అండర్ -19 వరల్డ్ కప్ అమెరికా క్వాలిఫయర్స్‌లో పెను సంచ‌ల‌నంం నమోదైంది. క్రికెట్ చ‌రిత్ర‌లో తొలిసారిగా ఓ జ‌ట్టు 5 బంతుల్లోనే మ్యాచ్‌ను ముగించింది. ఈ అరుదైన రికార్డును కెన‌డా అండ‌ర్‌-19 జ‌ట్టు త‌మ పేరిట లిఖించుకుంది. ఈ టోర్నీలో భాగంగా ఆదివారం రాత్రి పరమ్ వీర్స్ స్పోర్ట్స్ కాంప్లెక్స్ వేదిక‌గా అర్జెంటీనా అండ‌ర్‌-19, కెన‌డా అండ‌ర్‌-19 జ‌ట్లు త‌ల‌ప‌డ్డాయి.ఈ మ్యాచ్‌లో టాస్ గెలిచిన అర్జెంటీనా కెప్టెన్ తొలుత బ్యాటింగ్ చేయాల‌ని నిర్ణ‌యించుకున్నాడు. అయితే కెప్టెన్ నిర్ణ‌యానికి అర్జెంటీనా జ‌ట్టు ఏ మాత్రం న్యాయం చేయ‌లేక‌పోయింది. తొలుత బ్యాటింగ్‌కు దిగిన అర్జెంటీనా.. కెన‌డా బౌల‌ర్ల ధాటికి 19.4 ఓవర్లలో కేవలం 23 ప‌రుగుల‌కే కుప్ప‌కూలింది. కెనడా పేస‌ర్ జగ్మన్‌దీప్ పాల్ 6 వికెట్ల ప‌డ‌గొట్టి ప్ర‌త్య‌ర్ధి ప‌తనాన్ని శాసించాడు. అత‌డితో పాటు డొమినిక్ డైన్‌స్టర్, క్రిష్ మిశ్రా త‌లా రెండు వికెట్లు సాధించారు. అర్జెంటీనా బ్యాటర్లలో ఒక్కరంటే ఒక్కరూ రెండంకెల స్కోర్ చేయలేకపోయారు. టొమోస్ ర‌స్సీ(6) టాప్ స్కోర‌ర్‌గా నిలిచాడు. అనంత‌రం 23 ప‌రుగుల స్వ‌ల్ప ల‌క్ష్యాన్ని కెనడా కేవ‌లం 5 బంతుల్లోనే చేధించింది. ఓపెనర్ ధర్మ్ పటేల్ (1 నాటౌట్) తొలి బంతికి సింగిల్ తీయగా.. మరో ఓపెనర్ యువరాజ్ సమ్రా(22 నాటౌట్) నాలుగు బంతుల్లో రెండు ఫోర్లు, రెండు సిక్సర్లతో మ్యాచ్‌ను ముగించాడు.కాగా యూత్ వ‌న్డే క్రికెట్‌లో అత్యల్ప స్కోర్ రికార్డు మాత్రం స్కాట్లాండ్ పేరిట ఉంది. 2004 అండ‌ర్‌-19 వ‌ర‌ల్డ్‌క‌ప్‌లో ఆస్ట్రేలియాపై స్కాట్లాండ్ 22 ప‌రుగుల‌కే కుప్ప‌కూలింది. ఈ స్వల్ప లక్ష్యాన్ని ఆసీస్ 3.5 ఓవర్లలో ఛేదించింది.చదవండి: Jos Buttler: తండ్రి మ‌ర‌ణం.. స్టార్ క్రికెట‌ర్ భావోద్వేగం

అండ‌ర్‌-19 వ‌ర‌ల్డ్ క‌ప్ 2026 క్వాలిఫ‌య‌ర్స్‌కు న‌మీబియా క్రికెట్ బోర్డు 14 మంది స‌భ్యుల‌తో కూడిన త‌మ జ‌ట్టును ప్ర‌క‌టించింది. ఈ జ‌ట్టు కెప్టెన్‌గా ఫాఫ్‌ డుప్లెసిస్ ఎంపిక‌య్యాడు. అవును మీరు విన్నది నిజ‌మే. దక్షిణాఫ్రికా మాజీ సార‌థి ఫాఫ్‌ డుప్లెసిస్ న‌మీబియా అండ‌ర్‌-19 కెప్టెన్‌గా ఎలా ఎంపిక‌య్యాడ‌ని ఆలోచిస్తున్నారా? అయితే మీరు అనుకుంటున్న‌ట్లు ఆ డుప్లెసిస్ .. ఈ డుప్లెసిస్ ఒకరు కాదు. ఒకే పేరుతో ఉన్న‌ప్ప‌టికి ఈ ఇద్ద‌రు క్రికెట‌ర్లు వేర్వేరు.17 ఏళ్ల డుప్లెసిస్ దేశవాళీ టోర్నీల్లో మెరుగ్గా రాణించి న‌మీబియా కెప్టెన్‌గా నియమితుడయ్యాడు. అయితే సౌతాఫ్రికా మాజీ కెప్టెన్ మాదిరిగానే ఈ ఫాఫ్ డుప్లెసిస్ కూడా రైట్ హ్యాండ్‌​ బ్యాటరే కావడం గమనార్హం. ఈ డుప్లెసిస్ లెగ్ బ్రేక్ బౌలింగ్ కూడా చేయగలడు. ఇక సీనియర్ డుప్లెసిస్ విషయానికి వస్తే.. ఐపీఎల్‌-2025లో ఢిల్లీ క్యాపిటల్స్ జట్టుకు ప్రాతినిథ్యం వహించేందుకు సిద్దమవుతున్నాడు. ఇప్పటికే ఢిల్లీ జట్టుతో కలిసిన డుప్లెసిస్‌.. నెట్స్‌లో తీవ్రంగా శ్రమిస్తున్నాడు. ఈ ఏడాది ఐపీఎల్‌ సీజన్‌లో ఢిల్లీ క్యాపిటల్స్ తమ మొదటి మ్యాచ్‌లో మార్చి 24న వైజాగ్ వేదిక‌గా ల‌క్నో సూపర్‌జెయింట్స్‌తో త‌ల‌ప‌డ‌నుంది.వ‌ర‌ల్డ్‌క‌ప్‌లో ఆడ‌డ‌మే ల‌క్ష్యంగా.. కాగా జింబాబ్వే వేదిక‌గా జ‌ర‌గ‌నున్న అండ‌ర్‌-19 వ‌ర‌ల్డ్ క‌ప్ 2026లో ఆడేందుకు న‌మీబియాకు ఇదొక సువర్ణ అవకాశం. నైజీరియాలోని లాగోస్‌లో జరగనున్న ప్రపంచ కప్ క్వాలిఫైయర్‌లో స‌త్తాచాటి ఈ మెగా టోర్నీకి ఆర్హ‌త సాధించాల‌ని ఈ ఆఫ్రికా జ‌ట్టు ప‌ట్టుద‌ల‌తో ఉంది. డివిజన్ 1 క్వాలిఫైయర్‌లలో సియెర్రా లియోన్, టాంజానియా, కెన్యా, నైజీరియా, ఉగాండా వంటి జట్లతో న‌మీబియా త‌ల‌ప‌డ‌నుంది. మార్చి 28 నుంచి డివిజన్ 1 క్వాలిఫైయర్ మ్యాచ్‌లు ప్రారంభం కానున్నాయి. ఈ రౌండ్‌లో గెలిచిన జ‌ట్టు నేరుగా 2026 అండ‌ర్‌-19 ఆఫ్రికా ఉప‌ఖండం త‌ర‌పున‌ ప్రపంచ‌క‌ప్‌కు ఆర్హ‌త సాధిస్తారు.నమీబియా జట్టు: ఫాఫ్ డుప్లెసిస్‌(కెప్టెన్‌), అడ్రియన్ కోయెట్జీ, బెన్ బ్రాసెల్, డాన్ బ్రాసెల్, ఎరిక్ లింట్‌వెల్ట్, హెన్రీ గ్రాంట్, జాంకో ఎంగెల్‌బ్రెచ్ట్, జునియన్ తనయాండా, లియామ్ బెసన్, లుకా మైకెలో, మాక్స్ హెంగో, రోవాన్ వాన్ వురెన్, టియాన్ వాన్ డెర్ మెర్వే, వాల్డో స్మిత్.చదవండి: IPL 2025: రాజస్థాన్‌ రాయల్స్‌ కెప్టెన్‌గా రియాన్‌ పరాగ్‌.. అఫీషియల్‌ అప్‌డేట్‌

మ‌హిళ‌ల అండ‌ర్‌-19 టీ20 ప్ర‌పంచ‌క‌ప్‌లో తెలుగు అమ్మాయి గొంగ‌డి త్రిష(gongadi trisha) అద్బుత‌మైన ప్ర‌ద‌ర్శ‌న క‌న‌బ‌రిచిన సంగ‌తి తెలిసిందే. త‌న ఆల్‌రౌండ్ ప్ర‌ద‌ర్శ‌న‌తో భార‌త్‌కు వ‌రుస‌గా రెండోసారి వ‌ర‌ల్డ్‌క‌ప్ టైటిల్‌ను త్రిష అందించింది. ఏడు ఇన్నింగ్స్‌‌లలో 309 పరుగులు చేసి ప్లేయ‌ర్ ఆఫ్‌ది టోర్నీగా త్రిష నిలిచింది.అంతేకాకుండా బౌలింగ్‌లోనూ తొమ్మిది వికెట్ల‌తో త్రిష సత్తా చాటింది. ఇక భార‌త్‌ వ‌ర‌ల్డ్‌క‌ప్‌ను సొంతం చేసుకోవ‌డంలో కీల‌క పాత్ర పోషించిన త్రిష సోమ‌వారం ఆర్ద రాత్రి హైదరాబాద్‌లోని శంషాబాద్ ఎయిర్ పోర్టులో అడుగుపెట్టింది. స్వదేశానికి చేరుకున్న త్రిషకు హైద‌రాబాద్ క్రికెట్ అసోసియేష‌న్ (హెచ్‌సీఏ) అధ్య‌క్షుడు జ‌గ‌న్మోహ‌న్ రావు ఘన స్వాగ‌తం ప‌లికారు. త్రిషతో పాటు ద్రితి కేసరి,టీమ్ హెడ్ కోచ్ నూసిన్, ఫిట్నెస్ ట్రైనర్ శాలిని కూడా తమ హైదరాబాద్‌కు చేరుకున్నారు. ఈ సందర్భంగా మీడియాతో త్రిష మాట్లాడారు."అండర్ 19 వరల్డ్ కప్‌లో మేం పడ్డ కష్టానికి ప్రతిఫలం దక్కింది. ఇక నుంచి మరింత కష్టపడి సీనియర్ టీమ్‌లో చోటు సాధించడమే లక్ష్యంగా పెట్టుకుంటాను. వరల్డ్‌కప్ మెగా టోర్నీలో ఆడుతున్నప్పటికి నేను ఎలాంటి ఒత్తిడిని తీసుకోలేదు. ప్రతీ మ్యాచ్‌లో నా పాత్రపై మాత్రమే దృష్టి పెట్టాను అని త్రిష పేర్కొంది.మరోవైపు తన సహచర ప్లేయర్ ద్రితిపై త్రిష ప్రశంసల వర్షం కురిపించింది. "ద్రితి అద్భుతమైన ప్లేయర్‌. కానీ జట్టు కూర్పు వల్ల ఆమెకు ఈసారి ఆడే అవకాశం లభించలేదు. కానీ కచ్చితంగా భవిష్యత్తులో ఆమె అద్భుతాలు సృష్టిస్తుందని" త్రిష కొనియాడింది.ద్రితి మాట్లాడుతూ.. "తొలుత ప్లేయింగ్ ఎలెవన్‌లో చోటు దక్కకపోవడం కాస్త బాధగా అన్పించింది. కానీ రెండు మ్యాచ్‌ల తర్వాత దేశం కోసమే ఆలోచించాను. భారత్‌కు వరల్డ్‌కప్ అందించిన టీమ్‌లో నేను భాగం కావడం చాలా గర్వంగా ఉంది. భవిష్యత్తులో అద్బుతంగా రాణిస్తాన్న నమ్మకం నాకు ఉంది. ఈ టోర్నీలో త్రిష​ తీవ్రంగా శ్రమించింది" అని చెప్పుకొచ్చారు.చదవండి: ఇంగ్లండ్‌తో తొలి వన్డే.. సచిన్‌ వరల్డ్‌ రికార్డుపై కన్నేసిన కోహ్లిGongadi Trisha, the Player of the Tournament, of #U19T20WorldCup receives a grand welcome at #Hyderabad Airport.HCA President Jagan Mohan Rao extended a grand welcome to the Women's Under-19 T20 World Cup star cricketers #GongadiTrisha, Drithi Kesari, Head Coach Nooshin and… pic.twitter.com/4P4yup74L4— Surya Reddy (@jsuryareddy) February 4, 2025

అండర్‌–19 మహిళల టీ20 ప్రపంచకప్‌ను వరుసగా రెండోసారి సాధించిన భారత జట్టులోని పలువురు ప్లేయర్లకు అంతర్జాతీయ క్రికెట్‌ మండలి (ఐసీసీ) టీమ్‌లో చోటు దక్కింది. ఆదివారం జరిగిన టైటిల్‌ పోరులో నికీ ప్రసాద్‌ నేతృత్వంలోని భారత అమ్మాయిల జట్టు తొమ్మిది వికెట్ల తేడాతో దక్షిణాఫ్రికాపై జయభేరి మోగించిన సంగతి తెలిసిందే. ఈ టోర్నీ ఆసాంతం విశేషంగా రాణించిన తెలంగాణ స్టార్‌ ఓపెనర్‌ గొంగడి త్రిష సహా మొత్తం నలుగురు భారత క్రికెటర్లకు ఐసీసీ ‘టీమ్‌ ఆఫ్‌ ద టోర్నమెంట్‌’లో స్థానం లభించింది. త్రిష ఓపెనింగ్‌ భాగస్వామి కమలిని, లెఫ్టార్మ్‌ స్పిన్‌ ద్వయం వైష్ణవి శర్మ, ఆయుశి శుక్లాలు కూడా ఐసీసీ ఎంపిక చేసిన జట్టులో ఉన్నారు. హార్డ్‌ హిట్టర్‌ త్రిష ఈ టోర్నీ చరిత్రలోనే తొలి సెంచరీ సహా 309 పరుగులు చేసింది. లెగ్‌స్పిన్‌తో 7 వికెట్లను కూడా పడగొట్టింది. ఆమెతో జోడీగా దిగిన కమలిని 143 పరుగులు చేసింది. ఇంగ్లండ్‌తో జరిగిన సెమీఫైనల్లో కమలిని (50 బంతుల్లో 56 నాటౌట్‌) అజేయ అర్ధసెంచరీతో ఆకట్టుకుంది. భారత స్పిన్నర్లలో ఆయుశి 14 వికెట్లను చేజిక్కించుకోగా, వైష్ణవి 17 వికెట్లతో టోర్నీలోనే అగ్రస్థానంలో ఉంది. మలేసియాపై ‘హ్యాట్రిక్‌’తో ఆమె (5/5) అత్యుత్తమ గణాంకాలు నమోదు చేసింది. ఐసీసీ టీమ్‌ ఆఫ్‌ ద టోర్నీ: కైలా రేనెకె (కెప్టెన్‌; దక్షిణాఫ్రికా), జెమ్మా బోతా (దక్షిణాఫ్రికా), త్రిష, కమలిని, ఆయుశి శుక్లా, వైష్ణవి శర్మ (భారత్‌), డేవినా పెరిన్, కేటీ జోన్స్‌ (ఇంగ్లండ్‌), కావొంహె బ్రే (ఆ్రస్టేలియా), చమొది ప్రబొద (శ్రీలంక), పూజ మహతో (నేపాల్‌), 12వ ప్లేయర్‌: ఎన్‌తబిసెంగ్‌ నిని (దక్షిణాఫ్రికా).చదవండి: అదరగొడుతున్న ‘అభి’

మహిళ‌ల అండర్‌ 19 టీ20 ప్రపంచకప్‌ 2025 ఛాంపియ‌న్స్‌గా భార‌త జ‌ట్టు నిలిచిన సంగ‌తి తెలిసిందే. ఆదివారం జ‌రిగిన ఫైన‌ల్లో దక్షిణాఫ్రికాను 9 వికెట్ల తేడాతో ఓడించిన భార‌త్‌.. వ‌రుసగా రెండోసారి అండర్‌–19 టి20 ప్రపంచకప్ టైటిల్‌ను కైవ‌సం చేసుకుంది.ఫైన‌ల్ మ్యాచ్‌లో తెలుగమ్మాయి గొంగడి త్రిష ఆల్‌రౌండ్ షో అద‌ర‌గొట్టింది. తొలుత బౌలింగ్‌లో మూడు వికెట్లు ప‌డ‌గొట్టిన త్రిష‌.. అనంత‌రం బ్యాటింగ్‌లోనూ 44(నాటౌట్‌) స‌త్తాచాటింది. ఫ‌లితంగా ద‌క్షిణాఫ్రికా నిర్ధేశించిన 83 ప‌రుగుల స్వ‌ల్ప ల‌క్ష్యాన్ని భారత్.. 11.2 ఓవర్లలోనే ఊదిప‌డేసింది.బీసీసీఐ భారీ న‌జ‌రానా..ఇక వ‌రుస‌గా రెండోసారి వ‌ర‌ల్డ్ ఛాంపియ‌న్స్‌గా నిలిచిన భారత జట్టుకు భారత క్రికెట్‌ నియంత్రణ మండలి (బీసీసీఐ) భారీ నజరానా ప్రకటించింది. విజేత జట్టుకు రూ. 5 కోట్ల నగదు బహుమతి ఇవ్వనున్నట్లు ఆదివారం బోర్డు వెల్లడించింది. ‘విశ్వ విజేతలకు శుభాకాంక్షలు. అండర్‌–19 ప్రపంచకప్‌ టైటిల్‌ నిలబెట్టుకున్న జట్టు సభ్యులకు నగదు బహుమతి ఇవ్వాలని నిర్ణయించాం.రెండోసారి వరల్డ్‌కప్‌ గెలిచిన జట్టు, సహాయక సిబ్బంది రూ. 5 కోట్లు అందిస్తాం’ అని బీసీసీఐ ఒక ప్రకటనలో తెలిపింది. ఒక్క మ్యాచ్‌లోనూ ఓడిపోకుండా టైటిల్‌ గెలిచిన భారత జట్టుకు హైదరాబాద్‌కు చెందిన నౌషీన్‌ అల్‌ ఖదీర్‌ హెడ్‌ కోచ్‌గా వ్యవహరించింది. ఈ విజయం దేశంలో మహిళల క్రికెట్‌ ప్రాధాన్యత మరింత పెంచుతుందని బోర్డు అధ్యక్షుడు రోజర్‌ బిన్నీ అన్నారు.జట్టంతా సమష్టిగా రాణించడంతోనే ఈ ప్రదర్శన సాధ్యమైందని బీసీసీఐ కార్యదర్శి దేవజిత్‌ సైకియా అన్నారు. 2023లో తొలిసారి జరిగిన అండర్‌–19 టి20 ప్రపంచకప్‌ గెలిచిన భారత జట్టుకు కూడా అప్పట్లో బోర్డు రూ. 5 కోట్ల నజరానా అందించింది.చదవండి: IND vs ENG: చరిత్ర సృష్టించిన అభిషేక్‌​.. ప్రపంచంలోనే తొలి ప్లేయర్‌గా

ఐసీసీ మహిళల అండర్‌–19 ప్రపంచకప్‌ ఆసాంతం రాణించిన భారత జట్టు... డిఫెండింగ్‌ చాంపియన్‌ హోదాకు న్యాయం చేస్తూ సంపూర్ణ ఆధిపత్యంతో వరుసగా రెండోసారి జగజ్జేతగా ఆవిర్భవించింది. ప్రత్యర్థికి పైచేయి సాధించే అవకాశం కాదు కదా... కనీసం కోలుకునే చాన్స్‌ కూడా ఇవ్వకుండా చెలరేగిపోయింది. వరల్డ్‌కప్‌ మొత్తం పరాజయం అన్నదే ఎరగకుండా ముందుకు సాగిన యువ భారత్‌... ఎదురైన ప్రత్యర్థినల్లా చిత్తుచేస్తూ చాంపియన్‌గా నిలిచింది.ఫైనల్‌కు ముందు ఆడిన ఆరు మ్యాచ్‌ల్లో నాలుగింట ఛేజింగ్‌ చేసిన టీమిండియా... అన్నీ మ్యాచ్‌ల్లోనూ రెండు వికెట్లు కూడా కోల్పోకుండానే లక్ష్యాన్ని అధిగమించింది. తొలుత బ్యాటింగ్‌ చేసే చాన్స్‌ వస్తే దంచి కొట్టడం... బౌలింగ్‌ చేయాల్సి వస్తే ప్రత్యర్థిని కట్టిపడేయడం టోర్నీ మొత్తం ఇదే ప్రణాళిక అవలంబించి విజయవంతమైంది.బ్యాటింగ్‌లో తెలుగమ్మాయి గొంగడి త్రిష ఆకాశమే హద్దుగా చెలరేగితే... తమిళనాడు అమ్మాయి కమలిని ఆమెకు చక్కటి సహకారం అందించింది. బౌలింగ్‌లో స్పిన్‌ త్రయం వైష్ణవి శర్మ, ఆయుషి శుక్లా, పారుణిక సిసోడియా యువ భారత విజయాల్లో కీలక పాత్ర పోషించింది. మెగా టోర్నీలో మన యంగ్‌ ‘స్టార్ల’ ప్రదర్శనలను ఓసారి పరిశీలిస్తే... –సాక్షి క్రీడావిభాగం కమలిని కమాల్‌ టోర్నీలో ఓపెనర్‌గా బరిలోకి దిగిన తమిళనాడుకు చెందిన కమలిని 7 మ్యాచ్‌లాడి 143 పరుగులు చేసింది. అత్యధిక పరుగులు చేసిన జాబితాలో మూడో స్థానం దక్కించుకున్న కమిలిని 35.75 సగటుతో పరుగులు రాబట్టింది. అందులో 2 అర్ధశతకాలు ఉన్నాయి. లీగ్‌ దశలో పెద్దగా ఆకట్టుకోలేకపోయిన కమలిని ‘సూపర్‌ సిక్స్‌’లో స్కాట్లాండ్‌తో పోరులో 51 పరుగులు చేసి భారత విజయంలో కీలకపాత్ర పోషించింది. ఇక ఇంగ్లండ్‌తో సెమీఫైనల్లో దంచికొట్టిన కమలిని 56 పరుగులు చేసి అజేయంగా జట్టును ఫైనల్‌కు చేర్చింది. ఈ టోర్నీలో త్రిష విజృంభించడంతో ఆమె మెరుపుల ముందు కమలిని ప్రదర్శన మరుగున పడినా... జట్టుకు అవసరమైన ప్రతి సందర్భంలో ఈ తమిళనాడు వికెట్‌ కీపర్‌ రాణించింది. అండర్‌–19 ఆసియా కప్‌లోనూ ఆకట్టుకున్న కమలినిని మహిళల ప్రీమియర్‌ లీగ్‌ (డబ్ల్యూపీఎల్‌) ఫ్రాంచైజీ ముంబై ఇండియన్స్‌ రూ. 1 కోటీ 60 లక్షలకు కొనుగోలు చేసుకుంది. ఇంట్లో సోదరులను చూసి క్రికెట్‌ ఆడటం నేర్చుకున్న కమలిని కొంత కాలం తర్వాత ఆటనే కెరీర్‌గా ఎంచుకోవాలని భావించి తీవ్ర సాధన చేసింది. వచ్చిన ప్రతి అవకాశాన్ని అందిపుచ్చుకొని నిలకడగా రాణిస్తూ తనకంటూ ప్రత్యేక గుర్తింపు తెచ్చుకుంది. ఇక జాతీయ జట్టులో చోటు దక్కించుకోవడమే తదుపరి లక్ష్యంగా కమలిని ముందుకు సాగుతోంది. ‘సూపర్‌’ సనిక దక్షిణాఫ్రికాతో తుదిపోరులో ఫోర్‌ కొట్టి భారత జట్టును విజయతీరాలకు చేర్చిన సనిక చాల్కె కూడా... ఈ టోర్నీలో తనదైన ముద్ర వేసింది. వెస్టిండీస్‌తో జరిగిన టోర్నీ ఆరంభ పోరులో రైజింగ్‌ స్టార్‌ త్రిష త్వరగా అవుటైన సమయంలో అజేయంగా జట్టును గెలిపించిన ముంబైకి చెందిన సనిక... ఆ తర్వాత అవకాశం వచ్చిన ప్రతిసారి మెరుగైన ప్రదర్శనతో ఆకట్టుకుంది. దక్షిణాఫ్రికాతో తుదిపోరులోనూ ఓపెనర్‌ కమలిని తక్కువ స్కోరుకే వెనుదిరిగినా... త్రిషతో కలిసి చక్కటి భాగస్వామ్యం నమోదు చేసింది. వరల్డ్‌కప్‌లో వైస్‌కెపె్టన్‌గానూ వ్యవహరించిన సనిక... మున్ముందు కూడా ఇదే జోరు కొనసాగించాలనుకుంటున్నట్లు వెల్లడించింది. వైష్ణవి స్పిన్‌ మాయ మధ్యప్రదేశ్‌ గ్వాలియర్‌కు చెందిన వైష్ణవి శర్మ... తన లెఫ్టార్మ్‌ స్పిన్‌ మాయాజాలంతో భారత అండర్‌–19 జట్టు వరుసగా రెండోసారి ప్రపంచకప్‌ గెలవడంలో కీలక పాత్ర పోషించింది. టోర్నీ ఆసాంతం రాణించిన వైష్ణవి 17 వికెట్లతో ఈ జాబితాలో అగ్రస్థానంలో నిలిచింది. ఐసీసీ అండర్‌–19 వరల్డ్‌కప్‌ ఒక ఎడిషన్‌లో అత్యధిక వికెట్లు తీసిన బౌలర్‌గా వైష్ణవి రికార్డుల్లోకెక్కింది. మలేసియాలోపై హ్యాట్రిక్‌ సహా కేవలం 5 పరుగులే ఇచ్చి 5 వికెట్లు పడగొట్టిన వైష్ణవి... మరో మూడు మ్యాచ్‌ల్లో మూడేసి వికెట్లు పడగొట్టింది. బంగ్లాదేశ్‌పై 15 పరుగులిచ్చి 3 వికెట్లు తీసిన వైష్ణవి, స్కాట్లాండ్‌పై 5 పరుగులే ఇచ్చి 3 వికెట్లు ఖాతాలో వేసుకుంది. ‘సూపర్‌ సిక్స్‌’ దశలో స్కాట్లాండ్‌పై 23 పరుగులిచ్చి 3 వికెట్లు తీసిన ఈ మధ్యప్రదేశ్‌ స్పిన్నర్‌... ఇంగ్లండ్‌తో సెమీఫైనల్లో 23 పరుగులిచ్చి 2 వికెట్లు ఖాతాలో వేసుకుంది. దాదాపు ఆడిన ప్రతి మ్యాచ్‌లోనూ స్పిన్‌తో తనదైన ముద్రవేసిన వైష్ణవి శ్రీలంకపై మ్యాచ్‌లో 3 పరుగులిచ్చి ఒక వికెట్‌ పడగొట్టింది. పారుణిక ప్రతాపం భారత అండర్‌–19 జట్టు వరుసగా రెండోసారి ప్రపంచకప్‌ గెలవడంలో స్పిన్నర్లు కీలకపాత్ర పోషించగా... అందులో పారుణిక కూడా ఉంది. వైష్ణవి, ఆయుశికి తోడు తన లెఫ్టార్మ్‌ స్పిన్‌తో ఢిల్లీకి చెందిన పారుణిక సిసోడియా ప్రత్యరి్థని వణికించింది. 6 మ్యాచ్‌లాడిన పారుణిక 5.80 సగటుతో 10 వికెట్లు పడగొట్టింది. ఇంగ్లండ్‌తో సెమీఫైనల్లో 21 పరుగలిచ్చి 3 వికెట్లు పడగొట్టిన పారుణిక... ఫైనల్లో ప్రత్యరి్థని తన స్పిన్‌తో ఉక్కిరిబిక్కిరి చేసింది. 4 ఓవర్లలో కేవలం 6 పరుగులే ఇచ్చి 2 వికెట్లు తీసి... దక్షిణాఫ్రికా జట్టు భారీ స్కోరు వేయకుండా అడ్డుకట్ట వేసింది. ఆయుశి అదరహో ఒకవైపు తన స్పిన్‌తో వైష్ణవి ప్రత్యర్థులను బెంబేలెత్తిస్తుంటే... ఆమెకు ఆయుశీ శుక్లా తోడవడం అగ్నికి ఆజ్యం పోసినట్లయింది. గింగిరాలు తిరిగే బంతులతో బ్యాటర్లను తికమిక పెట్టిన ఆయుశి వరల్డ్‌కప్‌లో 7 మ్యాచ్‌లాడి 5.71 సగటుతో 14 వికెట్లు తీసి అత్యధిక వికెట్లు తీసిన బౌలర్ల జాబితాలో రెండో స్థానంలో నిలిచింది. స్కాట్లాండ్‌తో పోరులో 8 పరుగులే ఇచ్చి 4 వికెట్లు తీసిన ఆయుశి భారత విజయాల్లో కీలక పాత్ర పోషించింది. వైష్ణవి బౌలింగ్‌లోనైనా ప్రత్యర్థులు అడపాదడపా భారీ షాట్లు ఆడగలిగారు కానీ... ఆయుశి మాత్రం బ్యాటర్లను స్వేచ్ఛగా ఆడనివ్వకుండా కట్టిపడేసింది. వైవిధ్యమైన బంతులతో ఫలితం సాధించింది. వెస్టిండీస్‌పై 2 వికెట్లు, మలేసియాపై 3 వికెట్లు, శ్రీలంకపై ఒక వికెట్, ఇంగ్లండ్‌పై 2 వికెట్లు తీసి సత్తా చాటింది. షబ్నమ్‌ సత్తా... భారత మహిళల జట్టు వరుసగా రెండోసారి అండర్‌–19 ప్రపంచకప్‌ గెలవడంలో... మరో తెలుగమ్మాయి పాత్ర కూడా ఉంది. విశాఖపట్నం జిల్లాకు చెందిన 17 ఏళ్ల షబ్నమ్‌ షకీల్‌ తన మీడియం పేస్‌ బౌలింగ్‌తో ఆకట్టుకుంది. గత ప్రపంచకప్‌లోనూ బరిలోకి దిగిన ఈ తెలుగమ్మాయి. ఈసారి ఏడు మ్యాచ్‌లు ఆడి 4 వికెట్లు పడగొట్టింది. స్పిన్నర్లు ప్రధాన పాత్ర పోషించిన ఈ టోర్నీలో పేసర్‌గా తన బాధ్యతలు నిర్వర్తించింది. మెరుగైన ఎకానమీ నమోదు చేయడంతో పాటు... ప్రత్యరి్థపై ఒత్తిడి పెంచి సహచర బౌలర్లకు వికెట్లు దక్కడంలో కీలక పాత్ర పోషించింది. మరోవైపు కేరళకు చెందిన జోషిత 6 మ్యాచ్‌లాడి 6 వికెట్లు పడగొట్టింది.

క్రికెట్‌ బ్యాట్‌ పట్టుకున్నప్పటి నుంచి జాతీయ జట్టుకు ప్రాతినిధ్యం వహించాలనే ఏకైక లక్ష్యం పెట్టుకున్నానని... అలాంటిది అండర్‌–19 స్థాయిలోనే రెండుసార్లు టి20 ప్రపంచకప్‌ గెలిచిన భారత మహిళల జట్టులో భాగం కావడం చాలా సంతోషంగా ఉందని రైజింగ్‌ స్టార్‌ గొంగడి త్రిష పేర్కొంది. మలేసియా వేదికగా జరిగిన మహళల అండర్‌–19 టి20 వరల్డ్‌కప్‌లో అద్వితీయ ప్రదర్శన కనబర్చి ‘ప్లేయర్‌ ఆఫ్‌ ద మ్యాచ్‌’గా నిలిచిన 19 ఏళ్ల త్రిష తన తొలి కల నెరవేరిందని పేర్కొంది. సీనియర్‌ జట్టులోనూ అవకాశం దక్కితే నిరూపించుకునేందుకు సిద్ధంగా ఉన్నానంటున్న తెలుగమ్మాయి త్రిషతో ‘సాక్షి’ ప్రత్యేక ఇంటర్వ్యూ...రెండు సార్లు ప్రపంచకప్‌ గెలవడం ఎలా అనిపిస్తోంది? ఈ ఆనందం మాటల్లో వర్ణించలేను. సాధారణంగా అండర్‌–19 ప్రపంచకప్‌లో ఒక్కసారి పాల్గొనే అవకాశం రావడమే కష్టం. అలాంటిది నాకు రెండుసార్లు ఆ చాన్స్‌ వచ్చింది. చిన్న వయసు నుంచే రాణిస్తుండటంతో రెండుసార్లు వరల్డ్‌కప్‌ ఆడగలిగా. జట్టు విజయాల్లో నావంతు పాత్ర పోషించినందుకు సంతోషంగా ఉన్నాను. ‘ప్లేయర్‌ ఆఫ్‌ టోర్నమెంట్‌’గా నిలవడంపై స్పందన? 2023లో జరిగిన ప్రపంచకప్‌లో బ్యాటింగ్‌ చేసేందుకు ఎక్కువ అవకాశాలు రాలేదు. ఈసారి ఓపెనర్‌గా బరిలోకి దిగడం కలిసొచ్చింది. నా ప్రదర్శన జట్టు విజయానికి దోహదపడితే అంతకుమించి ఇంకేం కావాలి. టోర్నీ టాప్‌ స్కోరర్‌గా నిలవడంతో పాటు ‘ప్లేయర్‌ ఆఫ్‌ ద మ్యాచ్‌’, ‘ప్లేయర్‌ ఆఫ్‌ ద టోర్నీ’ అవార్డులు గెలుచుకోవడం చాలా ఆనందంగా ఉంది. వరల్డ్‌కప్‌నకు ముందు ఎలాంటి సాధన చేశారు? కెరీర్‌లో అత్యధికంగా హైదరాబాద్‌లోనే ప్రాక్టీస్‌ చేశా. మిథాలీ రాజ్‌ ఆట అంటే నాకు చాలా ఇష్టం. ఆమె అడుగు జాడల్లోనే సుదీర్ఘ కాలం భారత జట్టుకు ప్రాతినిధ్యం వహించాలని అనుకుంటున్నా. హైదరాబాద్‌కే చెందిన నౌషీన్‌ అల్‌ ఖదీర్‌ భారత అండర్‌–19 జట్టు హెడ్‌ కోచ్‌గా ఉండటం కూడా కలిసొచ్చింది. ఆమెకు నా ఆటతీరు బాగా తెలియడంతో మెరుగయ్యేందుకు తగిన సూచనలు ఇస్తూ ప్రోత్సహించింది. జట్టు సభ్యులతో మీ అనుబంధం? చాన్నాళ్లుగా అండర్‌–19 జట్టు తరఫున ఆడుతున్నాను. ప్లేయర్ల మధ్య మంచి అనుబంధం ఉంది. అండర్‌–19 ఆసియా కప్‌లోనూ దాదాపు ఇదే జట్టుతో ఆడాం. అక్కడా విజేతగా నిలవగలిగాం. ఇప్పుడు అదే టీమ్‌ స్పిరిట్‌ ఇక్కడ కూడా కొనసాగించాం. ప్లేయర్లంతా ఒక కుటుంబంలా ఉంటాం. ఈ వరల్డ్‌కప్‌లో మీకు అప్పగించిన బాధ్యతలు? ప్రపంచకప్‌ ప్రారంభం కావడానికి ముందే జట్టు యాజమాన్యం నా బాధ్యతలను స్పష్టంగా వివరించింది. ఓపెనర్‌గా బరిలోకి దిగుతుండటంతో బ్యాటింగ్‌ భారంమోయాల్సి ఉంటుందని ముందే తెలుసు. కేవలం వ్యక్తిగత ప్రదర్శనే కాకుండా... జట్టుగానూ అంతా కలిసి కట్టుగా కదంతొక్కడంతోనే రెండోసారి ప్రపంచకప్‌ గెలవగలిగాం. గత ప్రపంచకప్‌నకు, ఈ వరల్డ్‌కప్‌నకు మధ్య మీ ప్రదర్శనలో వచ్చిన తేడా ఏంటి? 2023లో జరిగిన ప్రపంచకప్‌లో మిడిలార్డర్‌లో బ్యాటింగ్‌ చేశా. ఆ సమయంలో అంతర్జాతీయ అనుభవం ఉన్న షఫాలీ వర్మ, రిచా ఘోష్‌లతో పాటు మరికొంత మంది సీనియర్‌ ప్లేయర్లు జట్టులో ఉండటంతో ఎక్కువ బ్యాటింగ్‌ చేసే అవకాశం దక్కలేడు. 2023 ఫైనల్లోనూ టాప్‌ స్కోరర్‌గా నిలిచినా... చివరి వరకు క్రీజులో ఉండి జట్టును గెలిపించలేక పోయా. దీంతో ఈసారి మరింత మెరుగైన ప్రదర్శన చేయాలని ముందే అనుకున్నాను. నా ప్రణాళికలు ఫలించాయి. మీ ఆటతీరు వెనుక కుటుంబ సభ్యుల పాత్ర ఎంత ఉంది? కేవలం ఈ ప్రపంచకప్‌లో నా ప్రదర్శన అనే కాదు... నేనీస్థాయికి రావడం వెనక మా నాన్న రామిరెడ్డి కృషి ఎంతో ఉంది. ఆయన చేసిన త్యాగాలే ఈ రోజు నా బ్యాట్‌ నుంచి పరుగుల రూపంలో వస్తున్నాయనుకుంటా. ప్రతి దశలో మా నాన్న నాకు అండగా నిలవడంతోనే నిలకడైన ప్రదర్శన కనబర్చగలిగాను. ఎక్కడ మ్యాచ్‌ జరిగినా నా వెంట నాన్న ఉంటారు. వరల్డ్‌కప్‌ మొత్తం నా వెన్నంట నిలిచి... ఎప్పటికప్పుడు నాలో స్ఫూర్తినింపారు. అందుకే ‘ప్లేయర్‌ ఆఫ్‌ ద టోర్నమెంట్‌’ అవార్డును మా నాన్నకు అంకితమిస్తున్నాను. భవిష్యత్తు ప్రణాళికలు ఏంటి? అవకాశం వచ్చిన ప్రతిసారి రాణించాలని చిన్నప్పటి నుంచే కలలు కన్నాను. వ్యక్తిగతంగా ఇప్పటికి నా మొదటి కల నెరవేరింది. అవకాశం వస్తే సీనియర్‌ జట్టు తరఫున కూడా ఇదే ప్రదర్శన కొనసాగించాలనుకుంటున్నా. టోర్నీలో త్రిష గణాంకాలు మ్యాచ్‌లు 7 ఇన్నింగ్స్‌లు 7 పరుగులు 309 అత్యధిక స్కోరు 110 సగటు 77. 25 సెంచరీలు 1 ఫోర్లు 45సిక్స్‌లు 5 అభినందనల వెల్లువఅండర్‌–19 ప్రపంచకప్‌ గెలిచిన భారత జట్టుకు అభినందనలు. ఇది భారత నారీ శక్తికి నిదర్శనం. సమష్టి కృషి, సడలని సంకల్పానికి దక్కిన ఫలితం ఇది. ఈ విజయం యువ క్రీడాకారులకు స్ఫూర్తినిస్తుంది. –నరేంద్ర మోదీ, ప్రధానమంత్రివరుసగా రెండోసారి అండర్‌–19 ప్రపంచకప్‌ గెలిచిన యువ భారత జట్టుకు అభినందనలు. ఈ విజయం చాలా మందికి స్ఫూర్తి. భవిష్యత్తు కోసం కొత్త ప్రమాణాలు నిర్దేశించింది. –సచిన్‌ టెండూల్కర్‌ ఐసీసీ మహిళల అండర్‌–19 టి20 ప్రపంచకప్‌లో విజేతగా నిలిచిన యువ భారత జట్టుకు ప్రత్యేక అభినందనలు. రెండోసారి ఈ ట్రోఫీ చేజిక్కించుకోవడంలో తెలుగు అమ్మాయిలు గొంగడి త్రిష, షబ్నమ్‌ కీలకపాత్ర పోషించడం ఈ ఆనందాన్ని రెట్టింపు చేసింది. –వైఎస్‌ జగన్‌మోహన్‌రెడ్డి, ఆంధ్రప్రదేశ్‌ మాజీ ముఖ్యమంత్రి, వైఎస్సార్సీపీ అధ్యక్షుడు వరుసగా రెండోసారి మహిళల అండర్‌–19 టి20 ప్రపంచకప్‌ గెలిచిన భారత జట్టుకు అభినందనలు. ట్రోఫీ చేజిక్కించుకోవడంలో తెలంగాణ ప్లేయర్‌ త్రిష కీలకపాత్ర పోషించింది. త్రిష లాంటి క్రీడాకారులు రాష్ట్రానికి గర్వకారణం. త్రిష భవిష్యత్తులో భారత సీనియర్‌ జట్టు తరఫునా రాణించాలి. –రేవంత్‌ రెడ్డి, తెలంగాణ ముఖ్యమంత్రిఅండర్‌–19 ప్రపంచకప్‌లో అజేయంగా నిలిచి భారత్‌ తమ ఆధిపత్యం చాటుకుంది. ఇది అదిరిపోయే ప్రదర్శన, దీనికి సాటి ఏది లేదు. యావత్‌ దేశం గరి్వస్తోంది. –మిథాలీరాజ్, భారత మహిళల జట్టు మాజీ కెప్టెన్

త్రిష... త్రిష... త్రిష... ఈ ప్రపంచకప్‌ను అద్దం ముందు పెడితే తెలంగాణ ఆల్‌రౌండర్‌ ప్రదర్శనే ప్రతిబింబిస్తుందంటే అందులో ఏమాత్రం అతిశయోక్తి ఉండదు. కేవలం ఈ ఫైనల్‌ మ్యాచ్‌లో కనబరిచిన ఆల్‌రౌండ్‌ షోకే ఆమెను ఆకాశానికెత్తేయడం లేదు. టోర్నీ ఆరంభం నుంచి ప్రతి మ్యాచ్‌లోనూ తనదైన శైలిలో ఓపెనింగ్‌ దూకుడు, బౌలింగ్‌లో జట్టుకు అవసరమొచ్చినప్పుడు కీలకమైన వికెట్లు తీయడం త్రిషకే చెల్లింది. సఫారీ జట్టుతో టైటిల్‌ సమరంలో త్రిషతోపాటు స్పిన్నర్లు పారుణిక (4–0–6–2), ఆయుశి (4–2–9–2), వైష్ణవి (2/23)ల మాయాజాలంతో ‘ఫైనల్‌ వార్‌’ వన్‌సైడ్‌ అయ్యింది. కౌలాలంపూర్‌: ఎలాంటి సంచలనం చోటు చేసుకోలేదు. ఆధిపత్యం అటు ఇటు కూడా మారలేదు. తొలి బంతి మొదలు విజయ తీరం చేరేదాకా భారత అమ్మాయిలదే హవా. ఏ లక్ష్యంతోనైనా మలేసియాలో అడుగు పెట్టారో ఆ లక్ష్యాన్ని అజేయంగా, అద్వితీయ ఆటతీరుతో మన అమ్మాయిలు అందుకున్నారు. వరుసగా రెండోసారి టి20 అండర్‌–19 ప్రపంచకప్‌ టైటిల్‌ను భారత అమ్మాయిలు సాధించారు. దక్షిణాఫ్రికా వేదికగా 2023 జనవరిలో జరిగిన తొలి అండర్‌–19 టి20 ప్రపంచకప్‌లో షఫాలీ వర్మ సారథ్యంలో భారత జట్టు విజేతగా నిలిచింది. ఈసారి డిఫెండింగ్‌ చాంపియన్‌ హోదాలో ఈ మెగా ఈవెంట్‌లో బరిలోకి దిగిన భారత్‌ తమ జైత్రయాత్రను అ‘ది్వతీయ’ంగా ముగించింది. టోర్నీ మొత్తంలో ఓటమెరుగని మన జట్టే మరోసారి విశ్వవిజేతగా నిలిచింది. ఆదివారం జరిగిన ఫైనల్లో నికీ ప్రసాద్‌ నేతృత్వంలోని భారత జట్టు తొమ్మిది వికెట్ల తేడాతో దక్షిణాఫ్రికాను చిత్తు చేసింది. తొలుత స్పిన్‌ వలలో సఫారీ జట్టును 82 పరుగులకే పరిమితం చేసింది. మరో ముగ్గురు పది పైచిలుకు పరుగులు చేశారంతే! లెగ్‌ స్పిన్‌తో గొంగడి త్రిష 4–0–15–3తో అద్బుతమైన స్పెల్‌ వేయగా... మిగతా స్పిన్నర్లు పారుణిక సిసోడియా, ఆయుషి శుక్లా, వైష్ణవి శర్మ తలా 2 వికెట్లు పడగొట్టారు. ఆంధ్ర సీమర్‌ షబ్నమ్‌ షకీల్‌కు ఒక వికెట్‌ దక్కింది. అనంతరం భారత జట్టు స్టార్‌ ఓపెనర్‌ త్రిష (33 బంతుల్లో 44 నాటౌట్‌; 8 ఫోర్లు) దూకుడైన బ్యాటింగ్‌తో 11.2 ఓవర్లలోనే వికెట్‌ మాత్రమే కోల్పోయి 84 పరుగులు చేసి గెలిచింది. ఆల్‌రౌండ్‌ మెరుపులతో ‘ప్లేయర్‌ ఆఫ్‌ ద మ్యాచ్‌’తో పాటు ఈ మెగా టోర్నీలోనే త్రిష (309 పరుగులు; 7 వికెట్లు) అది్వతీయ ప్రదర్శనకు ‘ప్లేయర్‌ ఆఫ్‌ ద టోర్నీ’ అవార్డు కూడా దక్కించుకుంది. స్పిన్‌ వలలో విలవిల దక్షిణాఫ్రికాకు సీనియర్, జూనియర్, జెండర్‌ (పురుషులు, మహిళలు) ఇలా ఏ స్థాయిలోనూ ప్రపంచకప్‌ భాగ్యం లేదన్నది మరోసారి నిరూపితమైంది. మొదట బ్యాటింగ్‌కు దిగి భారీ స్కోరుతో ‘కప్‌’ భాగ్యం దక్కించుకుందామనుకున్న సఫారీ యువ తుల జట్టు భారత స్పిన్‌ వలలో చిక్కి శల్యమైంది. రెండో ఓవర్లోనే పారుణికతో భారత్‌ మాయాజాలం నుంచి ఆఖరి దాకా బయట పడలేకపోయింది. సిమోన్‌ లౌరెన్స్‌ (0)ను పారుణిక డకౌట్‌ చేయగా, జెమ్మా బొథా (14 బంతుల్లో 16; 3 ఫోర్లు) బౌండరీల దూకుడుకు ఆదిలోనే షబ్నమ్‌ చెక్‌ పెట్టింది. ఇక అక్కడితో దక్షిణాఫ్రికా పతనం మొదలైంది. ధనాధన్‌ ప్రపంచకప్‌ కోసం 83 పరుగుల లక్ష్య దూరంలో ఉన్న భారత్‌ను ఓపెనర్‌ త్రిష తన షాన్‌దార్‌ బ్యాటింగ్‌ పెర్ఫార్మెన్స్‌తో మరింత సులువుగా, వేగంగా విజయతీరాలకు తీసుకెళ్లింది. బౌండరీలతో తనమార్క్‌ స్ట్రోక్‌ ప్లేతో అలరించిన ఆమె జట్టు గెలిచేదాకా క్రీజులో నిలిచింది. స్కోరు వివరాలు దక్షిణాఫ్రికా ఇన్నింగ్స్‌: జెమ్మా (సి) కమలిని (బి) షబ్నమ్‌ 16; లౌరెన్స్‌ (బి) పారుణిక 0; దియార (బి) ఆయుశి 3; కైలా రేనెకె (సి) పారుణిక (బి) త్రిష 7; కరబో మెసో (బి) ఆయుశి 10; మీక్‌ వాన్‌ (స్టంప్డ్‌) కమలిని (బి) త్రిష 23; కోలింగ్‌ (బి) వైష్ణవి 15; శేషిని నాయుడు (బి) త్రిష 0; ఆష్లే వాన్‌విక్‌ (సి) వైష్ణవి (బి) పారుణిక 0; మోనాలిసా (బి) వైష్ణవి 0, ఎన్‌తబిసెంగ్‌ నిని (నాటౌట్‌) 2; ఎక్స్‌ట్రాలు 6; మొత్తం (20 ఓవర్లలో ఆలౌట్‌) 82. వికెట్ల పతనం: 1–11, 2–20, 3–20, 4–40, 5–44, 6–74, 7–74, 8–80, 9–80, 10–82. బౌలింగ్‌: జోషిత 2–0– 17–0, పారుణిక 4–0–6–2, షబ్నమ్‌ 2–0–7– 1, ఆయుశి 4–2–9–2, వైష్ణవి 4–0–23–2, త్రిష 4–0–15–3. భారత్‌ ఇన్నింగ్స్‌: కమలిని (సి) లౌరెన్స్‌ (బి) రేనెకె 8; త్రిష (నాటౌట్‌) 44; సనిక (నాటౌట్‌) 26; ఎక్స్‌ట్రాలు 6; మొత్తం (11.2 ఓవర్లలో వికెట్‌ నష్టానికి) 84. వికెట్ల పతనం: 1–36. బౌలింగ్‌: ఎన్‌తబిసెంగ్‌ 1–0–7–0, ఫే కోలింగ్‌ 2–0–19–0, కైలా రేనెకె 4–1–14–1, శేషిని 1–0–12–0, వాన్‌విక్‌ 1–0–12–0, మోనాలిసా 1.2–0–10–0, జెమ్మా బొథా 1–0–9–0.

మ‌హిళ‌ల అండర్ 19 టీ20 ప్రపంచ క‌ప్‌-2025 విజేత‌గా భార‌త్ నిలిచింది. కౌలాలంపూర్ వేదికగా జ‌రిగిన ఫైన‌ల్లో ద‌క్షిణాఫ్రికాను 9 వికెట్ల తేడాతో చిత్తు చేసిన భార‌త అమ్మాయిలు.. వ‌రుస‌గా రెండో సారి అండ‌ర్-19 ప్ర‌పంచ‌క‌ప్ టైటిల్‌ను ముద్దాడారు. ఈ తుది పోరులో తొలుత బ్యాటింగ్ చేసిన సౌతాఫ్రికా స‌రిగ్గా 20 ఓవ‌ర్ల‌లో 82 పరుగులకే కుప్పకూలింది. ఆ జ‌ట్టులో వాన్‌ వూరస్ట్ (23) టాప్‌ స్కోరర్‌గా నిల‌వ‌గా.. జెమా బోథా(16), ఫే కోవిలింగ్‌(15) పరుగులతో పర్వాలేదన్పించారు. మిగితా బ్యాట‌ర్లంతా దారుణంగా విఫ‌ల‌మ‌య్యారు.త్రిష స్పిన్ మ్యాజిక్‌..భారత స్టార్‌ ఆల్‌రౌండర్‌, తెలుగు అమ్మాయి గొండి త్రిష(Gongadi Trisha) తన స్పిన్‌ మాయాజాలంతో ప్రత్యర్ధి బ్యాటర్లను బోల్తా కొట్టించింది. త్రిష తన నాలుగు ఓవర్ల కోటాలో కేవలం 15 పరుగులు మాత్రమే ఇచ్చి 3 వికెట్లు పడగొట్టింది. ఆమెతోపాటు వైష్ణవి శర్మ, అయూష్‌ శుక్లా, పరునికా సిసోడియా తలా రెండు వికెట్లు సాధించారు.బ్యాటింగ్‌లోనూ అదుర్స్‌.. అనంత‌రం 83 ప‌రుగుల స్వ‌ల్ప ల‌క్ష్యాన్ని టీమిండియా కేవ‌లం ఒక్క వికెట్‌ మాత్రమే కోల్పోయి 11.2 ఓవ‌ర్ల‌లో ఊదిప‌డేసింది. త్రిష బ్యాటింగ్‌లోనూ అదరగొట్టింది. ఓపెనర్‌గా వచ్చిన త్రిష.. 33 బంతుల్లో 8 ఫోర్ల సాయంతో 44 పరుగులు చేసి ఆజేయంగా నిలిచింది. త్రిషతో పాటు సానికా చాల్కే(26 నాటౌట్‌) కూడా రాణించింది. ఈ టోర్నీలో 7 మ్యాచ్‌లు ఆడిన త్రిష..67.25 సగటుతో 309 పరుగులతో లీడింగ్ ర‌న్‌స్కోర‌ర్‌గా నిలిచింది.

మహిళల అండర్‌–19 టీ20 ప్రపంచకప్‌లో భాగంగా దక్షిణాఫ్రికాతో జరుగుతున్న ఫైనల్లో భారత బౌలర్లు నిప్పులు చెరిగారు. టాస్‌ గెలిచి బ్యాటింగ్‌కు దిగిన దక్షిణాఫ్రికా అమ్మాయిలు భారత బౌలర్ల దాటికి నిర్ణీత 20 ఓవర్లలో కేవలం 82 పరుగులకే ఆలౌటయ్యారు. భారత స్టార్‌ ఆల్‌రౌండర్‌, తెలుగు అమ్మాయి గొండి త్రిష(Gongadi Trisha) తన స్పిన్‌ మాయాజాలంతో ప్రత్యర్ధి బ్యాటర్లను బోల్తా కొట్టించింది. త్రిష తన నాలుగు ఓవర్ల కోటాలో కేవలం 15 పరుగులు మాత్రమే ఇచ్చి 3 వికెట్లు పడగొట్టింది. ఆమెతోపాటు వైష్ణవి శర్మ, అయూష్‌ శుక్లా, పరునికా సిసోడియా తలా రెండు వికెట్లు సాధించారు. దక్షిణాఫ్రికా బ్యాటర్లలో మైకే వాన్ వూర్ట్స్‌(23), జెమా బోథా(16), ఫే కోవిలింగ్‌(15) పరుగులతో పర్వాలేదన్పించగా..మిగితా బ్యాటర్లంతా దారుణంగా నిరాశపరిచారు.అదరగొట్టిన త్రిష.. కాగా ఈ టోర్నీ అసాంతం త్రిష తన ఆల్‌రౌండ్‌ ప్రదర్శనతో అదరగొట్టింది. భారత్‌ వరుసగా రెండో సారి ఫైనల్‌ చేరడంలో ఆమెది కీలక పాత్ర. స్కాట్లాండ్‌తో జరిగిన మ్యాచ్‌లో త్రిష 59 బాల్స్‌లో ఏకంగా 110 పరుగులతో నాటౌట్‌గా నిలిచింది. ఈ టోర్నీలో ఇప్పటివరకు 6 మ్యాచ్‌లు ఆడిన త్రిష..66.25 సగటుతో 265 పరుగులు చేసి టాప్‌​ స్కోరర్‌గా కొనసాగుతోంది. అటు బౌలింగ్‌లోనూ 7 వికెట్లతో త్రిష సత్తాచాటింది.తుది జట్లుదక్షిణాఫ్రికా మహిళల U19 జ‌ట్టు: జెమ్మా బోథా, సిమోన్ లౌరెన్స్, డయారా రామ్లాకన్, ఫే కౌలింగ్, కైలా రేనెకే(కెప్టెన్‌), కరాబో మెసో(వికెట్ కీప‌ర్‌), మైకే వాన్ వూర్స్ట్, షెష్నీ నాయుడు, ఆష్లీ వాన్ వైక్, మోనాలిసా లెగోడి, న్తాబిసెంగ్ నినితుది జట్లుదక్షిణాఫ్రికా మహిళల U19 జ‌ట్టు: జెమ్మా బోథా, సిమోన్ లౌరెన్స్, డయారా రామ్లాకన్, ఫే కౌలింగ్, కైలా రేనెకే(కెప్టెన్‌), కరాబో మెసో(వికెట్ కీప‌ర్‌), మైకే వాన్ వూర్స్ట్, షెష్నీ నాయుడు, ఆష్లీ వాన్ వైక్, మోనాలిసా లెగోడి, న్తాబిసెంగ్ నినిచదవండి: #Virat Kohli: 'వావ్ వాట్ ఎ బాల్‌'.. తనను ఔట్‌ చేసిన బౌలర్‌పై కోహ్లి ప్రశంసలు

కౌలాలంపూర్‌: మహిళల అండర్‌–19 టి20 ప్రపంచకప్‌లో ఆస్ట్రేలియా, దక్షిణాఫ్రికా జట్లు అజేయంగా లీగ్‌ దశను ముగించాయి. గ్రూప్‌ ‘డి’లో భాగంగా బుధవారం జరిగిన తమ చివరి మ్యాచ్‌లో ఆ్రస్టేలియా 83 పరుగుల తేడాతో నేపాల్‌ జట్టుపై గెలుపొందింది. మొదట బ్యాటింగ్‌ చేసిన ఆ్రస్టేలియా నిర్ణీత 20 ఓవర్లలో 6 వికెట్ల నష్టానికి 139 పరుగులు చేసింది.బ్రయ్‌ (34 బంతుల్లో 45; 3 ఫోర్లు, 3 సిక్స్‌లు), లారోసా (31), హస్రత్‌ గిల్‌ (30) రాణించారు. అనంతరం ఛేదనలో నేపాల్‌ 20 ఓవర్లలో 8 వికెట్లు కోల్పోయి 56 పరుగులకే పరిమితమైంది. ఆడిన 3 మ్యాచ్‌ల్లోనూ నెగ్గిన ఆ్రస్టేలియా 6 పాయింట్లతో గ్రూప్‌ ‘డి’ టాపర్‌గా నిలిచింది. గ్రూప్‌ ‘సి’లో భాగంగా నైజీరియాతో జరిగిన మ్యాచ్‌లో దక్షిణాఫ్రికా జట్టు డక్‌వర్త్‌ లూయిస్‌ ప్రకారం 41 పరుగుల తేడాతో గెలుపొందింది.ఆడిన అన్నీ మ్యాచ్‌ల్లో గెలిచిన దక్షిణాఫ్రికా జట్టు 6 పాయింట్లతో గ్రూప్‌ ‘సి’ టాపర్‌గా నిలిచింది. బుధవారం జరిగిన ఇతర మ్యాచ్‌ల్లో బంగ్లాదేశ్‌ జట్టు 17 పరుగుల తేడాతో స్కాట్లాండ్‌పై... ఇంగ్లండ్‌ 8 వికెట్ల తేడాతో అమెరికా జట్టుపై... న్యూజిలాండ్‌ జట్టు 67 పరుగుల తేడాతో సమోవాపై... ఐర్లాండ్‌ డక్‌వర్త్‌ లూయిస్‌ పద్ధతిలో 13 పరుగుల తేడాతో పాకిస్తాన్‌పై గెలిచాయి. నేడు జరిగే గ్రూప్‌ ‘ఎ’ చివరి రౌండ్‌ లీగ్‌ మ్యాచ్‌ల్లో ఆతిథ్య మలేసియాతో వెస్టిండీస్‌; శ్రీలంకతో భారత్‌ తలపడతాయి. గ్రూప్‌ ‘ఎ’ నుంచి భారత్, శ్రీలంక... గ్రూప్‌ ‘బి’ నుంచి ఇంగ్లండ్, అమెరికా, ఐర్లాండ్‌... గ్రూప్‌ ‘సి’ నుంచి దక్షిణాఫ్రికా, నైజీరియా, న్యూజిలాండ్‌... గ్రూప్‌ ‘డి’ నుంచి ఆస్ట్రేలియా, బంగ్లాదేశ్, స్కాట్లాండ్‌ జట్లు ‘సూపర్‌ సిక్స్‌’ దశకు చేరుకున్నాయి. మలేసియా, వెస్టిండీస్‌ జట్ల మధ్య మ్యాచ్‌ విజేత గ్రూప్‌ ‘ఎ’ నుంచి చివరిదైన సూపర్‌ సిక్స్‌ బెర్త్‌ను ఖరారు చేసుకుంటుంది.చదవండి: ఆరంభం అదిరింది

అండ‌ర్‌-19 మ‌హిళ‌ల టీ20 ప్ర‌పంచ‌క‌ప్‌లో పాకిస్తాన్ జ‌ట్టు క‌థ ముగిసింది. ఈ మెగా టోర్నీలో భాగంగా బుధ‌వారం ఐర్లాండ్ మ‌హిళ‌ల‌లతో జ‌రిగిన మ్యాచ్‌లో 13 ప‌రుగుల తేడాతో పాక్ ఓట‌మి చ‌విచూసింది. త‌ద్వారా ఈ టోర్న‌మెంట్ నుంచి పాకిస్తాన్ నిష్క్ర‌మించింది.ఈ మెగా ఈవెంట్‌లో మొత్తం రెండు మ్యాచ్‌లు ఆడిన పాక్ జ‌ట్టు.. రెండింట కూడా ప‌రాజ‌యం పాలైంది. ఓ మ్యాచ్ వ‌ర్షం కార‌ణంగా ర‌ద్దు అయింది. ఇక ఈ మ్యాచ్‌ను వ‌ర్షం కార‌ణంగా 9 ఓవ‌ర్ల‌కు కుదించారు. తొలుత బ్యాటింగ్ చేసిన ఐర్లాండ్‌.. నిర్ణీత ఓవ‌ర్ల‌లో 5 వికెట్ల న‌ష్టానికి 69 ప‌రుగులు చేసింది.ఐర్లాండ్‌ బ్యాటర్లలో వాల్ష్‌(31) టాప్‌ స్కోరర్‌గా నిలవగా.. అన్నాబెల్ స్క్వైర్స్(13), హర్సిన్‌(10) రాణించారు. పాక్‌ బౌలర్లలో మెమూనా ఖలీద్ 2 వికెట్లు పడగొట్టగా.. మనహర్‌ జెబ్‌, హషిన్‌ తలా వికెట్‌ సాధించారు. అనంతరం 70 పరుగుల లక్ష్యంతో బరిలోకి దిగిన పాకిస్తాన్‌ నిర్ణీత ఓవర్లలో 7 వికెట్లు కోల్పోయి 59 పరుగులకే పరిమితమైంది.పాక్‌ బ్యాటర్లలో కోమాల్‌ ఖాన్‌(12) పరుగులతో టాప్‌ స్కోరర్‌గా నిలిచారు. ఐర్లాండ్‌ బౌలర్లలో ఎల్లీ మెక్‌గీ రెండు వికెట్లు పడగొట్టగా.. సార్జెంట్, లారా మెక్‌బ్రైడ్‌ తలా వికెట్‌ సాధించారు.చదవండి: IND vs ENG: చ‌రిత్ర సృష్టించిన అర్ష్‌దీప్‌ సింగ్‌..

