Midterm elections

వాషింగ్టన్‌: మధ్యంతర ఎన్నికల్లో రిపబ్లికన్‌ పార్టీ హౌస్, సెనేట్‌ రెండింటిలో ఆధిక్యం కోల్పోవడంపై అధ్యక్షుడు డొనాల్డ్‌ ట్రంప్‌ మొదటిసారి స్పందించారు. అక్రమ వలసదారులను వారి స్వదేశాలకు పంపే విషయంలో ప్రభుత్వ అధికారులు దూకుడుగా వ్యవహరించడం ఓటర్లకు నచ్చకపోయి ఉండవచ్చునని విశ్లేషించారు. ఈ అంశానికి సంబంధించి డెమోక్రాట్లతో పనిచేసేందుకు తాను సిద్ధమేనని ప్రకటించారు. ఆదివారం సీబీఎస్‌ ఛానల్‌ ‘60 మినిట్స్‌’లో ఆయన మాట్లాడుతూ ‘‘డెమోక్రాట్లతో ఆచరణ సాధ్యమైన పరిష్కారం దొరుకుతుందనే అనుకుంటున్నా’’అన్నారు. ఈ ఇంటర్వ్యూ ముగిసిన కొంత సమయానికి వలసదారులపై కఠినమైన చట్టాన్ని రూపొందించిన స్టీఫెన్‌ మిల్లర్‌ను కొత్త చీఫ్‌ ఆఫ్‌ స్టాఫ్‌గా నియమించడం గమనార్హం.

వాషింగ్టన్‌: అమెరికా మధ్యంతర ఎన్నికల్లో మరో భారతీయ అమెరికన్‌ విజయం సాధించారు. అరిజోనా రాష్ట్రం నుంచి అమెరికా హౌస్‌ ఆఫ్‌ రిప్రజెంటేటివ్స్‌కు ఎన్నికైన తొలి భారతీయ అమెరికన్‌గా 48 ఏళ్ల వైద్యుడు అమిష్‌ షా రికార్డు సృష్టించారు. అరిజోనాలోని ఒకటవ కాంగ్రెషనల్‌ నియోజక వర్గం నుంచి డెమోక్రటిక్‌ పార్టీ తరఫున పోటీ చేసిన అమిష్‌ షా రిపబ్లికన్‌ పార్టీ అభ్యర్థి, మాజీ ఎన్‌ఎఫ్‌ఎల్‌ క్రీడాకారుడు జే ఫీలీని ఓడించారు. రిపబ్లికన్ల స్థానాన్ని డెమోక్రాట్ల ఖాతాలో వేశారు. ఉత్కంఠభరితంగా సాగిన ఈ పోరులో అమిష్‌ షా 52.49 శాతం ఓట్లు సాధించారు. ఫీలీ ఫీలీ 45.45 శాతం ఓట్లకు పరిమితమయ్యారు. రాజకీయ కాలుష్యాన్ని అంతం చేద్దాం కలుషిత రాజకీయ వాతావరణానికి స్వస్తి చెప్పాలని ప్రజా సమస్యలపై దృష్టి పెట్టాలని విజయానంతరం అమిష్‌ షా పిలుపునిచ్చారు. విజయం సాధించిన తరువాత సామాజిక మాధ్యమం ఎక్స్‌లో ఒక పోస్టు చేస్తూ.. అరిజోనా ప్రజల ప్రతినిధిగా కాంగ్రెస్‌లో అడుగుపెట్టడం జీవితంలో దక్కిన అతిపెద్ద గౌరవం. నాకు ఓటేసినా, వేయకపోయినా ప్రతి పౌరుడికి బాధ్యతా యుతమైన ప్రజాప్రతినిధిగా వ్యవహరిస్తానని హామీ ఇస్తున్నాను.’’అని వ్యాఖ్యానించారు. అమిష్‌ షా తల్లిదండ్రులు గుజరాత్‌కు చెందిన వారు. 1960లలో అమెరికాకు వలస వెళ్లారు. షికాగోలో జని్మంచిన అమిష్‌ షా.. నార్త్‌వెస్టర్న్‌ యూనివర్సిటీలో వైద్య విద్యను, యూసీ బెర్కిలీలో పబ్లిక్‌ హెల్త్‌లో మాస్టర్స్‌ పూర్తి చేశారు. ఎమర్జెన్సీ రూమ్‌ డాక్టర్‌గా సేవలు అందించిన ఆయన, 2018, 2020, 2022లలో అరిజోనా స్టేట్‌ హౌస్‌ ఆఫ్‌ రిప్రజెంటేటివ్స్‌కు వరుసగా ఎన్నికయ్యారు. వైద్యుడిగా అమిష్‌ షా న్యూయార్క్‌ ఎన్‌ఎఫ్‌ఎల్‌ జట్టుకూ సేవలందించారు ఆ సమయంలో జే ఫీలీ జట్టు కికర్‌.

వాషింగ్టన్‌: అమెరికాలో కీలకమైన మధ్యంతర ఎన్నికల్లో నెగ్గి దూకుడు మీదున్న డెమొక్రాట్లు జోరు మరింత పెంచనున్నారు. ఎన్నికల్లో కీలకాంశంగా నిలిచిన అవినీతినే అధికార రిపబ్లికన్‌ పార్టీపై తిరుగులేని అస్త్రంగా ప్రయోగించాలని నిర్ణయించారు. అధ్యక్షుడు డొనాల్డ్‌ ట్రంప్‌పై వెల్లువెత్తుతున్న అవినీతి ఆరోపణలను లక్ష్యం చేసుకోనున్నారు. కాంగ్రెస్‌ (దేశ పార్లమెంటు)లోని ఉభయ సభల్లోనూ కొత్తగా అందివచ్చిన అధికారాన్ని ఇందుకోసం పూర్తిస్థాయిలో వినియోగించుకోవాలని డెమొక్రటిక్‌ పార్టీ నిర్ణయించింది. ఆ దిశగా ఐదంశాలతో ఏకంగా భారీ ఎజెండానే సిద్ధం చేసుకుంటోంది! అవసరమైతే ట్రంప్‌ అభిశంసనకు కూడా వెనకాడబోమని ప్రతినిధుల సభ స్పీకర్‌ అవుతారని భావిస్తున్న హకీం జెఫ్రీస్‌ ఇప్పటికే సంకేతాలిచ్చారు కూడా!! రెండోసారి అధికారాన్ని చేపట్టిన నాటినుంచీ ట్రంప్, ఆయన కుటుంబ ఆస్తులు అపారంగా పెరిగాయన్నది డెమొక్రాట్ల ప్రధాన ఆరోపణ. అవినీతిని పూర్తిగా కడిగిపారేయాలన్నదే మధ్యంతర ఎన్నికల్లో ప్రజలిచ్చిన తీర్పు తాలూకు సారాంశమని డెమొక్రాట్‌ నేత చుక్‌ షెమర్‌ అభిప్రాయపడ్డారు. ట్రంప్‌ కుటుంబ వ్యాపార వ్యవహారాలు, వైట్‌హౌస్‌ బాల్‌ రూమ్‌తో పాటు వాషింగ్టన్‌ నలుమూలలా చేపట్టిన నిర్మాణ, రియల్టీ ప్రాజెక్టులలు, ఎప్‌స్టీన్‌ ఫైళ్లు, వలసదారులపై ఇమిగ్రేషన్‌–కస్టమ్స్‌ ఎన్‌ఫోర్స్‌మెంట్‌ (ఐసీఈ) దాడులు, డిపార్ట్‌మెంట్‌ ఆఫ్‌ గవర్నమెంట్‌ ఎఫీషియెన్సీ (డోజ్‌) పనితీరు తదితరాలన్నీ విచారణ పరిధిలోకి రానున్నట్టు పార్టీ నేతలు గార్షియా, జరేద్‌ హాఫ్‌మన్‌ తదితరులు వెల్లడించారు. ఇందుకోసం అవసరమైతే ‘సమన్ల జారీ’అధికారాన్ని కూడా వాడుకునేలా డెమొక్రాట్లు పథక రచన చేస్తున్నారు. చట్టసభలను ట్రంప్‌ యంత్రాంగం తమ సొంత సంస్థల్లా వాడుకున్న రోజులకు కాలం చెల్లిందని జెఫ్రీస్‌ అన్నారు. మంగళవారం జరిగిన మధ్యంతర ఎన్నికల్లో అమెరికా ఓటర్లు ట్రంప్‌కు కర్రుగాల్చి వాత పెట్టడం తెలిసిందే. అవినీతి పెద్ద సమస్యగా మారినట్టు సగానికి సగం మంది ఓటర్లు పేర్కొన్నారు. దేశ ఆర్థిక పరిస్థితి బాలేదని ప్రతి 10 మంది ఓటర్లలోనూ నలుగురికి పైగా, ప్రజాస్వామ్యం ప్రమాదంలో ఉందని ముగ్గురు కుండబద్దలు కొట్టారు. వారిలో అత్యధికులు డెమొక్రటిక్‌ పార్టీకే ఓటేయడంతో రిపబ్లికన్‌ పార్టీ ఘోర పరాభవం మూటగట్టుకోవాల్సి వచ్చింది.

ఇద్దరూ తెలుగు మూలాలు ఉన్న మహిళలే. అమెరికా మధ్యంతర ఎన్నికలలో హైదరాబాదీ మూలాలు ఉన్న అరుణా మిల్లర్‌ (కాట్రగడ్డ అరుణ) మేరీలాండ్‌ లెఫ్టినెంట్‌ గవర్నర్‌గా రెండోసారి ఎంపికయ్యారు. కరీంనగర్‌ మూలాలు ఉన్న సరితా కోమటిరెడ్డి న్యూయార్క్‌ అటార్నీ జనరల్‌ పదవి కోసం పోటీ పడి ఓటమి చెందారు. గెలుపు, ఓటముల సంగతి ఎలా ఉన్నా... ఈ ఇద్దరు మహిళలకు సామీప్యత ఉంది. అయితే అది భౌగోళిక, సాంస్కృతిక సామీప్యత కాదు. కష్టపడి పనిచేయడం నుంచి పట్టుదల వరకు, అంకితభావం నుంచి సంకల్పబలం ఇద్దరికీ ఎలాంటి భేదం లేదు...‘ఆలోచనాపరురాలు, కష్టపడి పనిచేసేవారు, మంచి మనసు ఉన్న వారు, సమాజానికి మంచి చేయాలనుకునేవారు, ఇతరుల పట్ల సానూభూతి చూపేవారు, కుతూహలంతో ఉండేవారు, తెలివైనవారు. ప్రజాసేవకురాలిలో నేను కోరుకునే అన్ని లక్షణాలు ఆమెలో ఉన్నాయి’ అరుణను ఉద్దేశించి అమెరికన్‌ రాజకీయవేత్త గరాగియోలా అన్నారు. ‘యాక్సిడెంటల్‌ పొలిటీషియన్‌’గా పిలుచుకునే అరుణా మిల్లర్‌ స్వ‘గతం’...అమ్మో... ఆరోజు!స్వదేశం భారత్‌ నుంచి న్యూయార్క్‌లోని పౌకీప్సీకి వచ్చాం. అప్పుడు నా వయసు ఏడేళ్లు. స్కూల్‌లో నా మొదటి రోజు గురించి చెప్పాలి. అక్కడ ఎవరూ నాలా లేరు. పైగా నాకు ఇంగ్లీష్‌ అంతగా రాదు. అయినప్పటికీ నేను వారితో కలిసిపోవాలనుకున్నాను. స్కూల్‌ క్యాంటీన్‌లో మిగతా పిల్లలు ఏంచేస్తే నేనూ అదే చేయాలనుకున్నాను. మొదటిసారిగా అమెరికన్‌ ఫుడ్‌ తిన్నాను. ఎప్పుడూ లేనిది మొదటిసారిగా చల్లని పాలు తాగాను. అప్పుడు అంతా బాగానే అనిపించింది. క్లాస్‌రూమ్‌కు వెళ్లిన తరువాత తిన్నదంతా వాంతి చేసుకున్నాను! చాలా సిగ్గుగా అనిపించింది. టీచర్‌ మా అమ్మకు ఫోన్‌ చేశారు. అమ్మ వచ్చి నన్ను తీసుకెళ్లింది. ఇంటికి వెళ్లేదారిలో అమ్మతో ‘నన్ను అమ్మమ్మ (ఇండియాలో ఉన్నారు) దగ్గరికి తీసుకెళ్లు. ఈ చల్లని పాలు నాకు అస్సలు బాగలేవు’ అని చెప్పాను.గెలవగలనా? యస్‌... గెలిచాను!హౌజ్‌ ఆఫ్‌ డెలిగేట్స్‌లో ఒక స్థానం ఖాళీ అయినప్పుడు దానికి పోటీ చేసే అవకాశాన్ని మొదట తిరస్కరించాను. ఎందుకంటే ఒక నల్ల జాతి మహిళకు ఓటు వేస్తారనే నమ్మకం నాకు లేదు. ఎంతోమంది నన్ను పోటీ చేయమని ఒత్తిడి చేశారు. నా భర్త డేవిడ్‌ మిల్లర్‌ కూడా అడిగారు.‘నేను ఇంజినీర్‌ను. పొలిటీషియన్‌ను కాదు’ అన్నాను. అందుకు ఆయన...‘ఎన్నికల్లో పోటీ చేయడాన్ని రాజకీయ కోణం నుంచి చూడొద్దు. నీకు ప్రజాసేవ అంటే ఇష్టం కదా! ప్రజలకు సేవ చేసే అవకాశాన్ని వదులుకోవడం ఎందుకు?’ అన్నారు.‘ఒకవేళ నేను ఓడిపోతే?’ అని అడిగాను. ‘ఒకవేళ నువ్వు గెలిస్తే?’ అన్నారు మిల్లర్‌. నాకు అలాంటి అవకాశం వస్తుందని ఎప్పుడూ అనుకోలేదు. నేను ఓడిపోతానని మాత్రమే నాకు అనిపించింది. అయితే నేను ఓడిపోలేదు! నేను మొదటిసారి ఎన్నికలలో పోటీ చేసినప్పుడు నాకు ఎటువంటి రాజకీయ పరిచయాలు లేవు. సరిౖయెన వ్యక్తులతో పరిచయాలు లేవు. ఆ రోజులు ఎప్పటికీ గుర్తుండిపోతాయి.వారే స్ఫూర్తిప్రదాతలుక్లిష్ట పరిస్థితులలో నేను కలిసిన వ్యక్తుల నుంచే నాకు స్ఫూర్తి లభించింది. వీరు స్వచ్ఛంద సేవకులు, ఉద్యమకారులు. తాము నమ్మిన ఆశయం కోసం పగలు, రాత్రి తేడా లేకుండా పోరాడే వ్యక్తులు. ఎన్ని ఆటంకాలు ఎదురైనా వెనకడుగు వేయరు. అలాంటి వారే నాకు స్ఫూర్తి. ఫ్యామిలీ సపోర్ట్‌నేను రాజకీయాల్లోకి అడుగు పెట్టినప్పుడు పెద్ద కూతురు కాలేజీలో, రెండో కూతురు హైస్కూల్, మూడో కూతురు మిడిల్‌ స్కూల్‌లో చదువుతున్నారు. ఒక వ్యక్తి రాజకీయాల్లోకి అడుగు పెట్టినప్పుడు కుటుంబ సభ్యులందరూ సహకరిస్తారు. ఆ ప్రయాణంలో అందరూ భాగమవుతారు. నా విషయంలోనూ అదే జరిగింది. ప్రేమ గల భర్త, తోడుగా ఎప్పుడూ మా అమ్మ ఉండడం నా అదృష్టం. 1999 నుండి అమ్మ మాతోనే ఉంటున్నారు. ఆమె పక్కన ఉంటే ఎంతో ధైర్యంగా ఉంటుంది. అమ్మ నాతో ఉండడం నాకే కాదు పిల్లలకూ మేలు చేసింది. నేను అందుబాటులో లేని సమయాల్లో మా అమ్మ నేను లేని లోటు తీరుస్తుంది.పవర్‌ఫుల్‌ ప్రాసిక్యూటర్‌‘పెద్ద కలలు కనండి. కష్టపడి పనిచేయండి. మీ కలలను సాకారం చేసుకోండి’ అంటారు సరితా కోమటిరెడ్డి. తెలంగాణ రాష్ట్రం జగిత్యాల జిల్లా వెల్లటూరు మండలానికి చెందిన హనుమంతరెడ్డి, గీతారెడ్డి సరిత తల్లిదండ్రులు. ఇద్దరూ వైద్యులే. ఎన్నో దశాబ్దాల క్రితం హనుమంతరెడ్డి కుటుంబం అమెరికాలో స్థిరపడింది. ‘మా నాన్న భారతదేశంలోని చిన్న గ్రామం నుంచి వచ్చారు. అక్కడ నీటిసరఫరా కూడా సరిగా ఉండేది కాదు. చాలామంది అమెరికాకు ఎందుకు వస్తారో ఆ కారణంతోనే ఆయన ఇక్కడికి వచ్చారు’ అన్నారు సరిత.గర్వించేలా... ఎన్నో హోదాలలో!హార్వర్డ్‌ లా స్కూల్‌ నుండి పట్టభద్రురాలైన తరువాత ‘హార్వర్డ్‌ లా రివ్యూ’కు బ్లూబుక్‌ ఛైర్‌(ఎడిటర్‌)గా పనిచేశారు సరిత. న్యూయార్క్‌లోని యు.ఎస్‌. అటార్ని కార్యాలయంలో చేరడానికి ముందు డీప్‌వాటర్‌ హోరైజన్‌ ఆయిల్‌స్పిల్‌పై ఏర్పాటైన జాతీయకమిషన్‌కు న్యాయ సలహాదారుగా పనిచేశారు. ఆ తరువాత కాలంలో... ఇంటర్నేషనల్‌ నార్కోటిక్స్‌ అండ్‌ మనీలాండరింగ్‌ చీఫ్‌గా, డిప్యూటి చీఫ్‌ ఆఫ్‌ జనరల్‌ క్రైమ్స్, కంప్యూటర్‌ హ్యాకింగ్‌ అండ్‌ ఇంటలెక్చువల్‌ ప్రాపర్టీ కోఆర్డినేటర్‌గా పనిచేశారు. ఎనిమిది ఫెడరల్‌ జ్యూరీ విచారణలను నిర్వహించారు. సెకండ్‌ సర్క్యూట్‌ ముందు పదిహేను అప్పీళ్లను వాదించారు. ఆల్‌ఖైదా, ఐసిస్, మెక్సికన్‌ డ్రగ్‌ లీడర్‌లను కోర్టు బోనులో నిలబెట్టే ప్రయత్నాలు చేశారు.జీవితాన్ని మార్చిన సంఘటన‘9/11 నా జీవితాన్నే మార్చేసింది. ఉగ్రవాదులను బోనులో నిలపడానికి, అమెరికాను రక్షించడానికి లా స్కూల్‌లో చేరాను’ గతాన్ని గుర్తు చేసుకున్నారు సరిత. ఒక హై– ప్రొఫైల్‌ కేసులో, అమెరికా సైనిక సిబ్బందిని హత్య చేయడానికి కుట్ర పన్నిన ఒక ఉగ్రవాదికి 45 సంవత్సరాలు జైలు శిక్ష పడేలా చేశారు. 2020లో డోనాల్డ్‌ ట్రంప్‌ సరితను న్యూయార్క్‌లోని యూ.ఎస్‌. డిస్ట్రిక్ట్‌ కోర్టుకు నామినేట్‌ చేశారు.జీవితలక్ష్యంమూడు అటార్నీ జనరల్‌ అవార్డులు, ఫెడరల్‌ డ్రగ్‌ ఏజెంట్స్‌ ఫౌండేషన్‌ ‘ట్రూ అమెరికన్‌ హీరో’ అవార్డులు రెండు, ఫెడరల్‌ లా ఎన్‌ఫోర్స్‌మెంట్‌ ఫౌండేషన్‌ ‘ ప్రాసిక్యూటర్‌ ఆఫ్‌ ఇది ఇయర్‌’ రెండు అవార్డులను అందుకున్నారు. ‘నేరస్థులపై అభియోగాలను మోపి, బోను ఎక్కించి శిక్ష పడేలా చేయడంలో నేను నిష్ణాతురాలిని. నా జీవిత లక్ష్యం అదే’ అంటారు. కొలంబియా విశ్వవిద్యా లయంలో న్యాయశాస్త్రం బోధిస్తున్న సరిత, రాజకీయాలపై తన ఆసక్తి గురించి ఇలా అన్నారు... ‘రాజకీయాల్లోకి రావాలనే నిర్ణయం వృత్తిపరమైన లక్ష్యానికి కొనసాగింపు మాత్రమే’ ‘సరిత తనను తాను భారతీయ వలసదారుల బిడ్డగా అభివర్ణించుకుంటారు’ అని ది న్యూయార్క్‌ టైమ్స్‌ పేర్కొంది.తాజాగా...అమెరికా మధ్యంతర ఎన్నికలలో న్యూయార్క్‌ అటార్నీ జనరల్‌ పదవి కోసం జరిగిన ఎన్నికలలో డెమోక్రాట్‌ అభ్యర్థి లేటిషియా జేమ్స్‌ చేతిలో సరిత ఓడిపోయారు. ఓటమి తరువాత ‘ఎక్స్‌’ వేదికగా ఇలా స్పందించారు... ‘ప్రజాసేవ అంటే ప్రజలకు సేవ చేయడం మాత్రమే. ఆ పేరుతో పేరు సంపాదించుకోవడం కాదు. వ్యక్తిగత ప్రయోజనాలను ఆశించి పనిచేయడం కాదు. ఇకముందు కూడా ప్రతి పనిని అంకితభావంతో చేస్తాను. ఇతరులకు సేవ చేయడం, న్యూయార్క్‌ను మరింత సురక్షితంగా మార్చడం నా లక్ష్యం’ – యాకుబ్‌ పాషా

అగ్ర‌రాజ్యం అమెరికాలో మ‌ధ్యంత‌ర ఎన్నిక‌లు అధికార డెమొక్రాటిక్ పార్టీకి తీవ్ర నిరాశ క‌లిగించాయి. అధ్య‌క్షుడు డొనాల్డ్ ట్రంప్ విధానాల‌తో విసిగిపోయిన అమెరికా ప్ర‌జ‌లు ప్రతిపక్ష డెమొక్రాట్‌ పార్టీకి భారీ విజ‌యాన్ని క‌ట్ట‌బెట్టారు. ఫ‌లితంగా రిపబ్లికన్ల కంచుకోట‌లుగా ఉన్న ప‌లు కీల‌క‌ రాష్ట్రాల్లోనూ డెమొక్రాట్లు పాగా వేశారు. యూఎస్‌ హౌస్‌ ఆఫ్‌ రెప్రజెంటేటివ్స్‌తోపాటు సెనేట్‌లోనూ డెమొక్రాట్లు ఆధిక్యం సాధించారు. జీవన వ్యయం భారం కావ‌డంతో పాటు ప‌లు కార‌ణాల‌తో రిపబ్లికన్లు ఓటమిపాల‌య్యారు. 1.పెరిగిపోయిన జీవన వ్యయం... అమెరికన్‌ ఓటర్లు నిత్యావసరాల ధరల పెరుగుదలను ఏమాత్రం సహించరు. ఈ విషయమే మధ్యంతర ఎన్నికల సమయంలోనూ స్పష్టంగా వ్యక్తమైంది. ద్రవ్యోల్బణం కారణంగా తాము బాగా ఇబ్బంది పడుతున్నామని దాదాపు 79 శాతం మంది ఓటర్లు స్పష్టం చేశారు. సెప్టెంబ‌ర్‌లో ద్రవ్యోల్బణం రికార్డు స్థాయిలో 3.7 శాతానికి చేరుకుంది. పెట్రోలు ధరలు మునుపెన్నడూ లేనంతగా గ్యాలన్‌కు 6.52 డాలర్లకు చేరుకోవడం... ఇందుకు ట్రంప్‌ విధానాలే కారణమని 60 శాతం మంది ఓటర్లు విశ్వసించడం మరో కారణం. 2. ఇరాన్‌తో యుద్ధం... ఇజ్రాయెల్‌తో కలిసి అమెరికా ఇరాన్‌పై దాడులకు దిగడం ఓటర్లకు ఏమాత్రం రుచించలేదు. యుద్ధాలకు దూరంగా ఉంటానని, అమెరికా ఫస్ట్‌ అని హామీలిచ్చి అందుకు విరుద్ధంగా వ్యవహరించడంతో చాలామంది మద్దతుదారులు ట్రంప్‌కు దూరమయ్యారు. ఇరాన్‌తో యుద్ధం సరైన నిర్ణయం కాదని సుమారు 63 శాతం మంది ఓటర్లు స్పష్టం చేయడం గమనార్హం.3. కీలకాంశాలపై డెమొక్రాట్ల దృష్టి... ఈ ఎన్నికల్లో డెమోక్రాట్లు ఆరోగ్యం, అవినీతి, కుటుంబాల ఆర్థిక సమస్యలవంటి అంశాలపై ఒక పద్ధతి ప్రకారం స్పష్టమైన ప్రచారం చేశారు. ఫలితంగా టెక్సస్, కాన్సస్, సౌత్‌ కరోలినా, జార్జియా వంటి రాష్ట్రాల్లో రిపబ్లికన్ల ఆధిపత్యాన్ని సమర్థంగా ఎదుర్కొగలిగారు. విజయం సాధించారు. ఇదీ చ‌ద‌వండి: అమెరికాలో నీలి సునామీ4. ట్రంప్‌ వైఖరి...ఈ ఎన్నికలను అధ్యక్షుడిగా తన రెఫరెండంగా పరిగణించాలన్న డొనాల్డ్ ట్రంప్‌ వ్యాఖ్యలు ఓటర్లపై ప్రతికూల ప్రభావం చూపాయి. ఆర్థిక సమస్యల గురించి ట్రంప్‌కు ఏమాత్రం పట్టనట్టుగా ఉందని భావించారు. ప్రచారం సమయంలోనూ ట్రంప్‌ తన బాధలే చెప్పుకుంటున్నట్టుగా ఓటర్లు భావించారు. 5. డెమొక్రాట్లకు మళ్లీ బ్లాక్స్‌ మద్దతు.. 2024 అధ్యక్ష ఎన్నికల్లో రిపబ్లికన్లు ఆధిక్యం సాధించడం వెనుక హిస్పానిక్, బ్లాక్స్‌ పాత్ర సుస్పష్టం. కానీ మధ్యంతర ఎన్నికల్లో పరిస్థితి తారుమారైంది. హిస్పానిక్స్‌ ఎక్కువగా ఉన్న కౌంటీల్లో దాదాపు 22 శాతం మంది డెమోక్రాట్లకు మద్దతుగా నిలిచినట్లు సర్వేలు చెబుతున్నాయి. ఇమ్మిగ్రేషన్, పౌర హక్కుల విషయంలో ప్రభుత్వం వైఖరి, ఆర్థిక ఇబ్బందులు హిస్పానిక్స్‌తోపాటు బ్లాక్స్‌ను కూడా మళ్లీ డెమోక్రాట్లకు ఓటేసేలా చేసిందని అంచనా.

న్యూఢిల్లీ: అమెరికా మధ్యంతర ఎన్నికల ఫలితాల నేపథ్యంలో భారత ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌ పేరు సోషల్‌ మీడియాలో మార్మోగుతోంది. ఈ ఎన్నికల్లో డొనాల్డ్‌ ట్రంప్‌ పార్టీ పరాజయం పాలయ్యింది. డెమొక్రాటిక్‌ పార్టీ పైచేయి సాధించింది. జ్ఞానేశ్‌ కుమార్‌ అమెరికాలో ఉండి ఉంటే అధ్యక్షుడు ట్రంప్‌కు ఈ దుస్థితి వచ్చేదే కాదని పేర్కొంటూ ప్రతిపక్ష నాయకులతో సహా పలువురు నెటిజన్లు సోషల్‌ మీడియాలో పోస్టు చేస్తున్నారు. సీఈసీపై పరోక్షంగా వ్యంగ్యాస్త్రాలు విసురుతున్నారు. అమెరికా ఎన్నికల ఫలితాలపై రకరకాల మీమ్స్, వన్‌ లైనర్లు సోషల్‌ మీడియాలో విస్తృతంగా కనిపిస్తున్నాయి. ‘‘అమెరికా అధ్యక్షుడికి ఒక జ్ఞానేశ్‌ కుమార్‌ చాలా అవసరం’’ అని ఒక అజ్ఞాత వ్యక్తి ‘ఎక్స్‌’లో పోస్టుచేశారు. ‘జ్ఞానేశ్‌ కుమార్‌ అమెరికాలో ఉంటే ట్రంప్‌కు ఇలా జరగనిచ్చేవారే కాదు’’ కాక్రోచ్‌ జనతా పార్టీ(సీజేపీ) వ్యవస్థాపకుడు అభిజీత్‌ దీప్కే పేర్కొన్నారు. ‘‘ట్రంప్‌ సాబ్‌.. మీరు జ్ఞానేశ్‌ను వెంట తీసుకెళ్లి ఉంటే ఈరోజు ఇలాంటి పరిస్థితి చూడాల్సి వచ్చేది కాదు’’ అని కాంగ్రెస్‌ పార్టీ సీనియర్‌ నేత పవన్‌ ఖేరా ‘ఎక్స్‌’లో పోస్టు చేశారు. సామాజిక కార్య కర్త, ప్రముఖ న్యాయవాది ప్రశాంత్‌ భూషణ్‌ సైతం స్పందించారు. ‘‘మోదీ: క్షమించు మిత్రమా, జ్ఞానేశ్‌ ను నీ దగ్గరకు పంపలేక పోయాను. ముందు నేను నా సంగతి చూసుకోవాల్సి వచ్చింది. కానీ, ఇప్పుడు ఇక్కడి ప్రజలు అతడిని ఇంట్లోనే బంధించేశారు. ఇప్పుడు అతడు నాకు సహాయం చేయడానికి కూడా వీల్లేకుండా పోయంది’’ అంటూ సోషల్‌ మీడియాలో సెటైర్లు విసిరారు. ప్రధానమంత్రి మోదీ వేచి ఉన్న గదిలోకి ట్రంప్‌ ప్రవేశిస్తున్నట్లుగా ఒక మీమ్‌ను మరొకరు పోస్టుచేశారు. దానికి ‘‘బ్రో.. నాకు జ్ఞానేశ్‌ను ఇవ్వు’’ అనే శీర్షిక కనిపిస్తోంది. మరో పోస్టులో ‘‘మధ్యంతర ఎన్నికల్లో ట్రంప్‌ ఓడిపోవడం మొదలైంది. జ్ఞానేశ్‌ కుమార్‌ అమెరికాకు బయలుదేరబోతున్నారు’’ ఒక నెటిజన్‌ పేర్కొన్నారు. ‘‘అమెరికాలో స్వయంగా జ్ఞానేశ్‌ కుమార్‌ రంగంలోకి దిగి, ఇప్పుడు ఎన్నికలు నిర్వహించాలని ట్రంప్‌ కోరుకుంటున్నారు’’ అనే మరో వ్యాఖ్య కూడా సోషల్‌ మీడియాలో ప్రత్యక్షమైంది. అమెరికా ఓటర్లు ప్రతిపక్ష డెమొక్రాటిక్‌ పార్టీకి పట్టంగట్టారు. కీలకమైన గవర్నర్‌ పదవులను డెమొక్రాట్లు చేజిక్కించుకున్నారు. భారత్‌లో ఓటర్ల జాబితా ప్రత్యేక సమగ్ర సవరణ(ఎస్‌ఐఆర్‌)లో అక్రమాలు జరిగాయనే ఆరోపణలు, అందులో సీఈసీ జ్ఞానేశ్‌ కుమార్‌ పాత్రను అమెరికా ఎన్నికల ఫలితాలతో జనం ముడిపెడుతున్నారు. అక్కడ జ్ఞానేశ్‌ ఉంటే బాగుండేదని, ట్రంప్‌ పార్టీ కచ్చితంగా గెలిచేదని ఎద్దేవా చేస్తున్నారు.

వాషింగ్టన్‌: మధ్యంతర ఎన్నికలపై ఇరాన్‌ యుద్ధం పెను ప్రభావం చూపిందని అమెరికా అధ్యక్షుడు డొనాల్డ్‌ ట్రంప్‌ బుధవారం అంగీకరించారు. ఎనిమిది నెలలుగా కొనసాగుతున్న ఈ సంఘర్షణ ఫలితంగా పెరిగిన ధరల పట్ల ఓటర్లు అసంతృప్తితో ఉన్నారని చెప్పారు. అయితే, ఆ యుద్ధం తాను చేయక తప్పలేదని వ్యాఖ్యానించారు. ఇరాన్‌ విషయంలో యుద్ధం చేయాల్సి వచ్చిందని, దాన్ని తాము కొనసాగిస్తున్నామని విలేకరులతో మాట్లాడుతూ తెలిపారు. ఓటమికి ఇరాన్‌తో యుద్ధమే కారణమని ఉపాధ్యక్షుడు జేడీ వాన్స్‌ కూడా అభిప్రాయపడ్డారు.

వాషింగ్టన్‌: అమెరికా మధ్యంతర ఎన్నికల్లో ఈ సారి కూడా భారతీయులు చెప్పుకోదగ్గ స్థాయిలో రాణించారు. ఒక తరం క్రితం వరకు అమెరికాలోని భారతీయ సంతతి ప్రజలు కేవలం వైద్యం, ఇంజనీరింగ్, ఐటీ, వ్యాపార రంగాలకే పరిమితం అమెరికా రాజకీయాల్లో ఏళ్లుగా ఉన్న వారిని కాసేపు పక్కనబెడితే తాజా ఎన్నికల్లో ఇద్దరు భారతీయ సంతతి నేతలు మొట్టమొదటిసారి చట్టసభల్లోకి ప్రవేశించారు. అమెరికాలో భారతీయ సంతతి నేతల రాజకీయం చాలా వరకూ కాలిఫోర్నీయా, న్యూజెర్సీ వంటి రాష్ట్రాలకే పరిమితం. కానీ ఈసారి ఫ్లోరిడా, జార్జియా వంటి రాష్ట్రాల్లో పియా దండియా, జ్యోత్‌ సింగ్‌ల సాధించిన విజయాలు.. అమెరికా రాజకీయాల్లో సరికొత్త అధ్యాయమని చెప్పాలి. ఫ్లో్లరిడాలోని 22వ కాంగ్రెగేషనల్‌ డిస్ట్రక్ట్‌ నుంచి భారతీయ మూలాలున్న పియా దండియా హౌస్‌ ఆఫ్‌ రిప్రజెంటేటివ్స్‌కు ఎన్నికయ్యారు. ఈ ఘనత సాధించిన తొలి భారతీయ సంతతి ప్రజాప్రతినిధిగా ఆమె చరిత్ర సృష్టించారు. రిపబ్లికన్‌ పార్టీకి చెందిన కేసీ అక్సర్‌పై విజయం సాధించారు. భారతీయ అమెరికన్లు పలువురు హౌస్‌కు ప్రాతినిథ్యం వహిస్తున్న సంగతి తెలిసిందే. సుహాస్‌ సుబ్రమణ్యం వర్జీనియా రాష్ట్రం డిస్ట్రక్ట్‌ 10 నుంచి, కాలిఫోర్నీయాలోని డిస్ట్రక్ట్‌ 17 నుంచి రో ఖన్నా, ప్రమీలా జయపాల్‌ వాషింగ్టన్‌లోని డిస్ట్రిక్ట్‌ సెవెన్‌ నుంచి మళ్లీ ఎన్నికకయ్యారు. వీరితోపాటు కాలిఫోర్నీయా డిస్ట్రిక్ట్‌ త్రీ నుంచి అమీ బేరా కూడా డెమోక్రాట్ల తరఫున మరోసారి హౌస్‌కు ఎన్నికయ్యారు. సెనేట్‌ ఎన్నికల్లో మాత్రం భారతీయులు కానీ, భారతీయ మూలాలు ఉన్న వారు కానీ ఎన్నిక కాలేదు. పియా దండియా భారతీయ సంతతికి చెందిన రాజకీయనేత కావడం గమనార్హం. ఈమె తల్లిదండ్రులు 1980లలో రాజస్థాన్‌లోని జైపూర్‌ నుంచి ఫ్లారిడాకు వలస వెళ్లారు. తండ్రి డాక్టర్‌ రోహిత్‌ దండియా పామ్‌ బీచ్‌ కౌంటీలో ఇరవై ఏళ్లుగా వైద్యసేవలు అందిస్తున్నారు. పియా తల్లి జుపిటర్‌ ప్రాంతంలో లో ఒక మాంటిస్సొరి పాఠశాలను స్థాపించారు. మరోవైపు జార్జియా రాష్ట్రంలో భారతీయ సంతతికి చెందిన జ్యోత్‌ సింగ్‌ కూడా జార్జియా అసెబ్లీకి ఎన్నికయ్యారు. సాధించారు. ఈ ఘనత సాధించిన తొలి సిక్కు–అమెరికన్‌ ప్రజాప్రతినిధిగా నిలిచారు.తెలుగమ్మాయి లెఫ్టినెంట్‌ గవర్నర్‌! మేరీల్యాండ్‌ లెఫ్టినెంట్‌ గవర్నర్‌ స్థానానికి డెమోక్రాట్ల తరఫున పోటీ చేసిన 61 ఏళ్ల అరుణా మిల్లర్‌ కూడా గెలుపొందారు. ఏడేళ్ల వయసులో అరుణ మిల్లర్‌ కుటుంబం ఆంధ్రప్రదేశ్‌ నుంచి అమెరికా వలస వెళ్లింది. మిస్సోరీ యూనివర్శిటీ నుంచి సివిల్‌ ఇంజినీరింగ్‌ చదివిన అరుణ పాతికేళ్లపాటు మాంటిగోమని కౌంటీ రవాణా శాఖలో పనిచేశారు. మేరీలాండ్‌ హౌస్‌ ఆఫ్‌ డెలిగేట్స్‌లో 2010 నుంచి 2018 వరకూ డిస్ట్రక్ట్‌ 15కు ప్రాతినిథ్యం వహించారు. మేరీల్యాండ్‌ లెఫ్టినెంట్‌ గవర్నర్‌గా ఎన్నికైన రెండో మహిళగా అరుణ మిల్లర్‌ రికార్డు సృష్టించారు. తొలి శ్వేతేతర జాతి మహిళ కూడా. మన అల్లుడు.. సెనేటర్‌ ఈ సారి ఎన్నికల్లో మిషిగన్‌ నుంచి సెనేట్‌కు ఎన్నికైన డెమొక్రాటిక్‌ అభ్యర్థి అబ్దుల్‌ ఎల్‌–సయ్యద్‌ భారతదేశపు అల్లుడు. అమెరికా సెనేట్‌కు ఎన్నికైన మొట్టమొదటి ముస్లింగానూ రికార్డు సృష్టించారు. స్వతహాగా ఈజిప్టు నుంచి అమెరికాకు వలస వచ్చిన వ్యక్తి కానీ.. భార్య సారా జుకా తల్లిదండ్రులు కర్ణాటకలోని భట్కళ్‌ నుంచి అమెరికాకు వలసవెళ్లారు.

