సాఖిర్‌ (బహ్రెయిన్‌): క్వాలిఫయింగ్‌లో కనబరిచిన జోరును ప్రధాన రేసులోనూ కొనసాగించిన మెక్‌లారెన్‌ జట్టు డ్రైవర్‌ ఆస్కార్‌ పియాస్ట్రి ఈ సీజన్‌లో రెండో విజయాన్ని అందుకున్నాడు. ఫార్ములావన్‌ 2025 సీజన్‌లో భాగంగా ఆదివారం జరిగిన సీజన్‌ నాలుగో రేసు బహ్రెయిన్‌ గ్రాండ్‌ప్రిలో పియాస్ట్రి విజేతగా నిలిచాడు. ‘పోల్‌ పొజిషన్‌’తో రేసును ఆరంభించిన ఆ్రస్టేలియాకు చెందిన పియా్రస్టి... నిర్ణీత 57 ల్యాప్‌లను అందరికంటే వేగంగా, అందరికంటే ముందుగా 1 గంట 35 నిమిషాల 39.435 సెకన్లలో పూర్తి చేసి అగ్రస్థానాన్ని దక్కించుకున్నాడు. ఈ సీజన్‌లో చైనా గ్రాండ్‌ప్రిలోనూ పియాస్ట్రి టైటిల్‌ సాధించాడు. మెర్సిడెస్‌ జట్టుకు చెందిన జార్జి రసెల్‌ రెండో స్థానాన్ని పొందగా... మెక్‌లారెన్‌కే చెందిన లాండో నోరిస్‌ మూడో స్థానంలో నిలిచాడు. గత నాలుగేళ్లుగా ప్రపంచ చాంపియన్‌గా నిలుస్తున్న రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ ఆరో స్థానంతో సరిపెట్టుకోగా... ఫెరారీ తరఫున తొలిసారి బరిలోకి దిగిన లూయిస్‌ హామిల్టన్‌ ఐదో స్థానాన్ని సాధించాడు. 24 రేసుల ఈ సీజన్‌లో నాలుగు రేసులు పూర్తయ్యాయి. 77 పాయింట్లతో లాండో నోరిస్‌ అగ్ర స్థానంలో... 74 పాయింట్లతో ఆస్కార్‌ పియాస్ట్రి రెండో స్థానంలో... వెర్‌స్టాపెన్‌ 69 పాయింట్లతో మూడో స్థానంలో ఉన్నారు. సీజన్‌లోని ఐదో రేసు సౌదీ అరేబియా గ్రాండ్‌ప్రి ఈనెల 20న జిద్దా నగరంలో జరుగుతుంది.

సుజుకా (జపాన్‌): ఫార్ములావన్‌ తాజా సీజన్‌లో తొలి రెండు రేసుల్లో మెక్‌లారెన్‌ ఇద్దరు డ్రైవర్లను దాటి ముందుకెళ్లడంలో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ సఫలం కాలేకపోయాడు. కానీ మూడో రేసులో మాత్రం వెర్‌స్టాపెన్‌ జోరును అడ్డుకోవడంలో మెక్‌లారెన్‌ ఇద్దరు డ్రైవర్లు విఫలమయ్యారు. వెరసి ఈ ఏడాది ఫార్ములావన్‌ సీజన్‌లోని మూడో రేసులోనూ మూడో విజేత అవతరించాడు. సీజన్‌ మొదటి రేసు ఆస్ట్రేలియా గ్రాండ్‌ప్రిలో మెక్‌లారెన్‌ డ్రైవర్‌ లాండో నోరిస్‌... సీజన్‌ రెండో రేసు చైనా గ్రాండ్‌ప్రిలో మెక్‌లారెన్‌ డ్రైవర్‌ ఆస్కార్‌ పియాస్ట్రి టైటిల్స్‌ సాధించారు. ఆదివారం జరిగిన సీజన్‌ మూడో రేసు జపాన్‌ గ్రాండ్‌ప్రిలో ప్రస్తుత ప్రపంచ చాంపియన్‌ వెర్‌స్టాపెన్‌ పూర్తి ఆధిపత్యం చలాయించి అగ్రస్థానాన్ని సొంతం చేసుకున్నాడు. ఈ క్రమంలో తనకెంతో కలిసొచ్చిన సుజుకా సర్క్యూట్‌లో వరుసగా నాలుగో ఏడాది జపాన్‌ గ్రాండ్‌ప్రి టైటిల్‌ను దక్కించుకున్నాడు. ‘పోల్‌ పొజిషన్‌’తో రేసును ఆరంభించిన వెర్‌స్టాపెన్‌ నిర్ణీత 53 ల్యాప్‌లను అందరికంటే వేగంగా, అందరికంటే ముందుగా 1 గంట 22 నిమిషాల 06.983 సెకన్లలో ముగించి చాంపియన్‌గా నిలిచాడు. 2022, 2023, 2024 జపాన్‌ గ్రాండ్‌ప్రి రేసుల్లో వెర్‌స్టాపెన్‌కే అగ్రస్థానం దక్కింది. మెక్‌లారెన్‌ డ్రైవర్లు లాండో నోరిస్‌ రెండో స్థానంలో, ఆస్కార్‌ పియాస్ట్రి మూడో స్థానంలో నిలిచారు. రెడ్‌బుల్‌ తరఫున తొలిసారి ప్రధాన డ్రైవర్‌గా వ్యవహరించిన జపాన్‌కు చెందిన యుకీ సునోడా 12వ స్థానంతో సరిపెట్టుకున్నాడు. గత సీజన్‌లో ఆరంభంలో వరుస విజయాలతో అదరగొట్టి ఆ తర్వాత వెనుకబడిపోయిన వెర్‌స్టాపెన్‌కు ఈ ఏడాది తొలి రెండు రేసుల్లో మెక్‌లారెన్‌ నుంచి ఊహించని ప్రతిఘటన ఎదురైంది. దాంతో వెర్‌స్టాపెన్‌ ఆ్రస్టేలియా గ్రాండ్‌ప్రిలో రెండో స్థానంలో, చైనా గ్రాండ్‌ప్రిలో నాలుగో స్థానంలో నిలిచాడు. కానీ గత నాలుగేళ్లు ఫార్ములావన్‌లో ఓవరాల్‌ టైటిల్‌ సాధించిన వెర్‌స్టాపెన్‌ మూడో రేసులో మాత్రం వెనుకంజ వేయలేదు. ‘పోల్‌ పొజిషన్‌’తో రేసును ఆరంభించిన అతను దూసుకుపోయాడు. ఒక్కసారి వెర్‌స్టాపెన్‌ ఆధిక్యంలోకి వెళితే అతడిని ఓవర్‌టేక్‌ చేయడం కష్టంతో కూడుకున్నదని మెక్‌లారెన్‌ డ్రైవర్లకు తెలుసు. జపాన్‌ గ్రాండ్‌ప్రిలో అదే జరిగింది. మొదట్లోనే ఆధిక్యంలోకి వెళ్లిన వెర్‌స్టాపెన్‌ చివరి ల్యాప్‌ వరకు ఆధిక్యంలో కొనసాగి రెండు సెకన్ల తేడాతో విజేతగా నిలిచాడు. పాయింట్‌ తేడానే... 24 రేసులతో కూడిన తాజా సీజన్‌లో మూడు రేసులు ముగిశాక లాండో నోరిస్‌ 62 పాయింట్లతో అగ్రస్థానంలో కొనసాగుతుండగా... 61 పాయింట్లతో వెర్‌స్టాపెన్‌ రెండో స్థానంలో ఉన్నాడు. వీరిద్దరి మధ్య తేడా ఒక్క పాయింట్‌ మాత్రమే ఉండటం గమనార్హం. సీజన్‌లోని తదుపరి రేసు బహ్రెయిన్‌ గ్రాండ్‌ప్రి ఈనెల 13న జరుగుతుంది. 64 ఫార్ములావన్‌ చరిత్రలో వెర్‌స్టాపెన్‌ సాధించిన విజయాలు. అత్యధిక రేసుల్లో గెలిచిన డ్రైవర్ల జాబితాలో వెర్‌స్టాపెన్‌ మూడో స్థానంలో ఉన్నాడు. లూయిస్‌ హామిల్టన్‌ (105), మైకేల్‌ షుమాకర్‌ (91) తొలి రెండు స్థానాల్లో ఉన్నారు. 4 రెండు వేర్వేరు గ్రాండ్‌ప్రి రేసులను వరుసగా నాలుగేళ్ల పాటు సాధించిన నాలుగో డ్రైవర్‌గా వెర్‌స్టాపెన్‌ గుర్తింపు పొందాడు. వెర్‌స్టాపెన్‌ అబుదాబి (2020, 2021, 2022, 2023), జపాన్‌ గ్రాండ్‌ప్రి (2022, 2023, 2024, 2025) రేసులలో ఈ ఘనత సాధించాడు. ఈ జాబితాలో జిమ్‌ క్లార్క్‌ (బెల్జియం గ్రాండ్‌ప్రి; బ్రిటన్‌ గ్రాండ్‌ప్రి 1962–1965), మైకేల్‌ షుమాకర్‌ (స్పెయిన్‌ గ్రాండ్‌ప్రి 2001–2004; యూఎస్‌ఏ గ్రాండ్‌ప్రి 2003–2005), లూయిస్‌ హామిల్టన్‌ (బ్రిటన్‌ గ్రాండ్‌ప్రి 2001–2004; యూఎస్‌ఏ గ్రాండ్‌ప్రి 2014–2017) కూడా ఉన్నారు.

సుజుకా (జపాన్‌): ఫార్ములావన్‌ సీజన్‌ మూడో రేసు జపాన్‌ గ్రాండ్‌ ప్రిలో రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ (నెదర్లాండ్స్‌) పోల్‌ పొజిషన్‌ సాధించాడు. శనివారం జరిగిన క్వాలిఫయింగ్‌ రౌండ్‌లో అందరికంటే వేగంగా, అందరికంటే ముందుగా 1 నిమిషం 26.983 సెకన్లలో ల్యాప్‌ను పూర్తిచేశాడు. చివరి ల్యాప్‌లో అతడు ఈ టైమింగ్‌ నమోదు చేశాడు. కాగా... వెర్‌స్టాపెన్‌ కెరీర్‌లో ఇది 41వ పోల్‌ పొజిషన్‌. మెక్‌లారెన్‌ డ్రైవర్లు నోరిస్‌ (1 నిమిషం 26.995 సెకన్లు), పియాస్ట్రి (1 నిమిషం 27.027 సెకన్లు) వరుసగా ద్వితీయ, తృతీయ స్థానాల్లో నిలిచారు. జపాన్‌ గ్రాండ్‌ప్రిలో నాలుగుసార్లు విజేతగా నిలిచిన వెర్‌స్టాపెన్‌ ఈ సీజన్‌లో ఆశించిన స్థాయిలో దూకుడు కనబర్చలేకపోయాడు. గత 16 రేసుల్లో అతడు కేవలం రెండింట్లో మాత్రమే విజయం సాధించాడు. ఈ నేపథ్యంలో తనకు అచ్చొచ్చిన ట్రాక్‌పై నేడు జరగనున్న ప్రధాన రేసును వెర్‌స్టాపెన్‌ పోల్‌ పొజిషన్‌ నుంచి ప్రారంభించనున్నాడు. ఆదివారం ఇక్కడ వర్షం పడే అవకాశం ఉందని వాతావరణ శాఖ వెల్లడించగా... తడిసిన ట్రాక్‌పై మెరుగైన రికార్డు ఉన్న వెర్‌స్టాపెన్‌ ఎలాంటి ప్రదర్శన చేస్తాడో చూడాలి. వెర్‌స్టాపెన్‌ కెరీర్‌లో ఇప్పటి వరకు 63 ఎఫ్‌1 రేసులు నెగ్గాడు. ఈ జాబితాలో లూయిస్‌ హామిల్టన్‌ (105), షూమాకర్‌ (91) మాత్రమే అతడికంటే ముందున్నారు. ఈ ఏడాది డ్రైవర్స్‌ చాంపియన్‌షిప్‌ పాయింట్ల పట్టికలో ప్రస్తుతానికి మెక్‌లారెన్‌ డ్రైవర్‌ నోరిస్‌ (44 పాయింట్లు) అగ్ర స్థానంలో ఉండగా... 36 పాయింట్లతో వెర్‌స్టాపెన్‌ రెండో స్థానంలో ఉన్నాడు. రసెల్‌ (మెర్సిడెస్‌; 35 పాయింట్లు), పియాస్ట్రి (మెక్‌లారెన్‌; 34 పాయింట్లు) ఆ తర్వాతి స్థానాల్లో ఉన్నారు.

షాంఘై: గత ఏడాది ఫార్ములావన్‌ సీజన్‌ ఆరంభంలో రెడ్‌బుల్‌ జట్టు అదరగొట్టగా... ఈసారి మెక్‌లారెన్‌ జట్టు మెరిపిస్తోంది. ఈ సీజన్‌లోని తొలి రేసు ఆస్ట్రేలియా గ్రాండ్‌ప్రిలో మెక్‌లారెన్‌ డ్రైవర్‌ లాండో నోరిస్‌ విజేతగా నిలువగా... రెండో రేసు చైనా గ్రాండ్‌ప్రిలో మెక్‌లారెన్‌కే చెందిన రెండో డ్రైవర్‌ ఆస్కార్‌ పియాస్ట్రి టైటిల్‌ సొంతం చేసుకున్నాడు. ఆదివారం జరిగిన ప్రధాన రేసును ‘పోల్‌ పొజిషన్‌’తో ఆరంభించిన 23 ఏళ్ల పియాస్ట్రి రేసు ముగిసే వరకు తన ఆధిక్యాన్ని నిలబెట్టుకున్నాడు. నిర్ణీత 56 ల్యాప్‌ల రేసును ఆ్రస్టేలియా జాతీయుడైన పియాస్ట్రి అందరికంటే వేగంగా, అందరికంటే ముందుగా 1 గంట 30 నిమిషాల 55.026 సెకన్లలో ముగించి చాంపియన్‌గా అవతరించాడు. 2023లో మెక్‌లారెన్‌ జట్టు తరఫునే ఫార్ములావన్‌లో అరంగేట్రం చేసిన పియాస్ట్రి వరుసగా మూడో ఏడాది అదే జట్టుతో ఉన్నాడు. గత ఏడాది హంగేరి గ్రాండ్‌ప్రి, అజర్‌బైజాన్‌ గ్రాండ్‌ప్రిలలో అగ్రస్థానాన్ని దక్కించుకున్న పియాస్ట్రి తాజా గెలుపుతో తన కెరీర్‌లో మూడో విజయాన్ని అందుకున్నాడు.మెక్‌లారెన్‌కే చెందిన లాండో నోరిస్‌ రెండో స్థానంలో నిలిచాడు. నోరిస్‌ 1 గంట 31 నిమిషాల 04.774 సెకన్లలో గమ్యానికి చేరాడు. ఫార్ములావన్‌ రేసులో ఓవరాల్‌గా 1–2 స్థానాలు మెక్‌లారెన్‌ డ్రైవర్లే సొంతం చేసుకోవడం ఇది 50వ సారి కావడం విశేషం. మెర్సిడెస్‌ డ్రైవర్‌ జార్జి రసెల్‌ మూడో స్థానంలో నిలువగా... ప్రస్తుత ప్రపంచ చాంపియన్, రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ నాలుగో స్థానంతో సరిపెట్టుకున్నాడు. ఆ ముగ్గురిపై వేటు ఫెరారీ జట్టు డ్రైవర్లు చార్లెస్‌ లెక్‌లెర్క్, లూయిస్‌ హామిల్టన్‌ వరుసగా ఐదు, ఆరు స్థానాల్లో నిలువగా... పియరీ గ్యాస్లీ (ఆలై్పన్‌) 11వ స్థానంలో నిలిచారు. అయితే సాంకేతిక కారణాలరీత్యా రేసు ముగిశాక ఈ ముగ్గురిపై అనర్హత వేటు వేశారు. లెక్‌లెర్క్‌ 10 పాయింట్లను, హామిల్టన్‌ 8 పాయింట్లను చేజార్చుకున్నారు. 11వ స్థానంలో నిలిచినందుకు గ్యాస్లీకి ఎలాంటి పాయింట్లు లభించలేదు. ఫార్ములావన్‌ నిబంధనల ప్రకారం రేసు ముగిసిన తర్వాత డ్రైవర్ల కారు కనిష్ట బరువు 800 కేజీలు ఉండాలి. అయితే లెక్‌లెర్క్, హామిల్టన్, గ్యాస్లీల కార్ల బరువు 799 కేజీలు చూపించింది. దాంతో ఈ ముగ్గురిపై రేసు నిర్వాహకులు వేటు వేసి వారి ఫలితాలను రద్దు చేశారు. సీజన్‌లోని తదుపరి రేసు జపాన్‌ గ్రాండ్‌ప్రి ఏప్రిల్‌ 6న సుజుకా సర్క్యూట్‌లో జరుగుతుంది. సీజన్‌లోని తొలి రెండు రేసులు ముగిశాక డ్రైవర్స్‌ చాంపియన్‌షిప్‌లో లాండో నోరిస్‌ 44 పాయింట్లతో తొలి స్థానంలో ఉండగా... 36 పాయింట్లతో వెర్‌స్టాపెన్‌ రెండో స్థానంలో, 35 పాయింట్లతో జార్జి రసెల్‌ మూడో స్థానంలో నిలిచారు. కన్‌స్ట్రక్టర్స్‌ చాంపియన్‌షిప్‌లో మెక్‌లారెన్‌ 78 పాయింట్లతో అగ్రస్థానంలో ఉంది.

షాంఘై: ఫార్ములావన్‌ సీజన్‌ రెండో రేసు చైనీస్‌ గ్రాండ్‌ప్రిలో మెక్‌లారెన్‌ డ్రైవర్‌ ఆస్కార్‌ పియాస్ట్రి (ఆస్ట్రేలియా) పోల్‌ పోజిషన్‌ సాధించాడు. ఫార్ములావన్‌ కెరీర్‌లో అతడికి ఇదే తొలి పోల్‌ పొజిషన్‌ కావడం విశేషం. 23 ఏళ్ల ఆసీస్‌ రేసర్‌ శనివారం జరిగిన క్వాలిఫయింగ్‌ సెషన్‌లో అందరికంటే వేగంగా, అందరికంటే ముందుగా... 1 నిమిషం 30.641 సెకన్లలో ల్యాప్‌ పూర్తిచేశాడు. ఆదివారం జరగనున్న ప్రధాన రేసును పియాస్ట్రి తొలి స్థానం నుంచి ప్రారంభించనున్నాడు. మెర్సెడెస్‌ డ్రైవర్‌ రసెల్‌ (1 నిమిషం 30.723 సెకన్లు) రెండో స్థానంలో నిలిచాడు. గత వారం ఆ్రస్టేలియా గ్రాండ్‌ ప్రిలో పెద్దగా ప్రభావం చూపలేకపోయిన ప్రపంచ మాజీ చాంపియన్‌ లూయిస్‌ హామిల్టన్‌ (బ్రిటన్‌) చైనీస్‌ గ్రాండ్‌ప్రి క్వాలిఫయింగ్‌ ఈవెంట్‌లో ఐదో స్థానంలో నిలిచాడు. 56 ల్యాప్‌లతో కూడిన రేసులో మెక్‌లారెన్‌ జట్టుకే చెందిన మరో డ్రైవర్‌ లాండో నోరిస్‌ (1 నిమిషం 30. 793 సెకన్లు) మూడో స్థానంలో నిలిచాడు. గత వారం సీజన్‌ ఆరంభ ఆ్రస్టేలియా గ్రాండ్‌ప్రిలో విజేతగా నిలిచిన నోరిస్‌ ఈ రోజు జరగనున్న రేసును మూడో స్థానంతో ప్రారంభించనున్నాడు. మాజీ చాంపియన్, రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ (1 నిమిషం 30.817 సెకన్లు) నాలుగో ‘ప్లేస్‌’లో నిలిచాడు. ఆదివారం జరగనున్న ప్రధాన రేసులో 10 జట్లకు చెందిన 20 మంది డ్రైవర్లు పాల్గొంటున్నారు.

మెల్‌బోర్న్‌: వరుసగా ఐదో ఏడాది వరల్డ్‌ చాంపియన్‌గా నిలిచి దిగ్గజం మైకేల్‌ షుమాకర్‌ రికార్డును వెర్‌స్టాపెన్‌ సమం చేస్తాడా? జట్టు మారడంతో తన గెలుపు రాతను కూడా హామిల్టన్‌ మార్చుకుంటాడా? మూడో జట్టు తరఫున హామిల్టన్‌ మళ్లీ ప్రపంచ చాంపియన్‌గా అవతరిస్తాడా? ఈ ఇద్దరిని కాదని మూడో రేసర్‌ రూపంలో కొత్త విశ్వవిజేత ఆవిర్భవిస్తాడా? వీటన్నింటికీ సమాధానం నేటి నుంచి మొదలయ్యే ఫార్ములావన్‌ 75వ సీజన్‌లో లభిస్తుంది. 24 రేసులతో కూడిన ఈ సీజన్‌కు ఆదివారం ఆ్రస్టేలియన్‌ గ్రాండ్‌ప్రితో తెర లేస్తుంది. 2019 తర్వాత మళ్లీ ఆ్రస్టేలియన్‌ గ్రాండ్‌ప్రితో ఫార్ములావన్‌ సీజన్‌ మొదలుకానుండటం విశేషం. 10 జట్లకు చెందిన 20 మంది డ్రైవర్లు శుక్రవారం ప్రాక్టీస్‌ సెషన్స్‌లో పాల్గొన్నారు. శనివారం క్వాలిఫయింగ్‌ సెషన్‌ జరుగుతుంది. క్వాలిఫయింగ్‌ సెషన్‌లో నమోదు చేసిన అత్యుత్తమ సమయం ఆధారంగా ఆదివారం జరిగే ప్రధాన రేసును 20 మంది డ్రైవర్లు ఏ స్థానం నుంచి ప్రారంభిస్తారో నిర్ణయిస్తారు. గత నాలుగేళ్లుగా రెడ్‌బుల్‌ జట్టు డ్రైవర్‌ వెర్‌స్టాపెన్‌ ఎదురులేని విజేతగా నిలుస్తున్నాడు. ఫెరారీ జట్టు డ్రైవర్‌ చార్లెస్‌ లెక్‌లెర్క్‌ నుంచి వెర్‌స్టాపెన్‌కు పోటీ లభిస్తున్నా... విజయాల పరంగా వెర్‌స్టాపెన్‌ ముందుకు దూసుకెళ్తున్నాడు. మెర్సిడెస్‌ జట్టు తరఫున 2013 నుంచి 2024 వరకు బరిలోకి దిగిన హామిల్టన్‌ ఈసారి తన కెరీర్‌లో తొలిసారి ఫెరారీ జట్టు తరఫున డ్రైవ్‌ చేయనున్నాడు. 2007 నుంచి 2012 వరకు మెక్‌లారెన్‌ జట్టుకు ప్రాతినిధ్యం వహించిన హామిల్టన్‌ 2008లో తొలిసారి వరల్డ్‌ చాంపియన్‌ అయ్యాడు. ఆ తర్వాత 2013 నుంచి 2024 మధ్య కాలంలో ఆరుసార్లు విశ్వవిజేతగా నిలిచాడు. ఈ ఏడాది వెర్‌స్టాపెన్‌కు హామిల్టన్, లెక్‌లెర్క్, లాండోనోరిస్, కార్లోస్‌ సెయింజ్‌ జూనియర్, జార్జి రసెల్‌ నుంచి గట్టిపోటీ లభించే అవకాశం ఉంది. పాయింట్లు ఎలా ఇస్తారంటే... ఫార్ములావన్‌లో ప్రతి గ్రాండ్‌ప్రి మూడు రోజులు కొనసాగుతుంది. శుక్రవారం ప్రాక్టీస్‌ సెషన్‌... శనివారం క్వాలిఫయింగ్‌ సెషన్‌... ఆదివారం ప్రధాన రేసు జరుగుతుంది. కొన్ని గ్రాండ్‌ప్రిలలో శనివారం స్ప్రింట్‌ రేసులను నిర్వహిస్తారు. ఈ రేసు 100 కిలోమీటర్లు జరుగుతుంది. అయితే స్ప్రింట్‌ రేసు ఫలితాలకు ప్రధాన రేసు ఫలితాలకు సంబంధం ఉండదు. ఇక ప్రధాన రేసులో టాప్‌–10లో నిలిచిన వారికి పాయింట్లు కేటాయిస్తారు. తొలి స్థానం నుంచి పదో స్థానం వరకు నిలిచిన డ్రైవర్లకు వరుసగా 25, 18, 15, 12, 10, 8, 6, 4, 2, 1 పాయింట్‌ లభిస్తుంది. రేసు మొత్తంలో ఫాస్టెస్ట్‌ ల్యాప్‌ నమోదు చేసిన డ్రైవర్‌కు బోనస్‌గా ఒక పాయింట్‌ ఇస్తారు. సీజన్‌లోని 24 రేసులు ముగిశాక అత్యధిక పాయింట్లు సాధించిన డ్రైవర్‌కు వరల్డ్‌ చాంపియన్‌షిప్‌ టైటిల్‌ లభిస్తుంది. అత్యధిక పాయింట్లు సంపాదించిన జట్టుకు కన్‌స్ట్రక్టర్స్‌ చాంపియన్‌షిప్‌ టైటిల్‌ దక్కుతుంది. ఏ జట్టులో ఎవరున్నారంటే... ఈ ఏడాది కూడా ఫార్ములావన్‌ టైటిల్‌ కోసం 10 జట్ల నుంచి 20 మంది డ్రైవర్లు బరిలో ఉన్నారు. ఒక్కో జట్టు తరఫున ఇద్దరు డ్రైవర్లు ప్రధాన రేసులో పోటీపడతారు. ఇద్దరు డ్రైవర్లలో ఎవరైనా పాల్గొనకపోతే అదే జట్టులో ఉన్న రిజర్వ్‌ డ్రైవర్‌కు అవకాశం లభిస్తుంది. ఈ సీజన్‌లో ఆయా జట్లకు ప్రాతినిధ్యం వహిస్తున్న డ్రైవర్ల వివరాలు ఇలా ఉన్నాయి. రెడ్‌బుల్‌: మాక్స్‌ వెర్‌స్టాపెన్‌ (నెదర్లాండ్స్‌), లియామ్‌ లాసన్‌ (న్యూజిలాండ్‌). ఫెరారీ: లూయిస్‌ హామిల్టన్‌ (బ్రిటన్‌), చార్లెస్‌ లెక్‌లెర్క్‌ (మొనాకో). మెర్సిడెస్‌: జార్జి రసెల్‌ (బ్రిటన్‌), ఆంటోనెలి (ఇటలీ). మెక్‌లారెన్‌: లాండో నోరిస్‌ (బ్రిటన్‌), ఆస్కార్‌ పియాస్ట్రి (ఆ్రస్టేలియా) ఆలై్పన్‌: పియరీ గ్యాస్లీ (ఫ్రాన్స్‌), జాక్‌ దూహన్‌ (ఆ్రస్టేలియా). ఆస్టన్‌ మార్టిన్‌: లాన్స్‌ స్ట్రోల్‌ (కెనడా), ఫెర్నాండో అలోన్సో (స్పెయిన్‌). హాస్‌: ఎస్తెబన్‌ ఒకాన్‌ (ఫ్రాన్స్‌), ఒలివెర్‌ బేర్మన్‌ (బ్రిటన్‌). కిక్‌ సాబెర్‌: నికో హుల్కెన్‌బర్గ్‌ (జర్మనీ), బొర్టెలెటో (బ్రెజిల్‌). రేసింగ్‌ బుల్స్‌: హాద్జర్‌ (ఫ్రాన్స్‌), యూకీ సునోడా (జపాన్‌) విలియమ్స్‌: ఆల్బన్‌ (థాయ్‌లాండ్‌), కార్లోస్‌ సెయింజ్‌ (స్పెయిన్‌)34 ఇప్పటి వరకు ఫార్ములావన్‌లో 34 వేర్వేరు డ్రైవర్లు ప్రపంచ డ్రైవర్స్‌ చాంపియన్‌షిప్‌ టైటిల్‌ను సాధించారు. అత్యధికంగా 7 సార్లు చొప్పున మైకేల్‌ షుమాకర్‌ (జర్మనీ), లూయిస్‌ హామిల్టన్‌ (బ్రిటన్‌) టైటిల్స్‌ గెలిచారు. షుమాకర్‌ వరుసగా ఐదేళ్లు వరల్డ్‌ చాంపియన్‌గా నిలిచాడు. షుమాకర్‌ రికార్డును సమం చేసేందుకు వెర్‌స్టాపెన్‌కు ఈసారి అవకాశం లభించనుంది. గతంలో హామిల్టన్, సెబాస్టియన్‌ వెటెల్‌కు అవకాశం వచ్చినా సద్వినియోగం చేసుకోలేదు. 17 ఫార్ములావన్‌లో 17 మంది డ్రైవర్లు ఒక్కసారి మాత్రమే ప్రపంచ డ్రైవర్స్‌ చాంపియన్‌షిప్‌ టైటిల్‌ను గెలిచారు.105 ఫార్ములావన్‌ చరిత్రలో హామిల్టన్‌ గెలిచిన రేసులు. అత్యధిక రేసులు గెలిచిన డ్రైవర్‌ రికార్డు హామిల్టన్‌ పేరిట ఉంది. షుమాకర్‌ (91), వెర్‌స్టాపెన్‌ (63), వెటెల్‌ (53), అలైన్‌ ప్రాస్ట్‌ (51) వరుసగా రెండు, మూడు, నాలుగు, ఐదు స్థానాల్లో ఉన్నారు. 3 ఈ సీజన్‌లో బరిలో దిగుతున్న 20 మంది డ్రైవర్లలో ముగ్గురు ప్రపంచ చాంపియన్స్‌ ఉన్నారు. రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ (2021, 2022, 2023, 2024), తొలిసారి ఫెరారీ తరఫున పోటీపడుతున్న లూయిస్‌ హామిల్టన్‌ (2008, 2014, 2015, 2017, 2018, 2019, 2020), ఆస్టన్‌ మార్టిన్‌ జట్టు డ్రైవర్‌ ఫెర్నాండో అలోన్సో (2005, 2006) మరోసారి తమ అదృష్టాన్ని పరీక్షించుకుంటారు.

లండన్‌: ఫార్ములావన్‌ 75వ వార్షికోత్సవ సీజన్‌ ఆరంభ వేడుక అంగరంగ వైభవంగా జరిగింది. నలుపు రోడ్డుపై వాయువేగంతో కార్లు నడుపుతూ అభిమానులను అలరించే రేసర్లు... ఈ ఈవెంట్‌లో ‘రెడ్‌ కార్పెట్‌’పై అభిమానులకు చేతులుపుతూ దర్శనమిచ్చారు. ప్రతిష్టాత్మకంగా నిర్వహించిన ఈ కార్యక్రమంలో 2025 సీజన్‌లో పోటీపడే 20 మంది డ్రైవర్లు తమ కార్లతో పాటు పాల్గొన్నారు. ఏడుసార్లు ప్రపంచ చాంపియన్‌ లూయిస్‌ హామిల్టన్‌... స్టేజి మీదకు వచ్చిన సమయంలో ప్రేక్షకుల హర్షధ్వానాలతో ఆడిటోరియం మార్మోగిపోయింది. సుదీర్ఘ ఎఫ్‌1 చరిత్రలో ఇలాంటి వేడుక జరగడం ఇదే తొలిసారి కాగా... ఇందులో భాగంగా బ్రిటన్‌ సింగర్‌ కేన్‌ బ్రౌన్‌ మ్యూజిక్‌ షో ఆహుతులను కట్టిపడేసింది. కనీవినీ ఎరగని రీతిలో కళ్లు మిరుమిట్లు గొలిపేలా సాగిన ఈ కార్యక్రమంలో... పలువురు ప్రముఖ కళాకారులు పాల్గొన్నారు. ఫార్ములావన్‌ను మరింత విస్తరించడంలో భాగంగానే హాలీవుడ్‌ సినిమా స్థాయిలో ఈ వేడుకు నిర్వహించారు. దీనిపై హామిల్టన్‌ స్పందిస్తూ... ‘చాలా ఉత్సాహంగా ఉంది. కొత్త సీజన్‌లో మరింత వేగంగా దూసుకెళ్లాలని చూస్తున్నా. అందుకు కావాల్సిన శక్తి ఉంది. కొత్త జట్టులో భాగం కావడం ఆనందంగా ఉంది. ఇదే ఉత్తేజంతో ముందుకు సాగుతా’ అని అన్నాడు. 24 రేసులతో కూడిన 2025 ఫార్ములావన్‌ సీజన్‌ మార్చి 16న మెల్‌బోర్న్‌లో జరిగే ఆ్రస్టేలియన్‌ గ్రాండ్‌ప్రితో మొదలవుతుంది.

ఫార్ములావన్‌లో బరిలోకి దిగిన తొలి చైనా డ్రైవర్‌గా గుర్తింపు పొందిన జో గ్వాన్‌యు తన కెరీర్‌లో గొప్ప పురోగతి సాధించాడు. 2025 సీజన్‌కుగాను విఖ్యాత ఫెరారీ జట్టులో రిజర్వ్‌ డ్రైవర్‌గా స్థానం దక్కించుకున్నాడు. రెండో రిజర్వ్‌ డ్రైవర్‌గా ఆంటోనియో జియోవినాజి కొనసాగుతాడు. ఈ సీజన్‌లో ఫెరారీ జట్టుకు రెగ్యులర్‌ డ్రైవర్లయిన లూయిస్‌ హామిల్టన్, చార్లెస్‌ లెక్‌లెర్క్‌లలో ఒకరు ప్రధాన రేసులో బరిలోకి దిగే అవకాశం లేకపోతే వారి స్థానాల్లో జో గ్వాన్‌యు లేదా జియోవినాజిలకు చాన్స్‌ లభిస్తుంది. 25 ఏళ్ల జో గ్వాన్‌యు 2022లో అల్ఫా రోమియో జట్టు తరఫున ఫార్ములావన్‌లో అరంగేట్రం చేశాడు. 2024లో అల్ఫా రోమియో జట్టు తమ పేరును సాబెర్‌గా మార్చుకుంది. వరుసగా మూడేళ్లు అల్ఫా రోమియో/సాబెర్‌ జట్టుకు ప్రధాన డ్రైవర్‌గా వ్యవహరించిన జో గ్వాన్‌యు మొత్తం 68 రేసుల్లో పోటీపడ్డాడు. ఓవరాల్‌గా ఏడుసార్లు టాప్‌–10లో నిలిచాడు. 2022లో కెనడా గ్రాండ్‌ప్రిలో, 2024లో ఖతర్‌ గ్రాండ్‌ప్రిలో గ్వాన్‌యు అత్యుత్తంగా ఎనిమిదో స్థానంలో నిలిచాడు. సాకేత్‌–రామ్‌ జంట శుభారంభంచెన్నై ఓపెన్‌ ఏటీపీ చాలెంజర్‌–100 టెన్నిస్‌ టోర్నీ పురుషుల డబుల్స్‌ విభాగంలో ఆంధ్రప్రదేశ్‌ ప్లేయర్‌ సాకేత్‌ మైనేని శుభారంభం చేశాడు. బుధవారం జరిగిన డబుల్స్‌ తొలి రౌండ్‌ మ్యాచ్‌లో సాకేత్‌–రామ్‌కుమార్‌ రామనాథన్‌ (భారత్‌) జోడీ 6–3, 6–1తో కిమర్‌ కాప్‌జాన్స్‌ (బెల్జియం)–ఎర్గీ కిర్కిన్‌ (టర్కీ) ద్వయంపై అలవోకగా గెలిచింది. 53 నిమిషాల్లో ముగిసిన ఈ మ్యాచ్‌లో సాకేత్‌–రామ్‌ ద్వయం ఎనిమిది ఏస్‌లు సంధించింది. తమ సరీ్వస్‌ను ఒక్కసారి కూడా కోల్పోకుండా ప్రత్యర్థి సరీ్వస్‌ను నాలుగుసార్లు బ్రేక్‌ చేసింది. భారత్‌కే చెందిన విజయ్‌ సుందర్‌ ప్రశాంత్‌–జీవన్‌ నెడుంజెళియన్‌ జంట 6–3, 3–6, 13–11తో చిరాగ్‌ దుహాన్‌–దేవ్‌ జావియా (భారత్‌) జోడీపై నెగ్గి క్వార్టర్‌ ఫైనల్‌ చేరింది.

ఫియోరానో మోడినీస్‌ (ఇటలీ): ఫార్ములావన్‌ దిగ్గజాలలో ఒకరిగా గుర్తింపు పొందిన లూయిస్‌ హామిల్టన్‌ 40 ఏళ్ల వయసులో కొత్త జట్టు ‘ఫెరారీ’ తరఫున తన సత్తాను పరీక్షించుకునేందుకు సిద్ధమయ్యాడు. 2025 సీజన్‌ కోసం ఫెరారీ జట్టుతో చేరిన హామిల్టన్‌ బుధవారం తొలిసారి ఆ టీమ్‌ ఎఫ్‌1 కారుతో డ్రైవింగ్‌ చేశాడు. టీమ్‌ ట్రాక్‌ ఫియోరానో వద్ద ఫెరారీ లోగో ఉన్న హెల్మెట్‌ ధరించి ఎస్‌ఎఫ్‌–23 కారుతో దూసుకెళ్లిన అతను పెద్ద సంఖ్యలో హాజరైన అభిమానులకు అభివాదం చేశాడు. హామిల్టన్‌ కోసమే ఇటాలియన్‌ ఫ్యాన్స్‌ సమీపంలోనే బ్రిడ్జ్‌ వద్ద ఎదురు చూస్తూ కనిపించారు. ఎఫ్‌1లో 12 ఏళ్ల పాటు మెర్సిడెస్‌ జట్టుకు ప్రాతినిధ్యం వహించిన హామిల్టన్‌ ఆ జట్టు తరఫున ఆరుసార్లు ప్రపంచ చాంపియన్‌గా నిలిచాడు. అంతకుముందు మెక్‌లారెన్‌ టీమ్‌ తరఫున కూడా మరో ప్రపంచ టైటిల్‌ నెగ్గిన అతను మొత్తం ఏడుసార్లు విశ్వవిజేతగా నిలిచి మైకేల్‌ షుమాకర్‌తో సమంగా నిలిచాడు. ‘ఫెరారీ తరఫున బరిలో దిగేందుకు నేను ఎప్పటి నుంచో కోరుకున్నాను. అలాంటి అవకాశం వస్తుందని కొంత కాలం వరకు కూడా ఊహించలేదు. కానీ ఇప్పుడు నా కల నిజమైంది. నా కెరీర్‌లో ఎన్నో ఘనతలు సాధించాను. ఇప్పుడు ఈ టీమ్‌ తరఫున ఆడటం మరింత ఆనందాన్నిస్తోంది’ అని హామిల్టన్‌ వ్యాఖ్యానించాడు. 2025 ఫార్ములావన్‌ సీజన్‌ మార్చి 16న మెల్‌బోర్న్‌లో జరిగే ఆ్రస్టేలియన్‌ గ్రాండ్‌ప్రితో మొదలవుతుంది.

సావోపాలో (బ్రెజిల్‌): వరుసగా నాలుగో ఏడాది ఫార్ములావన్‌ ప్రపంచ చాంపియన్‌షిప్‌ టైటిల్‌ సొంతం చేసుకునే దిశగా రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ మరో అడుగు వేశాడు. సీజన్‌లోని 21వ రేసు బ్రెజిల్‌ గ్రాండ్‌ప్రిలో వెర్‌స్టాపెన్‌ విజేతగా నిలిచాడు. భారత కాలమానం ప్రకారం ఆదివారం అర్ధరాత్రి దాటాక జరిగిన ఈ రేసులో 27 ఏళ్ల వెర్‌స్టాపెన్‌ ఊహకందని రీతిలో ఫలితాన్ని రాబట్టాడు. ఎక్కడో 17వ స్థానం నుంచి రేసును మొదలుపెట్టిన వెర్‌స్టాపెన్‌... అందివచ్చిన అవకాశాలను సద్వినియోగం చేసుకుంటూ ఒక్కో డ్రైవర్‌ను దాటుకుంటూ చివరకు అగ్రస్థానాన్ని దక్కించుకున్నాడు. ఈ సీజన్‌లో ఎనిమిదో విజయాన్ని నమోదు చేశాడు. నిర్ణీత 69 ల్యాప్‌లను వెర్‌స్టాపెన్‌ అందరికంటే వేగంగా, అందరికంటే ముందుగా 2 గంటల 6 నిమిషాల 54.430 సెకన్లలో పూర్తి చేసి విజేతగా అవతరించాడు. 10 జట్ల నుంచి మొత్తం 20 మంది డ్రైవర్లు పోటీపడగా... ఐదుగురు డ్రైవర్లు రేసును పూర్తి చేయడంలో విఫలమయ్యారు. అలెగ్జాండర్‌ అల్బోన్‌ (విలియమ్స్‌ రేసింగ్‌), లాన్స్‌ స్ట్రోల్‌ (ఆస్టన్‌ మార్టిన్‌ అరామ్‌కో) తొలి ల్యాప్‌లోనే వెనుదిరగ్గా... 30వ ల్యాప్‌లో ఫ్రాంకో కొలాపింటో (విలియమ్స్‌ రేసింగ్‌), 38వ ల్యాప్‌లో కార్లోస్‌ సెయింజ్‌ (ఫెరారీ) రేసు నుంచి తప్పుకున్నారు. మనీగ్రామ్‌ హాస్‌ జట్టు డ్రైవర్‌ నికో హుల్కెన్‌బర్గ్‌పై రేసు నిర్వాహకులు అనర్హత వేటు వేశారు. 27వ ల్యాప్‌లో హుల్కెన్‌బర్గ్‌ స్టీరింగ్‌పై నియంత్రణ కోల్పోయి ట్రాక్‌ బయటికి వచ్చాడు. అనంతరం హుల్కెన్‌బర్గ్‌ మార్షల్‌ సహకారంతో మళ్లీ ట్రాక్‌పైకి వచ్చాడు. ఇది నిబంధనలకు వ్యతిరేకం కావడంతో హుల్కెన్‌బర్గ్‌ను రేసు నిర్వాహకులు డిస్‌క్వాలిఫై చేశారు. 21 రేసుల అనంతరం డ్రైవర్స్‌ పాయింట్ల పట్టికలో వెర్‌స్టాపెన్‌ 393 పాయింట్లతో అగ్రస్థానంలో ఉండగా... మెక్‌లారెన్‌ జట్టు డ్రైవర్‌ లాండో నోరిస్‌ 331 పాయింట్లు సాధించి రెండో స్థానంలో నిలిచాడు. ఈ సీజన్‌లో మరో మూడు రేసులు (లాస్‌ వేగస్‌ గ్రాండ్‌ప్రి; నవంబర్‌ 24న... ఖతర్‌ గ్రాండ్‌ప్రి; డిసెంబర్‌ 1న... అబుదాబి గ్రాండ్‌ప్రి; డిసెంబర్‌ 8న) మిగిలి ఉన్నాయి. ఈ మూడు రేసుల్లో ఒక దాంట్లోనైనా వెర్‌స్టాపెన్‌ గెలిస్తే వరుసగా నాలుగో ఏడాది అతనికే ప్రపంచ చాంపియన్‌íÙప్‌ టైటిల్‌ లభిస్తుంది.

రేసింగ్‌ రారాజు మైకేల్‌ షూమాకర్‌ పదకొండేళ్ల తర్వాత తొలిసారి బయట కనిపించినట్లు సమాచారం. తన కూతురు గినా పెళ్లి సందర్భంగా ఈ దిగ్గజ డ్రైవర్‌ ప్రపంచం ముందుకు వచ్చినట్లు తెలుస్తోంది. యూకేకు చెందిన మెట్రో సైట్‌ ఈ విషయాన్ని వెల్లడించింది. కాగా ఏడుసార్లు ఫార్ములా వన్‌ చాంపియన్‌గా నిలిచిన షూమాకర్‌ 2013లో ఘోర ప్రమాదానికి గురయ్యాడు.ఫ్రాన్స్‌లో ఆల్ఫ్‌ పర్వతాల్లో కుటుంబంతో కలిసి స్కీయింగ్‌ చేస్తుండగా.. పట్టుతప్పి పడిపోయాడు. ఈ క్రమంలో బండరాయికి తల బలంగా తగలడంతో ప్రాణాపాయ స్థితిలోకి వెళ్లాడు. పేరుకు బతికి ఉన్నాడే గానీ పూర్తిగా అచేతనంగా మారిపోయాడు. ఆ తర్వాత అతడి మళ్లీ పూర్తిస్థాయిలో కోలుకోనే లేదనే వార్తలు వచ్చాయి.అయితే, తాజాగా తన కుమార్తె గినా వివాహ బంధంలో అడుగుపెడుతున్న వేళ షూమాకర్‌ బయటకు వచ్చినట్లు కథనాలు రావడం అతడి అభిమానులకు ఊరటనిచ్చాయి. కాగా గినా అథ్లెట్‌. గుర్రపుస్వారీలో ఆమెకు అనుభవం ఉంది. ఇక గినా పెళ్లి విషయానికొస్తే.. తన చిరకాల స్నేహితుడు ఇయాన్‌ బెత్కెను ఇటీవలే వివాహమాడింది. మూడు రోజుల క్రితం ఇందుకు సంబంధించిన ఫొటోలను ఆమె షేర్‌ చేసింది.అయితే, అందులో షూమాకర్‌ సహా మిగతా కుటుంబ సభ్యులెవరూ లేకపోవడం గమనార్హం. ఇక స్పెయిన్‌లోని మాలోర్కాలో గల లగ్జరీ విల్లాలో గినా వెడ్డింగ్‌ జరిగినట్లు తెలుస్తోంది. కాగా జర్మనీకి చెందిన 55 ఏళ్ల షూమాకర్‌ కుమారుడు మిక్‌ షూమాకర్‌ కూడా ఎఫ్‌1 రేసింగ్‌లో పాల్గొన్నాడు.

ఫార్ములావన్‌ ప్రపంచ చాంపియన్‌లో భాగంగా సింగపూర్‌ గ్రాండ్‌ప్రిలో మెక్‌లారెన్‌ డ్రైవర్‌ లాండో నోరిస్‌ (బ్రిటన్‌) టైటిల్‌ కైవసం చేసుకున్నాడు. క్వాలిఫయింగ్‌ ఈవెంట్‌లో అగ్రస్థానంలో నిలిచి ‘పోల్‌ పొజిషన్‌’తో రేసు ప్రారంభించిన నోరిస్‌ అందరికంటే వేగంగా 1 గంట 40 నిమిషాల 52.571 సెకన్లలో లక్ష్యాన్ని చేరి విజేతగా నిలిచాడు. కాగా డ్రైవర్‌ చాంపియన్‌షిప్‌లో అగ్రస్థానంలో కొనసాగుతున్న రెడ్‌బుల్‌ రేసర్‌ మ్యాక్స్‌ వెర్‌స్టాపెన్‌ (నెదర్లాండ్స్‌) 1 గంట 41 నిమిషాల 13.516 సెకన్లలో గమ్యాన్ని చేరి రెండో స్థానంతో సరిపెట్టుకోగా... మెక్‌లారెన్‌కే చెందిన ఆస్కార్‌ పియాస్ట్రి 1 గంటల 41 నిమిషాల 34.394 సెకన్లతో మూడో స్థానంతో ముగించాడు.ఎవరికి ఎన్ని పాయింట్లు?ఆదివారం నాటి ఈ ప్రదర్శన ద్వారా నోరిస్‌ 25 డ్రైవర్‌ చాంపియన్‌షిప్‌ పాయింట్లు ఖాతాలో వేసుకోగా... వెర్‌స్టాపెన్‌కు 18 పాయిట్లు, పియాస్ట్రికి 15 పాయింట్లు దక్కాయి. 62 ల్యాప్‌ల ఈ రేసులో రెండో స్థానంలో నిలిచిన వెర్‌స్టాపెన్‌ కంటే నోరిస్‌ 20.945 సెకన్ల ముందు లక్ష్యాన్ని చేరాడు. జార్జ్‌ రసెల్‌ (మెర్సిడెస్‌; 1 గంట 41 నిమిషాల 53.611 సెకన్లు), చార్లెస్‌ లెక్‌లెర్క్‌ (ఫెరారీ; 1 గంట 41 నిమిషాల 55.001 సెకన్లు) వరుసగా నాలుగో, ఐదో స్థానాల్లో నిలిచారు.టాప్‌లో అతడేఇక బ్రిటన్‌ స్టార్‌ డ్రైవర్‌ లూయిస్‌ హామిల్టన్‌ (మెర్సిడెస్‌; 1 గంట 42 నిమిషాల 17.819 సెకన్లు) ఆరో స్థానంతో సరిపెట్టుకున్నాడు. 24 రేసుల ఫార్ములావన్‌ సీజన్‌లో సింగపూర్‌ గ్రాండ్‌ప్రి 18వ రేసు కాగా... మరో ఆరు రేసులు మిగిలుండగా... ప్రస్తుతం డ్రైవర్స్‌ చాంపియన్‌షిప్‌లో 331 పాయింట్లతో వెర్‌స్టాపెన్‌ ‘టాప్‌’లో కొనసాగుతున్నాడు.మరోవైపు.. నోరిస్‌ 279 పాయింట్లతో రెండో ర్యాంక్‌లో, లెక్‌లెర్క్‌ 245 పాయింట్లతో మూడో ర్యాంక్‌లో ఉన్నారు. రెండో స్థానంలో ఉన్న నోరిస్‌ కంటే వెర్‌స్టాపెన్‌ 52 పాయింట్లు ఆధిక్యంలో కొనసాగుతున్నాడు. సీజన్‌లోని తదుపరి రేసు యునైటెడ్‌ స్టేట్స్‌ గ్రాండ్‌ప్రి అక్టోబర్‌ 20న ఆస్టిన్‌ నగరంలో జరుగుతుంది. A brush with the barriers, not once but twice! 💥💥Lucky Lando 🍀#F1 #SingaporeGP pic.twitter.com/6KlhtzCQ0w— Formula 1 (@F1) September 22, 2024Winning is a habit 🥳#F1 #SingaporeGP @McLarenF1 pic.twitter.com/w78SCNW4pl— Formula 1 (@F1) September 22, 2024

సింగపూర్‌: ఫార్ములావన్‌ సింగపూర్‌ గ్రాండ్‌ ప్రిలో మెక్‌లారెన్‌ డ్రైవర్‌ లొండా నోరిస్‌ పోల్‌ పొజిషన్‌ సాధించాడు. శనివారం నిర్వహించిన క్వాలిఫయింగ్‌ ఈవెంట్‌లో నోరిస్‌ అందరికంటే వేగంగా, అందరికంటే ముందుగా గమ్యాన్ని చేరుకున్నాడు. నోరిస్‌ 1 గంట 29 నిమిషాల 525 సెకన్లలో లక్ష్యాన్ని చేరి అగ్రస్థానం దక్కించుకోగా... రెడ్‌ బుల్‌ రేసర్‌ మ్యాక్స్‌ వెర్‌స్టాపెన్‌ (1 గంట 29 నిమిషాల 728 సెకన్లు) రెండో స్థానంలో నిలిచాడు. తొలి రెండు స్థానాల్లో నిలిచిన డ్రైవర్ల మధ్య కేవలం 0.203 సెకన్ల తేడా మాత్రమే ఉంది. బ్రిటన్‌ డ్రైవర్‌ లూయిస్‌ హామిల్టన్‌ (మెర్సిడెస్‌; 1 గంట 29 నిమిషాల 841 సెకన్లు) మూడో స్థానంలో నిలిచాడు. జార్జి రసెల్‌ (మెర్సిడెస్‌; 1 గంట 29 నిమిషాల 867 సెకన్లు), ఆస్కార్‌ పీస్ట్రి (మెక్‌లారెన్‌; 1 గంట 29 నిమిషాల 953 సెకన్లు) వరుసగా నాలుగో, ఐదో స్థానాలు దక్కించుకున్నారు. ఆదివారం జరగనున్న ప్రధాన రేసును నోరిస్‌ పోల్‌ పొజిషన్‌తో ప్రారంభించనున్నాడు. 24 రేసుల సీజన్‌లో సింగపూర్‌ గ్రాండ్‌ ప్రి 18వ రేసు కాగా... డ్రైవర్స్‌ చాంపియన్‌షిప్‌లో ప్రస్తుతం నెదర్లాండ్స్‌ డ్రైవర్‌ మ్యాక్స్‌ వెర్‌స్టాపెన్‌ 313 పాయింట్లతో అగ్రస్థానంలో కొనసాగుతున్నాడు. గత కొన్ని రేసులుగా నిలకడ కొనసాగిస్తున్న నోరిస్‌ 254 పాయింట్లతో రెండో స్థానంలో ఉన్నాడు. వీరిద్దరి మధ్య 59 పాయింట్ల అంతరం ఉంది. మరో ఏడు రేసులు మిగిలుండగా... ఈ ఏడాది డ్రైవర్స్‌ చాంపియన్‌íÙప్‌ ట్రోఫీ కైవసం చేసుకునే దిశగా ఆదివారం జరగనున్న సింగపూర్‌ గ్రాండ్‌ ప్రి కీలకం కానుంది.