న్యూఢిల్లీ: వచ్చే నెలలో మలేసియాలో జరిగే అండర్‌–19 మహిళల టి20 ప్రపంచకప్‌ టోర్నీలో పాల్గొనే భారత జట్టును ప్రకటించారు. 15 మంది సభ్యులతో కూడిన ఈ జట్టులో ముగ్గురు తెలుగు అమ్మాయిలు గొంగడి త్రిష, కేసరి ధృతి (తెలంగాణ), షబ్నమ్‌ (ఆంధ్రప్రదేశ్‌) చోటు దక్కించుకున్నారు. వచ్చే ఏడాది జనవరి 18 నుంచి ఫిబ్రవరి 2 వరకు ఈ మెగా టోర్నీ జరుగుతుంది. భారత జట్టుకు నిక్కీ ప్రసాద్‌ కెప్టెన్ గా, సనికా చాల్కె వైస్‌ కెప్టెన్ గా వ్యవహరిస్తారు. 2023లో తొలిసారి నిర్వహించిన మహిళల అండర్‌–19 టి20 ప్రపంచకప్‌లో షఫాలీ వర్మ సారథ్యంలో భారత జట్టు చాంపియన్‌గా నిలిచింది. త్రిష, షబ్నమ్‌ నాటి విజేత జట్టులో సభ్యులుగా ఉన్నారు. త్రిష, షబ్నమ్‌లకిది రెండో టి20 ప్రపంచకప్‌ కానుంది. గత ఆదివారం కౌలాలంపూర్‌లో జరిగిన ఆసియా కప్‌ అండర్‌–19 టి20 టోర్నీలో భారత జట్టుకు టైటిల్‌ దక్కడంలో త్రిష కీలకపాత్ర పోషించింది. త్రిష ‘ప్లేయర్‌ ఆఫ్‌ ద ఫైనల్‌’తోపాటు ‘ప్లేయర్‌ ఆఫ్‌ ద టోర్నీ’ అవార్డు గెల్చుకుంది. టి20 ప్రపంచకప్‌లో మొత్తం 16 జట్లు నాలుగు గ్రూప్‌లుగా పోటీ పడనున్నాయి. ఆతిథ్య మలేసియా, వెస్టిండీస్, శ్రీలంకతో కలిసి భారత జట్టు గ్రూప్‌ ‘ఎ’ నుంచి బరిలోకి దిగనుంది. తమ తొలి మ్యాచ్‌లో భాతర అమ్మాయిల జట్టు జనవరి 19న వెస్టిండీస్‌తో, 21న మలేసియాతో, 23న శ్రీలంకతో తలపడుతుంది. గ్రూప్‌ దశ ముగిశాక పాయింట్ల పట్టికలో తొలి మూడు స్థానాల్లో నిలిచిన జట్లు ‘సూపర్‌ సిక్స్‌’ దశకు అర్హత సాధిస్తాయి. ‘సూపర్‌ సిక్స్‌’ను రెండు గ్రూప్‌లుగా విభజిస్తారు. ఇందులో మెరుగైన ప్రదర్శన కనబర్చిన నాలుగు జట్లు సెమీఫైనల్‌కు చేరతాయి. భారత టి20 జట్టు: నిక్కీ ప్రసాద్‌ (కెప్టెన్ ), సనికా చాల్కె (వైస్‌ కెప్టెన్ ), గొంగడి త్రిష, కమిళిని, భవిక అహిరె, ఈశ్వరి అవసారె, మిథిల, వీజే జోషిత, సోనమ్‌ యాదవ్, పరుణిక సిసోడియా, కేసరి ధృతి, ఆయూషి శుక్లా, అనందిత, షబ్నమ్, వైష్ణవి.

బ్రూమ్‌ఫీల్డ్‌ (కొలరాడో): వచ్చే ఏడాది జనవరిలో మలేసియా వేదికగా జరిగే మహిళల అండర్‌–19 ప్రపంచకప్‌ టి20 క్రికెట్‌ టోర్నీలో పాల్గొనే అమెరికా జట్టును ప్రకటించారు. 15 మంది సభ్యులతో కూడిన అమెరికా జట్టుకు భారత సంతతికి చెందిన తెలుగమ్మాయి కొలన్‌ అనిక రెడ్డి కెప్టెన్‌గా వ్యవహరిస్తుంది. తెలుగు సంతతికి చెందిన పగిడ్యాల చేతన రెడ్డి, ఇమ్మడి శాన్వి, సషా వల్లభనేని కూడా అమెరికా జట్టు తరఫున బరిలోకి దిగనున్నారు. వచ్చే ఏడాది జనవరి 18 నుంచి ఫిబ్రవరి 2వ తేదీ వరకు మలేసియాలోని నాలుగు వేదికల్లో ఈ మెగా ఈవెంట్‌ జరుగుతుంది. మొత్తం 16 జట్లను నాలుగు గ్రూప్‌లుగా విభజించారు. డిఫెండింగ్‌ చాంపియన్‌ భారత్, వెస్టిండీస్, శ్రీలంక, మలేసియా జట్లకు గ్రూప్‌ ‘ఎ’లో చోటు కల్పించారు. గ్రూప్‌ ‘బి’లో అమెరికా, ఇంగ్లండ్, పాకిస్తాన్, ఐర్లాండ్‌... గ్రూప్‌ ‘సి’లో న్యూజిలాండ్, దక్షిణాఫ్రికా, నైజీరియా, సమోవా... గ్రూప్‌ ‘డి’లో ఆస్ట్రేలియా, బంగ్లాదేశ్, నేపాల్, స్కాట్లాండ్‌ జట్లున్నాయి. అమెరికా అండర్‌–19 జట్టు: కొలన్‌ అనిక రెడ్డి (కెప్టెన్‌), అదితిబా చుదసమ (వైస్‌ కెప్టెన్‌), పగిడ్యాల చేతన రెడ్డి, చేతన ప్రసాద్, దిశ ఢింగ్రా, ఇసాని మహేశ్‌ వాఘేలా, లేఖ హనుమంత్‌ శెట్టి, మాహి మాధవన్, నిఖర్‌ పింకూ దోషి, పూజా గణేశ్, పూజా షా, రీతూప్రియా సింగ్, ఇమ్మడి శాన్వి, సషా వల్లభనేని, సుహాని థదాని.

పాకిస్తాన్‌ క్రికెట్‌ నుంచి మరో పేస్‌ సంచలనం పుట్టుకొచ్చాడు. ఇటీవలే అండర్‌-19 అండర్‌ వరల్డ్‌కప్‌లో అదరగొట్టిన యువ పేసర్‌ హునైన్ షా.. ఇప్పుడు పాకిస్తాన్‌ సూపర్‌ లీగ్‌ అరంగేట్రాన్ని ఘనంగా చాటుకున్నాడు. పీఎస్‌ఎల్‌-2024లో భాగంగా ఇస్లామాబాద్ యునైటెడ్  తరపున  హునైన్ షా బరిలోకి దిగాడు. ఈ క్రమంలో గురువారం  లాహోర్‌ వేదికగా క్వెట్టా గ్లాడియేటర్స్‌తో జరిగిన మ్యాచ్‌లో హునైన్ ఆకట్టుకున్నాడు. ఈ మ్యాచ్‌లో కేవలం 2 ఓవర్లు మాత్రమే బౌలింగ్‌ చేసిన హునైన్.. 13 పరుగులిచ్చి వికెట్‌ పడగొట్టాడు. కట్టుదిట్టమైన బంతులు విసురుతూ ప్రత్యర్ధి బ్యాటర్లను ముప్పు తిప్పులు పెట్టాడు. ఈ క్రమంలో క్వెట్టా గ్లాడియేటర్స్‌ ఓపెనర్‌ జాసెన్‌ రాయ్‌ను 20 ఏళ్ల హునైన్ అద్బుతమైన బంతితో క్లీన్‌ బౌల్డ్‌ చేశాడు. పీఎస్‌ఎల్‌లో హునైన్‌కు ఇదే తొలి వికెట్‌. కాగా హునైన్‌ షా ఎవరో కాదు.. పాకిస్తాన్‌ స్టార్‌ పేసర్‌ నసీం షా​కు స్వయాన సోదరుడే. అన్నదమ్ములు ఇద్దరూ కూడా ఇస్లామాబాద్ యునైటెడ్ ఫ్రాంఛైజీకే ప్రాతినిథ్యం వహిస్తుండడం గమనార్హం. అయితే తన తమ్ముడు తొలి పీఎస్‌ఎల్‌ వికెట్‌ సాధించగానే నసీం సంబరాల్లో మునిగితేలిపోయాడు. ఇక ఈ మ్యాచ్‌లో ఇస్లామాబాద్ యునైటైడ్‌ పై 3 వికెట్ల తేడాతో క్వెట్టా గ్లాడియేటర్స్‌ విజయం సాధించింది.  hunain shah, remember the name pic.twitter.com/kkONIs1qXg — :) (@babardrive) February 22, 2024

ఐసీసీ టోర్నీ ఫైనల్స్‌లో టీమిండియాను ఓటమి మరోసారి వెక్కిరించింది. 9 నెలల వ్యవధిలో వరుసగా మూడో ఐసీసీ ఈవెంట్‌ తుది పోరులో భారత్‌ ఓటమి చవిచూసింది. ఫార్మాట్లు మారిన ప్రత్యర్ధి మాత్రం మారలేదు. అదే ప్రత్యర్థి.. అదే ఆస్ట్రేలియా. తొలి రెండు సందర్భాల్లో సీనియర్‌ జట్టు వంతు అయితే.. ఇప్పుడు కుర్రాళ్ల వంతు. అండర్‌ 19 వరల్డ్‌‍కప్-2024 ఫైనల్లో టీమిండియా ఓటమి పాలైంది. టోర్నీ మొత్తం అద్బుతమైన ప్రదర్శన కనబరిచిన భారత జట్టు.. ఫైనల్లో మాత్రం ఆస్ట్రేలియా చేతిలో 79 పరుగుల తేడాతో ఓటమి పాలైంది. తొలుత బ్యాటింగ్‌ చేసిన ఆస్ట్రేలియా నిర్ణీత 50 ఓవర్లలో 7 వికెట్లకు 253 పరుగులు చేసింది. హర్జాస్ సింగ్(64) పరుగులతో టాప్‌ స్కోరర్‌గా నిలవగా.. ప్టెన్ హ్యూ వీబ్జెన్(48), ఓలీవర్‌ పీక్‌(42) పరుగులతో రాణించారు. అనంతరం లక్ష్య ఛేదనలో భారత్ 43.5 ఓవర్లలో 174 పరుగులకు కుప్పకూలింది. ఆదర్శ్ సింగ్(77 బంతుల్లో 4 ఫోర్లు, సిక్స్‌తో 47), హైదరాబాద్ ప్లేయర్ మురుగణ్ అభిషేక్( 46 బంతుల్లో 5 ఫోర్లు, సిక్స్‌తో 42 )టాప్ స్కోరర్లుగా నిలిచారు.  ఆస్ట్రేలియా బౌలర్లలో మహిల్ బియర్డ్‌మన్, రాఫ్ మెక్‌మిలన్ తలా మూడు వికెట్లు పడగొట్టగా.. కల్లమ్ విడ్లే రెండు వికెట్లు సాధించారు. కాగా అంతకముందు డబ్ల్యూటీసీ, వన్డే వరల్డ్‌కప్‌ ఫైనల్లో సీనియర్‌ జట్టు చేతిలో రోహిత్‌ సేన ఓటమి పాలవ్వగా.. ఇప్పుడు జూనియర్లు కూడా అదే ఫలితాన్ని పునరావృతం చేశారు. ఇక ఫైనల్‌ పోరులో ఓటమిపై టీమిండియా కెప్టెన్‌ ఉదయ్‌ సహారన్‌ స్పందించాడు. ఇక ఫైనల్‌ పోరులో ఓటమిపై టీమిండియా కెప్టెన్‌ ఉదయ్‌ సహారన్‌ స్పందించాడు. తమ ఓటమికి కారణం బ్యాటింగ్‌ వైఫల్యమేనని సహారన్‌ అంగీకరించాడు. "ఈ టోర్నీ మొత్తం మా బాయ్స్‌ అద్బుతమైన ప్రదర్శన కనబరిచారు. వారి ఆటతీరు పట్ల నాకు  చాలా గర్వంగా ఉంది. ప్రతీ ఒక్కరూ జట్టు కోసం తమ వంతు కృషి చేశారు. కానీ దురదృష్టవశాత్తూ ఫైనల్‌ మ్యాచ్‌లో ఓడిపోయాం. బ్యాటింగ్‌లో మేము సమిష్టిగా విఫలమయ్యాం. మేము ఈ మ్యాచ్‌​ కోసం బాగా సన్నద్దమయ్యాం. కానీ మా ప్రణాళికలను అమలు చేయడంలో ఫెయిల్‌ అయ్యాం. మా బాయ్స్‌ కొంతమంది ర్యాంప్‌ షాట్లు ఆడి ఔటయ్యారు. ఆదర్శ్‌తో పాటు ఎవరో ఒకరు క్రీజులో ఉండి ఉండే పరిస్థితి మరోవిధంగా ఉండేది.అయితే ఈ టోర్నమెంట్‌ నుంచి మేము చాలా విషయాలు నేర్చుకున్నాం. ఈ టోర్నీలో ఆడిన అనుభవం భవిష్యత్తులో మాకు ఉపయోగపడుతుందని" పోస్ట్‌మ్యాచ్‌ ప్రేజేంటేషన్‌లో సహారన్‌ పేర్కొన్నాడు. కాగా ఈ టోర్నీలో  397 పరుగులు చేసిన సహారన్‌ టాప్‌ రన్‌ స్కోరర్‌గా నిలిచాడు.

140 కోట్ల మంది భారతీయులకు మరోసారి నిరాశే ఎదురైంది. మళ్లీ అదే కథ.. అదే వ్యథ. అండర్‌-19 వరల్డ్ కప్ మొత్తం అద్భుత ఆటతీరును ప్రదర్శించిన భారత క్రికెట్ జట్టు.. ఫైనల్లో మరోసారి ఆసీస్ చేతిలో ఓటమి పాలైంది. గతేడాది వరల్డ్‌కప్‌లో సీనియర్లకు ఎదురైన పరభావానికి కుర్రాళ్లు ప్రతీకారం తీర్చుకుంటారని అంతా భావించారు. కానీ కంగరూలు జోరు ముందు తల వంచిన జూనియర్లు.. కనీసం పోరాడకుండానే ఓటమిని అంగీకరించారు. ఏకపక్షంగా జరిగిన ఫైనల్‌ పోరులో 74 పరుగుల తేడాతో ఓటమిపాలైన భారత జట్టు.. బరువెక్కిన హృదయాలతో ఇంటిముఖం పట్టింది.  మనోడో విలన్‌.. ఎవరీ హర్జాస్‌ సింగ్‌? ఇక ఆసీస్‌ నాలుగో సారి వరల్డ్‌ ఛాంపియన్స్‌గా నిలవడంలో ఆ జట్టు మిడిలార్డర్‌ బ్యాటర్‌ హర్జాస్‌ సింగ్‌ది కీలక పాత్ర. కీలక సమయంలో బ్యాటింగ్‌లో వచ్చిన హర్జాస్‌ సింగ్‌.. తన అద్బుతమైన ఆటతీరుతో భారత బౌలర్లకు అడ్డుగా నిలిచాడు.  ఆసీస్‌ 99 పరుగులకే మూడు కీలక వికెట్లు కోల్పోయిన దశలో జట్టును అదుకున్నాడు.  అచతూచి ఆడుతూ హాఫ్‌ సెంచరీతో తన జట్టుకు గౌరవప్రదమైన స్కోర్‌ను అందించాడు. ఈ టోర్నీ మొత్తం పేలవ ప్రదర్శన కనబరిచిన హర్జాస్‌ సింగ్‌ ఫైనల్‌లో మాత్రం కీలక ఇన్నింగ్స్‌ ఆడాడు. 64 బంతుల్లో 3 ఫోర్లు, 3 సిక్స్‌లో 55 పరుగులు చేశాడు. అయితే ఈ ఆసీస్‌ వరల్డ్‌కప్‌ హీరో భారత భారత మూలాలు కలిగిన క్రికెటర్‌ కావడం గమనార్హం. హర్జాస్‌ సింగ్‌ తల్లిదండ్రులది పంజాబ్‌ లోని చండీగడ్‌. హర్జాస్‌ తండ్రి ఇంద్రజీత్‌ సింగ్‌ స్టేట్‌ లెవల్‌ బాక్సింగ్‌ ఛాంపియన్‌ కాగా తల్లి అవిందర్‌ కౌర్‌ రాష్ట్ర స్థాయి లాంగ్‌ జంపర్‌. అయితే వారిద్దరూ హర్జాస్‌ పుట్టడానికి ఐదేళ్ల ముందే సిడ్నీకి వలసవెళ్లారు. అక్కడే హర్జాస్ 2005లో జన్మించాడు.  19 ఏళ్ల హర్జాస్‌ చిన్నతనం నుంచే క్రికెట్‌పై మక్కువ ఎక్కువ. ఈ క్రమంలో  హర్జాస్‌ సింగ్‌ తన ఎనిమిదేళ్ల వయస్సులో సిడ్నీలోని  రెవ్స్‌బీ వర్కర్స్ క్రికెట్ క్లబ్‌లో తన క్రికెట్ ప్రయాణాన్ని ప్రారంభించాడు.  కాగా హర్జాస్‌ ఆస్ట్రేలియా స్టార్‌ క్రికెటర్‌ ఉస్మాన్‌ ఖ్వాజా అంటే ఎంతో ఇష్టం. అతడిని ఆదర్శంగా తీసుకుని క్రికెట్‌ వైపు హర్జాస్‌ అడుగులు వేశాడు. అయితే హర్జాజ్‌ చివరగా 2015లో భారత్‌కు వచ్చాడు. అయితే 

అచ్చు సీనియర్లలాగే... జూనియర్లూ సమర్పించుకున్నారు. ఆఖరి పోరు దాకా అజేయంగా నిలిచిన యువ భారత్‌ జట్టు ఆఖరి మెట్టుపై మాత్రం ఆ్రస్టేలియా చేతిలో ఓడింది. గతేడాది వన్డే ప్రపంచకప్‌లో రోహిత్‌ శర్మ బృందం కూడా ఎదురులేని పోరాటంతో ఫైనల్‌ చేరింది. చివరకు ఆస్ట్రేలియా చేతిలోనే కంగుతింది. ఇక్కడా భారత జూనియర్‌ జట్టు ఫైనల్‌ చేరే క్రమంలో అన్ని మ్యాచ్‌ల్లో గెలిచి కీలకమైన తుది పోరులో ఆ్రస్టేలియా జట్టు చేతిలోనే ఓటమి చవిచూసింది. వెరసి మూడు నెలల వ్యవధిలో ఆ్రస్టేలియా సీనియర్, జూనియర్‌ జట్లు వన్డే ప్రపంచకప్‌ టైటిల్స్‌ను హాట్‌ ఫేవరెట్‌ అయిన భారత్‌పైనే గెలవడం పెద్ద విశేషం. బెనోని (దక్షిణాఫ్రికా): ప్రపంచకప్‌ కోసం ప్రతీ మ్యాచ్‌లో చిందించిన చెమటంతా ఫైనల్‌కు వచ్చేసరికి ఆవిరైంది. యువ భారత్‌ జైత్రయాత్ర కప్‌ అందుకోవాల్సిన మ్యాచ్‌లో పేలవంగా ముగిసింది. అండర్‌–19 ప్రపంచకప్‌ ఫైనల్లో డిఫెండింగ్‌ చాంపియన్‌ భారత్‌ 79 పరుగుల తేడాతో ఆ్రస్టేలియా చేతిలో ఓడింది. మొదట ఆ్రస్టేలియా నిర్ణీత 50 ఓవర్లలో 7 వికెట్ల నష్టానికి 253 పరుగులు చేసింది. హర్జస్‌ సింగ్‌ (55; 3 ఫోర్లు, 3 సిక్స్‌లు), కెపె్టన్‌ హ్యూగ్‌ వీగెన్‌ (48; 5 ఫోర్లు) రాణించారు. సీమర్లు రాజ్‌ లింబాని 3, నమన్‌ తివారి 2 వికెట్లు తీశారు. గతంలో ఐదుసార్లు చాంపియన్‌గా నిలిచిన భారత జట్టు లక్ష్య ఛేదనలో తడబడింది. చివరకు 43.5 ఓవర్లలో 174 పరుగులకే ఆలౌటైంది. ఓపెనర్‌ ఆదర్శ్‌ సింగ్‌ (77 బంతుల్లో 47; 4 ఫోర్లు, 1 సిక్స్‌), హైదరాబాద్‌ కుర్రాడు మురుగన్‌ అభిషేక్‌ (46 బంతుల్లో 42; 5 ఫోర్లు, 1 సిక్స్‌) మెరుగ్గా ఆడారు. ‘ప్లేయర్‌ ఆఫ్‌ ద మ్యాచ్‌’ బియర్డ్‌మన్‌ (3/15) కోలుకోలేని దెబ్బ తీయగా, రాఫ్‌ మెక్‌మిలన్‌ (3/43) ఇంకెవరినీ క్రీజులో నిలువనీయలేదు.   చక్కగా కట్టడి చేసినప్పటికీ... టాస్‌ నెగ్గి బ్యాటింగ్‌కు దిగిన ఆ్రస్టేలియా బ్యాటర్లెవరూ భారీ స్కోర్లు చేయకుండా భారత బౌలర్లు చక్కగానే కట్టడి చేశారు. హర్జస్‌ అర్ధసెంచరీ సాధించగా, వీగెన్, డిక్సన్‌ (56 బంతుల్లో 42; 3 ఫోర్లు, 1 సిక్స్‌), ఒలీవర్‌ (43 బంతుల్లో 46 నాటౌట్‌; 2 ఫోర్లు, 1 సిక్స్‌)లను అర్ధశతకాల వరకు రానివ్వలేదు. లింబాని, నమన్‌ వరుస విరామాల్లో వికెట్లు తీశారు. అందువల్లే పెద్దస్కోరైతే నమోదు కాలేదు.   రాణించిన ఆదర్శ్, అభిషేక్‌  కష్టమైన లక్ష్యం కాదు... ఈ మెగా ఈవెంట్‌లో మన కుర్రాళ్ల ఫామ్‌ ముందు ఛేదించే లక్ష్యమే! పెద్దగా కష్టపడకుండా ఏ ఇద్దరు ఫిఫ్టీలు బాదినా... ఇంకో ఇద్దరు 30 పైచిలుకు పరుగులు చేసినా చాలు గెలవాల్సిన మ్యాచ్‌ ఇది! కానీ టాపార్డర్‌లో అర్షిన్‌ (3), ముషీర్‌ ఖాన్‌ (22), మిడిలార్డర్‌లో నమ్మదగిన బ్యాటర్లు కెప్టెన్‌ ఉదయ్‌ సహారణ్‌ (8), సచిన్‌ దాస్‌ (8)ల వికెట్లను పారేసుకోవడంతో 68/4 స్కోరు వద్దే భారత్‌ పరాజయం ఖాయమైంది. ఎందుకంటే తర్వాత వచ్చిన వారెవరూ సుదీర్ఘ ఇన్నింగ్స్‌లు ఆడలేనివారే! ఆదర్శ్, అభిషేక్‌ల పోరాటం అంతరాన్ని తగ్గించేందుకు ఉపయోగపడింది. 1 అండర్‌–19 ప్రపంచకప్‌ ఫైనల్లో భారత్‌పై నెగ్గడం ఆస్ట్రేలియాకిదే తొలిసారి. ఈ రెండు జట్లు 2012, 2018 టోర్నీ ఫైనల్స్‌లోనూ తలపడగా రెండుసార్లూ భారత జట్టే గెలిచింది. 4 అండర్‌–19 ప్రపంచకప్‌ ఫైనల్లో భారత్‌ను ఓడించిన నాలుగో జట్టు ఆ్రస్టేలియా. గతంలో పాకిస్తాన్‌ (2006), వెస్టిండీస్‌ (2016), బంగ్లాదేశ్‌ (2020) ఫైనల్లో ఓడించి విజేతగా నిలిచాయి.    4 అండర్‌–19 ప్రపంచకప్‌ సాధించడం ఆ్రస్టేలియాకిది నాలుగోసారి. గతంలో ఆ జట్టు 1988, 2002, 2010లలో విజేతగా నిలిచింది. 2012 భారత అండర్‌–19 జట్టుపై 2012 తర్వాత ఆస్ట్రేలియా యువ జట్టు మళ్లీ గెలుపొందడం విశేషం. గత 12 ఏళ్లలో ఆ్రస్టేలియా జూనియర్‌ జట్టుతో ఆడిన 10 మ్యాచ్‌ల్లోనూ యువ భారత్‌ విజయం సాధించింది. స్కోరు వివరాలు ఆ్రస్టేలియా ఇన్నింగ్స్‌: డిక్సన్‌ (సి) అభిషేక్‌ (బి) తివారి 42;  కొన్‌స్టాస్‌ (బి) లింబాని 0; వీగెన్‌ (సి) ముషీర్‌ (బి) తివారి 48; హర్జస్‌ (ఎల్బీడబ్ల్యూ) (బి) సౌమీ పాండే 55; హిక్స్‌ (ఎల్బీడబ్ల్యూ) (బి) లింబాని 20; ఒలీవర్‌ (నాటౌట్‌) 46; మెక్‌మిలన్‌ (సి అండ్‌ బి) ముషీర్‌ 2; అండర్సన్‌ (ఎల్బీడబ్ల్యూ) (బి) లింబాని 13; స్ట్రేకర్‌ (నాటౌట్‌) 8; ఎక్స్‌ట్రాలు 19; మొత్తం (50 ఓవర్లలో 7 వికెట్లకు) 253. వికెట్ల పతనం: 1–16, 2–94, 3–99, 4–165, 5–181, 6–187, 7–221. బౌలింగ్‌: రాజ్‌ లింబాని 10–0–38–3, నమన్‌ తివారి 9–0–63–2, సౌమీ పాండే 10–0–41–1, ముషీర్‌ 9–0–46–1, అభి    షేక్‌ 10–0–37–0, ప్రియాన్షు 2–0–17–0.  భారత్‌ ఇన్నింగ్స్‌: ఆదర్శ్‌ (సి) హిక్స్‌ (బి) బియర్డ్‌మన్‌ 47; అర్షిన్‌ (సి) హిక్స్‌ (బి) విడ్లెర్‌ 3; ముషీర్‌ (బి) బియర్డ్‌మన్‌ 22; ఉదయ్‌ (సి) వీగెన్‌ (బి) బియర్డ్‌మన్‌ 8; సచిన్‌ (సి) హిక్స్‌ (బి) మెక్‌మిలన్‌ 9; ప్రియాన్షు (సి) విడ్లెర్‌ (బి) అండర్సన్‌ 9; అవనీశ్‌ రావు (సి అండ్‌ బి) మెక్‌మిలన్‌ 0; అభిషేక్‌ (సి) వీగెన్‌ (బి) విడ్లెర్‌ 42; లింబాని (బి) మెక్‌మిలన్‌ 0; నమన్‌ (నాటౌట్‌) 14; సౌమీ (సి) హిక్స్‌ (బి) స్ట్రేకర్‌ 2; ఎక్స్‌ట్రాలు 18; మొత్తం (43.5 ఓవర్లలో ఆలౌట్‌) 174. వికెట్ల పతనం: 1–3, 2–40, 3–55, 4–68, 5–90, 6–91, 7–115, 8–122, 9–168, 10–174. బౌలింగ్‌: విడ్లెర్‌ 10–2–35–2, అండర్సన్‌ 9–0–42–1, స్ట్రేకర్‌ 7.5–1–32–1, బియర్డ్‌ మన్‌ 7–2–15–3, మెక్‌మిలన్‌ 10–0–43–3.

అండర్‌ 19 వరల్డ్‌కప్‌ 2024 ఫైనల్లో ఆస్ట్రేలియా విజయం సాధించింది. యంగ్‌ ఇండియాతో ఇవాళ (ఫిబ్రవరి 11) జరిగిన ఫైనల్లో యువ ఆసీస్‌ జట్టు 79 పరుగుల తేడాతో విజయం సాధించి, నాలుగో సారి జగజ్జేతగా నిలిచింది.  ఏకపక్షంగా సాగిన ఈ మ్యాచ్‌లో తొలుత బ్యాటింగ్‌ చేసిన ఆస్ట్రేలియా నిర్ణీత ఓవర్లలో 7 వికెట్ల నష్టానికి 253 పరుగులు చేసింది. భారత సంతతికి చెందిన హర్జస్‌ సింగ్‌ (55) అర్దసెంచరీతో రాణించగా.. హ్యారీ​ డిక్సన్‌ (42), హగ్‌ వెబ్జెన్‌ (48), ఒలివర్‌ పీక్‌ (46 నాటౌట్‌) ఓ మోస్తరు స్కోర్లు చేశారు. భారత బౌలర్లలో రాజ్‌ లింబాని 3, నమన్‌ తివారి 2, సౌమీ పాండే, ముషీర్‌ ఖాన్‌ తలో వికెట్‌ పడగొట్టారు. అనంతరం లక్ష్య ఛేదనకు దిగిన యువ భారత్‌.. 43.5 ఓవర్లలో 174 పరుగులకు కుప్పకూలి వంద కోట్లకు పైగా ఉన్న భారతీయులకు నిరాశ కలిగించింది. భారత ఇన్నింగ్స్‌లో ఆదర్శ్‌ సింగ్‌ (47), తెలుగు ఆటగాడు మురుగన్‌ అభిషేక్‌ (42), ముషీర్‌ ఖాన్‌ (22), నమన్‌ తివారి (14) మాత్రమే రెండంకెల స్కోర్లు చేశారు. ఆసీస్‌ బౌలర్లు బియర్డ్‌మ్యాన్‌ (3/15), రాఫ్‌ మెక్‌మిలన్‌ (3/43), కల్లమ్‌ విడ్లర్‌ (2/35), ఆండర్సన్‌ (1/42) టీమిండియా పతనాన్ని శాశించారు.  తొమ్మిదో వికెట్‌ కోల్పోయిన భారత్‌ 168 పరుగుల వద్ద టీమిండియా తొమ్మిదో వికెట్‌ కోల్పోయింది. కల్లమ్‌ ముల్దర్‌ బౌలింగ్‌లో మురుగన్‌ అశ్విన్‌ (42) ఔటయ్యాడు.  ఎనిమిదో వికెట్‌ డౌన్‌ వరల్డ్‌కప్‌ ఫైనల్లో టీమిండియా ఓటమి దాదాపుగా ఖరారైపోయింది. 122 పరుగుల వద్ద భారత్‌ ఎనిమిదో వికెట్‌ కోల్పోయింది. మెక్‌మిలన్‌ బౌలింగ్‌లో రాజ్‌ లింబాని (0) క్లీన్‌ బౌల్డయ్యాడు.  ఏడో వికెట్‌ కోల్పోయిన భారత్‌ 115 పరుగులకే భారత్‌ ఏడు వికెట్లు కోల్పోయింది. బియర్డ్‌మ్యాన్‌ బౌలింగ్‌లో ఆదర్శ్‌ సింగ్‌ (47) ఔటయ్యాడు. టీమిండియా గెలవాలంటే ఇంకా 139 పరుగులు చేయాలి. చేతిలో కేవలం మూడు వికెట్లు మాత్రమే ఉన్నాయి.  ఆరో వికెట్‌ డౌన్‌ 91 పరుగుల వద్ద టీమిండియా ఆరో వికెట్‌ కోల్పోయింది. తెలంగాణ కుర్రాడు అవనీశ్‌ రాఫ్‌ మెక్‌మిలన్‌ బౌలింగ్‌లో డకౌటయ్యాడు.  పీకల్లోతు కష్టాల్లో భారత్‌ వరల్డ్‌కప్‌ ఫైనల్లో టీమిండియా పీకల్లోతు కష్టాల్లో కూరుకుపోయింది. 90 పరుగులకే సగం వికెట్లు కోల్పోయి ఓటమి దిశగా పయనిస్తుంది. ఆండర్సన్‌ బౌలింగ్‌లో ప్రియాంశు మోలియా (9) ఔటయ్యాడు. టీమిండియా గెలవాలంటే ఇంకా 164 పరుగులు చేయాలి. చేతిలో కేవలం ఐదు వికెట్లు మాత్రమే ఉన్నాయి. ఆదర్శ్‌ సింగ్‌ (32), అవీనశ్‌ రావు క్రీజ్‌లో ఉన్నారు.  68 పరుగులకే నాలుగు వికెట్లు కోల్పోయిన భారత్‌ ఛేదనలో యంగ్‌ ఇండియా 68 పరుగులకే నాలుగు వికెట్లు కోల్పోయి కష్టాల్లో పడింది. స్టార్‌ త్రయం ముషీర్‌ ఖాన్‌, ఉదయ్‌ సహారన్‌, సచిన్‌ దాస్‌ సహా అర్శిన్‌ కులకర్ణి ఔట్‌ కాగా.. ఆదర్శ్‌ సింగ్‌ (31), ప్రియాంశు మోలియా (7) క్రీజ్‌లో ఉన్నారు. భారత్‌ గెలవాలంటే ఈ మ్యాచ్‌లో మరో 170 పరుగులు చేయాల్సి ఉంది. చేతిలో కేవలం​ ఆరు వికెట్లు మాత్రమే ఉన్నాయి. ముషీర్‌ ఖాన్‌ క్లీన్‌ బౌల్డ్‌ 40 పరుగుల వద్ద టీమిండియా రెండో వికెట్‌ కోల్పోయింది. బియర్డ్‌మెన్‌ బౌలింగ్‌లో ముషీర్ ఖాన్‌ (22) క్లీన్‌ బౌల్డ్‌ అయ్యాడు. ఆదర్శ్‌ సింగ్‌ (12), ఉదయ్‌ సహారన్‌ క్రీజ్‌లో ఉన్నారు. టీమిండియా గెలవాలంటే ఇంకా 213 పరుగులు చేయాలి. చేతిలో మరో ఎనిమిది వికెట్లు ఉన్నాయి. తొలి వికెట్‌ కోల్పోయిన టీమిండియా 254 పరుగుల లక్ష్య ఛేదనలో యువ భారత్‌ జట్టు 3 పరుగులకే వికెట్‌ కోల్పోయింది. కల్లమ్‌ విడ్లెర్‌ బౌలింగ్‌లో ర్యాన్‌ హిక్స్‌కు క్యాచ్‌ ఇచ్చి అర్షిన్‌ కులకర్ణి (3) ఔటయ్యాడు. ఆదర్శ్‌ సింగ్‌కు జతగా ముషీర్‌ ఖాన్‌ క్రీజ్‌లోకి వచ్చాడు. టీమిండియా టార్గెట్‌ ఎంతంటే..? అండర్‌ 19 వరల్డ్‌కప్‌ 2024 ఫైనల్లో ఆస్ట్రేలియా 254 పరుగుల లక్ష్యాన్ని టీమిండియా ముందుంచింది. టాస్‌ గెలిచి తొలుత బ్యాటింగ్‌ చేసిన ఆసీస్‌.. నిర్ణీత ఓవర్లలో 7 వికెట్ల నష్టానికి 253 పరుగులు చేసింది. ఆసీస్‌ ఇన్నింగ్స్‌లో హర్జస్‌ సింగ్‌ (55) అర్దసెంచరీతో రాణించగా.. హ్యారీ​ డిక్సన్‌ (42), హగ్‌ వెబ్జెన్‌ (48), ఒలివర్‌ పీక్‌ (46 నాటౌట్‌) ఓ మోస్తరు స్కోర్లు చేశారు. ఆరో వికెట్‌ కోల్పోయిన ఆసీస్‌ 187 పరుగుల వద్ద ఆస్ట్రేలియా ఆరో వికెట్‌ కోల్పోయింది. ముషీర్‌ ఖాన్‌ బౌలింగ్‌లో రాఫ్‌ మెక్‌మిలన్‌ (2) ఔట్‌ అయ్యాడు. 40 ఓవర్ల తర్వాత ఆసీస్‌ స్కోర్‌ 187/6గా ఉంది. ఒలివర్‌ పీక్‌ (10), చార్లీ ఆండర్సన్‌ (0) క్రీజ్‌లో ఉన్నారు. ఐదో వికెట్‌ కోల్పోయిన ఆసీస్‌ 181 పరుగుల వద్ద ఆస్ట్రేలియా ఐదో వికెట్‌ కోల్పోయింది. సౌమీ పాండే బౌలింగ్‌లో హర్జస్‌ సింగ్‌ (55) ఎల్బీడబ్ల్యూగా ఔట్‌ అయ్యాడు. 38 ఓవర్ల తర్వాత ఆసీస్‌ స్కోర్‌ 181/5గా ఉంది. ఒలివర్‌ పీక్‌ (6), రాఫ్‌ మెక్‌మిలన్‌ (0) క్రీజ్‌లో ఉన్నారు. నాలుగో వికెట్‌ కోల్పోయిన ఆసీస్‌ 165 పరుగుల వద్ద ఆస్ట్రేలియా నాలుగో వికెట్‌ కోల్పోయింది. రాజ్‌ లింబాని బౌలింగ్‌లో ర్యాన్‌ హెండ్రిక్స్‌ (20) ఎల్బీడబ్ల్యూగా ఔట్‌ అయ్యాడు. 35 ఓవర్ల తర్వాత ఆసీస్‌ స్కోర్‌ 167/గా ఉంది. ఒలివర్‌ పీక్‌ (1), హర్జస్‌ సింగ్‌ (46) క్రీజ్‌లో ఉన్నారు. మూడో వికెట్‌ కోల్పోయిన ఆస్ట్రేలియా 99 పరుగుల వద్ద ఆస్ట్రేలియా మూడో వికెట్‌ కోల్పోయింది. నమన్‌ తివారి బౌలింగ్‌లో మురుగన్‌ అభిషేక్‌కు క్యాచ్‌ ఇచ్చి హ్యారీ డిక్సన్‌ (42) ఔటయ్యాడు. 23 ఓవర్ల తర్వాత ఆస్ట్రేలియా స్కోర్‌ 100/3గా ఉంది. ర్యాన్‌ హిక్స్‌ (1), హర్జస్‌ సింగ్‌ (1) క్రీజ్‌లో ఉన్నారు. రెండో వికెట్‌ కోల్పోయిన ఆస్ట్రేలియా 94 పరుగుల వద్ద ఆస్ట్రేలియా రెండో వికెట్‌ కోల్పోయింది. నమర్‌ తివారి బౌలింగ్‌లో ముషీర్‌ ఖాన్‌ క్యాచ్‌ పట్టడంతో హగ్‌ వెబ్జెన్‌ (48) ఔటయ్యాడు. 21 ఓవర్ల తర్వాత ఆసీస్‌ స్కోర్‌ 94/2గా ఉంది. హ్యారీ డిక్సన్‌ (39), హర్జస్‌ సింగ్‌ (0) క్రీజ్‌లో ఉన్నారు. 12 ఓవర్లకు ఆసీస్‌ స్కోర్‌: 49/1 12 ఓవర్లు ముగిసే సరికి ఆసీస్‌ వికెట్‌ నష్టానికి 49 పరుగులు చేసింది. క్రీజులో హ్యూ వీబ్జెన్(244), డిక్సాన్‌(21) పరుగులతో ఉన్నారు. 8 ఓవర్లకు ఆసీస్‌ స్కోర్‌: 39/1 8 ఓవర్లు ముగిసే సరికి ఆసీస్‌ వికెట్‌ నష్టానికి 39 పరుగులు చేసింది. క్రీజులో హ్యూ వీబ్జెన్(14), డిక్సాన్‌(21) పరుగులతో ఉన్నారు. తొలి వికెట్‌ కోల్పోయిన ఆసీస్‌.. టాస్‌ గెలిచి బ్యాటింగ్‌కు దిగిన ఆసీస్‌ తొలి వికెట్‌ కోల్పోయింది. భారత పేసర్‌ రాజ్‌ లింబానీ బౌలింగ్‌లో సామ్ కాన్స్టాస్ క్లీన్‌ బౌల్డయ్యాడు. 2 ఓవర్లకు ఆసీస్‌ స్కోర్‌: 16/0 2 ఓవర్లకు ఆసీస్‌ స్కోర్‌: 16/0 2 ఓవర్లు ముగిసే సరికి ఆస్ట్రేలియా వికెట్‌ నష్టపోకుండా 16 పరుగులు చేసింది. క్రీజులో డిక్సాన్‌(15), సామ్ కాన్స్టాస్(0) పరుగులతో ఉన్నారు. అండర్‌-19 వరల్డ్ కప్‌ 2024 ఫైనల్లో బెనోని వేదికగా ఆస్ట్రేలియా- భారత జట్లు తలపడతున్నాయి. తుది పోరులో టాస్‌ గెలిచిన ఆస్ట్రేలియా తొలుత బ్యాటింగ్‌ ఎంచుకుంది. ఈ మ్యాచ్‌లో టీమిండియా ఎటువంటి మార్పులు లేకుండా బరిలోకి దిగగా.. ఆసీస్‌ మాత్రం ఒక మార్పుతో ఆడనుంది. కాగా భారత్‌-ఆసీస్‌ ఫైనల్లో తలపడడం ఇది నాలుగోసారి. ఇం‍తకుముందు ఫైనల్‌ పోరులో  రెండు సార్లు భారత్‌ విజయం సాధించగా.. ఆసీస్‌ ఒక్కసారి గెలుపొందింది. తుది జట్లు: ఆస్ట్రేలియా: హ్యారీ డిక్సన్, సామ్ కొన్‌స్టాస్, హ్యూ వీబ్‌జెన్ (కెప్టెన్‌), హర్జాస్ సింగ్, ర్యాన్ హిక్స్ (వికెట్‌ కీపర్‌), ఆలీ పీక్, చార్లీ ఆండర్సన్, రాఫెల్ మాక్‌మిలన్, టామ్ స్ట్రాకర్, మహ్లీ బార్డ్‌మాన్, కల్లమ్ విడ్లర్ భారత్‌: ఆదర్శ్ సింగ్, అర్షిన్ కులకర్ణి, ముషీర్ అహ్మద్ ఖాన్, ఉదయ్ సహారన్ (కెప్టెన్‌), ప్రియాంషు మోలియా, సచిన్ దాస్, ఆరవెల్లి అవనీష్ (వికెట్‌కీపర్‌), మురుగన్ అభిషేక్, నమన్ తివారీ, రాజ్ లింబాని, సౌమీ పాండే

అండర్ 19 వరల్డ్‌కప్‌-2024 ఫైనల్‌ పోరుకు యువ భారత్‌ సిద్దమైంది. ఆదివారం బెనోని వేదికగా జరగనున్న ఫైనల్లో ఆస్ట్రేలియాతో టీమిండియా అమీతుమీ తెల్చుకోనుంది. ఈ మ్యాచ్‌లో ఎలాగైనా గెలిచి ఆరోసారి ప్రపంచప్‌ టైటిల్‌ను ముద్దాడాలని భారత్‌ భావిస్తుంటే.. ఆసీస్‌ కూడా నాలుగోసారి ట్రోఫీని సొంతం చేసుకోవాలని ఉవ్విళ్లూరుతోంది. కాగా ఈ టోర్నీలో డిఫెండింగ్‌ చాంపియన్‌ భారత అసాధారణ ఫామ్‌లో ఉంది. ప్రస్తుత ఫామ్‌ను చూస్తే ఆసీస్‌ను ఓడించడం పెద్ద కష్టమేమి కాదు.  ముఖ్యంగా కెప్టెన్‌ ఉదయ్‌ సహారన్‌ జట్టును అద్బుతంగా నడిపిస్తున్నాడు. కెప్టెన్సీతో పాటు బ్యాటింగ్‌ పరంగా సత్తాచాటుతున్నాడు. ఈ నేపథ్యంలో ఉదయ్‌ సహారన్‌పై భారత వెటరన్‌ స్పిన్నర్‌ రవిచంద్రన్‌ అశ్విన్‌ ప్రశంసల వర్షం కురిపించాడు. దక్షిణాఫ్రికాతో జరిగిన సెమీ ఫైనల్‌లో సహారాన్‌ అద్బుతమైన ఇన్నింగ్స్‌ ఆడాడని అశ్విన్‌ కొనియాడు. ప్రోటీస్‌ సెమీఫైనల్లో ఉదయ్‌ 81 పరుగులతో మ్యాచ్‌ విన్నింగ్‌ ఇన్నింగ్స్‌ ఆడాడు. "ఈ ఏడాది అండర్‌-19 వరల్డ్‌కప్‌లో ఉదయ్‌ సహారాన్‌ కెప్టెన్సీకి కొత్త అర్ధాన్ని చెప్పాడు. తన వ్యక్తిగత ప్రదర్శనతో పాటు జట్టును కూడా అద్బుతంగా ముందుండి నడిపిస్తున్నాడు. ఇప్పటికే అతడు జూనియర్‌ వరల్డ్‌కప్‌లో చరిత్రలోనే అత్యధిక పరుగులు చేసిన భారత కెప్టెన్‌గా నిలిచాడు. ఉదయ్‌ చేసిన పరుగులు చూసి నేను ఇదింతా చెప్పడం లేదు. అతడి మ్యాచ్ విన్నింగ్ సామర్థ్యం నన్ను ఎంతగానో ఆకట్టకుంది. అతడు చాలా ప్రశాంతంగా ఉంటాడు. అదే కూల్‌నెస్‌తో మ్యాచ్‌ను ఫినిష్‌ చేస్తాడు. ఇప్పటికే నేను చాలా సార్లు చెప్పాడు అతడిని చూస్తుంటే మరో రింకూ సింగ్‌లా కన్పిస్తున్నాడు. రింకూ కూడా అంతే చాలా కూల్‌గా ఉంటాడు. ఉదయ్‌ బ్యాటింగ్‌ చూస్తే మ్యాచ్‌ మనదే అన్నట్లు అన్పిస్తుంది. చాలా కాన్ఫిడెన్స్‌తో బ్యాటింగ్‌ చేస్తాడని" అశ్విన్‌ తన యూట్యూబ్‌ ఛానల్‌లో పేర్కొన్నాడు. Final Ready 🙌 The two captains are all set for the #U19WorldCup Final 👌👌#TeamIndia | #BoysInBlue | #INDvAUS pic.twitter.com/9I4rsYdRGZ — BCCI (@BCCI) February 10, 2024

బెనోని (దక్షిణాఫ్రికా): డిఫెండింగ్‌ చాంపియన్‌ భారత్‌ ఆరో ప్రపంచకప్‌ లక్ష్యంగా అంతిమ సమరానికి సన్నద్ధమైంది. ఈ టోర్నీలో పరాజయమెరుగని భారత జట్టు ఆదివారం జరిగే ఫైనల్లో ఆ్రస్టేలియాతో తలపడనుంది. డిఫెండింగ్‌ చాంపియన్‌ ఈ టోర్నీలో అసాధారణ ఫామ్‌లో ఉంది. కుర్రాళ్ల మెగా ఈవెంట్‌ చరిత్రలో తొమ్మిదోసారి టైటిల్‌ వేటకు అర్హత సాధించిన భారత్‌కు ఫైనల్‌ ప్రత్యర్థిపై మంచి రికార్డు ఉంది. ఆసీస్‌ ఐదుసార్లు ఫైనల్‌ చేరింది. పాక్‌ (1988, 2010), దక్షిణాఫ్రికా (2002)లపై గెలిచిన ఆసీస్‌కు 2012, 2018లలో జరిగిన ఫైనల్స్‌లో మాత్రం రెండు సార్లు భారత్‌ చేతిలో పరాభవం ఎదురైంది. ఇప్పుడు ఇదే రికార్డును ఈ టోర్నీలోనూ అజేయ భారత్‌ కొనసాగించాలని ఆశిస్తోంది. ప్రస్తుత టోర్నీలో జట్ల బలాబలాల విషయానికి వస్తే యువభారత్‌ ఆల్‌రౌండ్‌ షోతో జైత్రయాత్ర చేస్తోంది. బ్యాటింగ్‌లో కెప్టెన్‌ ఉదయ్‌ సహరణ్‌ (389 పరుగులు), ముషీర్‌ ఖాన్‌ (338), సచిన్‌ దాస్‌ (294) సూపర్‌ ఫామ్‌లో ఉన్నారు. బౌలింగ్‌లో సౌమీ పాండే (17 వికెట్లు) స్పిన్‌ మాయాజాలం ప్రత్యర్థి బ్యాటర్లను కట్టిపడేస్తోంది. మరోవైపు ఆసీస్‌ తరఫున ఓపెనర్‌ హ్యారీ డిక్సన్‌ (267 పరుగులు), కెప్టెన్‌ హ్యూగ్‌ వేగన్‌ (256) రాణించారు. బౌలింగ్‌లో కలమ్‌ విడ్లెర్‌ (12 వికెట్లు), టాస్‌ స్ట్రేకర్‌ (12 వికెట్లు) ప్రత్యర్థి బ్యాటర్లపై ప్రభావం కనబరిచారు. విజయాల పరంగా కూడా ఆసీస్‌... భారత్‌ లాగే దీటైన ప్రదర్శన చేసింది. సూపర్‌ సిక్స్‌లో విండీస్‌తో మ్యాచ్‌ వర్షంతో రద్దవగా మిగతా ఐదు మ్యాచ్‌ల్లోనూ గెలిచి అజేయంగా నిలిచింది. ఈ నేపథ్యంలో ఇరుజట్ల మధ్య ఫైనల్‌ హోరాహోరీగా జరిగే అవకాశముంది.

అండర్‌ 19 వరల్డ్‌కప్‌-2024లో టీమిండియా ఫైనల్‌ చేరడంలో స్పిన్నర్‌ సౌమీ పాండేది కీలక పాత్ర. ఈ టోర్నీ ఆసాంతం 19 ఏళ్ల సౌమీ పాండే అద్బుతమైన ప్రదర్శన కనబరిచాడు. ఈ మెగా టోర్నీలో ఇప్పటివరకు 6 మ్యాచ్‌లు ఆడిన పాండే 17 వికెట్లు పడగొట్టి.. మూడో లీడింగ్‌ వికెట్‌ టేకర్‌గా కొనసాగిస్తున్నాడు. ఆస్ట్రేలియాతో జరగనున్న ఫైనల్‌లో సౌమీ మరో మూడు వికెట్లు పడగొడితే ఈ టోర్నీలో అత్యధిక వికెట్లు తీసిన బౌలర్‌గా నిలుస్తాడు. అయితే ప్రతీమ్యాచ్‌లోనూ అద్బుతమైన ప్రదర్శన కనబరుస్తున్న సౌమీ పాండేను కొంతమంది టీమిండియా స్టార్‌ ఆల్‌రౌండర్‌ రవీంద్ర జడేజాతో పోలుస్తున్నారు. భారత క్రికెట్‌కు మరో జడేజా దొరికేశాడని, జూనియర్‌ జడ్డూ అంటూ సోషల్‌ మీడియాలో పోస్టులు చేస్తున్నారు. తాజాగా ఇదే విషయంపై స్పందించిన సౌమీ పాండే తండ్రి కృష్ణ కుమార్ పాండే స్పందించాడు. దయ చేసి తన కొడుకును జడేజాతో పోల్చవద్దని కృష్ణ కుమార్ విజ్ఞప్తి చేశాడు. జడేజాతో పోల్చవద్దు.. "కొంతమంది అభిమానులు సౌమీ పాండేను రవీంద్ర జడేతో పోలుస్తున్నారు. అయితే నా కొడుకును జడేజాతో పోల్చడం సరికాదు. సౌమీ ఇంకా నేర్చుకునే స్ధాయిలో ఉన్నాడు. జడేజా ఇప్పటికే తన పదిహేనేళ్ల క్రికెట్ కెరీర్‌ను పూర్తి చేసుకున్నాడు.  అతడు తన కెరీర్‌లో అత్యుత్తమ స్ధాయిలో ఉన్నాడు. అతడు ఎన్నో ఎత్తుపల్లాలను చవిచూశాడు. జడ్డూ ఈ స్ధాయికి చేరుకోవడానికి చాలా కష్టపడ్డాడు. భారత్‌కు అతడు ఎన్నో అద్బుత విజయాలను అందిచాడు. సౌమీ ఇంకా మొదటి మెట్టు వద్దే ఉన్నాడు. దయచేసి ఇకనైనా సౌమీని జడేజాతో పోల్చవద్దు" అని ఇండియన్‌ ఎక్స్‌ప్రెస్‌కు ఇచ్చిన ఇంటర్వ్యూలో కృష్ణ కుమార్ పేర్కొన్నాడు. చదవండి: ILT 20: నరాలు తెగ ఉత్కంఠ.. ఆఖరి బంతికి సిక్స్‌ కొట్టి! వీడియో వైరల్‌

భారత్‌, ఆస్ట్రేలియా మధ్య మరో కీలకపోరుకు రంగం సిద్దమైంది. అయితే ఈసారి పోరు సీనియర్ల మధ్య కాదు జూనియర్ల మధ్య. అండర్‌ 19 వరల్డ్‌కప్‌-2024 ఫైనల్లో టీమిండియా, ఆస్ట్రేలియా జట్లు అమీతుమీ తెల్చుకోన్నాయి. శుక్రవారం జరిగిన రెండో సెమీఫైనల్లో పాకిస్తాన్‌పై ఒక్క వికెట్‌ తేడాతో విజయం సాధించిన ఆసీస్‌.. తమ ఫైనల్‌ బెర్త్‌ను ఖారారు చేసుకుంది.  అంతకముందు తొలి సెమీఫైనల్లో దక్షిణాఫ్రికాను ఓడించిన యువ భారత్‌.. 9వ సారి ఫైనల్లో అడుగుపెట్టింది. అండర్‌-19 వరల్డ్‌కప్‌లో ఆస్ట్రేలియా ఫైనల్‌కు చేరడం ఇది ఆరోసారి. ఫిబ్రవరి 11న సౌతాఫ్రికా బినోని స్టేడియం వేదికగా ఫైనల్‌ మ్యాచ్‌ జరగనుంది. జూనియర్లు ప్రతీకారం తీర్చుకుంటారా? కాగా గత ఏడాదికాలంలో ఐసీసీ ఈవెంట్‌ ఫైనల్లో భారత్- ఆస్ట్రేలియా తలపడడం ఇది ముచ్చటగా మూడో సారి. గత రెండు ఈవెంట్​ (డబ్ల్యూటీసీ 2023, వన్డే వరల్డ్‌కప్‌ 2023)ల్లోనూ ఆసీస్ గెలుపొంది.. భారత అభిమానుల ఆశలపై నీళ్లు జల్లింది. ఈ క్రమంలో కనీసం యువ భారత జట్టు అయినా ఫైనల్లో ఆసీస్‌ను ఓడించి ప్రతీకారం తీర్చుకోవాలని 140 కోట్ల మంది అభిమానులు భావిస్తున్నారు. మరి భారత్‌ ప్రతీకారం తీర్చుకుంటుందా లేదా మరోసారి దాసోహం అంటుందా అన్నది ఆదివారం వరకు వేచి చూడాలి. కంగారులపై మనదే పై చేయి.. ఇక అండర్‌-19 వరల్డ్‌కప్‌లో మాత్రం కంగారులపై టీమిండియాదే పై చేయి. ఈ మెగా ఈవెంట్‌ ఫైనల్‌ పోరులో భారత్‌-ఆస్ట్రేలియా తలపడడం ఇది మూడో సారి. 2003 అండర్‌-19 వరల్డ్‌కప్‌ ఫైనల్లో తొలిసారిగా ఆసీస్‌- టీమిండియా తలపడ్డాయి. ఈ టోర్నీలో ఆసీస్‌ జట్టు కెప్టెన్‌గా రికీ పాంటింగ్‌ వ్యవహరించగా.. భారత జట్టును సౌరవ్‌ గంగూలీ ముందుకు నడిపించాడు. అయితే ఫైనల్‌ మ్యాచ్‌లో 125 పరుగుల తేడాతో భారత్‌ను ఆసీస్‌ చిత్తు చేసింది. కానీ ఆ తర్వాత టోర్నీల్లో మాత్రం భారత్‌ జూలు విధిల్చింది. అనంతరం మళ్లీ 9 ఏళ్ల తర్వాత 2012 వరల్డ్‌కప్‌ ఫైనల్లో ఆసీస్‌- భారత్‌ అమీతుమీ తెల్చుకున్నాయి. ఈ ఫైనల్‌ మ్యాచ్‌లో ఉన్ముక్త్‌ చంద్‌ నేతృత్వంలోని భారత జట్టును ఆసీస్‌ను ఓడించి టైటిల్‌ను ముద్దాడింది. అదే విధంగా 2018 వరల్డ్‌కప్‌ తుదిపోరులోనూ యువ భారత్‌ మట్టికరిపించింది. ఈ సారి కూడా అదే ఫలితం పునరావృతం అవుతుందని భారత అభిమానులు గట్టిగా నమ్ముతున్నారు. అద్భుత ఫామ్‌లో భారత్‌.. కాగా ప్రస్తుతం భారత జట్టు ఫామ్‌ను చూస్తుంటే ఆసీస్‌ను ఓడించి మరోసారి టైటిల్‌ను ఎగరేసుకోపోయేలా కన్పిస్తోంది. ఈ టోర్నీలో భారత్ ఒక్క మ్యాచ్​లో కూడా ఓడిపోకుండా ఫైనల్స్‌ చేరింది. భారత కెప్టెన్‌ ఉదయ్‌ సహారాన్‌, ముషీర్‌ ఖాన్‌, సచిన్‌ దాస్‌ వంటి యువ సంచలనాలు అద్భుత ఫామ్‌లో ఉండడం జట్టుకు కలిశిచ్చే అంశం​. మరోవైపు బౌలర్లలో రాజ్‌ లింబానీ మరోసారి చెలరేగితే ఆసీస్‌ బ్యాటర్లకు కష్టాలు తప్పవు. అయితే ఆసీస్‌ను మాత్రం  తక్కువగా అంచనా వేయలేం. ఫైనల్‌ అంటే ఆసీస్‌కు పూనకాలే. పరిస్థితులు ఎలా ఉన్న ఆఖరి వరకు పోరాడడమే ఆసీస్‌ ప్రధాన అస్త్రం. 17 runs for 10th Wicket Partnership! 𝗔𝘂𝘀𝘁𝗿𝗮𝗹𝗶𝗮 in to U19WC finals 💥 U19WC Finals 1988 - PAK vs AUS 1998 - NZ vs ENG 2000 - SL vs IND 2002 - SA vs AUS 2004 - PAK vs WI 2006 - PAK vs IND 2008 - IND vs SA 2010 - AUS vs PAK 2012 - AUS vs IND 2014 - PAK vs SA 2016 - WI… pic.twitter.com/gDjUfyJEnx — 𝑺𝒉𝒆𝒃𝒂𝒔 (@Shebas_10dulkar) February 8, 2024

బెనోని (దక్షిణాఫ్రికా): అండర్‌–19 ప్రపంచకప్‌   రెండో సెమీఫైనల్‌ మ్యాచ్‌ కూడా తొలి సెమీస్‌లాగే ఉత్కంఠభరితంగా ముగిసింది. గురువారం జరిగిన ఈ మ్యాచ్‌లో ఆస్ట్రేలియా ఒక వికెట్‌ తేడా తో పాకిస్తాన్‌పై నెగ్గి ఈ టోర్నీ చరిత్రలో ఆరోసారి ఫైనల్‌కు చేరుకుంది. ముందుగా బ్యాటింగ్‌కు దిగిన పాక్‌ 48.5 ఓవర్లలో 179 పరుగులకు ఆలౌటైంది. అరాఫత్‌ (52; 9 ఫోర్లు), అజాన్‌ (52; 3 ఫోర్లు) అర్ధసెంచరీలు చేశారు. ‘ప్లేయర్‌ ఆఫ్‌ ద మ్యాచ్‌’ టామ్‌ స్ట్రాకర్‌ (6/24) పాక్‌ను దెబ్బ తీశాడు. అనంతరం ఆస్ట్రేలియా 49.1 ఓవర్లలో 9 వికెట్లు కోల్పోయి 181 పరుగులు సాధించి గెలిచింది. డిక్సన్‌ (50; 5 ఫోర్లు), ఒలీవర్‌ పీక్‌ (49; 3 ఫోర్లు) కీలక ఇన్నింగ్స్‌ ఆడారు. 9వ వికెట్‌ కోల్పోయిన తర్వాత ఆసీస్‌ చివరి 4 ఓవర్లలో విజయానికి 16 పరుగులు చేయాల్సి ఉంది. తొలి 3 ఓవర్లలో 13 పరుగులు వచ్చాయి. స్లో ఓవర్‌ రేట్‌ కారణంగా పెనాల్టీ విధించడంతో ఆఖరి ఓవర్‌ కోసం ఫైన్‌ లెగ్‌ వద్ద ఉన్న ఫీల్డర్‌ను పాక్‌ రింగ్‌ లోపలికి తీసుకు రావాల్సి వచ్చింది. జీషాన్‌ వేసిన బంతిని బ్యాటర్‌ మెక్‌మిలన్‌ ఆడగా బంతి బ్యాట్‌ అంచుకు తాకి అదే ఫైన్‌ లెగ్‌ వైపు నుంచే బౌండరీ దాటింది. దాంతో ఆసీస్‌ కుర్రాళ్లు సంబరాలు చేసుకోగా, పాక్‌ బృందం నిరాశలో మునిగింది. ఆదివారం జరిగే తుది పోరులో భారత్‌తో ఆ్రస్టేలియా తలపడుతుంది.