అగ్రరాజ్యం అమెరికాలో రాజకీయం కొత్త రికార్డు నెలకొల్పింది. నవంబరు మూడవ తేదీ జరిగిన మధ్యంతర ఎన్నికల్లో డెమోక్రాట్లు రెండు సభల్లో, గవర్నర్‌ స్థానాల్లోనూ ఆధిక్యం సాధించడం ఒక విశేషమైతే.. అమెరికా చర్రితలోనే గవర్నర్‌ స్థానానికి ఎన్నికైన నల్ల జాతీయురాలిగా జార్జియాకు చెందిన కీషా లాన్స్‌ బాటమ్‌ చరిత్ర సృష్టించారు. అంతే కాకుండా, దాదాపు రెండు దశాబ్దాలుగా రిపబ్లికన్ల కంచుకోటగా ఉన్న జార్జియా కోటను డెమోక్రాట్లు బద్దలు కొట్టగలిగారు. ప్రజాపోరాటాల ప్రయాణం! న్యాయ, శాసన, కార్యనిర్వాహక వ్యవస్థల్లో పనిచేసిన అరుదైన అనుభవమున్న కీషా రాజకీయ ప్రస్తానం అట్లాంటా వీధుల్లోంచే మొదలైంది. 1970 జనవరి 18న అట్లాంటాలో జని్మంచిన కీషా, ఫ్లారిడా ఏ అండ్‌ ఎం విశ్వవిద్యాలయంలో డిగ్రీ, జార్జియా స్టేట్‌ కాలేజ్‌ ఆఫ్‌ లా నుంచి న్యాయశాస్త్ర పట్టా పొందారు. లాయర్‌గా, ప్రాసిక్యూటర్‌గా, మేజి్రస్టేట్‌ జడ్జిగా క్రిమినల్‌ జస్టిస్‌ వ్యవస్థలో తనదైన ముద్ర వేశారు. అట్లాంటా సిటీ కౌన్సిల్‌ సభ్యురాలిగా రెండుసార్లు (2010 – 2018)ఎన్నికై, స్థానిక సమస్యల పరిష్కారానికి కృషి చేశారు. ఆ తరువాత అట్లాంటా నగర 60వ మేయర్‌గా 2018లో బాధ్యతలు చేపట్టారు. కోవిడ్‌–19 సమయంలో కీషా తీసుకున్న నిర్ణయాలు మాత్రమే కాకుండా పేదలకు ఇళ్లు కట్టివ్వడం, పౌర హక్కుల రక్షణకు చర్యలు తీసుకోవడం వంటివి కీషాకు దేశవ్యాప్త ప్రశంసలు తెచ్చిపెట్టాయి. జో బైడెన్‌ అమెరికా అధ్యక్షుడిగా ఉండగా 2022–2023 మధ్యకాలంలో కీషా వైట్‌ హౌస్‌ ’ఆఫీస్‌ ఆఫ్‌ పబ్లిక్‌ ఎంగేజ్‌మెంట్‌’లో కీలకపాత్ర పోషించారు. సీనియర్‌ సలహాదారుగానూ వ్యవహరించారు. మెరుగైన హామీలతో జనాదరణ2026 గవర్నర్‌ ఎన్నికల్లో కీషా ఆరోగ్యం, కనీస వేతనాల పెంపు, సామాన్యుడికి అందుబాటులో ఇళ్లు వంటి హామీలిచ్చి ప్రజలను ఆకట్టుకున్నారు. కీషా సాధించిన ఈ చారిత్రాత్మక గెలుపు జార్జియా రాజకీయాలకు మాత్రమే పరిమితం కాకుండా, అమెరికా ప్రజాస్వామ్య చరిత్రలోనే మైలురాయిగా నిలిచిపోతాయని రాజకీయ పరిశీలకులు అంచనా వేస్తున్నారు.

అమెరికా మధ్యంతర ఎన్నికల ఫలితాల్లో డెమొక్రాట్లు సంచలనం సృష్టించారు. రిపబ్లికన్ల అదీనంలో ఉన్న సెనేట్‌ పగ్గాలను తిరిగి తమ సొంతం చేసుకోగలిగారు. మెజారిటీకి నికరంగా 4 స్థానాల్లో గెలుపు అవసరం కాగా.. ఏడు రిపబ్లికన్‌ స్థానాల్లో గెలిచారు. దీంతో సెనేట్‌లో డెమొక్రాట్ల బలం 54కు పెరిగింది. గెలుపు గుర్రాలు ఇవే... 1. టెక్సాస్‌: జేమ్స్‌ తలారికో రిపబ్లికన్‌ అభ్యర్థి కేన్‌ పాక్స్టన్‌పై విజయం సాధించారు. దీంతో టెక్సాస్‌లో 38 ఏళ్ల రిపబ్లికన్ల ఆధిపత్యానికి తెరపడింది. 2. నార్త్‌ కరోలినా: రాయ్‌ కూపర్‌ రిపబ్లికన్‌ ప్రత్యర్థి మైఖేల్‌ వాట్లీని ఓడించారు. 3. సౌత్‌ కరోలినా: అన్నీ ఆండ్రూస్‌ రిపబ్లికన్‌ అబ్యర్థి డార్లీన్‌ గ్రాహంపై ఘనవిజయం సాధించారు. ట్రంప్‌ మద్దతుదారైన ’లూసియన్‌/లిండ్సే గ్రాహం సోదరి ఈ డార్లీన్‌. 4. ఒహాయో: షెర్రోడ్‌ బ్రౌన్‌ రిపబ్లికన్‌ అభ్యర్థి జాన్‌ హస్టెడ్‌పై గెలుపొందారు. అమెరికా ఉపాధ్యక్షుడు జెడి వాన్స్‌ ఖాళీ చేసిన సీటు ఇది. 5. కాన్సాస్‌: ఆడమ్‌ హామిల్టన్‌ రిపబ్లికన్‌ సెనేటర్‌ రోజర్‌ మార్షల్‌ను ఓడించారు. కాన్సాస్‌లో ఒక డెమొక్రాట్‌ సెనేటర్‌గా గెలవడం 94 ఏళ్ల తర్వాత ఇదే తొలిసారి. 6. అయోవా: జోష్‌ తురెక్‌ రిపబ్లికన్‌ ప్రత్యర్థి ఆష్లే హిన్సన్‌పై గెలిచారు. 7. మెయిన్‌: ట్రాయ్‌ జాక్సన్‌ సుసాన్‌ కొల్లిన్స్‌ను ఓడించి సెనేటర్‌గా ఎన్నికయ్యారు. సూసన్‌ కొల్లిన్స్‌ 30 ఏళ్లుగా సెనేటర్‌గా ఉన్నారు. గవర్నర్‌ రేసులోనూ... అమెరికా మధ్యంతర ఎన్నికల్లో భాగంగా 35 రాష్ట్రాల గవర్నర్‌ పదవుల కోసం జరిగిన ఓటింగ్‌లోనూ డెమొక్రాట్లు తమ ఆధిపత్యాన్ని కొనసాగించారు. ఇప్పటివరకూ రిపబ్లికన్ల చేతుల్లో ఉన్న నాలుగు గవర్నర్‌ పీఠాలను తమవశం చేసుకున్నారు. దీంతో చాలా ఏళ్ల తరువాత దేశవ్యాప్తంగా మెజార్టీ గవర్నర్‌ స్థానాల్లో డెమొక్రాట్లు స్థానం సంపాదించుకున్నట్లు అయ్యింది. 1. టెక్సాస్‌: రాష్ట్ర డెమొక్రాటిక్‌ అభ్యర్థి గినా హిజోనోసా అనూహ్య విజయంతో ప్రస్తుత గవర్నర్‌ రిపబ్లికన్‌ అభ్యర్థి, నాలుగుసార్లు గవర్నర్‌గా పనిచేసిన గ్రెగ్‌ అబాట్‌ను ఓడించారు. 2. జార్జియా: గవర్నర్‌గా ఎన్నికైన మొట్టమొదటి నల్ల జాతీయురాలిగా డెమొక్రటిక్‌ పార్టీకి చెందిన కీషా లాన్స్‌ బాటమ్స్‌ ఈ ఎన్నికల్లో రికార్డు సృష్టించారు. రిపబ్లికన్‌ అభ్యర్థి రిక్‌ జాక్సన్‌పై గెలుపొందారు. జార్జియాలో రెండు దశాబ్దాలుగా రిపబ్లికన్లదే రాజ్యం కావడం గమనార్హం. 3. ఒహాయో: భారతీయ సంతతి రిపబ్లికన్‌ పార్టీ అభ్యర్థి వివేక్‌ రామస్వామిని డెమోక్రటిక్‌ పార్టీ ఆమీ ఆక్టన్‌ ఓడించి గవర్నర్‌గా ఎన్నికయ్యారు. వివేక్‌ రామస్వామి ట్రంప్‌ మద్దతుదారు, భారతీయ సంతతి నేత అన్నది తెలిసిందే. 4. అయోవా: డెమొక్రాటిక్‌ పార్టీ అభ్యర్థి గవర్నర్‌గా గెలవడం దాదాపు ఇరవై ఏళ్ల తరువాత ఇదే తొలిసారి. డెమొక్రటిక్‌ పార్టీ తరఫున పోటీ చేసిన రాబ్‌ సాండ్‌ రిపబ్లికన్‌ అభ్యర్థి జాక్‌ లాన్‌ను ఓడించారు.

వాషింగ్టన్‌: నిలకడలేని మాటలు, పొంతనలేని విధానాలు, కొన్ని దేశాలపై ద్వేషం వంటి అనేకానేక వేషాలేసిన అమెరికా అధ్యక్షుడు డొనాల్డ్‌ ట్రంప్‌కు ఓటర్లు గట్టిగానే బుద్ధి చెప్పారు. అధ్యక్ష ఎన్నికలు కానప్పటికీ నవంబరు మూడున జరిగిన ఎన్నికల్లో ప్రతిపక్ష డెమొక్రాట్‌ పార్టీ అభ్యర్థులను పెద్ద ఎత్తున గెలిపించారు. యూఎస్‌ హౌస్‌ ఆఫ్‌ రెప్రజెంటేటివ్స్‌తోపాటు సెనేట్‌లో మెజారిటీని సొంతం చేసుకున్న డెమొక్రాట్లు, రిపబ్లికన్ల కంచుకోటలైన కీలక రాష్ట్రాల గవర్నర్‌ పీఠాలను కైవసం చేసుకుని ‘నీలి సునామీ’సృష్టించారు.హౌస్‌ ఆఫ్‌ రిప్రజెంటేటివ్స్‌లోని మొత్తం 435 స్థానాలతోపాటు సెనేట్‌లోని 35 ఖాళీలకు నవంబరు మూడున ఎన్నికలు జరిగిన విషయం తెలిసిందే. భారతీయ కాలమానం ప్రకారం మంగళవారం మధ్యాహ్నం మొదలైన పోలింగ్‌ కొంచెం అటు ఇటుగా బుధవారం ఉదయం పది గంటల ప్రాంతంలో ముగిసింది. కౌంటింగ్‌ కూడా ప్రారంభమైంది. అందుబాటులో ఉన్న వివరాల ప్రకారం.. డెమొక్రాట్లు టెక్సస్, నార్త్, సౌత్‌ కరోలీనాలు, ఒహాయో, కాన్సస్, అయోవా, మెయిన్‌ స్థానాల్లో రిపబ్లికన్‌ పార్టీ అభ్యర్థులను ఓడించడం ద్వారా సెనేట్‌లో ఆధిక్యం సంపాదించారు. మరికొన్ని స్థానాల ఫలితాలు ఇంకా వెలువడాల్సి ఉంది.అయితే నికరంగా ఏడు స్థానాల్లో గెలుపు ద్వారా డెమోక్రాట్లు సెనేట్‌లో ఆధిక్యాన్ని ఖరారు చేసుకోవడం గమనార్హం. కడపటి వార్తలందేసరికి సెనేట్‌లో డెమొక్రాట్లు 54, రిపబ్లికన్లు 44 స్థానాలు గెలుచుకున్నారు. మరోవైపు హౌస్‌ ఆఫ్‌ రిప్రజెంటేటివ్స్‌లోనూ డెమొక్రాట్లు ఆధిక్యానికి అవసరమైన 218 స్థానాల మార్కును దాటేశారు 435 స్థానాలకు గాను 234స్థానాలు డెమొక్రాట్లు, రిపబ్లికన్లు 139 స్థానాలు గెలుచుకున్నట్లుగా తెలుస్తోది. ఇంకో 62 స్థానాల్లో కౌంటింగ్‌ కొనసాగుతోంది. ట్రెండ్‌ ఇదే మాదిరిగా కొనసాగితే డెమొక్రాట్లు ఏకంగా 245 – 260 స్థానాలు గెలవవచ్చునని రాజకీయ విశ్లేషకుల అంచనా.కొత్తగా ఎన్నికైన ప్రజా ప్రతినిధులు 2027 జనవరి 3న ప్రమాణ స్వీకారం చేసి బాధ్యతలు స్వీకరిస్తారు. హౌస్, సెనేట్‌లతోపాటు జరిగిన 36 రాష్ట్రాల గవర్నర్‌ ఎన్నికల్లోనూ రిపబ్లికన్లకు ఎదురుదెబ్బే తగిలింది. టెక్సస్‌ నుంచి గినా హినోజోసా ఒహాయో నుంచి ట్రంప్‌ మద్దతుదారు, భారతీయ సంతతికి చెందిన వివేక్‌ రామస్వామిపై ఆమీ యాక్టన్‌ గెలుపొందారు. అలాగే అమెరికా చరిత్రలోనే మొట్టమొదటి నల్లజాతి గవర్నర్‌గా జార్జియాకు చెందిన కీషా లాన్స్‌ బాటమ్‌ విజయం సాధించారు. అయోవాలో డెమొక్రాట్లకు చెందిన రాబ్‌ శాండ్‌ గెలుపొందారు. కంచుకోటలు బద్ధలు... రిపబ్లికన్‌ పార్టీ కంచుకోట టెక్సాస్‌ నుంచి 38 ఏళ్ల తరువాత మొదటిసారిగా డెమొక్రాట్‌ అభ్యర్ధి జేమ్స్‌ టలారికో సెనేటర్‌గా గెలిచి సరికొత్త రికార్డు సృష్టించారు. రిపబ్లికన్‌ పార్టీ తరఫున పోటీ చేసిన కెన్‌ ప్యాక్స్‌టన్‌ ఓటమి పాలయ్యారు. జార్జియా నుంచి మరోసారి జాన్‌ ఓసాఫ్‌ విజయం సాధించారు. 2028 అధ్యక్ష ఎన్నికల్లో జాన్‌ ఒసాఫ్‌ డెమొక్రటిక్‌ పార్టీ తరఫున బరిలోకి దిగుతారని అంచనా. నార్త్‌ కారొలీనాలో రాయ్‌ కూపర్‌ రిపబ్లికన్‌ అభ్యర్థి మైకేల్‌ వాట్లేపై విజయం సాధించారు. కాన్సస్‌లో ఆడమ్‌ హామిల్టన్‌ 94 తరువాత ఈ స్థానం నుంచి గెలుపొందిన డెమోక్రాట్‌గా చరిత్ర సృష్టించారు. ఓహాయోలోనూ డెమోక్రాట్ల అభ్యర్థి షెర్రాడ్‌ బ్రౌన్‌ రిపబ్లికన్ల అభ్యర్థి జాన్‌ హస్టెడ్‌పై విజయం సాధించగా... మిషిగన్‌ నుంచి అమెరికా చరిత్రలోనే మొట్టమొదటి ముస్లిం సెనేటర్‌గా డాక్టర్‌ అబ్దుల్‌ ఎల్‌ సయ్యద్‌ ఘన విజయం సాధించారు. డాక్టర్‌ సయ్యద్‌ భార్య కర్ణాటకకు చెందిన భారతీయ సంతతి మహిళ, సైకియాట్రిస్ట్‌ డాక్టర్‌ సారా జుకాకూ కావడం గమనార్హం. అయోవాలో రిపబ్లికన్‌ ప్రతినిధి యాష్లే హిన్సన్‌పై డెమొక్రాట్‌ అభ్యర్థి జోష్‌ తురెక్‌ విజయం సాధించారు. న్యూ హాంప్షైర్‌లో రిపబ్లికన్‌ మాజీ సెనేటర్‌ జాన్‌ సునును ఓడించి, డెమొక్రాట్‌ అభ్యర్థి క్రిస్‌ పప్పాస్‌ సెనేట్‌ స్థానాన్ని దక్కించుకున్నారు. సౌత్‌ కరోలినా డెమొక్రాట్‌ అభ్యర్థి అన్నీ ఆండ్రూస్‌ రిపబ్లికన్‌ అభ్యర్థి డార్లిన్‌ గ్రాహంపై సంచలన విజయం సాధించారు. పెన్సిల్వేనియా, న్యూజెర్సీలలో టామ్‌ కీన్, రియాన్‌ మెకెంజీ, స్కాట్‌ పెర్రీ, రాబ్‌ బ్రెస్నాహాన్‌ వంటి కీలక రిపబ్లికన్‌ ప్రతినిధులు ఓటమిపాలయ్యారు. కారణాలు బోలెడు.. మధ్యంతర ఎన్నికల్లో ట్రంప్‌ వ్యతిరేక పవనాలు వీయడం వెనుక కారణాలు బోలెడు. ఇరాన్‌తో యుద్ధం అనవసరమన్నది మెజార్టీ అమెరికన్ల అభిప్రాయం. నింగినంటిన డీజిల్‌ ధరలు, నిత్యావసర వ్యయం భారం కావడంతో పాటు ట్రంప్‌ అబద్ధాలు, ప్రచారాలపై అమెరికన్లు తీవ్ర అసహనంతో ఉన్నారు. అసోసియేటెడ్‌ ప్రెస్‌ సర్వే ప్రకారం ట్రంప్‌ పనితీరుపై దాదాపు 60 శాతం మంది ఓటర్లు తీవ్ర వ్యతిరేకత వ్యక్తం చేశారు. అధ్యక్షుడి ఆకతాయి నిర్ణయాలకు చెక్‌ పెట్టేందుకు కాంగ్రెస్‌ బలంగా ఉండాలని 70 శాతం ఓటర్లు కోరుకున్నారు. మధ్యంతర ఎన్నికల తీర్పుతో అమెరికాలో ట్రంప్‌ శకం ముగిసినట్లేనని రిపబ్లికన్‌ పార్టీ నేత క్రిస్‌ క్రిస్టీ సైతం వ్యాఖ్యానించరంటే ట్రంప్‌పై ఉన్న వ్యతిరేకత స్థాయి ఏమిటన్నది అర్థం చేసుకోవచ్చు. నేను కానీ బరిలోఉండి ఉంటేనామధ్యంతర ఎన్నికల్లో ప్రతికూల ఫలితాలపై అధ్యక్షుడు ట్రంప్‌ తనదైన శైలిలో స్పందించారు. బ్యాలెట్‌పై నా పేరు లేదు కాబట్టి ఈ ఓటమి తనది కాదని బాధ్యతను ఇతరులపైకి నెట్టేసే ప్రయత్నం చేశారు. అదే సమయంలో నేను బరిలో ఉంటే ల్యాండ్‌స్లైడ్‌ విక్టరీ సాధించి ఉండేవాళ్లమని కూడా ఆయన వ్యాఖ్యానించారు. న్యూయార్క్‌ టైమ్స్, సీబీఎస్‌ ఛానళ్లతో మాట్లాడుతూ డెమొక్రాట్లను అభినందించారు. దేశ ప్రయోజనాల కోసం వారితో కలిసి పని చేసేందుకు సిద్ధమేనని స్పష్టం చేశారు. ఇదీ చ‌ద‌వండి: ఎన్నికల ఫలితాలపై ఎలాన్ మస్క్ సెటైర్లుఅనంతరం.. ’ట్రూత్‌ సోషల్‌’ లో స్పందిస్తూ... ‘ఈ ఎన్నికల బ్యాలె ట్‌ పేపర్‌పై నేను లేను! ఒకవేళ నేను బరిలో ఉండి ఉంటే భారీ విజయం సాధించి ఉండేవాళ్లం!‘ అని వ్యాఖ్యానించారు. అదే సమయంలో తన ‘వీటో’అస్త్రంతో చట్టసభల నిర్ణయాలను తోసిపుచ్చుతానని హెచ్చరిస్తూ, ‘వీటో’అని రాసి ఉన్న ఎర్రటి టోపీతో ఉన్న తన ఫోటోను పోస్ట్‌ చేశారు. డెమొక్రాట్లు కూడా తనతో కలిసి పనిచేయాలనే అనుకుంటున్నారని చెప్పిన ట్రంప్‌.. ‘‘లేదంటే అన్నింటినీ వీటో చేసేస్తా. వాళ్లు (డెమొక్రాట్లు) కూడా ఇది కోరుకోవడం లేదు అనుకుంటా’’అని వ్యాఖ్యానించారు. ఇప్పుడు ఏమి జరగనుంది? ఒక్కమాటలో చెప్పాలంటే ట్రంప్‌ మాటలు ఇక చెల్లవు. హౌస్‌ ఆఫ్‌ రిప్రజెంటేటివ్స్, సెనేట్‌ రెండింటిలో డెమోక్రాట్ల ఆధిక్యం ఉండటం వల్ల ట్రంప్‌ ప్రతిపాదించే కొత్త బిల్లులు, పన్ను మార్పులు లేదా సంస్కరణలు ఆమోదం పొందే అవకాశాలు తగ్గిపోతాయి. బడ్జెట్‌తోపాటు, బిల్లులు ఆమోదించే అధికారం కూడా డెమొక్రాట్ల చేతుల్లోకి వెళ్లిపోతుంది కాబట్టి అధ్యక్షుడిగా ట్రంప్‌ సొంత నిర్ణయాలతో ఖర్చు చేయలేరు. అంతేకాదు.. జడ్జిలు, కేబినెట్‌ మంత్రులు, రాయబారుల నియామకాలకు కూడా సెనేట్‌ ఆమోదం తప్పనిసరి. ఫలితంగా ట్రంప్‌ మద్దతుదారులకు గడ్డుకాలం. అ యితే... ఇందులో ఇంకో కోణం కూడా ఉంది. డెమోక్రాట్లు ఆ మోదించే బిల్లులను అధ్యక్ష హోదాలో ట్రంప్‌ తిరస్కరించే (వీటో) అధికా రం ఉంటుంది. వీటోనూ కూడా కాదని బిల్లు ఆమోదం పొందాలంటే హౌస్‌ ఆఫ్‌ రిప్రజెంటేటివ్స్, సెనేట్‌ రెండింటిలో మూడింట రెండు వంతుల మెజార్టీ అవసరమవుతుంది.

అమెరికా మధ్యంతర ఎన్నికల్లో డెమో క్రాట్లు ప్రభంజనాన్ని సృష్టాంచారు. భారతీయ-అమెరికన్ వ్యాపారవేత్త, రిపబ్లికన్ పార్టీ నేత వివేక్ రామస్వామి అమెరికాలోని ఓహియో (Ohio) గవర్నర్ ఎన్నికల్లో ఘోర పరాజయాన్ని చవిచూశారు. రిపబ్లికన్ అభ్యర్థి న్యూయార్క్‌లో సరిత కోమటిరెడ్డి వంటి ఘోరంగా ఓడిపోయారు. రిపబ్లికన్లకు మొగ్గుచూపే రాష్ట్రంలో అధ్యక్షుడు డొనాల్డ్ ట్రంప్ మద్దతుతో, ఒహియోకు తొలి భారతీయ-అమెరికన్ గవర్నర్ అయ్యే ప్రయత్నంలో 41 ఏళ్ల రామస్వామికి కీలకమైన ప్రయోజనాలు ఉన్నాయని విస్తృతంగా భావించారు. అయితే, అధ్యక్షుడు ట్రంప్ ఆర్థిక వ్యవస్థను తీరు, ఇరాన్‌తో యుద్ధంపై ప్రజల ఆగ్రహం దీన్ని దెబ్బతీసింది. వివాదాలు, స్వయంకృతాపరాధంఆయనపై డెమోక్రటిక్ అభ్యర్థి అమీ ఆక్టన్ ఘన విజయం సాధించారు. తద్వారా ఓహియో చరిత్రలోనే తొలిసారి ఎన్నికైన మహిళా గవర్నర్‌గా అమీ రికార్డు సృష్టించారు ఈ ఎన్నికల్లో అమీ ఆక్టన్ 51 శాతానికి పైగా ఓట్లను సాధించగా, రామస్వామి 45 శాతానికి పైగా ఓట్లను పొందారు. అయితే వివేక్‌ వివాదాస్పద ప్రచార ప్రకటన ఆయన ఓటమికి ప్రధాన కారణమని విశ్లేషకులు భావిస్తున్నారు. వ్యాపారవేత్త నుండి రాజకీయ నాయకుడిగా ఎదిగి, వివాదాస్పద అధ్యక్షుడ ట్రంప్‌ అనుచరుడిగా రామస్వామి, వివాదాలు తప్పులతో పరిస్థితిని మరింత దిగజార్చుకున్నారనేది పలువురి విశ్లేషణ. తన ప్రత్యర్థి అమీ యాక్టన్ (Amy Acton) కుటుంబ సభ్యులను ఎన్నికల ప్రచారంలో భాగంగా వివేక్ రామస్వామి విడుదల చేసిన ఒక ప్రకటన తీవ్ర వివాదానికి దారితీసింది. ఆమెపై చేసిన వ్యక్తిగత దాడి, ప్రకటనలోని అంశాలు రిపబ్లికన్ పార్టీలోని కొందరు కీలక నేతలు కూడా ఖండించారు. ఇక సాధారణ ఓటర్లలోనూ ఇవి తీవ్ర వ్యతిరేకతను తెచ్చిపెట్టాయి. అంతేకాదు వివేక్ రామస్వామి ప్రచార ప్రకటనలో ఒక లైంగిక నేరస్థుడిని చేర్చడం మరో పెద్ద వివాదంగా మారింది. ఇది ఓటర్లలో ఆయనపై ప్రతికూల ప్రభావాన్ని చూపిందంటున్నారు విశ్లేషకులు.ఇదీ చదవండి: అమెరికా మధ్యంతర ఎన్నికల్లో భారతీయ అమెరికన్ల సత్తాఅమీ యాక్టన్‌కు అనూహ్య మద్దతు మరోవైపు పోలింగ్‌కు ముందు నుంచే సర్వేలలో అమీ యాక్టన్ స్వల్ప ఆధిక్యతతో కొనసాగారు. వివేక్ రామస్వామి చేసిన వివాదాస్పద వ్యాఖ్యలు , ప్రకటనల వల్ల తటస్థ ఓటర్లు, మహిళా ఓటర్లు అమీ యాక్టన్ వైపు మొగ్గు చూపడానికి కారణమయ్యాయి. 2024 రిపబ్లికన్ అధ్యక్ష నామినేషన్ రేసు నుండి తప్పుకున్న తర్వాత డొనాల్డ్ ట్రంప్‌కు మద్దతు ఇచ్చి, ఆయన ప్రభుత్వంలో కొన్నాళ్లు పనిచేసిన వివేక్ రామస్వామి, ఓహియోలో సొంతంగా బలమైన ఓటు బ్యాంకును నిర్మించుకోవడంలో, స్థానిక ఓటర్లను ఆకట్టుకోవడంలో విఫల కావడంతోపాటు, ప్రచారంలో జరిగిన తప్పిదాల వల్లే ఓహియో గవర్నర్ ఎన్నికల్లో వివేక్ రామస్వామికి ఓటమి ఎదురైందని భావిస్తున్నారు.ఇదీ చదవండి: US midterm elections 2026 ఓడిపోయిన ఇండియన్‌ అమెరికన్స్‌

నవంబర్ 3న జరిగిన అమెరికా మధ్యంతర ఎన్నికలలో భారతీయ-అమెరికన్ అభ్యర్థులు మిశ్రమ ఫలితాలను నమోదు చేశారు. పలు కాంగ్రెస్, రాష్ట్ర స్థాయి పోటీలలో కొందరు సత్తా చాటి నప్పటికీ, కీలకమైన రేసులలో పరాజయాలను చవిచూశారు. ప్రముఖ అభ్యర్థులలో, డెమొక్రాట్ పియా దండియా ఫ్లోరిడాలోని 22వ కాంగ్రెస్ జిల్లాలో విజయం సాధించగా, రిపబ్లికన్ వివేక్ రామస్వామి ఒహాయో గవర్నర్ రేసులో డెమొక్రాట్ అమీ ఆక్టన్ చేతిలో ఓడిపోయారు. అలాగే సుహాస్ సుబ్రమణ్యం, రో ఖన్నా, ప్రమీలా జయపాల్ , అరుణా మిల్లర్‌తో సహా పలువురు ఇతర భారతీయ-అమెరికన్ అభ్యర్థులు కూడా విజయాలు సాధించారు. ఈ మధ్యంతర ఎన్నికల్లో ఓడి పోయిన అభ్యర్థులు వివరాలు ఇలా ఉన్నాయి.సరిత కోమటిరెడ్డి - రిపబ్లికన్ న్యూయార్క్ అటార్నీ జనరల్రితేష్ టాండన్ - రిపబ్లికన్ కాలిఫోర్నియా 17వ కాంగ్రెషనల్ డిస్ట్రిక్ట్నీరవ్ షెత్ - రిపబ్లికన్ వాషింగ్టన్ 7వ కాంగ్రెషనల్ డిస్ట్రిక్ట్మహేష్ గనోర్కర్ - రిపబ్లికన్ నార్త్ కరోలినా 4వ కాంగ్రెషనల్ డిస్ట్రిక్ట్అనిల్ కుమార్ - ఇండిపెండెంట్ మిచిగాన్ 11వ కాంగ్రెషనల్ డిస్ట్రిక్ట్ఫలితాలు వెలువడని భారతీయ-అమెరికన్ అభ్యర్థులునవంబర్ 4 నాటికి అనేక పోటీల ఫలితాలు ఇంకా వెలువడలేదు. లాస్ ఏంజిల్స్ మేయర్ ఎన్నికలో ప్రస్తుత మేయర్ కరెన్ బాస్‌పై నిత్యా రామన్ పోటీ కూడా వీటిలో ఒకటి. ప్రాథమిక ఫలితాల్లో రామన్ 49.16%తో, బాస్ 50.84%తో వెనుకబడి ఉన్నారు.ఫలితాల కోసం ఎదురుచూస్తున్న ఇతర అభ్యర్థులలో కాలిఫోర్నియాలోని 3వ కాంగ్రెస్ జిల్లాలో అమీ బేరా, అరిజోనాలోని 1వ జిల్లాలో అమిష్ షా, న్యూయార్క్ రాష్ట్ర సెనేట్ రేసులో లీసా కౌల్, మరియు అరిజోనాలోని 18వ రాష్ట్ర సెనేట్ జిల్లాలో ప్రియా సుందరేశన్ ఉన్నారు.డెమొక్రాట్లకు చెందిన సందీప్ శ్రీవాస్తవ , పూజా సేథి కూడా టెక్సాస్ రాష్ట్ర ప్రతినిధుల సభ స్థానాలకు పోటీ చేస్తుండగా, రంజీవ్ పూరి మిచిగాన్ రాష్ట్ర శాసనసభలో మరోసారి పదవీకాలం కోసం ప్రయత్నించారు. శుచితా పటేల్ జార్జియాలో కౌంటీ కమిషన్ స్థానానికి పోటీ చేశారు.ఇదీ చదవండి: అమెరికా మధ్యంతర ఎన్నికల్లో భారతీయ అమెరికన్ల సత్తా

అమెరికా: అమెరికా 2026 మధ్యంతర ఎన్నికల్లో మిచిగన్ రాష్ట్రం నుంచి సెనేట్‌కు ఎన్నికైన అబ్దుల్ ఎల్-సయ్యద్ చారిత్రాత్మక విజయంతో జాతీయ స్థాయిలో చర్చనీయాంశమయ్యారు. అయితే ఆయన విజయం వెనుక మరో ఆసక్తికర అంశం ఉంది. ఆయన భార్య డాక్టర్ సారా జుకాకు (Sarah Jukaku) కుటుంబ మూలాలు భారతదేశంలోని కర్ణాటక రాష్ట్రం భట్కల్ ప్రాంతానికి చెందినవి.డాక్టర్ సారా జుకాకు అమెరికాలో జన్మించి పెరిగిన భారతీయ వంశావళి కుటుంబానికి చెందిన వైద్యురాలు. ఆమె తండ్రి తయ్యబ్ జుకాకు కుటుంబం కర్ణాటకలోని భట్కల్ ప్రాంతం నుంచి అమెరికాకు వలస వెళ్లింది. భారతీయ సంస్కృతి, కుటుంబ విలువలు, విద్యపై దృష్టి వంటి అంశాలు ఆమె పెంపకంలో ముఖ్య పాత్ర పోషించాయి.వృత్తిరీత్యా సారా జుకాకు ఒక సైకియాట్రిస్ట్ (మానసిక ఆరోగ్య నిపుణురాలు). మానసిక ఆరోగ్య సేవల విస్తరణ, మహిళల ఆరోగ్యం, కుటుంబ సంక్షేమం వంటి అంశాలపై ఆమె ప్రత్యేక ఆసక్తి కనబరిచారు. వైద్య రంగంలో సేవలందిస్తూనే సామాజిక కార్యక్రమాల్లో కూడా చురుకుగా పాల్గొంటున్నారు.అబ్దుల్ ఎల్-సయ్యద్ ప్రజారోగ్య విధానాలు, ఆరోగ్య సంరక్షణ సంస్కరణలపై పనిచేసిన సమయంలో సారా జుకాకు ఆయనకు కీలక మద్దతుదారుగా నిలిచారు. ఎన్నికల ప్రచార సమయంలో కూడా కుటుంబంతో కలిసి ప్రజల్లోకి వెళ్లి ఆయనకు అండగా నిలిచారు.అమెరికా చరిత్రలో తొలి ముస్లిం సెనేటర్‌గా నిలిచిన అబ్దుల్ ఎల్-సయ్యద్ విజయానికి భారతీయులతో ఉన్న అనుబంధం కూడా ప్రత్యేక ఆకర్షణగా మారింది. కర్ణాటకలోని భట్కల్ మూలాలు కలిగిన కుటుంబానికి చెందిన డాక్టర్ సారా జుకాకు, భారతీయ వంశావళి అమెరికన్లు విద్య, వైద్యం, ప్రజాసేవ రంగాల్లో సాధిస్తున్న ప్రగతికి మరో ఉదాహరణగా నిలుస్తున్నారు.ఈ కారణంగానే అబ్దుల్ ఎల్-సయ్యద్ విజయం అమెరికాలోని భారతీయ సమాజంతో పాటు కర్ణాటకలోని భట్కల్ ప్రాంత ప్రజల్లోనూ ఆసక్తిని రేకెత్తిస్తోంది. ఆయన సెనేట్ విజయాన్ని చాలామంది "భారతీయ కుటుంబ బంధం కలిగిన చారిత్రాత్మక అమెరికన్ విజయం"గా అభివర్ణిస్తున్నారు.ఇదీ చదవండి: మధ్యంతర ఎన్నికల ఫలితాలపై ఎలాన్ మస్క్ సెటైర్లు

అమెరికా 22026 మధ్యంతర ఎన్నికల (Midterm Elections) తొలి ఫలితాల్లో డెమోక్రాట్లు కాంగ్రెస్‌పై పట్టు సాధించడం వార్తల్లో నిలవగా, మరోవైపు అమెరికా అంతటా కాంగ్రెస్‌తో పాటు రాష్ట్ర స్థాయి ఎన్నికల్లో భారతీయ-అమెరికన్ అభ్యర్థులు కీలక విజయాలు సాధించడం మరో ప్రత్యేక ఆకర్షణగా మారింది. ఫెడరల్ స్థాయి నుంచి స్థానిక పాలనా వ్యవస్థల వరకు పలువురు భారతీయ అమెరికన్లు విజయాన్ని నమోదు చేసి తమ ముద్ర వేశారు.ముఖ్యంగా ఈ ఎన్నికల్లో అత్యంత చారిత్రాత్మక విజయం 39 ఏళ్ల పియా దండియాది. ఫ్లోరిడా 22వ నియోజకవర్గం నుంచి అమెరికా ప్రతినిధుల సభకు ఎన్నికైన ఆమె, ఫ్లోరిడా రాష్ట్రం నుంచి కాంగ్రెస్‌కు ఎన్నికైన తొలి భారతీయ అమెరికన్‌గా చరిత్ర సృష్టించారు. అమెరికా రాజకీయాల్లో భారతీయ సమాజం పెరుగుతున్న ప్రభావానికి ఇది కీలక గుర్తింపుగా భావిస్తున్నారు.జార్జియాలో జ్యోత్ సింగ్ విజయంతో మరో చరిత్ర నమోదైంది. ఆయన జార్జియా రాష్ట్ర శాసనసభకు ఎన్నికై, ఆ రాష్ట్ర అసెంబ్లీలోకి ఎన్నికైన తొలి సిక్కు-అమెరికన్గా నిలిచారు. దక్షిణ అమెరికాలో భారతీయ వలసదారుల రాజకీయ ప్రాతినిధ్యం విస్తరిస్తోందనే సంకేతంగా ఈ విజయం కనిపిస్తోంది.వాషింగ్టన్ డీసీలో అపర్ణ రాజ్ సిటీ కౌన్సిల్‌లోని వార్డ్-1 స్థానాన్ని గెలుచుకుని స్థానిక పాలనలో భారతీయుల ప్రాతినిధ్యాన్ని మరింత బలోపేతం చేశారు. ఇక ఇప్పటికే జాతీయ స్థాయిలో గుర్తింపు పొందిన సుహాస్ సుబ్రమణ్యం, రోఖన్నా, ప్రమిలా జయపాల్, అమీ బేరా తమ తమ కాంగ్రెస్ స్థానాలను తిరిగి కైవసం చేసుకొని భారతీయ అమెరికన్ల బలమైన రాజకీయ ఉనికిని కొనసాగించారు.మేరీల్యాండ్ లెఫ్టినెంట్ గవర్నర్ అరుణా మిల్లర్, విస్కాన్సిన్ అటార్నీ జనరల్ జోష్ కౌల్ కూడా మరోసారి విజయం సాధించి భారతీయ మూలాలున్న నాయకులు కేవలం శాసనసభలకే పరిమితంకాదు, రాష్ట్రాల పాలనా వ్యవస్థల్లోనూ కీలక పాత్ర పోషిస్తున్నారని నిరూపించారు.ఈ ఎన్నికల్లో భారతీయ అమెరికన్లు అమెరికా సెనేట్‌ను గెలుచుకోకపోయినా, కాంగ్రెస్, రాష్ట్ర శాసనసభలు, కార్యనిర్వాహక పదవులు , స్థానిక సంస్థల్లో నమోదైన విజయాలు అమెరికాలో భారతీయ వలసదారుల కమ్యూనిటీ రాజకీయ పరిపక్వతకు, పెరుగుతున్న ప్రభావానికి మరో మైలురాయిగా నిలిచాయి. భారత సంతతి అమెరికన్లు ఇక అమెరికా రాజకీయాల్లో ప్రభావవంతమైన రాజకీయ శక్తిగా ఎదుగుతున్నారనే సందేశాన్ని చెప్పకనే చెబుతున్నాయి.సత్తా చాటిన భారతీయ అమెరికన్లు పియా దండియా - ఫ్లోరిడా నుంచి కాంగ్రెస్‌కు ఎన్నికైన తొలి భారతీయ అమెరికన్జ్యోత్ సింగ్ - జార్జియా అసెంబ్లీలో తొలి సిక్కు-అమెరికన్అపర్ణ రాజ్ - వాషింగ్టన్ డీసీ సిటీ కౌన్సిల్ సభ్యురాలుఅరుణా మిల్లర్, జోష్ కౌల్ - రాష్ట్ర స్థాయి కీలక పదవుల్లో తిరిగి విజయంరోఖన్నా, ప్రమిలా జయపాల్, సుహాస్ సుబ్రమణ్యం, అమీ బేరా - కాంగ్రెస్‌లో భారతీయ అమెరికన్ ప్రాతినిధ్యాన్ని కొనసాగించారు.