ఫార్ములావన్‌ ఇటాలియన్‌ గ్రాండ్‌ప్రిలో ఫెరారీ రేసర్‌ చార్లెస్‌ లెక్‌లెర్క్‌ టైటిల్‌ గెలుచుకున్నాడు. నాలుగో స్థానం నుంచి రేసును ప్రారంభించిన ఫెరారీ డ్రైవర్‌.. వాయువేగంతో ముందుకు సాగి అగ్రస్థానం దక్కించుకున్నాడు. గత వారం డచ్‌ గ్రాండ్‌ప్రి టైటిల్‌ దక్కించుకున్న లాండో నోరిస్‌ మూడో స్థానంతో సరిపెట్టుకోగా... డ్రైవర్స్‌ చాంపియన్‌షిప్‌లో ‘టాప్‌’లో ఉన్న వెర్‌స్టాపెన్‌ ఆరో స్థానానికే పరిమితమయ్యాడు. మోంజా (ఇటలీ): ఫార్ములావన్‌ సీజన్‌ 16వ రేసు ఇటాలియన్‌ గ్రాండ్‌ప్రిలో ఫెరారీ డ్రైవర్‌ చార్లెస్‌ లెక్‌లెర్క్‌ విజేతగా నిలిచాడు. ఆదివారం జరిగిన ప్రధాన రేసులో లెక్‌లెర్క్‌ అందరికంటే ముందుగా నిరీ్ణత 53 ల్యాప్‌లను 1 గంటా 14 నిమిషాల 40.727 సెకన్లలో ముగించి విజేతగా నిలిచాడు. ఫెరారీ జట్టు ప్రధాన కేంద్రమైన ఇటలీలో ఆ జట్టుకు టైటిల్‌ దక్కడం ఐదేళ్ల తర్వాత ఇదే తొలిసారి. చివరిసారి 2019లో లెక్‌లెర్కే ఫెరారీ జట్టుకు ఇక్కడ టైటిల్‌ అందించాడు.నాలుగో స్థానం నుంచి రేసును ప్రారంభించిన లెక్‌లెర్క్‌ తనకు అచ్చొచ్చిన ట్రాక్‌పై వాయువేగంతో దూసుకెళ్లాడు. గత కొన్ని రేసుల నుంచి టాప్‌ త్రీలో చోటు దక్కించుకోలేకపోతున్న లెక్‌లెర్క్‌ ఈసారి సత్తా చాటగా... గత వారం డచ్‌ గ్రాండ్‌ప్రిలో విజేతగా నిలిచిన మెక్‌లారెన్‌ డ్రైవర్‌ లాండో నోరిస్‌ మూడో స్థానంతో సరిపెట్టుకున్నాడు. మెక్‌లారెన్‌ జట్టుకే చెందిన ఆస్కార్‌ పియాస్ట్రి 1 గంటా 14 నిమిషాల 43.391 సెకన్లలో లక్ష్యాన్ని చేరి రెండో స్థానంలో నిలిచాడు. అగ్రస్థానం దక్కించుకున్న లెక్‌లెర్క్‌తో పోల్చుకుంటే... పియాస్ట్రి 2.664 సెకన్లు ఆలస్యంగా గెలుపు గీత దాటాడు. మొత్తం 53 ల్యాప్‌లు గల 306.720 కిలోమీటర్ల ఈ రేసును పోల్‌ పొజిషన్‌తో ప్రారంభించిన నోరిస్‌ 1 గంటా 14 నిమిషాల 46.880 సెకన్లలో గమ్యాన్ని చేరి మూడో స్థానం దక్కించుకున్నాడు. డ్రైవర్స్‌ చాంపియన్‌ప్‌ పాయింట్ల పట్టికలో అగ్రస్థానంలో కొనసాగుతున్న రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ 1 గంట 15 నిమిషాల 18.659 సెకన్లలో లక్ష్యాన్ని చేరి ఆరో స్థానంతో సరిపెట్టుకున్నాడు. సీజన్‌లో మరో ఎనిమిది రేసులు మిగిలుండగా... వెర్‌స్టాపెన్‌ 303 పాయింట్లతో టాప్‌లో కొనసాగుతుండగా... 241 పాయింట్లతో నోరిస్‌ రేండో స్థానాన్ని మరింత పటిష్టం చేసుకున్నాడు. తొలి రెండు స్థానాల్లో ఉన్న డ్రైవర్ల మధ్య ప్రస్తుతం 62 పాయింట్ల వ్యత్యాసం ఉంది. రేసు రేసు ఆరంభంలోనే లెక్‌లెర్క్‌ ఆధిక్యం దక్కించుకోగా... మెక్‌లారెన్‌ డ్రైవర్‌ లాండో నోరిస్‌ కూడా వాయువేగంతో దూసుకెళ్లాడు. అయితే రెండో మలుపు వద్ద నోరిస్‌ను మెక్‌లారెన్‌ జట్టుకే చెందిన ఆస్కార్‌ పియాస్ట్రి వెనక్కి నెట్టి రెండో స్థానంలోకి వచ్చాడు.చివరకు వరకు పియాస్ట్రి అదే జోరు కొనసాగించినా.. లెక్‌లెర్క్‌ను అందుకోలేకపోయాడు. కార్లోస్‌ సెయింజ్‌ జూనియర్‌ (ఫెరారీ) 1 గంట 14 నిమిషాల 56.348 సెకన్లలో లక్ష్యాన్ని చేరి నాలుగో స్థానంలో నిలవగా... బ్రిటన్‌ స్టార్‌ డ్రైవర్‌ లూయిస్‌ హామిల్టన్‌ (మెర్సిడెస్‌) 1 గంట 15 నిమిషాల 3.547 సెకన్లలో రేసును ముగించి ఐదో స్థానం దక్కించుకున్నాడు. ఈ రేసు ద్వారానే ఫార్ములావన్‌ అరంగేట్రం చేసిన విలియమ్స్‌ రేసింగ్‌ జట్టు డ్రైవర్‌ ఫ్రాంకో కొలాపింటో 12వ స్థానంలో నిలిచాడు. సీజన్‌లోని తదుపరి రేసు అజర్‌బైజాన్‌ గ్రాండ్‌ప్రి ఈనెల 15న బాకు సిటీలో జరుగుతుంది.

జాండ్‌వర్ట్‌ (నెదర్లాండ్స్‌): ఫార్ములావన్‌ (ఎఫ్‌1) ప్రపంచ చాంపియన్‌ మాక్స్‌ వెర్‌స్టాపెన్‌కు సొంతగడ్డపై ఎదురుదెబ్బ తగిలింది. గత మూడేళ్లుగా డచ్‌ గ్రాండ్‌ప్రిలో సంపూర్ణ ఆధిపత్యం కనబరిచి విజేతగా నిలిచిన వెర్‌స్టాపెన్‌ (రెడ్‌బుల్‌)కు ఈ ఏడాది క్వాలిఫయింగ్‌ రౌండ్‌లో చుక్కెదురైంది. శనివారం నిర్వహించిన అర్హత పోటీలో వెర్‌స్టాపెన్‌ను వెనక్కి నెడుతూ.. లాండో నోరిస్‌ (మెక్‌లారెన్‌) ‘పోల్‌ పొజిషన్‌’సాధించాడు. 2021 సీజన్‌తో ఫార్ములావన్‌ క్యాలెండర్‌లో తిరిగి వచి్చన డచ్‌ గ్రాండ్‌ప్రిలో గత మూడు పర్యాయాలు వెర్‌స్టాపెన్‌ పోల్‌ పొజిషన్‌ సాధించి రేసులో విజేతగా నిలిచాడు. కాగా, శనివారం క్వాలిఫయింగ్‌ రేసులో నోరిస్‌ దుమ్మురేపాడు. వెర్‌స్టాపెన్‌ కంటే రెప్పపాటు ముందు లక్ష్యాన్ని చేరి ‘పోల్‌ పొజిషన్‌’కొట్టేశాడు. పియాస్ట్రి (మెక్‌లారెన్‌), రస్సెల్‌ (మెర్సిడెస్‌), పెరేజ్‌ (రెడ్‌బుల్‌) వరుసగా మూడో, నాలుగో, ఐదో స్థానాల్లో నిలిచాడు. బ్రిటన్‌ స్టార్‌ డ్రైవర్, ఏడుసార్లు ప్రపంచ చాంపియన్‌ లూయిస్‌ హామిల్టన్‌ 12వ స్థానంతో సరిపెట్టుకున్నాడు. ఈ ఏడాది ఇప్పటి వరకు జరిగిన 14 రేసుల్లో ఏడింట నెగ్గిన వెర్‌స్టాపెన్‌... డ్రైవర్స్‌ ప్రపంచ చాంపియన్‌íÙప్‌లో 277 పాయింట్లతో ఎవరికీ అందనంత ఎత్తులో ఉన్నాడు. ఇటీవలి కాలంలో వెర్‌స్టాపెన్‌కు గట్టి పోటీనిస్తున్న బ్రిటన్‌ డ్రైవర్‌ నోరిస్‌ 199 పాయింట్లతో రెండో స్థానంలో కొనసాగుతున్నాడు. క్వాలిఫయింగ్‌ ఈవెంట్‌లో వెర్‌స్టాపెన్‌ జోరుకు చెక్‌ పెట్టిన నోరిస్‌.. ఆదివారం ప్రధాన రేసులోనూ దీన్ని కొనసాగిస్తాడా చూడాలి. 26 ఏళ్ల వెర్‌స్టాపెన్‌కు ఇది కెరీర్‌లో 200వ రేసు కావడం విశేషం. ప్రాక్టీస్‌లో కారు బుగ్గిడచ్‌ గ్రాండ్‌ప్రి క్వాలిఫయింగ్‌ ఈవెంట్‌కు ముందు జరిగిన ప్రాక్టీస్‌ సెషన్‌లో అమెరికా రేసర్‌ లోగాన్‌ సార్జియాంట్‌ కారు ప్రమాదానికి గురైంది. సాధన సమయంలో కారు ట్రాక్‌పై నుంచి కాస్త పక్కకు వెళ్లగానే ఒక్కసారిగా మంటలు ఎగసిపడ్డాయి. దీంతో అప్రమత్తమైన సార్జియాంట్‌ తక్షణమే కారు నుంచి బయటకు దూకేయడంతో పెను ప్రమాదం తప్పింది. అనంతరం సిబ్బంది మంటలను అదుపు చేసేందుకు ప్రయతి్నంచే లోపే కారు మొత్తం కాలి బూడిదైంది. దీంతో పాటు క్వాలిఫయింగ్‌ ఈవెంట్‌ ఆరంభానికి ముందు మరో డ్రైవర్‌ కారులో కూడా మంటలు చెలరేగాయి.

ఫార్ములావన్‌ సీజన్‌లో వరుసగా ఐదు నెలలపాటు ట్రాక్‌పై రయ్‌..రయ్‌..రయ్‌ మంటూ దూసుకెళ్లిన కార్లకు గత 26 రోజులుగా విరామం లభించింది. విరామం ముగియడంతో మళ్లీ ట్రాక్‌పైకి రావడానికి కార్లు, డ్రైవర్లు సిద్ధమయ్యారు. మొత్తం 24 రేసుల ఈ సీజన్‌లో ఇప్పటివరకు 14 రేసులు ముగిశాయి. 15వ రేసుకు నెదర్లాండ్స్‌లోని జాండ్‌వర్ట్‌ సర్క్యూట్‌ ముస్తాబయింది. శుక్రవారం డ్రైవర్లందరూ ప్రాక్టీస్‌ చేశారు. శనివారం క్వాలిఫయింగ్‌ సెషన్‌ను నిర్వహిస్తారు. ఆదివారం ప్రధాన రేసు జరుగుతుంది. సీజన్‌లోని తొలి అర్ధభాగంలో డిఫెండింగ్‌ వరల్డ్‌ చాంపియన్‌ మాక్స్‌ వెర్‌స్టాపెన్‌ ఆధిపత్యం చలాయించి ఏడు రేసుల్లో గెలిచాడు. రెండో భాగంలో మిగిలిన పది రేసుల్లో ఇతర జట్ల డ్రైవర్లు గేర్‌ మార్చి వెర్‌స్టాపెన్‌ దూకుడుకు బ్రేక్‌లు వేస్తారా లేదా వేచి చూడాలి. జాండ్‌వర్ట్‌ (నెదర్లాండ్స్‌): గత మూడేళ్లుగా సొంతగడ్డపై రెడ్‌బుల్‌ జట్టు డ్రైవర్, నెదర్లాండ్స్‌ స్టార్‌ మాక్స్‌ వెర్‌స్టాపెన్‌కు ఎదురులేదు. స్వదేశంలో ‘హ్యాట్రిక్‌’ విజయాలతో జోరు మీదున్న వెర్‌స్టాపెన్‌ వరుసగా నాలుగోసారి టైటిల్‌ సొంతం చేసుకోవాలనే పట్టుదలతో ఉన్నాడు. 2021 సీజన్‌తో ఫార్ములావన్‌ క్యాలెండర్‌లో తిరిగి వచి్చన డచ్‌ గ్రాండ్‌ప్రిలో ఈసారీ గెలిచి అత్యధికసార్లు ఈ రేసు నెగ్గిన జిమ్‌ క్లార్క్‌ సరసన చేరాలని వెర్‌స్టాపెన్‌ భావిస్తున్నాడు. జిమ్‌ క్లార్క్‌ 1963, 1964, 1965, 1967లో డచ్‌ గ్రాండ్‌ప్రి చాంపియన్‌గా నిలవగా.. వెర్‌స్టాపెన్‌ 2021 నుంచి 2023 వరకు మూడేళ్ల పాటు వరుసగా విజయాలు సాధించాడు. గత మూడు రేసుల్లోనూ ‘పోల్‌ పొజిషన్‌’తో ప్రధాన రేసు ప్రారంభించిన 26 ఏళ్ల వెర్‌స్టాపెన్‌కు ఇది కెరీర్‌లో 200వ రేసు కావడం విశేషం. ఈ ఏడాది ఇప్పటి వరకు జరిగిన 14 రేసుల్లో ఏడింటిలో నెగ్గిన వెర్‌స్టాపెన్‌... డ్రైవర్స్‌ ప్రపంచ చాంపియన్‌షిప్‌లో 277 పాయింట్లతో ఎవరికీ అందనంత ఎత్తులో ఉన్నాడు. ఇటీవలి కాలంలో నిలకడైన ప్రదర్శన చేస్తున్న బ్రిటన్‌ డ్రైవర్‌ లాండో నోరిస్‌ (మెక్‌లారెన్‌) 199 పాయింట్లతో రెండో స్థానంలో ఉండగా... చార్లెస్‌ లెక్‌లెర్క్‌ (ఫెరారీ) 177 పాయింట్లతో మూడో స్థానంలో కొనసాగుతున్నాడు. మెర్సిడెస్‌ రేసర్‌ లూయిస్‌ హామిల్టన్‌ 150 పాయింట్లతో ఆరో స్థానంలో ఉన్నాడు. ఈ ఏడాది వెర్‌స్టాపెన్‌ అత్యధికంగా తొమ్మిదిసార్లు పోడియంపై (టాప్‌–3) నిలవగా... నోరిస్‌ ఎనిమిదిసార్లు ఆ ఘనత సాధించాడు. ట్రాక్‌ ఎలా ఉందంటే! ఇసుక దిబ్బలకు ప్రసిద్ధి అయిన జాండ్‌వర్ట్‌లో ఈ రేసు జరగనుంది. సముద్ర తీరానికి అతి సమీపంలోని రిసార్ట్‌లోని అహ్లాదకర వాతావరణం అటు అభిమానులను, ఇటు రేసర్లను మరింత ఉత్సాహపరచనుంది. అనూహ్య మలుపులు, ఊహించని ఎత్తుపల్లాలతో డ్రైవర్లకు ఈ ట్రాక్‌ సవాలు విసరనుంది. 72 ల్యాప్‌లు.. డచ్‌ గ్రాండ్‌ప్రి సర్క్యూట్‌లో మొత్తం 72 ల్యాప్‌లు ఉన్నాయి. అందులో ఒక్కో ల్యాప్‌ 4.2 కిలోమీటర్లు కాగా... పూర్తి రేసు దూరం 307 కిలోమీటర్లు.రెడ్‌బుల్‌ రేసర్‌ మ్యాక్స్‌ వెర్‌స్టాపెన్‌ (నెదర్లాండ్స్‌) కెరీర్‌లో ఇది 200వ రేసు. ఫార్ములావన్‌ చరిత్రలో 200 రేసులు పూర్తి చేసుకోనున్న 23వ డ్రైవర్‌గా వెర్‌స్టాపెన్‌ గుర్తింపు పొందనున్నాడు. 392 రేసులతో ఫెర్నాండో అలోన్సో అగ్రస్థానంలో ఉన్నాడు. హామిల్టన్‌దే రికార్డు డచ్‌ గ్రాండ్‌ప్రిలో అత్యంత వేగంగా ల్యాప్‌ పూర్తి చేసిన రికార్డు బ్రిటన్‌ డ్రైవర్‌ లూయిస్‌ హామిల్టన్‌ పేరిట ఉంది. 2021 రేసులో భాగంగా హామిల్టన్‌ 1 నిమిషం 11.097 సెకన్లలో ల్యాప్‌ను పూర్తి చేశాడు.సొంతగడ్డపై పోటీ పడేటప్పుడు కాస్త ఒత్తిడి ఉండటం సహజమే. గత ఏడాది ఇక్కడ పోటీ పడ్డప్పుడు పూర్తి విశ్వాసంతో బరిలోకి దిగి విజేతగా నిలిచా. ఈ సారి ఇంకా ఎక్కువ పోటీ ఉండనుంది. మరింత మెరుగయ్యేందుకు ప్రయతి్నస్తా. –వెర్‌స్టాపెన్, రెడ్‌బుల్‌ డ్రైవర్‌ నేటి క్వాలిఫయింగ్‌ సెషన్‌ సాయంత్రం గం. 6:30 నుంచి ఫ్యాన్‌ కోడ్‌ యాప్‌లో ప్రత్యక్ష ప్రసారం

బుడాపెస్ట్‌: మెక్‌లారెన్‌ జట్టు డ్రైవర్‌ ఆస్కార్‌ పియాస్ట్రి తన కెరీర్‌లో తొలిసారి ఫార్ములావన్‌ (ఎఫ్‌1) రేసులో విజేతగా నిలిచాడు. ఆదివారం జరిగిన హంగేరి గ్రాండ్‌ప్రిలో 23 ఏళ్ల ఈ ఆ్రస్టేలియన్‌ డ్రైవర్‌ అగ్రస్థానాన్ని పొందాడు. కెరీర్‌లో 35వ రేసులో పోటీపడ్డ ఆస్కార్‌ నిర్ణీత 70 ల్యాప్‌లను అందరికంటే వేగంగా ఒక గంటా 38 నిమిషాల 01.989 సెకన్లలో పూర్తి చేసి టైటిల్‌ దక్కించుకున్నాడు. మెక్‌లారెన్‌కే చెందిన లాండో నోరిస్‌ రెండో స్థానంలో నిలిచాడు.హామిల్టన్‌ (మెర్సిడెస్‌), లెక్‌లెర్క్‌ (ఫెరారీ), వెర్‌స్టాపెన్‌ (రెడ్‌బుల్‌) వరుసగా మూడు, నాలుగు, ఐదు స్థానాల్లో నిలిచారు. సీజన్‌లోని తదుపరి రేసు బెల్జియం గ్రాండ్‌ప్రి ఈనెల 28న జరుగుతుంది.

సుజుకా (జపాన్‌): జపాన్‌ గ్రాండ్‌ప్రి ఫార్ములావన్‌ రేసులో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ విజేతగా నిలిచాడు. ఆదివారం జరిగిన ఈ రేసును వెర్‌స్టాపెన్‌ ‘పోల్‌ పొజిషన్‌’తో ప్రారంభించాడు. నిరీ్ణత 53 ల్యాప్‌లను అందరికంటే వేగంగా ఒక గంటా 54 నిమిషాల 23.566 సెకన్లలో పూర్తి చేసి ఈ నెదర్లాండ్స్‌ డ్రైవర్‌ అగ్రస్థానాన్ని దక్కించుకొని కెరీర్‌లో 57వ టైటిల్‌ను సాధించాడు. ఈ సీజన్‌లో వెర్‌స్టాపెన్‌కిది మూడో విజయంకాగా... జపాన్‌ గ్రాండ్‌ప్రిలో వరుసగా మూడో గెలుపు కావడం విశేషం. రెడ్‌బుల్‌ జట్టుకే చెందిన సెర్జియో పెరెజ్‌ రెండో స్థానంలో నిలిచాడు. ఈ సీజన్‌లో నాలుగు రేసుల తర్వాత వెర్‌స్టాపెన్‌ 77 పాయింట్లతో టాప్‌ ర్యాంక్‌లో కొనసాగుతుండగా... 64 పాయింట్లతో పెరెజ్‌ రెండో స్థానంలో, 59 పాయింట్లతో లెక్‌లెర్క్‌(ఫెరారీ) మూడో స్థానంలో ఉన్నారు. సీజన్‌లోని ఐదో రేసు చైనా గ్రాండ్‌ప్రి ఈనెల 21న జరుగుతుంది.  

సుజుకా: ఫార్ములా వన్‌ సీజన్‌ జపాన్‌ గ్రాండ్‌ప్రి ప్రధాన రేసును రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ కొత్త ఉత్సాహంతో మొదలు పెట్టనున్నాడు. మెల్‌బోర్న్‌లో జరిగిన గత రేసులో కారు బ్రేకులు వైఫల్యంతో రేసు మధ్యనుంచి తప్పుకున్న వెర్‌స్టాపెన్‌... శనివారం జరిగిన జపాన్‌ గ్రాండ్‌ ప్రి క్వాలిఫయింగ్‌లో మొదటి స్థానంలో నిలిచాడు. క్వాలిఫయింగ్‌ రేసును వెర్‌స్టాపెన్‌ 1 నిమిషం 28.197 సెకన్లలో పూర్తి చేశాడు. రెడ్‌బుల్‌కే చెందిన సెర్గెయో పెరెజ్‌ (1 నిమిషం 28. 263 సెకన్లు)కు రెండో స్థానం దక్కగా...ల్యాండో నోరిస్‌ (మెక్లారెన్‌ – 1 నిమిషం 28.489 సె.) మూడో స్థానంలో నిలిచాడు.   

మెల్‌బోర్న్‌: ఫార్ములావన్‌ సీజన్‌లో వరుసగా మూడో విజయం సాధించాలని ఆశించిన వరల్డ్‌ చాంపియన్‌ మాక్స్‌ వెర్‌స్టాపెన్‌ (రెడ్‌బుల్‌)కు నిరాశ ఎదురైంది. ఆదివారం జరిగిన ఆస్ట్రేలియన్‌ గ్రాండ్‌ప్రి రేసును ‘పోల్‌ పొజిషన్‌’తో ఆరంభించిన వెర్‌స్టాపెన్‌ కారు ఇంజిన్‌లో సమస్య తలెత్తడంతో నాలుగో ల్యాప్‌లోనే వైదొలిగాడు. ఈ అవకాశాన్ని సద్వినియోగం చేసుకున్న ఫెరారీ జట్టు డ్రైవర్‌ కార్లోస్‌ సెయింజ్‌ జూనియర్‌ విజేతగా అవతరించాడు. నిర్ణీత 58 ల్యాప్‌ల రేసును సెయింజ్‌ అందరికంటే వేగంగా ఒక గంటా 20 నిమిషాల 26.843 సెకన్లలో ముగించి ఈ సీజన్‌లో తొలి విజయాన్ని అందుకున్నాడు. ఇక ఫెరారీకే చెందిన చార్లెస్‌ లెక్‌లెర్క్‌ రెండో స్థానంలో నిలిచాడు. 2022 బహ్రెయిన్‌ గ్రాండ్‌ప్రి తర్వాత ఇద్దరు ఫెరారీ డ్రైవర్లు టాప్‌–2లో నిలిచారు. సీజన్‌లోని నాలుగో రేసు జపాన్‌ గ్రాండ్‌ప్రి ఏప్రిల్‌ 7న జరుగుతుంది.  

ఫార్ములా వన్‌ సీజన్‌లో మూడో రేసు ఆ్రస్టేలియన్‌ గ్రాండ్‌ప్రిలో మ్యాక్స్‌ వెర్‌స్టాపెన్‌ పోల్‌ పొజిషన్‌ను సాధించాడు. మెల్‌బోర్న్‌లో శనివారం జరిగిన ప్రధాన క్వాలిఫయింగ్‌ రేస్‌ను రెడ్‌బుల్‌ డ్రైవర్‌ వెర్‌స్టాపెన్‌ 1 నిమిషం 15.915 సెకన్లలో పూర్తి చేశాడు. ఫెరారీ డ్రైవర్‌ కార్లోస్‌ సెయింజ్‌ రెండో స్థానంలో (1 నిమిషం 16.185 సె.) రెండో స్థానంలో నిలవగా...ల్యాండో నోరిస్‌ (మెక్లారెన్‌ – 1 నిమిషం 16.315 సె.)కు మూడో స్థానం దక్కింది. తొలి రెండు క్వాలిఫయింగ్‌లలో ముందంజలో నిలిచిన సెయింజ్‌నుంచి గట్టి పోటీ ఎదురైనా ఆ తర్వాత వెర్‌స్టాపెన్‌ దూసుకుపోయాడు. వెర్‌స్టాపెన్‌ ఎఫ్‌1 కెరీర్‌లో ఇది 35వ పోల్‌ పొజిషన్‌ కావడం విశేషం. గత సౌదీ అరేబియా రేసుకు ముందు అపెండిసైటిస్‌ బారిన పడి శస్త్ర చికిత్స చేయించుకున్న సెయింజ్‌ సత్తా చాటాడు. పేలవ ప్రదర్శన కనబర్చిన లూయీస్‌ హామిల్టన్‌ (మెర్సిడెజ్‌) 11వ స్థానంతో సరిపెట్టుకున్నాడు. 

Saudi Arabian Formula One Grand Prix  2024- జెద్దా: ఫార్ములావన్‌ తాజా సీజన్‌లో తన జోరు కొనసాగిస్తూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ వరుసగా రెండో రేసులోనూ టైటిల్‌ సాధించాడు. సౌదీ అరేబియా గ్రాండ్‌ప్రిలో నిర్ణీత 50 ల్యాప్‌లను వెర్‌స్టాపెన్‌ అందరికంటే వేగంగా 1 గంట 20 నిమిషాల 43.273 సెకన్లలో ముగించి అగ్రస్థానాన్ని దక్కించుకున్నాడు. ‘పోల్‌ పొజిషన్‌’తో రేసును ఆరంభించిన వెర్‌స్టాపెన్‌ చివరిదాకా తన ఆధిక్యాన్ని కాపాడుకొని తన కెరీర్‌లో 56వ విజయాన్ని నమోదు చేసుకున్నాడు. సీజన్‌ తొలి రేసు బహ్రెయిన్‌ గ్రాండ్‌ప్రిలోనూ వెర్‌స్టాపెన్‌ నెగ్గాడు. సీజన్‌లోని తదుపరి రేసు ఆస్ట్రేలియా గ్రాండ్‌ప్రి ఈనెల 24న జరుగుతుంది.   పోరాడి ఓడిన శ్రీజ  సింగపూర్‌ స్మాష్‌ వరల్డ్‌ టేబుల్‌ టెన్నిస్‌ (డబ్ల్యూటీటీ) టోర్నీలో తెలంగాణ అమ్మాయి ఆకుల శ్రీజ తొలి రౌండ్‌లోనే నిష్క్రమించింది. ప్రపంచ మూడో ర్యాంకర్‌ వాంగ్‌ మాన్యు (చైనా)తో ఆదివారం జరిగిన మహిళల సింగిల్స్‌ తొలి రౌండ్‌లో ప్రపంచ 50వ ర్యాంకర్‌ శ్రీజ 6–11, 11–9, 5–11, 11–8, 8–11తో పోరాడి ఓడిపోయింది. మరో తొలి రౌండ్‌ మ్యాచ్‌లో సుతీర్థ ముఖర్జీ 4–11, 11–7, 9–11, 11–9, 10–12తో జియోజిన్‌ యాంగ్‌ (చైనా) చేతిలో ఓటమి చవిచూసింది. పురుషుల సింగిల్స్‌లో శరత్‌ కమల్‌ క్వాలిఫయింగ్‌లో విజేతగా నిలిచి మెయిన్‌ ‘డ్రా’కు అర్హత పొందాడు.  

సాఖిర్‌: గత ఏడాది పూర్తి ఆధిపత్యం చలాయించిన రెడ్‌బుల్‌ జట్టు అదే జోరును ఈ ఏడాదీ కొనసాగించాలనే లక్ష్యంతో ఫార్ములావన్‌ (ఎఫ్‌1) 2024 సీజన్‌లో బరిలోకి దిగనుంది. మొత్తం 24 రేసులతో కూడిన ఈ సీజన్‌కు నేడు బహ్రెయిన్‌ గ్రాండ్‌ప్రి రేసుతో తెర లేవనుంది. శనివారం క్వాలిఫయింగ్‌ సెషన్‌... ఆదివారం ప్రధాన రేసు జరుగుతాయి. భారత కాలమానం ప్రకారం నేటి రాత్రి గం. 9:30 నుంచి క్వాలిఫయింగ్‌ సెషన్‌ను... ఆదివారం రాత్రి 8:30 నుంచి ప్రధాన రేసును నిర్వహిస్తారు. ఫ్యాన్‌కోడ్‌ యాప్‌లో ఎఫ్‌1 రేసుల ప్రత్యక్ష ప్రసారం ఉంది. గత సీజన్‌లో మొత్తం 22 రేసులు జరగ్గా... రెడ్‌బుల్‌ జట్టు డ్రైవర్లు వెర్‌స్టాపెన్‌ 19 రేసుల్లో, సెర్జియో పెరెజ్‌ 2 రేసుల్లో గెలిచారు. మరో రేసులో ఫెరారీ జట్టుకు చెందిన కార్లోస్‌ సెయింజ్‌ నెగ్గాడు. కొత్త సీజన్‌లో రెడ్‌బుల్‌ జట్టుతోపాటు వెర్‌స్టాపెన్‌ ప్రదర్శన ఎలా ఉంటుందో వేచి చూడాలి.  

ఏడుసార్లు ఫార్ములావన్‌ వరల్డ్‌ చాంపియన్, బ్రిటన్‌ దిగ్గజ రేసర్‌ లూయిస్‌ హామిల్టన్‌ మెర్సిడెస్‌ జట్టును వీడనున్నాడు. 2013 నుంచి మెర్సిడెస్‌ తరఫున పోటీపడ్డ హామిల్టన్‌ ఈ ఏడాది తర్వాత ఆ జట్టుతో బంధం తెంచుకోనున్నాడు. 39 ఏళ్ల హామిల్టన్‌ 2025 సీజన్‌లో ఫెరారీ జట్టుకు ప్రాతినిధ్యం వహించడం దాదాపు ఖరారైంది. హామిల్టన్‌ 2008, 2014, 2015, 2017, 2018, 2019, 2020లలో ప్రపంచ చాంపియన్‌షిప్‌ టైటిల్‌ గెలిచాడు. 2021లో సౌదీ అరేబియా గ్రాండ్‌ప్రి తర్వాత హామిల్టన్‌ మరో రేసులో విజేతగా నిలువలేకపోయాడు. 

అబుదాబి: ఫార్ములావన్‌–2023 సీజన్‌ను ప్రపంచ చాంపియన్, రెడ్‌బుల్‌ జట్టు డ్రైవర్‌ వెర్‌స్టాపెన్‌ విజయంతో ముగించాడు. చివరిదైన 22వ రేసు అబుదాబి గ్రాండ్‌ప్రిలోనూ వెర్‌స్టాపెన్‌ విజేతగా నిలిచాడు. ఈ సీజన్‌లో వెర్‌స్టాపెన్‌ రికార్డుస్థాయిలో 19 రేసుల్లో నెగ్గాడు. మరో రెండు రేసుల్లో పెరెజ్‌ (రెడ్‌బుల్‌), కార్లోస్‌ సెయింజ్‌ (ఫెరారీ) ఒక రేసులో నెగ్గారు. అబుదాబి గ్రాండ్‌ప్రిని ‘పోల్‌ పొజిషన్‌’తో ఆరంభించిన వెర్‌స్టాపెన్‌ నిర్ణీత 58 ల్యాప్‌లను అందరికంటే వేగంగా ఒక గంట 27 నిమిషాల 02.624 సెకన్లలో ముగించి అగ్రస్థానాన్ని దక్కించుకున్నాడు. కెరీర్‌లో 54వ గెలుపుతో వెర్‌స్టాపెన్‌ ఫార్ములావన్‌ చరిత్రలో అత్యధిక విజయాలు అందుకున్న డ్రైవర్ల జాబితాలో వెటెల్‌ (53)ను అధిగమించి మూడో స్థానానికి చేరుకున్నాడు. హామిల్టన్‌ (103), షుమాకర్‌ (91) తొలి రెండు స్థానాల్లో ఉన్నారు.

సావ్‌పాలో (బ్రెజిల్‌): మరోసారి తన ఆధిపత్యాన్ని చాటుకున్న రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ ఈ ఏడాది ఫార్ములావన్‌ సీజన్‌లో 17వ విజయాన్ని నమోదు చేశాడు. సీజన్‌లోని 20వ రేసు బ్రెజిల్‌ గ్రాండ్‌ప్రిలో వెర్‌స్టాపెన్‌ అగ్రస్థానాన్ని దక్కించుకున్నాడు. 71 ల్యాప్‌ల ప్రధాన రేసును ‘పోల్‌ పొజిషన్‌’తో ప్రారంభించిన అతను చివరిదాకా తన ఆధిక్యాన్ని కాపాడుకొని విజేతగా నిలిచాడు. వెర్‌స్టాపెన్‌ అందరికంటే వేగంగా ఒక గంట 56 నిమిషాల 48.894 సెకన్లలో రేసును ముగించి టైటిల్‌ దక్కించుకున్నాడు. మొత్తం 20 మంది డ్రైవర్లలో 14 మంది మాత్రమే రేసును పూర్తి చేశారు. ఈ ఏడాది మొత్తం 22 రేసులు ఉండగా.. ఇప్పటికి 20 రేసులు ముగిశాయి. 17 రేసుల్లో వెర్‌స్టాపెన్‌ నెగ్గగా... రెండు రేసుల్లో సెర్జియో పెరెజ్‌ (రెడ్‌బుల్‌), ఒక రేసులో కార్లోస్‌ సెయింజ్‌ (ఫెరారీ) గెలిచారు. ఈ సీజన్‌లోని తదుపరి రేసు లాస్‌వేగస్‌ గ్రాండ్‌ప్రి ఈనెల 19న జరుగుతుంది.  

మెక్సికో సిటీ: ఇప్పటికే ప్రపంచ డ్రైవర్స్‌ చాంపియన్‌షిప్‌ టైటిల్‌ను సొంతం చేసుకున్నప్పటికీ... రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ మాత్రం ఫార్ములావన్‌–2023 సీజన్‌లో ఎదురులేకుండా దూసుకుపోతున్నాడు. మెక్సికో గ్రాండ్‌ప్రి రేసులో వెర్‌స్టాపెన్‌ విజేతగా నిలిచాడు. 71 ల్యాప్‌ల ప్రధాన రేసును మూడో స్థానం నుంచి ప్రారంభించిన వెర్‌స్టాపెన్‌ తొలి మలుపు వద్ద ప్రత్యర్థి డ్రైవర్లను ఓవర్‌టేక్‌ చేసి ఆధిక్యంలోకి వచ్చాడు. ఆ తర్వాత రేసు చివరిదాకా ఈ ఆధిక్యాన్ని కాపాడుకొని అగ్రస్థానాన్ని దక్కించుకున్నాడు. వెర్‌స్టాపెన్‌ 71 ల్యాప్‌లను అందరికంటే వేగంగా 2 గంటల 2 నిమిషాల 30.814 సెకన్లలో పూర్తి చేసి విజేతగా నిలిచాడు. ఈ సీజన్‌లో వెర్‌స్టాపెన్‌కిది 16వ గెలుపు కావడం విశేషం. తద్వారా ఒకే ఏడాది అత్యధిక ఎఫ్‌1 రేసుల్లో గెలిచిన డ్రైవర్‌గా తన పేరిటే ఉన్న రికార్డును వెర్‌స్టాపెన్‌ బద్దలు కొట్టాడు. గత ఏడాది వెర్‌స్టాపెన్‌ 15 రేసుల్లో గెలుపొందాడు. ఓవరాల్‌గా వెర్‌స్టాపెన్‌ కెరీర్‌లో ఇది 51వ విజయం. ఈ క్రమంలో కెరీర్‌లో అత్యధిక ఎఫ్‌1 విజయాలు సాధించిన డ్రైవర్ల జాబితాలో నాలుగో స్థానంలో ఉన్న అలైన్‌ ప్రాస్ట్‌ (ఫ్రాన్స్‌) సరసన నిలిచాడు.

యూట్యూబ్‌ ప్రేక్షకులకు పరిచయం అక్కర్లేని పేరు... ధృవ్‌ రాఠీ. ఈ హరియాణా కుర్రాడు యూట్యూబర్‌గా అంతర్జాతీయ స్థాయిలో పేరు తెచ్చుకున్నాడు. గాలివాటంగా విజయం సాధించలేదు. తనదైన సక్సెస్‌ ఫార్ములాను రూపొందించుకున్నాడు. ఆడియో స్పేస్‌లోకి అడుగు పెట్టి పాడ్‌కాస్టర్‌గా కూడా సత్తా చాటాడు. ‘డబ్బు కోసం కాదు ప్యాషన్‌తో పనిలోకి దిగండి. సామాజిక బాధ్యతను మరవకండి’ అంటున్న ధృవ్‌ రాఠీ తాజాగా టైమ్‌ మ్యాగజైన్‌ ‘నెక్స్ట్‌ జెనరేషన్‌ లీడర్స్‌ 2023’ జాబితాలో చోటు సంపాదించాడు... ధృవ్‌ రాఠీ సొంత రాష్ట్రం హరియాణా. జర్మనీలోని కాజ్రువ ఇన్‌స్టిట్యూట్‌ ఆఫ్‌ టెక్నాలజీలో మెకానికల్‌ ఇంజనీరింగ్, అదే ఇన్‌స్టిట్యూట్‌లో రెన్యూవబుల్‌ ఎనర్జీలో మాస్టర్స్‌ డిగ్రీ చేశాడు. ట్రావెల్‌ వీడియోలతో ప్రయాణం ప్రారంభించిన ధృవ్‌ ఆ తరువాత రాజకీయా, సామాజిక అంశాలపై దృష్టి సారించాడు. ‘ఇన్‌సైడ్‌ ది వరల్డ్స్‌ స్మాలెస్ట్‌ కంట్రీ’ ‘గ్రౌండ్‌ రియాలిటీ ఆఫ్‌ దిల్లీ స్కూల్స్‌’ ‘క్లీనింగ్‌ నైన్‌ మిలియన్‌ కేజీ వర్త్‌ ఆఫ్‌ ట్రాష్‌’.... మొదలైన వీడియోలు బాగా పాపులర్‌ అయ్యాయి. ఏదో ఒక వీడియో చేయాలి, వదలాలి అని తొందర పడకుండా ఆచితూచి ఆలోచించి వీడియోలు చేసేవాడు ధృవ్‌. ‘చేయకపోయిన ఫరవాలేదు. చేసింది మాత్రం బాగుండాలి’ అని గట్టిగా నమ్ముతాడు. ఒక అంశంపై వీడియో చేయాలనుకున్నప్పుడు ‘కెమెరా ఉంది కదా. ఇది చాలు’ అనుకోకుండా ఆ అంశంపై లోతుగా రిసెర్చ్‌ చేస్తాడు. జర్నల్స్, రిపోర్ట్స్‌ చదవడంతో పాటు ఎంతోమంది నిపుణులతో మాట్లాడతాడు. ఆ తరువాతే పనిలోకి దిగుతాడు. ‘డబ్బులు బాగా గడించాలనే లక్ష్యంతో యూట్యూబర్‌గా మారవద్దు. యూట్యూబ్‌ అనేది జస్ట్‌ ఫర్‌ మనీ అనే భావనను మనసులో నుంచి తీసివేయాలి. ప్యాషన్‌ ఉన్నప్పుడే క్రియేటర్‌ కావాలి. ఒక క్రియేటర్‌ సక్సెస్‌ కావడానికి ఓపిక అనేది అతి ముఖ్యం. ఇక నేను తెలుసుకునేది ఏమీ లేదు అనుకోకుండా అనుభవాలు, పరిస్థితుల నుంచి ఎప్పటికప్పుడు పాఠాలు నేర్చుకోవాలి. నేను నేర్చుకున్నది ఏమిటో నా గత వీడియోలు, ఇప్పటి వీడియోలకు మధ్య ఉన్న తేడాను గమనిస్తే తెలుస్తుంది. ఖరీదైన టెక్నికల్‌ టూల్స్‌ వాడినంత మాత్రాన పేరు రాదు అనేది గ్రహిం చాలి. వృథాగా డబ్బులు ఖర్చు చేయవద్దు. సింపుల్‌  కెమెరా ఫోన్, ఫ్రీ వీడియో ఎడిటర్‌తో మన ప్రయాణం మొదలు పెట్టవచ్చు. సామాజిక బాధ్యతను ఎప్పుడూ మరవద్దు’ అంటాడు ధృవ్‌. ‘పాపులర్‌ యూట్యూబర్‌’గా పేరు వచ్చినప్పటికీ అక్కడే ఆగిపోకుండా ఆడియో స్పేస్‌లోకి అడుగు పెట్టాడు ధృవ్‌ రాఠీ. పాలిటిక్స్, ఎంటర్‌టైన్‌మెంట్, సోషల్, ఎకనామిక్స్‌ టాపిక్‌లను కవర్‌ చేస్తూ పాడ్‌కాస్టర్‌గా కూడా తానేమిటో నిరూపించుకున్నాడు. ‘పాడ్‌కాస్ట్‌లో అనుకూలతలు, ప్రతికూలతలు ఉన్నాయి. విజువల్‌గా ఆట్టుకునే అవకాశం లేదు. యానిమేషన్‌కు వీలులేదు. కేవలం మాట మాత్రమే ముఖ్యం అవుతుంది. శ్రోతలు తమ పనులు చేసుకుంటూ కూడా మన మాటలు ఆసక్తిగా వినేలా చేయాలి. పాడ్‌కాస్టింగ్‌లో నేను వీడియోలో ఎలా కనిపించాలి? అనేదాని గురించి ఆలోచించాల్సిన అవసరం లేదు. ఆకట్టుకునేలా ఎలా మాట్లాడాలి? అనేదానిపైనే దృష్టి ఉంటుంది. నా ముఖాన్ని మాత్రమే కాదు గొంతు కూడా చాలామంది గుర్తుపట్టడం అనేది పాడ్‌కాస్టింగ్‌లో నాకు ప్లస్‌పాయింట్‌ అయింది. పాడ్‌కాస్టర్‌గా నాకు మంచి మార్కులు వేస్తూ శ్రోతలు నుంచి మెయిల్స్, మెసేజ్‌లు వస్తుంటాయి’ అంటున్న ధృవ్‌ అభిరుచుల విషయానికి వస్తే...ప్రయాణాలు, ఫొటోగ్రఫీ, స్కూబా–డైవింగ్, పుస్తక పఠనం అంటే ఇష్టం. ‘తక్కువలో ఎక్కువ’ అనేది నమ్మే సూత్రం.  (చదవండి: సాధారణ ఉద్యోగిగా అడుగుపెట్టి..నేడు సంపన్న మహిళగా..!)

దోహా: వేదిక మారినా ఫలితం మారలేదు. ఈ ఏడాది ఫార్ములావన్‌ సీజన్‌లో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ 14వ విజయం నమోదు చేసుకున్నాడు. భారత కాలమానం ప్రకారం ఆదివారం అర్ధరాత్రి దాటాక ముగిసిన ఖతర్‌ గ్రాండ్‌ప్రిలో వెర్‌స్టాపెన్‌ చాంపియన్‌గా నిలిచాడు. నిరీ్ణత 57 ల్యాప్‌లను వెర్‌స్టాపెన్‌ అందరికంటే వేగంగా ఒక గంటా 27 నిమిషాల 39.168 సెకన్లలో ముగించి అగ్రస్థానాన్ని దక్కించుకున్నాడు. ఆస్కార్‌ పియస్ట్రీ (మెక్‌లారెన్‌) రెండో స్థానంలో, లాండో నోరిస్‌ (మెక్‌లారెన్‌) మూడో స్థానంలో నిలిచారు. ప్రపంచ మాజీ చాంపియన్‌ లూయిస్‌ హామిల్టన్‌ (మెర్సిడెస్‌), కార్లోస్‌ సెయింజ్‌ (ఫెరారీ) తొలి ల్యాప్‌లోనే వెనుదిరిగారు. ఈ ఫలితంతో వెర్‌స్టాపెన్‌ ఈ సీజన్‌లో మరో ఐదు రేసులు మిగిలి ఉండగానే 433 పాయింట్లతో ప్రపంచ డ్రైవర్స్‌ చాంపియన్‌íÙప్‌ టైటిల్‌ను కైవసం చేసుకున్నాడు. 22 రేసుల ఈ సీజన్‌లో ఇప్పటి వరకు 17 రేసులు ముగిశాయి. ఇందులో 14 రేసుల్లో వెర్‌స్టాపెన్, రెండు రేసుల్లో పెరెజ్‌ (రెడ్‌బుల్‌), మరో రేసులో కార్లోస్‌ సెయింజ్‌ (ఫెరారీ) గెలిచారు. 2021, 2022లలో కూడా వెర్‌స్టాపెన్‌ ప్రపంచ చాంపియన్‌íÙప్‌ టైటిల్‌ను సాధించాడు. ఈ సీజన్‌లోని తదుపరి రేసు యూఎస్‌ఎ గ్రాండ్‌ప్రి ఈనెల 22న జరుగుతుంది.   

సుజుకా (జపాన్‌): ఈ ఏడాది ఫార్ములావన్‌ సీజన్‌లో ఎదురులేని రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ తొమ్మిదోసారి పోల్‌ పొజిషన్‌ సాధించాడు. శనివారం జరిగిన జపాన్‌ గ్రాండ్‌ప్రి క్వాలిఫయింగ్‌ సెషన్‌లో వెర్‌స్టాపెన్‌ అందరికంటే వేగంగా ల్యాప్‌ను ఒక నిమిషం 28.877 సెకన్లలో ముగించాడు. తద్వారా నేడు జరిగే ప్రధాన రేసును వెర్‌స్టాపెన్‌ తొలి స్థానం నుంచి ప్రారంభిస్తాడు. ఈ సీజన్‌లో ఇప్పటి వరకు 15 రేసులు జరగ్గా, రెడ్‌బుల్‌ జట్టు డ్రైవర్లు వరుసగా 14 రేసుల్లో విజేతలుగా నిలిచారు. వెర్‌స్టాపెన్‌ 12 రేసుల్లో, పెరెజ్‌ రెండు రేసుల్లో గెలిచారు. గతవారం జరిగిన సింగపూర్‌ గ్రాండ్‌ప్రిలో ఫెరారీ డ్రైవర్‌ కార్లోస్‌ సెయింజ్‌ చాంపియన్‌గా నిలిచి రెడ్‌బుల్‌ జట్టు జైత్రయాత్రకు అడ్డుకట్ట వేశాడు.   

సింగపూర్‌: ఫార్ములావన్‌ 2023 సీజన్‌లో ఎట్టకేలకు 15వ రేసులో రెడ్‌బుల్‌ జట్టు డ్రైవర్లు కాకుండా మరో జట్టుకు చెందిన డ్రైవర్‌ విజేతగా నిలిచాడు. ఆదివారం జరిగిన సింగపూర్‌ గ్రాండ్‌ప్రిలో ఫెరారీ జట్టు డ్రైవర్‌ కార్లోస్‌ సెయింజ్‌ చాంపియన్‌ అయ్యాడు. నిర్ణీత 62 ల్యాప్‌ల ఈ రేసును ‘పోల్‌ పొజిషన్‌’తో ప్రారంభించిన సెయింజ్‌ అందరికంటే వేగంగా గంటా 46 నిమిషాల 37.418 సెకన్లలో ముగించి అగ్రస్థానాన్ని సంపాదించాడు. 22 రేసుల ఈ సీజన్‌లో తొలి 14 రేసుల్లో రెడ్‌బుల్‌ డ్రైవర్లు వెర్‌స్టాపెన్‌ (12), సెర్జియో పెరెజ్‌ (2) విజేతగా నిలిచారు. అయితే సింగపూర్‌ గ్రాండ్‌ప్రిలో వీరిద్దరికి నిరాశ ఎదురైంది. వెర్‌స్టాపెన్‌ ఐదో స్థానంతో, పెరెజ్‌ ఎనిమిదో స్థానంతో సరిపెట్టుకున్నారు. లాండో నోరిస్‌ (మెక్‌లారెన్‌) రెండో స్థానంలో, లూయిస్‌ హామిల్టన్‌ (మెర్సిడెస్‌) మూడో స్థానంలో నిలిచారు. సీజన్‌లోని తదుపరి రేసు జపాన్‌ గ్రాండ్‌ప్రి ఈనెల 24న జరుగుతుంది.   

సింగపూర్‌: ఫార్ములావన్‌లో ఈ సీజన్‌లో తొలిసారి రెడ్‌బుల్‌ డ్రైవర్లు వెర్‌స్టాపెన్, సెర్జియో పెరెజ్‌ నిరాశపరిచారు. శనివారం జరిగిన సింగపూర్‌ గ్రాండ్‌ప్రి క్వాలిఫయింగ్‌ సెషన్‌లో వెర్‌స్టాపెన్‌ 11వ స్థానంలో, పెరెజ్‌ 13వ స్థానంలో నిలిచారు. నేడు జరిగే ప్రధాన రేసును వెర్‌స్టాపెన్‌ 11వ స్థానం నుంచి, పెరెజ్‌ 13వ స్థానం నుంచి ప్రారంభిస్తారు. మరోవైపు ఫెరారీ డ్రైవర్‌ కార్లోస్‌ సెయింజ్‌ అందరికంటే వేగంగా ల్యాప్‌ను 1 నిమిషం 30.984 సెకన్లలో ముగించి ‘పోల్‌ పొజిషన్‌’ సాధించాడు. నేడు జరిగే ప్రధాన రేసును సెయింజ్‌ తొలి స్థానం నుంచి మొదలు పెడతాడు. ఈ సీజన్‌లో 14 రేసులు జరగ్గా... 14 రేసుల్లోనూ రెడ్‌బుల్‌ డ్రైవర్లు వెర్‌స్టాపెన్‌ (12 రేసుల్లో), పెరెజ్‌ (2 రేసుల్లో) విజేతలుగా నిలిచారు.

మోంజా (ఇటలీ): అందివచ్చిన అవకాశాన్ని సద్వినియోగం చేసుకున్న రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ చరిత్ర పుటల్లోకి ఎక్కాడు. ఫార్ములావన్‌ (ఎఫ్‌1) చరిత్రలో ఒకే సీజన్‌లో అత్యధికంగా 10 వరుస విజయాలు సాధించిన డ్రైవర్‌గా వెర్‌స్టాపెన్‌ గుర్తింపు పొందాడు. ఆదివారం జరిగిన ఇటలీ గ్రాండ్‌ప్రిలో రెండో స్థానం నుంచి రేసును ఆరంభించిన వెర్‌స్టాపెన్‌ నిర్ణీత 51 ల్యాప్‌లను అందరికంటే వేగంగా ఒక గంట 13 నిమిషాల 41.143 సెకన్లలో పూర్తి చేసి అగ్రస్థానం దక్కించుకున్నాడు. పెరెజ్‌ రెండో స్థానంలో, సెయింజ్‌ మూడో స్థానంలో నిలిచారు. ఫెరారీ డ్రైవర్‌ కార్లోస్‌ సెయింజ్‌ ‘పోల్‌ పొజిషన్‌’తో రేసును మొదలుపెట్టగా... 15వ ల్యాప్‌లో సెయింజ్‌ను వెర్‌స్టాపెన్‌ ఓవర్‌టేక్‌ చేసి ఆధిక్యంలోకి వెళ్లాడు. ఆ తర్వాత వెర్‌స్టాపెన్‌ను ఎవరూ అందుకోలేకపోయారు. దాంతో వెర్‌స్టాపెన్‌ ఖాతాలో ఈ సీజన్‌లో ఓవరాల్‌గా 12వ విజయం... వరుసగా 10వ విజయంతో కొత్త చరిత్ర నమోదైంది. 2013లో సెబాస్టియన్‌ వెటెల్‌ వరుసగా 9 రేసుల్లో గెలిచాడు. వెటెల్‌ రికార్డును 25 ఏళ్ల వెర్‌స్టాపెన్‌ బద్దలు కొట్టాడు. అంతేకాకుండా ఈ సీజన్‌లో జరిగిన 14 రేసుల్లోనూ రెడ్‌బుల్‌ జట్టు డ్రైవర్లే గెలుపొందడం విశేషం. వెర్‌స్టాపెన్‌ 12 రేసుల్లో నెగ్గగా... రెడ్‌బుల్‌ జట్టుకే చెందిన మరో డ్రైవర్‌ సెర్జియో పెరెజ్‌ రెండు రేసుల్లో గెలిచాడు. 22 రేసుల ఈ సీజన్‌లో ప్రస్తుతం వెర్‌స్టాపెన్‌ 364 పాయింట్లతో టాప్‌ ర్యాంక్‌లో కొనసాగుతున్నాడు. తదుపరి రేసు సింగపూర్‌ గ్రాండ్‌ప్రి ఈనెల 17న జరుగుతుంది.   

మోంజా: ఫార్ములావన్‌ సీజన్‌లో భాగంగా ఇటలీ గ్రాండ్‌ప్రి క్వాలిఫయింగ్‌ సెషన్‌లో ఫెరారీ డ్రైవర్‌ కార్లోస్‌ సెయింజ్‌ ‘పోల్‌ పొజిషన్‌’ సాధించాడు. శనివారం జరిగిన క్వాలిఫయింగ్‌లో సెయింజ్‌ అందరికంటే వేగంగా ల్యాప్‌ను ఒక నిమిషం 20.294 సెకన్లలో ముగించాడు. తద్వారా నేడు జరిగే ప్రధాన రేసును సెయింజ్‌ తొలి స్థానం నుంచి ప్రారంభిస్తాడు. ఈ సీజన్‌లో సెయింజ్‌కిది తొలి పోల్‌ పొజిషన్‌ కావడం విశేషం. రికార్డుస్థాయిలో వరుసగా పదో విజయంపై దృష్టి సారించిన రెడ్‌బుల్‌ జట్టు డ్రైవర్‌ వెర్‌స్టాపెన్‌ రెండో స్థానం నుంచి రేసును మొదలుపెడతాడు. ఒకవేళ నేటి రేసులో వెర్‌స్టాపెన్‌ విజేతగా నిలిస్తే ఫార్ములావన్‌ చరిత్రలో ఒకే సీజన్‌లో వరుసగా 10 విజయాలు సాధించిన తొలి డ్రైవర్‌గా ప్రపంచ రికార్డు సృష్టిస్తాడు. ఫెరారీకి చెందిన లెక్‌లెర్క్‌ మూడో స్థానం నుంచి రేసును ఆరంభిస్తారు. ఈ సీజన్‌లో ఇప్పటి వరకు 13 రేసులు జరగ్గా అన్నింటా రెడ్‌బుల్‌ డ్రైవర్లే విజేతలుగా నిలిచారు. వెర్‌స్టాపెన్‌ 11 రేసుల్లో, పెరెజ్‌ రెండు రేసుల్లో నెగ్గారు.   