సచిన్‌ దాస్‌.. ప్రస్తుతం భారత క్రికెట్‌లో మారుమోగుతున్న పేరు. అండర్‌ 19 వరల్డ్‌కప్‌-2024లో టీమిండియా ఫైనల్‌కు చేరడంలో ఈ యువ ఆటగాడిది కీలక పాత్ర. క్రికెట్ గాడ్ పేరు పెట్టుకున్న ఈ యువ సంచలనం.. అందుకు తగ్గట్టుగానే అసాధారణమైన ప్రతిభను కనబరుస్తున్నాడు. దక్షిణాఫ్రికాతో జరిగిన తొలి సెమీఫైనల్లో సచిన్ తనకు కెరీర్‌లో చిర‌కాలం గుర్తుండిపోయే ఇన్నింగ్స్ ఆడాడు. ద‌క్షిణాఫ్రికా నిర్దేశించిన 244 ప‌ర‌గుల ఛేద‌న‌లో 32 ప‌రుగుల‌కే 4 కీల‌క వికెట్లు కోల్పోయి పీకల్లోతు కష్టాల్లో పడింది. ఈ క్రమంలో కెప్టెన్‌ ఉదయ్‌ సహారన్‌తో జతకట్టిన  సచిన్‌.. తన విరోచిత పోరాటంతో తొమ్మిదోసారి ఫైనల్‌కు చేర్చాడు. బౌలర్లకు అనుకూలిస్తున్న వికెట్‌పై సచిన్ దాస్ విధ్వంసకర బ్యాటింగ్‌తో చెలరేగాడు. కేవలం 4 పరుగుల దూరంలో సెంచరీ చేసే అవకాశాన్ని కోల్పోయిన దాస్‌.. తన సంచలన ఇన్నింగ్స్‌తో మాత్రం అందరి ప్రశంసలను అందుకుంటున్నాడు. ఈ మ్యాచ్‌లో 95 బంతులు ఎదుర్కొన్న సచిన్‌ 11 ఫోర్లు, 1 సిక్స్‌తో 96 పరుగులు చేశాడు. ఈ నేపథ్యంలో ఎవరీ సచిన్‌ దాస్‌ అని నెటిజన్లు అరాతీసున్నారు. ఎవరీ సచిన్‌ దాస్‌? సచిన్ దాస్.. 2005 ఫిబ్రవ‌రి 3న మ‌హారాష్ట్రలోని బీడ్ గ్రామంలో జ‌న్మించాడు. సచిన్‌కు తన చిన్నతనం నుంచే క్రికెట్‌పై మక్కువ ఎక్కువ.  నాలుగున్నర ఏళ్ల వయస్సు నుంచే స‌చిన్ క్రికెట్ ఆడ‌డం మొద‌లెట్టాడు. కానీ అతడు ఉన్న చోట క్రికెట్ ఆడేందుకు అత్యుత్తమ సౌకర్యాలు లేవు. అతడు ప్రాక్టీస్‌ చేయడానికి పూర్తి స్ధాయి క్రికెట్‌ పిచ్‌లు కూడా అందుబాటులో ఉండేవి కాదు. దాస్‌ హాఫ్‌ టర్ఫ్‌లపైనే  ప్రాక్టీస్‌ చేస్తూ వచ్చాడు. సచిన్‌ తన ప్రయాణంలో ఎన్ని ఇబ్బందిలు ఎదుర్కొన్నప్పటికీ తన అభిరుచిని మాత్రం వదులుకోలేదు. నిరంతరం శ్రమ, పట్టుదలతో  భారత జెర్సీ ధరించే స్ధాయికి చేరుకున్నాడు. అయితే సచిన్‌ భారత్‌ అండర్‌-19 క్రికెటర్‌గా ఎదగడంలో అతడి తల్లిదండ్రుల కూడా కీలక పాత్ర. సచిన్ తండ్రి పేరు సంజయ్‌ దాస్‌. అతడు మహారాష్ట్ర ఆరోగ్య శాఖలో పనిచేస్తున్నారు. సంజయ్‌ దాస్‌కు కూడా క్రికెట్‌ అంటే ఇష్టం ఎక్కువే. యూనివర్సిటీ స్థాయి వరకు అతడు క్రికెట్‌ ఆడాడు. కానీ అతడు అంతకంటే ముందుకు వెళ్లలేదు. అయితే తన కలను కొడుకు రూపంలో నెరవేర్చుకోవాలని అనుకున్నాడు. తనకు తనయడు జన్మించిన వెంటనే ఎలాగైనా క్రికెటర్‌ చేయాలని సంజయ్‌ నిర్ణయించుకున్నాడు. మరోవైపు సచిన్‌ తల్లిపేరు సురేఖ దాస్‌. మహారాష్ట్ర పోలీస్‌ విభాగంలో అసిస్టెంట్ పోలీస్ ఇన్‌స్పెక్టర్‌గా విధులు నిర్వర్తిస్తున్నారు.  కోచ్‌ కూడా.. అదే విధంగా సచిన్‌ ఈ స్ధాయికి చేరుకోవడంలో కోచ్ షేక్ అజార్ కూడా తన వంతు పాత్ర పోషించాడు. సచిన్‌కు పేస్ బౌలర్‌లకు ఆడటంలో కాస్త ఇబ్బంది పడుతూ వస్తుండేవాడు. ముఖ్యంగా బౌన్సర్లను ఎదుర్కొవడంలో ఇబ్బంది పడేవాడు. ఈ క్రమంలో సచిన్‌.. కోచ్‌ షేక్ అజార్ సాయంతో తన సమస్యను అధిగమించాడు. ఈ విషయాన్ని స్వయంగా అతడి తండ్రి సంజయ్‌ దాస్‌ తెలిపాడు. సచిన్ దాస్ పేరు ఎలా వచ్చిందంటే? సచిన్ దాస్ తండ్రి  సునీల్ గవాస్కర్‌, సచిన్‌ టెండూల్కర్‌కి వీరాభిమాని. అయితే తన ఆరాధ్య క్రికెటర్లలో ఒకరైన సచిన్ టెండూల్కర్ పేరును తన కొడుక్కి పెట్టుకున్నారు. అయితే 18 ఏళ్ల సచిన్‌ దాస్‌ కూడా  టెండూల్కర్‌కు వీరాభిమాని. అందుకే మాస్టర్‌ బ్లాస్టర్‌ ధరించిన 10వ నంబర్ జెర్సీనే వరల్డ్‌కప్‌లో వేసుకుంటున్నాడు. ఓవరాల్‌గా ఈ టోర్నీలో 6 మ్యాచ్‌లు ఆడిన సచిన్‌ దాస్‌.. 73.50 సగటుతో 294 పరుగులు చేశాడు.

ఈ టోర్నీలో ఆడిన మ్యాచ్‌లన్నీ గెలిచిన యువ భారత జట్టుకు 245 లక్ష్యం సులువైందే! కానీ 32 పరుగులకే 4 కీలక వికెట్లు కోల్పోయిన టీమిండియాకు ఆ సులువైన లక్ష్యమే క్లిష్టంగా మారింది. ఈ దశలో కెప్టెన్‌ ఉదయ్‌ సహారణ్‌కు జతయిన సచిన్‌ దాస్‌ ఐదో వికెట్‌కు 171  పరుగులు జోడించడంతో ఓటమి కోరల్లోంచి బయటపడిన భారత్‌ ఈ మెగా టోర్నీ చరిత్రలో తొమ్మిదోసారి ఫైనల్‌ పోరుకు అర్హత పొందింది.    బెనోని (దక్షిణాఫ్రికా): ఆరంభం నుంచి అండర్‌–19 ప్రపంచకప్‌లో అలవోకగా జైత్రయాత్ర చేస్తున్న డిఫెండింగ్‌ చాంపియన్‌ భారత్‌కు సెమీస్‌లో అసాధారణ పోరాటం ఎదురైనా... అద్భుతమైన విజయంతో ఫైనల్‌ చేరింది. తొలి సెమీఫైనల్లో యువ భారత్‌ 2 వికెట్ల తేడాతో దక్షిణాఫ్రికాను ఓడించింది. మొదట దక్షిణాఫ్రికా 50 ఓవర్లలో 7 వికెట్లకు 244 పరుగులు చేసింది.   ప్రిటోరియస్‌ (102 బంతుల్లో 76; 6 ఫోర్లు, 3 సిక్స్‌లు), రిచర్డ్‌ (100 బంతుల్లో 64; 4 ఫోర్లు, 2 సిక్స్‌లు) రాణించారు. రాజ్‌ లింబాని 3; ముషీర్‌ ఖాన్‌ 2 వికెట్లు తీశారు. అనంతరం భారత్‌ 48.5 ఓవర్లలో 8 వికెట్ల నష్టానికి 248 పరుగులు చేసి గెలిచింది. ‘ప్లేయర్‌ ఆఫ్‌ ద మ్యాచ్‌’ ఉదయ్‌ (124 బంతుల్లో 81; 6 ఫోర్లు), సచిన్‌ దాస్‌ (95 బంతుల్లో 96; 11 ఫోర్లు, 1 సిక్స్‌) వీరోచిత పోరాటం చేశారు.   సీన్‌ మార్చిన సచిన్‌  జట్టు ఖాతా తెరువక ముందే తొలి బంతికే ఆదర్శ్‌ సింగ్‌ (0), కాసేపటికే ముషీర్‌ ఖాన్‌ (4), అర్షిన్‌ (12), ప్రియాన్షు (5) పెవిలియన్‌ చేరారు. ఈ దశలో క్రీజులో ఉన్న కెప్టెన్‌ ఉదయ్‌కి సచిన్‌ దాస్‌ జతయ్యాడు. కెప్టెన్‌ నింపాదిగా ఆడుతుంటే అడపాదడపా బౌండరీలతో సచిన్‌ దాస్‌ లక్ష్యఛేదనకు అవసరమైన పరుగులు పేర్చాడు. అర్ధసెంచరీలతో ఇన్నింగ్స్‌ను గాడిన పెట్టారు. ఇద్దరు 30 ఓవర్లపాటు అసాధారణ పోరాటం చేశారు. 4 పరుగుల తేడాతో సచిన్‌ సెంచరీ అవకాశాన్ని చేజార్చుకోగా... హైదరాబాద్‌ ఆటగాళ్లు అరవెల్లి అవనీశ్‌ రావు (10), అభిషేక్‌ మురుగన్‌ (0) వికెట్లు పడటంతో ఉత్కంఠ పెరిగింది. ఈ దశలో రాజ్‌ లింబాని (4 బంతుల్లో 13 నాటౌట్‌; 1 సిక్స్, 1 ఫోర్‌) జట్టును విజయ తీరానికి చేర్చాడు.  గురువారం ఆ్రస్టేలియా, పాకిస్తాన్‌ జట్ల మధ్య రెండో సెమీఫైనల్‌ జరుగుతుంది. ఈ మ్యాచ్‌లో నెగ్గిన జట్టు ఆదివారం జరిగే ఫైనల్లో భారత్‌తో తలపడుతుంది. స్కోరు వివరాలు దక్షిణాఫ్రికా ఇన్నింగ్స్‌: ప్రిటోరియస్‌ (సి) అభిõÙక్‌ (బి) ముషీర్‌ 76; స్టీవ్‌ స్టోల్క్‌ (సి) అవనీశ్‌ (బి) రాజ్‌ 14; టీగెర్‌ (బి) రాజ్‌ 0; రిచర్డ్‌ (సి) మొయిలా (బి) నమన్‌ 64; ఒలీవర్‌ (సి) సచిన్‌ (బి) ముషీర్‌ 22; మరయిస్‌ (సి) అభిషేక్‌ (బి) సౌమీ పాండే 3; జేమ్స్‌ (సి) అవనీశ్‌ (బి) రాజ్‌ 24; నార్టన్‌ నాటౌట్‌ 7; ట్రిస్టన్‌ నాటౌట్‌ 23; ఎక్స్‌ట్రాలు 11; మొత్తం (50 ఓవర్లలో 7 వికెట్లకు) 244. వికెట్ల పతనం: 1–23, 2–46, 3–118, 4–163, 5–174, 6–214, 7–220. బౌలింగ్‌: రాజ్‌ లింబాని 9–0–60–3, నమన్‌ తివారి 8–0–52–1, అభిõÙక్‌ మురుగన్‌ 4–0–14–0, అర్షిన్‌ 2–0–10–0, సౌమీ పాండే 10–0–38–1, ముషీర్‌ 10–1–43–2, ప్రియాన్షు 7–1–25–0.  భారత్‌ ఇన్నింగ్స్‌: ఆదర్శ్‌ (సి) ప్రిటోరియస్‌ (బి) మఫక 0; అర్షిన్‌ (సి) జేమ్స్‌ (బి) ట్రిస్టన్‌ 12; ముషీర్‌ (సి) జేమ్స్‌ (బి) ట్రిస్టన్‌ 4; ఉదయ్‌ (రనౌట్‌) 81; ప్రియాన్షు (సి) ప్రిటోరియస్‌ (బి) ట్రిస్టన్‌ 5; సచిన్‌ (సి) టీగెర్‌ (బి) మఫక 96; అవనీశ్‌ (సి) నార్టన్‌ (బి) మఫక 10; అభిషేక్‌ (రనౌట్‌) 0; రాజ్‌ (నాటౌట్‌) 13; నమన్‌ (నాటౌట్‌) 0; ఎక్స్‌ట్రాలు 27; మొత్తం (48.5 ఓవర్లలో 8 వికెట్లకు) 248. వికెట్ల పతనం: 1–0, 2–8, 3–25, 4–32, 5–203, 6–226, 7–227, 8–244. బౌలింగ్‌: మఫక 10–0–32–3, ట్రిస్టన్‌ 10–1–37–3, నార్టన్‌ 9–0–53–0, మొకినా 7.5–0–45–0, స్టోల్క్‌ 2–0–18–0, జేమ్స్‌ 8–0–44–0, వైట్‌హెడ్‌ 2–0–17–0.  

అండర్‌–19 ప్రపంచకప్‌ సెమీఫైనల్‌ మ్యాచ్‌లో డిఫెండింగ్‌ చాంపియన్‌ భారత్‌ ఆతిథ్య దక్షిణాఫ్రికాతో సెమీఫైనల్‌ పోరుకు సిద్ధమైంది. 1988లో మొదలైన అండర్‌–19 ప్రపంచకప్‌ల చరిత్రలో అత్యధికంగా 8 సార్లు ఫైనల్‌ చేరిన భారత్‌... 2000, 2008, 2012, 2018, 2022లలో ఐదుసార్లు విజేతగా నిలిచింది. ఉదయ్‌ సహరన్‌ నేతృత్వంలోని యువ జట్టు ఆల్‌రౌండ్‌ నైపుణ్యంతో ఉంది. ఈ టోర్నీలో వరుసగా ఐదు విజయాలు సాధించింది. ఈ మెగా ఈవెంట్‌కు ముందు సన్నాహకంగా ఆడిన ముక్కోణపు సిరీస్‌లో సఫారీ జట్టును భారత్‌ రెండు వన్డేల్లో ఓడించింది. కీలకమైన సెమీస్‌కు ముందు యువ భారత్‌ ఆత్మవిశ్వాసాన్ని పెంచే అంశమిది. ఇదే సమరోత్సాహంతో ఆతిథ్య దక్షిణాఫ్రికాను మట్టికరిపించాలనే పట్టుదలతో ఉంది. బ్యాటింగ్‌లో ముషీర్‌ ఖాన్, కెప్టెన్‌ ఉదయ్, సచిన్‌ దాస్‌ సూపర్‌ ఫామ్‌లో ఉన్నారు. బౌలింగ్‌లో సౌమీ కుమార్‌ పాండే, నమన్‌ తివారి, రాజ్‌ లింబానిలు కూడా నిలకడగా రాణిస్తుండటం జట్టును పటిష్టంగా నిలిపింది. మధ్యాహ్నం 1.30 గంటలకు మొదలయ్యే ఈ సెమీస్‌ పోరును స్టార్‌స్పోర్ట్స్‌ ప్రసారం చేస్తుంది. 

అండర్‌ 19 వరల్డ్‌ కప్‌-2024లో టీమిండియా జైత్ర యాత్ర కొనసాగుతోంది. ఈ టోర్నీ సూపర్‌ సిక్స్‌ దశను విజయంతో ఆరంభించింది. సూపర్‌ సిక్స్‌లో భాగంగా బ్లూమ్‌ఫోంటైన్ వేదికగా న్యూజిలాండ్‌తో జరిగిన మ్యాచ్‌లో 214 పరుగుల తేడాతో భారత్‌ ఘన విజయం సాధించింది. భారత విజయంలో ముషీర్‌ ఖాన్‌ ఆల్‌రౌండ్‌ ప్రదర్శనతో కీలక పాత్ర పోషించాడు. తొలుత బ్యాటింగ్‌లో సెంచరీతో చెలరేగిన ముషీర్‌.. అనంతరం బౌలింగ్‌లో రెండు వికెట్లు పడగొట్టాడు. 126 బంతుల్లో 13 ఫోర్లు, 3 సిక్స్‌లతో 131 ముషీర్‌ పరుగులు చేశాడు. అతడి విధ్వంసకర ఇన్నింగ్స్‌ ఫలితంగా తొలుత బ్యాటింగ్‌ చేసిన టీమిండియా నిర్ణీత 50 ఓవర్లలో 8 వికెట్ల నష్టానికి 295 పరుగులు చేసింది.  ముషీర్‌తో పాటు ఓపెనర్‌ ఆదర్శ్‌ సింగ్‌(52), కెప్టెన్‌ ఉదయ్‌ సహారన్‌(34) పరుగులతో రాణించారు. న్యూజిలాండ్‌ బౌలర్లలో మాసేన్‌ క్లార్క్‌ 4 వికెట్లు పడగొట్టగా.. ఒలీవర్‌ తెవాటియా, కమ్మింగ్‌, రెయాన్‌ తలా వికెట్‌ సాధించారు. 4 వికెట్లతో చెలరేగిన సౌమ్య పాండే.. 296 పరుగుల భారీ లక్ష్యంతో బరిలోకి దిగిన కివీస్‌.. భారత బౌలర్ల దాటికి కేవలం 81 పరుగులకే కుప్పకూలింది. భారత బౌలర్లలో స్పిన్నర్‌ సౌమ్య పాండే 4 వికెట్లతో బ్లాక్‌క్యాప్స్‌ పతనాన్ని శాసించగా.. రాజ్‌ లింబానీ, ముషీర్‌ ఖాన్‌ తలా రెండు వికెట్లు పడగొట్టారు. న్యూజిలాండ్‌ బ్యాటర్లలో కెప్టెన్‌ జాక్‌సన్‌(19) పరుగులతో టాప్‌ స్కోరర్‌గా నిలిచాడు.  

అండర్‌-19 వరల్డ్‌కప్‌ 2024లో భాగంగా అమెరికాతో జరుగుతున్న మ్యాచ్‌లో టీమిండియా  టీమిండియా బ్యాటర్లు చెలరేగారు. టాస్‌ ఓడి తొలుత బ్యాటింగ్‌కు దిగిన భారత్‌.. నిర్ణీత 50 ఓవర్లలో 5 వికెట్ల నష్టానికి 326 పరుగుల భారీ స్కోర్‌ సాధించింది. భారత బ్యాటర్లలో ఓపెనర్‌ అర్షిన్‌ కులకర్ణి అద్బుతమైన సెంచరీతో చెలరేగాడు. 118 బంతుల్లో 8 ఫోర్లు, 3 సిక్స్‌లతో కులకర్ణి 108 పరుగులు చేశాడు. అతడితో పాటు ముషీర్‌ ఖాన్‌(73), కెప్టెన్‌ ఉదయ్‌ సహారన్‌(35) పరుగులతో రాణించారు. అమెరికా బౌలర్లలో సుబ్రమణ్యన్‌ రెండు వికెట్లు పడగొట్టగా.. అరిన్‌, ఆర్యా గార్గ్‌, రిషి రమేష్‌ తలా వికెట్‌ సాధించారు. అనంతరం 327 పరుగుల లక్ష్యంతో బరిలోకి దిగిన యూఎస్‌ 8 ఓవర్లలో 12 పరుగులకే 3 వికెట్లు కోల్పోయి కష్టాల్లో పడింది. భారత బౌలర్లలో ఇప్పటివరకు తివారీ రెండు వికెట్లు పడగొట్టగా.. రాజ్‌ లింబానీ ఒక్క వికెట్‌ సాధించారు.  

అండర్‌–19 ప్రపంచకప్‌ క్రికెట్‌ టోర్నీలో ఉదయ్‌ సహారణ్‌ నాయకత్వంలోని టీమిండియా నేడు గ్రూప్‌ ‘ఎ’ చివరి లీగ్‌ మ్యాచ్‌లో అమెరికా జట్టుతో తలపడనుంది. తొలి రెండు లీగ్‌ మ్యాచ్‌ల్లో బంగ్లాదేశ్, ఐర్లాండ్‌పై గెలిచి ‘సూపర్‌ సిక్స్‌’ బెర్త్‌ను ఖరారు చేసుకున్న భారత్‌ ఈ మ్యాచ్‌లోనూ గెలిచి లీగ్‌ దశను అజేయంగా ముగించాలని పట్టుదలతో ఉంది. మధ్యాహ్నం గం. 1:30 నుంచి జరిగే ఈ మ్యాచ్‌ను స్టార్‌ స్పోర్ట్స్‌ చానెల్‌లో ప్రత్యక్ష ప్రసారం చేస్తారు.  

అండర్‌-19 వరల్డ్‌‍కప్‌-2024లో పాకిస్తాన్‌ జైత్రయాత్ర కొనసాగుతోంది. ఈ మెగా టోర్నీలో వరుసగా మూడో విజయాన్ని పాక్‌ అందుకుంది. ఈ టోర్నీలో భాగంగా శనివారం ఈస్ట్‌ లండన్‌ వేదికగా న్యూజిలాండ్‌తో జరిగిన మ్యాచ్‌లో 10 వికెట్ల తేడాతో పాకిస్తాన్‌ ఘన విజయం సాధించింది. 141 పరుగుల లక్ష్యంతో బరిలోకి దిగిన పాకిస్తాన్‌ 25.2 ఓవర్లలో వికెట్‌ నష్టపోకుండా ఛేదించింది. పాక్‌ ఓపెనర్లు షాజైబ్ ఖాన్(80 నాటౌట్‌), షమీల్ హుస్సేన్(54నాటౌట్‌) మ్యాచ్‌ను ఫినిష్‌ చేశారు. అంతకుముందు బ్యాటింగ్‌ చేసిన కివీస్‌.. పాక్‌ బౌలర్ల దాటికి కేవలం 140 పరుగులకే కుప్పకూలింది. పాక్‌ బౌలర్లలో ఉబైద్‌ షా, ఆరాఫాట్‌ మిన్హాష్‌ తలా 3 వికెట్లు పడగొట్టి బ్లాక్‌ క్యాప్స్‌ పతనాన్ని శాసించారు. వీరిద్దరితో పాటు నవీద్‌ రెండు,అలీ, జీషన్‌ ఒక్కో వికెట్‌ సాధించారు. ఈ విజయంతో పాకిస్తాన్‌ గ్రూపు-డి పాయింట్ల పట్టికలో అగ్రస్ధానానికి చేరుకుంది. చదవండి: IND vs ENG: సెంచరీతో చెలరేగిన పోప్‌.. రసవత్తరంగా భారత్-ఇంగ్లండ్ తొలి టెస్టు

సౌతాఫ్రికా వేదికగా జరుగుతున్న అండర్‌ 19 క్రికెట్‌ వరల్డ్‌కప్‌-2024ను న్యూజిలాండ్‌ ఆటగాడు స్నేహిత్‌ రెడ్డి ఘనంగా ఆరంభించాడు. ఈస్ట్‌ లండన్‌ వేదికగా నేపాల్‌తో జరిగిన మ్యాచ్‌లో అద్బుత సెంచరీతో చెలరేగాడు. ఈ మ్యాచ్‌లో స్నేహిత్‌ 125 బంతుల్లో 11 ఫోర్లు, 6 సిక్సర్ల సాయంతో 147 పరుగులు చేశాడు. ఇక ఇది ఇలా ఉండగా.. స్నేహిత్‌ తెలుగు సంతతికి చెందిన క్రికెటరే కావడం విశేషం. 17 ఏళ్ల స్నేహిత్‌ ఆంధ్రప్రదేశ్‌లోని విజయవాడలో పుట్టినప్పటికీ.. అతని తల్లిదండ్రులు న్యూజిలాండ్‌కు వలస వెళ్లడంతో ఆ దేశం తరఫున క్రికెట్‌ ఆడుతున్నాడు. ఇక సెంచరీతో చెలరేగిన స్నేహిత్‌ రెడ్డి ప్లేయర్‌ ఆఫ్‌ది మ్యాచ్‌గా నిలిచాడు. పోస్ట్‌మ్యాచ్‌ ప్రేజేంటేషన్‌లో స్నేహిత్‌ మాట్లాడుతూ.. టీమిండియా ప్రిన్స్‌ శుబ్‌మన్‌ గిల్‌పై ప్రశంసల వర్షం కురిపించాడు. శుబ్‌మన్‌ గిల్‌ తనను ఎంతగానే ప్రభావితం చేశాడని స్నేహిత్‌  తెలిపాడు. అంతేకాకుండా గిల్‌ బోడౌన్‌ సెంచరీ సెలబ్రేషన్స్‌ స్టైల్‌ను స్నేహిత్‌ రెడ్డి  అనుకరించాడు.  "తొలి మ్యాచ్‌లోనే సెంచరీ సాధించడం చాలా సంతోషంగా ఉంది. ఈ సెంచరీ నాకు చాలా స్పెషల్‌. ఈ మ్యాచ్‌లో నా ఇన్నింగ్స్‌ను బాగా ఎంజాయ్‌ చేశాను. కాగా ఈ మ్యాచ్‌కు ముందే మా సెంచరీ సెలబ్రేషన్స్‌ గురించి మాట్లాడుకున్నాం. నేను అయితే శుబ్‌మన్‌ గిల్‌ 'బౌడౌన్‌' సెలబ్రేషన్స్‌   జరుపుకుంటానని చెప్పాను. ఎందుకంటే నా అభిమాన క్రికెటర్లలో శుబ్‌మన్‌ ఒకడు. అతడు బ్యాటింగ్‌ స్టైల్‌ అంటే నాకెంతో ఇష్టం. అతడి షాట్‌ సెలక్షన్‌ కూడా అద్బుతం. గిల్‌ బ్యాటింగ్‌ స్టైల్‌ను కాపీ చేయడానికి ప్రయత్నిస్తున్నాను అని పోస్ట్‌మ్యాచ్‌ ప్రేజేంటేషన్‌లో స్నేహిత్‌ రెడ్డి పేర్కొన్నాడు. కాగా ఈ మ్యాచ్‌లో నేపాల్‌పై 64 పరుగుల తేడాతో కివీస్‌ విజయం సాధించింది. చదవండి: WI vs AUS: 29 బంతుల్లో విధ్వంసకర సెంచరీ.. ఆసీస్‌ జట్టులో ఛాన్స్‌ కొట్టేశాడు! ❤️ A moment shared with family 🫶 Enjoying the occasion ✨ Shubman Gill's influence New Zealand's Snehith Reddy reflects on his #U19WorldCup century 💯 pic.twitter.com/szYB81B0yi — ICC (@ICC) January 22, 2024

సొంత గడ్డపై జరుగుతున్న అండర్-19  వరల్డ్‌కప్‌-2024లో దక్షిణాఫ్రికా శుభారంభం చేసిన సంగతి తెలిసిందే. వెస్టిండీస్‌ అండర్‌-19 జట్టుతో జరిగిన మ్యాచ్‌లో 31 పరుగుల తేడాతో ప్రోటీస్‌ విజయం సాధించింది. అయితే ఈ మ్యాచ్‌లో సఫారీ  స్పీడ్‌స్టర్ క్వేనా మఫాకా ఐదు వికెట్లతో చెలరేగాడు. ఈ మ్యాచ్‌లో 9.1 ఓవర్లు బౌలింగ్‌ చేసిన మఫాకా 38 పరుగులిచ్చి 5 వికెట్లు పడగొట్టాడు. తన అద్బుత ప్రదర్శనకు గాను మ్యాన్‌ ఆఫ్‌ ది మ్యాచ్‌ అవార్డు 17 ఏళ్ల  మఫాకాకు వరించింది. పోస్ట్‌ మ్యాచ్‌ ప్రేజేంటేషన్‌లో మఫాకా మాట్లాడుతూ.. టీమిండియా పేస్‌ గుర్రం జస్ప్రీత్‌ బుమ్రాపై ప్రశంసల వర్షం కురిపించాడు. ఈ మ్యాచ్‌లో మఫాకా వికెట్‌ పడగొట్టిన ప్రతీసారి బుమ్రా స్టైల్‌లోనే సెలబ్రేషన్స్‌ జరుపుకున్నాడు. వికెట్‌ తీసినప్పుడు ఏ విధంగా సెలబ్రేషన్స్‌ జరుపుకోవాలో ప్రపంచ కప్‌కు ముందు నా సోదరుడిని అడిగాను. అతడు నాకు తెలియదు అని సమాధనమిచ్చాడు. అందుకు బదులుగా వెంటనే నేను 'ఐ డోంట్ నో' సెలబ్రేషన్స్‌ జరుపుకుంటానని నవ్వుతూ అన్నాను.  అందుకే బుమ్రా సెలబ్రేషన్స్‌ను అనుకరించాలని నిర్ణయించుకున్నాను. బమ్రా కూడా వికెట్‌ పడగొట్టిన పెద్దగా సెలబ్రేషన్స్‌ చేసుకోడు. వరల్డ్‌ క్రికెట్‌లో అత్యుత్తమ బౌలర్లలో బుమ్రా ఒకడు. అయితే బుమ్రా కంటే నేను బెటర్‌ అనుకుంటున్నా అని ఐసీసీకి ఇచ్చిన ఇంటర్వ్యూలో మఫాకా పేర్కొన్నాడు. చదవండి: WI vs AUS: 29 బంతుల్లో విధ్వంసకర సెంచరీ.. ఆసీస్‌ జట్టులో ఛాన్స్‌ కొట్టేశాడు!

అండర్‌ 19 వరల్డ్‌కప్‌-2024ను భారత జట్టు విజయంతో ఆరంభించింది. బ్లూమ్‌ఫోంటెన్‌ వేదికగా మాజీ విజేత బంగ్లాదేశ్‌తో శనివారం జరిగిన గ్రూప్‌ 'ఎ' తొలి లీగ్‌ మ్యాచ్‌లో 84 పరుగుల తేడాతో భారత్‌ గెలుపొందింది. అయితే ఈ మ్యాచ్‌లో టీమిండియా కెప్టెన్‌ ఉదయ్‌ సహారన్‌ తన సహానాన్ని కోల్పోయాడు. మైదానంలోనే బంగ్లాదేశ్‌ ఆటగాడు అరిఫుల్ ఇస్లాంతో మాటల యుద్ధానికి సహారాన్‌ దిగాడు. అంతలోనే మరో బంగ్లా ఆటగాడు మహ్ఫుజుర్ రహ్మాన్ రబ్బీ తన సహచర ఆటగాడికి మద్దతుగా నిలవడంతో వాగ్వాదం మరింత తీవ్రమైంది. ఒకరికొకరు దగ్గరకు వచ్చి కొట్టుకునేంత పనిచేశారు. అయితే అంపైర్‌ జోక్యం చేసు​కోవడంతో గొడవ సద్దుమణిగింది. ఈ సంఘటన భారత ఇన్నింగ్స్‌ 25 ఓవర్‌లో చోటు చేసుకుంది. అయితే సహారాన్‌ కోపానికి గల కారణమేంటో తెలియలేదు. ఈ గొడవకు సంబంధించిన వీడియో ప్రస్తుతం సోషల్‌ మీడియాలో వైరల్‌ మారింది. కాగా ఈ మ్యాచ్‌లో సహారన్‌ కీలక ఇన్నింగ్స్‌ ఆడాడు. టాస్‌ ఓడి బ్యాటింగ్‌కు దిగిన భారత జట్టు 7.2 ఓవర్లలో కేవలం 32 పరుగులకే రెండు వికెట్లు కోల్పోయి కష్టాల్లో పడింది. ఈ క్రమంలో ఓపెనర్‌ ఆదర్శ్‌ సింగ్‌, కెప్టెన్‌ ఉదయ్‌ సహారన్‌ అర్ధ సెంచరీలతో భారత ఇన్నింగ్స్‌ను చక్కదిద్దారు. ఈ యువ జోడీ మూడో వికెట్‌కు 116 పరుగుల కీలక భాగస్వామ్యం నెలకొల్పారు. ఆదర్శ్‌ సింగ్‌(76), ఉదయ్‌ సహారన్‌(64) పరుగులు చేశారు. చదవండి: #Shoaib Malik: చరిత్ర సృష్టించిన షోయబ్ మాలిక్‌.. ఒకే ఒక్కడు pic.twitter.com/fmqCEQ5ipB — Sitaraman (@Sitaraman112971) January 20, 2024

అండర్‌ 19 వరల్డ్‌కప్‌- 2024లో భారత్‌ బోణీ కొట్టింది. బ్లోమ్‌ఫోంటెయిన్ వేదికగా బంగ్లాదేశ్‌తో జరిగిన మ్యాచ్‌లో 84 పరుగుల తేడాతో యువ భారత జట్టు విజయం సాధించింది. 252 పరుగుల లక్ష్యంతో బరిలోకి దిగిన బంగ్లా.. భారత స్పిన్నర్ల దాటికి 167 పరుగులకే కుప్పకూలింది. టీమిండియా బౌలర్లలో సౌమీ పాండే 4 వికెట్లతో బంగ్లాదేశ్‌ పతనాన్ని శాసించగా.. ముషీర్‌ ఖాన్‌ 2 వికెట్లతో సత్తాచాటాడు. బంగ్లాదేశ్‌ బ్యాటర్లలో మహ్మద్ షిహాబ్ జేమ్స్(54) పరుగులతో టాప్‌ స్కోరర్‌గా నిలిచాడు. అంతకుముందు బ్యాటింగ్‌ చేసిన టీమిండియా నిర్ణీత 50 ఓవర్లలో 7 వికెట్ల నష్టానికి 251 పరుగులు చేసింది. భారత బ్యాటర్లలో ఓపెనర్‌ ఆదర్ష్‌ సింగ్‌(76) పరుగులతో టాప్‌ స్కోరర్‌గా నిలవగా.. కెప్టెన్‌ ఉదయ్‌ సహ్రన్‌(64) హాఫ్‌ సెంచరీతో రాణించాడు. బంగ్లా బౌలర్లలో మరూప్‌ మిరందా 5 వికెట్లతో చెలరేగాడు. ఇక ఈ మెగా టోర్నీలో టీమిండియా తమ తదుపరి మ్యాచ్‌లో జనవరి 25న  బ్లోమ్‌ఫోంటెయిన్ వేదికగా ఐర్లాండ్‌తో తలపడనుంది. చదవండి: #Mohammed Shami: పెళ్లి కొడుకు గెటప్‌లో షమీ.. మళ్లీ పెళ్లి చేసుకోబోతున్నాడా?

దక్షిణాఫ్రికా వేదికగా జరగనున్న అండర్‌-19 ప్రపంచకప్‌కు టీమిండియా సన్నదమవుతోంది. ఈ మెగా టోర్నీ ఆరంభానికి ముందు యువ భారత జట్టు దక్షిణాఫ్రికా, అఫ్గానిస్తాన్‌ టీమ్స్‌తో ట్రైసిరీస్‌లో తలపడతోంది. ఈ ట్రైసిరీస్‌ కూడా సఫారీ గడ్డపైనే జరగుతుంది. ఈ ట్రైసిరీస్‌ టీమిండియా బోణీ కొట్టింది. అఫ్గానిస్తాన్‌తో జరిగిన తొలి మ్యాచ్‌లో 6 వికెట్ల తేడాతో భారత్‌ ఘన విజయం సాధించింది. ఈ మ్యాచ్‌లో తొలుత బ్యాటింగ్‌ తొలుత బ్యాటింగ్‌ చేసిన అఫ్గానిస్తాన్‌ 198 పరుగులకే కుప్పకూలింది. భారత బౌలర్లలో స్పిన్నర్‌  సౌమీ పాండే 6 వికెట్లతో చెలరేగాడు. సౌమీ హ్యాట్రిక్‌ వికెట్లు పడగొట్టి అఫ్గానిస్తాన్‌ను కోలుకోలేని దెబ్బ కొట్టాడు. తన 10 ఓవర్ల కోటాలో కేవలం 29 పరుగులు మాత్రమే 6 వికెట్లు సాధించాడు. కాగా ఈ నెల 16న జరిగిన ఐపీఎల్‌ వేలంలో కూడా సౌమీ భాగమయ్యాడు. రూ.20 లక్షల కనీస ధరతో వేలంలోకి వచ్చిన అతడిని ఏ ఫ్రాంచైజీ కూడా కొనుగోలు చేసేందుకు ఆసక్తి చూపలేదు. ఇక ఇది ఇలా ఉండగా.. బంగ్లా బ్యాటర్లలో ఓపెనర్‌ సోహిల్‌ ఖాన్‌(71) టాప్‌ స్కోరర్‌గా నిలవగా.. హసన్ ఈసాఖిల్(54) పరుగులతో రాణించాడు. అనంతరం 199 పరుగుల లక్ష్యంతో బరిలోకి దిగిన భారత్‌ 4 వికెట్లు కోల్పోయి 36.4 ఓవర్లలో ఛేదించింది. టీమిండియా బ్యాటర్లలో ఓపెనర్‌ ఆదర్శ్‌ సింగ్‌(112) సెంచరీతో చెలరేగాడు. ఇక ఈ సిరీస్‌లో భారత్‌ తమ తదుపరి మ్యాచ్‌లో జనవరి 2న దక్షిణాఫ్రికాతో తలపడనుంది. చదవండి: IND vs SA 2nd Test: టీమిండియాకు భారీ షాక్‌.. స్టార్‌ ఆల్‌రౌండర్‌కు గాయం

WPL Auction 2023: నిన్న (ఫిబ్రవరి 13) జరిగిన తొలి మహిళల ఐపీఎల్‌ వేలంలో టీమిండియా డాషింగ్‌ ఓపెనర్‌, అండర్‌-19 వరల్డ్‌ కప్‌ 2023 విన్నింగ్‌ కెప్టెన్‌, లేడీ సెహ్వాగ్‌గా పేరొందిన షెఫాలీ వర్మను ఢిల్లీ క్యాపిటల్స్‌ 2 కోట్ల భారీ మొత్తానికి సొంతం చేసుకున్న విషయం తెలిసిందే. షెఫాలీ కోసం ఆర్సీబీ సైతం తీవ్రంగా పోటీపడినప్పటికీ పట్టు వదలని ఢిల్లీ ఎట్టకేలకు భారత సివంగిని దక్కించుకుంది. షెఫాలీని ఢిల్లీ దక్కించుకున్న తర్వాత సోషల్‌మీడియాలో ఓ ఆసక్తికర విషయం విపరీతంగా ట్రోల్‌ అయ్యింది. ఢిల్లీ క్యాపిటల్స్‌ గతంలోకి ఓసారి తొంగి చూస్తే.. ఈ ఫ్రాంచైజీ అండర్‌-19 వరల్డ్‌కప్‌ విన్నింగ్‌ కెప్టెన్ల అడ్డాగా పేరొందింది. అండర్‌-19 వరల్డ్‌కప్‌లో భారత్‌ను జగజ్జేతగా నిలిపిన ఉన్ముక్త్‌ చంద్‌ 2011-13 మధ్యలో నాటి ఢిల్లీ డేర్‌డెవిల్స్‌కు ప్రాతినిధ్యం వహించగా.. 2018 అండర్‌-19 వరల్డ్‌కప్‌లో టీమిండియాను విశ్వవిజేతగా నిలిపిన పృథ్వీ షా.. గత నాలుగు సీజన్లు ఢిల్లీ ఫ్రాంచైజీకే ఆడుతున్నాడు. వీరి తర్వాత భారత్‌ను అండర్‌-19 వరల్డ్‌కప్‌-2022 విజేతగా నిలిపిన యశ్‌ ధుల్‌ను 2022 ఐపీఎల్‌ సీజన్‌కు ముందు ఢిల్లీ క్యాపిటల్స్‌ కోటి రూపాయలు వెచ్చించి సొంతం చేసుకుంది. తాజాగా తొలి మహిళల అండర్‌-19 టీ20 వరల్డ్‌కప్‌ నెగ్గిన భారత యువ జట్టు కెప్టెన్‌ షెఫాలీ వర్మను ఢిల్లీ క్యాపిటల్స్‌ 2 కోట్లకు సొంతం చేసుకుంది. అయితే ఇక్కడ ఓ ఆసక్తికర విషయం ఏంటంటే.. భారత అండర్‌-19 వరల్డ్‌కప్‌ విన్నింగ్‌ కెప్టెన్లపై అమితాసక్తి కనబరుస్తూ వస్తున్న ఢిల్లీ ఫ్రాంచైజీ, 2008 అండర్‌-19 వరల్డ్‌కప్‌ విన్నింగ్‌ కెప్టెన్‌, నేటి భారత స్టార్‌ ఆటగాడు విరాట్‌ కోహ్లిని మాత్రం ఎందుకో ఆర్సీబీకి వదిలేసింది. పై పేర్కొన్న ఆటగాళ్లలో కొందరు ఢిల్లీకి చెందిన వారు కానప్పటికీ కొనుగోలు చేసిన డీసీ ఫ్రాంచైజీ.. కోహ్లి ఢిల్లీ వాస్తవ్యుడైనప్పటికీ అతన్ని మిస్‌ చేసుకుంది. 

పొచెఫ్‌స్ట్రూమ్‌: మహిళల క్రికెట్‌లో ఇప్పటి వరకు ఒక్క ఐసీసీ టోర్నీ కూడా గెలవని భారత జట్టు ఆ ఘనతకు అడుగు దూరంలో ఉంది. సీనియర్‌ అమ్మాయిల జట్టు మూడు ప్రపంచకప్‌ (రెండు వన్డే, ఒకటి టి20) ఫైనల్లో ఆడినా... రన్నరప్‌గానే సరిపెట్టుకుంది. ఇప్పుడు ఈ జూనియర్‌ జట్టు ఫైనల్‌ విజయంతో వస్తే... భారత మహిళల క్రికెట్‌ ప్రగతి మరో దశకు చేరుతుందనడంలో ఎలాంటి సందేహం లేదు. షఫాలీ వర్మ సారథ్యంలోని భారత జట్టు ఆదివారం ఇంగ్లండ్‌తో అమీతుమీకి సిద్ధమైంది. శనివారమే పుట్టినరోజు జరుపుకున్న షఫాలీకి వున్న అంతర్జాతీయ అనుభవం, జట్టు ఈ టోర్నీలో కనబరిచిన ప్రదర్శనను బట్టి చూస్తే భారతే ఫేవరెట్‌గా కనిపిస్తోంది.  పైగా రెండు ప్రపంచకప్‌ ఫైనల్స్‌ ఆడిన షఫాలీ తన నైపుణ్యంతో జట్టును విజయతీరాలకు చేర్చితే ఆమె ఖాతాలో అరుదైన రికార్డు చేరుతుంది. సెమీఫైనల్లో షఫాలీ సేన న్యూజిలాండ్‌పై అలవోక విజయం సాధించింది. మొదట బౌలర్లు, తర్వాత బ్యాటర్లు కివీస్‌ అమ్మాయిలపై ఆధిపత్యం చలాయించారు. ఫైనల్లోనూ ఇదే పట్టుదల కనబరిస్తే  ప్రపంచకప్‌ చేతికందుతుంది. మరో వైపు సెమీస్‌లో హోరాహోరీ సమరంలో చిరకాల ప్రత్యర్థి ఆస్ట్రేలియాను ఓడించడంతో ఇంగ్లండ్‌ జట్టులో ఆత్మవిశ్వాసం పెరిగింది. భారత జట్టుకు తగిన పోటీ ఇవ్వగల సత్తా ఇంగ్లండ్‌కు ఉంది.     నేడు హాకీ ప్రపంచకప్‌ ఫైనల్‌ ► జర్మనీ X బెల్జియం ► రా.గం. 7 నుంచి స్టార్‌ స్పోర్ట్స్‌లో ప్రత్యక్ష ప్రసారం    ► సా.గం.5.15 నుంచి ‘ఫ్యాన్‌కోడ్‌’ యాప్‌లో ప్రసారం 

ఐసీసీ అండర్‌-19 మహిళల టి20 వరల్డ్‌కప్‌లో భారత జట్టు ఫైనల్లో అడుగుపెట్టింది. శుక్రవారం న్యూజిలాండ్‌ వుమెన్స్‌తో జరిగిన తొలి సెమీఫైనల్‌ మ్యాచ్‌లో భారత మహిళల జట్టు 8 వికెట్ల తేడాతో ఘన విజయం సాధించింది. 108 పరుగుల స్వల్ప లక్ష్యంతో బరిలోకి దిగిన భారత మహిళల జట్టు 14.2 ఓవర్లలో రెండు వికెట్లు మాత్రమే కోల్పోయి 110 పరుగులు చేసింది. ఓపెనర్‌ షెఫాలీ వర్మ(10) విఫలమైనప్పటికి మరో ఓపెనర్‌ స్వేతా సెహ్రావత్‌(45 బంతుల్లో 61 పరుగులు నాటౌట్‌), సౌమ్య తివారీ(22 పరుగులు) రాణించడంతో భారత్‌ సులువుగానే విజయాన్ని అందుకుంది.  అంతకముందు తొలుత బ్యాటింగ్‌ చేసిన న్యూజిలాండ్‌ వుమెన్స్‌ నిర్ణీత 20 ఓవర్లలో 9 వికెట్ల నష్టానికి 107 పరుగులు చేసింది. ప్లిమ్మర్‌ 35 పరుగులతో టాప్‌ స్కోరర్‌ కాగా.. ఇసాబెల్లా గేజ్‌ 26 పరుగులు చేసింది. భారత బౌలర్లలో పరశ్వీ చోప్రా మూడు వికెట్లు తీయగా.. తిటాస్‌ సాదు, మన్నత్‌ కశ్యప్‌, షఫాలీ వర్మ, అర్జనా దేవీలు తలా ఒక వికెట్‌ తీశారు. ఇంగ్లండ్‌ వుమెన్స్‌, ఆస్ట్రేలియా వుమెన్స్‌ మధ్య జరగనున్న రెండో సెమీఫైనల్‌ విజేతతో జనవరి 29న(ఆదివారం) భారత మహిళల జట్టు ఫైనల్‌ మ్యాచ్‌ ఆడనుంది. A dominant performance sends India through to the #U19T20WorldCup final! 📝 Scorecard: https://t.co/nO40lpkR7A Watch the action live and for FREE on https://t.co/5AuGFN3l1C (in select regions) 📺 pic.twitter.com/0Ik8ET7Zbi — T20 World Cup (@T20WorldCup) January 27, 2023

Under 19 Women T20 WC: తొట్ట తొలి అండర్‌–19 మహిళల టీ20 ప్రపంచకప్‌ టోర్నీ దక్షిణాఫ్రికా వేదికగా నేటి నుంచి ప్రారంభంకానుంది. 16 జట్లు తలపడుతున్న ఈ టోర్నీ ఈనెల 29న జరిగే ఫైనల్‌తో ముగుస్తుంది. గ్రూప్‌ ‘ఎ’లో ఆస్ట్రేలియా, బంగ్లాదేశ్, శ్రీలంక, అమెరికా; గ్రూప్‌ ‘బి’లో ఇంగ్లండ్, పాకిస్తాన్, జింబాబ్వే, రువాండా; గ్రూప్‌ ‘సి’లో ఇండోనేసియా, ఐర్లాండ్, న్యూజిలాండ్, వెస్టిండీస్‌; గ్రూప్‌ ‘డి’లో భారత్, దక్షిణాఫ్రికా, స్కాట్లాండ్, యూఏఈ జట్లున్నాయి. నేడు జరిగే తమ తొలి మ్యాచ్‌లో దక్షిణాఫ్రికాతో భారత్‌ ఆడుతుంది. భారత జట్టులో హైదరాబాద్‌ అమ్మాయి గొంగడి త్రిష, వైజాగ్‌కు చెందిన షబ్నమ్‌ సభ్యులుగా ఉన్నారు.    భారత జట్టు: షెఫాలి వర్మ (కెప్టెన్‌), శ్వేత సెహ్రావత్‌ (వైస్‌ కెప్టెన్‌), రిచా ఘోష్‌ (వికెట్‌కీపర్‌), జి త్రిష, సౌమ్య తివారి, సోనియా మెహ్దియా, హుర్లీ గాలా, హ్రిశిత బసు (వికెట్‌కీపర్‌), సోనమ్‌ యాదవ్‌, మన్నత్‌ కశ్యప్‌, అర్చనా దేవీ, పర్శవీ చోప్రా, టిటాస్‌ సాధు, ఫలక్‌ నాజ్‌, షబ్నమ్‌ టీమిండియా ఆడబోయే మ్యాచ్‌ల వివరాలు.. జనవరి 14న సౌతాఫ్రికాతో (భారతకాలమానం ప్రకారం సాయంత్రం 5:15 గంటలకు ప్రారంభం) జనవరి 16న యూఏఈతో (మధ్యాహ్నం 1:30 గంటలకు) జనవరి 18న స్కాట్లాండ్‌తో  (సాయంత్రం 5:15 గంటలకు)

స్వదేశంలో న్యూజిలాండ్‌ అండర్‌-19 మహిళల జట్టుతో జరగబోయే టీ20 సిరీస్‌కు భారత జట్టును ఆల్‌ ఇండియా ఉమెన్స్‌ సెలక్షన్ కమిటీ ప్రకటించింది. హోమ్ సిరీస్‌లో భాగంగా భారత జట్టు కివీస్‌తో ఐదు టీ20లు ఆడనుంది. మొత్తం మ్యాచ్‌లన్నీ ముంబై వేదికగా జరగనున్నాయి. నవంబర్‌ 27న జరగనున్న తొలి టీ20తో ఈ సిరీస్‌ ప్రారంభం కానుంది. ఇక 15 మంది సభ్యుల భారత జట్టుకు శ్వేతా సెహ్రావత్ కెప్టెన్‌గా ఎంపికైంది.  కాగా  వచ్చే ఏడాది దక్షిణాఫ్రికా వేదికగా జరగనున్న తొలి మహిళల అండర్‌-19 ప్రపంచకప్‌ సన్నాహాకాల్లో భాగంగా ఈ సిరీస్‌ జరుగుతోంది. భారత జట్టులో తెలంగాణ అమ్మాయి సెలక్షన్ కమిటీ ప్రకటించిన జట్టులో తెలంగాణ అమ్మాయి గొంగడి త్రిషకు చోటు దక్కింది. భద్రాద్రి కొత్తగూడెం జిల్లాకు చెందిన గొంగడి త్రిష  8 ఏళ్లకే జిల్లా స్థాయిలో ఆడి ఉమెన్ ఆఫ్ ద సిరీస్​గా ఎంపికైంది. అదే విధంగా బీసీసీఐ నిర్వహించిన డర్-19, సీనియర్ ఇండియా బ్లూ తరఫున త్రిష అత్యుత్తమ ప్రతిభ కనబరిచింది. అదే విధంగా జైపుర్ వేదికగా జరిగిన అండర్-19 మహిళల వన్డే ఛాలెంజర్‌ ట్రోఫీ-2021లోను త్రిష ఆల్‌రౌండ్‌ షోతో అదరగొట్టింది. చదవండి: IND vs NZ: సూర్యకుమార్‌పై కోహ్లి ప్రశంసలు.. వీడియో గేమ్‌ ఇన్నింగ్స్‌ అంటూ!

ప్రపంచ క్రికెట్‌ చరిత్రలోనే అత్యంత చెత్త రికార్డును అండర్-19 నేపాల్ మహిళల జట్టు నమోదు చేసింది. శనివారం జరిగిన అండర్-19 ప్రపంచ కప్ క్వాలిఫైయర్‌ మ్యాచ్‌లో నేపాల్ మహిళల జట్టు, యునైటెడ్ అరబ్ ఎమిరేట్స్ తలపడ్డాయి. ఈ మ్యాచ్‌లో నేపాల్ కేవలం ఎనిమిది పరుగులకే ఆలౌటైంది. తద్వారా క్రికెట్‌ చరిత్రలో అత్యల్ప స్కోర్‌కే ఆలౌటైన జట్టుగా నేపాల్ నిలిచింది. నేపాల్‌ ఇన్నింగ్స్‌లో ఆరుగురు బ్యాటర్లు ఖాతా తెరవకుండానే పెవిలియన్‌కు చేరారు. నేపాల్ తరఫున స్నేహ మహారా 3 పరుగులతో టాప్ స్కోరర్‌గా నిలిచింది. ఇక యుఎఈ బౌలర్లలో నాలుగు ఓవర్లలో 2 పరుగులు ఇచ్చి 5 వికెట్లు పడగొట్టింది. ఇక 9 పరుగుల లక్ష్యాన్ని 1.1 ఓవర్లలో యుఎఈ చేధించింది. కాగా జూన్ 3న (శుక్రవారం) తమ మునుపటి మ్యాచ్‌లో నేపాల్ ఖతార్‌పై 79 పరుగుల తేడాతో విజయం సాధించింది. ఈ మ్యాచ్‌లో నేపాల్‌ ఖతార్‌ను 38 పరుగులకే ఆలౌట్ చేసింది. చదవండి: ఆరు బంతుల్లో ఆరు సిక్స్‌లు.. టీ10 చరిత్రలో అరుదైన ఫీట్‌.. తొలి ఆటగాడిగా..!

అండర్‌- 19 ప్రపంచకప్‌ టోర్నీలో భారత్‌కు ప్రపంచకప్‌ సాధించి పెట్టిన కెప్టెన్‌ యశ్‌ ధుల్‌ ఫస్ట్‌క్లాస్‌ క్రికెట్‌లో చరిత్ర సృష్టించాడు. అరంగేట్ర మ్యాచ్‌లో యష్‌ సెంచరీల మోత మోగించాడు. రంజీ ట్రోఫీలో భాగంగా ఢిల్లీ, తమిళనాడు జట్లు మొదటి మ్యాచ్‌లో తలపడ్డాయి. ఈ మ్యాచ్‌ డ్రాగా ముగిసింది. అయితే తొలి ఇన్నింగ్స్‌లో సెంచరీ సాధించిన యశ్‌ ధుల్‌..రెండో ఇన్నింగ్స్‌లో కూడా సెంచరీతో మెరిశాడు. ఈ నేపథ్యంలో యశ్‌ ధుల్‌ అరుదైన ఫీట్‌ సాధించాడు. రంజీ ట్రోఫీ అరంగేట్ర మ్యాచ్‌లో రెండు ఇన్నింగ్స్‌ల్లోను సెంచరీలు సాధించిన మూడో ఆటగాడిగా యష్‌ధుల్‌ నిలిచాడు. అంతకు ముందు గుజరాత్‌ బ్యాటర్‌ నారీ కాంట్రాక్టర్ ఈ ఫీట్ సాధించిన మొదటి వ్యక్తి కాగా, మహారాష్ట్ర బ్యాటర్‌ విరాగ్ అవతే రెండో ఆటగాడిగా ఉన్నాడు. 1952-53 రంజీట్రోఫీ సీజన్‌లో కాంట్రాక్టర్ ఈ ఘనత సాధించగా, 2012-13 సీజన్‌లో విరాగ్ అవతే ఈ ఫీట్‌ నమోదు చేశాడు. ఇక తొలి ఇన్నింగ్స్‌లో 113 పరుగులు చేసిన యష్‌.. రెండో ఇన్నింగ్స్‌లోనూ 113 పరగులు సాధించాడు.  కాగా ఐపీఎల్‌ మెగా వేలం-2022లో భాగంగా ఢిల్లీ ఫ్రాంఛైజీ 50 లక్షల రూపాయలు వెచ్చించి యశ్‌ ధుల్‌ను కొనుగోలు చేసిన సంగతి తెలిసిందే. చదవండి: Rashid Khan: గార్డ్ ఆఫ్ హానర్‌ స్వీకరించిన రషీద్‌ ఖాన్‌.. ఎందుకో తెలుసా? Only the 3rd player in the history of #RanjiTrophy to hit 2⃣ centuries on debut 🔥 A dream start for @YashDhull2002 💙#YehHaiNayiDilli #DELvTN pic.twitter.com/ZXY6Gt00aQ — Delhi Capitals (@DelhiCapitals) February 20, 2022

అండర్‌-19 ప్రపంచకప్‌ టోర్నీ ముగిసిన తర్వాత అ‍ఫ్గనిస్తాన్‌ జట్టులోని నలుగురు స్వదేశానికి వెళ్లడానికి నిరాకరించారు. ఆ దేశంలో నెలకొన్న అనిశ్చితి కారణంగానే ఆ నలుగురు లండన్‌లోనే ఆశ్రయం పొందుతున్నారని తెలిసింది. అందులో ఒకరు క్రికెటర్‌ కాగా.. మిగతా ముగ్గురు సిబ్బంది ఉన్నారు. ఈ విషయాన్ని అఫ్గన్‌ క్రికెట్‌ బోర్డు ఒక ప్రకటనలో వెల్లడించినట్లు సమాచారం. అండర్‌-19 ప్రపంచకప్‌ ఆడడానికి వెళ్లిన మా జట్టులో ఒక ఆటగాడు సహా ముగ్గురు సిబ్బంది స్వదేశానికి తిరిగిరాలేదు. వెస్టిండీస్‌ నుంచి నేరుగా బ్రిటన్‌ వెళ్లిన ఆ నలుగురు అక్కడే ఆశ్రయం పొందుతున్నారని తెలిసింది. చదవండి: కోహ్లి ఆ త‌ప్పు చేసి ఉండ‌కూడ‌దు.. ఇకనైనా జాగ్రత్తగా ఉండాలి టోర్నీ ముగిసిన తర్వాత అఫ్గన్‌ క్రికెటర్లు అంటిగ్వా నుంచి కాబుల్‌ వయా యూఏఈ నుంచి స్వదేశానికి చేరుకున్నారు. అయితే ఆ నలుగురు మాత్రం ఆస్ట్రేలియాతో ప్లేఆఫ్స్‌ ముగిశాక యూఏఈ వరకు కలిసి ప్రయాణించినప్పటికి.. అక్కడి నుంచి లండన్‌ ఫ్లైట్‌ ఎక్కినట్లు తెలుస్తోంది. అయితే ఇలా జరగడం ఇది తొలిసారి మాత్రం కాదు. గతంలోనూ 2009 అండర్‌ -19 ప్రపంచకప్‌లో క్వాలిఫయర్స్‌ ముగిసిన తర్వాత టొరంటో, కెనడాకు చెందిన క్రికెటర్లు తమ దేశంలో భద్రతా పరమైన సమస్యలు ఉన్నాయని వేరే దేశంలో తలదాచుకున్నారు. కాగా ఈ విషయంపై అఫ్గనిస్తాన్‌ అండర్‌-19 హెడ్‌కోచ్‌ రయీస్‌ అహ్మద్‌జై స్పందించాడు. ఈ ఆరోపణలను కొట్టివేస్తూ.. విషయం తెలియగానే ఆ నలుగురికి..'' మీ అవసరం అఫ్గనిస్తాన్‌ క్రికెట్‌కు ఉంది అని'' మెసేజ్‌ పెట్టాను. మెసేజ్‌ చూసినప్పటికి వారి వద్ద నుంచి ఎలాంటి సమాధానం రాలేదని పేర్కొన్నాడు. కాగా అఫ్గనిస్తాన్‌ జట్టు అండర్‌-19 ప్రపంచకప్‌లో మంచి ప్రదర్శన కనబరిచింది. సెమీస్‌లో ఇంగ్లండ్‌ చేతిలో పరాజయం పాలైనప్పటికి అఫ్గనిస్తాన్‌ ఆకట్టుకుంది. ఇక మూడో స్థానం కోసం ఆస్ట్రేలియాతో  జరిగిన పోరులో ఆఖరి వరకు పోరాడినప్పటికి ఓటమి పాలైన అఫ్గన్‌ టోర్నీని నాలుగో స్థానంతో ముగించింది. చదవండి: IPL 2022 Auction:షేక్‌ రషీద్‌ సహా ఏడుగురు అండర్‌-19 ఆటగాళ్లకు బిగ్‌షాక్‌!

న్యూఢిల్లీ: మనోజ్‌ కల్రా... 2018 అండర్‌–19 ప్రపంచకప్‌ గెలిచినప్పుడు ఫైనల్లో ‘ప్లేయర్‌ ఆఫ్‌ ద మ్యాచ్‌’. అయితే నాలుగేళ్ల తర్వాత కూడా అతని కెరీర్‌ ఊపందుకోలేదు. కల్రా మాత్రమే కాదు... ఎంతో మంది కుర్రాళ్లు వరల్డ్‌కప్‌ లాంటి విజయం తర్వాత కూడా ముందుకు దూసుకుపోవడంలో విఫలమవుతున్నారు. ముఖ్యంగా అండర్‌–19 వయో విభాగానికి, రంజీ ట్రోఫీకి మధ్య ఉన్న అంతరం కారణంగా వారికి సరైన మార్గనిర్దేశనం లేకుండా పోతోంది. ఫస్ట్‌ క్లాస్‌ క్రికెట్‌ ఎక్కువగా ఆడకపోవడం వల్ల జూనియర్‌ నుంచి సీనియర్‌ స్థాయికి ఎదిగే క్రమంలో ఎదురయ్యే సవాళ్లను వారు అధిగమించలేక వెనుకబడిపోతున్నారు. ఇలాంటి ఆటగాళ్ల కోసం జాతీయ క్రికెట్‌ అకాడమీ (ఎన్‌సీఏ)లో ఒక ప్రత్యేక కేటగిరీని ఏర్పాటు చేయాలని బీసీసీఐ భావిస్తోంది. ‘19 ప్లస్‌’ పేరుతో ఉండే ఈ బృందంలో అండర్‌–19 వరల్డ్‌కప్‌ విజేతలతో పాటు అదే వయో విభాగంలో దేశవ్యాప్తంగా ప్రతిభ గల ఆటగాళ్లను చేరుస్తారు. పూర్తిగా క్రికెట్‌పైనే దృష్టి కేంద్రీకరిస్తూ సాధనతో పాటు అవకాశం ఉన్నప్పుడల్లా (అండర్‌–25 తదితర) ఆయా రాష్ట్ర జట్ల తరఫున ఆడే అవకాశం కల్పిస్తారు. ఇదంతా ఎన్‌సీఏ పర్యవేక్షణలో జరుగుతుంది. భారత కోచ్‌ రాహుల్‌ ద్రవిడ్, ఎన్‌సీఏ హెడ్‌ వీవీఎస్‌ లక్ష్మణ్‌లు జాతీయ సీనియర్, జూనియర్‌ సెలక్టర్లతో ఈ అంశంపై చర్చించి త్వరలోనే పూర్తి స్థాయి ప్రణాళిక రూపొందించే అవకాశం ఉంది.

