీవాల్, కుసుమ్‌ అరోరా, క్రియేటివ్‌ ప్రోడ్యూసర్‌: దివ్యా విజయ్‌.

సుధీర్‌బాబు హీరోగా నటిస్తున్న సూపర్‌ నేచురల్‌ మైథలాజికల్‌ థ్రిల్లర్‌ మూవీ ‘జటాధర’ (Jatadhara Movie). ఈ ద్విభాషా (తెలుగు, హిందీ) చిత్రానికి వెంకట్‌ కల్యాణ్‌ – అభిషేక్‌ జైస్వాల్‌ దర్శకులు. సోనాక్షి సిన్హా, దివ్య ఖోస్లా, శిల్పా శిరోద్కర్, ఇంద్రకృష్ణ, రవిప్రకాశ్‌ ప్రధాన పాత్రల్లో నటిస్తున్నారు. జీ స్టూడియోస్, ప్రేరణ అరోరా సమర్పణలో ఉమేష్‌ కుమార్‌ బన్సల్, శివిన్‌ నారంగ్, అరుణ అగర్వాల్, శిల్పా సింఘాల్, నిఖిల్‌ నందా నిర్మిస్తుననారు. ఈ మూవీ నవంబరు 7న విడుదల కానుంది. ఫస్ట్‌ సాంగ్‌ రిలీజ్‌గురువారం ఫస్ట్‌ ట్రాక్‌ ‘సోల్‌ ఆఫ్‌ జటాధర’ను విడుదల చేశారు. ఈ ట్రాక్‌లో ‘ఓం నమః శివాయ’ అంటూ వినిపిస్తుంది. రాజీవ్‌ రాజ్‌ కంపోజ్‌ చేసి పాడారు. ‘‘మంచికి–చెడుకి, వెలుగుకి–చీకటికి, మానవ సంకల్పానికి–విధికి మధ్య జరిగే అద్భుతమైన పోరాటాన్ని ‘జటాధర’ చిత్రం చూపించబోతోంది. పౌరాణిక ఇతివృత్తాలు, సూపర్‌ విజువల్స్‌తో ఈ సినిమా ప్రేక్షకులకు మంచి అనుభూతినిచ్చేలా ఉంటుంది’’ అని చిత్రబృందం పేర్కొంది. ఈ సినిమాకు సంగీతం: జీ మ్యూజిక్‌ కో. చదవండి: జేమ్స్‌ కామెరూన్ విజువల్ వండర్.. అవతార్‌-3 తెలుగు ట్రైలర్‌

టాలీవుడ్‌ హీరో సుధీర్‌బాబు (Sudheer Babu) నటుడు మాత్రమే కాదు, తనలో మరో కళ కూడా ఉంది. అదే పెయింటింగ్‌ కళ! తాజాగా అతడు తన చేతులతో ఓ అద్భుతాన్ని సృష్టించాడు. నీలకంఠుడి పెయింటింగ్‌ వేశాడు. అందుకు సంబంధించిన వీడియోను సోషల్‌ మీడియాలో షేర్‌ చేశాడు. అందులో సుధీర్‌బాబు మాట్లాడుతూ.. నేను ఎవరి పెయింటింగ్‌ వేస్తున్నాననుకుంటున్నారు? ఎవరైనా అందమైన అమ్మాయిల బొమ్మలు గీస్తుంటారు. అందగాడి బొమ్మ గీస్తున్నా..కానీ నేను ఒక అందగాడి బొమ్మను గీస్తున్నా.. ఆయన ఎలాంటి అందగాడంటే అందాన్ని చందమామతో పోలుస్తాం కదా.. ఆ చందమామ ఆయన తలలో ఏదో ఒక మూలన పడి ఉంటుంది. అసలాయన అందం ముందు చందమామను ఎవరూ పట్టించుకోరు. మనమంతా అందంగా కనిపించడానికి మంచిగా హెయిర్‌స్టైల్‌ చేసుకుంటే ఆయనేమో జుట్టునసలు పట్టించుకోనే పట్టించుకోడు. అందుకే ఆయన జుట్టు ఎప్పుడూ ఏదో దారాలు చిక్కుక్కున్నట్లు చిక్కుముడుల్లా ఉంటుంది. ఆ బొమ్మే జటాధరఅందుకే ఆయన్ని జటాధర అని పిలుస్తారు. ఆయన గురించి ఇంకా చాలా చెప్పాలి. అందుకోసం నేనో బొమ్మ (సినిమా) తీశాను.. ఆ బొమ్మే జటాధర. అందరూ థియేటర్లలో జటాధర చూడండి అని చెప్పుకొచ్చాడు. జటాధర విషయానికి వస్తే.. సుధీర్‌బాబు, సోనాక్షి సిన్హ ప్రధాన పాత్రల్లో నటిస్తున్న ఈ మూవీని దర్శక ద్వయం వెంకట్‌ కల్యాణ్‌– అభిషేక్‌ జైస్వాల్‌ తెరకెక్కించారు. శిల్పా శిరోద్కర్, దివ్య ఖోస్లా కీలక పాత్రల్లో నటించిన ఈ మూవీ తెలుగు, హిందీ భాషల్లో నవంబర్‌ 7న విడుదల కానుంది. View this post on Instagram A post shared by Sudheer Babu (@isudheerbabu) చదవండి: గాజులేసుకుని కూర్చో.. సుమన్‌పై సంజనా చీప్‌ కామెంట్స్‌

సుధీర్‌బాబు, సోనాక్షీ సిన్హా ప్రధాన పాత్రల్లో నటిస్తున్న సూపర్‌ నేచురల్‌ మైథలాజికల్‌ థ్రిల్లర్‌ ‘జటాధర’. దర్శక ద్వయం వెంకట్‌ కల్యాణ్‌– అభిషేక్‌ జైస్వాల్‌ తెరకెక్కిస్తున్న చిత్రం ఇది. శిల్పా శిరోద్కర్, దివ్య ఖోస్లా ఇతర పాత్రల్లో నటిస్తున్నారు. జీ స్టూడియోస్, ప్రేరణ అరోరా సమర్పణలో ఉమేష్‌ కుమార్‌ బన్సాల్, శివిన్‌ నారంగ్, అరుణ అగర్వాల్, శిల్పా సింఘాల్, నిఖిల్‌ నందా తెలుగు, హిందీ భాషల్లో నిర్మిస్తున్నారు.ఈ చిత్రాన్ని నవంబరు 7న విడుదల చేయనున్నట్లు సోమవారం అధికారికంగా వెల్లడించారు మేకర్స్‌. ‘‘ఒక ఫోక్‌ టేల్‌ నుంచి పుట్టిన అద్భుతమైన కథే ‘జటాధర’. స్టోరీ టెల్లింగ్, సినిమా స్కేల్, విజన్ పరంగా ఈ చిత్రం ప్రేక్షకులను ఓ సరికొత్త లోకంలోకి తీసుకువెళుతుంది.. అలాగే గొప్ప అనుభూతిని ఇస్తుంది’’ అని చిత్ర యూనిట్‌ పేర్కొంది.

టాలీవుడ్ హీరో సుధీర్ బాబు నటిస్తోన్న సూపర్‌ నేచురల్‌ మైథలాజికల్‌ థ్రిల్లర్‌ 'జటాధర'. ఈ మూవీని డివోషనల్ బ్యాక్ డ్రాప్‌లో తెరకెక్కిస్తున్నారు. ఈ సినిమాలో బాలీవుడ్ బ్యూటీ సోనాక్షి సిన్హా కూడా నటిస్తోంది. ఇప్పటికే టీజర్ రిలీజ్ కాగా..ఆడియన్స్‌ నుంచి అద్భుతమైన రెస్పాన్స్ వచ్చింది. ఇందులో సోనాక్షి సిన్హా విలన్ పాత్రలో కనిపించనుంది. ఈ చిత్రాన్ని వెంకటేశ్ కల్యాణ్- అభిషేక్ జైస్వాల్ దర్శకత్వం వహిస్తుండగా.. జీ స్టూడియోస్-ప్రేరణ అరోరా సంయుక్తంగా నిర్మిస్తున్నారు.తాజాగా ఈ మూవీకి సంబంధించిన బిగ్‌ అప్‌డేట్‌ ఇచ్చారు మేకర్స్. మహేశ్ బాబు మరదలు శిల్పా శిరోద్కర్ ఫస్ట్‌ లుక్‌ పోస్టర్‌ను రిలీజ్ చేశారు. ఈ చిత్రంలో ఆమె శోభ అనే పాత్రలో మెప్పించనుంది. తాజా పోస్టర్‌ చూస్తుంటే ఫుల్ ‍అగ్రెసివ్‌ రోల్‌ చేస్తునట్లు అర్థమవుతోంది. శిల్పా శిరోద్కర్ ఇటీవలే హిందీ బిగ్‌బాస్‌లో అలరించిన సంగతి తెలిసిందే.తన పాత్ర శిల్పా శిరోద్కర్ మాట్లాడుతూ.. 'జటాధారలో భాగం కావడం నాకు చాలా సంతోషంగా ఉంది. ఇది ప్రేక్షకులను అతీంద్రియ ప్రయాణంలోకి తీసుకెళ్లే చిత్రం. విజువల్స్ అద్భుతంగా ఉన్నాయి. కథ కూడా చాలా ప్రభావం చూపుతుంది. ప్రేరణ అరోరాతో కలిసి పనిచేయడం చాలా ఆనందంగా ఉంది. శోభ పాత్రను పోషించడం సవాల్‌తో కూడుకున్న పని. ఈ పాత్రను మనసు పెట్టి చేశా. ప్రత్యేకమైన పాత్ర పోషించడం అద్భుతంగా అనిపిస్తోంది. తెరపై నన్ను నేను చూసుకునేందుకు ఆసక్తిగా ఉన్నా' అని పంచుకుంది.కాగా.. మహేష్ భార్య నమ్రతా శిరోద్కర్‌ సిస్టర్‌ అయిన శిల్పా శిరోద్కర్ చాలా కాలం నుంచి సినిమాలకు విరామం తీసుకుంది. ప్రస్తుతం దుబాయిలో సెటిల్ అయినా ఆమె ఈ సినిమా పాత్ర నచ్చడంతో రీ ఎంట్రీ ఇస్తోంది. ఈ సినిమాను జీ స్టూడియోస్‌ సమర్పణలో ఉమేష్‌ కుమార్‌ బన్సల్, ప్రేరణా అరోరా సహకారంతో శివిన్‌ నారంగ్, నిఖిల్‌ నందా, అరుణ అగర్వాల్, శిల్ప సింగాల్‌ నిర్మిస్తున్నారు. అక్షయ్‌ కేజ్రీవాల్, కుస్సుం అరోరా ఈ సినిమాకు సహ నిర్మాతలుగా వ్యవహరిస్తున్నారు. ఈ చిత్రం పాన్‌ ఇండియా స్థాయిలో థియేటర్స్‌లో విడుదలకానుంది.#ShilpaShirodkar stuns as Shobha in #Jatadhara – power, intensity & mysticism all in one frame!✨ @Shilpashirodkr @ZeeStudios_ @isudheerbabu @SonakshiSinha #shilpashirodkar #sonakshisinha #Sudheerbabu #zeestudios #JATADHARA pic.twitter.com/DwCTt4QsHL— GOODTIMES (@mygoodtimes) August 28, 2025

సుధీర్‌బాబు హీరోగా నటిస్తున్న సూపర్‌ నేచురల్‌ మైథలాజికల్‌ థ్రిల్లర్‌ ‘జటాధర’. ఈ ద్విభాషా (తెలుగు, హిందీ) చిత్రానికి వెంకట్‌ కల్యాణ్, అభిషేక్‌ జైస్వాల్‌ ద్వయం దర్శకత్వం వహిస్తున్నారు. ఈ సినిమాలో సోనాక్షీ సిన్హా మరో ప్రధానపాత్రలో నటిస్తున్నారు. కాగా ఈ సినిమాలో కీలకమైన సితారపాత్రలో దివ్య ఖోస్లా నటిస్తున్నట్లుగా వెల్లడించి, ఆమె ఫస్ట్‌లుక్‌ పోస్టర్‌ను రిలీజ్‌ చేశారు మేకర్స్‌. జీ స్టూడియోస్‌ సమర్పణలో ఉమేష్‌ కుమార్‌ బన్సల్, ప్రేరణా అరోరా సహకారంతో శివిన్‌ నారంగ్, నిఖిల్‌ నందా, అరుణ అగర్వాల్, శిల్ప సింగాల్‌ ఈ చిత్రాన్ని నిర్మిస్తున్నారు. అక్షయ్‌ కేజ్రీవాల్, కుస్సుం అరోరా ఈ సినిమాకు సహ–నిర్మాతలు. ఈ చిత్రంపాన్‌ ఇండియా స్థాయిలో థియేటర్స్‌లో విడుదలకానుంది.

యంగ్ నటుడు సుధీర్ బాబు లేటెస్ట్ మూవీ 'జటాధర'. డివోషనల్ బ్యాక్ డ్రాప్ స్టోరీతో తీస్తున్న ఈ సినిమాలో బాలీవుడ్ బ్యూటీ సోనాక్షి సిన్హా కూడా నటిస్తోంది. ఇదివరకే లుక్స్ రిలీజ్ చేయగా.. తాజాగా టీజర్ రిలీజ్ చేశారు. స్టోరీ ఏంటనేది చూచాయిగా క్లారిటీ ఇచ్చారు. సోనాక్షి ఇందులో విలన్ తరహా పాత్రలో కనిపించనుంది.(ఇదీ చదవండి: 'సు ఫ్రమ్ సో' రివ్యూ.. కన్నడలో బ్లాక్‌బస్టర్ మరి తెలుగులో?)బంగారు ఆభరణాలతో సోనాక్షి పాత్ర కనిపిస్తుండగా.. సాధారణ మనిషిగా ఉండే హీరో సోనాక్షితో ఎందుకు తలపడాల్సి వచ్చింది? అందుకు దారితీసిన పరిస్థితులు ఏంటనేదే సినిమా స్టోరీలా అనిపిస్తుంది. వెంకటేశ్ కల్యాణ్- అభిషేక్ జైస్వాల్ దర్శకత్వం వహిస్తుండగా.. జీ స్టూడియోస్-ప్రేరణ అరోరా సంయుక్తంగా నిర్మిస్తున్నారు. ఈ చిత్రాన్ని తెలుగు, హిందీ భాషల్లో త్వరలో థియేటర్లలోకి తీసుకురానున్నారు.(ఇదీ చదవండి: రెండు జడలతో నాని ఫస్ట్ లుక్.. ఫుల్ క్రేజీ)

డాక్టర్ కాబోయి యాక్టర్ అయ్యానని చాలామంది అంటూ ఉంటారు. అయితే ఇతడు మాత్రం స్వతహాగా బ్యాడ్మింటన్ ప్లేయర్.. స్టేట్ లెవల్ కి ఆడాడు. కానీ మరి మనసు ఎక్కడ మారిందో ఏమో గానీ హీరో అయిపోయాడు. ప్రస్తుతం నటిస్తూనే నిర్మాతగానూ వ్యవహరిస్తున్నాడు. ఇంతలా చెప్పాం కదా ఎవరో కనిపెట్టారా? మమ్మల్నే చెప్పేయమంటారా? పైన ఫొటోలో కనిపిస్తున్న వ్యక్తి పేరు సుధీర్ బాబు. 'ఏ మాయ చేశావె'లో సమంతకు అన్నగా యాక్ట్ చేసి ఇండస్ట్రీలో అడుగుపెట్టాడు. 'ఎస్ఎమ్ఎస్' మూవీతో హీరోగా మారాడు. సమ్మోహనం, ప్రేమకథాచిత్రమ్ తదితర సినిమాలతో హిట్స్ కొట్టాడు. తర్వాత నుంచి చాలా మూవీస్ చేస్తున్నాడు గానీ ప్రేక్షకుల్ని అలరించలేకపోతున్నాడు.వ్యక్తిగత విషయానికొస్తే మహేశ్ బాబు సోదరి ప్రియదర్శినిని సుధీర్ బాబు.. సినిమాల్లోకి రాకముందే పెళ్లి చేసుకున్నాడు. వీళ్లకు ఇద్దరు కొడుకులు ఉన్నారు. వీళ్లలో పెద్దోడు తండ్రి బాటలో హీరో అయ్యే పనిలో బిజీ ఉన్నాడు. (ఇదీ చదవండి: నాలుగే సినిమాలు తీసిన తెలుగు దర్శకుడికి రజినీ ఛాన్స్?) మరోవైపు సుధీర్ బాబు నటుడి కాకముందు బ్యాడ్మింటన్ ప్లేయర్. ఆంధ్రప్రదేశ్, కర్ణాటక తరఫున ప్రాతినిధ్యం వహించాడు. ప్రముఖ కోచ్ పుల్లెల గోపీచంద్ తో కలిసి అప్పట్లో డబుల్స్ ఆడాడు. తన స్నేహితుడు బయోపిక్ లో సుధీర్ బాబు నటిస్తాడనే రూమర్స్ వచ్చాయి. కానీ ఈ ప్రాజెక్ట్ ఎందుకో అలా ఆలస్యమవుతూ వస్తోంది.సరే ఈ ఫొటో విషయానికొస్తే.. తన తొలి ఫొటోషూట్ లో తీసుకున్న పిక్ ఇది అని సుధీర్ బాబు తన ఇన్ స్టాలో పోస్ట్ చేశాడు. దీన్ని చూసిన చాలామంది ఇప్పటికి అప్పటికీ ఎంత మార్పో అని మాట్లాడుకుంటున్నారు.(ఇదీ చదవండి: ఓటీటీలోకి వచ్చేసిన సస్పెన్స్ థ్రిల్లర్.. తెలుగులో స్ట్రీమింగ్)

సుధీర్ బాబు మరో ప్రయోగంతో ప్రేక్షకుల ముందుకు రాబోతున్నాడు. ఆయన తాజాగా నటిస్తోన్న సినిమా ‘జటాధర’. రుస్తుం తరువాత మళ్లీ ప్రేరణ అరోరాతో కలిసి జీ స్టూడియోస్ ఈ ప్రాజెక్ట్‌ను నిర్మిస్తోంది. సూపన్ నేచురల్ థ్రిల్లర్‌గా రాబోతోన్న ఈ మూవీకి వెంకట్ కళ్యాణ్ దర్శకత్వం వహిస్తున్నారు. జటాధర చిత్రంలోకి జీ స్టూడియోస్ ఎంట్రీ ఇవ్వడంతో టీంలో కొత్త ఉత్తేజం వచ్చింది.ఈ మేరకు జీ స్టూడియోస్ సీఈవో ఉమేష్ కేఆర్ బన్సాల్ మాట్లాడుతూ.. ‘జీ స్టూడియోస్‌లో మేం ఇంకా ఎన్నో కథలను అందించాలని, అవి తరతరాలుగా ప్రేక్షకులను ఆకట్టుకునేలా ఉండాలని కోరుకుంటున్నాం. జటాధర థ్రిల్లింగ్ సూపర్ నేచురల్‌గా ఉండబోతోంది. ఈ ప్రాజెక్ట్ కోసం మరోసారి ప్రేరణ అరోరాతో కలిసి పని చేయడం ఆనందంగా ఉంది’ అని అన్నారు.జటాధర సినిమా కథ అనంత పద్మనాభ స్వామి ఆలయం చుట్టూ తిరుగుతుంది. అక్కడి సంపద, దాని చుట్టూ అల్లుకున్న వివాదాలు, నేపథ్యం, చరిత్ర ఇలా అనేక అంశాలను ఈ చిత్రంలో చూపించనున్నారు. అక్కడి నిధిని మాత్రమే కాకుండా ఆలయ చరిత్ర, పురాణా కథల్ని కూడా చూపించబోతోన్నారు. ఈ సినిమాలో సుధీర్ బాబు కారెక్టర్‌ చాలా భిన్నంగా ఉండబోతోంది. అందుకే ప్రస్తుతం సుధీర్ బాబు తన బాడీని పెంచే పనిలో పడ్డారు. ఇందుకోసం కఠినమైన శిక్షణ కూడా తీసుకుంటున్నారు.ఈ సినిమా షూటింగ్ ప్రారంభమైన తర్వాత మరిన్ని అప్‌డేట్స్ అందించనున్నట్లు చిత్రబృందం వెల్లడించింది. మొత్తం మీద, జటాధర సినిమా తెలుగు సినిమా ప్రేక్షకులకు, అలాగే పాన్ ఇండియా మార్కెట్ లో మంచి హైప్ క్రియేట్ చేయబోతోంది.

టాలీవుడ్ హీరో సుధీర్ బాబు ఇటీవలే మా నాన్న సూపర్ హీరో అనే మూవీతో ప్రేక్షకులను అలరించాడు. తండ్రి, కుమారుల కాన్సెప్ట్‌తో వచ్చిన ఈ మూవీ బాక్సాఫీస్ వద్ద ఫర్వాలేదనిపించింది. అభిలాష్‌ రెడ్డి కంకర దర్శకత్వంలో తెరకెక్కించిన ఈ చిత్రంలో ఆర్ణ జోడీగా హీరోయిన్‌గా నటించింది. సాయి చంద్, సాయాజీ షిండే ఇతర పాత్రల్లో నటించారు. ప్రస్తుతం ఈ సినిమా ఓటీటీలో స్ట్రీమింగ్ అవుతుండగా.. అద్భుతమైన రెస్పాన్స్ వస్తోంది.తాజాగా సుధీర్ బాబు తన కుమారుడి బర్త్‌ డే వేడుకల్లో పాల్గొన్నారు. ఫ్యామిలీ సభ్యులతో కలిసి ఆయన కుమారుడు చరిత్ మానస్ కేక్ కట్ చేశారు. దీనికి సంబంధించిన వీడియోను ట్విటర్‌లో పోస్ట్ చేశారు సుధీర్ బాబు. ఈ రోజు నాకు ప్రత్యేకమంటూ కుమారుడిపై ప్రేమను చాటుకున్నారు. చరిత్ మానస్ పుట్టినరోజు వేడుకలో మహేశ్ బాబు సతీమణి నమ్రతా, సోదరి మంజుల కూడా సందడి చేశారు.కాగా.. సూపర్ స్టార్ కృష్ణ, ఇందిరా దేవి కుమార్తె ప్రియదర్శినిని సుధీర్ బాబు పెళ్లి చేసుకున్నారు. ఈ జంటకు చరిత్ మానస్, దర్శన్ అనే ఇద్దరు కుమారులు ఉన్నారు. ఇటీవల మహేశ్ బాబు సోదరి మంజుల ఘట్టమనేని బర్త్‌ డే వేడుకల్లో సుధీర్ బాబు ఫ్యామిలీ కూడా పాల్గొన్నారు. దీనికి సంబంధించిన ఫోటోలను మంజుల సోషల్ మీడియాలో షేర్ చేసింది. On your special day, I want you to know how much I love and cherish you. You're growing up to be an incredible individual! Happy birthday, cherry ❤️ @Just_Charith pic.twitter.com/7HGrRdno55— Sudheer Babu (@isudheerbabu) November 22, 2024

మరో తెలుగు సినిమా ఎలాంటి హడావుడి లేకుండా ఓటీటీలోకి వచ్చేసింది. నాన్న సెంటిమెంట్ స్టోరీతో తీసిన ఈ సినిమాను ఓటీటీలో స్ట్రీమింగ్ చేస్తామని ప్రకటించారు. కానీ దానికి రెండు రోజుల ముందే మరో ఓటీటీలోకి ఎలాంటి హడావుడి లేకుండా వచ్చేసింది. ఇంతకీ ఇదే మూవీ? ఎందులో అందుబాటులో ఉందనేది చూద్దాం.సుధీర్ బాబు నటించిన కొత్త సినిమా 'మా నాన్న సూపర్ హీరో'. దసరాకు థియేటర్లలో రిలీజైంది. కాకపోతే అదే టైంలో నాలుగైదు సినిమాలు రిలీజ్ కావడం, ఇది స్లోగా సాగే ఎమోషనల్ కావడంతో పాజిటివ్ టాక్ వచ్చినప్పటికీ జనాలకు సరిగా రీచ్ కాలేదు. ఇప్పుడు నెలరోజులు పూర్తయ్యాయో లేదో ఓటీటీలోకి వచ్చేసింది.(ఇదీ చదవండి: ఈ వారం ఓటీటీల్లోకి 22 సినిమాలు.. అవి ఏంటంటే?)తొలుత జీ5 ఓటీటీలో నవంబర్ 15న స్ట్రీమింగ్ అవుతుందని ప్రకటించారు. కానీ ఇప్పుడు అమెజాన్ ప్రైమ్‌లోకి సైలెంట్‌గా వచ్చేసింది. సుధీర్ బాబు కొడుకుగా నటించగా.. సాయిచంద్‌, షాయాజీ షిండే తండ్రి పాత్రల్లో నటించారు. కథంతా వీళ్ల ముగ్గురు మధ్యనే నడుస్తుంది. కంటెంట్ ఓరియెంటెడ్ మూవీస్ చూద్దామనుకుంటే మాత్రం ఇది బెస్ట్ ఆప్షన్.'మా నాన్న సూపర్ హీరో' స్టోరీ గురించి మాట్లాడుకుంటే.. రోజుల వయసులోనే తల్లిని కోల్పియిన జాని (సుధీర్ బాబు), అనుకోని కారణాల వల్ల సొంత తండ్రి ప్రకాశ్(సాయిచంద్)కి దూరమవుతాడు. అనాథశ్రమంలో పెరుగుతాడు. ఓరోజు ఇతడిని శ్రీనివాస్ (షాయాజీ షిండే) దత్తత తీసుకుంటాడు. కానీ జాని వల్ల దురదృష్టమే అని ఎప్పుడూ ఈసడించుకుంటూ ఉంటాడు. ఓ రోజు ఇతడు జైలుకి వెళ్తాడు. సవతి తండ్రిని విడిచిపించాలంటే జానికి కోటి రూపాయ‌లు అవ‌స‌ర‌మ‌వుతాయి. అదే టైంలో ప్ర‌కాష్ (సాయిచంద్‌)కి కోటిన్న‌ర రూపాయ‌ల లాట‌రీ త‌గులుతుంది. ఆ డ‌బ్బులు తీసుకురావ‌డానికి త‌న‌కు తోడుగా కేర‌ళ‌కు ర‌మ్మ‌ని జానిని ప్ర‌కాష్‌ కోరుతాడు. చివరకు ఏమైంది.. సొంత తండ్రి కొడుకు కలిశారా అనేదే మిగతా కథ.(ఇదీ చదవండి: ఎన్నికల ప్రచారంలో నటుడు మిథున్ చక్రవర్తి పర్స్ కొట్టేసిన దొంగలు)

యంగ్ హీరో సుధీర్ బాబు లేటెస్ట్ సినిమా 'మా నాన్న సూపర్ హీరో'. గత నెలలో దసరా సందర్భంగా థియేటర్లలో రిలీజైంది. పాజిటివ్ టాక్ తెచ్చుకున్నప్పటికీ ఎందుకనో ప్రేక్షకులు దీన్ని పట్టించుకోలేదు. ఇ‍ప్పుడు నెల తిరిగేసరికల్లా ఓటీటీలోకి వచ్చేందుకు సిద్ధమైంది. ఈ మేరకు అధికారికంగా ప్రకటించారు.(ఇదీ చదవండి: ఈ వారం ఓటీటీల్లోకి 22 సినిమాలు.. అవి ఏంటంటే?)తండ్రీకొడుకుల అనుబంధం అనే కాన్సెప్ట్‌తో తీసిన ఈ సినిమాని నవంబర్ 15 నుంచి జీ5 ఓటీటీలో స్ట్రీమింగ్ చేయబోతున్నారు. అంటే ఈ వీకెండ్‌లో వచ్చేస్తుంది. అభిలాష్ కంక‌ర ద‌ర్శ‌కత్వం వహించిన ఈ సినిమాలో సుధీర్ బాబు కొడుకుగా నటించగా.. సాయిచంద్‌, షాయాజీ షిండే తండ్రి పాత్రల్లో నటించారు. కథంతా వీళ్ల ముగ్గురు మధ్యనే నడుస్తుంది. కంటెంట్ ఓరియెంటెడ్ మూవీస్ చూద్దామనుకుంటే మాత్రం ఇది బెస్ట్ ఆప్షన్.'మా నాన్న సూపర్ హీరో' విషయానికొస్తే.. చిన్నతనంలో తల్లిని కోల్పియిన జాని (సుధీర్ బాబు), కొన్ని పరిస్థితుల వల్ల సొంత తండ్రి ప్రకాశ్(సాయిచంద్)కి చిన్నప్పుడే దూరమవుతాడు. అనాథశ్రమంలో పెరుగుతున్న ఇతడిని శ్రీనివాస్ (షాయాజీ షిండే) దత్తత తీసుకుంటాడు. కానీ మంచిగా చూసుకోడు. ఓ రోజు పెంచిన తండ్రిని జైలు నుంచి విడిచిపించాలంటే కోటి రూపాయ‌లు జానికి అవ‌స‌ర‌మ‌వుతాయి. అదే టైంలో ప్ర‌కాష్ (సాయిచంద్‌)కి కోటిన్న‌ర రూపాయ‌ల లాట‌రీ త‌గులుతుంది. ఆ డ‌బ్బులు తీసుకురావ‌డానికి త‌న‌కు తోడుగా కేర‌ళ‌కు ర‌మ్మ‌ని జానిని ప్ర‌కాష్‌ కోరుతాడు. చివరకు ఏమైంది.. సొంత తండ్రి కొడుకు కలిశారా అనేదే కథ.(ఇదీ చదవండి: నన్ను అలా పిలవొద్దు.. కమల్ హాసన్ రిక్వెస్ట్)

ఈసారి దసరాకి అరడజనుకు పైగా సినిమాలు థియేటర్లలో రిలీజ్. వీటిలో వైవిధ్యభరిత చిత్రాలున్నాయి. ఇందులో ఓ మూవీనే 'మా నాన్న సూపర్ హీరో'. సుధీర్ బాబు, షాయాజీ షిండే, సాయిచంద్ ప్రధాన పాత్రలు పోషించారు. నాన్న సెంటిమెంట్‌తో తీసిన ఈ సినిమా నేడు(అక్టోబర్‌ 11) ప్రేక్షకుల ముందుకు వచ్చింది. మరి ఈ నాన్న.. బాక్సాఫీస్ దగ్గర సూపర్ హీరో అనిపించుకున్నాడా లేదా అనేది రివ్యూలో చూద్దాం.కథేంటి?ప్రకాశ్ (సాయిచంద్) ఓ లారీ డ్రైవర్. బిడ్డని ప్రసవించి భార్య చనిపోతుంది. రోజుల పిల్లాడిని అనాథశ్రమంలో ఉంచి, పనికోసం బయటకెళ్తాడు. ఊహించని విధంగా అరెస్ట్ అవుతాడు. 20 ఏళ్లు జైల్లోనే ఉండిపోతాడు. అంతలో పిల్లాడు జాని (సుధీర్ బాబు) పెరిగి పెద్ద వాడవుతాడు. ఇతడిని శ్రీనివాస్ (షాయాజీ షిండే) అనే స్టాక్ బ్రోకర్ దత్తత తీసుకుంటాడు. అయితే జాని రాకతో తన కుటుంబానికి అరిష్టం పట్టుకుందని శ్రీనివాస్‌కి కోపం. కానీ జానికి మాత్రం నాన్నే సూపర్ హీరో. తండ్రిపై విపరీతమైన ప్రేమ. ఊరంతా అప్పులు చేసే శ్రీనివాస్.. ఓ రాజకీయ నాయకుడికి కోటి రూపాయలు బాకీ పడతాడు. ఇంతకీ ఈ డబ్బు సంగతేంటి? చివరకు సొంత తండ్రి కొడుకులైన జాని-ప్రకాశ్ కలిశారా అనేది మిగతా స్టోరీ.ఎలా ఉందంటే?తమిళ, మలయాళంలో కొన్ని సినిమాలు చూసినప్పుడు.. అరె మన దగ్గర ఎందుకు ఇలాంటి కాన్సెప్ట్ ఓరియెంటెడ్ మూవీస్ రావట్లేదా అని చాలామంది బాధపడుతుంటారు. ఇప్పుడు అలాంటి వాళ్ల కోరిక తీర్చడానికి అన్నట్లు వచ్చిన మూవీ 'మా నాన్న సూపర్ హీరో'. కమర్షియల్ అంశాల జోలికి పోకుండా స్ట్రెయిట్‌గా కథ చెప్పి మెప్పించారు.చేయన నేరానికి పోలీసులకు దొరికిపోయి, కొడుక్కి ప్రకాశ్ దూరమవడంతో సినిమా ప్రారంభమవుతుంది. కట్ చేస్తే జాని, శ్రీనివాస్ పాత్రల పరిచయం. పెంపుడు తండ్రి అంటే కొడుకు జానికి ఎంత ఇష్టమో చూపించే సీన్స్. శ్రీనివాస్‌కి దత్త పుత్రుడు అంటే ఉండే కోపం, అయిష్టత. ఇలా నెమ్మదిగా ఈ రెండు పాత్రలకు అలవాటు పడతాం. ఇంతలో ప్రకాశ్ పాత్ర వస్తుంది. ఇక్కడి నుంచి డ్రామా మొదలవుతుంది. ‍చిన్నప్పుడు విడిపోయిన తండ్రి-కొడుకు ఎలా కలుసుకుంటారా అని మనకు అనిపిస్తూ ఉంటుంది. ఇంతలో కోటిన్నర లాటరీ టికెట్ అనేది మెయిన్ కాన్‌ఫ్లిక్ట్ అవుతుంది. ప్రకాశ్ దగ్గరున్న లాటరీ టికెట్‌ని కొట్టేయడానికి కొన్ని పాత్రలు ప్రయత్నిస్తూ ఉంటాయి. మరోవైపు తండ్రిని కాపాడుకునేందుకు పెంచిన కొడుకు పడే తాపత్రయం ఇలాంటి అంశాలతో సెకండాఫ్ నడిపించారు.రెండు గంటల సినిమా చూస్తున్నంతసేపు ఓ నవల చదువుతున్నట్లు ఉంటుంది. కానీ హీరోయిన్ సీన్స్, సెకండాఫ్‌ ప్రారంభంలో రాజు సుందరం ట్రాక్ నిడివి పొగిడించడం కోసం పెట్టారా అనే సందేహం కలుగుతుంది. ఇవి లేకపోయినా సరే సినిమా ఫ్లో దెబ్బతినదు. స్లో నెరేషన్ కూడా కొందరు ప్రేక్షకులకు ల్యాగ్ అనిపించొచ్చు. క్లైమాక్స్‌లోనూ అసలైన తండ్రి-కొడుకు కలుసుకున్నట్లు డ్రామా-ఎమోషన్స్ వర్కౌట్ చేయొచ్చు. కానీ సింపుల్‌గా తేల్చేశారా అనిపిస్తుంది. ఓవరాల్‪‌గా చూస్తే మాత్రం ఓ మంచి ఎమోషనల్ డ్రామా చూసిన ఫీలింగ్ కలుగుతుంది.ఎవరెలా చేశారు?సుధీర్ బాబు వరకు ఇది డిఫరెంట్ పాత్ర. ఇదివరకు బాడీ చూపిస్తూ ఎక్కువగా యాక్షన్ సినిమాలు చేస్తూ వచ్చాడు. ఇందులో మాత్రం సెటిల్డ్ యాక్టింగ్‌తో ఆకట్టుకున్నాడు. షాయాజీ షిండే క్యారెక్టర్ బాగుంది కానీ ఈ పాత్రకు ఇంకాస్త డెప్త్, ఎమోషనల్ సీన్స్ పడుంటే బాగుండేది అనిపించింది. సెకండాఫ్‌లో తండ్రిగా సాయిచంద్ తనదైన యాక్టింగ్‌తో జీవించేశాడు. మేజర్ సీన్స్ అన్నీ ఈ పాత్రల చుట్టే తిరుగుతాయి. దీంతో హీరోయిన్‌తో పాటు మిగిలిన పాత్రలకు పెద్ద స్కోప్ దొరకలేదు.దర్శకుడు మంచి ఎమోషనల్ కథ అనుకున్నాడు. అందుకు తగ్గ పాత్రధారుల్ని తీసుకున్నాడు. కానీ సినిమా తీసే క్రమంలో కాస్త తడబడ్డాడు. కానీ ఇలాంటి స్టోరీ కూడా తీయొచ్చనే అతడి ప్రయత్నాన్ని మెచ్చుకోవాలి. ఎలాంటి కమర్షియల్ వాసనల జోలికి పోకుండా తీసిన డ్రామా సినిమా ఏదైనా చూద్దామనుకుంటే 'మా నాన్న సూపర్ హీరో'పై ఓ లుక్కేయండి. మరీ కాకపోయినా.. నచ్చేస్తుంది!-చందు డొంకాన

‘‘మా నాన్న సూపర్‌ హీరో’ సినిమా యూనివర్సల్‌ పాయింట్‌తో రూపొందింది. ఇద్దరు తండ్రులు, ఒక కొడుకు మధ్య నడిచే ముక్కోణపు ప్రేమకథ అని చెప్పాచ్చు. తప్పకుండా అన్ని వర్గాల ప్రేక్షకులకు ఈ చిత్రం కనెక్ట్‌ అవుతుందని నమ్ముతున్నాను’’ అని సుధీర్‌ బాబు అన్నారు. అభిలాష్‌ రెడ్డి కంకర దర్శకత్వంలో సుధీర్‌ బాబు, ఆర్ణ జోడీగా నటించిన చిత్రం ‘మా నాన్న సూపర్‌ హీరో’. సాయి చంద్, సాయాజీ షిండే ఇతర పాత్రల్లో నటించారు. వి సెల్యులాయిడ్స్, కామ్‌ ఎంటర్‌టైన్ మెంట్‌పై సునీల్‌ బలుసు నిర్మించిన ఈ సినిమా ఈ నెల 11న విడుదలవుతోంది. ఈ సందర్భంగా సుధీర్‌ బాబు పంచుకున్న విశేషాలు...⇒ అభిలాష్‌ చేసిన ‘లూజర్‌’ సిరీస్‌ చూశా.. బాగా నచ్చింది. తను ‘మా నాన్న సూపర్‌ హీరో’ కథ చెప్పినప్పుడు చాలా ఫ్రెష్‌గా అనిపించింది. పూర్తిస్థాయిలో ఫాదర్‌ ఎమోషన్‌ ఉన్న సినిమాలు అరుదు. ఇద్దరు తండ్రులు, ఒక కొడుకు కథ ఇంతకుముందెన్నడూ రాలేదు. ‘మా నాన్న సూపర్‌ హీరో’ మొదటి చిత్రం. నా కెరీర్‌లో చాలా సంతృప్తి ఇచ్చిన సినిమా ఇది. మానవ సంబంధాలపై ఉన్న ఈ పాయింట్‌ కచ్చితంగా ప్రేక్షకులకి నచ్చుతుంది. మొదటి ఆట నుంచే ఆడియన్ ్స, క్రిటిక్స్‌ నుంచి ఏకగ్రీవంగా పాజిటివ్‌ టాక్‌ వస్తుందనే నమ్మకం ఉంది. ⇒ ‘హరోం హర’ సినిమాకి ముందే ‘మా నాన్న సూపర్‌ హీరో’ కి ఒప్పుకున్నా. అయితే ఫలానా జోనర్‌లో సినిమా చేయాలని నేనెప్పుడూ ప్రణాళిక వేసుకోను. ఒక నటుడిగా అన్ని జోనర్‌ సినిమాలు చేయాలి. నాకు వచ్చిన కథల్లో ఏది బాగుంటే అది చేస్తాను. అలా వచ్చిన కథే ‘మా నాన్న సూపర్‌ హీరో’. నాన్నపై కొడుకు ప్రేమని ‘యానిమల్‌’ సినిమాలో అగ్రెసివ్‌ అండ్‌ బోల్డ్‌గా చూపించినా జనాలకి నచ్చింది. కానీ, ‘మా నాన్న సూపర్‌ హీరో’ లో నాన్నమీద కొడుకుకి ఉన్న లవ్‌ని ప్రేమతో ప్రాజెక్ట్‌ చేస్తున్నాం. సన్నివేశాలు వాస్తవానికి చాలా దగ్గరగా ఉంటాయి. రియల్‌ లైఫ్‌లో మా నాన్నగారు చాలా క్రమశిక్షణ గల మనిషి. ఆయన క్రమశిక్షణ మా అక్కకి, నాకు స్ఫూర్తినిచ్చింది. ⇒ మహేశ్‌ బాబుగారు మా చిత్రం ట్రైలర్‌ చూసి మనసుని తాకింది అన్నారు. ట్రైలర్‌ చివర్లో వచ్చే మహేశ్‌ బాబు పేరు ఉన్న డైలాగ్‌ గురించి ప్రస్తావిస్తూ చాలా వినోదాత్మకంగా ఉందని చెప్పారు. నా సినిమాల గురించి ఇంత చెప్పడం ఇదే తొలిసారి. యువీ క్రియేషన్ ్స విక్కీ, వంశీ, సునీల్, నేను కలిసి 2002లో సినిమాల్ని డిస్ట్రిబ్యూట్‌ చేసేవాళ్లం. ఇప్పుడు వాళ్ల బ్యానర్‌లో నేను హీరోగా చేయడం సంతోషంగా ఉంది. అలాగే ఎలాగైనా హిట్‌ కొట్టాలనే బాధ్యత ఉంది. వందశాతం హిట్‌ కొడతామనే నమ్మకం వచ్చింది. సాయిచంద్, సాయాజీ షిండేగార్లతో పనిచేయడం గొప్ప అనుభూతినిచ్చింది. ఈ సినిమా ఫైనల్‌ ఔట్‌పుట్‌ చూశాక నా నమ్మకాన్ని అభిలాష్‌ నిలబెట్టుకున్నాడనిపించింది. తను భవిష్యత్‌లో పెద్ద డైరెక్టర్‌ అవుతాడు.. మంచి సినిమాలు తీస్తాడు. జై క్రిష్‌ సంగీతం, నేపథ్య సంగీతం అద్భుతంగా ఉంటుంది. నా కెరీర్‌కి ఉపయోగపడే, వైవిధ్యమైన పాత్ర ఉంటే విలన్‌గా చేస్తాను. నా తర్వాతి సినిమా ‘జటాధరా’ నవంబరులో ్రపారంభం అవుతుంది. ఈ సినిమా తర్వాత రాహుల్‌ రవీంద్రన్‌ దర్శకత్వంలో 70ఎంఎం బ్యానర్‌లో మరో చిత్రం చేస్తాను.