జాండ్‌వూర్ట్‌ (నెదర్లాండ్స్‌): ఫార్ములావన్‌ సీజన్‌లో తన జోరు కొనసాగిస్తూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ 11వ విజయం సాధించాడు. ఆదివారం జరిగిన డచ్‌ గ్రాండ్‌ప్రిలో వెర్‌స్టాపెన్‌ విజేతగా నిలిచి ఈ సీజన్‌లో వరుసగా తొమ్మిదో విజయం అందుకున్నాడు. తద్వారా ఫార్ములావన్‌ చరిత్రలో అత్యధిక వరుస విజయాలు సాధించిన డ్రైవర్‌గా సెబాస్టియన్‌ వెటెల్‌ (2013లో వరుసగా 9) పేరిట ఉన్న రికార్డును వెర్‌స్టాపెన్‌ సమం చేశాడు. వర్షం పలుమార్లు అంతరాయం కలిగించిన ఈ రేసులో నిర్ణీత 72 ల్యాప్‌లను వెర్‌స్టాపెన్‌ అందరికంటే వేగంగా 2 గంటల 24 నిమిషాల 04.411 సెకన్లలో ముగించి అగ్రస్థానం దక్కించుకున్నాడు. అలోన్సో (ఆస్టన్‌ మారి్టన్‌) రెండో స్థానంలో, పియరీ గాస్లీ (అలై్పన్‌) మూడో స్థానంలో నిలిచారు. 22 రేసుల ఈ సీజన్‌లో ఇప్పటి వరకు 13 రేసులు జరగ్గా 13 రేసుల్లోనూ రెడ్‌బుల్‌ డ్రైవర్లే విజేతలుగా నిలిచారు. వెర్‌స్టాపెన్‌ 11 రేసుల్లో గెలుపొందగా, మిగిలిన రెండు రేసుల్లో రెడ్‌బుల్‌కే చెందిన సెర్జియో పెరెజ్‌ టైటిల్స్‌ సాధించాడు. ప్రస్తుతం డ్రైవర్స్‌ చాంపియన్‌షిప్‌లో వెర్‌స్టాపెన్‌ 339 పాయింట్లతో టాప్‌ ర్యాంక్‌లో కొనసాగుతుండగా... పెరెజ్‌ 201 పాయింట్లతో రెండో స్థానంలో ఉన్నాడు. సీజన్‌లోని తదుపరి రేసు ఇటలీ గ్రాండ్‌ప్రి సెప్టెంబర్‌ 3న జరుగుతుంది. చదవండి: #Neeraj Chopra:13 ఏళ్ల వయస్సులోనే ఎన్నో అవమానాలు.. అయినా వరల్డ్‌ ఛాంపియన్‌! నీరజ్‌ 'బంగారు' కథ

స్పా–ఫ్రాంకోర్‌చాంప్స్‌ (బెల్జియం): ఈ ఏడాది ఫార్ములావన్‌ సీజన్‌లో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ తనకు ఎదురేలేదన్నట్లు దూసుకుపోతున్నాడు. ఆదివారం జరిగిన బెల్జియం గ్రాండ్‌ప్రిలో వెర్‌స్టాపెన్‌ చాంపియన్‌గా నిలిచాడు. 44 ల్యాప్‌ల రేసును ఆరో స్థానం నుంచి ప్రారంభించిన వెర్‌స్టాపెన్‌ అందరికంటే వేగంగా ఒక గంటా 22 నిమిషాల 30.450 సెకన్లలో ముగించి వరుసగా ఎనిమిదో విజయాన్ని తన ఖాతాలో వేసుకున్నాడు. ఈ సీజన్‌లో 12 రేసులు జరగ్గా వెర్‌స్టాపెన్‌ పది రేసుల్లో నెగ్గాడు. మరో రెండు రేసుల్లో రెడ్‌బుల్‌ జట్టుకే చెందిన సెర్జియో పెరెజ్‌ విజేతగా నిలిచాడు. శనివారం జరిగిన క్వాలిఫయింగ్‌లో వెర్‌స్టాపెన్‌ పోల్‌ పొజిషన్‌ సాధించినా... నిబంధనలకు విరుద్ధంగా కొత్త గేర్‌బాక్స్‌ మార్చినందుకు అతనిపై ఐదు గ్రిడ్‌ల పెనాల్టీని విధించారు. దాంతో ఆదివారం జరిగిన ప్రధాన రేసును వెర్‌స్టాపెన్‌ ఆరో స్థానం నుంచి మొదలుపెట్టాడు. పెరెజ్‌ రెండో స్థానంలో, చార్లెస్‌ లెక్‌లెర్క్‌ (ఫెరారీ) మూడో స్థానంలో నిలిచారు. సీజన్‌లోని తదుపరి రేసు డచ్‌ గ్రాండ్‌ప్రి ఆగస్టు 27న జరుగుతుంది.     ఆసియా యూత్, జూనియర్‌ వెయిట్‌లిఫ్టింగ్‌ చాంపియన్‌షిప్‌లో పురుషుల 61 కేజీల విభాగంలో భారత లిఫ్టర్‌ సిద్ధాంత గొగోయ్‌ పసిడి పతకం సాధించాడు. గ్రేటర్‌ నోయిడాలో జరుగుతున్న ఈ పోటీల్లో ఆదివారం సిద్ధాంత మొత్తం 265 కేజీలు (స్నాచ్‌లో 116+క్లీన్‌ అండ్‌ జెర్క్‌లో 149) బరువెత్తి విజేతగా నిలిచాడు. ఈ విభాగంలో భారత్‌కే చెందిన శంకర్‌ లాపుంగ్‌ (256 కేజీలు) కాంస్య పతకం గెల్చుకున్నాడు. మహిళల జూనియర్‌ 49 కేజీల విభాగంలో జ్ఞానేశ్వరి యాదవ్, మహిళల యూత్‌ 49 కేజీల విభాగంలో కోయల్‌ రజత పతకాలు సాధించారు.     

బుడాపెస్ట్‌: ఫార్ములావన్‌ సీజన్‌లో తన జోరు కొనసాగిస్తూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ వరుసగా ఏడో విజయాన్ని, ఓవరాల్‌గా తొమ్మిదో టైటిల్‌ను తన ఖాతాలో వేసుకున్నాడు. ఆదివారం జరిగిన హంగేరి గ్రాండ్‌ప్రిలో వెర్‌స్టాపెన్‌ నిర్ణీత 70 ల్యాప్‌లను అందరికంటే వేగంగా ఒక గంటా 38 నిమిషాల 08.634 సెకన్లలో పూర్తి చేసి గెలుపొందాడు. ‘పోల్‌ పొజిషన్‌’తో రేసును ఆరంభించిన హామిల్టన్‌ను వెర్‌స్టాపెన్‌ తొలి ల్యాప్‌ మలుపు వద్ద ఓవర్‌టేక్‌ చేసి వెనుదిరిగి చూడలేదు. ఈ గెలుపుతో ఫార్ములావన్‌ చరిత్రలో వరుసగా 12 రేసుల్లో నెగ్గిన తొలి జట్టుగా రెడ్‌బుల్‌ గుర్తింపు పొందింది. 1988లో మెక్‌లారెన్‌ జట్టు వరుసగా 11 రేసుల్లో గెలిచింది.  

స్పిల్‌బర్గ్‌ వేదికగా జరిగిన ఆస్ట్రియా జీపీ ఎఫ్‌-1 రేసులో ఒక ఫన్నీ సంఘటన చోటుచేసుకుంది. రేసును చూడడానికి చాలా మంది అభిమానులు రావడంతో వారిని ఎంటర్‌టైన్‌ చేసేందుకు నిర్వాహకులు.. స్టంట్‌మన్స్‌తో గాలిలో జెట్‌ప్యాక్స్‌తో కొన్ని స్టంట్స్‌ చేయించారు. సూపర్‌గా సాగుతూ మంచి ఎంటర్‌టైనింగ్‌ నడుస్తున్న సమయంలో ఊహించని రీతిలో ఒక స్టంట్‌మన్‌ జెట్‌ప్యాక్‌ ల్యాపింగ్‌ అయింది. దీంతో ఒక్కసారిగా కంట్రోల్‌ తప్పిన స్టంట్‌మన్‌ నేరుగా రేసు నిర్వహించే ల్యాప్‌పై మూడు పల్టీలు కొట్టాడు. అంత పైనుంచి పడినా అదృష్టవశాత్తూ సదరు స్టంట్‌మన్‌కు ఎలాంటి ప్రమాదం జరగలేదు. మరికొద్ది నిమిషాల్లో రేసు ప్రారంభమవుతుందనగా ఇది చోటుచేసుకోవడంతో కాస్త ఆందోళన కలిగించినా.. ఆ స్టంట్‌మన్‌ తనంతట తానుగా లేచి వెళ్లిపోవడంతో అభిమానులు ఊపిరి పీల్చుకున్నారు. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక రేసు విషయానికి వస్తే ఆదివారం ఆస్ట్రియన్‌ గ్రాండ్‌ప్రిలో  రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ విజేతగా నిలిచాడు. ఈ ట్రాక్‌పై తనకు పోటీనిచ్చిన ఫెరారీ రేసర్‌ చార్లెస్‌ లెక్‌లెర్క్‌ను వెనక్కి నెట్టి తన వేగంతో అగ్ర స్థానంలో నిలిచాడు. దీంతో నిరుటి విజేత లెక్‌లెర్క్‌ రెండో స్థానంతో తృప్తి చెందాడు.పోల్‌ పొజిషన్‌తో రేసును ప్రారంభించిన వెర్‌స్టాపెన్‌ 71 ల్యాపుల్ని అందరికంటే ముందుగా ఒక గంటా 25 నిమిషాల 33.607 సెకన్లలో పూర్తి చేశాడు. ఈ సీజన్‌లో 25 ఏళ్ల ఈ డచ్‌ డ్రైవర్‌కిది వరుసగా ఐదో విజయం కాగా... ఓవరాల్‌గా ఇప్పటివరకు జరిగిన 9 రేసుల్లో ఏడో విజయాన్ని నమోదు చేశాడు. దీంతో 377 పాయింట్లతో రెడ్‌బుల్‌ జట్టు అగ్రస్థానంలో కొనసాగుతోంది. ఇదే జట్టుకు చెందిన సెర్గియో పెరెజ్‌ మూడో స్థానంలో నిలిచాడు. తదుపరి రేసు బ్రిటిష్‌ గ్రాండ్‌ప్రి ఈ నెల 9న సిల్వర్‌స్టోన్‌ సర్క్యూట్‌పై జరుగుతుంది.   Oscar Piastri nailing 'The Office' camera look after this jet-pack mishap! 😂 Glad to see the jet-pack flier in good spirits after too 😊#AustrianGP #F1 @OscarPiastri @McLarenF1 pic.twitter.com/AUwS04whpd — Formula 1 (@F1) July 2, 2023 చదవండి: ఆ ముగ్గురిపై సస్పెన్షన్‌ వేటు.. ఆస్ట్రేలియా జట్టుకు క్షమాపణ అడవి రాముడు లింబా రామ్‌.. గురి పెట్టాడో..!

స్పిల్‌బర్గ్‌: ఫార్ములా వన్‌లో చాంపియన్‌ రేసర్‌ మ్యాక్స్‌ వెర్‌స్టాపెన్‌ ఎదురే లేని జోరుతో దూసుకెళుతున్నాడు. ఆదివారం ఆస్ట్రియన్‌ గ్రాండ్‌ప్రిలో ఈ రెడ్‌బుల్‌ డ్రైవర్‌ విజేతగా నిలిచాడు. ఈ ట్రాక్‌పై తనకు పోటీనిచ్చిన ఫెరారీ రేసర్‌ చార్లెస్‌ లెక్‌లెర్క్‌ను వెనక్కి నెట్టి తన వేగంతో అగ్ర స్థానంలో నిలిచాడు. దీంతో నిరుటి విజేత లెక్‌లెర్క్‌ రెండో స్థానంతో తృప్తి చెందాడు. The race-winning moment for @Max33Verstappen with this slick move past Charles Leclerc! 👌😮‍💨#AustrianGP #F1 @redbullracing pic.twitter.com/Agk56wjB84 — Formula 1 (@F1) July 2, 2023 పోల్‌ పొజిషన్‌తో రేసును ప్రారంభించిన వెర్‌స్టాపెన్‌ 71 ల్యాపుల్ని అందరికంటే ముందుగా ఒక గంటా 25 నిమిషాల 33.607 సెకన్లలో పూర్తి చేశాడు. ఈ సీజన్‌లో 25 ఏళ్ల ఈ డచ్‌ డ్రైవర్‌కిది వరుసగా ఐదో విజయం కాగా... ఓవరాల్‌గా ఇప్పటివరకు జరిగిన 9 రేసుల్లో ఏడో విజయాన్ని నమోదు చేశాడు. దీంతో 377 పాయింట్లతో రెడ్‌బుల్‌ జట్టు అగ్రస్థానంలో కొనసాగుతోంది. ఇదే జట్టుకు చెందిన సెర్గియో పెరెజ్‌ మూడో స్థానంలో నిలిచాడు. తదుపరి రేసు బ్రిటిష్‌ గ్రాండ్‌ప్రి ఈ నెల 9న సిల్వర్‌స్టోన్‌ సర్క్యూట్‌పై జరుగుతుంది.     

మోంట్‌మెలో (స్పెయిన్‌): ఫార్ములావన్‌ తాజా సీజన్‌లో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ తన జోరు కొనసాగిస్తున్నాడు. ఆదివారం జరిగిన స్పానిష్‌ గ్రాండ్‌ప్రిలో డిఫెండింగ్‌ చాంపియన్‌గా బరిలోకి దిగి టైటిల్‌ నిలబెట్టుకున్నాడు. 66 ల్యాప్‌ల రేసును ‘పోల్‌ పొజిషన్‌’ తో ప్రారంభించిన వెర్‌స్టాపెన్‌ అందరికంటే వేగంగా ఒక గంటా 27 నిమిషాల 57.940 సెకన్లలో ముగించి విజేతగా నిలిచాడు. హామిల్టన్‌ (మెర్సిడెస్‌) రెండో స్థానంలో, రసెల్‌ (మెర్సిడెస్‌) మూడో స్థానంలో, పెరెజ్‌ (రెడ్‌బుల్‌) నాలుగో స్థానంలో నిలిచారు. ఈ సీజన్‌లో వెర్‌స్టాపెన్‌కిది వరుసగా మూడో విజయంకాగా, ఓవరాల్‌గా ఐదో టైటిల్‌ కావడం విశేషం. ఈ సీజన్‌లో మొత్తం ఏడు రేసులు జరగ్గా ... ఏడింటిలోనూ రెడ్‌బుల్‌ జట్టు డ్రైవర్లే విజేతగా నిలువడం గమనార్హం. వెర్‌స్టాపెన్‌ బహ్రెయిన్, ఆ్రస్టేలియా, మయామి, మొనాకో, స్పానిష్‌ రేసుల్లో నెగ్గగా... పెరెజ్‌ సౌదీ అరేబియా, అజర్‌బైజాన్‌ రేసుల్లో అగ్రస్థానాన్ని దక్కించుకున్నాడు. సీజన్‌లోని ఎనిమిదో రేసు కెనడియన్‌ గ్రాండ్‌ప్రి ఈనెల 18న జరుగుతుంది.       

మాంట్‌మెలో (స్పెయిన్‌): ఫార్ములా వన్‌ స్పానిష్‌ గ్రాండ్‌ప్రి ప్రధాన రేసును రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ మొదటి స్థానంతో మొదలు పెడతాడు. శనివారం జరిగిన క్వాలిఫయింగ్‌ రేసులో డిఫెండింగ్‌ చాంపియన్‌ వెర్‌స్టాపెన్‌ పోల్‌ పొజిషన్‌ సాధించాడు. ల్యాప్‌ను అతను అత్యుత్తమంగా 1 నిమిషం 12.272 సెకన్లలో పూర్తి చేశాడు. ఈ సీజన్‌లో ఏడు రేస్‌లలో నాలుగో సారి వెర్‌స్టాపెన్‌కు పోల్‌ పొజిషన్‌ లభించింది. కార్లోస్‌ సెయింజ్‌ (ఫెరారీ), ల్యాండో నోరిస్‌ (మెక్లారెన్‌) రెండో, మూడో స్థానాల్లో నిలిచారు. మెర్సిడెజ్‌కు చెందిన లూయీస్‌ హామిల్టన్‌కు ఐదో స్థానం దక్కింది. ఈ సీజన్‌లో రెండు రేస్‌లు నెగ్గిన వెర్‌స్టాపెన్‌ రెడ్‌బుల్‌ సహచరుడు సెర్గియో పెరెజ్‌ 11వ స్థానంనుంచి ప్రధాన రేస్‌ను ప్రారంభిస్తాడు.

మోంటెకార్లో: ఈ ఏడాది ఫార్ములావన్‌ సీజన్‌లో తన జోరు కొనసాగిస్తూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ నాలుగో విజయం నమోదు చేశాడు. ఆదివారం జరిగిన సీజన్‌లోని ఆరో రేసు మొనాకో గ్రాండ్‌ప్రిలో వెర్‌స్టాపెన్‌ విజేతగా నిలిచాడు. ‘పోల్‌ పొజిషన్‌’ నుంచి రేసును ఆరంభించిన వెర్‌స్టాపెన్‌ నిరీ్ణత 78 ల్యాప్‌లను అందరికంటే వేగంగా 1 గంట 48 నిమిషాల 51.980 సెకన్లలో ముగించి అగ్రస్థానాన్ని దక్కించుకున్నాడు. ఫెర్నాండో అలోన్సో (ఆస్టిన్‌ మార్టిన్‌) రెండో స్థానంలో, ఎస్టెబన్‌ ఒకాన్‌ (అలై్పన్‌ టీమ్‌) మూడో స్థానంలో నిలిచారు. max cమెర్సిడెస్‌ జట్టు డ్రైవర్లు లూయిస్‌ హామిల్టన్, జార్జి రసెల్‌ వరుసగా నాలుగు, ఐదు స్థానాలను దక్కించుకున్నారు. ఈ సీజన్‌లో ఆరు రేసులు జరగ్గా ఆరింటిని రెడ్‌బుల్‌ డ్రైవర్లే గెల్చుకోవడం విశేషం. వెర్‌స్టాపెన్‌ బహ్రెయిన్, ఆ్రస్టేలియన్, మయామి, మొనాకో గ్రాండ్‌ప్రిలలో నెగ్గగా... సెర్జియో పెరెజ్‌ సౌదీ అరేబియా, అజర్‌బైజాన్‌ గ్రాండ్‌ప్రిలలో విజేతగా నిలిచాడు. ప్రస్తుతం 144 పాయింట్లతో వెర్‌స్టాపెన్‌ టాప్‌ ర్యాంక్‌లో, 105 పాయింట్లతో పెరెజ్‌ రెండో ర్యాంక్‌లో, 93 పాయింట్లతో అలోన్సో మూడో ర్యాంక్‌లో ఉన్నారు.  సీజన్‌లోని తదుపరి రేసు స్పానిష్‌ గ్రాండ్‌ప్రి జూన్‌ 4న జరుగుతుంది.   

ఫ్లోరిడా: ఈ ఏడాది ఫార్ములావన్‌ సీజన్‌లో తన ఆధిపత్యం చాటుకుంటూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ మూడో విజయం నమోదు చేశాడు. భారత కాలమానం ప్రకారం ఆదివారం అర్ధరాత్రి దాటాక జరిగిన మయామి గ్రాండ్‌ప్రి రేసులో వెర్‌స్టాపెన్‌ విజేతగా నిలిచాడు. నిర్ణీత 57 ల్యాప్‌ల ఈ రేసును తొమ్మిదో స్థానం నుంచి ప్రారంభించిన వెర్‌స్టాపెన్‌ అందరికంటే వేగంగా గంటా 27 నిమిషాల 38.241 సెకన్లలో ముగించి అగ్రస్థానాన్ని దక్కించుకున్నాడు. రెడ్‌బుల్‌ జట్టుకే చెందిన సెర్జియో పెరెజ్‌ రెండో స్థానంలో నిలిచాడు. అలోన్సో (ఆస్టన్‌ మార్టిన్‌) మూడో స్థానంలో,  రసెల్‌ (మెర్సిడెస్‌) నాలుగో స్థానంలో నిలిచారు. ఈ సీజన్‌లో ఐదు రేసులు జరగ్గా... ఐదింటిలోనూ రెడ్‌బుల్‌ డ్రైవర్లే విజేతగా నిలువడం విశేషం. డ్రైవర్స్‌ చాంపియన్‌ షిప్‌ రేసులో వెర్‌స్టాపెన్‌ (119 పాయింట్లు), పెరెజ్‌ (105 పాయింట్లు) తొలి రెండు స్థానాల్లో ఉన్నారు.   

Australian Grand Prix- మెల్‌బోర్న్‌: తన కెరీర్‌లో లోటుగా ఉన్న ఆస్ట్రేలియన్‌ గ్రాండ్‌ప్రి ఫార్ములావన్‌ రేసులో ఏడో ప్రయత్నంలో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ విజేతగా నిలిచాడు. ఆదివారం జరిగిన సీజన్‌ మూడో రేసులో వెర్‌స్టాపెన్‌ ‘పోల్‌ పొజిషన్‌’తో బరిలోకి దిగాడు. మూడుసార్లు ట్రాక్‌పై ఆయా జట్ల డ్రైవర్ల కార్లు అదుపు తప్పడం లేదా ఢీ కొట్టుకోవడంతో రేసుకు మూడుసార్లు అంతరాయం కలిగింది. చివరకు వెర్‌స్టాపెన్‌ నిర్ణీత 58 ల్యాప్‌లను 2 గంటల 32 నిమిషాల 38.371 సెకన్లలో ముగించి అగ్రస్థానాన్ని దక్కించుకున్నాడు. రేసును ప్రారంభించిన 20 మంది డ్రైవర్లలో 12 మంది మాత్రమే గమ్యానికి చేరారు. ఈ సీజన్‌లో వెర్‌స్టాపెన్‌కిది రెండో విజయం. హామిల్టన్‌ (మెర్సిడెస్‌) రెండో స్థానంలో, ఫెర్నాండో అలోన్సో (ఆస్టన్‌ మార్టిన్‌) మూడో స్థానంలో నిలిచారు. సీజన్‌లోని నాలుగో రేసు అజర్‌బైజాన్‌ గ్రాండ్‌ప్రి ఏప్రిల్‌ 30న జరుగుతుంది.   చదవండి: IPL 2023: చేతులు కాలాక.. తాపత్రయపడితే ఏం లాభం! 13 కోట్లు.. ఒక్క సిక్సర్‌ కూడా లేదు! IPL 2023- Virat Kohli: చెలరేగిన హైదరాబాదీ.. అయినా! కోహ్లి అద్భుత ఇన్నింగ్స్‌.. అరుదైన ఘనత! ఒకే ఒక్కడితో..

ఫార్ములావన్‌ సీజన్‌లోని మూడో రేసు ఆస్ట్రేలియన్‌  గ్రాండ్‌ప్రిలో తొలి విజయమే లక్ష్యంగా ప్రపంచ చాంపియన్‌ మాక్స్‌ వెర్‌స్టాపెన్‌ బరిలోకి దిగనున్నాడు. మెల్‌బోర్న్‌లో శనివారం జరిగిన క్వాలిఫయింగ్‌ సెషన్‌లో వెర్‌స్టాపెన్‌ అందరికంటే వేగంగా ల్యాప్‌ను ఒక నిమిషం 16.732 సెకన్లలో పూర్తి చేసి ‘పోల్‌ పొజిషన్‌’ సాధించాడు. తద్వారా నేడు జరిగే ప్రధాన రేసును వెర్‌స్టాపెన్‌ తొలి స్థానం నుంచి ప్రారంభించే అవకాశాన్ని దక్కించుకున్నాడు. ఇప్పటి వరకు ఆరుసార్లు ఆస్ట్రేలియన్‌ గ్రాండ్‌ప్రిలో పోటీపడ్డ వెర్‌స్టాపెన్‌ 2019లో అత్యుత్తమంగా మూడో స్థానాన్ని దక్కించుకున్నాడు. నేటి ప్రధాన రేసులో వెర్‌స్టాపెన్‌కు మెర్సిడెస్‌ జట్టు డ్రైవర్లు జార్జి రసెల్, లూయిస్‌ హామిల్టన్‌ నుంచి గట్టిపోటీ లభించనుంది. రసెల్‌ రెండో స్థానం నుంచి, హామిల్టన్‌ మూడో స్థానం నుంచి రేసును ప్రారంభిస్తారు. ఈ సీజన్‌లో రెండు రేసులు జరగ్గా.. తొలి రేసు బహ్రెయిన్‌ గ్రాండ్‌పిలో వెర్‌స్టాపెన్, రెండో రేసు సౌదీ అరేబియా గ్రాండ్‌ప్రిలో సెర్జియో పెరెజ్‌ విజేతలుగా నిలిచారు.

ఫార్ములా వన్‌ సీజన్‌లో తొలి రేసు బహ్రెయిన్‌ గ్రాండ్‌ప్రిలో రెడ్‌బుల్‌ జట్టు రేసర్‌ వెర్‌స్టాపెన్‌ విజేతగా నిలిచాడు. వెర్‌స్టాపెన్‌ నిర్ణీత 57 ల్యాప్‌లను అందరికంటే వేగంగా ఒక గంటా 33 నిమిషాల 56.736 సెకెన్లలో ముగించి టైటిల్‌ సాధించాడు. పెరెజ్‌ (రెడ్‌బుల్‌) రెండో స్థానంలో, అలోన్సో (ఆస్టన్‌ మార్టిన్‌) మూడో స్థానంలో నిలిచారు. సీజన్‌లోని రెండో రేసు సౌదీ అరేబియా గ్రాండ్‌ప్రి ఈనెల 19న జరుగుతుంది.

సాఖిర్‌ (బహ్రెయిన్‌): ఫార్ములావన్‌ (ఎఫ్‌1) 2023 సీజన్‌కు రంగం సిద్ధమైంది. 23 రేసుల ఈ సీజన్‌లో తొలి రేసు బహ్రెయిన్‌ గ్రాండ్‌ప్రి ఆదివారం జరుగుతుంది. అంతకుముందు శనివారం ప్రధాన రేసుకు సంబంధించిన గ్రిడ్‌ పొజిషన్‌ను తేల్చేందుకు క్వాలిఫయింగ్‌ సెషన్‌ను నిర్వహిస్తారు. క్వాలిఫయింగ్‌ సెషన్‌లో అత్యంత వేగంగా ల్యాప్‌ను పూర్తి చేసిన డ్రైవర్‌ ప్రధాన రేసును ‘పోల్‌ పొజిషన్‌’ హోదాలో తొలి స్థానం నుంచి ప్రారంభిస్తాడు. ఈ సీజన్‌లో కూడా డిఫెండింగ్‌ చాంపియన్‌ మాక్స్‌ వెర్‌స్టాపెన్‌ (రెడ్‌బుల్‌ జట్టు) తన జోరు కొనసాగించే అవకాశముంది. అతనికి హామిల్టన్‌ (మెర్సిడెస్‌), లెక్‌లెర్క్‌ (ఫెరారీ) నుంచి గట్టిపోటీ ఎదురయ్యే చాన్స్‌ ఉంది. మొత్తం 10 జట్ల నుంచి 20 మంది డ్రైవర్లు మొత్తం 23 రేసుల్లో పాల్గొంటారు. 

దాదాపు పుష్కరకాలం క్రితం భారత్‌లో ప్రతిష్టాత్మక ఫార్ములావన్‌ (ఎఫ్‌1) రేసింగ్‌ వచ్చింది. మూడేళ్లు ఢిల్లీ బుధ్‌ సర్క్యూట్‌లో కార్లు దూసుకుపోయిన తర్వాత వేర్వేరు కారణాలతో ఎఫ్‌1 నిర్వాహకులు భారత్‌ నుంచి తప్పుకున్నారు. ఇప్పుడు సరిగ్గా పదేళ్ల క్రితం అదే అంతర్జాతీయ ఆటోమొబైల్‌ సమాఖ్య (ఎఫ్‌ఐఏ) మన దేశంలో మరో రేసింగ్‌ ఈవెంట్‌కు అనుమతి ఇచ్చింది. అయితే దేశంలోనే ఇతర ప్రధాన నగరాలను కాదని ఫార్ములా–ఇ రేసింగ్‌కు వేదికగా మన హైదరాబాద్‌ను ఎంచుకోవడం విశేషం. భారత్‌లో జరగబోతున్న ఈ తొలి రేస్‌ గత కొంత కాలంగా అన్ని వర్గాల్లో ఆసక్తిని రేపుతోంది. హుస్సేన్‌ సాగర్‌ తీరాన ఈ వారాంతంలో అలా జూమ్మంటూ రేసింగ్‌ కార్లు సందడి చేయనున్న నేపథ్యంలో ఇ–ఫార్ములా విశేషాలు...   సాక్షి, హైదరాబాద్‌: రేసింగ్‌ ప్రపంచంలో ఫార్ములావన్‌ అన్నింటికంటే పెద్ద ఈవెంట్‌. ఎఫ్‌1 కార్లు పెట్రోల్‌తో పని చేస్తాయి. అయితే మారుతున్న పరిస్థితులకు అనుగుణంగా ఇదే తరహాలో ఎలక్ట్రిక్‌ కార్లతో కూడా రేస్‌లు నిర్వహించేందుకు అంతర్జాతీయ ఆటోమొబైల్‌ సమాఖ్య (ఎఫ్‌ఐఏ) అధికారి కంగా ముందుకొచ్చింది. కాలుష్య నివారణకు ప్రచారం కల్పించడంలో భాగంగా ఇలాంటి కార్లను ప్రోత్సహించాలనే ఉద్దేశం కూడా వీటి ప్రారంభానికి కారణం. దాంతో 2014లో ఈ పోటీలు ప్రారంభమయ్యాయి. ఇప్పుడు జరగబోతున్న ఫార్ములా–ఇ సింగిల్‌ సీటర్‌ ఎలక్ట్రిక్‌ కార్‌ రేసింగ్‌లో అన్నింటికంటే అత్యుత్తమ స్థాయి ఈవెంట్‌. పర్యావరణహితం అంటూ ‘గో గ్రీన్‌’ పేరుతో ఈ రేసింగ్‌లను ఆయా దేశాలు ప్రోత్సహిస్తున్నాయి.   ► ఇప్పటి వరకు ఎనిమిది సీజన్లు ఫార్ములా–ఇ పోటీలను నిర్వహించారు. ప్రస్తుతం జరుగుతున్నది 9వ సీజన్‌. ఈ సీజన్‌లో మొత్తం 16 రేస్‌లు జరగనుండగా... హైదరాబాద్‌లో నాలుగోది నిర్వహిస్తున్నారు. తొలి మూడింటికి మెక్సికో సిటీ, దిరియా (సౌదీ అరేబియా–2 రేస్‌లు) ఆతిథ్యమిచ్చాయి. కేప్‌టౌన్, సావోపాలో, బెర్లిన్, మొనాకో, జకార్తా, పోర్ట్‌లాండ్, రోమ్, లండన్‌లలో తర్వాత రేస్‌లు జరుగుతాయి.   ► ఎఫ్‌1లో ఉండే ప్రత్యేక సర్క్యూట్‌లతో పోలిస్తే ఫార్ములా–ఇ పోటీలు అన్నింటికీ దాదాపుగా జనావాసం మధ్యలో ఉండే ‘స్ట్రీట్‌ సర్క్యూట్‌‘లలో నే జరుగుతాయి. హైదరాబాద్‌లో కూడా నగరం మధ్యలో హుస్సేన్‌సాగర్‌ తీరాన నెక్లెస్‌ రోడ్‌ వద్ద నిర్వహించేందుకు ఇదే ప్రధాన కారణం. ‘గ్రీన్‌కో’ సంస్థ ఈ ఈవెంట్‌కు ప్రమోటర్‌గా వ్యవహరిస్తోంది.   ► ఫార్ములా–ఇ కార్‌ల గరిష్ట వేగం గంటకు 320 కిలోమీటర్లు. గత ఎనిమిది సీజన్లతో పోలిస్తే ఈసారి కొత్తగా జెన్‌3 (జనరేషన్‌ 3) కార్లను ఉపయోగిస్తున్నారు. జెన్‌ 3 బ్యాటరీలు, ఎలక్ట్రిక్‌ మోటార్‌ ఇందులో ఉంటాయి.  పనితీరు, సామర్థ్యంలో ప్రస్తుత ఎలక్ట్రిక్‌ కార్లలో ఇవే అత్యుత్తమం. ఇందులో 40 శాతం వరకు ఎనర్జీ కేవలం బ్రేక్‌లు వాడటం ద్వారానే ‘రీజనరేటివ్‌’తో ఉత్పత్తి అవుతుంది. రబ్బర్, రీసైకిల్డ్‌ ఫైబర్‌లనే టైర్ల తయారీలో వాడతారు. కాలుష్యరహితంగా, పర్యావరణ పరిరక్షణను దృష్టిలో ఉంచుకొనే ఈ కార్లను తయారు చేసినట్లు నిర్వాహకులు చెబుతున్నారు. చెవులు చిల్లులు పడే ఎఫ్‌1 కార్ల శబ్దంతో పోలిస్తే తక్కువ డెసిబుల్స్‌తో ఈ కార్లు పరుగు తీస్తాయి. ► ఫార్ములా–ఇ జట్లలో ఎక్కువ భాగం టీమ్‌లు ఎలక్ట్రిక్‌ వాహనాల తయారీ సంస్థలకు చెందినవే ఉన్నాయి. భారత్‌కు చెందిన మహీంద్ర మోటార్స్‌ కూడా అలాంటిదే. అయితే ప్రపంచవ్యాప్తంగా ఇ–రేసింగ్‌కు పెరుగుతున్న ప్రాధాన్యతను దృష్టిలో ఉంచుకొని ఎఫ్‌1 దిగ్గజాలైన మెక్‌లారెన్, మసెరాటి వంటి సంస్థలు కూడా ఇందులోకి అడుగు పెట్టాయి. ప్రఖ్యాత బ్రిటిష్‌ కంపెనీ ‘జాగ్వార్‌’ కూడా పోటీల బరిలో ఉంది.   ► సాధారణ రేసింగ్‌ ప్రేమికుల కోణంలో ఫార్ములా–ఇ పోటీలకు ఎఫ్‌1 రేస్‌లతో పోలిక వస్తుంది. అయితే వీటి మధ్య ప్రస్తుతానికి పోలిక అనవసరం. అత్యుత్తమ స్థాయి సాంకేతికత వాడినా సరే, ఎఫ్‌1కంటే ఇ–కార్లలో ఇంకా చాలా మార్పులు రావాల్సి ఉంది. ఉదాహరణకు ఎఫ్‌1 కార్‌ హార్స్‌పవర్‌ (ఇంజన్‌ సామర్థ్యం) 1000 ఉంటే, ‘ఇ’ కార్లలో ఇది 350 మాత్రమే. ‘ఇ’ రేస్‌లలో ఎక్కువగా ఉండే మలుపుల వల్ల కూడా వేగం తగ్గుతుంది. అయినా సరే, అభిమానులను అలరించడంతో ఒక రకంగా అంచనాకు మించి ఫార్ములా ‘ఇ’ పోటీలు విజయవంతం అయ్యాయి. 45 నిమిషాల నిర్విరామ వినోదం అందించడంలో ఇవి అందరికీ చేరువయ్యాయి.   హైదరాబాద్‌ రేస్‌ విశేషాలు   వచ్చే శుక్ర, శనివారాల్లో రేస్‌లు జరుగుతాయి. శుక్రవారం, శనివారం జరిగే రెండు ఫ్రీ ప్రాక్టీస్‌ సెషన్‌లలో అన్ని జట్లు సాధన చేస్తాయి. శనివారం ఉదయం 10.40 నుంచి క్వాలిఫయింగ్‌ రేస్‌ నిర్వహిస్తారు. ఆ తర్వాత మధ్యాహ్నం 3 గంటల నుంచి ప్రధాన రేసు జరుగుతుంది. సర్క్యూట్‌లో మొత్తం 17 మలుపులు ఉన్నాయి. మొత్తం 11 జట్లకు చెందిన 22 మంది డ్రైవర్లు బరిలోకి దిగుతున్నారు. భారత్‌కు చెందిన ‘మహీంద్ర’ టీమ్‌ 2014 నుంచి కూడా పోటీ పడుతుంది. ఈసారి మహీంద్ర జట్టుకు ఒలివర్‌ రోలండ్, ల్యూకాస్‌ గ్రాసి డ్రైవర్లుగా వ్యవహరిస్తున్నారు.

వేగం.. వేగం.. వేగం.. చిన్నప్పుడు వేగాన్ని ఇష్టపడ్డాడు..అదే అతడిని ఆట వైపు మళ్లించింది.. ట్రాక్‌పై వేగాన్నే నమ్ముకున్నాడు.. అదే అతడిని శిఖరాన నిలిపింది.. ట్రాక్‌ బయటా వేగం తగ్గించలేదు.. దురదృష్టవశాత్తు అదే అతడిని చావుకు దగ్గరగా తీసుకెళ్లింది.. రయ్‌రయ్‌మంటూ దూసుకెళ్లే కార్‌ రేసింగ్‌లో అతను రారాజుగా వెలుగొందాడు.. ఫార్ములా వన్‌ అభిమానుల వినోదానికి కొత్త ఫార్ములాను రుచి చూపించాడు.. సుదీర్ఘ కాలం ఆటను శాసించి, పరుగులు పెట్టించి, ఏకంగా ఏడు సార్లు చాంపియన్‌ గా నిలిచిన ఆ డ్రైవరే మైకేల్‌ షుమాకర్‌.  1994 ఫార్ములా వన్‌  చాంపియన్‌ షిప్‌.. గత ఏడాది విజేత అలెన్‌  ప్రాస్ట్‌ అప్పటికే రేసింగ్‌కు గుడ్‌బై చెప్పడంతో ఈ సారి బరిలోకి దిగడం లేదు. మొత్తం 46 మంది డ్రైవర్లు బరిలో ఉండగా, వీరిలో 14 మంది తొలిసారి ఎఫ్‌1 సర్క్యూట్‌లోకి అడుగు పెడుతున్నారు. పాతికేళ్ల షుమాకర్‌కు ఇది మూడో ప్రయత్నం. అంతకు ముందు రెండు ప్రయత్నాల్లో 3వ, 4వ స్థానాల్లో నిలిచి తన సత్తా  నిరూపించుకున్నాడు. అయినా సరే, ఎవరూ చాంపియన్‌ ను ఊహించలేని విధంగా రేస్‌లు సాగాయి. మొత్తం 16 రేస్‌లలో 15 ముగిసినా తుది విజేత ఎవరో తేలలేదు. హోరాహోరీగా సాగిన ఆఖరి గ్రాండ్‌ప్రి ఆస్ట్రేలియాలో కొత్త చాంపియన్‌  బయటకు వచ్చాడు. ఓవరాల్‌గా 92 పాయింట్లు సాధించిన షుమాకర్‌ ఒకే ఒక పాయింట్‌ తేడాతో డామన్‌ హిల్‌ (91)ను వెనక్కి నెట్టాడు. అదీ ఎఫ్‌1 చరిత్రలో ఒక అద్భుతానికి ఆరంభంగా నిలిచింది. ఆ తర్వాత మరో ఆరు సార్లు అతను జగజ్జేతగా నిలిచి ట్రాక్‌ను శాసించాడు. అయితే ఇద్దరు డ్రైవర్ల మరణం, గాయాలు, సాంకేతిక సమస్యలు తదితర అంశాలతో అత్యంత వివాదాస్పదంగా ఈ సీజన్‌ సాగడంతో ఆట నిబంధనల్లో పలు మార్పులు చేయాల్సి వచ్చింది. దాంతో కొత్త చాంపియ¯Œ గా షుమాకర్‌కు రావాల్సినంత గుర్తింపు రాలేదు. అయితే తర్వాతి ఏడాది ఇదే జట్టు (బెనెటాన్‌ ) తరఫున మళ్లీ చాంపియన్‌ గా నిలిచి షుమీ తానేంటో చూపించాడు.  అక్కడే మొదలు.. కార్టింగ్‌.. ఎఫ్‌1 స్థాయికి చేరినా, దిగ్గజ డ్రైవర్లంతా మొదలు పెట్టింది స్థానికంగా కార్టింగ్‌ ద్వారానే. అలాంటిది తండ్రే కార్టింగ్‌ ట్రాక్‌ నడిపిస్తుంటే ఆకర్షితుడు కాకుండా ఉంటాడా! నాలుగేళ్ల షుమాకర్‌కూ అలాగే ఆసక్తి కలిగింది. చిన్న పెడల్‌ కార్టింగ్‌తో ఆడుకుంటున్న అతడిని చూసి తండ్రి దానికి చిన్నపాటి మోటార్‌ సైకిల్‌ ఇంజిన్‌ బిగించడంతో ఆట మలుపు తిరిగింది. ఒక అద్భుతానికి అదే ఆరంభంగా మారింది. ఆరేళ్లకే తొలి సారి కార్టింగ్‌ చాంపియన్‌ షిప్‌లో విజేతగా నిలవడంతో అతని బంగారు భవిష్యత్తు తండ్రికి కళ్ల ముందు కనిపించింది. దాంతో స్థానిక వ్యాపారుల నుంచి స్వల్ప స్పాన్సర్‌షిప్‌ సహా అతడిని ప్రోత్సహించేందుకు అన్ని వనరులూ ఉపయోగించాడు. ఆ ప్రోత్సాహం షుమాకర్‌ను ముందుకు నడిపించింది. తాను పుట్టిన జర్మనీలో కార్టింగ్‌ లైసెన్స్‌ ఇవ్వాలంటే కనీసం 14 ఏళ్ల వయసు ఉండాలి. కానీ 12 ఏళ్లకే దూసుకుపోతున్న అతను అదే వయసుకు లైసెన్స్‌ ఇచ్చే పొరుగు దేశం లగ్జెంబర్గ్‌కు వెళ్లి లైసెన్స్‌ తెచ్చుకున్నాడు. దాంతోనే పోటీ పడి జర్మన్‌ జూనియర్‌ కార్టింగ్‌ చాంపియన్‌ షిప్‌లో విజేతగా నిలిచాడు. ఆపై సింగిల్‌ సీట్‌ రేసింగ్, ఫార్ములా 3 చాంపియన్‌ షిప్‌ మీదుగా సాగిన ప్రస్థానం 1991లో తొలిసారి ఎఫ్‌1 అరంగేట్రం వరకు చేరింది. అదే ప్రత్యేకత... ‘ఫార్ములా వన్‌ చరిత్రలో అత్యంత పరిపూర్ణమైన డ్రైవర్‌’.. ఒక్క మాటలో షుమాకర్‌ గురించి సహచరులు చెప్పే మాట ఇది. సహజసిద్ధమైన ప్రతిభతో పాటు అమిత ఆత్మవిశ్వాసం, తెలివితేటలు, అంకితభావం మాత్రమే కాకుండా రేసింగ్‌పై ఉన్న పిచ్చి ప్రేమ, ప్రతీ రోజు ఏదో ఒక విషయంలో మెరుగవ్వాలనే బలమైన కోరిక వెరసి షుమీని చాంపియన్‌ ను చేశాయి. ‘రేసు కొనసాగే సమయంలో అర సెకండ్‌∙వ్యవధిలో నిర్ణయాలు తీసుకోగలిగే మానసిక దృఢత్వం, అమిత వేగంలోనూ ప్రణాళికలు మార్చుకోగలిగే తత్వం అతడిని అత్యుత్తమ స్థాయికి తీసుకెళ్లాయి’ అంటూ ఎఫ్‌1 సర్క్యూట్‌లో ఈ స్టార్‌ గురించి అందరూ చెబుతారు. అన్నింటినీ మించి రేసు ముగియగానే తన పని ముగిసినట్లుగా భావించకుండా తాను ఉపయోగించే కారు ఫ్యాక్టరీకి వెళ్లి లోపాల గురించి మాట్లాడటం, ఇంజినీర్లకు సూచనలు ఇవ్వడం, వారిని ప్రోత్సహించడం.. ఇలా అన్ని చోట్లా తన భాగస్వామ్యం కనిపిస్తుంది. కెరీర్‌లో ఐదు సార్లు ‘చాంపియన్‌’గా నిలిచిన ఫెరారీ టీమ్‌తో అతనికి కుటుంబ సభ్యుడి తరహాలో అనుబంధం ఉంది.  విజయాల గాథ.. ఎఫ్‌1 అంటే షుమాకర్‌.. షుమాకర్‌ అంటే ఎఫ్‌1.. కార్‌ రేసింగ్‌ గురించి కాస్తయినా అవగాహన ఉన్న ఒక తరం మొత్తానికి అతనే ఏకైక హీరో. 1979 తర్వాత తమ టీమ్‌ నుంచి ఒక్క చాంపియన్‌  కూడా లేని ‘ఫెరారీ’ టీమ్‌ షుమాకర్‌తో చేసుకున్న ఒప్పందం అద్భుతాలు చేసింది. తొలి రెండు చాంపియన్‌ షిప్‌ విజయాల తర్వాత నాలుగు సీజన్లు తడబడిన షుమీ ‘ఫెరారీ’తో వేసిన అడుగు చరిత్ర సృష్టించింది. ఎదురు లేని ప్రదర్శనతో ట్రాక్‌పై చెలరేగిన అతను వరుసగా ఐదు సీజన్ల పాటు చాంపియన్‌ గా నిలవడం అతని కెరీర్‌లో అత్యుత్తమ సమయం. ఏకంగా ఏడు టైటిల్స్‌తో శాసించిన అతని కెరీర్‌లో అంకెలు చెప్పే విశేషాలెన్నో ఉన్నాయి. 2002లో ఆరు రేస్‌లు మిగిలి ఉండగానే చాంపియన్‌ గా ఖరారు కావడం, ఒకే గ్రాండ్‌ప్రి వేదికపై ఎక్కువ విజయాలు, వరుసగా 15 సీజన్లు కనీసం ఒక్క రేస్‌ అయినా గెలవడం, ఎక్కువ సంఖ్యలో ఫాస్టెస్ట్‌ ల్యాప్‌లు.. ఇలా ట్రాక్‌పై అతని ఘనతల జాబితా చాలా పెద్దది. అతను ఆట మొదలుపెట్టే సమయానికి జర్మనీలో కారు రేసింగ్‌ సరదాకు మాత్రమే. కానీ షుమాకర్‌ ఘనతల తర్వాత జర్మనీపై ఎఫ్‌1 ముద్ర ఎంత బలంగా పడిందంటే అతను రిటైరయ్యే సమయానికి ప్రపంచ టాప్‌–10 డ్రైవర్లలో ముగ్గురు జర్మనీవాళ్లే.  ఆటతో అనుబంధమే.. చాలా మంది దిగ్గజ క్రీడాకారుల్లాగే ‘ఇక సమయం వచ్చింది’ అంటూ 2006 చాంపియన్‌ షిప్‌లో రెండో స్థానంలో నిలిచిన తర్వాత షుమీ తన ఆట ముగించాడు. అయితే కారు స్టీరింగ్‌ వెనక ఇన్నేళ్లుగా సాగిన ప్రస్థానం అతడిని కుదురుగా కూర్చోనీయలేదు. అందుకే నేనున్నానంటూ మళ్లీ ట్రాక్‌పైకి వచ్చేశాడు. రిటైర్మెంట్‌ ప్రకటించి మూడేళ్లు గడిచిన తర్వాత 2010లో కొత్త జట్టు మెర్సిడెజ్‌ తరఫున అతను బరిలోకి దిగేందుకు సిద్ధమయ్యాడు. 41 ఏళ్ల వయసులో ఇది మళ్లీ అవసరమా, తాను సంపాదించిన కీర్తి ప్రతిష్ఠలను పోగొట్టుకోవడం తప్ప మరేమీ దక్కదు అంటూ అతని గురించి విమర్శలు వినిపించాయి. అయితే ట్రాక్‌ అంటే తనకు ఉన్న అభిమానం వల్లే మళ్లీ వచ్చానని, ఫలితాల గురించి బెంగ లేదని అతను చెప్పుకున్నాడు. ఊహించినట్లుగానే ఫలితాలు గొప్పగా రాలేదు. 9వ, 8వ, 13వ స్థానాల్లో నిలిచిన తర్వాత పూర్తిగా తప్పుకున్నాడు. అయితే ‘నాకంటే కనీసం పదేళ్లు చిన్నవారైన ఐదుగురు ప్రపంచ చాంపియన్‌ లతో పోటీ పడ్డాను. ఓటమినుంచి ఏం నేర్చుకోవచ్చో కూడా తెలిసింది’ అంటూ వ్యాఖ్యానించాడు.  వెంటాడుతున్న విషాదం...  షుమాకర్‌ మొదటి నుంచి కుటుంబానికి ఎంతో ప్రాధాన్యమిచ్చేవాడు. అతనికి భార్యాపిల్లలతోనే లోకం. ప్రపంచంలో అత్యంత పాపులర్‌ ఆటగాడిగా ఉంటూ ఏడాదికి 100 మిలియన్‌ డాలర్ల చొప్పున సంపాదించిన సమయంలోనూ అతని కుటుంబం బయట ఎప్పుడూ కనిపించలేదు. అలాంటి సమయంలోనే ఒక దురదృష్టకరమైన రోజు 29 డిసెంబర్, 2013 వచ్చింది. ఆల్ఫ్స్‌ పర్వతాల్లో కుటుంబంతో సహా విహారానికి వెళ్లి స్కీయింగ్‌ చేస్తుండగా అనూహ్యంగా పట్టు జారి పడ్డాడు. వేగంగా దూసుకొచ్చి అతను నియంత్రణ కోల్పోవడంతో తల ఒక రాయిని ఢీకొట్టింది. అంతే.. పేరుకే చావు నుంచి తప్పించుకున్నాడు. కానీ ఆ క్షణం నుంచి షుమీ ఈ లోకంలో లేనట్లు ఉండిపోయాడు. కోమాలోకి చేరుకున్న అతను మళ్లీ పూర్తి స్థాయిలో కోలుకోలేకపోయాడు. తొమ్మిదేళ్లుగా వేర్వేరు చికిత్సలు చేయిస్తూ ‘పరిస్థితి మెరుగైంది’ అంటూ సన్నిహితులు చెబుతూవస్తున్నా దానిపై ఏరోజూ స్పష్టత లేదు. ఆ ఘటన తర్వాత షుమాకర్‌ మళ్లీ బయట ఎవరికీ కనిపించలేదు. తండ్రి బాటనే ఎంచుకున్న కొడుకు మిక్‌ షుమాకర్‌ గత రెండు సీజన్లలో ఎఫ్‌1 రేసింగ్‌లలో పాల్గొన్నాడు.  