అండ‌ర్‌-19 ప్ర‌పంచ‌క‌ప్‌-2022 ఫైనల్లో ఇంగ్లండ్‌పై విజ‌యం సాధించి యువ భార‌త్ విశ్వ విజేత‌గా నిలిచింది. ఈ నేప‌థ్యంలో భార‌త జ‌ట్టుపై స‌ర్వాత్ర ప్ర‌శంస‌ల వ‌ర్షం కురుస్తోంది. ఇక అండ‌ర్‌-19 ప్ర‌పంచ‌క‌ప్ గెలిచినందుకు భార‌త జ‌ట్టును దేశ ప్ర‌ధాని మంత్రి నరేంద్ర మోది అభినందించారు. "యువ క్రికెటర్లను చూసి తాను చాలా గర్వపడుతున్నాను, అండర్ 19 ప్రపంచకప్‌ను గెలుచుకున్నందుకు వారికి అభినందనలు. ఈ టోర్నమెంట్‌లో యష్ ధుల్ నేతృత్వంలోని జట్టు అద్భుతంగా రాణించింది" అని ట్విట‌ర్‌లో ప్రధాని రాసుకొచ్చారు.  ఇక అండ‌ర్‌ -19 ప్ర‌పంచ‌క‌ప్ గెలిచిన భార‌త జ‌ట్టుకు బీసీసీఐ భారీ న‌జ‌రానా ప్ర‌క‌టంచింది. భార‌త జ‌ట్టులో ప్ర‌తీ ఒక్క ఆట‌గాడికి రూ. 40 ల‌క్ష‌ల న‌గ‌దు బ‌హుమ‌తిని అంద‌జేయ‌నున్న‌ట్లు బీసీసీఐ కార్య‌ద‌ర్శి తెలిపారు. ఇక అండ‌ర్‌ -19 ప్ర‌పంచ‌క‌ప్ గెలిచిన భార‌త జ‌ట్టుకు బీసీసీఐ భారీ న‌జ‌రానా ప్ర‌క‌టంచింది. భార‌త జ‌ట్టులో ప్ర‌తీ ఒక్క ఆట‌గాడికి రూ. 40 ల‌క్ష‌ల న‌గ‌దు బ‌హుమ‌తిని అంద‌జేయ‌నున్న‌ట్లు బీసీసీఐ కార్య‌ద‌ర్శి తెలిపారు. కాగా అండ‌ర్‌-19 ప్రపంచ‌క‌ప్‌ను భార‌త్ ఐదో సారి గెలుచుకుంది. భారత్‌ 2000, 2008, 2012, 2018 లలోనూ విజేతగా నిలిచింది. చ‌ద‌వండి: IND VS WI 1st ODI: లైవ్‌ అప్‌డేట్స్‌

అండ‌ర్‌-19 ప్రపంచ‌క‌ప్ 2022 ను యువ భార‌త్ కైవ‌సం చేసుకున్న సంగ‌తి తెలిసిందే. ఆంటిగ్వా వేదిక‌గా ఇంగ్లండ్‌తో జ‌రిగిన ఫైనల్లో నాలుగు వికెట్ల తేడాతో టీమిండియా ఘ‌న విజ‌యం సాధించింది. అయితే ఈ మ్యాచ్‌లో రాజ్ బ‌వా అరుదైన రికార్డును సాధించాడు. అండర్‌-19 ప్రపంచకప్‌ ఫైనల్లో టీమిండియా తరపున ఐదు వికెట్లు తీసిన తొలి బౌలర్‌గా చరిత్ర సృష్టించాడు. ఓవ‌రాల్‌గా ఈ ఘ‌న‌త సాధించిన రెండో బౌల‌ర్‌గా రాజ్ బ‌వా రికార్డులెక్కాడు. అంత‌కు ముందు అండర్‌-19 వరల్డ్‌కప్ 2006 ఫైనల్లో పాకిస్తాన్‌ బౌలర్‌ అన్వర్‌ అలీ ఐదు వికెట్లు ప‌డ‌గొట్టాడు. అదే విధంగా ఐసీసీ ఈవెంట్‌లో 150కు పైగా ప‌రుగులు, ఐదు వికెట్లు తీసిన  భార‌త ఎలైట్ లిస్ట్‌లో కపిల్ దేవ్‌తో పాటు బావా కూడా చేరాడు. 1983 ప్రపంచ‌క‌ప్‌లో క‌పిల్ దేవ్ ఈ ఘ‌న‌త సాధించాడు. ఇక బావా ఈ మెగా టోర్నమెంట్‌లో బ్యాట్‌తోను, బాల్‌తోను అద్భుతంగా రాణించాడు. ఉగండాతో జరిగిన లీగ్ మ్యాచ్‌లో 162 ప‌రుగులు సాధించి ఆజేయంగా నిలిచాడు. అండ‌ర్‌-19 ప్రపంచకప్ ఫైనల్లో 4 లేదా అంతకంటే ఎక్కువ వికెట్లు  ప‌డ‌గొట్టిన బౌల‌ర్లు.. 2022లో 5/31 రాజ్ బావా 2006లో 4/8 పీయూష్ చావ్లా 2020లో 4/30 రవి బిష్ణోయ్  2022లో 4/34 రవి కుమార్   2012లో 4/54  సందీప్ శర్మ ఐసిసి ఈవెంట్‌లో 150పైగా ప‌రుగులుతో పాటు 5వికెట్లు ప‌డ‌గొట్టిన భార‌త ఆట‌గాళ్లు కపిల్ దేవ్ 1983 వ‌న్డే వ‌రల్డ్‌క‌ప్‌ రాజః బావా 2022 అండ‌ర్‌-19 వ‌ర‌ల్డ్‌క‌ప్‌

U19 Cricket World Cup: అండ‌ర్‌-19 ప్ర‌పంచక‌ప్ 2022 ఛాంపియ‌న్‌గా టీమిండియా నిలిచిన సంగ‌తి తెలిసిందే. ఫైన‌ల్లో ఇంగ్లండ్‌పై 4 వికెట్ల తేడాతో భార‌త్ విజ‌యం సాధించి జ‌గజ్జేత‌గా నిలిచింది.ఈ క్ర‌మంలో భార‌త జ‌ట్టుపై స‌ర్వ‌త్రా ప్ర‌శంస‌ల వ‌ర్షం కురుస్తోంది. ఇక అండ‌ర్‌-19 ప్ర‌పంచ‌క‌ప్ గెలిచిన భార‌త యువ జ‌ట్టును బీసీసీఐ కార్య‌ద‌ర్శి జైషా అభినందించారు. అధ్బుత‌మైన ప్ర‌ద‌ర్శ‌నతో భార‌త విజ‌యంలో భాగ‌మైన ప్ర‌తీ ఒక్క ఆట‌గాడికి రూ. 40 ల‌క్ష‌ల న‌గ‌దు బ‌హుమ‌తిని బీసీసీఐ ప్ర‌క‌టించింది. (ఫొటో గ్యాలరీ కోసం ఇక్కడ క్లిక్ చేయండి) అదే విధంగా సహాయక సిబ్బందిలోని ప్రతి సభ్యుడికి 25 లక్షల క్యాష్ ఫ్రైజ్‌ను అంద‌జేయ‌నున్న‌ట్లు జైషా పేర్కొన్నారు. "ప్రపంచ కప్‌ను గెలుచుకున్నందుకు యువ భార‌త్‌కు అభినందన‌లు. అండ‌ర్‌-19 ప్ర‌పంచక‌ప్‌లో అత్య‌త్త‌మ ప్ర‌ద‌ర్శ‌న చేసిన‌ ప్రతి ఆటగాడికి 40 లక్షలు, సహాయక సిబ్బందికి 25 లక్షల రివార్డును ప్రకటించినందుకు నేను సంతోషిస్తున్నాను.  మీరు దేశం గర్వించేలా చేశారు" అని జైషా ట్విట‌ర్‌లో పేర్కొన్నారు. కాగా  అండర్-19 ప్రపంచకప్‌ను భారత్‌ గెలుచుకోవడం ఇది ఐదోసారి. చ‌ద‌వండి: Under 19 World Cup: చాంపియన్‌ యువ భారత్‌

నార్త్‌సౌండ్‌ (అంటిగ్వా): సమష్టి ప్రదర్శనతో యువ భారత్‌ ఐదోసారి అండర్‌–19 వన్డే క్రికెట్‌ ప్రపంచకప్‌ టైటిల్‌ను సొంతం చేసుకుంది. ఇంగ్లండ్‌తో శనివారం జరిగిన ఫైనల్లో యశ్‌ ధుల్‌ నాయకత్వంలోని భారత జట్టు 4 వికెట్ల తేడాతో విజయం సాధించి విశ్వవిజేతగా నిలిచింది. తొలుత బ్యాటింగ్‌ చేసిన ఇంగ్లండ్‌ 44.5 ఓవర్లలో 189 పరుగులకు ఆలౌటైంది. జేమ్స్‌ రూ (116 బంతుల్లో 95; 12 ఫోర్లు) ఒంటరి పోరాటం చేశాడు. 190 పరుగుల లక్ష్యంతో బరిలోకి దిగిన భారత్‌ 47.4 ఓవర్లలో 6 వికెట్లు కోల్పోయి 195 పరుగులు సాధించి గెలిచింది. ఎడంచేతి వాటం పేస్‌ బౌలర్‌ రవి కుమార్‌ (4/34) హడలెత్తించగా... రాజ్‌ బావా ఆల్‌రౌండ్‌ ప్రదర్శనతో ఆకట్టుకున్నాడు. ముందుగా బంతితో ఐదు వికెట్లు తీసిన రాజ్‌ బావా (5/31) ఆ తర్వాత బ్యాటింగ్‌లోనూ (54 బంతుల్లో 35; 2 ఫోర్లు) రాణించాడు. వైస్‌ కెప్టెన్, ఆంధ్ర కుర్రాడు షేక్‌ రషీద్‌ (84 బంతుల్లో 50; 6 ఫోర్లు), నిశాంత్‌ (54 బంతుల్లో 50 నాటౌట్‌; 5 ఫోర్లు, 1 సిక్స్‌) బాధ్యతాయుత ఇన్నింగ్స్‌ ఆడి అర్ధ సెంచరీలు చేశారు. దినేశ్‌ (5 బంతుల్లో 13 నాటౌట్‌; 2 సిక్స్‌లు) నాటౌట్‌గా నిలిచాడు. ఐదో వికెట్‌కు నిశాంత్, రాజ్‌ 67 పరు గులు జోడించారు. ఓపెనర్‌ అంగ్‌క్రిష్‌ (0) డకౌట్‌ కాగా... హర్నూర్‌ (21; 3 ఫోర్లు), కెప్టెన్‌ యశ్‌ ధుల్‌ (17; 1 ఫోర్‌) ఫర్వాలేదనిపించారు. అండర్‌–19 ప్రపంచకప్‌లో భారత్‌ చాంపియన్‌గా నిలువడం ఇది ఐదోసారి. భారత్‌ 2000, 2008, 2012, 2018 లలోనూ విజేతగా నిలిచింది.   స్కోరు వివరాలు  ఇంగ్లండ్‌ అండర్‌–19 ఇన్నింగ్స్‌: థామస్‌ (సి) ధుల్‌ (బి) రాజ్‌ బావా 27; బెథెల్‌ (ఎల్బీడబ్ల్యూ) (బి) రవి 2; ప్రెస్ట్‌ (బి) రవి 0; జేమ్స్‌ రూ (సి) తాంబె (బి) రవి 95; లక్స్‌టన్‌ (సి) దినేశ్‌ (బి) రాజ్‌ బావా 4; బెల్‌ (సి) దినేశ్‌ (బి) రాజ్‌ బావా 0; రేహాన్‌ అహ్మద్‌ (సి) తాంబె (బి) రాజ్‌ బావా 10; హార్టన్‌ (సి) ధుల్‌ (బి) తాంబె 10; సేల్స్‌ (నాటౌట్‌) 34; అస్పిన్‌వాల్‌ (సి) దినేశ్‌ (బి) రవి 0; బైడెన్‌ (సి) దినేశ్‌ (బి) రాజ్‌ బావా 1; ఎక్స్‌ట్రాలు 6; మొత్తం (44.5 ఓవర్లలో ఆలౌట్‌) 189. వికెట్ల పతనం: 1–4, 2–18, 3–37, 4–47, 5–47, 6–61, 7–91, 8–184, 9–185, 10–189. బౌలింగ్‌: రాజ్‌వర్ధన్‌ 7–1–36–0, రవికుమార్‌ 9–1– 34–4, రాజ్‌ బావా 9.5– 1–31–5, నిశాంత్‌ 6–1–19–0, విక్కీ 6–0–31–0, కౌశల్‌ 5–0– 29–1, అంగ్‌క్రిష్‌ 2–0–8–0.  (ఫొటో గ్యాలరీ కోసం ఇక్కడ క్లిక్ చేయండి) భారత అండర్‌–19 ఇన్నింగ్స్‌: అంగ్‌క్రిష్‌ (సి) హార్టన్‌ (బి) బైడెన్‌ 0; హర్నూర్‌ (సి) హార్టన్‌ (బి) అస్పిన్‌వాల్‌ 21; షేక్‌ రషీద్‌ (సి) రూ (బి) సేల్స్‌ 50; యశ్‌ ధుల్‌ (సి) బెల్‌ (బి) సేల్స్‌ 17; నిశాంత్‌ (నాటౌట్‌) 50; రాజ్‌ బావా (సి) ప్రెస్ట్‌ (బి) బైడెన్‌ 35; కౌశల్‌ (సి) రేహాన్‌ (బి) అస్పిన్‌వాల్‌ 1; దినేశ్‌ (నాటౌట్‌) 13; ఎక్స్‌ట్రాలు 6; మొత్తం (47.4 ఓవర్లలో ఆరు వికెట్లకు) 195. వికెట్ల పతనం: 1–0, 2–49, 3–95, 4–97, 5– 164, 6–176. బౌలింగ్‌: బైడెన్‌ 7–1–24–2, సేల్స్‌ 7.4–0–51–2, ప్రెస్ట్‌ 10–1–29–0, రేహాన్‌ 10–2–32–0, అస్పిన్‌వాల్‌ 9–0–42–2, బెథెల్‌ 4–0–17–0.

అండర్‌-19 ప్రపంచకప్‌ ఫైనల్లో యంగ్‌ ఇండియా అదరగొట్టింది. టీమిండియా బౌలర్లు చెలరేగడంతో ఇంగ్లండ్‌ 189 పరుగులకే కుప్పకూలింది. ఫాస్ట్‌ బౌలర్లు రాజ్‌ బవా, రవి కుమార్‌లు పోటీ పడి వికెట్లు తీశారు. ముఖ్యంగా రాజ్‌ బవా 31 పరుగులిచ్చి ఐదు వికెట్లతో మెరిసి ఫైనల్ మ్యాచ్‌ను గొప్పగా మలుచుకున్నాడు. ఇంగ్లండ్‌ బ్యాట్స్‌మన్లలో జార్జ్‌ థామస్‌(27), విల్‌ లుక్స్‌టన్‌(4), జార్జి బెల్‌(0), రెహన్‌ అహ్మద్‌(10), చివరగా జోషువా బోయ్‌డెన్‌(1)నే ఔట్‌ చేసి ఈ ఫీట్‌ సాధించాడు. ఈ నేపథ్యంలోనే రాజ్‌ బవా ఒక అరుదైన రికార్డును అందుకున్నాడు. అండర్‌-19 ప్రపంచకప్‌ ఫైనల్లో టీమిండియా తరపున ఐదు వికెట్లు తీసిన తొలి బౌలర్‌గా చరిత్ర సృష్టించాడు. ఇక ఓవరాల్‌గా చూసుకుంటే అండర్‌-19 వరల్డ్‌కప్‌ ఫైనల్లో పాకిస్తాన్‌ బౌలర్‌ అన్వర్‌ అలీ(2006) తర్వాత ఐదు వికెట్లు తీసిన రెండో బౌలర్‌గా రాజ్‌ బవా నిలవడం విశేషం. (ఫొటో గ్యాలరీ కోసం ఇక్కడ క్లిక్ చేయండి) కాగా ఫిబ్రవరి 12,13 తేదీల్లో ఐపీఎల్‌ వేలం జరగనున్న నేపథ్యంలో అండర్‌-19 కుర్రాళ్లకు జాక్‌పాట్‌ అనే చెప్పొచ్చు. యంగ్‌ ఇండియా నుంచి మొత్తం 9 మంది ఆటగాళ్లు( యశ్‌ ధుల్‌, హర్నూర్‌ సింగ్‌, కుశాల్ తాంబే, అనీశ్వర్‌ గౌతమ్‌, రాజ్ అంగద్‌ భవ, రాజ్‌వర్థన్ హంగార్గేకర్, విక్కీ ఓస్వల్‌, వాసు వత్స్, పుష్పేంద్ర సింగ్‌ రాథోడ్‌) వేలం బరిలో అదృష్టాన్ని  పరిక్షించుకోనున్నారు. వీరిలో కెప్టెన్‌ యశ్‌ ధుల్‌, ఓపెనర్ హర్నూర్ సింగ్‌, ఆల్‌రౌండర్లు రాజ్ అంగద్‌ భవ, రాజ్‌వర్థన్ హంగార్గేకర్, స్పిన్‌ బౌలర్‌ విక్కీ ఓస్వల్‌లకు వేలంలో మంచి ధర పలికే అవకాశం ఉంది. ఇక ఫైనల్లో ఐదు వికెట్లతో మెరిసిన రాజ్‌ బవాకు వేలంలో జాక్‌పాట్‌ తగిలే అవకాశం ఉంది. ఫైనల్‌మ్యాచ్‌లో కీలక సమయంలో రాణించిన రాజ్‌ బవాకు ఇది మంచి పరిణామమని క్రీడా విశ్లేషకులు అభిప్రాయపడ్డారు. Exceptional bowling from these two 👏#ENGvIND | #U19CWC pic.twitter.com/7kSg0mhCYt — ICC (@ICC) February 5, 2022

అండర్‌-19 ప్రపంచకప్‌లో టీమిండియాతో ఫైనల్‌ మ్యాచ్‌లో ఇంగ్లండ్‌ తడబడింది. 44.5 ఓవర్లలో 189 పరుగులు వద్ద ఆలౌటైంది. ఆరంభం నుంచే టీమిండియా కుర్రాళ్లు బౌలింగ్‌లో చెలరేగడంతో ఇంగ్లండ్‌ వరుస విరామాల్లో వికెట్లు కోల్పోతూ వచ్చింది. కానీ ఒక్కడు మాత్రం భారత్‌ బౌలర్లను సమర్థంగా ఎదుర్కొని నిలబడ్డాడు. అతనే జేమ్స్‌ రూ.. 47 పరుగులకే నాలుగు వికెట్లు కోల్పోయిన దశలో క్రీజులోకి వచ్చిన జేమ్స్‌ రూ.. చివరివరకు నిలబడ్డాడు. తాను నిలబడడమే కాదు.. అసలు వంద పరుగులు చేస్తుందా అన్న అనుమానం కలిగిన దశలో ఒక్కో పరుగు జత చేస్తూ జేమ్స్‌ రూ ఇన్నింగ్స్‌ నడిపించిన విధానం అద్బుతమనే చెప్పాలి. సహచరులు వెనుదిరుగుతున్నా.. తాను మాత్రం పట్టు సడలకుండా ఆడాడు. 116 బంతులెదుర్కొన్న జేమ్స్‌ రూ 12 ఫోర్ల సాయంతో 95 పరుగులు చేశాడు. ఇక సెంచరీ ఖామమనుకుంటున్న దశలో 95 పరుగుల వద్ద రవికుమార్‌ బౌలింగ్‌లో కౌషల్‌ తంబేకు క్యాచ్‌ ఇచ్చి వెనుదిరిగడం జేమ్స్‌ గుండెను ముక్కలు చేసింది.  అయితే జేమ్స్‌ అసాధారణ పోరాటంతోనే ఇంగ్లండ్‌ కనీసం 189 పరుగులైనా చేయగలిగింది. ''కఠిన పరిస్థితుల్లో అద్బుత ఇన్నింగ్స్‌ ఆడావు జేమ్స్‌ రూ.. ప్రత్యర్థి ఆటగాడినైప్పటికి మెచ్చుకోకుండా ఉండలేకపోతున్నాం..19 ఏళ్ల వయసులోనే ఇంత ఓపికతో ఆడిన జేమ్స్‌ రూకు ఇంగ్లండ్‌ క్రికెట్‌ మంచి భవిష్యత్తు ఉందంటూ'' టీమిండియా ఫ్యాన్స్‌ కామెంట్స్‌ చేశారు. A superb partnership of 9️⃣3️⃣ between James Rew and James Sales helps us reach 189 See if that total is enough live on @SkyCricket 📺#ENGvIND | #U19CWC pic.twitter.com/yRlRy0CvjA — England Cricket (@englandcricket) February 5, 2022

అండర్‌-19 ప్రపంచకప్‌లో ఒక భారత సంతతి కుర్రాడు అదరగొట్టాడు. ఆస్ట్రేలియన్‌ టీమ్‌లో ఆడుతున్న ఆ కుర్రాడు యాంబిడెక్స్‌ట్రస్‌ బౌలర్‌గా గుర్తింపు పొందాడు. తనదైన బౌలింగ్‌తో అభిమానుల మనసులు గెలుచుకున్నాడు. అతనే నివేథన్‌ రాధాకృష్ణన్‌. వెస్టిండీస్‌ వేదికగా సాగుతున్న అండర్‌-19 ప్రపంచకప్‌ మెగా ఈవెంట్‌లో మూడో స్థానం కోసం జరిగిన ప్లే ఆఫ్‌ మ్యాచ్‌లో ఆస్ట్రేలియా యువ జట్టు అఫ్గనిస్తాన్‌తో తలపడింది. ఈ మ్యాచ్‌లో ఆల్‌రౌండ్‌ ప్రతిభ కనబరిచిన నివేథన్‌ రాధాకృష్ణన్‌ ఆసీస్‌ను విజయతీరాలకు చేర్చాడు. తద్వారా ప్లేయర్‌ ఆఫ్‌ ది మ్యాచ్‌గా నిలిచాడు. చదవండి: ఆఖరి వరకు ఉత్కంఠ.. అదరగొట్టిన భారత సంతతి కుర్రాడు.. ఆసీస్‌దే విజయం ముందుగా బౌలింగ్‌లో 31 పరుగులిచ్చి మూడు కీలక వికెట్లు తీశాడు. అతని దెబ్బకు అఫ్గనిస్తాన్‌ 201 పరుగులకు ఆలౌటైంది. ఆ తర్వాత బ్యాటింగ్‌కు వచ్చిన  ఆసీస్‌కు మంచి ఆరంభం లభించింది. ఓపెనర్‌ కాంప్‌బెల్‌ కెలావే(51 పరుగులు) అర్ధ శతకంతో రాణించగా.. వన్‌డౌన్‌లో వచ్చిన నివేథన్‌ రాధాకృష్ణన్‌ 66 పరుగులు సాధించాడు. ఆ తర్వాత టపాటపా వికెట్లు పడ్డాయి. అయితే, ఆఖరి వరకు ఉత్కంఠ రేపిన ఈ మ్యాచ్‌లో విజయం ఎట్టకేలకు ఆసీస్‌నే వరించింది. ఈ విజయంతో ఆస్ట్రేలియా మూడోస్థానంతో అండర్‌-19 ప్రపంచకప్‌ను ముగించింది.  ఎవరీ నివేథన్‌ రాధాకృష్ణన్‌.. ►2013లో నివేథన్‌ రాధాకృష్ణన్‌ భారత్‌ నుంచి ఆస్ట్రేలియాకు వచ్చి సిడ్నీలో స్థిరపడ్డాడు.  ►ఇక ఇండియన్‌ ప్రీమియర్‌ లీగ్‌(ఐపీఎల్‌)లో ఢిల్లీ క్యాపిటల్స్‌కు నెట్‌ బౌలర్‌గా వ్యవహరించాడు. ఢిల్లీ క్యాపిటల్స్‌ కోచ్‌ రికీ పాంటింగ్‌ ఆధ్వర్యంలో బౌలింగ్‌లో రాటు దేలాడు. ►అండర్‌-16 లెవెల్‌ ఆస్ట్రేలియా తరపున ప్రాతినిధ్యం వహించి వైవిధ్యమైన బౌలింగ్‌తో తొలిసారి గుర్తింపు పొందాడు ►ఎన్‌ఎస్‌డబ్ల్యూ ప్రీమియర్‌ క్రికెట్‌ లీగ్‌లో ఆడిన నివేథన్‌ రాధాకృష్ణన్‌ ఆ సిరీస్‌లో 898 పరుగులు చేయడంతో పాటు 20 వికెట్లు పడగొట్టి అందరి దృష్టిని ఆకర్షించాడు.  ఆ తర్వాత ఎన్‌ఎస్‌డబ్ల్యూ, తస్మానియా క్రికెట్‌ నుంచి అవార్డులతో పాటు అవకాశాలు అందుకున్నాడు.  ►తస్మానియా క్రికెట్‌ తరపున ఈ సీజన్‌లో ఓపెనర్‌గా బరిలోకి దిగిన నివేథన్‌ రాధాకృష్ణన్‌ 622 పరుగులతో రాణించాడు. చదవండి: జట్టులో స్టార్స్‌ లేరు.. వందకు వంద శాతం ఎఫర్ట్‌ పెడతాం.. కోహ్లి మాకు ఏం చెప్పాడంటే.. సాధారణంగా స్పిన్‌ బౌలర్‌ అయిన రాధాకృష్ణన్‌లో ఒక ప్రత్యేకత ఉంది. అదేంటంటే అతను రెండు చేతులతో(ఎడమ, కుడి) బౌలింగ్‌ చేయడంలో దిట్ట. దీంతో అతన్ని లెఫ్టార్మ్‌ ? లేక రైట్‌ ఆర్మ్? స్పిన్నర్‌ అనాలా అనేది సందిగ్దంగా మారింది. క్రికెట్‌లో ఇలాంటి బౌలర్లు ఉండడం అరదుగా జరుగుతుంటుంది. బౌలింగ్‌లో వైవిధ్యత చూపించడం కోసం ఏ బౌలర్‌ అయినా ఒకే శైలి బౌలింగ్‌కు పరిమితమవుతాడు. కానీ నివేథన్‌ రాధాకృష్ణన్‌ మాత్రం అటు లెఫ్ట్‌.. ఇటు రైట్‌ ఆర్మ్‌తో బౌలింగ్‌ చేస్తూ అభిమానుల మనసులు గెలుచుకున్నాడు.  యాంబిడెక్స్‌ట్రస్‌ క్రికెటర్‌ అంటే... సాధారణంగా ఏకకాలంలో లెఫ్టార్మ్‌, రైట్‌ ఆర్మ్‌ బౌలింగ్‌ చేయగలిగిన వారిని యాంబిడెక్స్‌ట్రస్‌ క్రికెటర్‌ అని పిలుస్తారు.  అయితే ప్రస్తుత క్రికెట్‌లో ఇలాంటి శైలి అరుదుగా కనిపిస్తుంది. తాజాగా నివేథన్‌ రాధాకృష్ణన్‌ వార్తల్లో నిలవడం ద్వారా యాంబిడెక్స్‌ట్రస్‌ క్రికెటర్‌ పదం మరోసారి వెలుగులోకి వచ్చింది. క్రికెట్‌ చరిత్రలో యాంబిడెక్స్‌ట్రస్‌ క్రికెటర్లు చాలా మందే ఉన్నప్పటికీ..  ఇప్పటివరకు ఒక ఐదుగురి పేర్లు మాత్రమే ప్రముఖంగా వినిపించాయి. హనీఫ్‌ మొహ్మద్‌(పాకిస్తాన్‌) పాకిస్తాన్‌ బ్యాటింగ్‌లో సూపర్‌ స్టార్‌గా వెలుగొందిన హనీఫ్‌ మొహ్మద్‌ నిజానికి రెగ్యులర్‌ బౌలర్‌ కాదు. కానీ పార్ట్‌టైమ్‌ బౌలింగ్‌ చేసిన హనీఫ్‌ రెండు చేతులతో బౌలింగ్‌ చేయగలడు. పాకిస్తాన్‌ తరపున 55 టెస్టు మ్యాచ్‌ల్లో 3915 పరుగులు చేశాడు. గ్రహం గూచ్‌(ఇంగ్లండ్‌) ఇంగ్లండ్‌ బ్యాటింగ్‌ దిగ్గజం గ్రహం గూచ్‌ కూడా యాంబిడెక్స్‌ట్రస్‌ ఆటగాడే. బ్యాటింగ్‌లో ఎన్నోసార్లు మెరుపులు మెరిపించిన గ్రహం గూచ్‌.. రైట్‌ ఆర్మ్‌.. లెఫ్ట్‌ఆర్మ్‌ మీడియం పేస్‌తో 23 వికెట్లు పడగొట్టాడు. ఇక ఇంగ్లండ్‌ తరపున గ్రహం గూచ్‌ 118 టెస్టుల్లో 8900 పరుగులు.. 125 వన్డేల్లో 4290 పరుగులు సాధించాడు. హసన్‌ తిలకరత్నే(శ్రీలంక) స్వతహాగా లెఫ్ట్‌ హ్యాండ్‌ బ్యాట్స్‌మన్‌ అయిన హసన్‌ తిలకరత్నే ఒకానొక సమయంలో శ్రీలంక క్రికెట్‌లో రాణించాడు. లంక తరపున 83 టెస్టులు.. 200 వన్డేలు ఆడిన హసన్‌ తిలకరత్నే బౌలింగ్‌లో రైట్‌ ఆర్మ్‌ స్పిన్‌ ఎక్కువగా వేసేవాడు. కానీ 1996 వన్డే ప్రపంచకప్‌లో కెన్యాతో మ్యాచ్‌లో తిలకరత్నే ఆఖరి ఓవర్లో రైట్‌ ఆర్మ్‌.. లెఫ్టార్మ్‌ బౌలింగ్‌ చేసి తొలిసారి అందరి దృష్టిని ఆకర్షించాడు. ఇక 1996 వన్డే ప్రపంచకప్‌ను శ్రీలంక ఎగరేసుకపోయిన సంగతి తెలిసిందే. అక్షయ్‌ కర్నేవార్‌(భారత్‌) విదర్భ లెఫ్ట్‌ ఆర్మ్‌ స్పిన్నర్‌ అయిన అక్షయ్‌ కర్నేవార్‌ ప్రస్తుతం దేశవాలీలో లిస్ట్‌-ఏ, టి20 మ్యాచ్‌లు ఆడుతు బిజీగా గడుపుతున్నాడు. అక్షయ్‌ కర్నేవార్‌ లెఫ్ట్‌ ఆర్మ్‌.. రైట్‌ ఆర్మ్‌ బౌలింగ్‌ చేయడంలో సమర్థుడు. విజయ్‌ హజారే ట్రోఫీలో విదర్భ తరపున అక్షయ్‌ తన వైవిధ్యమైన బౌలింగ్‌తో 16 వికెట్లు తీసి సీజన్‌ బెస్ట్‌ నమోదు చేశాడు. కమిందు మెండిస్‌(శ్రీలంక) 17 ఏళ్ల కమిందు మెండిస్‌ శ్రీలంక తరపున రైట్‌ ఆర్మ్‌ ఆఫ్‌బ్రేక్‌.. స్లో లెఫ్ట్‌ఆర్మ్‌ ఆర్థడోక్స్‌ బౌలింగ్‌ చేయడంలో దిట్ట. అండర్‌-19 వరల్డ్‌కప్‌లో లంక తరపున ప్రాతినిధ్యం వహించి కమిందు మెండిస్‌ ఆకట్టుకున్నాడు.

అండర్‌-19 ప్రపంచకప్‌ చరిత్రలో పాకిస్తాన్‌ కెప్టెన్‌ ఖాసీమ్‌ అక్రమ్‌ అరుదైన ఫీట్‌ సాధించాడు. ఐదో ప్లేఆఫ్‌ స్థానం కోసం శ్రీలంకతో జరిగిన మ్యాచ్‌లో ఖాసీమ్‌ అక్రమ్‌.. తొలుత బ్యాటింగ్‌లో 135 పరుగులు.. ఆ తర్వాత బౌలింగ్‌లో 37 పరుగులిచ్చి ఐదు వికెట్లు తీశాడు. తద్వారా ప్రపంచకప్‌లో ఒక మ్యాచ్‌లో సెంచరీ చేయడంతో పాటు బౌలింగ్‌లో ఐదు వికెట్లు తీసిన తొలి క్రికెటర్‌గా నిలిచాడు. ఈ నేపథ్యంలో ఐసీసీ ఖాసీమ్‌ అక్రమ్‌ ఘనతను తనదైన స్టైల్లో ట్వీట్‌ చేసింది. అండర్‌-19 ప్రపంచకప్‌ చరిత్రలో ఒకే మ్యాచ్‌లో సెంచరీతో పాటు ఐదు వికెట్ల ఘనత అందుకున్న తొలి క్రికెటర్‌గా ఖాసీమ్‌ అక్రమ్‌ నిలిచాడు. టోర్నమెంట్‌లో అక్రమ్‌ తన మార్క్‌ను స్పష్టంగా చూపించాడు.. కంగ్రాట్స్‌  అని ట్వీట్‌ చేసింది.  చదవండి: Yash Dhull: యశ్‌ ధుల్‌ ఒక సంచలనం.. కోహ్లితో ఉ‍న్న పోలికేంటి! ఇక మ్యాచ్‌ విషయానికి వస్తే పాకిస్తాన్‌ 238 పరుగుల తేడాతో భారీ విజయం సాధించింది. తొలుత బ్యాటింగ్‌ చేసిన పాకిస్తాన్‌ నిర్ణీత 50 ఓవర్లలో 3 వికెట్ల నష్టానికి 365 పరుగులు చేసింది.  కెప్టెన్‌ ఖాసీమ్‌ అక్రమ్‌(80 బంతుల్లో 135 నాటౌట్‌, 13 ఫోర్లు, 6 సిక్సర్లు), హసీబుల్లా ఖాన్‌(151 బంతుల్లో 136, 9 ఫోర్లు, 2 సిక్సర్లు), ముహ్మద్‌ షెహజాద్‌ 73 పరుగులతో రాణించారు. అనంతరం బ్యాటింగ్‌ చేసిన శ్రీలంక 34.2 ఓవర్లలో 127 పరుగులకే కుప్పకూలింది. ఖాసీమ్‌ అక్రమ్‌ 37 పరుగులిచ్చి 5 వికెట్లు తీశాడు. ఇక శనివారం టీమిండియా, ఇంగ్లండ్‌ల మధ్య ఫైనల్‌ పోరు జరగనుంది. చదవండి: ఆకాశ్‌ చోప్రా అండర్‌-19 వరల్డ్‌ బెస్ట్‌ ఎలెవెన్‌.. టీమిండియా నుంచి ఒకే ఒక్కడు View this post on Instagram A post shared by ICC (@icc)

టీమిండియా మాజీ క్రికెటర్‌ ఆకాశ్‌ చోప్రా అండర్‌-19 వరల్డ్‌కప్స్‌ బెస్ట్‌ ఎలెవెన్‌ టీమ్‌ను ప్రకటించాడు. ఒకప్పుడు అండర్‌-19 ప్రపంచకప్‌ ఆడి ప్రస్తుతం సూపర్‌స్టార్లుగా వెలుగొందుతున్న 11 మందిని ఎంపిక చేశాడు. అతని జట్టులో టీమిండియా నుంచి ఒకరు మాత్రమే చోటు దక్కించుకున్నాడు. ఆ ఒక్కడు కూడా విరాట్‌ కోహ్లినే కావడం విశేషం. అండర్‌-19 ప్రపంచకప్‌ గెలిచిన టీమిండియా జట్లలో సభ్యులుగా ఉన్న రిషబ్‌ పంత్‌, జడేజాలను ఎంపికచేయ‍కపోవడం ఆశ్చర్యం కలిగించింది. చదవండి: IND VS WI: టీమిండియాకు 1000వ వన్డే.. కోహ్లిని ఊరిస్తు‍న్న రికార్డు కోహ్లిని కెప్టెన్‌గా ఎంపిక చేసిన ఆకాశ్‌చోప్రా.. పాక్‌ కెప్టెన్‌ బాబర్‌​ అజమ్‌.. ఆస్ట్రేలియా స్టార్‌ బ్యాట్స్‌మన్‌ స్టీవ్‌ స్మిత్‌లను టాపార్డర్‌కు ఎంపికచేశాడు. ఇక మిడిలార్డర్‌లో న్యూజిలాండ్‌ కెప్టెన్‌ కేన్‌ విలియమ్సన్‌.. ఇంగ్లండ్‌ పరిమిత ఓవర్ల కెప్టెన్‌ ఇయాన్‌ మోర్గాన్‌లను ఎంచుకున్నాడు. వికెట్‌ కీపర్‌గా దినేష్‌ చండిమల్‌.. ఫినిషర్‌గా షిమ్రోన్‌ హెట్‌మైర్‌కు చోటు కల్పించాడు. స్పిన్‌ బౌలర్‌గా మెహదీ హసన్‌ను ఎంపిక చేసిన ఆకాశ్‌.. పేస్‌ విభాగంలో కగిసో రబాడా, క్రిస్‌ వోక్స్‌, షాహిన్‌ అఫ్రిదిలను ఎంచుకున్నాడు.  చదవండి: Yash Dhull: యశ్‌ ధుల్‌ ఒక సంచలనం.. కోహ్లితో ఉ‍న్న పోలికేంటి! ఆకాష్ చోప్రా అండర్‌-19 ప్రపంచకప్స్‌ వరల్డ్ ఎలెవెన్‌: బాబర్ అజమ్, విరాట్ కోహ్లీ(కెప్టెన్‌), స్టీవ్ స్మిత్, కేన్ విలియమ్సన్, దినేష్ చండిమాల్, ఇయాన్ మోర్గాన్, షిమ్రాన్ హెట్మెయర్, మెహిదీ హసన్, కగిసో రబడ, క్రిస్ వోక్స్, షాహిన్‌ అఫ్రిది.

''అండర్‌-19 ప్రపంచకప్‌లో భారత జట్టుకు సభ్యుడిగా ఉంటేనే ఒక బంపర్‌ టోర్నమెంట్‌లో ఆడుతున్నాడు.. కెరీర్‌కు మేజర్‌ స్టార్ట్‌ దొరికినట్లేనని అంతా అంటారు.. మరి అలాంటిది అదే అండర్‌-19 ప్రపంచకప్‌ గెలిచిన జట్టుకు కెప్టెన్‌గా నువ్వు ఉంటే.. ఇక నీ పేరు క్రికెట్‌ చరిత్రలో నిలిచిపోతుంది.''.. అండర్‌-19 పెను సంచలనం.. యశ్‌ ధుల్‌కు తన చిన్ననాటి కోచ్‌ చెప్పిన మాటలివి.. ఈ మాటలను నిజం చేయడానికి యశ్‌ ధుల్‌ ఒక్క అడుగుదూరంలో ఉ‍న్నాడు. శనివారం టీమిండియా ఇంగ్లండ్‌తో ఫైనల్‌లో అమితుమీ తేల్చుకోనుంది. ఐదో టైటిల్‌పై కన్నేసిన టీమిండియా కళను యశ్‌ ధుల్‌ తీర్చనున్నాడా అనేది తేలిపోనుంది. మరి అలాంటి యశ్‌ ధుల్‌ ఎక్కడి నుంచి వచ్చాడు.. క్రికెట్‌లోకి ఎలా అడుగుపెట్టాడు అన్న విషయాలు ఆసక్తి కలిగిస్తున్నాయి.   జనవరి 19,2022.. అండర్‌-19 ప్రపంచకప్‌ ప్రారంభమై అప్పటికి ఐదు రోజులు కావొస్తుంది. టీమిండియా తన తొలి మ్యాచ్‌లో శుభారంభం చేసింది. ఇక రెండో మ్యాచ్‌ ఆడాల్సి ఉంది. ఇంతలో జట్టును కరోనా కుదుపేసింది. టీమిండియా కెప్టెన్‌ యశ్‌ ధుల్‌ సహా కొంతమంది ఆటగాళ్లు కరోనా బారిన పడ్డారు. ఇది యశ్‌ ధుల్‌ను బాగా భయపెట్టింది. టీమిండియా అండర్‌-19లో ఐదో ప్రపంచకప్‌ టైటిల్‌ అందివ్వాలనుకున్న కోరిక నెరవేరదేమోనని అనుకున్నాడు. ఒక్కరోజు వ్యవధిలోనే డిప్రెషన్‌లోకి వెళ్లిపోయాడు. అయితే ఆ సమయంలో తన చిన్ననాటి కోచ్‌ రాజేష్‌ నగర్‌ గుర్తొచ్చారు. వెంటనే ఆయనకు ఫోన్‌ చేసి మాట్లాడాడు. నగర్‌ ఒక్కటే విషయం చెప్పారు.. భయపడకు.. కంట్రోల్‌లో ఉంటే అన్ని కంట్రోల్‌లోనే ఉంటాయి'' అని చెప్పి ఫోన్‌ పెట్టేశాడు. చదవండి: Yash Dhull: యశ్‌ ధుల్‌ ఎలా కొట్టావయ్యా ఆ సిక్స్‌.. క్రికెట్‌ పుస్తకాల్లో పేరుందా! కోచ్‌ నగర్‌ మాటలు యశ్‌ ధుల్‌కు కొండంత ధైర్యాన్ని ఇచ్చాయి. ఐసోలేషన్‌లో ఉ‍న్న యశ్‌ ధుల్‌ మూడో రోజు నుంచే తను ఉన్న రూమ్‌లోనే బ్యాటింగ్‌ ప్రాక్టీస్‌ చేయడం మొదలుపెట్టాడు. దాన్నంతా ఒక కెమెరాలో బంధించి తర్వాత రీప్లే చేసుకొని షాట్ల ఎంపికను చూసుకునేవాడు. ఆ తర్వాత కోచ్‌ వివిఎస్‌ లక్ష్మణ్‌కు తన వీడియోలను పంపించి బ్యాటింగ్‌ టెక్నిక్స్‌ అడిగేవాడు. ఇదంతా చూసిన లక్ష్మణ్‌.. యశ్‌ ధుల్‌ నీ పోరాట పటిమ అద్భుతం.. ఇండియా ఎలెవెన్‌లో కెప్టెన్‌ ఆర్మ్‌బాండ్‌ ధరించి మ్యాచ్‌లు ఆడతావు రెడీగా ఉండు.. అని చెప్పాడు.  అన్నట్లే యశ్‌ ధుల్‌  బంగ్లాదేశ్‌తో క్వార్టర్‌ ఫైనల్‌ మ్యాచ్‌ సమయానికి కోలుకొని మళ్లీ అండర్‌-19 ప్రపంచకప్‌లో అడుగుపెట్టాడు. ఆ మ్యాచ్‌లో 20 పరుగులతో నాటౌట్‌గా నిలిచి మ్యాచ్‌ను గెలిపించాడు. ఆ తర్వాత ఆస్ట్రేలియాతో జరిగిన సెమీఫైనల్‌ మ్యాచ్‌ ఒక చరిత్ర. కష్టాల్లో పడిన టీమిండియాను షేక్‌ రషీద్‌ సాయంతో.. కెప్టెన్‌ ఇన్నింగ్స్‌ ఆడిన యశ్‌ ధుల్‌ సూపర్‌సెంచరీతో మెరిశాడు. 96 పరుగులుతో విజయం సాధించిన భారత్‌ ఎనిమిదోసారి ఫైనల్లో అడగుపెట్టింది. టీమిండియాకు అండర్‌-19 ప్రపంచకప్‌ అందించడానికి ఒక్క అడుగుదూరంలో ఉన్నాడు. చదవండి: Shaik Rasheed: అవరోధాలు అధిగమించి.. మనోడి సూపర్‌ హిట్టు ఇన్నింగ్స్‌ పదేళ్ల వయసు నుంచే.. యశ్‌ ధుల్‌ చిన్నప్పటి నుంచే క్రికెట్‌ అంటే అమితమైన ఆసక్తి ఉండేది. తన పదేళ్ల వయసు నుంచే క్రికెట్‌పై దృష్టి పెట్టిన యశ్‌ధుల్‌ అండర్‌-19లో టీమిండియాకు కప్‌ అందించాలని కోరుకున్నాడు. అలా ద్వారకాలోని బాల్‌ భవన్‌ స్కూల్‌లో క్రికెట్‌లో ఓనమాలు నేర్చుకున్నాడు. ఆ తర్వాత ఆరో తరగతి వచ్చిన తర్వాత కోచ్‌ రాజేశ్‌ నగర్‌ యశ్‌కు పరిచయమయ్యాడు. అప్పటినుంచి అతని ఆట పూర్తిగా మారిపోయింది. ఒక నెల వ్యవధిలోనే 15 మ్యాచ్‌లు ఆడి సూపర్‌ ఫామ్‌ను కొనసాగించి మంచి రన్స్‌ సాధించాడు. కేవలం 15 మ్యాచ్‌లు మాత్రమే ఆడిన ఇతను 2వేల మ్యాచ్‌లు ఆడిన ఆటగాడిగా కనిపిస్తున్నాడని కొందరు కోచ్‌లు మెచ్చుకున్నారు.  ఆ తర్వాత అండర్‌-19 కేటగిరిలో శ్రీలంక, నేపాల్‌, మలేషియాలో కీలక టోర్నీలు ఆడాడు. 15 ఏళ్ల వయసులో నేపాల్‌లో జరిగిన అండర్‌-19 టోర్నమెంట్‌లో ప్లేయర్‌ ఆఫ్‌ ది సిరీస్‌ అవార్డును గెలుచుకొని అందరి దృష్టిలో పడ్డాడు. అయితే యశ్ ధుల్‌ 16 ఏళ్లకే ఇంత పేరు తెచ్చుకోవడం వెనుక కోహ్లి కూడా ఒక కారణమని అతని కోచ్‌ నగర్‌ ఒక సందర్భంలో పేర్కొన్నారు. కోహ్లితో అనుబంధం.. అతనితో పోలిక ''ఢిల్లీలో యశ్‌ ధుల్‌ ఇంటికి.. కోహ్లి ఇంటికి ఆరు కిలోమీటర్ల దూరం మాత్రమే ఉండేది. కోహ్లి ఆటను దగ్గరుండి గమనించిన యశ్‌ ధుల్‌ అతన్నే అనుకరించడం మొదలుపెట్టాడు. అండర్‌-19 జ​ట్టులో మూడోస్థానంలోనే బ్యాటింగ్‌కు వచ్చే యశ్‌ ధుల్‌ అచ్చం కోహ్లిని తలపిస్తున్నాడు. ఒక వన్డే మ్యాచ్‌లో 50 ఓవర్లు ఎలా ఆడాలో కోహ్లి నుంచే నేర్చుకున్నాడు. కోహ్లి తన ఇన్నింగ్స్‌ను ఎలా అయితే స్టార్ట్‌ చేస్తాడో.. అచ్చం అదే మాదిరి యశ్‌ధుల్‌ కూడా సింగిల్స్‌, డబుల్స్‌కు ప్రాధాన్యం ఇచ్చేవాడు. ఓపెనర్లు ఔటైతే.. ఆ తర్వాత వన్‌డౌన్‌లో వచ్చే ఆటగాడు ఎంత కీలకమో తెలుసుకున్నాడు. యశ్‌ ధుల్‌ కోహ్లి టెక్నిక్‌ను అందుకోలేకపోవచ్చు.. కానీ అతనిలా మాత్రం ఇన్నింగ్స్‌లు నిర్మించగలడు.'' అంటూ చెప్పుకొచ్చాడు.  ఇక అండర్‌-19 ప్రపంచకప్‌లో చోటు దక్కించుకునేందుకు యశ్‌ ధుల్‌ బాగా కష్టపడ్డాడు. సెప్టెంబర్‌- అక్టోబర్‌ 2021లో జరిగిన వినూ మాన్కడ్‌ ట్రోఫీలో యశ్‌ ధుల్‌ సూపర్‌ ప్రదర్శన చేశాడు. ఆ ట్రోఫీలో ఢిల్లీ గ్రూప్‌ స్టేజీ దాటకపోయినప్పటికి యశ్‌ మాత్రం 302 పరుగులతో ఆకట్టుకున్నాడు. ఆ తర్వాత ఆసియా కప్‌లో టీమిండియా కెప్టెన్‌గా జట్టును ముందుండి నడిపించాడు. ఇప్పుడు వరల్డ్‌కప్‌లోనూ టీమిండియాకు ఐదో టైటిల్‌ అందించేందుకు సిద్ధంగా ఉన్నాడు. అతని కోరిక నెరవేరి త్వరలోనే టీమిండియాలోకి కూడా అడుగుపెట్టాలని ఆశిద్దాం. చదవండి: Under-19 World Cup: అప్పుడు కుర్రాళ్లు.. ఇప్పుడు సూపర్‌స్టార్లు

ఐసీసీ అండర్‌-19 ప్రపంచకప్‌ మజిలి చివరి దశకు చేరింది. శనివారం భారత్‌, ఇంగ్లండ్‌ జట్లు ఫైనల్లో తలపడనున్నాయి. మరి భారత్‌ ఐదోసారి టైటిల్‌ గెలుస్తుందా.. లేక ఇంగ్లండ్‌ రెండోసారి కప్‌ను అందుకుంటుందా చూడాలి. ఇక ఈ టోర్నీలో ఆఫ్‌ ఫీల్డ్‌.. ఆన్‌ఫీల్డ్‌లో ఎన్నో వింతలు, విశేషాలు చోటుచేసుకున్నాయి. ఫైనల్‌కు ఒక్కరోజు మాత్రమే మిగిలిఉండడంతో ఐసీసీ ఫ్యాన్స్‌ను నవ్వించడానికి ఒక ఆసక్తికర వీడియోనూ రిలీజ్‌ చేసింది. ఈ సంఘటన ఏ మ్యాచ్‌లో జరిగిందో తెలియదు. కచ్చితంగా మనల్ని నవ్విస్తుంది. విషయంలోకి వెళితే.. మ్యాచ్‌ సందర్భంగా ఆటగాడు గాయపడడంతో మెడికల్‌ అవసరం ఏర్పడింది. దీంతో ఇద్దరితో కూడిన మెడికల్‌ టీం సహాయం చేసేందుకు సిద్ధమయ్యారు. అందులో ఒక వ్యక్తి బాగా లావుగా ఉన్నాడు.. అతని పక్కన అసిస్టెంట్‌గా ఒక అమ్మాయి ఉంది. కాల్‌ రావడంతో గ్రౌండ్‌లోకి వేగంగా వెళ్లాలనే ఉద్దేశంతో బౌండరీలైన్‌ వద్ద ఉ‍న్న అడ్వర్టైజ్‌మెంట్‌ బోర్డులను దాటే ప్రయత్నం చేశారు. వారికి సాధ్యం కాలేదు. ఏమనుకున్నాడో.. ఒక్కసారిగా అథ్లెట్‌గా మారిన మెడికో దానిపై నుంచి జంప్‌ చేసి వెళ్లాలనుకున్నాడు. కానీ బొక్కబోర్లా పడ్డాడు.. పాపం అతని దెబ్బకు పక్కనున్న అమ్మాయి కూడా బలయ్యింది. ఆ తర్వాత కిందపడిన దానికి కవర్‌ చేసుకుంటూ పరిగెత్తడం నవ్విస్తుంది. ఇది చూసిన కామెంటేటర్లు.. ఈ మెడికో సూపర్‌గా ఉ‍న్నాడు.. హార్డిల్స్‌కు పంపిస్తే కచ్చితంగా మెడల్స్‌ తీసుకొస్తాడు అంటూ కామెంట్‌ చేశారు. ప్రస్తుతం దీనికి సంబంధించిన వీడియో సోషల్‌ మీడియాలో వైరల్‌గా మారింది. ఇక అండర్‌-19 ప్రపంచకప్‌ ఫైనల్లో టీమిండియా అడుగుపెట్టడం ఇది ఎనిమిదోసారి. నాలుగుసార్లు విజేతగా నిలిచిన భారత్‌.. ఐదో టైటిల్‌పై కన్నేసింది. మరోవైపు ఇంగ్లండ్‌ మాత్రం 1998 తర్వాత మళ్లీ అండర్‌-19 ప్రపంచకప్‌ సాధించలేకపోవడం విశేషం. దీంతో టీమిండియానే మరోసారి ఫెవరెట్‌గా కనిపిస్తోంది. View this post on Instagram A post shared by ICC (@icc)

Yash Dhull Father About U19 WC Finals: అండ‌ర్-19 ప్రపంచ క‌ప్‌లో టీమిండియా వ‌రుస‌గా నాలుగో సారి ఫైన‌ల్‌కు చేరింది.  సెమీఫైనల్లో ఆస్ట్రేలియాను చిత్తు చేసి యువ భార‌త్ ఫైన‌ల్లో అడుగు పెట్టింది. కాగా భార‌త విజ‌యంలో కెప్టెన్ యష్ ధుల్ 110 ప‌రుగులు చేసి కీల‌క పాత్ర పోషించాడు. ఇక శ‌నివారం జ‌ర‌గ‌బోయే ఫైన‌ల్లో ఇంగ్లండ్‌తో టీమిండియా త‌ల‌ప‌డ‌నుంది. ఈ నేప‌థ్యంలో యష్ ధుల్ తండ్రి విజయ్ ధుల్ కీల‌క వాఖ్య‌లు చేశాడు. అండ‌ర్-19 ప్రపంచ క‌ప్ టైటిల్‌ను భార‌త్ కచ్చితంగా కైవ‌సం చేసుకుంటుంద‌ని ధీమా వ్య‌క్తం చేశాడు. అదే విధంగా య‌ష్ క్రికెట్ ఫీల్డ్‌లో చాలా చురుకుగా ఉంటాడు, భార‌త్ ప్ర‌పంచ క‌ప్ గెల‌వ‌డంలో య‌ష్ కీల‌క పాత్ర పోషిస్తాడు అని అత‌డు తెలిపాడు. ‘‘భారత్‌కు కచ్చితంగా ప్ర‌పంచ‌క‌ప్ వ‌స్తుంది. ఈ టోర్న‌మెంట్‌లో యువ భార‌త్ జ‌ట్టు అద్భుతంగా రాణిస్తుంది. ఇంగ్లండ్ జ‌ట్టు కూడా గ‌ట్టి పోటీస్తుంది అన‌డంలో సందేహం లేదు. దేశం మొత్తం టీమిండియా వెనుక ఉంది. ఫైన‌ల్లో భార‌త్ గెలిచి చ‌రిత్ర సృష్టిస్తుంద‌ని అంద‌రూ అశిస్తున్నారు. య‌ష్ క్రికెట్ ఫీల్డ్‌లో చాలా చురుకుగా ఉంటాడు. జ‌ట్టు క‌ష్ట‌ప‌రిస్ధితుల్లో ఉన్న‌ప్ప‌డు బ్యాట‌ర్‌గా, సార‌ధిగా తాను ఎంటో నిరూపించుకుంటాడు. ఆదే విధంగా ఏ బ్యాట‌ర్‌కు ఏ బౌలర్‌ను ఊపయోగించాలో అత‌డికి బాగా తెలుసు’’ అని విజయ్ ధుల్ పేర్కొన్నాడు. ఇక భారత అండర్‌–19 జట్టు నాలుగు సార్లు ప్రపంచ కప్‌ను గెలుచుకుంది. 2000లో (కెప్టెన్‌ మొహమ్మద్‌ కైఫ్‌), 2008లో (కెప్టెన్‌ విరాట్‌ కోహ్లి), 2012లో (కెప్టెన్‌ ఉన్ముక్త్‌ చంద్‌), 2018 (కెప్టెన్‌ పృథ్వీ షా) జట్టు చాంపియన్‌గా నిలిచింది. మరో మూడు సార్లు (2006, 2016, 2020) ఫైనల్లో ఓడి రన్నరప్‌గా నిలిచింది. చ‌ద‌వండి: నాపై ప్రేమ చూపించినందుకు ధన్యవాదాలు.. నేను బాగానే ఉన్నా: శిఖర్ ధావన్

అండర్‌-19 ప్రపంచకప్‌లో టీమిండియా ఫైనల్లోకి అడుగుపెట్టిన సంగతి తెలిసిందే. కెప్టెన్‌ యశ్‌ ధుల్‌ సూపర్‌  సెంచరీకి(110 పరుగులు) తోడు షేక్‌ రషీద్‌(94) రాణించడంతో యువ భారత్‌.. సెమీఫైనల్లో ఆస్ట్రేలియాను 96 పరుగులతో మట్టికరిపించింది. శనివారం జరగనున్న ఫైనల్లో ఇంగ్లండ్‌తో అమితుమీ తేల్చుకోనుంది. ఇప్పటికే అండర్‌-19 ప్రపంచకప్‌లో నాలుగుసార్లు విజేతగా నిలిచిన టీమిండియా ఐదోసారి టైటిల్‌పై కన్నేసింది.  చదవండి: U19 World Cup Semi Final: ఆసీస్‌పై సెంచరీతో విరాట్ కోహ్లీ సరసన చేరిన యశ్ ధుల్ ఇదిలాఉంటే.. సూపర్‌ సెంచరీతో మెరిసిన యశ్‌ ధుల్‌ ఇన్నింగ్స్‌లో 10 ఫోర్లు, ఒక సిక్స్‌ ఉ‍న్నాయి. అతను కొట్టిన ఒకే ఒక్క సిక్స్‌ ఇప్పుడు క్లాసిక్‌గా మిగిలిపోనుందని క్రికెట్‌ వర్గాలు అభిప్రాయపడ్డాయి. ఆసీసీ బౌలర్‌ టామ్‌ విట్నీ వేసిన ఇన్నింగ్స్‌ 45వ ఓవర్‌ ఐదో బంతిని యష్‌ ధుల్‌ లాంగాన్‌ మీదుగా భారీ సిక్స్‌ కొట్టాడు. బంతి షార్ట్‌పిచ్‌ అవగా.. ఫ్రంట్‌ఫుట్‌కు వచ్చిన యష్‌.. డ్యాన్స్‌ మూమెంట్‌ ఇస్తూ బ్యాట్‌ ఎడ్జ్‌ను తగిలించాడు. అంతే.. బంతి లాంగాన్‌ మీదుగా వెళ్లి స్టాండ్స్‌ టాప్‌లో పడింది. దీనికి సంబంధించిన వీడియోను ఐసీసీ ట్విటర్‌లో షేర్‌ చేస్తూ.. ''ఒక్క క్లాసిక్‌ సిక్స్‌తో ఐసీసీ ప్లే ఆఫ్‌ ది డే అవార్డు కొల్లగొట్టాడు.. ఇంతకీ యష్‌ ధుల్‌ కొట్టిన సిక్స్‌కు క్రికెట్‌ పుస్తకాల్లో ఏ పేరుందో కాస్త చెప్పండి'' అంటూ పేర్కొంది. చదవండి: హార్దిక్‌ పాండ్యాపై నిప్పులు చెరిగిన కోహ్లి చిన్ననాటి కోచ్‌ WHAT A HIT 🔥 Yash Dhull's stunning six dancing down the track is the @Nissan #POTD winner from the #U19CWC Super League semi-final clash between India and Australia 👏 pic.twitter.com/rFiEAsv2G4 — ICC (@ICC) February 3, 2022

Yash Dhull U19 World Cup: అండ‌ర్‌-19 ప్ర‌పంచకప్‌ టోర్నీలో యువ భార‌త్ ఫైనల్‌కు చేరింది. ఆంటిగ్వా వేదికగా ఆస్ట్రేలియాతో జ‌రిగిన‌ సెమీఫైనల్లో 96 ప‌రుగుల తేడాతో  టీమిండియా ఘ‌న విజ‌యం సాధించింది. దీంతో శ‌నివారం జ‌ర‌గ‌నున్న ఫైన‌ల్లో ఇంగ్లండ్‌తో టీమిండియా త‌ల‌ప‌డ‌నుంది. కాగా భార‌త విజ‌యంలో కెప్టెన్ యష్ ధుల్, వైస్ కెప్టెన్  షేక్ రషీద్ కీల‌క పాత్ర పోషించారు. యష్ ధుల్ సెంచ‌రీ(114)తో చెల‌రేగ‌గా, షేక్ రషీద్ 94 ప‌రుగుల‌తో కీలక ఇన్నింగ్స్ ఆడాడు. ఇక టాస్ గెలిచి తొలుత బ్యాటింగ్ చేసిన టీమిండియా 37 ప‌రుగుల‌కే రెండు వికెట్లుకోల్పోయి క‌ష్టాల్లో ప‌డింది. ఆనంత‌రం యష్ ధుల్, షేక్ రషీద్ జ‌ట్టును ఆదుకున్నారు. వీరిద్ద‌రూ క‌లిసి మూడో వికెట్‌కు  204 పరుగుల భాగస్వామ్యాన్ని నెల‌కొల్పారు. వీరిద్దరి అద్భుతమైన బ్యాటింగ్ కారణంగా భారత జట్టు నిర్ణీత 50 ఓవర్లలో 5 వికెట్లు కోల్పోయి  290 పరుగులు చేసింది. అనంతరం 291 పరుగుల ప‌రుగుల‌ లక్ష్యంతో బరిలోకి దిగిన ఆస్ట్రేలియా 194 ప‌రుగుల‌కే ఆలౌటైంది. భార‌త బౌల‌ర్ల‌లో విక్టీ ఓస్టావల్‌ మూడు వికెట్లు సాధించగా,  నిషాంత్‌ సింధు, రవి కుమార్‌లు చెరో రెండు వికెట్లు ప‌డ‌గొట్టారు. అప్పుడు అలా.. ఇప్పుడు ఇలా.. దటీజ్‌ యశ్‌ ధుల్‌ న్యూఢిల్లీకి చెందిన యశ్‌ దుల్‌కి ఢిల్లీ అండర్-16, అండర్-19, ఇండియా ‘ఎ’ అండర్-19 జట్లకు నాయకత్వం వహించాడు. ఇక ఇటీవల ముగిసిన వినూ మన్కడ్ ట్రోఫీలో అత్యధిక పరుగులు చేసిన ఆటగాళ్లలో ఒకడుగా ఉన్నాడు. డీడీసీఈ(ఢిల్లీ జిల్లా క్రికెట్ అసోసియేషన్) తరుపున 5 మ్యాచ్‌లు ఆడిన యశ్‌ దుల్ 302 పరుగులు చేశాడు. అదే విధంగా ఆసియా అండర్‌–19 క్రికెట్‌ టోర్నీలో భారత జట్టుకు సారథ్యం వహించిన యశ్‌ ధుల్‌.... జట్టును చాంపియన్‌గా నిలిపాడు. యశ్‌ కెప్టెన్సీలో భారత యువ జట్టు ఫైనల్లో శ్రీలంకను 9 వికెట్ల తేడాతో ఓడించి విజేతగా అవతరించింది. ఇక ఇప్పుడు ఐసీసీ మేజర్‌ టోర్నీ వరల్డ్‌కప్‌లోనూ జట్టును ఫైనల్‌కు చేర్చి కెప్టెన్‌గా తానేంటో మరోసారి నిరూపించుకున్నాడు. ముఖ్యంగా సెమీ ఫైనల్‌లో 110 బంతుల్లో 110 పరుగులు సాధించి బ్యాటర్‌గానూ జట్టు విజయంలో తన వంతు పాత్ర పోషించాడు.  చ‌ద‌వండి: IND vs WI: క్రికెట్ అభిమానులకు భారీ షాక్‌.. భార‌త్- విండీస్ తొలి వ‌న్డే వాయిదా! Who Is Yash Dhull: ఎవరీ యశ్‌ దుల్‌.. భారత జట్టు కెప్టెన్‌గా ఎలా ఎంపిక చేశారు!