సుధీర్ బాబు హీరోగా నటించిన లేటెస్ట్ మూవీ 'మా నాన్న సూపర్ హీరో'. పేరుకి తగ్గట్లే నాన్న అనే సెంటిమెంట్‌తో ఈ సినిమా తీశారు. హీరోకి ఇద్దరు నాన్నలు ఉండటం అనే కాన్సెప్ట్‌తో టీజర్ రిలీజ్ చేయగా అద్భుతమైన రెస్పాన్స్ వచ్చింది. తాజాగా హీరో మహేశ్ బాబు చేతుల మీదుగా ట్రైలర్ విడుదల చేశారు. ఇంతకీ ఇది ఎలా ఉందంటే?(ఇదీ చదవండి: మెగా హీరో 'మట్కా' టీజర్ ఎలా ఉందంటే?)డబ్బు కోసం కొడుకుని మరొకరి అమ్మేస్తాడు ఓ తండ్రి. పెరిగి పెద్దయిన తర్వాత ఈ విషయం కొడుక్కి తెలుస్తుంది. ఆ తర్వాత కన్న తండ్రి, పెంచిన తండ్రితో ఎలాంటి జర్నీ సాగింది. చివరకు ఏమైందనేదే స్టోరీలా అనిపిస్తుంది. ఫుల్ ఆన్ ఎమోషనల్ రైడ్‌గా ఉండబోతుందని తెలుస్తోంది. బ్యాక్ గ్రౌండ్ మ్యూజిక్ కనెక్ట్ అయ్యేలా ఉంది.సుధీర్ బాబు కొడుకుగా నటించగా.. సాయాజీ షిండే, సాయిచంద్ తండ్రి పాత్రల్లో కనిపించారు. అభిలాష్ కంకర దర్శకుడు. అక్టోబరు 11న థియేటర్లలో రిలీజ్ కానుంది. ఇప్పటికే దసరా రేసులో వేట్టయిన్, విశ్వం, జనక అయితే గనక సినిమాలు ఉన్నాయి. వీటితో పాటు సూపర్ హీరో నాన్న పోటీలో ఉన్నాడు. మరి హిట్ కొడతాడా లేదా అనేది చూడాలి?(ఇదీ చదవండి: మణికంఠ గాలి తీసేసిన నాగార్జున.. స్ట్రాటజీలన్నీ బయటపెట్టేసి)

టాలీవుడ్‌ హీరో సుధీర్ బాబు 'మా నాన్న సూపర్ హీరో' అనే సినిమాతో ప్రేక్షకుల ముందుకు త్వరలో రానున్నారు. తాజాగా ఈ సినిమా నుంచి పెళ్లి సాంగ్‌ను మేకర్స్‌ విడుదల చేశారు. ఈ క్రమంలో తన పెళ్లి వేడుకకు సంబంధించిన పలు ఫోటోలను అభిమానులతో సుధీర్‌ పంచుకున్నారు. ఆ ఫోటోలు నెట్టింట వైరల్‌ అవుతున్నాయి.ఇదీ చదవండి: హీరోయిన్‌తో పెళ్లికి రెడీ అవుతున్న శింబుహీరో సుధీర్ బాబు.. సూపర్‌స్టార్‌ కృష్ణ కుమార్తె ప్రియదర్శినితో 2006లో వివాహం అయింది. అయితే, నాటి ఫోటోలకు తన కొత్త సినిమా 'మా నాన్న సూపర్ హీరో' నుంచి ఒక పాటను తీసుకుని వీడియో రూపంలో క్రియేట్‌ చేసి అభిమానులతో పంచుకున్నారు. అందులో సుధీర్ బాబు,ప్రియదర్శిని దంపతులను ఆశీర్వదిస్తున్న మహేశ్‌ బాబు ఫోటో ప్రధాన ఆకర్షణగా నిలిచింది.నాడు పెళ్లిచూపుల ఫోటో షేర్‌ చేసిన సుధీర్‌సుధీర్‌ బాబు గతంలో కూడా వివాహ వార్షికోత్సవం సందర్భంగా తన సతీమణి ప్రియదర్శిని ఫోటోను అభిమానులతో పంచుకున్నారు. ఈ ఫొటోలో క్యూట్‌గా కనిపిస్తుందెరో కాదు అంటూనే.. ప్రియదర్శినికి శుభాకాంక్షలు తెలిపారు. ఆ పిక్‌ కూడా పెళ్లిచూపుల ఫోటో అని, తన దగ్గర ఉన్న ఆమె మొదటి ఫోటో ఇదేనని ఆయన పేర్కొన్నారు.2010లో ఏ మాయ చేసావే చిత్రంతో ఒక సపోర్టింగ్‌ రోల్‌తో వెండితెరకు పరిచయం అయ్యారు. ఆ తర్వాత ప్రేమ కథా చిత్రమ్‌తో మంచి గుర్తింపు తెచ్చుకున్నారు. ప్రస్తుతం 'మా నాన్న సూపర్ హీరో' అనే చిత్రంతో అక్టోబర్‌ 11న ప్రేక్షకుల ముందుకు సుధీర్‌ బాబు రానున్నారు. అభిలాష్‌ ఈ చిత్రానికి దర్శకత్వం వహిస్తున్నారు. తండ్రీకొడుకుల ప్రేమ, అనుబంధాలకు నిజమైన అర్థాన్ని తెలియజేసేలా ఈ చిత్రం ఉండనుంది. ఈ మూవీలో సుధీర్‌ బాబు తండ్రిగా సాయిచంద్ నటిస్తున్నారు. View this post on Instagram A post shared by Sudheer Babu (@isudheerbabu)

సాయి రోనక్, ప్రగ్యా నగ్రా, రాజేంద్రప్రసాద్, ఎల్బీ శ్రీరామ్, రఘుబాబు, రోహిణి ముఖ్య తారలుగా రూపొందిన చిత్రం ‘లగ్గం’. రమేష్‌ చెప్పాల దర్శకత్వంలో వేణుగోపాల్‌ రెడ్డి నిర్మించిన ఈ చిత్రం అక్టోబరు 25న ఏషియన్‌ సురేష్‌ సంస్థ ద్వారా రిలీజ్‌ అవుతోంది. ఈ రిలీజ్‌ పోస్టర్‌ను ఆవిష్కరించి, యూనిట్‌కి శుభాకాంక్షలు తెలిపారు హీరో సుధీర్‌బాబు. ‘‘తెలంగాణ నేపథ్యంలో సాగే ఈ చిత్రంలో నటీనటులు పూర్తి తెలంగాణ యాస మాట్లాడకుండా వాడుక భాషలో మాట్లాడతారు’’ అన్నారు రమేష్‌ చెప్పాల. ‘‘ప్రతి సాఫ్ట్‌వేర్‌ ఇంజనీర్‌ చూడాల్సిన చిత్రం ఇది’’ అన్నారు వేణుగోపాల్‌ రెడ్డి.

'హరోం హర' సినిమా తర్వాత సుధీర్ బాబు నటిస్తోన్న తాజా చిత్రం 'మా నాన్న సూపర్ హీరో'. ఈ చిత్రంలో ఆర్నా హీరోయిన్‌గా నటిస్తున్నారు. లూజర్‌ వెబ్‌సిరీస్‌ ఫేమ్‌ అభిలాష్‌ ఈ సినిమాకు దర్శకత్వం వహిస్తున్నారు. ఈ మూవీని వీ సెల్యూలాయిడ్స్‌, క్యామ్ ఎంటర్‌టైన్‌మెంట్‌ బ్యానర్లపై సునీల్ బలుసు నిర్మిస్తున్నారు. తాజాగా ఈ మూవీ నుంచి సెకండ్‌ సాంగ్‌ను మేకర్స్‌ విడుదల చేశారు. ఇప్పటికే విడుదలైన టీజర్‌కు ప్రేక్షకుల నుంచి మంచి ఆదరణ లభించింది. అక్టోబర్‌ 11న ఈ చిత్రం విడుదల కానుంది.తండ్రీకొడుకుల ప్రేమ, అనుబంధాలకు నిజమైన అర్థాన్ని తెలియజేసేలా ‘మా నాన్న సూపర్‌ హీరో’ ఉంటుంది. 'వేడుకలో..' అంటూ సాగే ఒక సాంగ్‌ను చిత్రబృందం విడుదల చేసింది. ఈ చిత్రంలో రాజు సుందరం ఓ కీలక పాత్రలో నటిస్తూనే, కొరియోగ్రాఫర్‌గా బాధ్యతలు నిర్వర్తిస్తున్నారు. సాయిచంద్, సాయాజీ షిండే, శశాంక్, ఆమని, హర్షిత్‌ రెడ్డి తదితరులు ఈ చిత్రంలో నటించారు. ఈ సినిమాకు సంగీతం: జై క్రిష్, కెమెరా: సమీర్‌ కల్యాణి.

సుధీర్‌బాబు హీరోగా రూ΄పొందనున్న సూపర్‌ నేచురల్‌ థ్రిల్లర్‌ మూవీ ‘జటాధర’. వెంకట్‌ కల్యాణ్‌ దర్శకుడు. ప్రేరణ అరోరా సమర్పణలో సుధీర్‌బాబు ప్రొడక్షన్‌ బ్యానర్‌పై శివివన్‌ నారంగ్, నిఖిల్‌ నంద, ఉజ్వల్‌ ఆనంద్‌ నిర్మించనున్న ‘జటాధర’ సెకండ్‌ పోస్టర్‌ విడుదల చేశారు. ఈ సందర్భంగా సుధీర్‌బాబు మాట్లాడుతూ– ‘‘జటాధర’ కథ శాస్త్రీయత, పౌరాణిక అంశాల కలయికలో ఉంటుంది. ఈ రెండు ప్రపంచాలను ప్రేక్షకులు వెండితెరపై చూస్తున్నప్పుడు ఓ సరికొత్త అనుభూతిని ΄అందుతారు. ప్రేరణ అరోరాగారితో కలిసి ఈ సినిమా కోసం ప్రయాణం చేయటం గొప్ప అనుభూతి. ప్రేక్షకులను ఆశ్చర్యపరిచే అంశాలు ఎన్నో ఈ సినిమాలో ఉంటాయి’’ అని తెలిపారు. ‘‘జటాధర’ సినిమా ప్రీప్రొడక్షన్‌ పనులు శరవేగంగా జరుగుతున్నాయి. త్వరలోనే ఈ చిత్రం షూటింగ్‌ని హైదరాబాద్‌లో ప్రారంభిస్తాం. ఈ సినిమాలో హీరోయిన్‌గా ఓ బాలీవుడ్‌ స్టార్‌ నటించనున్నారు. అలాగే ప్రతినాయకిపాత్రలో మరో బాలీవుడ్‌ నటి నటిస్తారు. 2025 శివరాత్రికిపాన్‌ ఇండియా ప్రేక్షకులను ఈ మూవీ అలరించనుంది’’ అని చిత్రయూనిట్‌ పేర్కొంది.

సుధీర్ బాబు హీరోగా నటిస్తూ నిర్మిస్తున్న సినిమా 'జటాధర'. గతంలో ఈ సినిమాకు సంబంధించిన లుక్ రిలీజ్ చేశారు. ఇప్పుడు మరో పోస్ట్ రిలీజ్ చేశారు. సూప‌ర్ నేచుర‌ల్ థ్రిల్ల‌ర్‌ కాన్సెప్ట్‌తో తీస్తున్న ఈ చిత్ర షూటింగ్ త్వరలో మొదలుకానుందని ప్రకటించారు.(ఇదీ చదవండి: బిగ్‌బాస్ 8: అభయ్ ఎలిమినేట్ అయ్యాడుగా.. కొత్త చీఫ్ ఎవరంటే?)వచ్చే ఏడాది శివ‌రాత్రికి థియేటర్లలో ఈ చిత్రాన్ని విడుదల చేయనున్నారు. పౌరాణిక‌, ఫాంట‌సీ, డ్రామా అంశాల కాంబోలో దీన్ని తెరకెక్కిస్తున్నారు. కొత్త లుక్‌లో సుధీర్ బాబు స‌రికొత్తగా, శ‌క్తివంత‌ంగా కనిపిస్తున్నాడు. ప్రేర‌ణ అరోరా స‌మ‌ర్ప‌ణ‌లో సుధీర్ బాబు ప్రొడ‌క్ష‌న్ బ్యాన‌ర్‌పై దీన్ని నిర్మిస్తున్నారు. ఇక సుధీర్ బాబు హీరోగా నటించిన 'మా నాన్న సూపర్ హీరో'.. అక్టోబరు 11న థియేటర్లలోకి రానుంది.(ఇదీ చదవండి: ఆలియా కూతురి విషయంలో నెరవేరిన ఎన్టీఆర్ కోరిక!)

టాలీవుడ్‌ హీరో సుధీర్‌ బాబు ప్రధాన పాత్రలో నటించిన చిత్రం మా నాన్న సూపర్‌ హీరో. గురువారం (సెప్టెంబర్‌ 12న) ఈ సినిమా టీజర్‌ను లాంచ్‌ చేశారు. ఈ సందర్భంగా తన తండ్రి పోసాని నాగేశ్వరరావు గురించి చెప్తూ సుధీర్‌ స్టేజీపై ఎమోషనల్‌ అయ్యాడు.ఎంత ప్రేమ ఉన్నా..అతడు మాట్లాడుతూ.. 'మా నాన్నపై నాకెంత ప్రేమ ఉన్నా సరే ఇంతవరకు ఐ లవ్యూ చెప్పలేదు. హగ్‌ కూడా చేసుకోలేదు. లోపల ఎంత ప్రేమ ఉన్నా సరే బయటకు చూపించుకోలేను. ఇప్పటికీ ఎన్నోసార్లు వెళ్లి ఆయన్ను హత్తుకోవాలనిపిస్తుంటుంది కానీ ఆగిపోతుంటాను. అందుకే నా పిల్లల్ని హగ్‌ చేసుకుంటాను. ఎక్కువగా గొడవలుమా నాన్న ఎప్పుడూ, ఎవరిపైనా కోప్పడరు. నాకేమో చిన్నదానికే కోపం వచ్చేస్తుంటుంది. బాల్యంలో ఎక్కువగా గొడవలు పెట్టుకునేవాడిని. దాంతో అమ్మానాన్న.. నువ్వు మాకు పుట్టలేదు, అడవిలో దొరికావు అని చెప్పేవారు. 12వ తరగతికి వచ్చేదాకా అదే నిజమని నమ్మాను. మా ఫ్రెండ్స్‌తో కూడా నేను మా పేరెంట్స్‌కు పుట్టలేదంట, దొరికాను అని చెప్పేవాడిని.(చదవండి: 'మా నాన్న సూపర్ హీరో'.. ఎమోషనల్ టీజర్ వచ్చేసింది!) ఏడేళ్లపాటు కష్టపడ్డారునాకు ఏడేళ్ల వయసున్నప్పుడు నాన్న అప్పు చేసి మరీ పెస్టిసైడ్‌ షాప్‌ పెట్టారు. ఉదయం తొమ్మిదింటికి వెళ్లి రాత్రి 12 గంటలకు వచ్చేవారు. అలా ఏడేళ్లపాటు కష్టపడ్డారు. ఈరోజు ఇండియాలోనే పెద్ద డిస్ట్రిబ్యూటర్‌గా ఎదిగారు. ఆయన ఏం చేసినా మా సంతోషం కోసమే చేసేవారు. తను కష్టజీవి.సుధీర్‌ ఎమోషనల్‌నేను సినిమాల్లోకి వస్తానన్నప్పుడు తన గుండె పగిలినంత పనైంది. అదృష్టవశాత్తూ ఇండస్ట్రీలో నాకంటూ ఓ స్థానం సంపాదించుకున్నాను' అని సుధీర్‌బాబు భావోద్వేగానికి లోనయ్యాడు. మా నాన్న సూపర్‌ హీరో మూవీ అక్టోబర్‌ 11న థియేటర్లలో విడుదల కానుంది.చదవండి: ఓడిన సోనియా.. గెలిచి చూపించిన నిఖిల్‌

హరోం హర తర్వాత సుధీర్ బాబు హీరోగా నటిస్తోన్న తాజా చిత్రం మా నాన్న సూపర్ హీరో. ఈ చిత్రంలో ఆర్నా హీరోయిన్‌గా నటిస్తున్నారు. లూజర్‌ వెబ్‌సిరీస్‌ ఫేమ్‌ అభిలాష్‌ ఈ సినిమాకు దర్శకత్వం వహిస్తున్నారు. ఈ మూవీని వీ సెల్యూలాయిడ్స్‌, క్యామ్ ఎంటర్‌టైన్‌మెంట్‌ బ్యానర్లపై సునీల్ బలుసు నిర్మిస్తున్నారు. తాజాగా ఈ మూవీ టీజర్‌ను మేకర్స్ విడుదల చేశారు.తండ్రీకొడుకుల ప్రేమ, అనుబంధం కథాంశంగా ఈ చిత్రాన్ని ప్రేక్షకుల ముందుకు తీసుకొస్తున్నారు. చాలా రోజుల తర్వాత పోకిరి నటుడు షాయాజీ షిండే టాలీవుడ్‌ అభిమానులను అలరించనున్నారు. 'నేను కష్టపడుతున్నాను కదా నాన్న.. ఇక నువ్వేందుకు పనిచేయడం' అన్న డైలాగ్ చూస్తుంటే ఈ మూవీ ఫుల్ ఎమోషనల్‌ ఎంటర్‌టైనర్‌గా తెరకెక్కించినట్లు తెలుస్తోంది. టీజర్ చూస్తే 'అమ్మని అన్నం పెట్టమని అడిగితే అడుక్కున్నట్లు కాదు... నాన్న ముందు తగ్గితే ఓడిపోయినట్టు కాదు!! లాంటి ఎమోషనల్ డైలాగ్స్‌ ఈ సినిమాపై అంచనాలు పెంచేస్తున్నాయి. తండ్రీ, కుమారుల అనుబంధం, ఎమోషన్స్‌ అభిమానులను తెగ ఆకట్టుకుంటున్నాయి. ఈ ఏడాది దసరా పండుగకు అక్టోబర్ 11న థియేటర్లలో మా నాన్న సూపర్ హీరో సందడి చేయనుంది. ఈ చిత్రంలో సాయిచంద్, రాజు సుందరం, శశాంక్, ఆమని, చంద్ర, అన్నీ కీలక పాత్రలు పోషిస్తున్నారు. అమ్మని అన్నం పెట్టమని అడిగితే అడ్డుకునట్టు కాదు... నాన్న ముందు తగ్గితే ఓడిపోయాయినట్టు కాదు!!A heartwarming tale coming this Dusshera#MNSHTeaser - https://t.co/ke3FnMyr9w#MaaNannaSuperHero grand release on Oct 11th@abhilashkankara @sayajishinde #SaiChand @jaymkrish… pic.twitter.com/asU6FJtUwe— Sudheer Babu (@isudheerbabu) September 12, 2024

ఇటీవలే హరోం హర మూవీతో మెప్పించిన టాలీవుడ్ స్టార్ సుధీర్‌బాబు. తాజాగా మరోసారి అభిమానులను అలరించేందుకు వచ్చేస్తున్నారు. ఆయన హీరోగా నటిస్తోన్న తాజా చిత్రం 'మా నాన్న సూపర్‌ హీరో'. ఇందులో ఆర్ణ హీరోయిన్‌గా కనిపించనుంది. ఈ చిత్రానికి అభిలాష్ రెడ్డి కంకర దర్శకత్వం వహిస్తున్నారు. ఈ చిత్రాన్ని వీసెల్యూలాయిడ్స్, క్యామ్ ఎంటర్‌టైన్‌మెంట్‌తో కలిసి సునీల్‌ బలుసు నిర్మిస్తున్నారు.తండ్రీ, తనయులు అనుబంధం నేపథ్యంలో ఫుల్ ఫ్యామిలీ ఎంటర్‌టైనర్‌గా ఈ మూవీని రూపొందించారు. ప్రస్తుతం పోస్ట్‌ ప్రొడక్షన్‌ పనులతో బిజీగా ఉన్నట్లు మేకర్స్ ప్రకటించారు. ఈ మూవీని దసరా సందర్భంగా విడుదల చేయనున్నట్లు పోస్టర్‌ను పంచుకున్నారు. అయితే రిలీజ్ డేట్‌ను త్వరలోనే వెల్లడిస్తామని తెలిపారు. కుటుంబ సమేతంగా చూడదగిన చిత్రం మానాన్న హీరో అని చిత్రయూనిట్ తెలిపింది. కాగా.. చిత్రంలో సాయిచంద్, సాయాజీ షిండే, రాజు సుందరం, శశాంక్, ఆమని ప్రధాన పాత్రలు పోషిస్తున్నారు. ఈ మూవీకి జై క్రిష్ సంగీతం అందిస్తున్నారు.#MaaNannaSuperhero post production works underway.The emotional saga will hit the big screens during Dussehra. Release date announcement soon ❤‍🔥Stay tuned for more exciting updates 💥@isudheerbabu #SaiChand @sayajishinde @abhilashkankara @mahesh_films @vcelluloidsoffl… pic.twitter.com/AZQjpGRPF0— UV Creations (@UV_Creations) August 27, 2024

రెబల్ స్టార్‌ ప్రభాస్‌ కల్కి చిత్రంపై బాలీవుడ్‌ నటుడు అర్షద్‌ వార్సీ వివాదాస్పద కామెంట్స్‌ చేశారు. ఈ సినిమా తనకు నచ్చలేదని అన్నారు. అంతేకాదు కల్కిలో ప్రభాస్ లుక్‌ జోకర్‌లా అనిపించిందని కించపరిచేలా మాట్లాడారు. దీంతో అర్షద్‌ వార్సీ చేసిన కామెంట్స్‌ వివాదానికి దారితీశాయి. ప్రభాస్‌ను ఉద్దేశించిన అతను చేసిన కామెంట్స్‌పై టాలీవుడ్ ప్రముఖులు మండిపడుతున్నారు. ఇప్పటికే పలువురు తారలు అర్షద్ వార్సీకి వ్యతిరేకంగా పోస్టులు పెట్టారు.తాజాగా టాలీవుడ్ హీరో సుధీర్ బాబు సైతం అర్షద్‌ కామెంట్స్‌పై ఆగ్రహం వ్యక్తం చేశారు. ప్రభాస్ విషయంలో మీరు నిర్మాణాత్మకంగా విమర్శించినా ఫర్వాలేదు.. కానీ అనవసరంగా నోరు పారేసుకోవడం మంచిది కాదని హితవు పలికారు. ప్రొఫెషనలిజం లేని ఇలాంటి కామెంట్స్‌ నీలాంటి వారి నుంచి వస్తాయని ఊహించలేదని అన్నారు. ఇలా సంకుచిత మైండ్‌సెట్‌తో ఆలోచించే నీలాంటి వారిని ఆయన పట్టించుకోరని తెలిపారు. ఎందుకంటే ప్రభాస్ స్థాయి చాలా పెద్దదని సుధీర్‌ బాబు తన ట్విటర్‌లో పోస్ట్‌ చేశారు. కాగా..అర్షద్‌ వార్సీ చేసిన వ్యాఖ్యలపై క్షమాపణ చెప్పాల్సిందేనని రెబల్‌ స్టార్‌ ఫ్యాన్స్‌ డిమాండ్‌ చేస్తున్నారు.It's okay to criticize constructively but it's never okay to bad-mouth. Never expected the absence of professionalism from Arshad Warsi. Prabhas's stature is too big for comments coming from small minds..— Sudheer Babu (@isudheerbabu) August 20, 2024

సుధీర్‌బాబు హీరోగా నటించనున్న ద్విభాషా (తెలుగు, హిందీ) చిత్రం ‘జటాధర’. సూపర్‌ నేచురల్‌ ఫ్యాంటసీ అంశాలతో వెంకట్‌ కల్యాణ్‌ ఈ చిత్రానికి దర్శకత్వం వహించనున్నారు. హిందీలో ‘రుస్తుమ్, టాయ్‌లెట్‌: ఏక్‌ ప్రేమ్‌కథ, ప్యాడ్‌మ్యాన్, పరి’లాంటి చిత్రాలను నిర్మించిన ప్రేరణ అరోరాతో కలిసి శివిన్‌ నారంగ్, నిఖిల్‌ నందా, ఉజ్వల్‌ ఆనంద్‌లు ఈ సినిమాను నిర్మించనున్నారు.‘జటాధర’ను శనివారం ప్రకటించి, ఫస్ట్‌ లుక్‌ను విడుదల చేయడంతో పాటు ఈ సినిమాను వచ్చే ఏడాది మహాశివరాత్రి సందర్భంగా విడుదల చేయనున్నట్లు వెల్లడించారు మేకర్స్‌. ‘‘ఈ చిత్రంలో సుధీర్‌బాబు ఓ పవర్‌ఫుల్‌ రోల్‌లో కనిపిస్తారు. త్వరలోనే షూటింగ్‌ ఆరంభిస్తాం’’ అని చిత్రబృందం పేర్కొంది.

సుధీర్‌ బాబు, మాళవిక శర్మ జంటగా నటించిన చిత్రం ‘హరోం హర’. జ్ఞానసాగర్ ద్వారక దర్శకత్వం వహించిన ఈ మూవీ జూన్‌ 14న థియేటర్స్‌లో విడుదలై మిక్స్‌డ్‌ టాక్‌ని తెచ్చుకుంది. అయితే ఓటీటీలో మాత్రం ఈ చిత్రం దూసుకెళ్తోంది. ప్రస్తుతం ఈ మూవీ అమెజాన్‌ ప్రైమ్‌ వీడియోతో పాటు మరో రెండు ఓటీటీ ఫ్లాట్‌ఫాంల్లో స్ట్రీమింగ్‌ అవుతోంది. తాజాగా ఈ చిత్రం అమెజాన్‌ ప్రైమ్‌లో విశేష ఆదరణ సొంతం చేసుకొని టాప్‌ 1లో నిలిచింది. దేశవ్యాప్తంగా టాప్‌1లో ఉన్నట్లు తెలుపుతూ అమెజాన్‌ ఓ పోస్టర్‌ను విడుదల చేసింది.హరోంహర కథేంటంటే..ఈ సినిమా కథంతా 1989లో సాగుతుంది. కుప్పం ప్రాంతాన్ని అంతా తమ్మిరెడ్డి(లక్కి లక్ష్మణ్‌), అతని కొడుకు శరత్‌(అర్జున్‌ గౌడ)తమ గుప్పింట్లో ఉంచుకుంటారు. వ్యవసాయ భూములను కబ్జా చేస్తూ.. అడ్డొచ్చిన వారిని అంతం చేస్తుంటారు. తమ్మిరెడ్డి అరాచకాలకు భయపడి.. చాలా మంది వేరే ప్రాంతానికి వలస వెళ్తారు. ఆ ప్రాంతంలో ఉన్న పాలిటెక్నిక్‌ కాలేజీలోకి ల్యాబ్‌ అసిస్టెంట్‌గా వస్తాడు సుబ్రమణ్యం(సుధీర్‌ బాబు). అదే కాలేజీలో పనిచేసే లెక్చరర్(మాళవిక శర్మ)తో ప్రేమలో ఉంటాడు. ఓ రోజు అనుకోకుండా తమ్మిరెడ్డి మనుషులతో గొడవపడతాడు.ఆ విషయం శరత్‌ తెలియడం.. కాజేపీ ప్రిన్సిపల్‌కి వార్నింగ్‌ ఇవ్వడంతో సుబ్రమణ్యం ఉద్యోగం పోతుంది. మరోవైపు సొంతూర్లో తండ్రి (‌జయ ప్రకాశ్‌) చేసిన అప్పులు మూడు నెలల్లో తీర్చాల్సి ఉంటుంది. ఇలాంటి సమయంలో స్నేహితుడు పళని(సునీల్‌) ఇచ్చిన సలహాతో గన్స్‌ తయారు చేయాలని ఆలోచిస్తాడు సుబ్రమణ్యం. ఆ తర్వాత ఏం జరిగింది? అక్రమ ఆయుధాల సరఫరా మాఫియా సుబ్రమణ్యం జీవితాన్ని ఎలా మార్చేసింది? తమ్మిరెడ్డితో పాటు కొత్తగా పుట్టుకొచ్చిన శత్రువలను ఎలా ఎదుర్కొన్నాడు? తండ్రి అప్పులు ఎందుకు చేయాల్సి వచ్చింది? మాఫియా లీడర్‌కు ఓ ఊరు మొత్తం ఎందుకు అండగా నిలిచింది? అనేది తెలియాలంటే సినిమా చూడాల్సిందే.

టాలీవుడ్‌ హీరో సుధీర్‌ బాబు ప్రధాన పాత్రలో నటించిన యాక్షన్‌ ఎంటర్‌టైనర్‌ 'హరోం హర'. జూన్‌ 14న రిలీజైన ఈ సినిమాకు టాక్‌ బాగున్నప్పటికీ పెద్దగా కలెక్షన్స్‌ రాబట్టలేకపోయింది. దీంతో సరిగ్గా నెల రోజులకు డిజిటల్‌ ప్లాట్‌ఫామ్‌లో రిలీజ్‌ చేశారు.తెలుగు ఓటీటీ ప్లాట్‌ఫామ్‌ ఆహాలో అందుబాటులోకి తీసుకొచ్చారు. తాజాగా ఈ మూవీ మరో ఓటీటీలో రిలీజైంది. అమెజాన్‌ ప్రైమ్‌ వీడియోలో ప్రత్యక్షమైంది. అలాగే జియో సినిమాలో హిందీ వర్షన్‌ విడుదలైంది. జ్ఞానసాగర్ ద్వారక దర్శకత్వం వహించిన ఈ చిత్రంలో మాళవిక శర్మ హీరోయిన్‌గా మెప్పించింది. చైతన్‌ భరద్వాజ్‌ సంగీతం అందించగా సుమంత్‌ జి నాయుడు నిర్మించాడు.కథ విషయానికి వస్తే..1989లో కుప్పం ప్రాంతాన్ని తమ్మిరెడ్డి(లక్కి లక్ష్మణ్‌), అతని కుమారుడు శరత్‌(అర్జున్‌ గౌడ)తమ గుప్పింట్లో ఉంచుకుంటారు. పొలాల్ని కబ్జా చేస్తూ అడ్డొచ్చినవారిని అంతం చేస్తుంటారు. ఆ ప్రాంతంలోని పాలిటెక్నిక్‌ కాలేజీలోకి సుబ్రమణ్యం(సుధీర్‌ బాబు) ల్యాబ్‌ అసిస్టెంట్‌గా వస్తాడు. అదే కాలేజీలో పనిచేసే లెక్చరర్(మాళవిక శర్మ)ను ప్రేమిస్తాడు. ఓ రోజు అనుకోకుండా తమ్మిరెడ్డి మనుషులతో గొడవపడతాడు. దీని ఎఫెక్ట్‌ సుబ్రహ్మణ్యం ఉద్యోగం పోతుంది. మరోవైపు మూడునెలల్లో తన తండ్రి చేసిన అప్పులు తీర్చాల్సి ఉంటుంది. మరి ఆ సమయంలో హీరో ఏం చేశాడు? అప్పులు తీర్చాడా? తనపై కక్ష సాధించిన విలన్‌పై ప్రతీకారం తీర్చుకున్నాడా? లేదా? అనేది తెలియాలంటే ఓటీటీలో మూవీ చూడాల్సిందే!

టాలీవుడ్ హీరో సుధీర్‌ బాబు, మాళవికా శర్మ జంటగా నటించిన చిత్రం 'హరోం హర'. యాక్షన్‌ ఎంటర్‌టైనర్‌ మూవీగా గతనెల 14న విడుదలైంది. అయితే, బాక్సాఫీస్‌ వద్ద పెద్దగా మెప్పించలేకపోయింది. ఆగష్టు 11 నుంచి స్ట్రీమింగ్ కానున్నట్లు అధికారికంగా ఆహా ప్రకటించి మళ్లీ వాయిదా వేసిన విషయం తెలిసిందే. తాజాగా తమ ఎక్స్‌ పేజీ వేదికగా కొత్త తేదీని ప్రకటించింది.'హరోం హర' మూవీని నేడు (జులై 15) సాయంత్రం 5 గంటలకు విడుదల చేస్తున్నట్లు ఆహా తెలుగు వెల్లడించింది. యాక్షన్ ప్యాక్డ్ మండే మూవీ చూడటానికి సిద్ధంగా ఉండండి అంటూ తమ సోషల్ మీడియా ఎక్స్ ద్వారా ఈ విషయం తెలిపింది. నేడు సాయంత్రం 5 గంటల నుంచి ఆహాలో స్ట్రీమింగ్ కానున్న హరోం హర సినిమాను మిస్ కావద్దంటూ ఒక క్యాప్షన్ కూడా ఇచ్చింది.డార్క్‌ కామెడీ పేరుతో పలు వీడియోల వల్ల వివాదంలో చిక్కుకున్న యూట్యూబర్ ప్రణీత్ హనుమంతు కూడా 'హరోం హర' సినిమాలో ఒక చిన్న పాత్ర పోషించాడు. తన యూట్యూబ్‌ ఛానల్‌లో ప్రణీత్ హనుమంతు చేసిన కామెంట్స్ వల్ల అరెస్ట్ అయ్యాడు. దీంతో ఆహా ఓటీటీ సంస్థ సినిమా విడుదలను ఆపేసింది. అతడు నటించిన సీన్లను తొలగించి ఓటీటీ స్ట్రీమింగ్ చేయాలని నిర్ణయించారు. చిత్తూరు జిల్లా కుప్పం నేపథ్యంలో సాగే కథాంశంతో ఈ మూవీని జ్ఞానసాగర ద్వారక దర్శకత్వంలో తెరకెక్కించారు. సుధీర్ బాబు కెరీర్‌లోనే అత్యంత భారీ బడ్జెట్‌తో తెరకెక్కించిన ఈ చిత్రాన్ని శ్రీ సుబ్రమణ్యేశ్వర సినిమాస్ బ్యానర్‌లో సుమంత్‌ జి.నాయుడు నిర్మించారు.

టాలీవుడ్ హీరో సుధీర్‌ బాబు, మాళవికా శర్మ జంటగా నటించిన యాక్షన్‌ ఎంటర్‌టైనర్‌ హరోం హర. గతనెల 14న థియేటర్లలోకి వచ్చిన ఈ చిత్రం బాక్సాఫీస్ వద్ద మిక్స్‌డ్‌ టాక్‌ను సొంతం చేసుకుంది. చిత్తూరు జిల్లా కుప్పం నేపథ్యంలో సాగే కథాంశంతో ఈ మూవీని జ్ఞానసాగర ద్వారక దర్శకత్వంలో తెరకెక్కించారు. సుధీర్ బాబు కెరీర్‌లోనే అత్యంత భారీ బడ్జెట్‌తో తెరకెక్కించిన ఈ చిత్రాన్ని శ్రీ సుబ్రమణ్యేశ్వర సినిమాస్ బ్యానర్‌లో సుమంత్‌ జి.నాయుడు నిర్మించారు.అయితే హరోం హర ఓటీటీకి స్ట్రీమింగ్‌కు వచ్చేందుకు సిద్ధమైంది. ఈనెల 11 నుంచే ఆహాలో స్ట్రీమింగ్ కానున్నట్లు అధికారికంగా పోస్టర్ రిలీజ్ చేశారు. కానీ ముందుగా ప్రకటించినట్లుగా ఇవాల్టి నుంచి స్ట్రీమింగ్ కావాల్సి ఉంది. కానీ హరోం హర ఓటీటీకి రాలేదు. అయితే సాంకేతికపరమైన సమస్యతోనే ఆగిపోయినట్లు తెలుస్తోంది. మరి ఈ రోజు ఆలస్యమైనా స్ట్రీమింగ్‌కు వస్తుందా? లేదా కొత్త తేదీని ‍ప్రకటిస్తారా? అన్నది ఇంకా తెలియాల్సి ఉంది.

సాక్షి, హైదరాబాద్‌: పార్లమెంట్‌ ఎన్నికలకు సంబంధించిన కోడ్‌ ఎఫెక్ట్‌తో ఈ ఏడాది ఫిబ్రవరిలో బదిలీ అయిన రాచకొండ పోలీసు కమిషనర్‌ జి.సుధీర్‌బాబు తిరిగి అదే స్థానానికి వచ్చారు. ఈ మేరకు ప్రభుత్వం బుధవారం ఉత్తర్వులు జారీ చేసింది. అప్పట్లో ఆయనను మల్టీ జోన్‌–2 ఐజీగా బదిలీ చేసిన ప్రభుత్వం అక్కడ పని చేస్తున్న తరుణ్‌ జోషిని రాచకొండ సీపీగా తీసుకువచి్చంది. తాజా బదిలీల్లో తరుణ్‌ జోషి ఏసీబీ డైరెక్టర్‌గా వెళ్లారు. పార్లమెంట్‌ ఎన్నికల నేపథ్యంలో కీలక స్థానాల్లో పని చేస్తున్న ఉన్నతాధికారుల బదిలీలకు సంబంధించి కేంద్ర ఎన్నికల సంఘం ఈ ఏడాది జనవరిలో మార్గదర్శకాల జారీ చేసింది. వీటి ప్రకారం ఈ ఏడాది జూన్‌ 30ని గడువుగా తీసుకుని.. ఆ తేదీ నుంచి వెనక్కు నాలుగేళ్ల కాలంలో వరుసగా మూడేళ్లు ఓ కమిషనరేట్‌లో విధులు నిర్వర్తిస్తే బదిలీ తప్పనిసరి. ⇒ సుదీర్‌బాబు 2018 ఏప్రిల్‌ నుంచి 2023 జనవరి వరకు రాచకొండ కమిషనరేట్‌లో సంయుక్త, అదనపు సీపీగా విధులు నిర్వర్తించారు. డీఐజీ హోదాలో సంయుక్త సీపీగా అక్కడ రిపోర్ట్‌ చేసిన ఆయన ఐజీగా పదోన్నతి పొందిన తర్వాత కూడా కొనసాగుతూ అదనపు సీపీగా పని చేశారు. ఆపై హైదరాబాద్‌ ట్రాఫిక్‌ విభాగం అదనపు సీపీగా బదిలీపై వచ్చారు. అసెంబ్లీ ఎన్నికలు ముగిసిన తర్వాత గతేడా ది డిసెంబర్‌ 13న రాచకొండ పోలీసు కమిషనర్‌గా వెళ్లారు. ఈసీ మార్గదర్శకాల ప్రకారం 2020 జూలై 1 నుంచి ఒకే కమిషనరేట్‌లో మూడేళ్లు పని చేసిన జాబితాలో సు«దీర్‌ బాబు ఉన్నారు. దీంతో ఆయ న్ను బదిలీ చేసిన ప్రభుత్వం తరుణ్‌ జోషిని నియమించింది. తాజా బదిలీల్లో సు«దీర్‌ బాబును మళ్లీ రాచకొండ సీపీగా నియమించింది. ⇒ గతంలో రాచకొండ సంయుక్త సీపీగా పని చేసిన అనుభవం ఉన్న సుధీర్‌బాబు హైదరాబాద్, సైబరాబాద్‌ల్లో కీలక పోస్టింగ్‌లతో పాటు వరంగల్‌ సీపీగానూ పని చేశారు. రాష్ట్ర వ్యాప్తంగా జరిగిన 17 మంది ఐపీఎస్‌ల బదిలీల్లో భాగంగా నగరానికి సంబంధించిన కొన్ని స్థానాల్లోనూ మార్పుచేర్పులు జరిగాయి. వనపర్తి ఎస్పీగా పని చేస్తున్న రక్షిత కె.మూర్తి డీసీపీ సీఏఆర్‌ హెడ్‌–క్వార్టర్స్‌ డీసీపీగా వచ్చారు. దీంతో నగరంలో పని చేస్తున్న మహిళా ఉన్నతాధికారుల సంఖ్య ఆరుకు చేరింది. గతంలో సౌత్‌ వెస్ట్‌ డీసీపీగా పని చేసి, ప్రస్తుతం వెయిటింగ్‌లో ఉన్న బి.బాలస్వామి ఈస్ట్‌ జోన్‌గా రాగా.. రాచకొండ టాస్‌్కఫోర్స్‌ డీసీపీ జి.చంద్ర మోహన్‌ సౌత్‌ వెస్ట్‌ జోన్‌ డీసీపీగా వచ్చారు.