రెబల్ స్టార్ ప్రభాస్ మంత్రి కేటీఆర్‌కు కృతజ్ఞతలు తెలిపారు. హైదరాబాద్‌లో ఫార్ములా ఈ రేస్ జరగనుండటం పట్ల గర్వంగా ఉందన్నారు. ఈ రేస్ నిర్వహణకు కృషి చేసిన మంత్రి కేటీఆర్, తెలంగాణ ప్రభుత్వం, గ్రీన్‌ కో కంపెనీ సీఈవో అనిల్ చలం శెట్టిని ప్రభాస్ కొనియాడారు. ఈ కార్యక్రమం విజయవంతంగా పూర్తి చేయాలని ఆకాంక్షించారు. ఈ సందర్భంగా తన ఇన్‌స్టాలో ఓ వీడియోను రిలీజ్ చేశారు యంగ్ రెబల్ స్టార్ ప్రభాస్.  ఫిబ్రవరి 11న జరగనున్న గ్రీన్‌ కో హైదరాబాద్ ఈ ప్రిక్స్ ఈవెంట్ చరిత్రలో నిలిచిపోయేలా నిర్వహించాలని ఆశాభావం వ్యక్తం చేశారు. కాగా..  ఫిబ్రవరి 11వ తేదీన ఫార్ములా ఈ వరల్డ్‌ ఛాంపియన్‌షిప్‌ జరుగనుంది. ఈ రేస్‌కు సంబంధించిన టికెట్లను ఇప్పటికే ఆన్‌లైన్‌లో అందుబాటులో ఉంచారు.  బుక్‌మై షోలో  టికెట్స్‌ను కొనుగోలు చేసుకోవాలని అధికారులు సూచించారు. 2023 హైదరాబాద్‌ ఈ ప్రిక్స్ (E-prix) పేరుతో ఈవెంట్‌ జరుపనున్నట్టు స్పష్టం చేశారు. కేటగిరిలా వారీగా ఫార్ములా ఈ వరల్డ్‌ ఛాంపియన్‌ రేసింగ్‌ టికెట్ల ధరలు ఉంటాయని తెలిపారు. రేసింగ్‌ టికెట్ల ధరలు.. రూ. 1000, రూ. 3,500, రూ. 6వేలు, రూ.10వేలుగా నిర్ణయించారు.  View this post on Instagram A post shared by Prabhas (@actorprabhas)

వచ్చేసింది 2023... క్రీడాభిమానులకు ఆటల విందు మోసుకొని వచ్చేసింది.... ఆద్యంతం ఆస్వాదించడానికి సిద్ధంగా ఉండాలని చెప్పేందుకు వచ్చేసింది... ముందుగా హాకీ ప్రపంచకప్‌ మెగా ఈవెంట్‌తో కొత్త ఏడాది మొదలుకానుంది... ఆ తర్వాత తొలిసారి అమ్మాయిలకు నిర్వహిస్తున్న అండర్‌–19 టి20 ప్రపంచకప్‌ కనువిందు చేయనుంది... అనంతరం మహిళల టి20 ప్రపంచకప్‌తో ధనాధాన్‌ ధమాకా కనిపించనుంది... మండే వేసవిలో వినోదం పంచడానికి ఐపీఎల్‌ టోర్నీ... శీతాకాలంలో వన్డే వరల్డ్‌కప్‌.... కేవలం క్రికెట్టే కాదు... పంచ్‌ పవర్‌ చాటిచెప్పడానికి ప్రపంచ మహిళల బాక్సింగ్‌ చాంపియన్‌షిప్‌... ‘పట్టు’పట్టడానికి ప్రపంచ రెజ్లింగ్‌ చాంపియన్‌షిప్‌... ‘రాకెట్‌’తో రఫ్ఫాడించేందుకు బ్యాడ్మింటన్, టెన్నిస్‌ టోర్నీలు... ‘రయ్‌ రయ్‌’ అంటూ సాగిపోయే ఫార్ములావన్‌ రేసులు... ఇంకా ఎన్నో... ఎన్నెన్నో టోర్నీలు మనను అలరించేందుకు సిద్ధంగా ఉన్నాయి. మరెందుకు ఆలస్యం... మీ క్యాలెండర్‌లోనూ ఈ ఈవెంట్స్‌ను జత చేయండి... తప్పకుండా చూడండి!       అండర్‌–19 మహిళల టి20 ప్రపంచకప్‌ జనవరి 14 నుంచి 29 వరకు వేదిక: దక్షిణాఫ్రికా మొత్తం జట్లు: 16 ఐసీసీ మహిళల టి20 ప్రపంచకప్‌ ఫిబ్రవరి 10 నుంచి 26 వరకు వేదిక: దక్షిణాఫ్రికా మొత్తం జట్లు: 10 భారత పురుషుల క్రికెట్‌ జట్టు షెడ్యూల్‌ భారత్‌లో శ్రీలంక పర్యటన జనవరి 3 నుంచి 15 వరకు 3 టి20లు, 3 వన్డేలు భారత్‌లో న్యూజిలాండ్‌ పర్యటన జనవరి 18 నుంచి ఫిబ్రవరి 1 వరకు 3 వన్డేలు, 3 టి20లు భారత్‌లో ఆస్ట్రేలియా పర్యటన ఫిబ్రవరి 9 నుంచి మార్చి 22 వరకు 4 టెస్టులు, 3 వన్డేలు ఐపీఎల్‌ టి20 టోర్నీ ఏప్రిల్‌–మే వెస్టిండీస్‌లో భారత్‌ పర్యటన జూలై–ఆగస్టు 2 టెస్టులు, 3 వన్డేలు, 3 టి20లు మహిళల ఫుట్‌బాల్‌ ప్రపంచకప్‌ టోర్నీ జూలై 20 నుంచి ఆగస్టు 20 వరకు వేదిక: ఆస్ట్రేలియా, న్యూజిలాండ్‌ మొత్తం జట్లు: 32 ఆసియా క్రీడలు వేదిక: హాంగ్జౌ (చైనా) సెప్టెంబర్‌ 23– అక్టోబర్‌ 8 ప్రపంచ విశ్వవిద్యాలయాల క్రీడలు వేదిక: చెంగ్డూ (చైనా) జూలై 28 నుంచి ఆగస్టు 8 వరకు ఫార్ములావన్‌ ఈ ఏడాది ఫార్ములావన్‌ (ఎఫ్‌1) సీజన్‌లో మొత్తం 23 రేసులు ఉన్నాయి. మార్చి 5న బహ్రెయిన్‌ గ్రాండ్‌ప్రితో సీజన్‌ మొదలవుతుంది. అనంతరం వరుసగా బహ్రెయిన్‌ (మార్చి 5), సౌదీ అరేబియా (మార్చి 19), ఆస్ట్రేలియా (ఏప్రిల్‌ 2), అజర్‌బైజాన్‌ (ఏప్రిల్‌ 30), మయామి (మే 7), ఎమిలియా రొమాగ్నా (మే 21), మొనాకో (మే 28), స్పెయిన్‌ (జూన్‌ 4), కెనడా (జూన్‌ 18), ఆస్ట్రియా (జూలై 2 ),బ్రిటన్‌ (జూలై 9), హంగేరి (జూలై 23), బెల్జియం (జూలై 30), డచ్‌ (ఆగస్టు 27), ఇటలీ (సెప్టెంబర్‌ 3), సింగపూర్‌ (సెప్టెంబర్‌ 17), జపాన్‌ (సెప్టెంబర్‌ 24), ఖతర్‌ (అక్టోబర్‌ 8), యూఎస్‌ఎ (అక్టోబర్‌ 22), మెక్సికో (అక్టోబర్‌ 29), సావోపాలో (నవంబర్‌ 5), లాస్‌వేగస్‌ (నవంబర్‌ 18) రేసులు జరుగుతాయి. నవంబర్‌ 26న అబుదాబి గ్రాండ్‌ప్రితో ఎఫ్‌1 సీజన్‌ ముగుస్తుంది. పురుషుల ప్రపంచకప్‌ హాకీ టోర్నీ వేదిక: భువనేశ్వర్, రూర్కెలా (భారత్‌) జనవరి 13 నుంచి 29 వరకు మొత్తం జట్లు: 16 బ్యాడ్మింటన్‌ ఇండియా ఓపెన్‌ సూపర్‌–750 టోర్నీ వేదిక: న్యూఢిల్లీ జనవరి 17 నుంచి 22 వరకు ఆల్‌ ఇంగ్లండ్‌ ఓపెన్‌ సూపర్‌–1000 టోర్నీ వేదిక: బర్మింగ్‌హామ్‌ మార్చి 14 నుంచి 19 వరకు సుదిర్మన్‌ కప్‌ టోర్నీ వేదిక: సుజౌ (చైనా) మే 14 నుంచి 21 వరకు ఇండోనేసియా ఓపెన్‌ సూపర్‌–1000 టోర్నీ వేదిక: జకార్తా జూన్‌ 13 నుంచి 18 వరకు చైనా ఓపెన్‌ సూపర్‌–1000 టోర్నీ వేదిక: చెంగ్జూ సెప్టెంబర్‌ 5 నుంచి 10 వరకు ప్రపంచ చాంపియన్‌షిప్‌ వేదిక: కోపెన్‌హాగెన్‌ (డెన్మార్క్‌) ఆగస్టు 21 నుంచి 27 వరకు ఆసియా మిక్స్‌డ్‌ టీమ్‌ చాంపియన్‌షిప్‌ వేదిక: దుబాయ్‌ (యూఏఈ) ఫిబ్రవరి 14 నుంచి 19 వరకు ఆసియా చాంపియన్‌షిప్‌ వేదిక: దుబాయ్‌ (యూఏఈ) ఏప్రిల్‌ 25 నుంచి 30 వరకు సయ్యద్‌ మోదీ ఓపెన్‌ సూపర్‌–300 టోర్నీ వేదిక: లక్నో (భారత్‌) నవంబర్‌ 28 నుంచి డిసెంబర్‌ 3 వరకు ప్రపంచ అథ్లెటిక్స్‌ చాంపియన్‌షిప్‌ వేదిక: బుడాపెస్ట్‌ (హంగేరి) ఆగస్టు 19 – 27 పురుషుల వన్డే ప్రపంచకప్‌ అక్టోబర్‌–నవంబర్‌ వేదిక: భారత్‌ మొత్తం జట్లు: 10 టెన్నిస్‌ గ్రాండ్‌స్లామ్‌ టోర్నీలు ఆస్ట్రేలియన్‌ ఓపెన్‌ వేదిక: మెల్‌బోర్న్‌; జనవరి 16 – 29 ఫ్రెంచ్‌ ఓపెన్‌ వేదిక: పారిస్‌; మే 28 – జూన్‌ 11 వింబుల్డన్‌ వేదిక: లండన్‌; జూలై 3 –17 యూఎస్‌ ఓపెన్‌ వేదిక: న్యూయార్క్‌; ఆగస్టు 28 –సెప్టెంబర్‌ 10 ప్రపంచ రెజ్లింగ్‌ చాంపియన్‌షిప్‌ వేదిక: బెల్‌గ్రేడ్‌ (సెర్బియా); సెప్టెంబర్‌ 16 –24 ప్రపంచ మహిళల బాక్సింగ్‌ చాంపియన్‌షిప్‌ వేదిక: న్యూఢిల్లీ మార్చి 15 –31 ప్రపంచ పురుషుల బాక్సింగ్‌ చాంపియన్‌షిప్‌ వేదిక: తాష్కెంట్‌ (ఉజ్బెకిస్తాన్‌) మే 1 – 14 –సాక్షి క్రీడావిభాగం

తన తండ్రి మైకేల్‌ షుమాకర్‌ ఏ జట్టుకైతే ప్రాతినిధ్యం వహించాడో అదే జట్టు తరఫున వచ్చే ఏడాది ఫార్ములావన్‌ సీజన్‌లో మిక్‌ షుమాకర్‌ బరిలోకి దిగనున్నాడు. 2023 సీజన్‌ కోసం మిక్‌ మెర్సిడెస్‌ జట్టు తరఫున రిజర్వ్‌ డ్రైవర్‌గా నియమితుడయ్యాడు. రెగ్యులర్‌ డ్రైవర్లు హామిల్టన్, జార్జి రసెల్‌లలో ఒకరు అందుబాటులో లేకపోతే మిక్‌కు అవకాశం వస్తుంది. ఈ ఏడాది హాస్‌ జట్టు తరఫున మిక్‌ పోటీపడ్డాడు. మైకేల్‌ షుమాకర్‌ 2010–2012 వరకు మెర్సిడెస్‌ తరఫున బరిలోకి దిగాడు. చదవండి: BBL 2022: క్రికెట్‌ చరిత్రలోనే అరుదైన ఘటన.. ఈ వీడియో చూస్తే ఆశ్చర్యపోవాల్సిందే?

హైదరాబాద్‌లో మరోసారి కార్‌ రేసింగ్‌ సందడి షురూ అయింది. ఎన్టీఆర్‌ మార్గ్‌లో ఇండియన్‌ రేసింగ్‌ లీగ్‌ ఫైనల్‌ రౌండ్‌ జరుగుతుంది. నెక్లెస్‌ రోడ్డులోని ఎన్టీఆర్‌ మార్గ్‌ వద్ద ఏర్పాటు చేసిన రేసింగ్‌ ట్రాక్‌పై కార్లు రయ్‌.. రయ్‌మని దూసుకెళ్లాయి. కాగా రేసింగ్‌లో ఆరు టీమ్స్‌, 12 కార్లు, 24 మంది డ్రైవర్స్‌ పాల్గొన్నారు.గంటకు 250-300 కిలోమీటర్ల మెరుపు వేగంతో దూసుకుపోతూ అభిమానులను అలరిస్తున్నాయి.  వచ్చే ఫిబ్రవరిలో జరుగనున్న ఫార్ములా–ఈ  పోటీలకు సన్నాహకంగా ఈ ట్రయల్స్‌ కొనసాగుతున్న సంగతి  తెలిసిందే. నవంబర్‌లో జరిగిన ప్రమాదం, బ్రేక్‌డౌన్స్‌ కారణంగా  పోటీలు లేకుండానే ట్రయల్స్‌కే కార్‌ రేసింగ్‌ పరిమితమైంది. కన్ను మూసి తెరిచే లోపు వాయువేగంతో రయ్‌ మంటూ దూసుకుపోయిన కార్లు   సందర్శకులకు కనువిందు చేశాయి. ఈ పోటీల నిర్వహణ కోసం హెచ్‌ఎండీఏ  అన్ని ఏర్పాట్లు పూర్తి చేసింది. ట్రాక్‌ను మరోసారి  క్షుణ్ణంగా తనిఖీలు చేశారు. పోటీలను వీక్షించేందుకు అనుగుణంగా నెక్లెస్‌రోడ్డులో గ్యాలరీలను సిద్ధం చేశారు.  హైదరాబాద్‌కు చెందిన  బ్లాక్‌బర్డ్స్‌ (రేసర్ల టీమ్‌) ఢిల్లీకి చెందిన స్పీడ్‌ డిమాన్స్, బెంగళూరుకు చెందిన స్పీడ్‌స్టర్స్, చెన్నై టీమ్‌ టర్బోరైడర్స్, గోవా ఏసెస్‌ బృందాలు ఈ పోటీల్లో  నెక్లెస్‌రోడ్డు స్ట్రీట్‌ సర్క్యూట్‌పై దూసుకెళ్లనున్నాయి. మోటర్‌ స్పోర్ట్స్‌ అభిమానులను విశేషంగా ఆకట్టుకోనున్న ఈ పోటీల్లో నగరానికి చెందిన రేసర్లు కూడా పాల్గొననున్నారు. స్విస్‌ ఇండియన్‌ ప్రొఫెషనల్‌ పోర్శీ ఫ్యాక్టరీ డ్రైవర్‌ నీల్‌ జానీ, ఆస్టన్‌ మార్టిన్‌ రేసింగ్‌ అకాడమీ డ్రైవర్‌ అఖిల్‌ రవీంద్రలతోపాటు ఫిమేల్‌ ఎఫ్‌–4 రేసింగ్‌ డ్రైవర్‌ లోలా లోవిన్‌ ఫోసీ కూడా పాల్గొననున్నారు. ఈ పోటీలను వీక్షించేందుకు  ఈ సారి  ప్రేక్షకులు, మోటార్‌ స్పోర్ట్స్‌ అభిమానులు ఎక్కువ సంఖ్యలో  పాల్గొనే  అవకాశం ఉన్నట్లు  భారతీయ మోటర్‌స్పోర్ట్స్‌ కంపెనీ, రేసింగ్‌ ప్రమోషన్స్‌ ప్రైవేట్‌ లిమిటెడ్‌ (ఆర్‌పీపీఎల్‌)వర్గాలు అంచనా వేస్తున్నాయి. ఈ పోటీల్లో మొత్తం 24 మంది విదేశీ, భారతీయ రైడర్లు పాల్గొననున్నారు.  

ఇండియన్‌ టాప్‌ ఫార్ములావన్‌ రేసర్‌ జెహన్‌ దారువాలా మహీంద్రా రేసింగ్‌ ఫార్ములా-ఈ టీమ్‌లో జాయిన్‌ అయ్యాడు. కాగా ఫార్ములా-2 రేస్‌ గెలిచిన తొలి ఇండియన్‌ రేసర్‌గా జెహన్‌ దారువాలా చరిత్ర సృష్టించాడు. మరే భారతీయ రేసర్‌కు ఇది సాధ్యం కాలేదు. కాగా తాజాగా టెక్‌ దిగ్గజం ఆనంద్‌ మహీంద్రాకు చెందిన మహీంద్రా రేసింగ్‌ ఫార్ములా టీమ్‌లో చేరిన దారువాలా సీజన్‌-9లో ఎలక్ట్రిక్‌ కార్‌ రేసింగ్‌లో టెస్ట్‌ అండ్‌ రిజర్వ్‌ డ్రైవర్‌గా కొనసాగనున్నాడు.  ఎవరీ జెహన్‌ దారువాలా? ముంబైకి చెందిన 24 ఏళ్ల జెహన్‌ దారువాలాకు చిన్నప్పటి నుంచి కార్‌ రేసింగ్‌ అంటే యమా క్రేజ్‌ ఉండేది. ఎలాగైనా ఫార్ములా వన్‌ రేసర్‌గా మారాలనుకున్నాడు. దానికోసం అమెరికా వెళ్లి రేసింగ్‌లో ప్రత్యేక శిక్షణ తీసుకున్నాడు. ఇక ప్రొఫెషన్‌లగా మారిన తర్వాత ఫార్ములా వన్‌ రేసర్‌గా కెరీర్‌ను ఎంజాయ్‌ చేసిన దారువాలా 2019లో ఫార్ములా-3 చాంపియన్‌షిప్‌ను గెలిచాడు. ఆ తర్వాత 2021లో ఎఫ్‌-3 ఏసియన్‌ చాంపియన్‌షిప్‌ను సొంతం చేసుకున్న దారువాలా పార్ములా-2లో మూడేళ్లలో నాలుగు రేస్‌లు గెలవడం విశేషం. ఇక ఈ  ఏడాది జూలైలో ఆస్ట్రియాలోని స్పీల్‌బర్గ్‌లో జరిగిన ఫార్ములా-2లో పాల్గొన్న దారువాలా బహ్రెయిన్‌ వేదికగా జరిగిన సీజన్‌ చివరి మ్యాచ్‌లో విజేతగా నిలిచాడు. రెండవ స్థానం నుండి మ్యాచ్ ప్రారంభించిన జెహన్ దారువాలా  చివరికి విజయాన్ని సొంతం చేసుకున్నాడు. మ్యాచ్‌లో డేనియల్ డిక్టమ్, మిక్ షూమేకర్, జెహన్ దారువాలా మధ్య తీవ్ర పోటీ నెలకొంది. ఈ మ్యాచ్‌లో మొదట కాస్త వెనుకబడి ఉన్న జెహన్ చివరకు చేరే సరికి మొదటి స్థానంలో నిలిచాడు. అలా ముంబైకి చెందిన జెహన్‌ దారువాలా ఫార్ములా-2 రేసులో తొలి విజయాన్ని పొంది యావత్ భారతదేశానికి గర్వకారణం అయ్యాడు.

మెక్సికో సిటీ: ఫార్ములా వన్‌ సర్క్యూట్‌లో రెడ్‌బుల్‌ డ్రైవర్, నెదర్లాండ్స్‌కు చెందిన మ్యాక్స్‌ వెర్‌స్టాపెన్‌ చరిత్ర సృష్టించాడు. ఆదివారం ఆటోడ్రోమో హెర్మనోస్‌ రోడ్రిగ్స్‌లో జరిగిన రేస్‌లో వెర్‌స్టాపెన్‌ విజేతగా నిలిచాడు. 1 గంటా 38 నిమిషాల 36.729 సెకన్లలో రేస్‌ పూర్తి చేసిన అతను మొదటి స్థానాన్ని అందుకున్నాడు. లూయీస్‌ హామిల్టన్‌ (మెర్సిడెజ్‌), సెర్గెయో పెరెజ్‌ (రెడ్‌బుల్‌) రెండో, మూడో స్థానాల్లో నిలిచారు. తాజా విజయంతో 2022 సీజన్‌లో వెర్‌స్టాపెన్‌ 14 రేస్‌లలో విజేతగా నిలిచిన ఘనతను సొంతం చేసుకున్నాడు. దాంతో అతను ఒకే సీజన్‌లో విజయాల సంఖ్యపరంగా కొత్త రికార్డును నెలకొల్పాడు. ఇప్పటి వరకు ఒకే సీజన్‌లో అత్యధిక రేస్‌లు (13) నెగ్గిన ఘనత మైకేల్‌ షుమాకర్‌ (2004), సెబాస్టియన్‌ వెటెల్‌ (2013) పేరిట ఉండగా ఇప్పుడు దానిని వెర్‌స్టాపెన్‌ బద్దలు కొట్టాడు. తాజా సీజన్‌లో ఇప్పటి వరకు 20 రేస్‌లు జరగ్గా, పెరెజ్‌ రెండు నెగ్గడంతో 16 రేస్‌లు రెడ్‌బుల్‌ ఖాతాలోకే చేరాయి. ఈ సీజన్‌లో హామిల్టన్‌ ఒక్క రేస్‌ కూడా నెగ్గలేకపోయాడు. తర్వాతి రేస్‌ 13 నవంబర్‌నుంచి బ్రెజిల్‌లోని సావో పాలోలో జరుగుతుంది. చదవండి: T20 WC 2022: భారత్‌- బంగ్లాదేశ్‌ మ్యాచ్‌కు వర్షం ముప్పు.. ఆట రద్దు అయితే?

ఆస్టిన్‌: ఫార్ములావన్‌ సీజన్‌లో ఇదివరకే చాంపియన్‌షిప్‌ ఖాయం చేసుకున్న రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ ఖాతాలో మరో విజయం చేరింది. యూఎస్‌ గ్రాండ్‌ప్రిలోనూ ఈ బెల్జియం రేసర్‌ విజయం సాధించాడు. సర్క్యూట్‌ ఆఫ్‌ అమెరికాస్‌లో సోమవారం రాత్రి ముగిసిన 56 ల్యాపుల రేసును వెర్‌స్టాపెన్‌ అందరికంటే ముందుగా ముగించాడు. గంటా 42 నిమిషాల 11.687 సెకన్లలో ముగించి 2022 సీజన్‌లో 13వ టైటిల్‌ సాధించాడు. మాజీ చాంపియన్, మెర్సిడెజ్‌ డ్రైవర్‌ లూయిస్‌ హామిల్టన్‌ 5.023 సెకన్ల తేడాతో రెండో స్థానంలో నిలువగా, ఫెరారి డ్రైవర్‌ లెక్‌లెర్క్‌ 7.501 సెకన్ల తేడాతో మూడో స్థానంలో నిలిచాడు. ఈ సీజన్‌లో ప్రస్తుతం 13 విజయాలతో 391 పాయింట్లతో వరల్డ్‌ చాంపియన్‌షిప్‌ను సొంతం చేసుకోగా... చార్లెస్‌ లెక్‌లెర్క్‌ (267), సెర్గెయ్‌ పెరెజ్‌ (రెడ్‌బుల్‌; 265) రెండు, మూడు స్థానాల్లో ఉన్నారు. ఈ సీజన్‌లో తదుపరి రేసు మెక్సికన్‌ గ్రాండ్‌ ప్రి 29, 30 తేదీల్లో జరుగుతుంది. సీజన్‌లో తర్వాతి రేసు మెక్సికన్‌ గ్రాండ్‌ప్రిగా ఉంటుంది.    ఆస్టిన్‌: ఫార్ములావన్‌ సీజన్‌లో ఇదివరకే చాంపియన్‌షిప్‌ ఖాయం చేసుకున్న రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ ఖాతాలో మరో విజయం చేరింది. యూఎస్‌ గ్రాండ్‌ప్రిలోనూ ఈ బెల్జియం రేసర్‌ విజయం సాధించాడు. సర్క్యూట్‌ ఆఫ్‌ అమెరికాస్‌లో సోమవారం రాత్రి ముగిసిన 56 ల్యాపుల రేసును వెర్‌స్టాపెన్‌ అందరికంటే ముందుగా ముగించాడు. గంటా 42 నిమిషాల 11.687 సెకన్లలో ముగించి 2022 సీజన్‌లో 13వ టైటిల్‌ సాధించాడు. మాజీ చాంపియన్, మెర్సిడెజ్‌ డ్రైవర్‌ లూయిస్‌ హామిల్టన్‌ 5.023 సెకన్ల తేడాతో రెండో స్థానంలో నిలువగా, ఫెరారి డ్రైవర్‌ లెక్‌లెర్క్‌ 7.501 సెకన్ల తేడాతో మూడో స్థానంలో నిలిచాడు. ఈ సీజన్‌లో ప్రస్తుతం 13 విజయాలతో 391 పాయింట్లతో వరల్డ్‌ చాంపియన్‌షిప్‌ను సొంతం చేసుకోగా... చార్లెస్‌ లెక్‌లెర్క్‌ (267), సెర్గెయ్‌ పెరెజ్‌ (రెడ్‌బుల్‌; 265) రెండు, మూడు స్థానాల్లో ఉన్నారు. ఈ సీజన్‌లో తదుపరి రేసు మెక్సికన్‌ గ్రాండ్‌ ప్రి 29, 30 తేదీల్లో జరుగుతుంది. సీజన్‌లో తర్వాతి రేసు మెక్సికన్‌ గ్రాండ్‌ప్రిగా ఉంటుంది.  

ఎఫ్‌-1 రేస్‌లో అపశ్రుతి చోటుచేసుకుంది. రేసులో భాగంగా జరిగిన యాక్సిడెంట్‌లో ఫార్ములావన్‌ దిగ్గజం మైకెల్‌ షుమాకర్‌ అల్లుడు డేవిడ్‌ షుమాకర్‌ వెన్నుముక విరిగింది. వెన్నుముకకు సర్జరీ అవసరం లేకపోయినప్పటికి డేవిడ్‌ షుమాకర్‌ కోలుకోవడానికి ఆరువారాల సమయం పట్టే అవకాశముంది. హాకెన్‌హీమ్ డీటీఎమ్‌ రేస్‌లో ఈ దుర్ఘటన జరిగింది. రేసులో భాగంగా లాప్‌-6 జరుగుతున్న సమయంలో టర్న్-8 వద్ద షుమాకర్‌ మెర్సిడెస్‌ కారు.. మరో కారుతో క్రాష్‌ అయింది. ఈ సమయంలో రెండు కార్లు బారికేడ్లను తాకడంతో షుమాకర్‌ కారుకు మంటలు అంటుకున్నాయి. ఆ తర్వాత షుమాకర్‌ను ఆసుపత్రికి తరలించారు. కాగా వెన్నుముక కింది భాగమైన లంబర్‌ వర్టిబ్రే విరిగినట్లు రిపోర్ట్స్‌లో తేలింది. దీనికి సర్జరీ అవసరం లేకపోయినప్పటికి ఆరు వారాల విశ్రాంతి మాత్రం కచ్చితంగా అవసరమని వైద్యులు పేర్కొన్నారు. ఇక ఫార్ములావన్‌లో మైకెల్‌ షుమాకర్‌ దిగ్గజంగా పేరుపొందాడు. ఎఫ్‌-1 రేసులో ఏడు వరల్డ్‌ టైటిల్స్‌ సాధించిన షుమాకర్‌ అందులో ఐదు ఫెరారీ డ్రైవర్‌గా.. మిగతా రెండు టైటిల్స్‌ మెర్సిడెస్‌ ద్వారా అందుకున్నాడు. ఇక 2013లో తీవ్రమైన యాక్సిడెంట్‌కు గురైన షుమాకర్‌ కోమాలోకి వెళ్లిపోయాడు. ఆ తర్వాత 2014లో కోమా నుంచి బయటపడిన షుమాకర్‌ ప్రస్తుతం తన ఫ్యామిలీతో కలిసి స్విట్జర్లాండ్‌లో నివసిస్తున్నాడు. ఇక షుమాకర్‌ రికార్డును లూయిస్‌ హామిల్టన్‌ 2021లో బ్రేక్‌ చేశాడు. షుమాకర్‌ తర్వాత మెర్సిడెస్‌కు ఎఫ్‌-1 రేసర్‌గా మారిన హామిల్టన్‌ ఏడు వరల్డ్‌ టైటిల్స్‌ సాధించి షుమాకర్‌తో సమానంగా నిలిచాడు. చదవండి: 14 ఏళ్ల తర్వాత ఫైనల్‌కు.. డ్యాన్స్‌తో లంక క్రికెటర్స్‌ అదుర్స్‌ అంబటి రాయుడు, షెల్డన్‌ జాక్సన్‌ వాగ్వాదం.. వీడియో వైరల్‌

సుజుకా (జపాన్‌): ఫార్ములావన్‌ (ఎఫ్‌1) సీజన్‌లో మరో నాలుగు రేసులు మిగిలి ఉండగానే రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ వరుసగా రెండో ఏడాది ప్రపంచ డ్రైవర్స్‌ చాంపియన్‌షిప్‌ టైటిల్‌ను గెల్చుకున్నాడు. ఆదివారం జరిగిన జపాన్‌ గ్రాండ్‌ప్రిలో 25 ఏళ్ల వెర్‌స్టాపెన్‌ విజేతగా నిలిచాడు. వర్షం కారణంగా ప్రధాన రేసును నిర్ణీత 53 ల్యాప్‌లకు బదులుగా 28 ల్యాప్‌లకు కుదించారు. ‘పోల్‌ పొజిషన్‌’తో రేసును ఆరంభించిన వెర్‌స్టాపెన్‌ దూసుకుపోగా రెండు ల్యాప్‌ల తర్వాత వర్షం రావడంతో రేసు నిలిచిపోయింది. వర్షం తగ్గాక రెండు గంటల్లోపు రేసును ముగించాలనే నిబంధన కారణంగా రేసును 28 ల్యాప్‌లకు తగ్గించారు. వెర్‌స్టాపెన్‌ 3 గంటల 1ని:44.044 సెకన్లలో అందరికంటే వేగంగా గమ్యానికి చేరి ఈ సీజన్‌లో 12వ విజయాన్ని అందుకున్నాడు. సెర్గియో పెరెజ్‌ (రెడ్‌బుల్‌) రెండో స్థానంలో, లెక్‌లెర్క్‌ (ఫెరారీ) మూడో స్థానంలో నిలిచారు. 22 రేసుల ఈ సీజన్‌లో 18 రేసులు ముగిశాక వెర్‌స్టాపెన్‌ 366 పాయింట్లతో టాప్‌ ర్యాంక్‌లో ఉన్నాడు. పెరెజ్‌ 253 పాయింట్లతో రెండో స్థానంలో, లెక్‌లెర్క్‌ 252 పాయింట్లతో మూడో స్థానంలో ఉన్నారు. మరో నాలుగు రేసులు జరగాల్సి ఉన్నా... తొలి స్థానంలో ఉన్న వెర్‌స్టాపెన్‌కు రెండో స్థానంలో ఉన్న పెరెజ్‌ మధ్య 113 పాయింట్ల వ్యత్యాసం ఉంది. ఒకవేళ పెరెజ్‌ నాలుగు రేసుల్లోనూ గెలిచినా వెర్‌స్టాపెన్‌ను అధిగమించే అవకాశం లేకపోవడంతో ఈ రెడ్‌బుల్‌ డ్రైవర్‌కు ప్రపంచ టైటిల్‌ ఖరారైంది. సీజన్‌లోని తదుపరి రేసు యునైటెడ్‌ స్టేట్స్‌ గ్రాండ్‌ప్రి టెక్సాస్‌లో ఈనెల 23న జరుగుతుంది.  

సింగపూర్‌: రెడ్‌బుల్‌ జట్టు డ్రైవర్‌ సెర్జియో పెరెజ్‌ ఈ ఏడాది ఫార్ములావన్‌ సీజన్‌లో రెండో విజయం సాధించాడు. ఆదివారం జరిగిన సింగపూర్‌ గ్రాండ్‌ప్రిలో పెరెజ్‌ విజేతగా నిలిచాడు. 59 ల్యాప్‌ల ఈ రేసును పెరెజ్‌ అందరికంటే వేగంగా 2గం:02ని.15.238 సెకన్లలో పూర్తి చేసి అగ్రస్థానాన్ని పొందాడు. ‘పోల్‌ పొజిషన్‌’తో రేసును ఆరంభించిన లెక్‌లెర్క్‌ (ఫెరారీ) రెండో స్థానంలో నిలిచాడు. ఈ సీజన్‌లో 11 విజయాలు సాధించిన వెర్‌స్టాపెన్‌ (రెడ్‌బుల్‌) ఏడో స్థానంతో సరిపెట్టుకున్నాడు. తదుపరి రేసు జపాన్‌ గ్రాండ్‌ప్రి ఈనెల 9న జరుగుతుంది.  

హైదరాబాద్‌: వచ్చే ఏడాది ఫిబ్రవరి 11న భాగ్యనగరంలో ప్రతిష్టాత్మకంగా జరగనున్న అంతర్జాతీయ ఫార్ములా–ఈ ప్రిక్స్‌ పోటీల్లో దూసుకెళ్లబోయే కార్లను నగర ప్రజలకు పరిచయం చేసే చర్యల్లో భాగంగా ‘జెన్‌–2’ రకానికి చెందిన రెండు ఎలక్ట్రిక్‌ కార్లను ఆదివారం ట్యాంక్‌బండ్, దుర్గం చెరువు వద్ద ప్రదర్శనకు ఉంచనున్నారు. దేశంలో ఫార్ములా–ఈ పోటీలను నిర్వహించడం తొలిసారి కానుండటంతో హైదరాబాద్‌తోపాటు ముంబై ఢిల్లీ, బెంగళూరు, చెన్నై తదితర ప్రధాన నగరాల్లోనూ ఈ కార్లను కొన్ని వారాలపాటు ప్రదర్శించనున్నట్లు హెచ్‌ఎండీఏ అధికారులు శనివారం విడుదల చేసిన ఓ ప్రకటనలో పేర్కొన్నారు. ఫార్ములా వన్‌ కార్ల తరహాలోనే నేలను తాకినట్లుగా ఉండే ఆకృతి, ఓపెన్‌ కాక్‌పిట్, సింగిల్‌ సీట్‌గల ఈ కార్లు ‘ఈవీ టెక్నాలజీ’ (ఎలక్ట్రికల్‌ వెహికల్‌ సాంకేతికత) ఆధారంగా పనిచేస్తాయి. హైదరాబాద్‌లో జరిగే పోటీలో జెన్‌–3 రకం ఈవీ కార్లను తొలిసారిగా ప్రవేశపెట్టనున్నారు. జెన్‌–2 ఈవీ కార్లు సున్నా నుంచి 62 కి.మీ. వేగాన్ని కేవలం 3 సెకన్లలో అందుకుంటే జెన్‌–3 రకం ఈవీ కార్లు సున్నా నుంచి 100 కి.మీ. వేగాన్ని 2.8 సెకన్లలోనే అందుకుంటాయి. జెన్‌–2 ఈవీ కార్లు గరిష్టంగా 280 కి.మీ. వేగాన్ని అందుకుంటే జెన్‌–3 ఈవీ కార్లు గరిష్టంగా 300 కి.మీ. వేగంతో దూసుకెళ్తాయి. ఫార్ములా వన్‌ రేసుల్లాగా వీటికి ప్రత్యేక ట్రాక్‌లు నిర్మించాల్సిన అవసరం లేదు. కేవలం సాధారణ రోడ్లపైనే పరుగులు తీయగలగడం ఈవీ కార్ల ప్రత్యేకత. హైదరాబాద్‌లోని నెక్లెస్‌రోడ్డులో ఉన్న 2.8 కి.మీ. మార్గం ఫార్ములా–ఈ ప్రిక్స్‌ పోటీలకు అనుకూలంగా ఉండటం వల్లే భాగ్యనగరాన్ని నిర్వాహకులు ఇందుకు ఎంపిక చేశారు. వచ్చే ఏడాది జనవరి నుంచి జూలై మధ్య ప్రపంచవ్యాప్తంగా 12 నగరాల్లో జరగనున్న 18 ఫార్ములా–ఈ ప్రిక్స్‌ రేసుల్లో నాలుగో రేసు హైదరాబాద్‌లో జరగనుంది. చదవండి: వెనకాల ఇంత జరుగుతుందా.. ఐసీఐసీఐ బ్యాంక్‌ కస్టమర్లకు భారీ షాక్‌!

ఏడో స్థానం నుంచి రేసును మొదలుపెట్టినా అందివచ్చిన అవకాశాలను సద్వినియోగం చేసుకొని రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ ఈ ఏడాది ఫార్ములావన్‌ సీజన్‌లో 11వ విజయాన్ని సాధించాడు. ఆదివారం జరిగిన ఇటలీ గ్రాండ్‌ప్రిలో వెర్‌స్టాపెన్‌ విజేతగా నిలిచి వరుసగా ఐదో విజయం నమోదు చేశాడు. 12వ ల్యాప్‌లో ఆధిక్యంలోకి వెళ్లిన వెర్‌స్టాపెన్‌ అదే జోరులో నిర్ణీత 53 ల్యాప్‌ల రేసును గంటా 20 నిమిషాల 27.511 సెకన్లలో పూర్తి చేసి అగ్రస్థానాన్ని దక్కించుకున్నాడు. ‘పోల్‌ పొజిషన్‌’తో రేసును ఆరంభించిన ఫెరారీ డ్రైవర్‌ లెక్‌లెర్క్‌ రెండో స్థానంతో సరిపెట్టుకున్నాడు. ప్రస్తుతం వెర్‌స్టాపెన్‌ 335 పాయింట్లతో అగ్రస్థానంలో కొనసాగుతున్నాడు. లెక్‌లెర్క్‌ 219 పాయింట్లతో రెండో స్థానంలో ఉన్నాడు. సీజన్‌లోని తదుపరి రేసు సింగపూర్‌ గ్రాండ్‌ప్రి అక్టోబర్‌ 2న జరుగుతుంది. చదవండి: Asia Cup 2022: ఛాంపియన్‌ శ్రీలంకకు దక్కిన ప్రైజ్ మనీ ఎంతంటే..?

జాండ్‌వూర్ట్‌ (నెదర్లాండ్స్‌): ఆద్యంతం ఆధిపత్యం చలాయించిన రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ ఫార్ములావన్‌ (ఎఫ్‌1) 2022 సీజన్‌లో పదో విజయం నమోదు చేశాడు. సొంతగడ్డపై ఆదివారం జరిగిన డచ్‌ గ్రాండ్‌ప్రి ప్రధాన రేసులో వెర్‌స్టాపెన్‌ విజేతగా నిలిచాడు. 72 ల్యాప్‌ల ఈ రేసును ‘పోల్‌ పొజిషన్‌’తో ప్రారంభించిన వెర్‌స్టాపెన్‌ అందరికంటే వేగంగా గంటా 36 నిమిషాల 42.773 సెకన్లలో పూర్తి చేసి అగ్రస్థానాన్ని దక్కించుకున్నాడు. జార్జి రసెల్‌ (మెర్సిడెస్‌) రెండో స్థానంలో, చార్లెస్‌ లెక్‌లెర్క్‌ (ఫెరారీ) మూడో స్థానంలో నిలిచారు. ప్రపంచ మాజీ చాంపియన్‌ లూయిస్‌ హామిల్టన్‌ నాలుగో స్థానంతో సరిపెట్టుకున్నాడు. 22 రేసుల ఈ సీజన్‌లో ఇప్పటివరకు 15 రేసులు పూర్తయ్యాయి. వెర్‌స్టాపెన్‌ 319 పాయింట్లతో టాప్‌ ర్యాంక్‌లో కొనసాగుతున్నాడు. తాజా గెలుపుతో వెర్‌స్టాపెన్‌ వరుసగా రెండో ఏడాదీ 10 విజయాలు సాధించాడు. ఒకే సీజన్‌లో అత్యధిక విజయాలు సాధించిన రికార్డు మైకేల్‌ షుమాకర్‌ (జర్మనీ; 2004లో 13), సెబాస్టియన్‌ వెటెల్‌ (జర్మనీ; 2013లో 13) పేరిట సంయుక్తంగా ఉంది. 201 పాయింట్లతో చార్లెస్‌ లెక్‌లెర్క్‌ (ఫెరారీ), సెర్గియో పెరెజ్‌ సంయుక్తంగా రెండో స్థానంలో ఉన్నారు. సీజన్‌లోని తదుపరి రేసు ఇటలీ గ్రాండ్‌ప్రి ఈనెల 11న జరుగుతుంది.    విజేత వెన్నెల–శ్రియాన్షి జోడీ పుణే: ఇండియా జూనియర్‌ ఇంటర్నేషనల్‌ గ్రాండ్‌ప్రి బ్యాడ్మింటన్‌ టోర్నీలో కలగొట్ల వెన్నెల–శ్రియాన్షి వలిశెట్టి (భారత్‌) జోడీ అండర్‌–19 మహిళల డబుల్స్‌ టైటిల్‌ను సొంతం చేసుకుంది. ఆదివారం జరిగిన ఫైనల్లో వెన్నెల–శ్రియాన్షి ద్వయం 21–19, 21–18తో నర్దన–రిధి కౌర్‌ (భారత్‌) జోడీపై విజయం సాధించింది. మహిళల సింగిల్స్‌ ఫైనల్లో ఉన్నతి హుడా (భారత్‌) 25–23, 17–21, 10–21తో సరున్‌రక్‌ వితిద్‌సర్న్‌ (థాయ్‌లాండ్‌) చేతిలో ఓడి రన్నరప్‌గా నిలిచింది. మిక్స్‌డ్‌ డబుల్స్‌ విభాగంలో దివ్యం అరోరా–రిధి కౌర్‌ (భారత్‌) జోడీ టైటిల్‌ దక్కించుకుంది.

ఫార్ములావన్‌–2022 సీజన్‌లో తన ఆధిపత్యాన్ని చాటుకుంటూ రెడ్‌బుల్‌ జట్టు డ్రైవర్‌ వెర్‌స్టాపెన్‌ తొమ్మిదో విజయం నమోదు చేశాడు. ఆదివారం జరిగిన బెల్జియం గ్రాండ్‌ప్రిలో 14వ స్థానం నుంచి రేసును మొదలుపెట్టిన వెర్‌స్టాపెన్‌ నిర్ణీత 44 ల్యాప్‌లను అందరికంటే వేగంగా గంటా 25 నిమిషాల 52.894 సెకన్లలో పూర్తి చేసి అగ్రస్థానాన్ని దక్కించుకున్నాడు. పెరెజ్‌ (రెడ్‌బుల్‌) రెండో స్థానంలో, కార్లోస్‌ సెయింజ్‌ (ఫెరారీ) మూడో స్థానంలో నిలిచారు. ఈ సీజన్‌లో 14 రేసులు ముగిశాక వెర్‌స్టాపెన్‌ 284 పాయింట్లతో అగ్రస్థానంలో ఉన్నాడు. చదవండి: US Open 2022: సెరెనాపైనే దృష్టి

ఈ ఏడాది ఫార్ములావన్‌ సీజన్‌లో తన ఆధిపత్యాన్ని కొనసాగిస్తూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ ఎనిమిదో విజయం నమోదు చేశాడు. బుడాపెస్ట్‌లో ఆదివారం జరిగిన హంగేరి గ్రాండ్‌ప్రిలో వెర్‌స్టాపెన్‌ విజేతగా నిలిచాడు. 70 ల్యాప్‌ల రేసును వెర్‌స్టాపెన్‌ అందరికంటే వేగంగా గంటా 39 నిమిషాల 35.912 సెకన్లలో ముగించి అగ్రస్థానాన్ని దక్కించుకున్నాడు. హామిల్టన్‌ (మెర్సిడెస్‌) రెండో స్థానంలో... ‘పోల్‌ పొజిషన్‌’తో రేసును ఆరంభించిన జార్జి రసెల్‌ (మెర్సిడెస్‌) మూడో స్థానంలో నిలిచారు.

మెర్సిడెస్‌ జట్టు డ్రైవర్‌ జార్జి రసెల్‌ తన ఫార్ములావన్‌ (ఎఫ్‌1) కెరీర్‌లో తొలిసారి పోల్‌ పొజిషన్‌ సాధించాడు. బుడాపెస్ట్‌లో శనివారం జరిగిన హంగేరి గ్రాండ్‌ప్రి క్వాలిఫయింగ్‌ సెషన్‌లో 24 ఏళ్ల రసెల్‌ అందరికంటే వేగంగా 1ని:17.377 సెకన్లలో ల్యాప్‌ను పూర్తి చేసి అగ్రస్థానాన్ని సంపాదించాడు. తద్వారా నేడు జరిగే ప్రధాన రేసును రసెల్‌ తొలి స్థానం నుంచి ప్రారంభిస్తాడు. సెయింజ్‌ (ఫెరారీ) రెండో స్థానం నుంచి... లెక్‌లెర్క్‌ (ఫెరారీ) మూడో స్థానం నుంచి... నోరిస్‌ (మెక్‌లారెన్‌) నాలుగో స్థానం నుంచి రేసును మొదలుపెడతారు. కెరీర్‌ మొత్తంలో 72 రేసుల్లో పాల్గొన్న రసెల్‌ ఈ సీజన్‌లో నాలుగు రేసుల్లో మూడో స్థానంలో నిలిచాడు. సాయంత్రం గం. 6:30 నుంచి మొదలయ్యే నేటి ప్రధాన రేసును స్టార్‌ స్పోర్ట్స్‌ నెట్‌వర్క్‌లో ప్రత్యక్ష ప్రసారం చేస్తారు.

ఫార్ములావన్‌ దిగ్గజం.. నాలుగుసార్లు చాంపియన్‌ జర్మనీ రేసర్‌ సెబాస్టియన్‌ వెటెల్‌ సంచలన నిర్ణయం తీసుకున్నాడు. 2022 సీజన్‌ అనంతరం ఫార్ములావన్‌కు రిటైర్‌మెంట్‌ ప్రకటిస్తున్నట్లు గురువారం రాత్రి ఇన్‌స్టాగ్రామ్‌లో పేర్కొన్నాడు.  అయితే సెబాస్టియన్‌ వెటెల్‌ అనూహ్య నిర్ణయం వెనుక ఒక కారణం ఉన్నట్లు తెలుస్తోంది. ఇటీవలే జరిగిన ఆస్ట్రియా గ్రాండ్ ప్రి సందర్భంగా రేసింగ్ స్టీవర్డ్స్తో గొడవ పడ్డాడు. ప్రస్తుతం ఎఫ్ 1 రేసింగ్ మునపటిలా లేదనే భావనను వ్యక్తం చేశాడు. అందుకే ఇలా అనూహ్య రిటైర్‌మెంట్‌ ప్రకటించినట్లు తెలుస్తోంది. ప్రస్తుతం సెబాస్టియన్ వెటెల్ ఆస్టన్ మార్టిన్ జట్టు తరఫున 2022 ఫార్ములా వన్ సీజన్ లో రేసింగ్ చేస్తున్నాడు. 2007లో బీఎండబ్ల్యూ తరఫున సెబాస్టియన్ వెటెల్ ఫార్ములా వన్ లో అరంగేట్రం చేశాడు. 2008లో రెడ్ బుల్ సిస్టర్ టీం అయిన టొరొ రాసో (ఇప్పటి ఆల్ఫా టారీ) తరఫున బరిలోకి దిగాడు. మిడ్ ఫీల్డ్ టీం అయిన టొరొ రాసో తరఫున 2008లో జరిగిన ఇటాలియన్ గ్రాండ్ ప్రిలో విజయం సాధించి సంచలనం నమోదు చేశాడు. అనంతరం 2009 నుంచి 2014 వరకు రెడ్ బుల్ తరఫున రేసింగ్ చేశాడు. ఈ క్రమంలో వరుసగా 2010, 2011, 2012, 2013లలో ఫార్ములా వన్ డ్రైవర్ చాంపియన్‌గా నిలిచాడు. 2010, 2012లో ఫెరారీ డ్రైవర్ ఫెర్నాండో అలొన్సో నుంచి తీవ్ర పోటీ ఎదుర్కొన్నా.. 2011, 2013 ఫార్ములా వన్ సీజన్ లలో అలవోకగా చాంపియన్ షిప్ ను సొంతం చేసుకున్నాడు. భారత్ వేదికగా ఇండియన్ గ్రాండ్ ప్రి మూడు ( 2011, 2012, 2013) పర్యాయాలు జరగ్గా.. ఆ మూడు సార్లు కూడా వెటెల్ విజేతగా నిలువడం విశేషం. అనంతరం 2015లో ఫెరారీకి మారిన అతడు ఆ ఏడాది నుంచి 2020 వరకు ఆ జట్టుతోనే కొనసాగాడు. 2021 నుంచి ఆస్టన్ మార్టిన్ తరఫున రేసింగ్ లో పాల్గొంటున్నాడు. సెబాస్టియన్‌ తన కెరీర్ లో ఇప్పటి వరకు 290 రేసుల్లో 53 విజయాలు సాధించాడు. మరో 57 సార్లు పోల్ పొజిషన్ ను అందుకున్నాడు. NEWS: Sebastian Vettel will retire from #F1 at the end of the 2022 season, bringing one of the greatest careers in the history of the sport to a close. Read more from Sebastian, Lawrence Stroll and Mike Krack. ⬇️ — Aston Martin Aramco Cognizant F1 Team (@AstonMartinF1) July 28, 2022 చదవండి: చెస్‌ ఒలంపియాడ్‌ను ప్రారంభించిన మోదీ.. తమిళ తంబిలా పంచకట్టులో..!

లె కాసెలెట్‌ (ఫ్రాన్స్‌): ఫార్ములావన్‌ తాజా సీజన్‌లో క్వాలిఫయింగ్‌ సెషన్‌లో రాణించిన ఫెరారీ డ్రైవర్‌ చార్లెస్‌ లెక్‌లెర్క్‌ ఏడోసారి పోల్‌ పొజిషన్‌ సాధించాడు. శనివారం జరిగిన ఫ్రెంచ్‌ గ్రాండ్‌ప్రి క్వాలిఫయింగ్‌ సెషన్‌లో లెక్‌లెర్క్‌ అందరికంటే వేగంగా ల్యాప్‌ను 1ని:30.872 సెకన్లలో ముగించి అగ్రస్థానాన్ని సంపాదించాడు. నేడు జరిగే ప్రధాన రేసును లెక్‌లెర్క్‌ తొలి స్థానం నుంచి ప్రారంభిస్తాడు. 

సాక్షి, హైదరాబాద్‌: ప్రతిష్టాత్మక కార్ల రేసింగ్‌ ఈవెంట్‌ ‘ఫార్ములా ఈ– రేసింగ్‌’(ఈ–ప్రిక్స్‌)కు ఆతిథ్యం ఇచ్చేందుకు హైదరాబాద్‌ నగరం సిద్ధమవుతోంది. ఫార్ములా ఈ–చాంపియన్‌షిప్‌ తొమ్మిదో సీజన్‌ (2022–23)లో భాగంగా వచ్చే ఏడాది ఫిబ్రవరి 11వ తేదీన నగరంలో ఈ–రేసింగ్‌ (సింగిల్‌ సీట్‌ ఎలక్ట్రిక్‌ వాహనాలకు నిర్వహించే పోటీలు) జరగనుంది. ఇందుకోసం రాష్ట్ర ప్రభుత్వం మేనేజింగ్, ఎగ్జిక్యూటివ్‌ కమిటీలను ఏర్పాటు చేసింది. రాష్ట్ర మున్సిపల్‌ శాఖ మంత్రి కె. తారక రామారావు చైర్మన్‌గా మేనేజింగ్‌ కమిటీని, ప్రభుత్వ ప్రత్యేక ప్రధాన కార్యదర్శి (ఎంఏయూడీ (అర్వింద్‌కుమార్‌) చైర్మన్‌గా ఎగ్జిక్యూటివ్‌ కమిటీని నియమించారు. ఈ మేరకు సోమవారం అర్వింద్‌కుమార్‌ ఉత్తర్వులు జారీ చేశారు. దేశంలో ఏబీబీ ఎఫ్‌ఐఏ ఫార్ములా ‘ఈ–రేసింగ్‌’కు ఆతిథ్యం ఇస్తున్న తొలి నగరంగా హైదరాబాద్‌ రికార్డు సృష్టించనుంది. 2011 నుంచి 2013 వరకు గ్రేటర్‌ నోయిడాలోని బుద్ధ్‌ అంతర్జాతీయ సర్క్యూట్లో ఫార్ములా వన్‌ రేసు జరిగిన తర్వాత దేశంలో జరగబోయే రెండో అతి పెద్ద రేసింగ్‌ ఈవెంట్‌ ఇదే కావడం గమనార్హం.    సర్క్యూట్లలో కాదు.. వీధుల్లో రోడ్లపైనే  ఫార్ములా వన్‌ రేసులు ప్రత్యేకంగా నిర్మించిన పర్పస్‌ బిల్డ్‌ (తాత్కాలిక) సర్క్యూట్లలో జరుగుతాయి. అయితే ఫార్ములా ఈ–ప్రిక్స్‌ మాత్రం నగర వీధుల్లోని రోడ్లపైనే జరుగుతాయి. మోటార్‌ స్పోర్ట్‌ అభిమానులకు వినోదం పంచడంతో పాటు ఎలక్ట్రిక్‌ వాహన వినియోగాన్ని ప్రోత్సహించేందుకు వీటిని నిర్వహిస్తున్నారు. వచ్చే ఫిబ్రవరి 11న హైదరాబాద్‌లోని హుస్సేన్‌సాగర్‌ చుట్టూ నెక్లెస్‌ రోడ్డులో సచివాలయం కాంప్లెక్స్, లుంబినీ పార్కు మీదుగా ఏర్పాటు చేసిన 2.37 కిలోమీటర్ల ట్రాక్‌ మీద ఈ–రేసింగ్‌ సాగనుంది.   భారత్‌ తరఫున బరిలో ‘మహీంద్రా’  విద్యుత్‌ కార్లతో జరిగే ఈ తొమ్మిదో సీజన్‌ రేసింగ్‌ పోటీలకు ఆతిథ్యం ఇచ్చేందుకు తెలంగాణ ప్రభుత్వం ఈ సంవత్సరం జనవరిలో ‘ఫార్ములా ఈ’సంస్థతో అవగాహన ఒప్పందం కుదుర్చుకుంది. కాగా రేసింగ్‌ చాంపియన్‌షిప్‌ క్యాలెండర్‌ను గత జూన్‌ 29న ఎఫ్‌ఐఏ (ఫెడరేషన్‌ ఇంటర్నేషనల్‌ డి–ఎల్‌ ఆటోమొబైల్‌ ) వరల్డ్‌ మోటార్‌ స్పోర్ట్స్‌ కౌన్సిల్‌ ఆమోదించింది. సుమారు పదేళ్ల క్రితం గ్రేటర్‌ నోయిడాలోని బుద్ధ్‌ ఇంటర్నేషనల్‌ సర్క్యూట్‌లో నిర్వహించిన ఫార్ములా వన్‌ పోటీల ద్వారా ప్రపంచ మోటార్‌ స్పోర్ట్స్‌ మ్యాప్‌లోకి భారత్‌ ప్రవేశించింది. వచ్చే ఏడాది జరిగే ఈ–రేసింగ్‌ నిర్వహణకు ఆతిథ్యం ఇవ్వడం ద్వారా ప్రపంచవ్యాప్తంగా రేసింగ్‌కు ఆతిథ్యం ఇస్తున్న 13 నగరాల్లో ఒకటిగా హైదరాబాద్‌ నిలిచింది. ఈ రేసింగ్‌లో భారత్‌ నుంచి మహీంద్రా కంపెనీకి చెందిన ‘మహీంద్ర రేసింగ్‌’జట్టు పోటీ పడుతోంది.  మేనేజింగ్‌ కమిటీలో.. చైర్మన్‌గా మంత్రి కేటీఆర్,సభ్యులుగా మహీంద్రా గ్రూప్‌ చైర్మన్‌ ఆనంద్‌ మహీంద్రా, మహీంద్రా రేసింగ్‌ టీమ్‌ ప్రిన్సిపాల్, సీఈవో దిల్‌బాగ్‌ గిల్, ఏస్‌ అర్బన్‌ రేస్‌ ఏండీ అండ్‌ సీఈవో, ఎఫ్‌ఐఏ ప్రతినిధి, కమిటీ నిర్ణయించిన ముగ్గురు నిపుణులు లేదా బ్రాండ్‌ అంబాసిడర్లు, చైర్మన్‌ నిర్ణయం మేరకు ఇతర సభ్యుడు, మెంబర్‌ కన్వీనర్‌గా ప్రభుత్వ ప్రత్యేక ప్రధాన కార్యదర్శి అర్వింద్‌ కుమార్‌ ఉంటారు.     ఎగ్జిక్యూటివ్‌ కమిటీలో చైర్మన్‌గా ప్రత్యేక ప్రభుత్వ ప్రధాన కార్యదర్శి (ఎంఏయూడీ), సభ్యులుగా హైదరాబాద్‌ పోలీస్‌ కమిషనర్, జాయింట్‌ సీపీ ట్రాఫిక్, ఏస్‌ అర్బన్‌ గ్రీన్‌కో గ్రూప్‌ ఎండీ, అర్బన్‌ రేస్‌ నుంచి ఇద్దరు ప్రతినిధులు, హైదరాబాద్‌ గ్రోత్‌ కారిడార్‌ ప్రాజెక్టు డైరెక్టర్, ఎండీ, జీహెచ్‌ఎంసీ ఖైరతాబాద్‌ జోనల్‌ కమిషనర్, హెచ్‌ఎండీఏ సీఈ, టీఎస్‌ఎస్‌పీడీసీఎల్, ఆర్‌ అండ్‌ బీ, జీహెచ్‌ఎంసీ, వాటర్‌బోర్డు, కలెక్టరేట్‌ తదితర విభాగా లకు చెందిన అధికారులు ఉంటారు.   