కూలిడ్జ్‌ (ఆంటిగ్వా): అండర్‌-19 వరల్డ్‌కప్‌లో టీమిండియా ఫైనల్‌కు చేరింది. ఆస్ట్రేలియాతో జరిగిన సెమీ ఫైనల్లో భారత్‌ 96 పరుగుల తేడాతో భారీ విజయం సాధించి తుది పోరుకు అర్హత సాధించింది. తొలుత బ్యాటింగ్‌ చేసిన టీమిండియా 50 ఓవర్లలో ఐదు వికెట్ల నష్టానికి 290 పరుగులు చేయగా, ఆసీస్‌ 41. 5 ఓవర్లలో 194 పరుగులకే కుప్పకూలింది. ఫలితంగా భారత్‌ ఫైనల్లోకి ప్రవేశించింది. భారత యువ బౌలర్లలో విక్టీ ఓస్టావల్‌ మూడు వికెట్లతో ఆసీస్‌ను దెబ్బ తీయగా, నిషాంత్‌ సింధు, రవి కుమార్‌లు తలో రెండు వికెట్లతో మెరిశారు. కౌశల్‌ తాంబే,  రఘువంశీలు చెరో వికెట్‌ తీశారు.  ముందుగా బ్యాటింగ్‌ చేసిన భారత జట్టు యష్‌ ధుల్‌ (110 బంతుల్లో 110; 10 ఫోర్లు, 1 సిక్స్‌), షేక్‌ రషీద్‌ (108 బంతుల్లో 94; 8 ఫోర్లు, 1 సిక్స్‌) మూడో వికెట్‌కు 204 పరుగులు జోడించడంతో భారీ స్కోరును బోర్డుపై ఉంచారు.  భారీ భాగస్వామ్యం... టాస్‌ గెలిచిన భారత్‌ బ్యాటింగ్‌ ఎంచుకుంది. ఓపెనర్లు అంగ్‌కృష్‌ రఘువంశీ (6), హర్నూర్‌ సింగ్‌ (16) తడబడుతూ మొదలు పెట్టడంతో పరుగులు బాగా నెమ్మదిగా వచ్చాయి. తక్కువ వ్యవధిలో వీరిద్దరిని అవుట్‌ చేసి ఆసీస్‌ ఆధిక్యం ప్రదర్శించింది. ఈ స్థితిలో ధుల్, రషీద్‌ ఇన్నింగ్స్‌ను నిర్మించే బాధ్యత తీసుకున్నారు. ఆరంభంలో జాగ్రత్తగా ఆడినా, నిలదొక్కుకున్న తర్వాత చక్కటి షాట్లతో పరుగులు రాబట్టారు. ధుల్‌ 64 బంతుల్లో, రషీద్‌ 78 బంతుల్లో అర్ధ సెంచరీలు పూర్తి చేసుకోగా, ఆ తర్వాత ఒకరితో మరొకరు పోటీ పడి పరుగులు సాధించారు. ఈ జోడీని విడదీయడానికి ఆసీస్‌ బౌలర్లు ఎన్ని ప్రయత్నాలు చేసినా లాభం లేకపోయింది. విట్నీ ఓవర్లో 2 ఫోర్లు, 1 సిక్స్‌ కొట్టిన ధుల్‌ 106 బంతుల్లోనే శతకం మార్క్‌ను అందుకున్నాడు. పార్ట్‌నర్‌షిప్‌ 200 పరుగులు దాటిన తర్వాత 46వ ఓవర్లో వీరిద్దరు వరుస బంతుల్లో అవుటయ్యారు. విట్నీ వేసిన చివరి ఓవర్లో భారత్‌ వరుసగా 4, 6, 1, 6, 4, 6తో ఏకంగా 27 పరుగులు రాబట్టింది. దినేశ్‌ బానా ఆడిన 4 బంతుల్లో 2 ఫోర్లు, 2 సిక్స్‌లు కొట్టడం విశేషం. ఆ తర్వాత బ్యాటింగ్‌ ప్రారంభించిన ఆసీస్‌ జట్టులో లాచ్‌లాన్‌ షా(51) మాత్రమే హాఫ్‌ సెంచరీ చేయగా,  కోరీ మిల్లర్‌(38), క్యాంప్‌బెల్‌ కెల్లావే(30)లు మోస్తరుగా మెరిశారు. ఫైనల్లో భారత జట్టు.. ఇంగ్లండ్‌తో తలపడనుంది. (ఫొటో గ్యాలరీ కోసం ఇక్కడ క్లిక్ చేయండి)

కూలిడ్జ్‌ (అంటిగ్వా): అండర్‌–19 ప్రపంచకప్‌ క్రికెట్‌ టోర్నమెంట్‌లో యువ భారత్‌ జట్టు సెమీఫైనల్లోకి దూసుకెళ్లింది. డిఫెండింగ్‌ చాంపియన్‌ బంగ్లాదేశ్‌తో శనివారం జరిగిన క్వార్టర్‌ ఫైనల్లో భారత జట్టు ఐదు వికెట్ల తేడాతో గెలిచింది. ఈ గెలుపుతో 2020 అండర్‌–19 ప్రపంచకప్‌ ఫైనల్లో బంగ్లాదేశ్‌ చేతిలో ఎదురైన పరాజయానికి భారత్‌ ప్రతీకారం తీర్చుకుంది. తొలుత బ్యాటింగ్‌ చేసిన బంగ్లాదేశ్‌ 37.1 ఓవర్లలో 111 పరుగులకే ఆలౌటైంది. ఎడంచేతి వాటం పేస్‌ బౌలర్‌ రవి కుమార్‌ (3/14) స్వింగ్‌ బౌలింగ్‌తో బంగ్లాదేశ్‌ను హడ లెత్తించాడు. స్పిన్నర్‌ విక్కీ (2/25) కూడా రాణించాడు. 112 పరుగుల లక్ష్యంతో బరిలోకి దిగిన భారత్‌ 30.5 ఓవర్లలో 5 వికెట్లు కోల్పోయి 117 పరుగులు చేసి గెలిచింది. ఓపెనర్‌ అంగ్‌కృష్‌ (44; 7 ఫోర్లు), ఆంధ్ర క్రికెటర్‌ షేక్‌ రషీద్‌ (26; 3 ఫోర్లు) రెండో వికెట్‌కు 70 పరుగులు జోడించారు. కెప్టెన్‌ యశ్‌ ధుల్‌ (20 నాటౌట్‌; 4 ఫోర్లు), కౌశల్‌ (11 నాటౌట్‌; 1 సిక్స్‌) రాణించారు. రవి కుమార్‌కు ‘ప్లేయర్‌ ఆఫ్‌ ద మ్యాచ్‌’ అవార్డు లభించింది.  ఫిబ్రవరి 1న తొలి సెమీఫైనల్లో ఇంగ్లండ్‌తో అఫ్గానిస్తాన్‌; ఫిబ్రవరి 2న రెండో సెమీఫైనల్లో ఆస్ట్రేలియాతో భారత్‌ ఆడ తాయి. ఫైనల్‌ ఫిబ్రవరి 5న జరుగుతుంది.

అండర్-19 ప్రపంచకప్ క్వార్ట‌ర్ ఫైన‌ల్‌కు ముందు టీమిండియాకు బిగ్ షాక్ త‌గిలింది. భార‌త యువ ఆల్ రౌండ‌ర్ నిశాంత్ సింధు క‌రోనా బారిన ప‌డ్డాడు. శుక్ర‌వారం ఆట‌గాళ్లంద‌రికీ క‌రోనా ప‌రీక్ష‌లు నిర్వ‌హించ‌గా సింధుకు పాజిటివ్‌గా నిర్ధార‌ణైంది. కాగా ఇంత‌కుముందు క‌రోనా బారిన ఆరుగురు భార‌త యువ ఆట‌గాళ్లు పూర్తిగా కోలుకున్నారు.  క‌రోనా నుంచి కోలుకున్న కెప్టెన్ యష్ ధుల్‌, షేక్ రషీద్‌తో పాటు ప‌లువురు ఆట‌గాళ్లు ప్రాక్టీస్ సెష‌న్‌లో పాల్గొన్నారు. ఇక శ‌నివారం క్వార్ట‌ర్‌ఫైన‌ల్లో బంగ్లాదేశ్‌తో భార‌త్ త‌ల‌ప‌డ‌నుంది. కాగా లీగ్ మ్యాచ్‌ల్లో రెగ్యూల‌ర్ కెప్టెన్ యష్ ధుల్ దూరం కావ‌డంతో నిశాంత్ సింధు యువ భార‌త జ‌ట్టుకు నాయ‌క‌త్వం వ‌హించాడు. అంతే కాకుండా జ‌ట్టు విజ‌యాల్లో కూడా కీల‌క పాత్ర సింధు పోషించాడు. ఇక మ్యాచ్ విష‌యానికి వ‌స్తే.. డిఫెండింగ్ ఛాంపియస్స్  బంగ్లాదేశ్‌పై భార‌త్ బ‌దులు తీర్చుకోవాల‌ని భావిస్తోంది. అండర్-19 ప్రపంచకప్ 2020 ఫైన‌ల్లో భార‌త్ ఓట‌మి చెందిన సంగ‌తి తెలిసిందే. చ‌ద‌వండి: జింబాబ్వే క్రికెటర్‌ బ్రెండన్‌ టేలర్‌పై ఐసీసీ నిషేధం

ఐపీఎల్‌-2022 మెగా వేలంకు స‌మయం అస‌న్న‌మైంది. ఫిబ్రవరి 12, 13న బెంగ‌ళూరు వేదిక‌గా మెగావేలం జరగనుంది. ఇక ఈసారి రెండు కొత్త జట్లు టోర్నీలో పాల్గొనబోతున్నాయి. ఈ రెండు కొత్త ఫ్రాంచైజీలు ఇప్పటికే తాము రిటైన్ చేసుకున్న ఆటగాళ్ల పేర్లను వెల్లడించాయి. మొత్తం ఈ ఏడాది లీగ్ కోసం 1,214 మంది క్రికెటర్లు తమ పేర్లు రిజిస్టర్ చేసుకున్నారు.  అయితే రానున్న మెగా వేలం కోసం ఫ్రాంచైజీలు ఇప్ప‌టి నుంచే క‌స‌ర‌త్త‌లు మొద‌ల‌పెట్టాయి. ఈ క్ర‌మంలో అండ‌ర్‌-19 ప్ర‌పంచ క‌ప్‌లో అద‌ర‌గొడుతున్న భార‌త యువ బ్యాట‌ర్ అంగ్క్రిష్ ర‌ఘువ‌న్షీ కోసం ఫ్రాంచైజీలు పోటీ ప‌డే అవ‌కాశం ఉంది. ఈ మెగా టోర్నీలో ఇప్ప‌టివ‌ర‌కు మూడు మ్యాచ్‌లు ఆడిన ర‌ఘువ‌న్షీ 228 ప‌రుగులు చేశాడు. దీంట్లో ఒక అర్ధ‌సెంచ‌రీతో పాటు, సెంచ‌రీ కూడా ఉంది. అదే విధంగా అండ‌ర్‌-19 ఆసియా క‌ప్‌లో కూడా ర‌ఘువ‌న్షీ అధ్బుతంగా రాణించాడు. దీంతో అత‌డితో పాటు ఆల్‌రౌండ‌ర్ రాజ్‌ బావాను కూడా ఫ్రాంచైజీలు కొనుగోలు చేసే అవ‌కాశం ఉంది. రాజ్‌ బావా బ్యాట్‌తోను, బాల్‌తోను ఈ మెగా టోర్న‌మెంట్‌లో రాణిస్తున్నాడు. ఉగాండాతో జ‌రిగిన చివ‌రి లీగ్ మ్యాచ్‌లో రాజ్‌ బావా 162 పరుగుల‌తో ఆజేయంగా నిలిచాడు. చ‌ద‌వండి: SA vs IND 3rd ODI: 'కెప్టెన్‌గా అత‌డు ఏం చేశాడో నాకు తెలియ‌డం లేదు'

దక్షిణాఫ్రికా మాజీ బ్యాట్స్‌మన్‌ ఏబీ డివిలియర్స్‌ విధ్వంసానికి పెట్టింది పేరు. మిస్టర్‌ 360 డిగ్రీస్‌ పేరు కలిగిన ఏబీ గ్రౌండ్‌ నలుమూలలా షాట్లు కొడుతూ క్షణాల్లో ఆట స్వరూపాన్నే మార్చేయగల సత్తా ఉన్నవాడు. అంతర్జాతీయంగా ఎన్నో మ్యాచ్‌ల్లో దక్షిణాఫ్రికాను గెలిపించిన డివిలియర్స్‌.. ఐపీఎల్‌లోనూ అదే జోరు చూపెట్టాడు. ఐపీఎల్‌లో రాయల్‌ చాలెంజర్స్‌ బెంగళూరుకు ఎక్కువకాలం ఆడిన ఏబీ తన విధ్వంసాన్ని భారత అభిమానులకు చూపెట్టాడు. చదవండి: పంత్‌ పాతుకుపోయాడుగా.. అదృష్టం అంటే ఇట్టానే ఉంటాదేమో! అంతర్జాతీయ క్రికెట్‌కు రెండేళ్ల ముందే గుడ్‌బై చెప్పిన డివిలియర్స్‌ ఇటీవలే అన్ని రకాల లీగ్‌ క్రికెట్‌కు గుడ్‌బై చెప్పడంతో ఐపీఎల్‌లో ఇక అతని మెరుపులు  కనిపించవని అభిమానులు తెగ బాధపడిపోయారు. అలా బాధపడుతున్న ఐపీఎల్‌ అభిమానులకు ఒక శుభవార్త. త్వరలోనే డివిలియర్స్‌ మెరుపులు మళ్లీ చూసే అవకాశం వచ్చింది. అదేంటి వీడ్కోలు చెప్పాడుగా.. మళ్లీ వస్తున్నాడా అని సందేహం వద్దు. చదవండి: పంజాబ్‌ కింగ్స్‌ కెప్టెన్‌గా శ్రేయ‌స్ అయ్య‌ర్‌.. స‌న్‌రైజ‌ర్స్‌లోకి కిష‌న్‌! డెవాల్డ్‌ బ్రెవిస్‌ అనే కుర్రాడు ప్రస్తుతం అండర్‌-19 ప్రపంచకప్‌లో దక్షిణాఫ్రికా తరపున ఇరగదీస్తున్నాడు. 360 డిగ్రీస్‌లో షాట్లు కొడుతూ అచ్చం డివిలియర్స్‌ను గుర్తుచేస్తున్నాడు. క్రీజులోకి వచ్చిన వెంటనే విధ్వంసకర షాట్లు ఆడుతూ పరుగులు రాబడుతున్నాడు. ఇప్పటికే ఆడిన రెండు మ్యాచ్‌ల్లో 169 పరుగులు చేసిన బ్రెవిస్‌ ఖాతాలో ఒక సెంచరీ ఉండడం విశేషం. ఉగాండాపై సెంచరీ చేసిన డెవాల్డ్ బ్రెవిస్‌.. టీమిండియాపై 65 పరుగులతో ఆకట్టుకున్నాడు. ఆ తర్వాత వెస్టిండీస్‌పై మరో అర్థసెంచరీతో మెరిశాడు. ప్రస్తుతం టోర్నీలో టాప్‌ స్కోరర్‌గా ఉన్న బ్రెవిస్‌కు ఎదురులేకుండా పోయింది.  ఇక టీమిండియాతో మ్యాచ్‌ సందర్భంగా 65 పరుగులతో మెరిసిన డెవాల్డ్‌ బ్రెవిస్‌.. డివిలియర్స్‌ను గుర్తుచేస్తూ ఇన్నింగ్స్‌ ఆడాడు. దీంతో తన సహచరులు డ్రెస్సింగ్‌ రూమ్‌లో ''బేబీ ఏబీ'' అంటూ ప్లకార్డులను పట్టుకొని ఎంకరేజ్‌ చేయడం వైరల్‌గా మారింది. ఇక ఫిబ్రవరి 12,13 తేదీల్లో ఐపీఎల్‌ మెగావేలం జరగనున్న నేపథ్యంలో డెవాల్డ్‌ బ్రెవిస్‌ వేలానికి వచ్చే అవకాశముందని పలువురు పేర్కొన్నారు. ఒకవేళ అదే నిజమై.. బ్రెవిస్‌ను కొనుగోలు చేస్తే మాత్రం డివిలియర్స్‌ను మరోసారి చూసినట్లేనని అభిప్రాయపడుతున్నారు. చదవండి: జేసన్‌ రాయ్‌ విధ్వంసం.. సిక్సర్లతో వీరవిహారం 👏 Dewald Brevis caught the attention of many in the SA U19's opening #T20KO match. 🏏 How will he and the rest of the SA U19s go throughout the competition? 📲 Catch the full match highlights here https://t.co/zz5ZdsFGsZ pic.twitter.com/DYtMB79FB8 — Cricket South Africa (@OfficialCSA) October 9, 2021 Babay de-Villiers 😍 Dewald Brevis from SA U19. pic.twitter.com/xGlDtM1ruL — . (@federalite7) January 17, 2022

అండర్‌-19 జింబాబ్వే బౌలర్‌ విక్టర్‌ చిర్వాను బౌలింగ్‌ నుంచి సస్పెండ్‌ చేస్తూ ఐసీసీ నిర్ణయం తీసుకుంది.  అండర్‌-19 ప్రపంచకప్‌లో భాగంగా గత శనివారం పపువా న్యూ గినియాతో జరిగిన మ్యాచ్‌లో విక్టర్‌ చిర్వా బౌలింగ్‌ యాక్షన్‌ అనుమానాదాస్పదంగా ఉందంటూ అండర్‌-19 ఐసీసీ ప్యానెల్‌ పేర్కొంది. చిర్వా బౌలింగ్‌ యాక్షన్‌కు సంబంధించిన వీడియో ఫుటేజీని తాము పరిశీలించామని ప్యానెల్‌ అధికారులు తెలిపారు. చదవండి: టీమిండియాకు మ‌రో బిగ్ షాక్‌.. ఐసీసీ రూల్స్‌లోని ఆర్టికల్‌ 6.7 ప్రకారం చిర్వా బౌలింగ్‌ యాక్షన్‌ అభ్యంతరకరంగా ఉండడంతో అంతర్జాతీయ క్రికెట్‌లో బౌలింగ్‌ వేయకుండా అతన్ని సస్పెండ్‌ చేస్తున్నట్లు పేర్కొన్నారు. ఈ మేరకు చిర్వా సస్పెన్షన్‌ వేటు తక్షణమే అమల్లోకి వస్తుందని ఐసీసీ ప్యానెల్‌ తెలిపింది. చదవండి: Novak Djokovic: పోతూ పోతూ నష్టం మిగిల్చాడు.. కట్టేది ఎవరు?

U-19 World Cup, IND Vs Ire: అండర్-19 ప్రపంచకప్‌లో భార‌త్ జోరు కోన‌సాగుతోంది. ట్రినిడాడ్ వేదికగా జరిగిన లీగ్ మ్యాచ్‌లో భాగంగా ఐర్లాండ్‌పై 174 పరుగుల భారీ తేడాతో టీమిండియా అద్భుత విజయాన్ని సాధించింది. ఈ విజ‌యంతో క్వార్టర్‌ ఫైనల్ బెర్త్‌ను భార‌త్ ఖ‌రారు చేసుకుంది. టాస్ గెలిచి బ్యాటింగ్‌కు దిగిన భారత జట్టు నిర్ణీత 50 ఓవర్లలో 5 వికెట్లు కోల్పోయి 307 పరుగులు చేసింది. ఓపెనర్లు హర్నూర్ సింగ్(88), రఘువంశీ(79) అద్భుతమైన ఇన్నింగ్స్‌తో భార‌త్ భారీ స్కోర్ సాధించ‌గ‌ల్గింది. 308 పరుగుల భారీ లక్ష్యంతో బరిలోకి దిగిన  ఐర్లాండ్ 39 ఓవర్లలో 133 పరుగులకే కూప్ప‌కూలింది. భారత బౌల‌ర్ల‌లో సంగ్వాన్, అనీశ్వర్ గౌతమ్, కౌషల్ తంబే తలో రెండు వికెట్లు తీయగా... విక్కీ ఓస్వాల్, రవికుమార్, రాజవర్ధన్ తలో వికెట్ సాధించారు.  భార‌త అండర్-19 ఆరుగురు పాజిటివ్‌ కాగా మ్యాచ్‌కు ముందు భార‌త శిబిరంలో  కరోనా కలకలం రేపింది.  భారత జట్టులో ఏకంగా ఆరుగురు ఆటగాళ్లకు కోవిడ్ పాజిటివ్‌గా నిర్ధారణ అయింది. భారత కెప్టెన్ యశ్ ధుల్, వైస్ కెప్టెన్ షేక్ రషీద్‌తో పాటు మరో నలుగురు ఆటగాళ్లు క‌రోనా బారిన ప‌డ్డారు. దీంతో ఈ మ్యాచ్‌లో నిశాంత్ సింధు భార‌త జ‌ట్టుకు నాయ‌కత్వం వ‌హించాడు. చ‌ద‌వండి: SA vs IND: తొలి వన్డేలో టీమిండియా ఓటమి... నిరాశపర్చిన రాహుల్ కెప్టెన్సీ..

జార్జ్‌టౌన్‌: భవిష్యత్‌ క్రికెట్‌ స్టార్ల ప్రపంచ కప్‌ నేటినుంచి మొదలవుతుంది. వెస్టిండీస్‌ ఆతిథ్యమిచ్చే ఈ అండర్‌–19 వరల్డ్‌కప్‌ తొలి మ్యాచ్‌లో కరీబియన్‌ జట్టుతో ఆస్ట్రేలియా తలపడనుంది.  రేపు గ్రూప్‌–బిలో తమ తొలి పోరులో యశ్‌ ధుల్‌ సారథ్యంలోని భారత అండర్‌–19 జట్టు దక్షిణాఫ్రికాతో సమరానికి సిద్ధమైంది. మొత్తం 16 జట్లు నాలుగు గ్రూపుల్లో తలపడతాయి. ట్రినిడాడ్, అంటి0గ్వా, సెయింట్‌ కిట్స్, గయానా నగరాల్లోని మొత్తం 9 వేదికల్లో 23 రోజుల పాటు ఈ యువ మెగా టోర్నీ జరుగనుంది. ఫిబ్రవరి 1, 2 తేదీల్లో సెమీఫైనల్స్, 5న జరిగే ఫైనల్స్‌తో ఈ ప్రపంచకప్‌ ముగుస్తుంది.   గ్రూప్‌–ఎ: బంగ్లాదేశ్, కెనడా, ఇంగ్లండ్, యూఏఈ గ్రూప్‌–బి: భారత్, దక్షిణాఫ్రికా, ఐర్లాండ్, ఉగాండ గ్రూప్‌–సి: జింబాబ్వే, అఫ్గానిస్తాన్, పపువా న్యూగినియా, పాకిస్తాన్‌  గ్రూప్‌–డి: స్కాట్లాండ్, శ్రీలంక, విండీస్, ఆస్ట్రేలియా.     

టీమిండియా అండర్‌-19 ఆటగాడు హర్నూర్ సింగ్ అద్భుతమైన ఫామ్‌లో ఉన్నాడు. ఇటీవల ముగిసిన అండర్‌-19 అసియా కప్‌లోను రాణించిన హర్నూర్.. అండర్‌-19 వన్డే ప్రపంచకప్‌ వార్మప్ మ్యాచ్‌ల్లోనూ చేలరేగి ఆడుతున్నాడు. మంగళవారం ఆస్ట్రేలియాతో జరిగిన వార్మప్ మ్యాచ్‌లో హర్నూర్ సింగ్ సెంచరీ సాధించి ఆజేయంగా నిలిచాడు. అదే విధంగా ఆంధ్రా కుర్రాడు షేక్‌ రషీద్‌ 72 పరుగులతో రాణించడంతో ఆస్ట్రేలియాపై భారత్‌ 9 వికెట్ల తేడాతో ఘన విజయం సాధించింది. అంతకు ముందు టాస్‌ గెలిచి బ్యాటింగ్‌ ఎంచుకున్న ఆస్ట్రేలియా 268 పరుగులకు ఆలౌటైంది. ఇది ఇలా ఉంటే.. త్వరలో జరగనున్న ఐపీఎల్‌ మెగా వేలంలో హర్నూర్ సింగ్‌ను దక్కించుకోవడానికి ఇప్పటి నుంచే పలు ప్రాంఛైజీలు కసరత్తులు మొదలు పెట్టినట్లు తెలస్తోంది. మెగా వేలంలో అతడికి భారీ ధర దక్కినా ఆశ్చర్యపోనక్కరలేదు. అతడి కోసం వేలంలో  చాలా ప్రాంఛైజీలు పోటీపడతాయని క్రికెట్‌ నిపుణులు అంచానా వేస్తున్నారు. ఇక బెంగళూరు వేదికగా ఫిబ్రవరి 12, 13 తేదీల్లో మెగా వేలం బీసీసీఐ నిర్వహించనుంది. చదవండి: IPL 2022: బీసీసీఐ పంట పండింది.. జాక్‌పాట్‌.. వివో నుంచి బోర్డుకు మరో రూ. 454 కోట్లు!

ముంబై: వెస్టిండీస్ వేదికగా వచ్చే ఏడాది(2022) జనవరి 14 నుంచి ప్రారంభంకానున్న అండర్ 19 వన్డే ప్రపంచ కప్ టోర్నీకి టీమిండియా కెప్టెన్‌గా ఢిల్లీ కుర్రాడు యశ్ దుల్ ఎంపికయ్యాడు. వైస్‌ కెప్టెన్‌గా ఆంధ్రా ప్లేయర్, గుంటూరు కుర్రాడు షేక్ రషీద్‌కి అవకాశం దక్కింది. 17 మంది ప్లేయర్లు, ఐదుగురు స్టాండ్ బై ఆటగాళ్లతో కూడిన జట్టును బీసీసీఐ ఆదివారం ప్రకటించింది. మెగా టోర్నీలో భాగంగా జరిగే ప్రాధమిక మ్యాచ్‌ల్లో దక్షిణాఫ్రికా(జనవరి 15), ఐర్లాండ్‌(జనవరి 19), ఉగాండా(జనవరి 22) జట్లతో యంగ్‌ ఇండియా తలపడనుంది. ఇదిలా ఉంటే, భారత అండర్-19 జట్టు నాలుగు సార్లు ప్రపంచ ఛాంపియన్‌గా నిలిచి.. అత్యధిక సార్లు ఈ ఘనత సాధించిన జట్టుగా రికార్డుల్లోకెక్కిన సంగతి తెలిసిందే. భారత యువ జట్టు చివరిసారిగా 2020లో జరిగిన టోర్నీలో ఫైనల్‌కు చేరి.. బంగ్లాదేశ్‌ చేతిలో ఓడింది.  భారత జట్టు అండర్‌-19 జట్టు: యశ్ దుల్ (కెప్టెన్), షేక్ రషీద్ (వైస్ కెప్టెన్), హర్నూర్ సింగ్, అంగ్‌క్రిష్ రఘువంశీ, నిశాంత్ సింధు, సిద్థార్థ్ యాదవ్, అనీశ్వర్ గౌతమ్, దినేశ్ బనా (వికెట్ కీపర్), ఆరాధ్య యాదవ్ (వికెట్ కీపర్), రాజ్ అంగద్ బవా, మానవ్ పరాక్, కుశాల్ తంబే, ఆర్‌ఎస్ హంగర్కేర్, వసు వాత్స్, విక్కీ ఉత్సవల్, రవి కుమార్, గర్వ్ సంగ్వాన్ స్టాండ్ బై ప్లేయర్లు: రిషిత్ రెడ్డి(హైదరాబాద్‌), ఉదయ్ శరవణ్, అన్ష్ ఘోసాయ్, అమిత్ రాజ్ ఉపాధ్యాయ్, పీఎం సింగ్ రాథోర్ చదవండి: BWF World Championships 2021: మహిళల సింగిల్స్‌ ఛాంపియన్‌గా యమగుచి

క్రికెట్‌లో అవకాశాలు సన్నగిల్లాక సోషల్‌మీడియాలో యాక్టివ్‌గా ఉంటున్న టీమిండియా వెటరన్‌ స్పిన్నర్‌ హర్భజన్‌ సింగ్‌.. తాజాగా నెటిజన్లకు ఓ పరీక్ష పెట్టాడు. 1997-98 దక్షిణాఫ్రికాలో జరిగిన అండర్‌-19 ప్రపంచ కప్‌కు సంబంధించిన ఓ ఫొటోను ట్విటర్‌లో పోస్ట్‌ చేస్తూ.. అందులో తనతో ఉన్న ఇద్దరు పాక్‌ క్రికెటర్లు ఎవరో కనుక్కోవాలంటూ నెటిజన్లను కోరాడు.  Pehchano to maaane.. U-19 World Cup days 1998/99 pic.twitter.com/2iawM1dSUK — Harbhajan Turbanator (@harbhajan_singh) December 10, 2021 ఈ ఫోటోలో భజ్జీని సులువుగా గుర్తుపడుతున్న నెటిజన్లు.. అతని పక్కన ఉన్న ఇద్దరిని మాత్రం పోల్చుకోలేకపోతున్నారు. నెటిజన్లకు సవాలుగా మారిన ఈ ఫోటో ప్రస్తుతం సోషల్‌మీడియా చక్కర్లు కొడుతోంది. ఇందులో భజ్జీ పక్కనున్న వాళ్లను గుర్తుపట్టాలంటూ అభిమానులు గ్రూపుల్లో షేర్‌ చేస్తున్నారు. ఆ ఇద్దరిని కొందరు సరిగ్గా గెస్‌ చేయగలుగుతున్నా.. చాలా వరకు విఫలమవుతున్నారు.  ఇదిలా ఉంటే, భజ్జీ పక్కన షర్ట్‌ లేకుండా ఉన్నది నాటి పాక్‌ ఆటగాడు, ప్రస్తుతం దక్షిణాఫ్రికాకు ఆడుతున్న ఇమ్రాన్‌ తాహిర్‌ కాగా, మరొకరు పాక్‌ మాజీ ఆటగాడు హసన్‌ రాజా. వీరిద్దరు పాక్‌ అండర్‌-19 జట్టుకు ప్రాతినిధ్యం వహించారు. వీరిలో హసన్‌ రాజా పాక్‌ తరఫున 7 టెస్ట్‌లు, 16 వన్డేలు ఆడగా.. పాక్‌లోనే పుట్టిన ఇమ్రాన్‌ తాహిర్‌ మాత్రం తన కుటుంబం దక్షిణాఫ్రికాకు వలస వెళ్లడంతో ఆ దేశ జాతీయ జట్టుకు ప్రాతినిధ్యం వహించాడు.  ఇక 1997-98 అండర్‌-19 ప్రపంచకప్‌ విషయానికొస్తే.. ఆ టోర్నీలో భారత్, పాక్‌ జట్ల మధ్య డర్బన్‌ వేదికగా జరిగిన లీగ్‌ మ్యాచ్‌లో టీమిండియా పాక్‌పై 5 వికెట్ల తేడాతో విజయం సాధించింది. ఆ మ్యాచ్‌లో 7 ఓవర్లు వేసిన భజ్జీ.. కీలకమైన షోయబ్‌ మాలిక్‌ వికెట్‌ తీశాడు. చదవండి: ‘యే బిడ్డా.. ఇది నా అడ్డా..’ అంటున్న డేవిడ్‌ భాయ్‌, కౌంటరిచ్చిన కోహ్లి

పోష్ స్ట్రూమ్ (దక్షిణాఫ్రికా): తమ జైత్రయాత్రను కొనసాగిస్తూ యువ భారత జట్టు అండర్‌–19 ప్రపంచకప్‌లో సెమీఫైనల్లోకి ప్రవేశించింది. గత ప్రపంచ కప్‌ రన్నరప్‌ ఆ్రస్టేలియాతో మంగళవారం జరిగిన క్వార్టర్‌ ఫైనల్లో డిఫెండింగ్‌ చాంపియన్‌ భారత్‌ 74 పరుగుల ఆధిక్యంతో ఘనవిజయం సాధించింది. మొదట భారత్‌ 50 ఓవర్లలో 9 వికెట్లకు 233 పరుగులు చేసింది. తర్వాత ఆ్రస్టేలియా 43.3 ఓవర్లలో 159 పరుగులకే కుప్పకూలింది. 2008 తర్వాత ఆస్ట్రేలియా జట్టు సెమీఫైనల్‌ చేరకపోవడం ఇదే తొలిసారి. ముందుగా భారత్‌ బ్యాటింగ్‌లో తడబడినా... యశస్వి జైస్వాల్‌ (82 బంతుల్లో 62; 6 ఫోర్లు, 2 సిక్స్‌లు), అథర్వ అంకోలేకర్‌ (54 బంతుల్లో 55 నాటౌట్‌; 5 ఫోర్లు, సిక్స్‌) జట్టును ఆదుకున్నారు. టాపార్డర్‌లో ఓపెనర్‌ దివ్యాన్ష్ (14) సహా తెలుగు కుర్రాడు ఠాకూర్‌ తిలక్‌వర్మ (2), కెప్టెన్‌ ప్రియమ్‌ గార్గ్‌ (15) విఫలమయ్యారు. ఈ దశలో లోయర్‌ ఆర్డర్‌లో అథర్వ... సిద్ధేశ్‌ వీర్‌ (42 బంతుల్లో 25; 4 ఫోర్లు), రవి బిష్ణోయ్‌ (31 బంతుల్లో 30; ఫోర్, సిక్స్‌)లతో కలిసి ఇన్నింగ్స్‌ను కుదుటపరిచాడు. 234 పరుగుల లక్ష్యంతో బరిలోకి దిగిన ఆ్రస్టేలియాను భారత పేసర్లు కార్తీక్‌ త్యాగి (4/24), ఆకాశ్‌ సింగ్‌ (3/30) హడలెత్తించారు. కార్తీక్‌ ధాటికి ఒకదశలో ఆసీస్‌ 17 పరుగులకే 4 వికెట్లను కోల్పోయింది. ఓపెనర్‌ సామ్‌ ఫానింగ్‌ (75; 7 ఫోర్లు, 3 సిక్స్‌లు), స్కాట్‌ (35; 2 ఫోర్లు, సిక్స్‌) పోరాటం చేసినా ఫలితం లేకపోయింది. కార్తీక్‌కు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది. ఈ గెలుపుతో అండర్‌–19 ప్రపంచకప్‌ చరిత్రలో వరుసగా పది విజయాలు సాధించిన తొలిజట్టుగా భారత్‌ గుర్తింపు పొందింది.

పోష్‌స్ట్రూమ్‌ (దక్షిణాఫ్రికా) : అండర్‌ 19 ప్రపంచకప్‌లో టీమిండియా జైత్రయాత్ర కొనసాగిస్తూ సెమీస్‌కు చేరింది. క్వార్టర్‌ ఫైనల్లో 74 పరుగుల తేడాతో ఆసీస్‌పై విజయం సాధించింది. జైశ్వాల్‌(62) , అన్‌కోలేకర్‌(55, నాటౌట్‌) అర్థ సెంచరీలతో రాణించగా...త్యాగి నాలుగు, ఆకాశ్ సింగ్ మూడు వికెట్లు తీసి అదరహో అనిపించారు.  టాస్‌ ఓడిపోయి బ్యాటింగ్‌కు దిగిన భారత్‌.. నిర్ణీత ఓవర్లకు 233 పరుగు చేసింది. ఆ తర్వాత 234 పరుగుల లక్ష్యంతో బ్యాటింగ్‌కు దిగిన ఆసీస్‌.. భారత బౌలర్ల దాటికి  159 పరుగులకే కుప్పకూలింది.  ఆసీస్‌ బ్యాట్స్‌మన్‌లో ఫన్నింగ్ 75 , స్కాట్‌ 35 పరుగులు చేయగా...ముగ్గురు డకౌట్‌లు, ఐదుగురు సింగిల్‌ డిజిట్‌కే పరిమితమయ్యారు. 74 పరుగుల భారీ తేడాలో విజయం సాధించిన భారత్‌.. సెమీ ఫైనల్‌కు దూసుకెళ్లింది. నాలుగు వికెట్లు తీసి మ్యాచ్‌ విజయానికి కీలకమైన త్యాగికి మ్యాన్‌ ఆఫ్ ద మ్యాచ్ దక్కింది.

బ్లోమ్‌ఫొంటెన్‌: అండర్‌–19 ప్రపంచకప్‌ క్రికెట్‌ టోర్నమెంట్‌లో డిఫెండింగ్‌ చాంపియన్‌ భారత్‌ జపాన్‌ను చిత్తు చేసింది. జపాన్‌ నిర్దేశించిన అతి స్వల్ప లక్ష్యాన్ని వికెట్‌ నష్టపోకుండా ఛేదించింది. తొలుత బ్యాటింగ్‌ చేసిన జపాన్‌ రవి భిష్నోయ్‌ 4, కార్తిక్‌ త్యాగి 3 దెబ్బకు 22.5 ఓవర్లలో 41 పరుగులకే ఆలౌటయింది. అనంతరం బరిలోకి దిగిన యువభారత్‌ జట్టు 4.5 ఓవర్లలోనే లక్ష్యాన్ని చేరుకుంది. ఓపెనర్లు యశస్వీ జైస్వాల్‌ (18 బంతుల్లో 29; 5 పోర్లు, 1 సిక్స్‌), కుమార్‌ కుశాగ్ర (11 బంతుల్లో 13; 2 ఫోర్లు) లాంఛనాన్ని పూర్తి చేశారు. (చదవండి : చెత్త ప్రదర్శన.. 41 పరుగులకే ఆలౌట్‌) భారత్‌కు ఇది వరుసగా రెండో విజయం కావడం విశేషం. శ్రీలంకతో ఆదివారం జరిగిన తొలి మ్యాచ్‌లో యువభారత్‌  భారీ విజయాన్ని సొంతం చేసుకున్న సంగతి తెలిసిందే. రవి భిష్నోయ్‌ ‘మ్యాన్‌ ఆఫ్‌ ద మ్యాచ్‌’గా ఎంపికయ్యాడు. కాగా, భిష్నోయ్‌పై బీసీసీఐ ప్రశంసలు కురిపించింది. చక్కని బౌలింగ్‌తో నాలుగు వికెట్లు తీసి భారత్‌ విజయానికి బాటలు వేశాడని అధికారిక వెబ్‌సైట్‌లో పేర్కొంది. ఇక న్యూజిలాండ్‌తో మూడో లీగ్‌ మ్యాచ్‌ శుక్రవారం జరుగనుంది. 41లో ఎక్స్‌ట్రాలే 19.. జపాన్‌ బ్యాట్స్‌మెన్‌లో ఐదుగురు డకౌట్‌ కాగా.. వారిలో ఇద్దరు గోల్టెన్‌ డక్‌గా వెనుదిరగడం విశేషం. మిగిలిన ఐదుగురిలో ఇద్దరు ఒక పరుగు మాత్రమే చేసి ఔట్‌ కాగా.. ముగ్గురు 7, 7, 5 పరుగులతో వికెట్‌ సమర్పించుకున్నారు. ఇక ఈ జపాన్‌ ఇన్నింగ్స్‌లో ఎనిమిదో వికెట్‌కు నమోదైన 13 పరుగుల భాగస్వామ్యమే అత్యధికం కావడం విశేషం. జపాన్‌ జట్టు సాధించిన 41 పరుగుల్లో 19 పరుగులు ఎక్స్‌ట్రాల రూపంలో వచ్చినవే కావడం మరో విశేషం. (చదవండి : యువ భారత్‌ శుభారంభం)

బ్లోమ్‌ఫొంటెన్‌: అండర్‌–19 ప్రపంచకప్‌ క్రికెట్‌ టోర్నమెంట్‌లో తొలిసారిగా ఆడుతున్న జపాన్‌ జట్టు అత్యంత చెత్త ప్రదర్శన చేసింది. మంగళవారం డిఫెండింగ్‌ చాంపియన్‌ భారత్‌తో జరుగుతున్న మ్యాచ్‌లో ఆ జట్టు 22.5 ఓవర్లలో 41 పరుగులకే ఆలౌటయింది. దీంతో అండర్‌–19 వరల్డ్‌కప్‌ చరిత్రలో సంయుక్తంగా రెండో అతి తక్కువ పరుగుల రికార్డును నమోదు చేసింది. 2002 అండర్‌–19 వరల్డ్‌ కప్‌లో కెనడా, 2008లో బంగ్లాదేశ్‌ 41 పరుగులకు ఆలౌట్‌ కాగా, 2004లో స్కాట్లాండ్‌ జట్టు 22 పరుగులకే ఆలౌట్‌ అయి మొదటి స్థానంలో నిలిచింది.  ఇలా వచ్చి అలా.. అందరూ అంతే.. టాస్‌ గెలిచిన యువభారత్‌ కెప్టెన్‌ ప్రియం గార్గ్‌ జపాన్‌ను బ్యాటింగ్‌కు ఆహ్వానించాడు. అసలే క్రికెట్‌లో కూనలైన జపాన్‌ ఆటగాళ్లు ఏ దశలోనూ భారత బౌలింగ్‌ను సమర్థంగా ఎదుర్కోలేదు. ప్రత్యర్థి బ్యాట్స్‌మెన్‌ క్రీజులోకి వచ్చీరాగానే పెవిలియన్‌కు క్యూ కట్టారు. ఐదో ఓవర్‌లో ఓపెనర్‌ (కెప్టెన్‌) మార్కస్‌ థర్గేట్‌ వికెట్‌తతో మొదలైన పతనం.. 22వ ఓవర్‌ వచ్చే సరికి పూర్తయింది. ఐదో ఓవర్లో రెండు వికెట్లు, ఏడో ఓవర్లో రెండు వికెట్లు, పదో ఓవర్‌లో రెండు వికెట్లను జపాన్‌ జట్టు కోల్పోయింది. మిగతా నాలుగు వికెట్లను 11, 17, 20, 22 ఓవర్లలో సమర్పించుకున్న జపాన్‌.. ప్రత్యర్థి ముందు మోకరిల్లింది. రవి భిష్నోయ్‌ 4, కార్తిక్‌ త్యాగి 3, ఆకాశ్‌ సింగ్‌ 2, విద్యాధర్‌ పాటిల్‌ ఒక వికెట్‌ సాధించారు. (చదవండి : యువ భారత్‌ శుభారంభం) డక్‌.. లేదంటే గోల్డెన్‌ డక్‌.. జపాన్‌ బ్యాట్స్‌మెన్‌లో ఐదుగురు డకౌట్‌ కాగా.. వారిలో ఇద్దరు గోల్టెన్‌ డక్‌గా వెనుదిరగడం విశేషం. మిగిలిన ఐదుగురిలో ఇద్దరు ఒక పరుగు మాత్రమే చేసి ఔట్‌ కాగా.. ముగ్గురు 7, 7, 5 పరుగులతో వికెట్‌ సమర్పించుకున్నారు. ఇక ఈ జపాన్‌ ఇన్నింగ్స్‌లో ఎనిమిదో వికెట్‌కు నమోదైన 13 పరుగుల భాగస్వామ్యమే అత్యధికం కావడం విశేషం. జపాన్‌ జట్టు సాధించిన 41 పరుగుల్లో 19 పరుగులు ఎక్స్‌ట్రాల రూపంలో వచ్చినవే కావడం మరో విశేషం. ఇదిలాఉండగా.. శ్రీలంక జరిగిన తొలి మ్యాచ్‌లో యువభారత్‌  భారీ విజయాన్ని సొంతం చేసుకున్న సంగతి తెలిసిందే. 

కింబర్లీ: ఆతిథ్య దక్షిణాఫ్రికా జట్టుకు అండర్‌ –19 ప్రపంచ కప్‌ తొలి రోజు, తొలి మ్యాచ్‌లోనే చుక్కెదురైంది. అఫ్గానిస్తాన్‌ స్పిన్నర్‌ షఫీక్‌ఉల్లా గఫారీ (6/15) మాయాజాలానికి దక్షిణాఫ్రికా ఓటమి చవిచూసింది. గ్రూప్‌ ‘డి’లో భాగంగా  జరిగిన ఈ మ్యాచ్‌లో గఫారి ధాటికి దక్షిణాఫ్రికా 29.1 ఓవర్లలో 129 పరుగులకు ఆలౌటైంది. ఒక దశలో 62/2తో నిలకడగా ఆడుతున్నట్లు కనిపించిన దక్షిణాఫ్రికా జట్టును గఫారీ తన లెగ్‌ బ్రేక్‌తో తిప్పేశాడు. దాంతో దక్షిణాఫ్రికా చివరి 8 వికెట్లను 67 పరుగుల వ్యవధిలో కోల్పోయింది. అనంతరం అఫ్గాన్‌ 25 ఓవర్లలో 3 వికెట్లు కోల్పోయి 130 పరుగులు చేసి ఏడు వికెట్లతో గెలుపొందింది. ఇబ్రహీమ్‌ జద్రాన్‌ (52; 8 ఫోర్లు), ఇమ్రాన్‌ (57; 9 ఫోర్లు) జట్టుకు విజయాన్ని ఖాయం చేశారు. ‘ప్లేయర్‌ ఆఫ్‌ మ్యాచ్‌’ అవార్డును గఫారీ అందుకున్నాడు.   

న్యూఢిల్లీ: అండర్‌–19 వరల్డ్‌ కప్‌లో ‘ప్లేయర్‌ ఆఫ్‌ ద సిరీస్‌’గా నిలిచిన యువ ఆటగాడు శుబ్‌మన్‌ గిల్‌ (111 బంతుల్లో 106 నాటౌట్‌; ఫోర్లు, 3 సిక్స్‌లు) అజేయ శతకంతో చెలరేగడంతో భారత్‌ ‘సి’ జట్టు దేవధర్‌ ట్రోఫీ ఫైనల్లోకి ప్రవేశించింది. ఈ టోర్నీలో నమోదైన తొలి సెంచరీ ఇదే కావడం విశేషం. గురువారం ఇక్కడ జరిగిన లీగ్‌ మ్యాచ్‌లో భారత్‌ ‘ఎ’పై 6 వికెట్ల తేడాతో ‘సి’ జట్టు విజయం సాధించింది. టాస్‌ గెలిచి మొదట బ్యాటింగ్‌ చేసిన భారత్‌ ‘ఎ’ జట్టు అభిమన్యు ఈశ్వరన్‌ (69; 5 ఫోర్లు), నితీశ్‌ రాణా (68; 6 ఫోర్లు, 1 సిక్స్‌), అన్‌మోల్‌ప్రీత్‌ సింగ్‌ (59; 9 ఫోర్లు, 1 సిక్స్‌) అర్ధ శతకాలతో ఆకట్టుకోవడంతో నిర్ణీత 50 ఓవర్లలో 6 వికెట్ల నష్టానికి 293 పరుగులు చేసింది. కెప్టెన్‌ దినేశ్‌ కార్తీక్‌ (23 బంతుల్లో 32; 4 ఫోర్లు), కేదార్‌ జాదవ్‌ (25 బంతుల్లో 41 నాటౌట్‌; 2 ఫోర్లు, 2 సిక్స్‌లు) వేగంగా పరుగులు రాబట్టడంతో చివరి 10 ఓవర్లలో 92 పరుగులు వచ్చాయి. ప్రత్యర్థి బౌలర్లలో విజయ్‌ శంకర్‌ 3, చహర్‌ 2, గుర్బాని ఓ వికెట్‌ పడగొట్టారు. అనంతరం భారత్‌ ‘సి’ 47 ఓవర్లలో 4 వికెట్లకు 296 పరుగులు చేసి విజయాన్నందుకుంది. లక్ష్యఛేదనలో 85 పరుగులకే కెప్టెన్‌ రహానే (14), అభినవ్‌ ముకుంద్‌ (37; 6 ఫోర్లు), సురేశ్‌ రైనా (2)  వికెట్లు కోల్పోయి కష్టాల్లో పడ్డ ‘సి’ జట్టును శుబ్‌మన్‌ గిల్‌ ఆదుకున్నాడు. ఇషాన్‌ కిషన్‌ (60 బంతుల్లో 69; 11 ఫోర్లు)తో కలిసి నాలుగో వికెట్‌కు 121, సూర్యకుమార్‌ యాదవ్‌ (36 బంతుల్లో 56 నాటౌట్‌; 3 ఫోర్లు, 4 సిక్స్‌లు)తో కలిసి అభేద్యమైన ఐదో వికెట్‌కు 90 పరుగులు జోడించి జట్టును గెలిపించాడు. విజయానికి 5 ఓవర్లలో 27 పరుగులు అవసరమైన దశలో శుబ్‌మన్, సూర్యకుమార్‌ యాదవ్‌ ఎడాపెడా బౌండరీలతో విరుచుకుపడటంతో మరో మూడు ఓవర్లు మిగిలుండగానే ‘సి’ జట్టు గెలుపొందింది. అశ్విన్, ధవల్‌ కులకర్ణి, ములాని తలా ఓ వికెట్‌ పడగొట్టారు. సిరాజ్‌ నిరాశ పరిచాడు. మూడు ఓవర్లు వేసి 32 పరుగులిచ్చాడు. శనివారం జరిగే ఫైనల్లో భారత్‌ ‘బి’తో ‘సి’ జట్టు తలపడనుంది.  

న్యూఢిల్లీ: యువ సంచలనం పృథ్వీ షా సత్తా గురించి రెండేళ్లుగా అనేక వ్యాఖ్యానాలు! అతడు భారత జట్టుకు ఆడటం ఖాయమంటూ విశ్లేషణలు! దేశవాళీల్లోనూ అదరగొట్టడంతో తనపై మరిన్ని అంచనాలు! ఈ ఏడాది అండర్‌–19 ప్రపంచ కప్‌ గెలిచిన జట్టు సారథిగా ఎన్నో ఆశలు! వీటన్నిటికి తోడుగా సీనియర్‌ స్థాయిలో పృథ్వీ ఎలా రాణిస్తాడో అనే అనుమానాలు! ఇన్ని లెక్కల మధ్య, అంతర్జాతీయ స్థాయి ఆటగాళ్లుండే ఐపీఎల్‌లో అడుగు పెట్టిన షా... అద్భుత షాట్లతో ఆకట్టుకుంటున్నాడు. దీంతో అతడి ఆటతీరును దిగ్గజ క్రికెటర్‌ సచిన్‌ టెండూల్కర్‌తో పోల్చడం మొదలైంది.   అచ్చం అతడిలాగే... సచిన్‌లానే 14 ఏళ్ల వయసులో స్కూల్‌ క్రికెట్‌లో అదరగొట్టిన పృథ్వీ, ఆ దిగ్గజ క్రికెటర్‌ తరహాలోనే అరంగేట్ర రంజీ, దులీప్‌ ట్రోఫీ మ్యాచ్‌ల్లోనూ శతకాల మోత మోగించాడు. ఇప్పుడిక ఈ ఐపీఎల్‌లో మూడు మ్యాచ్‌లాడిన అతడు 166.67 స్ట్రైక్‌ రేట్‌తో 140 పరుగులు చేశాడు. మొత్తం ఎదుర్కొన్న 84 బం తుల్లో ఐదింటిని మాత్రమే అడ్డదిడ్డంగా ఆడాడు. కవర్‌ డ్రైవ్‌ల తో 23 పరుగులు, ఆఫ్‌డ్రైవ్‌లతో 27 పరుగులు చేశాడు. 13 కట్‌ షాట్లు, 9 పుల్‌ షాట్లు సైతం కొట్టాడు. మేటి బ్యాట్స్‌మన్‌ తరహాలో పుల్‌ సహా అన్ని రకాల షాట్లు ఆడుతున్నాడు. దీంతో పృథ్వీ సాంకేతికత, స్టాన్స్, షాట్లు కొట్టే విధం అచ్చం సచిన్‌ను తలపిస్తోందని ఆసీస్‌ మేటి క్రికెటర్‌ మార్క్‌ వా అంటున్నాడు. ‘షా బ్యాట్‌ పట్టుకునే విధానం, క్రీజులో కదిలే తీరు, వికెట్‌కు ఇరువైపులా షాట్లు కొట్టే సామర్థ్యం గమనించండి. అతడు బంతిని కొంత ఆలస్యంగా ఆడతాడు. కానీ ఆ స్ట్రోక్‌ ప్లే అద్భుతం. సచిన్‌లానే ఎలాంటి బౌలర్‌నైనా ఎదుర్కోగల సత్తా తనకుంది’ అంటూ మార్క్‌ కొనియాడాడు. మరికొందరు బ్యాక్‌ లిఫ్ట్‌ ఆడటంలో బ్రయాన్‌ లారాను, కవర్‌ డ్రైవ్‌లో విరాట్‌ కోహ్లిని మరిపిస్తున్నాడని పేర్కొంటున్నారు. యార్కర్‌ బంతులకు నిలిచి, డెత్‌ ఓవర్లలోనూ పరుగులు సాధించడం వంటి సవాళ్లను ఎదుర్కొంటే తిరుగుండదని చెబుతున్నారు.

సాక్షి, ముంబై : అండర్‌-19 ప్రపంచకప్‌ గెలవడంతో భారత జట్టులోని ఆటగాళ్లతో పాటు కోచ్‌ ద్రవిడ్‌, సహాయక సిబ్బందికి బీసీసీఐ నజరానా ప్రకటించింది. ఈ నజరానాపై కోచ్‌ రాహుల్‌ ద్రవిడ్‌ అసహనం వ్యక్తం చేశాడు. గత శనివారం బీసీసీఐ జట్టులోని ఒక్కో ఆటగాడికి రూ.30 లక్షలు, కోచ్‌ ద్రవిడ్‌కు రూ.50లక్షలు, ఒక్కో సహాయక సిబ్బందికి రూ. 20 లక్షలు ప్రోత్సాహకంగా ప్రకటించిన విషయం తెలిసిందే. తనకు రూ.50 లక్షలు ప్రకటించి ఇతర సహాయక సిబ్బందికి రూ.20 లక్షలు ప్రకటించడంపై ద్రవిడ్‌ అసంతృప్తి వ్యక్తం చేశాడు. అందరూ సమిష్టిగా కృషి చేస్తేనే విజయం వరించందని, అలాంటప్పుడు నజరానా విషయంలో బీసీసీఐ వ్యత్యాసం ఎందుకు చూపించిందో అర్ధం కావడం లేదన్నాడు. తానేమి వారికంటే ఎక్కువ కష్టపడలేదని అందరికి సమాన స్థాయిలో నజరానా ప్రకటిస్తే బాగుండేదని ద్రవిడ్‌ అభిప్రాయపడ్డారు. మరి ద్రవిడ్‌ వ్యాఖ్యలను బీసీసీఐ పరిగణలోకి తీసుకుంటుందో లేదో చూడాలి. 

ముంబై : అండర్‌-19 వరల్డ్‌ కప్‌ టోర్నీలో రాణించడానికి భారత సీనియర్‌ క్రికెటర్‌, సిక్సర్ల కింగ్‌ యువరాజ్‌ సింగే కారణమని యువ ఆటగాడు శుభ్‌మన్‌గిల్‌ అభిప్రాయపడ్డాడు. అండర్‌-19 ప్రపంచకప్‌ గెలుచుకుని స్వదేశానికి చేరుకున్న సందర్భంగా మీడియాతో మాట్లాడాడు.  ‘ఈ టోర్నీలో అద్భుతంగా రాణించానంటే ఆ ఘనత మొత్తం యువరాజ్‌ సింగ్‌దే.ఈ పర్యటనకు ముందు బెంగళూరు నేషనల్‌ అకాడమీలో శిక్షణ తీసుకున్నాం. సిక్సర్ల కింగ్‌ ఒక రోజు అక్కడికి వచ్చి మాతో ముచ్చటించారు. బ్యాటింగ్‌లోని మెళుకువలు, సలహాలను తెలియజేశాడు. టోర్నీలోని మ్యాచ్‌  పరిస్థితుల గురించి కోన్ని సూచనలు చేశాడు.  యూవీ పాజీ ఇచ్చిన ప్రేరణ ఎంతగానో మాకు సహకరించింది. ఈ మెగా టోర్నీలో నేను చాలా బాగా ఆడానంటే ఆ క్రెడిట్‌ మొత్తం యువరాజ్‌కే దక్కుతుంది’ అని గిల్‌ చెప్పుకొచ్చాడు. సెమీస్‌ సెంచరీపై స్పందిస్తూ.. పాకిస్తాన్‌తో జరిగిన సెమీఫైనల్లో సాధించిన సెంచరీపై స్పందిస్తూ.. ‘ నిజానికి ఆ మ్యాచ్‌లో మేం ఒత్తిడికి గురయ్యాం. ఓపెనర్ల నుంచి మాకు మంచి శుభారంభం అందినప్పటికి అనంతరం త్వరగా వికెట్లు కోల్పోయాం. అప్పడు కోచ్‌ రాహుల్‌ ద్రవిడ్‌ నాలో కొంత ధైర్యాన్ని నింపాడు. మ్యాచ్‌ చివర వరకు క్రీజులోనే ఉండలాని సూచించాడు. ఆ సమయంలో అనుకుల్‌ రాయ్‌ నుంచి కూడా మంచి మద్దతు లభించింది. కోచ్‌ చెప్పినట్లు ఆడి సెంచరీ సాధించనని’  పంజాబ్‌ ఆటగాడు చెప్పుకొచ్చాడు. ఈ టోర్నిలో శుభ్‌మన్‌ మూడు అర్థ సెంచరీలు, ఒక సెంచరీతో మ్యాన్‌ ఆఫ్‌ ది సిరీస్‌గా నిలిచిన విషయం తెలిసిందే. ఈ టోర్నీలో రాణించి అందరి దృష్టి తనవైపు తిప్పుకున్నాడు. అంతేగాకుండా ఐపీఎల్‌-11 సీజన్‌ వేలంలోఈ పంజాబ్‌ కుర్రాడిని కోల్‌కతా నైట్‌ రైడర్స్‌ రూ. 1.8 కోట్లకు సొంతం చేసుంది. ఐపీఎల్‌లో సైతం ఈ తరహా ప్రదర్శన కనబరుస్తానని  ధీమా వ్యక్తం చేశాడు.

సాక్షి, ముంబై : న్యూజిలాండ్‌ వేదికగా జరిగిన అండర్‌-19 ప్రపంచకప్‌ టోర్నీలో అదరగొట్టి ట్రోఫీని సొంత చేసుకున్న భారత కుర్రాళ్లు సోమవారం స్వదేశానికి చేరారు. వీరికి ముంబై అంతర్జాతీయ విమానాశ్రయంలో ఘన స్వాగతం లభించింది. పృ‍థ్వీషా నేతృత్వంలోని యువ జట్టు భారత్‌కు నాలుగోటైటిల్‌ అందించిన విషయం తెలిసిందే. యువ క్రికెటర్లకు  స్వాగతం పలికేందుకు అభిమానులు అధిక సంఖ్యలో తరలి వచ్చారు. దీంతో ముంబై అంతర్జాతీయ విమానం కిక్కిరిసిపోయింది. ఈ సందర్భంగా ద్రవిడ్‌ మీడియాతో మాట్లాడుతూ.. సమిష్టి కృషి వల్లే ప్రపంచకప్‌ సాధించామన్నారు. అందరూ బాగా రాణించడంతో మా కష్టానికి ఫలితం దక్కిందని, యువ క్రికెటర్లకు మంచి భవిష్యత్‌ ఉందని కితాబిచ్చారు. 

సాక్షి, స్పోర్ట్స్‌ : అండర్‌-19 ప్రపంచకప్‌ భవిష్యత్తు క్రికెటర్లను తీర్చిదిద్దే టోర్నీ.  ఆస్ట్రేలియా వేదికగా 1998లో యూత్‌ వరల్డ్‌కప్‌గా ప్రారంభమైన ఈ టోర్నీలో భారత్‌ 4 ట్రోఫీలందుకొని ప్రథమ స్థానంలో ఉన్న విషయం అందరికి తెలిసిందే. ఈ టోర్నీ ద్వారా అనేక మంది కుర్రాళ్లు అంతర్జాతీయ క్రికెట్‌లో గుర్తింపు సాధించారు. ప్రతిభ కనభర్చిన ప్రతి ఒక్కరికి అవకాశం రాకున్నా మ్యాన్‌ ఆఫ్‌ ది సిరీస్‌గా నిలిచిన ప్రతి కుర్రాడు స్టార్‌ క్రికెటర్‌గా ఎదిగాడు.  గత 18 ఏళ్లుగా ఈ టోర్నీ రికార్డులను పరిశీలిస్తే  ఈ విషయం స్పష్టం అవుతోంది. 2000 సంవత్సరంలో జరిగిన అండర్‌-19 ప్రపంచకప్‌లో మహ్మద్‌ కైఫ్‌ కెప్టెన్సీలో భారత్‌ తొలి ప్రపంచకప్‌ సాధించగా యువరాజ్‌ మ్యాన్‌ఆఫ్‌ దిసిరీస్‌ అందుకున్నాడు. అనంతరం యువరాజ్‌ స్టార్‌ క్రికెటర్‌గా ఎదిగాడు. భారత్‌ అందుకున్న టీ20 వరల్డ్‌కప్‌లో కీలక పాత్ర పోషించగా 2011 ప్రపంచకప్‌లో మ్యాన్‌ ఆఫ్‌ ది సిరీస్‌గా నిలిచాడు. 2002లో జింబాంబ్వే స్టార్‌ క్రికెటర్‌ టాటెండా టైబు మ్యాన్‌ ఆఫ్‌ దిసిరీస్‌ అందుకున్నాడు. 2004లో ప్రస్తుత టీమిండియా ఓపెనర్‌ శిఖర్‌ ధావన్‌ మ్యాన్‌ ఆఫ్‌ ది టోర్నీగా నిలిచాడు. 2006లో ప్రస్తుత టీమిండియా నయావాల్‌, టెస్టు స్పెషలిస్టు చతేశ్వరా పుజారా ఈ ఘనతను సొంతం చేసుకున్నాడు.  2008లో న్యూజిలాండ్‌ ఆల్‌రౌండర్‌ టిమ్‌ సౌతి, 2010లో దక్షిణాఫ్రికా ఆటగాడు హెన్రిక్స్‌ మ్యాన్‌ ఆఫ్‌ ది సిరీస్‌లందుకున్నారు. 2012లో ఆస్ట్రేలియా క్రికెటర్‌ విలియమ్‌ బోసిస్టో అందుకోగా 2014లో ప్రస్తుత దక్షిణాఫ్రికా తాత్కాలిక కెప్టెన్‌ మార్క్‌రమ్‌ మ్యాన్‌ ఆఫ్‌ టోర్నీగా నిలిచాడు. 2016లో బంగ్లాదేశ్‌ క్రికెటర్‌ మెహిదీ హసన్‌ ఈ ఘనతను సోంతం చేసుకున్నాడు. ఇక 2018లో భారత యువకెరటం శుభ్‌మన్‌ గిల్‌ మ్యాన్‌ ఆఫ్‌ ది సిరీస్‌గా నిలిచిన విషయం తెలిసిందే. ఈ రికార్డుల నేపథ్యంలో శుభ్‌మన్‌ సైతం త్వరలోనే భారత సీనియర్‌ జట్టుకు ప్రాతినిథ్యం వహించే అవకాశం ఉంది.