వాషింగ్టన్‌: అమెరికా మధ్యంతర ఎన్నికల్లో డెమోక్రాట్లు విజయం సాధించడంతో ఆ పార్టీ శ్రేణుల్లో ఉత్సాహం నెలకొంది. ఈ నేపథ్యంలో మాజీ అధ్యక్షుడు బరాక్ ఒబామా ఎన్నికల ఫలితాలపై స్పందించారు. అమెరికా ప్రజలు రాజకీయ విభేదాలను మరింత పెంచే నాయకత్వాన్ని కోరుకోవడం లేదని, అందరినీ కలుపుకొని వెళ్లే పాలనను ఆశిస్తున్నారని పేర్కొన్నారు. ప్రజల సమస్యలకు ఆచరణాత్మక పరిష్కారాలు చూపించడమే నాయకుల ప్రధాన బాధ్యత కావాలని సూచించారు.దేశవ్యాప్తంగా ఎన్నికల్లో పోటీ చేసిన డెమోక్రటిక్ అభ్యర్థులను ఒబామా అభినందించారు. గతంలో గెలుపు అవకాశాలు తక్కువగా ఉన్న నియోజకవర్గాల్లోనూ అభ్యర్థులు పోటీకి ముందుకొచ్చారని గుర్తుచేశారు. విభిన్న నేపథ్యాలు, రాజకీయ అభిప్రాయాలు ఉన్నప్పటికీ ప్రజాసేవ పట్ల ఉమ్మడి నిబద్ధతతో పనిచేయడం వల్లే ఈ ఫలితాలు సాధ్యమయ్యాయని పేర్కొన్నారు. ఎన్నికల నిర్వహణలో కీలక పాత్ర పోషించిన అధికారులను, వాలంటీర్లను కూడా ఒబామా అభినందించారు. రెండు ప్రధాన రాజకీయ పార్టీలకు చెందిన సిబ్బంది ప్రజాస్వామ్య ప్రక్రియ సజావుగా సాగేందుకు కృషి చేశారని తెలిపారు. ఎన్నికల నిర్వహణ అమెరికా ప్రజాస్వామ్యంలో అత్యంత ముఖ్యమైన బాధ్యతల్లో ఒకటని పేర్కొన్నారు.డెమోక్రాట్ల విజయంతో సంబరాలు చేసుకుంటూనే ఆ పార్టీ ముందున్న బాధ్యతలను ఒబామా గుర్తుచేశారు. అధ్యక్షుడు డొనాల్డ్ ట్రంప్ పాలనకు ఇంకా రెండేళ్ల సమయం ఉందని పేర్కొన్నారు. ఈ సమయంలో తమకు ఉన్న రాజకీయ అధికారాన్ని ఉపయోగించి అవసరమైన మార్పులు తీసుకురావాలని, మరింత నష్టం జరగకుండా అడ్డుకోవాలని సూచించారు. భవిష్యత్తుకు పునాది వేసేలా పనిచేయాలని పార్టీ నేతలకు పిలుపునిచ్చారు.ఇదీ చదవండి: ట్రంప్‌కు దిమ్మతిరిగేలా.. సన్నిహిత రిపబ్లికన్ల ఆధిపత్యానికి తెర!

అమెరికా మధ్యంతర ఎన్నికల్లో అధ్యక్షుడు డొనాల్డ్ ట్రంప్‌కు భారీ ఎదురుదెబ్బ తగిలింది. దేశవ్యాప్తంగా ప్రతినిధుల సభ, సెనేట్‌పై డెమోక్రాట్లు పట్టు సాధించగా.. రిపబ్లికన్లకు కంచుకోటలుగా ఉన్న ఐదు రాష్ట్రాల్లో అనూహ్య పరాజయాలు ఎదురయ్యాయి. ముఖ్యంగా టెక్సాస్‌లో 32 ఏళ్ల రిపబ్లికన్ల ఆధిపత్యానికి తెరపడటం రాజకీయ వర్గాలను ఆశ్చర్యపరిచింది.టెక్సాస్‌లో 32 ఏళ్ల చరిత్రకు ముగింపురిపబ్లికన్లకు బలమైన రాష్ట్రంగా పేరున్న టెక్సాస్‌లో డెమోక్రటిక్ అభ్యర్థి జేమ్స్ తలారికో సంచలన విజయం సాధించారు. మాజీ ఉపాధ్యాయుడైన ఆయన.. అధ్యక్షుడు ట్రంప్‌కు అత్యంత సన్నిహితుడైన రాష్ట్ర అటార్నీ జనరల్ కెన్ పాక్స్టన్‌ను ఓడించారు. 1994 తర్వాత టెక్సాస్‌లో రాష్ట్రస్థాయి పదవిని గెలుచుకున్న తొలి డెమోక్రటిక్ అభ్యర్థిగా చరిత్ర సృష్టించారు. పాక్స్టన్‌కు ట్రంప్ పూర్తి మద్దతు ప్రకటించినప్పటికీ ఫలితం మాత్రం రిపబ్లికన్లకు ప్రతికూలంగా వచ్చింది.దక్షిణ కరోలినాలో 28 ఏళ్ల ఆధిపత్యానికి గండిదక్షిణ కరోలినాలోనూ డెమోక్రాట్లు కీలక విజయాన్ని అందుకున్నారు. దాదాపు 28 ఏళ్లుగా రిపబ్లికన్ల ఆధీనంలో ఉన్న సెనేట్ స్థానాన్ని డెమోక్రటిక్ అభ్యర్థి అన్నీ ఆండ్రూస్ కైవసం చేసుకున్నారు. వైద్యురాలైన ఆమె.. రిపబ్లికన్ అభ్యర్థి డార్లిన్ గ్రాహమ్‌పై విజయం సాధించారు. దివంగత సెనేటర్ లిండ్సే గ్రాహమ్ స్థానాన్ని భర్తీ చేయాలనే లక్ష్యంతో డార్లిన్ బరిలోకి దిగారు. 1998 తర్వాత ఈ రాష్ట్రంలో డెమోక్రాట్లు సెనేట్ ఎన్నికల్లో గెలవడం ఇదే తొలిసారి.నార్త్ కరోలినాలో ట్రంప్ అభ్యర్థికి ఓటమినార్త్ కరోలినాలో ట్రంప్ స్వయంగా ఎంపిక చేసిన అభ్యర్థి మైఖేల్ వాట్లీకి ఓటమి తప్పలేదు. డెమోక్రటిక్ అభ్యర్థి రాయ్ కూపర్ విజయం సాధించి కీలక సెనేట్ స్థానాన్ని తన పార్టీ ఖాతాలో వేసుకున్నారు. 2008 తర్వాత ఈ రాష్ట్రం నుంచి సెనేట్‌కు ఎన్నికైన తొలి డెమోక్రటిక్ అభ్యర్థిగా కూపర్ నిలిచారు. గత 50 ఏళ్లలో ఈ రాష్ట్రం నుంచి ఎన్నికైన నాలుగో డెమోక్రటిక్ సెనేటర్‌గా గుర్తింపు పొందారు.కాన్సాస్‌లో 94 ఏళ్ల ఓటముల పరంపరకు బ్రేక్కాన్సాస్‌లోనూ డెమోక్రాట్లు అసాధారణ విజయాన్ని నమోదు చేశారు. డెమోక్రటిక్ అభ్యర్థి ఆడమ్ హామిల్టన్.. రిపబ్లికన్ సెనేటర్ రోజర్ మార్షల్‌ను ఓడించారు. మెథడిస్ట్ చర్చికి చెందిన ప్రముఖ పాస్టర్ అయిన హామిల్టన్ విజయం రాజకీయంగా ప్రాధాన్యత సంతరించుకుంది. ఈ రాష్ట్రంలో సెనేట్ ఎన్నికల్లో డెమోక్రాట్లు వరుసగా ఎదుర్కొంటున్న 94 ఏళ్ల ఓటముల పరంపరకు ఆయన తెరదించారు. ట్రంప్‌పై పెరుగుతున్న అసంతృప్తికి ఈ ఫలితం నిదర్శనమని విశ్లేషణలు వెలువడుతున్నాయి.ఒహియోలోనూ రిపబ్లికన్లకు ఎదురుదెబ్బఒహియో రాష్ట్రంలో మాజీ సెనేటర్ షెరాడ్ బ్రౌన్ మరో కీలక విజయాన్ని అందుకున్నారు. రిపబ్లికన్ సెనేటర్ జాన్ హస్టెడ్‌ను ఓడించి సెనేట్ స్థానాన్ని డెమోక్రాట్లకు దక్కేలా చేశారు. దీంతో ఐదు రాష్ట్రాల్లో రిపబ్లికన్లకు ఎదురైన పరాజయాలు ట్రంప్ నాయకత్వంపై రాజకీయ ప్రభావాన్ని చూపించాయి.మొత్తంగా.. జీవన వ్యయం పెరగడం, దిగుమతి సుంకాలు, ఇరాన్‌తో యుద్ధం వంటి అంశాలపై ప్రజల్లో నెలకొన్న అసంతృప్తి ఎన్నికల ఫలితాల్లో ప్రతిబింబించింది. ఎన్నికల ప్రచారంలో ట్రంప్ తనను కూడా బ్యాలెట్‌పై ఉన్న అభ్యర్థిగా భావించి ఓటేయాలని ప్రజలకు పదేపదే పిలుపునిచ్చారు. అయితే అది ఆశించిన ఫలితాన్ని ఇవ్వలేదు. మరోవైపు డెమోక్రాట్ల ఆధీనంలోకి కాంగ్రెస్ వెళ్లడంతో.. వారు ఆమోదించే బిల్లులను తన వీటో అధికారంతో అడ్డుకుంటానని ట్రంప్ ప్రకటించారు.ఇదీ చదవండి: డెమోక్రాట్ల విజయంతో భారత్‌కు ఒరిగేదేమిటి?

న్యూఢిల్లీ: అమెరికా మధ్యంతర ఎన్నికల్లో డెమోక్రాట్లు ఘన విజయం సాధించారు. సెనేట్‌లో ఐదు స్థానాలు గెలుచుకోవడంతోపాటు, ప్రతినిధుల సభలోనూ అరడజనుకు పైగా స్థానాలను కైవసం చేసుకుని కాంగ్రెస్‌లోని ఉభయ సభలపై ఆధిపత్యం సంపాదించారు. ఈ ఫలితాలు అధ్యక్షుడు డొనాల్డ్ ట్రంప్ పాలనకు ప్రజల నుంచి ఎదురైన వ్యతిరేకతకు నిదర్శనంగా కనిపిస్తున్నాయి. పెరిగిన నిత్యావసర ధరలు, దిగుమతి సుంకాలు, ఇరాన్‌తో యుద్ధం కారణంగా ఇంధన ధరలు పెరగడం రిపబ్లికన్ల ఓటమికి ప్రధాన కారణాలుగా విశ్లేషిస్తున్నారు.భారత్‌పై ఏ మేరకు ప్రభావం?కాంగ్రెస్‌లోని రెండు సభలపై డెమోక్రాట్లకు పట్టు రావడంతో చట్టాల రూపకల్పన, ప్రభుత్వ నిధుల కేటాయింపు, అధ్యక్షుడి నిర్ణయాలపై విచారణలు, పర్యవేక్షణలో వారి పాత్ర పెరగనుంది. అయితే అమెరికా విదేశాంగ విధానంపై కాంగ్రెస్‌కు నేరుగా పూర్తి అధికారం ఉండదు. అధ్యక్షుడిగా ట్రంప్‌కు వీటో సహా అనేక కార్యనిర్వాహక అధికారాలు కొనసాగుతాయి. అయినప్పటికీ అమెరికాతో వాణిజ్యం, అక్కడ పనిచేస్తున్న భారతీయ నిపుణులు, రక్షణ సహకారం వంటి అంశాలపై ఈ ఫలితాల ప్రభావం ఉండవచ్చు.వాణిజ్య సుంకాలపై చర్చలుఅమెరికా.. భారత వస్తువులకు ప్రధాన మార్కెట్. దీంతో అక్కడి దిగుమతి సుంకాల్లో మార్పులు భారత ఎగుమతిదారులపై నేరుగా ప్రభావం చూపుతాయి. ఫిబ్రవరిలో భారత్, అమెరికా మధ్య తాత్కాలిక వాణిజ్య ఒప్పందానికి సంబంధించిన ప్రాథమిక రూపురేఖలు వెల్లడయ్యాయి. దీని ప్రకారం భారత ఉత్పత్తులపై 18 శాతం పరస్పర సుంకం విధించనున్నట్లు అమెరికా ప్రకటించింది. అయితే ప్రపంచ దేశాలపై అత్యవసర అధికారాలను ఉపయోగించి ట్రంప్ విధించిన సుంకాలను అమెరికా సుప్రీంకోర్టు కొట్టివేయడంతో ప్రాథమిక సుంకం 10 శాతానికి తగ్గింది. భారత్-అమెరికా పూర్తిస్థాయి వాణిజ్య ఒప్పందం మాత్రం ఇంకా ఖరారు కాలేదు.హెచ్-1బీ వీసాదారులకు ఊరట లభిస్తుందా?అమెరికాలో పనిచేస్తున్న భారత నిపుణులపై కూడా ఎన్నికల ఫలితాలు ప్రభావం చూపే అవకాశం ఉంది. ముఖ్యంగా హెచ్-1బీ వీసాదారులకు సంబంధించి భవిష్యత్తులో వలస విధానాలపై కాంగ్రెస్‌లో చర్చలు, పర్యవేక్షణ పెరగవచ్చు. రిపబ్లికన్లు ప్రతిపాదించిన కొన్ని వలస విధానాలకు డెమోక్రాట్ల ఆధిపత్యం అడ్డంకిగా మారవచ్చు. అయితే దీనివల్ల తక్షణమే వీసా నిబంధనలు మారిపోతాయని చెప్పలేం. కొత్త హెచ్-1బీ దరఖాస్తులపై లక్ష డాలర్ల ఫీజు విధిస్తూ ట్రంప్ గత సెప్టెంబర్‌లో ప్రకటించిన నిర్ణయం కూడా ఆటోమేటిక్‌గా రద్దు కాదు.భారత్-అమెరికా సంబంధాల్లో మార్పులు?కాంగ్రెస్‌లో డెమోక్రాట్ల బలం పెరగడంతో భారత్‌కు సంబంధించిన అంశాలపై చర్చలు, నిర్ణయాల పరిశీలనకు మరింత ప్రాధాన్యం లభించవచ్చు. ముఖ్యంగా వాణిజ్యం, రక్షణ సహకారం, వలస విధానాలపై చట్టసభల్లో చర్చలు పెరిగే అవకాశం ఉంది. అయితే విదేశాంగ విధానంలో ట్రంప్ అధికారాలు కొనసాగుతాయి. అధ్యక్షుడి వీటో, సెనేట్‌లో ఫిలిబస్టర్ వంటి నిబంధనలు డెమోక్రాట్ల నిర్ణయాలకు పరిమితులు విధించవచ్చు. అందువల్ల ఈ ఎన్నికలతో భారత్-అమెరికా సంబంధాల్లో తక్షణ మార్పులు వస్తాయని భావించలేం.ఇదీ చదవండి: అమెరికా తొలి ముస్లిం సెనేటర్ సయీద్‌.. కర్ణాటకతో అనుబంధమిదే..

వాషింగ్టన్‌: అమెరికా మధ్యంతర ఎన్నికల్లో భారత సంతతికి చెందిన డెమొక్రటిక్ పార్టీ నాయకురాలు పియా దాండియా ఘన విజయం సాధించారు. ఫ్లోరిడాలోని 22వ కాంగ్రెస్ నియోజకవర్గం నుంచి యూఎస్ ప్రతినిధుల సభకు ఎన్నికయ్యారు. రిపబ్లికన్ పార్టీ అభ్యర్థి కేసీ అస్కర్‌పై విజయం సాధించి సరికొత్త చరిత్ర సృష్టించారు. మొత్తం ఓట్లలో పియా దండియాకు 51.9 శాతం, కేసీ అస్కర్‌కు 49.1 శాతం ఓట్లు వచ్చినట్లు ఎన్నికల ఫలితాలు వెల్లడించాయి.ఫ్లోరిడా నుంచి తొలి భారతీయ అమెరికన్‌గా..ఈ విజయంతో ఫ్లోరిడా నుంచి అమెరికా ప్రతినిధుల సభకు ఎన్నికైన తొలి భారతీయ అమెరికన్‌గా పియా దాండియా రికార్డు సృష్టించారు. అంతేకాకుండా అమెరికా కాంగ్రెస్‌లో అడుగుపెట్టిన పదో భారతీయ అమెరికన్‌గా నిలిచారు. తొలుత ఫ్లోరిడాలోని 21వ కాంగ్రెస్ నియోజకవర్గం నుంచి రిపబ్లికన్ నేత బ్రియాన్ మాస్ట్‌పై పోటీ చేయాలని పియా భావించారు. అయితే ఆ తర్వాత తన వ్యూహాన్ని మార్చుకుని 22వ నియోజకవర్గం నుంచి బరిలోకి దిగారు. నియోజకవర్గాల పునర్విభజనలో భాగంగా కొత్తగా ఏర్పడిన ఈ స్థానంలో సిట్టింగ్ సభ్యుడు పోటీలో లేకపోవడం ఆమెకు మరో అవకాశంగా మారింది. డెమొక్రాట్లకు అత్యంత కీలకమైన ఈ స్థానాన్ని పియా తమ పార్టీ ఖాతాలో వేసుకున్నారని ఇండియన్ అమెరికన్ ఇంపాక్ట్ ఎగ్జిక్యూటివ్ డైరెక్టర్ చింతన్ పటేల్ పేర్కొన్నారు.28 ఏళ్లకే పాఠశాల ప్రిన్సిపల్పామ్ బీచ్ కౌంటీలో పుట్టి పెరిగిన పియా దాండియా తొలుత ఉపాధ్యాయురాలిగా తన కెరీర్ ప్రారంభించారు. అనంతరం న్యూయార్క్‌లోని హార్లెమ్‌లో హైస్కూల్ ప్రిన్సిపల్‌గా పనిచేశారు. తక్కువ ఆదాయ కుటుంబాలకు చెందిన విద్యార్థులకు మెరుగైన విద్య, ఆర్థిక స్వావలంబన కల్పించాలనే లక్ష్యంతో ఓ పాఠశాలను స్థాపించారు. కేవలం 28 ఏళ్ల వయసులోనే ఆ పాఠశాలకు వ్యవస్థాపక ప్రిన్సిపల్‌గా బాధ్యతలు చేపట్టి దేశంలోనే అత్యంత పిన్న వయస్కులైన ప్రిన్సిపల్స్‌లో ఒకరిగా గుర్తింపు పొందారు.పేద విద్యార్థులకు ఉన్నత విద్యావకాశాలుపియా స్థాపించిన పాఠశాలలో చదివిన ప్రతి విద్యార్థికీ కాలేజీలో ప్రవేశం లభించినట్లు ఆమె ప్రచార వెబ్‌సైట్ వెల్లడించింది. ఆ పాఠశాలలో 86 శాతం మంది విద్యార్థులు తక్కువ ఆదాయం కలిగిన కుటుంబాలకు చెందినవారే కావడం విశేషం. విద్యా రంగంతో పాటు విధాన రూపకల్పన, సాంకేతిక రంగాల్లోనూ ఆమె పనిచేశారు. సమాజ అభివృద్ధికి తన వృత్తి జీవితాన్ని అంకితం చేసినట్లు ఆమె ప్రచార వెబ్‌సైట్ పేర్కొంది.వర్జీనియాలో సుహాస్ సుబ్రహ్మణ్యం మరోసారి విజయంమరోవైపు భారత సంతతికి చెందిన డెమొక్రటిక్ నేత సుహాస్ సుబ్రహ్మణ్యం వర్జీనియాలోని 10వ కాంగ్రెస్ నియోజకవర్గం నుంచి మరోసారి ఎన్నికయ్యారు. రిపబ్లికన్ అభ్యర్థి డేవ్ బెక్‌విత్‌పై ఆయన విజయం సాధించారు. సుహాస్‌కు 61.5 శాతానికి పైగా ఓట్లు రాగా, ప్రత్యర్థికి 36.4 శాతం ఓట్లు వచ్చాయి. గతంలో అమెరికా మాజీ అధ్యక్షుడు బరాక్ ఒబామా ప్రభుత్వంలో సుహాస్ సాంకేతిక విధాన సలహాదారుగా పనిచేశారు. న్యాయవిద్య పూర్తి చేసిన అనంతరం వైట్‌హౌస్‌లో బాధ్యతలు నిర్వర్తించారు. 2019లో వర్జీనియా జనరల్ అసెంబ్లీకి ఎన్నికై, రెండు పర్యాయాలు సేవలందించారు. 2024లో తొలిసారి అమెరికా ప్రతినిధుల సభకు ఎన్నికయ్యారు.ఇదీ చదవండి: జార్జియాలో మళ్లీ జాన్ ఒస్సాఫ్.. ట్రంప్‌ను బలంగా ఢీకొని..

వాషింగ్టన్‌: పశ్చిమాసియాలో మరోసారి ఉద్రిక్త పరిస్థితులు తలెత్తాయి. హార్మూజ్‌ జలసంధిలో ఉన్న ఇరాన్‌కు చెందిన కీలక ఖెష్మ్‌ దీవిపై అమెరికా దాడులకు పాల్పడింది. అమెరికా యుద్ధ విమానంపై ఇరాన్‌ రివల్యూషనరీ గార్డులు దాడికి స్పందనగా ఆత్మరక్షణ కోసం పరిమితమైన ఈ దాడులు చేపట్టామని తెలిపింది. ఖెష్మ్‌ దీవిలో భారీగా పేలుళ్లు సంభవించినట్లు ఇరాన్‌ అధికార వార్తా సంస్థ ఇర్నా ప్రకటించింది. ఘటనపై రివల్యూషనరీ గార్డు విభాగం స్పందించలేదు. అయితే, ఖెష్మ్‌ దీవికి దక్షిణాన సంచరిస్తున్న అమెరికాకు చెందిన అధునాతన ఎంక్యూఎం–170 రకం డ్రోన్లు రెండింటిని, ఎంక్యూ–9 రకం డ్రోన్‌ ఒకదాన్ని హార్మూజ్‌ జలసంధికి తూర్పు ప్రాంతంలో కాల్చివేసినట్లు ప్రకటించింది.అమెరికాలో జరుగుతున్న మధ్యంతర ఎన్నికలు ముగిసిన తర్వాత తిరిగి పూర్తి స్థాయిలో యుద్ధం రాకుండా నివారించేందుకు మధ్యవర్తులు తీవ్ర ప్రయత్నాలు చేస్తున్న వేళ ఈ పరిణామాలు చోటుచేసుకున్నాయి. మంగళవారం అమెరికా అధ్యక్షుడు ట్రంప్‌ మీడియాతో మాట్లాడారు. ‘ఇరాన్‌పై దాడుల విషయంలో తొందరపడటం లేదు. ఇప్పటికే ఆ దేశాన్ని ఆర్థికంగా దెబ్బతీశాం. ఇతర మార్గాల్లో దెబ్బకొట్టేందుకు ప్రయత్నాలు కొనసాగుతున్నాయి. దాడులకు దిగాలన్న తొందరేం లేదు’అంటూ ఆయన వ్యాఖ్యానించారు. ఇరాన్‌ అణు కార్యక్రమానికి కీలకంగా ఉన్న పిక్‌యాక్స్‌ పర్వతంపై దాడులు చేపట్టాల్సిన అవసరం మాత్రం ఉందన్న ఆయన..ఇది గంటలో పూర్తయ్యే పని అంటూ చెప్పుకొచ్చారు.మధ్యంతర ఎన్నికల వేళ ఇరాన్‌పై అమెరికా మళ్లీ దాడులకు దిగవచ్చంటూ వస్తున్న వార్తలపై ట్రంప్‌..ఆ అవకాశమే లేదంటూ కొట్టిపారేయడం గమనార్హం. తాజాగా, ఖెష్‌్మపై అమెరికా జరిపిన దాడులపై ఇరాన్‌ పార్లమెంట్‌ స్పీకర్‌ ఘలిబాఫ్‌ స్పందిస్తూ.. ‘మేం యుద్ధానికి రెడీ. యుద్ధాన్ని అపే అవకాశం ఇప్పటికీ అమెరికాకు ఉంది’అని పేర్కొన్నారు. కాగా, ఇరాన్‌–అమెరికాల మధ్య కాల్పుల విరమణ చర్చల మధ్యవర్తిగా వ్యవహరిస్తున్న ఖతార్‌ మంగళవారం.. కాల్పుల విరమణకు సంబంధించి ఇరుపక్షాలు అనేక ప్రతిపాదనలను ముందుకు తెచ్చాయని, ఒప్పందం కుదిరే అవకాశం ఉందని పేర్కొంది.

వాషింగ్టన్: అమెరికాలో 2026 మధ్యంతర ఎన్నికలు మంగళవారం ప్రారంభమయ్యాయి. ఈ ఎన్నికల ఫలితాలు అమెరికా అధ్యక్షుడు డొనాల్డ్ ట్రంప్ రెండోసారి అధికారంలోకి వచ్చిన తర్వాత మిగిలిన రెండేళ్ల పాలనపై తీవ్ర ప్రభావం చూపనున్నాయి. అమెరికా కాంగ్రెస్‌లోని ప్రతినిధుల సభ, సెనేట్‌పై ఆధిపత్యం కోసం రిపబ్లికన్లు, డెమోక్రాట్లు హోరాహోరీగా పోటీ పడుతున్నారు.ఈ ఎన్నికల్లో ప్రతినిధుల సభలోని మొత్తం 435 స్థానాలకు, సెనేట్‌లోని 100 స్థానాల్లో 35 స్థానాలకు ఎన్నికలు జరుగుతున్నాయి. ప్రతినిధుల సభను కైవసం చేసుకోవాలంటే డెమోక్రాట్లు కనీసం మూడు స్థానాలు, సెనేట్‌లో ఆధిపత్యం సాధించాలంటే నాలుగు స్థానాలు అదనంగా గెలుచుకోవాలి. అయితే పలు సర్వేలు ప్రతినిధుల సభలో డెమోక్రాట్లకు ఆధిక్యం లభించే అవకాశాలున్నాయని సూచిస్తున్నాయి. దాంతో సెనేట్ ఫలితంపై ఉత్కంఠ కొనసాగుతోంది.ఇక మరోవైపు ఇరాన్‌తో యుద్ధం, పెరుగుతున్న ఇంధన ధరలు, ద్రవ్యోల్బణం ఇప్పటికే ట్రంప్ ప్రభుత్వంపై ప్రజల్లో అసంతృప్తిని పెంచుతున్నాయి. ప్రస్తుతం అమెరికాలో ద్రవ్యోల్బణం 3.7 శాతానికి చేరింది. అయితే రెండో ప్రపంచ యుద్ధం తర్వాత జరిగిన మధ్యంతర ఎన్నికల్లో అధికార అధ్యక్షుడి పార్టీకి మెజారిటీ కోల్పోయిన సందర్భాలే ఎక్కువ.కాంగ్రెస్‌లో రెండు సభలపై రిపబ్లికన్లు పట్టు కోల్పోతే తన నిర్ణయాలకు అడ్డంకులు ఎదురయ్యే అవకాశం ఉందని ఇప్పటికే ట్రంప్ అంగీకరించారు. అయితే అలాంటి పరిస్థితి వస్తే అధ్యక్షుడి వీటో అధికారాన్ని కూడా ఉపయోగిస్తానని ఆయన వ్యాఖ్యానించారు.ఇదీ చదవండి: ఉత్తరాఖండ్‌లో భారీ హిమపాతం.. ఇద్దరు ట్రెక్కర్ల మృతి

వాషింగ్టన్‌ డీసీ: అమెరికాలో మధ్యంతర ఎన్నికల పోలింగ్‌కు రంగం సిద్ధమైంది. నేడు (నవంబర్ 3)జరుగుతున్న ఈ ఎన్నికల్లో ప్రతినిధుల సభలోని 435 స్థానాలు, సెనేట్‌లోని 35 స్థానాలకు ఓటింగ్ జరగనుంది. పలు రాష్ట్రాల్లో గవర్నర్ పదవులకు కూడా ఎన్నికలు నిర్వహిస్తున్నారు. అధ్యక్షుడు డొనాల్డ్ ట్రంప్, రిపబ్లికన్ పార్టీకి ఈ ఎన్నికలు కీలక రాజకీయ పరీక్షగా మారాయి. కాంగ్రెస్‌పై ఆధిపత్యం కోసం రిపబ్లికన్లు, డెమోక్రాట్లు పోటీపడుతున్నారు.20 వేల బ్యాలెట్లపై సుప్రీంకోర్టు కీలక నిర్ణయంకాలిఫోర్నియాలోని 20 వేల మెయిల్-ఇన్ బ్యాలెట్లను పక్కన పెట్టాలంటూ ట్రంప్ ప్రభుత్వం చేసిన అత్యవసర విజ్ఞప్తిని అమెరికా సుప్రీంకోర్టు తిరస్కరించింది. ఈ బ్యాలెట్లు పౌరసత్వం లేనివారికి జారీ అయ్యాయని న్యాయశాఖ ఆరోపించింది. అయితే దిగువ కోర్టులు ఇప్పటికే ఈ వాదనను తిరస్కరించాయి. తాజాగా సుప్రీంకోర్టు కూడా ఎలాంటి భిన్నాభిప్రాయం నమోదు కాకుండానే ప్రభుత్వ విజ్ఞప్తిని కొట్టివేసింది.మిచిగాన్‌లో ఎల్-సయీద్‌కు మద్దతుగా ఎలిజబెత్ వారెన్మిచిగాన్ సెనేట్ స్థానానికి డెమోక్రటిక్ అభ్యర్థి అబ్దుల్ ఎల్-సయీద్ ప్రచారాన్ని ముమ్మరం చేశారు. సోమవారం రాయల్ ఓక్‌లో జరిగిన సభలో సెనేటర్ ఎలిజబెత్ వారెన్‌తో కలిసి పాల్గొన్నారు. వైద్యం, అద్దెలు, కిరాణా సరుకులు, పెట్రోల్ ధరలు సామాన్యులకు భారంగా మారాయని విమర్శించారు. మరోవైపు, డెమోక్రటిక్ నేత హేలీ స్టీవెన్స్ రిపబ్లికన్ అభ్యర్థి మైక్ రోజర్స్‌కు మద్దతు ప్రకటించడం చర్చనీయాంశమైంది.ఎన్నికలకు ముందే ఐదు కోట్ల మంది ఓటింగ్అమెరికా మధ్యంతర ఎన్నికల పోలింగ్‌కు ముందే దాదాపు ఐదు కోట్ల మంది ఓటు హక్కు వినియోగించుకున్నారు. కీలక సెనేట్ పోటీలు జరుగుతున్న రాష్ట్రాల్లో గత మధ్యంతర ఎన్నికలతో పోలిస్తే ముందస్తు ఓటింగ్ పెరిగింది. ఈసారి ఎన్నికల్లో భారీగా ఓటర్లు పాల్గొనే అవకాశం ఉందని ఈ పరిణామాలు సూచిస్తున్నాయి.ఏడు రాష్ట్రాల్లో కీలక పోటీలుఅలస్కా, అయోవా, కాన్సాస్, మైనే, మిచిగాన్, ఒహాయో, టెక్సాస్ రాష్ట్రాల్లో సెనేట్ ఎన్నికలు ఆసక్తికరంగా మారాయి. అలస్కాలో డాన్ సుల్లివన్ పేరుతో ఇద్దరు అభ్యర్థులు పోటీలో ఉండటం వివాదానికి దారితీసింది. కాన్సాస్‌లో ఆడమ్ హామిల్టన్, రిపబ్లికన్ సెనేటర్ రోజర్ మార్షల్ మధ్య పోటీ నెలకొంది. టెక్సాస్‌లో జేమ్స్ తలారికో, కెన్ పాక్స్టన్ తలపడుతున్నారు.మస్క్‌కు ముందస్తు క్షమాభిక్షపై ట్రంప్ వ్యాఖ్యలుమధ్యంతర ఎన్నికల్లో డెమోక్రాట్లు కాంగ్రెస్‌లో మెజారిటీ సాధిస్తే ఎలాన్ మస్క్, ఆయన సహాయకులకు ముందస్తు క్షమాభిక్ష కల్పించే అంశాన్ని పరిశీలిస్తానని ట్రంప్ తెలిపారు. డెమోక్రాట్లు అధికారంలోకి వస్తే మస్క్‌పై విచారణలు లేదా ఆస్తుల స్వాధీనం వంటి చర్యలు చేపట్టవచ్చన్న ప్రశ్నకు ఆయన స్పందించారు.ట్రంప్‌ ప్రకటనలకు 160 కోట్ల డాలర్లు2025 ప్రారంభం నుంచి ట్రంప్‌ను కేంద్రంగా చేసుకుని 3,600కు పైగా రాజకీయ ప్రకటనలు ప్రసారమయ్యాయి. వీటి కోసం మొత్తం 160 కోట్ల డాలర్లకు పైగా ఖర్చు చేసినట్లు యాడ్‌ ఇంపాక్ట్‌ వెల్లడించింది. ఇందులో డెమోక్రాట్లు సుమారు 91.9 కోట్ల డాలర్లు ఖర్చు చేయగా, రిపబ్లికన్లు 55.6 కోట్ల డాలర్లు వెచ్చించారు.ఎన్నికల వేళ పెరిగిన పెట్రోల్ ధరలుఅమెరికాలో ఎన్నికల రోజున సాధారణ పెట్రోల్ సగటు ధర గ్యాలన్‌కు 4.17 డాలర్లకు చేరినట్లు ఏఏఏ వెల్లడించింది. 2022 మధ్యంతర ఎన్నికల రోజున నమోదైన 3.80 డాలర్లతో పోలిస్తే ఇది ఎక్కువ. మరోవైపు, చమురు ధరలు ఒక్కరోజులో 10 డాలర్లు తగ్గాయని, మరింత తగ్గుతాయని ట్రంప్ పేర్కొన్నారు.చివరి ప్రచారంలో ట్రంప్, ఒబామాఎన్నికల ముందు రోజు ట్రంప్ వాషింగ్టన్‌లోని లింకన్ మెమోరియల్ రిఫ్లెక్టింగ్ పూల్ వద్ద ప్రసంగించారు. డెమోక్రటిక్ అభ్యర్థుల విధానాలపై విమర్శలు చేశారు. మరోవైపు, మాజీ అధ్యక్షుడు బరాక్ ఒబామా మార్పు తీసుకురాగల అభ్యర్థులకు ఓటు వేయాలని ప్రజలకు పిలుపునిచ్చారు. ఒహాయోలో వివేక్ రామస్వామి ప్రచార సభలో ఆయనకు నిరసనలు ఎదురయ్యాయి. దీంతో అమెరికా కాంగ్రెస్‌లో ఆధిపత్యం ఎవరికి దక్కుతుందన్న అంశంపై ఉత్కంఠ నెలకొంది.ఇదీ చదవండి: కార్మికుల ఆగ్రహజ్వాలలు.. బంగ్లాదేశ్‌లో ఉద్రిక్తత