యాక్షన్ మూవీ లవర్స్ రెడీ అయిపోండి. ఎందుకంటే మరో సినిమా ఓటీటీ రిలీజ్ డేట్ ఫిక్స్ చేసుకుంది. మహేశ్ బాబు బావ సుధీర్ బాబు హీరోగా నటించిన లేటెస్ట్ మూవీ 'హరోం హర'. కొన్ని రోజుల క్రితం థియేటర్లలోకి వచ్చిన ఈ చిత్రం ఇప్పుడు ఓటీటీ స్ట్రీమింగ్ డేట్ ఫిక్స్ చేసుకుంది. గత కొన్నిరోజుల నుంచి అనుకుంటున్నట్లు కాకుండా మరో ఓటీటీలోకి రాబోతుంది. ఇంతకీ డీటైల్స్ ఏంటి?సుధీర్ బాబు, మాళవిక శర్మ, సునీల్ ప్రధాన పాత్రల్లో నటించిన పీరియాడికల్ యాక్షన్ సినిమా 'హరోం హర'. కుప్పం బ్యాక్ డ్రాప్ స్టోరీతో తీసిన ఈ సినిమా జూన్ 14న థియేటర్లలోకి వచ్చింది. 'పుష్ప', 'కేజీఎఫ్' లాంటి చిత్రాలని పోలినట్లు ఉందని టాక్ వల్ల జనాలు పెద్దగా ఇంట్రెస్ట్ చూపించలేదు. ఈ క్రమంలోనే ఇప్పుడు ఓటీటీ డీల్ సెట్ అయిపోయింది.(ఇదీ చదవండి: 'హనుమాన్' దర్శకుడికి చేదు అనుభవం.. ఏం జరిగిందంటే?)తొలుత ఈటీవీ విన్‪‌లో స్ట్రీమింగ్ అవుతుందని అన్నారు. కానీ ఇప్పుడు ఆహా ఓటీటీలో జూలై 11 నుంచి స్ట్రీమింగ్ కాబోతున్నట్లు అధికారికంగా ప్రకటించేశారు. అంటే ఈ వీకెండ్ ఏదైనా యాక్షన్ మూవీ చూస్తూ టైమ్ పాస్ చేద్దామనుకుంటే దీన్ని ట్రై చేయొచ్చు.అది 1980. కుప్పంలో ముగ్గురు రౌడీలు ఉంటారు. ఈ ఊరిలోనే కాలేజీలో ల్యాబ్ అసిస్టెంట్ సుబ్రహ్మణ్యం (సుధీర్ బాబు). ఓ సందర్భంలో రౌడీతో గొడవపడటం వల్ల ఉద్యోగం కోల్పోతాడు. అదే టైంలో డబ్బు అవసరం ఏర్పడుతుంది. దీంతో సొంతంగా తుపాకులు తయారు చేస్తాడు. సస్పెండ్ అయిన పళని స్వామి (సునీల్)తో కలిసి గన్స్ తయారు చేస్తాడు. పోలీసులు-రౌడీలు ఇతడు ఎందురు టార్గెట్ అయ్యాడు? చివరకు ఏమైందనేదే స్టోరీ.(ఇదీ చదవండి: ఈవారం ఓటీటీలో 23 సినిమాలు/సిరీస్‌లు.. ఎక్కువగా ఆ రోజే!)

మెగా హీరో సాయి ధరమ్‌ తేజ్‌ చేసిన ట్వీట్‌కు మద్దతుగా టాలీవుడ్ హీరోలు స్పందిస్తున్నారు. ఇప్పటికే మంచు మనోజ్ ఇలాంటి వాళ్లను వదిలిపెట్టను అంటూ పోస్ట్ చేసిన సంగతి తెలిసిందే. చిన్నపిల్లలు, మహిళలపై అసభ్యకరమైన వీడియోలు చేసేవారిని అస్సలు ఊపేక్షించవద్దని సోషల్ మీడియా వేదికగా కోరారు. దీనిపై ఇప్పటికే రెండు తెలుగు రాష్ట్రాల పోలీసులు చర్యలు తీసుకుంటామని ప్రకటించారు. తాజాగా మరో టాలీవుడ్ హీరో రియాక్ట్‌ ‍అయ్యారు. ఇలా జరిగినందుకు క్షమించాలంటూ ట్వీట్‌ చేశారు.ఇటీవల హరోం హర సినిమాతో ప్రేక్షకుల ముందుకొచ్చిన హీరో సుధీర్ బాబు ఈ అంశంపై ట్విటర్‌ వేదికగా స్పందించారు. ఇలాంటి దారుణానికి పాల్పడిన వ్యక్తి ప్రణీత్ హనుమంత్ నా చిత్రం హరోం హరలో నటించినందుకు క్షమాపణలు కోరుతున్నా ‍అని అన్నారు. ప్రణీత్ హనుమంతు నా సినిమాలో నటించడం చాలా అసహ్యంగా భావిస్తున్నట్లు తెలిపారు. అతను ఇలాంటి వ్యక్తి అని తనకు తెలియదన్నారు. సుధీర్ బాబు ట్వీట్‌లో రాస్తూ..'మంచో, చెడో నేను అయితే సోషల్ మీడియా వ్యక్తిని కాదు. ఇలాంటి విషయాలను అస్సలు క్షమించను. ప్రణీత్ హనుమంతు అనే వ్యక్తి హరోం హార చిత్రంలో నటించడం అసహ్యంగా భావిస్తున్నా. ఈ విషయంలో మా చిత్ర బృందం తరఫున హృదయపూర్వకంగా క్షమాపణలు కోరుతున్నా. ఈ మనిషి ఇలాంటి వాడని నాకు తెలియదు. అతని గురించి సోషల్ మీడియాలో బహిర్గతం చేయడానికి నేను ధైర్యం చేయలేకపోయా. కానీ ఇలాంటి విషయాలపై మనం దృష్టి సారించాలి. ఇది ఏ విధంగానూ వాక్ స్వాతంత్ర్యం కాదు.' అని పోస్ట్ చేశారు. ప్రస్తుతం ఈ ట్వీట్ సోషల్ మీడియాలో వైరల్‌గా మారింది. For good or bad, I'm not a social media guy nor do I keep up with things. I feel so disgusted by the fact we had #PraneethHanumanthu casted in #HaromHara. Sincere apologies from me and my entire team. We didn't know what a pathetic creature this man is. It wasn't in my knowledge.…— Sudheer Babu (@isudheerbabu) July 8, 2024

వైవిధ్య‌మైన చిత్రాల‌తో అంద‌రి దృష్టిని ఆక‌ర్షిస్తోన్న క‌థానా య‌కుడు సుధీర్ బాబు. న‌వ ద‌ళ‌ప‌తిగా అభిమానుల మ‌న్న‌న‌లు అందుకుంటున్న ఈయ‌న ఓ సూప‌ర్ నేచుర‌ల్ మిస్ట‌రీ థ్రిల్ల‌ర్‌లో న‌టించ‌బోతున్నారు. ఇది భారీ బ‌డ్జెట్ చిత్రంగా రూపొంద‌నుంది.ఓ అద్భుత‌మైన సినిమాటిక్ ఎక్స్‌పీరియెన్స్‌ను ఆడియెన్స్‌కి అందించేలా ఇంత‌కు ముందెన్న‌డూ చూడ‌ని డిఫ‌రెంట్ కాన్సెప్ట్‌తో తెర‌కెక్క‌బోతున్నఈ సినిమాలో విజువ‌ల్ ఎఫెక్ట్స్‌కి ఎంతో ప్రాధ్యాన‌త ఉంది. వెంట్ క‌ళ్యాణ్ ఈ చిత్రంతో ద‌ర్శ‌కుడిగా ప‌రిచ‌యం అవుతున్నారు. జూన్ 14న విడుద‌లైన‌ హ‌రోంహ‌ర చిత్రంతో సుధీర్ బాబు రీసెంట్‌గా స‌క్సెస్ సాధించిన సంగ‌తి తెలిసిందే. అందులో యాక్ష‌న్ స‌న్నివేశాలు, గ్రిప్పింగ్ క‌థ‌నానికి ప్రేక్ష‌కుల నుంచి చాలా మంచి స్పంద‌న వ‌చ్చింది.రుస్తుం, టాయ్‌లెట్‌: ఏక్ ప్రేమ్ క‌థ‌, ప్యాడ్ మ్యాన్‌, ప‌రి వంటి విజ‌య‌వంత‌మైన చిత్రాల‌ను అందించిన ప్రేర‌ణ అరోరా స‌మ‌ర్ప‌ణ‌లో ఇప్పుడు సుధీర్ బాబు చేయ‌బోతున్ పాన్ ఇండియా సూప‌ర్ నేచుర‌ల్ మిస్టరీ థ్రిల్ల‌ర్ చిత్రం రూపొంద‌నుంది. త్వ‌ర‌లోనే చిత్ర యూనిట్‌తో బాలీవుడ్ హీరోయిన్ జాయిన్ కానుంది. త్వ‌ర‌లోనే మేక‌ర్స్ ఆ వివ‌రాల‌ను తెలియజేస్తారు. ఈ చిత్రాన్ని వ‌చ్చే ఏడాది శివ‌రాత్రి సంద‌ర్భంగా మార్చిలో విడుద‌ల చేయ‌నున్నారు.లోతైన క‌థ‌తో రానున్న ఈ చిత్రంలో కుట్ర, ప‌న్నాగాలు క‌ల‌గ‌లిసిన చెడుకి, మంచి జ‌రిగే యుద్ధంగా ఇండియ‌న్ సినిమాల్లో ఓ మైల్ స్టోన్ మూవీలా బిగ్గెస్ట్ పాన్ ఇండియా చిత్రంగా ఇది తెర‌కెక్క‌నుంది.ఈ సంద‌ర్భంగా సుధీర్ బాబు మాట్లాడుతూ 'నేను ఈ సినిమా స్క్రిప్ట్ న‌చ్చి ఏడాది పాటు టీమ్‌తో ట్రావెల్ అవుతున్నాను. డిఫ‌రెంట్ కంటెంట్‌తో రూపొందనున్న ఈ సినిమాతో ప్రేక్ష‌క‌ల ముందుకు ఎప్పుడెప్పుడు వ‌ద్దామా అని చాలా ఆతృత‌గా ఎదురుచూస్తున్నాను. వ‌ర‌ల్డ్ క్లాస్ సినిమాటిక్ ఎక్స్‌పీరియెన్స్‌ను ప్రేక్ష‌కుల‌కు అందించ‌టానికి ప్రేర‌ణ అరోరా, ఆమె టీమ్ స‌భ్యులు ఎంత‌గానో క‌ష్ట‌ప‌డుతున్నారు. ఇది ప్రేక్ష‌కుల మ‌న‌సుకు హ‌త్తుకుంటుంద‌నే గ‌ట్టి న‌మ్మ‌కం ఉంది'. అని ఆయన అన్నారు.ప్రేర‌ణ అరోరా, శివిన్ నార‌గ్‌, నిఖిల్ నంద‌, ఉజ్వ‌ల్ ఆనంద్ ఈ చిత్రాన్ని నిర్మిస్తున్నారు. మ‌న పురాణాల‌తో అనుసంధానం చేయ‌బ‌డిన ఎన్నో ర‌హ‌స్యాల‌ను ఇది వెలికి తీస్తుంది. ప్రేక్ష‌కుల‌కు ఈ సినిమా ఓ ప్ర‌త్యేక‌మైన అనుభూతిని క‌లిగిస్తుంది. సినిమా ఫ‌స్ట్ లుక్‌ను ఆగ‌స్ట్ 15న విడుద‌ల చేయ‌నున్నారు.

తెలుగులో బోలెడు మంది హీరోలు. వీళ్లలో ఒక్కొక్కరికి ఒక్కో ట్యాగ్ ఉంటుంది. చిరంజీవికి మెగాస్టార్, మహేశ్ బాబుకి సూపర్ స్టార్, అల్లు అర్జున్‌కి ఐకాన్ స్టార్.. ఇలా దాదాపు స్టార్ హీరోలు చాలామందికి పేరుకి ముందు ఏదో ఓ ట్యాగ్ ఉంటుంది. కానీ కొందరు యంగ్ హీరోలు కూడా ఇలా ట్యాగ్స్ కోసం తెగ తాపత్రయ పడుతున్నారు. తాజాగా సుధీర్ బాబు కూడా అలానే కొత్తగా ట్యాగ్ పెట్టుకున్నాడు. ఈ క్రమంలోనే సోషల్ మీడియాలో ఫన్నీ ట్రోల్స్ వస్తున్నాయి.(ఇదీ చదవండి: ‘హరోం హర’ మూవీ రివ్యూ)స్టార్ హీరోలు పెట్టుకున్న ట్యాగ్ గురించి పెద్దగా కంప్లైంట్స్ ఉండవు గానీ ఇప్పుడిప్పుడే గుర్తింపు తెచ్చుకున్న హీరోలు ఎవరైనా ట్యాగ్స్ పెడితే కాస్త ఎబ్బెట్టుగా అనిపిస్తుంది. మహేశ్ బాబుకు బావ అయిన సుధీర్ బాబు.. చాలా ఏళ్ల నుంచి సినిమాలు చేస్తున్నాడు. నటుడిగా వంక పెట్టడానికేం లేదు. కానీ హిట్ మాత్రం దక్కట్లేదు. ఇప్పుడు పూర్తిగా మాస్‌ని నమ్ముకుని 'హరోం హర' మూవీతో థియేటర్లలోకి వచ్చాడు. ఈ సినిమా పర్వాలేదనిపించింది. కానీ 'పుష్ప', 'కేజీఎఫ్' సినిమాల పోలికలు మరీ ఎక్కువైపోయావని అంటున్నారు.ఈ సినిమా ముందు వరకు 'నైట్రో స్టార్' అని పెట్టుకున్న సుధీర్ బాబు.. 'హారోంహర' కోసం 'నవ దళపతి' అని ట్యాగ్ మార్చుకున్నాడు. దళపతి అనగానే మనకు తమిళ హీరో విజయ్ గుర్తొస్తాడు. 'లియో' మూవీ టైటిల్ కార్డ్స్ లో విజయ్ కి పడ్డట్లే ఈ చిత్రంలో ఫొటోలు దాదాపు అలానే పడ్డాయి. దీంతో విజయ్-సుధీర్ బాబు ఫొటోలతో సోషల్ మీడియాలో ఫన్నీగా ట్రోల్స్ చేస్తున్నారు. ఇకపోతే 'హరోంహర'లో సుధీర్ బాబుతో పాటు సునీల్, మాళవిక శర్మ కీలక పాత్రలు పోషించారు. (ఇదీ చదవండి: విజయ్ సేతుపతి 'మహారాజ' సినిమా రివ్యూ)Perfect mass ComeBack Anna🙌🏻🔥After a long waittt🥵NAVA DHALAPATHY🔥🔥🔥@isudheerbabu #Haromhara #Sudheerbabu #Maheshbabu pic.twitter.com/kbLH3zMDw7— KritiSam❤️ (@kritisam7) June 14, 2024

టైటిల్‌: హరోం హరనటీనటులు: సుధీర్‌ బాబు, మాళవిక శర్మ, సునీల్‌, జయప్రకాష్, లక్కి లక్ష్మణ్, అక్షర గౌడ, అర్జున్ గౌడ, రవి కాలే తదితరులునిర్మాత : సుమంత్ జి నాయుడురచన, దర్శకత్వం : జ్ఞానసాగర్ ద్వారకసంగీతం: చైతన్‌ భరద్వాజ్‌ఎడిటర్‌ : రవితేజ గిరిజాలవిడుదల తేది: జూన్‌ 14, 2024వైవిధ్యమైన కథలను ఎంచుకుంటూ టాలీవుడ్‌లో తనకంటూ ఓ ప్రత్యేక గుర్తింపును తెచ్చుకున్నాడు సుధీర్‌ బాబు. ఫలితంతో సంబంధం లేకుండా ప్రయోగాత్మక చిత్రాల్లో నటిస్తూనే ఉంటాడు. ఈ టాలెంటెడ్‌ హీరో నటించిన తాజా చిత్రం ‘హరోం హర’. ఇప్పటికే ఈ చిత్రం నుంచి విడుదలైన పోస్టర్లు, ట్రైలర్‌కు ప్రేక్షకుల నుంచి మంచి స్పందన లభించింది. దానికి తోడు ప్రమోషన్స్‌ కూడా గట్టిగా చేయడంతో ‘హరోం హర’పై హైప్‌ క్రియేట్‌ అయింది. భారీ అంచనాల మధ్య విడుదలైన ఈ చిత్రం ఎలా ఉందో రివ్యూలో చూద్దాం.కథేంటంటే.. ఈ సినిమా కథంతా 1989లో సాగుతుంది. కుప్పం ప్రాంతాన్ని అంతా తమ్మిరెడ్డి(లక్కి లక్ష్మణ్‌), అతని కొడుకు శరత్‌(అర్జున్‌ గౌడ)తమ గుప్పింట్లో ఉంచుకుంటారు. వ్యవసాయ భూములను కబ్జా చేస్తూ.. అడ్డొచ్చిన వారిని అంతం చేస్తుంటారు. తమ్మిరెడ్డి అరాచకాలకు భయపడి.. చాలా మంది వేరే ప్రాంతానికి వలస వెళ్తారు. ఆ ప్రాంతంలో ఉన్న పాలిటెక్నిక్‌ కాలేజీలోకి ల్యాబ్‌ అసిస్టెంట్‌గా వస్తాడు సుబ్రమణ్యం(సుధీర్‌ బాబు). అదే కాలేజీలో పనిచేసే లెక్చరర్(మాళవిక శర్మ)తో ప్రేమలో ఉంటాడు. ఓ రోజు అనుకోకుండా తమ్మిరెడ్డి మనుషులతో గొడవపడతాడు. ఆ విషయం శరత్‌ తెలియడం.. కాజేపీ ప్రిన్సిపల్‌కి వార్నింగ్‌ ఇవ్వడంతో సుబ్రమణ్యం ఉద్యోగం పోతుంది. మరోవైపు సొంతూర్లో తండ్రి (‌జయ ప్రకాశ్‌) చేసిన అప్పులు మూడు నెలల్లో తీర్చాల్సి ఉంటుంది. (Harom Hara Review) ఇలాంటి సమయంలో స్నేహితుడు పళని(సునీల్‌) ఇచ్చిన సలహాతో గన్స్‌ తయారు చేయాలని ఆలోచిస్తాడు సుబ్రమణ్యం. ఆ తర్వాత ఏం జరిగింది? అక్రమ ఆయుధాల సరఫరా మాఫియా సుబ్రమణ్యం జీవితాన్ని ఎలా మార్చేసింది? తమ్మిరెడ్డితో పాటు కొత్తగా పుట్టుకొచ్చిన శత్రువలను ఎలా ఎదుర్కొన్నాడు? తండ్రి అప్పులు ఎందుకు చేయాల్సి వచ్చింది? మాఫియా లీడర్‌కు ఓ ఊరు మొత్తం ఎందుకు అండగా నిలిచింది? అనేది తెలియాలంటే సినిమా చూడాల్సిందే.ఎలా ఉందంటే.. ఓ ప్రాంతాన్ని కొంతమంది దుర్మార్గులు తమ గుప్పిట్లో పెట్టుకొని ప్రజలను హింసించడం.. అక్కడకు హీరో సాధారణ వ్యక్తిలా వచ్చి వారిని అంతమొందించి ప్రజలకు విముక్తి కలిగించడం.. ఇలాంటి కథలు టాలీవుడ్‌లో చాలా వచ్చాయి. ఇప్పటికీ వస్తూనే ఉన్నాయి. హరోం హర మూవీ లైన్‌ కూడా ఇదే. కేజీయఫ్‌, పుష్ప సినిమాల మాదిరి హీరోకి ఎలివేషన్స్‌ ఇస్తూ కథనాన్ని నడిపించాడు దర్శకుడు. (Harom Hara Review)సినిమా ప్రారంభం మొదలుకొని క్లైమాక్స్‌ వరకు ప్రతీ సన్నివేశం.. పుష్ప, కేజీయఫ్‌, ఛత్రపతి సినిమాలను గుర్తు చేస్తుంది. ఇక విలన్లు చేసే అరాచకాలు చాలా పాత సినిమాలను గుర్తు చేస్తాయి. కేజీయఫ్‌ స్టైల్లో పళని(సునీల్‌) హీరోకి ఎలివేషన్స్‌ ఇస్తూ కథను ప్రారంభిస్తాడు. తమ్మిరెడ్డి, శరత్‌ పరిచయ సన్నివేశాలు కథపై ఆసక్తిని పెంచుతాయి. హీరో ఎంట్రీ చాలా సింపుల్‌గా ఉంటుంది. హీరోయిన్‌తో లవ్‌ట్రాక్‌ నడిపిస్తూనే.. ఊర్లో తమ్మిరెడ్డి మనుషుల ఆగడాలను చూపిస్తారు. అయితే అటు లవ్‌ ట్రాక్‌తో పాటు రొట్టకొట్టుడు విలనిజం బోర్‌ కొట్టిస్తుంది. హీరో గన్స్‌ తయారు చేయాలని డిసైడ్‌ అయ్యేవరకు కథనం నెమ్మదిగా సాగుతుంది. కొన్ని ఫైట్స్‌ సీన్స్‌ ఆకట్టుకుంటాయి. ఇక హీరో తుపాకులు తయారు చేయడం మొదలు పెట్టిన తర్వాత కొత్త పాత్రలు ఎంట్రీ ఇవ్వడం.. యాక్షన్‌ సీన్స్‌ అదిరిపోవడంతో ఫస్టాఫ్‌ కాస్త ఆకట్టుకుంటుంది. ఇంటర్వెల్‌ సీన్‌ సెకండాఫ్‌పై ఆసక్తిని పెంచుతుంది. ఇక ద్వితియార్థంలో కథనం నీరసంగా సాగుతుంది. కేజీయఫ్‌, విక్రమ్‌ మాదిరి యాక్షన్స్‌ సీన్స్‌ వస్తుంటాయి కానీ ఎక్కడా ఆకట్టుకోలేవు. ఎన్టీఆర్‌, ఏఎన్నార్‌, చిరంజీవి, అమితాబ్‌ అంటూ పేర్లు పెట్టి కొత్త తుపాకులను అమ్మడం కాస్త ఇంట్రెస్టింగ్‌గా అనిపిస్తుంది. (Harom Hara Movie Review) ఇక చివర్లో జ్యోతిలక్ష్మి(హీరో ప్రత్యేకంగా తయారు చేసిన పెద్ద గన్‌)తో వచ్చే యాక్షన్‌ సీన్‌ అదిరిపోతుంది. అయితే ఈ సినిమా నేపథ్యంతో పాటు పాత్రలను తిర్చిదిద్దిన విధానం.. పలికించిన భాష, యాస అన్ని పుష్స సినిమాను గుర్తు చేసేలా ఉంటాయి. మాస్‌ యాక్షన్‌ సినిమాలకు ఇష్టపడేవారికి ఈ సినిమా నచ్చుతుంది. ఎవరెలా చేశారంటే.. సుబ్రమణ్యం పాత్రలు సుధీర్‌ ఒదిగిపోయాడు. ఇప్పటివరకు ఇలాంటి పాత్రలో సుధీర్‌ నటించలేదు. యాక్షన​్‌ సీన్స్‌లో చించేశాడు. మాళవిక శర్మ తెరపై కనిపించేదే కాసేపే అయినా..ఉన్నంతలో చక్కగా నటించింది. పోలీసు ఆఫీసర్‌గా అక్షర గౌడ తన పాత్ర పరిధిమేర నటించింది. సస్పెండ్‌ అయిన పోలీసు ఆఫీసర్‌ పళనిస్వామిగా సునీల్‌, విలన్లుగా రవి కాలే, అర్జున్‌ గౌడ, లక్కి లక్ష్మణ్‌ తమదైన నటనతో ఆకట్టుకున్నారు. (Harom Hara Movie Review) హీరో తండ్రిగా నటించిన జయప్రకాశ్‌తో పాటు మిగిలిన నటీనటులు తమ పాత్రల పరిధిమేర నటించారు. సాంకేతికంగా సినిమా పర్వాలేదు. చేతన్‌ నేపథ్య సంగీతం సినిమాకు ప్లస్‌ అయింది. పాటలు అంతగా ఆకట్టుకోలేవు. సినిమాటోగ్రఫీ, ఆర్ట్‌వర్క్‌ బాగుంది. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి. - రేటింగ్‌: 2.75/5

టాలీవుడ్ హీరో సుధీర్ బాబు, మాళవిక శర్మ జంటగా నటించిన చిత్రం హరోం హర. ఈ సినిమాను జ్ఞానసాగర ద్వారక దర్శకత్వంలో తెరెకెక్కించారు. ఇప్పటికే షూటింగ్ పూర్తి చేసుకున్న హరోం హర ఈనెల 14న థియేటర్లలో సందడి చేయనుంది. ఈ మూవీకి సంబంధించి ప్రీ రిలీజ్ ఈవెంట్‌ను హైదరాబాద్‌లో ఘనంగా నిర్వహించారు. ఈ కార్యక్రమానికి యంగ్ హీరోలు విశ్వక్ సేన్, అడివిశేష్ అతిథులుగా హాజరయ్యారు.తాజాగా హరోం హర మూవీకి సంబంధించిన రిలీజ్‌ టీజర్‌ను మేకర్స్ రిలీజ్‌ చేశారు. విడుదలకు ముందు రోజు ప్రత్యేకంగా రూపొందించిన వీడియోను పంచుకున్నారు. 44 సెకన్ల నిడివి గల ఈ వీడియోలో ఫైట్స్‌, యాక్షన్ సీన్స్ తెగ ఆకట్టుకుంటున్నాయి. చివర్లో ఇక సెప్పెదేం లేదు.. సేసేదే అనే సుధీర్ బాబు చెప్పే డైలాగ్‌ హైలెట్‌గా నిలిచింది. కాగా.. ఈ సినిమా కోసం సుధీర్ బాబు ఫ్యాన్స్‌ ఎంతో ఆసక్తిగా ఎదురు చూస్తున్నారు.

‘‘హరోం హర’ ట్రైలర్‌ చాలా నచ్చింది. సుధీర్‌బాబు మంచి సినిమా చేశాడని తెలిసి, ఈ వేడుకకి వచ్చాను. ఇక్కడికి రావడం చాలా సంతోషంగా ఉంది. సినిమా విడుదలకు నాలుగైదు రోజుల ముందే డిస్ట్రిబ్యూటర్స్‌ని పిలిచి షో వేశారంటే సినిమాపై యూనిట్‌కి ఎంత నమ్మకం ఉందో అర్థం చేసుకోవచ్చు. ఈ సినిమా తప్పకుండా ప్రేక్షకులకు కొత్త అనుభూతి ఇస్తుంది’’ అని హీరో అడివి శేష్‌ అన్నారు. సుధీర్‌బాబు హీరోగా జ్ఞానసాగర్‌ ద్వారక దర్శకత్వం వహించిన చిత్రం ‘హరోం హర’. శ్రీ సుబ్రహ్మణ్యేశ్వర సినిమాస్‌పై సుమంత్‌ జి. నాయుడు నిర్మించిన ఈ చిత్రం రేపు విడుదల కానుంది. ఈ మూవీ ప్రీ రిలీజ్‌ ఈవెంట్‌కి హీరోలు అడివి శేష్, విశ్వక్‌ సేన్‌ ముఖ్య అతిథులుగా హాజరయ్యారు. విశ్వక్‌ సేన్‌ మాట్లాడుతూ– ‘‘ఈ సినిమా నుంచి వచ్చిన ప్రతి కంటెంట్‌ (టీజర్, ట్రైలర్, ΄ాటలు...) ్ర΄ామిసింగ్‌గా ఉంది. సుబ్రహ్మణ్యం, సుమంత్‌ లాంటి ΄్యాషన్‌ ఉన్న నిర్మాతలు ఇండస్ట్రీకి కావాలి. ఈ సినిమాని థియేటర్స్‌లో చూసి ఎంజాయ్‌ చేయండి’’ అన్నారు. సుధీర్‌బాబు మాట్లాడుతూ– ‘‘ఇప్పటివరకూ తెలుగు ఇండస్ట్రీలో ‘హరోం హర’ లాంటి నేపథ్యంలో సినిమా రాలేదు. నాతో ఇంత మంచి సినిమా తీసిన జ్ఞానసాగర్‌కి థ్యాంక్స్‌. ఈ సినిమా చూశాక ఫ్యాన్స్‌ కాలర్‌ ఎగరేస్తారు’’ అన్నారు. ‘‘ఈ సినిమా కోసం రెండేళ్లు కష్టపడ్డాం’’ అన్నారు నిర్మాత సుమంత్‌. ‘‘హరోం హర’లోని తండ్రీ కొడుకుల ఎమోషన్‌ నాకు చాలా కనెక్ట్‌ అయ్యింది’’ అన్నారు సుబ్రహ్మణ్యం. ఈ వేడుకలో నిర్మాతలు దామోదర్‌ ప్రసాద్, బెక్కం వేణుగో΄ాల్, డైరెక్టర్‌ మారుతి, డిస్ట్రిబ్యూటర్‌ శశిధర్‌ రెడ్డి తదితరులు మాట్లాడారు.

టాలీవుడ్ యంగ్ హీరో సుధీర్ బాబు ప్రస్తుతం 'హరోం హర' మూవీతో ప్రేక్షకుల ముందుకు వస్తున్నారు. జ్ఞానసాగర్ ద్వారక దర్శకత్వంలో తెరకెక్కించిన ఈ సినిమాపై అభిమానుల్లో భారీ అంచనాలు నెలకొన్నాయి. ఈ చిత్రంలో మాళవిక శర్మ హీరోయిన్‌గా కనిపించనుంది. తాజాగా ఈ మూవీకి సంబంధించిన ప్రీ రిలీజ్‌ ఈవెంట్‌ను హైదరాబాద్‌లో ఘనంగా నిర్వహించారు. ఈ కార్యక్రమానికి మాస్‌ కా దాస్‌ విశ్వక్‌ సేన్, అడివి శేష్ ముఖ్య అతిథులుగా హాజరయ్యారు.అయితే ఈ ఈవెంట్‌లో ఓ ఆసక్తికర సంభాషణ చోటు చేసుకుంది. మహేశ్‌ బాబుతో సుధీర్ బాబు మాట్లాడిన ఫోన్‌ రికార్డ్‌ ఆడియోను ప్లే చేశారు. వీరి మధ్య దాదాపు ఐదు నిమిషాల పాటు మాట్లాడుకున్నారు. సుధీర్ బాబు అడిగిన పలు ప్రశ్నలకు మహేశ్ బాబు సమాధాలిచ్చారు. మొదటిసారి గన్‌ వాడినప్పుడు మీకు ఎలా అనిపించింది? అని సుధీర్ ప్రశ్నించగా.. టక్కరి దొంగ సినిమాలో ఎక్కువసార్లు గన్స్ వాడా.. కానీ గన్‌ కాల్చేందుకు ప్రత్యేకంగా శిక్షణ తీసుకోలేదని మహేశ్ అన్నారు. ఈ సినిమా షూటింగ్ సమయంలో మోసగాళ్లకు మోసగాడు గుర్తొచ్చింది.గన్స్‌ చూపించే సినిమాల్లో మీకు నచ్చిన చిత్రమేది అని సుధీర్ బాబు అడిగాడు. నాన్న గారు నటించిన మోసగాళ్లకు మోసగాడు సినిమాను వందసార్లు చూశానని మహేశ్ అన్నారు. హరోంహరలో నీకు బాగా నచ్చిన పాట ఏదని అడగ్గా.. టైటిల్‌ సాంగ్ అని మహేశ్ ఆన్సరిచ్చారు. హరోంహర ట్రైలర్‌లో నీకు నచ్చిన అంశాలు ఏంటి? అని సుధీర్ ప్రశ్నించాడు. ఈ సినిమాలో నువ్వు చాలా కొత్తగా ఉన్నావ్‌.. ఇలాంటి కథ ఇప్పటివరకు రాలేదనిపించింది.. అని మహేశ్ బాబు అన్నారు. మీరు నటించిన నిజం సినిమా గురించి ఆసక్తికర విషయాలు ఏమైనా ఉన్నాయా? అని సుధీర్ బాబు అడిగారు. నిజం చాలా నచ్చిన సినిమా అది. అలాంటి గొప్ప చిత్రాన్ని నాకు అందించినందుకు దర్శకుడు తేజకు థ్యాంక్స్‌. నా సినిమాల్లో నిజం ఒక ఫెవరేట్‌ ఫిల్మ్ అని మహేశ్ బాబు అన్నారు. కాగా.. సుధీర్ బాబు నటించిన హరోం హర జూన్ 14 థియేటర్లలో సందడి చేయనుంది. ఈ సందర్భంగా మహేశ్ బాబు హరోం హర పెద్ద హిట్ అవ్వాలని.. ఆల్ ది బెస్ట్‌ చెప్పారు. Here we go from the man himself @urstrulyMahesh about #HaromHara#HaromHaraOnJune14th pic.twitter.com/e5iUutn4ML— Sudheer Babu (@isudheerbabu) June 11, 2024

సుధీర్‌బాబు హీరోగా జ్ఞానసాగర్‌ దర్శకత్వంలో సుమంత్‌ జి. నాయుడు నిర్మించిన యాక్షన్‌ థ్రిల్లర్‌ మూవీ ‘హరోం హర’. ఈ చిత్రం ఈ నెల 14న విడుదల కానుంది. ఈ సందర్భంగా మంగళవారం జరిగిన విలేకర్ల సమావేశంలో జ్ఞానశేఖర్‌ మాట్లాడుతూ –‘‘కుప్పం నేపథ్యంలో సాగే పీరియాడికల్‌ ఫిల్మ్‌ ఇది. కుప్పంలో ల్యాబ్‌ అసిస్టెంట్‌గా పని చేసే ఓ మామూలు కుర్రాడు సుబ్రహ్మణ్యం ఎందుకు గన్స్‌ మేకింగ్‌లో ఇన్‌వాల్స్‌ కావాల్సి వచ్చింది? ఆ తర్వాత అతని జీవితం ఏ విధంగా మలుపు తిరిగింది? అన్నదే ఈ సినిమా కథ. ఈ కథలో చాలా లేయర్స్‌ ఉన్నాయి. మంచి ఫాదర్‌ ఎమోషన్‌ కూడా ఉంది. నేను సుబ్రహ్మణ్యేశ్వర స్వామి భక్తుణ్ణి. అందుకే ఈ సినిమాకు ‘హరోం హర’ టైటిల్, హీరోకు సుబ్రహ్మణ్యం అని పేరు పెట్టాను. ఈ సినిమా షూటింగ్‌ జరిగిన ప్రతి లొకేషన్‌లో మాకు నెమలి కనిపించింది. దీన్ని ఓ పాజిటివ్‌ సైన్‌గా తీసుకున్నాను. సుధీర్‌బాబుగారు అద్భుతంగా నటించారు. కథని నమ్మి, గ్రాండ్‌గా నిర్మించిన నా ఫ్రెండ్‌ సుమంత్‌కి ధన్యవాదాలు. ఈ సినిమాను ముందు పాన్‌ ఇండియాగానే అనుకున్నాం. అయితే ఇతర భాషల్లో డైలాగ్స్‌ సరిగ్గా కుదరలేదనిపించింది. నాకు నాలుగు భాషలు వచ్చు. నేనే కూర్చుని, పర్ఫెక్ట్‌గా చేయించాలంటే సినిమా రిలీజ్‌కు చాలా టైమ్‌ పడుతుంది. అందుకే ΄ాన్‌ ఇండియా రిలీజ్‌ వద్దనుకున్నాం’’ అన్నారు.

సుధీర్‌బాబు హీరోగా నటించిన ‘హరోం హర’ సినిమా త్వరలో విడుదల కానుంది. ఈ క్రమంలో ప్రేక్షకులకు అదిరిపోయే ఆఫర్‌ను మేకర్స్‌ ప్రకటించారు. జ్ఞాన సాగర్ తెరకెక్కిస్తున్న ఈ సినిమాలో మాళవిక శర్మ హీరోయిన్‌గా నటిస్తుంది. సుమంత్ జి .నాయుడు ఈ సినిమాను నిర్మిస్తున్నారు. తాజాగా ఈ సినిమా ట్రైలర్‌ను విడుదల చేశారు.‘హరోం హర’ ట్రైలర్‌ను తాజాగా టాలీవుడ్‌ ప్రిన్స్‌ మహేశ్‌ బాబు విడుదల చేశారు. ట్రైలర్‌ను చూస్తుంటే ఈసారి సుధీర్‌బాబు హిట్‌ కొట్టడం ఖాయమని తెలుస్తోంది. ట్రైలర్‌ చూస్తున్నంత సేపు కూడా చాలా ఆసక్తిగా ఉంది. ఇందులో భారీ యాక్షన్ సీన్స్‌ ఉన్నట్లు తెలుస్తోంది. సుధీర్‌ బాబు కూడా అందుకు తగ్గట్లు రిస్క్‌తో కూడుకున్న స్టంట్స్‌ చేసినట్లు కనిపిస్తుంది. ట్రైలర్‌తో సినిమాపై భారీ అంచనాలను సుధీర్‌ బాబు పెంచేశాడని చెప్పవచ్చు. జూన్‌ 14న ‘హరోం హర’ ప్రపంచవ్యాప్తంగా విడుదల కానుంది.