ఫెరారీ జట్టు డ్రైవర్‌ చార్లెస్‌ లెక్‌లెర్క్‌ ఈ ఏడాది ఫార్ములావన్‌ సీజన్‌లో మూడో విజయం నమోదు చేశాడు. స్పీల్‌బర్గ్‌లో ఆదివారం జరిగిన ఆస్ట్రియా గ్రాండ్‌ప్రిలో లెక్‌లెర్క్‌ చాంపియన్‌గా నిలిచాడు. నిర్ణీత 71 ల్యాప్‌లను లెక్‌లెర్క్‌ అందరికంటే వేగంగా గంటా 24 నిమిషాల 24.312 సెకన్లలో ముగించి అగ్రస్థానాన్ని దక్కించుకున్నాడు. వెర్‌స్టాపెన్‌ (రెడ్‌బుల్‌) రెండో స్థానంలో, హామిల్టన్‌ (మెర్సిడెస్‌) మూడో స్థానంలో నిలిచారు. సీజన్‌లోని తదుపరి రేసు ఫ్రెంచ్‌ గ్రాండ్‌ప్రి ఈనెల 24న జరుగుతుంది.

సిల్వర్‌స్టోన్‌ (ఇంగ్లండ్‌): తన ఫార్ములావన్‌ కెరీర్‌లో 150వ రేసులో తొలిసారి ఫెరారీ జట్టు డ్రైవర్‌ కార్లోస్‌ సెయింజ్‌ టైటిల్‌ను సాధించాడు. ఆదివారం జరిగిన బ్రిటిష్‌ గ్రాండ్‌ప్రి రేసులో కార్లోస్‌ సెయింజ్‌ 52 ల్యాప్‌లను అందరికంటే వేగంగా 2 గంటల 17 నిమిషాల 50.311 సెకన్లలో పూర్తి చేసి విజేతగా అవతరించాడు. పెరెజ్‌ (రెడ్‌బుల్‌) రెండో స్థానంలో, హామిల్టన్‌ (మెర్సిడెస్‌) మూడో స్థానంలో నిలిచారు. తొలి ల్యాప్‌లోనే ఆల్ఫా రోమియో జట్టు డ్రైవర్‌ గ్వాన్‌యు జౌ కారు ప్రమాదానికి గురి కావడంతో రేసును కొంతసేపు నిలిపి వేసి మళ్లీ ప్రారంభించారు. గ్వాన్‌యు కారు పల్టీలు కొట్టుకుంటూ ట్రాక్‌ బయటకు వెళ్లింది. డ్రైవర్‌ గ్వాన్‌యుకు ఎలాంటి ప్రమాదం జరగకపోవడంతో అందరూ ఊపిరి పీల్చుకున్నారు.  

యువ భారత రేసర్‌ జెహాన్‌ దారూవాలా ఫార్ములావన్‌ కోసం తొలి అడుగు వేశాడు. మెక్‌లారెన్‌ జట్టు తరఫున అతను ఎఫ్‌1 టెస్టును విజయవంతంగా పూర్తి చేశాడు. ఇంగ్లండ్‌లోని సిల్వర్‌స్టోన్‌ ట్రాక్‌పై ‘ఎంసీఎల్‌ 35ఎమ్‌’ కారును ‘రయ్‌... రయ్‌’మనిపించాడు. రెండు రోజుల పాటు జరిగిన ఈ టెస్టు డ్రైవ్‌లో జెహాన్‌ 130 ల్యాప్‌లను ఇబ్బంది లేకుండా పూర్తి చేశాడు. దీంతో ఎఫ్‌1 డ్రైవర్‌ అయ్యేందుకు ‘సూపర్‌ లైసెన్స్‌’ దరఖాస్తుకు అవసరమైన పాయింట్లను భారత రేసర్‌ సాధించాడు. చదవండి: Wimbledon 2022 Draw: 113వ ర్యాంకర్‌తో సెరెనా తొలిపోరు

భారత యువ రేసర్‌ జెహాన్‌ దారూవాలా తన ఫార్ములావన్‌ కలను సాకారం చేసుకునే పనిలో మొదటి అడుగు వేస్తున్నాడు. ఎఫ్‌1 సర్క్యూట్‌లో ఎనిమిది సార్లు కన్‌స్ట్రక్టర్స్‌ చాంపియన్‌ అయిన మెక్‌లారెన్‌ జట్టులో 23 ఏళ్ల రేసర్‌ రెండు రోజుల టెస్టులో పాల్గొంటున్నాడు. సిల్వర్‌స్టోన్‌ (ఇంగ్లండ్‌) ట్రాక్‌పై నేడు, రేపు     ‘ఎంసీఎల్‌–35’ ఫార్ములావన్‌ కారును టెస్టు డ్రైవ్‌ చేస్తాడు. ప్రస్తుతం జెహాన్‌ మూడో సీజన్‌ ఫార్ములా–2లో పోటీపడుతున్నాడు.  చదవండి: వింబుల్డన్‌ ఆడేందుకు రష్యా పౌరసత్వాన్ని వదులుకునేందుకు సిద్ధమైన టెన్నిస్‌ క్రీడాకారిణి 

Azerbaijan Grand Prix: ఫార్ములావన్‌ సీజన్‌లో తన ఆధిపత్యాన్ని చాటుకుంటూ ప్రపంచ చాంపియన్‌ మాక్స్‌ వెర్‌స్టాపెన్‌ ఈ ఏడాది ఐదో టైటిల్‌ను గెల్చుకున్నాడు. ఆదివారం జరిగిన అజర్‌బైజాన్‌ గ్రాండ్‌ప్రిలో ఈ రెడ్‌బుల్‌ జట్టు డ్రైవర్‌ విజేతగా నిలిచాడు. 51 ల్యాప్‌ల రేసును  వెర్‌స్టాపెన్‌ అందరికంటే వేగంగా గంటా 34 నిమిషాల 05.941 సెకన్లలో ముగించి అగ్రస్థానాన్ని దక్కించుకున్నాడు. ‘పోల్‌ పొజిషన్‌’తో రేసును ఆరంభించిన ఫెరారీ డ్రైవర్‌ లెక్‌లెర్క్‌ కారు ఇంజిన్‌లో సమస్య తలెత్తడంతో 21వ ల్యాప్‌లో వైదొలిగాడు.   చదవండి: Rishabh Pant: అదే మా పొరపాటు.. అందుకే ఓడిపోయాం.. ఇక మూడింటికి మూడు గెలవాల్సిందే!

ఈ ఏడాది ఫార్ములావన్‌ సీజన్‌ క్వాలిఫయింగ్‌ సెషన్స్‌లో ఫెరారీ జట్టు డ్రైవర్‌ చార్లెస్‌ లెక్‌లెర్క్‌ మరోసారి సత్తా చాటుకున్నాడు. బాకు నగరంలో శనివారం జరిగిన అజర్‌బైజాన్‌ గ్రాండ్‌ప్రి క్వాలిఫయింగ్‌లో లెక్‌లెర్క్‌ పోల్‌ పొజిషన్‌ సాధించాడు. క్వాలిఫయింగ్‌లో లెక్‌లెర్క్‌ అందరికంటే వేగంగా ల్యాప్‌ను ఒక నిమిషం 41.359 సెకన్లలో పూర్తి చేశాడు. తద్వారా నేడు జరిగే ప్రధాన రేసును లెక్‌లెర్క్‌ తొలి స్థానం నుంచి ప్రారంభించే అవకాశం దక్కించుకున్నాడు. ఈ సీజన్‌లో లెక్‌లెర్క్‌కిది ఆరో పోల్‌ పొజిషన్‌ కావడం విశేషం. సెర్జియో పెరెజ్‌ (రెడ్‌బుల్‌) రెండో స్థానం నుంచి, వెర్‌స్టాపెన్‌ (రెడ్‌బుల్‌) మూడో స్థానం నుంచి రేసును ఆరంభిస్తారు. ఈ సీజన్‌లో ఇప్పటివరకు మొత్తం ఏడు రేసులు జరగ్గా... వెర్‌స్టాపెన్‌ నాలుగు రేసులో, లెక్‌లెర్క్‌ రెండు రేసుల్లో, పెరెజ్‌ ఒక రేసులో విజేతగా నిలిచారు.

నాలుగుసార్లు ఫార్ములావన్‌ చాంపియన్‌ విజేత.. ఆస్టన్‌ మార్టిన్‌ ఎఫ్‌1 డ్రైవర్‌ సెబాస్టియన్‌ వెటెల్‌కు చేదు అనుభవం ఎదురైంది. వెటెల్‌ బ్యాగును దొంగలు ఎత్తుకెళ్లారు. దొంగలు ఎత్తుకెళ్లిన బ్యాగును వెటెల్‌ జీపీఎస్ ట్రాకర్‌ ద్వారా కనుక్కోవాలనుకున్నప్పటికి ఫలితం లేకుండా పోయింది. విషయంలోకి వెళితే.. స్పానిష్‌ గ్రాండ్‌ప్రిక్స్‌ ముగించుకొని బార్సిలోనాకు చేరుకున్న సెబాస్టియన్‌ వెటెల్‌ ఒకరోజు అక్కడే ఉండాలని నిశ్చయించుకున్నాడు. తన కారును హోటల్‌ ముందు పార్క్‌ చేసి లోనికి వెళ్లాడు. పని పూర్తి చేసుకొని తిరిగి వచ్చిన వెటెల్‌కు కారులో బ్యాగు కనిపించలేదు. దీంతో దొంగలు ఎత్తుకెళ్లారని భావించిన వెటెల్‌.. బ్యాగులో తన ఐ ఫోన్‌ ఎయిర్‌ పాడ్స్‌కు జీపీఎస్‌ ట్రాకర్‌ ఉన్నట్లు గుర్తొచ్చింది. వెంటనే తన ఐ-ఫోన్‌లో జీపీఎస్‌ ఆన్‌ చేశాడు. జీపీఎస్‌ లొకేషన్‌ ఆధారంగా తన కారులోనే బయల్దేరిన వెటెల్‌ దొంగలను పట్టుకునే ప్రయత్నం చేశాడు. దారి మధ్యలోనే సదరు దొంగలు తన ఐ ఫోన్‌ ఎయిర్‌ పాడ్స్‌ పడేయడంతో జీపీఎస్‌ అక్కడే ఆగిపోయింది. దీంతో వెటెల్‌ తన బ్యాగు జాడను తెలుసులేకపోయాడు. కాగా ఈ ఏడాది వెటెల్‌ అంతగా ఆకట్టుకోలేకపోతున్నాడు. తాజాగా ముగిసిన స్పానిష్‌ గ్రాండ్‌ప్రిక్స్‌ను వెటెల్‌ 11వ పొజిషన్‌తో ముగించాడు. ఆదివారం జరిగిన స్పానిష్‌ గ్రాండ్‌ప్రిలో వెర్‌స్టాపెన్‌ విజేతగా నిలిచాడు. 66 ల్యాప్‌ల రేసును వెర్‌స్టాపెన్‌ అందరికంటే వేగంగా గంటా 37 నిమిషాల 20.475 సెకన్లలో ముగించి అగ్రస్థానాన్ని దక్కించుకున్నాడు. ‘పోల్‌ పొజిషన్‌’తో రేసును ఆరంభించిన ఫెరారీ డ్రైవర్‌ లెక్‌లెర్క్‌ కారులో సాంకేతిక సమస్య తలెత్తడంతో 27వ ల్యాప్‌లో వైదొలిగాడు. చదవండి: ICC: అంపైరింగ్‌ విషయంలో ఐసీసీ కీలక నిర్ణయం Spanish Grand Prix: వెర్‌స్టాపెన్‌ ఖాతాలో నాలుగో విజయం 

ఫార్ములావన్‌ తాజా సీజన్‌లో తన జోరు కొనసాగిస్తూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ నాలుగో విజయం నమోదు చేశాడు. బార్సిలోనాలో ఆదివారం జరిగిన స్పానిష్‌ గ్రాండ్‌ప్రిలో వెర్‌స్టాపెన్‌ విజేతగా నిలిచాడు. 66 ల్యాప్‌ల రేసును వెర్‌స్టాపెన్‌ అందరికంటే వేగంగా గంటా 37 నిమిషాల 20.475 సెకన్లలో ముగించి అగ్రస్థానాన్ని దక్కించుకున్నాడు. ‘పోల్‌ పొజిషన్‌’తో రేసును ఆరంభించిన ఫెరారీ డ్రైవర్‌ లెక్‌లెర్క్‌ కారులో సాంకేతిక సమస్య తలెత్తడంతో 27వ ల్యాప్‌లో వైదొలిగాడు. 

బార్సిలోనా (స్పెయిన్‌): ఫెరారీ జట్టు డ్రైవర్‌ చార్లెస్‌ లెక్‌లెర్క్‌ ఈ ఏడాది ఫార్ములావన్‌ సీజన్‌లో నాలుగోసారి పోల్‌ పొజిషన్‌ సంపాదించాడు. శనివారం జరిగిన స్పానిష్‌ గ్రాండ్‌ప్రి క్వాలిఫయింగ్‌ సెషన్‌లో లెక్‌లెర్క్‌ అందరికంటే వేగంగా ఒక నిమిషం 18.750 సెకన్లలో ల్యాప్‌ను పూర్తి చేశాడు. తద్వారా నేడు జరిగే ప్రధాన రేసును లెక్‌లెర్క్‌ తొలి స్థానం నుంచి ప్రారంభించే అవకాశాన్ని దక్కించుకున్నాడు. వెర్‌స్టాపెన్‌ (రెడ్‌బుల్‌) రెండో స్థానం నుంచి, కార్లోస్‌ సెయింజ్‌ (ఫెరారీ) మూడో స్థానం నుంచి రేసును ఆరంభిస్తారు. ఈ సీజన్‌లో ఐదు రేసులు జరగ్గా రెండింటిలో లెక్‌లెర్క్‌... మూడింటిలో వెర్‌స్టాపెన్‌ విజేతలుగా నిలిచారు. 

మయామి (అమెరికా): ఈ ఏడాది ఫార్ములావన్‌ సీజన్‌లో ప్రపంచ చాంపియన్‌ మాక్స్‌ వెర్‌స్టాపెన్‌ మూడో విజయం సాధించాడు. అమెరికాలో జరిగిన మయామి గ్రాండ్‌ప్రి ప్రధాన రేసులో వెర్‌స్టాపెన్‌ (రెడ్‌బుల్‌) విజేతగా నిలిచాడు. నిర్ణీత 57 ల్యాప్‌ల రేసును వెర్‌స్టాపెన్‌ అందరికంటే వేగంగా గంటా 34 నిమిషాల 24.258 సెకన్లలో ముగించి అగ్రస్థానాన్ని దక్కించుకున్నాడు. ఫెరారీ జట్టు డ్రైవర్లు చార్లెస్‌ లెక్‌లెర్క్‌ రెండో స్థానంలో, కార్లోస్‌ సెయింజ్‌ మూడో స్థానంలో నిలిచారు. లూయిస్‌ హామిల్టన్‌ (మెర్సిడెస్‌)కు ఆరో స్థానం లభించింది. సీజన్‌లో ఐదు రేసులు ముగిశాక లెక్‌లెర్క్‌ 104 పాయింట్లతో టాప్‌ ర్యాంక్‌లో ఉండగా... వెర్‌స్టాపెన్‌ 85 పాయింట్లతో రెండో స్థానంలో ఉన్నాడు. సీజన్‌లోని తదుపరి రేసు స్పెయిన్‌ గ్రాండ్‌ప్రి ఈనెల 22న బార్సిలోనాలో జరుగుతుంది.

ఫార్ములావన్‌ స్టార్‌.. రెడ్‌బుల్‌ డ్రైవర్‌ మాక్స్‌ వెర్‌స్టాపెన్‌కు అరుదైన గౌరవం లభించింది. సోమవారం జరిగిన మియామి గ్రాండ్‌ప్రిక్స్‌ ఫైనల్‌ ల్యాప్‌ రేసులో వెర్‌స్టాపెన్‌ సూపర్‌ విక్టరీ సాధించాడు. మొదట మూడో పొజిషన్‌లో నిలిచినప్పటికి ఆ తర్వాత ఫెరారీ డ్రైవర్లు చార్లెస్‌ లెక్లెర్క్‌, కార్లోస్‌ సెయింజ్‌లను వెనక్కు నెట్టి తొలి స్థానంలో నిలిచాడు. మొదటి ల్యాప్‌ను మూడో స్థానంతో ప్రారంభించి చివరకు రెండో స్థానంతో పొజిషన్‌ను ముగించాడు. ఆ తర్వాత ఏడు ల్యాప్స్‌ అనంతరం పోల్‌ పొజిషన్‌ సాధించిన వెర్‌స్టాపెన్‌ దూసుకెళ్లి రేసు గెలవడంతో పాటు టైటిల్‌ను కొల్లగొట్టాడు. కాగా మియామి ఓపెన్‌ గ్రాండ్‌ప్రిక్స్‌ తొలిసారి నిర్వహిస్తున్నారు. ఈ నేపథ్యంలో విజేతకు గౌరవం ఇవ్వాలని పోడియం వరకు మేనేజ్‌మెంట్‌ పోలీస్‌ ఎస్కార్ట్‌ ఏర్పాటు చేసింది. ఈ క్రమంలో ముందు, వెనుక పోలీస్‌ ఎస్కార్ట్‌ వెళ్లగా.. మధ్యలో ఓపెన్‌ టాప్‌ కార్‌లో వెర్‌స్టాపెన్‌ పోడియం వద్దకు చేరుకొని ట్రోఫీని అందుకున్నాడు. దీనికి సంబంధించిన వీడియో సోషల్ మీడియాలో వైరల్‌గా మారింది. ''ఈ గెలుపును ఇప్పటికి నమ్మలేకపోతున్నా. నిజంగా ఇది మంచి కమ్‌బ్యాక్‌. వాస్తవానికి నాకు మంచి ఆరంభం లభించలేదు. ఆ తర్వాత ఫుంజుకొని తొలి స్థానంతో రేస్‌ను ముగించాను. మధ్యలో సెయింజ్‌ నుంచి గట్టిపోటి ఎదురైనప్పటికి  టర్న్‌ 1 నుంచి అతన్ని దాటాలనే ప్రయత్నం చేశాను. లక్కీగా అది వర్కవుట్‌ అయింది. ఇక మెయిడెన్‌ టైటిల్‌ను గెలవడం ఆనందంగా ఉంది'' అంటూ ట్రోఫీ అందుకున్న అనంతరం వెర్‌స్టాపెన్‌ చెప్పుకొచ్చాడు. చదవండి: దిగ్గజాలకు షాకిచ్చి మాడ్రిడ్‌ ఓపెన్‌ను కైవసం చేసుకున్న స్పెయిన్‌ యువ కెరటం Avinash Sable: 30 ఏళ్ల జాతీయ రికార్డు బద్దలు A special escort to the podium for @Max33Verstappen #MiamiGP #F1 pic.twitter.com/7C4Qifciqm — Formula 1 (@F1) May 9, 2022

ఫార్ములావన్‌ దిగ్గజం టోనీ బ్రూక్స్‌ కన్నుమూశాడు. 90 ఏళ్ల టోనీ బ్రూక్స్‌ కొద్దికాలంగా అనారోగ్య సమస్యలతో బాధపడుతున్నాడు. కాగా  బుధవారం బ్రూక్స్‌ తుది శ్వాస విడిచినట్లు అతని కూతురు గులియా ఒక ప్రకటనలో పేర్కొంది. కాగా 'రేసింగ్‌ డెంటిస్ట్‌'గా పేరు పొందిన బ్రూక్స్‌ 1957లో బ్రిటీష్‌ గ్రాండ్‌ ప్రిక్స్‌ ద్వారా కెరీర్‌లో తొలి విజయంతో పాటు మెయిడెన్‌ టైటిల్‌ను ఖాతాలో వేసుకున్నాడు. తన కెరీర్‌లో 38 రేసుల్లో పాల్గొన్న టోనీ బ్రూక్స్‌ 10సార్లు ఫోడియం పొజిషన్‌ అందుకున్నాడు. ఆరు గ్రాండ్‌ప్రిక్స్‌ టోర్నీల్లో విజయాలు అందుకున్న బ్రూక్స్‌ ఖాతాలో బ్రిటీష్‌, బెల్జియం, ఫ్రాన్స్‌, జర్మనీ, ఇటలీ గ్రాండ్‌ప్రిక్స్‌ టైటిల్స్‌ ఉన్నాయి. 1959లో ఎఫ్‌ 1 చాంపియన్‌షిప్‌ టైటిల్‌ పొందే అవకాశాన్ని తృటిలో కోల్పోయాడు. 29 ఏళ్ల వయసులోనే ఫార్ములావన్‌కు గుడ్‌బై చెప్పిన టోనీ బ్రూక్స్‌ వాన్‌మాల్‌, ఫెరారీ, కూపర్‌ టీమ్‌ల తరపున బరిలోకి దిగాడు. చదవండి: PV Sindhu: 'ఇది చాలా అన్యాయం'.. అంపైర్‌పై పీవీ సింధు ఆగ్రహం We are saddened to hear of the passing of Tony Brooks F1's last surviving race winner of the 1950s, Brooks was one of the earliest pioneers of the sport we love. Our thoughts are with his loved ones pic.twitter.com/9hhY6MlmWZ — Formula 1 (@F1) May 3, 2022

A viral video shows motorist carrying milk cans: చాలామంది మంచి ఖరీదైన బైక్‌ పై రైడ్‌ చేయాలనుకుంటారు. కానీ ఆర్థిక పరిస్థితుల దృష్ట్య లేక మరేదైన కారణాల వల్లో తమకు ఇష్టమైన వాహనాల్లో వెళ్లలేకపోతుంటారు. ఇది సర్వసాధరణమే. కానీ కొంతమంది తమ కలల వాహనంలోనే రైడ్‌ చేయాలనుకుంటారు. అందుకోసం తమ సృజనాత్మకతకు పదును పెట్టి మరీ తమ డ్రీమ్‌ వాహనాన్ని రూపొందించుకుంటారు. ఇక్కడోక వ్యక్తి అచ్చం అలాంటి కోవకు చెందినవాడే. వివరాల్లోకెళ్తే...ఒక వ్యక్తి ఫార్తులా వన్‌ రేస్‌ కారు మాదిరి వాహనంలో పాల క్యాన్‌లు మోసుకు వెళ్తున్నాడు. పైగా అతను ఫార్ములా వన్‌ కారు రైడ్‌ చేస్తున్నప్పుడు ఎలాంటి డ్రెస్‌ వేసుకుంటారో అలానే అతను నల్లటి కోట్‌, హెల్మెట్‌ ధరించి రైడ్‌ చేస్తున్నాడు. అయితే అతను పాలను పంపిణీ చేస్తున్నట్లు తెలుస్తోంది. ఈ ఘటనకు సంబంధించిన వీడియోని రోడ్స్‌ ఆఫ్‌ ముంబై సంఘం ట్విట్టర్‌లో పోస్ట్‌ చేసింది. ఇలాంటి ఇన్నోవేషన్‌ వీడియోలను షేర్‌ చేసేందుకు ఆసక్తి కనబర్చే దిగ్గజ పారశ్రామికవేత్త ఆనంద్‌ మహింద్రాకి ఈ వీడియో నచ్చుతుందంటూ నెటిజన్లు ట్వీట్‌ చేశారు. నిజానికి సృజనాత్మకత భారతీయుల రక్తంలోనే ఉంది. గతంలో కూడా ఓ వ్యక్తి విద్యుత్తు లేకుండా పనిచేసే చెక్క ట్రెడ్‌మిల్‌ రూపోందించి అందరి మన్నలను అందుకున్న సంగతి తెలిసిందే. When you want to become a F1 driver, but the family insists in helping the dairy business 👇😜 pic.twitter.com/7xVQRvGKVb — Roads of Mumbai 🇮🇳 (@RoadsOfMumbai) April 28, 2022 (చదవండి: సెలవు కావాలని వైరల్‌ లేఖ)

ఫార్ములావన్‌ ప్రపంచ చాంపియన్‌ మాక్స్‌ వెర్‌స్టాపెన్‌ ప్రతిష్టాత్మక లారెస్‌ స్పోర్ట్‌ 2022 అవార్డు గెలుచుకున్నాడు. మెన్స్‌ విభాగంలో వెర్‌స్టాపెన్‌.. ''వరల్డ్‌ స్పోర్ట్స్‌మన్‌ ఆఫ్‌ ది ఇయర్‌'' అవార్డు దక్కించుకున్నాడు. క్రికెటేతర క్రీడల నుంచి అవార్డు అందుకున్న జాబితాలో వెర్‌స్టాపెన్‌ నిలిచాడు. టైగర్‌వుడ్స్‌, రోజర్‌ ఫెదరర్‌, ఉసెన్‌ బోల్ట్‌ లాంటి దిగ్గజాల సరసన నిలిచిన వెర్‌స్టాపెన్‌ ఫార్ములా వన్‌ నుంచి ఈ ఘనత అందుకున్న నాలుగో రేసర్‌గా నిలిచాడు. ఇంతకముందు లూయిస్‌ హామిల్టన్‌, సెబాస్టియన్‌ వెటెల్‌, మైకెల్‌ షుమాకర్‌లు లారెస్‌ స్పోర్ట్స్‌ అవార్డును గెలుచుకున్నారు. ఇక మహిళల విభాగంలో జమైకన్‌ స్ప్రింటర్‌ ఎలైన్‌ థాంప్సన్‌ హెరా.. ''లారెస్‌ స్పోర్ట్స్‌ ఉమెన్‌ ఆఫ్‌ ది ఇయర్‌ అవార్డు''ను దక్కించు​కుంది. ఈమె టోక్యో ఒలింపిక్స్‌లో అథ్లెటిక్స్‌ విభాగంలో మూడు స్వర్ణ పతకాలు కొల్లగొట్టింది. టెన్నిస్‌ స్టార్‌ ఎమ్మా రాడుకాను.. ''బ్రేక్‌ త్రూ ఆఫ్‌ ది ఇయర్‌'' పురస్కారాన్ని సాధించింది. ఇక ఇటలీ పరుషుల ఫుట్‌బాల్‌ జట్టు ''వరల్డ్‌ టీమ్‌ ఆఫ్‌ ది ఇయర్‌''గా ఎంపికైంది. ఎలైన్‌ థాంప్సన్‌ హెరా, జమైకన్‌ స్ప్రింటర్‌ కాగా ఆదివారం(ఏప్రిల్‌ 24న) ఇటలీలో జరిగిన ఎమిలియా రొమానా గ్రాండ్‌ప్రిలో వెర్‌స్టాపెన్‌ విజేతగా నిలిచాడు. 63 ల్యాప్‌ల రేసును పోల్‌ పొజిషన్‌తో ప్రారంభించిన వెర్‌స్టాపెన్‌ అందరికంటే వేగంగా గంటా 32 నిమిషాల 07.986 సెకన్లలో ముగించి కెరీర్‌లో 22వ విజయాన్ని అందుకున్న సంగతి తెలిసిందే.  చదవండి: అందరి దృష్టి సింధు, లక్ష్యసేన్‌ పైనే Sakshi Dhoni: జార్ఖండ్‌ ప్రభుత్వాన్ని ఎండగట్టిన ధోని భార్య 🏆 The #Laureus22 World Sportsman of the Year Award winner is @Max33Verstappen Max won his first @F1 Championship in thrilling style in 2021. The @redbullracing driver had ten Grand Prix wins during the year and a record 18 podium finishes 👏 pic.twitter.com/8QmjeyDcCr — Laureus (@LaureusSport) April 24, 2022 Blessed and Highly favored. Happy Sunday 😊. Laureus Sportswoman of the Year #history#Historybook#hiswill#myfaith#perserverance#humble#WR#patience#believe pic.twitter.com/aAEWLCR0u3 — Elaine Thompson-Herah (@FastElaine) April 24, 2022

Emilia Romagna Grand Prix- ఇమోలా (ఇటలీ): ఫార్ములావన్‌ తాజా సీజన్‌లో రెడ్‌బుల్‌ జట్టు డ్రైవర్, ప్రపంచ చాంపియన్‌ మాక్స్‌ వెర్‌స్టాపెన్‌ రెండో విజయం సాధించాడు. ఇటలీలో ఆదివారం జరిగిన ఎమిలియా రొమానా గ్రాండ్‌ప్రిలో వెర్‌స్టాపెన్‌ విజేతగా నిలిచాడు. 63 ల్యాప్‌ల రేసును పోల్‌ పొజిషన్‌తో ప్రారంభించిన వెర్‌స్టాపెన్‌ అందరికంటే వేగంగా గంటా 32 నిమిషాల 07.986 సెకన్లలో ముగించి కెరీర్‌లో 22వ విజయాన్ని అందుకున్నాడు. రెడ్‌బుల్‌కే చెందిన  పెరెజ్‌ రెండో స్థానంలో నిలిచాడు. లాండో నోరిస్‌ (మెక్‌లారెన్‌)కు మూడో స్థానం దక్కింది. సీజన్‌లోని తదుపరి రేసు మయామి గ్రాండ్‌ప్రి మే 6న జరుగుతుంది.    చదవండి: IPL 2022: ముంబై ఓటమి నం.8

ఫార్ములా వన్‌ స్టార్‌ చార్లెస్ లెక్లెర్‌కు చేదు అనుభవం ఎదురైంది. తనను కలవడానికి వచ్చిన అభిమానుల్లో గుర్తుతెలియని ఒక వ్యక్తి చార్లెస్‌ చేతికున్న ఖరీదైన వాచ్‌ను కొట్టేశాడు. కొట్టేసిన ఆ వాచ్‌ పేరు రిచర్డ్‌ మిల్లే.. దాని ఖరీదు ఇండియన్‌ కరెన్సీలో అక్షరాలా దాదాపు రూ.2.4 కోట్లకు పైగా. అభిమానం పేరుతో కలవడానికి వచ్చి విలువైన వస్తువును కొట్టేయడమేంటని చార్లెస్‌ తెగ బాధపడిపోయాడు.  విషయంలోకి వెళితే.. వచ్చేవారం ఇటలీ వేదికగా జరగనున్న ఇమోలా గ్రాండ్ ప్రిక్స్‌ జరగనుంది. టోర్నమెంట్‌లో పాల్గొనేందుకు చార్లెస్‌​ లెక్లెర్‌ సోమవారం ఇటలీలో అడుగుపెట్టాడు. చార్లెస్‌తో పాటు స్నేహితులు, ట్రైనర్‌ ఆండ్రియా ఫెరారీ ఉన్నారు.  టుస్కాన్ నగరం వియారెగియోలో చార్లెస్‌కు హోటల్‌ గది కేటాయించారు. అయితే అప్పటికే అతను ఉంటున్న హోటల్‌ ముందు తనను కలవడానికి జనాలు గూమికూడి ఉన్నారు. వారి అభిమానానికి మురిసిపోయిన చార్లెస్‌ స్వయంగా వారినిక కలవడానికి వచ్చాడు. అయితే ఆ గుంపులో నుంచే ఒక తెలియని వ్యక్తి చార్లెస్‌​ చేతికున్న వాచ్‌ను కొట్టేశాడు. తన వాచ్‌ కొట్టేసిన విషయాన్ని చార్లెస్‌ స్వయంగా పోలీసులకు చెప్పి రిపోర్ట్‌ చేశాడు. చార్లెస్‌ రిపోర్డు ఆధారంగా పోలీసులు విచారణ నిర్వహిస్తున్నారు. కాగా నిజంగానే దొంగతనం చేశారా.. లేక ముందుస్తు ప్లాన్‌ అమలు చేసి ఈ పని చేశారా అని పోలీసులు ఆరా తీస్తున్నారు. చదవండి: Pele: మరోసారి ఆసుపత్రిలో చేరిన బ్రెజిల్‌ ఫుట్‌బాల్‌ దిగ్గజం Wimbledon 2022: రష్యన్‌ టెన్నిస్‌ ప్లేయర్లకు షాక్‌.. వింబుల్డన్‌కు దూరమయ్యే అవకాశం!

Australian GP: ఫార్ములావన్‌ తాజా సీజన్‌లో ఫెరారీ జట్టు డ్రైవర్‌ చార్లెస్‌ లెక్‌లెర్క్‌ రెండో టైటిల్‌ సాధించాడు. మెల్‌బోర్న్‌లో ఆదివారం జరిగిన సీజన్‌ మూడో రేసు ఆస్ట్రేలియా గ్రాండ్‌ప్రిలో లెక్‌లెర్క్‌ (మొనాకో) విజేతగా నిలిచాడు. 58 ల్యాప్‌ల రేసును ‘పోల్‌ పొజిషన్‌’ తో ప్రారంభించిన లెక్‌లెర్క్‌ గంటా 27 నిమిషాల 46.548 సెకన్లలో ముగించి అగ్రస్థానంలో నిలిచాడు. పెరెజ్‌ (రెడ్‌బుల్‌) రెండో స్థానంలో, రసెల్‌ (మెర్సిడెస్‌) మూడో స్థానంలో నిలిచారు.  చదవండి: IPL 2022: చెలరేగిన పృథ్వీ షా, వార్నర్‌.. ఢిల్లీ ధనాధన్‌! It’s a win ❤️ Soooo happy! Perfect weekend. Forza Ferrari @ScuderiaFerrari pic.twitter.com/Hzhab92JwQ — Charles Leclerc (@Charles_Leclerc) April 10, 2022

జెద్దా: ఫార్ములావన్‌ (ఎఫ్‌1) ప్రపంచ చాంపియన్‌ మాక్స్‌ వెర్‌స్టాపెన్‌ 2022 సీజన్‌లో తొలి విజయం నమోదు చేశాడు. సీజన్‌ రెండో రేసు సౌదీ అరేబియా గ్రాండ్‌ప్రిలో రెడ్‌బుల్‌ జట్టుకు చెందిన 24 ఏళ్ల వెర్‌స్టాపెన్‌ విజేతగా నిలిచాడు. 50 ల్యాప్‌ల ప్రధాన రేసును వెర్‌స్టాపెన్‌ అందరికంటే వేగంగా గంటా 24 నిమిషాల 19.293 సెకన్లలో పూర్తి చేసి తన కెరీర్‌లో 21వ విజయాన్ని అందుకున్నాడు. ఫెరారీ డ్రైవర్‌ లెక్‌లెర్క్‌ రెండో స్థానంలో నిలువగా ... కార్లోస్‌ సెయింజ్‌ (ఫెరారీ) మూడో స్థానాన్ని దక్కించుకున్నాడు. కెరీర్‌లో తొలిసారి ‘పోల్‌ పొజిషన్‌’తో రేసును ప్రారంభించిన సెర్జియో పెరెజ్‌ (రెడ్‌బుల్‌) నాలుగో స్థానంతో సంతృప్తి పడ్డాడు. సీజన్‌లోని తదుపరి రేసు ఆస్ట్రేలియా గ్రాండ్‌ప్రి ఏప్రిల్‌ 10న జరుగుతుంది.  Racing one-handed... 🤷‍♀️ Just @Max33Verstappen things 🤷‍♂️#SaudiArabianGP #F1 pic.twitter.com/GrGaNaztVx — Formula 1 (@F1) March 28, 2022

దిగ్గజ ఫార్ములావన్‌ రేసర్‌ మైకెల్‌ షుమాకర్‌ కుమారుడు మిక్‌ షుమాకర్‌ తృటిలో పెద్ద ప్రమాదం నుంచి తప్పించుకున్నాడు. సౌదీ అరేబియన్‌ గ్రాండ్‌ ప్రిక్స్‌ క్వాలిఫయింగ్‌ టోర్నీలో భాగంగా శనివారం రాత్రి జెడ్డా స్ట్రీట్‌ సర్య్కూట్‌లో రేసు జరిగింది. ఈ రేసులో హాస్‌ తరపున మిక్‌ షుమాకర్‌ పాల్గొన్నాడు. టర్న్‌ 12లో ఒక్కసారిగా కార్‌ కంట్రోల్‌ కాకపోవడంతో ల్యాప్‌పై నుంచి కారు రాసుకుంటూ వెళ్లింది. ఆ సమయంలో కారు వేగం దాదాపు 240 కిమీ వేగంతో ఉంది. దీంతో ల్యాప్స్‌ పక్కన ఉన్న సైడ్‌బార్‌కు కార్‌ క్రాష్‌ కావడం.. ముక్కలు కావడం క్షణాల్లో జరిగిపోయింది. అంత​పెద్ద ప్రమాదం జరిగినప్పటికి మిక్‌ షుమాకర్‌ అదృష్టం కొద్ది  చిన్న గాయాలతో బయటపడినట్లు తెలుస్తోంది. కాగా టోర్నీ నిర్వాహకులు వెంటనే మిక్‌ షుమాకర్‌ను ట్రాక్‌సైడ్‌ మెడికల్‌సెంటర్‌కు తీసుకెళ్లి ప్రథమ చికిత్స నిర్వహించారు. ఆ తర్వాత జెడ్డాలోని కింగ్‌ ఫర్హాద్‌ అహ్మద్‌ ఫోర్సెస్‌ ఆసుపత్రికి తరలించారు. కాగా ఆదివారం రాత్రి జరగనున్న సౌదీ అరేబియా గ్రాండ్‌ ప్రిక్స్‌ రేసుకు మిక్‌ షుమాకర్‌ దూరమయ్యాడు. షుమాకర్‌ యాక్సిడెంట్‌కు సంబంధించిన దృశ్యాలు సోషల్‌ మీడియాలో వైరల్‌గా మారాయి.   చదవండి: WTA Rankings: నంబర్‌వన్‌గా స్వియాటెక్‌  Mick Schumacher will miss the Saudi Arabian GP after a huge accident in qualifying. That Mick is physically well after the crash is another reminder of the strength and safety of modern F1 cars for which we are incredibly thankful#SaudiArabianGP #F1 pic.twitter.com/qhLcw0elb7 — Formula 1 (@F1) March 26, 2022

బహ్రెయిన్‌ గ్రాండ్‌ ప్రిక్స్‌లో భాగంగా ఫార్ములావన్‌ డ్రైవర్‌కు తృటిలో ప్రమాదం తప్పింది. ల్యాప్‌ జరుగుతుండగానే కారులో ఒక్కసారిగా మంటలు చెలరేగాయి. అప్రమత్తమైన ఫార్ములావన్‌ డ్రైవర్‌ వెంటనే బయటకు దూకేశాడు. దీనికి సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది. విషయంలోకి వెళితే.. గత ఆదివారం బహ్రెయిన్‌ గ్రాండ్‌ ప్రిక్స్‌ టోర్నీ జరిగింది. కుడేరియా ఆల్ఫాతౌరీ డ్రైవర్‌ పియర్ గ్యాస్లీ రేసులో పాల్గొన్నాడు. మరో 10 ల్యాప్స్‌ ఉన్న సమయంలో పియర్‌ గ్యాస్లీ కారుకు మంటలు అంటుకున్నాయి. ఇది గమనించిన పియర్‌ వెంటనే కారును సైడ్‌కు తీసుకెళ్లి అందులో నుంచి బయటకు దూకేశాడు. చూస్తుండగానే మంటలు కారును మొత్తం చుట్టేశాయి. వెంటనే నిర్వహకులు వచ్చి మంటలు ఆర్పేశారు. కాగా పియర్‌ గ్యాస్లీ 46వ ల్యాప్‌ వద్ద ఈ ప్రమాదం చోటుచేసుకుంది. కచ్చితంగా టాప్‌ 10లో ఉంటానని భావించిన పియర్‌కు ఇది ఊహించని ఫలితం అని చెప్పొచ్చు.  ఇక ఆదివారం జరిగిన ఫార్ములావన్‌ సీజన్‌ తొలి రేసు బహ్రెయిన్‌ గ్రాండ్‌ప్రిలో ఫెరారీ జట్టు డ్రైవర్‌ చార్లెస్‌ లెక్‌లెర్క్ విజేతగా నిలిచాడు. నిర్ణీత 57 ల్యాప్‌లను లెక్‌లెర్క్‌ ఒక గంట 37 నిమిషాల 33.584 సెకన్లలో పూర్తి చేసి కెరీర్‌లో మూడో విజయాన్ని అందుకున్నాడు. ఫెరారీకే చెందిన కార్లోస్‌ సెయింజ్‌ రెండో స్థానంలో నిలిచాడు. ప్రపంచ చాంపియన్‌ వెర్‌స్టాపెన్‌ 54వ ల్యాప్‌లో వైదొలిగాడు. చదవండి: Lewis Hamilton: టైటిల్‌ గెలవకపోయినా ప్రపం‍చ రికార్డు బద్దలు Ashleigh Barty: టెన్నిస్‌ ప్లేయర్‌ యాష్లే బార్టీ షాకింగ్‌ నిర్ణయం.. 25 ఏళ్ల వయస్సులోనే Not the start to the season Pierre Gasly wanted! 💔 An unlucky end to the Frenchman's race with his car coming to a stop on Lap 46 😔#BahrainGP #F1 pic.twitter.com/bai0TUPgMz — Formula 1 (@F1) March 22, 2022

ఫార్ములావన్‌లో ఏడుసార్లు చాంపియన్‌గా నిలిచిన మెర్సిడెస్‌ డ్రైవర్‌ లూయిస్‌ హామిల్టన్‌ మరో మైలురాయిని అందుకున్నాడు. ఆదివారం ముగిసిన బహ్రెయిన్‌ గ్రాండ్‌ప్రిలో హామిల్టన్‌ ఎఫ్‌1 రేసును మూడో స్థానంతో ముగించాడు. టైటిల్‌ గెలవడంలో విఫలమైనప్పటికి 16 ఏళ్ల తన రికార్డును మాత్రం కాపాడుకున్నాడు. ఎఫ్‌1 రేసులో హామిల్టన్‌ పోడియంను మూడో స్థానంతో ముగించాడు. ఒక గ్రాండ్‌ప్రిలో హామిల్టన్‌ తన స్థానాన్ని పోడియంతో ముగించడం వరుసగా 16వ ఏడాది కావడం విశేషం. ఇంతకముందు లెజెండరీ ఫార్ములావన్‌ డ్రైవర్‌ మైకెల్‌ షుమాకర్‌ మాత్రమే ఉన్నాడు. తాజాగా హామిల్టన్‌ ఆ ఘనత సాధించి ప్రపంచ రికార్డు సాధించాడు. అంతేకాదు 250 రేసుల్లో పాయింట్లు సాధించిన తొలి డ్రైవర్‌గా హామిల్టన్‌ నిలిచాడు.  ఇక  క్వాలిఫయింగ్‌ సెషన్‌లో కనబరిచిన జోరును ప్రధాన రేసులోనూ కొనసాగించాడు ఫెరారీ జట్టు డ్రైవర్‌ చార్లెస్‌ లెక్‌లెర్క్‌. ఆదివారం జరిగిన ఫార్ములావన్‌ సీజన్‌ తొలి రేసు బహ్రెయిన్‌ గ్రాండ్‌ప్రిలో అతడు విజేతగా నిలిచాడు. నిర్ణీత 57 ల్యాప్‌లను లెక్‌లెర్క్‌ ఒక గంట 37 నిమిషాల 33.584 సెకన్లలో పూర్తి చేసి కెరీర్‌లో మూడో విజయాన్ని అందుకున్నాడు. ఫెరారీకే చెందిన కార్లోస్‌ సెయింజ్‌ రెండో స్థానంలో నిలిచాడు. ప్రపంచ చాంపియన్‌ వెర్‌స్టాపెన్‌ 54వ ల్యాప్‌లో వైదొలిగాడు. చదవండి: Indian Wells Final: నాదల్‌కు ఊహించని షాక్‌.. అమెరికా యువ ఆటగాడి సంచలన విజయం క్రీజులోకి వస్తూనే ప్రత్యర్థి ఆటగాళ్లను ఫూల్స్‌ చేశాడు

సాఖిర్‌: ఫార్ములావన్‌–2022 సీజన్‌కు రంగం సిద్ధమైంది. ఈ సీజన్‌లోని తొలి రేసు బహ్రెయిన్‌ గ్రాండ్‌ప్రి నేడు జరగనుంది. శనివారం క్వాలిఫయింగ్‌ సెషన్‌లో ఫెరారీ డ్రైవర్‌ చార్లెస్‌ లెక్‌లెర్క్‌ అందరికంటే వేగంగా ఒక నిమిషం 30.558 సెకన్లలో ల్యాప్‌ను పూర్తి చేసి పోల్‌ పొజిషన్‌ సాధించాడు. నేడు జరిగే ప్రధాన రేసును లెక్‌లెర్క్‌ తొలి స్థానం నుంచి ప్రారంభిస్తాడు. ప్రపంచ చాంపియన్‌ వెర్‌స్టాపెన్‌ (రెడ్‌బుల్‌) రెండో స్థానం నుంచి... ఏడుసార్లు ప్రపంచ చాంపియన్‌ హామిల్టన్‌ (మెర్సిడెస్‌) ఐదో స్థానం నుంచి రేసును మొదలుపెడతారు. ఈ సీజన్‌లో మొత్తం 23 రేసులు జరుగుతాయి.

''ప్రపంచంలో తల్లిని మించిన యోధులు ఎవరు ఉండరు''.. ఇది కేజీఎఫ్‌ సినిమాలో హీరో చెప్పిన ఫేమస్‌ డైలాగ్‌. ఇది అక్షరాలా నిజం.. మనకు జన్మనిచ్చిన తల్లిని మనం ఎంత ప్రేమిస్తే.. అంతే ప్రేమను తిరిగి పొందుతామని అంటుంటారు. తాజాగా ఏడుసార్లు ఫార్ములాన్‌ చాంపియన్‌(ఎఫ్‌ 1), మెర్సిడస్‌ డ్రైవర్‌ లూయిస్‌ హామిల్టన్‌ తన పేరులో చిన్న మార్పు చేయనున్నట్లు తెలిపాడు. ఇకపై తన పేరు తల్లి పేరుతో కలిపి ఉంటుందని.. ఇందుకు సంబంధించిన ప్రక్రియ త్వరలో పూర్తవుతుందని తెలిపాడు.  ''పెళ్లవ్వగానే ఆడవాళ్ల ఇంటిపేరు మారుతుందంటారు. ఇది విన్నప్పుడల్లా నాకు వింతగా అనిపిస్తుంటుంది. ఆడవాళ్ల పేర్లు మారుతాయి తప్ప.. వారి పేర్లను మనలో ఎందుకు చేర్చమో అర్థం కాదు. అందుకే ఇప్పుడు చెబుతున్నా.. నా తల్లి పేరు కార్మెన్‌ లార్బలీస్టర్‌ హామిల్టన్‌. ఇకపై నా పేరులో తల్లి పేరుతో ఉంటుంది. ఇక నా పూర్తి పేరు లుయీస్‌ లార్బలీస్టర్‌ హామిల్టన్‌.. ఎనిమిదో టైటిల్‌ గెలిచే సమయంలో నా పేరులో అమ్మ పేరు కనిపిస్తుంది. దీనికి సంబంధించిన ప్రక్రియ నడుస్తోంది. బహ్రెయిన్‌ గ్రాండ్‌ప్రిక్స్‌ ప్రారంభమయ్యేలోగా ఇదంతా పూర్తవుతుందని ఆశిస్తున్నా. ప్రపంచంలో తల్లికి మించి గొప్ప ఎవరు లేరు.. అందుకే పేరు మార్చుకుంటున్నా'' అని చెప్పుకొచ్చాడు. కాగా హామిల్టన్‌ 12 ఏళ్ల వయసులో తల్లి కార్మెన్‌ లార్బలీస్టర్‌.. తండ్రి ఆంథోని హామిల్టన్‌ విడాకులు తీసుకున్నారు. అప్పటినుంచి లుయీస్‌ హామిల్టన్‌ తల్లి కార్మెన్‌తోనే ఉంటున్నాడు. చదవండి: Pat Cummins: సుత్తితో క్రీజులోకి ఆసీస్‌ కెప్టెన్‌‌​.. ఎగతాళి చేసిన పాక్‌ అభిమానులు Sandeep Nangal Death: కబడ్డీ ప్లేయర్‌ దారుణ హత్య.. మ్యాచ్‌ జరుగుతుండగానే కాల్పులు

Ukraine-Russia: రష్యా- ఉక్రెయిన్‌ మధ్య తలెత్తిన యుద్ధం సంక్షోభం ప్రపంచాన్ని కలవరపెడుతుంది. రష్యా అమానుష దాడిని ప్రపంచంలోని అన్ని దేశాలు తీవ్రంగా ఖండిస్తున్నాయి. యుద్ధం మంచి పద్దతి కాదని.. వెంటనే ఆపేయాలని మొత్తుకుంటున్నా రష్యా వెనకడుగు వేయడం లేదు. పైగా తమ జోలికి వస్తే ఆ తర్వాత జరిగే పరిణామాలు తీవ్రంగా ఉంటాయని తమను టార్గెట్‌ చేసిన దేశాలకు రష్యా పరోక్షంగా హెచ్చరికలు పంపింది.  రష్యా దుందుడుకు వైఖరిపై సామాన్యుల నుంచి సెలబ్రిటీల వరకు విమర్శలు గుప్పిస్తున్నారు.  తాజాగా రష్యా- ఉక్రెయిన్‌ సంక్షోభం క్రీడలకు కూడా పాకింది. రష్యాలో జరిగే ఏ క్రీడైనా సరే తాము ఆడబోయేది లేదని పలువురు ఆటగాళ్లు పేర్కొంటున్నారు. ఫార్ములావన్‌ డ్రైవర్‌.. సూపర్‌ స్టార్‌ సెబాస్టియన్‌ వెటెల్‌ ఇదే విషయాన్ని పేర్కొన్నాడు. నాలుగుసార్లు చాంపియన్‌ అయిన వెటెల్‌ రష్యాలో జరగబోయే ఎఫ్‌ 1 రేసును బహిష్కరిస్తున్నట్లు తెలిపాడు. ఫార్ములా వన్‌ 2022 ప్రీ టెస్టింగ్‌ సీజన్‌ కోసం ప్రస్తుతం బార్సిలోనాలో ఉ‍న్న వెటెల్‌ తాను రష్యా జీపీలో పాల్గొనేది లేదని స్పష్టం చేశాడు.  ''నేను ఈరోజు ఉదయం లేచేసరికి ఒక వార్త నన్ను షాక్‌కు గురిచేసింది. ఉక్రెయిన్‌పై దాడి చేస్తూ రష్యా అమానుషంగా ప్రవర్తిస్తోంది. ఒక సిల్లీ కారణంతో అమాయక ప్రజల ప్రాణాలు బలి తీసుకుంటున్నారు. ఇది ఎంత మాత్రం ఉపేక్షించేది కాదు. అందుకే ఒకసారి నేను పాల్గొనబోయే రేసింగ్‌ క్యాలెండర్‌ను చూసుకున్నా. అందులో రష్యా కూడా ఉంది. రష్యాలో జరిగే రేసింగ్‌లో పాల్గొనకూడదని ఇప్పుడే నిర్ణయించుకున్నా. ఆ దేశంలో రేసింగ్‌కు వెళితే నా చెప్పుతో నేను కొట్టుకున్నట్లే. అందుకే రష్యాకు వెళ్లను గాక వెళ్లను..'' అంటూ చెప్పుకొచ్చాడు. చదవండి: Formula One: 'ఫార్ములావన్‌ను యువతులు ఎగబడి చూస్తున్నారు.. ఆటపై ఇష్టంతో కాదు' Russia vs Ukraine: బాహుబలితో తలపడగలదా?