కమ్మింగ్‌ (జార్జియా): ఒకప్పుడు ‘కు క్లక్స్‌ క్లాన్‌’(కేకేకే) పెత్తనం చెలాయించిన ప్రాంతమది. జాత్యాహంకారం నిత్యకృత్యంగా ఉండేది. ఇప్పుడు అలాంటి పరిస్థితి లేకపోవచ్చునేమో కానీ.. మంగళవారం జరగనున్న మధ్యంతర ఎన్నికల్లో భారతీయ సంతతి మహిళ సుచితా పటేల్‌ మాత్రం కొండను ఢీకొట్టే చందంగా శక్తిమంతులను ఎదురొడ్డి నిలుస్తోంది. బెదిరింపు రాజకీయాలు చేసే ప్రత్యర్థి, రిపబ్లికన్‌ పార్టీ అభ్యర్థికి దీటైన సమాధానమిచ్చేందుకు, భవిష్యత్తు తరాలకు మెరుగైన సమాజాన్ని అందించేందుకే తాను బరిలో నిలుస్తున్నట్లు చెబుతున్నారు ఫోర్సిత్‌ కౌంటీ కమిషనర్‌ పదవికి పోటీ చేస్తున్న సుచితా పటేల్‌ చెబుతున్నారు. మంగళవారం నాటి ఓటింగ్‌కు డెమోక్రాట్‌ పార్టీ తరఫున ఇంటింటి ప్రచారం చేపట్టారు. ఫోర్సిత్‌ కౌంటీకు చీకటి చరిత్ర ఎక్కువే. 1912లో ఇక్కడ నివసించిన తెల్లవాళ్లు... ఇదే రకమైన భావనతో కూడిన అరాచక కేకేకే ముఠాలు నల్లజాతి ప్రజలపై విపరీతమైన ద్వేషాన్ని చూపేది. హత్యలు, హింసాత్మక ఘటనలు కూడా బోలెడు. ఫలితంగా ఈ కౌంటీలో చాలాకాలంపాటు అసలు నల్లజాతీయులే లేకుండా పోయారు. రాష్ట్ర రాజధాని అట్లాంటా మధ్య నగరానికి కేవలం ఒక గంట దూరంలో ఉన్న ఫోర్సిత్‌ కౌంటీ మొత్తం 2.8 లక్షల జనాభాలో 61 శాతం మంది శ్వేతజాతి ప్రజలే. అలాంటి చోట భారత్‌ నుంచి వలసవెళ్లిన భారతీయ దంపతులకు అక్కడే జన్మించిన సుచిత పదహారేళ్లుగా పదవిలో కొనసాగుతున్న రిపబ్లికన్‌ అభ్యరి్థపై ఎన్నికల బరిలోకి దిగారు. ఫోర్సిత్‌ కౌంటీలో పరిస్థితులు మారిపోయాయి అనేందుకు కూడా శుచిత పోటీ ఒక నిదర్శనంగా నిలుస్తోంది. ఆసక్తికరమైన విషయం ఏమిటంటే.. ఈ మధ్యంతర ఎన్నికల్లో ఒకవక్క డొనాల్డ్‌ ట్రంప్‌ను ఆరాధించే వారు... ఇంకోపక్క విపరీతమైన వ్యతిరేకత ఉన్న వారు ఉండటం. మంగళవారం నాటి ఎన్నికలు అమెరికా పార్లమెంటు ఉభయ సభల్లో ఎవరిది ఆధిక్యమన్న విషయాన్ని తేల్చనున్నాయి. హౌస్‌ ఆఫ్‌ రిప్రజెంటేటివ్స్, సెనేట్‌లతోపాటు చాలా రాష్ట్రాల్లో గవర్నర్లు, కౌంటీ కమిషనర్లు, స్కూల్‌ బోర్డుల అధ్యక్షుల ఎన్నికల కూడా జరుగుతుంది. సుచిత పటేల్‌ కూడా పెరిగిపోతున్న నిత్యావసర ధరలుపై ఆందోళన వ్యక్తం చేశారు. ‘‘సూటిగా చెబుతా. కిరాణా ఖర్చులు కూడా భరించలేని ప్రజలకు వలసలు, ట్రాన్స్‌జెండర్స్, అక్రమ వలసదారుల పట్టింపు అస్సలు ఉండదు’’అని తెలిపారు. దేశం మొత్తం ఇప్పుడు ఒక కీలకమైన మలుపు దశలో ఉంది. జనాభాలో ఒక శాతం ఉన్న ఉన్నత స్థాయి వర్గం ఒకపక్కనుంటే.. ఇంకోపక్క మిగిలిన వారందరూ ఉన్నారు అని సుచిత వ్యాఖ్యానించారు. ట్రంప్‌ విధానాలపై ఇప్పటికే ప్రజల్లో ఆగ్రహం ఉందని, ఇది కాస్తా చాలా రాష్ట్రాల్లో రిపబ్లికన్లకు వ్యతిరేకంగా మారవచ్చునని అంచనా. అయితే, జార్జియా విషయంలో మాత్రం ఇప్పటికీ మినహాయింపు కొనసాగుతోంది. ఇక్కడి అంచనా ప్రకారం రిపబ్లికన్‌ పార్టీ రంగు ‘రూబీ రెడ్‌’కొనసాగుతోంది. ఫోర్సిత్‌ కౌంటీలో 2000లో భారతీయ సంతతి వారు కేవలం 200 మంది మాత్రమే ఉండగా ఇప్పుడు దాదాపు 48 వేల మంది ఉన్నారు. ఈ లెక్కన చూస్తే సుచితా పటేల్‌ విజయావకాశాలు అంతంతమాత్రమే అయినప్పటికీ తన గెలుపుపై ఆమె దీమాగానే ఉన్నారు. ఏ పార్టీ అభ్యర్థి గెలిచినా కమిషనర్‌గా మౌలిక సదుపాయాలను మెరుగుపరచడమే లక్ష్యంగా ఉండాలని అన్నారు. బెదిరింపులు, భయపెట్టి ప్రత్యర్థులను పోటీ నుంచి తప్పిస్తూండటం వల్లనే ప్రస్తుత కమిషనర్‌ టాడ్‌ లావెంట్‌ 16 ఏళ్లపాటు అధికారంలో కొనసాగ గలుగుతున్నారని ఆమె ఆరోపించారు. తనకు రాజకీయ అనుభవం లేదని.. కాకపోతే తాను చేయలేని పనంటూ ఏదీ లేదని గట్టిగా నమ్ముతానని నలభై ఏళ్ల సుచిత తెలిపారు.ఇదీ చ‌ద‌వండి: 20 వేల బ్యాలెట్లపై ట్రంప్‌కు సుప్రీంకోర్టులో షాక్! కమిషనర్‌ పదవికి పోటీ చేయమని కొందరు వచ్చి అడిగేంతవరకూ తనకు ఆ ఆలోచన లేదని, ఆ తరువాత మాత్రం ఇది సాధ్యమేనన్న విశ్వాసం బలపడిందన్నారు. బెదిరింపులకు లొంగని గట్టి మనిషి కావాలంటే.. ‘‘మీరు సరైన వాళ్లనే ఎంచుకున్నారు’’అని మద్దతుదారులకు చెప్పానని నవ్వుతూ తెలిపారు. ఏడేళ్ల తన కూతురు ఎన్నికల పోటీ గురించి అడిగితే.. ‘‘ఈ సమాజం మీ కోసం మెరుగ్గా ఉండాలని కోరుకుంటున్నాను. మీరు అందమైన సమాజంలో పెరగాలని కోరుకుంటున్నాను. భవిష్యత్‌ తరాలు.. అంటే మీరు, మీ స్నేహితులు...అందమైన ప్రపంచంలో పెరగాలని నా కోరిక,’’అని చెప్పినట్లు తెలిపారు.

వాషింగ్టన్‌: నేడు(మంగళవారం) అమెరికాలో జరగనున్న మధ్యంతర ఎన్నికలు అధ్యక్ష స్థానానికి కాకపోవచ్చు కానీ.. అధ్యక్షుడిగా డొనాల్డ్‌ ట్రంప్‌ భవిష్యత్తును నిర్ణయించేవి. రెండోసారి అధికారం చేపట్టిన తరువాత రెండేళ్లుగా ట్రంప్‌ విధానాలు, వైఖరికి ప్రజలిస్తున్న తీర్పు కూడా. అగ్రరాజ్యంలో అధ్యక్ష ఎన్నికలు నాలుగేళ్లకు ఒకసారి జరిగితే.. రెండేళ్లకు ఒకసారి మధ్యంతర ఎన్నికలు జరుగుతాయి. ఈ ఎన్నికల్లో ప్రతినిధుల సభలోని మొత్తం 435, సెనేట్‌లో 35 స్థానాలు, అనేక రాష్ట్రాల గవర్నర్‌ పదవులకు పోటీ జరగనుంది. అధ్యక్షుడి పదవీకాలం మధ్యలో జరిగే ఎన్నికలు కావడంతో ఓటర్లు ప్రభుత్వ పనితీరుపై ఇచ్చే అభిప్రాయంగానూ వీటిని పరిగణిస్తారు. భారత కాలమానం ప్రకారం మంగళవారం మధ్యాహ్నం 3.30 గంటలకు పోలింగ్‌ ప్రారంభమై, నవంబరు 4న ఉదయం 9.30 గంటల వరకు కొనసాగనుంది. అమెరికాలోని ఆరు కాలమానాల కారణంగా రాష్ట్రాలవారీగా పోలింగ్‌ సమయాల్లో తేడా ఉంటుంది. ఫలితాలు పోలింగ్‌ ముగిసిన తర్వాత వెలువడతాయి; అయితే కొన్ని రాష్ట్రాల్లో ఎన్నికల రాత్రే ఫలితం స్పష్టం కాకపోవచ్చు. 2025 జనవరిలో డొనాల్డ్‌ ట్రంప్‌ అమెరికా అధ్యక్షుడిగా రెండోసారి బాధ్యతలు చేపట్టినప్పుడు అమెరికాలోని రెండు సభల్లో (హౌస్‌ ఆఫ్‌ రిప్రజెంటేటివ్స్, సెనేట్‌)నూ రిపబ్లికన్లదే ఆధిక్యం. ఆ మాటకొస్తే ఇప్పుడు కూడా పరిస్థితి అలాగే ఉంది కానీ.. అప్పటికి, ఇప్పటికీ చాలా తేడాలున్నాయి. హౌస్‌ ఆఫ్‌ రిప్రజెంటేటివ్స్‌లో రిపబ్లికన్లు 220 మంది ఉండగా డెమోక్రాట్ల సంఖ్య 215గా ఉండింది. సెనేట్‌ విషయానికి వస్తే ట్రంప్‌ పార్టీకి 53 మంది, ఇద్దరు స్వతంత్రుల మద్దతుతో డెమోక్రాట్లకు 47 మంది మద్దతుండేది. ప్రస్తుతం మధ్యంతర ఎన్నికలకు ముందు హౌస్‌ ఆఫ్‌ రిప్రజెంటేటివ్స్‌లో రిపబ్లికన్లు 218 మంది కాగా, డెమోక్రాట్లు 214 మంది. రెండు స్థానాలు ఖాళీగా ఉన్నాయి. ఒక స్వతంత్ర అభ్యర్థి ఉన్నారు. సెనేట్‌ పరిíస్థితిలో ఎలాంటి మార్పూ లేదు. మధ్యంతర ఎన్నికల్లో అధికార రిపబ్లికన్‌ పార్టీ సెనేట్‌లో తన పట్టు నిలబెట్టుకోగలదా లేదా అనేది ప్రధాన ప్రశ్నగా మారింది. డెమోక్రాట్లు ఆధిక్యం సంపాదించగలిగితే అధ్యక్షుడి విధాన నిర్ణయాలను సమర్థంగా సవాలు చేయగల అవకాశం లభిస్తుంది. ఒకవేళ హౌస్‌ ఆఫ్‌ రిప్రజెంటేటివ్స్‌లో ఆధిక్యం సాధించినా ట్రంప్‌కు కష్టకాలమే. మధ్యంతర ఎన్నికల్లో రిపబ్లికన్లు మొత్తం ప్రస్తుతమున్న 218 స్థానాలను నిలబెట్టుకోగలిగితే చాలు. ఆధిక్యం కావాలంటే డెమోక్రాట్లు నికరంగా నాలుగు స్థానాల్లో విజయం సాధించాలి. సెనేట్‌ విషయానికి వస్తే.. రిపబ్లికన్లు పోటీలో ఉన్న 35 స్థానాల్లో 20 – 22 గెలిచి, డెమోక్రాట్లు 13 – 15 స్థానాలు గెలిస్తే సభలో రిపబ్లికన్ల ఆధిక్యం కొనసాగుతుంది. ఇలా కాకుండా రిపబ్లికన్లు 19 స్థానాలు మాత్రమే గెలుచుకున్నా ఫర్వాలేదు. ఇరుపక్షాలకు చెరి సగం సీట్లు దక్కుతాయి కాబట్టి ఉపాధ్యక్షుడిగా జేడీవాన్స్‌ నిర్ణయాత్మక ఓటు వేయగలుగుతారు. రిపబ్లికన్ల సీట్లు 19 కంటే తక్కువైతే మాత్రం సెనేట్‌లో డెమోక్రాట్లకు ఆధిక్యం లభిస్తుంది. ప్రస్తుత పరిస్థితి ఏమిటి? మధ్యంతర ఎన్నికల్లో అధికార పార్టీ లాభపడిన సందర్భాలు అమెరికా రాజకీయ చరిత్ర మొత్తమ్మీద లేనేలేదు. రెండో ప్రపంచ యుద్ధం తరువాతి కాలం నుంచి పరిశీలించినా ప్రతినిధుల సభలో అధికార పార్టీ బలం గణనీయంగా తగ్గిపోయినట్లు స్పష్టమవుతుంది. ఈ లెక్కన చూస్తే.. రిపబ్లికన్లకు ఈ ఎన్నికలు కఠిన పరీక్షే. కాకపోతే ఈ సారి చరిత్రను మారుస్తామన్న ధీమా రిపబ్లికన్లలో వ్యక్తమవుతోంది. వాస్తవానికి ఈ ఎన్నికల ఫలితాలు దేశం మొత్తమ్మీద కాకుండా.. కొన్ని రాష్ట్రాలు, నియోజకవర్గాలపైనే ఆధారపడి ఉంది. ఒహాయో, టెక్సాస్, నార్త్‌ కరోలినా, మెయిన్, మిషిగన్, అలాస్కా, ఐయోవా రాష్ట్రాల్లో సెనేట్‌ స్థానాల కోసం హోరాహోరీ పోరు ఉంది. హౌస్‌ ఆఫ్‌ రిప్రజెంటేటివ్స్‌లో గెలుపోటముల నిర్ణయం స్వింగ్‌ డిస్ట్రిక్ట్స్‌గా పిలిచే ఉప నగర ఓటర్లపై ఆధారపడి ఉంది. ఎందుకంటే గత పదేళ్లలో వీరు అటు నుంచి ఇటుకు, ఇటు నుంచి అటుకు మారుతూవచ్చారు.

వాషింగ్టన్‌: అమెరికా మధ్యంతర ఎన్నికల్లో రిపబ్లికన్ పార్టీ ఓటమి పాలై, కాంగ్రెస్‌పై డెమోక్రాట్లు ఆధిపత్యం సాధిస్తే తన వ్యూహం ఎలా ఉంటుందో అధ్యక్షుడు డొనాల్డ్ ట్రంప్ వెల్లడించారు. అప్పుడు తాను ‘మిస్టర్ వీటో’గా మారతానని వ్యాఖ్యానించారు. డెమోక్రాట్లు ఆమోదించే బిల్లులను వీటో అధికారంతో అడ్డుకుంటానని చెప్పారు.న్యూయార్క్ పోస్ట్‌కు చెందిన ‘పాడ్ ఫోర్స్ వన్’ పాడ్‌కాస్ట్‌కు ఇచ్చిన ఇంటర్వ్యూలో ట్రంప్ ఈ వ్యాఖ్యలు చేశారు. అవసరమైతే నెల లేదా రెండు నెలల పాటు వీటో అధికారాన్ని ఉపయోగిస్తానని, ఆ తర్వాత డెమోక్రాట్లతో ఒప్పందాలకు వచ్చే అవకాశం ఉందని పేర్కొన్నారు.మరోవైపు కాంగ్రెస్‌లో డెమోక్రాట్లు మెజారిటీ సాధించే అవకాశాలను దృష్టిలో పెట్టుకుని వైట్‌హౌస్ ఇప్పటికే సన్నాహాలు చేస్తున్నట్లు ఇద్దరు అధికారులు వెల్లడించారు. అధ్యక్షుడికి స్వతంత్రంగా ఎలాంటి నిర్ణయాలు తీసుకునే అధికారం ఉంది? అధికార పరిధిని ఎంతవరకు వినియోగించుకోవచ్చు? న్యాయస్థానాల్లో వాటిని ఎలా సమర్థించుకోవాలి? అనే అంశాలపై వైట్‌హౌస్ న్యాయ సలహాదారు విల్ షార్ఫ్ బృందం పరిశీలన జరుపుతున్నట్లు తెలిపారు.అమెరికా ప్రతినిధుల సభలో ప్రస్తుతం రిపబ్లికన్లకు 218-214 మెజారిటీ ఉండగా, సెనేట్‌లో 53-47 ఆధిక్యం ఉంది. ఈ ఆధిక్యాన్ని అధిగమించాలంటే డెమోక్రాట్లు ప్రతినిధుల సభతో పాటు సెనేట్‌లోనూ కనీసం నాలుగు స్థానాలను అదనంగా గెలుచుకోవాల్సి ఉంటుంది. ఎన్నికల ముందస్తు సర్వేల్లో ప్రతినిధుల సభలో డెమోక్రాట్లకు అనుకూల పరిస్థితులు కనిపిస్తున్నప్పటికీ, సెనేట్ పోరు మాత్రం హోరాహోరీగా ఉండే అవకాశం ఉందని సమాచారం.ఇప్పటికే దిగుమతులపై భారీ సుంకాలు విధించడం, వలసలపై కఠిన చర్యలు తీసుకోవడం, కేంద్ర ప్రభుత్వ ఉద్యోగుల సంఖ్యను తగ్గించడం వంటి నిర్ణయాలను ట్రంప్ తీసుకున్నారు. ఇరాన్‌తో యుద్ధానికి సంబంధించిన విదేశాంగ విధాన నిర్ణయాల్లోనూ కాంగ్రెస్ ఆమోదం లేదా కొత్త చట్టాలు లేకుండానే కార్యనిర్వాహక అధికారాలను వినియోగించారు.అయితే, కాంగ్రెస్‌లో డెమోక్రాట్లు మెజారిటీ సాధిస్తే ట్రంప్ పాలనపై విచారణలు ఎదురయ్యే అవకాశం ఉంది. అధ్యక్ష అధికారాలను తనకు, తన మిత్రులకు లేదా విరాళాలు ఇచ్చిన వారికి ప్రయోజనం చేకూర్చేలా ఉపయోగించారా? అనే అంశంపై విచారణ జరిపేందుకు డెమోక్రటిక్ నేతలు, కమిటీ సిబ్బంది సిద్ధమవుతున్నట్లు సమాచారం.ఇదీ చదవండి: అమెరికా రాజకీయాల్లో కలకలం.. షాకిచ్చిన డెమొక్రాట్!

వాషింగ్టన్‌: అమెరికాలో ఓట్ల పండగ సందడి జోరందుకుంది. ఇంకో రెండు రోజుల్లో మధ్యంతర ఎన్నికలు జరగనుండగా.. అభ్యర్థులు ఓటరు దేవుళ్లకు దండాలు పెట్టడం మొదలుపెట్టేశారు. దండాలతో ఆగితే బాగుండు కానీ.. భారతీయ ఓటర్ల మనసెరిగిన వారేమో తెలియదు కానీ.. కొందరు దోశలతో ఆకట్టుకునేందుకు ప్రయతి్నస్తే.. ఇంకొందరు దేవుడి గుళ్ల చుట్టూ ప్రదక్షిణలు చేస్తున్న వారి చుట్టూ తిరుగుతున్నారు. అల డల్లాసుపురంలో... భారతీయ అమెరికన్లు అత్యధికంగా ఉండే డల్లాస్‌లో డెమోక్రాట్ల అభ్యర్థి జేమ్స్‌ టలారికో అక్కడి ఇండియన్‌ హోటల్‌లో దోశలు వేస్తూ తనకు మద్దతివ్వమని కోరుకున్నారని వార్తలొచ్చాయి. నల్లటి సూట్, తెల్లటి షర్టుతో జేమ్స్‌ ‘‘వేడి వేడి పెనం మీద ఒక్క గరిటి పిండి...’తో దోసె పోసి పైగా బంగాళా దుంపల కూర కూడా పెట్టి వడ్డించాడట. అది కూడా అరిటాకుపై. ఇంకేముంది.. అక్కడున్న వాళ్లంతో ‘‘భేషో.. భేషు’’ అంటూ కరతాళ ధ్వనులతో అతగాడిని ప్రశంసించేశారు. స్థానిక భారతీయ అమెరికన్లందరూ జేమ్స్‌ చేసిన పనికి మహా సంతుషు్టలైనట్టు వార్తా సంస్థలు చెబుతున్నాయి. డల్లాసుపురముండే టెక్సస్‌ రాష్ట్రంలో ఒక వర్గం రిపబ్లికన్ల నుంచి తరచూ జాత్యాహంకార దాడులు జరుగుతూంటాయి. డల్లాసుపురంలో జేమ్స్‌ ప్రత్యర్థి, రిపబ్లికన్‌ పార్టీ అభ్యర్థి కెన్‌ పాక్స్‌టన్‌. ‘‘జేమ్స్‌ తనకు అందిన అవకాశాన్ని బాగా ఉపయోగించుకుంటున్నాడు. ఇంకోపక్క పాక్స్‌టన్‌ తన చుట్టూ ఇన్‌ఫ్లుయెన్సర్లతో తిరుగుతున్నాడు. భారతీయులను స్కామర్లు అంటూ ఉంటాడీయన. భారతీయ వంటకాలు వాసన కొడుతూంటాయని నిందిస్తూంటాడు. భారతీయ టెక్సన్లను బెదిరిస్తూంటాడు. జేమ్స్‌ మాత్రం సూటు వేసుకుని దోశలేస్తున్నాడు’’ అని జేమ్స్‌ బ్లంట్‌ అనే వ్యాపారవేత్త తన ఎక్స్‌ పోస్టులో వ్యాఖ్యానించాడు. ‘‘ఒక పార్టీ విభజనను వడ్డిస్తూంటే.. ఇంకో పార్టీ దోశలు పంచిపెడుతోంది. వాటి రుచి ఏమో అదిరిపోతోంది’’ అని కూడా ఆయన చెప్పుకొచ్చారు. నారాయణ.. నారాయణ... భారతీయ అమెరికన్లు చెప్పుకోదగ్గ స్థాయిలో ఉన్న అమెరికన్‌ రాష్ట్రాల్లో ఓటర్లను ఆకట్టుకునేందుకు చేస్తున్న ఇంకో ప్రయత్నం ఆలయ దర్శనం!!! కనెక్టికట్‌ గవర్నర్‌ నెడ్‌ లామోంట్‌ మరోసారి ఎన్నికల బరిలో నిలిచారు. రాష్ట్ర అసెంబ్లీ భవనంలో ఏర్పాటు చేసిన దీపావళి వేడుకల్లో డిప్యూటీ సెక్రటరీ ఆఫ్‌ స్టేట్‌ జెనిఫర్‌ బారహోనాతో కలిసి హాజరయ్యారు. ఇంకోపక్క ఒహాయో కాంగ్రెస్‌మాన్‌ గ్రెగ్‌ లాండ్స్‌మాన్‌ షారోన్‌ విల్లేలోని బీఏపీఎస్‌ స్వామినారాయణ దేవాలయంలో జరిగిన 11వ పతోత్సవ వేడుకలకు హాజరయ్యారు. ఈ ఆలయం ఏర్పాటై 11 ఏళ్లయిన సందర్బంగా ఈ వేడుకలు నిర్వహించారు. న్యూజెర్సీ సెనేటర్‌ కోరీ బుకర్‌ అక్షరధామ్‌ దేవాలయంలో దీపావళి ఉత్సవాల్లో పాల్గొంటే కాంగ్రెస్‌ కోసం పోటీ పడుతున్న రాండీ ఫైన్, స్కాట్‌ పెరీలు పెన్సెల్వేనియాలోని హ్యారిస్‌బర్గ్‌ ఆలయ సందర్శన చేపట్టారు. ఇంకో కాంగ్రెస్‌ అభ్యర్థి మిషిగన్‌లోని స్వామినారాయణ దేవాలయానికి వెళ్లి ఆలయ సంప్రదాయాలను అర్థం చేసుకునే ప్రయత్నం చేశారు. అమెరికాలోని హిందూ సమాజం చేస్తున్న సేవల గురించి అడిగి తెలుసుకున్నారు. అమెరికాలోని కాలిఫోరి్నయా, టెక్సస్, న్యూజెర్సీ, న్యూయార్క్, వాషింగ్టన్, ఇల్లినాయి, పెన్సెల్వేనియా, జార్జియాల్లో భారతీయ అమెరికన్లు చెప్పుకోదగ్గ స్థాయిలో ఉన్నారు. జార్జియా, పెన్సెల్వేనియా, మిషిగన్, నార్‌ కారొలీనాలలో ఒకట్రెండు శాతం ఓట్లు అటు ఇటు అయినా ఫలితాలు మారిపోతాయి.

అమెరికా: అమెరికా అధ్యక్షుడు డొనాల్డ్ ట్రంప్ ఆరోగ్యంపై మరోసారి చర్చ మొదలైంది. ఫ్లోరిడాలోని డేటోనా బీచ్‌లో తాజాగా నిర్వహించిన ఎన్నికల ప్రచార ర్యాలీలో ఆయన కంటి సమస్యతో ఇబ్బంది పడ్డారు. అంతేకాదు ప్రసంగం మధ్యలోనే ఆగి, నీటిలో తడిపిన టిష్యూతో కంటిని తుడుచుకున్నారు. అనంతరం ఆయన ప్రసంగాన్ని కొనసాగించారు.‘నా కంట్లో ఏదో పడింది.. కొంచెం చూడండి’ అంటూ ట్రంప్ అక్కడ ఉన్న తన స్టాఫ్‌ను కోరారు. కంటిని తుడుచుకున్న తర్వాత ఉపశమనం కలిగిందని, ఐ డ్రాప్స్ ఉంటే బాగుండేదని ఆయన వ్యాఖ్యానించారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.అంతేకాదు ఇటీవల కాన్సాస్, అయోవాలో జరగాల్సిన ప్రచార కార్యక్రమాలను కూడా ట్రంప్ తొలుత రద్దు చేయడం ఆయన ఆరోగ్యంపై అనుమానాలకు తావిచ్చింది. అయితే తన ఆరోగ్యం అద్భుతంగా ఉందని ట్రంప్ స్పష్టం చేశారు. అనంతరం ఆ రెండు ర్యాలీలను తిరిగి నిర్వహించారు.Trump: Do you mind? I got a little thing in my eye. Watch this. *dips towel in water and wipes eye* https://t.co/GSuuDDwIDY— Acyn (@Acyn) October 31, 2026కాగా, కంటి సమస్యకు సంబంధించిన వీడియోపై నెటిజన్లు భిన్నంగా స్పందిస్తున్నారు. ట్రంప్ ఆరోగ్యం బాగోలేదని కొందరు, మరికొందరు ఆయన వయసు, ఆరోగ్య పరిస్థితిపై పలు ప్రశ్నలు లేవనెత్తుతున్నారు.ఇక మరోవైపు అమెరికాలో జరగనున్న మధ్యంతర ఎన్నికలు అధ్యక్షుడు ట్రంప్‌కు కీలకంగా మారాయి. ఈ ఎన్నికల్లో ప్రతినిధుల సభలోని 435 స్థానాలతో పాటు సెనేట్‌లో మూడో వంతు స్థానాలకు పోలింగ్ జరగనుంది. ఇదీ చదవండి: ఎల్‌కేజీ బాలికపై మూడవ తరగతి విద్యార్థి భీకర దాడి

వాషింగ్టన్‌: అమెరికా అధ్యక్షుడు డొనాల్డ్‌ ట్రంప్‌ రాజకీయాలకు అసలు పరీక్ష... మధ్యంతర ఎన్నికలకు రంగం సిద్ధమైంది. నవంబర్‌ మూడున జరిగే ఈ ఎన్నికల్లో రిపబ్లికన్లు ఏ మేరకు ఆధిక్యం సాధిస్తారన్న విషయంపై ట్రంప్‌ మిగిలిన రెండేళ్ల పదవీకాలం తీరుతెన్నులు నిర్ణయం కానున్నాయి. అమెరికా దేశీ రాజకీయాలే కాదు... వాణిజ్యం, సాంకేతికరంగం, వీసాలు, రక్షణ సంబంధాలు, వాతావరణ విధానాల వంటి అనేక అంశాలపై కూడా ఈ మధ్యంతర ఎన్నికల ప్రభావం ఉండనుంది. అమెరికాలో నాలుగేళ్లకు ఒకసారి అధ్యక్ష ఎన్నికలు జరిగితే ఆ తరువాత రెండేళ్లకు మధ్యంతర ఎన్నికలు జరుగుతాయి. ఇందులో ప్రతినిధుల సభకు 435 మందిని, సెనేట్‌లోని మొత్తం వంద స్థానాల్లో మూడోవంతు (ఈ సారి 35) స్థానాలకు, 36 రాష్ట్రాల గవర్నర్లు, వేల స్థానిక ప్రభుత్వ పదవులకు ప్రతినిధుల ఎన్నిక జరుగుతుంది. ప్రస్తుతం ట్రంప్‌ ప్రాతినిధ్యం వహిస్తున్న రిపబ్లికన్‌ పార్టీకి ప్రతినిధుల సభలో 218 మంది సభ్యుల బలం ఉండగా, డెమోక్రాట్‌ పార్టీ సభ్యులు 214 మంది ఉన్నారు. అలాగే సెనేట్‌లో రిపబ్లికన్లు 53 మంది ఉండగా, డెమోక్రాట్ల సంఖ్య 47గా ఉంది. మధ్యంతర ఎన్నికల్లో ఒకవేళ డెమోక్రాట్లకు ఆధిక్యం లభిస్తే... రానున్న రెండేళ్లలో ట్రంప్‌ తనకు నచ్చిన విధంగా చట్టాలు చేసే అవకాశాలు బాగా తగ్గిపోతాయి. రిపబ్లికన్లు ఇరు సభల్లో ప్రస్తుతమున్న స్థానాలను నిలుపుకుంటూ మూడు స్థానాల్లో గెలిస్తే చాలు.. చట్టాలు చేసే కాంగ్రెస్‌ వారి చేతుల్లోకి వెళ్లిపోతుంది. కాంగ్రెస్‌ అధికార పక్షం చేతుల్లో కాకుండా ప్రతిపక్షమైన రిపబ్లికన్ల చేతుల్లోకి వెళితే ట్రంప్‌కు గడ్డుకాలమే. చట్టాల ఆమోదం మొదలుకొని బడ్జెట్‌ కేటాయింపులు, న్యాయమూర్తులు, అధికారుల నియామకాలు, పరిపాలన వంటివన్నీ కాంగ్రెస్‌ ద్వారానే జరుగుతాయి మరి. ఇలా కాకుండా.. డెమోక్రాట్లు ఏదో ఒక సభలో ఆధిక్యం సంపాదిస్తే... గుడ్డి కంటే మెల్ల మేలన్నట్టుగా ఉంటుంది పరిస్థితి. ఈ ఎన్నికలు అమెరికన్లకు మాత్రమే కాకుండా.. భారత్‌ దృష్టిలోనూ చాలా ముఖ్యమైనవిగా చెప్పాలి. ట్రంప్‌ రెండోసారి అధికార పగ్గాలు చేపట్టినప్పటి నుంచి రకరకాల టారిఫ్‌లతో ప్రపంచాన్ని బెంబేలెత్తిస్తున్న విషయం తెలిసిందే. చమురు కొనుగోళ్ల విషయంలో భారత్‌పై కఠిన చర్యలకు ఉపక్రమించిన నేపథ్యంలో మధ్యంతర ఎన్నికల ఫలితాలు మనకు కూడా ముఖ్యమవుతున్నాయి. హెచ్‌1–బీ వీసాలపై ఆంక్షలు, అక్రమ వలసదారులపై చర్యల పేరుతో కొనసాగుతున్న ఐస్‌ వేధింపుల వంటి వాటికి బ్రేకులు పడే అవకాశం ఉంటుంది. డెమోక్రాట్ల వైపే మొగ్గు? మధ్యంతర ఎన్నికలపై నిర్వహించిన తాజా పోల్స్‌లో డెమోక్రాట్లకు స్పష్టమైన మొగ్గు కనిపిస్తోంది. పీబీఎస్‌ న్యూస్, ఎన్‌పీఆర్‌ మారిస్ట్‌ సర్వేల్లో డెమోక్రాట్లకు దాదాపు 52 శాతం మంది, రిపబ్లికన్లకు 44 శాతం మంది మద్దతిచ్చినట్టుగా తెలుస్తోంది. రియల్‌ క్లియర్‌ పోలింగ్‌ సర్వేలో ఈ ఫలితాల్లో స్వల్ప తేడా నమోదైంది. ఇందులో డెమోక్రాట్లకు 51.4 శాతం, రిపబ్లికన్లకు 43.2 శాతం మంది సై అన్నారు. ఇన్‌సైడ్‌ ఎలక్షన్స్‌ అనే సంస్థ ప్రకారం పరిస్థితి డెమోక్రాట్లకు ఎంతో అనుకూలంగా ఉంది. ప్రతినిధుల సభలో 45. సెనేట్‌లో తొమ్మిది స్థానాలు ఎక్కువగా సాధించవచ్చునని ఈ సంస్థ అంచనా వేస్తోంది. సెనేట్‌లో ఆధిక్యానికి నికరంగా నాలుగు అదనపు స్థానాలు మాత్రమే అవసరమవుతాయి. రిపబ్లికన్లు మెయిన్, మిచిగాన్, టెక్సాస్, ఐయోవా, కాన్సాస్, నార్త్‌ కరోలినా, అలాస్కా వంటి రాష్ట్రాల్లో తమ స్థానాలను కాపాడుకోవాల్సి ఉంది. 2026 మధ్యంతర ఎన్నికల్లో ముందస్తు ఓటింగ్‌ అసాధారణంగా సాగుతోంది. ఇప్పటివరకూ దాదాపు 4.2 కోట్ల మంది ఓటు వేసినట్లు యూనివర్సిటీ ఆఫ్‌ ఫ్లోరిడా ఎలక్షన్‌ ల్యాబ్‌ తెలిపింది. నార్త్‌ కరోలినాలో బుధవారం సాయంత్రం నాటికి 20 లక్షలకు పైగా ఓట్లు పడ్డాయి. 2022 ఎన్నికలతో పోలిస్తే ఇది 35 శాతం కంటే ఎక్కువ. నల్లజాతీయులు గత ఎన్నికలతో పోలిస్తే యాభై శాతం కంటే ఎక్కువ సంఖ్యలో ఓటు వేసినట్లు తెలిసింది. నల్లజాతీయుల్లో డెమోక్రాట్లకు మద్దతు తెలిపేవారు ఎక్కువ.

వాషింగ్టన్‌: మధ్యంతర ఎన్నికలు ముగియగానే అమెరికా ఇరాన్‌పై మరోసారి విరుచుకుపడనుందా? తాజా వార్తలను బట్టి చూస్తే ఇది నిజమే అనిపిస్తోంది. అమెరికా అధికారులు ఇప్పటికే పశ్చిమాసియాలోని తమ మిత్రదేశాలకు ఈ మేరకు సందేశాలు పంపినట్లు పేరు చెప్పడానికి ఇష్టపడని ఇద్దరు దౌత్యవేత్తల ద్వారా తెలిసింది. ఈసారి కొన్ని రోజులపాటు దాడులు కొనసాగవచ్చునని మిత్రదేశాలకు సమాచారం వెళ్లిందని, ప్రతిగా ఇరాన్‌ ఇంధన, కీలక మౌలిక సదుపాయాలపై ప్రతిదాడులకు దిగే అవకాశమున్నందున జాగ్రత్త పడాలని సూచించినట్లు తెలిపింది. అయితే ఇరాన్‌పై మళ్లీ దాడులు చేయడంపై అధ్యక్షుడు ట్రంప్‌ ఇప్పటివరకూ నిర్ణయం ఏదీ తీసుకోలేదని కూడా వీరు స్పష్టం చేవారు. కాకపోతే ఈ దిశగా ఆయన పలుమార్లు ప్రకటనలు చేశారని చెప్పారు. ఈ నేపథ్యంలోనే మిత్రదేశాలకు అమెరికా సమాచారం పంపడం ప్రాధాన్యం సంతరించుకుంది. దాడులు మళ్లీ మొదలవుతాయన్న అనుమానాన్ని రేకెత్తిస్తోంది. ఈ అంశాలపై వ్యాఖ్యానించేందుకు అమెరికా నిరాకరించింది కూడా. ఇదిలా ఉంటే ఇరాన్‌ విదేశీ వ్యవహారాల శాఖ మంత్రి అబ్బాస్‌ అరగాచీ ఎక్స్‌లో ఒక పోస్టు చేçస్తూ... తాము దౌత్యమార్గాల ద్వారానే సమస్యను పరిష్కరించుకునేందుకు అవకాశం ఇవ్వాలనినుకుంటున్నట్లు తెలిపారు. అంతేకాకుండా మధ్యవర్తుల ద్వారా గత నెలలో ట్రంప్‌ పూర్తిగా తిరస్కరించిన ప్రతిపాదనను మరోసారి అమెరికా ముందు ఉంచేందుకు ఇరాన్‌ ప్రయ తి్నస్తున్నట్లు సమాచారం. యునైటెడ్‌ అరబ్‌ ఎమిరేట్స్‌ సైతం ఇరుపక్షాలు విజ్ఞతతో వ్యవహరించాలని, ఉద్రిక్తతలను తగ్గించుకునేందుకు రాజకీయ మార్గాలను అన్వేíÙంచాలని సూచించింది. అమెరికా సిద్ధంగానే ఉందా? అమెరికా ఇరాన్‌పై చివరిసారి దాడులు జరిపింది సెపె్టంబర్‌ నెలలో. ఆ తరువాత ఇరాన్‌ మద్దతుతో హౌతీ తిరుగుబాటుదారులు అమెరికా మిత్రదేశాలపై తమ దాడులు ముమ్మరం చేశాయి. వీటికి సౌదీ అరేబియా నేతృత్వంలోని సాయుధ దళాలు స్పందిస్తున్నాయి. కాకపోతే.. మధ్యంతర ఎన్నికల తేదీ తరువాత ఎంత వేగంగా అమెరికా సరికొత్త దాడులకు సిద్ధం కాగలదన్నది ఇప్పుడు ప్రశ్నగా మారింది. గత నెలలో అమెరికా పర్షియన్‌ గల్ఫ్‌ ప్రాంతంలో సైనిక బలగాలను భారీగా మోహరించింది. యూఎస్‌ఎస్‌ థియోడోర్‌ రూజ్‌వెల్ట్‌ యుద్ధనౌకతో పాటు వేలాది మంది నౌకాదళ, మెరైన్‌ సిబ్బందిని అక్కడికి పంపింది. ఎనిమిది నెలలుగా కొనసాగుతున్న ఈ యుద్ధం వల్ల అమెరికాలో ఇంధన ధరలు పెరగడంతో పాటు ప్రభుత్వ ఖజానాపై సుమారు 47.1 బిలియన్‌ డాలర్ల భారం పడింది.