టాలీవుడ్ యంగ్‌ హీరో మరోసారి అభిమానులను అలరించేందుకు సిద్ధమయ్యారు. సుధీర్‌ బాబు హీరోగా నటించిన చిత్రం హరోం హర. ఇప్పటికే షూటింగ్‌ పూర్తి చేసుకున్న ఈ చిత్రం త్వరలోనే థియేటర్లలో సందడి చేయనుంది. ఈ చిత్రంలో మాళవిక శర్మ జంటగా కనిపించనుంది. ఈ చిత్రాన్ని జ్ఞానసాగర్‌ ద్వారక దర్శకత్వంలో తెరకెక్కించారు. ఈ మూవీని మే 31న రిలీజ్‌ చేయాల్సి ఉన్నప్పటికీ అనివార్య కారణాలతో వాయిదా వేశారు. వచ్చేనెల జూన్‌ 14న రిలీజ్ చేయనున్నట్లు సుధీర్‌బాబు ప్రకటించారు. 1989 నాటి చిత్తూరు జిల్లా కుప్పం నేపథ్యంలో ఈ సినిమాను తెరకెక్కించారు.అయితే సుధీర్‌ బాబు.. సూపర్ స్టార్‌ కృష్ణ కూతురు ప్రియదర్శినిని పెళ్లాడిన సంగతి తెలిసిందే. వీరిద్దరికి ఇద్దరు కుమారులు కూడా ఉన్నారు. అయితే సుధీర్, ప్రియదర్శినిల పెళ్లి మే 29,0 2006లో ఘనంగా జరిగింది. తాజాగా వివాహా వార్షికోత్సవం సందర్భంగా అరుదైన ఫోటోను పంచుకున్నారు సుధీర్. తన భార్య ప్రియదర్శిని పెళ్లిచూపుల ఫోటోను ట్విటర్‌లో పంచుకున్నారు. ఈ సందర్భంగా వివాహా వార్షికోత్సవ శుభాకాంక్షలు తెలిపాడు. నాతో ఉన్నప్పటి తన మొదటి ఫోటో.. అంతేకాదు పెళ్లిచూపుల ఫోటో అంటూ పోస్ట్ చేశారు. ఇది చూసిన అభిమానులు హీరో జంటకు శుభాకాంక్షలు చెబుతున్నారు. Happy Anniversary my love 'Priya' 💐 You complete me 😘🤗…. First pic of hers I have with me. Pellichoopulu photo 😄 pic.twitter.com/005YWnBIzZ— Sudheer Babu (@isudheerbabu) May 29, 2024

సుధీర్‌బాబు హీరోగా నటించిన ‘హరోం హర’ సినిమా విడుదల త్వరలో కానుంది. ఈ క్రమంలో ప్రేక్షకులకు అదిరిపోయే ఆఫర్‌ను మేకర్స్‌ ప్రకటించారు. జ్ఞాన సాగర్ తెరకెక్కిస్తున్న ఈ సినిమాలో మాళవిక శర్మ హీరోయిన్ గా నటిస్తుంది. సుమంత్ జి .నాయుడు ఈ సినిమాను నిర్మిస్తున్నారు. ముందుగా మే 31న సినిమా విడుదలకు యూనిట్‌ ప్లాన్‌ చేసింది. అయితే, జూన్‌ 14న రిలీజ్‌ చేయనున్నట్లు మరోసారి చిత్ర యూనిట్‌ ప్రకటించి. ఈ క్రమంలో కొత్తపోస్టర్‌తో పాటు అదిరపోయే గుడ్‌న్యూస్‌ను కూడా షేర్‌ చేసింది.మే 31న ఎక్కువ సినిమాలు విడుదల కానున్నడంతో ‘హరోం హర’ చిత్రాన్ని జూన్‌ 14కు వాయిదా వేశారు. ఈ సినిమాలో సుధీర్‌ బాబు సుబ్రహ్మణ్యం పాత్రల కనిపించనున్నారు. అయితే, సినిమా ప్రమోషన్స్‌లో భాగంగా మేకర్స్‌ ఒక కాంటెస్ట్‌ను ప్లాన్‌ చేశారు. ఇందులో పాల్గొనాలనే వారు 08045936069 టోల్ ఫ్రీ నెంబర్‌కు మిస్డ్ కాల్ కాల్ ఇస్తే చాలు. వారి వద్ద మీ నంబర్‌ సేవ్‌ అయిపోతుంది. అనంతరం లాటరీ పద్ధతిలో వారు విజేతలను ప్రకటిస్తారు. గెలుపొందిని వారు సుబ్రహ్మణ్యం జీప్ ,ఐ ఫోన్ 15 PRO, చేతక్‌ బైక్‌ను సొంతం చేసుకోవచ్చని మేకర్స్‌ తెలిపారు. దీంతో ఇప్పటికే భారీగా మిస్డ్‌ కాల్స్‌ ఇస్తున్నారు. సుధీర్‌ అభిమానులు కూడా దీనిని భారీగా షేర్‌ చేస్తున్నారు. మే 30న ‘హరోం హర’ ట్రైలర్‌ మహేశ్‌ బాబు చేతులు మీదుగా విడుదల కానుంది.

టాలీవుడ్‌ యంగ్‌ హీరో సుధీర్‌బాబు, మాళవిక శర్మ జంటగా నటించిన తాజా చిత్రం హరోం హర. ఈ చిత్రాన్ని జ్ఞానసాగర్‌ ద్వారక దర్శకత్వంలో తెరకెక్కించారు. ఇప్పటికే షూటింగ్ పూర్తి చేసుకున్న ఈ చిత్రం విడుదలకు సిద్ధమైన సంగతి తెలిసిందే. ఈ మూవీని మే 31న రిలీజ్‌ చేస్తున్నట్లు ఇప్పటికే అనౌన్స్‌మెంట్‌ చేశారు. సూపర్ స్టార్‌ కృష్ణ పుట్టినరోజు సందర్భంగా విడుదల చేయాలని భావించారు.కానీ ఊహించని విధంగా సినిమాను వాయిదా వేస్తున్నట్లు సుధీర్ బాబు ట్వీట్‌(ఎక్స్)లో పోస్ట్‌ చేశారు. కొన్ని కారణాల వల్ల హరోం హర మూవీని వాయిదా వేస్తున్నట్లు రాసుకొచ్చారు. సినిమా వాయిదా వేస్తున్నందుకు బాధగా ఉందన్నారు. స్పెషల్ డేట్‌ మిస్ అవుతున్నానని సుధీర్‌ బాబు ట్విటర్‌ ద్వారా వెల్లడించారు.సుధీర్‌బాబు తన ట్విటర్‌లో రాస్తూ..' వివిధ కారణాల వల్ల హరోం హర సినిమాను వాయిదా వేస్తున్నాం. వచ్చేనెల జూన్ 14న ప్రపంచవ్యాప్తంగా థియేటర్లలో విడుదల చేస్తాం. మొదట అనుకున్న ప్రకారం కృష్ణ గారి బర్త్ డే సందర్భంగా రిలీజ్ చేయాలనుకున్నా. కానీ మిస్ అయినందుకు బాధగా ఉంది. అయినప్పటికీ జూన్ ఇప్పటికీ నా లక్కీ నెల. ఈ సమయంలోనే ప్రేమకథా చిత్రం, సమ్మోహనం చిత్రాలు విడుదలయ్యాయి. అలాగే హరోం హర కూడా మీ అంచనాలకు తగ్గట్టుగానే ఉంటుంది.' అని పోస్ట్ చేశారు. 1989 నాటి చిత్తూరు జిల్లా కుప్పం నేపథ్యంలో ఈ సినిమాను తెరకెక్కించారు. For various reasons, #HaromHara will now be releasing in theaters worldwide on 14th June. Although I feel sad for missing the release on the occasion of Krishna gari birthday, nevertheless June is still my lucky month. PKC & Sammohanam were both released during this time😎 I… pic.twitter.com/NZvcKA2Fdu— Sudheer Babu (@isudheerbabu) May 21, 2024

కరీంనగర్‌: ఇన్నాళ్లు అభివృద్ధికి ఆమడదూరంలో ఉన్న ఎంపీ బండి సంజయ్‌కుమార్‌ పార్లమెంట్‌ ఎన్నికలు దగ్గర పడుతున్న తరుణంలో ఓట్ల రాజకీయానికి తెరలేపారని కరీంనగర్‌, జగిత్యాల, హన్మకొండ జెడ్పీ చైర్మన్లు కనుమల్ల విజయ, దావ వసంత, సుధీర్‌బాబు ఆరోపించారు. కరీంనగర్‌లోని ఓ హోటల్‌లో బుధవారం విలేకరుల సమావేశంలో మాట్లాడారు. ఎంపీగా ఐదేళ్లలో గ్రామాల అభివృద్ధి గురించి పట్టించుకోని సంజయ్‌ సర్పంచ్‌ల పదవీ కాలం ముగిశాక సానుభూతి చూపిస్తూ మొసలి క న్నీరు కారుస్తున్నారని ఎద్దేవా చేశారు. బీఆర్‌ఎస్‌ను అబాసుపాలు చేయడానికే సర్పంచులకు రావాల్సి న బిల్లులపై పోరాటం చేస్తామని ఓట్ల జిమ్మిక్కులు చేస్తున్నారని మండిపడ్డారు. బీఆర్‌ఎస్‌ నేత, మాజీ ఎంపీ వినోద్‌కుమార్‌ బెస్ట్‌ పార్లమెంటేరియన్‌గా గుర్తింపు పొందారని గుర్తు చేశారు. ఎంపీగా ఏం చేశావో చెప్పి ఓట్లు అడగాలని స్పష్టం చేశారు. శ్రీరాముని ఫొటో, అక్షింతలు పంపి సెంటిమెంట్‌తో ఓట్లు దండుకునే ప్రయత్నం సరికాదన్నారు. ఇప్పటికైనా సంజయ్‌ అభివృద్ధిపై అబద్ధాలు మాట్లాడడం మానుకోవాల ని హితవు పలికారు. బీఆర్‌ఎస్‌ కరీంనగర్‌ జిల్లా అధ్యక్షుడు జీవీ రామకృష్ణారావు, నగర అధ్యక్షుడు చల్ల హరిశంకర్‌, నాయకులు మారుతి, నయీం పాల్గొన్నారు. ఇవి చదవండి: ఎన్నికల సమయంలోనే రాజకీయాలు

‘‘హరోం హర’ సినిమా కోసం యూనిట్‌ అంతా చాలా కష్టపడ్డాం. ఒక్కో రోజు సెట్స్‌లో వెయ్యిమంది ఉండేవారు. మంచి ఎమోషన్స్, హై కమర్షియల్‌ కంటెంట్‌ ఉన్న చిత్రమిది. ఇందులో చాలా బలమైన పాత్ర చేశాను. ఈ సినిమా నా కెరీర్‌లో గేమ్‌ చేంజర్‌ అవుతుందనే నమ్మకం ఉంది’’ అన్నారు సుధీర్‌ బాబు. జ్ఞానసాగర్‌ ద్వారక దర్శకత్వంలో సుధీర్‌ బాబు హీరోగా శ్రీ సుబ్రహ్మణ్యేశ్వర సినిమాస్‌ పతాకంపై సుమంత్‌ జి. నాయుడు నిర్మించిన పాన్‌ ఇండియా చిత్రం ‘హరోం హర’. మాళవికా శర్మ హీరోయిన్‌. హైదరాబాద్‌లో యూనిట్‌ నిర్వహించిన ఈ చిత్రం టీజర్‌ సక్సెస్‌ సెలబ్రేషన్స్‌లో సుధీర్‌ బాబు మాట్లాడుతూ– ‘‘సుమంత్‌ జి. నాయుడు వంటి నిర్మాతలు చిత్ర పరిశ్రమకు రావాలి. మైత్రీ, సితార, వైజయంతి.. లాంటి బ్యానర్స్‌లానే కథని నమ్మి ఎంతైనా ఖర్చు పెట్టే నిర్మాణ సంస్థగా శ్రీ సుబ్రహ్మణ్యేశ్వర సినిమాస్‌ పరిశ్రమలోకి వచ్చినట్లేనని నమ్ముతున్నాను. నా కోసమే ఈ చిత్రకథ రాసుకొచ్చిన సాగర్‌కి థ్యాంక్స్‌’’ అన్నారు. ‘‘నా రెండో చిత్రానికి ఇంత హై బడ్జెట్‌ ఇస్తారని ఊహించలేదు. మంచి సినిమా చేశాం’’ అన్నారు జ్ఞానసాగర్‌. ‘‘నిర్మాతగా ఇది నా తొలి చిత్రం. టీజర్‌కి వస్తున్న స్పందన చూస్తుంటే ఓ మంచి సినిమా చేశాననే నమ్మకం వచ్చింది’’ అన్నారు సుమంత్‌ జి. నాయుడు. ఈ వేడుకలో కెమెరామేన్‌ అరవింద్, యూనిట్‌ సభ్యులు పాల్గొన్నారు. 

ఇటీవలే మామ మశ్చీంద్ర సినిమాతో ప్రేక్షకులను అలరించిన యంగ్ హీరో సుధీర్ బాబు. అయితే ఈ చిత్రం బాక్సాఫీస్ వద్ద అభిమానులను అంతగా ఆకట్టుకోలేకపోయింది. అయితే ఇవాళ సూపర్ స్టార్ కృష్ణ ప్రథమ వర్ధంతి సందర్భంగా ఎమోషనలయ్యారు. మామయ్యను తలుచుకుంటూ సోషల్ మీడియాలో వేదికగా సూపర్ కృష్ణ ఫోటోను పంచుకున్నారు.  సుధీర్ బాబు తన ట్వీట్‌లో రాస్తూ 'మామయ్య , మీకు మాకు ఉన్న దూరం ఎంత? కలవరిస్తే కలలోకి వచ్చేంత, తలచుకుంటే మా గుండెల్లో బ్రతికేంత. ఆగిపోలేదు మీ ప్రస్థానం, ఆరిపోలేదు మా అభిమానం. మరువను నేను, మరువదు నేల. మీ కీర్తి, మీ స్పూర్తి ... అమరం .... అద్భుతం.' అంటూ ఎమోషనల్ పోస్ట్ చేశారు.  కాగా.. ప్రస్తుతం  హరోం హర అనే పాన్ ఇండియా చిత్రంలో సుధీర్ బాబు నటిస్తున్నారు. దీపావళి సందర్భంగా  ఫస్ట్ లుక్ రిలీజ్ చేశారు మేకర్స్. ఈనెల 22న టీజర్ రిలీజ్ చేస్తామని ప్రకటించారు. ఈ సినిమాను సెహరి ఫేమ్ జ్ఞానసాగర్ ద్వారక దర్శకత్వంలో తెరకెక్కిస్తున్నారు. సుధీర్‌ బాబు కెరీర్‌లోనే అత్య‌ధిక బ‌డ్జెట్‌తో రూపొందిస్తున్నారు.  ఇదిలా ఉండగా.. మరోవైపు మహేశ్ బాబు సతీమణి నమ్రత శిరోద్కర్ కూడా కృష్ణ మొదటి వర్ధంతి సందర్భంగా మరిన్ని సేవ కార్యక్రమాలు మొదలుపెట్టనున్నారు. ఇప్పటికే ఎం.బీ ఫౌండేషన్‌ పేరుతో ఎంతోమంది చిన్న పిల్లలకు గుండె ఆపరేషన్లకు సాయం చేస్తున్న సంగతి తెలిసిందే. త్వరలోనే ఈ ఫౌండేషన్‌ ద్వారా చిన్నారుల చదువు కోసం ఉపకారవేతనాలు కూడా ఇవ్వనున్నారు. మామయ్య , మీకు మాకు ఉన్న దూరం ఎంత? కలవరిస్తే కలలోకి వచ్చేంత, తలచుకుంటే మా గుండెల్లో బ్రతికేంత. ఆగిపోలేదు మీ ప్రస్థానం, ఆరిపోలేదు మా అభిమానం. మరువను నేను, మరువదు నేల. మీ కీర్తి, మీ స్పూర్తి ... అమరం .... అద్భుతం.#SSKLivesOn pic.twitter.com/lYdFgRIcaa — Sudheer Babu (@isudheerbabu) November 15, 2023

టాలీవుడ్‌ హీరో సుధీర్‌ బాబు త్రిపాత్రాభినయం చేసిన చిత్రం మామా మశ్చీంద్ర. మృణాలినీ రవి, ఈషా రెబ్బ హీరోయిన్లుగా నటించారు. హర్షవర్దన్‌ నటించి, దర్శకత్వం వహించిన ఈ చిత్రాన్ని సునీల్‌ నారంగ్, పుస్కూర్‌ రామ్మోహన్‌ రావు నిర్మించారు.  అలీ రెజా, రాజీవ్ కనకాల, హరితేజ, అజయ్, మిర్చి కిరణ్ ముఖ్య పాత్రలు పోషించగా చైతన్‌ భరద్వాజ్‌ సంగీతం అందించారు. అక్టోబర్‌ 6న థియేటర్లలో విడుదలైన చిత్రం జనాలను ఆకర్షించడంతో విఫలమైంది. దీంతో రెండువారాలకే బాక్సాఫీస్‌ దగ్గర తట్టాబుట్టా సర్దేసుకుంది. తాజాగా ఈ మూవీ ఓటీటీలోకి వచ్చేసింది. థియేటర్‌లో సినిమా విడుదలైన  14 రోజులకే ఓటీటీలో స్ట్రీమింగ్‌ అవుతోంది. అమెజాన్‌ ప్రైమ్‌తో పాటు ఆహాలోనూ మామా మశ్చీంద్ర అందుబాటులో ఉంది.  సినిమా కథేంటంటే? సుధీర్‌.. పరశురామ్‌, దుర్గ, డీజే అనే మూడు పాత్రల్లో నటించాడు. పరశురామ్‌కు స్వార్థమెక్కువ. వందల కోట్ల ఆస్తి కోసం సొంత చెల్లి కుటుంబాన్ని చంపేందుకు కుట్ర పన్నుతాడు. కానీ వాళ్లు బతికిపోతారు. పరశురామ్‌ కూతురు విశాలాక్షి(ఈషా రెబ్బ), పరశురామ్‌ దగ్గర పనిచేసే దాసు కూతురు మీనాక్షి(మృణాళిని రవి).. దుర్గ, డీజే అనే కుర్రాళ్లతో లవ్‌లో పడతారు. వీళ్లిద్దరూ పరశురామ్‌ పోలికలతో ఉండటంతో వాళ్లు తన మేనల్లుళే అని పరశురామ్‌కు నిజం తెలుస్తుంది. ఆ తర్వాత ఏమైంది? ముగ్గురి ప్రేమకు మంచి ముగింపు పడిందా? లేదా? అనేది ఓటీటీలో చూసేయండి.. చదవండి: లియో ఫస్ట్‌ డే కలెక్షన్స్‌ ఎన్ని వందల కోట్లంటే? ఏ ఓటీటీలోకి రానుందంటే?

ఓటీటీల దెబ్బకు మనం సినిమాలు చూసే విధానమే మారిపోయింది. ఎందుకంటే ఒకప్పుడు థియేటర్‌లో సినిమా రిలీజైన చాన్నాళ్లకు హెచ్‌డీ ప్రింట్ అందుబాటులోకి వచ్చేది. కానీ ఓటీటీల పుణ్యామా అని కొన్ని డైరెక్ట్‌గా వీటిలోనే రిలీజ్ అవుతుండగా, మరికొన్ని నెలలోపే స్ట్రీమింగ్ అయిపోతున్నాయి. ఇప్పుడు ఓ మూవీ అయితే థియేటర్లలో ఉండగానే ఓటీటీ విడుదలకు సిద్ధమైపోయిందట. (ఇదీ చదవండి: 'మామా మశ్చీంద్ర' సినిమా రివ్యూ) ఆ సినిమా ఏంటి? సుధీర్‌బాబు మూడు పాత్రల్లో నటించిన సినిమా 'మామా మశ్చీంద్ర'. అక్టోబరు 6న అంటే రెండు రోజుల క్రితమే థియేటర్లలోకి వచ్చిన ఈ చిత్రం ప్రేక్షకుల్ని పెద్దగా ఆకట్టుకోలేక పోయింది. ఈ క్రమంలో డిజిటల్ రైట్స్ దక్కించుకున్న అమెజాన్ ప్రైమ్.. ఓటీటీ స్ట్రీమింగ్ తేదీని తాజాగా ప్రకటించేసినట్లు తెలుస్తోంది. ఆ రోజే స్ట్రీమింగ్ అక్టోబరు 24న దసరా పండగ. ఈ క్రమంలోనే తెలుగు రాష్ట్రాల్లో సందడి గ్యారంటీ. మరోవైపు ఈ ఫెస్టివల్ సందర్భంగా లియో, భగవంత్ కేసరి, టైగర్ నాగేశ్వరరావు లాంటి సినిమాలు రిలీజ్ కానున్నాయి. ఇప్పుడు అదే పండక్కి అంటే అక్టోబరు 20 నుంచి 'మామా మశ్చీంద్ర' సినిమా ఓటీటీలో స్ట్రీమింగ్ కానుందని సమాచారం. ఒకవేళ ఇదే నిజమైతే మాత్రం థియేటర్లలోకి వచ్చిన రెండు వారాల్లోనే ఓటీటీ రిలీజ్ అయిపోతున్నట్లే. (ఇదీ చదవండి: ఫారెన్ టూర్‌లో విజయ్-రష్మిక.. అది నిజమేనా?) #MaamaMascheendra from October 20. 📸 @PrimeVideoIN #MaamaMaschindra pic.twitter.com/Ptv3HhFio8 — SpreadFLIX (@spreadflix) October 8, 2023

టైటిల్: మామా మశ్చీంద్ర నటీనటులు: సుధీర్ బాబు, ఈషా రెబ్బా, హర్షవర్ధన్, మృణాళిని రవి, అజయ్ తదితరులు నిర్మాత: సునీల్ నారంగ్, పుస్కుర్ రామ్మోహన్ డైరెక్టర్: హర్షవర్ధన్ మ్యూజిక్: చైతన్ భరద్వాజ్, ప్రవీణ్ లక్కరాజు సినిమాటోగ్రఫీ: పి.జి. విందా విడుదల తేదీ: అక్టోబర్ 06 నిడివి: 2h 29m కథేంటి? పరశురామ్(సుధీర్ బాబు)కి చాలా స్వార్థం. వందల కోట్ల ఆస్తి కోసం సొంత చెల్లి కుటుంబాన్ని చంపమని తన మనిషి దాసుకి చెప్తాడు. కానీ వాళ్ళు బతికిపోతారు. కట్ చేస్తే పరశురామ్ కూతురు విశాలాక్షి (ఈషా రెబ్బా), దాసు కూతురు మీనాక్షి (మృణాళిని రవి).. దుర్గ(సుధీర్ బాబు) డీజే (సుధీర్ బాబు) అనే కుర్రాళ్లతో లవ్ లో పడతారు. వీళ్ళిద్దరూ పరశురామ్ పోలికలతో ఉంటారు. వీళ్లు తన మేనల్లుడ్లే అని పరశురామ్‌కి నిజం తెలుస్తుంది. ఆ తర్వాత ఏమైంది? చివరకు పరశురామ్ ఏం తెలుసుకున్నాడు అనేది స్టోరీ. ఎలా ఉంది? సినిమా అంటే ఎవరెన్ని చెప్పినా వినోదం మాత్రమే. రెండు లేదా మూడు గంటలా అనేది ఇక్కడ మేటర్ కాదు. నవ్వించవా, థ్రిల్ చేశావా? ఇలాంటి అంశాలు మాత్రమే ఆడియెన్స్ చూస్తారు. ఈ విషయంలో మామ మశ్చీంద్ర పూర్తిగా ఫెయిల్ అయ్యింది. ఎందుకంటే కామెడీ, థ్రిల్, డ్రామా.. ఇలా ఏ పార్ట్ లోనూ కనీసం అలరించ లేకపోయింది. ట్విస్టులు ఎక్కువ ఉంటే ప్రేక్షకులు థ్రిల్ అవుతారని డైరెక్టర్ అనుకున్నాడు. అవి రెండున్నర గంటలు బుర్ర గొక్కునేల చేశాయి! ఫస్ట్ హాఫ్ విషయానికి వస్తే.. జాలి దయలేని తండ్రి వల్ల చిన్నప్పుడే పరశురామ్ తల్లి చనిపోవడం... తల్లికి దక్కాల్సిన ఆస్తిని మేనమామ లాగేసుకోవడం.. ఆ తర్వాత పక్క ప్లాన్ తో మేనమామకు కూతురు వరసైన అమ్మాయిని పెళ్లి చేసుకొని ఆ అస్తినంతా దక్కించుకోవడం.. ఇక వయసు పెరిగిన తర్వాత పరశురామ్.. అతడు కూతురు విశాలాక్షీ.. పరశురామ్ దగ్గర పనిచేసే దాసు.. అతడు కూతురు మీనాక్షి.. వీళ్ళ లైఫ్ లోకి దుర్గ, డీజే అనే వ్యక్తులు రావడం.. అల ఈ పాత్రల మధ్య ఎలాంటి డ్రామా నడిచింది చివరకి ఏమైంది అనేదే తెలియాలంటే సినిమా చూడాలి.. స్టోరీ పరంగా స్వార్థం అనే మంచి పాయింట్ తీసుకున్నారు కానీ దాన్ని చెప్పడంలో ఏ మాత్రం ఇంట్రెస్ట్ చూపించలేదు. దీంతో చూసే ప్రేక్షకుడికి కూడా అది ఎక్కలేదు. హీరో సుదీర్ బాబు.. పరశురామ్, దుర్గ, డీజే అనే మూడు పాత్రలు చేశాడు. డీజేగా రెగ్యులర్ లుక్ లో కనిపించాడు. ఇది ఓకే. కానీ మిగతా రెండు పాత్రలు డిజైన్ అస్సలు సెట్ కాలేదు. ఇక ఫస్ట్ హాఫ్ లో హీరో హీరోయిన్స్ లవ్ ట్రాక్ తో చాలా చిరాకు పెట్టించారు. పబ్ లో వచ్చే ఆర్జీవీ ఎపిసోడ్ అయితే అనవసరం. ఇక సినిమాని చాలా తక్కువ బడ్జెట్ లో చుట్టేశారు. క్వాలిటీ విషయం కూడా కాస్త ఇబ్బంది పెడుతుంది. సినిమాలో ఏదైనా ప్లస్ పాయింట్ ఉందంటే.. క్లైమాక్స్ లో మనిషిలో స్వార్థం గురించి చెప్పే సీన్ మాత్రమే. ఎవరెలా చేశారు? మూడు పాత్రల్లో ఏదో ప్రయోగం చేద్దామని హీరో సుధీర్ బాబు ప్రయత్నించాడు గానీ అది అడ్డంగా బెడిసికొట్టింది. పరశురామ్ కారెక్టర్ ని అయిన మంచిగా రాసుకుని సినిమా తీసుంటే బాగుండేది. ఇక హీరోయిన్స్ గ చేసిన ఈషా రెబ్బ, మృణాళిని రవి ఓకే ఓకే. ఈ మూవీ రైటర్ అండ్ డైరెక్టర్ హర్షవర్ధన్ ఇందులో దాసు పాత్ర చేశాడు అది పర్లేదు. మిగతా కారెక్టర్స్ చేసిన వాళ్ళు మామ అనిపించారు. అజయ్, హరితేజ, రాజీవ్ కనకాల లాంటి వాళ్లని సరిగా వాడుకొలేకపోయారు. టెక్నికల్ విషయాల్లో ఈ సినిమాలోని పాటలు పెద్దగా గుర్తుండవ్. సినిమాటోగ్రఫీ ఓకే. నిర్మాణ విలువలు చాలా పూర్. రైటింగ్ కూడా అస్సలు ఎఫెక్టివ్‌గా లేదు. ఓవరాల్‌గా థియేటర్స్‌లో మామ మశ్చీంద నిలబడటం అంటే చాలా కష్టం. - చందు డొంకాన, సాక్షి వెబ్ డెస్క్

సుధీర్‌ బాబు హీరోగా హర్ష వర్దన్‌ తెరకెక్కించిన చిత్రం ‘మామా మశ్చీంద్ర’ . ఈషా రెబ్బా, మృణాళిని రవి ఇందులో హీరోయిన్లుగా కనిపించనున్నారు. సుధీర్‌ త్రిపాత్రాభినయం చేసిన ఈ సినిమా ఈ నెల 6న ప్రేక్షకుల ముందుకు రానుంది. ఈ సందర్భంగా హైదరాబాద్‌లో నిర్వహించిన ప్రీ రిలీజ్‌ ఈవెంట్‌కు దర్శకుడు శేఖర్‌ కమ్ముల, హీరోలు శర్వానంద్‌, విశ్వక్‌సేన్‌, శ్రీవిష్ణు, అశోక్‌ గల్లా ముఖ్య అతిథులుగా హాజరు అయ్యారు. (ఇదీ చదవండి: మీనాక్షి చౌదరి ఫేట్‌ మార్చేసిన మహేశ్‌ బాబు 'గుంటూరు కారం') ఈ సినిమాలో సినీ నటి హరితేజ కూడా ఉంది. ఈ ఈవెంట్‌లో ఆమె మాట్లాడుతూ.. 'శేఖర్ కమ్ముల గారు మిమ్మల్ని చూడగానే ఒకటి గుర్తొచ్చింది.. చెప్పుకోవాలనిపిస్తోంది. మంచి అనుభవం. నేను మీ ఫిలింస్‌కి ఫ్యాన్ సర్. ఫిదా సినిమాలో అక్క క్యారెక్టర్ కోసం నన్ను ఆడిషన్‌కి రమ్మని పిలిచారు. నేను ఎలాగైనా మీ దర్శకత్వంలో సినిమా చేయాలని రెండు మూడు సార్లు వచ్చి ఆడిషన్ ఇచ్చాను. కానీ అప్పుడు నేను ఎందుకు రిజెక్ట్ అయ్యానో తెలుసా.. తెలంగాణ యాస రాలేదని. ఆ సినిమా తర్వాత నేను తెలంగాణ యాస నేర్చుకున్నాను సర్. ఇప్పుడు అసలు తెలంగాణ యాసలో ఇచ్చిపడేస్తున్నాం సర్‌. మరీ అంత ప్యూర్‌ కాకపోయినప్పటికి ప్రస్తుతం నేను ప్రయత్నిస్తున్నాను.' అని చెప్పుకొచ్చింది. ఆమె మాటలకు శేఖర్‌ ఖమ్మల కూడా బాగా ఎంజాయ్‌ చేశాడు. ఇందులో హరితేజ ఓల్డ్‌ ఉమెన్‌ పాత్రలో కనిపించనుంది.

సుధీర్‌బాబు త్రిపాత్రాభినయం చేసిన చిత్రం ‘మామా మశ్చీంద్ర’. హర్షవర్ధన్‌ నటించి, దర్శకత్వం వహించిన ఈ చిత్రంలో మృణాళినీ రవి, ఈషా రెబ్బా హీరోయిన్లు. సోనాలీ నారంగ్, సృష్టి సమర్పణలో సునీల్‌ నారంగ్, పుస్కూర్‌ రామ్మోహన్‌ రావు నిర్మించిన ఈ చిత్రం ఈ నెల 6న రిలీజ్‌ కానుంది. ఈ సందర్భంగా ఈషా రెబ్బా మాట్లాడుతూ– ‘‘సుధీర్‌బాబుగారు చేసిన మూడు పాత్రల్లో దుర్గ పాత్రకు జోడీగా వైరల్‌ విశాలాక్షి పాత్ర చేశాను. ఏదో ఒకటి చేసి వైరల్‌ కావాలనుకునే మనస్తత్వం విశాలాక్షిది. ఈ పాత్ర నాకు కొత్తగా అనిపించింది. ఈ సినిమా కథను హర్షవర్ధన్‌గారు చెప్పినప్పుడు కన్‌ఫ్యూజ్‌ అయ్యాను. కానీ సెట్స్‌లో క్లారిటీ వచ్చింది. ప్రస్తుతం తమిళంలో విక్రమ్‌ ప్రభుతో ఓ సినిమా కమిట్‌ అయ్యాను. అలాగే నాకు మంచి గుర్తింపు తెచ్చిన ‘దయ’ వెబ్‌ సిరీస్‌ రెండో భాగం‘దయ 2’ వచ్చే సంవత్సరం ఆరంభమవుతుంది’’ అన్నారు.

టాలీవుడ్ యంగ్ హీరో సుధీర్ బాబు,  ఈషా రెబ్బా జంటగా నటిస్తోన్న చిత్రం మామ మశ్చీంద్ర. ఈ చిత్రానికి హర్షవర్ధన్‌ దర్శకత్వంలో తెరకెక్కిస్తున్నారు.  శ్రీవెంకటేశ్వర సినిమాస్ పతాకంపై భారీ ఎత్తున నిర్మిస్తున్నారు. అయితే ఈ మూవీ సుధీర్ బాబు డిఫరెంట్‌ లుక్‌లో కనిపించనున్నారు. ఈ సినిమాకు సంబంధించి ఇప్పటికే ఫస్ట్ లుక్, గ్లింప్స్ కూడా రిలీజ్ చేశారు. తాజాగా ట్రైలర్‌ రిలీజ్ చేశారు మేకర్స్.  (ఇది చదవండి: సుధీర్ బాబు వీడియో లీక్.. అలా మారిపోయాడేంటీ భయ్యా?) ట్రైలర్ చూస్తే.. 'ఈ సృష్టింలో నువ్వొక్కడివే నిజం.. నీ ఫీలింగ్స్ ఎవరితోనూ పంచుకోకు' అనే డైలాగ్‌లో మొదలైంది. ట్రైలర్‌లో గమనిస్తే సుధీర్‌ డబుల్‌ రోల్‌తో పాటు విభిన్నమైన పాత్రలో కనిపించున్నట్లు తెలుస్తోంది. ఈ చిత్రంలో డిఫరెంట్ షేడ్స్‌లో సుధీర్‌ బాబు ఫ్యాన్స్‌ను అలరించడం ఖాయంగా కనిపిస్తోంది. ఈ చిత్రంలో మీర్నాలిని రవి, హర్షవర్ధన్, అలీ రెజా, రాజీవ్ కనకాల, హరితేజ, అజయ్, మిర్చి కిరణ్ కీలక పాత్రలు పోషిస్తున్నారు. ఈ మూవీకి చైతన్ భరద్వాజ్ సంగీతమందిస్తున్నారు. ఈ మూవీ అక్టోబర్ 6న థియేటర్లలో సందడి చేయనుంది. 

టాలీవుడ్‌ యంగ్‌ హీరో సుధీర్‌ బాబు ప్రధాన పాత్రలో నటిస్తున్న పాన్‌ ఇండియా చిత్రం హరోం హర. ది రివోల్ట్‌ అనేది ఉప శీర్షిక. జ్ఞానసాగర్‌ ద్వారక దర్శకత్వంలో సుమంత్‌ జి.నాయుడు నిర్మిస్తున్నారు. నేడు(మే 11) సుధీర్‌బాబు పుట్టినరోజు. ఈ సందర్భంగా సినిమా నుంచి ప్రత్యేక గ్లింప్స్‌ విడుదల చేశారు. అందరూ పవర్‌ కోసం గన్‌ పట్టుకుంటారు. కానీ ఇది యాడాడో తిరిగి నన్ను పట్టుకుంది అని సుధీర్‌ బాబు కుప్పం యాసలో చెప్పే డైలాగ్స్‌ గ్లింప్స్‌లో ఉంది. చిత్తూరు జిల్లా కుప్పంలో జరిగిన కథతో రూపొందుతున్న ఈ సినిమాను డిసెంబర్‌ 22న విడుదల చేయనున్నట్లు వెల్లడించారు. తెలుగు, తమిళ, కన్నడ, మలయాళ, హిందీ భాషల్లో ఈ సినిమా విడుదల కానుంది. ఇకపోతే సుధీర్‌ బాబు మరోపక్క మామా మశ్చీంద్ర సినిమా చేస్తున్నాడు. దర్శకుడు హర్షవర్ధన్‌ డైరెక్షన్‌లో తెరకెక్కుతున్న ఈ చిత్రంలో మృణాలిని రవి, ఈషా రెబ్బా హీరోయిన్స్‌గా నటిస్తున్నారు. సునీల్‌ నారంగ్‌, పుస్కూర్‌ రామ్మోహన్‌ రావు నిర్మాతలుగా వ్యవహరిస్తున్నారు. చదవండి: హీరోలకే ఎక్కువ పారితోషికం, వ్యత్యాసం ఎందుకు?: రకుల్‌ ప్రీత్‌ సింగ్‌

సుధీర్‌ బాబు హీరోగా రూపొందిన చిత్రం ‘మామా మశ్చీంద్ర’. నటుడు, దర్శకుడు హర్షవర్ధన్‌ దర్శకత్వం వహించిన ఈ చిత్రంలో మృణాలినీ రవి, ఈషా రెబ్బా కథానాయికలు. సునీల్‌ నారంగ్, పుస్కూర్‌ రామ్మోహన్‌ రావు నిర్మించారు. చేతన్‌ భరద్వాజ్‌ సంగీతం అందించిన ఈ చిత్రంలోని ‘గాలుల్లోన కలలే వాలే...’ అంటూ సాగే పాట లిరికల్‌ వీడియోను విడుదల చేశారు. కృష్ణకాంత్‌ సాహిత్యం అందించిన ఈ పాటను కపిల్‌ కపిలన్, నూతన మోహన్‌ పాడారు. ‘‘ఈ చిత్రంలో మూడు పాత్రల్లో కనిపించనున్నారు సుధీర్‌ బాబు. ‘గాలుల్లోన...’ అనే పాటలో దుర్గ, డీజే పాత్రల్లో ఆకట్టుకుంటారాయన. తెలుగు, హిందీ భాషల్లో ఈ చిత్రాన్ని నిర్మించాం’’ అని చిత్రయూనిట్‌ పేర్కొంది. చదవండి: ఉగ్రం నా కెరీర్‌లో హయ్యస్ట్‌ గ్రాసర్‌గా నిలుస్తుంది: అల్లరి నరేశ్‌

దుర్గ లావుగా, మాస్‌గా ఉంటాడు. దుర్గకు పూర్తి భిన్నంగా ఉంటాడు పరశురామ్‌. చేతిలో తుపాకీ పట్టుకొని ఏజ్డ్‌ గ్యాంగ్‌స్టర్‌లా కనిపిస్తాడు. డ్రెస్సింగ్, సిట్టింగ్‌.. అంతా ఫుల్‌ స్టయిల్‌. ఇక్కడున్న పరశురామ్‌ లుక్‌ చూస్తే ఆ విషయం అర్థం అవుతుంది. దుర్గ, పరశురామ్, డీజే.. ఈ మూడు పాత్రల్లో సుధీర్‌బాబు నటిస్తున్న చిత్రం ‘మామా మశ్చీంద్ర’. ఇటీవల దుర్గ లుక్‌ని, శనివారం పరశురామ్‌ లుక్‌ని రిలీజ్‌ చేశారు. హర్షవర్ధన్‌ దర్శకత్వంలో సునీల్‌ నారంగ్, పుస్కూర్‌ రామ్మోహన్‌ రావు నిర్మిస్తున్న చిత్రం ఇది. తెలుగు, హిందీ భాషల్లో రూపొందుతున్న ఈ చిత్రానికి సంగీతం: చేతన్‌ భరద్వాజ్, కెమెరా: పీజీ విందా, సమర్పణ: సోనాలి నారంగ్, సృష్టి. We decided one surprise wasn't enough 😁 Meet #Parasuram!!#MaamaMascheendra#SBasParasuram@HARSHAzoomout @chaitanmusic @pgvinda @AsianSuniel @puskurrammohan @SVCLLP #SrishtiCelluloids pic.twitter.com/WNW2PVsWR5— Sudheer Babu (@isudheerbabu) March 4, 2023

టాలీవుడ్ యంగ్ అండ్ టాలెంట్ హీరో సుధీర్ బాబు ఫలితాలతో సంబంధం లేకుండా వరుస చిత్రాలు చేస్తున్నాడు. ఇటీవల ఆయన యాక్షన్‌ ఫిలింతో అలరించాడు. ఎన్నో అంచనాల మధ్య విడుదలైన హంట్‌ బాక్సాఫీసు వద్ద మిశ్రమ స్పందనను అందుకుంది. ఫలితంగా ఈ చిత్రం ప్లాప్‌గా నిలిచింది. ఇక సుధీర్‌ బాబు తన తదుపరి సినిమాను లైన్లో పెట్టాడు. ప్రస్తుతం ఆయన మామ మశ్చీంద్ర అనే సినిమా చేస్తున్నాడు. ఈ సినిమాతో ఎలాగైన హిట్‌ కొట్టాలని ఆశగా ఎదురు చూస్తున్న సుధీర్‌ బాబు ఇందుకోసం ప్రమోగం చేస్తున్నాడని అప్పట్లో టాక్‌ వినిపించిన సంగతి తెలిసిందే. ఈ క్రమంలో ఆయన గుర్తుపట్టలేనంతగా మారిపోయాడు. ఇప్పటి వరకు సిక్స్‌ ప్యాక్‌, ఫిట్‌నెస్‌ లుక్‌తో ఆకట్టుకున్న సుధీర్‌ బాబు ఈ సినిమా కోసం బొద్దుగా తయారయ్యాడు. ప్రస్తుతం షూటింగ్‌ను శరవేగంగా జరుపుకుంటున్న ఈ మూవీలో తన లుక్‌ను తాజాగా విడుదల చేసి ఫ్యాన్స్‌కి షాకిచ్చాడు. దీనికి ‘బెట్‌.. ఇలా వస్తానని మీరు అనుకుని ఉండరు’ అని క్యాప్షన్‌ ఇచ్చాడు. లావుగా ఉన్న సుధీర్‌ బాబుని ఇలా చూసిన నెటిజన్లు, ఫ్యాన్స్‌ సర్‌ప్రైజ్‌ అవుతున్నారు. ఎవరూ ఊహించని విధంగా  ఇలా ట్విస్ట్‌ ఇచ్చావేంటి భయ్యా అంటూ నెటిజన్లు అతడి పోస్ట్‌ కామెంట్స్‌ చేస్తున్నారు.  Bet you didn't see this coming 😉 Meet Durga! #MaamaMascheendra@HARSHAzoomout @chaitanmusic @pgvinda #SunielNarang @puskurrammohan @SVCLLP #SrishtiCelluloids pic.twitter.com/IWhVydn4ie — Sudheer Babu (@isudheerbabu) March 1, 2023