ఫార్ములావన్‌ ఫాలో అయ్యేవారికి క్రిస్టియన్‌ హార్నర్‌.. పరిచయం అక్కర్లేని పేరు. 2005 నుంచి రేసింగ్‌లో ఉన్న క్రిస్టియన్‌ హార్నర్‌ ఖాతాలో తొమ్మిది వరల్డ్‌ టైటిల్స్‌ ఉన్నాయి. అందులో నాలుగు వరల్డ్‌ కన్‌స్ట్రక్టర్స్‌ చాంపియన్‌షిప్స్‌.. మిగతా ఐదు వరల్డ్‌ డ్రైవర్స్‌ చాంపియన్‌షిప్‌ టైటిల్స్‌ ఉన్నాయి. ప్రస్తుతం బ్రిటిష్‌ టీమ్‌ రెడ్‌బుల్‌ ఫార్ములావన్‌ ప్రిన్సిపల్‌గా వ్యవహరిస్తున్నాడు. ఈ నేపథ్యంలో క్రిస్టియన్‌ హార్నర్‌ ఫార్ములావన్‌ ఫాలో అవుతున్న యువతులపై వివాదాస్పద వ్యాఖ్యలు చేశాడు. ఫార్ములా వన్‌ చూసేందుకు అమ్మాయిలు ఎగబడుతున్నారని..  అయితే అది ఆటపై ఇష్టంతో కాదని.. అందమైన ఫార్ములా వన్‌ డ్రైవర్లను చూసేందుకే వస్తున్నారంటూ పేర్కొన్నాడు. క్రిస్టియన్‌ వ్యాఖ్యలు ఇప్పుడు పెద్ద దుమారమే రేపుతున్నాయి.  టాక్‌స్పోర్ట్స్‌కు చెందిన న్యూజ్‌ ప్రెజంటేటర్‌ లారా వుడ్స్‌కు క్రిస్టియన్‌ ఇంటర్వ్యూ ఇచ్చాడు. '' ఫార్ములావన్‌ ఇప్పుడు ఉత్సాహంగా ఉన్న యువకులను ప్రోత్సహిస్తుంది. యంగ్‌ జనరేషన్‌పై ఫోకస్‌ పెట్టింది. కానీ ఫార్ములావన్‌ ఫాలో అవుతున్న యువతులు మాత్రం డ్రైవర్లపై ఫోకస్‌ పెట్టారు. ఎందుకంటే ఇప్పుడొస్తున్న యంగ్‌ డ్రైవర్లు మంచి లుక్‌తో కనిపిస్తున్నారు. కేవలం వారిని చూసేందుకు పార్ములా వన్‌కు ఎగబడుతున్నారు.. ఆటపై ఇష్టంతో మాత్రం కాదు'' అంటూ పేర్కొన్నాడు.  క్రిస్టియన్‌ సమాధానం విన్న లారా వుడ్స్‌ అతనికి ధీటుగా కౌంటర్‌ ఇచ్చింది. ''ఫార్ములా వన్‌ను యువతులు ఎక్కువగా చూస్తున్నారని మీరన్న మాట నిజమే.. కానీ డ్రైవర్లపై మోజుతో మాత్రం కాదు.. ఆటను చూసి యువతులు కూడా గొప్ప రేసర్లుగా మారాలని అనుకుంటున్నారు.'' అంటూ పేర్కొంది. కాగా క్రిస్టియన్‌ వ్యాఖ్యలపై అన్ని వైపలు నుంచి విమర్శలు రావడంతో తన వ్యాఖ్యలను వెనక్కి తీసుకుంటూ క్షమాపణ కోరాడు. చదవండి: 423 రోజుల తర్వాత గ్రౌండ్‌లోకి.. గతం ఒక చీకటి జ్ఞాపకం డబ్బు లేదు.. విరిగిన బ్యాట్‌కు టేప్‌ వేసి ఆడేవాడిని..  “A lot of young girls watch F1 because all these great-looking young drivers” says Horner. #F1 Listening to the Christian Horner’s opinion : pic.twitter.com/MfpeifwvsV — 𝐑𝐀𝐘 | 𝐒𝐭𝐢𝐥𝐥 𝐈 𝐑𝐢𝐬𝐞 💜 (@RayyLH44) February 22, 2022 Dear Christian Horner, On behalf of the women that watch and love f1 I wanna say something: WE. WATCH. F1. BECAUSE. WE. LIKE. THE. SPORT. WE. DON'T. WATCH. F1. BECAUSE. WE. THINK. THAT. THE. DRIVERS. ARE. HOT. Stop saying such bullshit. Thank you. Yours sincerely Lara — lara || Charles Leclerc wdc year || essereFerrari (@scuderialara) February 22, 2022 christian horner is genuinely a cunt pic.twitter.com/MNAtxeVI3R — cess ⁺✧. ｡ (@pogkazuha) February 21, 2022

హ్యాపెనింగ్‌ సిటీగా రెండు దశాబ్ధాలుగా దూసుకుపోతోంది హైదరాబాద్‌ నగరం. తాజాగా హైదరాబాద్‌ బ్రాండ్‌ ఇమేజ్‌ని పెంచే మరో గొప్ప ఈవెంట్‌కి వేదికగా నిలిచేందుకు అడుగు దూరంలో నిలిచింది. ఫార్ములా వన్‌ తరహాలో ఇటీవల ఫేమస్‌ అయిన ఇ-వన్‌ ఛాంపియ్‌షిప్‌ని హోస్ట్‌ చేసేందుకు రెడీ అవుతోంది. ఫార్ములా వన్‌ రేసింగ్‌ పోటీలకు ప్రపంచ వ్యాప్తంగా ప్రత్యేక అభిమానులు ఉన్నారు. కార్పోరేట్‌ వరల్డ్‌లో ఈ పోటీలకు గుర్తంపు వేరే లెవల్‌లో ఉంటుంది. ఒలంపిక్స్‌ తరహాలో ఆయా దేశాలను తమ నగరాలకు ప్రమోట్‌ చేసుకునేందుకు ఫార్ముల వన్‌ రేసింగ్స్‌ నిర్వహిస్తుంటాయి. కాగా ఎలక్ట్రిక్‌ కార్ల వాడకం పెరిగిపోతోంది. దీనికి తగ్గట్టే ఎలక్ట్రిక్‌ వెహికల్స్‌ ఫార్ములా ఛాంపియన్‌షిప్‌ తెర మీదకు వచ్చింది.  పదో సీజన్‌కి ఇ వన్‌​ ఫార్ములా ఛాంపియన్‌షిప్‌ పోటీలు 2014 నుంచి ప్రపంచ వ్యాప్తంగా నిర్వహిస్తున్నారు. ఇప్పటి వరకు లండన్‌, న్యూయార్క్‌, మెక్సికో, రోమ్‌, బెర్లిన్‌, రోమ్‌, సియోల్‌, వాంకోవర్‌ నగరాల్లో ఈ పోటీలు జరిగాయి. తాజాగా తొమ్మిదో సీజన్‌కి సంబంధించిన పోటీలకు సౌదీ అరేబియాలోని దిరియా నగరం వేదికగా నిలిచింది. ఆ తర్వాత నిర్వహించబోయే ఛాంపియన్‌షిప్‌కి హైదరాబాద్‌ నగరం ఆతిధ్యం ఇ‍చ్చేందుకు సిద్ధమవుతోంది. రయ్‌..రయ్‌.. అందుబాటులో ఉన్న వివరాల ప్రకారం... ఫార్ముల వన్‌ రేసింగ్‌ నిర్వహించాలంటే ప్రత్యేకంగా ట్రాక్‌ అవసరం. కానీ ఎలక్ట్రిక్‌ వెహికల్స్‌తో నిర్వహించే పోటీలకు ప్రత్యేక రేసింగ్‌ ట్రాక్‌ అక్కర్లేదు. నగరంలో అందుబాటులో ఉన్న రోడ్లపై రేస్‌ నిర్వహించవచ్చు. ఇప్పటి వరకు ఇ రేసింగ్‌ ఛాపింయన్‌షిప్‌కి నెక్లస్‌రోడ్డు - ట్యాంక్‌బండ్‌ సర్క్యూట్‌, కేబీఆర్‌ పార్కు చుట్టూ ఉన్న సర్క్యూట్‌ రోడ్డు, గచ్చిబౌలిలోని ఫైనాన్షియల్‌ డిస్ట్రిక్ట్‌ రోడ్లను పరిశీలనలోకి తీసుకున్నారు.  కీలక చర్చలు ఇ వన్‌ ఫార్ములా పోటీలు నిర్వహించేందుకు ఐటీ శాఖ మంత్రి కేటీఆర్‌ చొరవ చూపించారు... పలు దఫా చర్చల అనంతరం హైదరాబాద్‌ తెర మీదకు వచ్చింది. ఈ మేరకు ఫార్ములా ఇ అసోసియేషన్, తెలంగాణ, గ్రీన్‌కో సంస్థల మధ్య త్రైపాక్షిక ఒప్పందం ఖరరానైట్టు అధికారి వర్గాలు వెల్లడించాయంటూ జాతీయ మీడియాలో కథనాలు ప్రచురితమయ్యాయి. తుది చర్చలు 2022 జనవరి 17న జరుగునున్నాయి. #HappeningHyderabad#ChangeAccelerated Govt of Telangana along with Greenko Group invites you to join us in welcoming @FIAFormulaE to Hyderabad pic.twitter.com/z4OzOydEJ7 — Minister for IT, Industries, MA & UD, Telangana (@MinisterKTR) January 16, 2022 వెనక్కినెట్టి ఇ ఫార్ములా ఛాంపియన్‌షిప్‌ రేస్‌కి ముంబై, ఢిల్లీ, బెంగళూరు వంటి మెట్రో నగరాలు సైతం పోటీ పడ్డాయి. అయితే ఇక్కడ ప్రభుత్వం చూపిన చొరవ, స్థానిక పరిస్థితులు అనుకూలంగా ఉండటంతో చివరకు హైదరాబాద్‌ మిగిలిన నగరాలను వెనక్కి నెట్టి ముందు వరుసలో నిలిచింది. బ్రాండ్‌ హైదరాబాద్‌ రేసింగ్‌ పోటీలకు కార్పోరేట్‌ ప్రపంచంలో ప్రత్యేక గుర్తింపు ఉంది. అందువల్లే విజయ్‌మాల్యా, ఆనంద్‌ మహీంద్రా వంటి పారిశ్రామికవేత్తలు సొంతంగా ఫార్ములా వన్‌ టీమ్‌లను ఏర్పాటు చేసుకున్నారు. ఎంతో ప్రాముఖ్యత ఉన్న ఈ పోటీలకు కనుక ఆతిధ్యం ఇస్తే హైదరాబాద్‌ నగర బ్రాండ్‌ ఇమేజ్‌ ప్రపంచ పటంలో మరింతగా వెలిగే అవకాశం ఉంది. ప్రపంచ వ్యాప్తంగా ఉన్న ఇన్వెస్టర్లను ఆకర్షించే అవకాశం ఉంటుంది.   చదవండి: ఇలా చేస్తే కుదరదబ్బా ! ఝలక్‌ ఇచ్చిన కస్టమర్లు..ఇరకాటంలో ఓలా!

సాక్షి క్రీడా విభాగం: ఈ ఏడాది ఆర్‌.ఆర్‌.ఆర్‌. తెగ ఆకర్షిస్తోంది. ఇది పూర్తిగా సినీ ప్రియులకు సంబంధించిన వ్యవహారం. అలాగే ఈ ఏడాది కె.కె.కె (క్రికెట్‌... క్రీడలు... ఖేల్‌) కూడా కనీవినీ ఎరుగని రీతిలో అలరించేందుకు, అదరగొట్టేందుకు, బ్రహ్మాండాన్ని బద్దలు చేసేందుకు ముస్తాబైంది. ఈ కె.కె.కె ప్రత్యేకతలు తెలుసుకుందాం. క్రికెట్‌ విషయానికొస్తే ఐపీఎల్‌ మెగా వేలం నుంచి లీగ్‌ దాకా, అలాగే పురుషుల టి20 ప్రపంచకప్, కుర్రాళ్లు (అండర్‌–19), అమ్మాయిల ప్రపంచకప్‌ (వన్డే)లు, ఇతరత్రా టోర్నీలున్నాయి. క్రీడలు... అంటే ఈ ఏడాది జరగబోయే మెగా ఈవెంట్స్‌ అన్నీ లోకాన్నే మైదానంలో కూర్చోబెట్టేంత రద్దీతో ఉన్నాయి. కామన్వెల్త్‌ గేమ్స్, ఆసియా క్రీడలు, ఫుట్‌బాల్‌ ప్రపంచకప్, వింటర్‌ ఒలింపిక్స్‌ ఇలా దేనికదే తీసిపోనంత ప్రతిష్టాత్మక ఈవెంట్లు. అన్నీ సై అంటే సై అనే క్రీడలే! ఖేల్‌... అంటే క్రికెట్, మెగా ఈవెంట్లు కాకుండా జరిగే టోర్నీలు. ప్రపంచ అథ్లెటిక్స్, ప్రపంచ విశ్వవిద్యాలయాల క్రీడలు, ప్రపంచ ఆర్చరీకప్, ప్రపంచకప్‌ షూటింగ్‌ పోటీలతో పాటు రెగ్యులర్‌ గ్రాండ్‌స్లామ్‌ టోర్నీలు, బ్యాడ్మింటన్‌ చాంపియన్‌షిప్, ఫార్ములావన్‌ రేసింగ్, రెజ్లింగ్, బాక్సింగ్‌ పంచ్‌లతో ఈ పన్నెండు నెలలు పండంటి వినోదమిచ్చేందుకు సిద్ధంగా ఉన్నాయి. ► అండర్‌–19 క్రికెట్‌ వరల్డ్‌కప్‌ వేదిక: వెస్టిండీస్‌ జనవరి 14 నుంచి ఫిబ్రవరి 5 వరకు ► మహిళల క్రికెట్‌ వన్డే వరల్డ్‌కప్‌ వేదిక: న్యూజిలాండ్‌ మార్చి 4 నుంచి ఏప్రిల్‌ 3 వరకు ► భారత పురుషుల క్రికెట్‌ జట్టు షెడ్యూల్‌ దక్షిణాఫ్రికాలో పర్యటన జనవరి 3 నుంచి 23 వరకు 2 టెస్టులు, 3 వన్డేలు ► ఐపీఎల్‌–2022 మెగా వేలం వేదిక: బెంగళూరు ఫిబ్రవరి 12, 13 ► భారత్‌లో వెస్టిండీస్‌ పర్యటన ఫిబ్రవరి 6 నుంచి 20 వరకు 3 వన్డేలు, 3 టి20 మ్యాచ్‌లు ► భారత్‌లో శ్రీలంక పర్యటన ఫిబ్రవరి 25 నుంచి మార్చి 18 వరకు 2 టెస్టులు, 3 టి20 మ్యాచ్‌లు ► భారత్‌లో దక్షిణాఫ్రికా పర్యటన జూన్‌ 9 నుంచి 19 వరకు 5 టి20 మ్యాచ్‌లు ► ఇంగ్లండ్‌లో భారత్‌ పర్యటన జూలై 1 నుంచి 17 వరకు 1 టెస్టు, 3 టి20లు, 3 వన్డేలు ► న్యూజిలాండ్‌లో భారత మహిళల క్రికెట్‌ జట్టు  పర్యటన ఫిబ్రవరి 5 నుంచి 24 వరకు 1 టి20 మ్యాచ్, 5 వన్డేలు ► ఫార్ములావన్‌ ఈ ఏడాది ఫార్ములావన్‌ (ఎఫ్‌1)లో మొత్తం 23 రేసులు జరుగుతాయి. మార్చి 20న బహ్రెయిన్‌ గ్రాండ్‌ప్రితో ఎఫ్‌1 సీజన్‌ మొదలవుతుంది. అనంతరం సౌదీ అరేబియా (మార్చి 27), ఆస్ట్రేలియా (ఏప్రిల్‌ 10), ఇటలీ (ఏప్రిల్‌ 24), మయామి–యూఎస్‌ఏ (మే 8), స్పెయిన్‌ (మే 22), మొనాకో (మే 29), అజర్‌బైజాన్‌ (జూన్‌ 12), కెనడా (జూన్‌ 19), బ్రిటన్‌ (జూలై 3), ఆస్ట్రియా (జూలై 10), ఫ్రాన్స్‌ (జూలై 24), హంగేరి (జూలై 31), బెల్జియం (ఆగస్టు 28), నెదర్లాండ్స్‌ (సెప్టెంబర్‌ 4), ఇటలీ (సెప్టెంబర్‌ 11), రష్యా (సెప్టెంబర్‌ 25), సింగపూర్‌ (అక్టోబర్‌ 2), జపాన్‌ (అక్టోబర్‌ 9),  ఆస్టిన్‌–యూఎస్‌ఏ (అక్టోబర్‌ 23), మెక్సికో (అక్టోబర్‌ 30), బ్రెజిల్‌ (నవంబర్‌ 13) గ్రాండ్‌ప్రి రేసులు ఉన్నాయి. చివరగా నవంబర్‌ 20న అబుదాబి గ్రాండ్‌ప్రి రేసుతో సీజన్‌ ముగుస్తుంది.   ప్రపంచ సీనియర్‌ మహిళల బాక్సింగ్‌ చాంపియన్‌షిప్‌ వేదిక: ఇస్తాంబుల్‌ (టర్కీ) మే 6 నుంచి 21 వరకు ► వింటర్‌ ఒలింపిక్స్‌ వేదిక: బీజింగ్‌ (చైనా) ఫిబ్రవరి 4–20 పాల్గొనే దేశాలు: 84 ► కామన్వెల్త్‌ గేమ్స్‌ వేదిక: బర్మింగ్‌హమ్‌ (ఇంగ్లండ్‌) జూలై 28–ఆగస్టు 8 ► కామన్వెల్త్‌ గేమ్స్‌ వేదిక: బర్మింగ్‌హమ్‌ (ఇంగ్లండ్‌) జూలై 28–ఆగస్టు 8 ► ఆసియా క్రీడలు వేదిక: హాంగ్జౌ (చైనా) సెప్టెంబర్‌ 10–25 ► ఫుట్‌బాల్‌ ప్రపంచకప్‌ వేదిక: ఖతర్‌ నవంబర్‌ 21–డిసెంబర్‌ 18 పాల్గొనే జట్లు: 32 ► ప్రపంచ అథ్లెటిక్స్‌ చాంపియన్‌షిప్‌ వేదిక: ఒరెగాన్‌ (అమెరికా) జూలై 15–24 ► ప్రపంచ విశ్వవిద్యాలయాల క్రీడలు వేదిక: చెంగ్డూ (చైనా) జూన్‌ 26–జూలై 7 ► ప్రపంచ రెజ్లింగ్‌ చాంపియన్‌షిప్‌ వేదిక: బెల్‌గ్రేడ్‌ (సెర్బియా); సెప్టెంబర్‌ 10–18 ► పురుషుల టి20 క్రికెట్‌ వరల్డ్‌కప్‌ వేదిక: ఆస్ట్రేలియా   అక్టోబర్‌ 16 నుంచి నవంబర్‌ 13 షూటింగ్‌ ► ప్రపంచకప్‌ షాట్‌గన్‌ టోర్నీ వేదిక: రబాట్‌ (మొరాకో); ఫిబ్రవరి 7–18 ► ప్రపంచకప్‌ రైఫిల్, పిస్టల్‌ టోర్నీ వేదిక: కైరో (ఈజిప్ట్‌); ఫిబ్రవరి 26–మార్చి 8 ► ప్రపంచకప్‌ షాట్‌గన్‌ టోర్నీ వేదిక: నికోసియా (సైప్రస్‌); మార్చి 8–19   ► ప్రపంచకప్‌ షాట్‌గన్‌ టోర్నీ వేదిక: లిమా (పెరూ); మార్చి 27–ఏప్రిల్‌ 7 ► ప్రపంచకప్‌ రైఫిల్, పిస్టల్‌ టోర్నీ వేదిక: రియో డి జనీరో (బ్రెజిల్‌); ఏప్రిల్‌ 9–19 ► ప్రపంచకప్‌ షాట్‌గన్‌ టోర్నీ వేదిక: లొనాటో (ఇటలీ); ఏప్రిల్‌ 19–30 ► ప్రపంచకప్‌ రైఫిల్, పిస్టల్, షాట్‌గన్‌ టోర్నీ వేదిక: బాకు (అజర్‌బైజాన్‌); మే 27–జూన్‌ 9 ► ప్రపంచకప్‌ రైఫిల్, పిస్టల్, షాట్‌గన్‌ టోర్నీ వేదిక: చాంగ్వాన్‌ (కొరియా); జూలై 9–22 ► ప్రపంచ షాట్‌గన్‌ చాంపియన్‌షిప్‌ వేదిక: క్రొయేషియా; సెప్టెంబర్‌ 27– అక్టోబర్‌ 10 ► ప్రపంచ రైఫిల్, పిస్టల్‌ చాంపియన్‌షిప్‌ వేదిక: కైరో (ఈజిప్ట్‌); అక్టోబర్‌ 12–25 ఆర్చరీ ► ప్రపంచకప్‌ స్టేజ్‌–1 టోర్నీ వేదిక: అంటాల్యా; ఏప్రిల్‌ 18–24 ► ప్రపంచకప్‌ స్టేజ్‌–2 టోర్నీ వేదిక: గ్వాంగ్‌జు; మే 16–22 ► ప్రపంచకప్‌ స్టేజ్‌–3 టోర్నీ వేదిక: పారిస్‌ (ఫ్రాన్స్‌); జూన్‌ 20–26   ► ప్రపంచకప్‌ స్టేజ్‌–4 టోర్నీ వేదిక: మెడెలిన్‌ (కొలంబియా); జూలై 18–24 బ్యాడ్మింటన్‌ ► ఇండియా ఓపెన్‌ సూపర్‌–500 టోర్నీ వేదిక: న్యూఢిల్లీ జనవరి 11–16 ► సయ్యద్‌ మోదీ ఓపెన్‌ సూపర్‌–300 టోర్నీ వేదిక: లక్నో జనవరి 18 –23 ► ఆల్‌ ఇంగ్లండ్‌ ఓపెన్‌ సూపర్‌–1000 టోర్నీ వేదిక: బర్మింగ్‌హమ్‌; మార్చి 16 –20   ► థామస్‌ కప్, ఉబెర్‌ కప్‌ ఫైనల్స్‌ టోర్నీ వేదిక: బ్యాంకాక్‌; మే 8 –15 ► ఇండోనేసియా ఓపెన్‌ సూపర్‌–1000 టోర్నీ వేదిక: జకార్తా;జూన్‌ 14 –19 ► ప్రపంచ చాంపియన్‌షిప్‌ వేదిక: టోక్యో; ఆగస్టు 21 –28 ► వరల్డ్‌ టూర్‌ ఫైనల్స్‌ టోర్నీ వేదిక: గ్వాంగ్‌జౌ;డిసెంబర్‌ 14 –18 ► టెన్నిస్‌ గ్రాండ్‌స్లామ్‌ టోర్నీలు ఆస్ట్రేలియన్‌ ఓపెన్‌ వేదిక: మెల్‌బోర్న్‌ జనవరి 17–30 ► ఫ్రెంచ్‌ ఓపెన్‌ వేదిక: పారిస్‌ మే 22– జూన్‌ 5 ► వింబుల్డన్‌ ఓపెన్‌ వేదిక: లండన్‌; జూన్‌ 27–జూలై 10 ► యూఎస్‌ ఓపెన్‌ వేదిక: న్యూయార్క్‌; ఆగస్టు 29–సెప్టెంబర్‌ 11

ఫార్ములా వన్‌ సీజన్‌ ఫినాలే అబుదాబి గ్రాండ్‌ప్రిలో సేఫ్టీ కారు విషయంలో రేసింగ్‌ డైరెక్టర్‌ మైకేల్‌ మాసి తీసుకున్న నిర్ణయాలపై మరోసారి సమీక్షించాలంటూ అంతర్జాతీయ కోర్టులో వేసిన అప్పీల్‌పై మెర్సిడెస్‌ టీమ్‌ గురువారం వెనక్కి తగ్గింది. దానిని ఉపసంహరించుకుంటున్నట్లు స్పష్టం చేసింది. హామిల్టన్‌తో చర్చించిన అనంతరం ఈ విషయాన్ని ఇంతటితో వదిలేద్దామని నిర్ణయించుకున్నట్లు మెర్సిడెస్‌ తన ప్రకటనలో తెలిపింది.  

ఫార్ములావన్‌ (ఎఫ్‌1) రేసింగ్‌లో ఏడుసార్లు ప్రపంచ చాంపియన్‌గా నిలిచిన బ్రిటన్‌ డ్రైవర్‌ లూయిస్‌ హామిల్టన్‌ను ఇక నుంచి ‘సర్‌’ లూయిస్‌ హామిల్టన్‌గా పిలవనున్నారు. ఎఫ్‌1 చరిత్రలో అత్యధికంగా 103 విజయాలు సాధించిన 36 ఏళ్ల హామిల్టన్‌ను బ్రిటన్‌ ప్రభుత్వం నైట్‌హుడ్‌ పురస్కారంతో గౌరవించింది. బుధవారం జరిగిన కార్యక్రమంలో ప్రిన్స్‌ చార్లెస్‌ చేతుల మీదుగా హామిల్టన్‌ ఈ పురస్కారాన్ని అందుకున్నాడు. 2007 నుంచి ఎఫ్‌1లో ఉన్న హామిల్టన్‌ ఇప్పటివరకు 288 రేసుల్లో పాల్గొన్నాడు. చదవండి: Ruturaj Gaikwad: 4 సెంచరీలు... 603 పరుగులు... సంచలన ఇన్నింగ్స్‌.. అయినా పాపం!

Max Verstappen wins Abu Dhabi Grand Prix, beats Lewis Hamilton: గత నాలుగు సీజన్‌లలో ఎదురులేని మెర్సిడెస్‌ జట్టు డ్రైవర్‌ లూయిస్‌ హామిల్టన్‌ ఆధిపత్యానికి గండికొడుతూ ఫార్ములావన్‌ (ఎఫ్‌1)లో మాక్స్‌ వెర్‌స్టాపెన్‌ రూపంలో కొత్త ప్రపంచ చాంపియన్‌ అవతరించాడు. ఆదివారం జరిగిన చివరి రేసు అబుదాబి గ్రాండ్‌ప్రిలో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ నాటకీయ పరిణామాల మధ్య విజేతగా నిలిచాడు. తొలిసారి ప్రపంచ చాంపియన్‌ అయ్యాడు. రేసు చివరి వరకు ఆధిక్యంలో ఉన్న మెర్సిడెస్‌ జట్టు డ్రైవర్, ఏడుసార్లు ప్రపంచ చాంపియన్‌ హామిల్టన్‌ ఆఖరి ల్యాప్‌లో వెనుకబడిపోయి ఓటమి మూటగట్టుకున్నాడు. దాంతో ఏడు ప్రపంచ టైటిల్స్‌ తో జర్మనీ దిగ్గజ రేసర్‌ మైకేల్‌ షుమాకర్‌ పేరిట ఉన్న రికార్డును బద్దలు కొట్టాలని ఆశించిన హామిల్టన్‌ మరో ఏడాదిపాటు వేచి చూడక తప్పదు.    అబుదాబి: ప్రతిభకు కాస్త అదృష్టం కూడా తోడైతే... అందివచ్చిన అవకాశాన్ని సద్వినియోగం చేసుకుంటే... ఇక ఓటమి ఖాయమనుకున్న చోట కూడా పుంజుకొని అనూహ్య విజయం సాధించవచ్చని ఆదివారం జరిగిన అబుదాబి గ్రాండ్‌ప్రి రేసులో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ నిరూపించాడు. బ్లాక్‌ బాస్టర్‌ సినిమాను తలపించిన 2021 ఎఫ్‌1 సీజన్‌ వివాదాస్పదంగా ముగిసింది. డ్రైవర్‌ చాంపియన్‌షిప్‌ను తేల్చే అబుదాబి గ్రాండ్‌ప్రిలో 58 ల్యాప్‌ల ప్రధాన రేసును వెర్‌స్టాపెన్‌ (నెదర్లాండ్స్‌) అందరికంటే ముందుగా గంటా 30 నిమిషాల 17.345 సెకన్లలో పూర్తి చేసి విజేతగా నిలిచాడు. దాంతో డ్రైవర్‌ చాంపియన్‌షిప్‌లో 395.5 పాయింట్లతో అగ్రస్థానంలో నిలిచిన 24 ఏళ్ల వెర్‌స్టాపెన్‌ తొలిసారి ప్రపంచ చాంపియన్‌గా నిలిచాడు. 57వ ల్యాప్‌ వరకు ఆధిక్యంలో ఉండి చివరి ల్యాప్‌లో వెనుకబడిన హామిల్టన్‌ (బ్రిటన్‌) మొత్తం 387.5 పాయింట్లతో రెండో స్థానంలో నిలిచాడు.   హామిల్టన్‌ కొంపముంచిన సేఫ్టీ కార్‌... రెండో స్థానం నుంచి రేసును మొదలు పెట్టిన హామిల్టన్‌ తొలి మలుపులోనే వెర్‌స్టాపెన్‌ను అధిగమించి రేసులో ఆధిక్యంలోకి వచ్చాడు. ఇక్కడి నుంచి అద్భుతంగా డ్రైవ్‌ చేసిన హామిల్టన్‌ వెర్‌స్టాపెన్‌కు అందకుండా దూసుకెళ్లాడు. ల్యాప్‌ ల్యాప్‌నకు రెండో స్థానంలో ఉన్న వెర్‌స్టాపెన్‌తో అంతరాన్ని పెంచుకుంటూ పోయాడు. ఇక ఎనిమిదో డ్రైవర్‌ చాంపియన్‌షిప్‌ టైటిల్‌ ఖాయం అనుకున్న తరుణంలో ‘సేఫ్టీ కార్‌’ ట్విస్ట్‌ హామిల్టన్‌ ఆశలపై నీళ్లు చల్లింది. 53వ ల్యాప్‌లో విలియమ్స్‌ డ్రైవర్‌ నికోలస్‌ లతీఫీ కారు ప్రమాదానికి గురికావడంతో రేసు స్టీవర్డ్స్‌ సేఫ్టీ కారును ట్రాక్‌ మీదకు పంపారు. ఇదే సమయంలో పిట్‌లోకి వచ్చిన వెర్‌స్టాపెన్‌ టైర్లను మార్చుకొని మళ్లీ ట్రాక్‌పై హామిల్టన్‌ వెనకగా రెండో స్థానంలో నిలిచాడు. 53వ ల్యాప్‌ ముందు వరకు హామిల్టన్, వెర్‌స్టాపెన్‌ మధ్య 11 ఉన్న సెకన్ల గ్యాప్‌ .... 57వ ల్యాప్‌లో సెకను కంటే తక్కువకు తగ్గింది. చివరి ల్యాప్‌లో రేసు మరోసారి ఆరంభం కాగా... రెండో స్థానంలో ఉన్న వెర్‌స్టాపెన్‌ తన కారుకు ఉన్న కొత్త టైర్ల సాయంతో ఐదో మలుపు వద్ద హామిల్టన్‌ను అధిగమించి విజేతగా నిలవడంతో పాటు డ్రైవర్‌ చాంపియన్‌షిప్‌ టైటిల్‌ను కూడా సొంతం చేసుకున్నాడు. మెర్సిడెస్‌ నిరసన... రేసు చివర్లో సేఫ్టీ కారు విషయంలో రేసు డైరెక్టర్‌ తీసుకున్న నిర్ణయాలపై మెర్సిడెస్‌ నిరసన వ్యక్తం చేసింది. అంతేకాకుండా వెర్‌స్టాపెన్‌ గెలిచేలా సేఫ్టీ కారు నిర్ణయాలు తీసుకుందంటూ ఆరోపించింది. ఈ విషయంపై స్టీవర్డ్స్‌కు మెర్సిడెస్‌ ఫిర్యాదు కూడా చేసింది. 53వ ల్యాప్‌లో సేఫ్టీ కారు ట్రాక్‌పైకి రాగా... ఆ తర్వాత తీసుకున్న నిర్ణయాలు వివాదాస్పదంగా మారాయి. తొలుత ల్యాప్డ్‌ (ఒక ల్యాప్‌ తక్కువగా పూర్తి చేసిన కార్లు) కార్లు అన్‌ల్యాప్‌ కాకూడదంటూ ఆదేశాలు జారీ చేసి... అనంతరం అన్‌ల్యాప్‌ చేయొచ్చుంటూ తన నిర్ణయాన్ని మార్చుకుంది. దాంతో హామిల్టన్, వెర్‌స్టాపెన్‌ మధ్య ఉన్న ఐదు ల్యాప్డ్‌ కార్లు హామిల్టన్‌ను దాటుకుంటూ వెళ్లాయి. అదే సమయంలో సేఫ్టీ కార్‌ పిట్‌లోకి వెళ్లి రేసును మళ్లీ ఆరంభించాలంటూ ఆజ్ఞలు జారీ చేసింది. ఇక్కడే వివాదం మొదలైంది. సేఫ్టీ కారు వచ్చే సమయానికి మొత్తం ఎనిమిది ల్యాప్డ్‌ కార్లు ట్రాక్‌పై ఉన్నాయి. కేవలం ఐదు కార్లకు మాత్రమే అన్‌ల్యాప్‌ చేసుకోవడానికి వెసులుబాటు కల్పించి మిగిలిన మూడు కార్లకు ఎందుకు కల్పించలేదంటూ మెర్సిడెస్‌ ఆరోపించింది. నిబంధనల ప్రకారం ల్యాప్డ్‌ కార్లు అన్‌ల్యాప్‌ అయితే తాము వెనుకబడి ఉన్న ల్యాప్‌ను పూర్తి చేసుకొని మళ్లీ మిగతా కార్ల వెనుక చేరే వరకు కూడా సేఫ్టీ కార్‌ పిట్‌లోకి వెళ్లరాదు. అయితే ఇక్కడ దానిని సేఫ్టీ కారు పాటించలేదు. అయితే తీవ్ర చర్చల అనంతరం మెర్సిడెస్‌ ఫిర్యాదును స్టీవర్డ్స్‌ తోసిపుచ్చి వెర్‌స్టాపెన్‌ను విజేతగా ప్రకటించారు. వరుసగా ఎనిమిదోసారి... ఎఫ్‌1 కన్‌స్ట్రక్టర్స్‌ చాంపియన్‌షిప్‌లో మెర్సిడెస్‌ జట్టు వరుసగా ఎనిమిదో ఏడాది విజేతగా నిలిచింది. ఈ సీజన్‌లో మొత్తం 9 రేసుల్లో గెలిచిన మెర్సిడెస్‌ 613.5 పాయింట్లతో టాప్‌ ర్యాంక్‌లో నిలిచింది. ఎఫ్‌1కు కిమీ రైకొనెన్‌ గుడ్‌బై అబుదాబి గ్రాండ్‌ప్రితో ఫార్ములావన్‌కు ఫిన్లాండ్‌ డ్రైవర్‌ కిమీ రైకొనెన్‌ గుడ్‌బై చెప్పాడు. 2001లో సాబర్‌ జట్టు ద్వారా ఎఫ్‌1లో అరంగేట్రం చేసిన 41 ఏళ్ల రైకొనెన్‌... మెక్‌లారెన్, ఫెరారీ, లోటస్, ఆల్ఫా రొమెయో జట్ల తరఫున రేసింగ్‌లో పాల్గొన్నాడు. ఫెరారీ డ్రైవర్‌గా 2007లో డ్రైవర్‌ చాంపియన్‌షిప్‌ టైటిల్‌ను నెగ్గాడు. ఈ సీజన్‌లో వెర్‌స్టాపెన్‌ గెలిచిన రేసుల సంఖ్య. మొత్తం 22 రేసులు జరగ్గా... హామిల్టన్‌ ఎనిమిది రేసుల్లో నెగ్గాడు. పెరెజ్‌ (రెడ్‌బుల్‌), ఒకాన్‌ (అల్పైన్‌ రెనౌ), రికియార్డో (మెక్‌లారెన్‌), బొటాస్‌ (మెర్సిడెస్‌) ఒక్కో రేసులో గెలిచారు. The journey to the top of the world for @Max33Verstappen 🏆#AbuDhabiGP 🇦🇪 #F1 pic.twitter.com/rHHH4H0oUj — Formula 1 (@F1) December 12, 2021

Max Verstappen Wins Formula One Title: ఫార్ములా వన్‌ రేసింగ్‌ ఛాంపియన్షిప్‌లో సంచలనం నమోదైంది. రెడ్ బుల్స్‌‌కి చెందిన డ్రైవర్ మ్యాక్స్ వెర్ట్సాపెన్‌ తన మొట్టమొదటి ఎఫ్1 టైటిల్‌ను సొంతం చేసుకున్నాడు. మెర్సడెజ్‌కి చెందిన రేసర్, ఏడుసార్లు ఛాంపియన్‌ అయిన  లూయిస్ హామిల్టన్‌ని ఆఖరి లాప్‌లో ఓడించి, అబుదాబీ గ్రాండ్‌ ప్రీ 2021 టైటిల్‌ను సొంతం చేసుకున్నాడు. MAX VERSTAPPEN. WORLD CHAMPION!!! A stunning season by an extraordinary talent#HistoryMade #F1 @Max33Verstappen pic.twitter.com/FxT9W69xJe — Formula 1 (@F1) December 12, 2021 హోరాహోరీ సాగిన రేస్‌లో ఓ దశలో ఇద్దరు రేసర్లు చెరో 369.5 పాయింట్లతో సమంగా నిలిచారు. అయితే ఆఖరి లాప్‌ను ప్రత్యర్థి కంటే 1.22.09 సెకన్లు ముందుగా ముగించిన 24 ఏళ్ల మ్యాక్స్‌ వెర్ట్సాపెన్‌ చిరస్మరణీయ విజయాన్ని అందుకున్నాడు.  చదవండి: Akthar: తాను హెచ్చరించిన గంటన్నరలోపే హార్ధిక్‌ గాయపడ్డాడు..!

ఈ ఏడాది ఫార్ములావన్‌ (ఎఫ్‌1) డ్రైవర్‌ చాంపియన్‌షిప్‌ టైటిల్‌ ఎవరిదో తేల్చే అబుదాబి గ్రాండ్‌ప్రి ప్రధాన రేసును రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ తొలి స్థానం నుంచి ఆరంభించనున్నాడు. శనివారం జరిగిన క్వాలిఫయింగ్‌ సెషన్‌ చివరి రౌండ్‌లో వెర్‌స్టాపెన్‌ ల్యాప్‌ను అందరికంటే వేగంగా ఒక నిమిషం 22.109 సెకన్లలో పూర్తి చేసి పోల్‌పొజిషన్‌ను అందుకున్నాడు. చాంపియన్‌షిప్‌ కోసం పోటీ పడుతున్న హామిల్టన్‌ (మెర్సిడెస్‌) క్వాలిఫయింగ్‌ సెషన్‌లో రెండో స్థానంలో నిలిచాడు. వీరిద్దరూ ప్రస్తుతం 369.5 పాయింట్లతో సంయుక్తంగా అగ్రస్థానంలో ఉన్నారు. నేటి రేసులో ఈ ఇద్దరిలో ఎక్కువ పాయింట్లు నెగ్గిన వారికి టైటిల్‌ లభిస్తుంది. నేటి సాయంత్రం గం. 6:30 నుంచి జరిగే ప్రధాన రేసును స్టార్‌ స్పోర్ట్స్‌ సెలెక్ట్‌–2, హాట్‌స్టార్‌లు ప్రత్యక్ష ప్రసారం చేస్తాయి.

జెద్దా: ఊహకందని విధంగా జరిగిన సౌదీ గ్రాండ్‌ప్రిలో మెర్సిడెస్‌ డ్రైవర్‌ హామిల్టన్‌ మెరిశాడు. ఫార్ములావన్‌ (ఎఫ్‌1) సీజన్‌లో తొలి సారి ఆతిథ్యమిచ్చిన ఈ గ్రాండ్‌ప్రిలో   హామిల్టన్‌ విజేతగా నిలిచాడు. భారతకాలమానం ప్రకారం ఆదివారం అర్ధరాత్రి దాటాక ముగిసిన 50 ల్యాప్‌ల ప్రధాన రేసును హామిల్టన్‌ అందరికంటే ముందుగా 2 గంటలా 6 నిమిషాల 15.118 సెకన్లలో రేసును ముగించి విన్నర్‌గా నిలిచాడు. 21.825 సెకన్లు వెనుకగా రేసును ముగించిన వెర్‌స్టాపెన్‌ (రెడ్‌బుల్‌) రెండో స్థానంలో నిలిచాడు. మూడో స్థానాన్ని బొటాస్‌ (మెర్సిడెస్‌) పొందాడు. ఈ రేసులో ఫాస్టెస్‌ ల్యాప్‌ను హామిల్టనే నమోదు చేయడంతో అతడికి బోనస్‌ పాయింట్‌ లభించింది. దాంతో మొత్తం 26 (25+1) పాయింట్లు సాధించిన హామిల్టన్‌ (369.5 పాయింట్లు)... డ్రైవర్‌ చాంపియన్‌షిప్‌లో తొలి స్థానంలో ఉన్న వెర్‌స్టాపెన్‌ (369.5 పాయింట్లు)తో సమంగా నిలిచాడు. ఈ ఏడాది చాంపియన్‌ ఎవరనేది 12న జరిగే సీజన్‌ ముగింపు రేసు అబుదాబి గ్రాండ్‌ప్రిలో తేలనుంది.   

దోహా: క్వాలిఫయింగ్‌లో కనబరిచిన జోరును ప్రధాన రేసులోనూ పునరావృతం చేసిన మెర్సిడెస్‌ జట్టు డ్రైవర్‌ లూయిస్‌ హామిల్టన్‌ ఈ ఏడాది ఫార్ములావన్‌ సీజన్‌లో ఏడో టైటిల్‌ను సొంతం చేసుకున్నాడు. ఆదివారం జరిగిన ఖతర్‌ గ్రాండ్‌ప్రిలో హామిల్టన్‌ విజేతగా నిలిచాడు. 57 ల్యాప్‌ల రేసును ‘పోల్‌ పొజిషన్‌’తో ప్రారంభించిన హామిల్టన్‌ గంటా 24 నిమిషాల 28.471 సెకన్లలో అందరికంటే ముందుగా గమ్యానికి చేరి అగ్రస్థానాన్ని దక్కించుకున్నాడు. రెడ్‌బుల్‌ డ్రైవర్‌ వెర్‌స్టాపెన్‌ రెండో స్థానాన్ని పొందగా... అలోన్సో (అల్పైన్‌) మూడో స్థానంలో నిలిచాడు. మరో రెండు రేసులు మిగిలి ఉన్న ఈ సీజన్‌లో డ్రైవర్స్‌ చాంపియన్‌షిప్‌ రేసులో వెర్‌స్టాపెన్‌ 351.5 పాయింట్లతో తొలి స్థానంలో, హామిల్టన్‌ 343.5 పాయింట్లతో రెండో స్థానంలో ఉన్నారు. తదుపరి రేసు సౌదీ అరేబియా గ్రాండ్‌ప్రి డిసెంబర్‌ 5న జరగనుంది. చదవండి: కోహ్లీ కుమార్తెపై అసభ్యకర వ్యాఖ్యల కేసు.. నిందితుడికి బెయిల్‌

దోహా: ఫార్ములావన్‌ సీజన్‌లో తొలిసారి జరుగుతున్న ఖతర్‌ గ్రాండ్‌ప్రిలో మెర్సిడెస్‌ డ్రైవర్‌ లూయిస్‌ హామిల్టన్‌ పోల్‌ పొజిషన్‌తో మెరిశాడు. ప్రస్తుత సీజన్‌లో చివరిసారిగా హంగేరి గ్రాండ్‌ప్రిలో పోల్‌ను సొంతం చేసుకున్న హామిల్టన్‌... మళ్లీ ఎనిమిది గ్రాండ్‌ప్రిల తర్వాత ఆ ఘనతను అందుకున్నాడు. శనివారం జరిగిన క్వాలిఫయింగ్‌ సెషన్‌ చివరి రౌండ్‌లో అతడు ల్యాప్‌ను అందరికంటే ముందుగా ఒక నిమిషం 20.827 సెకన్లలో పూర్తి చేసి పోల్‌ను అందుకున్నాడు. సీజన్‌లో హామిల్టన్‌కిది నాలుగో పోల్‌కాగా... ఓవరాల్‌గా 102వది. దాంతో ఆదివారం జరిగే ప్రధాన రేసును హామిల్టన్‌ తొలి స్థానం నుంచి ఆరంభిస్తాడు. రెడ్‌బుల్‌ డ్రైవర్‌ వెర్‌స్టాపెన్‌ రెండో స్థానం నుంచి మొదలుపెడతాడు. మెర్సిడెస్‌ డ్రైవర్‌ బొటాస్‌ మూడో స్థానాన్ని దక్కించుకున్నాడు. నేటి ప్రధాన రేసును రాత్రి గం. 7:30 నుంచి స్టార్‌ స్పోర్ట్స్‌ సెలెక్ట్‌ హెచ్‌డి–2, హాట్‌స్టార్‌లు ప్రత్యక్ష ప్రసారం చేస్తాయి. ‘బ్లిట్జ్‌’ విభాగంలోనూ అర్జున్‌ జోరు... టాటా స్టీల్‌ ఇండియా అంతర్జాతీయ ర్యాపిడ్‌ చెస్‌ టోర్నమెంట్‌లో విజేతగా నిలిచిన భారత గ్రాండ్‌మాస్టర్‌ (జీఎం), తెలంగాణ ప్లేయర్‌ ఎరిగైసి అర్జున్‌ శనివారం మొదలైన ‘బ్లిట్జ్‌’ టోర్నమెంట్‌లోనూ ఆకట్టుకున్నాడు. 18 రౌండ్లపాటు జరుగుతున్న బ్లిట్జ్‌ టోర్నీలో తొలి రోజు 9 రౌండ్లు ముగిశాయి. తొమ్మిదో రౌండ్‌ తర్వాత 18 ఏళ్ల అర్జున్‌ 6.5 పాయింట్లతో ఒంటరిగా ఆధిక్యంలో ఉన్నాడు. సామ్‌ షాంక్‌లాండ్‌ (అమెరికా), గుకేశ్‌ (భారత్‌), విదిత్‌ (భారత్‌), ద్రోణవల్లి హారిక (భారత్‌)లపై గెలిచిన అర్జున్‌... నిహాల్‌ సరీన్‌ (భారత్‌), çమగ్సూద్లూ (ఇరాన్‌), రౌనక్‌ సాధ్వాని (భారత్‌), లెవాన్‌ అరోనియన్‌ (అర్మేనియా), క్వాంగ్‌ లీమ్‌ (వియత్నాం)లతో జరిగిన గేమ్‌లను ‘డ్రా’ చేసుకున్నాడు. నేడు మరో తొమ్మిది రౌండ్లు జరుగుతాయి. 

బీజింగ్‌: ఇన్నాళ్లూ లోటుగా ఉన్న ఫార్ములావన్‌ (ఎఫ్‌1) క్రీడలోనూ చైనా దేశం క్రీడాకారుడు తొలిసారి కనిపించనున్నాడు. వచ్చే ఏడాది ఎఫ్‌1 సీజన్‌లో చైనాకు చెందిన గ్వాన్‌యూ జౌ అరంగేట్రం చేయనున్నాడు. ప్రస్తుతం ఫార్ములా-2 విభాగంలో పోటీపడుతున్న 22 ఏళ్ల గ్వాన్‌యూ జౌతో ఆల్ఫా రొయెయో జట్టు ఒప్పందం చేసుకుంది. గత మూడేళ్లుగా ఆల్ఫా రొమెయోకు డ్రైవర్‌గా ఉన్న జియోవినాజి కాంట్రాక్ట్‌ ఈ సీజన్‌తో ముగుస్తుంది. వచ్చే సీజన్‌లో అతడి స్థానాన్ని గ్వాన్‌యూ జౌతో భర్తీ చేస్తారు. చదవండి: Football World Cup 2022: ఫుట్‌బాల్‌ ప్రపంచకప్‌కు ఇంగ్లండ్‌.. 16వసారి...  

సావోపాలో (బ్రెజిల్‌): ఫార్ములావన్‌ తాజా సీజన్‌లో మెర్సిడెస్‌ డ్రైవర్‌ లూయిస్‌ హామిల్టన్‌ అద్భుతం చేసి చూపించాడు. భారత కాలమానం ప్రకారం ఆదివారం అర్ధరాత్రి దాటాక జరిగిన బ్రెజిల్‌ గ్రాండ్‌ప్రి ప్రధాన రేసును పదో స్థానం నుంచి ఆరంభించిన అతడు చివరకు అగ్ర స్థానంతో ముగించాడు. 71 ల్యాప్‌ల ఈ రేసును హామిల్టన్‌ అందరికంటే ముందుగా గంటా 32 నిమిషాల 22.851 సెకన్లలో పూర్తి చేసి విజేతగా నిలిచాడు. హామిల్టన్‌ కెరీర్‌లో ఇది 101వ విజయం. 10.496 సెకన్లు వెనుకగా రేసును పూర్తి చేసిన వెర్‌స్టాపెన్‌ (రెడ్‌బుల్‌) రెండో స్థానంలో నిలిచాడు. మరో మెర్సిడెస్‌ డ్రైవర్‌ వాల్తెరి బొటాస్‌ మూడో స్థానాన్ని దక్కించుకున్నాడు. ఆరంభం నుంచే దూకుడు రేసును పదో స్థానం నుంచి ఆరంభించిన హామిల్టన్‌ తొలి ల్యాప్‌లో ఏకంగా నాలుగు కార్లను ఓవర్‌టేక్‌ చేసి ఆరో స్థానానికి దూసుకొచ్చాడు. మరో ఐదు ల్యాప్‌లు పూర్తయ్యాక మూడో స్థానానికి చేరాడు. మరికాసేపటికే రెడ్‌బుల్‌ మరో డ్రైవర్‌ పెరెజ్‌ కారును దాటేసిన అతడు రెండో స్థానానికి చేరుకున్నాడు. ఇక్కడి నుంచి మరింత వేగం పెంచిన హామిల్టన్‌ తొలి స్థానంలో ఉన్న వెర్‌స్టాపెన్‌కు తనకు ఉన్న అంతరాన్ని తగ్గించాడు. మరోవైపు వెర్‌స్టాపెన్‌ కూడా తన డిఫెన్స్‌ డ్రైవింగ్‌తో హామిల్టన్‌కు పరీక్ష పెట్టాడు. 48వ ల్యాప్‌లో వెర్‌స్టాపెన్‌ను ఓవర్‌టేక్‌ చేయడానికి ప్రయత్నించి హామిల్టన్‌ విఫలమయ్యాడు. ఆ సమయంలో రెండు కార్లు కూడా ఒకదానితో మరొకటి ఢీకొనేవి. అయితే హామిల్టన్‌ చాకచక్యంతో ప్రమాదం తప్పింది. 59వ ల్యాప్‌లో మరోసారి వెర్‌స్టాపెన్‌ కారును అధిగమించేందుకు ప్రయత్నించిన హామిల్టన్‌ ఈసారి మాత్రం సఫలమయ్యాడు. అక్కడి నుంచి మిగిలిన ల్యాప్‌లను ఎటువంటి పొరపాటు చేయకుండా పూర్తి చేసిన అతడు విజేతగా నిలిచాడు.

Verstappen wins Formula 1 Mexican Grand Prix:  ఫార్ములావన్‌ సీజన్‌లో భాగంగా జరిగిన మెక్సికో గ్రాండ్‌ప్రిలో రెడ్‌బుల్‌ డ్రైవర్‌ వెర్‌స్టాపెన్‌ విజేతగా నిలిచాడు. 71 ల్యాప్‌ల రేసును వెర్‌స్టాపెన్‌ గంటా 38 నిమిషాల 39.086 సెకన్లలో పూర్తి చేసి అగ్రస్థానాన్ని దక్కించుకున్నాడు. సీజన్‌లో వెర్‌స్టాపెన్‌కిది తొమ్మిదో విజయం. 16.555 సెకన్ల తేడాతో హామిల్టన్‌ (మెర్సిడెస్‌) రెండో స్థానంలో నిలిచాడు. మూడో స్థానాన్ని పెరెజ్‌ (రెడ్‌బుల్‌) దక్కించుకున్నాడు. చదవండి: Akshay Karnewar: 4–4–0–2.. అక్షయ్‌ కర్నేవార్‌ అరుదైన రికార్డు

US Grand Prix Max Verstappen Wins Race In Austin: ఫార్ములావన్‌ తాజా సీజన్‌లో రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌  ఎనిమిదో విజయం సాధించాడు. భారత కాలమానం ప్రకారం ఆదివారం అర్ధరాత్రి తర్వాత జరిగిన యూఎస్‌ గ్రాండ్‌ప్రిలో వెర్‌స్టాపెన్‌ విజేతగా నిలిచాడు. 56 ల్యాప్‌ల ప్రధాన రేసును పోల్‌ పొజిషన్‌ నుంచి ఆరంభించిన వెర్‌స్టాపెన్‌ అందరికంటే ముందుగా గంటా 34 నిమిషాల 36.552 సెకన్లలో ముగించాడు.  మెర్సిడెస్‌ డ్రైవర్‌  హామిల్టన్‌ రెండో స్థానంలో నిలిచాడు.  చదవండి: IPL New Teams: అదానీని తలదన్నేసిన గోయెంకా గ్రూప్‌.. మరి సీవీసీ క్యాపిటల్‌ గురించి తెలుసా? ఇంగ్లండ్‌ జట్టుకు గుడ్‌ న్యూస్.. స్టార్ ఆల్ రౌండర్ రెడీ That's P2 and an extra point for @LewisHamilton 👊 The Brit picked up the DHL Fastest Lap Award at @COTA, a crucial point in the intense 2021 title fight! 👀 For the full leaderboard and more >> https://t.co/sOAsD9HZK8#USGP 🇺🇸 @DHL_Motorsports #MomentsThatDeliver pic.twitter.com/79luPCBEYA — Formula 1 (@F1) October 25, 2021

ఈ ఏడాది ఫార్ములావన్‌ సీజన్‌లో తన ఆధిపత్యాన్ని చాటుకుంటూ రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ తొమ్మిదో పోల్‌ పొజిషన్‌ సొంతం చేసుకున్నాడు. యూఎస్‌ఏ గ్రాండ్‌ప్రి క్వాలిఫయింగ్‌ సెషన్‌లో వెర్‌స్టాపెన్‌ అందరికంటే వేగంగా ల్యాప్‌ను ఒక నిమిషం 32.910 సెకన్లలో ముగించి అగ్రస్థానాన్ని దక్కించుకున్నాడు. మెర్సిడెస్‌ జట్టు డ్రైవర్‌ హామిల్టన్‌ రెండో స్థానంలో, రెడ్‌బుల్‌ జట్టు డ్రైవర్‌ పెరెజ్‌ మూడో స్థానంలో నిలిచారు. ఈ సీజన్‌లో వెర్‌స్టాపెన్‌ ఏడు రేసుల్లో విజేతగా నిలిచి 262.5 పాయింట్లతో టాప్‌ ర్యాంక్‌లో ఉన్నాడు. 