వాషింగ్టన్‌: అమెరికాలో నవంబర్‌ 3న జరగనున్న మధ్యంతర ఎన్నికల నేపథ్యంలో ఎన్నికల సిబ్బందికి బెదిరింపులు పెరుగుతుండటం ఆందోళన కలిగిస్తోంది. ఎన్నికల కార్యాలయాలకు అనుమానాస్పద లేఖలు రావడం, సామాజిక మాధ్యమాల్లో బెదిరింపులు, ఎన్నికల ప్రక్రియలో రాజకీయ జోక్యం ఉంటుందనే భయాలు అధికారులను కలవరపెడుతున్నాయి. ఈ నేపథ్యంలో ఎన్నికల సిబ్బంది భద్రతను పెంచడంతోపాటు ఓట్ల లెక్కింపు ప్రక్రియ సజావుగా సాగేందుకు స్థానిక అధికారులు ఏర్పాట్లు చేస్తున్నారు. ఎన్నికల నిర్వహణలో కీలక పాత్ర పోషించే సిబ్బందిని రక్షించడం, ఫలితాలపై ప్రజల్లో విశ్వాసాన్ని నిలబెట్టడం ఇప్పుడు ప్రధాన సవాళ్లుగా మారాయి.32 రాష్ట్రాల్లో అనుమానాస్పద లేఖలుఅమెరికాలో ఎన్నికల కార్యాలయాలకు అనుమానాస్పద లేఖలు రావడంతో భద్రతాపరమైన ఆందోళనలు పెరిగాయి. అక్టోబర్‌ 15న ఫెడరల్‌ బ్యూరో ఆఫ్‌ ఇన్వెస్టిగేషన్‌ (ఎఫ్‌బీఐ) ఎన్నికల సిబ్బందిపై వస్తున్న బెదిరింపుల గురించి హెచ్చరిక జారీ చేసింది. దేశవ్యాప్తంగా 32 రాష్ట్రాల్లోని ఎన్నికల కార్యాలయాలకు అనుమానాస్పద లేఖలు అందినట్లు సమాచారం. వీటిలో కొన్ని లేఖల్లో గుర్తుతెలియని పదార్థాలు ఉండటంతో అధికారులు అప్రమత్తమయ్యారు. లూసియానాలో తెల్లటి పొడి ఉన్న ఓ లేఖ రావడంతో కార్యాలయాన్ని ఖాళీ చేయించారు. ఒక ఉద్యోగిని వైద్య పరీక్షల నిమిత్తం ఆసుపత్రికి తరలించారు. అయితే పరీక్షల్లో ఆ పదార్థం హానికరమైనది కాదని అధికారులు తెలిపారు. ఈ ఘటనలపై ఎఫ్‌బీఐ, అమెరికా పోస్టల్‌ ఇన్‌స్పెక్షన్‌ సర్వీస్‌ దర్యాప్తు చేస్తున్నాయి. బెదిరింపులు లేదా అనుమానాస్పద ఘటనల గురించి సమాచారం తెలిసినవారు స్థానిక ఎఫ్‌బీఐ కార్యాలయాన్ని సంప్రదించాలని లేదా ఆన్‌లైన్‌లో ఫిర్యాదు చేయాలని అధికారులు సూచించారు.ఆన్‌లైన్‌ బెదిరింపులతోనూ ఇబ్బందులుఎన్నికల సిబ్బందికి ఎదురవుతున్న సమస్యలు భౌతిక భద్రతకే పరిమితం కావడం లేదు. 2020 అధ్యక్ష ఎన్నికల సందర్భంగా విస్తృతంగా అక్రమాలు జరిగాయంటూ వచ్చిన తప్పుడు ఆరోపణల నేపథ్యంలో ఓట్ల లెక్కింపు, ఫలితాల ధ్రువీకరణలో పాల్గొన్న అధికారులు వేధింపులు ఎదుర్కొన్నారు. ఇప్పుడు కూడా రాజకీయ నాయకుల జోక్యం, రాజకీయ ప్రేరేపిత దర్యాప్తులపై ఎన్నికల సిబ్బంది ఆందోళన వ్యక్తం చేస్తున్నారు. పోలింగ్‌ ముగిసిన తర్వాత కూడా వారి బాధ్యతలు కొనసాగుతాయి. బ్యాలెట్లను పరిశీలించడం, అవసరమైన చోట ఓటర్ల సంతకాలు, రికార్డులను తనిఖీ చేయడం, ఓట్లను లెక్కించడం, తేడాలు కనిపిస్తే వాటిపై విచారణ జరపడం వంటి పనులను రాష్ట్ర చట్టాలకు అనుగుణంగా పూర్తి చేయాలి. ముఖ్యంగా పోటీ హోరాహోరీగా ఉన్న నియోజకవర్గాల్లో మెయిల్‌ ద్వారా వచ్చిన బ్యాలెట్లు ఎక్కువగా ఉంటే లెక్కింపునకు మరింత సమయం పట్టవచ్చు. అయితే ఓట్ల లెక్కింపులో జాప్యం జరిగినంత మాత్రాన అక్రమాలు జరిగినట్లు కాదని అధికారులు చెబుతున్నారు. అయినప్పటికీ, నిర్ధారణ కాని ఆరోపణలు సామాజిక మాధ్యమాల్లో వేగంగా వ్యాపించడం వల్ల సాధారణ లెక్కింపు విధానాలు సైతం రాజకీయ వివాదాలకు దారితీసే ప్రమాదం ఉంది.ఇదీ చదవండి: బ్రెజిల్ అధ్యక్షుడిగా లూసియో ఇనాసియో లులా డా సిల్వా

డెట్రాయిట్‌: అమెరికాలో నవంబర్‌ 3వ తేదీన మధ్యంతర ఎన్నికలు జరగనుండగా రాజకీయ వాతావరణం ఒక్కసారిగా వేడెక్కింది. మాజీ అధ్యక్షుడు బరాక్‌ ఒబామా ప్రతిపక్ష డెమోక్రాట్‌ అభ్యర్థుల తరఫున శనివారం మిషిగన్, ఒహాయోల్లో ప్రచారం చేపట్టారు. అధ్యక్షుడు డొనాల్డ్‌ ట్రంప్‌ విధానాలను ఆయన తీవ్రంగా ఎండగట్టారు. ఇరాన్‌పై అనవసరంగా యుద్ధం కారణంగా దేశంలో ఇంధనంతోపాటు అన్ని వస్తువుల ధరలు ఆకాశాన్నంటాయన్నారు. గత రెండేళ్లుగా సాగుతున్న అవినీతి, అసమర్థతలకు ముగింపు పలికే సమయం వచ్చిందని ఒబామా ప్రజలకు పిలుపునిచ్చారు. అధ్యక్షుడు ట్రంప్, ఆయన కుటుంబం తీవ్రమైన అవినీతి ఆరోపణలున్నాయని ఒబామా చెప్పారు. దేశం ఆర్థికంగా తీవ్ర సంక్షోభం ఎదుర్కొంటున్న సమయంలో ఖర్చులను తగ్గించడానికి బదులుగా వైట్‌హౌస్‌లో కొత్త బాల్‌రూమ్, సౌత్‌ లాన్‌ వద్ద హెలిప్యాడ్‌ వంటివి నిర్మిస్తూ ప్రజా ధనాన్ని దుబారా చేస్తున్నారన్నారు. ఇరాక్‌ మాజీ అధ్యక్షుడు సద్దాం హుస్సేన్‌ ఒక చీజ్‌ కేక్‌ ఫ్యాక్టరీని తెరిచినట్లుగా ఆయన వైట్‌హౌస్‌ను మార్చేశారంటూ దెప్పిపొడిచారు. ట్రంప్, ఆయన అనుచర బృందం క్రూరంగా, అమర్యాదకరంగా వ్యవహరిస్తున్నారని మండిపడ్డారు. ఓహాయోలో రిపబ్లికన్‌ పార్టీ గవర్నర్‌ అభ్యర్థి వివేక్‌ రామస్వామి ప్రచార పోకడలను తప్పుబట్టారు. ప్రత్యర్థిని వ్యక్తిగతంగా విమర్శిస్తూ రామస్వామి అన్ని హద్దులను దాటేశారని, నీచమైన స్థాయికి దిగజారారని విమర్శించారు.

క్షిపణులు, డ్రోన్లతో సాగుతున్న పోరులో ఇప్పుడు చమురే అత్యంత కీలకమైన అస్త్రంగా మారుతోంది. ప్రపంచ చమురు రవాణాకు గుండెకాయలాంటి హార్మూజ్‌ జలసంధి కేంద్రంగా ఇరాన్‌ వ్యూహాత్మకంగా పావులు కదుపుతోందన్న ఆరోపణలు అంతర్జాతీయంగా కలకలం రేపుతున్నాయి. అమెరికాలో మధ్యంతర ఎన్నికలు సమీపిస్తున్న వేళ చమురు ధరలు పెరిగితే ఆ సెగ అధ్యక్షుడు డొనాల్డ్‌ ట్రంప్‌ ప్రభుత్వానికీ తగలడం ఖాయం. ఇదే అవకాశాన్ని ఇరాన్‌ తనకు అనుకూలంగా మలుచుకుంటోందన్న విశ్లేషణలు ఇప్పుడు వాషింగ్టన్‌లో ఆందోళన పెంచుతున్నాయి.ప్రపంచ చమురు సరఫరాలో హార్మూజ్‌ జలసంధిది అత్యంత కీలకమైన స్థానం. ఇక్కడ నౌకల రాకపోకలకు ఆటంకాలు ఏర్పడితే అంతర్జాతీయ మార్కెట్లో చమురు ధరలు ఎగబాకే ప్రమాదం ఉంది. ఈ పరిస్థితిని తనకు అనుకూలంగా మార్చుకుంటూ అమెరికాపై ఒత్తిడి పెంచేందుకు ఇరాన్‌ ప్రయత్నిస్తోందనే వార్తలు వినిపిస్తున్నాయి. నౌకలపై దాడులు, రవాణాకు ముప్పు కలిగించే చర్యలతో సరఫరా వ్యవస్థను దెబ్బతీస్తే దాని ప్రభావం ప్రపంచ ఆర్థిక వ్యవస్థతో పాటు అమెరికా రాజకీయాలపైనా పడే అవకాశం ఉంది.ట్రంప్‌పై ఒత్తిడి.. ముఖ్యంగా నవంబర్‌ 3న జరగనున్న అమెరికా మధ్యంతర ఎన్నికల నేపథ్యంలో చమురు ధరల అంశం ప్రాధాన్యం సంతరించుకుంది. ఇంధన ధరలు పెరిగితే సామాన్యుల ఖర్చులు భారమవుతాయి. ద్రవ్యోల్బణం పెరిగితే ప్రభుత్వంపై అసంతృప్తి వ్యక్తమయ్యే అవకాశముంది. ఈ పరిణామాలన్నీ ఎన్నికల వేళ ట్రంప్‌ ప్రభుత్వానికి సవాలుగా మారవచ్చు.అమెరికా ఎదురుదాడికి దిగితే..ఇరాన్‌ చర్యలకు అడ్డుకట్ట వేయడం, హార్మూజ్‌ జలసంధిలో నౌకల రవాణాను సురక్షితంగా కొనసాగించడం అమెరికాకు కీలకంగా మారాయి. ఇందుకోసం సైనిక ఒత్తిడిని పెంచడం, ఆంక్షలను కఠినతరం చేయడం వంటి చర్యలకు వాషింగ్టన్‌ ప్లాన్‌ చేసే అవకాశం ఉంది. అయితే, అమెరికా దూకుడు పెరిగితే ఇరాన్‌ కూడా ప్రతిచర్యలకు దిగే ప్రమాదం ఉంది. అదే జరిగితే పశ్చిమాసియాలో యుద్ధం మరింత విస్తరించడంతో పాటు ప్రపంచ చమురు మార్కెట్లలో అనిశ్చితి పెరిగే అవకాశం ఉంది.మరోవైపు, చమురు సరఫరాను స్థిరీకరించడం, ధరల పెరుగుదలను అడ్డుకోవడం ద్వారా ఇరాన్‌ వ్యూహానికి చెక్‌ పెట్టాలని ట్రంప్‌ ప్రభుత్వం భావించవచ్చు. కానీ సైనిక చర్యలు, ఆర్థిక ఆంక్షలు, దౌత్య ప్రయత్నాల మధ్య సరైన సమతుల్యత సాధించడం అంత సులభం కాదు. ఇరాన్‌పై ఒత్తిడి పెంచే క్రమంలో చమురు ధరలు మరింత పెరిగితే అమెరికాకే ఎదురుదెబ్బ తగిలే పరిస్థితి ఏర్పడుతుందని విశ్లేషకులు చెబుతున్నారు. ఇదిలా ఉండగా.. ఇరాన్‌ అణ్వాయుధ సామర్థ్యాన్ని అడ్డుకోవాలన్న అమెరికా వైఖరి కూడా ఈ సంక్షోభంలో కీలకంగా ఉంది. అణ్వాయుధాలను ఇరాన్‌ సంపాదించకూడదని వాషింగ్టన్‌ స్పష్టం చేస్తోంది. ఇదే సమయంలో ఇరాన్‌లో నిరసనకారులపై అణచివేతకు సంబంధించి 75 వేల మంది మరణించారన్న ఆరోపణలు కూడా చర్చకు వస్తున్నాయి. నిరసనకారులపై చర్యలు, మానవ హక్కుల పరిస్థితి ఇరాన్‌పై అంతర్జాతీయ విమర్శలకు మరో కారణంగా నిలుస్తున్నాయి.ట్రంప్‌కు రాజకీయ పరీక్ష!హార్మూజ్‌ జలసంధిలో ఉద్రిక్తతలు కొనసాగి చమురు ధరలు పెరిగితే దాని ప్రభావం అమెరికా ఆర్థిక వ్యవస్థపై పడవచ్చు. ఎన్నికల వేళ ఇంధన ధరల పెరుగుదల ప్రజల్లో అసంతృప్తిని పెంచితే ట్రంప్‌ ప్రభుత్వానికి రాజకీయంగా ఇబ్బందులు ఎదురయ్యే అవకాశం ఉంది. మరోవైపు, చమురు సరఫరాను స్థిరీకరించి ఇరాన్‌ చర్యలను అదుపులోకి తీసుకురాగలిగితే వాషింగ్టన్‌కు ఊరట లభించవచ్చు. మొత్తంగా, హార్మూజ్‌ జలసంధి ఇప్పుడు కేవలం చమురు రవాణా మార్గం మాత్రమే కాదు.. అంతర్జాతీయ రాజకీయాల్లో వ్యూహాత్మక పోరుకు వేదికగా మారింది. చమురు సెగ ట్రంప్‌ ప్రభుత్వానికి ఎన్నికల వేళ కొత్త చిక్కులు తెచ్చిపెడుతుందా, లేక అమెరికా వ్యూహం ఇరాన్‌ ఆటకు అడ్డుకట్ట వేస్తుందా అన్నది ఆసక్తికరంగా మారింది.ఇదీ చదవండి: భారతీయులే టార్గెట్‌ కాదు.. వీసాలపై రూబియో కీలక వ్యాఖ్యలు

వాషింగ్టన్‌: అమెరికాలో నవంబర్‌ మూడో తేదీన జరగాల్సిన మధ్యంతర ఎన్నికలకు గాను అధ్యక్షుడు ట్రంప్‌ సారథ్యంలోని అధికార రిపబ్లికన్‌ పార్టీకి స్పేస్‌ ఎక్స్‌ అధిపతి ఎలాన్‌ మస్క్‌ అత్యధికంగా విరాళాలను అందజేసినట్లు వెల్లడైంది. ఆయన ఏకంగా 276 మిలియన్‌ డాలర్లు అంటే, రూ. 2,638 కోట్లు విరాళంగా సమకూర్చారు. డెమోక్రాటిక్‌ పార్టీ నుంచి తీవ్ర పోటీ ఎదుర్కొంటున్న రాష్ట్రాల్లో రిపబ్లికన్‌ పార్టీకి దన్నుగా ఉండేందుకు జూలై నుంచి ఈ మొత్తాన్ని అందజేస్తూ వచ్చారని న్యూయార్క్‌ టైమ్స్‌ తన కథనంలో వెల్లడించింది. 2025–26 సంవత్సరాల్లో వివిధ రాష్ట్రాల్లో జరిగిన ఎన్నికల్లో ప్రచారానికిగాను మస్క్‌ అత్యధికంగా రిపబ్లికన్లకు మొత్తమ్మీద 366 మిలియన్‌ డాలర్లు, అంటే రూ.3,500 కోట్లు ఇచ్చినట్లయిందని పేర్కొ ంది. 2024 ట్రంప్‌ అధ్యక్ష ఎన్నికల్లో ప్రచారానికి గాను 290 మిలియన్‌ డాలర్లు, అంటే రూ.2,772 కోట్లు అందించారని కూడా తెలిపింది.

అమెరికాలో ఉన్న విదేశీయులపై ట్రంప్‌ అక్కసు ప్రత్యేకించి చెప్పాల్సిన అవసరం లేదు. ఏదో కారణంతో తరచుగా వారిని వేదిస్తూ తరచుగా ఇబ్బందులకు గురిచేస్తుంటారు. అదే భారతీయులపై ఆ అక్కసు మరింత అధికంగా ఉంటుంది. అయితే త్వరలో అమెరికాలో మధ్యంతర ఎన్నికలు జరగనున్నాయి. దీంతో ట్రంప్‌ అప్రమత్తమైనట్లు తెలుస్తోంది. మధ్యంతర ఎన్నికల్లో తనకు ఓటు వేయరనే భయంతో ఏకంగా ఓ‍ట్ల తొలగింపు చేపడుతున్నట్లు సమాచారం.అమెరికాలో దాదాపుగా 21 లక్షల మంది భారతీయ-అమెరికన్ ఓటర్లు ఉన్నారు. అయితే ట్రంప్‌ భారతీయులపై చేసే తల బిరుసు వ్యాఖ్యలు, తదితర కారణాల రీత్యా వారు తొలుత నుంచి ప్రత్యర్థి అయిన డెమోక్రటిక్ పార్టీకే మద్దతు ఇస్తున్నారు. ఈ నేపథ్యంలోనే మధ్యంతర ఎన్నికలలో భారతీయ- అమెరికన్‌ ఓట్లను పెద్దఎత్తున తొలగింపు చేస్తున్నట్లు సమాచారం. ట్రంప్ రిపబ్లికన్ పార్టీ అధికారంలో ఉన్న 26 రాష్ట్రాల నుంచి దాదాపు లక్ష మందికి పైగా భారత సంతతి ఓటర్ల పేర్లను తొలగించినట్లు తెలుస్తోంది.ఓటర్ల జాబితా ఎందుకు తనిఖీ ?అమెరికాలో, ఓటు వేయడానికి అనర్హులైన వారి పేర్లను తొలగించడానికి ట్రంప్ ప్రభుత్వం ఓటర్ల జాబితాలను తనిఖీ చేస్తోంది. ఇది ఎన్నికల మోసాన్ని నివారించడంతో పాటు, ఓటింగ్ ప్రక్రియను మరింత సురక్షితం చేస్తుందని కారణాలు చెబుతోంది. ట్రంప్ "సేవ్ అమెరికా యాక్ట్" ప్రకారం యూఎస్ కాంగ్రెస్ దిగువ సభ ఆమోదించిన ఈ బిల్లు ప్రకారం, ఓటర్లుగా నమోదు చేసుకునేవారు తమ యూఎస్ పౌరసత్వాన్ని నిరూపించుకోవడానికి జనన ధృవీకరణ పత్రం లేదా పాస్‌పోర్ట్ వంటి పత్రాలను సమర్పించాల్సి ఉంటుంది.ఓటు వేయడానికి గుర్తింపు పత్రాలు సమర్పించే నిబంధనలను కూడా కఠినతరం చేయనున్నారు. ఈ నిబంధనలు పోలింగ్ కేంద్రంలో ఓటు వేయడానికి, అలాగే పోస్టల్ ఓటింగ్‌కు కూడా వర్తిస్తాయి. మరోవైపు, ఈ బిల్లును వ్యతిరేకించేవారు, జనన ధృవీకరణ పత్రాలు లేదా పాస్‌పోర్ట్‌లు లేకపోయినా, కఠినమైన పత్రాల నిబంధనలు అర్హులైన పౌరులను ఓటు వేయకుండా నిరోధించగలవని అంటున్నారు. ఈ చర్యలతో ట్రంప్ ప్రభుత్వం మధ్యంతర ఎన్నికలను ప్రభావితం చేయడానికి ప్రయత్నిస్తోందని డెమోక్రటిక్ పార్టీ నాయకులు ఆరోపిస్తున్నారు.70 శాతం మంది అమెరికన్లు అసంతృప్తికాగా ట్రంప్ సొంత రిపబ్లికన్ పార్టీలోనే ఆయనకు వ్యతిరేకంగా తిరుగుబాటు సంకేతాలు కనిపిస్తున్నాయి. ఆయన ప్రజాదరణ తగ్గుతోంది. మధ్యంతర ఎన్నికలలో ఆయన మద్దతు తమకు నష్టం కలిగిస్తుందని పార్టీ నాయకులు భయపడుతున్నారు.నవంబర్ ఎన్నికలకు ముందు, చాలా మంది రిపబ్లికన్ అభ్యర్థులు ట్రంప్ నుండి తమను తాము దూరం చేసుకుంటున్నారు. కొందరు తమ ప్రచార వెబ్‌సైట్‌ల నుండి ట్రంప్ ,అతని "అమెరికా ఫస్ట్" ఎజెండా గురించిన ప్రస్తావనను పూర్తిగా తొలగించారు. కొంతమంది నాయకులు అతనితో కలిసి వేదిక పంచుకోవడానికి కూడా దూరంగా ఉంటున్నారు.ఏపీ-ఎన్‌ఓఆర్‌సి సర్వే ప్రకారం, కేవలం 30% మంది అమెరికన్లు మాత్రమే ట్రంప్ పనితీరుతో సంతోషంగా ఉన్నారు. ఆర్థిక వ్యవస్థపై ఆయన ఆమోద రేటింగ్ 26%గా ఉంది. ద్రవ్యోల్బణాన్ని ఎదుర్కోవడంలో ఆయన ఆమోద రేటింగ్ కేవలం 17% మాత్రమే. 65% కంటే ఎక్కువ మంది అమెరికన్లు పెరుగుతున్న ధరలకు ట్రంప్ విధానాలనే నిందిస్తున్నారు.2024 అధ్యక్ష ఎన్నికలలో2024లో జరిగిన అధ్యక్ష ఎన్నికల్లో భారతీయ సంతతికి చెందిన ప్రజలలో సుమారు 65% మంది డెమోక్రటిక్ పార్టీ అభ్యర్థి కమలా హారిస్‌కు ఓటు వేశారని సర్వేలు చెబుతున్నాయి. దీంతో ఈ సారి కూడా అలా జరిగితే తనపై ఉన్న వ్యతిరేకత బట్టబయలవుతుందని ట్రంప్ ఓట్లు తొలగింపు చేపడుతున్నట్లు తెలుస్తోంది.మధ్యంతర ఎన్నికలు ఎందుకు?సెనేట్ సభ్యుల పదవీకాలం 6 సంవత్సరాలు. అయితే అందరి పదవీకాలం ఒకేసారి ముగియకుండా, ప్రతి రెండేళ్లకు మూడో వంతు (1/3rd) స్థానాలకు మాత్రమే ఎన్నికలు జరిగేలా రాజ్యాంగంలో ఏర్పాటు చేశారు. అంటే, అమెరికా అధ్యక్షుడికి 4 ఏళ్ల కాలపరిమితి ఉన్నప్పటికీ, దేశ చట్టాలను రూపొందించే పార్లమెంట్ (కాంగ్రెస్) సభ్యుల పదవీకాలాలు మాత్రం రెండేళ్లకే ముగిసిపోతుంటాయి. అందువల్ల అధ్యక్ష ఎన్నికలకు మధ్యలో ఈ ఎన్నికలు జరగడం వల్ల వీటిని "మధ్యంతర ఎన్నికలు" అని పిలుస్తారు.మెజారిటీ నిలుపుకుంటారా? ఈ ఎన్నికలు రాబోయే రెండేళ్లలో యూఎస్ కాంగ్రెస్‌లో ఏ పార్టీ అధికారంలో ఉంటుందో నిర్ణయిస్తాయి. సెనేట్‌లో 100 మంది సభ్యులు ఉంటారు. ఈసారి, 35 స్థానాలకు ఎన్నికలు జరగనున్నాయి. ప్రతినిధుల సభలో 435 స్థానాలకు ఎన్నికలు జరగనున్నాయి. ప్రస్తుతం, రిపబ్లికన్ పార్టీ సెనేట్‌లో 53 స్థానాలను, ప్రతినిధుల సభలో 218 స్థానాలను కలిగి ఉంది.ఈ ఎన్నికల్లో ట్రంప్ రిపబ్లికన్ పార్టీ ఓడిపోతే, కాంగ్రెస్‌లో చట్టాలను ఆమోదింపజేయడం ఆయనకు చాలా కష్టమవుతుంది. ఆయన తనకు నచ్చిన ఏ బిల్లునూ నేరుగా చట్టంగా మార్చలేరు.ఇదీ చదవండి: అస్సాంలో రోడ్డు ప్రమాదం

వాషింగ్టన్‌: మధ్యంతర ఎన్నికలు సమీపిస్తున్న వేళ అమెరికాలో అధ్యక్షుడు ట్రంప్‌నకు ఎదురు గాలులు వీస్తున్నాయి. పెట్రోలు, డీజిళ్లతోపాటు నిత్యావసరాల ధరలు కూడా పైపైకి ఎగబాకుతూండటతో ట్రంప్‌ విధానాలపై ప్రజల్లో అసంతృప్తి ఎక్కువవుతోంది. అంతర్జాతీయ వార్తా సంస్థ అసోసియేటెడ్‌ ప్రెస్, షికాగో యూనివర్శిటీ పరిశోధన కేంద్రం ‘నేషనల్‌ ఒపీనియన్‌ రీసెర్చ్‌ సెంటర్లు’సంయుక్తంగా (ఏపీ–ఎన్‌ఓఆర్‌సీ)నిర్వహించిన తాజా సర్వేలోనూ ఈ విషయం స్పష్టమైంది. ధరల పెరుగుదలకు ట్రంప్‌ విధానాలే కారణమని అత్యధికులు భావిస్తున్నారు. దీంతో ఈ అసంతృప్తి ప్రభావం కాస్తా వచ్చే నెలలో జరిగే మధ్యంతర ఎన్నికలపై పడనుందని అధికార రిపబ్లికన్‌ పార్టీ నేతలు ఆందోళన వ్యక్తం చేస్తున్నారు. ఆర్థిక విధానాలపై ట్రంప్‌ అప్రూవల్‌ రేటింగ్‌ గత ఏడాది మార్చితో పోలిస్తే ఏకంగా 14 శాతం వరకూ తగ్గిపోయినట్లు ఈ సర్వే తెలిపింది. కాస్ట్‌ ఆఫ్‌ లివింగ్‌ విషయానికి వస్తే దాదాపు 60 శాతం రిపబ్లికన్లే ట్రంప్‌ తీరుపై మండిపడుతున్నట్లు తెలుస్తోంది. ధరల పెరుగుదల విషయానికి వస్తే ఏపీ–ఎన్‌ఓఆర్‌సీ సర్వే ప్రకారం 65 శాతం అమెరికన్లకు ట్రంప్‌ వైఖరి ఏమాత్రం నచ్చడం లేదు. జీవన వ్యయం విషయంలో ట్రంప్‌ విధానాలు ఓకే అంటున్న వారు.. 17 శాతం మంది ఉండగా.. స్థూలంగా ఆర్థిక విధానాలు ఫర్వాలేదన్న వాళ్లు 26 శాతం మంది మాత్రమే. టారిఫ్‌ల విషయంలో ట్రంప్‌ దూకుడు, ఇరాన్‌తో యుద్ధం కొనసాగుతూండటంపై ప్రజలు అసంతృప్తి వ్యక్తం చేస్తున్నారు. ట్రంప్‌ రెండోసారి అమెరికా అధ్యక్షుడైన తరువాత ఇవి అత్యంత కనిష్టమైన రేటింగ్స్‌ కావడం గమనార్హం. ఈ నేపథ్యంలో వచ్చే నెలలో జరగనున్న మధ్యంతర ఎన్నికలు కీలకం కానున్నాయి. కాంగ్రెస్‌పై రిపబ్లికన్ల పట్టు కొనసాగుతుందా? లేదా అన్నది ఈ ఎన్నికలతో తేలనుంది. మరోవైపు ట్రంప్‌ తన ఎన్నికల ప్రచారాన్ని కూడా దూకుడుగానే మొదలుపెట్టారు. పోలింగ్‌ శాతాన్ని పెంచేందుకు తానే పోటీలో ఉన్నానని అనుకోండని పిలుపునిచ్చారు కూడా. అయితే ఈ ఎత్తుగడ అంత మంచి ఫలితాలిచ్చే అవకాశాలు లేవని, రిపబ్లికన్లలోనే ట్రంప్‌ తీరు, పాలనలపై తీవ్ర అభ్యంతరాలు వ్యక్తమవుతున్నాయని ఈ సర్వే ద్వారా తెలిసింది. ‘‘మా అధ్యక్షుడు దేశానికి సాయం చేస్తాడని అనుకున్నాం. ఇప్పటివరకైతే ఆర్థిక విషయాల్లో కానీ.. ఇతరాల్లో కానీ ఆయన చేసిందేమీ లేదు. మేక్‌ అమెరికా గ్రేట్‌ ఎగెయిన్‌ అన్నాడు కానీ.. ఆ దిశగా జరిగిన ప్రయత్నాలేవీ లేవు’’అని రాబర్ట్‌ గాల్ట్‌ అనే 66 ఏళ్ల పెన్సెల్వేనియా వ్యక్తి చేసిన వ్యాఖ్య పరిస్థితికి అద్దం పడుతోంది. ట్రంప్‌ దృష్టి ఎక్కడో ఉంది... ఇరాన్‌తో యుద్ధం విషయంలో 69 శాతం అమెరికన్లు ట్రంప్‌పై గుర్రుగా ఉంటే దాదాపు 28% మంది మాత్రమే ఒకే అంటున్నారు. వివిధ దేశాలతో వాణిజ్య, టారిఫ్‌లు విధించడంలో ట్రంప్‌ ‘‘మితిమీరి’’వ్యవహరిస్తున్నారని 64% మంది భావిస్తున్నారు. ఈ ఏడాది జనవరిలో 58 శాతం మంది మాత్రమే ఈ రకమైన అభిప్రాయం కలిగి ఉండేవారు. ఆసక్తికరంగా సుమారు 67 శాతం మంది రిపబ్లికన్లు అధిక ధరలకు ట్రంప్‌ చేతుల్లో లేని విషయాలే కారణమని వ్యాఖ్యానిస్తున్నారు. ద్రవ్యోల్బణాన్ని కట్టడి చేయడం చాలా కష్టం అని విస్‌కాన్సిన్‌కు చెందిన ట్రంప్‌ మద్దతుదారు ఫ్రెడ్‌ న్యూమన్‌ (51) అభిప్రాయపడ్డారు. ట్రంప్‌ టారిఫ్‌ విధానాలు, ఇరాన్‌తో యుద్ధం కూడా అవసరమైనవేనని అంటున్నారు. నిత్యావసరాల ధరలు పైపైకి... అమెరికాలో కొన్ని నెలలుగా నిత్యావసరాల ధరలు అంతకంతకూ పెరిగిపోతున్నాయి. నెలవారీ వెచ్చాలు, పెట్రోలు, డీజిళ్ల ధరలపై సగం మంది అమెరికన్లు ఆందోళన చెందుతున్నట్లు తెలుస్తోంది. రెండు నెలల క్రితం ఈ సంఖ్య 39 శాతంగా ఉండేది. అన్ని వస్తువుల ధరలూ పెరిగిపోవడంతో డబ్బులు ఏమాత్రం మిగలడం లేదని, గతంలో పరిస్థితి ఇలా ఉండేది కాదని, కాలిఫోర్నియాకు చెందిన పెడ్రో శాంచెజ్‌ వ్యాఖ్యానించారు. అయోవాలోని ఫెయిర్‌ఫ్యాక్స్‌కు చెందిన బెథనీ లెనికా (41) మాట్లాడుతూ....‘‘ఈ వారం ఒకలా (ధరలు) ఉంటే మరుసటి వారం ఇంకోలా ఉంటున్నాయి. ఖర్చులకు తగ్గట్టు ఆదాయం ఎలాగూ పెరగదు’’అని అన్నారు. రిపబ్లికన్‌ పార్టీ వైపే మొగ్గు చూపే లెనికా ‘‘పరిస్థితులు మారినట్టు కనిపించడం లేదు’’అని వ్యాఖ్యానించడం గమనార్హం.

ఫినిక్స్‌: అమెరికా ఓటర్లకు అధ్యక్షుడు డొనాల్డ్‌ ట్రంప్‌ బంపర్‌ ఆఫర్‌ ఇచ్చారు. త్వరలో జరిగే మధ్యంతర ఎన్నికల్లో తమ పార్టీకి విజయం లభించి, ప్రతినిధుల సభ, సెనేట్‌పై రిపబ్లికన్ల నియంత్రణ కొనసాగితే ప్రతి ఒక్కరికీ 5,000 డాలర్ల చొప్పున అందజేస్తానని ప్రకటించారు. ట్రంప్‌ పార్టీకి ప్రజాదరణ నానాటికీ పడిపోతున్నట్లు సర్వేలు తేల్చిచెబుతున్న ఆయన ఈ ఆఫర్‌ ఇవ్వడం గమనార్హం. బుధవారం డల్లాస్‌లో రిపబ్లికన్‌ పార్టీ కార్యక్రమంలో ట్రంప్‌ మాట్లాడారు. ‘‘రిపబ్లికన్లు గెలిస్తే మీరు కూడా మాతో కలిసి గెలుస్తారు. మీకు 5,000 డాలర్లు లభిస్తాయి. దీనిని ట్రంప్‌ డివిడెండ్‌ అని పిలుస్తారు’’అని పేర్కొన్నారు. ఈ చెల్లింపులను ఒక సంస్థ తన వాటాదారులకు చేసే పంపిణీలతో పోల్చారు. అమెరికా ఆర్థికంగా బలంగా ఉందని చెప్పుకొచ్చారు. నిజంగా ట్రంప్‌ వాగ్దానం నెరవేరాలంటే ఒక ట్రిలియన్‌ డాలర్లకుపైగా ఖర్చవుతుంది. దీనికి కాంగ్రెస్‌ ఆమోదం కూడా అవసరం. అంతేకాకుండా వార్షిక బడ్జెట్‌ లోటును మరింత తీవ్రతరం చేస్తుంది. ద్రవ్యోల్బణం పెరిగిపోయే ప్రమాదం ఉంది. అమెరికా సర్కార్‌ ఇప్పటికే అప్పుల్లో మునిగిపోయింది. దాదాపు 1.8 ట్రిలియన్‌ డాలర్ల వార్షిక బడ్జెట్‌ లోటు ఉంది. ట్రంప్‌ తాజా ప్రకటనపై ఉపాధ్యక్షుడు జేడీ వాన్స్‌ గంట వ్యవధిలోనే స్పందించారు. ఈ డివిడెండ్‌ చెల్లింపులు సంపన్నులకు అందవని తేల్చిచెప్పారు. వయోజనులకు ఇస్తామంటున్న 5,000 డాలర్లకు అవసరమైన నిధులను సుంకాల ద్వారా వచ్చే ఆదాయంతో సమకూర్చుకోవచ్చని పేర్కొన్నారు. ‘ఒబామాకేర్‌’లబ్దిదారులకు 500 డాలర్ల రిబేట్‌ చెక్కులు వాషింగ్టన్‌: అమెరికాలో 30 రాష్ట్రాల్లోని 10 లక్షల మంది ‘ఒబామాకేర్‌’లబ్దిదారులకు 500 డాలర్ల రిబేట్‌ చెక్కులు ఇస్తామని అధ్యక్షుడు ట్రంప్‌ హామీ ఇచ్చారు. బైడెన్‌ ప్రభుత్వ హయాంలో ఒబామాకేర్‌ కింద ప్రజల నుంచి ప్రీమియం అధికంగా వసూలు చేశారని ఆక్షేపించారు. ప్రతి ఒక్కరికీ డబ్బు వాపసు ఇవ్వడంతో ఉపశమనం లభిస్తుందని అన్నారు. కొద్ది వారాల్లోనే రాయితీలు అందజేయనున్నట్లు ప్రకటించారు. ఈ మేరకు ట్రంప్‌ చేసిన ప్రసంగాన్ని గురువారం వైట్‌హౌస్‌ ‘ఎక్స్‌’õÙర్‌ చేసింది. మరోవైపు ఈ రిబేట్‌ల కోసం నిధులు ఎక్కడి నుంచి వస్తాయి? అలాగే వాటి పంపిణీకి కాంగ్రెస్‌ ఆమోదం అవసరమా కాదా అనేది ఇంకా తెలియరాలేదు. ట్రంప్‌ రెండోసారి అధికారంలోకి వచ్చిన తర్వాత ఆరోగ్య బీమా రుసుములు విపరీతంగా పెరిగిపోయాయి. ప్రీమియంలు రెట్టింపు లేదా మూడు రెట్లు పెరిగాయి. దీంతో లక్షలాది మంది తమ ప్లాన్‌లను తగ్గించుకోవడానికి లేదా ఈ కార్యక్రమం నుంచి పూర్తిగా వైదొలగడానికి మొగ్గుచూపారు.