టాలీవుడ్ యంగ్ హీరో సుధీర్ బాబు ఇటీవల హంట్ సినిమాతో ప్రేక్షకులను అలరించారు. అయితే  ఆ చిత్రం బాక్సాపీస్ వద్ద పెద్ద ఆకట్టుకోలేకపోయింది. తాజాగా మరో చిత్రంతో అభిమానులను అలరించేందుకు వస్తున్నారు. ప్రస్తుతం ఆయన హర్షవర్ధన్ డైరెక్షన్‌లో మామ మశ్చీంద్ర చిత్రంలో నటిస్తున్నారు. ఈ సినిమాకు సంబంధించి ఇప్పటికే ఫస్ట్ లుక్, గ్లింప్స్ కూడా రిలీజ్ చేశారు. అయితే తాజాగా ఈ చిత్రానికి సంబంధించి ఓ వీడియో సోషల్ మీడియోలో తెగ వైరలవుతోంది.  మామ మశ్చీంద్ర మూవీలో సుధీర్ బాబు మేక్ ఓవర్‌కు సంబంధించిన ఓ వీడియో సోషల్ మీడియాలో లీకైంది. అందులో హీరో పూర్తి భిన్నమైన లుక్‌లో కనిపించారు. అది చూసిన ఆయన అభిమానులు షాక్‌కు గురవుతున్నారు. ఆ వీడియోలో సుధీర్ బాబు బాడీ లాంగ్వేజ్ చాలా మారిపోయింది. అసలు ఆ వీడియోలో ఉన్నది అతనేనా అన్న అనుమానం కలుగుతోంది. సుధీర్ బాబు, హర్షవర్ధన్ కాంబినేషన్‌లో మామా మశ్చీంద్ర ప్రతిష్టాత్మకంగా తెరకెక్కిస్తున్నారు. శ్రీవెంకటేశ్వర సినిమాస్ పతాకంపై భారీ ఎత్తున నిర్మిస్తున్నారు.  Leaked Video: @isudheerbabu's Shocking Makeover for #MamaMascheendra pic.twitter.com/VnLpMlTzzb — Gulte (@GulteOfficial) February 27, 2023

తండ్రీకొడుకుల అనుబంధం నేపథ్యంలో ఇప్పటికే చాలా సినిమాలు వచ్చాయి.  ఎన్ని వచ్చినా ఈ ‘అనుబంధం’ ఎవర్‌ గ్రీన్‌. అందుకే ఈ రిలేషన్‌ చుట్టూ కొత్త కథలు అల్లుకుని సినిమాలు తీస్తుంటారు.  ‘నాన్నకు ప్రేమతో’ అంటూ ఈ అనుబంధం నేపథ్యంలో కొన్ని సినిమాలు రానున్నాయి. ఆ విశేషాలు  తెలుసుకుందాం.  కమల్‌హాసన్‌ తండ్రీకొడుకుగా రెండు పాత్రలు  చేసిన ఓ చిత్రం ‘ఇండియన్‌’ (భారతీయుడు). 1996లో శంకర్‌ దర్శకత్వంలో వచ్చిన ఈ చిత్రంలో స్వాతంత్య్ర సమరయోధుడు సేనాపతి, అతని తనయుడు, ప్రభుత్వ ఉద్యోగి చంద్రబోస్‌ సేనాపతి పాత్రల్లో కమల్‌హాసన్‌ ద్విపాత్రాభినయం చేశారు. దేశభక్తుడైన సేనాపతి లంచగొండి అయిన తన తనయుడు చంద్రబోస్‌ను హత్య చేయడం ఈ సినిమాకే ప్రధాన హైలైట్‌. భారీ ఎత్తున ప్రేక్షకాదరణ పొందిన ఈ ‘ఇండియన్‌’ సినిమాకు సీక్వెల్‌గా పాతికేళ్ల తర్వాత కమల్‌హాసన్, శంకర్‌ ‘ఇండియన్‌ 2’ చేస్తున్నారు. ఈ సినిమా కూడా ప్రధానంగా తండ్రీకొడుకుల నేపథ్యంలోనే సాగుతుందని తెలిసింది. ఇండియన్‌ సినిమాలో మాదిరిగానే ‘ఇండియన్‌ 2’లో కూడా కమల్‌హాసన్‌ తండ్రీకొడుకుగా ద్విపాత్రాభినయం చేస్తున్నారని కోలీవుడ్‌ టాక్‌. కథలోని కీలక సన్నివేశాలు 1920 నేపథ్యంలో ఉంటాయని తెలిసింది. అంటే కథ.. స్వాతంత్య్రానికి పూర్వం సేనాపతి, అతని తండ్రికి ఉన్న అనుబంధం నేపథ్యంలో ఉంటుందన్నట్లుగా ఈ  చిత్రరచయితల్లో ఒకరైన జయ మోహన్‌ ఆ మధ్య ఓ ఇంటర్వ్యూలో పేర్కొన్నారు. ఈ  చిత్రాన్ని ఈ ఏడాది చివర్లో విడుదల చేయాలనుకుంటున్నారు.  ►  ప్రభాస్‌ చేస్తున్న తాజా చిత్రాల్లో ‘సలార్‌’ ఒకటి. ‘కేజీఎఫ్‌’ ఫేమ్‌ ప్రశాంత్‌ నీల్‌ దర్శకత్వం వహిస్తున్న ఈ సినిమాకు సంబంధించి ఇప్పటికే రెండు లుక్స్‌ను విడుదల చేశారు మేకర్స్‌. ఈ చిత్రంలో ప్రభాస్‌ డ్యూయల్‌ రోల్‌ చేస్తున్నారని వినికిడి. అలాగే ఈ సినిమా  కథకు తండ్రీకొడుకుల సెంటిమెంట్‌ను జోడించారట ప్రశాంత్‌ నీల్‌. పీరియాడికల్‌ యాక్షన్‌ డ్రామాగా తెరకెక్కుతున్న ఈ చిత్రంలో తండ్రి బాధ్యతను కొనసాగించి, సక్సెస్‌ అయ్యే కొడుకు పాత్రలో ప్రభాస్‌ కనిపిస్తారన్నది ఫిల్మ్‌నగర్‌ టాక్‌. ఈ చిత్రం సెప్టెంబరు 28న రిలీజ్‌ కానుంది. దర్శకుడు శంకర్, హీరో రామ్‌చరణ్‌ కాంబినేషన్‌లో ఓ సినిమా రూపొందుతున్న సంగతి తెలిసిందే. కథాంశం తండ్రీతనయుల అనుబంధమేనట. ఈ రెండు పాత్రలనూ చరణే చేస్తున్నారు. ఒక రాజకీయ పార్టీ అధికారంలోకి రావడం కోసం ఓ వ్యక్తి శ్రమిస్తాడు. కానీ కొందరు స్వార్థపరుల కారణంగా అతనికి అన్యాయం జరుగుతుంది. ఆ తర్వాతి కాలంలో ఆ వ్యక్తి తనయుడు ఐఏఎస్‌ ఆఫీసర్‌ అవుతాడు. తండ్రిని ఇబ్బంది పెట్టినవారిని శిక్షిస్తూనే, డబ్బు, స్వార్థం లేని రాజకీయాల కోసం ప్రజలు ఎలా చైతన్యవంతులై ఉండాలి? ఐఏఎస్‌ ఆఫీసర్లు ఏ విధంగా విధులు నిర్వర్తించాలి? అనే అంశాల నేపథ్యంలో ఈ సినిమా ఉంటుందని టాక్‌. సినిమాను వచ్చే ఏడాది రిలీజ్‌ చేయాలనుకుంటున్నారు.  ►  సుధీర్‌బాబు ప్రస్తుతం ‘మామా మశ్చీంద్ర’ అనే సినిమా చేస్తున్నారు.  హర్షవర్థన్‌ దర్శకత్వంలో రూపొందుతున్న ఈ చిత్రం ప్రధానంగా తండ్రీకొడుకుల ఎమోషన్‌ నేపథ్యంలో సాగుతుందని, ఇందులో మూడు డిఫరెంట్స్‌ లుక్స్‌లో సుధీర్‌బాబు కనిపిస్తారని టాక్‌.  ►  తండ్రీకొడుకుల ఎమోషన్‌ నేపథ్యంలో సాగే చిత్రాలు బాలీవుడ్‌లోనూ కొన్ని ఉన్నాయి. ప్రధానంగా చెప్పుకోవాల్సిన చిత్రం ‘యానిమల్‌’. ‘అర్జున్‌రెడ్డి’ ఫేమ్‌ సందీప్‌ రెడ్డి వంగా దర్శకత్వంలో రూపొందుతున్న ఈ సినిమా షూటింగ్‌ శరవేగంగా జరుగుతోంది. తండ్రి కోసం గ్యాంగ్‌స్టర్‌గా మారే ఓ యువకుడి కథే ‘యానిమల్‌’ అని బాలీవుడ్‌ టాక్‌. ఇందులో రణ్‌బీర్‌ కపూర్‌ తండ్రిగా అనిల్‌కపూర్‌ కనిపిస్తారని సమాచారం.

నైట్రో స్టార్ సుధీర్ బాబు హీరోగా భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించిన సినిమా 'హంట్'. మహేశ్‌ దర్శకత్వం వహించిన ఈ చిత్రంలో టాలీవుడ్‌ సీనియర్‌ హీరో శ్రీకాంత్, ‘ప్రేమిస్తే’ ఫేం భరత్‌ కీలకపాత్రలు పోషించారు.  బాలీవుడ్‌ మూవీ ‘ముంబై పోలీస్’కు రీమేక్‌గా వచ్చిన ఈ చిత్రం రిపబ్లిక్‌ డే సందర్భంగా జనవరి 26న విడుదలైంది. అయితే హంట్‌ ఆశించిన స్థాయిలో విజయం సాధించలేకపోయింది. ఫలితంగా బాక్సాఫీసు వద్ద ఈ మూవీ బోల్తా పడింది. చదవండి: హైటెక్‌ సిటీ ఆఫీసులో మహేశ్‌ బాబు .. వీడియో వైరల్‌ దీంతో ఈ మూవీ థియేటర్లో విడుదలైన 2 వారాలకే ఓటీటీలోకి  రాబోతోంది. ప్రముఖ తెలుగు ఓటీటీ సంస్థ ఆహా ఈ మూవీ స్ట్రీమింగ్‌కు అంతా రంగం సిద్ధం చేసింది. ఫిబ్రవరి 10న ఈ చిత్రాన్ని ఓటీటీలో అందుబాటులోకి తీసుకువస్తున్నట్లు తాజాగా ఆహా అధికారిక ప్రకటన ఇచ్చింది. అంటే ఈ శుక్రవారం నుంచి హంట్‌ ఓటీటీలో సందడి చేయబోతోంది. కాగా ఏ చిత్రమైన థియేటర్లో విడుదలైన 6 నుంచి 8 వారాల తర్వాతే ఓటీటీకి వస్తుంది. కానీ సుధీర్‌ భాబు, శ్రీకాంత్‌ వంటి భారీ తారాగణంతో తెరకెక్కిన ఈ మూవీ రిలీజ్‌ అయిన రెండు వారాలకే ఓటీటీలోకి రావడం గమనార్హం.  చదవండి: సరిగమప విన్నర్‌ యశస్వి కొండెపూడి మోసం.. స్పందించిన స్వచ్చంద సంస్థ Get ready for the action-packed #HuntTheMovie thriller movie releasing on Feb 10 on aha.#HuntTheMovieOnAHA Premieres Feb 10@isudheerbabu @_apsara_rani @actorsrikanth @bharathhere @Imaheshh #Anandaprasad @BhavyaCreations @GhibranOfficial @anneravi @adityamusic pic.twitter.com/qGghi97ip0 — ahavideoin (@ahavideoIN) February 9, 2023

నైట్రో స్టార్ సుధీర్ బాబు హీరోగా భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించిన సినిమా 'హంట్'. మహేశ్‌ దర్శకత్వం వహించిన ఈ చిత్రంలో  శ్రీకాంత్, భరత్‌ కీలకపాత్రలు చేశారు. రిపబ్లిక్‌ డే సందర్భంగా జనవరి 26న విడుదలైన ఈ చిత్రం ఆశించిన స్థాయిలో విజయం సాధించలేకపోయింది. దీంతో ఈ మూవీ అప్పుడే ఓటీటీలోకి రావడానికి రంగం సిద్దం చేసుకుంటున్నట్లు వార్తలు వినిపిస్తున్నాయి. తాజా బజ్‌ ప్రకారం.. ఫిబ్రవరి 10 నుంచి ప్రముఖ ఓటీటీ అమెజాన్‌ ఫ్రైమ్‌ వీడియోలో ఈ చిత్రం స్ట్రీమింగ్‌ కానున్నట్లు తెలుస్తోంది. కాగా,  ప్రతి చిత్రం దాదాపు 8 వారాల తర్వాత ఓటీటీలో విడుదల చేయాలని ఆ మధ్య టాలీవుడ్‌ ఓ రూల్‌ పెట్టుకున్న విషయం తెలిసిందే. కానీ హంట్‌ చిత్రం మాత్రం రెండు వారాల తర్వాతే  ఓటీటీలో స్ట్రీమింగ్‌కి రెడీ అయింది. 

సుధీర్ బాబు హీరోగా నటించిన తాజా చిత్రం 'హంట్'. భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించారు. మహేష్‌ దర్శకత్వం వహించారు. రిపబ్లిక్ డే కానుకగా జనవరి 26న థియేటర్లలో విడుదలైంది. ఈ సినిమాకు ఆడియన్స్  నుంచి హిట్ టాక్ లభించింది. తాజాగా చిత్రబృందం సంస్థ కార్యాలయంలో సక్సెస్ మీట్ నిర్వహించారు.   సుధీర్ బాబు మాట్లాడుతూ..'సినిమాకు మంచి రెస్పాన్స్ లభిస్తోంది.  ప్రేక్షకులు ఎలా రిసీవ్ చేసుకుంటారోనని భయపడ్డాం. ప్రేక్షకులు అందరూ సెకండాఫ్‌లో 30 నిమిషాలు ఎక్సలెంట్ అని చెబుతున్నారు. సోషల్ మీడియాలో చాలా మంది సినిమాను సూపర్బ్ అంటూ పోస్టులు చేశారు. ఆడియన్స్ చాలా థాంక్స్. నేను అయితే రెగ్యులర్ సినిమాలు చేయను. ఇప్పటి వరకు చేసినవి అన్నీ డిఫరెంట్ సినిమాలే. ఈ సినిమా కూడా చాలా డిఫరెంట్ సినిమా.' అని అన్నారు.   దర్శకుడు మహేష్ మాట్లాడుతూ..'క్రిటిక్స్, ఆడియన్స్ నుంచి రెస్పాన్స్ చాలా బాగుంది. హీరో సుధీర్ బాబు గారు ధైర్యంగా ఆ రోల్ చేశారు. నేను ఎప్పటికీ గర్వపడే సినిమా. తెలుగులో ఇటువంటి సినిమా చేయడం తొలిసారి. భరత్ మా సినిమాలో నటించినందుకు థాంక్స్. సుధీర్ బాబుకు హ్యాట్సాఫ్. ప్రేక్షకులకు కొత్తదనం ఇవ్వాలనే తపన ఆయనదే.' అని అన్నారు. భరత్ మాట్లాడుతూ..'తెలుగు ప్రేక్షకుల ముందుకు రావడానికి కొన్నేళ్లు టైమ్  తీసుకున్నా. మంచి సినిమా చేశా. కంటెంట్ సినిమాల కోసం చూసే ప్రేక్షకులకు సరైన చిత్రమిది. కమర్షియల్ వ్యాల్యూస్‌తో తీశాం. మహేష్ కెరీర్‌లో ఇదొక మంచి సినిమా. సుధీర్ బాబు కొత్తగా ట్రై చేశారు. ఈ సినిమాలో నేను ఒక భాగం అయినందుకు సంతోషంగా ఉంది.' అని అన్నారు.  సినిమాటోగ్రాఫర్ అరుల్ విన్సెంట్ మాట్లాడుతూ..'సినిమాకు లభిస్తున్న స్పందనతో సంతోషంగా ఉన్నాం. కొత్తగా చేయడం నాకు చాలా ఇష్టం. 'పలాస' తర్వాత తెలుగులో నేను చేసిన చిత్రమిది. సుధీర్ బాబు, శ్రీకాంత్, భరత్ ముగ్గురు హీరోలు అద్భుతంగా నటించారు. సినిమాలో హీరోయిన్ లేదనే ఫీలింగ్ ఎవరికీ ఉండదు. రెస్పాన్స్ బాగుంది.' అని అన్నారు.  

టైటిల్‌ : హంట్‌ నటీనటులు: సుధీర్‌బాబు, శ్రీకాంత్‌, భరత్‌, చిత్ర శుక్లా తదితరులు నిర్మాణ సంస్థ: భవ్య క్రియేషన్స్‌ నిర్మాత: వీ ఆనంద్‌ ప్రసాద్‌ దర్శకుడు: మహేశ్‌ సంగీతం: జిబ్రాన్‌ సినిమాటోగ్రఫి: అరుల్ విన్సెంట్‌ ఎడిటర్ : ప్రవీణ్ పూడి విడుదల తేది: జనవరి 26, 2023 కథేంటంటే.. ముగ్గురు ఐపీఎస్‌ అధికారులు అర్జున్‌ ప్రసాద్‌(సుధీర్‌ బాబు), మోహన్‌ భార్గవ్‌(శ్రీకాంత్‌), ఆర్యన్‌దేవ్‌(భరత్‌)ల చుట్టు ఈ కథ సాగుతుంది. ఈ ముగ్గురు మంచి స్నేహితులు. ఏ కేసునైనా ఇట్టే సాల్వ్‌ చేస్తారు. వీరిలో ఆర్యన్‌ దేవ్‌ దారుణ హత్యకు గురవుతాడు. ఈ కేసును అర్జున్‌ ప్రసాద్‌ విచారిస్తాడు. తన స్నేహితుడిని చంపిదెవరో తెలుసుకునే క్రమంలో అర్జున్‌కు యాక్సిడెంట్‌ అవుతుంది. ఈ ప్రమాదం కారణంగా ఆయన గతం మర్చిపోతాడు. ఈ విషయాన్ని దాచి మళ్లీ ఆ కేసును విచారించే బాధ్యతను అర్జున్‌కే అప్పగిస్తాడు కమిషనర్‌ మోహన్‌ భార్గవ్‌. గతం మర్చిపోయిన అర్జున్‌ ఈ కేసును ఎలా చేధించాడు? ఈక్రమంలో ఆయనకు ఎదురైన ఇబ్బందులేంటి? ఇంతకి ఆర్యన్‌ దేవ్‌ని హత్యచేసిందెవరు? ఎందుకు చేశారు? చివరకు చివరకు అర్జున్ ఏం చేశాడు? అనేదే మిగతా కథ.  ఎలా ఉందంటే.. హంట్‌  ఓ ఇన్విస్టిగేషన్ థ్రిల్లర్ మూవీ. గతం మర్చిపోయిన ఓ పోలీస్ ఆఫీసర్‌..తన గతం తెలుసుకొని ఓ మర్డర్‌ కేసును ఎలా ఛేదించాడు అనేదే ఈ సినిమా కథ. క్లైమాక్స్‌లో వచ్చే ఒక ట్విస్ట్‌.. అందరికి షాకివ్వడమే కాకుండా అప్పటి వరకు సినిమాపై ఉన్న ఒపీనియన్‌ని మార్చేస్తుంది. ఆ ఒక్క పాయింట్‌ మాత్రమే కొత్తగా ఉంటుంది. ఆ పాయింట్‌కి ఒప్పుకొని సినిమాను తీసిన సుధీర్‌ బాబుని కచ్చితంగా అభినందించాల్సిందే. కానీ ఈ సినిమా కథనం మాత్రం ఆసక్తికరంగా సాగదు. మర్డర్‌ కేసు ఇన్వెస్టిగేషన్‌ నెమ్మదిగా సాగడం సినిమాకు మైనస్‌. సినిమా ప్రారంభం అయిన కొన్ని క్షణాలకే అసలు కథలోకి తీసుకెళ్లాడు దర్శకుడు. స్టార్టింగ్‌ కాస్త ఇంట్రెస్టింగ్‌గా కథనం సాగుతుంది. కానీ ఓ 15 నిమిషాల తర్వాత రొటీన్‌ సన్నివేశాలు..స్లో నెరేషన్‌ ప్రేక్షకుల సహనానికి పరీక్షలా మారుతుంది. దర్శకత్వం లోపం వల్ల కొన్ని థ్రిల్లింగ్‌ సీన్స్‌ మిస్‌ అయ్యాయి. అలాగే నేపథ్య సంగీతం కూడా అంతగా ఆకట్టుకోలేకపోయింది. సెకండాఫ్‌లో కథలో వేగం పుంజుకుంటుంది. ఇంటర్వెల్‌ తర్వాత వచ్చే ట్విస్టులు ఆకట్టుకుంటాయి. ముఖ్యంగా క్లైమాక్స్‌లో వచ్చే ట్విస్ట్‌ మాత్రం ఆడియన్స్‌కి గట్టి షాకిస్తుంది.   ఎవరెలా చేశారంటే..  అర్జున్ ప్రసాద్ పాత్రలో సుధీర్ బాబు ఒదిగిపోయాడు. గతం మర్చిపోయిన పోలీసు అధికారిగా ఆయన ఇచ్చే ఎక్స్‌ప్రెషన్స్‌, యాక్షన్‌ సీన్‌ ఆకట్టుకుంటాయి. క్లైమాక్స్‌లో సుధీర్ బాబు నటన అందరినీ మెప్పిస్తుంది. మోహన్‌ భార్గవ్‌ పాత్రకి శ్రీకాంత్‌ న్యాయం చేశాడు. కాస్త సీరియస్‌గా ఉండే పాత్ర తనది. భరత్‌ చాలా గ్యాప్‌ తర్వాత తెలుగు తెరపై మెరిశాడు. ఏసీపీ ఆర్యన్‌ దేవ్‌గా ఆయన ఉన్నంతలో చక్కగా నటించారు. కథంతా అతని పాత్ర చుట్టే తిరుగుతుంది. మైమ్ గోపీ, కబీర్ సింగ్ దుల్హన్, మంజుల, సంజయ్ తదితరులు తమ పాత్రల పరిధిమేర నటించారు. సాకేంతిక విషయాలకొస్తే.. జిబ్రాన్‌ నేపథ్య సంగీతం ఆకట్టుకోలేకపోయింది.  అరుల్ విన్సెంట్‌ సినిమాటోగ్రఫీ బాగుంది. నిర్మాణ విలువలు సినిమా స్థాయికి తగ్గట్లు ఉన్నతంగా ఉన్నాయి.

నైట్రో స్టార్ సుధీర్‌ బాబు హీరోగా నటించిన తాజా చిత్రం హంట్‌. సీనియర్ హీరో శ్రీకాంత్, 'ప్రేమిస్తే' ఫేమ్ భరత్ ప్రధాన పాత్రల్లో నటించారు.మహేశ్ సూరపనేని దర్శకత్వంలో తెరకెక్కిన ఈ చిత్రాన్ని భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించారు. పోలీస్ డ్రామా నేపథ్యంలో రాబోతున్న రిపబ్లిక్‌ డే కానుకగా జనవరి 26న ఈ సినిమా ప్రేక్షకుల ముందుకు రానుంది. ఈ సందర్భంగా ఈ సినిమా ప్రీ రిలీజ్‌ ప్రెస్‌మీట్‌  ఏ.ఎమ్.బి. మాల్‌లో గ్రాండ్‌గా జరిగింది. ఈ సందర్భంగా హీరో సుధీర్‌ బాబు మాట్లాడుతూ ఎమోషనల్‌ అయ్యారు. 'గత ఏడాదిగా మా కుటుంబంలో మూడు మరణాలు చోటు చేసుకున్నాయి. కృష్ణ గారి మరణం మాకు పెద్ద లాస్‌. మావయ్య చనిపోయాక ఇది నా ఫస్ట్‌ మూవీ. ఆయన లేని వెలితి కనిపిస్తుంది. నా ప్రతి సినిమా ఫస్ట్‌ షో చూసిన నాకు ఫోన్‌ చేసి మాట్లాడేవారు. ఇప్పుడు నేను అది మిస్ అవుతా. మావయ్య చనిపోవడానికి 20 రోజుల ముందు సినిమా ఏదైనా చూస్తారా? అని ఆయన్ను అడిగితే... 'నేను ఎవరి సినిమాలు చూడను. మహేష్ సినిమాలు, సుధీర్ సినిమాలు మాత్రమే చూద్దామని అనుకుంటున్నా' అని చెప్పారట. ఇది నాకు గర్వకారణం. కెరీర్‌లో ఎంత దూరం వెళతానో తెలియదు. ఈ ప్రయాణం మావయ్య గారికి అంకితం. జన్మజన్మలు ఆయనకు రుణపడి ఉంటాను' అంటూ సుధీర్‌ బాబు పేర్కొన్నారు. 

‘టాలీవుడ్‌లో అల్లు అర్జున్‌ అంటే నాకు చాలా ఇష్టం. గంగోత్రి నుంచి ఆయన జర్నీని చూస్తున్నాను. ఆ సినిమా నాకు చాలా ఇష్టం. అప్పట్లో ఆ సినిమా తమిళ రీమేక్‌ నేను చేయాల్సింది.కానీ కొన్ని కారణాల వల్ల చేయలేకపోయాను’అని తమిళ హీరో భరత్‌ అన్నారు. బాయ్స్, ప్రేమిస్తే, యువసేన సినిమాతో టాలీవుడ్‌ ప్రేక్షకులకు కూడా చేరువైన ఆయన...చాలా కాలం తర్వాత తెలుగు సినిమా ‘హంట్‌’లో కీలక పాత్ర పోషించారు. సుధీర్ బాబు హీరోగా నటించిన ఈ చిత్రాన్ని భవ్య క్రియేషన్స్ పతాకం పై ప్రముఖ నిర్మా త వి. ఆనం ద ప్రసాద్ నిర్మిం చారు. మహేష్ దర్శకత్వం వహిం చారు. రిపబ్లిక్ డే కానుకగా జనవరి 26న థియేటర్లలో విడుదల కానుం ది. ఈ సందర్భంగా భరత్‌ మీడియాతో మాట్లాడుతూ.. ‘తమిళ సినిమాలతో బిజీగా ఉండడం వల్ల తెలుగు చిత్రాలపై దృష్టిపెట్టలేదు. దర్శకుడు మహేష్ వచ్చి ఈ స్క్రిప్ట్ చెప్పడంతో, కథ నచ్చి దాదాపు పన్నెండేళ్ల తర్వాత తెలుగులో మూవీ చేశా. ఇందులో ఆర్యన్ దేవ్ అనే ఐపీఎస్ ఆఫీసర్ గా నటించా. నేను తమిళంలో పోలీసుగా నటించిన కాళిదాసు మూవీ నచ్చి డైరెక్టర్ మహేష్ ఈ రోల్ ఇచ్చాడు. 'హంట్'లో యాక్షన్, క్రైమ్, థ్రిల్లర్ ఎలిమెంట్స్ తో పాటు ఎమోషన్, ఫ్రెండ్ షిప్ అన్నీ ఉంటాయి. ఈ సినిమా తెలుగులోనూ నా మార్కెట్ కి హెల్ప్ అవుతుందన్న నమ్మకం ఉంది’ అన్నారు. 

సుధీర్ బాబు హీరోగా నటించిన తాజా సినిమా 'హంట్'. భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ నిర్మించారు. మహేష్‌ దర్శకత్వం వహించారు. రిపబ్లిక్ డే కానుకగా జనవరి 26న థియేటర్లలో విడుదల కానుంది. తాజాగా ఈ  సినిమా ట్రైలర్ పాన్‌ ఇండియా స్టార్‌ ప్రభాస్‌ విడుదల చేసి, చిత్ర యూనిట్‌కి ఆల్‌ది బెస్ట్‌ చెప్పారు.  ఇక ట్రైలర్‌ విషయానికొస్తే.. ‘ఏ కేసును అయితే అర్జున్ మొదలుపెట్టి సాల్వ్ చేయలేకపోయాడో... అదే కేసును ఇప్పుడు ఈ అర్జున్ సాల్వ్ చేయాలి’ అని శ్రీకాంత్ చెప్పే డైలాగుతో ట్రైలర్ స్టార్ట్ అయ్యింది. టీజర్‌లో కూడా ఆయన ఈ మాట చెప్పారు. ఆ కేసు ఏమిటన్నది ట్రైలర్‌లో చూపించారు. పట్టపగలు ఓ అసిస్టెంట్ కమిషనర్ హత్యకు గురవుతారు. ఆ కేసు ఇన్వెస్టిగేట్ చేసే క్రమంలో హీరోకు ఎటువంటి పరిస్థితులు ఎదురు అయ్యాయి? ఏం చేశారు? అనేది ఆసక్తికరం.  ఈ చిత్రంలో మెమరీ లాస్ అయిన అసిస్టెంట్ కమిషనర్ అర్జున్ పాత్రలో సుధీర్ బాబు నటించారు. మెమరీ లాస్‌కు ముందు జరిగిన ఘటనలు, వ్యక్తులు గుర్తు లేకపోవడంతో అర్జున్ కొత్తగా కేసును ఇన్వెస్టిగేట్ చేయడం స్టార్ట్ చేస్తారు. రోజుకు ఒక కొత్త అనుమానితుడి పేరు వస్తుంది. దానికి తోడు 18 రోజుల్లో కేసును పరిష్కరించాలని టార్గెట్. అప్పుడు అర్జున్ ఏం చేశాడు? థ్రిల్లింగ్ జర్నీగా ఉండబోతుందని ట్రైలర్ చూస్తే అర్థం అవుతోంది. 

సుధీర్‌ బాబు హీరోగా మహేష్‌ దర్శకత్వంలో వి. ఆనంద ప్రసాద్‌ నిర్మించిన చిత్రం ‘హంట్‌’. ఈ నెల 26న ఈ చిత్రం విడుదల కానున్న సందర్భంగా మేకింగ్‌ వీడియోను విడుదల చేశారు. ఈ చిత్రంలోని యాక్షన్‌ సీక్వెన్సెస్‌ని ఫ్రాన్స్‌కి చెందిన క్యాంపస్‌ యూనివర్స్‌ కాస్‌కేడ్స్‌ టీమ్‌ డిజైన్‌ చేసింది. సుధీర్‌బాబు మాట్లాడుతూ – ‘‘ఈ చిత్రంలోని రిస్కీ ఫైట్స్‌కి డూప్‌ వాడలేదు. రోప్, బెడ్‌లాంటివి ఏవీ లేకుండానే ఫైట్స్‌ చేశాం. ఈ సినిమాలో అన్నీ మరపోయే రెండు షేడ్స్‌ ఉన్న అర్జున్‌ పాత్ర చేశాను. జ్ఞాపకశక్తి కోల్పోక ముందు కోల్పోయాక.. ఇలా నా పాత్ర ఉంటుంది’’ అన్నారు. ‘‘హై వోల్టేజ్‌యాక్షన్‌ థ్రిల్లర్‌గా ఈ త్రాన్ని రూపొందించాం. హాలీవుడ్‌ వర్వెల్‌ స్టూడియోస్‌ నిర్మించిన పలు చిత్రాలకు వర్క్‌ చేసిన రేనాడ్‌ ఫవెరో, బ్రయాన్‌ విజియర్‌ ‘హంట్‌’కి స్టంట్స్‌ కంపోజ్‌ చేశారు. ‘జాన్‌ విక్‌ 4’కి చిత్రానికి కూడా వాళ్లే స్టంట్‌ కొరియోగ్రాఫర్స్‌. ఈ ముగ్గురికీ తొలి భారతీయ చిత్రం ఇది’’ అన్నారు ఆనందప్రసాద్‌. ఈ చిత్రానికి సంగీతం: జిబ్రాన్, కెమెరా: అరుల్‌ విన్సెంట్, ఎగ్జిక్యూటివ్‌ నిర్మాత: అన్నే రవి.

సుధీర్‌బాబు హీరోగా, శ్రీకాంత్, ‘ప్రేమిస్తే’ ఫేమ్‌ భరత్‌ ప్రధాన పాత్రల్లో నటించిన యాక్షన్‌ థ్రిల్లర్‌ ఫిల్మ్‌ ‘హంట్‌’. మహేశ్‌ దర్శకత్వంలో వి. ఆనందప్రసాద్‌ నిర్మించిన ఈ సినిమాలో సుధీర్‌బాబు, శ్రీకాంత్, భరత్‌  పోలీసాఫీసర్లుగా నటించారు. ఈ చిత్రాన్ని వచ్చే ఏడాది జనవరి 26న విడుదల చేయనున్నట్లు చిత్ర యూనిట్‌ శుక్రవారం ప్రకటించింది. ఈ సందర్భంగా వి. ఆనంద ప్రసాద్‌ మాట్లాడుతూ – ‘‘రిపబ్లిక్‌ డే కానుకగా ‘హంట్‌’ సినిమాను జనవరి 26న థియేటర్స్‌లో రిలీజ్‌ చేస్తున్నాం. చిత్రీకరణతో పాటు పోస్ట్‌ ప్రొడక్షన్‌ వర్క్స్‌ పూర్తయ్యాయి. మార్వెల్‌ స్టూడియోస్‌ నిర్మించిన పలు చిత్రాలకు పని చేసిన యాక్షన్‌ కొరియోగ్రాఫర్స్‌ రేనాడ్‌ ఫవెరో, బ్రయాన్‌ విజియార్‌ ‘హంట్‌’ సినిమాకు యాక్షన్‌ స్టంట్స్‌ కొరియోగ్రఫీ చేశారు. వాళ్లు డిజైన్‌ చేసిన యాక్షన్‌ సీక్వెన్స్‌ ఓ హైలైట్‌గా నిలుస్తుంది’’ అని అన్నారు. ఈ సినిమాకు సంగీతం: జిబ్రాన్, కెమెరా: అరుల్‌ విన్సెంట్, ఎగ్జిక్యూటివ్‌ నిర్మాత: అన్నే రవి.

సూపర్‌ స్టార్‌ కృష్ణ పెద్ద కర్మ కార్యక్రమాన్ని  హైదరాబాద్‌లోని జేఆర్సీ, ఎన్ కన్వెన్షన్స్‌లో నిర్వహించారు. ఈ కార్యక్రమానికి  సినీ, రాజకీయ ప్రముఖులతో పాటు రెండు రాష్ట్రాల నుంచి భారీగా అభిమానులు భారీగా తరలివచ్చారు. దాదాపు 5వేల మంది అభిమానులు ఈ కార్యక్రమానికి హాజరు అయినట్లు తెలుస్తుంది. ఇప్పటికే అభిమానులకు కోసం పాసులు పంపిణీ చేయడంతో పాటు  32 రకాల వంటకాలతో విందు ఏర్పాట్లు చేశారు. అదే విధంగా ఈ కార్యక్రమంలో సూపర్‌స్టార్‌ కృష్ణ విగ్రహాన్ని కూడా ప్రదర్శించనున్నారు. ఇప్పటికే మహేశ్‌ బాబు జేఆర్సీ కన్వెన్షన్‌కు చేరుకున్నారు. ఆయనతో పాటు కృష్ణ కుటుంబసభ్యులంతా కార్యక్రమంలో పాల్గొన్నారు. ఇక సూపర్‌ స్టార్‌ కృష్ణ గురించి మాట్లాడుతూ సుధీర్‌ బాబు స్టేజ్‌ పేనే బోరున ఏడ్చేశారు. ఎన్ని జన్మలు ఎత్తినా కృష్ణ అల్లుడుగానే పుట్టాలని కోరుకుంటున్నానంటూ ఎమోషనల్‌ అయ్యారు. ఈనెల 15న అనారోగ్యంతో ఆసుపత్రిలో చికిత్స పొందుతూ సూపర్‌ స్టార్‌కృష్ణ కన్నుమూసిన సంగతి తెలిసిందే. ఆయన మరణం కుటుంబసభ్యులకే కాదు, అభిమానులకు సైతం తీరని శోకాన్ని మిగిల్చింది.  

సుధీర్ బాబు కథానాయకుడిగా నటించిన చిత్రం 'హంట్'. మహేష్‌ దర్శకత్వం వహించిన ఈ సినిమాను భవ్య క్రియేషన్స్ పతాకంపై వి. ఆనంద ప్రసాద్ నిర్మించారు. వోల్టేజ్ యాక్షన్ థ్రిల్లర్‌గా తెరకెక్కుతున్న ఈ సినిమా చిత్రీకరణ పూర్తయింది. దీనికి హాలీవుడ్ సినిమా యాక్షన్ డైరెక్టర్స్ వర్క్ చేయడం విశేషం. మార్వెల్ స్టూడియోస్ నిర్మించిన చాలా సినిమాలకు పని చేసిన రేనాడ్ ఫవెరో, బ్రయాన్ విజియర్ 'హంట్'లో స్టంట్స్ కంపోజ్ చేశారు. నిర్మాత వి. ఆనంద ప్రసాద్ మాట్లాడుతూ "హాలీవుడ్‌లో రేనాడ్ ఫవెరో, బ్రయాన్ విజియర్ చాలా సినిమాలకు వర్క్ చేశారు. ఇప్పుడు వస్తున్న 'జాన్ విక్ 4'కి కూడా వాళ్ళే స్టంట్ కొరియోగ్రాఫర్స్. మా సినిమాలో వాళ్ళ ఫైట్స్ స్పెషల్ అట్రాక్షన్ కానున్నాయి. ప్రస్తుతం పోస్ట్ ప్రొడక్షన్ వర్క్స్ శరవేగంగా జరుగుతున్నాయి. త్వరలో విడుదల తేదీ వెల్లడిస్తాం'' అని అన్నారు.  సుధీర్ బాబుతో పాటు శ్రీకాంత్, 'ప్రేమిస్తే' భరత్ పోలీస్ ఆఫీసర్లుగా చేస్తున్నారు. 'హంట్' మైమ్ గోపి, కబీర్ దుహన్ సింగ్, మౌనిక రెడ్డి, గోపరాజు రమణ, మంజుల, చిత్రా శుక్ల, సుపూర్ణ మల్కర్, సంజయ్ స్వరూప్, రవి వర్మ, 'జెమినీ' సురేష్, అభిజీత్ పూండ్ల, కోటేష్ మన్నవ, సత్య కృష్ణన్ తదితరులు నటిస్తున్నారు. చదవండి: మరో భాషలో వస్తున్న కాంతార, రిలీజ్‌ ఎప్పుడంటే? బాలీవుడ్‌ నటిపై నిఖిల్‌ ఆగ్రహం

యంగ్ హీరో సుధీర్‌బాబు తాజా చిత్రంపై క్రేజీ అప్‌డేట్ వచ్చింది. జ్ఞానసాగర్‌ దర్శకత్వంలో తెరకెక్కుతున్న మూవీకి 'హరోం హర’ అనే టైటిల్‌ను ఖరారు చేసింది. ది రివోల్ట్‌ అనేది క్యాప్షన్‌. చిత్రబృందం. దీనికి సంబంధించిన వీడియోను ఇవాళ చిత్ర యూనిట్ విడుదల చేసింది. వైవిధ్య కథలతో మంచి గుర్తింపు సాధించిన నటుడు సుధీర్‌బాబు. ఇటీవలే 'ఆ అమ్మాయి గురించి మీకు చెప్పాలి' మూవీతో ప్రేక్షకులను అలరించారు.  (చదవండి: ప్రముఖ బుల్లితెర నటి మృతి.. సీఎం సంతాపం) తాజాగా మరో ఆసక్తికరమైన కథతో ప్రేక్షకులను అలరించేందుకు వస్తున్నారు. ఈ చిత్రానికి సంబంధించిన నిర్మాణ పనులు లాంఛనంగా ప్రారంభించారు. ఇవాళ విడుదలైన‌ వీడియోలో ‘ఇక చెప్పేదేం లేదో.. చేసేదే’ అనే డైలాగ్ అభిమానులను‌ ఆకట్టుకునేలా ఉంది. ఆ వీడియోను చూస్తే ఈ సినిమాలో ఆధ్యాత్మిక అంశాలు ఉన్నట్లు కనిపిస్తోంది. చిత్తూరు జిల్లా కుప్పంలో సాగే కథ ఆధారంగా ఈ చిత్రాన్ని తెరకెక్కిస్తున్నట్లు తెలుస్తోంది. ఈ సినిమాలో సుధీర్‌ మాస్‌ లుక్‌లో కనిపించనున్నారు.