సాక్షి, స్పోర్ట్స్‌ : క్రికెట్‌ను ఆరాధ్యా దైవంగా భావించే భారత్‌లో క్రికెటర్‌గా ఎదగాలంటే సులవైన వ్యవహారం కాదు. దానికి ఎంతో నిబద్దత ఎన్నో రోజుల నిరీక్షణ అవసరం. అలానే ఓ రైతు బిడ్డా క్రికెట్‌నే కెరీర్‌గా ఎంచుకున్నాడు. ఈ రోజుల్లో కేవలం చదువులపైనే దృష్టిపెట్టాలని చెప్పే తండ్రులున్నారు. కానీ ఓ తండ్రి కొడుకు ఇష్టాన్ని గుర్తించి ప్రోత్సాహించడంతో ఆ కుర్రాడు అండర్‌-19 ప్రపంచకప్‌ టోర్నీలో అదర గొట్టి మ్యాన్‌ ఆఫ్‌ ది టోర్నీగా నిలిచాడు. అతడే సూపర్‌ హీరో శుభమన్‌ గిల్‌. అవును శుభమన్‌ రైతు బిడ్డే.  బ్యాట్‌ పట్టింది పొలాల్లోనే.. పంజాబ్‌లోని ఫజిల్కాకు చెందని అతని తండ్రి లఖ్వింధర్‌ వ్యవసాయ దారుడు. శుభ్‌మన్‌ నాలుగేళ్లప్పుడే బ్యాట్‌ చేత పట్టుకోని పొలాల్లో ఆడేవాడు. కొడుకు ఇష్టంను గుర్తించిన తండ్రి తన పొలంలోని సహాయకులను బంతులు విసరమనేవాడు. ఇలా క్రికెట్‌పై మక్కువ పెంచుకున్న శుభమన్‌ ఏడేళ్లు వచ్చేప్పటికే క్రికెట్‌నే కెరీర్‌గా నిశ్చయించుకున్నాడు. కోడుకు కోసం ఆ తండ్రి సొంత ఊరు, పొలాలను వదిలి కుటుంబాన్ని మోహాలీకి తరలించారు. బింద్రా స్టేడియం సమీపంలోనే అద్దె ఇళ్లు తీసుకొని శుభ్‌మన్‌కు శిక్షణ ఇప్పించారు. తాను ఇంతలా రాణించడానికి కారణం తన తండ్రేనని, ఆయన పాత్ర ఎంతో కీలకమని శుభ్‌మన్‌ ఇప్పటికే పలుమార్లు చెప్పుకొచ్చాడు .  చదువు, క్రికెట్‌ను సమన్వం చేయడంలో శుభమన్‌ చాలా కష్టాలు ఎదుర్కొన్నాడు. రోజుకు కనీసం నాలుగు గంటలు ప్రాక్టీస్‌ చేసేవాడు. తినడం, జిమ్, యోగా‌, ప్రాక్టీస్‌ చేయడం, పడుకోవడమే అతని లోకం. దీంతో సరిగ్గా స్కూల్‌కు వెళ్లేవాడు కాదు. శుభ్‌మన్‌ ఎన్నో వయసు గ్రూప్‌ లీగ్‌లు ఆడాడు. అండర్‌-16 అంతర్‌ జిల్లా టోర్నీలో ఒకే ఇన్నింగ్స్‌లో ఏకంగా 356 పరుగులు చేశాడు. అండర్‌-16 జట్టులో పంజాబ్‌ తరుపున డబుల్‌ సెంచరీ బాదాడు. స్థిరత్వంతో బ్యాటింగ్‌ చేస్తుండటంతో అండర్‌-19 జట్టులో చోటు సంపాదించుకున్నాడు. కోచ్‌ రాహుల్‌ ద్రవిడ్‌ చేతిలో పడి మరింత రాటు దేలాడు. ఇంగ్లండ్‌లో జరిగిన యూత్‌ వన్డే టోర్నీలో మ్యాన్‌ ఆఫ్‌ది సిరీస్‌ అందుకున్నాడు. నిజానికి గత అక్టోబర్‌లోనే శుభ్‌మన్‌కు భారత్‌-ఏ జట్టు తరుపున న్యూజిలాండ్‌-ఏపై ఆడే అవకాశం వచ్చింది. కొన్ని కారణాల వల్ల ఆడలేక పోయాడు. పంజాబ్‌ తరుపున విజయ్‌ హజారే ట్రోఫీలో రాణించాడు. అప్పుడు సచిన్‌.. ఇప్పుడు కోహ్లి.. మాస్టర్‌ బ్లాస్టర్‌ సచిన్‌ టెండూల్కర్‌ తన ఆరాధ్యదైవమని, క్రికెట్‌ చూడటం ప్రారంభించనప్పుడే మాస్టర్‌ లెజెండ్‌ క్రికెటరని ఈ సూపర్‌ హీరో చెప్పుకొచ్చాడు. ప్రస్తుతం మాత్రం టీమిండియా కెప్టెన్‌ విరాట్‌ కోహ్లిని అభిమానిస్తానని, తన బ్యాటింగ్‌ శైలి, ఒత్తిడి అధిగమించే విధానం ఎంతో ఇష్టమని తెలిపాడు. కోహ్లిని అనుసరించాడానికి ప్రయత్నిస్తున్నానని, కానీ అది చాల కష్టమని ఈ యువ క్రికెటర్‌ అభిప్రాయపడ్డాడు.  ఐపీఎల్‌లో సైతం శుభ్‌మన్‌ కోసం ఫ్రాంచైజీలు పోటీ పడ్డాయి. రూ.20 లక్షల కనీస ధరైన ఈ యువ క్రికెటర్‌ను అనూహ్యంగా రూ.1.8 కోట్లకు కోల్‌కతా నైట్‌రైడర్స్‌ సొంతం చేసుకుంది. ఇదే ఊపుతో ఐపీఎల్‌లో రాణిస్తే శుభ్‌మన్‌ భారత జట్టులో చోటు సంపాదించుకోవడం కష్టం కాదని క్రికెట్‌ విశ్లేషకులు అభిప్రాయపడుతున్నారు. కోహ్లి సారథ్యంలో ఆడటమే నాకల శుభ్‌మన్‌ మ్యాన్‌ ది టోర్నీ అందుకోవడంపై అతన తండ్రి లఖ్వింధర్‌ సంతోషం వ్యక్తం చేశాడు. ఇలానే ఫామ్‌ కొనసాగించి భారత్‌ జట్టుకు ఎంపిక కావాలని, కోహ్లి సారథ్యంలో శుభ్‌మన్‌ ఆడటమే తన కోరిక అని చెప్పుకొచ్చాడు.

సాక్షి, స్పోర్ట్స్‌ : అండర్‌-19 ప్రపంచకప్‌ సాధించిన యువభారత్‌పై ప్రశంసల జల్లు కురుస్తోంది. దేశ గర్వించదగ్గ సమయమిదని రాజకీయ ప్రముఖుల, క్రికెటర్లు,సినీతారాలు, అభిమానులు సోషల్‌ మీడియా వేదికగా అభినందనలు తెలియజేస్తున్నారు. కుర్రాళ్ల విజయంలో కీలక పాత్ర పోషించిన కోచ్‌ రాహుల్‌ ద్రవిడ్‌ను పొగడ్తలతో ముంచెత్తుతున్నారు.  యువ క్రికెటర్లు సాధించిన ఈ అద్భుత విజయానికి ఎంతో థ్రిల్లయ్యాను. అండర్‌-19 ప్రపంచకప్‌ గెలిచిన జట్టుకు అభినందనలు. ఈ గెలుపుతో ప్రతి భారతీయుడు ఎంతో గర్వంగా ఫీలవుతున్నాడు- ప్రధాని నరేంద్ర మోదీ  అండర్‌-19 ప్రపంచకప్‌ గెలిచిన భారత్‌కు అభినందనులు‌. ఈ తరం క్రికెటర్లు అందించిన ఈ విజయంతో దేశంలోని ప్రతి ఒక్కరూ గర్వంగా ఫీలవుతున్నారు- రాహుల్‌ గాంధీ  కోచ్‌ ద్రవిడ్‌ నేతృత్వంలో ప్రపంచకప్‌ గెలిచిన అండర్‌-19 భారత జట్టుకు అభినందనలు.- వైఎస్‌ జగన్‌ మోహన్‌ రెడ్డి అండర్‌‌-19 ప్రపంచకప్‌ విజేతగా నాలుగోసారి నిలిచిన భారత్‌కు అభినందనలు. ఈ క్రెడిట్‌ అంతా కుర్రాళ్లతో పాటు నా ఆల్‌టైం ఫేవరెట్‌, ది వాల్‌ రాహుల్‌ ద్రవిడ్‌దే-  కేటీఆర్‌  గొప్ప టీమ్‌ వర్క్‌తో మీ కలను సాకారం చేసుకున్నారు. ప్రపంచ ఛాంపియన్లకు కంగ్రాట్స్‌. మిమ్మల్ని చూస్తే ఎంతో గర్వంగా ఉంది. రాహుల్‌ ద్రవిడ్‌కు  అభినందనలు- సచిన్‌ టెండూల్కర్‌ ఈ కుర్రాళ్లు రాహుల్‌ ద్రవిడ్‌ సురక్షితమైన చేతుల్లో పడ్డారు. భారత క్రికెట్‌ భవిష్యత్‌ కోసం గొప్ప కృషి. మనమంతా గొప్ప నైపుణ్యమున్న భవిష్యత్‌ ఆటగాళ్లను కలిగిఉన్నాం- వీరేంద్ర సెహ్వాగ్‌ ప్రపంచకప్‌ గెలిచిన యువ భారత ఆటగాళ్లకు అభినందనలు. అన్ని విభాగాల్లోనూ మంచి ప్రదర్శన కనబర్చారు- అనిల్‌ కుంబ్లే అద్భుత ప్రదర్శనతో మన దేశానికి మరో ఘనతను అందజేశారు. ఈ క్షణాలను బాగా ఆస్వాదించండి- రవిశాస్త్రి  అండర్‌-19 జట్టుకు మరో అద్భుత విజయం. దీన్ని పునాదిగా చేసుకుని భవిష్యత్తులో రాణించండి. ఈ మూమెంట్‌ను బాగా ఆస్వాదించండి- విరాట్‌ కోహ్లీ అండర్‌-19 ప్రపంచకప్‌ గెలిచిన భారత జట్టుకు కంగ్రాట్స్‌. కోచ్‌ రాహుల్‌ ద్రవిడ్‌ నేతృత్వంలోని జట్టు సమిష్టిగా రాణించి విజయం సాధించింది- యువరాజ్ సింగ్‌ ప్రపంచకప్‌ గెలిచిన అండర్‌ 19 జట్టుకు శుభాకాంక్షలు. టోర్నీ మొత్తం అద్భుతంగా ఆడారు - టాలీవుడ్‌ హీరో వెంకటేశ్‌ యావత్తు భారత దేశం గర్వించదగ్గ సమయమిది. భారత అండర్‌-19 జట్టు అద్భుత ప్రదర్శన కనబర్చింది. యంగ్‌ హీరోస్‌కు నా కంగ్రాట్స్‌- మహేశ్‌ బాబు నాలుగోసారి అండర్‌-19 ప్రపంచకప్‌ గెలిచిన భారత జట్టుకు కంగ్రాట్స్‌. సీనియర్‌, జూనియర్‌ జట్లు బౌలింగ్‌తో ఆకట్టుకున్నాయి- ఎస్‌.ఎస్‌.రాజమౌళి

సాక్షి, స్పోర్ట్స్‌ : అండర్‌-19 ప్రపంచకప్‌ ఫైనల్లో ఆసీస్‌పై ఘనవిజయం సాధించి టైటిల్‌ సొంతం చేసుకున్న యువభారత్‌ టోర్నీ ఆసాంతం అద్భుత ప్రదర్శన కనబర్చింది. తొలి మ్యాచ్‌ నుంచి చివరి మ్యాచ్‌ వరకు అన్ని భారీ విజయాలనే నమోదు చేసింది. ఏ జట్టుపై గెలిచి అద్భుత ఆరంభం అందుకుందో అదే జట్టుపై ఫైనల్లో గెలిచి కప్‌ సొంతం చేసుకుంది. టోర్నీ మొత్తంలో ఒక్క మ్యాచ్‌ ఓడకుండా టైటిల్‌ నిలబెట్టుకోవడం ఇక్కడ విశేషం. ఇక పృథ్వీషా నేతృత్వంలోని యువభారత్‌ విజయాలను పరిశీలిస్తే.. కుర్రాళ్ల సమిష్టి ప్రదర్శన, కోచ్‌ రాహుల్‌ ద్రవిడ్‌ కష్టం తెలుస్తోంది. భారీ విజయంతో టోర్నీ ఆరంభించిన భారత్‌ భారీ విజయంతోనే ముగింపు పలికింది. లీగ్‌ దశలో.. ►ఆస్ట్రేలియాపై 100 పరుగులతో విజయం : టోర్నీ ఆరంభ మ్యాచ్‌లో తొలుత బ్యాటింగ్‌ చేసిన భారత్‌ ఆసీస్‌కు 328 పరుగుల భారీ లక్ష్యాన్ని నిర్ధేశించింది. ఈ లక్ష్యంతో బరిలోకి దిగిన ప్రత్యర్థిని యువ బౌలర్లు 42.5 ఓవర్లలో 228 పరుగులకే కట్టడి చేశారు. దీంతో భారత్‌ తొలి భారీ విజయాన్ని నమోదు చేసింది. ►పపువా న్యూ గినియాపై 10వికెట్లతో గెలుపు :  రెండో లీగ్‌ మ్యాచ్‌లో తొలుత బ్యాటింగ్‌ చేసిన పసికూన పపువా న్యూ గినియాపై యువ బౌలర్లు రెచ్చిపోయారు. కేవలం 21.5 ఓవర్లే బ్యాటింగ్‌ చేసిన ప్రత్యర్ధి బ్యాట్స్‌మెన్‌ 64 పరుగులకే కుప్పకూలారు. అనంతరం బ్యాటింగ్‌ చేసిన భారత్‌ కేవలం 8 ఓవర్లలోనే 68 పరుగులు చేసి భారీ విజయాన్ని అందుకుంది. ఎంతటి భారీ విజయమంటే 10 వికెట్ల తేడాతో 252 బంతులు మిగిలుండగానే గెలుపును సొంతం చేసుకుంది.   ►జింబాబ్వేపై 10 వికెట్లతో విజయం : లీగ్‌ చివరిదైన ఈ మ్యాచ్‌లో జింబాబ్వే తొలుత బ్యాటింగ్‌ చేసింది. భారత బౌలర్ల దాటికి జింబాబ్వే బ్యాట్స్‌మెన్‌ 48.1 ఓవర్లలో 154 పరుగులకే ఆలౌట్‌ అయ్యారు. ఇక భారత్‌ వికెట్‌ నష్టపోకుండా కేవలం 21.4 ఓవర్లలోనే విజయాన్నందుకుంది. దీంతో 170 బంతులు మిగిలి ఉండగానే గెలిచి మరో భారీ విజయాన్ని నమోదు చేసింది. క్వార్టర్‌ ఫైనల్‌  ►బంగ్లాదేశ్‌పై 131 పరుగులతో గెలుపు : వరుస విజయాలతో సగర్వంగా క్వార్టర్‌ ఫైనల్‌లోకి ప్రవేశించిన భారత్‌కు ఇక్కడ సైతం గట్టి పోటీ ఎదురు కాలేదు. తొలుత బ్యాటింగ్‌ చేసిన భారత్‌ 49.2 ఓవర్లలో 265 పరుగులకు ఆలౌట్‌ అయింది. అనంతరం బ్యాటింగ్‌కు దిగిన బంగ్లా 42.1 ఓవర్ల మేర బ్యాటింగ్‌ చేసి కేవలం 134 పరుగులకే కుప్పకూలింది. దీంతో భారత్‌ 131 పరుగుల భారీ తేడాతో భారీ విజయాన్నందుకుంది. సెమీఫైనల్‌  ►పాక్‌పై 203 పరుగులతో విజయం : సెమీస్‌ పోరు దాయదీ పాకిస్థాన్‌తో అనగానే భారత అభిమానులు వెయ్యి కళ్లతో ఎదురు చూశారు. రసవత్తర మ్యాచ్‌ అని అందరూ భావించగా ఈ మ్యాచ్‌ సైతం ఏకపక్షంగా ముగిసింది. తొలుత బ్యాటింగ్‌ చేసిన భారత్‌ 273 పరుగులు లక్ష్యాన్ని నిర్ధేశించింది. ఈ లక్ష్యంతో బరిలోకి దిగిన పాక్‌ ఎలాంటి పోటీనివ్వకుండా తోక ముడిచింది. కనీసం 30 ఓవర్లు కూడా ఆడకుండా 69 పరుగులకే ఆలౌట్‌  అయి చిత్తుగా ఓడింది. దీంతో భారత్‌కు 203 పరుగుల భారీ విజయం సొంతమైంది. ఫైనల్‌.. ఆస్ట్రేలియాపై 8 వికెట్ల తేడాతో గెలుపు: ఫైనల్లో సైతం భారత్‌ అదరహో అనిపించింది. ప్రత్యర్థికి ఎలాంటి అవకాశమివ్వకుండా సమిష్టిగా రాణించి టైటిల్‌ సొంతం చేసుకుంది. తొలుత బ్యాటింగ్‌ చేసిన ఆస్ట్రేలియాను 47.2  ఓవర్లలో 216 పరుగులకే కుప్పకూల్చింది. అనంతం బ్యాటింగ్‌ చేసిన యువభారత్‌ సులువుగా 8 వికెట్ల తేడాతో 67 బంతులు మిగిలి ఉండగానే భారీ విజయాన్ని సొంత చేసుకోని టోర్నీ గ్రాండ్‌గా ముగించింది. 

సాక్షి, స్పోర్ట్స్‌ : అండర్‌-19 వరల్డ్‌ కప్‌ ఫైనల్లో ఆస్ట్రేలియాపై ఘనవిజయం సాధించి కొత్త చరిత్రను సృష్టించింది యువభారత్‌. ఈ విజయానంతరం భారత ఆటగాళ్లు ఆనందం వ్యక్తం చేస్తూ గెలుపు క్రెడిట్‌ అంతా కోచింగ్‌ స్టాఫ్‌దేనని అభిప్రాయపడ్డారు. ఆసీస్‌ కెప్టెన్‌ జాసన్‌ సంఘా మాత్రం భారత ప్రదర్శనను కొనియాడాడు. ఇక యువభారత్‌ సారథి పృథ్వీషా కోచ్‌ ద్రవిడ్‌ను ఆకాశానికెత్తాడు. ‘ది వాల్‌’  అంటే ఎంటో తెలిసిందని చెప్పుకొచ్చాడు. ‘ఇప్పడు నా ఫీలింగ్‌ను పంచుకోలేకపోతున్నా. గర్వంగా ఉంది. క్రెడిట్‌ అంతా మా కోచింగ్‌ స్టాఫ్‌దే. వారు గత రెండేళ్లుగా మాకు మద్దతుగా నిలిచారు. రాహుల్‌ సర్‌ లెజెండ్‌. ‘దీ వాల్‌’ అంటే ఎంటో మాకు తెలిసింది. అంతర్జాతీయ క్రికెట్‌ ఆడిన ఆ ఇద్దరు ద్రవిడ్‌, పరాస్‌ మాంబ్రేలు గొప్ప సూచనలు చేశారు. ఇవి మా విజయానికి దోహద పడ్డాయి.- పృథ్వీషా, టీమిండియా కెప్టెన్‌. ‘ఈ సమయంలో ఏమి మాట్లాడాలో తెలియడం లేదు. మా ఆటగాళ్లు ప్రదర్శన పట్ల గర్వంగా ఫీలవుతున్నా. పూర్తి క్రెడిట్‌ మాత్రం భారత్‌దే. వారు చాలా అద్భుతంగా ఆడారు. ఐపీఎల్‌లో ఆడే ఆటగాళ్లకు బెస్ట్‌ ఆఫ్‌ లక్‌. ఈ రోజు మా ఆటగాళ్ల ప్రయత్నం అద్భుతం. కెప్టెన్‌గా ఎవరిని నిందించలేను. వారంతా 110 శాతం రాణించారు. మా కంటే భారత్‌ బాగా ఆడింది. ఈ రోజు వారికి లభించిన మద్దతు బాగుంది. మా ప్రదర్శన క్రెడిట్‌ మాత్రం కోచింగ్‌ స్టాఫ్‌దే. ఈ రోజు మైదానానికి అధిక సంఖ్యలో ప్రేక్షకులు రావడం చూస్తే అద్భుతమనిపించింది.’ -  జాసన్‌ సంఘా ఆసీస్‌ కెప్టెన్‌ ‘మా జట్టు ప్రదర్శన పట్ల గర్వంగా ఫీలవుతున్నా. రాహుల్‌ సర్‌ కోచ్‌ ఉండటమే మా అదృష్టం. కేవలం మైదానంలో మీ ఆటనే ఆడండి అని రాహుల్‌ సర్‌ చెప్పాడు. మేం అదే చేశాం. ఇక్కడి పరిస్థితులు కలిసొచ్చాయి. ఈ విజయం నాకు చాలా ఉత్సహన్నిచ్చింది. ఇదే ఊపుతో ఐపీఎల్‌లో రాణిస్తాను’.- శుభ్‌మన్‌ గిల్‌, భారత క్రికెటర్‌ ( మ్యాన్‌ ఆఫ్‌ ది సిరీస్‌). ఇదో గొప్ప అనుభూతి. ఇక్కడి పరిస్థితులు మాకు కలిసొచ్చాయి. ఈ విజయాన్ని ఆస్వాదిస్తున్నా. బ్యాటింగ్‌కు అనువైన పిచ్‌. -మన్‌జోత్‌ కల్రా, మ్యాన్‌ ఆఫ్‌ది మ్యాచ్‌ ‘మా గెలుపు క్రెడిట్‌ కోచింగ్‌ స్టాఫ్‌దే. ఇప్పుడు ప్రపంచంలోనే నెం1 ఫీలవుతున్నా. ఇదో గొప్ప పోటీ. భారత్‌ నుంచి చాలా మెసేజ్‌లు వచ్చాయి. కొన్ని కారణాలవల్ల వారందరికీ రిప్లే ఇవ్వలేకపోయా. అందరికి ధన్యావాదాలు. టోర్నీ ఆసాంతం మా బౌలర్లు అద్బుతంగా రాణించారని చెప్పగలను. ఇది సమిష్టి ప్రదర్శన’- ఇషాన్‌ పోరెల్‌, టీమిండియా స్పిన్‌ బౌలర్‌ ‘ఇదో అద్భుతం. నాకు బ్యాటింగ్‌ రావద్దనుకున్నా. కేవలం మన్‌జోత్‌ సెంచరీ సాధించాలని కోరుకున్నా. ఈ మ్యాచ్‌లో గట్టి పోటీ ఎదురవుతుందని ముందే భావించా. ఇది నిజంగా గట్టి పోటే. సమిష్టిగా రాణించి విజయాన్ని సులువు చేశాం. బౌలింగ్‌, బ్యాటింగ్‌కు ఈ పిచ్‌ అనువైనది’.- రియాన్‌ పరాగ్‌, భారత ఆటగాడు.

మరొక్క విజయం...చరిత్ర పుటల్లో చోటుకు!ఇంకొక్క గెలుపు...మన సత్తా ప్రపంచానికి చాటేందుకు!ఒకే ఒక్క అడుగు...భవిష్యత్‌ తారలుగా వెలిగేందుకు!యువ భారత క్రికెట్‌ జట్టు ముంగిట  సువర్ణావకాశం. జోరు మీదున్న కుర్రాళ్లు లక్ష్యాన్ని చేరుకునేందుకు ఇంకొక్క మ్యాచే. అండర్‌–19 ప్రపంచకప్‌ క్రికెట్‌ తుది సమరం నేడే. ప్రత్యర్థి సమఉజ్జీలాంటి ఆస్ట్రేలియా. అయినా... మొగ్గు మనవైపే. అన్నిరంగాల్లో బలంగా ఉన్న పృథ్వీ షా సేన... ఆసేతు హిమాచలం ఆకాంక్షలను నెరవేరుస్తూ కప్‌ను ఒడిసిపట్టాలని దీవిద్దాం! మౌంట్‌మాంగనీ: కుర్రాళ్ల క్రికెట్‌ సమరం తుది అంకానికి చేరింది. శనివారం ఇక్కడ జరిగే అండర్‌–19 ప్రపంచకప్‌ ఫైనల్లో ఆస్ట్రేలియాతో భారత్‌ తలపడనుంది. పటిష్ఠమైన ఈ రెండు జట్లలో ఏది గెలిచినా రికార్డు స్థాయిలో నాలుగోసారి కప్‌ను సొంతం చేసుకున్నట్లవుతుంది. ఈ నేపథ్యంలో హోరాహోరీ పోరుకు అవకాశం ఉంది. మరోవైపు ఫేవరెట్‌గా టోర్నీలో అడుగుపెట్టిన టీమిండియా అందుకు తగ్గట్లే ఆడుతూ వచ్చింది. పెద్దగా పోరాడాల్సిన అవసరం లేకుండానే లీగ్, క్వార్టర్స్, సెమీస్‌లో అలవోకగా గెలుపొందింది. ఇదే ఊపు టైటిల్‌ పోరులోనూ చూపితే తిరుగుండదు. కానీ... ఆసీస్‌ వంటి జట్టు ఏ స్థాయి క్రికెట్‌లోనైనా ప్రమాదకరమే. అయినప్పటికీ కుర్రాళ్లు ఒత్తిడిని దరి చేరనీయకుండా ఆడితే ప్రత్యర్థిని మట్టి కరిపించవచ్చు. ముఖ్యంగా 2016 అండర్‌–19 ప్రపంచకప్‌ ఫైనల్లో వెస్టిండీస్‌ చేతిలో అనూహ్య పరాజయాన్ని గుర్తుపెట్టుకొని ఆడాలి.  భారత్‌కు ఎదురుంటుందా?  బ్యాటింగ్‌లో పృథ్వీ షా, మన్‌జోత్‌ కల్రా, శుభ్‌మన్‌ గిల్, బౌలింగ్‌లో కమలేశ్‌ నాగర్‌కోటి, శివం మావి, ఇషాన్‌ పోరెల్, ఆల్‌రౌండర్‌గా అభిషేక్‌ శర్మ నైపుణ్యం, స్పిన్‌తో చుట్టేసే అనుకూల్‌ రాయ్, శివ సింగ్‌... ఇలా భారత్‌ అన్ని రంగాల్లో దుర్బేధ్యంగా కనిపిస్తోంది. ఫీల్డింగ్‌లోనూ చురుకుదనం జట్టు సొంతం. లీగ్‌ దశలో ఆస్ట్రేలియాను 100 పరుగుల తేడాతో, సెమీస్‌లో దాయాది పాకిస్తాన్‌ను 203 పరుగులతో ఓడించడమే దీనికి నిదర్శనం. ఆత్మ విశ్వాసం తొణికిసలాడుతున్న జట్టుకు గాయాల బెడద కూడా లేదు. ఈ సమీకరణాల ప్రకారం చూస్తే ఫైనల్లో ద్రవిడ్‌ శిష్యులదే పైచేయి కావాలి. అయితే కలవర పెడుతున్న ఏకైక అంశం మిడిలార్డర్‌. ఇప్పటివరకు టాప్‌ ఆర్డరే అంతా చూసుకోవడంతో మిగతా బ్యాట్స్‌మెన్‌కు సత్తా నిరూపించుకునే అవకాశం రాలేదు. తుది పోరులో అవసరానికి తగ్గట్లు రియాన్‌ పరాగ్, హార్విక్‌ దేశాయ్‌ రాణిస్తే విజయంపై ధీమాగా ఉండొచ్చు.   ఆసీస్‌ ఎలా ఆడుతుందో?  జాసన్‌ సంఘా నేతృత్వంలోని ఆస్ట్రేలియా టోర్నీ తొలి మ్యాచ్‌లోనే భారత్‌ చేతిలో భంగపడినా తర్వాత కుదురుకుంది. అయితే... తుది జట్టులో స్థిరంగా కొనసాగిన, నిలకడగా ఆడిన ఆటగాళ్లు కనిపించడం లేదు. పపువా న్యూ గినియాపై ఏడు వికెట్ల ప్రదర్శన చేసిన పేసర్‌ రాల్స్‌టన్‌ తర్వాత ఇంగ్లండ్‌తో మ్యాచ్‌కు జట్టులోనే లేడు. మరో పేసర్‌ హ్యాడ్లీ అన్ని మ్యాచ్‌లు ఆడినా మెరుపులు మెరిపించలేదు. క్వార్టర్స్‌లో స్పిన్నర్‌ లాయిడ్‌ పోప్‌ 8 వికెట్ల ఘనత ఒక్క మ్యాచ్‌కే అన్నట్లుంది. ఇక బ్యాటింగ్‌లో భారీ స్కోర్లు ఛేదించే సందర్భం రాలేదు. భారమంతా జాక్‌ ఎడ్వర్డ్స్‌ మోస్తున్నాడు. పపువా న్యూ గినియాపై మెక్‌ స్వీనీ చేసిన 156 పరుగులే ఆసీస్‌ బ్యాట్స్‌మెన్‌ నుంచి భారీ ఇన్నింగ్స్‌. కెప్టెన్‌ సంఘా స్థాయికి తగ్గట్లు ఆడటంలేదు. ప్రధాన బ్యాట్స్‌మన్‌ బ్రయాంట్‌ ఫామ్‌లో లేడు. పరమ్‌ ఉప్పల్‌ పర్వాలేదు. ఆస్టిన్‌ వా, విల్‌ సదర్లాండ్‌ పెద్దగా రాణించలేదు. అయితే... తమ దేశ వాతావరణానికి దాదాపు దగ్గరగా ఉండే న్యూజిలాండ్‌లో ఆడుతుండటం ఆసీస్‌కు అదనపు బలం కానుంది. కాబట్టి భారత కుర్రాళ్లు ఎటువంటి అవకాశం ఇవ్వకుండా ఆడాలి.  కుర్రాళ్లూ... ద్రవిడ్‌కు కానుకివ్వండి ప్రపంచకప్‌లో ఆడుతున్నది అండర్‌–19 జట్టయినా... వారితోపాటు వార్తల్లో నిలుస్తున్నది భారత క్రికెట్‌ దిగ్గజం రాహుల్‌ ద్రవిడ్‌. కోచ్‌ పాత్రలో అంతగా యువకులను ముందుండి నడిపిస్తున్నాడు ‘ది వాల్‌’. కుర్రాళ్లు కప్‌ గెలిస్తే మొదటగా అత్యంత ఎక్కువ సంతోషపడేది అతడే అనడంలో సందేహం లేదు. తానాడిన రోజుల్లో బ్యాట్స్‌మన్‌గా, జట్టు మనిషిగా ఎంతో బాధ్యతను మోసిన ద్రవిడ్‌కు ప్రపంచకప్‌ సాధించలేకపోవడం పెద్ద లోటుగా ఉండేది. 2003లో ఫైనల్‌కు చేరిన భారత జట్టులో సభ్యుడైనప్పటికీ ఆస్ట్రేలియా చేతిలో ఓడటంతో కల నెరవేరలేదు. ఇక విండీస్‌లో జరిగిన 2007 వరల్డ్‌కప్‌ అయితే ద్రవిడ్‌కు కెరీర్‌ పరంగా, వ్యక్తిగతంగా పీడకలే. అతడి సారథ్యంలో భారీ అంచనాల మధ్య బరిలో దిగిన జట్టు తొలి దశలోనే వెనుదిరిగింది. దీంతో ‘ది వాల్‌’... కెప్టెన్సీకి రాజీనామా చేయాల్సి వచ్చింది. తమ గురువుకు మానసికంగా వ్యథ మిగిల్చిన ఈ అనుభవాలను సంపూర్తిగా చెరిపేసే అవకాశం తాజాగా కుర్రాళ్ల ముందుంది. 2003లో సీనియర్స్‌ కప్‌ను చేజార్చుకున్న ఆస్ట్రేలియాపైనే ఇప్పుడు విజయం సాధిస్తే అది ద్రవిడ్‌కు బోనస్‌ ఆనందాన్నిస్తుంది. కీలక సమరానికి ముందు కుర్రాళ్లు ఏకాగ్రత కోల్పోకుండా ఉండేందుకు ద్రవిడ్‌ జాగ్రత్తలు తీసుకున్నాడు. ఆటగాళ్లెవరూ ఫైనల్‌ ముగిసేదాకా సెల్‌ఫోన్‌ల జోలికి వెళ్లొద్దని ఆదేశించాడు.  పేసర్లే మా బలం  మా పేస్‌ త్రయం టోర్నీ ఆసాంతం అద్భుతంగా రాణించింది. ఫైనల్లోనూ వారే మా బలం. వారి ఫిట్‌నెస్‌ అద్భుతం. జట్టుకు అవసరమైనప్పుడల్లా వికెట్లు తీశారు. వారి కారణంగా జట్టులో మంచి దృక్పథం ఏర్పడింది. మంచి ఆరంభం లభిస్తే మేం 250 నుంచి 300 వరకు చేయగలం. లీగ్‌ మ్యాచ్‌లో ఓడిన తర్వాత ఆస్ట్రేలియా మెరుగైంది. మా ప్రణాళికల ప్రకారం ఆడితే గెలుపు కష్టమేం కాదు.       –పృథ్వీ షా, భారత జట్టు కెప్టెన్‌  భారత్‌కు అభిమానుల దన్ను  మౌంట్‌మాంగనీ ప్రాంతంలో భారత్‌ నుంచి వలస వెళ్లిన సిక్కు కుటుంబాలు అధికం. ఇక్కడ వారి జనాభా 4 వేల వరకు ఉంటుంది. ఫైనల్లో వీరిలో ఎక్కువమంది భారత్‌కు మద్దతుగా స్టేడియానికి వచ్చే అవకాశం ఉంది. స్టేడియం సామర్థ్యం 8 వేలు.  జట్లు (అంచనా)  భారత్‌: పృథ్వీ షా (కెప్టెన్‌), మన్‌జోత్‌ కల్రా, శుభ్‌మన్‌ గిల్, హార్విక్‌ దేశాయ్, రియాన్‌ పరాగ్, అభిషేక్‌ శర్మ, అనుకూల్‌ రాయ్, కమలేశ్‌ నాగర్‌కోటి, శివం మావి, ఇషాన్‌ పోరెల్, శివసింగ్‌.  ఆస్ట్రేలియా: జాసన్‌ సంఘా (కెప్టెన్‌), జాక్‌ ఎడ్వర్డ్స్, మ్యాక్స్‌ బ్రయాంట్, పరమ్‌ ఉప్పల్, మెక్‌ స్వీనీ, జొనాథన్‌ మెర్లో, విల్‌ సదర్లాండ్, బాక్ట్స్‌ర్‌ హోల్ట్, జాక్‌ ఎవాన్స్, ర్యాన్‌ హ్యాడ్లీ, పోప్‌.  పిచ్‌ మ్యాచ్‌ జరిగే బే ఓవల్‌ పిచ్‌ బ్యాటింగ్‌కు బాగా అనుకూలం. పొట్టి ఫార్మాట్‌ క్రికెట్‌ కోసం ప్రత్యేకంగా రూపొందించిన ఈ పిచ్‌పై తొలి మ్యాచ్‌లో భారత్‌ ఆస్ట్రేలియాపైనే 328 పరుగులు చేసింది.  వాతావరణం వాతావరణంపై కొంత అనిశ్చితి నెలకొంది. శుక్రవారం భారీగా ఎండ కాసినా, శనివారం మేఘావృతంగా ఉండే అవకాశం ఉంది. రెండు రోజులుగా పిచ్‌ను కవర్లతో కప్పి ఉంచుతున్నారు. ఫైనల్‌కు రిజర్వ్‌ డే ఉంది. టైటిల్‌ పోరుకు చేరాయిలా... భారత్‌  లీగ్‌ దశలో...  ►ఆస్ట్రేలియాపై 100 పరుగులతో విజయం  ►పపువా న్యూ గినియాపై 10వికెట్లతో గెలుపు  ►జింబాబ్వేపై 10 వికెట్లతో విజయం  క్వార్టర్‌ ఫైనల్‌  ►బంగ్లాదేశ్‌పై 131 పరుగులతో గెలుపు  సెమీఫైనల్‌  ►పాక్‌పై 203 పరుగులతో విజయం  ఆస్ట్రేలియా  లీగ్‌ దశలో  ►భారత్‌ చేతిలో 100 పరుగుల తేడాతో ఓటమి ►జింబాబ్వేపై 7 వికెట్లతో విజయం  ►పపువా న్యూ గినియాపై  311 పరుగుల తేడాతో గెలుపు  క్వార్టర్‌ ఫైనల్‌  ►ఇంగ్లండ్‌పై 31 పరుగులతో విజయం  సెమీఫైనల్‌  ►అఫ్గానిస్తాన్‌పై 6 వికెట్లతో గెలుపు  ► ఉదయం గం 6.15 నుంచి  స్టార్‌ స్పోర్ట్స్‌–2లో ప్రత్యక్ష ప్రసారం 

పాకిస్తాన్‌ను పసికూన చేశారు. వారి బౌలింగ్‌లో పసలేదనేలా బాదేశారు.  తర్వాత పేస్‌తో బెంబేలెత్తించారు. దాయాదికి అవకాశమే లేకుండా కుప్పకూల్చారు. మొత్తం మీద భారత కుర్రాళ్లు చిరకాల ప్రత్యర్థిని కలసికట్టుగా కుమ్మేశారు. అండర్‌–19 ప్రపంచకప్‌లో సగర్వంగా, అజేయంగా అంతిమ సమరానికి అర్హత సాధించారు. క్రైస్ట్‌చర్చ్‌: అన్ని రంగాల్లో ఆధిపత్యం చలాయించిన భారత యువ జట్టు అండర్‌–19 క్రికెట్‌ ప్రపంచకప్‌లో ఫైనల్‌కు చేరింది. మంగళవారం ఇక్కడ జరిగిన రెండో సెమీఫైనల్లో పాకిస్తాన్‌పై టీమిండియా 203 పరుగులతో ఘనవిజయం సాధించింది. వన్‌డౌన్‌ బ్యాట్స్‌మన్‌ శుభ్‌మన్‌ గిల్‌ (94 బంతుల్లో 102 నాటౌట్‌; 7 ఫోర్లు) అజేయ శతకానికి తోడు కెప్టెన్‌ పృథ్వీ షా (42 బంతుల్లో 41; 3 ఫోర్లు, 1 సిక్స్‌); ఓపెనర్‌ మన్‌జోత్‌ కల్రా (59 బంతుల్లో 47; 7 ఫోర్లు); చివర్లో అనుకూల్‌ రాయ్‌ (45 బంతుల్లో 33; 4 ఫోర్లు) సమయోచిత ఆటతో భారత్‌ నిర్ణీత 50 ఓవర్లలో 9 వికెట్ల నష్టానికి 272 పరుగులు చేసింది. పాక్‌ బౌలర్లలో అర్షద్‌ ఇక్బాల్‌ (3/51), మూసా (4/67) రాణించారు. అనంతరం బ్యాటింగ్‌కు దిగిన పాక్‌ను భారత పేసర్‌ ఇషాన్‌ పొరెల్‌ (4/17) దారుణంగా దెబ్బతీశాడు. అతని ధాటికి ప్రత్యర్థి 28 పరుగులకే నాలుగు వికెట్లు కోల్పోయింది. ఇవన్నీ ఇషాన్‌కే దక్కాయి. స్పిన్నర్‌ శివ సింగ్‌ (2/20), ఆల్‌రౌండర్‌ పరాగ్‌ (2/6) కూడా ఓ చేయి వేయడంతో పాక్‌ 29.3 ఓవర్లలో 69 పరుగులకే ఆలౌటైంది. గిల్‌కే ‘మ్యాన్‌ ఆఫ్‌ ద మ్యాచ్‌’ పురస్కారం దక్కింది. ఫిబ్రవరి 3న జరిగే ఫైనల్లో ఆస్ట్రేలియాతో భారత్‌ తలపడుతుంది.  భళా... శుభ్‌మన్‌: టాస్‌ గెలిచి బ్యాటింగ్‌కు దిగిన భారత్‌కు ఓపెనర్లు పృథ్వీ షా, కల్రా చక్కటి ఆరంభం ఇచ్చారు. తొలి వికెట్‌కు వీరు 89 పరుగులు జోడించారు. అసలు హైలైట్‌ మాత్రం శుభ్‌మన్‌ ఇన్నింగ్సే. జట్టు స్కోరు 94 పరుగుల వద్ద క్రీజులోకి వచ్చిన గిల్‌ ఓవైపు వరుసగా వికెట్లు పడుతున్నా ధీమాగా ఆడి జట్టును నిలబెట్టాడు. పోరాడే స్కోరు అందించాడు. రెండు క్యాచ్‌లతో పాటు రనౌట్‌ అవకాశం చేజార్చిన పాక్‌ పేలవ ఫీల్డింగ్‌ కూడా అతడికి కలిసొచ్చింది. అయినప్పటికీ... గిల్‌ ఆటను తక్కువ చేయలేం. మంచి క్రికెటింగ్‌ షాట్లు కొట్టిన అతడు ఇన్నింగ్స్‌ చివరి ఓవర్లో శతకం పూర్తిచేసుకున్నాడు. 273 పరుగుల లక్ష్య ఛేదనలో ప్రత్యర్థి బ్యాట్స్‌మెన్‌ ఏమాత్రం ప్రతిఘటన చూపలేకపోయారు.   ►6  అండర్‌–19 ప్రపంచకప్‌ చరిత్రలో భారత్‌ ఫైనల్‌ చేరడం ఇది ఆరోసారి. గతంలో 2000, 2008, 2012లలో భారత్‌ విజేతగా నిలిచింది. 2006, 2016 ఫైనల్స్‌లో ఓడి రన్నరప్‌గా నిలిచింది.   

న్యూఢిల్లీ: అండర్‌-19 వరల్డ్‌ కప్‌లో యువ భారత జట్టు సెమీఫైనల్‌లో చిరకాల ప్రత్యర్థి దాయాది పాకిస్థాన్‌ను చిత్తు చేసి.. అద్భుతమైన విజయాన్ని సాధించింది. ప్రతిష్టాత్మక ఫైనల్‌ పోరులో ఆస్ట్రేలియాను ఢీకొట్టడానికి సిద్ధమవుతోంది. అండర్‌-19 క్రికెట్‌ చరిత్రలోనే అత్యధికంగా 203 పరుగుల తేడాతో యువ భారత జట్టు దాయాదిని చిత్తు చేసింది. సహజంగానే యువ ఇండియా వీరోచిత ప్రదర్శన పాక్‌ ఆటగాళ్లను కకావికలం చేయడమే కాకుండా.. అటు పాక్‌ అభిమానుల్ని కూడా బిత్తరపోయేలా చేసింది. పాక్‌ యువ క్రికెటర్ల బేలతనంపై నిరుత్సాహం వ్యక్తం చేస్తున్న దాయాది జట్టు అభిమానులు రాహుల్‌ ద్రవిడ్‌ లాంటి కోచ్‌ తమ జట్టుకు ఉండి ఉంటే ఇలాంటి పరిస్థితి వచ్చేది కాదని, తమ జట్టుకు ప్రముఖ ఆటగాడు మార్గదర్శకత్వం లేనందువల్లే ఇంతటి పరాజయం ఎదురైందని సోషల్‌ మీడియాలో అభిప్రాయపడుతున్నారు. యువ వరల్డ్‌ కప్‌లో అసాధారణంగా రాణిస్తున్న శుభం గిల్‌ సెమీఫైనల్‌లోనూ చెలరేగి సెంచరీ సాధించడంతో మొదట బ్యాటింగ్‌ చేసిన కుర్రాళ్ల జట్టు నిర్ణీత ఓవర్లలో 9 వికెట్లకు 272 పరుగులు చేసింది. అనంతరం ఇషాన్‌ పోరెల్‌ బంతితో నిప్పులు చెరిగి నాలుగు వికెట్లు తీయడంతో దాయాది జట్టు 69 పరుగులకు చాపచుట్టేసింది. తాజా అండర్‌-19 వరల్డ్‌ కప్‌లో యువ జట్టు సాధిస్తున్న అద్భుతమైన విజయాల వెనుక రాహుల్‌ ద్రవిడ్‌ మార్గదర్శకత్వ పటిమ ఉంది. కోచ్‌గా జట్టును వెనకుండి నడిపిస్తున్న ద్రవిడ్‌.. తన అనుభవాన్నంతా రంగరించి.. యువ జట్టులో స్ఫూర్తినింపుతున్నారు. వరల్డ్‌ కప్‌ క్వార్టర్‌ ఫైనల్‌లో, సెమీఫైనల్‌లో యువ ఇండియా జట్టు చూపిన ప్రదర్శనే ఇందుకు నిదర్శనం. ఈ నేపథ్యంలో కోచ్‌ విషయమై రెండు జట్ల మధ్య వైరుధ్యాన్ని పాక్‌ అభిమానులు ప్రధానంగా తెరపైకి తెస్తున్నారు. పాక్‌ యువ జట్టుకు ప్రధాన కోచ్‌గా ఉన్న మన్సూర్‌ రణా కేవలం రెండు అంతర్జాతీయ వన్డే మ్యాచ్‌లు ఆడి.. 15 పరుగులు చేశాడు. ఎలాంటి వికెట్లు తీయలేదు. అంతర్జాతీయ టెస్టు మ్యాచ్‌లు ఆడిన అనుభవమూ అతడికి లేదు. ఈ నేపథ్యంలో అపార అనుభవమున్న ద్రవిడ్‌ మార్గదర్శకత్వంలోని టీమిండియాకు.. ఏ అనుభవం, నైపుణ్యమూలేని మన్సూర్‌ రాణా కోచ్‌గా ఉన్న పాక్‌ జట్టుకు మధ్య తేడా కొట్టొచ్చినట్టు కనిపిస్తోందని దాయాది ఫ్యాన్స్‌ వాపోతున్నారు.

క్వీన్స్‌టౌన్‌: ఏదశలోనూ ప్రత్యర్థిని తేలిగ్గా తీసుకోకుండా... నిర్లక్ష్యానికి తావివ్వకుండా... సమష్టి ప్రదర్శన కనబరిచిన యువ భారత జట్టు అండర్‌–19 ప్రపంచ కప్‌లో సెమీఫైనల్లోకి దూసుకెళ్లింది. బంగ్లాదేశ్‌తో శుక్రవారం జరిగిన చివరి క్వార్టర్‌ ఫైనల్లో భారత్‌ 131 పరుగుల తేడాతో ఘనవిజయం సాధించింది. మొదట భారత్‌ 49.2 ఓవర్లలో 265 పరుగులకు ఆలౌటవ్వగా... బంగ్లాదేశ్‌ 42.1 ఓవర్లలో 134 పరుగులకు కుప్పకూలింది. ఈనెల 30న జరిగే రెండో సెమీఫైనల్లో చిరకాల ప్రత్యర్థి పాకిస్తాన్‌తో భారత్‌ తలపడుతంది. 29న జరిగే తొలి సెమీఫైనల్లో అఫ్గానిస్తాన్‌తో ఆస్ట్రేలియా ఆడుతుంది.   తొలుత బ్యాటింగ్‌ చేసిన భారత్‌ కెప్టెన్‌ పృథ్వీ షా (54 బంతుల్లో 40; 5 ఫోర్లు), ‘మ్యాన్‌ ఆఫ్‌ ద మ్యాచ్‌’ శుభ్‌మాన్‌ గిల్‌ (94 బంతుల్లో 86; 9 ఫోర్లు), హార్విక్‌ దేశాయ్‌ (34), ఆల్‌రౌండర్‌ అభిషేక్‌ శర్మ (49 బంతుల్లో 50; 6 ఫోర్లు) రాణించడంతో ఒక దశలో 215/4తో పటిష్ట స్థితిలో కనిపించింది. కానీ... చివర్లో బంగ్లా బౌలర్లు చెలరేగడంతో 50 పరుగులకే 6 వికెట్లు కోల్పోయిన టీమిండియా 265 పరుగులకే పరిమితమైంది. అనంతరం కష్టసాధ్యంకాని లక్ష్యంతో బరిలోకి దిగిన బంగ్లాదేశ్‌ను భారత్‌ బౌలర్లు బెంబేలెత్తించారు. కమలేశ్‌ నాగర్‌కోటి (3/18), శివమ్‌ మావి (2/27), అభిషేక్‌ శర్మ (2/11) రాణించి బంగ్లాదేశ్‌ పతనాన్ని శాసించారు.  

క్వీన్స్‌టౌన్‌: అండర్‌–19 వన్డే ప్రపంచకప్‌లో యువ భారత్‌ జైత్రయాత్ర కొనసాగుతోంది. పృథ్వీ షా నాయకత్వంలోని భారత్‌ జట్టు సెమీస్‌ ఫైనల్లోకి దూసుకెళ్లింది. క్వార్టర్‌ ఫైనల్లో బంగ్లాదేశ్‌ను 131 పరుగుల తేడాతో చిత్తు చేసింది. అన్నివిభాగాల్లో రాణించి ఘన విజయాన్ని అందుకుంది. టాస్‌ గెలిచి ముందుగా బ్యాటింగ్‌ చేసిన భారత్‌ 49.2 ఓవర్లలో 265 పరుగులకు ఆలౌలైంది. షబ్‌మన్‌ గిల్‌(86), అభిషేక్‌ శర్మ(50) అర్ధసెంచరీలు సాధించారు. పృథ్వీ షా (40), దేశాయ్‌(34) ఫర్వాలేదనిపించారు. 266 పరుగులు లక్ష్యాన్ని బరిలోకి దిగిన బంగ్లాదేశ్‌ను భారత్‌ బౌలర్లు వణికించారు. పదునైన బంతులతో బంగ్లా బ్యాట్స్‌మెన్లను పెవిలియన్‌కు వరుస కట్టించారు. దీంతో బంగ్లా 42.1 ఓవర్లలో 134 పరుగులకు ఆలౌటైంది. భారత బౌలర్లలో నాగర్‌కోటి 3 వికెట్లు పడగొట్టాడు. అభిషేక్‌ శర్మ, శివమ్‌మావి రెండేసి వికెట్లు తీశారు. అనుకుల్‌ రాయ్‌ ఒక వికెట్‌ దక్కించుకున్నాడు. సెమీఫైనల్లో పాకిస్తాన్‌తో భారత్‌ తలపడనుంది.

క్వీన్స్‌టౌన్‌: ఎదురేలేని యువ భారత్‌ అండర్‌–19 ప్రపంచకప్‌లో అజేయంగా దూసుకెళుతోంది. ఉరిమే ఉత్సాహంతో నేడు బంగ్లాదేశ్‌తో జరిగే క్వార్టర్‌ ఫైనల్లో తలపడేందుకు సిద్ధమైంది. మూడు సార్లు ప్రపంచ కప్‌ చాంపియన్‌ అయిన భారత్‌ మరో టైటిల్‌పై కన్నేసింది. గత రన్నరప్‌ భార త్‌... కోచ్‌ ద్రవిడ్‌ మార్గదర్శనంలో లీగ్‌ దశలో వరుస విజయాలతో నాకౌట్‌ చేరింది. పృథ్వీ షా సేన అసాధారణ ఫామ్‌లో ఉంది. అయితే బంగ్లాను మాత్రం అంతా తేలిగ్గా తీసుకోవద్దు. గత నవంబర్‌లో ఆసియా కప్‌ (కౌలాలంపూర్‌)లో బంగ్లా చేతిలో భారత్‌ కంగుతింది. పృథ్వీ షా లాంటి కీలక ఆటగాళ్లు కొందరు అందులో ఆడనప్పటికీ పరాజయం పరాజయమే. ఈ నేపథ్యంలో ఎలాంటి అలసత్వాన్ని దరిచేరకుండా కుర్రాళ్లు బరిలోకి దిగాలి. పైగా ఇరు జట్ల ఆటగాళ్లకు చెప్పుకోదగ్గ ఫస్ట్‌క్లాస్‌ అనుభవముంది. భారత బ్యాటింగ్‌లో పృథ్వీ షా, శుభ్‌మాన్‌ గిల్‌ రాణిస్తుండగా, బౌలింగ్‌లో లెఫ్టార్మ్‌ స్పిన్నర్‌ అనుకుల్‌ రాయ్‌ ప్రత్యర్థుల్ని తిప్పేస్తున్నాడు. బంగ్లా జట్టులో పేసర్‌ హసన్‌ మహుద్, ఆఫ్‌ స్పిన్నర్‌ ఆఫిఫ్‌ హొస్సేన్‌ ప్రత్యర్థి బ్యాట్స్‌మెన్‌పై తమ ప్రతాపం చూపుతున్నారు. ఈ మ్యాచ్‌ భారత కాలమానం ప్రకారం తెల్లవారు జామున 2.45 గంటలకే మొదలవుతుంది. 

క్రైస్ట్‌చర్చ్‌:  అండర్‌–19 వన్డే వరల్డ్‌కప్‌లో సంచలనం నమోదైంది. అఫ్గానిస్తాన్‌ అనూహ్య విజయంతో సెమీఫైనల్లోకి దూసుకెళ్లింది. క్వార్టర్‌ ఫైనల్లో న్యూజిలాండ్‌ను చిత్తుగా ఓడించింది. ముందుగా బ్యాటింగ్‌ చేసిన అఫ్గాన్‌ టీమ్‌ నిర్ణీత 50 ఓవర్లలో 6 వికెట్లు నష్టపోయి 309 పరుగులు చేసింది. రహ్మతుల్లా గర్బాజ్‌(69), ఇబ్రహీం జాడ్రాన్‌(68), బాహీర్‌ షా(67) అజ్మతుల్లా ఒమర్‌జాయ్‌ (66) అర్ధసెంచరీలతో రాణించారు. చివర్లో అజ్మతుల్లా చెలరేగి ఆడటంతో అఫ్గాన్‌ స్కోరు 300 పరుగులు దాటింది. అజ్మతుల్లా 23 బంతుల్లో 3 ఫోర్లు, 7 సిక్సర్లతో 66 పరుగులు బాదాడు. భారీ లక్ష్యాన్ని ఛేదించేందుకు బరిలోకి దిగిన కివీస్‌.. అఫ్గాన్‌ స్పిన్నర్ల ధాటికి విలవిల్లాడిం‍ది. స్వల్ప స్కోరుకే చాపచుట్టేసింది. న్యూజిలాండ్‌ 28.1 ఓవర్లలో 107 పరుగులకే ఆలౌటై చిత్తుగా ఓడింది. అఫ్గాన్‌ బౌలర్లలో ఖాయిస్‌ అహ్మద్‌, ముజీబ్‌ నాలుగేసి వికెట్లు నేలకూల్చారు. నవీన్‌ ఉల్‌ హక్‌ ఒక వికెట్‌ దక్కించుకున్నాడు. సెమీఫైనల్లో ఆస్ట్రేలియాతో అఫ్గానిస్తాన్‌ తలపడనుంది.

క్రైస్ట్‌చర్చ్‌: బౌలర్లు రాణించడంతో పాటు బ్యాటింగ్‌లో అలీ జర్యాబ్‌ (111 బంతుల్లో 74 నాటౌట్‌; 5 ఫోర్లు) అద్భుత ప్రదర్శన చేయడంతో పాకిస్తాన్‌ అండర్‌–19 వరల్డ్‌కప్‌ సెమీస్‌కు చేరింది. బుధవారం జరిగిన క్వార్టర్‌ ఫైనల్లో పాకిస్తాన్‌ 3 వికెట్లతో దక్షిణాఫ్రికాపై విజయం సాధించింది. తొలుత బ్యాటింగ్‌ చేసిన దక్షిణాఫ్రికా 50 ఓవర్లలో 9 వికెట్లకు 189 పరుగులు చేయగా... పాకిస్తాన్‌ 47.5 ఓవర్లలో 7 వికెట్లు కోల్పోయి 190 పరుగులు చేసి విజయం సాధించింది. బంగ్లాదేశ్, భారత్‌ల మధ్య శుక్రవారం జరిగే మరో క్వార్టర్స్‌లో విజయం సాధించిన జట్టుతో పాకిస్తాన్‌  సెమీస్‌లో తలపడనుంది.   

క్వీన్స్‌టౌన్‌: ఇంగ్లండ్‌తో కీలకమైన క్వార్టర్‌ ఫైనల్‌ మ్యాచ్‌లో ఆస్ట్రేలియా 127 పరుగులే చేసింది. అయినా 31 పరుగుల తేడాతో గెలిచి సెమీస్‌కు చేరింది. ఒకే ఒక్కడు లాయిడ్‌ పోప్‌ (9.4–2–35–8) తన స్పిన్‌తో ఆసీస్‌ను గెలుపు మలుపు తిప్పాడు. ఇంగ్లండ్‌ మాత్రం 128 çపరుగుల సునాయాస లక్ష్యాన్ని ఛేదించలేక 96 పరుగులకే కుప్పకూలి అండర్‌–19 ప్రపంచకప్‌లో క్వార్టర్స్‌తోనే సరిపెట్టుకుంది. మొదట ఆసీస్‌ 33.3 ఓవర్లలో 127 పరుగులు చేసి ఆలౌటైంది. తర్వాత లక్ష్యఛేదనకు దిగిన ఇంగ్లండ్‌ ఒక దశలో 47 పరుగుల దాకా వికెట్‌ కోల్పోకుండా పటిష్టస్థితిలో కనిపించింది. కానీ అక్కడ్నించే లెగ్‌ స్పిన్నర్‌ పోప్‌ మ్యాజిక్‌ మొదలవడంతో ఇంగ్లండ్‌ వెంటవెంటనే వికెట్లు కోల్పోయి ఓటమి ఖాయం చేసుకుంది. అండర్‌–19 ప్రపంచకప్‌లో 8 వికెట్లు తీసిన తొలి బౌలర్‌గా పోప్‌ రికార్డులకెక్కాడు.  

కుర్రాళ్లు గర్జిస్తున్నారు. అండర్‌–19 ప్రపంచకప్‌లో అజేయంగా దూసుకెళ్తున్నారు. ఆసీస్‌పై 100 పరుగులతో జయభేరి మోగించిన యువ భారత్‌... వరుస మ్యాచ్‌ల్లో పపువా న్యూ గినియా, జింబాబ్వేలను 10 వికెట్లతో చిత్తు చేసింది. గ్రూప్‌ ‘బి’లో ఎదురు లేని జట్టుగా అగ్రస్థానంలో నిలి చింది. ఈనెల 26న జరిగే క్వార్టర్‌ ఫైనల్లో బంగ్లాదేశ్‌తో భారత్‌ తలపడనుంది.  మౌంట్‌ మాంగని (న్యూజిలాండ్‌): ఐసీసీ అండర్‌–19 ప్రపంచకప్‌లో కోచ్‌ రాహుల్‌ ద్రవిడ్‌ మార్గదర్శనంలో యువ భారత్‌ అజేయంగా దూసుకెళ్తోంది. ఇప్పటికే క్వార్టర్స్‌ చేరిన పృథ్వీ షా బృందం వరుసగా మూడో విజయంతో గ్రూప్‌‘బి’లో అజేయంగా నిలిచి అగ్రస్థానాన్ని దక్కించుకుంది. శుక్రవారం జరిగిన ఆఖరి లీగ్‌ మ్యాచ్‌లో భారత అండర్‌–19 జట్టు 10 వికెట్ల తేడాతో జింబాబ్వేను చిత్తు చేసింది. టాస్‌ నెగ్గి మొదట బ్యాటింగ్‌కు దిగిన జింబాబ్వే 48.1 ఓవర్లలో 154 పరుగుల వద్ద ఆలౌటైంది. మిల్టన్‌ శుంబా (59 బంతుల్లో 36; ఒక సిక్స్‌) టాప్‌ స్కోరర్‌. మధెవెరె (30; 3 ఫోర్లు), కెప్టెన్‌ రోచ్‌ (31; ఫోర్, సిక్స్‌) రాణించారు. భారత బౌలర్లు అనుకూల్‌ రాయ్‌ (4/20), అభిషేక్‌ వర్మ (2/22), అర్షదీప్‌ సింగ్‌ (2/10) జింబాబ్వేను దెబ్బతీశారు. ఒకదశలో జింబాబ్వే 110/3 స్కోరుతో పటిష్టంగానే కనిపించింది. అయితే లెఫ్టార్మ్‌ స్పిన్నర్లు అనుకూల్, అభిషేక్‌లు తిప్పేయడంతో 44 పరుగుల వ్యవధిలోనే  చివరి 7 వికెట్లు కోల్పోయింది. తర్వాత 155 పరుగుల సునాయాస లక్ష్యాన్ని భారత్‌ కేవలం 21.4 ఓవర్లలో వికెట్‌ కోల్పోకుండా ఛేదించింది. ఓపెనర్లు శుభ్‌మాన్‌ గిల్‌ (59 బంతుల్లో 90 నాటౌట్‌; 14 ఫోర్లు, 1 సిక్స్‌), హార్విక్‌ దేశాయ్‌ (73 బంతుల్లో 56; 8 ఫోర్లు, 1 సిక్స్‌) అజేయ అర్ధసెంచరీలతో కదంతొక్కారు. శుభ్‌మాన్‌కు ‘మ్యాన్‌ ఆఫ్‌ ద మ్యాచ్‌’ అవార్డు దక్కింది.  ఇప్పటికే ఆస్ట్రేలియా, పపువా న్యూగినియాలపై గెలుపొందిన భారత్‌... ఈనెల 26న జరిగే క్వార్టర్‌ ఫైనల్లో బంగ్లాదేశ్‌తో తలపడనుంది.   బెంబేలెత్తించిన రాల్స్‌టన్‌ (7/15)  క్రికెట్‌ కూన పపువా న్యూ గినియా (పీఎన్‌జీ)పై ఆస్ట్రేలియా జూలు విదిల్చింది. తమ చివరి లీగ్‌లో ఆసీస్‌ 311 పరుగుల తేడాతో భారీ విజయం సాధించింది. మొదట 8 వికెట్లకు 370 పరుగులు చేసిన ఆస్ట్రేలియా... తర్వాత పీఎన్‌జీని 24.5 ఓవర్లలో 59 పరుగులకే కుప్పకూల్చింది. ఆసీస్‌ బౌలర్‌ జాసన్‌ రాల్స్‌టన్‌ (7/15) నిప్పులు చెరిగాడు. టోర్నమెంట్‌ చరిత్రలో ఏడు వికెట్లు తీసిన మూడో బౌలర్‌గా రికార్డులకెక్కాడు. అంతకుముందు ఆసీస్‌ ఇన్నింగ్స్‌లో ఓపెనర్‌ మెక్‌స్వీని (156; 18 ఫోర్లు, 4 సిక్సర్లు) ఆకాశమే హద్దుగా చెలరేగాడు. కెప్టెన్‌ జాసన్‌ జస్‌కీరత్‌ సింగ్‌ సంఘా (88; 5 ఫోర్లు, 2 సిక్స్‌లు), పరమ్‌ ఉప్పల్‌ (61; 5 ఫోర్లు, 2 సిక్స్‌లు) రాణించారు. గ్రూప్‌ ‘బి’లో భారత్‌తో పాటు ఆస్ట్రేలియా క్వార్టర్‌ ఫైనల్‌ చేరింది. గ్రూప్‌ ‘డి’లో శ్రీలంకపై 3 వికెట్ల తేడాతో గెలిచిన పాకిస్తాన్‌ కూడా క్వార్టర్‌ ఫైనల్‌ బెర్త్‌ ఖాయం చేసుకుంది.    