ఢాకా: బంగ్లాదేశ్‌లో మధ్యంతర ఎన్నికల కోసం తాత్కాలిక ప్రభుత్వ సారథి మహమ్మద్‌ యూనస్‌పై ఒత్తిళ్లు నానాటికీ పెరిగిపోతున్నాయి. డిసెంబర్లోగా ఎన్నికల జరపాలనే డిమాండ్‌తో బంగ్లా నేషనలిస్ట్‌ పార్టీ (బీఎన్‌పీ) బుధవారం దేశవ్యాప్తంగా కదం తొక్కింది. రాజధాని ఢాకా వీధుల్లో భారీ నిరసన ర్యాలీలతో హోరెత్తించింది. దేశ నలుమూలల నుంచి ఆ పార్టీ యువ కార్యకర్తలు వేలాదిగా వాటిలో పాల్గొన్నారు. యూనస్‌ సర్కారు ఉద్దేశపూర్వకంగానే ఎన్నికలను ఆలస్యం చేస్తోందని బీఎన్‌పీ తాత్కాలిక చైర్మన్‌ తారిఖ్‌ రెహా్మన్‌ దుయ్యబట్టారు. గతంలో తాత్కాలిక సారథులంతా మూడు నెలల్లోపే ఎన్నికలు నిర్వహించారని గుర్తు చేశారు. యూనస్‌ మాత్రం గద్దెనెక్కి 10 నెలలైనా ఎన్నికల ఊసే ఎత్తడం లేదంటూ మండిపడ్డారు. ప్రతిపాదిత సంస్కరణల అమలును వీలైనంతగా పూర్తి చేసి డిసెంబర్, జూన్‌ మధ్య ఎన్నికలు నిర్వహిస్తామని జపాన్‌ పర్యటనలో ఉన్న యూనస్‌ పురుద్ఘాటించారు.

లాస్‌ ఏంజెలిస్‌: అమెరికా మధ్యంతర ఎన్నికల్లో భాగంగా జరిగిన లాస్‌ ఏంజెలిస్‌ మేయర్‌ పదవిని మొట్టమొదటిసారిగా ఒక నల్లజాతి మహిళ కైవసం చేసుకుంది. లాస్‌ ఏంజెలిస్‌కు ఒక మహిళ మేయర్‌ కావడం ఇదే తొలిసారి. 40 లక్షల జనాభా ఉన్న లాస్‌ఏంజెలిస్‌ను పలు సమస్యలు చుట్టుముట్టిన వేళ రిపబ్లికన్‌ అభ్యర్థి, కుబేరుడు రిక్‌ కరుసోపై డెమొక్రటిక్‌ మహిళా అభ్యర్థి కరీన్‌ బాస్‌ దాదాపు 47,000 ఓట్ల ఆధిక్యతతో కొనసాగుతున్నట్లు తెలుస్తోంది. ఇప్పటికే 70 శాతానికిపైగా ఓట్ల లెక్కింపు పూర్తవడంతో కరీన్‌ బాస్‌ గెలుపు దాదాపు ఖరారైనట్లే. రెండేళ్లక్రితం అధ్యక్ష ఎన్నికల వేళ అమెరికా అధ్యక్షుడు జో బైడెన్‌కు చెందిన ఉపాధ్యక్ష అభ్యర్థుల షార్ట్‌ లిస్ట్‌లోనూ కరీన్‌ పేరు ఉండటం గమనార్హం. లాస్‌ ఏంజెలిస్‌ మేయర్‌ ఎన్నికల్లో గెలుపే ధ్యేయంగా రిక్‌ కరుసో ఏకంగా దాదాపు రూ.817 కోట్లకుపైగా ఖర్చుపెట్టినట్లు వార్తలొచ్చాయి. ‘ ఈ ఎన్నికలు మనీకి సంబంధించినవి కాదు. మనుషులకు సంబంధించినవి’ అని ప్రచారం సందర్భంగా కరీన్‌ బాస్‌ వ్యాఖ్యానించడం ప్రస్తావనార్హం.

పౌరహక్కుల నుంచి పర్యావరణం వరకు ఎన్నో ఉద్యమాల్లో పాల్గొన్నారు. జాత్యహంకార బెదిరింపులు ఎన్ని ఎదురైనా ధైర్యమే వజ్రాయుధంగా ముందుకు కదిలారు. కొత్త అడుగుతో చరిత్ర సృష్టించారు. అమెరికా మధ్యంతర ఎన్నికల్లో ఘన విజయం సాధించి ఎంతోమందికి స్ఫూర్తిగా నిలిచిన మన వాళ్ల గురించి.. అరుణా మిల్లర్‌ మేరీలాండ్‌ లెఫ్టినెంట్‌ గవర్నర్‌గా గెలిచిన అరుణా మిల్లర్‌ హైదరాబాద్‌లో పుట్టింది. భారత సంతతికి చెందిన వ్యక్తి లెఫ్టినెంట్‌ గవర్నర్‌ కావడం ఇదే మొదటిసారి. ఈ విషయంలో అరుణ చరిత్ర సృష్టించింది. మేరీలాండ్‌కు తొలి భారతీయ–అమెరికన్‌ డెలిగేట్‌గా తన ప్రత్యేకత చాటుకుంది. మిస్సోరీ యూనివర్శిటీలో సివిల్‌ ఇంజనీరింగ్‌ చేసిన అరుణ ట్రాన్స్‌పోర్టేషన్‌ ప్లానర్‌గా, ట్రాఫిక్‌ ఇంజనీర్‌గా వివిధ ప్రాంతాలలో పనిచేసింది. మిస్సోరీ ఫైర్‌బ్రాండ్‌గా గుర్తింపు పొందిన అరుణ ఆరోగ్య సంరక్షణ నుంచి పర్యావరణ పరిరక్షణ వరకు ఎన్నో కార్యక్రమాల్లో చురుకైన పాత్ర పోషించింది. పరిమళా జయపాల్‌ పరిమళా జయపాల్‌ యూఎస్‌ హౌజ్‌ ఆఫ్‌ రిప్రజెంటేటివ్స్‌(ప్రతినిధుల సభ)కు ఎంపికైన తొలి భారతీయ–అమెరికన్‌ మహిళ. తాజాగా 7వ డిస్ట్రిక్ట్‌(వాషింగ్టన్‌) నుంచి ప్రతినిధుల సభకు ఎంపికైంది. రిపబ్లికన్‌ పార్టీ అభ్యర్థి క్లిఫ్‌మూన్‌పై విజయం సాధించింది. చెన్నైలో పుట్టిన పరిమళా జయపాల్‌ ఇండోనేషియా, మలేసియాలో పెరిగింది. తల్లి రచయిత్రి. తండ్రి మార్కెటింగ్‌ రంగంలో పనిచేశారు. పదహారు సంవత్సరాల వయసులో అమెరికాకు వెళ్లింది పరిమళ. జార్జ్‌టౌన్‌ యూనివర్శిటీ నుంచి బీఏ, కెలాగ్‌ స్కూల్‌ ఆఫ్‌ మేనేజ్‌మెంట్‌ నుంచి ఎంబీఏ పట్టాలు పుచ్చుకుంది. చదువు పూర్తయిన తరువాత ఒక ఇన్వెస్ట్‌మెంట్‌ బ్యాంకులో ఫైనాన్షియల్‌ ఎనలిస్ట్‌గా పనిచేసింది. రాజకీయాల్లోకి అడుగుపెట్టడానికి ముందు పౌరహక్కుల ఉద్యమాల్లో చురుగ్గా పనిచేసింది. ‘హేట్‌ ఫ్రీ జోన్‌’ అనే సంస్థను ప్రారంభించి ఎన్నో కార్యక్రమాలు నిర్వహించింది. పరిమళ మంచి రచయిత్రి కూడా. ‘పిల్‌గ్రిమేజ్‌: వన్‌ వుమెన్స్‌ రిటర్న్‌ టు ఏ ఛేంజింగ్‌ ఇండియా’ అనే పుస్తకం రాసింది. ‘నువ్వు మీ దేశానికి వెళ్లి పో’ అంటూ ఆమెకు ఎన్నోసార్లు బెదిరింపు కాల్స్‌ వచ్చాయి. అయితే ఆమె వాటిని ఎప్పుడూ ఖాతరు చేయలేదు. వెనక్కి తగ్గలేదు. నబీలా సయ్యద్‌ అమెరికాలో జరిగిన మధ్యంతర ఎన్నికలలో ఇల్లినాయి జనరల్‌ అసెంబ్లీకి ఎన్నిక కావడం ద్వారా 23 ఏళ్ల ఇండియన్‌–అమెరికన్‌ నబీలా సయ్యద్‌ చరిత్ర సృష్టించింది. డెమోక్రటిక్‌ పార్టీకి చెందిన నబీలా 51వ డిస్ట్రిక్ట్‌లో రిపబ్లిక్‌ పార్టీకి చెందిన క్రిస్‌ బోస్‌పై ఘన విజయం సాధించింది. ఇల్లినాయి రాష్ట్రంలోని పాలై్టన్‌ విలేజ్‌లో పుట్దింది నబీలా. హైస్కూల్‌ రోజుల నుంచి ఉపన్యాస పోటీల్లో చురుగ్గా పాల్గొనేది. వాటి ద్వారా రకరకాల సామాజిక విషయాలను లోతుగా తెలుసుకునే అవకాశం వచ్చింది. కాలేజిలో ఎన్నో చర్చావేదికల్లో పాల్గొనేది. యూనివర్శిటీ ఆఫ్‌ కాలిఫోర్నియా నుంచి పొలిటికల్‌ సైన్స్, బిజినెస్‌ అడ్మినిస్ట్రేషన్‌లలో పట్టా పుచ్చుకుంది. స్త్రీ సాధికారత, హక్కులకు సంబంధించి ఉద్యమాల్లో చురుగ్గా పాల్గొనే నబీలా ఉద్యోగం కంటే ఉద్యమాలకే ప్రాధాన్యత ఇచ్చేది. ఈ క్రమంలోనే రాజకీయాలకు దగ్గరైంది. ‘ఎమిలీస్‌ లిస్ట్‌’తో కలిసి పనిచేసింది. ఎమిలీస్‌ లిస్ట్‌ అనేది డెమోక్రటిక్‌ మహిళా అభ్యర్థులు చట్ట సభకు ఎన్నిక కావడానికి ఉపకరించే పొలిటికల్‌ యాక్షన్‌ కమిటీ.‘నా విజయానికి ప్రధాన కారణం తమ తరపున పోరాడే, బలంగా గొంతు వినిపించే వ్యక్తిని ప్రజలు తమ ప్రతినిధిగా చట్టసభకు పంపాలనుకోవడం. వారి నమ్మకాన్ని నిలబెడతాను’ అంటోంది నబీలా.ఎన్నికల ప్రచారంలో భాగంగా ప్రతి ఇంటి తలుపు తట్టిన నబీలా తనను గెలిపించిన వారికి కృతజ్ఞతలు తెలియజేయడానికి మళ్లీ ఇంటింటికీ వెళ్లనుంది.  

వాషింగ్టన్‌: అమెరికా మధ్యంతర ఎన్నికల్లో రిపబ్లికన్లకు ఎదురు దెబ్బ తగిలింది. కాంగ్రెస్‌లో అత్యంత కీలకమైన ఎగువ సభ సెనేట్‌పై డెమొక్రాట్లు పట్టు నిలుపుకున్నారు. మూడు స్థానాలకు జరిగిన ఎన్నికల్లో రెండింట్లో డెమొక్రాటిక్‌ అభ్యర్థులు జయకేతనం ఎగురవేశారు. నెవడాకు చెందిన డెమొక్రాటిక్‌ సెనేటర్‌ కేథరిన్‌ కార్టెజ్‌ మాస్తో తన రిపబ్లికన్‌ ప్రత్యర్థి ఆడం లక్సల్ట్‌పై విజయం సాధించారు. మాజీ అధ్యక్షుడు డొనాల్డ్‌ ట్రంప్‌ ప్రతిపాదించిన ఆడం ఓటమి ట్రంప్‌కు వ్యక్తిగతంగా ఎదురు దెబ్బే. అరిజోనాలోనూ డెమొక్రాటిక్‌ సెనేటర్‌ మార్కె కెల్లీ గెలిచారు. దీంతో 100 మంది సభ్యులున్న సెనేట్‌లో డెమొక్రాట్ల సంఖ్య 50కి చేరింది. రిపబ్లికన్లకి 49 మంది సభ్యుల బలముంది. జార్జియాలో ఫలితం వెలువడాల్సి ఉంది.

ముంబై: ప్రపంచ ఈక్విటీ మార్కెట్ల నుంచి సానుకూల సంకేతాలు అందితే..,  ఈ వారం దేశీయ స్టాక్‌ సూచీలు తాజా జీవితకాల గరిష్టానికి చేరే వీలుందని విశ్లేషకులు చెబుతున్నారు. అయితే గరిష్ట స్థాయిల్లో లాభాల స్వీకరించే అవకాశం లేకపోలేదని అంటున్నారు. దేశీయంగా ద్రవ్యోల్బణ డేటా, అమెరికా మధ్యంతర ఎన్నికలు, విదేశీ పెట్టుబడులు కీలకమని చెబుతున్నారు. చివరి దశకు చేరుకున్న కార్పొరేట్‌ ఆర్థిక ఫలితాలపైనా ఇన్వెస్టర్లు దృష్టి సారించవచ్చు. డాలర్‌ మారకంలో రూపాయి విలువ, క్రూడాయిల్‌ కదలికలు ట్రేడింగ్‌పై ప్రభావం చూపొచ్చంటున్నారు.   ట్రేడింగ్‌ నాలుగురోజులే జరిగిన గత వారంలో సెన్సెక్స్‌ 1097 పాయింట్లు, నిఫ్టీ 233 పాయింట్లు చొప్పున ర్యాలీ చేశాయి. అమెరికా అక్టోబర్‌ రిటైల్‌ ద్రవ్యోల్బణం అంచనాల కన్నా తక్కువగా నమోదువడంతో ఇకపై ఫెడ్‌ రిజర్వ్‌ కీలక వడ్డీ రేట్లను తగ్గించవచ్చనే ఆశలు ఇన్వెస్టర్లలో నెలకొన్నాయి. ‘‘గతేడాది(2021) అక్టోబర్‌ 19న సెన్సెక్స్‌ 62,245 వద్ద, నిఫ్టీ 18,604 వద్ద జీవితకాల గరిష్టాలను నమోదు చేశాయి. ఈ వారాంతపు రోజున సెన్సెక్స్‌ జీవితకాల గరిష్టం ముగింపు(61,795) వద్ద ముగిసింది. నిఫ్టీ ఇంట్రాడేలో ఏడాది గరిష్టాన్ని(18,362) తాకింది. ప్రపంచ మార్కెట్ల నుంచి సానుకూల సంకేతాలు అందితే సూచీలు జీవితకాల గరిష్టాన్ని అందుకోవచ్చు. ట్రేడర్లు మాత్రం అప్రమత్తంగా ఉండటం మంచిది. నిఫ్టీ 18,300 స్థాయిని నిలుపుకోలిగితే 18,600 వద్ద నిరోధం ఎదురుకావచ్చు. గరిష్ట స్థాయిల వద్ద లాభాల స్వీకరణ జరిగితే డౌన్‌ట్రెండ్‌లో 18,000 –17,800, శ్రేణిలో తక్షణ మద్దతు లభించవచ్చు’’ అని మోతీలాల్‌ ఓస్వాల్‌ ఫైనాన్స్‌ సర్వీసెస్‌ రీసెర్చ్‌ హెడ్‌ అన్మోల్‌ దాస్‌ తెలిపారు.   ► ద్రవ్యోల్బణ డేటా దృష్టి అమెరికా ద్రవ్యోల్బణ డేటా వెల్లడి తర్వాత మార్కెట్‌ వర్గాలు ఇప్పుడు దేశీయ ద్రవ్యోల్బణ గణాంకాలపై దృష్టి సారించాయి. డిసెంబర్‌ ఆర్‌బీఐ ద్రవ్య విధాన వైఖరికి మార్గదర్శకమైన సీపీఐ ద్రవ్యోల్బణ గణాంకాలు నేడు విడుదల కానున్నాయి. సెప్టెంబర్‌ ద్రవ్యోల్బణం 7.4%గా నమోదైంది. ఈ అక్టోబర్‌లో ఏడుశాతంలోపే ఉండొచ్చని ఆర్‌బీఐ గవర్నర్‌ శక్తికాంత దాస్‌ అభిప్రాయపడ్డారు. .   ► కార్పొరేట్‌ ఆర్థిక ఫలితాలు   దేశీయ కార్పొరేట్‌ ఆర్థిక ఫలితాల అంకం చివరి దశకు చేరింది. ఈ వారంలో సుమారు 1,400కి పైగా కంపెనీలు తమ క్యూ2తో గణాంకాలను ప్రకటించనున్నాయి. ఓఎన్‌జీసీ, గ్రాసీం ఇండస్ట్రీస్‌ ఆర్థిక ఫలితాల ప్రకటన(నేడు)తో నిఫ్టీ 50 ఇండెక్స్‌లో లిస్టయిన కంపెనీ త్రైమాసిక ఫలితాల వెల్లడి పూర్తి అవుతుంది. వీటితో పాటు  బయోకాన్, భారత్‌ ఫోర్జ్, అపోలో టైర్స్, ఐఆర్‌సీటీసీ, స్పైస్‌జెట్‌లు, ఆర్తి ఇండస్ట్రీస్, అబాట్‌ ఇండియా, బాలకృష్ణ ఇండస్ట్రీస్, హుడ్కో, ఇండియాబుల్స్‌ హౌసింగ్‌ ఫైనాన్స్, జ్యోతి ల్యాబ్స్, లక్స్‌ ఇండస్ట్రీస్‌ కంపెనీలు ఫలితాలు వెల్లడించే జాబితాలో ఉన్నాయి. ఫలితాల ప్రకటన సందర్భంగా కంపెనీల యాజమాన్యం చేసే అవుట్‌లుక్‌ వ్యాఖ్యలను మార్కెట్‌ వర్గాలు నిశీతంగా పరిశీలించే వీలుంది. ► ప్రపంచ పరిణామాలు   అమెరికా అధ్యక్షుడి రెండేళ్ల పాలనకు రెఫరెండంగా భావించిన మధ్యంతర ఎన్నికల ఫలితాలను ప్రపంచ మార్కెట్లు ఆసక్తిగా ఎదురుచూస్తున్నాయి. నేడు యూరో పారిశ్రామికోత్పత్తి డేటా, బ్రిటన్‌ నిరుద్యోగ రేటు మంగళవారం విడుదల అవుతాయి. అదే రో జున యూరోజోన్, జపాన్‌ జీడీపీ అంచనాలు వెల్లడికానున్నాయి. ఎల్లుండి(బుధవారం)బ్రిటన్‌ అక్టోబర్‌ ద్రవ్యోల్బణ డేటా విడుదల అవుతుంది. ఈ మరుసటి రోజు యూరో జోన్‌ ద్రవ్యోల్బణం, జపాన్‌ వా ణిజ్య లోటు గణాంకాలు విడుదల అవుతాయి. ఆర్థి క స్థితిగతులను ప్రతిబింబిపజేసే ఈ స్థూల గణాంకాలను ఇన్వెస్టర్లు క్షుణ్ణంగా పరిశీలించే వీలుంది. ఎఫ్‌ఐఐలు వైఖరి   ఫెడ్‌ రిజర్వ్‌ ద్రవ్య విధానపరమైన ఆందోళనలు తగ్గుముఖంపట్టడంతో దేశీయ మార్కెట్లోకి విదేశీ ఇన్వెస్టర్ల పెట్టుబడులు క్రమంగా పెరుగుతున్నాయి. గతవారంలో రూ.6,300 కోట్ల విలువైన ఈక్విటీ షేర్లను కొనుగోలు చేశారు. ఎఫ్‌ఐఐలు తమ బుల్లిష్‌ ధోరణిని కొనసాగిస్తే సూచీలు సులభంగా జీవితకాల గరిష్టాన్ని చేరుకుంటాయని నిపుణులు చెబుతున్నారు. దిద్దుబాటు సమయంలో కొనుగోళ్లు చేపడుతూ మార్కెట్‌కు అండగా నిలిచే సంస్థాగత ఇన్వెస్టర్లు ఇటీవల అమ్మకాలకు పాల్పడుతున్నారు. ఈ నవంబర్‌లో నికరంగా రూ.5600 కోట్ల విలువైన పెట్టుబడులను వెనక్కి తీసుకున్నారు. 

అమెరికా మధ్యంతర ఎన్నికల ఫలితాలు.. ఎన్నో సంచలనాలకు నెలవుగా మారింది. అందులో భారత సంతతికి చెందిన పలువురు నెగ్గి.. హాట్‌ టాపిక్‌గా మారారు. ఇందులో రాజా కృష్ణమూర్తి, రో ఖన్నా, ప్రమీలా జయపాల్‌, అమీ బేరా ఉన్నారు. అయితే వీళ్లు కాకుండా నబీలా సయ్యద్ మాత్రం చరిత్ర సృష్టించింది. ఇల్లినాయిస్ స్టేట్‌ జనరల్‌ అసెంబ్లీకి ఎన్నికైన..  అత్యంత పిన్నవయస్కురాలి ఘనత సాధించింది ఆమె.  23 ఏళ్ల ఈ ఇండో-అమెరికన్‌.. రిపబ్లికన్‌ ప్రత్యర్థి క్రిస్‌ బాస్‌ను ఓడించింది. ఇల్లినాయిస్‌ స్టేట్‌లోని 51వ డిస్ట్రిక్‌ నుంచి పోటీ చేసిన ఆమె.. మొత్తం ఓట్లలో 52.3 శాతం ఓట్లకు దక్కించుకుంది. దీంతో తన ఆనందాన్ని ఆమె సోషల్‌ మీడియాలో పంచుకుంది.  నా పేరు నబీలా సయ్యద్‌. 23 ఏళ్ల వయసున్న ముస్లిం యువతిని. ఇండో-అమెరికన్‌ని. రిపబ్లికన్‌ పార్టీ ఆధీనంలో ఉన్న స్థానాన్ని మేం కైవసం చేసుకున్నాం. జనవరిలో ఇల్లినాయిస్‌ జనరల్‌ ​అసెంబ్లీలో చిన్నవయస్కురాలిగా అడుగుపెట్టబోతున్నాం. నన్ను గెలిపించిన ప్రతీ ఒక్కరికీ కృతజ్ఞతలు. ఈ జిల్లాలో ప్రతీ తలుపు తట్టాను. ఇప్పుడు గెలిచిన తర్వాత మరోసారి తట్టి.. వాళ్లకు కృతజ్ఞతలు చెబుతాను. రంగంలోకి దిగడానికి నేను సిద్ధం అని సుదీర్ఘ పోస్టులు చేశారు.  View this post on Instagram A post shared by Nabeela Syed (@nabeelasyed) భారత దేశ మూలాలున్న నబీలా సయ్యద్‌.. బర్కిలీ కాలిఫోర్నియా యూనివర్సిటీ నుంచి పొలిటికల్‌ సైన్స్‌, బిజినెస్‌ అడ్మినిస్ట్రేషన్‌లో గ్రాడ్యుయేషన్‌ పూర్తి చేశారు. పలు ఎన్జీవోలలో పని చేయడంతో పాటు మహిళా హక్కుల సాధన, అత్యాచార బాధితుల తరపున పోరాడుతున్నారామె. ఇదీ చదవండి: లెఫ్టినెంట్‌ గవర్నర్‌గా కాట్రగడ్డ అరుణ

అమెరికాలో మధ్యంతర ఎన్నికల ఫలితాల్లో సీన్‌ రివర్స్‌ అయ్యింది. రిపబ్లికన్‌ పార్టీ స్వల్ఫ ఆధిపత్యం సాధించింది. అయితే అనుకున్న మేర ఫలితం సాధించలేకపోవడం గమనార్హం. ఈ తరుణంలో డెమోక్రటిక్‌ పార్టీ నేత, ఆ దేశ అధ్యక్షుడు జో బైడెన్‌ ఆసక్తికర వ్యాఖ్యలు చేశారు. ప్రజాస్వామ్యానికి ఇది మంచి రోజు అంటూ వ్యాఖ్యానించారాయన. ఓటర్లలో పేరుకుపోయిన నిరాశను అంగీకరించిన బైడెన్‌.. అధిక మెజారిటీ ద్వారా  అమెరికన్లు తన ఆర్థిక ఎజెండాకు మద్దతు ఇచ్చారని చెప్పారు. ‘‘ఇది ఒక శుభదినం. బహుశా ప్రజాస్వామ్యానికి, అమెరికాకు మంచి రోజని భావిస్తున్న. రిపబికన్లదే పూర్తి హవా ఉంటుందని కొందరు అంచనా వేశారు. అది జరగలేదు’’ అంటూ  వైట్‌ హౌజ్‌లో జరిగిన న్యూస్‌ కాన్ఫరెన్స్‌లో వ్యాఖ్యానించారాయన. మరోవైపు 2024 అధ్యక్ష ఎన్నికల కోసం సిద్ధమవుతున్న మాజీ అధ్యక్షుడు డొనాల్డ్‌ ట్రంప్‌కు ఈ ఫలితాలు పెద్ద దెబ్బే అని విశ్లేషకులు అభిప్రాయపడుతున్నారు. కనీసం 250 స్థానాలు ఆశించింది ఆ పార్టీ. పైగా ట్రంప్‌ వ్యక్తిగతంగా ప్రచారం చేసిన ప్రముఖులు ఓటమి చెందడం గమనార్హం. అధిక ద్రవ్యోల్బణంతో పాటు బైడెన్‌ ఎన్నిక చట్టబద్ధతను ప్రశ్నిస్తూ..  రిపబ్లికన్లు ప్రచారం చేసిన సంగతి తెలిసిందే. 2018 తర్వాత మొదటిసారిగా 435 మందితో కూడిన యూఎస్‌ హౌజ్‌ను అతిస్వల్ఫ ఆధిక్యంతో తిరిగి కైవసం చేసుకునేందుకు ట్రాక్‌ ఎక్కింది. వంద మంది సభ్యున్న యూఎస్‌ సెనేట్‌లో ఇరు పార్టీలు 48 స్థానాలు దక్కించుకున్నాయి. ఇక హౌజ్‌ ఆఫ్‌ రెప్రజెంటివ్స్‌లో రిపబ్లికన్‌ పార్టీ 207 సీట్లు, డెమోక్రటిక్‌ పార్టీ 183 స్థానాలు దక్కించుకున్నాయి(స్పష్టమైన ఫలితాలు ఇంకా వెలువడాల్సి ఉంది). గత 40 ఏళ్లలో ఈ మధ్యంతర ఎన్నికల ఫలితాలు అత్యుత్తమమని బైడెన్‌ వ్యాఖ్యానించడం గమనార్హం.

అగ్రరాజ్యం అమెరికాలో మధ్యంతర (మిడ్‌ టర్మ్‌) ఎన్నికలకు రంగం సిద్ధమయ్యింది. మంగళవారం ఓటింగ్‌ నిర్వహించనున్నారు. ఈ ఎన్నికల్లో వెలువడే ఫలితాలు ప్రస్తుత అధ్యక్షుడి మిగిలిన రెండేళ్ల పదవీ కాలంపై ప్రభావం చూపనున్నాయి. దేశ రాజకీయాలను సైతం తారుమారు చేసే అవకాశం లేకపోకపోలేదు. అధ్యక్షుడు జో బైడెన్‌ ప్రతిష్టకు పరీక్షగా మారాయి. బైడెన్‌తోపాటు మాజీ అధ్యక్షుడు డొ నాల్డ్‌ ట్రంప్‌ ఇప్పటికే ప్రచారం హోరెత్తించారు. ఒకరిపై ఒకరు విమర్శలు, ఆరోపణలతో విరుచుకుపడ్డారు.   మధ్యంతర ఎన్నికలంటే?    అమెరికా పార్లమెంట్‌(కాంగ్రెస్‌)కు ఈ ఎన్నికలు నిర్వహిస్తారు. కాంగ్రెస్‌లో రెండు సభలుంటాయి. అవి హౌజ్‌ ఆఫ్‌ రిప్రజెంటేటివ్స్, సెనేట్‌. అధ్యక్షుడి పదవీ కాలం నాలుగేళ్లు. కాంగ్రెస్‌కు ప్రతి రెండేళ్లకోసారి.. అధ్యక్షుడి పదవీ కాలం మధ్యలో(సగం ముగిసినప్పుడు) ఎన్నికలు జరుగుతాయి. అందుకే వీటిని మధ్యంతర ఎన్నికలు అంటారు. అమెరికాలో 50 రాష్ట్రాలున్నాయి. ప్రతి రాష్ట్రం నుంచి ఇద్దరు సెనేటర్లు ప్రాతినిధ్యం వహిస్తారు. అంటే మొత్తం సెనేటర్లు 100 మంది. వారి పదవీ కాలం ఆరేళ్లు.  మొత్తం 435 మంది ప్రతినిధులు ఉంటారు. ఇక జనాభాను బట్టి రాష్ట్రాల నుంచి ప్రాతినిధ్యం వహించే ప్రతినిధుల సంఖ్య మారుతుంది. వారి పదవీ కాలం రెండేళ్లు. ప్రతినిధుల సభలోని అన్ని స్థానాలతోపాటు సెనేట్‌లో మూడొంతుల్లో ఒక వంతు స్థానాలకు (35 సీట్లు) ఎన్నికలు నిర్వహిస్తారు. అంతేకాకుండా కొన్ని పెద్ద రాష్ట్రాల్లో గవర్నర్లను కూడా ఎన్నుకుంటారు.   గెలిచేదెవరో?   అధికార డెమొక్రటిక్‌ పార్టీకి కాంగ్రెస్‌ ఉభయ సభల్లో గత రెండేళ్లుగా మెజారిటీ ఉంది. అందుకే జో బైడెన్‌ మదిలోని ఆలోచనలు సులభంగా చట్టాలుగా మారుతున్నాయి. కానీ, ప్రతిపక్ష రిపబ్లికన్లతో పోలిస్తే డెమొక్రాట్ల ఆధిక్యం స్వల్పమే. కాబట్టి మధ్యంతర ఎన్నికల్లో ఇరుపక్షాల నడుమ ఉత్కంఠభరితమైన పోటీ ఖాయంగా కనిపిస్తోంది. ప్రతినిధుల సభలో రిపబ్లికన్లు, సెనేట్‌లో డెమొక్రాట్లు పాగా వేసే అవకాశం ఉందని పరిశీలకులు భావిస్తున్నారు. ప్రతినిధుల సభలో 435 స్థానాలు ఉండగా, కేవలం 30 స్థానాల్లో గట్టి పోటీ ఉండనుంది. ఇక సెనేట్‌లో 35 సీట్లలో హోరాహోరీ పోరు సాగనుంది. దేశవ్యాప్తంగా అమలయ్యే చట్టాలను కాంగ్రెస్‌ రూపొందిస్తుంది. ఏయే చట్టాలను తీసుకురావాలో హౌజ్‌ ఆఫ్‌ రిప్రజెంటేటివ్స్‌(ప్రతినిధుల సభ) నిర్ణయిస్తుంది. ఆ చట్టాలను సెనేట్‌ అడ్డుకోవచ్చు లేదా ఆమోదించవచ్చు. అధ్యక్షుడు తీసుకున్న నిర్ణ యాలకు సెనేట్‌ ఆమోద ముద్ర వేస్తుంది. అత్యంత అరుదుగా వాటిపై విచారణ కూడా జరపవచ్చు.   ప్రభావితం చేసే అంశాలేమిటి?    దేశంలోకి వెల్లువెత్తుతున్న వలసలు, పెరిగిపోతున్న నేరాలు, జీవన వ్యయం వంటివి మధ్యంతర ఎన్నికలను ప్రభావితం చేయబోతున్నాయి. ప్రభుత్వ వైఫల్యాలు ప్రతిపక్ష రిపబ్లికన్లకు ఉపకరించనున్నాయి. ఆగస్టులో నిర్వహించిన సర్వేలో అధ్యక్షుడు బైడెన్‌ పట్ల 50 శాతం కంటే తక్కువ ప్రజామోదం ఉన్నట్లు తేలింది. ఇది ఆయనకు ఇబ్బందికరంగా పరిణమించింది. మధ్యంతర ఎన్నికలు సాధారణంగా అధ్యక్షుడి పనితీరును ప్రతిబింబిస్తాయి. ఈ ఫలితాలను ఆయన పాలనపై ప్రజాతీర్పుగా భావించవచ్చు. ఈ ఎన్నికల్లో డెమొక్రాట్ల పట్టు సాధిస్తే.. వాతావరణ మార్పులు, ఆరోగ్య సంరక్షణ పథకాలు, గర్భస్రావ హక్కుల పరిరక్షణ, తుపాకీ సంస్కృతిని కట్టడి చేయడం వంటి అంశాల్లో బైడెన్‌ మరింత దూకుడుగా ముందుకెళ్లొచ్చు. ఏదో ఒక సభలో రిపబ్లికన్లు పైచేయి సాధిస్తే మాత్రం బైడెన్‌ అజెండాకు అడ్డుకట్ట తప్పదు.                 అధ్యక్ష ఎన్నికను ప్రభావితం చేస్తుందా? మధ్యంతర ఎన్నికల ఫలితాల ఆధారంగా.. 2024 అధ్యక్ష ఎన్నికల్లో రిపబ్లికన్‌ పార్టీ నుంచి అభ్యర్థిగా ఎవరు బరిలోకి దిగుతారో ఒక అంచనాకు రావొచ్చు. రిపబ్లికన్‌ పార్టీ నుంచి తానే పోటీ చేయబోతున్నానని మాజీ అధ్యక్షుడు ట్రంప్‌ ప్రకటించారు. ఈ ఎన్నికల్లో ట్రంప్‌ మద్దతుదారులు ఎక్కువ సంఖ్యలో నెగ్గకపోతే ఆయనకు అవకాశాలు తగ్గిపోతాయి. మిషిగాన్, విస్కాన్సిన్, పెన్సిల్వేనియా వంటి పెద్ద రాష్ట్రాలను డెమొక్రాట్లు నిలబెట్టుకుంటే బైడెన్‌ మళ్లీ అధ్యక్షుడు అయ్యే చాన్సుది. – సాక్షి, నేషనల్‌ డెస్క్‌  

వాషింగ్టన్‌: అమెరికా పార్లమెంట్‌ దిగువ సభకు జరుగుతున్న మధ్యంతర ఎన్నికల్లో ఐదుగురు భారతీయ అమెరికన్లు బరిలో దిగారు. కాలిఫోర్నియాలోని ఏడో కాంగ్రెషనల్‌ స్థానం నుంచి 57 ఏళ్ల అమీ బేరా ఆరోసారి రేసులో ఉన్నారు. 46 ఏళ్ల రో ఖన్నా కాలిఫోర్నియాలోని 17వ స్థానం నుంచి పోటీ చేస్తున్నారు. వాషింగ్టన్‌ రాష్ట్రంలోని ఏడో స్థానం నుంచి 57 ఏళ్ల జయపాల్‌ అదృష్టం పరీక్షించుకోనున్నారు. మిషిగన్‌లోని 13వ స్థానం నుంచి శ్రీ థనేదర్‌ పోటీకి సిద్ధమయ్యారు. రిపబ్లిక్‌ అభ్యర్థులతో పోలిస్తే బేరా, రాజా, ఖన్నా, ప్రమీలా బలంగా ఉన్నట్లు సమాచారం. ఇక 67 ఏళ్ల థనేదర్‌ అరంగేట్రం చేస్తున్నారు. ఐదుగురిలో ప్రమీలా జయపాల్‌ ఒక్కరే మహిళా అభ్యర్థి. హోరాహోరీ పోరు ఉండే స్థానాల్లో భారతీయ అమెరికన్‌ ఓటర్ల పాత్ర కీలకం కానుంది. ప్రతినిధుల సభలో 435 మంది సభ్యులుంటారు. 50 రాష్ట్రాల్లో జనాభా ప్రాతిపదికన స్థానాలను కేటాయిస్తారు. సెనేట్‌లో మాత్రం 100 మంది సెనేటర్లు ఉంటారు. ప్రతి రాష్ట్రానికి సమప్రాధాన్యత అంటే రెండు సీట్లు ఉంటాయి. మరోవైపు మేరీలాండ్‌ రాష్ట్రంలో డెమొక్రటిక్‌ మహిళా అభ్యర్థిగా లెఫ్టినెంట్‌ గవర్నర్‌ పదవి కోసం 57 ఏళ్ల అరుణా మిల్లర్‌ పోటీపడుతున్నారు. ఆమె గెలిస్తే ఈ పదవి చేపట్టే తొలి భారతీయ అమెరికన్‌గా చరిత్ర సృష్టిస్తారు. ప్రతినిధుల సభకు నవంబర్‌ ఎనిమిదో తేదీన పోలింగ్‌ జరగనుంది.