అసలే ఇంధన ధరలు మండిపోతున్నాయి. దీనికితోడు ఆ ఇంధనాల వల్ల కాలుష్యం పెరిగి పర్యావరణానికి మరింత హాని చేస్తోంది.  ఈ తరుణంలో వచ్చే ఫార్ములా వన్‌ సీజన్‌ కోసం ఎఫ్‌ఐఏ (ఫెడరేషన్‌ ఇంటర్నేషనల్‌ ఆటోమొబైల్‌) సంచలన నిర్ణయం తీసుకుంది.   అంతర్జాతీయ అత్యున్నత ఆటో రేసింగ్‌ ఫార్ములా వన్‌ తరపున ఎఫ్‌ఐఏ అభినందనీయమైన నిర్ణయం తీసుకుంది. వచ్చే సీజన్‌లో స్థిరమైన ఇంధనాలు(sustainable fuels).. అదీ సెకండ్‌ జనరేషన్‌ బయోఫ్యూయల్‌ మాత్రమే ఉపయోగించాలని నిర్ణయించింది. తద్వారా కాలుష్యాన్ని తగ్గించే పనిలో పడింది. ఈ నిర్ణయంతో వచ్చే ఏడాది నుంచి ఈ10 ఫ్యూయల్‌ ఉపయోగించనున్నారు. అయితే ఇప్పటిదాకా ఉపయోగిస్తున్న ఇంధన వనరుల వ్యాపార ఒప్పందాలపై ఈ నిర్ణయం తీవ్ర ప్రభావం చూపించనుంది. 2022 ఎఫ్‌వన్‌ సీజన్‌ మార్చ్‌ 20న బహ్రయిన్‌లో మొదలై.. నవంబర్‌ 20న అబుదాబిలో ముగియనుంది.     ఇక చాలా ఏళ్లుగా రేసింగ్‌లో ఉపయోగించే ఇంధనాల వల్ల కాలుష్యం పెరుగుతోందనే ఆందోళన వ్యక్తం అవుతోంది. ఈ తరుణంలో ఇంధనాల్లో ఇథనాల్‌ మిక్సింగ్‌ మోతాదును పెంచాలని నిర్ణయించారు. రానున్న పదేళ్లకల్లా జీరో కార్బన్‌ లక్క్ష్యంగా పెట్టుకుని ఈ నిర్ణయం తీసుకుంది ఎఫ్‌ఐఏ. 2025, 2026 నాటికల్లా 100 శాతం స్థిరమైన ఇంధనాలు (sustainable fuels) ఉపయోగ సాధన దిశగా ఎఫ్‌ఐఏ అడుగులు వేస్తోంది. చదవండి: ఫార్ములా వన్‌.. సెంచరీ విక్టరీల వీరుడు ఎవరో తెలుసా?

Lewis Hamilton.. ఫార్ములావన్‌ (ఎఫ్‌1) సీజన్‌లో భాగంగా శనివారం జరిగిన టర్కిష్‌ గ్రాండ్‌ప్రి క్వాలిఫయింగ్‌లో మెర్సిడెస్‌ డ్రైవర్‌ లూయిస్‌ హామిల్టన్‌ పోల్‌ పొజిషన్‌తో మెరిశాడు. క్వాలిఫయింగ్‌ చివరి సెషన్‌లో అతడు ల్యాప్‌ను అందరి కంటే ముందుగా నిమిషం 22.868 సెకన్లలో పూర్తి చేసి పోల్‌ను సొంతం చేసుకున్నాడు. అయితే ఇప్పటికే నిబంధనలకు విరుద్ధంగా సీజన్‌లో నాలుగో ఇంజిన్‌ను తీసుకున్న హామిల్టన్‌కు 10 స్థానాల గ్రిడ్‌ పెనాల్టీ పడింది. దాంతో అతడు ఆదివారం జరిగే ప్రధాన రేసును 11వ స్థానం నుంచి ఆరంభిస్తాడు. రెండో స్థానంలో నిలిచిన బొటాస్‌ (మెర్సిడెస్‌) తొలి స్థానం నుంచి రేసును ఆరంభించనున్నాడు. ప్రధాన రేసు సాయంత్రం గం. 5.30 నుంచి స్టార్‌స్పోర్ట్స్‌ సెలెక్ట్‌ హెచ్‌డి–2లో ప్రత్యక్ష ప్రసారం కానుంది.  భారత్‌ ఖాతాలో 30 పతకాలు  లిమా (పెరూ): ప్రపంచ జూనియర్‌ షూటింగ్‌ చాంపియన్‌íÙప్‌లో భారత్‌ ‘టాప్‌’లేపింది. టోర్నీలో ఏకంగా 13 స్వర్ణాలు, 11 రజతాలు, 6 కాంస్యాలతో మొత్తం 30 పతకాలు సాధించిన భారత్‌ పతకాల పట్టికలో అగ్ర స్థానంలో నిలిచింది. 20 (6 స్వర్ణాలు, 8 రజతాలు, 6 కాంస్యాలతో) పతకాలు గెలిచిన అమెరికాకు రెండో స్థానం దక్కింది.  

సోచీ (రష్యా): ఫార్ములావన్‌ (ఎఫ్‌1) స్టార్, ప్రస్తుత ప్రపంచ చాంపియన్‌ లూయిస్‌ హామిల్టన్‌ తన కెరీర్‌లో 100వ రేసు విజయాన్ని అందుకున్నాడు. గత కొంత కాలంగా ఊరిస్తూ వస్తోన్న ‘విక్టరీల సెంచరీ’ని హామిల్టన్‌ రష్యా గ్రాండ్‌ప్రితో పూర్తి చేశాడు. ఆదివారం జరిగిన 53 ల్యాప్‌ల ప్రధాన రేసును అతడు గంటా 30 నిమిషాల 41.001 సెకన్లలో పూర్తి చేశాడు. రెండో స్థానంలో వెర్‌స్టాపెన్‌ (రెడ్‌బుల్‌)... మూడో స్థానంలో కార్లోస్‌ సెయింజ్‌ (ఫెరారీ) నిలిచారు. పోల్‌ పొజిషన్‌ నుంచి రేసును ఆరంభించిన లాండో నోరిస్‌ (మెక్‌లారెన్‌) ఏడో స్థానంతో సరిపెట్టుకున్నాడు. రన్నరప్‌ గాయత్రి జంట జకోపేన్‌ (పోలాండ్‌): పోలిష్‌ ఓపెన్‌ అంతర్జాతీయ బ్యాడ్మింటన్‌ టోర్నమెంట్‌లో భారత్‌కు ప్రాతినిధ్యం వహిస్తున్న తెలంగాణ క్రీడాకారిణులు గాయత్రి గోపీచంద్‌ పుల్లెల, సామియా ఇమాద్‌ ఫారూఖీ రన్నరప్‌గా నిలిచారు. మహిళల డబుల్స్‌ విభాగం ఫైనల్లో గాయత్రి–త్రిషా జాలీ (భారత్‌) ద్వయం 10–21, 18–21తో మార్గోట్‌ లాంబర్ట్‌–యాన్‌ ట్రాన్‌ (ఫ్రాన్స్‌) జోడీ చేతిలో ఓడిపోయింది. మహిళల సింగిల్స్‌ ఫైనల్లో సామియా 11–21, 9–21తో మూడో సీడ్‌ యు యాన్‌ జస్లిన్‌ హుయ్‌ (సింగపూర్‌) చేతిలో ఓటమి చవిచూసింది. చదవండి: సానియా మీర్జా ఖాతాలో 43వ డబుల్స్‌ టైటిల్‌ 

సోచి (రష్యా): ఈ ఏడాది ఫార్ములావన్‌ (ఎఫ్‌1) సీజన్‌లో 14 రేసులు జరగ్గా... నలుగురు డ్రైవర్లలో (వెర్‌స్టాపెన్, హామిల్టన్, బొటాస్, లెక్‌లెర్క్‌) ఎవరో ఒకరికి మాత్రమే ‘పోల్‌ పొజిషన్‌’ దక్కుతూ వచ్చింది. అయితే సీజన్‌ 15వ రేసు రష్యా గ్రాండ్‌ప్రిలో మాత్రం ఈ నలుగురిని వెనక్కినెట్టి లాండో నోరిస్‌ రూపంలో కొత్త డ్రైవర్‌ ‘పోల్‌ పొజిషన్‌’ను సంపాదించాడు. శనివారం జరిగిన క్వాలిఫయింగ్‌ సెషన్‌లో మెక్‌లారెన్‌ జట్టుకు చెందిన 21 ఏళ్ల లాండో నోరిస్‌ (బ్రిటన్‌) ‘పోల్‌ పొజిషన్‌’ సాధించాడు.  నోరిస్‌ అందరికంటే వేగంగా ల్యాప్‌ను ఒక నిమిషం 41.993 సెకన్లలో ముగించి ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని సొంతం చేసుకున్నాడు. కార్లోస్‌ సెయింజ్‌ (ఫెరారీ) రెండో స్థానం నుంచి... జార్జి రసెల్‌ (విలియమ్స్‌) మూడో స్థానం నుంచి... హామిల్టన్‌ (మెర్సిడెస్‌) నాలుగో స్థానం నుంచి రేసును ఆరంభిస్తారు. ఈ సీజన్‌లో ఎనిమిది రేసుల్లో విజేతగా నిలిచిన రెడ్‌బుల్‌ డ్రైవర్‌ వెర్‌స్టాపెన్‌ ఆదివారం జరిగే రేసును చివరిదైన 20వ స్థానం నుంచి మొదలుపెడతాడు.  ►నేటి ప్రధాన రేసు సాయంత్రం గం. 5:30 నుంచి స్టార్‌స్పోర్ట్స్‌–3లో ప్రత్యక్ష ప్రసారం కానుంది. Jump onboard with @LandoNorris in Sochi for a lap he will never forget - one that gave him his first ever F1 pole position 👌 🚀 🍿#RussianGP #F1 @pirellisport pic.twitter.com/mjgXDDo2HW — Formula 1 (@F1) September 25, 2021

మోంజా (ఇటలీ): దాదాపు తొమ్మిదేళ్ల విరామం తర్వాత ఫార్ములావన్‌ (ఎఫ్‌1) గ్రాండ్‌ప్రిలో మెక్‌లారెన్‌ జట్టు విజేతగా నిలిచింది. 2012లో జరిగిన బ్రెజిల్‌ గ్రాండ్‌ప్రిలో చివరిసారిగా విజేతగా నిలిచిన ఆ జట్టు ఇన్నేళ్లకు ఇటలీ గ్రాండ్‌ప్రిలో మెరిసింది. ఆదివారం జరిగిన ఇటలీ గ్రాండ్‌ప్రి ప్రధాన రేసులో మెక్‌లారెన్‌ డ్రైవర్‌ డానియెల్‌ రికియార్డో చాంపియన్‌గా నిలిచాడు. 53 ల్యాప్‌ల రేసును అతడు అందరికంటే ముందుగా గంటా 21 నిమిషాల 54.367 సెకన్లలో పూర్తి చేసి అగ్రస్థానాన్ని దక్కించుకున్నాడు. 2018 మొనాకో తర్వాత మళ్లీ రికియార్డో ఒక ఎఫ్‌1 రేసులో గెలుపొందడం ఇదే తొలిసారి. రేసును రెండో స్థానం నుంచి ఆరంభించిన రికియార్డో... ట్రాక్‌ తొలి మలుపులోనే వెర్‌స్టాపెన్‌ను అధిగమించి ఆధిక్యంలోకి వచ్చాడు. అనంతరం తన లీడ్‌ను నిలబెట్టుకున్న అతడు విజేతగా నిలిచాడు. 1.747 సెకన్ల తేడాతో రేసును ముగించిన నోరిస్‌ (మెక్‌లారెన్‌) రెండో స్థానంలో నిలువగా... మూడో స్థానంలో బొటాస్‌ (మెర్సిడెస్‌) నిలిచాడు. హోమ్‌ గ్రాండ్‌ప్రిలో ఫెరారీ డ్రైవర్లు లెక్‌లెర్క్‌ నాలుగో స్థానంలో... సెయింజ్‌ ఆరో స్థానంలో నిలిచారు.

ఫార్ములావన్‌ (ఎఫ్‌1) ఇటాలియన్‌ గ్రాండ్‌ప్రిలో రెడ్‌బుల్‌ జట్టు డ్రైవర్‌ వెర్‌స్టాపెన్‌ను అదృష్టం వరించింది. మోంజాలో శనివారం జరిగిన క్వాలిఫయింగ్‌ స్ప్రింట్‌ రేస్‌లో విజేతగా నిలిచిన బొటాస్‌ (మెర్సిడెస్‌)కు గ్రిడ్‌ పెనాల్టీ పడటంతో రెండో స్థానంలో నిలిచిన వెర్‌స్టాపెన్‌కు పోల్‌ పొజిషన్‌ లభించింది. దాంతో ఆదివారం జరిగే ప్రధాన రేసును వెర్‌స్టాపెన్‌ తొలి స్థానం నుంచి ఆరంభిస్తాడు. తాజా సీజన్‌లో వెర్‌స్టాపెన్‌కు ఇది ఎనిమిదో పోల్‌ కాగా... ఓవరాల్‌గా 11వది. 18 ల్యాప్‌ల పాటు జరిగిన క్వాలిఫయింగ్‌ స్ప్రింట్‌ రేస్‌ను బొటాస్‌ 27 నిమిషాల 54.078 సెకన్లలో పూర్తి చేశాడు. అయితే ఈ రేసు కోసం అతడు నిబంధనలకు విరుద్ధంగా నాలుగో ఇంజిన్‌ను తీసుకోవడంతో గ్రిడ్‌ పెనాల్టీ విధించారు. దాంతో బొటాస్‌ ఆదివారం జరిగే రేసును చివరి నుంచి ఆరంభిస్తాడు. 

లండన్‌: బ్రిటన్‌కు చెందిన 23 ఏళ్ల జార్జ్‌ రసెల్‌ వచ్చే ఫార్ములావన్‌ (ఎఫ్‌1) సీజన్‌ నుంచి మెర్సిడెస్‌ డ్రైవర్‌గా బరిలోకి దిగనున్నాడు. దాంతో 2022 సీజన్‌లో హామిల్టన్‌తో కలిసి రసెల్‌ మెర్సిడెస్‌ తరఫున రేసింగ్‌ చేయనున్నాడు. 2019లో విలియమ్స్‌ టీమ్‌ ద్వారా రసెల్‌ ఎఫ్‌1లో అరంగేట్రం చేశాడు. ప్రస్తుత సీజన్‌లో మెర్సిడెస్‌ డ్రైవర్‌గా ఉన్న బొటాస్‌... 2022 నుంచి అల్ఫా రొమేయో జట్టు తరఫున రేసింగ్‌లో పాల్గొంటాడు. ఇక తనకు ఇంత గొప్ప అవకాశం ఇచ్చినందుకు మెర్సిడెస్‌కు రసెల్‌ ధన్యవాదాలు తెలిపాడు. చదవండి: Shafali Verma: టాప్‌ ర్యాంక్‌లోనే షఫాలీ వర్మ  US Open 2021: కొత్త చాంపియన్‌ అవతరించనుంది! You never forget your first…once a Williams driver, always a Williams driver 💙 A message from @GeorgeRussell63...🗣️ pic.twitter.com/BaPQFXAoNL — Williams Racing (@WilliamsRacing) September 7, 2021

జాండ్‌వోర్ట్‌: సొంత ప్రేక్షకుల మధ్య రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌కు తిరుగులేకుండా పోయింది. 36 ఏళ్ల విరామం తర్వాత ఫార్ములావన్‌ (ఎఫ్‌1) క్యాలెండర్‌లో పునరాగమనం చేసిన డచ్‌ గ్రాండ్‌ప్రిలో ఈ నెదర్లాండ్స్‌ డ్రైవరే విజేతగా నిలిచాడు. 72 ల్యాప్‌ల పాటు ఆదివారం జరిగిన ప్రధాన రేసును తొలి స్థానం నుంచి ఆరంభించిన వెర్‌స్టాపెన్‌ ఎక్కడా వెనుదిరిగి చూడలేదు. ల్యాప్‌ ల్యాప్‌కు ఆధిక్యాన్ని పెంచుకుంటూ గమ్యాన్ని అందరికంటే ముందుగా గంటా 30 నిమిషాల 05.395 సెకన్లలో చేరుకుని విన్నర్‌గా నిలిచాడు. సీజన్‌లో వెర్‌స్టాపెన్‌కిది ఏడో విజయం కాగా... ఓవరాల్‌గా 17వది. 20.932 సెకన్లు వెనుకగా రేసును ముగించిన హామిల్టన్‌ (మెర్సిడెస్‌) రెండో స్థానంలో నిలిచాడు. మరో మెర్సిడెస్‌ డ్రైవర్‌ బొటాస్‌ మూడో స్థానాన్ని దక్కించుకున్నాడు. నాలుగు, ఐదు స్థానాల్లో వరుసగా గ్యాస్లీ (ఆల్ఫా టారీ), లెక్‌లెర్క్‌ (ఫెరారీ) నిలిచారు. తాజా విజయంతో వెర్‌స్టాపెన్‌ డ్రైవర్‌ చాంపియన్‌íÙప్‌లో మళ్లీ అగ్రస్థానాన్ని అందుకున్నాడు. ప్రస్తుతం అతడు 224.5 పాయింట్లతో తొలి స్థానంలో ఉన్నాడు. మూడు పాయింట్ల తేడాతో హామిల్టన్‌ (221.5) రెండో స్థానంలో ఉన్నాడు.

హెల్సింకీ: 2007 ప్రపంచ డ్రైవర్‌ చాంపియన్, ఆల్ఫా రొమెయో డ్రైవర్‌ కిమీ రైకొనెన్‌ (ఫిన్లాండ్‌) తన 19 ఏళ్ల ఫార్ములా వన్‌ (ఎఫ్‌1) రేసింగ్‌ కెరీర్‌కు రిటైర్మెంట్‌ ప్రకటించాడు. ప్రస్తుతం జరుగుతోన్న ఎఫ్‌1 సీజనే తనకు చివరిదని అతడు గురువారం ప్రకటించాడు.  ఎఫ్‌1 చరిత్రలో అత్యధిక గ్రాండ్‌ప్రిల్లో (344) పాల్గొన్న రేసర్‌గా ఉన్నాడు. 21 గ్రాండ్‌ప్రిల్లో కిమీ రైకొనెన్‌ విజేతగా నిలిచాడు.  చదవండి: Tokyo Paralympics 2021: ప్రవీణ్‌ కూమార్‌కు రజతం.. భారత్‌ ఖాతాలో 11 పతకాలు

స్పా ఫ్రాంకోర్‌చాంప్స్‌: వర్షంతో మూడు ల్యాప్‌లే  జరిగిన బెల్జియం గ్రాండ్‌ప్రి ఫార్ములావన్‌ రేసులో రెడ్‌బుల్‌ డ్రైవర్‌ వెర్‌స్టాపెన్‌ విజేతగా నిలిచాడు. భారీ వర్షంతో మూడు గంటలు ఆలస్యంగా... గంట పాటు మాత్రమే సాగేలా సేఫ్టీ కారు నడుమ రేసు ఆరంభమైంది. అయితే మూడు ల్యాప్‌ల అనంతరం ట్రాక్‌ ప్రతికూలంగా మారడంతో రేసును కొనసాగించడం ప్రమాదమని భావించిన నిర్వాహకులు రేసును నిలిపేశారు. రేసు నిలిచే సమయానికి వెర్‌స్టాపెన్, రసెల్‌ (విలియమ్స్‌), హామిల్టన్‌ (మెర్సిడెస్‌) వరుసగా తొలి మూడు స్థానాల్లో ఉండటంతో దానిని తుది ఫలితంగా ప్రకటించారు. తదుపరి డచ్‌ గ్రాండ్‌ప్రి సెప్టెంబర్‌ 5న జరగనుంది.

స్పా ఫ్రాంకోర్‌ చాంప్స్‌ (బెల్జియం): ఫార్ములావన్‌ (ఎఫ్‌1) తాజా సీజన్‌లో రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ ఆరోసారి పోల్‌ పొజిషన్‌ సాధించాడు. శనివారం జరిగిన బెల్జియం గ్రాండ్‌ప్రి క్వాలిఫయింగ్‌ చివరి సెషన్‌లో ల్యాప్‌ను అందరికంటే ముందుగా ఒక నిమిషం 59.765 సెకన్లలో పూర్తి చేసిన వెర్‌స్టాపెన్‌ పోల్‌ పొజిషన్‌ను దక్కించుకున్నాడు. దాంతో నేడు జరిగే ప్రధాన రేసును అతను తొలి స్థానం నుంచి ఆరంభిస్తాడు. 0.321 సెకన్లు వెనుకగా ల్యాప్‌ను పూర్తి చేసిన విలియమ్స్‌ డ్రైవర్‌ జార్జ్‌ రసెల్‌ రెండో స్థానంలో నిలవగా... మూడో స్థానంలో మెర్సిడెస్‌ డ్రైవర్‌ లూయిస్‌ హామిల్టన్‌ నిలిచాడు. నేడు జరిగే ప్రధాన రేసును సాయంత్రం గం. 6:30 నుంచి స్టార్‌స్పోర్ట్స్‌ సెలెక్ట్‌–2, హాట్‌స్టార్‌ ప్రత్యక్ష ప్రసారం చేస్తాయి

టోక్యో: ఏడాది వాయిదా పడినా కూడా ఒలింపిక్స్‌ను అద్భుతంగా నిర్వహించిన దేశం జపాన్‌. పారాలింపిక్స్‌ కూడా ఈ నెల 24 నుంచి అక్కడే జరగనున్నాయి. అయితే వందల సంఖ్యలో దేశాలు, వేల సంఖ్యలో అథ్లెట్లు పాల్గొనే మెగా ఈవెంట్‌కు ఆతిథ్యమిచ్చిన టోక్యో నగరం పదుల సంఖ్యలో జరిగే ఫార్ములావన్‌ జపనీస్‌ గ్రాండ్‌ ప్రి ఈవెంట్‌ను నిర్వహించలేమని చేతులెత్తేసిం ది. కరోనా మహమ్మారి కారణంగా తమ దేశంలో జరగాల్సిన ఫార్ములావన్‌ను రద్దు చేస్తున్నట్లు బుధవారం నిర్వాహకులు ప్రకటించారు. సుజుకా ట్రాక్‌పై అక్టోబర్‌ 10న జపాన్‌ గ్రాండ్‌ ప్రి జరగాల్సివుంది. ప్రభుత్వం, రేస్‌ ప్రమోటర్లు, ఫార్ములావన్‌ వర్గాలు దీనిపై చర్చించిన అనంతరం ఈ సీజన్‌ రేసు రద్దయింది.

బుడాపెస్ట్‌: ఫార్ములావన్‌ (ఎఫ్‌1) తాజా సీజన్‌లో మెర్సిడెస్‌ డ్రైవర్, ఏడుసార్లు ప్రపంచ చాంపియన్‌ లూయిస్‌ హామిల్టన్‌ మళ్లీ మెరిశాడు. శనివారం జరిగిన హంగేరి జీపీ క్వాలిఫయింగ్‌లో ఈ బ్రిటన్‌ డ్రైవర్‌ పోల్‌ పొజిషన్‌ను దక్కించుకున్నాడు. ల్యాప్‌ను అందరికంటే ముందుగా ఒక నిమిషం 15.419 సెకన్లలో పూర్తి చేసి ఆదివారం జరిగే ప్రధాన రేసును తొలి స్థానం నుంచి ప్రారంభించనున్నాడు. సీజన్‌లో హామిల్టన్‌కిది మూడో పోల్‌కాగా... ఓవరాల్‌గా 101వది. బొటాస్‌ (మెర్సిడెస్‌) రెండో స్థానంలో నిలువగా... వెర్‌స్టాపెన్‌ మూడో స్థానంలో నిలిచాడు. నేడు జరిగే ప్రధాన రేసు సాయంత్రం గం. 6.30 నుంచి స్టార్‌ స్పోర్ట్స్‌ సెలెక్ట్‌–2,   హాట్‌ స్టార్‌లో ప్రత్యక్ష ప్రసారం చేస్తారు.

ఫార్ములావన్‌ (ఎఫ్‌1) చరిత్రలో తొలిసారి జరిగిన స్ప్రింట్‌ రేస్‌ క్వాలిఫయింగ్‌లో రెడ్‌బుల్‌ డ్రైవర్‌ మాక్స్‌ వెర్‌స్టాపెన్‌ సత్తా చాటాడు. శనివారం సిల్వర్‌స్టోన్‌లో జరిగిన 17 ల్యాప్‌ల బ్రిటిష్‌ గ్రాండ్‌ప్రి స్ప్రింట్‌ రేసును రెండో స్థానం నుంచి ఆరంభించిన అతను అందరి కంటే ముందుగా 25 నిమిషాల 38.426 సెకన్లలో పూర్తి చేసి పోల్‌ పొజిషన్‌ను దక్కించుకున్నాడు. దాంతో అతనికి మూడు పాయింట్లు లభించాయి. సీజన్‌లో వెర్‌స్టాపెన్‌కు ఇది ఐదో పోల్‌ కాగా... ఓవరాల్‌గా ఎనిమిదోది. ఆదివారం జరిగే ప్రధాన రేసును వెర్‌స్టాపెన్‌ తొలి స్థానం నుంచి ఆరంభిస్తాడు. 1.430 సెకన్లు వెనుకగా రేసును ముగించిన మెర్సిడెస్‌ డ్రైవర్‌ హామిల్టన్‌ రెండో స్థానంలో... సహచరుడు బొటాస్‌ మూడో స్థానంలో నిలిచాడు. హామిల్టన్‌కు రెండు డ్రైవర్‌ చాంపియన్‌షిప్‌ పాయింట్లు లభించగా... బొటాస్‌కు ఒక పాయింట్‌ లభించింది.

స్పీల్‌బెర్గ్‌ (ఆస్ట్రియా): రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ ఈ సీజన్‌లో మూడో పోల్‌ పొజిషన్‌ సాధించాడు. శనివారం జరిగిన స్టిరియన్‌ గ్రాండ్‌ప్రి క్వాలిఫయింగ్‌ సెషన్‌లో వెర్‌స్టాపెన్‌ అందరికంటే వేగంగా ల్యాప్‌ను 1ని:03.841 సెకన్లలో ముగించాడు. తద్వారా ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని దక్కించుకున్నాడు. మెర్సిడెస్‌ డ్రైవర్‌ హామిల్టన్‌ రెండో స్థానం నుంచి రేసును ఆరంభిస్తాడు. ఈ సీజన్‌లో ఇప్పటివరకు ఏడు  రేసులు జరగ్గా... రెడ్‌బుల్‌ జట్టు డ్రైవర్లు నాలుగు రేసుల్లో విజేతగా నిలిచారు. వెర్‌స్టాపెన్‌ మూడు రేసుల్లో... పెరెజ్‌ ఒక రేసులో గెలిచారు.  

మోంటేకార్లో: ఫార్ములా వన్‌ (ఎఫ్‌1) సీజన్‌లో ఆధిపత్యం ప్రదర్శిస్తోన్న మెర్సిడెస్, రెడ్‌బుల్‌ డ్రైవర్లకు ఫెరారీ డ్రైవర్‌ చార్లెస్‌ లెక్‌లెర్క్‌ చెక్‌ పెట్టాడు. తన సొంత గ్రాండ్‌ప్రి అయిన మొనాకో స్ట్రీట్‌ సర్క్యూట్‌లో శనివారం జరిగిన క్వాలిఫయింగ్‌ సెషన్‌లో సత్తా చాటిన లెక్‌లెర్క్‌ సీజన్‌లో తొలి పోల్‌ సాధించాడు. కెరీర్‌లో అతడికి ఇది ఎనిమిదో పోల్‌. 2019 మెక్సికన్‌ గ్రాండ్‌ప్రిలో చివరిసారిగా లెక్‌లెర్క్‌ పోల్‌ సాధించాడు. మొనాకో వీధుల గుండా సాగిన క్వాలిఫయింగ్‌ చివరి సెషన్‌లో నిమిషం 10.346 సెకన్లలో ల్యాప్‌ను అతను పూర్తి చేశాడు. అయితే సెషన్‌ మరికొన్ని నిమిషాల్లో ముగుస్తుందనగా లెక్‌లెర్క్‌ కారు ప్రమాదానికి గురైంది. ఒకవేళ అతని కారు గేర్‌ బాక్స్‌ను మారిస్తే... లెక్‌లెర్క్‌కు ఐదు స్థానాల గ్రిడ్‌ పెనాల్టీ పడుతుంది. లేదంటే ఆదివారం జరిగే ప్రధాన రేసును అతడు తొలి స్థానం నుంచి ఆరంభిస్తాడు. 0.230 సెకన్లు ఆలస్యంగా ల్యాప్‌ను ముగించిన వెర్‌స్టాపెన్‌ (రెడ్‌బుల్‌) రెండో స్థానంలో నిలిచాడు. బొటాస్‌ (మెర్సిడెస్‌) మూడో స్థానాన్ని దక్కించుకున్నాడు. స్పానిష్‌ గ్రాండ్‌ప్రితో పోల్‌ల సెంచరీ కొట్టిన మెర్సిడెస్‌ డ్రైవర్‌ లూయిస్‌ హామిల్టన్‌కు ఈ క్వాలిఫయింగ్‌ సెషన్‌ ఏ మాత్రం కలిసి రాలేదు. పోల్‌ సిట్టర్‌కు 0.749 సెకన్లు వెనుకగా ల్యాప్‌ను పూర్తి చేసిన  అతను ఏకంగా ఏడో స్థానంలో నిలిచాడు.

బార్సిలోనా (స్పెయిన్‌): ఆరంభంలో ఆధిక్యం కోల్పోయినా... ఎక్కడా తడబడకుండా డ్రైవ్‌ చేస్తూ... చివరి దశలో అందివచ్చిన అవకాశాన్ని సద్వినియోగం చేసుకొని మళ్లీ ఆధిక్యంలోకి వచ్చి... ఆ తర్వాత వెనుదిరిగి చూడకుండా మెర్సిడెస్‌ జట్టు డ్రైవర్‌ లూయిస్‌ హామిల్టన్‌ స్పెయిన్‌ గ్రాండ్‌ప్రి ఫార్ములావన్‌ (ఎఫ్‌1) రేసును సొంతం చేసుకున్నాడు. 66 ల్యాప్‌లపాటు జరిగిన ఈ రేసులో ‘పోల్‌ పొజిషన్‌’తో మొదలుపెట్టిన హామిల్టన్‌ను తొలి మలుపు వద్ద రెడ్‌బుల్‌ డ్రైవర్‌ మాక్స్‌ వెర్‌స్టాపెన్‌ ఓవర్‌టేక్‌ చేసి ఆధిక్యంలోకి వెళ్లిపోయాడు. ఆ తర్వాత వెర్‌స్టాపెన్‌ దూకుడు కొనసాగించగా... మళ్లీ ఆధిక్యంలోకి వచ్చేందుకు హామిల్టన్‌ పట్టువదలకుండా ప్రయత్నించాడు. రేసు మరో ఆరు ల్యాప్‌ల్లో తర్వాత ముగుస్తుందనగా హామిల్టన్‌ వేగాన్ని పెంచి వెర్‌స్టాపెన్‌ను ఓవర్‌టేక్‌ చేసి ఆధిక్యంలోకి వచ్చాడు. ఆ తర్వాత మిగతా ఆరు ల్యాప్‌ల్లో వెర్‌స్టాపెన్‌కు ఏమాత్రం అవకాశమివ్వకుండా హామిల్టన్‌ ట్రాక్‌పై రయ్‌రయ్‌మంటూ దూసుకుపోయి లక్ష్యాన్ని గంటా 33 నిమిషాల 07.680 సెకన్లలో అందుకొని విజేతగా నిలిచాడు.  స్పెయిన్‌ గ్రాండ్‌ప్రిలో హామిల్టన్‌కిది వరుసగా ఐదో విజయంకాగా ఓవరాల్‌గా ఆరోది. హామిల్టన్‌కంటే ముందు దివంగత దిగ్గజ డ్రైవర్‌ అయిర్టన్‌ సెనా (బ్రెజిల్‌) మాత్రమే ఒకే గ్రాండ్‌ప్రిలో (మొనాకో గ్రాండ్‌ప్రి 1989 నుంచి 1993 వరకు) వరుసగా ఐదేళ్లు విజేతగా నిలిచాడు. ఓవరాల్‌గా హామిల్టన్‌ కెరీర్‌లో ఇది 98వ విజయం. తదుపరి రేసు మొనాకో గ్రాండ్‌ప్రి ఈనెల 23న జరుగుతుంది.   స్పెయిన్‌ గ్రాండ్‌ప్రి ఫలితాలు (టాప్‌–10): 1. హామిల్టన్‌ (మెర్సిడెస్‌), 2. వెర్‌స్టాపెన్‌ (రెడ్‌బుల్‌), 3. బొటాస్‌ (మెర్సిడెస్‌), 4. లెక్‌లెర్క్‌ (ఫెరారీ), 5. పెరెజ్‌ (రెడ్‌బుల్‌), 6. రికియార్డో (మెక్‌లారెన్‌), 7. సెయింజ్‌ (ఫెరారీ), 8. నోరిస్‌ (మెక్‌లారెన్‌), 9. ఒకాన్‌ (అల్పైన్‌), 10. గాస్లీ (అల్ఫా టౌరి).

బార్సిలోనా (స్పెయిన్‌): ఫార్ములావన్‌ (ఎఫ్‌1) క్రీడలో మెర్సిడెస్‌ జట్టు డ్రైవర్, ప్రస్తుత ప్రపంచ చాంపియన్‌ లూయిస్‌ హామిల్టన్‌ మరో రికార్డు నెలకొల్పాడు. శనివారం జరిగిన స్పెయిన్‌ గ్రాండ్‌ప్రి క్వాలిఫయింగ్‌ సెషన్‌లో ‘పోల్‌ పొజిషన్‌’ సాధించడంద్వారా ఎఫ్‌1 క్రీడా చరిత్రలో 100 పోల్‌ పొజిషన్స్‌ సాధించిన తొలి డ్రైవర్‌గా హామిల్టన్‌ రికార్డు పుటల్లోకి ఎక్కాడు. చివరి క్వాలిఫయింగ్‌ సెషన్‌లో ల్యాప్‌ను అందరికంటే వేగంగా ఒక నిమిషం 16.741 సెకన్లలో ముగించిన హామిల్టన్‌ కెరీర్‌లో 100వ పోల్‌ పొజిషన్‌ను సొంతం చేసుకున్నాడు. తద్వారా ఆదివారం జరిగే ప్రధాన రేసును హామిల్టన్‌ తొలి స్థానం నుంచి ప్రారంభించే అవకాశాన్ని దక్కించుకున్నాడు. ఎఫ్‌1 దిగ్గజం మైకేల్‌ షుమాకర్‌ పేరిట ఉన్న అత్యధిక పోల్‌ పొజిషన్స్‌ (68) రికార్డును 2017లోనే బద్దలు కొట్టిన హామిల్టన్‌ నాలుగేళ్ల తర్వాత ‘సెంచరీ’ మైలురాయిని చేరుకున్నాడు.   ► 2007లో మాంట్రియల్‌లో జరిగిన కెనడా గ్రాండ్‌ప్రిలో మెక్‌లారెన్‌ జట్టు తరఫున బరిలోకి దిగిన హామిల్టన్‌ కెరీర్‌లో తొలిసారి ‘పోల్‌ పొజిషన్‌’ సాధించాడు.   ► 2012 వరకు మెక్‌లారెన్‌ జట్టుతోనే కొనసాగిన హామిల్టన్‌ ఆ జట్టు తరఫున 26 పోల్‌ పొజిషన్స్‌ సాధించాడు.   ► 2013 సీజన్‌ నుంచి మెర్సిడెస్‌ జట్టు తరఫున బరిలోకి దిగిన హామిల్టన్‌ ఇప్పటి వరకు అదే జట్టుతో కొనసాగుతున్నాడు. మెర్సిడెస్‌ తరఫున హామిల్టన్‌ 74 పోల్‌ పొజిషన్స్‌ను కైవసం చేసుకున్నాడు. తన 14 ఏళ్ల ఎఫ్‌1 కెరీర్‌లో హామిల్టన్‌ అత్యధికంగా ఏడుసార్లు ప్రపంచ చాంపియన్‌గా నిలిచి మైకేల్‌ షుమాకర్‌ పేరిట ఉన్న రికార్డును సమం చేశాడు. ఈ క్రీడలో అత్యధిక విజయాలు (97) సాధించిన డ్రైవర్‌గానూ గుర్తింపు పొందాడు.   ► స్పెయిన్‌ గ్రాండ్‌ప్రిలో భాగంగా జరిగిన క్వాలిఫయింగ్‌ సెషన్‌లో మాక్స్‌ వెర్‌స్టాపెన్‌ రెండో స్థానంలో నిలువగా... హామిల్టన్‌ సహచరుడు వాల్తెరి బొటాస్‌ మూడో స్థానాన్ని పొందాడు.   గ్రిడ్‌ పొజిషన్స్‌: 1. హామిల్టన్‌ (మెర్సిడెస్‌); 2. వెర్‌స్టాపెన్‌ (రెడ్‌బుల్‌); 3. బొటాస్‌ (మెర్సిడెస్‌); 4. లెక్‌లెర్క్‌ (ఫెరారీ); 5. ఎస్తెబన్‌ ఒకాన్‌ (అలైన్‌); 6. కార్లోస్‌ సెయింజ్‌ (ఫెరారీ); 7. రికియార్డో (మెక్‌లారెన్‌); 8. సెర్గియోపెరెజ్‌ (రెడ్‌బుల్‌); 9. లాండో నోరిస్‌ (మెక్‌లారెన్‌); 10. ఫెర్నాండో అలోన్సో (అలైన్‌); 11. లాన్స్‌ స్ట్రోల్‌ (ఆస్టన్‌ మార్టిన్‌); 12. పియరీ గాస్లీ (అల్ఫాటౌరి); 13. సెబాస్టియన్‌ వెటెల్‌ (ఆస్టన్‌ మార్టిన్‌); 14. జియోవినాజి (అల్ఫా రోమియో); 15. జార్జి రసెల్‌ (విలియమ్స్‌); 16. యుకీ సునోడా (అల్ఫా టౌరి); 17. కిమీ రైకోనెన్‌ (అల్ఫా రోమియో); 18. మిక్‌ షుమాకర్‌ (హాస్‌); 19. నికోలస్‌ లతీఫి (విలియమ్స్‌); 20. నికిటా మేజ్‌పిన్‌ (హాస్‌).

జెనీవా: ఫార్ములావన్‌ (ఎఫ్‌1)కు చిరునామాగా నిలిచిన దిగ్గజ రేసర్‌ మైకేల్‌ షుమాకర్‌ (జర్మనీ) జీవితానికి సంబంధించి అరుదైన అంశాలతో ఒక ప్రత్యేక డాక్యుమెంటరీ రూపొందుతోంది. ఏడుసార్లు ఎఫ్‌1 విశ్వవిజేతగా నిలిచిన ఈ జర్మన్‌ స్టార్‌ 2013లో ఆల్ప్స్‌ పర్వతాల్లో స్కీయింగ్‌ చేస్తూ తీవ్ర ప్రమాదానికి గురై కోమాలోకి వెళ్లిపోయాడు. నాటినుంచి ఇప్పటి వరకు అతను బయటి ప్రపంచానికి కనపడలేదు. ఒకవైపు అతనికి చికిత్స కొనసాగిస్తూనే... మరోవైపు 52 ఏళ్ల షుమాకర్‌ తాజా ఆరోగ్య స్థితిపై ఎలాంటి సమాచారం ఇవ్వకుండా అతని కుటుంబ సభ్యులు గోప్యత పాటిస్తున్నారు. ఈ నేపథ్యంలో రానున్న కొత్త డాక్యుమెంటరీలో పలు ఆసక్తికర అంశాలు ఉండే అవకాశం ఉంది. దీంతోపాటు అతని ఆరోగ్యం గురించి కూడా స్పష్టత రావచ్చు. ముఖ్యంగా 2013 ప్రమాదం తర్వాత అతనికి సంబంధించిన కొన్ని వీడియోలు కూడా ఇందులో ఉండవచ్చని, షుమాకర్‌ భార్య ఈ ప్రైవేట్‌ రికార్డింగ్‌లను స్వయంగా ఇచ్చినట్లు తెలుస్తోంది. త్వరలోనే రానున్న డాక్యుమెంటరీలోని అరుదైన వీడియోలు అభిమానులను అలరిస్తాయని రూపకర్తలు మైకేల్‌ వెక్‌–బ్రూనో కమర్టన్స్‌ భావిస్తున్నారు. డాక్యుమెంటరీ నిర్మాణం పూర్తయిందని, గత డిసెంబర్‌లోనే విడుదల కావాల్సి ఉన్నా... కరోనా కారణంగా ఆలస్యమైందని వారు చెప్పారు.

ప్రతీ ఏటా క్రీడల క్యాలెండర్‌... ఫలితాలు, రికార్డులు, అవార్డులు, పురస్కారాలతో కనిపించేది. చాంపియన్ల విజయగర్జనతో, దిగ్గజాల మైలురాళ్లతో, ఆటకే వన్నెతెచ్చిన ఆణిముత్యాల నిష్క్రమణలతో ముగిసేది. కానీ ఈ ఏడాది మాత్రం కంటికి కనిపించని వైరస్‌ క్రీడల క్యాలెండర్‌ను కలవరపెట్టింది. కరోనా కాలం క్రీడలకు కష్టకాలాన్నే మిగిల్చింది. టోక్యో ఒలింపిక్స్, యూరో కప్‌ ఫుట్‌బాల్‌ టోర్నీలాంటి మెగా ఈవెంట్స్‌ను వచ్చే ఏడాదికి వాయిదా వేసింది. ఆస్ట్రేలియాలో జరగాల్సిన టి20 ప్రపంచకప్‌ను ఆపేసింది. మరెన్నో క్రీడలను రద్దు చేసింది. ప్రేక్షకుల్ని మైదానానికి రాకుండా చేసింది. కొత్తగా ‘బయో బబుల్‌’ను పరిచయం చేసింది. ఒకవైపు కరోనా కల్లోలం కొనసాగుతుండగా... మరోవైపు ఫార్ములావన్‌లో హామిల్టన్‌ రయ్‌మంటూ దూసుకెళ్లాడు.  15 ఏళ్ల తర్వాత బాక్సింగ్‌ దిగ్గజం మైక్‌ టైసన్‌ మళ్లీ రింగ్‌లోకి అడుగుపెట్టాడు. ఎవ్వరూ ఊహించని విధంగా భారత క్రికెట్‌ జట్టు 36కే ఆలౌటై షాక్‌ ఇచ్చింది. మొత్తానికి 2020 కొందరికి తీపి గుర్తులు, మరికొందరికి చేదు గుళికల్ని పంచివెళ్లింది. అవేంటో చూద్దాం...!         –సాక్షి క్రీడా విభాగం మహాబలుడు మళ్లీ వచ్చాడు! అమెరికా బాక్సింగ్‌ యోధుడు, ప్రపంచ హెవీవెయిట్‌ మాజీ చాంపియన్‌ మైక్‌ టైసన్‌ మళ్లీ రింగ్‌లో దిగేందుకు ‘సై’ అన్నాడు. 15 ఏళ్ల తర్వాత పంచ్‌ విసిరేందుకు కసరత్తులు కూడా చేశాడు. 54 ఏళ్ల వయసులో ప్రత్యర్థి రాయ్‌ జోన్స్‌ జూనియర్‌తో ఎగ్జిబిషన్‌ మ్యాచ్‌లో తలపడ్డాడు. త్వరలో హోలీఫీల్డ్‌తో టైసన్‌ ఢీకొట్టేందుకు అమెరికన్‌ ప్రొఫెషనల్‌ బాక్సింగ్‌ వర్గాలు ఏర్పాట్లు చేస్తున్నాయి. దిగ్గజాలను తీసుకెళ్లింది... ఈ ఏడాది... క్రీడాభిమానులను దుఃఖసాగరంలో ముంచింది. ఆయా క్రీడలకు తమ ఆటతీరుతో, అలుపెరగని పోరాటంతో వన్నె తెచ్చిన దిగ్గజాలను తీసుకెళ్లింది. అమెరికాను ఊపేసే నేషనల్‌ బాస్కెట్‌బాల్‌ అసోసియేషన్‌ (ఎన్‌బీఏ)లో సూపర్‌ స్టార్‌ హోదా పొందిన కోబీ బ్రయాంట్‌ తన అభిమానులతో శాశ్వత సెలవు తీసుకున్నాడు. హెలికాప్టర్‌ ప్రమాదంలో బ్రయాంట్‌తోపాటు అతని 13 ఏళ్ల కుమార్తె దుర్మరణం పాలైంది. ఇది ఈ సంవత్సరం క్రీడాలోకంలో పెను విషాదంగా నిలిచింది. అలాగే ఫుట్‌బాల్‌ మాంత్రికుడు, అర్జెంటీనా దిగ్గజం డీగో మారడోనా మరణం క్రీడాలోకాన్ని శోకంలో ముంచింది. గుండెపోటుతో అతను మృతి చెందాడు. భారత హాకీ దిగ్గజం బల్బీర్‌ సింగ్‌ సీనియర్, అలనాటి ఫుట్‌బాల్‌ మేటి పీకే బెనర్జీ, చున్నీ గోస్వామి ఆరోగ్య సమస్యలతో కన్నుమూశారు. క్రికెట్‌లో చేతన్‌ చౌహాన్, రాజిందర్‌ గోయెల్, ఆస్ట్రేలియన్‌ డీన్‌ జోన్స్‌లు అనారోగ్యంతో 2020లో తనువు చాలించారు. ‘రికార్డు’ల హామిల్టన్‌ మార్చి 15న ఆస్ట్రేలియా గ్రాండ్‌ప్రితో మొదలవ్వాల్సిన ఫార్ములావన్‌ (ఎఫ్‌1) సీజన్‌కు కరోనా అంతరాయం కలిగించింది. 22 రేసులున్న ఎఫ్‌1 సీజన్‌ను చివరకు 17 రేసులకు కుదించారు. ప్రేక్షకులకు ప్రవేశం లేకుండా రేసులను నిర్వహించారు. మెర్సిడెస్‌ జట్టు డ్రైవర్‌ లూయిస్‌ హామిల్టన్‌ మరోసారి తన ఆధిపత్యాన్ని చాటుకొని ఏడోసారి ప్రపంచ చాంపియన్‌గా నిలిచాడు. ఈ క్రమంలో మైకేల్‌ షుమాకర్‌ (జర్మనీ) పేరిట ఉన్న రికార్డును సమం చేశాడు. అంతేకాకుండా ఎఫ్‌1లో అత్యధిక రేసుల్లో గెలిచిన డ్రైవర్‌గా షుమాకర్‌ (91) పేరిట ఉన్న రికార్డును హామిల్టన్‌ (95) తిరగరాశాడు. ఆన్‌లైన్‌లో ఎత్తులు... కరోనా మహమ్మారి పలు క్రీడా టోర్నమెంట్‌లపై ప్రభావం చూపినా మేధో క్రీడ చెస్‌ మాత్రం కొత్త ఎత్తులకు ఎదిగింది. ముఖాముఖి టోర్నీలకు బ్రేక్‌ పడినా ఆన్‌లైన్‌లో నిరాటంకంగా టోర్నీలు జరిగాయి. తొలిసారి ఆన్‌లైన్‌లో నిర్వహించిన ప్రతిష్టాత్మక చెస్‌ ఒలింపియాడ్‌లో భారత జట్టు రష్యాతో కలిసి సంయుక్త విజేతగా నిలిచింది. భారత్, రష్యా మధ్య ఫైనల్‌ కీలకదశలో ఉన్నపుడు సాంకేతిక సమస్య తలెత్తడంతో నిర్వాహకులు రెండు జట్లను విజేతగా ప్రకటించారు. చెస్‌ ఒలింపియాడ్‌లో స్వర్ణ పతకం నెగ్గిన భారత జట్టులో తెలుగు తేజాలు పెంటేల హరికృష్ణ, కోనేరు హంపి, ద్రోణవల్లి హారిక సభ్యులుగా ఉన్నారు. ఆన్‌లైన్‌లోనే జరిగిన ప్రపంచ యూత్‌ ర్యాపిడ్‌ చెస్‌ చాంపియన్‌షిప్‌లో భారత క్రీడాకారులు నిహాల్‌ సరీన్, గుకేశ్, రక్షిత స్వర్ణ పతకాలను సొంతం చేసుకున్నారు. ఐపీఎల్‌ అలరించింది ఈ ఏడాదిలో తొలి మూడు నెలలు క్రికెట్‌ సాగినా... ఆ తర్వాత కరోనా వైరస్‌తో బ్రేక్‌ వచ్చింది. ఆస్ట్రేలియా వేదికగా జరిగిన మహిళల టి20 ప్రపంచకప్‌లో ఆస్ట్రేలియా ఐదోసారి విశ్వవిజేతగా నిలిచి తమ ఆధిపత్యాన్ని చాటుకుంది. తొలిసారి ఫైనల్‌ చేరిన భారత మహిళల జట్టు రన్నరప్‌తో సరిపెట్టుకుంది. మరోవైపు కరోనా వైరస్‌తో భారత్‌లో దక్షిణాఫ్రికా వన్డే సిరీస్‌ మధ్యలోనే ఆగిపోయింది. కరోనా తీవ్రరూపం దాల్చడంతో దాదాపు నాలుగు నెలలు క్రికెట్‌ ఆట సాగలేదు. జూలై చివరి వారంలో ఇంగ్లండ్‌–వెస్టిండీస్‌ జట్ల మధ్య ‘బయో బబుల్‌’ వాతావరణంలో మళ్లీ అంతర్జాతీయ క్రికెట్‌ మొదలైంది. ప్రతీ ఏటా వేసవిలో వినోదాన్ని పంచే ఇండియన్‌ ప్రీమియర్‌ లీగ్‌ (ఐపీఎల్‌) టి20 టోర్నీ కరోనా కారణంగా ఆలస్యమైంది. ఒకదశలో ఈ టోర్నీ జరుగుతుందా లేదా అనే అనుమానం కలిగినా... చివరకు ఐపీఎల్‌ భారత్‌ దాటింది. యునైటెడ్‌ అరబ్‌ ఎమిరేట్స్‌ (యూఏఈ)లో ‘బయో బబుల్‌’ వాతావరణంలో సెప్టెంబర్‌ 19 నుంచి నవంబర్‌ 10 వరకు ఐపీఎల్‌ 13వ సీజన్‌ నిరాటంకంగా సాగింది. ముంబై ఇండియన్స్‌ జట్టు ఐదోసారి చాంపియన్‌గా నిలిచింది. ఆగస్టు 15న ఎమ్మెస్‌ ధోని హఠాత్తుగా క్రికెట్‌ నుంచి వీడ్కోలు తీసుకుంటున్నానని ప్రకటించి అందర్నీ ఆశ్చర్యపరిచాడు. అదే రోజున సురేశ్‌ రైనా కూడా అంతర్జాతీయ క్రికెట్‌కు గుడ్‌బై చెప్పాడు. ఐపీఎల్‌ ముగిశాక భారత జట్టు దుబాయ్‌ నుంచి నేరుగా ఆస్ట్రేలియా పర్యటనకు వెళ్లింది. అడిలైడ్‌ వేదికగా జరిగిన డే–నైట్‌ తొలి టెస్టులో భారత్‌ రెండో ఇన్నింగ్స్‌లో కేవలం 36 పరుగులకే ఆలౌటై తమ టెస్టు చరిత్రలో అత్యల్ప స్కోరును నమోదు చేసి ఓటమి పాలైంది. అయితే మెల్‌బోర్న్‌లో జరిగిన రెండో టెస్టులో టీమిండియా ఎనిమిది వికెట్ల తేడాతో చిరస్మరణీయ విజయం అందుకొని 2020 ఏడాదిని ఘనంగా ముగించింది. ఫెడరర్‌...నాదల్‌ 20–20 ఈ 2020 ఏడాది ఇద్దరు టెన్నిస్‌ సూపర్‌స్టార్ల టైటిళ్ల సంఖ్యను ట్వంటీ–ట్వంటీగా సమం చేసింది. స్విట్జర్లాండ్‌ దిగ్గజం రోజర్‌ ఫెడరర్‌ రెండేళ్ల క్రితం ఆస్ట్రేలియన్‌ ఓపెన్‌ (2018)తో 20వ టైటిల్‌ సాధించాడు. ఇతనికి సరైనోడు... సమఉజ్జీ అని టెన్నిస్‌ ప్రపంచం ప్రశంసలందుకున్న రాఫెల్‌ నాదల్‌ దీనికి న్యాయం చేశాడు. ఫ్రెంచ్‌ ఓపెన్‌తో ఈ స్పానిష్‌ లెజెండ్‌ కూడా 20వ టైటిల్‌తో ఫెడరర్‌ సరసన నిలిచాడు. ఇలా ఈ ఆల్‌టైమ్‌ గ్రేట్‌ స్టార్స్‌ ఇపుడు 20–20 స్టార్స్‌ అయ్యారు. కరోనా కారణంగా ఈ ఏడాది మూడు గ్రాండ్‌స్లామ్‌ టోర్నీలు మాత్రమే జరిగాయి. ఆస్ట్రేలియన్‌ ఓపెన్‌లో జొకోవిచ్‌ విజేతగా నిలువగా... కరోనా దెబ్బకు 1945 తర్వాత వింబుల్డన్‌ టోర్నమెంట్‌ను నిర్వాహకులు తొలిసారి రద్దు చేశారు. ప్రేక్షకులు లేకుండా యూఎస్‌ ఓపెన్‌ను నిర్వహించగా... ఆస్ట్రియా ఆటగాడు డొమినిక్‌ థీమ్‌ విజేతగా నిలిచి కెరీర్‌లో తొలి గ్రాండ్‌స్లామ్‌ టైటిల్‌ను అందుకున్నాడు. సెప్టెంబర్‌కు వాయిదా పడిన ఫ్రెంచ్‌ ఓపెన్‌లో రాఫెల్‌ నాదల్‌ తన ఆధిపత్యం చాటుకొని 13వసారి చాంపియన్‌గా నిలిచాడు. యూఎస్‌ ఓపెన్‌లో క్వార్టర్‌ ఫైనల్‌ సందర్భంగా తాను కొట్టిన బంతి లైన్‌ అంపైర్‌కు తగలడంతో సస్పెన్షన్‌కు గురైన సెర్బియా స్టార్‌ జొకోవిచ్‌ ఆరోసారి సీజన్‌ను నంబర్‌వన్‌ ర్యాంక్‌తో ముగించాడు. పీట్‌ సంప్రాస్‌ పేరిట ఉన్న రికార్డును సమం చేశాడు.