మౌంట్‌ మాంగనీ: వరుస విజయాలతో అండర్‌–19 ప్రపంచకప్‌ క్వార్టర్‌ ఫైనల్‌కు చేరిన భారత యువ జట్టు శుక్రవారం తమ చివరి లీగ్‌ మ్యాచ్‌లో జింబాబ్వేతో తలపడనుంది. తొలి మ్యాచ్‌లో పటిష్ట ఆస్ట్రేలియాను మట్టి కరిపించిన పృథ్వీ షా బృందం రెండో మ్యాచ్‌లో పసికూన పపువా న్యూ గినియాపై ఘన విజయం సాధించి మంచి ఊపుమీద ఉంది. ఇదే వరుసలో జింబాబ్వేపై గెలుపొంది అజేయంగా నాకౌట్‌కు వెళ్లాలని భారత జట్టు భావిస్తోంది. ఇప్పటికే గ్రూప్‌ ‘బి’ నుంచి భారత్, ఆస్ట్రేలియా జట్లు రెండు విజయాలతో క్వార్టర్స్‌కు చేరుకున్నాయి.    ఉదయం 6.30 గంటల నుంచి స్టార్‌ స్పోర్ట్స్‌–1లో ప్రత్యక్ష ప్రసారం   

మౌంట్‌ మాంగనీ: వరుసగా రెండో విజయంతో భారత జట్టు అండర్‌–19 ప్రపంచకప్‌ క్రికెట్‌ టోర్నమెంట్‌లో క్వార్టర్‌ ఫైనల్లోకి దూసుకెళ్లింది. పసికూన పపువా న్యూ గినియాతో మంగళవారం జరిగిన గ్రూప్‌ ‘బి’ లీగ్‌ మ్యాచ్‌లో టీమిండియా 10 వికెట్ల తేడాతో ఘనవిజయం సాధించింది. భారత కెప్టెన్‌ పృథ్వీ షా టాస్‌ గెలిచి ఫీల్డింగ్‌ ఎంచుకోగా... తొలుత బ్యాటింగ్‌కు దిగిన పపువా న్యూ గినియా జట్టు భారత బౌలర్ల ధాటికి 21.5 ఓవర్లలో కేవలం 64 పరుగులకే కుప్పకూలింది. ఒవియా సామ్‌ (15), సిమోన్‌ అతాయ్‌ (13), సినక అరువా (12) మాత్రమే రెండంకెల స్కోరు చేశారు. నలుగురు బ్యాట్స్‌మెన్‌ డకౌట్‌ అయ్యారు. భారత స్పిన్నర్‌ ‘మ్యాన్‌ ఆఫ్‌ ద మ్యాచ్‌’ అనుకూల్‌ రాయ్‌ 14 పరుగులిచ్చి 5 వికెట్లు పడగొట్టడం విశేషం. అనంతరం భారత్‌ 8 ఓవర్లలో వికెట్లేమీ నష్టపోకుండా 67 పరుగులు చేసి గెలుపొందింది. ఓపెనర్‌ పృథ్వీ షా (36 బంతుల్లో 57 నాటౌట్‌; 12 ఫోర్లు) దూకుడుగా ఆడి అర్ధ సెంచరీ చేయగా... మన్‌జ్యోత్‌ కాల్రా (9 నాటౌట్‌) అతనికి అండగా నిలిచాడు. భారత్‌ తమ తదుపరి మ్యాచ్‌ ఈనెల 19న జింబాబ్వేతో ఆడుతుంది.

బే ఓవెల్ : పృథ్వీ షా సారథ్యంలోని భారత కుర్రాళ్లు న్యూజిలాండ్‌లో జరగుతున్న అండర్‌ -19 ప్రపంచకప్‌లో అదరగొడుతున్నారు. ఆదివారం ఆస్ట్రేలియాతో జరిగిన మ్యాచ్‌లో బ్యాట్స్‌మన్‌ 328 పరుగుల భారీ లక్ష్యాన్ని నిర్దేశించగా.. పదునైన బంతులతో భారత పేస్‌ బృందం ఆస్ట్రేలియా బ్యాట్స్‌మన్‌ను ముప్పతిప్పలు పెట్టింది. భారత పేసర్లు శివం మవి, కమలేశ్‌ నగర్‌కోటి, ఇషాన్‌ పొరెల్‌లు స్థిరంగా 145 పైచిలుకూ వేగంతో బంతులు విసిరారు. వేగం, కచ్చితమైన లైన్‌ అండ్‌ లెంగ్త్‌తో బౌలింగ్‌ చేస్తున్న ఈ ముగ్గురిని గుర్తించిన టీమిండియా మాజీ కెప్టెన్‌ సౌరవ్‌ గంగూలీ.. విరాట్‌ కొహ్లీ, వీవీఎస్‌ లక్ష్మణ్‌ల దృష్టికి తీసుకెళ్లారు. భవిష్యత్‌పై ఆశలు చిగురింపజేస్తున్న వీరిపై దృష్టి సారించాలని కోరారు. కాగా, మ్యాచ్‌లో వేగవంతమైన డెలివరి(149 కి.మీ)ను నగర్‌కోటి విసిరాడు. ఈ మ్యాచ్‌లో ఆస్ట్రేలియాపై భారత్‌ 100 పరుగుల తేడాతో ఘన విజయం సాధించింది. అండర్‌-19 జట్టుకు రాహుల్‌ ద్రవిడ్‌ కోచ్‌గా వ్యవహరిస్తున్న విషయం తెలిసిందే. (చదవండి.. మనకు సచిన్‌ మళ్లీ దొరికాడు..!)

బే ఓవెల్ : అండర్-19 ప్రపంచ‌కప్‌లో భాగంగా ఆస్ట్రేలియాతో జరిగిన మ్యాచ్‌లో భారత జట్టు కెప్టెన్ పృథ్వీ షా చెలరేగిపోయాడు. 100 బంతుల్లో 8 ఫోర్లు, 2 సిక్సులతో 94 పరుగులు చేసిన పృథ్వీ జట్టు విజయంలో కీలక పాత్ర పోషించాడు. అయితే, ఈ మ్యాచ్‌లో అద్భుత షాట్‌ను ఆడి క్రికెట్‌ పండితులను, ఫ్యాన్స్‌ను ఆశ్చర్యంలో ముంచెత్తాడు. అచ్చూ సచిన్‌లానే పృథ్వీ ఆడిన స్ట్రెయిట్‌ డ్రైవ్‌లు కామెంటెటర్లను కూడా ఆశ్చర్యచకితుల్ని చేశాయి. ఒక్కొతరానికి ఒక్కొక్కరు పేరుతో సునీల్‌ గవాస్కర్‌, సచిన్‌, కొహ్లీల సరసన పృథ్వీని కూడా చేర్చుతూ సోషల్‌మీడియాలో అభిమానులు కామెంట్లు పెడుతున్నారు.

క్రైస్ట్‌చర్చ్‌: యువ కెరటాల క్రికెట్‌ పండుగకు నేడు తెరలేవనుంది. 22 రోజుల పాటు సాగనున్న అండర్‌–19 క్రికెట్‌ ప్రపంచకప్‌ తొలి రోజున అఫ్ఘానిస్తాన్‌తో పాకిస్తాన్‌; పపువా న్యూ గినియాతో జింబాబ్వే; బంగ్లాదేశ్‌తో నమీబియా; ఆతిథ్య న్యూజిలాండ్‌తో డిఫెండింగ్‌ చాంపియన్‌ వెస్టిండీస్‌ తలపడతాయి. ఈ టోర్నీలో భారత్‌ ఆదివారం ఆస్ట్రేలియాతో మౌంట్‌ మాంగనీలో తొలి మ్యాచ్‌ ఆడనుంది. ఇప్పటికే మూడుసార్లు ట్రోఫీని ముద్దాడి గత టోర్నీలో చివరి మెట్టుపై బోల్తా కొట్టిన యువ భారత జట్టు ఈసారి ఎలాగైనా కప్‌ కైవసం చేసుకోవాలని పట్టుదలగా ఉంది. ‘మిస్టర్‌ డిపెండబుల్‌’ రాహుల్‌ ద్రవిడ్‌ కోచ్‌గా వ్యవహరిస్తుండటం భారత్‌కు సానుకూలాంశం. దేశవాళీల్లో చెలరేగుతున్న పృథ్వీ షా నిలకడగా రాణిస్తే... మన జట్టుకు ఎదురుండదు. అతనితో పాటు మిగతా ఆటగాళ్లు కూడా సత్తాచాటి జాతీయ సీనియర్‌ జట్టుకు ఆడాలని ఉవ్విళ్లూరుతున్నారు. ఈ సందర్భంగా ద్రవిడ్‌ మాట్లాడుతూ... ‘మా రోజుల్లో ఈ టోర్నీ లేదు. 1988 తర్వాత పదేళ్ల పాటు అండర్‌–19 వరల్డ్‌కప్‌ నిర్వహించలేదు. అందుకే మాకు ఇందులో పాల్గొనే అవకాశం దక్కలేదు. ఇది కుర్రాళ్లకు చక్కటి అవకాశం’ అని తెలిపాడు.  

సాక్షి, హైదరాబాద్‌: 2008 అండర్‌-19 ప్రపంచకప్‌ను గెలుచుకోని భారత క్రికెట్‌లోకి తారాజువ్వలా దూసుకొచ్చాడు టీమిండియా కెప్టెన్‌ విరాట్‌ కోహ్లి. అయితే ఈ ప్రపంచకప్‌ టీమ్‌లో సభ్యుడు.. ఫైనల్లో సౌతాఫ్రికాను దెబ్బతీసిన బౌలర్‌ అజితేష్‌ అర్గల్‌ మాత్రం ప్రస్తుతం ఏం చేస్తున్నాడో తెలిస్తే షాక్‌కు గురవుతారు. ఈ ఫైనల్‌ మ్యాచ్‌లో ఐదు ఓవర్లు వేసిన ఈ ఫాస్ట్‌ బౌలర్‌ కేవలం ఏడు పరుగులు ఇచ్చి రెండు కీలక వికెట్లు పడగొట్టి ‘చిన్న కోహ్లి సేన’ను ప్రపంచ విజేతగా నిలబెట్టాడు. ఈ అద్భుత ప్రదర్శనతో మ్యాన్‌ ఆఫ్‌ దిమ్యాచ్‌ కూడా అందుకున్నాడు. అంతేగాకుండా ఐపీఎల్‌ ప్రారంభమైన తొలి సీజన్‌లోనే కింగ్స్‌ఎలెవన్‌ పంజాబ్‌జట్టుతో ఒప్పందం కుదుర్చు‍కున్నాడు. కాకపోతే సీనియర్‌ బౌలర్లు ఉండటంతో అజితేష్‌కు ఆడే అవకాశం రాలేదు. అనంతరం 2013 వరకు ఫస్ట్‌ క్లాస్‌ క్రికెట్‌ ఆడిన అజితేష్‌ జాతీయ జట్టులోకి మాత్రం రాలేకపోయాడు.  దీంతో క్రికెట్‌కు స్వస్తీ చెప్పి ఇన్‌కమ్‌టాక్స్‌ డిపార్ట్‌మెంట్‌లో ఇన్‌స్పెక్టర్‌గా ఉద్యోగం సాధించాడు. ప్రస్తుతం వడోదరలో ఉద్యోగం చేస్తున్నాడు.  మెరుగైన బంతులతో బ్యాట్స్‌మెన్‌ను ఇబ్బంది పెట్టే అజితేష్‌ 10 ఏళ్ల వయసులోనే మధ్యప్రదేశ్‌ అండర్‌-14 జట్టుకు ప్రాతినిథ్యం వహించాడు. అదృష్టం వెక్కిరిస్తే అరటి పండు తిన్నా పళ్లు ఇరుగుతాయన్నట్లు ఈ క్రికెటర్‌ను కూడా దురదృష్టం వెంటాడింది. తన అండర్‌-19 టీమ్‌ మెట్స్‌ల్లో కోహ్లి టీమిండియా కెప్టెన్‌ కాగా.. రవీంద్ర జడేజా ప్రపంచ స్టార్‌ స్పిన్నర్‌గా, అభినవ్‌ ముకుంద్‌, మనీష్‌ పాండేలు ఐపీఎల్‌ స్టార్‌లుగా ఎదిగారు.


 అండర్‌–19 ప్రపంచకప్‌ షెడ్యూల్‌ విడుదల  
 
 దుబాయ్‌: వచ్చే ఏడాది జనవరి 13 నుంచి ఫిబ్రవరి 3 వరకు న్యూజిలాండ్‌లో జరిగే అండర్‌–19 ప్రపంచకప్‌ షెడ్యూల్‌ను ఐసీసీ విడుదల చేసింది. మూడుసార్లు చాంపియన్‌గా నిలిచిన భారత కుర్రాళ్లు తమ తొలి మ్యాచ్‌లో ఆస్ట్రేలి యాను ఎదుర్కోనున్నారు. గ్రూప్‌ ‘బి’లో ఈ రెండు జట్లతో పాటు జింబాబ్వే, పపువా న్యూ గినియా జట్లు కూడా ఉన్నాయి. మొత్తం 16 జట్లను 4 గ్రూపులుగా విభజించారు. టోర్నీ ప్రారంభ మ్యాచ్‌లో డిఫెండింగ్‌ చాంపియన్‌ వెస్టిండీస్‌... న్యూజిలాండ్‌తో తలపడుతుంది.
 
 మ్యాచ్‌లు క్రైస్ట్‌చర్చ్, క్వీన్స్‌టౌన్, టౌరంగ, వాంగరీలోని ఏడు మైదానాల్లో జరుగుతాయి. ప్రతీ గ్రూప్‌లోని టాప్‌–2 జట్లు సూపర్‌ లీగ్‌కు అర్హత సాధిస్తాయి. వీటి మధ్య క్వార్టర్స్, సెమీ స్, ఫైనల్‌ మ్యాచ్‌లు జరుగుతాయి. మిగిలిన 8 జట్ల మధ్య ప్లేట్‌ చాంపియన్‌షిప్‌ జరుగుతుంది. ఇది కూడా ప్రధాన టోర్నీతో పాటే జరగడంతో పాటు జనవరి 28న ఫైనల్‌ ఉంటుంది.


 • కోచ్‌ పాత్రలో విశేషంగా రాణిస్తున్న రాహుల్‌ ద్రవిడ్‌  
 • భారత యువ జట్లకు చక్కటి మార్గనిర్దేశనం
 • కుర్రాళ్ల వరుస విజయాల్లో కీలకపాత్ర  
 
 దాదాపు ఏడాదిన్నర క్రితం బీసీసీఐ ముగ్గురు సభ్యులతో కూడిన క్రికెట్‌ సలహా కమిటీని ప్రకటించింది. సచిన్‌ టెండూల్కర్, సౌరవ్‌ గంగూలీ, వీవీఎస్‌ లక్ష్మణ్‌ ఇందులో సభ్యులు. ఈ జాబితా చూసిన ప్రతి ఒక్కరికీ ఒకటే సందేహం.. ఇందులో రాహుల్‌ ద్రవిడ్‌ ఎక్కడ అని. అయితే నాలుగు గోడల మధ్య కూర్చుని ఏవో సలహాలు ఇవ్వడం ఈ మిస్టర్‌ డిపెండబుల్‌కు నచ్చని పని. అందుకే భారత క్రికెట్‌ భవిష్యత్‌ వెలిగిపోవాలంటే ఓ మాజీ ఆటగాడిగా తానేమి చేయగలనో బోర్డుకు స్పష్టంగా సంకేతాలు పంపారు. ఫలితంగా భారత్‌ ‘ఎ’, అండర్‌–19 కోచ్‌గా ద్రవిడ్‌ రెండో ఇన్నింగ్స్‌ ప్రారంభమైంది. బరిలోకి దిగడమే ఆలస్యం యువ క్రికెటర్ల ఆటకు మెరుగులు దిద్దడమే కాకుండా మంచి ఫలితాలతో భారత క్రికెట్‌కు భరోసా ఇచ్చే పనిలో బిజీ బిజీగా ఉన్నారు.
 
 కరుణ్‌ నాయర్‌పై ద్రవిడ్‌ ప్రభావం
 ఇంగ్లండ్‌తో ఇటీవల ముగిసిన చివరి టెస్టులో తన మూడో మ్యాచ్‌లోనే కరుణ్‌ నాయర్‌ ట్రిపుల్‌ సెంచరీతో రికార్డు సృష్టించిన విషయం తెలిసిందే. అయితే ఈ అసమాన బ్యాటింగ్‌ తీరుపై రాహుల్‌ ద్రవిడ్‌ ప్రభావాన్ని కొట్టిపారేయలేం. ఎందుకంటే ఐపీఎల్‌లో నాయర్‌ ఢిల్లీ డేర్‌డెవిల్స్‌ ఆటగాడు. ఆ జట్టుకు మెంటార్‌గా ద్రవిడ్‌ వ్యవహరిస్తున్నారు. అంతేకాకుండా ఇండియా ‘ఎ’ తరఫున కూడా ఆడాడు. అక్కడా కోచ్‌ ద్రవిడే. దీంతో ఐపీఎల్‌లో కానీ, నెట్స్‌లో కానీ ద్రవిడ్‌తో ఎక్కువ సాన్నిహిత్యం నాయర్‌కు కలిగింది. తన బ్యాటింగ్‌ బలహీనతలను ఆయనతో పంచుకుని లోపాలను సరిదిద్దుకున్నాడు. తద్వారా ఈ కర్ణాటక ఆటగాడు ఐపీఎల్‌లోనూ మెరుగ్గా రాణించి అంతర్జాతీయ స్థాయిలోనూ సత్తా చాటుకున్నాడు.
 
 సాక్షి క్రీడా విభాగం
 ఈ ఏడాది ఫిబ్రవరిలో జరిగిన అండర్‌–19 ప్రపంచకప్‌లో పాల్గొన్న భారత జట్టుకు రాహుల్‌ ద్రవిడ్‌ కోచ్‌గా బాధ్యతలు చేపట్టారు. అంతకుముందు భారత ‘ఎ’ జట్టు ఆయన ఆధ్వర్యంలోనే ఆస్ట్రేలియా, దక్షిణాఫ్రికా ‘ఎ’ జట్లతో జరిగిన ముక్కోణపు సిరీస్‌ను కైవసం చేసుకుంది. నిజానికి ఈ ఆటగాళ్లలో చాలామందికి రంజీ మ్యాచ్‌లు ఆడిన అనుభవం ఉంది. వారికి శిక్షణపరంగా పెద్దగా సలహాలు ఇవ్వాల్సిన అవసరం కూడా లేదు. ‘ప్రాథమిక స్థాయి శిక్షణ వారికి అవసరం లేదు. నా ఉద్దేశం కూడా వారికి పాఠాలు చెప్పడం కాదు. నిజానికి ఎలా ఆడాలో వారికి చెప్పాల్సిన అవసరం లేదు. వారు సమర్థులు కాబట్టే జట్టులో ఉన్నారు. కాకపోతే వారిని మరింత మెరుగైన స్థాయికి తీసుకొచ్చేందుకు తగిన మార్గనిర్దేశనం అవసరం’ అని ద్రవిడ్‌ అప్పట్లో చెప్పారు.
 అయితే ద్రవిడ్‌కు అసలు సిసలు పరీక్ష అండర్‌–19 ప్రపంచకప్‌లోనే ఎదురైంది. తన సత్తాకు ఈ టోర్నీ సవాల్‌గా నిలిచింది. ఎలాగైనా జాతీయ జట్టులో చోటు దక్కించుకోవాలని ఆటగాళ్లు కలలు కనే వయస్సు అది. వీరిని అత్యంత నైపుణ్యం కలిగిన ఆటగాళ్లుగా తీర్చిదిద్దితేనే భారత క్రికెట్‌కు మంచి భవిష్యత్తు ఉంటుంది. ఇలాంటి బృహత్తర బాధ్యత తనపైనే ఉండగా దీనికి తగ్గట్టుగానే ఇషాన్‌ కిషన్‌ నేతృత్వంలోని ఆ జట్టు అద్భుత ఫలితాలు సాధించింది. ఒక్క మ్యాచ్‌ కూడా ఓడిపోకుండా ఫైనల్‌కు వెళ్లి రన్నరప్‌ కాగలిగింది. కుర్రాళ్ల ఆటతీరులోనూ గణనీయంగా మార్పు కనిపించింది.
 ముఖ్యంగా సర్ఫరాజ్‌ ఖాన్, రిషబ్‌ పంత్, అర్మాన్‌ జాఫర్, అన్‌మోల్‌ప్రీత్‌ సింగ్‌ విశేషంగా ఆకట్టుకున్నారు. ‘పరాజయమనేదే లేకుండా ప్రతీసారి విజయం సాధించడం గురించి మనం ఆలోచించకూడదు. ఈ సమయంలో మీకు ఓటమి రావడం మంచిదే. అయితే మున్ముందు ఎదురయ్యే సవాళ్ల కోసం మాత్రం ఇప్పటి నుంచే సిద్ధం కండి’ ఇదీ అండర్‌–19 ప్రపంచకప్‌ ఫైనల్లో ఓటమి అనంతరం జట్టుకు ద్రవిడ్‌ చెప్పిన మాటలు.
 
 కొత్త కుర్రాళ్లతో బరిలోకి...
 శుక్రవారం శ్రీలంకలో ముగిసిన అండర్‌–19 ఆసియా కప్‌లో మాత్రం భారత్‌ పూర్తిగా కొత్త కుర్రాళ్లతో బరిలోకి దిగింది. ప్రతీ ఆటగాడికి ఆడే అవకాశం రావాలనే ముందుచూపుతో ఆలోచించిన కోచ్‌ ద్రవిడ్‌ సూచనల ప్రకారం సెలక్టర్లు ఈ నిర్ణయం తీసుకున్నారు. అంతేకాకుండా ఆయన సలహాపైనే ఏ ఆటగాడు కూడా రెండు అండర్‌–19 ప్రపంచకప్‌లు ఆడకూడదని బీసీసీఐ ఈ ఏడాది జూన్‌లో నిర్ణయం తీసుకుంది. దీంతో 2018లో జరిగే ఈ మెగా టోర్నీకి సన్నద్ధం కావాలంటే ఆసియా కప్‌ను మంచి అవకాశంగా భావించారు. ఆరు జట్లు పాల్గొన్న ఈ టోర్నీలో పాకిస్తాన్‌ కూడా ఇలాగే ప్రపంచకప్‌ ఆడిన అనుభవంలేని ఆటగాళ్లతోనే ఆడింది. అయితే పాక్‌ జట్టు అఫ్ఘానిస్తాన్‌ చేతిలో ఓడి లీగ్‌ దశలోనే వెనక్కి వెళ్లింది. అయితే కొత్త ఆటగాళ్లయినా భారత్‌ మాత్రం దుమ్ము రేపింది. 2012 నుంచి వరుసగా మూడోసారి చాంపియన్‌గా నిలిచింది. పృథ్వీ షా, హిమాన్షు రాణా, అభిషేక్‌ శర్మ వెలుగులోకి వచ్చారు.
 అయితే దీనికి ముందు ద్రవిడ్‌ ఈ టోర్నీకి తగిన ప్రణాళికలతో సిద్ధమయ్యారు. ఇందుకు వీడియో విశ్లేషకుడు దేవరాజ్‌ రౌత్‌ సహాయం తీసుకున్నారు. భారత్‌ ఆడే మ్యాచ్‌ మొత్తాన్ని ఆయన చిత్రీకరించి అందులోంచి కొన్ని భాగాలను ఎడిట్‌ చేసి వారి ఆటతీరును పరిశీలించుకునేందుకు ప్రతీ ఆటగాడికి ఇచ్చేవారు. దీంతో తాము ఎక్కడ తప్పులు చేస్తున్నామనే విషయం వారికి బోధపడి దానికి అనుగుణంగా మార్పులు చేసుకున్నారు. అందుకే కొలంబో బయలుదేరడానికి కొద్ది రోజుల ముందు ఏడుగురు ఆటగాళ్ల వయస్సు విషయం వివాదాస్పదమై అప్పటికప్పుడు ఇతర ఆటగాళ్లు జట్టులో చేరినా ద్రవిడ్‌ పక్కా వ్యూహంతో వెళ్లడంతో ఇబ్బంది కాలేదు. అంతేకాకుండా ఈ టోర్నీ కోసం ఆటగాళ్లను ఎంపిక చేసేందుకు ప్రతీ జోన్‌లో అండర్‌–16, 19 శిక్షణ శిబిరాలను ఏర్పాటు చేశారు. వారి ఎంపిక ముగిశాక తగిన శిక్షణ ఇవ్వడం ఆరంభించారు.
 ఈ ఏడాది ఆరంభంలో క్రికెట్‌లో తగిన సవాళ్లను ఎదుర్కొనేందుకు ఆటగాళ్లను డ్యూక్స్, ఎస్‌జీ, కూకాబుర్రా బంతులతో ఆడించారు. అక్టోబర్‌లో జరిగిన అండర్‌–19 చాలెంజర్‌ టోర్నీలోనూ ఈ జట్టు ఆడింది. ఇలాంటి ముందుచూపు ప్రణాళికలతో రాహుల్‌ ద్రవిడ్‌ బృందం ఆసియాకప్‌లో చాంపియన్‌గా నిలవగలిగింది. ప్రస్తుతానికి భారత క్రికెట్‌ జట్టు వన్టేల్లో, టెస్టుల్లో పటిష్టంగానే కనిపిస్తున్నా ఎప్పుడు అవసరమైతే అప్పుడు జట్టులో చేరేందుకు యువ ఆటగాళ్లను తీర్చిదిద్దే పనిలో ద్రవిడ్‌ తీరికలేకుండా ఉండడం మన క్రికెట్‌కు మేలు చేకూర్చే అంశం. తన ఆటతో సుదీర్ఘ కాలం పాటు భారత క్రికెట్‌కు వెన్నెముకలా నిలిచిన ద్రవిడ్‌... ఇప్పుడు తర్వాత తరాన్ని కూడా అదే రీతిలో వెన్నుతట్టి ప్రోత్సహిస్తూ సరైన దిశగా నడిపిస్తున్నారు.


 అండర్-19 ప్రపంచకప్‌లో ఎవరైనా ఒక్కసారి మాత్రమే పాల్గొనేలా బీసీసీఐ నిబంధన విధించడం మంచి పరిణామమని భారత ‘ఎ’ జట్టు కోచ్ రాహుల్ ద్రవిడ్ అభిప్రాయ పడ్డారు. తప్పుడు వయో ధ్రువీకరణ పత్రాలతో ఎక్కువ కాలం అండర్-19 స్థాయిలోనే ఆడుతున్నవారిని దీని ద్వారా నిరోధించే అవకాశం ఉందని ఆయన అన్నారు. కుర్రాళ్లనుంచి ఫలితాలు ఆశించడం కంటే ఎక్కువ మందికి అవకాశం కల్పించడం ముఖ్యమని, అందు కోసం ఈ వయో విభాగంలో పెద్ద సంఖ్యలో ఆటగాళ్లను సిద్ధంగా ఉంచాలని ద్రవిడ్ సూచించారు.


 కుర్రాళ్లు అద్భుతంగా రాణించారు
 ఫైనల్ ఓటమి నుంచి  నేర్చుకోవాలి
 అండర్-19 జట్టు కోచ్ రాహుల్ ద్రవిడ్
  
 ముంబై: అండర్-19 ప్రపంచకప్‌లో వరుస విజయాలతో దూసుకెళ్లిన యువ భారత్ ఆఖరి మెట్టుపై బోల్తా పడిన విషయం తెలిసిందే. అయితే టోర్నీ ఆద్యంతం ఆటగాళ్లు చూపించిన ప్రదర్శన తనకు సంతోషాన్ని కలిగించిందని కోచ్ రాహుల్ ద్రవిడ్ తెలిపారు. మున్ముందు ఈ టోర్నీ వారికి మంచి అనుభవంగా ఉపయోగపడుతుందని చెప్పారు. భవిష్యత్‌లో అనేక సవాళ్లు ఎదురవుతాయని, వాటిని అధిగమించి మంచి క్రికెటర్లుగా రూపుదిద్దుకోవాల్సిన అవసరం ఉందని కుర్రాళ్లకు సూచించారు. అలాగే టోర్నీకి ముందే యువ ఆటగాళ్ల ముందు రెండు పాయింట్ల అజెండాను కోచ్ రాహుల్ ద్రవిడ్ ఉంచారు. ఒకటి.. టోర్నీలో అద్భుత ప్రదర్శన కొనసాగించడం.. మరోటి అదే జోరును భవిష్యత్‌లోనూ కొనసాగేలా చూడడం. వీటిని ఈ వర్ధమాన క్రికెటర్లు కొనసాగిస్తారని ఆశిస్తున్నట్టు చెబుతున్న రాహుల్ ద్రవిడ్ ఇంటర్వ్యూ
  
 ఫైనల్ అనంతరం నిరాశలో ఉన్న కుర్రాళ్లకు ఎలాంటి సందేశాన్నిచ్చారు?
 ద్రవిడ్: నిజంగా కుర్రాళ్లు ఈ ఓటమిని జీర్ణించుకోవడం కష్టమే. అయితే వారికి ఈ ఓటమి కూడా పాఠంలాగా ఉపయోగపడుతుందని ఆశిస్తున్నాను. ప్రతీ అనుభవం నుంచి మనం నేర్చుకోవాల్సిందే. జయాపజయాల నుంచి మనం ఎంతో కొంత నేర్చుకుంటే భవిష్యత్‌లో ఉత్తమ క్రికెటర్‌గా నిలవగలం.
  
 టైటిల్ గెలిచిన వెస్టిండీస్‌పై మీ అభిప్రాయం?
 విండీస్ జట్టు ప్రదర్శన నన్ను అమితంగా ఆకట్టుకుంది. ముఖ్యంగా వారి బౌలింగ్ విభాగం. ఇద్దరు ఓపెనింగ్ బౌలర్లు లైన్ అండ్ లెంగ్త్‌ను పాటిస్తూ మా జట్టును తీవ్రంగా ఇబ్బందిపెట్టారు. నాకౌట్స్‌లో మూడు కఠిన మ్యాచ్‌లు ఆడి వారు విజయాలు సాధిం చారు. ఇక్కడి పిచ్‌లు వారి బౌలింగ్‌కు చక్కగా సహకరించాయి.
  
 భారత బ్యాట్స్‌మెన్ విండీస్ పేస్‌ను సమర్థంగా ఎదుర్కోగలిగారని భావిస్తున్నారా?
 వాస్తవానికి ఈ విషయంలో విండీస్ బౌలర్లకు క్రెడిట్ దక్కుతుంది. చక్కటి లైన్ అండ్ లెంగ్త్‌తో బంతులు విసిరి ఇబ్బంది పెట్టారు. మ్యాచ్ మొత్తం ఒత్తిడిని పెంచారు. పరుగులు చేసేందుకు వారు సులువైన బంతులను విసిరింది లేదు. మేం 15-20 ఓవర్లలోనే చాలా వికెట్లను కోల్పోయాం. ఇది వారికి మరింత హుషారునిచ్చింది. వెనక్కి చూసుకుంటే ఆరంభంలో మేం మెరుగ్గా బ్యాటింగ్ చేయాల్సిందనిపించింది. అయినా కుర్రాళ్లు పోరాడి మ్యాచ్‌ను చివరి ఓవర్ వరకు తేగలిగారు. ఇది నన్ను గర్వపడేలా చేసింది.
  
 భారత జట్టు పోరాటపటిమపై మీ అభిప్రాయం?
 గత మూడు నెలల నుంచి మేం చాలా ఒత్తిడితో కూడిన పరిస్థితులను ఎదుర్కొన్నాం. భారత్.. శ్రీలంక.. వరల్డ్‌కప్‌లోనూ.. అయినా ఇలాంటి వాటి నుంచి ఎలా బయపడాలో కూడా నేర్చుకున్నాం. జట్టులో మంచి టీమ్ స్పిరిట్ ఉంది. కఠిన పరిస్థితులకు ఎదురొడ్డి నిలిచే అంకితభావం ఆటగాళ్లలో ఉంది. దురదృష్టవశాత్తూ ఫైనల్లో మాకు ఎదురైన అలాంటి పరిస్థితి నుంచి బయటపడలేకపోయాం. ఈ వికెట్‌పై 146 పరుగులు చేసి నెగ్గడం అంత సులువు కాదు. మరి కాస్త పరుగులు చేయాల్సింది.
  
 సూపర్ ఫామ్‌లో ఉన్న సర్ఫరాజ్ ఆటను ఎలా విశ్లేషిస్తారు?
 పరుగుల పరంగా, గణాంకాల పరంగా అతడికి ఈ టోర్నీ ప్రత్యేకమైనది. అయితే ఆరు మ్యాచ్‌ల్లో ఐదు అర్ధసెంచరీలు చేసినా వీటిని భారీ స్కోర్లుగా మలచలేకపోయాడు. కనీసం రెండు సెంచరీలైనా చేసుండాల్సింది. ఆదివారం నాటి ఫైనల్ అతడి ఆటను మరింత ఎత్తుకు తీసుకెళ్లింది. కష్టసాధ్యమైన వికెట్‌పై 50కి పైగా పరుగులు చేసి జట్టుకు గౌరవప్రదమైన స్కోరును అందించాడు. జట్టులోని మరికొంతమంది ఆటగాళ్లలో నైపుణ్యానికి కొదవ లేదు. ఇలాంటి టోర్నీలు వారికి మంచి అనుభవంగా ఉపయోగపడతాయి.
  
 అండర్-19 జట్టుతో మీ అనుభవం?
 మూడు నెలలుగా వీరితో కలిసి సాగుతున్నాను. నాలాగే వారు కూడా నా సాన్నిహిత్యాన్ని ఆస్వాదించారని భావిస్తున్నాను. కొన్ని ఆలోచనలతో పాటు నేర్చుకునేందుకు అనువైన పరిస్థితులను వారికి కల్పించాలని భావించాను. కప్ గెలుచుకోవాలనే ఇక్కడికి వచ్చాం. అది నెరవేరకపోయినా తమకు దక్కిన అనుభవాలను మున్ముందు ఉత్తమ క్రికెటర్లుగా మారేందుకు దోహదపడతాయని అనుకుంటున్నాను.
  
 కుర్రాళ్ల భవిష్యత్ ఎలా ఉండబోతోంది?
 ప్రతీ ఆటగాడిలో క్రికెట్ పట్ల అంకితభావం కనిపిస్తోంది. వారు మరింత ఎత్తు ఎదిగేందుకు చాలా అవకాశాలున్నాయి. అయితే అన్నింటికన్నా పెద్ద సవాల్ ఏమిటంటే ఇక వారు బాలుర క్రికెట్ కాకుండా పురుషుల క్రికెట్ ఆడాల్సి ఉంది. గతంలోనే వారికి చెప్పాను... అండర్-19లో చోటు కోసం మీకన్నా టాలెంట్ లేని వారితో పోటీ పడి జట్టులోకొచ్చారు. కానీ ఇకనుంచి రోహిత్, విరాట్ కోహ్లిలాంటి సీనియర్లతో పోటీ పడాల్సి ఉంటుందని అన్నాను. నిజంగా వారికిది సవాలే. భారత సీనియర్ జట్టులో వీరిలో అందరికీ చోటు దక్కకపోవచ్చు. దీనికోసం అనేక సవాళ్లను ఎదుర్కోవాల్సి ఉంటుంది.


 ఫతుల్లా: అండర్-19 ప్రపంచకప్‌లో ఆతిథ్య బంగ్లాదేశ్ జట్టు మూడో స్థానంలో నిలిచింది. శనివారం శ్రీలంకతో జరిగిన ప్లేఆఫ్ మ్యాచ్‌లో బంగ్లా మూడు వికెట్ల తేడాతో గెలిచింది. ముందుగా బ్యాటింగ్ చేసిన లంక 48.5 ఓవర్లలో 214 పరుగులకు ఆలౌట్ అయ్యింది. అసలంక (76) టాప్ స్కోరర్. అనంతరం బ్యాటింగ్‌కు దిగిన బంగ్లా 49.3 ఓవర్లలో ఏడు వికెట్లకు 218 పరుగులు చేసింది. మెహదీ హసన్ మిరాజ్ (53) కీలక ఇన్నింగ్స్ ఆడాడు.


 ♦ అండర్-19 ప్రపంచకప్ ఫైనల్ నేడు
 ♦ వెస్టిండీస్‌తో భారత్ అమీతుమీ
 మిర్‌పూర్: ప్రస్తుత అండర్-19 ప్రపంచకప్‌లో ఒక్క పరాజయం కూడా లేకుండా దూసుకెళుతున్న యువ భారత్ రికార్డు స్థాయిలో నాలుగో టైటిల్‌ను గెలుచుకునేందుకు సిద్ధమవుతోంది. నేడు (ఆదివారం) స్థానిక షేరె బంగ్లా జాతీయ స్టేడియంలో జరిగే ఫైనల్లో భారత జట్టు వెస్టిండీస్‌ను ఢీకొంటుంది. చివరిసారి 2012లో ఉన్ముక్త్ చంద్ నేతృత్వంలోని భారత జట్టు ఈ టైటిల్ సాధించింది. అంతకుముందు 2000, 2008లోనూ కప్ గెలుచుకోగా ఈసారి కూడా చాంపియన్‌గా నిలిస్తే తొలిసారిగా ఈ టోర్నీని నాలుగుసార్లు గెలిచిన జట్టుగా రికార్డులకెక్కుతుంది.
 ప్రస్తుతం ఆసీస్ (3)తో సమంగా ఉంది. ఇప్పటిదాకా ఈ టోర్నీలో జరిగిన మ్యాచ్‌ల్లో కుర్రాళ్లు స్పష్టమైన ఆధిక్యంతో విజయాలు సాధించారు. ఆరంభంలో వికెట్లు త్వరగా పడినా కనీసం ఇద్దరు బ్యాట్స్‌మెన్ అయినా క్రీజులో నిలిచి అద్భుతమైన విజయాలను అందిస్తూ వచ్చారు. అయితే ఇప్పటిదాకా ఆడిన మ్యాచ్‌ల ఫలితాలతో సంబంధం లేకుండా ఈ చివరి మ్యాచ్‌ను ఎలాంటి అలక్ష్యానికి తావీయకుండా ముగించాల్సిన అవసరం ఉంది. మరోవైపు తమ సీనియర్ జట్టు పేలవ ప్రదర్శనతో పాతాళానికి దిగజారుతున్న నేపథ్యంలో భవిష్యత్‌పై ఆశలు కల్పిస్తూ వెస్టిండీస్ కుర్రాళ్లు ఈ టోర్నీలో సత్తా చాటారు. పటిష్ట బ్యాటింగ్ లైనప్ కలిగిన ఈ జట్టును తక్కువ అంచనా వేయకూడదు.
  కెప్టెన్ ఫామ్ ఆందోళనకరం
 ఈ టోర్నీలో భారత్ అన్ని మ్యాచ్‌లను గెలిచినప్పటికీ కెప్టెన్ ఇషాన్ కిషన్ భాగస్వామ్యం దాదాపు శూన్యమే. ఐదు ఇన్నింగ్స్‌లో కేవలం ఒక్క అర్ధ సెంచరీ మాత్రమే చేశాడు. కీలక ఫైనల్లో తన బ్యాట్‌ను ఝుళిపించి బాధ్యతను నెరవేర్చాల్సిన అవసరం ఉంది. రిషబ్ పంత్, సర్ఫరాజ్ ఫామ్ జట్టుకు రక్షగా ఉంది. రికీ భుయ్ స్థానంలో జట్టులోకి వచ్చిన అన్‌మోల్ ప్రీత్ సింగ్ సెమీస్‌లో లంకపై 72 పరుగులతో జట్టును ఆదుకున్నాడు. పేసర్ అవేశ్ ఖాన్ ఇప్పటికే 11 వికెట్లతో రెచ్చిపోగా స్పిన్నర్ మయాంక్ దాగర్ ఆకట్టుకుంటున్నాడు. మరోసారి అంతా సమష్టిగా రాణిస్తే టైటిల్ గెలవచ్చు.
 బ్యాటింగ్ పటిష్టం
 టోర్నీ చరిత్రలో రెండోసారి ఫైనల్‌కు చేరిన విండీస్ బ్యాట్స్‌మెన్‌ను కట్టడి చేసేందుకు భారత బౌలర్లు శ్రమించాల్సిందే. ముఖ్యంగా ఆల్‌రౌండర్ షమర్ స్ప్రింజర్ అత్యంత ప్రమాదకర ఆటగాడు. సెమీస్‌లో తమ జట్టును ఒంటి చేత్తో గెలిపించాడు. అలాగే ఓపెనర్ గిడ్రోన్ పోప్, హెట్‌మైర్ కుదురుకుంటే భారత్ చెమటోడ్చాల్సిందే. ఇక బౌలింగ్‌లో జోసెఫ్, హోల్డర్ తొలి పది ఓవర్లు చక్కటి పేస్, బౌన్స్‌తో బ్యాట్స్‌మెన్‌ను బెంబేలెత్తిస్తున్నారు. ఓవరాల్‌గా భారత్‌కు ఫైనల్లో గట్టి పోటీనే ఎదురుకావచ్చు.
 జట్లు: (అంచనా)
 భారత్: కిషన్ (కెప్టెన్), పంత్, అన్‌మోల్, సర్ఫరాజ్, సుందర్, అర్మాన్, లొమ్రోర్, దాగర్, బాథమ్, అవేశ్, అహ్మద్.
 విండీస్: హెట్‌మైర్ (కెప్టెన్), పోప్, ఇమ్లాచ్, కర్టీ, స్ప్రింజర్, గూలీ, పాల్, ఫ్రూ, జాన్, జోసెఫ్, హోల్డర్.
  పిచ్, వాతావరణం 
 ఉదయం కొద్దిసేపు పేసర్లకు అనుకూలించొచ్చు. ఆ తర్వాత స్పిన్నర్ల ప్రభావం ఎక్కువగా ఉంటుంది.
 స్టార్ స్పోర్ట్స్2లో  ఉ.8.30 నుంచి ప్రత్యక్ష ప్రసారం


 ►అండర్-19 ప్రపంచకప్
 ►సెమీస్‌లో బంగ్లాదేశ్‌కు షాక్
 ►14న ఫైనల్
  
  ఢాకా: అండర్-19 ప్రపంచకప్ ఫైనల్లో భారత్ జట్టు వెస్టిండీస్‌తో తలపడుతుంది. సొంత గడ్డపై తొలిసారిగా ఈ టైటిల్‌ను సాధించాలనే ఆశతో ఉన్న బంగ్లాదేశ్‌కు వెస్టిండీస్ చేతిలో షాక్ ఎదురైంది. షామర్ స్ప్రింజర్ (2/36), (88 బంతుల్లో 62 నాటౌట్; 5 ఫోర్లు; 1 సిక్స్) ఆల్‌రౌండ్ షో ప్రదర్శించడంతో గురువారం షేరె బంగ్లా జాతీయ స్టేడియంలో జరిగిన రెండో సెమీఫైనల్లో ఆతిథ్య జట్టును విండీస్ 3 వికెట్ల తేడాతో ఓడించింది. దీంతో ఈనెల 14న జరిగే ఫైనల్లో భారత్, వెస్టిండీస్ తలపడనున్నాయి. టాస్ నెగ్గి బ్యాటింగ్‌కు దిగిన బంగ్లా 50 ఓవర్లలో 226 పరుగులకు ఆలౌట్ అయ్యింది. ప్రారంభం నుంచే చెలరేగిన విండీస్ బౌలర్లు 88 పరుగులకే నాలుగు వికెట్లు పడగొట్టారు. ఈ దశలో మెహదీ హసన్ మిరాజ్ (74 బంతుల్లో 60; 7 ఫోర్లు) క్రీజులో నిలబడి పోరాడాడు. సైఫుద్దీన్ (55 బంతుల్లో 36; 3 ఫోర్లు)తో కలిసి ఆరో వికెట్‌కు 85 పరుగులు జోడించాడు. ఆ తర్వాత వరుస విరామాల్లో వికెట్లు కోల్పోవడంతో బంగ్లా స్వల్ప స్కోరుకే వెనుదిరిగింది. కీమో పాల్ మూడు, హోల్డర్ రెండు వికెట్లు తీశారు.
 
 
 అనంతరం లక్ష్యం కోసం బరిలోకి దిగిన విండీస్ 48.4 ఓవర్లలో ఏడు వికెట్లకు 230 పరుగులు చేసి గెలిచింది.తక్కువ స్కోరే అయినా విండీస్ తమ ఇన్నింగ్స్‌ను ధాటిగా ఆరంభించింది. తొలి ఓవర్‌లోనే గిడ్రోన్ పోప్ (25 బంతుల్లో 38; 5 ఫోర్లు; 2 సిక్సర్లు) ఓ సిక్స్, రెండు ఫోర్లతో 14 పరుగులు రాబట్టాడు. ఈ దూకుడుతో జట్టు ఏడు ఓవర్లలో రెండు వికెట్లకు 56 పరుగులు సాధించింది. అనంతరం హెట్‌మైర్ (59 బంతుల్లో 60; 7 ఫోర్లు; 1 సిక్స్) జోరును కొనసాగించి వరుసగా రెండో అర్ధ సెంచరీ సాధించాడు. అయితే విండీస్ 147 పరుగులకు నాలుగు వికెట్లు కోల్పోవడంతో పాటు... 38వ ఓవర్‌లో రెండు వికెట్లు తీసి బంగ్లా బౌలర్లు కాస్త ఆందోళన కలిగించినా స్ప్రింజర్ తుదికంటా క్రీజులో నిలిచాడు. 49వ ఓవర్‌లో వరుసగా రెండు ఫోర్లు బాది జట్టును ఫైనల్‌కు చేర్చాడు. సలేహ్ అహ్మద్‌కు మూడు, సైఫుద్దీన్, మెహదీ హసన్‌లకు రెండేసి వికెట్లు దక్కాయి.


 అనూహ్య ఫలితాలు... కష్టపడతారనుకున్న భారత కుర్రాళ్లు శ్రీలంకను చిత్తు చేసి అండర్-19 ప్రపంచకప్‌లో ఫైనల్‌కు చేరితే... సులభంగా గెలుస్తారనుకున్న ధోనిసేన అదే శ్రీలంక చేతిలో ఘోరంగా ఓడింది. అటు బంగ్లాదేశ్‌లోని ఢాకాలో, ఇటు పుణేలో రెండు చోట్లా బ్యాట్స్‌మెన్‌కు గడ్డుకాలం ఎదురైనా... కుర్రాళ్లు తడబాటు లేకుండా పని పూర్తి చేస్తే... అనుభవజ్ఞులు మాత్రం చేతులెత్తేశారు.
  
 * అండర్-19 ప్రపంచకప్ ఫైనల్లో భారత్
 * సెమీస్‌లో శ్రీలంకపై విజయం
 
 మిర్‌పూర్: నాలుగో సారి ప్రపంచ చాంపియన్‌గా నిలిచేందుకు యువ భారత్ అడుగు దూరంలో నిలిచింది. అండర్-19 ప్రపంచకప్‌లో తొలి మ్యాచ్ నుంచే ప్రత్యర్థులను బెంబేలెత్తిస్తున్న కుర్రాళ్లు అదే ఊపులో సగర్వంగా ఫైనల్లోకి అడుగుపెట్టారు. అన్‌మోల్ ప్రీత్ సింగ్ (92 బంతుల్లో 72; 6 ఫోర్లు; 1 సిక్స్), సర్ఫరాజ్ ఖాన్ (71 బంతుల్లో 59; 6 ఫోర్లు; 1 సిక్స్) సముచిత ఆటతీరుతో మంగళవారం షేరే బంగ్లా జాతీయ స్టేడియంలో శ్రీలంకతో జరిగిన సెమీఫైనల్లో భారత్ 97 పరుగుల తేడాతో ఘనవిజయం సాధించింది.
 
 బంగ్లాదేశ్, వెస్టిండీస్ జట్ల మధ్య గురువారం జరిగే సెమీస్ విజేతతో... 14న భారత్ టైటిల్ కోసం పోరాడనుంది. టాస్ ఓడి బ్యాటింగ్‌కు దిగిన భారత్ 50 ఓవర్లలో 9 వికెట్లకు 267 పరుగులు సాధించింది. అద్భుత ఫామ్‌లో ఉన్న రిషబ్ పంత్ (14) తక్కువ స్కోరుకే వెనుదిరగ్గా కెప్టెన్ ఇషాన్ (7) మళ్లీ నిరుత్సాహపరిచాడు. దీంతో 27 పరుగులకే జట్టు రెండు వికెట్లు కోల్పోయింది. ఆరంభంలో పిచ్ బ్యాటింగ్‌కు అంతగా అనుకూలించకపోవడంతో అన్‌మోల్, సర్ఫరాజ్ జోడి పరిస్థితులకు తగ్గట్టుగా ఆడారు.స్పిన్నర్లను సమర్థవంతంగా ఎదుర్కొంటూ భారీ సిక్స్‌తో సర్ఫరాజ్ ఈ టోర్నీలో నాలుగో అర్ధసెంచరీ పూర్తి చేశాడు. అయితే కొద్దిసేపటికే పేలవ పుల్ షాట్‌కు అవుట్ అయ్యాడు. దీంతో మూడో వికెట్‌కు 96 పరుగుల భాగస్వామ్యం ముగిసింది. ఆ తర్వాత అన్‌మోల్ కూడా అర్ధ సెంచరీ సాధించి వాషింగ్టన్ సుందర్ (45 బంతుల్లో 43; 3 ఫోర్లు)తో కలిసి నాలుగో వికెట్‌కు 70 పరుగుల భాగస్వామ్యం ఏర్పరిచాడు. అర్మాన్ జాఫర్ (16 బంతుల్లో 29; 3 ఫోర్లు; 1 సిక్స్) వేగంగా ఆడాడు. ఫెర్నాండోకు నాలుగు.. కుమార, నిమేశ్‌లకు రెండేసి వికెట్లు దక్కాయి.
  
 అనంతరం శ్రీలంక 42.4 ఓవర్లలో 170 పరుగులకు కుప్పకూలింది. అయితే భారత ఆటగాళ్లు ఫీల్డింగ్‌లో విఫలమైనా బౌలర్లు కట్టుదిట్టమైన బంతులతో రాణించడంతో ఫలితం అనుకూలంగా వచ్చింది. తొలి ఓవర్‌లోనే అవేశ్ (2/41) వికెట్ తీసి లంకను దెబ్బతీశాడు. ఆ తర్వాత దాగర్ (3/21) పొదుపుగా బౌలింగ్ చేసి మిగతా పనికానిచ్చాడు. వరుసగా వికెట్లు కోల్పోయిన లంక తరఫున మెండిస్ (67 బంతుల్లో 39; 4 ఫోర్లు), అషన్ (49 బంతుల్లో 38; 4 ఫోర్లు) టాప్ స్కోరర్లుగా నిలిచారు.
  
 స్కోరు వివరాలు:-
 
 భారత్ అండర్-19 ఇన్నింగ్స్: రిషబ్ (సి) డి సిల్వ (బి) ఫెర్నాండో 14; ఇషాన్ (సి) డి సిల్వ (బి) కుమార 7; అన్‌మోల్ ప్రీత్ (సి) డి సిల్వ (బి) నిమేష్ 72; సర్ఫరాజ్ (సి) ఆషన్ (బి) ఫెర్నాండో 59; సుందర్ (సి) డి సిల్వ (బి) నిమేష్ 43; అర్మాన్ (సి) అసలంక (బి) ఫెర్నాండో 29; లొమ్రోర్ (సి) కుమార (బి) ఫెర్నాండో 11; దాగర్ (సి) డి సిల్వ (బి) కుమార 17; బాథమ్ (రనౌట్) 1; అవేశ్ నాటౌట్ 1; ఖలీల్ అహ్మద్ నాటౌట్ 0; ఎక్స్‌ట్రాలు 13; మొత్తం (50 ఓవర్లలో 9 వికెట్లకు) 267.
 వికెట్ల పతనం: 1-23, 2-27, 3-123, 4-193, 5-218, 6-241, 7-254, 8-260, 9-264.
 బౌలింగ్: ఫెర్నాండో 10-0-43-4; కుమార 10-0-50-2; నిమేష్ 10-0-50-2; డి సిల్వ 4-0-20-0; సిల్వ 7-0-31-0; మెండిస్ 1-0-10-0; అసలంక 8-0-59-0.
 
 శ్రీలంక అండర్-19 ఇన్నింగ్స్: బండార (రనౌట్) 2; ఫెర్నాండో ఎల్బీడబ్ల్యు (బి) అవేశ్ 4; మెండిస్ (సి) సుందర్ (బి) దాగర్ 39; అసలంక (సి) లొమ్రోర్ (బి) బాథమ్ 6; ఆషన్ (రనౌట్) 38; డి సిల్వ (సి) రిషబ్ (బి) అవేశ్ 28; సిల్వ (బి) సుందర్ 24; హసరంగ డి సిల్వ (సి) అవేశ్ (బి) అహ్మద్ 8; నిమేశ్ (సి) సర్ఫరాజ్ (బి) దాగర్ 7; కుమార నాటౌట్ 0; ఫెర్నాండో (సి) అన్‌మోల్ (బి) దాగర్ 0; ఎక్స్‌ట్రాలు 14; మొత్తం (42.4 ఓవర్లలో ఆలౌట్) 170.
 వికెట్ల పతనం: 1-5, 2-13, 3-42, 4-91, 5-108, 6-133, 7-149, 8-170, 9-170, 10-170.
 బౌలింగ్: అవేశ్ 9-0-41-2; ఖలీల్ అహ్మద్ 8-1-34-1; బాథమ్ 6.5-1-19-1; సుందర్ 7-0-27-1; సర్ఫరాజ్ 4.4-0-16-0; దాగర్ 5.4-0-21-3; లొమ్రోర్ 0.3-0-1-0; అన్‌మోల్ 1-0-6-0.
  
 నేలకు దిగారు!
 
 ఆస్ట్రేలియాలో అద్భుతం చేసి వచ్చిన భారత జట్టు సొంత మైదానంలో చతికిల పడింది. పరుగుల వరద పారిస్తారనుకున్న స్టార్ క్రికెటర్లంతా చేతులెత్తేశారు. ప్రత్యర్థి జట్టులో ఉంది కుర్రాళ్లే కదా అని ‘లైట్’ తీసుకున్నారేమో... ఘోరంగా భంగపడ్డారు. ఫలితంగా... తొలి టి20లో ధోనిసేన పరాభవాన్ని మూటగట్టుకుంది.
  
 * తొలి టి20లో భారత్ ఓటమి  
 * ఐదు వికెట్లతో లంక విజయం  
 * రాణించిన రజిత, షనక  
 * రెండో మ్యాచ్ శుక్రవారం
 పుణే: అనుభవం లేకపోయినా... పరిస్థితులకు తగ్గట్టుగా చక్కటి ప్రణాళికతో ఆడిన శ్రీలంక జట్టు... ధోనిసేనను నేలకు దించింది. మంగళవారం ఇక్కడ జరిగిన మ్యాచ్‌లో శ్రీలంక ఐదు వికెట్ల తేడాతో భారత్‌పై విజయం సాధించింది. ముందుగా బ్యాటింగ్‌కు దిగిన భారత్ 18.5 ఓవర్లలో 101 పరుగులకే కుప్పకూలింది. అశ్విన్ (24 బంతుల్లో 31 నాటౌట్; 5 ఫోర్లు) టాప్ స్కోరర్‌గా నిలిచాడు.
 
 ‘మ్యాన్ ఆఫ్ ద మ్యాచ్’ రజిత (3/29), షనక (3/16)  భారత్‌ను దెబ్బ తీశారు. అనంతరం శ్రీలంక 18 ఓవర్లలో 5 వికెట్లకు 105 పరుగులు చేసింది. కెప్టెన్ చండీమల్ (35 బంతుల్లో 35; 1 ఫోర్, 2 సిక్సర్లు) రాణించాడు. అశ్విన్, నెహ్రా చెరో 2 వికెట్లు తీశారు. ఈ ఫలితంతో మూడు మ్యాచ్‌ల సిరీస్‌లో లంక 1-0తో ఆధిక్యంలో నిలిచింది. రెండో టి20 శుక్రవారం రాంచీలో జరుగుతుంది.
  
 టపటపా వికెట్లు
 కెరీర్ తొలి మ్యాచ్‌ను లంక పేసర్ రజిత సంచలన రీతిలో ప్రారంభించాడు. ఇన్నింగ్స్ రెండో, ఆరో బంతులకు అతను రోహిత్ (0), రహానే (4)లను పెవిలియన్ పంపించాడు. ఆ వెంటనే రెండో ఓవర్‌ను తిసార మెయిడిన్‌గా వేయగా, రజిత వేసిన మరుసటి ఓవర్లో సున్నా వద్ద గుణతిలకే సునాయాస క్యాచ్ వదిలేయడంతో రైనా బతికిపోయాడు. కొద్ది సేపటికి రజిత బౌలింగ్‌లోనే మళ్లీ తప్పు చేయని గుణతిలక థర్డ్‌మ్యాన్‌లో క్యాచ్ పట్టడంతో ధావన్ (9) కూడా వెనుదిరిగాడు.
 
 పవర్‌ప్లే ముగిసేసరికి భారత్ స్కోరు 3 వికెట్లకు 40 పరుగులకు చేరింది. ఏ మాత్రం అనుభవం లేని లంక కుర్ర బౌలర్లు టీమిండియా బ్యాట్స్‌మెన్‌పై పూర్తి ఆధిక్యం ప్రదర్శించాడు. చక్కటి బంతులతో ఒక వైపు వికెట్లు తీస్తూ మరో వైపు పరుగులు కూడా ఇవ్వకుండా నిరోధించారు. షనక ఒకే ఓవర్లో రైనా (20 బంతుల్లో 20; 1 ఫోర్, 1 సిక్స్), ధోని (2)లను అవుట్ చేయగా, తర్వాతి ఓవర్లో యువరాజ్ (10) కూడా పెవిలియన్ చేరడంతో భారత్ పరిస్థితి ఇబ్బందికరంగా మారింది.
 
 తొలి సారి బ్యాటింగ్ అవకాశం దక్కిన పాండ్యా (2) కూడా ఎక్కువ సేపు నిలవలేదు. ఒక దశలో 35 బంతుల పాటు భారత్ బౌండరీ కొట్టలేకపోయింది!  చివర్లో నెహ్రా (6) సహాయంతో అశ్విన్ తొమ్మిదో వికెట్‌కు 28 పరుగులు జోడించడంతో స్కోరు 100 పరుగులు దాటినా ఏడు బంతుల ముందే జట్టు ఇన్నింగ్స్ ముగిసింది. ఐదో ఓవర్లో 13 పరుగులు మినహా భారత్ ఇన్నింగ్స్‌లో మరే ఓవర్‌లోనూ కనీసం పది పరుగులు రాలేదు.
  చండీమల్ దూకుడు
 నెహ్రా ధాటికి శ్రీలంక కూడా వెంటవెంటనే రెండు వికెట్లు కోల్పోయింది. డిక్‌వెలా (4), గుణతిలక (9) వెనుదిరగ్గా...పవర్‌ప్లేలో లంక 28 పరుగులు మాత్రమే చేయగలిగింది. అయితే చండీమల్, కపుగెదెర (26 బంతుల్లో 25; 4 ఫోర్లు) మూడో వికెట్‌కు 42 బంతుల్లో 39 పరుగుల కీలక భాగస్వామ్యంతో జట్టును ఆదుకున్నారు. జడేజా ఓవర్లో 12 పరుగులు రాబట్టి దూకుడు పెంచిన లంక వేగంగా విజయం దిశగా దూసుకుపోయింది. తక్కువ వ్యవధిలో ఆ జట్టు మరో మూడు వికెట్లు కోల్పోయి కొంత ఉత్కంఠను ఎదుర్కొన్నా...లక్ష్యం చిన్నది కావడంతో  ఇబ్బంది ఎదురు కాలేదు. సిరివర్దన (14 బంతుల్లో 21 నాటౌట్; 2 ఫోర్లు, 1 సిక్స్) వేగంగా ఆడి మ్యాచ్‌ను ముగించాడు.
  
 ‘గత నెల రోజులుగా మేం ఆడుతున్న పిచ్‌లతో పోలిస్తే ఈ పిచ్ పూర్తి భిన్నంగా ఉంది. ఇక్కడి పేస్, బౌన్స్ చూస్తే భారత్‌లో కంటే ఇంగ్లండ్ తరహా వికెట్‌లాగా కనిపించింది. ఇలాంటి పిచ్‌పై  మేం తప్పుడు షాట్లు ఆడాం. ఆరంభంలో బౌలర్లకు అనుకూలించినప్పుడు మరింత జాగ్రత్తగా బ్యాటింగ్ చేయాల్సింది. తర్వాతి మ్యాచ్‌లో తప్పులు సరిదిద్దుకుంటాం’
 - ధోని
 
 2  రైనా కెరీర్‌లో ఇది 50వ టి20 అంతర్జాతీయ మ్యాచ్. ధోని (56) తర్వాత ఎక్కువ మ్యాచ్‌లు ఆడిన భారత క్రికెటర్ రైనా.
  
 0 అంతర్జాతీయ టి20ల్లో 50 ఇన్నింగ్స్ ఆడిన తర్వాత కనీసం ఒక్క అర్ధ సెంచరీ లేని ఏకైక బ్యాట్స్‌మన్ ధోని
  
 ఈ మ్యాచ్‌లో ఓటమితో భారత్ ఐసీసీ టి20 ర్యాంకింగ్స్‌లో మూడో స్థానానికి పడింది. లంక టాప్‌లోకి వచ్చింది. అయితే తర్వాతి రెండు మ్యాచ్‌లు గెలిస్తే మళ్లీ భారత్ నంబర్‌వన్‌గా నిలుస్తుంది.
  
 స్కోరు వివరాలు:-
 
 భారత్ ఇన్నింగ్స్: రోహిత్ (సి) చమీరా (బి) రజిత 0; ధావన్ (సి) గుణతిలక (బి) రజిత 9; రహానే (సి) చండీమల్ (బి) రజిత 4; రైనా (బి) షనక 20; యువరాజ్ (సి) అండ్ (బి) చమీరా 10; ధోని (సి) డిక్‌వెలా (బి) షనక 2; పాండ్యా (ఎల్బీ) (బి) షనక 2; జడేజా (ఎల్బీ) (బి) సేననాయకే 6; అశ్విన్ (నాటౌట్) 31; నెహ్రా (సి) సిరివర్దన (బి) చమీరా 6; బుమ్రా (రనౌట్) 0; ఎక్స్‌ట్రాలు 11; మొత్తం (18.5 ఓవర్లలో ఆలౌట్) 101.
 వికెట్ల పతనం: 1-0; 2-5; 3-32; 4-49; 5-51; 6-53; 7-58; 8-72; 9-100; 10-101.   
 బౌలింగ్: రజిత 4-0-29-3; తిసార 3-1-10-0; సేనానాయకే 3-0-18-1; చమీరా 3.5-0-14-2; షనక 3-0-16-3; ప్రసన్న 2-0-11-0.  
  
 శ్రీలంక ఇన్నింగ్స్: డిక్‌వెలా (సి) ధావన్ (బి) నెహ్రా 4; గుణతిలక (సి) ధావన్ (బి) నెహ్రా 9; చండీమల్ (ఎల్బీ) (బి) రైనా 35; కపుగెదెర (ఎల్బీ) (బి) అశ్విన్ 25; సిరివర్దన (నాటౌట్) 21; షనక (సి) రైనా (బి) అశ్విన్ 3; ప్రసన్న (నాటౌట్) 3; ఎక్స్‌ట్రాలు 5; మొత్తం (18 ఓవర్లలో 5 వికెట్లకు) 105.
 వికెట్ల పతనం: 1-4; 2-23; 3-62; 4-84; 5-91.
 బౌలింగ్: నెహ్రా 3-0-21-2; బుమ్రా 4-1-19-0; జడేజా 3-0-18-0; పాండ్యా 3-0-18-0; అశ్విన్ 3-0-13-2; రైనా 2-0-13-1.


