Prabhas:హైదరాబాద్‌లో జరుగుతున్నందుకు గర్వంగా ఉంది: ప్రభాస్

Hero Prabhas Congratulates KTR For Formula E Race In Hyderabad - Sakshi

రెబల్ స్టార్ ప్రభాస్ మంత్రి కేటీఆర్‌కు కృతజ్ఞతలు తెలిపారు. హైదరాబాద్‌లో ఫార్ములా ఈ రేస్ జరగనుండటం పట్ల గర్వంగా ఉందన్నారు. ఈ రేస్ నిర్వహణకు కృషి చేసిన మంత్రి కేటీఆర్, తెలంగాణ ప్రభుత్వం, గ్రీన్‌ కో కంపెనీ సీఈవో అనిల్ చలం శెట్టిని ప్రభాస్ కొనియాడారు. ఈ కార్యక్రమం విజయవంతంగా పూర్తి చేయాలని ఆకాంక్షించారు. ఈ సందర్భంగా తన ఇన్‌స్టాలో ఓ వీడియోను రిలీజ్ చేశారు యంగ్ రెబల్ స్టార్ ప్రభాస్.  ఫిబ్రవరి 11న జరగనున్న గ్రీన్‌ కో హైదరాబాద్ ఈ ప్రిక్స్ ఈవెంట్ చరిత్రలో నిలిచిపోయేలా నిర్వహించాలని ఆశాభావం వ్యక్తం చేశారు.

కాగా..  ఫిబ్రవరి 11వ తేదీన ఫార్ములా ఈ వరల్డ్‌ ఛాంపియన్‌షిప్‌ జరుగనుంది. ఈ రేస్‌కు సంబంధించిన టికెట్లను ఇప్పటికే ఆన్‌లైన్‌లో అందుబాటులో ఉంచారు.  బుక్‌మై షోలో  టికెట్స్‌ను కొనుగోలు చేసుకోవాలని అధికారులు సూచించారు. 2023 హైదరాబాద్‌ ఈ ప్రిక్స్ (E-prix) పేరుతో ఈవెంట్‌ జరుపనున్నట్టు స్పష్టం చేశారు. కేటగిరిలా వారీగా ఫార్ములా ఈ వరల్డ్‌ ఛాంపియన్‌ రేసింగ్‌ టికెట్ల ధరలు ఉంటాయని తెలిపారు. రేసింగ్‌ టికెట్ల ధరలు.. రూ. 1000, రూ. 3,500, రూ. 6వేలు, రూ.10వేలుగా నిర్ణయించారు. 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top