హిట్టు, ప్లాఫులతో సంబంధం లేకుండా వరుస సినిమాలతో దూసుకుపోతున్నారు హీరో సుధీర్‌బాబు. డిఫరెంట్‌ జోనర్స్‌తో ప్రేక్షకులను మెప్పిస్తున్న సుధీర్‌బాబు ఇటీవలె ఆ అమ్మాయి గురించి మీకు చెప్పాలి అనే చిత్రంతో ప్రేక్షకులను పలకరించాడు. తాజాగా తన కొత్త సినిమాకు సంబంధించి అప్‌డేట్‌ను వదిలాడు. సుధీర్‌బాబు కెరీర్‌లో ఇది 18వ సినిమా. 'సెహరి' ఫేం జ్ఞాన సాగర్ ద్వారక దర్శకత్వం వహిస్తున్న ఈ సినిమాను  శ్రీ సుబ్రహ్మణ్యేశ్వర సినిమాస్ పతాకంపై సుమంత్ జి నాయుడు నిర్మిస్తున్నారు. తాజాగా ఈ సినిమా అనౌన్స్‌మెంట్‌కి సంబంధించి ఇన్‌లాండ్‌ లెటర్‌తో ఉన్న ఓ పోస్టర్‌ను విడుదల చేశారు. ఇందులో అరుణ్‌ గౌలి ఆఫ్‌ సౌత్‌ బాంబే ఫ్రమ్‌ అడ్రస్‌తో చిత్తూరు జిల్లా కుప్పంకు చెందిన సుబ్రహ్మణ్యంకు ఈ లేఖను రాసినట్టు అర్థమవుతుంది.1989 కుప్పం నేపథ్యంలో డివైన్ టచ్‌తో సాగే కథ నేపథ్యంలో ఈ సినిమా ఉండనున్నట్లు సమాచారం.    పిలిసినంక రాకుంటే ఎట్ల సెప్పండ అందికే వస్తా ఉండా!#Sudheer18@gnanasagardwara #SumanthGNaidu @SSCoffl pic.twitter.com/ymoEU9ABFN — Sudheer Babu (@isudheerbabu) October 27, 2022

టాలీవుడ్ నటుడు సుధీర్‌బాబు హీరోగా తెరకెక్కుతున్న తాజా చిత్రం 'హంట్‌'. మహేశ్‌ దర్శకత్వంలో భవ్య క్రియేషన్స్‌ పతాకంపై వి.ఆనంద్‌ ప్రసాద్‌ నిర్మిస్తున్నారు. తాజాగా ఈ సినిమా టీజర్‌ను చిత్రబృందం సోషల్‌మీడియా వేదికగా విడుదల చేసింది. ఈ చిత్రంలో హీరో శ్రీకాంత్, భరత్ ప్రధాన పాత్రల్లో నటిస్తున్నారు. ‘గన్స్‌ డోన్ట్‌ లై’ అనేది క్యాప్షన్‌.  పోలీసు పాత్రల్లో యాక్షన్‌ థ్రిల్లర్‌గా సినిమా తెరకెక్కుతోంది. ఇప్పటికే మోషన్ పోస్టర్ రిలీజ్ చేసిన చిత్రబృందం టీజర్‌ను రిలీజ్ చేసింది.  'అతను అర్జున్‌ ఏ. ఇక నువ్వు ఇప్పుడు అర్జున్‌ బీ. అర్జున్ ‘ఏ’కి తెలిసిన మనుషులు, సంఘటనలు ఏమీ కూడా అర్జున్ ‘బీ’కి తెలియవు.. వారిద్దరు విభిన్న వ్యక్తులు' అంటూ మంజుల చెప్పే సంభాషణలతో టీజర్‌ ప్రారంభమైంది. అర్జున్‌ 'ఏ'కు తెలిసిన లాంగ్వేజెస్, స్కిల్స్, పోలీస్ ట్రైనింగ్ ఇవన్నీ అర్జున్ 'బీ'కి కూడా ఉన్నాయి' అంటూ ఆద్యంతం ఆసక్తికరంగా సాగింది.  ఏ కేసునైతే ఆ అర్జున్ మొదలుపెట్టి సాల్వ్ చేయలేకపోయాడో.. అదే కేసును ఈ అర్జున్ సాల్వ్ చేయాలి అనే శ్రీకాంత్ డైలాగ్ మరింత హైప్ పెంచుతోంది. 'తను ఎలా చనిపోయాడో తెలుసుకునే ప్రాసెస్‌లో ఎవరు ఎఫెక్ట్ అయినా... ఎంత ఎఫెక్ట్ అయినా... నన్ను ఎవరూ ఆపలేరు' అని టీజర్ చివరలో సుధీర్ బాబు చెప్పే డైలాగ్ మరింత ఆసక్తి పెంచుతోంది. సుధీర్ బాబు నటనకు తోడు సిక్స్ ప్యాక్ కూడా ఆట్టుకునేలా ఉంది. రిలీజైన కొద్ది క్షణాల్లోనే సోషల్ మీడియాలో విపరీతమైన స్పందన వస్తోంది.  కానీ అర్జున్ 'ఎ'గా ఉండటమే అతనికి ఇష్టం! మరి అతని కోరిక నెరవేరిందా? అర్జున్ మొదలుపెట్టి సాల్వ్ చేయలేకపోయినా కేసు ఏమిటి? అనేది 'హంట్' సినిమాలో చూడాల్సిందే.

‘‘ఆ అమ్మాయి గురించి మీకు చెప్పాలి’ చిత్రంలో నా పాత్రకి ప్రేక్షకులు బాగా కనెక్ట్‌ అయ్యారు. చాలా మంది ఫోన్‌ చేసి, ‘నన్ను నేను స్క్రీన్‌పై చూసుకున్నట్లు ఉంది’ అని చెప్పడం హ్యాపీ. ఒక నటికి ఇంతకంటే ఏం కావాలి?’’ అని కృతీశెట్టి అన్నారు. సుధీర్‌ బాబు హీరోగా మోహనకృష్ణ ఇంద్రగంటి దర్శకత్వంలో తెరకెక్కిన చిత్రం ‘ఆ అమ్మాయి గురించి మీకు చెప్పాలి’. గాజులపల్లె సుధీర్‌ బాబు సమర్పణలో బి.మహేంద్రబాబు, కిరణ్‌ బళ్లపల్లి నిర్మించిన ఈ సినిమా ఈ నెల 16న విడుదలైంది. ఈ సందర్భంగా హీరోయిన్‌ కృతీశెట్టి మాట్లాడుతూ–‘‘నేను డాక్టర్‌ కావాలనుకున్నాను. ఓ యాడ్‌ ఫిల్మ్‌ షూటింగ్‌ కోసం హైదరాబాద్‌ వచ్చినప్పుడు ‘ఉప్పెన’ అవకాశం రావడం, ఆ తర్వాత మంచి పాత్రలు దక్కడం అదృష్టంగా భావిస్తున్నాను. నేను ప్రతి సినిమాకి, పాత్రకి హోమ్‌ వర్క్‌ చేస్తాను. కెరీర్‌ బిగినింగ్‌లోనే  ‘ఆ అమ్మాయి గురించి మీకు చెప్పాలి’లో ద్విపాత్రాభినయం చేయడం హ్యాపీ. ఇంతమంచి అవకాశం ఇచ్చిన ఇంద్రగంటిగారికి థ్యాంక్స్‌. ఈ సినిమా విజయం నాకు చాలా ప్రత్యేకం. సుధీర్‌ బాబుగారు సెట్‌లో సరదాగా ఉంటూ ఎదుటివారిలో చాలా స్ఫూర్తి నింపుతారు. ప్రస్తుతం తెలుగులో నాగచైతన్యతో ఓ చిత్రం, తమిళంలో సూర్యగారితో ‘అచలుడు’ అనే సినిమా చేస్తున్నా’’ అన్నారు.

హీరో సుధీర్‌ బాబు, దర్శకుడు ఇంద్రగంటి మోహనకృష్ణ కాంబినేషన్‌లో రూపొందిన తాజా చిత్రం ‘ఆ అమ్మాయి గురించి మీకు చెప్పాలి’. ఈ చిత్రంలో కృతీ శెట్టి హీరోయిన్‌గా నటించారు. గాజులపల్లె సుధీర్‌బాబు సమర్పణలో మైత్రీమూవీ మేకర్స్‌తో కలిసి బి. మహేంద్రబాబు, కిరణ్‌ బళ్లపల్లి నిర్మించిన ఈ చిత్రం ఈ నెల 16న విడుదలైంది. ఈ సినిమాకు మంచి స్పందన లభిస్తోందని చిత్ర యూనిట్‌ పేర్కొంది. ఈ సందర్భంగా విలేకర్ల సమావేశంలో సుధీర్‌బాబు మాట్లాడుతూ – ‘‘ఆ అమ్మాయి గురించి మీకు చెప్పాలి’ వంటి గొప్ప సినిమా చేసినందుకు గర్వంగా ఉంది. తండ్రీకూతుళ్లు కలిసి ఈ సినిమాకు వెళ్తే చాలా ఆనందిస్తారని నమ్ముతున్నాం’’ అని అన్నారు. ‘‘ప్రేక్షకులకు వినోదాన్ని పంచడంతో పాటు ఓ కొత్త కోణాన్ని ప్రజెంట్‌ చేయాలనే ఉద్దేశంతో తీసిన సినిమా ఇది. యంగ్‌స్టర్స్, ఫ్యామిలీ ఆడియన్స్‌ నుంచి మంచి స్పందన వస్తోంది’’ అన్నారు ఇంద్రగంటి మోహనకృష్ణ. ‘‘ఇది నాకు స్పెషల్‌ మూవీ’’ అన్నారు కృతీ శెట్టి .

హీరో సుధీర్‌ బాబు తాజా చిత్రం ‘ఆ అ‍మ్మాయి గురించి మీకు చెప్పాలి’. ఇంద్రగంటి మోహన్‌కృష్ణ దర్శకత్వంలో తెరకెక్కిన ఈ చిత్రం నేడు (సెప్టెంబర్‌ 16న) ప్రేక్షకుల ముందుకు వచ్చింది. ఇందులో కృతిశెట్టి హీరోయిన్‌గా నటించింది. ఇక మూవీ ప్రమోషన్లో భాగంగా రీసెంట్‌గా ఓ చానల్‌తో ముచ్చటించిన సుధీర్‌ బాబు ఓ ఆసక్తికర విషయాన్ని పంచుకున్నాడు.  చదవండి: ఈ ఒక్కరోజే ఓటీటీలోకి 20 సినిమాలు, ఎక్కడెక్కడంటే.. ఇటీవల విడుదలై బ్లాక్‌బస్టర్‌ హిట్‌గా నిలిచిన పాన్‌ ఇండియా చిత్రం ‘బ్రహ్మాస్త్ర’లో నటించే అవకాశం వచ్చిందని, అయితే ఆ ఆఫర్‌ వదులుకున్నానంటూ చెప్పుకొచ్చాడు. ఈ సందర్భంగా మూవీ విశేషాల గురించి చెబుతూ ఈ విషయాన్ని బయటపెట్టాడు. ఆ వెంటనే బ్రహ్మాస్త్ర మూవీ ఆఫర్‌ వదులుకోవడానికి కారణమేంటి? అని యాంకర్‌ ప్రశ్నించగా సుధీర్‌ బాబు ఇలా స్పందించాడు. ‘అవును నాకు బ్రహ్మాస్త్ర మూవీ ఆఫర్‌ వచ్చింది. అయితే అప్పటికే నేను తెలుగులో పలు ప్రాజెక్ట్స్‌తో బిజీగా ఉన్నాను. అందుకే బ్రహ్మాస్త్రలో చేయలేని చెప్పాను. అదే కారణం అంతకు మించి ఏం లేదు’ అని అన్నాడు. చదవండి: గొప్ప మనసు చాటుకున్న రావు రమేశ్‌.. అతడి కుటుంబానికి రూ.10 లక్షల సాయం కాగా సుధీర్‌ బాబు గతంలో టైగర్‌ ష్రాఫ్‌ నటించిన భాగీ చిత్రంలో విలన్‌గా నటించి బాలీవుడ్‌ ఎంట్రీ ఇచ్చిన సంగతి తెలిసిందే. బాలీవుడ్‌ డైరెక్టర్‌ అయాన్‌ ముఖర్జీ దర్శకత్వలో ఆలియా భట్‌-రణ్‌బీర్‌ కపూర్‌ తొలిసారిగా నటించిన చిత్రం బ్రహ్మాస్త్ర. కింగ్‌ నాగార్జున కీలక పాత్రలో నటించిన మూవీ గత సెప్టెంబర్‌ 9న విడుదలై బాక్సాఫీసు వద్ద కలెక్షన్ల వర్షం కురిపిస్తోంది. ప్రపంచవ్యాప్తంగా  తొలివారం రూ. 300 కోట్ల గ్రాస్‌ వసూలు చేసింది. ఇక దేశవ్యాప్తంగా అన్ని భాషల్లో కలిపి ఈ చిత్రం రూ. 200 కోట్లు వసూలు చేసిందని సినీ విశ్లేషకులు చెబుతున్నారు. 

‘చేస్తాను.. నేను యాక్ట్‌ చేస్తాను’ అంటూ కృతీ శెట్టి ఫోన్‌లో సుధీర్‌బాబుతో మాట్లాతున్న సీన్‌తో మొదలవుతుంది ‘ఆ అమ్మాయి గురించి మీకు చెప్పాలి’ సినిమా ట్రైలర్‌. సుధీర్‌బాబు, కృతీ శెట్టి జంటగా ఇంద్రగంటి మోహనకృష్ణ దర్శకత్వంలో రూపొందిన చిత్రం ఇది. గాజులపల్లె సుధీర్‌బాబు సమర్పణలో మైత్రీ మూవీ మేకర్స్, బెంచ్‌ మార్క్‌ స్టూడియోస్‌ పతాకాలపై బి. మహేంద్రబాబు, కిరణ్‌ బల్లపల్లి నిర్మించిన ఈ చిత్రం ఈ నెల 16న రిలీజ్‌ కానుంది. ఈ సందర్భంగా సినిమా ట్రైలర్‌ను సోషల్‌ మీడియాలో షేర్‌ చేశారు హీరో మహేశ్‌బాబు. ‘నేను ఈ సినిమా ఇక చేయలేనేమో అనిపిస్తుంది’ అన్న కృతీ శెట్టి డైలాగ్, ‘మనం సినిమా తీస్తున్నాం అని అనుకుంటుంటాం కానీ అప్పుడప్పుడు సినిమాయే మనల్ని తీస్తుంటుంది’ అనే సుధీర్‌బాబు డైలాగ్స్‌తో ట్రైలర్‌ సాగుతుంది. ‘‘అలేఖ్య (కృతీ పాత్ర)కు నటి కావాలనే ఆశ ఉన్నప్పటికీ ఆమె తల్లిదండ్రులు పూర్తి వ్యతిరేకం. అలేఖ్య ఆశ ఫైనల్‌గా ఏమైంది? ఇందుకు ఆ సినిమా దర్శకుడు (సుధీర్‌బాబు పాత్ర) ఏం చేశాడు? అనే అంశాల ఆధారంగా కథ సాగుతుంది’’ అని చిత్ర యూనిట్‌ పేర్కొంది. ఈ సినిమాకు సంగీతం: వివేక్‌ సాగర్‌.

హీరో సుధీర్‌ బాబు, కృతిశెట్టి జంటగా నటిస్తున్న చిత్రం 'ఆ అమ్మాయి గురించి మీకు చెప్పాలి'. ఇంద్రగంటి మోహన్‌కృష్ణ ఈ సినిమాకు దర్శకత్వం వహిస్తున్నారు. సుధీర్‌ బాబు, మోహనకృష్ణ ఇంద్రగంటి కాంబినేషన్‌లో వస్తున్న మూడో ప్రేమకథా  చిత్రమిది. ఇప్పటికే విడుదల చేసిన మూవీ ఫస్ట్‌లుక్‌, టీజర్‌, పాటలకు పాజిటివ్‌ బజ్‌ క్రియేట్‌ కావడంతో సినిమాపై మరిన్ని అంచనాలు పెరిగాయి. ఇక సెప్టెంబర్‌ 16న ఈ మూవీ ప్రేక్షకుల ముందుకు రానున్న నేపథ్యంలో తాజాగా చిత్ర ట్రైలర్‌ విడుదల చేశారు మేకర్స్‌. చదవండి: సినీ ప్రియులకు ‘ఐబొమ్మ’ బిగ్‌ షాక్‌.. ఆ రోజు నుంచి శాశ్వతంగా సేవలు బంద్‌ సూపర్‌ స్టార్‌ మహేశ్‌ బాబు సోషల్‌ మీడియా వేదికగా మూవీ ట్రైలర్‌ లాంచ్‌ చేశారు. ఈ సందర్భంగా మహేశ్‌ మాట్లాడుతూ.. ఆ అమ్మాయి గురించి మీకు చెప్పాలి మూవీ ట్రైలర్‌ను విడుదల చేయడం సంతోషంగా ఉందన్నారు. కామెడీ, లవ్‌, ఎమోషన్స్‌తో మలిచిన ఈ ట్రైలర్‌ చూస్తుంటే ఈ సినిమా చాలా ఆసక్తికరంగా ఉండేట్టుందన్నారు. ఈ సందర్భంగా ఈ మూవీ హీరోహీరోహీరోయిన్లు సుధీర్ బాబు, కృతి శెట్టి, డైరెక్టర్‌ ఇంద్రగంటి మోహనకృష్ణలతో పాటు చిత్రబృందానికి మహేశ్‌ శుభాకాంక్షలు చెబుతూ ట్వీట్ చేశారు.  చదవండి: జూ.ఎన్టీఆర్‌-కొరటాల చిత్రంలో అలనాటి లేడీ సూపర్‌ స్టార్‌? Happy to launch the trailer of #AaAmmayiGurinchiMeekuCheppali...looks like an interesting one! All the best to @isudheerbabu @IamKrithiShetty, #MohanaKrishnaIndraganti and the entire team!https://t.co/fGU4r3CraX@MythriOfficial @benchmarkstudi5 — Mahesh Babu (@urstrulyMahesh) September 5, 2022

సుధీర్‌బాబు హీరోగా, శ్రీకాంత్, భరత్‌(‘ప్రేమిస్తే’ ఫేమ్‌) ప్రధాన పాత్రల్లో నటించిన చిత్రం ‘హంట్‌’. ‘గన్స్‌ డోన్ట్‌ లై’ అనేది క్యాప్షన్‌. మహేశ్‌ దర్శకత్వంలో భవ్య క్రియేషన్స్‌ పతాకంపై వి.ఆనంద్‌ ప్రసాద్‌ నిర్మించిన ఈ చిత్రానికి ‘హంట్‌’ అనే టైటిల్‌ ఖరారు చేశారు. ఈ సందర్భంగా వి.ఆనంద ప్రసాద్‌ మాట్లాడుతూ.. ‘‘యాక్షన్‌ థ్రిల్లర్‌ చిత్రమిది. సుధీర్‌బాబు, శ్రీకాంత్, భరత్‌ పోలీసు పాత్రలు పోషించారు. కనిపించని శత్రువు కోసం హీరో జరిపే వేట ఈ చిత్రం ప్రధాన కథాంశం. సుధీర్‌బాబు గత చిత్రాలతో పోలిస్తే ఈ మూవీలో క్యారెక్టర్‌ విభిన్నంగా ఉంటుంది. శ్రీకాంత్‌ పాత్ర ఎగ్జైటింగ్‌గా ఉంటుంది. భరత్‌ తెలుగులో చేసిన తొలి స్ట్రయిట్‌ ఫిల్మ్‌ ఇదే. ప్రస్తుతం పోస్ట్‌ ప్రొడక్షన్‌ వర్క్స్‌ జరుగుతున్నాయి. త్వరలోనే మిగతా వివరాలు వెల్లడిస్తాం’’ అన్నారు. మైమ్‌ గోపీ, కబీర్‌ దుహాన్‌ సింగ్, మౌనికా రెడ్డి, గోపరాజు రమణ కీలక పాత్రలు చేసిన ఈ సినిమాకు సంగీతం: జీబ్రాన్, కెమెరా: అరుల్‌ విన్సెంట్, ఎగ్జిక్యూటివ్‌ ప్రొడ్యూసర్‌: అన్నే రవి. చదవండి: ఒకే భవనంలో అపార్ట్‌మెంట్స్‌ కొన్న స్టార్‌ హీరోలు!

‘‘కథకు న్యాయం చేసే దర్శకుడు ఇంద్రగంటిగారు. ఇప్పటివరకూ ఆయన  చేసిన సినిమాల్లో బెస్ట్‌ మూవీ ‘ఆ అమ్మాయి గురించి మీకు చెప్పాలి’. ప్రేమకథతో పాటు అద్భుతమైన ఫ్యామిలీ డ్రామా ఉన్న ఈ సినిమా అందరికీ నచ్చుతుంది’’ అని అన్నారు సుధీర్‌బాబు. మోహనకృష్ణ ఇంద్రగంటి దర్శకత్వంలో సుధీర్‌బాబు, కృతీ శెట్టి జంటగా నటించిన చిత్రం ‘ఆ అమ్మాయి గురించి మీకు చెప్పాలి’. గాజులపల్లె సుధీర్‌బాబు సమర్పణలో బి. మహేంద్రబాబు, కిరణ్‌ బళ్లపల్లి నిర్మించిన ఈ సినిమా సెప్టెంబర్‌ 16న రిలీజ్‌ కానుంది. వివేక్‌ సాగర్‌ సంగీతం అందించిన ఈ చిత్రం నుంచి ‘మీరే హీరో లాగ..’ అనే పాటని దర్శకుడు హను రాఘవపూడి రిలీజ్‌ చేశారు. హీరో సుధీర్‌బాబు మాట్లాడుతూ– ‘‘నటీనటులు ఎంత ప్యాషనేట్‌గా సినిమాలు చేస్తారో జర్నలిస్ట్‌లు కూడా అంతే ప్యాషన్‌తో తమ పని చేస్తారు. అందుకే ‘మీరే హీరో లాగ..’ పాటని మీడియాకి అంకితం ఇస్తున్నాం. ‘సిరివెన్నెల’ సీతారామ శాస్త్రిగారిని మనం మిస్‌ కాకుండా చూసుకునే బాధ్యత రామజోగయ్య శాస్త్రిగారిపై   ఉంది’’ అన్నారు. ఇంద్రగంటి మోహనకృష్ణ మాట్లాడుతూ– ‘‘నేను కూడా జర్నలిస్ట్‌గా పని చేశాను. ఒక ఇంటర్వ్యూ తరహాలో హీరో పరిచయ పాట ఉంటే ఎలా ఉంటుందనే ఆలోచన నుంచి వచ్చిందే ‘మీరే హీరో లాగ..’. ఈ సాంగ్‌ క్రెడిట్‌ రామజోగయ్య శాస్త్రి, దినేష్, వివేక్‌లకు దక్కుతుంది’’ అన్నారు. రచయిత రామజోగయ్య శాస్త్రి, సంగీత దర్శకుడు వివేక్‌ సాగర్, కెమెరామేన్‌ పీజీ విందా, ఆర్ట్‌ డైరెక్టర్‌ సాహి సురేష్‌ మాట్లాడారు.

మూడు విభిన్న పాత్రలో ఆది సాయి కుమార్‌, పాయల్ రాజ్‌పుత్‌ జోడిగా నటించిన తాజా చిత్రం తీస్‌ మార్‌ ఖాన్‌. 'నాటకం' వంటి సినిమాను తెరకెక్కించిన కల్యాణ్‌ జి గోగణ ఈ చిత్రానికి దర్శకత్వం వహించారు. ఈ మూవీ ఆగస్ట్ 19న విడుదల కానున్న సందర్బంగా చిత్ర యూనిట్  ప్రీ రిలీజ్ ఈవెంట్ నిర్వహించారు. ఈ సందర్భంగా సాయి కుమార్ మాట్లాడుతూ.. ''అడగ్గానే వచ్చిన మా మేజర్‌ (అడివి శేష్)కు సెల్యూట్. మా డీజే (సిద్దు జొన్నలగడ్డ) ఇలా రావడం ఆనందంగా ఉంది. నేను, సుధీర్ బాబు కలిసి మళ్లీ తండ్రీ కొడుకుల్లా నటించబోతోన్నాం. మా అబ్బాయి నటించిన ప్రేమ కావాలి అంటూ వచ్చాడు. ఇప్పుడు తీస్ మార్ ఖాన్ అంటూ ముందుకు రాబోతోన్నాడు. ఈ టీం అందరికీ థాంక్స్. ఇంత మంది మంచి మనుషులు కలిసి ఈ సినిమాను తీశారు. ఈ ఏడాదితో నాకు నటుడిగా 50 ఏళ్లు వస్తాయి. అందరూ బాగుండాలి.. అందులో మనముండాలి.. అన్ని సినిమాలు బాగుండాలి.. అందులో మన సినిమా కూడా ఉండాలి. మీ ఆశీర్వాదంతో తీస్ మార్ ఖాన్ సినిమా కూడా విజయం సాధించాలి'' అని తెలిపారు.  ఆది సాయి కుమార్ మాట్లాడుతూ.. ‘పిలవగానే ఈవెంట్‌కు వచ్చిన అడివి శేష్, సుధీర్ బాబు, సిద్దులకు థాంక్స్. సినిమాలో మంచి ఎమోషన్‌ ఉంటుంది. మంచి స్క్రిప్ట్. మీకు నచ్చితే ఓ పది మందికి చెప్పండి. పాయల్ మంచి సహనటి. సునీల్ అన్న చేసిన చక్రి అనే పాత్ర అద్భుతంగా ఉంటుంది. అందరూ అద్భుతంగా నటించారు. నన్ను కొత్తగా ప్రజెంట్ చేసిన కల్యాణ్‌కు థాంక్స్. ఎక్కడా కూడా కాంప్రమైజ్ కాకుండా మా సినిమాను నిర్మించిన నాగం తిరుపతి రెడ్డి గారికి థాంక్స్. సాయి కార్తిక్ మంచి బీజీఎం ఇచ్చారు. మా కెమెరామెన్ బాలిరెడ్డి, ఫైట్ మాస్టర్ ఇలా పని చేసిన అందరికీ థాంక్స్. సినిమాను చూసి మమ్మల్ని ఆశీర్వదించండి’ అని పేర్కొన్నాడు.  చదవండి: హైదరాబాద్‌ పోలీస్‌ అకాడమీలో నాజర్‌కు గాయాలు ! ''నన్ను ఇక్కడకు పిలిచిన సాయి కుమార్ గారికి థాంక్స్. ఇది వరకు ఆది చేసిన సినిమాలు అన్నింట్లో కెల్లా ఈ చిత్రంలో కొత్తగా అనిపిస్తున్నాడు. కారెక్టరైజేషన్ కొత్తగా అనిపిస్తుంది. డైరెక్టర్ కల్యాణ్‌ గారికి ఆ క్రెడిట్ ఇవ్వాలి. స్క్రీన్ మీద ఎంతో ఫ్రెష్‌గా కనిపిస్తుంది'' అని సిద్ధు జొన్నల గడ్డ తెలిపాడు. అడివి శేష్ మాట్లాడుతూ.. ‘తీస్ మార్ ఖాన్ సినిమా కుమ్మేయాలని కోరుకుంటున్నాను. సాయి కుమార్ గారు ఫోన్ చేసి రమ్మన్నారు. మా అమ్మ బర్త్ డే ఆగస్ట్ 19. ఈ చిత్రం సక్సెస్‌తో మా అమ్మకు గిఫ్ట్ ఇవ్వాలని కోరుకుంటున్నాను. సినిమా కోసం పని చేసిన అందరికీ ఆల్ ది బెస్ట్. ట్రైలర్‌లో ఆది కుమ్మేశాడు. సినిమాలోనూ కుమ్మేస్తాడు. పాయల్‌ను ఇలా కలవడం ఆనందంగా ఉంది. ఈ సినిమాను అందరూ థియేటర్లో చూడండి’ అని అన్నారు. చదవండి: సుమారు నాలుగేళ్ల తర్వాత అలా శ్రావణ భార్గవి!  సుధీర్ బాబు మాట్లాడుతూ.. ''తీస్ మార్ ఖాన్ సినిమా ట్రైలర్, సాంగ్స్ అన్నీ కూడా బాగున్నాయి. పర్ఫెక్ట్ కమర్షియల్ టైటిల్. నేను ఆది కలిసి శమంతకమణి సినిమాను చేశాం. ఆయన అద్భుతమైన నటుడు. ఈ చిత్రం ఆదికి పర్ఫెక్ట్ సినిమా అనిపిస్తోంది. సాయి కుమార్ గారితో నేను భలే మంచిరోజు చిత్రాన్ని చేశాను. నాకు ఆయన ఆన్ స్క్రీన్‌, ఆఫ్ స్క్రీన్‌లో తండ్రిలాంటి వారు'' అని తెలిపాడు.  ‘నేను ఈ రోజు చాలా సంతోషంగా ఉన్నాను. నా సినిమా రిలీజ్ అయ్యే టైంలో కాస్త నెర్వస్‌గా ఉంటాను. అది అందరికీ సహజంగానే ఉంటుంది. మా సినిమా టీజర్, ట్రైలర్, పాటలు అన్నింటికి విశేషమైన స్పందన వచ్చింది. మా సినిమాకు మీ ప్రేమ దక్కినందుకు మాకు సంతోషంగా ఉంది. నేనేం స్టార్ కిడ్‌ను కాదు. నేను ఏం చేసినా నా సొంతంగానే చేశాను. అది మీ ప్రేమ, అభిమానం వల్లే చేయగలిగాను. ఈ సినిమా నాకెంతో స్పెషల్. మూడేళ్ల తరువాత నా సినిమా థియేటర్లోకి వస్తోంది. ఈ చిత్రంలో ట్విస్ట్‌లు అద్భుతంగా ఉంటాయి’ అని హాట్‌ బ్యూటీ పాయల్‌ రాజ్‌పుత్‌ పేర్కొంది. 

హీరో సుధీర్‌ బాబు, కృతిశెట్టి జంటగా నటిస్తున్న చిత్రం 'ఆ అమ్మాయి గురించి మీకు చెప్పాలి'. ఇంద్రగంటి మోహన్‌కృష్ణ ఈ సినిమాకు దర్శకత్వం వహిస్తున్నారు. సుధీర్‌ బాబు, మోహనకృష్ణ ఇంద్రగంటి కాంబినేషన్‌లో వస్తున్న మూడో ప్రేమకథా  చిత్రమిది. ఇప్పటికే విడుదల చేసిన మూవీ ఫస్ట్‌లుక్‌, టీజర్‌కు పాజిటివ్‌ బజ్‌ క్రియేట్‌ కావడంతో సినిమాపై మరిన్ని అంచనాలు పెరిగాయి. తాజాగా ఈ చిత్రం రిలీజ్‌ డేట్‌పై అప్‌డేట్‌ ఇచ్చారు మేకర్స్‌. సెప్టెంబర్‌ 16న ఈ సినిమాను విడుదల చేస్తున్నట్లు తెలిపారు. ఈ మేరకు ఓ ఇంట్రెస్టింగ్‌ పోస్టర్‌ను వదిలారు.మైత్రీ మూవీ మేకర్స్‌, బెంచ్‌మార్క్‌ స్డూడియోస్‌ సంయుక్తంగా ఈ చిత్రాన్ని నిర్మించారు. అవసరాల శ్రీనివాస్‌, వెన్నెల కిశోర్‌, రాహుల్‌ రామకృష్ణ, శ్రీకాంత్‌ అయ్యంగార్‌, కల్యాణి నటరాజన్‌ తదితరులు కీలకపాత్రల్లో నటిస్తున్నారు.  #AaAmmayiGurinchiMeekuCheppali in Theatres from SEP 16 🤩 Get ready to fall in love with a beautiful tale on the Big Screens ❤️ #AAGMConSEP16 @isudheerbabu @IamKrithiShetty #MohanaKrishnaIndraganti @MythriOfficial @mahendra7997 pic.twitter.com/KqZ4X1JkMQ — Benchmark Studios (@benchmarkstudi5) August 10, 2022

‘మీ కాంబినేషన్‌లో మళ్లీ సినిమా ఎప్పుడు?’ సినిమా ఇండస్ట్రీలో కామన్‌గా వినిపించే ప్రశ్న ఇది. ‘అన్నీ కుదిరినప్పుడు...’ అనే సమాధానం కూడా కామన్‌. అలా అన్నీ కుదిరినప్పుడు కాంబినేషన్‌ రిపీట్‌ అవుతుంది. ఇప్పుడు మూడోసారి రిపీట్‌ అవుతున్న హీరో–డైరెక్టర్‌ కాంబినేషన్లు కొన్ని ఉన్నాయి.. అలా... మూడోసారి కుదిరిన కాంబినేషన్‌ విశేషాల్లోకి వెళదాం. మహేశ్‌ బాబు-త్రివిక్రమ్‌ కాంబినేషన్‌లో: మహేశ్‌బాబు మాసీ యాక్షన్‌ను ‘అతడు’ (2005)లో చూశాం. అలాగే మహేశ్‌ కామెడీ టైమింగ్‌ని ‘ఖలేజా’ (2010)లో చూశాం. ఈ రెండు చిత్రాల్లోనూ మహేశ్‌తో సెటిల్డ్‌ పర్ఫార్మెన్స్‌ చేయించారు దర్శకుడు త్రివిక్రమ్‌. దాదాపు పన్నెండేళ్ల తర్వాత హీరో మహేశ్‌.. దర్శకుడు త్రివిక్రమ్‌ కాంబినేషన్‌లో మరో సినిమా సెట్స్‌పైకి వెళ్లేందుకు రెడీ అవుతోంది. ఈ సినిమా షూటింగ్‌ జూన్‌లో ప్రారంభం కానుంది. ఇందులో మహేశ్‌కు జోడీగా పూజా హెగ్డే నటిస్తారు. ‘మహర్షి’ తర్వాత మహేశ్, పూజా మళ్లీ జోడీ కడుతున్న సినిమా ఇదే. అలాగే ‘అరవింద సమేత వీర రాఘవ’, ‘అల.. వైకుంఠపురములో..’ తర్వాత త్రివిక్రమ్‌తో పూజా హెగ్డే చేయనున్న మూడో చిత్రం కూడా ఇదే. గోపిచంద్‌-శ్రీవాస్‌ కాంబినేషన్‌లో: అలాగే గోపించంద్‌-శ్రీవాస్‌ కూడా మూడోసారి జతకట్టబోతున్నారు. గోపీచంద్‌ హీరోగా శ్రీవాస్‌ డైరెక్షన్‌లో తెరకెక్కే ఈ సినిమా ఆల్రెడీ సెట్స్‌లో ఉంది. ‘లక్ష్యం’ (2007) లాంటి మాస్‌ సినిమాతో ఈ ఇద్దరి కాంబినేషన్‌ తొలిసారి షురూ అయింది. ఆ తర్వాత ‘లౌక్యం’ (2015) చేశారు. ప్రస్తుతం గోపీచంద్‌ హీరోగా శ్రీవాస్‌ దర్శకత్వంలో ‘లక్ష్యం 2’ (వర్కింగ్‌ టైటిల్‌) తెరకెక్కుతోంది. ‘లక్ష్యం 2’ అని వర్కింగ్‌ టైటిల్‌ పెట్టారు కానీ ఇది ‘లక్ష్యం’కి సీక్వెల్‌ అని మాత్రం యూనిట్‌ స్పష్టం చేయలేదు. ఇందులో డింపుల్‌ హయతి హీరోయిన్‌. నాగ చైతన్య-విక్రమ్‌ కే కుమార్‌: ఇక అక్కినేని ఫ్యామిలీ మూవీ అంటే ‘మనం’ (2014) అని ఈజీగా చెప్పేస్తారు ఆడియన్స్‌. ఈ చిత్రంలో ఏయన్నార్, నాగార్జున, నాగచైతన్య, అఖిల్‌ (అతిథి పాత్ర) నటించారు. ఈ సినిమాకు విక్రమ్‌ కె. కుమార్‌  దర్శకుడు. ‘మనం’ తర్వాత నాగచైతన్య హీరోగా విక్రమ్‌ కె. కుమార్‌ దర్శకత్వంలో ‘థ్యాంక్యూ’ చిత్రం రూపొందింది. ఇందులో రాశీ ఖన్నా, మాళవికా నాయర్, అవికా గోర్‌ హీరోయిన్లు. ఈ సినిమా రిలీజ్‌కి రెడీ అవుతోంది. అయితే ‘థ్యాంక్యూ’ రిలీజ్‌ లోపే విక్రమ్‌ కె. కుమార్‌తో మరో ప్రాజెక్ట్‌కి సై అన్నారు నాగచైతన్య. కానీ ఇది ఓటీటీ ప్రాజెక్ట్‌. ‘దూత’ టైటిల్‌తో రానున్న ఈ సిరీస్‌లో నాగచైతన్య జర్నలిస్ట్‌. సుధీర్‌ బాబు-ఇంద్రగంటి మోహన్‌కృష్ణ: మరోవైపు హీరో సుధీర్‌బాబు.. దర్శకుడు ఇంద్రగంటి మోహనకృష్ణ కూడా మూడో సినిమా చేస్తున్నారు. అయితే ఇక్కడ ఆసక్తికర విషయం ఏంటంటే... ఇంద్రగంటి మోహనకృష్ణ తీసిన గత రెండు సినిమాల్లో హీరో సుధీర్‌బాబే. 2018లో రిలీజైన ‘సమ్మోహనం’, 2020లో ఓటీటీలో వచ్చిన ‘వి’ (ఇందులో హీరో నాని కూడా నటించారు) చిత్రాల తర్వాత ‘ఆ అమ్మాయి గురించి మీకు చెప్పాలి’ అనే చిత్రం కోసం మూడోసారి కలిశారు సుధీర్‌బాబు – ఇంద్రగంటి ఈ సినిమాలో కృతీ శెట్టి హీరోయిన్‌. నిఖిల్‌-సుధీర్‌ వర్మ: ఇటు నిఖిల్‌ హీరోగా దర్శకుడు సుధీర్‌ వర్మ తీసిన ఫస్ట్‌ సినిమా ‘స్వామి రారా’ (2013) మంచి హిట్‌ సాధించిన విషయం తెలిసిందే. ఆ తర్వాత నిఖిల్‌.. సుధీర్‌ వర్మ కాంబినేషన్లో 2017లో ‘కేశవ’ సినిమా వచ్చింది. దాదాపు ఐదేళ్ల తర్వాత ఈ ఇద్దరూ కలిసి మళ్లీ సినిమా చేస్తున్నారు.  నాగశౌర్య-అవసరాల శ్రీనివాస్‌: ఇంకో వైపు ‘ఊహలు గుసగుసలాడే’ (2014), ‘జ్యో అచ్యుతా నంద’ (2016) తర్వాత అవసరాల శ్రీనివాస్‌ దర్శకత్వంలో నాగశౌర్య హీరోగా ‘ఫలానా అబ్బాయి.. ఫలానా అమ్మాయి’ అనే సినిమా సెట్స్‌పై ఉంది. ఒక సినిమా చేస్తున్నప్పుడు హీరో.. డైరెక్టర్‌ మధ్య మంచి అవగాహన కుదిరితే.. కథ కుదిరినప్పుడు మళ్లీ కలిసి సినిమా చేయాలనుకుంటారు. ఇక్కడ చెప్పిన కాంబినేషన్స్‌ అన్నీ దాదాపు అలాంటివే. ముచ్చటగా మూడో సినిమా చేస్తున్న ఈ కాంబినేషన్‌ మళ్లీ ‘హిట్‌’పై గురి పెట్టింది.   ఇటీవల రిపీట్‌ అయిన ‘థర్డ్‌’ కాంబినేషన్‌ మంచి హిట్‌ని సొంతం చేసుకున్నాయి. అవేంటంటే.. ‘అఖండ’, ‘పుష్ప’,  ‘క్రాక్‌’. ‘సింహా’ (2010), ‘లెజండ్‌’ (2014) చిత్రాల తర్వాత బాలకృష్ణ-బోయపాటి శ్రీను కాంబినేషన్లో ‘అఖండ’ సూపర్‌ హిట్‌గా నిలిచింది. అలాగే ‘ఆర్య’ (2004), ‘ఆర్య 2’ (2009) తర్వాత హీరో అల్లు అర్జున్‌.. దర్శకుడు సుకుమార్‌ కాంబినేషన్‌లో రిలీజైన ‘పుష్ప’ సూపర్‌ హిట్‌. ‘డాన్‌ శీను (2010), ‘బలుపు (2013) చిత్రాల తర్వాత హీరో రవితేజ – దర్శకుడు గోపీచంద్‌ మలినేని కాంబినేషన్‌లో వచ్చిన ‘క్రాక్‌’ సూపర్‌ హిట్‌గా నిలిచింది. ఇటు  ‘నేను..శైలజ’ (2016), ‘ఉన్నది ఒక్కటే జిందగీ’ (2017) చిత్రాల తర్వాత హీరో రామ్‌ – దర్శకుడు కిశోర్‌ తిరుమల కలిసి చేసిన ‘రెడ్‌’ మూవీ కూడా ఫర్వాలేదనిపించింది. మరి.. ఇప్పుడు రిపీట్‌ అవుతున్న ఈ థర్డ్‌ కాంబినేషన్‌ కూడా హిట్‌ మ్యాజిక్‌ని రిపీట్‌ చేస్తుందనే అంచనాలున్నాయి.   