 ► మూడు మ్యాచ్‌ల టి 20 సిరీస్   భారత్
 ►శ్రీలంక  అండర్-19 ప్రపంచకప్ సెమీస్
 
 కాకతాళీయమే అయినా భారత్, శ్రీలంక జట్లు రెండు భిన్న ఫార్మాట్లలో రెండు భిన్న జట్లతో రెండు భిన్న వేదికలపై ఒకేరోజు తలపడుతున్నాయి. మూడు టి20 మ్యాచ్‌ల సిరీస్‌లో భాగంగా పుణేలో నేడు భారత్, శ్రీలంక సీనియర్ జట్ల మధ్య పొట్టి ఫార్మాట్ పోరు జరగనుంది. అటు బంగ్లాదేశ్‌లో భారత్, శ్రీలంక జట్లు నేడు అండర్-19 ప్రపంచకప్ సెమీఫైనల్లో అమీతుమీ తేల్చుకోనున్నాయి. ఒకవేళ ధోనిసేన తొలి మ్యాచ్‌లో ఓడిపోయినా సిరీస్‌లో పుంజుకోవచ్చు. కానీ కుర్ర జట్టు మాత్రం ప్రపంచకప్ కల సాకారం చేసుకోవాలంటే లంకను కచ్చితంగా జయించాలి.
  
  పుణే: ఆస్ట్రేలియా గడ్డపై సంచలన ఆటతీరుతో కంగారూలను చిత్తు చేసి జోరు మీదున్న భారత్ ఓ వైపు... సీనియర్ క్రికెటర్లకు గాయాలతో, కుర్రాళ్ల అనుభవలేమితో, న్యూజిలాండ్ చేతిలో పరాభవాలతో శ్రీలంక మరో వైపు... టి20 ప్రపంచకప్‌కు ముందు సన్నాహకంగా జరుగుతున్న మూడు మ్యాచ్‌ల టి20 సిరీస్‌లో తలపడుతున్నాయి. ఇందులో భాగంగా తొలి మ్యాచ్ నేడు (మంగళవారం) సహారా స్టేడియంలో జరగనుంది. ఆస్ట్రేలియాపై గెలవడం ద్వారా టి20 ర్యాంకుల్లో అగ్రస్థానానికి చేరిన భారత్ ఈ సిరీస్ గెలిస్తేనే దానిని నిలబెట్టుకోగలుగుతుంది.
 
 తుది జట్టులో ఎవరు?
 శ్రీలంకతో ఆడే సిరీస్‌లో ఉన్న క్రికెటర్లలో ప్రపంచకప్, ఆసియాకప్‌లకు ఎంపిక కాని వారు కూడా ఉన్నారు. మనీశ్ పాండే, భువనేశ్వర్ కుమార్‌ల రూపంలో ఈ ఇద్దరూ అందుబాటులో ఉన్నారు. ప్రపంచకప్‌కు ముందు క్రికెటర్లకు ప్రాక్టీస్ ఇవ్వాలనుకుంటే ఈ ఇద్దరినీ బెంచ్‌కే పరిమితం చేయాలి. కోహ్లికి ఈ సిరీస్ నుంచి విశ్రాంతి ఇచ్చినందున రహానే తుది జట్టులోకి రావడం ఖాయమే. ఫామ్‌లో ఉన్న ఓపెనర్లు రోహిత్, ధావన్‌లతో పాటు రైనా, ధోని, యువరాజ్‌లతో మిడిలార్డర్ అత్యంత పటిష్టంగా ఉంది. ఇక ఆల్‌రౌండర్ హార్దిక్ పాండ్యాకు ఇప్పటివరకూ బ్యాట్‌తో సత్తా చూపే అవకాశమే రాలేదు. అలాగే రవీంద్ర జడేజాకు కూడా కొంత బ్యాటింగ్ ప్రాక్టీస్ కావాలి. అయితే సిరీస్‌లో తొలి మ్యాచ్ అయినందున బ్యాటింగ్ ఆర్డర్‌లో ప్రయోగాలు చేయకపోవచ్చు. జడే జాతో పాటు అశ్విన్ స్పిన్ బాధ్యత తీసుకుంటాడు. కొత్త క్రికెటర్ పవన్ నేగీని ఆడించాలంటే జడేజా లేదా యువరాజ్‌లలో ఒకరిని ఆపాలి. తొలి మ్యాచ్‌లోనే బహుశా ఈ ప్రయోగం చేయకపోవచ్చు. ఇక ఇద్దరు పేస్ బౌలర్ల కోటాలో నెహ్రా, బుమ్రా తుది జట్టులో ఉంటారు. స్వదేశంలో ప్రపంచకప్‌కు ముందు స్పిన్నర్లు ఈ పరిస్థితులకు అలవాటు పడటం కీలకం. కాబట్టి వీలైనంత వరకు అందరికీ అవకాశం ఇవ్వడం కూడా ఓ ఆలోచన. మొత్తం మీద అన్ని విభాగాల్లోనూ పటిష్టంగా ఉన్న భారత్ సిరీస్‌లో ఫేవరెట్‌గా బరిలోకి దిగుతోంది.
 
 చాంపియన్‌కు సవాల్
 టి20లో డిఫెండింగ్ ప్రపంచ చాంపియన్ శ్రీలంక ప్రస్తుతం గడ్డు పరిస్థితిని ఎదుర్కొంటోంది. సంగక్కర, జయవర్ధనే రిటైర్ అయిన లోటు కనిపిస్తుండగానే... మాథ్యూస్ గాయం కారణంగా దూరమయ్యాడు. ఇక ఓపెనర్ దిల్షాన్ కూడా గాయం కారణంగా తొలి మ్యాచ్‌కు అందుబాటులో లేడు. ఇక పేస్ విభాగంలో మలింగ, కులశే ఖర... కీలక స్పిన్నర్ హెరాత్ కూడా ఈ సిరీస్‌కు అందుబాటులో లేరు. కెప్టెన్ చండీమల్, కపుగెడెర, తిసార పెరీరా మాత్రమే బాగా తెలిసిన బ్యాట్స్‌మెన్. ఆల్‌రౌండర్లు సిరివర్ధనే, ప్రసన్న కూడా దాదాపుగా తుది జట్టులో ఉంటారు. సరైన పేసర్లు అందుబాటులో లేనందున వెటరన్ దిల్హారో ఫెర్నాండోకు జట్టులో చోటు దక్కింది. ఫామ్‌లో ఉన్న భారత స్టార్స్‌ను లంక బౌలర్లు ఏ మేరకు ఆపగలుగుతారో సందేహమే.
 
 జట్లు (అంచనా): భారత్: ధోని (కెప్టెన్), రోహిత్, ధావన్, రహానే, రైనా, యువరాజ్, హార్దిక్, జడేజా, అశ్విన్, బుమ్రా, నెహ్రా.
  
 శ్రీలంక: చండీమల్ (కెప్టెన్), డిక్‌వెల్లా, గుణతిలక, షనక, సిరివర్ధన, కపుగెడెర, తిషార పెరీరా, ప్రసన్న, సేనానాయకే, ఫెర్నాండో, ఎరంగా.
  
 పిచ్, వాతావరణం
 పుణేలోని సహారా స్టేడియం బ్యాటింగ్‌కు స్వర్గధామం. మంచు ప్రభావం పెద్దగా ఉండకపోతే టాస్ గెలిచిన జట్టు కచ్చితంగా బ్యాటింగ్ చేస్తుంది. వర్షం సూచనలు లేవు. భారత  బ్యాట్స్‌మెన్ ఫామ్ దృష్ట్యా భారీ స్కోర్లు ఆశించవచ్చు.  
  
 ‘మేం ప్రపంచ చాంపియన్లమే అయినా సీనియర్ క్రికెటర్లు అందుబాటులో లేరు. అయితే యువ క్రికెటర్లకు ఇదో గొప్ప అవకాశంగా మేం చూస్తున్నాం. తమ సత్తా నిరూపించూకోవాలని కుర్రాళ్లు ఉత్సాహంగా ఉన్నారు. ఆశావహ దృక్పథంతో సిరీస్‌ను ప్రారంభిస్తాం.’       - చండీమల్
  
  ‘ప్రపంచకప్‌లో నాలుగో స్థానంలో రైనా ఆడతాడు. అందుకోసం ఈ సిరీస్‌లోనూ అదే స్థానంలో ఆడిస్తాం. పెద్ద టోర్నీకి ముందు సన్నాహకంగా శ్రీలంకతో మ్యాచ్‌లు ఉపయోగపడతాయి. టి20ల్లో అన్ని జట్లూ బలంగానే ఉంటాయి. ఆ రోజు ఎవరు అన్ని రంగాల్లో రాణిస్తే వారిదే విజయం.’ - ధోని
  
 ఉదయం గం. 8.30  నుంచి
 స్టార్ స్పోర్ట్స్-1లో ప్రత్యక్ష ప్రసారం
 
 శ్రీలంక  అండర్-19 ప్రపంచకప్ సెమీస్
  మిర్‌పూర్: అండర్-19 ప్రపంచకప్‌లో దూసుకెళుతున్న యువ భారత్‌కు అసలైన పరీక్ష నేడు (మంగళవారం) ఎదురుకానుంది. మూడుసార్లు చాంపియన్‌గా నిలిచిన భారత జట్టు స్థానిక షేరే బంగ్లా జాతీయ స్టేడియంలో జరిగే సెమీఫైనల్‌లో శ్రీలంకతో తలపడనుంది. సన్నాహక మ్యాచ్‌లతో పాటు ప్రధాన టోర్నీలోనూ భారత కుర్రాళ్లకు ప్రత్యర్థుల నుంచి ఏమాత్రం పోటీ ఎదురుకాలేదు. చక్కటి ఆల్‌రౌండ్ ప్రతిభతో ప్రతీ మ్యాచ్‌లోనూ  నెగ్గి అంతులేని ఆత్మవిశ్వాసంతో దూసుకెళుతున్నారు. తొలి మ్యాచ్‌లో ఐర్లాండ్‌తో టాప్ ఆర్డర్ కాస్త తడబడి వికెట్లు వెంటవెంటనే కోల్పోయినా మిగిలిన బ్యాట్స్‌మెన్ నిలిచారు. అలాగే కివీస్, నేపాల్‌పై విజయాలతో పాటు... క్వార్టర్స్‌లో నమీబియాను 197 పరుగుల భారీ తేడాతో మట్టికరిపించారు. ఈనేపథ్యంలో నేటి మ్యాచ్‌లోనూ తమ అత్యుత్తమ ఆటతీరు చూపి శ్రీలంకను ఓడిస్తామని కోచ్ రాహుల్ ద్రవిడ్ ధీమా వ్యక్తం చేశారు. మరోవైపు శ్రీలంక తమ గ్రూపు ‘బి’ మ్యాచ్‌లో ఆడిన మూడు లీగ్ మ్యాచ్‌ల్లో రెండు విజయాలు సాధించి పాకిస్తాన్ తర్వాత స్థానాన్ని పొందింది. క్వార్టర్స్‌లో ఇంగ్లండ్‌పై స్ఫూర్తిదాయక విజయాన్ని అందుకుని మంచి ఊపు మీదుంది.
 
 భారత్ ఆల్‌రౌండ్ షో
 ఇప్పటిదాకా టోర్నీలో భారత్ ఆడిన మ్యాచ్‌లను గమనిస్తే బ్యాటింగ్‌తో పాటు బౌలర్లు కూడా కీలక పాత్ర పోషించి విజయాలను అందించారు. ముఖ్యంగా బ్యాటింగ్‌లో రిషబ్ పంత్ (252 పరుగులు), సర్ఫరాజ్ ఖాన్ (245) అత్యుత్తమ ఫామ్‌తో జట్టు ఇన్నింగ్స్‌కు వెన్నెముకగా నిలుస్తున్నారు. క్వార్టర్స్‌లో 96 బంతుల్లోనే 111 పరుగులతో రెచ్చిపోయిన పంత్ నేడు కూడా అదే జోరును కొనసాగిస్తే భారత్‌కు ఎదురుండదు. ఇక సర్ఫరాజ్ నిలకడను ప్రదర్శిస్తూ నాలుగు మ్యాచ్‌ల్లో మూడు అర్ధ సెంచరీలు చేశాడు. వీరికి తోడు అర్మాన్ జాఫర్, మహిపాల్ లొమ్రోర్ కీలక సమయాల్లో జట్టుకు సహాయపడుతున్నారు. కెప్టెన్ ఇషాన్ కిషన్ ఫామ్ ఆందోళన  కలిగిస్తోంది. ఇక బౌలింగ్‌లో అవేశ్ ఖాన్ (9 వికెట్లు) ఇప్పటికే జట్టు నుంచి అత్యధిక వికెట్లు సాధించాడు. లొమ్రోర్ (7), దాగర్ (5) కూడా ప్రత్యర్థులను ఇబ్బందిపెడుతున్నారు.
 
 స్పిన్‌ను నమ్ముకున్న లంక
 శ్రీలంక జట్టు ప్రధానంగా స్పిన్ బౌలింగ్‌ను నమ్ముకుంది. భారత బ్యాట్స్‌మెన్ స్పిన్‌ను దీటుగా ఆడగలిగినా అదే మాకు ప్రధాన బలమని వారి కోచ్ విజేసూరియ చెబుతున్నారు. ఇంగ్లండ్‌తో ఆడినట్టుగానే సెమీస్‌లో భారత్‌పై ఆడితే మ్యాచ్ తమకు అనుకూలంగా మారుతుందని అన్నారు. బ్యాటింగ్‌లో కెప్టెన్ చరిత్ అసలంక (194 పరుగులు) అవిష్క ఫెర్నాండో (143)లపై ఆధారపడింది. స్పిన్నర్లు హసరంగ  డి సిల్వ, దమిత సిల్వ రాణిస్తూ ఇప్పటికే ఏడేసి వికెట్లు తీశారు. ఈ మ్యాచ్‌లోనూ లంక వీరినే నమ్ముకుంది.
  
 జట్లు (అంచనా): భారత్ : ఇషాన్ కిషన్ (కెప్టెన్), రిషబ్, అన్‌మోల్ ప్రీత్, సర్ఫరాజ్, అర్మాన్, లొమ్రోర్, సుందర్, దాగర్, అవేశ్, బాథమ్, ఖలీల్ అహ్మద్.
 
  శ్రీలంక : చరిత్ అసలంక (కెప్టెన్), బండారా, ఫెర్నాండో, మెండిస్, అశన్, విశాద్ రందిక, హసరంగ డి సిల్వ, నానయక్కర, దమిత్ సిల్వ, నిమేష్, ఫెర్నాండో.
  
  పిచ్, వాతావరణం
 భారత్ తమ లీగ్ మ్యాచ్‌లన్నీ ఇక్కడే ఆడి భారీగా పరుగులు సాధించింది. అయితే బౌలర్లకు కూడా ఈ పిచ్ సహకరించే అవకాశం ఉంది. ఆకాశం పాక్షికంగా మేఘావృతంగా ఉండనుంది. అయినా మ్యాచ్‌కు ఎలాంటి ఆటంకాలు ఎదురయ్యే పరిస్థితి లేదు. మ్యాచ్‌కు రిజర్వ్ డే కూడా ఉంది.
  
 సెమీస్‌లో విండీస్
 ఫతుల్లా: పాకిస్తాన్‌తో జరిగిన క్వార్టర్ ఫైనల్లో వెస్టిండీస్ కుర్రాళ్లు 5 వికెట్లతో గెలిచి సెమీఫైనల్లో ప్రవేశించారు. సోమవారం జరిగిన ఈ మ్యాచ్‌లో ముందుగా బ్యాటింగ్ చేసిన పాక్ 50 ఓవర్లలో ఆరు వికెట్లకు 227 పరుగులు చేసింది. 57 పరుగులకు ఐదు వికెట్లు పడిన దశలో ఆరో నంబర్ బ్యాట్స్‌మన్ ఉమెర్ మసూద్ (113) వీరోచిత సెంచరీ సాధించాడు. అనంతరం బ్యాటింగ్‌కు దిగిన విండీస్ 40 ఓవర్లలో 5 వికెట్లకు 229 పరుగులు చేసి నెగ్గింది. ఇమ్లాచ్ (54), హెట్‌మైర్ (52) రాణించారు. సెమీస్‌లో విండీస్ జట్టు ఆతిథ్య బంగ్లాదేశ్‌తో తలపడుతుంది.


 మిర్పూర్:అండర్-19 క్రికెట్ వరల్డ్ కప్లో భాగంగా తొలి సెమీ ఫైనల్లో భారత్తో తలపడేందుకు శ్రీలంక సన్నద్దమైంది. ఈ రెండు జట్లు మంగళవారం జరిగే  సెమీ ఫైనల్లో అమీతుమీ తేల్చుకోనున్నాయి. క్వార్టర్ ఫైనల్లో భాగంగా ఆదివారం ఇంగ్లండ్ తో జరిగిన వన్డేలో శ్రీలంక ఆరు వికెట్ల తేడాతో గెలిచి సెమీస్ బెర్తును ఖరారు చేసుకుంది. ఇంగ్లండ్ నిర్దేశించిన 185 పరుగుల లక్ష్యాన్ని శ్రీలంక 35.4 ఓవర్లలో నాలుగు వికెట్లు కోల్పోయి విజయం సాధించింది.
  
 స్వల్ప పరుగుల లక్ష్య ఛేదనలో శ్రీలంకకు శుభారంభం లభించింది. శ్రీలంక ఓపెనర్లలో అవిష్కా ఫెర్నాండో (95) ఆకట్టుకోగా, బర్నాడా(22) ఫర్వాలేదనిపించాడు.దీంతో శ్రీలంక తొలి వికెట్ కు 76 పరుగులు భాగస్వామ్యాన్ని నమోదు చేసింది. అనంతరం కిమిందు ఫెర్నాండో(10) నిరాశపరచగా, ఆశాలంకా(34) మోస్తరుగా రాణించి జట్టును విజయం దిశగా నడిపించాడు.అంతకుముందు టాస్ గెలిచిన ఇంగ్లండ్ 49.2 ఓవర్లలో 184 పరుగులకే పరిమితమైంది.


 అండర్-19 ప్రపంచకప్ 
 ♦ క్వార్టర్స్‌లో నమీబియాపై ఘన విజయం
 ♦ రిషబ్ పంత్ సెంచరీ
 ఫతుల్లా: అండర్-19 ప్రపంచకప్‌లో భారత కుర్రాళ్ల జోరు అప్రతిహతంగా కొనసాగుతోంది. ఓపెనర్ రిషబ్ పంత్ (96 బంతుల్లో 111; 14 ఫోర్లు; 2 సిక్సర్లు) సూపర్ సెంచరీకి తోడు ఫామ్‌లో ఉన్న సర్ఫరాజ్ ఖాన్ (76 బంతుల్లో 76; 6 ఫోర్లు; 1 సిక్స్), అర్మాన్ జాఫర్ (55 బంతుల్లో 64; 4 ఫోర్లు; 1 సిక్స్) అర్ధ సెంచరీలతో రెచ్చిపోవడంతో భారత జట్టు సెమీఫైనల్లో ప్రవేశించింది. శనివారం నమీబియాతో జరిగిన క్వార్టర్ ఫైనల్ మ్యాచ్‌లో భారత్ 197 పరుగులతో భారీ విజయాన్ని అందుకుంది. టాస్ నెగ్గి బ్యాటింగ్‌కు దిగిన భారత్ 50 ఓవర్లలో ఆరు వికెట్లకు 349 పరుగుల భారీ స్కోరు సాధించింది. కెప్టెన్ ఇషాన్ (6) తక్కువ స్కోరుకే వెనుదిరిగినా పంత్ తన దూకుడును మరోసారి కనబరిచాడు. అన్‌మోల్ ప్రీత్ (42 బంతుల్లో 41; 5 ఫోర్లు; 1 సిక్స్)తో కలిసి రెండో వికెట్‌కు 103 పరుగులు, సర్ఫరాజ్‌తో కలిసి మూడో వికెట్‌కు 62 పరుగులు జోడించాడు.
 ఆ తర్వాత ఆర్మాన్, సర్ఫరాజ్ నమీబియా బౌలర్లను ఆడుకున్నారు. బంతికో పరుగు చొప్పున సాధిస్తూ జట్టు భారీ స్కోరుకు దోహదపడ్డారు. ఈ జోడి మధ్య నాలుగో వికెట్‌కు 98 పరుగులు చేరాయి. చివర్లో లోమ్రోర్ (21 బంతుల్లో41 నాటౌట్; 1 ఫోర్; 3 సిక్సర్లు) మెరుపులు మెరిపించాడు. కొయిట్జీకి మూడు వికెట్లు దక్కాయి. అనంతరం భారీ స్కోరు ఛేదన కోసం బరిలోకి దిగిన నమీబియా 39 ఓవర్లలో 152 పరుగులకు కుప్పకూలింది. తొలి వికెట్‌కు 59 పరుగులు జత చేరినా ఆ తర్వాత వికెట్ల పతనం కొనసాగింది. డేవిన్ (30 బంతుల్లో 33; 5 ఫోర్లు; 1 సిక్స్) టాప్ స్కోరర్. దాగర్, అన్‌మోల్‌లకు మూడు, సుందర్‌కు రెండు వికెట్లు దక్కాయి.


 ఫతుల్లా: ఐసీసీ అండర్ -19 ప్రపంచ కప్లో నమీబియాతో క్వార్టర్ ఫైనల్లో భారత కుర్రాళ్లు కుమ్మేశారు. శనివారం జరుగుతున్న ఈ మ్యాచ్లో టాస్ గెలిచి బ్యాటింగ్ దిగిన యువ భారత్ నిర్ణీత 50 ఓవర్లలో 6 వికెట్లకు 349 పరుగులు సాధించింది. టాపార్డర్ బ్యాట్స్ మెన్ సమష్టిగా రాణించి జట్టుకు భారీ స్కోరు అందించారు.
 
 ఓపెనర్ ఆర్ఆర్ పంత్ (111)  సెంచరీకి తోడు సర్ఫరాజ్ ఖాన్ (76), అర్మాన్ జాఫర్ (64) హాఫ్ సెంచరీలతో రాణించారు. అన్మోల్ ప్రీత్ సింగ్ 41, లొమ్రోర్ 41 (నాటౌట్) పరుగులు చేశారు. నమీబియా బౌలర్ కోయెట్జీ మూడు వికెట్లు పడగొట్టాడు.


 నేడు అండర్-19 వరల్డ్‌కప్ క్వార్టర్‌ఫైనల్
 ఫతుల్లా: గ్రూప్ దశలో వరుస విజయాలతో హోరెత్తించిన భారత జట్టు.. అండర్-19 వరల్డ్‌కప్‌లో నాకౌట్ పోరుకు సిద్ధమైంది. ఫతుల్లాలో నేడు (శనివారం) జరగనున్న మ్యాచ్‌లో నమీబియాతో అమీతుమీ తేల్చుకోనుంది. ఏ విధంగా చూసిన ఈ మ్యాచ్‌లో టీమిండియానే ఫేవరెట్‌గా బరిలోకి దిగుతోంది. బ్యాటింగ్‌లో అందరూ ఫామ్‌లో ఉండటం కలిసొచ్చే అంశం. సర్ఫరాజ్ ఖాన్, రిషబ్ పంత్, ఇషాన్ కిషన్‌లు విజృంభిస్తే ఈ మ్యాచ్‌లో భారీ స్కోరు ఖాయం.
 
 ఇక బౌలింగ్‌లో ఆవేశ్ ఖాన్ బంతులకు ఎదురునిలవడం నమీబియాకు శక్తికి మించిన పనే. లోమ్రోర్, మావి, కలీల్‌లు సమయోచితంగా స్పందిస్తే భారత్‌కు తిరుగుండదు. మరోవైపు నమీబియాను తక్కువగా అంచనా వేయలేం. లీగ్ దశలో డిఫెండింగ్ చాంపియన్ దక్షిణాఫ్రికాను ఓడించి టోర్నీకే దూరం చేసింది. ఈ మ్యాచ్‌లో ఓడినా.. నమీబియాకు వచ్చిన నష్టమేమీ లేదు కాబట్టి ఎలాంటి ఒత్తిడి లేకుండా ఆడుతుంది.
  
 సెమీస్‌లో బంగ్లాదేశ్
 మిర్పూర్: బ్యాటింగ్‌లో రాణించిన బంగ్లాదేశ్ అండర్-19 వరల్డ్‌కప్‌లో తొలిసారి సెమీస్ బెర్త్‌ను ఖాయం చేసుకుంది. శుక్రవారం జరి గిన క్వార్టరఫైనల్లో 6 వికెట్ల తేడాతో నేపాల్‌పై గెలిచింది. ముందు గా నేపాల్ 50 ఓవర్లలో 9 వికెట్లకు 211 పరుగులు చేసింది. అనంతరం బంగ్లా 48.2ఓవర్లలో 4వికెట్లకు 215 పరుగులు సాధించింది.


 నేపాల్ క్రికెట్ కెప్టెన్ వయస్సుపై వివాదం
 ఢాకా: అండర్-19 ప్రపంచకప్‌లో నేపాల్ జట్టు కెప్టెన్‌గా వ్యవహరిస్తున్న రాజు రిజాల్ వాస్తవ వయస్సుపై ముంబై ఆట గాడు కౌస్తుబ్ పవార్ వివాదం లేపాడు. తామిద్దరం కలిసి అండర్-15లో ఆడామని గుర్తు చేశాడు. వాస్తవానికి అతను 24 లేదా 25 ఏళ్లు ఉంటాడని ఫేస్‌బుక్‌లో ఆరోపించాడు. ‘అండర్-15లో మేమిద్దరం కలిసి ముంబై జట్టు తరఫున ఆడాం. అప్పుడతను రాజు శర్మగా ఆడాడు. ఇప్పుడు అతను రాజు రిజాల్ పేరిట అండర్-19 నేపాల్ జట్టుకు కెప్టెన్‌గా ఉన్నాడు. మాతో పాటు ఇతరుల వయ స్సు 24 లేదా 25గా ఉంటుంది’ అని కౌస్తుబ్ సంచలన ఆరోపణలు చేశాడు.


 ♦ అండర్-19 ప్రపంచకప్ 
 ♦ న్యూజిలాండ్‌పై విజయం
  మిర్‌పూర్: అండర్-19 ప్రపంచకప్‌లో దూసుకెళుతున్న యువ భారత్ క్వార్టర్ ఫైనల్లో ప్రవేశించింది. సమష్టి కృషితో రాణించిన కుర్రాళ్లు శనివారం న్యూజిలాండ్‌తో జరిగిన మ్యాచ్‌లో పూర్తి ఆధిపత్యం ప్రదర్శించారు. మొదట సర్ఫరాజ్ ఖాన్ (80 బంతుల్లో 74; 9 ఫోర్లు), రిషబ్ పంత్ (83 బంతుల్లో 57; 7 ఫోర్లు; 2 సిక్సర్లు) అర్ధ సెంచరీలతో చెలరేగగా బౌలింగ్‌లో మహిపాల్ లొమ్రోర్ (5/47), మ్యాన్ ఆఫ్ ద మ్యాచ్ అవేశ్ ఖాన్ (4/32) కివీస్ ఇన్నింగ్స్‌ను పేకమేడలా కూల్చారు. దీంతో భారత్‌కు 120 పరుగుల తేడాతో భారీ విజయం దక్కింది.  టాస్ ఓడి బ్యాటింగ్‌కు దిగిన భారత్ 50 ఓవర్లలో 8 వికెట్లకు 258 పరుగులు చేసింది.
 కెప్టెన్ ఇషాన్ కిషన్ (4) మరోసారి విఫలం కావడంతో పాటు 19 పరుగులకే జట్టు రెండు వికెట్లు కోల్పోయింది. ఈ దశలో సర్ఫరాజ్ ఖాన్.. రిషబ్‌తో కలిసి మూడో వికెట్‌కు 89 పరుగులు, అర్మాన్ జాఫర్ (49 బంతుల్లో 46; 2 ఫోర్లు)తో కలిసి నాలుగో వికెట్‌కు 48 పరుగులు జోడించాడు. చివర్లో లొమ్రోర్ (42 బంతుల్లో 45; 3 ఫోర్లు; 1 సిక్స్) వేగంగా ఆడాడు. గిబ్సన్‌కు మూడు.. స్మిత్, రచిన్ రవీంద్రలకు రెండేసి వికెట్లు దక్కాయి. ఆ తర్వాత బ్యాటింగ్‌కు దిగిన కివీస్‌ను భారత్ బౌలర్లు బెంబేలెత్తించడంతో 31.3 ఓవర్లలో 138 పరుగులకే కుప్పకూలింది. 16 పరుగులకే తొలి నాలుగు వికెట్లను కూల్చిన అవేశ్ కివీస్‌ను చావుదెబ్బ తీశాడు.
 ఆ తర్వాత మిగతా బ్యాట్స్‌మెన్ పని లొమ్రోర్ చూసుకోడంతో కివీస్ కోలుకోలేకపోయింది. లియోపార్డ్ (40 బంతుల్లో 40; 3 ఫోర్లు; 2 సిక్సర్లు) టాప్ స్కోరర్. వరుసగా రెండు విజయాలతో భారత్ క్వార్టర్స్‌కు చేరింది. లీగ్‌లో ఆఖరి మ్యాచ్‌లో సోమవారం నేపాల్‌తో తలపడుతుంది.
  క్వార్టర్స్‌లో నేపాల్, పాక్, లంక
 సంచలన ఆటతీరుతో జోరు చూపిస్తున్న నేపాల్ జట్టు అండర్-19 ప్రపంచకప్‌లో క్వార్టర్స్‌కు చేరింది. శనివారం ఐర్లాండ్‌పై ఈ జట్టు ఎనిమిది వికెట్ల తేడాతో నెగ్గింది. నేపాల్ బౌలర్ సందీప్ లమిచ్చానే టోర్నీలో తొలి హ్యాట్రిక్ నమోదు చేయడంతో పాటు మొత్తం ఐదు వికెట్లు తీశాడు. శ్రీలంక జట్టు 33 పరుగుల తేడాతో అఫ్ఘాన్‌పై.. పాక్ ఏడు వికెట్ల తేడాతో కెనడాపై గెలిచి క్వార్టర్స్‌కు చేరాయి.


 అండర్-19 ప్రపంచకప్
 మిర్‌పూర్: అండర్-19 ప్రపంచకప్‌లో భారత జట్టు తమ రెండో మ్యాచ్‌ను నేడు (శనివారం) న్యూజిలాండ్‌తో ఆడనుంది. తొలి మ్యాచ్‌లో ఐర్లాండ్‌తో తలపడిన కుర్రాళ్లు ఆరంభంలో బ్యాటింగ్‌లో తడబడ్డారు. సర్ఫరాజ్, సుందర్ ఆటతీరుతో గట్టెక్కిన భారత్ నేటి వన్డేలో తమ టాప్ ఆర్డర్‌లో లోపాలను సరిదిద్దుకోవాల్సి ఉంది. కెప్టెన్ ఇషాన్ కిషన్, రిషబ్ పంత్, అర్మాన్ జాఫర్ బ్యాట్ ఝుళిపించాల్సి ఉంది. మిడిలార్డర్ బ్యాట్స్‌మన్ సుందర్‌ను వన్‌డౌన్‌లో ఆడించే అవకాశాలున్నాయి. మరోవైపు తమ ప్రారంభ మ్యాచ్‌లో కివీస్‌కు నేపాల్ చేతిలో షాక్ తగిలింది. అనూహ్య రీతిలో 32 పరుగుల తేడాతో ఓడిన ఈ జట్టు భారత్‌తో సత్తా చూపాలనే కసితో ఉంది. అన్ని రంగాల్లోనూ కివీస్‌కన్నా భారత్ పటిష్టంగా ఉంది.
  
 ఇంగ్లండ్ విజయం
 శుక్రవారం జరిగిన మ్యాచ్‌ల్లో ఇంగ్లండ్ జట్టు వెస్టిండీస్‌ను 61 పరుగుల తేడాతో ఓడించింది. ఫిజిపై జింబాబ్వే జట్టు 7 వికెట్ల తేడాతో గెలవగా... నమీబియా 9 వికెట్ల తేడాతో స్కాట్లాండ్‌ను ఓడించింది.


 అండర్-19 ప్రపంచకప్
 మిర్పూర్: అండర్-19 ప్రపంచకప్‌లో భారత కుర్రాళ్లు శుభారంభం చేశారు. ఐపీఎల్ సంచలనం సర్ఫరాజ్ ఖాన్ (70 బంతుల్లో 74; 7 ఫోర్లు), వాషింగ్టన్ సుందర్ (71 బంతుల్లో 62; 3 ఫోర్లు) బాధ్యతాయుత ఇన్నింగ్స్‌తో జట్టును ఆదుకున్నారు. దీంతో గురువారం షేరే బంగ్లా జాతీయ స్టేడియంలో ఐర్లాండ్‌తో జరిగిన వన్డేలో భారత్ 79 పరుగుల తేడాతో విజయం సాధించింది. టాస్ ఓడి బ్యాటింగ్‌కు దిగిన భారత్ 50 ఓవర్లలో 9 వికెట్లకు 268 పరుగులు సాధించింది. ఆరంభంలో ఐర్లాండ్ బౌలర్ల ధాటికి భారత్ 55 పరుగులకే నాలుగు వికెట్లు కోల్పోయింది.
 ఈ దశలో ‘మ్యాన్ ఆఫ్ ద మ్యాచ్’ సర్ఫరాజ్, సుందర్ జోడి జట్టును ఆదుకున్నారు. వీరిద్దరు ఐదో వికెట్‌కు 17.2 ఓవర్లలో 110 పరుగులు జోడించారు. రికీ భుయ్ (54 బంతుల్లో 39; 6 ఫోర్లు), జీషన్ అన్సారీ (36 బంతుల్లో 36; 2 ఫోర్లు) ఫర్వాలేదనిపించారు. జోషువా లిటిల్, రోరీ ఆండర్స్‌లకు మూడేసి వికెట్లు దక్కాయి. అనంతరం లక్ష్య ఛేదన కోసం బరిలోకి దిగిన ఐర్లాండ్ 49.1 ఓవర్లలో 189 పరుగులకు కుప్పకూలింది.
 ఐదో వికెట్‌కు మెక్‌క్లిన్‌టాక్ (86 బంతుల్లో 58; 5 ఫోర్లు, 3 సిక్సర్లు), టకర్ (89 బంతుల్లో 57; 6 ఫోర్లు) 113 పరుగులు జోడించినా ఆ తర్వాత వరుసగా వికెట్లు కోల్పోయిన ఐర్లాండ్ కోలుకోలేకపోయింది. రాహుల్ బాథమ్‌కు మూడు.. అవేష్ ఖాన్, లొమ్రోర్‌లకు రెండేసి వికెట్లు దక్కాయి. ఈనెల 30న తమ తదుపరి మ్యాచ్‌లో భారత్ జట్టు న్యూజిలాండ్‌తో ఆడనుంది.
  నేపాల్ సంచలనం: గురువారం జరిగిన మరో మ్యాచ్‌లో నేపాల్ జట్టు పటిష్ట న్యూజిలాండ్‌కు షాకిచ్చింది. ముందుగా బ్యాటింగ్ చేసిన నేపాల్ 50 ఓవర్లలో 7 వికెట్లకు 238 పరుగులు చేసిది. ఆ తర్వాత బ్యాటింగ్‌కు దిగిన కివీస్ 47.1 ఓవర్లలో 206 పరుగులకే ఆలౌటై 32 పరుగుల తేడాతో ఓడింది.  శ్రీలంక 196 పరుగులతో కెనడాపై.. పాకిస్తాన్ 6 వికెట్లతో అఫ్ఘాన్‌పై గెలిచాయి.


 నేడు ఐర్లాండ్‌తో భారత్ తొలి మ్యాచ్
 అండర్-19 ప్రపంచ కప్
 మిర్పూర్: అండర్-19 ప్రపంచకప్ వార్మప్ మ్యాచ్‌లలో చెలరేగిన భారత జట్టు అసలు పోరుకు సిద్ధమైంది. నేడు (గురువారం) గ్రూప్ ‘డి’లో భాగంగా జరిగే మ్యాచ్‌లో భారత్, ఐర్లాండ్‌తో తలపడుతుంది. పెద్దగా అనుభవం లేని ఐర్లాండ్‌తో పోలిస్తే భారత్ చాలా పటిష్టంగా ఉంది.
 జట్టు సభ్యులలో ఐదుగురు ఇప్పటికే రంజీ ట్రోఫీలో ఆడగా, సర్ఫరాజ్, భుయ్‌లాంటివారికి ఐపీఎల్‌లో అనేక మంది దిగ్గజ క్రికెటర్లతో ఆడిన అనుభవం కూడా ఉంది. వీటికి తోడు కోచ్‌గా భారత దిగ్గజం రాహుల్ ద్రవిడ్ మార్గదర్శనం ఈ కుర్రాళ్లకు అదనపు బలం. ఆస్ట్రేలియా జట్టు తప్పుకోవడంతో భారత జట్టే ప్రస్తుతం ఫేవరెట్‌గా కనిపిస్తోంది. మొదటి వార్మప్ మ్యాచ్‌లో కెనడాను 372 పరుగులతో చిత్తు చేసిన భారత్, తర్వాతి మ్యాచ్‌లో పాకిస్తాన్‌ను 5 వికెట్ల తేడాతో ఓడించింది.
 బంగ్లాదేశ్ గెలుపు
 టోర్నీ తొలి రోజు ఆతిథ్య జట్టు బంగ్లాదేశ్ 43 పరుగుల తేడాతో దక్షిణాఫ్రికాపై విజయం సాధించగా, మరో మ్యాచ్‌లో ఇంగ్లండ్ ఏకంగా 299 పరుగులతో ఫిజీని చిత్తుగా ఓడించింది.


 నేటి నుంచి అండర్-19 ప్రపంచకప్
 * ఫేవరెట్‌గా భారత్
 ఢాకా: ఓవైపు ఉరకలెత్తే ఉత్సాహం... మరోవైపు గెలవాలన్న కసి... వెరసి అందరూ ఆసక్తిగా ఎదురుచూస్తున్న కుర్రాళ్ల క్రికెట్ పండగకు బంగ్లాదేశ్‌లో రంగం సిద్ధమైంది. నేటి నుంచి బంగ్లాదేశ్‌లో అండర్-19 ప్రపంచకప్ జరగనుంది. మొత్తం 16 జట్లు నాలుగు గ్రూప్‌లుగా విడిపోయి తలపడుతున్నాయి. ఫిబ్రవరి 14 వరకు ఈ టోర్నీ జరుగుతుంది. టైటిల్ ఫేవరెట్‌గా బరిలోకి దిగుతున్న మాజీ చాంపియన్ భారత్... గ్రూప్ ‘డి’లో ఐర్లాండ్, నేపాల్, న్యూజిలాండ్‌లను ఎదుర్కొంటుంది. గ్రూప్ ‘సి’లో ఇంగ్లండ్, ఫిజి, వెస్టిండీస్, జింబాబ్వే; గ్రూప్ ‘బి’లో అఫ్ఘానిస్తాన్, కెనడా, పాకిస్తాన్, శ్రీలంక; గ్రూప్ ‘ఎ’లో ఆతిథ్య బంగ్లాదేశ్, నమీబియా, డిఫెండింగ్ చాంపియన్ దక్షిణాఫ్రికా, స్కాట్లాండ్ ఉన్నాయి. భద్రతాకారణాలరీత్యా ఆస్ట్రేలియా జట్టు ఈ మెగా ఈవెంట్ నుంచి వైదొలిగింది. తొలి రోజున బంగ్లాదేశ్‌తో దక్షిణాఫ్రికా; ఫిజీతో ఇంగ్లండ్ ఆడనున్నాయి.
  
 భారత్ తొలి మ్యాచ్ ఐర్లాండ్‌తో
 వార్మప్ మ్యాచ్‌ల్లో అదరగొట్టిన భారత్ ఈ టోర్నీలో టైటిల్ ఫేవరెట్‌గా బరిలోకి దిగుతుంది. రాహుల్ ద్రవిడ్ కోచ్‌గా వ్యవహరిస్తున్న యువ భారత్ జట్టుకు ఇషాన్ కిషన్ నాయకత్వం వహిస్తున్నాడు. అన్ని రంగాల్లో పటిష్టంగా కనిపిస్తోన్న భారత్ గురువారం జరిగే తమ తొలి మ్యాచ్‌లో ఐర్లాండ్‌తో తలపడుతుంది. ఆల్‌రౌండర్లతో పాటు నాణ్యమైన పేస్, స్పిన్ బౌలింగ్ భారత్ సొంతం. అలాగే మాజీ ఆటగాడు రాహుల్ ద్రవిడ్ వ్యూహాలు కూడా కీలకంకానున్నాయి. గతంలో భారత జట్టు 2000లో, 2008లో, 2012లో అండర్-19 ప్రపంచ చాంపియన్‌గా నిలిచింది.


 పాక్‌పై భారత్ విజయం  
 అండర్-19 ప్రపంచకప్ ప్రాక్టీస్ మ్యాచ్
  ఢాకా: అండర్-19 ప్రపంచకప్ కోసం భారత యువ ఆటగాళ్ల సన్నాహాలు జోరుగా సాగుతున్నాయి. సోమవారం పాకిస్తాన్‌తో జరిగిన ప్రాక్టీస్ మ్యాచ్‌లో సర్ఫరాజ్ ఖాన్ (68 బంతుల్లో 81; 12 ఫోర్లు; 1 సిక్స్) మెరుపులు మెరిపించడంతో భారత్ ఐదు వికెట్ల తేడాతో గెలిచింది. ముందుగా పాక్ 44.1 ఓవర్లలో 197 పరుగులు చేసింది. భారత పేసర్ ఖలీల్ అహ్మద్ (5/30) హడలెత్తించాడు. అనంతరం భారత్ 34 ఓవర్లలో ఆరు వికెట్లు కోల్పోయి లక్ష్యాన్ని ఛేదించింది. కెనడాతో జరిగిన తొలి ప్రాక్టీస్ మ్యాచ్‌లో భారత్ 372 పరుగుల ఆధిక్యంతో గెలిచింది.
  


 మిర్పూర్: అండర్-19 ప్రపంచకప్ వార్మప్ మ్యాచ్‌లో భారత యువ జట్టు దుమ్మురేపింది. కెప్టెన్ ఇషాన్ కిషన్ (86 బంతుల్లో 138 రిటైర్డ్ అవుట్; 16 ఫోర్లు, 7 సిక్సర్లు), ఆంధ్ర క్రికెటర్ రికీ భుయ్ (71 బంతుల్లో 115 రిటైర్డ్ అవుట్; 10 ఫోర్లు, 7 సిక్సర్లు)లు వీరోచిత సెంచరీలు సాధించడంతో... శనివారం జరిగిన మ్యాచ్‌లో భారత్ 372 పరుగుల భారీ తేడాతో కెనడాను చిత్తు చేసింది. తొలుత భారత్ 50 ఓవర్లలో 6 వికెట్లకు 485 పరుగులు చేసింది. తర్వాత కెనడా 31.1 ఓవర్లలో 113 పరుగులకే కుప్పకూలింది. హర్ష్ (25) టాప్ స్కోరర్. కెప్టెన్ అబ్రాష్ ఖాన్ (22)తో సహా అందరూ విఫలమయ్యారు. భారత బౌలింగ్ ధాటికి కెనడా ఏ దశలోనూ లక్ష్యాన్ని చేరేలా కనిపించలేదు. లోమ్రోర్ 3, మావి, అన్సారి చెరో రెండు వికెట్లు తీశారు.


  ► భారత జూనియర్ జట్టు ఎంపిక
  ► అండర్-19 ప్రపంచకప్
  
  ముంబై: వచ్చే ఏడాది జరగనున్న ఐసీసీ అండర్-19 ప్రపంచకప్ కోసం భారత జూనియర్ జట్టును మంగళవారం ప్రకటించారు. జార్ఖండ్ వికెట్ కీపర్, బ్యాట్స్‌మన్ ఇషాన్ కిషన్‌కు సారథ్య బాధ్యతలు అప్పగించారు. ఢిల్లీ వికెట్ కీపర్ రిషబ్ పంత్ వైస్ కెప్టెన్‌గా వ్యవహరిస్తాడు. ఆంధ్ర క్రికెటర్ రికీభుయ్‌కు కూడా స్థానం దక్కింది. వెంకటేశ్ ప్రసాద్ నేతృత్వంలోని సెలక్షన్ కమిటీ 15 మంది సభ్యుల జట్టును ఎంపిక చేసింది. ఈ టోర్నీ జనవరి 27 నుంచి ఫిబ్రవరి 14 వరకు బంగ్లాదేశ్‌లో జరగనుంది. గ్రూప్-డిలో భారత్‌తో పాటు ఆస్ట్రేలియా, న్యూజిలాండ్, నేపాల్‌లు ఉన్నాయి. జనవరి 28న మిర్పూర్‌లో జరిగే తమ తొలి మ్యాచ్‌లో భారత్... ఆసీస్‌తో; 30న కివీస్‌తో; ఫిబ్రవరి 1న నేపాల్‌తో తలపడుతుంది.
  
  జట్టు: ఇషాన్ కిషన్ (కెప్టెన్), రిషబ్ పంత్ (వైస్ కెప్టెన్), వాషింగ్టన్ సుందర్, సర్ఫరాజ్ ఖాన్, అమన్‌దీప్ కారె, అనుమోల్‌ప్రీత్ సింగ్, అర్మాన్ జాఫర్, రికీ భుయ్, మయాంక్ డేగర్, జీషాన్ అన్సారి, మహిపాల్ లోమ్రోర్, అవేశ్ ఖాన్, శుభ్నమ్ మావి, కలీల్ అహ్మద్, రాహుల్ బాథమ్.
  


 భరత్ అరుణ్... రామకృష్ణన్ శ్రీధర్... భారత్‌కు అండర్-19 ప్రపంచకప్‌ను గెలిపించిన కోచ్‌లు. ఇప్పుడు ఈ సక్సెస్‌ఫుల్ జోడీని సీనియర్ జట్టుకు అండగా నిలిచేందుకు బీసీసీఐ ఎంపిక చేసింది. ఈ ఇద్దరికీ యాదృచ్ఛికంగా తెలుగు రాష్ట్రాలతో అనుబంధం ఉంది. కెరీర్ ఆసాంతం తమిళనాడుకే ఆడినా... అరుణ్ పుట్టింది విజయవాడలో. అలాగే మైసూర్‌లో పుట్టినా... శ్రీధర్ తన ఫస్ట్‌క్లాస్ క్రికెట్ మొత్తం హైదరాబాద్ తరఫునే ఆడి ప్రస్తుతం ఆంధ్ర జట్టుకు కోచ్‌గా ఎంపికయ్యాడు. 2012లో అండర్-19 ప్రపంచకప్ గెలుచుకున్న భారత జట్టుకు అరుణ్ చీఫ్ కోచ్ కాగా, శ్రీధర్ అసిస్టెంట్ కోచ్‌గా ఉన్నాడు.                       - సాక్షి క్రీడావిభాగం
  
 ఆర్. శ్రీధర్
 లెఫ్టార్మ్ స్పిన్నర్ అయిన 44 ఏళ్ల ఆర్. శ్రీధర్ హైదరాబాద్ తరఫున దాదాపు 12 ఏళ్ల కెరీర్‌లో 35 ఫస్ట్ క్లాస్ మ్యాచ్‌లు ఆడి 91 వికెట్లు పడగొట్టాడు. 15 లిస్ట్ ‘ఎ’ మ్యాచుల్లో 14 వికెట్లు తీశాడు. ఆటగాడిగా ఉన్న సమయంలో దేశవాళీలో అత్యుత్తమ ఫీల్డర్లలో ఒకడిగా గుర్తింపు తెచ్చుకున్నాడు. 2001నుంచే కోచింగ్ వైపు మళ్లి, సుదీర్ఘ కాలం పాటు జాతీయ క్రికెట్ అకాడమీ (ఎన్‌సీఏ) కోచ్‌లలో ఒకడిగా శ్రీధర్ పని చేశాడు.
 
 2012లో అండర్-19 ప్రపంచ కప్ గెలిచిన జట్టుకు అసిస్టెంట్ కోచ్‌గా పని చేసిన అతను, ఈ ఏడాది కూడా అదే బాధ్యత నిర్వర్తించాడు. ఐపీఎల్-7లో పంజాబ్ ఫీల్డింగ్ కోచ్‌గా పని చేసిన తర్వాత శ్రీధర్‌కు ఒక్కసారిగా ప్రత్యేక గుర్తింపు దక్కింది. అనంతరం ఈ సీజన్ కోసం ఆంధ్ర జట్టు కోచ్‌గా కూడా ఎంపిక చేసుకుంది. అయితే ఇప్పుడు తాజాగా బీసీసీఐ నుంచి పిలుపు రావడంతో తొలిసారి భారత సీనియర్ జట్టుతో కలిసి పని చేసే అవకాశం లభించింది.
  
 భరత్ అరుణ్
 పేస్ బౌలర్ అయిన అరుణ్ 1979లో రవిశాస్త్రి కెప్టెన్సీలో శ్రీలంకలో పర్యటించిన అండర్-19 జట్టు సభ్యుడిగా తొలిసారి గుర్తింపు తెచ్చుకున్నాడు. 1986-87లో భారత్ తరఫున కేవలం 2 టెస్టులు ఆడిన అతను 4 వికెట్లు తీశాడు. అయితే ఫస్ట్ క్లాస్ క్రికెట్‌లో 48 మ్యాచ్‌ల్లో 110 వికెట్లు పడగొట్టాడు. లోయర్ ఆర్డర్‌లో మంచి బ్యాట్స్‌మన్‌గా కూడా గుర్తింపు ఉన్న అరుణ్ 1987-88లో రంజీ ట్రోఫీ గెలిచిన తమిళనాడు జట్టులో సభ్యుడు.
 
 ఆ తర్వాత దులీప్ ట్రోఫీ మ్యాచ్‌లో సౌత్‌జోన్ తరఫున సెంచరీ (149) చేయడంతో పాటు డబ్ల్యూవీ రామన్‌తో కలిసి 221 పరుగుల రికార్డు భాగస్వామ్యం నెలకొల్పడం అతని కెరీర్‌లో చెప్పుకోదగ్గ ప్రదర్శన. 2008నుంచి ఇటీవలి వరకు ఎన్‌సీఏలో కోచ్‌గా ఉన్న అరుణ్... ప్రస్తుతం తమిళనాడు క్రికెట్ అకాడమీ కోచింగ్ డెరైక్టర్‌గా వ్యవహరిస్తున్నాడు. 2012లో అండర్-19 ప్రపంచ కప్ గెలిచిన జట్టుకు కోచ్‌గా ఉన్న అతను ఈ ఏడాది కూడా టీమ్‌కు కోచ్‌గా వ్యవహరించాడు.


 అండర్-19 ప్రపంచకప్
  షార్జా : డిఫెండింగ్ చాంపియన్ భారత్ అండర్-19 ప్రపంచకప్‌లో ఐదో స్థానంతో సరిపెట్టుకుంది. షార్జా క్రికెట్ స్టేడియంలో జరిగిన ప్లే ఆఫ్ మ్యాచ్‌లో భారత్ 46 పరుగుల తేడాతో వెస్టిండీస్‌పై విజయం సాధిం చింది. టాస్ గెలిచి తొలుత బ్యాటింగ్‌కు దిగిన భారత్ 8 వికెట్లకు 340 పరుగుల భారీ స్కోరు చేసింది.
  
  ఓపెనర్ అంకుశ్ బైన్స్ (74), సంజూ శామ్సన్ (67), శ్రేయాస్ అయ్యర్ (66) అర్ధ సెంచరీలతో రాణించారు. ఆ తర్వాత బరిలోకి దిగిన వెస్టిండీస్ 8 వికెట్లు కోల్పోయి 294 పరుగులు మాత్రమే చేయగలిగింది.తేజ్‌నారాయణ్ చందర్‌పాల్ సెంచరీ (136 బంతుల్లో 112, 8 ఫోర్లు, 1 సిక్సర్)తో రాణించినా.. కోల్మన్ (45), పూరన్ (54) మినహా మిగిలిన బ్యాట్స్‌మెన్ రాణించలేకపోయారు. భారత్ చేతిలో ఓడిన వెస్టిండీస్ ఈ టోర్నీలో ఆరో స్థానంలో నిలిచింది.


 ఫైనల్లో దక్షిణాఫ్రికా
  
  దుబాయ్: అండర్-19 ప్రపంచకప్‌లో దక్షిణాఫ్రికా ఫైనల్లోకి దూసుకెళ్లింది. దుబాయ్ అంతర్జాతీయ స్టేడియంలో జరిగిన రెండో సెమీస్‌లో దక్షిణాఫ్రికా 80 పరుగుల తేడాతో ఆసీస్‌ను చిత్తు చేసి టైటిల్‌కు అడుగు దూరంలో నిలిచింది.
  
 టాస్ గెలిచి తొలుత బ్యాటింగ్‌కు దిగిన దక్షిణాఫ్రికా 9 వికెట్లకు 230 పరుగులు చేసింది. క్లయిడ్ ఫార్చూన్ (74), ఐడెన్ మార్క్రమ్ (45) పరుగులతో రాణించారు. 231 పరుగుల ఊరించే లక్ష్యంతో బరిలోకి దిగిన ఆస్ట్రేలియా.. దక్షిణాఫ్రికా బౌలర్ రబడ దెబ్బకు కుదేలైంది. 42.2 ఓవర్లలో 150 పరుగులకే కుప్పకూలింది. రబడ 8.2 ఓవర్లలో 25 పరుగులిచ్చి ఆరు వికెట్లు తీశాడు. దక్షిణాఫ్రికా మార్చి 1న జరిగే ఫైనల్లో పాకిస్థాన్‌తో తలపడుతుంది
  
  


  దుబాయ్: అండర్-19 ప్రపంచకప్‌లో పాకిస్థాన్ యువజట్టు పైనల్‌కు చేరింది. సోమవారం ఇంగ్లండ్‌తో ఉత్కంఠభరితంగా జరిగిన తొలి సెమీఫైనల్లో పాకిస్థాన్ 3 వికెట్ల తేడాతో విజయం సాధించింది.
  
 టాస్ నెగ్గి తొలుత బ్యాటింగ్ చేసిన ఇంగ్లండ్ నిర్ణీత 50 ఓవర్లలో 7 వికెట్ల నష్టానికి 204 పరుగులు చేసింది. రోడ్స్ (76 నాటౌట్), హిగిన్స్ (52) రాణించారు. పాక్ జట్టు 49.1 ఓవర్లలో ఏడు వికెట్లు కోల్పోయి 205 పరుగులు చేసి గెలిచింది. అమీర్ హంజా (35), సాద్ షకీల్ (45) రాణించారు. అయితే ఒక దశలో పాక్ 142 పరుగులకే ఏడు వికెట్లు కోల్పోయింది. జాఫర్ గోహర్ (37 నాటౌట్), అమద్ భట్ (26 నాటౌట్) అద్భుతంగా ఆడి పాకిస్థాన్‌ను ఫైనల్‌కు చేర్చారు. జాఫర్ గోహర్‌కు మ్యాన్ ఆఫ్ ద మ్యాచ్ అవార్డు దక్కింది.
  


 దుబాయ్ :  అండర్-19 ప్రపంచ కప్లో భారత్ జట్టు టాస్ గెలిచి బ్యాటింగ్ ఎంచుకుంది. దుబాయ్ అంతర్జాతీయ స్టేడియంలో శనివారమిక్కడ జరుగుతున్న  క్వార్టర్ ఫైనల్స్లో యువ భారత్... ఇంగ్లండ్తో తలపడుతోంది.  లీగ్ దశలో వరుసగా మూడు మ్యాచ్ల్లో గెలిచి ఊపు మీదున్న భారత్ ఆత్మవిశ్వాసంతో బరిలోకి దిగుతోంది.
 
 ఇక టీమిండియా విషయానికి వస్తే, గ్రూప్‌-ఏలో ఆడిన మూడు మ్యాచ్ల్లో 3 విజయాలతో 6 పాయింట్లతో గ్రూప్‌ టాపర్‌గా నిలిచి క్వార్టర్‌ ఫైనల్‌కు చేరుకుంది. ఇంగ్లండ్‌ విషయానికి వస్తే, గ్రూప్‌-డీలో ఆడిన మూడు మ్యాచ్ల్లో 2 విజయాలతో 4 పాయింట్లతో గ్రూప్‌ రన్నరప్‌గా నిలిచి క్వార్టర్‌ ఫైనల్‌కు చేరుకుంది. మరోవైపు శనివారం నాడే షార్జాలో జరుగనున్న సెకండ్‌  క్వార్టర్‌  ఫైనల్లో పాకిస్థాన్‌, శ్రీలంక తలపడనున్నాయి.


 ఉ. గం. 11.00 నుంచి  స్టార్‌స్పోర్ట్స్ -2లో ప్రత్యక్ష ప్రసారం
  
  దుబాయ్ : డిఫెండింగ్ చాంపియన్ యువ భారత్‌కు అండర్-19 ప్రపంచకప్‌లో అగ్నిపరీక్ష ఎదురుకానుంది. దుబాయ్ అంతర్జాతీయ స్టేడియంలో శనివారం జరిగే క్వార్టర్ ఫైనల్లో ఇంగ్లండ్‌తో తలపడనుంది. అయితే లీగ్ దశలో వరుసగా మూడు మ్యాచ్‌ల్లో గెలిచి ఊపుమీదున్న భారత్ ఆత్మవిశ్వాసంతో బరిలోకి దిగనుంది. విజయ్ జోల్ సారథ్యంలోని జట్టు ఇంగ్లండ్‌తో పోలిస్తే పటిష్టంగా కనిపిస్తోంది. బ్యాటింగ్, బౌలింగ్, ఫీల్డింగ్ ఇలా అన్ని విభాగాల్లోనూ కుర్రాళ్లు తమ సత్తా ఏంటో నిరూపించుకున్నారు. బ్యాటింగ్‌లో ముఖ్యంగా మిడిలార్డర్ బ్యాట్స్‌మన్ సంజు శామ్సన్ అద్బుతమైన ఫామ్‌లో ఉన్నాడు.
 
  ప్రపంచకప్‌లో శామ్సన్ ఇప్పటికే రెండు అర్ధ సెంచరీలు చేశాడు. గినియాతో జరిగిన లీగ్ మ్యాచ్‌లో అయితే అతడు చెలరేగిపోయాడు. ఇంగ్లండ్‌తో మ్యాచ్‌లోనూ శామ్సన్ అదే జోరు కొనసాగిస్తాడని జట్టు మేనేజ్‌మెంట్ ఆశిస్తోంది. ఓపెనర్లు అంకుశ్ బైన్స్, అఖిల్ హర్వాద్కర్ గత మ్యాచ్‌లో రాణించారు. వీరికి తోడు కెప్టెన్ జోల్ కూడా సత్తా చాటితే ఇంగ్లండ్ బౌలర్లకు కష్టాలు తప్పవు. భారత బౌలర్లలో స్పిన్నర్ కుల్‌దీప్ యాదవ్ ఈటోర్నీలో తన ప్రతిభతో అందరి దృష్టిని ఆకర్షించాడు. ఇంగ్లండ్‌తో మ్యాచ్‌లోనూ అతడు కీలక పాత్ర పోషిస్తాడని అంచనా వేస్తున్నారు.
  
   మిగిలిన వాళ్లు కూడా గాడిలో పడితే ఇంగ్లిష్ బ్యాట్స్‌మెన్‌కు ఇబ్బందులు తప్పవు. మరోవైపు ఇంగ్లండ్‌పై రికార్డులు భారత్‌కు అనుకూలంగా ఉన్నాయి. భారత్ 6 మ్యాచ్‌ల్లో విజయం సాధించగా, ఇంగ్లండ్ కేవలం ఒకే ఒక మ్యాచ్‌లో నెగ్గింది. అలాగని ఇంగ్లండ్‌ను ఏమాత్రం తక్కువగా అంచనా వేయడానికి వీల్లేదు. లీగ్ దశలో ఆ జట్టు న్యూజిలాండ్, యూఏఈలపై భారీ తేడాతో విజయం సాధించింది. శ్రీలంకతో మ్యాచ్‌లో మాత్రం ఒక వికెట్ తేడాతో ఓడింది. శనివారం జరిగే మరో క్వార్టర్ ఫైనల్లో పాకిస్థాన్, శ్రీలంక తలపడతాయి.
  


  అబుదాబి: అండర్-19 ప్రపంచకప్ సన్నాహాల్లో భాగంగా డిఫెండింగ్ చాంపియన్ భారత జట్టుకు ఎదురుదెబ్బ తగిలింది. శ్రీలంకతో జరిగిన ప్రాక్టీస్ మ్యాచ్‌లో ఐదు వికెట్ల తేడాతో యువ జట్టు ఓడింది. సోమవారం షేక్ జయేద్ స్టేడియంలో జరిగిన ఈ మ్యాచ్‌లో భారత్ 45.5 ఓవర్లలో 209 పరుగులు చేసి ఆలౌటయ్యింది. దీపక్ హుడా (39), శ్రేయాస్ అయ్యర్ (31) రాణించారు. కెప్టెన్ విజయ్ జోల్ (25) నిరాశపరిచాడు. బినురా ఫెర్నాండోకు నాలుగు వికెట్లు దక్కాయి. లక్ష్య ఛేదనలో లంక ఆటగాళ్లు 48.5 ఓవర్లలో ఐదు వికెట్లకు 212 పరుగులు చేసి నెగ్గారు. సమరవిక్రమ (82) అర్ధ సెంచరీ చేశాడు. శుక్రవారం నుంచి ప్రధాన టోర్నీ ప్రారంభమవుతుంది.


  2002-03 సీజన్‌లో ఫస్ట్ క్లాస్ కెరీర్‌ను ఆరంభించిన త్రివేది ఆ ఏడాది జరిగిన ఐసీసీ అండర్-19 ప్రపంచకప్‌లో చోటు దక్కించుకున్నాడు. ఏడు మ్యాచ్‌ల్లో తొమ్మిది వికెట్లు తీసి భవిష్యత్ ఉన్న మీడియం పేసర్‌గా పేరు తెచ్చుకున్నాడు.
  
 ఆసీస్‌లో శిక్షణ కోసం బోర్డర్-గవాస్కర్ స్కాలర్‌షిప్ సైతం పొందాడు. దేశవాళీల్లో నిలకడైన ప్రదర్శన చూపినా జాతీయ జట్టులో తీవ్ర పోటీ నెలకొన డంతో చోటు లభించకుండా పోయింది. తమ జట్టు రాజస్థాన్ రాయల్స్‌ను తొలి ఐపీఎల్‌లో విజేతగా నిలబెట్టడంలో త్రివేది పాత్ర కీలకం.