అబుదాబి: ఫార్ములావన్‌ (ఎఫ్‌1) 2020–సీజన్‌ ముగింపు రేసులో రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ విజేతగా నిలిచాడు. యాస్‌ మరీనా సర్క్యూట్‌లో ఆదివారం జరిగిన అబుదాబి గ్రాండ్‌ప్రిలో నిర్ణీత 55 ల్యాప్‌లను వెర్‌స్టాపెన్‌ అందరికంటే ముందుగా గంటా 36 నిమిషాల 28.645 సెకన్లలో ముగించి ఈ సీజన్‌లో రెండో విజయాన్ని అందుకున్నాడు. ‘పోల్‌ పొజిషన్‌’తో రేసును ఆరంభించిన 23 ఏళ్ల వెర్‌స్టాపెన్‌కు ఏదశలోనూ ఇతర డ్రైవర్ల నుంచి పోటీ ఎదురుకాలేదు. మెర్సిడెస్‌ జట్టు డ్రైవర్లు బొటాస్‌ రెండో స్థానంలో... హామిల్టన్‌ మూడో స్థానంలో నిలిచారు. గతవారం సాఖిర్‌ గ్రాండ్‌ప్రి విజేత సెర్గియో పెరెజ్‌ (రేసింగ్‌ పాయింట్‌–ఆర్‌పీ) ఎనిమిదో ల్యాప్‌లోనే రేసు నుంచి తప్పుకున్నాడు. కరోనా కారణంగా ఈ సీజన్‌లో 22 రేసులకు బదులుగా 17 రేసులను మాత్రమే నిర్వహించారు. 11 రేసుల్లో గెలుపొందిన హామిల్టన్‌ (మెర్సిడెస్‌) 347 పాయింట్లతో ఓవరాల్‌ డ్రైవర్స్‌ చాంపియన్‌షిప్‌ టైటిల్‌ను ఏడోసారి సొంతం చేసుకొని దిగ్గజ డ్రైవర్‌ మైకేల్‌ షుమాకర్‌ (జర్మనీ) రికార్డును సమం చేశాడు. బొటాస్, వెర్‌స్టాపెన్‌ రెండేసి రేసుల్లో నెగ్గగా... పెరెజ్, పియరీగ్యాస్లీ ఒక్కో రేసులో గెలిచారు. 573 పాయింట్లతో టీమ్‌ కన్‌స్ట్రక్టర్స్‌ చాంపియన్‌షిప్‌ కూడా మెర్సిడెస్‌ జట్టుకే లభించింది.  

అబుదాబి: ఫార్ములావన్‌ (ఎఫ్‌1) 2020 సీజన్‌లోని చివరి రేసు అబుదాబి గ్రాండ్‌ప్రిను రెడ్‌బుల్‌ జట్టు డ్రైవర్‌ మాక్స్‌ వెర్‌స్టాపెన్‌ తొలి స్థానం నుంచి ప్రారంభిస్తాడు. శనివారం జరిగిన క్వాలిఫయింగ్‌ సెషన్‌లో 23 ఏళ్ల వెర్‌స్టాపెన్‌ అందరికంటే వేగంగా ఒక నిమిషం 35.246 సెకన్లలో ల్యాప్‌ను ముగించి అగ్రస్థానాన్ని దక్కించుకున్నాడు. ఈ సీజన్‌లో రెడ్‌బుల్‌ జట్టు డ్రైవర్‌కు పోల్‌ పొజిషన్‌ దక్కడం ఇదే తొలిసారి. మెర్సిడెస్‌ డ్రైవర్లు బొటాస్, హామిల్టన్‌ వరుసగా రెండు, మూడు స్థానాల నుంచి రేసును ఆరంభిస్తారు. 17 రేసుల ఈ సీజన్‌లో 16 రేసులు ముగిశాయి. 11 రేసుల్లో హామిల్టన్‌  నెగ్గగా... బొటాస్‌ రెండు రేసుల్లో.. మిగతా మూడు రేసుల్లో వెర్‌స్టాపెన్, గ్యాస్లీ, పెరెజ్‌ టైటిల్స్‌ గెలిచారు.  

సాఖిర్‌ (బహ్రెయిన్‌): తన తొమ్మిదేళ్ల నిరీక్షణకు తెరదించుతూ మెక్సికో డ్రైవర్‌ సెర్గియో పెరెజ్‌ ఎట్టకేలకు ఫార్ములావన్‌ (ఎఫ్‌1)లో తొలి టైటిల్‌ను సాధించాడు. సాఖిర్‌ గ్రాండ్‌ప్రి రేసులో 30 ఏళ్ల పెరెజ్‌ విజేతగా నిలిచాడు. 87 ల్యాప్‌ల ఈ రేసులో రేసింగ్‌ పాయింట్‌ జట్టు డ్రైవర్‌ పెరెజ్‌ అందరికంటే ముందుగా గంటా 31 నిమిషాల 15.114 సెకన్లలో గమ్యానికి చేరి అగ్రస్థానాన్ని దక్కించుకున్నాడు. 2011లో ఆస్ట్రేలియన్‌ గ్రాండ్‌ప్రితో ఫార్ములావన్‌లో అరంగేట్రం చేసిన పెరెజ్‌ తన కెరీర్‌లోని 190వ రేసులో విజేతగా నిలువడం విశేషం. సాఖిర్‌ గ్రాండ్‌ప్రిలో ఐదో స్థానం నుంచి రేసును ఆరంభించిన పెరెజ్‌ మిగతా డ్రైవర్ల తప్పిదాలను తనకు అనుకూలంగా మల్చుకొని తొలి విజయం రుచి చూశాడు. కరోనా బారిన పడటంతో ప్రపంచ చాంపియన్‌ హామిల్టన్‌ (మెర్సిడెస్‌) ఈ రేసులో పాల్గొనలేదు. హామిల్టన్‌ స్థానంలో మెర్సిడెస్‌ జట్టు రెండో డ్రైవర్‌గా బరిలోకి దిగిన జార్జి రసెల్‌ ఒకదశలో విజయం సాధించేలా కనిపించినా... కారు టైర్‌ పంక్చర్‌ కావడంతో 80వ ల్యాప్‌లో రేసు నుంచి తప్పుకున్నాడు. ఒకాన్‌ (రెనౌ), స్ట్రాల్‌ (రేసింగ్‌ పాయింట్‌) వరుసగా రెండు, మూడు స్థానాల్లో నిలిచారు. ఎఫ్‌1 2020 సీజన్‌లోని చివరిదైన 17వ రేసు అబుదాబి గ్రాండ్‌ప్రి డిసెంబర్‌ 13న జరుగుతుంది.

సాఖిర్‌ (బహ్రెయిన్‌): వచ్చే ఏడాది ఫార్ములావన్‌ (ఎఫ్‌1) లో అరంగేట్రం చేయనున్న దిగ్గజ రేసర్‌ మైకేల్‌ షుమాకర్‌ తనయుడు మిక్‌ షుమాకర్‌ ఈ ఏడాదిని ఘనంగా ముగించాడు. ఆదివారం ముగిసిన ఫార్ములా–2 చాంపియన్‌ షిప్‌లో 21 ఏళ్ల మిక్‌ ఓవరాల్‌ చాంపియన్‌గా అవతరించాడు. 12 రేసుల ఈ సీజన్‌లో ప్రెమా రేసింగ్‌ జట్టు తరఫున పోటీపడిన మిక్‌ మొత్తం 215 పాయింట్లు సాధించి అగ్రస్థానాన్ని దక్కించుకున్నాడు. వచ్చే ఏడాది మిక్‌ ఫార్ములావన్‌లో అమెరికాకు చెందిన హాస్‌ జట్టు తరఫున బరిలోకి దిగనున్నాడు.   జిహాన్‌ దారూవాలాకు తొలి ఎఫ్‌2 టైటిల్‌... భారత్‌కు చెందిన రేసర్‌ జిహాన్‌ దారూవాలా తన కెరీర్‌లో తొలిసారి ఎఫ్‌2 రేసులో విజేతగా నిలిచాడు. ఆదివారం జరిగిన బహ్రెయిన్‌ ఎఫ్‌2 రేసులో 22 ఏళ్ల జిహాన్‌ స్ప్రింట్‌ రేసు విభాగంలో టాప్‌ ర్యాంక్‌లో నిలిచాడు. బ్రిటన్‌కు చెందిన కార్లిన్‌ జట్టుకు ప్రాతినిధ్యం వహించిన జిహాన్‌ 34 ల్యాప్‌ల స్ప్రింట్‌ రేసును 37 నిమిషాల 26.570 సెకన్లలో ముగించి తొలి స్థానాన్ని పొందాడు. ముంబైకి చెందిన జిహాన్‌ ఎఫ్‌2 సీజన్‌లో 72 పాయింట్లు స్కోరు చేసి 12వ ర్యాంక్‌లో నిలిచాడు. జిహాన్‌–యుకీ సొనోడా సభ్యులుగా ఉన్న కార్లిన్‌ జట్టు ఓవరాల్‌ టీమ్‌ చాంపియన్‌షిప్‌లో 272 పాయింట్లతో మూడో స్థానాన్ని పొందడం విశేషం.

సాఖిర్‌ (బహ్రెయిన్‌): ఫార్ములావన్‌ (ఎఫ్‌1) దిగ్గజ డ్రైవర్‌ మైకేల్‌ షుమాకర్‌ తనయుడు మిక్‌ షుమాకర్‌ వచ్చే ఏడాది ఎఫ్‌1లోకి అరంగేట్రం చేయనున్నాడు. ఈ మేరకు 2021 సీజన్‌ కోసం అమెరికాకు చెందిన హాస్‌ జట్టు 21 ఏళ్ల మిక్‌ షుమాకర్‌తో ఒప్పందం చేసుకుంది. వచ్చే సంవత్సరంలో మిక్‌ షుమాకర్‌తోపాటు నికిటా మేజ్‌పిన్‌ (రష్యా) హాస్‌ జట్టు ప్రధాన డ్రైవర్లుగా వ్యవహరిస్తారు. ఈ ఏడాది తమ జట్టు ప్రధాన డ్రైవర్లు ఉన్న రొమైన్‌ గ్రోస్యెన్, కెవిన్‌ మాగ్నుసన్‌లను ఈ సీజన్‌ తర్వాత కొనసాగించడంలేదని హాస్‌ జట్టు తెలిపింది. ఏడుసార్లు ప్రపంచ చాంపియన్‌గా నిలిచిన 51 ఏళ్ల మైకేల్‌ షుమాకర్‌ 2012లో ఎఫ్‌1 నుంచి వీడ్కోలు తీసుకున్నాడు. 2013లో డిసెంబర్‌ 29న తనయుడు మిక్‌తో కలిసి షుమాకర్‌ ఫ్రాన్స్‌లోని ఆల్ప్స్‌ పర్వతాల్లో స్కీయింగ్‌ చేస్తూ తీవ్రంగా గాయపడ్డాడు. ఏడేళ్లుగా షుమాకర్‌కు చికిత్స కొనసాగుతోంది. ప్రస్తుతం ఫార్ములా–2 చాంపియన్‌షిప్‌లో ప్రెమా రేసింగ్‌ జట్టు తరఫున డ్రైవర్‌గా ఉన్న మిక్‌ 205 పాయింట్లతో అగ్రస్థానంలో ఉన్నాడు.

సాఖిర్‌: బహ్రెయిన్‌ గ్రాండ్‌ప్రి ఫార్ములావన్‌ రేసులో ఆదివారం పెను ప్రమాదమే జరిగినా... హాస్‌ జట్టు డ్రైవర్‌ రొమైన్‌ గ్రోస్యెన్‌ స్వల్ప గాయాలతో బయటపడటం గొప్ప విశేషం. కారుపై నియంత్రణ కోల్పోయి బారికేడ్లను ఢీకొట్టడంతో కారు రెండు ముక్కలైంది. కాక్‌పిట్, చాసిస్‌ వేరుపడ్డాయి. దీంతో పెట్రోల్‌ లీకేజితో ఒక్కసారిగా సిలిండర్‌ పేలినట్లు మంటలు చెలరేగాయి. ఇంతటి ఘోరప్రమాదం జరిగినా గ్రోస్యెన్‌ ప్రాణం మీదికి రాకపోవడంతో ఫార్ములావన్‌ (ఎఫ్‌1), బహ్రెయిన్‌ వర్గాలకు పెద్ద ఊరటే లభించింది. 34 ఏళ్ల గ్రోస్యెన్‌ను హుటాహుటిన హెలికాప్టర్‌లో మిలిటరీ ఆస్పత్రికి తరలించి చికిత్స అందించారు. అతని చేతి వేళ్లకు కాలిన గాయాలయ్యాయి. ఇది మినహా ఎలాంటి ఫ్రాక్చర్, ప్రాణాపాయ సమస్యలు లేవు. ఇంకా చెప్పాలంటే అంతపెద్ద మంటల్లో... ఫైర్‌ మార్షల్స్‌ మంటల్ని అదుపు చేస్తుంటే అతనే ఎంచక్కా బారికేడ్‌ను దూకుతూ దాటాడు. ఇద్దరు సాయమందించినా... తనే నడుచుకుంటూ అంబులెన్స్‌ ఎక్కాడు. పెను ప్రమాదం నుంచి అతను చిన్న చిన్న గాయాలతో బయటపడటం నిజంగా అద్భుతమని 1996 ఎఫ్‌1 చాంపియన్‌ డామొన్‌ హిల్‌ అన్నారు.   అదే రక్షించింది... ఫార్ములావన్‌ ఆధునికతే గ్రోస్యెన్‌కు ఊపిరి పోసింది. కొన్నేళ్లు పరీక్షించిన మీదట డ్రైవర్ల ప్రాణాలను నిలుపుతుందని భావించిన ఎఫ్‌1 సంస్థ 2018లో రేస్‌ కార్లలో హ్యాలో సిస్టమ్‌ను అమలు చేసింది. డ్రైవర్‌ తలకు ఏమాత్రం గాయమవ్వకుండా ఉండే రక్షణ కవచం ఇది. కారు కాక్‌పిట్‌లో ఓ ఫ్రేమ్‌గా తలపై భాగాన్ని కవర్‌ చేస్తుంది. 2016లో వచ్చిన హ్యాలో సిస్టమ్‌కు లేటెస్ట్‌ వర్షన్‌ (ఆధునిక) తోడవడంతో 2017లో ఎఫ్‌1 సంస్థ ప్రయోగాత్మకంగా పరిశీలించింది. 17 శాతం ప్రాణాపాయాన్ని తగ్గించగలదని ధ్రువీకరించుకున్న ఎఫ్‌1 ఆ మరుసటి ఏడాది అధికారికంగా అమల్లో పెట్టింది. కానీ ఆనాడు దీన్ని రొమైన్‌ గ్రోస్యెన్‌ తీవ్రంగా తప్పుబట్టాడు. ‘హ్యాలో అంటే నాకు అసహ్యం. ఇదేం బాగోలేదు. దీంతో నాకు అస్వస్థత అయిన అనుభవం కలిగింది’ అని స్పందించాడు. కానీ ఇప్పుడదే సంజీవనిగా అతనికి ఉపయోగపడింది. బరిలోకి పియెట్రో... హాస్‌ టీమ్‌ డ్రైవర్‌ గ్రోస్యెన్‌ తదుపరి రేసుకు దూరమవ్వడంతో హాస్‌ టీమ్‌ అతని స్థానాన్ని బ్రెజిల్‌ రిజర్వ్‌ డ్రైవర్‌ పియెట్రో ఫిటిపాల్డికి ఇచ్చింది. దీంతో సాఖిర్‌లోనే ఈ వారాంతంలో జరిగే రేసుతో పియెట్రో ఫార్ములావన్‌లో అరంగేట్రం చేయనున్నాడు. పియెట్రో కుటుంబానికి ఎఫ్‌1తో సుదీర్ఘ అనుబంధం ఉంది. పియెట్రో తాత ఎమర్సన్‌ 1972, 1974లో ఎఫ్‌1 వరల్డ్‌ చాంపియన్‌గా నిలిచారు. ఎమర్సన్‌ సోదరుడు విల్సన్‌... విల్సన్‌ తనయుడు క్రిస్టియన్‌ ఫిటిపాల్డి కూడా ఎఫ్‌1 రేసుల్లో పాల్గొన్నారు. కొన్నేళ్ల క్రితం నేను హ్యాలో సిస్టమ్‌ను వ్యతిరేకించాను. కానీ ఇప్పుడదే నన్ను కాపాడింది. ఇప్పుడు అది లేకుంటే నేనిలా మీ ముందు మాట్లాడేవాణ్నే కాదు.              –గ్రోస్యెన్‌

సాఖిర్‌: ఫార్ములావన్‌ (ఎఫ్‌1) బహ్రెయిన్‌ గ్రాండ్‌ప్రి రేసులో ఆదివారం పెను ప్రమాదం తప్పింది. తొలి ల్యాప్‌లో హాస్‌ జట్టు డ్రైవర్‌ రొమైన్‌ గ్రోస్యెన్‌ నియంత్రణ కోల్పోయి ట్రాక్‌ పక్కనున్న బారికేడ్లను ఢీకొట్టాడు. వెంటనే అతని కారులో మంటలు చెలరేగాయి. కారు కాక్‌పిట్, చాసిస్‌ వేర్వేరుగా రెండు ముక్కలైపోయాయి. మంటలు చెలరేగిన వెంటనే గ్రోస్యెన్‌ సమయస్ఫూర్తితో స్పందించి కారులో నుంచి బయటకు వచ్చి బారికేడ్లను దాటి సురక్షిత ప్రదేశానికి రావడంతో అందరూ ఊపిరి పీల్చుకున్నారు. అక్కడే ఉన్న సహాయక బృందం కూడా వేగంగా స్పందించి గ్రోస్యెన్‌ను ఆసుపత్రికి తీసుకెళ్లారు. గ్రోస్యెన్‌ రెండు చేతులకు, మోకాలికి స్వల్ప గాయాలయ్యాయి. ఈ సంఘటనతో రేసును గంటన్నరపాటు నిలిపివేశారు. మంటలను పూర్తిగా ఆపేశాక రేసును కొనసాగించారు. రేసు పునఃప్రారంభమయ్యాక రెండో ల్యాప్‌లోనే రేసింగ్‌ పాయింట్‌ జట్టు డ్రైవర్‌ లాన్స్‌ స్ట్రాల్‌ కారు పల్టీలు కొట్టి ట్రాక్‌ బయటకు వెళ్లింది. 57 ల్యాప్‌ల ఈ రేసును పోల్‌ పొజిషన్‌తో ప్రారంభించిన మెర్సిడెస్‌ జట్టు డ్రైవర్‌ హామిల్టన్‌ విజేతగా నిలిచాడు. ఈ సీజన్‌లోకి హామిల్టన్‌కిది 11వ విజయం కావడం విశేషం.

ఇస్తాంబుల్‌: ఫార్ములావన్‌ (ఎఫ్‌1) క్రీడలో తన ఆధిపత్యాన్ని మరోసారి నిరూపించుకున్న బ్రిటన్‌ డ్రైవర్‌ లూయిస్‌ హామిల్టన్‌ తన కెరీర్‌లో మరో మైలురాయి అందుకున్నాడు. ఎఫ్‌1 దిగ్గజం మైకేల్‌ షుమాకర్‌ పేరిట ఉన్న మరో రికార్డును ఈ మెర్సిడెస్‌ డ్రైవర్‌ సమం చేశాడు. ఆదివారం జరిగిన టర్కీ గ్రాండ్‌ప్రి రేసులో హామిల్టన్‌ విజేతగా నిలిచాడు. నిర్ణీత 58 ల్యాప్‌ల ఈ రేసును ఆరో స్థానం నుంచి ప్రారంభించిన హామిల్టన్‌ అందరికంటే వేగంగా గంటా 42 నిమిషాల 19.313 సెకన్లలో ముగించి అగ్రస్థానాన్ని పొందాడు. ఈ సీజన్‌లో హామిల్టన్‌కిది పదో విజయంకాగా... కెరీర్‌లో 94వ విజయం. తాజా గెలుపుతో ఈ సీజన్‌లో మరో మూడు రేసులు మిగిలి ఉండగానే 35 ఏళ్ల హామిల్టన్‌ డ్రైవర్స్‌ చాంపియన్‌షిప్‌ టైటిల్‌నూ సొంతం చేసుకున్నాడు. హామిల్టన్‌ కెరీర్‌లో ఇది ఏడో ప్రపంచ టైటిల్‌. తద్వారా ఏడు ప్రపంచ టైటిల్స్‌తో మైకేల్‌ షుమాకర్‌ (జర్మనీ) పేరిట ఉన్న ప్రపంచ రికార్డును హామిల్టన్‌ సమం చేశాడు. 2013లో మెర్సిడెస్‌ జట్టులో షుమాకర్‌ స్థానాన్ని భర్తీ చేసిన హామిల్టన్‌ అదే జట్టు తరఫున ప్రాతినిధ్యం వహిస్తూ ఆరుసార్లు ప్రపంచ టైటిల్‌ను దక్కించుకోగా... 2008లో మెక్‌లారెన్‌ తరఫున పోటీపడి హామిల్టన్‌ తొలిసారి ప్రపంచ చాంపియన్‌షిప్‌ టైటిల్‌ను అందుకున్నాడు. ఇటీవలే అత్యధికసార్లు ఎఫ్‌1 రేసుల్లో విజేతగా నిలిచిన షుమాకర్‌ (91 సార్లు) రికార్డును హామిల్టన్‌ బద్దలు కొట్టిన సంగతి తెలిసిందే.      మెర్సిడెస్‌కే చెందిన తన సహచరుడు వాల్తెరి బొటాస్‌ కంటే ముందుగా నిలిస్తే ప్రపంచ టైటిల్‌ను ఖాయం చేసుకునే పరిస్థితిలో ఆరో స్థానం నుంచి రేసును మొదలుపెట్టిన హామిల్టన్‌కు ఇతర డ్రైవర్ల వ్యూహాత్మక తప్పిదాలు కలిసొచ్చాయి. ఆరంభంలో దూకుడు కనబర్చని హామిల్టన్‌ సగం ల్యాప్‌లు పూర్తయ్యాక జోరు పెంచాడు. 35వ ల్యాప్‌లో తొలిసారి ఆధిక్యంలోకి వచ్చిన హామిల్టన్‌ చివరి ల్యాప్‌ వరకు కాపాడుకొని ఏకంగా 31 సెకన్ల తేడాతో విజయాన్ని అందుకున్నాడు. సెర్గియో పెరెజ్‌ (రేసింగ్‌ పాయింట్‌) రెండో స్థానంలో... సెబాస్టియన్‌ వెటెల్‌ (ఫెరారీ) మూడో స్థానంలో నిలిచారు. ‘పోల్‌పొజిషన్‌’తో రేసును మొదలుపెట్టిన లాన్స్‌ స్ట్రాల్‌ (రేసింగ్‌ పాయింట్‌) తొమ్మిదో స్థానంతో సరిపెట్టుకున్నాడు. హామిల్టన్‌ సహచరుడు బొటాస్‌ 14వ స్థానంలో నిలిచాడు. మొత్తం 20 మంది డ్రైవర్లలో ముగ్గురు రేసును ముగించలేకపోయారు. మొత్తం 17 రేసుల ఈ సీజన్‌లో 14 రేసులు పూర్తయ్యాక... హామిల్టన్‌ 307 పాయింట్లతో టాప్‌ ర్యాంక్‌లో ఉన్నాడు. 197 పాయింట్లతో బొటాస్‌ (మెర్సిడెస్‌) రెండో స్థానంలో... 170 పాయింట్లతో వెర్‌స్టాపెన్‌ (రెడ్‌బుల్‌) మూడో స్థానంలో ఉన్నారు. సీజన్‌లోని తదుపరి రేసు బహ్రెయిన్‌ గ్రాండ్‌ప్రి ఈనెల 29న జరుగుతుంది.   అత్యధిక ఎఫ్‌1 ప్రపంచ టైటిల్స్‌ నెగ్గిన డ్రైవర్లు హామిల్టన్‌ (బ్రిటన్‌–7): 2008, 2014, 2015, 2017, 2018, 2019, 2020 షుమాకర్‌ (జర్మనీ–7) : 1994, 1995, 2000, 2001, 2002, 2003, 2004 ఫాంగియో (అర్జెంటీనా–5): 1951, 1954, 1955, 1956, 1957 అలైన్‌ ప్రాస్ట్‌ (ఫ్రాన్స్‌–4) : 1985, 1986, 1989, 1993 సెబాస్టియన్‌ వెటెల్‌ (జర్మనీ–4): 2010, 2011, 2012, 2013 ఏదీ అసాధ్యం కాదు. మీ కలలను సాకారం చేసుకునేందుకు నిత్యం శ్రమిస్తూ ఉండాలి. ఏడుసార్లు ప్రపంచ చాంపియన్‌ కాగలనని నేను అన్నప్పుడు అందరూ అసాధ్యమని అన్నారు. కానీ నేను సాధించి చూపించాను. రంగం ఏదైనా ఓటమి ఎదురైతే బాధపడకూడదు. అనుక్షణం పోరాడుతూనే ఉండాలి. చివరికి విజయం తప్పకుండా సిద్ధిస్తుంది. మైకేల్‌ షుమాకర్‌ ప్రపంచ రికార్డును సమం చేయడంతో అందరి దృష్టి నాపై పడింది. అయితే ఎల్లప్పుడూ నేను ఈ క్రీడలో ఉండనని గమనించాలి. ఈ క్షణంలో అందరితో నేను కోరేది ఒక్కటే... ప్రపంచంలో సమానత్వం కోసం మీ వంతుగా కృషి చేయండి. వర్ణం, హోదా, నేపథ్యం చూడకుండా అందరికీ సమాన అవకాశాలు కల్పించండి. –హామిల్టన్‌    

దుబాయ్‌: ఫార్ములా వన్‌ (ఎఫ్‌1) రేసు క్యాలెండర్‌లో సౌదీ అరేబియా అరంగేట్రం చేయనుంది. వచ్చే ఏడాది జరిగే ఎఫ్‌1 సీజన్‌లో సౌదీలోని జిద్దా  నగరాన్ని చేరుస్తూ ఎఫ్‌1 నిర్వాహకులు గురువారం నిర్ణయం తీసుకున్నారు. ఈ మేరకు సౌదీ ఆటోమొబైల్, మోటార్‌ సైకిల్‌ సమాఖ్య (ఎస్‌ఏఎమ్‌ఎఫ్‌)తో ఒప్పందం కుదిరినట్లు వారు పేర్కొన్నారు. కొత్తగా నిర్మించిన జిద్దా నగర శివార్లలోని ‘కార్నిక్‌’ వద్ద వద్ద స్ట్రీట్‌ ట్రాక్‌పై 2021 నవంబర్‌లో ఈ రేసును నిర్వహిస్తున్నట్లు ఎఫ్‌1 తెలిపింది. ఎర్ర సముద్రానికి సమాంతరంగా ఉండే ఈ ట్రాక్‌ చూపరులకు కనువిందు చేస్తుందని వెల్లడించింది. ‘ఎఫ్‌1 సీజన్‌లోకి సౌదీ అరేబియాను ఆహ్వానిస్తున్నాం’ అని ఎఫ్‌1 సీఈవో చేస్‌ క్యారీ వ్యాఖ్యానించారు. గల్ఫ్‌ దేశాల్లో బహ్రెయిన్, అబుదాబిలు ఇప్పటికే ఎఫ్‌1 సీజన్‌ల్లో ఏటా రేస్‌లకు ఆతిథ్యమిస్తూ వస్తున్నాయి. సౌదీ రాజధాని రియాద్‌లో 2030 నాటికి ఫార్ములా వన్‌ రేసును నిర్వహించేలా... ట్రాక్‌ను కూడా నిర్మిస్తున్నారు. 2021 ఎఫ్‌1 సీజన్‌ క్యాలెండర్‌ పూర్తయిందని... త్వరలోనే పూర్తి వివరాలను ప్రకటిస్తామని క్యారీ తెలిపారు. సౌదీ దేశంలో ఉండే తీవ్ర ఉష్ణోగ్రతలను దృష్టిలో ఉంచుకొని ఈ రేస్‌ను రాత్రి వేళ నిర్వహించే ప్రతిపాదన కూడా ఉంది.  

పోర్టిమావో (పోర్చుగల్‌): ఫార్ములావన్‌ (ఎఫ్‌1)లో అద్భుతం చోటు చేసుకుంది. 14 ఏళ్లుగా చెక్కు చెదరకుండా ఉన్న రికార్డు తెరమరుగైంది. గత ఏడేళ్లుగా నిలకడగా రాణిస్తున్న బ్రిటన్‌ డ్రైవర్‌ లూయిస్‌ హామిల్టన్‌ ఈ ఘనత సాధించాడు. ఆదివారం జరిగిన పోర్చుగల్‌ గ్రాండ్‌ప్రిలో మెర్సిడెస్‌ జట్టు డ్రైవర్‌ హామిల్టన్‌ విజేతగా నిలిచాడు. తద్వారా తన కెరీర్‌లో 92వ విజయం నమోదు చేశాడు. ఈ క్రమంలో 91 విజయాలతో జర్మనీ దిగ్గజం మైకేల్‌ షుమాకర్‌ పేరిట ఉన్న రికార్డును 35 ఏళ్ల హామిల్టన్‌ బద్దలు కొట్టాడు. 2007లో తొలి ఎఫ్‌1 విజయం సాధించిన హామిల్టన్‌ 2013లో మెర్సిడెస్‌ జట్టులో చేరాడు. మెర్సిడెస్‌ జట్టులో షుమాకర్‌ స్థానాన్ని భర్తీ చేసిన హామిల్టన్‌ అటు నుంచి వెనుదిరిగి చూడలేదు. షుమాకర్‌ ఏడు ప్రపంచ చాంపియన్‌షిప్‌ టైటిల్స్‌ (సీజన్‌ ఓవరాల్‌ విన్నర్‌) ఈ విభాగంలో అగ్రస్థానంలో ఉండగా... ఈ ఏడాదీ హామిల్టన్‌కే ప్రపంచ చాంపియన్‌షిప్‌ టైటిల్‌ దక్కడం దాదాపు ఖాయమైంది. ఫలితంగా ఈ సీజన్‌లో మరో ఐదు రేసులు ముగిశాక షుమాకర్‌ పేరిట ఉన్న ఈ రికార్డునూ హామిల్టన్‌ సమం చేసే చాన్స్‌ ఉంది. 2006లో చైనా గ్రాండ్‌ప్రిలో విజేతగా నిలిచిన తర్వాత షుమాకర్‌ అదే ఏడాది ఎఫ్‌1కు వీడ్కోలు పలికాడు. నాలుగేళ్ల తర్వాత రిటైర్మెంట్‌ను వెనక్కి తీసుకొని ఎఫ్‌1లో పునరాగమనం చేసిన షుమాకర్‌ 2012 వరకు మెర్సిడెస్‌ జట్టుతో కొనసాగినా మరో రేసులో గెలుపొందలేకపోయాడు.   ఆరంభంలో వెనుకబడ్డా... 24 ఏళ్ల తర్వాత మళ్లీ జరిగిన పోర్చుగల్‌ గ్రాండ్‌ప్రిలో హామిల్టన్‌ ‘పోల్‌ పొజిషన్‌’తో రేసును ప్రారంభించాడు. అయితే రెండో స్థానం నుంచి రేసును మొదలుపెట్టిన మెర్సిడెస్‌ జట్టుకే చెందిన బొటాస్‌ మొదట్లోనే హామిల్టన్‌ను ఓవర్‌టేక్‌ చేశాడు. అయితే 20వ ల్యాప్‌లో హామిల్టన్‌ ఆధిక్యంలోకి వచ్చి ఆ తర్వాత అదే జోరును చివరిదైన 66వ ల్యాప్‌ వరకు కొనసాగించాడు. చివరకు గంటా 29 నిమిషాల 56.828 సెకన్లలో రేసును ముగించిన హామిల్టన్‌ కెరీర్‌లో 92వ విజయాన్ని దక్కించుకున్నాడు. బొటాస్‌కు రెండో స్థానం లభించగా... వెర్‌స్టాపెన్‌ (రెడ్‌బుల్‌) మూడో స్థానాన్ని పొం దాడు.  ప్రస్తుత సీజన్‌లోని 17 రేసుల్లో 12 పూర్తయ్యాయి. తదుపరి రేసు ఎమీలియా రొమాగ్నా గ్రాండ్‌ప్రి ఇటలీలో నవంబర్‌ 1న జరుగుతుంది. ప్రస్తుతం డ్రైవర్స్‌ చాంపియన్‌ షిప్‌ రేసులో హామిల్టన్‌ 256 పాయింట్లతో అగ్రస్థానంలో ఉన్నాడు. బొటాస్‌ (179 పాయింట్లు), వెర్‌స్టాపెన్‌ (162 పాయింట్లు) వరుసగా రెండు, మూడు స్థానాల్లో ఉన్నారు.  కన్‌స్ట్రక్టర్స్‌ చాంపియన్‌షిప్‌లో మెర్సిడెస్‌ 435 పాయింట్లతో టాప్‌ ర్యాంక్‌లో ఉంది.

నుర్‌బర్‌గ్రింగ్‌ (జర్మనీ): ఈసారి అందివచ్చిన అవకాశాన్ని మెర్సిడెస్‌ జట్టు డ్రైవర్‌ లూయిస్‌ హామిల్టన్‌ వదులుకోలేదు. ఫార్ములావన్‌ (ఎఫ్‌1)లో అత్యధిక విజయాలు సాధించిన దిగ్గజ రేసర్‌ మైకేల్‌ షుమాకర్‌ (జర్మనీ) పేరిట ఉన్న ఆల్‌టైమ్‌ రికార్డును హామిల్టన్‌ సమం చేశాడు. ఆదివారం జరిగిన జర్మనీ ఐఫెల్‌ గ్రాండ్‌ప్రి రేసులో 35 ఏళ్ల హామిల్టన్‌ చాంపియన్‌గా నిలిచాడు. రెండో స్థానం నుంచి రేసును ప్రారంభించిన హామిల్టన్‌ నిర్ణీత 60 ల్యాప్‌లను అందరికంటే వేగంగా గంటా 35 నిమిషాల 49.641 సెకన్లలో ముగించి విజేతగా నిలిచాడు. ఈ విజయంతో ఎఫ్‌1లో అత్యధిక రేసులు గెలిచిన డ్రైవర్‌గా 2006 నుంచి మైకేల్‌ షుమాకర్‌ (91 విజయాలు) పేరిట ఉన్న రికార్డును హామిల్టన్‌ సమం చేశాడు. షుమాకర్‌ కెరీర్‌లో 306 రేసుల్లో పాల్గొని 91 విజయాలు అందుకోగా... హామిల్టన్‌ 261 రేసుల్లోనే ఈ ఘనతను సాధిం చాడు.  ఈ సీజన్‌లో మరో ఆరు రేసులు మిగిలి ఉన్న నేపథ్యంలో షుమాకర్‌ రికార్డును హామిల్టన్‌ బద్దలు కొట్టడం ఖాయం. సీజన్‌ లోని తదుపరి రేసు పోర్చుగల్‌ గ్రాండ్‌ప్రి ఈనెల 25న జరుగుతుంది.  ‘పోల్‌ పొజిషన్‌’తో రేసును మొదలుపెట్టిన మెర్సిడెస్‌ జట్టుకే చెందిన మరో డ్రైవర్‌ బొటాస్‌ 13వ ల్యాప్‌ వరకు ఆధిక్యంలో ఉన్నాడు. రెండో స్థానం నుంచి ఆరంభించిన హామిల్టన్‌ 13వ ల్యాప్‌లో బొటాస్‌ను ఓవర్‌టేక్‌ చేసి ఆధిక్యంలోకి వెళ్లాడు. బొటాస్‌ 18వ ల్యాప్‌లో రేసు నుంచి తప్పుకోగా... అటునుంచి ఈ బ్రిటన్‌ డ్రైవర్‌ వెనుదిరిగి చూడలేదు. వెర్‌స్టాపెన్‌ (రెడ్‌బుల్‌) రెండో స్థానంలో, రికియార్డో (రెనౌ) మూడో స్థానంలో నిలిచారు.    తన తండ్రి రికార్డును సమం చేసిన హామిల్టన్‌కు షుమాకర్‌ తనయుడు మిక్‌ ఓ జ్ఞాపిక ఇచ్చాడు. షుమాకర్‌ తన కెరీర్‌ చివరి సీజన్‌ (2012)లో ఉపయోగించిన హెల్మెట్‌ను హామిల్టన్‌కు మిక్‌ బహుమతిగా ఇచ్చాడు. మరోవైపు ఈ రేసులో బరిలోకి దిగడం ద్వారా ప్రపంచ మాజీ చాంపియన్‌ కిమీ రైకోనెన్‌ (ఆల్ఫా రోమియో) అత్యధికంగా 323 ఎఫ్‌1 రేసుల్లో పాల్గొన్న డ్రైవర్‌గా రికార్డు నెలకొల్పాడు. 322 రేసులతో బారికెల్లో (బ్రెజిల్‌) పేరిట ఉన్న రికార్డును రైకోనెన్‌ బద్దలు కొట్టాడు.

నూర్‌బర్గ్‌ (జర్మనీ): మెర్సిడెస్‌ డ్రైవర్లు మరోసారి సత్తా చాటారు. వరుసగా 11వ రేసులోనూ ‘పోల్‌ పొజిషన్‌’ను సొంతం చేసుకున్నారు. శనివారం జరిగిన ఫార్ములా వన్‌ (ఎఫ్‌1) ఐఫెల్‌ గ్రాండ్‌ప్రి క్వాలిఫయింగ్‌ సెషన్‌లో వాల్తెరి బొటాస్‌... అందరికంటే వేగంగా ల్యాప్‌ను ఒక నిమిషం 25.269 సెకన్లలో పూర్తి చేసి ‘పోల్‌ పొజిషన్‌’ను దక్కించుకున్నాడు. తాజా సీజన్‌లో బొటాస్‌కు ఇది మూడో ‘పోల్‌’ కావడం విశేషం. తద్వారా ఆదివారం జరిగే ప్రధాన రేసును అతడు తొలి స్థానం నుంచి ఆరంభించనున్నాడు. మరో వైపు ఎఫ్‌1 దిగ్గజం మైకేల్‌ షుమాకర్‌ పేరిట ఉన్న అత్యధిక గ్రాండ్‌ ప్రి విజయాల (91 టైటిల్స్‌) రికార్డును సమం చేయడానికి చూస్తోన్న లూయిస్‌ హామిల్టన్‌... ల్యాప్‌ను 0.256 సెకన్లు వెనుకగా పూర్తి చేసి రెండో స్థానంలో నిలిచాడు. రెడ్‌బుల్‌ డ్రైవర్‌ మ్యాక్స్‌ వెర్‌స్టాపెన్‌ మూడో స్థానంలో నిలిచాడు. అనారోగ్యంతో రేసిం గ్‌ పాయింట్‌ డ్రైవర్‌ లాన్స్‌ స్ట్రోల్‌ ఐఫెల్‌ గ్రాండ్‌ప్రి క్వాలిఫయింగ్‌ సెషన్‌తో పాటు ప్రధాన రేసుకు కూడా దూరమయ్యాడు. దాంతో అతడి స్థానాన్ని నికో హల్కెన్‌బర్గ్‌ (జర్మనీ)తో రేసింగ్‌ పాయింట్‌ టీమ్‌ భర్తీ చేసింది. క్వాలిఫయింగ్‌ సెషన్‌లో హల్కెన్‌బర్గ్‌ 20వ స్థానంలో నిలిచి రేసును అందరికంటే చివరగా ఆరంభించనున్నాడు. సీజన్‌ ఆరంభంలో హల్కెన్‌బర్గ్‌ రేసింగ్‌ పాయింట్‌ తరఫున పాల్గొన్నాడు.

సోచి: ఫార్ములావన్‌ రేసింగ్‌ చరిత్రలో అత్యధిక విజయాలు సాధించిన మైకేల్‌ షుమాకర్‌ (91 టైటిల్స్‌) పేరిట ఉన్న రికార్డును సమం చేయడానికి మెర్సిడెస్‌ జట్టు డ్రైవర్‌ లూయిస్‌ హామిల్టన్‌ మరింత చేరువయ్యాడు. శనివారం జరిగిన రష్యా గ్రాండ్‌ప్రి క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ఒక నిమిషం 31.304 సెకన్లలో ల్యాప్‌ను పూర్తి చేశాడు. ఆదివారం జరిగే ప్రధాన రేసును ‘పోల్‌ పొజిషన్‌’తో ప్రారంభించే అవకాశాన్ని దక్కించుకున్నాడు. ఈ సీజన్‌లో హామిల్టన్‌కు పోల్‌ పొజిషన్‌ దక్కడం ఎనిమిదోసారి కావడం విశేషం. ఈ ఏడాది ఆరు టైటిల్స్‌ నెగ్గిన బ్రిటన్‌ డ్రైవర్‌ హామిల్టన్‌ రష్యా గ్రాండ్‌ప్రిలోనూ నెగ్గితే 91వ టైటిల్‌తో షుమాకర్‌ రికార్డును సమం చేస్తాడు. వెర్‌స్టాపెన్‌ (రెడ్‌బుల్‌) రెండో స్థానం నుంచి... బొటాస్‌ (మెర్సిడెస్‌) మూడో స్థానం నుంచి రేసును మొదలుపెడతారు.

టస్కన్‌ (ఇటలీ): సొంతగడ్డపై విఖ్యాత మోటార్‌ రేసింగ్‌ జట్టు ఫెరారీ చరిత్ర పుటల్లోకి ఎక్కనుంది. ఫార్ములావన్‌ (ఎఫ్‌1) చరిత్రలో 1000 రేసుల్లో పాల్గొన్న తొలి జట్టుగా ఫెరారీ సంస్థ నేడు రికార్డు సృష్టించనుంది. ఇటలీలోని టస్కన్‌ పట్టణంలో నేడు జరిగే టస్కన్‌ గ్రాండ్‌ప్రి ప్రధాన రేసును ఫెరారీ జట్టు డ్రైవర్లు చార్లెస్‌ లెక్‌లెర్క్‌ 5వ స్థానం నుంచి... ప్రపంచ మాజీ చాంపియన్‌ సెబాస్టియన్‌ వెటెల్‌ 14వ స్థానం నుంచి ప్రారంభించనున్నారు. 1950లో ఎఫ్‌1 మొదలైనప్పటి నుంచి ఇప్పటివరకు ఈ క్రీడలో ఫెరారీ కొనసాగుతోంది. ఇప్పటి వరకు 999 రేసుల్లో పాల్గొన్న ఫెరారీ జట్టు డ్రైవర్లు 238 రేసుల్లో విజేతగా నిలిచారు. ఎఫ్‌1 క్రీడలో అత్యధిక టైటిల్స్‌ నెగ్గిన జట్టుగా ఫెరారీకే గుర్తింపు ఉంది. విఖ్యాత డ్రైవర్‌ మైకేల్‌ షుమాకర్‌ పదేళ్లపాటు (1996–2006) ఫెరారీ జట్టుకు ప్రాతినిధ్యం వహించి ఆ జట్టుకు 72 విజయాలు అందించాడు. 871 రేసులతో ఫెరారీ జట్టు తర్వాత మెక్‌లారెన్‌ (బ్రిటన్‌) జట్టు రెండో స్థానంలో ఉంది. మెక్‌లారెన్‌ జట్టు డ్రైవర్లు 182 రేసుల్లో విజయం సాధించారు. శనివారం జరిగిన క్వాలిఫయింగ్‌ సెషన్‌లో మెర్సిడెస్‌ జట్టు డ్రైవర్‌ లూయిస్‌ హామిల్టన్‌ మరోసారి అదరగొట్టాడు. అందరికంటే వేగంగా ల్యాప్‌ను ఒక నిమిషం 15.144 సెకన్లలో ముగించి కెరీర్‌లో 95వ సారి, ఈ సీజన్‌లో ఏడోసారి ‘పోల్‌ పొజిషన్‌’ను సంపాదించాడు. మెర్సిడెస్‌కే చెందిన బొటాస్‌ రెండో స్థానం నుంచి రేసును ప్రారంభిస్తాడు.

మోంజా (ఇటలీ): వేదిక మారినా... ట్రాక్‌ ఏదైనా... తన ఆధిపత్యాన్ని చాటుకుంటూ... రయ్‌ రయ్‌మంటూ దూసుకెళ్తున్న మెర్సిడెస్‌ జట్టు డ్రైవర్‌ లూయిస్‌ హామిల్టన్‌ ఈ సీజన్‌లో ఆరోసారి ‘పోల్‌ పొజిషన్‌’ సాధించాడు. శనివారం జరిగిన ఇటలీ గ్రాండ్‌ప్రి క్వాలిఫయింగ్‌ సెషన్‌లో హామిల్టన్‌ అందరికంటే వేగంగా ఒక నిమిషం 18.887 సెకన్లలో ల్యాప్‌ను పూర్తి చేశాడు. తద్వారా ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని దక్కించుకున్నాడు. ఈ సీజన్‌లో ఆస్ట్రియా, హంగేరి, బ్రిటిష్‌ గ్రాండ్‌ప్రిలలో వరుసగా... మళ్లీ స్పెయిన్, బెల్జియం, ఇటలీ గ్రాండ్‌ప్రిలలో వరుసగా హామిల్టన్‌కు ‘పోల్‌ పొజిషన్‌’ దక్కడం విశేషం. ఓవరాల్‌గా హామిల్టన్‌ కెరీర్‌లో ఇది 94వ పోల్‌ పొజిషన్‌. మెర్సిడెస్‌కే చెందిన బొటాస్‌ రెండో స్థానం నుంచి, మెక్‌లారెన్‌ డ్రైవర్‌ కార్లోస్‌ సెయింజ్‌ మూడో స్థానం నుంచి రేసును ఆరంభిస్తారు. ఫెరారీ జట్టు డ్రైవర్లు 1984 తర్వాత తొలిసారి సొంతగడ్డపై టాప్‌–10లో లేకుండా రేసును ప్రారంభించనున్నారు. 

సిల్వర్‌స్టోన్‌ (ఇంగ్లండ్‌): మరోసారి మెర్సిడెస్‌ జట్టు డ్రైవర్లు తమ సత్తా చాటుకున్నారు. వరుసగా ఐదో రేసులోనూ ‘పోల్‌ పొజిషన్‌’ను సాధించారు. శనివారం జరిగిన ఫార్ములావన్‌ (ఎఫ్‌1) 70వ వార్షికోత్సవ గ్రాండ్‌ ప్రి క్వాలిఫయింగ్‌ సెషన్‌లో మెర్సిడెస్‌ జట్టు డ్రైవర్‌ వాల్తెరి బొటాస్‌ ‘పోల్‌ పొజిషన్‌’ దక్కించుకున్నాడు. బొటాస్‌ అందరికంటే వేగంగా ఒక నిమిషం 25.154 సెకన్లలో ల్యాప్‌ను పూర్తి చేసి... ఆదివారం జరిగే ప్రధాన రేసును తొలి స్థానం నుంచి ప్రారంభించే అవకాశాన్ని దక్కించుకున్నాడు. హామిల్టన్‌ రెండో స్థానం నుంచి రేసును ఆరంభిస్తాడు. రేసింగ్‌ పాయింట్‌ జట్టు సబ్‌స్టిట్యూట్‌ డ్రైవర్‌ నికో హుల్కెన్‌బర్గ్‌ మూడో స్థానంలో నిలువడం విశేషం. రేసింగ్‌ పాయింట్‌ రెగ్యులర్‌ డ్రైవర్‌ సెర్గియో పెరెజ్‌కు కరోనా సోకడంతో హుల్కెన్‌బర్గ్‌కు అవకాశం దక్కింది. గత ఆదివారం జరిగిన బ్రిటిష్‌ గ్రాండ్‌ప్రిలో హుల్కెన్‌బర్గ్‌ పాల్గొన్నా ప్రధాన రేసు మొదలయ్యే సమయానికి కారులో సాంకేతిక సమస్య తలెత్తడంతో అతను ట్రాక్‌పైకి రాకుండానే వైదొలిగాడు. తన కెరీర్‌లో 177 రేసుల్లో పాల్గొన్న హుల్కెన్‌బర్గ్‌ ఏనాడూ టాప్‌–3లో నిలువలేకపోయాడు. ఎఫ్‌1 మొదలై ఏడు దశాబ్దాలు పూర్తయిన సందర్భంగా ఎఫ్‌1 తొలి రేసు వేదిక సిల్వర్‌స్టోన్‌ సర్క్యూట్‌లో ఈ రేసును నిర్వహిస్తున్నారు. ఈ సీజన్‌లో తొలి రేసులో బొటాస్‌ ‘పోల్‌’ పొందగా... మెర్సిడెస్‌ జట్టుకే చెందిన హామిల్టన్‌ తర్వాతి మూడు రేసుల్లో ‘పోల్‌ పొజిషన్‌’ సాధించాడు.   నేటి ప్రధాన రేసు గ్రిడ్‌ పొజిషన్స్‌: 1. బొటాస్‌ (మెర్సిడెస్‌), 2. హామిల్టన్‌ (మెర్సిడెస్‌), 3. నికో హుల్కెన్‌బర్గ్‌ (రేసింగ్‌ పాయింట్‌), 4. మాక్స్‌ వెర్‌స్టాపెన్‌ (రెడ్‌బుల్‌), 5. రికియార్డో (రెనౌ), 6. లాన్స్‌ స్ట్రాల్‌ (రేసింగ్‌ పాయింట్‌), 7. పియరీ గాస్లే (అల్ఫా టౌరి), 8. చార్లెస్‌ లెక్‌లెర్క్‌ (ఫెరారీ), 9. అలెగ్జాండర్‌ అల్బోన్‌ (రెడ్‌బుల్‌), 10. లాండో నోరిస్‌ (మెక్‌లారెన్‌), 11. ఎస్తెబన్‌ ఒకాన్‌ (రెనౌ), 12. వెటెల్‌ (ఫెరారీ), 13. కార్లోస్‌ సెయింజ్‌ (మెక్‌లారెన్‌), 14. గ్రోస్యెన్‌ (హాస్‌), 15. జార్జి రసెల్‌ (విలియమ్స్‌), 16. డానిల్‌ క్వియాట్‌ (అల్ఫా టౌరి), 17. మాగ్నుసెన్‌ (హాస్‌), 18. నికోలస్‌ లతీఫి (విలియమ్స్‌), 19. గియోవినాజి (అల్ఫా రోమియో), 20. రైకోనెన్‌ (అల్ఫా రోమియో).

సిల్వర్‌స్టోన్‌: నిబంధనలకు విరుద్ధంగా... ప్రత్యర్థి కారుతో పోలి ఉన్న పరికరాలను వాడుతూ ఫార్ములావన్‌ (ఎఫ్‌1) సీజన్‌లో పోటీపడుతున్న రేసింగ్‌ పాయింట్‌ జట్టుపై అంతర్జాతీయ ఆటోమొబైల్‌ సమాఖ్య (ఎఫ్‌ఐఏ) 4 లక్షల యూరోలు (రూ. 3 కోట్ల 54 లక్షలు) జరిమానా విధించింది. దాంతోపాటు కన్‌స్ట్రకర్స్‌ చాంపియన్‌షిప్‌లో ఆ జట్టు ఖాతాలో నుంచి 15 పాయింట్లు తొలగించింది. ప్రపంచ చాంపియన్‌ లూయిస్‌ హామిల్టన్, అతని సహచరుడు వాల్తెరి బొటాస్‌ సభ్యులుగా ఉన్న మెర్సిడెస్‌ జట్టు వాడుతున్న బ్రేక్‌ డక్ట్‌లను రేసింగ్‌ పాయింట్‌ జట్టు గత మూడు రేసుల్లో వాడిందని రెనౌ జట్టు స్టీవార్డ్స్‌కు ఫిర్యాదు చేసింది. ఈ అంశంపై  విచారించిన స్టీవార్డ్స్‌ రెనౌ ఫిర్యాదులో నిజం ఉందని తేలుస్తూ రేసింగ్‌ పాయింట్‌ జట్టును హెచ్చరించి జరిమానా విధించడంతోపాటు పాయింట్లను తీసివేసింది. ప్రస్తుత ఫార్ములావన్‌ సీజన్‌లో నాలుగు రేసులు ముగిశాక కన్‌స్ట్రక్టర్స్‌ చాంపియన్‌షిప్‌ విభాగంలో రేసింగ్‌ పాయింట్‌ జట్టు 42 పాయింట్లతో ఐదో స్థానంలో ఉండగా... 10 పాయింట్లతో రెనౌ జట్టు ఆరో స్థానంలో ఉంది.