Sudheer Babu Pre Look Poster From His Action Thriller Sudheer 16: యంగ్‌ హీరో సుధీర్‌బాబు వరుస సినిమాలతో ఫుల్‌ బిజీగా ఉన్నాడు. ఇటీవలె శ్రీదేవి సోడా సెంటర్‌ సినిమాతో హిట్‌ అందుకున్న సుధీర్‌బాబు కృతిశెట్టితో కలిసి 'ఆ అమ్మాయి గురించి మీకు చెప్పాలి' సినిమాలో నటిస్తున్నాడు. దీంతో పాటు  హర్షవర్ధన్‌ దర్శకత్వంలో ఓ సినిమాకు సైన్‌ చేశాడు. దానికి సంబంధించిన టైటిల్‌ పోస్టర్‌, ఫస్ట్‌ లుక్‌ను బుధవారం (మే 11) సుధీర్‌ బాబు బర్త్‌డే సందర్భంగా విడుదల చేశారు. ఈ సినిమాకు 'మామా మశ్చీంద్ర' అన్న టైటిల్‌ను ఫిక్స్‌ చేశారు. ఇదే కాకుండా భవ్య క్రియేషన్స్‌ ఆధ్వర్యంలో సుధీర్ తన 16వ చిత్రాన్ని చేస్తున్న విషయం తెలిసిందే.  ఈ మూవీకి సంబంధించిన ఆకర్షణీయమైన పోస్టర్‌ను సుధీర్‌ బాబు పుట్టినరోజు సందర్భంగా ఆవిష్కరించింది. ఇంకా పేరు పెట్టని ఈ చిత్రం యాక్షన్ థ్రిల్లర్‌గా తెరకెక్కనుంది. ఈ పోస్టర్‌లో సుధీర్‌ బాబు తలికిందులుగా పుష్‌ అప్స్‌ చేస్తూ ఆకట్టుకున్నాడు. పోస్టర్‌ ద్వారా సూపర్ ఫిట్‌గా ఉన్న సుధీర్‌బాబుకు 'హ్యాపీ బర్త్‌డే నైట్రో స్టార్‌' అని విష్ చేశారు. ఇదిలా ఉంటే ఈ సినిమాకు మహేశ్‌ దర్శకత్వం వహించగా, జిబ్రాన్‌ సంగీతం అందిస్తున్నాడు. ఇటీవల గన్స్‌ డోంట్‌ లై అనే ట్యాగ్‌లైన్‌తో రిలీజ్‌ చేసిన పోస్టర్‌కు మంచి రెస్పాన్స్‌ వచ్చింది. ఈ మూవీలో శ్రీకాంత్, 'ప్రేమిస్తే' ఫేమ్‌ భరత్‌ కీలక పాత్రలు పోషిస్తున్నట్లు సమాచారం.  చదవండి: మామా మాశ్చీంద్ర: సుధీర్‌ కొత్త సినిమా ఫస్ట్‌ లుక్‌ చూశారా? Here's the Terrific Pre-Look Poster of 'Nitro Star' @isudheerbabu's #Sudheer16 💥 The Monstrous cop in Action! 🛡️ A @GhibranOfficial Musical 💥 #HBDSudheerBabu @bharathhere @actorsrikanth @Imaheshh #Anandaprasad @BhavyaCreations @anneravi @vincentcinema @PulagamOfficial pic.twitter.com/PU0yYNdLEY — Bhavya Creations (@BhavyaCreations) May 11, 2022     var request = 'https://www.sakshi.com/knowwidget/kwstr_931254882.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

యంగ్‌ టాలెంటెడ్‌ హీరో సుధీర్‌ బాబు బర్త్‌డే నేడు (మే 11). ఈ సందర్భంగా ఆయన కొత్త సినిమా నుంచి అదిరిపోయే అప్‌డేట్‌ వచ్చింది. హర్షవర్ధన్‌ దర్శకత్వంలో సుధీర్‌ ఓ సినిమా చేస్తున్న విషయం తెలిసిందే కదా! తాజాగా ఈ సినిమా టైటిల్‌, ఫస్ట్‌ లుక్‌ రిలీజ్‌ చేశారు. మామా మశ్చీంద్ర అన్న టైటిల్‌తో పాటు సుధీర్‌ లుక్‌ను సైతం విడుదల చేశారు. ఇందులో హీరో స్టేజీపై సాంగ్‌ పాడుతున్నట్లుగా కనిపిస్తోంది. ఈ సినిమా తెలుగు, హిందీ భాషల్లో తెరకెక్కుతుండటం విశేషం. ఈ మూవీని శ్రీ వెంకటేశ్వర సినిమాస్‌ బ్యానర్‌పై నారాయణ్‌ దాస్‌ కె. నారంగ్‌, పుస్కూర్‌ రామ్‌ మోహన్‌ రావు నిర్మిస్తున్నారు. చైతన్‌ భరద్వాజ్‌ సంగీత దర్శకుడిగా పని చేస్తుండగా పీజీ వింద సినిమాటోగ్రఫీ అందిస్తున్నారు. ఇదిలా ఉంటే సుధీర్‌బాబు కృతిశెట్టితో కలసి నటించిన 'ఆ అమ్మాయి గురించి మీకు చెప్పాలి' త్వరలోనే విడుదల కానుంది. Fun & action have no language barrier 🥳 #MaamaMascheendra!! Also in Hindi this time! 😃 Let's go! 🕺🏻@HARSHAzoomout @chaitanmusic @pgvinda #NarayanDasNarang @puskurrammohan @SVCLLP pic.twitter.com/RIil9JOJYi — Sudheer Babu (@isudheerbabu) May 11, 2022 చదవండి: నా విషయం పక్కనపెట్టు, నీ ముఖం సంగతేంటి?: ట్రోలింగ్‌కు నటి కౌంటర్‌ ప్రాణాల కోసం పోరాడుతున్న మాజీ మిస్టర్‌ యూనివర్స్‌.. ఆవేదనలో ఫ్యాన్స్‌

సినిమాకి ఓ కథ ఉంటుంది. ఆ కథకు ఒక స్క్రీన్‌ ప్లే ఉంటుంది. ఇది అందరికీ తెలిసిందే. అదే స్క్రీన్‌ పై ఓ ‘ప్లే’ ఉంటే... స్క్రీన్‌ పై ఆట ఆడేవారికి ఓ కిక్కు.. చూసేవారికి మరింత కిక్కు. అలాంటి కిక్‌ ఇవ్వడానికి తెలుగు స్పోర్ట్స్‌ మూవీస్‌ కొన్ని రెడీ అవుతున్నాయి. ఆ చిత్రాల విశేషాలేంటో ఓసారి చదివేద్దాం.  ప్రొఫెషనల్‌ బాక్సర్‌గా..   ఇప్పటివరకూ లవర్‌ బాయ్‌గా కనిపించిన విజయ్‌ దేవరకొండ వెండితెరపై తన పంచ్‌ పవరేంటో చూపించేందుకు ‘లైగర్‌’లో బాక్సర్‌గా మారారు. హీరోలను తనదైన శైలిలో పవర్‌ఫుల్‌గా చూపించే పూరి జగన్నాథ్‌ ఈ చిత్రానికి దర్శకుడు. అనన్య పాండే హీరోయిన్‌. ఈ సినిమాలో ప్రొఫెషనల్‌ బాక్సర్‌లా కనిపించేందుకు విజయ్‌ ప్రత్యేక శిక్షణ తీసుకున్నారు. ప్రముఖ ప్రొఫెషనల్‌ బాక్సర్‌ మైక్‌ టైసన్‌తో ఈ సినిమాలో ఢీ కొట్టారు విజయ్‌. టైసన్‌ నటించిన తొలి భారతీయ చిత్రం ఇదే కావడం విశేషం. థాయిల్యాండ్‌ స్టంట్‌ డైరెక్టర్‌ కెచ్చా యాక్షన్‌ సీక్వెన్స్‌లను కంపోజ్‌ చేశారు. పూరి జగన్నాథ్, ఛార్మీ కౌర్, కరణ్‌ జోహార్, అపూర్వ మెహతా ఈ చిత్రాన్ని నిర్మించారు. ప్రస్తుతం పోస్ట్‌ ప్రొడక్షన్‌ వర్క్స్‌ జరుగుతున్నాయి. ఇటు సినీ లవర్స్‌ అటు బాక్సింగ్‌ లవర్స్‌ ఈ స్క్రీన్‌ ప్లేని ఆగస్ట్‌ 25న చూడనున్నారు. తెలుగు, హిందీ, తమిళ, కన్నడ, మలయాళ భాషల్లో ఈ చిత్రం విడుదల కానుంది.   ఏప్రిల్‌లో గని పంచ్‌  వేసవిలో తన పంచ్‌ పవర్‌ చూపించడానికి రెడీ అయ్యాడు గని. బాక్సర్‌ గని పాత్రలో వరుణ్‌ తేజ్‌ నటించిన చిత్రం ‘గని’. ఇప్పటివరకూ లవ్‌స్టోరీలు, ఫ్యామిలీ మూవీస్‌ చేసిన వరుణ్‌ ‘గని’లోని పాత్ర కోసం పూర్తిగా మేకోవర్‌ అయ్యారు. నూతన దర్శకుడు కిరణ్‌ కొర్రపాటి తెరకెక్కించిన ఈ చిత్రంలో సయీ  మంజ్రేకర్‌ హీరోయిన్‌. ‘గని’ పంచ్‌ పవర్‌ ఎలా ఉంటుందో చూడాలంటే ఏప్రిల్‌ 8 వరకూ ఆగాల్సిందే. అల్లు అరవింద్‌ సమర్పణలో సిద్ధు ముద్ద, అల్లు బాబీ నిర్మించిన ఈ సినిమా  ఏప్రిల్‌ 8న విడుదల కానుంది. ఇందులో సునీల్‌ శెట్టి, ఉపేంద్ర కీలక పాత్రధారులు.  ఈసారి గోల్‌పై గురి   ‘మజిలీ’లో క్రికెటర్‌గా కనిపించి, మంచి కలెక్షన్ల స్కోర్‌ తెచ్చుకున్న నాగచైతన్య తన తాజా చిత్రం ‘థ్యాంక్యూ’లో గోల్‌పై గురి పెట్టారు. ఈ చిత్రంలో హాకీ ప్లేయర్‌ పాత్రలో కనిపించనున్నారు. ‘మనం’ చిత్రం తర్వాత హీరో నాగచైతన్య, దర్శకుడు విక్రమ్‌ కె. కుమార్‌ కాంబినేషన్‌లో తెరకెక్కిన చిత్రం ఇది. రాశీ ఖన్నా, అవికా గోర్, మాళవికా నాయర్‌ హీరోయిన్లుగా నటించారు. ఈ చిత్రంలో చైతూ మూడు విభిన్న పాత్రల్లో అలరించనున్నారని టాక్‌. వాటిల్లో ఒకటి హాకీ ప్లేయర్‌ అని తెలుస్తోంది. నాగచైతన్య హాకీ ఆడుతున్న సన్నివేశాల చిత్రీకరణకు సంబంధించిన ఫొటో ఒకటి వైరల్‌ అయింది కూడా. ‘దిల్‌’ రాజు నిర్మించిన ఈ చిత్రం విడుదలకు సిద్ధమవుతోంది.  మిల్కీ బ్యూటీ.. బబ్లీ బౌన్సర్‌  ఓ వైపు రెగ్యులర్‌ కమర్షియల్‌ చిత్రాల్లో హీరోయిన్‌గా చేస్తూనే మరోవైపు లేడీ ఓరియంటెడ్‌ సినిమాలు చేస్తున్నారు తమన్నా. ఈ మిల్కీ బ్యూటీ చేస్తున్న తాజా చిత్రాల్లో ‘బబ్లీ బౌన్సర్‌’ అనే లేడీ ఓరియంటెడ్‌ మూవీ ఒకటి. మధుర్‌ భండార్కర్‌ దర్శకత్వంలో ఈ చిత్రాన్ని ఫాక్స్‌ స్టార్‌ స్టూడియోస్, జంగ్లీ పిక్చర్స్‌ నిర్మిస్తున్నాయి. ఈ చిత్రంలో తమన్నా బౌన్సర్‌ పాత్రలో కనిపిస్తారు. అయితే బాక్సింగ్‌ నేపథ్యంలో ఈ చిత్రకథ ఉంటుందని టాక్‌. బౌన్సర్‌ నుంచి బాక్సర్‌గా మారే క్యారెక్టర్‌లో తమన్నా కనిపిస్తారని సమాచారం. తెలుగులోనూ ఈ చిత్రం విడుదల కానుంది.  బ్యాడ్మింటన్‌ నేపథ్యంలో..  సుధీర్‌బాబు డ్రీమ్‌ ప్రాజెక్ట్‌లలో ప్రముఖ బ్యాడ్మింటన్‌ చాంపియన్‌ పుల్లెల గోపీచంద్‌ బయోపిక్‌ ఒకటి. సుధీర్‌–గోపీచంద్‌ ఇద్దరూ కలిసి బ్యాడ్మింటన్‌ ఆడారనే విషయం తెలిసిందే. బ్యాడ్మింటన్‌ నుంచి సినిమాల్లోకి వచ్చారు సుధీర్‌. ఇక పుల్లెల బయోపిక్‌ని ఎప్పుడో ప్రకటించినా ఇంకా పట్టాలెక్కలేదు. అయితే సుధీర్‌ బ్యాడ్మింటన్‌ రాకెట్‌తో షూటింగ్‌ లొకేషన్‌లోకి అడుగుపెట్టే సమయం దగ్గర్లోనే ఉంది. ఎందుకంటే ప్రస్తుతం ప్రీ ప్రొడక్షన్‌ పనులు జరుగుతున్నాయి. తెలుగు, హిందీ భాషల్లో ఈ చిత్రం తెరకెక్కనుంది. 

Hero Sudheer Babu Announces His Next Movie: హీరో సుధీర్‌బాబు ప్రస్తుతం వరుస సినిమాలతో ఫుల్‌ బిజీగా ఉన్నాడు. ఇటీవలె శ్రీదేవి సోడా సెంటర్‌ సినిమాతో హిట్‌ అందుకున్న సుధీర్‌బాబు ప్రస్తుతం కృతిశెట్టితో కలసి 'ఆ అమ్మాయి గురించి మీకు చెప్పాలి' సినిమాలో నటిస్తున్నారు. దీంతో పాటు  హర్షవర్ధన్‌ దర్శకత్వంలో ఓ సినిమాకు సైన్‌ చేశాడు. తాజాగా తన 16వ సినిమాకు సంబంధించిన అప్‌డేట్‌ని అభిమానులతో పంచుకున్నాడు. మహేష్ సురపనేని దర్శకత్వంలో ప్రముఖ నిర్మాణ సంస్థ భవ్య క్రియేషన్స్‌లో ఈ చిత్రాన్ని తెరకెక్కిస్తున్నారు. దీనికి  ‘గన్స్ డోంట్ లై’ అనే ట్యాగ్‌లైన్‌తో పోస్టర్‌ను రిలీజ్‌ చేశారు. చుట్టూ తుపాకులు, పోలీస్ స్పెషల్ క్రైమ్స్ డివిజన్ అనే లోగోతో ఇంట్రెస్టింగ్‌గా పోస్టర్‌ను వదిలారు. ఈ సినిమాలో హీరోయిన్‌ సహా మరింత సమాచారం త్వరలోనే తెలియనుంది.  Super excited for this one 😊#Sudheer16 Action Unlimited👊🏻@bharathhere @actorsrikanth @imaheshh @vincentcinema @bhavyacreations #anandaprasad @anneravi pic.twitter.com/NZix4covyc — Sudheer Babu (@isudheerbabu) February 12, 2022

‘‘నటుడిగా ఇండస్ట్రీలో పదేళ్లు పూర్తి చేసుకోవడం చాలా ఆనందంగా ఉంది.  ప్రతి సినిమా నుంచి ఒక కొత్త అంశాన్ని నేర్చుకోవడానికి ప్రయత్నించాను’’ అని సుధీర్‌బాబు అన్నారు. 2012లో వచ్చిన ‘శివ మనసులో శృతి’ (ఎస్‌ఎమ్‌ఎస్‌) చిత్రంతో హీరోగా పరిచయమయ్యారు సుధీర్‌బాబు. నేటికి (ఫిబ్రవరి 10) ఈ హీరో ఇండస్ట్రీలోకి అడుగుపెట్టి పదేళ్లు పూర్తయ్యాయి. ఈ సందర్భంగా బుధవారం హైదరాబాద్‌లో జరిగిన విలేకర్ల సమావేశంలో సుధీర్‌బాబు చెప్పిన విశేషాలు... ఇండస్ట్రీకి వందమంది వస్తే నలుగురే సక్సెస్‌ అవుతారు. నా కెరీర్‌లో నేను ఇప్పటివరకు 14 సినిమాలు చేశాను. నటుడిగా వందశాతం కష్టపడ్డాను. కానీ ఫలితాలు మన చేతుల్లో ఉండవు. రిలీజ్‌ డేట్, బడ్జెట్, ఆ సమయంలో ఆడియన్స్‌ మూడ్‌... ఇలా ఒక సినిమా రిజల్ట్‌కి చాలా కారణాలుంటాయి. నా కెరీర్‌లోనూ కొన్ని సినిమాలు ఆడలేదు.. ఆ అనుభవాల నుంచి తప్పులు తెలుసుకుని, వాటిని సరిదిద్దుకున్నాను. ఇప్పటికీ నా ప్రతి సినిమాను చివరి సినిమాలానే భావించి కష్టపడుతుంటాను. నటుడిగా కొంచెం ఆ భయం ఉండాలి.  ► నా కెరీర్‌లో ఫస్ట్‌ ఫిల్మ్‌ ఫస్ట్‌ డే షూటింగ్‌ సమయంలో నాది ఫొటోజెనిక్‌ ఫేస్‌ కాదన్నట్లుగా కెమెరామ్యాన్, అతని అసిస్టెంట్‌ మాట్లాడుకుంటుంటే విన్నాను. ఈ విషయం గురించి ఆలోచించి ఆ సినిమా కోసం నా పెర్ఫార్మెన్స్‌ను మెరుగుపరచుకున్నాను. కానీ అప్పుడు ఆ కెమెరామ్యాన్‌ను ఆ సినిమా నుంచి తొలగించాను. నెగటివ్‌ ఫీలింగ్స్‌ ఉండకూడదని అలా చేశాను. ఆ తర్వాత వేరే సినిమాకి అతనితో పనిచేశాను. స్టార్టింగ్‌లో నా వాయిస్‌ విషయంలో కొంత మిశ్రమ స్పందన వచ్చింది. సంగీత దర్శ కుడు ఆర్పీ పట్నాయక్‌గారి సహకారంతో కొంత ట్యూన్‌ చేసుకోగలిగాను. ► హీరో అవుదామనే ఇండస్ట్రీకి వచ్చాను. కానీ అవకాశాలు రావాలంటే నటుడిగా నిరూపించుకోవాలని ‘ఏ మాయ చేసావె’, హిందీ చిత్రం ‘బాఘీ’లో నెగటివ్‌ షేడ్స్‌ పాత్రలు చేశాను. హిందీ చిత్రం ‘బ్రహ్మాస్త్ర’లో అవకాశం వచ్చింది. అదే సమయంలో నాకు ‘సమ్మోహనం’ రావడంతో ‘బ్రహ్మాస్త్ర’ చేయలేకపోయాను. ► కెరీర్‌ పరంగా కృష్ణగారు, మహేశ్‌ల నుంచి చాలా నేర్చుకున్నాను. షూటింగ్స్‌తో ఎంత బిజీగా ఉన్నా వారు ఫ్యామిలీకి సమయం కేటాయిస్తారు. నేను కూడా అంతే. నాకు ఫేవర్‌ చేయమని వారినెప్పుడూ అడగలేదు. మహేశ్‌కి విలన్‌గా చేయడానికి అభ్యంతరం లేదు. కానీ మంచి కథ కుదరాలి. మహేశ్‌తో ఓ సినిమా నిర్మించాలని ఉంది. ► యాక్షన్‌ సినిమాలంటే చాలా ఇష్టం. జాకీ చాన్‌కు పెద్ద అభిమానిని. నేను నటించిన ‘ఆ అమ్మాయి గురించి మీకు చెప్పాలి’ రిలీజ్‌కు రెడీగా ఉంది. హర్షవర్ధన్‌ దర్శకత్వంలో ఓ మూవీ చేస్తున్నాను. భవ్య క్రియేషన్స్‌లో ఓ మూవీ కమిటయ్యాను. ‘లూజర్‌ 2’ డైరెక్టర్‌ అభిలాష్‌ రెడ్డితో ఓ సినిమా ఉంటుంది.  ► నా ఇద్దరు కుమారులు చరిత్, దర్శన్‌ సినిమాల పట్ల ఆసక్తిగానే ఉన్నారు. హర్షవర్ధన్‌ దర్శకత్వంలో నేను చేస్తోన్న సినిమాలో చరిత్‌ నా చిన్ననాటి క్యారెక్టర్‌ చేశాడు. మహేశ్‌ ‘సర్కారువారి పాట’ సినిమాలో జూనియర్‌ మహేశ్‌గా దర్శన్‌ కనిపిస్తాడు.

హీరో సుధీర్‌ బాబు, కృతిశెట్టి జంటగా నటిస్తున్న చిత్రం ఆ అమ్మాయి గురించి మీకు చెప్పాలి. ఇంద్రగంటి మోహన్‌కృష్ణ ఈ సినిమాకు దర్శకత్వం వహిస్తున్నారు. ఇటీవలె విడుదల చేసిన మూవీ ఫస్ట్‌లుక్‌, టీజర్‌కు మంచి స్పందన వచ్చింది. ఈ క్రమంలో ఈ మూవీ నుంచి మరో అప్‌డేట్‌ ఇచ్చారు మేకర్స్‌. నేడు(బుధవారం) ఈ సినిమాలోని ఓ పాటను రిలీజ్‌ చేశారు. ‘అల్లంత దూరంగా నువ్వు .. నీ కన్ను నన్నే చూస్తుంటే’ అంటూ ఈ పాట సాగే పాటలో హీరోహీరోయిన్‌ మధ్య ప్రేమ, అల్లరిని చూపించారు. దీంతో ఈ పాట యూత్‌ బాగా ఆకట్టుకుంటోంది. ప్రస్తుతం ఈ సాంగ్‌ నెట్టింట వైరల్‌గా మారింది. వివేక్ సాగర్ స్వరపరిచిన ఈ పాటకి రామజోగయ్య శాస్త్రి సాహిత్యాన్ని అందించగా, చైత్ర, అభయ్ ఆలపించారు. కాగా ఈ చిత్రంలో అవసరాల శ్రీనివాస్‌, వెన్నెల కిశోర్‌, రాహుల్‌ రామకృష్ణ, శ్రీకాంత్‌ అయ్యంగార్‌, కల్యాణి నటరాజన్‌ తదితరులు నటిస్తున్నారు. ప్రస్తుతం ఈ చిత్రం పోస్ట్‌ ప్రొడక్షన్‌ దశలో ఉంది. త్వరలో విడుదల తేదిని ప్రకటిస్తామని మేకర్స్‌ తెలిపారు. 

Aa Ammai Gurinchi Meeku Cheppali Movie Teaser Released: యంగ్‌ హీరో సుధీర్ బాబు, కృతి శెట్టి హీరోహీరోయిన్లుగా తెరకెక్కుతున్న చిత్రం 'ఆ అమ్మాయి గురించి మీకు చెప్పాలి'. ఈ చిత్రానికి భిన్న కథలతో అలరించే మోహనకృష్ణ ఇంద్రగంటి దర్శకత్వం వహిస్తున్నారు. సుధీర్‌ బాబు, మోహనకృష్ణ ఇంద్రగంటి కాంబినేషన్‌లో వస్తున్న మూడో ప్రేమకథా  చిత్రం ఈ సినిమా. మైత్రీ మూవీ మేకర్స్‌, బెంచ్‌మార్క్‌ స్డూడియోస్‌ నిర్మిస్తున్న ఈ చిత్రం టీజర్‌ను శనివారం విడుదల చేశారు మేకర్స్. ఆరు సంవత్సరాల్లో వరుసగా 6 సూపర్‌ హిట్‌లు అందించిన కమర్షియల్‌ ఫిల్మ్‌ మేకర్‌గా సుధీర్‌ బాబుని పరిచయం చేయడంతో టీజర్‌ ప్రారంభమవుతుంది. 6 సూపర్‌ హిట్‌లు అందించిన డైరెక్టర్‌గా కొంచెం గర్వంతో ఉన్న సుధీర్ బాబుకి అవన్ని రోటీన్ సినిమాలను అతని స్నేహితుడు ఎగతాళి చేయడం బాగుంది.  అ‍ప్పుడే డాక్టర్‌ అలేఖ్య పాత్రలో నటిస్తున్న కృతి శెట్టిని హీరో కలుస్తాడు. ఆమె ఒక కళ్ల డాక్టర్‌. ఆమెకు సినిమాలంటే విరక్తి. అలాంటి అమ్మాయితో సినిమా చేసేందుకు ఒ‍ప్పించే ప్రయత్నంగా సినిమా ఉన్నట్లు తెలుస్తోంది. తను అమ్ముకునే సినిమాలు కాకుండా తనను నమ్ముకునే సినిమాలు చేస్తానని హీరో చెప్పే డైలాగ్‌ ఆకట్టుకుంటుంది. వివేక్‌ సాగర్‌ బీజీఎం అలరించింది. ఓవరాల్‌గా చూసుకుంటే టీజర్ పర్వాలేదనిపించింది. కానీ మోహనకృష్ణ ఇంద్రగంటి డైరెక్షన్‌ అంటే తప్పకుండా అంచనాలు ఉంటాయి. అవసరాల శ్రీనివాస్‌, వెన్నెల కిశోర్‌, రాహుల్‌ రామకృష్ణ, శ్రీకాంత్‌ అయ్యంగార్‌, కల్యాణి నటరాజన్‌ తదితరులు సినిమాలో నటిస్తున్నారు. ప్రస్తుతం ఈ చిత్రం పోస్ట్‌ ప్రొడక్షన్‌ దశలో ఉంది. త్వరలో విడుదల తేదిని ప్రకటిస్తామని మేకర్స్‌ తెలిపారు. 

Sudheer Babu Aa Ammayi Gurinchi Meeku Cheppali Movie Teaser Postponed: హీరో సుధీర్‌ బాబు, కృతిశెట్టి జంటగా నటిస్తున్న చిత్రం ఆ అమ్మాయి గురించి మీకు చెప్పాలి. ఇంద్రగంటి మోహన్‌కృష్ణ ఈ సినిమాకు దర్శకత్వం వహిస్తున్నారు. ఇటీవలె విడుదల చేసిన మూవీ ఫస్ట్‌లుక్‌కి మంచి స్పందన వచ్చింది. తాజాగా నేడు(సోమవారం) ఈ సినిమా టీజర్‌ విడుదల కావాల్సి ఉండగా సాంకేతిక కారణాల వల్ల వాయిదా పడింది. ఈ విషయాన్ని స్వయంగా చిత్ర యూనిట్‌ అనౌన్స్‌ చేసింది.త్వరలోనే కొత్త తేదీని ప్రకటిస్తామని పేర్కొంది. కాగా 'ఉప్పెన','శ్యామ్ సింగ రాయ్', 'బంగార్రాజు' వంటి హిట్‌ సినిమాల అనంతరం కృతిశెట్టి చేస్తున్న నాలుగో చిత్రమిది. దీంతో అంచనాలు మరిన్ని పెరిగాయి.  Hold on.. postponement in our teaser date but not in our excitement in showing it to you all.. It's worth the wait😎🤘#AaAmmayiGurinchiMeekuCheppali #AAGMCTeaser pic.twitter.com/J8X5DO6Cde — Sudheer Babu (@isudheerbabu) January 17, 2022

Sudheer Babu Next Film Directed By Harsha Vardhan Goes On Floors: సుధీర్‌బాబు కెరీర్‌లో 15వ సినిమాగా రాబోతున్న చిత్రం రెగ్యులర్‌ షూటింగ్‌ షురూ అయ్యింది. నటుడు–దర్శకుడు హర్షవర్ధన్‌ ఈ సినిమాని తెరకెక్కిస్తున్నారు. సోనాలి నారంగ్, సృష్టి సమర్పణలో శ్రీ వెంకటేశ్వర సినిమాస్‌ ఎల్‌ఎల్‌పీ పతాకంపై నారాయణ్‌ దాస్‌ కె. నారంగ్, పుస్కూర్‌ రామ్‌మోహన్‌ రావు నిర్మిస్తున్న ఈ సినిమా రెగ్యులర్‌ షూటింగ్‌ సోమవారం హైదరాబాద్‌లో ప్రారంభమైంది. షూటింగ్‌ ప్రారంభం అంటూ చిత్రయూనిట్‌ ఓ వర్కింగ్‌ స్టిల్‌ను విడుదల చేసింది. నిర్మాతలు మాట్లాడుతూ– ‘‘యాక్షన్‌ ఎంటర్‌టైనర్‌గా రూపొందుతున్న చిత్రమిది. సుధీర్‌బాబు కోసం భిన్నమైన కథను రెడీ చేశారు హర్షవర్ధన్‌. ఈ సినిమాలో సరికొత్తగా కనిపిస్తారు సుధీర్‌ బాబు. ఈ చిత్రంలో ఛాలెంజింగ్‌ పాత్రను పోషిస్తున్నారాయన. ఈ తొలి షెడ్యూల్‌లో కీలక పాత్రధారులపై ముఖ్యమైన సన్నివేశాలను చిత్రీకరించనున్నాం’’ అన్నారు. ఈ చిత్రానికి సంగీతం: చేతన్‌ భరద్వాజ్, కెమెరా: పీజీ విందా. 

Shilpa Choudhary Cheating Case: అధిక వడ్డి ఇప్పిస్తానంటూ పలువురు సెలబ్రెటీ వద్ద కోట్ల రూపాయలు వసూలు చేసిన వ్యాపారవేత్త శిల్పా చౌదరి చీటింగ్‌ కేసులో రోజురోజుకు కీలక విషయాలు బయట పడుతున్నాయి. ఆమె చేతిలో మోసపోయిన సెలబ్రిటీలు ఒక్కొక్కరిగా బయటకు వస్తున్నారు. ఇప్పటికే సూపర్‌ స్టార్‌ మహేశ్ బాబు సోదరి, యంగ్‌ హీరో సుధీర్ బాబు భార్య ప్రియదర్శిని శిల్పా చౌదరిపై ఫిర్యాదు చేసిన సంగతి తెలిసిందే. కిట్టి పార్టీల పేరుతో శిల్ప తన దగ్గర సుమారు 3 కోట్ల రూపాయలు తీసుకుని ఇవ్వడం లేదంటూ ఆమె పోలీసులను ఆశ్రయించారు. దీనిపై విచారణ చేపట్టిన పోలీసులు శిల్పను మరోసారి కస్టడిలోకి తీసుకుని ఆరా తీస్తున్నారు. చదవండి: పోలీసులను ఆశ్రయించిన మహేశ్‌ బాబు సోదరి ప్రియదర్శిని ఈ క్రమంలో శిల్ప చేతిలో మోసపోయానంటూ మరో టాలీవుడ్‌ సెలబ్రెటీ బయటకు వచ్చాడు. యంగ్‌ హీరో హర్ష్ కనుమిల్లి శిల్ప మాయమాటలు నమ్మి నట్టేట మునిగాడు. కిట్టి పార్టీ పేరుతో మాయ మాటలు చెప్పి శిల్ప తన దగ్గర రూ. 3 కోట్లు వసూలు చేసిందట. ఆ డబ్బు తిరిగి ఇవ్వకుండా ఇబ్బందులకు గురి చేస్తొందంటూ ఈ యంగ్‌ హీరో పోలీసులను ఆశ్రయించినట్టు తెలుస్తోంది. కాగా ‘సెహరి’ సినిమాతో హర్ష్ కనుమల్లి హీరోగా పరిచయమయ్యాడు. వీరితో పాటు మరో స్టార్‌ హీరో కూడా శిల్ప బాధితుల్లో ఉన్నట్లు సమాచారం. కాగా కిట్టి పార్టిలు, రియల్‌ ఎస్టేట్‌ వ్యాపారం పేరుతో శిల్పా చౌదరి సెలబ్రెట్రీలతో పాటు నగరానికి చెందిన ప్రముఖుల వద్ద దాదాపు రూ. 200 కోట్లు రూపాయ‌లు వ‌సూలు చేశారు.  చదవండి: అన్నయ్యను ఇలా పరిచయం చేస్తాననుకోలేదు: హీరో ఆవేదన ఆమె మాయమాటలకు ప్రముఖ టాలీవుడ్‌ హీరో కుటుంబం కూడా రూ. 12 కోట్లు మోసపోయినట్లు సమాచారం. వారు టాలీవుడ్‌ అగ్రహీరోకు అత్యంత ఆప్తులుగా తెలుస్తోంది. సినిమా ఇండస్ట్రీ, రియల్‌ ఎస్టేట్‌ వ్యాపారంలో పెట్టుబడి కోసం ఒక్కొక్కరి వద్ద రూ. 6 కోట్ల చొప్పున మొత్తం 12 కోట్లు వసూలు చేసినట్లు తెలిసింది. మరో సీనియర్‌ నటుడు కూడా రూ. 2.4 కోట్లు మోసపోయినట్లు సమాచారం. శిల్పా చౌదరి బాగోతాలు వెలుగులోకి రావడంతో బాధితులు బంజారాహిల్స్‌, జూబ్లీహిల్స్‌, పంజాగుట్ట తదితర పోలీస్‌ స్టేషన్‌ల్లో ఫిర్యాదు చేస్తున్నట్లు తెలుస్తోంది. చదవండి: వైరల్‌ అవుతోన్న కమెడియన్‌ రఘు షాకింగ్‌ వీడియో!  కాగా యంగ్‌ హీరో సుధీర్‌బాబు భార్య ప్రియదర్శిని దగ్గర 2 కోట్ల 90 లక్షల రూపాయలు తీసుకుని మూడు నకిలీ చెక్కులు, నకిలీ బంగారాన్ని ష్యూరిటీ కింద ఇచ్చినట్టు బయట పడింది. చెక్కు మార్చేందుకు ఇండియన్‌ బ్యాంక్‌కు వెళ్లిన ప్రియదర్శిని.. మోసపోయినట్టు తెలుసుకుని అవాక్కయింది. దీంతో పోలీసులను ఆశ్రయించింది. శిల్పా చౌదరి 50 కోట్ల రూపాయలు హవాలా ద్వారా దుబాయ్ తరలించినట్లు తెలుస్తోంది. ఈ క్రమంలో శిల్పా చౌదరికి చెందిన 6 బ్యాంక్ అకౌంట్స్‌పై నార్సింగ్‌ పోలీసులు ఆరా తీస్తున్నారు.

Young Hero Sudheer Babu Wife Priyadarshini Files Complaint Over Rs 2.9 Crore Cheating Case: అధిక వడ్డి ఇప్పిస్తానంటూ ముగ్గురు టాలీవుడ్‌ హీరోలతో పాటు నగరానికి చెందిన ప్రముఖులను మోసం చేసిన వ్యాపారవేత్త శిల్పా చౌదరి వ్యవహరం సంచలనం రేపుతోంది. రూ. 100 కోట్ల నుంచి రూ. 200 కోట్ల మేర శిల్ప పలువురికి కుచ్చు టోపి పెట్టింది. దీంతో ఓ మహిళ చేతిలో అంత ఈ జీగా మోసపోయింది పేరున్న వ్యక్తులు, సెలబ్రెటీలు అని తెలిసి అందరూ షాకవుతున్నారు.  చదవండి: ఏపీ వరదలు: బాధితుల కోసం చిరంజీవి, మహేశ్‌, తారక్‌ల భారీ విరాళాలు దివ్య రెడ్డి అనే మహిళ ఫిర్యాదుతో రంగంలోకి దిగిన పోలీసులు శిల్ప ఆమె భర్తను శనివారం (నవంబర్‌ 27) ఉదయం అరెస్టు చేసి 14 రోజుల రిమాండ్‌కు తరలించారు. ఇక వారి రిమాండ్‌ రిపోర్టులో పోలీసులు సంచలన విషయాలు వెల్లడించారు. రియల్‌ ఎస్టెట్‌ వ్యాపారం పేరుతో శిల్ప మోసాలకు పాల్పడినట్లు పోలీసులు వెల్లడించారు. ఈ కేసు వెలుగులోకి వచ్చిన 5 రోజుల తర్వాత ఓ అగ్ర హీరో సోదరి, యంగ్‌ హీరో భార్య మాదాపూర్‌ పోలీసులను ఆశ్రయించారు. చదవండి: Cheating Case: సినీ సెలబ్రిటీలను రూ. 200 కోట్లు మోసం, రిమాండ్‌లో కీలక విషయాలు వెల్లడి ఆమె ఎవరో కాదు సూపర్‌ స్టార్‌ మహేశ్‌ బాబు సోదరి, యంగ్‌ హీరో సుధీర్‌ బాబు భార్య ప్రియదర్శిని. శిల్ప తన దగ్గర డబ్బు తీసుకుని మోసం చేసిందంటూ బుధవారం(డిసెంబర్‌ 1) ప్రియదర్శని పోలీసులను ఆశ్రయించారు. తన వద్ద రూ. 2.9 కోట్లు తీసుకుని శిల్ప మోసం చేసినట్లు ఆమె మాదాపూర్‌ పోలీసు స్టేషన్‌లో ఫిర్యాదు చేశారు. డబ్బుల కోసమే ఆమె ప్రతి వీకెండ్‌లో కిట్టి పార్టీ ఏర్పాటు చేసేదని ప్రియదర్శిని తన ఫిర్యాదులో పేర్కొన్నారు. ఈ నేపథ్యంలో శిల్పను మరోసారి కస్టడిలోకి తీసుకుని డబ్బులు ఎక్కడికి తరలించారనే దానిపై విచారిస్తామని పోలీసులు తెలిపారు. 