న్యూఢిల్లీ: బిలియనీర్‌, టెస్లా సీఈవో ఎలాన్‌ మస్క్‌ ట్విటర్‌  కొనుగోలుపై అమెరికా అధ్యక్షుడు జో బిడెన్ స్పందించారు. తప్పుడు సమాచారాన్ని అవాస్తలను వ్యాప్తి చేస్తున్న ట్విటర్‌ను కొనుగోలు చేశారంటూ ఆయన విమర్శలు గుప్పించారు.  ప్రపంచవ్యాప్తంగా, అసత్య ప్రచారాలతో విషాన్ని చిమ్ముతున్న ట్విటర్‌ను  కొనుగోలు  చేశారని మండిపడ్డారు. ప్రపంచవ్యాప్తంగా అసత్య వార్తలను, విషప్రచారాన్ని చేస్తున్న ట్విటర్‌ను మస్క్‌ కొనుగోలు చేయడం విచారకరమన్నారు. ట్విటర్‌కి అసలుఎడిటర్లే (నియంత్రణ) లేరు ఇక ప్రమాదంలో ఉన్నదాన్ని పిల్లలు అర్థం చేసుకుంటారని ఎలా విశ్వసించాలని బిడెన్‌ ప్రశ్నించారు.  ముఖ్యంగా సీఈవో పరాగ్‌ అగర్వాల్‌ సహా పలువురి కీలక ఎగ్జిక్యూవ్‌ల తొలగింపు, సంస్థలో దాదాపు సగం ఉద్యోగులపై వేటు, డైరెక్టర్‌ బోర్డును చేసి, ఏకైక డైరెక్టర్‌గా మస్క్‌ కొనసాగుతున్న నేపథ్యంలో బిడెన్‌ వ్యాఖ్యలు ప్రాధాన్యతను సంతరించుకున్నాయి. నవంబర్ 8న అమెరికాలో మధ్యంతర ఎన్నికలు జరగనున్న సందర్భంగా శుక్రవారం సాయంత్రం చికాగోలో జరిగిన నిధుల సమీకరణ మీట్‌లో దీని ప్రభావంపై డోనర్లను హెచ్చరిస్తూ బిడెన్‌ ఈ వ్యాఖ్యలు చేశారు. ఆర్థిక మాంద్యం, ద్రవ్యోల్బణం, అధిక వడ్డీరేట్ల మధ్య ఈ ఎ న్నికలు బైడెన్‌ సర్కార్‌కు పెద్ద సవాల్‌. (ElonMusk రోజుకు 40 లక్షల డాలర్ల నష్టం! అయినా ఇవ్వాల్సిన దానికంటే ఎక్కువే ఇస్తున్నా!) మరోవైపు ట్విటర్ టోకోవర్‌పై అమెరికా మాజీ ప్రెసిడెంట్‌ డోనాల్ట్‌ ట్రంప్‌  సానుకూలంగా స్పందించిన  సంగతి తెలిసిందే. కాగా బిడెన్‌పై మస్క్​ గతంలో తీవ్ర విమర్శలు చేశారు. దేశాన్ని అభివృద్ధి చేస్తారని ప్రజలు బైడెన్​ను ఎన్నుకోలేదనీ, మాజీ అధ్యక్షుడు డొనాల్డ్​ ట్రంప్​ డ్రామాను తట్టుకోలేకే ఆయన్ను గెలిపించారని వ్యాఖ్యానించడం గమనార్హం.

వాషింగ్టన్‌ : కొత్తగా కొలువుదీరిన ప్రతినిధుల సభ(హౌజ్‌ ఆఫ్‌ రిప్రజంటేటివ్స్‌) 181 ఏళ్ల నిబంధనను తిరగరాస్తూ కొత్త చరిత్రను లిఖించింది. మత సంప్రదాయాలకు విలువనిస్తూ వివిధ మతాలకు చెందిన ప్రతినిధులు తమ ఆచారం ప్రకారం తలపాగా(హిజాబ్‌, టర్బైన్‌) ధరించి సభకు హాజరయ్యేలా రూపొందించిన బిల్లుకు గురువారం ఆమోదం తెలిపింది. హౌజ్‌కు తొలిసారిగా ఎన్నికైన తొలి ముస్లిం మహిళలుగా సరికొత్త రికార్డు సృష్టించిన రషిదా త్లాయిబ్, ఇల్హాన్‌ ఒమర్‌లు ప్రమాణ స్వీకారం చేసిన రోజే ఈ బిల్లు ఆమోదం పొందడం విశేషం. ‘హెడ్‌గేర్‌ ధరించడంపై 181 ఏళ్లుగా ఉన్న నిషేధాన్ని 116వ కాంగ్రెస్‌ సభ్యులు ఎత్తివేశారు. నాకు ఇంతటి సాదర స్వాగతం పలికిన నా సహచరులకు ధన్యవాదాలు. ఈవిధంగానే.. ముస్లిం కుటుంబాలను అమెరికా నుంచి విడదీసే నిషేధానికి కూడా ముగింపు పలికే రోజు కోసం ఎదురుచూస్తున్నా’ అంటూ ఇల్హాన్‌ ఒమర్‌ ట్విటర్‌ వేదికగా ఆనందం వ్యక్తం చేశారు. కాగా నవంబరులో జరిగిన అమెరికా మధ్యంతర ఎన్నికల్లో రికార్డు స్థాయిలో 100 మంది మహిళలు దిగువ సభ(హౌజ్‌)కు ఎన్నికయ్యారు. ఇందులో 28 మంది తొలిసారిగా ఈ సభలో అడుగుపెట్టబోతున్నారు. వీరంతా డెమొక్రటిక్‌ పార్టీకి చెందిన వారే కావడం విశేషం. ఇక ప్రతినిధుల సభకు ఎన్నికైన తొలి ముస్లిం మహిళలుగా రషిదా త్లాయిబా, సోమాలియాకు చెందిన ఇల్హాన్‌ ఒమర్‌లు గుర్తింపు పొందిన విషయం తెలిసిందే. Yesterday, Congress voted to lift a 181 year ban on headwear to make the #116thCongress more inclusive for all. I thank my colleagues for welcoming me, and I look forward to the day we lift the Muslim ban separating families all over the U.S. from their loved ones. — Ilhan Omar (@IlhanMN) January 4, 2019

గత రెండేళ్లుగా దూకుడుగా వెళ్తున్న అమెరికా అధ్యక్షుడు డోనాల్డ్‌ ట్రంప్‌కు ఆ దేశంలోని మధ్యంతర ఎన్నికల ఫలితాలు తొలిసారి ‘చెక్‌’ పెట్టాయి. సెనేట్‌లో తమ బలం సుస్థిరం చేసుకున్నామని, ఈ ఫలి తాలు తమకే అనుకూలమని ట్రంప్‌ చెప్పుకుంటున్నా, ప్రతినిధుల సభపై ఆయన పార్టీ పట్టు కోల్పోయింది. ఎనిమిదేళ్ల తర్వాత ఆ సభలో డెమొక్రాట్లకు ఆధిపత్యం లభించింది. ఈ ఎన్నికల్లో ఏం చేసైనా విజయాన్ని సొంతం చేసుకోవాలని ట్రంప్‌ తాపత్రయపడ్డారు. ఆయన ప్రచారం పర్యవ సానంగా దేశంలో జాతి, మత, సాంస్కృతిక, వలస విషయాల్లో ఘర్షణలు చోటు చేసుకున్నాయి. ట్రంప్‌ ప్రత్యర్థులకు గుర్తుతెలియని వ్యక్తులు పైప్‌ బాంబులు పంపడం, పిట్స్‌బర్గ్‌ యూదుల ప్రార్థనా మందిరం కాల్పులు జరిగి 11మంది మరణించడం వంటి ఉదంతాలు జనాన్ని ఆలోచింపజేశాయి. అమెరికాలో ఆశ్రయం పొందటానికొస్తున్న మధ్య అమెరికా దేశస్తుల విషయంలో ట్రంప్‌ చేసిన ప్రక టనలు బెడిసికొట్టాయి. ఎన్నికల ఫలితాలపై తన అభిప్రాయాలు వ్యక్తం చేయడానికి నిర్వహించిన మీడియా సమావేశంలో సైతం ట్రంప్‌ అతిశయోక్తులకు పోయారు. అతిగా స్పందించారు. మీడియా ప్రతినిధులు అడిగిన ప్రశ్నలకు సరిగా జవాబు చెప్పలేక ఆయన అసహనంతో ఊగిపోయారు. ట్రంప్‌ను ప్రశ్నిస్తుండగా మైక్‌ తీసుకునేందుకు వచ్చిన వైట్‌హౌస్‌ ఉద్యోగినిని నిలువరించడానికి ప్రయత్నించిన సీఎన్‌ఎన్‌ ప్రతినిధిపై అసభ్యంగా ప్రవర్తించాడని నిందలేసి అతని గుర్తింపు కార్డును రద్దు చేయించారు. ఇతర మీడియా ప్రతినిధులపై సైతం ఆయన అదే విధంగా విరుచుకుపడ్డారు. ‘మీరు ప్రజా శత్రువుల’ని దూషించారు. పైకి ఎంత గాంభీర్యాన్ని ప్రదర్శించినా, ఈ ఎన్నికల ఫలి తాలు ఆయన్ను ఎంతగా నిరాశపరిచాయో ఈ మీడియా సమా వేశమే వెల్లడించింది. రెండేళ్లనాటితో పోలిస్తే ట్రంప్‌ రాజకీయంగా బలహీనపడినట్టు ఈ ఫలితాలు రుజువు చేశాయి. వందమంది సభ్యులుండే సెనేట్‌లో రిపబ్లికన్‌ సభ్యులు 51మంది. డెమొక్రాట్ల బలం 49. కానీ తాజా ఎన్నికలతో రిపబ్లికన్‌ల బలం యధాతథంగా 51 ఉండగా, డెమొక్రాట్లు 46కి పడిపోయారు. మొత్తం 35 సెనేట్‌ స్థానాలకు ఎన్నికలు జరిగాయి. 435 స్థానాలుండే ప్రతినిధుల సభలో రిప బ్లికన్లకు 235 స్థానాలుంటే డెమొక్రాట్లు 193మంది ఉండేవారు. తాజా ఫలితాలతో డెమొక్రాట్ల బలం 255కి చేరుకుంటే, రిపబ్లికన్లు 197కి పరిమితమయ్యారు. ఈసారి ఎన్నికల విశిష్టత ఏమంటే.. ప్రతినిధుల సభకు ఎన్నడూలేని స్థాయిలో వందమంది మహిళలు విజయం సాధించారు. వీరిలో అత్యధికులు డెమొక్రాట్లే. అలాగే 28మంది తొలిసారిగా ఎన్నికైనవారు. అంతేకాదు... తొలిసారిగా ఒక ముస్లిం మహిళ గెలిచారు. ట్రంప్‌కు తుపాకి తయారీదారుల సంస్థ నేషనల్‌ రైఫిల్‌ అసో సియేషన్‌(ఎన్‌ఆర్‌ఏ) కూడా తోడ్పాటునందించింది. సెనేట్‌లో ఆ సంస్థ చలవతో కొందరు రిప బ్లికన్లు సెనేట్‌కు, గవర్నర్‌ పదవులకూ ఎన్నికైనా కొన్ని స్థానాల్లో దాని ఎత్తులు పారలేదు. ఇండి యానా, మిస్సోరి, టెనెస్సీ వంటి స్థానాల్లో ఎన్‌ఆర్‌ఏ మద్దతున్నవారు నెగ్గగా... వర్జీనియా, నెవడా, విస్కాన్సిన్, కొలరాడో, సౌత్‌ కరొలినా, కాన్సాస్‌లలో ఎన్‌ఆర్‌ఏ ఎత్తులు పారలేదు. తుపాకుల కొనుగోలును నియంత్రించాలని గట్టిగా వాదించిన డెమొక్రాట్లే అక్కడ విజయం సాధించారు. నిజా నికి సౌత్‌ కరొలినా, కాన్సాస్‌లు రిపబ్లికన్లకు బాగా పట్టున్న ప్రాంతాలు. తుపాకుల అమ్మకాలను నియంత్రించాలని కోరుకునేవారు వాటి కొనుగోలుకు అర్హమైన వయసును 18 ఏళ్లనుంచి 21 ఏళ్లకు మార్చాలని, మానసిక ఆరోగ్యం సరిగా లేనివారి నుంచి తుపాకులు స్వాధీనం చేసుకోవాలని అడు గుతున్నారు. ఇలా డిమాండ్‌ చేయటమంటే ఆత్మరక్షణ హక్కుకు పౌరుల్ని దూరం చేసినట్టే అవు తుందని ఎన్‌ఆర్‌ఏ వాదిస్తోంది. ఈ ఏడాది ఫిబ్రవరిలో ఫ్లారిడాలోని ఒక ఉన్నత పాఠశాల విద్యార్థి 17మంది విద్యార్థుల్ని, ఉపాధ్యాయుల్ని కాల్చిచంపిన ఉదంతం తర్వాత తుపాకి సంస్కృతిపై దేశ మంతా నిరసనలు మిన్నంటాయి. ఎన్‌ఆర్‌ఏకు మద్దతిస్తున్నారని గుర్తించిన అభ్యర్థులకు వ్యతి రేకంగా చాలాచోట్ల విద్యార్థులే ప్రచారం చేశారు. ఈ ఎన్నికల్లో ట్రంప్‌పై తీవ్ర విమర్శలు చేయ డానికి డెమొక్రాట్లు జంకారు. దేశ ఆర్థిక వ్యవస్థ పుంజుకోవడం, ఉపాధి అవకాశాలు కొద్దో గొప్పో పెరగడం అందుకు కారణం. అందుకే  పేదవర్గాలకుండే ఆరోగ్యబీమా, సామాజిక భద్రత వగైరా అంశాల్లో కోత పెట్టడం, ఆహార పదార్థాల ధరలు పెరగడం వంటి అంశాలపై డెమొ క్రాట్లు దృష్టి సారించారు.  ప్రతినిధుల సభలో డెమొక్రాట్లకు ఆధిక్యత రావడంతో డోనాల్డ్‌ ట్రంప్‌కు ఇక కష్టకాలం మొద లైనట్టే. రెండేళ్లుగా ఉభయ సభల్లో ఉన్న మెజారిటీని ఆసరా చేసుకుని ఇష్టానుసారం వ్యవహరిస్తున్న ఆయన ఇకపై ఆచి తూచి అడుగులేయాల్సి ఉంటుంది. వలస చట్టాల్లో కఠినమైన నిబంధనలు, పన్ను కోతలు, ఆరోగ్యబీమా సంస్కరణలు వగైరా అంశాల్లో తాను ఆశించిన మార్పులు తీసుకు రావడం అంత సులభం కాదు. విపక్షంతో ఓపిగ్గా చర్చించడానికి, అవసరమైతే రాజీ పడటానికి ఆయన సిద్ధమైతే తప్ప ఆశించినవి అమల్లోకి తీసుకురావడం కష్టం. వీటి సంగతలా ఉంచి 2016 నాటి అధ్యక్ష ఎన్నికల సమయంలో డెమొక్రటిక్‌ పార్టీ అభ్యర్థి హిల్లరీని ఓడించడానికి రష్యాతో కుమ్మక్కయ్యారన్న ఆరోపణలపై మ్యూలర్‌ ఏడాదిన్నరగా సాగిస్తున్న దర్యాప్తును అడుగడుగునా ట్రంప్‌ ఆటంకపరిచే యత్నం చేస్తున్నారు. దాని దర్యాప్తు దాదాపు పూర్తయింది. అదిచ్చే నివేదిక ట్రంప్‌పై నిందలు నిజమని నిర్ధారించిన పక్షంలో ప్రతినిధుల సభ ఆయన్ను అభిశంసించే అవకాశం ఉంది. అయితే అధ్యక్ష పదవినుంచి తొలగించాలంటే సెనేట్‌లో మూడింట రెండువంతుల మంది మద్దతు అవసరం. అది ఎటూ అసాధ్యం. కానీ ప్రతినిధుల సభలో ఎదురైన భంగపాటుకు ట్రంప్‌ ప్రతీకార చర్యలు మొదలుపెడతారు. మొత్తానికి రాబోయే రెండేళ్లూ ఆయనకు అగ్నిపరీక్షే. ఆయ నకు వచ్చే ఎన్నికల్లో అధ్యక్ష పీఠం దక్కకపోవచ్చునని ప్రస్తుత ఫలితాలు వెల్లడిస్తున్నాయి. చేసు కున్నవారికి చేసుకున్నంత!

అమెరికా చట్ట సభలకు జరిగిన మధ్యంతర ఎన్నికల ఫలితాలు ఊహించినట్టే వచ్చాయి. ప్రతినిధుల సభలో డెమోక్రాట్లు, సెనెట్‌లో రిపబ్లికన్లు మెజారీటీ సాధించారు. ప్రతినిధుల సభలో డెమోక్రాట్ల ఆధిపత్యం ట్రంప్‌ దూకుడుకు కళ్లెం వేస్తుందని ట్రంప్‌ వ్యక్తిగత అంశాలపై, ఆయన పాలనపై జరుగుతున్న దర్యాప్తులు ఊపందుకుంటాయని విశ్లేషకుల అంచనా. ట్రంప్‌ తన విధానాలను, నిర్ణయాలను పునఃపరిశీలించుకోవలసిన అవసరం ఉంటుందని కూడా వారు స్పష్టం చేస్తున్నారు. ఈ ఎన్నికల్లో 100 మందికిపైగా మహిళలు ఎన్నిక కావడం విశేషం. మధ్యంతర ఎన్నికలు అమెరికా ప్రజల్ని ట్రంప్‌ అనుకూలురు, ట్రంప్‌ వ్యతిరేకులుగా విభజించాయనీ, దీని ఫలితం దేశ రాజకీయాల్లో మరో రెండేళ్ల వరకు ఉంటుందని పరిశీలకులు వ్యాఖ్యానిస్తున్నారు. మధ్యంతర ఎన్నికల ఫలితాలు పూర్తిగా వెల్లడికానప్పటికీ, ఇంత వరకు వచ్చిన ఫలితాలను బట్టి ప్రతినిధుల సభ డెమోక్రాట్ల పట్టులోకి వెళ్లిందని స్పష్టమవుతోంది. ప్రతినిధుల సభలో మెజారిటీ కంటే 30 సీట్లు అధికంగా డెమోక్రాట్లు గెలుచుకున్నారు. 2006 తర్వాత డెమోక్రాట్లకు ఇంత మెజారిటీ రావడం ఇదే తొలిసారి. డెమోక్రాట్ల తరఫున ఎన్నికైన వారిలో చాలా మంది మొదటి సారి ప్రజాప్రతినిధులయిన వారే. ప్రతినిధుల సభలో డెమోక్రాట్లు మెజారిటీ సాధించడం వల్ల ట్రంప్‌పై ఉన్న వివిధ కేసుల దర్యాప్తు ముమ్మరమవుతుంది. 2016 అధ్యక్ష ఎన్నికల ప్రచారంలో ట్రంప్‌ పాల్పడిన అవకతవకలు, ఎన్నికల్లో రష్యా జోక్యం, అలాగే.. ఆయన వివాదాస్పద నిర్ణయాలు, పాలన తీరుపై విచారణలు మళ్లీ మొదలయ్యే అవకాశం ఉంది. అయితే కీలకాంశాలపై నిర్ణయం తీసుకోవాలంటే ప్రతినిధుల సభ, సెనెట్‌ రెండింటిలో మెజారిటీ సభ్యుల ఆమోదం అవసరం. సెనెట్‌లో రిపబ్లికన్లకు మెజారిటీ ఉన్నందున డెమోక్రాట్ల పని అనుకున్నంత సులభం కాదు. కాగా, కొత్త సభ్యుల ప్రమాణ స్వీకారం జనవరిలో జరుగుతుంది కాబట్టి ఇదంతా కార్యరూపం దాల్చడానికి కొన్ని నెలలు పడుతుంది. ప్రతినిధుల సభలో మెజారిటీ సాధించిన డెమోక్రాట్లు వివిధ అంశాలపై దృష్టి సారించనున్నారు. అభిశంసన సభలో మెజారిటీ ఉన్నందున డెమోక్రాట్‌ పార్టీకి మరింత నగదు అందుబాటులో ఉంటుంది. సిబ్బంది పెరుగుతారు. సభా సంఘాలపై నియంత్రణ వస్తుంది. దాంతో ట్రంప్‌కు సంబంధించిన వివిధ కుంభకోణాలు, వివాదాస్పద నిర్ణయాలపై విచారణలు ఊపందుకుంటాయి. అలాగే, ట్రంప్‌ అభిశంసనకు చర్యలు కూడా తీసుకునే అవకాశం ఉంటుంది. అయితే అభిశంసన అంత సులభం కాకపోవచ్చు. ప్రతినిధుల సభ అభిశంసన ప్రక్రియను ప్రారంభించవచ్చు. కానీ, రెండు సభల్లో మెజారిటీ సభ్యులు ఆమోదిస్తేనే ఈ తీర్మానం చెల్లుతుంది. ప్రతినిధుల సభలో మెజారిటీ ఉన్నప్పటికీ చాలా మంది డెమోక్రాట్లు ట్రంప్‌ ఎన్నికల అక్రమాలపై జరుగుతున్న విచారణ తేలేంత వరకు అభిశంసనకు ముందుకు రాకపోవచ్చు. మరోవైపు సెనెట్‌లో మూడింట రెండు వంతుల బలం డెమోక్రాట్లకు లేదు. కాబట్టి అక్కడ తీర్మానం నెగ్గే అవకాశం లేదు. బడ్జెట్‌ ప్రతినిధుల సభలో మెజారిటీ ఉన్న డెమోక్రాట్లు బడ్జెట్‌ విషయంలో ట్రంప్‌కు కళ్లెం వేసే అవకాశం ఉంది. ఇప్పటిలా ట్రంప్‌ తనకు కావలసిన నిధుల కోసం ఎగ్జిక్యూటివ్‌ ఆదేశాలు జారీ చేసే అవకాశం ఉండదు. బడ్జెట్‌కు సంబంధించిన వివిధ అంశాల్లో ట్రంప్‌ మాట చెల్లుబాటయ్యే పరిస్థితి కూడా ఇప్పుడు లేదు. పన్ను రిటర్న్‌లు ట్రంప్‌ వ్యక్తిగత ఆదాయం, పన్ను రిటర్న్స్‌ పత్రాలను వెలుగులోకి తెచ్చేందుకు డెమోక్రాట్లు ప్రయత్నిస్తారు. గతంలో వీటిని ఇవ్వడానికి ట్రంప్‌ నిరాకరించారు. అయితే, ఈసారి ట్రంప్‌ను రిటర్న్స్‌ పత్రాల కోసం అడుగుతామనీ, ఆయన నిరాకరిస్తే తమకున్న అధికారంలో చట్టబద్ధంగా వాటిని తీసుకుంటామని హౌస్‌ వేస్‌ అండ్‌ మీన్స్‌ కమిటీకి నాయకత్వం వహించనున్న రిచర్డ్‌ నీల్‌ చెప్పారు. ఆయన బ్యాంకు లావాదేవీల వివరాలు కూడా సంపాదిస్తామన్నారు. ఇవి బయటపడితే ట్రంప్‌కు రష్యాతో ఉన్న సంబంధాలు బయటపడతాయని ఆయన అన్నారు. అయితే, వీటికోసం న్యాయపరంగా సుదీర్ఘ పోరాటం చేయాల్సి ఉంటుంది. రష్యా జోక్యం గత అధ్యక్ష ఎన్నికల్లో రష్యా జోక్యం చేసుకుందనీ, ట్రంప్‌ విజయానికి రష్యా సహకరించిందని వచ్చిన ఆరోపణలపై కాంగ్రెస్‌ ఆధ్వర్యంలో మళ్లీ విచారణ ప్రారంభించే అవకాశాలున్నాయి. ఇప్పుడీ పునర్విచారణ  ప్రారంభమైతే ట్రంప్‌పై ఒత్తిడి మరింత పెరగవచ్చు. మెక్సికో సరిహద్దులో గోడ అధ్యక్ష ఎన్నికల ప్రచారంలో ట్రంప్‌ ఈ అంశాన్ని కీలకం  చేసుకుని లబ్ధి పొందారు. అక్రమ వలసలను అరికట్టడానికి మెక్సికో సరిహద్దు పొడవునా గోడ కడతానని చెప్పారు. అమెరికన్‌ కాంగ్రెస్‌ గత మార్చిలో దానికి 160 కోట్ల డాలర్లను కూడా  కేటాయించింది. అప్పట్లో డెమోక్రాట్లు సహా పలువురు దీన్ని వ్యతిరేకించారు. ఇప్పుడీ గోడ నిర్మాణాన్ని ఆపేసేందుకు  డెమోక్రాట్లు చర్యలు తీసుకోవచ్చు. ఒబామా కేర్‌ మధ్యంతర ఎన్నికల్లో ప్రభావం చూసిన అంశాల్లో ఇమ్మిగ్రేషన్, హెల్త్‌కేర్‌ ముఖ్యమైనవి. ఒబామా ప్రభుత్వం ప్రవేశపెట్టిన ఆరోగ్య సంరక్షణ పథకాన్ని కొనసాగిస్తామని డెమోక్రాట్లు చెప్పారు. ఇప్పుడు దాన్ని ఆచరణలో పెట్టే అవకాశం ఉంది. అలాగే, వలస విధానాల్లో ట్రంప్‌ ప్రభుత్వం చేస్తున్న సవరణలు, తెస్తున్న కొత్త నిబంధనలపై కూడా డెమోక్రాట్లు దృష్టి సారించే అవకాశాలు బలంగా కనిపిస్తున్నాయి. మెడికేర్, మెడిక్‌ ఎయిడ్‌ పథకాల కొనసాగింపునకు చర్యలు తీసుకుంటామని ఎన్నికల అనంతరం డెమోక్రాట్ల నేత నాన్సీ పిలోసి చెప్పారు. 65 ఏళ్లు దాటిన వారికి, దివ్యాంగులకు ఆదాయంతో సంబంధం లేకుండా ఈ పథకాల కింద వైద్య సహాయం అందిస్తారు. ఔషధాల ధరల్ని తగ్గిస్తామని, ఆరోగ్యబీమా ప్రీమియం తగ్గిస్తామని  కూడా డెమోక్రాట్లు చెబుతున్నారు. ఇరాన్‌తో ఒప్పందం ఒబామా హయాంలో అమెరికా –ఇరాన్‌ల మధ్య కుదిరిన అణు ఒప్పందం నుంచి ట్రంప్‌ వైదొలగడం పట్ల డెమోక్రాట్లు ఆగ్రహంతో ఉన్నారు. ఇప్పుడీ ఒప్పందాన్ని పునరుద్ధరించాలని డెమోక్రాట్లు భావిస్తున్నా, సెనెట్‌లో మెజారిటీ లేనందున చేయగలిగిందేమీ ఉండదని తెలుస్తోంది. అలాగే, ఇజ్రాయెల్‌తో సంబంధాల విషయంపై కూడా వీరు దృష్టి సారించే అవకాశం ఉంది. ప్రతినిధుల సభలో మెజారిటీ సాధించడంతో పలు ప్రభుత్వ కమిటీలు, విచారణ సంఘాలకు డెమోక్రాట్‌ నేతలే నాయకత్వం వహిస్తారు. దాంతో ఈ కమిటీలు ట్రంప్‌ పాలనపైన, వ్యక్తిగతంగాను శూలశోధనకు దిగే అవకాశం ఉంది. రెండుగా చీలిన అమెరికన్లు మధ్యంత ఎన్నికలు ట్రంప్‌ పాలనపై రెఫరెండమని విశ్లేషకులు అంటున్నారు. ఈ ఎన్నికలతో ట్రంప్‌కు అనుకూలంగా, వ్యతిరేకంగా అమెరికన్లు విడిపోయారని , దీని ప్రభావం వచ్చే రెండేళ్ల పాటు అమెరికా రాజకీయాలపై ఉంటుందని వారు తెలిపారు. ఈ ఎన్నికలతో అమెరికా వాణిజ్యయుద్ధం మరింత ముదురుతుందని, 2020 అధ్యక్ష ఎన్నికల్లో ఇదే ప్రధానాంశం అవుతుందని పరిశీలకుల భావన. అలాగే, ఈ ఎన్నికల్లో వంద మందికి పైగా మహిళలు నెగ్గడంతో సంప్రదాయక వాదులైన డెమోక్రాట్లు తమ అజెండాను సవరించుకోవలసి ఉంటుందన్నారు. పురుషుల ఓట్లు ట్రంప్‌కే మధ్యంతర ఎన్నికల్లో 60శాతం పురుషుల ఓట్లు రిపబ్లికన్‌ పార్టీకి పడ్డాయని, మహిళల ఓట్లు రెండు పార్టీలకు పడ్డాయని ఎన్నికల సర్వేలు వెల్లడిస్తున్నాయి. మధ్యంతర ఎన్నికల్లో 49శాతం మంది ఓటు హక్కు వినియోగించుకున్నారు. 18–24 ఏళ్ల మధ్య వయస్కుల్లో 68శాతం మంది డెమోక్రట్‌పార్టీకి ఓటు వేశారు. వృద్ధ ఓటర్లు ఎక్కువగా రిపబ్లికన్‌ అభ్యర్ధులకు ఓటు వేశారు. అమెరికాయేతర ఓటర్లు వయసుతో నిమిత్తం లేకుండా ఎక్కువ మంది డెమోక్రాట్‌ పార్టీకి ఓటు వేశారు.

వాషింగ్టన్‌ : అగ్రరాజ్యం అమెరికా మధ్యంతర ఎన్నికల్లో ఆ దేశ అధ్యక్షుడు డొనాల్డ్‌ ట్రంప్‌నకు గట్టి షాక్‌ తగిలింది. బుధవారం వెల్లడైన ఫలితాల్లో డెమోక్రటిక్‌ పార్టీ ప్రతినిధుల సభలో పైచేయి సాధించగా.. రిపబ్లికన్లు సెనేట్‌లో ఆధిపత్యం నిలుపుకొన్నారు. కాగా ఈ ఫలితాలతో కంగుతిన్న ట్రంప్‌ మరోసారి మీడియాను టార్గెట్‌ చేశారు. మీడియా తప్పుడు ప్రచారమే తమ ఓటమికి కారణమని పరోక్షంగా విమర్శించారు. ఈ క్రమంలో సీఎన్‌ఎన్‌ జర్నలిస్టు జిమ్‌ అకోస్టా ప్రెస్‌పాస్‌ను రద్దు చేయడం ప్రస్తుతం చర్చనీయాంశమైంది. అమెరికా మధ్యంతర ఎన్నికల పోలింగ్‌ అనంతరం ఏర్పాటు చేసిన మీడియా సమావేశానికి సీఎన్‌ఎన్‌ రిపోర్టర్‌ జిమ్‌ అకోస్టా హాజరయ్యారు.  ఈ క్రమంలో వలసదారులపై ట్రంప్‌ అనుసరిస్తున్న విధానాలను ప్రస్తావిస్తూ.. ఇది ఒకరమైన దాడే కదా అంటూ ప్రశ్నల వర్షం కురిపించారు. ఈ క్రమంలో సహనం కోల్పోయిన ట్రంప్‌.. ‘ నిజం చెప్పనా. అధ్యక్షుడిగా నేనేం చేయాలో నాకు తెలుసు. మీరు వార్తా సంస్థను సరిగ్గా నడిపించుకోండి. అలాగే రేటింగ్స్‌ను పెంచుకోండి’  అంటూ వ్యంగ్యంగా సమాధానం ఇచ్చారు. ఈ క్రమంలో మరో ప్రశ్న అడిగేందుకు అకోస్టా సిద్ధమవుతుండగా.. ‘కూర్చో.. అతడి నుంచి మైక్రోఫోన్‌ లాక్కోండి’ అంటూ ట్రంప్‌ అసహనం వ్యక్తం చేశారు. ఇదిలా ఉండగా.. ఎన్నికల ఫలితాలు వెల్లడైన అనంతరం జిమ్‌ మరోసారి వైట్‌హౌజ్‌లోకి వెళ్లేందుకు ప్రయత్నించగా సిబ్బంది అతడిని అడ్డుకున్నారు. ప్రెస్‌పాస్‌ రద్దు అయిన కారణంగా మిమ్మల్ని లోపలికి అనుమతించలేమని పేర్కొన్నారు. ఈ క్రమంలో ఫ్యూచర్‌ నోటీసు అందేంత వరకు మరలా వైట్‌హౌజ్‌లో ప్రవేశించే వీలులేదని వైట్‌హౌజ్‌ వర్గాలు అతడికి సూచించాయి.   అసభ్యంగా ప్రవర్తించాడు.. అందుకే ‘అధ్యక్షుడు ట్రంప్‌ పత్రికా స్వేచ్ఛకు విలువనిస్తూ తన పాలన గురించి ఎదురయ్యే ఎన్నో కఠినమైన ప్రశ్నలకు సావధానంగా సమాధానమిస్తారు. కానీ ప్రెస్‌పాస్‌ పేరిట వైట్‌హౌజ్‌లో ప్రవేశించిన ఓ వ్యక్తి మా మహిళా ఉద్యోగితో అసభ్యంగా ప్రవర్తిస్తే మాత్రం ఉపేక్షించేది లేదు’ అని వైట్‌హౌజ్‌ ప్రతినిధి సారా సాండర్స్‌ ట్వీట్‌ చేశారు. కాగా ఇవన్నీ అబద్ధాలని, వారి తప్పులను ఎత్తిచూపిన కారణంగానే తనపై అనవసరపు ఆరోపణలు చేస్తున్నారని అకోస్టా పేర్కొన్నారు. ఈ విషయంలో సాటి జర్నలిస్టులంతా ఆయనకు మద్దతుగా నిలిచారు. President Trump believes in a free press and expects and welcomes tough questions of him and his Administration. We will, however, never tolerate a reporter placing his hands on a young woman just trying to do her job as a White House intern... — Sarah Sanders (@PressSec) November 8, 2018

న్యూయార్క్‌ : అమెరికాలో జరిగిన మధ్యంతర ఎన్నికల ఫలితాలు అధ్యక్షుడు డొనాల్డ్‌ ట్రంప్‌ ఆధిపత్యానికి గండికొట్టేలా వెలువడుతున్నాయి. హౌస్‌ ఆఫ్‌ రిప్రజెంటేటివ్స్‌‌లో డెమొక్రటీ పార్టీ అభ్యర్థులు మెజార్టీ దిశగా సాగుతుండగా, అధ్యక్షుడు డొనాల్డ్‌ ట్రంప్‌ పార్టీకి చెందిన రిపబ్లికన్లు సెనేట్‌లో సత్తా చాటుతున్నారు. అమెరికా పార్లమెంటును కాంగ్రెస్ పేరుతో వ్యవహరిస్తారు. కాగా, ప్రతినిధుల సభలో 435 స్థానాలకు, సెనేట్‌లోని మొత్తం 100 స్థానాల్లో 35 సీట్లకు ఎన్నిక జరిగింది. వీటితోపాటు 36 రాష్ట్రాల గవర్నర్లు సహా పలు  పదవులకు కూడా ఎన్నికలు జరిగాయి. ఇప్పటివరకూ వెలువడిన ఫలితాల ప్రకారం డెమోక్రాట్లు మరో 23 స్థానాల్లో విజయం సాధిస్తే ప్రతినిధుల సభలో వీరు పైచేయి సాధిస్తారు. వర్జీనియా, ఫ్లోరిడా, పెన్సీల్వేనియా, కొలొరాడో వంటి రాష్ట్రాల్లో రిపబ్లికన్లపై డెమోక్రాట్లు విజయం సాధించారు. మరోవైపు సెనేట్‌లో నార్త్‌ డకోటా, ఇండియానా స్థానాల్లో రిపబ్లికన్లు గెలుపొందారు. టెక్సాస్‌ స్థానంలో రిపబ్లికన్‌ అభ్యర్థి టెడ్‌ క్రుజ్‌ విజయం సాధించారు. ట్రంప్‌ దూకుడుకు బ్రేక్‌.. అమెరికా అధ్యక్షుడిగా డొనాల్డ్‌ ట్రంప్‌ ఎన్నికైన రెండేళ్ల తర్వాత జరుగుతున్న ఈ ఎన్నికలను ఆయన పనితీరుకు రెఫరెండంగా పరిగణిస్తున్నారు. ఇక మధ్యంతర ఎన్నికల్లో అద్భుత విజయం సాధించామని డొనాల్డ్‌ ట్రంప్ ట్విట్ చేయడం గమనార్హం​. 2016 అధ్యక్ష ఎన్నికల్లో ఊహించని రీతిలో విజయం సాధించిన ట్రంప్, కాంగ్రెస్‌లో సంఖ్యాబలం అండతో ఏకపక్ష నిర్ణయాలతో చెలరేగారు. మధ్యంతర  ఎన్నికల్లో డెమొక్రాట్లు గణనీయంగా ఎన్నికవడంతో ట్రంప్‌ దూకుడుకు బ్రేక్‌ పడనుంది.

వాషింగ్టన్‌ : అగ్రరాజ్యం అమెరికా మధ్యంతర ఎన్నికల్లో డెమొక్రటిక్‌ పార్టీ అభ్యర్థి జారెడ్‌ పోలీస్‌ విజయం సాధించారు. కొలరెడో గవర్నర్‌గా బాధ్యతలు చేపట్టనున్న జారెడ్‌ అమెరికా చరిత్రలో గవర్నర్‌గా ఎంపికైన తొలి స్వలింగ సంపర్కుడిగా చరిత్రకెక్కారు. తనను తాను గే అని ఎన్నికల ప్రచారంలో బహిరంగంగా ప్రకటించిన జారెడ్‌.. అమెరికా అధ్యక్షుడు డొనాల్డ్‌ ట్రంప్‌ అనుసరిస్తున్న విధానాలపై ప్రజల్లో ఉన్న వ్యతిరేకతను ప్రచారాస్త్రంగా మార్చుకుని విజయం సాధించారు. గతంలోనూ ఐదుసార్లు కాంగ్రెస్‌ ప్రతినిధిగా ఎన్నికైన జారెడ్‌ ఇకపై కొలరెడో గవర్నర్‌గా సేవలు అందించనున్నారు.  కాగా ఓరెగాన్‌ గవర్నర్‌ కేట్‌బ్రౌన్‌ అమెరికా తొలి బైసెక్సువల్‌ గవర్నర్‌గా గుర్తింపు పొందగా.. న్యూజెర్సీ మాజీ గవర్నర్‌ జిమ్‌ మెక్‌గ్రీవీ తన పదవికి రాజీనామా చేసిన తర్వాత తాను గేనని ప్రకటించుకున్నారు. పేరు మార్చుకుని.. యూదు అయిన జారెడ్‌ అసలు పేరు జారెడ్‌ చుల్జ్‌. తన బామ్మ ఙ్ఞాపకార్థం 25 ఏట తన పేరును జారెడ్‌ పోలీసుగా మార్చుకున్నారు. కాలేజీ రోజుల నాటి నుంచే రాజకీయాల్లో రాణించాలనే ఆశయం ఉన్న జారెడ్‌ మొదట వ్యాపారవేత్తగా ఎదిగి... ఆ తర్వాత డెమొక్రటిక్‌ పార్టీలో చేరి తన కలను సాకారం చేసుకున్నారు.

వాషింగ్టన్‌: అగ్రరాజ్యం అమెరికాలో మధ్యంతర ఎన్నికల ఓటింగ్‌ ప్రారంభమైంది. 435 మంది సభ్యులున్న ప్రతినిధుల సభతో పాటు సెనేట్‌లో 35 స్థానాలకు ఈ ఎన్నికలు జరగనున్నాయి. అలాగే ఈ ఎన్నికల్లో 36 రాష్ట్రాలకు గవర్నర్లను ప్రజలు ఎన్నుకోనున్నారు. అధ్యక్షుడు ట్రంప్‌ రెండేళ్ల పాలనకు రెఫరెండంగా భావిస్తున్న ఈ ఎన్నికల్లో విజయం అధికార రిపబ్లికన్లకు, ప్రతిపక్ష డెమొక్రాట్లకు కీలకంగా మారింది. అమెరికాలోని తూర్పు రాష్ట్రాలైన మెయిన్, న్యూహాంప్‌షైర్, న్యూజెర్సీ, న్యూయార్క్‌లో మంగళవారం ఉదయం 6 గంటలకు(స్థానిక కాలమానం) పోలింగ్‌ మొదలైంది. ఓటర్లు పోలింగ్‌ కేంద్రాలకు భారీగా చేరుకుని ఓటు హక్కును వినియోగించుకున్నారు. అమెరికా కాంగ్రెస్‌లోని ప్రతినిధుల సభ(దిగువ సభ)లో 435 స్థానాల్లో రిపబ్లికన్‌ పార్టీకి 235 మంది సభ్యులు ఉండగా, డెమొక్రటిక్‌ పార్టీకి 193 మంది సభ్యులు ఉన్నారు. అలాగే ఎగువ సభ సెనేట్‌లోని 100 స్థానాల్లో రిపబ్లికన్‌ పార్టీ సభ్యులు 52 మంది, డెమొక్రాట్లు 48 మంది ఉన్నారు. కాగా, ఎన్నికల నేపథ్యంలో సోమవారం క్లీవ్‌ల్యాండ్‌లో జరిగిన ఎన్నికల ప్రచారంలో పాల్గొన్న ట్రంప్‌ ఓటు హక్కును వినియోగించుకోవాలని ప్రజలకు విజ్ఞప్తి చేశారు. ఎప్పుడూ చప్పగా సాగే మధ్యంతర ఎన్నికలు తన కారణంగానే హాట్‌హాట్‌గా సాగుతున్నాయని కితాబిచ్చుకున్నారు. నకిలీ ఖాతాలపై ఫేస్‌బుక్‌ కొరడా.. మధ్యంతరం సందర్భంగా ఓటర్లను ప్రభావితం చేసేందుకు యత్నించిన 115 అకౌంట్లను సోషల్‌మీడియా దిగ్గజం ఫేస్‌బుక్‌ తొలగించింది. అమెరికా విచారణ సంస్థల ఫిర్యాదు నేపథ్యంలో ఫేస్‌బుక్‌లో 30 ఖాతాలతో పాటు అనుబంధ సంస్థ ఇన్‌స్టాగ్రామ్‌లో 85 అకౌంట్లను బ్లాక్‌ చేసింది. 2016లో అమెరికా అధ్యక్ష ఎన్నికల సందర్భంగా ఓటర్లను ప్రభావితం చేసేందుకు రష్యా యత్నించిందని విచారణ సంస్థలు గుర్తించిన సంగతి తెలిసిందే.    సీఎన్‌ఎన్‌ సర్వేలో డెమొక్రాట్లకు పట్టం.. ఈ ఎన్నికల్లో డెమొక్రట్లు విజయం సాధించనున్నట్లు సీఎన్‌ఎన్‌ సర్వేలో తేలింది. ఈ సర్వే  ప్రకారం.. ప్రతినిధుల సభలోని 435 స్థానాలకు గాను డెమొక్రటిక్‌ పార్టీ 182 నుంచి 239 స్థానాలను(42–55 శాతం) కైవసం చేసుకునే అవకాశాలున్నాయి. 2006, 2010 మధ్యంతర ఎన్నికల తరహాలో ఈసారీ రిపబ్లికన్లతో పోల్చుకుంటే డెమొక్రటిక్‌ పార్టీ 10 శాతం ఆధిక్యం పొందే అవకాశముంది. నల్ల జాతీయులు, లాటినో సంతతి ప్రజలు, చదువుకున్న శ్వేతజాతి మహిళలు, గృహిణులు డెమొక్రాట్లకు మద్దతుగా నిలిస్తే, శ్వేతజాతి పురుషులు ఎక్కువగా ట్రంప్‌కు మద్దతు తెలుపుతున్నట్లు సీఎన్‌ఎన్‌ సర్వేలో తేలింది.

ఎన్నడూ లేనంతగా ఈసారి ఎక్కువ సంఖ్యలో మహిళలు యు.ఎస్‌. మధ్యంతర  ఎన్నికలకు పోటీ పడుతున్నారు. ‘మీటూ’ వేళ మహిళావనికి ఇదొక మంగళప్రదమైన సంకేతం. బరిలో నిలిచిన మహిళల ముఖాలు మనమెరిగినవి కాకపోవచ్చు. కానీ ఆ  గెలుపోట ముల ముఖకాంతులు.. లోకాలను వెలిగించేవి, పోరాటస్పృహను కలిగించేవీ! యు.ఎస్‌.లో ఎప్పుడు ఎన్నికలు జరిగినా మంగళవారమే జరుగుతాయి. మంగళవారమే ఎందుకంటే.. ఏవో హిస్టారికల్‌ శకునాలు. కొన్ని గంటల్లో ఇవాళ అక్కడ మిడ్‌టెర్మ్‌ పోల్స్‌. మధ్యంతర ఎన్నికలు. ముఖం చిట్లించి చూపు తిప్పుకునే విషయమే. ఎవరిక్కావాలి? ఇంటి పక్కన కేసీఆర్‌ వేసుకున్న ‘ముందస్తు’ షామియానానే ఓ మామూలు విషయం. ఇక ఎక్కడో అమెరికాలోని ‘మిడ్‌టెర్మ్‌’ పోల్‌ ఫంక్షన్‌ని ఆగి చూస్తామా! పిల్లలు, స్కూళ్లు, అప్పులు, వడ్డీలు.. ఎన్నున్నాయ్‌ జీవితంలో. ఎన్నికల్లా ఐదేళ్లకో, రెండేళ్లకో వచ్చిపోయేవి కావివన్నీ. ఎప్పుడూ వెంట ఉండేవీ. వెంబడిస్తూ ఉండేవి. అయితే ఈసారి యు.ఎస్‌. ఎన్నికల్నుంచి పూర్తిగా ముఖం తిప్పేసుకోలేం. అవేం అధ్యక్ష ఎన్నికలు కాదు. భారీ ముఖాలేం బరిలో లేవు. ప్రపంచం కూడా పెద్దగా నోరు తెరిచి అమెరికా వైపు చూసేదేం ఉండదు. అయినా ఓ ఇంట్రెస్టింగ్‌ పాయింట్‌ ఈ ఎన్నికల్లో ఉంది. ఇంట్రెస్టింగ్‌ కాదు, ఇన్‌స్పైరింగ్‌ పాయింట్‌. 257 మంది మహిళలు ఈ మిడ్‌టెర్మ్‌ ఎన్నికల్లో పోటీకి నిలబడ్డారు! రికార్డిది. ఇరవై ఏళ్ల క్రితం ఈ రికార్డు 131. నలభై ఏళ్ల క్రితం 48. ఇదేం విశేషం! ఏళ్లు గడుస్తున్న కొద్దీ పోటీ చేసేవాళ్లు పెరుగుతూనే ఉంటారు కదా. సంఖ్య పెరగడం విశేషం కాదు. సంఖ్యను పెంచుతున్న విశేషం ఏదో ఉంది. ఏంటది? ఈ ఎన్నికల్లోనైతే ‘మీటూ’ ఎఫెక్ట్‌!అమెరికన్‌ పార్లమెంట్‌కి (పార్లమెంట్‌ అనరు. ‘కాంగ్రెస్‌’ అంటారు)  సరిసంఖ్య ఉన్న ప్రతి ఏడాదీ మధ్యంతర ఎన్నికలు జరుగుతాయి. అంటే రెండేళ్లకోసారి. 2016లో జరిగాయి. అంతకు ముందు 2014లో. ఇప్పుడు 2018లో. తర్వాత 2020లో. అధ్యక్ష ఎన్నికలు నాలుగేళ్లకోసారి వాటి మానాన అవి వచ్చిపోతుంటాయి. అవీ సరిసంఖ్య ఉన్న ఏడాదిలోనే. అవీ మంగళవారమే.మనకిక్కడ పార్లమెంటులో లోక్‌సభ, రాజ్యసభ ఉన్నట్లే అమెరికన్‌ ‘కాంగ్రెస్‌’లో ప్రతినిధుల సభ (హౌస్‌ ఆఫ్‌ రిప్రెజెంటేటివ్స్‌), పెద్దల సభ (సెనెట్‌) ఉంటాయి. ఆ రెండు సభలకే ఇప్పుడు ఈ ఎన్నికలు. వాటితో పాటు అమెరికాలోని యాభై రాష్ట్రాల ప్రతినిధుల సభలకు, పెద్దల సభలకు, యాభై గవర్నర్‌ పదవులకు కలిపి 6,665 సీట్లకు పోలింగ్‌ జరుగుతోంది. ‘హౌస్‌ ఆఫ్‌ రిప్రజెంటేటివ్స్‌’లో మొత్తం 435 సీట్లకు, ‘సెనెట్‌’లోని 100 సీట్లలో 35 సీట్లకు (మూడింట ఒక వంతు) అభ్యర్థులు పోటీ పడుతున్నారు. హౌస్‌ ఆఫ్‌ రిప్రెజెంటేటివ్స్‌ పదవీ కాలం రెండేళ్లే కాబట్టి ప్రతి రెండేళ్లకూ మొత్తం నాలుగు వందల ముప్పై అయిదు సీట్లకు ఎన్నికలు జరుగుతాయి. సెనెట్‌ సభ్యుడి పదవీ కాలం ఆరేళ్లు కనుక ప్రతి రెండేళ్లకూ ఖాళీ అయ్యే ముప్పై ఐదు సీట్లకు పోలింగ్‌ ఉంటుంది. 2016 ఎన్నికల నాటికి యు.ఎస్‌.లో ‘మీటూ’ ఉద్యమం మొదలవలేదు. గత ఏడాది అక్టోబర్‌లో ఆవిర్భవించింది. అందుకే ఈ ఎన్నికల్లో ఆ ఎఫెక్ట్‌ కనిపిస్తోంది. ఇవాళ జరుగుతున్న ఎన్నికల్లో ‘హౌస్‌ ఆఫ్‌ రిప్రెజెంటేటివ్స్‌’కి పోటీ పడుతున్న అభ్యర్థులలో 29 శాతం మంది, సెనెట్‌కు పోటీ చేస్తున్నవారిలో 32 శాతం మంది మహిళలే. ఈ రెండు సభలకు కలిపి 257 మంది మహిళలు బరిలో ఉన్నారు. మనకైదేనా కొత్తది వచ్చిందంటే, అమెరికాలో అది పాతదై ఉంటుంది. ‘మీటూ’ కూడా అంతే. ముందక్కడ. తర్వాత ఇక్కడ. అలాంటిది.. ఒకటేదైనా అమెరికాకే తొలిసారి అయి ఉందంటే? అదెక్కడి నుంచి వచ్చి ఉంటుంది? అక్కడి మహిళల్నుంచి. ఈ ఎన్నికల్లో క్రిస్టీన్‌ హాల్‌క్వెస్ట్‌ గెలిస్తే అమెరికా తొలి ట్రాన్స్‌జెండర్‌ గవర్నర్‌ అవుతారు. స్టేసీ అబ్రామ్స్‌ గెలిస్తే అమెరికా తొలి నల్లజాతి గవర్నర్‌ అవుతారు. పాలెట్‌ జోర్డాన్‌ గెలిస్తే అమెరికా తొలి ‘నేటివ్‌ అమెరికన్‌’ (ప్రాచీన దేశవాళీ జాతుల) గవర్నర్‌ అవుతారు. అలెగ్జాండ్రియా ఆకాసియో కార్టెజ్‌ (29) గెలిస్తే అమెరికా తొలి యంగెస్ట్‌ ఉమన్‌ ఇన్‌ ‘కాంగ్రెస్‌’ అవుతారు. రషీదా త్లయీబ్‌ గెలిస్తే అమెరికా తొలి ముస్లిం–అమెరికన్‌ ఉమన్‌ ఇన్‌ ‘కాంగ్రెస్‌’ అవుతారు. ఇల్హాన్‌ ఒమన్‌ గెలిస్తే అమెరికా తొలి సోమాలీ–అమెరికన్‌ ఇన్‌ ‘కాంగ్రెస్‌’ అవుతారు. వీళ్లంతా ‘డెమోక్రాట్‌’ పార్టీ అభ్యర్థులే. అంటే ‘రిపబ్లికన్‌ పార్టీ’కి ప్రత్యర్థులు. అంటే అమెరికా అధ్యక్షుడు డొనాల్డ్‌ ట్రంప్‌ కు విరోధులు. అలాగని ట్రంప్‌ పార్టీలో మహిళా అభ్యర్థులు లేరని కాదు. ఆ పార్టీ మహిళలతో ఈ పార్టీ మహిళలు పోటీ పడుతున్నారని కాదు. ట్రంప్‌ విధానాలను వ్యతిరేకిస్తున్న మహిళలు, ‘మీటూ’ను సమర్థిస్తున్న మహిళలు ఈ ఎన్నికల్లో, అందులోనూ డెమోక్రాట్‌ పార్టీలో ఎక్కువమంది ఉన్నారు. పోటీ పడిన ఈ మహిళలంతా గెలిస్తే ఈ ఎన్నికలు మంగళప్రదం అవుతాయి. అసలు మహిళ పోటీ పడడమే పెద్ద గెలుపు. సామాన్యంగా లేరక్కడ మేల్‌ షోవెనిస్టులు. పిల్లలు, స్కూళ్లు, అప్పులు, వడ్డీలు.. ఎన్నున్నా జీవితంలో అప్పుడప్పుడు తలెత్తి చూడాలి. ఏ దేశ మహిళైనా విజయం సాధించడం అంటే.. నింగిలో ఒక కొత్త నక్షత్రం మెరవడమే. తలెత్తి చూడడమే కాదు.. పిల్లలకు, పక్కనున్న వాళ్లకూ చూపించాలి. ఆ నక్షత్రకాంతి.. భూమి మీద ఏ దీపాన్ని వెలిగిస్తుందో చెప్పలేం. అందుకే చూపించాలి.              వీరు గెలిస్తే... - మాధవ్‌ శింగరాజు


 సాహసమో, దుస్సాహసమో... ప్రధాన ప్రతిపక్షం అంతర్గత పోరులో సతమత మవుతున్నప్పుడే మధ్యంతర ఎన్నికల అస్త్రం ప్రయోగించాలని బ్రిటన్‌ ప్రధాని థెరిస్సా మే నిర్ణయించారు. 50 రోజుల వ్యవధిలో... అంటే జూన్‌ 8న ఈ ఎన్నిక లుంటాయని ప్రకటించారు. అయిదేళ్లకోసారి ఎన్నికలు జరిగే బ్రిటన్‌ పార్లమెం టుకు 2015లో ఎన్నికలు నిర్వహించారు. ఆ ఎన్నికల్లో అప్పటి ప్రధాని డేవిడ్‌ కామె రాన్‌ నేతృత్వంలోని కన్సర్వేటివ్‌ పార్టీ విజయం సాధించి చాన్నాళ్ల తర్వాత సొంతంగా ప్రభుత్వాన్ని ఏర్పరిచింది. యూరప్‌ యూనియన్‌(ఈయూ)లో కొనసా గాలా, వద్దా అన్న అంశంపై నిరుడు జూన్‌లో నిర్వహించిన రిఫరెండంలో 51.9 శాతంమంది బయటకు పోవడానికి అనుకూలంగా ఓటేయడంతో డేవిడ్‌ కామెరాన్‌ తన పదవికి రాజీనామా చేశారు. ఆయన స్థానంలో ప్రధాని పదవి చేపట్టినప్పటి నుంచీ థెరిస్సా మే ఒడిదుడుకులు పడుతూనే ఉన్నారు. ఈయూ పేరు పెట్టుకుని నాలుగు దశాబ్దాలే కావొచ్చుగానీ... ఏడు దశాబ్దాలక్రితం యూరోపియన్‌ ఎకనా మిక్‌ కమ్యూనిటీ(ఈఈసీ)గా ఉన్నప్పటినుంచీ దానితో బ్రిటన్‌కున్న అనుబంధం బలమైనది. చెప్పాలంటే ఆ సంస్థ ఆవిర్భావంలో బ్రిటన్‌ది ప్రధాన పాత్ర. అంతటి అనుబంధాన్ని తెంచుకుని ఒంటరి ప్రయాణానికి సంసిద్ధం కావడమమంటే మాటలు కాదు.
 
 పైగా మొత్తంగా చూస్తే బ్రెగ్జిట్‌వైపు అధికులు మొగ్గి ఉండొచ్చుగానీ కేవలం ఇంగ్లండ్, వేల్స్‌ రాష్ట్రాలు రెండు మాత్రమే ఆ వాదనను బలపరిచాయి. అటు స్కాట్లాండ్, ఇటు నార్తర్న్‌ ఐర్లాండ్‌ గట్టిగా వ్యతిరేకించాయి. అంతేకాదు... స్కాట్లాండ్‌ బ్రిటన్‌ నుంచి విడిపోతామని ప్రకటించింది. అందుకు సాధ్యమైనంత త్వరగా రిఫరెండం నిర్వహించమని స్కాట్లాండ్‌ డిమాండ్‌ చేస్తోంది. మరోపక్క త్వరగా బయటకు వెళ్లమని ఈయూ నుంచి బ్రిటన్‌కు సందేశాలు అందుతున్నాయి. అధికారంలోకి రావడం కోసం బ్రెగ్జిట్‌ అంటే ఇష్టం లేకపోయినా 2015 ఎన్నికల్లో దాన్ని కన్సర్వేటివ్‌లు నెత్తినపెట్టుకున్నారు. తమ పార్టీ ఓడిపోతుందని సర్వేలన్నీ చెప్పడంతో వారు ఆందోళనచెందారు. నెగ్గితే ఎటూ అత్తెసరు మెజారిటీయే వస్తుం దని, రిఫరెండం పెట్టడానికి కూటమిలోని లిబరల్‌ డెమొక్రటిక్‌ పార్టీ అంగీకరిం చడం లేదని సాకు చెప్పి తప్పించుకోవచ్చునని భావించారు. కానీ అందరి అంచ నాలనూ తలకిందులు చేస్తూ కన్సర్వేటివ్‌లు సొంతంగానే ప్రభుత్వాన్ని ఏర్పర్చగల స్థాయికి చేరారు. విధి లేక డేవిడ్‌ కామెరాన్‌ రిఫరెండం పెట్టక తప్పలేదు. అందులో అధిక శాతంమంది మొగ్గు చూపడంతో ఆయన తప్పుకున్నారు.
 
 ఆయన స్థానంలో వచ్చిన థెరిస్సా సవాలక్ష సమస్యలు ఎదుర్కొంటున్నారు. ఎక్కడ ప్రారంభించాలో, ఎలా కొనసాగించాలో తెలియక అయోమయంలో ఉన్నారు. ఈయూ నుంచి బయటికొస్తే సమస్యలన్నీ మంత్రించినట్టు మాయమవు తాయని చాలామంది అనుకున్నా పరిస్థితులు అలా లేవు. దాంతో ప్రజల్లో అసం తృప్తి పెరుగుతోంది. కఠిన నిబంధనలతో వలసదారులను కట్టడి చేసే చట్టాన్ని తీసుకొస్తే అంతా చక్కబడుతుందని థెరిస్సా భావించారు. అక్రమ వలసదారులను, గడువుకు మించి ఉంటున్నారని గుర్తించిన వేలాదిమందిని అరెస్టు చేశారు. బ్రిట న్‌కు రాదల్చుకున్నవారిపై అనేక ఆంక్షలు పెట్టారు. ఇవి పెద్దగా ఫలితాన్నివ్వలేదు. అటు అంతర్జాతీయ పరిస్థితులు కూడా ఏమంత అనుకూలంగా లేవు. అమెరికా అధ్యక్షుడు డోనాల్డ్‌ ట్రంప్‌ బ్రిటన్‌కు అండగా ఉంటామని గట్టి హామీ ఇవ్వలేక పోయారు. పైగా ఆయనను ఎంతవరకూ విశ్వసించవచ్చునో తెలియదు.
 
 రేపన్న రోజున స్వతంత్ర బ్రిటన్‌ నుంచి అంతర్జాతీయ మార్కెట్‌లో తమకు ఎదురుకాగల పోటీని అంచనా వేసుకున్న ఈయూ దేశాలు.. మరీ ముఖ్యంగా జర్మనీ బ్రెగ్జిట్‌ లావాదేవీల్లో బ్రిటన్‌తో కఠినంగా ఉండాలని నిర్ణయించాయి. వీటన్నిటి పర్య వసానంగా నానాటికీ సమస్యలు తీవ్ర రూపం దాలుస్తాయని కన్సర్వేటివ్‌లకు అర్థ మైంది. వాస్తవం ఇది కాగా ఈయూ నుంచి ఉపసంహరించుకోవడానికి సంబం  ధించిన ప్రక్రియకు విపక్షాలు అడ్డుకోకుండా నిరోధించడానికే మధ్యంతర ఎన్నికలు ప్రకటించానని థెరిస్సా దేశ ప్రజలనుద్దేశించి చేసిన ప్రసంగంలో చెప్పారు. వాస్తవా నికి 2015 పార్లమెంటు ఎన్నికల్లోగానీ, రిఫరెండంలోగానీ బ్రెగ్జిట్‌ను బలంగా వ్యతిరేకించిన విపక్ష లేబర్‌ పార్టీ తన వైఖరిని మార్చుకుంది. ఈయూ నుంచి బయటకు రావడానికి సంబంధించిన బిల్లుకు ఈమధ్యే అనుకూలంగా ఓటేసింది. పైగా బ్రెగ్జిట్‌ కార్యాచరణ రూపకల్పనకు మరింత చురుగ్గా కదలాలని ప్రభుత్వాన్ని కోరుతోంది.
 
 అయితే ఇప్పుడు జరగబోయే పార్లమెంటు ఎన్నికల్లో ఎవరు గెలిచినా బ్రెగ్జిట్‌ ప్రక్రియపై ఎలాంటి ప్రభావమూ ఉండదు. ఒకసారి రిఫరెండంలో ప్రజాభి ప్రాయం వెల్లడైంది గనుక దాన్ని అమలు చేయడం మినహా వేరే మార్గం లేదు. బ్రెగ్జిట్‌ వద్దనుకున్న పార్టీ తాము అధికారంలోకొస్తే మరో రిఫరెండం నిర్వహి స్తామని హామీ ఇవ్వాల్సి ఉంటుంది. బ్రెగ్జిట్‌ను గతంలో వ్యతిరేకించిన లేబర్‌ పార్టీ ఇప్పుడు తన మనసు మార్చుకుంది. అయితే కన్సర్వేటివ్‌ల తరహాలో మొండిగా కాక ఈయూతో సామరస్యంతో మెలగి దేశ ప్రయోజనాలను కాపాడతామని ఆ పార్టీ నాయకుడు జెరిమీ కోర్బిన్‌ హామీ ఇస్తున్నారు. ఇది కన్సర్వేటివ్‌ మద్దతుదార్ల లోని ఈయూ అను కూలవాదులను కూడా ఆకట్టుకుంటుందని ఆయన ఆశిస్తు న్నారు. వాస్తవానికి ఇటీవల విడుదలైన సర్వేలు కన్సర్వేటివ్‌ పార్టీ లేబర్‌ పార్టీకన్నా 21 పాయింట్ల ఆధిక్యతలో ఉన్నదని తేల్చాయి. ఈ సర్వేలు, లేబర్‌ పార్టీ అంతర్గత పోరు చూసి థెరిస్సా మధ్యంతర ఎన్నికలకు వెళ్లాలన్న కీలక నిర్ణయం తీసుకు న్నారు. అయితే దేశం ఎదుర్కొంటున్న సమస్యలపై తలెత్తే ప్రశ్నలకు జవాబివ్వగల  నన్న విశ్వాసం ఆమెకు ఉందా? ఎన్నికలకు ముందు సంప్రదాయంగా జరిగే టెలివి జన్‌ చర్చలకు దూరంగా ఉండాలని థెరిస్సా నిర్ణయించుకోవడాన్ని గమనిస్తే ఆ విష యంలో ఎవరికైనా అనుమానాలు తలెత్తకమానవు. మొత్తానికి బ్రిటన్‌ పౌరులు ఎవరి విధానాలకు అనుకూలమో మరో 50 రోజుల్లో తేలిపోతుంది. ఎవరు అధికా రంలోకొచ్చినా సమస్యల బెడద తీవ్రంగానే ఉంటుంది.


 సాక్షి, హైదరాబాద్: రాష్ట్రంలో మధ్యంతర ఎన్నికలు వస్తాయన్న విషయాన్ని సీఎం కేసీఆర్ పరోక్షంగా చెబుతున్నారని శాసనమండలిలో ప్రతిపక్షనేత షబ్బీర్ అలీ అన్నారు. శుక్రవారం ఆయన విలేకరులతో మాట్లాడుతూ ఇప్పటిదాకా ఇచ్చిన హామీలను 2019 లోగా అమలుచేయలేమని కేసీఆర్‌కు అర్థమయిందన్నారు. అందుకే 2017లోనే మధ్యంతర ఎన్నికలకు వెళ్లాలని అనుకుంటున్నారన్నారు.
 ఇప్పటిదాకా అమలుచేసిన హామీలపై శ్వేతపత్రం విడుదల చేయాలని కోరామని, అయినా సీఎం పట్టించుకోవడం లేదన్నారు. పార్టీ మారిన ఎమ్మెల్యేలపై ఫిర్యాదు చేసినా స్పీకరు పట్టించుకోవడం లేదని, అందుకే ఉన్నత న్యాయస్థానాలను ఆశ్రయించామన్నారు. 23 అసెంబ్లీ సీట్లకు, రెండు లోక్‌సభ స్థానాలకు, శాసనమండలికి వచ్చే ఉప ఎన్నికలను ఎదుర్కొనడం కంటే మొత్తం అసెంబ్లీని రద్దుచేసి మధ్యంతర ఎన్నికలకు వెళ్లాలని కేసీఆర్ నిర్ణయించుకున్నట్టుగా కనిపిస్తోందన్నారు.


 రాష్ట్రావతరణ వేడుకలకు వందలాది కోట్ల రూపాయలు ఖర్చు చేయడాన్ని వ్యతిరేకిస్తున్నామని మండలిలో విపక్ష నేత షబ్బీర్ అలీ అన్నారు. పత్రికల్లో పేజీల కొద్ది ప్రభుత్వం ప్రకటనలు ఇవ్వడాన్ని తప్పుబట్టారు. శుక్రవారం ఆయన ఇక్కడ ఈ మేరకు మీడియాతో మాట్లాడారు. కాంగ్రెస్, టీడీపీ, వైఎస్సార్ కాంగ్రెస్ పార్టీ నుంచి టీఆర్‌ఎస్‌లోకి వెళ్లిన ఎమ్మెల్యేలపై అనర్హత వేటు వేయడం ఖాయమన్నారు.
 
 
 ఉప ఎన్నికలకు బదులు అసెంబ్లీని రద్దు చేసి మధ్యంతర ఎన్నికలకు వెళ్లాలని కేసీఆర్ నిర్ణయించుకున్నట్టుగా ఉందన్నారు. 2017లోనే అసెంబ్లీని రద్దు చేసి మధ్యంతర ఎన్నికలకు వెళ్లాలనేది కేసీఆర్ ఎత్తుగడని, అందుకే 2022 నాటికి హామీల అమలు అంటూ మాట్లాడుతున్నాడని చెప్పారు. 2019 వరకు కేసీఆర్ ప్రభుత్వానికి గడువు ఉండగా... 2022కు హామీలు నెరవేరుస్తామనడం వెనుక మతలబు ఏమిటి? అని ప్రశ్నించారు.


 కొయ్యలగూడెం :రాష్ట్రంలో టీడీపీ సర్కారు ఐదేళ్లూ పాలనను కొనసాగించడం అసంభవమని, ఏ క్షణంలోనైనా మధ్యం తర ఎన్నికలు రావడం తథ్యమని వైఎస్సార్ సీపీ జిల్లా అధ్యక్షుడు ఆళ్ల నాని స్పష్టం చేశారు. శనివారం కొయ్యల గూడెంలో నిర్వహించిన బహిరంగ సభలో ఆయన మాట్లాడారు. చంద్రబాబు నాయుడు అనుసరిస్తున్న విధానాలతో ప్రజలు విసిగిపోయారని, త్వరలోనే వారినుంచి తిరుగుబాటు వస్తుందని నాని పేర్కొన్నారు. టీడీపీ నాయకులు, కార్యకర్తలు సైతం ఆయన విధానాలపై విసుగు చెందారని, గత్యంతరం లేక ఆయన మాటలకు వంత పాడుతున్నారని అన్నారు. టీడీపీ శ్రేణులకు ప్రజల మధ్యకు వెళ్లలేని పరిస్థితి నెలకొందని, వైఎస్సార్ సీపీ ప్రజలతో మమేకమై వారి సమస్యల పరిష్కారానికి ఉద్యమ బాట పడుతోందని చెప్పారు. చంద్రబాబు నాయుడు రాజధాని చుట్టూ ప్రదక్షిణలు చేస్తున్నారని, తన కోటరీతో కోట్లాది రూపాయల భూ కుంభకోణాలకు పాల్పడుతున్నారని ఆరోపించారు.
  
  ఆయనకు కాంగ్రెస్ నాయకులు పరోక్షంగా సహకరిస్తున్నారని విమర్శించారు. పార్టీ ఎస్టీ సెల్ రాష్ట్ర అధ్యక్షుడు తెల్లం బాలరాజు మాట్లాడుతూ ముఖ్యమంత్రి చంద్రబాబు సింగపూర్, మలేషియా అంటూ కోట్లాది రూపాయల ప్రజాధనాన్ని దుర్విని యోగం చేస్తున్నారని ధ్వజమెత్తారు. చంద్రబాబు పాలనకు అంతిమ ఘడియలు సమీపించాయని పేర్కొన్నారు. మధ్యంతర ఎన్నికలకు పార్టీ శ్రేణులు సిద్ధంగా ఉండాలని, పార్టీ జిల్లా అధ్యక్షుడు ఆళ్ల నాని నేతృత్వంలో జిల్లాలోని 15 స్థానాల్లో పార్టీని గెలిపించేందుకు కృషి చేయాలని పిలుపునిచ్చారు. ఇతర పార్టీల నుంచి వైఎస్సార్ సీపీలోకి చేరికల పరంపర ప్రారంభమైందని, టీడీపీ నుంచి కూడా వలసలు మొదలవుతున్నాయని బాలరాజు అన్నారు. 300 వాగ్దానాలు ఇచ్చిన చంద్రబాబు నాయుడు ప్రజలను నట్టేట ముంచారని ధ్వజమెత్తారు.
  
  వైఎస్సార్ సీపీలో చేరిన నాయకులు
  ఈ సందర్భంగా పలువురు నాయకులు వైఎస్సార్ కాంగ్రెస్ పార్టీలో చేరారు. యువజన కాంగ్రెస్ నాయకుడు దుగ్గిన శ్రీనివాస్, ఆయన అనుచరులకు ఆళ్ల నాని, బాలరాజు పార్టీ కండువాలు కప్పి ఆహ్వానించారు. ముందుగా మెయిన్ సెంటర్‌లో పార్టీ సీనియర్ నాయకులు తాడికొండ మురళీకృష్ణ, మట్టా శ్రీనివాస్ ఆధ్వర్యంలో దివంగత ముఖ్యమంత్రి వైఎస్ రాజశేఖరరెడ్డి విగ్రహానికి నాని, బాలరాజు పూలమాలలు వేసి నివాళులు అర్పించారు. పార్టీ ఎస్సీ సెల్ నాయకులు మనెల్లి నాగేశ్వరరావు మృతికి సమావేశం నివాళులుఅర్పించింది. అనంతరం జిల్లా సర్పంచ్‌ల ఛాంబర్ ఉపాధ్యక్షులు దేవీ గంజిమాల నివాసానికి వెళ్లి ఇటీవల ఆమె ఇంట్లో జరిగిన చోరీ గురించి ఆరా తీశారు.
  
  తెలుసుకున్నారు. ఈ కార్యక్రమాల్లో పార్టీ జిల్లా అధికార ప్రతినిధులు పోల్నాటి బాబ్జి, ముప్పిడి సంపత్‌కుమార్, పార్టీ మహిళా విభాగం జిల్లా అధ్యక్షురాలు వందనపు సాయిబాలపద్మ, సీనియర్ నాయకులు తాడికొండ మురళీకృష్ణ, ఎండీ హాజీ బాషా, దాసరి విష్ణు, గాడిచర్ల సోమేశ్వరరావు, చిన్నం గంగాధరం, నాయకులు గోపాలకృష్ణ గోఖలే, తుమ్మలపల్లి గంగరాజు, తాడిగడప రామకృష్ణ, ఎస్‌కే బాజీ, దూలపల్లి కాంతారావు, చిన్నం గంగాధరం, కాపర్తివేణు, బుట్టాయగూడెం మండల కన్వీనర్ సయ్యద్‌బాజీ, పార్టీ జిల్లా నాయకులు ఆరేటి సత్యనారాయణ, సంకు కొండ, యడ్లపల్లి సురేష్, చిక్కాల దుర్గాప్రసాద్ పాల్గొన్నారు.
  


 * రిపబ్లికన్లతో కలసి పనిచేసినా, కాంగ్రెస్‌నూ పట్టించుకోనని స్పష్టీకరణ
 * కొత్త పరిణామాల నేపథ్యంలో తన ఎజెండా మారబోదని వ్యాఖ్య
 * మధ్యంతర ఎన్నికల్లో డెమోక్రాట్ల వైఫల్యం నేపథ్యంలో వ్యాఖ్యలు
  
 వాషింగ్టన్: అమెరికన్ కాంగ్రెస్ ఉభయ సభల స్థానాలకు, పలు రాష్ట్రాల గవర్నర్ పదవులకు జరిగిన ఎన్నికల్లో ప్రతిపక్ష రిపబ్లికన్ పార్టీ చేతిలో పాలకపక్షం డెమోక్రాటిక్ పార్టీ ఘోర పరాజయంపాలైన నేపథ్యంలో ప్రెసిడెంట్ బరాక్ ఒబామా ఒకింత తిరస్కార వైఖరితోనే స్పందించారు.  రాబోయే తన రెండేళ్ల పాలనలో రిపబ్లికన్లతో కలసి పనిచేస్తానని, అయితే 2.4 లక్షలమంది భారతీయులు సహా, కోటీ పది లక్షల మంది అక్రమ వలసదార్లు అమెరికాలోనే కొనసాగేందుకు దోహదపడే వలస సంస్కరణల వంటి అంశాల్లో మాత్రం తాను కాంగ్రెస్‌ను పట్టించుకోనని ,  కార్యవర్గపరంగా తనకున్న అధికారాలను  వినియోగిస్తానని స్పష్టం చేశారు.
 
 ఎన్నికల అనంతరం ఏర్పడిన కొత్త పరిణామాల నేపథ్యంలో తన ఎజెండాలోనూ ఎలాంటి మార్పు ఉండబోదన్నారు. వైట్‌హౌస్‌లో దాదాపు 90 నిమిషాలసేపు సాగిన విలేకరుల సమావేశంలో ఒబామా ఈ వ్యాఖ్యలు చేశారు. రాబోయే రెండేళ్లలో ప్రజాహితం కోసం కష్టపడి పనిచేస్తానంటూ అమెరికన్ ప్రజలకు రాసిన బహిరంగ లేఖలోనూ స్పష్టం చేశారు. విలేకరుల సమావేశంలో, బహిరంగ లేఖలో ఒబామా వ్యక్తం చేసిన అభిప్రాయాలు ఇలా ఉన్నాయి.
 
 దేశంలో 2.4 లక్షలమంది భారతీయులు సహా కోటీ 10 లక్షలమంది అక్రమ వలసదారులున్నారు. వలస విధానంలో సమగ్రమైన సంస్కరణల ద్వారానే అమెరికాలో నివసించే వారికి తగిన అవకాశాలు లభిస్తాయి. వలసలపై సమగ్ర వ్యవస్థ పనితీరు మెరుగుపడేలా ఈ ఏడాదిలోగా చర్యలు తీసుకుంటాం.
 
 వాణిజ్య ఒప్పందాలు, మౌలిక సదుపాయాల కల్పనపై వ్యయం, వలస విధానాల ప్రక్షాళన వంటి అంశాల్లో రాజీ కుదుర్చుకునేందుకు యత్నిస్తా.
 
 పరిపాలనలో వివిధ అంశాల్లో ఎలా ముందుకు సాగాలన్న విషయమై, సెనేట్ మెజారిటీ నేత కాబోతున్న మిచ్ మెకెన్నెల్‌తో, ప్రతినిధుల సభ స్పీకర్ కాబోతున్న జాన్ బోయెనర్‌తో సహా ఇతర రిపబ్లికన్, డెమోక్రాటిక్  నేతలతో చర్చిస్తా.
 
 తాజా ఎన్నికల్లో రిపబ్లికన్లు గెలిచారు. అయితే, వారంతా నాతో కలసి పనిచేయాలంటూ ప్రజలు తీర్పిచ్చారు.