ఇటీవల సుధీర్‌ బాబు, తెలుగమ్మాయి ఆనంది హీరోహీరోయిన్లుగా నటించిన చిత్రం ‘శ్రీదేవి సోడా సెంటర్‌’. ‘పలాస 1978’ ఫేమ్‌ కరుణ కుమార్‌ దర్శకత్వం వహించిన ఈ చిత్రం ఆగస్ట్‌ 27న విడుదలైంది. ఇదిలా ఉంటే దీపావళి కానుకగా ఈ మూవీ మరోసారి ప్రేక్షకుల ముందుకు రాబోతోంది. ప్రముఖ  ఓటీటీ సంస్థ జీ5 తెలుగులో నవంబరు 4 నుంచి స్ట్రీమింగ్ కానుందని సోషల్ మీడియాలో వెల్లడించారు. చదవండి: విజయ్‌ డ్యాన్స్‌ ఇరగదీస్తున్నాడు: చార్మీ కరోనా సెకండ్ వేవ్ తగ్గుముఖం పట్టిన తర్వాత థియేటర్లలో విడుదలైన చిత్రాల్లో ‘శ్రీదేవి సోడా సెంటర్’ కూడా ఒకటి. విలేజ్‌ బ్యాక్‌గ్రౌండ్‌ ప్రేమకథా చిత్రంగా తెరకెక్కిన ఈ మూవీకి ఎన్నో అంచనాల మధ్య విడుదలై కొన్ని వర్గాల ప్రేక్ష్‌కుల బాగా ఆకట్టుకోగా.. మిరికొందరి నుంచి మిశ్రమ స్పందన తెచ్చుకుంది. ఇందులో నరేశ్, షావుల్ నవగీతమ్ కీలక పాత్రలు పోషించారు. 70ఎమ్‌ఎమ్‌ ఎంటర్‌టైనమెంట్ పతాకంపై విజయ్ చిల్లా, దేవిరెడ్డి శశి నిర్మించారు.  From bigg screens to ur home screens, coming to make ur diwali more special.. I am sure love for #SrideviSodaCenter will just grow bigger & bigger 🤟🤗 Premiers on 4th November exclusively on @ZEE5Telugu #sridevisodacenterOnZee5 @70mmEntertains @Karunafilmmaker @anandhiactress pic.twitter.com/CxtHg8Put0 — Sudheer Babu (@isudheerbabu) October 21, 2021 చదవండి: పెళ్లిలో క‌లిసిన‌ మెగా బ్రదర్స్‌.. నవ్వుతున్న ఫోటోలు వైరల్‌

Mahesh Babu Sister Sudheer Babu Wife Priya Darshini Birthday Celebrations: సూపర్‌స్టార్‌ మహేశ్‌ బాబు చెల్లెలు, హీరో సుధీర్‌ బాబు భార్య  ప్రియదర్శిని ఘట్టమనేని పుట్టినరోజు వేడుకలు ఘనంగా జరిగాయి.  ఇంట్లోనే కుటుంబసభ్యుల మధ్య బర్త్‌డే సెలబ్రేషన్స్‌ జరిగాయి. సూపర్‌ స్టార్‌ కృష్ణతో, మంజుల సహా పలువురు కుటుంబ సభ్యుల మధ్య ప్రియదర్శిని కేక్‌ కట్‌ చేసి పుట్టినరోజును సెలబ్రేట్‌ చేసుకున్నారు. దీనికి సంబంధించిన ఫోటోలు ప్రస్తుతం సోషల్‌ మీడియాలో వైరల్‌గా మారాయి. చదవండి: సమంత ఇన్‌స్టా పోస్ట్‌.. పర్సనల్‌ లైఫ్‌ గురించేనా? సుధీర్‌బాబు సైతం భార్యకు బర్త్‌డే విషెస్‌ తెలియజేస్తూ ఇన్‌స్టాగ్రామ్‌లో పోస్టును షేర్‌చేశారు. 'హ్యాపీ బర్త్‌డే ప్రియ..నీతో ప్రతీ సంవత్సరం మునుపటి ఏడాది కంటే మెరుగ్గా ఉంటుంది. ప్రతిరోజూ కుటుంబాన్ని ఎంతో సంతోషంగా చూసుకుంటూ ప్రేమను పంచుతున్నందుకు ధన్యవాదాలు' అంటూ శ్రీమతికి ప్రేమగా బర్త్‌డే విషెస్‌ను తెలియజేశారు.  చదవండి: హీరోయిన్‌ కాజల్‌ ముఖ్యమైన ప్రకటన..ఇన్‌స్టాలో పోస్ట్‌ (ఫొటో గ్యాలరీ కోసం ఇక్కడ క్లిక్ చేయండి) View this post on Instagram A post shared by Sudheer Babu (@isudheerbabu)

సాక్షి,ఏలూరు(ఆర్‌ఆర్‌పేట): శ్రీదేవి సోడా సెంటర్‌ చిత్రం తన జీవితంలో ఒక తీపి జ్ఞాపకాన్ని ఇచ్చిందని ఆ చిత్ర హీరో సుదీర్‌ బాబు అన్నారు. ఇటీవల విడుదలైన ఈ చిత్రం విజయవంతంగా ప్రదర్శించబడుతున్న సందర్భంగా విజయోత్సవ యాత్రలో భాగంగా మంగళవారం నగరంలో చిత్రం ప్రదర్శిస్తున్న అంబికా థియేటర్‌కు చిత్ర బృందం విచ్చేసింది. తొలుత చిత్రంలోని నటీనటులు, సాంకేతిక నిపుణులు ప్రేక్షకులను ప్రత్యక్షంగా కలుసుకుని కృతజ్ఞతలు తెలిపారు. చిత్రం ఎలా ఉంది అని అడిగి వారి నుంచి సానుకూల సమాధానం రాబట్టారు. ఈ సందర్భంగా హీరో సుదీర్‌బాబు చిత్రంలోని డైలాగులను చెప్పి ప్రేక్షకులను అలరించారు. అనంతరం ఏర్పాటు చేసిన విలేకరుల సమావేశంలో హీరో మాట్లాడుతూ చిత్రం తాము ఊహించిన దానికంటే ఎక్కువగా విజయవంతమైందన్నారు. ప్రేక్షకులకు వినోదం పంచుతూ వారి ఆదరణ పొందుతోందన్నారు. ఈ విజయం స్ఫూర్తిగా మరిన్ని విభిన్న కథలతో ప్రేక్షకుల ముందుకు వస్తానని చెప్పారు. దర్శకుడు కిరణ్‌కుమార్‌ మాట్లాడుతూ తమ చిత్రంలో సుదీర్‌బాబు నటన హైలెట్‌గా నిలిచిందన్నారు. కుటుంబంతో కలిసి చూసే విధంగా చిత్రాన్ని వినోదాత్మకంగా నిర్మించామని, విడుదలైన అన్ని సెంటర్లలో చిత్రం విజయవంతంగా ప్రదర్శించబడుతోందని, వర్షాలు, కోవిడ్‌ భయం వెంటాడుతున్నా తమ చిత్రాన్ని ప్రేక్షకులు ఆదరిస్తున్నారన్నారు. థియేటర్‌ మేనేజర్‌ రఘు, జీఎం వెంకట్, సుదీర్‌కుమార్‌ అభిమాన సంఘం నాయకులు పాల్గొన్నారు. చదవండి: Seetimaarr Trailer: సీటీమార్‌ ట్రైలర్‌ చూశారా?   

‘‘మా సినిమా చూసిన ప్రేక్షకులకు సూరిబాబు, శ్రీదేవి పాత్రలు గుర్తుండిపోతాయి. చూసినవాళ్లందరూ బాగుందని అభినందిస్తున్నారు. మహేశ్‌ (హీరో మహేశ్‌బాబు) అనే వ్యక్తికి రెండొందల కోట్లు ఇచ్చినా, బెదిరించినా సరే తను నమ్మనిదే తన కెరీర్‌లో ఏమీ చేయడు. మా ‘శ్రీదేవి సోడా సెంటర్‌’ని అభినందిస్తూ ఆయన ట్వీట్‌ చేశాడు’’ అన్నారు సుధీర్‌బాబు. కరుణ కుమార్‌ దర్శకత్వంలో సుధీర్‌బాబు, ఆనంది జంటగా విజయ్‌ చిల్లా, శశి దేవిరెడ్డి నిర్మించిన ‘శ్రీదేవి సోడా సెంటర్‌‘ ఆగస్ట్‌ 27న విడుదలైంది. ఈ సందర్భంగా కరుణ కుమార్‌ మాట్లాడుతూ– ‘‘మంచి సినిమా తీస్తే ప్రేక్షకులు ఆదరిస్తారని మరోసారి మా సినిమా నిరూపించింది. మహిళలందరూ చూడాల్సిన సినిమా ఇది’’ అన్నారు. ‘‘మంచి కంటెంట్‌తో తీసిన మా సినిమాకు అభినందనలు దక్కుతున్నాయి. ఇంకా థియేటర్స్‌ పెంచుతున్నాం’’ అన్నారు విజయ్‌ చిల్లా, శశి దేవిరెడ్డి.  చదవండి : ‘శ్రీదేవీ సోడా సెంటర్’పై మహేశ్‌ బాబు రివ్యూ Sridevi Soda Center Review: శ్రీదేవి సోడా సెంటర్‌ రివ్యూ

సుధీర్‌ బాబు హీరోగా నటించిన తాజా చిత్రం ‘శ్రీదేవి సోడా సెంటర్‌’. ‘పలాస 1978’ ఫేమ్‌ కరుణ కుమార్‌ దర్శకత్వం వహించిన ఈ చిత్రంలో తెలుగమ్మాయి ఆనంది హీరోయిన్‌గా నటించింది. ఎన్నో అంచనాల మధ్య శుక్రవారం (ఆగస్ట్‌ 27) ప్రేక్షకుల ముందుకు వచ్చిన ఈ చిత్రానికి మిశ్రమ స్పందన వచ్చింది. రొటీన కథ అని కొందరంటే, సినిమా అదిరిపోయిందని మరికొంత మంది అంటున్నారు. ఇక ఈ మూవీపై తనదైన శైలీలో రివ్యూ ఇచ్చాడు సూపర్‌ స్టార్‌ మహేశ్‌బాబు. శుక్రవారం తన ఇంట్లోని మినీ థియేటర్లలో సినిమాను వీక్షించిన మహేశ్‌.. దర్శకుడు కరుణ కుమార్‌, హీరో సుధీర్‌ బాబుపై ప్రశంసల జల్లుకురిపించాడు. (చదవండి: శ్రీదేవి సోడా సెంటర్‌ రివ్యూ) ‘శ్రీదేవీ సోడా సెంటర్ రా అండ్ ఇంటెన్స్ మూవీ.. అంతేకాకుండా అదిరిపోయే క్లైమాక్స్ కూడా ఉంది. ‘పలాస’ తరువాత దర్శకుడు కరుణ కుమార్ అద్భుతమైన బోల్డ్ మూవీతో మన ముందుకు వచ్చాడు. సుధీర్ బాబు అద్భుతంగా నటించాడు. ఇప్పటి వరకు చేసిన దాంట్లో ఇదే తన బెస్ట్ ఫెర్మార్మెన్స్‌. నరేష్ గారు ఎప్పటిలానే అవలీలగా,అద్భుతంగా చేసి అలరించారు. హీరోయిన్ ఆనంది గురించి కూడా ప్రత్యేకంగా చెప్పుకోవాలి. టీమ్‌ అందరికి మరోసారి శుభాకాంక్షలు’అని మహేశ్‌ వరుస ట్వీట్లు చేశాడు. #SrideviSodaCenter... a raw and intense film with a hard-hitting climax. Director @Karunafilmmaker comes up with yet another bold film after Palasa 1978. @isudheerbabu, is absolutely brilliant!! His finest performance till date 👏👏👏 — Mahesh Babu (@urstrulyMahesh) August 27, 2021

టైటిల్‌: శ్రీదేవి సోడా సెంటర్‌ నటీనటులు: సుధీర్‌ బాబు, ఆనంది, నరేశ్‌, పావల్‌ నవగీతమ్‌, తదితరులు దర్శకత్వం: కరుణ కుమార్‌ నిర్మాతలు: విజయ్‌ చిల్లా, శశి దేవిరెడ్డి నిర్మాణ సంస్థ: 70 ఎమ్‌ఎమ్‌ ఎంటర్‌టైన్‌మెంట్స్‌ బ్యానర్‌ సంగీతం: మణిశర్మ సినిమాటోగ్రఫీ: శ్యామ్‌దత్‌ సైనుద్దీన్‌ విడుదల తేదీ: 27 ఆగస్టు 2021 Sridevi Soda Center Movie Review: సుధీర్ బాబు, ఆనంది ప్రధాన పాత్రల్లో నటించిన చిత్రం​ ‘శ్రీదేవి సోడా సెంటర్'. అమలాపురం బ్యాక్‌ డ్రాప్‌లో రూపొందించిన ఈ సినిమాకు 'పలాస 1978' డైరెక్టర్‌ కరుణకుమార్‌ దర్శకత్వం వహించారు. 'వి' పరాజయం తర్వాత సుధీర్‌బాబు చేస్తున్న సినిమా కావడంతో ఈ సినిమాపై సర్వత్రా ఆసక్తి నెలకొంది. ఇందులో ఎలక్ట్రీషియన్‌ సూరిబాబుగా నటించిన హీరో తనకు ఇష్టమైన అమ్మలాంటి అమ్మాయిని గాఢంగా ప్రేమిస్తాడు. కానీ వీరి ప్రేమ ఎన్నో మలుపులు తిరుగుతూ చివరాఖరకు ఏ తీరానికి చేరుకుందనేది మిగతా కథ. 'చాలామంది మలయాళ సినిమా కథల గురించే మాట్లాడుకుంటారు. కానీ మా సినిమా చూశాక తెలుగు సినిమా కథల గురించి మాట్లాడుకుంటారని ఎంతో ధీమాగా చెప్పాడు సుధీర్‌ బాబు. మరి ఆగస్టు27న విడుదలైన ఈ సినిమా నిజంగానే జనాలను కట్టిపడేసిందా? లేదా అన్నది తెలియాలంటే రివ్యూలోకి వెళ్లాల్సిందే! కథ సూరిబాబు (హీరో సుధీర్‌ బాబు) అమలాపురంలో ఎలక్ట్రీషియన్‌. ఓ గుడిలో లైట్‌ సెట్టింగ్‌ వేస్తున్న సమయంలో అక్కడ సోడాలు అమ్ముకునే శ్రీదేవి(ఆనంది)ని చూసి లవ్‌లో పడతాడు. ఆ తర్వాత ఇద్దరూ ప్రేమించుకుంటారు. ఒకరినొకరు పెళ్లి చేసుకోవాలనుకుంటారు. అదే సమయంలో ఆ ఊళ్లో పంచాయతీ ప్రెసిడెంట్ కొడుకు కాశీ.. శ్రీదేవిని ఇష్టపడతాడు. దానికితోడు సూరిబాబును తక్కువ కులం అని వారి ప్రేమను భగ్నం చేయాలనుకుంటాడు. మరోపక్క మూడు ముళ్లు వేసేందుకు మనసులు కలిస్తే సరిపోదని, కులం కూడా కలవాలంటూ ఈ ప్రేమజంట పెళ్లికి విముఖత చూపిస్తారు పెద్దలు. ఇంతలో ఆ గ్రామంలో హత్య జరుగుతుంది. దానికి సూరిబాబే కారణమని అతడిని జైల్లో వేస్తారు. ఆ తర్వాత ఏం జరిగింది? సూరిబాబు జైలు నుంచి విడుదలయ్యాడా? అతడు జైలు నుంచి తిరిగొచ్చేలోపు శ్రీదేవి పెళ్లి చేసుకోకుండా ఒంటరిగా ఉందా? లేదా కులం కట్టుబాట్లను దాటుకుని సూరిబాబుతో ఏడడుగులు నడిచిందా? అదీ కాకుండా పెద్దల మనసు మార్చి వారి ఆశీస్సులతో పెళ్లి చేసుకున్నారా? అసలు సూరిబాబుకు ఆ హత్యకు సంబంధం ఏంటి? విలన్‌ కాశీ, హీరోయిన్‌ తండ్రి చావుకు కారణాలేంటి? అన్న ప్రశ్నలకు సమాధానం తెలియాలంటే థియేటర్లలో బొమ్మ చూడాల్సిందే! విశ్లేషణ సుధీర్‌ బాబు సిక్స్‌ప్యాక్‌ కోసం పడ్డ కష్టం ఏమాత్రం వృథా కాలేదు. అతడి పర్ఫామెన్స్‌ను, అప్పియరెన్స్‌ను అభిమానులు ఎంజాయ్‌ చేస్తారు. ఇక కథ స్టార్ట్‌ అవడమే జైలు సన్నివేశంతో మొదలవుతుంది. తర్వాత వచ్చే బోట్‌ సీన్లు, ఫైటింగ్‌, బీజీఎమ్‌ ఓ లెవల్లో ఉంటాయి. పల్లెటూరి అందాలను తెరపై మనోహరంగా చూపించారు. కామెడీ, ప్రేమ కథతో ఫస్ట్‌ హాఫ్‌ అలా అలా సాగిపోతుంది. లవ్‌ స్టోరీ కొంత రొటీన్‌గా అనిపించక మానదు. పైగా కథలో పలు సన్నివేశాలను ప్రేక్షకుడు ముందే ఊహించేలా ఉండటం నెగెటివ్‌ అని చెప్పొచ్చు. సెకండాఫ్‌లో ఊహించని ట్విస్టులు ఎదురవుతుంటాయి. శ్రీదేవిని విలన్‌కిచ్చి పెళ్లి చేస్తాడు ఆమె తండ్రి. అయినప్పటికీ శ్రీదేవి అతడితో జీవించేందుకు అంగీకరించదు. హీరో రాక కోసం నిరీక్షిస్తుంది. అతడితో వెళ్లిపోవాలని డిసైడ్‌ అవుతుంది. ఈ క్రమంలో కథను ఊహించని మలుపు తిప్పుతాడు డైరెక్టర్‌. ఎమోషనల్‌ సీన్లతో ప్రేక్షకులను కంటతడి పెట్టించే ప్రయత్నం చేశాడు. కానీ నత్తనడకన సాగే కథతో ఆడియన్స్‌ సహనానికి పరీక్ష పెట్టాడు. ఇక కథ చివర్లో వచ్చే క్లైమాక్స్‌ సినిమా మొత్తానికే హైలెట్‌గా నిలుస్తుంది. సినిమా గురించి స్థూలంగా చెప్పాలంటే పాత చింతకాయ పచ్చడికే మరికొంత మసాలా వేసి జనాలకు వడ్డించాడు డైరెక్టర్‌.  నటీనటులు సుధీర్‌ బాబు సినిమా కోసం ప్రాణం పెట్టినట్లు కనిపిస్తుంది. సూరిబాబు పాత్రలో జీవించేశాడు. లవ్‌ సీన్లు, ఎమోషనల్‌ సీన్లలో ఇరగదీశాడు. హీరోయిన్‌ ఆనంది కూడా సుధీర్‌తో పోటీపడి మరీ నటించింది. నరేశ్‌ నటన గురించి ప్రత్యేకంగా చెప్పాల్సిన పని లేదు. ఇతర నటీనటులు కూడా తమ పాత్రల పరిధి మేరకు నటించారు. ప్లస్ పాయింట్స్ ♦ క్లైమాక్స్‌ ♦ సంగీతం ♦ సినిమాటోగ్రఫీ మైనస్ పాయింట్స్ ♦ రొటీన్‌ కథ ♦ ఫస్టాఫ్‌

‘‘సుధీర్‌ బాబు ఎలాంటి పాత్రలైనా చేయగలడు’ అనే పేరు వచ్చింది. కథలు రాసుకున్న తర్వాత ఆ పాత్రకు నేను సరిపోతాననే నమ్మకంతో నా వద్దకు వస్తున్నారు. అందుకే నాకు ఎక్కువ ఫెయిల్యూర్స్‌ లేవు. ఇండస్ట్రీలో నాకు లాంగ్‌ రన్‌ ఉంటుందనేది నా ఫీలింగ్‌. నా ప్రతి సినిమా నన్ను ఒక్కో మెట్టు పైకి ఎక్కిస్తోంది’’ అన్నారు సుధీర్‌ బాబు. కరుణ కుమార్‌ దర్శకత్వంలో సుధీర్‌ బాబు, ఆనంది జంటగా నటించిన చిత్రం ‘శ్రీదేవి సోడా సెంటర్‌’. విజయ్‌ చిల్లా, శశి దేవిరెడ్డి నిర్మించిన ఈ సినిమా నేడు విడుదలవుతోంది. ఈ సందర్భంగా సుధీర్‌ బాబు చెప్పిన విశేషాలు. ‘పలాస 1978’ సినిమా చూసి, మంచి లైన్‌ ఉంటే చెప్పండి, సినిమా చేద్దామని కరుణ కుమార్‌కి ఫోన్‌ చేశాను. కొద్ది రోజుల తర్వాత ‘శ్రీదేవి సోడా సెంటర్‌’ లైన్‌ చెప్పారు, బాగుందన్నాను. ఇందులో ఎలక్ట్రీషియన్‌ సూరిబాబు పాత్రలో కనిపిస్తాను. తనకు ఇష్టమైన అమ్మలాంటి అమ్మాయితో ప్రేమలో పడ్డాక ఏం జరిగిందన్నదే కథ. చాలామంది మలయాళ సినిమా కథల గురించే మాట్లాడుకుంటారు. మా సినిమా చూశాక తెలుగు సినిమా కథల గురించి మాట్లాడుకుంటారు. ఒక గ్రామంలోని మనుషుల స్వభావాలు, అహం, రాజకీయాలను చూపించాం. ♦ కృష్ణగారు, మహేశ్‌ బాబుల సినిమాలను కేస్‌ స్టడీస్‌లా తీసుకుంటాను. అయితే వారిలా కాకుండా నా శైలిలో నటించేందుకు ప్రయత్నిస్తా. కేవలం అభిమానులు చూస్తే సినిమాలు హిట్‌ అయిపోవు. అన్ని వర్గాల ప్రేక్షకులు చూస్తేనే హిట్‌ అవుతాయి.. అందుకు తగ్గట్టే కథలను ఎంచుకుంటున్నాను.  ♦హీరోగా చేసేందుకే నా తొలి ప్రాధాన్యం. ఆ తర్వాతే విలన్, ఇతర పాత్రల గురించి ఆలోచిస్తా. ‘భాగీ’ తర్వాత హిందీలో అవకాశాలొచ్చినా తెలుగులో బిజీగా ఉండటంతో హిందీపై దృష్టి పెట్టడం లేదు. ప్రస్తుతం ఇంద్రగంటి మోహనకృష్ణతో ఓ సినిమా, ‘ఆ అమ్మాయి గురించి మీకు చెప్పాలి’ చేస్తున్నాను. ఆ తర్వాత పుల్లెల గోపీచంద్‌ బయోపిక్, హర్షవర్ధన్‌ దర్శకత్వంలో ఓ సినిమా, ‘70 ఎంఎం’ బ్యానర్‌లోనే మరో సినిమా చేస్తాను.  చదవండి :  'కథ చెప్పడానికి ఫోన్‌ చేస్తే..మేనేజర్లకు చెప్పమన్నారు' హీరో శింబుకు ఊరట.. రెడ్‌కార్డు రద్దు

‘‘పరభాషా చిత్రాలు చూసి తెలుగులో అలాంటివి రావడం లేదని ఆ చిత్రాలను అభినందిస్తుంటాం. ‘శంకరాభరణం, సిరివెన్నెల, జ్యోతి, విజేత, ఛాలెంజ్‌’ వంటి లిటరేచర్‌ బేస్డ్‌ సినిమాలు తెలుగులో వచ్చినన్ని ఇతర భాషల్లో రాలేదు. ప్రపంచాన్ని షేక్‌ చేసిన ‘అరుంధతి, బాహుబలి’ వంటి సినిమాలు కూడా తెలుగులోనే వచ్చాయి. కథలు చెబుదామనే నేను ఇండస్ట్రీకి వచ్చాను. నేను రాసుకునే సినిమా కథల్లో కథలే హీరోలు’’ అన్నారు కరుణ కుమార్‌. సుధీర్‌బాబు, ఆనంది జంటగా కరుణ కుమార్‌ దర్శకత్వంలో విజయ్‌ చిల్లా, శశిదేవి రెడ్డి నిర్మించిన ‘శ్రీదేవి సోడా సెంటర్‌’ ఈ నెల 27న విడుదల కానుంది. ఈ సందర్భంగా కరుణ కుమార్‌ మాట్లాడుతూ – ‘‘అమలాపురం పక్కన ఉన్న గ్రామాల బ్యాక్‌డ్రాప్‌లో సాగే లవ్‌స్టోరీ ‘శ్రీదేవి సోడా సెంటర్‌’. ఓ సోడా సెంటర్‌ యజమాని కూతుర్ని ఓ ఎలక్ట్రీషియన్‌ ప్రేమిస్తాడు. అక్కడి ప్రాంతాల్లోని సాంఘిక, ఆర్థిక, సామాజిక పరమైన ఇబ్బందుల వల్ల వీరి ప్రేమకథ ఏమైంది? అన్నదే ఈ సినిమా కంథాంశం. సుధీర్‌కి రెండు కథలు చెబితే,  ‘శ్రీదేవి సోడా సెంటర్‌’ను సెలక్ట్‌ చేసుకున్నారు. నిర్మాతలు మంచి ఫ్రీడమ్‌ ఇచ్చారు. ఈ సినిమాలో మణిశర్మగారి కొత్తరకం బాణీలు వింటారు’’ అని అన్నారు. ఇంకా మాట్లాడుతూ.. నా సినిమాలో హీరోయిన్‌ పాత్ర కోసం కొంతమంది తెలుగు అమ్మాయిలకు ఫోన్‌ చేయగా, కొందరు సినిమాలో ‘హీరో ఎవరు?’ అని అడిగారని, మరికొందరు వాళ్ల మేనేజర్‌కు కథలు చెప్పమన్నారనీ.. అంతేకానీ కథలు ఎవరూ వినలేదనీ అన్నారు కరుణ కుమార్‌.   చదవండి : ‘సర్కారువారి పాట’ : గోవా షెడ్యూల్‌ పూర్తి  అందగత్తెను కాదని ఎగతాళి చేశారు: నటి భావోద్వేగం  

‘‘సినిమా సినిమాకు మేం గ్యాప్‌ తీసుకోవడం లేదు. మంచి కథ కుదిరితేనే సినిమా చేస్తాం. కథలు వినడమే మా పని. కథ నచ్చితే పెద్ద హీరోలతో సినిమాలు చేయడానికి సిద్ధంగా ఉన్నాం’’ అన్నారు నిర్మాతలు విజయ్‌ చిల్లా, శశిదేవి రెడ్డి. సుధీర్‌బాబు, ఆనంది జంటగా కరుణకుమార్‌ డైరెక్షన్‌లో రూపొందిన  చిత్రం ‘శ్రీదేవి సోడా సెంటర్‌’. ఈ సినిమా ఈ నెల 27న విడుదల కానుంది. (చదవండి: ఒక్క రోజు లేట్‌ అయితే చచ్చిపోయేవాడ్ని.. చిరంజీవి కాపాడాడు : బండ్ల గణేశ్‌) ఈ సందర్భంగా చిత్రనిర్మాతలు విజయ్‌ చిల్లా, శశిదేవి రెడ్డి మాట్లాడుతూ – ‘‘ఈ సినిమా షూట్‌ స్టార్ట్‌ చేసిన రోజే మెయిన్‌ కెమెరా పడిపోయింది. లక్కీగా కెమెరాకు ఏం కాలేదు. తర్వాతి రోజు క్యారవ్యాన్‌ అసిస్టెంట్‌కు షాక్‌ కొట్టి గాయపడ్డాడు. ఆ నెక్ట్స్‌ రోజు క్యారవాన్‌ ఓ గోతిలో ఇరుక్కుపోయింది. అన్నింటికంటే ముఖ్యంగా నా బ్రదర్‌ (విజయ్‌ చిల్లా సోదరుడు)ను కోల్పోయాను. దాదాపు నెల రోజులు బ్రేక్‌ తీసుకుని షూట్‌ను స్టార్ట్‌ చేశాం. ఈ రూరల్‌ లవ్‌స్టోరీలో సుధీర్‌బాబు, ఆనంది బాగా చేశారు. గ్రామీణ రాజకీయాలు, కులాల ప్రస్తావన వంటి అంశాలను ఎలా డీల్‌ చేశామన్నది వెండితెరపై చూడాలి. ఈ చిత్రానికి మణిశర్మగారు మంచి సంగీతం అందించారు. మోషన్‌ పోస్టర్‌ను రిలీజ్‌ చేసిన వెంటనే మా సినిమాకు బజ్‌ స్టార్ట్‌ అయ్యింది. అలాగే గ్లింప్స్‌ విడుదల చేశాక బిజినెస్‌ ఊపందుకుంది. తెలుగు రాష్ట్రాల్లో దాదాపు 500 థియేటర్స్‌లో, ఓవర్‌సీస్‌లో 120 థియేటర్స్‌లో సినిమా రిలీజ్‌ను ప్లాన్‌ చేశాం’’ అన్నారు.

‘‘సూపర్‌స్టార్‌ మహేశ్‌బాబుగారి బ్యాగ్రౌండ్‌ ఉండి కూడా తనను తాను నిరూపించుకోవడానికి కష్టపడుతున్నారు సుధీర్‌బాబు. యాక్టింగ్, బ్యాడ్మింటన్, క్రికెటర్, ఫైటర్, డ్యాన్సర్‌.. ఇలా ప్రతి దాంట్లో నిరూపించుకుంటున్న సుధీర్‌ని ఆల్‌ రౌండర్‌ అంటాను. ‘భలే మంచి రోజు, యాత్ర, ఆనందో బ్రహ్మ’.. ఇప్పుడు ‘శ్రీదేవి సోడా సెంటర్‌’.. ఇలా వినూత్న సినిమాలు నిర్మిస్తున్న విజయ్, శశిలకు నా అభినందనలు’’ అని అన్నారు దర్శకుడు అనిల్‌ రావిపూడి. సుధీర్‌బాబు, ఆనంది జంటగా ‘పలాస 1978’ ఫేమ్‌ కరుణకుమార్‌ దర్శకత్వంలో విజయ్‌ చిల్లా, శశి దేవిరెడ్డి నిర్మించిన చిత్రం ‘శ్రీదేవి సోడా సెంటర్‌’. ఈ నెల 27న ఈ సినిమా విడుదల కానున్న సందర్భంగా జరిగిన ప్రీ రిలీజ్‌ వేడుకలో దర్శకుడు ఇంద్రగంటి మోహనకృష్ణ మాట్లాడుతూ – ‘‘రిస్క్‌ తీసుకోవడానికి భయపడని సుధీర్‌లాంటి వ్యక్తులంటే నాకు ఇష్టం. విజయ్, శశి ప్యాషనేట్‌ ప్రొడ్యూసర్స్‌’’ అన్నారు. ‘‘చిరంజీవిగారు ప్రమోట్‌ చేసిన నా ‘సమ్మోహనం’ హిట్‌. ఇప్పుడు ఈ సినిమా ప్రమోషన్‌ ఆయనతో ఆరంభమైంది. అందుకే చిరంజీవిగారు నాకు లక్కీ హ్యాండ్‌. ‘సుధీర్‌కు కరెక్ట్‌ సినిమా పడితే కెరీర్‌లో నెక్ట్స్‌ లెవల్‌కు వెళతాడు’ అని ఓ సందర్భంలో మహేశ్‌ అన్నారు. ఆ సినిమా ఇదే అవుతుందనుకుంటున్నాను’’ అన్నారు సుధీర్‌బాబు. ‘‘చాన్స్‌ ఇచ్చిన సుధీర్, విజయ్, శశిలకు థ్యాంక్స్‌’’ అన్నారు కరుణకుమార్‌. ‘‘పలాస’ చూసినప్పుడే కరుణకుమార్‌తో సినిమా చేయాలనుకున్నాం. సినిమా బాగా వచ్చింది. బిజినెస్‌ బాగా జరిగింది’’ అన్నారు విజయ్, శశి. కార్తికేయ, అజయ్‌ భూపతి, తమ్మారెడి భరద్వాజ, రాజ్‌ కందుకూరి తదితరులు పాల్గొన్నారు.  చదవండి : మహిళల రక్షణకు దిశ యాప్ ఎంతో ఉపయోగపడుతుంది: అడవి శేషు  నా జీవితంలో జరిగినవే సినిమాలో చూపించా: డైరెక్టర్‌ 

సుధీర్‌ బాబు హీరోగా నటిస్తున్న తాజా చిత్రం ‘శ్రీదేవి సోడా సెంటర్‌’. ‘పలాస 1978’ ఫేమ్‌ కరుణ కుమార్‌ దర్శకత్వం వహిస్తున్నారు. శ్రీదేవి పాత్రలో తెలుగమ్మాయి ఆనంది నటిస్తున్నారు. విజయ్‌ చిల్లా, శశి దేవిరెడ్డి నిర్మిస్తున్నారు. కంప్లీట్ ఫ్యామిలీ ఎంటర్‌టైనర్‌గా రూపొందిన ఈ చిత్రంపై ఇప్పటికే ప్రేక్షకుల్లో భారీ అంచనాలు ఏర్పడ్దాయి. ఇటీవల విడుదలైన పాటలు, టీజర్‌ ఆ అంచనాలు మరింత పెంచాయి.ఈ సినిమాను ఈ నెల 27వ తేదీన థియేటర్లకు తీసుకురానున్నారు. ఈ నేపథ్యంలో ఈ సినిమా నుంచి మహేశ్ బాబు చేతుల మీదుగా ఒక ట్రైలర్ ను రిలీజ్ చేయించారు. ప్రేమ .. పెళ్లి .. ఈ మధ్యలో పరువు సృష్టించే గొడవలు ఈ ట్రైలర్ లో చూపించారు. ‘మంచోడే కానీ.. మనోడు కాదు కదా’, పరువు పోతే ప్రాణం పోయినట్లే’ లాంటి డైలాగ్స్‌ని బట్టే ఈ సినిమాను కులం, పరువు నేపథ్యంలో తెరకెక్కించినట్లు అర‍్థమవుతుంది. ప్రేమ .. పెళ్లి .. ఈ మధ్యలో పరువు సృష్టించే గొడవలు ఈ ట్రైలర్ లో చూపించారు. ప్రేమకి పెద్దలు ఎదురుతిరగడం .. కథానాయకుడు తన ప్రేమకోసం ఎంతకైనా తెగించడం ట్రైలర్ లో ఆవిష్కరించారు. డైలాగ్స్ కూడా బాగున్నాయి. కంటెంట్ చూస్తుంటే యూత్‌ను, మాస్ ను ఒక రేంజ్ లోనే ఆకట్టుకునేలా అనిపిస్తోంది. మాస్ కుర్రాడు సూరిబాబుగా సుధీర్ బాబు అదరగొట్టేశాడు.  ఆనంది లుక్, మణిశర్మ బ్యాక్ గ్రౌండ్ స్కోర్ బాగున్నాయి.

సుధీర్‌ బాబు హీరోగా నటిస్తున్న తాజా చిత్రం ‘శ్రీదేవి సోడా సెంటర్‌’. ‘పలాస 1978’ ఫేమ్‌ కరుణ కుమార్‌ దర్శకత్వం వహిస్తున్నారు. శ్రీదేవి పాత్రలో తెలుగమ్మాయి ఆనంది నటిస్తున్నారు. విజయ్‌ చిల్లా, శశి దేవిరెడ్డి నిర్మిస్తున్నారు. కంప్లీట్ ఫ్యామిలీ ఎంటర్‌టైనర్‌గా రూపొందిన ఈ చిత్రంపై ఇప్పటికే ప్రేక్షకుల్లో భారీ అంచనాలు ఏర్పడ్దాయి. ఇటీవల విడుదలైన పాటలు, టీజర్‌ ఆ అంచనాలు మరింత పెంచాయి.  తాజాగా ఈ చిత్ర విడుదల తేదీని ఖరారు చేసింది చిత్ర బృందం. ఆగస్ట్‌ 27న థియేటర్లలో ఈ సినిమాను విడుదల చేయబోతున్నట్లు ప్రకటించింది. గోదావరి జిల్లా బ్యాక్‌డ్రాప్‌లో తెరకెక్కుతున్న ఈ చిత్రానికి మణిశర్య సంగీతం అందిస్తున్నారు.

సుధీర్‌ బాబు హీరోగా నటిస్తున్న తాజా చిత్రం ‘శ్రీదేవి సోడా సెంటర్‌’. ‘పలాస 1978’ ఫేమ్‌ కరుణ కుమార్‌ దర్శకత్వం వహిస్తున్నారు. శ్రీదేవి పాత్రలో తెలుగమ్మాయి ఆనంది నటిస్తున్నారు. విజయ్‌ చిల్లా, శశి దేవిరెడ్డి నిర్మిస్తున్నారు. మణిశర్మ సంగీతం అందించిన ఈ చిత్రంలోని ‘నాలో ఇన్నాళ్లుగా కనిపించని ఏదో ఇది.. లోలో కొన్నాళ్లుగా నాతో ఏదో అంటున్నది...’ అంటూ సాగే పాటను విడుదల చేశారు. ‘సిరివెన్నెల’ సీతారామ శాస్త్రి సాహిత్యం అందించిన ఈ పాటను దినకర్, రమ్యా బెహ్రా ఆలపించారు. ‘‘ఈ పాటలో సూరిబాబు (సుధీర్‌), శ్రీదేవిల మధ్య లవ్‌ అండ్‌ రొమాంటిక్‌ మూమెంట్స్‌ చక్కగా కుదిరాయి. అలాగే శ్యామ్‌ దత్‌ సైనుద్దీన్‌ సినిమాటోగ్రఫీ విజువల్స్‌ ప్రేక్షకుల్ని ఆకట్టుకునే విధంగా ఉంటాయి. ఈ పాటకి ప్రేక్షకుల నుంచి స్పందన చాలా బాగుంది’’ అని చిత్రబృందం పేర్కొంది.

బిగ్‌ బాస్ ఫేమ్ హిమ‌జ, ప్రతాప్ రాజ్ ప్రధాన పాత్రల్లో ‌జై దుర్గా ఆర్ట్స్ ప‌తాకంపై ప్రొడ‌క్షన్ నెం.1గా గోవ‌ర్థన్ రెడ్డి కందుకూరి నిర్మిస్తోన్న డిఫ‌రెంట్ హారర్‌ థ్రిల్లర్‌ ‘జ’. ఈ చిత్రం ద్వారా సైదిరెడ్డి చిట్టెపు ద‌ర్శకుడిగా ప‌రిచ‌య‌మ‌వుతున్నారు. ఇప్ప‌టికే విడుద‌లైన పోస్ట‌ర్స్ టీజ‌ర్ సినిమాపై క్యూరియాసిటీని పెంచాయి. కాగా  ఈరోజు జ మూవీ ట్రైల‌ర్‌ను యంగ్ హీరో సుధీర్‌బాబు విడుద‌ల‌చేసి యూనిట్‌కు ఆల్ ది బెస్ట్ తెలిపారు. డైలాగ్స్ లేకుండా కేవ‌లం బ్యాక్‌గ్రౌండ్ మ్యూజిక్‌తోనే సాగే ఈ ట్రైల‌ర్ సినిమాపై ఎక్స్‌పెక్టేష‌న్స్‌ను మ‌రింత పెంచింది. ఈ సంద‌ర్భంగా న‌టి హిమ‌జ మాట్లాడుతూ.. ‘‘ఫుల్ లెంగ్త్ ఫెర్‌ఫామెన్స్‌కి స్కోప్ ఉన్న పాత్ర కావ‌డంతో ఈ సినిమాను అంగీకరించాను. న‌టిగా న‌న్ను మ‌రో మెట్టు ఎక్కించే మూవీ ఇది. ఈ అవ‌కాశం ఇచ్చిన నిర్మాత‌ గోవ‌ర్ధన్ రెడ్డి గారికి, ద‌ర్శకుడు సైదిరెడ్డి గారికి కృత‌జ్ఞత‌లు" అన్నారు. ద‌ర్శకుడు సైదిరెడ్డి చిట్టెపు మాట్లాడుతూ..‘జ’అంటే జ‌న్మ లేదా పుట్టుక అని అర్థం. ఈ టైటిల్ ఎందుకు పెట్టాం? అనేది సినిమా చూసి తెలుసుకోవాలి. మంచి క‌థా బ‌లం ఉన్న మూవీ. మా ప్రొడ్యూస‌ర్ గోవ‌ర్ధన్ రెడ్డి నా మీద న‌మ్మకంతో ధైర్యంగా ముందుకు వ‌చ్చి ఎక్కడా కాంప్రమైజ్ కాకుండా సినిమాను నిర్మించారు. అలాగే ఎగ్జిక్యూటివ్ ప్రొడ్యూస‌ర్ ఉపేంద‌ర్‌ స‌హ‌కారం మ‌రువ‌లేనిది’ అన్నారు.

పెనుబల్లి: ఖమ్మం జిల్లా పెనుబల్లి మండల కేంద్రంలో వైఎస్సార్‌ టీపీ వ్యవస్థాపక అధ్యక్షురాలు వైఎస్‌.షర్మిల ఈనెల 20న నిరుద్యోగ నిరాహార దీక్ష చేపట్టనున్నారు. గంగదేవిపాడులో ఉద్యోగం రావట్లేదని ఆత్మహత్యకు పాల్పడిన నాగేశ్వర్‌రావు కుటుంబాన్ని గురువారం వైఎస్సార్‌ టీపీ నేత లక్కినేని సుధీర్‌బాబు పరామర్శించారు. అనంతరం ఈ విషయాన్ని మీడియాకు వెల్లడించారు. అదేరోజు నాగేశ్వరరావు కుటుంబాన్ని షర్మిల పరామర్శించనున్నట్లు తెలిపారు. ఈ కార్యక్రమంలో నంబూరి శ్రీనివాసరావు, జెన్నారెడ్డి విజయనరసింహారెడ్డి పాల్గొన్నారు. 

హీరో సుధీర్‌ బాబు ప్రస్తుతం వరుస సినిమాలతో బిజీగా ఉన్నాడు. తాజాగా మరో మూవీని అనౌన్స్‌ చేశాడు. హర్షవర్ధన్‌ డైరెక్షన్‌లో ఓ సినిమాకు గ్రీన్‌ సిగ్నల్‌ ఇచ్చాడు. ఇప్పటికే నటుడిగా, రచయితగా హర్షవర్థన్ గుర్తింపు పొందిన సంగతి తెలిసిందే.  రొమాంటికి ఫ్యామిలీ ఎంటర్‌టైనర్‌గా తెరకెక్కనున్న ఈ సినిమాను ప్రముఖ నిర్మాణ సంస్థ శ్రీ వెంకటేశ్వర సినిమాస్‌ సంస్థ నిర్మిస్తుంది. దీనికి సంబంధించిన రెగ్యులర్‌ షూటింగ్‌ ఆగస్టు నుంచి ప్రారంభం కానుంది. హీరోయిన్‌ సహా మరిన్ని వివరాలు త్వరలోనే వెల్లడి కానున్నాయి.  ఇప్పటికే ఈ బ్యానర్‌లో లవ్‌స్టోరీ సినిమాతో పాటు ధనుష్‌- శేఖర్‌ కమ్ముల డైరెక్షన్‌లో ఓ చిత్రం రూపొందుతున్నాయి. ప్రస్తుతం సుధీర్‌బాబు  ఇంద్రగంటి మోహనకృష్ణ  దర్శకత్వంలో ఆ అమ్మాయి గురించి మీకు చెప్పాలి సినిమాతో పాటు కరుణ కుమార్‌ డైరెక్షన్‌లో శ్రీదేవి సోడా సెంటర్‌ చిత్రాల్లో నటిస్తున్నారు. వీటితో పాటు పుల్లెల గోపీచంద్‌ బయోపిక్‌ సినిమాకు సైతం సైన్‌ చేశారు.    #Sudheer15 & @SVCLLP #ProdNo5 is in talented hands of #HarshaVardhan ... This is going to be a challenging journey for me and the team ... Safe to say that, it's something that I haven't tried yet 😉#NarayanDasNarang #PuskurRamMohanRoa pic.twitter.com/wx8eQL9f9I — Sudheer Babu (@isudheerbabu) July 12, 2021